📜

སམནྟཀཱུཊཝཎྞནཱ ¶

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

༡.

སཏཏཝིཏཏ ཀིཏྟིཾ དྷསྟཀནྡཔྤདཔྤཾ

ཏིབྷཝཧིཏཝིདྷཱནཾ སབྦལོཀེཀཀེཏུཾ,

ཨམིཏམཏིམནགྒྷཾ སནྟིདཾ མེརུསཱརཾ

སུགཏམཧམུདཱརཾ རཱུཔསཱརཾ ནམཱམི;

༢.

ཧཏདུརིཏཏུསཱརཾ མོཧཔངྐོཔཏཱཔཾ

མནཀམལཝིཀཱསཾ ཛནྟུནཾ སེསཀཱནཾ,

ཀུམཏིཀུམུདནཱསཾ བུདྡྷཔུབྦཱཙལགྒཱ

ཨུདིཏམཧམུདཱརཾ དྷམྨབྷཱནུཾ ནམཱམི;

༣.

སཀལཝིམལསཱིལཾ དྷུཏཔཱཔཱརིཛཱལཾ

སུརནརམཧནཱིཡཾ པཱཧུནེཡྻཱཧུནེཡྻཾ,

ཨུཛུཔཐཔཊིཔནྣཾ པུཉྙཁེཏྟཾ ཛནཱནཾ

གཎམཧམབྷིཝནྡེ སཱརདཾ སཱདརེན;

༤.

ཨིཏི ཀལི༹ཏ པཎཱམཱ ཧནྟྭ སབྦོཔསགྒེ

སུགཏཝིམལ པཱདམྦྷོཛསམྤཱཏ པཱུཏཾ,

སུམནསིཁརིརཱཛཾ ཝཎྞཡིསྶཾ སུརཱནཾ

ཝསཏི མཏུལམེཏཾ སཱདྷུཛནྟུ སུཎནྟུ;

༥.

སཝཎཱ ལཔནཱ ཙེཝ སཏིཡཱ ཙཱཔི ཝནྡནཱ,

ཡསྶ སམྨཱ སུཁཱི ཧོཏཱི ནིབྦཱཎཉྩཱདྷིགཙྪཏི;

༦. ¶

ཏསྨཱ སཔྤུརིསེཧེ’དཾ པཏྠེནྟེཧི ཏིསམྤདཾ,

སཝཎཱིཡཉྷི སཱདྷཱུཧི ཨཙིཀྑིཏྟེན ཙེཏསཱ;

༧.

ཡོ ལོཀཏིལཀོ ནཱཐོ པཱུརེཏྭཱ དས པཱརམཱི,

ཛཱཏོསི ཏུསིཏེ ཀཱཡེ སནྟུསིཏོ’ཏི ཝིསྶུཏོ;

༨.

ཨཱརཱདྷིཏོ སུརཱདཱིཧི ཀཱལོ མཱརིས ཏེ ཨཡཾ,

ཏིཎྞོ ཏཱརཡིམཾ ལོཀཾ བཧཱུ ཨཔྤརཛཀྑཀཱ;

༩.

ཨེཏདཏྠཱཡ ཏེ ཝཱིར པཱུརིཏཱ དས པཱརམཱི,

བཱཧུཾ པིཏུསྶ པུཏྟོ’ཝ ལོཀོ ཨཱལམྦཏེ ཏུཝཾ;

༡༠.

ཏེསཾ ཏཾ ཝཙནཾ སུཏྭཱ མཧཱསཏྟོ མཧཱམཏཱི,

ཝིལོཀནེ ཝིལོཀེཏྭཱ པཉྩཱམལ ཝིལོཙནོ;

༡༡.

ཛམྦུདཱིཔགྒཀམལེ ཀཎྞིཀཱ’ཝ མནོརམཱ,

པུརཱི ཀཔིལ༹ཝཏྠཱུ’སི ཝིསཱཎཱ’ཝ སུདྷཱསིནཾ;

༡༢.

སིངྒཱིནིཀྑམཡཱབྷཱས ཏུངྒསིངྒསམངྒིཏཱ,

མཎིསཱིཧཔཉྫརཱཀིཎྞ པཱསཱདཱ ཡཏྠ བྷཱསརེ;

༡༣.

སགྷནེ གགནེ ནིཙྩཾ སཏེརཏསཏཱནི’ཝ,

ཨནིལེརིཏཔཛྫོཏ སོཎྞཀེཏུ ཨཧཱུ ཡཧིཾ;

༡༤.

ཛནཱནཾ ནཱིལནེཏྟེཧི ཝདནེཧི ཏུ ཡཱ པུརཱི,

མདྷུཔཱལིསམོནདྡྷ ཀཉྫིནཱི སིརིམཱཝཧེ;

༡༥.

རངྒཏུངྒཏུརངྒེཧི གཛྫིཏེཧི ཙ ཡཱ པུརཱི,

སགྷོསུཏྟུངྒཀལློལ ལོལསཱགརསནྟིབྷཱ;

༡༦.

ཨཝ྄ཧམཱནཱ’ཝ དེཝཱནཾ པུརལཁྱཱ བྷུཛཱ ཨིཝ,

མནྡཱནིལེརིཏཱ ཏུངྒ ནཱནཱརཱགདྡྷཛཱ ཡཧིཾ;

༡༧.

ནཱནཱཝེསདྷརཱ ཡསྨིཾ ནཱནཱབྷཱུསཎ བྷཱུསིཏཱ,

ནཱནཱསམྤཏྟིསཾཡུཏྟཱ ནཱནཱཝིཛྫཱསུ པཱརགཱ;

༡༨. ¶

ནཝཡོབྦན ཨུདྡཱམཱ རཱུཔེན ཙ མནོཧརཱ,

སཙྩེསུ ནིརཏཱ ནིཙྩཾ ཨནཀྐུཊྛཀུལཱ སིཡུཾ;

༡༩.

ནིཙྩཾ ཀཱིལཱ༹ ཝིདདྡྷཱཧི ནརནཱརཱིཧི སེཝིཏཱ,

ཡཱ པུརཱི སཱདྷུརཱུཔཱ’སི མདྷུརཱལཱཔིནཱིཧི ཙ;

༢༠.

ཏསྨིཾ སདྡྷཱདཡོཔེཏ ཨོཀྐཱཀཀུལཀེཏུཀོ,

སུདྡྷོདནཝ྄ཧཡོ ཨཱསཱི ཝིསྶུཏོ བྷུཝནཏྟཡེ;

༢༡.

ཡསྶངྒྷིཀམལེ སབྦ བྷུབྷུཛཱནཾ མཧཱིཏལེ,

ཀིརཱིཊམཎིཧིངྒཱལི ཀཱིལ༹ནྟཱི’ཝ ནིརནྟརཾ;

༢༢.

ཡསྶ པཏྠཊཏེཛེན པུརནེཏཱཔི དིཝཱཀརོ,

ཝཧནཱིཙ’མྦརེ ལཱིལཾ ཨོསདྷཱིཔཏིནོ དིཝཱ;

༢༣.

ཡསྶ དཱནཔྤཝཱཧོ ཏུ ནཱནཱཡཱཙཀ ཛནྟུནཾ,

མནོདདྷཱིསུ ཝེལནྟེཏིཀྐམནྟོཝ སཏྟཏཾ;

༢༤.

མཏིཡཱ སུརམནྟཱིཝ དྷནེན དྷནདོ ཝིཡ,

རཱུཔེན ཀུསུམེསུ’ཝ ཡོ ཛུམྷཏི མཧཱིཏལེ;

༢༥.

ཏསྶཱབྷིསིཏྟཱ རཛྫེན མཧཱམཱཡཱཏི ཝིསྶུཏཱ,

ཙནྡིཀཱ ཝིཡ ཙནྡསྶ གིརིརཱཛཱ’ཝ ཀཔཱལིཏོ;

༢༦.

ལཀྑཱི’ཝ ཝཱསུདེཝསྶ སཱིཏཱ’ཝ རཱམརཱཛིནོ,

མཧེསཱིསི ཝརཱརོཧཱ སུནྡརཱི སུནྡརཱདྷརཱ;

༢༧.

ཏསྶཱ ཀུཙྪིཀརཎྜམྷི ཨནགྒྷརཏནཾ ཝིཡ,

ཁཏྟིཾསཱཧི ནིམིཏྟེཧི ཝིམྷཱཔེནྟོ སདེཝཀཾ;

༢༨.

སིཏམྦུཛཀརོ སནྟོ སིཏེབྷཙྪཱཔཀོ ཝིཡ,

ཀཏྭཱ པདཀྑིཎཾ མཱཏུ པཊིསནྡྷིམགཎྷི སོ;

༢༩.

དསེཀཱདསམཱསེན ཏསྶེཝཾ ཨཱསི ཙེཏནཱ,

པསྶིཏུཾ སཀཉཱཏཱིནཾ གནྟྭཱན ནགརཾ ཏདཱ;

༣༠. ¶

ནིཝེདེཏྭཱ ཏམཏྠཾ སཱ རཉྙོ ཏེན སུསཛྫིཏེ,

སཔརིཙྪདཱ ཏདཱ མགྒེ གཙྪནྟི ཨནྟརཱཔཐེ;

༣༡.

དེཝཏཱནཾ མནོནནྡཀར ནནྡན སནྣིབྷཾ,

དིསྭཱན ལུམྦིནིཾ ནཱམ ཨུཡྻཱནཾ མནནནྡནཾ;

༣༢.

ཏསྨིཾ ཀཱིལི༹ཏུམུསྶཱཧཱ པཝིསིཏྭཱན ཏཾ ཝནཾ,

ཀཱིལ༹ནྟི ཨུཔགནྟྭཱན མངྒལཾ སཱལཔཱདཔཾ;

༣༣.

ཝིལོལ པལླཝཱཀིཎྞཾ སུཕུལླཀུསུམོནཏཾ,

གཧེཏྭཱ སཱལསཱཁཾ སཱ སུརཏྟཀར པལླཝཱ;

༣༤.

དེཝེཧི གཧིཏཱ’རཀྑཱ མཧམཱནེ སདེཝཀེ,

ཛནེསི ཏནཡཾ མཱཡཱ ཏཏྲཊྛཱ ལོཀལོཙནཾ;

༣༥.

བྲཧྨཱནོ ལོཀཔཱལཱ ཙ མནུསྶཱ ཀམཏོ ཏདཱ,

སོཎྞཛཱལཱཛིནཱདཱིཧི གཎྷིཾསུ ཛནནནྡནཾ;

༣༦.

མཧིཾ པཏིཊྛིཏོ དྷཱིརོ པསྶིཏྭཱན ཏཏོ དིསཱ,

ཨུཏྟརཱབྷིམུཁོ སཏྟཔདཾ གཎྟྭཱ’མྦུཛེ ཋིཏོ;

༣༧.

དིསནྟམཝལོཀེཏྭཱ སུཕུལླམྦུཛལོཙནོ,

ནིཙྪཱརེསཱསབྷིཾ ཝཱཙཾ ཨགྒོ སེཊྛོ’ཏིཨཱདིནཱ;

༣༨.

བྲཧྨཱམརནརཱདཱིཧི པཱུཛིཏོ ཙ ནམསྶིཏོ,

ཀམེན ཨབྷིཝཌྜྷནྟོ ཛུཎྷཔཀྑེ སསཱི ཡཐཱ;

༣༩.

བྲཧྨཱུནཾ ཚཏྟཚཱཡཱཡ མནྡཱརཀུསུམནྟརེ,

སཱནནྡཱམནྡདེཝེཧི དྷུཏཙཱམརམཛ྄ཛྷགོ;

༤༠.

དིབྦེཧི རཱུཔསདྡེཧི གནྡྷེཧི ཙ རསེཧི ཙ,

ཕོཊྛབྦེཧི ཙ དིབྦེཧི མོདམཱནོ ཨནེཀདྷཱ;

༤༡.

དིབྦེཧི རམཎཱིཡེཧི ནཙྩེཧི ཝཱདིཏེཧི ཙ,

པདཱནེཀསཧསྶེཧི ཐཱུཡམཱནགུཎཱཀརོ;

༤༢. ¶

པཏྭཱ སོལ༹སམཾ ཝསྶཾ ཉཱཏིསངྒྷསྶ མཛ྄ཛྷགོ,

དསྶེཏྭཱ’སེསསིཔྤཾ ཏཾ ལོཀེ ཝིཛྫཏི ཡཾ ཏདཱ;

༤༣.

ཉཱཏིསངྒྷཾ པམོདེནྟོ དེཝེ ཙ མནུཛེ’པི ཙ,

ལདྡྷཱ ཡསོདྷརཾ དེཝིཾ’ནུཀཱུལཾ ཛཱཏིཛཱཏིཡཾ;

༤༤.

སོཎྞདཔྤཎསངྐཱས སོམྨཱནན ཝིབྷུསིཏཾ,

ནཱིལནཱིརཛསངྐཱས ཝིསཱལཱཡཏ ལོཙནཾ;

༤༥.

སིངྒཱརམནྡིརདྭཱརེ དྷཛོཔམབྷམུདྭཡཾ,

ཧེམཀཱཧལསངྐཱས ནཱསིཀཾ རཱུཔལཀྑིཡཱ

༤༦.

ནཱིལཝེལླིཏདྷམྨིལླ ཛིམུཏོབྷཡ ཀོཊིཡཾ,

ནིཙྩཝིཛྫུལླཏཱཙཀྐ མནུཉྙཀཎྞཔཱསཀཾ;

༤༧.

སཱཏཀུམྦྷནིབྷཱབྷཱས པཡོདྷརགྷཊདྭཾ,

སུཝཎྞདྡིཏཊཱཡཱཏ ནིཛ྄ཛྷརཱཀཱརཧཱརཀཾ

༤༨.

དེཧདེཝདྡུམཱལམྦ པཱརོཧཱབྷབྷུཛདྭཡཾ,

ཨངྒུལཱིཔལླཝནྟམྦུ བིནྡུཙཱརུ ནཁཱཝལིཾ;

༤༩.

དེཧམཱལཱལིམཱལཱབྷ རོམརཱཛིཝིརཱཛིཏཾ,

རཱུཔཎྞཝཏརངྒཱཧ ཝལིཏྟཡ ཝིཙིཏྟཀཾ;

༥༠.

སོཎྞརམྦྷཱསམཱཝཊྚ པིཎོརུདྭཡ སུནྡརཾ,

སནྣིརཀལིཀཱཀཱར ཙཱརུཛངྒྷཱ ཝིབྷཱུསིཏཾ;

༥༡.

པཙྩཀྑརཱུཔལཀྑིཉྩ ལཱིལཱནིཙཡ སནྣིབྷཾ,

གུཎཱནམཱཀརཾ སཱདྷུ ཝེལཾཝ རཏིསཱགརེ;

༥༢.

ཀནྟོ ཝསནྟརཱཛཱ’ཝ ཀནྡཔྤོ’ཝ སུརཱུཔཝཱ,

སསཱི’ཝ དསྶནཱིཡོ ཙ སཱུརིཡོ ཝིཡ ཏེཛཝཱ;

༥༣.

ཨཙལཏྟེན མེརཱུཝ གམྦྷཱིརེནཎྞཝོ ཝིཡ,

བྲཧྨསྶརོ པིཡཾཝཱདཱི པཉྒྙཱཡ ཙ ཨནཱུཔམོ;

༥༤. ¶

ཝསནྟོ སོ མཧཱཝཱིརོ པུརསྨིཾ ཀཔིལཝ྄ཧཡེ,

དིསྭཱ ནིམིཏྟེ ཙཏུརོ ཨུཡྻཱན གམནཉྫསེ;

༥༥.

པབྦཛྫཱབྷིརཏོ ནཱཐོ གནྟྭཱ ཨུཡྻཱནབྷཱུམིཡཾ,

སུཕུལླཙམྤཀཱསོཀ ནཱགཱདཱ’གེཧི མཎྜིཏཾ;

༥༦.

ཕུལླཔངྐཛ ཀལ༹ྷཱར ཛལཱཛལཡ སཏཱཀུལཾ,

མནྡམནྡཱནིལཱཡཱཏ ནཱནཱམོདེཧི ཝཱསིཏཾ;

༥༧.

སརཱ སརཾ སམཱཡཱཏ མདྷུབྦཏ ནིསེཝིཏཾ,

ཕལཔུཔྥརསུདྡཱམ དྭིཛ སངྒྷ ནིཀཱུཛིཏཾ;

༥༨.

ནཙྩནྟ མཏྟམོརཱནཾ ནིཙྩཾ མཎྜཔསནྟིབྷཾ,

དིབྦནྟ མིགསགྒྷཱནཾ ཀཱིལཱ༹མཎྜཔ སནྣིབྷཾ;

༥༩.

སམཱིར སིསིརོདཱར དྷཱརཱསཱིཀར ཝཱརིཧི,

དྷཱརཱམཎྜཔ པནྟཱིཧི ཛནཱནནྡཀརཾ ཝརཾ;

༦༠.

ཨུཡྻཱནཝནམཱགམྨ དེཝརཱཛཱཝ ནནྡནཾ,

ཀཱིལ༹ནྟོ ནིཛཔུཏྟསྶ སུཏྭཱན ཛཱཏསཱསནཾ;

༦༡.

ནིཝཏྟོ ཝིསྶཀམྨེན སཧསྶཀྑོཝ བྷཱུསིཏོ,

པུརཾ པཝིསམཱནོཝ ཀིསཱ གོཏམི བྷཱསིཏཾ;

༦༢.

སུཏྭཱན ནིབྦུཏཔདཾ ཏདཱ ཙིཏྟཱནུཀཱུལཀཾ,

སནྟུཊྛོ སཱནུརཱགོ ཙ ལཀྑགྒྷཾ ཏཱརབྷཱསུརཾ;

༦༣.

ཧཱརཾ ཏིསྶཱཡ པེསེཏྭཱ གནྟྭཱན སཀམནྡིརཾ,

དེཝརཱཛཝིལཱསེན ནིསཱིདི པཝརཱསནེ;

༦༤.

ཨཐཱགམྨ ཏདཱ ནེཀནཱཊིཀཱ པརིཝཱརཡུཾ,

ཝཛྫནྟི བྷེརིཡོ ཏཱསུ པགྒཡ྄ཧ ཀཱཙི ནཱརིཡོ;

༦༥.

ནཱནཱལཡསམཱཀིཎྞཾ གཱིཏཾ གཱཡནྟི ཀཱཙི’པི,

དྷམནྟི སུསིརཾ ཀཱཙི ཀཱཙི ཝཱདེནྟི ཏནྟིཡོ;

༦༦. ¶

ཙཱརུ བིམྦཱདྷརཱརམྨ པཡོདྷརབྷརཱ སུབྷཱ,

ཝིསཱལཱཡཏ ནཱིལཀྑཱ སོམསོམྨཱནནཱ ཏདཱ;

༦༧.

ནཙྩནྟི པུརཏོ ཏསྶ བྷེརིམཎྜལ མཛ྄ཛྷགཱ,

དེཝཀཉྙཱཝ རངྒམྷཱི རསབྷཱཝནིརནྟརཾ;

༦༨.

དིསྭཱན སོ ཏམཙྪརིཡཾ ཝིརཏྟོ ཝིསཡེ ཏདཱ,

ཨུརཏྟཱལ༹ཉྩ ཨདྡཀྑི སབྦནྟཾ བྷེརིཏཱལ༹ནཾ;

༦༩.

པརིདེཝཾ’ཙུཔཊྛཱསི གཱིཏཾ སཾསཱརསཱགརེ,

ཝཱཡུཝེག ཝིཀཱརཾ’ཝ ནཙྩཾ ཙིནྟེསི ནཱཡཀོ;

༧༠.

’ཀདཱཧཾ གྷརམོསྶཛྫ པབྦཛྫཱསིརི མུབྦཧེ?’

ཨིཙྩེཝཾ ཙིནྟཡནྟོ སོ སུཔནྟོཝ སཡཱི ཏཧིཾ;

༧༡.

’ཡཾ ནིསྶཱཡ མཡཾ ཨེཏྠ ནཙྩགཱིཏེསུ ཝྱཱཝཊཱ,

སོ’ཡཾ’དཱནི སུཔཱི’ ཨམྷེ ཀསྶདཱནི ཀརོམ ཏཾ?;

༧༢.

ཨིཏི ཙིནྟིཡ ཏེ ཏཏྠ ཏུརིཡེསུ སཀེ སཀེ,

ཨཱལམྦཱ སཡིཏཱ ཀཉྙཱ སུསཉྙཱཉྙམནིསྶིཏཱ;

༧༣.

ཁཱདནྟི ཀཱཙི དནྟཱནི ཀཱཙི ལཱལཱ ཝཧནྟིཡོ,

ཀཱཙི རུདནྟིཡོ ཏཏྠ ཝིལཔནྟི ཨཐཱ’པརཱ;

༧༤.

ཀཱཀཙྪནྟི’པི སེམྷམྤི གིལནྟི ཙ ཙམནྟི ཙ,

ཀརོནྟི ནཱདཾ ནཱསཱཡ གྷརཱུ’ཏི ཙ ཁིཔནྟི ཙ;

༧༥.

མུཏྟཡནྟི ཏདཱ ཀཱཙི རཧསྶཾ ཝིཙརནྟི ཙ,

དུགྒནྡྷཾ ཝཱཏི ཏཾ ཋཱནཾ སུསཱནཾ ཨཱམཀཾ ཡཐཱ;

༧༦.

པབུདྡྷོ ཨཌྜྷརཏྟམྷི གཏེ ཏཏྠ ནིསཱིདིཡ,

ཨདྡཀྑི ཏཱསཾ ནེཀཱནི ཝིཀཱརཱནི ཏཧིཾ ཏདཱ;

༧༧.

ཏསྶེཝཾ པེཀྑམཱནསྶ བྷཝེ སཾཝིགྒཙེཏསོ,

ཨཱདིཏྟཾཝ ཨུཔཊྛཱསི མནེ ཁལུ བྷཝཏྟཡཾ;

༧༨. ¶

དཱཝཱནལ སམཱདིཏྟ མཧཱརཉྙཱཡཐཱ གཛོ,

ཏཐེཝཱསི ནརིནྡསྶ གེཧཏོ གམནེ མཏཱི;

༧༩.

ཏཏོ ཝུཊྛཱཡ སཡནཱ ཀརོནྟོ ཨབྷིནིཀྑམཾ,

ཝིཏཀྐེསི མཧཱརཱཛཱ པསྶིཏུཾ སཀམཏྲཛཾ;

༨༠.

པཝིསིཏྭཱ ཏཏོ གབྦྷཾ སནིཀཾ སནྟམཱནསོ,

པསྶིཏྭཱ སཧ པུཏྟེན ནིདྡཱཡནྟིཾ ཡསོདྷརཾ;

༨༡.

ཙིརཱགཏཾ མཧཱཔེམཾ དྷཱརཡཾ སཀམཱནསེ,

བུདྡྷོ ཧུཏྭཱཔི’མཾ སཀྐཱ པསྶིཏུཾ ཨིཏི ཙིནྟིཡ;

༨༢.

གཏོ ནཱཐོ ཏཏོ ཋཱནཱ བོདྷིཡཱ བདྡྷམཱནསོ

ཏདཧེཝཱསི བུདྡྷོཏི ཀཱམུཀོ ཀོ ན ཙིནྟཡེ;

༨༣.

སིནེརུ མུདྡྷརནྟོཝ པཱདུདྡྷརིཡ ནིཀྑམཾ,

ཚནྣམཱཧཱུཡ ཨཱནཱིཏཾ ཀནྠཀཾ ཏུརགཱདྷིཔཾ;

༨༤.

ཨསྶརཱཛཾ ཏམཱརུཡ྄ཧ སཧ ཚནྣེན རཏྟིཡཾ,

དེཝེཧི ཝིཝཊདྭརཱ པཊིཔཛྫི མཧཱཔཐཾ;

༨༥.

ཙཀྐཝཱལེ༹སུ ནེཀེསུ དེཝཏཱ སུསམཱགཏཱ,

དཱིཔདྷཱུཔདྡྷཛེཧེ ཙ གནྡྷམཱལེཧི པཱུཛཡུཾ;

༨༦.

པུརཏོ སཊྛཱིསཧསྶཱནི དཎྜདཱིཔཱནི དྷཱརཡུཾ,

ཏཐཱ དཀྑིཎཔསྶམྷི ཝཱམཔསྶེ ཙ པཙྪཏོ;

༨༧.

གགནཱ པུཔྥཝསྶཱནི ཝསྶཱཔེསུཾ ཚ དེཝཏཱ,

མནྡཱརཝཾ ཀོཀནདཾ སུགནྡྷཾ ཙིཏྟཔཱཊ ལིཾ;

༨༨.

ཙམྤཀཱ སོཀ པུནྣཱག ནཱགཔཱུགཱག སམྦྷཝཾ,

མཱལཏཱིཝསྶིཀཱིཡཱདཱི ནཱནཱཝལླཱིཧི སམྦྷཝཾ;

༨༩.

པདུམུཔྤལ ཀལཧཱར ཀུམུདཱདྱཱམྦུ སམྦྷཝཾ,

སུགནྡྷམདྷུ མཏྟཱཧི ཚཔྤདཱལཱིཧི ཀཱུཛིཏཾ;

༩༠. ¶

པུཔྥཝསྶཾ པཝསྶིཏྠ ཏིཾསཡོཛནམཉྫསེ,

པསཏྟོ ཏཏྠ ཏུརགོ དུཀྑཏོ ཨགམཱི ཏདཱ;

༩༡.

ཨེཝཾ པཱུཛཱཝིདྷཱནེཧི གནྟྭཱ’ནོམཾ མཧཱནདིཾ,

སིཏསེཀཏ སངྐིཎྞཾ བཧུམཱིནཀུལཱཀུལཾ;

༩༢.

ཏཱིརཊྛོ པསྶི སོ དྷཱིརོ གངྒཱནཱརིཾ རསཱཝཧཾ,

ཀརོནྟིཾ ཝཱིཙིབཱབྷཱཏི ཨེཎེཔུཔྥོཔཧཱརཀཾ;

༩༣.

ཨསྶེན ཏཾ མཧཱནོམཾ ལངྒྷཱཔེཏྭཱ མཧཱམཏཱི,

པརཏཱིརེ པཏིཊྛཱསི ཝིམལེ ཝཱལུཀཱ ཏལེ;

༩༤.

པབྦཛིཏུཾ མཡེཏྠེཝ ཡུཏྟཾ ནོ མེ པཔཉྩིཏུཾ,

ཨིཏི ཙིནྟིཡ ཨོབྷཱཡ དྷཱརིཏཱབྷརཎཱནི སོ;

༩༥.

ཚནྣསྶ པཊིཡཱདེཏྭཱ ཀནྠཀཉྩ ཧཡཱདྷིཔཾ,

ནིསིཏཾ ཁགྒམུགྒཡ྄ཧ སམོལིཾ ཚིནྡི ཀུནྟལཾ;

༩༦.

ཨེཝམཱཝཛྫཡཾ ནཱཐོ སཙེ’ཧཾ སུགཏོ བྷཝེ,

ཏིཊྛཏུ གགནེ གནྟྭཱ ཨིཏི ཨུཀྑིཔི ཙ’མྦརཾ;

༩༧.

ཏཏོ སཀྐོ མཧགྒྷེན མཎིཙངྒོཊཀེན ཏཾ,

པཊིགྒཧེཏྭཱ སིརསཾ ནེཏྭཱ དེཝཔུརཾ ཙརཾ;

༩༨.

ཀཱརེཏྭཱ མཎིཐཱུཔཾ སོ ནཱིདྷེཏྭཱ ཏཾ སིརོརུཧཾ,

ཨཏྠཱཧཾ པཏིམཱནེཏི སཧདེཝེཧི ནེཀདྷཱ;

༩༩.

མཧཱབྲཧྨོཔནཱིཏཊྛཔརིཀྑཱརཾ མཧཱམཏཱི,

པཊིགྒཧེཏྭཱ ཀཱསཱཝཾ ནིཝཏྠོ པཱརུཏོ ཏདཱ;

༡༠༠.

པུབྦེ ཝིཡམྦརཾ གཡ྄ཧ ཨམྦརེ ཁིཔི ནཱཡཀོ,

པཊིགྒཧེཏྭཱ ཏཾ བྲཧྨཱ ནེཏྭཱ བྲཧྨཔུརཾ ཙརཾ;

༡༠༡.

དྭཱདསཡོཛནུབྦེདྷཾ ཀཏྭཱ ཐཱུཔཝརཾ སུབྷཾ,

ཏཏྠ ཏཾ ནིདཧིཏྭཱན པཎིཔཱཏེཏི སབྦདཱ;

༡༠༢. ¶

སམྤུཎྞ མནསངྐཔྤོ པབྦཛྫཱསིརི མུབྦཧཾ,

ཚཱདེནྟོ ཀཱམལེནེཝ མརུཾ ཙངཀྐམི ནཱཡཀོ;

༡༠༣.

ཏཏོ ཨམྦཝནཾ གནྟྭཱ ཝིནྡནྟོ པཱིཏིཛཾ སུཁཾ,

ཝཱིཏིནཱམཡི སཏྟཱཧཾ རམྨེ པཱདཔམཎྜཔེ;

༡༠༤.

ཏཏོ རཱཛགཧཾ གནྟྭཱ པཱརུཔིཏྭཱ ཙཱིཝརཾ,

གཧེཏྭཱ མཎིཝཎྞཾ སོ པཏྟཾ ཀརཏལམྦུཛཱ;

༡༠༥.

བཏྟིཾས ལཀྑཎཱུཔེཏོ ཨནུབྱཉྫན མཎྜིཏོ,

བྲཧྨུཛྫུགཏྟོ བྷགཝཱ པུརསེཊྛམུཔཱགམི;

༡༠༦.

ཝིསིཁནྟརེན གཙྪནྟཾ ལོཀེཀནཡནཾ ཛནཱ,

དིསྭཱ ཨེཝཾ ཝིཙིནྟེསུཾ ནཱཡཾ ཡོ སོ ཛནཱདྷིཔོ;

༡༠༧.

ཀཱམཾ པུརཝདྷུསོམྨ ཝཏྟསམྦནྡྷཀཱརཎཱ,

ཙནྡོ’ཡམཱགཏོ ཨཛྫ སཀཝེསེན ནོ མཏི;

༡༠༨.

སུཏྭཱན ཏཾ ཏདཱ ཀེཙི ཧསནྟཱ ཝཙནནྟརཾ,

ནཱཡཾ སསཱི སསངེཀཱ སོ བྷཱནུམེསོ’ཏི ནོ མཏི;

༡༠༩.

བོདྷེཏུམཱགཏོ ཀཱམཾ པོརཱིནཾ ཝདནམྦུཛེ,

སཀཱིཡེནེཝ རཱུཔེན ཝིམྷཡཾ པོརིམཱནུསེ;

༡༡༠.

ཀིཾ བྷོ ཨུམྨཏྟཀཱ ཨཏྠ ཨེཝཾ མཱ ཝདཐཱ’དྷུནཱ,

སཏརཾསཱི ཨུཎྷརཾསཱི ན སོ ཨེསོ ཨཝིགྒཧོ;

༡༡༡.

ཀཱམེནཱལསཛནྟུཧི ཀཱིལི༹ཏུཾ པུརམཱགཏོ,

སརཱུཔེན ན ནོ ཨཏྠི སཾསཡོ བལུ མཱནསེ;

༡༡༢.

ཏེསཾ ཏཾ ཝཙནཾ སུཏྭཱ ཧསནྟཱ ཀེཙི ཛནྟུནོ,

ཏུམྷེ ཁལཱུ ན ཛཱནཱཐ སབཱཎེ སདྷནཱུ ཧི སོ;

༡༡༣.

ཨིསྶརོ ཀནྟརཱུཔེན ཏུངྒམནྡིརཏཱ པུརཾ,

ཀེལཱསོ ཨིཏི སམྤཏྟོ ཛཧཱཐ ཝིམཏིཾ ཨིདྷ;

༡༡༤. ¶

ཏེསམྤི ཝཙནཾ སུཏྭཱ ཧསནྟེཀེ ཛནཱ ཏདཱ,

ནཱཡཾ ཧརོ ཏིནེཏྟོ སོ ཀེསཝེསོ ཨིདྷཱགཏོ;

༡༡༥.

ཝིཙིཎནྟོ སིརིཾ ཨཛྫ པུརསེཊྛམུཔཱགཏཾ,

ཝེསེནཉྙེན མཉྙཱམ ཨེཏྠ ནོ ནཏྠི སཾསཡོ;

༡༡༦.

པཧརིཏྭཱ ཀརཾ ཀེཙི སུཏྭཱ ཏཾ ཝཙནཾ ནརཱ,

ཧསནྟེཝཾ ཏདཱཝོཙུཾ ཝཱསུདེཝོ ན ཝེ ཨཡཾ;

༡༡༧.

ཀཱམཾ སརོཛནཱབྷོ སོ ཝཱམནོ ཀཎྷཝིགྒཧོ,

ཨཡམཉྙཏརཙཎྞེན ཨཱགཏོ པཱཀསཱསནོ;

༡༡༨.

པུརཾ དེཝཔུརནྟེཏཾ མཉྙམཱནོ མཧཱཛུཏིཾ,

པསྶིཏུནྟི པཊིཉྙཱཏོ མཱ བྷོནྟོ ཝིལཔནྟུ ཝེ;

༡༡༩.

སུཏྭཱ ཏེསཾ གིརཾ ཀེཙི ཀེལི༹ཾ ཀཏྭཱན ནེཀདྷཱ,

ཏུམྷེ སཀྐཾ ན ཛཱནཱཐ སོ ཧི བྷོ ཝཛིརཱཡུདྷོ;

༡༢༠.

ཨེསོ ཧི བྷོ མཧཱབྲཧྨཱ བྲཧྨལོཀཱ ཨིདྷཱགཏོ,

པམཏྟཱ ཀིནྣུ ཝེདམྷཱི བྲཧྨབནྡྷུ པུརེ ཨིདྷ;

༡༢༡.

ཨཐེསཾ ཝཙནཾ སུཏྭཱ ཀེཙི པཎྜིཏཛཱཏིཀཱ,

ནེཏེ ཙནྡཱདཡོ ཀཱམཾ མཱ མོཧཾ བྷོ པཀཱསཐ;

༡༢༢.

ཙཏུརཱནནོ མཧཱབྲཧྨཱ སོམསོམྨཱནནོ ཨཡཾ,

སམནྟཔོཏྠཀོ བྲཧྨཱ པཏྟཧཏྠོ’ཡམབྦྷུཏོ;

༡༢༣.

ཀཱམཾ པཱརམིཏཱཔུཎྞ པསཏྠོ པུརིསོ ཨཡཾ,

ནིཙྩཾ ཝནྡཐ པཱུཛེཐ ཐོམེཐེཏཾ མཧཱཛུཏིཾ;

༡༢༤.

ཨེཝཾ ཝདནྟཱ སབྦེ ཏེ ནཱགརཱ པུརིསུཏྟམཾ,

གནྡྷཔུཔྥེཧི པུཛེནྟཱ ནམསྶནྟཱ ཏམནྭགུཾ;

༡༢༥.

ནེཏྟཱརིཏྟེཧི པཱཛེནྟཱ མུནིནོ རཱུཔསཱགརེ,

ཛནྟཝོ མནནཱཝཱཡོ པཱརཾ པསྶིཾསུ ནོ ཏདཱ;

༡༢༦. ¶

ཏདཱ ལོཀེཀནཡནོ སཔདཱནེན ཝཱིཐིཡཾ,

ཙརཾ ཡཱཔནམཏྟཾཝ ལདྡྷཱགམྨ པུརཱ བཧི;

༡༢༧.

པཎྜཝཾ གིརིམཱསཛྫ ཏསྶཙྪཱཡཱཡ སོ མུནི;

སངྒྷཱཊིཾ པཉྙཔེཏྭཱན ནིསཛྫ པུརིསཱསབྷོ;

༡༢༨.

ཨདིཊྛཔུབྦཾ དིསྭཱན པཏྟེ མིསྶཀབྷོཛནཾ,

སཉྫཱཏཔཊིཀཱུལོ ཏཾ ནུདིཏྭཱ པཙྩཝེཀྑཎཱ;

༡༢༩.

ཨམཏཾ ཝིཡ ཏཾ བྷུཏྭཱ ཝིཀྑཱལེཏྭཱ མུཁཾ དཀཱ,

པཏྟེ ཝཏྟཾ ཙརིཏྭཱན མུཧུཏྟཾ ཏཏྠ ཝིསྶམི;

༡༣༠.

པཝཏྟིཾ ཏཾ ནིསཱམེཏྭཱ བིམྦིསཱརོ ནརིསྶརོ,

སཱིགྷཾ ཏམུཔགནྟྭཱན ཀཏཱནུཉྙོ ནིསཱིདིཡ;

༡༣༡.

ནིམནྟཡིཏྭཱ རཛྫེན ཨནིཙྪནྟེ ཡཏིསྶརེ,

ཨནུགྒཧཱཡ མེ ཡུཏྟཾ བུདྡྷབྷཱུཏེནིདྷཱགམཾ;

༡༣༢.

ཨེཝཾ ནིམནྟིཏོ ཏེནཱདྷིཝཱསེཏྭཱ མཧཱམཏཱི,

ཨགམཱསུརུཝེལཱཡ མཏུལོརུ པརཀྐམོ;

༡༣༣.

པདྷཱནཾ པདཧིཏྭཱན ཚབྦསྶམཏིདུཀྐརཾ,

པཀཱསེཏྭཱན ལོཀསྶ མོཀྑཾ ནཏྠིཏི ཏེན སོ;

༡༣༤.

ཏཏོཔྤབྷུཏི ཝཏྟནྟོ མཛ྄ཛྷིམཔྤཊི པཏྟིཡཾ,

ཀཱཡསྶཱནུགྒཧཾ ཀཏྭཱ ཏཏོ སམྤིཎིཏི’ནྡྲིཡོ;

༡༣༥.

མཱུལེ’ཛཔཱལནིགྲོདྷཔཱདཔསྶ མཧཱམུནི,

ནིསཱིདི ནིཛསོབྷཱཧི ཨོབྷཱསེནྟོ དིསོདིསཾ;

༡༣༦.

ཏདཱ སེནཱནི ནིགམེ སུཛཱཏཱ ཁཱིར དཱཡིཀཱ,

སམྤུཎྞམནསངྐཔྤཱ ཡཱཙིཏྭཱ ཝཊདེཝཏཾ;

༡༣༧.

དྷཱིརཾ དེཝོཏི མཉྙནྟི ཏུཊྛཧཊྛཱ པམོདིཏཱ,

ཧེམཔཱཏིཾ སཔཱཡཱསཾ དཏྭཱན ཨིདམ’བྲུཝི;

༡༣༨. ¶

ཡཐཱ མཡ྄ཧཾ མཧཱདེཝ ཨིདྡྷཱ པཏྠིཏ པཏྠནཱ,

ཏཐེཝ ཏཝ སངྐཔྤོ ཁིཔྤམེཝ སམིཛ྄ཛྷཏུ;

༡༣༩.

ཨིཏི ཝཏྭཱན ཝནྡིཏྭཱ ཀཏྭཱ ཙ ནཾ པདཀྑིཎཾ,

པཀྐནྟཱཡ སུཛཱཏཱཡ དྷཱིརོ པཱཏིཾ སམཱདིཡ;

༡༤༠.

ཨུཔགནྟྭཱནཱཏིརམྨཾ ནདིཾ སོ ནཱིལཝཱཧིནིཾ,

སུཔྤཏིཊྛིཏནཱམམྷི ནདཱིཏིཏྠེ ནིསཱིདིཡ;

༡༤༡.

བྷུཉྫིཏྭཱ ཨཱུནཔཎྞཱས པིཎྜཾ ཀཏྭཱན བྷོཛནཾ,

ཝིསྶཛྫེཏྭཱ ཏཏོ པཱཏིཾ པཊིསོཏཾ ནརཱསབྷོ;

༡༤༢.

ཏཏོ སཱལཝནུཡྻཱནེ ཝིསྶམནྟོ དིཝཱདིནེ,

དིསྭཱན སུཔིནེ པཉྩ ཨཏྠཾ ཏེསཾ ཝིཙིནྟིཡ;

༡༤༣.

ཨཱབོདྷིམཱུལཏོ མགྒེ དེཝེཧི སམལངྐཏེ,

མཎིཏོརཎཔཱལཱིཧི པུཎྞཀུམྦྷདྡྷཱཛཱདིཧི;

༡༤༤.

སཱཡཎྷསམཡེ ནཱཐོ གཙྪནྟོ བོདྷི སནྟིཀཾ,

དིསྭཱན སོཏྠིཡཾ ནཱམ ཐཱུཡམཱནཾ དིཛུཏྟམཾ;

༡༤༥.

ཏེན དིནྣཊྛ མུཊྛིནྟུ གཧེཏྭཱ ནཱིལསདྡལཾ,

བོདྷིམཱུལམུཔཱགམྨ ཀཏྭཱན ཏཾ པདཀྑིཎཾ;

༡༤༦.

ཨཀཱསི ཏཱིཎསནྠཱརཾ པཱཙཱིནཱབྷིམུཁཾ ཏདཱ,

ཏཏོ མཧིཾ དྭིདྷཱ ཀཏྭཱ སམུཊྛཱསི མཧཱསནཾ;

༡༤༧.

ཨུཙྩཾ ཙུདྡསཧཏྠེན ནཱནཱ ཙིཏྟ ཝིཙིཏྟིཏཾ,

ཨབྷཊྛནཧིཏྠ ཏཏྲཊྛོ ཨིཙྩེཝཾ དལ༹ྷམཱནསོ;

༡༤༨.

ཀཱམཾ ཏཙོ ནཧཱརཱུ ཙ ཨཊྛི ཙ ཨཝསིསྶཏུ,

ཨུཔསུསྶཏུ མེ གཏྟེ སབྦནྟཾ མཾསལོཧིཏཾ;

༡༤༩.

ན ཨུཊྛཧཱམབུཛ྄ཛྷིཏྭཱ ན ཛཧེ ཝཱིརིཡཾ མམ,

ཨདྷིཊྛཧིཏྭཱ ཨེཝཾ སོ ནིསཱིདི ཝཛིརཱསནེ;

༡༥༠. ¶

ཨནཏིཀྐམཾ ཋཔེཏྭཱན ཙརཎཾ ཙརཎུཔརི,

ཀམལཾ ཀམལེནེཝ མཎིབནྡྷཾ ཝིདྷཱཡ སོ;

༡༥༡.

བཱལཱསོཀདལཱསཏྟ པརཾ ཝཱ’སོཀཔལླཝཾ,

ནིདྷཱཡ ནཡནཱནཏྡ པཱཎིཾ པཱཎིཏལེ ཛིནོ;

༡༥༢.

ཡཐཱ སཉྫྷཱགྷནཱལཱིཌྷ ཏུངྒཀཉྩན པབྦཏོ,

སུརཏྟཙཱིཝརཙྪནྣ ཙཱརིགཏྟ ཝིརཱཛིཏོ;

༡༥༣.

ཨུདཡཱཝལཀོཊིམྷི དིཔྤནྟོཝ དིཝཱཀརོ

ཀནྡྷརོཔརི དིཔྤནྟ མུཁམཎྜལམཎྜིཏོ;

༡༥༤.

ཡཐཱ ཙཱམིཀརབྱམྷེ སུནཱིལཾ སཱིཧཔཉྫརཾ,

ཨསམྤཀམྤཔམྷེཧི པིཧིཏདྡྷསུལོཙནོ;

༡༥༥.

ནཱིལུཔྤལཀལཱཔཾཙ ཛནནེཏྟཱལིཔཱཏནཾ,

སཛ྄ཛྷུདཎྜསམཱབདྡྷ བོདྷིཀྑནྡྷམཕསྶི སོ;

༡༥༦.

ནིསིནྣོ བོདྷིཏོ ཚེཛྫ པཝཱལ༹ཏརུཎངྐུརཱ,

པཏམཱནཱ སམནྟཱསུཾ ཏེཛཾ ཝིཡ ཀུབུདྡྷཱིནཾ;

༡༥༧.

དེཝཱ ཏཏྠ སམཱགཉྫུཾ ཁིཔྤཾ དསསཧསྶིཡཾ,

ཀམལཱསནོརགཱ ཙེཝ སིདྡྷཝིཛྫཱདྷརཱདཡོ

༡༥༨.

སཧམྤཏི མཧཱབྲཧྨཱ བྲཧྨསེནཱཔུརཀྑཏོ,

སིཏཱཏཔཏྟཾ དྷཱརེནྟོ ཋཱིཏོ སམྦུདྡྷ སནྟིཀེ;

༡༥༩.

ཝཱིསཾ རཏན སཏཱཡཱམཾ ཝིཛཡུཏྟར ནཱམཀཾ,

སངྑཾ དྷམེནྟོ ཨཊྛཱསི སཱདརོ པཱཀསཱསནོ;

༡༦༠.

སུཡཱམོ སཧ སེནཱཡ ཐོམཡནྟོ ནརཱདྷིཔཾ,

མཎིཏཱལཝཎྚཾ པགྒཡ྄ཧ མནྡམནྡེན ཝཱིཛཏི;

༡༦༡.

ཛིཏཀིཏྟི ལཏགྒམྷི སསྶ པུཔྥཾཙ པུཔྥཱིཏཾ,

ཝཱལ༹ཝིཛནིམུགྒཡ྄ཧ ཨཊྛཱ སནྟུསིཏོ ཏཧིཾ;

༡༦༢. ¶

བེལུཝཾ ཝཱིཎམཱདཱཡ གཱིཏཾ ནཱནཱལཡཱནུགཾ,

པཉྩསིཁོ ཋིཏོ ཏཏྠ གཱཡམཱནོ ཨནེཀདྷཱ;

༡༦༣.

མཧཱཀཱལོ’པི ནཱགིནྡོ ནཱགསངྒྷཔུརཀྑཏོ,

ཐོམེནྟོ ཏཏྠ ཨཊྛཱསི ནཝཱརཧགུཎཱདིཧི;

༡༦༤.

རངྒབྷུམིཾ མཱཔཡིཏྭཱ གཧེཏྭཱན ཝརངྒནཱ,

ཨུཔཧཱརཾ ཀརོནྟཊྛཱ ཏིམྦརཱུ སཱུརིཡཝཙྩསཱ;

༡༦༥.

ཨཱགནྟྭཱ སཧ སེནཱཡ སིཏངྒོ སིཏབྷུསནོ,

དྷཏརཊྛོ ཋིཏོ པུབྦེ ཨཱརཀྑཾ ཀུརུམཱནཀོ;

༡༦༦.

པཱུརེནྟོ སཀསེནཱཡ དཀྑིཎསྶཾ ཝིརཱུལ༹ྷཀོ,

ཨཱརཀྑཾ ཀུརུམཱནཊྛཱ ནཱིལངྒོ ནཱིལབྷུསནོ;

༡༦༧.

ཝིརཱུཔཀྑོ’པི ཨཊྛཱསི པཱལཡཾ པཙྪིམཾ དིསཾ,

རཏྟངྒཱབྷརཎོ ཝམྨཱི ནིཛསེནཱཔུརཀྑཏོ;

༡༦༨.

ཨུཏྟརསྶཾ སསེནཱཡ ཨཱརཀྑཾ ཀུརུམཱནཀོ,

སོཎྞཝཎྞངྒཱབྷརཎོ ཨཊྛཱསི ནརཝཱཧནོ;

༡༦༩.

ཀིམེཏྠ བཧུལཱཔེན ཛཱཏིཀྑེཏྟམྷི དེཝཏཱ,

ནཱགཏཱ ནེཝ ཝཱཧེསུཾ སབྦེ ཨེཏྠེ’ཝ ཨོསཊཱ;

༡༧༠.

གགནཱཏོཏིཎྞཀེཏུ པཱདེཧི པཐཝཱིཏལེ,

ནཱགཱདཡོ ན དྷུཏཱསུཾ ཀེཏུནཾ བཧུ ཀཱ ཀཐཱ;

༡༧༡.

ན དྷཱུཏཱ དྷཛཔཱདེཧི ཝཱཡུཏུདྡཱམཝུཏྟིཧི,

ཏཱརཀཱ གགནེ བྲཱུམོ ཀིནྣུ ཏཏྠ དྷཛཱལུཏཱ;

༡༧༢.

པུབྦདིསཱ ཙཀྐཝཱལ༹ སིལཱཡུགྒཏཀེཏུནཾ,

པཱདཱནི པརབྷཱགཱདི ཙཀྐཝཱལ༹སིལནྭགུཾ;

༡༧༣.

ཙཀྐཝཱལ༹ མཧཱམེརུ ཡུགནྡྷར ནགཱདཡོ,

པུཔྥཱཝཏཾསཀཱ’ཝཱསུཾ ནཱནཱཝཎྞེཧི སངྑཏཱ;

༡༧༤. ¶

ཝཱམཱམནྡམཀརནྡ བིནྡུསནྡོཧ སུནྡརཾ,

ཨུལློལ པདུམཱཀིཎྞ ཝིཏཱནཾ ཝཱསི ཨམྦརཾ;

༡༧༥.

ཁིཏྟསོགནྡྷཙུཎྞཱནི དེཝབྲཧྨཱདིནཱ ཏཧིཾ,

ཝིཏཱནཾ ཝིཡ ཁཱཡནྟི ཙཀྐཝཱལ༹གྒམཎྜཔེ;

༡༧༦.

ཀཔྤཱུརཱགརུདྷཱུཔེཧཱི ཏཏྠ ཏཏྠུགྒཏེཧི མཱ,

ཀཱལབྦྷཀཱུཊཙྪནྣོཝ ཨཱསི མཉྙཾ ཀཐེམུ ཀིཾ;

༡༧༧.

ཛཱཏིཀྑེཏྟེསུ དེཝེཧི ཀཏགྒྷིཀུསུམཱདིནཱ,

ནོསཱིནཱ དྷརཎཱི བྷཱརཱ དིསེབྷཱནཾ བལཾ ཨཧོ;

༡༧༨.

ཨམྦརཱལམྦམཱནཱནཱི པུཔྥདཱམཱནི བྷཱུཏལཾ,

ཨཱཀཌྜྷནཱཡ དེཝེཧི བདྡྷརཛྫུཝ བྷཱསརེ

༡༧༩.

ཨཉྙོཉྙཀརམུགྒཡ྄ཧ གགནེ སུརསུཏྡརཱི,

པརིབྦྷམནྟཱ གཱཡནྟི ཏཏྠ ཏཏྠ མནོརམཾ;

༡༨༠.

ཨུབྷོ བྷུཛེ ཝིཀཱསེཏྭཱ མཎྜིཏཾ སུརསུཏྡརཱི,

བྷམནྟི བྷནྟབྷེཎྜུཝ ཏཏྠ ཏཏྠམྦརེ ཡུགཱ;

༡༨༡.

ནཱིལུཔྤལཀལཱཔཱདཱི གཧེཏྭཱན སུརངྒནཱ,

ཋཱིཏཱསུཾ པརིཝཱརེཏྭཱ པཱུཛམཱནཱ ནརིསྶརཾ;

༡༨༢.

རཏྣཔལླཝཀལཧཱར ཀམལུཔྤལ སངྒཏེ,

སནྣཱིརཀུསུམཱཀིཎྞེ པུཎྞེསོགནྡྷཝཱརིཧཱི;

༡༨༣.

ཀཉྩནཱདིགྷཊེ གཡ྄ཧ ཨམྦརེ སུརསུནྡརཱི,

ཀཏྭཱན སུགཏཾ མཛ྄ཛྷེ པཱུཛཡིཾསུ སམནྟཏོ

༡༨༤.

ཀཉྩནཱདཱསཧཏྠཱ ཙ ཀཱཙཱི ཀཉྙཱ ཏཐཱ ཋིཏཱ,

ཏཱལཝཎྚེ གཧེཏྭཱན ཋཱིཏཱསུཾ ཀཱཙི དེཝཏཱ;

༡༨༥.

ཀཱཙི མངྒལ སཾཡུཏྟ ཝཙནཱ ཏཝ པཏྠནཱ,

སམིཛ྄ཛྷཏུཏི གྷོསེནྟཱི པརིཝཱརེཏྭཱ ཋིཏཱ ཛིནཾ;

༡༨༦. ¶

སིརིཝཙྪཱདི པགྒཡ྄ཧ ཨཊྛམངྒལམུཏྟམཾ,

ཋིཏཱསུཾ གགནེ ནཱརཱི པརིཝཱརེཏྭཱ མུནིསྶརཾ;

༡༨༧.

ནཙྩནྟི ཀེཙི ཀཱིལ༹ནྟི སེལེནྟི ཙ ལལནྟི ཙ,

ཝཱདེནྟི ཀེཙི གཱཡནྟི ཝེལུཀྑེཔཾ ཀརོནྟི ཙ;

༡༨༨.

ནེཀཔུཔྥགྒྷིཔནྟཱི ཙ ཏཐཱ དཱིཔགྒྷིཔནྟི ཙ,

མཎིཙཱམཱིཀརཱསཛ྄ཛྷུ ཨགྒྷིཀཱ པནྟིཡོ ཏཐཱ;

༡༨༩.

ཨཱབྲཧྨབྷཝནུགྒམྨ ཙཀྐཝཱལ༹སམནྟཏོ,

ཏིཊྛནྟི ཛལམཱནཱཡོ བུདྡྷསྶ མངྒལུསྶཝེ;

༡༩༠.

སཏྟརཏནསམྦྷུཏཱ ནཱནཱ ཏོརཎཔནྟཱིཡོ,

ཧེམརམྦྷཱམཡཱ ཙཱཔི ཏཐཱ དུསྶམཡཱ སིཡུཾ;

༡༩༡.

ནཱནཱཝཎྞེཧི ནེཀེཧི ཚཏྟེཧི ཙ ནིརནྟརཾ,

ཙཀྐཝཱལོ༹དརཾ ཨཱསི སརཾཙ ཀམལཱཀུལཾ;

༡༩༢.

ཏཏྠ ཏཏྠུཛྫལཱནེཀ ཡནྟདཱིཔཱཝལཱི མཧཱི,

ཏཱརཀཱཛཱལཀཱཀིཎྞ གགནངྒནསནྟིབྷཱ;

༡༩༣.

དྷཛནྟརིཏ ཚཏྟཱ’སུཾ ཙཀྐཝཱལ༹གིརཱུཔརི,

ནིརནྟརཱ’སུཾ ཏཏྠེཝ གྷཊདཱིཔཱ ཙ ཏོརཎ;

༡༩༤.

ནཱནཱཏུརིཡནཱདེཧི ནཱནཱསངྒཱིཏིཏཱཧི ཙ,

སཱདྷུཝཱདེཧི ནེཀེཧི ཙཀྐཝཱལོ༹ ཕུཊོ ཨཧཱུ;

༡༩༥.

ཨཧོ མཧནྟཏཱ ཏསྶ བུདྡྷསྶ ཀཏམངྒལེ,

པཱུཛཱཝིསེསཾ ཏཾ ཀོ ཧི མུཁེནེཀེན བྷཱསཏཱི;

༡༩༦.

ཙཏུམྨུཁོ སཧསྶཀྑོ དྭིསཧསྶནཡནོ ཕཎཱི,

དསཀཎྛོ’པི ཏཾ སབྦཾ ནེཝ སཀྐོནྟི བྷཱསིཏུཾ;

༡༩༧.

ཨེཝཾ སུརཱསུརབྲཧྨ ཝེནཏེཡྻོརགཱདིཧི,

ནིརནྟརཾ ཀཏཱནེཀ མཧཱམཧ སམཱཀུལེ;

༡༩༨. ¶

ཏསྨིནྟུ ཝཱསརེ མཱརོ པསྶིཏྭཱ བྷུཝནཾ ཨིདཾ,

ཨཱམནྟེཏྭཱ སཱནུཝརེ ཨཱཧེཝཾ སཀུཏཱུཧལོ;

༡༩༩.

སབྦེ དིབྦཝིམཱནཱ བྷོ སུཉྙཱ དིསྶནྟི ཚཌྜིཏཱ,

པུརཔཱལམྤཧཱཔེཏྭཱ ཀྭ གཏཱ’སུཾ སདེཝཀཱ;

༢༠༠.

ཀིམྦྷོ མཱར ན ཛཱནཱསི མཏྟོ སུཏྟོ’སི ཨཛྫ ཀིཾ,

སུདྡྷོདནིཡ སིདྡྷཏྠོ མཱཡཱཡ ཏནཡོ ཨཡཾ;

༢༠༡.

པུརེཏྭཱ པཱརམཱི སབྦཱ ཀཏྭཱན ཨབྷིནིཀྑམཾ,

བོདྷིམུལེ ནིསིནྣོ སི ཨཛྫ བུདྡྷོ བྷཝཱམཱིཏི;

༢༠༢.

ཏསྶ པཱུཛཱཝིདྷཱནཏྠཾ དསསཧསྶཱིསུ དེཝཏཱ,

སམཱགཏཱ ཧཊྛཏུཊྛཱ ཀརོནྟཛྫ མཧཱམཧཾ;

༢༠༣.

ཀིནྣུ ཏེ བདྷིརཾ སོཏཾ ཀིནྣུ པརིཧཱཡི ལོཙནཾ,

དྷཛགྒཱ ཏེ ན དིསྶནྟི ཨུལློལཾ ཏེ ན སཱུཡཏི;

༢༠༤.

ཏེསཾ ཏཾ ཝཙནཾ སུཏྭཱ ཨནྟཀོ ཁལུ པཱཔིམཱ,

དུཀྑིཏོ དུམྨནོ ཏེསཾ སོཙནྟོ ཨིདམྦྲུཝི;

༢༠༥.

ཨཧོ ཝཏཱ’ཏིཔརིཧཱནི སཾསཱརསྶ མཧཱ ཨཡཾ,

ཨསཱརོ ཁལུ སཾསཱརོ སིདྡྷཏྠེ ཝིབྷཝཾ གཏེ;

༢༠༦.

ཨཧོ ཝཏཱ’ཏི ནཊྛམྷཱ ཏིཝཊྚཾ པརིཔུརིཏཾ,

ཧོཏི བྷོ དཧནཱ དཌྜྷཝནཾཝཱཏི ཨལཀྑིཀཾ;

༢༠༧.

ནིརཱལོཀཾ ཏིལོཀཾ བྷོ ཨསུརཾ ཝཱསརཾ ཡཐཱ,

པརིམོསརཏནཾ ཧོཏི རཛྫཾ ཝེདཾ ཛགཏྟཡཾ;

༢༠༨.

མམེས ཝིསཡཾ ཧིཏྭཱ ཡཱཏི སིདྡྷཏྠདཱརཀོ,

ཏེན ཡཱཏེན མགྒེན ནིཀྑམནྟི བཧུཛྫནཱ;

༢༠༩.

བྷཝནྟཾ ན ཀརོཏེསོ ཡཱཝ སུདྡྷོདནཏྲཛོ,

ཨེཐ གཙྪཱམ སིདྡྷཏྠམསིདྡྷཏྠཾ ཀརོམ བྷོ;

༢༡༠.

མཱཔེཐ བྷེརཝཾ ཝཎྞཾ བཱིབྷཙྪཾ དུདྡསཾ ཁརཾ,

སདྡེནེཝ པལཱཔེཐ ཏཱུལབྷཊྚཾཝ ཝཱཡུནཱ;

༢༡༡. ¶

ཏསྶ ཏཾ ཝཙནཾ སུཏྭཱ མཱརསེནཱ སམཱགམུཾ,

ནཱནཱཝེསདྷརཱ ཧུཏྭཱ ནཱནཱཡུདྷ སམངྒིནོ;

༢༡༢.

ཡོཛནཱནཾ ཏདཱ མཱརོ དིཡཌྜྷསཏམུཙྩཏོ,

གིརིམེཁལམཱརུཡ྄ཧ སེནཱཡ སཧསཱ’གམཱི;

༢༡༣.

དིསྭཱན དུརཏོ ཨེཏྟཾ དེཝཱ མཱརཾ སཝཱཧིནིཾ,

བྷཡཊྚཱཔགམུཾ ཁིཔྤཾ དྷཱཝམཱནཱ དིསོདིསཾ;

༢༡༤.

སཾཁིཔྤ ཁིཔྤཾ སཙྪཏྟཾ བྲཧྨཱ དྷཱཝི པརམྨུཁོ,

ཀཏྭཱན པིཊྛིཡཾ སངྑཾ སཀྐོ དྷཱཝི ཝིསངྐིཏོ;

༢༡༥.

མཧཱཀཱལོ’པི ནཱགིནྡོ ནིམུཛྫ མཧིཡཾ ཏདཱ,

ཝཏྟདཏྟཀརོ བྷཱིརུ སཀེ ནིཔཏི མཉྩཀེ;

༢༡༦.

སཾ སཾ པཱུཛཱཝིདྷཱནནྟུ ཚཌྜེཏྭཱན སདེཝཀཱ,

གཏཱསུཾ སུཉྙཀཾ ཨཱསི ཙཀྐཝཱལ༹མིདཾ ཏདཱ;

༢༡༧.

ནིསྶིརཱིཀཾ པདེསཾ ཏཾ ཨསོབྷཾ ཨསམཉྫསཾ,

ཨཧོསི པཏིཏཱནེཀ པཱུཛཱབྷཎྜསམཱཀུལཾ;

༢༡༨.

ཨེཀོཝ ཏཏྠ སུགཏོ ནིསཱིདི ཝཛིརཱསནེ,

པཛྫལཾ ནིཛསིརིཡཱ སཱུརིཡོཝ ཡུགནྡྷརེ;

༢༡༩.

ཨཀམྤོ ཙ ཨསནྟྲཱསཱི ལོམཧཾས ཝིཝཛྫིཏོ,

ཨབྷཱིཏོ སཱིཧརཱཛཱཝ མིགཙྪཱཔཱནམགྒཏོ;

༢༢༠.

ཏཏོ དྷམྨིསྶརསྶགྒེ དུནྣིམིཏྟཱནི ཛཱཡརུཾ,

ཨནྡྷཀཱརཾ དིསཱ ཨཱསུཾ དྷཱུམཀེཏུ ཙ ཨམྦརེ;

༢༢༡.

དིནཾ དུདྡིནཀཾ ཨཱསི ཧཏརཾསི དིཝཱཀརོ,

ཨུཀྐཱཔཏོ’པི པཉྙཱཡི དིསཱཌཱཧོཔཔཛྫཐ;

༢༢༢.

ཨགྷནེ གགནེ ཨཱསུཾ ཨིནྡཙཱཔཝིརཛྫུཏཱི,

ཨནལཱསནིཡོ’དིཏྟཱ ཏཏྠ ཏཏྠ པཏནྟཱི ཙ

༢༢༣.

ཀཱཀོལསངྒྷཱ ཝསྶིཾསུ ཨུཎྞ སཀུཎཀོསིཡཱ,

ཙརིཾསུ ཨམྦརེ’པེཏཱ ཀབནྡྷཱ ཙ བྷཡཱཝཧཱ;

༢༢༤. ¶

སེནཾ སཾཝིདཧིཏྭཱན ཏཏོ མཱརོ ཨབྷིདྡཝི,

ཨཱགནྟྭཱ ཙཀྐཝཱལ༹མྷི ཋིཏོ ཛིནམུདིཀྑིཡ;

༢༢༥.

ཨེཀཀསྶ མནུསྶསྶ སནྟིཀོཔགམཾ མམ,

ན ཡུཏྟཉྷི གཛོ ཡཱཏི གཛཾ ནོ ཡཱཏི ཀོཏྠུཀཾ;

༢༢༦.

ནེཏཾ གརུ པལཱཔེཏུཾ ཀཱལོ ཨིཏི ཝིཙིནྟིཡ,

མཱཔེསི ཀུཔིཏོ ཁིཔྤཾ ཀཔྤནིལ སམཱནིལཾ;

༢༢༧.

ཁིཔནྟོ གགནེ ཁིཔྤཾ ཨུདྡྷརིཏྭཱ ཝནསྤཏཱི,

ཀཏྭཱན ཝནམུམྨཱུལཾ ཝིདྡྷཾསེནྟོ ཨསེསཀཾ;

༢༢༨.

ཙཱལེཏྭཱ ཏཱལསཱལཱདིཾ ལུཉྩིཏྭཱ གགནེ ཁིཔཾ,

པཱཏེནྟོ ཙཀྐཝཱལ༹ནྟེ ཝཱཛིསཱིཧ གཛཱདཡོ;

༢༢༩.

པཧརིཏྭཱ ཝིཝཏྟེཏྭཱ གིརིཀཱུཊཱནི ཨུཀྑིཔཾ,

བྷམཡནྟོ ནབྷོམཛ྄ཛྷེ དྷཱཝཏེཝ ཏཏོ ཏཏོ;

༢༣༠.

སིལཱཧི སིལཱསངྒྷཊྚ མཧཱནཱདཾ པཝཏྟཡཾ,

པཱཏེནྟོ དཧནཉྩཱཔི དྷཱུམམམྦར མུཀྑིཔཾ;

༢༣༡.

བྷམཡནྟོ གཧེཏྭཱན ཨམྦརེ ཚདནིཊྛིཀཱ,

པཱསཱདེ པརིཝཏྟེཏྭཱ པཧརནྟོ ནགཱདིསུ;

༢༣༢.

ཁནནྟོ པཐཝིཾ པཾསུཾ གཧེཏྭཱམྦརམཎྜལེ,

བནྡྷནྟོཝ པརཾ བྷུམིཾ བྷིནྡནྟོ ཏུངྒཔབྦཏེ;

༢༣༣.

བྷཡཱནཀེན སདྡེན ཨུཔགམྨ མཧཱམུནིཾ,

ཙཱལེཏུཾ ནེཝ སོ སཀྑི ཨཾསུམཏྟམྤི ཙཱིཝརེ;

༢༣༤.

ཏདཱསི ཝིཛཡོ ཏསྶ སམྦུདྡྷསྶ སིརཱིམཏོ,

པཋམེ མཱརཡུདྡྷམྷི མཱརསྶཱསི པརཱཛཡོ;

༢༣༥.

ཨེཝཾ མཧཱནུབྷཱཝོཏི མནྟྭཱན ནརསཱརཐིཾ,

ནིཙྩཾ ཝནྡཐ པཱུཛེཐ སོ ཧི ཝོ སརཎཾ སདཱ;

ཨིཏི པཋམོ ཝིཛཡོ.

༢༣༦. ¶

དིསྭཱ ནམུཙི དྷཱིརསྶ མཱལུཏེནཱནུཔདྡཝཾ,

དུཀྑཱི ཙ དུམྨནོ ཨཱསི ཀོདྷེནཱཏུརམཱནསོ;

༢༣༧.

ཧོཏུ དཱནི མཧོགྷེན པཝཱཧེམི ཨིམཾ ཡཏིཾ,

མཱཔེཏྭཱན མཧཱམེགྷཾ སོཙནཱཡ ཨལཾ མམ;

༢༣༨.

ཨིཏི ཙིནྟིཡ སོ མཱརོ མཧཱམེགྷམམཱཔཡི,

དིསཱསུམྤིཧིཏཱ སབྦཱ ཨནྡྷཀཱརོ ཨཝཏྠརི;

༢༣༩.

ཨུཔརཱུཔརི གུཎཱ ཧུཏྭཱ སཧསྶཱནི སཏཱནི’པི,

དྷཱརཱདྷརཱ མཧཱདྷཱརཱ ཝཏྟཡིཾསུ སམནྟཏོ;

༢༤༠.

སོདཱམིནཱིསཧསྶེཧི ཝིནདྡྷཾཝ ནབྷཾ ཨཧཱུ,

ཏཏྠ ཏཏྠ དིསཱབྷཱགེ ཨིནྡཙཱཔཱ ཨཝཏྟཐ;

༢༤༡.

མཧཱརཛཏརཛྫཱུཧི སིབྦིཏཱཝ ནབྷཱཝནཱི,

དྷརཱདྷརོརུདྷཱརཱཧི ནིརནྟརཔཝཏྟིཧི;

༢༤༢.

ཏཏྠ ཏཏྠ པཏནྟཱནི གྷོརཱསནིསཏཱ ཨཧུཾ,

མཧཱབྷཱིམ ནབྷོ བྷེརིསྶནཱ ཨཱསུཾ ཏཧིཾ ཏཧིཾ;

༢༤༣.

ཨུདྡྷརནྟོ མཧཱསེལེ མཧོགྷོ ཙ ཏདུབྦྷཝེ,

ཀེལཱས སིཁརཱཀཱར ཨེཎེཔུཉྫེ སམུབྦཧཾ;

༢༤༤.

མཧཱཐཱུཔཔྤམཱཎཱདི མཧཱབུབྦུལམུབྦཧཾ,

གམྦྷཱིརོ པུཐུལོ ཙཎྜོ ཨུཔགམྨ ཛིནནྟིཀཾ;

༢༤༥.

སརཱིརེ ལོམམཏྟམྤི ཏེམེཏུམསམཏྠཀོ,

གཏོ མཧོགྷོ བུདྡྷསྶ’བྷོ’ནུབྷཱཝམཧནྟཏཱ;

༢༤༦.

ཏདཱསི ཝིཛཡོ ཏསྶ སམྦུདྡྷསྶ སིརཱིམཏོ,

དུཏིཡེ མཱརཡུདྡྷམྷི མཱརསྶཱསཱི པརཱཛཡོ;

༢༤༧.

ཨེཝཾ མཧཱནུབྷཱཝོཏི མནྟྭཱན ནར སཱརཐིཾ,

ནིཙྩཾ ཝནྡཐ པཱུཛེཐ སོ ཧི ཝོ སརཎཾ སདཱ;

དུཏིཡོ ཝིཛཡོ.

༢༤༨. ¶

ཏཏོ མཱརོ ཨསཀྐོནྟོ ཝསྶོགྷེན ཨུཔདྡཝཾ,

ཀཱཏུཾ ཏསྶ ཨུསཱུཡཱདི ཀོཔཱཀུལམནོ ཏདཱ;

༢༤༩.

བྷཝཏཛྫ ཀིམེཏེན མཱརཎེ ཏསྶ ཀིཾ གརུ,

ཨིདཱནངྒཱརཝུཊྛཱིཧི ཛྷཱཔེམི སཧསཱ ཨིམཾ;

༢༥༠.

ཨིཏི ཙིནྟིཡ སོ མཱརོ མཱཔེཏྭཱངྒཱར ཝུཊྛིཡོ,

པེསེསི ནབྷསཱ ཏསྶ སམྦུདྡྷསྶ ཨུཔནྟིཀཾ;

༢༥༡.

མཧཱཔབྦཏསངྐཱས ཛལིཏངྒཱར རཱསཡོ,

དྷཱཝིཾསུ ནཧསཱ ཏཏྠ ཨཙྩིམནྟོ མཧབྦྷཡཱ;

༢༥༢.

ཙིཙྩིཊཱཡན སདྡེཧི པཱུརཡནྟོ དིསནྟརཾ,

དྷཱུཔཱཡནྟོ ཕུལིངྒེཧི མཱརསྶཱཔི བྷཡཱཝཧཱ;

༢༥༣.

ཨུཛྫཱལེནྟཱ མཧཱརུཀྑེ པབྦཏེ’པི ཙ སམྨུཁེ,

ནརཀོདརུགྒཏཱ ཨགྒཱི རཱསཱིཝཱཏི བྷཡཱཝཧཱ;

༢༥༤.

ཨུཔགནྟྭཱ མུཧུཏྟེན ནིསིནྣཾ མུནིཔུངྒཝཾ,

མདྷུམཏྟཱལིཛྷངྐཱར ནཱདཱཀུལདིསཱམུཁཱ;

༢༥༥.

པཱཏེནྟི སཏཏཱམནྡ མཀརནྡཛ བིནྡཝོ,

མཱལཱཝཏཾསཀཱ ཧུཏྭཱ པཱདམུལེ པཏིཾསུ ཏཱ;

༢༥༦.

ཏདཱསི ཝིཛཡོ ཏསྶ སམྦུདྡྷསྶ སིརཱིམཏོ,

ཏཏིཡེ མཱར ཡུདྡྷམྷི མཱརསྶཱསི པརཱཛཡོ;

༢༥༧.

ཨེཝཾ མཧཱནུབྷཱཝོཏི མནྟྭཱན ནརསཱརཐིཾ,

ནིཙྩཾ ཝནྡཐ པཱུཛེཐ སོ ཧི ཝོ སརཎཾ སདཱ;

ཏཏིཡོ ཝིཛཡོ.

༢༥༨.

ཏེནཱནུཔདྡུཏཾ བུདྡྷཾ པསྶིཏྭཱན པཛཱཔཏི,

དུཀྑིཏོ དུམྨནོ ཧུཏྭཱ ཨེཝཾ ཙིནྟེསི དུམྨཏི;

༢༥༩.

པཱསཱཎཝསྶཾ མཱཔེཏྭཱ ཙུཎྞེཏྭཱ པནིམཾ ཡཏིཾ,

ཝིདྡྷཾསེམཱིཏི ཙིནྟེཏྭཱ མཱཔེསཱུཔལཝསྶཀཾ;

༢༦༠. ¶

ཏསྨིཾ ཝསྶེ’ཏི བཱིབྷཙྪཱ དྷཱུམཱཡནྟཱ སཛོཏིཀཱ,

ཛལིཏངྒཱརསངྐཱསཱ པཱསཱཎུཙྩཱཝཙཱ བཧཱུ;

༢༦༡.

ཀརཱནཉྙོཉྙསངྒྷཊྚཱ མཧནྟཾ བྷེརཝཾ རཝཾ,

དུདྡིནཾ དྷཱུམཛཱལཱཧི ཀུརུམཱནཱ སམནྟཏོ;

༢༦༢.

སཏྠཱུཔགནྟྭཱབྷིམུཁཾ སནྟམཱལཱགུལཱ ཝིཡ,

པཏིཾསུ སིརིཔཱདེ ཏེ ཨམནྡཱམོདཝཱཧིནོ;

༢༦༣.

ཏདཱསི ཝིཛཡོ ཏསྶ སམྦུདྡྷསྶ སིརཱིམཏོ,

ཙཏུཏྠེ མཱརཡུདྡྷམྷི མཱརསྶཱསི པརཱཛཡོ;

༢༦༤.

ཨེཝཾ མཧཱནུབྷཱཝོཏི མནྟྭཱན ནརསཱརཐིཾ,

ནིཙྩཾ ཝནྡཐ པཱུཛེཐ སོ ཧི ཝོ སརཎཾ སདཱ;

ཙཏུཏྠོ ཝིཛཡོ.

༢༦༥.

དིསྭཱནཏྟམནོ མཱརོ དིཏྟོ ཀོདྷགྒིནཱ ཏདཱ,

མཱཔེཏྭཱ’ཡུདྷཝསྶཾ སོ པེསེསི ཏདུཔནྟིཀཾ;

༢༦༦.

ནེཏྟིཾསཙྪཱུརིཀཱ སཏྟི ཧེཎྜིཝཱལ གདཱདཡོ,

ཏིཎྒདྷཱརཱ པཛྫལིཏཱ ཨཙིརཛྫུཏི སནྣིབྷཱ;

༢༦༧.

ཡཐཱ པུཔྥོཔཧཱརོཔགནྟྭཱན གགནངྒནཱ,

ཨེཝཾ སམྦུདྡྷཔཱདེསུ པཏིཾསུ པརིཝཏྟིཏཱ;

༢༦༨.

ཏདཱསི ཝིཛཡོ ཏསྶ སམྦུདྡྷསྶ སིརཱིམཏོ,

པཉྩམེ མཱརཡུདྡྷམྷི མཱརསྶཱསི པརཱཛཡོ;

༢༦༩.

ཨེཝཾ མཧཱནུབྷཱཝོཏི མནྟྭཱན ནརསཱརཐིཾ,

ནིཙྩཾ ཝནྡཐ པཱུཛེཐ སོ ཧི ཝོ སརཎཾ སདཱ;

པཉྩམོ ཝིཛཡོ.

༢༧༠.

ཏཾ དིསྭཱ པཱཔིམཱ ཀུདྡྷོ ཡཾ ཡཾ ཏསྶ ཀརོམ’ཧཾ,

ཏཾ ཏཾ’དཱནཱི ན སཀྐོཏི ཀིཉྩི ཀཱཀུམུ’པཀྐམཾ;

༢༧༡. ¶

མཱཔེསི ཀུཀྐུལཾ ཝསྶཾ མཱརམཱིཏ’དྷུནཱ མུནིཾ,

སོ’གཱ’ཀཱསཱ སམྤདིཏྟོ དྷཱུམཱཡནྟོཝ པཛྫལཾ;

༢༧༢.

ཛིནསྶཱབྷིམུཁཾ གནྟྭཱ ཀུཀྐུལོ པརིཝཏྟིཡ,

ཙནྡནསྶ སིཏབྦྷསྶ དྷཱུལཱི ཧུཏྭཱན པགྒྷརི;

༢༧༣.

ཏདཱསི ཝིཛཡོ ཏསྶ སམྦུདྡྷསྶ སིརཱིམཏོ,

ཚཊྛེ ནམུཙི ཡུདྡྷམྷི མཱརསྶཱསཱི པརཱཛཡོ;

༢༧༤.

ཨེཝཾ མཧཱནུབྷཱཝོཏི མནྟྭཱན ནརསཱརཐིཾ,

ནིཙྩཾ ཝནྡཐ པཱུཛེཐ སོ ཧི ཝོ སརཎཾ སདཱ;

ཚཊྛོ ཝིཛཡོ.

༢༧༥.

ཏཏོ དིསྭཱན ཏཾ ཀཎྷོ ཀཎྷསེནཱ པུརཀྑཏོ,

སངྐུདྡྷོ པེསཡི ཏཏྠ ཝསྶཾ སོ སིཀཏཱམཡཾ;

༢༧༦.

ཁདཱིརངྒཱར སངྐཱསཱ ཝཱལུཀཱ གགནཱགཏཱ,

བྷསྶནྟཱ ཛིནཔཱདནྟེ ཝཱསཙུཎྞཏྟམཱགཏཱ;

༢༧༧.

ཏདཱསི ཝིཛཡོ ཏསྶ སམྦུདྡྷསྶ སིརཱིམཏོ,

སཏྟམེ མཱརཡུདྡྷམྷི མཱརསྶཱསི པརཱཛཡོ;

༢༧༨.

ཨེཝཾ མཧཱནུབྷཱཝོཏི མནྟྭཱན ནར སཱརཐིཾ,

ནིཙྩཾ ཝནྡཐ པཱུཛེཐ སོ ཧི ཝོ སརཎཾ སདཱ;

སཏྟམོ ཝིཛཡོ.

༢༧༩.

ཏམྤི དིསྭཱ ཨསཛྫནྟོ ཨཧིརཱི ཀོཔཀེཏུཀོ,

མཱཔེཏྭཱ པལིཔནྡཱནི ཏཏྠ ཨོསཱིདཡཱམི ཏཾ;

༢༨༠.

ཨིཏི ཙིནྟིཡ མཱཔེཏྭཱ པེསེསི པལིཔཾ གྷནཾ,

དྷཱུཔཱཡནྟོ པཛྫལནྟོ གནྟྭཱ སོ ནབྷསཱ ལཧུཾ;

༢༨༡.

སམྦུདྡྷསིརིཔཱདམྷི སམྤཏྟོ ནིབྦུཏོ ཏཏོ,

ནཱནཱསུགནྡྷསམྦྷུཏ གནྡྷཀདྡམཏཾ གཏོ;

༢༨༢. ¶

ཏདཱསི ཝིཛཡོ ཏསྶ སམྦུདྡྷསྶ སིརཱིམཏོ,

ཨཊྛམེ མཱརཡུདྡྷམྷི མཱརསྶཱསི པརཱཛཡོ;

༢༨༣.

ཨེཝཾ མཧཱནུབྷཱཝོཏི མནྟྭཱན ནརསཱརཐིཾ,

ནིཙྩཾ ཝནྡཐ པཱུཛེཐ སོ ཧི ཝོ སརཎཾ སདཱ;

༢༨༤.

ཨོལོཀེནྟོ ཏཏོ མཱརོ མཱརཱརིཾ སིརིཡུཛྫལཾ,

དིསྭཱ ཙིཏྟམྤསཱདེཏུམསཀྐོནྟོ’ཏི ཀོཔཝཱ;

༢༨༥.

ཨཛྫེཏམནྡྷཀཱརསྨིཾ པཀྑིཔིཏྭཱ པམོཧིཏུཾ,

མཡ྄ཧཾ བྷཱརོཏི ཙིནྟེཏྭཱ མཱཔེསི ཏིམིརཾ གྷནཾ;

༢༨༦.

ལོཀནྟརེསུ སམྦྷུཏ ཏིམིསོ’ཝ བྷཡཱཝཧོ,

གནྟྭཱན གགནཱ སོ ཧི པཏྭཱན མུནིསནྟིཀཾ;

༢༨༧.

ཡཐཱ ཏིམིརམཱཡཱཏི ཝིནཱསཾ སུརིཡུགྒཏེ,

ཨེཝམཱསི ཛིནགྒམྷི ཨནྡྷཀཱརོ ཏཐཱཝིདྷོ;

༢༨༨.

ཏདཱསི ཝིཛཡོ ཏསྶ སམྦུདྡྷསྶ སིརཱིམཏོ,

ནཝམེ མཱརཡུདྡྷམྷི མཱརསྶཱསི པརཱཛཡོ;

༢༨༩.

ཨེཝཾ མཧཱནུབྷཱཝོཏི མནྟྭཱན ནརསཱརཐིཾ,

ནིཙྩཾ ཝནྡཐ པཱུཛེཐ སོ ཧི ཝོ སརཎཾ སདཱ;

ནཝམོ ཝིཛཡོ.

༢༩༠.

ཨེཝཾ ནཝཧི ཝུཊྛིཧི ཀཏྭཱ མཱརོ མཧཱ བྷཝཾ,

ན ཏསྶོཔདྡཝཾ དིསྭཱ དིཏྟཀོཔཱནལཱཀུལོ;

༢༩༡.

གཧེཏྭཱན ཏཏོ ཁིཔྤཾ ཋཔིཏཾ ཨཏྟགུཏྟིཡཱ,

ཙཀྐཱཡུདྷཾ མཧཱཏེཛཾ ཀུཔིཏོ ཁིཔི ཝེགསཱ;

༢༩༢.

དྷཱརཱདྷརཾ ཏམུགྒཡ྄ཧ ཀུདྡྷོ པཧརཏེ ཡདཱི,

ཀལཱིརཾཝ ཨསཛྫནྟོ ཝིཁཎྜེཏི པཛཱཔཏི;

༢༩༣.

ཏཐེཝ སོ མཧིཾ ཀུདྡྷོ མཱརོ ཁིཔཏི ཝེགཝཱ,

ན བྷཝནྟོསདྷཱ པཱཎཱ ཝིསུསྶནྟི སརཱདཡོ;

༢༩༤. ¶

ཏཐེཝ ཀུཔིཏོ ཏེན ཁིཔཏེ སོ མཧམྦུདྷིཾ,

ཝིལཡཾ ཛལཛཱ ཡནྟི སུསྶཏེ སོ མཧཎྞཝོ;

༢༩༥.

ཨེཝཾ མཧཱནུབྷཱཝོ སོ གཙྪནྟོ ཛལམྦརེ,

པཏྭཱན པཏིཏོ ནཱཐཾ ཧུཏྭཱན པུཔྥཙུམྦཊཾ;

༢༩༦.

ཏདཱསི ཝིཛཡོ ཏསྶ སམྦུདྡྷསྶ སིརཱིམཏོ,

དསམེ མཱརཡུདྡྷམྷི མཱརསྶཱསི པརཱཛཡོ;

༢༩༧.

ཨེཝཾ མཧཱནུབྷཱཝོཏི མནྟྭཱན ནརསཱརཐིཾ,

ནིཙྩཾ ཝནྡཐ པཱུཛེཐ སོ ཧི ཝོ སརཎཾ སདཱ;

དསམོ ཝིཛཡོ.

༢༩༨.

ཨིཏི ཀོཔགྒིནཱ དིཏྟམནཾ མཱརཾ ཏདཱ ཛིནོ,

ཀརུཎཱཛལསེཀེན ནིབྦཱཔེནྟོ ནིསཱིདི སོ;

༢༩༩.

ཨེཝཾ ཀཏྭཱཔི སོ ཀུདྡྷོ ཨལདྡྷཝིཛཡོ ཏདཱ,

ཨཱམནྟེསི སཀཾ སེནཾ པལཡཱནལབྷེརཝཾ;

༣༠༠.

ཨེཐཱསུ ཝཏ’རེ མཡ྄ཧཾ ཨསྶཝཱ མཱརཀིངྐརཱ,

ནཱནཱཝེསདྷརཱ ཧོཐ དྷཱརེཐ ཝིཝིདྷཱཡུདྷེ;

༣༠༡.

སདྡེཧེཏཾ པལཱཔེཐ ཡཱཐ གཎྷཐ བནྡྷཐ,

པཱདེ གཧེཏྭཱ ཁིཔཐ ཙཀྐཝཱལ༹ནྟརཾ ཨིཏོ;

༣༠༢.

ཨཐགཱ སཧ ཝཱཙཱཧི བྷིཾསཱ སཱ མཱརཝཱཧིནཱི,

ཏུརངྒ ཝྱགྒྷ མཱཏངྒ སཱིཧཱདིརཱུཔ བྷིཾསནཱ;

༣༠༣.

སཱ མཱརསྶུབྷཏོ པསྶེ ཙཏུཝཱིསཏིཡོཛནེ,

ཋིཏཱ པཙྪིམབྷཱགམྷཱི ཙཀྐཝཱལ༹སིལཱཝདྷིཾ;

༣༠༤.

བཧལཏྟེན སཱ ཨཱསི སམྤུཎྞ ནཝཡོཛནཱ,

ཡཀྑ པེཏ པིསཱཙཱདི ཝེསེཧི བྷཡཝཱཧིནཱི;

༣༠༥.

སཾཝཊྚ ཝཱཏསམྤཱཏ ཁུབྷཱིཏམྦུདྷིནོ ཝིཡ,

ཨུལློལ བྷིམགྷོསོ ཏུ གཏོ བྲཧྨཔུརཱཝདྷིཾ;

༣༠༦. ¶

དནྟ སངྒྷཊྚ སཉྫཱཏ ཛཱལཱམཱལཱ སམཱཀུལཱ,

ཏེསཾགཱརཱ’ཝ དིཏྟཱསུཾ ཀོདྷུམྨཱིལིཏ ལོཙནཱ

༣༠༧.

ཝཧནྟི དྷཱུམཀྑནྡྷཱནི མུཁཀོཊར ཀོཊིཧཱི,

ནཱིཧཊཱ ནཱིཧཊཱ ཛིཝ྄ཧཱ སུབྷཱིམོརགཏཾ གཏཱ;

༣༠༨.

ཨུདྡྷརིཏྭཱན ཏཱལཱདི ཀརིཏྭཱན སརཱསནེ,

བྷུཛངྒེ ཙ གུཎེ ཀེཙི གཱལ༹ྷམཱཀཌྜྷཡནྟི ཙ;

༣༠༩.

པུཎྜརཱིཀཙྪ སཱིཧཱདཱི ཁིཔནྟཱབྷིམུཁེ ཏདཱ,

དྷཱཝནྟེཀེ སམུགྒཡ྄ཧ པུརཏོ དིཏྟཔབྦཏེ;

༣༡༠.

བྷཡཱནཀཱཏི ནེཀཱནི སཱིསཱནེཀ ཀལེབརེ,

མཱཔཡིཏྭཱན པུརཏོ དྷཱཝནྟི ཀེཙི ཀིངྐརཱ;

༣༡༡.

སཱིསེན སཱིཧསངྐཱསཱ གཏྟེན མནུཛོཔམཱ,

བུདྡྷསྶཱབྷིམུཁཾ ཀེཙི དྷཱཝནྟི མཱར ཀིངྐརཱ;

༣༡༢.

ཀཎྛཱིརཝཱཀཱརདེཧཱ མུཁེན ཁལུ རཀྑསཱ,

ཧུཏྭཱན ཨབྷིདྷཱཝནྟི ཀེཙིམཱརསྶ ཀིངྐརཱ;

༣༡༣.

དཎྜམཱནཝཀཱ སཱིསབྷཱགེནཱ’ཏིབྷཡཱཝཧཱ,

གཏྟེན རཀྑསཱ ཧུཏྭཱ ཀེཙི དྷཱཝནྟི ཀིངཀརཱ;

༣༡༤.

དཱིཔཙྪེབྷ ཏུརངྒཱནཾ ཝྱགྒྷ ཁགྒཝིསཱཎིནཾ,

ཝརཱཧ མཧིསཱདཱིནཾ ཀཎྞཔཱཝུར བྷོགིནཾ;

༣༡༥.

སཱིསཱཀཱར མཧཱསཱིསེ ཏབྦིརུདྡྷེ ཀལེབརེ,

མཱཔེཏྭཱ ཨབྷིདྷཱཝནྟི ཀེཙི མཱརསྶ ཀིངྐརཱ;

༣༡༦.

ཨཱཀཌྜྷེནྟཱ ཀཔོལཱནཾ ཀརསཱཁཱཧི སམྨུཁེ,

དསྶཡནྟཱ མཧཱདཱཋཾ ཀེཙེནྟི མཱརཀིངྐརཱ;

༣༡༧.

ཏིཁིཎགྒནཁཱ ཀེཙི ཕཱལཡནྟཱ སཀོདརེ,

ཨནྟེ གལེ པིལནྡྷིཏྭཱ དྷཱཝནྟི ཀིངྐརཱཔརེ;

༣༡༨.

གིལནྟཱ ཀེཙི ཕཎིནོ ཨུགྒིརནྟཱ ཏཐེཝ ཙ,

སཱིས ཀནྡྷར ཀཎྞནྟ བཱཧུ ཨངྒུལི ཨཱདིསུ;

༣༡༩. ¶

སཀལེསུ སརཱིརེསུ ཝིསདྷཱུམགྒི སངྐུལེ,

དྷཱརེནྟཱ’སིཝིསེ ཀེཙི དྷཱཝནྟྱགྒེ བྷཡཱཝཧཱ;

༣༢༠.

པདིཏྟཱཡོགུལེ གཡ྄ཧ ཁིཔནྟེཀེ ཨནེཀདྷཱ,

དིཏྟཔབྦཏམུདྡྷཙྩ ཀེཙི ཨགྒིཀཔཱལཀེ,

ཁིཔནྣཱ ཨབྷིདྷཱཝནྟི དཊྛོཊྛཱ བྷཱིམལོཙནཱ;

༣༢༡.

ལཱལཡནྟཱ སཀཱ ཛིཝ྄ཧཱ ཁནྡྷེ ཀཏྭཱན མུགྒརེ,

མཏྟབྷུཛངྒ ཝེསེན དྷཱཝནྟི ཨཔརེ བྷཊཱ;

༣༢༢.

པིབནྟཱ ལོཧིཏཱནེཀེ ཁཱདནྟཱ པིསིཏེ པརེ,

པིསཱཙཱཝ’ཙརུཾ ཀེཙི མུནིརཱཛསྶ ཨགྒཏོ;

༣༢༣.

ཨུལླངྒྷནྟཱ ཙ སེལེནྟཱ དྷཱཝནྟཱ ཛལིཏཱཡུདྷཱ,

བྷིམཝེསདྷརཱ ཡཀྑཱ ཀེཙེནྟི བྷཀུཊཱིམུཁཱ;

༣༢༤.

པཎུཎྞ སརཝསྶེཧི ཀུནྟཏོམར ཝུཊྛིཧི,

བྷེཎྜིཝཱལཱ’སིཙཀྐེཧི ནིབྦྷརཱསི དིགནྟརཾ;

༣༢༥.

ཡཾ དིཊྛ སུཏ མཏྟེན མརཎཾ ཙིཏྟ ཝིབྦྷམཾ,

ཡཱཏི ལོཀོ ཀཐཾ ཀོ ཏཾ ནིསྶེསཾ བྷཱསཏེ ནརོ;

༣༢༦.

ནེཀདནྟསཧསྶེཧི ནིཀྑནྟགྒིསིཁཱཡུཏཾ,

དཱནནིཛ྄ཛྷརསམྤཱཏཾ བྷཱིམགཛྫནགཛྫིཏཾ;

༣༢༧.

ནེཀསཏ ཀརགྒེཧི དྷཏཱཡོལགུལཱ༹དིཀཾ,

སནྣདྡྷཾ ཀཝཙཱདཱིཧི གིརིཾཙ གིརིམེཁལཾ;

༣༢༨.

ཨཱརཱུལ༹ྷོ པཱཔིམཱ ཏཏྠ ཨུསྶཱཔེཏྭཱ ཛཡདྡྷཛཾ,

ཝིསཱལཱཝཏྟ དཱཋགྒོ ཙིཔིཊགྒ བྷགྒ ནཱསིཀོ;

༣༢༩.

དཊྛོཊྛ བྷཱིམཝདནོ བྷཀུཊཱི ཝལི ལལཱཊཀོ,

ཀོདྷཱནལེཧི སནྡིདྡྷ མཧཀྑོ ཏམྦདཱཋཱིཀོ;

༣༣༠.

ནཱིལཔབྦཏ སངྐཱས ཝིསམངྒོ མཧོདརོ,

གོནསོརག སཔྤཱདི ཨངྒཱིཀཏ སུབྷིཾསནོ;

༣༣༡. ¶

སཧསྶབཱཧུཾ མཱཔེཏྭཱ ཚཱུརིཀཱ ཡཊྛི སཏྟི ཙ,

ཀོདཎྜཙཎྜབཱཎེ ཙ ཙཀྐ ཀུནྟགདཱདི ཙ;

༣༣༢.

སངྐུ ཝེཏཱལིཀཱ ཕརསུ པཱསམུགྒར ཨངྐུསེ,

གཧེཏྭཱ ཀཎཡཉྩཱཐ ཏིསཱུལ ཝཛིརཱཡུདྷེ;

༣༣༣.

པརིཝཏྟེསི ཨཱཀཱསེ ཏེསམཉྙོཉྙ གྷཊྚནཱ,

ཨུགྒཏེཧི ཕུལིངྒེཧི དྷཱཝནྟེཧི སམནྟཏོ;

༣༣༤.

ཨགྒི ཙཀྐཔརཱིཏཾཙ ཀུརུམཱནོ ནིཛཾ ཏནུཾ,

ཨཱཝཧནྟོ བྷཡཾ བྲཧྨ སུར སིདྡྷཱདཱིནཾ ཏདཱ,

ས མཱརསེནོ སོ མཱརོ བྷགཝནྟམུཔཱགམི;

༣༣༥.

ཨུདཡཱཝལཀཱུཊམྷི བྷཱསནྟོཝ པབྷཱཀརོ,

སུཔྤཏིཊྛིཏམེརཱུ’ཝ ཏིཀཱུཊཱཙལ མུདྡྷནི;

༣༣༦.

ཀཏྭཱན པིཊྛིཏོ བོདྷིཾ བྷཱུརུཧཾ ཝཛིརཱསནེ,

ནིསིནྣོ བྷགཝཱ’ཏཱིཝ ནིཙྩལོ ཨཏིརོཙཏི;

༣༣༧.

ཨཀམྤོ སོ མུནཱི ཨེཝམགྒེ’ཀཱསི ནིཛཾ བལཾ,

སམྨཔྤདྷཱནསཾཡུཏྟོ དཡཱམེཏྟོ མཧེསིཀོ;

༣༣༨.

ཙཏུབུདྡྷབྷུམིསངྑཱཏ ཛཡབྷུམིམུདིཀྑིཡ,

ཙཏུསྶངྒཧཝཏྠཱུནཾ ཡོཛེཏྭཱ དྭཱརཀོཊྛཀེ;

༣༣༩.

ཡོཛེཏྭཱན ཐིརཾ ཏཏྠ སདྡྷཱདིབལཀོཊྛཀེ,

སཏིཔཊྛཱནཔཱཀཱརེ ཨབྷེཛྫིནྡྲིཡ གོཔུརེ;

༣༤༠.

ཐིརཉཱཎཡུདྷཱཀིཎྞེ མེཏྟཱ སནྣཱཧ ཝམྨིཏོ,

ཨབྷཱིཏ བྷཱརཏཱི བྷུརི བྷེརིསངྑ པུརཀྑཏོ;

༣༤༡.

ཙཏུརངྒཝིརིཡུཏྟུངྒ མཱཏངྒཀྑནྡྷསངྒཏོ,

པུཉྙསམྦྷཱརབྷཱརེན ཀམྤཡཾ ཝསུདྷཱཏལཾ;

༣༤༢.

ཙརིཡཏྟཡ སངྑཱཏ’མུསྶཱཔིཏ ཛཡདྡྷཛོ,

ཨེཝཾ ཝིདྷཱཡ མཱརཱརི མཱརསངྒཱམ མཎྜལཾ;

༣༤༣.

དཱནཱདཡོ མཧཱཡོདྷེ ཨཱཧཱུཡ སཧཛཱཏཀེ,

སུཎཱཐ བྷོ གིརཾ མཡ྄ཧཾ བྷཝཏཛྫ མཧཱ བྷཝོ;

༣༤༤. ¶

ཨེཐ ཡཱཐ སམགྒཏྠ ན ཨོསྶཀྐཐ སུཛ྄ཛྷཐ,

ཝིཛེཏུཾ མཱརཡུདྡྷམྷཱི ན སཀྐཱ’སེསཛནྟུཧི;

༣༤༥.

ཨཛྫ གཙྪཏི ནིཊྛཱནཾ སོ བྷོ པཱརམིཏཱབྷཊཱ,

སཧུསྶཱཧཱ མམགྒམྷི དསྶེཐ ཝཱིརིཡཾ སཀཾ;

༣༤༦.

ཨཐ དཱནབྷཊོ ཨཱཧ ཨཔྥོཊཾ དིགུཎཾ བྷུཛཾ,

པསྶདཱནི མཧཱཝཱིར བལཾ མེ མཱརདྷཾསནེ;

༣༤༧.

པརམཏྠཔཱརམི ཡོདྷཾ ཏཐེ’ཝ ཨུཔཔཱརམིཾ,

ཨུབྷོ པསྶེ ཀརིཏྭཱན སསེནོ དྷཱཝི དཔྤཝཱ;

༣༤༨.

ཏཐེཝ སཱིལནཱམཝ྄ཧོ པཱརམཱིབྷཊ’མུཏྟམོ,

ནིཀྑམྨ སཧ སེནཱཡ མཱརསེནམབྷིདྡཝཱི;

༣༤༩.

ཏཐཱནེཀྑམྨནཱམོཔི སནྣདྡྷོ’སབྷཊོ བྷཊོ,

མཱརསེནཱམིགེ ཧནྟུཾ དྷཱཝི དཱིཔཱི’ཝ སཱཧསོ;

༣༥༠.

པཉྙཱཡོདྷོ’པི གཙྪནྟོ སཱཊོཔོ དྷཱཝི དཔྤཝཱ,

མཱརམེརུམཧཱ ཨཛྫ སསེནུམྨཱུལཡཱམིཏི;

༣༥༡.

ཝཱིརིཡཔཱརམིཏཱ ཡོདྷོ དཊྛོཊྛོ བྷཱིམགཛྫནོ,

སོསེམི མམ ཏེཛེན ཝདཾ’གཱ མཱར སཱགརཾ;

༣༥༢.

ཁནྟིསཙྩཝ྄ཧཡཱ ཙེཝ ཏཏོ’དྷིཊྛཱནཀོ བྷཊོ,

ཨཱསུ དྷཱཝིཾསུ པཱཏེཏུཾ མཱརསྶ མཀརདྡྷཛཾ;

༣༥༣.

མེཏྟཱནཱམོ མཧཱཡོདྷོ མཱརོ མཡ྄ཧམལནྟི’གཱ,

ཨུཔེཀྑཀོ’པཱི སོ ཡོདྷོ མཱརསེནཾ པདཱལིཏུཾ;

༣༥༤.

པེསེཏྭེཝཾ ཛིནོ སེནཾ’སརཱིརཾ དལ༹ྷཝིཀྐམཾ,

ནིསིདི ཏསྶ ཏེཛེན ནིརུསྶཱཧཱསི སཱ ཙམཱུ;

༣༥༥.

ཨཧོ བྷོ ཝིམྷཡཾ དཱནི སུཎཱཐ མུནིནོ མམ,

ཛེཏི ཨེཀོ ནིསིནྣོཝ སམཱརཾ མཱརཝཱཧིནིཾ;

༣༥༦.

ཀོཔཱནལེན སནྡིཏྟཾ དུཊྛ རུཊྛཾ པཛཱཔཏིཾ,

ཨདུཊྛོ ཛེཏི སམྦུདྡྷོ ཨཱནུབྷཱཝོ ཧི ཏཱདིསོ;

༣༥༧. ¶

དིཏྟཱཡུདྷེ ཁིཔནྟེ’པི ཝིཛ྄ཛྷནྟེ ཝསཝཏྟིནཱི,

ནིརཱཡུདྷོ’ཝ ཏཾ ཛེཏི ཨཱནུབྷཱཝོ ཧི ཏཱདིསོ;

༣༥༨.

སཧཱཊོཔཾ སཧངཀཱརཾ མཱརཾ སཱཌམྦརཾ ཏདཱ,

ནིཙྩལོ ཛེཏི སམྦུདྡྷོ ཨཱནུབྷཱཝོ ཧི ཏཱདིསོ;

༣༥༩.

ཧཏྠསྶ རཐཔཏྟཱིཧི དྷཱཝནྟཾ ཏམིཏོཙིཏོ,

ནིསིནྣོཝ ཛིནོ ཛེཏི ཨཱནུབྷཱཝོ ཧི ཏཱདིསོ;

༣༦༠.

བྷཱསནྟཾ ནེཀདྷཱ ཀཎྞ ཀཋོར གིརམནྟཀཾ,

ནིསྶདྡོ ཛེཏི སམྦུདྡྷོ ཨཱནུབྷཱཝོ ཧི ཏཱདིསོ;

༣༦༡.

མཱརོཔཱགམྨ ཨཊྛཱསི ལངྒྷིཏུཾ ཨསམཏྠཀོ,

བུདྡྷཏེཛགྒི པཱཀཱརཾ དིཏྟམབྦྷུགྒཏཾ ཐིརཾ;

༣༦༢.

ཏདཱཧ ནམུཙི ཀུདྡྷོ བྷུཛམུཀྑིཔྤ’མཱིདིསཾ,

ཁིཔྤཾ སིདྡྷཏྠ ཧེ གཙྪ སནྟཀེདཾ མམཱསནཾ;

༣༦༣.

ནོ ཙེ གཙྪསི ཏེ ཧདཡཾ ཕཱལེམི ནཁསཏྟིཧི,

ཝིཙུཎྞེམི ཏུཝཾ པཱདེ གཧེཏྭཱ པཐཝཱིཏལེ;

༣༦༤.

པསྶ མེ མཧཏིཾ སེནཾ པསྶ ཨཱཡུདྷསཉྩཡཾ,

ཏེན ཏཾ ཨབྷིམདྡཱམི ཏུཝཊཾ གཙྪིདཾ མམ;

༣༦༥.

ཨཐསྶ ཝཙནཾ སུཏྭཱ ཛིནོ’ཧ མདྷུརངྒིརོ,

ཀདཱ ཏེ པཱུརིཏཱ མཱར པལླངྐཏྠཱཡ པཱརམཱི;

༣༦༦.

ཀདཱ ཨདཱསི སཱིསཱདཱི དཱནཾ སཱིལཾ ཀཐཾ ཏཝ,

ཏདཏྠཱཡ ཀཐཱཔེཧི ཀེ ཏེ པཙྩཀྑཀཱརཀཱ;

༣༦༧.

ཨཐཱ’ཧ ཕརུསོ མཱརོ ནེཏཾ གརུ མུནེ མམ,

ཨཡཾ སཱ པརིསཱ སབྦཱ ཏསྶ པཙྩཀྑཀཱརཀཾ;

༣༦༨.

ཨུགྒྷོསེསི མཧཱསེནཱ པཀྑཱི’ཧནྟི ཝིསུཾ ཝིསུཾ,

བྷུམུདྲིཡན མཏྟོཝ ཏཏོ ཀོལཱཧལོ ཨཧུ;

༣༦༩.

ཨཐཱཧ མཱརོ སམཎ ཨཧཾ སཀྑི ཀཐཱཔཡིཾ,

ཏཝ ཀོ སཀྑི ཡཛྫཏྠི ཀཐཱཔེཧི ལཧུཾ མམ;

༣༧༠. ¶

ཨཐཱཧ བྷགཝཱ ཏསྶ གམྦྷཱིརཾ མདྷུརཾ གིརཾ,

ནིཙྪཱརེནྟཱ མཡཱུརསྶ སུནཱདཾ ཕཎིནོ ཡཐཱ;

༣༧༡.

ཏཝེཝ མེ ན སནྟཱིདྷ པཙྩཀྑཏྠཾ སཙེཏནཱ,

ཨཙེཏནཱཝ མེདཱནི སནྟི པཙྩཀྑཝཱདིནོ;

༣༧༢.

ཨིཏི ཝཏྭཱན མཱརཱརི སཉྟྡྷཱ ཛིམཱུཏ གབྦྷཏོ,

ནིཀྑནྟ ཝིཛྫུསངྐཱསཾ ཀརཾ ཙཱམཱིཀརཛྫུཏིཾ;

༣༧༣.

རཏྟ ཙཱིཝརགབྦྷམྷཱ ནཱིཧརིཏྭཱ ཛིནོ ཏདཱ,

དྷརཎྱབྷིམུཁཾ’ཀཱསི ཨུདྡིསྶ བྷུམིཀཱམིནིཾ;

༣༧༤.

དཱནམཱནཱདིཀམྨེ མེ ཀམྤནྟཱི ཛཱཏིཛཱཏིཡཾ,

ཀིམཛྫ ནིསྶཎཱསཱི’ཏི ཛིནོ ཝཱཙམུདཱཧརཱི;

༣༧༥.

སཀྑི’ཧནྟི ཝདནྟཱིཝ ཏཏོ བྷུམིཝརངྒནཱ,

སལི༹ལཱཝནིཔརིཡནྟཱ གཛྫནྟི ནཙྩི ཏཱཝདེ;

༣༧༦.

མཧཱི སཱགར ཨཱུམཱི’ཝ ཨུཊྛཱཔེནྟི མཧཱུམིཡོ,

ཚདྡྷཱ ཀམྤི ཀུལཱལསྶ ཙཀྐཾཝཱཏི པརིབྦྷམི;

༣༧༧.

ཧིམཝཱ གིརིརཱཛཱ ཙ ཡུགནྡྷར ནགཱདཡོ,

ཀཱུཊབཱགཱ སམུཀྑིཔྤ ནཙྩིཾསུ ནཊཀཱ ཝིཡ;

༣༧༨.

དིསྭཱ སུཏྭཱ ཏམཙྪེརཾ གཡེནུབྦིགྒ མཱནསཱ,

མཱརསེནཱ པབྷིནྣཱསི བྷིནྣཝེལོཝ སཱགརོ;

༣༧༩.

བྷཡེནཊྚསྶརཱ བྷནྟཱ པཏནྟཉྙོཉྙ གྷཊྚནཱ,

ཝིཀིརིཏྭཱ ཀཙེ པིཊྛེ དྷཱཝིཾསུ མཱརཀིངྐརཱ;

༣༨༠.

གཧིཏཱཡུདྷཱནི ཚཌྜེནྟཱ པིདཧནྟཱནནཾ ཀརཱ,

ནིཝཏྠཝཏྠམཏྟེ’པི དྷཱཝིཾསུ ཨནཔེཀྑཀཱ;

༣༨༡.

ཨངྒུལིཡོ མུཁེ ཀེཙི པཀྑིཔནྟི རུདནྟི ཙ,

ཀེཙི ཝནྡནྟི ཡཱཝནྟི ཨབྷཡཾ སཱམི དེཧི ནོ;

༣༨༢.

སིདྡྷཏྠོ’ཡཾ ཛིཏོ ཀིནྣུ ནིསྶཱསཱ རུདྡྷབྷཱསནཱ,

པིཊྛིཔསྶམུདིཀྑནྟི དྷཱཝིཾསུ ཙཀིཏཱ པརེ;

༣༨༣. ¶

གིརིམེཁལོ’པི ནཱགིནྡོ ཛནྣུཀེན པཏཱི ཏདཱ,

མཱརོ’པི པཏིཏོ ཁིཔྤཾ དྷཱཝིཏྭཱ’དསྶནཾ གཏོ;

༣༨༤.

ཏངྐཎེ ཨུགྒཏོ ཨཱསི སཏྠུ ཀིཏྟི ཛཡདྡྷཛོ,

ཨཝཧེནྟོཝ སུརཱདཱིནཾ བྲཧྨལོཀཱཝདྷིཾ གཏོ;

༣༨༥.

ཏདཱསི ཝིཛཡོ ཏསྶ སམྦུདྡྷསྶ སིརཱིམཏོ,

ཙརིམེ མཱརཡུདྡྷམྷི མཱརསྶཱསི པརཱཛཡོ;

༣༨༦.

ཨེཝཾ མཧཱནུབྷཱཝོཏི མནྟྭཱན ནརསཱརཐིཾ,

ནིཙྩཾ ཝནྡཐ པཱུཛེཐ སོ ཧི ཝོ སརཎཾ སདཱ;

ཨེཀཱདསམོ ཝིཛཡོ.

༣༨༧.

ལདྡྷཱབྷིཝིཛཡེ བུདྡྷེ ནིསིནྣེ ཝཛིརཱསནེ,

པརིཝཱརཡུཾ གཏཱགམྨ པུརེ ཝིཡ སུརཱདཡོ;

༣༨༨.

དེཝཱ ཏེ ནིཁིལཱ ནེཏྭཱ ནཱནཱཔཱུཛཱཝིདྷིཾ ཏཏོ,

སནྟུཊྛཱ མུནིནོ’ཀཱསུཾ མཧནྟཾ ཛཡམངྒལཾ;

༣༨༩.

སམྤཏྟཱཐ ནིསཱཀནྟཱ མཱནེཏུཾཙ མུནིསྶརཾ,

པུབྦཱཔརམྦརེ ལགྒ སསཱིཎཀྐཎྞ བྷུསཎ;

༣༩༠.

སུནཱིལཱཀཱས དྷམྨིལླེ དྷཏྟ ཏཱརཱལིམཱལིཀཱ,

ཝཱིཛེནྟཱིཝ དིསཱ བཱཧཱ ཕུལླཙཱུཏཀ ཙཱམརེ;

༣༩༡.

མལླིཀཱ མུཀུལཱསཏྟ སམྨཏྟཱལིགཎཱ ཏདཱ,

དྷམེནྟཱ ཝིཡ སངྑཱནི ཀཱུཛེནྟི མདྷུརཾ གིརཾ;

༣༩༢.

སཱམོད མཀརནྡེཧི མནྡམནྡཱནིལཱགཏཱ,

སཛུཎྷཱ ཛིནབིམྦམྷི ཨུཏུཾ གཱཧེནྟི སཱིཏལཾ;

༣༩༣.

ཨཝིཛྫཱདི མཧཱམཱུལཾ ཏིཝཊྚཏྠིར ཁནྡྷཀཾ,

སཾསཱར ཝིསརུཀྑཾ སོ ཨཱརདྡྷུམྨུལིཏུཾ ཏདཱ;

༣༩༤.

བྷཱཝེནྟོ པུརིམེ ཡཱམེ སརནྟོ ཁནྡྷསནྟཏིཾ,

པུབྦེནིཝཱསཱནུསྶཏི ཉཱཎཾ ལདྡྷཱ ནརིསྶརོ;

༣༩༥. ¶

ཏཐཱ མཛ྄ཛྷིམ ཡཱམམྷི དིབྦཙཀྑུ ཝིསོདྷནཱ,

ཙུཏུཔཔཱཏ ཉཱཎཉྩ ཨདྷིགཾཏྭཱན སབྦསོ;

༣༩༦.

རཏྟིཡཱ པཙྪིམེ ཡཱམེ ཙིནྟཡནྟོ ཛརཱདཡོ,

ཝིཔསྶིཏྭཱ ནཱམརཱུཔེ ཨཱརོཔེཏྭཱ ཏིལཀྑཎཾ;

༣༩༧.

སམྨསནྟོ ཀིལེསེཧི ཝིཝེཙེཏྭཱ སཀཾ མནཾ,

ཨཱསཝཱནཾ ཁཡེ ཉཱཎཱ ལདྡྷཱ ཨགྒཕལཾ ཏདཱ;

༣༩༨.

པཏྟོ ནིབྦཱཎནགརཾ བོཛ྄ཛྷངྒ རཏནིསྶརོ,

སདྡྷམྨརཱཛཱ ཧུཏྭཱན པཱིཏིཝཱཙམུདཱཧརཱི;

༣༩༩.

ཨནེཀཛཱཏི སཾསཱརཾ སནྡྷཱཝིསྶཾ ཨནིབྦིསཾ,

གཧཀཱརཀཾ གཝེསནྟོ དུཀྑཱ ཛཱཏི པུནཔྤུནཾ;

༤༠༠.

གཧཀཱརཀ དིཊྛོསི པུན གེཧཾ ན ཀཱཧསི,

སབྦཱ ཏེ ཕཱསུཀཱ བྷགྒཱ གཧཀཱུཊཾ ཝིསངྑིཏཾ,

ཝིསངྑཱརགཏཾ ཙིཏྟཾ ཏཎྷཱནཾ ཁཡམཛ྄ཛྷགཱ;

༤༠༡.

ཨིཙྩེཝ མགྒམཏདཱནཝིདྷིཔྤཝཱིཎ,

ཀཱརུཉྙཔུཉྙཧདཡེན མཧོདཡེན,

པཏྭཱ བྷཝཎྞཝམཔཱརམནནྟདུཀྑཾ,

ཡེནོཙིཏཱ པརམཔཱརམིཏཱ ཛིནེན;

༤༠༢.

ཡོཙེཝ སབྦཝིབྷཝཾ པཎུདིཏྭ རཛྫཾ

ནིཀྑམྨ པཏྭ ཙལཔཏྟམཧཱིརུཧསྶ,

མཱུལེ ནིསཛྫ སབལཾ པབལཉྩ མཱརཾ,

པཱཔཱརཡོ ཙ ཝིཛིཏོ ས དདཱཏུ སནྟིཾ;

ཨབྷིསམྦོདྷི ཀཐཱ.

༤༠༣.

ཏིལོཀནཱཐོ སུགཏོ ཏཏོ ཏདཱ

ཨུདཱནཝཱཙཾ སམུདཱཧརིཏྭཱ,

པལླངྐམཱབྷུཛྫ དུམིནྡམཱུལེ

ཙིནྟེསི ཨེཝཾ ཝཛིརཱསནསྨིཾ;

༤༠༤. ¶

དཱནཱདཡོ པཱརམིཏཱ ཙིནིཏྭཱ

ཨསངྑཀཔྤཱནི ཙ ཁེཔཡིཏྭཱ,

ཨསྶེཝ པལླངྐཝརསྶ ཧེཏུ

སནྡྷཱཝིཏཾ ཏཾ བྷཛིཏཾ ཝཡཛྫ;

༤༠༥.

ཡཱཝསྶུ པུཎྞ མམ ཙེཏནཱཡོ

ཏཱཝེཏྠ ཨཙྪཱམི ན ཝུཊྛཧཱམི,

མཾཏྭཱན སོ ནེཀསཧསྶསངྑཱ

ཛིནོ སམཱཔཏྟི ཝལཉྫི ཏཏྠ;

༤༠༦.

དེཝཱཏིདེཝོ ཏིབྷཝེཀནཱཐོ

ཧཏཱཝཀཱསོ ཛིཏཔཉྩམཱརོ,

པིཏཱམཧཱདཱིཧི མཧཱིཡམཱནོ

ཁེཔེསི སཏྠཱ དིཝསཱནི སཏྟ;

ཨིཏི པཋམ སཏྟཱཧཾ.

༤༠༧.

ཡསྨཱསནཾ ནེཝ ཛཧཱཏི ཏསྨཱ

ཏིསནྡྷིཡུཏྟེན ནིསཱིདིཏེཝ,

ཨཛྫཱཔི ཀཏྟབྦམནེན ཨཏྠི

དེཝཱནམིཙྪཱསི མནམྷི ཀངྑཱ;

༤༠༨.

ཏེསཾ མནཾ སོ མནསཱ ཝིདིཏྭཱ

ཝིནོདནཏྠཾ ཝིམཏིནྟུ ཏེསཾ,

ཨུཊྛཱཡ ཏམྷཱ ནབྷམུཔྤཏིཏྭཱ

དསྶེསི ཏེསཾ མུནིཔཱཊིཧེརཾ;

༤༠༩.

ཝིནོདཡིཏྭཱ སུགཏོ ཏདེཝཾ

སུདྷཱསིནཾ ཙེཏསི ཀངྑརཱསིཾ,

པལླངྐཏོ ཨུཏྟརཔུབྦཀཎྞཾ

ཨཱཀཱསཏོརུཡ྄ཧ ཛལཾ རཝཱིཝ;

༤༡༠.

ཛིནོ དུམིནྡསྶ ཙ ཨཱསནསྶ

བཧཱུཔཀཱརཏྟམནུསྶརནྟོ,

ཋིཏོ པདཾ ཀིཉྩི ཨཀོཔཡནྟོ

ཨིཏོ ཙིཏོ ལོཀ ན མུཛྫཧནྟོ;

༤༡༡. ¶

ནཱིལཱཡཏཀྑཱམལཀནྟིཏོཡ

དྷཱརཱནིཔཱཏེན དུམིནྡརཱཛཾ,

ནིསིཉྩམཱནོ དིཝསཱནི སཏྟ

པཱུཛེསི ཏཾ’ནིམིསལོཙནེཧི;

༤༡༢.

ཨཛྫཱཔི ཏསྨིཾ དྷརཎིཔྤདེསེ

ཀཏསྶ ཐཱུཔསྶ ཏདེཝ ནཱམཾ,

ཨཧོསི དེཝཱ ཙ ནརོ’རགཱ ཙ

མཧེནྟི ཏེ ཏེན དིཝཾ པཡནྟི;

ཨིཏི དུཏིཡ སཏྟཱཧཾ.

༤༡༣.

དེཝཱ ཏཏོ དེཝཝརསྶ ཏསྶ

སུཙངྐམཾ’ཀཾསུ མཎཱིཧི ནཱནཱ,

པལླངྐཏོ ཋཱནཝརསྶ མཛ྄ཛྷེ

པུབྦཱཔརཱསཱཡནམནྟརཱལེ;

༤༡༤.

ནརིནྡ ནཱགིནྡ སུརིནྡ པཱུཛིཏོ

ཚབྦཎྞརཾསཱིཧི སམུཛྫལནྟོ,

ནཱིལམྦརེ ཏཱརཀིཏོ སསཱི’ཝ

སོ ཙངྐམཱི སཏྟ ཨཧཱནི ཏཏྠ;

༤༡༥.

ཨཛྫཱཔི ཏསྨིཾ དྷརཎིཔྤདེསེ

ཀཏསྶ ཐཱུཔསྶ ཏདེཝ ནཱམཾ,

ཨཧོསི དེཝཱ ཙ ནརོརགཱ ཙ

མཧེནྟི ཏེ ཏེན དིཝཾ པཡནྟི;

ཨིཏི ཏཏིཡ སཏྟཱཧཾ.

༤༡༦.

ཏཏོ དུམིནྡསྶ སུརཱསུརིནྡཱ

མཧཱིཏལེ པཙྪིམོཏྟརཱཡཾ,

མཱཔིཾསུ ནཱནཱརཏནཱལཡགྒཾ

ནིསཛྫ པལླངྐཝརེ ཏཧིཾ སོ;

༤༡༧. ¶

སུདུདྡསཱགཱདྷམཔཱརཔཱརཾ

སམནྟཔཊྛཱནཏརངྒབྷངྒིཾ,

དྷམྨོདདྷིཾ ཉཱཎསུམེརུམཏྠཱ

སཱལོལཡཾ ཁེཔཡཧཱནི སཏྟ;

༤༡༨.

ཨཛྫཱཔི ཏསྨིཾ དྷརཎིཔྤདེསེ

ཀཏསྶ ཐཱུཔསྶ ཏདེཝ ནཱམཾ,

ཨཧོསི དེཝཱ ཙ ནརོརགཱ ཙ

མཧེནྟི ཏེ ཏེན དིཝཾ པཡནྟི;

ཨིཏི ཙཏུཏྠ སཏྟཱཧཾ.

༤༡༩.

ཏཏོ ཛིནོ གནྟྭ’ཛཔཱལམཱུལེ

ཝིམུཏྟིཛཾ སཱདུཕལཾ’ནུབྷོནྟོ,

སཏྟཱཧམཏྟཾ ཨཏིཝཏྟཡཱི སོ

དེཝཱཏིདེཝོ ཀརུཎཱགུཎགྒོ;

༤༢༠.

ཏདཱགཏཱ མཱརཝདྷཱུ མུནིཏྡཾ

པལོབྷིཏུཾ ཡཱ པིཏུནོ སཀཱསཱ,

ཏཱསཾ པཡོགམྤིདྷ བིནྡུམཏྟཾ

ཀཐཱིཡཏེ ཏཾ སམུཔཱགཏཏྟཱ;

༤༢༡.

ཏདཱ ས མཱརོ སམརེ ཛིནེན

པརཱཛིཏོ སོཙནཀོ’པགཾཏྭཱ,

པཛ྄ཛྷཱཡམཱནོ’ཐ ཨདྷོམུཁོ’ཙ

ནིསཱིདི ཏུཎྷཱི ཝིལིཁཾ ཚམཱཡཾ;

༤༢༢.

པརཱཛཡཾ མཡ྄ཧ མམེཝ དོསོ

ན ཏསྶ ཀསྨཱཧམཡཾ’ཙ ནཱསིཾ,

སཱིསཀྑིམཾསཱདི ཙ པུཏྟདཱརེ

ནཱདནྟི ཨེཝཾ མནསཱི ཀརོནྟོ;

༤༢༣.

པཝཏྟིམེཏཾ མཀརདྡྷཛསྶ

སུཏྭཱན ཏཎྷཱ ཨརཏཱི རགཱ ཙ,

ཡཏྠཙྪི མཱརོ པརིསོཙཡནྟོ

ཏཏྠཱགམུཾ ཏཱ ཙཀིཏཱ ཁཎེན;

༤༢༤. ¶

དིསྭཱན ཏཾ ཏཏྠ ཏཐཱ ནིསིནྣཾ

ནིསྶཱསརུདྡྷཾ གིརམུགྒིརནྟཱི,

ཏུསཱར བིནྡུནིཝཧེཧི’སཱར

པངྐེརུཧཱཀཱར ཝིསཱལནེཏྟཱ;

༤༢༥.

ཧཱ ཏཱཏ ཧཱ ཏཱཏ ཀིམཱསི ཏེདཾ

ནཊྛནྣུ ཏེ ཀིཾ ཝད པཏྠསཱི ཀིཾ,

ཀོ ཏེ དིསོ ཀེན པརཱཛིཏོ’སི

ཀིམཱནཡིསྶཱམ ཧནཱམ ཀཾ ནོ;

༤༢༦.

ཀིམྷོཏིཡོདཱནི ན པསྶཐེཏཾ

སུདྡྷོདནཱིཡཾ ཏཏཀིཏྟིགྷོསཾ,

མུཁམྷི མཡ྄ཧཾ མསིམཀྑཡནྟཾ

ཨཏིཙྩ ཡནྟཾ ཝིསཡཾ པསཡ྄ཧ;

༤༢༧.

ན བྷཱརིཡཱ ཏཱཏ མནུསྶབྷཱུཏཾ

ཀཏྟུཾ ཝསཾ ཀོ ཝསམེཏི ནཱམྷཾ,

ཏཾ རཱགཔཱསེན གཛཾ’ཝ མཏྟཾ

སུབནྡྷཀཾ བནྡྷིཡ ཨཱནཡེམ;

༤༢༨.

ན རཱགཔཱསེན ཧི ཨཱནནཱིཡོ

མཱརསྶ དྷེཡྻཾ སམཏིཀྐམཱིཝ,

ཨཔེཏརཱགོ ཨརཧཱ ཨཀམྤོ

སོཝཱམ ཏསྨཱ སུབྷགཱ ཏནུཛཱ;

༤༢༩.

སཙེཏནོ སོ ཧི མནུསྶབྷུཏོ

ཨཙེཏནཉྩེ སམུཔཱགམཱམ,

ཀརོམ ཏཾ ནོ ཝསགཾ ཀིམེཏྠ

ཙིཏྟཾ བལཾ པསྶཐ ནོ ཁཎེན;

༤༣༠.

རཱུཔེན ནེཏྟཾ སུམནོཧརེན

གནྡྷེན གྷཱཎཾ སཝཎཾ སརེན,

ཕསྶེན གཏྟཾ རསསཱ རསཉྙཾ

མནཉྩ པཱསེན ཙ ཀཱམཛེན

༤༣༡. ¶

སུབཱཧུཔཱསེན ཙ ཏསྶ གཱིཝཾ

བཱཧུདྭཡཾ དྷཱརིཏམཱལདཱམཱ,

བནྡྷིཏྭདཱནེཝ ཏམཱ’ནཡཱམ

བལཉྷི ནོ པསྶཐ ཏཱཏ’དཱནི;

༤༣༢.

ཝཏྭཱན ཨེཝཾ ཝཙནཾ པིཏུསྶ

པཎམྨ པཱདཱནི པགབྦྷིཏནྟཱ,

ཡཏྠཙྪི མཱརཱརི ཝིརོཙམཱནོ

ཏཏྠཱ’གམུཾ ཁིཔྤམུདགྒཙིཏྟཱ;

༤༣༣.

སཱམོདམཱལཱཀུལཀེསབྷཱར

པཡོདྷརཱ ཀུངཀྐུམཧཱརིཧཱརཱ,

བིམྦཱདྷརཱ ཙཱརུསབྷཱ པབྷཱསཱ

ཨུམྨཱདཡནྟཱི ཛནམཱནསཱནི;

༤༣༤.

མུདྡྷེན མིསྶཾ མདྷུརེ ནིམུགྒཾ

སྣེཧེན ཏིནྟཾ རསཏོ’ནུཝིདྡྷཾ,

བྷཱསིཾསུ ཝཱཙཾ ཧདཡངྒམནྟཱ

ཝིལོཀནེནེཝ དྷིཏིཾ ཧརནྟཱི;

༤༣༥.

ཝསནྟཀནྟོ ནཝཡོབྦནོ’སི

སུཝཎྞཝཎྞོ ཧདཡངྒམོ’སི

ཨེཀོ ནིསིནྣོ’སི ཝཊསྶ མཱུལེ

སིམནྟིནཱི སཱམི ཀུཧིནྣུ ཏུཡ྄ཧཾ;

༤༣༦.

ཏརངྒཧཱིནོ’པི ཏརངྒམཱལཱི

སསངྐཧཱིནཱ རཛནཱི ཙ སཱམཱི,

ཧཾསཱ’ལིཧཱིནཱ སརསཱི སུཕུལླཱ

ནཱབྷཱཏི ཀནྟཱ ཝིརཏོ དྷཝོ’པི;

༤༣༧.

ཝསནྟཀཱལོ ཙ ཝནཾ སུཕུལླཾ

ནིསཱཀརཱབྷཱ བྷམརཱལིགཱིཏཾ,

སུགནྡྷམནྡོཔགཏཱ སམཱིརཱ

ཝིརོཙསི ཏྭམྤི ཙ ཡོབྦནེན;

༤༣༨. ¶

མཡམྤི ཙེཏྠེཝ སམཱགཏམྷ

མནོ’ནུཀཱུལཱ ཙ མནུཉྙརཱུཔཱ,

ཀརོཏི ཀིཾཏྭ’ཛྫ སཀཱམདཱཧོ

ཀཱམཱཀརོ’དཱནི སམཱགཏོ ནོ;

༤༣༩.

མཱ ཏེདིསཾ ཡོབྦནརཱུཔསཱརཾ

སུཝིགྒཧཾ ཚཱདཡ ཙཱིཝརེན,

ཏེནེཝ ནོ ནེཏྟམནམྷི སཱམི

མཱ དེཧི དཱཧཾ ཏཝ དཱསིབྷུཏེ;

༤༤༠.

ནཁཾསུ སུཏྟེ’རུཎཔཱནིཔཱདེ

ནེཏྟིནྡནཱིལཱནི’ཝ ཨཱཝུཎནྟོ,

ཏྭམཙྪི ནོ སཱམི མུཁམྦུཛེསུ

ན ཨེནྟི ཀིནྟེ ནཡནཱལིམཱལཱ;

༤༤༡.

སུདྷཱསིལཱགཱིཉྫཀ ལོཧདཱརུ

ཛཱཏེཧི ཏྭཾ དྷཱིར ན ནིམྨིཏོ’སི,

རཱུཔཱི’སི སོམྨོ’སི ཏཐཱཔི སཱམི

ཀིཾ ཀཱམརཱགཾ མནསཱ ནུདེསི;

༤༤༢.

ཨཡཉྩ བཱལཱ ཙཏུརཱ རཏཱིསུ

བཱལེཏི ཀངྑཾ ཛཧ མཱནསམྷི,

ཀིཾ མཉྫརཱི བྷིཛྫཏི སམྤཕུལླཱ

མཏྟཱལིརཱཛེ པརིཙུམྦམཱནེ;

༤༤༣.

ཨཡཉྩ རཱམཱ རམཎཱིཡརཱུཔཱ

པཱིཎོརུགཎྜཱ ཀུཝམཎྜལཱ ཙ,

ཏཾ ཀཱམིནིཾ ཀཱམཡ ཕུལླཀཉྫེ

ཧཾསོ ཡཐཱ ཀེསར སམྤགིདྡྷོ;

༤༤༤.

ཙིནྟཱམཎིཾ བྷདྡགྷཊཉྩ ཀཔྤ

ཏརུཾ སམཱཔཛྫ དལི༹དྡབྷཱཝཱ,

ནཱཔེནྟི སཏྟཱ ཁལུ དུབྦྷགཏྟཱ

ཏཐེཝ ནོ’སཱི ཏཝ པཱདསེཝཱ;

༤༤༥. ¶

ཨེཝཉྷི ཏཱ རཉྫནམཉྫུབྷཱསཱ

སཧསྶམེཀཉྩ སཏཱནི ཨཊྛ,

ཝེསཱནི སམྨཱ ཨབྷིནིམྨིཎིཏྭཱ

པལོབྷཡུནྟཾ བཧཱུདྷཱ མུནིནྡཾ;

ཏཏོ ཏཎྷཱ?.

༤༤༦.

ཡཀྑོསི མཏྟོསི སིལཱམཡོསི

ཨཙེཏནོསཱ’ཐ ཨཡོམཡོསི,

ཨཝཱིཏརཱགཉྷི སཙེཏནཉྩེ

ཨནེནུཔཱཡེནུ’པསངྐམཱམ;

༤༤༧.

ཕལེཡྻ ཁཱིཔྤཾ ཧདཡཉྷི ཏསྶ

ཨུཎྷཾཝ རཏྟཾ མུཁཏུ’གྒམེཡྻ,

སིཡཱཝ ཁིཔྤཾ ཨཔི ཙིཏྟཁེཔཾ

ཨུམྨཱདབྷཱཝཾཙ ས པཱཔུཎེཡྻ;

༤༤༨.

ཡཐཱ པལུཏྟོ ཧརིཏོཔལམྷི

ཁིཏྟོ ནལོ༹ སུསྶཏི ཨཱཏཔེན,

ཨེཝཾ ཝིསུསྶེཏི ཝིསཱདམེཏི

སོ མུཙྪཏི མུཡ྄ཧཏི དུཀྑམེཏི;

༤༤༩.

སོཀཱཝཀིཎྞེ ནུ ཝནམྷི ཛྷཱཡསི

ཝིཏྟནྣུ ཛིཏོ ཨུད པཏྠཡཱནོ,

ཨཱགུནྣཱུ གཱམསྨིཾ ཨཀཱསི ཀིཉྩི

ཛནེན ཀསྨཱ ན ཀརོསི སཀྑིཾ;

སཏྠཱ?.

༤༥༠.

ཨཏྠསྶ པཏྟིཾ ཧདཡསྶ སནྟིཾ

ཚེཏྭཱན སེནཾ པིཡསཱཏརཱུཔཾ

ཨེཀོ’ཧཾ ཛྷཱཡཾ སུཁམནུབོདྷིཾ

ཛནེན ཏསྨཱ ན ཀརོམ སཀྑིཾ;

ཨིམཱ ¶ དྭེ པཱལིཡཾ?.

༤༥༡.

པལུཊྛགཏྟཾ དཧནེན མཀྐཊིཾ

སུསཱནཔེཏིཉྩ ཛིགུཙྪནཱིཡཾ,

ཛེགུཙྪིཡཾ ཛངྒམ མཱིལ༹ྷརཱསིཾ

དིསྭཱན ཀོ ཏཾ ཝརཡེ སཔཉྙོ;

ཨཐ ཨརཏི?.

༤༥༢.

ཀཐཾ ཝིཧཱརཱི བཧུལོ ཙ བྷིཀྑུ

པཉྩོགྷཏིཎྞེ ཨཏརཱིདྷ ཚཊྛཾ,

ཀཐཾ ཛྷཱཡིཾ བཧུལཾ ཀཱམསཉྙཱ

པརིབཱཧིརཱ ཧོནྟི ཨལདྡྷ ཡོ ཏཾ;

སཏྠཱ?.

༤༥༣.

པསྶདྡྷཀཱཡོ སུཝིམུཏྟཙིཏྟོ

ཨསངྑརཱནོ སཏིམཱ ཨནོཀོ,

ཨཉྙཱཡ དྷམྨཾ ཨཝིཏཀྐ ཛྷཱཡཱི

ན ཀུཔྤཏཱི ནསྶརཏཱི ན ཐཱིནོ;

༤༥༤.

ཨེཝཾ ཝིཧཱརཱི བཧུལོ ཙ བྷིཀྑུ

པཉྩོགྷཏིཎྞེ ཨཏརཱིདྷ ཚཊྛཾ,

ཨེཝཾ ཛྷཱཡིཾ བཧུལཾ ཀཱམསཉྙཱ

པརིབཱཧིརཱ ཧོནྟི ཨལདྡྷ ཡོ ཏཾ;

ཨཐ རགཱ?.

༤༥༥.

ཨཙྪེཙྪི ཏཎྷཾ གཎསངྒྷཙཱརཱི

ཨདྡྷཱ ཏརིསྶནྟཱི བཧཱུ ཙ སདྡྷཱ,

བཧུཾ ཝཏཱཡཾ ཛནཏ’མནོཀོ

ཨཙྪིཛྫ ནེསྶཏི མཙྩུརཱཛསྶ པཱརཾ;

སཏྠཱ? ¶ .

༤༥༦.

ནཡནྟི ཝེ མཧཱཝཱིརཱ སདྡྷམྨེན ཏཐཱགཏཱ,

དྷམྨེན ནཡམཱནཱནཾ ཀཱ ཨུསཱུཡཱ ཝིཛཱནཏཾ;

ཨིམཱ པཉྩ པཱལིཡཾ?.

༤༥༧.

སུཏྭཱན ཏཾ དྷམྨཝརཾ ཛིནསྶ

པམཏྟབནྡྷུསྶ རགཱདིརཱམཱ,

པལོབྷིཏུཾ ནེ’ཝ སམཏྠཀཱ ཏཾ

ཨགཾསུ ཁིཔྤཾ པིཏུནོ སཀཱསཾ;

༤༥༨.

མཱརོ ཏདཱརཱ’ཝ སམེཀྑམཱནོ

དིསྭཱགཏཱ ཀེཝལམེཝ ཏཱཡོ,

མཱ ཀཏྠ ཀཱམཾ མམ བྷཱསིཏཱནི

ཀཱམཏྠ པཱཏུཾ མིགཏཎྷིཀཱཔཾ;

༤༥༩.

བཱལཱ ཀུམུདནཱལེ༹ཧི པབྦཏཾ ཨབྷིམནྠཐ,

གིརིཾ ནཁེན ཁཎཐ ཨཡོ དནྟེཧི ཁཱདཐ;

༤༦༠.

སེལཾཝ སིརསི ཨཱུཧཙྩ པཱཏཱལེ གཱདྷམེསཐ,

ཁཱནུཾཝ ཨུརསཱ’སཛྫ ནིབྦིཛྫཱཔེཐ གོཏམཱ;

ཨིམཱ དྭེ པཱལིཡཾ?.

༤༦༡.

ཝཏྭཱན ཨེཝཾ ཝིམནོ ས མཱརོ

སཊཱིཏུཀོ སམྦྷཝནཾ པཡཱསི,

སཏྠཱཐ རཱགཱ པརིམུཏྟཙིཏྟོ

ཛཧཱསི ཏསྨིཾ དིཝསཱནི སཏྟ;

༤༦༢.

ཨཛྫཱཔི ཏཾ སཱཁིཝརམྤིཏེན

’ནུབྷུཏམཏྟེན མཧེནྟི སབྦེ,

ཏེནེཝ ཏེ སགྒགཏཱ ཝིམཱནེ

མོདནྟི ཀཱམེཧི ཨནཱུཔམེཧི;

ཨིཏི པཉྩམ སཏྟཱཧཾ.

༤༦༣. ¶

ཏཏོ མུནིནྡོ མུཙལིནྡམཱུལེ

ནིསཱིདི གནྟྭཱ པཝརཱསནམྷི,

ཡུགནྡྷརེ བཱལརཝཱི’ཝ རཾསི

ཛཱལཱཧི ལོཀཾ པརིཔཱུརཡནྟོ;

༤༦༤.

ཨཐཱན མེགྷོ ཛལདཱ སཏེཧི

པཔཱུརཡཾ ཁཾ ཐནཡཾ སཝིཛྫུ,

སསཱིཏཝཱཏོ ཀིརམམྦུདྷཱརཾ

ཝིརོཙམཱནོ ཝིསཀཎྛིཀཱཧི;

༤༦༥.

ཨམནྡནཎྡོ མུཙལིནྡབྷོགཱི

དིསྭཱ མུནིནྡཾ མུཙལིནྡམཱུལེ,

པརིཀྑིཔིཏྭཱན ཝིསཱལབྷོགཱ

ཚཱདེཏྭ སམྨཱ སཕཎོ ཕཎེན;

༤༦༦.

ཨཛ྄ཛྷེསི སོ ཏསྶ ཨནུགྒཧཱཡ

ནིསཱིདི གནྟྭཱ བྷུཛགཱ’སནམྷི,

སཏྠཱ ཏདཱ རཱུཔིཡམནྡིརེཝ

སཏྟཱམཧཏྟཾ སུཝིམུཏྟཙིཏྟོ;

༤༦༧.

ཨཛྫཱཔི ཏཾ སཱཁིཝརམྤི ཏེན

’ནུབྷུཏམཏྟེན མཧེནྟི སབྦེ,

ཏེནེཝ ཏེ སགྒགཏཱ ཝིམཱནེ

མོདནྟི ཀཱམེཧི ཨནཱུཔམེཧི;

ཨིཏི ཚཊྛམ སཏྟཱཧཾ.

༤༦༨.

ཏཏོ’པགནྟྭཱ ཡཏིརཱཛ རཱཛཱ

ནིསཱིདི རཱཛཱཡཏནསྶ མཱུལེ,

ཝིམུཏྟིཛཾ པཱིཏིསུཁཾ’ནུབྷོནྟོ

སཏྟཱཧམཏྟཾ ཀརུཎཱགུཎགྒོ;

༤༦༩.

ཨཛྫཱཔི ཏཾ སཱཁིཝརམྤི ཏེན

’ནུབྷུཏམཏྟེན མཧེནྟཱི སབྦེ,

ཏེནེཝ ཏེ སགྒགཏཱ ཝིམཱནེ

མོདནྟི ཀཱམེཧི ཨནཱུཔམེཧི;

ཨིཏི སཏྟམ སཏྟཱཧཾ.

༤༧༠. ¶

ཨཱཧཱར ཀིཙྩཱདི ཝིཝཛྫིཏསྶ

སུཁཱནུབྷོནྟསྶ ཝིམུཏྟིཛཱནི,

སམྤཱིཎིཏངྒསྶ ཛིནསྶ ཏསྶ

ཨིཙྩཙྩགུཾ སཏྟདིནཱནི སཏྟ;

༤༧༡.

དེཝཱནམིནྡེན ཏཏོ’པནཱིཏ

མུཁོདཀཱདིམྤརིབྷུཉྫིཡཱན,

ནིསིནྣམཏྟེ ཡཏིརཱཛ རཱཛེ

ཏཏྠཱ’གམུཾ དྭེ ཝཱཎིཛཱ ཁཎེན;

༤༧༢.

ཨུསྶཱཧིཏཱ དེཝཝརེན སམྨཱ

སཱལོཧིཏཱ ཏསྶ ཏཔུསྶ-བྷལླིཀཱ,

མནྠཉྩ སཱདུཾ མདྷུཔིཎྜིཀཉྩ

ཨཱདཱཡ ནཱཐཾ ཨིདམབྲུཝུནྟེ;

༤༧༣.

ཨིདཉྷི ནོ དྷཱིར ཨནུགྒཧཱཡ

པཊིགྒཧེཏྭ པརིབྷུཉྫ དཱནཾ,

ཧིཏཱཡ ཏཾ ཧོཏི སུཁཱཡ ཙེཝ

ཨནཔྤཀཔྤེསུ ཨནཱགཏེསུ;

༤༧༤.

པཊིགྒཧེཏྭཱ མུནི དེཝདིནྣ

པཏྟེན པཙྩགྒྷསིལཱམཡེན,

བྷུཏྭཱན ཏེསཾ ཨནུམོདནཏྠཾ

དེསེསི དྷམྨཾ ཝརདཾ པསཏྠཾ;

༤༧༥.

དྭེ བྷཱཏིཀཱ ཝཱཎཱིཛཀཱ ཛིནསྶ

དྷམྨཾ སུཎིཏྭཱན པསནྣཙིཏྟཱ,

དྭེ ཝཱཙིཀོཔཱསཀཏཾ གཏཱསུཾ

ཡཱཙིཾསུ ཏེ ཏཾ པུན པཱུཛནཱིཡཾ;

༤༧༦.

པརཱམསིཏྭཱན སིརཾ ཏཏོ སོ

ཨདཱ ཛིནོ ཀུནྟལ དྷཱཏུམུཊྛིཾ,

ཏེ ཏེན ཏུཊྛཱ སུམནཱ པཏཱིཏཱ

མཧིཾསུ ནེཏྭཱ ཝིབྷཝཱནུརཱུཔཾ;

༤༧༧. ¶

སཏྠཱ’ཐ གནྟྭཱ ཨཛཔཱལམཱུལེ

སཧསྶ རཾསཱིཝ ཡུགནྡྷརམྷི,

ནིསཛྫ ལོཀཾ ཨནུལོཀཡནྟོ

ཝིཏཀྐི ཨེཝཾ མནསཱ ཝིཏཀྐཾ;

༤༧༨.

མཡཛ྄ཛྷཔནྣོ ཝརདྷམྨསཱརོ

སསསྶ སིནྡྷཱུ’ཝ ཨགཱདྷཔཱརོ,

ཨབུདྡྷསཏྟེཧི ཏམཛྫ ཀསྶ

པཀཱསཡིསྶཉྷི ཛལོ༹ ཧི ལོཀོ;

༤༧༩.

དེསེམི ཙེ དྷམྨཝརཾ པཎཱིཏཾ

ཀིལནྟབྷཱཝོཝ མམསྶ ཨསྨཱ,

ཀིམཏྟདུཀྑེ ནིཏི ཙིནྟཡནྟོ

ནུཡྻཱམམཱཀཱ མུནི དེསནམྷི;

༤༨༠.

སཧམྤཏཱི ནཱམ ཏཏོ ཝིདྷཱཏཱ

སཙེཏསཱ ཏསྶ མནཾ ཝིདིཏྭཱ,

ཝིནསྶཏཱིདཾ ཁལུ སབྦལོཀཾ

ཨདེསིཏེ ཏེནི’ཏི ཀམྤམཱནོ;

༤༨༡.

སཀཱསམཱགམྨ ཛིནསྶ ཏསྶ

སགཱརཝོ བྲཧྨགཎེན ཏཏྠ,

ནིཧཙྩ ཛཱནུཾ པཐཝཱིཏལམྷི

ནམསྶམཱནོ ཨིདམབྲཱུཝཱི སོ;

༤༨༢.

ཏྭཾ དེཝདེཝོ ས སུམེདྷཀཱལེ

པལོཀིཏཾ ལོཀམུདིཀྑམཱནོ,

ཝིཧཱཡ དཱིཔངྐརཔཱདམཱུལེ

ལདྡྷཱ’མཏཾ ཏཾ ཀརུཎཱགུཎེན;

༤༨༣.

པཝིསྶ སཾསཱརཝནཾ ཝིདུགྒཾ

མཾསཀྑིསཱིསཱདིམ’དཱསི དཱནཾ,

ཝེདེསི དུཀྑཾ ཨམིཏཾ ཨསཡ྄ཧཾ

ཏཾ ཏེ པརཏྠཾ’ཝ ན ཨཏྟཧེཏུཾ;

༤༨༤. ¶

སནྟཱིདྷ སཏྟཱ ཁལུ མནྡརཱགཱ

ཉཱཏུཾ སམཏྠཱ སུགཏསྶ དྷམྨཾ,

ཨཱརཱདྷིཏོ མེ ཀརུཎཱགུཎགྒོ

དེསེཧི དྷམྨཾ ཨནུཀམྤམཱནོ;

༤༨༥.

ཀཱལེ ཝིཀཱསནྟི ཁརཾསུ མིསྶཱ

ཐལམྦུཛཱཏཱ ཀུསུམཱནི ནཱནཱ,

ཏཐེ’ཝ ཏེ དྷམྨཀརཱབྷིཕུཊྛཱ

ཝིཀཱསམཱཡནྟཱི ཛནཱ ཨནེཀཱ

༤༨༦.

སམྤནྣ ཝིཛྫཱཙརཎོ སཏཱིམཱ

ཛུཏིནྡྷརོ ཨནྟིམདེཧདྷཱརཱི,

པཊིགྒཧེཏྭཱསྶ ནིམནྟཎཾ སོ

ཛནེསི སཏྟེ ཀརུཎཱ མནསྨིཾ;

༤༨༧.

ཨཔཱརུཏཱ ཏེསཾ ཨམཏསྶ དྭཱརཱ

ཡེ སོཏཝནྟོ པམུཉྩནྟུ སདྡྷཾ,

ཝིཧིཾསསཉྙཱི པགུཎཾ ན བྷཱསིཾ

དྷམྨཾ པཎཱིཏཾ མནུཛེསུ བྲཧྨེ;

༤༨༨.

པཊིགྒཧེསཱིཏི ཨུདགྒཙིཏྟོ

ཨཛ྄ཛྷེསནཾ མེ ཙཏུརཱཎནོ སོ,

ནཏྭཱན ནཱཐཾ སཧཔཱརིསཛྫོ

པཀྐཱམི ཏམྷཱ བྷཝནཾ ཁཎེན;

༤༨༩.

ཏཏོ ཛིནོ ཏེན གཧིཏནུཉྙོ

དེསེམི ཀསྶེཏི ཨུདིཀྑམཱནོ,

ཨཱལཱ༹ར-ཨུདྡེ སམུདིཀྑ དྷཱིརོ,

མནྟྭཱན ཏེསཾ ཨཙིརཙྩུཏིཏྟཾ;

༤༩༠.

ཀཧནྣུཁོ’ཧཾ ཝརདྷམྨཙཀྐཾ

ཨཉྙེན ཀེནཱཔི ཨཝཏྟནཱིཡཾ,

ལོཀསྶ ཙིནྟཱམཎིསནྟིབྷགྒཾ

པཝཏྟཡིསྶནྟཱི ཝིཙིནྟཡནྟོ;

༤༩༡. ¶

དིསྭཱན བྷིཀྑཱུ མུནི པཉྩཝགྒེ

ཨཱདཱཡ པཏྟཉྩ ཏིཙཱིཝརཉྩ,

བཱརཱཎསཱིཡཾ མིགདཱཡམེནྟོ

ཨདྡྷཱནམགྒཾ པཊིཔཛྫི སཏྠཱ;

༤༩༢.

ཏཏྠཱམརབྲཧྨགཎེཧི པཱུཏ

པཐེ ཕཎཱི པཀྑི ཙཏུཔྤདཱ ཙ,

ཨཱརཉྙདེཝཱ ཏརུཔབྦཏཱ ཙ

མཧིཾསུ ནེཀེཧི སུཝིམྷཡེཧི;

༤༩༣.

ཏཏོཔགཱ སོ མིགདཱཡམགྒེ

དིསྭཱ ཡཏཱིསཾ ཡཏཡོ’པགནྟྭཱ,

ཨཀཾསུ ཝཏྟཾ པཊིཔཏྟིསཱརཱ

པཝཏྟཡཱི ཏཏྠ ས དྷམྨཙཀྐཾ;

༤༩༤.

ཨཉྙཱདིཀོཎྜཉྙཝསིཔྤདྷཱནཱ

ཀོཊཱིནམཊྛཱརས ཀཉྫཡོནཱི,

ཨསཱིཏིཀོཊཱི’པི སུདྷཱསི སངྒྷཱ

ཨཉྙཱསུམགྒཾ ཀམཏོ ཏདཱ ཏེ;

༤༩༥.

ཨཏིཙྩཡཱཏམྷི ནིདཱགྷཀཱལེ

ཝསྶཱནཀཱལེ སམུཔཱགཏསྨིཾ,

ཏཏྠེཝ ཝསྶཾ ཨུཔགམྨ དྷཱིརོ

ཏེམཱསམཏྟཾ ཨཝསཱི ཝསཱིསོ;

༤༩༦.

ཏཏོ ཡསཾ ཏསྶ སཧཱཡཀེཔི

པཏིཊྛཔེཏྭཱ ཨརཧཏྟམགྒེ,

བྷུཏིཾ ཛནཱནཾ ཨནུབྲཱུཧཡནྟོ

ཝསྶསྶ ཨནྟཾ ཨཀརཱི ཏཧིཾ སོ;

༤༩༧.

ཝསྶཙྩཡེ ལོཀཝིདཱུ མུནིནྡོ

ཨཱམནྟཡཱི ཏེ ཡཏཡོ སཔུཏྟེ,

ཏེ’ཐཱགམུཾ ནིབྦཎཐཱ ཀཏཉྫལཱི

’དམབྲུཝི ཏེསམ’ནནྟ པཉྙོ;

༤༩༨. ¶

ཨུགྒྷོསཡནྟཱ མམ དྷམྨགྷོསཾ

སམཱཧནནྟཱ མམ དྷམྨབྷེརིཾ,

སཱདྷུཾ དྷམེནྟཱ མམ དྷམྨསངྑཾ

ཙརཱཐ ཏུམྷེ སནརཱམརཱནཾ;

༤༩༩.

ཛཡདྡྷཛཾ མེ བྷུཝནུཀྑིཔནྟཱ

ཨུསྶཱཔཡནྟཱ མམ དྷམྨཀེཏུཾ,

ཨཐུཀྑིཔནྟཱ མམ དྷམྨཀུནྟཾ

ཙརཱཐ ལོཀེསུ སདེཝཀེསུ;

༥༠༠.

སུསཛྫིཏཏྟཾ ཨམཏསྶ མགྒཾ

སཀཎྚཀཏྟཾ ནརཀཱཡནསྶ,

མཱརཱནནསྨིཾ མསིམཀྑིཏཏྟཾ

ཀཐེཐ ལོཀསྶ སདེཝཀསྶ;

༥༠༡.

བུདྡྷནྟརཾ སུཔྤིཧིཏཾ ཨཙཱརཾ

པུརསྶ མོཀྑསྶ ཝིསཱལདྭཱརཾ,

ཨཝཱཔུརཱི ནོ བྷགཝཱ’དྷུནཱ བྷོ

ཡཐཛྫ སབྦེཏཱི ནིཝེདཡཝ྄ཧོ;

༥༠༢.

ཨུཔྤནྣབྷཱཝཾ བྷུཝནེ མམཛྫ

ཏཐེཝ དྷམྨསྶ ཙ པཱཏུབྷཱཝཾ,

ཨུཔྤནྣབྷཱཝཉྩ མམོརསཱནཾ

པཀཱསཡནྟཱ ཛགཏིཾ ཙརཱཐ;

༥༠༣.

ཝནམྷི པནྟེ གིརིགབྦྷརཱཡཾ

རུཀྑསྶ མཱུལེ’པི ཙ སུཉྙཱ’གཱརེ,

ཝསཾ ཡཏཏྟཱ མམ དྷམྨམགྒཾ

དེསེཐ ལོཀེ སནརཱམརཱནཾ;

༥༠༤.

ཝཏྭཱན ཨེཝཾ ཡཏཡོ དིསཱསུ

པེསེཏྭ ནཱཐོ ཨུརུཝེལགཱམཱི,

པཊིཔཛྫི མགྒཾ ཨཐ ཨནྟརཱལེ

ཀཔྤཱསིཀཝ྄ཧཾ ཝིཔིནཾ པཝིསྶ;

༥༠༥. ¶

ཏསྨིཾ རམནྟེ སམཏིཾསམཏྟེ

རཱཛོརསེ སོ པཝརོ ཝིནེཏྭཱ,

དཏྭཱ’མཏཾ དྷམྨམཐུདྡིསིཏྭཱ

ཨགོརུཝེལཾ གཛརཱཛགཱམཱི;

༥༠༦.

ཏཏྠོརུཝེལཱདྷིཀཀསྶཔོཏི

པསིདྡྷནཱམསྶ སསིསྶཀསྶ,

ཨགྒཾ ཕལཾ སོ པརིཔཱཝཡནྟོ

ཝསཱི ཝསནྟེ ཝསཱིནཾ ཝརིཊྛོ;

༥༠༧.

ཏདཱཧརུཾ ནེགམ ནཱགརཱ ཙ

ཡཉྙཾ མཧཱཀསྶཔ ཏཱཔསསྶ,

ཛིནོ ཝིདིཏྭཱསྶ མནཾ མནེན

ཝསཱི ཝིསུཾ ཏསྶ པསཱད ཧེཏུ;

ཀཐཾ?

༥༠༨.

གནྟྭཱན ཨུཏྟརཀུརུཾ བྷགཝཱ ཏདཱནི

པིཎྜཉྩརིཏྭ རམཎཱིཡ ཧིམཱལཡདྡིཾ,

ཨཱགམྨ སཱདུརས ནཱིར བྷརཱབྷིརཱམེ

’ནོཏཏྟཀེ མུནིཝརོ པརིབྷུཉྫིཡཱན;

༥༠༩.

ཙིནྟེསི ཨེཝམཧམཔྤཏརཾཝ ཀཱལཾ

ཋསྶཱམི སཱསན མམཉྷི ཨནཱགཏེསུ,

ལངྐཱཏལེ བྷཝཏི ཏཏྠ ཨིདཱནི ཡཀྑ

སམྦཱདྷམཏྠི མམ ཏཏྠ གཏེསུ’དཱནི;

༥༡༠.

སབྦཱ’མནུསྶཛ བྷཡཾ པཝིནསྶཏཱི’ཏི

མནྟྭཱ ཏཏོ ཡཏིཝརོ ཀརུཎཱཡ སཏྟེ,

སཉྫྷཱགྷནེཧི པརིནདྡྷ རཝཱིཝ རཏྟ

ནིགྲོདྷཔཀྐ སདིསཾ ཙརཔཾསུཀཱུལཾ;

༥༡༡.

དྷཱརེཏྭ སེལམཡ སུནྡར པཏྟཧཏྠོ

ཚབྦཎྞརཾསི ནིཝཧཾ དིསི པཱུརཡནྟོ,

སམྦོདྷིཏོ ནཝམ ཕུསྶཛ པུཎྞམཱཡཾ

ལངྐཱཏལཾ ཝིཛཡིཏུཾ ནབྷསཱ’གམཱསི;

༥༡༢. ¶

བྲཧྨཱསུརཱམར ཕཎི གརུལཱ༹ ཙ སིདྡྷ

ཝིཛྫཱདྷརཱདི ཛནཏཱ སཧཔཱརིསཛྫཱ,

ཀེཏཱ’ཏཔཏྟ གྷཊ དཱིཔུརུ ཏོརཎེཧི

པཱུཛཾ ཨཀཾསུ མཧཏིཾ གགནཱཡནམྷི;

༥༡༣.

ལངྐངྒནཱ ཨུརསི བྷཱསུར ཏཱར ཧཱར

སངྐཱས སཱིཏལ མནོཧར ནཱིར པཱུརཱ,

ཏསྨིཾ མཧཱདིཔད ཝཱལུཀ ནཱམ གངྒཱ

བྷུམཛ྄ཛྷགཱསི ཛན ནེཏྟ ཧརཱབྷིརཱམཱ;

༥༡༤.

ཏསྶཱཝིདཱུར སུཙི རམྨཏརེ པདེསེ

ཨཱཡཱམཏོ མིཏཏིཡོཛན ཝིཏྠཏེན,

ཙཏྟཱརི གཱཝུཏམིཏཾ ནཡནཱབྷིརཱམཾ

ཨཱསཱར སཱིཏཛལ ནིཛ྄ཛྷར བྷུརིགྷོསཾ;

༥༡༥.

མཏྟཱལིཔཱལི ཁག གཱིཏིཛ མིསྶརཱགཾ

སམྨཏྟ ཙིཏྟ མིགསངྒྷ ནིསེཝིཏཾ ཏཾ,

ནཙྩནྟ ནེཀསིཁི སངྒཏ པཱདཔིཎྜཾ

ཨུཡྻཱནམཱསི ཨུརུནཱགཝནཱབྷིདྷཱནཾ;

༥༡༦.

རམྨེ ཏདཱ རཏནདཱིཔཝརམྷི ལངྐཱ

ལོཀཱབྷིདྷཱན ཧརིཀཎྜཀ ཡཀྑདཱསེ,

ཨོདུམྦརེ སུམནཀཱུཊཀ ཏཎྜུལེཡྻེ

སེལེསུ མཱརགིརི མིསྶཀརིཊྛནཱམེ;

༥༡༧.

ཡེ’ཉྙེཔི སནྟི གིརཡོ ཝནརཱམཎེཡྻཱ

གངྒཱ ནདཱི གིརིགུཧཱ སིཀཏཱཏལཱ ཙ,

ཏཏྠཱཝསནྟི རཧསཱ ཕརུསཱནིརུདྡཱ

པཱཎཱཏིཔཱཏ ནིརཏཱ སཋཀཱུཊ ཡཀྑཱ;

༥༡༨.

སངྒམྨ ཏེ མཧཏི ནཱགཝནམྷི ཏམྷི

སམྨནྟཡིཾསུ སབྷཊཱ སཧ པཱརིསཛྫཱ,

ཏྭཾ ཀོ’སི རེ! ཨིཏི པརོ ཨཔརཾ ཁརེན

ཏིཀྑེན ཝཱདཀཎཡེན ཨརུནྟུདནྟཱ;

༥༡༩. ¶

ཀུཛ྄ཛྷིཾསུ ཏེ ཨཐིཏརཱིཏར ཀཱརཎེན

ཝཱཀྱེན ཡུདྡྷ པརིརདྡྷ པགབྦྷིཏཏྟཱ,

སངྑཱབྷིཏཱཔག པཏཱིཝ’ནཝཊྛཙིཏྟཱ

སཱརམྦྷགབྦིཏམནཱ པརིརཱཝཡནྟི;

༥༢༠.

ཏསྨིཾ ཁཎེ’བྷིམཏདོ སུགཏོ ནབྷམྷི

ཨཱགམྨ ཏེས’མནུཀམྤིཏ མཱནསེན,

གོཔཱནསཱི སམ མནོཧར རཾསིམཱལི

ཏཏྠཙྪི ཁེ གུཎམཎཱི མཎིཀཎྞིཀཱཝ;

༥༢༡.

ཏེསཾ ཛིནོ ཀལཧཝཱུཔསམཱཡ ཧེཏུ

མཱཔེསི ཝུཊྛི ཏིམིརཱ’ནིལསཱིཏབྷཱིཏིཾ,

ཏཏྠཱསི གཛྫིཏགྷནོ སུརཙཱཔཁིཏྟ

དྷཱརཱསརེཧི ཝིཏུདཾ ནིསིཝཱར སངྒྷཾ;

༥༢༢.

ཨནྡྷཱཝ ཏེ གྷནཏརེ ཏིམིརེ ནིམུགྒཱ

མུལ༹ྷཱ དིསཉྩ ཝིདིསཾ ན ཝིདིཾསུ བྷཱིཏཱ,

ཙཎྜཱནིལུདྡྷཊ མཧཱ གིརིཀཱུཊརུཀྑ

སམྤཱཏ བྷཱིཏ རུདིཏཱ གཏིམེསཡནྟི;

༥༢༣.

སཱིཏེན ཏེ ཨཐ དིཛེ པརིཀོཊཡནྟཱ

ཨཉྙོཉྙགཏྟམཝལམྦ པརོདཡིཾསུ,

རཱུཔཱནི ནེཀབྷཡདཱནི ཙ གྷོསཎཱནི

ཝཏྟིཾསུ ཏེན ཝིཝིདྷཾ བྷཡམཱསི ཏེསཾ;

༥༢༤.

བུདྡྷཱཔི དུཀྑིཏམནཱ པརདུཀྑཀེན

ཀསྨཱ ཀརོནྟི ཨནཡཾ’ཏི ན ཙིནྟནཱིཡཾ,

ལོཀོ ཧནཱཏི ཝིཊཔི ཕལདཱན ཧེཏུ

སཏྠེན སོམ རིཔུགཱཧཀ ཝཱསརམྷི;

༥༢༥.

སཏྠཱ ཏཏོ ཏམནུདོ སབྷཡེ སསོཀེ

དིསྭཱན གུཡ྄ཧཀ ཛནེ ཀརུཎཱཡིཏཏྟོ,

ཝུཊྛིཾ ཏམཉྩ པཝནཾ པཎུདིཏྭ སབྦཾ

དསྶེསི ཨཏྟམཁིལཾ དུམཎཱིཝ ཁམྷི;

༥༢༦. ¶

དིསྭཱན ཏེ མུནིཝར’ཉྫལི པངྐཛེཧི

སཛྫེཏྭ སཱིས སརསཱི ཨིདམ’བྲུཝིཾསུ,

ཡཱཙཱམ ནོ’བྷཡཔདཾ བྷཝཏོ སཀཱསཱ

དཱསེསུ དྷཱིར ཀརུཎཾ ཀརཎཱིཡམེཝ;

༥༢༧.

ཨེཝཾ ཏདཱ’ཝཙ ཛིནོ མདྷུརསྶརེན

ཨཱམནྟ ཏེ ནིསིཙརེ’ཝནཏེ སམེཀྑ,

ཏུམྷེ དདཱཐ ཡདི ཋཱནམམེཀདེསཾ

སབྦེ ཨཔེནྟཱི གྷནཝཱཏཛ སཱིཏདུཀྑཱ;

༥༢༨.

ཡཛྫེཝམཱིཏིམ’པཡཱཏི ཀརོམ བྷོ ཏཾ

གཎྷཱཧི དྷཱིར ཡདི ཨིཙྪསི སབྦདཱིཔཾ,

ཝཏྭཱན ཏེཧི པརིདིནྣ ཚམཱཡ མགྒོ

ཨོགམྨ ཏཏྠ པུཐུ པཏྠརི ཙམྨ ཀཎྜཾ;

༥༢༩.

ཏསྨིཾ ནིསཛྫ ཀསིཎཾ སམཱཔཛྫ ཏེཛོ

ཛཱལཱཀུལཾ ཛལིཏ མགྒཱིམམཱཔཡཱི སོ,

སོ དྷཱུམཀེཏུ གགནུགྒཏ ཏུངྒསིངྒོ

སནྡཌྜྷཡཾ གིརིཝནཱནུ’རུགྷོསཡནྟོ;

༥༣༠.

རུཀྑེཧི རུཀྑཝན པབྦཏ ལངྒྷནེན

སཱཁཱམིགེ ཙ ཝིཧགེ ཨནུབནྡྷཡཾ’ཝ,

ཝེསྶཱནརོ ཝནམརཱུ མིགསཱུཀརེ’པི

སནྡྷཱཝི གུཡ྄ཧཀ ཛནེ ཨིཏི ཙིནྟཡནྟོ;

༥༣༡.

དིསྭཱན ཏཏྠ པཙུརཱཏན ཝིཔྥུལིངྒ

སམྨིསྶ ཛཱལ དཧནཾ གུཧཀཱ སམེཙྩ,

དྷཱཝུཾ ཝིཀིཎྞཀཙ བཔྤཛལ’དྡནེཏྟཱ

དཱརཏྟཛེཧི སཧིཏཱ གཏིམེསམཱནཱ;

༥༣༢.

སམྦུདྡྷཏེཛ པརིདཌྜྷ སརཱིརཙིཏྟཱ

ཨཱཧཙྩ སཱགརཏཊཾ པརིདྷཱཝམཱནཱ,

ཏསྨིམྤི ཏེ པཝིསིཏུཾ སརཎཾ ན ལདྡྷཱ

ཚམྷི ཏཏོ སཔདི སནྣིཔཏིཾསུ སབྦེ;

༥༣༣. ¶

དིསྭཱན ཏེ མུནིཝརོ སཧཡེ སསོཀེ

རམྨཾ ཏདཱ ཛལདྷིམཛ྄ཛྷགཏཾ མཧནྟཾ,

ཨིདྡྷཱིཧི སེཧི གིརིདཱིཔམི’དྷཱནཡིཏྭཱ

ཨཱརོཔཡིཏྭ ནིཁིལེ པུན ཏཏྠ’ཀཱསི;

༥༣༤.

ཀཏྭེཝམེ’སམསམོ’པསམནྟ’མཱིཏིཾ

ཏཏྠེཝ བྷཱསུརཏརོ བྷགཝཱ ནིསཱིདི,

བྲཧྨཱམརཱ’སུརཕཎཱི གརུལཱ༹དི སིདྡྷཱ

སངྒམྨ’ཀཾསུ མཧཏིཾ མཧམ’གྒརཱུཔཾ;

༥༣༥.

དེསེསི སཾསདི ཛིནོ སུཏིསཱདྷུ དྷམྨཾ

ཏསྨིཾ སདཱསཝནུདཾ སིཝདཾ ཛནཱནཾ,

སུཏྭཱན ནེཀསཏཀོཊི པམཱཎ པཱཎཱ

ལདྡྷཱ ཏདཱ སམབྷཝུཾ ཙརདྷམྨཙཀྑུཾ;

༥༣༦.

ཏསྨིཾ དིནེ སུམནཀཱུཊ ཝརཱདྷིཝཱསོ

ཏེཛིདྡྷིབུདྡྷིཝིབྷཝོ སུམནཱབྷིདྷཱནོ,

དེཝོ པསནྣཧདཡོ རཏནཏྟཡམྷི

སམྤཱཔུཎིཏྠ པཋམཾ ཕལམུཏྟམཾ སོ;

༥༣༧.

ཨུཊྛཱཡ ཏུཊྛཝདནོ ཀཏཔཉྫལཱིཀོ

མུགྒོ ཛིནགྒ ནཁརཾསི པཡོདདྷིམྷི

ཝནྡིཏྭ ཨེཝམཝཙཱ’ཏུལ ཝཱིར དྷཱིར

ལོཀགྒ པུགྒལ ཝརཾ དད སཱམི དྷཱིས;

༥༣༨.

དཱསོསྨི ཏེ ཙརཎ པངྐཛ པཱུཛཀོཧཾ

སདྡྷཱདཡཱདི ཝིབྷཝོ ཏནཡོ’ཧམསྨི,

ཏུམྷེ ཝིནཱ ཁཎལཝཾ ཝསིཏུཾ ན ཨིཙྪེ

ཏསྨཱ དདཱཏུ བྷགཝཱ མམ པཱུཛནཱིཡཾ;

༥༣༩.

སུཏྭཱན ཏཾ དྷིཏིམཏཱི པརིམཛྫ སཱིསཾ

སཾསཏྟ ཚཔྤད སརོརུཧ སནྣིབྷེན,

ཧཏྠེན ནཱིལ སཀ ཀུནྟལ དྷཱཏུམུཊྛིཾ

དཛྫཱཐ སོ མཎིམཡེན ཀརཎྜཀེན;

༥༤༠. ¶

པགྒཡ྄ཧ བཱཧུཡུགལེན ཋཱིཏོ ནམིཏྭཱ

མུདྡྷཱ དདྷཱསི མཀུཊཾ ཝིཡ པཱིཎིཏཏྟོ,

ཀཏྭཱ’ཐ སོ ཝར མཧཾ ཏིདིཝེཧི སདྡྷི

’མཔྤེཏྭ དྷཱིར ཕརིབྷུཏྟ ཝསུནྡྷརཱཡཾ;

༥༤༡.

སོ’ཀཱསི ནཱིལརཏནེཧི མཧཱརཧེཧི

ཨུབྦེདྷཏོ རཏན སཏྟ པམཱཎ ཐཱུཔཾ,

ནཱཐེ དྷརནྟསམཡེཝ པཏིཊྛཧཱི སོ

ཐཱུཔོ ཏིལོཀསུཁདོ མཎི ཀཱམདོ’ཝ;

༥༤༢.

པཙྪཱ ཏིལོཀསརཎེ པརིནིབྦུཏམྷི

ཁཱིཎཱ སཝོ སམཧིམོ སརབྷུ ཡཏིནྡོ,

ཨཱདཱཡ ཏཾ ཙིཏཀཏོ ཛིནགཱིཝདྷཱཏུཾ

ཏསྨིཾ ནིདྷཱཡ’ཀརི བཱརས ཧཏྠཐཱུཔཾ;

༥༤༣.

ཙཱུལཱ༹བྷཡཧྭཝནིཔོ སམཡེ’པརསྨིཾ

བཏྟིཾས ཧཏྠམ’ཀརིཡཏྠ ཝརོརུཐཱུཔཾ,

དུཊྛཱདིགཱམཎི ནུཔོ དམིལེ༹ ཧནནྟོ

ཀཱརེསི ཀཉྩུཀམཐོ ཙཏུསཊྛིཧཏྠཾ;

༥༤༤.

ཨེཝཾ ས སཱིཧལམཧཱསརམཛཛྷརཱུལ༹ྷཾ

སེཏམྦུཛཾ’ཝ མདྷུཔཱཝལི སེཝནཱིཡཾ,

བྷུམངྒནཱ ཀརཏལེ སིཏཝིཏྠལཱིལོ

ཐཱུཔོ དདཱཏུ མསམོཔསམཾ ཛནཱནཾ;

༥༤༥.

ལངྐོཔསགྒམ’ཝདྷཱུཡ ཝིདྷཱཡ ཁེམཾ

ལངྐཾ ནིཛཱཡ ཝརཀུནྟལ དྷཱཏུཡཱ ཏཾ,

ཀཏྭཱན བྷཱསུརཏརཾ མུནི མངྒལཱཡ

པཱཡཱསི ཏཱརཀ པཐེ’ནུརུཝེལམེཝ;

༥༤༦.

ཏསྨིཾ ཝིདྷཱཡ བཧུཝིམྷིཏ པཱཊིཧེརཾ

བྷེཏྭཱ སསིསྶཀི’སིནོ པུན དིཊྛིཛཱལཾ,

དཏྭཱན ནིབྦུཏིཔདཾ སཧསིསྶཀསྶ

ནིབྦཱཎ སུནྡར པུརཾ པརིཔཱུརཡིཏྠ;

༥༤༧. ¶

ཏམྷཱ ཝིཀཱསིཏ ཀུསེསཡ ཀཱནནཱབྷ

ཝཱིཏཱསཝེཧི ནིཝུཏོ སུགཏེབྷགཱམཱི,

པཱཡཱསི རཱཛགཧ གཱམཱི’མུདཱརམགྒཾ

ཝེནེཡྻ ཛནྟུ ཀམལཱཀར བྷཱནུརཱུཔོ;

༥༤༨.

ཏསྨིཾ གཏེ ཛིནཝརེ ཝར བིམྦིསཱརོ

པཱུཛཾ ཨཀཱསི མཧཏིཾ སཧ དེཝཏཱཧི,

ཏསྨིཉྷི སཾསདི ལབྷིཾསུ ཨནཔྤཔཱཎཱ

མགྒེ ཕལེ ཙ སརཎེ ཙ པཏིཊྛཧིཾསུ

༥༤༩.

རཱཛཱ ཏཏོ ཝིཔུལ ཝེལུཝནཱབྷིརཱམཾ

སཱལངྐཏཾ ཝིཝིདྷ པཱདཔ མཎྜཔེཧི,

པཱདཱསི དཀྑིཎཀརེ ཛལཔཱཏནེན

ཀཏྭཱ དྷརཱདྷརདྷརཾ ཧིམཝཉྩ ཀམྤཾ;

༥༥༠.

ཏསྨིཾ སམནྟནཡནོ ནཡནཱབྷིརཱམོ

བྷུཏིཾ ཛནསྶ སཏཏཾ ཨབྷིཝཌྜྷཡནྟོ,

དྷམྨམྦུ ཝུཊྛི ནིཀརཾ པརིཝསྶཡནྟོ

ཝསྶཾ ཝསཱི ཨདུཏིཡོ དུཏིཡམྷི ཝསྶེ;

༥༥༡.

དེཝིནྡ མོལི སམལངྐཏ པཱདཔིཊྛོ

ལོཀསྶ ཨཏྠཙརཎེ སཏཏཱབྷིཡུཏྟོ,

ཏཏྠེཝ སོ ཧི ཏཏིཡེ’པི ཙཏུཏྠཝསྶེ

ཝཱསཾ ཨཀཱསི སུགཏོ སིརིསནྟིཝཱསོ;

༥༥༢.

ལོཀསྶ དྷམྨ མ’མལཾ སཏཏཾ ཝཧནྟོ

སཱཝཏྠིཡཾ རུཙིར ཛེཏཝནེ’བྷིརཱམེ,

ཝཱསཾ ཨཀཱསི སུཁདོ མུནིཔཉྩམསྨིཾ

ཝེནེཡྻ སཏྟསམཡཾ སམུདིཀྑམཱནོ;

ཨིཏི ལངྐཱཡ པཋམཱ’གམནཾ.

༥༥༣.

ཨཐ བྷགཝཏི ཏསྨིཾ ཛེཏནཱམེ ཝནསྨིཾ

ནིཝསཏི སཏིལངྐཱ མངྒལཱ’ཝཱསརཱུཔཱ,

ཨུཔཝནམིཝ ནཱཀེ ནནྡནཾ དེཝཏཱནཾ

ཨམར ཨུརགཝཱསཱ རམྨརཱུཔཱ བབྷཱུཝ;

༥༥༤. ¶

ཏཧིམཏི རུཙིརསྨིཾ ཝཌྜྷམཱནཱདི སེལེ

མདྷུར སལིལཝཱཧེ རམྨཀལྱཱཎིཀཱདོ,

ཨུདདྷི བྷུཛགཝཱསེ ནཱགདཱིཔནྟིཀེ ཙ

མཧཏི མཧིམ ཡུཏྟཱ ནཱགསངྒྷཱ ཝསནྟི;

༥༥༥.

པཙུར མཧིམ ཡུཏྟོ ཝཌྜྷམཱནཱཙལསྨིཾ

ཨདྷིཔཏི བྷུཛགཱནཾ ཨཱསི ཙཱུལོདརཝ྄ཧོ,

མཧུདར ཨིཏི ནཱམོ ནཱགདཱིཔོདདྷིམྷི

ནིཝསཏི ཨཐ ཏེསཾ པབྦཏེཡྻོ’རགིནྡོ;

༥༥༦.

ཨིཏར བྷུཛག རཉྙོ དྷཱིཏརཾ ནཱགཀཉྙཾ

པིཡཏརམ’བྷིརཱུཔཾ’ཀཱསི དཱརཾ ཏདཱ ཧི,

ཨཐ ཙ དུཧིཏུཡཱ སོ དཱིཡམཱནཾ དདནྟོ

རུཙིར མཎཱིམཡགྒྷཾ ཨཱསནཉྩཱཔདཱསི;

༥༥༧.

དུཧིཏརི མཏཀཱལེ ཏེ’ཐ པལླངྐཧེཏུ

ཛལཛ ཐལཛ ནཱགཱ ཡུདྡྷསཛྫཱ ཨཧེསུཾ,

ཨཐ ཐལཛ བྷུཛངྒཱ བྷངྒཀལློལམཱལཱ

སདིས ལཱུལིཏ ཙིཏྟཱ གབྦིཏེཝཾ རཝནྟི;

༥༥༨.

ཀིམུ’དདྷིཛ ཕཎཱིནཾ ཀིཏྟི སམྤཏྟིཡཱ ནོ

ཨཔི ཡསཔརིཝཱརཱ ཀིཾ བལེནིདྡྷིཡཱ ཀིཾ,

ཨཧམཧམཱིཏི གབྦཱ ཀིཾ ཀིམིསྶཱཡ ཏེསཾ

བྷཝཏི ཏིམིར’རཱིནཾ བྷཱནུམགྒུནྣཏཱི ཀཱ;

༥༥༩.

ཨཐ ཛལཛ’ལགདྡཱ གཛྫནཾ གཛྫཡནྟཱ

བྷཡཛནཀ པགབྦྷཱ ཕོཊཡནྟཱ བྷཱུཛཱནཾ,

ཨཧམཧ པབྷཱུ རེ!རེ! པབྦཏེཡྻཱན’མེཏཾ

པཊུཏརཌསིཏོཊྛཱ ཀཀྑ’ལེ༹ཝཾ རཝནྟི;

༥༦༠.

པཊུཏར གརུནཱདཱ ཏཱཝ གཛྫནྟི དནྟཱི

ནཡན པཐམུ’པེནྟེ ཡཱཝ ཀཎྛིརཝཱནཾ,

ཏཐརིཝ ཐལཛཱཏཱ ཛུམྷཡནྟཱ སམགྒཱ

ནཡན པཐགཏཱ ནོ སུཉྙདཔྤཱ བྷཝནྟི;

༥༦༡. ¶

ཨིཏི ཏདུབྷཡསེནཱ གྷཊྚཡནྟཱ’ཉྙམཉྙཾ

ཝིཝིདྷ པཧརཎྷོ ཨུགྒིརནྟཱི གིརནྟི,

སཏཏ ཁུབྷིཏ ཝེལཱ སཱགརཱུམཱིཝ བྷནྟཱ

ལུལིཏ ལུལིཏ ཙིཏྟཱ ཡུདྡྷནིནྣཱ ཋིཏཱསུཾ;

༥༦༢.

ཨཐ ཏདཧུ མུནིནྡོ ཡཱམིནཱིཡཱམ’མནྟེ

པཏིནིཡ མཏིཛཱལཾ ལོཀམོལོཀཡནྟོ,

སམར ཝསགཏཱནཾ བྷོགཱིནཾ བྷཱཝིབྷུཏིཾ

ཏདུཔརི ཙ’བྷིཝུདྡྷིཾ པསྶི ལངྐཱཏལསྶ;

༥༦༣.

ཨཐ མུནི མདྷུམཱསེ’པོསཐེ ཀཱལཔཀྑེ

ཀཏ ནིཁིལ ཝིདྷཱནོ གཡ྄ཧ སངྒྷཱཊིཀཱདིཾ,

ཨནུགཏིཀམུདིཀྑཾ པཉྩནེཏྟོ སམནྟཱ

སུམན སུམན ནཱམཾ པསྶི དེཝཾ སམིདྡྷིཾ;

༥༦༤.

ཏདཧུ སུམནདེཝོ ཛེཏནཱམེ སུརམྨེ

ཨདྷིཝསཏི ཝིཧཱརེ དྭཱརཀོཊྛོཔཀཊྛེ,

ཋིཏ ཝིཊཔ སམིདྡྷེ ཁཱིརིཀཱཔཱདཔསྨིཾ

སུགཏ མབྷིནམནྟོ ཨནྭཧཾ པཱུཛཡནྟོ;

༥༦༥.

ཏམསམྨུནི དིསྭཱ’མནྟཡིཏྭཱ’གཏེ ཏཾ

ཨིདམཝཙ མཡཱ བྷོ སདྡྷིམཱགཙྪ ལངྐཾ,

སཧ ཏཝ བྷཝནམྷཱ པུབྦཝུཏྠཔྤདེསེ

ཏཝ བྷཝཏི པཏིཊྛཱ བྷོགིནཉྫཱ’བྷིཝུདྡྷི;

༥༦༦.

ཨཐ མུནིཝཙནཾ སོ མུདྡྷནཱམ’གྒཧེཏྭཱ

སམུདིཏཧདཡོ ཏཾ རུཀྑམུདྡྷཙྩ མཱུལཱ,

སུགཏམུཔརི ཀཏྭཱ དྷཱརཡནྟོ སུཕུལླཾ

བརིཧི བརིཧི ཚཏྟཱཀཱརམཱགཱ ནབྷམྷཱི;

༥༦༧.

དསབལ ཏནུབྷཱ’བྷིསྶངྒམཱ སོ དུམནྡོ

ཏརལ མཎཱིཝ ནཱནཱ’བྷཱཧི སམྦྷཱཝནཱིཡོ,

ཝིལསིཏ ཨིཝ སབྦེ རུཀྑསེལཱདཡོ’པི

ཨཔགཏ སཀཝཎྞཱཝཎྞཝནྟཱ ཝིརེཛུཾ;

༥༦༨. ¶

ཁག བྷུཛག སུརཱདི མསྶིཏཱ ཚཔྤབྷཱཧི

ནིཛཔཏི ནིཛཛཱཡཱ སྭཉྙམཉྙཱསུ མུཡ྄ཧུཾ,

ཨསིཏ གགན མཛ྄ཛྷེ སོབྷམཱནོ མུནིནྡོ

ཝིཏཏ ཝིཝིདྷ རཾསཱི རཾསིམཱལཱིཝ གཉྪི;

༥༦༩.

ཛལད པཊལ སཎྜེ ཝཛ྄ཛྷམུདྡཱལ༹ཡིཏྭཱ

བཧི ཝིལསིཏཀཱཡོ སོམྨདོསཱཀརོ,ཝ

ཀཏུཔརི ཏརུཚཱཡོ ཛོཏམཱནོ སམཱནོ

ཨུརག སམརཋཱནཾ གནྠྭཱ’ཀཱསེ ནིསཛྫ;

༥༧༠.

གྷནཏར ཏིམིརཾ སོ ཨིདྡྷིཡཱ སངྒྷརིཏྭཱ

ཏཧིམཏིརཝ བྷཱིམཾ གྷོརསཾརམྦྷཝནྟཾ,

ཨསནི སཏ ནིཔཱཏཾ ཝསྶདྷཱརཱ ཀརཱལཾ

ཨུརུཏར ཏཏ མེགྷཾ མཱཔཡཱི སཱིཏཝཱཏཾ;

༥༧༡.

ཨིཏི ཏིབྷུཝནནཱཐོ དཔྤིཏེ ནཱགསངྒྷེ

ཝིམད ཀརཎ ཧེཏུ དསྶཡཱི བྷེརཝཱནཱི,

ཨཐ’པགཏ པགབྦྷེ ཏེ ཝིདིཏྭཱན སཏྠཱ

ཨཔནུདི བྷཡཛཱཏཾ ཏངྑཎཾཡེཝ ཏཏྠ;

༥༧༢.

ཏརུཎ ཏརཎིསོབྷཱ ཀེཏུམཱལཱཝིལཱསིཾ

སུབྷརུཙི མུཁཝནྡཾ ལཀྑཎཱཀིཎྞགཏྟཾ,

ཏིབྷཝ ཝིབྷཝདཱཡིཾ ཏཾ ཝིདིཏྭཱན ནཱགཱ

ཙུཏཔཧརཎ ཧཏྠཱ ཝནྡམཱནཱ མཧིཾསུ;

༥༧༣.

སིརསཱི ནིཧིཏཔཱཎཱི རཏྟཔངྐེརུཧེཧི

ཝིཀཙ ཝདན ནེཏྟཱ’མནྡ ཀཉྫུཔྤལེཧི,

སཀ སཀ དྷཏ ནཱནཱཝཎྞ ཝམྨཱདིཀེཧི

ཝིཝིདྷ ཀུསུམཝཏྠཱ’མནྡ དཱིཔདྡྷཛེཧི;

༥༧༤.

ཨུརག བྷཝནཝཱསཱ ནཱགཀཉྙཱ སམེཙྩ

ཀུཙ ཀལས སཧསྶཾ དྷཱརཡནྟི སལཱིལཾ,

ལལིཏ ཀཎཀ ཝལླི ལཱིལམཱདྷཏྟ གཏྟཱ

ཐུཏི མུཁར མུཁཱ ཏཱ སཱདྷུ ཀཱིལ༹ཾ ཨཀཾསུ;

༥༧༥. ¶

ཨཐ མུནི ཨུརགཱནཾ ཝིགྒཧཾ ཏཾ སམེཏུཾ

སུཏིམན ཀམནཱིཡཾ ནིཙྪརཾ བྲཧྨགྷོསཾ,

ཨཛརམམར མགྒཾ སུཔྤསཏྠཾ སུདྷིཧི

ཝརམཏི ཝརདྷམྨཾ དེསཡཱི ནཾ ཕཎཱིནཾ;

༥༧༦.

ན བྷོ བྷོ སཾསཱརེ ཁལུ བྷཝཏི སཱརཾ ལཝམྤི

ཝིསེསཱ ཏཾ སཱིཏཾ ཛལིཏ དཧནེ ཝིཛྫཏི ཀདཱ,

སདཱ རཱགཾ རོགཾ བྱདྷཏི ཛནཏཾ ནེཀདུརིཏཾ

ཏཐཱཔཱ’ཡུཾ པཱཏོ རཝིརབྷིམུཁུསྶཱཝ སདིསཾ;

༥༧༧.

སརཱིརོ’ཡཾ བཏྟིཾས ཝིདྷ ཀུཎཔོ སཱར རཧིཏོ

པརིཏྟཾ ཡོབྦཉྙཾ ཀུསུམ སདིསཾ ནིགྒཏསིརི,

པཧནྟྭཱ གནྟབྦཾ བྷཝཛ ཝིབྷཝཾ སམྦྷཏམིདཾ

ཨཐེཝཾ སནྟེ བྷོ ཝརཡཏི བྷཝཾ ཀོ ནུ ཧི བུདྷོ;

༥༧༨.

པལཱསཱི མཀྑཱི ཀོདྷཱུཔཧ མཏོ མཱནཝིབྷཝོ

ཛནོ’ཏཱིཏོ’ཏོ བྷོ པཡཏི ནརཀཾ དཱརུཎཏརཾ,

ཕཎཱི མཛྫཱརོ སཱ གུཧཀ ཀཔཡོ བྷཱུཡ བཧུསོ

ཝདྷེནྟཉྙོཉྙཾ ཏེ ནནུབྷཝམིདཾ དུཀྑམ’ནིསཾ;

༥༧༩.

པུརེ ཀཱཀོ’ལུཀཱ ཨཐ ཝནབྷཝཱ ཕནྡན ཨིསཱ

ཀརིཏྭཱ’ཊྛཱནེ’གྷཾ ཙིརམནུབྷཝུཾ དུཀྑམནིསཾ,

ཨཧོ ཀཔྤཊྛནྟཾ སརཐ དུརིཏཾ ཝེརཛམིདཾ

ན ཧེཏྠསྶཱདོ བྷོ’ཎུམཔི ཀལཧེ མེཏྟིམ’མཏཾ;

༥༨༠.

བལཾ བཱལཱནཾ བྷོ སཀ སཀ ཝདྷཱཡེཝ བྷཝཏི

ཨཏཱིཏེཀཱ ཁུདྡཱ ལཊུཀིཀདིཛཱ ནཊྛཏནཡཱ,

གཛཾ བཱལཾ མཏྟཾ པཝིདྷི ན བལཾ ཧོཏི སརཎཾ

ཨཐཊྛཱནེ ཀིཾ བྷོ ཀུརུཐ ཝཱིརིཡཾ བྷུཏི ཧནནཾ;

༥༨༡.

ན དུཀྑཾ ཏེསཾ ཡེ ཝིགཏ ཀལཧཱ ཨེཀམནསཱ

ཨཏཱིཏེ བྷོ ལཱཔཱ ཨགྷཊིཏ མཱནཱ པེཡྻཝཙནཱ,

སུཁཾ ཝཱསཾ’ཀཱསུཾ ཡདཧནི བྷཝུཾ ཏེ’ཐ ཝིདྷུརཱ

ཝསཾ ཝྱཱདྷསྶཱགུཾ ཏདཧནི ཨཧོ!མེདྷག བལཾ;

༥༨༢. ¶

ཨིཏི ཏིཁིཎ སུདྷིམཱ ཀཏྟུམེཏེ སམགྒེ

ཨཝདི པཝར དྷམྨཾ སཱདྷུ ཝིཉྙུཔྤསཏྠཾ,

ཨཐ མུདིཏམནཱ ཏེ པཱིཎིཏཱ ཏསྶ ནཱགཱ

མཎིམཡམ’ཏུལཾ ཏཾ ཨཱསནཾ པཱུཛཡིཾསུ;

༥༨༣.

ཨཐ མུནི གགནམྦོརུཡ྄ཧ བྷུམིཔྤདེསཾ

ཏརུཎ རཝིཝ ཏསྨིཾ ཨཱསནེ ཨཱསི བྷཱསཾ,

ཨཐ བྷུཛགགཎཱ ཏེ དིབྦ ཁཛྫཱདིཀེཧི

པརིཝིསིཡ མུནིནྡཾ སཱདྷུ དྷམྨཾ སུཎིཾསུ;

༥༨༤.

ཨཐ ཛལ ཐལཛཱནཾ ཏཏྠ ཡུདྡྷཱ’གཏཱནཾ

ཨགཎིཏ བྷཱུཛགཱནཾ’སཱིཏིཀོཊཱི བྷུཛངྒཱ,

ཝིམལ སརཎསཱིལེ སུཔྤཏིཊྛཱ སུཏུཊྛཱ

ཨཀརུ’མཏིམུལཱ༹རཾ སཏྠུ པཱུཛཱཝིདྷཱནཾ;

༥༨༥.

ཨཐ མཧུདར རཉྒྙོ མཱཏུལོ ནཱགརཱཛཱ

མནིནཡནཀནཱམོ རམྨཀལ༹ྱཱཎདེསཱ,

ཨུརག སམར ཧེཏཱུ ཨཱགཏོ ནཱགདཱིཔཾ

སུགཏཝར སརཱིརཾ དིསྭ ནཏྭཱལཔེཝཾ;

༥༨༦.

ཡདི སུགཏ! ཨིམཾ ཏྭཾ ནཱགཏོ ཨསྶ ཋཱནཾ

མཡམཔགཏ པཱཎཱ ཧོམ ཛྷཏྭཱ’ཉྙམཉྙཾ,

རུདྷིརཝཧ ཝིཀིཎྞོ ཨསྶ བྷུམིཔྤདེསོ

པསམི དཧན དིཏྟཾ ཨམྦུདེནེཝ ཏཾ ཏྭཾ;

༥༨༧.

མམ བྷགཝ! པུརཱམེ དིཊྛཔུབྦཾ ཏཝེཏཾ

རུཙིར སིརིསརཱིརཾ རཾསིཛཱལཱ’བྷིཀིཎྞཾ,

ཨཔི སུམདྷུར དྷམྨཾ དེསཡནྟེ སུརཱནཾ

དསབལ སུཏཔུབྦཾ ཨཱནུབྷཱཝཉྩ ཏུཡ྄ཧཾ;

༥༨༨.

ཨཧམསམ པུརེ ཏེ ཝིསྶུཏོཡེཝ དཱསོ

ཡདི མནསི དཡཱ ཏེ ཧོཏི དཱསེ པུནཱ’པི,

པཝར རཏནདཱིཔེ ཧོཏི ཀལ༹ྱཱཎིགངྒཱ

མམ ཝསཏི ཏཧིཾ ཏཾ དཊྛུཀཱམོ’བྷིཡཱཙེ;

༥༨༩. ¶

ཨིཏི ཡཏིཔཏི ཏསྶཱ’རཱདྷནཾ པགྒཧེཏྭཱ

སཀ པརིཙིཏ བྷུམྱཱ ཙེཏིཡཏྠཾ ཝིདྷཱཡ,

མཎིམཡ པརིབྷུཏྟཾ ཨཱསནཾ ཙཱ’པི ཏེསཾ

ས སུམན ཏརུ རཱཛཾ པཱུཛནཏྠཾ ཝིདྷཱཡ;

༥༩༠.

དསབལ པརིབྷུཏྟཾ སབྦམེཏཾ བྷུཛངྒཱ

མཎིརིཝ རུཙཱིདཾ ཏེ དྷཱཏུཡོཡེཝ ཏསྨཱ,

མཧཐ ནམཐ ནིཙྩཾ མཾཝ སགྒཱ’པཝགྒཾ

དདཏི ཨིཏི ཙ ཝཏྭཱ ཨོཝདིཏྭཱན སཏྠཱ;

༥༩༡.

ནབྷཏལ’མུ’པགནྟྭཱ དེཝནཱགེ མཧེནྟེ

དིསི དིསི ཝིསརནྟོ ནཱིལཔཱིཏཱདི རཾསི,

མན ནཡན ཧརནྟོ ཛནྟུནཾ ལོཀསཱརོ

ཨགམི རཝི’ཝ ཁམྷཱ ཛེཏནཱམཾ ཝིཧཱརཾ;

༥༩༢.

ཨཐ མནུཛམརཱནཾ ནཏྟསིདྡྷཱདིཀཱནཾ

སཏཏ’མམཏ དྷམྨཾ དེསཡནྟོ ཕཎཱིནཾ,

ཝནབྷཝན སུརམྨེ མངྐུལཝ྄ཧེ ནགིནྡེ

ཨཀརི མུནི ནིཝཱསཾ ཚཊྛམེ ཧཱཡནམྷི;

༥༩༣.

སུརཔུརུཔཝནེ’ཐོ པཱརིཛཱཏསྶ མཱུལེ

ཨརུཎ མུདུསིལཱཡཾ བྷཱསམཱནོ མུནིནྡོ

སུནིཔུཎ’མབྷིདྷམྨཾ དེསཡནྟོ སུརཱནཾ

ཨཀརི ཝརནིཝཱསཾ སཏྟམེ ཏཏྠ ཝསྶེ;

༥༩༤.

ཨཐ སུཁད མུནིནྡོ ཛེཏནཱམེ ཝིཧཱརེ

ཨཝསི ཝིམལཔཉྙོ ཨཊྛམེ སཱརདསྨིཾ,

ཨཛར’མམར སནྟིཾ ཕསམཱནོ པརེསཾ

ཝིཝིདྷ ནཡ ཝིཙིཏྟཾ དེསནཾ དེསཡནྟོ;

ཨིཏི ལངྐཱཡ དུཏིཡཱགམནཾ.

༥༩༥.

ཨེཝཾ ཛིནོ ཛེཏཝནེ ཝསནྟོ

ནཱིསྶཱཡ སཱཝཏྠིཔུརཾ ཝིཧཱསི,

སཱ ཀིདིསཱི ཨཱསི པུརཱི ཏདཱནཱི

ཏཾ ཀཱིདིསཾ ཛེཏཝནཾ ཝིཧཱརཾ;

༥༩༦. ¶

བྷཱུམངྒནཱཡཱཧིཏ ཨུཏྟམངྒེ

བྷཱསནྟ ནཱནཱརཏནཱབྷིརཱམཱ,

ཝིསཱལམོལཱིཝ ཝིསཱལབྷོགཱ

སཱ ཛམྦུདཱིཔམྷཱི བབྷུཝ རམྨཱ;

༥༩༧.

སིརཱིནིཀེཏེ སིརིམཱཝཧནྟཱི

ཝིརཱཛཏེ ཡཱ ཝསུདྷཱ ཏལསྨིཾ,

སཱ དེཝརཱཛསྶ’མརཱཝཏཱི’ཝ

རཉྙོ ཀུཝེརསྶ’ལཀཱཝ རམྨཱ;

༥༩༨.

སཱ པུཉྙཔཉྙཱལུ ཛནཱདྷིཝུཏྠཱ

སོཎྞཱདི པུཎྞཱཔནཱཀིཎྞཝཱིཐཱི,

ཨུཏྟུངྒ མཱཏངྒ ཏུརངྒ རངྒཱ

སཱ རཱཛཏེ ཀཉྩན མནྡིརཱལཱི;

༥༩༩.

རརཱཛ སཱ བྷཱསུར རཱཛཔུཏྟཱ

པུཉྙངྒནཱལཱས ཝིལཱསཡནྟཱི,

ཝེདངྒཔཱརངྒཏ ཝིཔྤཙཱརཱ

དྭིཔཉྩ སདྡེཧི ཙ ནིཙྩགྷོསཱ;

༦༠༠.

ཨནེཀསིཔྤཱི སཏ སམྤཀིཎྞཱ

ནཱནཱདིསཱཧཱ’གཏ སཏྠཝཱཧཱ,

པཧུཏཁཱིཎཱསཝཔཱདཔཱུཏཱ

བབྷཱས སཱ མངྒལ མནྡིརཾ’ཝ;

༦༠༡.

བྷཝནྟརེ ཡོ ཙརིཡཾ ཙརནྟོ

སུཝོ’པནིསྶཱཡ ཝསཾ གུཎེན,

ཡཉྙངྒསཱཁིཾ མཏསཱིནཔཏྟཾ

ཨཀཱ སམིདྡྷཾ ཕལཔལླཝེཧི;

༦༠༢.

ཨིདཱནི པཏྭཱན བྷཝསྶ ཨནྟཾ

ནིསྶཱཡ ཡཾ སོ ཝསཏེ མུནིནྡོ,

ཏསྶཱ གུཎཾ ཀོ ཧི ཨསེསཡིཏྭཱ

ཀཐེཏི སཱ ཝསྶཱུ’པམཱཡ ཏསྶཱ;

༦༠༣. ¶

ཏསྶོཔཀཊྛེ རཏནཾཝ’ནགྒྷཾ

མནོཧརོ ཨུཏྟམསཏྟསེཝི,

ཛནཱནམཱཀཁིངཏདོ ཝིཧཱརོ

བབྷུཝ ཛེཏཱདི ཝནཝ྄ཧཡེན;

༦༠༤.

སམཕུལླ པུཔྥརས མོདིཏ ཚཔྤདཱལཱི

ཛྷངྐཱར ནཱད པརིཝཱདིཏ ཏནྟིནཱདཱ,

སམྨཏྟ’ནནྟ དིཛ ཀུཛིཏ གཱིཏཝནྟཱ

ཏིཊྛནྟི ཡཏྠ ཏརཝོ ནཊཀཱཝ ཚེཀཱ;

༦༠༥.

ཁཱིརཎྞཝཱཧརིཡ དྷོཝིཡ ཁཱིརནཱིརཱ

སོསེཏྭ སཛ྄ཛྷུམལཡེ སསིཀནྟི མསྶཾ

ཡཏྠོཀིརིཏྭ ཏནིཏཱ ཝིཡ ཝཱལུཀཱཡོ

སཱ མཱལཀཱཝལི བབྷཱས པཡོདདྷི’ཝ;

༦༠༦.

ཝིཛྫོཏམཱན རཏནཔྤམུཁཱནནམྷི

སོཔཱན མཱལ པདགཎྛིདུཛེཧི ཧཱསཾ,

ཀཏྭེཝ དེཝབྷཝནཱནམཧཾ ཝིརཱག

ཝནྟཱི’ཏི གནྡྷཀུཊི ཡཏྠ པཧཱསཡིཏྠ;

༦༠༧.

ཀམྨཱར གགྒརི མུཁོ’པརི སམྤཔུཎྞཱ

ཨངྒཱར ཀནྟར ཝིནིགྒཏ ཛཱལཀཱཝ,

སམྦུདྡྷདེཧ པརིནིགྒཏ རཾསིམཱལཱ

དཱཡགྒ ནིགྒཏ ཀརཱ ཝིསརནྟི ཡསྨིཾ;

༦༠༨.

ཏུམྷེ སརཱག ཛནསངྒམཏོ’ཏི གཱིཏཱ

དྷཉྙཱ མཡནྟཱི ཝིམལེཧཱི སམངྒིཏཏྟཱ,

ཏུཊྛཱཝ ཧཱས མཀརཱ སུརཔཱདཔཱནཾ

རཱཛེནྟི ཡཏྠ ཡཏིནིསྶིཏ པཱདཔིནྡཱ;

༦༠༩.

པུནྣཱག ནཱིཔ ཝཀུལ’ཛྫུན རཱཛརུཀྑ

ནཱགཱ’ག ཙཱུཏ ཡུགཔཏྟཀ ཙམྤཀཱནཾ,

པུཔྥཱབྷིཀིཎྞ དྷརཎཱི རཏནེཧི ནཱནཱ

པཙྪནྣ དིབྦབྷཝནཾ ཝིཡ བྷཱཏི ཡཏྠ;

༦༡༠. ¶

བྲཧྨཱསུརཱསུར ནརོརག ལིངྒིསིདྡྷ

ཝིཛྫཱདྷརཱདི ཛནཏཱ ཀཏཝནྡནེཧི,

ཏེཧེཝ གྷུཊྛ ཐུཏིམངྒལ གཱིཏིཀཱཧི

ཡཏྠོཔགཱན མནནེཏྟགཎཱ མུདེནྟི;

༦༡༡.

ནིགྒྷོསིཏཱམལ སུསཱིཏལ ནིཛ྄ཛྷརེཧི

སམྨཏྟ ནེཀདིཛ གྷུཊྛ ཛལཱསཡེཧི,

ཀིཉྫཀྑ པཏྟ པརིཀིཎྞ སིལཱཏལེཧི

ཏུསྶནྟི ཡཏྠ སཏཏཾ ཡཏཱིནཾ མནཱཏི;

༦༡༢.

ཡོ ནེཀ ཀཔྤ སཏ སཉྩིཏ པུཉྙརཱསི

ཧིཏྭཱ’མིཏཾ ཀཔིལཝཏྠུ མཧཱསིརིམྤི,

ཨཱགམྨ ཡཏྠ ནཱིརཏོ སུགཏོ མཧེསི

ཀོ ཏཏྠ བྷུཏི མཏུལཾ ཀཐིཀོ ཀཐེཏི;

༦༡༣.

ཏསྨིཾ ཛིནོ ཝསཏི ཛེཏཝནེ ཝིཧཱརེ

ཨིནྡོ ཡཐཱ རུཙིར ནནྡན ཀཱནནམྷི,

བྲཧྨཱ’ཝ བྲཧྨབྷཝནེ སཔིཏཱམཧེཧི

ཏཱརཱཝལཱི པརིཝུཏོ གགནེ’ཝ ཝནྡོ;

༦༡༤.

ཏདཱགམྨ མཧཱནཱགོ མཎི ཨཀྑིཀནཱམཀོ,

ལངྐཱཏོ ཛིནཔཱདསྨིཾ ཕཎིཾ པཙྩེད’མབྲུཝི;

༦༡༥.

སམྦུདྡྷཱ དྷཱིར ལོཀསྨིཾ ལོཀསྶཏྠཱབྷིཝུདྡྷིཡཱ,

ཛཱཡནྟི སཱམི ཏུམྷཱཀཾ དཡཱཡནྟོ’གདྷཱ མཡཾ;

༦༡༦.

ཏེན མེ དཱསབྷུཏསྶ སཾསཱརནྡུགྷརཱ ཐིརཱ,

མུཏྟིཾ ཡདིཙྪསེ མཡ྄ཧཾ གཧཎཱིཡཾ ནིམནྟཎཾ;

༦༡༧.

སུཏྭཱན ཏཾ མཧཱནཱགོ མཧཱནཱག ནིམནྟཎཾ,

པཊིགྒཧེསི ཏཾ ཏུཎྷཱིབྷཱཝེན ཀརུཎཱཡ སོ;

༦༡༨.

ཉཏྭཱ ཏཾ སུམནོ ནཱགོ ལཧུམཱགམྨ སཱིཧལཾ,

ཀལ༹ྱཱཎཱཔགཔསྶམྷི མནོནནྡན བྷུཏལེ;

༦༡༩.

སཛ྄ཛྷུ ཀམྦུམཎི མུཏྟ པཝཱལ ཝཛིརཱམཡེ,

ཝཧཱརཧེ མཧཱཐཱུནེ གྷཊཀཱདིཾ ནིདྷཱཔིཡ;

༦༢༠. ¶

དཏྭཱ ཏུལཱདཡོ སེས མནྡིརངྒེ ཏཐེཝ ཙ,

ཝིཊངྐ ཝྱཱལ སཱིཧཱདི པནྟིཡོ’པི ཏཐེཝཧི;

༦༢༡.

སཱཏཀུམྷམཡཱ’ནེཀ ཙིཏྟེཧི སཱདྷུ ཙིཏྟིཏཾ,

ནིམྨཱཡ གོཔཱནསིཡོ པཀྑཔཱསེ ཙ ཀཎྞིཀཾ;

༦༢༢.

སིངྒི ནིཀྑེན སིངྒཉྩ ཚདནིནྡམཎཱིཧི ཙ,

སོཎྞ ཀིངྐིཎི མཱལཱཡོ ཀཎྞམཱལཱ ཙ མཱཔིཡ;

༦༢༣.

ཙིཏྟཝིཏཱནཾ བནྡྷིཏྭཱ མུཏྟོལམྦེ ཏཧིཾ ཏཧིཾ,

ཀཏྭཱན གནྡྷདཱམེཧི པུཔྥདཱམེཧི སངྐུལཾ;

༦༢༤.

ཨིནྡནཱིལམཡཾ བྷུམི མཛ྄ཛྷེ’ནགྒྷ མཧཱསནཾ,

མཱཔེསི པརིཏོ སེས བྷིཀྑཱུནཉྩ སུབྷཱསནེ;

༦༢༥.

རཏནེཧེ’ཝཱཔསྶཡེ ཝེདིཀཱ ཨེལི༹ཀཱམཡེ,

མུཏྟཱ ཝཱལུཀ སངྐིཎྞཾ མཱལཀཉྩ མནོརམཾ;

༦༢༦.

སཏྟ རཏན སམྦྷུཏ ཏོརཎཱུ’པརི ཏོརཎེ,

སནྟཱིར ཀུསུམཱ’ཀིཎྞ ཧཱཊཀཱདི གྷཊཱཀུལཾ;

༦༢༧.

ནེཀ རཱགདྡྷཛཱཀིཎྞ ཝིཏཱན སམལངྐཏཾ,

དཱིཔ དྷཱུཔཱལི སངྐིཎྞ གནྡྷཔུཔྥ སམཱཀུལཾ;

༦༢༨.

ཨེཝམཱདིཧི ནེཀེཧི ཝཎྞེཧི སམལངྐཏཾ,

མཱཔེཏྭཱ མཎྜཔཾ སེཊྛཾ དེཝམཎྜཔ སནྟིབྷཾ;

༦༢༩.

སཱིཏ ཝཱལུཀ སཉྪནྣཾ མུདུ པཱདཔཊཏྠཏཾ,

མཱཔེཏྭེཝཾ མཧཱམགྒཾ སུརཉྫས སམཉྫསཾ;

༦༣༠.

སཉྩིནིཏྭཱན ཏེ ནཱགཱ ཁཛྫ བྷོཛྫ ཕལཱཕལེ,

དིབྦནྣཔཱནེ པཙུརེ པཊིམགྒཾ གམུཾ ཏདཱ;

༦༣༡.

ཏཏོ ཀཱརུཎིཀོ ནཱཐོ བོདྷིཏོ ཨཊྛམེ སམེ,

ཝེསཱཁ པུཎྞམཱསིམྷི སནྣིཔཱཏིཡ སཱཝཀེ;

༦༣༢.

ཨེཐཛྫ བྷིཀྑཝོ ལངྐཾ ནཱགཱནཾ’ནུགྒཧཱཡ བྷོ,

མཎིཨཀྑིཀོ ནིམནྟེསི པསནྣོ བུདྡྷསཱསནེ;

༦༣༣.

སུཏྭཱན ཝཙནཾ ཏསྶ སམྦུདྡྷསྶ སིརཱིམཏོ,

ཨསྶཝཱ པེསལཱ བྷིཀྑཱུ པཙྩསྶོསུཾ སམཱཧིཏཱ;

༦༣༤. ¶

སཱརིཔུཏྟོ ཏཏོ ཐེརོ པཉྙཱཡ’གྒ དྷུརནྡྷརོ,

པཏྟཙཱིཝརམཱ’དཱཡ ཨགམཱ ཛིནུ’པནྟིཀཾ;

༦༣༥.

མོགྒལླཱནོ མཧཱཐེརོ དུཏིཡོ ཨགྒསཱཝཀོ,

པཏྟཙཱིཝརམཱདཱཡ སོཔཱག ཛིན སནྟིཀཾ;

༦༣༦.

དྷཱུཏཔཱཔོ དྷུཏངྒགྒོ མཧཱཀསྶཔ ནཱམཀོ,

པཏྟཙཱིཝརམཱདཱཡ ཨཱགམཱ ཛིནསནྟིཀཾ;

༦༣༧.

སཱསནེ ཝིནཡཉྙ ནམགྒོ’ པཱལིཝ྄ཧཡོ ཡཏ,

པཏྟཙཱིཝརམཱདཱཡ ཛིནནྟིཀམུ’པཱགམི;

༦༣༨.

དིབྦཙཀྑཱུནམགྒོ ཡོ རུདྡྷཔཱཔཱརི དཔྤཀོ,

ཐེརོ’ནུརུདྡྷོ ཝརདོ སོཔཱག མུནིསནྟིཀཾ;

༦༣༩.

མཎིཝ ཀཱམདོ ཀཱམམུ’པཝཱནོ’ཏི ཝིསྶུཏོ,

ཉཱཎཱི གཎཱི དཀྑིཎེཡྻོ ཐེརོཔཱག ཛིནནྟིཀཾ;

༦༤༠.

བཀྐུལོ ཝིམལོ སཱིལ སམཱདྷཱདི གུཎཱཀརོ,

ཨཱགཏོ སཔརིཀྑཱརོ བྷིཀྑཱུནཾ སམིཏིཾ ཏདཱ;

༦༤༡.

བུདྡྷསཱསན དྷོརཡ྄ཧོ ཐེརོ ཨངྒུལིམཱལཀོ,

སཧཱ’གནྟུཾ མུནིནྡེན སནྣདྡྷོ སཧསཱ གཏོ;

༦༤༢.

སཱསནོདཡ སེལགྒེ སཱུརིཡོ ཝིཡ བྷཱཏི ཡོ,

སོ’ཡཾ རཱཧུལཐེརོ’པི ལཧུ’གཱ པིཏུ སནྟིཀཾ;

༦༤༣.

བྷདྡཱཙཱརོ བྷདྡིཡཝ྄ཧོ ཐེརོ བྷདྡགྷཊོ ཝིཡ,

པཱཀཊོ བྷུཝནེ སོ’པི གཏོ སམྦུདྡྷ སནྟིཀཾ;

༦༤༤.

དེཝདྡུམོ’ཝ ལོཀསྶ ཡོ དདཱཏི’ཙྪིཏི’ཙྪིཏཾ,

ཛིནོརསོཔི སེལཝ྄ཧོ གཏོ སམྦུདྡྷསནྟིཀཾ;

༦༤༥.

ཡཱམིནཱི སཱམིཀོ’ཝཱཏི བྷཱཏི ཡོ སཱསནམྦརེ,

མཧཱནཱམ མཧཱཐེརོ སོཔཱག མུནིསནྟིཀཾ;

༦༤༦.

མནོསིལཱཏལགྒམྷི ཛུམྷམཱནོ’ཝ ཀེསརཱི,

སུབྷུཏིཝ྄ཧ མཧཱཐེརོ བུདྡྷུཔནྟིཀ མཱགཏོ;

༦༤༧.

བུདྡྷསཱསན ཚདྡནྟ སརསཱི སཱརསོ ཝིཡ,

ཝིསྶུཏོ ཏིསྶཐེརོ’པི གཏོ བྷིཀྑུསམཱགམཾ;

༦༤༨. ¶

ཛིནསཱསན སམྥུལླསརསཱིརུཧ མཛ྄ཛྷགོ,

མདྷུབྦཏ ནིབྷོ རཱདྷཐེརོ’པི སཧསཱ གཏོ;

༦༤༩.

བྷགུ དབྦོཔ’སེནོ ཙ ཀོཎྜཉྙ’སྶཛི སཱིཝལི,

ཨེཏེ ཛིནཏྲཛཱ ཐེརཱ གཏཱསུཾ མུནིསནྟིཀཾ;

༦༥༠.

ཀུམཱརཀསྶཔོ པུཎྞོསོཎོསོབྷིཏ རེཝཏཱ,

ཐེརཱཔེཏེ ཨབྷིཉྙཱཏཱ གཏཱསུཾ སཏྠུསནྟིཀཾ;

༦༥༡.

ཝངྒཱིསོ སཱགཏོ ནནྡོ བྷཱརདྭཱཛོ གཝམྤཏི,

པཏྟཙཱིཝརམཱདཱཡ གཏཱསུཾ ཛིནསནྟིཀཾ;

༦༥༢.

ཨེཝམཱདི མཧཱནཱགཱ པཉྩསཏ ཛིནོརསཱ,

སམཱགཉྪུཾ སཧཱགནྟུཾ མུནིནཱ ལོཀསཱམིནཾ;

༦༥༣.

ཏཏོ སོ ཛགདཱནནྡོ ཀརུཎཱཡཱབྷིརཱདྷིཏོ,

མེརུཾ པརིཀྑིཔནྟོཝ ཨནེཀཛྫུཏི ཝིཛྫུཡཱ;

༦༥༤.

ནིཝཱསེཏྭཱ སུདྡྷརཾསི ཝིསརནྟརཝཱསཀཾ,

ཏསྶཱུཔརི ཛིནོ རཏྟཾ བནྡྷིཏྭཱ ཀཱཡབནྡྷཾ;

༦༥༥.

ཨཙྩུགྒཏཾ མཧཱཐཱུཔཾ ཙཱརུ ཙཱམཱིཀརཛྫུཏིཾ,

པཊིཙྪཱདཡམཱནོཝ རཏྟཀམྦལ ཀཉྩུནཱ;

༦༥༦.

ཝཎྞ ནིགྲོདྷཔཀྐཾཝ སུརཏྟཾ པཾསུཀུལིཀཾ,

སངྒྷཱཊིཡཱ ཀརིཏྭཱན སགུཎཾ ཨུཏྟརཱིཡཀཾ;

༦༥༧.

ཧུཏྭཱན སུཔཊིཙྪནྟོ པཱརུཔིཏྭཱན སཱདྷུཀཾ,

པཏྟཏྠཱཡ པསཱརེསི ཛཱལཱཀུལཀརཉྫིནོ;

༦༥༨.

ལོཀནཱཐཔྤབྷཱཝེན ཏཏོ པཏྟམདྷུབྦཏོ,

པཱཎི སརོརུཧསྶནྟོ སམྤཏྟོསི ཏམགྒཧི;

༦༥༩.

ཏཏོ སསིསྶཀོ ནཱཐོ ཨུགྒནྟྭཱ གགནངྒནཾ,

ནཱནཱཝཎྞམྦུདེ ཏཏྠ མདྡནྟོ གནྟུམཱརཧབྷི;

༦༦༠.

ཏཏོ སམྦུདྡྷ དེཧསྨཱ ནིཀྑནྟཱསུཾ ཚ རཾསིཡོ,

ཧེམཀཎྞིཀཏོ ཡཱཏ མཎིགོཔཱནསཱི ཡཐཱ;

༦༦༡.

བཱཎིནྡཱིཝར པུཔྥེཧི མེཝ’ཀིནྡམཎིཧི ཙ,

ཚཱདེནྟི ཝིཡ ནཀྑཏྟཱ ནཱིལཾ’སུ མུནིདེཧཏོ;

༦༦༢. ¶

ཙམྤཀུདྡཱལམཱལཱབྷཱི ཧེམཙུཎྞམྦརེཧི ཙ,

པཱུརཡནྟི ཝིཡཱསངྒ པཱིཏཾསཱུ ཛིནདེཧཏོ;

༦༦༣.

བྷཎྜཱིཔུཔྥཀདམྦེཧི ལོཧིཏངྐམཎིཧི ཙ,

ལོཧིཏཱབྷཱ པཔཱུརེནྟི དིསཱ’གཱ མུནིདེཧཏོ;

༦༦༤.

ཧཱར མལླིཀ མཱལཱཧི སོམཾསུ ཕལིཀཱདིཧི,

པཱུརཡནྟི ཝིཡཱསངྒ ཨོདཱཏཱ མུནིདེཧཏོ;

༦༦༥.

པིཉྫུམཉྫེཊྛརཱསཱིཧི པདུམཱབྷམཎཱིཧི ཙ,

དིསཾ ཚཱདཡམཱནཱགཱ མཉྫིཊྛཱབྷཱ ཛིནངྒཏོ;

༦༦༦.

ནེཀིནྡཙཱཔ ཀིཎྞཾཝ དིཝསཾ རཏནུཏྠཏཾ,

ཙིཏྟཔཊཾཝ མུཉྩནྟཾ མིསྶཱབྷཱགཱ ཛིནངྒཏོ;

༦༦༧.

གིརིཀཱུཊ ཀཱུཊཱགཱར མཏྟཱ ཚབྦཎྞ རཾསིཡོ,

ཨཱཝེལཝེལཱ དྷཱཝནྟི དིཔྤམཱནེཏརེཏརཱ;

༦༦༨.

གཙྪམཱནཱ’ཧནིཏྭཱན ཙཀྐཝཱལ༹ སིལུཙྩཡེ,

ཨུགྒནྟྭཱ པརཏོ ཡནྟཱི ནཱིར ནིཛ྄ཛྷར སནྣཱིབྷཱ;

༦༦༩.

སམྨུཁེ སམྨུཁེ ཏཱཡོ རུཀྑཔབྦཏ ཨཱདཡོ,

ཀཱརཡནྟཱ སཀཾ ཝཎྞཾ དྷཱཝནྟཱ’པི ཙ སིནྡྷཝོ;

༦༧༠.

ཨུདྡྷམུགྒཏརཾསཱིཧི རཉྫིཏཱ ཛལདཱ ཏདཱ,

ནཱནཱཝཎྞེ པུནེཝཱསི ནཱུཏནོ རཝིམཎྜལོ;

༦༧༡.

ཛིནཔྤཧཱ པཝཱཧེསུ ནིམུགྒཱ དེཝཏཱ གཏཱ,

པཱུཛེཏུཾཝ ནིཛཏྟེཧི ནཱནཱཝཎྞཱ སིཡུཾ ཏདཱ;

༦༧༢.

པཝིཊྛཱ བུདྡྷརཾསཱིནམནྟརཾ དེཝདྷཱིཏརོ,

ཨསཉྫཱནཱིཡ མུཡ྄ཧིཾསུ མུཧུཏྟཾ ཨཏྟནོ དྷཝཾ;

༦༧༣.

སུརཱ སུརོརག བྲཧྨ སིདྡྷ ཝིཛྫཱདྷརཱདཡོ,

ཙཱམརཙྪཏྟཀེཏུཧི པཱུཛཡནྟཱ ཛིནནྟྭགུཾ;

༦༧༤.

ཨགྒྷིཀཾ པནྟིཡོ ཀེཙི ཏོརཎཱུཔརི ཏོརཎེ,

གྷཊདཱིཔཱལིཡོ ཏནྠ ཀརོནྟི ཨབྷིཏོ’བྷིཏོ;

༦༧༥.

པཱདཔཊེ པཏྠརནྟི ཝིཏཏྭནྟི ཝིཏཱནཀེ,

ཏཏྠཱུཔརི ཨནེཀཱནཱི ཀུསུམཱནོ’ཀིརནྟི ཙ;

༦༧༦. ¶

ཀཏམཾ དེཝལོཀནྣུཡཱཏི ལོཀགྒནཱཡཀོ,

ཡཱཏི ཀིཾ བུཧྨལོཀནྣུ ཨམྷཱཀཾ བྷཝནནྣུ ཁོ;

༦༧༧.

ཀཏྠ ནུ ཁོ དེཝདེཝོ ཀསྶནུགྒཧབུདྡྷཱིཡཱ,

ཡཱཏཱི’ཏི ཀངྑིཏཱ ཀེཙི སཾསརནྟི ཨིཏོཙིཏོ;

༦༧༨.

མཱཔེཏྭཱ ཨབྷིཏོ མགྒེ མཎྜཔེ རཏནཱམཡེ,

སཡནཱསནཾ པཉྙཔེཏྭཱ ཀཱཙི ཏིཊྛནྟི དེཝཏཱ;

༦༧༩.

ཏཧིཾ ཏཧིཾ པཊྛཔེནྟཱ སུདྷནྟ མདྷུརོདཀཾ,

ཡཱཝམཱནཱ ཛིནཾ ཀེཙི ཏིཊྛནྟི ཙ མཧནྟི ཙ;

༦༨༠.

ཨེཝཾ མཧཱམཧེ ནཱཐོ ཝཏྟམཱནེ ཨནཱུཔམེ,

ཛལཾ སམྦུདྡྷསིརིཡཱ ནཱུཏནོ སཱུརིཡོ ཝིཡ;

༦༨༡.

བྲཧྨསེནཱབྷིཏོ ཡཱན བྲཧྨཱཝཱཐ སཧམྤཏི,

སུརསེནཱབྷིཏོ ཡཱན སཀྐོཝ སམལངྐཏོ;

༦༨༢.

གགཱལིམབྷིཏོ ཡཱན གཧངྒཱ མཎི སནྣིབྷོ,

དྷཏརཊྛཁགིནྡོཝ ཧཾསསེནཱལི པུབྦགོ;

༦༨༣.

ཨཔེཏ རཱགདོསེཧི ཝཱིཏམོཧེཧི སབྦསོ,

པཊིསམྦྷིདཏྟ སམྤཏྟ སཱཝཀེཧི ཨནུགྒཏོ;

༦༨༤.

ཡེསཾ ཡེསཾ མནསྨིཾ ཡཾ ཡམཏྠི ཀིཉྩི སཾསཡཾ,

ཏེསཾ ཏཾ ཏཾ པཎུདེནྟོ དེསནཱཡ སུདྷཱསིནཾ;

༦༨༥.

ཏཏྠ ཏཏྠཱནུརཱུཔེན པཱཊིཧཱརིཡ ཀམྦུནཱ,

ལོཀསྶ ནཡནཱལཱི སོ ཏོསསྶུསུ ནིམུཛྫཡཾ;

༦༨༦.

སམྤཏྟོ’ལངྐཏཾ ལངྐམཐཱགུ ཕཎིནོ ཏདཱ,

པཊིམགྒཾ ཀརོནྟཱ ཏེ ཏཏྠ ཏཏྠ མཧཱམཧཾ;

༦༨༧.

ཨུརགཱནམནྟརེ དེཝཱ བྲཧྨཱསུཾ ཏེསམནྟརེ,

ཨེཝཾ སམྨིསྶཀོ ལོཀེ བྲཧྨལོཀཱ པཔཱུརཡི;

༦༨༨.

ཡེ པསྶནྟི ཛིནཾ ཏཏྠ སསིསྶཾ སིརིཡཱ ཛལཾ,

སུལདྡྷཱ ཏེཧི ནེཏྟཱནི ཏེསམཀྑཱིནི ལོཙནཱ;

༦༨༩.

ཡེ སུཎནྟི ཏདཱ དྷམྨཾ དྷམྨིསྶར པབྷཱཝིཏཾ,

སུལདྡྷཱ ཏེཧི སོཏཱནི ཏེསཾ སོཏཱནི སོཏཀཱ;

༦༩༠. ¶

ཡེ ལཔནྟི ཏདཱ བུདྡྷགུཎཉྷི གུཎབྷཱུསཎཱ,

སུལདྡྷཱ ཏེཧི ཝེ ཛིཝ྄ཧཱ ཏེསཾ ཛིཝ྄ཧཱ རསཉྙཀཱ

༦༩༡.

ཡེ ཝནྡནྟི ཛིནཾ ཡནྟཾ སསངྒྷཾ གགནངྒནེ,

སུལདྡྷཱ ཏེཧི ཧཏྠཱནི ཏེསཾཡེཝ བྷུཛཱ བྷུཛཱ;

༦༩༢.

ཏདཱ ཏཐཱགཏཾ དིསྭཱ ཡེ སནྟུཊྛཱ ཏཐཱགཏཾ,

ཏཐཱགཏཱནཾ སབྦེསཾ ཡོ ཏོསོ ཧོཏུ སབྦདཱ;

༦༩༣.

གཏོ ཀལྱཱཎཱིཡཾ ནཱཐོ མཧེནྟེཝཾ སདེཝཀེ,

ཏེསཾ པཱུཛཱཝིདྷཱནཾ ཀོ མུཁེནེཀེན བྷཱསཏི;

༦༩༤.

ཏཏོ གངྒཱ མནུཉྙཉྷི སམྤཏྟཾ ཏཾ སཔུཏྟཀཾ,

ཏརངྒ མུདུ བཱཧཱཧི གཧེཏྭཱ ཙརཎམྦུཛེ;

༦༩༥.

པཱདེ པཀྑཱལཡི སམྨཱ ཕེཎ པུཔྥུཔཧཱརིཀཱ,

ཏཏོ ཏཏོཏུཾ གཎྷིཏྭཱ ཨཀཱ དེཧསྶནུགྒཧཾ;

༦༩༦.

ཏཏོ སོ ཡཱཙིཏོ སཏྠཱ ནཱགསངྒྷེཧི ཝནྡིཡ,

ཨགམཱ མཎྜཔཾ རམྨཾ མནོནནྡནམཱཝཧཾ;

༦༩༧.

གནྟྭཱ མཎྜཔ མཛ྄ཛྷམྷི བུདྡྷཱརཧ མཧཱསནེ,

ནིསཱིདོབྷཱསཡཾ ཨཱསཱ རཝཱིཝ ཨུདཡཱཝལེ;

༦༩༨.

ཏཏོ བྷིཀྑུ ནིསཱིདིཾསུ པཏྟ པཏྟཱསནེ ཏདཱ,

བབྷཱས མཎྜཔཾ’ཏཱིཝ སརཾཝ པདུམཱཀུལཾ;

༦༩༩.

ཛནནེཏྟཱལིནོ’གམྨ ཝསཱི སོམྨམུཁམྦུཛེ,

པཏནྟཱ ཀུསལཱམོདེ གཎྷནྟཱ ཏིཏྟིནོ གཏཱ;

༧༠༠.

ཏཐཱ སབྷིཀྑུཀཱ ནཱགཱ མུནིནོ རཱུཔསཱགརེ,

ནེཏྟིནྡ མཎིནཱཝཱཧི པཱརཾ གནྟུཾ ན ཏེ པབྷུ;

༧༠༡.

ཏཏོ སསངྒྷཾ སུགཏཾ སཛནོ མཎི ཨཀྑིཀོ,

སཀྐཙྩཾ སཀཧཏྠེཧི ཨནྣཔཱནེན ཏཔྤཡཱི;

༧༠༢.

ཨཐོནཱིཏ པཏྟཔཱཎིམ’ཙྩཡིཏྭཱ ཏཐཱགཏཾ,

བྷཏྟིནིནྣོ ནིམནྟེསི དེསནཏྠཱནུམོདནཾ;

༧༠༣.

ཏཏོ བྲཧྨསྶརོ སཏྠཱ ནིཙྪརཾ བྲཧྨགྷོསནཾ,

ཝིཉྙཱཔེནྟོ ཛནེ སབྦེ སཀསདྡེན དེསནཾ;

༧༠༤.

དེསེསྭེཝཾ ཛིནོ དྷམྨ’མནིལཱསནཀཱདིནཾ,

པཱིཏིཔཱམོཛྫ ཛནནཾ ནིབྦཱཎཱམཏ’མཱཝཧཾ;

༧༠༥.

བྷོ བྷོ སུཎཱཐ བྷུཛགཱ བྷཝསཱགརམྷི

པཱཔཱརིནཀྐམཀརཱཀུལ དུགྒམམྷི,

མགྒཱ ཛནཱ ཁལུ ལབྷནྟི ཀདཱ པཏིཊྛཾ,

ཨོཧཱཡ བུདྡྷཐིརསཱརཏརིཾ ཝིསཱལཾ;

༧༠༦.

ལདྡྷཱན དུལླབྷཏརཾ མུནིཔཱཏུབྷཱུཏ

ཀཱལཾ ཙིརེན བྷུཛགཱ ན པམཱདཡིཏྠ,

ཛཱཏཱི ཛརཱ མརཎ དུཀྑ པརིདྡཝཱ ཙ

སཾསཱརིཀསྶ ན ཏཏོཔ’གཏསྶ ཧོཏི;

༧༠༧.

ཏཱརུཉྙམམྦུཛསིརིཾཝ པརིཏྟཀཱལཾ

པཱཎཾ ཏུསཱརལཝ’སཱརཏརཾ ཛནཱནཾ,

བྷོགཾ དདྷཱཏི ཛལདྷིམྷི ཏརངྒབྷངྒིཾ

ནིཙྩཾ མནོ དཧཏི སོཀསིཁཱིབྷི ནཱནཱ;

༧༠༨.

ཀཏྭཱན རཱགམིསཡོ’པི ཁགཱ དུཔཉྙཱ

ཐིརཱུཔི ནཱརིཀུསུམེསུཔི རཱུཔགིདྡྷཱ,

པཏྟཱ’ནཡཾ ཁལུ པུརེ པརིཧཱིན ཛྷཱནཱ

རཱུཔེ ན རཛྫཐ ཏཏོ ཁལུ སཱདྷུཔཉྙཱ;

༧༠༩.

སདྡཱནུརཱགམནུགོཔི པུརེ སིཁཎྜཱི

སུཏྭཱན མོརི མདྷུརཾ གིརམཉྫིཏངྒོ,

ཝྱཱདྷསྶ ཧཏྠམགམཱསི བྷཝེསུ ཏསྨཱ

ནཏྠེཝ སདྡསམདུཀྑཀརཾ ཛནཱནཾ;

༧༡༠.

ཨོཧཱཡ ནེཀཀུསུམེསུ པརཱགརཱགཾ

མཏྟེབྷཀུམྦྷ མགམཱ མདགནྡྷལུདྡྷོ,

བྷིངྒོ པབྷགྒ ཏནུཀོ ཀརིཀཎྞཏཱལཱ

ནཏྠེཝ གནྡྷསདིསཾ ཏིབྷཝེསུ པཱསཾ;

༧༡༡.

གམྦྷཱིར ནཱིརདྷིབྷཝོ པཝུརཱསནོ’པི

མིཙྪོ གིལིཏྭ བལིསཾ རསགེདྷཧེཏུ,

པཔྤོཏི དུཀྑམཏུལཾ ན རསེསུ སཱཏ

མཏྠིཏི མནྟྭ པཛབྷཱཐ རསེསུ གེདྷཾ;

༧༡༢. ¶

བྷོ བུཧྨལོཀཱ’གཏ སུདྡྷསཏྟོ

བུདྡྷཏྟམེཝ ནིཡཏོ ཨཔི བོདྷིསཏྟོ,

ཐིསངྒམཱཡ པརིཧཱཡི སརཛྫཏོ’པི

ཏསྨཱ ཧི ཕསྶསདིསོ ཨནཡོ ནཝཏྠི;

༧༡༣.

བྷེརཎྜ པེལཀ ཀཔུ’དྡཀ ཧེཏུཧཱིན

སཏྟཱཔི དཱནརུཙི དཱནམཎིཔྤབྷཱཝཱ,

པཏྟཱ’པཝགྒ ཝརསཱརཔུརཾ བྷུཛངྒཱ

ཀོ ནཔྤདཱཏི དྷནིཀོ སིཝ’མེསམཱནོ;

༧༡༤.

པཱལེཏྭ སཱིལམ’མལཾ ཝིསཀཎྛིཀཱཔི

ཨིནྡསྶ ནནྡནཝནེ’སི པིཡཱ མཧེསཱི,

ཏསྨཱ པསཏྠཝིབྷཝཾ ཡདི པཏྠཡཝ྄ཧོ

པཱལེཐ སཱིལམ’མལཾ ཁལུ ཛིཝིཏཾ’ཝ;

༧༡༥.

སགྒོ ཝིསཱལ རཏནཱལཡ སམྤཀིཎྞོ

སཱནནྡ’མནྡ སུརསུནྡརི སུནྡརོ སོ,

ཕུལླམྦུཛཱཀར ཝནཱདིཧི ནནྡནཱིཡོ

ཏཏྠཱམརཱ ཝིཡ’མརཱ’ཝིརཏཾ རམནྟི;

༧༡༦.

ཏམྷཱཔི བྷོ རུཙིར བྲཧྨནིཀཱཡ བྷུཏི

རམྨཱ ཏཏོཔི མཧིཏཾ ཨམཏཾ ཝརིཊྛཾ,

ཏསྨཱཏྟཀཱམ ནིརཏཱ ཛནཏཱ སཔཉྙཱ

ཏཎྷཀྑཡཱཡ སཏཏཾ ཝཱིརིཡཾ ཀརོཐ;

༧༡༧.

ཨེཝཾ སདྡྷམྨམགྒཾ ཝརམཏི སུགཏོ དེསཡི པནྣགཱནཾ

སུཏྭཱ ཏེ སམྤཧཊྛཱ མཧམཧམཀརུཾ ནིཛྫརཱདཱིཧི སདྡྷིཾ,

ཏེསཾ ཝེ དེསནཱཡཾ སུརཝིཊཔི སམཱ སཱཏྠིཀཱ ཏཏྠ ཛཱཏཱ

སོ ནཱཐོ ཏཉྩ དྷམྨཾ བྷགཝཏི ཏནཡཱ ཏེ ཙ ཝོ པཱལཡནྟུ

ཀལྱཱཎི དེསཱགམནཾ.

༧༡༨. ¶

ནགཱདྷིརཱཛེ སུམནཱབྷིདྷཱནེ

ཝསཾ སུམེདྷོ སུམནཱབྷིདྷཱནོ,

དེཝོ ཏདཱ’གམྨ སཔཱརིསཛྫོ

ཀལྱཱཎིཡཾ ཏཏྠ ཕཎཱིཧི སདྡྷིཾ;

༧༡༩.

དཏྭཱ’པཝགྒསྶ ནིདཱནདཱནཾ

སུཏྭཱན དྷམྨཾ སུཏིསཱིཏིབྷུཏཾ,

པཧཊྛཙིཏྟོ ཨུཔགམྨ བུདྡྷཾ

ནཏྭཱཧ ཨེཝཾ ཀཏཔཉྫལཱིཀོ;

༧༢༠.

ན ཝེ ཕཎཱིནཾ ནཔི མཱནུསཱནཾ

ནཱནིམྨིསཱནཾ ན པིཏཱམཧཱནཾ,

ཧིཏཏྠ མེཝཱཁིལ ལོཀནཱཐཱ

ཛཱཡནྟཱི ལོཀེ ཀརུཎཱགུཎགྒཱ;

༧༢༡.

ཨནྟོགདྷཱ ནཱུན མཡམྤི ཏུཡ྄ཧཾ

དཡཱཡ ཏསྨཱ ཕཎཱིནཾ ཝིམེསཾ,

ཀརོཧི མཡ྄ཧཾ བྷཝནམྷི དྷཱིར

པཱདཾ’སུནཱ’ཏཱིཝ པཝིཏྟརཱུཔཾ;

༧༢༢.

ཡོ’ཡཾ ནགོ དིསྶཏི’ཏོ པུརཏྠ

བྷུམངྒནཱ མོལིསིརིཾ ཝཧནྟོ,

སམནྟཀཱུཊོཏི སམནྟཙཀྑུ

ཛཱནཱཏི ལོཀོ ཝསཏིཾ མམེཏཾ;

༧༢༣.

ཡོ ནཱིལ ནཱནཱ ཝནརཱཛི རཱཛིཏོ

ཨཱསཱར དྷཱརཱ གིརི ནིཛ྄ཛྷརཱཀུལོ,

ཨཱཔཱིཏ ནཱིལཱརུཎ པལླཝཱཝལཱི

ཛིམཱུཏཀཱུཊོ ཝིཡ བྷཱཏི ཨུགྒཏོ;

༧༢༤.

ཡོ སིནྡྷུཝཱརིཾ ཨུརསཱ པབྷེཛྫ

ཨཱགམྨ ཏེ པཱདཔཎཱམ ཧེཏུ,

ཝིཛྫོཏམཱནོ ཝིཡཙཀྐཔཱཎི

མཧཱཏི ཏུངྒགྒ དྷརཱདྷརིནྡོ;

༧༢༥. ¶

གངྒཱཝདྷཱུ ཀུཊཀིརཱིཊདྷཱརཱི

སཱམནྟ སེལིནྡ ཙམཱུཔཏཱིཀོ,

ཡོ’ཡཾ དྷརཱདྷཱར མཧཱམཧཱིཔོ

ར རཱཛ ལངྐཱ ནགརངྒཎམྷི;

༧༢༦.

པཱརོཧ དནྟོ ཙིཏཀཱུཊ ཀུམྦྷོ

ཨནེཀ སོཎྜིཀྑ སཝནྟི ཧཏྠོ,

ཡོ ནིཛ྄ཛྷརཱསཱར མདཔྤཝཱཧོ

གཛོརིཝཱ’བྷཱཏི སུརཱདྷིཔསྶ;

༧༢༧.

སམྥཱུལླ པུཔྥཏྠབཀཱ’ནཔཏྟཱ

སཏྡྷཏྟ རཏྟངྐུརམོལིམཱལཱ,

ཀནྟཱལཏཱ’ལིངྒིཏ ཁནྡྷདེཧཱ

ཏིཊྛནྟི བྷཱུཔཱཝ ཡཧིཾ ཀུཛིནྡཱ;

༧༢༨.

སིདྡྷངྒནཱ རཏྟཔདམྦུཛཱལཱི

སམྷིནྣ ཧཏྠཱབྷརཎཱལི ཡུཏྟཱ,

ཀེཀཱིཀལཱཔུཔྤལ མཱལམཱལཱི

སིལཱཏལཱཀཉྫ ནིབྷནྟི ཡཏྠ;

༧༢༩.

མངྒུར པཱཋཱིན སཝངྐ སིངྒུ

རོཧིཙྩ མུཉྫཱ?མར པཱཝུསེཧི,

ཀུལཱིརནཀྐཱད’ནིམེསཀེཧི

ནིཀཱིལཱི༹ཏཾ དདྡར རཏྟཔེཧི;

༧༣༠.

ནིཙྩཉྷི སཾརཱཝ ཝིརཱཙིཏཱནཾ

བལཱཀ ཀཱདམྦ ཀདམྦཀཱནཾ,

ཨཱཔཱནསཱལཱ ཝིཡ སཱརསཱནཾ

ཧཾསཱལིནཾ མངྒལ ཝཱསབྷཱུཏཾ;

༧༣༡.

ནིརནྟརཱམོད མུདཱཝགེཧི

སུཕུལླ ཀོཀཱས’རཝིནྡཀེཧི,

སོགནྡྷི’ཀིནྡཱིཝར ཀེརཝེཧི

ཀིཉྫཀྑ ཚནྣཎྞཏལེཧི ཙིཏྟཾ;

༧༣༢. ¶

སཱིཏཙྪ སཱཏོདཀ སམྤཔུཎྞ

སརོཛིནཱི ལངྐཏ བྷུམིབྷཱགོ,

ཡོ’ཡཾ པུརེ བྷཱཏི མནུཉྙརཱུཔོ

སམནྟཀཱུཊོ ས སམནྟཀཱུཊོ;

༧༣༣.

དལིཏ ཝིཔིནསཎྜཱ ཡཏྠ སེལེ སམནྟཱ

སམུཔགཏ ཛནཱནཾ ཙིཏྟམཱམོདཡནྟི,

མདྷུཀ ཝཊ ཀརེརི བོདྷི ཛམྦཱིར བྷལླི

ཁདིར’བྷཡ ཀདམྦཱ ཕུལླ སེལླཱུ པལཱསཱ;

༧༣༤.

པཎས’མཏ པིལཀྑཱ ཀཎྷཝཎྚ’ཀྑ ཙིཉྩཱ

ལབུཛ བདརི ནཱིཔཱ ཕནྡནི’ནྡཱིཝརཱཝ

མཀུལ’སན པིཡཱལཱ གདྡབྷཎྜ’ཛྫུནཱ ཙ

ཀམུཀ སལླ ཏིནྡུ’དུམྦརམྦསྶ’ཀཎྞཱ;

༧༣༥.

པུནྣཱག ཙམྤཀ དུམུཔྤལ དཱཌིམཱ ཙ

ཁཛྫཱུརི ཏཱལ གིརིམལླིཀ’སོཀ ཏཱལཱ,

ཧིནྟཱལ ནཱག ནིཝུལཱ ཡུགཔཏྟ’རིཊྛ

སེཏམྦ ཨེརཝཏཀཱཔི ཙ ཀེཏཀཱ ཙ

༧༣༦.

སམཕུལླབྷཎྜི སུམན’ཛྫཀ ཡཱུཐིཀཱ ཙ

ཝཱསནྟི ཙིཏྟཀ ཛཔཱ རཝིམཱལཏཱི ཙ,

ཀུནྡསྶ’མཱརཀ ཀུརཎྜཀ བཱིཛཔཱུར

སེཕཱལིཀཱ ཙ ཏིཎསཱུལ སམཱིརཎཱ ཙ;

༧༣༧.

ཝོཙུ’ཙྫུ ཀཱིཙཀ ཧལིདྡི ཝིལ༹ངྒི བིམྦི

ནཱིལཱི ཝཙཱ’ཏིཝིསཱལཱབུ ཙ ནཱགཝལླཱི,

ཝལླཱིཧ སཱརད’པརཱཛིཏཝཱརུ’སཱིརཱ

ཕལཱདི ནེཀ ཝནརཱཛི ཝིརཱཛིཏོ སོ;

༧༣༨.

ཏིཊྛནྟི ཀེཙི ཏརཝོ སུརབྷིཾ ཀིརནྟཱ

ཏཏྠེཝ ཀེཙི ཕལིཏཱ མདྷུརཔྥལཱནི,

ཨནྡོལིཏཱ ཕལིཏཔལླཝིཏཱ ལཏཱཡོ

སནྡྷཱརཡཾ ཝིཊཔ ཛཏྟུསུ བྷནྟི ཀེཙི;

༧༣༩. ¶

སཱམནྟགེ ཛནགཎེ སཏཏཾ དུམིནྡཱ

སམྤཱིཎཡནྟི དལིཏཱ ཕལིནོ ཙ ཡསྨིཾ,

ཏེ ཨཝ྄ཧཡནྟི ཝིཡ ལོཙན གོཙརེཧི

ཝཱཏེ’རིཏེཧི ཏརུཎཱརུཎ པལླཝེཧི;

༧༤༠.

ཏསྨིཾ ཝནེ ཝནསུརཱ ནིཛཝསུནྡརཱིཧི

རམྨེ སིལཱཏལདཧེ སིཀཏཱཏལེ ཙ,

ནཙྩནྟི ཏནྟི ཏུརིཡཱནི ཙ ཝཱདཡནྟི

གཱཡནྟི མཱལབྷརིནོ སཏཏཾ པཏཱིཏཱ;

༧༤༡.

སིདྡྷཱ ཙ སིདྡྷཝནིཏཱ ཧི ཏཧིཾ ཏཧིཾ ཏེ

དིབྦནྟི པུཔྥཕལ པཏྟརསཱཧིནནྡི,

ཨཙྪནྟི ཏཏྠ གིརིཔཱདཔ རཱམཎེཡྻེ

ཡོགེཧི སངྒཏ མནཱ བཧིཏཱཔསཱཔི;

༧༤༢.

ཏསྨིཾ ཝནེ ཧརིཎ རོཧིཏ པུཎྜརཱིཀ

གོཀཎྞ སལླ སས ཛམྦུཀ སཱུཀརཱ ཙ,

སཱཁཱམིགེ’ཎིཝག བབྦུ རུརཱུ ཀུརུངྒ

གོདྷཱ’ཁུ པམྤཀ ཀཔཱི གཝཡཱ ཙ’ནེཀཱ;

༧༤༣.

ཏེ ཝགྒ ཝགྒ ཙརིནོ ཧཡམཱརཀཱདཱི

ནཱནཱ ཙཏུཔྤདགཎཱ མུདིཏཱ ཝསནྟི,

པཀྑཱིཔི ཀོསིཡ ཀཔོཏཀ ནཱིལགཱིཝ

དྷངྐཱ’ཊ ལཱཔ པརཔུཊྛ མདྷུབྦཏཱཝ;

༧༤༤.

ནིཛྫིཝ྄ཧ དིནྡིཧ ཙཀོརཀ སཱལི༹ཀཱ ཙ

ཙཀྐཝ྄ཧ ཀཱིར ཀུརརཱ ཀུལལཱ ཙ ཀངྐཱ,

ཙིཏྲཙྪདཱ མདྷུར ཀཱུཛཀ ནེཀཔཀྑཱི

སངྒམྨ ཡཏྠ ནིཝསནྟི མནུཉྙརཱུཔཱ;

༧༤༥.

ཏེསཾ ཝནནྟམཐ ནཱཊཀམཎྜལཱ’ཙ

གཱིཏཱལཡཾ ཝིཡ ཨཧོསི ཙ གཱཡཀཱནཾ,

ཨཱཔཱནབྷུམི སདིསཾ མིགཔཀྑིཀཱནཾ

ནིཙྩུསྶཝཾ རཏིཀརཾ ནཡནཱབྷིརཱམཾ;

༧༤༦. ¶

ཨེཝཾ ཝིདྷོ ཝིཔིནརཱཛི ཝིརཱཛིཏེཧི

ཀཱུཊེཧི ནེཀསུར སུནྡརི མཎྜིཏེཧི,

ཨཏྱུཙྩ ནཱིལསིཁིགཱིཝ སམཱན ཝཎྞོ

ཨེསོ སམནྟགིརི མེ ཝསཏཱི མུནིནྡ;

༧༤༧.

ཨེཝཾ པཏཱིཏ མནསོ སུམནཱབྷིདྷཱནོ

ཝཏྭཱན ནཏྭམསམཾ གམནོཔཡུཏྟཾ,

ཀཱསཱཐ སོཔི མུནི ཏསྶ ཝཙཾ པཊིཙྩ

སབྦྷིཀྑུ ནིཀྑམི ཛིནོ གགནཱཡནམྷི;

༧༤༨.

ནིཙྩེཏནཱཔི གིརིཔཱདཔ ཨཱདཡོཔི

ནཱགཱ སུཔཎྞ མིག པཀྑིཀ ཧེཏུཀཱཔི,

ཝིཛྫཱདྷརཱམར’སུརཱ ཙཏུརཱཎནཱཔི

སངྒམྨ’ཀཾསུ སུམནཱ མཧམབྦྷུཏཾ ཏེ;

༧༤༩.

མུནིནྡེ པཡནྟེ སམིདྡྷཾ ཏིལོཀཾ

གིརིནྡཱབྷིནནྡཱ དུམིནྡཱ པབུདྡྷཱ,

མིགིནྡཱ སུཏུཊྛཱ ཁགིནྡཱ སུགྷུཊྛཱ

པཝུཊྛོ མཧིནྡོ པཎཊྛོ ནིདཱགྷོ;

༧༥༠.

གཙྪནྟེ གགནཱཡནེན སུགཏེ བྷཱནུ’སི སནྟོ ཏདཱ

ཝཱརེསུཾ སཱུརིཡཱཏཔཉྩ ཛལདཱ སིཉྫིཾསུ བྷུམྱཱ ཛལཾ,

མནྡཱམནྡ སུགནྡྷ མུདྡྷ པཝནོ པཱཔེཏི སིཏཾ སུཁཾ,

དེཝཱདི དྷཛ ཚཏྟ ཙཱམརཀརཱ པཱུཛེནྟི མཱནེནྟི ཙ;

༧༥༡.

སནྣཱིར ཧིནྟཱལ’ག སིནྡི པཱུག

ཏཱལམྦསཱལཱདི མཧཱིརུཧིཏྡཱ,

ཏིཊྛནྟི ཏེ ཙཱམརཧཏྠཀཱ’ཝ

པུཔྥེཧི ཚནྣོ གགནངྒནོཔི;

༧༥༢.

ཨནེན ཝིདྷིནཱ ཛགདེཀ ནཱཐོ

པཝཏྟམཱནེསུ མཧཱམཧེསུ,

དིསཉྩ ཝིདིསཾ པརིཔཱུརཡནྟོ

ཛབྦཎྞརཾསཱིཧི ཨགཱ ནགིནྡཾ;

༧༥༣. ¶

ཏསྨིཾ སམནྟནགམུདྡྷནི ལོཀནཱཐོ

ཚབྦཎྞརཾསི ནིཀརཾ དིསི པཏྠརནྟོ,

བྷིཀྑཱུཧི སོ པརིཝུཏོ པརསཱགརནྟཾ

ཨོལོཀཡཾ ཋིཏིམཀཱསི ཨཨནོམཝཎྞོ;

༧༥༤.

ལངྐཱཝདྷཱུ སུམནཀཱུཊ ཀིརཱིཊ ཀཱུཊཾ

སཛྫེསི’ནགྒྷ ཛན རཱཛ མཎཱི མཧནྟོ,

ཨིཙྪཏྠདཾ སིཝདམཔྤཊིམཾ ཏིལོཀེ

ཏཾ’དཱནི བྷོ བྷཛཐ སེཝཐ སབྦཀཱལཾ;

༧༥༥.

ཀཱསུཾ ཏདཱ སུརཝརཱ སུརསུནྡརཱིཧི

ལངྐཱཡ སེལསིཁརེསུ མཧཱསམཛྫཾ,

ཝཛྫིཾསུ བྷེརི ཝིཀཏཱི སཡམེཝ སབྦཱ

བྷསྶིཾསུ དིབྦཀུསུམཱབྷརཎཱ ནབྷམྷཱ;

༧༥༦.

ལངྐམྦརཾ ནིཁིལམཱསི ཙ ཚཏྟཚཏྟཾ

ནཱནཱ ཝིརཱག དྷཛ ཀེཏུ སམཱཀུལཉྩ,

ནཱནཱསུགནྡྷ ཀུསུམཱདི དིསནྟརཱལཾ,

ནཱནགྒྷིཀཱཝལི ཝིརཱཛིཏ མནྟལི༹ཀྑཾ;

༧༥༧.

ཏསྨིཾ དིནེ’སི རཏནཾ མཎིཏོརཎེཧི

དཱིཔཱལི པུཎྞགྷཊཔནྟཱིཧི དསྶནཱིཡཾ,

སམྦུདྡྷ དེཧཔརིཏོགཏ ཚཔྤབྷཱཧི

རཏྟཾ ནབྷཱཝནི ཙརཱཙར སབྦདབྦཾ;

༧༥༨.

མཱལཱཝཏཾས སམཀཱ གིརཡོ སམནྟཱ

ཧུཏྭཱ ནམནྟི ཙ བྷམནྟི སཙེཏནཱ’ཝ,

སབྦེཔི ཏཏྠ ཏརཝོཙ ལཏཱདཡོ ཙ

ནཙྩནྟི དིབྦནཊཀཱ ཝིཡ ཨོནཏགྒཱ;

༧༥༩.

ཨེཝཾ ཏདཱ མཧཏ ཝིམྷཡ པཱཊིཧེརེ

བུདྡྷཱནུབྷཱཝ ཛནིཏེ ཨིདྷ ཝཏྟམཱནེ,

ཏཏྭཱན དྷཱིརཙརཎཾ སམནོ སུདྷཱསཱི

ཨེཝཾ ཝདཱི པརམ པིཏིམནོ ཨུདགྒོ;

༧༦༠. ¶

ཡེ ཏེ མུདུ ཀོམལ རཏྟཔཱདཱ

སུརཏྟ ཕུལླམྦུརུཧོཔམཱནཱ,

ཝཊྚཱནུཔུབྦཱཡཏ ཨངྒུལིཀཱ

སུཏམྦཏུངྒགྒ ནཁཱཝལཱིཀཱ;

༧༦༡.

སུཝཎྞཀུམྨུ’ནྣཏ པཱདཔིཊྛི

ནིགུལ༹ྷ གོཔྥཱཡཏ པཎྷིབྷཱགཱ

སམཙྪམཱཡཾ སཀལཾ པཏིཊྛིཏཱ

ན ལིམྤཏེ སུཙྪཝིཏཱ རཛཱདི;

༧༦༢.

སམྨཏྟ ཧཏྠོསབྷ ཧཾས སཱིཧ

སམཱན ལཱིལཱཡ ཡཧིཾ པཡཱཏི,

ནིནྣུནྣཏཱ བྷེརིཏལཱ’ཝ བྷུམི

ཧོཏཱཐ པུཔྥཱདི སུམཎྜིཏཱ ཙ;

༧༦༣.

ཨཔེནྟི མགྒཱ སཡམེཝ ཁཱཎུ

སཀཎྚམཱུལཱ ཀཋལཱ ཙ སབྦེ,

གམྦྷཱིར ནཱིརཱཔག པངྐདུགྒཱ

ཧིཏྭཱ སབྷཱཝཾ རམཎཱིཡམེནྟི;

༧༦༤.

ཝཛནྟི བྷུམིཾ གིརཡོ པུརཏྠ

པསཱརིཏེ པཱདཝརེ ཛིནསྶ,

ནིབྦཱཏི ཨགྒཱི ནརཀོདརེཔི

གཎྷནྟི པཱདེ པདུམཱདཡོ ཙ;

༧༦༥.

ཨིདཉྷི ཏེ པཱདཏལེ ཡཏཱིས

སནཱབྷི ནེམི གྷཊིཀཱཝལཱིཧི,

སུསཎྛིཏཾ ཙཱ’རསཧསྶཝནྟཾ

སནྡིསྶཏེ ཙཀྐཝརཾ མཧནྟཾ;

༧༦༦.

ཏམེཝ ཙཀྐཾ པརིཝཱརཡིཏྭཱ

སིརིཝཙྪ སོཝཏྠི’ཝཏཾསཀཱ ཙ,

པཱསཱད བྷདྲཱསན པུཎྞཔཱཏི

སིཏཱཏཔཏྟཱསི མཡཱུརཧཏྠཱ;

༧༦༧. ¶

ནཱིལཱདིབྷེདཱ ཀམལུཔྤལཱ ཙ

སམེརུ སཏྟདྡི མཧཱསམུདྡཱ,

སཏྟཱཔགཱ སཏྟ མཧཱསརཱ ཙ

ཧིམཱལཡོ ཙཀྐཝཱལ༹དྡིཀོ ཙ;

༧༦༨.

ཙནྡཀྐཏཱརཱ ཙ ཚདེཝལོཀཱ

པིཏཱམཧཱཝཱས མནུསྶལོཀཾ,

སུཝཎྞ ནཱཝཱ སིཝིཀཱ ཙ སངྑཾ

ཀེལཱསསེལཾ དྷཛཏོརཎཱ ཙ;

༧༦༩.

ཙིནྟཱམཎུཎྷཱིས སཝཙྪ དྷེནཱུ

མཱིནདྭཡཾ ཙཀྐཝཏྟི སསེནོ,

སཱིཧ’སྶ མཱཏངྒ ཝིཡགྒྷརཱཛཱ

ཧཾསོསབྷོ ཀིམྤུརིསོ མཡཱུརོ;

༧༧༠.

ཀོཉྩཱ ཙ ཨེརཱཝཎ ཧཏྠིརཱཛཱ

སཙཀྐཝཱཀཱ མཀརཱདཡོ ཙ,

ནཱནཱ མཧཱམངྒལ ལཀྑཎཱ ཏེ

ཝིརོཙམཱནཱ ཝིལསནྟི ནིཙྩཾ;

༧༧༡.

ཛཱཏཀྑཎེ ཡསྶ མཧིཾ པབྷེཛྫ

ཝིསཱལ སཏྟུདྡཡ པངྐཛཱནི,

པཊིགྒཧེསུཾ ཙརཎཱནི ཡཱནི

ཏེ ཏཱནིམཱནཙྪརིཡཱནི ལོཀེ;

༧༧༢.

ཝནྡཱཔནཏྠཱཡུ’པནཱིཏཀཱལེ

པིཏཱུཧི ཏེ དེཝལ ཏཱཔསིནྡཾ,

པཱདཱནི གནྟྭཱན ཛཊཱསུ ཏསྶ

ཨཱསུཾ ཏཝེ’ཏངྒྷིཡུགཾ ཨཧོ བྷོ;

༧༧༣.

སུདྡྷོདནཝ྄ཧསྶ ནརཱདྷིཔསྶ

སནྟོས ཏོཡེཧི པཔཱུརིཏསྶ,

སིརོ ཝིསུདྡྷམྦུ རུཧཱཀརསྶ

སརོརུ ཧཱསུཾ ཙརཎཱནི ཏུཡ྄ཧཾ;

༧༧༤. ¶

ཡེ ཙངྐམེ ཙངྐམཎཱཝསཱནེ

ཨོནམྨ མེརཱུདཡ པབྦནིཎྡཱ,

པཊིགྒཧེསུཾ ཙརཎཱནི ཡཱནི

ཏེ ཏཱནིམཱ’ནཙྪརིཡཱནི ལོཀེ;

༧༧༥.

ཡཾ ཝནྡམཱནོ ཏིདིཝཱདྷིཔོ སོ

ཡསྶཱནུབྷཱཝེན གཏཱཡུཀོཔི,

སཀིཡཋཱནེ’སིནཔུནཱཔི ཏེ’ཝཾ

པཱདམྦུཛཾ དྷཱིར!མཧཱནུབྷཱཝཾ;

༧༧༦.

དེཧཱིནམགྒོཔི ནིསཱཀརཱརི

མཱནུནྣཏོ སོ སཡིཏསྶ ཏུཡ྄ཧཾ,

པཱདསྶ ཨནྟམྤི ན སཀྑི དཊྛུཾ

ཨཙྪེར རཱུཔཾ ཨིདམངྒྷིཀཉྫཾ;

༧༧༧.

གངྒཱཡ གངྒཱཔཏི སནྣིདྷཱནེ

ཏཱིརེ ཏདཱ ནམྨད ཛིམྷགསྶ,

པཱདསྶ ལཉྪཾ ཨཀརཱི མུནིནྡ

མཡ྄ཧཾ’པི ཧོཏཾ ཀརུཎཱ ཏཝེསཱ;

༧༧༨.

ཨཱརཱདྷིཏོ སཙྩཀ ཏཱཔསེན

ཨཀཱ ཏུཝཾ སཙྩཀ བདྡྷསེལེ,

པཱདསྶ ལཉྪཾ ཛགཏོ ཧིཏཱཡ

མཡ྄ཧམྤི ཧོཏཾ ཏམནུགྒཧནྟེ;

༧༧༩.

སུཏྭཱན ནཱཐོ གིརམེཏམསྶ

པསྶཾ མཧཱབྷུཏི’མནཱགཏེསུ,

ལོཀསྶ ལོཀེཧི མཧཱིཡ མཱནོ

ཨཀཱསི ཝཱམེན པདེན ལཉྪཾ;

༧༨༠.

སམྦོདྷིཏོ ཨཊྛམ སཱརདསྨིཾ

ཝེསཱཁམཱསེ མུཎི པུཎྞམཱཡཾ,

པཱདསྶ’བྷིཉྙཱཎམཀཱ’པརཎྷེ

སདེཝཀེ སསྶམཎེ མཧེནྟེ;

༧༨༡. ¶

པཏངཀྒིཀཱ སིཏྠཀ མཏྠཀམྷི

ཡཐངྐིཏཱ ཁཏྟིཡ མུདྡིཀཱཡ,

ཨཱསེཝ’མེཝཾ ཛིནཔཱདལཉྪཾ

སམནྟཀཱུཊམྷི ནམསྶནཱིཡཾ;

༧༨༢.

ཨཀཱལམེགྷོ ཙ ཏཏོ པཝསྶི

ཝསྶིཾསུ ནཱནཱརཏནཱནི ཁམྷཱ,

ཏཐཱ པརིཏོ ཀུསུམམྦརཱནི

སུཝཎྞཙུཎྞཱནི ཛིནེཀཝཎྞཱ;

༧༨༣.

ཏཏོ’པགནྟྭཱ སུགཏེབྷགཱམཱི

ཏསྨིཾ ནིཏམྦེ གིརིགབྦྷརཱཡཾ,

དིཝཱཝིཧཱརཱཡ ནིསཱིདི ཡཏྠ

སུཔཱཀཊཾ ཏཾ བྷགཝཱགུཧཱ’ཏི;

༧༨༤.

ཏཏོརཧནྟཱ སུགཏོརསཱ ཏེ

གནྡྷཱདིནཱ སཱདྷུ མཧེཏྭ སབྦེ,

ཝནྡིཏྭ ཀཏྭཱན པདཀྑིཎནྟཾ

ཏཧཾ ཏཧཾ’ཀཾསུ དིཝཱཝིཧཱརཾ;

༧༨༥.

ལཏངྒནཱཡོ ཝིཊཔཱིདྷཝཱན

མཱལམྦ སཱཁཱཔུཐུལཾ’སཔསྶེ,

སུཕུལླ ནམཉྫཱུཀར མཉྫརཱིཧི

ནམསྶམཱནཱ’ཝ སདོནཏགྒཱ;

༧༨༦.

ཏིཊྛནྟི རུཀྑཱ ནཊཀཱ’ཝ ཏཏྠ

སུཕུལླ སཱཁཱཀར’མུཀྑིཔིཏྭཱ,

ནམསྶམཱནཱ ཝིཡ ཨོནཏགྒཱ

ཝཏྟནྟི མཱནཙྪརིཡཱནི ནིཙྩཾ;

༧༨༧.

ཏཐེཝ ཨུཙྩཱཝཙ པབྦཏཱ ཙ

ནམསྶམཱནཱ ཝིཡ པཱདལཉྪཾ,

ཏིཊྛནྟི ནིནྣགྒ སིཁཱ སམནྟཱ

ཨིདམྤི ནིཙྩབབྷུཏམེཝ ཏཏྠ;

༧༨༨. ¶

ཏསྨིཾ ནགེ པཱདཝརངྐིཏསྨིཾ

ཁལམཎྜལོཀཱས པདེསམཏྟེ,

སམོསརནྟེ བཧུཀེ ཛནེཔི

ཧོཏེཝ ཨོཀཱསམ,ཧོ པདངྐཾ;

༧༨༩.

སམོསརིཏྭཱན མཧེཏྭ སཏྟེ

ནིཀྑནྟམཏྟེ ཛལདཱ སམེཙྩ,

སོདྷེནྟི མཱལ’མྦུཝཧེཧི སཱདྷུ

ཨིདམྤི ནིཙྩབྦྷུཏམེཝ ཏཏྠ;

༧༩༠.

པཱདེན ཕུཊྛསྶ སིལཱཏལསྶ

ཨེཏཱདིསཱནཙྪརིཡཱནི ཧོནྟི,

ལོཀེཀནཱཐསྶ ཨནཱསཝསྶ

མཧབྦྷུཏཾ ཀོནུ ཀཐཾ བྷཎེཡྻ;

༧༩༡.

དིཝཱཝིཧཱརཾ བྷགཝཱ སསངྒྷོ

ཀཏྭཱན ཏསྨིཾ པན ཀིཉྩིཀཱལཾ,

མཧཱིཡམཱནེསུ སདེཝཀེསུ

ཏཏོ གཏོ རོཧཎམམྦརམྷཱ;

༧༩༢.

ཏསྨིཾ སསངྒྷོ མུནི དཱིགྷཝཱཔིཡཾ

ཐཱུཔསྶ ཋཱནེ པརམཱཡ བྷུམིཡཱ,

གརུཾ ཀརོནྟོ པན ཏཾ མཧཱིཏལཾ

ནིརོདྷབྷཱཝེན ནིསཱིདི སཏྲཛོ;

༧༩༣.

ཏཏོ’ནུརཱདྷཾ བྷགཝཱ ནབྷམྷཱ

གནྟྭཱན བོདྷིཊྛིཏབྷུམིཡཱ ཙ,

ཋཱནེ མཧཱམངྒལཙེཏིཡསྶ

ཏཐེཝ ཨཀྑནྟིནཧིཏསྶ ཋཱནེ;

༧༩༤.

ནིསཱིདི པཏྭཱན ནིརཱདྷཔཱིཏིཾ

སསཱཝཀོ པེཀྑམ’ནཱགཏདྡྷཾ,

པཏིཊྛིཏཱ མེ པན བོདྷིདྷཱཏུ

ཀརོནྟི ལོཀེ’ཏི ཛནསྶ ཝུདྡྷིཾ;

༧༩༥. ¶

ཝུཊྛཱཡ ཏུཊྛོ བྷགཝཱ ནིརོདྷཱ

གཏོ སིལཱཐཱུཔཝརསྶ ཋཱནཾ,

ཋིཏོ ཏཧིཾ དྷམྨམཐུདྡིསིཏྭཱ

གཏོ ནབྷཱ ཛེཏཝནཾ སུརམྨཾ;

༧༩༦.

ཨེཝཾ སོ དྷམྨརཱཛཱ ཛནཧིཏཝིཧིཏོ ཝཱིཏ དོསཱརིཝགྒོ

ལངྐཱརཱམཱཡ རམྨེ སུམནགིརིསིརེ’ཀཱསི ཡཾ པཱདལཉྪཾ

ཏཾ ཝོ སགྒཱ’པཝགྒཾ དདཏི མུནིསམཾ ཙིཏྟ མཏྟེ པསནྣེ

ཏསྨཱ བྷོ!བྷོ! པཧཊྛཱ ནམཐ མཧཐ ཏཾ སཱདྷུ སཱདྷུཔྤསཏྠཾ;

ཨིཏི སམནྟཀཱུཊ ཝཎྞནཱ ནིཊྛིཏཱ.

གྲནྠ སམཱཔྟིཡ.

༡.

ཨནནྟརཱ སམཏྟཱཡཾ སུམཎདྡིསུ ཝཎྞནཱ,

ཏཐེཝ སཱདྷཱུ སངྐཔྤཱ ཁིཔྤཾ པཔྤོནྟུ པཱཎིནཾ;

༢.

ཡོ ཡཱཙིཏོ’རཉྙཝཱསཱི གུཎཱདྷཱར སུདྷཱིམཏཱ,

རཱཧུལཏྠེརནཱམེན ཝིསྶུཏེན མཧཱིཏལེ;

༣.

བྷུཝནོདརམྷི པཉྙཱཏོ རཝཱིཝམྦར མཎྜལེ,

ཨརཉྙརཏནཱནནྡ མཧཱཐེརོ མཧཱགཎཱི;

༤.

ཛཱིཝིཏཾ ཝིཡ ཡོ སཏྠུསཱསནསྶ མཧཱཀཝཱི,

སཱརོ སུཔྤཊིཔཏྟཱིསུ སཏྠསཱགར པཱརགོ;

༥.

ཏསྶ སིསྶོ’སི ཡོ ཝིཔྤགཱམ ཝཾསེཀ ཀེཏུཀོ

ཉཱཏཱགམོ’རཉྙཝཱསཱི སཱིལཱདི གུཎབྷཱུསཎོ;

༦.

ཡོ’ཀཱ སཱིཧལབྷཱསཱཡ སཱིཧལཾ སདྡལཀྑཎཾ,

ཏེན ཝེདེཧཐེརེན ཀཏཱཡམྤིཡསཱིལིནཱ;

སིདྡྷིརཏྠུ.