📜

ཧཏྠཝནགལླཝིཧཱར ¶ ཝཾསོ

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

༡.

སྣེཧུཏྟརཱཡ ཧདཡཱ མལམལླིཀཱཡ,

པཛྫཱལིཏོ མཏིདསཱཡ ཛིནཔྤདཱིཔོ;

མོཧཎྡྷཀཱརམཁིལཾ མམ ནཱིཧརནྟོ,

ནིཙྩཾ ཝིབྷཱཝཡཏུ ཙཱརུ པདཏྠརཱསིཾ.

༢.

ལངྐཱབྷིསིཏྟཝསུདྷཱདྷིཔཏཱིསུ རཱཛཱ,

ཡོ བོདྷིསཏྟགུཎཝཱ སིརིསངྒྷབོདྷི;

ཏསྶཱཏིཙཱརུ ཙརིཡཱ རཙནཱམུཁེན,

ཝཀྐཱམི ཧཏྠཝནགལླཝིཧཱར ཝཾསཾ.

༣.

བྲཧྨནྭཡེནནུགཏཏྠམནོམདསྶཱི,

ཁྱཱཏེན སབྦཡཏིརཱཛདྷུརནྡྷརེན;

ཝྱཱཔཱརིཏོཧམིཏིབྷཱནུགཏཾ ཀཐཉྩ,

ནིསྶཱཡ པུབྦལིཁིཏཾཝིདྷ ཝཱཡམཱམི.

༤. ཨརྞྠ སུགཏཱགམསུདྷཱཔགཱནིདྡྷོཏཀུདིཊྛིཝིསཀལངྐཱཡ ལཾཀཱཡ བྷགཝཏོ ཨངྒཱིརསསྶམཧཱནཱགཝནུཡྻཱནེ སམིཏིསམཱགཏཡཀྑ རཀྑསལོཀཝིཛཡཱཔདཱནསྶ སིདྡྷཀྑེནྟབྷཱུཏོ སཱིཧལ༹མཧཱིམཎྜལམཎྜནཱཡ མཱནོ ཝིཝིདྷརཏནཱཀརོཔལཀྑམཱནམཧགྒྷམཎི བྷེདོ མཎི བྷེདོ ནཱམ ཛནཔདོ.

༥.

ལདྡྷཱན སཏྠུ ཝརཎངྐམནཉྙལབྦྷ,

མཱནཎྡིནཱ སུམནཀཱུཊསིལུཙྩཡེན;

ཨུསྶཱཔིཏཱ ཝིཛཡཀེཏུམཏལླིཀེཝ,

སུདྡྷོརུཝཱལུཀནདཱི ཡམལངྐརོཏི.

༦.

ལངྐཱཡ ཡཀྑགཎནཱིཧརཎེ ཛིནསྶ,

ཙམྨཱསནུགྒནཧུནཱསནཕསྶདཱཧཱ;

སཾསཱརརཀྑསཝཔུབྦྷཝབུབྦུལཾཙ,

ཡསྨིཾ ཝིཧཱཏི མཧིཡངྒཎ ཐཱུཔརཱཛཱ.

༧. ¶

སདཱམཧོགྷཱཡ མཧཱཔགཱཡ,

པཱནཱིཡཔཱནཱཡ སམོསཊཱནཾ;

སམུཙྩཡོ སཱརདཝཱརིདཱནཾ,

ནཱུནཾ གཏོ ཐཱཝརཐཱུཔརཱུཔཾ.

༨.

ཏསྶཱཔགཱཡ ཝིམལམྦུནི དིསྶམཱན,

མཱལོལཝིཙིཏརལཾ པཊིབིམྦརཱུཔཾ;

བྷོགེཧི ཝེཋིཡ ནིཛཾ བྷཝནཾ ཕཎཱིཧི,

པཱུཛཏྠིཀེཧི ཝིཡ རཱཛཏི ནཱིཡམཱནཾ.

༩. ཏསྶ མཧིཡངྒཎ མཧཱ ཝིཧཱརསྶ པརིཡནྟགཱམཀེ སེལཱབྷཡོ ནཱམ ཁཏྟིཡོ པཊིཝསནྟོ པུཏྟཾ པཊིལབྷིཏྭཱ ཨངྒལཀྑཎཔཱཋཀཱནཾ དསྶེསི ཏེ ཏསྶ ཀུམཱརསྶ ཨངྒལཀྑཎཱནི ཨོལོཀེཏྭཱ ‘‘ཨཡཾ ཀུམཱརོ ཁམཀསཏྟོ ནཧོཏི. དྷཉྙཔུཉྙལཀྑཎསམྤནྣོ, སཀལམྤི སཱིཧལ༹དཱིཔཾ ཨེཀཙྪཏྟཾ ཀརིཏྭཱ མཧནྟམཧནྟཱནི ཨཙྪརིཡབྦྷུཏཱནི མཧཱཝཱིརཙརིཏཱནི དསྶེསྶཏཱི’’ཏི ཝྱཱཀརིཾསུ.

༡༠. ཏཏོ སེལཱབྷཡ ཁཏྟིཡོ པུཏྟསྶ ཨབྷིསེཀཱདིསམྤཏྟིཾ སུཏྭཱ ཀོཊིཔྤཏྟཔམོདཔརཝསོཔི ཏསྨིཾ ཀཱལེ ཨནུརཱདྷཔུརེ རཛྫཾ ཀཱརཡཏཱ ‘‘ཝོཧཱརཏིསྶམཧཱརཱཛཏོ ཀདཱཙི ཀེཙི ཨུཔདྡཝོ ཛཱཡིསྶཏཱིཏི. ཛཱཏཔརིསངྐོཏཾ ཀུམཱརམཱདཱཡ མཧིཡངྒཎམཧཱཝིཧཱརེ བོདྷི ཨངྒཎེ པརིཏྟགྒེ སནྣིཔཏིཏསྶ ནཎྡམཧཱཐེརཔམུཁསྶ མཧཱབྷིཀྑུསངྒྷསྶ མཛ྄ཛྷེ ནིཔཛྫཱཔེཏྭཱ ‘‘ཨེསོ མེ བྷནྟེ ཀུམཱརོ མཧཱསངྒྷསྶ ཙ མཧཱ བོདྷིཔཱདསྶ ཙ སརཎཾ གཙྪཏི ཏཾ སབྦེཔི བྷདནྟཱ རཀྑནྟུ སངྒྷབོདྷི ནཱམཀོ ཙཱཡཾ ཧོཏུ’’ཏི མཧཱསངྒྷསྶ ཙ བོདྷི དེཝཏཱཡ ཙ ནིཡྻཱདེཏྭཱ པཊིཛགྒནྟོ ཀུམཱརསྶ སཏྟཝསྶིཀ ཀཱལེ ཀཱལམཀཱསི.

༡༡. ཨཐ མཱཏུལོ ནཎྡམཧཱཐེརོ ཀུམཱརཀཾ ཝིཧཱརམཱནེཏྭཱ པཊིཛགྒནྟོ ཏེཔིཊཀཾ བུདྡྷཝཙནཾ ཨུགྒཎྷཱཔེཏྭཱ བཱཧིརསཏྠེསུ ཙ པརམཀོཙིདཾ ཀཱརེསི. སངྒྷབོདྷིཀུམཱརོཔི ཀཏཱདྷིཀཱརཏྟཱ ཏིཀྑཔཉྙཏྟཱ ཙ ཉཱཎཝིཉྙཱཎསམྤནྣོ ཧུཏྭཱ ཝཡཔྤཏྟོ ལོཀསྶ ལོཙནེཧིནིཔིཡམཱནཱཡ རཱུཔསམྤཏྟིཡཱ སཝཉྫལིཔུཊེཧི ཨསྶཱདིཡམཱནསདཱཙཱརགུཎ སམྤཏྟིཡཱ ཙ པཏྠ ཊ ཡསོགྷོསོ ཨཧོསི.

༡༢. ཀིམིཧ བཧུནཱ?- ཀཱདམྦིནཱི ཀདམྦཏོ སིནིདྡྷནཱིལཱཡཏགུཎཾདྷམྨིལླཀལཱཔེ, པརིཔུཎྞཧརིཎངྐམཎྜལཏོ ཧིལཱདཀརཔསཱདསོམྨགུཎཾ མུཁམཎྜལེ ཙཱམཱིཀརཔིཾཛརཀམྦུཝརཏོ མེདུརོདཱརབཎྡྷུརབྷཱཝཾ གཱིཝཱཝཡཝེ, ཀལྱཱཎསིལུཙྩཡཏོ སཾཧཏ ཝིལཱསཾ ཨུརཏྠལེ, སུརསཱདྷིསཱཁཏོ ¶ པཱིཝརཱཡཏལལིཏརཱུཔཾ ཀཱམདཱནཔདཱནདྭ བཱཧུཡུགལེ༹, སམདགནྡྷསིནྡྷུརཏོ གམནལཱིལ༹ྷཾ ཀརཱཀཱརདྭ ཧཏྠིཡུགལེ༹, ཙཱརུཏརཐརུཙིརོཙམཱནཙཱམཱིཀརམུཀུརཏོ ཏདཱཀཱརཾ སཛཱཎུམཎྜལེ ཛངྒྷཡུགལེ༹, ནིཙྩཱ སཱིནཀམལཱ ཀམལཏོ རཏྟཀོམལ༹དལསིརཾ ཙརཎཡུགལེ༹ ཨཱདཱཡ ཡོཛཡཏཱ པཱརམིཏཱདྷམྨསིཔྤིཏཱ ནིམྨིཏསྶ པརམདསྶནཱིཡགརཱུཔཝིལཱསསྶ ཏསྶ ཨཏྟབྷཱཝསྶ སཾཝཎྞནཱགནྠགཱརཝམཱཝཧཏི.

༡༣.

དེཧེ སུལཀྑཎཡུཏེ ནཝཡོབྦནཌྜྷེ,

ཏསྶུཛྫལེ ཙ པསམཱཧརཎོདཡེན;

ཀཱ ཝཎྞནཱ ཀམལརཱུཔིནི ཛཱཏརཱུཔེ,

ལོཀུཏྟརཾ པརིམལཾ པརིཏོ ཝཧནྟེ.

༡༤.

དོསཱརཡོ ཧདཡདུགྒཔུརེ ཝིཛིཏྭཱ,

ཏཏྠཱབྷིསིཙྩ སུཧདཾ ཝིཡ དྷམྨབྷཱུཔཾ;

ཨཏྠཱནུསཱསནིམིམསྶ ཝདཾ གིརཱཡ,

ཏཏྠཔྤཝཏྟཡི སུདྷཱི ནིཛཀཱཡཀམྨཾ.

ཨིཏི རཱཛཀུམཱརུཔྤཏྟི པརིཙྪེདོ པཋམོ.

༡༥. ཨཐེཀདཱ མཱཏུལམཧཱཐེརཱ ཝཡཔྤཏྟཾ སིརིསངྒྷབོདྷི ཀུམཱརཾ དྷམྨསཝནཱཝསཱནེ ཨཱམནྟེཏྭཱ ཨེཝམཱཧ, ‘‘ཀུམཱར! མཧཱབྷཱགདྷེཡྻ! ཨིདཱནི ཏྭམསི ཨདྷཱིཏསུགཏཱགམོ, ཝིདིཏསཀལ བཱཧིརསཏྠོ. ཙཏུབྦིདྷཔཎྜིཙྩཀོཊིཔྤཏྟོ, ཏཐཱཔི ཨབྷིམཱནདྷནེ ཁཏྟིཡཀུལེ ཛཱཏི, སབྦཔཏྠཝྱཱཔིཏཱ ཡོབྦནཝིལཱསེན སམལངྐཏཾ སརཱིརཾ, ཨཔྤཊིམཱ རཱུཔསིརི, ཨམཱནུསཾ བལཉྩེཏི མཧཏཱིཡ བལཝནཎྠ པརམྤརཱ’སབྦཱཨཝིནཡཱན མེཀེཀམྤི ཏེསམཱཡཏནཾ ཀིམུཏ སམཝཱཡོ?‘‘ཡེབྷུཡྻེན སཏྠསལིལ ཝིཀྑཱལནཱཏི ནིམྨལཱཔི ཀཱལུསིཡམུཔཡཱནི བུདྡྷཱི, ཨནུཛ྄ཛྷིཏདྷཝལཏཱཔི སརཱགཱཨེཝ བྷཝཏི ནཝཡོབྦནགབྦིཏཱནཾ དིཊྛི, ཨཔཧརཏི ཙ ཝཱཏམཎྜལི ཀེཝ སུཀྑཔཎྞཾ ཨུབབྷུཏརཛོ བྷནྟི ཨཏིདཱུརམཏྟནོ ཨིཙྪཱཡ ཡོབྦནསམཡེ པུརིསཾ པཀཏི. ཨིཎྡྲིཡབྷརིཎབྷཱརིནཱི སཏྟམཏིདུརནྟཱཡ མུཔབྷོགམིགཏཎཧིཀཱ ཏསྨཱ ཨཡམེཝཱནསྶཱདིཏ ཝིསཡ རསསྶ ཏེ ཀཱལོ གུརུཔདེསསྶ. མདནསརཔྤབྷཱརཛཛྫརིཏེ ཧདཡེ ཛལམིཝ གལཏི གུརཱུནམནུསྶཱནཾ ཨཀཱརཎཾཚཝཏི དུཔྤཀཏི ནོ ཀུལཾཝཱ སུཏཾ ཝཱ མནཡསྶ ཝཎྡནཔྤབྷཝོནདཧཏི ཀིཾ དཧནོ? ཀིཾཝཱཔསམཧེཏུནཱཔི ནཱཏིཝཎྜཏརོ བྷཝཏི ཝཌབཱནལོ༹ སལིལེན, ཏསྨཱ གཱལ༹ྷཏར མནུསཱསཱིཏབྦོསི.

༡༦. ཨཔགཏམལེ ཧི མནསི ཨེལིཀམཎིམྷི ཝིཡ རཛནིཀརམཡུཁཱཔཝིསནྟི, སུཁམུཔདེསགུཎཱ, གུརུཝཙནམམལམྤི སལིལམིཝ མཧནྟཾ ཛཱནིམུཔཛནཡཏི སཝནཧཏཾ སཱུལམིཝ ཨབྷབྦསྶ, བྷབྦསྶཏུ ¶ ཀརིནོ ཝིཡ སབྦཱབྷརཎམཱནནསོབྷཱསམུདཡམདྷིཀཏར མུཔཝཧཏི, ཨནཱདིསིདྡྷ ཏཎྷཱཀསཱཡིཏིཎྡྲིཡཱནུཙརཉྷི ཙིཏྟཾ ནཱཝཧཏི ཀནྣཱམཱནཏྠཾ, ཏསྨཱ རཱཛ ཀུམཱརཱནཉྩ ཡཏཱིནཉྩ སཏིབལེན ཨིཎྡྲིཡཝིཛཡོ དིཊྛདྷམྨིཀསམྤརཱཡིཀམྦིལཾ ཀལྱཱཎཛཱཏམུཔཛནཡཏི, ཨིཎྡྲིཡཝིཛཡོ ཙ སམྦྷཝཏི གུརུཝུདྡྷོཔསེཝཱཡ ཏབྦཝནམཝིརཱདྷེཏྭཱ པཊིཔཛྫཏོ, ཏསྨཱ ཏཡཱ ཨཱཔཱཎཔརིཡནྟཾ ཝཏྠུཏྟཡསརཎཔརཱཡཎཏཱ ན པཧཱཏབྦཱ.

ན རཱགཱཔསྨཱརཝིབོདྷནཾ ཝིསཡདཧནསལིལ སཾསེཝནཾ ཀཱཏབྦཾ, པསྶཏཱུ ཧི ཀལྱཱཎཱབྷིནིཝེསི ཙཀྑཱུཎྡྲིཡལཱལ༹ན པརཝསསྶ སལབྷསྶ སམུཛྫལིཏ དཱིཔསིཁཱཔཏནཾ སོཏིཎྡྲིཡ སུཁཱནུཡུཏྟསྶ ཏརུཎ ཧརཱིཎསྶ ཨུསུ པཱཏསམྨུཁཱིབྷཝནཾ གྷཱཎིཎྡྲིཡ པརཝསསྶ མདྷུཀརསྶ མདཝཱརཎཀཎྞཏཱལབྷནྣཾ རསནིཎྡྲིཡཏཔྤཎཝྱསནིནོ པུཐུལོམསྶ བལིསཱགྷཱསཝྱསནཾ ཕསྶཱིཎྡྲིཡཱནུབྷཝནལཱལསསྶམཏངྒཛསྶཝཱརིཎི བཎྡྷནཱཔཱཡཾ ཨིམེཧི ཨིཎྡྲིཡེཧི མིལིཏེཧི ཨེཀསྶ ཀཱམིནོ སདིདེཝ པཉྩནྣཾ, ཝིསཡརསཱནམུཔསེཝཱཡ པཏྟབྦཾ མཧནྟཾ དུཀྑཛཱལཾ ཀཐམུཔཝཎྞཡཱམ? ཨིམཱནི ཙ སུབྷཱསིཏཱནི པཙྩཝེཀྑཏུ ཨནུཀྑཎཾ ཝིཙཀྑཎོ.

༡༧.

ནཱགཱརིཀཾ སུཁམུདིཀྑཏི ཀིཉྩི དྷཱིརོ,

ཛཱནཱཏི དེཧཔཊིཛགྒནམཏྠཏོཝེ;

སཾསེཝཏོཔི ཡུཝཏིཾ རཏིམོཧིཏསྶ,

ཀཎྜུཡནེ ཝིཡ བནསྶ སུཁཱབྷིམཱནོ.

༡༨.

ཀོ སེཝེཡྻ པརཾ པོསོ ཨཝམཱནཾ སཧེཡྻཝཝ,

ན ཝེ ཀལཏྟནིགལ༹ཾ ཡདི དུཀྑནིབཎྡྷནཾ.

༡༩.

ཨཱཀཌྜྷམཱནཱ ཙིསིཁཱ སྨིཔཾ,

པརམྨུཁཱཡེཝ སདཱ པཝཏྟཱ;

དཱུརམྤི གཙྪནྟི གུཎཾ ཝིཧཱཡ,

པཝཏྟནཾ ཏཱདིསམེཝ ཐཱིན.

༢༠.

ཨསནྠུཏཾ ཏཱ པུརིསམྤི ཨནྟོ,

ཀརོནྟི ཨཱདཱཡཀཏཱཝ བྷིཏྟི;

ནེཏྟིཾ སཝལླཱི ཝིཡ ཧཎྠགཱཔི,

དསཱསུ སབྦཱསུ ཙ སངྐནཱིཡཱ.

༢༡.

ཨནྟོརུདྡྷཱ བཧིདྡྷཱཔི ནིསྶཱསཱ ཝིཡ ནཱརིཡོ,

ཀརོནྟི ནཱསམེཝསྶ ཀོདྷཱིམཱཏཱསུ ཝིསྶསེ.

༢༢.

མཱནས པཱཔསཾནིནྣཾ ཨཔཱཡཱ ཝིཝཊཱ ནནཱ,

སམནྟཱ པཱཔམིཏྟཱཝ མོཀྑོ སབྦབྷཡཱཀཐཾ.

༢༣. ¶ ཨཔི ཙ ཧདཡཏརུཀོཊར ཀུཊཱིརོ ཀོདྷ ཀུཎྜལཱིན ཀདཱཙི བཧི ཀཱཏབྦོ. ཨཔི ཏུ’ཏིཏིཀྑཱམནྟེན ཨཙིཔྥཎྡནྟཾ ཨུཔནེཏབྦོ.

༢༤.

སཏཾ ཏིཏིཀྑཱཀཝཙེ ཝིགུཎྛིཏཱ,

སིཡུཾ དུརཱལཱཔཁགཱ ཁལཱནཾ;

སབྷཱཔསཾསཱཀུསུམཏྟ མེཏཱ,

ནིབཛ྄ཛྷརེ ཏཱ གུཎ མཱལིཀཱཡ.

༢༥.

ལོཀཱདྷིཔཙྩཾ ཝིཔུལེདྷནེ ཙ,

མནོནུཀཱུལེ ཏནཡེ ཙ དཱརེ;

ལདྡྷཱཔི ཡཱཡེཏི ན ཛཱཏུ ཏིཏཏིཾ,

བཱདྷེཏུ སཱཏཾ ན པཔཉྩ ཏཎྷཱ.

༢༦.

ཝཎྞཔྤསཱདཱ ཡསྶཱ སུཁཱཝ,

དྷནཱ ཙ ཧཱཡནྟུཔ ཛཱིཝིཀཱཙ;

ཡེནཱབྷིབྷཱུཏཱརིཔུནེཝ སཏྟཱ,

དོསགྒི སོ ཏེ ཧདཡཾ ཛཧཱཏུ.

༢༧.

ཁེདོ ཝིཔཏྟཱིསུ པཊིཀིརཡཱ ན,

ཏསྨཱ ན དཱིནཔྤ ཀཏིཾ བྷཛེཡྻ;

པཉྙཱནུཡཱཏཾ ཝཱིརིཡཾ ཝདནྟི,

སབྦཏྠ སིདྡྷིགྒཧཎགྒཧཎྠཾ.

༢༨.

ཝྱཱཔཱརཱ སབྦབྷཱུཏཱནཾ སུཁཏྠཱཡ ཝིདྷཱིཡརེ;

སུཁཉྩ ན ཝིནཱ དྷམྨཾ ཏསྨཱ དྷམྨཔརོ བྷཝཱ’ཏི.

༢༩. ཨེཝམཱདིཀཾ སཔྤུརིསནཱིཏིཔཐཾ ཨཱདིསནྟེ མཧཱཐེརེ ཏེན ཀལྱཱཎདྷམྨེན ཨསོཏབྦཏཱནཱདརིཡརཙིཏབྷུཀཱུཊིཀ མུཁེན ཝཱ དིསཱཙིཀྑིཏྟཙཀྑུནཱ ཙ ཨཧངྐཱརཔརཝསེན གཛནིམིལིཏམུབྦྷཱཝཡཏཱ ཝཱ ཨཏྟནོ པཉྙཱདྷིཀྑེཔམིཝཙ ཨཙིནྟཡཏཱ ཙུལཱ༹ཝིནིཧིཏཀོམལ༹ཉྫལིཔུཊེན ཏནྣིནྣེན, ཏཔྤོཎེན སིརསཱ ཙ པཱིཏི སམུདིཏ སཱདྷུཝཱདཝིཀསིཏཀཔོལེནམུཁེན ཙ. སཀལཱཝཡཝཙིཏྠཊརོམཉྩ ཀཉྩུཀིཏེན དེཧེན ཙ བྷཱུམིཡཾ ནིཔཛྫིཏྭཱ དཱིགྷཔྤམཱཎ པམཱཎ མཱཝརཏྟཱམགྒཕལལཱབྷཏོཝིཡ ཝིསིཊྛཏརཾ པམུདིཏམཱཝིཀཏམཱསི.

ཨིཏི ཨནུསཱསན པརིཙྪེདོ དུཏིཡོ.

༣༠. ཏཏོ པཊྛཱཡ ཡཐཱཝུཏྟཔཊིཔདཾ ཨཝིརཱདྷེཏྭཱ སམཱཝརཎེན སནྟུཊྛོ ཏསྶ སངྒྷབོདྷི སམཉྙཾ གོཔེཏུཀཱམོ མཱཏུལམཧཱཐེརོ དྷམྨིཀོཏི ཝོཧཱརཾ པཊྛཔེསི.

༣༡. ལཀྑཎཔཱཋཀཱནཾ ཝཙནཾ སདྡཧནྟོ བྷཱགིནེཡྻཾ པབྦཛིཏུཀཱམམྤི ¶ ཨཔབྦཱཛེཏྭཱ ‘‘ཨིདྷ ཝཱསཏོ ཨནུརཱདྷཔུརེ ཝཱསོཡེཝ ཀུམཱརསྶ ཡོགཀྑེམཱཝཧོ, པུཉྙཱནུརཱུཔེན ཛཱཡམཱནསྶ ཝིཔཱཀསྶ ཙ ཋཱནཾ ཧོཏི, མཧཱཙེཏིཡསྶ ཝཏྟཔཊིཝཏྟསམཱཙརཎེནཙ མཧནྟོ པུཉྙཀྑཎྡྷོ སམྤཛིསྶཏི’’ཏི མཉྙམཱནོ ཏཾ ཀུམཱརམཱདཱཡ གཙྪནྟོ ཨནུརཱདྷཔུརཾ གནྟུཀཱམོ ནིཀྑམི. སངྒྷཏིསྶོགོཋཱབྷཡོཏི ཙ ལམྦཀཎྞཱ རཱཛ ཀུམཱརཱ ཨཔརེཔི དུཙེ ཏསྶ པཾསུཀཱིལ༹ནཏོ པཊྛཱཡ སཧཱཡཱཏེན ཀུམཱརེན སདྡྷིཾ ནིཀྑམིཾསུ ཏེ ཏཡོ ཀུམཱརེ ཨཱདཱཡ གཙྪནྟོ མཧཱཐེརོ པུརེཏརམེཝ ཨནུརཱདྷཔུརཾ པཱཝིསི. མཧཱཐེརམནུགཙྪནྟེསུ ཏེསུ ཀུམཱརེསུ ཛེཊྛོ སངྒྷཏིསྶོ མཛ྄ཛྷིམོ སངྒྷབོདྷི ཀནིཊྛོ གོཋཱབྷཡོཏི ཏེ ཐེརཾ པཙྪཏོ ཨནུགཙྪནྟཱ ཏཡོཔི པཊིཔཱཊི ཡཱ ཏིསྶཝཱཔིཡཱ སེཏུམཏྠཀེན གཙྪནྟི.

༣༢. ཏཏྠ སེཏུསཱལཱཡ ནིསིནྣོ ཀོཙི ཨཎྡྷོཝིཙཀྑཎོ ཏེསཾ ཏིཎྞནྟཾ ཀུམཱརཱནཾ པདཝིཉྙཱསདྡཾ སུཏྭཱ ལཀྑཎཱནུསཱརེན ཨུཔཔརིཀྑིཔིཏྭཱ ‘‘ཨེཏེ ཏཡོཔི སཱིཧལ༹དཱིཔེ པཐཝིསྶརཱ བྷཝིསྶནྟཱི’’ཏི ཏཏྠ ནིསིནྣཱནཾ ཝྱཱཀཱསི. ཏཾཝཙནཾ པཙྪཱ གཙྪནྟོ གོཋཱབྷཡོ སུཏྭཱ ཨིཏརེསཾ གཙྪནྟཱནཾ ཨནིཝེདཡིཏྭཱ པཙྩཱགམྨ ‘‘ཀཏམོ ཙིརཾ རཛྫཾ ཀཱརེསྶཏི? ཙཾསཊྛིཏིཉྩ ཀརོཏི’’ཏི? པུཙྪིཏྭཱ པཙྪིམོཏི ཝུཏྟེ ཧཊྛཔཧཊྛོ ཨུདགྒུདགྒོ སཱིགྷཏརཾ ཨཱགམྨ ཏེཧི སདྡྷིཾ གཙྪནྟོ ཏིཁིཎ མནྟིཏཱཡ གམྦྷཱིརབྷཱཝཏོ ཙ ཀཉྩི ཨཛཱནཱཔེཏྭཱ ཨནྟོཔུརཾ པཱཝིསི. ཏེ ཏཡོཔི པཏིརཱུཔེ ནིཝཱསེ ཝཱསཾ གཎྷིཾསུ.

༣༣. ཨཐ ཀནིཊྛོ ‘‘ཨེཏེ དྭེཔི ཨཔྤཱཡུཀཏྟཱ རཛྫེ པཏིཊྛིཏཱཔི ན ཙིརཾ ཛཱིཝནྟི ཀིར ཨཧམེཝ ཏེསཾ རཛྫཾ དུཔེསྶཱམི’’ཏི ཏདནུརཱུཔེན ཨུཔཱཡེནཔཊིཛྫནྟོ ཏེསཾ རཛྫལཱབྷཱཡ ཨུཔཱཡཾ དསྶེནྟོ ཨབྷིཎྷཾ མཏྟེཏི. ཛེཊྛོཔི ཏསྨིཾ ཨཏིཔིཡཱསམཱནོ ཏེནོཔདིཊྛམེཝ སམཱཙརནྟོརཱཛཱནཾ དིསྭཱ ལདྡྷ སམྨཱནོ སབྦེསུ རཱཛཀིཙྩེསུ པུབྦངྒམོ ཧུཏྭཱ ན ཙིརསྶེཝ རཱཛཝལླབྷོ ཨཧོསི? ཏསྨིཾ ཀཱལེ རཛྫཾ ཀཱརེནྟོ ཝིཛཡ རཱཛཱ ནཱམ ཁཏྟིཡོ ཏསྨིཾ པསནྣོ སབྦེསུ རཱཛཀིཙྩེསུ ཏམམེཝ པདྷཱནབྷཱུཏཾ ཀཏྭཱ སེནཱཔཏིཾ ཨཀཱསི.

༣༤. དྷམྨིཀོ པན རཛྫེན ཨནཏྠིཀཏཱཡ རཛྫལཱབྷཱཡ ཙིཏྟམྤི ཨནུཔྤཱདེཏྭཱ ཀེཝལཾ མཧཱཐེརསྶ ཨནུསཱསནམཏྟེནེཝ རཱཛུཔཊྛཱནཝེལཱཡཾ ཨནུཙརཎམཏྟམཱཙརནྟོ རཱཛགེཧཾ པཝིསིཏྭཱ ཏཏོ ཏེཧི སདྡྷིཾ ནིཀྑམྨ སཱཡཾ མཧཱ ཐེརསྶ ཝིཧཱརེཡེཝ ཝསནྟོ ཨཏྟནོ དྷམྨིཀཱནུཊྛཱནཾ ཨཧཱཔེཏྭཱ མཧཱཙེཏིཡོ པཊྛཱནགིལཱནུཔཊྛཱནཱདིཀཾ ¶ ཨནཝཛྫ དྷམྨཾཙརནྟོ ཀཱལཾ ཝཱིཏིནཱམེཏི.

ཏདཱ སངྒྷཏིསྶོ སཀལརཛྫཉྩ པུརཉྩ ཨཏྟནོཧཏྠགཏཾ ཀཏྭཱ ཨེཀསྨིཾ དིནེ ལདྡྷོཀཱསོ རཱཛཱནཾ ཨནྟོབྷཝནེཡེཝ གོཋཱབྷཡེན མཱརཱཔེཏྭཱ སཡཾ རཛྫེ པཏིཊྛཏི.

ཨིཏི ཨནུརཱདྷཔུརཔྤཝེསཔརིཙྪེདོ ཏཏིཡོ.

༣༥. ཨཐ གོཋཱབྷཡོ དྷམྨིཀཾ ཨནིཙྪཱམཱནམྤི སེནཱཔཏིཊྛཱནེ ཋཔེཏྭཱ ཨཱཡཏིཾ ཨཔེཀྑམཱནོ སཡཾ བྷཎྜཱགཱརིཀོ ཨཧོསི. ཨཐ སངྒྷཏིསྶོ རཱཛཱ བཧུཾ པུཉྙྩ ཨཔུཉྙྩ པསཝནྟོ ཛམྦུཕལཔཱཀཀཱལེ སསེནོ སཱམཙྩོ སབྷོརོདྷོ ཨབྷིཎྷཾ པཱཙཱིན དེསཾ གནྟྭཱ ཛམྦུཕལཱནི ཁཱདཏི. རཉྙོ ཡེབྷུཡྻེན གམནཱ གམནེན ཨུཔདྡུཏཱ རཊྛཝཱསིནོ རཱཛུཔབྷོགཱརཧེསུ ཛམྦུཕལེསུ ཝིསཾ ཡོཛེསུཾ. ཨཐ སོ སངྒྷཏིསྶོ རཱཛཱ ཏེན ཝིསེན ཏཏྠེཝ ཀཱལམཀཱསི.

༣༦. ཨཐ གོཋཱབྷཡོ ཨཎྡྷཝིཙཀྑཎསྶ ཝཙནཾ ཨནུསྶརནྟོ ཨནུཀྐམེན རཛྫཾ དཱཔེཏྭཱ པཙྪཱ ཨཧཾ སུཔྤཏིཊྛོ བྷཝིསྶཱམི’ཏི མཉྙམཱནོ སཱམཙྩོ སསེནོ སངྒྷབོདྷིཀུམཱརཾ རཛྫེན ནིམནྟེསི. སོ ཏེམིཡ མཧཱབོདྷིསཏྟེན དིཊྛཱདཱིནཝཏྟཱ རཛྫསུཁཱཔརིཙྩཱགཱནུབྷཱུཏཾ མཧནྟཾ དུཀྑཛཱལཾ ཨནུསྶརིཏྭཱ པུནཔྤུནཾ ཡཱཙིཡམཱནོཔི པཊིཀྑིཔིཡེཝ ཨབྷཡོ གཱམནིགམརཱཛདྷཱནཱིསུ སབྦེཔི མནུསྶེ སནྣིཔཱཏེཏྭཱ ཏེཧི སདྡྷིཾ ནཱནཱཔྤཀཱརཾ ཡཱཙམཱནོཔི སམྤཊིཙྪཱཔེཏུཾ ནཱསཀྑི. ཨཐ སབྦེཔི རཊྛཝཱསིནོ སཱམཙྩཱམཧཱཝིཧཱརཾ གནྟྭཱ མཧཱ སངྒྷཾ སནྣིཔཱཏེཏྭཱ སངྒྷ མཛ྄ཛྷེ སངྒྷབོདྷིཀུམཱརོ མཧཱ སངྒྷཾ བྷཱུམིཡཾ ནིཔཛྫ ནམསྶིཏྭཱ ལདྡྷོཀཱསོ ཨེཀམནྟཾ ནིསཱིདིཏྭཱ ཨེཝཾ ཝཏྟུམཱརབྷཱི.

༣༧. ཨཡཉྷི རཱཛལཀྑཱིནཱམ ཡཐཱ ཡཐཱ དིཔྤཏེ, ཏཐཱ ཏཐཱ ཀཔྤུརདཱིཔསིཁེཝ ཀཛྫིལཾམལིནམེཝ ཀམྨཛཱཏཾ ཀེཝལམུབྦམཏི. ཏཐཱཧི ཨཡཾ སཾཝདྷནཝཱརིདྷཱརཱ ཏཎྷཱཝིསཝལླཱིནཾ, ནེནཱད མདྷུརབྷཱིཏིཀཱ ཨཡཾ ཨིཎྡྲིཡམིགཱནཾ, པརཱམཱསདྷུམལེཁཱ སུཙརིཏ ཙིཏྟཀམྨསྶ ཝིབྦྷམསེཡྻཱ མོཧནིདྡཱནཾ ཏིམིརུགྒཏི པཉྙཱདིཊྛཱིནཾ, པུརསྶརཔཏཱཀཱ ཨཝིནཡམཧཱསེནཱཡ, ཨུཔྤཏྟིནིནྣནཱ ཀོདྷཝེག ཀུམྦྷིལཱནཾ, ཨཱཔཱནབྷཱུམི མིཙྪཱདིཊྛིཝདནཾ. སཾགཱིཏི སཱལཱ ཨིསྶརིཡ ཝིཀཱརནཱཊཀཱནཾ ཨཱཝཱསདརཱིདོསཱསིཝིསཱནཾ, ཨུསྶཱརཎཝེཏྟལཏཱ སཔྤུརིསཝོཧཱརཱནཾ, ཨཀཱལཛདཱགམོ སུཙརིཏ ཧཾསཱནཾ, པཏྠཱཝནཱ ཀཔཊནཱཊཀཱནཾ, ཀདལིཀཱ ཀཱམཀརིནོ ཝཛ྄ཛྷཝཱལཱ སཱདྷུབྷཱཝསྶ, རཱཧུམུཁཾ དྷམྨཙཎྡ ¶ མཎྜལསྶ, ནཧི ཏཾ པསྶཱམི ཡོཧི ཨཔརིཙིཏཱཡཱཔི ཨེཏཱཡ ནིབྦྷརམུཔགུལྷོ ན ཝིཔྤལདྡྷོ, ཨཔིཙ, ཨབྷིསེཀསམཡེ རཱཛཉྙཱནཾ མངྒལཀལསཛལེཧི ཝིཡ ཝིཀྑཱལནམུཔཡཱཏི དཀྑིཉྙཾ ཨགྒིཧུཏཏདྷུམེནེཝ མལིནཱིབྷཝཏི ཧདཡཾ པུརོཧིཏ ཀུསགྒ སམཛྫཏེན ཝིཡ ཨཔནིཡཏེ ཏིཏིཀྑཱ, ཨུཎྷཱིས པཊྚ བཎྡྷནེན ཝིཡ ཚཱདཱིཡཏཱི ཛརཱགམདསྶནཾ, ཨཱཏཔཏྟ མཎྜལེན ཝིཡ ཏིརོཀརཱིཡཏི པརལོཀཱཔེཀྑཎཾ, ཙཱམརཔཝནེན ཝིཡ དུརམུདྡྷུཡཏེ སཙྩཱདིཏཱ ཝེཏྟལཏཱཔྤཧཱརེན ཝིཡ དུརམཔཡནྟི སགྒུཎཱ ཨེཀེ རཛྫསིརི མདིརཱ མདམཏྟཱ སཀཏྠནིཔྥཱདནཔརེཧི དྷནཔིསིཏཱགྷཱསགིཛ྄ཛྷེཧི སཧཱནལཱིནཱིབཀེཧི དཱུཏཾ ཝིནོདནནྟི, པརདཱརཱབྷིགམནཾ ཝིདྡྷཏཱཏི, མཱིགཝན པརིསྶམོཏི, སུརཱཔཱནཾ ཝིལཱསོཏི, ནིཙྩཔྤམཏྟཏཱ, སུརབྷཱཝོཏི སདཱརཔྤིཙྩཱགཾ ཨཝྱསནིཏཱནི, གུརུཝཙནཱཝདྷཱིརཎཾ ཨཔརཔྤནེཡཏྟམིཏི ཨཛིཏཧཙྩཏཾ སུཁོཔསེཝཏྟམཱིཏི, ནཙྩགཱིཏ གཎཱཀཱནུསཏྟི རསིཀཏེཧི པརིབྷཝསཧཏྟཾ ཁམེཏི, སེརཱིབྷཱཝཾ པཎྜིཙྩཱམིཏི ཝཎྡིཛན ནཝཙནཾ ཡསེཾགྷོསོཏི ཏརལཏཱ ཨུསྶཱཧོཏི. ཨཝིསེསཉྙུཏྟཾ ཨཔཀྑཔཱཏིཏྟམིཏི? ཨེཝ དོསགཎམྤི གུཎཔཀྑེ ཨཛ྄ཛྷཱརོཔཡནྟེཧི སཡམྤི ཨནྟོ ཧ སནྟེཧི པཏཱརཎཀུསལེཧི དྷུཏྟེཧི ཨམཱནུསོཙིཏཱཧི ཐོམཱནཱཧི པཏཱརིཡམཱནཱ, ཙིཏྟམདམཏྟ ཙིཏྟཱ ནིཙྩེཏ ན ཏཱཡ ཏཐེཏི ཨཏྟནི ཨཛ྄ཛྷཱརོཔཡནྟཱ ཨལིཀཱབྷིམཱནཾ མཙྩདྷམྨསམཱནཱཔི དིབྦཾ སཱཝཏིཎྞམིཝ ཨམཱནུསམིཝ ཨཏྟཱན མཉྙམཱནཱ ཨཱརདྷདིབྦོཙིཏཀིརཡཱནུ བྷཱཝཱ སབྦཛནོ པབྷསནཱིཡ བྷཱཝམུཔཡནྟི. ཨཏྟ མིལམྦནཉྩ ཨནུ ཛཱིཝིཛནེན ཀརཱིཡམཱནཾ ཨབྷིནཎྡནྟི.

༣༨. མཱནསཱ དེཝཏཱཛ྄ཛྷཱརོཔཎཔྤཏཱརཎ སམྦྷཱུཏ སམྦྷཱཝནོ པཧཏཉྩ ཨནྟོ པཝིཊྛ ཨཔརབྷུཛཡུགཾ ཝིཡ ཨཏྟནོ བཱཧུཡུགཾ སམྦྷཱཝཡནྟི. ཏཙནྟརིཏ ལོཙནཾསཀལལཱཊ མཱསཾཀནྟི, ཨལིཀསམྦྷཱཝནཱབྷིམཱནབྷརིཏཱ ན ནམསྶནྟི དེཝཏཱཡོ ན པཱུཛཡནྟི སམཎ བྲཱཧྨཎེ ན མཱནཡནྟཱི མཱནནཱིཡེ, ན ཨུཔཏིཊྛནྟི གུརུདསྶནེཔི ཨནཏྠཀཱཡཱ སཱནྟརཱིཏ, ཝིསཡོ པབྷོགསུཁཱཏི ཨཔཧསནྟི ཡཏིནོ? ཛརཱབྷི བྷཝཔལཔིམིཏི ན སུཎནྟི ཝུདྡྷཛནུཔདེསཾ, ཨཏྟནོ པཉྙཱ པརིབྷཝོཏི ཨུསུསནྟི སཙིཝོ པཧེསསྶ,ཀུཉྫནྟི ཨེཀནྟ ཧིཏཝཱདིནཾ ཨེཝམཱདིནཱ ཀཱཀཎེན བཧུནྣཾ དོསཱནཾ མཱཀར བྷཱུཏཾརཛྫཱིཝིབྷཝཾ ཨཡཾ ན ཨིཙྪཱམཱི’ཏི ཨཝོཙ.

༣༩. ཨཐ མཧཱཛནེན སཱདར མཛ྄ཛྷེསིཏོ མཧཱསངྒྷོ ཀུམཱརབྷིམུཁོ ཧུཏྭཱ ‘‘མཧཱབྷཱགདྷེཡྻ! ཐནཙུཙུཀེ ལགྒིཏཱཛལུཀ ཏིཀྑཌསནེནཏཏྠ ཝེདནུཔྤཱདཡནྟི ལོཧིཏམེཝ ཨཱཀཌྜྷཏི, དཱརཀོ པན ཀོམལེན མུཁཔུཊེནམཱཏུ སུཁསཉྙཾ ཨུཔྤཱདཡནྟོ ཁཱིརམེཝ ཨཝ྄ཧེཏི.

༤༠. ¶ ཨེཝམེཝ རཛྫཝིབྷཝཾ པཏྟོ ཨདྷཱིརོ བཱལོ བཧུཾ ཨཔུཉྙམེཝ སཉྩིཎཱནི, མེདྷཱཝི དྷིརཔུརིསོ པན ཨཱཡུསངྑཱརསྶ དུབྦལཏྟཉྩ དྷནསཉྩཡསྶ ནིསྶཱརཏྟཉྩ པཉྙཱཡ ཨུཔ པརིཀྑིཏྭཱ དས ཀུསལཀམྨཱནི པཱུརེནྟོ ཏཱདིསེན མཧཏཱ བྷོགཀྑཎྡྷེན མཧནྟཾ ཀུསལརཱསིཾ ཨུཔཙིཎཱཏི, ཏྭམསིཀཏཱདྷི ཀཱརོ མཧཱསཏྟདྷུརཎྡྷརོ, ཨེཏཱདིསཾ པུཉྙཱཡཏནཊྛཱནཾ ལདྡྷཱ དྷམྨེན སམེན ལོཀཾ པརིཔཱལེནྟོ སུགཏསཱསནཾ པགྒཎྷནྟོ དཱནཔཱརམིཀོཊིཔྤཏྟཾ ཀཏྭཱ པཙྪཱ ཨབྷིནིཀྑམཎཉྩ ཀརོནྟོ བོདྷིཔཀྑིཡདྷམྨེ པརིཔཱཙེཧཱི’’ཏི ཨནུསཱསི.

༤༡. ཨཐ སོ མཧཛ྄ཛྷཱསཡོ པུརིསཝརོ མཧཱསངྒྷསྶ ཨནུསཱསནིཾ མདྡིཏུ མསམཎྠོ ཨདྷིཝཱསེསཱི. ཨནནྟརཉྩ མཧཱཛནཀཱཡོ སངྒྷསྶ ཨནུཉྙཱཡ སཀལཾ སཱིལདཱིཔཾ ཨེཀཙྪཏྟཾ ཀཏྭཱ ཨབྷིསིཉྩིཡ དྷམྨིཀ སིརིསངྒྷབོདྷིརཱཛཱཏི ཝོཧཱརཾ པཊྛཔེསི གོཋཱབྷཡཉྩ སེནཱཔཏིཊྛཱནེ ཋཔེསི.

༤༢.

དཱནཾ ཨདཱ དྷཱརཡི ནིཙྩསཱིལཾ,

ཝཧཱི ཏིཏིཀྑཾ བྷཛི ཨཔྤམཱདཾ;

པཛཱ ཧིཏཛ྄ཛྷཱསཡ སོམྨརཱུཔོ,

དྷམྨོ ཙ སོ ཝིགྒབྷཝཱ ཝིརོཙཱི.

༤༣.

ཝིཉྙཱཡ ལོཀསྶ ཧི སོ སབྷཱཝཾ,

པདྷཱནཝཏྟཱནུ གཏིཔྤདྷཱནཾ;

ནིདྷཱཏུཀཱམོ ཛནྟཱསུ དྷམྨཾ,

སཡམྤི དྷམྨཱ ཝརཎམྷི སཏྟོ.

ཨིཏི རཛྫཱབྷིསེཀ པརིཙྪེདོ ཙཏུཏྠོ.

༤༤. སོ རཱཛཱ མཧཱ ཝིཧཱརེ མཧགྒྷ མཧཱཝིསཱལཾ སལཱཀགྒཾ ཀཱརཱཔེཏྭཱ ཨནེཀསཧསྶཱནཾ བྷིཀྑཱུནཾ ནིཙྩཾ སལཱཀ བྷཏྟཾ པཊྛཔེསི. མཱཏུལམཧཱཐེརསྶཾཙ སཀནཱམ དྷེཡྻེན མཧནྟཾ པརིཝེཎ ཝིཧཱརཾ ཀཱརཱཔེཏྭཱ ཨནེཀེཧི ཀཔྤིཡབྷཎྜེཧི སདྡྷིཾ སཔརིཝཱར ཝེཎཱ ཀཱནི གཱམཀྑེཏྟཱནི སངསཔརིབྷོགཱརཧཱནི ཀཏྭཱ དཱཔེསི སཏྟམེཝ ནིསཱིཐཀཱལེ རཧོགཏོ མཧཱབོདྷིསཏྟསྶ དུཀྐརཙརིཏཱནི སལླཀྑེནྟོ ཏཱདིསཱཔདཱནཾ ཨཏྟནི སམྤཱདེཏུམཱསིཾསི. ཏཐཱ ཧི

༤༥.

དེཧཱིཏི ཝཏྠུམསུཀཾ གདིཏོཏྠིཀེཧི,

ནཱལཾ ཀཐེཏུམྷ ནཏྠི ན དེམིཙཱཏི;

ཙིཏྟེ མཧཱཀརུཎཱཡ པཧཊཱཝཀཱསཱཝ,

དུརཾཛགཱམ ཝིཡ ཏསྶ བྷཝཏྠུ ཏཎྷཱ.

ཨེཝམམྷཱཀཾ ¶ བོདྷིསཏྟསྶ ཝིཡ བཱཧིར ཝཏྠུཔརིཙྩཱགམཧུསྶཝོ ཀདཱ མེ བྷཝིསྶཏིཏི ཙ,

༤༦.

ཨཱནཱིཡཏེ ནིསིཏ སཏྠནིཔཱཏནེན,

ནིཀྐཌྜྷཏེ ཙ མུཧུ དཱནྷཝཱཡརཏྱཱ;

ཨེཝཾ པུནཔྤུན གཏཱགཏཝེགཁིནྣཾ,

དུཀྑཾ ན ཏསྶ ཧདཡཾ ཝཏ པཱིལ༹ཡིཏྠ.

ཨེཝཾ ཀིརསྶ མཧཱསཏྟསྶ མཾས ལོཧིཏཱདི ཨཛ྄ཛྷཏྟིཀཝཏྠུདཱནསམཡེ དུཀྑཝེདནཱ མནཾ ན སམྦཱདྷེསི. མམཱཔི ཨཱིདིསཾ ཨཛ྄ཛྷཏྟིཀ དཱནམཧཱམངྒལཾ ཀདཱ བྷཝིསྶཏཱིཏི ཙ.

༤༧.

སོ སཾཁཔཱལབྷཱུཛགོ ཝིསཝེགཝཱཔི,

སཱིལསྶ བྷེདནབྷཡེན ཨཀུཔྤམཱནོ;

ཨིཙྪཾ སདེཧཧརཝཱབྷིཛནེ དཡཱཡ,

གནྟུཾ སཡཾ ཨཔདཏཱཡ སུསོཙནཱུནཾ.

ཨེཝཾ སཱིལ རཀྑནཱཔདཱནསིརིཾ ཀདཱ ཝིནྡཱམཱིཏི ཙ,

༤༨.

པིཝེཡྻ ཐཉྙཾ ཨམཏཉྩ བཱལོ,

ཝུདྡྷིཾ གཏོ སོཝ ཛིགུཙྪིཏེ ཏཾ;

ས ཛཱཏུ ཨེཝཾ ཨནུབྷཱུཡ རཛྫཾ,

ཉཱཎསྶ པཱཀེ སཏཏཾ ཛཧཱཏི.

ཨེཝཾ མཡཱཔི ཨཙིརསྶེཝ ཨཝསྶཾ ཨབྷིནིཀྑམནཾ ཀཱཏབྦནྟི ཙ,

༤༩.

སོ སེནཀོ དྭིཛཔསིབྦཀསཱཡིསཔྤཾ,

ཨཉྙཱསི དོསཀལུསཱཡ དྷིཡཱབྦྷུཏཾཏཾ;

ཀཱ ཝཎྞནཱསྶ ཁལུ དོསཝིནིགྒཏཱཡ,

སབྦཉྙུཏཱཡ དསཔཱརམིསཱདྷིཏཱཡ.

ཨེཝཾཝིདྷཱ ཀལྱཱནཉཱཎསམྤཏྟི ཀདཱ མེ སམིཛ྄ཛྷིསྶཏཱིཏི ཙ,

༥༠.

ཝཱལེན སོ ཀིསཀལཎྡཀཛཱཏིཡམྤི,

ཨུསྶིཉྩིཏུཾ སལིལམུསྶཧི སཱགརསྶ;

ཏཾ མུདྡྷཏཱཡ ན བྷཝེ མཏིཡཱ མཧནྱཱ,

སམྤཱདནཱཡ བྷིམཏསྶ སམཏྠཏཱཡ.

ཨེཝཾ ཝིདྷཱཡ ཝཱིརིཡཔཱརམིཡཱ ཀདཱ བྷཱཛནཾ བྷཝིསྶཱམིཏི ཙ

༥༡.

ཀལཱབུརཱཛེན ཧི ཁནྟིཝཱདི,

ཝདྷཾ ཝིདྷཱཡཱཔི ཨཏིཏྟཀེན;

ཧཏེ པདེནོརསི ཁནྟིསོདྷེ,

སོ ཀཱུཊསཎྡྷིགྒཧཎཾ བུབོདྷ.

ཨེཝཾ ཝིདྷཱཡ ཁཏྟིཔཱརམིཡཱ ཨཏྟཱནཾ ཀདཱ ཨལཾཀརིསྶཱམིཏི ཙ

༥༢. ¶

མིཙྪཱབྷིཡོགཾ ན སཧིཾསུ ཏསྶ,

རཱམཱབྷིདྷཱནསྶཔི པཱདུཀཱཡོ;

སཙྩཉྩཡཱ ནཱཉྙམབྷཱསིདྷཱིརོ,

སོ སཙྩསནྡྷོ ཙཏུསཙྩཝཱདཱི.

ཨཧམྤི ཨཱིདིསེན སཙྩཔཱརམིཏཱབལེན སབྦལོཀསྶ ཙཏུ སཙྩཱཝ བོདྷན སམཏྠོ ཀདཱ བྷཝིསྶཱམིཏི ཙ

༥༣.

སོ མུགཔཀྑ ཝིདིཏོ སིརིབྷཱིརུཀཱཡ,

མུཀཱདིཀཾ ཝཏཝིདྷིཾ སམདྷིཊྛཧིཏྭཱ;

ཏཾ ཏཱདིས ཨནུབྷཝཾ ཨསཧམྤི དུཀྑཾ,

ཡཱཝཱབྷིནིཀྑམྨབྷེདི ཨདྷིཊྛིཏཾནོ.

ཨེཝཾ མ མཱཔི ཨདྷིཊྛཱན པཱརམིཏཱཡ པཱརིཔཱུརཱི ཀདཱ བྷཝིསྶཏཱིཏི ཙ

༥༤.

མེཏྟཱནུབྷཱཝེན ས ལོམཧཾསོ,

པེམཱནུབདྡྷེན སབཱིཀརོནྟོ;

སཏྟེ སམཏྟེཔི ཙ ནིཙྩཝེརཱི,

སདྡཾ ཝིརུདྡྷཏྠམཀཱསི དྷཱིརོ.

ཨཧམྤི ཨེཝཾཝིདྷཱཡ མེཏྟཱཔཱརམིཏཱཡ ཀོཊིཔྤཏྟོ ཀདཱ བྷཝིསྶཱམཱིཏི ཙ.

༥༥.

སོ ཨེཀརཱཛཱ ཝིདིཏོ སམཙིཏྟཏཱཡ,

མཱནཱཝམཱན ནཀརེསུ ཏུལཱསརཱུཔོ;

ཏོསཉྩ རོསམནུཔེཙྩ བྷཛཱི ཨུཔེཀྑཾ,

སབྦཏྠ པཱིཏིཝིཀཏཱི ཧཏཙེཏནོཝ.

ཨེཝཾ ཨཧཔྤི ཨུཔཀྑཱཔཱརམིཏཱཡ ཀདཱ སབྦསཱདྷཱརཎོབྷཝིསྶཱམིཏི ཙ ནིཙྩཾ ཙིནྟེསི.

ཨིཏི པཱརམིཏཱསིཾསན པརིཙྪེདོ པཉྩམོ.

༥༦. ཨེཝམནཝཛྫདྷམྨེན རཛྫཾ ཀཱརེནྟེ ཏསྨིཾ ཀདཱཙི ཀེནཙིཔཛཱནཾ ཨཀུསལ ཝིཔཱཀེན-

ཛཋར པིཋརབྷཱརཀྐནྟཝངྐོརུཛཱཎུ,

སཛལ ཛལད ཀུཊཱཀཱརགྷོརོརུཀཱཡོ;

ཀུཊིལཀཋིནདཱཋཱཀོཊིསཎྡཊྛཧཎྜོ,

ནཝདིཝསཀརཀྑོ རཀྑསོདིཔམཱག.

༥༧. སོ ཏེསུ ཏེསུ གཱམཔརིཡནྟེསུ ནིསཱིདཏི, ཡེ ཡེ མནུསྶཱ ཏམཱགམྨ ཏཾ རཏྟཀྑམུདིཀྑནྟི ཏེསཾ ཨཀྑིནི རཏྟཱནི བྷཝནྟི. ཏཾ ཁཎེཡེཝ རཏྟཀྑམཱརཀོ ནཱམ ཛརརོགོ པཱཏུབྷཝིཏྭཱ མཱརེཏི.

༥༨. ¶ སོ ཡཀྑོ མཏམཏེ ནིརཱསངྐེ ཁཱདཏི. ཏཾ ཡཀྑཾ ཨདསྭཱཔི ཡེ ཡེ ནརཱ ཏེནཱཏུརཱ ཏེ ཏེ པསྶནྟི, ཏེཔི སོ རོགོ ཨཱཝིསཏི. ཨེཝཾ ན ཙིརོནཝཡཀྑབྷཡེན རོགེན ཙ ཛནཔདོ ཝིརལཛནོ ཛཱཏོ.

༥༩. རཱཛཱ ཏཾ པཝཏྟིཾ སུཏྭཱམཡི རཛྫཾ ཀཱརེནྟེ པཛཱནཾ ཨཱིདིསསྶ བྷཡསྶ ཨུཔྤཛྫན ཨནནུཙྪཝིཀནྟི མཉྙམཱནོ ཏདཧེཝ ཨཊྛཾག སཱིལཾ སྭཱདིཡིཏྭཱ ཨཏྟནཱ ནིཙྩཾ ཀརཱིཡམཱནཱནི དསཀུསལཀམྨཱནི ཨནུསྶརིཏྭཱ ཨཧཾ དྷམྨཝིཛཡི བྷཝིསྶཱམཱིཏི ཏཾརཀྑསཾ ཨཱདིསྭཱ ན ཨུཊྛཧིསྶཱམཱིཏི དལ༹ྷཏརཾ ཨདྷིཊྛཱཡ ཝཱསགབྦྷེ སཡི. ཏསྶ ཏེན ཨཱཙཱར དྷམྨཏེཛེན རཱཛཱནུབྷཱཝེན ཙ སོ རཀྑསོ སནྟཏྟོ ཨུཏྟསིཏྭཱ ཁཎམྤི ཋཱཏུཾ ཨསཧནྟོ ཨཱཀཱསེནཱ གནྟྭཱ བལཝཔཙྩུས སམཡེ ཨནྟོགབྦྷཾ པཝིསིཏུམསཀྐོནྟོ བཱཧིརེ ཋཏྭཱ རཉྙོ ཨཏྟཱནཾ དསྶེསི. རཉྙཱ ཙ ཀོསིཏྭནྟི པུཊྛོ ཨཱཧ. རཏྟཀྑོ ནཱམཱཧཾ རཀྑསོ དུརཛནཔདེསྨིཋིཏོ, ཨཧཾ ཁཎམྤི ཋཱཏུཾ ཨསཀྐོནྟོ ཏཝཱནུབྷཱཝེན བདྡྷོཝིཡཧུཏྭཱ ཨིདྷཱནཱིཏོ? བྷཱཡཱམི དེཝ ཏཝ དསྶནནྟི.’’

༦༠. ཨཐ རཱཛཱ སཡནཏོ ཝུཊྛཧིཏྭཱ སཱིཧཔཉྫརཾ ཝིཝརིཏྭཱ ཨོལོཀེཏྭཱ ཨརེ! ཛམྨ! མྨ ཝིསཡགཏེ མནུསྶེ ཀསྨཱ? ཁཱདཡཱིཏི. མཧཱརཱཛ ཏཝ ཝིསཡེ མཡཱ མཱརེཏྭཱ ཨེཀོཔི ཁཱདིཏོ ནཏྠི, ཨཔིཏུམཏཀལེབརཾ སོནསིགཱལཱདཱིནཾ སཱདྷཱརཎ བྷཀྑབྷཱུཏཾ ཁཱདཱམི, ན མེ ཀོཙི ཨཔརཱདྷོ ཨཏྠི, ཨཏྠི ཙེ རཱཛདཎྜོ མཡི ཝིདྷཱིཡཏཱུ’ཏི ཝཏྭཱ པཝེདྷམཱནོ ནིཙྩལབྷཱཝེན ཋཱཏུཾ ཨསཀྐོནྟོ བྷཡཝེགེན ཛཱཏལོམཧཾསོ སཱནུནཡམེཝ མཱཧ. ‘‘དེཝསྶ རཊྛཾཐིཏཾ དྷནདྷཉྙ སམིདྡྷིསམྤུཎྞཾ དེཝསྶ དྷན ཝསྶེན སམྤུཎྞམཱནོ རཐཱ མནུསྶཱ, ཨིདཱནི ཡཱཙཀཱཔི བཧུཏརཱ ན ཧོནྟི, ཨཧ མཱིདིསཾ རཊྛཾ པཏྭཱཔི ཨལདྡྷགོཙརོ ཨཔརིཔུཎྞམནོརཐོ ཛཏོ པིཔཱསིཏོཝ ཧུཏྭཱ དཱིན བྷཱཝེན ཛཱིཝིཀཾ ཀཔྤེམི, ཏཐཱ ཨཱིདིསཾ བྷཡཾ པཏྟོམྷི ཨབྷཡཾ མེ དེཧི མཧཱརཱཛཱ’ཏི.

༦༡. ཨཐ རཱཛཱ ཏསྶ དཱིནཝཙནཾ སུཏྭཱ ཀརུཎཱཡ ཀམྤིཏཧདཡོ ‘‘མཱ བྷཱཡིཏྭཾ རཀྑས! ཨབྷཡཾ ཏེ དམྨི ཨིཙྪིཏཾ ཏེཝདཱ’’ཏི ཨཱཧ. ཨེཝཾ རཉྙོཙ རཀྑསྶཙ ཨཉྙམཉྙེཧི སདྡྷིཾ སལླཔནྣཱནཾ སདྡཾ སུཏྭཱ ཨནྟོགཏཱ ཨནུཙརཱ རཱཛཱནཾ པརིཝཱརེསུཾ, ཨཐ ཀཐཱནུཀཐཱཡ རཀྑསོ ‘‘ཨགཏོ རཉྙཱ སདྡྷིཾ སལླཔཏཱི’’ཏི སུཏྭཱ སབྦེ ཨམཙྩཱ ཙ ནཱགརཱ ཙ སེནཱ ཙ སནྣིཔཏིཏྭཱ རཱཛངྒཎཉྩ རཱཛ བྷཝནཉྩ པཱུརེཏྭཱ ཨརུཎེ ཨུགྒཙྪནྟེ མཧནྟཾ ཀོལཱཧལམཀཾསུ.

༦༢. ¶ ཨཐ སོརཀྑསོ སནྣིཔཏིཏཾཙཏུརངྒབལཉྩ ཨཱཡུདྷ ཧཏྠཾ ཨནེཀ སཧསྶཡོདྷབལཉྩ དིསྭཱ ཨཏིཝིཡབྷཱིཏོ ཋཱཏུཉྩ རཉྙོ ཨཱཎཏྟིབལེན གཏྟུཉྩ ཀིམཔི བྷཱཎིཏུཉྩ ན སཀྐོཏི, རཱཛཱ ཏདཝཏྠཾ ཏཾ དིསྭཱ ལདྡྷཱབྷཡོསི ཨིམཙྪིཏཾ ཏེ ཀཐེཧཱི’ཏི ཨཱཧ, དྷམྨིཀོ རཱཛཱ ན མེ ཀིཉྩི བྷཡཾ ཨུཔྤཱདེསྶཏིཏི ཉཏྭཱ རཱཛཱནམེཝ མཱཧ ‘‘དེཝོ ཛཱནཱཏིཡེཝ སབྦེསཾ སཏྟཱནཾ ཨཱཧརཊྛིཏིཀཏཾ, ཏཐཱཧི ཨུདྡྷལོཀཝཱསིནོ དེཝ སུདྷཱབྷོཛནེན པཱིཎིཏཱ ཛཱིཝནྟི, ཨདྷེ ལོཀཝཱསིནེ ནཱགཱ བྷེཀབྷོཛནེན སུཧིཏཱ ཝསནྟི མནུསྶཱ ཁཛྫཀཱདིནཱནཱཝིདྷེན ཨཱཧཱརཛཱཏེན པཱིཎིཏཱ ཛཱིཝནྟི. ཨམྷཱདིསཱ ཡཀྑ རཀྑསཱདཡོ པན མཾསལོཧི སསྶཱདཏོ ཏུསྶནྟི? ཏེསྭཧ མཉྙཏརོ ཚཱཏེ ཙ པིཔཱསིཏེ ཙ ཏཱདིསཾ ཀརུཎཱཔརཱཡཎཾ མཧཱཔུརིསཾ དིསྭཱཔི ཨཔརིཔུཎྞམནོརཏོ མཎྡབྷཱགདྷེཡྻོ སོཙཱམཱི’’ཏི ཨཱཧ.

༦༣. ཏནུཏྩམཝོཙ ‘‘མཏཀལེབརཱནི ཁཱདིཏྭཱ ཝསཱམི‘‘ཏི སཙྩཾ མཧཱརཱཛ! མཏསརཱིརཾ སུཀྑཔཎྞཾ ཝིཡ ནཱིརསཾ ཀིཾ མེཏཱཡ དུཛྫཝིཀཱཡ པསཱིད དེཝ! ཝརཾ མེ དེཧི ནཝ ཝིསཡེཐིཏ མནུསྶོ ཨེཀོ ཛནཔདོ གོཙརཏྠཱཡ མེ དཱིཡཏུ, ཏཏྠ མནུསྶཱནཾ ཨནཔགཏུཎྷཝེགཾ ཛཱིཝརུདྷིརཉྩ ཛཱིཝམཾ སཉྩ ཁཱདིཏྭཱ ཙིརཾ སུཁེན ཛཱིཝིཏུཾ སཀྐཱ’ཏི ཨཱཧ. ཨཐ རཱཛཱ ཨརེཔཱཔིམ! རཀྑས! ནཱཧཾ པཱཎཝདྷཾ ཨནུཛཱནིསྶཱམི ཙཛེཏཾ ཏཝ གཱཧཝིཀཱརནྟི. ‘‘ཏེནཧི དིནེ དིནེ ཨེཀཾ མནུསྶབལིཾདེཧི’’ཏི. ཛཱིཝབལིམེཀམྤི ན དེམཱིཏི ཝུཏྟེ ‘‘སཙྩ མེནཾ མཾདིསཱན ཀཔྤ རུཀྑཱཔི ཨཝཀེསིནོ ཛཱཡནྟཱིཏི ཧཱ ཧཏོསྨི ཀིམཧཾ ཀརོམཱི’’ཏི ཝིསཱད དིནྣཡནོ དུམྨུཁོ དོམནསྶཔྤཏྟོ ཨཔྤཊིཧཱནོ ཨཊྛཱསི.

༦༤. ཨཐ ཏསྶ ནརིཎྡསྶ ཀརུཎཱབྷཱུཡསི ཏཧིཾ ཛཱཡམཱནཱ མནོཏསྶ ཝིརཏྱཱ ཝྱཱཀུལཾ ཨཀཱསི. ཨཐ རཱཛཱ ཨེཝཾ པརི ཝིཏཀྐེསི.

༦༥.

ནཱནུསྶརཱམི ཝཏ ཡཱཙིཏུ མཱགཏཱནཾ,

ཨིཙྪཱཝིགྷཱཏ པརིཏཱཔ ཧཏཛྫུཏཱིཏི;

ཧེམནྟ ནིབྦཧིམམཱརུཏ ནིསྶིརཱིཀ,

པངྐེརུབྷེཧི སདིསཱནི མུཁཱནི ཛཱཏུ.

༦༦. ཨེཏསྶ རཀྑསྶ པརེསཾ དུཀྑམཱ པཱདཡིཏུཾ ན ཀདཱཙི སཀྐཱ, ཨཧཉྩ ཨཛ྄ཛྷཏྟིཀ དཱནཾ ཀདཱདསྶཱམིཏི པཏྠེམི, ཏདིདཾ པཏྟཀཀཱལཾ ཛཱཏཾ, སཀ སརཱིརསྶ ཨཧམེཝ ཨིསྶརོ, མམ མཾསལོཧིཏེན ཨེཏཾ སནྟཔྤཡཱམཱིཏི ཀཏ ནིཙྪཡོ ཨམཙྩེ ཨཱམནྟེཏྭཱ ཨེཝམཱཧ.

༦༧. ¶

ཨིམཾ སརཏྟཾ པིཡིཏཾ སརཱིརཾ,

དྷཱརེམི ལོཀསྶ ཧིཏཏྠ མེཝ;

ཨཛྫཱཏིཐེཡྻཏྟ མུཔེཏི ཏཉྩེ,

ཨཏོ པརཾ ཀིཾ པིཡ མཏྠི མཡ྄ཧཾ.

ཨམཙྩཱ ཨེཝམཱཧཾསུ ཨེཀསྶ རཀྑསྶ ཨཏྠཱཡ སཀལ ལོཀཾ ཨནཱཐིཀཏྟུ མིཙྪཏོ ཀོཡཾ དྷམྨ མགྒོ དེཝསྶ ཨཐ རཱཛཱ ཨེཝམཱཧ.

༦༨.

ནིཙྩོ པཧོགསྶ དྷནསྶ ཙཱཔི,

ན ཡཱཙཀེ དཊྛུ མཧཾ ལབྷཱམི;

ཨེཝཾ ཝིདྷཾ ཨཏྠི ཛནནྟུ ལདྡྷུཾ,

ན དེཝཏཱ རཱདྷནཱཡཔི སཀྐཱ.

༦༩. ཨཔེཐ ཏུམྷེ ན མེ དཱནནྟརཱཡཾ ཀརོཐཱ’ཏི ཨཱཧ. ཨཐ ཨམཙྩཱ ཡདིཙཱཡཾ ནིཙྪཡོ ཨཔརིཙྩཛནཱིཡོ ཨམྷེསུ ཨེཀེཀ མེཝ དིནེ དིནེ རཀྑསྶ བལིཀམྨཱཡ ཧོཏཱུཏི ཨཱཧཾསུ. ཨཐ རཱཛཱ ‘‘ཨཧམེཝ ཛཱིཝནྟོ ཨེཝཾ ནཱནཱཛཱནིསྶཱམི’’ཏི སལླཀཏྟཾ སཱིགྷཾ ཨེཏྠ ཨཱནེཧཱིཏི སཾཝིདྷཧི. ཨཐ ཏཏྠ སམཱགཏཱ སབྦེ ཛནཱ ཏཾ པཝཏྟིཾ སུཏྭཱ ཏསྶ གུཎེ ཨནུརཏྟཱ སོཀེན ཀམྤམཱནཱ ཏཧིཾ པཏིཊྛིཏེན པཊིགྷེན ཨཏི ཀུདྡྷཱ ཝིསུཾ ཝིསུཾ ཨེཝམཱཧཾསུ.

༧༠. ཨེསོ རཀྑསོ སཱིསཙྪེདམརཧཏིཏི ཀེཙི, ཀཱལ མེགྷ སདིས མེཏསྶ མཧཱ སརཱིརཾ ཨནེཀ སཏཱནཾ སརཱནཾ ཏུཎིརབྷཱཝཾ ནེཏུམརཧཏཱིཏི ཀེཙི, ཨནེཀེསཾ ཁེཔན སཏྠཱནཾ ལཀྑབྷཱཝཾ མུཔནེཏུཾ ཡུཏྟམིཏི ཙ པརེ, ཨསིཀདལིཀཱིལཱཡ ཝཛ྄ཛྷོཡམིཏི ཨཉྙྙོ ཏེལཙོལེན ཝེཋེཏྭཱ མཧཏཱ པཱཝཀེན ཨུཛྫཱལེཏྭཱ དཧིཏབྦོཡམིཏི ཨཔརེ, ཨིདཾ སབྦཾ རཱཛཱནཱནུ ཛཱནཱཏི. ཨིམཾ ཨསཔྤུརིསཾ ཛཱིཝགཱཧཾ གཧེཏྭཱ རཛྫཱུཧི གུལ༹པིཎྜཝེཋནཾ ཝེཋེཏྭཱ བཎྡྷནཱགཱརེ པཀྑིཔི ཏབྦནྟི ཨཉྙེ ཨེཝམེཝཾ ཏཏྠ བཧུདྷཱ ཀཐེནྟཱནཾ ཀཊུཀཏརཾ ཝདྷཝིདྷཱནཾ ཡཀྑོ སུཏྭཱ ཏསིཏོ མིལིཏཀྑམཏདེཧོ ཝིཡ ནིཙྩལོཝ ཋིཏོ, ཨཐ སོ རཱཛཱ ‘‘ཨེཧི སཁེ རཀྑས! མཧོཔཀཱར ཀརཎ བྷཱུཏ!

༧༡.

དེཡྻཉྩ དཱནཔྤཝནཉྩཙིཏྟཾ,

ཨཏྠི ཏུཝཾ ལོཧིཏ མཾསཀཱམཱི;

སམེཏུ མེཏཾ ཧིཏཱཡ དུརཱཔཾ,

མནོ རཐོ སིཛ྄ཛྷཏུ ནོ ཨུབྷིནྣནྟི.

ཝཏྭཱ ‘‘མམ སརཱིརཏོ དཱིཡམཱནཾ ཛཱིཝམཾསཾ ཛཱིཝརུདྷིརཉྩ མཡི ཨནུགྒཧེན སམྤཊིཙྪཱ’ཏི རཀྑསྶ ཝཏྭཱ སལླཀཏྟཱབྷིམུཁཾ དཀྑིཎབཱཧུཾ པསཱརེསི མཾསཀཏྟནཱཡ.

༧༢. ¶ ཨཐ སོ ཡཀྑོ ཨུབྷོ ཀཎྞེ པིདྷཱཡ སནྟཾ པཱཔཾ པཊིཧཏམམཾགལཾ རཉྙོ སོཏྠི བྷཝཏུ, ཀིམིདམཱཔཏིཏཾ མཧཏཱ མེ པཱཔ ཝིཔཱཀེན ཛཱིཝཏུ མིཙྪཏོ ཝིསབྷོཛནམིཙྩ, ཨཱཏཔཏིལནྟསྶ དཱཝགྒི པརིཀྑེཔོ ཝིཡ ཙ ཡདི ཨཱིདིསོ མེ སཾཀཔྤ མཧཱརཱཛེ སམུཛྫོ ཡེཡྻ དེཝ དཎྜོ མེ སིརསི ཨདྡྷཱ པཏཏཱུཏི, ལོཀཔཱལཱཔི མེ སཱིསཾ ཚིཎྡནྟི ནཱཧ མེཝཾ ཝིདྷམཔརཱདྷཾ ཀརིསྶཱམཱི’ཏི ན སམྤཊིཙྪི,

༧༣. ཨཐ རཱཛཱ ཏེན ཧི ཡཀྑ! ‘‘ཀིཾ ཏེ མཡཱ ཀཱཏབྦནྟཱི’ཏི ཨཱཧ. ཨཐ སོ རཀྑསོ མཧཱཛནཱནཾ ཝདྷ ཝིདྷཱནེན རཉྙོ ཨཱནཱཡ ཙ བྷཱིཏོ སནྟཏྟོ ‘‘དེཝ! ནཱཧ མཉྙཾ པཏྠཡཱམི ཀིནྟུ ཨིཏོཔྤབྷཱུཏི རཱཛཱརཧེན བྷོཛནེན གཱམེ གཱམེ ཨུཔཧཱརབལིཾ ལདྡྷུཀཱམོམྷི’ཏི ཨཱཧ ཨཐ རཱཛཱ ‘‘ཨེཝཾ ཀརོནྟུ རཊྛཝཱསིནོ’’ཏི ནགརེཝ སཀལ རཊྛེ ཙ བྷེརིཾ ཙརཱཔེཏྭཱ པཱནཱཏིཔཱཏ ཝིརམཎཱཡ ཨོཝདིཏྭཱ ནཾ ཡཀྑཾ ཨུཡྻོཛེསི.

ཨིཏི རཏྟཀྑིདམན པརིཙྪེདོ ཚཊྛོ.

ཨཐ ཀདཱཙི ཝསྶཱདྷིཀཏཱནཾ དེཝཏཱནཾ པམཱདེན ཨཝགྒཧོ པཱཏུརཧོསི.

༧༤.

ནིདཱགྷཝེགེན རཝི པཏཱཔི,

ཨུཎྷཱབྷིཏཏྟཱ པཙནོ བརོ ཙ;

ཛརཱཏུརེཝཱསིསིརཱ དྷརཱ ཙ,

པིཝིཾསུ ཏེ སབྦདྷི སབྦིམ མྦུ.

༧༥.

ཨནེཏཱབྷུསུཎེཧན ཝིཔཙྩམཱན,

སནཱིསྶནམེབྷཱཧརིཏེཝ ཝཱཊཱི;

ཏིབྦཱཏཔཀྐཏྟཝནནྟརཱཛཱི,

རུནཱཀུལཱ ཁཱཡཏི ཝཱིརིཀཱནཾ.

༧༦.

ཝསྶཱནཀཱལེཔི པབྷཱཀརསྶ,

པཏཱཔསནྟཱཔིཏམནྟལིཀྑཾ;

སམཱཙིཏཾ པཎྜརཝཱརིདེཧི,

སཝཎྡནཱལེཔམིཝཱཏིརོཙཱི.

༧༧. ཨེཝཾ མཧཏཱ གིམྷཝིཔྥུརཎེན ནདཱིཏལཱ༹ཀསོབྦྷཱདཱིསུ སིཀཏཱཀདྡམཱཝསེསཾ སོསིཏེསུ ཀེདཱརེསུ མཏ སསྶེསུ བཧུདྷཱ ཨེལི༹ཏབྷཱུམིབྷཱགེསུ སལིལབྷཱཝེན ཀིལནྟེསུ མིགཔཀྑིསུ ཏཾ པཝཏྟིཾ སུཏྭཱ རཱཛ ཀརུཎཱཡ ཀམྤིཏཧདཡོ ཨཊྛངྒསཱིལཾ སམཱདིཡིཏྭཱ མཧཱཙེཏིཡངྒཎམཱགམྨ ཡཱཝ དེཝོ སབྦཏྠ ཝིཏྠ ཏཱཧི སལིལདྷཱརཱཧི སཀལ ལངྐཱདཱིཔཾ པིནེནྟོ ཝསྶཾ ཝསྶིཏྭཱ མཧཏཱ ཨུདཀཔྤཝཱཧེན མཾ ན པླཝཡིསྶཏི མརམཱནོཔི ཏཱཝ ན ཨུཊྛཧིསྶཱམཱིཏི དལ༹ྷཏརཾ ཨདྷིཊྛཱཡ ཏཏྠ སིལཱཔཏྠརེ སཡི.

༧༨. ¶ ཏཾཁཎེ ཏསྶ རཉྙེ དྷམྨཏེཛེན ཙཀིཏཱནཾ གུཎཔྤབཎྡྷེན ཙ པསནྟཱནཾ དེཝནཱགཡཀྑཱནཾ ཨཱནུབྷཱཝེན སམནྟཏོ ཝསྶཝལཱཧཀཱ ཨུཊྛཧིཾསུ ཏཐཱ ཧི.

༧༩.

དཱིགྷཱམིནནྟཱཝ དིསཱཔཡཱམཾ,

ཝིཏྠཱརཡནྟཱཝ ཏམཾ སིཁཱཧཱི;

ཚཱཡཱ གིརཱིནཾ ཝིཡ ཀཱལ༹མེགྷཱ.

༨༠.

གམྦྷཱིརདྷཱིརཏྠནིཏཱ པཡོདཱ,

ཏཧིཾ ཏཧིཾ ཝསྶིཏུམཱརབྷིཾསུ;

སམུནྣདཏྟཱ སིཁིནོ ཀལཱཔཾ,

སནྡྷཱརཡུཾ ཛཏྟམིཙུཏྟམངིགེ.

༨༡.

མུཏྟཱཀལཱཔཱ ཝིཡ ཏེཧི མུཏྟཱ,

ལམྦིཾསུ དྷཱརཱ པསམིཾསུ རེཎུ;

གཎྡྷོ སུབྷོ མེདིནིཡཱཝཙཱར,

ཝིཏཉྙམཱནོ ཛལདཱནིལེན.

༨༢.

ཛུཏཱིཧི ཛམྦུནདཔིཔྥརཱཧི,

མུཧུཾ དིསནྟེ ཨནུར ཛཡནྟི;

མེགྷསྶནཱལི༹ཏུརིཡཱནུཡཱཏཱ,

ཝིཛྫུལླཏཱ ནཙྩམིཝཱཙརིཾསུ.

༨༣.

ཀོདྷེན རཏྟཱ ཝིཡ ཏམྦཝཎྞཱ,

ནིནཱདཝནྟོ ཛཡཔཱིཏིཡཱཝ;

གཝེསམཱནཱ ཝིཡ གིམྷཝེརིཾ,

ཝྱཱཔིཾསུ སབྦཏྠ ཏདཱ མཧོགྷཱ.

༨༤. ཨེཝཾཝིདྷེ ཝསྶེ པཝཏྟེསི རཱཛཱ ནམཾ མཧོགྷོ ཨུཔྤིལཱཔདྷཱིཏི ན ཨུཊྛཱསིཡེཝ ཨཐ ཨམཙྩཱ ཙེཏིཡངྒཎེ ཛལནིགྒམཔཎཱལིཡོ ཐཀེསེཾ ཨནྟོ སམྤུཎྞཝཱརིཔཱུརོ རཱཛཱནཾ ཨུཔྤིལཱཔེསི. ཨཐ སོ ཨུཊྛཱཡ ཙེཏིཡསྶ མཧུསྶཝཱ ཝིདྷཱཡ རཱཛབྷཝནམེཝ གཏོ.

༨༥. ཏཏོ ཨདཎྜེན ཨསཏྠེན རཛྫམནུསཱསཏོ རཉྙོ ཨཙྩནྟམུདྲམཱནསཏྟཾ ཝིདིཏྭཱ ཨུནྣལཱ༹ ཀེཙི མནུསྶཱ གཱམཝིལོཔཱདིཀཾ ཨཱཙརནྟཱ ཙོརཱ ཨཧེསུཾ ཏཾ སུཏྭཱ རཱཛཱ ཏེ ཙོརེ ཛཱིཝགཱཧཾ གཱཧཱཔེཏྭཱ བཎྡྷནཱགཱརེ ཁིཔིཏྭཱ རཧསི ཏེསཾ རཏནཧིརཉྙཱདིཀཾ དཏྭཱ མཱ ཨེཝཾ ཀརོཐཱཏི ཨོཝདིཏྭཱ པལཱཔེཏྭཱ རཏྟིཡཾ ཨཱམཀསུསཱནཏོ ཚཝརཱུཔེ ཨཱནེཏྭཱ ཙོརཧིཾསཾཀཱརེནྟོ ཝིཡ ཨགྒིནཱ ¶ ཨུཏྟཱཔེཏྭཱ ནགརཏོ བཧི ཁིཔཱཔེསི ཨེཝཾ ཙོརབྷཡདྭ ཨཔནེཏྭཱ ཨེཀདཱ ཨེཝཾ ཙིནྟེསི.

༨༦. ཀིམནེན རཛྫཝིབྷཝེན, ཨིནྡཾ པརིཔུཎྞཾ སཀོསཾ སཔརཛནཾ སཧོརོདྷཾ སཱམཙྩཾ སཁཝཱཧནཾ རཛྫཾ ཀསྶཙི དཱནརཱུཔེན དཏྭཱ ཝནཾ པཝིསིཏྭཱ སཱིལཾ སམཱདཱཡ ཀཱཡཝིཝེཀཾ ཙིཏྟཝིཝེཀདྭ སམྤཱདེཏུཾ ཝཊྚཏཱིཏི ཨབྷིནིཀྑམནེ རཏིཾ ཛནེསི. ཏདཱ གོཋཱབྷཡོཔི ཨེཝརཱུཔཾ པཱཔཝིཏཀྐཾ ཨུཔྤཱདེསི. ཨེས རཱཛཱ དྷམྨིཀོ སདཱཙཱརཀུསལོ པཏིདིཝསཾ ཝཱིདྷཱིཡམཱནེཧི དསཝིདྷཀུསལཀམྨེཧི ཨཱཡུསཾཁཱརོཔིསྶ ཝཌྜྷཏི ཨུཔཔཱིལ༹ཀཀམྨཱནིཙ དཱུརམཔཡནྟི. ཏཏོཡེཝ ཙིརཏརཾ ཛཱིཝིསྶཏི ཨེཏསྶ ཨཙྩཡེན ཀདཱཧཾ རཛྫཾ ལབྷིསྶཱམི རཛྫཾ པཏྭཱཔི ཝཌཏརོ ཨཱཧཾ ཡུཝཛནསེཝནཱིཡཾ ཝིསཡསུཁཾ ཀཐམནུབྷཝིསྶཱམི སཱིགྷམིམཾ ཨིཏོ པལཱཔེཏྭཱ རཛྫེ པཏིཋཧིསྶཱམཱིཏི ཙིནྟེཏྭཱ བཧུཾ སཱརདྷནམཱདཱཡ ཨུཏྟརདྭཱརཏོ ནིཀྑམིཏྭཱ པུབྦཙོརེ སནྣིཔཱཏེཏྭཱ བལཀཱཡཾ གཧེཏྭཱ ཨཱགམྨ ནགརདྭཱརཾ གཎྷི ཏཾ པཝཏྟིཾ སུཏྭཱ རཱཛཱ ‘‘རཛྫཾ ཀསྶཙིདཏྭཱ ཨབྷིནིཀྑམནཾ ཀརིསྶཱམིཏི ཀཏསནྣིཊྛཱནསྶ མམ ཨཡཾ ཀེནཙི དེཝཱནུབྷཱཝེན སནྣིདྷཱཔིཏོ མཉྙེ ཨམཙྩཱ མཡཾ ཨནནུམཏཱཔི པུརཱཡུཛ྄ཛྷིཏུམཱར བྷནྟི ཨེཝཾ སཏི མཾ ནིསྶཱཡ ཨུབྷཡཔཀྑགཏསྶ མཧཱཛནསྶ ཝིཔུལཾ དུཀྑཾ ‘‘བྷཝིསྶཏི ཀིམནེན རཛྫེན ཕལཾ རཛྫཾ ཏསྶེཝ དིནྣཾ ཧོཏུ’’ཏི ཝཏྭཱ ཀཾཙི ཨཛཱནཱཔེཏྭཱ པརིསྶཱཝནམཏྟཾ གཧེཏྭཱ དུལླཀྑིཡམཱནཝེསོ དཀྑིཎདྭཱརེན ནིཀྑམིཏྭཱ མལཡདེསཾ གཙྪནྟོ

༨༧.

སདཱསནྟུཊྛཙིཏྟཱནཾ སཀྐཱ སབྦཏྠ ཛཱིཝིཏུ;

ཀུཏྲ ནཱམ ན ཝིཛྫནྟི ཕལམཱུལཛལླཱཡཱ.

༨༨. ཨིཏི ཙིནྟཡནྟོ ཀམེན གནྟྭཱ ཧཏྠཝནགལླཾ ནཱམ མཧནྟཾ ཨརཉྙཱཡནྟཾ པཱཝིསི, ཨཝིརལཔཝཱལཀུསུམཕལསཾཛནྣཝིསཱལསཱཁཱམཎྜལེཧི ཨུཙྩཱཝཙེཧི པནསྶཧཀཱརཀཔིཏྠ ཏིམྦརུཛམྦིརཛམྦུཝིབྷིཏ ཀཱམལཀ བྷརཱིཏ ཀཏིརཱིཊཀསཱལསརལཝཀུལ པུནྣཱག ནཱགཀནྡམྦཀཱསོཀ ནཱིཔཙམྤཀ བྷིནྟཱལཏཱལཔྤབྷཱུཏིཧི ཝིཝིདྷཏརུགཎེཧི སམཱཀིཎྞཾ ཝིཔུལཝིམལསིལུཙྩཡཔརིཡཔརིཡནྟསངྷཏནདཱིསམྦྷེདཏིཏྠོཔསཾཀནྟ ཝིཝིདྷམིགཡུཐཝིཧགཝགྒནིསེཝིཏཾ མཧེསཀྑ དེཝཏཱདྷིགྒཧཱིཏཾ ནཎྡནཝནཀམནཱིཡཾ སུལ༹བྷམཱུལཕལསལིལ སུཁོཔབྷོགརམཎཱིཡ ཏཾ མཧཱ ཀཱནྣཾ ཨོལོཀེཏྭཱ ཨིདཾ མེ ཏཔོཝནཾ བྷཝིཏུམརཧཏིཏི ཀཏཱལཡོ ཀཱཡཝིཝེཀཙིཏྟཝིཝེཀཱནཾ ལཱབྷེན ཨེཀགྒམཱནསོ མེཏྟཱཝིཧཱརམནུཡུཛནྟོཝཉྙཛཱིཝིཀཱཡ སཾཛནིཏསནྟོསཝིཔྥརཎཔིནཱིཏཀཱཡོ ཝཱསཾ ཀཔྤེཏི.

ཨིཏི ཨབྷིནིཀྑམནཔརིཙྪེདོ སཏྟམོ.

༨༩. ¶ གོཋཱབྷཡོཔི རཛྫཾ པཏྭཱ ཀཏིཔཱཧཙྩཡེན ‘‘མམ ཙཎྜཏཱཡ ཝཱིརཏྟོ པཛཱཝགྒོ མནཾ པཝིཊྛཾ སངྒྷབོདྷིཾ ཨཱནེཏྭཱ རཛྫཾ ཀཱརེཏུཾ ཀདཱཙི ཨུསྶཧཏཱི’’ཏི སཾཛཱཏཔརིསངྐོ ཏཾ མཱརཱཔེཏུཾ ཝཊྚཏཱིཏི ཨབྷིསཎྡྷཱཡ ‘‘སངྒྷབོདྷིརཉྙོ ཡོ སཱིསཾ ཨཱནེསྶཏི ཏསྶ སཧསྶཾ པཱརིཏོསིཀདྷནནྟི ནགརེ བྷེརིཾ ཙརཱཔེསི. ཏཏོ མལཡདེསསིཀོ ཀོཙི དུགྒཏཔུརིསོ ཨཏྟནོ ཀཙྩེན པུཊབྷཏྟ ཨཱདཱཡ ཝན མགྒེན གཙྪནྟོ བྷོཛན ཝེལཱཡ སོཎྜིསམཱིཔེ ནིསིནྣཾ སངྒྷབོདྷིརཱཛཱནཾ དིསྭཱ ཏསྶ ཨཱཀཔྤེན པསནྣཧདཡོ བྷཏྟེན ཏཾ ནིམནྟེསི རཱཛཱ ཏཾ ནསམྤཊིཙྪི. སོ པུརིསོནཱཧཾ ནིཧཱིན ཛཱཏིཡཾ ཛཱཏོ ན པཱཎཝདྷཾ ཛིཝིཀཱཡ ཛཱིཝནྟོ ཀེཝཊྚོ ཝཱ ལུདྡཀོ ཝཱ བྷཝཱམི ཨཐ ཀོ ཨུཏྟམ ཝཎྞེཧི པརིབྷོགཱརཧེ ཝཾསེ སཉྫཱཏོམྷི མམ སནྟཀམིདཾ བྷཏྟཾ བྷོཏྟུམརབྷཏི ཀལླྱཱཎ དྷམྨིཀོཏི ཏཾ པུནཔྤུན ཡཱཙི. ཨཐ རཱཛཱ

༩༠.

ཚཱཡཡ གེཧཾ སཱདྷཱཡ སེཡྻཾ ཝཏྠཾ ཏཙེནཙ;

ཨསནཾ ཐལཔཏྟེཧི སཱདྷེནྟི ཏརཝོ མམ.

༩༡.

ཨེཝཾ སམྤནྣ བྷོགསྶ ན ཏཎྷཱ པརསནྟཀེ;

ཏཝ ཛཙྩཱདིམུདྡིསྶ གརཧཱ མམ ན ཝིཛྫཏཱིཏི.

ཝཏྭཱ ན ཨིཙྪི ཨེཝ.

༩༢. ཨཐ སོ པུརིསོ བྷཱུམིཡཾ ནིཔཛྫནམསྶམཱནོ ནིབནྡྷིཏྭ ཡཱཙི. ཏཏོ ཏསྶ ནིབཎྡྷནཾ ནིཝཱརེཏུམསཀྐོནྟོ སགཱརཝཾ སོཔཙཱརཾ དཱིཡམཱནཾ བྷཏྟཉྩ སཀཔརཱིསྶཱཝནཔརཱིཔུཏཔཱནཱིཡཉྩཱ པརིབྷུཉྫིཏྭཱ ཧཏྠམུཁདྷོཝནེན པརིསམཏྟ བྷཏྟ ཀིཙྩོ ཨནྣོཧཾ ཀཏུཔཀཱརོ ཀཱིདིསམསྶ པཙྩུཔཀཱརཾ ཀརིསྶཱམིཏི ཙིནྟཡནྟོཝ ཏཾ ཨབྷིམུཁཱིཀརིཡ ‘‘ཨནུརཱདྷཔུརེ ཀཱ པཝཏྟཱི’’ཏི པུཙྪི, ཨཐ སོ པུརིསོ པུབྦརཱཛཱནཾ པལཱཔེཏྭཱ གོཋཱབྷཡོ ནཱམ རཱཛཱ རཛྫེཔཏིཊྛཧིཏྭཱ སིརི སངྒྷབོདྷིརཉྙོ ཡོ སཱིསཾ ཨཱདཱཡ དསྶེཏི ཏསྷ སཧསྶཾ པཱརིཏོསིཀདྷནནྟི ནགརེ བྷེརིཾ ཙརཱཔེསི ཀིརཱཏི སུཡཏི’’ཏི.

ཏསྶ ཝཙན སམནནྟརམེཝ ཏུཊྛཔཧཊྛཧདཡོ མམ སཧསྶཱརཧསཱིསདཱནེན ཨིདཱནི ཨེཏསྶ པཙྩུཔཀཱརོ ཀཏོ བྷཝིསྶཏི ཨཛ྄ཛྷཏྟིཀདཱནཏྟཱ དཱནཔཱརམིཏཱཝ ཀོཊིཔྤཏྟཱ བྷཝིསྶཏི ཨིདཉྩ ཝཏརེ-

༩༣.

ན པུཏི པུགཱིཕལམཏྟཀམྤི,

ཨགྒྷནྟི སཱིསཱནི ཙིཚིཝིཏཱནཾ;

སཱིསནྟུ མེ ཝཏྟཏི བོདྷིཡཱ ཙ,

དྷནསྶ ལཱབྷཱཡ ཙ ཨདྡྷིཀསྶ.

ཨཔི ¶ ཙ.

༩༤.

ནཱལི༹ཝནསྶེཝ རུཛཱཀརསྶ,

པུཏིཔྤདྷཱནསྶ ཀལེབརསྶ;

དུཀྑནྣུབྷུཏ པཊིཛགྒནྣེ,

སདཏྠཡོགཱ སཕལཾ ཀརོམཱིཏི-

ཙིནྟེཏྭཱ ཀཏཏིཙྪཡོ ‘‘བྷོ པུརིས སོབྷཾ པིརཱི སིརིསངྒྷབོདྷི རཱཛཱནཱམ, མམ སཱིསཾ གཧེཏྭཱ གནྟྭཱ རཉྙོ དསྶེཧཱི’’ཏི ཨཱཧ. སོ ཏཾ སུཏྭཱ ‘‘དེཝ ནཱཧམེཝཾ ཝིདྷཾ མཧཱཔཱཏཀ ཀམྨཾ ཨཱཝཛིསྶཱམ བྷཱཡཱམི’’ཏི ཨཱཧ.

༩༥. ཨཐ རཱཛཱ ‘‘མཱ བྷཱཡི ཀཧཱཔཎསགྒསྶལཱབྷཱཡ ཨཧམེཝ ཏེ ཨུཔཱསཾ ཀརིསྶཱམི ཀེཝལཾ ཏྭཾ མཡཱ ཝུཏྟནིཡཱམེཝ པཊིཔཛྫཱ’’ཏི ཝཏྭཱ སཧསྶལཱབྷགིདྡྷེན ཏེན པཐིཀཔུརིསེན ཨདྷིཝཱསིཏེ སཱིསཙྪེདཱཡ སཏྠཾ ཨལབྷམཱནོ དྷམྨཱདྷིཊྛཱནཏེཛ སཱ སཱིསཾ སནྡྷིཏོ ཝིསུཾ ཀརིཏྭཱ དསྶཱམཱིཏི ཙིནྟེཏྭཱ པལླངྐཾ སུཎྠིརཾ བཎྡྷིཏྭཱ མམེདཾ སཱིསདཱནཾ སབྦཉྙུཏཉཱཎ པཊིལཱབྷཱཡ པཙྩཡོ བྷཝཏཱུཏི སོམནསྶཔུབྦཀཾཔཏྠནཾ ཀཏྭཱ ཏཾ པུརིསཾ ཨཏྟནོ སམཱིཔཾ ཨཱམནྟེསི. སོ ཨདྷིཀཔུརིསོ པུབྦེ ཨདིཊྛཱསུཏཔུབྦདུཀྐརཀམྨ དིནྣཾ སཱིསཾ གཧེཏྭཱ ཨནུརཱདྷཔུརཾ གནྟྭཱ དིསྶེམི ཀོཏཾ སཉྫཱནཱཏི ཀོཏཾ སདྡཧིསྶཏཱིཏི, ཨཐ སོ གོཋཱབྷཡོ སཙེ ཏེན སདྡཧིསྶཏི ཨཧཝེཏྠ སཀྑིཧུཏྭཱ སཧསྶཾ དཱཔེསྶཱམི ཏཡཱཏུ ཏཏྠ ཨེཝཾ ཀཏྟབྦ’’ནྟི པཊིཔཛྫིཏབྦཱ ཀརཾ ཨུཔདིསིཏྭཱ ཨེཧིསཔྤུརིས མྨ སནྟིཀེ མྦཎཏོ ཧུཏྭཱ ཨུབྷཡརྟྠལཱནཾ ཨེཀཱིཀརཎཝསེན ཨཉྫལིཾ ཀཏྭཱ བཱཧུཾ པསཱརེཧཱིཏི ཝཏྭཱཨུབྷོསུ པསྶེསུ ནཱིལམཉྙཱསམཉྙཱནཾ ནཱལིནཾ ཨུཛུབྷཱཝཱཔཱདནེན ཀཎྜྷནཱལ༹ཾ སམྨཱ ཋཔེཏྭཱ སལིལཔརིསྶཱཝནྣེ སཱིསསཎྡྷིཾ ཛལ ལེཁཱཡ པརིཙྪཎྡིཏྭཱ སཀེན དཀྑིཎ ཧཏྠམུཊྛིནཱ ཙུལཱབདྡྷཾ དལ༹ྷཾ གཎྷིཏྭཱ ཡཱཝ མམ སཱིརཾ ཨཱདཱཡ ཨདྡྷིཀཾ པུརིསསྶ ཧཏྠེ སམཔྤེམི ཏཱཝ མམ ཙིཏྟཀིརིཡ ཝཱཡོ དྷཱཏུཝེགོ ཨཝིཙྪིནྣོ པཝཏྟཏཱུཏི ཨདྷིཊྛཱཡ ཙུལཱ༹བདྡྷཾ ཨུདྡྷཱབྷིམུཁཾ ཨུཀྑིཔི. ཏཱཝདེཝ སཱིསབཎྡྷོ པུཐུབྷཱུཏོ ཧུཏྭཱ ཏེན དཀྑིཎ ཧཏྠ མུཊྛིནཱགཧིཏོཡེཝ པགྒྷརནྟིཡཱ ལོཧིཏདྷཱརཱཡ སདྡྷི ཨདྡྷིཀསྶཧཏྠཏཱལེ པཏིཊྛཱསི, ཏསྨིཾཡེཝ ཁཎེ ཝནཱདྷིཝཏྠཱ དེཝཏཱ སཱདྷུཝཱདམུཁརཱ པུཔྥཝསྶཾ ཝསྶཱཔེཏྭཱ སཱིསསྶ ཨཱརཀྑཾ གཎྷིཾསུ.

༩༦.

སཾསཏྟརཏྟ ཀལལེ དྡྷིཀཔཱཎིཁེཏྟེཏ,

ནིཀྑིཏྟ སཱིས ཝརབཱིཛ སམུབྦྷཝཱཡ;

ཨེཏསྶ དཱནམཡ པཱརམིཏཱལཏཱཡ,

སབྦཉྙུཏཱ ཕལརསོ ཛནཏཾ དྷིནོཏུཾ.

༩༧. ¶ ཨཐ སོ ཨདྡྷིཀཔུརིསོ སུགཎྡྷཝན ཀུསུམ མཱལཱཧི ཏཾ སཱིསཾ ཨལཾཀརིཏྭཱ པུགཀུཧུལིཀཱཔུཊེ པཀྑིཔིཏྭཱ སཱིགྷགཏི ཝེགེན ཨནུརཱདྷཔུརཾ གནྟྭཱ གོཋཱབྷཡསྶ དསྶེསི, སོ ཏཾ དིསྭཱ སཉྫནིཏུ མསཀྐོནྟོ སཾསཡཔྤཏྟོ ཨཊྛཱསི. ཨཐ ཨདྡྷིཀཔུརིསོ རཉྙཱ ཝུཏྟཝིདྷི མནུསྶརནྟོ ཏཾ སཱིསཾ གཧེཏྭཱ ཨཱཀཱསེ ཁིཔིཏྭཱ ‘‘སཱམི! སིརིསངྒྷབོདྷིམཧཱརཱཛ! ཏྭ མེཏྠ མེ སཀྑིབྷཝཱ’’ཏི ཨཉྫལིམྤགྒཧེཏྭཱ ཨཱཀཱས མུདྡིཀྑམཱནོ ཡཱཙི, ཨཐ ཏཾ དེཝཏཱདྷིགྒཧིཏཾ སཱིསཾ ནིརཱལམྦེ ཨམྦརེ ལདྡྷ པཏིཊྛཾ གོཋཱབྷཡསྶ ཨབྷིམུཁཾ ཧུཏྭཱ.

༩༨.

རཱཛཱ ཧམེཝ སུཧདོ སིརིསངྒྷབོདྷི,

སཱིསཔྤདཱན ཝིདྷིནཱསྨི སམིདྡྷིཙིཏྟོ;

ཏྭཾ ཙཱསི རཛྫ སིརིལཱབྷ སུཁེན དེཝ,

ཨེསོཝ ཧོཏུ པཊིཔནྣ སཧསྶལཱབྷོ’ཏི ཨཱཧ.

༩༩. ཏཾ སུཏྭཱ གོཋཱབྷཡོ སཱམཙྩོ ཝིམྦྷཱིཏཧདཡོ སཱིཧཱསནཾ སཛྫེཏྭཱ ཨུཔརི སེཏཙྪཏྟཾ ཀཱརེཏྭཱ ཨིདྷ དེཝ! ཨོཏརཱཏི ཡཱཙིཏྭཱ ཏཏྠ ཨོཏིཎྞཾ ཏཾ སཱིསཾ ནཱནཱཝིདྷཱཧི པཱུཛཱཧི ཨཱརཱདྷེཏྭཱ ནམསྶམཱནོ ཁམཱཔེཏྭཱ མཧཏཱ མཧེན ཨཱལཱ༹ཧནཀིཙྩཾ ཀཱརེཏྭཱ ཨངིཀཾ ཀཧཱཔཎསཧསྶེན ཏོསེཏྭཱ ཨུཡྻོཛེསི.

ཨིཏི ཨཛ྄ཛྷཏྟིཀདཱན པརིཙྪེདོ ཨཊྛམོ.

༡༠༠. སིརིསངྒྷབོདྷི རཉྙོ མཧེསཱི པན རཉྙོ པལཱཏབྷཱཝཾ ཉཏྭཱ ‘‘ཨཧཉྩ ཏཾ ཨནུབྦཛཱམི’’ཏི ཨཉྙཏར ཝེསེན དཀྑིཎདྭཱརེན ནིཀྑམིཏྭཱ མགྒཾ ཨཛཱནནྣི ཨུཛུཀམགྒཾ པཧཱཡ ཏཾ ཏཾ གཱམཾ པཝིསིཏྭཱ སཱམིཀཾ ཨཔསྶནྟཱི བྷཡེན སཱལིནྟཱཡ ཙ པཙྪིཏུམྤི ཨསཧམཱནཱ མལཡ དེས མེཝ གཏོཏི ཙིནྟེཏྭཱ ཝངྐམགྒེན གཙྪནྟཱི ཀོམལཏཱཡ སཱིགྷཾ གནྟུམསཀྐོནྟི ཀཱལཾ ཡཱཔེཏྭཱ ཏསྶ ཨརཉྙཱཡཏནསྶ སམཱིཔགཱམསྨིཾ རཉྙོསིསདཱནཔྤཝཏྟིཾ སུཏྭཱ ‘‘སཱ ཧཾ ཝརཱཀཱི དསྶནམཏྟམྤི ནཱལཏྠ’’ནྟི སོཀ པརིཔུཎྞཧདཡཱ ཏམེཝ ཝནསཎྜཾ ཨདྷིརུཡ྄ཧ བྷཏྟུནོ ཀལེབརཾ ཝིཙིནནྟཱི སམཱིཔགཱམེསུ མཧཛནཾ པུཙྪནྟི ཨཝནྡིནསངིཀེཏཏྟཱ ཏཏྠ ཏཏྠ ཝིཙརནྟཱི སམཱིཔགཱམཝཱསིནོ བཱལཀཱ གོཔཱལཀཱ ཀཊྛབྷཱརིཀཱ ཨིཏྠིཡོ ཙ ཨེཏིསྶཱ ཝིལཱཔཾ སུཏྭཱ ཀམྤིཏ ཧདཡཱ ཏཱཡ སདྡྷིཾ ཝིཙརནྟཱི. སཱ ཨེཝཾ ཙིལཱུཔམཱནཱ བྷཱིམིཡཾ སུཔུཔྥིཏཾ ཝིམལཝཱལུཀཾ ཝནགུམྦཾ དིསྭཱ ཏཏྠ ནིཔཏིཏྭཱ བྷཱུམིཡཾ པརིཝནྟམཱནཱ ཨཏིཀརུཎཾ ཝིལཱཔམཀཱསི, སོ པདེསོ ཨཛྫཱཔི ཝིདྷཝཱཙན’’ནྟི ཝོཧཱརཱིཡཏི.

༡༠༡. ¶ སཱ མཧཏཱ རོདནྟེ རོདནེན ཏཾརཏྟིཾཏ ཏྠེཝ ཁེཔེཏྭཱ པུན དིཝསེ ཨིཏོ ཙིཏོ ཙ ཝིཙརནྟི མཧཏཱ སོཀགྒིནཱ ཌཡ྄ཧམཱནཱ སནྟཱཔཾ ཨདྷིཝཱསེཏུཾ ཨསཀྐོནྟི ཨེཀསྨིཾ ཁུདྡཀ ཛལཱསཡེ ནིཔཏིཏྭཱ ནིམུགྒཾཡེཝ མུཙྪཱཝེགེན དྭེ ཏཡོ མུཧུཏྟེ ཨཏིཝཱཧེཏྭཱ ཨུཔལདྡྷཔཊིབོདྷཱ པརིལཱ༹ཧཾ ནིབྦཱཔེསི, ཏཾ ཋཱནམེཏརཧི ཙ ‘‘ནིབྦཱཎ པོཀྑརཎཱི’’ཏི ཙ སམཉྙཾ ཨལབྷི.

༡༠༢. ཏཏོ ཨུཊྛཧིཏྭཱ ཨནུབྷཱུམིཾ ཨནུརུཀྑཾ ཨནུསིལཱ ཏལཾ གཝེསམཱནཱ སོཎྜི སམཱིཔེ སཡམཱནཾ དེཝཏཱདྷིགྒཧེན སིགཱལཱདཱིཧཨནུཔཧཏཾ སུཀྑཾ ཀཝཎྡྷརཱུཔཾ དིསྭཱ སོཀཝེག ཕལིཔཏནེཝ ཧདཡེན དལ༹ྷཏརཾ ཏཾ ཨལིཾགིཏྭཱ སཡི, ཏཱཝ བྷོནེ ཝེཀལླེན དུརཱགམནེན ཏཏྠ ཏཏྠ ནིཔཏིཏ སརཱིར གྷཱཏེན ཙ ནིལནྟ རཱུཔཱ མུཙྪཱ སམཀཱལམེཝ ཀཱལམཀཱསི.

༡༠༣. སམཱིཔགཱམ ཝཱསིནོ སནྣིཔཏིཏྭཱ མུདྡྷཱབྷི སིཏྟསྶ རཉྙོ ཙ མཧེསིཡཱ ཙ སརཱིརཾ ཨམྷཱདིསེཧི ཕུསིཏུཉྩ ན ཡོགྒཾ, ཝཏྟམཱནསྶ རཉྙོ ཨནིཝེདཡིཏྭཱ ཨཱལཱ༹ཧན ཀིཙྩཾ ཀཱཏུམྤི ན ཡུཏྟནྟི སམྨནེཏཏྭཱ ཝསྶཱཏཔ ནིཝཱརཎཱཡ ཀུཊིཾ ཀཏྭཱ ཏིརཙྪཱནཔྤཝེསནིསེདྷཱཡ ཝཏིཉྩ ཀཏྭཱ པཀྐམིཾསུ.

༡༠༤. གོཋཱབྷཡོ སིརིསངྒྷབོདྷིརཱཛསྶ ཨནཉྙ སཱདྷཱརཎ གུཎཔྤབཎྡྷཾ ཨནུསྶརནྟོ དཧརཀཱལཏོ པཊྛཱཡ ཝཏྠུཏྟཡ སརཎཔརཱཡཎཏཾ ནིཙྩཾ སཱིལརཀྑཎཾ སུགཏཱགམ ཝིཙིཀྑཎཏྟཾ སཀལཀལཱཀོསལླཾ རཛྫེ ཨནཏྠིཀཏཾ དཱནསོཎྜ ཏཾ རཀྑསདམནཱདིཀཾ དུཀྐརཙརིཏཀཉྩ ཏསྶ ནཱམ སཙེཏནསྶ ན པིཏིམཱཝཧཏི ཝིསེསཏོ ‘‘ཨདྡྷིཀདུགྒཏསྶ སཧསྶ ལཱབྷཱཡ སཧཏྠེན སཱིསཾ ཀཎྛནཱལཏོ ཨུདྡྷརིཏྭཱ དཱནཾ སཱིསསྶཱཔི ནིརཱལམྦེ ཨཱཀཱསེ ཨཝཊྛཱནཾཝྱཏྟཏརཱཡ གིརཱཡ སཱདྷིཔྤཱཡཉྩེཏཾ ནིཝེདནཉྩེཏི ཨཙྪརིཡཾ ཨབྦྷུཏཾ ཨདྷིཊྛཔུབྦཾ ཨསྶུཏ པུབྦཉྩ ནིམྨལཙརིཏཾ མམ མཧཱཔརཱདྷཀལངིཀེ ནེཝ སདྡྷིཾ ཙིརཀཱལཾ པཝཏྟཱིསྶཏི, ཨཧོ ཨཧཾ སུཙིརཊྛཱཡིནཱ ཨཱིདིསེན ཨཀིཏྟཱིསདྡེན སཱདྷུཧི ནིཎྡནིཡོ བྷཝིསྶཱམི ཝིསེསཏོ པན ནིཙྩཀཱལཾ ཀལྱཱཎ མིཏྟབྷཱུཏསྶ ཨཱིདིསསྶ མཧཱནུབྷཱཝསྶ ཨནཔརེདྷསྶ མཧཱཔུརིསསྶ རཛྫཾ ཨཙྪིཎྡིཏྭཱ ཝདྷཾ ཀཱརེསིཾ ཨཉྙདཏྠུ མིཏྟདུབྷིཀམྨེན ཨཧཾ པལི༹ཝེཋིཏོ བྷཝིསྶཱམི’’ཏི ཙིནྟེཏྟོཡེཝ བྷཡསནྟཱ པེཧི ནིཀྑནྟ སེདོ པཝེདྷམཱནོ ཀཐམིདིསཱ མཧཱཔཱཔཱ མོཙེསྶཱམཱིཏི ཨུཔ པརིཀྑཱི.

༡༠༥. ཨཐ ཏསྶ དཎྜཀམྨསྶ ཀརཎཝསེན ཨུལཱ༹རཾ ཏརཾ ཀུསལཀམྨཾ ཀཱཏབྦནྟི པཊིབྷཱཡི. ཨཐ སོ ཨམཙྩེ སནྣིཔཱཏེཏྭཱ ཏེཧི སདྡྷིཾ སམྨནྟེཏྭཱ ཀཏ ནིཙྪཡོ མཧཱ སངྒྷེནེཝ ཏཐེཝ ཨནུསིཊྛོ ¶ མཧཏཱ བལཀཱཡེན སདྡྷིཾ གནྟྭཱ ཏསྶ ཨརཉྙཱཡཏནསྶ ཨཝིདཱུརེ སེནཱསནྣིཝེསཾ ཀཱརེཏྭཱ ཏསྶ མཧཱཔུརིསསྶ དུཀྐརཔདཱན སཀྑཱིབྷཱུཏཾ པུཉྙཊྛཱནཾ སཡམེཝ གནྟྭཱ སོཎྜིཀཱ སམཱིཔེ ཨནུརཱུཔཊྛཱནཾ སལླཀྑེཏྭཱ ཨཏྟནོ རཱཛཱནུབྷཱཝཾ དསྶེནྟོ ཨཱལཱ༹ཧནཊྛཱནཾ དེཝནགརམིཝ ཨལངྐཱརཱཔེཏྭཱ ཀེཝལེཧི མཧནྟེཧི ཙཎྡནདཱརུཧི ཨུཙྩཏརཾ ཙིཏཀཾ ཀཱརེཏྭཱ བྷཱརེན པམཱཎེན ཙ རཉྙོ སཱིསསདིསཾ ཛམྦོནདཀནཀེཧི སཀཎྛ ནཱལ༹ཾ སཱིསཱཀཱརཾ སིཔྤིཧི ཀཱརེཏྭཱ ཀཝཎྡྷརཱུཔེ སངྒྷཊིཏྭཱ ཝིཝིདྷ རཏན སམུཛྫལཾ སུཝཎྞཀིརཱིཊཾ པིལཎྡྷཱཔེཏྭཱ མཧེསིཉྩ ཏཐེཝ ཨལཾཀརིཏྭཱ ཏེ ཨུབྷོཔི ཀཱགྷིཀཝཏྠསདིསེཧི མཧགྒྷ དུཀུལེཧི ཨཙྪཱདེཏྭཱ ཨནེཀརཏནཁཙིཏཾ སུཝཎྞསཡནཾ ཨཱརོཔེཏྭཱ ཙཎྡན ཙིཏཀམཏྠཀེ ཋཔེཏྭཱ པརིསུདྡྷཛོཏི པཱཝཀཾ ཛཱལེཏྭཱ ཨནེཀ ཁཏྟིཡཀུམཱརཔརིཝཱརིཏོ སཡམེཝ ཏཏྠ ཋཏྭཱ ཨནེཀསཔྤིགྷཊསཏེཧི སིཉྩིཏྭཱ ཨཱལཱ༹ཧན མཧུསྶཝཾ ཀཱརེསི.

༡༠༦. ཏཐེཝ དཱུཏིཡ དིཝསེཔི མཧཏཱ ཛཎེན ཨཱལཱ༹ཧནཾ ནིབྦཱཔེཏྭཱ ཏསྨིཾ ཋནེ ཙེཏིཡ བྷཝནཾ ཝཊྚུལཱཀཱརེཏུཾ ཝཊྚཏཱིཏི ཙིནྟེཏྭཱ ཨམཙྩེ ཨཱམནྟེཏྭཱ ཨེཏརཧི ཨནེཀབྷཱུམིཀཾ ཨཏིཝིསཱལཾ ཀནཀམཡ ཝཊྚུལགྷརཾ ཀཱརེཏུཾ སཀཏཱ ཨཱཡཏི པརིཧཱརཀཱནཾ ཨབྷཱཝེན ནཔྤཝཏྟཏི རཊྛཝིལེཔཀཱཔི སུཝཎྞལོབྷེན ནཱསེནྟི ཏསྨཱ ཨལོཧནཱིཡཾ སུཁཔརིཧཱརཱརཧཾ པམཱཎཡུཏྟཾ ཝཊྚུལགྷརཉྩ ཙེཏིཡཉྩ ནཙིརསྶེཝ ཀཱཏུཾ ཡུཏྟནྟི མནྟེཏྭཱ མཧཱབལཀཱཡཾ ནིཡོཛེཏྭཱ ཝུཏྟནིཡཱམེནེཝ དྭིབྷུམཀཾ ཝཊྚུལ བྷཝནཾ ནིམྨཱཔེཏྭཱ ཏསྶ ཨབྦྷནྟརེ སུགཏདྷཱཏུནིདྷཱནཾ པཱུཛནཱིཡཾ ཙེཏིཡཉྩ ཀཱརཱཔེཏྭཱ མཧུསྶདིཝསེ མཧཱསངྒྷསྶ ཏཾ དསྶེཏྭཱ ‘‘ཨེསོ བྷནྟེ སིརིསངྒྷབོདྷི མཧཱརཱཛཱ པུབྦེ ཨེཀཙྪཏྟེན ལངྐཱཏལེ རཛྫཾ ཀཱརེསི, ཨིདཱནི མཡཱ ཏསྶ རཉྙོ ཙེཏིཡརཱུཔསྶ ཀིཏྟིམཡ སརཱིརསྶ ཚཏྟཱདྷིཚཏྟཾ ཝིཡ དྭིབྷུམཀཾ ཝཊྚུལཝིམཱནཾ ཀཱརེཏྭཱ ཙེཏིཡསཱིསེ ཀིརཱིཊཾ ཝིཡ ཀནཀམཡཾ ཐཱུཔིཀཉྩ ཡོཛེཏྭཱ སབྦེཧི དེཝམནུསྶེཧི མཱན ནཱིཡཏཾ ཙཎྡནཱིཡཏཾཝ པཱཔིཏོ’’ཏི ཝཏྭཱ ཙེཏིཡགྷརསྶ ཨནེཀཱནི གཱམཀྑེཏྟཱནི པརོསཧསྶཾ པརིཝཱརཛནཾཙ ནིཡཱདེཏྭཱ པབྦཏཔཱདེ ཨནེཀསཏཔཱསཱད པརིཝེཎཙངྐམན རཏྟིཊྛཱན དིཝཱཊྛཱན དྷམྨསཱལཱགོཔུརཔཱཀཱརཱདི ཨཝཡཝསཧིཏེ ཝིཝིདྷེ སངྒྷཱརཱམེ ཀཱརེཏྭཱ ཏཏྠ ཝསནྟསྶ ཨནེཀཱནི སཧསྶསྶ བྷིཀྑུསངྒྷསྶ ནིཙྩཾ པཙྩཡལཱབྷཱཡ ཨནེཀཱནི སཔརིཛནཱནི གཱམཀྑེཏྟཱནི དཏྭཱ ‘‘མཧཱ ལེཁརཊྛསྶ སམུསྶིཏདྷཛཱཡམཱནོ ཨཡཾ མཧཱཝིཧཱརོལངྐཱ བྷཱུམིསཱམིཀཱནཾ ཁཏྟིཡ ཛནཱནཾ ཀུལདྷནབྷཱུཏོ སབྦེཧི ཁཏྟིཡེཧི ཨཔརིཧཱཔནིཡ ཝིབྷཝོ ནིཙྩཾ པཱལནཱིཡོ’’ཏི མཧཱཛནཀཱཡསྶ མཛ྄ཛྷེ ཁཏྟིཡ ཀུམཱརཱནཾ ཨཱདིསིཏྭཱ ཨནུརུདྷཔུརཾ ¶ གཏོཔི ཏསྶེ ཙ པཱཔཀམྨསྶ ནིརཱཀརནཱཡ ཏེསུ ཏེསུ ཝིཧཱརེསུ མཧནྟཱནི པུཉྙཀམྨཱནི ཀཱརོཔེསི, ཏཏོཔྤབྷཱུཏི ལངྐཱདྷིཔཙྩཱམུཔགཏེ ཧི ཁཏྟིཡེཧི མཧཱ མཙྩཱདཱིཧི ཙ སོ ཧཏྠཝནགལླམཧཱཝིཧཱརོ ཨནྟརཏྟརཱ པཊིསངྑརཱིཡམཱནོ ཨཔརིཧཱིན པརིཧཱརོ པཝཏྟཏཀི.

ཨིཏི ཝཊྚུལཝིམཱནུཔྤཏྟི པརིཙྪེདོ ནཝམོ.

༡༠༧. ཨཐཱཔརེན སམཡེན ཀདཱཙི ཀསྨིཾ ཝིཧཱརེ ནིཝསཏོ མཧཱ བྷིཀྑུསངྒྷསྶ ཨནྟརེ ཀེཙི མཧཱཐེརོ ཨམྦྷོཀཱསིཀོ ཧུཏྭཱ ཨནྟོཝིཧཱརེ ཨེཀསྨིཾ པདེསེ ནིསིདིཏྭཱ བྷཱཝནམནུཡུཛནྟོ ཝིཔསྶནཾ ཝཌྜྷེཏྭཱ མཧཱམེདནིཡཱ ནིགྒྷོསེན ཨཱཀཱསཾ པཱུརེནྟོ ཨརཧཏྟཾ པཱཔུཎི.

༡༠༨. ཏདཱ ཨུཔཏིསྶོ ནཱམ རཱཛཱ རཛྫཾ ཀཱརེནྟོ ནིསཱིཐསམཡེ བྷཡཱཝཧཾ ཏཾ པཐཝིསདྡཾ སུཏྭཱ ཀིཾ ཝཱ མེབྷཝིསྶཏིཏི སནྟཱཔེན ནིདྡཾ ཨལབྷམཱནོ སོཀེན སནྟཔྤེཏི, ཨཐ ཏཾ སེཏཙྪཏྟཱ དྷིཝཏྠཱ དེཝཏཱ ‘‘མཧཱཡི མཧཱརཱཛ! ཨིཏོ ཀཱརཎཱཀིདྭིཏེ ཨཝམངྒལཾ ནཏྠི ཧཏྠཝནགལླམཧཱཝིཧཱརེ ཀེཙི མཧཱཐེརོ ཨརཧཏྟཾ པཱཔུཎཱི’’ཏི ཨཱཧ, ཏསྶ ཨརཧཏྟཔྤཏྟིཀཱལེ པཐཝིནིགྒོསསྶ ཀཱརཎཾ ཀིཾཏུ ཝུཏྟེ སོ ཐེརོ པུབྦེ པུཉྙཀམྨཾ ཀརེནྟོ ཨཱཀཱསེན སདྡྷིཾ པཐཝིཾ ཨུནྣཱདེཏྭཱ ཨརཧཱ བྷཝེཡྻནྟི པཏྠནཾ ཋཔེསི ཏསྶ ཕལམིདནྟི སམསྶཱསེསི.

༡༠༩. ཏཾ སུཏྭཱ རཱཛཱ ཨཝསེསབྷིཀྑཱུནཾ ཨརཧཏྠཔྤཏྟིཏོ ཝིསིཊྛཏརོ ཏསྶ ཀིལེསཝིཛཡོཏི པསནྣཧདཡོ ཏཾ མཧཱཐེརཾ ནམསྶིཏྭཱ ཏསྶ ཨསཝཀྑཡསྶ མཧུསྶཝེ ཨཱསནབྷཱུཏཾ བྷུམིཔྤདེསདྭ པཱསཱདཀརཎཝསེན སམྨཱནིསྶཱམཱིཏི ཙིནྟེཏྭཱ མཧཱབལཀཱཡམཱདཱཡ ཏཏྠ གནྟྭཱ ཏསྨིཾ པདེསེ པཉྩབྷཱུམཀཾ མཧཱཔཱསཾ ཀཱརེཏྭཱ ཝིཝིདྷ ཙིཏྟཀམྨེཧི སམལངྐཱརཱཔེཏྭཱ ཀནཀ ཁཙིཏ ཏམྦམཡ པཏྠརེཧི ཚཱདེཏྭཱ དེཝཝིམཱནཾ ཝིཡ སཛྫེཏྭཱ ཏཾ ཁཱིཎཱསཝ མཧཱཏེརཾ སབྷིཀྑུསངྒྷཾ ཏཏྠ ཝཱསེཏྭཱ ཙཏཱུཧི པཙྩཡེཧི ཨུཔཊྛཱཔེཏྭཱ སཔརིཛནཱཏི གཱམཀྑེཏྟཱནི པཱསཱདསནྟིཀཱནི ཀཏྭཱ པཀྐཱམི.

༡༡༠. ཏཏོ དཱིགྷསྶ ཨདྡྷུནོ ཨཙྩཡེན མལཡདེསཝཱསིནོ ཀེཙི ཙོརཱ ཨེཀཏོ ཧུཏྭཱ གཱམཝིལོཔཾ ཀཏྭཱ མཧནྟེན དྷནལཱབྷེནམཏྟཱ དྷནཾ དཏྭཱ བལཀཱཡཾ ཨུཔྤཱདེཏྭཱ ཡེབྷུཡྻེ སེརིནོ ཧུཏྭཱ མཧནྟ མཧནྟེ ཝིཧཱརེཝ ཝིལུམྤནྣཱ སུཝཎྞཔཏྠརཙྪདནཾ གཎྷནྟཱ མཧཱཔཱསཱདཾ ཝིདྡྷཾསིཏྭཱ པཱཏཡིཾསུ.

༡༡༡. ཏདཱ མོགྒལླཱནོ ནཱམ རཱཛཱ རཛྫཾ ཀཱརེནྟོ ཏཾ པཝཏྟིཾ སུཏྭཱ ཏེསཾ སནྟིཀེ ཙརེ པསེཏྭཱ དཱནསཱམབྷེདེཧི ཨཉྙམཉྙཾ ¶ བྷིཎྡི, ཏེ ཙོརཱ བྷིཎྡནྟཱ ཨིཏརེཏརེཧི ཡུཛ྄ཛྷིཏྭཱ སཡམེཝ དུབྦལཱ ཨཧེསུཾ, ཨཐསོ རཱཛཱ ཏེ ཨསམགྒེ ཉཏྭཱ ཨཏྟནོ སེནཾ གཧེཏྭཱ ཏཏྠ གནྟྭཱ ཏེ ཝིསུཾ ཝིསུཾ གཧེཏྭཱ ནིགྒཡ྄ཧ རཊྛེ ཨབྷཡབྷེརིཾ ཙརཱཔེཏྭཱ ཛནཔདཾ སུཔྤཏིཊྛིཏཾ ཀཏྭཱ ཏེཧི ཨཔཝིདྡྷཝིཧཱརེ པཱཀཏིཀེ ཀཱརེཏྭཱ མཧཱཔཱསཱདཾ སུཝཎྞ གཎྷནཀཱལེ པཱཏེསུཾ ཏཱི སུཏྭཱ ‘‘པུབྦེཝིཡ སུཝཎྞཔཏྠརེཧི ཚཱདིཏོ པཙྪཱཔི ཨཱིདིསི ཝིཔཏྟིཛཱཡིསྶཏཱི’’ཏི ཉཏྭཱ ཏེབྷཱུམཀཾ ཀཱརེཏྭཱ ཡཐཱཔུརེ པཱསཱདཾ ནིམྨཱཔེཏྭཱ མཏྟིཀཱ པཏྠརེཧི ཚཱདེཏྭཱ ཝཊྚུལབྷཝནཾ པཊིསཾཁཱརེཏྭཱ སབྦསངྒྷཱརཱམཉྩ པཱཀཏིཀཾ ཀཱརེཏྭཱ པཀྐཱམི.

ཨིཏི པཱསཱདུཔྤཏྟི པརིཙྪེདོ དསམོ.

༡༡༢. ཨཐ ལངྐཱལངྐཱརབྷཱུཏེསུ ཝིསཱལཔུཉྙིདྡྷིཝིཀྐམེསུ རཏནཏྟཡམཱམཀེསུ ཨནེཀེསུ ལངྐཱནཱཐེསུ ཀིཏྟིཔུཉྫཱཝསེསེསུ ཛཱཏེསུ ཨཔེཏནཱིཏིམགྒེསུ རཛྫཔརིཔཱནོཙིཏཝིདྷཱནཝིརཧིཏེསུ མུདུབྷཱུཀེསྭེཝཱམཙྩཛནེསུཙ ཡེབྷུཡྻེན ཨཉྙམཉྙཾ ཝིརུདྡྷེསུ ཝཏྟམཱནེསུ ལངྐཱཝཱསཱིནཾ པུརཱཀཏེན ཀེནཱཔི དཱརུཎེན པཱཔཀམྨུནཱ ནཱནཱདེསཝཱསིནཱི ཨཝིདིཏསཏྠུསམཡཱ པཝིཊྛམིཙྪཱདིཋིགཧཎཱ པཙྩཏྠིསེནཱ ཛམྦུདཱིཔཱ ཨིདྷཱགམྨ སཀལལངྐཱདཱིཔཾ ཨནེཀཱཏངྐ སངྐུལམཀཱསི.

༡༡༣. ཏདཱཏཱཡ པཙྩཏྠིསེནཱཡ གཱལྷཏརཾ ནིཔྤིལི༹ཡམཱནཱ རཱཛ རཱཛ མཧཱམཏྟཱདཡོ ཨནེཀསཧསྶཛནཀཱཡཱ ཙ བྷཡཝཀིཏཧདཡཱསཀཏཱཎ གཝེསིནོ ཛཌྜིཏགཱམནིགམནགརཱ ཏཏྠ ཏཏྠ གརིདུགྒཱདོ ཀིཙྪེན ཝཱསཾ ཀཔྤེསུཾ ཏཏོ སུགཏདསནདྷཱཏུརཀྑཱདྷིཀཏཱ ཨུཏྟརམཱུལ༹ཝཱཡིནོ མཧཱཡཏཡོ དནྟདྷཱཏུདྭ པཏྟདྷཱཏུཝརདྭ གཧེཏྭཱ ཀུནྣམལཡཱབྷིདྷཱནཾ གིརིདུགྒཾ དུཔྤཝེསཾཛནཔདམུཔཱགམྨ ཏཏྠཱཔི ཏམྤཊིཛགྒིཏུམསམཏྠཱ བྷཱུམིཡཾ ནིདབྷིཏྭཱ ཡཐཱཀཱམཾ གཏཱ.

༡༡༤. ཏཏོ པུབྦེ ཛཡམཧཱབོདྷིདུམིཎྡེན སཧ སཀལཛམྦུདཱིཔཱདྷིཔཏིནཱ དིནཀརཀུལཏིལཀེན དྷམྨཱསོཀནརིཎྡེན པེསིཏཱནཾ ཨཏྟནཱ སམཱན གོཏྟཱནཾ རཱཛཔུཏྟཱནཾ ནཏྟཔནྣཏཱདིཔརམྤརཱགཏསྶ ཝིཛཡམལླནརཱདྷིཔསྶ ཨོརསཔུཏྟོ ཝིཛཡབཱཧུ ནརིཎྡཱ ནཱམ རཱཛཱ སུཙིཉྙཱཏབྦསམཡནྟརོ སཏྟསམཱཙིཎྞ སུནཱིཏིཔཐོ སམྤནྣབལཝཱཧནོ ཛམྦུདྡོཎིཾ ནཱམ པུརཝརཾམཱཔེཏྭཱ ཏཏྠ ཝསནྟོ མཧཏཱ བལཀཱཡེན ཀཏསཀལཔཙྩཏྠིཝིཛཡོཀུནྟ མལཡབྷཱུམིཔྤདེསཏོ བྷགཝཏོ དནྟདྷཱཏུབྷཊྚཱརཀཾ པཏྟདྷཱཏུཝརཉྩ ཨཱཧརཱཔེཏྭཱ སུརསནྡནསདིསམཏིཝིརོཙམཱནཾ ཝིམཱནཾ མཱཔེཏྭཱ ཏསྨིཾ ཏཾ དྷཱཏུཡུགལ༹ཾ ནིཝེསེཏྭཱ མཧཏཱ ཨུཔཧཱརཝིདྷཱནཱ སཱདརམུཔཊྛཧནྟོ ¶ བྷགཝཏོ ཙཏུརཱསཱིཏིདྷམྨཀྑཎྡྷནེ མཧནྟཾ པྲཉྙཱཔདཱནཾ ཛནཡནྟོ དྷམྨིཀསིརིསངྒྷབོདྷིམཧཱརཱཛསིརོདཱནཱཔདཱནསིདྡྷཀ ཁཏྟབྷུཏེ ཨནེཀཁཱིཎཱསཝསཧསྶ ཙརཎརཛོཔརིཔཱུཏམནོཧརབྷཱུམིབྷཱགེ གོཋཱབྷཡམཧཱརཱཛེན ཀཱརིཏེ ཧཏྠཝནགལླམཧཱཝིཧཱརམཎྜནཱཡམཱནེ ཝཊྚུལཝིམཱནེཔུརཱ རཊྛ ཝིལོཔཱགཏཱཡ ཙོལཀེ རལཱ༹དིཀཱཡ ཏིཏྠིཡསེནཱཡམཧཱཙེཏིཡཾ ཨུདརེ བྷིནྣམཏྟེ ཛཱིཝིཏེ ཝིཡ དྷཱཏུབྷཊྚཱརཀེ ཨནྟརཧིཏེ ཧདཡཝཏྠུམཾསམཱིཝ སུཝཎྞརནྟཱདིཀམ པཧརིཏྭཱ ཝིདྡྷསྟཾ པིཎྞུདྷཱརཝིདྷཱིནཱ པཊིསཾཝརོནྟོ པུཔྥཱདྷཱནཏྟ ཡཏོ པཊྛཱཡ སཀྐཙྩཾ ཝིནཱཔེཏྭཱ མཧནྟཾ སུཝཎྞ ཐཱུཔིཀཱམབྷདྭ ཀཱརེཏྭཱ སཔརིཛནཱནི གཱམཀྑེཏྟཱདཱིནི ཙ དཏྭཱ ཏཏྠ ནིཝསནྟཱནཾ བྷིཀྑཱུནཾ ནིབདྡྷདཱནཝཊྚཾ པཊྛཔེཏྭཱ ཏཾ ཧཏྠཝནགལླ མཧཱ ཝིཧཱརཾ སབྦཐཱ སམིདྡྷམཀཱསི.

༡༡༥. ཨཐ ཏསྨིཾ ལངྐཱནཱཐེ ཀིཏྟིསརཱིརཱཝསེསེ ཛཱཏེ ཏསྶ ཏུཛཝརོ པརཀྐམབྷུཛོ ནཱམརཱཛཱ ཨམྷཱཀཾ བྷགཝཏོ ཨརཧཏོ སམྨཱསམྦུདྡྷསྶ བོདྷིམཱུལེ ནིསཱིདིཏྭཱ མཱརབལཾ ཝིདྷམེཏྭཱ སམྦོདྷིརཛྫཔྤཏྟིཏོ པཊྛཱཡ ཨཊྛསཏཱདྷིཀཝསྶསཧསྶེ ཙཏུཝཱིསཏིཡཱ ཙ ཝཙྪརེསུ ཨཏིཀྐནྟེསུ སམྤཏྟརཛྫཱབྷིསེཀོ ཨནེཀཝིདྷསངྒཧཝཏྠུཧི སངྒཧིཏམཧཱཛནོ ཙཏུཔཙྩཡདཱནེན སཏཏསམཱརཱདྷིཏཱ ནེཀསཧསྶབྷིཀྑུསངྒྷོ བྷུཛབལཝིདྷུཏཱརཱཏིརཱཛཀུལཱཝལེཔོ ཨནེཀ མཎི རཏྟསམུབྦྷཱསིཏརཏནཀརཎྜཀཉྩ པཉྩཧི སུཝཎྞསཧསྶེཧི སོཝཎྞཀརཎྜཀཉྩ པཉྩཝཱིསཏིཡཱ རཛཏསཧསྶེཧི རཛཏཀཎྜཀཉྩ དཱཋཱདྷཱཏུབྷདནྟསྶ ཀཱརཱཔེཏྭཱ ཨཏཱིཙ པསནྣཧདཡོ སུཧུམུཏྟེན ཏཏྠ སམྤཡནྟོ ཨཏྟནོནགརཉྩ དྷནྟདྷཱཏུམཎྡིརཉྩ སཀྐཉྩཾ སམལངྐཱརཱཔེཏྭཱ བཧུམཱན པུརསྶརོདསནདྷཱཏུཝརམཱདཱཡ ཨནེཀཱནི བྷགཝཏོ ཙརིཡཱཔདཱནཱནཱི སམནུསྶརིཏྭཱ པུརཱ ནེཀབྷུཔཏཡོ པཱཊིཧཱིརསཎྡསྶནེན པསཱདིཏཱ ཨིཏི པཝཏྟཀཐཱམཏརསེནེཝ མེ སཝནཡུགལ༹ཾ པརིཔཱིནིཏམདྷུནཱཔི ཀེནཙི པཱཊིཧཱརིཡཝིསེསེན མམ ཙཀྑུཔཊིལཱབྷོ སཕལོ ཀཱཏབྦོཏི སཱདརམཱརཱདྷནམཀཱསི.

༡༡༦. ཏསྨིཾ ཁཎེ སཱ དསནདྷཱཏུ ཏསྶ ཀརཔངཀཛེ རཱཛཧཾསིཝིལཱསམཱཏནྭཏཱི པཱཊིཧཱིརམཀཱསི. ཀཐནྟི ཙེ? ཡཐཱ ཨནྟིམབྷཝེ མཱཏུ ཏུཙྪིཏོ ཛཱཏམཏྟོཝ བོདྷིསཏྟོ ནརཝརཀརཏོཔནཱིཏདུཀུལཙུམྦཊཀཏོ ཨོཏརནྟོཝ བཱལོ སམཱནོཔི སོལ༹སཝསྶུདྡེསིཀོ ཝིཡ ཨམཎྜིཏོཔི ཨནེཀཝཏྠཱབྷརཎཝིབྷུསིཏོ ཝིཡ བྷཱུམིཡཱ གཙྪནྟོཔི ཨཱཀཱསེན གཙྪནྟོ ཝིཡ སབྦེསཾ ཛནཱནཾ པཊིཧཱསི, ཏཐེཝ ཏཏྠ ཏདཱ དནྟདྷཱཏུབྷཊྚཱརཀོ སུགབིམྦཱ ཀཱར སལཀྑཎཱཝཡཝེན རཱུཔེན བྷཱསམཱནོ ཨནེཀཝིདྷརཾསིནིཀརེ ཝིཀིརནྟོ ཏཏྠ སནྟིཔཏིཏཱནཾ ཛནཱནཾ མཱནནཾ ཛཱནེསི. ཝུཏྟཉྷི.

༡༡༧. ¶

‘‘ལངྐཱདྷིནཱཐཀརཔངྐཛ རཱཛཧཾསི,

ནིམྨཱཡ སཱ དསནདྷཱཏུ མུནིཎྡརཱུཔཾ;

ནེཀེཧི རཾསིཝིསརེཧི སམུཛྫལནྟཱི,

སབྦཱདིསཱ ཙ ཝིདིསཱ སམལངྐརིཏྠ.

༡༡༨.

དིསྭཱ ཏམབྦྷཱུཏམཏཱིཙ པསནྣཙིཏྟོ,

སམྤཏྟཙཀྐརཏནོ ཝིཡ ཙཀྐཝཏྟི;

སེཊྛེཧི ནེཀརཏནཱབྷརཎཱདིཀེཧི,

པཱུཛེསི དྷཱཏུམསམཾ མནུཛཱདྷིནཱཐོ.

༡༡༩. ཏཏོ ཛིནདནྟདྷཱཏུཝརཔྤསཱདཀཱལམྷི ཏེཛོབལཔརཀྐམམཧིམོ པརཀྐམབཱཧུམཧཱནརིཎྡོ པུལཏྠིཔུརནིཝཱསིནིཾ ཀཏལོཀ སཱསནཝིལོཔཾ སརཱཛིཀམནེཀསཧསྶསཾཁ ཙོལཀེརལ༹ཝཱཧིནིཙ ནེཀདེསམཧིཔཱལམཏྟམཱཏངྒཀེསརིཝིཀྐམཾ དུརཏིཀྐམཾ ལོཀསཱསནསངྒཧཀརཎཝསེན ཝཙིཏསཀལལོཀཾ སམྤནྣབལཝཱཧནཾ ལངྐཱརཛྫགཧཎཏྠིནཾ ཏམྦལིངྒཝིསཡཱགཏམཏིསཱཧསཾ ཝནྡབྷཱནུམནུཛཱདྷིཔཾཝ སསཱམནྟཀབྷཝནམུཔནཱིཡ སཀལ ལངྐཱདཱིཔམེཀཙྪཏྟཾཝིདྷཱཡ ཨཏྟནོཔིཏུམཧཱརཱཛཏོ དིགུཎཾལོཀསཱསནསངྒཧཾ ཀརོནྟོ ཀདཱཙི སངྒྷསྶ ཀཋིནཙཱིཝརཱནིདཱཏུཀཱམོ ཀཔྤཱསཔརིཀམྨཀནྟནཱདིཀཱནི སབྦཀརཎཱིཡཱནི ཨེཀཱཧེནེཝ ནཊྛཔེཏྭཱ པཙྩེཀམནེཀམཧགྒྷ གརུབྷཎྜམཎྜིཏཱནི སསཱམཎིཀཔརིཀྑཱརཱནི ཨསཱིཏིམཏྟཱནི ཀཋིནཙཱིཝརཱནི དཱཔེཏྭཱ ལོཀསྶ སཱདྷུཝཱདེན དསདིསཾ པཱུརེསི.

༡༢༠. ཨེཝམཉྙཱནིཔི བཧཱུནི ལོཀཝིམྦྷཡཀརཱནི པུཉྙཔདཱནཱནི སམྤཱདེནྟོ སོ པརཀྐམབཱཧུམཧཱནརིཎྡོ ཧཏྠཝནགལླ ཝིཧཱརེ ཨཏྟནོ པིཏུམཧཱརཉྙོ ཨཱལཱ༹ཧནཊྛཱནེ མཧཱཙེཏིཡཾ བཎྡྷཱཔེཏྭཱ ཏཏྠེཝ ཨཎེཀཁཱིཎཱསཝསཧསྶཔརིབྷུཏྟཾ པཱསཱདཝརཾ ཙིརཀཱལ ཙིནཊྛཾ སུཏྭཱ དྷནུཀེཏཀིཝཏྠུཝཾསེ ཛཱཏཾ སདྡྷཱདིགུཎསམྤཏྟི སམུདིཏཾ པཏིརཱཛདེཝ ནཱམཀཾ ཨམཙྩཝརཾ པེསེཏྭཱ ཏེན ཨནེཀསཧསྶདྷནཔརིཙྩཱགེན བྷུམིཏྟིཏཡམཎྜིཏཾ སུམནོབྷརཾ པུརེ པིཡཏཾ པཱསཱདཾ ཀཱརཱཔེཏྭཱ ཏཏྠ ནིཝསནྟཱནཾ ཨནེཀསཾ བྷིཀྑུནཾ ནིབདྡྷ པཙྩཡདཱནཾ པཝཏྟེསི.

༡༢༡. ཏཏྠེཝ ཝཊྚུལཝིམཱནསྶ ཧེཊྛིམཏལེ གོཔཱནསིཡོ ཋཔེཏྭཱ སམནྟཱ ཚདནརཱུཔཾ ཀཱརེཏྭཱ དྭིབྷུམཀཾ ཝིམཱནཾ ཏིབྷུམཀམཀཱསི ཏཏྠེཝལངྐཱདཱིཔེ ཨབྷཱུཏཔུབྦཾ ཛིནམཎྡིརཾ ཀཱརཱཔེཏུཀཱམོ ཝཊྚུལཝིམཱནཏོ ཨུཏྟརདིསཱབྷཱགེ པཋམཾ པོརིསཔྤམཱཎཾ སིལཱཏལཔརིཡནྟཾ ཁཎིཏྭཱ པཾསཱུནི ཨཔནེཏྭཱ ནདཱིཝཱལུཀཱཧི པཱུརེཏྭཱ ཀུཉྫརརཱཛཝིརཱཛིཏཨཱདྷཱརབཎྡྷཀཏོ པཊྛཱཡ ཡཱཝ ཕུཔིཀཾ ཨཊྛཾསཝིབྷཱགེན བྷིཏྟིཙྪདནཱནི ¶ ཝིབྷཏྟཱནི ཀཏྭཱ པཙྩེཀཾ ནཱནཱཝཎྞཝིཙིཏྟཱནམཊྛཝིདྷཱནཾ བྷིཏྟཱིབྷཱགཱནམུཔརི ཀེལིཔརིཧཱསརསཛནཀནཱནཱཝེསཝིལཱསབྷཱུསིཏཔཧཱུཏབྷཱུཏཀིཾཀརཔརིགཏཝིཊདྡྷཀམཎྜལམཎྜིཏཾ པམུཁཔརིཡནྟེ ཝིཝིདྷཙིཏྟརཱུཔམནོཧརམུཙྩཏརཾ ཨིཌྷིཀཱཧི ནིཝིཏཾ ཀཏསུདྷཱཔརིཀམྨཾ མཀརཏོརཎམཎྜལཉྩ ནིམྨིནིཏྭཱ ཨནྟོཝིརཙིཏཱཏི མནོཧརམཱལཱཀམྨལཏཱ ཀམྨཱདི ནཱནཱཝིདྷ ཙིཏྟཀམྨ སམུཛྫལཾ སུཝིཧིཏསོཔཱནདྭཱརཀཝཱཊཾ སམལངྐཏཊྛཱནལཱིལ༹ྷམནོཧར སཛཱིཝཛིནསཾ ཀཱསཔཊིབིམྦརཱུཔཝིབྷཱུསིཏཾ པཊིབིམྦསྶ དཀྑིཎཏོ གྷནསིལཱཝིཧིཏ སུགཏརཱུཔཔཏིམཎྜིཏཾ ཏིབྷཱུམཀཾ མཧཱ ཝིམཱནཾ ཀཱརེསི.

ཨིཏི ཨཊྛཾས ཝིམཱནུཔྤཏྟིཔརིཙྪེདོ ཨེཀཱདསམོ.

༡༢༢.

ཝིདྡྷསྟསཾཁརཎཏོ ནཝཀམྨུནཱཝཱ,

ཁེཏྟཱདིདཱནཝིདྷིནཱཙ ཨནཱགཏེཔི;

ཡེ སཱདྷཝོ པརིཧརནྟི ཨིམཾ ཝིཧཱརཾ,

ནཱམདྭ ཀཱརམྤི ཏེསམིཧཱལིཁནྟུ.