📜

སདྡབིནྡུ ¶ པཀརཎཾ

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

༡.

ཡསྶཉེཡྻེསུ དྷམྨེསུ, ནཱཎུམཏྟམྤཝེདིཏཾ,

ནཏྭཱསདྡྷམྨསངྒྷཾཏཾ, སདྡབིནྡུཾསམཱརབྷེ;

༢. ¶

ཀཱདིརིཏཱ ནཝསངྑྱཱ, ཀམེནཊཱ དི ཡཱདིཙ,

པཱདཡོཔཉྩ སངྑྱཱཏཱ, སུཉྙནཱམཱ སརཉྙནཱ;

༣.

སརེཧེཝསརཱཔུབྦེ ལུཏྟཱཝཱཝཱིཔརེརམཱ,

བྱཉྫནཱཙཱགམཱཝཱཝཱི དཱིགྷརསྶཱདིསམྦྷཝཱ;

༤. ¶

ཀཱཀཱསེནཱགཏོསིས ཀེནིདྡྷིམཙྩདསྶཡི,

ཨརཱཛཁྭགྒིམེསཱིནཾ སོཏུཀམྨེགྷཡིཏྠིཡོ;

ཨིཏི སནྡྷིཀཔྤོ སམཏྟོ.

༥. ¶

བུདྡྷཔུམཡུཝསནྟ རཱཛབྲཧྨསཁཱཙསཱ,

ཡཏཱདིདེཧཱིཛནྟུཙ སཏྠུཔིཏཱབྷིབྷཱུཝིདཱུ;

༦.

ཀཉྙཱམྨཱརཏྟིཐིཔོ, ཀྑརཎཱིནདིརུམཱཏུབྷཱུ,

ནཔུཾསཀེཏིཡནྟཱཙ, པདཀམྨདདྷཱཡུནོ;

༧. ¶

གཧིཏཱགཧཎེནེཏྠ སུདྡྷོསྱཱདྱནྟཀཱཔུམེ,

ཝིམལཱཧོནྟིཛཱནྟེཧི ཐྱཾཔཉྩནྟེཧིདཱདྷིཀཱ;

༨.

ནཔུཾསཀེཔཡོགཱཏུ ཛནཀཱཧོནྟིཏྱནྟཏོ,

པདྷཱནཱནུགཏཱསབྦ ནཱམསམཱསཏདྡྷིཏཱ;

༩. ¶

ཨཏྟིལིངྒཱནིཔཱཏཱདི ཏཏོལུཏྟཱཝསྱཱདཡོ,

སུཏྟཱནུརཱུཔཏོསིདྡྷཱ ཧོནྟིཝཏྟཱམནཱདཡོ;

ཨིཏི ནཱམཀཔྤོ སམཏྟོ.

༡༠.

ཚཀཱརཀེསསཱམིསྨིཾ སམཱསོཧོཏིསམྦྷཝཱ,

ཏདྡྷཱིཏཱཀཏྟུཀམྨས, མྤདཱནོཀཱསསཱམིསུ;

༡༡. ¶

སཱདྷཏྟཡམྷིཨཱཁྱཱཏོ ཀིཏཀོསཏྟསཱདྷནེ,

སབྦཏྠཔཋམཱཝུཏྟེ ཨཝུཏྟེདུཏིཡཱདཡོ;

༡༢.

མནསཱམུནིནོཝུཏྱཱ ཝནེབུདྡྷེནཝཎྞིཏེ,

ཝཊྚཱཧིཏོཝིཝཊྚཏྠཾ བྷིཀྑུབྷཱཝེཏིབྷཱཝནཾ;

ཨིཏི ཀཱརཀཀཔྤོ སམཏྟོ.

༡༣. ¶

རཱསཱིདྭིཔདིཀཱདྭནྡཱ ལིངྒེནཝཙནེནཙ,

ལུཏྟཱཏུལྱཱདྷིཀརཎཱ བཧུབྦཱིཧཱིཏུཁེམརཱུ;

༡༤.

ཏཔྤུརིསཱཙཁེམོརཱ དཡཱཙཀམྨདྷཱརཡཱ,

དིགཝོཙཱཝྱཡཱཧཱརཱ ཨེཏེསབྦེཔིཧཱརིཏཱ;

ཨིཏི སམཱསཀཔྤོ སམཏྟོ.

༡༥.

ཀཙྩཱདིཏོཔིཨེཀམྷཱ སདྡཏོནིཡམཾཝིནཱ,

ནེཀཏྠེསཏིབྷོནྟེཝ སབྦེཏདྡྷིཏཔཙྩཡཱ;

ཨིཏི ཏདྡྷིཏཀཔྤོ སམཏྟོ.

༡༦. ¶

ཀཏྟརིནཱཉྙཐཱཀམྨེ ཏཐཱབྷཱཝེཏུམེརཡཱ,

སབྦེཏེཔཙདྷཱཏུམྷི སངྑེཔེནམརཱུམཡཱ;

༡༧. ¶

གམཱིམྷཱཏིགུཎཱཕཏྟོ སམྦྷཝཱཨཉྙདྷཱཏུསུ,

ཨནནྟཱཝཔཡོགཱཏེ ཨཱདེསཔཙྩཡཱདིཧི;

ཨིཏི ཨཱཁྱཱཏཀཔྤོ སམཏྟོ.

༡༨.

ཀིཏཱདིཔཙྩཡཱསབྦེ, ཨེཀམྷཱཨཔིདྷཱཏུཏོ,

སིཡུཾནུརཱུཔཏོསཏྟ, སཱདྷནེསཏིཔཱཡཏོ;

ཨིཏི ཀིཏཀཔྤོ སམཏྟོ.

༡༩. ¶

ཨིམིནཱཀིཉྩིལེསེན, སཀྐཱཉཱཏུཾཛིནཱགམེ,

པཡོགཱཉཱཎིནཱསིནྡྷུ, རསོཝེཀེནབིནྡུནཱ;

༢༠.

རམྨཾསཱིགྷཔྤཝེསཱཡ, པུརཾཔིཊཀསཉྙིཏཾ,

མགྒོཛུམགྒཏཾམགྒཾ, སདྡཱརཉྙེཝིསོདྷིཏོ;

༢༡. ¶

ཏེནེཝ ཀིཉྩི ཛལིཏོ ཛལིཏོ པདཱིཔོ

ཀཙྩཱཡནུཏྟིརཏནོ ཙིཏགབྦྷཀོཎེ,

དྷམྨཱདིརཱཛགུརུནཱ གརུམཱམཀེན

དྷམྨེན ཡོབྦིཔཏིནཱ སགརུཏྟནཱིཏོ;

ཨིཏི སདྡབིནྡུ པཀརཎཾ པརིསམཏྟཾ.

ཡོསཉྙམོ གུཎདྷནོ ནཡནཾ ནིཛཾཝ

སིཀྑཱཔཡཱི མམ མཝཾ སུགཏཱགམཱདོ,

སལློཀ པུཉྫ སུཧདོ པདུམཱདི རཱམ

ནཱམོ མཧཱ ཡཏིཝརཱ ཙརིཡོ སམཡ྄ཧཾ;

སདྡྷཱདྷནེན ཝསཏཱ ཝིདིཏམྷི པུཔྥཱ

རཱམེདྷུནཱ ཨརིཡཝཾས དྷཛཝ྄ཧཡེན,

སནྟེན ཉཱཎཏིལཀོ ཏྱཔརཱཁྱཀེན

བཱལཱནམེཏམཝིདྷཱིཡི མཡཱཧིཏཱཡ;