📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

སཾཡུཏྟནིཀཱཡོ

ནིདཱནཝགྒོ

༡. ནིདཱནསཾཡུཏྟཾ

༡. བུདྡྷཝགྒོ

༡. པཊིཙྩསམུཔྤཱདསུཏྟཾ

༡. ཨེཝཾ ¶ ¶ ¶ ¶ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏཏྲ ཁོ བྷགཝཱ བྷིཀྑཱུ ཨཱམནྟེསི – ‘‘བྷིཀྑཝོ’’ཏི. ‘‘བྷདནྟེ’’ཏི ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ – ‘‘པཊིཙྩསམུཔྤཱདཾ ཝོ, བྷིཀྑཝེ, དེསེསྶཱམི; ཏཾ སུཎཱཐ, སཱདྷུཀཾ མནསི ཀརོཐ; བྷཱསིསྶཱམཱི’’ཏི. ‘‘ཨེཝཾ, བྷནྟེ’’ཏི ཁོ ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཀཏམོ ¶ ཙ, བྷིཀྑཝེ, པཊིཙྩསམུཔྤཱདོ? ཨཝིཛྫཱཔཙྩཡཱ, བྷིཀྑཝེ, སངྑཱརཱ; སངྑཱརཔཙྩཡཱ ཝིཉྙཱཎཾ; ཝིཉྙཱཎཔཙྩཡཱ ནཱམརཱུཔཾ; ནཱམརཱུཔཔཙྩཡཱ སལཱ༹ཡཏནཾ; སལཱ༹ཡཏནཔཙྩཡཱ ཕསྶོ; ཕསྶཔཙྩཡཱ ཝེདནཱ; ཝེདནཱཔཙྩཡཱ ཏཎྷཱ; ཏཎྷཱཔཙྩཡཱ ཨུཔཱདཱནཾ; ཨུཔཱདཱནཔཙྩཡཱ བྷཝོ; བྷཝཔཙྩཡཱ ཛཱཏི ¶ ; ཛཱཏིཔཙྩཡཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ སམྦྷཝནྟི. ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ཨཡཾ ཝུཙྩཏི, བྷིཀྑཝེ, པཊིཙྩསམུཔྤཱདོ.

‘‘ཨཝིཛྫཱཡ ¶ ཏྭེཝ ཨསེསཝིརཱགནིརོདྷཱ སངྑཱརནིརོདྷོ; སངྑཱརནིརོདྷཱ ¶ ཝིཉྙཱཎནིརོདྷོ; ཝིཉྙཱཎནིརོདྷཱ ནཱམརཱུཔནིརོདྷོ; ནཱམརཱུཔནིརོདྷཱ སལཱ༹ཡཏནནིརོདྷོ; སལཱ༹ཡཏནནིརོདྷཱ ཕསྶནིརོདྷོ; ཕསྶནིརོདྷཱ ཝེདནཱནིརོདྷོ; ཝེདནཱནིརོདྷཱ ཏཎྷཱནིརོདྷོ; ཏཎྷཱནིརོདྷཱ ཨུཔཱདཱནནིརོདྷོ; ཨུཔཱདཱནནིརོདྷཱ བྷཝནིརོདྷོ; བྷཝནིརོདྷཱ ཛཱཏིནིརོདྷོ; ཛཱཏིནིརོདྷཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ ནིརུཛ྄ཛྷནྟི. ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི. ཨིདམཝོཙ བྷགཝཱ. ཨཏྟམནཱ ཏེ བྷིཀྑཱུ བྷགཝཏོ བྷཱསིཏཾ ཨབྷིནནྡུནྟི. པཋམཾ.

༢. ཝིབྷངྒསུཏྟཾ

༢. སཱཝཏྠིཡཾ ཝིཧརཏི…པེ… ‘‘པཊིཙྩསམུཔྤཱདཾ ཝོ, བྷིཀྑཝེ, དེསེསྶཱམི ཝིབྷཛིསྶཱམི. ཏཾ སུཎཱཐ, སཱདྷུཀཾ མནསི ཀརོཐ; བྷཱསིསྶཱམཱི’’ཏི. ‘‘ཨེཝཾ, བྷནྟེ’’ཏི ཁོ ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཀཏམོ ཙ, བྷིཀྑཝེ, པཊིཙྩསམུཔྤཱདོ? ཨཝིཛྫཱཔཙྩཡཱ, བྷིཀྑཝེ, སངྑཱརཱ; སངྑཱརཔཙྩཡཱ ཝིཉྙཱཎཾ; ཝིཉྙཱཎཔཙྩཡཱ ནཱམརཱུཔཾ; ནཱམརཱུཔཔཙྩཡཱ སལཱ༹ཡཏནཾ; སལཱ༹ཡཏནཔཙྩཡཱ ཕསྶོ; ཕསྶཔཙྩཡཱ ཝེདནཱ; ཝེདནཱཔཙྩཡཱ ཏཎྷཱ; ཏཎྷཱཔཙྩཡཱ ཨུཔཱདཱནཾ; ཨུཔཱདཱནཔཙྩཡཱ བྷཝོ; བྷཝཔཙྩཡཱ ཛཱཏི ¶ ; ཛཱཏིཔཙྩཡཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ སམྦྷཝནྟི. ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི.

‘‘ཀཏམཉྩ, བྷིཀྑཝེ, ཛརཱམརཎཾ? ཡཱ ཏེསཾ ཏེསཾ སཏྟཱནཾ ཏམྷི ཏམྷི སཏྟནིཀཱཡེ ཛརཱ ཛཱིརཎཏཱ ཁཎྜིཙྩཾ པཱལིཙྩཾ ཝལིཏྟཙཏཱ ཨཱཡུནོ སཾཧཱནི ཨིནྡྲིཡཱནཾ པརིཔཱཀོ; ཨཡཾ ཝུཙྩཏི ¶ ཛརཱ. ཡཱ ཏེསཾ ¶ ཏེསཾ སཏྟཱནཾ ཏམྷཱ ཏམྷཱ སཏྟནིཀཱཡཱ ཙུཏི ཙཝནཏཱ བྷེདོ ཨནྟརདྷཱནཾ མཙྩུ མརཎཾ ཀཱལཀིརིཡཱ ཁནྡྷཱནཾ བྷེདོ ཀལེ༹ཝརསྶ ནིཀྑེཔོ ( ) [(ཛཱིཝིཏིནྡྲིཡསྶ ཨུཔཙྪེདོ) (སྱཱ. ཀཾ.) ཨེཝམུཔརིཔི, ཨཊྛཀཐཱཡཾ པན ན དིསྶཏི], ཨིདཾ ཝུཙྩཏི མརཎཾ. ཨིཏི ཨཡཉྩ ཛརཱ, ཨིདཉྩ མརཎཾ. ཨིདཾ ཝུཙྩཏི, བྷིཀྑཝེ, ཛརཱམརཎཾ.

‘‘ཀཏམཱ ཙ, བྷིཀྑཝེ, ཛཱཏི? ཡཱ ཏེསཾ ཏེསཾ སཏྟཱནཾ ཏམྷི ཏམྷི སཏྟནིཀཱཡེ ཛཱཏི སཉྫཱཏི ཨོཀྐནྟི ནིབྦཏྟི ཨབྷིནིབྦཏྟི ཁནྡྷཱནཾ པཱཏུབྷཱཝོ ཨཱཡཏནཱནཾ པཊིལཱབྷོ. ཨཡཾ ཝུཙྩཏི, བྷིཀྑཝེ, ཛཱཏི.

‘‘ཀཏམོ ¶ ཙ, བྷིཀྑཝེ, བྷཝོ? ཏཡོ མེ, བྷིཀྑཝེ, བྷཝཱ – ཀཱམབྷཝོ, རཱུཔབྷཝོ, ཨརཱུཔབྷཝོ. ཨཡཾ ཝུཙྩཏི, བྷིཀྑཝེ, བྷཝོ.

‘‘ཀཏམཉྩ, བྷིཀྑཝེ, ཨུཔཱདཱནཾ? ཙཏྟཱརིམཱནི, བྷིཀྑཝེ, ཨུཔཱདཱནཱནི – ཀཱམུཔཱདཱནཾ, དིཊྛུཔཱདཱནཾ, སཱིལབྦཏུཔཱདཱནཾ, ཨཏྟཝཱདུཔཱདཱནཾ. ཨིདཾ ཝུཙྩཏི, བྷིཀྑཝེ, ཨུཔཱདཱནཾ.

‘‘ཀཏམཱ ཙ, བྷིཀྑཝེ, ཏཎྷཱ? ཚཡིམེ, བྷིཀྑཝེ, ཏཎྷཱཀཱཡཱ – རཱུཔཏཎྷཱ, སདྡཏཎྷཱ, གནྡྷཏཎྷཱ, རསཏཎྷཱ, ཕོཊྛབྦཏཎྷཱ, དྷམྨཏཎྷཱ. ཨཡཾ ཝུཙྩཏི, བྷིཀྑཝེ, ཏཎྷཱ.

‘‘ཀཏམཱ ¶ ཙ, བྷིཀྑཝེ, ཝེདནཱ? ཚཡིམེ, བྷིཀྑཝེ, ཝེདནཱཀཱཡཱ – ཙཀྑུསམྥསྶཛཱ ཝེདནཱ, སོཏསམྥསྶཛཱ ཝེདནཱ, གྷཱནསམྥསྶཛཱ ཝེདནཱ, ཛིཝ྄ཧཱསམྥསྶཛཱ ཝེདནཱ, ཀཱཡསམྥསྶཛཱ ཝེདནཱ, མནོསམྥསྶཛཱ ཝེདནཱ. ཨཡཾ ཝུཙྩཏི, བྷིཀྑཝེ, ཝེདནཱ.

‘‘ཀཏམོ ཙ, བྷིཀྑཝེ, ཕསྶོ? ཚཡིམེ, བྷིཀྑཝེ, ཕསྶཀཱཡཱ – ཙཀྑུསམྥསྶོ, སོཏསམྥསྶོ, གྷཱནསམྥསྶོ, ཛིཝ྄ཧཱསམྥསྶོ, ཀཱཡསམྥསྶོ, མནོསམྥསྶོ. ཨཡཾ ཝུཙྩཏི, བྷིཀྑཝེ, ཕསྶོ.

‘‘ཀཏམཉྩ, བྷིཀྑཝེ, སལཱ༹ཡཏནཾ? ཙཀྑཱཡཏནཾ, སོཏཱཡཏནཾ, གྷཱནཱཡཏནཾ, ཛིཝ྄ཧཱཡཏནཾ, ཀཱཡཱཡཏནཾ, མནཱཡཏནཾ – ཨིདཾ ཝུཙྩཏི, བྷིཀྑཝེ, སལཱ༹ཡཏནཾ.

‘‘ཀཏམཉྩ ¶ , བྷིཀྑཝེ, ནཱམརཱུཔཾ? ཝེདནཱ, སཉྙཱ, ཙེཏནཱ, ཕསྶོ, མནསིཀཱརོ – ཨིདཾ ཝུཙྩཏི ནཱམཾ. ཙཏྟཱརོ ཙ ¶ མཧཱབྷཱུཏཱ, ཙཏུནྣཉྩ མཧཱབྷཱུཏཱནཾ ཨུཔཱདཱཡརཱུཔཾ. ཨིདཾ ཝུཙྩཏི རཱུཔཾ. ཨིཏི ཨིདཉྩ ནཱམཾ, ཨིདཉྩ རཱུཔཾ. ཨིདཾ ཝུཙྩཏི, བྷིཀྑཝེ, ནཱམརཱུཔཾ.

‘‘ཀཏམཉྩ, བྷིཀྑཝེ, ཝིཉྙཱཎཾ? ཚཡིམེ, བྷིཀྑཝེ, ཝིཉྙཱཎཀཱཡཱ – ཙཀྑུཝིཉྙཱཎཾ, སོཏཝིཉྙཱཎཾ, གྷཱནཝིཉྙཱཎཾ, ཛིཝ྄ཧཱཝིཉྙཱཎཾ, ཀཱཡཝིཉྙཱཎཾ, མནོཝིཉྙཱཎཾ. ཨིདཾ ཝུཙྩཏི, བྷིཀྑཝེ, ཝིཉྙཱཎཾ.

‘‘ཀཏམེ ཙ, བྷིཀྑཝེ, སངྑཱརཱ? ཏཡོམེ, བྷིཀྑཝེ, སངྑཱརཱ – ཀཱཡསངྑཱརོ, ཝཙཱིསངྑཱརོ, ཙིཏྟསངྑཱརོ. ཨིམེ ཝུཙྩནྟི, བྷིཀྑཝེ, སངྑཱརཱ.

‘‘ཀཏམཱ ¶ ཙ, བྷིཀྑཝེ, ཨཝིཛྫཱ? ཡཾ ཁོ, བྷིཀྑཝེ, དུཀྑེ ཨཉྙཱཎཾ, དུཀྑསམུདཡེ ཨཉྙཱཎཾ, དུཀྑནིརོདྷེ ཨཉྙཱཎཾ, དུཀྑནིརོདྷགཱམིནིཡཱ པཊིཔདཱཡ ཨཉྙཱཎཾ. ཨཡཾ ཝུཙྩཏི, བྷིཀྑཝེ, ཨཝིཛྫཱ.

‘‘ཨིཏི ¶ ཁོ, བྷིཀྑཝེ, ཨཝིཛྫཱཔཙྩཡཱ སངྑཱརཱ; སངྑཱརཔཙྩཡཱ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ཨཝིཛྫཱཡ ཏྭེཝ ཨསེསཝིརཱགནིརོདྷཱ སངྑཱརནིརོདྷོ; སངྑཱརནིརོདྷཱ ཝིཉྙཱཎནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི. དུཏིཡཾ.

༣. པཊིཔདཱསུཏྟཾ

༣. སཱཝཏྠིཡཾ ཝིཧརཏི…པེ… ‘‘མིཙྪཱཔཊིཔདཉྩ ཝོ, བྷིཀྑཝེ, དེསེསྶཱམི སམྨཱཔཊིཔདཉྩ. ཏཾ སུཎཱཐ, སཱདྷུཀཾ མནསི ཀརོཐ; བྷཱསིསྶཱམཱི’’ཏི. ‘‘ཨེཝཾ བྷནྟེ’’ཏི ཁོ ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཀཏམཱ ཙ, བྷིཀྑཝེ, མིཙྪཱཔཊིཔདཱ? ཨཝིཛྫཱཔཙྩཡཱ, བྷིཀྑཝེ, སངྑཱརཱ; སངྑཱརཔཙྩཡཱ ¶ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ཨཡཾ ཝུཙྩཏི, བྷིཀྑཝེ, མིཙྪཱཔཊིཔདཱ.

‘‘ཀཏམཱ ¶ ཙ, བྷིཀྑཝེ, སམྨཱཔཊིཔདཱ? ཨཝིཛྫཱཡ ཏྭེཝ ཨསེསཝིརཱགནིརོདྷཱ སངྑཱརནིརོདྷོ; སངྑཱརནིརོདྷཱ ཝིཉྙཱཎནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏི. ཨཡཾ ཝུཙྩཏི, བྷིཀྑཝེ, སམྨཱཔཊིཔདཱ’’ཏི. ཏཏིཡཾ.

༤. ཝིཔསྶཱིསུཏྟཾ

༤. སཱཝཏྠིཡཾ ཝིཧརཏི…པེ… ‘‘ཝིཔསྶིསྶ, བྷིཀྑཝེ, བྷགཝཏོ ཨརཧཏོ སམྨཱསམྦུདྡྷསྶ ¶ པུབྦེཝ སམྦོདྷཱ ཨནབྷིསམྦུདྡྷསྶ བོདྷིསཏྟསྶེཝ སཏོ ཨེཏདཧོསི – ‘ཀིཙྪཾ ཝཏཱཡཾ ལོཀོ ཨཱཔནྣོ ཛཱཡཏི ཙ ཛཱིཡཏི ཙ མཱིཡཏི ཙ ཙཝཏི ཙ ཨུཔཔཛྫཏི ཙ. ཨཐ ཙ པནིམསྶ དུཀྑསྶ ནིསྶརཎཾ ནཔྤཛཱནཱཏི ཛརཱམརཎསྶ. ཀུདཱསྶུ ནཱམ ཨིམསྶ དུཀྑསྶ ནིསྶརཎཾ པཉྙཱཡིསྶཏི ཛརཱམརཎསྶཱ’’’ཏི?

‘‘ཨཐ ཁོ བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ སཏི ཛརཱམརཎཾ ཧོཏི, ཀིཾཔཙྩཡཱ ཛརཱམརཎ’ནྟི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ཛཱཏིཡཱ ཁོ སཏི ཛརཱམརཎཾ ཧོཏི, ཛཱཏིཔཙྩཡཱ ཛརཱམརཎ’’’ནྟི.

‘‘ཨཐ ¶ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ སཏི ཛཱཏི ཧོཏི, ཀིཾཔཙྩཡཱ ཛཱཏཱི’ཏི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘བྷཝེ ཁོ སཏི ཛཱཏི ཧོཏི, བྷཝཔཙྩཡཱ ཛཱཏཱི’’’ཏི.

‘‘ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ སཏི བྷཝོ ཧོཏི, ཀིཾཔཙྩཡཱ བྷཝོ’ཏི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ¶ ཨཧུ པཉྙཱཡ ཨབྷིསམཡོ – ‘ཨུཔཱདཱནེ ཁོ སཏི བྷཝོ ཧོཏི, ཨུཔཱདཱནཔཙྩཡཱ བྷཝོ’’’ཏི.

‘‘ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ སཏི ཨུཔཱདཱནཾ ཧོཏི, ཀིཾཔཙྩཡཱ ཨུཔཱདཱན’ནྟི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ¶ ཨཧུ པཉྙཱཡ ཨབྷིསམཡོ – ‘ཏཎྷཱཡ ཁོ སཏི ཨུཔཱདཱནཾ ¶ ཧོཏི, ཏཎྷཱཔཙྩཡཱ ཨུཔཱདཱན’’’ནྟི.

‘‘ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ སཏི ཏཎྷཱ ཧོཏི, ཀིཾཔཙྩཡཱ ཏཎྷཱ’ཏི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ཝེདནཱཡ ཁོ སཏི ཏཎྷཱ ཧོཏི, ཝེདནཱཔཙྩཡཱ ཏཎྷཱ’’’ཏི.

‘‘ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ སཏི ཝེདནཱ ཧོཏི, ཀིཾཔཙྩཡཱ ཝེདནཱ’ཏི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ཕསྶེ ཁོ སཏི ཝེདནཱ ཧོཏི, ཕསྶཔཙྩཡཱ ཝེདནཱ’’’ཏི.

‘‘ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ སཏི ཕསྶོ ཧོཏི, ཀིཾཔཙྩཡཱ ཕསྶོ’ཏི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘སལཱ༹ཡཏནེ ཁོ སཏི ཕསྶོ ཧོཏི, སལཱ༹ཡཏནཔཙྩཡཱ ཕསྶོ’’’ཏི.

‘‘ཨཐ ¶ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ སཏི སལཱ༹ཡཏནཾ ཧོཏི, ཀིཾཔཙྩཡཱ སལཱ༹ཡཏན’ནྟི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ནཱམརཱུཔེ ཁོ སཏི སལཱ༹ཡཏནཾ ཧོཏི, ནཱམརཱུཔཔཙྩཡཱ སལཱ༹ཡཏན’’’ནྟི.

‘‘ཨཐ ¶ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ སཏི ནཱམརཱུཔཾ ཧོཏི, ཀིཾཔཙྩཡཱ ནཱམརཱུཔ’ནྟི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ཝིཉྙཱཎེ ཁོ སཏི ནཱམརཱུཔཾ ཧོཏི ¶ , ཝིཉྙཱཎཔཙྩཡཱ ནཱམརཱུཔ’’’ནྟི.

‘‘ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ སཏི ཝིཉྙཱཎཾ ཧོཏི, ཀིཾཔཙྩཡཱ ཝིཉྙཱཎ’ནྟི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘སངྑཱརེསུ ཁོ སཏི ཝིཉྙཱཎཾ ཧོཏི, སངྑཱརཔཙྩཡཱ ཝིཉྙཱཎ’’’ནྟི.

‘‘ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི ¶ – ‘ཀིམྷི ནུ ཁོ སཏི སངྑཱརཱ ཧོནྟི, ཀིཾཔཙྩཡཱ སངྑཱརཱ’ཏི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ཨཝིཛྫཱཡ ཁོ སཏི སངྑཱརཱ ཧོནྟི, ཨཝིཛྫཱཔཙྩཡཱ སངྑཱརཱ’’’ཏི.

‘‘ཨིཏི ཧིདཾ ཨཝིཛྫཱཔཙྩཡཱ སངྑཱརཱ; སངྑཱརཔཙྩཡཱ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ‘སམུདཡོ, སམུདཡོ’ཏི ཁོ, བྷིཀྑཝེ, ཝིཔསྶིསྶ བོདྷིསཏྟསྶ པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི.

‘‘ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ ཨསཏི ཛརཱམརཎཾ ན ཧོཏི, ཀིསྶ ནིརོདྷཱ ཛརཱམརཎནིརོདྷོ’ཏི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ཛཱཏིཡཱ ཁོ ཨསཏི ཛརཱམརཎཾ ན ཧོཏི, ཛཱཏིནིརོདྷཱ ཛརཱམརཎནིརོདྷོ’’’ཏི.

‘‘ཨཐ ¶ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ ཨསཏི ཛཱཏི ན ཧོཏི ¶ , ཀིསྶ ནིརོདྷཱ ཛཱཏིནིརོདྷོ’ཏི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ¶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘བྷཝེ ཁོ ཨསཏི ཛཱཏི ན ཧོཏི, བྷཝནིརོདྷཱ ཛཱཏིནིརོདྷོ’’’ཏི.

‘‘ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ ཨསཏི བྷཝོ ན ཧོཏི, ཀིསྶ ནིརོདྷཱ བྷཝནིརོདྷོ’ཏི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ཨུཔཱདཱནེ ཁོ ཨསཏི བྷཝོ ན ཧོཏི, ཨུཔཱདཱནནིརོདྷཱ བྷཝནིརོདྷོ’’’ཏི.

‘‘ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ ཨསཏི ཨུཔཱདཱནཾ ན ཧོཏི, ཀིསྶ ནིརོདྷཱ ཨུཔཱདཱནནིརོདྷོ’ཏི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ཏཎྷཱཡ ཁོ ཨསཏི ཨུཔཱདཱནཾ ན ཧོཏི, ཏཎྷཱནིརོདྷཱ ཨུཔཱདཱནནིརོདྷོ’’’ཏི.

‘‘ཨཐ ¶ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ ཨསཏི ཏཎྷཱ ན ཧོཏི, ཀིསྶ ནིརོདྷཱ ཏཎྷཱནིརོདྷོ’ཏི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ཝེདནཱཡ ཁོ ཨསཏི ཏཎྷཱ ན ཧོཏི, ཝེདནཱནིརོདྷཱ ཏཎྷཱནིརོདྷོ’’’ཏི.

‘‘ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ ཨསཏི ཝེདནཱ ན ཧོཏི, ཀིསྶ ནིརོདྷཱ ཝེདནཱནིརོདྷོ’ཏི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ཕསྶེ ཁོ ཨསཏི ཝེདནཱ ན ཧོཏི, ཕསྶནིརོདྷཱ ¶ ཝེདནཱནིརོདྷོ’’’ཏི.

‘‘ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ ཨསཏི ཕསྶོ ན ཧོཏི, ཀིསྶ ནིརོདྷཱ ཕསྶནིརོདྷོ’ཏི? ཨཐ ཁོ བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ ¶ པཉྙཱཡ ཨབྷིསམཡོ – ‘སལཱ༹ཡཏནེ ཁོ ཨསཏི ཕསྶོ ན ཧོཏི, སལཱ༹ཡཏནནིརོདྷཱ ཕསྶནིརོདྷོ’’’ཏི.

‘‘ཨཐ ¶ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ ཨསཏི སལཱ༹ཡཏནཾ ན ཧོཏི, ཀིསྶ ནིརོདྷཱ སལཱ༹ཡཏནནིརོདྷོ’ཏི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ནཱམརཱུཔེ ཁོ ཨསཏི སལཱ༹ཡཏནཾ ན ཧོཏི, ནཱམརཱུཔནིརོདྷཱ སལཱ༹ཡཏནནིརོདྷོ’’’ཏི.

‘‘ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ ཨསཏི ནཱམརཱུཔཾ ན ཧོཏི, ཀིསྶ ནིརོདྷཱ ནཱམརཱུཔནིརོདྷོ’ཏི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ཝིཉྙཱཎེ ཁོ ཨསཏི ནཱམརཱུཔཾ ན ཧོཏི, ཝིཉྙཱཎནིརོདྷཱ ནཱམརཱུཔནིརོདྷོ’’’ཏི.

‘‘ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ ཨསཏི ཝིཉྙཱཎཾ ན ཧོཏི, ཀིསྶ ནིརོདྷཱ ཝིཉྙཱཎནིརོདྷོ’ཏི? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘སངྑཱརེསུ ཁོ ཨསཏི ཝིཉྙཱཎཾ ན ཧོཏི, སངྑཱརནིརོདྷཱ ཝིཉྙཱཎནིརོདྷོ’’’ཏི.

‘‘ཨཐ ¶ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཨེཏདཧོསི – ‘ཀིམྷི ནུ ཁོ ཨསཏི སངྑཱརཱ ན ཧོནྟི, ཀིསྶ ནིརོདྷཱ སངྑཱརནིརོདྷོ’ཏི ¶ ? ཨཐ ཁོ, བྷིཀྑཝེ, ཝིཔསྶིསྶ བོདྷིསཏྟསྶ ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ཨཝིཛྫཱཡ ཁོ ཨསཏི སངྑཱརཱ ན ཧོནྟི, ཨཝིཛྫཱནིརོདྷཱ སངྑཱརནིརོདྷོ’’’ཏི.

‘‘ཨིཏི ཧིདཾ ཨཝིཛྫཱནིརོདྷཱ སངྑཱརནིརོདྷོ; སངྑཱརནིརོདྷཱ ཝིཉྙཱཎནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱིཏི. ‘ནིརོདྷོ, ནིརོདྷོ’ཏི ཁོ, བྷིཀྑཝེ, ཝིཔསྶིསྶ བོདྷིསཏྟསྶ པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི’’. ཙཏུཏྠཾ.

(སཏྟནྣམྤི བུདྡྷཱནཾ ཨེཝཾ ཝིཏྠཱརེཏབྦོ).

༥. སིཁཱིསུཏྟཾ

༥. སིཁིསྶ ¶ ¶ , བྷིཀྑཝེ, བྷགཝཏོ ཨརཧཏོ སམྨཱསམྦུདྡྷསྶ…པེ….

༦. ཝེསྶབྷཱུསུཏྟཾ

༦. ཝེསྶབྷུསྶ, བྷིཀྑཝེ, བྷགཝཏོ ཨརཧཏོ སམྨཱསམྦུདྡྷསྶ…པེ….

༧. ཀཀུསནྡྷསུཏྟཾ

༧. ཀཀུསནྡྷསྶ, བྷིཀྑཝེ, བྷགཝཏོ ཨརཧཏོ སམྨཱསམྦུདྡྷསྶ…པེ….

༨. ཀོཎཱགམནསུཏྟཾ

༨. ཀོཎཱགམནསྶ, བྷིཀྑཝེ, བྷགཝཏོ ཨརཧཏོ སམྨཱསམྦུདྡྷསྶ…པེ….

༩. ཀསྶཔསུཏྟཾ

༩. ཀསྶཔསྶ, བྷིཀྑཝེ, བྷགཝཏོ ཨརཧཏོ སམྨཱསམྦུདྡྷསྶ…པེ….

༡༠. གོཏམསུཏྟཾ

༡༠. ‘‘པུབྦེཝ ¶ མེ, བྷིཀྑཝེ, སམྦོདྷཱ ཨནབྷིསམྦུདྡྷསྶ བོདྷིསཏྟསྶེཝ སཏོ ཨེཏདཧོསི – ‘ཀིཙྪཾ ཝཏཱཡཾ ལོཀོ ཨཱཔནྣོ ཛཱཡཏི ཙ ཛཱིཡཏི ཙ མཱིཡཏི ཙ ཙཝཏི ཙ ཨུཔཔཛྫཏི ཙ. ཨཐ ཙ པནིམསྶ དུཀྑསྶ ནིསྶརཎཾ ནཔྤཛཱནཱཏི ཛརཱམརཎསྶ. ཀུདཱསྶུ ནཱམ ཨིམསྶ དུཀྑསྶ ནིསྶརཎཾ པཉྙཱཡིསྶཏི ཛརཱམརཎསྶཱ’’’ཏི?

‘‘ཏསྶ མཡ྄ཧཾ, བྷིཀྑཝེ, ཨེཏདཧོསི – ‘ཀིམྷི ནུ ཁོ སཏི ཛརཱམརཎཾ ཧོཏི, ཀིཾཔཙྩཡཱ ¶ ཛརཱམརཎ’ནྟི ¶ ? ཏསྶ མཡ྄ཧཾ, བྷིཀྑཝེ, ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ཛཱཏིཡཱ ཁོ སཏི ཛརཱམརཎཾ ཧོཏི, ཛཱཏིཔཙྩཡཱ ཛརཱམརཎ’’’ནྟི.

‘‘ཏསྶ མཡ྄ཧཾ, བྷིཀྑཝེ, ཨེཏདཧོསི – ‘ཀིམྷི ནུ ཁོ སཏི ཛཱཏི ཧོཏི…པེ… བྷཝོ… ཨུཔཱདཱནཾ… ཏཎྷཱ… ཝེདནཱ… ཕསྶོ… སལཱ༹ཡཏནཾ… ནཱམརཱུཔཾ… ཝིཉྙཱཎཾ… སངྑཱརཱ ཧོནྟི, ཀིཾཔཙྩཡཱ སངྑཱརཱ’ཏི? ཏསྶ མཡ྄ཧཾ, བྷིཀྑཝེ ¶ , ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ཨཝིཛྫཱཡ ཁོ སཏི སངྑཱརཱ ཧོནྟི, ཨཝིཛྫཱཔཙྩཡཱ སངྑཱརཱ’’’ཏི.

‘‘ཨིཏི ཧིདཾ ཨཝིཛྫཱཔཙྩཡཱ སངྑཱརཱ; སངྑཱརཔཙྩཡཱ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ‘སམུདཡོ, སམུདཡོ’ཏི ཁོ མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི.

‘‘ཏསྶ མཡ྄ཧཾ, བྷིཀྑཝེ, ཨེཏདཧོསི – ‘ཀིམྷི ནུ ཁོ ཨསཏི ཛརཱམརཎཾ ན ཧོཏི, ཀིསྶ ནིརོདྷཱ ཛརཱམརཎནིརོདྷོ’ཏི? ཏསྶ མཡ྄ཧཾ, བྷིཀྑཝེ, ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ཛཱཏིཡཱ ཁོ ཨསཏི ཛརཱམརཎཾ ན ཧོཏི, ཛཱཏིནིརོདྷཱ ཛརཱམརཎནིརོདྷོ’’’ཏི.

‘‘ཏསྶ མཡ྄ཧཾ, བྷིཀྑཝེ, ཨེཏདཧོསི – ‘ཀིམྷི ནུ ཁོ ¶ ཨསཏི ཛཱཏི ན ཧོཏི…པེ… བྷཝོ… ཨུཔཱདཱནཾ… ཏཎྷཱ… ཝེདནཱ… ཕསྶོ… སལཱ༹ཡཏནཾ… ནཱམརཱུཔཾ… ཝིཉྙཱཎཾ… སངྑཱརཱ ན ཧོནྟི, ཀིསྶ ནིརོདྷཱ སངྑཱརནིརོདྷོ’ཏི? ཏསྶ མཡ྄ཧཾ, བྷིཀྑཝེ, ཡོནིསོ མནསིཀཱརཱ ཨཧུ ¶ པཉྙཱཡ ཨབྷིསམཡོ – ‘ཨཝིཛྫཱཡ ཁོ ཨསཏི སངྑཱརཱ ན ཧོནྟི, ཨཝིཛྫཱནིརོདྷཱ སངྑཱརནིརོདྷོ’’’ཏི.

‘‘ཨིཏི ཧིདཾ ཨཝིཛྫཱནིརོདྷཱ སངྑཱརནིརོདྷོ; སངྑཱརནིརོདྷཱ ཝིཉྙཱཎནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏི. ‘ནིརོདྷོ, ནིརོདྷོ’ཏི ¶ ཁོ མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདཱི’’ཏི. དསམོ.

བུདྡྷཝགྒོ པཋམོ.

ཏསྶུདྡཱནཾ –

དེསནཱ ཝིབྷངྒཔཊིཔདཱ ཙ,

ཝིཔསྶཱི སིཁཱི ཙ ཝེསྶབྷཱུ;

ཀཀུསནྡྷོ ཀོཎཱགམནོ ཀསྶཔོ,

མཧཱསཀྱམུནི ཙ གོཏམོཏི.

༢. ཨཱཧཱརཝགྒོ

༡. ཨཱཧཱརསུཏྟཾ

༡༡. ཨེཝཾ ¶ ¶ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ…པེ… ཨེཏདཝོཙ – ‘‘ཙཏྟཱརོམེ, བྷིཀྑཝེ, ཨཱཧཱརཱ བྷཱུཏཱནཾ ཝཱ སཏྟཱནཾ ཋིཏིཡཱ སམྦྷཝེསཱིནཾ ཝཱ ཨནུགྒཧཱཡ. ཀཏམེ ཙཏྟཱརོ? ཀབལཱི༹ཀཱརོ [ཀབལི༹ཾཀཱརོ (སཱི. པཱི.), ཀཝལཱི༹ཀཱརོ (སྱཱ. ཀཾ.)] ཨཱཧཱརོ – ཨོལཱ༹རིཀོ ཝཱ སུཁུམོ ཝཱ, ཕསྶོ དུཏིཡོ, མནོསཉྩེཏནཱ ཏཏིཡཱ, ཝིཉྙཱཎཾ ཙཏུཏྠཾ. ཨིམེ ཁོ, བྷིཀྑཝེ, ཙཏྟཱརོ ཨཱཧཱརཱ བྷཱུཏཱནཾ ཝཱ སཏྟཱནཾ ཋིཏིཡཱ སམྦྷཝེསཱིནཾ ཝཱ ཨནུགྒཧཱཡ’’.

‘‘ཨིམེ, བྷིཀྑཝེ, ཙཏྟཱརོ ཨཱཧཱརཱ ཀིཾནིདཱནཱ ཀིཾསམུདཡཱ ¶ ཀིཾཛཱཏིཀཱ ཀིཾཔབྷཝཱ? ཨིམེ ཙཏྟཱརོ ཨཱཧཱརཱ ཏཎྷཱནིདཱནཱ ཏཎྷཱསམུདཡཱ ཏཎྷཱཛཱཏིཀཱ ཏཎྷཱཔབྷཝཱ. ཏཎྷཱ ཙཱཡཾ, བྷིཀྑཝེ, ཀིཾནིདཱནཱ ཀིཾསམུདཡཱ ཀིཾཛཱཏིཀཱ ཀིཾཔབྷཝཱ? ཏཎྷཱ ཝེདནཱནིདཱནཱ ཝེདནཱསམུདཡཱ ཝེདནཱཛཱཏིཀཱ ¶ ཝེདནཱཔབྷཝཱ. ཝེདནཱ ཙཱཡཾ, བྷིཀྑཝེ, ཀིཾནིདཱནཱ ཀིཾསམུདཡཱ ཀིཾཛཱཏིཀཱ ཀིཾཔབྷཝཱ? ཝེདནཱ ཕསྶནིདཱནཱ ཕསྶསམུདཡཱ ཕསྶཛཱཏིཀཱ ཕསྶཔབྷཝཱ. ཕསྶོ ཙཱཡཾ, བྷིཀྑཝེ, ཀིཾནིདཱནོ ཀིཾསམུདཡོ ཀིཾཛཱཏིཀོ ཀིཾཔབྷཝོ? ཕསྶོ སལཱ༹ཡཏནནིདཱནོ སལཱ༹ཡཏནསམུདཡོ སལཱ༹ཡཏནཛཱཏིཀོ སལཱ༹ཡཏནཔབྷཝོ. སལཱ༹ཡཏནཉྩིདཾ, བྷིཀྑཝེ, ཀིཾནིདཱནཾ ¶ ཀིཾསམུདཡཾ ཀིཾཛཱཏིཀཾ ཀིཾཔབྷཝཾ? སལཱ༹ཡཏནཾ ནཱམརཱུཔནིདཱནཾ ནཱམརཱུཔསམུདཡཾ ནཱམརཱུཔཛཱཏིཀཾ ནཱམརཱུཔཔབྷཝཾ. ནཱམརཱུཔཉྩིདཾ, བྷིཀྑཝེ, ཀིཾནིདཱནཾ ཀིཾསམུདཡཾ ཀིཾཛཱཏིཀཾ ཀིཾཔབྷཝཾ? ནཱམརཱུཔཾ ཝིཉྙཱཎནིདཱནཾ ཝིཉྙཱཎསམུདཡཾ ཝིཉྙཱཎཛཱཏིཀཾ ཝིཉྙཱཎཔབྷཝཾ. ཝིཉྙཱཎཉྩིདཾ, བྷིཀྑཝེ, ཀིཾནིདཱནཾ ཀིཾསམུདཡཾ ཀིཾཛཱཏིཀཾ ཀིཾཔབྷཝཾ? ཝིཉྙཱཎཾ སངྑཱརནིདཱནཾ སངྑཱརསམུདཡཾ སངྑཱརཛཱཏིཀཾ སངྑཱརཔབྷཝཾ. སངྑཱརཱ ཙིམེ, བྷིཀྑཝེ, ཀིཾནིདཱནཱ ཀིཾསམུདཡཱ ཀིཾཛཱཏིཀཱ ཀིཾཔབྷཝཱ? སངྑཱརཱ ཨཝིཛྫཱནིདཱནཱ ཨཝིཛྫཱསམུདཡཱ ཨཝིཛྫཱཛཱཏིཀཱ ཨཝིཛྫཱཔབྷཝཱ.

‘‘ཨིཏི ཁོ, བྷིཀྑཝེ, ཨཝིཛྫཱཔཙྩཡཱ སངྑཱརཱ; སངྑཱརཔཙྩཡཱ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ཨཝིཛྫཱཡ ཏྭེཝ ཨསེསཝིརཱགནིརོདྷཱ སངྑཱརནིརོདྷོ; སངྑཱརནིརོདྷཱ ཝིཉྙཱཎནིརོདྷོ ¶ …པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི. པཋམཾ.

༢. མོལི༹ཡཕགྒུནསུཏྟཾ

༡༢. སཱཝཏྠིཡཾ ཝིཧརཏི…པེ… ‘‘ཙཏྟཱརོམེ ¶ , བྷིཀྑཝེ, ཨཱཧཱརཱ བྷཱུཏཱནཾ ཝཱ སཏྟཱནཾ ཋིཏིཡཱ སམྦྷཝེསཱིནཾ ཝཱ ཨནུགྒཧཱཡ. ཀཏམེ ཙཏྟཱརོ? ཀབལཱི༹ཀཱརོ ཨཱཧཱརོ – ཨོལཱ༹རིཀོ ཝཱ སུཁུམོ ཝཱ, ཕསྶོ དུཏིཡོ, མནོསཉྩེཏནཱ ཏཏིཡཱ, ཝིཉྙཱཎཾ ཙཏུཏྠཾ. ཨིམེ ཁོ, བྷིཀྑཝེ, ཙཏྟཱརོ ཨཱཧཱརཱ བྷཱུཏཱནཾ ཝཱ སཏྟཱནཾ ཋིཏིཡཱ སམྦྷཝེསཱིནཾ ཝཱ ཨནུགྒཧཱཡཱ’’ཏི.

ཨེཝཾ ཝུཏྟེ, ཨཱཡསྨཱ མོལི༹ཡཕགྒུནོ བྷགཝནྟཾ ཨེཏདཝོཙ – ‘‘ཀོ ནུ ཁོ, བྷནྟེ, ཝིཉྙཱཎཱཧཱརཾ ཨཱཧཱརེཏཱི’’ཏི? ‘‘ནོ ཀལློ པཉྷོ’’ཏི བྷགཝཱ ཨཝོཙ – ‘‘‘ཨཱཧཱརེཏཱི’ཏི ཨཧཾ ན ཝདཱམི. ‘ཨཱཧཱརེཏཱི’ཏི ཙཱཧཾ ¶ ཝདེཡྻཾ, ཏཏྲསྶ ཀལློ པཉྷོ – ‘ཀོ ནུ ཁོ, བྷནྟེ, ཨཱཧཱརེཏཱི’ཏི ¶ ? ཨེཝཾ ཙཱཧཾ ན ཝདཱམི. ཨེཝཾ མཾ ཨཝདནྟཾ ཡོ ཨེཝཾ པུཙྪེཡྻ – ‘ཀིསྶ ནུ ཁོ, བྷནྟེ, ཝིཉྙཱཎཱཧཱརོ’ཏི, ཨེས ཀལློ པཉྷོ. ཏཏྲ ཀལླཾ ཝེཡྻཱཀརཎཾ – ‘ཝིཉྙཱཎཱཧཱརོ ཨཱཡཏིཾ པུནབྦྷཝཱབྷིནིབྦཏྟིཡཱ པཙྩཡོ, ཏསྨིཾ བྷཱུཏེ སཏི སལཱ༹ཡཏནཾ, སལཱ༹ཡཏནཔཙྩཡཱ ཕསྶོ’’’ཏི.

‘‘ཀོ ནུ ཁོ, བྷནྟེ, ཕུསཏཱི’’ཏི? ‘‘ནོ ཀལློ པཉྷོ’’ཏི བྷགཝཱ ཨཝོཙ – ‘‘‘ཕུསཏཱི’ཏི ཨཧཾ ན ཝདཱམི. ‘ཕུསཏཱི’ཏི ཙཱཧཾ ཝདེཡྻཾ, ཏཏྲསྶ ཀལློ པཉྷོ – ‘ཀོ ནུ ཁོ, བྷནྟེ, ཕུསཏཱི’ཏི? ཨེཝཾ ཙཱཧཾ ན ཝདཱམི. ཨེཝཾ མཾ ཨཝདནྟཾ ཡོ ཨེཝཾ པུཙྪེཡྻ – ‘ཀིཾཔཙྩཡཱ ནུ ཁོ, བྷནྟེ, ཕསྶོ’ཏི, ཨེས ཀལློ པཉྷོ. ཏཏྲ ཀལླཾ ཝེཡྻཱཀརཎཾ – ‘སལཱ༹ཡཏནཔཙྩཡཱ ཕསྶོ, ཕསྶཔཙྩཡཱ ཝེདནཱ’’’ཏི.

‘‘ཀོ ནུ ཁོ, བྷནྟེ, ཝེདཡཏཱི’’ཏི [ཝེདིཡཏཱིཏི (སཱི. པཱི. ཀ.)]? ‘‘ནོ ཀལློ པཉྷོ’’ཏི བྷགཝཱ ཨཝོཙ – ‘‘‘ཝེདཡཏཱི’ཏི ཨཧཾ ན ཝདཱམི. ‘ཝེདཡཏཱི’ཏི ཙཱཧཾ ཝདེཡྻཾ, ཏཏྲསྶ ཀལློ པཉྷོ – ‘ཀོ ནུ ཁོ, བྷནྟེ, ཝེདཡཏཱི’ཏི? ཨེཝཾ ཙཱཧཾ ན ཝདཱམི. ཨེཝཾ མཾ ཨཝདནྟཾ ཡོ ཨེཝཾ པུཙྪེཡྻ – ‘ཀིཾཔཙྩཡཱ ནུ ཁོ, བྷནྟེ, ཝེདནཱ’ཏི, ཨེས ཀལློ པཉྷོ. ཏཏྲ ཀལླཾ ཝེཡྻཱཀརཎཾ – ‘ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ’’’ཏི.

‘‘ཀོ ¶ ནུ ཁོ, བྷནྟེ, ཏསཏཱི’’ཏི [ཏཎྷཱིཡཏཱིཏི (སཱི. སྱཱ. ཀཾ.)]? ‘‘ནོ ཀལློ པཉྷོ’’ཏི བྷགཝཱ ཨཝོཙ – ‘‘‘ཏསཏཱི’ཏི ཨཧཾ ན ཝདཱམི ¶ . ‘ཏསཏཱི’ཏི ཙཱཧཾ ¶ ཝདེཡྻཾ, ཏཏྲསྶ ཀལློ པཉྷོ – ‘ཀོ ནུ ཁོ, བྷནྟེ, ཏསཏཱི’ཏི? ཨེཝཾ ཙཱཧཾ ན ཝདཱམི. ཨེཝཾ མཾ ཨཝདནྟཾ ཡོ ཨེཝཾ པུཙྪེཡྻ – ‘ཀིཾཔཙྩཡཱ ནུ ཁོ, བྷནྟེ, ཏཎྷཱ’ཏི, ཨེས ཀལློ པཉྷོ. ཏཏྲ ཀལླཾ ཝེཡྻཱཀརཎཾ – ‘ཝེདནཱཔཙྩཡཱ ཏཎྷཱ, ཏཎྷཱཔཙྩཡཱ ཨུཔཱདཱན’’’ནྟི.

‘‘ཀོ ནུ ཁོ, བྷནྟེ, ཨུཔཱདིཡཏཱི’’ཏི? ‘‘ནོ ཀལློ པཉྷོ’’ཏི བྷགཝཱ ཨཝོཙ – ‘‘‘ཨུཔཱདིཡཏཱི’ཏི ཨཧཾ ན ཝདཱམི. ‘ཨུཔཱདིཡཏཱི’ཏི ཙཱཧཾ ཝདེཡྻཾ, ཏཏྲསྶ ཀལློ པཉྷོ – ‘ཀོ ནུ ཁོ, བྷནྟེ, ཨུཔཱདིཡཏཱི’ཏི? ཨེཝཾ ཙཱཧཾ ན ཝདཱམི. ཨེཝཾ མཾ ཨཝདནྟཾ ཡོ ཨེཝཾ པུཙྪེཡྻ – ‘ཀིཾཔཙྩཡཱ ནུ ཁོ, བྷནྟེ, ཨུཔཱདཱན’ནྟི, ཨེས ཀལློ པཉྷོ. ཏཏྲ ཀལླཾ ཝེཡྻཱཀརཎཾ ¶ – ‘ཏཎྷཱཔཙྩཡཱ ཨུཔཱདཱནཾ; ཨུཔཱདཱནཔཙྩཡཱ བྷཝོ’ཏི…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི.

‘‘ཚནྣཾ ཏྭེཝ, ཕགྒུན, ཕསྶཱཡཏནཱནཾ ཨསེསཝིརཱགནིརོདྷཱ ཕསྶནིརོདྷོ; ཕསྶནིརོདྷཱ ཝེདནཱནིརོདྷོ; ཝེདནཱནིརོདྷཱ ཏཎྷཱནིརོདྷོ; ཏཎྷཱནིརོདྷཱ ཨུཔཱདཱནནིརོདྷོ; ཨུཔཱདཱནནིརོདྷཱ བྷཝནིརོདྷོ; བྷཝནིརོདྷཱ ཛཱཏིནིརོདྷོ; ཛཱཏིནིརོདྷཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ ནིརུཛ྄ཛྷནྟི. ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི. དུཏིཡཾ.

༣. སམཎབྲཱཧྨཎསུཏྟཾ

༡༣. སཱཝཏྠིཡཾ ཝིཧརཏི…པེ… ‘‘ཡེ ཧི ཀེཙི, བྷིཀྑཝེ, སམཎཱ ཝཱ བྲཱཧྨཎཱ ¶ ཝཱ ཛརཱམརཎཾ ནཔྤཛཱནནྟི, ཛརཱམརཎསམུདཡཾ ནཔྤཛཱནནྟི, ཛརཱམརཎནིརོདྷཾ ནཔྤཛཱནནྟི, ཛརཱམརཎནིརོདྷགཱམིནིཾ པཊིཔདཾ ནཔྤཛཱནནྟི; ཛཱཏིཾ…པེ… བྷཝཾ… ཨུཔཱདཱནཾ… ཏཎྷཾ… ཝེདནཾ… ཕསྶཾ… སལཱ༹ཡཏནཾ… ནཱམརཱུཔཾ… ཝིཉྙཱཎཾ… སངྑཱརེ ནཔྤཛཱནནྟི, སངྑཱརསམུདཡཾ ནཔྤཛཱནནྟི, སངྑཱརནིརོདྷཾ ནཔྤཛཱནནྟི, སངྑཱརནིརོདྷགཱམིནིཾ པཊིཔདཾ ནཔྤཛཱནནྟི ¶ , ན མེ ཏེ, བྷིཀྑཝེ, སམཎཱ ཝཱ བྲཱཧྨཎཱ ཝཱ སམཎེསུ ཝཱ སམཎསམྨཏཱ བྲཱཧྨཎེསུ ཝཱ བྲཱཧྨཎསམྨཏཱ; ན ཙ པན ཏེ ཨཱཡསྨནྟོ སཱམཉྙཏྠཾ ཝཱ བྲཧྨཉྙཏྠཾ ¶ [བྲཱཧྨཉྙཏྠཾ (སྱཱ. ཀཾ.) མོགྒལླཱནབྱཱཀརཎཾ ཨོལོཀེཏབྦཾ] ཝཱ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟི.

‘‘ཡེ ཙ ཁོ ཀེཙི, བྷིཀྑཝེ, སམཎཱ ཝཱ བྲཱཧྨཎཱ ཝཱ ཛརཱམརཎཾ པཛཱནནྟི, ཛརཱམརཎསམུདཡཾ པཛཱནནྟི, ཛརཱམརཎནིརོདྷཾ པཛཱནནྟི, ཛརཱམརཎནིརོདྷགཱམིནིཾ པཊིཔདཾ པཛཱནནྟི; ཛཱཏིཾ…པེ… བྷཝཾ… ཨུཔཱདཱནཾ… ཏཎྷཾ… ཝེདནཾ… ཕསྶཾ… སལཱ༹ཡཏནཾ… ནཱམརཱུཔཾ… ཝིཉྙཱཎཾ… སངྑཱརེ པཛཱནནྟི, སངྑཱརསམུདཡཾ པཛཱནནྟི, སངྑཱརནིརོདྷཾ པཛཱནནྟི, སངྑཱརནིརོདྷགཱམིནིཾ པཊིཔདཾ པཛཱནནྟི, ཏེ ཁོ མེ, བྷིཀྑཝེ, སམཎཱ ཝཱ བྲཱཧྨཎཱ ཝཱ སམཎེསུ ཙེཝ སམཎསམྨཏཱ བྲཱཧྨཎེསུ ཙ བྲཱཧྨཎསམྨཏཱ; ཏེ ཙ པནཱཡསྨནྟོ སཱམཉྙཏྠཉྩ བྲཧྨཉྙཏྠཉྩ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟཱི’’ཏི. ཏཏིཡཾ.

༤. དུཏིཡསམཎབྲཱཧྨཎསུཏྟཾ

༡༤. སཱཝཏྠིཡཾ ¶ ¶ ཝིཧརཏི…པེ… ‘‘ཡེ ཧི ཀེཙི, བྷིཀྑཝེ, སམཎཱ ཝཱ བྲཱཧྨཎཱ ཝཱ ཨིམེ དྷམྨེ ནཔྤཛཱནནྟི, ཨིམེསཾ དྷམྨཱནཾ སམུདཡཾ ནཔྤཛཱནནྟི, ཨིམེསཾ དྷམྨཱནཾ ནིརོདྷཾ ནཔྤཛཱནནྟི, ཨིམེསཾ དྷམྨཱནཾ ནིརོདྷགཱམིནིཾ པཊིཔདཾ ནཔྤཛཱནནྟི, ཀཏམེ དྷམྨེ ནཔྤཛཱནནྟི, ཀཏམེསཾ དྷམྨཱནཾ སམུདཡཾ ནཔྤཛཱནནྟི, ཀཏམེསཾ དྷམྨཱནཾ ནིརོདྷཾ ནཔྤཛཱནནྟི, ཀཏམེསཾ དྷམྨཱནཾ ནིརོདྷགཱམིནིཾ པཊིཔདཾ ནཔྤཛཱནནྟི’’?

‘‘ཛརཱམརཎཾ ནཔྤཛཱནནྟི, ཛརཱམརཎསམུདཡཾ ནཔྤཛཱནནྟི, ཛརཱམརཎནིརོདྷཾ ནཔྤཛཱནནྟི, ཛརཱམརཎནིརོདྷགཱམིནིཾ པཊིཔདཾ ནཔྤཛཱནནྟི; ཛཱཏིཾ…པེ… བྷཝཾ… ཨུཔཱདཱནཾ… ཏཎྷཾ… ཝེདནཾ… ཕསྶཾ… སལཱ༹ཡཏནཾ… ནཱམརཱུཔཾ… ཝིཉྙཱཎཾ… སངྑཱརེ ནཔྤཛཱནནྟི, སངྑཱརསམུདཡཾ ནཔྤཛཱནནྟི, སངྑཱརནིརོདྷཾ ནཔྤཛཱནནྟི, སངྑཱརནིརོདྷགཱམིནིཾ པཊིཔདཾ ནཔྤཛཱནནྟི. ཨིམེ དྷམྨེ ནཔྤཛཱནནྟི, ཨིམེསཾ དྷམྨཱནཾ སམུདཡཾ ནཔྤཛཱནནྟི, ཨིམེསཾ དྷམྨཱནཾ ¶ ནིརོདྷཾ ནཔྤཛཱནནྟི, ཨིམེསཾ དྷམྨཱནཾ ནིརོདྷགཱམིནིཾ པཊིཔདཾ ནཔྤཛཱནནྟི. ན མེ ཏེ, བྷིཀྑཝེ, སམཎཱ ཝཱ བྲཱཧྨཎཱ ཝཱ སམཎེསུ ཝཱ སམཎསམྨཏཱ བྲཱཧྨཎེསུ ཝཱ བྲཱཧྨཎསམྨཏཱ, ན ཙ པན ཏེ ཨཱཡསྨནྟོ སཱམཉྙཏྠཾ ཝཱ བྲཧྨཉྙཏྠཾ ཝཱ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟི.

‘‘ཡེ ¶ ཙ ཁོ ཀེཙི, བྷིཀྑཝེ, སམཎཱ ཝཱ བྲཱཧྨཎཱ ཝཱ ཨིམེ དྷམྨེ པཛཱནནྟི, ཨིམེསཾ དྷམྨཱནཾ སམུདཡཾ པཛཱནནྟི, ཨིམེསཾ དྷམྨཱནཾ ¶ ནིརོདྷཾ པཛཱནནྟི, ཨིམེསཾ དྷམྨཱནཾ ནིརོདྷགཱམིནིཾ པཊིཔདཾ པཛཱནནྟི, ཀཏམེ དྷམྨེ པཛཱནནྟི, ཀཏམེསཾ དྷམྨཱནཾ སམུདཡཾ པཛཱནནྟི, ཀཏམེསཾ དྷམྨཱནཾ ནིརོདྷཾ པཛཱནནྟི, ཀཏམེསཾ དྷམྨཱནཾ ནིརོདྷགཱམིནིཾ པཊིཔདཾ པཛཱནནྟི?

‘‘ཛརཱམརཎཾ པཛཱནནྟི, ཛརཱམརཎསམུདཡཾ པཛཱནནྟི, ཛརཱམརཎནིརོདྷཾ པཛཱནནྟི, ཛརཱམརཎནིརོདྷགཱམིནིཾ པཊིཔདཾ པཛཱནནྟི; ཛཱཏིཾ…པེ… བྷཝཾ… ཨུཔཱདཱནཾ… ཏཎྷཾ… ཝེདནཾ… ཕསྶཾ… སལཱ༹ཡཏནཾ… ནཱམརཱུཔཾ… ཝིཉྙཱཎཾ… སངྑཱརེ པཛཱནནྟི, སངྑཱརསམུདཡཾ པཛཱནནྟི, སངྑཱརནིརོདྷཾ པཛཱནནྟི, སངྑཱརནིརོདྷགཱམིནིཾ པཊིཔདཾ པཛཱནནྟི. ཨིམེ དྷམྨེ པཛཱནནྟི ¶ , ཨིམེསཾ དྷམྨཱནཾ སམུདཡཾ པཛཱནནྟི, ཨིམེསཾ དྷམྨཱནཾ ནིརོདྷཾ པཛཱནནྟི, ཨིམེསཾ དྷམྨཱནཾ ནིརོདྷགཱམིནིཾ པཊིཔདཾ པཛཱནནྟི. ཏེ ཁོ མེ, བྷིཀྑཝེ, སམཎཱ ཝཱ བྲཱཧྨཎཱ ཝཱ སམཎེསུ ཙེཝ སམཎསམྨཏཱ, བྲཱཧྨཎེསུ ཙ བྲཱཧྨཎསམྨཏཱ. ཏེ ཙ པནཱཡསྨནྟོ སཱམཉྙཏྠཉྩ བྲཧྨཉྙཏྠཉྩ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟཱི’’ཏི. ཙཏུཏྠཾ.

༥. ཀཙྩཱནགོཏྟསུཏྟཾ

༡༥. སཱཝཏྠིཡཾ ཝིཧརཏི. ཨཐ ¶ ཁོ ཨཱཡསྨཱ ཀཙྩཱནགོཏྟོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཀཙྩཱནགོཏྟོ བྷགཝནྟཾ ཨེཏདཝོཙ – ‘‘‘སམྨཱདིཊྛི སམྨཱདིཊྛཱི’ཏི, བྷནྟེ, ཝུཙྩཏི. ཀིཏྟཱཝཏཱ ནུ ཁོ, བྷནྟེ, སམྨཱདིཊྛི ཧོཏཱི’’ཏི?

‘‘དྭཡནིསྶིཏོ ¶ ཁྭཱཡཾ, ཀཙྩཱན, ལོཀོ ཡེབྷུཡྻེན – ཨཏྠིཏཉྩེཝ ནཏྠིཏཉྩ. ལོཀསམུདཡཾ ཁོ, ཀཙྩཱན, ཡཐཱབྷཱུཏཾ སམྨཔྤཉྙཱཡ པསྶཏོ ཡཱ ལོཀེ ནཏྠིཏཱ སཱ ན ཧོཏི. ལོཀནིརོདྷཾ ཁོ, ཀཙྩཱན, ཡཐཱབྷཱུཏཾ སམྨཔྤཉྙཱཡ པསྶཏོ ཡཱ ལོཀེ ཨཏྠིཏཱ སཱ ན ཧོཏི. ཨུཔཡུཔཱདཱནཱབྷིནིཝེསཝིནིབནྡྷོ [ཨུཔཱཡུཔཱདཱནཱབྷིནིཝེསཝིནིབནྡྷོ (སཱི. སྱཱ. ཀཾ. པཱི.)] ཁྭཱཡཾ, ཀཙྩཱན, ལོཀོ ཡེབྷུཡྻེན. ཏཉྩཱཡཾ ཨུཔཡུཔཱདཱནཾ ཙེཏསོ ཨདྷིཊྛཱནཾ ཨབྷིནིཝེསཱནུསཡཾ ན ཨུཔེཏི ན ཨུཔཱདིཡཏི ནཱདྷིཊྛཱཏི – ‘ཨཏྟཱ མེ’ཏི. ‘དུཀྑམེཝ ཨུཔྤཛྫམཱནཾ ¶ ཨུཔྤཛྫཏི, དུཀྑཾ ནིརུཛ྄ཛྷམཱནཾ ནིརུཛ྄ཛྷཏཱི’ཏི ན ཀངྑཏི ན ཝིཙིཀིཙྪཏི ཨཔརཔཙྩཡཱ ཉཱཎམེཝསྶ ཨེཏྠ ཧོཏི. ཨེཏྟཱཝཏཱ ཁོ, ཀཙྩཱན, སམྨཱདིཊྛི ཧོཏི.

‘‘‘སབྦཾ ཨཏྠཱི’ཏི ཁོ, ཀཙྩཱན, ཨཡམེཀོ ཨནྟོ. ‘སབྦཾ ནཏྠཱི’ཏི ཨཡཾ དུཏིཡོ ཨནྟོ. ཨེཏེ ཏེ, ཀཙྩཱན, ཨུབྷོ ཨནྟེ ཨནུཔགམྨ མཛ྄ཛྷེན ཏཐཱགཏོ དྷམྨཾ དེསེཏི – ‘ཨཝིཛྫཱཔཙྩཡཱ སངྑཱརཱ; སངྑཱརཔཙྩཡཱ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ཨཝིཛྫཱཡ ཏྭེཝ ཨསེསཝིརཱགནིརོདྷཱ སངྑཱརནིརོདྷོ; སངྑཱརནིརོདྷཱ ཝིཉྙཱཎནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’’ཏི. པཉྩམཾ.

༦. དྷམྨཀཐིཀསུཏྟཾ

༡༦. སཱཝཏྠིཡཾ ¶ ¶ …པེ… ཨཐ ཁོ ཨཉྙཏརོ བྷིཀྑུ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སོ བྷིཀྑུ བྷགཝནྟཾ ཨེཏདཝོཙ – ‘‘‘དྷམྨཀཐིཀོ ¶ དྷམྨཀཐིཀོ’ཏི, བྷནྟེ, ཝུཙྩཏི. ཀིཏྟཱཝཏཱ ནུ ཁོ, བྷནྟེ, དྷམྨཀཐིཀོ ཧོཏཱི’’ཏི?

‘‘ཛརཱམརཎསྶ ཙེ བྷིཀྑུ ནིབྦིདཱཡ ཝིརཱགཱཡ ནིརོདྷཱཡ དྷམྨཾ དེསེཏི, ‘དྷམྨཀཐིཀོ བྷིཀྑཱུ’ཏི ཨལཾ ཝཙནཱཡ. ཛརཱམརཎསྶ ཙེ བྷིཀྑུ ནིབྦིདཱཡ ཝིརཱགཱཡ ནིརོདྷཱཡ པཊིཔནྣོ ཧོཏི, ‘དྷམྨཱནུདྷམྨཔྤཊིཔནྣོ བྷིཀྑཱུ’ཏི ཨལཾ ཝཙནཱཡ. ཛརཱམརཎསྶ ཙེ བྷིཀྑུ ནིབྦིདཱ ཝིརཱགཱ ནིརོདྷཱ ཨནུཔཱདཱཝིམུཏྟོ ཧོཏི, ‘དིཊྛདྷམྨནིབྦཱནཔྤཏྟོ བྷིཀྑཱུ’ཏི ཨལཾ ཝཙནཱཡ.

‘‘ཛཱཏིཡཱ ཙེ བྷིཀྑུ…པེ… བྷཝསྶ ཙེ བྷིཀྑུ… ཨུཔཱདཱནསྶ ཙེ བྷིཀྑུ… ཏཎྷཱཡ ཙེ བྷིཀྑུ… ཝེདནཱཡ ཙེ བྷིཀྑུ… ཕསྶསྶ ཙེ བྷིཀྑུ… སལཱ༹ཡཏནསྶ ཙེ བྷིཀྑུ… ནཱམརཱུཔསྶ ཙེ བྷིཀྑུ… ཝིཉྙཱཎསྶ ཙེ བྷིཀྑུ… སངྑཱརཱནཾ ཙེ བྷིཀྑུ… ཨཝིཛྫཱཡ ཙེ བྷིཀྑུ ནིབྦིདཱཡ ཝིརཱགཱཡ ནིརོདྷཱཡ དྷམྨཾ དེསེཏི, ‘དྷམྨཀཐིཀོ བྷིཀྑཱུ’ཏི ཨལཾ ཝཙནཱཡ. ཨཝིཛྫཱཡ ཙེ བྷིཀྑུ ནིབྦིདཱཡ ཝིརཱགཱཡ ནིརོདྷཱཡ པཊིཔནྣོ ཧོཏི, ‘དྷམྨཱནུདྷམྨཔྤཊིཔནྣོ བྷིཀྑཱུ’ཏི ཨལཾ ཝཙནཱཡ. ཨཝིཛྫཱཡ ཙེ བྷིཀྑུ ནིབྦིདཱ ཝིརཱགཱ ནིརོདྷཱ ཨནུཔཱདཱཝིམུཏྟོ ཧོཏི, ‘དིཊྛདྷམྨནིབྦཱནཔྤཏྟོ བྷིཀྑཱུ’ཏི ཨལཾ ཝཙནཱཡཱ’’ཏི.

༧. ཨཙེལཀསྶཔསུཏྟཾ

༡༧. ཨེཝཾ ¶ མེ སུཏཾ – ཨེཀཾ སམཡཾ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཨཐ ¶ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ རཱཛགཧཾ པིཎྜཱཡ པཱཝིསི. ཨདྡསཱ ¶ ཁོ ཨཙེལོ ཀསྶཔོ ¶ བྷགཝནྟཾ དཱུརཏོཝ ཨཱགཙྪནྟཾ. དིསྭཱན ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝཏཱ སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏོ ཁོ ཨཙེལོ ཀསྶཔོ བྷགཝནྟཾ ཨེཏདཝོཙ – ‘‘པུཙྪེཡྻཱམ མཡཾ བྷཝནྟཾ གོཏམཾ ཀཉྩིདེཝ [ཀིཉྩིདེཝ (ཀ.)] དེསཾ, སཙེ ནོ བྷཝཾ གོཏམོ ཨོཀཱསཾ ཀརོཏི པཉྷསྶ ཝེཡྻཱཀརཎཱཡཱ’’ཏི.

‘‘ཨཀཱལོ ཁོ ཏཱཝ, ཀསྶཔ, པཉྷསྶ; ཨནྟརགྷརཾ པཝིཊྛམྷཱ’’ཏི. དུཏིཡམྤི ཁོ ཨཙེལོ ཀསྶཔོ བྷགཝནྟཾ ཨེཏདཝོཙ ‘‘པུཙྪེཡྻཱམ མཡཾ བྷཝནྟཾ གོཏམཾ ཀཉྩིདེཝ དེསཾ, སཙེ ནོ བྷཝཾ གོཏམོ ཨོཀཱསཾ ཀརོཏི པཉྷསྶ ཝེཡྻཱཀརཎཱཡཱ’’ཏི. ‘‘ཨཀཱལོ ཁོ ཏཱཝ, ཀསྶཔ, པཉྷསྶ; ཨནྟརགྷརཾ པཝིཊྛམྷཱ’’ཏི. ཏཏིཡམྤི ཁོ ཨཙེལོ ཀསྶཔོ…པེ… ཨནྟརགྷརཾ པཝིཊྛམྷཱཏི. ཨེཝཾ ཝུཏྟེ, ཨཙེལོ ཀསྶཔོ བྷགཝནྟཾ ཨེཏདཝོཙ – ‘‘ན ཁོ པན མཡཾ བྷཝནྟཾ གོཏམཾ བཧུདེཝ པུཙྪིཏུཀཱམཱ’’ཏི. ‘‘པུཙྪ, ཀསྶཔ, ཡདཱཀངྑསཱི’’ཏི.

‘‘ཀིཾ ནུ ཁོ, བྷོ གོཏམ, ‘སཡཾཀཏཾ དུཀྑ’ནྟི? ‘མཱ ཧེཝཾ, ཀསྶཔཱ’ཏི བྷགཝཱ ཨཝོཙ. ‘ཀིཾ པན, བྷོ གོཏམ, པརཾཀཏཾ དུཀྑ’ནྟི? ‘མཱ ཧེཝཾ, ཀསྶཔཱ’ཏི བྷགཝཱ ཨཝོཙ. ‘ཀིཾ ནུ ཁོ, བྷོ གོཏམ, སཡཾཀཏཉྩ པརཾཀཏཉྩ དུཀྑ’ནྟི? ‘མཱ ཧེཝཾ, ཀསྶཔཱ’ཏི བྷགཝཱ ཨཝོཙ. ‘ཀིཾ ¶ པན བྷོ གོཏམ, ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ དུཀྑ’ནྟི? ‘མཱ ཧེཝཾ, ཀསྶཔཱ’ཏི བྷགཝཱ ཨཝོཙ. ‘ཀིཾ ནུ ¶ ཁོ, བྷོ གོཏམ, ནཏྠི དུཀྑ’ནྟི? ‘ན ཁོ, ཀསྶཔ, ནཏྠི དུཀྑཾ. ཨཏྠི ཁོ, ཀསྶཔ, དུཀྑ’ནྟི. ‘ཏེན ཧི བྷཝཾ གོཏམོ དུཀྑཾ ན ཛཱནཱཏི, ན པསྶཏཱི’ཏི. ‘ན ཁྭཱཧཾ, ཀསྶཔ, དུཀྑཾ ན ཛཱནཱམི, ན པསྶཱམི. ཛཱནཱམི ཁྭཱཧཾ, ཀསྶཔ, དུཀྑཾ; པསྶཱམི ཁྭཱཧཾ, ཀསྶཔ, དུཀྑ’’’ནྟི.

‘‘ཀི ནུ ཁོ, བྷོ གོཏམ, ‘སཡཾཀཏཾ དུཀྑ’ནྟི ཨིཏི པུཊྛོ སམཱནོ ‘མཱ ཧེཝཾ, ཀསྶཔཱ’ཏི ཝདེསི. ‘ཀིཾ པན, བྷོ གོཏམ, པརཾཀཏཾ དུཀྑ’ནྟི ཨིཏི ¶ པུཊྛོ སམཱནོ ‘མཱ ཧེཝཾ, ཀསྶཔཱ’ཏི ཝདེསི. ‘ཀིཾ ནུ ཁོ, བྷོ གོཏམ, སཡཾཀཏཉྩ པརཾཀཏཉྩ དུཀྑ’ནྟི ཨིཏི པུཊྛོ སམཱནོ ‘མཱ ཧེཝཾ, ཀསྶཔཱ’ཏི ཝདེསི. ‘ཀིཾ པན, བྷོ གོཏམ, ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ དུཀྑ’ནྟི ཨིཏི པུཊྛོ སམཱནོ ‘མཱ ཧེཝཾ, ཀསྶཔཱ’ཏི ཝདེསི. ‘ཀིཾ ནུ ཁོ, བྷོ གོཏམ, ནཏྠི དུཀྑ’ནྟི ཨིཏི པུཊྛོ སམཱནོ ‘ན ཁོ, ཀསྶཔ, ནཏྠི དུཀྑཾ ¶ , ཨཏྠི ཁོ, ཀསྶཔ, དུཀྑ’ནྟི ཝདེསི. ‘ཏེན ཧི བྷཝཾ གོཏམོ དུཀྑཾ ན ཛཱནཱཏི ན པསྶཏཱི’ཏི ཨིཏི པུཊྛོ སམཱནོ ‘ན ཁྭཱཧཾ, ཀསྶཔ, དུཀྑཾ ན ཛཱནཱམི ན པསྶཱམི. ཛཱནཱམི ཁྭཱཧཾ, ཀསྶཔ, དུཀྑཾ; པསྶཱམི ཁྭཱཧཾ, ཀསྶཔ, དུཀྑ’ནྟི ཝདེསི. ཨཱཙིཀྑཏུ ཙ [ཨཡཾ ཙཀཱརོ སཱི. པོཏྠཀེ ནཏྠི] མེ, བྷནྟེ, བྷགཝཱ དུཀྑཾ. དེསེཏུ ཙ [ཨཡཾ ཙཀཱརོ སཱི. པོཏྠཀེ ནཏྠི] མེ, བྷནྟེ, བྷགཝཱ དུཀྑ’’ནྟི.

‘‘‘སོ ཀརོཏི སོ པཊིསཾཝེདཡཏཱི’ཏི [པཊིསཾཝེདིཡཏཱིཏི (སཱི. པཱི. ཀ.)] ཁོ, ཀསྶཔ, ཨཱདིཏོ སཏོ ‘སཡཾཀཏཾ དུཀྑ’ནྟི ཨིཏི ཝདཾ སསྶཏཾ ཨེཏཾ པརེཏི. ‘ཨཉྙོ ཀརོཏི ཨཉྙོ པཊིསཾཝེདཡཏཱི’ཏི ཁོ, ཀསྶཔ, ཝེདནཱབྷིཏུནྣསྶ སཏོ ‘པརཾཀཏཾ དུཀྑ’ནྟི ¶ ཨིཏི ཝདཾ ཨུཙྪེདཾ ཨེཏཾ པརེཏི. ཨེཏེ ཏེ, ཀསྶཔ, ཨུབྷོ ཨནྟེ ཨནུཔགམྨ མཛ྄ཛྷེན ཏཐཱགཏོ དྷམྨཾ དེསེཏི – ‘ཨཝིཛྫཱཔཙྩཡཱ སངྑཱརཱ; སངྑཱརཔཙྩཡཱ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ཨཝིཛྫཱཡ ཏྭེཝ ཨསེསཝིརཱགནིརོདྷཱ ¶ སངྑཱརནིརོདྷོ; སངྑཱརནིརོདྷཱ ཝིཉྙཱཎནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’’ཏི.

ཨེཝཾ ཝུཏྟེ, ཨཙེལོ ཀསྶཔོ བྷགཝནྟཾ ཨེཏདཝོཙ – ‘‘ཨབྷིཀྐནྟཾ, བྷནྟེ, ཨབྷིཀྐནྟཾ, བྷནྟེ! སེཡྻཐཱཔི, བྷནྟེ, ནིཀྐུཛྫིཏཾ ཝཱ ཨུཀྐུཛྫེཡྻ…པེ… ཙཀྑུམནྟོ རཱུཔཱནི དཀྑནྟཱིཏི; ཨེཝམེཝཾ བྷགཝཏཱ ཨནེཀཔརིཡཱཡེན དྷམྨོ པཀཱསིཏོ. ཨེསཱཧཾ, བྷནྟེ, བྷགཝནྟཾ སརཎཾ གཙྪཱམི དྷམྨཉྩ བྷིཀྑུསངྒྷཉྩ. ལབྷེཡྻཱཧཾ, བྷནྟེ, བྷགཝཏོ སནྟིཀེ པབྦཛྫཾ, ལབྷེཡྻཾ ཨུཔསམྤད’’ནྟི.

‘‘ཡོ ཁོ, ཀསྶཔ, ཨཉྙཏིཏྠིཡཔུབྦོ ཨིམསྨིཾ དྷམྨཝིནཡེ ཨཱཀངྑཏི པབྦཛྫཾ, ཨཱཀངྑཏི ཨུཔསམྤདཾ, སོ ཙཏྟཱརོ མཱསེ པརིཝསཏི. ཙཏུནྣཾ མཱསཱནཾ ཨཙྩཡེན [ཨཙྩཡེན པརིཝུཊྛཔརིཝཱསཾ (སྱཱ. ཀཾ. པཱི. ཀ.)] (པརིཝུཏྠཔརིཝཱསཾ) ཨཱརདྡྷཙིཏྟཱ བྷིཀྑཱུ [བྷིཀྑཱུ ཨཱཀངྑམཱནཱ (སྱཱ. ཀཾ. པཱི. ཀ.)] པབྦཱཛེནྟི ཨུཔསམྤཱདེནྟི བྷིཀྑུབྷཱཝཱཡ. ཨཔི ཙ མཡཱ པུགྒལཝེམཏྟཏཱ ཝིདིཏཱ’’ཏི.

‘‘སཙེ ¶ , བྷནྟེ, ཨཉྙཏིཏྠིཡཔུབྦོ ཨིམསྨིཾ དྷམྨཝིནཡེ ཨཱཀངྑཏི པབྦཛྫཾ, ཨཱཀངྑཏི ཨུཔསམྤདཾ, ཙཏྟཱརོ མཱསེ པརིཝསཏི. ཙཏུནྣཾ མཱསཱནཾ ཨཙྩཡེན [ཨཙྩཡེན པརིཝུཊྛཔརིཝཱསཾ (སྱཱ. ཀཾ. པཱི. ཀ.)] (པརིཝུཏྠཔརིཝཱསཾ) ཨཱརདྡྷཙིཏྟཱ བྷིཀྑཱུ [བྷིཀྑཱུ ཨཱཀངྑམཱནཱ (སྱཱ. ཀཾ. པཱི. ཀ.)] པབྦཱཛེནྟི ཨུཔསམྤཱདེནྟི བྷིཀྑུབྷཱཝཱཡ. ཨཧཾ ཙཏྟཱརི ཝསྶཱནི པརིཝསིསྶཱམི ¶ ¶ , ཙཏུནྣཾ ཝསྶཱནཾ ཨཙྩཡེན [ཨཙྩཡེན པརིཝུཊྛཔརིཝཱསཾ (སྱཱ. ཀཾ. པཱི. ཀ.)] (པརིཝུཏྠཔརིཝཱསཾ) ཨཱརདྡྷཙིཏྟཱ བྷིཀྑཱུ པབྦཱཛེནྟུ ཨུཔསམྤཱདེནྟུ བྷིཀྑུབྷཱཝཱཡཱ’’ཏི.

ཨལཏྠ ཁོ ཨཙེལོ ཀསྶཔོ བྷགཝཏོ སནྟིཀེ པབྦཛྫཾ, ཨལཏྠ ཨུཔསམྤདཾ. ཨཙིརཱུཔསམྤནྣོ ཙ པནཱཡསྨཱ ཀསྶཔོ ཨེཀོ ཝཱུཔཀཊྛོ ཨཔྤམཏྟོ ཨཱཏཱཔཱི པཧིཏཏྟོ ཝིཧརནྟོ ནཙིརསྶེཝ – ཡསྶཏྠཱཡ ¶ ཀུལཔུཏྟཱ སམྨདེཝ ཨགཱརསྨཱ ཨནགཱརིཡཾ པབྦཛནྟི ཏདནུཏྟརཾ – བྲཧྨཙརིཡཔརིཡོསཱནཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧཱསི. ‘‘ཁཱིཎཱ ཛཱཏི ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’’ཏི ཨབྦྷཉྙཱསི. ཨཉྙཏརོ ཙ པནཱཡསྨཱ ཀསྶཔོ ཨརཧཏཾ ཨཧོསཱིཏི. སཏྟམཾ.

༨. ཏིམྦརུཀསུཏྟཾ

༡༨. སཱཝཏྠིཡཾ ཝིཧརཏི. ཨཐ ཁོ ཏིམྦརུཀོ པརིབྦཱཛཀོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝཏཱ སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཏིམྦརུཀོ པརིབྦཱཛཀོ བྷགཝནྟཾ ཨེཏདཝོཙ –

‘‘‘ཀིཾ ནུ ཁོ, བྷོ གོཏམ, སཡཾཀཏཾ སུཁདུཀྑ’ནྟི? ‘མཱ ཧེཝཾ, ཏིམྦརུཀཱ’ཏི བྷགཝཱ ཨཝོཙ. ‘ཀིཾ པན, བྷོ གོཏམ, པརཾཀཏཾ སུཁདུཀྑ’ནྟི? ‘མཱ ཧེཝཾ, ཏིམྦརུཀཱ’ཏི བྷགཝཱ ཨཝོཙ. ‘ཀིཾ ནུ ཁོ, བྷོ གོཏམ, སཡཾཀཏཉྩ པརཾཀཏཉྩ སུཁདུཀྑ’ནྟི? ‘མཱ ཧེཝཾ, ཏིམྦརུཀཱ’ཏི བྷགཝཱ ཨཝོཙ. ‘ཀིཾ པན, བྷོ གོཏམ, ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ སུཁདུཀྑ’ནྟི? ‘མཱ ཧེཝཾ, ཏིམྦརུཀཱ’ཏི བྷགཝཱ ཨཝོཙ ¶ . ‘ཀིཾ ནུ ཁོ, བྷོ གོཏམ, ནཏྠི སུཁདུཀྑ’ནྟི? ‘ན ཁོ, ཏིམྦརུཀ, ནཏྠི སུཁདུཀྑཾ; ཨཏྠི ཁོ, ཏིམྦརུཀ, སུཁདུཀྑ’ནྟི. ‘ཏེན ཧི བྷཝཾ གོཏམོ སུཁདུཀྑཾ ན ཛཱནཱཏི, ན པསྶཏཱི’ཏི? ‘ན ཁྭཱཧཾ, ཏིམྦརུཀ, སུཁདུཀྑཾ ན ཛཱནཱམི, ན པསྶཱམི. ཛཱནཱམི ཁྭཱཧཾ, ཏིམྦརུཀ, སུཁདུཀྑཾ; པསྶཱམི ཁྭཱཧཾ, ཏིམྦརུཀ, སུཁདུཀྑ’’’ནྟི.

‘‘‘ཀིཾ ¶ ནུ ཁོ, བྷོ གོཏམ, སཡཾཀཏཾ སུཁདུཀྑ’ནྟི ཨིཏི པུཊྛོ སམཱནོ ‘མཱ ཧེཝཾ, ཏིམྦརུཀཱ’ཏི ཝདེསི. ‘ཀིཾ ¶ པན, བྷོ གོཏམ, པརཾཀཏཾ སུཁདུཀྑ’ནྟི ཨིཏི པུཊྛོ སམཱནོ ‘མཱ ¶ ཧེཝཾ, ཏིམྦརུཀཱ’ཏི ཝདེསི. ‘ཀིཾ ནུ ཁོ, བྷོ གོཏམ, སཡཾཀཏཉྩ པརཾཀཏཉྩ སུཁདུཀྑ’ནྟི ཨིཏི པུཊྛོ སམཱནོ ‘མཱ ཧེཝཾ, ཏིམྦརུཀཱ’ཏི ཝདེསི. ‘ཀིཾ པན, བྷོ གོཏམ, ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ སུཁདུཀྑ’ནྟི ཨིཏི པུཊྛོ སམཱནོ ‘མཱ ཧེཝཾ, ཏིམྦརུཀཱ’ཏི ཝདེསི. ‘ཀིཾ ནུ ཁོ, བྷོ གོཏམ, ནཏྠི སུཁདུཀྑ’ནྟི ཨིཏི པུཊྛོ སམཱནོ ‘ན ཁོ, ཏིམྦརུཀ, ནཏྠི སུཁདུཀྑཾ; ཨཏྠི ཁོ, ཏིམྦརུཀ, སུཁདུཀྑ’ནྟི ཝདེསི. ‘ཏེན ཧི བྷཝཾ གོཏམོ སུཁདུཀྑཾ ན ཛཱནཱཏི, ན པསྶཏཱི’ཏི ཨིཏི པུཊྛོ སམཱནོ ‘ན ཁྭཱཧཾ, ཏིམྦརུཀ, སུཁདུཀྑཾ ན ཛཱནཱམི, ན པསྶཱམི. ཛཱནཱམི ཁྭཱཧཾ, ཏིམྦརུཀ, སུཁདུཀྑཾ; པསྶཱམི ཁྭཱཧཾ, ཏིམྦརུཀ, སུཁདུཀྑ’ནྟི ཝདེསི. ཨཱཙིཀྑཏུ ཙ མེ བྷཝཾ གོཏམོ སུཁདུཀྑཾ. དེསེཏུ ཙ མེ བྷཝཾ གོཏམོ སུཁདུཀྑ’’ནྟི.

‘‘‘སཱ ཝེདནཱ, སོ ཝེདཡཏཱི’ཏི ཁོ, ཏིམྦརུཀ, ཨཱདིཏོ སཏོ ‘སཡཾཀཏཾ སུཁདུཀྑ’ནྟི ཨེཝམྤཱཧཾ ན ཝདཱམི. ‘ཨཉྙཱ ཝེདནཱ, ཨཉྙོ ཝེདཡཏཱི’ཏི ¶ ཁོ, ཏིམྦརུཀ, ཝེདནཱབྷིཏུནྣསྶ སཏོ ‘པརཾཀཏཾ སུཁདུཀྑ’ནྟི ཨེཝམྤཱཧཾ ན ཝདཱམི. ཨེཏེ ཏེ, ཏིམྦརུཀ, ཨུབྷོ ཨནྟེ ཨནུཔགམྨ མཛ྄ཛྷེན ཏཐཱགཏོ དྷམྨཾ དེསེཏི – ‘ཨཝིཛྫཱཔཙྩཡཱ སངྑཱརཱ; སངྑཱརཔཙྩཡཱ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ཨཝིཛྫཱཡ ཏྭེཝ ཨསེསཝིརཱགནིརོདྷཱ སངྑཱརནིརོདྷོ; སངྑཱརནིརོདྷཱ ཝིཉྙཱཎནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’’ཏི.

ཨེཝཾ ཝུཏྟེ, ཏིམྦརུཀོ པརིབྦཱཛཀོ བྷགཝནྟཾ ཨེཏདཝོཙ – ‘‘ཨབྷིཀྐནྟཾ, བྷོ གོཏམ…པེ… ཨེསཱཧཾ བྷཝནྟཾ གོཏམཾ སརཎཾ གཙྪཱམི དྷམྨཉྩ བྷིཀྑུསངྒྷཉྩ. ཨུཔཱསཀཾ མཾ བྷཝཾ གོཏམོ དྷཱརེཏུ ཨཛྫཏགྒེ པཱཎུཔེཏཾ སརཎཾ གཏ’’ནྟི. ཨཊྛམཾ.

༩. བཱལཔཎྜིཏསུཏྟཾ

༡༩. སཱཝཏྠིཡཾ ཝིཧརཏི…པེ… ‘‘ཨཝིཛྫཱནཱིཝརཎསྶ, བྷིཀྑཝེ, བཱལསྶ ཏཎྷཱཡ སམྤཡུཏྟསྶ ¶ ཨེཝམཡཾ ཀཱཡོ སམུདཱགཏོ. ཨིཏི ཨཡཉྩེཝ ཀཱཡོ བཧིདྡྷཱ ཙ ནཱམརཱུཔཾ, ཨིཏྠེཏཾ དྭཡཾ ¶ , དྭཡཾ པཊིཙྩ ཕསྶོ སལེ༹ཝཱཡཏནཱནི ¶ [སལཱ༹ཡཏནཱནི (ཀ.)], ཡེཧི ཕུཊྛོ བཱལོ སུཁདུཀྑཾ པཊིསཾཝེདཡཏི ཨེཏེསཾ ཝཱ ཨཉྙཏརེན’’.

‘‘ཨཝིཛྫཱནཱིཝརཎསྶ, བྷིཀྑཝེ, པཎྜིཏསྶ ཏཎྷཱཡ སམྤཡུཏྟསྶ ཨེཝམཡཾ ཀཱཡོ སམུདཱགཏོ. ཨིཏི ཨཡཉྩེཝ ཀཱཡོ བཧིདྡྷཱ ཙ ནཱམརཱུཔཾ, ཨིཏྠེཏཾ དྭཡཾ, དྭཡཾ པཊིཙྩ ཕསྶོ སལེ༹ཝཱཡཏནཱནི, ཡེཧི ཕུཊྛོ པཎྜིཏོ སུཁདུཀྑཾ པཊིསཾཝེདཡཏི ཨེཏེསཾ ཝཱ ཨཉྙཏརེན’’.

‘‘ཏཏྲ ¶ , བྷིཀྑཝེ, ཀོ ཝིསེསོ ཀོ ཨདྷིཔྤཡཱསོ [ཨདྷིཔྤཱཡོ (སཱི. པཱི. ཀ.), ཨདྷིཔྤཱཡསོ (སྱཱ. ཀཾ.) ཨདྷི + པ + ཡསུ + ཎ + སཱི = ཨདྷིཔྤཡཱསོ] ཀིཾ ནཱནཱཀརཎཾ པཎྜིཏསྶ བཱལེནཱ’’ཏི? ‘‘བྷགཝཾམཱུལཀཱ ནོ, བྷནྟེ, དྷམྨཱ, བྷགཝཾནེཏྟིཀཱ, བྷགཝཾཔཊིསརཎཱ. སཱདྷུ ཝཏ, བྷནྟེ, བྷགཝནྟཾཡེཝ པཊིབྷཱཏུ ཨེཏསྶ བྷཱསིཏསྶ ཨཏྠོ. བྷགཝཏོ སུཏྭཱ བྷིཀྑཱུ དྷཱརེསྶནྟཱི’’ཏི.

‘‘ཏེན ཧི, བྷིཀྑཝེ, སུཎཱཐ, སཱདྷུཀཾ མནསི ཀརོཐ, བྷཱསིསྶཱམཱི’’ཏི. ‘‘ཨེཝཾ, བྷནྟེ’’ཏི ཁོ ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཡཱཡ ཙ, བྷིཀྑཝེ, ཨཝིཛྫཱཡ ནིཝུཏསྶ བཱལསྶ ཡཱཡ ཙ ཏཎྷཱཡ སམྤཡུཏྟསྶ ཨཡཾ ཀཱཡོ སམུདཱགཏོ, སཱ ཙེཝ ཨཝིཛྫཱ བཱལསྶ ཨཔྤཧཱིནཱ སཱ ཙ ཏཎྷཱ ཨཔརིཀྑཱིཎཱ. ཏཾ ཀིསྶ ཧེཏུ? ན, བྷིཀྑཝེ, བཱལོ ཨཙརི བྲཧྨཙརིཡཾ སམྨཱ དུཀྑཀྑཡཱཡ. ཏསྨཱ བཱལོ ཀཱཡསྶ བྷེདཱ ཀཱཡཱུཔགོ ཧོཏི, སོ ཀཱཡཱུཔགོ སམཱནོ ན པརིམུཙྩཏི ཛཱཏིཡཱ ཛརཱམརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི. ན པརིམུཙྩཏི དུཀྑསྨཱཏི ཝདཱམི.

‘‘ཡཱཡ ཙ, བྷིཀྑཝེ, ཨཝིཛྫཱཡ ནིཝུཏསྶ པཎྜིཏསྶ ཡཱཡ ཙ ཏཎྷཱཡ སམྤཡུཏྟསྶ ཨཡཾ ཀཱཡོ སམུདཱགཏོ, སཱ ཙེཝ ཨཝིཛྫཱ པཎྜིཏསྶ པཧཱིནཱ, སཱ ཙ ཏཎྷཱ པརིཀྑཱིཎཱ. ཏཾ ཀིསྶ ཧེཏུ? ཨཙརི, བྷིཀྑཝེ, པཎྜིཏོ བྲཧྨཙརིཡཾ ¶ སམྨཱ དུཀྑཀྑཡཱཡ. ཏསྨཱ པཎྜིཏོ ཀཱཡསྶ བྷེདཱ ན ཀཱཡཱུཔགོ ཧོཏི. སོ ཨཀཱཡཱུཔགོ སམཱནོ པརིམུཙྩཏི ཛཱཏིཡཱ ཛརཱམརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི. པརིམུཙྩཏི དུཀྑསྨཱཏི ཝདཱམི. ཨཡཾ ¶ ཁོ ¶ , བྷིཀྑཝེ, ཝིསེསོ ¶ , ཨཡཾ ཨདྷིཔྤཡཱསོ, ཨིདཾ ནཱནཱཀརཎཾ པཎྜིཏསྶ བཱལེན ཡདིདཾ བྲཧྨཙརིཡཝཱསོ’’ཏི. ནཝམཾ.

༡༠. པཙྩཡསུཏྟཾ

༢༠. སཱཝཏྠིཡཾ ཝིཧརཏི…པེ… ‘‘པཊིཙྩསམུཔྤཱདཉྩ ཝོ, བྷིཀྑཝེ, དེསེསྶཱམི པཊིཙྩསམུཔྤནྣེ ཙ དྷམྨེ. ཏཾ སུཎཱཐ, སཱདྷུཀཾ མནསི ཀརོཐ, བྷཱསིསྶཱམཱི’’ཏི. ‘‘ཨེཝཾ, བྷནྟེ’’ཏི ཁོ ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཀཏམོ ཙ, བྷིཀྑཝེ, པཊིཙྩསམུཔྤཱདོ? ཛཱཏིཔཙྩཡཱ, བྷིཀྑཝེ, ཛརཱམརཎཾ. ཨུཔྤཱདཱ ཝཱ ཏཐཱགཏཱནཾ ཨནུཔྤཱདཱ ཝཱ ཏཐཱགཏཱནཾ, ཋིཏཱཝ སཱ དྷཱཏུ དྷམྨཊྛིཏཏཱ དྷམྨནིཡཱམཏཱ ཨིདཔྤཙྩཡཏཱ. ཏཾ ཏཐཱགཏོ ཨབྷིསམྦུཛ྄ཛྷཏི ཨབྷིསམེཏི. ཨབྷིསམྦུཛ྄ཛྷིཏྭཱ ཨབྷིསམེཏྭཱ ཨཱཙིཀྑཏི དེསེཏི པཉྙཱཔེཏི པཊྛཔེཏི ཝིཝརཏི ཝིབྷཛཏི ཨུཏྟཱནཱིཀརོཏི. ‘པསྶཐཱ’ཏི ཙཱཧ – ‘ཛཱཏིཔཙྩཡཱ, བྷིཀྑཝེ, ཛརཱམརཎཾ’’’.

‘‘བྷཝཔཙྩཡཱ, བྷིཀྑཝེ, ཛཱཏི…པེ… ཨུཔཱདཱནཔཙྩཡཱ, བྷིཀྑཝེ, བྷཝོ… ཏཎྷཱཔཙྩཡཱ, བྷིཀྑཝེ, ཨུཔཱདཱནཾ… ཝེདནཱཔཙྩཡཱ, བྷིཀྑཝེ, ཏཎྷཱ… ཕསྶཔཙྩཡཱ, བྷིཀྑཝེ, ཝེདནཱ… སལཱ༹ཡཏནཔཙྩཡཱ, བྷིཀྑཝེ, ཕསྶོ… ནཱམརཱུཔཔཙྩཡཱ, བྷིཀྑཝེ, སལཱ༹ཡཏནཾ… ཝིཉྙཱཎཔཙྩཡཱ, བྷིཀྑཝེ, ནཱམརཱུཔཾ… སངྑཱརཔཙྩཡཱ, བྷིཀྑཝེ, ཝིཉྙཱཎཾ… ཨཝིཛྫཱཔཙྩཡཱ, བྷིཀྑཝེ, སངྑཱརཱ ཨུཔྤཱདཱ ཝཱ ཏཐཱགཏཱནཾ ཨནུཔྤཱདཱ ཝཱ ཏཐཱགཏཱནཾ, ཋིཏཱཝ སཱ དྷཱཏུ དྷམྨཊྛིཏཏཱ དྷམྨནིཡཱམཏཱ ཨིདཔྤཙྩཡཏཱ. ཏཾ ཏཐཱགཏོ ཨབྷིསམྦུཛ྄ཛྷཏི ཨབྷིསམེཏི ¶ . ཨབྷིསམྦུཛ྄ཛྷིཏྭཱ ཨབྷིསམེཏྭཱ ཨཱཙིཀྑཏི ¶ དེསེཏི པཉྙཱཔེཏི པཊྛཔེཏི ཝིཝརཏི ཝིབྷཛཏི ཨུཏྟཱནཱིཀརོཏི. ‘པསྶཐཱ’ཏི ཙཱཧ ‘ཨཝིཛྫཱཔཙྩཡཱ, བྷིཀྑཝེ, སངྑཱརཱ’. ཨིཏི ཁོ, བྷིཀྑཝེ, ཡཱ ཏཏྲ ཏཐཏཱ ཨཝིཏཐཏཱ ཨནཉྙཐཏཱ ཨིདཔྤཙྩཡཏཱ – ཨཡཾ ཝུཙྩཏི, བྷིཀྑཝེ, པཊིཙྩསམུཔྤཱདོ.

‘‘ཀཏམེ ཙ, བྷིཀྑཝེ, པཊིཙྩསམུཔྤནྣཱ དྷམྨཱ? ཛརཱམརཎཾ, བྷིཀྑཝེ, ཨནིཙྩཾ སངྑཏཾ པཊིཙྩསམུཔྤནྣཾ ཁཡདྷམྨཾ ཝཡདྷམྨཾ ཝིརཱགདྷམྨཾ ནིརོདྷདྷམྨཾ. ཛཱཏི, བྷིཀྑཝེ, ཨནིཙྩཱ སངྑཏཱ པཊིཙྩསམུཔྤནྣཱ ¶ ཁཡདྷམྨཱ ཝཡདྷམྨཱ ཝིརཱགདྷམྨཱ ནིརོདྷདྷམྨཱ. བྷཝོ, བྷིཀྑཝེ, ཨནིཙྩོ སངྑཏོ པཊིཙྩསམུཔྤནྣོ ཁཡདྷམྨོ ཝཡདྷམྨོ ཝིརཱགདྷམྨོ ནིརོདྷདྷམྨོ. ཨུཔཱདཱནཾ བྷིཀྑཝེ…པེ… ཏཎྷཱ, བྷིཀྑཝེ… ཝེདནཱ, བྷིཀྑཝེ… ཕསྶོ, བྷིཀྑཝེ… སལཱ༹ཡཏནཾ, བྷིཀྑཝེ… ནཱམརཱུཔཾ, བྷིཀྑཝེ… ཝིཉྙཱཎཾ ¶ , བྷིཀྑཝེ… སངྑཱརཱ, བྷིཀྑཝེ… ཨཝིཛྫཱ, བྷིཀྑཝེ, ཨནིཙྩཱ སངྑཏཱ པཊིཙྩསམུཔྤནྣཱ ཁཡདྷམྨཱ ཝཡདྷམྨཱ ཝིརཱགདྷམྨཱ ནིརོདྷདྷམྨཱ. ཨིམེ ཝུཙྩནྟི, བྷིཀྑཝེ, པཊིཙྩསམུཔྤནྣཱ དྷམྨཱ.

‘‘ཡཏོ ཁོ, བྷིཀྑཝེ, ཨརིཡསཱཝཀསྶ ‘ཨཡཉྩ པཊིཙྩསམུཔྤཱདོ, ཨིམེ ཙ པཊིཙྩསམུཔྤནྣཱ དྷམྨཱ’ ཡཐཱབྷཱུཏཾ སམྨཔྤཉྙཱཡ སུདིཊྛཱ ཧོནྟི, སོ ཝཏ པུབྦནྟཾ ཝཱ པཊིདྷཱཝིསྶཏི – ‘ཨཧོསིཾ ནུ ཁོ ཨཧཾ [ནུ ཁྭཱཧཾ (སྱཱ. ཀཾ. པཱི. ཀ.)] ཨཏཱིཏམདྡྷཱནཾ, ནནུ ཁོ ཨཧོསིཾ ཨཏཱིཏམདྡྷཱནཾ, ཀིཾ ནུ ཁོ ཨཧོསིཾ ཨཏཱིཏམདྡྷཱནཾ, ཀཐཾ ནུ ཁོ ཨཧོསིཾ ཨཏཱིཏམདྡྷཱནཾ, ཀིཾ ཧུཏྭཱ ཀིཾ ཨཧོསིཾ ¶ ནུ ཁོ ཨཧཾ ཨཏཱིཏམདྡྷཱན’ནྟི; ཨཔརནྟཾ ཝཱ ཨུཔདྷཱཝིསྶཏི [ཨཔདྷཱཝིསྶཏི (ཀ.)] – ‘བྷཝིསྶཱམི ནུ ཁོ ཨཧཾ ཨནཱགཏམདྡྷཱནཾ, ནནུ ཁོ བྷཝིསྶཱམི ཨནཱགཏམདྡྷཱནཾ ¶ , ཀིཾ ནུ ཁོ བྷཝིསྶཱམི ཨནཱགཏམདྡྷཱནཾ, ཀཐཾ ནུ ཁོ བྷཝིསྶཱམི ཨནཱགཏམདྡྷཱནཾ, ཀིཾ ཧུཏྭཱ ཀིཾ བྷཝིསྶཱམི ནུ ཁོ ཨཧཾ ཨནཱགཏམདྡྷཱན’ནྟི; ཨེཏརཧི ཝཱ པཙྩུཔྤནྣཾ ཨདྡྷཱནཾ ཨཛ྄ཛྷཏྟཾ ཀཐཾཀཐཱི བྷཝིསྶཏི – ‘ཨཧཾ ནུ ཁོསྨི, ནོ ནུ ཁོསྨི, ཀིཾ ནུ ཁོསྨི, ཀཐཾ ནུ ཁོསྨི, ཨཡཾ ནུ ཁོ སཏྟོ ཀུཏོ ཨཱགཏོ, སོ ཀུཧིཾ གམིསྶཏཱི’ཏི – ནེཏཾ ཋཱནཾ ཝིཛྫཏི. ཏཾ ཀིསྶ ཧེཏུ? ཏཐཱཧི, བྷིཀྑཝེ, ཨརིཡསཱཝཀསྶ ཨཡཉྩ པཊིཙྩསམུཔྤཱདོ ཨིམེ ཙ པཊིཙྩསམུཔྤནྣཱ དྷམྨཱ ཡཐཱབྷཱུཏཾ སམྨཔྤཉྙཱཡ སུདིཊྛཱ’’ཏི. དསམཾ.

ཨཱཧཱརཝགྒོ དུཏིཡོ.

ཏསྶུདྡཱནཾ –

ཨཱཧཱརཾ ཕགྒུནོ ཙེཝ, དྭེ ཙ སམཎབྲཱཧྨཎཱ;

ཀཙྩཱནགོཏྟོ དྷམྨཀཐིཀཾ, ཨཙེལཾ ཏིམྦརུཀེན ཙ;

བཱལཔཎྜིཏཏོ ཙེཝ, དསམོ པཙྩཡེན ཙཱཏི.

༣. དསབལཝགྒོ

༡. དསབལསུཏྟཾ

༢༡. སཱཝཏྠིཡཾ ¶ ¶ ཝིཧརཏི…པེ… ‘‘དསབལསམནྣཱགཏོ, བྷིཀྑཝེ, ཏཐཱགཏོ ཙཏཱུཧི ཙ ཝེསཱརཛྫེཧི སམནྣཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ ¶ སཱིཧནཱདཾ ནདཏི, བྲཧྨཙཀྐཾ པཝཏྟེཏི – ཨིཏི ¶ རཱུཔཾ ཨིཏི རཱུཔསྶ སམུདཡོ ཨིཏི རཱུཔསྶ ཨཏྠངྒམོ, ཨིཏི ཝེདནཱ ཨིཏི ཝེདནཱཡ སམུདཡོ ཨིཏི ཝེདནཱཡ ཨཏྠངྒམོ, ཨིཏི སཉྙཱ ཨིཏི སཉྙཱཡ སམུདཡོ ཨིཏི སཉྙཱཡ ཨཏྠངྒམོ, ཨིཏི སངྑཱརཱ ཨིཏི སངྑཱརཱནཾ སམུདཡོ ཨིཏི སངྑཱརཱནཾ ཨཏྠངྒམོ, ཨིཏི ཝིཉྙཱཎཾ ཨིཏི ཝིཉྙཱཎསྶ སམུདཡོ ཨིཏི ཝིཉྙཱཎསྶ ཨཏྠངྒམོ. ཨིཏི ཨིམསྨིཾ སཏི ཨིདཾ ཧོཏི, ཨིམསྶུཔྤཱདཱ ཨིདཾ ཨུཔྤཛྫཏི. ཨིམསྨིཾ ཨསཏི ཨིདཾ ན ཧོཏི, ཨིམསྶ ནིརོདྷཱ ཨིདཾ ནིརུཛ྄ཛྷཏི. ཡདིདཾ ཨཝིཛྫཱཔཙྩཡཱ སངྑཱརཱ; སངྑཱརཔཙྩཡཱ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ཨཝིཛྫཱཡ ཏྭེཝ ཨསེསཝིརཱགནིརོདྷཱ སངྑཱརནིརོདྷོ; སངྑཱརནིརོདྷཱ ཝིཉྙཱཎནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི. པཋམཾ.

༢. དུཏིཡདསབལསུཏྟཾ

༢༢. སཱཝཏྠིཡཾ ཝིཧརཏི…པེ… ‘‘དསབལསམནྣཱགཏོ, བྷིཀྑཝེ, ཏཐཱགཏོ ཙཏཱུཧི ཙ ཝེསཱརཛྫེཧི སམནྣཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏྟི – ‘ཨིཏི རཱུཔཾ ཨིཏི རཱུཔསྶ སམུདཡོ ཨིཏི རཱུཔསྶ ཨཏྠངྒམོ, ཨིཏི ཝེདནཱ ཨིཏི ཝེདནཱཡ སམུདཡོ ཨིཏི ཝེདནཱཡ ¶ ཨཏྠངྒམོ, ཨིཏི སཉྙཱ ཨིཏི སཉྙཱཡ སམུདཡོ ཨིཏི སཉྙཱཡ ཨཏྠངྒམོ, ཨིཏི སངྑཱརཱ ཨིཏི སངྑཱརཱནཾ སམུདཡོ ཨིཏི སངྑཱརཱནཾ ཨཏྠངྒམོ, ཨིཏི ཝིཉྙཱཎཾ ཨིཏི ཝིཉྙཱཎསྶ སམུདཡོ ཨིཏི ཝིཉྙཱཎསྶ ཨཏྠངྒམོ. ཨིཏི ཨིམསྨིཾ སཏི ཨིདཾ ཧོཏི, ཨིམསྶུཔྤཱདཱ ཨིདཾ ཨུཔྤཛྫཏི; ཨིམསྨིཾ ཨསཏི ཨིདཾ ན ཧོཏི ཨིམསྶ ནིརོདྷཱ ཨིདཾ ནིརུཛ྄ཛྷཏི. ཡདིདཾ ཨཝིཛྫཱཔཙྩཡཱ སངྑཱརཱ; སངྑཱརཔཙྩཡཱ ཝིཉྙཱཎཾ…པེ… ¶ ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ཨཝིཛྫཱཡ ཏྭེཝ ཨསེསཝིརཱགནིརོདྷཱ སངྑཱརནིརོདྷོ; སངྑཱརནིརོདྷཱ ཝིཉྙཱཎནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏི’’’.

‘‘ཨེཝཾ སྭཱཀྑཱཏོ, བྷིཀྑཝེ, མཡཱ དྷམྨོ ཨུཏྟཱནོ ཝིཝཊོ པཀཱསིཏོ ཚིནྣཔིལོཏིཀོ. ཨེཝཾ སྭཱཀྑཱཏེ ཁོ, བྷིཀྑཝེ, མཡཱ དྷམྨེ ཨུཏྟཱནེ ཝིཝཊེ པཀཱསིཏེ ཚིནྣཔིལོཏིཀེ ཨལམེཝ སདྡྷཱཔབྦཛིཏེན ཀུལཔུཏྟེན ཝཱིརིཡཾ ཨཱརབྷིཏུཾ – ‘ཀཱམཾ ཏཙོ ཙ ནྷཱརུ [ནཧཱརུ (སཱི. སྱཱ. ཀཾ. པཱི.)] ཙ ཨཊྛི ¶ ཙ ཨཝསིསྶཏུ, སརཱིརེ ཨུཔསུསྶཏུ [ཨཝསུསྶཏུ མ. ནི. ༢.༡༨༤] མཾསལོཧིཏཾ. ཡཾ ཏཾ པུརིསཐཱམེན པུརིསཝཱིརིཡེན པུརིསཔརཀྐམེན པཏྟབྦཾ, ན ཏཾ ཨཔཱཔུཎིཏྭཱ ཝཱིརིཡསྶ སཎྛཱནཾ བྷཝིསྶཏཱི’’’ཏི.

‘‘དུཀྑཾ ¶ , བྷིཀྑཝེ, ཀུསཱིཏོ ཝིཧརཏི ཝོཀིཎྞོ པཱཔཀེཧི ཨཀུསལེཧི དྷམྨེཧི, མཧནྟཉྩ སདཏྠཾ པརིཧཱཔེཏི. ཨཱརདྡྷཝཱིརིཡོ ཙ ཁོ, བྷིཀྑཝེ, སུཁཾ ཝིཧརཏི པཝིཝིཏྟོ པཱཔཀེཧི ཨཀུསལེཧི དྷམྨེཧི, མཧནྟཉྩ སདཏྠཾ པརིཔཱུརེཏི. ན, བྷིཀྑཝེ, ཧཱིནེན ¶ ཨགྒསྶ པཏྟི ཧོཏི. ཨགྒེན ཙ ཁོ, བྷིཀྑཝེ, ཨགྒསྶ པཏྟི ཧོཏི. མཎྜཔེཡྻམིདཾ, བྷིཀྑཝེ, བྲཧྨཙརིཡཾ, སཏྠཱ སམྨུཁཱིབྷཱུཏོ. ཏསྨཱཏིཧ, བྷིཀྑཝེ, ཝཱིརིཡཾ ཨཱརབྷཐ ཨཔྤཏྟསྶ པཏྟིཡཱ, ཨནདྷིགཏསྶ ཨདྷིགམཱཡ, ཨསཙྪིཀཏསྶ སཙྪིཀིརིཡཱཡ. ‘ཨེཝཾ ནོ ཨཡཾ ཨམྷཱཀཾ པབྦཛྫཱ ཨཝཉྫྷཱ བྷཝིསྶཏི སཕལཱ སཨུདྲཡཱ. ཡེསཉྩ [ཡེསཾ (སཱི. སྱཱ. ཀཾ.), ཡེསཾ ཧི (པཱི. ཀ.)] མཡཾ པརིབྷུཉྫཱམ ཙཱིཝར-པིཎྜཔཱཏསེནཱསན-གིལཱནཔྤཙྩཡབྷེསཛྫཔརིཀྑཱརཾ ཏེསཾ ཏེ ཀཱརཱ ཨམྷེསུ མཧཔྥལཱ བྷཝིསྶནྟི མཧཱནིསཾསཱ’ཏི – ཨེཝཉྷི ཝོ, བྷིཀྑཝེ, སིཀྑིཏབྦཾ. ཨཏྟཏྠཾ ཝཱ ཧི, བྷིཀྑཝེ, སམྤསྶམཱནེན ཨལམེཝ ཨཔྤམཱདེན སམྤཱདེཏུཾ; པརཏྠཾ ཝཱ ཧི, བྷིཀྑཝེ, སམྤསྶམཱནེན ཨལམེཝ ཨཔྤམཱདེན སམྤཱདེཏུཾ; ཨུབྷཡཏྠཾ ཝཱ ཧི, བྷིཀྑཝེ, སམྤསྶམཱནེན ཨལམེཝ ཨཔྤམཱདེན སམྤཱདེཏུ’’ནྟི. དུཏིཡཾ.

༣. ཨུཔནིསསུཏྟཾ

༢༣. སཱཝཏྠིཡཾ ཝིཧརཏི…པེ… ‘‘ཛཱནཏོ ཨཧཾ, བྷིཀྑཝེ, པསྶཏོ ཨཱསཝཱནཾ ཁཡཾ ཝདཱམི, ནོ ཨཛཱནཏོ ནོ ཨཔསྶཏོ. ཀིཉྩ, བྷིཀྑཝེ, ཛཱནཏོ ཀིཾ པསྶཏོ ཨཱསཝཱནཾ ཁཡོ ཧོཏི ¶ ? ཨིཏི རཱུཔཾ ཨིཏི རཱུཔསྶ སམུདཡོ ཨིཏི རཱུཔསྶ ཨཏྠངྒམོ, ཨིཏི ཝེདནཱ…པེ… ཨིཏི སཉྙཱ… ཨིཏི སངྑཱརཱ… ཨིཏི ཝིཉྙཱཎཾ ཨིཏི ཝིཉྙཱཎསྶ སམུདཡོ ཨིཏི ཝིཉྙཱཎསྶ ཨཏྠངྒམོཏི. ཨེཝཾ ཁོ, བྷིཀྑཝེ, ཛཱནཏོ ཨེཝཾ པསྶཏོ ཨཱསཝཱནཾ ཁཡོ ཧོཏི’’.

‘‘ཡམྤིསྶ ¶ ཏཾ, བྷིཀྑཝེ, ཁཡསྨིཾ ཁཡེཉྙཱཎཾ, ཏམྤི སཨུཔནིསཾ ཝདཱམི, ནོ ཨནུཔནིསཾ. ཀཱ ཙ, བྷིཀྑཝེ, ཁཡེཉཱཎསྶ ཨུཔནིསཱ? ‘ཝིམུཏྟཱི’ཏིསྶ ¶ ཝཙནཱིཡཾ. ཝིམུཏྟིམྤཱཧཾ [ཝིམུཏྟིམྤཧཾ (སཱི. སྱཱ. ཀཾ.)], བྷིཀྑཝེ, སཨུཔནིསཾ ཝདཱམི, ནོ ཨནུཔནིསཾ. ཀཱ ཙ, བྷིཀྑཝེ, ཝིམུཏྟིཡཱ ¶ ཨུཔནིསཱ? ‘ཝིརཱགོ’ཏིསྶ ཝཙནཱིཡཾ. ཝིརཱགམྤཱཧཾ, བྷིཀྑཝེ, སཨུཔནིསཾ ཝདཱམི, ནོ ཨནུཔནིསཾ. ཀཱ ཙ, བྷིཀྑཝེ, ཝིརཱགསྶ ཨུཔནིསཱ? ‘ནིབྦིདཱ’ཏིསྶ ཝཙནཱིཡཾ. ནིབྦིདམྤཱཧཾ, བྷིཀྑཝེ, སཨུཔནིསཾ ཝདཱམི, ནོ ཨནུཔནིསཾ. ཀཱ ཙ, བྷིཀྑཝེ, ནིབྦིདཱཡ ཨུཔནིསཱ? ‘ཡཐཱབྷཱུཏཉཱཎདསྶན’ནྟིསྶ ཝཙནཱིཡཾ. ཡཐཱབྷཱུཏཉཱཎདསྶནམྤཱཧཾ, བྷིཀྑཝེ, སཨུཔནིསཾ ཝདཱམི, ནོ ཨནུཔནིསཾ. ཀཱ ཙ, བྷིཀྑཝེ, ཡཐཱབྷཱུཏཉཱཎདསྶནསྶ ཨུཔནིསཱ? ‘སམཱདྷཱི’ཏིསྶ ཝཙནཱིཡཾ. སམཱདྷིམྤཱཧཾ, བྷིཀྑཝེ, སཨུཔནིསཾ ཝདཱམི, ནོ ཨནུཔནིསཾ.

‘‘ཀཱ ཙ, བྷིཀྑཝེ, སམཱདྷིསྶ ཨུཔནིསཱ? ‘སུཁ’ནྟིསྶ ཝཙནཱིཡཾ. སུཁམྤཱཧཾ, བྷིཀྑཝེ, སཨུཔནིསཾ ཝདཱམི, ནོ ཨནུཔནིསཾ. ཀཱ ཙ, བྷིཀྑཝེ, སུཁསྶ ཨུཔནིསཱ? ‘པསྶདྡྷཱི’ཏིསྶ ཝཙནཱིཡཾ. པསྶདྡྷིམྤཱཧཾ, བྷིཀྑཝེ, སཨུཔནིསཾ ཝདཱམི, ནོ ཨནུཔནིསཾ. ཀཱ ཙ, བྷིཀྑཝེ, པསྶདྡྷིཡཱ ཨུཔནིསཱ? ‘པཱིཏཱི’ཏིསྶ ཝཙནཱིཡཾ. པཱིཏིམྤཱཧཾ, བྷིཀྑཝེ, སཨུཔནིསཾ ཝདཱམི, ནོ ཨནུཔནིསཾ. ཀཱ ཙ, བྷིཀྑཝེ, པཱིཏིཡཱ ཨུཔནིསཱ? ‘པཱམོཛྫ’ནྟིསྶ ཝཙནཱིཡཾ. པཱམོཛྫམྤཱཧཾ, བྷིཀྑཝེ, སཨུཔནིསཾ ཝདཱམི, ནོ ཨནུཔནིསཾ. ཀཱ ཙ, བྷིཀྑཝེ, པཱམོཛྫསྶ ཨུཔནིསཱ? ‘སདྡྷཱ’ཏིསྶ ཝཙནཱིཡཾ. སདྡྷམྤཱཧཾ, བྷིཀྑཝེ, སཨུཔནིསཾ ཝདཱམི, ནོ ཨནུཔནིསཾ.

‘‘ཀཱ ¶ ཙ, བྷིཀྑཝེ, སདྡྷཱཡ ཨུཔནིསཱ? ‘དུཀྑ’ནྟིསྶ ཝཙནཱིཡཾ. དུཀྑམྤཱཧཾ, བྷིཀྑཝེ, སཨུཔནིསཾ ཝདཱམི, ནོ ཨནུཔནིསཾ. ཀཱ ཙ, བྷིཀྑཝེ, དུཀྑསྶ ཨུཔནིསཱ? ‘ཛཱཏཱི’ཏིསྶ ཝཙནཱིཡཾ. ཛཱཏིམྤཱཧཾ ¶ , བྷིཀྑཝེ, སཨུཔནིསཾ ཝདཱམི, ནོ ཨནུཔནིསཾ. ཀཱ ཙ, བྷིཀྑཝེ, ཛཱཏིཡཱ ཨུཔནིསཱ? ‘བྷཝོ’ཏིསྶ ཝཙནཱིཡཾ. བྷཝམྤཱཧཾ, བྷིཀྑཝེ, སཨུཔནིསཾ ཝདཱམི ¶ , ནོ ཨནུཔནིསཾ. ཀཱ ཙ, བྷིཀྑཝེ, བྷཝསྶ ཨུཔནིསཱ? ‘ཨུཔཱདཱན’ནྟིསྶ ཝཙནཱིཡཾ. ཨུཔཱདཱནམྤཱཧཾ, བྷིཀྑཝེ, སཨུཔནིསཾ ཝདཱམི, ནོ ཨནུཔནིསཾ. ཀཱ ཙ, བྷིཀྑཝེ, ཨུཔཱདཱནསྶ ཨུཔནིསཱ? ‘ཏཎྷཱ’ཏིསྶ ཝཙནཱིཡཾ. ཏཎྷམྤཱཧཾ, བྷིཀྑཝེ, སཨུཔནིསཾ ཝདཱམི, ནོ ཨནུཔནིསཾ.

‘‘ཀཱ ཙ, བྷིཀྑཝེ, ཏཎྷཱཡ ཨུཔནིསཱ? ‘ཝེདནཱ’ཏིསྶ ཝཙནཱིཡཾ…པེ… ‘ཕསྶོ’ཏིསྶ ཝཙནཱིཡཾ… ‘སལཱ༹ཡཏན’ནྟིསྶ ཝཙནཱིཡཾ… ‘ནཱམརཱུཔ’ནྟིསྶ ཝཙནཱིཡཾ… ‘ཝིཉྙཱཎ’ནྟིསྶ ཝཙནཱིཡཾ… ‘སངྑཱརཱ’ཏིསྶ ཝཙནཱིཡཾ. སངྑཱརེཔཱཧཾ, བྷིཀྑཝེ, སཨུཔནིསེ ཝདཱམི, ནོ ཨནུཔནིསེ. ཀཱ ཙ, བྷིཀྑཝེ, སངྑཱརཱནཾ ཨུཔནིསཱ? ‘ཨཝིཛྫཱ’ཏིསྶ ཝཙནཱིཡཾ.

‘‘ཨིཏི ¶ ཁོ, བྷིཀྑཝེ, ཨཝིཛྫཱུཔནིསཱ སངྑཱརཱ, སངྑཱརཱུཔནིསཾ ཝིཉྙཱཎཾ, ཝིཉྙཱཎཱུཔནིསཾ ནཱམརཱུཔཾ, ནཱམརཱུཔཱུཔནིསཾ སལཱ༹ཡཏནཾ, སལཱ༹ཡཏནཱུཔནིསོ ཕསྶོ, ཕསྶཱུཔནིསཱ ཝེདནཱ, ཝེདནཱུཔནིསཱ ཏཎྷཱ, ཏཎྷཱུཔནིསཾ ཨུཔཱདཱནཾ, ཨུཔཱདཱནཱུཔནིསོ བྷཝོ, བྷཝཱུཔནིསཱ ཛཱཏི, ཛཱཏཱུཔནིསཾ དུཀྑཾ, དུཀྑཱུཔནིསཱ སདྡྷཱ, སདྡྷཱུཔནིསཾ པཱམོཛྫཾ, པཱམོཛྫཱུཔནིསཱ པཱིཏི, པཱིཏཱུཔནིསཱ པསྶདྡྷི, པསྶདྡྷཱུཔནིསཾ སུཁཾ, སུཁཱུཔནིསོ སམཱདྷི, སམཱདྷཱུཔནིསཾ ཡཐཱབྷཱུཏཉཱཎདསྶནཾ, ཡཐཱབྷཱུཏཉཱཎདསྶནཱུཔནིསཱ ¶ ནིབྦིདཱ, ནིབྦིདཱུཔནིསོ ཝིརཱགོ, ཝིརཱགཱུཔནིསཱ ཝིམུཏྟི, ཝིམུཏྟཱུཔནིསཾ ཁཡེཉཱཎཾ.

‘‘སེཡྻཐཱཔི, བྷིཀྑཝེ, ཨུཔརིཔབྦཏེ ཐུལླཕུསིཏཀེ དེཝེ ཝསྶནྟེ ¶ ཏཾ ཨུདཀཾ ཡཐཱནིནྣཾ པཝཏྟམཱནཾ པབྦཏཀནྡརཔདརསཱཁཱ པརིཔཱུརེཏི. པབྦཏཀནྡརཔདརསཱཁཱཔརིཔཱུརཱ ཀུསོབྦྷེ [ཀུསྶུབྦྷེ (སཱི. སྱཱ. ཀཾ.), ཀུསུབྦྷེ (པཱི.) ཎྭཱདི ༡༢༩ སུཏྟཾ ཨོལོཀེཏབྦཾ] པརིཔཱུརེནྟི. ཀུསོབྦྷཱ པརིཔཱུརཱ མཧཱསོབྦྷེ པརིཔཱུརེནྟི. མཧཱསོབྦྷཱ པརིཔཱུརཱ ཀུནྣདིཡོ པརིཔཱུརེནྟི. ཀུནྣདིཡོ པརིཔཱུརཱ མཧཱནདིཡོ པརིཔཱུརེནྟི. མཧཱནདིཡོ པརིཔཱུརཱ མཧཱསམུདྡཾ པརིཔཱུརེནྟི.

‘‘ཨེཝམེཝ ཁོ, བྷིཀྑཝེ, ཨཝིཛྫཱུཔནིསཱ སངྑཱརཱ, སངྑཱརཱུཔནིསཾ ཝིཉྙཱཎཾ, ཝིཉྙཱཎཱུཔནིསཾ ནཱམརཱུཔཾ, ནཱམརཱུཔཱུཔནིསཾ སལཱ༹ཡཏནཾ, སལཱ༹ཡཏནཱུཔནིསོ ཕསྶོ, ཕསྶཱུཔནིསཱ ཝེདནཱ, ཝེདནཱུཔནིསཱ ཏཎྷཱ, ཏཎྷཱུཔནིསཾ ཨུཔཱདཱནཾ, ཨུཔཱདཱནཱུཔནིསོ བྷཝོ, བྷཝཱུཔནིསཱ ཛཱཏི, ཛཱཏཱུཔནིསཾ ¶ དུཀྑཾ, དུཀྑཱུཔནིསཱ སདྡྷཱ, སདྡྷཱུཔནིསཾ པཱམོཛྫཾ, པཱམོཛྫཱུཔནིསཱ པཱིཏི, པཱིཏཱུཔནིསཱ པསྶདྡྷི, པསྶདྡྷཱུཔནིསཾ སུཁཾ, སུཁཱུཔནིསོ སམཱདྷི, སམཱདྷཱུཔནིསཾ ཡཐཱབྷཱུཏཉཱཎདསྶནཾ, ཡཐཱབྷཱུཏཉཱཎདསྶནཱུཔནིསཱ ནིབྦིདཱ, ནིབྦིདཱུཔནིསོ ཝིརཱགོ, ཝིརཱགཱུཔནིསཱ ཝིམུཏྟི, ཝིམུཏྟཱུཔནིསཾ ཁཡེཉཱཎ’’ནྟི. ཏཏིཡཾ.

༤. ཨཉྙཏིཏྠིཡསུཏྟཾ

༢༤. རཱཛགཧེ ཝིཧརཏི ཝེལུ༹ཝནེ. ཨཐ ཁོ ཨཱཡསྨཱ སཱརིཔུཏྟོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ རཱཛགཧཾ པིཎྜཱཡ པཱཝིསི. ཨཐ ཁོ ཨཱཡསྨཏོ སཱརིཔུཏྟསྶ ཨེཏདཧོསི – ‘‘ཨཏིཔྤགོ ཁོ ཏཱཝ རཱཛགཧེ པིཎྜཱཡ ཙརིཏུཾ. ཡཾནཱུནཱཧཾ ཡེན ཨཉྙཏིཏྠིཡཱནཾ པརིབྦཱཛཀཱནཾ ཨཱརཱམོ ཏེནུཔསངྐམེཡྻ’’ནྟི.

ཨཐ ¶ ཁོ ཨཱཡསྨཱ སཱརིཔུཏྟོ ཡེན ཨཉྙཏིཏྠིཡཱནཾ པརིབྦཱཛཀཱནཾ ¶ ཨཱརཱམོ ཏེནུཔསངྐམི; ཨུཔསངྐམིཏྭཱ ¶ ཏེཧི ཨཉྙཏིཏྠིཡེཧི པརིབྦཱཛཀེཧི སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨཱཡསྨནྟཾ སཱརིཔུཏྟཾ ཏེ ཨཉྙཏིཏྠིཡཱ པརིབྦཱཛཀཱ ཨེཏདཝོཙུཾ –

‘‘སནྟཱཝུསོ, སཱརིཔུཏྟ, ཨེཀེ སམཎབྲཱཧྨཎཱ ཀམྨཝཱདཱ སཡཾཀཏཾ དུཀྑཾ པཉྙཔེནྟི. སནྟི པནཱཝུསོ སཱརིཔུཏྟ, ཨེཀེ སམཎབྲཱཧྨཎཱ ཀམྨཝཱདཱ པརཾཀཏཾ དུཀྑཾ པཉྙཔེནྟི. སནྟཱཝུསོ སཱརིཔུཏྟ, ཨེཀེ སམཎབྲཱཧྨཎཱ ཀམྨཝཱདཱ སཡཾཀཏཉྩ པརཾཀཏཉྩ དུཀྑཾ པཉྙཔེནྟི. སནྟི པནཱཝུསོ སཱརིཔུཏྟ, ཨེཀེ སམཎབྲཱཧྨཎཱ ཀམྨཝཱདཱ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ དུཀྑཾ པཉྙཔེནྟི. ཨིདྷ, པནཱཝུསོ སཱརིཔུཏྟ, སམཎོ གོཏམོ ཀིཾཝཱདཱི ཀིམཀྑཱཡཱི? ཀཐཾ བྱཱཀརམཱནཱ ཙ མཡཾ ཝུཏྟཝཱདིནོ ཙེཝ སམཎསྶ གོཏམསྶ ཨསྶཱམ, ན ཙ སམཎཾ གོཏམཾ ཨབྷཱུཏེན ཨབྦྷཱཙིཀྑེཡྻཱམ, དྷམྨསྶ ཙཱནུདྷམྨཾ བྱཱཀརེཡྻཱམ, ན ཙ ཀོཙི སཧདྷམྨིཀོ ཝཱདཱནུཔཱཏོ [ཝཱདཱནུཝཱདོ (ཀ.) དཱི. ནི. ༡.༣༨༡] གཱརཡ྄ཧཾ ཋཱནཾ ཨཱགཙྪེཡྻཱ’’ཏི?

‘‘པཊིཙྩསམུཔྤནྣཾ ཁོ, ཨཱཝུསོ, དུཀྑཾ ཝུཏྟཾ བྷགཝཏཱ. ཀིཾ པཊིཙྩ? ཕསྶཾ པཊིཙྩ. ཨིཏི ¶ ཝདཾ ཝུཏྟཝཱདཱི ཙེཝ བྷགཝཏོ ཨསྶ, ན ཙ བྷགཝནྟཾ ཨབྷཱུཏེན ཨབྦྷཱཙིཀྑེཡྻ, དྷམྨསྶ ཙཱནུདྷམྨཾ བྱཱཀརེཡྻ, ན ཙ ཀོཙི སཧདྷམྨིཀོ ཝཱདཱནུཔཱཏོ གཱརཡ྄ཧཾ ཋཱནཾ ཨཱགཙྪེཡྻ.

‘‘ཏཏྲཱཝུསོ, ཡེ ཏེ སམཎབྲཱཧྨཎཱ ཀམྨཝཱདཱ སཡཾཀཏཾ དུཀྑཾ པཉྙཔེནྟི ཏདཔི ཕསྶཔཙྩཡཱ. ཡེཔི ཏེ སམཎབྲཱཧྨཎཱ ཀམྨཝཱདཱ པརཾཀཏཾ དུཀྑཾ པཉྙཔེནྟི ཏདཔི ཕསྶཔཙྩཡཱ. ཡེཔི ཏེ སམཎབྲཱཧྨཎཱ ཀམྨཝཱདཱ སཡཾཀཏཉྩ པརཾཀཏཉྩ དུཀྑཾ པཉྙཔེནྟི ཏདཔི ཕསྶཔཙྩཡཱ. ཡེཔི ¶ ¶ ཏེ སམཎབྲཱཧྨཎཱ ཀམྨཝཱདཱ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ དུཀྑཾ པཉྙཔེནྟི ཏདཔི ཕསྶཔཙྩཡཱ.

‘‘ཏཏྲཱཝུསོ, ཡེ ཏེ སམཎབྲཱཧྨཎཱ ཀམྨཝཱདཱ སཡཾཀཏཾ དུཀྑཾ པཉྙཔེནྟི, ཏེ ཝཏ ཨཉྙཏྲ ཕསྶཱ པཊིསཾཝེདིསྶནྟཱིཏི ནེཏཾ ཋཱནཾ ཝིཛྫཏི. ཡེཔི ཏེ སམཎབྲཱཧྨཎཱ ཀམྨཝཱདཱ པརཾཀཏཾ དུཀྑཾ པཉྙཔེནྟི, ཏེ ཝཏ ཨཉྙཏྲ ཕསྶཱ པཊིསཾཝེདིསྶནྟཱིཏི ནེཏཾ ཋཱནཾ ཝིཛྫཏི. ཡེཔི ཏེ ¶ སམཎབྲཱཧྨཎཱ ཀམྨཝཱདཱ སཡཾཀཏཉྩ པརཾཀཏཉྩ དུཀྑཾ པཉྙཔེནྟི, ཏེ ཝཏ ཨཉྙཏྲ ཕསྶཱ པཊིསཾཝེདིསྶནྟཱིཏི ནེཏཾ ཋཱནཾ ཝིཛྫཏི. ཡེཔི ཏེ སམཎབྲཱཧྨཎཱ ཀམྨཝཱདཱ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ དུཀྑཾ པཉྙཔེནྟི, ཏེ ཝཏ ཨཉྙཏྲ ཕསྶཱ པཊིསཾཝེདིསྶནྟཱིཏི ནེཏཾ ཋཱནཾ ཝིཛྫཏཱི’’ཏི.

ཨསྶོསི ཁོ ཨཱཡསྨཱ ཨཱནནྡོ ཨཱཡསྨཏོ སཱརིཔུཏྟསྶ ཏེཧི ཨཉྙཏིཏྠིཡེཧི པརིབྦཱཛཀེཧི སདྡྷིཾ ཨིམཾ ཀཐཱསལླཱཔཾ. ཨཐ ཁོ ཨཱཡསྨཱ ཨཱནནྡོ རཱཛགཧེ པིཎྜཱཡ ཙརིཏྭཱ པཙྪཱབྷཏྟཾ པིཎྜཔཱཏཔཊིཀྐནྟོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ ཡཱཝཏཀོ ཨཱཡསྨཏོ སཱརིཔུཏྟསྶ ཏེཧི ཨཉྙཏིཏྠིཡེཧི པརིབྦཱཛཀེཧི སདྡྷིཾ ཨཧོསི ཀཐཱསལླཱཔོ ཏཾ སབྦཾ བྷགཝཏོ ཨཱརོཙེསི.

‘‘སཱདྷུ སཱདྷུ, ཨཱནནྡ, ཡཐཱ ཏཾ སཱརིཔུཏྟོ སམྨཱ བྱཱཀརམཱནོ ¶ བྱཱཀརེཡྻ. པཊིཙྩསམུཔྤནྣཾ ཁོ, ཨཱནནྡ, དུཀྑཾ ཝུཏྟཾ མཡཱ. ཀིཾ པཊིཙྩ? ཕསྶཾ པཊིཙྩ. ཨིཏི ཝདཾ ཝུཏྟཝཱདཱི ཙེཝ མེ ཨསྶ, ན ཙ མཾ ཨབྷཱུཏེན ཨབྦྷཱཙིཀྑེཡྻ, དྷམྨསྶ ཙཱནུདྷམྨཾ བྱཱཀརེཡྻ, ན ཙ ཀོཙི སཧདྷམྨིཀོ ཝཱདཱནུཔཱཏོ གཱརཡ྄ཧཾ ཋཱནཾ ཨཱགཙྪེཡྻ.

‘‘ཏཏྲཱནནྡ ¶ , ཡེ ཏེ སམཎབྲཱཧྨཎཱ ཀམྨཝཱདཱ སཡཾཀཏཾ དུཀྑཾ པཉྙཔེནྟི ཏདཔི ཕསྶཔཙྩཡཱ. ཡེཔི ¶ ཏེ…པེ… ཡེཔི ཏེ…པེ… ཡེཔི ཏེ སམཎབྲཱཧྨཎཱ ཀམྨཝཱདཱ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ དུཀྑཾ པཉྙཔེནྟི ཏདཔི ཕསྶཔཙྩཡཱ.

‘‘ཏཏྲཱནནྡ, ཡེཔི ཏེ སམཎབྲཱཧྨཎཱ ཀམྨཝཱདཱ སཡཾཀཏཾ དུཀྑཾ པཉྙཔེནྟི, ཏེ ཝཏ ཨཉྙཏྲ ཕསྶཱ པཊིསཾཝེདིསྶནྟཱིཏི ནེཏཾ ཋཱནཾ ཝིཛྫཏི. ཡེཔི ཏེ…པེ… ཡེཔི ཏེ…པེ… ཡེཔི ཏེ སམཎབྲཱཧྨཎཱ ཀམྨཝཱདཱ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ དུཀྑཾ པཉྙཔེནྟི, ཏེ ཝཏ ཨཉྙཏྲ ཕསྶཱ པཊིསཾཝེདིསྶནྟཱིཏི ནེཏཾ ཋཱནཾ ཝིཛྫཏི.

‘‘ཨེཀམིདཱཧཾ, ཨཱནནྡ, སམཡཾ ཨིདྷེཝ རཱཛགཧེ ཝིཧརཱམི ཝེལུ༹ཝནེ ཀལནྡཀནིཝཱཔེ. ཨཐ ཁྭཱཧཾ, ཨཱནནྡ, པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ རཱཛགཧཾ པིཎྜཱཡ པཱཝིསིཾ. ཏསྶ མཡ྄ཧཾ, ཨཱནནྡ, ཨེཏདཧོསི – ‘ཨཏིཔྤགོ ¶ ཁོ ཏཱཝ རཱཛགཧེ པིཎྜཱཡ ཙརིཏུཾ. ཡཾནཱུནཱཧཾ ཡེན ཨཉྙཏིཏྠིཡཱནཾ པརིབྦཱཛཀཱནཾ ཨཱརཱམོ ཏེནུཔསངྐམེཡྻ’’’ནྟི.

‘‘ཨཐ ཁྭཱཧཾ, ཨཱནནྡ, ཡེན ཨཉྙཏིཏྠིཡཱནཾ པརིབྦཱཛཀཱནཾ ཨཱརཱམོ ཏེནུཔསངྐམིཾ; ཨུཔསངྐམིཏྭཱ ཏེཧི ཨཉྙཏིཏྠིཡེཧི པརིབྦཱཛཀེཧི ¶ སདྡྷིཾ སམྨོདིཾ. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདིཾ. ཨེཀམནྟཾ ནིསིནྣཾ ཁོ མཾ, ཨཱནནྡ, ཏེ ཨཉྙཏིཏྠིཡཱ པརིབྦཱཛཀཱ ཨེཏདཝོཙུཾ –

‘སནྟཱཝུསོ གོཏམ, ཨེཀེ སམཎབྲཱཧྨཎཱ ཀམྨཝཱདཱ སཡཾཀཏཾ དུཀྑཾ པཉྙཔེནྟི. སནྟི པནཱཝུསོ གོཏམ, ཨེཀེ སམཎབྲཱཧྨཎཱ ཀམྨཝཱདཱ པརཾཀཏཾ དུཀྑཾ པཉྙཔེནྟི. སནྟཱཝུསོ གོཏམ, ཨེཀེ སམཎབྲཱཧྨཎཱ ཀམྨཝཱདཱ སཡཾཀཏཉྩ པརཾཀཏཉྩ དུཀྑཾ པཉྙཔེནྟི. སནྟི པནཱཝུསོ གོཏམ, ཨེཀེ སམཎབྲཱཧྨཎཱ ཀམྨཝཱདཱ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ དུཀྑཾ པཉྙཔེནྟི. ཨིདྷ ནོ ཨཱཡསྨཱ གོཏམོ ཀིཾཝཱདཱི ཀིམཀྑཱཡཱི? ཀཐཾ བྱཱཀརམཱནཱ ཙ མཡཾ ཝུཏྟཝཱདིནོ ཙེཝ ཨཱཡསྨཏོ གོཏམསྶ ཨསྶཱམ, ན ཙ ཨཱཡསྨནྟཾ གོཏམཾ ཨབྷཱུཏེན ཨབྦྷཱཙིཀྑེཡྻཱམ ¶ , དྷམྨསྶ ཙཱནུདྷམྨཾ བྱཱཀརེཡྻཱམ, ན ཙ ཀོཙི སཧདྷམྨིཀོ ཝཱདཱནུཔཱཏོ གཱརཡ྄ཧཾ ཋཱནཾ ཨཱགཙྪེཡྻཱ’’’ཏི?

‘‘ཨེཝཾ ¶ ཝུཏྟཱཧཾ, ཨཱནནྡ, ཏེ ཨཉྙཏིཏྠིཡེ པརིབྦཱཛཀེ ཨེཏདཝོཙཾ – ‘པཊིཙྩསམུཔྤནྣཾ ཁོ, ཨཱཝུསོ, དུཀྑཾ ཝུཏྟཾ མཡཱ. ཀིཾ པཊིཙྩ? ཕསྶཾ པཊིཙྩ. ཨིཏི ཝདཾ ཝུཏྟཝཱདཱི ཙེཝ མེ ཨསྶ, ན ཙ མཾ ཨབྷཱུཏེན ཨབྦྷཱཙིཀྑེཡྻ, དྷམྨསྶ ཙཱནུདྷམྨཾ བྱཱཀརེཡྻ, ན ཙ ཀོཙི སཧདྷམྨིཀོ ཝཱདཱནུཔཱཏོ གཱརཡ྄ཧཾ ཋཱནཾ ཨཱགཙྪེཡྻཱ’’’ཏི.

‘‘ཏཏྲཱཝུསོ, ཡེ ཏེ སམཎབྲཱཧྨཎཱ ཀམྨཝཱདཱ སཡཾཀཏཾ དུཀྑཾ པཉྙཔེནྟི ཏདཔི ཕསྶཔཙྩཡཱ. ཡེཔི ཏེ…པེ… ཡེཔི ཏེ…པེ… ¶ ཡེཔི ཏེ སམཎབྲཱཧྨཎཱ ཀམྨཝཱདཱ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ དུཀྑཾ པཉྙཔེནྟི ཏདཔི ཕསྶཔཙྩཡཱ.

‘‘ཏཏྲཱཝུསོ, ཡེ ཏེ སམཎབྲཱཧྨཎཱ ཀམྨཝཱདཱ སཡཾཀཏཾ དུཀྑཾ པཉྙཔེནྟི, ཏེ ཝཏ ཨཉྙཏྲ ཕསྶཱ པཊིསཾཝེདིསྶནྟཱིཏི ནེཏཾ ཋཱནཾ ཝིཛྫཏི. ཡེཔི ཏེ…པེ… ཡེཔི ཏེ…པེ… ཡེཔི ཏེ སམཎབྲཱཧྨཎཱ ཀམྨཝཱདཱ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ དུཀྑཾ པཉྙཔེནྟི, ཏེ ཝཏ ཨཉྙཏྲ ཕསྶཱ པཊིསཾཝེདིསྶནྟཱིཏི ནེཏཾ ཋཱནཾ ཝིཛྫཏཱི’’ཏི. ‘‘ཨཙྪརིཡཾ བྷནྟེ, ཨབྦྷུཏཾ བྷནྟེ ¶ ! ཡཏྲ ཧི ནཱམ ཨེཀེན པདེན སབྦོ ཨཏྠོ ཝུཏྟོ བྷཝིསྶཏི. སིཡཱ ནུ ཁོ, བྷནྟེ, ཨེསེཝཏྠོ ཝིཏྠཱརེན ཝུཙྩམཱནོ གམྦྷཱིརོ ཙེཝ ཨསྶ གམྦྷཱིརཱཝབྷཱསོ ཙཱ’’ཏི?

‘‘ཏེན ཧཱནནྡ, ཏཉྙེཝེཏྠ པཊིབྷཱཏཱུ’’ཏི. ‘‘སཙེ མཾ, བྷནྟེ, ཨེཝཾ པུཙྪེཡྻུཾ – ‘ཛརཱམརཎཾ, ཨཱཝུསོ ཨཱནནྡ, ཀིཾནིདཱནཾ ཀིཾསམུདཡཾ ཀིཾཛཱཏིཀཾ ཀིཾཔབྷཝ’ནྟི? ཨེཝཾ པུཊྛོཧཾ, བྷནྟེ, ཨེཝཾ བྱཱཀརེཡྻཾ – ‘ཛརཱམརཎཾ ཁོ, ཨཱཝུསོ, ཛཱཏིནིདཱནཾ ཛཱཏིསམུདཡཾ ཛཱཏིཛཱཏིཀཾ ཛཱཏིཔབྷཝ’ནྟི. ཨེཝཾ པུཊྛོཧཾ, བྷནྟེ, ཨེཝཾ བྱཱཀརེཡྻཾ.

‘‘སཙེ ¶ མཾ, བྷནྟེ, ཨེཝཾ པུཙྪེཡྻུཾ – ‘ཛཱཏི པནཱཝུསོ ཨཱནནྡ, ཀིཾནིདཱནཱ ཀིཾསམུདཡཱ ཀིཾཛཱཏིཀཱ ཀིཾཔབྷཝཱ’ཏི? ཨེཝཾ པུཊྛོཧཾ, བྷནྟེ, ཨེཝཾ བྱཱཀརེཡྻཾ – ‘ཛཱཏི ཁོ, ཨཱཝུསོ, བྷཝནིདཱནཱ བྷཝསམུདཡཱ བྷཝཛཱཏིཀཱ བྷཝཔྤབྷཝཱ’ཏི. ཨེཝཾ པུཊྛོཧཾ, བྷནྟེ, ཨེཝཾ བྱཱཀརེཡྻཾ ¶ .

‘‘སཙེ མཾ, བྷནྟེ, ཨེཝཾ པུཙྪེཡྻུཾ – ‘བྷཝོ པནཱཝུསོ ཨཱནནྡ, ཀིཾནིདཱནོ ཀིཾསམུདཡོ ཀིཾཛཱཏིཀོ ཀིཾཔབྷཝོ’ཏི? ཨེཝཾ པུཊྛོཧཾ, བྷནྟེ, ཨེཝཾ བྱཱཀརེཡྻཾ – ‘བྷཝོ ཁོ, ཨཱཝུསོ, ཨུཔཱདཱནནིདཱནོ ¶ ཨུཔཱདཱནསམུདཡོ ཨུཔཱདཱནཛཱཏིཀོ ཨུཔཱདཱནཔྤབྷཝོ’ཏི. ཨེཝཾ པུཊྛོཧཾ, བྷནྟེ, ཨེཝཾ བྱཱཀརེཡྻཾ.

‘‘སཙེ མཾ, བྷནྟེ, ཨེཝཾ པུཙྪེཡྻུཾ – ཨུཔཱདཱནཾ པནཱཝུསོ…པེ… ཏཎྷཱ པནཱཝུསོ…པེ… ཝེདནཱ པནཱཝུསོ…པེ… སཙེ མཾ, བྷནྟེ, ཨེཝཾ པུཙྪེཡྻུཾ – ‘ཕསྶོ པནཱཝུསོ ཨཱནནྡ, ཀིཾནིདཱནོ ཀིཾསམུདཡོ ཀིཾཛཱཏིཀོ ཀིཾཔབྷཝོ’ཏི? ཨེཝཾ པུཊྛོཧཾ, བྷནྟེ, ཨེཝཾ བྱཱཀརེཡྻཾ – ‘ཕསྶོ ཁོ, ཨཱཝུསོ, སལཱ༹ཡཏནནིདཱནོ སལཱ༹ཡཏནསམུདཡོ སལཱ༹ཡཏནཛཱཏིཀོ སལཱ༹ཡཏནཔྤབྷཝོ’ཏི. ‘ཚནྣཾཏྭེཝ, ཨཱཝུསོ, ཕསྶཱཡཏནཱནཾ ཨསེསཝིརཱགནིརོདྷཱ ཕསྶནིརོདྷོ; ཕསྶནིརོདྷཱ ཝེདནཱནིརོདྷོ; ཝེདནཱནིརོདྷཱ ཏཎྷཱནིརོདྷོ; ཏཎྷཱནིརོདྷཱ ཨུཔཱདཱནནིརོདྷོ; ཨུཔཱདཱནནིརོདྷཱ བྷཝནིརོདྷོ; བྷཝནིརོདྷཱ ཛཱཏིནིརོདྷོ; ཛཱཏིནིརོདྷཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ ནིརུཛ྄ཛྷནྟི. ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’ཏི. ཨེཝཾ པུཊྛོཧཾ, བྷནྟེ, ཨེཝཾ བྱཱཀརེཡྻ’’ནྟི. ཙཏུཏྠཾ.

༥. བྷཱུམིཛསུཏྟཾ

༢༥. སཱཝཏྠིཡཾ ¶ ཝིཧརཏི. ཨཐ ཁོ ཨཱཡསྨཱ བྷཱུམིཛོ སཱཡནྷསམཡཾ པཊིསལླཱནཱ ཝུཊྛིཏོ ཡེནཱཡསྨཱ སཱརིཔུཏྟོ ཏེནུཔསངྐམི; ཨུཔསངྐམིཏྭཱ ¶ ཨཱཡསྨཏཱ སཱརིཔུཏྟེན སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ¶ ཨཱཡསྨཱ བྷཱུམིཛོ ཨཱཡསྨནྟཾ སཱརིཔུཏྟཾ ཨེཏདཝོཙ –

‘‘སནྟཱཝུསོ སཱརིཔུཏྟ, ཨེཀེ སམཎབྲཱཧྨཎཱ ཀམྨཝཱདཱ སཡཾཀཏཾ སུཁདུཀྑཾ པཉྙཔེནྟི. སནྟི པནཱཝུསོ སཱརིཔུཏྟ, ཨེཀེ སམཎབྲཱཧྨཎཱ ཀམྨཝཱདཱ པརཾཀཏཾ སུཁདུཀྑཾ པཉྙཔེནྟི. སནྟཱཝུསོ སཱརིཔུཏྟ, ཨེཀེ སམཎབྲཱཧྨཎཱ ཀམྨཝཱདཱ སཡཾཀཏཉྩ པརཾཀཏཉྩ སུཁདུཀྑཾ པཉྙཔེནྟི. སནྟི པནཱཝུསོ སཱརིཔུཏྟ, ཨེཀེ སམཎབྲཱཧྨཎཱ ཀམྨཝཱདཱ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ སུཁདུཀྑཾ པཉྙཔེནྟི. ཨིདྷ ནོ, ཨཱཝུསོ སཱརིཔུཏྟ, བྷགཝཱ ཀིཾཝཱདཱི ཀིམཀྑཱཡཱི ¶ , ཀཐཾ བྱཱཀརམཱནཱ ཙ མཡཾ ཝུཏྟཝཱདིནོ ཙེཝ བྷགཝཏོ ཨསྶཱམ, ན ཙ བྷགཝནྟཾ ཨབྷཱུཏེན ཨབྦྷཱཙིཀྑེཡྻཱམ, དྷམྨསྶ ཙཱནུདྷམྨཾ བྱཱཀརེཡྻཱམ, ན ཙ ཀོཙི སཧདྷམྨིཀོ ཝཱདཱནུཔཱཏོ གཱརཡ྄ཧཾ ཋཱནཾ ཨཱགཙྪེཡྻཱ’’ཏི?

‘‘པཊིཙྩསམུཔྤནྣཾ ཁོ, ཨཱཝུསོ, སུཁདུཀྑཾ ཝུཏྟཾ བྷགཝཏཱ. ཀིཾ པཊིཙྩ? ཕསྶཾ པཊིཙྩ. ཨིཏི ཝདཾ ཝུཏྟཝཱདཱི ཙེཝ བྷགཝཏོ ཨསྶ, ན ཙ བྷགཝནྟཾ ཨབྷཱུཏེན ཨབྦྷཱཙིཀྑེཡྻ, དྷམྨསྶ ཙཱནུདྷམྨཾ བྱཱཀརེཡྻ, ན ཙ ཀོཙི སཧདྷམྨིཀོ ཝཱདཱནུཔཱཏོ གཱརཡ྄ཧཾ ཋཱནཾ ཨཱགཙྪེཡྻ.

‘‘ཏཏྲཱཝུསོ, ཡེ ཏེ སམཎབྲཱཧྨཎཱ ཀམྨཝཱདཱ སཡཾཀཏཾ སུཁདུཀྑཾ པཉྙཔེནྟི, ཏདཔི ཕསྶཔཙྩཡཱ. ཡེཔི ཏེ…པེ… ཡེཔི ཏེ…པེ… ཡེཔི ཏེ སམཎབྲཱཧྨཎཱ ཀམྨཝཱདཱ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ སུཁདུཀྑཾ པཉྙཔེནྟི, ཏདཔི ཕསྶཔཙྩཡཱ.

‘‘ཏཏྲཱཝུསོ, ཡེ ཏེ སམཎབྲཱཧྨཎཱ ཀམྨཝཱདཱ སཡཾཀཏཾ སུཁདུཀྑཾ ¶ པཉྙཔེནྟི, ཏེ ཝཏ ཨཉྙཏྲ ཕསྶཱ པཊིསཾཝེདིསྶནྟཱིཏི ནེཏཾ ཋཱནཾ ཝིཛྫཏི. ཡེཔི ཏེ…པེ. ¶ … ཡེཔི ཏེ…པེ… ཡེཔི ཏེ སམཎབྲཱཧྨཎཱ ཀམྨཝཱདཱ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ སུཁདུཀྑཾ པཉྙཔེནྟི, ཏེ ཝཏ ཨཉྙཏྲ ཕསྶཱ པཊིསཾཝེདིསྶནྟཱིཏི ནེཏཾ ཋཱནཾ ཝིཛྫཏཱི’’ཏི.

ཨསྶོསི ¶ ཁོ ཨཱཡསྨཱ ཨཱནནྡོ ཨཱཡསྨཏོ སཱརིཔུཏྟསྶ ཨཱཡསྨཏཱ བྷཱུམིཛེན སདྡྷིཾ ཨིམཾ ཀཐཱསལླཱཔཾ. ཨཐ ཁོ ཨཱཡསྨཱ ཨཱནནྡོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ ཡཱཝཏཀོ ཨཱཡསྨཏོ སཱརིཔུཏྟསྶ ཨཱཡསྨཏཱ བྷཱུམིཛེན སདྡྷིཾ ཨཧོསི ཀཐཱསལླཱཔོ ཏཾ སབྦཾ བྷགཝཏོ ཨཱརོཙེསི.

‘‘སཱདྷུ སཱདྷུ, ཨཱནནྡ, ཡཐཱ ཏཾ སཱརིཔུཏྟོ སམྨཱ བྱཱཀརམཱནོ བྱཱཀརེཡྻ. པཊིཙྩསམུཔྤནྣཾ ཁོ, ཨཱནནྡ, སུཁདུཀྑཾ ཝུཏྟཾ མཡཱ. ཀིཾ པཊིཙྩ? ཕསྶཾ པཊིཙྩ. ཨིཏི ཝདཾ ཝུཏྟཝཱདཱི ཙེཝ མེ ཨསྶ, ན ཙ མཾ ཨབྷཱུཏེན ཨབྦྷཱཙིཀྑེཡྻ, དྷམྨསྶ ཙཱནུདྷམྨཾ བྱཱཀརེཡྻ, ན ཙ ཀོཙི སཧདྷམྨིཀོ ཝཱདཱནུཔཱཏོ གཱརཡ྄ཧཾ ཋཱནཾ ཨཱགཙྪེཡྻ.

‘‘ཏཏྲཱནནྡ ¶ , ཡེ ཏེ སམཎབྲཱཧྨཎཱ ཀམྨཝཱདཱ སཡཾཀཏཾ སུཁདུཀྑཾ པཉྙཔེནྟི ཏདཔི ཕསྶཔཙྩཡཱ. ཡེཔི ཏེ…པེ… ཡེཔི ཏེ…པེ… ཡེཔི ཏེ སམཎབྲཱཧྨཎཱ ཀམྨཝཱདཱ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ སུཁདུཀྑཾ པཉྙཔེནྟི ཏདཔི ཕསྶཔཙྩཡཱ.

‘‘ཏཏྲཱནནྡ ¶ , ཡེ ཏེ སམཎབྲཱཧྨཎཱ ཀམྨཝཱདཱ སཡཾཀཏཾ སུཁདུཀྑཾ པཉྙཔེནྟི, ཏེ ཝཏ ཨཉྙཏྲ ཕསྶཱ པཊིསཾཝེདིསྶནྟཱིཏི ནེཏཾ ཋཱནཾ ཝིཛྫཏི. ཡེཔི ཏེ…པེ… ཡེཔི ཏེ…པེ… ཡེཔི ཏེ སམཎབྲཱཧྨཎཱཀམྨཝཱདཱ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ སུཁདུཀྑཾ པཉྙཔེནྟི, ཏེ ཝཏ ཨཉྙཏྲ ཕསྶཱ པཊིསཾཝེདིསྶནྟཱིཏི ནེཏཾ ཋཱནཾ ཝིཛྫཏི.

‘‘ཀཱཡེ ཝཱ ཧཱནནྡ, སཏི ཀཱཡསཉྩེཏནཱཧེཏུ ཨུཔྤཛྫཏི ཨཛ྄ཛྷཏྟཾ ¶ སུཁདུཀྑཾ. ཝཱཙཱཡ ཝཱ ཧཱནནྡ, སཏི ཝཙཱིསཉྩེཏནཱཧེཏུ ཨུཔྤཛྫཏི ཨཛ྄ཛྷཏྟཾ སུཁདུཀྑཾ. མནེ ཝཱ ཧཱནནྡ, སཏི མནོསཉྩེཏནཱཧེཏུ ཨུཔྤཛྫཏི ཨཛ྄ཛྷཏྟཾ སུཁདུཀྑཾ ཨཝིཛྫཱཔཙྩཡཱ ཙ.

‘‘སཱམཾ ཝཱ ཏཾ, ཨཱནནྡ, ཀཱཡསངྑཱརཾ ཨབྷིསངྑརོཏི, ཡཾཔཙྩཡཱསྶ [ཡཾཔཙྩཡཱཡ (སྱཱ. ཀཾ.), ཡཾཔཙྩཡཱ ཡཾ (ཀ.)] ཏཾ ཨུཔྤཛྫཏི ཨཛ྄ཛྷཏྟཾ སུཁདུཀྑཾ. པརེ ཝཱ ཏཾ [པརེ ཝཱསྶ ཏཾ (སཱི. པཱི.), པརེ ཝཱཡཏཾ (སྱཱ. ཀཾ.)], ཨཱནནྡ, ཀཱཡསངྑཱརཾ ཨབྷིསངྑརོནྟི, ཡཾཔཙྩཡཱསྶ ཏཾ ཨུཔྤཛྫཏི ཨཛ྄ཛྷཏྟཾ སུཁདུཀྑཾ. སམྤཛཱནོ ཝཱ ཏཾ, ཨཱནནྡ, ཀཱཡསངྑཱརཾ ཨབྷིསངྑརོཏི ཡཾཔཙྩཡཱསྶ ཏཾ ཨུཔྤཛྫཏི ཨཛ྄ཛྷཏྟཾ སུཁདུཀྑཾ. ཨསམྤཛཱནོ ¶ ཝཱ ཏཾ, ཨཱནནྡ, ཀཱཡསངྑཱརཾ ཨབྷིསངྑརོཏི ཡཾཔཙྩཡཱསྶ ཏཾ ཨུཔྤཛྫཏི ཨཛ྄ཛྷཏྟཾ སུཁདུཀྑཾ.

‘‘སཱམཾ ཝཱ ཏཾ, ཨཱནནྡ, ཝཙཱིསངྑཱརཾ ཨབྷིསངྑརོཏི ཡཾཔཙྩཡཱསྶ ཏཾ ཨུཔྤཛྫཏི ཨཛ྄ཛྷཏྟཾ སུཁདུཀྑཾ. པརེ ¶ ཝཱ ཏཾ, ཨཱནནྡ, ཝཙཱིསངྑཱརཾ ཨབྷིསངྑརོནྟི ཡཾཔཙྩཡཱསྶ ཏཾ ཨུཔྤཛྫཏི ཨཛ྄ཛྷཏྟཾ སུཁདུཀྑཾ. སམྤཛཱནོ ཝཱ ཏཾ, ཨཱནནྡ…པེ… ཨསམྤཛཱནོ ཝཱ ཏཾ, ཨཱནནྡ, ཝཙཱིསངྑཱརཾ ཨབྷིསངྑརོཏི ཡཾཔཙྩཡཱསྶ ཏཾ ཨུཔྤཛྫཏི ཨཛ྄ཛྷཏྟཾ སུཁདུཀྑཾ.

‘‘སཱམཾ ཝཱ ཏཾ, ཨཱནནྡ, མནོསངྑཱརཾ ཨབྷིསངྑརོཏི ཡཾཔཙྩཡཱསྶ ཏཾ ཨུཔྤཛྫཏི ཨཛ྄ཛྷཏྟཾ སུཁདུཀྑཾ. པརེ ཝཱ ཏཾ, ཨཱནནྡ, མནོསངྑཱརཾ ཨབྷིསངྑརོནྟི ཡཾཔཙྩཡཱསྶ ཏཾ ཨུཔྤཛྫཏི ཨཛ྄ཛྷཏྟཾ སུཁདུཀྑཾ. སམྤཛཱནོ ཝཱ ཏཾ, ཨཱནནྡ…པེ… ཨསམྤཛཱནོ ཝཱ ཏཾ, ཨཱནནྡ, མནོསངྑཱརཾ ཨབྷིསངྑརོཏི ཡཾཔཙྩཡཱསྶ ཏཾ ཨུཔྤཛྫཏི ཨཛ྄ཛྷཏྟཾ སུཁདུཀྑཾ.

‘‘ཨིམེསུ ¶ , ཨཱནནྡ, དྷམྨེསུ ཨཝིཛྫཱ ཨནུཔཏིཏཱ. ཨཝིཛྫཱཡ ཏྭེཝ, ཨཱནནྡ, ཨསེསཝིརཱགནིརོདྷཱ སོ ཀཱཡོ ན ཧོཏི ཡཾཔཙྩཡཱསྶ ཏཾ ཨུཔྤཛྫཏི ཨཛ྄ཛྷཏྟཾ སུཁདུཀྑཾ. སཱ ཝཱཙཱ ན ཧོཏི ཡཾཔཙྩཡཱསྶ ཏཾ ཨུཔྤཛྫཏི ཨཛ྄ཛྷཏྟཾ སུཁདུཀྑཾ. སོ མནོ ན ཧོཏི ཡཾཔཙྩཡཱསྶ ཏཾ ཨུཔྤཛྫཏི ¶ ཨཛ྄ཛྷཏྟཾ སུཁདུཀྑཾ. ཁེཏྟཾ ཏཾ ན ཧོཏི…པེ… ཝཏྠུ ཏཾ ན ཧོཏི…པེ… ཨཱཡཏནཾ ཏཾ ན ཧོཏི…པེ… ཨདྷིཀརཎཾ ཏཾ ན ཧོཏི ཡཾཔཙྩཡཱསྶ ཏཾ ཨུཔྤཛྫཏི ཨཛ྄ཛྷཏྟཾ སུཁདུཀྑ’’ནྟི. པཉྩམཾ.

༦. ཨུཔཝཱཎསུཏྟཾ

༢༦. སཱཝཏྠིཡཾ ཝིཧརཏི. ཨཐ ཁོ ཨཱཡསྨཱ ཨུཔཝཱཎོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨུཔཝཱཎོ བྷགཝནྟཾ ཨེཏདཝོཙ ¶ –

‘‘སནྟི, བྷནྟེ, ཨེཀེ སམཎབྲཱཧྨཎཱ སཡཾཀཏཾ དུཀྑཾ པཉྙཔེནྟི. སནྟི པན, བྷནྟེ, ཨེཀེ སམཎབྲཱཧྨཎཱ པརཾཀཏཾ དུཀྑཾ པཉྙཔེནྟི. སནྟི པན, བྷནྟེ, ཨེཀེ སམཎབྲཱཧྨཎཱ སཡཾཀཏཉྩ པརཾཀཏཉྩ དུཀྑཾ པཉྙཔེནྟི. སནྟི པན, བྷནྟེ, ཨེཀེ སམཎབྲཱཧྨཎཱ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ དུཀྑཾ པཉྙཔེནྟི. ཨིདྷ ནོ, བྷནྟེ, བྷགཝཱ ཀིཾཝཱདཱི ཀིམཀྑཱཡཱི ཀཐཾ བྱཱཀརམཱནཱ ཙ མཡཾ ཝུཏྟཝཱདིནོ ཙེཝ བྷགཝཏོ ཨསྶཱམ, ན ཙ བྷགཝནྟཾ ཨབྷཱུཏེན ¶ ཨབྦྷཱཙིཀྑེཡྻཱམ, དྷམྨསྶ ཙཱནུདྷམྨཾ བྱཱཀརེཡྻཱམ, ན ཙ ཀོཙི སཧདྷམྨིཀོ ཝཱདཱནུཔཱཏོ གཱརཡ྄ཧཾ ཋཱནཾ ཨཱགཙྪེཡྻཱ’’ཏི?

‘‘པཊིཙྩསམུཔྤནྣཾ ཁོ, ཨུཔཝཱཎ, དུཀྑཾ ཝུཏྟཾ མཡཱ. ཀིཾ པཊིཙྩ? ཕསྶཾ པཊིཙྩ. ཨིཏི ཝདཾ ཝུཏྟཝཱདཱི ཙེཝ མེ ཨསྶ, ན ཙ མཾ ཨབྷཱུཏེན ཨབྦྷཱཙིཀྑེཡྻ, དྷམྨསྶ ཙཱནུདྷམྨཾ བྱཱཀརེཡྻ, ན ཙ ཀོཙི སཧདྷམྨིཀོ ཝཱདཱནུཔཱཏོ གཱརཡ྄ཧཾ ཋཱནཾ ཨཱགཙྪེཡྻ.

‘‘ཏཏྲ, ཨུཔཝཱཎ, ཡེ ཏེ སམཎབྲཱཧྨཎཱ སཡཾཀཏཾ དུཀྑཾ པཉྙཔེནྟི, ཏདཔི ཕསྶཔཙྩཡཱ. ཡེཔི ཏེ…པེ… ཡེཔི ཏེ…པེ… ཡེཔི ཏེ སམཎབྲཱཧྨཎཱ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ དུཀྑཾ པཉྙཔེནྟི ཏདཔི ཕསྶཔཙྩཡཱ.

‘‘ཏཏྲ ¶ ¶ , ཨུཔཝཱཎ, ཡེ ཏེ སམཎབྲཱཧྨཎཱ སཡཾཀཏཾ དུཀྑཾ པཉྙཔེནྟི, ཏེ ཝཏ ཨཉྙ ཕསྶཱ པཊིསཾཝེདིསྶནྟཱིཏི ¶ ནེཏཾ ཋཱནཾ ཝིཛྫཏི. ཡེཔི ཏེ…པེ… ཡེཔི ཏེ…པེ… ཡེཔི ཏེ སམཎབྲཱཧྨཎཱ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ དུཀྑཾ པཉྙཔེནྟི, ཏེ ཝཏ ཨཉྙཏྲ ཕསྶཱ པཊིསཾཝེདིསྶནྟཱིཏི ནེཏཾ ཋཱནཾ ཝིཛྫཏཱི’’ཏི. ཚཊྛཾ.

༧. པཙྩཡསུཏྟཾ

༢༧. སཱཝཏྠིཡཾ ཝིཧརཏི…པེ… ‘‘ཨཝིཛྫཱཔཙྩཡཱ, བྷིཀྑཝེ, སངྑཱརཱ; སངྑཱརཔཙྩཡཱ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི.

‘‘ཀཏམཉྩ, བྷིཀྑཝེ, ཛརཱམརཎཾ? ཡཱ ཏེསཾ ཏེསཾ སཏྟཱནཾ ཏམྷི ཏམྷི སཏྟནིཀཱཡེ ཛརཱ ཛཱིརཎཏཱ ཁཎྜིཙྩཾ པཱལིཙྩཾ ཝལིཏྟཙཏཱ ཨཱཡུནོ སཾཧཱནི ཨིནྡྲིཡཱནཾ པརིཔཱཀོ – ཨཡཾ ཝུཙྩཏི ཛརཱ. ཡཱ ཏེསཾ ཏེསཾ སཏྟཱནཾ ཏམྷཱ ཏམྷཱ སཏྟནིཀཱཡཱ ཙུཏི ཙཝནཏཱ བྷེདོ ཨནྟརདྷཱནཾ མཙྩུ མརཎཾ ཀཱལཀིརིཡཱ ཁནྡྷཱནཾ བྷེདོ ཀལེ༹ཝརསྶ ནིཀྑེཔོ; ཨིདཾ ཝུཙྩཏི མརཎཾ. ཨིཏི ཨཡཉྩ ཛརཱ ཨིདཉྩ མརཎཾ. ཨིདཾ ཝུཙྩཏི, བྷིཀྑཝེ, ཛརཱམརཎཾ. ཛཱཏིསམུདཡཱ ཛརཱམརཎསམུདཡོ; ཛཱཏིནིརོདྷཱ ཛརཱམརཎནིརོདྷོ. ཨཡམེཝ ཨརིཡོ ཨཊྛངྒིཀོ མགྒོ ཛརཱམརཎནིརོདྷགཱམིནཱི པཊིཔདཱ. སེཡྻཐིདཾ – སམྨཱདིཊྛི, སམྨཱསངྐཔྤོ, སམྨཱཝཱཙཱ, སམྨཱཀམྨནྟོ, སམྨཱཨཱཛཱིཝོ, སམྨཱཝཱཡཱམོ, སམྨཱསཏི, སམྨཱསམཱདྷི.

‘‘ཀཏམཱ ¶ ཙ, བྷིཀྑཝེ, ཛཱཏི…པེ… ཀཏམོ ཙ, བྷིཀྑཝེ, བྷཝོ… ཀཏམཉྩ, བྷིཀྑཝེ, ཨུཔཱདཱནཾ… ཀཏམཱ ¶ ཙ, བྷིཀྑཝེ, ཏཎྷཱ… ཀཏམཱ ཙ, བྷིཀྑཝེ, ཝེདནཱ… ཀཏམོ ཙ, བྷིཀྑཝེ ¶ , ཕསྶོ… ཀཏམཉྩ, བྷིཀྑཝེ, སལཱ༹ཡཏནཾ… ཀཏམཉྩ, བྷིཀྑཝེ, ནཱམརཱུཔཾ… ཀཏམཉྩ, བྷིཀྑཝེ, ཝིཉྙཱཎཾ…?

‘‘ཀཏམེ ¶ ཙ, བྷིཀྑཝེ, སངྑཱརཱ? ཏཡོམེ, བྷིཀྑཝེ, སངྑཱརཱ – ཀཱཡསངྑཱརོ, ཝཙཱིསངྑཱརོ, ཙིཏྟསངྑཱརོ. ཨིམེ ཝུཙྩནྟི, བྷིཀྑཝེ, སངྑཱརཱ. ཨཝིཛྫཱསམུདཡཱ སངྑཱརསམུདཡོ; ཨཝིཛྫཱནིརོདྷཱ སངྑཱརནིརོདྷོ. ཨཡམེཝ ཨརིཡོ ཨཊྛངྒིཀོ མགྒོ སངྑཱརནིརོདྷགཱམིནཱི པཊིཔདཱ. སེཡྻཐིདཾ – སམྨཱདིཊྛི…པེ… སམྨཱསམཱདྷི.

‘‘ཡཏོ ཁོ, བྷིཀྑཝེ, ཨརིཡསཱཝཀོ ཨེཝཾ པཙྩཡཾ པཛཱནཱཏི, ཨེཝཾ པཙྩཡསམུདཡཾ པཛཱནཱཏི, ཨེཝཾ པཙྩཡནིརོདྷཾ པཛཱནཱཏི, ཨེཝཾ པཙྩཡནིརོདྷགཱམིནིཾ པཊིཔདཾ པཛཱནཱཏི. ཨཡཾ ཝུཙྩཏི, བྷིཀྑཝེ, ཨརིཡསཱཝཀོ དིཊྛིསམྤནྣོ ཨིཏིཔི, དསྶནསམྤནྣོ ཨིཏིཔི, ཨཱགཏོ ཨིམཾ སདྡྷམྨཾ ཨིཏིཔི, པསྶཏི ཨིམཾ སདྡྷམྨཾ ཨིཏིཔི, སེཀྑེན ཉཱཎེན སམནྣཱགཏོ ཨིཏིཔི, སེཀྑཱཡ ཝིཛྫཱཡ སམནྣཱགཏོ ཨིཏིཔི, དྷམྨསོཏཾ སམཱཔནྣོ ཨིཏིཔི, ཨརིཡོ ནིབྦེདྷིཀཔཉྙོ ཨིཏིཔི, ཨམཏདྭཱརཾ ཨཱཧཙྩ ཏིཊྛཏི ཨིཏིཔཱི’’ཏི. སཏྟམཾ.

༨. བྷིཀྑུསུཏྟཾ

༢༨. སཱཝཏྠིཡཾ ཝིཧརཏི…པེ… ‘‘ཏཏྲ ཁོ…པེ… ཨིདྷ, བྷིཀྑཝེ, བྷིཀྑུ ཛརཱམརཎཾ པཛཱནཱཏི, ཛརཱམརཎསམུདཡཾ པཛཱནཱཏི, ཛརཱམརཎནིརོདྷཾ པཛཱནཱཏི, ཛརཱམརཎནིརོདྷགཱམིནིཾ པཊིཔདཾ པཛཱནཱཏི, ཛཱཏིཾ པཛཱནཱཏི…པེ… བྷཝཾ པཛཱནཱཏི… ཨུཔཱདཱནཾ པཛཱནཱཏི… ཏཎྷཾ ¶ པཛཱནཱཏི… ཝེདནཾ པཛཱནཱཏི… ཕསྶཾ པཛཱནཱཏི… སལཱ༹ཡཏནཾ པཛཱནཱཏི… ནཱམརཱུཔཾ པཛཱནཱཏི… ཝིཉྙཱཎཾ པཛཱནཱཏི… སངྑཱརེ པཛཱནཱཏི, སངྑཱརསམུདཡཾ པཛཱནཱཏི ¶ , སངྑཱརནིརོདྷཾ པཛཱནཱཏི, སངྑཱརནིརོདྷགཱམིནིཾ པཊིཔདཾ པཛཱནཱཏི.

‘‘ཀཏམཉྩ, བྷིཀྑཝེ, ཛརཱམརཎཾ? ཡཱ ཏེསཾ ཏེསཾ སཏྟཱནཾ ཏམྷི ཏམྷི སཏྟནིཀཱཡེ ཛརཱ ཛཱིརཎཏཱ ཁཎྜིཙྩཾ པཱལིཙྩཾ ཝལིཏྟཙཏཱ ཨཱཡུནོ སཾཧཱནི ཨིནྡྲིཡཱནཾ པརིཔཱཀོ – ཨཡཾ ཝུཙྩཏི ཛརཱ. ཡཱ ཏེསཾ ཏེསཾ སཏྟཱནཾ ཏམྷཱ ཏམྷཱ སཏྟནིཀཱཡཱ ཙུཏི ཙཝནཏཱ བྷེདོ ཨནྟརདྷཱནཾ མཙྩུ མརཎཾ ཀཱལཀིརིཡཱ ཁནྡྷཱནཾ བྷེདོ ཀལེ༹ཝརསྶ ནིཀྑེཔོ; ཨིདཾ ཝུཙྩཏི ¶ མརཎཾ. ཨིཏི ཨཡཾ ཙ ཛརཱ ཨིདཉྩ མརཎཾ. ཨིདཾ ཝུཙྩཏི, བྷིཀྑཝེ, ཛརཱམརཎཾ. ཛཱཏིསམུདཡཱ ¶ ཛརཱམརཎསམུདཡོ; ཛཱཏིནིརོདྷཱ ཛརཱམརཎནིརོདྷོ. ཨཡམེཝ ཨརིཡོ ཨཊྛངྒིཀོ མགྒོ ཛརཱམརཎནིརོདྷགཱམིནཱི པཊིཔདཱ. སེཡྻཐིདཾ – སམྨཱདིཊྛི…པེ… སམྨཱསམཱདྷི.

‘‘ཀཏམཱ ཙ, བྷིཀྑཝེ, ཛཱཏི…པེ… ཀཏམོ ཙ, བྷིཀྑཝེ, བྷཝོ… ཀཏམཉྩ, བྷིཀྑཝེ, ཨུཔཱདཱནཾ… ཝེདནཱ… ཕསྶོ… སལཱ༹ཡཏནཾ… ནཱམརཱུཔཾ… ཝིཉྙཱཎཾ….

‘‘ཀཏམེ ཙ, བྷིཀྑཝེ, སངྑཱརཱ? ཏཡོམེ, བྷིཀྑཝེ, སངྑཱརཱ – ཀཱཡསངྑཱརོ, ཝཙཱིསངྑཱརོ, ཙིཏྟསངྑཱརོ. ཨིམེ ཝུཙྩནྟི, བྷིཀྑཝེ, སངྑཱརཱ. ཨཝིཛྫཱསམུདཡཱ སངྑཱརསམུདཡོ; ཨཝིཛྫཱནིརོདྷཱ སངྑཱརནིརོདྷོ. ཨཡམེཝ ཨརིཡོ ཨཊྛངྒིཀོ མགྒོ སངྑཱརནིརོདྷགཱམིནཱི པཊིཔདཱ. སེཡྻཐིདཾ – སམྨཱདིཊྛི…པེ… སམྨཱསམཱདྷི.

‘‘ཡཏོ ཁོ, བྷིཀྑཝེ, བྷིཀྑུ ཨེཝཾ ཛརཱམརཎཾ པཛཱནཱཏི, ཨེཝཾ ཛརཱམརཎསམུདཡཾ པཛཱནཱཏི, ཨེཝཾ ཛརཱམརཎནིརོདྷཾ ¶ པཛཱནཱཏི, ཨེཝཾ ཛརཱམརཎནིརོདྷགཱམིནིཾ པཊིཔདཾ པཛཱནཱཏི, ཨེཝཾ ཛཱཏིཾ པཛཱནཱཏི…པེ… བྷཝཾ… ཨུཔཱདཱནཾ… ཏཎྷཾ… ཝེདནཾ… ཕསྶཾ… སལཱ༹ཡཏནཾ… ནཱམརཱུཔཾ… ཝིཉྙཱཎཾ ¶ … སངྑཱརེ… སངྑཱརསམུདཡཾ… སངྑཱརནིརོདྷཾ… ཨེཝཾ སངྑཱརནིརོདྷགཱམིནིཾ པཊིཔདཾ པཛཱནཱཏི. ཨཡཾ ཝུཙྩཏི, བྷིཀྑཝེ, བྷིཀྑུ དིཊྛིསམྤནྣོ ཨིཏིཔི, དསྶནསམྤནྣོ ཨིཏིཔི, ཨཱགཏོ ཨིམཾ སདྡྷམྨཾ ཨིཏིཔི, པསྶཏི ཨིམཾ སདྡྷམྨཾ ཨིཏིཔི, སེཀྑེན ཉཱཎེན སམནྣཱགཏོ ཨིཏིཔི, སེཀྑཱཡ ཝིཛྫཱཡ སམནྣཱགཏོ ཨིཏིཔི, དྷམྨསོཏཾ སམཱཔནྣོ ཨིཏིཔི, ཨརིཡོ ནིབྦེདྷིཀཔཉྙོ ཨིཏིཔི, ཨམཏདྭཱརཾ ཨཱཧཙྩ ཏིཊྛཏི ཨིཏིཔཱི’’ཏི. ཨཊྛམཾ.

༩. སམཎབྲཱཧྨཎསུཏྟཾ

༢༩. སཱཝཏྠིཡཾ ཝིཧརཏི…པེ… ‘‘ཏཏྲ ཁོ…པེ… ཡེ ཧི ཀེཙི, བྷིཀྑཝེ, སམཎཱ ཝཱ བྲཱཧྨཎཱ ¶ ཝཱ ཛརཱམརཎཾ ན པརིཛཱནནྟི, ཛརཱམརཎསམུདཡཾ ན པརིཛཱནནྟི, ཛརཱམརཎནིརོདྷཾ ན པརིཛཱནནྟི, ཛརཱམརཎནིརོདྷགཱམིནིཾ པཊིཔདཾ ན པརིཛཱནནྟི, ཛཱཏིཾ ན པརིཛཱནནྟི…པེ… བྷཝཾ… ཨུཔཱདཱནཾ… ཏཎྷཾ… ཝེདནཾ… ཕསྶཾ… སལཱ༹ཡཏནཾ… ནཱམརཱུཔཾ… ཝིཉྙཱཎཾ… སངྑཱརེ… སངྑཱརསམུདཡཾ… སངྑཱརནིརོདྷཾ… སངྑཱརནིརོདྷགཱམིནིཾ པཊིཔདཾ ན པརིཛཱནནྟི. ན མེཏེ, བྷིཀྑཝེ, སམཎཱ ཝཱ བྲཱཧྨཎཱ ཝཱ སམཎེསུ ཝཱ སམཎསམྨཏཱ བྲཱཧྨཎེསུ ཝཱ བྲཱཧྨཎསམྨཏཱ. ན ཙ པནེཏེ ¶ ཨཱཡསྨནྟོ སཱམཉྙཏྠཾ ཝཱ བྲཧྨཉྙཏྠཾ ཝཱ དིཊྛེཝ དྷམྨེ ¶ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟི’’.

‘‘ཡེ ཙ ཁོ ཀེཙི, བྷིཀྑཝེ, སམཎཱ ཝཱ བྲཱཧྨཎཱ ཝཱ ཛརཱམརཎཾ པརིཛཱནནྟི, ཛརཱམརཎསམུདཡཾ པརིཛཱནནྟི, ཛརཱམརཎནིརོདྷཾ པརིཛཱནནྟི, ཛརཱམརཎནིརོདྷགཱམིནིཾ པཊིཔདཾ པརིཛཱནནྟི, ཛཱཏིཾ པརིཛཱནནྟི…པེ… བྷཝཾ… ཨུཔཱདཱནཾ… ཏཎྷཾ… ཝེདནཾ… ཕསྶཾ… སལཱ༹ཡཏནཾ… ནཱམརཱུཔཾ… ཝིཉྙཱཎཾ… སངྑཱརེ པརིཛཱནནྟི ¶ , སངྑཱརསམུདཡཾ པརིཛཱནནྟི, སངྑཱརནིརོདྷཾ པརིཛཱནནྟི, སངྑཱརནིརོདྷགཱམིནིཾ པཊིཔདཾ པརིཛཱནནྟི. ཏེ ཁོ མེ, བྷིཀྑཝེ, སམཎཱ ཝཱ བྲཱཧྨཎཱ ཝཱ སམཎེསུ ཙེཝ སམཎསམྨཏཱ བྲཱཧྨཎེསུ ཙ བྲཱཧྨཎསམྨཏཱ. ཏེ ཙ པནཱཡསྨནྟོ སཱམཉྙཏྠཉྩ བྲཧྨཉྙཏྠཉྩ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟཱི’’ཏི. ནཝམཾ.

༡༠. དུཏིཡསམཎབྲཱཧྨཎསུཏྟཾ

༣༠. སཱཝཏྠིཡཾ ཝིཧརཏི…པེ… ‘‘ཏཏྲ ཁོ…པེ… ཡེ ཧི ཀེཙི, བྷིཀྑཝེ, སམཎཱ ཝཱ བྲཱཧྨཎཱ ཝཱ ཛརཱམརཎཾ ནཔྤཛཱནནྟི, ཛརཱམརཎསམུདཡཾ ནཔྤཛཱནནྟི, ཛརཱམརཎནིརོདྷཾ ནཔྤཛཱནནྟི, ཛརཱམརཎནིརོདྷགཱམིནིཾ པཊིཔདཾ ནཔྤཛཱནནྟི ཏེ ཝཏ ཛརཱམརཎཾ སམཏིཀྐམྨ ཋསྶནྟཱིཏི ནེཏཾ ཋཱནཾ ཝིཛྫཏི. ཛཱཏིཾ ནཔྤཛཱནནྟི…པེ… བྷཝཾ… ཨུཔཱདཱནཾ… ཏཎྷཾ… ཝེདནཾ… ཕསྶཾ… སལཱ༹ཡཏནཾ… ནཱམརཱུཔཾ… ཝིཉྙཱཎཾ… སངྑཱརེ ནཔྤཛཱནནྟི, སངྑཱརསམུདཡཾ ནཔྤཛཱནནྟི, སངྑཱརནིརོདྷཾ ནཔྤཛཱནནྟི, སངྑཱརནིརོདྷགཱམིནིཾ པཊིཔདཾ ནཔྤཛཱནནྟི ཏེ ཝཏ སངྑཱརེ སམཏིཀྐམྨ ཋསྶནྟཱིཏི ནེཏཾ ཋཱནཾ ཝིཛྫཏི’’.

‘‘ཡེ ¶ ¶ ཙ ཁོ ཀེཙི, བྷིཀྑཝེ, སམཎཱ ཝཱ བྲཱཧྨཎཱ ཝཱ ཛརཱམརཎཾ པཛཱནནྟི, ཛརཱམརཎསམུདཡཾ པཛཱནནྟི, ཛརཱམརཎནིརོདྷཾ པཛཱནནྟི, ཛརཱམརཎནིརོདྷགཱམིནིཾ པཊིཔདཾ པཛཱནནྟི ཏེ ཝཏ ཛརཱམརཎཾ སམཏིཀྐམྨ ཋསྶནྟཱིཏི ཋཱནམེཏཾ ཝིཛྫཏི. ཛཱཏིཾ པཛཱནནྟི…པེ… བྷཝཾ… ཨུཔཱདཱནཾ… ཏཎྷཾ… ཝེདནཾ… ཕསྶཾ… སལཱ༹ཡཏནཾ… ནཱམརཱུཔཾ… ཝིཉྙཱཎཾ… སངྑཱརེ པཛཱནནྟི, སངྑཱརསམུདཡཾ པཛཱནནྟི, སངྑཱརནིརོདྷཾ པཛཱནནྟི, སངྑཱརནིརོདྷགཱམིནིཾ པཊིཔདཾ པཛཱནནྟི. ཏེ ཝཏ སངྑཱརེ སམཏིཀྐམྨ ཋསྶནྟཱིཏི ཋཱནམེཏཾ ཝིཛྫཏཱི’’ཏི. དསམཾ.

དསབལཝགྒོ ¶ ཏཏིཡོ.

ཏསྶུདྡཱནཾ –

དྭེ ¶ དསབལཱ ཨུཔནིསཱ ཙ, ཨཉྙཏིཏྠིཡབྷཱུམིཛོ;

ཨུཔཝཱཎོ པཙྩཡོ བྷིཀྑུ, དྭེ ཙ སམཎབྲཱཧྨཎཱཏི.

༤. ཀལཱ༹རཁཏྟིཡཝགྒོ

༡. བྷཱུཏསུཏྟཾ

༣༡. ཨེཀཾ ¶ སམཡཾ བྷགཝཱ སཱཝཏྠིཡཾ ཝིཧརཏི. ཏཏྲ ཁོ བྷགཝཱ ཨཱཡསྨནྟཾ སཱརིཔུཏྟཾ ཨཱམནྟེསི – ‘‘ཝུཏྟམིདཾ, སཱརིཔུཏྟ, པཱརཱཡནེ [པཱརཱཡཎེ (སཱི.)] ཨཛིཏཔཉྷེ –

‘‘ཡེ ཙ སངྑཱཏདྷམྨཱསེ, ཡེ ཙ སེཀྑཱ པུཐཱུ ཨིདྷ;

ཏེསཾ མེ ནིཔཀོ ཨིརིཡཾ, པུཊྛོ པབྲཱུཧི མཱརིསཱ’’ཏི.

‘‘ཨིམསྶ ནུ ཁོ, སཱརིཔུཏྟ, སཾཁིཏྟེན བྷཱསིཏསྶ ཀཐཾ ཝིཏྠཱརེན ཨཏྠོ དཊྛབྦོ’’ཏི? ཨེཝཾ ¶ ཝུཏྟེ, ཨཱཡསྨཱ སཱརིཔུཏྟོ ཏུཎྷཱི ཨཧོསི. དུཏིཡམྤི ཁོ བྷགཝཱ ཨཱཡསྨནྟཾ སཱརིཔུཏྟཾ ཨཱམནྟེསི…པེ… དུཏིཡམྤི ཁོ ཨཱཡསྨཱ སཱརིཔུཏྟོ ཏུཎྷཱི ཨཧོསི. ཏཏིཡམྤི ཁོ བྷགཝཱ ཨཱཡསྨནྟཾ སཱརིཔུཏྟཾ ཨཱམནྟེསི – ‘‘ཝུཏྟམིདཾ, སཱརིཔུཏྟ, པཱརཱཡནེ ཨཛིཏཔཉྷེ –

‘‘ཡེ ཙ སངྑཱཏདྷམྨཱསེ, ཡེ ཙ སེཀྑཱ པུཐཱུ ཨིདྷ;

ཏེསཾ མེ ནིཔཀོ ཨིརིཡཾ, པུཊྛོ པབྲཱུཧི མཱརིསཱ’’ཏི.

‘‘ཨིམསྶ ¶ ནུ ཁོ, སཱརིཔུཏྟ, སཾཁིཏྟེན བྷཱསིཏསྶ ཀཐཾ ཝིཏྠཱརེན ཨཏྠོ དཊྛབྦོ’’ཏི? ཏཏིཡམྤི ཁོ ཨཱཡསྨཱ སཱརིཔུཏྟོ ཏུཎྷཱི ཨཧོསི.

‘‘བྷཱུཏམིདནྟི, སཱརིཔུཏྟ, པསྶསཱི’’ཏི? བྷཱུཏམིདནྟི, བྷནྟེ, ཡཐཱབྷཱུཏཾ ¶ སམྨཔྤཉྙཱཡ པསྶཏི. བྷཱུཏམིདནྟི ཡཐཱབྷཱུཏཾ སམྨཔྤཉྙཱཡ དིསྭཱ བྷཱུཏསྶ ནིབྦིདཱཡ ཝིརཱགཱཡ ནིརོདྷཱཡ པཊིཔནྣོ ཧོཏི. ཏདཱཧཱརསམྦྷཝནྟི ཡཐཱབྷཱུཏཾ སམྨཔྤཉྙཱཡ པསྶཏི. ཏདཱཧཱརསམྦྷཝནྟི ཡཐཱབྷཱུཏཾ སམྨཔྤཉྙཱཡ དིསྭཱ ཨཱཧཱརསམྦྷཝསྶ ནིབྦིདཱཡ ཝིརཱགཱཡ ནིརོདྷཱཡ པཊིཔནྣོ ¶ ཧོཏི. ཏདཱཧཱརནིརོདྷཱ ཡཾ བྷཱུཏཾ ཏཾ ནིརོདྷདྷམྨནྟི ཡཐཱབྷཱུཏཾ སམྨཔྤཉྙཱཡ པསྶཏི. ཏདཱཧཱརནིརོདྷཱ ཡཾ བྷཱུཏཾ ཏཾ ནིརོདྷདྷམྨནྟི ཡཐཱབྷཱུཏཾ སམྨཔྤཉྙཱཡ དིསྭཱ ནིརོདྷདྷམྨསྶ ནིབྦིདཱཡ ཝིརཱགཱཡ ནིརོདྷཱཡ པཊིཔནྣོ ཧོཏི. ཨེཝཾ ཁོ, བྷནྟེ, སེཀྑོ ཧོཏི.

‘‘ཀཐཉྩ, བྷནྟེ, སངྑཱཏདྷམྨོ ཧོཏི? བྷཱུཏམིདནྟི, བྷནྟེ, ཡཐཱབྷཱུཏཾ སམྨཔྤཉྙཱཡ པསྶཏི. བྷཱུཏམིདནྟི ཡཐཱབྷཱུཏཾ སམྨཔྤཉྙཱཡ དིསྭཱ བྷཱུཏསྶ ནིབྦིདཱ ཝིརཱགཱ ནིརོདྷཱ ཨནུཔཱདཱ ཝིམུཏྟོ ཧོཏི. ཏདཱཧཱརསམྦྷཝནྟི ཡཐཱབྷཱུཏཾ སམྨཔྤཉྙཱཡ པསྶཏི. ཏདཱཧཱརསམྦྷཝནྟི ཡཐཱབྷཱུཏཾ སམྨཔྤཉྙཱཡ དིསྭཱ ཨཱཧཱརསམྦྷཝསྶ ནིབྦིདཱ ཝིརཱགཱ ནིརོདྷཱ ཨནུཔཱདཱ ཝིམུཏྟོ ཧོཏི. ཏདཱཧཱརནིརོདྷཱ ཡཾ བྷཱུཏཾ ཏཾ ནིརོདྷདྷམྨནྟི ཡཐཱབྷཱུཏཾ སམྨཔྤཉྙཱཡ པསྶཏི. ཏདཱཧཱརནིརོདྷཱ ཡཾ བྷཱུཏཾ ཏཾ ནིརོདྷདྷམྨནྟི ཡཐཱབྷཱུཏཾ སམྨཔྤཉྙཱཡ དིསྭཱ ནིརོདྷདྷམྨསྶ ནིབྦིདཱ ཝིརཱགཱ ནིརོདྷཱ ¶ ཨནུཔཱདཱ ཝིམུཏྟོ ཧོཏི. ཨེཝཾ ཁོ, བྷནྟེ, སངྑཱཏདྷམྨོ ཧོཏི. ཨིཏི ཁོ, བྷནྟེ, ཡཾ ཏཾ ཝུཏྟཾ པཱརཱཡནེ ཨཛིཏཔཉྷེ –

‘‘ཡེ ¶ ¶ ཙ སངྑཱཏདྷམྨཱསེ, ཡེ ཙ སེཀྑཱ པུཐཱུ ཨིདྷ;

ཏེསཾ མེ ནིཔཀོ ཨིརིཡཾ, པུཊྛོ པབྲཱུཧི མཱརིསཱ’’ཏི.

‘‘ཨིམསྶ ཁྭཱཧཾ, བྷནྟེ, སཾཁིཏྟེན བྷཱསིཏསྶ ཨེཝཾ ཝིཏྠཱརེན ཨཏྠཾ ཨཱཛཱནཱམཱི’’ཏི.

‘‘སཱདྷུ སཱདྷུ, སཱརིཔུཏྟ, བྷཱུཏམིདནྟི, སཱརིཔུཏྟ, ཡཐཱབྷཱུཏཾ སམྨཔྤཉྙཱཡ པསྶཏི. བྷཱུཏམིདནྟི ཡཐཱབྷཱུཏཾ སམྨཔྤཉྙཱཡ དིསྭཱ བྷཱུཏསྶ ནིབྦིདཱཡ ཝིརཱགཱཡ ནིརོདྷཱཡ པཊིཔྤནྣོ ཧོཏི. ཏདཱཧཱརསམྦྷཝནྟི ཡཐཱབྷཱུཏཾ སམྨཔྤཉྙཱཡ པསྶཏི. ཏདཱཧཱརསམྦྷཝནྟི ཡཐཱབྷཱུཏཾ སམྨཔྤཉྙཱཡ དིསྭཱ ཨཱཧཱརསམྦྷཝསྶ ནིབྦིདཱཡ ཝིརཱགཱཡ ནིརོདྷཱཡ པཊིཔནྣོ ཧོཏི. ཏདཱཧཱརནིརོདྷཱ ཡཾ བྷཱུཏཾ ནིརོདྷདྷམྨནྟི ཡཐཱབྷཱུཏཾ སམྨཔྤཉྙཱཡ པསྶཏི. ཏདཱཧཱརནིརོདྷཱ ཡཾ བྷཱུཏཾ ཏཾ ནིརོདྷདྷམྨནྟི ཡཐཱབྷཱུཏཾ སམྨཔྤཉྙཱཡ དིསྭཱ ནིརོདྷདྷམྨསྶ ནིབྦིདཱཡ ཝིརཱགཱཡ ནིརོདྷཱཡ པཊིཔནྣོ ཧོཏི. ཨེཝཾ ཁོ, སཱརིཔུཏྟ, སེཀྑོ ཧོཏི.

‘‘ཀཐཉྩ, སཱརིཔུཏྟ, སངྑཱཏདྷམྨོ ཧོཏི? བྷཱུཏམིདནྟི, སཱརིཔུཏྟ, ཡཐཱབྷཱུཏཾ སམྨཔྤཉྙཱཡ པསྶཏི. བྷཱུཏམིདནྟི ཡཐཱབྷཱུཏཾ སམྨཔྤཉྙཱཡ དིསྭཱ ¶ བྷཱུཏསྶ ནིབྦིདཱ ཝིརཱགཱ ནིརོདྷཱ ཨནུཔཱདཱ ཝིམུཏྟོ ཧོཏི. ཏདཱཧཱརསམྦྷཝནྟི ཡཐཱབྷཱུཏཾ སམྨཔྤཉྙཱཡ པསྶཏི. ཏདཱཧཱརསམྦྷཝནྟི ཡཐཱབྷཱུཏཾ སམྨཔྤཉྙཱཡ དིསྭཱ ཨཱཧཱརསམྦྷཝསྶ ནིབྦིདཱ ཝིརཱགཱ ནིརོདྷཱ ཨནུཔཱདཱ ཝིམུཏྟོ ཧོཏི. ཏདཱཧཱརནིརོདྷཱ ཡཾ བྷཱུཏཾ ཏཾ ནིརོདྷདྷམྨནྟི ཡཐཱབྷཱུཏཾ སམྨཔྤཉྙཱཡ པསྶཏི. ཏདཱཧཱརནིརོདྷཱ ¶ ཡཾ བྷཱུཏཾ ཏཾ ནིརོདྷདྷམྨནྟི ཡཐཱབྷཱུཏཾ སམྨཔྤཉྙཱ ¶ དིསྭཱ ནིརོདྷདྷམྨསྶ ནིབྦིདཱ ཝིརཱགཱ ནིརོདྷཱ ཨནུཔཱདཱ ཝིམུཏྟོ ཧོཏི. ཨེཝཾ ཁོ, སཱརིཔུཏྟ, སངྑཱཏདྷམྨོ ཧོཏི. ཨིཏི ཁོ, སཱརིཔུཏྟ, ཡཾ ཏཾ ཝུཏྟཾ པཱརཱཡནེ ཨཛིཏཔཉྷེ –

‘‘ཡེ ཙ སངྑཱཏདྷམྨཱསེ, ཡེ ཙ སེཀྑཱ པུཐཱུ ཨིདྷ;

ཏེསཾ མེ ནིཔཀོ ཨིརིཡཾ, པུཊྛོ པབྲཱུཧི མཱརིསཱ’’ཏི.

‘‘ཨིམསྶ ཁོ སཱརིཔུཏྟ སཾཁིཏྟེན བྷཱསིཏསྶ ཨེཝཾ ཝིཏྠཱརེན ཨཏྠོ དཊྛབྦོ’’ཏི. པཋམཾ.

༢. ཀལཱ༹རསུཏྟཾ

༣༢. སཱཝཏྠིཡཾ ¶ ཝིཧརཏི. ཨཐ ཁོ ཀལཱ༹རཁཏྟིཡོ བྷིཀྑུ ཡེནཱཡསྨཱ སཱརིཔུཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨཏཱ སཱརིཔུཏྟེན སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཀལཱ༹རཁཏྟིཡོ བྷིཀྑུ ཨཱཡསྨནྟཾ སཱརིཔུཏྟཾ ཨེཏདཝོཙ – ‘‘མོལི༹ཡཕགྒུནོ, ཨཱཝུསོ སཱརིཔུཏྟ, བྷིཀྑུ སིཀྑཾ པཙྩཀྑཱཡ ཧཱིནཱཡཱཝཏྟོཏི. ན ཧི ནཱུན སོ ཨཱཡསྨཱ ཨིམསྨིཾ དྷམྨཝིནཡེ ཨསྶཱསམལཏྠཱཏི. ཏེན ཧཱཡསྨཱ སཱརིཔུཏྟོ ཨིམསྨིཾ དྷམྨཝིནཡེ ཨསྶཱསཾ པཏྟོ’’ཏི?

‘‘ན ཁྭཱཧཾ, ཨཱཝུསོ, ཀངྑཱམཱི’’ཏི. ‘‘ཨཱཡཏིཾ, པནཱཝུསོ’’ཏི?

‘‘ན ཁྭཱཧཾ, ཨཱཝུསོ, ཝིཙིཀིཙྪཱམཱི’’ཏི.

ཨཐ ཁོ ཀལཱ༹རཁཏྟིཡོ བྷིཀྑུ ཨུཊྛཱཡཱསནཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི ¶ . ཨེཀམནྟཾ ནིསིནྣོ ཁོ ཀལཱ༹རཁཏྟིཡོ བྷིཀྑུ བྷགཝནྟཾ ¶ ཨེཏདཝོཙ – ‘‘ཨཱཡསྨཏཱ, བྷནྟེ, སཱརིཔུཏྟེན ཨཉྙཱ བྱཱཀཏཱ – ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱམཱི’’ཏི.

ཨཐ ཁོ བྷགཝཱ ཨཉྙཏརཾ བྷིཀྑུཾ ཨཱམནྟེསི – ‘‘ཨེཧི ཏྭཾ, བྷིཀྑུ, མམ ཝཙནེན སཱརིཔུཏྟཾ ཨཱམནྟེཧི – ‘སཏྠཱ ཏཾ, ཨཱཝུསོ སཱརིཔུཏྟ, ཨཱམནྟེཏཱི’’’ཏི ¶ . ‘‘ཨེཝཾ, བྷནྟེ’’ཏི ཁོ སོ བྷིཀྑུ བྷགཝཏོ པཊིསྶུཏྭཱ ཡེནཱཡསྨཱ སཱརིཔུཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ སཱརིཔུཏྟཾ ཨེཏདཝོཙ – ‘‘སཏྠཱ ཏཾ, ཨཱཝུསོ སཱརིཔུཏྟ, ཨཱམནྟེཏཱི’’ཏི. ‘‘ཨེཝཾ, ཨཱཝུསོ’’ཏི ཁོ ཨཱཡསྨཱ སཱརིཔུཏྟོ ཏསྶ བྷིཀྑུནོ པཊིསྶུཏྭཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨཱཡསྨནྟཾ སཱརིཔུཏྟཾ བྷགཝཱ ཨེཏདཝོཙ – ‘‘སཙྩཾ ཀིར ཏཡཱ, སཱརིཔུཏྟ, ཨཉྙཱ བྱཱཀཏཱ – ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱམཱི’’ཏི? ‘‘ན ཁོ, བྷནྟེ, ཨེཏེཧི པདེཧི ཨེཏེཧི བྱཉྫནེཧི ཨཏྠོ [ཨཏྠོ ཙ (སྱཱ. ཀཾ. ཀ.)] ཝུཏྟོ’’ཏི. ‘‘ཡེན ཀེནཙིཔི, སཱརིཔུཏྟ, པརིཡཱཡེན ཀུལཔུཏྟོ ཨཉྙཾ བྱཱཀརོཏི, ཨཐ ཁོ བྱཱཀཏཾ བྱཱཀཏཏོ དཊྛབྦ’’ནྟི. ‘‘ནནུ ཨཧམྤི ¶ , བྷནྟེ, ཨེཝཾ ཝདཱམི – ‘ན ཁོ, བྷནྟེ, ཨེཏེཧི པདེཧི ཨེཏེཧི བྱཉྫནེཧི ཨཏྠོ ཝུཏྟོ’’’ཏི.

‘‘སཙེ ཏཾ, སཱརིཔུཏྟ, ཨེཝཾ པུཙྪེཡྻུཾ – ‘ཀཐཾ ཛཱནཏཱ པན ཏཡཱ, ཨཱཝུསོ སཱརིཔུཏྟ, ཀཐཾ པསྶཏཱ ཨཉྙཱ ¶ བྱཱཀཏཱ – ཁཱིཎཱ ཛཱཏི ཝུསིཏཾ བྲཧྨཙརིཡཾ ཀཏཾ ཀརཎཱིཡཾ ནཱཔརཾ ཨིཏྠཏྟཱཡཱཏི པཛཱནཱམཱི’ཏི. ཨེཝཾ པུཊྛོ ཏྭཾ, སཱརིཔུཏྟ, ཀིནྟི བྱཱཀརེཡྻཱསཱི’’ཏི?

‘‘སཙེ མཾ, བྷནྟེ, ཨེཝཾ པུཙྪེཡྻུཾ – ‘ཀཐཾ ཛཱནཏཱ པན ཏཡཱ, ཨཱཝུསོ སཱརིཔུཏྟ, ཀཐཾ པསྶཏཱ ཨཉྙཱ བྱཱཀཏཱ – ཁཱིཎཱ ¶ ཛཱཏི ཝུསིཏཾ བྲཧྨཙརིཡཾ ཀཏཾ ཀརཎཱིཡཾ ནཱཔརཾ ཨིཏྠཏྟཱཡཱཏི པཛཱནཱམཱི’ཏི; ཨེཝཾ པུཊྛོཧཾ [པུཊྛོ ཨཧཾ (སྱཱ. ཀཾ.), པུཊྛཱཧཾ (པཱི. ཀ.)], བྷནྟེ, ཨེཝཾ བྱཱཀརེཡྻཾ – ‘ཡཾནིདཱནཱ, ཨཱཝུསོ, ཛཱཏི, ཏསྶ ནིདཱནསྶ ཁཡཱ ཁཱིཎསྨིཾ ཁཱིཎཱམྷཱིཏི ཝིདིཏཾ. ཁཱིཎཱམྷཱིཏི ཝིདིཏྭཱ – ཁཱིཎཱཛཱཏི ཝུསིཏཾ བྲཧྨཙརིཡཾ ཀཏཾ ཀརཎཱིཡཾ ནཱཔརཾ ཨིཏྠཏྟཱཡཱཏི པཛཱནཱམཱི’ཏི. ཨེཝཾ པུཊྛོཧཾ, བྷནྟེ, ཨེཝཾ བྱཱཀརེཡྻ’’ནྟི.

‘‘སཙེ པན ཏཾ, སཱརིཔུཏྟ, ཨེཝཾ པུཙྪེཡྻུཾ – ‘ཛཱཏི པནཱཝུསོ སཱརིཔུཏྟ, ཀིཾནིདཱནཱ ཀིཾསམུདཡཱ ཀིཾཛཱཏིཀཱ ཀིཾཔབྷཝཱ’ཏི? ཨེཝཾ པུཊྛོ ཏཾ, སཱརིཔུཏྟ, ཀིནྟི བྱཱཀརེཡྻཱསཱི’’ཏི? ‘‘སཙེ མཾ, བྷནྟེ, ཨེཝཾ པུཙྪེཡྻུཾ – ‘ཛཱཏི པནཱཝུསོ སཱརིཔུཏྟ, ཀིཾནིདཱནཱ ཀིཾསམུདཡཱ ཀིཾཛཱཏིཀཱ ཀིཾཔབྷཝཱ’ཏི? ཨེཝཾ པུཊྛོཧཾ, བྷནྟེ, ཨེཝཾ བྱཱཀརེཡྻཾ – ‘ཛཱཏི ཁོ, ཨཱཝུསོ, བྷཝནིདཱནཱ བྷཝསམུདཡཱ ¶ བྷཝཛཱཏིཀཱ བྷཝཔྤབྷཝཱ’ཏི. ཨེཝཾ པུཊྛོཧཾ, བྷནྟེ, ཨེཝཾ བྱཱཀརེཡྻ’’ནྟི.

‘‘སཙེ པན ཏཾ, སཱརིཔུཏྟ, ཨེཝཾ པུཙྪེཡྻུཾ – ‘བྷཝོ པནཱཝུསོ སཱརིཔུཏྟ, ཀིཾནིདཱནོ ཀིཾསམུདཡོ ཀིཾཛཱཏིཀོ ཀིཾཔབྷཝོ’ཏི? ཨེཝཾ པུཊྛོ ཏྭཾ, སཱརིཔུཏྟ, ཀིནྟི བྱཱཀརེཡྻཱསཱི’’ཏི? ‘‘སཙེ མཾ, བྷནྟེ, ཨེཝཾ པུཙྪེཡྻུཾ – ‘བྷཝོ པནཱཝུསོ སཱརིཔུཏྟ, ཀིཾནིདཱནོ ཀིཾསམུདཡོ ཀིཾཛཱཏིཀོ ཀིཾཔབྷཝོ’ཏི ¶ ? ཨེཝཾ པུཊྛོཧཾ, བྷནྟེ, ཨེཝཾ བྱཱཀརེཡྻཾ – ‘བྷཝོ ཁོ, ཨཱཝུསོ, ཨུཔཱདཱནནིདཱནོ ཨུཔཱདཱནསམུདཡོ ཨུཔཱདཱནཛཱཏིཀོ ཨུཔཱདཱནཔྤབྷཝོ’ཏི. ཨེཝཾ པུཊྛོཧཾ, བྷནྟེ, ཨེཝཾ བྱཱཀརེཡྻ’’ནྟི.

‘‘སཙེ ¶ པན ཏཾ, སཱརིཔུཏྟ, ཨེཝཾ པུཙྪེཡྻུཾ – ‘ཨུཔཱདཱནཾ པནཱཝུསོ…པེ… སཙེ པན ཏཾ, སཱརིཔུཏྟ, ཨེཝཾ པུཙྪེཡྻུཾ – ཏཎྷཱ པནཱཝུསོ སཱརིཔུཏྟ, ཀིཾནིདཱནཱ ཀིཾསམུདཡཱ ཀིཾཛཱཏིཀཱ ཀིཾཔབྷཝཱ’ཏི? ཨེཝཾ པུཊྛོ ཏྭཾ, སཱརིཔུཏྟ, ཀིནྟི བྱཱཀརེཡྻཱསཱི’’ཏི? ‘‘སཙེ ¶ མཾ, བྷནྟེ, ཨེཝཾ པུཙྪེཡྻུཾ – ཏཎྷཱ པནཱཝུསོ སཱརིཔུཏྟ, ཀིཾནིདཱནཱ ཀིཾསམུདཡཱ ཀིཾཛཱཏིཀཱ ཀིཾཔབྷཝཱ’ཏི? ཨེཝཾ པུཊྛོཧཾ, བྷནྟེ, ཨེཝཾ བྱཱཀརེཡྻཾ – ‘ཏཎྷཱ ཁོ, ཨཱཝུསོ, ཝེདནཱནིདཱནཱ ཝེདནཱསམུདཡཱ ཝེདནཱཛཱཏིཀཱ ཝེདནཱཔབྷཝཱ’ཏི. ཨེཝཾ པུཊྛོཧཾ, བྷནྟེ, ཨེཝཾ བྱཱཀརེཡྻ’’ནྟི.

‘‘སཙེ ¶ པན ཏཾ, སཱརིཔུཏྟ, ཨེཝཾ པུཙྪེཡྻུཾ – ‘ཀཐཾ ཛཱནཏོ པན ཏེ, ཨཱཝུསོ སཱརིཔུཏྟ, ཀཐཾ པསྶཏོ ཡཱ ཝེདནཱསུ ནནྡཱི སཱ ན ཨུཔཊྛཱསཱི’ཏི. ཨེཝཾ པུཊྛོ ཏྭཾ, སཱརིཔུཏྟ, ཀིནྟི བྱཱཀརེཡྻཱསཱི’’ཏི? ‘‘སཙེ མཾ, བྷནྟེ, ཨེཝཾ པུཙྪེཡྻུཾ – ‘ཀཐཾ ཛཱནཏོ པན ཏེ, ཨཱཝུསོ སཱརིཔུཏྟ, ཀཐཾ པསྶཏོ ཡཱ ཝེདནཱསུ ནནྡཱི སཱ ན ཨུཔཊྛཱསཱི’ཏི ཨེཝཾ པུཊྛོཧཾ, བྷནྟེ, ཨེཝཾ བྱཱཀརེཡྻཾ – ‘ཏིསྶོ ཁོ ཨིམཱ, ཨཱཝུསོ, ཝེདནཱ. ཀཏམཱ ཏིསྶོ? སུཁཱ ཝེདནཱ, དུཀྑཱ ཝེདནཱ, ཨདུཀྑམསུཁཱ ཝེདནཱ. ཨིམཱ ཁོ, ཨཱཝུསོ, ཏིསྶོ ཝེདནཱ ཨནིཙྩཱ. ཡདནིཙྩཾ ཏཾ དུཀྑནྟི ཝིདིཏཾ [ཝིདིཏཱ (ཊཱིཀཱ)], ཡཱ ཝེདནཱསུ ནནྡཱི སཱ ན ཨུཔཊྛཱསཱི’ཏི. ཨེཝཾ, པུཊྛོཧཾ, བྷནྟེ, ཨེཝཾ བྱཱཀརེཡྻ’’ནྟི.

‘‘སཱདྷུ སཱདྷུ, སཱརིཔུཏྟ. ཨཡམྤི ཁོ, སཱརིཔུཏྟ, པརིཡཱཡོ, ཨེཏསྶེཝ ཨཏྠསྶ སཾཁིཏྟེན ཝེཡྻཱཀརཎཱཡ – ‘ཡཾ ཀིཉྩི ཝེདཡིཏཾ ཏཾ དུཀྑསྨི’’’ནྟི.

‘‘སཙེ ¶ པན ཏཾ, སཱརིཔུཏྟ, ཨེཝཾ པུཙྪེཡྻུཾ – ‘ཀཐཾ ཝིམོཀྑཱ པན ཏཡཱ, ཨཱཝུསོ སཱརིཔུཏྟ, ཨཉྙཱ བྱཱཀཏཱ – ཁཱིཎཱ ཛཱཏི ཝུསིཏཾ བྲཧྨཙརིཡཾ ཀཏཾ ཀརཎཱིཡཾ ནཱཔརཾ ཨིཏྠཏྟཱཡཱཏི པཛཱནཱམཱི’ཏི? ཨེཝཾ པུཊྛོ ཏྭཾ, སཱརིཔུཏྟ, ཀིནྟི བྱཱཀརེཡྻཱསཱི’’ཏི? ‘‘སཙེ མཾ, བྷནྟེ, ཨེཝཾ པུཙྪེཡྻུཾ – ‘ཀཐཾ ཝིམོཀྑཱ པན ཏཡཱ, ཨཱཝུསོ སཱརིཔུཏྟ, ཨཉྙཱ བྱཱཀཏཱ ¶ – ཁཱིཎཱ ཛཱཏི ཝུསིཏཾ བྲཧྨཙརིཡཾ ཀཏཾ ཀརཎཱིཡཾ ནཱཔརཾ ཨིཏྠཏྟཱཡཱཏི པཛཱནཱམཱི’ཏི. ཨེཝཾ པུཊྛོཧཾ, བྷནྟེ, ཨེཝཾ བྱཱཀརེཡྻཾ – ‘ཨཛ྄ཛྷཏྟཾ ¶ ཝིམོཀྑཱ ཁྭཱཧཾ, ཨཱཝུསོ, སབྦུཔཱདཱནཀྑཡཱ ཏཐཱ སཏོ ཝིཧརཱམི ཡཐཱ སཏཾ ཝིཧརནྟཾ ཨཱསཝཱ ནཱནུསྶཝནྟི, ཨཏྟཱནཉྩ ནཱཝཛཱནཱམཱི’ཏི. ཨེཝཾ པུཊྛོཧཾ, བྷནྟེ, ཨེཝཾ བྱཱཀརེཡྻ’’ནྟི.

‘‘སཱདྷུ ¶ སཱདྷུ, སཱརིཔུཏྟ. ཨཡམྤི ཁོ སཱརིཔུཏྟ, པརིཡཱཡོ ཨེཏསྶེཝ ཨཏྠསྶ སཾཁིཏྟེན ཝེཡྻཱཀརཎཱཡ – ཡེ ཨཱསཝཱ སམཎེན ཝུཏྟཱ ཏེསྭཱཧཾ ན ཀངྑཱམི, ཏེ མེ པཧཱིནཱཏི ན ཝིཙིཀིཙྪཱམཱི’’ཏི. ཨིདམཝོཙ བྷགཝཱ. ཨིདཾ ཝཏྭཱ སུགཏོ ཨུཊྛཱཡཱསནཱ ཝིཧཱརཾ པཱཝིསི.

ཏཏྲ ཁོ ཨཱཡསྨཱ སཱརིཔུཏྟོ ཨཙིརཔཀྐནྟསྶ བྷགཝཏོ བྷིཀྑཱུ ཨཱམནྟེསི – ‘‘པུབྦེ ཨཔྤཊིསཾཝིདིཏཾ མཾ, ཨཱཝུསོ, བྷགཝཱ པཋམཾ པཉྷཾ ཨཔུཙྪི, ཏསྶ མེ ཨཧོསི དནྡྷཱཡིཏཏྟཾ. ཡཏོ ཙ ཁོ མེ, ཨཱཝུསོ, བྷགཝཱ པཋམཾ པཉྷཾ ཨནུམོདི, ཏསྶ མཡ྄ཧཾ, ཨཱཝུསོ, ཨེཏདཧོསི – དིཝསཾ ཙེཔི མཾ བྷགཝཱ ཨེཏམཏྠཾ པུཙྪེཡྻ ཨཉྙམཉྙེཧི པདེཧི ཨཉྙམཉྙེཧི པརིཡཱཡེཧི, དིཝསམྤཱཧཾ བྷགཝཏོ ཨེཏམཏྠཾ བྱཱཀརེཡྻཾ ཨཉྙམཉྙེཧི པདེཧི ཨཉྙམཉྙེཧི པརིཡཱཡེཧི. རཏྟིཾ ཙེཔི མཾ བྷགཝཱ ཨེཏམཏྠཾ པུཙྪེཡྻ ཨཉྙམཉྙེཧི པདེཧི ཨཉྙམཉྙེཧི པརིཡཱཡེཧི, རཏྟིམྤཱཧཾ བྷགཝཏོ ཨེཏམཏྠཾ བྱཱཀརེཡྻཾ ཨཉྙམཉྙེཧི པདེཧི ཨཉྙམཉྙེཧི པརིཡཱཡེཧི. རཏྟིནྡིཝཾ [རཏྟིདིཝཾ (ཀ.)] ཙེཔི མཾ བྷགཝཱ ཨེཏམཏྠཾ པུཙྪེཡྻ ཨཉྙམཉྙེཧི པདེཧི ཨཉྙམཉྙེཧི པརིཡཱཡེཧི ¶ , རཏྟིནྡིཝམྤཱཧཾ བྷགཝཏོ ཨེཏམཏྠཾ བྱཱཀརེཡྻཾ ཨཉྙམཉྙེཧི པདེཧི ཨཉྙམཉྙེཧི པརིཡཱཡེཧི. དྭེ ¶ རཏྟིནྡིཝཱནི ཙེཔི མཾ བྷགཝཱ ཨེཏམཏྠཾ པུཙྪེཡྻ…པེ… དྭེ རཏྟིནྡིཝཱནིཔཱཧཾ བྷགཝཏོ ཨེཏམཏྠཾ བྱཱཀརེཡྻཾ…པེ… ཏཱིཎི རཏྟིནྡིཝཱནི ཙེཔི མཾ བྷགཝཱ ཨེཏམཏྠཾ པུཙྪེཡྻ…པེ… ཏཱིཎི རཏྟིནྡིཝཱནིཔཱཧཾ བྷགཝཏོ ཨེཏམཏྠཾ བྱཱཀརེཡྻཾ…པེ… ཙཏྟཱརི རཏྟིནྡིཝཱནི ཙེཔི མཾ བྷགཝཱ ཨེཏམཏྠཾ པུཙྪེཡྻ…པེ… ཙཏྟཱརི རཏྟིནྡིཝཱནིཔཱཧཾ ¶ བྷགཝཏོ ཨེཏམཏྠཾ བྱཱཀརེཡྻཾ…པེ… པཉྩ རཏྟིནྡིཝཱནི ཙེཔི མཾ བྷགཝཱ ཨེཏམཏྠཾ པུཙྪེཡྻ…པེ… པཉྩ རཏྟིནྡིཝཱནིཔཱཧཾ བྷགཝཏོ ཨེཏམཏྠཾ བྱཱཀརེཡྻཾ…པེ… ཚ རཏྟིནྡིཝཱནི ཙེཔི མཾ བྷགཝཱ ཨེཏམཏྠཾ པུཙྪེཡྻ…པེ… ཚ རཏྟིནྡིཝཱནིཔཱཧཾ བྷགཝཏོ ཨེཏམཏྠཾ བྱཱཀརེཡྻཾ…པེ… སཏྟ རཏྟིནྡིཝཱནི ཙེཔི མཾ བྷགཝཱ ཨེཏམཏྠཾ པུཙྪེཡྻ ཨཉྙམཉྙེཧི པདེཧི ཨཉྙམཉྙེཧི པརིཡཱཡེཧི, སཏྟ རཏྟིནྡིཝཱནིཔཱཧཾ བྷགཝཏོ ཨེཏམཏྠཾ བྱཱཀརེཡྻཾ ཨཉྙམཉྙེཧི པདེཧི ཨཉྙམཉྙེཧི པརིཡཱཡེཧཱི’’ཏི.

ཨཐ ཁོ ཀལཱ༹རཁཏྟིཡོ བྷིཀྑུ ཨུཊྛཱཡཱསནཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཀལཱ༹རཁཏྟིཡོ བྷིཀྑུ བྷགཝནྟཾ ཨེཏདཝོཙ – ‘‘ཨཱཡསྨཏཱ, བྷནྟེ, སཱརིཔུཏྟེན སཱིཧནཱདོ ནདིཏོ – པུབྦེ ཨཔྤཊིསཾཝིདིཏཾ མཾ, ཨཱཝུསོ, བྷགཝཱ པཋམཾ པཉྷཾ ཨཔུཙྪི, ཏསྶ མེ ཨཧོསི དནྡྷཱཡིཏཏྟཾ. ཡཏོ ¶ ཙ ཁོ མེ, ཨཱཝུསོ, བྷགཝཱ པཋམཾ པཉྷཾ ཨནུམོདི ¶ , ཏསྶ མཡ྄ཧཾ, ཨཱཝུསོ, ཨེཏདཧོསི – དིཝསཾ ཙེཔི མཾ བྷགཝཱ ཨེཏམཏྠཾ པུཙྪེཡྻ ཨཉྙམཉྙེཧི པདེཧི ཨཉྙམཉྙེཧི པརིཡཱཡེཧི, དིཝསམྤཱཧཾ བྷགཝཏོ ཨེཏམཏྠཾ བྱཱཀརེཡྻཾ ཨཉྙམཉྙེཧི པདེཧི ཨཉྙམཉྙེཧི པརིཡཱཡེཧི; རཏྟིཾ ཙེཔི…པེ… རཏྟིནྡིཝཾ ཙེཔི མཾ བྷགཝཱ…པེ… དྭེ རཏྟིནྡིཝཱནི ཙེཔི མཾ བྷགཝཱ…པེ… ཏཱིཎི… ཙཏྟཱརི… པཉྩ… ཚ… སཏྟ རཏྟིནྡིཝཱནི ཙེཔི མཾ བྷགཝཱ ཨེཏམཏྠཾ པུཙྪེཡྻ ¶ ཨཉྙམཉྙེཧི པདེཧི ཨཉྙམཉྙེཧི པརིཡཱཡེཧི, སཏྟ རཏྟིནྡིཝཱནིཔཱཧཾ བྷགཝཏོ ཨེཏམཏྠཾ བྱཱཀརེཡྻཾ ཨཉྙམཉྙེཧི པདེཧི ཨཉྙམཉྙེཧི པརིཡཱཡེཧཱི’’ཏི.

‘‘སཱ ཧི, བྷིཀྑུ, སཱརིཔུཏྟསྶ དྷམྨདྷཱཏུ སུཔྤཊིཝིདྡྷཱ, ཡསྶཱ དྷམྨདྷཱཏུཡཱ སུཔྤཊིཝིདྡྷཏྟཱ དིཝསཾ ཙེཔཱཧཾ སཱརིཔུཏྟཾ ཨེཏམཏྠཾ པུཙྪེཡྻཾ ཨཉྙམཉྙེཧི པདེཧི ཨཉྙམཉྙེཧི པརིཡཱཡེཧི, དིཝསམྤི མེ སཱརིཔུཏྟོ ཨེཏམཏྠཾ བྱཱཀརེཡྻ ཨཉྙམཉྙེཧི པདེཧི ཨཉྙམཉྙེཧི པརིཡཱཡེཧི. རཏྟིཾ ཙེཔཱཧཾ སཱརིཔུཏྟཾ ཨེཏམཏྠཾ པུཙྪེཡྻཾ ཨཉྙམཉྙེཧི པདེཧི ཨཉྙམཉྙེཧི པརིཡཱཡེཧི, རཏྟིམྤི མེ སཱརིཔུཏྟོ ཨེཏམཏྠཾ བྱཱཀརེཡྻ…པེ… རཏྟིནྡིཝཾ ཙེཔཱཧཾ སཱརིཔུཏྟཾ ཨེཏམཏྠཾ པུཙྪེཡྻཾ, རཏྟིནྡིཝམྤི མེ སཱརིཔུཏྟོ ཨེཏམཏྠཾ བྱཱཀརེཡྻ… དྭེ རཏྟིནྡིཝཱནི ཙེཔཱཧཾ སཱརིཔུཏྟཾ ཨེཏམཏྠཾ པུཙྪེཡྻཾ, དྭེ རཏྟིནྡིཝཱནིཔི མེ སཱརིཔུཏྟོ ཨེཏམཏྠཾ བྱཱཀརེཡྻ… ཏཱིཎི རཏྟིནྡིཝཱནི ཙེཔཱཧཾ སཱརིཔུཏྟཾ ཨེཏམཏྠཾ པུཙྪེཡྻཾ, ཏཱིཎི རཏྟིནྡིཝཱནིཔི ¶ མེ སཱརིཔུཏྟོ ཨེཏམཏྠཾ ¶ བྱཱཀརེཡྻ… ཙཏྟཱརི རཏྟིནྡིཝཱནི ཙེཔཱཧཾ སཱརིཔུཏྟཾ ཨེཏམཏྠཾ པུཙྪེཡྻཾ, ཙཏྟཱརི རཏྟིནྡིཝཱནིཔི མེ སཱརིཔུཏྟོ ཨེཏམཏྠཾ བྱཱཀརེཡྻ… པཉྩ རཏྟིནྡིཝཱནི ཙེཔཱཧཾ སཱརིཔུཏྟཾ ཨེཏམཏྠཾ པུཙྪེཡྻཾ, པཉྩ རཏྟིནྡིཝཱནིཔི མེ སཱརིཔུཏྟོ ཨེཏམཏྠཾ བྱཱཀརེཡྻ… ཚ རཏྟིནྡིཝཱནི ཙེཔཱཧཾ སཱརིཔུཏྟཾ ཨེཏམཏྠཾ པུཙྪེཡྻཾ, ཚ རཏྟིནྡིཝཱནིཔི མེ སཱརིཔུཏྟོ ཨེཏམཏྠཾ བྱཱཀརེཡྻ… སཏྟ རཏྟིནྡིཝཱནི ཙེཔཱཧཾ སཱརིཔུཏྟཾ ཨེཏམཏྠཾ པུཙྪེཡྻཾ ཨཉྙམཉྙེཧི པདེཧི ཨཉྙམཉྙེཧི པརིཡཱཡེཧི, སཏྟ རཏྟིནྡིཝཱནིཔི མེ སཱརིཔུཏྟོ ཨེཏམཏྠཾ བྱཱཀརེཡྻ ཨཉྙམཉྙེཧི པདེཧི ཨཉྙམཉྙེཧི པརིཡཱཡེཧཱི’’ཏི. དུཏིཡཾ.

༣. ཉཱཎཝཏྠུསུཏྟཾ

༣༣. སཱཝཏྠིཡཾ…པེ… ‘‘ཙཏུཙཏྟཱརཱིསཾ ཝོ, བྷིཀྑཝེ, ཉཱཎཝཏྠཱུནི དེསེསྶཱམི, ཏཾ སུཎཱཐ, སཱདྷུཀཾ ¶ མནསི ཀརོཐ; བྷཱསིསྶཱམཱི’’ཏི. ‘‘ཨེཝཾ, བྷནྟེ’’ཏི ཁོ ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཀཏམཱནི [ཀཏམཱནི ཙ (སྱཱ. ཀཾ. པཱི. ཀ.)], བྷིཀྑཝེ, ཙཏུཙཏྟཱརཱིསཾ ཉཱཎཝཏྠཱུནི? ཛརཱམརཎེ ¶ ཉཱཎཾ, ཛརཱམརཎསམུདཡེ ཉཱཎཾ, ཛརཱམརཎནིརོདྷེ ཉཱཎཾ, ཛརཱམརཎནིརོདྷགཱམིནིཡཱ པཊིཔདཱཡ ཉཱཎཾ; ཛཱཏིཡཱ ཉཱཎཾ, ཛཱཏིསམུདཡེ ཉཱཎཾ, ཛཱཏིནིརོདྷེ ཉཱཎཾ, ཛཱཏིནིརོདྷགཱམིནིཡཱ པཊིཔདཱཡ ཉཱཎཾ; བྷཝེ ཉཱཎཾ, བྷཝསམུདཡེ ཉཱཎཾ, བྷཝནིརོདྷེ ཉཱཎཾ, བྷཝནིརོདྷགཱམིནིཡཱ པཊིཔདཱཡ ཉཱཎཾ; ཨུཔཱདཱནེ ཉཱཎཾ, ཨུཔཱདཱནསམུདཡེ ཉཱཎཾ, ཨུཔཱདཱནནིརོདྷེ ཉཱཎཾ, ཨུཔཱདཱནནིརོདྷགཱམིནིཡཱ པཊིཔདཱཡ ¶ ཉཱཎཾ; ཏཎྷཱཡ ཉཱཎཾ, ཏཎྷཱསམུདཡེ ཉཱཎཾ, ཏཎྷཱནིརོདྷེ ཉཱཎཾ, ཏཎྷཱནིརོདྷགཱམིནིཡཱ པཊིཔདཱཡ ཉཱཎཾ; ཝེདནཱཡ ཉཱཎཾ, ཝེདནཱསམུདཡེ ཉཱཎཾ, ཝེདནཱནིརོདྷེ ཉཱཎཾ, ཝེདནཱནིརོདྷགཱམིནིཡཱ པཊིཔདཱཡ ཉཱཎཾ; ཕསྶེ ཉཱཎཾ…པེ… སལཱ༹ཡཏནེ ཉཱཎཾ… ནཱམརཱུཔེ ཉཱཎཾ… ཝིཉྙཱཎེ ཉཱཎཾ… སངྑཱརེསུ ཉཱཎཾ, སངྑཱརསམུདཡེ ཉཱཎཾ, སངྑཱརནིརོདྷེ ཉཱཎཾ, སངྑཱརནིརོདྷགཱམིནིཡཱ པཊིཔདཱཡ ཉཱཎཾ. ཨིམཱནི ཝུཙྩནྟི, བྷིཀྑཝེ, ཙཏུཙཏྟཱརཱིསཾ ཉཱཎཝཏྠཱུནི.

‘‘ཀཏམཉྩ, བྷིཀྑཝེ, ཛརཱམརཎཾ? ཡཱ ཏེསཾ ཏེསཾ སཏྟཱནཾ ཏམྷི ཏམྷི སཏྟནིཀཱཡེ ཛརཱ ཛཱིརཎཏཱ ཁཎྜིཙྩཾ པཱལིཙྩཾ ཝལིཏྟཙཏཱ ཨཱཡུནོ སཾཧཱནི ¶ ཨིནྡྲིཡཱནཾ པརིཔཱཀོ, ཨཡཾ ཝུཙྩཏི ཛརཱ. ཡཱ ཏེསཾ ཏེསཾ སཏྟཱནཾ ཏམྷཱ ཏམྷཱ སཏྟནིཀཱཡཱ ཙུཏི ཙཝནཏཱ བྷེདོ ཨནྟརདྷཱནཾ མཙྩུ མརཎཾ ཀཱལཀིརིཡཱ ཁནྡྷཱནཾ བྷེདོ ཀལེ༹ཝརསྶ ནིཀྑེཔོ. ཨིདཾ ཝུཙྩཏི མརཎཾ. ཨིཏི ཨཡཉྩ ཛརཱ, ཨིདཉྩ མརཎཾ; ཨིདཾ ཝུཙྩཏི, བྷིཀྑཝེ, ཛརཱམརཎཾ.

‘‘ཛཱཏིསམུདཡཱ ཛརཱམརཎསམུདཡོ; ཛཱཏིནིརོདྷཱ ཛརཱམརཎནིརོདྷོ; ཨཡམེཝ ཨརིཡོ ཨཊྛངྒིཀོ མགྒོ ཛརཱམརཎནིརོདྷགཱམིནཱི པཊིཔདཱ, སེཡྻཐིདཾ – སམྨཱདིཊྛི…པེ… སམྨཱསམཱདྷི.

‘‘ཡཏོ ཁོ, བྷིཀྑཝེ, ཨརིཡསཱཝཀོ ཨེཝཾ ཛརཱམརཎཾ པཛཱནཱཏི, ཨེཝཾ ཛརཱམརཎསམུདཡཾ པཛཱནཱཏི, ཨེཝཾ ཛརཱམརཎནིརོདྷཾ ¶ པཛཱནཱཏི, ཨེཝཾ ཛརཱམརཎནིརོདྷགཱམིནིཾ པཊིཔདཾ པཛཱནཱཏི, ཨིདམསྶ དྷམྨེ ཉཱཎཾ ¶ . སོ ཨིམིནཱ དྷམྨེན དིཊྛེན ཝིདིཏེན ཨཀཱལིཀེན པཏྟེན པརིཡོགཱལ༹ྷེན ཨཏཱིཏཱནཱགཏེན ཡཾ ནེཏི.

‘‘ཡེ ¶ ཁོ ཀེཙི ཨཏཱིཏམདྡྷཱནཾ སམཎཱ ཝཱ བྲཱཧྨཎཱ ཝཱ ཛརཱམརཎཾ ཨབྦྷཉྙཾསུ, ཛརཱམརཎསམུདཡཾ ཨབྦྷཉྙཾསུ, ཛརཱམརཎནིརོདྷཾ ཨབྦྷཉྙཾསུ, ཛརཱམརཎནིརོདྷགཱམིནིཾ པཊིཔདཾ ཨབྦྷཉྙཾསུ, སབྦེ ཏེ ཨེཝམེཝ ཨབྦྷཉྙཾསུ, སེཡྻཐཱཔཱཧཾ ཨེཏརཧི.

‘‘ཡེཔི ཧི ཀེཙི ཨནཱགཏམདྡྷཱནཾ སམཎཱ ཝཱ བྲཱཧྨཎཱ ཝཱ ཛརཱམརཎཾ ཨབྷིཛཱནིསྶནྟི, ཛརཱམརཎསམུདཡཾ ཨབྷིཛཱནིསྶནྟི, ཛརཱམརཎནིརོདྷཾ ཨབྷིཛཱནིསྶནྟི, ཛརཱམརཎནིརོདྷགཱམིནིཾ པཊིཔདཾ ཨབྷིཛཱནིསྶནྟི, སབྦེ ཏེ ཨེཝམེཝ ཨབྷིཛཱནིསྶནྟི, སེཡྻཐཱཔཱཧཾ ཨེཏརཧཱིཏི. ཨིདམསྶ ཨནྭཡེ ཉཱཎཾ.

‘‘ཡཏོ ཁོ, བྷིཀྑཝེ, ཨརིཡསཱཝཀསྶ ཨིམཱནི དྭེ ཉཱཎཱནི པརིསུདྡྷཱནི ཧོནྟི པརིཡོདཱཏཱནི – དྷམྨེ ཉཱཎཉྩ ཨནྭཡེ ཉཱཎཉྩ. ཨཡཾ ཝུཙྩཏི, བྷིཀྑཝེ, ཨརིཡསཱཝཀོ དིཊྛིསམྤནྣོ ཨིཏིཔི, དསྶནསམྤནྣོ ཨིཏིཔི, ཨཱགཏོ ཨིམཾ སདྡྷམྨཾ ཨིཏིཔི, པསྶཏི ཨིམཾ སདྡྷམྨཾ ཨིཏིཔི, སེཀྑེན ཉཱཎེན སམནྣཱགཏོ ཨིཏིཔི, སེཀྑཱཡ ཝིཛྫཱཡ སམནྣཱགཏོ ཨིཏིཔི, དྷམྨསོཏཾ སམཱཔནྣོ ཨིཏིཔི, ཨརིཡོ ནིབྦེདྷིཀཔཉྙོ ཨིཏིཔི, ཨམཏདྭཱརཾ ཨཱཧཙྩ ཏིཊྛཏི ཨིཏིཔཱིཏི.

‘‘ཀཏམཱ ཙ, བྷིཀྑཝེ, ཛཱཏི…པེ… ཀཏམོ ཙ, བྷིཀྑཝེ, བྷཝོ… ཀཏམཉྩ, བྷིཀྑཝེ, ཨུཔཱདཱནཾ… ཀཏམཱ ཙ, བྷིཀྑཝེ ཏཎྷཱ… ཀཏམཱ ཙ, བྷིཀྑཝེ, ཝེདནཱ… ཀཏམོ ཙ, བྷིཀྑཝེ, ཕསྶོ… ཀཏམཉྩ, བྷིཀྑཝེ ¶ , སལཱ༹ཡཏནཾ… ཀཏམཉྩ, བྷིཀྑཝེ, ནཱམརཱུཔཾ ¶ … ཀཏམཉྩ, བྷིཀྑཝེ, ཝིཉྙཱཎཾ… ཀཏམེ ཙ, བྷིཀྑཝེ, སངྑཱརཱ? ཏཡོམེ, བྷིཀྑཝེ ¶ , སངྑཱརཱ – ཀཱཡསངྑཱརོ, ཝཙཱིསངྑཱརོ, ཙིཏྟསངྑཱརོཏི. ཨིམེ ཝུཙྩནྟི, བྷིཀྑཝེ, སངྑཱརཱ.

‘‘ཨཝིཛྫཱསམུདཡཱ སངྑཱརསམུདཡོ; ཨཝིཛྫཱནིརོདྷཱ སངྑཱརནིརོདྷོ; ཨཡམེཝ ཨརིཡོ ཨཊྛངྒིཀོ མགྒོ སངྑཱརནིརོདྷགཱམིནཱི པཊིཔདཱ, སེཡྻཐིདཾ – སམྨཱདིཊྛི…པེ… སམྨཱསམཱདྷི.

‘‘ཡཏོ ཁོ, བྷིཀྑཝེ, ཨརིཡསཱཝཀོ ཨེཝཾ སངྑཱརེ པཛཱནཱཏི, ཨེཝཾ སངྑཱརསམུདཡཾ པཛཱནཱཏི ¶ , ཨེཝཾ སངྑཱརནིརོདྷཾ པཛཱནཱཏི, ཨེཝཾ སངྑཱརནིརོདྷགཱམིནིཾ པཊིཔདཾ པཛཱནཱཏི, ཨིདམསྶ དྷམྨེ ཉཱཎཾ. སོ ཨིམིནཱ དྷམྨེན དིཊྛེན ཝིདིཏེན ཨཀཱལིཀེན པཏྟེན པརིཡོགཱལ༹ྷེན ཨཏཱིཏཱནཱགཏེན ཡཾ ནེཏི.

‘‘ཡེ ཁོ ཀེཙི ཨཏཱིཏམདྡྷཱནཾ སམཎཱ ཝཱ བྲཱཧྨཎཱ ཝཱ སངྑཱརེ ཨབྦྷཉྙཾསུ, སངྑཱརསམུདཡཾ ཨབྦྷཉྙཾསུ, སངྑཱརནིརོདྷཾ ཨབྦྷཉྙཾསུ, སངྑཱརནིརོདྷགཱམིནིཾ པཊིཔདཾ ཨབྦྷཉྙཾསུ, སབྦེ ཏེ ཨེཝམེཝ ཨབྦྷཉྙཾསུ, སེཡྻཐཱཔཱཧཾ ཨེཏརཧི.

‘‘ཡེཔི ཧི ཀེཙི ཨནཱགཏམདྡྷཱནཾ སམཎཱ ཝཱ བྲཱཧྨཎཱ ཝཱ སངྑཱརེ ཨབྷིཛཱནིསྶནྟི, སངྑཱརསམུདཡཾ ཨབྷིཛཱནིསྶནྟི, སངྑཱརནིརོདྷཾ ཨབྷིཛཱནིསྶནྟི, སངྑཱརནིརོདྷགཱམིནིཾ པཊིཔདཾ ཨབྷིཛཱནིསྶནྟི, སབྦེ ཏེ ཨེཝམེཝ ཨབྷིཛཱནིསྶནྟི, སེཡྻཐཱཔཱཧཾ ཨེཏརཧི. ཨིདམསྶ ཨནྭཡེ ཉཱཎཾ.

‘‘ཡཏོ ཁོ, བྷིཀྑཝེ, ཨརིཡསཱཝཀསྶ ཨིམཱནི དྭེ ཉཱཎཱནི པརིསུདྡྷཱནི ¶ ཧོནྟི པརིཡོདཱཏཱནི – དྷམྨེ ཉཱཎཉྩ ཨནྭཡེ ཉཱཎཉྩ. ཨཡཾ ཝུཙྩཏི, བྷིཀྑཝེ, ཨརིཡསཱཝཀོ དིཊྛིསམྤནྣོ ཨིཏིཔི, དསྶནསམྤནྣོ ཨིཏིཔི, ཨཱགཏོ ཨིམཾ སདྡྷམྨཾ ཨིཏིཔི, པསྶཏི ཨིམཾ སདྡྷམྨཾ ཨིཏིཔི, སེཀྑེན ཉཱཎེན སམནྣཱགཏོ ཨིཏིཔི, སེཀྑཱཡ ཝིཛྫཱཡ སམནྣཱགཏོ ཨིཏིཔི, དྷམྨསོཏཾ སམཱཔནྣོ ཨིཏིཔི, ཨརིཡོ ནིབྦེདྷིཀཔཉྙོ ཨིཏིཔི, ཨམཏདྭཱརཾ ཨཱཧཙྩ ཏིཊྛཏི ཨིཏིཔཱི’’ཏི. ཏཏིཡཾ.

༤. དུཏིཡཉཱཎཝཏྠུསུཏྟཾ

༣༤. སཱཝཏྠིཡཾ ཝིཧརཏི…པེ… ‘‘སཏྟསཏྟརི ཝོ, བྷིཀྑཝེ, ཉཱཎཝཏྠཱུནི དེསེསྶཱམི. ཏཾ སུཎཱཐ, སཱདྷུཀཾ མནསི ཀརོཐ; བྷཱསིསྶཱམཱི’’ཏི. ‘‘ཨེཝཾ, བྷནྟེ’’ཏི ཁོ ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཀཏམཱནི ¶ ¶ , བྷིཀྑཝེ, སཏྟསཏྟརི ཉཱཎཝཏྠཱུནི? ཛཱཏིཔཙྩཡཱ ཛརཱམརཎནྟི ཉཱཎཾ ¶ ; ཨསཏི ཛཱཏིཡཱ ནཏྠི ཛརཱམརཎནྟི ཉཱཎཾ; ཨཏཱིཏམྤི ཨདྡྷཱནཾ ཛཱཏིཔཙྩཡཱ ཛརཱམརཎནྟི ཉཱཎཾ, ཨསཏི ཛཱཏིཡཱ ནཏྠི ཛརཱམརཎནྟི ཉཱཎཾ; ཨནཱགཏམྤི ཨདྡྷཱནཾ ཛཱཏིཔཙྩཡཱ ཛརཱམརཎནྟི ཉཱཎཾ, ཨསཏི ཛཱཏིཡཱ ནཏྠི ཛརཱམརཎནྟི ཉཱཎཾ; ཡམྤིསྶ ཏཾ དྷམྨཊྛིཏིཉཱཎཾ ཏམྤི ཁཡདྷམྨཾ ཝཡདྷམྨཾ ཝིརཱགདྷམྨཾ ནིརོདྷདྷམྨནྟི ཉཱཎཾ.

‘‘བྷཝཔཙྩཡཱ ཛཱཏཱིཏི ཉཱཎཾ…པེ… ཨུཔཱདཱནཔཙྩཡཱ བྷཝོཏི ཉཱཎཾ… ཏཎྷཱཔཙྩཡཱ ཨུཔཱདཱནནྟི ཉཱཎཾ… ཝེདནཱཔཙྩཡཱ ཏཎྷཱཏི ཉཱཎཾ… ཕསྶཔཙྩཡཱ ཝེདནཱཏི ཉཱཎཾ… སལཱ༹ཡཏནཔཙྩཡཱ ཕསྶོཏི ཉཱཎཾ… ནཱམརཱུཔཔཙྩཡཱ ¶ སལཱ༹ཡཏནནྟི ཉཱཎཾ… ཝིཉྙཱཎཔཙྩཡཱ ནཱམརཱུཔནྟི ཉཱཎཾ… སངྑཱརཔཙྩཡཱ ཝིཉྙཱཎནྟི ཉཱཎཾ; ཨཝིཛྫཱཔཙྩཡཱ སངྑཱརཱཏི ཉཱཎཾ, ཨསཏི ཨཝིཛྫཱཡ ནཏྠི སངྑཱརཱཏི ཉཱཎཾ; ཨཏཱིཏམྤི ཨདྡྷཱནཾ ཨཝིཛྫཱཔཙྩཡཱ སངྑཱརཱཏི ཉཱཎཾ, ཨསཏི ཨཝིཛྫཱཡ ནཏྠི སངྑཱརཱཏི ཉཱཎཾ; ཨནཱགཏམྤི ཨདྡྷཱནཾ ཨཝིཛྫཱཔཙྩཡཱ སངྑཱརཱཏི ཉཱཎཾ, ཨསཏི ཨཝིཛྫཱཡ ནཏྠི སངྑཱརཱཏི ཉཱཎཾ; ཡམྤིསྶ ཏཾ དྷམྨཊྛིཏིཉཱཎཾ ཏམྤི ཁཡདྷམྨཾ ཝཡདྷམྨཾ ཝིརཱགདྷམྨཾ ནིརོདྷདྷམྨནྟི ཉཱཎཾ. ཨིམཱནི ཝུཙྩནྟི, བྷིཀྑཝེ, སཏྟསཏྟརི ཉཱཎཝཏྠཱུནཱི’’ཏི. ཙཏུཏྠཾ.

༥. ཨཝིཛྫཱཔཙྩཡསུཏྟཾ

༣༥. སཱཝཏྠིཡཾ ཝིཧརཏི…པེ… ‘‘ཨཝིཛྫཱཔཙྩཡཱ, བྷིཀྑཝེ, སངྑཱརཱ; སངྑཱརཔཙྩཡཱ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱི’’ཏི. ཨེཝཾ ཝུཏྟེ, ཨཉྙཏརོ བྷིཀྑུ བྷགཝནྟཾ ཨེཏདཝོཙ – ‘‘‘ཀཏམཾ ནུ ཁོ, བྷནྟེ, ཛརཱམརཎཾ, ཀསྶ ཙ པནིདཾ ཛརཱམརཎ’ནྟི? ‘ནོ ཀལློ པཉྷོ’ཏི བྷགཝཱ ཨཝོཙ, ‘ཀཏམཾ ཛརཱམརཎཾ ¶ , ཀསྶ ཙ པནིདཾ ཛརཱམརཎ’ནྟི ཨིཏི ཝཱ, བྷིཀྑུ, ཡོ ཝདེཡྻ, ‘ཨཉྙཾ ཛརཱམརཎཾ ཨཉྙསྶ ཙ པནིདཾ ཛརཱམརཎ’ནྟི, ཨིཏི ཝཱ, བྷིཀྑུ, ཡོ ཝདེཡྻ, ཨུབྷཡམེཏཾ ཨེཀཏྠཾ བྱཉྫནམེཝ ནཱནཾ. ཏཾ ཛཱིཝཾ ཏཾ སརཱིརནྟི ཝཱ, བྷིཀྑུ, དིཊྛིཡཱ སཏི བྲཧྨཙརིཡཝཱསོ ན ཧོཏི. ཨཉྙཾ ཛཱིཝཾ ཨཉྙཾ སརཱིརནྟི ཝཱ, བྷིཀྑུ ¶ , དིཊྛིཡཱ སཏི བྲཧྨཙརིཡཝཱསོ ན ཧོཏི. ཨེཏེ ¶ ཏེ, བྷིཀྑུ, ཨུབྷོ ཨནྟེ ཨནུཔགམྨ མཛ྄ཛྷེན ཏཐཱགཏོ དྷམྨཾ དེསེཏི – ‘ཛཱཏིཔཙྩཡཱ ཛརཱམརཎ’’’ནྟི.

‘‘ཀཏམཱ ནུ ཁོ, བྷནྟེ, ཛཱཏི, ཀསྶ ཙ པནཱཡཾ ཛཱཏཱི’’ཏི? ‘‘ནོ ཀལློ པཉྷོ’’ཏི བྷགཝཱ ཨཝོཙ, ‘‘‘ཀཏམཱ ཛཱཏི, ཀསྶ ཙ པནཱཡཾ ཛཱཏཱི’ཏི ཨིཏི ¶ ཝཱ, བྷིཀྑུ, ཡོ ཝདེཡྻ, ‘ཨཉྙཱ ཛཱཏི ཨཉྙསྶ ཙ པནཱཡཾ ཛཱཏཱི’ཏི ཨིཏི ཝཱ, བྷིཀྑུ, ཡོ ཝདེཡྻ, ཨུབྷཡམེཏཾ ཨེཀཏྠཾ བྱཉྫནམེཝ ནཱནཾ. ཏཾ ཛཱིཝཾ ཏཾ སརཱིརནྟི ཝཱ, བྷིཀྑུ, དིཊྛིཡཱ སཏི བྲཧྨཙརིཡཝཱསོ ན ཧོཏི. ཨཉྙཾ ཛཱིཝཾ ཨཉྙཾ སརཱིརནྟི ཝཱ, བྷིཀྑུ, དིཊྛིཡཱ སཏི བྲཧྨཙརིཡཝཱསོ ན ཧོཏི. ཨེཏེ ཏེ, བྷིཀྑུ, ཨུབྷོ ཨནྟེ ཨནུཔགམྨ མཛ྄ཛྷེན ཏཐཱགཏོ དྷམྨཾ དེསེཏི – ‘བྷཝཔཙྩཡཱ ཛཱཏཱི’’’ཏི.

‘‘ཀཏམོ ནུ ཁོ, བྷནྟེ, བྷཝོ, ཀསྶ ཙ པནཱཡཾ བྷཝོ’’ཏི? ‘‘ནོ ཀལློ པཉྷོ’’ཏི བྷགཝཱ ཨཝོཙ, ‘‘‘ཀཏམོ བྷཝོ, ཀསྶ ཙ པནཱཡཾ བྷཝོ’ཏི ཨིཏི ཝཱ, བྷིཀྑུ, ཡོ ཝདེཡྻ, ‘ཨཉྙོ བྷཝོ ཨཉྙསྶ ཙ པནཱཡཾ བྷཝོ’ཏི ཨིཏི ཝཱ, བྷིཀྑུ, ཡོ ཝདེཡྻ, ཨུབྷཡམེཏཾ ཨེཀཏྠཾ བྱཉྫནམེཝ ནཱནཾ. ཏཾ ཛཱིཝཾ ཏཾ སརཱིརནྟི ཝཱ, བྷིཀྑུ, དིཊྛིཡཱ སཏི བྲཧྨཙརིཡཝཱསོ ན ཧོཏི; ཨཉྙཾ ཛཱིཝཾ ཨཉྙཾ སརཱིརནྟི ཝཱ, བྷིཀྑུ, དིཊྛིཡཱ སཏི བྲཧྨཙརིཡཝཱསོ ན ཧོཏི. ཨེཏེ ཏེ, བྷིཀྑུ, ཨུབྷོ ཨནྟེ ཨནུཔགམྨ མཛ྄ཛྷེན ཏཐཱགཏོ དྷམྨཾ དེསེཏི – ‘ཨུཔཱདཱནཔཙྩཡཱ བྷཝོ’ཏི…པེ… ‘ཏཎྷཱཔཙྩཡཱ ཨུཔཱདཱནནྟི… ཝེདནཱཔཙྩཡཱ ¶ ཏཎྷཱཏི… ཕསྶཔཙྩཡཱ ཝེདནཱཏི… སལཱ༹ཡཏནཔཙྩཡཱ ཕསྶོཏི… ནཱམརཱུཔཔཙྩཡཱ སལཱ༹ཡཏནནྟི… ཝིཉྙཱཎཔཙྩཡཱ ¶ ནཱམརཱུཔནྟི… སངྑཱརཔཙྩཡཱ ཝིཉྙཱཎ’’’ནྟི.

‘‘ཀཏམེ ནུ ཁོ, བྷནྟེ, སངྑཱརཱ, ཀསྶ ཙ པནིམེ སངྑཱརཱ’’ཏི? ‘‘ནོ ཀལློ པཉྷོ’’ཏི བྷགཝཱ ཨཝོཙ, ‘‘‘ཀཏམེ སངྑཱརཱ ཀསྶ ཙ པནིམེ སངྑཱརཱ’ཏི ཨིཏི ཝཱ, བྷིཀྑུ, ཡོ ཝདེཡྻ, ‘ཨཉྙེ སངྑཱརཱ ཨཉྙསྶ ཙ པནིམེ སངྑཱརཱ’ཏི ཨིཏི ཝཱ, བྷིཀྑུ, ཡོ ཝདེཡྻ, ཨུབྷཡམེཏཾ ཨེཀཏྠཾ བྱཉྫནམེཝ ནཱནཾ. ཏཾ ཛཱིཝཾ ཏཾ སརཱིརནྟི ཝཱ, བྷིཀྑུ, དིཊྛིཡཱ སཏི བྲཧྨཙརིཡཝཱསོ ན ཧོཏི; ཨཉྙཾ ཛཱིཝཾ ཨཉྙཾ སརཱིརནྟི ཝཱ, བྷིཀྑུ, དིཊྛིཡཱ སཏི བྲཧྨཙརིཡཝཱསོ ན ཧོཏི. ཨེཏེ ཏེ, བྷིཀྑུ, ཨུབྷོ ཨནྟེ ཨནུཔགམྨ མཛ྄ཛྷེན ཏཐཱགཏོ དྷམྨཾ དེསེཏི – ‘ཨཝིཛྫཱཔཙྩཡཱ སངྑཱརཱ’’’ཏི.

‘‘ཨཝིཛྫཱཡ ¶ ཏྭེཝ, བྷིཀྑུ, ཨསེསཝིརཱགནིརོདྷཱ ཡཱནིསྶ ཏཱནི ཝིསཱུཀཱཡིཀཱནི ཝིསེཝིཏཱནི ཝིཔྥནྡིཏཱནི ཀཱནིཙི ཀཱནིཙི. ‘ཀཏམཾ ཛརཱམརཎཾ, ཀསྶ ཙ པནིདཾ ཛརཱམརཎཾ’ ཨིཏི ཝཱ, ‘ཨཉྙཾ ཛརཱམརཎཾ, ཨཉྙསྶ ཙ པནིདཾ ཛརཱམརཎཾ’ ཨིཏི ཝཱ, ‘ཏཾ ཛཱིཝཾ ཏཾ སརཱིརཾ’ ཨིཏི ཝཱ, ‘ཨཉྙཾ ཛཱིཝཾ ཨཉྙཾ སརཱིརཾ’ ཨིཏི ཝཱ. སབྦཱནིསྶ ཏཱནི པཧཱིནཱནི བྷཝནྟི ཨུཙྪིནྣམཱུལཱནི ཏཱལཱཝཏྠུཀཏཱནི ཨནབྷཱཝངྐཏཱནི ཨཱཡཏིཾ ཨནུཔྤཱདདྷམྨཱནི.

‘‘ཨཝིཛྫཱཡ ¶ ཏྭེཝ, བྷིཀྑུ, ཨསེསཝིརཱགནིརོདྷཱ ཡཱནིསྶ ཏཱནི ཝིསཱུཀཱཡིཀཱནི ཝིསེཝིཏཱནི ཝིཔྥནྡིཏཱནི ཀཱནིཙི ཀཱནིཙི. ‘ཀཏམཱ ཛཱཏི, ཀསྶ ¶ ཙ པནཱཡཾ ཛཱཏི’ ཨིཏི ཝཱ, ‘ཨཉྙཱ ཛཱཏི, ཨཉྙསྶ ཙ པནཱཡཾ ཛཱཏི’ ཨིཏི ཝཱ, ‘ཏཾ ཛཱིཝཾ ཏཾ སརཱིརཾ’ ཨིཏི ཝཱ, ‘ཨཉྙཾ ཛཱིཝཾ ཨཉྙཾ སརཱིརཾ’ ཨིཏི ཝཱ. སབྦཱནིསྶ ཏཱནི པཧཱིནཱནི བྷཝནྟི ཨུཙྪིནྣམཱུལཱནི ཏཱལཱཝཏྠུཀཏཱནི ཨནབྷཱཝངྐཏཱནི ཨཱཡཏིཾ ཨནུཔྤཱདདྷམྨཱནི.

‘‘ཨཝིཛྫཱཡ ཏྭེཝ, བྷིཀྑུ, ཨསེསཝིརཱགནིརོདྷཱ ཡཱནིསྶ ཏཱནི ཝིསཱུཀཱཡིཀཱནི ཝིསེཝིཏཱནི ཝིཔྥནྡིཏཱནི ཀཱནིཙི ཀཱནིཙི. ཀཏམོ བྷཝོ…པེ… ཀཏམཾ ཨུཔཱདཱནཾ… ཀཏམཱ ཏཎྷཱ… ཀཏམཱ ¶ ཝེདནཱ… ཀཏམོ ཕསྶོ… ཀཏམཾ སལཱ༹ཡཏནཾ… ཀཏམཾ ནཱམརཱུཔཾ… ཀཏམཾ ཝིཉྙཱཎཾ…པེ….

‘‘ཨཝིཛྫཱཡ ཏྭེཝ, བྷིཀྑུ, ཨསེསཝིརཱགནིརོདྷཱ ཡཱནིསྶ ཏཱནི ཝིསཱུཀཱཡིཀཱནི ཝིསེཝིཏཱནི ཝིཔྥནྡིཏཱནི ཀཱནིཙི ཀཱནིཙི. ‘ཀཏམེ སངྑཱརཱ, ཀསྶ ཙ པནིམེ སངྑཱརཱ’ ཨིཏི ཝཱ, ‘ཨཉྙེ སངྑཱརཱ, ཨཉྙསྶ ཙ པནིམེ སངྑཱརཱ’ ཨིཏི ཝཱ, ‘ཏཾ ཛཱིཝཾ ཏཾ སརཱིརཾ’ ཨིཏི ཝཱ, ‘ཨཉྙཾ ཛཱིཝཾ, ཨཉྙཾ སརཱིརཾ’ ཨིཏི ཝཱ. སབྦཱནིསྶ ཏཱནི པཧཱིནཱནི བྷཝནྟི ཨུཙྪིནྣམཱུལཱནི ཏཱལཱཝཏྠུཀཏཱནི ཨནབྷཱཝངྐཏཱནི ཨཱཡཏིཾ ཨནུཔྤཱདདྷམྨཱནཱི’’ཏི. པཉྩམཾ.

༦. དུཏིཡཨཝིཛྫཱཔཙྩཡསུཏྟཾ

༣༦. སཱཝཏྠིཡཾ ¶ ཝིཧརཏི…པེ… ‘‘ཨཝིཛྫཱཔཙྩཡཱ, བྷིཀྑཝེ, སངྑཱརཱ; སངྑཱརཔཙྩཡཱ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི.

‘‘‘ཀཏམཾ ཛརཱམརཎཾ, ཀསྶ ཙ པནིདཾ ཛརཱམརཎ’ནྟི ཨིཏི ཝཱ, བྷིཀྑཝེ ¶ , ཡོ ཝདེཡྻ, ‘ཨཉྙཾ ཛརཱམརཎཾ, ཨཉྙསྶ ཙ པནིདཾ ཛརཱམརཎ’ནྟི ཨིཏི ཝཱ, བྷིཀྑཝེ, ཡོ ཝདེཡྻ, ཨུབྷཡམེཏཾ ཨེཀཏྠཾ བྱཉྫནམེཝ ནཱནཾ. ‘ཏཾ ཛཱིཝཾ ཏཾ སརཱིརཾ’ ཨིཏི ཝཱ, བྷིཀྑཝེ, དིཊྛིཡཱ སཏི བྲཧྨཙརིཡཝཱསོ ན ཧོཏི. ‘ཨཉྙཾ ཛཱིཝཾ ཨཉྙཾ སརཱིརཾ’ ཨིཏི ཝཱ, བྷིཀྑཝེ, དིཊྛིཡཱ སཏི བྲཧྨཙརིཡཝཱསོ ན ཧོཏི. ཨེཏེ ཏེ, བྷིཀྑཝེ, ཨུབྷོ ཨནྟེ ཨནུཔགམྨ མཛ྄ཛྷེན ཏཐཱགཏོ དྷམྨཾ དེསེཏི – ‘ཛཱཏིཔཙྩཡཱ ཛརཱམརཎ’’’ནྟི.

‘‘ཀཏམཱ ¶ ཛཱཏི…པེ… ཀཏམོ བྷཝོ… ཀཏམཾ ཨུཔཱདཱནཾ… ཀཏམཱ ཏཎྷཱ… ཀཏམཱ ཝེདནཱ… ཀཏམོ ཕསྶོ… ཀཏམཾ ¶ སལཱ༹ཡཏནཾ… ཀཏམཾ ནཱམརཱུཔཾ… ཀཏམཾ ཝིཉྙཱཎཾ… ཀཏམེ སངྑཱརཱ, ཀསྶ ཙ པནིམེ སངྑཱརཱཏི ཨིཏི ཝཱ, བྷིཀྑཝེ, ཡོ ཝདེཡྻ, ‘ཨཉྙེ སངྑཱརཱ ཨཉྙསྶ ཙ པནིམེ སངྑཱརཱ’ཏི ཨིཏི ཝཱ, བྷིཀྑཝེ, ཡོ ཝདེཡྻ, ཨུབྷཡམེཏཾ ཨེཀཏྠཾ བྱཉྫནམེཝ ནཱནཾ. ‘ཏཾ ཛཱིཝཾ ཏཾ སརཱིརཾ’ ཨིཏི ཝཱ, བྷིཀྑཝེ, དིཊྛིཡཱ སཏི བྲཧྨཙརིཡཝཱསོ ན ཧོཏི. ‘ཨཉྙཾ ཛཱིཝཾ ཨཉྙཾ སརཱིརཾ’ ཨིཏི ཝཱ, བྷིཀྑཝེ, དིཊྛིཡཱ སཏི བྲཧྨཙརིཡཝཱསོ ན ཧོཏི. ཨེཏེ ཏེ, བྷིཀྑཝེ, ཨུབྷོ ཨནྟེ ཨནུཔགམྨ མཛ྄ཛྷེན ཏཐཱགཏོ དྷམྨཾ དེསེཏི – ‘ཨཝིཛྫཱཔཙྩཡཱ སངྑཱརཱ’’’ཏི.

‘‘ཨཝིཛྫཱཡ ཏྭེཝ, བྷིཀྑཝེ, ཨསེསཝིརཱགནིརོདྷཱ ཡཱནིསྶ ཏཱནི ཝིསཱུཀཱཡིཀཱནི ཝིསེཝིཏཱནི ཝིཔྥནྡིཏཱནི ཀཱནིཙི ཀཱནིཙི. ‘ཀཏམཾ ཛརཱམརཎཾ, ཀསྶ ཙ པནིདཾ ཛརཱམརཎཾ’ ཨིཏི ཝཱ, ‘ཨཉྙཾ ཛརཱམརཎཾ, ཨཉྙསྶ ཙ པནིདཾ ¶ ཛརཱམརཎཾ’ ཨིཏི ཝཱ, ‘ཏཾ ཛཱིཝཾ ¶ ཏཾ སརཱིརཾ’ ཨིཏི ཝཱ, ‘ཨཉྙཾ ཛཱིཝཾ, ཨཉྙཾ སརཱིརཾ’ ཨིཏི ཝཱ. སབྦཱནིསྶ ཏཱནི པཧཱིནཱནི བྷཝནྟི ཨུཙྪིནྣམཱུལཱནི ཏཱལཱཝཏྠུཀཏཱནི ཨནབྷཱཝངྐཏཱནི ཨཱཡཏིཾ ཨནུཔྤཱདདྷམྨཱནི.

‘‘ཨཝིཛྫཱཡ ཏྭེཝ, བྷིཀྑཝེ, ཨསེསཝིརཱགནིརོདྷཱ ཡཱནིསྶ ཏཱནི ཝིསཱུཀཱཡིཀཱནི ཝིསེཝིཏཱནི ཝིཔྥནྡིཏཱནི ཀཱནིཙི ཀཱནིཙི. ཀཏམཱ ཛཱཏི…པེ… ཀཏམོ བྷཝོ… ཀཏམཾ ཨུཔཱདཱནཾ… ཀཏམཱ ཏཎྷཱ… ཀཏམཱ ཝེདནཱ… ཀཏམོ ཕསྶོ… ཀཏམཾ སལཱ༹ཡཏནཾ… ཀཏམཾ ནཱམརཱུཔཾ… ཀཏམཾ ཝིཉྙཱཎཾ… ‘ཀཏམེ སངྑཱརཱ, ཀསྶ ཙ པནིམེ སངྑཱརཱ’ ཨིཏི ཝཱ, ‘ཨཉྙེ སངྑཱརཱ, ཨཉྙསྶ ཙ པནིམེ སངྑཱརཱ’ ཨིཏི ཝཱ; ‘ཏཾ ཛཱིཝཾ ཏཾ སརཱིརཾ’ ཨིཏི ཝཱ, ‘ཨཉྙཾ ཛཱིཝཾ ཨཉྙཾ སརཱིརཾ’ ཨིཏི ཝཱ. སབྦཱནིསྶ ཏཱནི པཧཱིནཱནི བྷཝནྟི ཨུཙྪིནྣམཱུལཱནི ཏཱལཱཝཏྠུཀཏཱནི ཨནབྷཱཝངྐཏཱནི ཨཱཡཏིཾ ཨནུཔྤཱདདྷམྨཱནཱི’’ཏི. ཚཊྛཾ.

༧. ནཏུམྷསུཏྟཾ

༣༧. སཱཝཏྠིཡཾ ཝིཧརཏི…པེ… ‘‘ནཱཡཾ, བྷིཀྑཝེ, ཀཱཡོ ཏུམྷཱཀཾ ནཔི ཨཉྙེསཾ. པུརཱཎམིདཾ ¶ , བྷིཀྑཝེ, ཀམྨཾ ཨབྷིསངྑཏཾ ཨབྷིསཉྩེཏཡིཏཾ ཝེདནིཡཾ དཊྛབྦཾ’’.

‘‘ཏཏྲ ¶ ཁོ, བྷིཀྑཝེ, སུཏཝཱ ཨརིཡསཱཝཀོ པཊིཙྩསམུཔྤཱདཉྙེཝ སཱདྷུཀཾ ཡོནིསོ མནསི ཀརོཏི – ‘ཨིཏི ཨིམསྨིཾ སཏི ཨིདཾ ཧོཏི, ཨིམསྶུཔྤཱདཱ ¶ ཨིདཾ ཨུཔྤཛྫཏི; ཨིམསྨིཾ ཨསཏི ཨིདཾ ན ཧོཏི, ཨིམསྶ ནིརོདྷཱ ཨིདཾ ནིརུཛ྄ཛྷཏི, ཡདིདཾ – ཨཝིཛྫཱཔཙྩཡཱ སངྑཱརཱ; སངྑཱརཔཙྩཡཱ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ཨཝིཛྫཱཡ ཏྭེཝ ཨསེསཝིརཱགནིརོདྷཱ སངྑཱརནིརོདྷོ; སངྑཱརནིརོདྷཱ ཝིཉྙཱཎནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’’ཏི. སཏྟམཾ.

༨. ཙེཏནཱསུཏྟཾ

༣༨. སཱཝཏྠིནིདཱནཾ ¶ . ‘‘ཡཉྩ, བྷིཀྑཝེ, ཙེཏེཏི ཡཉྩ པཀཔྤེཏི ཡཉྩ ཨནུསེཏི, ཨཱརམྨཎམེཏཾ [ཨཱརམཎམེཏཾ (?)] ཧོཏི ཝིཉྙཱཎསྶ ཋིཏིཡཱ. ཨཱརམྨཎེ སཏི པཏིཊྛཱ ཝིཉྙཱཎསྶ ཧོཏི. ཏསྨིཾ པཏིཊྛིཏེ ཝིཉྙཱཎེ ཝིརཱུལ༹ྷེ ཨཱཡཏིཾ པུནབྦྷཝཱབྷིནིབྦཏྟི ཧོཏི. ཨཱཡཏིཾ པུནབྦྷཝཱབྷིནིབྦཏྟིཡཱ སཏི ཨཱཡཏིཾ ཛཱཏི ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ སམྦྷཝནྟི. ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི’’.

‘‘ནོ ཙེ, བྷིཀྑཝེ, ཙེཏེཏི ནོ ཙེ པཀཔྤེཏི, ཨཐ ཙེ ཨནུསེཏི, ཨཱརམྨཎམེཏཾ ཧོཏི ཝིཉྙཱཎསྶ ཋིཏིཡཱ. ཨཱརམྨཎེ སཏི པཏིཊྛཱ ཝིཉྙཱཎསྶ ཧོཏི. ཏསྨིཾ པཏིཊྛིཏེ ཝིཉྙཱཎེ ཝིརཱུལ༹ྷེ ཨཱཡཏིཾ པུནབྦྷཝཱབྷིནིབྦཏྟི ཧོཏི. ཨཱཡཏིཾ པུནབྦྷཝཱབྷིནིབྦཏྟིཡཱ སཏི ཨཱཡཏིཾ ཛཱཏིཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ སམྦྷཝནྟི. ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི.

‘‘ཡཏོ ཙ ཁོ, བྷིཀྑཝེ, ནོ ཙེཝ ཙེཏེཏི ནོ ཙ པཀཔྤེཏི ནོ ཙ ཨནུསེཏི, ཨཱརམྨཎམེཏཾ ན ཧོཏི ཝིཉྙཱཎསྶ ཋིཏིཡཱ ¶ . ཨཱརམྨཎེ ཨསཏི ¶ པཏིཊྛཱ ཝིཉྙཱཎསྶ ན ཧོཏི. ཏདཔྤཏིཊྛིཏེ ཝིཉྙཱཎེ ཨཝིརཱུལ༹ྷེ ཨཱཡཏིཾ པུནབྦྷཝཱབྷིནིབྦཏྟི ན ཧོཏི. ཨཱཡཏིཾ པུནབྦྷཝཱབྷིནིབྦཏྟིཡཱ ཨསཏི ཨཱཡཏིཾ ཛཱཏིཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ ནིརུཛ྄ཛྷནྟི. ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི. ཨཊྛམཾ.

༩. དུཏིཡཙེཏནཱསུཏྟཾ

༣༩. སཱཝཏྠིཡཾ ¶ ཝིཧརཏི…པེ… ‘‘ཡཉྩ, བྷིཀྑཝེ, ཙེཏེཏི ཡཉྩ པཀཔྤེཏི ཡཉྩ ཨནུསེཏི, ཨཱརམྨཎམེཏཾ ཧོཏི ཝིཉྙཱཎསྶ ཋིཏིཡཱ. ཨཱརམྨཎེ སཏི པཏིཊྛཱ ཝིཉྙཱཎསྶ ཧོཏི. ཏསྨིཾ པཏིཊྛིཏེ ཝིཉྙཱཎེ ཝིརཱུལ༹ྷེ ནཱམརཱུཔསྶ ཨཝཀྐནྟི ཧོཏི. ནཱམརཱུཔཔཙྩཡཱ སལཱ༹ཡཏནཾ; སལཱ༹ཡཏནཔཙྩཡཱ ཕསྶོ; ཕསྶཔཙྩཡཱ ཝེདནཱ…པེ… ཏཎྷཱ… ཨུཔཱདཱནཾ… བྷཝོ… ཛཱཏི… ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ སམྦྷཝནྟི. ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི’’.

‘‘ནོ ¶ ཙེ, བྷིཀྑཝེ, ཙེཏེཏི ནོ ཙེ པཀཔྤེཏི, ཨཐ ཙེ ཨནུསེཏི, ཨཱརམྨཎམེཏཾ ཧོཏི ཝིཉྙཱཎསྶ ཋིཏིཡཱ. ཨཱརམྨཎེ སཏི པཏིཊྛཱ ཝིཉྙཱཎསྶ ཧོཏི. ཏསྨིཾ པཏིཊྛིཏེ ཝིཉྙཱཎེ ཝིརཱུལ༹ྷེ ནཱམརཱུཔསྶ ཨཝཀྐནྟི ཧོཏི. ནཱམརཱུཔཔཙྩཡཱ སལཱ༹ཡཏནཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི.

‘‘ཡཏོ ཙ ཁོ, བྷིཀྑཝེ, ནོ ཙེཝ ཙེཏེཏི ནོ ཙ པཀཔྤེཏི ནོ ཙ ཨནུསེཏི, ཨཱརམྨཎམེཏཾ ན ཧོཏི ཝིཉྙཱཎསྶ ཋིཏིཡཱ. ཨཱརམྨཎེ ¶ ཨསཏི པཏིཊྛཱ ཝིཉྙཱཎསྶ ན ཧོཏི. ཏདཔྤཏིཊྛིཏེ ཝིཉྙཱཎེ ཨཝིརཱུལ༹ྷེ ནཱམརཱུཔསྶ ཨཝཀྐནྟི ན ཧོཏི. ནཱམརཱུཔནིརོདྷཱ སལཱ༹ཡཏནནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི. ནཝམཾ.

༡༠. ཏཏིཡཙེཏནཱསུཏྟཾ

༤༠. སཱཝཏྠིཡཾ ཝིཧརཏི…པེ… ‘‘ཡཉྩ ¶ , བྷིཀྑཝེ, ཙེཏེཏི ཡཉྩ པཀཔྤེཏི ཡཉྩ ཨནུསེཏི ཨཱརམྨཎམེཏཾ ཧོཏི ཝིཉྙཱཎསྶ ཋིཏིཡཱ. ཨཱརམྨཎེ སཏི པཏིཊྛཱ ཝིཉྙཱཎསྶ ཧོཏི. ཏསྨིཾ པཏིཊྛིཏེ ཝིཉྙཱཎེ ཝིརཱུལ༹ྷེ ནཏི ཧོཏི. ནཏིཡཱ སཏི ཨཱགཏིགཏི ཧོཏི. ཨཱགཏིགཏིཡཱ སཏི ཙུཏཱུཔཔཱཏོ ཧོཏི. ཙུཏཱུཔཔཱཏེ སཏི ཨཱཡཏིཾ ཛཱཏིཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ སམྦྷཝནྟི. ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི’’.

‘‘ནོ ཙེ, བྷིཀྑཝེ, ཙེཏེཏི ནོ ཙེ པཀཔྤེཏི ཨཐ ཙེ ཨནུསེཏི, ཨཱརམྨཎམེཏཾ ཧོཏི ཝིཉྙཱཎསྶ ཋིཏིཡཱ. ཨཱརམྨཎེ སཏི པཏིཊྛཱ ཝིཉྙཱཎསྶ ཧོཏི. ཏསྨིཾ པཏིཊྛིཏེ ཝིཉྙཱཎེ ཝིརཱུལ༹ྷེ ནཏི ཧོཏི. ནཏིཡཱ ¶ སཏི ཨཱགཏིགཏི ཧོཏི. ཨཱགཏིགཏིཡཱ སཏི ཙུཏཱུཔཔཱཏོ ཧོཏི. ཙུཏཱུཔཔཱཏེ སཏི ཨཱཡཏིཾ ཛཱཏིཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ སམྦྷཝནྟི. ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི.

‘‘ཡཏོ ཙ ཁོ, བྷིཀྑཝེ, ནོ ཙེཝ ཙེཏེཏི ནོ ཙ པཀཔྤེཏི ནོ ཙ ཨནུསེཏི, ཨཱརམྨཎམེཏཾ ¶ ན ཧོཏི ཝིཉྙཱཎསྶ ཋིཏིཡཱ. ཨཱརམྨཎེ ¶ ཨསཏི པཏིཊྛཱ ཝིཉྙཱཎསྶ ན ཧོཏི. ཏདཔྤཏིཊྛིཏེ ཝིཉྙཱཎེ ཨཝིརཱུལ༹ྷེ ནཏི ན ཧོཏི. ནཏིཡཱ ཨསཏི ཨཱགཏིགཏི ན ཧོཏི. ཨཱགཏིགཏིཡཱ ཨསཏི ཙུཏཱུཔཔཱཏོ ན ཧོཏི. ཙུཏཱུཔཔཱཏེ ཨསཏི ཨཱཡཏིཾ ཛཱཏི ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ ནིརུཛ྄ཛྷནྟི. ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི. དསམཾ.

ཀལཱ༹རཁཏྟིཡཝགྒོ ཙཏུཏྠོ.

ཏསྶུདྡཱནཾ –

བྷཱུཏམིདཾ ཀལཱ༹རཉྩ, དུཝེ ཙ ཉཱཎཝཏྠཱུནི;

ཨཝིཛྫཱཔཙྩཡཱ ¶ ཙ དྭེ, ནཏུམྷཱ ཙེཏནཱ ཏཡོཏི.

༥. གཧཔཏིཝགྒོ

༡. པཉྩཝེརབྷཡསུཏྟཾ

༤༡. སཱཝཏྠིཡཾ ¶ ཝིཧརཏི. ཨཐ ཁོ ཨནཱཐཔིཎྜིཀོ གཧཔཏི ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨནཱཐཔིཎྜིཀཾ གཧཔཏིཾ བྷགཝཱ ཨེཏདཝོཙ –

‘‘ཡཏོ ཁོ, གཧཔཏི, ཨརིཡསཱཝཀསྶ པཉྩ བྷཡཱནི ཝེརཱནི ཝཱུཔསནྟཱནི ཧོནྟི, ཙཏཱུཧི ཙ སོཏཱཔཏྟིཡངྒེཧི སམནྣཱགཏོ ཧོཏི, ཨརིཡོ ཙསྶ ཉཱཡོ པཉྙཱཡ སུདིཊྛོ ཧོཏི སུཔྤཊིཝིདྡྷོ, སོ ཨཱཀངྑམཱནོ ཨཏྟནཱཝ ཨཏྟཱནཾ བྱཱཀརེཡྻ – ‘ཁཱིཎནིརཡོམྷི ཁཱིཎཏིརཙྪཱནཡོནི ཁཱིཎཔེཏྟིཝིསཡོ ཁཱིཎཱཔཱཡདུགྒཏིཝིནིཔཱཏོ, སོཏཱཔནྣོཧམསྨི ཨཝིནིཔཱཏདྷམྨོ ནིཡཏོ སམྦོདྷིཔརཱཡནོ’’’ཏི.

‘‘ཀཏམཱནི ¶ ¶ པཉྩ བྷཡཱནི ཝེརཱནི ཝཱུཔསནྟཱནི ཧོནྟི? ཡཾ, གཧཔཏི, པཱཎཱཏིཔཱཏཱི པཱཎཱཏིཔཱཏཔཙྩཡཱ དིཊྛདྷམྨིཀམྤི བྷཡཾ ཝེརཾ པསཝཏི, སམྤརཱཡིཀམྤི བྷཡཾ ཝེརཾ པསཝཏི, ཙེཏསིཀམྤི དུཀྑཾ དོམནསྶཾ པཊིསཾཝེདཡཏི, པཱཎཱཏིཔཱཏཱ པཊིཝིརཏསྶ ཨེཝཾ ཏཾ བྷཡཾ ཝེརཾ ཝཱུཔསནྟཾ ཧོཏི.

‘‘ཡཾ, གཧཔཏི, ཨདིནྣཱདཱཡཱི ཨདིནྣཱདཱནཔཙྩཡཱ དིཊྛདྷམྨིཀམྤི བྷཡཾ ཝེརཾ པསཝཏི, སམྤརཱཡིཀམྤི བྷཡཾ ཝེརཾ པསཝཏི, ཙེཏསིཀམྤི དུཀྑཾ དོམནསྶཾ པཊིསཾཝེདཡཏི, ཨདིནྣཱདཱནཱ པཊིཝིརཏསྶ ཨེཝཾ ཏཾ བྷཡཾ ཝེརཾ ཝཱུཔསནྟཾ ཧོཏི.

‘‘ཡཾ ¶ , གཧཔཏི, ཀཱམེསུམིཙྪཱཙཱརཱི ཀཱམེསུམིཙྪཱཙཱརཔཙྩཡཱ ¶ དིཊྛདྷམྨིཀམྤི བྷཡཾ ཝེརཾ པསཝཏི, སམྤརཱཡིཀམྤི བྷཡཾ ཝེརཾ པསཝཏི, ཙེཏསིཀམྤི དུཀྑཾ དོམནསྶཾ པཊིསཾཝེདཡཏི, ཀཱམེསུམིཙྪཱཙཱརཱ པཊིཝིརཏསྶ ཨེཝཾ ཏཾ བྷཡཾ ཝེརཾ ཝཱུཔསནྟཾ ཧོཏི.

‘‘ཡཾ, གཧཔཏི, མུསཱཝཱདཱི མུསཱཝཱདཔཙྩཡཱ དིཊྛདྷམྨིཀམྤི བྷཡཾ ཝེརཾ པསཝཏི, སམྤརཱཡིཀམྤི བྷཡཾ ཝེརཾ པསཝཏི, ཙེཏསིཀམྤི དུཀྑཾ དོམནསྶཾ པཊིསཾཝེདཡཏི, མུསཱཝཱདཱ པཊིཝིརཏསྶ ཨེཝཾ ཏཾ བྷཡཾ ཝེརཾ ཝཱུཔསནྟཾ ཧོཏི.

‘‘ཡཾ, གཧཔཏི, སུརཱམེརཡམཛྫཔམཱདཊྛཱཡཱི སུརཱམེརཡམཛྫཔམཱདཊྛཱནཔཙྩཡཱ དིཊྛདྷམྨིཀམྤི བྷཡཾ ཝེརཾ པསཝཏི, སམྤརཱཡིཀམྤི བྷཡཾ ཝེརཾ པསཝཏི, ཙེཏསིཀམྤི དུཀྑཾ དོམནསྶཾ པཊིསཾཝེདཡཏི, སུརཱམེརཡམཛྫཔམཱདཊྛཱནཱ པཊིཝིརཏསྶ ཨེཝཾ ཏཾ བྷཡཾ ཝེརཾ ཝཱུཔསནྟཾ ཧོཏི. ཨིམཱནི པཉྩ བྷཡཱནི ཝེརཱནི ཝཱུཔསནྟཱནི ཧོནྟི.

‘‘ཀཏམེཧི ཙཏཱུཧི སོཏཱཔཏྟིཡངྒེཧི སམནྣཱགཏོ ཧོཏི? ཨིདྷ, གཧཔཏི, ཨརིཡསཱཝཀོ བུདྡྷེ ཨཝེཙྩཔྤསཱདེན སམནྣཱགཏོ ཧོཏི – ‘ཨིཏིཔི སོ བྷགཝཱ ཨརཧཾ སམྨཱསམྦུདྡྷོ ཝིཛྫཱཙརཎསམྤནྣོ སུགཏོ ལོཀཝིདཱུ ཨནུཏྟརོ པུརིསདམྨསཱརཐི སཏྠཱ དེཝམནུསྶཱནཾ བུདྡྷོ བྷགཝཱ’’’ཏི.

‘‘དྷམྨེ ¶ ཨཝེཙྩཔྤསཱདེན སམནྣཱགཏོ ཧོཏི – ‘སྭཱཀྑཱཏོ བྷགཝཏཱ དྷམྨོ སནྡིཊྛིཀོ ཨཀཱལིཀོ ཨེཧིཔསྶིཀོ ཨོཔནེཡྻིཀོ པཙྩཏྟཾ ཝེདིཏབྦོ ཝིཉྙཱུཧཱི’’’ཏི.

‘‘སངྒྷེ ¶ ཨཝེཙྩཔྤསཱདེན སམནྣཱགཏོ ཧོཏི – ‘སུཔྤཊིཔནྣོ བྷགཝཏོ སཱཝཀསངྒྷོ, ཨུཛུཔྤཊིཔནྣོ བྷགཝཏོ སཱཝཀསངྒྷོ, ཉཱཡཔྤཊིཔནྣོ བྷགཝཏོ སཱཝཀསངྒྷོ, སཱམཱིཙིཔྤཊིཔནྣོ བྷགཝཏོ སཱཝཀསངྒྷོ ¶ , ཡདིདཾ ཙཏྟཱརི པུརིསཡུགཱནི ཨཊྛ པུརིསཔུགྒལཱ, ཨེས བྷགཝཏོ སཱཝཀསངྒྷོ ¶ ཨཱཧུནེཡྻོ པཱཧུནེཡྻོ དཀྑིཎེཡྻོ ཨཉྫལིཀརཎཱིཡོ ཨནུཏྟརཾ པུཉྙཀྑེཏྟཾ ལོཀསྶཱ’’’ཏི.

‘‘ཨརིཡཀནྟེཧི སཱིལེཧི སམནྣཱགཏོ ཧོཏི ཨཁཎྜེཧི ཨཙྪིདྡེཧི ཨསབལེཧི ཨཀམྨཱསེཧི བྷུཛིསྶེཧི ཝིཉྙུཔྤསཏྠེཧི ཨཔརཱམཊྛེཧི སམཱདྷིསཾཝཏྟནིཀེཧི. ཨིམེཧི ཙཏཱུཧི སོཏཱཔཏྟིཡངྒེཧི སམནྣཱགཏོ ཧོཏི.

‘‘ཀཏམོ ཙསྶ ཨརིཡོ ཉཱཡོ པཉྙཱཡ སུདིཊྛོ ཧོཏི སུཔྤཊིཝིདྡྷོ? ཨིདྷ, གཧཔཏི, ཨརིཡསཱཝཀོ པཊིཙྩསམུཔྤཱདཉྙེཝ སཱདྷུཀཾ ཡོནིསོ མནསི ཀརོཏི – ‘ཨིཏི ཨིམསྨིཾ སཏི ཨིདཾ ཧོཏི, ཨིམསྨིཾ ཨསཏི ཨིདཾ ན ཧོཏི; ཨིམསྶུཔྤཱདཱ ཨིདཾ ཨུཔྤཛྫཏི, ཨིམསྶ ནིརོདྷཱ ཨིདཾ ནིརུཛ྄ཛྷཏི. ཡདིདཾ ཨཝིཛྫཱཔཙྩཡཱ སངྑཱརཱ; སངྑཱརཔཙྩཡཱ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ཨཝིཛྫཱཡ ཏྭེཝ ཨསེསཝིརཱགནིརོདྷཱ སངྑཱརནིརོདྷོ; སངྑཱརནིརོདྷཱ ཝིཉྙཱཎནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’’ཏི. ཨཡམསྶ ཨརིཡོ ཉཱཡོ པཉྙཱཡ སུདིཊྛོ ཧོཏི སུཔྤཊིཝིདྡྷོ.

‘‘ཡཏོ ཁོ, གཧཔཏི, ཨརིཡསཱཝཀསྶ ཨིམཱནི པཉྩ བྷཡཱནི ཝེརཱནི ཝཱུཔསནྟཱནི ཧོནྟི, ཨིམེཧི ཙཏཱུཧི སོཏཱཔཏྟིཡངྒེཧི སམནྣཱགཏོ ཧོཏི, ཨཡཉྩསྶ ཨརིཡོ ཉཱཡོ པཉྙཱཡ སུདིཊྛོ ཧོཏི སུཔྤཊིཝིདྡྷོ, སོ ཨཱཀངྑམཱནོ ཨཏྟནཱཝ ཨཏྟཱནཾ བྱཱཀརེཡྻ – ‘ཁཱིཎནིརཡོམྷི ¶ ཁཱིཎཏིརཙྪཱནཡོནི ཁཱིཎཔེཏྟིཝིསཡོ ཁཱིཎཱཔཱཡདུགྒཏིཝིནིཔཱཏོ, སོཏཱཔནྣོཧམསྨི ཨཝིནིཔཱཏདྷམྨོ ནིཡཏོ སམྦོདྷིཔརཱཡནོ’’’ཏི.

༢. དུཏིཡཔཉྩཝེརབྷཡསུཏྟཾ

༤༢. སཱཝཏྠིཡཾ ¶ ཝིཧརཏི…པེ… ‘‘ཡཏོ ¶ ཁོ, བྷིཀྑཝེ, ཨརིཡསཱཝཀསྶ པཉྩ བྷཡཱནི ཝེརཱནི ཝཱུཔསནྟཱནི ཧོནྟི, ཙཏཱུཧི ཙ སོཏཱཔཏྟིཡངྒེཧི སམནྣཱགཏོ ཧོཏི, ཨརིཡོ ཙསྶ ཉཱཡོ པཉྙཱཡ སུདིཊྛོ ཧོཏི ¶ སུཔྤཊིཝིདྡྷོ, སོ ཨཱཀངྑམཱནོ ཨཏྟནཱཝ ཨཏྟཱནཾ བྱཱཀརེཡྻ – ‘ཁཱིཎནིརཡོམྷི ཁཱིཎཏིརཙྪཱནཡོནི ཁཱིཎཔེཏྟིཝིསཡོ ཁཱིཎཱཔཱཡདུགྒཏིཝིནིཔཱཏོ, སོཏཱཔནྣོཧམསྨི ཨཝིནིཔཱཏདྷམྨོ ནིཡཏོ སམྦོདྷིཔརཱཡནོ’’’ཏི.

‘‘ཀཏམཱནི པཉྩ བྷཡཱནི ཝེརཱནི ཝཱུཔསནྟཱནི ཧོནྟི? ཡཾ, བྷིཀྑཝེ, པཱཎཱཏིཔཱཏཱི …པེ… ཡཾ, བྷིཀྑཝེ, ཨདིནྣཱདཱཡཱི…པེ… ཡཾ, བྷིཀྑཝེ, ཀཱམེསུམིཙྪཱཙཱརཱི… ཡཾ, བྷིཀྑཝེ, མུསཱཝཱདཱི… ཡཾ, བྷིཀྑཝེ, སུརཱམེརཡམཛྫཔམཱདཊྛཱཡཱི…པེ… ཨིམཱནི པཉྩ བྷཡཱནི ཝེརཱནི ཝཱུཔསནྟཱནི ཧོནྟི.

‘‘ཀཏམེཧི ཙཏཱུཧི སོཏཱཔཏྟིཡངྒེཧི སམནྣཱགཏོ ཧོཏི? ཨིདྷ, བྷིཀྑཝེ, ཨརིཡསཱཝཀོ བུདྡྷེ…པེ… དྷམྨེ… སངྒྷེ… ཨརིཡཀནྟེཧི སཱིལེཧི སམནྣཱགཏོ ཧོཏི. ཨིམེཧི ཙཏཱུཧི སོཏཱཔཏྟིཡངྒེཧི སམནྣཱགཏོ ཧོཏི.

‘‘ཀཏམོ ཙསྶ ཨརིཡོ ཉཱཡོ པཉྙཱཡ སུདིཊྛོ ཧོཏི སུཔྤཊིཝིདྡྷོ ¶ ? ཨིདྷ, བྷིཀྑཝེ, ཨརིཡསཱཝཀོ པཊིཙྩསམུཔྤཱདཉྙེཝ སཱདྷུཀཾ ཡོནིསོ མནསི ཀརོཏི…པེ… ཨཡམསྶ ཨརིཡོ ཉཱཡོ པཉྙཱཡ སུདིཊྛོ ཧོཏི སུཔྤཊིཝིདྡྷོ.

‘‘ཡཏོ ཁོ, བྷིཀྑཝེ, ཨརིཡསཱཝཀསྶ ཨིམཱནི པཉྩ བྷཡཱནི ཝེརཱནི ཝཱུཔསནྟཱནི ཧོནྟི, ཨིམེཧི ཙ ཙཏཱུཧི སོཏཱཔཏྟིཡངྒེཧི སམནྣཱགཏོ ཧོཏི, ཨཡཉྩསྶ ཨརིཡོ ཉཱཡོ པཉྙཱཡ སུདིཊྛོ ཧོཏི སུཔྤཊིཝིདྡྷོ, སོ ཨཱཀངྑམཱནོ ཨཏྟནཱཝ ཨཏྟཱནཾ བྱཱཀརེཡྻ – ‘ཁཱིཎནིརཡོམྷི ཁཱིཎཏིརཙྪཱནཡོནི ཁཱིཎཔེཏྟིཝིསཡོ ཁཱིཎཱཔཱཡདུགྒཏིཝིནིཔཱཏོ, སོཏཱཔནྣོཧམསྨི ཨཝིནིཔཱཏདྷམྨོ ནིཡཏོ སམྦོདྷིཔརཱཡནོ’’’ཏི. དུཏིཡཾ.

༣. དུཀྑསུཏྟཾ

༤༣. སཱཝཏྠིཡཾ ¶ ཝིཧརཏི…པེ… ‘‘དུཀྑསྶ ¶ , བྷིཀྑཝེ, སམུདཡཉྩ ཨཏྠངྒམཉྩ དེསེསྶཱམི. ཏཾ སུཎཱཐ, སཱདྷུཀཾ མནསི ཀརོཐ; བྷཱསིསྶཱམཱི’’ཏི. ‘‘ཨེཝཾ, བྷནྟེ’’ཏི ཁོ ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཀཏམོ ཙ, བྷིཀྑཝེ, དུཀྑསྶ སམུདཡོ? ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎཾ. ཏིཎྞཾ སངྒཏི ཕསྶོ. ཕསྶཔཙྩཡཱ ཝེདནཱ; ཝེདནཱཔཙྩཡཱ ཏཎྷཱ. ཨཡཾ ཁོ, བྷིཀྑཝེ, དུཀྑསྶ སམུདཡོ.

‘‘སོཏཉྩ ¶ པཊིཙྩ སདྡེ ཙ ཨུཔྤཛྫཏི སོཏཝིཉྙཱཎཾ…པེ… གྷཱནཉྩ པཊིཙྩ གནྡྷེ ཙ…པེ… ཛིཝ྄ཧཉྩ པཊིཙྩ རསེ ཙ…པེ… ཀཱཡཉྩ པཊིཙྩ ཕོཊྛབྦེ ཙ…པེ… མནཉྩ པཊིཙྩ དྷམྨེ ཙ ཨུཔྤཛྫཏི མནོཝིཉྙཱཎཾ. ཏིཎྞཾ སངྒཏི ཕསྶོ. ཕསྶཔཙྩཡཱ ཝེདནཱ; ཝེདནཱཔཙྩཡཱ ཏཎྷཱ. ཨཡཾ ¶ ཁོ, བྷིཀྑཝེ, དུཀྑསྶ སམུདཡོ.

‘‘ཀཏམོ ཙ, བྷིཀྑཝེ, དུཀྑསྶ ཨཏྠངྒམོ? ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎཾ. ཏིཎྞཾ སངྒཏི ཕསྶོ. ཕསྶཔཙྩཡཱ ཝེདནཱ; ཝེདནཱཔཙྩཡཱ ཏཎྷཱ. ཏསྶཱཡེཝ ཏཎྷཱཡ ཨསེསཝིརཱགནིརོདྷཱ ཨུཔཱདཱནནིརོདྷོ; ཨུཔཱདཱནནིརོདྷཱ བྷཝནིརོདྷོ; བྷཝནིརོདྷཱ ཛཱཏིནིརོདྷོ; ཛཱཏིནིརོདྷཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ ནིརུཛ྄ཛྷནྟི. ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏི. ཨཡཾ ཁོ, བྷིཀྑཝེ, དུཀྑསྶ ཨཏྠངྒམོ.

‘‘སོཏཉྩ པཊིཙྩ སདྡེ ཙ ཨུཔྤཛྫཏི སོཏཝིཉྙཱཎཾ…པེ… གྷཱནཉྩ པཊིཙྩ གནྡྷེ ཙ…པེ… ཛིཝ྄ཧཉྩ པཊིཙྩ རསེ ཙ…པེ… ཀཱཡཉྩ པཊིཙྩ ཕོཊྛབྦེ ཙ…པེ… མནཉྩ པཊིཙྩ དྷམྨེ ཙ ཨུཔྤཛྫཏི མནོཝིཉྙཱཎཾ. ཏིཎྞཾ སངྒཏི ཕསྶོ. ཕསྶཔཙྩཡཱ ཝེདནཱ; ཝེདནཱཔཙྩཡཱ ཏཎྷཱ. ཏསྶཱཡེཝ ཏཎྷཱཡ ཨསེསཝིརཱགནིརོདྷཱ ཨུཔཱདཱནནིརོདྷོ; ཨུཔཱདཱནནིརོདྷཱ བྷཝནིརོདྷོ; བྷཝནིརོདྷཱ ཛཱཏིནིརོདྷོ; ཛཱཏིནིརོདྷཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ ¶ ནིརུཛ྄ཛྷནྟི. ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏི. ཨཡཾ ཁོ, བྷིཀྑཝེ, དུཀྑསྶ ཨཏྠངྒམོ’’ཏི. ཏཏིཡཾ.

༤. ལོཀསུཏྟཾ

༤༤. སཱཝཏྠིཡཾ ¶ ཝིཧརཏི…པེ… ‘‘ལོཀསྶ, བྷིཀྑཝེ, སམུདཡཉྩ ཨཏྠངྒམཉྩ དེསེསྶཱམི. ཏཾ སུཎཱཐ, སཱདྷུཀཾ མནསི ཀརོཐ; བྷཱསིསྶཱམཱི’’ཏི. ‘‘ཨེཝཾ, བྷནྟེ’’ཏི ཁོ ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཀཏམོ ཙ, བྷིཀྑཝེ, ལོཀསྶ སམུདཡོ? ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎཾ. ཏིཎྞཾ ¶ སངྒཏི ཕསྶོ. ཕསྶཔཙྩཡཱ ཝེདནཱ; ཝེདནཱཔཙྩཡཱ ཏཎྷཱ; ཏཎྷཱཔཙྩཡཱ ཨུཔཱདཱནཾ; ཨུཔཱདཱནཔཙྩཡཱ བྷཝོ; བྷཝཔཙྩཡཱ ཛཱཏི; ཛཱཏིཔཙྩཡཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ སམྦྷཝནྟི. ཨཡཾ ཁོ, བྷིཀྑཝེ, ལོཀསྶ སམུདཡོ.

‘‘སོཏཉྩ ¶ པཊིཙྩ སདྡེ ཙ…པེ… གྷཱནཉྩ པཊིཙྩ གནྡྷེ ཙ… ཛིཝ྄ཧཉྩ པཊིཙྩ རསེ ཙ… ཀཱཡཉྩ པཊིཙྩ ཕོཊྛབྦེ ཙ… མནཉྩ པཊིཙྩ དྷམྨེ ཙ ཨུཔྤཛྫཏི མནོཝིཉྙཱཎཾ. ཏིཎྞཾ སངྒཏི ཕསྶོ. ཕསྶཔཙྩཡཱ ཝེདནཱ…པེ… ཛཱཏིཔཙྩཡཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ སམྦྷཝནྟི. ཨཡཾ ཁོ, བྷིཀྑཝེ, ལོཀསྶ སམུདཡོ.

‘‘ཀཏམོ ཙ, བྷིཀྑཝེ, ལོཀསྶ ཨཏྠངྒམོ? ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎཾ. ཏིཎྞཾ སངྒཏི ཕསྶོ. ཕསྶཔཙྩཡཱ ཝེདནཱ; ཝེདནཱཔཙྩཡཱ ཏཎྷཱ. ཏསྶཱཡེཝ ཏཎྷཱཡ ཨསེསཝིརཱགནིརོདྷཱ ཨུཔཱདཱནནིརོདྷོ; ཨུཔཱདཱནནིརོདྷཱ བྷཝནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏི. ཨཡཾ ཁོ, བྷིཀྑཝེ, ལོཀསྶ ཨཏྠངྒམོ.

‘‘སོཏཉྩ པཊིཙྩ སདྡེ ཙ…པེ… གྷཱནཉྩ ¶ པཊིཙྩ གནྡྷེ ཙ… ཛིཝ྄ཧཉྩ པཊིཙྩ རསེ ཙ… ཀཱཡཉྩ པཊིཙྩ ཕོཊྛབྦེ ཙ… མནཉྩ པཊིཙྩ དྷམྨེ ཙ ཨུཔྤཛྫཏི མནོཝིཉྙཱཎཾ. ཏིཎྞཾ སངྒཏི ཕསྶོ. ཕསྶཔཙྩཡཱ ཝེདནཱ; ཝེདནཱཔཙྩཡཱ ཏཎྷཱ. ཏསྶཱཡེཝ ཏཎྷཱཡ ཨསེསཝིརཱགནིརོདྷཱ ཨུཔཱདཱནནིརོདྷོ; ཨུཔཱདཱནནིརོདྷཱ བྷཝནིརོདྷོ…པེ… ཨེཝམེཏསྶ ཀེཝལསྶ ¶ དུཀྑཀྑནྡྷསྶ ནིརོདྷོ ཧོཏི. ཨཡཾ ཁོ, བྷིཀྑཝེ, ལོཀསྶ ཨཏྠངྒམོ’’ཏི. ཙཏུཏྠཾ.

༥. ཉཱཏིཀསུཏྟཾ

༤༥. ཨེཝཾ ¶ མེ སུཏཾ – ཨེཀཾ སམཡཾ བྷགཝཱ ཉཱཏིཀེ ཝིཧརཏི གིཉྫཀཱཝསཐེ. ཨཐ ཁོ བྷགཝཱ རཧོགཏོ པཊིསལླཱནོ ཨིམཾ དྷམྨཔརིཡཱཡཾ ཨབྷཱསི –

‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎཾ. ཏིཎྞཾ སངྒཏི ཕསྶོ. ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ; ཏཎྷཱཔཙྩཡཱ ཨུཔཱདཱནཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི.

‘‘སོཏཉྩ པཊིཙྩ སདྡེ ཙ…པེ… གྷཱནཉྩ པཊིཙྩ གནྡྷེ ཙ… ཛིཝ྄ཧཉྩ པཊིཙྩ རསེ ཙ… ཀཱཡཉྩ པཊིཙྩ ཕོཊྛབྦེ ཙ… མནཉྩ པཊིཙྩ དྷམྨེ ཙ ཨུཔྤཛྫཏི མནོཝིཉྙཱཎཾ. ཏིཎྞཾ སངྒཏི ཕསྶོ. ཕསྶཔཙྩཡཱ ཝེདནཱ; ཝེདནཱཔཙྩཡཱ ཏཎྷཱ; ཏཎྷཱཔཙྩཡཱ ཨུཔཱདཱནཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི.

‘‘ཙཀྑུཉྩ ¶ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎཾ. ཏིཎྞཾ སངྒཏི ཕསྶོ. ཕསྶཔཙྩཡཱ ཝེདནཱ; ཝེདནཱཔཙྩཡཱ ཏཎྷཱ. ཏསྶཱཡེཝ ཏཎྷཱཡ ཨསེསཝིརཱགནིརོདྷཱ ཨུཔཱདཱནནིརོདྷོ; ཨུཔཱདཱནནིརོདྷཱ བྷཝནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏི.

‘‘སོཏཉྩ ¶ པཊིཙྩ སདྡེ ཙ…པེ… མནཉྩ པཊིཙྩ དྷམྨེ ཙ ཨུཔྤཛྫཏི མནོཝིཉྙཱཎཾ. ཏིཎྞཾ སངྒཏི ཕསྶོ. ཕསྶཔཙྩཡཱ ཝེདནཱ; ཝེདནཱཔཙྩཡཱ ཏཎྷཱ. ཏསྶཱཡེཝ ཏཎྷཱཡ ཨསེསཝིརཱགནིརོདྷཱ ¶ ཨུཔཱདཱནནིརོདྷོ; ཨུཔཱདཱནནིརོདྷཱ བྷཝནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི.

ཏེན ཁོ པན སམཡེན ཨཉྙཏརོ བྷིཀྑུ བྷགཝཏོ ཨུཔསྶུཏི [ཨུཔསྶུཏིཾ (སཱི. པཱི.)] ཋིཏོ ཧོཏི. ཨདྡསཱ ཁོ བྷགཝཱ ཏཾ བྷིཀྑུཾ ཨུཔསྶུཏི ཋིཏཾ. དིསྭཱན ཏཾ བྷིཀྑུཾ ཨེཏདཝོཙ – ‘‘ཨསྶོསི ནོ ཏྭཾ, བྷིཀྑུ, ཨིམཾ དྷམྨཔརིཡཱཡ’’ནྟི? ‘‘ཨེཝཾ, བྷནྟེ’’ཏི. ‘‘ཨུགྒཎྷཱཧི ཏྭཾ, བྷིཀྑུ, ཨིམཾ དྷམྨཔརིཡཱཡཾ; པརིཡཱཔུཎཱཧི ཏྭཾ, བྷིཀྑུ, ཨིམཾ དྷམྨཔརིཡཱཡཾ; དྷཱརེཧི ཏྭཾ, བྷིཀྑུ, ཨིམཾ དྷམྨཔརིཡཱཡཾ. ཨཏྠསཾཧིཏོ ཨཡཾ [ཨཏྠསཾཧིཏོཡཾ (སཱི. སྱཱ. ཀཾ.), ཨཏྠསཾཧིཏཱཡཾ (པཱི. ཀ.)], བྷིཀྑུ, དྷམྨཔརིཡཱཡོ ཨཱདིབྲཧྨཙརིཡཀོ’’ཏི. པཉྩམཾ.

༦. ཨཉྙཏརབྲཱཧྨཎསུཏྟཾ

༤༦. སཱཝཏྠིཡཾ ¶ ཝིཧརཏི. ཨཐ ཁོ ཨཉྙཏརོ བྲཱཧྨཎོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝཏཱ སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སོ བྲཱཧྨཎོ བྷགཝནྟཾ ཨེཏདཝོཙ –

‘‘ཀིཾ ནུ ཁོ, བྷོ གོཏམ, སོ ཀརོཏི སོ པཊིསཾཝེདཡཏཱི’’ཏི? ‘‘‘སོ ཀརོཏི སོ པཊིསཾཝེདཡཏཱི’ཏི ཁོ, བྲཱཧྨཎ, ཨཡམེཀོ ཨནྟོ’’.

‘‘ཀིཾ ¶ པན, བྷོ གོཏམ, ཨཉྙོ ཀརོཏི, ཨཉྙོ པཊིསཾཝེདཡཏཱི’’ཏི? ‘‘‘ཨཉྙོ ཀརོཏི, ཨཉྙོ པཊིསཾཝེདཡཏཱི’ཏི ཁོ, བྲཱཧྨཎ, ཨཡཾ དུཏིཡོ ཨནྟོ. ཨེཏེ ཏེ, བྲཱཧྨཎ, ཨུབྷོ ཨནྟེ ཨནུཔགམྨ མཛ྄ཛྷེན ཏཐཱགཏོ དྷམྨཾ དེསེཏི – ‘ཨཝིཛྫཱཔཙྩཡཱ སངྑཱརཱ; སངྑཱརཔཙྩཡཱ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ཨཝིཛྫཱཡ ¶ ཏྭེཝ ཨསེསཝིརཱགནིརོདྷཱ སངྑཱརནིརོདྷོ; སངྑཱརནིརོདྷཱ ཝིཉྙཱཎནིརོདྷོ ¶ …པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’’ཏི.

ཨེཝཾ ཝུཏྟེ, སོ བྲཱཧྨཎོ བྷགཝནྟཾ ཨེཏདཝོཙ – ‘‘ཨབྷིཀྐནྟཾ, བྷོ གོཏམ, ཨབྷིཀྐནྟཾ, བྷོ གོཏམ,…པེ… ཨུཔཱསཀཾ མཾ བྷཝཾ གོཏམོ དྷཱརེཏུ ཨཛྫཏགྒེ པཱཎུཔེཏཾ སརཎཾ གཏ’’ནྟི. ཚཊྛཾ.

༧. ཛཱཎུསྶོཎིསུཏྟཾ

༤༧. སཱཝཏྠིཡཾ ཝིཧརཏི. ཨཐ ཁོ ཛཱཎུསྶོཎི བྲཱཧྨཎོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝཏཱ སདྡྷིཾ…པེ… ཨེཀམནྟཾ ནིསིནྣོ ཁོ ཛཱཎུསྶོཎི བྲཱཧྨཎོ བྷགཝནྟཾ ཨེཏདཝོཙ –

‘‘ཀིཾ ¶ ནུ ཁོ, བྷོ, གོཏམ, སབྦམཏྠཱི’’ཏི? ‘‘‘སབྦམཏྠཱི’ཏི ཁོ, བྲཱཧྨཎ, ཨཡམེཀོ ཨནྟོ’’.

‘‘ཀིཾ པན, བྷོ གོཏམ, སབྦཾ ནཏྠཱི’’ཏི? ‘‘‘སབྦཾ ནཏྠཱི’ཏི ཁོ, བྲཱཧྨཎ, ཨཡཾ དུཏིཡོ ཨནྟོ. ཨེཏེ ཏེ, བྲཱཧྨཎ, ཨུབྷོ ཨནྟེ ཨནུཔགམྨ མཛ྄ཛྷེན ཏཐཱགཏོ དྷམྨཾ དེསེཏི – ‘ཨཝིཛྫཱཔཙྩཡཱ སངྑཱརཱ; སངྑཱརཔཙྩཡཱ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ཨཝིཛྫཱཡ ཏྭེཝ ཨསེསཝིརཱགནིརོདྷཱ སངྑཱརནིརོདྷོ; སངྑཱརནིརོདྷཱ ཝིཉྙཱཎནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’’ཏི.

ཨེཝཾ ཝུཏྟེ, ཛཱཎུསྶོཎི བྲཱཧྨཎོ བྷགཝནྟཾ ཨེཏདཝོཙ ¶ – ‘‘ཨབྷིཀྐནྟཾ བྷོ གོཏམ…པེ… པཱཎུཔེཏཾ སརཎཾ གཏ’’ནྟི. སཏྟམཾ.

༨. ལོཀཱཡཏིཀསུཏྟཾ

༤༨. སཱཝཏྠིཡཾ ཝིཧརཏི. ཨཐ ཁོ ལོཀཱཡཏིཀོ བྲཱཧྨཎོ ཡེན ¶ བྷགཝཱ…པེ… ཨེཀམནྟཾ ནིསིནྣོ ཁོ ལོཀཱཡཏིཀོ བྲཱཧྨཎོ བྷགཝནྟཾ ཨེཏདཝོཙ –

‘‘ཀིཾ ནུ ཁོ, བྷོ གོཏམ, སབྦམཏྠཱི’’ཏི? ‘‘‘སབྦམཏྠཱི’ཏི ཁོ, བྲཱཧྨཎ, ཛེཊྛམེཏཾ ལོཀཱཡཏཾ’’.

‘‘ཀིཾ ¶ པན, བྷོ གོཏམ, སབྦཾ ནཏྠཱི’’ཏི? ‘‘‘སབྦཾ ནཏྠཱི’ཏི ཁོ, བྲཱཧྨཎ, དུཏིཡམེཏཾ ལོཀཱཡཏཾ’’.

‘‘ཀིཾ ནུ ཁོ, བྷོ གོཏམ, སབྦམེཀཏྟ’’ནྟི? ‘‘‘སབྦམེཀཏྟ’ནྟི ཁོ, བྲཱཧྨཎ, ཏཏིཡམེཏཾ ལོཀཱཡཏཾ’’.

‘‘ཀིཾ ¶ པན, བྷོ གོཏམ, སབྦཾ པུཐུཏྟ’’ནྟི? ‘‘‘སབྦཾ པུཐུཏྟ’ནྟི ཁོ, བྲཱཧྨཎ, ཙཏུཏྠམེཏཾ ལོཀཱཡཏཾ’’.

‘‘ཨེཏེ ཏེ, བྲཱཧྨཎ, ཨུབྷོ ཨནྟེ ཨནུཔགམྨ མཛ྄ཛྷེན ཏཐཱགཏོ དྷམྨཾ དེསེཏི – ‘ཨཝིཛྫཱཔཙྩཡཱ སངྑཱརཱ; སངྑཱརཔཙྩཡཱ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ཨཝིཛྫཱཡ ཏྭེཝ ཨསེསཝིརཱགནིརོདྷཱ སངྑཱརནིརོདྷོ; སངྑཱརནིརོདྷཱ ཝིཉྙཱཎནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’’ཏི.

ཨེཝཾ ཝུཏྟེ, ལོཀཱཡཏིཀོ བྲཱཧྨཎོ བྷགཝནྟཾ ཨེཏདཝོཙ – ‘‘ཨབྷིཀྐནྟཾ, བྷོ གོཏམ…པེ… ཨཛྫཏགྒེ པཱཎུཔེཏཾ སརཎཾ གཏ’’ནྟི. ཨཊྛམཾ.

༩. ཨརིཡསཱཝཀསུཏྟཾ

༤༩. སཱཝཏྠིཡཾ ཝིཧརཏི…པེ… ‘‘ན ¶ , བྷིཀྑཝེ, སུཏཝཏོ ཨརིཡསཱཝཀསྶ ཨེཝཾ ཧོཏི – ‘ཀིཾ ནུ ཁོ ཀིསྨིཾ སཏི ཀིཾ ཧོཏི, ཀིསྶུཔྤཱདཱ ཀིཾ ཨུཔྤཛྫཏི? (ཀིསྨིཾ སཏི སངྑཱརཱ ཧོནྟི, ཀིསྨིཾ སཏི ཝིཉྙཱཎཾ ཧོཏི,) [( ) ཨེཏྠནྟརེ པཱཋཱ ཀེསུཙི པོཏྠཀེསུ ན དིསྶནྟཱིཏི སཱི. པཱི. པོཏྠཀེསུ དསྶིཏཱ. ཏཐཱ སཏི ཨནནྟརསུཏྟཊཱིཀཱཡ སམེཏི] ཀིསྨིཾ སཏི ནཱམརཱུཔཾ ཧོཏི, ཀིསྨིཾ སཏི སལཱ༹ཡཏནཾ ཧོཏི, ཀིསྨིཾ སཏི ཕསྶོ ཧོཏི, ཀིསྨིཾ སཏི ཝེདནཱ ¶ ཧོཏི, ཀིསྨིཾ སཏི ཏཎྷཱ ཧོཏི, ཀིསྨིཾ སཏི ཨུཔཱདཱནཾ ཧོཏི, ཀིསྨིཾ སཏི བྷཝོ ཧོཏི, ཀིསྨིཾ སཏི ཛཱཏི ཧོཏི, ཀིསྨིཾ སཏི ཛརཱམརཎཾ ཧོཏཱི’’’ཏི?

‘‘ཨཐ ཁོ, བྷིཀྑཝེ, སུཏཝཏོ ཨརིཡསཱཝཀསྶ ཨཔརཔྤཙྩཡཱ ཉཱཎམེཝེཏྠ ཧོཏི – ‘ཨིམསྨིཾ སཏི ཨིདཾ ཧོཏི, ཨིམསྶུཔྤཱདཱ ཨིདཾ ཨུཔྤཛྫཏི. (ཨཝིཛྫཱཡ སཏི སངྑཱརཱ ཧོནྟི; སངྑཱརེསུ སཏི ཝིཉྙཱཎཾ ཧོཏི;) [( ) ཨེཏྠཀེསུ པཱཋཱ ཀེསུཙི པོཏྠཀེསུ ན དིསྶནྟཱིཏི སཱི. པཱི. པོཏྠཀེསུ དསྶིཏཱ. ཏཐཱ སཏི ཨནནྟརསུཏྟཊཱིཀཱཡ སམེཏི] ཝིཉྙཱཎེ སཏི ནཱམརཱུཔཾ ཧོཏི; ནཱམརཱུཔེ སཏི སལཱ༹ཡཏནཾ ཧོཏི ¶ ; སལཱ༹ཡཏནེ སཏི ཕསྶོ ཧོཏི; ཕསྶེ སཏི ཝེདནཱ ཧོཏི; ཝེདནཱཡ སཏི ཏཎྷཱ ཧོཏི; ཏཎྷཱཡ སཏི ཨུཔཱདཱནཾ ཧོཏི; ཨུཔཱདཱནེ སཏི བྷཝོ ཧོཏི; བྷཝེ སཏི ཛཱཏི ཧོཏི; ཛཱཏིཡཱ སཏི ཛརཱམརཎཾ ཧོཏཱི’ཏི. སོ ཨེཝཾ པཛཱནཱཏི – ‘ཨེཝམཡཾ ལོཀོ སམུདཡཏཱི’’’ཏི.

‘‘ན ¶ , བྷིཀྑཝེ, སུཏཝཏོ ཨརིཡསཱཝཀསྶ ཨེཝཾ ཧོཏི – ‘ཀིཾ ནུ ཁོ ཀིསྨིཾ ཨསཏི ཀིཾ ན ཧོཏི, ཀིསྶ ནིརོདྷཱ ཀིཾ ནིརུཛ྄ཛྷཏི? (ཀིསྨིཾ ཨསཏི སངྑཱརཱ ན ཧོནྟི, ཀིསྨིཾ ཨསཏི ཝིཉྙཱཎཾ ན ཧོཏི,) [( ) ཨེཏྠནྟརེ པཱཋཱཔི ཏཏྠ ཏཐེཝ དསྶིཏཱ] ཀིསྨིཾ ཨསཏི ནཱམརཱུཔཾ ན ཧོཏི, ཀིསྨིཾ ཨསཏི སལཱ༹ཡཏནཾ ན ཧོཏི, ཀིསྨིཾ ཨསཏི ཕསྶོ ན ཧོཏི, ཀིསྨིཾ ཨསཏི ཝེདནཱ ན ཧོཏི, ཀིསྨིཾ ཨསཏི ཏཎྷཱ ན ཧོཏི, ཀིསྨིཾ ཨསཏི ཨུཔཱདཱནཾ ན ཧོཏི, ཀིསྨིཾ ཨསཏི བྷཝོ ན ཧོཏི, ཀིསྨིཾ ཨསཏི ཛཱཏི ན ཧོཏི, ཀིསྨིཾ ཨསཏི ཛརཱམརཎཾ ན ཧོཏཱི’’’ཏི?

‘‘ཨཐ ཁོ, བྷིཀྑཝེ, སུཏཝཏོ ཨརིཡསཱཝཀསྶ ཨཔརཔྤཙྩཡཱ ཉཱཎམེཝེཏྠ ཧོཏི – ‘ཨིམསྨིཾ ཨསཏི ཨིདཾ ན ཧོཏི, ཨིམསྶ ནིརོདྷཱ ཨིདཾ ནིརུཛ྄ཛྷཏི. (ཨཝིཛྫཱཡ ཨསཏི སངྑཱརཱ ན ཧོནྟི; སངྑཱརེསུ ཨསཏི ཝིཉྙཱཎཾ ན ཧོཏི;) [( ) ཨེཏྠནྟརེ པཱཋཱཔི ཏཏྠ ཏཐེཝ དསྶིཏཱ] ཝིཉྙཱཎེ ཨསཏི ནཱམརཱུཔཾ ན ཧོཏི; ནཱམརཱུཔེ ཨསཏི སལཱ༹ཡཏནཾ ¶ ན ཧོཏི…པེ… བྷཝོ ན ཧོཏི… ཛཱཏི ན ཧོཏི… ཛཱཏིཡཱ ཨསཏི ཛརཱམརཎཾ ན ཧོཏཱི’ཏི. སོ ཨེཝཾ པཛཱནཱཏི – ‘ཨེཝམཡཾ ལོཀོ ནིརུཛ྄ཛྷཏཱི’’’ཏི.

‘‘ཡཏོ ¶ ཁོ, བྷིཀྑཝེ, ཨརིཡསཱཝཀོ ཨེཝཾ ལོཀསྶ སམུདཡཉྩ ཨཏྠངྒམཉྩ ཡཐཱབྷཱུཏཾ པཛཱནཱཏི, ཨཡཾ ཝུཙྩཏི, བྷིཀྑཝེ, ཨརིཡསཱཝཀོ དིཊྛིསམྤནྣོ ཨིཏིཔི…པེ… ཨམཏདྭཱརཾ ཨཱཧཙྩ ཏིཊྛཏི ཨིཏིཔཱི’’ཏི. ནཝམཾ.

༡༠. དུཏིཡཨརིཡསཱཝཀསུཏྟཾ

༥༠. སཱཝཏྠིཡཾ ཝིཧརཏི…པེ… ‘‘ན, བྷིཀྑཝེ, སུཏཝཏོ ཨརིཡསཱཝཀསྶ ཨེཝཾ ཧོཏི – ‘ཀིཾ ནུ ཁོ ཀིསྨིཾ སཏི ཀིཾ ཧོཏི, ཀིསྶུཔྤཱདཱ ཀིཾ ཨུཔྤཛྫཏི? ཀིསྨིཾ སཏི སངྑཱརཱ ཧོནྟི, ཀིསྨིཾ སཏི ཝིཉྙཱཎཾ ཧོཏི, ཀིསྨིཾ སཏི ནཱམརཱུཔཾ ཧོཏི, ཀིསྨིཾ སཏི སལཱ༹ཡཏནཾ ཧོཏི, ཀིསྨིཾ སཏི ¶ ཕསྶོ ཧོཏི, ཀིསྨིཾ སཏི ཝེདནཱ ཧོཏི, ཀིསྨིཾ སཏི ཏཎྷཱ ཧོཏི, ཀིསྨིཾ སཏི ཨུཔཱདཱནཾ ཧོཏི, ཀིསྨིཾ སཏི བྷཝོ ཧོཏི, ཀིསྨིཾ སཏི ཛཱཏི ཧོཏི, ཀིསྨིཾ སཏི ཛརཱམརཎཾ ཧོཏཱི’’’ཏི?

‘‘ཨཐ ཁོ, བྷིཀྑཝེ, སུཏཝཏོ ཨརིཡསཱཝཀསྶ ཨཔརཔྤཙྩཡཱ ཉཱཎམེཝེཏྠ ཧོཏི – ‘ཨིམསྨིཾ ¶ སཏི ཨིདཾ ཧོཏི, ཨིམསྶུཔྤཱདཱ ཨིདཾ ཨུཔྤཛྫཏི. ཨཝིཛྫཱཡ སཏི སངྑཱརཱ ཧོནྟི; སངྑཱརེསུ སཏི ཝིཉྙཱཎཾ ཧོཏི; ཝིཉྙཱཎེ སཏི ནཱམརཱུཔཾ ཧོཏི; ནཱམརཱུཔེ སཏི སལཱ༹ཡཏནཾ ཧོཏི; སལཱ༹ཡཏནེ སཏི ཕསྶོ ཧོཏི; ཕསྶེ སཏི ཝེདནཱ ཧོཏི ¶ ; ཝེདནཱཡ སཏི ཏཎྷཱ ཧོཏི; ཏཎྷཱཡ སཏི ཨུཔཱདཱནཾ ཧོཏི; ཨུཔཱདཱནེ སཏི བྷཝོ ཧོཏི; བྷཝེ སཏི ཛཱཏི ཧོཏི; ཛཱཏིཡཱ སཏི ཛརཱམརཎཾ ཧོཏཱི’ཏི. སོ ཨེཝཾ པཛཱནཱཏི – ‘ཨེཝམཡཾ ལོཀོ སམུདཡཏཱི’’’ཏི.

‘‘ན, བྷིཀྑཝེ, སུཏཝཏོ ཨརིཡསཱཝཀསྶ ཨེཝཾ ཧོཏི – ‘ཀིཾ ནུ ཁོ ཀིསྨིཾ ཨསཏི ཀིཾ ན ཧོཏི, ཀིསྶ ནིརོདྷཱ ཀིཾ ནིརུཛ྄ཛྷཏི? ཀིསྨིཾ ཨསཏི སངྑཱརཱ ན ཧོནྟི, ཀིསྨིཾ ཨསཏི ཝིཉྙཱཎཾ ན ཧོཏི, ཀིསྨིཾ ཨསཏི ནཱམརཱུཔཾ ན ཧོཏི, ཀིསྨིཾ ཨསཏི སལཱ༹ཡཏནཾ ན ཧོཏི, ཀིསྨིཾ ཨསཏི ཕསྶོ ན ཧོཏི, ཀིསྨིཾ ཨསཏི ཝེདནཱ ན ཧོཏི, ཀིསྨིཾ ཨསཏི ཏཎྷཱ ན ཧོཏི…པེ… ཨུཔཱདཱནཾ… བྷཝོ… ཛཱཏི… ཀིསྨིཾ ཨསཏི ཛརཱམརཎཾ ན ཧོཏཱི’’’ཏི?

‘‘ཨཐ ཁོ, བྷིཀྑཝེ, སུཏཝཏོ ཨརིཡསཱཝཀསྶ ཨཔརཔྤཙྩཡཱ ཉཱཎམེཝེཏྠ ཧོཏི – ‘ཨིམསྨིཾ ཨསཏི ཨིདཾ ན ཧོཏི, ཨིམསྶ ནིརོདྷཱ ཨིདཾ ནིརུཛ྄ཛྷཏི. ཨཝིཛྫཱཡ ཨསཏི སངྑཱརཱ ¶ ན ཧོནྟི; སངྑཱརེསུ ཨསཏི ཝིཉྙཱཎཾ ན ཧོཏི; ཝིཉྙཱཎེ ཨསཏི ནཱམརཱུཔཾ ན ཧོཏི; ནཱམརཱུཔེ ཨསཏི སལཱ༹ཡཏནཾ ན ཧོཏི…པེ… ཛཱཏིཡཱ ཨསཏི ཛརཱམརཎཾ ན ཧོཏཱི’ཏི. སོ ཨེཝཾ པཛཱནཱཏི – ‘ཨེཝམཡཾ ལོཀོ ནིརུཛ྄ཛྷཏཱི’’’ཏི.

‘‘ཡཏོ ཁོ, བྷིཀྑཝེ, ཨརིཡསཱཝཀོ ཨེཝཾ ལོཀསྶ སམུདཡཉྩ ཨཏྠངྒམཉྩ ཡཐཱབྷཱུཏཾ པཛཱནཱཏི, ཨཡཾ ཝུཙྩཏི, བྷིཀྑཝེ, ཨརིཡསཱཝཀོ དིཊྛིསམྤནྣོ ཨིཏིཔི, དསྶནསམྤནྣོ ཨིཏིཔི, ཨཱགཏོ ཨིམཾ སདྡྷམྨཾ ཨིཏིཔི, པསྶཏི ཨིམཾ སདྡྷམྨཾ ཨིཏིཔི, སེཀྑེན ཉཱཎེན སམནྣཱགཏོ ཨིཏིཔི ¶ , སེཀྑཱཡ ¶ ཝིཛྫཱཡ སམནྣཱགཏོ ཨིཏིཔི, དྷམྨསོཏཾ སམཱཔནྣོ ཨིཏིཔི, ཨརིཡོ ནིབྦེདྷིཀཔཉྙོ ཨིཏིཔི, ཨམཏདྭཱརཾ ཨཱཧཙྩ ཏིཊྛཏི ཨིཏིཔཱི’’ཏི. དསམཾ.

གཧཔཏིཝགྒོ པཉྩམོ.

ཏསྶུདྡཱནཾ –

དྭེ ¶ པཉྩཝེརབྷཡཱ ཝུཏྟཱ, དུཀྑཾ ལོཀོ ཙ ཉཱཏིཀཾ;

ཨཉྙཏརཾ ཛཱཎུསྶོཎི ཙ, ལོཀཱཡཏིཀེན ཨཊྛམཾ;

དྭེ ཨརིཡསཱཝཀཱ ཝུཏྟཱ, ཝགྒོ ཏེན པཝུཙྩཏཱིཏི.

༦. དུཀྑཝགྒོ

༡. པརིཝཱིམཾསནསུཏྟཾ

༥༡. ཨེཝཾ ¶ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏཏྲ ཁོ བྷགཝཱ བྷིཀྑཱུ ཨཱམནྟེསི – ‘‘བྷིཀྑཝོ’’ཏི. ‘‘བྷདནྟེ’’ཏི ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཀིཏྟཱཝཏཱ ནུ ཁོ, བྷིཀྑཝེ, བྷིཀྑཱུ པརིཝཱིམཾསམཱནོ པརིཝཱིམཾསེཡྻ སབྦསོ སམྨཱ དུཀྑཀྑཡཱཡཱ’’ཏི? ‘‘བྷགཝཾམཱུལཀཱ ནོ, བྷནྟེ, དྷམྨཱ བྷགཝཾནེཏྟིཀཱ བྷགཝཾཔཊིསརཎཱ ¶ . སཱདྷུ ཝཏ, བྷནྟེ, བྷགཝནྟཾཡེཝ པཊིབྷཱཏུ ཨེཏསྶ བྷཱསིཏསྶ ཨཏྠོ. བྷགཝཏོ སུཏྭཱ བྷིཀྑཱུ དྷཱརེསྶནྟཱི’’ཏི. ‘‘ཏེན ཧི, བྷིཀྑཝེ, སུཎཱཐ, སཱདྷུཀཾ མནསི ཀརོཐ, བྷཱསིསྶཱམཱི’’ཏི. ‘‘ཨེཝཾ, བྷནྟེ’’ཏི ཁོ ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཨིདྷ, བྷིཀྑཝེ, བྷིཀྑུ པརིཝཱིམཾསམཱནོ པརིཝཱིམཾསཏི – ‘ཡཾ ཁོ ཨིདཾ ཨནེཀཝིདྷཾ ནཱནཔྤཀཱརཀཾ དུཀྑཾ ལོཀེ ཨུཔྤཛྫཏི ཛརཱམརཎཾ; ཨིདཾ ནུ ཁོ དུཀྑཾ ཀིཾནིདཱནཾ ཀིཾསམུདཡཾ ཀིཾཛཱཏིཀཾ ཀིཾཔབྷཝཾ? ཀིསྨིཾ སཏི ཛརཱམརཎཾ ཧོཏི, ཀིསྨིཾ ཨསཏི ཛརཱམརཎཾ ན ཧོཏཱི’ཏི? སོ པརིཝཱིམཾསམཱནོ ཨེཝཾ པཛཱནཱཏི – ‘ཡཾ ཁོ ཨིདཾ ཨནེཀཝིདྷཾ ནཱནཔྤཀཱརཀཾ དུཀྑཾ ལོཀེ ཨུཔྤཛྫཏི ¶ ཛརཱམརཎཾ, ཨིདཾ ཁོ དུཀྑཾ ཛཱཏིནིདཱནཾ ཛཱཏིསམུདཡཾ ཛཱཏིཛཱཏིཀཾ ཛཱཏིཔྤབྷཝཾ. ཛཱཏིཡཱ སཏི ཛརཱམརཎཾ ཧོཏི, ཛཱཏིཡཱ ཨསཏི ཛརཱམརཎཾ ན ཧོཏཱི’’’ཏི.

‘‘སོ ¶ ཛརཱམརཎཉྩ པཛཱནཱཏི, ཛརཱམརཎསམུདཡཉྩ པཛཱནཱཏི, ཛརཱམརཎནིརོདྷཉྩ ¶ པཛཱནཱཏི, ཡཱ ཙ ཛརཱམརཎནིརོདྷསཱརུཔྤགཱམིནཱི པཊིཔདཱ ཏཉྩ པཛཱནཱཏི, ཏཐཱ པཊིཔནྣོ ཙ ཧོཏི ཨནུདྷམྨཙཱརཱི; ཨཡཾ ཝུཙྩཏི, བྷིཀྑཝེ, བྷིཀྑུ སབྦསོ སམྨཱ དུཀྑཀྑཡཱཡ པཊིཔནྣོ ཛརཱམརཎནིརོདྷཱཡ.

‘‘ཨཐཱཔརཾ པརིཝཱིམཾསམཱནོ པརིཝཱིམཾསཏི – ‘ཛཱཏི པནཱཡཾ ཀིཾནིདཱནཱ ཀིཾསམུདཡཱ ཀིཾཛཱཏིཀཱ ཀིཾཔབྷཝཱ, ཀིསྨིཾ སཏི ཛཱཏི ཧོཏི, ཀིསྨིཾ ཨསཏི ཛཱཏི ན ཧོཏཱི’ཏི? སོ པརིཝཱིམཾསམཱནོ ཨེཝཾ པཛཱནཱཏི – ‘ཛཱཏི བྷཝནིདཱནཱ བྷཝསམུདཡཱ བྷཝཛཱཏིཀཱ བྷཝཔྤབྷཝཱ; བྷཝེ སཏི ཛཱཏི ཧོཏི, བྷཝེ ཨསཏི ཛཱཏི ན ཧོཏཱི’’’ཏི.

‘‘སོ ཛཱཏིཉྩ པཛཱནཱཏི, ཛཱཏིསམུདཡཉྩ པཛཱནཱཏི, ཛཱཏིནིརོདྷཉྩ པཛཱནཱཏི, ཡཱ ཙ ཛཱཏིནིརོདྷསཱརུཔྤགཱམིནཱི པཊིཔདཱ ཏཉྩ པཛཱནཱཏི, ཏཐཱ པཊིཔནྣོ ཙ ཧོཏི ཨནུདྷམྨཙཱརཱི; ཨཡཾ ཝུཙྩཏི, བྷིཀྑཝེ, བྷིཀྑུ སབྦསོ སམྨཱ དུཀྑཀྑཡཱཡ པཊིཔནྣོ ཛཱཏིནིརོདྷཱཡ.

‘‘ཨཐཱཔརཾ པརིཝཱིམཾསམཱནོ པརིཝཱིམཾསཏི – ‘བྷཝོ པནཱཡཾ ཀིཾནིདཱནོ…པེ… ཨུཔཱདཱནཾ པནིདཾ ཀིཾནིདཱནཾ… ཏཎྷཱ པནཱཡཾ ཀིཾནིདཱནཱ… ཝེདནཱ… ཕསྶོ… སལཱ༹ཡཏནཾ པནིདཾ ཀིཾནིདཱནཾ… ནཱམརཱུཔཾ པནིདཾ… ཝིཉྙཱཎཾ པནིདཾ… སངྑཱརཱ པནིམེ ཀིཾནིདཱནཱ ཀིཾསམུདཡཱ ཀིཾཛཱཏིཀཱ ཀིཾཔབྷཝཱ; ཀིསྨིཾ སཏི སངྑཱརཱ ཧོནྟི, ཀིསྨིཾ ཨསཏི སངྑཱརཱ ན ཧོནྟཱི’ཏི? སོ པརིཝཱིམཾསམཱནོ ཨེཝཾ པཛཱནཱཏི – ‘སངྑཱརཱ ཨཝིཛྫཱནིདཱནཱ ¶ ཨཝིཛྫཱསམུདཡཱ ཨཝིཛྫཱཛཱཏིཀཱ ཨཝིཛྫཱཔབྷཝཱ; ཨཝིཛྫཱཡ ¶ སཏི སངྑཱརཱ ཧོནྟི, ཨཝིཛྫཱཡ ཨསཏི སངྑཱརཱ ན ཧོནྟཱི’’’ཏི.

‘‘སོ སངྑཱརེ ཙ པཛཱནཱཏི, སངྑཱརསམུདཡཉྩ པཛཱནཱཏི, སངྑཱརནིརོདྷཉྩ པཛཱནཱཏི, ཡཱ ཙ སངྑཱརནིརོདྷསཱརུཔྤགཱམིནཱི པཊིཔདཱ ཏཉྩ པཛཱནཱཏི, ཏཐཱ པཊིཔནྣོ ཙ ཧོཏི ཨནུདྷམྨཙཱརཱི ¶ ; ཨཡཾ ཝུཙྩཏི, བྷིཀྑཝེ, བྷིཀྑུ སབྦསོ སམྨཱ དུཀྑཀྑཡཱཡ པཊིཔནྣོ སངྑཱརནིརོདྷཱཡ.

‘‘ཨཝིཛྫཱགཏོ ¶ ཡཾ, བྷིཀྑཝེ, པུརིསཔུགྒལོ པུཉྙཾ ཙེ སངྑཱརཾ ཨབྷིསངྑརོཏི, པུཉྙཱུཔགཾ ཧོཏི ཝིཉྙཱཎཾ. ཨཔུཉྙཾ ཙེ སངྑཱརཾ ཨབྷིསངྑརོཏི, ཨཔུཉྙཱུཔགཾ ཧོཏི ཝིཉྙཱཎཾ. ཨཱནེཉྫཾ ཙེ སངྑཱརཾ ཨབྷིསངྑརོཏི ཨཱནེཉྫཱུཔགཾ ཧོཏི ཝིཉྙཱཎཾ. ཡཏོ ཁོ, བྷིཀྑཝེ, བྷིཀྑུནོ ཨཝིཛྫཱ པཧཱིནཱ ཧོཏི ཝིཛྫཱ ཨུཔྤནྣཱ, སོ ཨཝིཛྫཱཝིརཱགཱ ཝིཛྫུཔྤཱདཱ ནེཝ པུཉྙཱབྷིསངྑཱརཾ ཨབྷིསངྑརོཏི ན ཨཔུཉྙཱབྷིསངྑཱརཾ ཨབྷིསངྑརོཏི ན ཨཱནེཉྫཱབྷིསངྑཱརཾ ཨབྷིསངྑརོཏི. ཨནབྷིསངྑརོནྟོ ཨནབྷིསཉྩེཏཡནྟོ ན ཀིཉྩི ལོཀེ ཨུཔཱདིཡཏི; ཨནུཔཱདིཡཾ ན པརིཏསྶཏི, ཨཔརིཏསྶཾ པཙྩཏྟཉྙེཝ པརིནིབྦཱཡཏི. ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱཏི.

‘‘སོ སུཁཾ ཙེ ཝེདནཾ ཝེདཡཏི, སཱ ཨནིཙྩཱཏི པཛཱནཱཏི, ཨནཛ྄ཛྷོསིཏཱཏི པཛཱནཱཏི, ཨནབྷིནནྡིཏཱཏི པཛཱནཱཏི. དུཀྑཾ ཙེ ཝེདནཾ ཝེདཡཏི, སཱ ཨནིཙྩཱཏི པཛཱནཱཏི, ཨནཛ྄ཛྷོསིཏཱཏི པཛཱནཱཏི, ཨནབྷིནནྡིཏཱཏི པཛཱནཱཏི. ཨདུཀྑམསུཁཾ ཙེ ཝེདནཾ ཝེདཡཏི, སཱ ཨནིཙྩཱཏི ¶ པཛཱནཱཏི, ཨནཛ྄ཛྷོསིཏཱཏི པཛཱནཱཏི, ཨནབྷིནནྡིཏཱཏི པཛཱནཱཏི. སོ སུཁཾ ཙེ ཝེདནཾ ཝེདཡཏི, ཝིསཾཡུཏྟོ ནཾ ཝེདཡཏི. དུཀྑཾ ཙེ ཝེདནཾ ཝེདཡཏི, ཝིསཾཡུཏྟོ ནཾ [ཏཾ ཝེདནཾ (སཱི. པཱི.), ཝེདནཾ (ཀ.)] ཝེདཡཏི. ཨདུཀྑམསུཁཾ ཙེ ཝེདནཾ ཝེདཡཏི, ཝིསཾཡུཏྟོ ནཾ ཝེདཡཏི.

‘‘སོ ¶ ཀཱཡཔརིཡནྟིཀཾ ཝེདནཾ ཝེདཡམཱནོ ཀཱཡཔརིཡནྟིཀཾ ཝེདནཾ ཝེདཡཱམཱིཏི པཛཱནཱཏི, ཛཱིཝིཏཔརིཡནྟིཀཾ ཝེདནཾ ཝེདཡམཱནོ ཛཱིཝིཏཔརིཡནྟིཀཾ ཝེདནཾ ཝེདཡཱམཱིཏི པཛཱནཱཏི. ཀཱཡསྶ བྷེདཱ ཨུདྡྷཾ ཛཱིཝིཏཔརིཡཱདཱནཱ ཨིདྷེཝ སབྦཝེདཡིཏཱནི ཨནབྷིནནྡིཏཱནི སཱིཏཱིབྷཝིསྶནྟི, སརཱིརཱནི ཨཝསིསྶནྟཱིཏི པཛཱནཱཏི.

‘‘སེཡྻཐཱཔི, བྷིཀྑཝེ, པུརིསོ ཀུམྦྷཀཱརཔཱཀཱ ཨུཎྷཾ ཀུམྦྷཾ ཨུདྡྷརིཏྭཱ སམེ བྷཱུམིབྷཱགེ པཊིསིསྶེཡྻ [པཊིཝིསེཡྻ (སཱི.), པཏིཊྛཔེཡྻ (སྱཱ. ཀཾ. པཱི.), པཊིསེཝེཡྻ (ཊཱིཀཱ)]. ཏཏྲ ཡཱཡཾ ཨུསྨཱ སཱ ཏཏྠེཝ ཝཱུཔསམེཡྻ, ཀཔལླཱནི ཨཝསིསྶེཡྻུཾ. ཨེཝམེཝ ཁོ, བྷིཀྑཝེ, བྷིཀྑུ ཀཱཡཔརིཡནྟིཀཾ ཝེདནཾ ཝེདཡམཱནོ ཀཱཡཔརིཡནྟིཀཾ ཝེདནཾ ཝེདཡཱམཱིཏི པཛཱནཱཏི, ཛཱིཝིཏཔརིཡནྟིཀཾ ཝེདནཾ ཝེདཡམཱནོ ཛཱིཝིཏཔརིཡནྟིཀཾ ¶ ཝེདནཾ ཝེདཡཱམཱིཏི པཛཱནཱཏི. ཀཱཡསྶ ¶ བྷེདཱ ཨུདྡྷཾ ཛཱིཝིཏཔརིཡཱདཱནཱ ཨིདྷེཝ སབྦཝེདཡིཏཱནི ཨནབྷིནནྡིཏཱནི སཱིཏཱིབྷཝིསྶནྟི, སརཱིརཱནི ཨཝསིསྶནྟཱིཏི པཛཱནཱཏི.

‘‘ཏཾ ཀིཾ མཉྙཐ, བྷིཀྑཝེ, ཨཔི ནུ ཁོ ཁཱིཎཱསཝོ བྷིཀྑུ པུཉྙཱབྷིསངྑཱརཾ ཝཱ ཨབྷིསངྑརེཡྻ ཨཔུཉྙཱབྷིསངྑཱརཾ ཝཱ ཨབྷིསངྑརེཡྻ ཨཱནེཉྫཱབྷིསངྑཱརཾ ཝཱ ཨབྷིསངྑརེཡྻཱ’’ཏི? ‘‘ནོ ཧེཏཾ, བྷནྟེ’’. ‘‘སབྦསོ ཝཱ ¶ པན སངྑཱརེསུ ཨསཏི, སངྑཱརནིརོདྷཱ ཨཔི ནུ ཁོ ཝིཉྙཱཎཾ པཉྙཱཡེཐཱ’’ཏི? ‘‘ནོ ཧེཏཾ, བྷནྟེ’’. ‘‘སབྦསོ ཝཱ པན ཝིཉྙཱཎེ ཨསཏི, ཝིཉྙཱཎནིརོདྷཱ ཨཔི ནུ ཁོ ནཱམརཱུཔཾ པཉྙཱཡེཐཱ’’ཏི? ‘‘ནོ ཧེཏཾ, བྷནྟེ’’. ‘‘སབྦསོ ཝཱ པན ནཱམརཱུཔེ ཨསཏི, ནཱམརཱུཔནིརོདྷཱ ཨཔི ནུ ཁོ སལཱ༹ཡཏནཾ པཉྙཱཡེཐཱ’’ཏི? ‘‘ནོ ཧེཏཾ, བྷནྟེ’’. ‘‘སབྦསོ ཝཱ པན སལཱ༹ཡཏནེ ཨསཏི, སལཱ༹ཡཏནནིརོདྷཱ ཨཔི ནུ ཁོ ཕསྶོ པཉྙཱཡེཐཱ’’ཏི? ‘‘ནོ ཧེཏཾ, བྷནྟེ’’. ‘‘སབྦསོ ¶ ཝཱ པན ཕསྶེ ཨསཏི, ཕསྶནིརོདྷཱ ཨཔི ནུ ཁོ ཝེདནཱ པཉྙཱཡེཐཱ’’ཏི? ‘‘ནོ ཧེཏཾ, བྷནྟེ’’. ‘‘སབྦསོ ཝཱ པན ཝེདནཱཡ ཨསཏི, ཝེདནཱནིརོདྷཱ ཨཔི ནུ ཁོ ཏཎྷཱ པཉྙཱཡེཐཱ’’ཏི? ‘‘ནོ ཧེཏཾ, བྷནྟེ’’. ‘‘སབྦསོ ཝཱ པན ཏཎྷཱཡ ཨསཏི, ཏཎྷཱནིརོདྷཱ ཨཔི ནུ ཁོ ཨུཔཱདཱནཾ པཉྙཱཡེཐཱ’’ཏི? ‘‘ནོ ཧེཏཾ, བྷནྟེ’’. ‘‘སབྦསོ ཝཱ པན ཨུཔཱདཱནེ ཨསཏི, ཨུཔཱདཱནནིརོདྷཱ ཨཔི ནུ ཁོ བྷཝོ པཉྙཱཡེཐཱ’’ཏི. ‘‘ནོ ཧེཏཾ, བྷནྟེ’’. ‘‘སབྦསོ ཝཱ པན བྷཝེ ཨསཏི, བྷཝནིརོདྷཱ ཨཔི ནུ ཁོ ཛཱཏི པཉྙཱཡེཐཱ’’ཏི? ‘‘ནོ ཧེཏཾ, བྷནྟེ’’. ‘‘སབྦསོ ཝཱ པན ཛཱཏིཡཱ ཨསཏི, ཛཱཏིནིརོདྷཱ ཨཔི ནུ ཁོ ཛརཱམརཎཾ པཉྙཱཡེཐཱ’’ཏི? ‘‘ནོ ཧེཏཾ, བྷནྟེ’’.

‘‘སཱདྷུ སཱདྷུ, བྷིཀྑཝེ, ཨེཝམེཏཾ, བྷིཀྑཝེ, ནེཏཾ ཨཉྙཐཱ. སདྡཧཐ མེ ཏཾ, བྷིཀྑཝེ, ཨདྷིམུཙྩཐ, ནིཀྐངྑཱ ཨེཏྠ ཧོཐ ནིབྦིཙིཀིཙྪཱ. ཨེསེཝནྟོ དུཀྑསྶཱ’’ཏི. པཋམཾ.

༢. ཨུཔཱདཱནསུཏྟཾ

༥༢. སཱཝཏྠིཡཾ ¶ ཝིཧརཏི…པེ… ‘‘ཨུཔཱདཱནིཡེསུ, བྷིཀྑཝེ, དྷམྨེསུ ཨསྶཱདཱནུཔསྶིནོ ཝིཧརཏོ ཏཎྷཱ པཝཌྜྷཏི. ཏཎྷཱཔཙྩཡཱ ཨུཔཱདཱནཾ; ཨུཔཱདཱནཔཙྩཡཱ བྷཝོ; བྷཝཔཙྩཡཱ ཛཱཏི; ཛཱཏིཔཙྩཡཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ སམྦྷཝནྟི. ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི’’.

‘‘སེཡྻཐཱཔི ¶ ¶ , བྷིཀྑཝེ, དསནྣཾ ཝཱ ཀཊྛཝཱཧཱནཾ ཝཱིསཱཡ ¶ ཝཱ ཀཊྛཝཱཧཱནཾ ཏིཾསཱཡ ཝཱ ཀཊྛཝཱཧཱནཾ ཙཏྟཱརཱིསཱཡ ཝཱ ཀཊྛཝཱཧཱནཾ མཧཱཨགྒིཀྑནྡྷོ ཛལེཡྻ. ཏཏྲ པུརིསོ ཀཱལེན ཀཱལཾ སུཀྑཱནི ཙེཝ ཏིཎཱནི པཀྑིཔེཡྻ, སུཀྑཱནི ཙ གོམཡཱནི པཀྑིཔེཡྻ, སུཀྑཱནི ཙ ཀཊྛཱནི པཀྑིཔེཡྻ. ཨེཝཉྷི སོ, བྷིཀྑཝེ, མཧཱཨགྒིཀྑནྡྷོ ཏདཱཧཱརོ ཏདུཔཱདཱནོ ཙིརཾ དཱིགྷམདྡྷཱནཾ ཛལེཡྻ. ཨེཝམེཝ ཁོ, བྷིཀྑཝེ, ཨུཔཱདཱནིཡེསུ དྷམྨེསུ ཨསྶཱདཱནུཔསྶིནོ ཝིཧརཏོ ཏཎྷཱ པཝཌྜྷཏི. ཏཎྷཱཔཙྩཡཱ ཨུཔཱདཱནཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི.

‘‘ཨུཔཱདཱནིཡེསུ, བྷིཀྑཝེ, དྷམྨེསུ ཨཱདཱིནཝཱནུཔསྶིནོ ཝིཧརཏོ ཏཎྷཱ ནིརུཛ྄ཛྷཏི. ཏཎྷཱནིརོདྷཱ ཨུཔཱདཱནནིརོདྷོ; ཨུཔཱདཱནནིརོདྷཱ བྷཝནིརོདྷོ; བྷཝནིརོདྷཱ ཛཱཏིནིརོདྷོ; ཛཱཏིནིརོདྷཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ ནིརུཛ྄ཛྷནྟི. ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏི.

‘‘སེཡྻཐཱཔི, བྷིཀྑཝེ, དསནྣཾ ཝཱ ཀཊྛཝཱཧཱནཾ ཝཱིསཱཡ ཝཱ ཏིཾསཱཡ ¶ ཝཱ ཙཏྟཱརཱིསཱཡ ཝཱ ཀཊྛཝཱཧཱནཾ མཧཱཨགྒིཀྑནྡྷོ ཛལེཡྻ; ཏཏྲ པུརིསོ ན ཀཱལེན ཀཱལཾ སུཀྑཱནི ཙེཝ ཏིཎཱནི པཀྑིཔེཡྻ, ན སུཀྑཱནི ཙ གོམཡཱནི པཀྑིཔེཡྻ, ན སུཀྑཱནི ཙ ཀཊྛཱནི པཀྑིཔེཡྻ. ཨེཝཉྷི སོ, བྷིཀྑཝེ, མཧཱཨགྒིཀྑནྡྷོ པུརིམསྶ ཙ ཨུཔཱདཱནསྶ པརིཡཱདཱནཱ ཨཉྙསྶ ཙ ཨནུཔཧཱརཱ [ཨནུཔཱཧཱརཱ (པཱི.)] ཨནཱཧཱརོ ནིབྦཱཡེཡྻ. ཨེཝམེཝ ཁོ, བྷིཀྑཝེ, ཨུཔཱདཱནིཡེསུ དྷམྨེསུ ཨཱདཱིནཝཱནུཔསྶིནོ ཝིཧརཏོ ཏཎྷཱ ནིརུཛ྄ཛྷཏི, ཏཎྷཱནིརོདྷཱ ཨུཔཱདཱནནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི. དུཏིཡཾ.

༣. སཾཡོཛནསུཏྟཾ

༥༣. སཱཝཏྠིཡཾ ཝིཧརཏི ¶ …པེ… ‘‘སཾཡོཛནིཡེསུ, བྷིཀྑཝེ, དྷམྨེསུ ཨསྶཱདཱནུཔསྶིནོ ཝིཧརཏོ ཏཎྷཱ པཝཌྜྷཏི. ཏཎྷཱཔཙྩཡཱ ཨུཔཱདཱནཾ; ཨུཔཱདཱནཔཙྩཡཱ བྷཝོ; བྷཝཔཙྩཡཱ ཛཱཏི; ཛཱཏིཔཙྩཡཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ སམྦྷཝནྟི. ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི’’.

‘‘སེཡྻཐཱཔི ¶ ¶ , བྷིཀྑཝེ, ཏེལཉྩ པཊིཙྩ ཝཊྚིཉྩ པཊིཙྩ ཏེལཔྤདཱིཔོ ཛྷཱཡེཡྻ. ཏཏྲ པུརིསོ ཀཱལེན ཀཱལཾ ཏེལཾ ཨཱསིཉྩེཡྻ ཝཊྚིཾ ཨུཔསཾཧརེཡྻ. ཨེཝཉྷི སོ, བྷིཀྑཝེ, ཏེལཔྤདཱིཔོ ཏདཱཧཱརོ ཏདུཔཱདཱནོ ཙིརཾ དཱིགྷམདྡྷཱནཾ ཛལེཡྻ. ཨེཝམེཝ ཁོ, བྷིཀྑཝེ, སཾཡོཛནིཡེསུ དྷམྨེསུ ཨསྶཱདཱནུཔསྶིནོ ཝིཧརཏོ ཏཎྷཱ པཝཌྜྷཏི. ཏཎྷཱཔཙྩཡཱ ཨུཔཱདཱནཾ; ཨུཔཱདཱནཔཙྩཡཱ བྷཝོ; བྷཝཔཙྩཡཱ ཛཱཏི ¶ ; ཛཱཏིཔཙྩཡཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ སམྦྷཝནྟི. ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི.

‘‘སཾཡོཛནིཡེསུ, བྷིཀྑཝེ, དྷམྨེསུ ཨཱདཱིནཝཱནུཔསྶིནོ ཝིཧརཏོ ཏཎྷཱ ནིརུཛ྄ཛྷཏི. ཏཎྷཱནིརོདྷཱ ཨུཔཱདཱནནིརོདྷོ; ཨུཔཱདཱནནིརོདྷཱ བྷཝནིརོདྷོ; བྷཝནིརོདྷཱ ཛཱཏིནིརོདྷོ; ཛཱཏིནིརོདྷཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ ནིརུཛ྄ཛྷནྟི. ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏི.

‘‘སེཡྻཐཱཔི, བྷིཀྑཝེ, ཏེལཉྩ པཊིཙྩ ཝཊྚིཉྩ པཊིཙྩ ཏེལཔྤདཱིཔོ ཛྷཱཡེཡྻ. ཏཏྲ པུརིསོ ན ཀཱལེན ཀཱལཾ ཏེལཾ ཨཱསིཉྩེཡྻ ན ཝཊྚིཾ ཨུཔསཾཧརེཡྻ. ཨེཝཉྷི སོ, བྷིཀྑཝེ, ཏེལཔྤདཱིཔོ པུརིམསྶ ཙ ཨུཔཱདཱནསྶ པརིཡཱདཱནཱ ཨཉྙསྶ ཙ ཨནུཔཧཱརཱ ཨནཱཧཱརོ ནིབྦཱཡེཡྻ. ཨེཝམེཝ ཁོ, བྷིཀྑཝེ, སཾཡོཛནིཡེསུ དྷམྨེསུ ཨཱདཱིནཝཱནུཔསྶིནོ ཝིཧརཏོ ཏཎྷཱ ནིརུཛ྄ཛྷཏི. ཏཎྷཱནིརོདྷཱ ཨུཔཱདཱནནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི. ཏཏིཡཾ.

༤. དུཏིཡསཾཡོཛནསུཏྟཾ

༥༤. སཱཝཏྠིཡཾ ཝིཧརཏི ¶ …པེ… ‘‘སེཡྻཐཱཔི, བྷིཀྑཝེ, ཏེལཉྩ པཊིཙྩ ཝཊྚིཉྩ པཊིཙྩ ཏེལཔྤདཱིཔོ ཛྷཱཡེཡྻ. ཏཏྲ པུརིསོ ཀཱལེན ཀཱལཾ ཏེལཾ ཨཱསིཉྩེཡྻ ཝཊྚིཾ ཨུཔསཾཧརེཡྻ. ཨེཝཉྷི སོ, བྷིཀྑཝེ, ཏེལཔྤདཱིཔོ ཏདཱཧཱརོ ཏདུཔཱདཱནོ ཙིརཾ དཱིགྷམདྡྷཱནཾ ཛལེཡྻ. ཨེཝམེཝ ཁོ, བྷིཀྑཝེ, སཾཡོཛནིཡེསུ དྷམྨེསུ ཨསྶཱདཱནུཔསྶིནོ ¶ ཝིཧརཏོ ཏཎྷཱ པཝཌྜྷཏི. ཏཎྷཱཔཙྩཡཱ ཨུཔཱདཱནཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི’’.

‘‘སེཡྻཐཱཔི ¶ , བྷིཀྑཝེ, ཏེལཉྩ པཊིཙྩ ཝཊྚིཉྩ པཊིཙྩ ཏེལཔྤདཱིཔོ ཛྷཱཡེཡྻ. ཏཏྲ པུརིསོ ན ཀཱལེན ཀཱལཾ ཏེལཾ ཨཱསིཉྩེཡྻ ན ཝཊྚིཾ ཨུཔསཾཧརེཡྻ ¶ . ཨེཝཉྷི སོ, བྷིཀྑཝེ, ཏེལཔྤདཱིཔོ པུརིམསྶ ཙ ཨུཔཱདཱནསྶ པརིཡཱདཱནཱ ཨཉྙསྶ ཙ ཨནུཔཧཱརཱ ཨནཱཧཱརོ ནིབྦཱཡེཡྻ. ཨེཝམེཝ ཁོ, བྷིཀྑཝེ, སཾཡོཛནིཡེསུ དྷམྨེསུ ཨཱདཱིནཝཱནུཔསྶིནོ ཝིཧརཏོ ཏཎྷཱ ནིརུཛ྄ཛྷཏི. ཏཎྷཱནིརོདྷཱ ཨུཔཱདཱནནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི. ཙཏུཏྠཾ.

༥. མཧཱརུཀྑསུཏྟཾ

༥༥. སཱཝཏྠིཡཾ ཝིཧརཏི…པེ… ‘‘ཨུཔཱདཱནིཡེསུ, བྷིཀྑཝེ, དྷམྨེསུ ཨསྶཱདཱནུཔསྶིནོ ཝིཧརཏོ ཏཎྷཱ པཝཌྜྷཏི. ཏཎྷཱཔཙྩཡཱ ཨུཔཱདཱནཾ; ཨུཔཱདཱནཔཙྩཡཱ བྷཝོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི’’.

‘‘སེཡྻཐཱཔི, བྷིཀྑཝེ, མཧཱརུཀྑོ. ཏསྶ ཡཱནི ཙེཝ མཱུལཱནི ཨདྷོགམཱནི, ཡཱནི ཙ ཏིརིཡངྒམཱནི, སབྦཱནི ཏཱནི ཨུདྡྷཾ ཨོཛཾ ཨབྷིཧརནྟི. ཨེཝཉྷི སོ, བྷིཀྑཝེ, མཧཱརུཀྑོ ཏདཱཧཱརོ ཏདུཔཱདཱནོ ཙིརཾ དཱིགྷམདྡྷཱནཾ ཏིཊྛེཡྻ. ཨེཝམེཝ ཁོ, བྷིཀྑཝེ, ཨུཔཱདཱནིཡེསུ དྷམྨེསུ ཨསྶཱདཱནུཔསྶིནོ ཝིཧརཏོ ཏཎྷཱ པཝཌྜྷཏི. ཏཎྷཱཔཙྩཡཱ ཨུཔཱདཱནཾ…པེ… ཨེཝམེཏསྶ ¶ ཀེཝལསྶ དུཀྑཀྑནྡྷསྶ སམུདཡོ ཧོཏི.

‘‘ཨུཔཱདཱནིཡེསུ ¶ , བྷིཀྑཝེ, དྷམྨེསུ ཨཱདཱིནཝཱནུཔསྶིནོ ཝིཧརཏོ ཏཎྷཱ ནིརུཛ྄ཛྷཏི. ཏཎྷཱནིརོདྷཱ ཨུཔཱདཱནནིརོདྷོ; ཨུཔཱདཱནནིརོདྷཱ བྷཝནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏི.

‘‘སེཡྻཐཱཔི, བྷིཀྑཝེ, མཧཱརུཀྑོ. ཨཐ པུརིསོ ཨཱགཙྪེཡྻ ཀུདྡཱལཔིཊཀཾ [ཀུདཱལཔིཊཀཾ (ཨཉྙཏྠ)] ཨཱདཱཡ. སོ ཏཾ རུཀྑཾ མཱུལེ ཚིནྡེཡྻ, མཱུལཾ ཚིནྡིཏྭཱ པལིཁཎེཡྻ [པལིཾཁཎེཡྻ (པཱི. ཀ.)], པལིཁཎིཏྭཱ མཱུལཱནི ཨུདྡྷརེཡྻ ཨནྟམསོ ཨུསཱིརནཱལི༹མཏྟཱནིཔི. སོ ཏཾ རུཀྑཾ ཁཎྜཱཁཎྜིཀཾ ཚིནྡེཡྻ, ཁཎྜཱཁཎྜིཀཾ ཚིནྡིཏྭཱ ཕཱལེཡྻ, ཕཱལེཏྭཱ སཀལིཀཾ སཀལིཀཾ ཀརེཡྻ, སཀལིཀཾ སཀལིཀཾ ཀརིཏྭཱ ཝཱཏཱཏཔེ ཝིསོསེཡྻ; ཝཱཏཱཏཔེ ཝིསོསེཏྭཱ ཨགྒིནཱ ཌཧེཡྻ, ཨགྒིནཱ ཌཧེཏྭཱ མསིཾ ཀརེཡྻ, མསིཾ ¶ ཀརིཏྭཱ མཧཱཝཱཏེ ཝཱ ཨོཕུཎེཡྻ [ཨོཔུནེཡྻ (སཱི. པཱི.), ཨོཕུནེཡྻ (སྱཱ. ཀཾ. ཀ.)] ནདིཡཱ ཝཱ སཱིགྷསོཏཱཡ པཝཱཧེཡྻ. ཨེཝཉྷི སོ, བྷིཀྑཝེ, མཧཱརུཀྑོ ཨུཙྪིནྣམཱུལོ ¶ ཨསྶ ཏཱལཱཝཏྠུཀཏོ ཨནབྷཱཝཾཀཏོ [ཨནབྷཱཝཀཏོ (སཱི.), ཨནབྷཱཝངྒཏོ (སྱཱ. ཀཾ.)] ཨཱཡཏིཾ ཨནུཔྤཱདདྷམྨོ. ཨེཝམེཝ ཁོ, བྷིཀྑཝེ, ཨུཔཱདཱནིཡེསུ དྷམྨེསུ ཨཱདཱིནཝཱནུཔསྶིནོ ཝིཧརཏོ ཏཎྷཱ ནིརུཛ྄ཛྷཏི. ཏཎྷཱནིརོདྷཱ ཨུཔཱདཱནནིརོདྷོ; ཨུཔཱདཱནནིརོདྷཱ བྷཝནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི. པཉྩམཾ.

༦. དུཏིཡམཧཱརུཀྑསུཏྟཾ

༥༦. སཱཝཏྠིཡཾ ཝིཧརཏི…པེ… ‘‘སེཡྻཐཱཔི, བྷིཀྑཝེ, མཧཱརུཀྑོ. ཏསྶ ཡཱནི ཙེཝ མཱུལཱནི ཨདྷོགམཱནི, ཡཱནི ཙ ཏིརིཡངྒམཱནི ¶ , སབྦཱནི ཏཱནི ཨུདྡྷཾ ཨོཛཾ ཨབྷིཧརནྟི. ཨེཝཉྷི སོ, བྷིཀྑཝེ, མཧཱརུཀྑོ ཏདཱཧཱརོ ཏདུཔཱདཱནོ ཙིརཾ དཱིགྷམདྡྷཱནཾ ཏིཊྛེཡྻ. ཨེཝམེཝ ཁོ, བྷིཀྑཝེ, ཨུཔཱདཱནིཡེསུ དྷམྨེསུ ཨསྶཱདཱནུཔསྶིནོ ཝིཧརཏོ ཏཎྷཱ པཝཌྜྷཏི. ཏཎྷཱཔཙྩཡཱ ཨུཔཱདཱནཾ ¶ …པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི’’.

‘‘སེཡྻཐཱཔི, བྷིཀྑཝེ, མཧཱརུཀྑོ. ཨཐ པུརིསོ ཨཱགཙྪེཡྻ ཀུདྡཱལཔིཊཀཾ ཨཱདཱཡ. སོ ཏཾ རུཀྑཾ མཱུལེ ཚིནྡེཡྻ, མཱུལེ ཚེཏྭཱ པལིཁཎེཡྻ, པལིཁཎིཏྭཱ མཱུལཱནི ཨུདྡྷརེཡྻ…པེ… ནདིཡཱ ཝཱ སཱིགྷསོཏཱཡ པཝཱཧེཡྻ. ཨེཝཉྷི སོ, བྷིཀྑཝེ, མཧཱརུཀྑོ ཨུཙྪིནྣམཱུལོ ཨསྶ ཏཱལཱཝཏྠུཀཏོ ཨནབྷཱཝངྐཏོ ཨཱཡཏིཾ ཨནུཔྤཱདདྷམྨོ. ཨེཝམེཝ ཁོ, བྷིཀྑཝེ, ཨུཔཱདཱནིཡེསུ དྷམྨེསུ ཨཱདཱིནཝཱནུཔསྶིནོ ཝིཧརཏོ ཏཎྷཱ ནིརུཛ྄ཛྷཏི. ཏཎྷཱནིརོདྷཱ ཨུཔཱདཱནནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི. ཚཊྛཾ.

༧. ཏརུཎརུཀྑསུཏྟཾ

༥༧. སཱཝཏྠིཡཾ ཝིཧརཏི…པེ… ‘‘སཾཡོཛནིཡེསུ, བྷིཀྑཝེ, དྷམྨེསུ ཨསྶཱདཱནུཔསྶིནོ ཝིཧརཏོ ཏཎྷཱ པཝཌྜྷཏི. ཏཎྷཱཔཙྩཡཱ ཨུཔཱདཱནཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི’’.

‘‘སེཡྻཐཱཔི, བྷིཀྑཝེ, ཏརུཎོ རུཀྑོ. ཏསྶ པུརིསོ ཀཱལེན ཀཱལཾ མཱུལཱནི པལིམཛྫེཡྻ [པལིསནྣེཡྻ (སཱི.), པལིསཛྫེཡྻ (སྱཱ. ཀཾ. པཱི.), པལིཔཊྛེཡྻ (ཀ.), པལིསནྡེཡྻ, པལིབནྡྷེཡྻ (ཊཱིཀཱནུརཱུཔཾ)] ཀཱལེན ཀཱལཾ པཾསུཾ དདེཡྻ, ཀཱལེན ¶ ཀཱལཾ ¶ ¶ ཨུདཀཾ དདེཡྻ. ཨེཝཉྷི སོ, བྷིཀྑཝེ, ཏརུཎོ རུཀྑོ ཏདཱཧཱརོ ཏདུཔཱདཱནོ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫེཡྻ. ཨེཝམེཝ ཁོ, བྷིཀྑཝེ, སཾཡོཛནིཡེསུ དྷམྨེསུ ཨསྶཱདཱནུཔསྶིནོ ཝིཧརཏོ ཏཎྷཱ པཝཌྜྷཏི. ཏཎྷཱཔཙྩཡཱ ཨུཔཱདཱནཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི.

‘‘སཾཡོཛནིཡེསུ, བྷིཀྑཝེ, དྷམྨེསུ ཨཱདཱིནཝཱནུཔསྶིནོ ཝིཧརཏོ ཏཎྷཱ ནིརུཛ྄ཛྷཏི. ཏཎྷཱནིརོདྷཱ ཨུཔཱདཱནནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏི.

‘‘སེཡྻཐཱཔི ¶ , བྷིཀྑཝེ, ཏརུཎོ རུཀྑོ. ཨཐ པུརིསོ ཨཱགཙྪེཡྻ ཀུདྡཱལཔིཊཀཾ ཨཱདཱཡ…པེ… ནདིཡཱ ཝཱ སཱིགྷསོཏཱཡ པཝཱཧེཡྻ. ཨེཝཉྷི སོ, བྷིཀྑཝེ, ཏརུཎོ རུཀྑོ ཨུཙྪིནྣམཱུལོ ཨསྶ ཏཱལཱཝཏྠུཀཏོ ཨནབྷཱཝངྐཏོ ཨཱཡཏིཾ ཨནུཔྤཱདདྷམྨོ. ཨེཝམེཝ ཁོ, བྷིཀྑཝེ, སཾཡོཛནིཡེསུ དྷམྨེསུ ཨཱདཱིནཝཱནུཔསྶིནོ ཝིཧརཏོ ཏཎྷཱ ནིརུཛ྄ཛྷཏི. ཏཎྷཱནིརོདྷཱ ཨུཔཱདཱནནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི. སཏྟམཾ.

༨. ནཱམརཱུཔསུཏྟཾ

༥༨. སཱཝཏྠིཡཾ ཝིཧརཏི…པེ… ‘‘སཾཡོཛནིཡེསུ, བྷིཀྑཝེ, དྷམྨེསུ ཨསྶཱདཱནུཔསྶིནོ ཝིཧརཏོ ནཱམརཱུཔསྶ ཨཝཀྐནྟི ཧོཏི. ནཱམརཱུཔཔཙྩཡཱ སལཱ༹ཡཏནཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི’’.

‘‘སེཡྻཐཱཔི, བྷིཀྑཝེ, མཧཱརུཀྑོ. ཏསྶ ཡཱནི ཙེཝ མཱུལཱནི ¶ ཨདྷོགམཱནི, ཡཱནི ཙ ཏིརིཡངྒམཱནི, སབྦཱནི ཏཱནི ཨུདྡྷཾ ཨོཛཾ ཨབྷིཧརནྟི. ཨེཝཉྷི སོ, བྷིཀྑཝེ, མཧཱརུཀྑོ ཏདཱཧཱརོ ཏདུཔཱདཱནོ ཙིརཾ དཱིགྷམདྡྷཱནཾ ཏིཊྛེཡྻ. ཨེཝམེཝ ཁོ, བྷིཀྑཝེ, སཾཡོཛནིཡེསུ དྷམྨེསུ ཨསྶཱདཱནུཔསྶིནོ ཝིཧརཏོ ནཱམརཱུཔསྶ ཨཝཀྐནྟི ཧོཏི…པེ….

‘‘སཾཡོཛནིཡེསུ, བྷིཀྑཝེ, དྷམྨེསུ ཨཱདཱིནཝཱནུཔསྶིནོ ཝིཧརཏོ ནཱམརཱུཔསྶ ཨཝཀྐནྟི ན ཧོཏི. ནཱམརཱུཔནིརོདྷཱ ¶ སལཱ༹ཡཏནནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏི.

‘‘སེཡྻཐཱཔི ¶ ¶ , བྷིཀྑཝེ, མཧཱརུཀྑོ. ཨཐ པུརིསོ ཨཱགཙྪེཡྻ ཀུདྡཱལཔིཊཀཾ ཨཱདཱཡ…པེ… ཨཱཡཏིཾ ཨནུཔྤཱདདྷམྨོ. ཨེཝམེཝ ཁོ, བྷིཀྑཝེ, སཾཡོཛནིཡེསུ དྷམྨེསུ ཨཱདཱིནཝཱནུཔསྶིནོ ཝིཧརཏོ ནཱམརཱུཔསྶ ཨཝཀྐནྟི ན ཧོཏི. ནཱམརཱུཔནིརོདྷཱ སལཱ༹ཡཏནནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི. ཨཊྛམཾ.

༩. ཝིཉྙཱཎསུཏྟཾ

༥༩. སཱཝཏྠིཡཾ ཝིཧརཏི…པེ… ‘‘སཾཡོཛནིཡེསུ, བྷིཀྑཝེ, དྷམྨེསུ ཨསྶཱདཱནུཔསྶིནོ ཝིཧརཏོ ཝིཉྙཱཎསྶ ཨཝཀྐནྟི ཧོཏི. ཝིཉྙཱཎཔཙྩཡཱ ནཱམརཱུཔཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི’’.

‘‘སེཡྻཐཱཔི, བྷིཀྑཝེ, མཧཱརུཀྑོ. ཏསྶ ཡཱནི ཙེཝ མཱུལཱནི ¶ …པེ… ཨེཝམེཝ ཁོ, བྷིཀྑཝེ, སཾཡོཛནིཡེསུ དྷམྨེསུ ཨསྶཱདཱནུཔསྶིནོ ཝིཧརཏོ ཝིཉྙཱཎསྶ ཨཝཀྐནྟི ཧོཏི…པེ….

‘‘སཾཡོཛནིཡེསུ, བྷིཀྑཝེ, དྷམྨེསུ ཨཱདཱིནཝཱནུཔསྶིནོ ཝིཧརཏོ ཝིཉྙཱཎསྶ ཨཝཀྐནྟི ན ཧོཏི. ཝིཉྙཱཎནིརོདྷཱ ནཱམརཱུཔནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏི.

‘‘སེཡྻཐཱཔི, བྷིཀྑཝེ, མཧཱརུཀྑོ. ཨཐ པུརིསོ ཨཱགཙྪེཡྻ ཀུདྡཱལཔིཊཀཾ ཨཱདཱཡ…པེ… ཨཱཡཏིཾ ཨནུཔྤཱདདྷམྨོ. ཨེཝམེཝ ཁོ, བྷིཀྑཝེ, སཾཡོཛནིཡེསུ དྷམྨེསུ ཨཱདཱིནཝཱནུཔསྶིནོ ཝིཧརཏོ ཝིཉྙཱཎསྶ ཨཝཀྐནྟི ན ཧོཏི. ཝིཉྙཱཎསྶ ནིརོདྷཱ ནཱམརཱུཔནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི. ནཝམཾ.

༡༠. ནིདཱནསུཏྟཾ

༦༠. ཨེཀཾ ¶ ¶ སམཡཾ བྷགཝཱ ཀུརཱུསུ ཝིཧརཏི ཀམྨཱསདྷམྨཾ ནཱམ ཀུརཱུནཾ ནིགམོ. ཨཐ ཁོ ཨཱཡསྨཱ ཨཱནནྡོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ – ‘‘ཨཙྪརིཡཾ, བྷནྟེ, ཨབྦྷུཏཾ, བྷནྟེ! ཡཱཝ གམྦྷཱིརོ ཙཱཡཾ, བྷནྟེ, པཊིཙྩསམུཔྤཱདོ གམྦྷཱིརཱཝབྷཱསོ ¶ ཙ, ཨཐ ཙ པན མེ ཨུཏྟཱནཀུཏྟཱནཀོ ཝིཡ ཁཱཡཏཱི’’ཏི.

‘‘མཱ ¶ ཧེཝཾ, ཨཱནནྡ, མཱ ཧེཝཾ, ཨཱནནྡ [མཱ ཧེཝཾ ཨཱནནྡ ཨཝཙ མཱ ཧེཝཾ ཨཱནནྡ ཨཝཙ (དཱི. ནི. ༢ མཧཱནིདཱནསུཏྟེ)]! གམྦྷཱིརོ ཙཱཡཾ, ཨཱནནྡ, པཊིཙྩསམུཔྤཱདོ གམྦྷཱིརཱཝབྷཱསོ ཙ. ཨེཏསྶ, ཨཱནནྡ, དྷམྨསྶ ཨནནུབོདྷཱ ཨཔྤཊིཝེདྷཱ ཨེཝམཡཾ པཛཱ ཏནྟཱཀུལཀཛཱཏཱ ཀུལགཎྛིཀཛཱཏཱ [གུལཱ༹གུཎྛིཀཛཱཏཱ (སཱི.), གུལཱི༹གུཎྛིཀཛཱཏཱ (སྱཱ. ཀཾ.)] མུཉྫཔབྦཛབྷཱུཏཱ [མུཉྫབབྦཛབྷཱུཏཱ (སཱི.)] ཨཔཱཡཾ དུགྒཏིཾ ཝིནིཔཱཏཾ སཾསཱརཾ ནཱཏིཝཏྟཏི.

‘‘ཨུཔཱདཱནིཡེསུ, ཨཱནནྡ, དྷམྨེསུ ཨསྶཱདཱནུཔསྶིནོ ཝིཧརཏོ ཏཎྷཱ པཝཌྜྷཏི. ཏཎྷཱཔཙྩཡཱ ཨུཔཱདཱནཾ; ཨུཔཱདཱནཔཙྩཡཱ བྷཝོ; བྷཝཔཙྩཡཱ ཛཱཏི; ཛཱཏིཔཙྩཡཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ སམྦྷཝནྟི. ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི.

‘‘སེཡྻཐཱཔི, ཨཱནནྡ, མཧཱརུཀྑོ. ཏསྶ ཡཱནི ཙེཝ མཱུལཱནི ཨདྷོགམཱནི, ཡཱནི ཙ ཏིརིཡངྒམཱནི, སབྦཱནི ཏཱནི ཨུདྡྷཾ ཨོཛཾ ཨབྷིཧརནྟི. ཨེཝཉྷི སོ, ཨཱནནྡ, མཧཱརུཀྑོ ཏདཱཧཱརོ ཏདུཔཱདཱནོ ཙིརཾ དཱིགྷམདྡྷཱནཾ ཏིཊྛེཡྻ. ཨེཝམེཝ ཁོ, ཨཱནནྡ, ཨུཔཱདཱནིཡེསུ དྷམྨེསུ ཨསྶཱདཱནུཔསྶིནོ ཝིཧརཏོ ཏཎྷཱ པཝཌྜྷཏི. ཏཎྷཱཔཙྩཡཱ ཨུཔཱདཱནཾ ¶ ; ཨུཔཱདཱནཔཙྩཡཱ བྷཝོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི.

‘‘ཨུཔཱདཱནིཡེསུ, ཨཱནནྡ, དྷམྨེསུ ཨཱདཱིནཝཱནུཔསྶིནོ ཝིཧརཏོ ཏཎྷཱ ¶ ནིརུཛ྄ཛྷཏི. ཏཎྷཱནིརོདྷཱ ཨུཔཱདཱནནིརོདྷོ; ཨུཔཱདཱནནིརོདྷཱ བྷཝནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏི.

‘‘སེཡྻཐཱཔི ¶ , ཨཱནནྡ, མཧཱརུཀྑོ. ཨཐ པུརིསོ ཨཱགཙྪེཡྻ ཀུདྡཱལཔིཊཀཾ ཨཱདཱཡ. སོ ཏཾ རུཀྑཾ མཱུལེ ཚིནྡེཡྻ, མཱུལེ ཚེཏྭཱ པལིཁཎེཡྻ, པལིཁཎིཏྭཱ མཱུལཱནི ཨུདྡྷརེཡྻ ཨནྟམསོ ཨུསཱིརནཱལི༹མཏྟཱནིཔི. སོ ཏཾ རུཀྑཾ ཁཎྜཱཁཎྜིཀཾ ཚིནྡེཡྻ. ཁཎྜཱཁཎྜིཀཾ ཚིནྡིཏྭཱ ཕཱལེཡྻ; ཕཱལེཏྭཱ སཀལིཀཾ སཀལིཀཾ ཀརེཡྻ, སཀལིཀཾ སཀལིཀཾ ཀརིཏྭཱ ཝཱཏཱཏཔེ ཝིསོསེཡྻ, ཝཱཏཱཏཔེ ཝིསོསེཏྭཱ ཨགྒིནཱ ཌཧེཡྻ, ཨགྒིནཱ ཌཧེཏྭཱ མསིཾ ཀརེཡྻ, མསིཾ ཀརིཏྭཱ མཧཱཝཱཏེ ཝཱ ཨོཕུཎེཡྻ, ནདིཡཱ ཝཱ སཱིགྷསོཏཱཡ པཝཱཧེཡྻ. ཨེཝཉྷི སོ, ཨཱནནྡ, མཧཱརུཀྑོ ཨུཙྪིནྣམཱུལོ ཨསྶ ཏཱལཱཝཏྠུཀཏོ ཨནབྷཱཝངྐཏོ ཨཱཡཏིཾ ཨནུཔྤཱདདྷམྨོ ¶ . ཨེཝམེཝ ཁོ, ཨཱནནྡ, ཨུཔཱདཱནིཡེསུ དྷམྨེསུ ཨཱདཱིནཝཱནུཔསྶིནོ ཝིཧརཏོ ཏཎྷཱ ནིརུཛ྄ཛྷཏི. ཏཎྷཱནིརོདྷཱ ཨུཔཱདཱནནིརོདྷོ; ཨུཔཱདཱནནིརོདྷཱ བྷཝནིརོདྷོ; བྷཝནིརོདྷཱ ཛཱཏིནིརོདྷོ; ཛཱཏིནིརོདྷཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ ནིརུཛ྄ཛྷནྟི. ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི. དསམཾ.

དུཀྑཝགྒོ ཚཊྛོ.

ཏསྶུདྡཱནཾ –

པརིཝཱིམཾསནུཔཱདཱནཾ, ¶ དྭེ ཙ སཾཡོཛནཱནི ཙ;

མཧཱརུཀྑེན དྭེ ཝུཏྟཱ, ཏརུཎེན ཙ སཏྟམཾ;

ནཱམརཱུཔཉྩ ཝིཉྙཱཎཾ, ནིདཱནེན ཙ ཏེ དསཱཏི.

༧. མཧཱཝགྒོ

༡. ཨསྶུཏཝཱསུཏྟཾ

༦༡. ཨེཝཾ ¶ ¶ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ…པེ… ‘‘ཨསྶུཏཝཱ, བྷིཀྑཝེ, པུཐུཛྫནོ ཨིམསྨིཾ ཙཱཏུམཧཱབྷཱུཏིཀསྨིཾ ཀཱཡསྨིཾ ནིབྦིནྡེཡྻཔི ཝིརཛྫེཡྻཔི ཝིམུཙྩེཡྻཔི. ཏཾ ཀིསྶ ཧེཏུ? [ཙཱཏུམྨཧཱབྷཱུཏིཀསྨིཾ (སཱི. སྱཱ. ཀཾ.)] དིསྶཏི, བྷིཀྑཝེ [དིསྶཏི ཧི བྷིཀྑཝེ (སཱི. སྱཱ. ཀཾ.)], ཨིམསྶ ¶ ཙཱཏུམཧཱབྷཱུཏིཀསྶ ཀཱཡསྶ ཨཱཙཡོཔི ཨཔཙཡོཔི ཨཱདཱནམྤི ནིཀྑེཔནམྤི. ཏསྨཱ ཏཏྲཱསྶུཏཝཱ པུཐུཛྫནོ ནིབྦིནྡེཡྻཔི ཝིརཛྫེཡྻཔི ཝིམུཙྩེཡྻཔི’’.

‘‘ཡཉྩ ཁོ ཨེཏཾ, བྷིཀྑཝེ, ཝུཙྩཏི ཙིཏྟཾ ཨིཏིཔི, མནོ ཨིཏིཔི, ཝིཉྙཱཎཾ ཨིཏིཔི, ཏཏྲཱསྶུཏཝཱ པུཐུཛྫནོ ནཱལཾ ནིབྦིནྡིཏུཾ ནཱལཾ ཝིརཛྫིཏུཾ ནཱལཾ ཝིམུཙྩིཏུཾ. ཏཾ ཀིསྶ ཧེཏུ? དཱིགྷརཏྟཉྷེཏཾ, བྷིཀྑཝེ, ཨསྶུཏཝཏོ པུཐུཛྫནསྶ ཨཛ྄ཛྷོསིཏཾ མམཱཡིཏཾ པརཱམཊྛཾ – ‘ཨེཏཾ མམ, ཨེསོཧམསྨི, ཨེསོ མེ ཨཏྟཱ’ཏི. ཏསྨཱ ཏཏྲཱསྶུཏཝཱ པུཐུཛྫནོ ནཱལཾ ནིབྦིནྡིཏུཾ ནཱལཾ ཝིརཛྫིཏུཾ ནཱལཾ ཝིམུཙྩིཏུཾ.

‘‘ཝརཾ ¶ , བྷིཀྑཝེ, ཨསྶུཏཝཱ པུཐུཛྫནོ ཨིམཾ ཙཱཏུམཧཱབྷཱུཏིཀཾ ཀཱཡཾ ཨཏྟཏོ ཨུཔགཙྪེཡྻ, ན ཏྭེཝ ཙིཏྟཾ. ཏཾ ཀིསྶ ཧེཏུ? དིསྶཏཱཡཾ, བྷིཀྑཝེ, ཙཱཏུམཧཱབྷཱུཏིཀོ ཀཱཡོ ཨེཀམྤི ཝསྶཾ ཏིཊྛམཱནོ དྭེཔི ཝསྶཱནི ཏིཊྛམཱནོ ཏཱིཎིཔི ཝསྶཱནི ཏིཊྛམཱནོ ཙཏྟཱརིཔི ཝསྶཱནི ཏིཊྛམཱནོ པཉྩཔི ཝསྶཱནི ཏིཊྛམཱནོ དསཔི ཝསྶཱནི ཏིཊྛམཱནོ ཝཱིསཏིཔི ཝསྶཱནི ཏིཊྛམཱནོ ཏིཾསམྤི ཝསྶཱནི ཏིཊྛམཱནོ ཙཏྟཱརཱིསམྤི ¶ ཝསྶཱནི ཏིཊྛམཱནོ པཉྙཱསམྤི ཝསྶཱནི ཏིཊྛམཱནོ ཝསྶསཏམྤི ཏིཊྛམཱནོ, བྷིཡྻོཔི ¶ ཏིཊྛམཱནོ.

‘‘ཡཉྩ ཁོ ཨེཏཾ, བྷིཀྑཝེ, ཝུཙྩཏི ཙིཏྟཾ ཨིཏིཔི, མནོ ཨིཏིཔི, ཝིཉྙཱཎཾ ཨིཏིཔི, ཏཾ རཏྟིཡཱ ཙ དིཝསསྶ ཙ ཨཉྙདེཝ ཨུཔྤཛྫཏི ཨཉྙཾ ནིརུཛ྄ཛྷཏི. སེཡྻཐཱཔི, བྷིཀྑཝེ, མཀྐཊོ ཨརཉྙེ པཝནེ ཙརམཱནོ སཱཁཾ གཎྷཏི, ཏཾ མུཉྩིཏྭཱ ཨཉྙཾ གཎྷཏི, ཏཾ མུཉྩིཏྭཱ ཨཉྙཾ གཎྷཏི; ཨེཝམེཝ ཁོ, བྷིཀྑཝེ, ཡམིདཾ ཝུཙྩཏི ཙིཏྟཾ ཨིཏིཔི, མནོ ཨིཏིཔི, ཝིཉྙཱཎཾ ཨིཏིཔི, ཏཾ རཏྟིཡཱ ཙ དིཝསསྶ ཙ ཨཉྙདེཝ ཨུཔྤཛྫཏི ཨཉྙཾ ནིརུཛ྄ཛྷཏི.

‘‘ཏཏྲ, བྷིཀྑཝེ, སུཏཝཱ ཨརིཡསཱཝཀོ པཊིཙྩསམུཔྤཱདཾཡེཝ སཱདྷུཀཾ ཡོནིསོ མནསི ཀརོཏི – ‘ཨིཏི ཨིམསྨིཾ སཏི ཨིདཾ ཧོཏི, ཨིམསྶུཔྤཱདཱ ཨིདཾ ཨུཔྤཛྫཏི; ཨིམསྨིཾ ཨསཏི ཨིདཾ ན ཧོཏི, ཨིམསྶ ནིརོདྷཱ ཨིདཾ ནིརུཛ྄ཛྷཏི – ཡདིདཾ ཨཝིཛྫཱཔཙྩཡཱ སངྑཱརཱ; སངྑཱརཔཙྩཡཱ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ཨཝིཛྫཱཡ ཏྭེཝ ཨསེསཝིརཱགནིརོདྷཱ སངྑཱརནིརོདྷོ; སངྑཱརནིརོདྷཱ ¶ ཝིཉྙཱཎནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’’ཏི.

‘‘ཨེཝཾ པསྶཾ, བྷིཀྑཝེ, སུཏཝཱ ཨརིཡསཱཝཀོ རཱུཔསྨིམྤི ནིབྦིནྡཏི, ཝེདནཱཡཔི ནིབྦིནྡཏི, སཉྙཱཡཔི ནིབྦིནྡཏི, སངྑཱརེསུཔི ¶ ནིབྦིནྡཏི, ཝིཉྙཱཎསྨིམྤི ནིབྦིནྡཏི; ནིབྦིནྡཾ ཝིརཛྫཏི, ཝིརཱགཱ ཝིམུཙྩཏི, ཝིམུཏྟསྨིཾ ཝིམུཏྟམིཏི ཉཱཎཾ ཧོཏི. ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱཏཱི’’ཏི. པཋམཾ.

༢. དུཏིཡཨསྶུཏཝཱསུཏྟཾ

༦༢. སཱཝཏྠིཡཾ ཝིཧརཏི…པེ… ‘‘ཨསྶུཏཝཱ, བྷིཀྑཝེ, པུཐུཛྫནོ ཨིམསྨིཾ ཙཱཏུམཧཱབྷཱུཏིཀསྨིཾ ཀཱཡསྨིཾ ནིབྦིནྡེཡྻཔི ཝིརཛྫེཡྻཔི ཝིམུཙྩེཡྻཔི. ཏཾ ཀིསྶ ཧེཏུ? དིསྶཏི, བྷིཀྑཝེ, ཨིམསྶ ཙཱཏུམཧཱབྷཱུཏིཀསྶ ཀཱཡསྶ ཨཱཙཡོཔི ¶ ཨཔཙཡོཔི ཨཱདཱནམྤི ནིཀྑེཔནམྤི ¶ . ཏསྨཱ ཏཏྲཱསྶུཏཝཱ པུཐུཛྫནོ ནིབྦིནྡེཡྻཔི ཝིརཛྫེཡྻཔི ཝིམུཙྩེཡྻཔི. ཡཉྩ ཁོ ཨེཏཾ, བྷིཀྑཝེ, ཝུཙྩཏི ཙིཏྟཾ ཨིཏིཔི, མནོ ཨིཏིཔི, ཝིཉྙཱཎཾ ཨིཏིཔི, ཏཏྲཱསྶུཏཝཱ པུཐུཛྫནོ ནཱལཾ ནིབྦིནྡིཏུཾ ནཱལཾ ཝིརཛྫིཏུཾ ནཱལཾ ཝིམུཙྩིཏུཾ. ཏཾ ཀིསྶ ཧེཏུ? དཱིགྷརཏྟཉྷེཏཾ, བྷིཀྑཝེ, ཨསྶུཏཝཏོ པུཐུཛྫནསྶ ཨཛ྄ཛྷོསིཏཾ མམཱཡིཏཾ པརཱམཊྛཾ – ‘ཨེཏཾ མམ, ཨེསོཧམསྨི, ཨེསོ མེ ཨཏྟཱ’ཏི. ཏསྨཱ ཏཏྲཱསྶུཏཝཱ པུཐུཛྫནོ ནཱལཾ ནིབྦིནྡིཏུཾ ནཱལཾ ཝིརཛྫིཏུཾ ནཱལཾ ཝིམུཙྩིཏུཾ’’.

‘‘ཝརཾ, བྷིཀྑཝེ, ཨསྶུཏཝཱ པུཐུཛྫནོ ཨིམཾ ཙཱཏུམཧཱབྷཱུཏིཀཾ ཀཱཡཾ ཨཏྟཏོ ཨུཔགཙྪེཡྻ, ན ཏྭེཝ ཙིཏྟཾ. ཏཾ ཀིསྶ ཧེཏུ? དིསྶཏཱཡཾ, བྷིཀྑཝེ, ཙཱཏུམཧཱབྷཱུཏིཀོ ཀཱཡོ ཨེཀམྤི ཝསྶཾ ཏིཊྛམཱནོ དྭེཔི ཝསྶཱནི ཏིཊྛམཱནོ ཏཱིཎིཔི ཝསྶཱནི ཏིཊྛམཱནོ ཙཏྟཱརིཔི ཝསྶཱནི ཏིཊྛམཱནོ པཉྩཔི ཝསྶཱནི ཏིཊྛམཱནོ དསཔི ཝསྶཱནི ཏིཊྛམཱནོ ¶ ཝཱིསཏིཔི ཝསྶཱནི ཏིཊྛམཱནོ ཏིཾསམྤི ཝསྶཱནི ཏིཊྛམཱནོ ཙཏྟཱརཱིསམྤི ཝསྶཱནི ཏིཊྛམཱནོ པཉྙཱསམྤི ཝསྶཱནི ཏིཊྛམཱནོ ཝསྶསཏམྤི ཏིཊྛམཱནོ, བྷིཡྻོཔི ཏིཊྛམཱནོ. ཡཉྩ ཁོ ཨེཏཾ, བྷིཀྑཝེ, ཝུཙྩཏི ཙིཏྟཾ ཨིཏིཔི, མནོ ཨིཏིཔི, ཝིཉྙཱཎཾ ཨིཏིཔི, ཏཾ རཏྟིཡཱ ཙ དིཝསསྶ ཙ ཨཉྙདེཝ ཨུཔྤཛྫཏི ཨཉྙཾ ནིརུཛ྄ཛྷཏི.

‘‘ཏཏྲ ¶ , བྷིཀྑཝེ, སུཏཝཱ ཨརིཡསཱཝཀོ པཊིཙྩསམུཔྤཱདཾཡེཝ སཱདྷུཀཾ ཡོནིསོ མནསི ཀརོཏི – ‘ཨིཏི ཨིམསྨིཾ སཏི ཨིདཾ ཧོཏི, ཨིམསྶུཔྤཱདཱ ཨིདཾ ཨུཔྤཛྫཏི; ཨིམསྨིཾ ཨསཏི ཨིདཾ ན ཧོཏི, ཨིམསྶ ནིརོདྷཱ ཨིདཾ ནིརུཛ྄ཛྷཏཱི’ཏི. སུཁཝེདནིཡཾ, བྷིཀྑཝེ, ཕསྶཾ པཊིཙྩ ཨུཔྤཛྫཏི སུཁཝེདནཱ. ཏསྶེཝ སུཁཝེདནིཡསྶ ཕསྶསྶ ནིརོདྷཱ ཡཾ ཏཛྫཾ ཝེདཡིཏཾ སུཁཝེདནིཡཾ ཕསྶཾ པཊིཙྩ ཨུཔྤནྣཱ སུཁཝེདནཱ སཱ ནིརུཛ྄ཛྷཏི སཱ ཝཱུཔསམྨཏི. དུཀྑཝེདནིཡཾ, བྷིཀྑཝེ, ཕསྶཾ པཊིཙྩ ཨུཔྤཛྫཏི དུཀྑཝེདནཱ. ཏསྶེཝ དུཀྑཝེདནིཡསྶ ཕསྶསྶ ནིརོདྷཱ ཡཾ ཏཛྫཾ ཝེདཡིཏཾ དུཀྑཝེདནིཡཾ ¶ ཕསྶཾ པཊིཙྩ ཨུཔྤནྣཱ དུཀྑཝེདནཱ སཱ ནིརུཛ྄ཛྷཏི སཱ ཝཱུཔསམྨཏི. ཨདུཀྑམསུཁཝེདནིཡཾ, བྷིཀྑཝེ, ཕསྶཾ པཊིཙྩ ཨུཔྤཛྫཏི ཨདུཀྑམསུཁཝེདནཱ. ཏསྶེཝ ཨདུཀྑམསུཁཝེདནིཡསྶ ཕསྶསྶ ནིརོདྷཱ ཡཾ ཏཛྫཾ ཝེདཡིཏཾ ཨདུཀྑམསུཁཝེདནིཡཾ ཕསྶཾ པཊིཙྩ ཨུཔྤནྣཱ ཨདུཀྑམསུཁཝེདནཱ སཱ ནིརུཛ྄ཛྷཏི སཱ ཝཱུཔསམྨཏི.

‘‘སེཡྻཐཱཔི ¶ , བྷིཀྑཝེ, དྭིནྣཾ ཀཊྛཱནཾ སངྒྷཊྚནསམོདྷཱནཱ ཨུསྨཱ ཛཱཡཏི ཏེཛོ ཨབྷིནིབྦཏྟཏི. ཏེསཾཡེཝ དྭིནྣཾ ཀཊྛཱནཾ ནཱནཱཀཏཝིནིབྦྷོགཱ ¶ [ནཱནཱབྷཱཝཱཝིནིཀྑེཔཱ (སཱི. པཱི.) མ. ནི. ༣.༣༥༧] ཡཱ ཏཛྫཱ ཨུསྨཱ སཱ ནིརུཛ྄ཛྷཏི སཱ ཝཱུཔསམྨཏི; ཨེཝམེཝ ཁོ, བྷིཀྑཝེ, སུཁཝེདནིཡཾ ཕསྶཾ པཊིཙྩ ཨུཔྤཛྫཏི སུཁཝེདནཱ. ཏསྶེཝ སུཁཝེདནིཡསྶ ཕསྶསྶ ནིརོདྷཱ ཡཾ ཏཛྫཾ ཝེདཡིཏཾ སུཁཝེདནིཡཾ ཕསྶཾ པཊིཙྩ ཨུཔྤནྣཱ སུཁཝེདནཱ སཱ ནིརུཛ྄ཛྷཏི སཱ ཝཱུཔསམྨཏི…པེ… ཨདུཀྑམསུཁཝེདནིཡཾ ཕསྶཾ པཊིཙྩ ཨུཔྤཛྫཏི ཨདུཀྑམསུཁཝེདནཱ. ཏསྶེཝ ཨདུཀྑམསུཁཝེདནིཡསྶ ཕསྶསྶ ནིརོདྷཱ ཡཾ ཏཛྫཾ ཝེདཡིཏཾ ཨདུཀྑམསུཁཝེདནིཡཾ ཕསྶཾ པཊིཙྩ ཨུཔྤནྣཱ ཨདུཀྑམསུཁཝེདནཱ སཱ ནིརུཛ྄ཛྷཏི སཱ ཝཱུཔསམྨཏི.

‘‘ཨེཝཾ པསྶཾ, བྷིཀྑཝེ, སུཏཝཱ ཨརིཡསཱཝཀོ ཕསྶེཔི ནིབྦིནྡཏི, ཝེདནཱཡཔི ནིབྦིནྡཏི, སཉྙཱཡཔི ནིབྦིནྡཏི, སངྑཱརེསུཔི ནིབྦིནྡཏི, ཝིཉྙཱཎསྨིམྤི ནིབྦིནྡཏི; ནིབྦིནྡཾ ཝིརཛྫཏི, ཝིརཱགཱ ཝིམུཙྩཏི, ཝིམུཏྟསྨིཾ ཝིམུཏྟམིཏི ཉཱཎཾ ཧོཏི. ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱཏཱི’’ཏི. དུཏིཡཾ.

༣. པུཏྟམཾསཱུཔམསུཏྟཾ

༦༣. སཱཝཏྠིཡཾ ¶ …པེ… ‘‘ཙཏྟཱརོམེ ¶ , བྷིཀྑཝེ, ཨཱཧཱརཱ བྷཱུཏཱནཾ ཝཱ སཏྟཱནཾ ཋིཏིཡཱ སམྦྷཝེསཱིནཾ ཝཱ ཨནུགྒཧཱཡ ¶ . ཀཏམེ ཙཏྟཱརོ? ཀབལཱི༹ཀཱརོ ཨཱཧཱརོ ཨོལཱ༹རིཀོ ཝཱ སུཁུམོ ཝཱ, ཕསྶོ དུཏིཡོ, མནོསཉྩེཏནཱ ཏཏིཡཱ, ཝིཉྙཱཎཾ ཙཏུཏྠཾ. ཨིམེ ཁོ, བྷིཀྑཝེ, ཙཏྟཱརོ ཨཱཧཱརཱ བྷཱུཏཱནཾ ཝཱ སཏྟཱནཾ ཋིཏིཡཱ སམྦྷཝེསཱིནཾ ཝཱ ཨནུགྒཧཱཡ’’.

‘‘ཀཐཉྩ, བྷིཀྑཝེ, ཀབལཱི༹ཀཱརོ ཨཱཧཱརོ དཊྛབྦོ? སེཡྻཐཱཔི, བྷིཀྑཝེ, དྭེ ཛཱཡམྤཏིཀཱ [ཛཡམྤཏིཀཱ (སཱི. པཱི.) ཊཱིཀཱ ཨོལོཀེཏབྦཱ] པརིཏྟཾ སམྦལཾ ཨཱདཱཡ ཀནྟཱརམགྒཾ པཊིཔཛྫེཡྻུཾ. ཏེསམསྶ ཨེཀཔུཏྟཀོ པིཡོ མནཱཔོ. ཨཐ ཁོ ཏེསཾ, བྷིཀྑཝེ, དྭིནྣཾ ཛཱཡམྤཏིཀཱནཾ ཀནྟཱརགཏཱནཾ ཡཱ པརིཏྟཱ སམྦལམཏྟཱ, སཱ པརིཀྑཡཾ པརིཡཱདཱནཾ གཙྪེཡྻ. སིཡཱ ཙ ནེསཾ ཀནྟཱརཱཝསེསོ ཨནཏིཎྞོ. ཨཐ ཁོ ཏེསཾ, བྷིཀྑཝེ, དྭིནྣཾ ཛཱཡམྤཏིཀཱནཾ ཨེཝམསྶ – ‘ཨམྷཱཀཾ ཁོ ཡཱ པརིཏྟཱ སམྦལམཏྟཱ སཱ པརིཀྑཱིཎཱ པརིཡཱདིཎྞཱ [པརིཡཱདིནྣཱ (སྱཱ. ཀཾ.)]. ཨཏྠི ¶ ཙཱཡཾ ཀནྟཱརཱཝསེསོ ཨནིཏྟིཎྞོ [ཨནིཏྠིཎྞོ (སྱཱ. ཀཾ.), ཨནཏིཎྞོ (ཀ.)]. ཡཾནཱུན མཡཾ ཨིམཾ ཨེཀཔུཏྟཀཾ པིཡཾ མནཱཔཾ ཝདྷིཏྭཱ ཝལླཱུརཉྩ སོཎྜིཀཉྩ ཀརིཏྭཱ པུཏྟམཾསཱནི ཁཱདནྟཱ ཨེཝཾ ཏཾ ཀནྟཱརཱཝསེསཾ ནིཏྠརེཡྻཱམ, མཱ སབྦེཝ ཏཡོ ཝིནསྶིམྷཱ’ཏི. ཨཐ ཁོ ཏེ, བྷིཀྑཝེ, དྭེ ཛཱཡམྤཏིཀཱ ཏཾ ཨེཀཔུཏྟཀཾ པིཡཾ མནཱཔཾ ཝདྷིཏྭཱ ཝལླཱུརཉྩ སོཎྜིཀཉྩ ཀརིཏྭཱ པུཏྟམཾསཱནི ཁཱདནྟཱ ཨེཝཾ ཏཾ ཀནྟཱརཱཝསེསཾ ནིཏྠརེཡྻུཾ. ཏེ པུཏྟམཾསཱནི ཙེཝ ཁཱདེཡྻུཾ, ཨུརེ ཙ པཊིཔིསེཡྻུཾ – ‘ཀཧཾ, ཨེཀཔུཏྟཀ, ཀཧཾ, ཨེཀཔུཏྟཀཱ’ཏི.

‘‘ཏཾ ཀིཾ མཉྙཐ, བྷིཀྑཝེ, ཨཔི ནུ ཏེ དཝཱཡ ཝཱ ཨཱཧཱརཾ ཨཱཧཱརེཡྻུཾ, མདཱཡ ཝཱ ཨཱཧཱརཾ ¶ ཨཱཧཱརེཡྻུཾ, མཎྜནཱཡ ¶ ཝཱ ཨཱཧཱརཾ ཨཱཧཱརེཡྻུཾ, ཝིབྷཱུསནཱཡ ཝཱ ཨཱཧཱརཾ ཨཱཧཱརེཡྻུ’’ནྟི? ‘‘ནོ ཧེཏཾ, བྷནྟེ’’. ‘‘ནནུ ཏེ, བྷིཀྑཝེ, ཡཱཝདེཝ ཀནྟཱརསྶ ནིཏྠརཎཏྠཱཡ ཨཱཧཱརཾ ཨཱཧཱརེཡྻུ’’ནྟི? ‘‘ཨེཝཾ, བྷནྟེ’’. ‘‘ཨེཝམེཝ ཁྭཱཧཾ, བྷིཀྑཝེ, ཀབལཱི༹ཀཱརོ ཨཱཧཱརོ དཊྛབྦོ’’ཏི ཝདཱམི. ཀབལཱི༹ཀཱརེ, བྷིཀྑཝེ, ཨཱཧཱརེ པརིཉྙཱཏེ པཉྩཀཱམགུཎིཀོ རཱགོ པརིཉྙཱཏོ ཧོཏི. པཉྩཀཱམགུཎིཀེ རཱགེ པརིཉྙཱཏེ ནཏྠི ཏཾ སཾཡོཛནཾ ཡེན སཾཡོཛནེན སཾཡུཏྟོ ཨརིཡསཱཝཀོ པུན ཨིམཾ ལོཀཾ ཨཱགཙྪེཡྻ.

‘‘ཀཐཉྩ, བྷིཀྑཝེ, ཕསྶཱཧཱརོ དཊྛབྦོ? སེཡྻཐཱཔི, བྷིཀྑཝེ, གཱཝཱི ནིཙྩམྨཱ ཀུཊྚཾ ཙེ [ཀུཌྜཉྩེ (སཱི. སྱཱ. ཀཾ. པཱི.)] ¶ ནིསྶཱཡ ཏིཊྛེཡྻ. ཡེ ཀུཊྚནིསྶིཏཱ པཱཎཱ ཏེ ནཾ ཁཱདེཡྻུཾ. རུཀྑཾ ཙེ ནིསྶཱཡ ཏིཊྛེཡྻ, ཡེ རུཀྑནིསྶིཏཱ པཱཎཱ ཏེ ནཾ ཁཱདེཡྻུཾ. ཨུདཀཾ ཙེ ནིསྶཱཡ ཏིཊྛེཡྻ, ཡེ ཨུདཀནིསྶིཏཱ པཱཎཱ ཏེ ནཾ ཁཱདེཡྻུཾ. ཨཱཀཱསཾ ཙེ ནིསྶཱཡ ཏིཊྛེཡྻ, ཡེ ཨཱཀཱསནིསྶིཏཱ པཱཎཱ ཏེ ནཾ ཁཱདེཡྻུཾ. ཡཾ ཡདེཝ ཧི སཱ, བྷིཀྑཝེ, གཱཝཱི ནིཙྩམྨཱ ནིསྶཱཡ ཏིཊྛེཡྻ, ཡེ ཏནྣིསྶིཏཱ [ཡེ ཏནྣིསྶིཏཱ ཏནྣིསྶིཏཱ (སཱི. སྱཱ. ཀཾ. པཱི.)] པཱཎཱ ཏེ ནཾ ཁཱདེཡྻུཾ. ཨེཝམེཝ ཁྭཱཧཾ, བྷིཀྑཝེ, ‘‘ཕསྶཱཧཱརོ དཊྛབྦོ’’ཏི ཝདཱམི. ཕསྶེ, བྷིཀྑཝེ, ཨཱཧཱརེ པརིཉྙཱཏེ ཏིསྶོ ཝེདནཱ པརིཉྙཱཏཱ ཧོནྟི. ཏཱིསུ ཝེདནཱསུ པརིཉྙཱཏཱསུ ཨརིཡསཱཝཀསྶ ནཏྠི ཀིཉྩི ཨུཏྟརིཀརཎཱིཡནྟི [ཨུཏྟརིཾཀརཎཱིཡནྟི (སཱི. པཱི.)] ཝདཱམི.

‘‘ཀཐཉྩ ¶ , བྷིཀྑཝེ, མནོསཉྩེཏནཱཧཱརོ དཊྛབྦོ? སེཡྻཐཱཔི ¶ , བྷིཀྑཝེ, ཨངྒཱརཀཱསུ སཱདྷིཀཔོརིསཱ པུཎྞཱ ཨངྒཱརཱནཾ ཝཱིཏཙྩིཀཱནཾ ཝཱིཏདྷཱུམཱནཾ. ཨཐ པུརིསོ ཨཱགཙྪེཡྻ ཛཱིཝིཏུཀཱམོ ཨམརིཏུཀཱམོ སུཁཀཱམོ དུཀྑཔྤཊིཀཱུལོ. ཏམེནཾ དྭེ བལཝནྟོ པུརིསཱ ནཱནཱབཱཧཱསུ གཧེཏྭཱ ཏཾ ཨངྒཱརཀཱསུཾ ཨུཔཀཌྜྷེཡྻུཾ. ཨཐ ཁོ, བྷིཀྑཝེ, ཏསྶ པུརིསསྶ ཨཱརཀཱཝསྶ ཙེཏནཱ ཨཱརཀཱ པཏྠནཱ ཨཱརཀཱ པཎིདྷི. ཏཾ ¶ ཀིསྶ ཧེཏུ? ཨེཝཉྷི, བྷིཀྑཝེ, ཏསྶ པུརིསསྶ ཧོཏི – ‘ཨིམཾ ཙཱཧཾ ཨངྒཱརཀཱསུཾ པཔཏིསྶཱམི, ཏཏོནིདཱནཾ མརཎཾ ཝཱ ནིགཙྪཱམི མརཎམཏྟཾ ཝཱ དུཀྑ’ནྟི. ཨེཝམེཝ ཁྭཱཧཾ, བྷིཀྑཝེ, ‘མནོསཉྩེཏནཱཧཱརོ དཊྛབྦོ’ཏི ཝདཱམི. མནོསཉྩེཏནཱཡ, བྷིཀྑཝེ, ཨཱཧཱརེ པརིཉྙཱཏེ ཏིསྶོ ཏཎྷཱ པརིཉྙཱཏཱ ཧོནྟི. ཏཱིསུ ཏཎྷཱསུ པརིཉྙཱཏཱསུ ཨརིཡསཱཝཀསྶ ནཏྠི ཀིཉྩི ཨུཏྟརིཀརཎཱིཡནྟི ཝདཱམི.

‘‘ཀཐཉྩ, བྷིཀྑཝེ, ཝིཉྙཱཎཱཧཱརོ དཊྛབྦོ? སེཡྻཐཱཔི, བྷིཀྑཝེ, ཙོརཾ ཨཱགུཙཱརིཾ གཧེཏྭཱ རཉྙོ དསྶེཡྻུཾ – ‘ཨཡཾ ཏེ, དེཝ, ཙོརོ ཨཱགུཙཱརཱི, ཨིམསྶ ཡཾ ཨིཙྪསི ཏཾ དཎྜཾ པཎེཧཱི’ཏི. ཏམེནཾ རཱཛཱ ཨེཝཾ ཝདེཡྻ – ‘གཙྪཐ, བྷོ, ཨིམཾ པུརིསཾ པུབྦཎྷསམཡཾ སཏྟིསཏེན ཧནཐཱ’ཏི. ཏམེནཾ པུབྦཎྷསམཡཾ སཏྟིསཏེན ཧནེཡྻུཾ. ཨཐ རཱཛཱ མཛ྄ཛྷནྷིཀསམཡཾ ཨེཝཾ ཝདེཡྻ – ‘ཨམྦྷོ, ཀཐཾ སོ པུརིསོ’ཏི? ‘ཏཐེཝ, དེཝ, ཛཱིཝཏཱི’ཏི. ཏམེནཾ རཱཛཱ ཨེཝཾ ཝདེཡྻ – ‘གཙྪཐ, བྷོ, ཏཾ པུརིསཾ མཛ྄ཛྷནྷིཀསམཡཾ སཏྟིསཏེན ཧནཐཱ’ཏི. ཏམེནཾ མཛ྄ཛྷནྷིཀསམཡཾ སཏྟིསཏེན ཧནེཡྻུཾ. ཨཐ རཱཛཱ སཱཡནྷསམཡཾ ཨེཝཾ ཝདེཡྻ – ‘ཨམྦྷོ, ཀཐཾ ¶ སོ པུརིསོ’ཏི? ‘ཏཐེཝ, དེཝ, ཛཱིཝཏཱི’ཏི. ཏམེནཾ རཱཛཱ ཨེཝཾ ཝདེཡྻ – ‘གཙྪཐ, བྷོ, ཏཾ པུརིསཾ སཱཡནྷསམཡཾ སཏྟིསཏེན ཧནཐཱ’ཏི. ཏམེནཾ སཱཡནྷསམཡཾ སཏྟིསཏེན ཧནེཡྻུཾ. ཏཾ ཀིཾ མཉྙཐ ¶ , བྷིཀྑཝེ, ཨཔི ནུ སོ པུརིསོ དིཝསཾ ཏཱིཧི སཏྟིསཏེཧི ཧཉྙམཱནོ ཏཏོནིདཱནཾ དུཀྑཾ དོམནསྶཾ པཊིསཾཝེདིཡེཐཱ’’ཏི? ‘‘ཨེཀིསྶཱཔི, བྷནྟེ, སཏྟིཡཱ ཧཉྙམཱནོ ཏཏོནིདཱནཾ དུཀྑཾ དོམནསྶཾ པཊིསཾཝེདིཡེཐ; ཀོ པན ཝཱདོ ཏཱིཧི སཏྟིསཏེཧི ཧཉྙམཱནོ’’ཏི! ‘‘ཨེཝམེཝ ཁྭཱཧཾ, བྷིཀྑཝེ, ཝིཉྙཱཎཱཧཱརོ དཊྛབྦོཏི ཝདཱམི. ཝིཉྙཱཎེ, བྷིཀྑཝེ, ཨཱཧཱརེ པརིཉྙཱཏེ ནཱམརཱུཔཾ པརིཉྙཱཏཾ ཧོཏི, ནཱམརཱུཔེ པརིཉྙཱཏེ ཨརིཡསཱཝཀསྶ ནཏྠི ཀིཉྩི ཨུཏྟརིཀརཎཱིཡནྟི ཝདཱམཱི’’ཏི. ཏཏིཡཾ.

༤. ཨཏྠིརཱགསུཏྟཾ

༦༤. སཱཝཏྠིཡཾ ¶ ¶ ཝིཧརཏི…པེ… ‘‘ཙཏྟཱརོམེ, བྷིཀྑཝེ, ཨཱཧཱརཱ བྷཱུཏཱནཾ ཝཱ སཏྟཱནཾ ཋིཏིཡཱ སམྦྷཝེསཱིནཾ ཝཱ ཨནུགྒཧཱཡ. ཀཏམེ ཙཏྟཱརོ? ཀབལཱི༹ཀཱརོ ཨཱཧཱརོ ཨོལཱ༹རིཀོ ཝཱ སུཁུམོ ཝཱ, ཕསྶོ དུཏིཡོ, མནོསཉྩེཏནཱ ཏཏིཡཱ, ཝིཉྙཱཎཾ ཙཏུཏྠཾ. ཨིམེ ཁོ, བྷིཀྑཝེ, ཙཏྟཱརོ ཨཱཧཱརཱ བྷཱུཏཱནཾ ཝཱ སཏྟཱནཾ ཋིཏིཡཱ སམྦྷཝེསཱིནཾ ཝཱ ཨནུགྒཧཱཡ’’.

‘‘ཀབལཱི༹ཀཱརེ ཙེ, བྷིཀྑཝེ, ཨཱཧཱརེ ཨཏྠི རཱགོ ཨཏྠི ནནྡཱི ཨཏྠི ཏཎྷཱ, པཏིཊྛིཏཾ ཏཏྠ ཝིཉྙཱཎཾ ཝིརཱུལ༹ྷཾ. ཡཏྠ པཏིཊྛིཏཾ ཝིཉྙཱཎཾ ཝིརཱུལ༹ྷཾ, ཨཏྠི ཏཏྠ ནཱམརཱུཔསྶ ཨཝཀྐནྟི. ཡཏྠ ཨཏྠི ནཱམརཱུཔསྶ ཨཝཀྐནྟི, ཨཏྠི ཏཏྠ སངྑཱརཱནཾ ཝུདྡྷི. ཡཏྠ ¶ ཨཏྠི སངྑཱརཱནཾ ཝུདྡྷི, ཨཏྠི ཏཏྠ ཨཱཡཏིཾ པུནབྦྷཝཱབྷིནིབྦཏྟི. ཡཏྠ ཨཏྠི ཨཱཡཏིཾ པུནབྦྷཝཱབྷིནིབྦཏྟི, ཨཏྠི ཏཏྠ ཨཱཡཏིཾ ཛཱཏིཛརཱམརཎཾ. ཡཏྠ ཨཏྠི ཨཱཡཏིཾ ཛཱཏིཛརཱམརཎཾ, སསོཀཾ ཏཾ, བྷིཀྑཝེ, སདརཾ སཨུཔཱཡཱསནྟི ཝདཱམི.

‘‘ཕསྶེ ཙེ, བྷིཀྑཝེ, ཨཱཧཱརེ…པེ… མནོསཉྩེཏནཱཡ ཙེ, བྷིཀྑཝེ, ཨཱཧཱརེ… ཝིཉྙཱཎེ ཙེ, བྷིཀྑཝེ, ཨཱཧཱརེ ཨཏྠི རཱགོ ཨཏྠི ནནྡཱི ཨཏྠི ཏཎྷཱ, པཏིཊྛིཏཾ ཏཏྠ ཝིཉྙཱཎཾ ཝིརཱུལ༹ྷཾ. ཡཏྠ པཏིཊྛིཏཾ ཝིཉྙཱཎཾ ཝིརཱུལ༹ྷཾ, ཨཏྠི ཏཏྠ ནཱམརཱུཔསྶ ཨཝཀྐནྟི. ཡཏྠ ཨཏྠི ནཱམརཱུཔསྶ ཨཝཀྐནྟི, ཨཏྠི ཏཏྠ སངྑཱརཱནཾ ཝུདྡྷི. ཡཏྠ ཨཏྠི སངྑཱརཱནཾ ཝུདྡྷི, ཨཏྠི ཏཏྠ ཨཱཡཏིཾ པུནབྦྷཝཱབྷིནིབྦཏྟི. ཡཏྠ ཨཏྠི ཨཱཡཏིཾ པུནབྦྷཝཱབྷིནིབྦཏྟི, ཨཏྠི ཏཏྠ ཨཱཡཏིཾ ཛཱཏིཛརཱམརཎཾ. ཡཏྠ ཨཏྠི ཨཱཡཏིཾ ཛཱཏིཛརཱམརཎཾ, སསོཀཾ ཏཾ, བྷིཀྑཝེ, སདརཾ སཨུཔཱཡཱསནྟི ཝདཱམི.

‘‘སེཡྻཐཱཔི ¶ , བྷིཀྑཝེ, རཛཀོ ཝཱ ཙིཏྟཀཱརཀོ ཝཱ སཏི རཛནཱཡ ཝཱ ལཱཁཱཡ ཝཱ ཧལིདྡིཡཱ ཝཱ ནཱིལིཡཱ ཝཱ མཉྫིཊྛཱཡ ¶ ཝཱ སུཔརིམཊྛེ ཝཱ ཕལཀེ བྷིཏྟིཡཱ ཝཱ དུསྶཔཊྚེ ཝཱ ཨིཏྠིརཱུཔཾ ཝཱ པུརིསརཱུཔཾ ཝཱ ཨབྷིནིམྨིནེཡྻ སབྦངྒཔཙྩངྒཾ; ཨེཝམེཝ ཁོ, བྷིཀྑཝེ, ཀབལཱི༹ཀཱརེ ཙེ ཨཱཧཱརེ ཨཏྠི རཱགོ ཨཏྠི ནནྡཱི ཨཏྠི ཏཎྷཱ, པཏིཊྛིཏཾ ཏཏྠ ཝིཉྙཱཎཾ ཝིརཱུལ༹ྷཾ. ཡཏྠ པཏིཊྛིཏཾ ཝིཉྙཱཎཾ ཝིརཱུལ༹ྷཾ, ཨཏྠི ཏཏྠ ནཱམརཱུཔསྶ ཨཝཀྐནྟི. ཡཏྠ ཨཏྠི ནཱམརཱུཔསྶ ཨཝཀྐནྟི, ཨཏྠི ཏཏྠ སངྑཱརཱནཾ ཝུདྡྷི. ཡཏྠ ཨཏྠི སངྑཱརཱནཾ ཝུདྡྷི, ཨཏྠི ཏཏྠ ¶ ཨཱཡཏིཾ པུནབྦྷཝཱབྷིནིབྦཏྟི. ཡཏྠ ཨཏྠི ཨཱཡཏིཾ པུནབྦྷཝཱབྷིནིབྦཏྟི, ཨཏྠི ཏཏྠ ¶ ཨཱཡཏིཾ ཛཱཏིཛརཱམརཎཾ. ཡཏྠ ཨཏྠི ཨཱཡཏིཾ ཛཱཏིཛརཱམརཎཾ, སསོཀཾ ཏཾ, བྷིཀྑཝེ, སདརཾ སཨུཔཱཡཱསནྟི ཝདཱམི.

‘‘ཕསྶེ ཙེ, བྷིཀྑཝེ, ཨཱཧཱརེ…པེ… མནོསཉྩེཏནཱཡ ཙེ, བྷིཀྑཝེ, ཨཱཧཱརེ… ཝིཉྙཱཎེ ཙེ, བྷིཀྑཝེ, ཨཱཧཱརེ ཨཏྠི རཱགོ ཨཏྠི ནནྡཱི ཨཏྠི ཏཎྷཱ, པཏིཊྛིཏཾ ཏཏྠ ཝིཉྙཱཎཾ ཝིརཱུལ༹ྷཾ. ཡཏྠ པཏིཊྛིཏཾ ཝིཉྙཱཎཾ ཝིརཱུལ༹ྷཾ, ཨཏྠི ཏཏྠ ནཱམརཱུཔསྶ ཨཝཀྐནྟི. ཡཏྠ ཨཏྠི ནཱམརཱུཔསྶ ཨཝཀྐནྟི, ཨཏྠི ཏཏྠ སངྑཱརཱནཾ ཝུདྡྷི. ཡཏྠ ཨཏྠི སངྑཱརཱནཾ ཝུདྡྷི, ཨཏྠི ཏཏྠ ཨཱཡཏིཾ པུནབྦྷཝཱབྷིནིབྦཏྟི. ཡཏྠ ཨཏྠི ཨཱཡཏིཾ པུནབྦྷཝཱབྷིནིབྦཏྟི, ཨཏྠི ཏཏྠ ཨཱཡཏིཾ ཛཱཏིཛརཱམརཎཾ. ཡཏྠ ཨཏྠི ཨཱཡཏིཾ ཛཱཏིཛརཱམརཎཾ, སསོཀཾ ཏཾ, བྷིཀྑཝེ, སདརཾ སཨུཔཱཡཱསནྟི ཝདཱམི.

‘‘ཀབལཱི༹ཀཱརེ ཙེ, བྷིཀྑཝེ, ཨཱཧཱརེ ནཏྠི རཱགོ ནཏྠི ནནྡཱི ནཏྠི ཏཎྷཱ, ཨཔྤཏིཊྛིཏཾ ཏཏྠ ཝིཉྙཱཎཾ ཨཝིརཱུལ༹ྷཾ. ཡཏྠ ཨཔྤཏིཊྛིཏཾ ཝིཉྙཱཎཾ ཨཝིརཱུལ༹ྷཾ, ནཏྠི ཏཏྠ ནཱམརཱུཔསྶ ཨཝཀྐནྟི. ཡཏྠ ནཏྠི ནཱམརཱུཔསྶ ཨཝཀྐནྟི, ནཏྠི ཏཏྠ སངྑཱརཱནཾ ཝུདྡྷི. ཡཏྠ ནཏྠི སངྑཱརཱནཾ ཝུདྡྷི, ནཏྠི ཏཏྠ ཨཱཡཏིཾ པུནབྦྷཝཱབྷིནིབྦཏྟི. ཡཏྠ ནཏྠི ཨཱཡཏིཾ པུནབྦྷཝཱབྷིནིབྦཏྟི, ནཏྠི ཏཏྠ ཨཱཡཏིཾ ཛཱཏིཛརཱམརཎཾ. ཡཏྠ ནཏྠི ཨཱཡཏིཾ ཛཱཏིཛརཱམརཎཾ, ཨསོཀཾ ཏཾ, བྷིཀྑཝེ, ཨདརཾ ཨནུཔཱཡཱསནྟི ཝདཱམི.

‘‘ཕསྶེ ¶ ཙེ, བྷིཀྑཝེ, ཨཱཧཱརེ…པེ… མནོསཉྩེཏནཱཡ ཙེ, བྷིཀྑཝེ, ཨཱཧཱརེ… ཝིཉྙཱཎེ ཙེ, བྷིཀྑཝེ, ཨཱཧཱརེ ¶ ནཏྠི རཱགོ ནཏྠི ནནྡཱི ནཏྠི ཏཎྷཱ, ཨཔྤཏིཊྛིཏཾ ཏཏྠ ཝིཉྙཱཎཾ ཨཝིརཱུལ༹ྷཾ. ཡཏྠ ཨཔྤཏིཊྛིཏཾ ཝིཉྙཱཎཾ ཨཝིརཱུལ༹ྷཾ, ནཏྠི ཏཏྠ ནཱམརཱུཔསྶ ཨཝཀྐནྟི ¶ . ཡཏྠ ནཏྠི ནཱམརཱུཔསྶ ཨཝཀྐནྟི, ནཏྠི ཏཏྠ སངྑཱརཱནཾ ཝུདྡྷི. ཡཏྠ ནཏྠི སངྑཱརཱནཾ ཝུདྡྷི, ནཏྠི ཏཏྠ ཨཱཡཏིཾ པུནབྦྷཝཱབྷིནིབྦཏྟི. ཡཏྠ ནཏྠི ཨཱཡཏིཾ པུནབྦྷཝཱབྷིནིབྦཏྟི, ནཏྠི ཏཏྠ ཨཱཡཏིཾ ཛཱཏིཛརཱམརཎཾ. ཡཏྠ ནཏྠི ཨཱཡཏིཾ ཛཱཏིཛརཱམརཎཾ, ཨསོཀཾ ཏཾ, བྷིཀྑཝེ, ཨདརཾ ཨནུཔཱཡཱསནྟི ཝདཱམི.

‘‘སེཡྻཐཱཔི, བྷིཀྑཝེ, ཀཱུཊཱགཱརཾ ཝཱ ཀཱུཊཱགཱརསཱལཾ ཝཱ ཨུཏྟརཱཡ ཝཱ དཀྑིཎཱཡ ཝཱ པཱཙཱིནཱཡ ཝཱ ཝཱཏཔཱནཱ སཱུརིཡེ ཨུགྒཙྪནྟེ ཝཱཏཔཱནེན རསྨི པཝིསིཏྭཱ ཀྭཱསྶ པཏིཊྛིཏཱ’’ [ཀཏྠ པཏིཊྛིཏཱ (ཀ.)] ཏི? ‘‘པཙྪིམཱཡཾ, བྷནྟེ, བྷིཏྟིཡ’’ནྟི. ‘‘པཙྪིམཱ ཙེ, བྷིཀྑཝེ, བྷིཏྟི ནཱསྶ ཀྭཱསྶ པཏིཊྛིཏཱ’’ཏི? ‘‘པཐཝིཡཾ, བྷནྟེ’’ཏི. ‘‘པཐཝཱི ཙེ, བྷིཀྑཝེ ¶ , ནཱསྶ ཀྭཱསྶ པཏིཊྛིཏཱ’’ཏི? ‘‘ཨཱཔསྨིཾ, བྷནྟེ’’ཏི. ‘‘ཨཱཔོ ཙེ, བྷིཀྑཝེ, ནཱསྶ ཀྭཱསྶ པཏིཊྛིཏཱ’’ཏི? ‘‘ཨཔྤཏིཊྛིཏཱ, བྷནྟེ’’ཏི. ‘‘ཨེཝམེཝ ཁོ, བྷིཀྑཝེ, ཀབལཱི༹ཀཱརེ ཙེ ཨཱཧཱརེ ནཏྠི རཱགོ ནཏྠི ནནྡཱི ནཏྠི ཏཎྷཱ…པེ….

‘‘ཕསྶེ ཙེ, བྷིཀྑཝེ, ཨཱཧཱརེ… མནོསཉྩེཏནཱཡ ཙེ, བྷིཀྑཝེ, ཨཱཧཱརེ… ཝིཉྙཱཎེ ཙེ, བྷིཀྑཝེ, ཨཱཧཱརེ ནཏྠི རཱགོ ནཏྠི ནནྡཱི ནཏྠི ཏཎྷཱ, ཨཔྤཏིཊྛིཏཾ ཏཏྠ ཝིཉྙཱཎཾ ཨཝིརཱུལ༹ྷཾ. ཡཏྠ ཨཔྤཏིཊྛིཏཾ ཝིཉྙཱཎཾ ཨཝིརཱུལ༹ྷཾ, ནཏྠི ཏཏྠ ནཱམརཱུཔསྶ ཨཝཀྐནྟི. ཡཏྠ ནཏྠི ནཱམརཱུཔསྶ ཨཝཀྐནྟི, ནཏྠི ཏཏྠ སངྑཱརཱནཾ ཝུདྡྷི. ཡཏྠ ནཏྠི སངྑཱརཱནཾ ¶ ཝུདྡྷི, ནཏྠི ཏཏྠ ཨཱཡཏིཾ པུནབྦྷཝཱབྷིནིབྦཏྟི ¶ . ཡཏྠ ནཏྠི ཨཱཡཏིཾ པུནབྦྷཝཱབྷིནིབྦཏྟི, ནཏྠི ཏཏྠ ཨཱཡཏིཾ ཛཱཏིཛརཱམརཎཾ. ཡཏྠ ནཏྠི ཨཱཡཏིཾ ཛཱཏིཛརཱམརཎཾ ཨསོཀཾ ཏཾ, བྷིཀྑཝེ, ཨདརཾ ཨནུཔཱཡཱསནྟི ཝདཱམཱི’’ཏི. ཙཏུཏྠཾ.

༥. ནགརསུཏྟཾ

༦༥. སཱཝཏྠིཡཾ ཝིཧརཏི…པེ… ‘‘པུབྦེ མེ, བྷིཀྑཝེ, སམྦོདྷཱ ཨནབྷིསམྦུདྡྷསྶ བོདྷིསཏྟསྶེཝ སཏོ ཨེཏདཧོསི – ‘ཀིཙྪཱ ཝཏཱཡཾ ལོཀོ ཨཱཔནྣོ ཛཱཡཏི ཙ ཛཱིཡཏི ཙ མཱིཡཏི ཙ ཙཝཏི ཙ ཨུཔཔཛྫཏི ཙ. ཨཐ ཙ པནིམསྶ དུཀྑསྶ ནིསྶརཎཾ ནཔྤཛཱནཱཏི ཛརཱམརཎསྶ. ཀུདཱསྶུ ནཱམ ཨིམསྶ དུཀྑསྶ ནིསྶརཎཾ པཉྙཱཡིསྶཏི ཛརཱམརཎསྶཱ’ཏི? ཏསྶ མཡ྄ཧཾ, བྷིཀྑཝེ, ཨེཏདཧོསི – ‘ཀིམྷི ནུ ཁོ སཏི ཛརཱམརཎཾ ཧོཏི, ཀིཾཔཙྩཡཱ ཛརཱམརཎ’ནྟི ¶ ? ཏསྶ མཡ྄ཧཾ, བྷིཀྑཝེ, ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ཛཱཏིཡཱ ཁོ སཏི ཛརཱམརཎཾ ཧོཏི, ཛཱཏིཔཙྩཡཱ ཛརཱམརཎ’’’ནྟི.

‘‘ཏསྶ མཡ྄ཧཾ, བྷིཀྑཝེ, ཨེཏདཧོསི – ‘ཀིམྷི ནུ ཁོ སཏི ཛཱཏི ཧོཏི…པེ… བྷཝོ ཧོཏི… ཨུཔཱདཱནཾ ཧོཏི… ཏཎྷཱ ཧོཏི… ཝེདནཱ ཧོཏི… ཕསྶོ ཧོཏི… སལཱ༹ཡཏནཾ ཧོཏི… ནཱམརཱུཔཾ ཧོཏི… ཀིཾཔཙྩཡཱ ནཱམརཱུཔ’ནྟི? ཏསྶ མཡ྄ཧཾ, བྷིཀྑཝེ, ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ཝིཉྙཱཎེ ཁོ སཏི ནཱམརཱུཔཾ ཧོཏི, ཝིཉྙཱཎཔཙྩཡཱ ནཱམརཱུཔ’ནྟི. ཏསྶ མཡ྄ཧཾ, བྷིཀྑཝེ, ཨེཏདཧོསི – ‘ཀིམྷི ནུ ཁོ སཏི ཝིཉྙཱཎཾ ཧོཏི, ཀིཾཔཙྩཡཱ ཝིཉྙཱཎ’ནྟི ¶ ? ཏསྶ མཡ྄ཧཾ, བྷིཀྑཝེ, ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ནཱམརཱུཔེ ཁོ སཏི ཝིཉྙཱཎཾ ཧོཏི, ནཱམརཱུཔཔཙྩཡཱ ཝིཉྙཱཎ’’’ནྟི.

‘‘ཏསྶ ¶ མཡ྄ཧཾ, བྷིཀྑཝེ, ཨེཏདཧོསི – པཙྩུདཱཝཏྟཏི ཁོ ཨིདཾ ཝིཉྙཱཎཾ ནཱམརཱུཔམྷཱ ན པརཾ གཙྪཏི. ཨེཏྟཱཝཏཱ ཛཱཡེཐ ཝཱ ཛཱིཡེཐ ཝཱ མཱིཡེཐ ཝཱ ཙཝེཐ ཝཱ ཨུཔཔཛྫེཐ ཝཱ, ཡདིདཾ ནཱམརཱུཔཔཙྩཡཱ ཝིཉྙཱཎཾ; ཝིཉྙཱཎཔཙྩཡཱ ནཱམརཱུཔཾ; ནཱམརཱུཔཔཙྩཡཱ སལཱ༹ཡཏནཾ; སལཱ༹ཡཏནཔཙྩཡཱ ཕསྶོ…པེ… ཨེཝམེཏསྶ ¶ ཀེཝལསྶ དུཀྑཀྑནྡྷསྶ སམུདཡོ ཧོཏི. ‘སམུདཡོ, སམུདཡོ’ཏི ཁོ མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི ཉཱཎཾ ཨུདཔཱདི པཉྙཱ ཨུདཔཱདི ཝིཛྫཱ ཨུདཔཱདི ཨཱལོཀོ ཨུདཔཱདི.

‘‘ཏསྶ མཡ྄ཧཾ, བྷིཀྑཝེ, ཨེཏདཧོསི – ‘ཀིམྷི ནུ ཁོ ཨསཏི, ཛརཱམརཎཾ ན ཧོཏི; ཀིསྶ ནིརོདྷཱ ཛརཱམརཎནིརོདྷོ’ཏི? ཏསྶ མཡ྄ཧཾ, བྷིཀྑཝེ, ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ཛཱཏིཡཱ ཁོ ཨསཏི, ཛརཱམརཎཾ ན ཧོཏི; ཛཱཏིནིརོདྷཱ ཛརཱམརཎནིརོདྷོ’ཏི. ཏསྶ མཡ྄ཧཾ, བྷིཀྑཝེ, ཨེཏདཧོསི – ‘ཀིམྷི ནུ ཁོ ཨསཏི ཛཱཏི ན ཧོཏི…པེ… བྷཝོ ན ཧོཏི… ཨུཔཱདཱནཾ ན ཧོཏི… ཏཎྷཱ ན ཧོཏི… ཝེདནཱ ན ཧོཏི… ཕསྶོ ན ཧོཏི… སལཱ༹ཡཏནཾ ན ཧོཏི… ནཱམརཱུཔཾ ན ཧོཏི. ཀིསྶ ནིརོདྷཱ ནཱམརཱུཔནིརོདྷོ’ཏི? ཏསྶ མཡ྄ཧཾ, བྷིཀྑཝེ, ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ ¶ – ‘ཝིཉྙཱཎེ ཁོ ཨསཏི, ནཱམརཱུཔཾ ན ཧོཏི; ཝིཉྙཱཎནིརོདྷཱ ནཱམརཱུཔནིརོདྷོ’’’ཏི ¶ .

‘‘ཏསྶ མཡ྄ཧཾ, བྷིཀྑཝེ, ཨེཏདཧོསི – ‘ཀིམྷི ནུ ཁོ ཨསཏི ཝིཉྙཱཎཾ ན ཧོཏི; ཀིསྶ ནིརོདྷཱ ཝིཉྙཱཎནིརོདྷོ’ཏི? ཏསྶ མཡ྄ཧཾ, བྷིཀྑཝེ, ཡོནིསོ མནསིཀཱརཱ ཨཧུ པཉྙཱཡ ཨབྷིསམཡོ – ‘ནཱམརཱུཔེ ཁོ ཨསཏི, ཝིཉྙཱཎཾ ན ཧོཏི; ནཱམརཱུཔནིརོདྷཱ ཝིཉྙཱཎནིརོདྷོ’’’ཏི.

‘‘ཏསྶ མཡ྄ཧཾ, བྷིཀྑཝེ, ཨེཏདཧོསི – ཨདྷིགཏོ ཁོ མྱཱཡཾ མགྒོ བོདྷཱཡ ཡདིདཾ – ནཱམརཱུཔནིརོདྷཱ ཝིཉྙཱཎནིརོདྷོ; ཝིཉྙཱཎནིརོདྷཱ ནཱམརཱུཔནིརོདྷོ; ནཱམརཱུཔནིརོདྷཱ སལཱ༹ཡཏནནིརོདྷོ; སལཱ༹ཡཏནནིརོདྷཱ ཕསྶནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏི. ‘ནིརོདྷོ, ནིརོདྷོ’ཏི ཁོ མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི ཉཱཎཾ ཨུདཔཱདི པཉྙཱ ཨུདཔཱདི ཝིཛྫཱ ཨུདཔཱདི ཨཱལོཀོ ཨུདཔཱདི.

‘‘སེཡྻཐཱཔི, བྷིཀྑཝེ, པུརིསོ ཨརཉྙེ པཝནེ ཙརམཱནོ པསྶེཡྻ པུརཱཎཾ མགྒཾ པུརཱཎཉྫསཾ པུབྦཀེཧི མནུསྶེཧི ཨནུཡཱཏཾ. སོ ཏམནུགཙྪེཡྻ ¶ . ཏམནུགཙྪནྟོ པསྶེཡྻ པུརཱཎཾ ནགརཾ པུརཱཎཾ རཱཛདྷཱནིཾ པུབྦཀེཧི ¶ མནུསྶེཧི ཨཛ྄ཛྷཱཝུཊྛཾ [ཨཛ྄ཛྷཱཝུཏྠཾ (སཱི. སྱཱ. ཀཾ. པཱི.)] ཨཱརཱམསམྤནྣཾ ཝནསམྤནྣཾ པོཀྑརཎཱིསམྤནྣཾ ཨུདྡྷཱཔཝནྟཾ [ཨུདྡཱཔཝནྟཾ (སཱི. སྱཱ. ཀཾ. པཱི.)] རམཎཱིཡཾ. ཨཐ ཁོ སོ, བྷིཀྑཝེ, པུརིསོ རཉྙོ ཝཱ རཱཛམཧཱམཏྟསྶ ཝཱ ཨཱརོཙེཡྻ – ‘ཡགྒྷེ, བྷནྟེ, ཛཱནེཡྻཱསི – ཨཧཾ ཨདྡསཾ ཨརཉྙེ པཝནེ ཙརམཱནོ པུརཱཎཾ མགྒཾ པུརཱཎཉྫསཾ པུབྦཀེཧི མནུསྶེཧི ཨནུཡཱཏཾ ཏམནུགཙྪིཾ. ཏམནུགཙྪནྟོ ཨདྡསཾ པུརཱཎཾ ནགརཾ པུརཱཎཾ རཱཛདྷཱནིཾ པུབྦཀེཧི མནུསྶེཧི ཨཛ྄ཛྷཱཝུཊྛཾ ¶ ཨཱརཱམསམྤནྣཾ ཝནསམྤནྣཾ པོཀྑརཎཱིསམྤནྣཾ ཨུདྡྷཱཔཝནྟཾ རམཎཱིཡཾ. ཏཾ, བྷནྟེ, ནགརཾ མཱཔེཧཱི’ཏི. ཨཐ ཁོ སོ, བྷིཀྑཝེ, རཱཛཱ ཝཱ རཱཛམཧཱམཏྟོ ཝཱ ཏཾ ནགརཾ མཱཔེཡྻ. ཏདསྶ ནགརཾ ཨཔརེན སམཡེན ཨིདྡྷཉྩེཝ ཕཱིཏཉྩ བཱཧུཛཉྙཾ ཨཱཀིཎྞམནུསྶཾ ཝུདྡྷིཝེཔུལླཔྤཏྟཾ. ཨེཝམེཝ ཁྭཱཧཾ, བྷིཀྑཝེ, ཨདྡསཾ པུརཱཎཾ མགྒཾ པུརཱཎཉྫསཾ པུབྦཀེཧི སམྨཱསམྦུདྡྷེཧི ཨནུཡཱཏཾ.

‘‘ཀཏམོ ཙ སོ, བྷིཀྑཝེ, པུརཱཎམགྒོ པུརཱཎཉྫསོ པུབྦཀེཧི སམྨཱསམྦུདྡྷེཧི ཨནུཡཱཏོ ¶ ? ཨཡམེཝ ཨརིཡོ ཨཊྛངྒིཀོ མགྒོ, སེཡྻཐིདཾ – སམྨཱདིཊྛི…པེ… སམྨཱསམཱདྷི. ཨཡཾ ཁོ སོ, བྷིཀྑཝེ, པུརཱཎམགྒོ པུརཱཎཉྫསོ པུབྦཀེཧི སམྨཱསམྦུདྡྷེཧི ཨནུཡཱཏོ, ཏམནུགཙྪིཾ; ཏམནུགཙྪནྟོ ཛརཱམརཎཾ ཨབྦྷཉྙཱསིཾ; ཛརཱམརཎསམུདཡཾ ཨབྦྷཉྙཱསིཾ; ཛརཱམརཎནིརོདྷཾ ཨབྦྷཉྙཱསིཾ; ཛརཱམརཎནིརོདྷགཱམིནིཾ པཊིཔདཾ ཨབྦྷཉྙཱསིཾ. ཏམནུགཙྪིཾ; ཏམནུགཙྪནྟོ ཛཱཏིཾ ཨབྦྷཉྙཱསིཾ…པེ… བྷཝཾ ཨབྦྷཉྙཱསིཾ… ཨུཔཱདཱནཾ ཨབྦྷཉྙཱསིཾ… ཏཎྷཾ ཨབྦྷཉྙཱསིཾ… ཝེདནཾ ཨབྦྷཉྙཱསིཾ… ཕསྶཾ ཨབྦྷཉྙཱསིཾ… སལཱ༹ཡཏནཾ ཨབྦྷཉྙཱསིཾ… ནཱམརཱུཔཾ ཨབྦྷཉྙཱསིཾ… ཝིཉྙཱཎཾ ཨབྦྷཉྙཱསིཾ. ཏམནུགཙྪིཾ; ཏམནུགཙྪནྟོ སངྑཱརེ ཨབྦྷཉྙཱསིཾ; སངྑཱརསམུདཡཾ ཨབྦྷཉྙཱསིཾ; སངྑཱརནིརོདྷཾ ཨབྦྷཉྙཱསིཾ; སངྑཱརནིརོདྷགཱམིནིཾ པཊིཔདཾ ཨབྦྷཉྙཱསིཾ. ཏདབྷིཉྙཱ ¶ ཨཱཙིཀྑིཾ བྷིཀྑཱུནཾ བྷིཀྑུནཱིནཾ ཨུཔཱསཀཱནཾ ཨུཔཱསིཀཱནཾ. ཏཡིདཾ, བྷིཀྑཝེ ¶ , བྲཧྨཙརིཡཾ ཨིདྡྷཉྩེཝ ཕཱིཏཉྩ ཝིཏྠཱརིཀཾ བཱཧུཛཉྙཾ པུཐུབྷཱུཏཾ ཡཱཝ དེཝམནུསྶེཧི སུཔྤཀཱསིཏ’’ནྟི. པཉྩམཾ.

༦. སམྨསསུཏྟཾ

༦༦. ཨེཝཾ མེ སུཏཾ – ཨེཀཾ སམཡཾ བྷགཝཱ ཀུརཱུསུ ཝིཧརཏི ཀམྨཱསདྷམྨཾ ནཱམ ཀུརཱུནཾ ནིགམོ. ཏཏྲ ཁོ བྷགཝཱ བྷིཀྑཱུ ཨཱམནྟེསི – ‘‘བྷིཀྑཝོ’’ཏི. ‘‘བྷདནྟེ’’ཏི ¶ ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ – ‘‘སམྨསཐ ནོ ཏུམྷེ, བྷིཀྑཝེ, ཨནྟརཾ སམྨས’’ནྟི [ཨནྟརཱ སམྨསནནྟི (སཱི.)]. ཨེཝཾ ཝུཏྟེ, ཨཉྙཏརོ བྷིཀྑུ བྷགཝནྟཾ ཨེཏདཝོཙ – ‘‘ཨཧཾ ཁོ, བྷནྟེ, སམྨསཱམི ཨནྟརཾ སམྨས’’ནྟི. ‘‘ཡཐཱ ཀཐཾ པན ཏྭཾ, བྷིཀྑུ, སམྨསསི ཨནྟརཾ སམྨས’’ནྟི? ཨཐ ཁོ སོ བྷིཀྑུ བྱཱཀཱསི. ཡཐཱ སོ བྷིཀྑུ བྱཱཀཱསི ན སོ བྷིཀྑུ བྷགཝཏོ ཙིཏྟཾ ཨཱརཱདྷེསི.

ཨེཝཾ ཝུཏྟེ, ཨཱཡསྨཱ ཨཱནནྡོ བྷགཝནྟཾ ཨེཏདཝོཙ – ‘‘ཨེཏསྶ, བྷགཝཱ, ཀཱལོ; ཨེཏསྶ, སུགཏ, ཀཱལོ; ཡཾ བྷགཝཱ ཨནྟརཾ སམྨསཾ བྷཱསེཡྻ. བྷགཝཏོ སུཏྭཱ བྷིཀྑཱུ དྷཱརེསྶནྟཱི’’ཏི. ‘‘ཏེནཧཱནནྡ, སུཎཱཐ, སཱདྷུཀཾ མནསི ཀརོཐ; བྷཱསིསྶཱམཱི’’ཏི. ‘‘ཨེཝཾ, བྷནྟེ’’ཏི ཁོ ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཨིདྷ ¶ , བྷིཀྑཝེ, བྷིཀྑུ སམྨསམཱནོ སམྨསཏི ཨནྟརཾ སམྨསཾ [སམྨསནཾ (སཱི.)] – ‘ཡཾ ཁོ ཨིདཾ ཨནེཀཝིདྷཾ ནཱནཔྤཀཱརཀཾ དུཀྑཾ ལོཀེ ཨུཔྤཛྫཏི ཛརཱམརཎཾ. ཨིདཾ ཁོ དུཀྑཾ ཀིཾནིདཱནཾ ཀིཾསམུདཡཾ ཀིཾཛཱཏིཀཾ ¶ ཀིཾཔབྷཝཾ, ཀིསྨིཾ སཏི ཛརཱམརཎཾ ཧོཏི, ཀིསྨིཾ ཨསཏི ཛརཱམརཎཾ ན ཧོཏཱི’ཏི? སོ སམྨསམཱནོ ཨེཝཾ ཛཱནཱཏི – ‘ཡཾ ཁོ ཨིདཾ ཨནེཀཝིདྷཾ ནཱནཔྤཀཱརཀཾ དུཀྑཾ ¶ ལོཀེ ཨུཔྤཛྫཏི ཛརཱམརཎཾ. ཨིདཾ ཁོ དུཀྑཾ ཨུཔདྷིནིདཱནཾ ཨུཔདྷིསམུདཡཾ ཨུཔདྷིཛཱཏིཀཾ ཨུཔདྷིཔབྷཝཾ, ཨུཔདྷིསྨིཾ སཏི ཛརཱམརཎཾ ཧོཏི, ཨུཔདྷིསྨིཾ ཨསཏི ཛརཱམརཎཾ ན ཧོཏཱི’ཏི. སོ ཛརཱམརཎཉྩ པཛཱནཱཏི ཛརཱམརཎསམུདཡཉྩ པཛཱནཱཏི ཛརཱམརཎནིརོདྷཉྩ པཛཱནཱཏི ཡཱ ཙ ཛརཱམརཎནིརོདྷསཱརུཔྤགཱམིནཱི པཊིཔདཱ ཏཉྩ པཛཱནཱཏི. ཏཐཱཔཊིཔནྣོ ཙ ཧོཏི ཨནུདྷམྨཙཱརཱི. ཨཡཾ ཝུཙྩཏི, བྷིཀྑཝེ, བྷིཀྑུ སབྦསོ སམྨཱ དུཀྑཀྑཡཱཡ པཊིཔནྣོ ཛརཱམརཎནིརོདྷཱཡ.

‘‘ཨཐཱཔརཾ སམྨསམཱནོ སམྨསཏི ཨནྟརཾ སམྨསཾ – ‘ཨུཔདྷི པནཱཡཾ ཀིཾནིདཱནོ ཀིཾསམུདཡོ ཀིཾཛཱཏིཀོ ཀིཾཔབྷཝོ, ཀིསྨིཾ སཏི ཨུཔདྷི ཧོཏི, ཀིསྨིཾ ཨསཏི ཨུཔདྷི ན ཧོཏཱི’ཏི? སོ སམྨསམཱནོ ཨེཝཾ ཛཱནཱཏི – ‘ཨུཔདྷི ཏཎྷཱནིདཱནོ ཏཎྷཱསམུདཡོ ཏཎྷཱཛཱཏིཀོ ཏཎྷཱཔབྷཝོ, ཏཎྷཱཡ སཏི ཨུཔདྷི ཧོཏི, ཏཎྷཱཡ ཨསཏི ཨུཔདྷི ན ཧོཏཱི’ཏི. སོ ཨུཔདྷིཉྩ པཛཱནཱཏི ཨུཔདྷིསམུདཡཉྩ པཛཱནཱཏི ཨུཔདྷིནིརོདྷཉྩ ¶ པཛཱནཱཏི ཡཱ ཙ ཨུཔདྷིནིརོདྷསཱརུཔྤགཱམིནཱི པཊིཔདཱ ཏཉྩ པཛཱནཱཏི. ཏཐཱ པཊིཔནྣོ ཙ ཧོཏི ཨནུདྷམྨཙཱརཱི. ཨཡཾ ཝུཙྩཏི, བྷིཀྑཝེ, བྷིཀྑུ སབྦསོ སམྨཱ དུཀྑཀྑཡཱཡ པཊིཔནྣོ ཨུཔདྷིནིརོདྷཱཡ.

‘‘ཨཐཱཔརཾ སམྨསམཱནོ སམྨསཏི ཨནྟརཾ སམྨསཾ – ‘ཏཎྷཱ པནཱཡཾ ཀཏྠ ཨུཔྤཛྫམཱནཱ ཨུཔྤཛྫཏི, ཀཏྠ ནིཝིསམཱནཱ ནིཝིསཏཱི’ཏི? སོ སམྨསམཱནོ ཨེཝཾ ཛཱནཱཏི – ཡཾ ཁོ ལོཀེ པིཡརཱུཔཾ སཱཏརཱུཔཾ ཨེཏྠེསཱ ཏཎྷཱ ཨུཔྤཛྫམཱནཱ ཨུཔྤཛྫཏི, ཨེཏྠ ནིཝིསམཱནཱ ནིཝིསཏི ¶ . ཀིཉྩ ལོཀེ པིཡརཱུཔཾ སཱཏརཱུཔཾ? ཙཀྑུཾ ལོཀེ པིཡརཱུཔཾ, སཱཏརཱུཔཾ. ཨེཏྠེསཱ ཏཎྷཱ ཨུཔྤཛྫམཱནཱ ཨུཔྤཛྫཏི, ཨེཏྠ ནིཝིསམཱནཱ ནིཝིསཏི. སོཏཾ ལོཀེ པིཡརཱུཔཾ སཱཏརཱུཔཾ…པེ… གྷཱནཾ ¶ ལོཀེ པིཡརཱུཔཾ སཱཏརཱུཔཾ… ཛིཝ྄ཧཱ ལོཀེ པིཡརཱུཔཾ སཱཏརཱུཔཾ… ཀཱཡོ ལོཀེ པིཡརཱུཔཾ སཱཏརཱུཔཾ… མནོ ལོཀེ པིཡརཱུཔཾ སཱཏརཱུཔཾ ཨེཏྠེསཱ ཏཎྷཱ ཨུཔྤཛྫམཱནཱ ཨུཔྤཛྫཏི ཨེཏྠ ནིཝིསམཱནཱ ནིཝིསཏི.

‘‘ཡེ ¶ ཧི ཀེཙི, བྷིཀྑཝེ, ཨཏཱིཏམདྡྷཱནཾ སམཎཱ ཝཱ བྲཱཧྨཎཱ ཝཱ ཡཾ ལོཀེ པིཡརཱུཔཾ སཱཏརཱུཔཾ ཏཾ ནིཙྩཏོ ཨདྡཀྑུཾ སུཁཏོ ཨདྡཀྑུཾ ཨཏྟཏོ ཨདྡཀྑུཾ ཨཱརོགྱཏོ ཨདྡཀྑུཾ ཁེམཏོ ཨདྡཀྑུཾ. ཏེ ཏཎྷཾ ཝཌྜྷེསུཾ. ཡེ ཏཎྷཾ ཝཌྜྷེསུཾ ཏེ ཨུཔདྷིཾ ཝཌྜྷེསུཾ. ཡེ ཨུཔདྷིཾ ཝཌྜྷེསུཾ ཏེ དུཀྑཾ ཝཌྜྷེསུཾ. ཡེ དུཀྑཾ ཝཌྜྷེསུཾ ཏེ ན པརིམུཙྩིཾསུ ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི, ན པརིམུཙྩིཾསུ དུཀྑསྨཱཏི ཝདཱམི.

‘‘ཡེཔི ཧི ཀེཙི, བྷིཀྑཝེ, ཨནཱགཏམདྡྷཱནཾ སམཎཱ ཝཱ བྲཱཧྨཎཱ ཝཱ ཡཾ ལོཀེ པིཡརཱུཔཾ སཱཏརཱུཔཾ ཏཾ ནིཙྩཏོ དཀྑིསྶནྟི [དཀྑིནྟི (སཱི.)] སུཁཏོ དཀྑིསྶནྟི ཨཏྟཏོ དཀྑིསྶནྟི ཨཱརོགྱཏོ དཀྑིསྶནྟི ཁེམཏོ དཀྑིསྶནྟི. ཏེ ཏཎྷཾ ཝཌྜྷིསྶནྟི. ཡེ ཏཎྷཾ ཝཌྜྷིསྶནྟི ཏེ ཨུཔདྷིཾ ཝཌྜྷིསྶནྟི. ཡེ ཨུཔདྷིཾ ཝཌྜྷིསྶནྟི ཏེ དུཀྑཾ ཝཌྜྷིསྶནྟི. ཡེ དུཀྑཾ ཝཌྜྷིསྶནྟི ཏེ ན པརིམུཙྩིསྶནྟི ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི, ན པརིམུཙྩིསྶནྟི དུཀྑསྨཱཏི ཝདཱམི.

‘‘ཡེཔི ཧི ཀེཙི, བྷིཀྑཝེ, ཨེཏརཧི སམཎཱ ¶ ཝཱ བྲཱཧྨཎཱ ཝཱ ཡཾ ལོཀེ པིཡརཱུཔཾ སཱཏརཱུཔཾ ཏཾ ནིཙྩཏོ པསྶནྟི སུཁཏོ པསྶནྟི ཨཏྟཏོ པསྶནྟི ཨཱརོགྱཏོ པསྶནྟི ཁེམཏོ པསྶནྟི. ཏེ ཏཎྷཾ ཝཌྜྷེནྟི ¶ . ཡེ ཏཎྷཾ ཝཌྜྷེནྟི ཏེ ཨུཔདྷིཾ ཝཌྜྷེནྟི. ཡེ ཨུཔདྷིཾ ཝཌྜྷེནྟི ཏེ དུཀྑཾ ཝཌྜྷེནྟི. ཡེ དུཀྑཾ ཝཌྜྷེནྟི ཏེ ན པརིམུཙྩནྟི ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི, ན པརིམུཙྩནྟི དུཀྑསྨཱཏི ཝདཱམི.

‘‘སེཡྻཐཱཔི ¶ , བྷིཀྑཝེ, ཨཱཔཱནཱིཡཀཾསོ ཝཎྞསམྤནྣོ གནྡྷསམྤནྣོ རསསམྤནྣོ. སོ ཙ ཁོ ཝིསེན སཾསཊྛོ. ཨཐ པུརིསོ ཨཱགཙྪེཡྻ གྷམྨཱབྷིཏཏྟོ གྷམྨཔརེཏོ ཀིལནྟོ ཏསིཏོ པིཔཱསིཏོ. ཏམེནཾ ཨེཝཾ ཝདེཡྻུཾ – ‘ཨཡཾ ཏེ, ཨམྦྷོ པུརིས, ཨཱཔཱནཱིཡཀཾསོ ཝཎྞསམྤནྣོ གནྡྷསམྤནྣོ རསསམྤནྣོ; སོ ཙ ཁོ ཝིསེན སཾསཊྛོ. སཙེ ཨཱཀངྑསི པིཝ. པིཝཏོ ཧི ཁོ ཏཾ ཚཱདེསྶཏི ཝཎྞེནཔི གནྡྷེནཔི རསེནཔི, པིཝིཏྭཱ ཙ པན ཏཏོནིདཱནཾ མརཎཾ ཝཱ ནིགཙྪསི མརཎམཏྟཾ ཝཱ དུཀྑ’ནྟི. སོ ཏཾ ཨཱཔཱནཱིཡཀཾསཾ སཧསཱ ཨཔྤཊིསངྑཱ པིཝེཡྻ, ནཔྤཊིནིསྶཛྫེཡྻ. སོ ཏཏོནིདཱནཾ མརཎཾ ཝཱ ནིགཙྪེཡྻ མརཎམཏྟཾ ཝཱ དུཀྑཾ. ཨེཝམེཝ ཁོ, བྷིཀྑཝེ, ཡེ ཧི ཀེཙི ཨཏཱིཏམདྡྷཱནཾ སམཎཱ ཝཱ བྲཱཧྨཎཱ ཝཱ ཡཾ ལོཀེ པིཡརཱུཔཾ…པེ… ཨནཱགཏམདྡྷཱནཾ…པེ… ཨེཏརཧི སམཎཱ ཝཱ བྲཱཧྨཎཱ ཝཱ ཡཾ ལོཀེ པིཡརཱུཔཾ ¶ སཱཏརཱུཔཾ ཏཾ ནིཙྩཏོ པསྶནྟི སུཁཏོ ¶ པསྶནྟི ཨཏྟཏོ པསྶནྟི ཨཱརོགྱཏོ པསྶནྟི ཁེམཏོ པསྶནྟི, ཏེ ཏཎྷཾ ཝཌྜྷེནྟི. ཡེ ཏཎྷཾ ཝཌྜྷེནྟི ཏེ ཨུཔདྷིཾ ཝཌྜྷེནྟི. ཡེ ཨུཔདྷིཾ ཝཌྜྷེནྟི ཏེ དུཀྑཾ ཝཌྜྷེནྟི. ཡེ དུཀྑཾ ཝཌྜྷེནྟི ཏེ ན པརིམུཙྩནྟི ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི, ན པརིམུཙྩནྟི དུཀྑསྨཱཏི ཝདཱམི.

‘‘ཡེ ཙ ཁོ ཀེཙི, བྷིཀྑཝེ, ཨཏཱིཏམདྡྷཱནཾ སམཎཱ ཝཱ བྲཱཧྨཎཱ ཝཱ ཡཾ ལོཀེ པིཡརཱུཔཾ སཱཏརཱུཔཾ ཏཾ ཨནིཙྩཏོ ཨདྡཀྑུཾ དུཀྑཏོ ཨདྡཀྑུཾ ཨནཏྟཏོ ཨདྡཀྑུཾ རོགཏོ ཨདྡཀྑུཾ བྷཡཏོ ཨདྡཀྑུཾ, ཏེ ཏཎྷཾ པཛཧིཾསུ. ཡེ ཏཎྷཾ པཛཧིཾསུ ཏེ ཨུཔདྷིཾ པཛཧིཾསུ. ཡེ ཨུཔདྷིཾ པཛཧིཾསུ ཏེ དུཀྑཾ པཛཧིཾསུ. ཡེ དུཀྑཾ པཛཧིཾསུ ཏེ པརིམུཙྩིཾསུ ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི, པརིམུཙྩིཾསུ དུཀྑསྨཱཏི ཝདཱམི.

‘‘ཡེཔི ཧི ཀེཙི, བྷིཀྑཝེ, ཨནཱགཏམདྡྷཱནཾ སམཎཱ ཝཱ ¶ བྲཱཧྨཎཱ ཝཱ ཡཾ ལོཀེ པིཡརཱུཔཾ སཱཏརཱུཔཾ ཏཾ ཨནིཙྩཏོ དཀྑིསྶནྟི དུཀྑཏོ དཀྑིསྶནྟི ཨནཏྟཏོ ¶ དཀྑིསྶནྟི རོགཏོ དཀྑིསྶནྟི བྷཡཏོ དཀྑིསྶནྟི, ཏེ ཏཎྷཾ པཛཧིསྶནྟི. ཡེ ཏཎྷཾ པཛཧིསྶནྟི…པེ… པརིམུཙྩིསྶནྟི དུཀྑསྨཱཏི ཝདཱམི.

‘‘ཡེཔི ཧི ཀེཙི, བྷིཀྑཝེ, ཨེཏརཧི སམཎཱ ཝཱ བྲཱཧྨཎཱ ཝཱ ཡཾ ལོཀེ པིཡརཱུཔཾ སཱཏརཱུཔཾ ཏཾ ཨནིཙྩཏོ པསྶནྟི དུཀྑཏོ པསྶནྟི ཨནཏྟཏོ པསྶནྟི རོགཏོ པསྶནྟི བྷཡཏོ ¶ པསྶནྟི, ཏེ ཏཎྷཾ པཛཧནྟི. ཡེ ཏཎྷཾ པཛཧནྟི ཏེ ཨུཔདྷིཾ པཛཧནྟི. ཡེ ཨུཔདྷིཾ པཛཧནྟི ཏེ དུཀྑཾ པཛཧནྟི. ཡེ དུཀྑཾ པཛཧནྟི ཏེ པརིམུཙྩནྟི ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི, པརིམུཙྩནྟི དུཀྑསྨཱཏི ཝདཱམི.

‘‘སེཡྻཐཱཔི, བྷིཀྑཝེ, ཨཱཔཱནཱིཡཀཾསོ ཝཎྞསམྤནྣོ གནྡྷསམྤནྣོ རསསམྤནྣོ. སོ ཙ ཁོ ཝིསེན སཾསཊྛོ. ཨཐ པུརིསོ ཨཱགཙྪེཡྻ གྷམྨཱབྷིཏཏྟོ གྷམྨཔརེཏོ ཀིལནྟོ ཏསིཏོ པིཔཱསིཏོ. ཏམེནཾ ཨེཝཾ ཝདེཡྻུཾ – ‘ཨཡཾ ཏེ, ཨམྦྷོ པུརིས, ཨཱཔཱནཱིཡཀཾསོ ཝཎྞསམྤནྣོ གནྡྷསམྤནྣོ རསསམྤནྣོ སོ ཙ ཁོ ཝིསེན སཾསཊྛོ. སཙེ ཨཱཀངྑསི པིཝ. པིཝཏོ ཧི ཁོ ཏཾ ཚཱདེསྶཏི ཝཎྞེནཔི གནྡྷེནཔི རསེནཔི; པིཝིཏྭཱ ཙ པན ཏཏོནིདཱནཾ མརཎཾ ཝཱ ནིགཙྪསི ¶ མརཎམཏྟཾ ཝཱ དུཀྑ’ནྟི. ཨཐ ཁོ, བྷིཀྑཝེ, ཏསྶ པུརིསསྶ ཨེཝམསྶ – ‘སཀྐཱ ཁོ མེ ཨཡཾ སུརཱཔིཔཱསིཏཱ [སུརཱཔིཔཱསཱ (?)] པཱནཱིཡེན ཝཱ ཝིནེཏུཾ དདྷིམཎྜཀེན ཝཱ ཝིནེཏུཾ བྷཊྛལོཎིཀཱཡ [མཊྛལོཎིཀཱཡ (སཱི. སྱཱ. ཀཾ. པཱི.)] ཝཱ ཝིནེཏུཾ ལོཎསོཝཱིརཀེན ཝཱ ཝིནེཏུཾ, ན ཏྭེཝཱཧཾ ཏཾ པིཝེཡྻཾ, ཡཾ མམ ཨསྶ དཱིགྷརཏྟཾ ཧིཏཱཡ སུཁཱཡཱ’ཏི. སོ ཏཾ ཨཱཔཱནཱིཡཀཾསཾ པཊིསངྑཱ ན པིཝེཡྻ, པཊིནིསྶཛྫེཡྻ ¶ . སོ ཏཏོནིདཱནཾ ན མརཎཾ ཝཱ ནིགཙྪེཡྻ མརཎམཏྟཾ ཝཱ དུཀྑཾ. ཨེཝམེཝ ཁོ, བྷིཀྑཝེ, ཡེ ཧི ཀེཙི ཨཏཱིཏམདྡྷཱནཾ སམཎཱ ཝཱ བྲཱཧྨཎཱ ཝཱ ཡཾ ལོཀེ པིཡརཱུཔཾ སཱཏརཱུཔཾ ཏཾ ¶ ཨནིཙྩཏོ ཨདྡཀྑུཾ དུཀྑཏོ ཨདྡཀྑུཾ ཨནཏྟཏོ ཨདྡཀྑུཾ རོགཏོ ཨདྡཀྑུཾ བྷཡཏོ ཨདྡཀྑུཾ, ཏེ ཏཎྷཾ པཛཧིཾསུ. ཡེ ཏཎྷཾ པཛཧིཾསུ ཏེ ཨུཔདྷིཾ པཛཧིཾསུ. ཡེ ཨུཔདྷིཾ པཛཧིཾསུ ཏེ དུཀྑཾ པཛཧིཾསུ. ཡེ དུཀྑཾ པཛཧིཾསུ ཏེ པརིམུཙྩིཾསུ ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི, པརིམུཙྩིཾསུ དུཀྑསྨཱཏི ཝདཱམི.

‘‘ཡེཔི ¶ ཧི ཀེཙི, བྷིཀྑཝེ, ཨནཱགཏམདྡྷཱནཾ…པེ… ཨེཏརཧི སམཎཱ ཝཱ བྲཱཧྨཎཱ ཝཱ ཡཾ ལོཀེ པིཡརཱུཔཾ སཱཏརཱུཔཾ ཏཾ ཨནིཙྩཏོ པསྶནྟི དུཀྑཏོ པསྶནྟི ཨནཏྟཏོ པསྶནྟི རོགཏོ པསྶནྟི བྷཡཏོ པསྶནྟི, ཏེ ཏཎྷཾ པཛཧནྟི. ཡེ ཏཎྷཾ པཛཧནྟི ཏེ ཨུཔདྷིཾ པཛཧནྟི. ཡེ ཨུཔདྷིཾ པཛཧནྟི ཏེ དུཀྑཾ པཛཧནྟི. ཡེ དུཀྑཾ པཛཧནྟི ཏེ པརིམུཙྩནྟི ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི, པརིམུཙྩནྟི དུཀྑསྨཱཏི ཝདཱམཱི’’ཏི. ཚཊྛཾ.

༧. ནལ༹ཀལཱཔཱིསུཏྟཾ

༦༧. ཨེཀཾ སམཡཾ ཨཱཡསྨཱ ཙ སཱརིཔུཏྟོ ཨཱཡསྨཱ ཙ མཧཱཀོཊྛིཀོ [མཧཱཀོཊྛིཏོ (སཱི. སྱཱ. ཀཾ. པཱི.)] བཱརཱཎསིཡཾ ཝིཧརནྟི ཨིསིཔཏནེ མིགདཱཡེ. ཨཐ ཁོ ཨཱཡསྨཱ མཧཱཀོཊྛིཀོ སཱཡནྷསམཡཾ པཊིསལླཱནཱ ཝུཊྛིཏོ ཡེནཱཡསྨཱ སཱརིཔུཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨཏཱ སཱརིཔུཏྟེན སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ མཧཱཀོཊྛིཀོ ཨཱཡསྨནྟཾ ¶ སཱརིཔུཏྟཾ ཨེཏདཝོཙ – ‘‘ཀིཾ ནུ ཁོ, ཨཱཝུསོ སཱརིཔུཏྟ, སཡཾཀཏཾ ཛརཱམརཎཾ, པརཾཀཏཾ ཛརཱམརཎཾ, སཡཾཀཏཉྩ ¶ པརཾཀཏཉྩ ཛརཱམརཎཾ, ཨུདཱཧུ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ ཛརཱམརཎ’’ནྟི? ‘‘ན ཁོ, ཨཱཝུསོ ཀོཊྛིཀ, སཡཾཀཏཾ ¶ ཛརཱམརཎཾ, ན པརཾཀཏཾ ཛརཱམརཎཾ, ན སཡཾཀཏཉྩ པརཾཀཏཉྩ ཛརཱམརཎཾ, ནཱཔི ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ ཛརཱམརཎཾ. ཨཔི ཙ, ཛཱཏིཔཙྩཡཱ ཛརཱམརཎ’’ནྟི.

‘‘ཀིཾ ནུ ཁོ, ཨཱཝུསོ སཱརིཔུཏྟ, སཡཾཀཏཱ ཛཱཏི, པརཾཀཏཱ ཛཱཏི, སཡཾཀཏཱ ཙ པརཾཀཏཱ ཙ ཛཱཏི, ཨུདཱཧུ ཨསཡཾཀཱརཱ ཨཔརཾཀཱརཱ ཨདྷིཙྩསམུཔྤནྣཱ ཛཱཏཱི’’ཏི? ‘‘ན ཁོ, ཨཱཝུསོ ཀོཊྛིཀ, སཡཾཀཏཱ ཛཱཏི, ན པརཾཀཏཱ ཛཱཏི, ན སཡཾཀཏཱ ཙ པརཾཀཏཱ ཙ ཛཱཏི, ནཱཔི ཨསཡཾཀཱརཱ ཨཔརཾཀཱརཱ ཨདྷིཙྩསམུཔྤནྣཱ ཛཱཏི. ཨཔི ཙ, བྷཝཔཙྩཡཱ ཛཱཏཱི’’ཏི.

‘‘ཀིཾ ནུ ཁོ, ཨཱཝུསོ སཱརིཔུཏྟ, སཡཾཀཏོ བྷཝོ…པེ… སཡཾཀཏཾ ཨུཔཱདཱནཾ… སཡཾཀཏཱ ཏཎྷཱ… སཡཾཀཏཱ ཝེདནཱ… སཡཾཀཏོ ཕསྶོ… སཡཾཀཏཾ སལཱ༹ཡཏནཾ… སཡཾཀཏཾ ནཱམརཱུཔཾ, པརཾཀཏཾ ནཱམརཱུཔཾ, སཡཾཀཏཉྩ པརཾཀཏཉྩ ནཱམརཱུཔཾ, ཨུདཱཧུ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ ནཱམརཱུཔ’’ནྟི ¶ ? ‘‘ན ཁོ, ཨཱཝུསོ ཀོཊྛིཀ, སཡཾཀཏཾ ནཱམརཱུཔཾ, ན པརཾཀཏཾ ནཱམརཱུཔཾ, ན སཡཾཀཏཉྩ པརཾཀཏཉྩ ནཱམརཱུཔཾ, ནཱཔི ཨསཡཾཀཱརཾ ཨཔརཾཀཱརཾ, ཨདྷིཙྩསམུཔྤནྣཾ ནཱམརཱུཔཾ. ཨཔི ཙ, ཝིཉྙཱཎཔཙྩཡཱ ནཱམརཱུཔ’’ནྟི.

‘‘ཀིཾ ནུ ཁོ, ཨཱཝུསོ སཱརིཔུཏྟ, སཡངྐཏཾ ཝིཉྙཱཎཾ, པརངྐཏཾ ཝིཉྙཱཎཾ, སཡཾཀཏཉྩ པརཾཀཏཉྩ ཝིཉྙཱཎཾ, ཨུདཱཧུ ¶ ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ ཝིཉྙཱཎ’’ནྟི? ‘‘ན ཁོ, ཨཱཝུསོ ཀོཊྛིཀ, སཡཾཀཏཾ ཝིཉྙཱཎཾ, ན པརཾཀཏཾ ཝིཉྙཱཎཾ ན སཡཾཀཏཉྩ པརཾཀཏཉྩ ཝིཉྙཱཎཾ, ནཱཔི ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ ཝིཉྙཱཎཾ. ཨཔི ཙ, ནཱམརཱུཔཔཙྩཡཱ ཝིཉྙཱཎ’’ནྟི.

‘‘ཨིདཱནེཝ ¶ ཁོ མཡཾ ཨཱཡསྨཏོ སཱརིཔུཏྟསྶ བྷཱསིཏཾ ཨེཝཾ ཨཱཛཱནཱམ – ‘ན ཁྭཱཝུསོ ཀོཊྛིཀ, སཡཾཀཏཾ ནཱམརཱུཔཾ, ན པརཾཀཏཾ ནཱམརཱུཔཾ, ན སཡཾཀཏཉྩ པརཾཀཏཉྩ ནཱམརཱུཔཾ, ནཱཔི ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ ནཱམརཱུཔཾ. ཨཔི ཙ, ཝིཉྙཱཎཔཙྩཡཱ ནཱམརཱུཔ’’’ནྟི.

‘‘ཨིདཱནེཝ ཙ པན མཡཾ ཨཱཡསྨཏོ སཱརིཔུཏྟསྶ བྷཱསིཏཾ ཨེཝཾ ཨཱཛཱནཱམ – ‘ན ཁྭཱཝུསོ ཀོཊྛིཀ, སཡཾཀཏཾ ཝིཉྙཱཎཾ, ན པརཾཀཏཾ ཝིཉྙཱཎཾ, ན སཡཾཀཏཉྩ པརཾཀཏཉྩ ཝིཉྙཱཎཾ ¶ , ནཱཔི ཨསཡཾཀཱརཾ ཨཔརཾཀཱརཾ ཨདྷིཙྩསམུཔྤནྣཾ ཝིཉྙཱཎཾ. ཨཔི ཙ, ནཱམརཱུཔཔཙྩཡཱ ཝིཉྙཱཎ’’’ནྟི.

‘‘ཡཐཱ ཀཐཾ པནཱཝུསོ སཱརིཔུཏྟ, ཨིམསྶ བྷཱསིཏསྶ ཨཏྠོ དཊྛབྦོ’’ཏི? ‘‘ཏེནཧཱཝུསོ, ཨུཔམཾ ཏེ ཀརིསྶཱམི. ཨུཔམཱཡཔིདྷེཀཙྩེ ཝིཉྙཱུ པུརིསཱ བྷཱསིཏསྶ ཨཏྠཾ ཛཱནནྟི. སེཡྻཐཱཔི, ཨཱཝུསོ, དྭེ ནལ༹ཀལཱཔིཡོ ཨཉྙམཉྙཾ ནིསྶཱཡ ཏིཊྛེཡྻུཾ. ཨེཝམེཝ ཁོ, ཨཱཝུསོ, ནཱམརཱུཔཔཙྩཡཱ ཝིཉྙཱཎཾ; ཝིཉྙཱཎཔཙྩཡཱ ནཱམརཱུཔཾ; ནཱམརཱུཔཔཙྩཡཱ སལཱ༹ཡཏནཾ; སལཱ༹ཡཏནཔཙྩཡཱ ཕསྶོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ཏཱསཾ ཙེ, ཨཱཝུསོ ¶ , ནལ༹ཀལཱཔཱིནཾ ཨེཀཾ ཨཱཀཌྜྷེཡྻ, ཨེཀཱ པཔཏེཡྻ; ཨཔརཾ ཙེ ཨཱཀཌྜྷེཡྻ, ཨཔརཱ པཔཏེཡྻ. ཨེཝམེཝ ཁོ, ཨཱཝུསོ, ནཱམརཱུཔནིརོདྷཱ ཝིཉྙཱཎནིརོདྷོ; ཝིཉྙཱཎནིརོདྷཱ ནཱམརཱུཔནིརོདྷོ; ནཱམརཱུཔནིརོདྷཱ སལཱ༹ཡཏནནིརོདྷོ; སལཱ༹ཡཏནནིརོདྷཱ ཕསྶནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི. ‘‘ཨཙྪརིཡཾ ¶ , ཨཱཝུསོ སཱརིཔུཏྟ; ཨབྦྷུཏཾ, ཨཱཝུསོ སཱརིཔུཏྟ! ཡཱཝསུབྷཱསིཏཾ ཙིདཾ ཨཱཡསྨཏཱ སཱརིཔུཏྟེན. ཨིདཉྩ པན མཡཾ ཨཱཡསྨཏོ སཱརིཔུཏྟསྶ བྷཱསིཏཾ ཨིམེཧི ཚཏྟིཾསཱཡ ཝཏྠཱུཧི ཨནུམོདཱམ – ‘ཛརཱམརཎསྶ ཙེ, ཨཱཝུསོ, བྷིཀྑུ ནིབྦིདཱཡ ཝིརཱགཱཡ ནིརོདྷཱཡ དྷམྨཾ དེསེཏི, དྷམྨཀཐིཀོ བྷིཀྑཱུཏི ཨལཾ ¶ ཝཙནཱཡ. ཛརཱམརཎསྶ ཙེ, ཨཱཝུསོ, བྷིཀྑུ ནིབྦིདཱཡ ཝིརཱགཱཡ ནིརོདྷཱཡ པཊིཔནྣོ ཧོཏི, དྷམྨཱནུདྷམྨཔྤཊིཔནྣོ བྷིཀྑཱུཏི ཨལཾ ཝཙནཱཡ. ཛརཱམརཎསྶ ཙེ, ཨཱཝུསོ, བྷིཀྑུ ནིབྦིདཱ ཝིརཱགཱ ནིརོདྷཱ ཨནུཔཱདཱ ཝིམུཏྟོ ཧོཏི, དིཊྛདྷམྨནིབྦཱནཔྤཏྟོ བྷིཀྑཱུཏི ཨལཾ ཝཙནཱཡ. ཛཱཏིཡཱ ཙེ… བྷཝསྶ ཙེ… ཨུཔཱདཱནསྶ ཙེ… ཏཎྷཱཡ ཙེ… ཝེདནཱཡ ཙེ… ཕསྶསྶ ཙེ… སལཱ༹ཡཏནསྶ ཙེ… ནཱམརཱུཔསྶ ཙེ… ཝིཉྙཱཎསྶ ཙེ… སངྑཱརཱནཾ ཙེ… ཨཝིཛྫཱཡ ཙེ, ཨཱཝུསོ, བྷིཀྑུ ནིབྦིདཱཡ ཝིརཱགཱཡ ནིརོདྷཱཡ དྷམྨཾ དེསེཏི, དྷམྨཀཐིཀོ བྷིཀྑཱུཏི ཨལཾ ཝཙནཱཡ. ཨཝིཛྫཱཡ ཙེ, ཨཱཝུསོ, བྷིཀྑུ ནིབྦིདཱཡ ཝིརཱགཱཡ ནིརོདྷཱཡ པཊིཔནྣོ ཧོཏི, དྷམྨཱནུདྷམྨཔྤཊིཔནྣོ བྷིཀྑཱུཏི ཨལཾ ཝཙནཱཡ ¶ . ཨཝིཛྫཱཡ ཙེ, ཨཱཝུསོ, བྷིཀྑུ ནིབྦིདཱ ཝིརཱགཱ ནིརོདྷཱ ཨནུཔཱདཱ ཝིམུཏྟོ ཧོཏི, དིཊྛདྷམྨནིབྦཱནཔྤཏྟོ བྷིཀྑཱུཏི ཨལཾ ཝཙནཱཡཱ’’’ཏི. སཏྟམཾ.

༨. ཀོསམྦིསུཏྟཾ

༦༨. ཨེཀཾ ¶ སམཡཾ ཨཱཡསྨཱ ཙ མུསིལོ [མཱུསིལོ (སཱི.), མུསཱིལོ (པཱི.)] ཨཱཡསྨཱ ཙ པཝིཊྛོ [སཝིཊྛོ (སཱི. པཱི.)] ཨཱཡསྨཱ ཙ ནཱརདོ ཨཱཡསྨཱ ཙ ཨཱནནྡོ ཀོསམྦིཡཾ ཝིཧརནྟི གྷོསིཏཱརཱམེ. ཨཐ ཁོ ཨཱཡསྨཱ པཝིཊྛོ ཨཱཡསྨནྟཾ མུསིལཾ ཨེཏདཝོཙ – ‘‘ཨཉྙཏྲེཝ, ཨཱཝུསོ མུསིལ, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཏྠཱཡསྨཏོ མུསིལསྶ པཙྩཏྟམེཝ ཉཱཎཾ – ‘ཛཱཏིཔཙྩཡཱ ཛརཱམརཎ’’’ནྟི? ‘‘ཨཉྙཏྲེཝ, ཨཱཝུསོ པཝིཊྛ, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཧམེཏཾ ཛཱནཱམི ཨཧམེཏཾ པསྶཱམི – ‘ཛཱཏིཔཙྩཡཱ ཛརཱམརཎ’’’ནྟི.

‘‘ཨཉྙཏྲེཝ ¶ , ཨཱཝུསོ མུསིལ, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཏྠཱཡསྨཏོ མུསིལསྶ ¶ པཙྩཏྟམེཝ ཉཱཎཾ – ‘བྷཝཔཙྩཡཱ ཛཱཏཱིཏི…པེ… ཨུཔཱདཱནཔཙྩཡཱ བྷཝོཏི… ཏཎྷཱཔཙྩཡཱ ཨུཔཱདཱནནྟི… ཝེདནཱཔཙྩཡཱ ཏཎྷཱཏི… ཕསྶཔཙྩཡཱ ཝེདནཱཏི… སལཱ༹ཡཏནཔཙྩཡཱ ཕསྶོཏི… ནཱམརཱུཔཔཙྩཡཱ སལཱ༹ཡཏནནྟི… ཝིཉྙཱཎཔཙྩཡཱ ནཱམརཱུཔནྟི… སངྑཱརཔཙྩཡཱ ཝིཉྙཱཎནྟི… ཨཝིཛྫཱཔཙྩཡཱ ¶ སངྑཱརཱ’’’ཏི? ‘‘ཨཉྙཏྲེཝ, ཨཱཝུསོ པཝིཊྛ, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཧམེཏཾ ཛཱནཱམི ཨཧམེཏཾ པསྶཱམི – ‘ཨཝིཛྫཱཔཙྩཡཱ སངྑཱརཱ’’’ཏི.

‘‘ཨཉྙཏྲེཝ, ཨཱཝུསོ མུསིལ, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཏྠཱཡསྨཏོ མུསིལསྶ པཙྩཏྟམེཝ ཉཱཎཾ – ‘ཛཱཏིནིརོདྷཱ ཛརཱམརཎནིརོདྷོ’’’ཏི? ‘‘ཨཉྙཏྲེཝ, ཨཱཝུསོ པཝིཊྛ, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཧམེཏཾ ཛཱནཱམི ཨཧམེཏཾ པསྶཱམི – ‘ཛཱཏིནིརོདྷཱ ཛརཱམརཎནིརོདྷོ’’’ཏི.

‘‘ཨཉྙཏྲེཝ ¶ , ཨཱཝུསོ མུསིལ, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཏྠཱཡསྨཏོ མུསིལསྶ པཙྩཏྟམེཝ ཉཱཎཾ – ‘བྷཝནིརོདྷཱ ཛཱཏིནིརོདྷོཏི…པེ… ཨུཔཱདཱནནིརོདྷཱ བྷཝནིརོདྷོཏི… ཏཎྷཱནིརོདྷཱ ཨུཔཱདཱནནིརོདྷོཏི… ཝེདནཱནིརོདྷཱ ཏཎྷཱནིརོདྷོཏི… ཕསྶནིརོདྷཱ ཝེདནཱནིརོདྷོཏི… སལཱ༹ཡཏནནིརོདྷཱ ཕསྶནིརོདྷོཏི… ནཱམརཱུཔནིརོདྷཱ སལཱ༹ཡཏནནིརོདྷོཏི… ཝིཉྙཱཎནིརོདྷཱ ནཱམརཱུཔནིརོདྷོཏི ¶ … སངྑཱརནིརོདྷཱ ཝིཉྙཱཎནིརོདྷོཏི… ཨཝིཛྫཱནིརོདྷཱ སངྑཱརནིརོདྷོ’’’ཏི? ‘‘ཨཉྙཏྲེཝ, ཨཱཝུསོ པཝིཊྛ, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ¶ ཨཧམེཏཾ ཛཱནཱམི ཨཧམེཏཾ པསྶཱམི – ‘ཨཝིཛྫཱནིརོདྷཱ སངྑཱརནིརོདྷོ’’’ཏི.

‘‘ཨཉྙཏྲེཝ, ཨཱཝུསོ མུསིལ, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཏྠཱཡསྨཏོ མུསིལསྶ པཙྩཏྟམེཝ ཉཱཎཾ – ‘བྷཝནིརོདྷོ ནིབྦཱན’’’ནྟི? ‘‘ཨཉྙཏྲེཝ, ཨཱཝུསོ པཝིཊྛ, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ¶ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཧམེཏཾ ཛཱནཱམི ཨཧམེཏཾ པསྶཱམི – ‘བྷཝནིརོདྷོ ནིབྦཱན’’’ནྟི.

‘‘ཏེནཧཱཡསྨཱ མུསིལོ ཨརཧཾ ཁཱིཎཱསཝོ’’ཏི? ཨེཝཾ ཝུཏྟེ, ཨཱཡསྨཱ མུསིལོ ཏུཎྷཱི ཨཧོསི. ཨཐ ཁོ ཨཱཡསྨཱ ནཱརདོ ཨཱཡསྨནྟཾ པཝིཊྛཾ ཨེཏདཝོཙ – ‘‘སཱདྷཱཝུསོ པཝིཊྛ, ཨཧཾ ཨེཏཾ པཉྷཾ ལབྷེཡྻཾ. མཾ ཨེཏཾ པཉྷཾ པུཙྪ. ཨཧཾ ཏེ ཨེཏཾ པཉྷཾ བྱཱཀརིསྶཱམཱི’’ཏི. ‘‘ལབྷཏཱཡསྨཱ ནཱརདོ ཨེཏཾ པཉྷཾ. པུཙྪཱམཧཾ ཨཱཡསྨནྟཾ ནཱརདཾ ཨེཏཾ པཉྷཾ. བྱཱཀརོཏུ ཙ མེ ཨཱཡསྨཱ ནཱརདོ ཨེཏཾ པཉྷཾ’’.

‘‘ཨཉྙཏྲེཝ, ཨཱཝུསོ ནཱརད, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཏྠཱཡསྨཏོ ནཱརདསྶ པཙྩཏྟམེཝ ཉཱཎཾ – ‘ཛཱཏིཔཙྩཡཱ ཛརཱམརཎ’’’ནྟི? ‘‘ཨཉྙཏྲེཝ, ཨཱཝུསོ པཝིཊྛ, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཧམེཏཾ ¶ ཛཱནཱམི ཨཧམེཏཾ པསྶཱམི – ‘ཛཱཏིཔཙྩཡཱ ཛརཱམརཎ’’’ནྟི.

‘‘ཨཉྙཏྲེཝ ¶ , ཨཱཝུསོ ནཱརད, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཏྠཱཡསྨཏོ ནཱརདསྶ པཙྩཏྟམེཝ ཉཱཎཾ – བྷཝཔཙྩཡཱ ཛཱཏི…པེ… ཨཝིཛྫཱཔཙྩཡཱ སངྑཱརཱ’’ཏི? ‘‘ཨཉྙཏྲེཝ, ཨཱཝུསོ པཝིཊྛ, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཧམེཏཾ ཛཱནཱམི ཨཧམེཏཾ པསྶཱམི – ‘ཨཝིཛྫཱཔཙྩཡཱ སངྑཱརཱ’’’ཏི.

‘‘ཨཉྙཏྲེཝ, ཨཱཝུསོ ནཱརད, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཏྠཱཡསྨཏོ ནཱརདསྶ པཙྩཏྟམེཝ ཉཱཎཾ – ‘ཛཱཏིནིརོདྷཱ ཛརཱམརཎནིརོདྷོ’’’ཏི? ‘‘ཨཉྙཏྲེཝ, ཨཱཝུསོ པཝིཊྛ, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཧམེཏཾ ཛཱནཱམི ཨཧམེཏཾ པསྶཱམི – ‘ཛཱཏིནིརོདྷཱ ཛརཱམརཎནིརོདྷོ’’’ཏི.

‘‘ཨཉྙཏྲེཝ, ཨཱཝུསོ ནཱརད, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཏྠཱཡསྨཏོ ནཱརདསྶ ¶ པཙྩཏྟམེཝ ཉཱཎཾ – ‘བྷཝནིརོདྷཱ ཛཱཏིནིརོདྷོཏི…པེ… ཨཝིཛྫཱནིརོདྷཱ སངྑཱརནིརོདྷོ’’’ཏི? ‘‘ཨཉྙཏྲེཝ, ཨཱཝུསོ པཝིཊྛ, སདྡྷཱཡ ཨཉྙཏྲ ¶ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཧམེཏཾ ཛཱནཱམི ཨཧམེཏཾ པསྶཱམི – ‘ཨཝིཛྫཱནིརོདྷཱ སངྑཱརནིརོདྷོ’’’ཏི.

‘‘ཨཉྙཏྲེཝ, ཨཱཝུསོ ནཱརད, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཏྠཱཡསྨཏོ ནཱརདསྶ པཙྩཏྟམེཝ ཉཱཎཾ – ‘བྷཝནིརོདྷོ ནིབྦཱན’’’ནྟི? ‘‘ཨཉྙཏྲེཝ, ཨཱཝུསོ པཝིཊྛ, སདྡྷཱཡ ཨཉྙཏྲ རུཙིཡཱ ཨཉྙཏྲ ཨནུསྶཝཱ ཨཉྙཏྲ ཨཱཀཱརཔརིཝིཏཀྐཱ ཨཉྙཏྲ དིཊྛིནིཛ྄ཛྷཱནཀྑནྟིཡཱ ཨཧམེཏཾ ཛཱནཱམི ཨཧམེཏཾ པསྶཱམི – ‘བྷཝནིརོདྷོ ནིབྦཱན’’’ནྟི.

‘‘ཏེནཧཱཡསྨཱ ནཱརདོ ཨརཧཾ ཁཱིཎཱསཝོ’’ཏི? ‘‘‘བྷཝནིརོདྷོ ¶ ནིབྦཱན’ནྟི ཁོ མེ, ཨཱཝུསོ, ཡཐཱབྷཱུཏཾ སམྨཔྤཉྙཱཡ སུདིཊྛཾ, ན ཙམྷི ཨརཧཾ ཁཱིཎཱསཝོ. སེཡྻཐཱཔི, ཨཱཝུསོ, ཀནྟཱརམགྒེ ¶ ཨུདཔཱནོ. ཏཏྲ ནེཝསྶ རཛྫུ ན ཨུདཀཝཱརཀོ. ཨཐ པུརིསོ ཨཱགཙྪེཡྻ གྷམྨཱབྷིཏཏྟོ གྷམྨཔརེཏོ ཀིལནྟོ ཏསིཏོ པིཔཱསིཏོ, སོ ཏཾ ཨུདཔཱནཾ ཨོལོཀེཡྻ. ཏསྶ ‘ཨུདཀ’ནྟི ཧི ཁོ ཉཱཎཾ ཨསྶ, ན ཙ ཀཱཡེན ཕུསིཏྭཱ ཝིཧརེཡྻ. ཨེཝམེཝ ཁོ, ཨཱཝུསོ, ‘བྷཝནིརོདྷོ ནིབྦཱན’ནྟི ཡཐཱབྷཱུཏཾ སམྨཔྤཉྙཱཡ སུདིཊྛཾ, ན ཙམྷི ཨརཧཾ ཁཱིཎཱསཝོ’’ཏི.

ཨེཝཾ ཝུཏྟེ, ཨཱཡསྨཱ ཨཱནནྡོ ཨཱཡསྨནྟཾ པཝིཊྛཾ ཨེཏདཝོཙ – ‘‘ཨེཝཾཝཱདཱི [ཨེཝཾཝཱདིཾ (?)] ཏྭཾ, ཨཱཝུསོ པཝིཊྛ, ཨཱཡསྨནྟཾ ནཱརདཾ ཀིཾ ཝདེསཱི’’ཏི? ‘‘ཨེཝཾཝཱདཱཧཾ, ཨཱཝུསོ ཨཱནནྡ, ཨཱཡསྨནྟཾ ནཱརདཾ ན ཀིཉྩི ཝདཱམི ཨཉྙཏྲ ཀལྱཱཎཱ ཨཉྙཏྲ ཀུསལཱ’’ཏི. ཨཊྛམཾ.

༩. ཨུཔཡནྟིསུཏྟཾ

༦༩. ཨེཝཾ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏཏྲ ཁོ…པེ… ‘‘མཧཱསམུདྡོ, བྷིཀྑཝེ, ཨུཔཡནྟོ མཧཱནདིཡོ ཨུཔཡཱཔེཏི, མཧཱནདིཡོ ཨུཔཡནྟིཡོ ཀུནྣདིཡོ ¶ ཨུཔཡཱཔེནྟི, ཀུནྣདིཡོ ཨུཔཡནྟིཡོ མཧཱསོབྦྷེ ཨུཔཡཱཔེནྟི, མཧཱསོབྦྷཱ ¶ ཨུཔཡནྟཱ ཀུསོབྦྷེ ཨུཔཡཱཔེནྟི. ཨེཝམེཝ ཁོ, བྷིཀྑཝེ, ཨཝིཛྫཱ ཨུཔཡནྟཱི སངྑཱརེ ཨུཔཡཱཔེཏི, སངྑཱརཱ ཨུཔཡནྟཱ ཝིཉྙཱཎཾ ཨུཔཡཱཔེནྟི, ཝིཉྙཱཎཾ ཨུཔཡནྟཾ ནཱམརཱུཔཾ ཨུཔཡཱཔེཏི, ནཱམརཱུཔཾ ཨུཔཡནྟཾ སལཱ༹ཡཏནཾ ཨུཔཡཱཔེཏི, སལཱ༹ཡཏནཾ ཨུཔཡནྟཾ ཕསྶཾ ཨུཔཡཱཔེཏི, ཕསྶོ ཨུཔཡནྟོ ཝེདནཾ ཨུཔཡཱཔེཏི, ཝེདནཱ ཨུཔཡནྟཱི ཏཎྷཾ ཨུཔཡཱཔེཏི, ཏཎྷཱ ཨུཔཡནྟཱི ཨུཔཱདཱནཾ ཨུཔཡཱཔེཏི, ཨུཔཱདཱནཾ ཨུཔཡནྟཾ བྷཝཾ ¶ ཨུཔཡཱཔེཏི, བྷཝོ ཨུཔཡནྟོ ཛཱཏིཾ ཨུཔཡཱཔེཏི, ཛཱཏི ཨུཔཡནྟཱི ཛརཱམརཎཾ ཨུཔཡཱཔེཏི.

‘‘མཧཱསམུདྡོ, བྷིཀྑཝེ, ཨཔཡནྟོ མཧཱནདིཡོ ཨཔཡཱཔེཏི, མཧཱནདིཡོ ཨཔཡནྟིཡོ ཀུནྣདིཡོ ཨཔཡཱཔེནྟི, ཀུནྣདིཡོ ཨཔཡནྟིཡོ མཧཱསོབྦྷེ ཨཔཡཱཔེནྟི, མཧཱསོབྦྷཱ ཨཔཡནྟཱ ཀུསོབྦྷེ ཨཔཡཱཔེནྟི. ཨེཝམེཝ ཁོ, བྷིཀྑཝེ, ཨཝིཛྫཱ ཨཔཡནྟཱི སངྑཱརེ ཨཔཡཱཔེཏི, སངྑཱརཱ ཨཔཡནྟཱ ཝིཉྙཱཎཾ ཨཔཡཱཔེནྟི, ཝིཉྙཱཎཾ ཨཔཡནྟཾ ནཱམརཱུཔཾ ཨཔཡཱཔེཏི, ནཱམརཱུཔཾ ཨཔཡནྟཾ སལཱ༹ཡཏནཾ ཨཔཡཱཔེཏི, སལཱ༹ཡཏནཾ ཨཔཡནྟཾ ཕསྶཾ ཨཔཡཱཔེཏི, ཕསྶོ ཨཔཡནྟོ ཝེདནཾ ཨཔཡཱཔེཏི, ཝེདནཱ ཨཔཡནྟཱི ཏཎྷཾ ཨཔཡཱཔེཏི, ཏཎྷཱ ཨཔཡནྟཱི ཨུཔཱདཱནཾ ཨཔཡཱཔེཏི, ཨུཔཱདཱནཾ ¶ ཨཔཡནྟཾ བྷཝཾ ཨཔཡཱཔེཏི, བྷཝོ ཨཔཡནྟོ ཛཱཏིཾ ཨཔཡཱཔེཏི, ཛཱཏི ཨཔཡནྟཱི ཛརཱམརཎཾ ཨཔཡཱཔེཏཱི’’ཏི. ནཝམཾ.

༡༠. སུསིམསུཏྟཾ

༧༠. ཨེཝཾ མེ སུཏཾ – ཨེཀཾ སམཡཾ བྷགཝཱ རཱཛགཧེ ཝིཧརཏི ཝེལུ༹ཝནེ ¶ ཀལནྡཀནིཝཱཔེ. ཏེན ཁོ པན སམཡེན བྷགཝཱ སཀྐཏོ ཧོཏི གརུཀཏོ མཱནིཏོ པཱུཛིཏོ ཨཔཙིཏོ ལཱབྷཱི ཙཱིཝར-པིཎྜཔཱཏ-སེནཱསན-གིལཱནཔྤཙྩཡ-བྷེསཛྫཔརིཀྑཱརཱནཾ. བྷིཀྑུསངྒྷོཔི སཀྐཏོ ཧོཏི གརུཀཏོ མཱནིཏོ པཱུཛིཏོ ཨཔཙིཏོ ལཱབྷཱི ཙཱིཝར-པིཎྜཔཱཏ-སེནཱསནགིལཱནཔྤཙྩཡ-བྷེསཛྫཔརིཀྑཱརཱནཾ. ཨཉྙཏིཏྠིཡཱ པན པརིབྦཱཛཀཱ ཨསཀྐཏཱ ཧོནྟི ཨགརུཀཏཱ ཨམཱནིཏཱ ཨཔཱུཛིཏཱ ཨནཔཙིཏཱ, ན ལཱབྷིནོ ཙཱིཝར-པིཎྜཔཱཏ-སེནཱསནགིལཱནཔྤཙྩཡ-བྷེསཛྫཔརིཀྑཱརཱནཾ.

ཏེན ¶ ཁོ པན སམཡེན སུསིམོ [སུསཱིམོ (སཱི. ཀ.)] པརིབྦཱཛཀོ རཱཛགཧེ པཊིཝསཏི མཧཏིཡཱ པརིབྦཱཛཀཔརིསཱཡ སདྡྷིཾ. ཨཐ ¶ ཁོ སུསིམསྶ པརིབྦཱཛཀསྶ པརིསཱ སུསིམཾ པརིབྦཱཛཀཾ ཨེཏདཝོཙུཾ – ‘‘ཨེཧི ཏྭཾ, ཨཱཝུསོ སུསིམ, སམཎེ གོཏམེ བྲཧྨཙརིཡཾ ཙར. ཏྭཾ དྷམྨཾ པརིཡཱཔུཎིཏྭཱ ཨམྷེ ཝཱཙེཡྻཱསི [ཝཱཙེསྶསི (པཱི. ཀ.)]. ཏཾ མཡཾ དྷམྨཾ པརིཡཱཔུཎིཏྭཱ གིཧཱིནཾ བྷཱསིསྶཱམ. ཨེཝཾ མཡམྤི སཀྐཏཱ བྷཝིསྶཱམ གརུཀཏཱ མཱནིཏཱ པཱུཛིཏཱ ཨཔཙིཏཱ ལཱབྷིནོ ཙཱིཝར-པིཎྜཔཱཏསེནཱསན-གིལཱནཔྤཙྩཡ-བྷེསཛྫཔརིཀྑཱརཱན’’ནྟི. ‘‘ཨེཝམཱཝུསོ’’ཏི ཁོ སུསིམོ པརིབྦཱཛཀོ སཀཱཡ པརིསཱཡ པཊིསྶུཎིཏྭཱ ཡེནཱཡསྨཱ ཨཱནནྡོ ཏེནུཔསངྐམི; ཨུཔསངྐམིཏྭཱ ཨཱཡསྨཏཱ ཨཱནནྡེན སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སུསིམོ པརིབྦཱཛཀོ ཨཱཡསྨནྟཾ ཨཱནནྡཾ ཨེཏདཝོཙ – ‘‘ཨིཙྪཱམཧཾ, ཨཱཝུསོ ཨཱནནྡ, ཨིམསྨིཾ དྷམྨཝིནཡེ བྲཧྨཙརིཡཾ ཙརིཏུ’’ནྟི.

ཨཐ ¶ ཁོ ཨཱཡསྨཱ ཨཱནནྡོ སུསིམཾ པརིབྦཱཛཀཾ ཨཱདཱཡ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ – ‘‘ཨཡཾ, བྷནྟེ, སུསིམོ པརིབྦཱཛཀོ ཨེཝམཱཧ – ‘ཨིཙྪཱམཧཾ, ཨཱཝུསོ ཨཱནནྡ, ཨིམསྨིཾ དྷམྨཝིནཡེ བྲཧྨཙརིཡཾ ཙརིཏུ’’ནྟི. ‘‘ཏེནཧཱནནྡ, སུསིམཾ པབྦཱཛེཐཱ’’ཏི ¶ . ཨལཏྠ ཁོ སུསིམོ པརིབྦཱཛཀོ བྷགཝཏོ སནྟིཀེ པབྦཛྫཾ, ཨལཏྠ ཨུཔསམྤདཾ.

ཏེན ཁོ པན སམཡེན སམྦཧུལེཧི བྷིཀྑཱུཧི བྷགཝཏོ སནྟིཀེ ཨཉྙཱ བྱཱཀཏཱ ཧོཏི – ‘‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱཏི པཛཱནཱམཱ’’ཏི. ཨསྶོསི ཁོ ཨཱཡསྨཱ སུསིམོ – ‘‘སམྦཧུལེཧི ཀིར བྷིཀྑཱུཧི ¶ བྷགཝཏོ སནྟིཀེ ཨཉྙཱ བྱཱཀཏཱ – ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱམཱ’’ཏི. ཨཐ ཁོ ཨཱཡསྨཱ སུསིམོ ཡེན ཏེ བྷིཀྑཱུ ཏེནུཔསངྐམི; ཨུཔསངྐམིཏྭཱ ཏེཧི བྷིཀྑཱུཧི སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ སུསིམོ ཏེ བྷིཀྑཱུ ཨེཏདཝོཙ – ‘‘སཙྩཾ ཀིརཱཡསྨནྟེཧི ¶ བྷགཝཏོ སནྟིཀེ ཨཉྙཱ བྱཱཀཏཱ – ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱམཱ’’ཏི? ‘‘ཨེཝམཱཝུསོ’’ཏི.

‘‘ཨཔི པན [ཨཔི ནུ (སཱི. སྱཱ. ཀཾ.) ཨེཝམུཔརིཔི] ཏུམྷེ ཨཱཡསྨནྟོ ཨེཝཾ ཛཱནནྟཱ ཨེཝཾ པསྶནྟཱ ¶ ཨནེཀཝིཧིཏཾ ཨིདྡྷིཝིདྷཾ པཙྩནུབྷོཐ – ཨེཀོཔི ཧུཏྭཱ བཧུདྷཱ ཧོཐ, བཧུདྷཱཔི ཧུཏྭཱ ཨེཀོ ཧོཐ; ཨཱཝིབྷཱཝཾ, ཏིརོབྷཱཝཾ, ཏིརོཀུཊྚཾ ཏིརོཔཱཀཱརཾ ཏིརོཔབྦཏཾ ཨསཛྫམཱནཱ གཙྪཐ, སེཡྻཐཱཔི ཨཱཀཱསེ; པཐཝིཡཱཔི ཨུམྨུཛྫནིམུཛྫཾ ཀརོཐ, སེཡྻཐཱཔི ཨུདཀེ; ཨུདཀེཔི ཨབྷིཛྫམཱནེ གཙྪཐ, སེཡྻཐཱཔི པཐཝིཡཾ; ཨཱཀཱསེཔི པལླངྐེན ཀམཐ, སེཡྻཐཱཔི པཀྑཱི སཀུཎོ; ཨིམེཔི ཙནྡིམསཱུརིཡེ ཨེཝཾམཧིདྡྷིཀེ ཨེཝཾམཧཱནུབྷཱཝེ པཱཎིནཱ པརིམསཐ པརིམཛྫཐ, ཡཱཝ བྲཧྨལོཀཱཔི ཀཱཡེན ཝསཾ ཝཏྟེཐཱ’’ཏི? ‘‘ནོ ཧེཏཾ, ཨཱཝུསོ’’.

‘‘ཨཔི པན ཏུམྷེ ཨཱཡསྨནྟོ ཨེཝཾ ཛཱནནྟཱ ཨེཝཾ པསྶནྟཱ དིབྦཱཡ སོཏདྷཱཏུཡཱ ཝིསུདྡྷཱཡ ཨཏིཀྐནྟམཱནུསིཀཱཡ ཨུབྷོ སདྡེ སུཎཱཐ དིབྦེ ཙ མཱནུསེ ཙ ཡེ དཱུརེ སནྟིཀེ ཙཱ’’ཏི? ‘‘ནོ ཧེཏཾ, ཨཱཝུསོ’’.

‘‘ཨཔི པན ཏུམྷེ ཨཱཡསྨནྟོ ཨེཝཾ ཛཱནནྟཱ ཨེཝཾ པསྶནྟཱ པརསཏྟཱནཾ པརཔུགྒལཱནཾ ཙེཏསཱ ཙེཏོ པརིཙྩ པཛཱནཱཐ – སརཱགཾ ཝཱ ཙིཏྟཾ སརཱགཾ ཙིཏྟནྟི པཛཱནཱཐ; ཝཱིཏརཱགཾ ཝཱ ཙིཏྟཾ ཝཱིཏརཱགཾ ཙིཏྟནྟི པཛཱནཱཐ; སདོསཾ ཝཱ ཙིཏྟཾ སདོསཾ ཙིཏྟནྟི པཛཱནཱཐ; ཝཱིཏདོསཾ ཝཱ ¶ ཙིཏྟཾ ཝཱིཏདོསཾ ཙིཏྟནྟི པཛཱནཱཐ; སམོཧཾ ཝཱ ཙིཏྟཾ སམོཧཾ ¶ ཙིཏྟནྟི པཛཱནཱཐ; ཝཱིཏམོཧཾ ཝཱ ཙིཏྟཾ ཝཱིཏམོཧཾ ཙིཏྟནྟི པཛཱནཱཐ; སཾཁིཏྟཾ ཝཱ ཙིཏྟཾ སཾཁིཏྟཾ ཙིཏྟནྟི པཛཱནཱཐ; ཝིཀྑིཏྟཾ ཝཱ ཙིཏྟཾ ཝིཀྑིཏྟཾ ཙིཏྟནྟི པཛཱནཱཐ; མཧགྒཏཾ ཝཱ ཙིཏྟཾ མཧགྒཏཾ ཙིཏྟནྟི པཛཱནཱཐ; ཨམཧགྒཏཾ ཝཱ ཙིཏྟཾ ཨམཧགྒཏཾ ཙིཏྟནྟི པཛཱནཱཐ ¶ ; སཨུཏྟརཾ ཝཱ ཙིཏྟཾ སཨུཏྟརཾ ཙིཏྟནྟི པཛཱནཱཐ; ཨནུཏྟརཾ ཝཱ ཙིཏྟཾ ཨནུཏྟརཾ ཙིཏྟནྟི པཛཱནཱཐ; སམཱཧིཏཾ ཝཱ ཙིཏྟཾ སམཱཧིཏཾ ཙིཏྟནྟི པཛཱནཱཐ; ཨསམཱཧིཏཾ ཝཱ ཙིཏྟཾ ཨསམཱཧིཏཾ ཙིཏྟནྟི པཛཱནཱཐ; ཝིམུཏྟཾ ཝཱ ཙིཏྟཾ ཝིམུཏྟཾ ཙིཏྟནྟི པཛཱནཱཐ ¶ ; ཨཝིམུཏྟཾ ཝཱ ཙིཏྟཾ ཨཝིམུཏྟཾ ཙིཏྟནྟི པཛཱནཱཐཱ’’ཏི? ‘‘ནོ ཧེཏཾ, ཨཱཝུསོ’’.

‘‘ཨཔི པན ཏུམྷེ ཨཱཡསྨནྟོ ཨེཝཾ ཛཱནནྟཱ ཨེཝཾ པསྶནྟཱ ཨནེཀཝིཧིཏཾ པུབྦེནིཝཱསཾ ཨནུསྶརཐ, སེཡྻཐིདཾ – ཨེཀམྤི ཛཱཏིཾ དྭེཔི ཛཱཏིཡོ ཏིསྶོཔི ཛཱཏིཡོ ཙཏསྶོཔི ཛཱཏིཡོ པཉྩཔི ཛཱཏིཡོ དསཔི ཛཱཏིཡོ ཝཱིསམྤི ཛཱཏིཡོ ཏིཾསམྤི ཛཱཏིཡོ ཙཏྟཱརཱིསམྤི ཛཱཏིཡོ པཉྙཱསམྤི ཛཱཏིཡོ ཛཱཏིསཏམྤི ཛཱཏིསཧསྶམྤི ཛཱཏིསཏསཧསྶམྤི, ཨནེཀེཔི སཾཝཊྚཀཔྤེ ཨནེཀེཔི ཝིཝཊྚཀཔྤེ ཨནེཀེཔི སཾཝཊྚཝིཝཊྚཀཔྤེ – ‘ཨམུཏྲཱསིཾ ཨེཝཾནཱམོ ཨེཝཾགོཏྟོ ཨེཝཾཝཎྞོ ཨེཝམཱཧཱརོ ཨེཝཾསུཁདུཀྑཔཊིསཾཝེདཱི ཨེཝམཱཡུཔརིཡནྟོ, སོ ཏཏོ ཙུཏོ ཨམུཏྲ ཨུདཔཱདིཾ; ཏཏྲཱཔཱསིཾ ཨེཝཾནཱམོ ཨེཝཾགོཏྟོ ཨེཝཾཝཎྞོ ཨེཝམཱཧཱརོ ཨེཝཾསུཁདུཀྑཔཊིསཾཝེདཱི ཨེཝམཱཡུཔརིཡནྟོ, སོ ཏཏོ ཙུཏོ ཨིདྷཱུཔཔནྣོ’ཏི. ཨིཏི སཱཀཱརཾ སཨུདྡེསཾ ཨནེཀཝིཧིཏཾ པུབྦེནིཝཱསཾ ཨནུསྶརཐཱ’’ཏི? ‘‘ནོ ཧེཏཾ, ཨཱཝུསོ’’.

‘‘ཨཔི པན ཏུམྷེ ཨཱཡསྨནྟོ ཨེཝཾ ཛཱནནྟཱ ཨེཝཾ པསྶནྟཱ དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶཐ ཙཝམཱནེ ཨུཔཔཛྫམཱནེ ¶ ཧཱིནེ པཎཱིཏེ སུཝཎྞེ དུབྦཎྞེ, སུགཏེ དུགྒཏེ ཡཐཱཀམྨཱུཔགེ སཏྟེ པཛཱནཱཐ – ‘ཨིམེ ཝཏ བྷོནྟོ སཏྟཱ ཀཱཡདུཙྩརིཏེན སམནྣཱགཏཱ ¶ ཝཙཱིདུཙྩརིཏེན སམནྣཱགཏཱ མནོདུཙྩརིཏེན སམནྣཱགཏཱ, ཨརིཡཱནཾ ཨུཔཝཱདཀཱ མིཙྪཱདིཊྛིཀཱ མིཙྪཱདིཊྛིཀམྨསམཱདཱནཱ, ཏེ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔནྣཱ; ཨིམེ ཝཱ པན བྷོནྟོ སཏྟཱ ཀཱཡསུཙརིཏེན སམནྣཱགཏཱ ཝཙཱིསུཙརིཏེན སམནྣཱགཏཱ མནོསུཙརིཏེན སམནྣཱགཏཱ, ཨརིཡཱནཾ ཨནུཔཝཱདཀཱ སམྨཱདིཊྛིཀཱ སམྨཱདིཊྛིཀམྨསམཱདཱནཱ ཏེ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔནྣཱ’ཏི, ཨིཏི དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶཐ ཙཝམཱནེ ཨུཔཔཛྫམཱནེ ཧཱིནེ པཎཱིཏེ ¶ སུཝཎྞེ དུབྦཎྞེ, སུགཏེ དུགྒཏེ ཡཐཱཀམྨཱུཔགེ སཏྟེ པཛཱནཱཐཱ’’ཏི? ‘‘ནོ ཧེཏཾ, ཨཱཝུསོ’’.

‘‘ཨཔི པན ཏུམྷེ ཨཱཡསྨནྟོ ཨེཝཾ ཛཱནནྟཱ ཨེཝཾ པསྶནྟཱ ཡེ ཏེ སནྟཱ ཝིམོཀྑཱ ཨཏིཀྐམྨ རཱུཔེ ཨཱརུཔྤཱ, ཏེ ཀཱཡེན ཕུསིཏྭཱ ཝིཧརཐཱ’’ཏི? ‘‘ནོ ཧེཏཾ, ཨཱཝུསོ’’.

‘‘ཨེཏྠ ¶ དཱནི ཨཱཡསྨནྟོ ཨིདཉྩ ཝེཡྻཱཀརཎཾ ཨིམེསཉྩ དྷམྨཱནཾ ཨསམཱཔཏྟི; ཨིདཾ ནོ, ཨཱཝུསོ, ཀཐ’’ནྟི? ‘‘པཉྙཱཝིམུཏྟཱ ཁོ མཡཾ, ཨཱཝུསོ སུསིམཱ’’ཏི.

‘‘ན ཁྭཱཧཾ ཨིམསྶ ཨཱཡསྨནྟཱནཾ སཾཁིཏྟེན བྷཱསིཏསྶ ཝིཏྠཱརེན ཨཏྠཾ ཨཱཛཱནཱམི. སཱདྷུ མེ ཨཱཡསྨནྟོ ཏཐཱ བྷཱསནྟུ ཡཐཱཧཾ ཨིམསྶ ཨཱཡསྨནྟཱནཾ སཾཁིཏྟེན བྷཱསིཏསྶ ¶ ཝིཏྠཱརེན ཨཏྠཾ ཨཱཛཱནེཡྻ’’ནྟི. ‘‘ཨཱཛཱནེཡྻཱསི ¶ ཝཱ ཏྭཾ, ཨཱཝུསོ སུསིམ, ན ཝཱ ཏྭཾ ཨཱཛཱནེཡྻཱསི ཨཐ ཁོ པཉྙཱཝིམུཏྟཱ མཡ’’ནྟི.

ཨཐ ཁོ ཨཱཡསྨཱ སུསིམོ ཨུཊྛཱཡཱསནཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ སུསིམོ ཡཱཝཏཀོ ཏེཧི བྷིཀྑཱུཧི སདྡྷིཾ ཨཧོསི ཀཐཱསལླཱཔོ ཏཾ སབྦཾ བྷགཝཏོ ཨཱརོཙེསི. ‘‘པུབྦེ ཁོ, སུསིམ, དྷམྨཊྛིཏིཉཱཎཾ, པཙྪཱ ནིབྦཱནེ ཉཱཎ’’ནྟི.

‘‘ན ཁྭཱཧཾ, བྷནྟེ, ཨིམསྶ བྷགཝཏཱ [བྷགཝཏོ (པཱི.)] སཾཁིཏྟེན བྷཱསིཏསྶ ཝིཏྠཱརེན ཨཏྠཾ ཨཱཛཱནཱམི. སཱདྷུ མེ, བྷནྟེ, བྷགཝཱ ཏཐཱ བྷཱསཏུ ཡཐཱཧཾ ཨིམསྶ བྷགཝཏཱ སཾཁིཏྟེན བྷཱསིཏསྶ ཝིཏྠཱརེན ཨཏྠཾ ཨཱཛཱནེཡྻ’’ནྟི. ‘‘ཨཱཛཱནེཡྻཱསི ཝཱ ཏྭཾ, སུསིམ, ན ཝཱ ཏྭཾ ཨཱཛཱནེཡྻཱསི, ཨཐ ཁོ དྷམྨཊྛིཏིཉཱཎཾ པུབྦེ, པཙྪཱ ནིབྦཱནེ ཉཱཎཾ’’.

‘‘ཏཾ ཀིཾ མཉྙསི, སུསིམ, རཱུཔཾ ནིཙྩཾ ཝཱ ཨནིཙྩཾ ཝཱ’’ཏི? ‘‘ཨནིཙྩཾ, བྷནྟེ’’. ‘‘ཡཾ པནཱནིཙྩཾ དུཀྑཾ ཝཱ ཏཾ སུཁཾ ཝཱ’’ཏི? ‘‘དུཀྑཾ, བྷནྟེ’’. ‘‘ཡཾ པནཱནིཙྩཾ དུཀྑཾ ཝིཔརིཎཱམདྷམྨཾ, ཀལླཾ ནུ ཏཾ སམནུཔསྶིཏུཾ – ‘ཨེཏཾ མམ, ཨེསོཧམསྨི, ཨེསོ མེ ཨཏྟཱ’’’ཏི? ‘‘ནོ ཧེཏཾ, བྷནྟེ’’. ‘‘ཝེདནཱ ནིཙྩཱ ཝཱ ཨནིཙྩཱ ཝཱ’’ཏི? ‘‘ཨནིཙྩཱ, བྷནྟེ’’ ¶ . ‘‘ཡཾ པནཱནིཙྩཾ, དུཀྑཾ ཝཱ ཏཾ སུཁཾ ཝཱ’’ཏི? ‘‘དུཀྑཾ, བྷནྟེ’’. ‘‘ཡཾ པནཱནིཙྩཾ དུཀྑཾ ཝིཔརིཎཱམདྷམྨཾ, ཀལླཾ ནུ ཏཾ སམནུཔསྶིཏུཾ – ‘ཨེཏཾ མམ, ཨེསོཧམསྨི, ཨེསོ ¶ མེ ཨཏྟཱ’’’ཏི? ‘‘ནོ ཧེཏཾ, བྷནྟེ’’. ‘‘སཉྙཱ ནིཙྩཱ ཝཱ ཨནིཙྩཱ ཝཱ’’ཏི? ‘‘ཨནིཙྩཱ, བྷནྟེ’’…པེ… ‘‘སངྑཱརཱ ནིཙྩཱ ཝཱ ཨནིཙྩཱ ཝཱ’’ཏི? ‘‘ཨནིཙྩཱ, བྷནྟེ’’. ‘‘ཡཾ པནཱནིཙྩཾ དུཀྑཾ ཝཱ ཏཾ སུཁཾ ཝཱ’’ཏི? ‘‘དུཀྑཾ, བྷནྟེ’’. ‘‘ཡཾ པནཱནིཙྩཾ དུཀྑཾ ཝིཔརིཎཱམདྷམྨཾ, ཀལླཾ ནུ ཏཾ སམནུཔསྶིཏུཾ – ‘ཨེཏཾ མམ, ཨེསོཧམསྨི, ཨེསོ མེ ཨཏྟཱ’’’ཏི? ‘‘ནོ ཧེཏཾ, བྷནྟེ’’. ‘‘ཝིཉྙཱཎཾ ནིཙྩཾ ཝཱ ཨནིཙྩཾ ཝཱ’’ཏི? ‘‘ཨནིཙྩཾ ¶ , བྷནྟེ’’. ‘‘ཡཾ པནཱནིཙྩཾ ¶ དུཀྑཾ ཝཱ ཏཾ སུཁཾ ཝཱ’’ཏི? ‘‘དུཀྑཾ, བྷནྟེ’’. ‘‘ཡཾ པནཱནིཙྩཾ དུཀྑཾ ཝིཔརིཎཱམདྷམྨཾ, ཀལླཾ ནུ ཏཾ སམནུཔསྶིཏུཾ – ‘ཨེཏཾ མམ, ཨེསོཧམསྨི, ཨེསོ མེ ཨཏྟཱ’’’ཏི? ‘‘ནོ ཧེཏཾ, བྷནྟེ’’.

‘‘ཏསྨཱཏིཧ, སུསིམ, ཡཾ ཀིཉྩི རཱུཔཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ སནྟིཀེ ཝཱ, སབྦཾ རཱུཔཾ ནེཏཾ མམ ནེསོཧམསྨི ན མེསོ ཨཏྟཱཏི; ཨེཝམེཏཾ ཡཐཱབྷཱུཏཾ སམྨཔྤཉྙཱཡ དཊྛབྦཾ. ཡཱ ཀཱཙི ཝེདནཱ ཨཏཱིཏཱནཱགཏཔཙྩུཔྤནྣཱ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཱ ཝཱ སུཁུམཱ ཝཱ ཧཱིནཱ ཝཱ པཎཱིཏཱ ཝཱ ཡཱ དཱུརེ སནྟིཀེ ཝཱ, སབྦཱ ཝེདནཱ ནེཏཾ མམ ནེསོཧམསྨི ན མེསོ ཨཏྟཱཏི; ཨེཝམེཏཾ ཡཐཱབྷཱུཏཾ སམྨཔྤཉྙཱཡ དཊྛབྦཾ. ཡཱ ཀཱཙི སཉྙཱ…པེ… ཡེ ཀེཙི སངྑཱརཱ ཨཏཱིཏཱནཱགཏཔཙྩུཔྤནྣཱ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཱ ཝཱ སུཁུམཱ ཝཱ ཧཱིནཱ ཝཱ པཎཱིཏཱ ཝཱ ཡེ དཱུརེ སནྟིཀེ ཝཱ, སབྦེ སངྑཱརཱ ནེཏཾ མམ ནེསོཧམསྨི ན ¶ མེསོ ཨཏྟཱཏི; ཨེཝམེཏཾ ཡཐཱབྷཱུཏཾ སམྨཔྤཉྙཱཡ དཊྛབྦཾ. ཡཾ ཀིཉྩི ཝིཉྙཱཎཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ སནྟིཀེ ཝཱ, སབྦཾ ཝིཉྙཱཎཾ ནེཏཾ མམ ནེསོཧམསྨི ན མེསོ ཨཏྟཱཏི; ཨེཝམེཏཾ ཡཐཱབྷཱུཏཾ སམྨཔྤཉྙཱཡ དཊྛབྦཾ.

‘‘ཨེཝཾ པསྶཾ, སུསིམ, སུཏཝཱ ཨརིཡསཱཝཀོ རཱུཔསྨིམྤི ནིབྦིནྡཏི, ཝེདནཱཡཔི ནིབྦིནྡཏི, སཉྙཱཡཔི ནིབྦིནྡཏི, སངྑཱརེསུཔི ནིབྦིནྡཏི, ཝིཉྙཱཎསྨིམྤི ནིབྦིནྡཏི. ནིབྦིནྡཾ ཝིརཛྫཏི, ཝིརཱགཱ ཝིམུཙྩཏི, ཝིམུཏྟསྨིཾ ཝིམུཏྟམིཏི ཉཱཎཾ ཧོཏི. ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱཏི.

‘‘‘ཛཱཏིཔཙྩཡཱ ¶ ཛརཱམརཎ’ནྟི, སུསིམ, པསྶསཱི’’ཏི? ‘‘ཨེཝཾ, བྷནྟེ’’. ‘‘‘བྷཝཔཙྩཡཱ ཛཱཏཱི’ཏི, སུསིམ, པསྶསཱི’’ཏི? ‘‘ཨེཝཾ, བྷནྟེ’’. ‘‘‘ཨུཔཱདཱནཔཙྩཡཱ བྷཝོ’ཏི, སུསིམ, པསྶསཱི’’ཏི? ‘‘ཨེཝཾ, བྷནྟེ’’. ‘‘‘ཏཎྷཱཔཙྩཡཱ ¶ ཨུཔཱདཱན’ནྟི, སུསིམ, པསྶསཱི’’ཏི? ‘‘ཨེཝཾ, བྷནྟེ’’. ‘‘ཝེདནཱཔཙྩཡཱ ཏཎྷཱཏི… ཕསྶཔཙྩཡཱ ཝེདནཱཏི… སལཱ༹ཡཏནཔཙྩཡཱ ཕསྶོཏི… ནཱམརཱུཔཔཙྩཡཱ སལཱ༹ཡཏནནྟི… ཝིཉྙཱཎཔཙྩཡཱ ནཱམརཱུཔནྟི… སངྑཱརཔཙྩཡཱ ཝིཉྙཱཎནྟི… ཨཝིཛྫཱཔཙྩཡཱ སངྑཱརཱཏི, སུསིམ, པསྶསཱི’’ཏི? ‘‘ཨེཝཾ, བྷནྟེ’’.

‘‘‘ཛཱཏིནིརོདྷཱ ¶ ཛརཱམརཎནིརོདྷོ’ཏི, སུསིམ, པསྶསཱི’’ཏི? ‘‘ཨེཝཾ, བྷནྟེ’’ ¶ . ‘‘‘བྷཝནིརོདྷཱ ཛཱཏིནིརོདྷོ’ཏི སུསིམ, པསྶསཱི’’ཏི? ‘‘ཨེཝཾ, བྷནྟེ’’. ‘‘ཨུཔཱདཱནནིརོདྷཱ བྷཝནིརོདྷོཏི… ཏཎྷཱནིརོདྷཱ ཨུཔཱདཱནནིརོདྷོཏི… ཝེདནཱནིརོདྷཱ ཏཎྷཱནིརོདྷོཏི… ཕསྶནིརོདྷཱ ཝེདནཱནིརོདྷོཏི… སལཱ༹ཡཏནནིརོདྷཱ ཕསྶནིརོདྷོཏི… ནཱམརཱུཔནིརོདྷཱ སལཱ༹ཡཏནནིརོདྷོཏི… ཝིཉྙཱཎནིརོདྷཱ ནཱམརཱུཔནིརོདྷོཏི… སངྑཱརནིརོདྷཱ ཝིཉྙཱཎནིརོདྷོཏི… ཨཝིཛྫཱནིརོདྷཱ སངྑཱརནིརོདྷོཏི, སུསིམ, པསྶསཱི’’ཏི? ‘‘ཨེཝཾ, བྷནྟེ’’.

‘‘ཨཔི པན ཏྭཾ, སུསིམ, ཨེཝཾ ཛཱནནྟོ ཨེཝཾ པསྶནྟོ ཨནེཀཝིཧིཏཾ ཨིདྡྷིཝིདྷཾ པཙྩནུབྷོསི – ཨེཀོཔི ཧུཏྭཱ བཧུདྷཱ ཧོསི, བཧུདྷཱཔི ཧུཏྭཱ ཨེཀོ ཧོསི; ཨཱཝིབྷཱཝཾ, ཏིརོབྷཱཝཾ, ཏིརོཀུཊྚཾ ཏིརོཔཱཀཱརཾ ཏིརོཔབྦཏཾ ཨསཛྫམཱནོ གཙྪསི, སེཡྻཐཱཔི ཨཱཀཱསེ; པཐཝིཡཱཔི ཨུམྨུཛྫནིམུཛྫཾ ཀརོསི, སེཡྻཐཱཔི ཨུདཀེ; ཨུདཀེཔི ཨབྷིཛྫམཱནོ གཙྪསི, སེཡྻཐཱཔི པཐཝིཡཾ; ཨཱཀཱསེཔི པལླངྐེན ཀམསི, སེཡྻཐཱཔི པཀྑཱི སཀུཎོ; ཨིམེཔི ཙནྡིམསཱུརིཡེ ཨེཝཾམཧིདྡྷིཀེ ཨེཝཾམཧཱནུབྷཱཝེ པཱཎིནཱ པརིམསསི པརིམཛྫསི, ཡཱཝ བྲཧྨལོཀཱཔི ཀཱཡེན ཝསཾ ཝཏྟེསཱི’’ཏི? ‘‘ནོ ཧེཏཾ, བྷནྟེ’’.

‘‘ཨཔི པན ཏྭཾ, སུསིམ, ཨེཝཾ ཛཱནནྟོ ཨེཝཾ པསྶནྟོ དིབྦཱཡ སོཏདྷཱཏུཡཱ ཝིསུདྡྷཱཡ ཨཏིཀྐནྟམཱནུསིཀཱཡ ཨུབྷོ སདྡེ སུཎསི དིབྦེ ཙ མཱནུསེ ཙ ཡེ དཱུརེ སནྟིཀེ ཙཱ’’ཏི? ‘‘ནོ ¶ ཧེཏཾ, བྷནྟེ’’.

‘‘ཨཔི ¶ པན ཏྭཾ, སུསིམ, ཨེཝཾ ཛཱནནྟོ ཨེཝཾ པསྶནྟོ པརསཏྟཱནཾ པརཔུགྒལཱནཾ ཙེཏསཱ ཙེཏོ ¶ པརིཙྩ པཛཱནཱསི – སརཱགཾ ཝཱ ཙིཏྟཾ སརཱགཾ ཙིཏྟནྟི པཛཱནཱསི…པེ… ཝིམུཏྟཾ ཝཱ ཙིཏྟཾ ཝིམུཏྟཾ ཙིཏྟནྟི པཛཱནཱསཱི’’ཏི? ‘‘ནོ ཧེཏཾ, བྷནྟེ’’.

‘‘ཨཔི པན ཏྭཾ, སུསིམ, ཨེཝཾ ཛཱནནྟོ ཨེཝཾ པསྶནྟོ ཨནེཀཝིཧིཏཾ པུབྦེནིཝཱསཾ ཨནུསྶརསི, སེཡྻཐིདཾ – ཨེཀམྤི ཛཱཏིཾ…པེ… ཨིཏི སཱཀཱརཾ སཨུདྡེསཾ ཨནེཀཝིཧིཏཾ པུབྦེནིཝཱསཾ ཨནུསྶརསཱི’’ཏི? ‘‘ནོ ཧེཏཾ, བྷནྟེ’’.

‘‘ཨཔི པན ཏྭཾ, སུསིམ, ཨེཝཾ ཛཱནནྟོ ཨེཝཾ པསྶནྟོ དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶསི ཙཝམཱནེ…པེ… ཡཐཱཀམྨཱུཔགེ སཏྟེ པཛཱནཱསཱི’’ཏི? ‘‘ནོ ཧེཏཾ, བྷནྟེ’’.

‘‘ཨཔི ¶ པན ཏྭཾ, སུསིམ, ཨེཝཾ ཛཱནནྟོ ཨེཝཾ པསྶནྟོ ཡེ ཏེ སནྟཱ ཝིམོཀྑཱ ཨཏིཀྐམྨ རཱུཔེ, ཨཱརུཔྤཱ ཏེ ཀཱཡེན ཕུསིཏྭཱ ཝིཧརསཱི’’ཏི? ‘‘ནོ ཧེཏཾ, བྷནྟེ’’.

‘‘ཨེཏྠ དཱནི, སུསིམ, ཨིདཉྩ ཝེཡྻཱཀརཎཾ ཨིམེསཉྩ དྷམྨཱནཾ ཨསམཱཔཏྟི, ཨིདཾ ནོ, སུསིམ, ཀཐ’’ནྟི?

ཨཐ ཁོ ཨཱཡསྨཱ སུསིམོ བྷགཝཏོ པཱདེསུ སིརསཱ ནིཔཏིཏྭཱ བྷགཝནྟཾ ཨེཏདཝོཙ – ‘‘ཨཙྩཡོ མཾ, བྷནྟེ, ཨཙྩགམཱ ཡཐཱབཱལཾ ཡཐཱམཱུལ༹ྷཾ ཡཐཱཨཀུསལཾ, ཡྭཱཧཾ ཨེཝཾ སྭཱཀྑཱཏེ དྷམྨཝིནཡེ དྷམྨཏྠེནཀོ པབྦཛིཏོ. ཏསྶ མེ, བྷནྟེ, བྷགཝཱ ཨཙྩཡཾ ཨཙྩཡཏོ པཊིགྒཎྷཱཏུ ཨཱཡཏིཾ སཾཝརཱཡཱ’’ཏི.

‘‘ཏགྒྷ ¶ ཏྭཾ, སུསིམ, ཨཙྩཡོ ཨཙྩགམཱ ཡཐཱབཱལཾ ཡཐཱམཱུལ༹ྷཾ ཡཐཱཨཀུསལཾ, ཡོ ཏྭཾ ཨེཝཾ སྭཱཀྑཱཏེ དྷམྨཝིནཡེ དྷམྨཏྠེནཀོ པབྦཛིཏོ. སེཡྻཐཱཔི ¶ , སུསིམ, ཙོརཾ ཨཱགུཙཱརིཾ གཧེཏྭཱ རཉྙོ དསྶེཡྻུཾ – ‘ཨཡཾ ཏེ, དེཝ, ཙོརོ ཨཱགུཙཱརཱི, ཨིམསྶ ཡཾ ཨིཙྪསི ཏཾ དཎྜཾ པཎེཧཱི’ཏི. ཏམེནཾ རཱཛཱ ཨེཝཾ ཝདེཡྻ – ‘གཙྪཐ, བྷོ, ཨིམཾ པུརིསཾ དལ༹ྷཱཡ རཛྫུཡཱ པཙྪཱབཱཧཾ གཱལ༹ྷབནྡྷནཾ བནྡྷིཏྭཱ ཁུརམུཎྜཾ ཀརིཏྭཱ ཁརསྶརེན པཎཝེན རཐིཡཱཡ རཐིཡཾ སིངྒྷཱཊཀེན སིངྒྷཱཊཀཾ པརིནེཏྭཱ དཀྑིཎེན དྭཱརེན ནིཀྑཱམེཏྭཱ དཀྑིཎཏོ ནགརསྶ སཱིསཾ ཚིནྡཐཱ’ཏི ¶ . ཏམེནཾ རཉྙོ པུརིསཱ དལ༹ྷཱཡ རཛྫུཡཱ པཙྪཱབཱཧཾ གཱལ༹ྷབནྡྷནཾ བནྡྷིཏྭཱ ཁུརམུཎྜཾ ཀརིཏྭཱ ཁརསྶརེན པཎཝེན རཐིཡཱཡ རཐིཡཾ སིངྒྷཱཊཀེན སིངྒྷཱཊཀཾ པརིནེཏྭཱ དཀྑིཎེན དྭཱརེན ནིཀྑཱམེཏྭཱ དཀྑིཎཏོ ནགརསྶ སཱིསཾ ཚིནྡེཡྻུཾ. ཏཾ ཀིཾ མཉྙསི, སུསིམ, ཨཔི ནུ སོ པུརིསོ ཏཏོནིདཱནཾ དུཀྑཾ དོམནསྶཾ པཊིསཾཝེདིཡེཐཱ’’ཏི? ‘‘ཨེཝཾ, བྷནྟེ’’.

‘‘ཡཾ ཁོ སོ, སུསིམ, པུརིསོ ཏཏོནིདཱནཾ དུཀྑཾ དོམནསྶཾ པཊིསཾཝེདིཡེཐ [པཊིསཾཝེདིཡེཐ ཝཱ, ན ཝཱ པཊིསཾཝེདིཡེཐ (ཀ.)]. ཡཱ ཨེཝཾ སྭཱཀྑཱཏེ དྷམྨཝིནཡེ དྷམྨཏྠེནཀསྶ པབྦཛྫཱ, ཨཡཾ ཏཏོ དུཀྑཝིཔཱཀཏརཱ ཙ ཀཊུཀཝིཔཱཀཏརཱ ཙ, ཨཔི ཙ ཝིནིཔཱཏཱཡ སཾཝཏྟཏི. ཡཏོ ཙ ཁོ ཏྭཾ, སུསིམ, ཨཙྩཡཾ ཨཙྩཡཏོ དིསྭཱ ཡཐཱདྷམྨཾ པཊིཀརོསི ཏཾ ཏེ མཡཾ པཊིགྒཎྷཱམ. ཝུདྡྷི ཧེསཱ, སུསིམ, ཨརིཡསྶ ཝིནཡེ ¶ ཡོ ཨཙྩཡཾ ཨཙྩཡཏོ དིསྭཱ ཡཐཱདྷམྨཾ ¶ པཊིཀརོཏི, ཨཱཡཏིཉྩ [ཨཱཡཏིཾ (སྱཱ. ཀཾ.)] སཾཝརཾ ཨཱཔཛྫཏཱི’’ཏི. དསམཾ.

མཧཱཝགྒོ སཏྟམོ.

ཏསྶུདྡཱནཾ –

དྭེ ཨསྶུཏཝཏཱ ཝུཏྟཱ, པུཏྟམཾསེན ཙཱཔརཾ;

ཨཏྠིརཱགོ ཙ ནགརཾ, སམྨསཾ ནལ༹ཀལཱཔིཡཾ;

ཀོསམྦཱི ཨུཔཡནྟི ཙ, དསམོ སུསིམེན ཙཱཏི [དསམོ ཝུཏྟོ སུསཱིམེནཱཏི (སཱི.)].

༨. སམཎབྲཱཧྨཎཝགྒོ

༡. ཛརཱམརཎསུཏྟཾ

༧༡. ཨེཝཾ ¶ ¶ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏཏྲ ཁོ བྷགཝཱ…པེ… ‘‘ཡེ ཧི ཀེཙི, བྷིཀྑཝེ ¶ , སམཎཱ ཝཱ བྲཱཧྨཎཱ ཝཱ ཛརཱམརཎཾ ནཔྤཛཱནནྟི, ཛརཱམརཎསམུདཡཾ ནཔྤཛཱནནྟི, ཛརཱམརཎནིརོདྷཾ ནཔྤཛཱནནྟི, ཛརཱམརཎནིརོདྷགཱམིནིཾ པཊིཔདཾ ནཔྤཛཱནནྟི, ན མེ ཏེ, བྷིཀྑཝེ, སམཎཱ ཝཱ བྲཱཧྨཎཱ ཝཱ སམཎེསུ ཝཱ སམཎསམྨཏཱ བྲཱཧྨཎེསུ ཝཱ བྲཱཧྨཎསམྨཏཱ, ན ཙ པན ཏེ ཨཱཡསྨནྟོ སཱམཉྙཏྠཾ ཝཱ བྲཧྨཉྙཏྠཾ ཝཱ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟི.

‘‘ཡེ ཙ ཁོ ཀེཙི, བྷིཀྑཝེ, སམཎཱ ཝཱ བྲཱཧྨཎཱ ཝཱ ཛརཱམརཎཾ པཛཱནནྟི…པེ… པཊིཔདཾ པཛཱནནྟི, ཏེ ཁོ མེ, བྷིཀྑཝེ, སམཎཱ ཝཱ བྲཱཧྨཎཱ ཝཱ སམཎེསུ ཙེཝ སམཎསམྨཏཱ བྲཱཧྨཎེསུ ཙ བྲཱཧྨཎསམྨཏཱ, ཏེ ཙ པནཱཡསྨནྟོ སཱམཉྙཏྠཉྩ བྲཧྨཉྙཏྠཉྩ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟཱི’’ཏི. (སུཏྟནྟོ ཨེཀོ). པཋམཾ.

༢-༡༡. ཛཱཏིསུཏྟཱདིདསཀཾ

༧༢. སཱཝཏྠིཡཾ ¶ ཝིཧརཏི…པེ… ཛཱཏིཾ ནཔྤཛཱནནྟི…པེ….

(༣) བྷཝཾ ནཔྤཛཱནནྟི…པེ….

(༤) ཨུཔཱདཱནཾ ནཔྤཛཱནནྟི…པེ….

(༥) ཏཎྷཾ ནཔྤཛཱནནྟི…པེ….

(༦) ཝེདནཾ ནཔྤཛཱནནྟི…པེ….

(༧) ཕསྶཾ ¶ ནཔྤཛཱནནྟི…པེ….

(༨) སལཱ༹ཡཏནཾ ནཔྤཛཱནནྟི…པེ….

(༩) ནཱམརཱུཔཾ ¶ ནཔྤཛཱནནྟི…པེ….

(༡༠) ཝིཉྙཱཎཾ ནཔྤཛཱནནྟི…པེ….

(༡༡) ‘‘སངྑཱརེ ¶ ནཔྤཛཱནནྟི, སངྑཱརསམུདཡཾ ནཔྤཛཱནནྟི, སངྑཱརནིརོདྷཾ ནཔྤཛཱནནྟི, སངྑཱརནིརོདྷགཱམིནིཾ པཊིཔདཾ ནཔྤཛཱནནྟི…པེ… སངྑཱརེ པཛཱནནྟི…པེ… སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟཱི’’ཏི. ཨེཀཱདསམཾ.

སམཎབྲཱཧྨཎཝགྒོ ཨཊྛམོ.

ཏསྶུདྡཱནཾ –

པཙྩཡེཀཱདས ཝུཏྟཱ, ཙཏུསཙྩཝིབྷཛྫནཱ;

སམཎབྲཱཧྨཎཝགྒོ, ནིདཱནེ བྷཝཏི ཨཊྛམོ.

ཝགྒུདྡཱནཾ –

བུདྡྷོ ཨཱཧཱརོ དསབལོ, ཀལཱ༹རོ གཧཔཏིཔཉྩམོ;

དུཀྑཝགྒོ མཧཱཝགྒོ, ཨཊྛམོ སམཎབྲཱཧྨཎོཏི.

༩. ཨནྟརཔེཡྻཱལཾ

༡. སཏྠུསུཏྟཾ

༧༣. སཱཝཏྠིཡཾ ¶ ¶ ཝིཧརཏི…པེ… ‘‘ཛརཱམརཎཾ, བྷིཀྑཝེ, ཨཛཱནཏཱ ཨཔསྶཏཱ ཡཐཱབྷཱུཏཾ ཛརཱམརཎེ ཡཐཱབྷཱུཏཾ ཉཱཎཱཡ སཏྠཱ པརིཡེསིཏབྦོ; ཛརཱམརཎསམུདཡཾ ཨཛཱནཏཱ ཨཔསྶཏཱ ཡཐཱབྷཱུཏཾ ཛརཱམརཎསམུདཡེ ཡཐཱབྷཱུཏཾ ¶ ཉཱཎཱཡ སཏྠཱ པརིཡེསིཏབྦོ; ཛརཱམརཎནིརོདྷཾ ཨཛཱནཏཱ ཨཔསྶཏཱ ཡཐཱབྷཱུཏཾ ཛརཱམརཎནིརོདྷེ ཡཐཱབྷཱུཏཾ ཉཱཎཱཡ སཏྠཱ པརིཡེསིཏབྦོ; ཛརཱམརཎནིརོདྷགཱམིནིཾ པཊིཔདཾ ཨཛཱནཏཱ ཨཔསྶཏཱ ཡཐཱབྷཱུཏཾ ཛརཱམརཎནིརོདྷགཱམིནིཡཱ པཊིཔདཱཡ ཡཐཱབྷཱུཏཾ ཉཱཎཱཡ སཏྠཱ པརིཡེསིཏབྦོ’’ཏི. (སུཏྟནྟོ ཨེཀོ). པཋམཾ.

(སབྦེསཾ པེཡྻཱལོ ཨེཝཾ ཝིཏྠཱརེཏབྦོ)

༢-༡༡. དུཏིཡསཏྠུསུཏྟཱདིདསཀཾ

(༢) ཛཱཏིཾ ¶ , བྷིཀྑཝེ, ཨཛཱནཏཱ ཨཔསྶཏཱ ཡཐཱབྷཱུཏཾ…པེ….

(༣) བྷཝཾ, བྷིཀྑཝེ, ཨཛཱནཏཱ ཨཔསྶཏཱ ཡཐཱབྷཱུཏཾ…པེ….

(༤) ཨུཔཱདཱནཾ, བྷིཀྑཝེ, ཨཛཱནཏཱ ཨཔསྶཏཱ ཡཐཱབྷཱུཏཾ…པེ….

(༥) ཏཎྷཾ, བྷིཀྑཝེ, ཨཛཱནཏཱ ཨཔསྶཏཱ ཡཐཱབྷཱུཏཾ…པེ….

(༦) ཝེདནཾ, བྷིཀྑཝེ, ཨཛཱནཏཱ ཨཔསྶཏཱ ཡཐཱབྷཱུཏཾ…པེ….

(༧) ཕསྶཾ, བྷིཀྑཝེ, ཨཛཱནཏཱ ཨཔསྶཏཱ ཡཐཱབྷཱུཏཾ…པེ….

(༨) སལཱ༹ཡཏནཾ ¶ , བྷིཀྑཝེ, ཨཛཱནཏཱ ཨཔསྶཏཱ ཡཐཱབྷཱུཏཾ…པེ….

(༩) ནཱམརཱུཔཾ, བྷིཀྑཝེ, ཨཛཱནཏཱ ཨཔསྶཏཱ ཡཐཱབྷཱུཏཾ…པེ….

(༡༠) ཝིཉྙཱཎཾ, བྷིཀྑཝེ, ཨཛཱནཏཱ ཨཔསྶཏཱ ཡཐཱབྷཱུཏཾ…པེ….

(༡༡) ‘‘སངྑཱརེ, བྷིཀྑཝེ, ཨཛཱནཏཱ ཨཔསྶཏཱ ཡཐཱབྷཱུཏཾ སངྑཱརེསུ ཡཐཱབྷཱུཏཾ ཉཱཎཱཡ སཏྠཱ པརིཡེསིཏབྦོ; སངྑཱརསམུདཡཾ ཨཛཱནཏཱ ཨཔསྶཏཱ ཡཐཱབྷཱུཏཾ སངྑཱརསམུདཡེ ཡཐཱབྷཱུཏཾ ཉཱཎཱཡ སཏྠཱ པརིཡེསིཏབྦོ; སངྑཱརནིརོདྷཾ ཨཛཱནཏཱ ཨཔསྶཏཱ ཡཐཱབྷཱུཏཾ ¶ སངྑཱརནིརོདྷེ ཡཐཱབྷཱུཏཾ ཉཱཎཱཡ སཏྠཱ པརིཡེསིཏབྦོ; སངྑཱརནིརོདྷགཱམིནིཾ པཊིཔདཾ ཨཛཱནཏཱ ཨཔསྶཏཱ ཡཐཱབྷཱུཏཾ སངྑཱརནིརོདྷགཱམིནིཡཱ པཊིཔདཱཡ ཡཐཱབྷཱུཏཾ ཉཱཎཱཡ སཏྠཱ པརིཡེསིཏབྦོ’’ཏི. ཨེཀཱདསམཾ.

(སབྦེསཾ ཙཏུསཙྩིཀཾ ཀཱཏབྦཾ).

༢-༡༢. སིཀྑཱསུཏྟཱདིཔེཡྻཱལཨེཀཱདསཀཾ

(༢) ‘‘ཛརཱམརཎཾ ¶ , བྷིཀྑཝེ, ཨཛཱནཏཱ ཨཔསྶཏཱ ཡཐཱབྷཱུཏཾ ཛརཱམརཎེ ཡཐཱབྷཱུཏཾ ཉཱཎཱཡ སིཀྑཱ ཀརཎཱིཡཱ.

(པེཡྻཱལོ. ཙཏུསཙྩིཀཾ ཀཱཏབྦཾ).

(༣) ཛརཱམརཎཾ, བྷིཀྑཝེ, ཨཛཱནཏཱ…པེ… ཡོགོ ཀརཎཱིཡོ…པེ….

(༤) ཛརཱམརཎཾ, བྷིཀྑཝེ, ཨཛཱནཏཱ…པེ… ཚནྡོ ¶ ཀརཎཱིཡོ…པེ….

(༥) ཛརཱམརཎཾ, བྷིཀྑཝེ, ཨཛཱནཏཱ…པེ… ཨུསྶོལ༹ྷཱི ཀརཎཱིཡཱ…པེ….

(༦) ཛརཱམརཎཾ ¶ , བྷིཀྑཝེ, ཨཛཱནཏཱ…པེ… ཨཔྤཊིཝཱནཱི ཀརཎཱིཡཱ…པེ….

(༧) ཛརཱམརཎཾ, བྷིཀྑཝེ, ཨཛཱནཏཱ…པེ… ཨཱཏཔྤཾ ཀརཎཱིཡཾ…པེ….

(༨) ཛརཱམརཎཾ, བྷིཀྑཝེ, ཨཛཱནཏཱ…པེ… ཝཱིརིཡཾ ཀརཎཱིཡཾ…པེ….

(༩) ཛརཱམརཎཾ, བྷིཀྑཝེ, ཨཛཱནཏཱ…པེ… སཱཏཙྩཾ ཀརཎཱིཡཾ…པེ….

(༡༠) ཛརཱམརཎཾ, བྷིཀྑཝེ, ཨཛཱནཏཱ…པེ… སཏི ཀརཎཱིཡཱ…པེ….

(༡༡) ཛརཱམརཎཾ, བྷིཀྑཝེ, ཨཛཱནཏཱ…པེ… སམྤཛཉྙཾ ཀརཎཱིཡཾ…པེ….

(༡༢) ཛརཱམརཎཾ, བྷིཀྑཝེ, ཨཛཱནཏཱ…པེ… ཨཔྤམཱདོ ཀརཎཱིཡོ…པེ….

ཨནྟརཔེཡྻཱལོ ནཝམོ.

ཏསྶུདྡཱནཾ –

སཏྠཱ སིཀྑཱ ཙ ཡོགོ ཙ, ཚནྡོ ཨུསྶོལ༹ྷིཔཉྩམཱི;

ཨཔྤཊིཝཱནི ཨཱཏཔྤཾ, ཝཱིརིཡཾ ¶ སཱཏཙྩམུཙྩཏི;

སཏི ཙ སམྤཛཉྙཉྩ, ཨཔྤམཱདེན དྭཱདསཱཏི.

སུཏྟནྟཱ ཨནྟརཔེཡྻཱལཱ ནིཊྛིཏཱ.

པརེ ¶ ཏེ དྭཱདས ཧོནྟི, སུཏྟཱ དྭཏྟིཾས སཏཱནི;

ཙཏུསཙྩེན ཏེ ཝུཏྟཱ, པེཡྻཱལཨནྟརམྷི ཡེཏི [པེཡྻཱལཱ ཨནྟརམྷི ཡེཏི (སཱི. སྱཱ. ཀཾ.)].

ཨནྟརཔེཡྻཱལེསུ ཨུདྡཱནཾ སམཏྟཾ.

ནིདཱནསཾཡུཏྟཾ སམཏྟཾ.

༢. ཨབྷིསམཡསཾཡུཏྟཾ

༡. ནཁསིཁཱསུཏྟཾ

༧༤. ཨེཝཾ ¶ ¶ ¶ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཨཐ ཁོ བྷགཝཱ པརིཏྟཾ ནཁསིཁཱཡཾ པཾསུཾ ཨཱརོཔེཏྭཱ བྷིཀྑཱུ ཨཱམནྟེསི – ‘‘ཏཾ ཀིཾ མཉྙཐ, བྷིཀྑཝེ, ཀཏམཾ ནུ ཁོ བཧུཏརཾ, ཡོ ཝཱཡཾ [ཡོ ཙཱཡཾ (སབྦཏྠ) དུཏིཡསུཏྟཱདཱིསུ པན ཝཱསདྡོཡེཝ དིསྶཏི] མཡཱ པརིཏྟོ ནཁསིཁཱཡཾ པཾསུ ཨཱརོཔིཏོ, ཨཡཾ ཝཱ མཧཱཔཐཝཱི’’ཏི?

‘‘ཨེཏདེཝ, བྷནྟེ, བཧུཏརཾ, ཡདིདཾ མཧཱཔཐཝཱི. ཨཔྤམཏྟཀོ བྷགཝཏཱ པརིཏྟོ ནཁསིཁཱཡཾ པཾསུ ཨཱརོཔིཏོ. ནེཝ སཏིམཾ ཀལཾ ཨུཔེཏི ན སཧསྶིམཾ ཀལཾ ཨུཔེཏི ན སཏསཧསྶིམཾ ཀལཾ ཨུཔེཏི མཧཱཔཐཝིཾ ཨུཔནིདྷཱཡ བྷགཝཏཱ པརིཏྟོ ནཁསིཁཱཡཾ པཾསུ ཨཱརོཔིཏོ’’ཏི. ‘‘ཨེཝམེཝ ཁོ, བྷིཀྑཝེ, ཨརིཡསཱཝཀསྶ དིཊྛིསམྤནྣསྶ པུགྒལསྶ ཨབྷིསམེཏཱཝིནོ ཨེཏདེཝ བཧུཏརཾ དུཀྑཾ ཡདིདཾ པརིཀྑཱིཎཾ པརིཡཱདིཎྞཾ; ཨཔྤམཏྟཀཾ ཨཝསིཊྛཾ. ནེཝ སཏིམཾ ཀལཾ ཨུཔེཏི ན སཧསྶིམཾ ¶ ཀལཾ ཨུཔེཏི ན སཏསཧསྶིམཾ ཀལཾ ཨུཔེཏི པུརིམཾ དུཀྑཀྑནྡྷཾ པརིཀྑཱིཎཾ པརིཡཱདིཎྞཾ ཨུཔནིདྷཱཡ ཡདིདཾ སཏྟཀྑཏྟུཾཔརམཏཱ. ཨེཝཾ མཧཏྠིཡོ ཁོ, བྷིཀྑཝེ, དྷམྨཱབྷིསམཡོ; ཨེཝཾ མཧཏྠིཡོ དྷམྨཙཀྑུཔཊིལཱབྷོ’’ཏི. པཋམཾ.

༢. པོཀྑརཎཱིསུཏྟཾ

༧༥. སཱཝཏྠིཡཾ ཝིཧརཏི…པེ… ‘‘སེཡྻཐཱཔི, བྷིཀྑཝེ, པོཀྑརཎཱི པཉྙཱསཡོཛནཱནི ཨཱཡཱམེན པཉྙཱསཡོཛནཱནི ཝིཏྠཱརེན པཉྙཱསཡོཛནཱནི ¶ ཨུབྦེདྷེན, པུཎྞཱ ཨུདཀསྶ སམཏིཏྟིཀཱ ཀཱཀཔེཡྻཱ. ཏཏོ པུརིསོ ཀུསགྒེན ཨུདཀཾ ཨུདྡྷརེཡྻ. ཏཾ ཀིཾ མཉྙཐ, བྷིཀྑཝེ ¶ , ཀཏམཾ ནུ ཁོ བཧུཏརཾ, ཡཾ ཝཱ ཀུསགྒེན ཨུདཀཾ ཨུབྦྷཏཾ ཡཾ ཝཱ པོཀྑརཎིཡཱ ཨུདཀ’’ནྟི?

‘‘ཨེཏདེཝ, བྷནྟེ, བཧུཏརཾ, ཡདིདཾ པོཀྑརཎིཡཱ ཨུདཀཾ. ཨཔྤམཏྟཀཾ ཀུསགྒེན ཨུདཀཾ ཨུབྦྷཏཾ. ནེཝ སཏིམཾ ཀལཾ ཨུཔེཏི ¶ ན སཧསྶིམཾ ཀལཾ ཨུཔེཏི ན སཏསཧསྶིམཾ ཀལཾ ཨུཔེཏི པོཀྑརཎིཡཱ ཨུདཀཾ ཨུཔནིདྷཱཡ ཀུསགྒེན ཨུདཀཾ ཨུབྦྷཏ’’ནྟི. ‘‘ཨེཝམེཝ ཁོ, བྷིཀྑཝེ, ཨརིཡསཱཝཀསྶ དིཊྛིསམྤནྣསྶ པུགྒལསྶ ཨབྷིསམེཏཱཝིནོ ཨེཏདེཝ བཧུཏརཾ དུཀྑཾ ཡདིདཾ པརིཀྑཱིཎཾ པརིཡཱདིཎྞཾ; ཨཔྤམཏྟཀཾ ཨཝསིཊྛཾ. ནེཝ སཏིམཾ ཀལཾ ཨུཔེཏི ན སཧསྶིམཾ ཀལཾ ཨུཔེཏི ན སཏསཧསྶིམཾ ཀལཾ ཨུཔེཏི པུརིམཾ དུཀྑཀྑནྡྷཾ པརིཀྑཱིཎཾ པརིཡཱདིཎྞཾ ཨུཔནིདྷཱཡ, ཡདིདཾ སཏྟཀྑཏྟུཾཔརམཏཱ. ཨེཝཾ མཧཏྠིཡོ ཁོ, བྷིཀྑཝེ, དྷམྨཱབྷིསམཡོ; ཨེཝཾ མཧཏྠིཡོ དྷམྨཙཀྑུཔཊིལཱབྷོ’’ཏི. དུཏིཡཾ.

༣. སམྦྷེཛྫཨུདཀསུཏྟཾ

༧༦. སཱཝཏྠིཡཾ ཝིཧརཏི…པེ… ‘‘སེཡྻཐཱཔི ¶ , བྷིཀྑཝེ, ཡཏྠིམཱ མཧཱནདིཡོ སཾསནྡནྟི སམེནྟི, སེཡྻཐིདཾ – གངྒཱ ཡམུནཱ ཨཙིརཝཏཱི སརབྷཱུ མཧཱི, ཏཏོ པུརིསོ དྭེ ཝཱ ཏཱིཎི ཝཱ ཨུདཀཕུསིཏཱནི ཨུདྡྷརེཡྻ. ཏཾ ཀིཾ མཉྙཐ, བྷིཀྑཝེ, ཀཏམཾ ནུ ཁོ བཧུཏརཾ, ཡཱནི ཝཱ དྭེ ཝཱ ཏཱིཎི ཝཱ ཨུདཀཕུསིཏཱནི ཨུབྦྷཏཱནི ཡཾ ཝཱ སམྦྷེཛྫཨུདཀ’’ནྟི?

‘‘ཨེཏདེཝ, བྷནྟེ, བཧུཏརཾ ཡདིདཾ སམྦྷེཛྫཨུདཀཾ; ཨཔྤམཏྟཀཱནི ¶ དྭེ ཝཱ ཏཱིཎི ཝཱ ཨུདཀཕུསིཏཱནི ཨུབྦྷཏཱནི. ནེཝ སཏིམཾ ཀལཾ ཨུཔེནྟི ན སཧསྶིམཾ ཀལཾ ཨུཔེནྟི ན སཏསཧསྶིམཾ ཀལཾ ཨུཔེནྟི སམྦྷེཛྫཨུདཀཾ ཨུཔནིདྷཱཡ དྭེ ཝཱ ཏཱིཎི ཝཱ ཨུདཀཕུསིཏཱནི ཨུབྦྷཏཱནཱི’’ཏི. ‘‘ཨེཝམེཝ ཁོ, བྷིཀྑཝེ…པེ… དྷམྨཙཀྑུཔཊིལཱབྷོ’’ཏི. ཏཏིཡཾ.

༤. དུཏིཡསམྦྷེཛྫཨུདཀསུཏྟཾ

༧༧. སཱཝཏྠིཡཾ ཝིཧརཏི…པེ… ‘‘སེཡྻཐཱཔི, བྷིཀྑཝེ, ཡཏྠིམཱ མཧཱནདིཡོ སཾསནྡནྟི སམེནྟི, སེཡྻཐིདཾ – གངྒཱ ཡམུནཱ ཨཙིརཝཏཱི སརབྷཱུ མཧཱི, ཏཾ ཨུདཀཾ པརིཀྑཡཾ པརིཡཱདཱནཾ གཙྪེཡྻ ¶ ཋཔེཏྭཱ དྭེ ཝཱ ཏཱིཎི ཝཱ ཨུདཀཕུསིཏཱནི. ཏཾ ཀིཾ མཉྙཐ, བྷིཀྑཝེ, ཀཏམཾ ནུ ཁོ བཧུཏརཾ, ཡཾ ཝཱ སམྦྷེཛྫཨུདཀཾ པརིཀྑཱིཎཾ པརིཡཱདིཎྞཾ ཡཱནི ཝཱ དྭེ ཝཱ ཏཱིཎི ཝཱ ཨུདཀཕུསིཏཱནི ཨཝསིཊྛཱནཱི’’ཏི?

‘‘ཨེཏདེཝ, བྷནྟེ, བཧུཏརཾ སམྦྷེཛྫཨུདཀཾ ཡདིདཾ པརིཀྑཱིཎཾ པརིཡཱདིཎྞཾ; ཨཔྤམཏྟཀཱནི དྭེ ཝཱ ཏཱིཎི ཝཱ ཨུདཀཕུསིཏཱནི ཨཝསིཊྛཱནི. ནེཝ སཏིམཾ ཀལཾ ¶ ཨུཔེནྟི ན སཧསྶིམཾ ཀལཾ ཨུཔེནྟི ན སཏསཧསྶིམཾ ཀལཾ ཨུཔེནྟི སམྦྷེཛྫཨུདཀཾ པརིཀྑཱིཎཾ པརིཡཱདིཎྞཾ ཨུཔནིདྷཱཡ དྭེ ཝཱ ཏཱིཎི ཝཱ ཨུདཀཕུསིཏཱནི ཨཝསིཊྛཱནཱི’’ཏི. ‘‘ཨེཝམེཝ ཁོ, བྷིཀྑཝེ…པེ… དྷམྨཙཀྑུཔཊིལཱབྷོ’’ཏི. ཙཏུཏྠཾ.

༥. པཐཝཱིསུཏྟཾ

༧༨. སཱཝཏྠིཡཾ ཝིཧརཏི…པེ… ‘‘སེཡྻཐཱཔི ¶ , བྷིཀྑཝེ, པུརིསོ ¶ མཧཱཔཐཝིཡཱ སཏྟ ཀོལཊྛིམཏྟིཡོ གུལི༹ཀཱ ཨུཔནིཀྑིཔེཡྻ. ཏཾ ཀིཾ མཉྙཐ, བྷིཀྑཝེ, ཀཏམཾ ནུ ཁོ བཧུཏརཾ, ཡཱ ཝཱ སཏྟ ཀོལཊྛིམཏྟིཡོ གུལི༹ཀཱ ཨུཔནིཀྑིཏྟཱ ཨཡཾ [ཡཱ (སྱཱ. ཀ.)] ཝཱ མཧཱཔཐཝཱི’’ཏི?

‘‘ཨེཏདེཝ, བྷནྟེ, བཧུཏརཾ, ཡདིདཾ མཧཱཔཐཝཱི; ཨཔྤམཏྟིཀཱ སཏྟ ཀོལཊྛིམཏྟིཡོ གུལི༹ཀཱ ཨུཔནིཀྑིཏྟཱ. ནེཝ སཏིམཾ ཀལཾ ཨུཔེནྟི ན སཧསྶིམཾ ཀལཾ ཨུཔེནྟི ན སཏསཧསྶིམཾ ཀལཾ ཨུཔེནྟི མཧཱཔཐཝིཾ ཨུཔནིདྷཱཡ སཏྟ ཀོལཊྛིམཏྟིཡོ གུལི༹ཀཱ ཨུཔནིཀྑིཏྟཱ’’ཏི. ‘‘ཨེཝམེཝ ཁོ, བྷིཀྑཝེ…པེ… དྷམྨཙཀྑུཔཊིལཱབྷོ’’ཏི. པཉྩམཾ.

༦. དུཏིཡཔཐཝཱིསུཏྟཾ

༧༩. སཱཝཏྠིཡཾ ཝིཧརཏི…པེ… ‘‘སེཡྻཐཱཔི, བྷིཀྑཝེ, མཧཱཔཐཝཱི པརིཀྑཡཾ པརིཡཱདཱནཾ གཙྪེཡྻ, ཋཔེཏྭཱ སཏྟ ཀོལཊྛིམཏྟིཡོ གུལི༹ཀཱ. ཏཾ ཀིཾ མཉྙཐ, བྷིཀྑཝེ, ཀཏམཾ ནུ ཁོ བཧུཏརཾ, ཡཾ ཝཱ མཧཱཔཐཝིཡཱ པརིཀྑཱིཎཾ པརིཡཱདིཎྞཾ ཡཱ ཝཱ སཏྟ ཀོལཊྛིམཏྟིཡོ གུལི༹ཀཱ ཨཝསིཊྛཱ’’ཏི?

‘‘ཨེཏདེཝ ¶ བྷནྟེ, བཧུཏརཾ, མཧཱཔཐཝིཡཱ, ཡདིདཾ པརིཀྑཱིཎཾ པརིཡཱདིཎྞཾ; ཨཔྤམཏྟིཀཱ སཏྟ ཀོལཊྛིམཏྟིཡོ གུལི༹ཀཱ ཨཝསིཊྛཱ. ནེཝ སཏིམཾ ཀལཾ ཨུཔེནྟི ན སཧསྶིམཾ ཀལཾ ཨུཔེནྟི ན སཏསཧསྶིམཾ ཀལཾ ཨུཔེནྟི མཧཱཔཐཝིཡཱ པརིཀྑཱིཎཾ པརིཡཱདིཎྞཾ ཨུཔནིདྷཱཡ སཏྟ ཀོལཊྛིམཏྟིཡོ གུལི༹ཀཱ ཨཝསིཊྛཱ’’ཏི. ‘‘ཨེཝམེཝ ཁོ, བྷིཀྑཝེ…པེ… དྷམྨཙཀྑུཔཊིལཱབྷོ’’ཏི. ཚཊྛཾ.

༧. སམུདྡསུཏྟཾ

༨༠. སཱཝཏྠིཡཾ ¶ ཝིཧརཏི…པེ… ‘‘སེཡྻཐཱཔི, བྷིཀྑཝེ, པུརིསོ མཧཱསམུདྡཏོ དྭེ ཝཱ ཏཱིཎི ཝཱ ཨུདཀཕུསིཏཱནི ཨུདྡྷརེཡྻ. ཏཾ ཀིཾ མཉྙཐ, བྷིཀྑཝེ ¶ , ཀཏམཾ ནུ ཁོ བཧུཏརཾ, ཡཱནི ཝཱ དྭེ ཝཱ ཏཱིཎི ཝཱ ཨུདཀཕུསིཏཱནི ཨུབྦྷཏཱནི ཡཾ ཝཱ མཧཱསམུདྡེ ཨུདཀ’’ནྟི?

‘‘ཨེཏདེཝ ¶ , བྷནྟེ, བཧུཏརཾ, ཡདིདཾ མཧཱསམུདྡེ ཨུདཀཾ; ཨཔྤམཏྟཀཱནི དྭེ ཝཱ ཏཱིཎི ཝཱ ཨུདཀཕུསིཏཱནི ཨུབྦྷཏཱནི. ནེཝ སཏིམཾ ཀལཾ ཨུཔེནྟི ན སཧསྶིམཾ ཀལཾ ཨུཔེནྟི ན སཏསཧསྶིམཾ ཀལཾ ཨུཔེནྟི མཧཱསམུདྡེ ཨུདཀཾ ཨུཔནིདྷཱཡ དྭེ ཝཱ ཏཱིཎི ཝཱ ཨུདཀཕུསིཏཱནི ཨུབྦྷཏཱནཱི’’ཏི. ‘‘ཨེཝམེཝ ཁོ, བྷིཀྑཝེ…པེ… དྷམྨཙཀྑུཔཊིལཱབྷོ’’ཏི. སཏྟམཾ.

༨. དུཏིཡསམུདྡསུཏྟཾ

༨༡. སཱཝཏྠིཡཾ ཝིཧརཏི…པེ… ‘‘སེཡྻཐཱཔི, བྷིཀྑཝེ, མཧཱསམུདྡོ པརིཀྑཡཾ པརིཡཱདཱནཾ གཙྪེཡྻ, ཋཔེཏྭཱ དྭེ ཝཱ ཏཱིཎི ཝཱ ཨུདཀཕུསིཏཱནི. ཏཾ ཀིཾ མཉྙཐ, བྷིཀྑཝེ, ཀཏམཾ ནུ ཁོ བཧུཏརཾ, ཡཾ ཝཱ མཧཱསམུདྡེ ཨུདཀཾ པརིཀྑཱིཎཾ པརིཡཱདིནྣཾ ཡཱནི ཝཱ དྭེ ཝཱ ཏཱིཎི ཝཱ ཨུདཀཕུསིཏཱནི ཨཝསིཊྛཱནཱི’’ཏི?

‘‘ཨེཏདེཝ, བྷནྟེ, བཧུཏརཾ མཧཱསམུདྡེ ཨུདཀཾ, ཡདིདཾ པརིཀྑཱིཎཾ པརིཡཱདིཎྞཾ; ཨཔྤམཏྟཀཱནི དྭེ ཝཱ ཏཱིཎི ཝཱ ཨུདཀཕུསིཏཱནི ཨཝསིཊྛཱནི. ནེཝ སཏིམཾ ཀལཾ ཨུཔེནྟི ན སཧསྶིམཾ ཀལཾ ཨུཔེནྟི ན སཏསཧསྶིམཾ ཀལཾ ཨུཔེནྟི མཧཱསམུདྡེ ཨུདཀཾ པརིཀྑཱིཎཾ པརིཡཱདིཎྞཾ ¶ ཨུཔནིདྷཱཡ དྭེ ཝཱ ཏཱིཎི ཝཱ ཨུདཀཕུསིཏཱནི ཨཝསིཊྛཱནཱི’’ཏི. ‘‘ཨེཝམེཝ ¶ ཁོ བྷིཀྑཝེ…པེ… དྷམྨཙཀྑུཔཊིལཱབྷོ’’ཏི. ཨཊྛམཾ.

༩. པབྦཏསུཏྟཾ

༨༢. སཱཝཏྠིཡཾ ཝིཧརཏི…པེ… ‘‘སེཡྻཐཱཔི, བྷིཀྑཝེ, པུརིསོ ཧིམཝཏོ པབྦཏརཱཛསྶ སཏྟ སཱསཔམཏྟིཡོ པཱསཱཎསཀྑརཱ ཨུཔནིཀྑིཔེཡྻ. ཏཾ ཀིཾ མཉྙཐ, བྷིཀྑཝེ, ཀཏམཾ ནུ ཁོ བཧུཏརཾ, ཡཱ ཝཱ སཏྟ སཱསཔམཏྟིཡོ པཱསཱཎསཀྑརཱ ཨུཔནིཀྑིཏྟཱ ཡོ ཝཱ ཧིམཝཱ [ཨུཔནིཀྑིཏྟཱ, ཧིམཝཱ ཝཱ (སཱི.)] པབྦཏརཱཛཱ’’ཏི?

‘‘ཨེཏདེཝ, བྷནྟེ, བཧུཏརཾ ཡདིདཾ ཧིམཝཱ པབྦཏརཱཛཱ; ཨཔྤམཏྟིཀཱ སཏྟ སཱསཔམཏྟིཡོ པཱསཱཎསཀྑརཱ ¶ ཨུཔནིཀྑིཏྟཱ. ནེཝ སཏིམཾ ཀལཾ ཨུཔེནྟི ན སཧསྶིམཾ ཀལཾ ཨུཔེནྟི ¶ ན སཏསཧསྶིམཾ ཀལཾ ཨུཔེནྟི ཧིམཝནྟཾ པབྦཏརཱཛཱནཾ ཨུཔནིདྷཱཡ སཏྟ སཱསཔམཏྟིཡོ པཱསཱཎསཀྑརཱ ཨུཔནིཀྑིཏྟཱ’’ཏི. ‘‘ཨེཝམེཝ ཁོ…པེ… དྷམྨཙཀྑུཔཊིལཱབྷོ’’ཏི. ནཝམཾ.

༡༠. དུཏིཡཔབྦཏསུཏྟཾ

༨༣. སཱཝཏྠིཡཾ ཝིཧརཏི…པེ… ‘‘སེཡྻཐཱཔི, བྷིཀྑཝེ, ཧིམཝཱ པབྦཏརཱཛཱ པརིཀྑཡཾ པརིཡཱདཱནཾ གཙྪེཡྻ, ཋཔེཏྭཱ སཏྟ སཱསཔམཏྟིཡོ པཱསཱཎསཀྑརཱ. ཏཾ ཀིཾ མཉྙཐ, བྷིཀྑཝེ, ཀཏམཾ ནུ ཁོ བཧུཏརཾ, ཡཾ ཝཱ ཧིམཝཏོ པབྦཏརཱཛསྶ པརིཀྑཱིཎཾ པརིཡཱདིཎྞཾ ཡཱ ཝཱ སཏྟ སཱསཔམཏྟིཡོ པཱསཱཎསཀྑརཱ ཨཝསིཊྛཱ’’ཏི?

‘‘ཨེཏདེཝ, བྷནྟེ, བཧུཏརཾ ཧིམཝཏོ པབྦཏརཱཛསྶ ཡདིདཾ པརིཀྑཱིཎཾ པརིཡཱདིཎྞཾ; ཨཔྤམཏྟིཀཱ སཏྟ སཱསཔམཏྟིཡོ པཱསཱཎསཀྑརཱ ཨཝསིཊྛཱ. ནེཝ སཏིམཾ ¶ ཀལཾ ཨུཔེནྟི ན སཧསྶིམཾ ཀལཾ ཨུཔེནྟི ན སཏསཧསྶིམཾ ཀལཾ ཨུཔེནྟི ཧིམཝཏོ པབྦཏརཱཛསྶ པརིཀྑཱིཎཾ པརིཡཱདིཎྞཾ ཨུཔནིདྷཱཡ སཏྟ སཱསཔམཏྟིཡོ པཱསཱཎསཀྑརཱ ཨཝསིཊྛཱ’’ཏི.

‘‘ཨེཝམེཝ ཁོ, བྷིཀྑཝེ, ཨརིཡསཱཝཀསྶ དིཊྛིསམྤནྣསྶ པུགྒལསྶ ཨབྷིསམེཏཱཝིནོ ཨེཏདེཝ ¶ བཧུཏརཾ དུཀྑཾ ཡདིདཾ པརིཀྑཱིཎཾ པརིཡཱདིཎྞཾ; ཨཔྤམཏྟཀཾ ཨཝསིཊྛཾ. ནེཝ སཏིམཾ ཀལཾ ཨུཔེཏི ན སཧསྶིམཾ ཀལཾ ཨུཔེཏི ན སཏསཧསྶིམཾ ཀལཾ ཨུཔེཏི པུརིམཾ དུཀྑཀྑནྡྷཾ པརིཀྑཱིཎཾ པརིཡཱདིཎྞཾ ཨུཔནིདྷཱཡ ཡདིདཾ སཏྟཀྑཏྟུཾཔརམཏཱ. ཨེཝཾ མཧཏྠིཡོ ཁོ, བྷིཀྑཝེ, དྷམྨཱབྷིསམཡོ, ཨེཝཾ མཧཏྠིཡོ དྷམྨཙཀྑུཔཊིལཱབྷོ’’ཏི. དསམཾ.

༡༡. ཏཏིཡཔབྦཏསུཏྟཾ

༨༤. སཱཝཏྠིཡཾ ཝིཧརཏི…པེ… ‘‘སེཡྻཐཱཔི ¶ , བྷིཀྑཝེ, པུརིསོ སིནེརུསྶ པབྦཏརཱཛསྶ སཏྟ མུགྒམཏྟིཡོ པཱསཱཎསཀྑརཱ ཨུཔནིཀྑིཔེཡྻ. ཏཾ ཀིཾ མཉྙཐ, བྷིཀྑཝེ, ཀཏམཾ ནུ ཁོ བཧུཏརཾ, ཡཱ ཝཱ སཏྟ མུགྒམཏྟིཡོ པཱསཱཎསཀྑརཱ ཨུཔནིཀྑིཏྟཱ ཡོ ཝཱ སིནེརུ [ཨུཔནིཀྑིཏྟཱ, སིནེརུ ཝཱ (སཱི.)] པབྦཏརཱཛཱ’’ཏི?

‘‘ཨེཏདེཝ, བྷནྟེ, བཧུཏརཾ ཡདིདཾ སིནེརུ པབྦཏརཱཛཱ; ཨཔྤམཏྟིཀཱ སཏྟ མུགྒམཏྟིཡོ པཱསཱཎསཀྑརཱ ཨུཔནིཀྑིཏྟཱ. ནེཝ སཏིམཾ ཀལཾ ཨུཔེནྟི ན སཧསྶིམཾ ¶ ཀལཾ ཨུཔེནྟི ན སཏསཧསྶིམཾ ཀལཾ ཨུཔེནྟི སིནེརུཾ པབྦཏརཱཛཱནཾ ཨུཔནིདྷཱཡ སཏྟ མུགྒམཏྟིཡོ པཱསཱཎསཀྑརཱ ཨུཔནིཀྑིཏྟཱ’’ཏི. ‘‘ཨེཝམེཝ ཁོ, བྷིཀྑཝེ, ཨརིཡསཱཝཀསྶ དིཊྛིསམྤནྣསྶ པུགྒལསྶ ¶ ཨདྷིགམཾ ཨུཔནིདྷཱཡ ཨཉྙཏིཏྠིཡསམཎབྲཱཧྨཎཔརིབྦཱཛཀཱནཾ ཨདྷིགམོ ནེཝ སཏིམཾ ཀལཾ ཨུཔེཏི ན སཧསྶིམཾ ཀལཾ ཨུཔེཏི ན སཏསཧསྶིམཾ ཀལཾ ཨུཔེཏི. ཨེཝཾ མཧཱདྷིགམོ, བྷིཀྑཝེ, དིཊྛིསམྤནྣོ པུགྒལོ, ཨེཝཾ མཧཱབྷིཉྙོ’’ཏི. ཨེཀཱདསམཾ.

ཨབྷིསམཡསཾཡུཏྟཾ སམཏྟཾ.

ཏསྶུདྡཱནཾ –

ནཁསིཁཱ པོཀྑརཎཱི, སམྦྷེཛྫཨུདཀེ ཙ དྭེ;

དྭེ པཐཝཱི དྭེ སམུདྡཱ, ཏཡོ ཙ པབྦཏཱུཔམཱཏི.

༣. དྷཱཏུསཾཡུཏྟཾ

༡. ནཱནཏྟཝགྒོ

༡. དྷཱཏུནཱནཏྟསུཏྟཾ

༨༥. སཱཝཏྠིཡཾ ¶ ¶ ¶ ¶ ཝིཧརཏི…པེ… ‘‘དྷཱཏུནཱནཏྟཾ ཝོ, བྷིཀྑཝེ, དེསེསྶཱམི. ཏཾ སུཎཱཐ, སཱདྷུཀཾ མནསི ཀརོཐ; བྷཱསིསྶཱམཱི’’ཏི. ‘‘ཨེཝཾ, བྷནྟེ’’ཏི ཁོ ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཀཏམཉྩ, བྷིཀྑཝེ, དྷཱཏུནཱནཏྟཾ? ཙཀྑུདྷཱཏུ རཱུཔདྷཱཏུ ཙཀྑུཝིཉྙཱཎདྷཱཏུ, སོཏདྷཱཏུ སདྡདྷཱཏུ སོཏཝིཉྙཱཎདྷཱཏུ, གྷཱནདྷཱཏུ གནྡྷདྷཱཏུ གྷཱནཝིཉྙཱཎདྷཱཏུ, ཛིཝ྄ཧཱདྷཱཏུ རསདྷཱཏུ ཛིཝ྄ཧཱཝིཉྙཱཎདྷཱཏུ, ཀཱཡདྷཱཏུ ཕོཊྛབྦདྷཱཏུ ཀཱཡཝིཉྙཱཎདྷཱཏུ, མནོདྷཱཏུ དྷམྨདྷཱཏུ མནོཝིཉྙཱཎདྷཱཏུ – ཨིདཾ ཝུཙྩཏི, བྷིཀྑཝེ, དྷཱཏུནཱནཏྟ’’ནྟི. པཋམཾ.

༢. ཕསྶནཱནཏྟསུཏྟཾ

༨༦. སཱཝཏྠིཡཾ ཝིཧརཏི…པེ… ‘‘དྷཱཏུནཱནཏྟཾ, བྷིཀྑཝེ, པཊིཙྩ ཨུཔྤཛྫཏི ཕསྶནཱནཏྟཾ. ཀཏམཉྩ, བྷིཀྑཝེ, དྷཱཏུནཱནཏྟཾ? ཙཀྑུདྷཱཏུ སོཏདྷཱཏུ གྷཱནདྷཱཏུ ཛིཝ྄ཧཱདྷཱཏུ ཀཱཡདྷཱཏུ མནོདྷཱཏུ – ཨིདཾ ཝུཙྩཏི, བྷིཀྑཝེ, དྷཱཏུནཱནཏྟཾ’’.

‘‘ཀཐཉྩ, བྷིཀྑཝེ, དྷཱཏུནཱནཏྟཾ པཊིཙྩ ཨུཔྤཛྫཏི ཕསྶནཱནཏྟཾ? ཙཀྑུདྷཱཏུཾ, བྷིཀྑཝེ, པཊིཙྩ ཨུཔྤཛྫཏི ཙཀྑུསམྥསྶོ. སོཏདྷཱཏུཾ པཊིཙྩ… གྷཱནདྷཱཏུཾ པཊིཙྩ ¶ … ཛིཝ྄ཧཱདྷཱཏུཾ ¶ པཊིཙྩ… ཀཱཡདྷཱཏུཾ པཊིཙྩ… མནོདྷཱཏུཾ པཊིཙྩ ཨུཔྤཛྫཏི མནོསམྥསྶོ. ཨེཝཾ ཁོ ¶ , བྷིཀྑཝེ, དྷཱཏུནཱནཏྟཾ པཊིཙྩ ཨུཔྤཛྫཏི ཕསྶནཱནཏྟ’’ནྟི. དུཏིཡཾ.

༣. ནོཕསྶནཱནཏྟསུཏྟཾ

༨༧. སཱཝཏྠིཡཾ ཝིཧརཏི…པེ… ‘‘དྷཱཏུནཱནཏྟཾ, བྷིཀྑཝེ, པཊིཙྩ ཨུཔྤཛྫཏི ཕསྶནཱནཏྟཾ, ནོ ཕསྶནཱནཏྟཾ པཊིཙྩ ཨུཔྤཛྫཏི དྷཱཏུནཱནཏྟཾ. ཀཏམཉྩ, བྷིཀྑཝེ, དྷཱཏུནཱནཏྟཾ? ཙཀྑུདྷཱཏུ…པེ… མནོདྷཱཏུ – ཨིདཾ ཝུཙྩཏི, བྷིཀྑཝེ, དྷཱཏུནཱནཏྟཾ’’.

‘‘ཀཐཉྩ ¶ , བྷིཀྑཝེ, དྷཱཏུནཱནཏྟཾ པཊིཙྩ ཨུཔྤཛྫཏི ཕསྶནཱནཏྟཾ, ནོ ཕསྶནཱནཏྟཾ པཊིཙྩ ཨུཔྤཛྫཏི དྷཱཏུནཱནཏྟཾ? ཙཀྑུདྷཱཏུཾ, བྷིཀྑཝེ, པཊིཙྩ ཨུཔྤཛྫཏི ཙཀྑུསམྥསྶོ, ནོ ཙཀྑུསམྥསྶཾ པཊིཙྩ ཨུཔྤཛྫཏི ཙཀྑུདྷཱཏུ…པེ… མནོདྷཱཏུཾ པཊིཙྩ ཨུཔྤཛྫཏི མནོསམྥསྶོ, ནོ མནོསམྥསྶཾ པཊིཙྩ ཨུཔྤཛྫཏི མནོདྷཱཏུ. ཨེཝཾ ཁོ, བྷིཀྑཝེ, དྷཱཏུནཱནཏྟཾ པཊིཙྩ ཨུཔྤཛྫཏི ཕསྶནཱནཏྟཾ, ནོ ཕསྶནཱནཏྟཾ པཊིཙྩ ཨུཔྤཛྫཏི དྷཱཏུནཱནཏྟ’’ནྟི. ཏཏིཡཾ.

༤. ཝེདནཱནཱནཏྟསུཏྟཾ

༨༨. སཱཝཏྠིཡཾ ཝིཧརཏི…པེ… ‘‘དྷཱཏུནཱནཏྟཾ, བྷིཀྑཝེ, པཊིཙྩ ཨུཔྤཛྫཏི ཕསྶནཱནཏྟཾ, ཕསྶནཱནཏྟཾ པཊིཙྩ ཨུཔྤཛྫཏི ཝེདནཱནཱནཏྟཾ. ཀཏམཉྩ, བྷིཀྑཝེ, དྷཱཏུནཱནཏྟཾ? ཙཀྑུདྷཱཏུ ¶ …པེ… མནོདྷཱཏུ – ཨིདཾ ཝུཙྩཏི, བྷིཀྑཝེ, དྷཱཏུནཱནཏྟཾ’’.

‘‘ཀཐཉྩ, བྷིཀྑཝེ, དྷཱཏུནཱནཏྟཾ པཊིཙྩ ཨུཔྤཛྫཏི ཕསྶནཱནཏྟཾ, ཕསྶནཱནཏྟཾ པཊིཙྩ ཨུཔྤཛྫཏི ཝེདནཱནཱནཏྟཾ? ཙཀྑུདྷཱཏུཾ, བྷིཀྑཝེ, པཊིཙྩ ཨུཔྤཛྫཏི ཙཀྑུསམྥསྶོ, ཙཀྑུསམྥསྶཾ པཊིཙྩ ཨུཔྤཛྫཏི ཙཀྑུསམྥསྶཛཱ ཝེདནཱ…པེ… མནོདྷཱཏུཾ པཊིཙྩ ཨུཔྤཛྫཏི ¶ མནོསམྥསྶོ, མནོསམྥསྶཾ པཊིཙྩ ཨུཔྤཛྫཏི མནོསམྥསྶཛཱ ཝེདནཱ. ཨེཝཾ ཁོ, བྷིཀྑཝེ, དྷཱཏུནཱནཏྟཾ པཊིཙྩ ཨུཔྤཛྫཏི ཕསྶནཱནཏྟཾ, ཕསྶནཱནཏྟཾ པཊིཙྩ ཨུཔྤཛྫཏི ཝེདནཱནཱནཏྟ’’ནྟི. ཙཏུཏྠཾ.

༥. དུཏིཡཝེདནཱནཱནཏྟསུཏྟཾ

༨༩. སཱཝཏྠིཡཾ ¶ ཝིཧརཏི…པེ… ‘‘དྷཱཏུནཱནཏྟཾ, བྷིཀྑཝེ, པཊིཙྩ ཨུཔྤཛྫཏི ཕསྶནཱནཏྟཾ, ཕསྶནཱནཏྟཾ པཊིཙྩ ཨུཔྤཛྫཏི ཝེདནཱནཱནཏྟཾ, ནོ ཝེདནཱནཱནཏྟཾ པཊིཙྩ ཨུཔྤཛྫཏི ཕསྶནཱནཏྟཾ, ནོ ཕསྶནཱནཏྟཾ པཊིཙྩ ཨུཔྤཛྫཏི དྷཱཏུནཱནཏྟཾ. ཀཏམཉྩ, བྷིཀྑཝེ, དྷཱཏུནཱནཏྟཾ? ཙཀྑུདྷཱཏུ…པེ… མནོདྷཱཏུ – ཨིདཾ ཝུཙྩཏི, བྷིཀྑཝེ, དྷཱཏུནཱནཏྟཾ’’.

‘‘ཀཐཉྩ, བྷིཀྑཝེ, དྷཱཏུནཱནཏྟཾ པཊིཙྩ ཨུཔྤཛྫཏི ཕསྶནཱནཏྟཾ, ཕསྶནཱནཏྟཾ པཊིཙྩ ཨུཔྤཛྫཏི ཝེདནཱནཱནཏྟཾ, ནོ ཝེདནཱནཱནཏྟཾ པཊིཙྩ ཨུཔྤཛྫཏི ཕསྶནཱནཏྟཾ, ནོ ཕསྶནཱནཏྟཾ པཊིཙྩ ཨུཔྤཛྫཏི དྷཱཏུནཱནཏྟཾ? ཙཀྑུདྷཱཏུཾ, བྷིཀྑཝེ, པཊིཙྩ ཨུཔྤཛྫཏི ཙཀྑུསམྥསྶོ, ཙཀྑུསམྥསྶཾ པཊིཙྩ ཨུཔྤཛྫཏི ཙཀྑུསམྥསྶཛཱ ཝེདནཱ, ནོ ཙཀྑུསམྥསྶཛཾ ཝེདནཾ པཊིཙྩ ¶ ཨུཔྤཛྫཏི ཙཀྑུསམྥསྶོ, ནོ ཙཀྑུསམྥསྶཾ པཊིཙྩ ཨུཔྤཛྫཏི ཙཀྑུདྷཱཏུ…པེ… མནོདྷཱཏུཾ པཊིཙྩ ཨུཔྤཛྫཏི མནོསམྥསྶོ, མནོསམྥསྶཾ ¶ པཊིཙྩ ཨུཔྤཛྫཏི མནོསམྥསྶཛཱ ཝེདནཱ, ནོ མནོསམྥསྶཛཾ ཝེདནཾ པཊིཙྩ ཨུཔྤཛྫཏི མནོསམྥསྶོ, ནོ མནོསམྥསྶཾ པཊིཙྩ ཨུཔྤཛྫཏི མནོདྷཱཏུ. ཨེཝཾ ¶ ཁོ, བྷིཀྑཝེ, དྷཱཏུནཱནཏྟཾ པཊིཙྩ ཨུཔྤཛྫཏི ཕསྶནཱནཏྟཾ, ཕསྶནཱནཏྟཾ པཊིཙྩ ཨུཔྤཛྫཏི ཝེདནཱནཱནཏྟཾ, ནོ ཝེདནཱནཱནཏྟཾ པཊིཙྩ ཨུཔྤཛྫཏི ཕསྶནཱནཏྟཾ, ནོ ཕསྶནཱནཏྟཾ པཊིཙྩ ཨུཔྤཛྫཏི དྷཱཏུནཱནཏྟ’’ནྟི. པཉྩམཾ.

༦. བཱཧིརདྷཱཏུནཱནཏྟསུཏྟཾ

༩༠. སཱཝཏྠིཡཾ ཝིཧརཏི…པེ… ‘‘དྷཱཏུནཱནཏྟཾ ཝོ, བྷིཀྑཝེ, དེསེསྶཱམི. ཏཾ སུཎཱཐ…པེ… ཀཏམཉྩ, བྷིཀྑཝེ, དྷཱཏུནཱནཏྟཾ? རཱུཔདྷཱཏུ སདྡདྷཱཏུ གནྡྷདྷཱཏུ རསདྷཱཏུ ཕོཊྛབྦདྷཱཏུ དྷམྨདྷཱཏུ – ཨིདཾ ཝུཙྩཏི, བྷིཀྑཝེ, དྷཱཏུནཱནཏྟ’’ནྟི. ཚཊྛཾ.

༧. སཉྙཱནཱནཏྟསུཏྟཾ

༩༡. སཱཝཏྠིཡཾ ཝིཧརཏི…པེ… ‘‘བྷདནྟེ’’ཏི ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ ¶ – ‘‘དྷཱཏུནཱནཏྟཾ, བྷིཀྑཝེ, པཊིཙྩ ཨུཔྤཛྫཏི སཉྙཱནཱནཏྟཾ, སཉྙཱནཱནཏྟཾ པཊིཙྩ ཨུཔྤཛྫཏི སངྐཔྤནཱནཏྟཾ, སངྐཔྤནཱནཏྟཾ པཊིཙྩ ཨུཔྤཛྫཏི ཚནྡནཱནཏྟཾ, ཚནྡནཱནཏྟཾ པཊིཙྩ ཨུཔྤཛྫཏི པརིལཱ༹ཧནཱནཏྟཾ, པརིལཱ༹ཧནཱནཏྟཾ པཊིཙྩ ཨུཔྤཛྫཏི པརིཡེསནཱནཱནཏྟཾ. ཀཏམཉྩ, བྷིཀྑཝེ, དྷཱཏུནཱནཏྟཾ? རཱུཔདྷཱཏུ…པེ… དྷམྨདྷཱཏུ – ཨིདཾ ཝུཙྩཏི, བྷིཀྑཝེ, དྷཱཏུནཱནཏྟཾ’’.

‘‘ཀཐཉྩ ¶ , བྷིཀྑཝེ, དྷཱཏུནཱནཏྟཾ པཊིཙྩ ཨུཔྤཛྫཏི སཉྙཱནཱནཏྟཾ, སཉྙཱནཱནཏྟཾ པཊིཙྩ ཨུཔྤཛྫཏི སངྐཔྤནཱནཏྟཾ, སངྐཔྤནཱནཏྟཾ པཊིཙྩ ཨུཔྤཛྫཏི ཚནྡནཱནཏྟཾ, ཚནྡནཱནཏྟཾ པཊིཙྩ ཨུཔྤཛྫཏི པརིལཱ༹ཧནཱནཏྟཾ, པརིལཱ༹ཧནཱནཏྟཾ པཊིཙྩ ཨུཔྤཛྫཏི པརིཡེསནཱནཱནཏྟཾ?

‘‘རཱུཔདྷཱཏུཾ, བྷིཀྑཝེ, པཊིཙྩ ཨུཔྤཛྫཏི རཱུཔསཉྙཱ ¶ , རཱུཔསཉྙཾ པཊིཙྩ ཨུཔྤཛྫཏི རཱུཔསངྐཔྤོ, རཱུཔསངྐཔྤཾ པཊིཙྩ ཨུཔྤཛྫཏི རཱུཔཙྪནྡོ, རཱུཔཙྪནྡཾ པཊིཙྩ ཨུཔྤཛྫཏི རཱུཔཔརིལཱ༹ཧོ, རཱུཔཔརིལཱ༹ཧཾ པཊིཙྩ ཨུཔྤཛྫཏི རཱུཔཔརིཡེསནཱ…པེ… དྷམྨདྷཱཏུཾ པཊིཙྩ ཨུཔྤཛྫཏི དྷམྨསཉྙཱ, དྷམྨསཉྙཾ པཊིཙྩ ཨུཔྤཛྫཏི དྷམྨསངྐཔྤོ, དྷམྨསངྐཔྤཾ པཊིཙྩ ཨུཔྤཛྫཏི དྷམྨཙྪནྡོ, དྷམྨཙྪནྡཾ པཊིཙྩ ཨུཔྤཛྫཏི དྷམྨཔརིལཱ༹ཧོ, དྷམྨཔརིལཱ༹ཧཾ པཊིཙྩ ཨུཔྤཛྫཏི དྷམྨཔརིཡེསནཱ.

‘‘ཨེཝཾ, ཁོ, བྷིཀྑཝེ, དྷཱཏུནཱནཏྟཾ པཊིཙྩ ཨུཔྤཛྫཏི སཉྙཱནཱནཏྟཾ, སཉྙཱནཱནཏྟཾ པཊིཙྩ ཨུཔྤཛྫཏི སངྐཔྤནཱནཏྟཾ, སངྐཔྤནཱནཏྟཾ པཊིཙྩ ཨུཔྤཛྫཏི ཚནྡནཱནཏྟཾ, ཚནྡནཱནཏྟཾ ¶ པཊིཙྩ ཨུཔྤཛྫཏི པརིལཱ༹ཧནཱནཏྟཾ, པརིལཱ༹ཧནཱནཏྟཾ པཊིཙྩ ཨུཔྤཛྫཏི པརིཡེསནཱནཱནཏྟ’’ནྟི. སཏྟམཾ.

༨. ནོཔརིཡེསནཱནཱནཏྟསུཏྟཾ

༩༢. སཱཝཏྠིཡཾ ཝིཧརཏི…པེ… ‘‘དྷཱཏུནཱནཏྟཾ, བྷིཀྑཝེ, པཊིཙྩ ཨུཔྤཛྫཏི སཉྙཱནཱནཏྟཾ, སཉྙཱནཱནཏྟཾ པཊིཙྩ ཨུཔྤཛྫཏི སངྐཔྤནཱནཏྟཾ, སངྐཔྤནཱནཏྟཾ པཊིཙྩ ཨུཔྤཛྫཏི ཚནྡནཱནཏྟཾ, ཚནྡནཱནཏྟཾ པཊིཙྩ ཨུཔྤཛྫཏི པརིལཱ༹ཧནཱནཏྟཾ, པརིལཱ༹ཧནཱནཏྟཾ པཊིཙྩ ཨུཔྤཛྫཏི པརིཡེསནཱནཱནཏྟཾ; ནོ པརིཡེསནཱནཱནཏྟཾ པཊིཙྩ ཨུཔྤཛྫཏི པརིལཱ༹ཧནཱནཏྟཾ ¶ , ནོ པརིལཱ༹ཧནཱནཏྟཾ པཊིཙྩ ཨུཔྤཛྫཏི ཚནྡནཱནཏྟཾ, ནོ ཚནྡནཱནཏྟཾ པཊིཙྩ ཨུཔྤཛྫཏི སངྐཔྤནཱནཏྟཾ ¶ , ནོ སངྐཔྤནཱནཏྟཾ པཊིཙྩ ཨུཔྤཛྫཏི སཉྙཱནཱནཏྟཾ, ནོ སཉྙཱནཱནཏྟཾ པཊིཙྩ ཨུཔྤཛྫཏི དྷཱཏུནཱནཏྟཾ. ཀཏམཉྩ, བྷིཀྑཝེ, དྷཱཏུནཱནཏྟཾ? རཱུཔདྷཱཏུ…པེ… དྷམྨདྷཱཏུ – ཨིདཾ ཝུཙྩཏི, བྷིཀྑཝེ, དྷཱཏུནཱནཏྟཾ’’.

‘‘ཀཐཉྩ ¶ , བྷིཀྑཝེ, དྷཱཏུནཱནཏྟཾ པཊིཙྩ ཨུཔྤཛྫཏི སཉྙཱནཱནཏྟཾ, སཉྙཱནཱནཏྟཾ པཊིཙྩ ཨུཔྤཛྫཏི…པེ… པརིཡེསནཱནཱནཏྟཾ; ནོ པརིཡེསནཱནཱནཏྟཾ པཊིཙྩ ཨུཔྤཛྫཏི པརིལཱ༹ཧནཱནཏྟཾ, ནོ པརིལཱ༹ཧནཱནཏྟཾ པཊིཙྩ ཨུཔྤཛྫཏི ཚནྡནཱནཏྟཾ, ནོ ཚནྡནཱནཏྟཾ པཊིཙྩ ཨུཔྤཛྫཏི སངྐཔྤནཱནཏྟཾ, ནོ སངྐཔྤནཱནཏྟཾ པཊིཙྩ ཨུཔྤཛྫཏི སཉྙཱནཱནཏྟཾ, ནོ སཉྙཱནཱནཏྟཾ པཊིཙྩ ཨུཔྤཛྫཏི དྷཱཏུནཱནཏྟཾ?

‘‘རཱུཔདྷཱཏུཾ, བྷིཀྑཝེ, པཊིཙྩ ཨུཔྤཛྫཏི རཱུཔསཉྙཱ…པེ… དྷམྨདྷཱཏུཾ པཊིཙྩ ཨུཔྤཛྫཏི དྷམྨསཉྙཱ, དྷམྨསཉྙཾ ¶ པཊིཙྩ ཨུཔྤཛྫཏི…པེ… དྷམྨཔརིཡེསནཱ; ནོ དྷམྨཔརིཡེསནཾ པཊིཙྩ ཨུཔྤཛྫཏི དྷམྨཔརིལཱ༹ཧོ, ནོ དྷམྨཔརིལཱ༹ཧཾ པཊིཙྩ ཨུཔྤཛྫཏི དྷམྨཙྪནྡོ, ནོ དྷམྨཙྪནྡཾ པཊིཙྩ ཨུཔྤཛྫཏི དྷམྨསངྐཔྤོ, ནོ དྷམྨསངྐཔྤཾ པཊིཙྩ ཨུཔྤཛྫཏི དྷམྨསཉྙཱ, ནོ དྷམྨསཉྙཾ པཊིཙྩ ཨུཔྤཛྫཏི དྷམྨདྷཱཏུ.

‘‘ཨེཝཾ ཁོ, བྷིཀྑཝེ, དྷཱཏུནཱནཏྟཾ པཊིཙྩ ཨུཔྤཛྫཏི སཉྙཱནཱནཏྟཾ, སཉྙཱནཱནཏྟཾ པཊིཙྩ ཨུཔྤཛྫཏི…པེ… པརིཡེསནཱནཱནཏྟཾ; ནོ པརིཡེསནཱནཱནཏྟཾ པཊིཙྩ ཨུཔྤཛྫཏི པརིལཱ༹ཧནཱནཏྟཾ, ནོ པརིལཱ༹ཧནཱནཏྟཾ པཊིཙྩ ཨུཔྤཛྫཏི ཚནྡནཱནཏྟཾ, ནོ ཚནྡནཱནཏྟཾ པཊིཙྩ ཨུཔྤཛྫཏི སངྐཔྤནཱནཏྟཾ, ནོ སངྐཔྤནཱནཏྟཾ པཊིཙྩ ཨུཔྤཛྫཏི སཉྙཱནཱནཏྟཾ, ནོ སཉྙཱནཱནཏྟཾ པཊིཙྩ ཨུཔྤཛྫཏི དྷཱཏུནཱནཏྟ’’ནྟི. ཨཊྛམཾ.

༩. བཱཧིརཕསྶནཱནཏྟསུཏྟཾ

༩༣. སཱཝཏྠིཡཾ ¶ ཝིཧརཏི…པེ… ‘‘དྷཱཏུནཱནཏྟཾ, བྷིཀྑཝེ, པཊིཙྩ ཨུཔྤཛྫཏི སཉྙཱནཱནཏྟཾ, སཉྙཱནཱནཏྟཾ པཊིཙྩ ཨུཔྤཛྫཏི སངྐཔྤནཱནཏྟཾ, སངྐཔྤནཱནཏྟཾ པཊིཙྩ ཨུཔྤཛྫཏི ཕསྶནཱནཏྟཾ ¶ , ཕསྶནཱནཏྟཾ པཊིཙྩ ཨུཔྤཛྫཏི ཝེདནཱནཱནཏྟཾ, ཝེདནཱནཱནཏྟཾ པཊིཙྩ ཨུཔྤཛྫཏི ཚནྡནཱནཏྟཾ, ཚནྡནཱནཏྟཾ པཊིཙྩ ཨུཔྤཛྫཏི པརིལཱ༹ཧནཱནཏྟཾ, པརིལཱ༹ཧནཱནཏྟཾ པཊིཙྩ ཨུཔྤཛྫཏི པརིཡེསནཱནཱནཏྟཾ ¶ , པརིཡེསནཱནཱནཏྟཾ པཊིཙྩ ཨུཔྤཛྫཏི ལཱབྷནཱནཏྟཾ. ཀཏམཉྩ, བྷིཀྑཝེ, དྷཱཏུནཱནཏྟཾ? རཱུཔདྷཱཏུ…པེ… དྷམྨདྷཱཏུ – ཨིདཾ ཝུཙྩཏི, བྷིཀྑཝེ, དྷཱཏུནཱནཏྟཾ’’.

‘‘ཀཐཉྩ, བྷིཀྑཝེ, དྷཱཏུནཱནཏྟཾ པཊིཙྩ ཨུཔྤཛྫཏི ¶ སཉྙཱནཱནཏྟཾ, སཉྙཱནཱནཏྟཾ པཊིཙྩ ཨུཔྤཛྫཏི…པེ… ལཱབྷནཱནཏྟཾ?

‘‘རཱུཔདྷཱཏུཾ, བྷིཀྑཝེ, པཊིཙྩ ཨུཔྤཛྫཏི རཱུཔསཉྙཱ, རཱུཔསཉྙཾ པཊིཙྩ ཨུཔྤཛྫཏི རཱུཔསངྐཔྤོ, རཱུཔསངྐཔྤཾ པཊིཙྩ ཨུཔྤཛྫཏི རཱུཔསམྥསྶོ, རཱུཔསམྥསྶཾ པཊིཙྩ ཨུཔྤཛྫཏི རཱུཔསམྥསྶཛཱ ཝེདནཱ, རཱུཔསམྥསྶཛཾ ཝེདནཾ པཊིཙྩ ཨུཔྤཛྫཏི རཱུཔཙྪནྡོ, རཱུཔཙྪནྡཾ པཊིཙྩ ཨུཔྤཛྫཏི རཱུཔཔརིལཱ༹ཧོ, རཱུཔཔརིལཱ༹ཧཾ པཊིཙྩ ཨུཔྤཛྫཏི རཱུཔཔརིཡེསནཱ, རཱུཔཔརིཡེསནཾ པཊིཙྩ ཨུཔྤཛྫཏི རཱུཔལཱབྷོ…པེ… དྷམྨདྷཱཏུཾ པཊིཙྩ ཨུཔྤཛྫཏི དྷམྨསཉྙཱ, དྷམྨསཉྙཾ པཊིཙྩ ཨུཔྤཛྫཏི དྷམྨསངྐཔྤོ, དྷམྨསངྐཔྤཾ པཊིཙྩ ཨུཔྤཛྫཏི དྷམྨསམྥསྶོ, དྷམྨསམྥསྶཾ པཊིཙྩ ཨུཔྤཛྫཏི དྷམྨསམྥསྶཛཱ ཝེདནཱ, དྷམྨསམྥསྶཛཾ ཝེདནཾ པཊིཙྩ ཨུཔྤཛྫཏི དྷམྨཙྪནྡོ, དྷམྨཙྪནྡཾ པཊིཙྩ ཨུཔྤཛྫཏི དྷམྨཔརིལཱ༹ཧོ, དྷམྨཔརིལཱ༹ཧཾ པཊིཙྩ ཨུཔྤཛྫཏི དྷམྨཔརིཡེསནཱ, དྷམྨཔརིཡེསནཾ པཊིཙྩ ཨུཔྤཛྫཏི དྷམྨལཱབྷོ ¶ .

‘‘ཨེཝཾ ཁོ, བྷིཀྑཝེ, དྷཱཏུནཱནཏྟཾ པཊིཙྩ ཨུཔྤཛྫཏི སཉྙཱནཱནཏྟཾ, སཉྙཱནཱནཏྟཾ པཊིཙྩ ཨུཔྤཛྫཏི…པེ… པརིཡེསནཱནཱནཏྟཾ, པརིཡེསནཱནཱནཏྟཾ པཊིཙྩ ཨུཔྤཛྫཏི ལཱབྷནཱནཏྟ’’ནྟི. ནཝམཾ.

༡༠. དུཏིཡབཱཧིརཕསྶནཱནཏྟསུཏྟཾ

༩༤. སཱཝཏྠིཡཾ ཝིཧརཏི…པེ… ‘‘དྷཱཏུནཱནཏྟཾ, བྷིཀྑཝེ, པཊིཙྩ ཨུཔྤཛྫཏི སཉྙཱནཱནཏྟཾ, སཉྙཱནཱནཏྟཾ པཊིཙྩ ཨུཔྤཛྫཏི སངྐཔྤནཱནཏྟཾ ¶ , ཕསྶ… ཝེདནཱ… ཚནྡ… པརིལཱ༹ཧ… པརིཡེསནཱནཱནཏྟཾ པཊིཙྩ ཨུཔྤཛྫཏི ལཱབྷནཱནཏྟཾ; ནོ ལཱབྷནཱནཏྟཾ པཊིཙྩ ཨུཔྤཛྫཏི པརིཡེསནཱནཱནཏྟཾ, ནོ པརིཡེསནཱནཱནཏྟཾ པཊིཙྩ ཨུཔྤཛྫཏི པརིལཱ༹ཧནཱནཏྟཾ, ནོ པརིལཱ༹ཧནཱནཏྟཾ པཊིཙྩ ཨུཔྤཛྫཏི…པེ… ཚནྡ… ཝེདནཱ… ཕསྶ… སངྐཔྤ… སཉྙཱནཱནཏྟཾ ¶ , ནོ སཉྙཱནཱནཏྟཾ པཊིཙྩ ¶ ཨུཔྤཛྫཏི དྷཱཏུནཱནཏྟཾ. ཀཏམཉྩ, བྷིཀྑཝེ, དྷཱཏུནཱནཏྟཾ? རཱུཔདྷཱཏུ…པེ… དྷམྨདྷཱཏུ – ཨིདཾ ཝུཙྩཏི, བྷིཀྑཝེ, དྷཱཏུནཱནཏྟཾ’’.

‘‘ཀཐཉྩ, བྷིཀྑཝེ, དྷཱཏུནཱནཏྟཾ པཊིཙྩ ཨུཔྤཛྫཏི སཉྙཱནཱནཏྟཾ, སཉྙཱནཱནཏྟཾ པཊིཙྩ ཨུཔྤཛྫཏི སངྐཔྤནཱནཏྟཾ? ཕསྶ… ཝེདནཱ… ཚནྡ… པརིལཱ༹ཧ… པརིཡེསནཱ… ལཱབྷ… ནོ ལཱབྷནཱནཏྟཾ པཊིཙྩ ཨུཔྤཛྫཏི པརིཡེསནཱནཱནཏྟཾ, ནོ པརིཡེསནཱནཱནཏྟཾ པཊིཙྩ ཨུཔྤཛྫཏི པརིལཱ༹ཧ… ཚནྡ… ཝེདནཱ… ཕསྶ… ནོ སངྐཔྤནཱནཏྟཾ པཊིཙྩ ཨུཔྤཛྫཏི སཉྙཱནཱནཏྟཾ, ནོ སཉྙཱནཱནཏྟཾ པཊིཙྩ ཨུཔྤཛྫཏི དྷཱཏུནཱནཏྟཾ?

‘‘རཱུཔདྷཱཏུཾ, བྷིཀྑཝེ, པཊིཙྩ ཨུཔྤཛྫཏི རཱུཔསཉྙཱ…པེ… དྷམྨདྷཱཏུཾ ¶ པཊིཙྩ ཨུཔྤཛྫཏི དྷམྨསཉྙཱ, དྷམྨསཉྙཾ པཊིཙྩ ཨུཔྤཛྫཏི…པེ… དྷམྨཔརིཡེསནཱ, དྷམྨཔརིཡེསནཾ པཊིཙྩ ཨུཔྤཛྫཏི དྷམྨལཱབྷོ; ནོ དྷམྨལཱབྷཾ པཊིཙྩ ཨུཔྤཛྫཏི དྷམྨཔརིཡེསནཱ, ནོ དྷམྨཔརིཡེསནཾ པཊིཙྩ ཨུཔྤཛྫཏི དྷམྨཔརིལཱ༹ཧོ ¶ , ནོ དྷམྨཔརིལཱ༹ཧཾ པཊིཙྩ ཨུཔྤཛྫཏི དྷམྨཙྪནྡོ, ནོ དྷམྨཙྪནྡཾ པཊིཙྩ ཨུཔྤཛྫཏི དྷམྨསམྥསྶཛཱ ཝེདནཱ, ནོ དྷམྨསམྥསྶཛཾ ཝེདནཾ པཊིཙྩ ཨུཔྤཛྫཏི དྷམྨསམྥསྶོ, ནོ དྷམྨསམྥསྶཾ པཊིཙྩ ཨུཔྤཛྫཏི དྷམྨསངྐཔྤོ, ནོ དྷམྨསངྐཔྤཾ པཊིཙྩ ཨུཔྤཛྫཏི དྷམྨསཉྙཱ, ནོ དྷམྨསཉྙཾ པཊིཙྩ ཨུཔྤཛྫཏི དྷམྨདྷཱཏུ.

‘‘ཨེཝཾ ཁོ, བྷིཀྑཝེ, དྷཱཏུནཱནཏྟཾ པཊིཙྩ ཨུཔྤཛྫཏི སཉྙཱནཱནཏྟཾ, སཉྙཱནཱནཏྟཾ པཊིཙྩ ཨུཔྤཛྫཏི…པེ… སངྐཔྤ… ཕསྶ… ཝེདནཱ… ཚནྡ… པརིལཱ༹ཧ… པརིཡེསནཱ… ལཱབྷ… ནོ ལཱབྷནཱནཏྟཾ པཊིཙྩ ཨུཔྤཛྫཏི པརིཡེསནཱནཱནཏྟཾ, ནོ པརིཡེསནཱནཱནཏྟཾ པཊིཙྩ ཨུཔྤཛྫཏི པརིལཱ༹ཧནཱནཏྟཾ, ནོ པརིལཱ༹ཧནཱནཏྟཾ པཊིཙྩ ཨུཔྤཛྫཏི ཚནྡནཱནཏྟཾ, ནོ ཚནྡནཱནཏྟཾ པཊིཙྩ ཨུཔྤཛྫཏི ཝེདནཱནཱནཏྟཾ, ནོ ཝེདནཱནཱནཏྟཾ པཊིཙྩ ཨུཔྤཛྫཏི ཕསྶནཱནཏྟཾ, ནོ ཕསྶནཱནཏྟཾ པཊིཙྩ ཨུཔྤཛྫཏི སངྐཔྤནཱནཏྟཾ, ནོ སངྐཔྤནཱནཏྟཾ པཊིཙྩ ཨུཔྤཛྫཏི སཉྙཱནཱནཏྟཾ, ནོ སཉྙཱནཱནཏྟཾ པཊིཙྩ ཨུཔྤཛྫཏི དྷཱཏུནཱནཏྟ’’ནྟི. དསམཾ.

ནཱནཏྟཝགྒོ པཋམོ.

ཏསྶུདྡཱནཾ –

དྷཱཏུཕསྶཉྩ ¶ ¶ ནོ ཙེཏཾ, ཝེདནཱ ཨཔརེ དུཝེ;

ཨེཏཾ ཨཛ྄ཛྷཏྟཔཉྩཀཾ, དྷཱཏུསཉྙཉྩ ནོ ཙེཏཾ;

ཕསྶསྶ ཨཔརེ དུཝེ, ཨེཏཾ བཱཧིརཔཉྩཀནྟི.

༢. དུཏིཡཝགྒོ

༡. སཏྟདྷཱཏུསུཏྟཾ

༩༥. སཱཝཏྠིཡཾ ¶ ¶ ཝིཧརཏི…པེ… ‘‘སཏྟིམཱ ¶ , བྷིཀྑཝེ, དྷཱཏུཡོ. ཀཏམཱ སཏྟ? ཨཱབྷཱདྷཱཏུ, སུབྷདྷཱཏུ, ཨཱཀཱསཱནཉྩཱཡཏནདྷཱཏུ, ཝིཉྙཱཎཉྩཱཡཏནདྷཱཏུ, ཨཱཀིཉྩཉྙཱཡཏནདྷཱཏུ, ནེཝསཉྙཱནཱསཉྙཱཡཏནདྷཱཏུ, སཉྙཱཝེདཡིཏནིརོདྷདྷཱཏུ – ཨིམཱ ཁོ, བྷིཀྑཝེ, སཏྟ དྷཱཏུཡོ’’ཏི.

ཨེཝཾ ཝུཏྟེ, ཨཉྙཏརོ བྷིཀྑུ བྷགཝནྟཾ ཨེཏདཝོཙ – ‘‘ཡཱ ཙཱཡཾ, བྷནྟེ, ཨཱབྷཱདྷཱཏུ ཡཱ ཙ སུབྷདྷཱཏུ ཡཱ ཙ ཨཱཀཱསཱནཉྩཱཡཏནདྷཱཏུ ཡཱ ཙ ཝིཉྙཱཎཉྩཱཡཏནདྷཱཏུ ཡཱ ཙ ཨཱཀིཉྩཉྙཱཡཏནདྷཱཏུ ཡཱ ཙ ནེཝསཉྙཱནཱསཉྙཱཡཏནདྷཱཏུ ཡཱ ཙ སཉྙཱཝེདཡིཏནིརོདྷདྷཱཏུ – ཨིམཱ ནུ ཁོ, བྷནྟེ, དྷཱཏུཡོ ཀིཾ པཊིཙྩ པཉྙཱཡནྟཱི’’ཏི?

‘‘ཡཱཡཾ, བྷིཀྑུ, ཨཱབྷཱདྷཱཏུ – ཨཡཾ དྷཱཏུ ཨནྡྷཀཱརཾ པཊིཙྩ པཉྙཱཡཏི. ཡཱཡཾ, བྷིཀྑུ, སུབྷདྷཱཏུ – ཨཡཾ དྷཱཏུ ཨསུབྷཾ པཊིཙྩ པཉྙཱཡཏི. ཡཱཡཾ, བྷིཀྑུ, ཨཱཀཱསཱནཉྩཱཡཏནདྷཱཏུ – ཨཡཾ དྷཱཏུ རཱུཔཾ པཊིཙྩ པཉྙཱཡཏི. ཡཱཡཾ, བྷིཀྑུ, ཝིཉྙཱཎཉྩཱཡཏནདྷཱཏུ – ཨཡཾ དྷཱཏུ ཨཱཀཱསཱནཉྩཱཡཏནཾ པཊིཙྩ པཉྙཱཡཏི. ཡཱཡཾ, བྷིཀྑུ, ཨཱཀིཉྩཉྙཱཡཏནདྷཱཏུ – ཨཡཾ དྷཱཏུ ཝིཉྙཱཎཉྩཱཡཏནཾ པཊིཙྩ པཉྙཱཡཏི. ཡཱཡཾ, བྷིཀྑུ, ནེཝསཉྙཱནཱསཉྙཱཡཏནདྷཱཏུ – ཨཡཾ དྷཱཏུ ཨཱཀིཉྩཉྙཱཡཏནཾ པཊིཙྩ པཉྙཱཡཏི. ཡཱཡཾ, བྷིཀྑུ, སཉྙཱཝེདཡིཏནིརོདྷདྷཱཏུ – ཨཡཾ དྷཱཏུ ནིརོདྷཾ པཊིཙྩ པཉྙཱཡཏཱི’’ཏི.

‘‘ཡཱ ¶ ཙཱཡཾ ¶ , བྷནྟེ, ཨཱབྷཱདྷཱཏུ ཡཱ ཙ སུབྷདྷཱཏུ ཡཱ ཙ ཨཱཀཱསཱནཉྩཱཡཏནདྷཱཏུ ཡཱ ཙ ཝིཉྙཱཎཉྩཱཡཏནདྷཱཏུ ཡཱ ཙ ཨཱཀིཉྩཉྙཱཡཏནདྷཱཏུ ཡཱ ཙ ནེཝསཉྙཱནཱསཉྙཱཡཏནདྷཱཏུ ཡཱ ཙ སཉྙཱཝེདཡིཏནིརོདྷདྷཱཏུ – ཨིམཱ ནུ ཁོ, བྷནྟེ, དྷཱཏུཡོ ཀཐཾ སམཱཔཏྟི པཏྟབྦཱ’’ཏི?

‘‘ཡཱ ཙཱཡཾ, བྷིཀྑུ, ཨཱབྷཱདྷཱཏུ ཡཱ ཙ སུབྷདྷཱཏུ ཡཱ ཙ ཨཱཀཱསཱནཉྩཱཡཏནདྷཱཏུ ཡཱ ཙ ཝིཉྙཱཎཉྩཱཡཏནདྷཱཏུ ཡཱ ཙ ¶ ཨཱཀིཉྩཉྙཱཡཏནདྷཱཏུ – ཨིམཱ དྷཱཏུཡོ སཉྙཱསམཱཔཏྟི པཏྟབྦཱ. ཡཱཡཾ, བྷིཀྑུ, ནེཝསཉྙཱནཱསཉྙཱཡཏནདྷཱཏུ – ཨཡཾ དྷཱཏུ སངྑཱརཱཝསེསསམཱཔཏྟི པཏྟབྦཱ ¶ . ཡཱཡཾ, བྷིཀྑུ, སཉྙཱཝེདཡིཏནིརོདྷདྷཱཏུ – ཨཡཾ དྷཱཏུ ནིརོདྷསམཱཔཏྟི པཏྟབྦཱ’’ཏི. པཋམཾ.

༢. སནིདཱནསུཏྟཾ

༩༦. སཱཝཏྠིཡཾ ཝིཧརཏི…པེ… ‘‘སནིདཱནཾ, བྷིཀྑཝེ, ཨུཔྤཛྫཏི ཀཱམཝིཏཀྐོ, ནོ ཨནིདཱནཾ; སནིདཱནཾ ཨུཔྤཛྫཏི བྱཱཔཱདཝིཏཀྐོ, ནོ ཨནིདཱནཾ; སནིདཱནཾ ཨུཔྤཛྫཏི ཝིཧིཾསཱཝིཏཀྐོ, ནོ ཨནིདཱནཾ’’.

‘‘ཀཐཉྩ, བྷིཀྑཝེ, སནིདཱནཾ ཨུཔྤཛྫཏི ཀཱམཝིཏཀྐོ, ནོ ཨནིདཱནཾ; སནིདཱནཾ ཨུཔྤཛྫཏི བྱཱཔཱདཝིཏཀྐོ, ནོ ཨནིདཱནཾ; སནིདཱནཾ ཨུཔྤཛྫཏི ཝིཧིཾསཱཝིཏཀྐོ, ནོ ཨནིདཱནཾ? ཀཱམདྷཱཏུཾ, བྷིཀྑཝེ, པཊིཙྩ ཨུཔྤཛྫཏི ཀཱམསཉྙཱ, ཀཱམསཉྙཾ པཊིཙྩ ཨུཔྤཛྫཏི ཀཱམསངྐཔྤོ, ཀཱམསངྐཔྤཾ པཊིཙྩ ཨུཔྤཛྫཏི ཀཱམཙྪནྡོ, ཀཱམཙྪནྡཾ པཊིཙྩ ཨུཔྤཛྫཏི ¶ ཀཱམཔརིལཱ༹ཧོ, ཀཱམཔརིལཱ༹ཧཾ པཊིཙྩ ཨུཔྤཛྫཏི ཀཱམཔརིཡེསནཱ. ཀཱམཔརིཡེསནཾ, བྷིཀྑཝེ, པརིཡེསམཱནོ ཨསྶུཏཝཱ པུཐུཛྫནོ ཏཱིཧི ཋཱནེཧི མིཙྪཱ པཊིཔཛྫཏི – ཀཱཡེན, ཝཱཙཱཡ, མནསཱ.

‘‘བྱཱཔཱདདྷཱཏུཾ, བྷིཀྑཝེ, པཊིཙྩ ཨུཔྤཛྫཏི བྱཱཔཱདསཉྙཱ, བྱཱཔཱདསཉྙཾ པཊིཙྩ ཨུཔྤཛྫཏི བྱཱཔཱདསངྐཔྤོ…པེ… བྱཱཔཱདཙྪནྡོ… བྱཱཔཱདཔརིལཱ༹ཧོ… བྱཱཔཱདཔརིཡེསནཱ… བྱཱཔཱདཔརིཡེསནཾ, བྷིཀྑཝེ, པརིཡེསམཱནོ ཨསྶུཏཝཱ པུཐུཛྫནོ ཏཱིཧི ཋཱནེཧི མིཙྪཱ པཊིཔཛྫཏི – ཀཱཡེན, ཝཱཙཱཡ, མནསཱ.

‘‘ཝིཧིཾསཱདྷཱཏུཾ ¶ , བྷིཀྑཝེ, པཊིཙྩ ཨུཔྤཛྫཏི ཝིཧིཾསཱསཉྙཱ; ཝིཧིཾསཱསཉྙཾ པཊིཙྩ ཨུཔྤཛྫཏི ཝིཧིཾསཱསངྐཔྤོ…པེ… ཝིཧིཾསཱཚནྡོ… ཝིཧིཾསཱཔརིལཱ༹ཧོ… ཝིཧིཾསཱཔརིཡེསནཱ… ཝིཧིཾསཱཔརིཡེསནཾ, བྷིཀྑཝེ ¶ , པརིཡེསམཱནོ ཨསྶུཏཝཱ པུཐུཛྫནོ ཏཱིཧི ཋཱནེཧི མིཙྪཱ པཊིཔཛྫཏི – ཀཱཡེན, ཝཱཙཱཡ, མནསཱ.

‘‘སེཡྻཐཱཔི, བྷིཀྑཝེ, པུརིསོ ཨཱདིཏྟཾ ཏིཎུཀྐཾ སུཀྑེ ཏིཎདཱཡེ ནིཀྑིཔེཡྻ; ནོ ཙེ ཧཏྠེཧི ཙ པཱདེཧི ཙ ཁིཔྤམེཝ ནིབྦཱཔེཡྻ. ཨེཝཉྷི, བྷིཀྑཝེ, ཡེ ཏིཎཀཊྛནིསྶིཏཱ པཱཎཱ ཏེ ཨནཡབྱསནཾ ཨཱཔཛྫེཡྻུཾ. ཨེཝམེཝ ཁོ, བྷིཀྑཝེ, ཡོ ཧི ཀོཙི སམཎོ ཝཱ བྲཱཧྨཎོ ཝཱ ཨུཔྤནྣཾ ཝིསམགཏཾ སཉྙཾ ན ཁིཔྤམེཝ པཛཧཏི ཝིནོདེཏི བྱནྟཱིཀརོཏི ཨནབྷཱཝཾ ¶ གམེཏི, སོ དིཊྛེ ཙེཝ དྷམྨེ དུཀྑཾ ཝིཧརཏི སཝིགྷཱཏཾ སཨུཔཱཡཱསཾ སཔརིལཱ༹ཧཾ; ཀཱཡསྶ ཙ བྷེདཱ པརཾ མརཎཱ དུགྒཏི པཱཊིཀངྑཱ.

‘‘སནིདཱནཾ, བྷིཀྑཝེ, ཨུཔྤཛྫཏི ནེཀྑམྨཝིཏཀྐོ, ནོ ཨནིདཱནཾ; སནིདཱནཾ ¶ ཨུཔྤཛྫཏི ཨབྱཱཔཱདཝིཏཀྐོ, ནོ ཨནིདཱནཾ; སནིདཱནཾ ཨུཔྤཛྫཏི ཨཝིཧིཾསཱཝིཏཀྐོ, ནོ ཨནིདཱནཾ.

‘‘ཀཐཉྩ, བྷིཀྑཝེ, སནིདཱནཾ ཨུཔྤཛྫཏི ནེཀྑམྨཝིཏཀྐོ, ནོ ཨནིདཱནཾ; སནིདཱནཾ ཨུཔྤཛྫཏི ཨབྱཱཔཱདཝིཏཀྐོ, ནོ ཨནིདཱནཾ; སནིདཱནཾ ཨུཔྤཛྫཏི ཨཝིཧིཾསཱཝིཏཀྐོ, ནོ ཨནིདཱནཾ? ནེཀྑམྨདྷཱཏུཾ, བྷིཀྑཝེ, པཊིཙྩ ཨུཔྤཛྫཏི ནེཀྑམྨསཉྙཱ, ནེཀྑམྨསཉྙཾ པཊིཙྩ ཨུཔྤཛྫཏི ནེཀྑམྨསངྐཔྤོ, ནེཀྑམྨསངྐཔྤཾ པཊིཙྩ ཨུཔྤཛྫཏི ནེཀྑམྨཙྪནྡོ, ནེཀྑམྨཙྪནྡཾ པཊིཙྩ ཨུཔྤཛྫཏི ནེཀྑམྨཔརིལཱ༹ཧོ, ནེཀྑམྨཔརིལཱ༹ཧཾ པཊིཙྩ ཨུཔྤཛྫཏི ནེཀྑམྨཔརིཡེསནཱ; ནེཀྑམྨཔརིཡེསནཾ, བྷིཀྑཝེ, པརིཡེསམཱནོ སུཏཝཱ ཨརིཡསཱཝཀོ ཏཱིཧི ཋཱནེཧི སམྨཱ པཊིཔཛྫཏི – ཀཱཡེན, ཝཱཙཱཡ, མནསཱ.

‘‘ཨབྱཱཔཱདདྷཱཏུཾ, བྷིཀྑཝེ, པཊིཙྩ ཨུཔྤཛྫཏི ཨབྱཱཔཱདསཉྙཱ, ཨབྱཱཔཱདསཉྙཾ པཊིཙྩ ཨུཔྤཛྫཏི ཨབྱཱཔཱདསངྐཔྤོ…པེ… ཨབྱཱཔཱདཙྪནྡོ… ཨབྱཱཔཱདཔརིལཱ༹ཧོ… ཨབྱཱཔཱདཔརིཡེསནཱ, ཨབྱཱཔཱདཔརིཡེསནཾ, བྷིཀྑཝེ, པརིཡེསམཱནོ སུཏཝཱ ཨརིཡསཱཝཀོ ཏཱིཧི ཋཱནེཧི སམྨཱ པཊིཔཛྫཏི – ཀཱཡེན, ཝཱཙཱཡ, མནསཱ.

‘‘ཨཝིཧིཾསཱདྷཱཏུཾ ¶ , བྷིཀྑཝེ, པཊིཙྩ ཨུཔྤཛྫཏི ཨཝིཧིཾསཱསཉྙཱ ¶ , ཨཝིཧིཾསཱསཉྙཾ པཊིཙྩ ཨུཔྤཛྫཏི ཨཝིཧིཾསཱསངྐཔྤོ, ཨཝིཧིཾསཱསངྐཔྤཾ པཊིཙྩ ཨུཔྤཛྫཏི ཨཝིཧིཾསཱཚནྡོ, ཨཝིཧིཾསཱཚནྡཾ པཊིཙྩ ཨུཔྤཛྫཏི ཨཝིཧིཾསཱཔརིལཱ༹ཧོ, ཨཝིཧིཾསཱཔརིལཱ༹ཧཾ པཊིཙྩ ཨུཔྤཛྫཏི ཨཝིཧིཾསཱཔརིཡེསནཱ; ཨཝིཧིཾསཱཔརིཡེསནཾ, བྷིཀྑཝེ, པརིཡེསམཱནོ སུཏཝཱ ཨརིཡསཱཝཀོ ཏཱིཧི ¶ ཋཱནེཧི སམྨཱ པཊིཔཛྫཏི – ཀཱཡེན, ཝཱཙཱཡ, མནསཱ.

‘‘སེཡྻཐཱཔི, བྷིཀྑཝེ, པུརིསོ ཨཱདིཏྟཾ ཏིཎུཀྐཾ སུཀྑེ ཏིཎདཱཡེ ནིཀྑིཔེཡྻ; ཏམེནཾ ཧཏྠེཧི ཙ པཱདེཧི ཙ ཁིཔྤམེཝ ནིབྦཱཔེཡྻ. ཨེཝཉྷི, བྷིཀྑཝེ, ཡེ ཏིཎཀཊྛནིསྶིཏཱ པཱཎཱ ཏེ ན ཨནཡབྱསནཾ ཨཱཔཛྫེཡྻུཾ. ཨེཝམེཝ ཁོ, བྷིཀྑཝེ, ཡོ ཧི ཀོཙི སམཎོ ཝཱ བྲཱཧྨཎོ ཝཱ ཨུཔྤནྣཾ ཝིསམགཏཾ སཉྙཾ ཁིཔྤམེཝ པཛཧཏི ཝིནོདེཏི བྱནྟཱིཀརོཏི ¶ ཨནབྷཱཝཾ གམེཏི, སོ དིཊྛེ ཙེཝ དྷམྨེ སུཁཾ ཝིཧརཏི ཨཝིགྷཱཏཾ ཨནུཔཱཡཱསཾ ཨཔརིལཱ༹ཧཾ; ཀཱཡསྶ ཙ བྷེདཱ པརཾ མརཎཱ སུགཏི པཱཊིཀངྑཱ’’ཏི. དུཏིཡཾ.

༣. གིཉྫཀཱཝསཐསུཏྟཾ

༩༧. ཨེཀཾ སམཡཾ བྷགཝཱ ཉཱཏིཀེ ཝིཧརཏི གིཉྫཀཱཝསཐེ. ཏཏྲ ཁོ བྷགཝཱ བྷིཀྑཱུ ཨཱམནྟེསི – ‘‘བྷིཀྑཝོ’’ཏི. ‘‘བྷདནྟེ’’ཏི ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘དྷཱཏུཾ, བྷིཀྑཝེ, པཊིཙྩ ཨུཔྤཛྫཏི སཉྙཱ, ཨུཔྤཛྫཏི དིཊྛི, ཨུཔྤཛྫཏི ཝིཏཀྐོ’’ཏི. ཨེཝཾ ཝུཏྟེ, ཨཱཡསྨཱ ཀཙྩཱནོ [སདྡྷོ ཀཙྩཱནོ (ཀ.)] བྷགཝནྟཾ ཨེཏདཝོཙ – ‘‘ཡཱཡཾ, བྷནྟེ, དིཊྛི – ‘ཨསམྨཱསམྦུདྡྷེསུ སམྨཱསམྦུདྡྷཱ’ཏི, ཨཡཾ ནུ ཁོ, བྷནྟེ, དིཊྛི ཀིཾ པཊིཙྩ པཉྙཱཡཏཱི’’ཏི?

‘‘མཧཏི ཁོ ཨེསཱ, ཀཙྩཱན, དྷཱཏུ ཡདིདཾ ཨཝིཛྫཱདྷཱཏུ. ཧཱིནཾ ¶ , ཀཙྩཱན, དྷཱཏུཾ པཊིཙྩ ཨུཔྤཛྫཏི ཧཱིནཱ སཉྙཱ, ཧཱིནཱ དིཊྛི, ཧཱིནོ ཝིཏཀྐོ, ཧཱིནཱ ཙེཏནཱ, ཧཱིནཱ པཏྠནཱ, ཧཱིནོ པཎིདྷི, ཧཱིནོ པུགྒལོ, ཧཱིནཱ ཝཱཙཱ; ཧཱིནཾ ཨཱཙིཀྑཏི དེསེཏི པཉྙཔེཏི པཊྛཔེཏི ¶ ཝིཝརཏི ཝིབྷཛཏི ཨུཏྟཱནཱིཀརོཏི; ཧཱིནཱ ཏསྶ ཨུཔཔཏྟཱིཏི ཝདཱམི.

‘‘མཛ྄ཛྷིམཾ ¶ , ཀཙྩཱན, དྷཱཏུཾ པཊིཙྩ ཨུཔྤཛྫཏི མཛ྄ཛྷིམཱ སཉྙཱ, མཛ྄ཛྷིམཱ དིཊྛི, མཛ྄ཛྷིམོ ཝིཏཀྐོ, མཛ྄ཛྷིམཱ ཙེཏནཱ, མཛ྄ཛྷིམཱ པཏྠནཱ, མཛ྄ཛྷིམོ པཎིདྷི, མཛ྄ཛྷིམོ པུགྒལོ, མཛ྄ཛྷིམཱ ཝཱཙཱ; མཛ྄ཛྷིམཾ ཨཱཙིཀྑཏི དེསེཏི པཉྙཔེཏི པཊྛཔེཏི ཝིཝརཏི ཝིབྷཛཏི ཨུཏྟཱནཱིཀརོཏི; མཛ྄ཛྷིམཱ ཏསྶ ཨུཔཔཏྟཱིཏི ཝདཱམི.

‘‘པཎཱིཏཾ, ཀཙྩཱན, དྷཱཏུཾ པཊིཙྩ ཨུཔྤཛྫཏི པཎཱིཏཱ སཉྙཱ, པཎཱིཏཱ དིཊྛི, པཎཱིཏོ ཝིཏཀྐོ, པཎཱིཏཱ ཙེཏནཱ, པཎཱིཏཱ པཏྠནཱ, པཎཱིཏོ པཎིདྷི, པཎཱིཏོ པུགྒལོ, པཎཱིཏཱ ཝཱཙཱ; པཎཱིཏཾ ཨཱཙིཀྑཏི དེསེཏི པཉྙཔེཏི པཊྛཔེཏི ཝིཝརཏི ཝིབྷཛཏི ཨུཏྟཱནཱིཀརོཏི; པཎཱིཏཱ ཏསྶ ཨུཔཔཏྟཱིཏི ཝདཱམཱི’’ཏི. ཏཏིཡཾ.

༤. ཧཱིནཱདྷིམུཏྟིཀསུཏྟཾ

༩༨. སཱཝཏྠིཡཾ ¶ ཝིཧརཏི…པེ… ‘‘དྷཱཏུསོཝ [དྷཱཏུསོ (སཱི. པཱི.) ཨཡཉྩ པཋམཱརམྦྷཝཱཀྱེཡེཝ, ན སབྦཏྠ. ཏཱིསུ པན ཨདྡྷཱསུ ཙ ཨུཔམཱསཾསནྡནནིགམནཊྛཱནེ ཙ ཨིདཾ པཱཋནཱནཏྟཾ ནཏྠི], བྷིཀྑཝེ, སཏྟཱ སཾསནྡནྟི སམེནྟི. ཧཱིནཱདྷིམུཏྟིཀཱ ཧཱིནཱདྷིམུཏྟིཀེཧི སདྡྷིཾ སཾསནྡནྟི སམེནྟི; ཀལྱཱཎཱདྷིམུཏྟིཀཱ ཀལྱཱཎཱདྷིམུཏྟིཀེཧི སདྡྷིཾ སཾསནྡནྟི སམེནྟི’’.

‘‘ཨཏཱིཏམྤི ཁོ [ཁོསདྡོ སཱི. སྱཱ. ཀཾ. པཱི. པོཏྠཀེསུ ནཏྠི], བྷིཀྑཝེ, ཨདྡྷཱནཾ དྷཱཏུསོཝ [ཨཱིདིསེསུ ཋཱནེསུ པཱཋནཱནཏྟཾ ནཏྠི] སཏྟཱ སཾསནྡིཾསུ སམིཾསུ. ཧཱིནཱདྷིམུཏྟིཀཱ ཧཱིནཱདྷིམུཏྟིཀེཧི སདྡྷིཾ སཾསནྡིཾསུ སམིཾསུ; ཀལྱཱཎཱདྷིམུཏྟིཀཱ ཀལྱཱཎཱདྷིམུཏྟིཀེཧི སདྡྷིཾ སཾསནྡིཾསུ སམིཾསུ.

‘‘ཨནཱགཏམྤི ཁོ [ཁོསདྡོ སཱི. སྱཱ. ཀཾ. པཱི. པོཏྠཀེསུ ནཏྠི], བྷིཀྑཝེ, ཨདྡྷཱནཾ དྷཱཏུསོཝ [ཨཱིདིསེསུ ཋཱནེསུ པཱཋནཱནཏྟཾ ནཏྠི] སཏྟཱ སཾསནྡིསྶནྟི སམེསྶནྟི. ཧཱིནཱདྷིམུཏྟིཀཱ ཧཱིནཱདྷིམུཏྟིཀེཧི སདྡྷིཾ སཾསནྡིསྶནྟི ¶ སམེསྶནྟི; ཀལྱཱཎཱདྷིམུཏྟིཀཱ ཀལྱཱཎཱདྷིམུཏྟིཀེཧི སདྡྷིཾ སཾསནྡིསྶནྟི སམེསྶནྟི.

‘‘ཨེཏརཧིཔི ¶ ཁོ [ཁོསདྡོ སཱི. སྱཱ. ཀཾ. པཱི. པོཏྠཀེསུ ནཏྠི], བྷིཀྑཝེ, པཙྩུཔྤནྣཾ ཨདྡྷཱནཾ དྷཱཏུསོཝ [ཨཱིདིསེསུ ཋཱནེསུ པཱཋནཱནཏྟཾ ནཏྠི] སཏྟཱ སཾསནྡནྟི སམེནྟི. ཧཱིནཱདྷིམུཏྟིཀཱ ཧཱིནཱདྷིམུཏྟིཀེཧི སདྡྷིཾ སཾསནྡནྟི སམེནྟི; ཀལྱཱཎཱདྷིམུཏྟིཀཱ ཀལྱཱཎཱདྷིམུཏྟིཀེཧི སདྡྷིཾ སཾསནྡནྟི སམེནྟཱི’’ཏི. ཙཏུཏྠཾ.

༥. ཙངྐམསུཏྟཾ

༩༩. ཨེཀཾ ¶ སམཡཾ བྷགཝཱ རཱཛགཧེ ཝིཧརཏི གིཛ྄ཛྷཀཱུཊེ པབྦཏེ. ཏེན ཁོ པན སམཡེན ཨཱཡསྨཱ སཱརིཔུཏྟོ སམྦཧུལེཧི བྷིཀྑཱུཧི སདྡྷིཾ བྷགཝཏོ ཨཝིདཱུརེ ཙངྐམཏི; ཨཱཡསྨཱཔི ཁོ མཧཱམོགྒལླཱནོ སམྦཧུལེཧི བྷིཀྑཱུཧི སདྡྷིཾ བྷགཝཏོ ཨཝིདཱུརེ ཙངྐམཏི; ཨཱཡསྨཱཔི ཁོ མཧཱཀསྶཔོ སམྦཧུལེཧི བྷིཀྑཱུཧི སདྡྷིཾ བྷགཝཏོ ཨཝིདཱུརེ ཙངྐམཏི; ཨཱཡསྨཱཔི ཁོ ཨནུརུདྡྷོ སམྦཧུལེཧི བྷིཀྑཱུཧི སདྡྷིཾ བྷགཝཏོ ཨཝིདཱུརེ ཙངྐམཏི; ཨཱཡསྨཱཔི ཁོ པུཎྞོ མནྟཱནིཔུཏྟོ སམྦཧུལེཧི བྷིཀྑཱུཧི སདྡྷིཾ བྷགཝཏོ ཨཝིདཱུརེ ཙངྐམཏི; ཨཱཡསྨཱཔི ཁོ ཨུཔཱལི སམྦཧུལེཧི བྷིཀྑཱུཧི སདྡྷིཾ བྷགཝཏོ ཨཝིདཱུརེ ཙངྐམཏི; ཨཱཡསྨཱཔི ཁོ ཨཱནནྡོ སམྦཧུལེཧི བྷིཀྑཱུཧི སདྡྷིཾ བྷགཝཏོ ཨཝིདཱུརེ ཙངྐམཏི; དེཝདཏྟོཔི ཁོ སམྦཧུལེཧི བྷིཀྑཱུཧི སདྡྷིཾ བྷགཝཏོ ཨཝིདཱུརེ ཙངྐམཏི.

ཨཐ ¶ ཁོ བྷགཝཱ བྷིཀྑཱུ ཨཱམནྟེསི – ‘‘པསྶཐ ནོ ཏུམྷེ, བྷིཀྑཝེ, སཱརིཔུཏྟཾ སམྦཧུལེཧི བྷིཀྑཱུཧི སདྡྷིཾ ཙངྐམནྟ’’ནྟི? ‘‘ཨེཝཾ, བྷནྟེ’’. ‘‘སབྦེ ཁོ ཨེཏེ, བྷིཀྑཝེ, བྷིཀྑཱུ མཧཱཔཉྙཱ. པསྶཐ ¶ ནོ ཏུམྷེ, བྷིཀྑཝེ, མོགྒལླཱནཾ སམྦཧུལེཧི བྷིཀྑཱུཧི སདྡྷིཾ ཙངྐམནྟ’’ནྟི? ‘‘ཨེཝཾ, བྷནྟེ’’. ‘‘སབྦེ ཁོ ཨེཏེ, བྷིཀྑཝེ, བྷིཀྑཱུ མཧིདྡྷིཀཱ. པསྶཐ ནོ ཏུམྷེ, བྷིཀྑཝེ, ཀསྶཔཾ སམྦཧུལེཧི བྷིཀྑཱུཧི སདྡྷིཾ ཙངྐམནྟ’’ནྟི? ‘‘ཨེཝཾ ¶ , བྷནྟེ’’. ‘‘སབྦེ ཁོ ཨེཏེ, བྷིཀྑཝེ, བྷིཀྑཱུ དྷུཏཝཱདཱ. པསྶཐ ནོ ཏུམྷེ, བྷིཀྑཝེ, ཨནུརུདྡྷཾ སམྦཧུལེཧི བྷིཀྑཱུཧི སདྡྷིཾ ཙངྐམནྟ’’ནྟི? ‘‘ཨེཝཾ, བྷནྟེ’’. ‘‘སབྦེ ཁོ ཨེཏེ, བྷིཀྑཝེ, བྷིཀྑཱུ དིབྦཙཀྑུཀཱ. པསྶཐ ནོ ཏུམྷེ, བྷིཀྑཝེ, པུཎྞཾ མནྟཱནིཔུཏྟཾ སམྦཧུལེཧི བྷིཀྑཱུཧི སདྡྷིཾ ཙངྐམནྟ’’ནྟི? ‘‘ཨེཝཾ, བྷནྟེ’’. ‘‘སབྦེ ཁོ ཨེཏེ, བྷིཀྑཝེ, བྷིཀྑཱུ དྷམྨཀཐིཀཱ. པསྶཐ ནོ ཏུམྷེ, བྷིཀྑཝེ, ཨུཔཱལིཾ སམྦཧུལེཧི བྷིཀྑཱུཧི སདྡྷིཾ ཙངྐམནྟ’’ནྟི? ‘‘ཨེཝཾ, བྷནྟེ’’. ‘‘སབྦེ ཁོ ཨེཏེ, བྷིཀྑཝེ, བྷིཀྑཱུ ཝིནཡདྷརཱ. པསྶཐ ནོ ཏུམྷེ, བྷིཀྑཝེ, ཨཱནནྡཾ སམྦཧུལེཧི བྷིཀྑཱུཧི སདྡྷིཾ ཙངྐམནྟ’’ནྟི? ‘‘ཨེཝཾ, བྷནྟེ’’. ‘‘སབྦེ ཁོ ཨེཏེ, བྷིཀྑཝེ, བྷིཀྑཱུ བཧུསྶུཏཱ. པསྶཐ ནོ ཏུམྷེ, བྷིཀྑཝེ, དེཝདཏྟཾ སམྦཧུལེཧི བྷིཀྑཱུཧི སདྡྷིཾ ཙངྐམནྟ’’ནྟི? ‘‘ཨེཝཾ, བྷནྟེ’’. ‘‘སབྦེ ཁོ ཨེཏེ, བྷིཀྑཝེ, བྷིཀྑཱུ པཱཔིཙྪཱ’’.

‘‘དྷཱཏུསོཝ, བྷིཀྑཝེ, སཏྟཱ སཾསནྡནྟི སམེནྟི. ཧཱིནཱདྷིམུཏྟིཀཱ ཧཱིནཱདྷིམུཏྟིཀེཧི སདྡྷིཾ ¶ སཾསནྡནྟི སམེནྟི; ཀལྱཱཎཱདྷིམུཏྟིཀཱ ཀལྱཱཎཱདྷིམུཏྟིཀེཧི སདྡྷིཾ སཾསནྡནྟི སམེནྟི. ཨཏཱིཏམྤི ཁོ, བྷིཀྑཝེ, ཨདྡྷཱནཾ དྷཱཏུསོཝ སཏྟཱ སཾསནྡིཾསུ སམིཾསུ. ཧཱིནཱདྷིམུཏྟིཀཱ ཧཱིནཱདྷིམུཏྟིཀེཧི སདྡྷིཾ སཾསནྡིཾསུ སམིཾསུ; ཀལྱཱཎཱདྷིམུཏྟིཀཱ ཀལྱཱཎཱདྷིམུཏྟིཀེཧི ¶ སདྡྷིཾ སཾསནྡིཾསུ སམིཾསུ.

‘‘ཨནཱགཏམྤི ཁོ, བྷིཀྑཝེ, ཨདྡྷཱནཾ དྷཱཏུསོཝ སཏྟཱ སཾསནྡིསྶནྟི སམེསྶནྟི. ཧཱིནཱདྷིམུཏྟིཀཱ ཧཱིནཱདྷིམུཏྟིཀེཧི སདྡྷིཾ སཾསནྡིསྶནྟི སམེསྶནྟི; ཀལྱཱཎཱདྷིམུཏྟིཀཱ ཀལྱཱཎཱདྷིམུཏྟིཀེཧི སདྡྷིཾ སཾསནྡིསྶནྟི སམེསྶནྟི.

‘‘ཨེཏརཧིཔི ¶ ཁོ, བྷིཀྑཝེ, པཙྩུཔྤནྣཾ ཨདྡྷཱནཾ དྷཱཏུསོཝ སཏྟཱ སཾསནྡནྟི སམེནྟི. ཧཱིནཱདྷིམུཏྟིཀཱ ཧཱིནཱདྷིམུཏྟིཀེཧི སདྡྷིཾ སཾསནྡནྟི སམེནྟི; ཀལྱཱཎཱདྷིམུཏྟིཀཱ ཀལྱཱཎཱདྷིམུཏྟིཀེཧི སདྡྷིཾ སཾསནྡནྟི སམེནྟཱི’’ཏི. པཉྩམཾ.

༦. སགཱཐཱསུཏྟཾ

༡༠༠. སཱཝཏྠིཡཾ ¶ ཝིཧརཏི…པེ… ‘‘དྷཱཏུསོཝ, བྷིཀྑཝེ, སཏྟཱ སཾསནྡནྟི སམེནྟི. ཧཱིནཱདྷིམུཏྟིཀཱ ཧཱིནཱདྷིམུཏྟིཀེཧི སདྡྷིཾ སཾསནྡནྟི སམེནྟི. ཨཏཱིཏམྤི ཁོ, བྷིཀྑཝེ, ཨདྡྷཱནཾ དྷཱཏུསོཝ སཏྟཱ སཾསནྡིཾསུ སམིཾསུ. ཧཱིནཱདྷིམུཏྟིཀཱ ཧཱིནཱདྷིམུཏྟིཀེཧི སདྡྷིཾ སཾསནྡིཾསུ སམིཾསུ’’.

‘‘ཨནཱགཏམྤི ཁོ, བྷིཀྑཝེ, ཨདྡྷཱནཾ དྷཱཏུསོཝ སཏྟཱ སཾསནྡིསྶནྟི སམེསྶནྟི. ཧཱིནཱདྷིམུཏྟིཀཱ ཧཱིནཱདྷིམུཏྟིཀེཧི སདྡྷིཾ སཾསནྡིསྶནྟི སམེསྶནྟི.

‘‘ཨེཏརཧིཔི ཁོ, བྷིཀྑཝེ, པཙྩུཔྤནྣཾ ཨདྡྷཱནཾ དྷཱཏུསོཝ སཏྟཱ སཾསནྡནྟི སམེནྟི. ཧཱིནཱདྷིམུཏྟིཀཱ ཧཱིནཱདྷིམུཏྟིཀེཧི སདྡྷིཾ སཾསནྡནྟི སམེནྟི.

‘‘སེཡྻཐཱཔི, བྷིཀྑཝེ, གཱུཐོ གཱུཐེན སཾསནྡཏི སམེཏི; མུཏྟཾ མུཏྟེན སཾསནྡཏི སམེཏི; ཁེལོ༹ ཁེལེ༹ན སཾསནྡཏི སམེཏི; པུབྦོ པུབྦེན སཾསནྡཏི སམེཏི; ལོཧིཏཾ ལོཧིཏེན སཾསནྡཏི སམེཏི ¶ ; ཨེཝམེཝ ཁོ, བྷིཀྑཝེ, དྷཱཏུསོཝ [སབྦཏྠཔི ཨེཝམེཝ དིསྶཏི] སཏྟཱ སཾསནྡནྟི སམེནྟི. ཧཱིནཱདྷིམུཏྟིཀཱ ཧཱིནཱདྷིམུཏྟིཀེཧི ¶ སདྡྷིཾ སཾསནྡནྟི སམེནྟི. ཨཏཱིཏམྤི ཁོ ཨདྡྷཱནཾ…པེ… ཨནཱགཏམྤི ཁོ ཨདྡྷཱནཾ…པེ… ཨེཏརཧིཔི ཁོ པཙྩུཔྤནྣཾ ཨདྡྷཱནཾ དྷཱཏུསོཝ སཏྟཱ སཾསནྡནྟི སམེནྟི. ཧཱིནཱདྷིམུཏྟིཀཱ ཧཱིནཱདྷིམུཏྟིཀེཧི སདྡྷིཾ སཾསནྡནྟི སམེནྟི.

‘‘དྷཱཏུསོཝ ¶ བྷིཀྑཝེ, སཏྟཱ སཾསནྡནྟི སམེནྟི. ཀལྱཱཎཱདྷིམུཏྟིཀཱ ཀལྱཱཎཱདྷིམུཏྟིཀེཧི སདྡྷིཾ སཾསནྡནྟི སམེནྟི. ཨཏཱིཏམྤི ཁོ, བྷིཀྑཝེ, ཨདྡྷཱནཾ དྷཱཏུསོཝ སཏྟཱ སཾསནྡིཾསུ སམིཾསུ. ཀལྱཱཎཱདྷིམུཏྟིཀཱ ཀལྱཱཎཱདྷིམུཏྟིཀེཧི སདྡྷིཾ སཾསནྡིཾསུ སམིཾསུ.

‘‘ཨནཱགཏམྤི ཁོ, བྷིཀྑཝེ, ཨདྡྷཱནཾ…པེ… ཨེཏརཧིཔི ཁོ, བྷིཀྑཝེ, པཙྩུཔྤནྣཾ ཨདྡྷཱནཾ དྷཱཏུསོཝ སཏྟཱ སཾསནྡནྟི སམེནྟི. ཀལྱཱཎཱདྷིམུཏྟིཀཱ ཀལྱཱཎཱདྷིམུཏྟིཀེཧི སདྡྷིཾ སཾསནྡནྟི སམེནྟི.

‘‘སེཡྻཐཱཔི, བྷིཀྑཝེ, ཁཱིརཾ ཁཱིརེན སཾསནྡཏི སམེཏི; ཏེལཾ ཏེལེན སཾསནྡཏི སམེཏི; སཔྤི སཔྤིནཱ སཾསནྡཏི སམེཏི; མདྷུ མདྷུནཱ སཾསནྡཏི སམེཏི; ཕཱཎིཏཾ ཕཱཎིཏེན སཾསནྡཏི སམེཏི; ཨེཝམེཝ ཁོ, བྷིཀྑཝེ, དྷཱཏུསོཝ ¶ སཏྟཱ སཾསནྡནྟི སམེནྟི. ཀལྱཱཎཱདྷིམུཏྟིཀཱ ཀལྱཱཎཱདྷིམུཏྟིཀེཧི སདྡྷིཾ སཾསནྡནྟི སམེནྟི. ཨཏཱིཏམྤི ཁོ ཨདྡྷཱནཾ… ཨནཱགཏམྤི ཁོ ཨདྡྷཱནཾ… ཨེཏརཧིཔི ཁོ པཙྩུཔྤནྣཾ ཨདྡྷཱནཾ དྷཱཏུསོཝ སཏྟཱ སཾསནྡནྟི སམེནྟི. ཀལྱཱཎཱདྷིམུཏྟིཀཱ ཀལྱཱཎཱདྷིམུཏྟིཀེཧི སདྡྷིཾ ¶ སཾསནྡནྟི སམེནྟཱི’’ཏི.

ཨིདམཝོཙ བྷགཝཱ. ཨིདཾ ཝཏྭཱན སུགཏོ ཨཐཱཔརཾ ཨེཏདཝོཙ སཏྠཱ –

‘‘སཾསགྒཱ ཝནཐོ ཛཱཏོ, ཨསཾསགྒེན ཚིཛྫཏི;

པརིཏྟཾ དཱརུམཱརུཡ྄ཧ, ཡཐཱ སཱིདེ མཧཎྞཝེ.

‘‘ཨེཝཾ ཀུསཱིཏམཱགམྨ, སཱདྷུཛཱིཝིཔི སཱིདཏི;

ཏསྨཱ ཏཾ པརིཝཛྫེཡྻ, ཀུསཱིཏཾ ཧཱིནཝཱིརིཡཾ.

‘‘པཝིཝིཏྟེཧི ¶ ཨརིཡེཧི, པཧིཏཏྟེཧི ཛྷཱཡཱིཧི [ཛྷཱཡིཧི (སཱི.), ཛྷཱཡིབྷི (སྱཱ. ཀཾ.)];

ནིཙྩཾ ཨཱརདྡྷཝཱིརིཡེཧི, པཎྜིཏེཧི སཧཱཝསེ’’ཏི.

༧. ཨསྶདྡྷསཾསནྡནསུཏྟཾ

༡༠༡. སཱཝཏྠིཡཾ ¶ ཝིཧརཏི…པེ… ‘‘དྷཱཏུསོཝ, བྷིཀྑཝེ, སཏྟཱ སཾསནྡནྟི སམེནྟི. ཨསྶདྡྷཱ ཨསྶདྡྷེཧི སདྡྷིཾ སཾསནྡནྟི སམེནྟི; ཨཧིརིཀཱ ཨཧིརིཀེཧི སདྡྷིཾ སཾསནྡནྟི སམེནྟི; ཨནོཏྟཔྤིནོ ཨནོཏྟཔྤཱིཧི སདྡྷིཾ སཾསནྡནྟི སམེནྟི; ཨཔྤསྶུཏཱ ཨཔྤསྶུཏེཧི སདྡྷིཾ སཾསནྡནྟི སམེནྟི; ཀུསཱིཏཱ ཀུསཱིཏེཧི སདྡྷིཾ སཾསནྡནྟི སམེནྟི; མུཊྛསྶཏིནོ མུཊྛསྶཏཱིཧི སདྡྷིཾ སཾསནྡནྟི སམེནྟི; དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི’’.

‘‘ཨཏཱིཏམྤི ཁོ, བྷིཀྑཝེ, ཨདྡྷཱནཾ དྷཱཏུསོཝ སཏྟཱ སཾསནྡིཾསུ སམིཾསུ. ཨསྶདྡྷཱ ཨསྶདྡྷེཧི སདྡྷིཾ སཾསནྡིཾསུ སམིཾསུ; ཨཧིརིཀཱ ཨཧིརིཀེཧི སདྡྷིཾ སཾསནྡིཾསུ སམིཾསུ; ཨནོཏྟཔྤིནོ ཨནོཏྟཔྤཱིཧི སདྡྷིཾ སཾསནྡིཾསུ སམིཾསུ; ཨཔྤསྶུཏཱ ཨཔྤསྶུཏེཧི ¶ སདྡྷིཾ སཾསནྡིཾསུ སམིཾསུ; ཀུསཱིཏཱ ཀུསཱིཏེཧི སདྡྷིཾ སཾསནྡིཾསུ སམིཾསུ; མུཊྛསྶཏིནོ མུཊྛསྶཏཱིཧི སདྡྷིཾ སཾསནྡིཾསུ སམིཾསུ; དུཔྤཉྙཱ དུཔྤཉྙེཧི སདྡྷིཾ སཾསནྡིཾསུ སམིཾསུ.

‘‘ཨནཱགཏམྤི ¶ ཁོ, བྷིཀྑཝེ, ཨདྡྷཱནཾ དྷཱཏུསོཝ སཏྟཱ སཾསནྡིསྶནྟི སམེསྶནྟི. ཨསྶདྡྷཱ ཨསྶདྡྷེཧི སདྡྷིཾ སཾསནྡིསྶནྟི སམེསྶནྟི; ཨཧིརིཀཱ ཨཧིརིཀེཧི སདྡྷིཾ སཾསནྡིསྶནྟི སམེསྶནྟི; ཨནོཏྟཔྤིནོ ཨནོཏྟཔྤཱིཧི སདྡྷིཾ…པེ… ཨཔྤསྶུཏཱ ¶ ཨཔྤསྶུཏེཧི སདྡྷིཾ…པེ… ཀུསཱིཏཱ ཀུསཱིཏེཧི སདྡྷིཾ…པེ… མུཊྛསྶཏིནོ མུཊྛསྶཏཱིཧི སདྡྷིཾ…པེ… དུཔྤཉྙཱ དུཔྤཉྙེཧི སདྡྷིཾ སཾསནྡིསྶནྟི སམེསྶནྟི.

‘‘ཨེཏརཧིཔི ཁོ, བྷིཀྑཝེ, པཙྩུཔྤནྣཾ ཨདྡྷཱནཾ དྷཱཏུསོཝ སཏྟཱ སཾསནྡནྟི སམེནྟི. ཨསྶདྡྷཱ ཨསྶདྡྷེཧི སདྡྷིཾ སཾསནྡནྟི སམེནྟི; ཨཧིརིཀཱ ཨཧིརིཀེཧི སདྡྷིཾ…པེ… ཨནོཏྟཔྤིནོ ཨནོཏྟཔྤཱིཧི སདྡྷིཾ…པེ… ཨཔྤསྶུཏཱ ཨཔྤསྶུཏེཧི སདྡྷིཾ…པེ… ¶ ཀུསཱིཏཱ ཀུསཱིཏེཧི སདྡྷིཾ…པེ… མུཊྛསྶཏིནོ མུཊྛསྶཏཱིཧི སདྡྷིཾ སཾསནྡནྟི སམེནྟི; དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི.

‘‘དྷཱཏུསོཝ, བྷིཀྑཝེ, སཏྟཱ སཾསནྡནྟི སམེནྟི. སདྡྷཱ སདྡྷེཧི སདྡྷིཾ སཾསནྡནྟི སམེནྟི; ཧིརིམནཱ ཧིརིམནེཧི སདྡྷིཾ སཾསནྡནྟི སམེནྟི; ཨོཏྟཔྤིནོ ཨོཏྟཔྤཱིཧི སདྡྷིཾ སཾསནྡནྟི སམེནྟི; བཧུསྶུཏཱ བཧུསྶུཏེཧི སདྡྷིཾ སཾསནྡནྟི སམེནྟི; ཨཱརདྡྷཝཱིརིཡཱ ཨཱརདྡྷཝཱིརིཡེཧི སདྡྷིཾ སཾསནྡནྟི སམེནྟི; ཨུཔཊྛིཏསྶཏིནོ ཨུཔཊྛིཏསྶཏཱིཧི སདྡྷིཾ སཾསནྡནྟི སམེནྟི; པཉྙཝནྟོ པཉྙཝནྟེཧི སདྡྷིཾ ¶ སཾསནྡནྟི སམེནྟི. ཨཏཱིཏམྤི ཁོ, བྷིཀྑཝེ, ཨདྡྷཱནཾ…པེ… ཨནཱགཏམྤི ཁོ, བྷིཀྑཝེ…པེ… ཨེཏརཧིཔི ཁོ, བྷིཀྑཝེ, པཙྩུཔྤནྣཾ ཨདྡྷཱནཾ དྷཱཏུསོཝ སཏྟཱ སཾསནྡནྟི སམེནྟི. སདྡྷཱ སདྡྷེཧི སདྡྷིཾ སཾསནྡནྟི སམེནྟི; པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟཱི’’ཏི. སཏྟམཾ.

༨. ཨསྶདྡྷམཱུལཀསུཏྟཾ

༡༠༢. སཱཝཏྠིཡཾ ཝིཧརཏི…པེ… ‘‘དྷཱཏུསོཝ, བྷིཀྑཝེ, སཏྟཱ སཾསནྡནྟི སམེནྟི. ཨསྶདྡྷཱ ¶ ཨསྶདྡྷེཧི སདྡྷིཾ སཾསནྡནྟི སམེནྟི; ཨཧིརིཀཱ ཨཧིརིཀེཧི སདྡྷིཾ སཾསནྡནྟི སམེནྟི; དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི; སདྡྷཱ སདྡྷེཧི སདྡྷིཾ སཾསནྡནྟི སམེནྟི; ཧིརིམནཱ ཧིརིམནེཧི སདྡྷིཾ སཾསནྡནྟི སམེནྟི; པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟི. ཨཏཱིཏམྤི ཁོ, བྷིཀྑཝེ, ཨདྡྷཱནཾ དྷཱཏུསོཝ སཏྟཱ སཾསནྡིཾསུ སམིཾསུ…པེ… ¶ ཨནཱགཏམྤི ཁོ, བྷིཀྑཝེ, ཨདྡྷཱནཾ དྷཱཏུསོཝ སཏྟཱ སཾསནྡིསྶནྟི སམེསྶནྟི…པེ….

‘‘ཨེཏརཧིཔི ¶ ཁོ, བྷིཀྑཝེ, པཙྩུཔྤནྣཾ ཨདྡྷཱནཾ དྷཱཏུསོཝ སཏྟཱ སཾསནྡནྟི སམེནྟི. ཨསྶདྡྷཱ ཨསྶདྡྷེཧི སདྡྷིཾ སཾསནྡནྟི སམེནྟི; ཨཧིརིཀཱ ཨཧིརིཀེཧི སདྡྷིཾ སཾསནྡནྟི སམེནྟི, དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི; སདྡྷཱ སདྡྷེཧི སདྡྷིཾ སཾསནྡནྟི སམེནྟི; ཧིརིམནཱ ཧིརིམནེཧི སདྡྷིཾ སཾསནྡནྟི སམེནྟི; པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟཱིཏི. (༡)

‘‘དྷཱཏུསོཝ, བྷིཀྑཝེ, སཏྟཱ སཾསནྡནྟི སམེནྟི. ཨསྶདྡྷཱ ཨསྶདྡྷེཧི སདྡྷིཾ སཾསནྡནྟི སམེནྟི; ཨནོཏྟཔྤིནོ ཨནོཏྟཔྤཱིཧི སདྡྷིཾ སཾསནྡནྟི སམེནྟི; དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི ¶ ; སདྡྷཱ སདྡྷེཧི སདྡྷིཾ སཾསནྡནྟི སམེནྟི; ཨོཏྟཔྤིནོ ཨོཏྟཔྤཱིཧི སདྡྷིཾ སཾསནྡནྟི སམེནྟི; པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟི…པེ… པཋམཝཱརོ ཝིཡ ཝིཏྠཱརེཏབྦོ. (༢)

‘‘དྷཱཏུསོཝ ¶ , བྷིཀྑཝེ…པེ… ཨསྶདྡྷཱ ཨསྶདྡྷེཧི སདྡྷིཾ སཾསནྡནྟི སམེནྟི; ཨཔྤསྶུཏཱ ཨཔྤསྶུཏེཧི སདྡྷིཾ སཾསནྡནྟི སམེནྟི; དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི; སདྡྷཱ སདྡྷེཧི སདྡྷིཾ སཾསནྡནྟི སམེནྟི; བཧུསྶུཏཱ བཧུསྶུཏེཧི སདྡྷིཾ སཾསནྡནྟི སམེནྟི, པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟི…པེ… ¶ . (༣)

‘‘དྷཱཏུསོཝ, བྷིཀྑཝེ…པེ… ཨསྶདྡྷཱ ཨསྶདྡྷེཧི སདྡྷིཾ སཾསནྡནྟི སམེནྟི; ཀུསཱིཏཱ ཀུསཱིཏེཧི སདྡྷིཾ སཾསནྡནྟི སམེནྟི; དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི; སདྡྷཱ སདྡྷེཧི སདྡྷིཾ སཾསནྡནྟི སམེནྟི; ཨཱརདྡྷཝཱིརིཡཱ ཨཱརདྡྷཝཱིརིཡེཧི སདྡྷིཾ སཾསནྡནྟི སམེནྟི; པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟི…པེ…. (༤)

‘‘དྷཱཏུསོཝ ¶ , བྷིཀྑཝེ…པེ… ཨསྶདྡྷཱ ཨསྶདྡྷེཧི སདྡྷིཾ སཾསནྡནྟི སམེནྟི; མུཊྛསྶཏིནོ མུཊྛསྶཏཱིཧི སདྡྷིཾ སཾསནྡནྟི སམེནྟི; དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི; སདྡྷཱ སདྡྷེཧི སདྡྷིཾ སཾསནྡནྟི སམེནྟི; ཨུཔཊྛིཏསྶཏིནོ ཨུཔཊྛིཏསྶཏཱིཧི སདྡྷིཾ སཾསནྡནྟི སམེནྟི; པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟཱིཏི…པེ…. ཨཊྛམཾ. (༥)

༩. ཨཧིརིཀམཱུལཀསུཏྟཾ

༡༠༣. སཱཝཏྠིཡཾ ཝིཧརཏི…པེ… ‘‘དྷཱཏུསོཝ…པེ… ཨཧིརིཀཱ ཨཧིརིཀེཧི སདྡྷིཾ སཾསནྡནྟི ¶ སམེནྟི, ཨནོཏྟཔྤིནོ ¶ ཨནོཏྟཔྤཱིཧི སདྡྷིཾ སཾསནྡནྟི སམེནྟི ¶ , དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི; ཧིརིམནཱ ཧིརིམནེཧི སདྡྷིཾ སསནྡནྟི སམེནྟི, ཨོཏྟཔྤིནོ ཨོཏྟཔྤཱིཧི སདྡྷིཾ སཾསནྡནྟི སམེནྟི, པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟི…པེ… ¶ . (༡)

‘‘ཨཧིརིཀཱ ཨཧིརིཀེཧི སདྡྷིཾ སཾསནྡནྟི སམེནྟི, ཨཔྤསྶུཏཱ ཨཔྤསྶུཏེཧི སདྡྷིཾ སཾསནྡནྟི སམེནྟི, དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི; ཧིརིམནཱ ཧིརིམནེཧི སདྡྷིཾ སཾསནྡནྟི སམེནྟི, བཧུསྶུཏཱ བཧུསྶུཏེཧི སདྡྷིཾ སཾསནྡནྟི སམེནྟི, པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟི…པེ…. (༢)

‘‘ཨཧིརིཀཱ ཨཧིརིཀེཧི སདྡྷིཾ སཾསནྡནྟི སམེནྟི, ཀུསཱིཏཱ ཀུསཱིཏེཧི སདྡྷིཾ སཾསནྡནྟི སམེནྟི, དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི; ཧིརིམནཱ ཧིརིམནེཧི སདྡྷིཾ སཾསནྡནྟི སམེནྟི, ཨཱརདྡྷཝཱིརིཡཱ ཨཱརདྡྷཝཱིརིཡེཧི སདྡྷིཾ སཾསནྡནྟི སམེནྟི, པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟི…པེ…. (༣)

‘‘ཨཧིརིཀཱ ཨཧིརིཀེཧི སདྡྷིཾ སཾསནྡནྟི སམེནྟི, མུཊྛསྶཏིནོ མུཊྛསྶཏཱིཧི སདྡྷིཾ སཾསནྡནྟི སམེནྟི, དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི; ཧིརིམནཱ ཧིརིམནེཧི སདྡྷིཾ སཾསནྡནྟི སམེནྟི, ཨུཔཊྛིཏསྶཏིནོ ཨུཔཊྛིཏསྶཏཱིཧི སདྡྷིཾ སཾསནྡནྟི སམེནྟི, པཉྙཝནྟོ ¶ པཉྙཝནྟེཧི སདྡྷིཾ སཾསནྡནྟི སམེནྟཱིཏི…པེ…. ནཝམཾ. (༤)

༡༠. ཨནོཏྟཔྤམཱུལཀསུཏྟཾ

༡༠༤. སཱཝཏྠིཡཾ ¶ ཝིཧརཏི…པེ… ‘‘དྷཱཏུསོཝ ¶ , བྷིཀྑཝེ, སཏྟཱ སཾསནྡནྟི སམེནྟི. ཨནོཏྟཔྤིནོ ཨནོཏྟཔྤཱིཧི སདྡྷིཾ སཾསནྡནྟི སམེནྟི; ཨཔྤསྶུཏཱ ཨཔྤསྶུཏེཧི སདྡྷིཾ སཾསནྡནྟི སམེནྟི; དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི; ཨོཏྟཔྤིནོ ཨོཏྟཔྤཱིཧི སདྡྷིཾ སཾསནྡནྟི སམེནྟི; བཧུསྶུཏཱ བཧུསྶུཏེཧི སདྡྷིཾ སཾསནྡནྟི སམེནྟི; པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟི…པེ…. (༡)

‘‘ཨནོཏྟཔྤིནོ ¶ ཨནོཏྟཔྤཱིཧི སདྡྷིཾ སཾསནྡནྟི སམེནྟི; ཀུསཱིཏཱ ཀུསཱིཏེཧི སདྡྷིཾ སཾསནྡནྟི སམེནྟི; དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི; ཨོཏྟཔྤིནོ ཨོཏྟཔྤཱིཧི སདྡྷིཾ སཾསནྡནྟི སམེནྟི; ཨཱརདྡྷཝཱིརིཡཱ ཨཱརདྡྷཝཱིརིཡེཧི སདྡྷིཾ སཾསནྡནྟི སམེནྟི; པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟི…པེ…. (༢)

‘‘ཨནོཏྟཔྤིནོ ¶ ཨནོཏྟཔྤཱིཧི སདྡྷིཾ སཾསནྡནྟི སམེནྟི; མུཊྛསྶཏིནོ མུཊྛསྶཏཱིཧི སདྡྷིཾ སཾསནྡནྟི སམེནྟི; དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི; ཨོཏྟཔྤིནོ ཨོཏྟཔྤཱིཧི སདྡྷིཾ སཾསནྡནྟི སམེནྟི; ཨུཔཊྛིཏསྶཏིནོ ཨུཔཊྛིཏསྶཏཱིཧི སདྡྷིཾ སཾསནྡནྟི སམེནྟི; པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟཱིཏི…པེ…. དསམཾ. (༣)

༡༡. ཨཔྤསྶུཏམཱུལཀསུཏྟཾ

༡༠༥. སཱཝཏྠིཡཾ ཝིཧརཏི…པེ… ‘‘དྷཱཏུསོཝ, བྷིཀྑཝེ, སཏྟཱ སཾསནྡནྟི སམེནྟི. ཨཔྤསྶུཏཱ ཨཔྤསྶུཏེཧི སདྡྷིཾ སཾསནྡནྟི ¶ སམེནྟི; ཀུསཱིཏཱ ཀུསཱིཏེཧི སདྡྷིཾ སཾསནྡནྟི སམེནྟི; དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི; བཧུསྶུཏཱ བཧུསྶུཏེཧི སདྡྷིཾ སཾསནྡནྟི ¶ སམེནྟི; ཨཱརདྡྷཝཱིརིཡཱ ཨཱརདྡྷཝཱིརིཡེཧི ¶ སདྡྷིཾ སཾསནྡནྟི སམེནྟི; པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟི…པེ…. (༡)

‘‘ཨཔྤསྶུཏཱ ཨཔྤསྶུཏེཧི སདྡྷིཾ སཾསནྡནྟི སམེནྟི; མུཊྛསྶཏིནོ མུཊྛསྶཏཱིཧི སདྡྷིཾ སཾསནྡནྟི སམེནྟི; དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི; བཧུསྶུཏཱ བཧུསྶུཏེཧི སདྡྷིཾ སཾསནྡནྟི སམེནྟི; ཨུཔཊྛིཏསྶཏིནོ ཨུཔཊྛིཏསྶཏཱིཧི སདྡྷིཾ སཾསནྡནྟི སམེནྟི; པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟཱིཏི…པེ…. ཨེཀཱདསམཾ. (༢)

༡༢. ཀུསཱིཏམཱུལཀསུཏྟཾ

༡༠༦. སཱཝཏྠིཡཾ ཝིཧརཏི…པེ… ‘‘དྷཱཏུསོཝ, བྷིཀྑཝེ, སཏྟཱ སཾསནྡནྟི སམེནྟི. ཀུསཱིཏཱ ཀུསཱིཏེཧི སདྡྷིཾ སཾསནྡནྟི སམེནྟི; མུཊྛསྶཏིནོ མུཊྛསྶཏཱིཧི སདྡྷིཾ སཾསནྡནྟི སམེནྟི; དུཔྤཉྙཱ ¶ དུཔྤཉྙེཧི སདྡྷིཾ སཾསནྡནྟི སམེནྟི; ཨཱརདྡྷཝཱིརིཡཱ ཨཱརདྡྷཝཱིརིཡེཧི སདྡྷིཾ སཾསནྡནྟི སམེནྟི; ཨུཔཊྛིཏསྶཏིནོ ཨུཔཊྛིཏསྶཏཱིཧི སདྡྷིཾ སཾསནྡནྟི སམེནྟི; པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟཱིཏི…པེ…. དྭཱདསམཾ.

དུཏིཡོ ཝགྒོ.

ཏསྶུདྡཱནཾ –

སཏྟིམཱ ¶ ¶ སནིདཱནཉྩ, གིཉྫཀཱཝསཐེན ཙ;

ཧཱིནཱདྷིམུཏྟི ཙངྐམཾ, སགཱཐཱ ཨསྶདྡྷསཏྟམཾ.

ཨསྶདྡྷམཱུལཀཱ ¶ པཉྩ, ཙཏྟཱརོ ཨཧིརིཀམཱུལཀཱ;

ཨནོཏྟཔྤམཱུལཀཱ ཏཱིཎི, དུཝེ ཨཔྤསྶུཏེན ཙ.

ཀུསཱིཏཾ ཨེཀཀཾ ཝུཏྟཾ, སུཏྟནྟཱ ཏཱིཎི པཉྩཀཱ;

བཱཝཱིསཏི ཝུཏྟཱ སུཏྟཱ, དུཏིཡོ ཝགྒོ པཝུཙྩཏཱིཏི.

༣. ཀམྨཔཐཝགྒོ

༡. ཨསམཱཧིཏསུཏྟཾ

༡༠༧. སཱཝཏྠིཡཾ ¶ ¶ ཝིཧརཏི…པེ… ‘‘དྷཱཏུསོཝ, བྷིཀྑཝེ, སཏྟཱ སཾསནྡནྟི སམེནྟི. ཨསྶདྡྷཱ ཨསྶདྡྷེཧི སདྡྷིཾ སཾསནྡནྟི སམེནྟི; ཨཧིརིཀཱ ཨཧིརིཀེཧི སདྡྷིཾ སཾསནྡནྟི སམེནྟི; ཨནོཏྟཔྤིནོ ཨནོཏྟཔྤཱིཧི སདྡྷིཾ སཾསནྡནྟི སམེནྟི; ཨསམཱཧིཏཱ ཨསམཱཧིཏེཧི སདྡྷིཾ སཾསནྡནྟི སམེནྟི; དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི’’.

‘‘སདྡྷཱ སདྡྷེཧི སདྡྷིཾ སཾསནྡནྟི སམེནྟི; ཧིརིམནཱ ཧིརིམནེཧི སདྡྷིཾ སཾསནྡནྟི སམེནྟི; ཨོཏྟཔྤིནོ ཨོཏྟཔྤཱིཧི སདྡྷིཾ སཾསནྡནྟི སམེནྟི; སམཱཧིཏཱ སམཱཧིཏེཧི སདྡྷིཾ སཾསནྡནྟི སམེནྟི; པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟཱི’’ཏི. པཋམཾ.

༢. དུསྶཱིལསུཏྟཾ

༡༠༨. སཱཝཏྠིཡཾ ཝིཧརཏི…པེ… ‘‘དྷཱཏུསོཝ, བྷིཀྑཝེ, སཏྟཱ སཾསནྡནྟི སམེནྟི. ཨསྶདྡྷཱ ཨསྶདྡྷེཧི སདྡྷིཾ སཾསནྡནྟི སམེནྟི; ཨཧིརིཀཱ ཨཧིརིཀེཧི སདྡྷིཾ སཾསནྡནྟི སམེནྟི; ཨནོཏྟཔྤིནོ ཨནོཏྟཔྤཱིཧི སདྡྷིཾ སཾསནྡནྟི སམེནྟི; དུསྶཱིལཱ དུསྶཱིལེཧི སདྡྷིཾ སཾསནྡནྟི སམེནྟི; དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི’’.

‘‘སདྡྷཱ སདྡྷེཧི སདྡྷིཾ སཾསནྡནྟི སམེནྟི; ཧིརིམནཱ ཧིརིམནེཧི སདྡྷིཾ སཾསནྡནྟི སམེནྟི; ཨོཏྟཔྤིནོ ཨོཏྟཔྤཱིཧི སདྡྷིཾ སཾསནྡནྟི སམེནྟི; སཱིལཝནྟོ ¶ ¶ སཱིལཝནྟེཧི སདྡྷིཾ སཾསནྡནྟི ¶ སམེནྟི; པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟཱི’’ཏི. དུཏིཡཾ.

༣. པཉྩསིཀྑཱཔདསུཏྟཾ

༡༠༩. སཱཝཏྠིཡཾ ཝིཧརཏི…པེ… ‘‘དྷཱཏུསོཝ, བྷིཀྑཝེ, སཏྟཱ སཾསནྡནྟི སམེནྟི. པཱཎཱཏིཔཱཏིནོ ¶ པཱཎཱཏིཔཱཏཱིཧི སདྡྷིཾ སཾསནྡནྟི སམེནྟི; ཨདིནྣཱདཱཡིནོ ཨདིནྣཱདཱཡཱིཧི སདྡྷིཾ སཾསནྡནྟི སམེནྟི; ཀཱམེསུམིཙྪཱཙཱརིནོ ཀཱམེསུམིཙྪཱཙཱརཱིཧི སདྡྷིཾ སཾསནྡནྟི སམེནྟི; མུསཱཝཱདིནོ མུསཱཝཱདཱིཧི སདྡྷིཾ སཾསནྡནྟི སམེནྟི; སུརཱམེརཡམཛྫཔྤམཱདཊྛཱཡིནོ སུརཱམེརཡམཛྫཔྤམཱདཊྛཱཡཱིཧི སདྡྷིཾ སཾསནྡནྟི སམེནྟི’’.

‘‘པཱཎཱཏིཔཱཏཱ པཊིཝིརཏཱ པཱཎཱཏིཔཱཏཱ པཊིཝིརཏེཧི སདྡྷིཾ སཾསནྡནྟི སམེནྟི; ཨདིནྣཱདཱནཱ པཊིཝིརཏཱ ཨདིནྣཱདཱནཱ པཊིཝིརཏེཧི སདྡྷིཾ སཾསནྡནྟི སམེནྟི; ཀཱམེསུམིཙྪཱཙཱརཱ པཊིཝིརཏཱ ཀཱམེསུམིཙྪཱཙཱརཱ པཊིཝིརཏེཧི སདྡྷིཾ སཾསནྡནྟི སམེནྟི; མུསཱཝཱདཱ པཊིཝིརཏཱ མུསཱཝཱདཱ པཊིཝིརཏེཧི སདྡྷིཾ སཾསནྡནྟི སམེནྟི; སུརཱམེརཡམཛྫཔྤམཱདཊྛཱནཱ པཊིཝིརཏཱ སུརཱམེརཡམཛྫཔྤམཱདཊྛཱནཱ པཊིཝིརཏེཧི སདྡྷིཾ སཾསནྡནྟི སམེནྟཱི’’ཏི. ཏཏིཡཾ.

༤. སཏྟཀམྨཔཐསུཏྟཾ

༡༡༠. སཱཝཏྠིཡཾ ཝིཧརཏི…པེ… ‘‘དྷཱཏུསོཝ, བྷིཀྑཝེ, སཏྟཱ སཾསནྡནྟི སམེནྟི. པཱཎཱཏིཔཱཏིནོ པཱཎཱཏིཔཱཏཱིཧི སདྡྷིཾ ¶ སཾསནྡནྟི སམེནྟི; ཨདིནྣཱདཱཡིནོ ཨདིནྣཱདཱཡཱིཧི སདྡྷིཾ སཾསནྡནྟི སམེནྟི; ཀཱམེསུམིཙྪཱཙཱརིནོ ཀཱམེསུམིཙྪཱཙཱརཱིཧི སདྡྷིཾ སཾསནྡནྟི སམེནྟི; མུསཱཝཱདིནོ མུསཱཝཱདཱིཧི སདྡྷིཾ སཾསནྡནྟི སམེནྟི; པིསུཎཝཱཙཱ པིསུཎཝཱཙེཧི སདྡྷིཾ སཾསནྡནྟི སམེནྟི; ཕརུསཝཱཙཱ ཕརུསཝཱཙེཧི སདྡྷིཾ སཾསནྡནྟི སམེནྟི; སམྥཔྤལཱཔིནོ སམྥཔྤལཱཔཱིཧི སདྡྷིཾ སཾསནྡནྟི སམེནྟི’’.

‘‘པཱཎཱཏིཔཱཏཱ པཊིཝིརཏཱ…པེ… ཨདིནྣཱདཱནཱ པཊིཝིརཏཱ… ཀཱམེསུམིཙྪཱཙཱརཱ པཊིཝིརཏཱ… མུསཱཝཱདཱ པཊིཝིརཏཱ… པིསུཎཱཡ ཝཱཙཱཡ པཊིཝིརཏཱ པིསུཎཱཡ ཝཱཙཱཡ པཊིཝིརཏེཧི སདྡྷིཾ སཾསནྡནྟི སམེནྟི; ཕརུསཱཡ ཝཱཙཱཡ པཊིཝིརཏཱ ཕརུསཱཡ ཝཱཙཱཡ པཊིཝིརཏེཧི སདྡྷིཾ སཾསནྡནྟི སམེནྟི; སམྥཔྤལཱཔཱ པཊིཝིརཏཱ སམྥཔྤལཱཔཱ པཊིཝིརཏེཧི སདྡྷིཾ སཾསནྡནྟི སམེནྟཱི’’ཏི. ཙཏུཏྠཾ.

༥. དསཀམྨཔཐསུཏྟཾ

༡༡༡. སཱཝཏྠིཡཾ ¶ ¶ ཝིཧརཏི…པེ… ‘‘དྷཱཏུསོཝ ¶ , བྷིཀྑཝེ, སཏྟཱ སཾསནྡནྟི སམེནྟི. པཱཎཱཏིཔཱཏིནོ པཱཎཱཏིཔཱཏཱིཧི སདྡྷིཾ སཾསནྡནྟི སམེནྟི; ཨདིནྣཱདཱཡིནོ…པེ… ཀཱམེསུམིཙྪཱཙཱརིནོ… མུསཱཝཱདིནོ… པིསུཎཝཱཙཱ… ཕརུསཝཱཙཱ… སམྥཔྤལཱཔིནོ སམྥཔྤལཱཔཱིཧི སདྡྷིཾ སཾསནྡནྟི སམེནྟི; ཨབྷིཛ྄ཛྷཱལུནོ ཨབྷིཛ྄ཛྷཱལཱུཧི སདྡྷིཾ སཾསནྡནྟི སམེནྟི; བྱཱཔནྣཙིཏྟཱ བྱཱཔནྣཙིཏྟེཧི སདྡྷིཾ སཾསནྡནྟི སམེནྟི; མིཙྪཱདིཊྛིཀཱ མིཙྪཱདིཊྛིཀེཧི སདྡྷིཾ སཾསནྡནྟི སམེནྟི’’.

‘‘པཱཎཱཏིཔཱཏཱ ¶ པཊིཝིརཏཱ པཱཎཱཏིཔཱཏཱ པཊིཝིརཏེཧི སདྡྷིཾ སཾསནྡནྟི སམེནྟི; ཨདིནྣཱདཱནཱ པཊིཝིརཏཱ…པེ… ཀཱམེསུམིཙྪཱཙཱརཱ པཊིཝིརཏཱ… མུསཱཝཱདཱ པཊིཝིརཏཱ… པིསུཎཱཡ ཝཱཙཱཡ… ཕརུསཱཡ ཝཱཙཱཡ… སམྥཔྤལཱཔཱ པཊིཝིརཏཱ སམྥཔྤལཱཔཱ པཊིཝིརཏེཧི སདྡྷིཾ སཾསནྡནྟི སམེནྟི; ཨནབྷིཛ྄ཛྷཱལུནོ ཨནབྷིཛ྄ཛྷཱལཱུཧི སདྡྷིཾ སཾསནྡནྟི སམེནྟི; ཨབྱཱཔནྣཙིཏྟཱ ཨབྱཱཔནྣཙིཏྟེཧི སདྡྷིཾ སཾསནྡནྟི སམེནྟི; སམྨཱདིཊྛིཀཱ སམྨཱདིཊྛིཀེཧི སདྡྷིཾ སཾསནྡནྟི སམེནྟཱི’’ཏི. པཉྩམཾ.

༦. ཨཊྛངྒིཀསུཏྟཾ

༡༡༢. སཱཝཏྠིཡཾ ཝིཧརཏི…པེ… ‘‘དྷཱཏུསོཝ, བྷིཀྑཝེ, སཏྟཱ སཾསནྡནྟི སམེནྟི. མིཙྪཱདིཊྛིཀཱ མིཙྪཱདིཊྛིཀེཧི སདྡྷིཾ སཾསནྡནྟི སམེནྟི; མིཙྪཱསངྐཔྤཱ…པེ… མིཙྪཱཝཱཙཱ… མིཙྪཱཀམྨནྟཱ… མིཙྪཱཨཱཛཱིཝཱ… མིཙྪཱཝཱཡཱམཱ… མིཙྪཱསཏིནོ ¶ … མིཙྪཱསམཱདྷིནོ མིཙྪཱསམཱདྷཱིཧི སདྡྷིཾ སཾསནྡནྟི སམེནྟི. སམྨཱདིཊྛིཀཱ སམྨཱདིཊྛིཀེཧི སདྡྷིཾ སཾསནྡནྟི སམེནྟི; སམྨཱསངྐཔྤཱ…པེ… སམྨཱཝཱཙཱ… སམྨཱཀམྨནྟཱ… སམྨཱཨཱཛཱིཝཱ… སམྨཱཝཱཡཱམཱ… སམྨཱསཏིནོ… སམྨཱསམཱདྷིནོ སམྨཱསམཱདྷཱིཧི སདྡྷིཾ སཾསནྡནྟི སམེནྟཱི’’ཏི. ཚཊྛཾ.

༧. དསངྒསུཏྟཾ

༡༡༣. སཱཝཏྠིཡཾ ཝིཧརཏི…པེ… ‘‘དྷཱཏུསོཝ, བྷིཀྑཝེ, སཏྟཱ སཾསནྡནྟི སམེནྟི. མིཙྪཱདིཊྛིཀཱ མིཙྪཱདིཊྛིཀེཧི སདྡྷིཾ སཾསནྡནྟི སམེནྟི; མིཙྪཱསངྐཔྤཱ…པེ… མིཙྪཱཝཱཙཱ… མིཙྪཱཀམྨནྟཱ… མིཙྪཱཨཱཛཱིཝཱ… མིཙྪཱཝཱཡཱམཱ… མིཙྪཱསཏིནོ ¶ … མིཙྪཱསམཱདྷིནོ ¶ ¶ མིཙྪཱསམཱདྷཱིཧི སདྡྷིཾ སཾསནྡནྟི སམེནྟི; མིཙྪཱཉཱཎིནོ མིཙྪཱཉཱཎཱིཧི སདྡྷིཾ སཾསནྡནྟི སམེནྟི; མིཙྪཱཝིམུཏྟིནོ མིཙྪཱཝིམུཏྟཱིཧི སདྡྷིཾ སཾསནྡནྟི སམེནྟི’’.

‘‘སམྨཱདིཊྛིཀཱ སམྨཱདིཊྛིཀེཧི སདྡྷིཾ སཾསནྡནྟི སམེནྟི; སམྨཱསངྐཔྤཱ…པེ… སམྨཱཝཱཙཱ… སམྨཱཀམྨནྟཱ… སམྨཱཨཱཛཱིཝཱ… སམྨཱཝཱཡཱམཱ… སམྨཱསཏིནོ… སམྨཱསམཱདྷིནོ… སམྨཱཉཱཎིནོ སམྨཱཉཱཎཱིཧི སདྡྷིཾ སཾསནྡནྟི སམེནྟི; སམྨཱཝིམུཏྟིནོ སམྨཱཝིམུཏྟཱིཧི སདྡྷིཾ སཾསནྡནྟི སམེནྟཱི’’ཏི. སཏྟམཾ.

སཏྟནྣཾ སུཏྟནྟཱནཾ ཨུདྡཱནཾ –

ཨསམཱཧིཏཾ ¶ དུསྶཱིལཾ, པཉྩ སིཀྑཱཔདཱནི ཙ;

སཏྟ ཀམྨཔཐཱ ཝུཏྟཱ, དསཀམྨཔཐེན ཙ;

ཚཊྛཾ ཨཊྛངྒིཀོ ཝུཏྟོ, དསངྒེན ཙ སཏྟམཾ.

ཀམྨཔཐཝགྒོ ཏཏིཡོ.

༤. ཙཏུཏྠཝགྒོ

༡. ཙཏུདྷཱཏུསུཏྟཾ

༡༡༤. ཨེཀཾ ¶ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ…པེ… ‘‘ཙཏསྶོ ཨིམཱ, བྷིཀྑཝེ, དྷཱཏུཡོ. ཀཏམཱ ཙཏསྶོ? པཐཝཱིདྷཱཏུ, ཨཱཔོདྷཱཏུ, ཏེཛོདྷཱཏུ, ཝཱཡོདྷཱཏུ – ཨིམཱ ཁོ, བྷིཀྑཝེ, ཙཏསྶོ དྷཱཏུཡོ’’ཏི. པཋམཾ.

༢. པུབྦེསམྦོདྷསུཏྟཾ

༡༡༥. སཱཝཏྠིཡཾ ཝིཧརཏི…པེ… ‘‘པུབྦེཝ ¶ མེ, བྷིཀྑཝེ, སམྦོདྷཱ ཨནབྷིསམྦུདྡྷསྶ བོདྷིསཏྟསྶེཝ སཏོ ཨེཏདཧོསི – ‘ཀོ ནུ ཁོ པཐཝཱིདྷཱཏུཡཱ ཨསྶཱདོ, ཀོ ཨཱདཱིནཝོ, ཀིཾ ནིསྶརཎཾ; ཀོ ཨཱཔོདྷཱཏུཡཱ ཨསྶཱདོ, ཀོ ཨཱདཱིནཝོ, ཀིཾ ནིསྶརཎཾ; ཀོ ཏེཛོདྷཱཏུཡཱ ¶ ཨསྶཱདོ, ཀོ ཨཱདཱིནཝོ, ཀིཾ ནིསྶརཎཾ; ཀོ ཝཱཡོདྷཱཏུཡཱ ཨསྶཱདོ, ཀོ ཨཱདཱིནཝོ, ཀིཾ ནིསྶརཎ’’’ནྟི?

‘‘ཏསྶ མཡ྄ཧཾ, བྷིཀྑཝེ, ཨེཏདཧོསི – ‘ཡཾ ཁོ པཐཝཱིདྷཱཏུཾ པཊིཙྩ ཨུཔྤཛྫཏི སུཁཾ སོམནསྶཾ, ཨཡཾ པཐཝཱིདྷཱཏུཡཱ ཨསྶཱདོ; ཡཾ [ཡཱ (སཱི.)] པཐཝཱིདྷཱཏུ ཨནིཙྩཱ དུཀྑཱ ཝིཔརིཎཱམདྷམྨཱ, ཨཡཾ པཐཝཱིདྷཱཏུཡཱ ཨཱདཱིནཝོ; ཡོ པཐཝཱིདྷཱཏུཡཱ ཚནྡརཱགཝིནཡོ ཚནྡརཱགཔྤཧཱནཾ, ཨིདཾ པཐཝཱིདྷཱཏུཡཱ ནིསྶརཎཾ. ཡཾ ཨཱཔོདྷཱཏུཾ པཊིཙྩ…པེ… ཡཾ ཏེཛོདྷཱཏུཾ པཊིཙྩ…པེ… ཡཾ ཝཱཡོདྷཱཏུཾ པཊིཙྩ ཨུཔྤཛྫཏི སུཁཾ སོམནསྶཾ, ཨཡཾ ཝཱཡོདྷཱཏུཡཱ ཨསྶཱདོ; ཡཾ ཝཱཡོདྷཱཏུ ཨནིཙྩཱ ¶ དུཀྑཱ ཝིཔརིཎཱམདྷམྨཱ, ཨཡཾ ཝཱཡོདྷཱཏུཡཱ ཨཱདཱིནཝོ; ཡོ ཝཱཡོདྷཱཏུཡཱ ཚནྡརཱགཝིནཡོ ཚནྡརཱགཔྤཧཱནཾ, ཨིདཾ ཝཱཡོདྷཱཏུཡཱ ནིསྶརཎཾ’’’.

‘‘ཡཱཝཀཱིཝཉྩཱཧཾ ¶ , བྷིཀྑཝེ, ཨིམཱསཾ ཙཏུནྣཾ དྷཱཏཱུནཾ ཨེཝཾ ཨསྶཱདཉྩ ཨསྶཱདཏོ ཨཱདཱིནཝཉྩ ཨཱདཱིནཝཏོ ནིསྶརཎཉྩ ནིསྶརཎཏོ ཡཐཱབྷཱུཏཾ ན ཨབྦྷཉྙཱསིཾ, ནེཝ ཏཱཝཱཧཾ, བྷིཀྑཝེ, སདེཝཀེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ཨནུཏྟརཾ སམྨཱསམྦོདྷིཾ ཨབྷིསམྦུདྡྷོཏི [ཨབྷིསམྦུདྡྷོ (སཱི. སྱཱ. ཀཾ.)] པཙྩཉྙཱསིཾ.

‘‘ཡཏོ ཙ ཁྭཱཧཾ, བྷིཀྑཝེ, ཨིམཱསཾ ཙཏུནྣཾ དྷཱཏཱུནཾ ཨེཝཾ ཨསྶཱདཉྩ ཨསྶཱདཏོ ཨཱདཱིནཝཉྩ ཨཱདཱིནཝཏོ ནིསྶརཎཉྩ ནིསྶརཎཏོ ཡཐཱབྷཱུཏཾ ཨབྦྷཉྙཱསིཾ, ཨཐཱཧཾ, བྷིཀྑཝེ, སདེཝཀེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ཨནུཏྟརཾ སམྨཱསམྦོདྷིཾ ཨབྷིསམྦུདྡྷོཏི པཙྩཉྙཱསིཾ. ཉཱཎཉྩ ¶ པན མེ དསྶནཾ ཨུདཔཱདི – ‘ཨཀུཔྤཱ མེ ཝིམུཏྟི [ཙེཏོཝིམུཏྟི (སཱི. པཱི. ཀ.)], ཨཡམནྟིམཱ ཛཱཏི, ནཏྠི དཱནི པུནབྦྷཝོ’’’ཏི. དུཏིཡཾ.

༣. ཨཙརིཾསུཏྟཾ

༡༡༦. སཱཝཏྠིཡཾ ཝིཧརཏི…པེ… ‘‘པཐཝཱིདྷཱཏུཡཱཧཾ, བྷིཀྑཝེ, ཨསྶཱདཔརིཡེསནཾ ཨཙརིཾ, ཡོ པཐཝཱིདྷཱཏུཡཱ ཨསྶཱདོ ཏདཛ྄ཛྷགམཾ, ཡཱཝཏཱ པཐཝཱིདྷཱཏུཡཱ ཨསྶཱདོ པཉྙཱཡ མེ སོ སུདིཊྛོ. པཐཝཱིདྷཱཏུཡཱཧཾ, བྷིཀྑཝེ, ཨཱདཱིནཝཔརིཡེསནཾ ཨཙརིཾ, ཡོ པཐཝཱིདྷཱཏུཡཱ ཨཱདཱིནཝོ ཏདཛ྄ཛྷགམཾ ¶ , ཡཱཝཏཱ པཐཝཱིདྷཱཏུཡཱ ཨཱདཱིནཝོ པཉྙཱཡ མེ སོ སུདིཊྛོ. པཐཝཱིདྷཱཏུཡཱཧཾ, བྷིཀྑཝེ, ནིསྶརཎཔརིཡེསནཾ ཨཙརིཾ, ཡཾ པཐཝཱིདྷཱཏུཡཱ ནིསྶརཎཾ ཏདཛ྄ཛྷགམཾ, ཡཱཝཏཱ པཐཝཱིདྷཱཏུཡཱ ནིསྶརཎཾ པཉྙཱཡ མེ ཏཾ སུདིཊྛཾ’’.

‘‘ཨཱཔོདྷཱཏུཡཱཧཾ, བྷིཀྑཝེ…པེ… ཏེཛོདྷཱཏུཡཱཧཾ, བྷིཀྑཝེ… ཝཱཡོདྷཱཏུཡཱཧཾ, བྷིཀྑཝེ, ཨསྶཱདཔརིཡེསནཾ ¶ ཨཙརིཾ, ཡོ ཝཱཡོདྷཱཏུཡཱ ཨསྶཱདོ ཏདཛ྄ཛྷགམཾ, ཡཱཝཏཱ ཝཱཡོདྷཱཏུཡཱ ཨསྶཱདོ པཉྙཱཡ མེ སོ སུདིཊྛོ. ཝཱཡོདྷཱཏུཡཱཧཾ, བྷིཀྑཝེ, ཨཱདཱིནཝཔརིཡེསནཾ ཨཙརིཾ, ཡོ ཝཱཡོདྷཱཏུཡཱ ཨཱདཱིནཝོ ཏདཛ྄ཛྷགམཾ, ཡཱཝཏཱ ཝཱཡོདྷཱཏུཡཱ ཨཱདཱིནཝོ པཉྙཱཡ མེ སོ ¶ སུདིཊྛོ. ཝཱཡོདྷཱཏུཡཱཧཾ, བྷིཀྑཝེ, ནིསྶརཎཔརིཡེསནཾ ཨཙརིཾ, ཡཾ ཝཱཡོདྷཱཏུཡཱ ནིསྶརཎཾ ཏདཛ྄ཛྷགམཾ, ཡཱཝཏཱ ཝཱཡོདྷཱཏུཡཱ ནིསྶརཎཾ པཉྙཱཡ མེ ཏཾ སུདིཊྛཾ.

‘‘ཡཱཝཀཱིཝཉྩཱཧཾ, བྷིཀྑཝེ, ཨིམཱསཾ ཙཏུནྣཾ དྷཱཏཱུནཾ ཨསྶཱདཉྩ ཨསྶཱདཏོ ཨཱདཱིནཝཉྩ ཨཱདཱིནཝཏོ ནིསྶརཎཉྩ ནིསྶརཎཏོ ཡཐཱབྷཱུཏཾ ན ཨབྦྷཉྙཱསིཾ, ནེཝ ¶ ཏཱཝཱཧཾ, བྷིཀྑཝེ, སདེཝཀེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ཨནུཏྟརཾ སམྨཱསམྦོདྷིཾ ཨབྷིསམྦུདྡྷོཏི པཙྩཉྙཱསིཾ.

‘‘ཡཏོ ཙ ཁྭཱཧཾ, བྷིཀྑཝེ, ཨིམཱསཾ ཙཏུནྣཾ དྷཱཏཱུནཾ ཨསྶཱདཉྩ ཨསྶཱདཏོ ཨཱདཱིནཝཉྩ ཨཱདཱིནཝཏོ ནིསྶརཎཉྩ ནིསྶརཎཏོ ཡཐཱབྷཱུཏཾ ཨབྦྷཉྙཱསིཾ, ཨཐཱཧཾ, བྷིཀྑཝེ, སདེཝཀེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ཨནུཏྟརཾ སམྨཱསམྦོདྷིཾ ཨབྷིསམྦུདྡྷོཏི པཙྩཉྙཱསིཾ. ཉཱཎཉྩ པན མེ དསྶནཾ ཨུདཔཱདི – ‘ཨཀུཔྤཱ མེ ཝིམུཏྟི, ཨཡམནྟིམཱ ཛཱཏི, ནཏྠི དཱནི པུནབྦྷཝོ’’’ཏི. ཏཏིཡཾ.

༤. ནོཙེདཾསུཏྟཾ

༡༡༧. སཱཝཏྠིཡཾ ཝིཧརཏི…པེ… ‘‘ནོ ཙེདཾ, བྷིཀྑཝེ, པཐཝཱིདྷཱཏུཡཱ ཨསྶཱདོ ཨབྷཝིསྶ, ནཡིདཾ སཏྟཱ པཐཝཱིདྷཱཏུཡཱ སཱརཛྫེཡྻུཾ ¶ . ཡསྨཱ ¶ ཙ ཁོ, བྷིཀྑཝེ, ཨཏྠི པཐཝཱིདྷཱཏུཡཱ ཨསྶཱདོ, ཏསྨཱ སཏྟཱ པཐཝཱིདྷཱཏུཡཱ སཱརཛྫནྟི. ནོ ཙེདཾ, བྷིཀྑཝེ, པཐཝཱིདྷཱཏུཡཱ ཨཱདཱིནཝོ ཨབྷཝིསྶ, ནཡིདཾ སཏྟཱ པཐཝཱིདྷཱཏུཡཱ ནིབྦིནྡེཡྻུཾ. ཡསྨཱ ཙ ཁོ, བྷིཀྑཝེ, ཨཏྠི པཐཝཱིདྷཱཏུཡཱ ཨཱདཱིནཝོ, ཏསྨཱ སཏྟཱ པཐཝཱིདྷཱཏུཡཱ ནིབྦིནྡནྟི. ནོ ཙེདཾ, བྷིཀྑཝེ, པཐཝཱིདྷཱཏུཡཱ ནིསྶརཎཾ ཨབྷཝིསྶ, ནཡིདཾ སཏྟཱ པཐཝཱིདྷཱཏུཡཱ ནིསྶརེཡྻུཾ. ཡསྨཱ ཙ ཁོ, བྷིཀྑཝེ, ཨཏྠི པཐཝཱིདྷཱཏུཡཱ ནིསྶརཎཾ, ཏསྨཱ སཏྟཱ པཐཝཱིདྷཱཏུཡཱ ནིསྶརནྟི’’.

‘‘ནོ ཙེདཾ, བྷིཀྑཝེ, ཨཱཔོདྷཱཏུཡཱ ཨསྶཱདོ ཨབྷཝིསྶ…པེ… ནོ ཙེདཾ, བྷིཀྑཝེ, ཏེཛོདྷཱཏུཡཱ…པེ… ནོ ཙེདཾ, བྷིཀྑཝེ, ཝཱཡོདྷཱཏུཡཱ ཨསྶཱདོ ཨབྷཝིསྶ, ནཡིདཾ སཏྟཱ ཝཱཡོདྷཱཏུཡཱ སཱརཛྫེཡྻུཾ. ཡསྨཱ ཙ ཁོ, བྷིཀྑཝེ, ཨཏྠི ཝཱཡོདྷཱཏུཡཱ ཨསྶཱདོ, ཏསྨཱ སཏྟཱ ཝཱཡོདྷཱཏུཡཱ སཱརཛྫནྟི. ནོ ¶ ཙེདཾ, བྷིཀྑཝེ, ཝཱཡོདྷཱཏུཡཱ ཨཱདཱིནཝོ ཨབྷཝིསྶ, ནཡིདཾ ¶ སཏྟཱ ཝཱཡོདྷཱཏུཡཱ ནིབྦིནྡེཡྻུཾ. ཡསྨཱ ཙ ཁོ, བྷིཀྑཝེ, ཨཏྠི ཝཱཡོདྷཱཏུཡཱ ཨཱདཱིནཝོ, ཏསྨཱ སཏྟཱ ཝཱཡོདྷཱཏུཡཱ ནིབྦིནྡནྟི. ནོ ཙེདཾ, བྷིཀྑཝེ, ཝཱཡོདྷཱཏུཡཱ ནིསྶརཎཾ ཨབྷཝིསྶ, ནཡིདཾ སཏྟཱ ཝཱཡོདྷཱཏུཡཱ ནིསྶརེཡྻུཾ. ཡསྨཱ ཙ ཁོ, བྷིཀྑཝེ, ཨཏྠི ཝཱཡོདྷཱཏུཡཱ ནིསྶརཎཾ, ཏསྨཱ སཏྟཱ ཝཱཡོདྷཱཏུཡཱ ནིསྶརནྟི.

‘‘ཡཱཝཀཱིཝཉྩིམེ, བྷིཀྑཝེ, སཏྟཱ ཨིམཱསཾ ཙཏུནྣཾ དྷཱཏཱུནཾ ཨསྶཱདཉྩ ཨསྶཱདཏོ ཨཱདཱིནཝཉྩ ཨཱདཱིནཝཏོ ནིསྶརཎཉྩ ནིསྶརཎཏོ ཡཐཱབྷཱུཏཾ ན ཨབྦྷཉྙཾསུ, ནེཝ ཏཱཝིམེ བྷིཀྑཝེ, སཏྟཱ སདེཝཀཱ ལོཀཱ ¶ སམཱརཀཱ སབྲཧྨཀཱ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ནིསྶཊཱ ཝིསཾཡུཏྟཱ ཝིཔྤམུཏྟཱ ཝིམརིཡཱདིཀཏེན ཙེཏསཱ ཝིཧརིཾསུ.

‘‘ཡཏོ ཙ ཁོ, བྷིཀྑཝེ, སཏྟཱ ཨིམཱསཾ ཙཏུནྣཾ དྷཱཏཱུནཾ ཨསྶཱདཉྩ ཨསྶཱདཏོ ཨཱདཱིནཝཉྩ ཨཱདཱིནཝཏོ ནིསྶརཎཉྩ ནིསྶརཎཏོ ཡཐཱབྷཱུཏཾ ཨབྦྷཉྙཾསུ, ཨཐ, བྷིཀྑཝེ, སཏྟཱ སདེཝཀཱ ལོཀཱ སམཱརཀཱ སབྲཧྨཀཱ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ནིསྶཊཱ ཝིསཾཡུཏྟཱ ཝིཔྤམུཏྟཱ ཝིམརིཡཱདིཀཏེན ཙེཏསཱ ཝིཧརནྟཱི’’ཏི. ཙཏུཏྠཾ.

༥. ཨེཀནྟདུཀྑསུཏྟཾ

༡༡༨. སཱཝཏྠིཡཾ ¶ ཝིཧརཏི…པེ… ‘‘པཐཝཱིདྷཱཏུ ཙེ [ཙ (སཱི. སྱཱ. ཀཾ.)] ཧིདཾ, བྷིཀྑཝེ, ཨེཀནྟདུཀྑཱ ཨབྷཝིསྶ དུཀྑཱནུཔཏིཏཱ དུཀྑཱཝཀྐནྟཱ ཨནཝཀྐནྟཱ སུཁེན, ནཡིདཾ སཏྟཱ པཐཝཱིདྷཱཏུཡཱ སཱརཛྫེཡྻུཾ. ཡསྨཱ ཙ ཁོ, བྷིཀྑཝེ, པཐཝཱིདྷཱཏུ སུཁཱ སུཁཱནུཔཏིཏཱ སུཁཱཝཀྐནྟཱ ཨནཝཀྐནྟཱ དུཀྑེན, ཏསྨཱ སཏྟཱ པཐཝཱིདྷཱཏུཡཱ སཱརཛྫནྟི’’.

‘‘ཨཱཔོདྷཱཏུ ¶ ཙེ ཧིདཾ, བྷིཀྑཝེ…པེ… ཏེཛོདྷཱཏུ ཙེ ཧིདཾ, བྷིཀྑཝེ… ཝཱཡོདྷཱཏུ ཙེ ཧིདཾ, བྷིཀྑཝེ, ཨེཀནྟདུཀྑཱ ཨབྷཝིསྶ དུཀྑཱནུཔཏིཏཱ དུཀྑཱཝཀྐནྟཱ ཨནཝཀྐནྟཱ སུཁེན, ནཡིདཾ སཏྟཱ ཝཱཡོདྷཱཏུཡཱ སཱརཛྫེཡྻུཾ. ཡསྨཱ ཙ ཁོ, བྷིཀྑཝེ, ཝཱཡོདྷཱཏུ སུཁཱ སུཁཱནུཔཏིཏཱ སུཁཱཝཀྐནྟཱ ཨནཝཀྐནྟཱ དུཀྑེན, ཏསྨཱ སཏྟཱ ཝཱཡོདྷཱཏུཡཱ སཱརཛྫནྟི.

‘‘པཐཝཱིདྷཱཏུ ཙེ ཧིདཾ, བྷིཀྑཝེ, ཨེཀནྟསུཁཱ ཨབྷཝིསྶ སུཁཱནུཔཏིཏཱ སུཁཱཝཀྐནྟཱ ཨནཝཀྐནྟཱ ¶ དུཀྑེན, ནཡིདཾ སཏྟཱ པཐཝཱིདྷཱཏུཡཱ ¶ ནིབྦིནྡེཡྻུཾ. ཡསྨཱ ཙ ཁོ, བྷིཀྑཝེ, པཐཝཱིདྷཱཏུ དུཀྑཱ དུཀྑཱནུཔཏིཏཱ དུཀྑཱཝཀྐནྟཱ ཨནཝཀྐནྟཱ སུཁེན, ཏསྨཱ སཏྟཱ པཐཝཱིདྷཱཏུཡཱ ནིབྦིནྡནྟི.

‘‘ཨཱཔོདྷཱཏུ ཙེ ཧིདཾ, བྷིཀྑཝེ…པེ… ཏེཛོདྷཱཏུ ཙེ ཧིདཾ, བྷིཀྑཝེ… ཝཱཡོདྷཱཏུ ཙེ ཧིདཾ, བྷིཀྑཝེ, ཨེཀནྟསུཁཱ ཨབྷཝིསྶ སུཁཱནུཔཏིཏཱ སུཁཱཝཀྐནྟཱ ཨནཝཀྐནྟཱ དུཀྑེན, ནཡིདཾ སཏྟཱ ཝཱཡོདྷཱཏུཡཱ ནིབྦིནྡེཡྻུཾ. ཡསྨཱ ཙ ཁོ, བྷིཀྑཝེ, ཝཱཡོདྷཱཏུ དུཀྑཱ དུཀྑཱནུཔཏིཏཱ དུཀྑཱཝཀྐནྟཱ ཨནཝཀྐནྟཱ སུཁེན, ཏསྨཱ སཏྟཱ ཝཱཡོདྷཱཏུཡཱ ནིབྦིནྡནྟཱི’’ཏི. པཉྩམཾ.

༦. ཨབྷིནནྡསུཏྟཾ

༡༡༩. སཱཝཏྠིཡཾ ཝིཧརཏི…པེ… ‘‘ཡོ, བྷིཀྑཝེ, པཐཝཱིདྷཱཏུཾ ཨབྷིནནྡཏི, དུཀྑཾ སོ ཨབྷིནནྡཏི. ཡོ དུཀྑཾ ཨབྷིནནྡཏི, ཨཔརིམུཏྟོ སོ དུཀྑསྨཱཏི ཝདཱམི. ཡོ ཨཱཔོདྷཱཏུཾ ཨབྷིནནྡཏི…པེ… ཡོ ཏེཛོདྷཱཏུཾ… ཡོ ཝཱཡོདྷཱཏུཾ ཨབྷིནནྡཏི, དུཀྑཾ སོ ཨབྷིནནྡཏི. ཡོ དུཀྑཾ ཨབྷིནནྡཏི, ཨཔརིམུཏྟོ སོ དུཀྑསྨཱཏི ཝདཱམི’’.

‘‘ཡོ ¶ ¶ ཙ ཁོ, བྷིཀྑཝེ, པཐཝཱིདྷཱཏུཾ ནཱབྷིནནྡཏི, དུཀྑཾ སོ ནཱབྷིནནྡཏི. ཡོ དུཀྑཾ ནཱབྷིནནྡཏི, པརིམུཏྟོ སོ དུཀྑསྨཱཏི ཝདཱམི. ཡོ ཨཱཔོདྷཱཏུཾ…པེ… ཡོ ཏེཛོདྷཱཏུཾ… ཡོ ཝཱཡོདྷཱཏུཾ ནཱབྷིནནྡཏི, དུཀྑཾ སོ ནཱབྷིནནྡཏི. ཡོ དུཀྑཾ ནཱབྷིནནྡཏི, པརིམུཏྟོ སོ དུཀྑསྨཱཏི ཝདཱམཱི’’ཏི. ཚཊྛཾ.

༧. ཨུཔྤཱདསུཏྟཾ

༡༢༠. སཱཝཏྠིཡཾ ཝིཧརཏི…པེ… ‘‘ཡོ, བྷིཀྑཝེ, པཐཝཱིདྷཱཏུཡཱ ¶ ཨུཔྤཱདོ ཋིཏི ཨབྷིནིབྦཏྟི པཱཏུབྷཱཝོ, དུཀྑསྶེསོ ཨུཔྤཱདོ རོགཱནཾ ཋིཏི ཛརཱམརཎསྶ པཱཏུབྷཱཝོ. ཡོ ཨཱཔོདྷཱཏུཡཱ…པེ… ཡོ ཏེཛོདྷཱཏུཡཱ… ཡོ ཝཱཡོདྷཱཏུཡཱ ཨུཔྤཱདོ ཋིཏི ཨབྷིནིབྦཏྟི པཱཏུབྷཱཝོ, དུཀྑསྶེསོ ཨུཔྤཱདོ རོགཱནཾ ཋིཏི ཛརཱམརཎསྶ པཱཏུབྷཱཝོ’’.

‘‘ཡོ ¶ ཙ ཁོ, བྷིཀྑཝེ, པཐཝཱིདྷཱཏུཡཱ ནིརོདྷོ ཝཱུཔསམོ ཨཏྠངྒམོ, དུཀྑསྶེསོ ནིརོདྷོ རོགཱནཾ ཝཱུཔསམོ ཛརཱམརཎསྶ ཨཏྠངྒམོ. ཡོ ཨཱཔོདྷཱཏུཡཱ…པེ… ཡོ ཏེཛོདྷཱཏུཡཱ… ཡོ ཝཱཡོདྷཱཏུཡཱ ནིརོདྷོ ཝཱུཔསམོ ཨཏྠངྒམོ, དུཀྑསྶེསོ ནིརོདྷོ རོགཱནཾ ཝཱུཔསམོ ཛརཱམརཎསྶ ཨཏྠངྒམོ’’ཏི. སཏྟམཾ.

༨. སམཎབྲཱཧྨཎསུཏྟཾ

༡༢༡. སཱཝཏྠིཡཾ ཝིཧརཏི…པེ… ‘‘ཙཏསྶོ ཨིམཱ, བྷིཀྑཝེ, དྷཱཏུཡོ. ཀཏམཱ ཙཏསྶོ? པཐཝཱིདྷཱཏུ, ཨཱཔོདྷཱཏུ, ཏེཛོདྷཱཏུ, ཝཱཡོདྷཱཏུ. ཡེ ཧི ཀེཙི, བྷིཀྑཝེ, སམཎཱ ཝཱ བྲཱཧྨཎཱ ཝཱ ཨིམཱསཾ ཙཏུནྣཾ དྷཱཏཱུནཾ ཨསྶཱདཉྩ ཨཱདཱིནཝཉྩ ནིསྶརཎཉྩ ཡཐཱབྷཱུཏཾ ¶ ནཔྤཛཱནནྟི, ན མེ ཏེ, བྷིཀྑཝེ, སམཎཱ ཝཱ བྲཱཧྨཎཱ ཝཱ སམཎེསུ ཝཱ སམཎསམྨཏཱ བྲཱཧྨཎེསུ ཝཱ བྲཱཧྨཎསམྨཏཱ; ན ཙ པན ཏེ ཨཱཡསྨནྟོ སཱམཉྙཏྠཾ ཝཱ བྲཧྨཉྙཏྠཾ ཝཱ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟི’’.

‘‘ཡེ ཙ ཁོ ཀེཙི, བྷིཀྑཝེ, སམཎཱ ཝཱ བྲཱཧྨཎཱ ཝཱ ཨིམཱསཾ ཙཏུནྣཾ དྷཱཏཱུནཾ ཨསྶཱདཉྩ ཨཱདཱིནཝཉྩ ནིསྶརཎཉྩ ཡཐཱབྷཱུཏཾ པཛཱནནྟི ¶ , ཏེ ཙ ཁོ ¶ མེ, བྷིཀྑཝེ, སམཎཱ ཝཱ བྲཱཧྨཎཱ ཝཱ སམཎེསུ ཙེཝ སམཎསམྨཏཱ བྲཱཧྨཎེསུ ཙ བྲཱཧྨཎསམྨཏཱ; ཏེ ཙ པནཱཡསྨནྟོ སཱམཉྙཏྠཉྩ བྲཧྨཉྙཏྠཉྩ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟཱི’’ཏི. ཨཊྛམཾ.

༩. དུཏིཡསམཎབྲཱཧྨཎསུཏྟཾ

༡༢༢. སཱཝཏྠིཡཾ ཝིཧརཏི…པེ… ‘‘ཙཏསྶོ ཨིམཱ, བྷིཀྑཝེ, དྷཱཏུཡོ. ཀཏམཱ ཙཏསྶོ? པཐཝཱིདྷཱཏུ, ཨཱཔོདྷཱཏུ, ཏེཛོདྷཱཏུ, ཝཱཡོདྷཱཏུ. ཡེ ཧི ཀེཙི, བྷིཀྑཝེ, སམཎཱ ཝཱ བྲཱཧྨཎཱ ཝཱ ཨིམཱསཾ ཙཏུནྣཾ དྷཱཏཱུནཾ སམུདཡཉྩ ཨཏྠངྒམཉྩ ཨསྶཱདཉྩ ཨཱདཱིནཝཉྩ ནིསྶརཎཉྩ ཡཐཱབྷཱུཏཾ ནཔྤཛཱནནྟི…པེ… པཛཱནནྟི…པེ… སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟཱི’’ཏི. ནཝམཾ.

༡༠. ཏཏིཡསམཎབྲཱཧྨཎསུཏྟཾ

༡༢༣. སཱཝཏྠིཡཾ ¶ ཝིཧརཏི…པེ… ‘‘ཡེ ཧི ཀེཙི, བྷིཀྑཝེ, སམཎཱ ཝཱ བྲཱཧྨཎཱ ཝཱ པཐཝཱིདྷཱཏུཾ ནཔྤཛཱནནྟི, པཐཝཱིདྷཱཏུསམུདཡཾ ནཔྤཛཱནནྟི, པཐཝཱིདྷཱཏུནིརོདྷཾ ནཔྤཛཱནནྟི, པཐཝཱིདྷཱཏུནིརོདྷགཱམིནིཾ པཊིཔདཾ ནཔྤཛཱནནྟི…པེ… ཨཱཔོདྷཱཏུཾ ¶ ནཔྤཛཱནནྟི… ཏེཛོདྷཱཏུཾ ནཔྤཛཱནནྟི… ཝཱཡོདྷཱཏུཾ ནཔྤཛཱནནྟི, ཝཱཡོདྷཱཏུསམུདཡཾ ནཔྤཛཱནནྟི, ཝཱཡོདྷཱཏུནིརོདྷཾ ནཔྤཛཱནནྟི, ཝཱཡོདྷཱཏུནིརོདྷགཱམིནིཾ པཊིཔདཾ ནཔྤཛཱནནྟི, ན མེ ཏེ, བྷིཀྑཝེ, སམཎཱ ཝཱ བྲཱཧྨཎཱ ཝཱ སམཎེསུ ཝཱ སམཎསམྨཏཱ བྲཱཧྨཎེསུ ཝཱ བྲཱཧྨཎསམྨཏཱ; ན ཙ པན ཏེ ཨཱཡསྨནྟོ སཱམཉྙཏྠཾ ཝཱ བྲཧྨཉྙཏྠཾ ཝཱ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟི’’.

‘‘ཡེ ¶ ཙ ཁོ ཀེཙི, བྷིཀྑཝེ, སམཎཱ ཝཱ བྲཱཧྨཎཱ ཝཱ པཐཝཱིདྷཱཏུཾ པཛཱནནྟི, པཐཝཱིདྷཱཏུསམུདཡཾ པཛཱནནྟི, པཐཝཱིདྷཱཏུནིརོདྷཾ པཛཱནནྟི, པཐཝཱིདྷཱཏུནིརོདྷགཱམིནིཾ པཊིཔདཾ པཛཱནནྟི… ཡེ ཙ ཁོ ཀེཙི, བྷིཀྑཝེ, སམཎཱ ཝཱ བྲཱཧྨཎཱ ཝཱ…པེ… ཨཱཔོདྷཱཏུཾ པཛཱནནྟི… ཏེཛོདྷཱཏུཾ པཛཱནནྟི… ཝཱཡོདྷཱཏུཾ པཛཱནནྟི, ཝཱཡོདྷཱཏུསམུདཡཾ པཛཱནནྟི, ཝཱཡོདྷཱཏུནིརོདྷཾ པཛཱནནྟི, ཝཱཡོདྷཱཏུནིརོདྷགཱམིནིཾ པཊིཔདཾ པཛཱནནྟི, ཏེ ¶ ཙ ཁོ མེ, བྷིཀྑཝེ, སམཎཱ ཝཱ བྲཱཧྨཎཱ ཝཱ སམཎེསུ ཙེཝ སམཎསམྨཏཱ བྲཱཧྨཎེསུ ཙ བྲཱཧྨཎསམྨཏཱ; ཏེ ཙ པནཱཡསྨནྟོ སཱམཉྙཏྠཉྩ བྲཧྨཉྙཏྠཉྩ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟཱི’’ཏི. དསམཾ.

ཙཏུཏྠོ ཝགྒོ.

ཏསྶུདྡཱནཾ –

ཙཏསྶོ པུབྦེ ཨཙརིཾ, ནོཙེདཉྩ དུཀྑེན ཙ;

ཨབྷིནནྡཉྩ ཨུཔྤཱདོ, ཏཡོ སམཎབྲཱཧྨཎཱཏི.

དྷཱཏུསཾཡུཏྟཾ སམཏྟཾ.

༤. ཨནམཏགྒསཾཡུཏྟཾ

༡. པཋམཝགྒོ

༡. ཏིཎཀཊྛསུཏྟཾ

༡༢༤. ཨེཝཾ ¶ ¶ ¶ ¶ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏཏྲ ཁོ བྷགཝཱ བྷིཀྑཱུ ཨཱམནྟེསི – ‘‘བྷིཀྑཝོ’’ཏི. ‘‘བྷདནྟེ’’ཏི ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཨནམཏགྒོཡཾ [ཨནམཏགྒཱཡཾ (པཱི. ཀ.)] བྷིཀྑཝེ, སཾསཱརོ. པུབྦཱ ཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ. སེཡྻཐཱཔི, བྷིཀྑཝེ, པུརིསོ ཡཾ ཨིམསྨིཾ ཛམྦུདཱིཔེ ཏིཎཀཊྛསཱཁཱཔལཱསཾ ཏཾ ཚེཏྭཱ [ཏཙྪེཏྭཱ (བཧཱུསུ)] ཨེཀཛ྄ཛྷཾ སཾཧརིཏྭཱ ཙཏུརངྒུལཾ ཙཏུརངྒུལཾ གྷཊིཀཾ ཀཏྭཱ ནིཀྑིཔེཡྻ – ‘ཨཡཾ མེ མཱཏཱ, ཏསྶཱ མེ མཱཏུ ཨཡཾ མཱཏཱ’ཏི, ཨཔརིཡཱདིནྣཱཝ [ཨཔརིཡཱདིཎྞཱཝ (སཱི.)] བྷིཀྑཝེ, ཏསྶ པུརིསསྶ མཱཏུམཱཏརོ ཨསྶུ, ཨཐ ཨིམསྨིཾ ཛམྦུདཱིཔེ ཏིཎཀཊྛསཱཁཱཔལཱསཾ པརིཀྑཡཾ པརིཡཱདཱནཾ གཙྪེཡྻ. ཏཾ ཀིསྶ ཧེཏུ? ཨནམཏགྒོཡཾ, བྷིཀྑཝེ, སཾསཱརོ. པུབྦཱ ཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ. ཨེཝཾ དཱིགྷརཏྟཾ ཝོ, བྷིཀྑཝེ, དུཀྑཾ པཙྩནུབྷཱུཏཾ ཏིབྦཾ པཙྩནུབྷཱུཏཾ བྱསནཾ པཙྩནུབྷཱུཏཾ, ཀཊསཱི [ཀཊསི (སཱི. པཱི. ཀ.) ཀཊཱ ཚཝཱ སཡནྟི ཨེཏྠཱཏི ཀཊསཱི] ཝཌྜྷིཏཱ. ཡཱཝཉྩིདཾ, བྷིཀྑཝེ, ཨལམེཝ སབྦསངྑཱརེསུ ནིབྦིནྡིཏུཾ ཨལཾ ཝིརཛྫིཏུཾ ཨལཾ ཝིམུཙྩིཏུ’’ནྟི. པཋམཾ.

༢. པཐཝཱིསུཏྟཾ

༡༢༥. སཱཝཏྠིཡཾ ¶ ཝིཧརཏི…པེ… ‘‘ཨནམཏགྒོཡཾ, བྷིཀྑཝེ ¶ , སཾསཱརོ. པུབྦཱ ཀོཊི ན པཉྙཱཡཏི ¶ ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ. སེཡྻཐཱཔི, བྷིཀྑཝེ, པུརིསོ ཨིམཾ མཧཱཔཐཝིཾ ཀོལཊྛིམཏྟཾ ཀོལཊྛིམཏྟཾ མཏྟིཀཱགུལི༹ཀཾ ཀརིཏྭཱ ནིཀྑིཔེཡྻ – ‘ཨཡཾ མེ པིཏཱ, ཏསྶ མེ པིཏུ ཨཡཾ པིཏཱ’ཏི, ཨཔརིཡཱདིནྣཱཝ བྷིཀྑཝེ, ཏསྶ པུརིསསྶ པིཏུཔིཏརོ ཨསྶུ, ཨཐཱཡཾ མཧཱཔཐཝཱི པརིཀྑཡཾ པརིཡཱདཱནཾ གཙྪེཡྻ ¶ . ཏཾ ཀིསྶ ཧེཏུ? ཨནམཏགྒོཡཾ, བྷིཀྑཝེ, སཾསཱརོ. པུབྦཱ ཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ. ཨེཝཾ དཱིགྷརཏྟཾ ཝོ, བྷིཀྑཝེ, དུཀྑཾ པཙྩནུབྷཱུཏཾ ཏིབྦཾ པཙྩནུབྷཱུཏཾ བྱསནཾ པཙྩནུབྷཱུཏཾ, ཀཊསཱི ཝཌྜྷིཏཱ. ཡཱཝཉྩིདཾ, བྷིཀྑཝེ, ཨལམེཝ སབྦསངྑཱརེསུ ནིབྦིནྡིཏུཾ, ཨལཾ ཝིརཛྫིཏུཾ, ཨལཾ ཝིམུཙྩིཏུ’’ནྟི. དུཏིཡཾ.

༣. ཨསྶུསུཏྟཾ

༡༢༦. སཱཝཏྠིཡཾ ཝིཧརཏི…པེ… ‘‘ཨནམཏགྒོཡཾ, བྷིཀྑཝེ, སཾསཱརོ. པུབྦཱ ཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ. ཏཾ ཀིཾ མཉྙཐ, བྷིཀྑཝེ, ཀཏམཾ ནུ ཁོ བཧུཏརཾ, ཡཾ ཝཱ ཝོ ཨིམིནཱ དཱིགྷེན ཨདྡྷུནཱ སནྡྷཱཝཏཾ སཾསརཏཾ ཨམནཱཔསམྤཡོགཱ མནཱཔཝིཔྤཡོགཱ ཀནྡནྟཱནཾ རོདནྟཱནཾ [རུདནྟཱནཾ (སཱི.)] ཨསྶུ པསྶནྣཾ [པསྶནྡཾ (ཀ. སཱི.), པསནྡཾ (སྱཱ. ཀཾ.), པསནྣཾ (པཱི. ཀ.)] པགྒྷརིཏཾ, ཡཾ ཝཱ ཙཏཱུསུ མཧཱསམུདྡེསུ ཨུདཀ’’ནྟི? ‘‘ཡཐཱ ཁོ མཡཾ, བྷནྟེ, བྷགཝཏཱ དྷམྨཾ དེསིཏཾ ཨཱཛཱནཱམ, ཨེཏདེཝ, བྷནྟེ, བཧུཏརཾ ཡཾ ནོ ཨིམིནཱ ¶ དཱིགྷེན ཨདྡྷུནཱ སནྡྷཱཝཏཾ སཾསརཏཾ ཨམནཱཔསམྤཡོགཱ མནཱཔཝིཔྤཡོགཱ ཀནྡནྟཱནཾ རོདནྟཱནཾ ཨསྶུ པསྶནྣཾ པགྒྷརིཏཾ, ན ཏྭེཝ ཙཏཱུསུ མཧཱསམུདྡེསུ ཨུདཀ’’ནྟི.

‘‘སཱདྷུ ¶ སཱདྷུ, བྷིཀྑཝེ, སཱདྷུ ཁོ མེ ཏུམྷེ, བྷིཀྑཝེ, ཨེཝཾ དྷམྨཾ དེསིཏཾ ཨཱཛཱནཱཐ. ཨེཏདེཝ, བྷིཀྑཝེ, བཧུཏརཾ ཡཾ ཝོ ཨིམིནཱ དཱིགྷེན ཨདྡྷུནཱ སནྡྷཱཝཏཾ སཾསརཏཾ ཨམནཱཔསམྤཡོགཱ མནཱཔཝིཔྤཡོགཱ ཀནྡནྟཱནཾ རོདནྟཱནཾ ཨསྶུ པསྶནྣཾ པགྒྷརིཏཾ, ན ཏྭེཝ ཙཏཱུསུ མཧཱསམུདྡེསུ ཨུདཀཾ. དཱིགྷརཏྟཾ ཝོ, བྷིཀྑཝེ, མཱཏུམརཎཾ པཙྩནུབྷཱུཏཾ; ཏེསཾ ཝཱ མཱཏུམརཎཾ པཙྩནུབྷོནྟཱནཾ ཨམནཱཔསམྤཡོགཱ མནཱཔཝིཔྤཡོགཱ ཀནྡནྟཱནཾ རོདནྟཱནཾ ཨསྶུ པསྶནྣཾ པགྒྷརིཏཾ, ན ཏྭེཝ ཙཏཱུསུ མཧཱསམུདྡེསུ ཨུདཀཾ. དཱིགྷརཏྟཾ ཝོ, བྷིཀྑཝེ, པིཏུམརཎཾ པཙྩནུབྷཱུཏཾ …པེ… བྷཱཏུམརཎཾ པཙྩནུབྷཱུཏཾ… བྷགིནིམརཎཾ པཙྩནུབྷཱུཏཾ… པུཏྟམརཎཾ པཙྩནུབྷཱུཏཾ… དྷཱིཏུམརཎཾ པཙྩནུབྷཱུཏཾ… ཉཱཏིབྱསནཾ པཙྩནུབྷཱུཏཾ… བྷོགབྱསནཾ པཙྩནུབྷཱུཏཾ. དཱིགྷརཏྟཾ ཝོ, བྷིཀྑཝེ ¶ , རོགབྱསནཾ པཙྩནུབྷཱུཏཾ, ཏེསཾ ཝོ རོགབྱསནཾ པཙྩནུབྷོནྟཱནཾ ཨམནཱཔསམྤཡོགཱ མནཱཔཝིཔྤཡོགཱ ཀནྡནྟཱནཾ རོདནྟཱནཾ ཨསྶུ པསྶནྣཾ པགྒྷརིཏཾ, ན ཏྭེཝ ཙཏཱུསུ མཧཱསམུདྡེསུ ཨུདཀཾ. ཏཾ ཀིསྶ ཧེཏུ? ཨནམཏགྒོཡཾ, བྷིཀྑཝེ, སཾསཱརོ ¶ …པེ… ཡཱཝཉྩིདཾ, བྷིཀྑཝེ, ཨལམེཝ སབྦསངྑཱརེསུ ནིབྦིནྡིཏུཾ, ཨལཾ ཝིརཛྫིཏུཾ, ཨལཾ ཝིམུཙྩིཏུ’’ནྟི. ཏཏིཡཾ.

༤. ཁཱིརསུཏྟཾ

༡༢༧. སཱཝཏྠིཡཾ ཝིཧརཏི…པེ… ‘‘ཨནམཏགྒོཡཾ, བྷིཀྑཝེ, སཾསཱརོ. པུབྦཱ ཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ. ཏཾ ཀིཾ མཉྙཐ, བྷིཀྑཝེ, ཀཏམཾ ནུ ཁོ བཧུཏརཾ, ཡཾ ཝཱ ཝོ ཨིམིནཱ དཱིགྷེན ཨདྡྷུནཱ སནྡྷཱཝཏཾ ¶ སཾསརཏཾ མཱཏུཐཉྙཾ པཱིཏཾ, ཡཾ ཝཱ ཙཏཱུསུ མཧཱསམུདྡེསུ ཨུདཀ’’ནྟི? ‘‘ཡཐཱ ཁོ མཡཾ ¶ , བྷནྟེ, བྷགཝཏཱ དྷམྨཾ དེསིཏཾ ཨཱཛཱནཱམ, ཨེཏདེཝ, བྷནྟེ, བཧུཏརཾ ཡཾ ནོ ཨིམིནཱ དཱིགྷེན ཨདྡྷུནཱ སནྡྷཱཝཏཾ སཾསརཏཾ མཱཏུཐཉྙཾ པཱིཏཾ, ན ཏྭེཝ ཙཏཱུསུ མཧཱསམུདྡེསུ ཨུདཀ’’ནྟི.

‘‘སཱདྷུ སཱདྷུ, བྷིཀྑཝེ, སཱདྷུ ཁོ མེ ཏུམྷེ, བྷིཀྑཝེ, ཨེཝཾ དྷམྨཾ དེསིཏཾ ཨཱཛཱནཱཐ. ཨེཏདེཝ, བྷིཀྑཝེ, བཧུཏརཾ ཡཾ ཝོ ཨིམིནཱ དཱིགྷེན ཨདྡྷུནཱ སནྡྷཱཝཏཾ སཾསརཏཾ མཱཏུཐཉྙཾ པཱིཏཾ, ན ཏྭེཝ ཙཏཱུསུ མཧཱསམུདྡེསུ ཨུདཀཾ. ཏཾ ཀིསྶ ཧེཏུ? ཨནམཏགྒོཡཾ, བྷིཀྑཝེ, སཾསཱརོ…པེ… ཨལཾ ཝིམུཙྩིཏུ’’ནྟི. ཙཏུཏྠཾ.

༥. པབྦཏསུཏྟཾ

༡༢༨. སཱཝཏྠིཡཾ ཝིཧརཏི…པེ… ཨཱརཱམེ. ཨཐ ཁོ ཨཉྙཏརོ བྷིཀྑུ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སོ བྷིཀྑུ བྷགཝནྟཾ ཨེཏདཝོཙ – ‘‘ཀཱིཝདཱིགྷོ ནུ ཁོ, བྷནྟེ, ཀཔྤོ’’ཏི? ‘‘དཱིགྷོ ཁོ, བྷིཀྑུ, ཀཔྤོ. སོ ན སུཀརོ སངྑཱཏུཾ ཨེཏྟཀཱནི ཝསྶཱནི ཨིཏི ཝཱ, ཨེཏྟཀཱནི ཝསྶསཏཱནི ཨིཏི ཝཱ, ཨེཏྟཀཱནི ཝསྶསཧསྶཱནི ཨིཏི ཝཱ, ཨེཏྟཀཱནི ཝསྶསཏསཧསྶཱནི ཨིཏི ཝཱ’’ཏི.

‘‘སཀྐཱ པན, བྷནྟེ, ཨུཔམཾ ཀཱཏུ’’ནྟི? ‘‘སཀྐཱ, བྷིཀྑཱུ’’ཏི བྷགཝཱ ཨཝོཙ. ‘‘སེཡྻཐཱཔི ¶ , བྷིཀྑུ, མཧཱསེལོ པབྦཏོ ཡོཛནཾ ཨཱཡཱམེན ཡོཛནཾ ཝིཏྠཱརེན ཡོཛནཾ ཨུབྦེདྷེན ཨཙྪིནྣོ ཨསུསིརོ ཨེཀགྒྷནོ. ཏམེནཾ པུརིསོ ཝསྶསཏསྶ ཝསྶསཏསྶ ཨཙྩཡེན ཀཱསིཀེན ཝཏྠེན ¶ སཀིཾ སཀིཾ པརིམཛྫེཡྻ. ཁིཔྤཏརཾ ཁོ སོ, བྷིཀྑུ, མཧཱསེལོ པབྦཏོ ཨིམིནཱ ཨུཔཀྐམེན པརིཀྑཡཾ པརིཡཱདཱནཾ གཙྪེཡྻ ¶ , ན ཏྭེཝ ཀཔྤོ. ཨེཝཾ དཱིགྷོ, བྷིཀྑུ, ཀཔྤོ. ཨེཝཾ དཱིགྷཱནཾ ཁོ, བྷིཀྑུ ¶ , ཀཔྤཱནཾ ནེཀོ ཀཔྤོ སཾསིཏོ, ནེཀཾ ཀཔྤསཏཾ སཾསིཏཾ, ནེཀཾ ཀཔྤསཧསྶཾ སཾསིཏཾ, ནེཀཾ ཀཔྤསཏསཧསྶཾ སཾསིཏཾ. ཏཾ ཀིསྶ ཧེཏུ? ཨནམཏགྒོཡཾ, བྷིཀྑུ, སཾསཱརོ. པུབྦཱ ཀོཊི…པེ… ཡཱཝཉྩིདཾ, བྷིཀྑུ, ཨལམེཝ སབྦསངྑཱརེསུ ནིབྦིནྡིཏུཾ, ཨལཾ ཝིརཛྫིཏུཾ, ཨལཾ ཝིམུཙྩིཏུ’’ནྟི. པཉྩམཾ.

༦. སཱསཔསུཏྟཾ

༡༢༩. སཱཝཏྠིཡཾ ཝིཧརཏི. ཨཐ ཁོ ཨཉྙཏརོ བྷིཀྑུ ཡེན བྷགཝཱ…པེ… ཨེཀམནྟཾ ནིསིནྣོ ཁོ སོ བྷིཀྑུ བྷགཝནྟཾ ཨེཏདཝོཙ – ‘‘ཀཱིཝདཱིགྷོ, ནུ ཁོ, བྷནྟེ, ཀཔྤོ’’ཏི? ‘‘དཱིགྷོ ཁོ, བྷིཀྑུ, ཀཔྤོ. སོ ན སུཀརོ སངྑཱཏུཾ ཨེཏྟཀཱནི ཝསྶཱནི ཨིཏི ཝཱ…པེ… ཨེཏྟཀཱནི ཝསྶསཏསཧསྶཱནི ཨིཏི ཝཱ’’ཏི.

‘‘སཀྐཱ པན, བྷནྟེ, ཨུཔམཾ ཀཱཏུ’’ནྟི? ‘‘སཀྐཱ, བྷིཀྑཱུ’’ཏི བྷགཝཱ ཨཝོཙ. ‘‘སེཡྻཐཱཔི, བྷིཀྑུ, ཨཱཡསཾ ནགརཾ ཡོཛནཾ ཨཱཡཱམེན ཡོཛནཾ ཝིཏྠཱརེན ཡོཛནཾ ཨུབྦེདྷེན, པུཎྞཾ སཱསཔཱནཾ གུལི༹ཀཱབདྡྷཾ [ཙཱུལི༹ཀཱབདྡྷཾ (སཱི. པཱི.)]. ཏཏོ པུརིསོ ཝསྶསཏསྶ ཝསྶསཏསྶ ཨཙྩཡེན ཨེཀམེཀཾ སཱསཔཾ ཨུདྡྷརེཡྻ. ཁིཔྤཏརཾ ཁོ སོ, བྷིཀྑུ མཧཱསཱསཔརཱསི ཨིམིནཱ ཨུཔཀྐམེན པརིཀྑཡཾ པརིཡཱདཱནཾ གཙྪེཡྻ, ན ཏྭེཝ ཀཔྤོ. ཨེཝཾ དཱིགྷོ ཁོ, བྷིཀྑུ, ཀཔྤོ. ཨེཝཾ དཱིགྷཱནཾ ཁོ, བྷིཀྑུ, ཀཔྤཱནཾ ནེཀོ ཀཔྤོ སཾསིཏོ, ནེཀཾ ཀཔྤསཏཾ སཾསིཏཾ, ནེཀཾ ཀཔྤསཧསྶཾ སཾསིཏཾ, ནེཀཾ ཀཔྤསཏསཧསྶཾ སཾསིཏཾ. ཏཾ ཀིསྶ ཧེཏུ? ཨནམཏགྒོཡཾ, བྷིཀྑུ, སཾསཱརོ ¶ …པེ… ཨལཾ ཝིམུཙྩིཏུ’’ནྟི. ཚཊྛཾ.

༧. སཱཝཀསུཏྟཾ

༡༣༠. སཱཝཏྠིཡཾ ཝིཧརཏི. ཨཐ ¶ ཁོ སམྦཧུལཱ བྷིཀྑཱུ ཡེན བྷགཝཱ…པེ… ཨེཀམནྟཾ ¶ ནིསིནྣཱ ཁོ ཏེ བྷིཀྑཱུ བྷགཝནྟཾ ཨེཏདཝོཙུཾ – ‘‘ཀཱིཝབཧུཀཱ ནུ ཁོ, བྷནྟེ, ཀཔྤཱ ཨབྦྷཏཱིཏཱ ཨཏིཀྐནྟཱ’’ཏི? ‘‘བཧུཀཱ ཁོ, བྷིཀྑཝེ ¶ , ཀཔྤཱ ཨབྦྷཏཱིཏཱ ཨཏིཀྐནྟཱ. ཏེ ན སུཀརཱ སངྑཱཏུཾ – ‘ཨེཏྟཀཱ ཀཔྤཱ ཨིཏི ཝཱ, ཨེཏྟཀཱནི ཀཔྤསཏཱནི ཨིཏི ཝཱ, ཨེཏྟཀཱནི ཀཔྤསཧསྶཱནི ཨིཏི ཝཱ, ཨེཏྟཀཱནི ཀཔྤསཏསཧསྶཱནི ཨིཏི ཝཱ’’’ཏི.

‘‘སཀྐཱ པན, བྷནྟེ, ཨུཔམཾ ཀཱཏུ’’ནྟི? ‘‘སཀྐཱ, བྷིཀྑཝེ’’ཏི བྷགཝཱ ཨཝོཙ. ‘‘ཨིདྷསྶུ, བྷིཀྑཝེ, ཙཏྟཱརོ སཱཝཀཱ ཝསྶསཏཱཡུཀཱ ཝསྶསཏཛཱིཝིནོ. ཏེ དིཝསེ དིཝསེ ཀཔྤསཏསཧསྶཾ ཀཔྤསཏསཧསྶཾ ཨནུསྶརེཡྻུཾ. ཨནནུསྶརིཏཱཝ བྷིཀྑཝེ, ཏེཧི ཀཔྤཱ ཨསྶུ, ཨཐ ཁོ ཏེ ཙཏྟཱརོ སཱཝཀཱ ཝསྶསཏཱཡུཀཱ ཝསྶསཏཛཱིཝིནོ ཝསྶསཏསྶ ཨཙྩཡེན ཀཱལཾ ཀརེཡྻུཾ. ཨེཝཾ བཧུཀཱ ཁོ, བྷིཀྑཝེ, ཀཔྤཱ ཨབྦྷཏཱིཏཱ ཨཏིཀྐནྟཱ. ཏེ ན སུཀརཱ སངྑཱཏུཾ – ‘ཨེཏྟཀཱ ཀཔྤཱ ཨིཏི ཝཱ, ཨེཏྟཀཱནི ཀཔྤསཏཱནི ཨིཏི ཝཱ, ཨེཏྟཀཱནི ཀཔྤསཧསྶཱནི ཨིཏི ཝཱ, ཨེཏྟཀཱནི ཀཔྤསཏསཧསྶཱནི ཨིཏི ཝཱ’ཏི. ཏཾ ཀིསྶ ཧེཏུ? ཨནམཏགྒོཡཾ, བྷིཀྑཝེ, སཾསཱརོ…པེ… ཨལཾ ཝིམུཙྩིཏུ’’ནྟི. སཏྟམཾ.

༨. གངྒཱསུཏྟཾ

༡༣༡. རཱཛགཧེ ཝིཧརཏི ཝེལུ༹ཝནེ. ཨཐ ཁོ ཨཉྙཏརོ བྲཱཧྨཎོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ ¶ བྷགཝཏཱ སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སོ བྲཱཧྨཎོ བྷགཝནྟཾ ཨེཏདཝོཙ – ‘‘ཀཱིཝབཧུཀཱ ནུ ཁོ, བྷོ གོཏམ, ཀཔྤཱ ཨབྦྷཏཱིཏཱ ཨཏིཀྐནྟཱ’’ཏི? ‘‘བཧུཀཱ ཁོ, བྲཱཧྨཎ, ཀཔྤཱ ཨབྦྷཏཱིཏཱ ཨཏིཀྐནྟཱ. ཏེ ན སུཀརཱ སངྑཱཏུཾ – ‘ཨེཏྟཀཱ ཀཔྤཱ ཨིཏི ཝཱ, ཨེཏྟཀཱནི ཀཔྤསཏཱནི ཨིཏི ཝཱ, ཨེཏྟཀཱནི ཀཔྤསཧསྶཱནི ཨིཏི ཝཱ, ཨེཏྟཀཱནི ཀཔྤསཏསཧསྶཱནི ཨིཏི ཝཱ’’’ཏི.

‘‘སཀྐཱ ¶ པན, བྷོ གོཏམ, ཨུཔམཾ ཀཱཏུ’’ནྟི? ‘‘སཀྐཱ, བྲཱཧྨཎཱ’’ཏི བྷགཝཱ ཨཝོཙ. ‘‘སེཡྻཐཱཔི, བྲཱཧྨཎ, ཡཏོ ཙཱཡཾ གངྒཱ ནདཱི པབྷཝཏི ཡཏྠ ཙ མཧཱསམུདྡཾ ཨཔྤེཏི, ཡཱ ཨེཏསྨིཾ ཨནྟརེ ཝཱལིཀཱ སཱ ན སུཀརཱ སངྑཱཏུཾ – ‘ཨེཏྟཀཱ ཝཱལིཀཱ ཨིཏི ཝཱ, ཨེཏྟཀཱནི ཝཱལིཀསཏཱནི ཨིཏི ཝཱ, ཨེཏྟཀཱནི ཝཱལིཀསཧསྶཱནི ཨིཏི ཝཱ, ཨེཏྟཀཱནི ཝཱལིཀསཏསཧསྶཱནི ¶ ཨིཏི ཝཱ’ཏི. ཏཏོ བཧུཏརཱ ཁོ, བྲཱཧྨཎ, ཀཔྤཱ ཨབྦྷཏཱིཏཱ ཨཏིཀྐནྟཱ. ཏེ ན སུཀརཱ སངྑཱཏུཾ – ‘ཨེཏྟཀཱ ཀཔྤཱ ཨིཏི ¶ ཝཱ, ཨེཏྟཀཱནི ཀཔྤསཏཱནི ཨིཏི ཝཱ, ཨེཏྟཀཱནི ཀཔྤསཧསྶཱནི ཨིཏི ཝཱ, ཨེཏྟཀཱནི ཀཔྤསཏསཧསྶཱནི ཨིཏི ཝཱ’ཏི. ཏཾ ཀིསྶ ཧེཏུ? ཨནམཏགྒོཡཾ, བྲཱཧྨཎ, སཾསཱརོ. པུབྦཱ ཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ. ཨེཝཾ དཱིགྷརཏྟཾ ཁོ, བྲཱཧྨཎ, དུཀྑཾ པཙྩནུབྷཱུཏཾ ཏིབྦཾ པཙྩནུབྷཱུཏཾ བྱསནཾ པཙྩནུབྷཱུཏཾ, ཀཊསཱི ཝཌྜྷིཏཱ. ཡཱཝཉྩིདཾ ¶ , བྲཱཧྨཎ, ཨལམེཝ སབྦསངྑཱརེསུ ནིབྦིནྡིཏུཾ, ཨལཾ ཝིརཛྫིཏུཾ, ཨལཾ ཝིམུཙྩིཏུ’’ནྟི.

ཨེཝཾ ཝུཏྟེ, སོ བྲཱཧྨཎོ བྷགཝནྟཾ ཨེཏདཝོཙ – ‘‘ཨབྷིཀྐནྟཾ, བྷོ གོཏམ, ཨབྷིཀྐནྟཾ, བྷོ གོཏམ…པེ… ཨུཔཱསཀཾ མཾ བྷཝཾ གོཏམོ དྷཱརེཏུ ཨཛྫཏགྒེ པཱཎུཔེཏཾ སརཎཾ གཏ’’ནྟི. ཨཊྛམཾ.

༩. དཎྜསུཏྟཾ

༡༣༢. སཱཝཏྠིཡཾ ཝིཧརཏི…པེ… ‘‘ཨནམཏགྒོཡཾ, བྷིཀྑཝེ, སཾསཱརོ. པུབྦཱ ཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ. སེཡྻཐཱཔི, བྷིཀྑཝེ, དཎྜོ ཨུཔརིཝེཧཱསཾ ཁིཏྟོ སཀིམྤི མཱུལེན ནིཔཏཏི, སཀིམྤི མཛ྄ཛྷེན ནིཔཏཏི, སཀིམྤི ཨནྟེན ནིཔཏཏི; ཨེཝམེཝ ཁོ, བྷིཀྑཝེ, ཨཝིཛྫཱནཱིཝརཎཱ ¶ སཏྟཱ ཏཎྷཱསཾཡོཛནཱ སནྡྷཱཝནྟཱ སཾསརནྟཱ སཀིམྤི ཨསྨཱ ལོཀཱ པརཾ ལོཀཾ གཙྪནྟི, སཀིམྤི པརསྨཱ ལོཀཱ ཨིམཾ ལོཀཾ ཨཱགཙྪནྟི. ཏཾ ཀིསྶ ཧེཏུ? ཨནམཏགྒོཡཾ, བྷིཀྑཝེ, སཾསཱརོ…པེ… ཨལཾ ཝིམུཙྩིཏུ’’ནྟི. ནཝམཾ.

༡༠. པུགྒལསུཏྟཾ

༡༣༣. ཨེཀཾ སམཡཾ བྷགཝཱ རཱཛགཧེ ཝིཧརཏི གིཛ྄ཛྷཀཱུཊེ པབྦཏེ. ཏཏྲ ཁོ བྷགཝཱ བྷིཀྑཱུ ཨཱམནྟེསི – ‘‘བྷིཀྑཝོ’’ཏི. ‘‘བྷདནྟེ’’ཏི ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཨནམཏགྒོཡཾ ¶ , བྷིཀྑཝེ, སཾསཱརོ…པེ… ཨེཀཔུགྒལསྶ, བྷིཀྑཝེ, ཀཔྤཾ སནྡྷཱཝཏོ སཾསརཏོ སིཡཱ ཨེཝཾ མཧཱ ཨཊྛིཀངྐལོ ཨཊྛིཔུཉྫོ ཨཊྛིརཱསི ཡཐཱཡཾ ཝེཔུལློ པབྦཏོ, སཙེ ¶ སཾཧཱརཀོ ཨསྶ, སམྦྷཏཉྩ ན ཝིནསྶེཡྻ. ཏཾ ཀིསྶ ཧེཏུ? ཨནམཏགྒོཡཾ, བྷིཀྑཝེ, སཾསཱརོ…པེ… ཨལཾ ཝིམུཙྩིཏུ’’ནྟི.

ཨིདམཝོཙ ¶ བྷགཝཱ. ཨིདཾ ཝཏྭཱན སུགཏོ ཨཐཱཔརཾ ཨེཏདཝོཙ སཏྠཱ –

‘‘ཨེཀསྶེཀེན ཀཔྤེན, པུགྒལསྶཊྛིསཉྩཡོ;

སིཡཱ པབྦཏསམོ རཱསི, ཨིཏི ཝུཏྟཾ མཧེསིནཱ.

‘‘སོ ཁོ པནཱཡཾ ཨཀྑཱཏོ, ཝེཔུལློ པབྦཏོ མཧཱ;

ཨུཏྟརོ གིཛ྄ཛྷཀཱུཊསྶ, མགདྷཱནཾ གིརིབྦཛེ.

‘‘ཡཏོ ཙ ཨརིཡསཙྩཱནི, སམྨཔྤཉྙཱཡ པསྶཏི;

དུཀྑཾ དུཀྑསམུཔྤཱདཾ, དུཀྑསྶ ཙ ཨཏིཀྐམཾ;

ཨརིཡཾ ཙཊྛངྒིཀཾ མགྒཾ, དུཀྑཱུཔསམགཱམིནཾ.

‘‘ས སཏྟཀྑཏྟུཾཔརམཾ, སནྡྷཱཝིཏྭཱན པུགྒལོ;

དུཀྑསྶནྟཀརོ ¶ ཧོཏི, སབྦསཾཡོཛནཀྑཡཱ’’ཏི. དསམཾ;

པཋམོ ཝགྒོ.

ཏསྶུདྡཱནཾ –

ཏིཎཀཊྛཉྩ པཐཝཱི, ཨསྶུ ཁཱིརཉྩ པབྦཏཾ;

སཱསཔཱ སཱཝཀཱ གངྒཱ, དཎྜོ ཙ པུགྒལེན ཙཱཏི.

༢. དུཏིཡཝགྒོ

༡. དུགྒཏསུཏྟཾ

༡༣༤. ཨེཀཾ ¶ ¶ སམཡཾ བྷགཝཱ སཱཝཏྠིཡཾ ཝིཧརཏི. ཏཏྲ ཁོ བྷགཝཱ བྷིཀྑུ ཨཱམནྟེསི – ‘‘བྷིཀྑཝོ’’ཏི. ‘‘བྷདནྟེ’’ཏི ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ – ‘‘ཨནམཏགྒོཡཾ, བྷིཀྑཝེ, སཾསཱརོ. པུབྦཱ ཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ. ཡཾ, བྷིཀྑཝེ, པསྶེཡྻཱཐ དུགྒཏཾ དུརཱུཔེཏཾ ནིཊྛམེཏྠ གནྟབྦཾ – ‘ཨམྷེཧིཔི ཨེཝརཱུཔཾ པཙྩནུབྷཱུཏཾ ཨིམིནཱ དཱིགྷེན ཨདྡྷུནཱ’ཏི. ཏཾ ཀིསྶ ཧེཏུ…པེ… ཡཱཝཉྩིདཾ, བྷིཀྑཝེ, ཨལམེཝ སབྦསངྑཱརེསུ ནིབྦིནྡིཏུཾ ཨལཾ ཝིརཛྫིཏུཾ ཨལཾ ཝིམུཙྩིཏུ’’ནྟི. པཋམཾ.

༢. སུཁིཏསུཏྟཾ

༡༣༥. སཱཝཏྠིཡཾ ¶ ཝིཧརཏི…པེ… ‘‘ཨནམཏགྒོཡཾ, བྷིཀྑཝེ, སཾསཱརོ…པེ… ཡཾ, བྷིཀྑཝེ, པསྶེཡྻཱཐ སུཁིཏཾ སུསཛྫིཏཾ, ནིཊྛམེཏྠ ¶ གནྟབྦཾ – ‘ཨམྷེཧིཔི ཨེཝརཱུཔཾ པཙྩནུབྷཱུཏཾ ཨིམིནཱ དཱིགྷེན ཨདྡྷུནཱ’ཏི. ཏཾ ཀིསྶ ཧེཏུ? ཨནམཏགྒོཡཾ, བྷིཀྑཝེ, སཾསཱརོ. པུབྦཱ ཀོཊི ན པཉྙཱཡཏི…པེ… ཨལཾ ཝིམུཙྩིཏུ’’ནྟི. དུཏིཡཾ.

༣. ཏིཾསམཏྟསུཏྟཾ

༡༣༦. རཱཛགཧེ ཝིཧརཏི ཝེལུ༹ཝནེ. ཨཐ ཁོ ཏིཾསམཏྟཱ པཱཝེཡྻཀཱ [པཱཋེཡྻཀཱ (ཀཏྠཙི) ཝིནཡཔིཊཀེ མཧཱཝགྒེ ཀཐིནཀྑནྡྷཀེཔི] བྷིཀྑཱུ སབྦེ ཨཱརཉྙིཀཱ སབྦེ པིཎྜཔཱཏིཀཱ སབྦེ པཾསུཀཱུལིཀཱ སབྦེ ཏེཙཱིཝརིཀཱ སབྦེ སསཾཡོཛནཱ ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨཐ ཁོ བྷགཝཏོ ཨེཏདཧོསི – ‘‘ཨིམེ ཁོ ཏིཾསམཏྟཱ པཱཝེཡྻཀཱ བྷིཀྑཱུ སབྦེ ཨཱརཉྙིཀཱ སབྦེ པིཎྜཔཱཏིཀཱ སབྦེ པཾསུཀཱུལིཀཱ ¶ སབྦེ ཏེཙཱིཝརིཀཱ སབྦེ སསཾཡོཛནཱ. ཡཾནཱུནཱཧཾ ཨིམེསཾ ཏཐཱ དྷམྨཾ དེསེཡྻཾ ཡཐཱ ནེསཾ ཨིམསྨིཾཡེཝ ཨཱསནེ ཨནུཔཱདཱཡ ཨཱསཝེཧི ཙིཏྟཱནི ཝིམུཙྩེཡྻུ’’ནྟི. ཨཐ ¶ ཁོ བྷགཝཱ བྷིཀྑཱུ ཨཱམནྟེསི – ‘‘བྷིཀྑཝོ’’ཏི. ‘‘བྷདནྟེ’’ཏི ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཨནམཏགྒོཡཾ, བྷིཀྑཝེ, སཾསཱརོ. པུབྦཱ ཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ. ཏཾ ཀིཾ མཉྙཐ, བྷིཀྑཝེ, ཀཏམཾ ནུ ཁོ བཧུཏརཾ, ཡཾ ཝཱ ཝོ ཨིམིནཱ དཱིགྷེན ཨདྡྷུནཱ སནྡྷཱཝཏཾ སཾསརཏཾ སཱིསཙྪིནྣཱནཾ ལོཧིཏཾ པསྶནྣཾ པགྒྷརིཏཾ, ཡཾ ཝཱ ཙཏཱུསུ མཧཱསམུདྡེསུ ཨུདཀ’’ནྟི? ‘‘ཡཐཱ ཁོ མཡཾ, བྷནྟེ, བྷགཝཏཱ དྷམྨཾ དེསིཏཾ ཨཱཛཱནཱམ, ཨེཏདེཝ, བྷནྟེ, བཧུཏརཾ, ཡཾ ནོ ཨིམིནཱ དཱིགྷེན ཨདྡྷུནཱ སནྡྷཱཝཏཾ སཾསརཏཾ སཱིསཙྪིནྣཱནཾ ¶ ལོཧིཏཾ པསྶནྣཾ པགྒྷརིཏཾ, ན ཏྭེཝ ཙཏཱུསུ མཧཱསམུདྡེསུ ཨུདཀ’’ནྟི.

‘‘སཱདྷུ སཱདྷུ, བྷིཀྑཝེ, སཱདྷུ ཁོ མེ ཏུམྷེ, བྷིཀྑཝེ, ཨེཝཾ དྷམྨཾ དེསིཏཾ ཨཱཛཱནཱཐ. ཨེཏདེཝ, བྷིཀྑཝེ, བཧུཏརཾ, ཡཾ ཝོ ཨིམིནཱ དཱིགྷེན ཨདྡྷུནཱ སནྡྷཱཝཏཾ སཾསརཏཾ སཱིསཙྪིནྣཱནཾ ལོཧིཏཾ པསྶནྣཾ པགྒྷརིཏཾ, ན ཏྭེཝ ཙཏཱུསུ མཧཱསམུདྡེསུ ¶ ཨུདཀཾ. དཱིགྷརཏྟཾ ཝོ, བྷིཀྑཝེ, གུནྣཾ སཏཾ གོབྷཱུཏཱནཾ སཱིསཙྪིནྣཱནཾ ལོཧིཏཾ པསྶནྣཾ པགྒྷརིཏཾ, ན ཏྭེཝ ཙཏཱུསུ མཧཱསམུདྡེསུ ཨུདཀཾ. དཱིགྷརཏྟཾ ཝོ, བྷིཀྑཝེ, མཧིཾསཱནཾ [མཧིསཱནཾ (སཱི. པཱི.)] སཏཾ མཧིཾསབྷཱུཏཱནཾ སཱིསཙྪིནྣཱནཾ ལོཧིཏཾ པསྶནྣཾ པགྒྷརིཏཾ ¶ …པེ… དཱིགྷརཏྟཾ ཝོ, བྷིཀྑཝེ, ཨུརབྦྷཱནཾ སཏཾ ཨུརབྦྷབྷཱུཏཱནཾ…པེ… ཨཛཱནཾ སཏཾ ཨཛབྷཱུཏཱནཾ… མིགཱནཾ སཏཾ མིགབྷཱུཏཱནཾ… ཀུཀྐུཊཱནཾ སཏཾ ཀུཀྐུཊབྷཱུཏཱནཾ… སཱུཀརཱནཾ སཏཾ སཱུཀརབྷཱུཏཱནཾ… དཱིགྷརཏྟཾ ཝོ, བྷིཀྑཝེ, ཙོརཱ གཱམགྷཱཏཱཏི གཧེཏྭཱ སཱིསཙྪིནྣཱནཾ ལོཧིཏཾ པསྶནྣཾ པགྒྷརིཏཾ. དཱིགྷརཏྟཾ ཝོ, བྷིཀྑཝེ, ཙོརཱ པཱརིཔནྠིཀཱཏི གཧེཏྭཱ སཱིསཙྪིནྣཱནཾ ལོཧིཏཾ པསྶནྣཾ པགྒྷརིཏཾ. དཱིགྷརཏྟཾ ཝོ, བྷིཀྑཝེ, ཙོརཱ པཱརདཱརིཀཱཏི གཧེཏྭཱ སཱིསཙྪིནྣཱནཾ ལོཧིཏཾ པསྶནྣཾ པགྒྷརིཏཾ, ན ཏྭེཝ ཙཏཱུསུ མཧཱསམུདྡེསུ ཨུདཀཾ. ཏཾ ཀིསྶ ཧེཏུ? ཨནམཏགྒོཡཾ, བྷིཀྑཝེ, སཾསཱརོ…པེ… ཨལཾ ཝིམུཙྩིཏུ’’ནྟི.

‘‘ཨིདམཝོཙ བྷགཝཱ. ཨཏྟམནཱ ཏེ བྷིཀྑཱུ བྷགཝཏོ བྷཱསིཏཾ ཨབྷིནནྡུནྟི. ཨིམསྨིཉྩ ¶ པན ཝེཡྻཱཀརཎསྨིཾ བྷཉྙམཱནེ ཏིཾསམཏྟཱནཾ པཱཝེཡྻཀཱནཾ བྷིཀྑཱུནཾ ཨནུཔཱདཱཡ ཨཱསཝེཧི ཙིཏྟཱནི ཝིམུཙྩིཾསཱུ’’ཏི. ཏཏིཡཾ.

༤. མཱཏུསུཏྟཾ

༡༣༧. སཱཝཏྠིཡཾ ¶ ཝིཧརཏི…པེ… ‘‘ཨནམཏགྒོཡཾ, བྷིཀྑཝེ, སཾསཱརོ…པེ… ན སོ, བྷིཀྑཝེ, སཏྟོ སུལབྷརཱུཔོ ཡོ ནམཱཏཱབྷཱུཏཔུབྦོ ཨིམིནཱ དཱིགྷེན ཨདྡྷུནཱ. ཏཾ ཀིསྶ ཧེཏུ? ཨནམཏགྒོཡཾ, བྷིཀྑཝེ, སཾསཱརོ…པེ… ཨལཾ ཝིམུཙྩིཏུ’’ནྟི. ཙཏུཏྠཾ.

༥. པིཏུསུཏྟཾ

༡༣༨. སཱཝཏྠིཡཾ ཝིཧརཏི…པེ… ‘‘ཨནམཏགྒོཡཾ, བྷིཀྑཝེ, སཾསཱརོ…པེ… ན སོ, བྷིཀྑཝེ, སཏྟོ སུལབྷརཱུཔོ ཡོ ནཔིཏཱབྷཱུཏཔུབྦོ ¶ …པེ… ཨལཾ ཝིམུཙྩིཏུ’’ནྟི. པཉྩམཾ.

༦. བྷཱཏུསུཏྟཾ

༡༣༩. སཱཝཏྠིཡཾ ཝིཧརཏི…པེ… ‘‘ན སོ, བྷིཀྑཝེ, སཏྟོ སུལབྷརཱུཔོ ཡོ ནབྷཱཏཱབྷཱུཏཔུབྦོ…པེ… ཨལཾ ཝིམུཙྩིཏུ’’ནྟི. ཚཊྛཾ.

༧. བྷགིནིསུཏྟཾ

༡༤༠. སཱཝཏྠིཡཾ ¶ ཝིཧརཏི…པེ… ‘‘ན སོ, བྷིཀྑཝེ, སཏྟོ སུལབྷརཱུཔོ ཡོ ནབྷགིནིབྷཱུཏཔུབྦོ…པེ… ཨལཾ ཝིམུཙྩིཏུ’’ནྟི. སཏྟམཾ.

༨. པུཏྟསུཏྟཾ

༡༤༡. སཱཝཏྠིཡཾ ¶ ཝིཧརཏི…པེ… ‘‘ན སོ, བྷིཀྑཝེ, སཏྟོ སུལབྷརཱུཔོ ཡོ ནཔུཏྟབྷཱུཏཔུབྦོ…པེ… ཨལཾ ཝིམུཙྩིཏུ’’ནྟི. ཨཊྛམཾ.

༩. དྷཱིཏུསུཏྟཾ

༡༤༢. སཱཝཏྠིཡཾ ¶ ཝིཧརཏི…པེ… ‘‘ཨནམཏགྒོཡཾ, བྷིཀྑཝེ, སཾསཱརོ. པུབྦཱ ཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ. ན སོ, བྷིཀྑཝེ, སཏྟོ སུལབྷརཱུཔོ ཡོ ན དྷཱིཏཱབྷཱུཏཔུབྦོ ཨིམིནཱ དཱིགྷེན ཨདྡྷུནཱ. ཏཾ ཀིསྶ ཧེཏུ? ཨནམཏགྒོཡཾ, བྷིཀྑཝེ, སཾསཱརོ. པུབྦཱ ཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ. ཨེཝཾ དཱིགྷརཏྟཾ ཝོ, བྷིཀྑཝེ, དུཀྑཾ པཙྩནུབྷཱུཏཾ ཏིབྦཾ པཙྩནུབྷཱུཏཾ བྱསནཾ པཙྩནུབྷཱུཏཾ, ཀཊསཱི ཝཌྜྷིཏཱ. ཡཱཝཉྩིདཾ, བྷིཀྑཝེ, ཨལམེཝ སབྦསངྑཱརེསུ ནིབྦིནྡིཏུཾ, ཨལཾ ཝིརཛྫིཏུཾ, ཨལཾ ཝིམུཙྩིཏུ’’ནྟི. ནཝམཾ.

༡༠. ཝེཔུལླཔབྦཏསུཏྟཾ

༡༤༣. ཨེཀཾ ¶ སམཡཾ བྷགཝཱ རཱཛགཧེ ཝིཧརཏི གིཛ྄ཛྷཀཱུཊེ པབྦཏེ. ཏཏྲ ཁོ བྷགཝཱ བྷིཀྑཱུ ཨཱམནྟེསི – ‘‘བྷིཀྑཝོ’’ཏི. ‘‘བྷདནྟེ’’ཏི ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཨནམཏགྒོཡཾ, བྷིཀྑཝེ, སཾསཱརོ. པུབྦཱ ཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ. བྷཱུཏཔུབྦཾ, བྷིཀྑཝེ, ཨིམསྶ ཝེཔུལླསྶ པབྦཏསྶ ‘པཱཙཱིནཝཾསོ’ཏྭེཝ སམཉྙཱ ཨུདཔཱདི. ཏེན ཁོ པན, བྷིཀྑཝེ ¶ , སམཡེན མནུསྶཱནཾ ‘ཏིཝརཱ’ཏྭེཝ སམཉྙཱ ཨུདཔཱདི. ཏིཝརཱནཾ, བྷིཀྑཝེ, མནུསྶཱནཾ ཙཏྟཱརཱིས ཝསྶསཧསྶཱནི ཨཱཡུཔྤམཱཎཾ ཨཧོསི. ཏིཝརཱ, བྷིཀྑཝེ, མནུསྶཱ པཱཙཱིནཝཾསཾ པབྦཏཾ ཙཏཱུཧེན ཨཱརོཧནྟི, ཙཏཱུཧེན ཨོརོཧནྟི. ཏེན ཁོ པན, བྷིཀྑཝེ ¶ , སམཡེན ཀཀུསནྡྷོ བྷགཝཱ ཨརཧཾ སམྨཱསམྦུདྡྷོ ལོཀེ ཨུཔྤནྣོ ཧོཏི. ཀཀུསནྡྷསྶ, བྷིཀྑཝེ, བྷགཝཏོ ཨརཧཏོ སམྨཱསམྦུདྡྷསྶ ཝིདྷུརསཉྫཱིཝཾ ནཱམ སཱཝཀཡུགཾ ཨཧོསི ཨགྒཾ བྷདྡཡུགཾ. པསྶཐ, བྷིཀྑཝེ, སཱ ཙེཝིམསྶ པབྦཏསྶ སམཉྙཱ ཨནྟརཧིཏཱ, ཏེ ཙ མནུསྶཱ ཀཱལངྐཏཱ, སོ ཙ བྷགཝཱ པརིནིབྦུཏོ. ཨེཝཾ ཨནིཙྩཱ, བྷིཀྑཝེ, སངྑཱརཱ; ཨེཝཾ ཨདྡྷུཝཱ, བྷིཀྑཝེ, སངྑཱརཱ; ཨེཝཾ ཨནསྶཱསིཀཱ, བྷིཀྑཝེ, སངྑཱརཱ. ཡཱཝཉྩིདཾ, བྷིཀྑཝེ, ཨལམེཝ སབྦསངྑཱརེསུ ནིབྦིནྡིཏུཾ, ཨལཾ ཝིརཛྫིཏུཾ, ཨལཾ ཝིམུཙྩིཏུཾ.

‘‘བྷཱུཏཔུབྦཾ ¶ , བྷིཀྑཝེ, ཨིམསྶ ཝེཔུལླསྶ པབྦཏསྶ ‘ཝངྐཀོ’ཏྭེཝ ¶ སམཉྙཱ ཨུདཔཱདི. ཏེན ཁོ པན, བྷིཀྑཝེ, སམཡེན མནུསྶཱནཾ ‘རོཧིཏསྶཱ’ཏྭེཝ སམཉྙཱ ཨུདཔཱདི. རོཧིཏསྶཱནཾ, བྷིཀྑཝེ, མནུསྶཱནཾ ཏིཾསཝསྶསཧསྶཱནི ཨཱཡུཔྤམཱཎཾ ཨཧོསི. རོཧིཏསྶཱ, བྷིཀྑཝེ, མནུསྶཱ ཝངྐཀཾ པབྦཏཾ ཏཱིཧེན ཨཱརོཧནྟི, ཏཱིཧེན ཨོརོཧནྟི. ཏེན ཁོ པན, བྷིཀྑཝེ, སམཡེན ཀོཎཱགམནོ བྷགཝཱ ཨརཧཾ སམྨཱསམྦུདྡྷོ ལོཀེ ཨུཔྤནྣོ ཧོཏི. ཀོཎཱགམནསྶ, བྷིཀྑཝེ, བྷགཝཏོ ཨརཧཏོ སམྨཱསམྦུདྡྷསྶ བྷིཡྻོསུཏྟརཾ ནཱམ སཱཝཀཡུགཾ ཨཧོསི ཨགྒཾ བྷདྡཡུགཾ. པསྶཐ, བྷིཀྑཝེ, སཱ ཙེཝིམསྶ པབྦཏསྶ སམཉྙཱ ཨནྟརཧིཏཱ, ཏེ ཙ མནུསྶཱ ཀཱལངྐཏཱ, སོ ཙ བྷགཝཱ པརིནིབྦུཏོ. ཨེཝཾ ¶ ཨནིཙྩཱ, བྷིཀྑཝེ, སངྑཱརཱ…པེ… ཨལཾ ཝིམུཙྩིཏུཾ.

‘‘བྷཱུཏཔུབྦཾ, བྷིཀྑཝེ, ཨིམསྶ ཝེཔུལླསྶ པབྦཏསྶ ‘སུཔསྶོ’ཏྭེཝ [སུཕསྶོཏྭེཝ (སཱི.)] སམཉྙཱ ཨུདཔཱདི. ཏེན ཁོ པན, བྷིཀྑཝེ, སམཡེན མནུསྶཱནཾ ‘སུཔྤིཡཱ’ཏྭེཝ [ཨཔྤིཡཱཏྭེཝ (སཱི.)] སམཉྙཱ ཨུདཔཱདི. སུཔྤིཡཱནཾ, བྷིཀྑཝེ, མནུསྶཱནཾ ཝཱིསཏིཝསྶསཧསྶཱནི ཨཱཡུཔྤམཱཎཾ ཨཧོསི. སུཔྤིཡཱ, བྷིཀྑཝེ, མནུསྶཱ སུཔསྶཾ པབྦཏཾ དྭཱིཧེན ཨཱརོཧནྟི, དྭཱིཧེན ཨོརོཧནྟི. ཏེན ཁོ པན, བྷིཀྑཝེ, སམཡེན ཀསྶཔོ བྷགཝཱ ཨརཧཾ སམྨཱསམྦུདྡྷོ ལོཀེ ཨུཔྤནྣོ ཧོཏི. ཀསྶཔསྶ, བྷིཀྑཝེ, བྷགཝཏོ ཨརཧཏོ སམྨཱསམྦུདྡྷསྶ ཏིསྶབྷཱརདྭཱཛཾ ནཱམ སཱཝཀཡུགཾ ཨཧོསི ཨགྒཾ བྷདྡཡུགཾ. པསྶཐ, བྷིཀྑཝེ, སཱ ཙེཝིམསྶ པབྦཏསྶ སམཉྙཱ ཨནྟརཧིཏཱ, ཏེ ཙ མནུསྶཱ ཀཱལངྐཏཱ, སོ ཙ བྷགཝཱ པརིནིབྦུཏོ. ཨེཝཾ ཨནིཙྩཱ ¶ , བྷིཀྑཝེ, སངྑཱརཱ; ཨེཝཾ ཨདྡྷུཝཱ, བྷིཀྑཝེ, སངྑཱརཱ…པེ… ཨལཾ ཝིམུཙྩིཏུཾ.

‘‘ཨེཏརཧི ¶ ཁོ པན, བྷིཀྑཝེ, ཨིམསྶ ཝེཔུལླསྶ པབྦཏསྶ ‘ཝེཔུལློ’ཏྭེཝ སམཉྙཱ ཨུདཔཱདི. ཨེཏརཧི ཁོ པན, བྷིཀྑཝེ, ཨིམེསཾ མནུསྶཱནཾ ‘མཱགདྷཀཱ’ཏྭེཝ སམཉྙཱ ཨུདཔཱདི. མཱགདྷཀཱནཾ, བྷིཀྑཝེ, མནུསྶཱནཾ ཨཔྤཀཾ ཨཱཡུཔྤམཱཎཾ པརིཏྟཾ ལཧུཀཾ [ལཧུསཾ (སཱི.)]; ཡོ ཙིརཾ ཛཱིཝཏི སོ ཝསྶསཏཾ ཨཔྤཾ ཝཱ བྷིཡྻོ. མཱགདྷཀཱ, བྷིཀྑཝེ, མནུསྶཱ ཝེཔུལླཾ པབྦཏཾ མུཧུཏྟེན ཨཱརོཧནྟི མུཧུཏྟེན ཨོརོཧནྟི. ཨེཏརཧི ཁོ པནཱཧཾ, བྷིཀྑཝེ, ཨརཧཾ སམྨཱསམྦུདྡྷོ ལོཀེ ཨུཔྤནྣོ. མཡ྄ཧཾ ཁོ པན, བྷིཀྑཝེ, སཱརིཔུཏྟམོགྒལླཱནཾ ནཱམ སཱཝཀཡུགཾ ཨགྒཾ བྷདྡཡུགཾ. བྷཝིསྶཏི, བྷིཀྑཝེ, སོ སམཡོ ཡཱ ཨཡཉྩེཝིམསྶ པབྦཏསྶ ¶ སམཉྙཱ ཨནྟརདྷཱཡིསྶཏི, ཨིམེ ¶ ཙ མནུསྶཱ ཀཱལཾ ཀརིསྶནྟི, ཨཧཉྩ པརིནིབྦཱཡིསྶཱམི. ཨེཝཾ ཨནིཙྩཱ, བྷིཀྑཝེ, སངྑཱརཱ; ཨེཝཾ ཨདྡྷུཝཱ, བྷིཀྑཝེ, སངྑཱརཱ; ཨེཝཾ ཨནསྶཱསིཀཱ, བྷིཀྑཝེ, སངྑཱརཱ. ཡཱཝཉྩིདཾ, བྷིཀྑཝེ, ཨལམེཝ སབྦསངྑཱརེསུ ནིབྦིནྡིཏུཾ, ཨལཾ ཝིརཛྫིཏུཾ, ཨལཾ ཝིམུཙྩིཏུ’’ནྟི.

ཨིདམཝོཙ བྷགཝཱ. ཨིདཾ ཝཏྭཱན སུགཏོ ཨཐཱཔརཾ ཨེཏདཝོཙ སཏྠཱ –

‘‘པཱཙཱིནཝཾསོ ཏིཝརཱནཾ, རོཧིཏསྶཱན ཝངྐཀོ;

སུཔྤིཡཱནཾ སུཔསྶོཏི, མཱགདྷཱནཉྩ ཝེཔུལློ.

‘‘ཨནིཙྩཱ ¶ ཝཏ སངྑཱརཱ, ཨུཔྤཱདཝཡདྷམྨིནོ;

ཨུཔྤཛྫིཏྭཱ ནིརུཛ྄ཛྷནྟི, ཏེསཾ ཝཱུཔསམོ སུཁོ’’ཏི. དསམཾ;

དུཏིཡོ ཝགྒོ.

ཏསྶུདྡཱནཾ –

དུགྒཏཾ སུཁིཏཉྩེཝ, ཏིཾས མཱཏཱཔིཏེན ཙ;

བྷཱཏཱ བྷགིནཱི པུཏྟོ ཙ, དྷཱིཏཱ ཝེཔུལླཔབྦཏཾ.

ཨནམཏགྒསཾཡུཏྟཾ སམཏྟཾ.

༥. ཀསྶཔསཾཡུཏྟཾ

༡. སནྟུཊྛསུཏྟཾ

༡༤༤. སཱཝཏྠིཡཾ ¶ ¶ ¶ ¶ ཝིཧརཏི…པེ… ‘‘སནྟུཊྛཱཡཾ [སནྟུཊྛོཡཾ (སཱི.)], བྷིཀྑཝེ, ཀསྶཔོ ཨིཏརཱིཏརེན ཙཱིཝརེན, ཨིཏརཱིཏརཙཱིཝརསནྟུཊྛིཡཱ ཙ ཝཎྞཝཱདཱི; ན ཙ ཙཱིཝརཧེཏུ ཨནེསནཾ ཨཔྤཏིརཱུཔཾ ཨཱཔཛྫཏི; ཨལདྡྷཱ ཙ ཙཱིཝརཾ ན པརིཏསྶཏི; ལདྡྷཱ ཙ ཙཱིཝརཾ ཨགདྷིཏོ [ཨགཐིཏོ (སཱི.)] ཨམུཙྪིཏོ ཨནཛ྄ཛྷཱཔནྣོ ཨཱདཱིནཝདསྶཱཝཱི ནིསྶརཎཔཉྙོ པརིབྷུཉྫཏི’’.

‘‘སནྟུཊྛཱཡཾ, བྷིཀྑཝེ, ཀསྶཔོ ཨིཏརཱིཏརེན པིཎྜཔཱཏེན, ཨིཏརཱིཏརཔིཎྜཔཱཏསནྟུཊྛིཡཱ ཙ ཝཎྞཝཱདཱི; ན ཙ པིཎྜཔཱཏཧེཏུ ཨནེསནཾ ཨཔྤཏིརཱུཔཾ ཨཱཔཛྫཏི; ཨལདྡྷཱ ཙ པིཎྜཔཱཏཾ ན པརིཏསྶཏི; ལདྡྷཱ ཙ པིཎྜཔཱཏཾ ཨགདྷིཏོ ཨམུཙྪིཏོ ཨནཛ྄ཛྷཱཔནྣོ ཨཱདཱིནཝདསྶཱཝཱི ནིསྶརཎཔཉྙོ པརིབྷུཉྫཏི.

‘‘སནྟུཊྛཱཡཾ, བྷིཀྑཝེ, ཀསྶཔོ ཨིཏརཱིཏརེན སེནཱསནེན, ཨིཏརཱིཏརསེནཱསནསནྟུཊྛིཡཱ ཙ ཝཎྞཝཱདཱི; ན ཙ སེནཱསནཧེཏུ ཨནེསནཾ ཨཔྤཏིརཱུཔཾ ཨཱཔཛྫཏི; ཨལདྡྷཱ ཙ སེནཱསནཾ ན པརིཏསྶཏི; ལདྡྷཱ ཙ སེནཱསནཾ ཨགདྷིཏོ ཨམུཙྪིཏོ ཨནཛ྄ཛྷཱཔནྣོ ཨཱདཱིནཝདསྶཱཝཱི ནིསྶརཎཔཉྙོ པརིབྷུཉྫཏི.

‘‘སནྟུཊྛཱཡཾ, བྷིཀྑཝེ, ཀསྶཔོ ཨིཏརཱིཏརེན གིལཱནཔྤཙྩཡབྷེསཛྫཔརིཀྑཱརེན, ཨིཏརཱིཏརགིལཱནཔྤཙྩཡབྷེསཛྫཔརིཀྑཱརསནྟུཊྛིཡཱ ཙ ཝཎྞཝཱདཱི; ན ཙ གིལཱནཔྤཙྩཡབྷེསཛྫཔརིཀྑཱརཧེཏུ ཨནེསནཾ ཨཔྤཏིརཱུཔཾ ཨཱཔཛྫཏི; ཨལདྡྷཱ ཙ གིལཱནཔྤཙྩཡབྷེསཛྫཔརིཀྑཱརཾ ན པརིཏསྶཏི; ལདྡྷཱ ཙ གིལཱནཔྤཙྩཡབྷེསཛྫཔརིཀྑཱརཾ ཨགདྷིཏོ ཨམུཙྪིཏོ ¶ ཨནཛ྄ཛྷཱཔནྣོ ཨཱདཱིནཝདསྶཱཝཱི ནིསྶརཎཔཉྙོ པརིབྷུཉྫཏི.

‘‘ཏསྨཱཏིཧ ¶ , བྷིཀྑཝེ, ཨེཝཾ སིཀྑིཏབྦཾ – ‘སནྟུཊྛཱ བྷཝིསྶཱམ ཨིཏརཱིཏརེན ཙཱིཝརེན, ཨིཏརཱིཏརཙཱིཝརསནྟུཊྛིཡཱ ཙ ¶ ཝཎྞཝཱདིནོ; ན ཙ ཙཱིཝརཧེཏུ ཨནེསནཾ ཨཔྤཏིརཱུཔཾ ཨཱཔཛྫིསྶཱམ; ཨལདྡྷཱ ཙ ཙཱིཝརཾ ན ཙ པརིཏསྶིསྶཱམ; ལདྡྷཱ ཙ ཙཱིཝརཾ ཨགདྷིཏཱ ཨམུཙྪིཏཱ ཨནཛ྄ཛྷཱཔནྣཱ ཨཱདཱིནཝདསྶཱཝིནོ ནིསྶརཎཔཉྙཱ པརིབྷུཉྫིསྶཱམ’’’. (ཨེཝཾ སབྦཾ ཀཱཏབྦཾ).

‘‘‘སནྟུཊྛཱ ¶ བྷཝིསྶཱམ ཨིཏརཱིཏརེན པིཎྜཔཱཏེན…པེ… སནྟུཊྛཱ བྷཝིསྶཱམ ཨིཏརཱིཏརེན སེནཱསནེན…པེ… སནྟུཊྛཱ བྷཝིསྶཱམ ཨིཏརཱིཏརེན གིལཱནཔྤཙྩཡབྷེསཛྫཔརིཀྑཱརེན, ཨིཏརཱིཏརགིལཱནཔྤཙྩཡབྷེསཛྫཔརིཀྑཱརསནྟུཊྛིཡཱ ཙ ཝཎྞཝཱདིནོ; ན ཙ གིལཱནཔྤཙྩཡབྷེསཛྫཔརིཀྑཱརཧེཏུ ཨནེསནཾ ཨཔྤཏིརཱུཔཾ ཨཱཔཛྫིསྶཱམ ཨལདྡྷཱ ཙ གིལཱནཔྤཙྩཡབྷེསཛྫཔརིཀྑཱརཾ ན པརིཏསྶིསྶཱམ; ལདྡྷཱ ཙ གིལཱནཔྤཙྩཡབྷེསཛྫཔརིཀྑཱརཾ ཨགདྷིཏཱ ཨམུཙྪིཏཱ ཨནཛ྄ཛྷཱཔནྣཱ ཨཱདཱིནཝདསྶཱཝིནོ ནིསྶརཎཔཉྙཱ པརིབྷུཉྫིསྶཱམཱ’ཏི. ཨེཝཉྷི ཝོ, བྷིཀྑཝེ, སིཀྑིཏབྦཾ. ཀསྶཔེན ཝཱ ཧི ཝོ, བྷིཀྑཝེ, ཨོཝདིསྶཱམི ཡོ ཝཱ པནསྶ [ཡོ ཝཱ པན (སཱི.), ཡོ ཝཱ (པཱི.)] ཀསྶཔསདིསོ, ཨོཝདིཏེཧི ཙ པན ཝོ ཏཐཏྟཱཡ པཊིཔཛྫིཏབྦ’’ནྟི. པཋམཾ.

༢. ཨནོཏྟཔྤཱིསུཏྟཾ

༡༤༥. ཨེཝཾ མེ སུཏཾ – ཨེཀཾ སམཡཾ ཨཱཡསྨཱ ཙ མཧཱཀསྶཔོ ཨཱཡསྨཱ ཙ སཱརིཔུཏྟོ བཱརཱཎསིཡཾ ཝིཧརནྟི ཨིསིཔཏནེ མིགདཱཡེ. ཨཐ ¶ ཁོ ཨཱཡསྨཱ སཱརིཔུཏྟོ སཱཡནྷསམཡཾ པཊིསལླཱནཱ ཝུཊྛིཏོ ཡེནཱཡསྨཱ མཧཱཀསྶཔོ ཏེནུཔསངྐམི; ཨུཔསངྐམིཏྭཱ ཨཱཡསྨཏཱ མཧཱཀསྶཔེན སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ སཱརིཔུཏྟོ ཨཱཡསྨནྟཾ མཧཱཀསྶཔཾ ཨེཏདཝོཙ – ‘‘ཝུཙྩཏི ཧིདཾ, ཨཱཝུསོ ཀསྶཔ, ཨནཱཏཱཔཱི ཨནོཏྟཔྤཱི ཨབྷབྦོ སམྦོདྷཱཡ ཨབྷབྦོ ནིབྦཱནཱཡ ཨབྷབྦོ ཨནུཏྟརསྶ ཡོགཀྑེམསྶ ཨདྷིགམཱཡ; ཨཱཏཱཔཱི ཙ ཁོ ཨོཏྟཔྤཱི ¶ བྷབྦོ སམྦོདྷཱཡ བྷབྦོ ནིབྦཱནཱཡ བྷབྦོ ཨནུཏྟརསྶ ཡོགཀྑེམསྶ ཨདྷིགམཱཡཱ’’ཏི.

‘‘ཀིཏྟཱཝཏཱ ནུ ཁོ, ཨཱཝུསོ, ཨནཱཏཱཔཱི ཧོཏི ཨནོཏྟཔྤཱི ཨབྷབྦོ སམྦོདྷཱཡ ཨབྷབྦོ ནིབྦཱནཱཡ ཨབྷབྦོ ཨནུཏྟརསྶ ཡོགཀྑེམསྶ ཨདྷིགམཱཡ; ཀིཏྟཱཝཏཱ ཙ པནཱཝུསོ, ཨཱཏཱཔཱི ¶ ཧོཏི ཨོཏྟཔྤཱི བྷབྦོ སམྦོདྷཱཡ བྷབྦོ ནིབྦཱནཱཡ བྷབྦོ ཨནུཏྟརསྶ ཡོགཀྑེམསྶ ཨདྷིགམཱཡཱ’’ཏི? ‘‘ཨིདྷཱཝུསོ, བྷིཀྑུ ‘ཨནུཔྤནྣཱ མེ པཱཔཀཱ ཨཀུསལཱ དྷམྨཱ ཨུཔྤཛྫམཱནཱ ཨནཏྠཱཡ སཾཝཏྟེཡྻུ’ནྟི ¶ ན ཨཱཏཔྤཾ ཀརོཏི, ‘ཨུཔྤནྣཱ མེ པཱཔཀཱ ཨཀུསལཱ དྷམྨཱ ཨཔྤཧཱིཡམཱནཱ ཨནཏྠཱཡ སཾཝཏྟེཡྻུ’ནྟི ན ཨཱཏཔྤཾ ཀརོཏི, ‘ཨནུཔྤནྣཱ མེ ཀུསལཱ དྷམྨཱནུཔྤཛྫམཱནཱ ཨནཏྠཱཡ སཾཝཏྟེཡྻུ’ནྟི ན ཨཱཏཔྤཾ ཀརོཏི, ‘ཨུཔྤནྣཱ མེ ཀུསལཱ དྷམྨཱ ནིརུཛ྄ཛྷམཱནཱ ཨནཏྠཱཡ སཾཝཏྟེཡྻུ’ནྟི ན ¶ ཨཱཏཔྤཾ ཀརོཏི. ཨེཝཾ ཁོ, ཨཱཝུསོ, ཨནཱཏཱཔཱི ཧོཏི’’.

‘‘ཀཐཉྩཱཝུསོ, ཨནོཏྟཔྤཱི ཧོཏི? ཨིདྷཱཝུསོ, བྷིཀྑུ ‘ཨནུཔྤནྣཱ མེ པཱཔཀཱ ཨཀུསལཱ དྷམྨཱ ཨུཔྤཛྫམཱནཱ ཨནཏྠཱཡ སཾཝཏྟེཡྻུ’ནྟི ན ཨོཏྟཔྤཏི, ‘ཨུཔྤནྣཱ མེ པཱཔཀཱ ཨཀུསལཱ དྷམྨཱ ཨཔྤཧཱིཡམཱནཱ ཨནཏྠཱཡ སཾཝཏྟེཡྻུ’ནྟི ན ཨོཏྟཔྤཏི, ‘ཨནུཔྤནྣཱ མེ ཀུསལཱ དྷམྨཱནུཔྤཛྫམཱནཱ ཨནཏྠཱཡ སཾཝཏྟེཡྻུ’ནྟི ན ཨོཏྟཔྤཏི, ‘ཨུཔྤནྣཱ མེ ཀུསལཱ དྷམྨཱ ནིརུཛ྄ཛྷམཱནཱ ཨནཏྠཱཡ སཾཝཏྟེཡྻུ’ནྟི ན ཨོཏྟཔྤཏི. ཨེཝཾ ¶ ཁོ, ཨཱཝུསོ, ཨནོཏྟཔྤཱི ཧོཏི. ཨེཝཾ ཁོ, ཨཱཝུསོ, ཨནཱཏཱཔཱི ཨནོཏྟཔྤཱི ཨབྷབྦོ སམྦོདྷཱཡ ཨབྷབྦོ ནིབྦཱནཱཡ ཨབྷབྦོ ཨནུཏྟརསྶ ཡོགཀྑེམསྶ ཨདྷིགམཱཡ.

‘‘ཀཐཉྩཱཝུསོ, ཨཱཏཱཔཱི ཧོཏི? ཨིདྷཱཝུསོ, བྷིཀྑུ ‘ཨནུཔྤནྣཱ མེ པཱཔཀཱ ཨཀུསལཱ དྷམྨཱ ཨུཔྤཛྫམཱནཱ ཨནཏྠཱཡ སཾཝཏྟེཡྻུ’ནྟི ཨཱཏཔྤཾ ཀརོཏི, ‘ཨུཔྤནྣཱ མེ པཱཔཀཱ ཨཀུསལཱ དྷམྨཱ ཨཔྤཧཱིཡམཱནཱ ཨནཏྠཱཡ སཾཝཏྟེཡྻུ’ནྟི ཨཱཏཔྤཾ ཀརོཏི, ཨནུཔྤནྣཱ མེ ཀུསལཱ དྷམྨཱ…པེ… ཨཱཏཔྤཾ ཀརོཏི. ཨེཝཾ ཁོ, ཨཱཝུསོ, ཨཱཏཱཔཱི ཧོཏི.

‘‘ཀཐཉྩཱཝུསོ, ཨོཏྟཔྤཱི ཧོཏི? ཨིདྷཱཝུསོ, བྷིཀྑུ ‘ཨནུཔྤནྣཱ ¶ མེ པཱཔཀཱ ཨཀུསལཱ དྷམྨཱ ཨུཔྤཛྫམཱནཱ ཨནཏྠཱཡ སཾཝཏྟེཡྻུ’ནྟི ཨོཏྟཔྤཏི, ‘ཨུཔྤནྣཱ མེ པཱཔཀཱ ཨཀུསལཱ དྷམྨཱ ཨཔྤཧཱིཡམཱནཱ ཨནཏྠཱཡ སཾཝཏྟེཡྻུ’ནྟི ཨོཏྟཔྤཏི, ‘ཨནུཔྤནྣཱ མེ ཀུསལཱ དྷམྨཱ ཨནུཔྤཛྫམཱནཱ ཨནཏྠཱཡ སཾཝཏྟེཡྻུ’ནྟི ཨོཏྟཔྤཏི, ‘ཨུཔྤནྣཱ མེ ཀུསལཱ དྷམྨཱ ནིརུཛ྄ཛྷམཱནཱ ཨནཏྠཱཡ སཾཝཏྟེཡྻུ’ནྟི ཨོཏྟཔྤཏི. ཨེཝཾ ཁོ, ཨཱཝུསོ, ཨོཏྟཔྤཱི ཧོཏི. ཨེཝཾ ཁོ, ཨཱཝུསོ, ཨཱཏཱཔཱི ཨོཏྟཔྤཱི བྷབྦོ སམྦོདྷཱཡ བྷབྦོ ནིབྦཱནཱཡ བྷབྦོ ཨནུཏྟརསྶ ཡོགཀྑེམསྶ ཨདྷིགམཱཡཱ’’ཏི. དུཏིཡཾ.

༣. ཙནྡཱུཔམསུཏྟཾ

༡༤༦. སཱཝཏྠིཡཾ ¶ ཝིཧརཏི…པེ… ‘‘ཙནྡཱུཔམཱ, བྷིཀྑཝེ, ཀུལཱནི ཨུཔསངྐམཐ – ཨཔཀསྶེཝ ¶ ཀཱཡཾ, ཨཔཀསྶ ཙིཏྟཾ, ནིཙྩནཝཀཱ ཀུལེསུ ཨཔྤགབྦྷཱ [ཨཔྤགབྦཱ (ཀ.)]. སེཡྻཐཱཔི ¶ , བྷིཀྑཝེ, པུརིསོ ཛརུདཔཱནཾ ཝཱ ཨོལོཀེཡྻ པབྦཏཝིསམཾ ཝཱ ནདཱིཝིདུགྒཾ ཝཱ – ཨཔཀསྶེཝ ཀཱཡཾ, ཨཔཀསྶ ཙིཏྟཾ; ཨེཝམེཝ ཁོ, བྷིཀྑཝེ, ཙནྡཱུཔམཱ ཀུལཱནི ཨུཔསངྐམཐ – ཨཔཀསྶེཝ ཀཱཡཾ, ཨཔཀསྶ ཙིཏྟཾ, ནིཙྩནཝཀཱ ཀུལེསུ ཨཔྤགབྦྷཱ’’.

‘‘ཀསྶཔོ, བྷིཀྑཝེ, ཙནྡཱུཔམོ ཀུལཱནི ཨུཔསངྐམཏི – ཨཔཀསྶེཝ ཀཱཡཾ, ཨཔཀསྶ ཙིཏྟཾ, ནིཙྩནཝཀོ ཀུལེསུ ཨཔྤགབྦྷོ. ཏཾ ཀིཾ མཉྙཐ, བྷིཀྑཝེ, ཀཐཾརཱུཔོ བྷིཀྑུ ཨརཧཏི ཀུལཱནི ཨུཔསངྐམིཏུ’’ནྟི? ‘‘བྷགཝཾམཱུལཀཱ ནོ, བྷནྟེ, དྷམྨཱ བྷགཝཾནེཏྟིཀཱ བྷགཝཾཔཊིསརཎཱ. སཱདྷུ ཝཏ, བྷནྟེ, བྷགཝནྟཾཡེཝ པཊིབྷཱཏུ ཨེཏསྶ བྷཱསིཏསྶ ཨཏྠོ. བྷགཝཏོ སུཏྭཱ བྷིཀྑཱུ དྷཱརེསྶནྟཱི’’ཏི.

ཨཐ ཁོ ¶ བྷགཝཱ ཨཱཀཱསེ པཱཎིཾ ཙཱལེསི. ‘‘སེཡྻཐཱཔི, བྷིཀྑཝེ, ཨཡཾ ཨཱཀཱསེ པཱཎི ན སཛྫཏི ན གཡ྄ཧཏི ན བཛ྄ཛྷཏི; ཨེཝམེཝ ཁོ, བྷིཀྑཝེ, ཡསྶ ཀསྶཙི བྷིཀྑུནོ ཀུལཱནི ཨུཔསངྐམཏོ ཀུལེསུ ཙིཏྟཾ ན སཛྫཏི ན གཡ྄ཧཏི ན བཛ྄ཛྷཏི – ‘ལབྷནྟུ ལཱབྷཀཱམཱ, པུཉྙཀཱམཱ ཀརོནྟུ པུཉྙཱནཱི’ཏི; ཡཐཱསཀེན ལཱབྷེན ཨཏྟམནོ ཧོཏི སུམནོ, ཨེཝཾ པརེསཾ ལཱབྷེན ཨཏྟམནོ ཧོཏི སུམནོ; ཨེཝརཱུཔོ ཁོ, བྷིཀྑཝེ, བྷིཀྑུ ཨརཧཏི ཀུལཱནི ཨུཔསངྐམིཏུཾ.

‘‘ཀསྶཔསྶ, བྷིཀྑཝེ, ཀུལཱནི ཨུཔསངྐམཏོ ཀུལེསུ ཙིཏྟཾ ན སཛྫཏི ན གཡ྄ཧཏི ན བཛ྄ཛྷཏི – ‘ལབྷནྟུ ལཱབྷཀཱམཱ, པུཉྙཀཱམཱ ཀརོནྟུ པུཉྙཱནཱི’ཏི; ཡཐཱསཀེན ལཱབྷེན ཨཏྟམནོ ཧོཏི སུམནོ; ཨེཝཾ པརེསཾ ལཱབྷེན ཨཏྟམནོ ཧོཏི སུམནོ.

‘‘ཏཾ ¶ ཀིཾ མཉྙཐ, བྷིཀྑཝེ, ཀཐཾརཱུཔསྶ བྷིཀྑུནོ ཨཔརིསུདྡྷཱ དྷམྨདེསནཱ ཧོཏི, ཀཐཾརཱུཔསྶ བྷིཀྑུནོ པརིསུདྡྷཱ དྷམྨདེསནཱ ཧོཏཱི’’ཏི? ‘‘བྷགཝཾམཱུལཀཱ ནོ, བྷནྟེ, དྷམྨཱ བྷགཝཾནེཏྟིཀཱ བྷགཝཾཔཊིསརཎཱ. སཱདྷུ ཝཏ, བྷནྟེ, བྷགཝནྟཾཡེཝ པཊིབྷཱཏུ ཨེཏསྶ བྷཱསིཏསྶ ཨཏྠོ ¶ . བྷགཝཏོ སུཏྭཱ བྷིཀྑཱུ དྷཱརེསྶནྟཱི’’ཏི. ‘‘ཏེན ཧི, བྷིཀྑཝེ, སུཎཱཐ, སཱདྷུཀཾ མནསི ཀརོཐ; བྷཱསིསྶཱམཱི’’ཏི. ‘‘ཨེཝཾ, བྷནྟེ’’ཏི ཁོ ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཡོ ཧི ཀོཙི, བྷིཀྑཝེ, བྷིཀྑུ ཨེཝཾཙིཏྟོ པརེསཾ དྷམྨཾ དེསེཏི – ‘ཨཧོ ཝཏ མེ དྷམྨཾ སུཎེཡྻུཾ, སུཏྭཱ ཙ པན དྷམྨཾ པསཱིདེཡྻུཾ, པསནྣཱ ཙ ¶ མེ པསནྣཱཀཱརཾ ¶ ཀརེཡྻུ’ནྟི; ཨེཝརཱུཔསྶ ཁོ, བྷིཀྑཝེ, བྷིཀྑུནོ ཨཔརིསུདྡྷཱ དྷམྨདེསནཱ ཧོཏི.

‘‘ཡོ ཙ ཁོ, བྷིཀྑཝེ, བྷིཀྑུ ཨེཝཾཙིཏྟོ པརེསཾ དྷམྨཾ དེསེཏི – ‘སྭཱཀྑཱཏོ བྷགཝཏཱ དྷམྨོ སནྡིཊྛིཀོ ཨཀཱལིཀོ ཨེཧིཔསྶིཀོ ཨོཔནེཡྻིཀོ པཙྩཏྟཾ ཝེདིཏབྦོ ཝིཉྙཱུཧཱིཏི [ཝིཉྙཱུཧི (?)]. ཨཧོ, ཝཏ མེ དྷམྨཾ སུཎེཡྻུཾ, སུཏྭཱ ཙ པན དྷམྨཾ ཨཱཛཱནེཡྻུཾ, ཨཱཛཱནིཏྭཱ ཙ པན ཏཐཏྟཱཡ པཊིཔཛྫེཡྻུ’ནྟི. ཨིཏི དྷམྨསུདྷམྨཏཾ པཊིཙྩ པརེསཾ དྷམྨཾ དེསེཏི, ཀཱརུཉྙཾ པཊིཙྩ ཨནུདྡཡཾ [ཨནུདཡཾ (བཧཱུསུ) དྭིཏྟཀཱརཎཾ པན གཝེསིཏབྦཾ] པཊིཙྩ ཨནུཀམྤཾ ཨུཔཱདཱཡ པརེསཾ དྷམྨཾ དེསེཏི. ཨེཝརཱུཔསྶ ཁོ, བྷིཀྑཝེ, བྷིཀྑུནོ པརིསུདྡྷཱ དྷམྨདེསནཱ ཧོཏི.

‘‘ཀསྶཔོ, བྷིཀྑཝེ, ཨེཝཾཙིཏྟོ པརེསཾ དྷམྨཾ དེསེཏི – ‘སྭཱཀྑཱཏོ བྷགཝཏཱ དྷམྨོ སནྡིཊྛིཀོ ཨཀཱལིཀོ ཨེཧིཔསྶིཀོ ཨོཔནེཡྻིཀོ པཙྩཏྟཾ ཝེདིཏབྦོ ཝིཉྙཱུཧཱིཏི. ཨཧོ, ཝཏ ¶ མེ དྷམྨཾ སུཎེཡྻུཾ, སུཏྭཱ ཙ པན དྷམྨཾ ཨཱཛཱནེཡྻུཾ, ཨཱཛཱནིཏྭཱ ཙ པན ཏཐཏྟཱཡ པཊིཔཛྫེཡྻུ’ནྟི. ཨིཏི དྷམྨསུདྷམྨཏཾ པཊིཙྩ པརེསཾ དྷམྨཾ དེསེཏི, ཀཱརུཉྙཾ པཊིཙྩ ཨནུདྡཡཾ པཊིཙྩ ཨནུཀམྤཾ ཨུཔཱདཱཡ པརེསཾ དྷམྨཾ དེསེཏི. ཀསྶཔེན ཝཱ ཧི ཝོ, བྷིཀྑཝེ, ཨོཝདིསྶཱམི ཡོ ཝཱ པནསྶ ཀསྶཔསདིསོ, ཨོཝདིཏེཧི ཙ པན ཝོ ཏཐཏྟཱཡ པཊིཔཛྫིཏབྦ’’ནྟི. ཏཏིཡཾ.

༤. ཀུལཱུཔཀསུཏྟཾ

༡༤༧. སཱཝཏྠིཡཾ ཝིཧརཏི…པེ… ‘‘ཏཾ ཀིཾ མཉྙཐ, བྷིཀྑཝེ, ཀཐཾརཱུཔོ བྷིཀྑུ ¶ ཨརཧཏི ཀུལཱུཔཀོ ཧོཏུཾ, ཀཐཾརཱུཔོ བྷིཀྑུ ན ཨརཧཏི ཀུལཱུཔཀོ ཧོཏུ’’ནྟི? བྷགཝཾམཱུལཀཱ ནོ, བྷནྟེ, དྷམྨཱ…པེ… བྷགཝཱ ཨེཏདཝོཙ –

‘‘ཡོ ¶ ཧི ཀོཙི, བྷིཀྑཝེ, བྷིཀྑུ ཨེཝཾཙིཏྟོ ཀུལཱནི ཨུཔསངྐམཏི – ‘དེནྟུཡེཝ མེ, མཱ ནཱདཾསུ; བཧུཀཉྙེཝ མེ དེནྟུ, མཱ ཐོཀཾ; པཎཱིཏཉྙེཝ མེ དེནྟུ, མཱ ལཱུཁཾ; སཱིགྷཉྙེཝ མེ དེནྟུ, མཱ དནྡྷཾ; སཀྐཙྩཉྙེཝ མེ དེནྟུ, མཱ ཨསཀྐཙྩ’ནྟི. ཏསྶ ཙེ, བྷིཀྑཝེ, བྷིཀྑུནོ ཨེཝཾཙིཏྟསྶ ཀུལཱནི ཨུཔསངྐམཏོ ན དེནྟི, ཏེན བྷིཀྑུ སནྡཱིཡཏི; སོ ཏཏོནིདཱནཾ དུཀྑཾ དོམནསྶཾ པཊིསཾཝེདཡཏི. ཐོཀཾ དེནྟི, ནོ བཧུཀཾ…པེ… ལཱུཁཾ དེནྟི, ནོ པཎཱིཏཾ… དནྡྷཾ དེནྟི, ནོ སཱིགྷཾ, ཏེན བྷིཀྑུ སནྡཱིཡཏི; སོ ཏཏོནིདཱནཾ ¶ དུཀྑཾ དོམནསྶཾ པཊིསཾཝེདཡཏི. ཨསཀྐཙྩཾ དེནྟི, ནོ སཀྐཙྩཾ; ཏེན བྷིཀྑུ སནྡཱིཡཏི; སོ ¶ ཏཏོནིདཱནཾ དུཀྑཾ དོམནསྶཾ པཊིསཾཝེདཡཏི. ཨེཝརཱུཔོ ཁོ, བྷིཀྑཝེ, བྷིཀྑུ ན ཨརཧཏི ཀཱུལཱུཔཀོ ཧོཏུཾ.

‘‘ཡོ ཙ ཁོ, བྷིཀྑཝེ, བྷིཀྑུ ཨེཝཾཙིཏྟོ ཀུལཱནི ཨུཔསངྐམཏི – ‘ཏཾ ཀུཏེཏྠ ལབྦྷཱ པརཀུལེསུ – དེནྟུཡེཝ མེ, མཱ ནཱདཾསུ; བཧུཀཉྙེཝ མེ དེནྟུ, མཱ ཐོཀཾ; པཎཱིཏཉྙེཝ མེ དེནྟུ, མཱ ལཱུཁཾ; དཱིགྷཉྙེཝ མེ དེནྟུ, མཱ དནྡྷཾ; སཀྐཙྩཉྙེཝ མེ དེནྟུ, མཱ ཨསཀྐཙྩ’ནྟི. ཏསྶ ཙེ, བྷིཀྑཝེ, བྷིཀྑུནོ ཨེཝཾཙིཏྟསྶ ཀུལཱནི ཨུཔསངྐམཏོ ན དེནྟི; ཏེན བྷིཀྑུ ན སནྡཱིཡཏི; སོ ན ཏཏོནིདཱནཾ དུཀྑཾ དོམནསྶཾ ¶ པཊིསཾཝེདཡཏི. ཐོཀཾ དེནྟི, ནོ བཧུཀཾ; ཏེན བྷིཀྑུ ན སནྡཱིཡཏི; སོ ན ཏཏོནིདཱནཾ དུཀྑཾ དོམནསྶཾ པཊིསཾཝེདཡཏི. ལཱུཁཾ དེནྟི, ནོ པཎཱིཏཾ; ཏེན བྷིཀྑུ ན སནྡཱིཡཏི; སོ ན ཏཏོནིདཱནཾ དུཀྑཾ དོམནསྶཾ པཊིསཾཝེདཡཏི. དནྡྷཾ དེནྟི, ནོ སཱིགྷཾ; ཏེན བྷིཀྑུ ན སནྡཱིཡཏི; སོ ན ཏཏོནིདཱནཾ དུཀྑཾ དོམནསྶཾ པཊིསཾཝེདཡཏི. ཨསཀྐཙྩཾ དེནྟི, ནོ སཀྐཙྩཾ; ཏེན བྷིཀྑུ ན སནྡཱིཡཏི; སོ ན ཏཏོནིདཱནཾ དུཀྑཾ དོམནསྶཾ པཊིསཾཝེདཡཏི. ཨེཝརཱུཔོ ཁོ, བྷིཀྑཝེ, བྷིཀྑུ ཨརཧཏི ཀུལཱུཔཀོ ཧོཏུཾ.

‘‘ཀསྶཔོ, བྷིཀྑཝེ, ཨེཝཾཙིཏྟོ ཀུལཱནི ཨུཔསངྐམཏི – ‘ཏཾ ཀུཏེཏྠ ལབྦྷཱ པརཀུལེསུ – དེནྟུཡེཝ མེ, མཱ ནཱདཾསུ; བཧུཀཉྙེཝ མེ དེནྟུ, མཱ ཐོཀཾ; པཎཱིཏཉྙེཝ མེ དེནྟུ, མཱ ལཱུཁཾ; སཱིགྷཉྙེཝ མེ དེནྟུ, མཱ དནྡྷཾ; སཀྐཙྩཉྙེཝ མེ དེནྟུ, མཱ ཨསཀྐཙྩ’ནྟི. ཏསྶ ཙེ, བྷིཀྑཝེ, ཀསྶཔསྶ ཨེཝཾཙིཏྟསྶ ཀུལཱནི ཨུཔསངྐམཏོ ན དེནྟི; ཏེན ཀསྶཔོ ན སནྡཱིཡཏི; སོ ན ཏཏོནིདཱནཾ དུཀྑཾ དོམནསྶཾ པཊིསཾཝེདཡཏི. ཐོཀཾ དེནྟི, ནོ བཧུཀཾ; ཏེན ཀསྶཔོ ན སནྡཱིཡཏི; སོ ན ཏཏོནིདཱནཾ དུཀྑཾ དོམནསྶཾ པཊིསཾཝེདཡཏི. ལཱུཁཾ དེནྟི ¶ , ནོ པཎཱིཏཾ; ཏེན ཀསྶཔོ ན སནྡཱིཡཏི; སོ ན ཏཏོནིདཱནཾ དུཀྑཾ དོམནསྶཾ པཊིསཾཝེདཡཏི. དནྡྷཾ དེནྟི, ནོ སཱིགྷཾ; ཏེན ཀསྶཔོ ན སནྡཱིཡཏི; སོ ན ཏཏོནིདཱནཾ དུཀྑཾ དོམནསྶཾ པཊིསཾཝེདཡཏི. ཨསཀྐཙྩཾ དེནྟི, ནོ སཀྐཙྩཾ; ཏེན ཀསྶཔོ ན སནྡཱིཡཏི ¶ ; སོ ན ཏཏོནིདཱནཾ དུཀྑཾ དོམནསྶཾ པཊིསཾཝེདཡཏི. ཀསྶཔེན ཝཱ ཧི ཝོ, བྷིཀྑཝེ, ཨོཝདིསྶཱམི ཡོ ཝཱ པནསྶ ཀསྶཔསདིསོ. ཨོཝདིཏེཧི ཙ པན ཝོ ཏཐཏྟཱཡ པཊིཔཛྫིཏབྦ’’ནྟི. ཙཏུཏྠཾ.

༥. ཛིཎྞསུཏྟཾ

༡༤༨. ཨེཝཾ ¶ ¶ མེ སུཏཾ…པེ… རཱཛགཧེ ཝེལུ༹ཝནེ. ཨཐ ཁོ ཨཱཡསྨཱ མཧཱཀསྶཔོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨཱཡསྨནྟཾ མཧཱཀསྶཔཾ བྷགཝཱ ཨེཏདཝོཙ – ‘‘ཛིཎྞོསི དཱནི ཏྭཾ, ཀསྶཔ, གརུཀཱནི ཙ ཏེ ཨིམཱནི སཱཎཱནི པཾསུཀཱུལཱནི ནིབྦསནཱནི. ཏསྨཱཏིཧ ཏྭཾ, ཀསྶཔ, གཧཔཏཱནི [གཧཔཏིཀཱནི (སཱི.)] ཙེཝ ཙཱིཝརཱནི དྷཱརེཧི, ནིམནྟནཱནི ཙ བྷུཉྫཱཧི, མམ ཙ སནྟིཀེ ཝིཧརཱཧཱི’’ཏི.

‘‘ཨཧཾ ཁོ, བྷནྟེ, དཱིགྷརཏྟཾ ཨཱརཉྙིཀོ ཙེཝ ཨཱརཉྙིཀཏྟསྶ ཙ ཝཎྞཝཱདཱི, པིཎྜཔཱཏིཀོ ཙེཝ པིཎྜཔཱཏིཀཏྟསྶ ཙ ཝཎྞཝཱདཱི, པཾསུཀཱུལིཀོ ཙེཝ པཾསུཀཱུལིཀཏྟསྶ ཙ ཝཎྞཝཱདཱི, ཏེཙཱིཝརིཀོ ཙེཝ ཏེཙཱིཝརིཀཏྟསྶ ཙ ཝཎྞཝཱདཱི, ཨཔྤིཙྪོ ཙེཝ ཨཔྤིཙྪཏཱཡ ཙ ཝཎྞཝཱདཱི, སནྟུཊྛོ ཙེཝ སནྟུཊྛིཡཱ ཙ ཝཎྞཝཱདཱི, པཝིཝིཏྟོ ཙེཝ པཝིཝེཀསྶ ཙ ཝཎྞཝཱདཱི, ཨསཾསཊྛོ ཙེཝ ཨསཾསགྒསྶ ཙ ཝཎྞཝཱདཱི, ཨཱརདྡྷཝཱིརིཡོ ཙེཝ ཝཱིརིཡཱརམྦྷསྶ [ཝཱིརིཡཱརབྦྷསྶ (ཀ.)] ཙ ཝཎྞཝཱདཱི’’ཏི.

‘‘ཀིཾ [ཀཾ (ཀ.)] པན ཏྭཾ, ཀསྶཔ, ཨཏྠཝསཾ སམྤསྶམཱནོ དཱིགྷརཏྟཾ ཨཱརཉྙིཀོ ཙེཝ ཨཱརཉྙིཀཏྟསྶ ཙ ཝཎྞཝཱདཱི, པིཎྜཔཱཏིཀོ ཙེཝ…པེ… པཾསུཀཱུལིཀོ ཙེཝ… ཏེཙཱིཝརིཀོ ཙེཝ… ཨཔྤིཙྪོ ཙེཝ… སནྟུཊྛོ ཙེཝ… པཝིཝིཏྟོ ཙེཝ… ཨསཾསཊྛོ ཙེཝ… ཨཱརདྡྷཝཱིརིཡོ ཙེཝ ཝཱིརིཡཱརམྦྷསྶ ཙ ཝཎྞཝཱདཱི’’ཏི?

‘‘དྭེ ¶ ¶ ཁྭཱཧཾ, བྷནྟེ, ཨཏྠཝསེ སམྤསྶམཱནོ དཱིགྷརཏྟཾ ཨཱརཉྙིཀོ ཙེཝ ཨཱརཉྙིཀཏྟསྶ ཙ ཝཎྞཝཱདཱི, པིཎྜཔཱཏིཀོ ¶ ཙེཝ…པེ… པཾསུཀཱུལིཀོ ཙེཝ… ཏེཙཱིཝརིཀོ ཙེཝ… ཨཔྤིཙྪོ ཙེཝ… སནྟུཊྛོ ཙེཝ… པཝིཝིཏྟོ ཙེཝ… ཨསཾསཊྛོ ཙེཝ… ཨཱརདྡྷཝཱིརིཡོ ཙེཝ ཝཱིརིཡཱརམྦྷསྶ ཙ ཝཎྞཝཱདཱི. ཨཏྟནོ ཙ དིཊྛདྷམྨསུཁཝིཧཱརཾ སམྤསྶམཱནོ, པཙྪིམཉྩ ཛནཏཾ ཨནུཀམྤམཱནོ – ‘ཨཔྤེཝ ནཱམ པཙྪིམཱ ཛནཏཱ དིཊྛཱནུགཏིཾ ཨཱཔཛྫེཡྻུཾ’ [ཨཱཔཛྫེཡྻ (སཱི. སྱཱ. ཀཾ.)]. ‘ཡེ ཀིར ཏེ ཨཧེསུཾ བུདྡྷཱནུབུདྡྷསཱཝཀཱ ཏེ དཱིགྷརཏྟཾ ཨཱརཉྙིཀཱ ཙེཝ ཨཧེསུཾ ཨཱརཉྙིཀཏྟསྶ ཙ ཝཎྞཝཱདིནོ…པེ… པིཎྜཔཱཏིཀཱ ཙེཝ ཨཧེསུཾ ¶ …པེ… པཾསུཀཱུལིཀཱ ཙེཝ ཨཧེསུཾ… ཏེཙཱིཝརིཀཱ ཙེཝ ཨཧེསུཾ… ཨཔྤིཙྪཱ ཙེཝ ཨཧེསུཾ… སནྟུཊྛཱ ཙེཝ ཨཧེསུཾ… པཝིཝིཏྟཱ ཙེཝ ཨཧེསུཾ… ཨསཾསཊྛཱ ཙེཝ ཨཧེསུཾ… ཨཱརདྡྷཝཱིརིཡཱ ཙེཝ ཨཧེསུཾ ཝཱིརིཡཱརམྦྷསྶ ཙ ཝཎྞཝཱདིནོ’ཏི. ཏེ ཏཐཏྟཱཡ པཊིཔཛྫིསྶནྟི, ཏེསཾ ཏཾ བྷཝིསྶཏི དཱིགྷརཏྟཾ ཧིཏཱཡ སུཁཱཡ.

‘‘ཨིམེ ཁྭཱཧཾ, བྷནྟེ, དྭེ ཨཏྠཝསེ སམྤསྶམཱནོ དཱིགྷརཏྟཾ ཨཱརཉྙིཀོ ཙེཝ ཨཱརཉྙིཀཏྟསྶ ཙ ཝཎྞཝཱདཱི, པིཎྜཔཱཏིཀོ ཙེཝ…པེ… པཾསུཀཱུལིཀོ ཙེཝ… ཏེཙཱིཝརིཀོ ཙེཝ… ཨཔྤིཙྪོ ཙེཝ… སནྟུཊྛོ ཙེཝ… པཝིཝིཏྟོ ཙེཝ… ཨསཾསཊྛོ ཙེཝ… ཨཱརདྡྷཝཱིརིཡོ ཙེཝ ཝཱིརིཡཱརམྦྷསྶ ཙ ཝཎྞཝཱདཱི’’ཏི.

‘‘སཱདྷུ སཱདྷུ, ཀསྶཔ. བཧུཛནཧིཏཱཡ ཀིར ཏྭཾ, ཀསྶཔ, པཊིཔནྣོ ¶ བཧུཛནསུཁཱཡ ལོཀཱནུཀམྤཱཡ ཨཏྠཱཡ ཧིཏཱཡ སུཁཱཡ དེཝམནུསྶཱནཾ. ཏསྨཱཏིཧ ཏྭཾ, ཀསྶཔ, སཱཎཱནི ཙེཝ པཾསུཀཱུལཱནི དྷཱརེཧི ནིབྦསནཱནི, པིཎྜཱཡ ཙ ཙརཱཧི, ཨརཉྙེ ཙ ཝིཧརཱཧཱི’’ཏི. པཉྩམཾ.

༦. ཨོཝཱདསུཏྟཾ

༡༤༩. རཱཛགཧེ ཝེལུ༹ཝནེ. ཨཐ ཁོ ཨཱཡསྨཱ མཧཱཀསྶཔོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨཱཡསྨནྟཾ མཧཱཀསྶཔཾ བྷགཝཱ ཨེཏདཝོཙ – ‘‘ཨོཝད, ཀསྶཔ, བྷིཀྑཱུ; ཀརོཧི, ཀསྶཔ, བྷིཀྑཱུནཾ དྷམྨིཾ ཀཐཾ. ཨཧཾ ཝཱ, ཀསྶཔ ¶ , བྷིཀྑཱུ ཨོཝདེཡྻཾ ཏྭཾ ཝཱ; ཨཧཾ ཝཱ བྷིཀྑཱུནཾ དྷམྨིཾ ཀཐཾ ཀརེཡྻཾ ཏྭཾ ཝཱ’’ཏི.

‘‘དུབྦཙཱ ¶ ཁོ, བྷནྟེ, ཨེཏརཧི བྷིཀྑཱུ, དོཝཙསྶཀརཎེཧི དྷམྨེཧི སམནྣཱགཏཱ, ཨཀྑམཱ, ཨཔྤདཀྑིཎགྒཱཧིནོ ཨནུསཱསནིཾ. ཨིདྷཱཧཾ, བྷནྟེ, ཨདྡསཾ བྷཎྜཉྩ [བྷཎྜུཉྩ (སཱི.)] ནཱམ བྷིཀྑུཾ ཨཱནནྡསྶ སདྡྷིཝིཧཱརིཾ ཨབྷིཛིཀཉྩ [ཨཱབྷིཉྫིཀཉྩ (སཱི. ཀ.), ཨཱབྷིཛྫིཀཉྩ (སྱཱ. ཀཾ.)] ནཱམ བྷིཀྑུཾ ཨནུརུདྡྷསྶ སདྡྷིཝིཧཱརིཾ ཨཉྙམཉྙཾ སུཏེན ཨཙྩཱཝདནྟེ – ‘ཨེཧི, བྷིཀྑུ, ཀོ བཧུཏརཾ བྷཱསིསྶཏི, ཀོ སུནྡརཏརཾ བྷཱསིསྶཏི, ཀོ ཙིརཏརཾ བྷཱསིསྶཏཱི’’’ཏི.

ཨཐ ¶ ཁོ བྷགཝཱ ཨཉྙཏརཾ བྷིཀྑུཾ ཨཱམནྟེསི – ‘‘ཨེཧི ཏྭཾ, བྷིཀྑུ, མམ ཝཙནེན བྷཎྜཉྩ བྷིཀྑུཾ ཨཱནནྡསྶ སདྡྷིཝིཧཱརིཾ ཨབྷིཛིཀཉྩ བྷིཀྑུཾ ཨནུརུདྡྷསྶ སདྡྷིཝིཧཱརིཾ ཨཱམནྟེཧི – ‘སཏྠཱ ཨཱཡསྨནྟེ ཨཱམནྟེཏཱི’’’ཏི. ‘‘ཨེཝཾ, བྷནྟེ’’ཏི ཁོ སོ བྷིཀྑུ བྷགཝཏོ པཊིསྶུཏྭཱ ཡེན ཏེ བྷིཀྑཱུ ཏེནུཔསངྐམི; ཨུཔསངྐམིཏྭཱ ཏེ བྷིཀྑཱུ ¶ ཨེཏདཝོཙ – ‘‘སཏྠཱ ཨཱཡསྨནྟེ ཨཱམནྟེཏཱི’’ཏི.

‘‘ཨེཝམཱཝུསོ’’ཏི ཁོ ཏེ བྷིཀྑཱུ ཏསྶ བྷིཀྑུནོ པཊིསྶུཏྭཱ ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣེ ཁོ ཏེ བྷིཀྑཱུ བྷགཝཱ ཨེཏདཝོཙ – ‘‘སཙྩཾ ཀིར ཏུམྷེ, བྷིཀྑཝེ, ཨཉྙམཉྙཾ སུཏེན ཨཙྩཱཝདཐ – ‘ཨེཧི, བྷིཀྑུ, ཀོ བཧུཏརཾ བྷཱསིསྶཏི, ཀོ སུནྡརཏརཾ བྷཱསིསྶཏི, ཀོ ཙིརཏརཾ བྷཱསིསྶཏཱི’’’ཏི? ‘‘ཨེཝཾ, བྷནྟེ’’. ‘‘ཀིཾ ནུ ཁོ མེ ཏུམྷེ, བྷིཀྑཝེ, ཨེཝཾ དྷམྨཾ དེསིཏཾ ཨཱཛཱནཱཐ – ‘ཨེཐ ཏུམྷེ, བྷིཀྑཝེ, ཨཉྙམཉྙཾ སུཏེན ཨཙྩཱཝདཐ – ཨེཧི, བྷིཀྑུ, ཀོ བཧུཏརཾ བྷཱསིསྶཏི, ཀོ སུནྡརཏརཾ བྷཱསིསྶཏི, ཀོ ཙིརཏརཾ བྷཱསིསྶཏཱི’’’ཏི? ‘‘ནོ ¶ ཧེཏཾ, བྷནྟེ’’. ‘‘ནོ ཙེ ཀིར མེ ཏུམྷེ, བྷིཀྑཝེ, ཨེཝཾ དྷམྨཾ དེསིཏཾ ཨཱཛཱནཱཐ, ཨཐ ཀིཾ ཙརཧི ཏུམྷེ, མོགྷཔུརིསཱ, ཀིཾ ཛཱནནྟཱ ཀིཾ པསྶནྟཱ ཨེཝཾ སྭཱཀྑཱཏེ དྷམྨཝིནཡེ པབྦཛིཏཱ སམཱནཱ ཨཉྙམཉྙཾ སུཏེན ཨཙྩཱཝདཐ – ‘ཨེཧི, བྷིཀྑུ, ཀོ བཧུཏརཾ བྷཱསིསྶཏི, ཀོ སུནྡརཏརཾ བྷཱསིསྶཏི, ཀོ ཙིརཏརཾ བྷཱསིསྶཏཱི’’’ཏི.

ཨཐ ཁོ ཏེ བྷིཀྑཱུ བྷགཝཏོ པཱདེསུ སིརསཱ ནིཔཏིཏྭཱ བྷགཝནྟཾ ཨེཏདཝོཙུཾ – ‘‘ཨཙྩཡོ ནོ, བྷནྟེ, ཨཙྩགམཱ, ཡཐཱབཱལེ ཡཐཱམཱུལ༹ྷེ ཡཐཱཨཀུསལེ [ཡཐཱ བཱལེ ཡཐཱ མཱུལ༹ྷེ ཡཐཱ ཨཀུསལེ (པཱི.), ཡཐཱབཱལཾ ཡཐཱམཱུལ༹ྷཾ ཡཐཱཨཀུསལཾ (?)], ཡེ མཡཾ ཨེཝཾ སྭཱཀྑཱཏེ དྷམྨཝིནཡེ པབྦཛིཏཱ སམཱནཱ ཨཉྙམཉྙཾ སུཏེན ཨཙྩཱཝདིམྷ – ‘ཨེཧི, བྷིཀྑུ, ཀོ བཧུཏརཾ བྷཱསིསྶཏི ¶ , ཀོ སུནྡརཏརཾ བྷཱསིསྶཏི, ཀོ ཙིརཏརཾ བྷཱསིསྶཏཱི’ཏི. ཏེསཾ ¶ ནོ, བྷནྟེ, བྷགཝཱ ཨཙྩཡཾ ཨཙྩཡཏོ པཊིགྒཎྷཱཏུ ཨཱཡཏིཾ སཾཝརཱཡཱ’’ཏི.

‘‘ཏགྒྷ ཏུམྷེ, བྷིཀྑཝེ, ཨཙྩཡོ ཨཙྩགམཱ ཡཐཱབཱལེ ཡཐཱམཱུལ༹ྷེ ཡཐཱཨཀུསལེ, ཡེ ཏུམྷེ ཨེཝཾ སྭཱཀྑཱཏེ དྷམྨཝིནཡེ པབྦཛིཏཱ སམཱནཱ ཨཉྙམཉྙཾ སུཏེན ཨཙྩཱཝདིཏྠ – ‘ཨེཧི, བྷིཀྑུ, ཀོ བཧུཏརཾ བྷཱསིསྶཏི, ཀོ ¶ སུནྡརཏརཾ བྷཱསིསྶཏི, ཀོ ཙིརཏརཾ བྷཱསིསྶཏཱི’ཏི. ཡཏོ ཙ ཁོ ཏུམྷེ, བྷིཀྑཝེ, ཨཙྩཡཾ ཨཙྩཡཏོ དིསྭཱ ཡཐཱདྷམྨཾ པཊིཀརོཐ, ཏཾ ཝོ མཡཾ [མཡཾ ཨཙྩཡཾ (སཱི.)] པཊིགྒཎྷཱམ. ཝུདྡྷི ཧེསཱ, བྷིཀྑཝེ, ཨརིཡསྶ ཝིནཡེ ཡོ ཨཙྩཡཾ ཨཙྩཡཏོ དིསྭཱ ཡཐཱདྷམྨཾ པཊིཀརོཏི ཨཱཡཏིཉྩ སཾཝརཾ ཨཱཔཛྫཏཱི’’ཏི. ཚཊྛཾ.

༧. དུཏིཡཨོཝཱདསུཏྟཾ

༡༥༠. རཱཛགཧེ ཝིཧརཏི ཝེལུ༹ཝནེ [སཱཝཏྠི, ཏཏྲ-ཨེཏདཝོཙ (སཱི.)]. ཨཐ ཁོ ཨཱཡསྨཱ མཧཱཀསྶཔོ ཡེན བྷགཝཱ ཏེནུཔསངྐམི…པེ… ཨེཀམནྟཾ ནིསིནྣཾ ཁོ ཨཱཡསྨནྟཾ མཧཱཀསྶཔཾ བྷགཝཱ ཨེཏདཝོཙ – ‘‘ཨོཝད, ཀསྶཔ, བྷིཀྑཱུ; ཀརོཧི, ཀསྶཔ, བྷིཀྑཱུནཾ དྷམྨིཾ ཀཐཾ. ཨཧཾ ཝཱ, ཀསྶཔ ¶ , བྷིཀྑཱུ ཨོཝདེཡྻཾ ཏྭཾ ཝཱ; ཨཧཾ ཝཱ བྷིཀྑཱུནཾ དྷམྨིཾ ཀཐཾ ཀརེཡྻཾ ཏྭཾ ཝཱ’’ཏི.

‘‘དུབྦཙཱ ཁོ, བྷནྟེ, ཨེཏརཧི བྷིཀྑཱུ, དོཝཙསྶཀརཎེཧི དྷམྨེཧི སམནྣཱགཏཱ ཨཀྑམཱ ཨཔྤདཀྑིཎགྒཱཧིནོ ཨནུསཱསནིཾ. ཡསྶ ཀསྶཙི, བྷནྟེ, སདྡྷཱ ནཏྠི ཀུསལེསུ དྷམྨེསུ, ཧིརཱི [ཧིརི (སབྦཏྠ)] ནཏྠི ཀུསལེསུ དྷམྨེསུ, ཨོཏྟཔྤཾ ནཏྠི ཀུསལེསུ དྷམྨེསུ, ཝཱིརིཡཾ ནཏྠི ཀུསལེསུ དྷམྨེསུ, པཉྙཱ ནཏྠི ཀུསལེསུ དྷམྨེསུ, ཏསྶ ཡཱ ¶ རཏྟི ཝཱ དིཝསོ ཝཱ ཨཱགཙྪཏི [ཨཱགཙྪནྟི (སཱི.)], ཧཱནིཡེཝ པཱཊིཀངྑཱ ཀུསལེསུ དྷམྨེསུ, ནོ ཝུདྡྷི.

‘‘སེཡྻཐཱཔི, བྷནྟེ, ཀཱལ༹པཀྑེ ཙནྡསྶ ཡཱ རཏྟི ཝཱ དིཝསོ ཝཱ ཨཱགཙྪཏི, ཧཱཡཏེཝ ཝཎྞེན, ཧཱཡཏི མཎྜལེན, ཧཱཡཏི ཨཱབྷཱཡ, ཧཱཡཏི ཨཱརོཧཔརིཎཱཧེན. ཨེཝམེཝ ཁོ, བྷནྟེ, ཡསྶ ཀསྶཙི སདྡྷཱ ནཏྠི ཀུསལེསུ དྷམྨེསུ…པེ… ཧིརཱི ནཏྠི… ཨོཏྟཔྤཾ ནཏྠི ¶ … ཝཱིརིཡཾ ནཏྠི… པཉྙཱ ནཏྠི… ཀུསལེསུ དྷམྨེསུ ཏསྶ ཡཱ རཏྟི ཝཱ དིཝསོ ཝཱ ཨཱགཙྪཏི, ཧཱནིཡེཝ པཱཊིཀངྑཱ ཀུསལེསུ དྷམྨེསུ, ནོ ཝུདྡྷི.

‘‘‘ཨསྶདྡྷོ པུརིསཔུགྒལོ’ཏི, བྷནྟེ, པརིཧཱནམེཏཾ; ‘ཨཧིརིཀོ པུརིསཔུགྒལོ’ཏི, བྷནྟེ, པརིཧཱནམེཏཾ; ‘ཨནོཏྟཔྤཱི པུརིསཔུགྒལོ’ཏི, བྷནྟེ, པརིཧཱནམེཏཾ; ‘ཀུསཱིཏོ པུརིསཔུགྒལོ’ཏི, བྷནྟེ, པརིཧཱནམེཏཾ; ‘དུཔྤཉྙོ པུརིསཔུགྒལོ’ཏི, བྷནྟེ, པརིཧཱནམེཏཾ; ‘ཀོདྷནོ ¶ པུརིསཔུགྒལོ’ཏི, བྷནྟེ, པརིཧཱནམེཏཾ; ‘ཨུཔནཱཧཱི པུརིསཔུགྒལོ’ཏི, བྷནྟེ, པརིཧཱནམེཏཾ; ‘ན སནྟི བྷིཀྑཱུ ཨོཝཱདཀཱ’ཏི, བྷནྟེ, པརིཧཱནམེཏཾ.

‘‘ཡསྶ ཀསྶཙི, བྷནྟེ, སདྡྷཱ ཨཏྠི ཀུསལེསུ དྷམྨེསུ, ཧིརཱི ཨཏྠི ཀུསལེསུ དྷམྨེསུ, ཨོཏྟཔྤཾ ཨཏྠི ཀུསལེསུ དྷམྨེསུ, ཝཱིརིཡཾ ཨཏྠི ཀུསལེསུ དྷམྨེསུ, པཉྙཱ ཨཏྠི ཀུསལེསུ དྷམྨེསུ, ཏསྶ ཡཱ རཏྟི ཝཱ དིཝསོ ཝཱ ཨཱགཙྪཏི, ཝུདྡྷིཡེཝ པཱཊིཀངྑཱ ཀུསལེསུ དྷམྨེསུ, ནོ པརིཧཱནི.

‘‘སེཡྻཐཱཔི, བྷནྟེ, ཛུཎྷཔཀྑེ ཙནྡསྶ ཡཱ རཏྟི ཝཱ དིཝསོ ཝཱ ཨཱགཙྪཏི, ཝཌྜྷཏེཝ ཝཎྞེན, ཝཌྜྷཏི མཎྜལེན ¶ , ཝཌྜྷཏི ཨཱབྷཱཡ, ཝཌྜྷཏི ཨཱརོཧཔརིཎཱཧེན. ཨེཝམེཝ ¶ ཁོ, བྷནྟེ, ཡསྶ ཀསྶཙི སདྡྷཱ ཨཏྠི ཀུསལེསུ དྷམྨེསུ… ཧིརཱི ཨཏྠི…པེ… ཨོཏྟཔྤཾ ཨཏྠི… ཝཱིརིཡཾ ཨཏྠི… པཉྙཱ ཨཏྠི ཀུསལེསུ དྷམྨེསུ ཏསྶ ཡཱ རཏྟི ཝཱ དིཝསོ ཝཱ ཨཱགཙྪཏི, ཝུདྡྷིཡེཝ པཱཊིཀངྑཱ ཀུསལེསུ དྷམྨེསུ, ནོ པརིཧཱནི.

‘‘‘སདྡྷོ པུརིསཔུགྒལོ’ཏི, བྷནྟེ, ཨཔརིཧཱནམེཏཾ; ‘ཧིརིམཱ པུརིསཔུགྒལོ’ཏི, བྷནྟེ, ཨཔརིཧཱནམེཏཾ; ‘ཨོཏྟཔྤཱི པུརིསཔུགྒལོ’ཏི, བྷནྟེ, ཨཔརིཧཱནམེཏཾ; ‘ཨཱརདྡྷཝཱིརིཡོ པུརིསཔུགྒལོ’ཏི, བྷནྟེ, ཨཔརིཧཱནམེཏཾ; ‘པཉྙཝཱ པུརིསཔུགྒལོ’ཏི, བྷནྟེ, ཨཔརིཧཱནམེཏཾ; ‘ཨཀྐོདྷནོ པུརིསཔུགྒལོ’ཏི, བྷནྟེ, ཨཔརིཧཱནམེཏཾ; ‘ཨནུཔནཱཧཱི པུརིསཔུགྒལོ’ཏི, བྷནྟེ, ཨཔརིཧཱནམེཏཾ; ‘སནྟི བྷིཀྑཱུ ཨོཝཱདཀཱ’ཏི, བྷནྟེ, ཨཔརིཧཱནམེཏ’’ནྟི.

‘‘སཱདྷུ སཱདྷུ, ཀསྶཔ. ཡསྶ ཀསྶཙི, ཀསྶཔ, སདྡྷཱ ནཏྠི ཀུསལེསུ དྷམྨེསུ…པེ… ཧིརཱི ¶ ནཏྠི… ཨོཏྟཔྤཾ ནཏྠི… ཝཱིརིཡཾ ནཏྠི… པཉྙཱ ནཏྠི ཀུསལེསུ དྷམྨེསུ ཏསྶ ཡཱ རཏྟི ཝཱ དིཝསོ ཝཱ ཨཱགཙྪཏི, ཧཱནིཡེཝ པཱཊིཀངྑཱ ཀུསལེསུ དྷམྨེསུ, ནོ ཝུདྡྷི.

‘‘སེཡྻཐཱཔི, ཀསྶཔ, ཀཱལ༹པཀྑེ ཙནྡསྶ ཡཱ རཏྟི ཝཱ དིཝསོ ཝཱ ཨཱགཙྪཏི, ཧཱཡཏེཝ ཝཎྞེན…པེ… ཧཱཡཏི ཨཱརོཧཔརིཎཱཧེན. ཨེཝམེཝ ཁོ, ཀསྶཔ, ཡསྶ ཀསྶཙི སདྡྷཱ ནཏྠི ཀུསལེསུ དྷམྨེསུ…པེ… ཧིརཱི ནཏྠི… ཨོཏྟཔྤཾ ནཏྠི… ཝཱིརིཡཾ ནཏྠི… པཉྙཱ ནཏྠི ཀུསལེསུ དྷམྨེསུ ཏསྶ ཡཱ རཏྟི ཝཱ དིཝསོ ཝཱ ཨཱགཙྪཏི, ཧཱནིཡེཝ པཱཊིཀངྑཱ ཀུསལེསུ དྷམྨེསུ, ནོ ཝུདྡྷི. ‘ཨསྶདྡྷོ ¶ པུརིསཔུགྒལོ’ཏི, ཀསྶཔ, པརིཧཱནམེཏཾ ¶ ; ཨཧིརིཀོ…པེ… ཨནོཏྟཔྤཱི… ཀུསཱིཏོ… དུཔྤཉྙོ… ཀོདྷནོ… ‘ཨུཔནཱཧཱི པུརིསཔུགྒལོ’ཏི, ཀསྶཔ, པརིཧཱནམེཏཾ; ‘ན སནྟི བྷིཀྑཱུ ཨོཝཱདཀཱ’ཏི, ཀསྶཔ, པརིཧཱནམེཏཾ.

‘‘ཡསྶ ཀསྶཙི, ཀསྶཔ, སདྡྷཱ ཨཏྠི ཀུསལེསུ དྷམྨེསུ…པེ… ཧིརཱི ཨཏྠི… ཨོཏྟཔྤཾ ཨཏྠི… ཝཱིརིཡཾ ཨཏྠི… པཉྙཱ ཨཏྠི ཀུསལེསུ དྷམྨེསུ ཏསྶ ཡཱ རཏྟི ཝཱ དིཝསོ ཝཱ ཨཱགཙྪཏི, ཝུདྡྷིཡེཝ པཱཊིཀངྑཱ ཀུསལེསུ དྷམྨེསུ, ནོ པརིཧཱནི.

‘‘སེཡྻཐཱཔི, ཀསྶཔ, ཛུཎྷཔཀྑེ ཙནྡསྶ ཡཱ རཏྟི ཝཱ དིཝསོ ¶ ཝཱ ཨཱགཙྪཏི, ཝཌྜྷཏེཝ ཝཎྞེན, ཝཌྜྷཏི མཎྜལེན, ཝཌྜྷཏི ཨཱབྷཱཡ, ཝཌྜྷཏི ཨཱརོཧཔརིཎཱཧེན. ཨེཝམེཝ ཁོ, ཀསྶཔ, ཡསྶ ཀསྶཙི སདྡྷཱ ཨཏྠི ཀུསལེསུ དྷམྨེསུ ཧིརཱི ཨཏྠི… ཨོཏྟཔྤཾ ཨཏྠི… ཝཱིརིཡཾ ཨཏྠི… པཉྙཱ ཨཏྠི ཀུསལེསུ དྷམྨེསུ ཏསྶ ཡཱ རཏྟི ཝཱ དིཝསོ ཝཱ ཨཱགཙྪཏི, ཝུདྡྷིཡེཝ པཱཊིཀངྑཱ ཀུསལེསུ དྷམྨེསུ, ནོ པརིཧཱནི.

‘‘‘སདྡྷོ པུརིསཔུགྒལོ’ཏི, ཀསྶཔ, ཨཔརིཧཱནམེཏཾ; ཧིརིམཱ…པེ… ཨོཏྟཔྤཱི… ཨཱརདྡྷཝཱིརིཡོ… པཉྙཝཱ… ཨཀྐོདྷནོ… ‘ཨནུཔནཱཧཱི པུརིསཔུགྒལོ’ཏི, ཀསྶཔ, ཨཔརིཧཱནམེཏཾ; ‘སནྟི བྷིཀྑཱུ ཨོཝཱདཀཱ’ཏི, ཀསྶཔ, ཨཔརིཧཱནམེཏ’’ནྟི. སཏྟམཾ.

༨. ཏཏིཡཨོཝཱདསུཏྟཾ

༡༥༡. རཱཛགཧེ ཀལནྡཀནིཝཱཔེ [སཱཝཏྠི, ཨཱརཱམེ (སཱི.)]. ཨཐ ཁོ ཨཱཡསྨཱ མཧཱཀསྶཔོ ཡེན བྷགཝཱ ཏེནུཔསངྐམི ¶ ; ཨུཔསངྐམིཏྭཱ བྷགཝནྟཾ ¶ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨཱཡསྨནྟཾ མཧཱཀསྶཔཾ བྷགཝཱ ཨེཏདཝོཙ – ‘‘ཨོཝད, ཀསྶཔ, བྷིཀྑཱུ; ཀརོཧི, ཀསྶཔ, བྷིཀྑཱུནཾ དྷམྨིཾ ཀཐཾ. ཨཧཾ ཝཱ, ཀསྶཔ, བྷིཀྑཱུནཾ ཨོཝདེཡྻཾ ཏྭཾ ཝཱ; ཨཧཾ ཝཱ བྷིཀྑཱུནཾ དྷམྨིཾ ཀཐཾ ཀརེཡྻཾ ཏྭཾ ཝཱ’’ཏི.

‘‘དུབྦཙཱ ཁོ, བྷནྟེ, ཨེཏརཧི བྷིཀྑཱུ, དོཝཙསྶཀརཎེཧི དྷམྨེཧི སམནྣཱགཏཱ, ཨཀྑམཱ, ཨཔྤདཀྑིཎགྒཱཧིནོ ཨནུསཱསནཱི’’ནྟི. ‘‘ཏཐཱ ཧི པན, ཀསྶཔ, པུབྦེ ཐེརཱ བྷིཀྑཱུ ཨཱརཉྙིཀཱ ཙེཝ ཨཧེསུཾ ཨཱརཉྙིཀཏྟསྶ ཙ ཝཎྞཝཱདིནོ, པིཎྜཔཱཏིཀཱ ཙེཝ ཨཧེསུཾ པིཎྜཔཱཏིཀཏྟསྶ ཙ ཝཎྞཝཱདིནོ ¶ , པཾསུཀཱུལིཀཱ ཙེཝ ཨཧེསུཾ པཾསུཀཱུལིཀཏྟསྶ ཙ ཝཎྞཝཱདིནོ, ཏེཙཱིཝརིཀཱ ཙེཝ ཨཧེསུཾ ཏེཙཱིཝརིཀཏྟསྶ ཙ ཝཎྞཝཱདིནོ, ཨཔྤིཙྪཱ ཙེཝ ཨཧེསུཾ ཨཔྤིཙྪཏཱཡ ཙ ཝཎྞཝཱདིནོ, སནྟུཊྛཱ ཙེཝ ཨཧེསུཾ སནྟུཊྛིཡཱ ཙ ཝཎྞཝཱདིནོ, པཝིཝིཏྟཱ ཙེཝ ཨཧེསུཾ པཝིཝེཀསྶ ཙ ཝཎྞཝཱདིནོ, ཨསཾསཊྛཱ ཙེཝ ཨཧེསུཾ ¶ ཨསཾསགྒསྶ ཙ ཝཎྞཝཱདིནོ, ཨཱརདྡྷཝཱིརིཡཱ ཙེཝ ཨཧེསུཾ ཝཱིརིཡཱརམྦྷསྶ ཙ ཝཎྞཝཱདིནོ.

‘‘ཏཏྲ ཡོ ཧོཏི བྷིཀྑུ ཨཱརཉྙིཀོ ཙེཝ ཨཱརཉྙིཀཏྟསྶ ཙ ཝཎྞཝཱདཱི, པིཎྜཔཱཏིཀོ ཙེཝ པིཎྜཔཱཏིཀཏྟསྶ ཙ ཝཎྞཝཱདཱི, པཾསུཀཱུལིཀོ ཙེཝ པཾསུཀཱུལིཀཏྟསྶ ཙ ཝཎྞཝཱདཱི, ཏེཙཱིཝརིཀོ ཙེཝ ཏེཙཱིཝརིཀཏྟསྶ ཙ ཝཎྞཝཱདཱི, ཨཔྤིཙྪོ ཙེཝ ཨཔྤིཙྪཏཱཡ ཙ ཝཎྞཝཱདཱི, སནྟུཊྛོ ཙེཝ སནྟུཊྛིཡཱ ཙ ཝཎྞཝཱདཱི, པཝིཝིཏྟོ ཙེཝ པཝིཝེཀསྶ ཙ ཝཎྞཝཱདཱི, ཨསཾསཊྛོ ¶ ཙེཝ ཨསཾསགྒསྶ ཙ ཝཎྞཝཱདཱི, ཨཱརདྡྷཝཱིརིཡོ ཙེཝ ཝཱིརིཡཱརམྦྷསྶ ཙ ཝཎྞཝཱདཱི, ཏཾ ཐེརཱ བྷིཀྑཱུ ཨཱསནེན ནིམནྟེནྟི – ‘ཨེཧི, བྷིཀྑུ, ཀོ ནཱམཱཡཾ བྷིཀྑུ, བྷདྡཀོ ཝཏཱཡཾ བྷིཀྑུ, སིཀྑཱཀཱམོ ཝཏཱཡཾ བྷིཀྑུ; ཨེཧི, བྷིཀྑུ, ཨིདཾ ཨཱསནཾ ནིསཱིདཱཧཱི’’’ཏི.

‘‘ཏཏྲ, ཀསྶཔ, ནཝཱནཾ བྷིཀྑཱུནཾ ཨེཝཾ ཧོཏི – ‘ཡོ ཀིར སོ ཧོཏི བྷིཀྑུ ཨཱརཉྙིཀོ ཙེཝ ཨཱརཉྙིཀཏྟསྶ ཙ ཝཎྞཝཱདཱི, པིཎྜཔཱཏིཀོ ཙེཝ…པེ… པཾསུཀཱུལིཀོ ཙེཝ… ཏེཙཱིཝརིཀོ ཙེཝ… ཨཔྤིཙྪོ ཙེཝ… སནྟུཊྛོ ཙེཝ… པཝིཝིཏྟོ ཙེཝ… ཨསཾསཊྛོ ཙེཝ… ཨཱརདྡྷཝཱིརིཡོ ཙེཝ ཝཱིརིཡཱརམྦྷསྶ ཙ ཝཎྞཝཱདཱི, ཏཾ ཐེརཱ བྷིཀྑཱུ ཨཱསནེན ནིམནྟེནྟི – ཨེཧི, བྷིཀྑུ, ཀོ ནཱམཱཡཾ བྷིཀྑུ, བྷདྡཀོ ཝཏཱཡཾ བྷིཀྑུ, སིཀྑཱཀཱམོ ཝཏཱཡཾ ¶ བྷིཀྑུ; ཨེཧི, བྷིཀྑུ, ཨིདཾ ཨཱསནཾ ནིསཱིདཱཧཱི’ཏི. ཏེ ཏཐཏྟཱཡ པཊིཔཛྫནྟི; ཏེསཾ ཏཾ ཧོཏི དཱིགྷརཏྟཾ ཧིཏཱཡ སུཁཱཡ.

‘‘ཨེཏརཧི པན, ཀསྶཔ, ཐེརཱ བྷིཀྑཱུ ན ཙེཝ ཨཱརཉྙིཀཱ ན ཙ ཨཱརཉྙིཀཏྟསྶ ཝཎྞཝཱདིནོ, ན ཙེཝ པིཎྜཔཱཏིཀཱ ན ཙ པིཎྜཔཱཏིཀཏྟསྶ ཝཎྞཝཱདིནོ, ན ཙེཝ པཾསུཀཱུལིཀཱ ན ཙ པཾསུཀཱུལིཀཏྟསྶ ཝཎྞཝཱདིནོ, ན ཙེཝ ཏེཙཱིཝརིཀཱ ན ཙ ཏེཙཱིཝརིཀཏྟསྶ ཝཎྞཝཱདིནོ, ན ཙེཝ ཨཔྤིཙྪཱ ན ཙ ཨཔྤིཙྪཏཱཡ ཝཎྞཝཱདིནོ, ན ཙེཝ སནྟུཊྛཱ ན ཙ སནྟུཊྛིཡཱ ཝཎྞཝཱདིནོ, ན ཙེཝ པཝིཝིཏྟཱ ན ཙ པཝིཝེཀསྶ ཝཎྞཝཱདིནོ, ན ཙེཝ ཨསཾསཊྛཱ ན ཙ ཨསཾསགྒསྶ ཝཎྞཝཱདིནོ ¶ , ན ཙེཝ ཨཱརདྡྷཝཱིརིཡཱ ན ¶ ཙ ཝཱིརིཡཱརམྦྷསྶ ཝཎྞཝཱདིནོ.

‘‘ཏཏྲ ¶ ཡོ ཧོཏི བྷིཀྑུ ཉཱཏོ ཡསསྶཱི ལཱབྷཱི ཙཱིཝར-པིཎྜཔཱཏ-སེནཱསནགིལཱནཔྤཙྩཡབྷེསཛྫཔརིཀྑཱརཱནཾ ཏཾ ཐེརཱ བྷིཀྑཱུ ཨཱསནེན ནིམནྟེནྟི – ‘ཨེཧི, བྷིཀྑུ, ཀོ ནཱམཱཡཾ བྷིཀྑུ, བྷདྡཀོ ཝཏཱཡཾ བྷིཀྑུ, སབྲཧྨཙཱརིཀཱམོ ཝཏཱཡཾ བྷིཀྑུ; ཨེཧི, བྷིཀྑུ, ཨིདཾ ཨཱསནཾ ནིསཱིདཱཧཱི’’’ཏི.

‘‘ཏཏྲ, ཀསྶཔ, ནཝཱནཾ བྷིཀྑཱུནཾ ཨེཝཾ ཧོཏི – ‘ཡོ ཀིར སོ ཧོཏི བྷིཀྑུ ཉཱཏོ ཡསསྶཱི ལཱབྷཱི ཙཱིཝར-པིཎྜཔཱཏ-སེནཱསན-གིལཱནཔྤཙྩཡབྷེསཛྫཔརིཀྑཱརཱནཾ ཏཾ ཐེརཱ བྷིཀྑཱུ ཨཱསནེན ནིམནྟེནྟི – ཨེཧི, བྷིཀྑུ, ཀོ ནཱམཱཡཾ བྷིཀྑུ, བྷདྡཀོ ཝཏཱཡཾ བྷིཀྑུ, སབྲཧྨཙཱརིཀཱམོ ཝཏཱཡཾ བྷིཀྑུ; ཨེཧི, བྷིཀྑུ, ཨིདཾ ཨཱསནཾ ནིསཱིདཱཧཱི’ཏི. ཏེ ཏཐཏྟཱཡ པཊིཔཛྫནྟི. ཏེསཾ ཏཾ ཧོཏི དཱིགྷརཏྟཾ ཨཧིཏཱཡ དུཀྑཱཡ. ཡཉྷི ཏཾ, ཀསྶཔ, སམྨཱ ཝདམཱནོ ཝདེཡྻ – ‘ཨུཔདྡུཏཱ བྲཧྨཙཱརཱི བྲཧྨཙཱརཱུཔདྡཝེན ཨབྷིཔཏྠནཱ [ཨབྷིབྷཝནཱ (སཱི.)] བྲཧྨཙཱརཱི བྲཧྨཙཱརིཨབྷིཔཏྠནེནཱ’ཏི [བྲཧྨཙཱརིཨབྷིབྷཝནེནཱཏི (སཱི.)], ཨེཏརཧི ཏཾ, ཀསྶཔ, སམྨཱ ཝདམཱནོ ཝདེཡྻ – ‘ཨུཔདྡུཏཱ བྲཧྨཙཱརཱི བྲཧྨཙཱརཱུཔདྡཝེན ཨབྷིཔཏྠནཱ བྲཧྨཙཱརཱི བྲཧྨཙཱརིཨབྷིཔཏྠནེནཱ’’’ཏི. ཨཊྛམཾ.

༩. ཛྷཱནཱབྷིཉྙསུཏྟཾ

༡༥༢. སཱཝཏྠིཡཾ ཝིཧརཏི…པེ… ‘‘ཨཧཾ, བྷིཀྑཝེ, ཡཱཝདེཝ ཨཱཀངྑཱམི ཝིཝིཙྩེཝ ཀཱམེཧི ¶ ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཱམི. ཀསྶཔོཔི ¶ , བྷིཀྑཝེ, ཡཱཝདེཝ ཨཱཀངྑཏི ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཏི’’.

‘‘ཨཧཾ ¶ , བྷིཀྑཝེ, ཡཱཝདེཝ ཨཱཀངྑཱམི ཝིཏཀྐཝིཙཱརཱནཾ ཝཱུཔསམཱ ཨཛ྄ཛྷཏྟཾ སམྤསཱདནཾ ཙེཏསོ ཨེཀོདིབྷཱཝཾ ཨཝིཏཀྐཾ ཨཝིཙཱརཾ སམཱདྷིཛཾ པཱིཏིསུཁཾ དུཏིཡཾ ཛྷཱནཾ ཨུཔསམྤཛྫ ཝིཧརཱམི. ཀསྶཔོཔི, བྷིཀྑཝེ, ཡཱཝདེཝ ཨཱཀངྑཏི ཝིཏཀྐཝིཙཱརཱནཾ ཝཱུཔསམཱ…པེ… དུཏིཡཾ ཛྷཱནཾ ཨུཔསམྤཛྫ ཝིཧརཏི.

‘‘ཨཧཾ, བྷིཀྑཝེ, ཡཱཝདེཝ ཨཱཀངྑཱམི པཱིཏིཡཱ ཙ ཝིརཱགཱ ཨུཔེཀྑཀོ ཙ ཝིཧརཱམི སཏོ ཙ སམྤཛཱནོ སུཁཉྩ ཀཱཡེན པཊིསཾཝེདེམི, ཡཾ ཏཾ ཨརིཡཱ ཨཱཙིཀྑནྟི – ‘ཨུཔེཀྑཀོ སཏིམཱ སུཁཝིཧཱརཱི’ཏི ཏཏིཡཾ ཛྷཱནཾ ཨུཔསམྤཛྫ ཝིཧརཱམི. ཀསྶཔོཔི, བྷིཀྑཝེ, ཡཱཝདེཝ ཨཱཀངྑཏི པཱིཏིཡཱ ¶ ཙ ཝིརཱགཱ ཨུཔེཀྑཀོ ཙ ཝིཧརཏི སཏོ ཙ སམྤཛཱནོ, སུཁཉྩ ཀཱཡེན པཊིསཾཝེདེཏི, ཡཾ ཏཾ ཨརིཡཱ ཨཱཙིཀྑནྟི – ‘ཨུཔེཀྑཀོ སཏིམཱ སུཁཝིཧཱརཱི’ཏི ཏཏིཡཾ ཛྷཱནཾ ཨུཔསམྤཛྫ ཝིཧརཏི.

‘‘ཨཧཾ, བྷིཀྑཝེ, ཡཱཝདེཝ ཨཱཀངྑཱམི སུཁསྶ ཙ པཧཱནཱ དུཀྑསྶ ཙ པཧཱནཱ པུབྦེཝ སོམནསྶདོམནསྶཱནཾ ཨཏྠངྒམཱ ཨདུཀྑམསུཁཾ ཨུཔེཀྑཱསཏིཔཱརིསུདྡྷིཾ ཙཏུཏྠཾ ཛྷཱནཾ ཨུཔསམྤཛྫ ཝིཧརཱམི. ཀསྶཔོཔི, བྷིཀྑཝེ, ཡཱཝདེཝ ཨཱཀངྑཏི སུཁསྶ ཙ པཧཱནཱ …པེ… ཙཏུཏྠཾ ཛྷཱནཾ ཨུཔསམྤཛྫ ཝིཧརཏི.

‘‘ཨཧཾ, བྷིཀྑཝེ, ཡཱཝདེཝ ཨཱཀངྑཱམི སབྦསོ རཱུཔསཉྙཱནཾ སམཏིཀྐམཱ པཊིགྷསཉྙཱནཾ ཨཏྠངྒམཱ ནཱནཏྟསཉྙཱནཾ ཨམནསིཀཱརཱ ཨནནྟོ ཨཱཀཱསོཏི ཨཱཀཱསཱནཉྩཱཡཏནཾ ཨུཔསམྤཛྫ ཝིཧརཱམི. ཀསྶཔོཔི ¶ , བྷིཀྑཝེ, ཡཱཝདེཝ ཨཱཀངྑཏི སབྦསོ རཱུཔསཉྙཱནཾ སམཏིཀྐམཱ…པེ… ཨཱཀཱསཱནཉྩཱཡཏནཾ ཨུཔསམྤཛྫ ཝིཧརཏི.

‘‘ཨཧཾ, བྷིཀྑཝེ, ཡཱཝདེཝ ཨཱཀངྑཱམི སབྦསོ ཨཱཀཱསཱནཉྩཱཡཏནཾ སམཏིཀྐམྨ ཨནནྟཾ ¶ ཝིཉྙཱཎནྟི ཝིཉྙཱཎཉྩཱཡཏནཾ ཨུཔསམྤཛྫ ཝིཧརཱམི. ཀསྶཔོཔི ¶ , བྷིཀྑཝེ, ཡཱཝདེཝ ཨཱཀངྑཏི སབྦསོ ཨཱཀཱསཱནཉྩཱཡཏནཾ སམཏིཀྐམྨ ཨནནྟཾ ཝིཉྙཱཎནྟི ཝིཉྙཱཎཉྩཱཡཏནཾ ཨུཔསམྤཛྫ ཝིཧརཏི.

‘‘ཨཧཾ, བྷིཀྑཝེ, ཡཱཝདེཝ ཨཱཀངྑཱམི སབྦསོ ཝིཉྙཱཎཉྩཱཡཏནཾ སམཏིཀྐམྨ ‘ནཏྠི ཀིཉྩཱི’ཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧརཱམི. ཀསྶཔོཔི, བྷིཀྑཝེ, ཡཱཝདེཝ ཨཱཀངྑཏི…པེ… ཨཱཀིཉྩཉྙཱཡཏནཾ ཨུཔསམྤཛྫ ཝིཧརཏི.

‘‘ཨཧཾ, བྷིཀྑཝེ, ཡཱཝདེཝ ཨཱཀངྑཱམི སབྦསོ ཨཱཀིཉྩཉྙཱཡཏནཾ སམཏིཀྐམྨ ནེཝསཉྙཱནཱསཉྙཱཡཏནཾ ཨུཔསམྤཛྫ ཝིཧརཱམི. ཀསྶཔོཔི, བྷིཀྑཝེ, ཡཱཝདེཝ ཨཱཀངྑཏི…པེ… ནེཝསཉྙཱནཱསཉྙཱཡཏནཾ ཨུཔསམྤཛྫ ཝིཧརཏི.

‘‘ཨཧཾ, བྷིཀྑཝེ, ཡཱཝདེཝ ཨཱཀངྑཱམི སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཱམི. ཀསྶཔོཔི, བྷིཀྑཝེ…པེ… སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི.

‘‘ཨཧཾ ¶ , བྷིཀྑཝེ, ཡཱཝདེཝ ཨཱཀངྑཱམི ཨནེཀཝིཧིཏཾ ཨིདྡྷིཝིདྷཾ པཙྩནུབྷོམི ¶ – ཨེཀོཔི ཧུཏྭཱ བཧུདྷཱ ཧོམི, བཧུདྷཱཔི ཧུཏྭཱ ཨེཀོ ཧོམི; ཨཱཝིབྷཱཝཾ, ཏིརོབྷཱཝཾ, ཏིརོཀུཊྚཾ, ཏིརོཔཱཀཱརཾ, ཏིརོཔབྦཏཾ, ཨསཛྫམཱནོ གཙྪཱམི, སེཡྻཐཱཔི ཨཱཀཱསེ; པཐཝིཡཱཔི ཨུམྨུཛྫནིམུཛྫཾ ཀརོམི, སེཡྻཐཱཔི ཨུདཀེ; ཨུདཀེཔི ཨབྷིཛྫམཱནེ གཙྪཱམི, སེཡྻཐཱཔི པཐཝིཡཾ; ཨཱཀཱསེཔི པལླངྐེན ཀམཱམི, སེཡྻཐཱཔི པཀྑཱི སཀུཎོ; ཨིམེཔི ཙནྡིམསཱུརིཡེ ཨེཝཾམཧིདྡྷིཀེ ཨེཝཾམཧཱནུབྷཱཝེ པཱཎིནཱ པརིམསཱམི པརིམཛྫཱམི; ཡཱཝ བྲཧྨལོཀཱཔི ཀཱཡེན ཝསཾ ཝཏྟེམི. ཀསྶཔོཔི, བྷིཀྑཝེ, ཡཱཝདེཝ ཨཱཀངྑཏི ཨནེཀཝིཧིཏཾ ཨིདྡྷིཝིདྷཾ པཙྩནུབྷོཏི…པེ… ཡཱཝ བྲཧྨལོཀཱཔི ཀཱཡེན ཝསཾ ཝཏྟེཏི.

‘‘ཨཧཾ, བྷིཀྑཝེ, ཡཱཝདེཝ ཨཱཀངྑཱམི དིབྦཱཡ སོཏདྷཱཏུཡཱ ཝིསུདྡྷཱཡ ཨཏིཀྐནྟམཱནུསིཀཱཡ ཨུབྷོ སདྡེ སུཎཱམི, དིབྦེ ཙ མཱནུསེ ཙ, ཡེ དཱུརེ སནྟིཀེ ཙ. ཀསྶཔོཔི, བྷིཀྑཝེ, ཡཱཝདེཝ ཨཱཀངྑཏི དིབྦཱཡ སོཏདྷཱཏུཡཱ…པེ… དཱུརེ སནྟིཀེ ཙ.

‘‘ཨཧཾ ¶ ¶ , བྷིཀྑཝེ, ཡཱཝདེཝ ཨཱཀངྑཱམི པརསཏྟཱནཾ པརཔུགྒལཱནཾ ཙེཏསཱ ཙེཏོ པརིཙྩ པཛཱནཱམི – སརཱགཾ ཝཱ ཙིཏྟཾ སརཱགཾ ཙིཏྟནྟི པཛཱནཱམི, ཝཱིཏརཱགཾ ཝཱ ཙིཏྟཾ ཝཱིཏརཱགཾ ཙིཏྟནྟི པཛཱནཱམི, སདོསཾ ཝཱ ཙིཏྟཾ…པེ… ཝཱིཏདོསཾ ཝཱ ཙིཏྟཾ… སམོཧཾ ཝཱ ཙིཏྟཾ… ཝཱིཏམོཧཾ ཝཱ ཙིཏྟཾ… སཾཁིཏྟཾ ཝཱ ཙིཏྟཾ… ཝིཀྑིཏྟཾ ཝཱ ཙིཏྟཾ… མཧགྒཏཾ ཝཱ ཙིཏྟཾ… ཨམཧགྒཏཾ ཝཱ ཙིཏྟཾ… སཨུཏྟརཾ ཝཱ ཙིཏྟཾ… ཨནུཏྟརཾ ཝཱ ཙིཏྟཾ… སམཱཧིཏཾ ཝཱ ཙིཏྟཾ… ཨསམཱཧིཏཾ ཝཱ ཙིཏྟཾ… ཝིམུཏྟཾ ཝཱ ཙིཏྟཾ… ཨཝིམུཏྟཾ ཝཱ ཙིཏྟཾ ཨཝིམུཏྟཾ ཙིཏྟནྟི པཛཱནཱམི. ཀསྶཔོཔི, བྷིཀྑཝེ, ཡཱཝདེཝ ཨཱཀངྑཏི པརསཏྟཱནཾ ¶ པརཔུགྒལཱནཾ ཙེཏསཱ ཙེཏོ པརིཙྩ པཛཱནཱཏི – སརཱགཾ ཝཱ ཙིཏྟཾ སརཱགཾ ཙིཏྟནྟི པཛཱནཱཏི…པེ… ཨཝིམུཏྟཾ ཝཱ ཙིཏྟཾ ཨཝིམུཏྟཾ ཙིཏྟནྟི པཛཱནཱཏི.

‘‘ཨཧཾ, བྷིཀྑཝེ, ཡཱཝདེཝ ཨཱཀངྑཱམི ཨནེཀཝིཧིཏཾ པུབྦེནིཝཱསཾ ཨནུསྶརཱམི, སེཡྻཐིདཾ – ཨེཀམྤི ཛཱཏིཾ དྭེཔི ཛཱཏིཡོ ཏིསྶོཔི ཛཱཏིཡོ ཙཏསྶོཔི ཛཱཏིཡོ པཉྩཔི ཛཱཏིཡོ དསཔི ཛཱཏིཡོ ཝཱིསམྤི ཛཱཏིཡོ ཏིཾསམྤི ཛཱཏིཡོ ཙཏྟཱལཱིསམྤི ཛཱཏིཡོ པཉྙཱསམྤི ཛཱཏིཡོ ཛཱཏིསཏམྤི ཛཱཏིསཧསྶམྤི ཛཱཏིསཏསཧསྶམྤི, ཨནེཀེཔི སཾཝཊྚཀཔྤེ ཨནེཀེཔི ཝིཝཊྚཀཔྤེ ཨནེཀེཔི སཾཝཊྚཝིཝཊྚཀཔྤེ – ‘ཨམུཏྲཱསིཾ ཨེཝཾནཱམོ ཨེཝཾགོཏྟོ ཨེཝཾཝཎྞོ ཨེཝམཱཧཱརོ ཨེཝཾསུཁདུཀྑཔྤཊིསཾཝེདཱི ཨེཝམཱཡུཔརིཡནྟོ ¶ , སོ ཏཏོ ཙུཏོ ཨམུཏྲ ཨུདཔཱདིཾ; ཏཏྲཱཔཱསིཾ ཨེཝཾནཱམོ ཨེཝཾགོཏྟོ ཨེཝཾཝཎྞོ ཨེཝམཱཧཱརོ ཨེཝཾསུཁདུཀྑཔྤཊིསཾཝེདཱི ཨེཝམཱཡུཔརིཡནྟོ, སོ ཏཏོ ཙུཏོ ཨིདྷཱུཔཔནྣོ’ཏི. ཨིཏི སཱཀཱརཾ སཨུདྡེསཾ ཨནེཀཝིཧིཏཾ པུབྦེནིཝཱསཾ ཨནུསྶརཱམི. ཀསྶཔོཔི, བྷིཀྑཝེ, ཡཱཝདེཝ ཨཱཀངྑཏི ཨནེཀཝིཧིཏཾ པུབྦེནིཝཱསཾ ཨནུསྶརཏི, སེཡྻཐིདཾ – ཨེཀམྤི ཛཱཏིཾ…པེ… ཨིཏི སཱཀཱརཾ སཨུདྡེསཾ ཨནེཀཝིཧིཏཾ པུབྦེནིཝཱསཾ ཨནུསྶརཏི.

‘‘ཨཧཾ, བྷིཀྑཝེ, ཡཱཝདེཝ ཨཱཀངྑཱམི དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶཱམི ཙཝམཱནེ ¶ ཨུཔཔཛྫམཱནེ ཧཱིནེ པཎཱིཏེ སུཝཎྞེ དུབྦཎྞེ, སུགཏེ དུགྒཏེ ཡཐཱཀམྨཱུཔགེ སཏྟེ ¶ པཛཱནཱམི – ‘ཨིམེ ཝཏ, བྷོནྟོ, སཏྟཱ ཀཱཡདུཙྩརིཏེན སམནྣཱགཏཱ ཝཙཱིདུཙྩརིཏེན སམནྣཱགཏཱ མནོདུཙྩརིཏེན སམནྣཱགཏཱ ཨརིཡཱནཾ ཨུཔཝཱདཀཱ མིཙྪཱདིཊྛིཀཱ མིཙྪཱདིཊྛིཀམྨསམཱདཱནཱ; ཏེ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔནྣཱ, ཨིམེ ཝཱ པན, བྷོནྟོ, སཏྟཱ ཀཱཡསུཙརིཏེན སམནྣཱགཏཱ ཝཙཱིསུཙརིཏེན ¶ སམནྣཱགཏཱ མནོསུཙརིཏེན སམནྣཱགཏཱ ཨརིཡཱནཾ ཨནུཔཝཱདཀཱ སམྨཱདིཊྛིཀཱ སམྨཱདིཊྛིཀམྨསམཱདཱནཱ; ཏེ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔནྣཱ’ཏི. ཨིཏི དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶཱམི ཙཝམཱནེ ཨུཔཔཛྫམཱནེ ཧཱིནེ པཎཱིཏེ སུཝཎྞེ དུབྦཎྞེ, སུགཏེ དུགྒཏེ ཡཐཱཀམྨཱུཔགེ སཏྟེ པཛཱནཱམི. ཀསྶཔོཔི, བྷིཀྑཝེ, ཡཱཝདེཝ ཨཱཀངྑཏི དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶཏི ཙཝམཱནེ…པེ… ཡཐཱཀམྨཱུཔགེ སཏྟེ པཛཱནཱཏི.

‘‘ཨཧཾ, བྷིཀྑཝེ, ཨཱསཝཱནཾ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཱམི. ཀསྶཔོཔི, བྷིཀྑཝེ, ཨཱསཝཱནཾ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཏཱི’’ཏི. ནཝམཾ.

༡༠. ཨུཔསྶཡསུཏྟཾ

༡༥༣. ཨེཝཾ མེ སུཏཾ – ཨེཀཾ སམཡཾ ཨཱཡསྨཱ མཧཱཀསྶཔོ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཨཐ ཁོ ཨཱཡསྨཱ ¶ ཨཱནནྡོ པུབྦཎྷསམཡཾ ནིཝཱསེཏྭཱ ¶ པཏྟཙཱིཝརམཱདཱཡ ཡེནཱཡསྨཱ ¶ མཧཱཀསྶཔོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ མཧཱཀསྶཔཾ ཨེཏདཝོཙ – ‘‘ཨཱཡཱམ, བྷནྟེ ཀསྶཔ, ཡེན ཨཉྙཏརོ བྷིཀྑུནུཔསྶཡོ ཏེནུཔསངྐམིསྶཱམཱ’’ཏི. ‘‘གཙྪ ཏྭཾ, ཨཱཝུསོ ཨཱནནྡ, བཧུཀིཙྩོ ཏྭཾ བཧུཀརཎཱིཡོ’’ཏི. དུཏིཡམྤི ཁོ ཨཱཡསྨཱ ཨཱནནྡོ ཨཱཡསྨནྟཾ མཧཱཀསྶཔཾ ཨེཏདཝོཙ – ‘‘ཨཱཡཱམ, བྷནྟེ ཀསྶཔ, ཡེན ཨཉྙཏརོ བྷིཀྑུནུཔསྶཡོ ཏེནུཔསངྐམིསྶཱམཱ’’ཏི. ‘‘གཙྪ ཏྭཾ, ཨཱཝུསོ ཨཱནནྡ, བཧུཀིཙྩོ ཏྭཾ བཧུཀརཎཱིཡོ’’ཏི. ཏཏིཡམྤི ཁོ ཨཱཡསྨཱ ཨཱནནྡོ ཨཱཡསྨནྟཾ མཧཱཀསྶཔཾ ཨེཏདཝོཙ – ‘‘ཨཱཡཱམ, བྷནྟེ ཀསྶཔ, ཡེན ཨཉྙཏརོ བྷིཀྑུནུཔསྶཡོ ཏེནུཔསངྐམིསྶཱམཱ’’ཏི.

ཨཐ ཁོ ཨཱཡསྨཱ མཧཱཀསྶཔོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཨཱཡསྨཏཱ ཨཱནནྡེན པཙྪཱསམཎེན ཡེན ཨཉྙཏརོ བྷིཀྑུནུཔསྶཡོ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཨཐ ཁོ སམྦཧུལཱ བྷིཀྑུནིཡོ ཡེནཱཡསྨཱ མཧཱཀསྶཔོ ཏེནུཔསངྐམིཾསུ; ཨུཔསངྐམིཏྭཱ ¶ ཨཱཡསྨནྟཾ མཧཱཀསྶཔཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣཱ ཁོ ཏཱ བྷིཀྑུནིཡོ ཨཱཡསྨཱ མཧཱཀསྶཔོ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ ཨཱཡསྨཱ མཧཱཀསྶཔོ ཏཱ བྷིཀྑུནིཡོ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ པཀྐཱམི.

ཨཐ ¶ ཁོ ཐུལླཏིསྶཱ བྷིཀྑུནཱི ཨནཏྟམནཱ ཨནཏྟམནཝཱཙཾ ནིཙྪཱརེསི – ‘‘ཀིཾ པན ཨཡྻོ མཧཱཀསྶཔོ, ཨཡྻསྶ ཨཱནནྡསྶ ཝེདེཧམུནིནོ སམྨུཁཱ དྷམྨཾ བྷཱསིཏབྦཾ མཉྙཏི? སེཡྻཐཱཔི ནཱམ སཱུཙིཝཱཎིཛཀོ སཱུཙིཀཱརསྶ ¶ སནྟིཀེ སཱུཙིཾ ཝིཀྐེཏབྦཾ མཉྙེཡྻ; ཨེཝམེཝ ཨཡྻོ མཧཱཀསྶཔོ ཨཡྻསྶ ཨཱནནྡསྶ ཝེདེཧམུནིནོ སམྨུཁཱ དྷམྨཾ བྷཱསིཏབྦཾ མཉྙཏཱི’’ཏི.

ཨསྶོསི ཁོ ཨཱཡསྨཱ མཧཱཀསྶཔོ ཐུལླཏིསྶཱཡ བྷིཀྑུནིཡཱ ཨིམཾ ཝཱཙཾ བྷཱསམཱནཱཡ. ཨཐ ཁོ ཨཱཡསྨཱ མཧཱཀསྶཔོ ཨཱཡསྨནྟཾ ཨཱནནྡཾ ཨེཏདཝོཙ – ‘‘ཀིཾ ནུ ཁོ, ཨཱཝུསོ ཨཱནནྡ, ཨཧཾ སཱུཙིཝཱཎིཛཀོ, ཏྭཾ སཱུཙིཀཱརོ; ཨུདཱཧུ ཨཧཾ སཱུཙིཀཱརོ, ཏྭཾ སཱུཙིཝཱཎིཛཀོ’’ཏི? ‘‘ཁམ ¶ , བྷནྟེ ཀསྶཔ, བཱལོ མཱཏུགཱམོ’’ཏི. ‘‘ཨཱགམེཧི ཏྭཾ, ཨཱཝུསོ ཨཱནནྡ, མཱ ཏེ སངྒྷོ ཨུཏྟརི ཨུཔཔརིཀྑི’’.

‘‘ཏཾ ཀིཾ མཉྙསི, ཨཱཝུསོ ཨཱནནྡ, ཨཔི ནུ ཏྭཾ བྷགཝཏོ སམྨུཁཱ བྷིཀྑུསངྒྷེ ཨུཔནཱིཏོ – ‘ཨཧཾ, བྷིཀྑཝེ, ཡཱཝདེཝ ཨཱཀངྑཱམི ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཱམི. ཨཱནནྡོཔི, བྷིཀྑཝེ, ཡཱཝདེཝ ཨཱཀངྑཏི ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཏཱི’’’ཏི? ‘‘ནོ ཧེཏཾ, བྷནྟེ’’.

‘‘ཨཧཾ ཁོ, ཨཱཝུསོ, བྷགཝཏོ སམྨུཁཱ བྷིཀྑུསངྒྷེ ཨུཔནཱིཏོ – ‘ཨཧཾ, བྷིཀྑཝེ, ཡཱཝདེཝ ཨཱཀངྑཱམི ཝིཝིཙྩེཝ ཀཱམེཧི ¶ ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཱམི. ཀསྶཔོཔི, བྷིཀྑཝེ, ཡཱཝདེཝ ཨཱཀངྑཏི ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི…པེ… པཋམཾ ཛྷཱནཾ ཨུཔསམྤཛྫ ཝིཧརཏཱི’ཏི…པེ… ¶ . (ནཝནྣཾ ཨནུཔུབྦཝིཧཱརསམཱཔཏྟཱིནཾ པཉྩནྣཉྩ ཨབྷིཉྙཱནཾ ཨེཝཾ ཝིཏྠཱརོ ཝེདིཏབྦོ.)

‘‘ཏཾ ¶ ¶ ཀིཾ མཉྙསི, ཨཱཝུསོ ཨཱནནྡ, ཨཔི ནུ ཏྭཾ བྷགཝཏོ སམྨུཁཱ བྷིཀྑུསངྒྷེ ཨུཔནཱིཏོ – ‘ཨཧཾ, བྷིཀྑཝེ, ཨཱསཝཱནཾ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཱམི. ཨཱནནྡོཔི, བྷིཀྑཝེ, ཨཱསཝཱནཾ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཏཱི’’’ཏི? ‘‘ནོ ཧེཏཾ, བྷནྟེ’’.

‘‘ཨཧཾ ཁོ, ཨཱཝུསོ, བྷགཝཏོ སམྨུཁཱ བྷིཀྑུསངྒྷེ ཨུཔནཱིཏོ – ‘ཨཧཾ, བྷིཀྑཝེ, ཨཱསཝཱནཾ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཱམི. ཀསྶཔོཔི, བྷིཀྑཝེ, ཨཱསཝཱནཾ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཏཱི’’’ཏི.

‘‘སཏྟརཏནཾ ཝཱ, ཨཱཝུསོ, ནཱགཾ ཨཌྜྷཊྛམརཏནཾ ཝཱ ཏཱལཔཏྟིཀཱཡ ཚཱདེཏབྦཾ མཉྙེཡྻ, ཡོ མེ ཚ ཨབྷིཉྙཱ ཚཱདེཏབྦཾ མཉྙེཡྻཱ’’ཏི.

ཙཝིཏྠ ཙ པན ཐུལླཏིསྶཱ བྷིཀྑུནཱི བྲཧྨཙརིཡམྷཱཏི. དསམཾ.

༡༡. ཙཱིཝརསུཏྟཾ

༡༥༤. ཨེཀཾ ¶ ¶ སམཡཾ ཨཱཡསྨཱ མཧཱཀསྶཔོ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན ཨཱཡསྨཱ ཨཱནནྡོ དཀྑིཎགིརིསྨིཾ ཙཱརིཀཾ ཙརཏི མཧཏཱ བྷིཀྑུསངྒྷེན སདྡྷིཾ.

ཏེན ཁོ པན སམཡེན ཨཱཡསྨཏོ ཨཱནནྡསྶ ཏིཾསམཏྟཱ སདྡྷིཝིཧཱརིནོ བྷིཀྑཱུ སིཀྑཾ པཙྩཀྑཱཡ ཧཱིནཱཡཱཝཏྟཱ བྷཝནྟི ཡེབྷུཡྻེན ཀུམཱརབྷཱུཏཱ. ཨཐ ¶ ཁོ ཨཱཡསྨཱ ཨཱནནྡོ དཀྑིཎགིརིསྨིཾ ཡཐཱབྷིརནྟཾ ཙཱརིཀཾ ཙརིཏྭཱ ཡེན རཱཛགཧཾ ཝེལུ༹ཝནཾ ཀལནྡཀནིཝཱཔོ ཡེནཱཡསྨཱ མཧཱཀསྶཔོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ མཧཱཀསྶཔཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨཱཡསྨནྟཾ ཨཱནནྡཾ ཨཱཡསྨཱ མཧཱཀསྶཔོ ¶ ཨེཏདཝོཙ – ‘‘ཀཏི ནུ ཁོ, ཨཱཝུསོ ཨཱནནྡ, ཨཏྠཝསེ པཊིཙྩ བྷགཝཏཱ ཀུལེསུ ཏིཀབྷོཛནཾ པཉྙཏྟ’’ནྟི?

‘‘ཏཡོ ཁོ, བྷནྟེ ཀསྶཔ, ཨཏྠཝསེ པཊིཙྩ བྷགཝཏཱ ཀུལེསུ ཏིཀབྷོཛནཾ པཉྙཏྟཾ – དུམྨངྐཱུནཾ པུགྒལཱནཾ ནིགྒཧཱཡ པེསལཱནཾ བྷིཀྑཱུནཾ ཕཱསུཝིཧཱརཱཡ, མཱ པཱཔིཙྪཱ པཀྑཾ ནིསྶཱཡ སངྒྷཾ བྷིནྡེཡྻུཾ [ཝིནཡཔིཊཀེ ཙཱུལ༹ཝགྒེ སཾགྷབྷེདཀཀྑནྡྷཀེ ཝཛིརབུདྡྷིཡཾ ཨཉྙཐཱ སམྦནྡྷོ དསྶིཏོ], ཀུལཱནུདྡཡཏཱཡ ཙ. ཨིམེ ཁོ, བྷནྟེ ཀསྶཔ, ཏཡོ ཨཏྠཝསེ པཊིཙྩ བྷགཝཏཱ ཀུལེསུ ཏིཀབྷོཛནཾ པཉྙཏྟ’’ནྟི.

‘‘ཨཐ ཀིཉྩརཧི ཏྭཾ, ཨཱཝུསོ ཨཱནནྡ, ཨིམེཧི ནཝེཧི བྷིཀྑཱུཧི ཨིནྡྲིཡེསུ ཨགུཏྟདྭཱརེཧི བྷོཛནེ ཨམཏྟཉྙཱུཧི ཛཱགརིཡཾ ཨནནུཡུཏྟེཧི སདྡྷིཾ ཙཱརིཀཾ ཙརསི? སསྶགྷཱཏཾ མཉྙེ ཙརསི, ཀུལཱུཔགྷཱཏཾ མཉྙེ ཙརསི. ཨོལུཛྫཏི [ཨུལླུཛྫཏི (སཱི. ཨཊྛཀཐཱསུ ཙ)] ཁོ ཏེ, ཨཱཝུསོ ཨཱནནྡ, པརིསཱ; པལུཛྫནྟི ཁོ ¶ ཏེ, ཨཱཝུསོ, ནཝཔྤཱཡཱ. ན ཝཱཡཾ ཀུམཱརཀོ མཏྟམཉྙཱསཱི’’ཏི.

‘‘ཨཔི མེ, བྷནྟེ ཀསྶཔ, སིརསྨིཾ པལིཏཱནི ཛཱཏཱནི. ཨཐ ཙ པན མཡཾ ཨཛྫཱཔི ཨཱཡསྨཏོ མཧཱཀསྶཔསྶ ཀུམཱརཀཝཱདཱ ན མུཙྩཱམཱ’’ཏི. ‘‘ཏཐཱ ¶ ཧི པན ཏྭཾ, ཨཱཝུསོ ཨཱནནྡ, ཨིམེཧི ནཝེཧི བྷིཀྑཱུཧི ཨིནྡྲིཡེསུ ཨགུཏྟདྭཱརེཧི བྷོཛནེ ཨམཏྟཉྙཱུཧི ཛཱགརིཡཾ ཨནནུཡུཏྟེཧི སདྡྷིཾ ཙཱརིཀཾ ཙརསི, སསྶགྷཱཏཾ མཉྙེ ཙརསི, ཀུལཱུཔགྷཱཏཾ མཉྙེ ཙརསི. ཨོལུཛྫཏི ¶ ཁོ ཏེ, ཨཱཝུསོ ཨཱནནྡ, པརིསཱ; པལུཛྫནྟི ཁོ ཏེ, ཨཱཝུསོ, ནཝཔྤཱཡཱ. [པལུཛྫཏི ཁོ ཏེ ཨཱཝུསོ ཨཱནནྡ པརིསཱ (ཀ. སཱི.)] ན ཝཱཡཾ ཀུམཱརཀོ མཏྟམཉྙཱསཱི’’ཏི.

ཨསྶོསི ཁོ ཐུལླནནྡཱ བྷིཀྑུནཱི – ‘‘ཨཡྻེན ཀིར མཧཱཀསྶཔེན ཨཡྻོ ཨཱནནྡོ ཝེདེཧམུནི ཀུམཱརཀཝཱདེན ཨཔསཱདིཏོ’’ཏི.

ཨཐ ཁོ ཐུལླནནྡཱ བྷིཀྑུནཱི ཨནཏྟམནཱ ཨནཏྟམནཝཱཙཾ ནིཙྪཱརེསི – ‘‘ཀིཾ པན ཨཡྻོ མཧཱཀསྶཔོ ཨཉྙཏིཏྠིཡཔུབྦོ སམཱནོ ཨཡྻཾ ཨཱནནྡཾ ཝེདེཧམུནིཾ ཀུམཱརཀཝཱདེན ཨཔསཱདེཏབྦཾ མཉྙཏཱི’’ཏི! ཨསྶོསི ཁོ ཨཱཡསྨཱ མཧཱཀསྶཔོ ཐུལླནནྡཱཡ བྷིཀྑུནིཡཱ ཨིམཾ ཝཱཙཾ བྷཱསམཱནཱཡ.

ཨཐ ¶ ཁོ ཨཱཡསྨཱ མཧཱཀསྶཔོ ཨཱཡསྨནྟཾ ཨཱནནྡཾ ཨེཏདཝོཙ – ‘‘ཏགྒྷཱཝུསོ ཨཱནནྡ, ཐུལླནནྡཱཡ བྷིཀྑུནིཡཱ སཧསཱ ཨཔྤཊིསངྑཱ ཝཱཙཱ བྷཱསིཏཱ. ཡཏྭཱཧཾ, ཨཱཝུསོ, ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛིཏོ, ནཱབྷིཛཱནཱམི ཨཉྙཾ སཏྠཱརཾ ཨུདྡིསིཏཱ [ཨུདྡིསིཏུཾ (སཱི. པཱི. ཀ.)], ཨཉྙཏྲ ཏེན བྷགཝཏཱ ཨརཧཏཱ ¶ སམྨཱསམྦུདྡྷེན. པུབྦེ མེ, ཨཱཝུསོ, ཨགཱརིཀབྷཱུཏསྶ སཏོ ཨེཏདཧོསི – ‘སམྦཱདྷོ གྷརཱཝཱསོ རཛཱཔཐོ [རཛོཔཐོ (སཱི.)], ཨབྦྷོཀཱསོ པབྦཛྫཱ. ནཡིདཾ སུཀརཾ ཨགཱརཾ ཨཛ྄ཛྷཱཝསཏཱ ཨེཀནྟཔརིཔུཎྞཾ ཨེཀནྟཔརིསུདྡྷཾ སངྑལིཁིཏཾ བྲཧྨཙརིཡཾ ཙརིཏུཾ. ཡཾནཱུནཱཧཾ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛེཡྻ’ནྟི. སོ ཁྭཱཧཾ, ཨཱཝུསོ, ཨཔརེན སམཡེན པཊཔིལོཏིཀཱནཾ ¶ སངྒྷཱཊིཾ ཀཱརེཏྭཱ [ཀརིཏྭཱ (སཱི. སྱཱ. ཀཾ. པཱི.)] ཡེ ལོཀེ ཨརཧནྟོ ཏེ ཨུདྡིསྶ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛིཾ.

སོ ཨེཝཾ པབྦཛིཏོ སམཱནོ ཨདྡྷཱནམགྒཔྤཊིཔནྣོ ཨདྡསཾ བྷགཝནྟཾ ཨནྟརཱ ཙ རཱཛགཧཾ ཨནྟརཱ ཙ ནཱལ༹ནྡཾ བཧུཔུཏྟེ ཙེཏིཡེ ནིསིནྣཾ. དིསྭཱན མེ ཨེཏདཧོསི – ‘སཏྠཱརཉྩ ཝཏཱཧཾ པསྶེཡྻཾ, བྷགཝནྟམེཝ པསྶེཡྻཾ; སུགཏཉྩ ཝཏཱཧཾ པསྶེཡྻཾ, བྷགཝནྟམེཝ པསྶེཡྻཾ; སམྨཱསམྦུདྡྷཉྩ ཝཏཱཧཾ པསྶེཡྻཾ; བྷགཝནྟམེཝ པསྶེཡྻ’ནྟི. སོ ཁྭཱཧཾ, ཨཱཝུསོ, ཏཏྠེཝ བྷགཝཏོ པཱདེསུ སིརསཱ ནིཔཏིཏྭཱ བྷགཝནྟཾ ཨེཏདཝོཙཾ – ‘སཏྠཱ མེ, བྷནྟེ, བྷགཝཱ, སཱཝཀོཧམསྨི; སཏྠཱ མེ, བྷནྟེ, བྷགཝཱ, སཱཝཀོཧམསྨཱི’ཏི ¶ . ཨེཝཾ ཝུཏྟེ མཾ, ཨཱཝུསོ, བྷགཝཱ ཨེཏདཝོཙ – ‘ཡོ ཁོ, ཀསྶཔ, ཨེཝཾ སབྦཙེཏསཱ སམནྣཱགཏཾ སཱཝཀཾ ཨཛཱནཉྙེཝ ཝདེཡྻ ཛཱནཱམཱིཏི, ཨཔསྶཉྙེཝ ཝདེཡྻ པསྶཱམཱིཏི, མུདྡྷཱཔི ཏསྶ ཝིཔཏེཡྻ. ཨཧཾ ཁོ པན, ཀསྶཔ, ཛཱནཉྙེཝ ཝདཱམི ཛཱནཱམཱིཏི, པསྶཉྙེཝ ¶ ཝདཱམི པསྶཱམཱི’ཏི.

ཏསྨཱཏིཧ ཏེ, ཀསྶཔ, ཨེཝཾ སིཀྑིཏབྦཾ – ‘ཏིབྦཾ མེ ཧིརོཏྟཔྤཾ པཙྩུཔཊྛིཏཾ བྷཝིསྶཏི ཐེརེསུ ནཝེསུ མཛ྄ཛྷིམེསཱུ’ཏི. ཨེཝཉྷི ཏེ, ཀསྶཔ, སིཀྑིཏབྦཾ.

ཏསྨཱཏིཧ ཏེ, ཀསྶཔ, ཨེཝཾ སིཀྑིཏབྦཾ – ‘ཡཾ ཀིཉྩི དྷམྨཾ སུཎིསྶཱམི ཀུསལཱུཔསཾཧིཏཾ སབྦཾ ཏཾ ཨཊྛིཾ ཀཏྭཱ མནསི ཀརིཏྭཱ སབྦཙེཏསཱ སམནྣཱཧརིཏྭཱ ཨོཧིཏསོཏོ དྷམྨཾ སུཎིསྶཱམཱི’ཏི. ཨེཝཉྷི ཏེ, ཀསྶཔ, སིཀྑིཏབྦཾ.

ཏསྨཱཏིཧ ¶ ཏེ, ཀསྶཔ, ཨེཝཾ སིཀྑིཏབྦཾ – ‘སཱཏསཧགཏཱ ཙ མེ ཀཱཡགཏཱསཏི ན ཝིཛཧིསྶཏཱི’ཏི. ཨེཝཉྷི ཏེ, ཀསྶཔ, སིཀྑིཏབྦནྟི.

‘‘ཨཐ ཁོ མཾ, ཨཱཝུསོ, བྷགཝཱ ཨིམིནཱ ཨོཝཱདེན ཨོཝདིཏྭཱ ཨུཊྛཱཡཱསནཱ པཀྐཱམི. སཏྟཱཧམེཝ ¶ ཁྭཱཧཾ, ཨཱཝུསོ, སརཎོ [སཱཎོ (སཱི.)] རཊྛཔིཎྜཾ བྷུཉྫིཾ’’. ཨཊྛམིཡཱ ཨཉྙཱ ཨུདཔཱདི.

‘‘ཨཐ ཁོ, ཨཱཝུསོ, བྷགཝཱ མགྒཱ ཨོཀྐམྨ ཡེན ཨཉྙཏརཾ རུཀྑམཱུལཾ ཏེནུཔསངྐམི. ཨཐ ཁྭཱཧཾ, ཨཱཝུསོ, པཊཔིལོཏིཀཱནཾ སངྒྷཱཊིཾ ཙཏུགྒུཎཾ པཉྙཔེཏྭཱ བྷགཝནྟཾ ཨེཏདཝོཙཾ – ‘ཨིདྷ, བྷནྟེ, བྷགཝཱ ནིསཱིདཏུ, ཡཾ མམསྶ དཱིགྷརཏྟཾ ཧིཏཱཡ སུཁཱཡཱ’ཏི. ནིསཱིདི ཁོ, ཨཱཝུསོ, བྷགཝཱ པཉྙཏྟེ ཨཱསནེ. ནིསཛྫ ཁོ མཾ, ཨཱཝུསོ, བྷགཝཱ ཨེཏདཝོཙ – ‘མུདུཀཱ ཁོ ཏྱཱཡཾ, ཀསྶཔ, པཊཔིལོཏིཀཱནཾ སངྒྷཱཊཱི’ཏི. ‘པཊིགྒཎྷཱཏུ མེ, བྷནྟེ, བྷགཝཱ པཊཔིལོཏིཀཱནཾ སངྒྷཱཊིཾ ཨནུཀམྤཾ ཨུཔཱདཱཡཱ’ཏི. ‘དྷཱརེསྶསི པན མེ ཏྭཾ, ཀསྶཔ, སཱཎཱནི པཾསུཀཱུལཱནི ནིབྦསནཱནཱི’ཏི. ‘དྷཱརེསྶཱམཧཾ, བྷནྟེ, བྷགཝཏོ སཱཎཱནི པཾསུཀཱུལཱནི ནིབྦསནཱནཱི’ཏི. ‘‘སོ ¶ ཁྭཱཧཾ, ཨཱཝུསོ, པཊཔིལོཏིཀཱནཾ སངྒྷཱཊིཾ བྷགཝཏོ པཱདཱསིཾ. ཨཧཾ པན བྷགཝཏོ སཱཎཱནི པཾསུཀཱུལཱནི ནིབྦསནཱནི པཊིཔཛྫིཾ’’.

‘‘ཡཉྷི ཏཾ, ཨཱཝུསོ, སམྨཱ ཝདམཱནོ ཝདེཡྻ – ‘བྷགཝཏོ པུཏྟོ ཨོརསོ མུཁཏོ ཛཱཏོ དྷམྨཛོ དྷམྨནིམྨིཏོ དྷམྨདཱཡཱདོ, པཊིགྒཧིཏཱནི ¶ [པཊིགྒཧེཏཱ (སཱི.)] སཱཎཱནི པཾསུཀཱུལཱནི ནིབྦསནཱནཱི’ཏི, མམཾ ཏཾ སམྨཱ ཝདམཱནོ ཝདེཡྻ – ‘བྷགཝཏོ པུཏྟོ ཨོརསོ མུཁཏོ ཛཱཏོ དྷམྨཛོ དྷམྨནིམྨིཏོ དྷམྨདཱཡཱདོ, པཊིགྒཧིཏཱནི སཱཎཱནི པཾསུཀཱུལཱནི ནིབྦསནཱནཱི’’’ཏི.

‘‘ཨཧཾ ཁོ, ཨཱཝུསོ, ཡཱཝདེཝ ཨཱཀངྑཱམི ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ ¶ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཱམི. ཨཧཾ ཁོ, ཨཱཝུསོ, ཡཱཝདེ ཨཱཀངྑཱམི…པེ… (ནཝནྣཾ ཨནུཔུབྦཝིཧཱརསམཱཔཏྟིནཾ པཉྩནྣཉྩ ཨབྷིཉྙཱནཾ ཨེཝཾ ཝིཏྠཱརོ ཝེདིཏབྦོ) ¶ .

‘‘ཨཧཾ ཁོ, ཨཱཝུསོ, ཨཱསཝཱནཾ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཱམི; སཏྟརཏནཾ ཝཱ, ཨཱཝུསོ, ནཱགཾ ཨཌྜྷཊྛམརཏནཾ ཝཱ ཏཱལཔཏྟིཀཱཡ ཚཱདེཏབྦཾ མཉྙེཡྻ, ཡོ མེ ཚ ཨབྷིཉྙཱ ཚཱདེཏབྦཾ མཉྙེཡྻཱ’’ཏི.

ཙཝིཏྠ ཙ པན ཐུལླནནྡཱ བྷིཀྑུནཱི བྲཧྨཙརིཡམྷཱཏི. ཨེཀཱདསམཾ.

༡༢. པརཾམརཎསུཏྟཾ

༡༥༥. ཨེཀཾ སམཡཾ ཨཱཡསྨཱ ཙ མཧཱཀསྶཔོ ཨཱཡསྨཱ ཙ སཱརིཔུཏྟོ ¶ བཱརཱཎསིཡཾ ཝིཧརནྟི ཨིསིཔཏནེ མིགདཱཡེ. ཨཐ ཁོ ཨཱཡསྨཱ སཱརིཔུཏྟོ སཱཡནྷསམཡཾ པཊིསལླཱནཱ ཝུཊྛིཏོ ཡེནཱཡསྨཱ མཧཱཀསྶཔོ ཏེནུཔསངྐམི; ཨུཔསངྐམིཏྭཱ ཨཱཡསྨཏཱ མཧཱཀསྶཔེན སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ སཱརིཔུཏྟོ ཨཱཡསྨནྟཾ མཧཱཀསྶཔཾ ཨེཏདཝོཙ – ‘‘ཀིཾ ནུ ཁོ, ཨཱཝུསོ ཀསྶཔ, ཧོཏི ཏཐཱགཏོ པརཾ མརཎཱ’’ཏི? ‘‘ཨབྱཱཀཏཾ ཁོ ཨེཏཾ, ཨཱཝུསོ, བྷགཝཏཱ – ‘ཧོཏི ཏཐཱགཏོ པརཾ མརཎཱ’’’ཏི. ‘‘ཀིཾ པནཱཝུསོ, ན ཧོཏི ཏཐཱགཏོ པརཾ མརཎཱ’’ཏི? ‘‘ཨེཝམྤི ཁོ, ཨཱཝུསོ, ཨབྱཱཀཏཾ བྷགཝཏཱ – ‘ན ཧོཏི ཏཐཱགཏོ པརཾ མརཎཱ’’’ཏི. ‘‘ཀིཾ ¶ ནུ ཁོ, ཨཱཝུསོ, ཧོཏི ཙ ན ཙ ཧོཏི ཏཐཱགཏོ པརཾ མརཎཱ’’ཏི? ‘‘ཨབྱཱཀཏཾ ཁོ ཨེཏཾ, ཨཱཝུསོ, བྷགཝཏཱ – ‘ཧོཏི ཙ ན ཙ ཧོཏི ཏཐཱགཏོ པརཾ མརཎཱ’’’ཏི. ‘‘ཀིཾ པནཱཝུསོ, ནེཝ ཧོཏི, ན ན ཧོཏི ཏཐཱགཏོ པརཾ མརཎཱ’’ཏི? ‘‘ཨེཝམྤི ཁོ, ཨཱཝུསོ, ཨབྱཱཀཏཾ བྷགཝཏཱ – ‘ནེཝ ཧོཏི ན ན ཧོཏི ཏཐཱགཏོ ¶ པརཾ མརཎཱ’’’ཏི. ‘‘ཀསྨཱ ཙེཏཾ, ཨཱཝུསོ ¶ , ཨབྱཱཀཏཾ བྷགཝཏཱ’’ཏི? ‘‘ན ཧེཏཾ, ཨཱཝུསོ, ཨཏྠསཾཧིཏཾ ནཱདིབྲཧྨཙརིཡཀཾ ན ནིབྦིདཱཡ ན ཝིརཱགཱཡ ན ནིརོདྷཱཡ ན ཨུཔསམཱཡ ན ཨབྷིཉྙཱཡ ན སམྦོདྷཱཡ ན ནིབྦཱནཱཡ སཾཝཏྟཏི. ཏསྨཱ ཏཾ ཨབྱཱཀཏཾ བྷགཝཏཱ’’ཏི.

‘‘ཨཐ ཀིཉྩརཧཱཝུསོ, བྱཱཀཏཾ བྷགཝཏཱ’’ཏི? ‘‘ཨིདཾ ‘དུཀྑ’ནྟི ཁོ ¶ , ཨཱཝུསོ, བྱཱཀཏཾ བྷགཝཏཱ; ཨཡཾ ‘དུཀྑསམུདཡོ’ཏི བྱཱཀཏཾ བྷགཝཏཱ; ཨཡཾ ‘དུཀྑནིརོདྷོ’ཏི བྱཱཀཏཾ བྷགཝཏཱ; ཨཡཾ ‘དུཀྑནིརོདྷགཱམིནཱི པཊིཔདཱ’ཏི བྱཱཀཏཾ བྷགཝཏཱ’’ཏི. ‘‘ཀསྨཱ ཙེཏཾ, ཨཱཝུསོ, བྱཱཀཏཾ བྷགཝཏཱ’’ཏི? ‘‘ཨེཏཉྷི, ཨཱཝུསོ, ཨཏྠསཾཧིཏཾ ཨེཏཾ ཨཱདིབྲཧྨཙརིཡཀཾ ཨེཏཾ ནིབྦིདཱཡ ཝིརཱགཱཡ ནིརོདྷཱཡ ཨུཔསམཱཡ ཨབྷིཉྙཱཡ སམྦོདྷཱཡ ནིབྦཱནཱཡ སཾཝཏྟཏི. ཏསྨཱ ཏཾ བྱཱཀཏཾ བྷགཝཏཱ’’ཏི. དྭཱདསམཾ.

༡༣. སདྡྷམྨཔྤཏིརཱུཔཀསུཏྟཾ

༡༥༦. ཨེཝཾ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཨཐ ཁོ ཨཱཡསྨཱ མཧཱཀསྶཔོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ¶ ནིསིནྣོ ཁོ ཨཱཡསྨཱ མཧཱཀསྶཔོ བྷགཝནྟཾ ཨེཏདཝོཙ – ‘‘ཀོ ནུ ཁོ, བྷནྟེ, ཧེཏུ ཀོ པཙྩཡོ, ཡེན པུབྦེ ཨཔྤཏརཱནི ཙེཝ སིཀྑཱཔདཱནི ཨཧེསུཾ བཧུཏརཱ ཙ བྷིཀྑཱུ ཨཉྙཱཡ སཎྛཧིཾསུ? ཀོ པན, བྷནྟེ, ཧེཏུ ཀོ པཙྩཡོ, ཡེནེཏརཧི བཧུཏརཱནི ཙེཝ སིཀྑཱཔདཱནི ཨཔྤཏརཱ ཙ བྷིཀྑཱུ ཨཉྙཱཡ སཎྛཧནྟཱི’’ཏི? ‘‘ཨེཝཉྩེཏཾ, ཀསྶཔ, ཧོཏི སཏྟེསུ ཧཱཡམཱནེསུ སདྡྷམྨེ ཨནྟརདྷཱཡམཱནེ, བཧུཏརཱནི ཙེཝ སིཀྑཱཔདཱནི ཧོནྟི ཨཔྤཏརཱ ཙ བྷིཀྑཱུ ཨཉྙཱཡ སཎྛཧནྟི. ན ཏཱཝ, ཀསྶཔ, སདྡྷམྨསྶ ཨནྟརདྷཱནཾ ཧོཏི ཡཱཝ ན སདྡྷམྨཔྤཏིརཱུཔཀཾ ལོཀེ ཨུཔྤཛྫཏི. ཡཏོ ཙ ཁོ, ཀསྶཔ, སདྡྷམྨཔྤཏིརཱུཔཀཾ ལོཀེ ཨུཔྤཛྫཏི, ཨཐ སདྡྷམྨསྶ ཨནྟརདྷཱནཾ ཧོཏི’’.

‘‘སེཡྻཐཱཔི, ཀསྶཔ, ན ཏཱཝ ཛཱཏརཱུཔསྶ ཨནྟརདྷཱནཾ ¶ ཧོཏི ཡཱཝ ན ཛཱཏརཱུཔཔྤཏིརཱུཔཀཾ ལོཀེ ཨུཔྤཛྫཏི. ཡཏོ ཙ ཁོ, ཀསྶཔ, ཛཱཏརཱུཔཔྤཏིརཱུཔཀཾ ལོཀེ ཨུཔྤཛྫཏི, ཨཐ ཛཱཏརཱུཔསྶ ཨནྟརདྷཱནཾ ཧོཏི. ཨེཝམེཝ ཁོ, ཀསྶཔ, ན ཏཱཝ སདྡྷམྨསྶ ཨནྟརདྷཱནཾ ཧོཏི ཡཱཝ ¶ ¶ ན སདྡྷམྨཔྤཏིརཱུཔཀཾ ལོཀེ ཨུཔྤཛྫཏི. ཡཏོ ཙ ཁོ, ཀསྶཔ, སདྡྷམྨཔྤཏིརཱུཔཀཾ ལོཀེ ཨུཔྤཛྫཏི, ཨཐ སདྡྷམྨསྶ ཨནྟརདྷཱནཾ ཧོཏི.

‘‘ན ཁོ, ཀསྶཔ, པཐཝཱིདྷཱཏུ སདྡྷམྨཾ ཨནྟརདྷཱཔེཏི, ན ཨཱཔོདྷཱཏུ སདྡྷམྨཾ ཨནྟརདྷཱཔེཏི, ན ཏེཛོདྷཱཏུ སདྡྷམྨཾ ཨནྟརདྷཱཔེཏི, ན ཝཱཡོདྷཱཏུ སདྡྷམྨཾ ཨནྟརདྷཱཔེཏི; ཨཐ ཁོ ཨིདྷེཝ ཏེ ཨུཔྤཛྫནྟི མོགྷཔུརིསཱ ཡེ ཨིམཾ སདྡྷམྨཾ ཨནྟརདྷཱཔེནྟི. སེཡྻཐཱཔི, ཀསྶཔ, ནཱཝཱ ཨཱདིཀེནེཝ ཨོཔིལཝཏི; ན ཁོ, ཀསྶཔ, ཨེཝཾ སདྡྷམྨསྶ ཨནྟརདྷཱནཾ ཧོཏི.

‘‘པཉྩ ཁོམེ, ཀསྶཔ, ཨོཀྐམནིཡཱ དྷམྨཱ སདྡྷམྨསྶ སམྨོསཱཡ ཨནྟརདྷཱནཱཡ སཾཝཏྟནྟི. ཀཏམེ པཉྩ? ཨིདྷ, ཀསྶཔ, བྷིཀྑཱུ བྷིཀྑུནིཡོ ཨུཔཱསཀཱ ཨུཔཱསིཀཱཡོ སཏྠརི ཨགཱརཝཱ ཝིཧརནྟི ཨཔྤཏིསྶཱ, དྷམྨེ ཨགཱརཝཱ ཝིཧརནྟི ཨཔྤཏིསྶཱ, སངྒྷེ ཨགཱརཝཱ ཝིཧརནྟི ཨཔྤཏིསྶཱ, སིཀྑཱཡ ¶ ཨགཱརཝཱ ཝིཧརནྟི ཨཔྤཏིསྶཱ, སམཱདྷིསྨིཾ ཨགཱརཝཱ ཝིཧརནྟི ཨཔྤཏིསྶཱ – ཨིམེ ཁོ, ཀསྶཔ, པཉྩ ཨོཀྐམནིཡཱ དྷམྨཱ སདྡྷམྨསྶ སམྨོསཱཡ ཨནྟརདྷཱནཱཡ སཾཝཏྟནྟི.

‘‘པཉྩ ཁོམེ, ཀསྶཔ, དྷམྨཱ སདྡྷམྨསྶ ཋིཏིཡཱ ཨསམྨོསཱཡ ¶ ཨནནྟརདྷཱནཱཡ སཾཝཏྟནྟི. ཀཏམེ པཉྩ? ཨིདྷ, ཀསྶཔ, བྷིཀྑཱུ བྷིཀྑུནིཡོ ཨུཔཱསཀཱ ཨུཔཱསིཀཱཡོ སཏྠརི སགཱརཝཱ ཝིཧརནྟི སཔྤཏིསྶཱ, དྷམྨེ སགཱརཝཱ ཝིཧརནྟི སཔྤཏིསྶཱ, སངྒྷེ སགཱརཝཱ ཝིཧརནྟི སཔྤཏིསྶཱ, སིཀྑཱཡ སགཱརཝཱ ཝིཧརནྟི སཔྤཏིསྶཱ, སམཱདྷིསྨིཾ སགཱརཝཱ ཝིཧརནྟི སཔྤཏིསྶཱ – ཨིམེ ཁོ, ཀསྶཔ, པཉྩ དྷམྨཱ སདྡྷམྨསྶ ཋིཏིཡཱ ཨསམྨོསཱཡ ཨནནྟརདྷཱནཱཡ སཾཝཏྟནྟཱི’’ཏི. ཏེརསམཾ.

ཀསྶཔསཾཡུཏྟཾ སམཏྟཾ.

ཏསྶུདྡཱནཾ –

སནྟུཊྛཉྩ ཨནོཏྟཔྤཱི, ཙནྡཱུཔམཾ ཀུལཱུཔཀཾ;

ཛིཎྞཾ ཏཡོ ཙ ཨོཝཱདཱ, ཛྷཱནཱབྷིཉྙཱ ཨུཔསྶཡཾ;

ཙཱིཝརཾ པརཾམརཎཾ, སདྡྷམྨཔྤཏིརཱུཔཀནྟི.

༦. ལཱབྷསཀྐཱརསཾཡུཏྟཾ

༡. པཋམཝགྒོ

༡. དཱརུཎསུཏྟཾ

༡༥༧. ཨེཝཾ ¶ ¶ ¶ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏཏྲ ཁོ བྷགཝཱ བྷིཀྑཱུ ཨཱམནྟེསི – ‘‘བྷིཀྑཝོ’’ཏི. ‘‘བྷདནྟེ’’ཏི ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ¶ ཨེཏདཝོཙ –

‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ ཀཊུཀོ ཕརུསོ ཨནྟརཱཡིཀོ ཨནུཏྟརསྶ ཡོགཀྑེམསྶ ཨདྷིགམཱཡ. ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘ཨུཔྤནྣཾ ལཱབྷསཀྐཱརསིལོཀཾ པཛཧིསྶཱམ, ན ཙ ནོ ཨུཔྤནྣོ ལཱབྷསཀྐཱརསིལོཀོ ཙིཏྟཾ པརིཡཱདཱཡ ཋསྶཏཱི’ཏི. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. པཋམཾ.

༢. བལི༹སསུཏྟཾ

༡༥༨. སཱཝཏྠིཡཾ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ ཀཊུཀོ ཕརུསོ ཨནྟརཱཡིཀོ ཨནུཏྟརསྶ ཡོགཀྑེམསྶ ཨདྷིགམཱཡ. སེཡྻཐཱཔི, བྷིཀྑཝེ, བཱལི༹སིཀོ ཨཱམིསགཏཾ བལི༹སཾ གམྦྷཱིརེ ཨུདཀརཧདེ པཀྑིཔེཡྻ. ཏམེནཾ ཨཉྙཏརོ ཨཱམིསཙཀྑུ མཙྪོ གིལེཡྻ. ཨེཝཉྷི སོ, བྷིཀྑཝེ, མཙྪོ གིལབལི༹སོ བཱལི༹སིཀསྶ ཨནཡཾ ཨཱཔནྣོ བྱསནཾ ཨཱཔནྣོ ཡཐཱཀཱམཀརཎཱིཡོ བཱལི༹སིཀསྶ’’.

‘‘བཱལི༹སིཀོཏི ཁོ, བྷིཀྑཝེ, མཱརསྶེཏཾ པཱཔིམཏོ ཨདྷིཝཙནཾ. བལི༹སནྟི ཁོ, བྷིཀྑཝེ ¶ , ལཱབྷསཀྐཱརསིལོཀསྶེཏཾ ཨདྷིཝཙནཾ. ཡོ ཧི ཀོཙི ¶ , བྷིཀྑཝེ, བྷིཀྑུ ཨུཔྤནྣཾ ལཱབྷསཀྐཱརསིལོཀཾ ཨསྶཱདེཏི ནིཀཱམེཏི, ཨཡཾ ཝུཙྩཏི, བྷིཀྑཝེ, བྷིཀྑུ གིལབལི༹སོ མཱརསྶ ཨནཡཾ ཨཱཔནྣོ བྱསནཾ ཨཱཔནྣོ ཡཐཱཀཱམཀརཎཱིཡོ པཱཔིམཏོ. ཨེཝཾ དཱརུཎོ ཁོ, བྷིཀྑཝེ ¶ , ལཱབྷསཀྐཱརསིལོཀོ ཀཊུཀོ ཕརུསོ ཨནྟརཱཡིཀོ ཨནུཏྟརསྶ ཡོགཀྑེམསྶ ཨདྷིགམཱཡ. ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘ཨུཔྤནྣཾ ལཱབྷསཀྐཱརསིལོཀཾ པཛཧིསྶཱམ, ན ཙ ནོ ཨུཔྤནྣོ ལཱབྷསཀྐཱརསིལོཀོ ཙིཏྟཾ པརིཡཱདཱཡ ཋསྶཏཱི’ཏི. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. དུཏིཡཾ.

༣. ཀུམྨསུཏྟཾ

༡༥༩. སཱཝཏྠིཡཾ ཝིཧརཏི…པེ… ‘‘དཱརུཎོ ¶ , བྷིཀྑཝེ, ལཱབྷསཀྐཱརསིལོཀོ…པེ… ཨདྷིགམཱཡ. བྷཱུཏཔུབྦཾ, བྷིཀྑཝེ, ཨཉྙཏརསྨིཾ ཨུདཀརཧདེ མཧཱཀུམྨཀུལཾ ཙིརནིཝཱསི ཨཧོསི. ཨཐ ཁོ, བྷིཀྑཝེ, ཨཉྙཏརོ ཀུམྨོ ཨཉྙཏརཾ ཀུམྨཾ ཨེཏདཝོཙ – ‘མཱ ཁོ ཏྭཾ, ཏཱཏ ཀུམྨ, ཨེཏཾ པདེསཾ ཨགམཱསཱི’ཏི. ཨགམཱསི ཁོ, བྷིཀྑཝེ, སོ ཀུམྨོ ཏཾ པདེསཾ. ཏམེནཾ ལུདྡོ པཔཏཱཡ ཝིཛ྄ཛྷི. ཨཐ ཁོ, བྷིཀྑཝེ, སོ ཀུམྨོ ཡེན སོ ཀུམྨོ ཏེནུཔསངྐམི. ཨདྡསཱ ཁོ, བྷིཀྑཝེ, སོ ཀུམྨོ ཏཾ ཀུམྨཾ དཱུརཏོཝ ཨཱགཙྪནྟཾ. དིསྭཱན ཏཾ ཀུམྨཾ ཨེཏདཝོཙ – ‘ཀཙྩི ཏྭཾ, ཏཱཏ ཀུམྨ, ན ཏཾ པདེསཾ ཨགམཱསཱི’ཏི? ‘ཨགམཱསིཾ ཁྭཱཧཾ, ཏཱཏ ཀུམྨ, ཏཾ པདེས’ནྟི. ‘ཀཙྩི ¶ པནཱསི, ཏཱཏ ཀུམྨ, ཨཀྑཏོ ཨནུཔཧཏོ’ཏི? ‘ཨཀྑཏོ ཁོམྷི, ཏཱཏ ཀུམྨ, ཨནུཔཧཏོ, ཨཏྠི ཙ མེ ཨིདཾ སུཏྟཀཾ པིཊྛིཏོ པིཊྛིཏོ ཨནུབནྡྷ’ནྟི. ‘ཏགྒྷསི, ཏཱཏ ཀུམྨ, ཁཏོ, ཏགྒྷ ཨུཔཧཏོ. ཨེཏེན ཧི ཏེ, ཏཱཏ ཀུམྨ, སུཏྟཀེན པིཏརོ ཙ པིཏཱམཧཱ ཙ ཨནཡཾ ཨཱཔནྣཱ བྱསནཾ ཨཱཔནྣཱ. གཙྪ དཱནི ཏྭཾ, ཏཱཏ ཀུམྨ, ན དཱནི ཏྭཾ ཨམྷཱཀ’’’ནྟི.

‘‘ལུདྡོཏི ཁོ, བྷིཀྑཝེ, མཱརསྶེཏཾ པཱཔིམཏོ ཨདྷིཝཙནཾ. པཔཏཱཏི ཁོ, བྷིཀྑཝེ, ལཱབྷསཀྐཱརསིལོཀསྶེཏཾ ཨདྷིཝཙནཾ. སུཏྟཀནྟི ཁོ, བྷིཀྑཝེ, ནནྡིརཱགསྶེཏཾ ཨདྷིཝཙནཾ. ཡོ ཧི ཀོཙི, བྷིཀྑཝེ, བྷིཀྑུ ཨུཔྤནྣཾ ལཱབྷསཀྐཱརསིལོཀཾ ཨསྶཱདེཏི ནིཀཱམེཏི – ཨཡཾ ཝུཙྩཏི, བྷིཀྑཝེ, བྷིཀྑུ གིདྡྷོ པཔཏཱཡ [བྷིཀྑུ པཔཏཱཡ (སྱཱ. ཀཾ.), བྷིཀྑུ ཝིདྡྷོ པཔཏཱཡ (?)] ཨནཡཾ ཨཱཔནྣོ བྱསནཾ ཨཱཔནྣོ ཡཐཱཀཱམཀརཎཱིཡོ ¶ པཱཔིམཏོ. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… ཨེཝཉྷི ¶ ཝོ, བྷིཀྑཝེ, སིཀྑིཏབྦ’’ནྟི. ཏཏིཡཾ.

༤. དཱིགྷལོམིཀསུཏྟཾ

༡༦༠. སཱཝཏྠིཡཾ ¶ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ…པེ… ཨདྷིགམཱཡ. སེཡྻཐཱཔི, བྷིཀྑཝེ, དཱིགྷལོམིཀཱ ཨེལ༹ཀཱ ཀཎྚཀགཧནཾ པཝིསེཡྻ. སཱ ཏཏྲ ཏཏྲ སཛྫེཡྻ, ཏཏྲ ཏཏྲ གཡ྄ཧེཡྻ [གཙྪེཡྻ (སཱི.), གཎྷེཡྻ (སྱཱ. ཀཾ. པཱི. ཀ.)], ཏཏྲ ཏཏྲ བཛ྄ཛྷེཡྻ, ཏཏྲ ཏཏྲ ཨནཡབྱསནཾ ཨཱཔཛྫེཡྻ. ‘ཨེཝམེཝ ཁོ, བྷིཀྑཝེ, ཨིདྷེཀཙྩོ བྷིཀྑུ ལཱབྷསཀྐཱརསིལོཀེན ཨབྷིབྷཱུཏོ པརིཡཱདིཎྞཙིཏྟོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ གཱམཾ ཝཱ ནིགམཾ ཝཱ ¶ པིཎྜཱཡ པཝིསཏི. སོ ཏཏྲ ཏཏྲ སཛྫཏི, ཏཏྲ ཏཏྲ གཡ྄ཧཏི, ཏཏྲ ཏཏྲ བཛ྄ཛྷཏི, ཏཏྲ ཏཏྲ ཨནཡབྱསནཾ ཨཱཔཛྫཏི. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… ཨེཝཉྷི ཝོ, བྷིཀྑཝེ, སིཀྑིཏབྦ’’’ནྟི. ཙཏུཏྠཾ.

༥. མཱིལ༹ྷཀསུཏྟཾ

༡༦༡. སཱཝཏྠིཡཾ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ…པེ… ཨདྷིགམཱཡ. སེཡྻཐཱཔི, བྷིཀྑཝེ, མཱིལ༹ྷཀཱ གཱུཐཱདཱི གཱུཐཔཱུརཱ པུཎྞཱ གཱུཐསྶ. པུརཏོ ཙསྶ མཧཱགཱུཐཔུཉྫོ. སཱ ཏེན ཨཉྙཱ མཱིལ༹ྷཀཱ ཨཏིམཉྙེཡྻ – ‘ཨཧམྷི གཱུཐཱདཱི གཱུཐཔཱུརཱ པུཎྞཱ གཱུཐསྶ, པུརཏོ ཙ མྱཱཡཾ མཧཱགཱུཐཔུཉྫོ’ཏི. ཨེཝམེཝ ¶ ཁོ, བྷིཀྑཝེ, ཨིདྷེཀཙྩོ བྷིཀྑུ ལཱབྷསཀྐཱརསིལོཀེན ཨབྷིབྷཱུཏོ པརིཡཱདིཎྞཙིཏྟོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ གཱམཾ ཝཱ ནིགམཾ ཝཱ པིཎྜཱཡ པཝིསཏི. སོ ཏཏྠ བྷུཏྟཱཝཱི ཙ ཧོཏི ཡཱཝདཏྠོ, ནིམནྟིཏོ ཙ སྭཱཏནཱཡ, པིཎྜཔཱཏོ ཙསྶ པཱུརོ. སོ ཨཱརཱམཾ གནྟྭཱ བྷིཀྑུགཎསྶ མཛ྄ཛྷེ ཝིཀཏྠཏི – ‘བྷུཏྟཱཝཱི ཙམྷི ཡཱཝདཏྠོ, ནིམནྟིཏོ ཙམྷི སྭཱཏནཱཡ, པིཎྜཔཱཏོ ཙ མྱཱཡཾ པཱུརོ, ལཱབྷཱི ཙམྷི ཙཱིཝར-པིཎྜཔཱཏ-སེནཱསན-གིལཱནཔྤཙྩཡ-བྷེསཛྫཔརིཀྑཱརཱནཾ, ཨིམེ པནཉྙེ བྷིཀྑཱུ ཨཔྤཔུཉྙཱ ཨཔྤེསཀྑཱ ན ལཱབྷིནོ ཙཱིཝར-པིཎྜཔཱཏསེནཱསན-གིལཱནཔྤཙྩཡ-བྷེསཛྫ-པརིཀྑཱརཱན’ནྟི. སོ ཏེན ལཱབྷསཀྐཱརསིལོཀེན ཨབྷིབྷཱུཏོ པརིཡཱདིཎྞཙིཏྟོ ཨཉྙེ པེསལེ བྷིཀྑཱུ ཨཏིམཉྙཏི. ཏཉྷི ཏསྶ, བྷིཀྑཝེ ¶ , མོགྷཔུརིསསྶ ¶ ཧོཏི དཱིགྷརཏྟཾ ཨཧིཏཱཡ དུཀྑཱཡ. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… ཨེཝཉྷི ཝོ བྷིཀྑཝེ, སིཀྑིཏབྦ’’ནྟི. པཉྩམཾ.

༦. ཨསནིསུཏྟཾ

༡༦༢. སཱཝཏྠིཡཾ ¶ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ…པེ… ཨདྷིགམཱཡ. [ཨུཔརི ཏཏིཡཝགྒེ ཏཏིཡཙཏུཏྠསུཏྟེསུ ‘‘མཱ ཙ ཁོ ཏྭཾ ཏཱཏ སེཁཾ… ཨནུཔཱཔུཎཱཏཱུ’’ཏི ཨཱགཏཾ. ཏེན ནཡེན ཨིདྷཱཔི ཨཏྠོ གཧེཏབྦོ. ཨེཏྠ ཧི ཀིཾ སདྡེན པཊིཀྑེཔཏྠོཔི སཀྐཱ ཉཱཏུཾ, ཡཐཱ ‘‘སཡཾ ཨབྷིཉྙཱཡ ཀམུདྡིསེཡྻ’’ནྟི. ཏསྨཱ ཀཾ… ཨཱགཙྪཏཱུཏི ཨེཏྠ ཀམཔི… མཱ ཨཱགཙྪཏཱུཏི ཙ, ཀཾ སེཁཾ… ཨནུཔཱཔུཎཱཏཱུཏི ཨེཏྠ ཀམཔི སེཁཾ… མཱ པཱཔུཎཱཏཱུཏི ཙ ཨཏྠོ ཝེདིཏབྦོ. ཨཊྛཀཐཱཊཱིཀཱསུ ཙ ཨཡམེཝཏྠོ ཉཱཔིཏོ] ཀཾ, བྷིཀྑཝེ, ཨསནིཝིཙཀྐཾ ཨཱགཙྪཏུ [ཨུཔརི ཏཏིཡཝགྒེ ཏརིཡཙཏུཏྠསུཏྟེསུ ‘‘མཱ ཙ ཁོ ཏྭཾ ཏཱཏ སེཁཾ… ཨནུཔཱཔུཎཱཏཱུ’’ཏི ཨཱགཏཾ. ཏེན ནཡེན ཨིདྷཱཔི ཨཏྠོ གཧེཏབྦོ. ཨེཏྠ ཧི ཀིཾ སདྡེན པཊིཀྑེཔཏྠོཔི སཀྐཱ ཉཱཏུཾ, ཡཐཱ ‘‘སཡཾ ཨབྷིཉྙཱཡ ཀམུདྡིསེཡྻ’’ནྟི. ཏསྨཱ ཀཾ… ཨཱགཙྪཏཱུཏི ཨེཏྠ ཀམཔི… མཱ ཨཱགཙྪཏཱུཏིཙ, ཏཾ སེཁཾ… ཨནུཔཱཔུཎཱཏཱུཏི ཨེཏྠ ཀམཔི སེཁཾ… མཱ པཱཔུཎཱཏཱུཏི ཙ ཨཏྠོ ཝེདིཏབྦོ. ཨཊྛཀཐཱཊཱིཀཱསུ ཙ ཨཡམེཝཏྠོ ཉཱཔིཏོ], སེཁཾ [ཨསནིཝིཙཀྐཾ, ཏཾ སེཁཾ (པཱི. ཀ.), ཨསནིཝིཙཀྐཾ, སེཁཾ (སྱཱ. ཀཾ.), ཨསནིཝིཙཀྐཾ ཨཱགཙྪཏུ, ཀཾ སེཁཾ (?)] ཨཔྤཏྟམཱནསཾ ལཱབྷསཀྐཱརསིལོཀོ ཨནུཔཱཔུཎཱཏུ’’ [ཨནུཔཱཔུཎཱཏི (པཱི. ཀ.)].

‘‘ཨསནིཝིཙཀྐནྟི ཁོ, བྷིཀྑཝེ, ལཱབྷསཀྐཱརསིལོཀསྶེཏཾ ཨདྷིཝཙནཾ. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. ཚཊྛཾ.

༧. དིདྡྷསུཏྟཾ

༡༦༣. སཱཝཏྠིཡཾ ཝིཧརཏི…པེ… ‘‘དཱརུཎོ ¶ , བྷིཀྑཝེ, ལཱབྷསཀྐཱརསིལོཀོ…པེ… ཨདྷིགམཱཡ. ཀཾ, བྷིཀྑཝེ, དིདྡྷགཏེན ཝིསལླེན སལླེན [དིཊྛིགཏེན ཝིསལླེན (ཀ. སཱི.), དིཊྛིགཏེན སལླེན (སྱཱ. ཀཾ.), དིཊྛིགཏེན ཝིསལླེན སལླེན (ཀ.), དིཊྛགཏེན ཝིསལླེན སལླེན (པཱི.)] ཝིཛ྄ཛྷཏུ, སེཁཾ [ཝིཛ྄ཛྷཏུ, ཏཾ སེཁཾ (སཱི.), ཝིཛ྄ཛྷཏི, ཏཾ སེཁཾ (པཱི. ཀ.)] ཨཔྤཏྟམཱནསཾ ལཱབྷསཀྐཱརསིལོཀོ ཨནུཔཱཔུཎཱཏུ’’ [ཨནུཔཱཔུཎཱཏི (པཱི. ཀ.)].

‘‘སལླནྟི ཁོ, བྷིཀྑཝེ, ལཱབྷསཀྐཱརསིལོཀསྶེཏཾ ཨདྷིཝཙནཾ. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. སཏྟམཾ.

༨. སིངྒཱལསུཏྟཾ

༡༦༤. སཱཝཏྠིཡཾ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ…པེ… ཨདྷིགམཱཡ. ཨསྶུཏྠ ནོ ཏུམྷེ, བྷིཀྑཝེ, རཏྟིཡཱ པཙྩཱུསསམཡཾ ¶ ཛརསིངྒཱལསྶ [སིངྒཱལསྶ (ཀ.), ཛརསིགཱལསྶ (སཱི. སྱཱ. ཀཾ.)] ཝསྶམཱནསྶཱ’’ཏི? ‘‘ཨེཝཾ, བྷནྟེ’’. ‘‘ཨེསོ ཁོ, བྷིཀྑཝེ, ཛརསིངྒཱལོ ཨུཀྐཎྜཀེན ¶ [ཨུཀྐཎྜཀེན (སཱི.), ཨུཀྐཎྞཀེན (སྱཱ. ཀཾ. པཱི.)] ནཱམ རོགཛཱཏེན ཕུཊྛོ ནེཝ བིལགཏོ རམཏི, ན རུཀྑམཱུལགཏོ རམཏི, ན ཨཛ྄ཛྷོཀཱསགཏོ རམཏི; ཡེན ¶ ཡེན གཙྪཏི, ཡཏྠ ཡཏྠ ཏིཊྛཏི, ཡཏྠ ཡཏྠ ནིསཱིདཏི, ཡཏྠ ཡཏྠ ནིཔཛྫཏི; ཏཏྠ ཏཏྠ ཨནཡབྱསནཾ ཨཱཔཛྫཏི. ཨེཝམེཝ ཁོ, བྷིཀྑཝེ, ཨིདྷེཀཙྩོ བྷིཀྑུ ལཱབྷསཀྐཱརསིལོཀེན ཨབྷིབྷཱུཏོ པརིཡཱདིཎྞཙིཏྟོ ནེཝ སུཉྙཱགཱརགཏོ རམཏི, ན རུཀྑམཱུལགཏོ རམཏི, ན ཨཛ྄ཛྷོཀཱསགཏོ རམཏི; ཡེན ཡེན གཙྪཏི, ཡཏྠ ཡཏྠ ཏིཊྛཏི, ཡཏྠ ཡཏྠ ནིསཱིདཏི, ཡཏྠ ཡཏྠ ནིཔཛྫཏི; ཏཏྠ ཏཏྠ ཨནཡབྱསནཾ ཨཱཔཛྫཏི. ཨེཝཾ ¶ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. ཨཊྛམཾ.

༩. ཝེརམྦྷསུཏྟཾ

༡༦༥. སཱཝཏྠིཡཾ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ…པེ… ཨདྷིགམཱཡ. ཨུཔརི, བྷིཀྑཝེ, ཨཱཀཱསེ ཝེརམྦྷཱ [ཝེརམྦཱ (སཱི. པཱི.)] ནཱམ ཝཱཏཱ ཝཱཡནྟི. ཏཏྠ ཡོ པཀྑཱི གཙྪཏི ཏམེནཾ ཝེརམྦྷཱ ཝཱཏཱ ཁིཔནྟི. ཏསྶ ཝེརམྦྷཝཱཏཀྑིཏྟསྶ ཨཉྙེནེཝ པཱདཱ གཙྪནྟི, ཨཉྙེན པཀྑཱ གཙྪནྟི, ཨཉྙེན སཱིསཾ གཙྪཏི, ཨཉྙེན ཀཱཡོ གཙྪཏི. ཨེཝམེཝ ཁོ, བྷིཀྑཝེ, ཨིདྷེཀཙྩོ བྷིཀྑུ ལཱབྷསཀྐཱརསིལོཀེན ཨབྷིབྷཱུཏོ པརིཡཱདིཎྞཙིཏྟོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ གཱམཾ ཝཱ ནིགམཾ ཝཱ པིཎྜཱཡ པཝིསཏི ཨརཀྑིཏེནེཝ ཀཱཡེན ཨརཀྑིཏཱཡ ཝཱཙཱཡ ཨརཀྑིཏེན ཙིཏྟེན, ཨནུཔཊྛིཏཱཡ སཏིཡཱ, ཨསཾཝུཏེཧི ཨིནྡྲིཡེཧི. སོ ཏཏྠ ¶ པསྶཏི མཱཏུགཱམཾ དུནྣིཝཏྠཾ ཝཱ དུཔྤཱརུཏཾ ཝཱ. ཏསྶ མཱཏུགཱམཾ དིསྭཱ དུནྣིཝཏྠཾ ཝཱ དུཔྤཱརུཏཾ ཝཱ རཱགོ ཙིཏྟཾ ཨནུདྡྷཾསེཏི. སོ རཱགཱནུདྡྷཾསིཏེན ཙིཏྟེན སིཀྑཾ པཙྩཀྑཱཡ ཧཱིནཱཡཱཝཏྟཏི. ཏསྶ ཨཉྙེ ཙཱིཝརཾ ཧརནྟི, ཨཉྙེ པཏྟཾ ཧརནྟི, ཨཉྙེ ནིསཱིདནཾ ཧརནྟི, ཨཉྙེ སཱུཙིགྷརཾ ཧརནྟི, ཝེརམྦྷཝཱཏཀྑིཏྟསྶེཝ སཀུཎསྶ. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. ནཝམཾ.

༡༠. སགཱཐཀསུཏྟཾ

༡༦༦. སཱཝཏྠིཡཾ ¶ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ…པེ… ཨདྷིགམཱཡ. ཨིདྷཱཧཾ, བྷིཀྑཝེ, ཨེཀཙྩཾ པུགྒལཾ པསྶཱམི སཀྐཱརེན ¶ ཨབྷིབྷཱུཏཾ པརིཡཱདིཎྞཙིཏྟཾ, ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔནྣཾ. ཨིདྷ པནཱཧཾ, བྷིཀྑཝེ ¶ , ཨེཀཙྩཾ པུགྒལཾ པསྶཱམི ཨསཀྐཱརེན ཨབྷིབྷཱུཏཾ པརིཡཱདིཎྞཙིཏྟཾ, ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔནྣཾ. ཨིདྷ པནཱཧཾ, བྷིཀྑཝེ, ཨེཀཙྩཾ པུགྒལཾ པསྶཱམི སཀྐཱརེན ཙ ཨསཀྐཱརེན ཙ ཏདུབྷཡེན ཨབྷིབྷཱུཏཾ པརིཡཱདིཎྞཙིཏྟཾ, ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔནྣཾ. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི.

ཨིདམཝོཙ བྷགཝཱ. ཨིདཾ ཝཏྭཱན སུགཏོ ཨཐཱཔརཾ ཨེཏདཝོཙ སཏྠཱ –

‘‘ཡསྶ ¶ སཀྐརིཡམཱནསྶ, ཨསཀྐཱརེན ཙཱུབྷཡཾ;

སམཱདྷི ན ཝིཀམྤཏི, ཨཔྤམཱཎཝིཧཱརིནོ [ཨཔྤམཱདཝིཧཱརིནོ (པཱི. ཀ.) ཨཔྤམཱཎོཏི ཧེཏྠ ཕལསམཱདྷི, ན སཏི].

‘‘ཏཾ ཛྷཱཡིནཾ སཱཏཏིཀཾ, སུཁུམཾ དིཊྛིཝིཔསྶཀཾ;

ཨུཔཱདཱནཀྑཡཱརཱམཾ, ཨཱཧུ སཔྤུརིསོ ཨིཏཱི’’ཏི. དསམཾ;

པཋམོ ཝགྒོ.

ཏསྶུདྡཱནཾ –

དཱརུཎོ བལི༹སཾ ཀུམྨཾ, དཱིགྷལོམི ཙ མཱིལ༹ྷཀཾ;

ཨསནི དིདྡྷཾ སིངྒཱལཾ, ཝེརམྦྷེན སགཱཐཀནྟི.

༢. དུཏིཡཝགྒོ

༡. སུཝཎྞཔཱཏིསུཏྟཾ

༡༦༧. སཱཝཏྠིཡཾ ¶ ¶ ¶ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ…པེ… ཨདྷིགམཱཡ. ཨིདྷཱཧཾ, བྷིཀྑཝེ, ཨེཀཙྩཾ པུགྒལཾ ཨེཝཾ ཙེཏསཱ ཙེཏོ པརིཙྩ པཛཱནཱམི – ‘ན ཙཱཡམཱཡསྨཱ ¶ སུཝཎྞཔཱཏིཡཱཔི རཱུཔིཡཙུཎྞཔརིཔཱུརཱཡ ཧེཏུ སམྤཛཱནམུསཱ བྷཱསེཡྻཱ’ཏི. ཏམེནཾ པསྶཱམི ཨཔརེན སམཡེན ལཱབྷསཀྐཱརསིལོཀེན ཨབྷིབྷཱུཏཾ པརིཡཱདིཎྞཙིཏྟཾ སམྤཛཱནམུསཱ བྷཱསནྟཾ. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. པཋམཾ.

༢. རཱུཔིཡཔཱཏིསུཏྟཾ

༡༦༨. སཱཝཏྠིཡཾ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ…པེ… ཨིདྷཱཧཾ, བྷིཀྑཝེ, ཨེཀཙྩཾ པུགྒལཾ ཨེཝཾ ཙེཏསཱ ཙེཏོ པརིཙྩ པཛཱནཱམི – ‘ན ཙཱཡམཱཡསྨཱ རཱུཔིཡཔཱཏིཡཱཔི སུཝཎྞཙུཎྞཔརིཔཱུརཱཡ ཧེཏུ སམྤཛཱནམུསཱ བྷཱསེཡྻཱ’ཏི. ཏམེནཾ པསྶཱམི ཨཔརེན སམཡེན ལཱབྷསཀྐཱརསིལོཀེན ཨབྷིབྷཱུཏཾ པརིཡཱདིཎྞཙིཏྟཾ སམྤཛཱནམུསཱ བྷཱསནྟཾ. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. དུཏིཡཾ.

༣-༡༠. སུཝཎྞནིཀྑསུཏྟཱདིཨཊྛཀཾ

༡༦༩. སཱཝཏྠིཡཾ ཝིཧརཏི…པེ… ‘‘ཨིདྷཱཧཾ ¶ , བྷིཀྑཝེ, ཨེཀཙྩཾ པུགྒལཾ ཨེཝཾ ཙེཏསཱ ཙེཏོ པརིཙྩ པཛཱནཱམི – ‘ན ཙཱཡམཱཡསྨཱ སུཝཎྞནིཀྑསྶཱཔི ¶ ཧེཏུ…པེ… སུཝཎྞནིཀྑསཏསྶཱཔི ཧེཏུ… སིངྒཱིནིཀྑསྶཱཔི ཧེཏུ… སིངྒཱིནིཀྑསཏསྶཱཔི ཧེཏུ… པཐཝིཡཱཔི ཛཱཏརཱུཔཔརིཔཱུརཱཡ ཧེཏུ… ཨཱམིསཀིཉྩིཀྑཧེཏུཔི… ཛཱིཝིཏཧེཏུཔི… ཛནཔདཀལྱཱཎིཡཱཔི ཧེཏུ སམྤཛཱནམུསཱ བྷཱསེཡྻཱ’ཏི. ཏམེནཾ པསྶཱམི ཨཔརེན སམཡེན ལཱབྷསཀྐཱརསིལོཀེན ཨབྷིབྷཱུཏཾ པརིཡཱདིཎྞཙིཏྟཾ སམྤཛཱནམུསཱ བྷཱསནྟཾ. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. དསམཾ.

དུཏིཡོ ཝགྒོ.

ཏསྶུདྡཱནཾ –

དྭེ ¶ ¶ པཱཏི དྭེ སུཝཎྞཱ ཙ, སིངྒཱིཧི ཨཔརེ དུཝེ;

པཐཝཱི ཀིཉྩིཀྑཛཱིཝིཏཾ, ཛནཔདཀལྱཱཎིཡཱ དསཱཏི.

༣. ཏཏིཡཝགྒོ

༡. མཱཏུགཱམསུཏྟཾ

༡༧༠. སཱཝཏྠིཡཾ ¶ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ…པེ… ན ¶ ཏསྶ, བྷིཀྑཝེ, མཱཏུགཱམོ ཨེཀོ ཨེཀསྶ ཙིཏྟཾ པརིཡཱདཱཡ ཏིཊྛཏི ཡསྶ ལཱབྷསཀྐཱརསིལོཀོ ཙིཏྟཾ པརིཡཱདཱཡ ཏིཊྛཏི. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ …པེ… ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. པཋམཾ.

༢. ཀལྱཱཎཱིསུཏྟཾ

༡༧༡. སཱཝཏྠིཡཾ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ…པེ… ན ཏསྶ, བྷིཀྑཝེ, ཛནཔདཀལྱཱཎཱི ཨེཀཱ ཨེཀསྶ ཙིཏྟཾ པརིཡཱདཱཡ ཏིཊྛཏི ཡསྶ ལཱབྷསཀྐཱརསིལོཀོ ཙིཏྟཾ པརིཡཱདཱཡ ཏིཊྛཏི. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. དུཏིཡཾ.

༣. ཨེཀཔུཏྟཀསུཏྟཾ

༡༧༢. སཱཝཏྠིཡཾ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ…པེ… སདྡྷཱ, བྷིཀྑཝེ, ཨུཔཱསིཀཱ ཨེཀཔུཏྟཀཾ པིཡཾ མནཱཔཾ ཨེཝཾ སམྨཱ ཨཱཡཱཙམཱནཱ ཨཱཡཱཙེཡྻ – ‘ཏཱདིསོ, ཏཱཏ, བྷཝཱཧི ཡཱདིསོ ཙིཏྟོ ཙ གཧཔཏི ཧཏྠཀོ ཙ ཨཱལ༹ཝཀོ’ཏི. ཨེསཱ, བྷིཀྑཝེ ¶ , ཏུལཱ ཨེཏཾ པམཱཎཾ མམ སཱཝཀཱནཾ ཨུཔཱསཀཱནཾ, ཡདིདཾ ཙིཏྟོ ¶ ཙ གཧཔཏི ཧཏྠཀོ ཙ ཨཱལ༹ཝཀོ. སཙེ ཁོ ཏྭཾ, ཏཱཏ, ཨགཱརསྨཱ ཨནགཱརིཡཾ པབྦཛསི; ཏཱདིསོ, ཏཱཏ, བྷཝཱཧི ཡཱདིསཱ སཱརིཔུཏྟམོགྒལླཱནཱཏི. ཨེསཱ, བྷིཀྑཝེ, ཏུལཱ ཨེཏཾ པམཱཎཾ མམ སཱཝཀཱནཾ བྷིཀྑཱུནཾ, ཡདིདཾ སཱརིཔུཏྟམོགྒལཱནཱ ¶ . མཱ ཙ ཁོ ཏྭཾ, ཏཱཏ, སེཁཾ ཨཔྤཏྟམཱནསཾ ལཱབྷསཀྐཱརསིལོཀོ ཨནུཔཱཔུཎཱཏཱུཏི. ཏཉྩེ, བྷིཀྑཝེ, བྷིཀྑུཾ ¶ སེཁཾ ཨཔྤཏྟམཱནསཾ ལཱབྷསཀྐཱརསིལོཀོ ཨནུཔཱཔུཎཱཏི, སོ ཏསྶ ཧོཏི ཨནྟརཱཡཱཡ. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. ཏཏིཡཾ.

༤. ཨེཀདྷཱིཏུསུཏྟཾ

༡༧༣. སཱཝཏྠིཡཾ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ…པེ… སདྡྷཱ བྷིཀྑཝེ ཨུཔཱསིཀཱ ཨེཀཾ དྷཱིཏརཾ པིཡཾ མནཱཔཾ ཨེཝཾ སམྨཱ ཨཱཡཱཙམཱནཱ ཨཱཡཱཙེཡྻ – ‘ཏཱདིསཱ, ཨཡྻེ, བྷཝཱཧི ཡཱདིསཱ ཁུཛྫུཏྟརཱ ཙ ཨུཔཱསིཀཱ ཝེལུ༹ཀཎྜཀིཡཱ [ཝེལུ༹ཀཎྜཀཱི (སཱི. ཚཀྐངྒུཏྟརེཔི)] ཙ ནནྡམཱཏཱ’ཏི. ཨེསཱ, བྷིཀྑཝེ, ཏུལཱ ཨེཏཾ པམཱཎཾ མམ སཱཝིཀཱནཾ ཨུཔཱསིཀཱནཾ, ཡདིདཾ ཁུཛྫུཏྟརཱ ཙ ཨུཔཱསིཀཱ ཝེལུ༹ཀཎྜཀིཡཱ ཙ ནནྡམཱཏཱ. སཙེ ཁོ ཏྭཾ, ཨཡྻེ, ཨགཱརསྨཱ ཨནགཱརིཡཾ པབྦཛསི; ཏཱདིསཱ, ཨཡྻེ, བྷཝཱཧི ཡཱདིསཱ ཁེམཱ ཙ བྷིཀྑུནཱི ཨུཔྤལཝཎྞཱ ཙཱཏི. ཨེསཱ, བྷིཀྑཝེ, ཏུལཱ ཨེཏཾ པམཱཎཾ མམ སཱཝིཀཱནཾ བྷིཀྑུནཱིནཾ, ཡདིདཾ ཁེམཱ ¶ ཙ བྷིཀྑུནཱི ཨུཔྤལཝཎྞཱ ཙ. མཱ ཙ ཁོ ཏྭཾ, ཨཡྻེ, སེཁཾ ཨཔྤཏྟམཱནསཾ ལཱབྷསཀྐཱརསིལོཀོ ཨནུཔཱཔུཎཱཏཱུཏི. ཏཾ ཙེ, བྷིཀྑཝེ, བྷིཀྑུནིཾ སེཁཾ ཨཔྤཏྟམཱནསཾ ལཱབྷསཀྐཱརསིལོཀོ ཨནུཔཱཔུཎཱཏི, སོ ཏསྶཱ ཧོཏི ཨནྟརཱཡཱཡ. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. ཙཏུཏྠཾ.

༥. སམཎབྲཱཧྨཎསུཏྟཾ

༡༧༤. སཱཝཏྠིཡཾ ཝིཧརཏི…པེ… ‘‘ཡེ ¶ ཧི ཀེཙི, བྷིཀྑཝེ, སམཎཱ ཝཱ བྲཱཧྨཎཱ ཝཱ ལཱབྷསཀྐཱརསིལོཀསྶ ཨསྶཱདཉྩ ཨཱདཱིནཝཉྩ ནིསྶརཎཉྩ ཡཐཱབྷཱུཏཾ ནཔྤཛཱནནྟི, ན མེ ཏེ, བྷིཀྑཝེ, སམཎཱ ཝཱ བྲཱཧྨཎཱ ཝཱ སམཎེསུ ཝཱ སམཎསམྨཏཱ བྲཱཧྨཎེསུ ཝཱ བྲཱཧྨཎསམྨཏཱ, ན ཙ པན ཏེ ཨཱཡསྨནྟཱ སཱམཉྙཏྠཾ ཝཱ བྲཧྨཉྙཏྠཾ ཝཱ དིཊྛེཝ དྷམྨེ སཡཾ ཨབྷིཉྙཱ ¶ སཙྪིཀཏྭཱ ཨུཔསམྤཛྫ ཝིཧརནྟི. ཡེ ཙ ཁོ ཀེཙི, བྷིཀྑཝེ, སམཎཱ ཝཱ བྲཱཧྨཎཱ ཝཱ ལཱབྷསཀྐཱརསིལོཀསྶ ཨསྶཱདཉྩ ཨཱདཱིནཝཉྩ ¶ ནིསྶརཎཉྩ ཡཐཱབྷཱུཏཾ པཛཱནནྟི, ཏེ ཙ ཁོ མེ, བྷིཀྑཝེ, སམཎཱ ཝཱ བྲཱཧྨཎཱ ཝཱ སམཎེསུ ཙེཝ སམཎསམྨཏཱ བྲཱཧྨཎེསུ ཙ བྲཱཧྨཎསམྨཏཱ, ཏེ ཙ པནཱཡསྨནྟོ སཱམཉྙཏྠཉྩ བྲཧྨཉྙཏྠཉྩ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟཱི’’ཏི. པཉྩམཾ.

༦. དུཏིཡསམཎབྲཱཧྨཎསུཏྟཾ

༡༧༥. སཱཝཏྠིཡཾ ཝིཧརཏི…པེ… ‘‘ཡེ ཧི ཀེཙི, བྷིཀྑཝེ, སམཎཱ ཝཱ བྲཱཧྨཎཱ ཝཱ ལཱབྷསཀྐཱརསིལོཀསྶ སམུདཡཉྩ ཨཏྠངྒམཉྩ ཨསྶཱདཉྩ ཨཱདཱིནཝཉྩ ནིསྶརཎཉྩ ཡཐཱབྷཱུཏཾ ནཔྤཛཱནནྟི…པེ… པཛཱནནྟི…པེ… སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟཱི’’ཏི. ཚཊྛཾ.

༧. ཏཏིཡསམཎབྲཱཧྨཎསུཏྟཾ

༡༧༦. སཱཝཏྠིཡཾ ཝིཧརཏི…པེ… ‘‘ཡེ ཧི ཀེཙི, བྷིཀྑཝེ, སམཎཱ ཝཱ བྲཱཧྨཎཱ ¶ ཝཱ ལཱབྷསཀྐཱརསིལོཀཾ ཡཐཱབྷཱུཏཾ ནཔྤཛཱནནྟི, ལཱབྷསཀྐཱརསིལོཀསམུདཡཾ ནཔྤཛཱནནྟི, ལཱབྷསཀྐཱརསིལོཀནིརོདྷཾ ནཔྤཛཱནནྟི, ལཱབྷསཀྐཱརསིལོཀནིརོདྷགཱམིནིཾ པཊིཔདཾ ནཔྤཛཱནནྟི …པེ… པཛཱནནྟི…པེ… སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟཱི’’ཏི. སཏྟམཾ.

༨. ཚཝིསུཏྟཾ

༡༧༧. སཱཝཏྠིཡཾ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ. ལཱབྷསཀྐཱརསིལོཀོ ¶ , བྷིཀྑཝེ, ཚཝིཾ ཚིནྡཏི, ཚཝིཾ ཚེཏྭཱ ཙམྨཾ ཚིནྡཏི, ཙམྨཾ ཚེཏྭཱ མཾསཾ ཚིནྡཏི, མཾསཾ ཚེཏྭཱ ནྷཱརུཾ ཚིནྡཏི, ནྷཱརུཾ ཚེཏྭཱ ཨཊྛིཾ ཚིནྡཏི, ཨཊྛིཾ ཚེཏྭཱ ཨཊྛིམིཉྫཾ ¶ ཨཱཧཙྩ ཏིཊྛཏི. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… ཨེཝཉྷི ཝོ བྷིཀྑཝེ, སིཀྑིཏབྦ’’ནྟི. ཨཊྛམཾ.

༩. རཛྫུསུཏྟཾ

༡༧༨. སཱཝཏྠིཡཾ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ. ལཱབྷསཀྐཱརསིལོཀོ, བྷིཀྑཝེ, ཚཝིཾ ཚིནྡཏི, ཚཝིཾ ཚེཏྭཱ ཙམྨཾ ཚིནྡཏི, ཙམྨཾ ཚེཏྭཱ མཾསཾ ཚིནྡཏི, མཾསཾ ཚེཏྭཱ ནྷཱརུཾ ཚིནྡཏི, ནྷཱརུཾ ཚེཏྭཱ ཨཊྛིཾ ཚིནྡཏི, ཨཊྛིཾ ཚེཏྭཱ ཨཊྛིམིཉྫཾ ཨཱཧཙྩ ཏིཊྛཏི’’.

‘‘སེཡྻཐཱཔི ¶ , བྷིཀྑཝེ, བལཝཱ པུརིསོ དལ༹ྷཱཡ ཝཱལ༹རཛྫུཡཱ ཛངྒྷཾ ཝེཋེཏྭཱ གྷཾསེཡྻ. སཱ ཚཝིཾ ཚིནྡེཡྻ, ཚཝིཾ ཚེཏྭཱ ཙམྨཾ ཚིནྡེཡྻ, ཙམྨཾ ཚེཏྭཱ མཾསཾ ཚིནྡེཡྻ, མཾསཾ ཚེཏྭཱ ནྷཱརུཾ ཚིནྡེཡྻ, ནྷཱརུཾ ཚེཏྭཱ ཨཊྛིཾ ཚིནྡེཡྻ, ཨཊྛིཾ ཚེཏྭཱ ཨཊྛིམིཉྫཾ ཨཱཧཙྩ ཏིཊྛེཡྻ. ཨེཝམེཝ ཁོ, བྷིཀྑཝེ, ལཱབྷསཀྐཱརསིལོཀོ ¶ ཚཝིཾ ཚིནྡཏི, ཚཝིཾ ཚེཏྭཱ ཙམྨཾ ཚིནྡཏི, ཙམྨཾ ཚེཏྭཱ མཾསཾ ཚིནྡཏི, མཾསཾ ཚེཏྭཱ ནྷཱརུཾ ཚིནྡཏི, ནྷཱརུཾ ཚེཏྭཱ ཨཊྛིཾ ཚིནྡཏི, ཨཊྛིཾ ཚེཏྭཱ ཨཊྛིཾམིཉྫཾ ཨཱཧཙྩ ཏིཊྛཏི. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. ནཝམཾ.

༡༠. བྷིཀྑུསུཏྟཾ

༡༧༩. སཱཝཏྠིཡཾ ཝིཧརཏི…པེ… ‘‘ཡོཔི ¶ སོ, བྷིཀྑཝེ, བྷིཀྑུ ཨརཧཾ ཁཱིཎཱསཝོ ཏསྶཔཱཧཾ ལཱབྷསཀྐཱརསིལོཀོ ཨནྟརཱཡཱཡ ཝདཱམཱི’’ཏི. ཨེཝཾ ཝུཏྟེ, ཨཱཡསྨཱ ཨཱནནྡོ བྷགཝནྟཾ ཨེཏདཝོཙ – ‘‘ཀིསྶ པན, བྷནྟེ, ཁཱིཎཱསཝསྶ བྷིཀྑུནོ ལཱབྷསཀྐཱརསིལོཀོ ཨནྟརཱཡཱཡཱ’’ཏི? ‘‘ཡཱ ཧིསྶ སཱ, ཨཱནནྡ, ཨཀུཔྤཱ ཙེཏོཝིམུཏྟི ནཱཧཾ ཏསྶཱ ལཱབྷསཀྐཱརསིལོཀཾ ཨནྟརཱཡཱཡ ཝདཱམི. ཡེ ཙ ཁྭསྶ, ཨཱནནྡ, ཨཔྤམཏྟསྶ ཨཱཏཱཔིནོ པཧིཏཏྟསྶ ཝིཧརཏོ དིཊྛདྷམྨསུཁཝིཧཱརཱ ཨདྷིགཏཱ ཏེསཱཧམསྶ ལཱབྷསཀྐཱརསིལོཀཾ ཨནྟརཱཡཱཡ ཝདཱམི. ཨེཝཾ དཱརུཎོ ཁོ, ཨཱནནྡ, ལཱབྷསཀྐཱརསིལོཀོ ཀཊུཀོ ཕརུསོ ཨནྟརཱཡིཀོ ཨནུཏྟརསྶ ཡོགཀྑེམསྶ ཨདྷིགམཱཡ. ཏསྨཱཏིཧཱནནྡ, ཨེཝཾ སིཀྑིཏབྦཾ – ‘ཨུཔྤནྣཾ ¶ ལཱབྷསཀྐཱརསིལོཀཾ པཛཧིསྶཱམ, ན ཙ ནོ ཨུཔྤནྣོ ལཱབྷསཀྐཱརསིལོཀོ ཙིཏྟཾ པརིཡཱདཱཡ ཋསྶཏཱི’ཏི. ཨེཝཉྷི ཝོ, ཨཱནནྡ, སིཀྑིཏབྦ’’ནྟི. དསམཾ.

ཏཏིཡོ ཝགྒོ.

ཏསྶུདྡཱནཾ –

མཱཏུགཱམོ ¶ ཙ ཀལྱཱཎཱི, པུཏྟོ ཙ ཨེཀདྷཱིཏུ ཙ;

སམཎབྲཱཧྨཎཱ ཏཱིཎི, ཚཝི རཛྫུ ཙ བྷིཀྑུནཱཏི.

༤. ཙཏུཏྠཝགྒོ

༡. བྷིནྡིསུཏྟཾ

༡༨༠. སཱཝཏྠིཡཾ ¶ ¶ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ. ལཱབྷསཀྐཱརསིལོཀེན ¶ ཨབྷིབྷཱུཏོ པརིཡཱདིཎྞཙིཏྟོ, བྷིཀྑཝེ, དེཝདཏྟོ སངྒྷཾ བྷིནྡི. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… སིཀྑིཏབྦ’’ནྟི. པཋམཾ.

༢. ཀུསལམཱུལསུཏྟཾ

༡༨༡. སཱཝཏྠིཡཾ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ. ལཱབྷསཀྐཱརསིལོཀེན ཨབྷིབྷཱུཏསྶ པརིཡཱདིཎྞཙིཏྟསྶ, བྷིཀྑཝེ, དེཝདཏྟསྶ ཀུསལམཱུལཾ སམུཙྪེདམགམཱ. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… སིཀྑིཏབྦ’’ནྟི. དུཏིཡཾ.

༣. ཀུསལདྷམྨསུཏྟཾ

༡༨༢. སཱཝཏྠིཡཾ ¶ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ. ལཱབྷསཀྐཱརསིལོཀེན ཨབྷིབྷཱུཏསྶ པརིཡཱདིཎྞཙིཏྟསྶ, བྷིཀྑཝེ, དེཝདཏྟསྶ ཀུསལོ དྷམྨོ སམུཙྪེདམགམཱ. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… སིཀྑིཏབྦ’’ནྟི. ཏཏིཡཾ.

༤. སུཀྐདྷམྨསུཏྟཾ

༡༨༣. སཱཝཏྠིཡཾ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ. ལཱབྷསཀྐཱརསིལོཀེན ཨབྷིབྷཱུཏསྶ པརིཡཱདིཎྞཙིཏྟསྶ, བྷིཀྑཝེ, དེཝདཏྟསྶ སུཀྐོ དྷམྨོ སམུཙྪེདམགམཱ. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… སིཀྑིཏབྦ’’ནྟི ¶ . ཙཏུཏྠཾ.

༥. ཨཙིརཔཀྐནྟསུཏྟཾ

༡༨༤. ཨེཀཾ ¶ སམཡཾ བྷགཝཱ རཱཛགཧེ ཝིཧརཏི གིཛ྄ཛྷཀཱུཊེ པབྦཏེ ཨཙིརཔཀྐནྟེ དེཝདཏྟེ. ཏཏྲ ཁོ བྷགཝཱ དེཝདཏྟཾ ཨཱརབྦྷ བྷིཀྑཱུ ཨཱམནྟེསི ¶ – ‘‘ཨཏྟཝདྷཱཡ, བྷིཀྑཝེ, དེཝདཏྟསྶ ལཱབྷསཀྐཱརསིལོཀོ ཨུདཔཱདི, པརཱབྷཝཱཡ དེཝདཏྟསྶ ལཱབྷསཀྐཱརསིལོཀོ ཨུདཔཱདི’’.

‘‘སེཡྻཐཱཔི, བྷིཀྑཝེ, ཀདལཱི ཨཏྟཝདྷཱཡ ཕལཾ དེཏི, པརཱབྷཝཱཡ ཕལཾ དེཏི; ཨེཝམེཝ ཁོ, བྷིཀྑཝེ, ཨཏྟཝདྷཱཡ དེཝདཏྟསྶ ལཱབྷསཀྐཱརསིལོཀོ ཨུདཔཱདི, པརཱབྷཝཱཡ དེཝདཏྟསྶ ལཱབྷསཀྐཱརསིལོཀོ ཨུདཔཱདི.

‘‘སེཡྻཐཱཔི, བྷིཀྑཝེ, ཝེལུ༹ ཨཏྟཝདྷཱཡ ཕལཾ དེཏི, པརཱབྷཝཱཡ ཕལཾ དེཏི; ཨེཝམེཝ ཁོ, བྷིཀྑཝེ, ཨཏྟཝདྷཱཡ དེཝདཏྟསྶ ལཱབྷསཀྐཱརསིལོཀོ ཨུདཔཱདི, པརཱབྷཝཱཡ དེཝདཏྟསྶ ལཱབྷསཀྐཱརསིལོཀོ ཨུདཔཱདི.

‘‘སེཡྻཐཱཔི ¶ , བྷིཀྑཝེ, ནལོ༹ ཨཏྟཝདྷཱཡ ཕལཾ དེཏི, པརཱབྷཝཱཡ ཕལཾ དེཏི; ཨེཝམེཝ ཁོ, བྷིཀྑཝེ, ཨཏྟཝདྷཱཡ དེཝདཏྟསྶ ལཱབྷསཀྐཱརསིལོཀོ ཨུདཔཱདི, པརཱབྷཝཱཡ དེཝདཏྟསྶ ལཱབྷསཀྐཱརསིལོཀོ ཨུདཔཱདི.

‘‘སེཡྻཐཱཔི, བྷིཀྑཝེ, ཨསྶཏརཱི ཨཏྟཝདྷཱཡ གབྦྷཾ གཎྷཱཏི, པརཱབྷཝཱཡ གབྦྷཾ གཎྷཱཏི; ཨེཝམེཝ ཁོ, བྷིཀྑཝེ, ཨཏྟཝདྷཱཡ དེཝདཏྟསྶ ལཱབྷསཀྐཱརསིལོཀོ ཨུདཔཱདི, པརཱབྷཝཱཡ དེཝདཏྟསྶ ལཱབྷསཀྐཱརསིལོཀོ ¶ ཨུདཔཱདི. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི.

ཨིདམཝོཙ བྷགཝཱ. ཨིདཾ ཝཏྭཱན སུགཏོ ཨཐཱཔརཾ ཨེཏདཝོཙ སཏྠཱ –

‘‘ཕལཾ ཝེ ཀདལིཾ ཧནྟི, ཕལཾ ཝེལུ༹ཾ ཕལཾ ནལ༹ཾ;

སཀྐཱརོ ཀཱཔུརིསཾ ཧནྟི, གབྦྷོ ཨསྶཏརིཾ ཡཐཱཏི’’. པཉྩམཾ;

༦. པཉྩརཐསཏསུཏྟཾ

༡༨༥. རཱཛགཧེ ¶ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན དེཝདཏྟསྶ ཨཛཱཏསཏྟུཀུམཱརོ པཉྩཧི རཐསཏེཧི སཱཡཾ པཱཏཾ ¶ ཨུཔཊྛཱནཾ གཙྪཏི, པཉྩ ཙ ཐཱལིཔཱཀསཏཱནི བྷཏྟཱབྷིཧཱརོ ཨབྷིཧརཱིཡཏི. ཨཐ ཁོ སམྦཧུལཱ བྷིཀྑཱུ ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣཱ ཁོ ཏེ བྷིཀྑཱུ བྷགཝནྟཾ ཨེཏདཝོཙུཾ – ‘‘དེཝདཏྟསྶ, བྷནྟེ, ཨཛཱཏསཏྟུཀུམཱརོ པཉྩཧི རཐསཏེཧི སཱཡཾ པཱཏཾ ཨུཔཊྛཱནཾ གཙྪཏི, པཉྩ ཙ ཐཱལིཔཱཀསཏཱནི བྷཏྟཱབྷིཧཱརོ ཨབྷིཧརཱིཡཏཱི’’ཏི. ‘‘མཱ, བྷིཀྑཝེ, དེཝདཏྟསྶ ལཱབྷསཀྐཱརསིལོཀཾ པིཧཡིཏྠ. ཡཱཝཀཱིཝཉྩ, བྷིཀྑཝེ, དེཝདཏྟསྶ ཨཛཱཏསཏྟུཀུམཱརོ པཉྩཧི རཐསཏེཧི སཱཡཾ པཱཏཾ ཨུཔཊྛཱནཾ གམིསྶཏི, པཉྩ ཙ ཐཱལིཔཱཀསཏཱནི བྷཏྟཱབྷིཧཱརོ ཨཱཧརཱིཡིསྶཏི, ཧཱནིཡེཝ, བྷིཀྑཝེ, དེཝདཏྟསྶ པཱཊིཀངྑཱ ཀུསལེསུ དྷམྨེསུ, ནོ ཝུདྡྷི’’.

‘‘སེཡྻཐཱཔི, བྷིཀྑཝེ, ཙཎྜསྶ ཀུཀྐུརསྶ ནཱསཱཡ པིཏྟཾ བྷིནྡེཡྻུཾ ¶ , ཨེཝཉྷི སོ, བྷིཀྑཝེ ¶ , ཀུཀྐུརོ བྷིཡྻོསོམཏྟཱཡ ཙཎྜཏརོ ཨསྶ; ཨེཝམེཝ, བྷིཀྑཝེ, ཡཱཝཀཱིཝཉྩ དེཝདཏྟསྶ ཨཛཱཏསཏྟུཀུམཱརོ པཉྩཧི རཐསཏེཧི སཱཡཾ པཱཏཾ ཨུཔཊྛཱནཾ གམིསྶཏི, པཉྩ ཙ ཐཱལིཔཱཀསཏཱནི བྷཏྟཱབྷིཧཱརོ ཨཱཧརཱིཡིསྶཏི, ཧཱནིཡེཝ, བྷིཀྑཝེ, དེཝདཏྟསྶ པཱཊིཀངྑཱ ཀུསལེསུ དྷམྨེསུ, ནོ ཝུདྡྷི. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ…པེ… ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. ཚཊྛཾ.

༧. མཱཏུསུཏྟཾ

༡༨༦. སཱཝཏྠིཡཾ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ ཀཊུཀོ ཕརུསོ ཨནྟརཱཡིཀོ ཨནུཏྟརསྶ ཡོགཀྑེམསྶ ཨདྷིགམཱཡ. ཨིདྷཱཧཾ ¶ , བྷིཀྑཝེ, ཨེཀཙྩཾ པུགྒལཾ ཨེཝཾ ཙེཏསཱ ཙེཏོ པརིཙྩ པཛཱནཱམི – ‘ན ཙཱཡམཱཡསྨཱ མཱཏུཔི ཧེཏུ སམྤཛཱནམུསཱ བྷཱསེཡྻཱ’ཏི. ཏམེནཾ པསྶཱམི ཨཔརེན སམཡེན ལཱབྷསཀྐཱརསིལོཀེན ཨབྷིབྷཱུཏཾ པརིཡཱདིཎྞཙིཏྟཾ སམྤཛཱནམུསཱ བྷཱསནྟཾ. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ ཀཊུཀོ ཕརུསོ ཨནྟརཱཡིཀོ ཨནུཏྟརསྶ ཡོགཀྑེམསྶ ཨདྷིགམཱཡ. ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘ཨུཔྤནྣཾ ལཱབྷསཀྐཱརསིལོཀཾ པཛཧིསྶཱམ. ན ཙ ནོ ཨུཔྤནྣོ ལཱབྷསཀྐཱརསིལོཀོ ཙིཏྟཾ པརིཡཱདཱཡ ཋསྶཏཱི’ཏི. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. སཏྟམཾ.

༨-༡༣. པིཏུསུཏྟཱདིཚཀྐཾ

༡༨༧. སཱཝཏྠིཡཾ ¶ ཝིཧརཏི…པེ… ‘‘དཱརུཎོ, བྷིཀྑཝེ, ལཱབྷསཀྐཱརསིལོཀོ ཀཊུཀོ ཕརུསོ ཨནྟརཱཡིཀོ ཨནུཏྟརསྶ ཡོགཀྑེམསྶ ཨདྷིགམཱཡ. ཨིདྷཱཧཾ ¶ , བྷིཀྑཝེ, ཨེཀཙྩཾ པུགྒལཾ ཨེཝཾ ཙེཏསཱ ཙེཏོ པརིཙྩ པཛཱནཱམི – ‘ན ཙཱཡམཱཡསྨཱ པིཏུཔི ཧེཏུ…པེ… བྷཱཏུཔི ཧེཏུ… བྷགིནིཡཱཔི ཧེཏུ… པུཏྟསྶཔི ཧེཏུ… དྷཱིཏུཡཱཔི ཧེཏུ… པཛཱཔཏིཡཱཔི ཧེཏུ སམྤཛཱནམུསཱ བྷཱསེཡྻཱ’ཏི. ཏམེནཾ པསྶཱམི ཨཔརེན སམཡེན ལཱབྷསཀྐཱརསིལོཀེན ཨབྷིབྷཱུཏཾ པརིཡཱདིཎྞཙིཏྟཾ སམྤཛཱནམུསཱ བྷཱསནྟཾ. ཨེཝཾ དཱརུཎོ ཁོ, བྷིཀྑཝེ, ལཱབྷསཀྐཱརསིལོཀོ ཀཊུཀོ ཕརུསོ ཨནྟརཱཡིཀོ ཨནུཏྟརསྶ ཡོགཀྑེམསྶ ཨདྷིགམཱཡ. ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘ཨུཔྤནྣཾ ¶ ལཱབྷསཀྐཱརསིལོཀཾ པཛཧིསྶཱམ, ན ཙ ནོ ཨུཔྤནྣོ ལཱབྷསཀྐཱརསིལོཀོ ¶ ཙིཏྟཾ པརིཡཱདཱཡ ཋསྶཏཱི’ཏི. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. ཏེརསམཾ.

ཙཏུཏྠོ ཝགྒོ.

ཏསྶུདྡཱནཾ –

བྷིནྡི མཱུལཾ དུཝེ དྷམྨཱ, པཀྐནྟཾ རཐ མཱཏརི;

པིཏཱ བྷཱཏཱ ཙ བྷགིནཱི, པུཏྟོ དྷཱིཏཱ པཛཱཔཏཱིཏི.

ལཱབྷསཀྐཱརསཾཡུཏྟཾ སམཏྟཾ.

༧. རཱཧུལསཾཡུཏྟཾ

༡. པཋམཝགྒོ

༡. ཙཀྑུསུཏྟཾ

༡༨༨. ཨེཝཾ ¶ ¶ ¶ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཨཐ ཁོ ཨཱཡསྨཱ རཱཧུལོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ རཱཧུལོ བྷགཝནྟཾ ཨེཏདཝོཙ – ‘‘སཱདྷུ མེ, བྷནྟེ, བྷགཝཱ སཾཁིཏྟེན དྷམྨཾ དེསེཏུ, ཡམཧཾ བྷགཝཏོ དྷམྨཾ སུཏྭཱ ཨེཀོ ཝཱུཔཀཊྛོ ཨཔྤམཏྟོ ཨཱཏཱཔཱི པཧིཏཏྟོ ཝིཧརེཡྻ’’ནྟི.

‘‘ཏཾ ཀིཾ མཉྙསི, རཱཧུལ, ཙཀྑུཾ ནིཙྩཾ ཝཱ ཨནིཙྩཾ ཝཱ’’ཏི? ‘‘ཨནིཙྩཾ, བྷནྟེ’’. ‘‘ཡཾ པནཱནིཙྩཾ དུཀྑཾ ཝཱ ཏཾ སུཁཾ ཝཱ’’ཏི? ‘‘དུཀྑཾ, བྷནྟེ’’. ‘‘ཡཾ ¶ པནཱནིཙྩཾ དུཀྑཾ ཝིཔརིཎཱམདྷམྨཾ, ཀལླཾ ནུ ཏཾ སམནུཔསྶིཏུཾ – ‘ཨེཏཾ མམ, ཨེསོཧམསྨི, ཨེསོ མེ ཨཏྟཱ’’’ཏི? ‘‘ནོ ཧེཏཾ, བྷནྟེ’’. ‘‘སོཏཾ ནིཙྩཾ ཝཱ ཨནིཙྩཾ ཝཱ’’ཏི? ‘‘ཨནིཙྩཾ, བྷནྟེ’’…པེ…. ‘‘གྷཱནཾ ནིཙྩཾ ཝཱ ཨནིཙྩཾ ཝཱ’’ཏི? ‘‘ཨནིཙྩཾ, བྷནྟེ’’…པེ… ‘‘ཛིཝ྄ཧཱ ནིཙྩཱ ཝཱ ཨནིཙྩཱ ཝཱ’’ཏི? ‘‘ཨནིཙྩཱ, བྷནྟེ’’…པེ… ‘‘ཀཱཡོ ནིཙྩོ ཝཱ ཨནིཙྩོ ཝཱ’’ཏི? ‘‘ཨནིཙྩོ, བྷནྟེ’’ ¶ …པེ… ‘‘མནོ ནིཙྩོ ཝཱ ཨནིཙྩོ ཝཱ’’ཏི? ‘‘ཨནིཙྩོ, བྷནྟེ’’. ‘‘ཡཾ པནཱནིཙྩཾ དུཀྑཾ ཝཱ ཏཾ སུཁཾ ཝཱ’’ཏི? ‘‘དུཀྑཾ, བྷནྟེ’’. ‘‘ཡཾ པནཱནིཙྩཾ དུཀྑཾ ཝིཔརིཎཱམདྷམྨཾ, ཀལླཾ ནུ ཏཾ སམནུཔསྶིཏུཾ – ‘ཨེཏཾ མམ, ཨེསོཧམསྨི, ཨེསོ མེ ཨཏྟཱ’’’ཏི? ‘‘ནོ ཧེཏཾ, བྷནྟེ’’.

‘‘ཨེཝཾ པསྶཾ, རཱཧུལ, སུཏཝཱ ཨརིཡསཱཝཀོ ཙཀྑུསྨིམྤི ནིབྦིནྡཏི ¶ …པེ… སོཏསྨིམྤི ནིབྦིནྡཏི… གྷཱནསྨིམྤི ནིབྦིནྡཏི… ཛིཝ྄ཧཱཡཔི ནིབྦིནྡཏི… ཀཱཡསྨིམྤི ནིབྦིནྡཏི… མནསྨིམྤི ནིབྦིནྡཏི; ནིབྦིནྡཾ ཝིརཛྫཏི; ཝིརཱགཱ ཝིམུཙྩཏི; ཝིམུཏྟསྨིཾ ཝིམུཏྟམིཏི ཉཱཎཾ ཧོཏི. ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱཏཱི’’ཏི. པཋམཾ.

༢. རཱུཔསུཏྟཾ

༡༨༩. སཱཝཏྠིཡཾ ¶ ཝིཧརཏི…པེ… ‘‘ཏཾ ཀིཾ མཉྙསི, རཱཧུལ, རཱུཔཱ ནིཙྩཱ ཝཱ ཨནིཙྩཱ ཝཱ’’ཏི? ‘‘ཨནིཙྩཱ ¶ , བྷནྟེ’’…པེ… སདྡཱ… གནྡྷཱ… རསཱ… ཕོཊྛབྦཱ… དྷམྨཱ ནིཙྩཱ ཝཱ ཨནིཙྩཱ ཝཱཏི? ‘‘ཨནིཙྩཱ, བྷནྟེ’’…པེ… ‘‘ཨེཝཾ པསྶཾ, རཱཧུལ, སུཏཝཱ ཨརིཡསཱཝཀོ རཱུཔེསུཔི ནིབྦིནྡཏི… སདྡེསུཔི ནིབྦིནྡཏི… གནྡྷེསུཔི ནིབྦིནྡཏི… རསེསུཔི ནིབྦིནྡཏི… ཕོཊྛབྦེསུཔི ནིབྦིནྡཏི… དྷམྨེསུཔི ནིབྦིནྡཏི; ནིབྦིནྡཾ ཝིརཛྫཏི…པེ… པཛཱནཱཏཱི’’ཏི. དུཏིཡཾ.

༣. ཝིཉྙཱཎསུཏྟཾ

༡༩༠. སཱཝཏྠིཡཾ ¶ ཝིཧརཏི…པེ… ‘‘ཏཾ ཀིཾ མཉྙསི, རཱཧུལ, ཙཀྑུཝིཉྙཱཎཾ ནིཙྩཾ ཝཱ ཨནིཙྩཾ ཝཱ’’ཏི? ‘‘ཨནིཙྩཾ, བྷནྟེ’’…པེ… ‘‘སོཏཝིཉྙཱཎཾ…པེ… གྷཱནཝིཉྙཱཎཾ… ཛིཝ྄ཧཱཝིཉྙཱཎཾ… ཀཱཡཝིཉྙཱཎཾ… མནོཝིཉྙཱཎཾ ནིཙྩཾ ཝཱ ཨནིཙྩཾ ཝཱ’’ཏི? ‘‘ཨནིཙྩཾ, བྷནྟེ’’ ¶ …པེ… ‘‘ཨེཝཾ པསྶཾ, རཱཧུལ, སུཏཝཱ ཨརིཡསཱཝཀོ ཙཀྑུཝིཉྙཱཎསྨིམྤི ནིབྦིནྡཏི…པེ… སོཏཝིཉྙཱཎསྨིམྤི ནིབྦིནྡཏི… གྷཱནཝིཉྙཱཎསྨིམྤི ནིབྦིནྡཏི… ཛིཝ྄ཧཱཝིཉྙཱཎསྨིམྤི ནིབྦིནྡཏི… ཀཱཡཝིཉྙཱཎསྨིམྤི ནིབྦིནྡཏི… མནོཝིཉྙཱཎསྨིམྤི ནིབྦིནྡཏི; ནིབྦིནྡཾ ཝིརཛྫཏི…པེ… པཛཱནཱཏཱི’’ཏི. ཏཏིཡཾ.

༤. སམྥསྶསུཏྟཾ

༡༩༡. སཱཝཏྠིཡཾ ཝིཧརཏི…པེ… ‘‘ཏཾ ཀིཾ མཉྙསི, རཱཧུལ, ཙཀྑུསམྥསྶོ ནིཙྩོ ཝཱ ཨནིཙྩོ ཝཱ’’ཏི? ‘‘ཨནིཙྩོ, བྷནྟེ’’…པེ… ‘‘སོཏསམྥསྶོ…པེ… གྷཱནསམྥསྶོ… ཛིཝ྄ཧཱསམྥསྶོ… ཀཱཡསམྥསྶོ… མནོསམྥསྶོ ནིཙྩོ ཝཱ ཨནིཙྩོ ཝཱ’’ཏི? ‘‘ཨནིཙྩོ, བྷནྟེ’’…པེ… ‘‘ཨེཝཾ པསྶཾ, རཱཧུལ, སུཏཝཱ ཨརིཡསཱཝཀོ ཙཀྑུསམྥསྶསྨིམྤི ནིབྦིནྡཏི…པེ… སོཏསམྥསྶསྨིམྤི ནིབྦིནྡཏི… གྷཱནསམྥསྶསྨིམྤི ནིབྦིནྡཏི… ཛིཝ྄ཧཱསམྥསྶསྨིམྤི ནིབྦིནྡཏི… ཀཱཡསམྥསྶསྨིམྤི ནིབྦིནྡཏི… མནོསམྥསྶསྨིམྤི ནིབྦིནྡཏི; ནིབྦིནྡཾ ¶ ཝིརཛྫཏི…པེ… པཛཱནཱཏཱི’’ཏི. ཙཏུཏྠཾ.

༥. ཝེདནཱསུཏྟཾ

༡༩༢. སཱཝཏྠིཡཾ ¶ ཝིཧརཏི…པེ… ‘‘ཏཾ ཀིཾ མཉྙསི, རཱཧུལ, ཙཀྑུསམྥསྶཛཱ ¶ ཝེདནཱ ནིཙྩཱ ཝཱ ཨནིཙྩཱ ཝཱ’’ཏི? ‘‘ཨནིཙྩཱ, བྷནྟེ’’…པེ… ‘‘སོཏསམྥསྶཛཱ ཝེདནཱ…པེ… གྷཱནསམྥསྶཛཱ ཝེདནཱ… ཛིཝ྄ཧཱསམྥསྶཛཱ ཝེདནཱ… ཀཱཡསམྥསྶཛཱ ཝེདནཱ… མནོསམྥསྶཛཱ ཝེདནཱ ནིཙྩཱ ཝཱ ཨནིཙྩཱ ཝཱ’’ཏི? ‘‘ཨནིཙྩཱ ¶ , བྷནྟེ’’…པེ… ‘‘ཨེཝཾ པསྶཾ, རཱཧུལ, སུཏཝཱ ཨརིཡསཱཝཀོ ཙཀྑུསམྥསྶཛཱཡ ཝེདནཱཡཔི ནིབྦིནྡཏི…པེ… སོཏ… གྷཱན… ཛིཝ྄ཧཱ… ཀཱཡ… མནོསམྥསྶཛཱཡ ཝེདནཱཡཔི ནིབྦིནྡཏི…པེ… པཛཱནཱཏཱི’’ཏི. པཉྩམཾ.

༦. སཉྙཱསུཏྟཾ

༡༩༣. སཱཝཏྠིཡཾ ཝིཧརཏི…པེ… ‘‘ཏཾ ཀིཾ མཉྙསི, རཱཧུལ, རཱུཔསཉྙཱ ནིཙྩཱ ཝཱ ཨནིཙྩཱ ཝཱ’’ཏི? ‘‘ཨནིཙྩཱ, བྷནྟེ’’…པེ… ‘‘སདྡསཉྙཱ…པེ… གནྡྷསཉྙཱ… རསསཉྙཱ… ཕོཊྛབྦསཉྙཱ… དྷམྨསཉྙཱ ནིཙྩཱ ཝཱ ཨནིཙྩཱ ཝཱ’’ཏི? ‘‘ཨནིཙྩཱ, བྷནྟེ’’…པེ… ‘‘ཨེཝཾ པསྶཾ, རཱཧུལ, སུཏཝཱ ཨརིཡསཱཝཀོ རཱུཔསཉྙཱཡཔི ནིབྦིནྡཏི…པེ… སདྡསཉྙཱཡཔི ནིབྦིནྡཏི… གནྡྷསཉྙཱཡཔི ནིབྦིནྡཏི… རསསཉྙཱཡཔི ནིབྦིནྡཏི… ཕོཊྛབྦསཉྙཱཡཔི ནིབྦིནྡཏི… དྷམྨསཉྙཱཡཔི ནིབྦིནྡཏི…པེ… པཛཱནཱཏཱི’’ཏི. ཚཊྛཾ.

༧. སཉྩེཏནཱསུཏྟཾ

༡༩༤. སཱཝཏྠིཡཾ ¶ ཝིཧརཏི…པེ… ‘‘ཏཾ ཀིཾ མཉྙསི, རཱཧུལ, རཱུཔསཉྩེཏནཱ ནིཙྩཱ ཝཱ ཨནིཙྩཱ ཝཱ’’ཏི? ‘‘ཨནིཙྩཱ, བྷནྟེ’’…པེ… ‘‘སདྡསཉྩེཏནཱ…པེ… གནྡྷསཉྩེཏནཱ… རསསཉྩེཏནཱ ¶ … ཕོཊྛབྦསཉྩེཏནཱ… དྷམྨསཉྩེཏནཱ ནིཙྩཱ ཝཱ ཨནིཙྩཱ ཝཱ’’ཏི? ‘‘ཨནིཙྩཱ, བྷནྟེ’’…པེ… ‘‘ཨེཝཾ པསྶཾ, རཱཧུལ, སུཏཝཱ ཨརིཡསཱཝཀོ རཱུཔསཉྩེཏནཱཡཔི ནིབྦིནྡཏི…པེ… སདྡསཉྩེཏནཱཡཔི ནིབྦིནྡཏི… གནྡྷསཉྩེཏནཱཡཔི ནིབྦིནྡཏི… རསསཉྩེཏནཱཡཔི ནིབྦིནྡཏི… ཕོཊྛབྦསཉྩེཏནཱཡཔི ¶ ནིབྦིནྡཏི… དྷམྨསཉྩེཏནཱཡཔི ནིབྦིནྡཏི…པེ… པཛཱནཱཏཱི’’ཏི. སཏྟམཾ.

༨. ཏཎྷཱསུཏྟཾ

༡༩༥. སཱཝཏྠིཡཾ ཝིཧརཏི…པེ… ‘‘ཏཾ ཀིཾ མཉྙསི, རཱཧུལ, རཱུཔཏཎྷཱ ནིཙྩཱ ཝཱ ཨནིཙྩཱ ཝཱ’’ཏི? ‘‘ཨནིཙྩཱ, བྷནྟེ’’…པེ… ‘‘སདྡཏཎྷཱ…པེ… གནྡྷཏཎྷཱ… རསཏཎྷཱ… ཕོཊྛབྦཏཎྷཱ… དྷམྨཏཎྷཱ ནིཙྩཱ ཝཱ ཨནིཙྩཱ ཝཱ’’ཏི? ‘‘ཨནིཙྩཱ, བྷནྟེ’’…པེ… ‘‘ཨེཝཾ པསྶཾ, རཱཧུལ, སུཏཝཱ ཨརིཡསཱཝཀོ རཱུཔཏཎྷཱཡཔི ནིབྦིནྡཏི…པེ… སདྡཏཎྷཱཡཔི ནིབྦིནྡཏི… གནྡྷཏཎྷཱཡཔི ནིབྦིནྡཏི… རསཏཎྷཱཡཔི ནིབྦིནྡཏི… ཕོཊྛབྦཏཎྷཱཡ ནིབྦིནྡཏི… དྷམྨཏཎྷཱཡཔི ནིབྦིནྡཏི ¶ …པེ… པཛཱནཱཏཱི’’ཏི. ཨཊྛམཾ.

༩. དྷཱཏུསུཏྟཾ

༡༩༦. སཱཝཏྠིཡཾ ¶ ཝིཧརཏི…པེ… ‘‘ཏཾ ཀིཾ མཉྙསི, རཱཧུལ, པཐཝཱིདྷཱཏུ ནིཙྩཱ ཝཱ ཨནིཙྩཱ ཝཱ’’ཏི? ‘‘ཨནིཙྩཱ, བྷནྟེ’’…པེ… ‘‘ཨཱཔོདྷཱཏུ…པེ… ཏེཛོདྷཱཏུ… ཝཱཡོདྷཱཏུ… ཨཱཀཱསདྷཱཏུ… ཝིཉྙཱཎདྷཱཏུ ནིཙྩཱ ཝཱ ཨནིཙྩཱ ཝཱ’’ཏི? ‘‘ཨནིཙྩཱ, བྷནྟེ’’…པེ… ‘‘ཨེཝཾ པསྶཾ, རཱཧུལ, སུཏཝཱ ཨརིཡསཱཝཀོ པཐཝཱིདྷཱཏུཡཱཔི ནིབྦིནྡཏི…པེ… ཨཱཔོདྷཱཏུཡཱཔི ནིབྦིནྡཏི… ཏེཛོདྷཱཏུཡཱཔི ནིབྦིནྡཏི… ཝཱཡོདྷཱཏུཡཱཔི ¶ ¶ ནིབྦིནྡཏི… ཨཱཀཱསདྷཱཏུཡཱཔི ནིབྦིནྡཏི… ཝིཉྙཱཎདྷཱཏུཡཱཔི ནིབྦིནྡཏི…པེ… པཛཱནཱཏཱི’’ཏི. ནཝམཾ.

༡༠. ཁནྡྷསུཏྟཾ

༡༩༧. སཱཝཏྠིཡཾ ཝིཧརཏི…པེ… ‘‘ཏཾ ཀིཾ མཉྙསི, རཱཧུལ, རཱུཔཾ ནིཙྩཾ ཝཱ ཨནིཙྩཾ ཝཱ’’ཏི? ‘‘ཨནིཙྩཾ, བྷནྟེ’’…པེ… ‘‘ཝེདནཱ…པེ… སཉྙཱ… སངྑཱརཱ… ཝིཉྙཱཎཾ ནིཙྩཾ ཝཱ ཨནིཙྩཾ ཝཱ’’ཏི? ‘‘ཨནིཙྩཾ, བྷནྟེ’’…པེ… ‘‘ཨེཝཾ པསྶཾ, རཱཧུལ, སུཏཝཱ ཨརིཡསཱཝཀོ རཱུཔསྨིམྤི ནིབྦིནྡཏི…པེ… ཝེདནཱཡཔི ནིབྦིནྡཏི… སཉྙཱཡཔི ནིབྦིནྡཏི… སངྑཱརེསུཔི ནིབྦིནྡཏི… ཝིཉྙཱཎསྨིམྤི ནིབྦིནྡཏི; ནིབྦིནྡཾ ཝིརཛྫཏི ¶ ; ཝིརཱགཱ ཝིམུཙྩཏི; ཝིམུཏྟསྨིཾ ཝིམུཏྟམིཏི ཉཱཎཾ ཧོཏི. ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱཏཱི’’ཏི. དསམཾ.

པཋམོ ཝགྒོ.

ཏསྶུདྡཱནཾ –

ཙཀྑུ རཱུཔཉྩ ཝིཉྙཱཎཾ, སམྥསྶོ ཝེདནཱཡ ཙ;

སཉྙཱ སཉྩེཏནཱ ཏཎྷཱ, དྷཱཏུ ཁནྡྷེན ཏེ དསཱཏི.

༢. དུཏིཡཝགྒོ

༡. ཙཀྑུསུཏྟཾ

༡༩༨. ཨེཝཾ ¶ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི. ཨཐ ¶ ཁོ ཨཱཡསྨཱ རཱཧུལོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨཱཡསྨནྟཾ རཱཧུལཾ ¶ བྷགཝཱ ཨེཏདཝོཙ – ‘‘ཏཾ ཀིཾ མཉྙསི, རཱཧུལ, ཙཀྑུཾ ནིཙྩཾ ཝཱ ཨནིཙྩཾ ཝཱ’’ཏི? ‘‘ཨནིཙྩཾ, བྷནྟེ’’. ‘‘ཡཾ པནཱནིཙྩཾ, དུཀྑཾ ཝཱ ཏཾ སུཁཾ ཝཱ’’ཏི? ‘‘དུཀྑཾ, བྷནྟེ’’. ‘‘ཡཾ པནཱནིཙྩཾ དུཀྑཾ ཝིཔརིཎཱམདྷམྨཾ, ཀལླཾ ནུ ཏཾ སམནུཔསྶིཏུཾ – ‘ཨེཏཾ མམ, ཨེསོཧམསྨི, ཨེསོ མེ ཨཏྟཱ’’’ཏི? ‘‘ནོ ཧེཏཾ, བྷནྟེ’’. ‘‘སོཏཾ…པེ… གྷཱནཾ… ཛིཝ྄ཧཱ… ཀཱཡོ… མནོ ནིཙྩོ ཝཱ ཨནིཙྩོ ཝཱ’’ཏི? ‘‘ཨནིཙྩོ, བྷནྟེ’’. ‘‘ཡཾ པནཱནིཙྩཾ, དུཀྑཾ ཝཱ ཏཾ སུཁཾ ཝཱ’’ཏི? ‘‘དུཀྑཾ, བྷནྟེ’’. ‘‘ཡཾ པནཱནིཙྩཾ དུཀྑཾ ཝིཔརིཎཱམདྷམྨཾ, ཀལླཾ ནུ ཏཾ སམནུཔསྶིཏུཾ – ‘ཨེཏཾ མམ, ཨེསོཧམསྨི, ཨེསོ མེ ཨཏྟཱ’’’ཏི? ‘‘ནོ ཧེཏཾ, བྷནྟེ’’. ‘‘ཨེཝཾ པསྶཾ, རཱཧུལ, སུཏཝཱ ཨརིཡསཱཝཀོ ཙཀྑུསྨིམྤི ནིབྦིནྡཏི…པེ… སོཏསྨིམྤི ནིབྦིནྡཏི… གྷཱནསྨིམྤི ནིབྦིནྡཏི ¶ … ཛིཝ྄ཧཱཡཔི ནིབྦིནྡཏི… ཀཱཡསྨིམྤི ནིབྦིནྡཏི… མནསྨིམྤི ནིབྦིནྡཏི; ནིབྦིནྡཾ ཝིརཛྫཏི; ཝིརཱགཱ ཝིམུཙྩཏི; ཝིམུཏྟསྨིཾ ཝིམུཏྟམིཏི ཉཱཎཾ ཧོཏི. ‘ཁཱིཎཱ ¶ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱཏཱི’’ཏི. ཨེཏེན པེཡྻཱལེན དས སུཏྟནྟཱ ཀཱཏབྦཱ. པཋམཾ.

༢-༡༠. རཱུཔཱདིསུཏྟནཝཀཾ

༡༩༩. སཱཝཏྠིཡཾ ཝིཧརཏི…པེ… ‘‘ཏཾ ཀིཾ མཉྙསི, རཱཧུལ, རཱུཔཱ ¶ ནིཙྩཱ ཝཱ ཨནིཙྩཱ ཝཱ’’ཏི? ‘‘ཨནིཙྩཱ, བྷནྟེ’’…པེ… སདྡཱ… གནྡྷཱ… རསཱ… ཕོཊྛབྦཱ… དྷམྨཱ….

‘‘ཙཀྑུཝིཉྙཱཎཾ…པེ… སོཏཝིཉྙཱཎཾ… གྷཱནཝིཉྙཱཎཾ… ཛིཝ྄ཧཱཝིཉྙཱཎཾ… ཀཱཡཝིཉྙཱཎཾ… མནོཝིཉྙཱཎཾ….

‘‘ཙཀྑུསམྥསྶོ…པེ… སོཏསམྥསྶོ… གྷཱནསམྥསྶོ… ཛིཝ྄ཧཱསམྥསྶོ… ཀཱཡསམྥསྶོ… མནོསམྥསྶོ….

‘‘ཙཀྑུསམྥསྶཛཱ ཝེདནཱ…པེ… སོཏསམྥསྶཛཱ ཝེདནཱ… གྷཱནསམྥསྶཛཱ ཝེདནཱ… ཛིཝ྄ཧཱསམྥསྶཛཱ ཝེདནཱ… ཀཱཡསམྥསྶཛཱ ཝེདནཱ… མནོསམྥསྶཛཱ ཝེདནཱ….

‘‘རཱུཔསཉྙཱ…པེ… སདྡསཉྙཱ… གནྡྷསཉྙཱ… རསསཉྙཱ… ཕོཊྛབྦསཉྙཱ… དྷམྨསཉྙཱ….

‘‘རཱུཔསཉྩེཏནཱ…པེ… སདྡསཉྩེཏནཱ… གནྡྷསཉྩེཏནཱ… རསསཉྩེཏནཱ… ཕོཊྛབྦསཉྩེཏནཱ… དྷམྨསཉྩེཏནཱ….

‘‘རཱུཔཏཎྷཱ ¶ ¶ …པེ… སདྡཏཎྷཱ… གནྡྷཏཎྷཱ… རསཏཎྷཱ… ཕོཊྛབྦཏཎྷཱ… དྷམྨཏཎྷཱ….

‘‘པཐཝཱིདྷཱཏུ…པེ… ཨཱཔོདྷཱཏུ… ཏེཛོདྷཱཏུ… ཝཱཡོདྷཱཏུ… ཨཱཀཱསདྷཱཏུ ¶ … ཝིཉྙཱཎདྷཱཏུ….

‘‘རཱུཔཾ ¶ …པེ… ཝེདནཱ… སཉྙཱ… སངྑཱརཱ… ཝིཉྙཱཎཾ ནིཙྩཾ ཝཱ ཨནིཙྩཾ ཝཱ’’ཏི? ཨནིཙྩཾ, བྷནྟེ…པེ… ཨེཝཾ པསྶཾ རཱཧུལ…པེ… ནཱཔརཾ ཨིཏྠཏྟཱཡཱཏི པཛཱནཱཏཱིཏི. དསམཾ.

༡༡. ཨནུསཡསུཏྟཾ

༢༠༠. སཱཝཏྠིཡཾ ཝིཧརཏི. ཨཐ ཁོ ཨཱཡསྨཱ རཱཧུལོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ རཱཧུལོ བྷགཝནྟཾ ཨེཏདཝོཙ – ‘‘ཀཐཾ ནུ ཁོ, བྷནྟེ, ཛཱནཏོ ཀཐཾ པསྶཏོ ཨིམསྨིཉྩ སཝིཉྙཱཎཀེ ཀཱཡེ བཧིདྡྷཱ ཙ སབྦནིམིཏྟེསུ ཨཧངྐཱརམམངྐཱརམཱནཱནུསཡཱ ན ཧོནྟཱི’’ཏི? ‘‘ཡཾ ཀིཉྩི, རཱཧུལ, རཱུཔཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ སནྟིཀེ ཝཱ, སབྦཾ རཱུཔཾ ‘ནེཏཾ མམ, ནེསོཧམསྨི, ན མེསོ ཨཏྟཱ’ཏི ཨེཝམེཏཾ ཡཐཱབྷཱུཏཾ སམྨཔྤཉྙཱཡ པསྶཏི. ཡཱ ཀཱཙི ཝེདནཱ…པེ… ཡཱ ཀཱཙི སཉྙཱ… ཡེ ཀེཙི སངྑཱརཱ… ཡཾ ཀིཉྩི ཝིཉྙཱཎཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ སནྟིཀེ ཝཱ, སབྦཾ ཝིཉྙཱཎཾ ‘ནེཏཾ མམ, ནེསོཧམསྨི, ན མེསོ ཨཏྟཱ’ཏི ཨེཝམེཏཾ ཡཐཱབྷཱུཏཾ སམྨཔྤཉྙཱཡ པསྶཏི. ཨེཝཾ ཁོ, རཱཧུལ, ཛཱནཏོ ཨེཝཾ པསྶཏོ ཨིམསྨིཉྩ སཝིཉྙཱཎཀེ ཀཱཡེ བཧིདྡྷཱ ཙ སབྦནིམིཏྟེསུ ཨཧངྐཱརམམངྐཱརམཱནཱནུསཡཱ ¶ ན ཧོནྟཱི’’ཏི. ཨེཀཱདསམཾ.

༡༢. ཨཔགཏསུཏྟཾ

༢༠༡. སཱཝཏྠིནིདཱནཾ ¶ ¶ . ཨཐ ཁོ ཨཱཡསྨཱ རཱཧུལོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ རཱཧུལོ བྷགཝནྟཾ ཨེཏདཝོཙ – ‘‘ཀཐཾ ནུ ཁོ, བྷནྟེ, ཛཱནཏོ ཀཐཾ པསྶཏོ ཨིམསྨིཾ ཙ སཝིཉྙཱཎཀེ ཀཱཡེ ¶ བཧིདྡྷཱ ཙ སབྦནིམིཏྟེསུ ཨཧངྐཱརམམངྐཱརམཱནཱཔགཏཾ མཱནསཾ ཧོཏི ཝིདྷཱ སམཏིཀྐནྟཾ སནྟཾ སུཝིམུཏྟ’’ནྟི? ‘‘ཡཾ ཀིཉྩི, རཱཧུལ, རཱུཔཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ སནྟིཀེ ཝཱ སབྦཾ རཱུཔཾ ‘ནེཏཾ མམ, ནེསོཧམསྨི, ན མེསོ ཨཏྟཱ’ཏི ཨེཝམེཏཾ ཡཐཱབྷཱུཏཾ སམྨཔྤཉྙཱཡ དིསྭཱ ཨནུཔཱདཱ ཝིམུཏྟོ ཧོཏི’’.

‘‘ཡཱ ཀཱཙི ཝེདནཱ…པེ… ཡཱ ཀཱཙི སཉྙཱ… ཡེ ཀེཙི སངྑཱརཱ… ཡཾ ཀིཉྩི ཝིཉྙཱཎཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ སནྟིཀེ ཝཱ, སབྦཾ ཝིཉྙཱཎཾ ‘ནེཏཾ མམ, ནེསོཧམསྨི, ན མེསོ ཨཏྟཱ’ཏི ཨེཝམེཏཾ ཡཐཱབྷཱུཏཾ སམྨཔྤཉྙཱཡ དིསྭཱ ཨནུཔཱདཱ ཝིམུཏྟོ ཧོཏི. ཨེཝཾ ཁོ, རཱཧུལ, ཛཱནཏོ ཨེཝཾ པསྶཏོ ཨིམསྨིཉྩ སཝིཉྙཱཎཀེ ཀཱཡེ བཧིདྡྷཱ ཙ སབྦནིམིཏྟེསུ ཨཧངྐཱརམམངྐཱརམཱནཱཔགཏཾ མཱནསཾ ཧོཏི ¶ ཝིདྷཱ སམཏིཀྐནྟཾ སནྟཾ སུཝིམུཏྟ’’ནྟི. དྭཱདསམཾ.

དུཏིཡོ ཝགྒོ.

ཏསྶུདྡཱནཾ –

ཙཀྑུ ¶ རཱུཔཉྩ ཝིཉྙཱཎཾ, སམྥསྶོ ཝེདནཱཡ ཙ;

སཉྙཱ སཉྩེཏནཱ ཏཎྷཱ, དྷཱཏུ ཁནྡྷེན ཏེ དས;

ཨནུསཡཾ ཨཔགཏཉྩེཝ, ཝགྒོ ཏེན པཝུཙྩཏཱིཏི.

རཱཧུལསཾཡུཏྟཾ སམཏྟཾ.

༨. ལཀྑཎསཾཡུཏྟཾ

༡. པཋམཝགྒོ

༡. ཨཊྛིསུཏྟཾ

༢༠༢. ཨེཝཾ ¶ ¶ ¶ མེ སུཏཾ – ཨེཀཾ སམཡཾ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན ཨཱཡསྨཱ ཙ ལཀྑཎོ ཨཱཡསྨཱ ཙ མཧཱམོགྒལླཱནོ [མཧཱམོགྒལཱནོ (ཀ.)] གིཛ྄ཛྷཀཱུཊེ པབྦཏེ ཝིཧརནྟི. ཨཐ ཁོ ཨཱཡསྨཱ མཧཱམོགྒལླཱནོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེནཱཡསྨཱ ལཀྑཎོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ལཀྑཎཾ ཨེཏདཝོཙ – ‘‘ཨཱཡཱམཱཝུསོ [ཨེཧི ཨཱཝུསོ (སྱཱ. ཀཾ. ཀ.)] ལཀྑཎ, རཱཛགཧཾ པིཎྜཱཡ པཝིསིསྶཱམཱ’’ཏི. ‘‘ཨེཝམཱཝུསོ’’ཏི ཁོ ཨཱཡསྨཱ ལཀྑཎོ ཨཱཡསྨཏོ མཧཱམོགྒལླཱནསྶ པཙྩསྶོསི. ཨཐ ཁོ ཨཱཡསྨཱ མཧཱམོགྒལླཱནོ གིཛ྄ཛྷཀཱུཊཱ པབྦཏཱ ཨོརོཧནྟོ ཨཉྙཏརསྨིཾ པདེསེ སིཏཾ པཱཏྭཱཀཱསི. ཨཐ ཁོ ཨཱཡསྨཱ ལཀྑཎོ ཨཱཡསྨནྟཾ མཧཱམོགྒལླཱནཾ ཨེཏདཝོཙ – ‘‘ཀོ ནུ ཁོ, ཨཱཝུསོ མོགྒལླཱན, ཧེཏུ ཀོ པཙྩཡོ སིཏསྶ པཱཏུཀམྨཱཡཱ’’ཏི? ‘‘ཨཀཱལོ ཁོ, ཨཱཝུསོ ལཀྑཎ, ཨེཏསྶ པཉྷསྶ. བྷགཝཏོ མཾ སནྟིཀེ ཨེཏཾ པཉྷཾ པུཙྪཱ’’ཏི.

ཨཐ ¶ ཁོ ཨཱཡསྨཱ ཙ ལཀྑཎོ ཨཱཡསྨཱ ཙ མཧཱམོགྒལླཱནོ ¶ རཱཛགཧེ པིཎྜཱཡ ཙརིཏྭཱ པཙྪཱབྷཏྟཾ པིཎྜཔཱཏཔཊིཀྐནྟཱ ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣོ ཁོ ཨཱཡསྨཱ ལཀྑཎོ ཨཱཡསྨནྟཾ མཧཱམོགྒལླཱནཾ ཨེཏདཝོཙ – ‘‘ཨིདྷཱཡསྨཱ མཧཱམོགྒལླཱནོ གིཛ྄ཛྷཀཱུཊཱ པབྦཏཱ ཨོརོཧནྟོ ཨཉྙཏརསྨིཾ པདེསེ སིཏཾ པཱཏྭཱཀཱསི. ཀོ ནུ ཁོ, ཨཱཝུསོ མོགྒལླཱན, ཧེཏུ ཀོ པཙྩཡོ སིཏསྶ པཱཏུཀམྨཱཡཱ’’ཏི?

‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ཨཊྛིཀསངྑལིཀཾ ཝེཧཱསཾ གཙྪནྟིཾ. ཏམེནཾ གིཛ྄ཛྷཱཔི ཀཱཀཱཔི ཀུལལཱཔི ཨནུཔཏིཏྭཱ ¶ ¶ ཨནུཔཏིཏྭཱ ཕཱསུལ༹ནྟརིཀཱཧི ཝིཏུདེནྟི ཝིཏཙྪེནྟི ཝིརཱཛེནྟི [ཝིཏུདེནྟི (སཱི.), ཝིཏཙྪེནྟི ཝིབྷཛེནྟི (པཱི. ཀ.)]. སཱ སུདཾ ཨཊྚསྶརཾ ཀརོཏི. ཏསྶ མཡ྄ཧཾ, ཨཱཝུསོ, ཨེཏདཧོསི – ‘ཨཙྪརིཡཾ ཝཏ, བྷོ, ཨབྦྷུཏཾ ཝཏ, བྷོ! ཨེཝརཱུཔོཔི ནཱམ སཏྟོ བྷཝིསྶཏི! ཨེཝརཱུཔོཔི ནཱམ ཡཀྑོ བྷཝིསྶཏི! ཨེཝརཱུཔོཔི ནཱམ ཨཏྟབྷཱཝཔཊིལཱབྷོ བྷཝིསྶཏཱི’’’ཏི!!

ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘ཙཀྑུབྷཱུཏཱ ཝཏ, བྷིཀྑཝེ, སཱཝཀཱ ཝིཧརནྟི; ཉཱཎབྷཱུཏཱ ཝཏ, བྷིཀྑཝེ, སཱཝཀཱ ཝིཧརནྟི, ཡཏྲ ཧི ནཱམ སཱཝཀོ ཨེཝརཱུཔཾ ཉསྶཏི ཝཱ དཀྑཏི ཝཱ སཀྑིཾ ཝཱ ཀརིསྶཏི. པུབྦེཝ མེ སོ, བྷིཀྑཝེ, སཏྟོ དིཊྛོ ཨཧོསི, ཨཔི ཙཱཧཾ ན བྱཱཀཱསིཾ. ཨཧཉྩེཏཾ [ཨཧམེཝེཏཾ (སཱི.)] བྱཱཀརེཡྻཾ, པརེ ཙ མེ [པརེ མེ (སཱི.)] ན སདྡཧེཡྻུཾ. ཡེ མེ ན སདྡཧེཡྻུཾ, ཏེསཾ ཏཾ ཨསྶ དཱིགྷརཏྟཾ ཨཧིཏཱཡ དུཀྑཱཡ. ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ གོགྷཱཏཀོ ¶ ཨཧོསི. སོ ཏསྶ ཀམྨསྶ ཝིཔཱཀེན བཧཱུནི ཝསྶཱནི བཧཱུནི ཝསྶསཏཱནི བཧཱུནི ཝསྶསཧསྶཱནི བཧཱུནི ཝསྶསཏསཧསྶཱནི ནིརཡེ པཙྩིཏྭཱ ཏསྶེཝ ཀམྨསྶ ཝིཔཱཀཱཝསེསེན ¶ ཨེཝརཱུཔཾ ཨཏྟབྷཱཝཔཊིལཱབྷཾ པཊིསཾཝེདཡཏཱི’’ཏི. (སབྦེསཾ སུཏྟནྟཱནཾ ཨེསེཝ པེཡྻཱལོ). པཋམཾ.

༢. པེསིསུཏྟཾ

༢༠༣. ‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ མཾསཔེསིཾ ཝེཧཱསཾ གཙྪནྟིཾ. ཏམེནཾ གིཛ྄ཛྷཱཔི ཀཱཀཱཔི ཀུལལཱཔི ཨནུཔཏིཏྭཱ ཨནུཔཏིཏྭཱ ཝིཏཙྪེནྟི ཝིརཱཛེནྟི [ཝིརཱཛེནྟི (སཱི. སྱཱ. ཀཾ.), ཝིབྷཛེནྟི (པཱི. ཀ.)]. སཱ སུདཾ ཨཊྚསྶརཾ ཀརོཏི…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ གོགྷཱཏཀོ ཨཧོསི…པེ…. དུཏིཡཾ.

༣. པིཎྜསུཏྟཾ

༢༠༤. ‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ མཾསཔིཎྜཾ ཝེཧཱསཾ གཙྪནྟཾ. ཏམེནཾ གིཛ྄ཛྷཱཔི ཀཱཀཱཔི ཀུལལཱཔི ཨནུཔཏིཏྭཱ ཨནུཔཏིཏྭཱ ཝིཏཙྪེནྟི ཝིརཱཛེནྟི ¶ . སཱ སུདཾ ཨཊྚསྶརཾ ཀརོཏི…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ སཱཀུཎིཀོ ཨཧོསི…པེ…. ཏཏིཡཾ.

༤. ནིཙྪཝིསུཏྟཾ

༢༠༥. ‘‘ཨིདྷཱཧཾ ¶ , ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ནིཙྪཝིཾ པུརིསཾ ཝེཧཱསཾ གཙྪནྟཾ. ཏམེནཾ གིཛ྄ཛྷཱཔི ཀཱཀཱཔི ཀུལལཱཔི ཨནུཔཏིཏྭཱ ཨནུཔཏིཏྭཱ ཝིཏཙྪེནྟི ཝིརཱཛེནྟི. སོ སུདཾ ཨཊྚསྶརཾ ཀརོཏི…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ ཨོརབྦྷིཀོ ཨཧོསི…པེ…. ཙཏུཏྠཾ.

༥. ཨསིལོམསུཏྟཾ

༢༠༦. ‘‘ཨིདྷཱཧཾ ¶ ¶ , ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ཨསིལོམཾ པུརིསཾ ཝེཧཱསཾ གཙྪནྟཾ. ཏསྶ ཏེ ཨསཱི ཨུཔྤཏིཏྭཱ ཨུཔྤཏིཏྭཱ ཏསྶེཝ ཀཱཡེ ནིཔཏནྟི. སོ སུདཾ ཨཊྚསྶརཾ ཀརོཏི…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ སཱུཀརིཀོ ཨཧོསི…པེ…. པཉྩམཾ.

༦. སཏྟིསུཏྟཾ

༢༠༧. ‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ སཏྟིལོམཾ པུརིསཾ ཝེཧཱསཾ གཙྪནྟཾ. ཏསྶ ཏཱ སཏྟིཡོ ཨུཔྤཏིཏྭཱ ཨུཔྤཏིཏྭཱ ཏསྶེཝ ཀཱཡེ ནིཔཏནྟི. སོ སུདཾ ཨཊྚསྶརཾ ཀརོཏི…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ མཱགཝིཀོ ཨཧོསི…པེ…. ཚཊྛཾ.

༧. ཨུསུལོམསུཏྟཾ

༢༠༨. ‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ཨུསུལོམཾ པུརིསཾ ཝེཧཱསཾ གཙྪནྟཾ. ཏསྶ ཏེ ཨུསཱུ ཨུཔྤཏིཏྭཱ ཨུཔྤཏིཏྭཱ ཏསྶེཝ ཀཱཡེ ནིཔཏནྟི. སོ སུདཾ ཨཊྚསྶརཾ ¶ ཀརོཏི…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ ཀཱརཎིཀོ ཨཧོསི…པེ…. སཏྟམཾ.

༨. སཱུཙིལོམསུཏྟཾ

༢༠༩. ‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ སཱུཙིལོམཾ པུརིསཾ ཝེཧཱསཾ གཙྪནྟཾ. ཏསྶ ཏཱ སཱུཙིཡོ ཨུཔྤཏིཏྭཱ ཨུཔྤཏིཏྭཱ ཏསྶེཝ ཀཱཡེ ནིཔཏནྟི. སོ སུདཾ ཨཊྚསྶརཾ ཀརོཏི…པེ… ཨེསོ ¶ , བྷིཀྑཝེ, སཏྟོ ཨིམསྨིཾཡེཝ རཱཛགཧེ སཱུཏོ [སཱརཐིཀོ (ཀ. ཝིནཡེཔི)] ཨཧོསི…པེ…. ཨཊྛམཾ.

༩. དུཏིཡསཱུཙིལོམསུཏྟཾ

༢༡༠. ‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ སཱུཙིལོམཾ པུརིསཾ ཝེཧཱསཾ གཙྪནྟཾ. ཏསྶ ¶ ཏཱ སཱུཙིཡོ སཱིསེ པཝིསིཏྭཱ མུཁཏོ ནིཀྑམནྟི; མུཁེ པཝིསིཏྭཱ ཨུརཏོ ནིཀྑམནྟི; ཨུརེ པཝིསིཏྭཱ ཨུདརཏོ ནིཀྑམནྟི; ཨུདརེ པཝིསིཏྭཱ ཨཱུརཱུཧི ནིཀྑམནྟི; ཨཱུརཱུསུ པཝིསིཏྭཱ ¶ ཛངྒྷཱཧི ནིཀྑམནྟི; ཛངྒྷཱསུ པཝིསིཏྭཱ པཱདེཧི ནིཀྑམནྟི; སོ སུདཾ ཨཊྚསྶརཾ ཀརོཏི…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ སཱུཙཀོ ཨཧོསི…པེ…. ནཝམཾ.

༡༠. ཀུམྦྷཎྜསུཏྟཾ

༢༡༡. ‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ཀུམྦྷཎྜཾ པུརིསཾ ཝེཧཱསཾ གཙྪནྟཾ. སོ གཙྪནྟོཔི ཏེཝ ཨཎྜེ ཁནྡྷེ ཨཱརོཔེཏྭཱ གཙྪཏི. ནིསཱིདནྟོཔི ཏེསྭེཝ ཨཎྜེསུ ནིསཱིདཏི. ཏམེནཾ གིཛ྄ཛྷཱཔི ཀཱཀཱཔི ཀུལལཱཔི ཨནུཔཏིཏྭཱ ཨནུཔཏིཏྭཱ ཝིཏཙྪེནྟི ཝིརཱཛེནྟི. སོ སུདཾ ཨཊྚསྶརཾ ཀརོཏི…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ གཱམཀཱུཊཀོ ཨཧོསི…པེ…. དསམཾ.

པཋམོ ཝགྒོ.

ཏསྶུདྡཱནཾ ¶ –

ཨཊྛི པེསི ཨུབྷོ གཱཝགྷཱཏཀཱ,

པིཎྜོ སཱཀུཎིཡོ ནིཙྪཝོརབྦྷི;

ཨསི སཱུཀརིཀོ སཏྟིམཱགཝི,

ཨུསུ ཀཱརཎིཀོ སཱུཙི སཱརཐི;

ཡོ ཙ སིབྦིཡཏི སཱུཙཀོ ཧི སོ,

ཨཎྜབྷཱརི ཨཧུ གཱམཀཱུཊཀོཏི.

༢. དུཏིཡཝགྒོ

༡. སསཱིསཀསུཏྟཾ

༢༡༢. ཨེཝཾ ¶ ¶ ¶ མེ སུཏཾ – ཨེཀཾ སམཡཾ རཱཛགཧེ ཝེལུ༹ཝནེ. ‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ པུརིསཾ གཱུཐཀཱུཔེ སསཱིསཀཾ ནིམུགྒཾ…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ པཱརདཱརིཀོ ཨཧོསི…པེ…. པཋམཾ.

༢. གཱུཐཁཱདསུཏྟཾ

༢༡༣. ‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ པུརིསཾ གཱུཐཀཱུཔེ ནིམུགྒཾ ཨུབྷོཧི ཧཏྠེཧི གཱུཐཾ ཁཱདནྟཾ…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ དུཊྛབྲཱཧྨཎོ ཨཧོསི. སོ ཀསྶཔསྶ སམྨཱསམྦུདྡྷསྶ པཱཝཙནེ བྷིཀྑུསངྒྷཾ བྷཏྟེན ནིམནྟེཏྭཱ དོཎིཡོ [དོཎིཡཱ (སྱཱ. ཀཾ. པཱི. ཀ.)] གཱུཐསྶ པཱུརཱཔེཏྭཱ ཨེཏདཝོཙ – ཨཧོ བྷོནྟོ, ཡཱཝདཏྠཾ བྷུཉྫནྟུ ཙེཝ ཧརནྟུ ཙཱཏི…པེ…. དུཏིཡཾ.

༣. ནིཙྪཝིཏྠིསུཏྟཾ

༢༡༤. ‘‘ཨིདྷཱཧཾ ¶ , ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ནིཙྪཝིཾ ཨིཏྠིཾ ཝེཧཱསཾ གཙྪནྟིཾ. ཏམེནཾ གིཛ྄ཛྷཱཔི ཀཱཀཱཔི ཀུལལཱཔི ཨནུཔཏིཏྭཱ ཨནུཔཏིཏྭཱ ཝིཏཙྪེནྟི ཝིརཱཛེནྟི. སཱ སུདཾ ཨཊྚསྶརཾ ཀརོཏི…པེ… ཨེསཱ, བྷིཀྑཝེ, ཨིཏྠཱི ཨིམསྨིཾཡེཝ རཱཛགཧེ ཨཏིཙཱརིནཱི ཨཧོསི…པེ…. ཏཏིཡཾ.

༤. མངྒུལིཏྠིསུཏྟཾ

༢༡༥. ‘‘ཨིདྷཱཧཾ ¶ , ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ཨིཏྠིཾ དུགྒནྡྷཾ མངྒུལིཾ ཝེཧཱསཾ གཙྪནྟིཾ. ཏམེནཾ གིཛ྄ཛྷཱཔི ཀཱཀཱཔི ཀུལལཱཔི ¶ ཨནུཔཏིཏྭཱ ཨནུཔཏིཏྭཱ ཝིཏཙྪེནྟི ཝིརཱཛེནྟི. སཱ སུདཾ ཨཊྚསྶརཾ ཀརོཏི…པེ… ཨེསཱ, བྷིཀྑཝེ, ཨིཏྠཱི ཨིམསྨིཾཡེཝ རཱཛགཧེ ཨིཀྑཎིཀཱ ཨཧོསི…པེ…. ཙཏུཏྠཾ.

༥. ཨོཀིལིནཱིསུཏྟཾ

༢༡༦. ‘‘ཨིདྷཱཧཾ ¶ , ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ཨིཏྠིཾ ཨུཔྤཀྐཾ ཨོཀིལིནིཾ ཨོཀིརིནིཾ ཝེཧཱསཾ གཙྪནྟིཾ. སཱ སུདཾ ཨཊྚསྶརཾ ཀརོཏི…པེ… ཨེསཱ, བྷིཀྑཝེ, ཨིཏྠཱི ཀལིངྒསྶ རཉྙོ ཨགྒམཧེསཱི ཨཧོསི. སཱ ཨིསྶཱཔཀཏཱ སཔཏྟིཾ ཨངྒཱརཀཊཱཧེན ཨོཀིརི…པེ…. པཉྩམཾ.

༦. ཨསཱིསཀསུཏྟཾ

༢༡༧. ‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ཨསཱིསཀཾ ཀབནྡྷཾ [ཀཝནྡྷཾ (སཱི. པཱི.)] ཝེཧཱསཾ གཙྪནྟཾ. ཏསྶ ཨུརེ ཨཀྑཱིནི ཙེཝ ཧོནྟི མུཁཉྩ. ཏམེནཾ གིཛ྄ཛྷཱཔི ཀཱཀཱཔི ཀུལལཱཔི ཨནུཔཏིཏྭཱ ཨནུཔཏིཏྭཱ ཝིཏཙྪེནྟི ཝིརཱཛེནྟི. སོ སུདཾ ཨཊྚསྶརཾ ཀརོཏི…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ ཧཱརིཀོ ནཱམ ཙོརགྷཱཏཀོ ཨཧོསི…པེ…. ཚཊྛཾ.

༧. པཱཔབྷིཀྑུསུཏྟཾ

༢༡༨. ‘‘ཨིདྷཱཧཾ ¶ , ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ བྷིཀྑུཾ ཝེཧཱསཾ གཙྪནྟཾ. ཏསྶ སངྒྷཱཊིཔི ཨཱདིཏྟཱ སམྤཛྫལིཏཱ སཛོཏིབྷཱུཏཱ [སཉྫོཏིབྷཱུཏཱ (སྱཱ. ཀཾ.)], པཏྟོཔི ཨཱདིཏྟོ སམྤཛྫལིཏོ སཛོཏིབྷཱུཏོ, ཀཱཡབནྡྷནམྤི ¶ ཨཱདིཏྟཾ སམྤཛྫལིཏཾ སཛོཏིབྷཱུཏཾ, ཀཱཡོཔི ཨཱདིཏྟོ སམྤཛྫལིཏོ སཛོཏིབྷཱུཏོ. སོ སུདཾ ཨཊྚསྶརཾ ཀརོཏི…པེ… ཨེསོ, བྷིཀྑཝེ, བྷིཀྑུ ཀསྶཔསྶ སམྨཱསམྦུདྡྷསྶ པཱཝཙནེ པཱཔབྷིཀྑུ ཨཧོསི…པེ…. སཏྟམཾ.

༨. པཱཔབྷིཀྑུནཱིསུཏྟཾ

༢༡༩. ‘‘ཨདྡསཾ ¶ བྷིཀྑུནིཾ ཝེཧཱསཾ གཙྪནྟིཾ. ཏསྶཱ སངྒྷཱཊིཔི ཨཱདིཏྟཱ…པེ… པཱཔབྷིཀྑུནཱི ཨཧོསི…པེ…. ཨཊྛམཾ.

༩. པཱཔསིཀྑམཱནསུཏྟཾ

༢༢༠. ‘‘ཨདྡསཾ ¶ སིཀྑམཱནཾ ཝེཧཱསཾ གཙྪནྟིཾ. ཏསྶཱ སངྒྷཱཊིཔི ཨཱདིཏྟཱ…པེ… པཱཔསིཀྑམཱནཱ ཨཧོསི…པེ…. ནཝམཾ.

༡༠. པཱཔསཱམཎེརསུཏྟཾ

༢༢༡. ‘‘ཨདྡསཾ སཱམཎེརཾ ཝེཧཱསཾ གཙྪནྟཾ. ཏསྶ སངྒྷཱཊིཔི ཨཱདིཏྟཱ…པེ… པཱཔསཱམཎེརོ ཨཧོསི…པེ…. དསམཾ.

༡༡. པཱཔསཱམཎེརཱིསུཏྟཾ

༢༢༢. ‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ སཱམཎེརིཾ ཝེཧཱསཾ གཙྪནྟིཾ. ཏསྶཱ སངྒྷཱཊིཔི ཨཱདིཏྟཱ སམྤཛྫལིཏཱ སཛོཏིབྷཱུཏཱ, པཏྟོཔི ཨཱདིཏྟོ སམྤཛྫལིཏོ ¶ སཛོཏིབྷཱུཏོ, ཀཱཡབནྡྷནམྤི ཨཱདིཏྟཾ སམྤཛྫལིཏཾ སཛོཏིབྷཱུཏཾ, ཀཱཡོཔི ཨཱདིཏྟོ སམྤཛྫལིཏོ སཛོཏིབྷཱུཏོ. སཱ སུདཾ ཨཊྚསྶརཾ ཀརོཏི. ཏསྶ མཡ྄ཧཾ, ཨཱཝུསོ, ཨེཏདཧོསི – ‘ཨཙྪརིཡཾ ཝཏ, བྷོ, ཨབྦྷུཏཾ ཝཏ, བྷོ! ཨེཝརཱུཔོཔི ནཱམ སཏྟོ བྷཝིསྶཏི! ཨེཝརཱུཔོཔི ནཱམ ཡཀྑོ བྷཝིསྶཏི! ཨེཝརཱུཔོཔི ནཱམ ཨཏྟབྷཱཝཔཊིལཱབྷོ བྷཝིསྶཏཱི’’’ཏི!!

ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘ཙཀྑུབྷཱུཏཱ ཝཏ, བྷིཀྑཝེ, སཱཝཀཱ ཝིཧརནྟི; ཉཱཎབྷཱུཏཱ ཝཏ, བྷིཀྑཝེ, སཱཝཀཱ ཝིཧརནྟི, ཡཏྲ ཧི ནཱམ སཱཝཀོ ཨེཝརཱུཔཾ ཉསྶཏི ཝཱ དཀྑཏི ཝཱ སཀྑིཾ ཝཱ ཀརིསྶཏི. པུབྦེཝ ¶ མེ སཱ, བྷིཀྑཝེ, སཱམཎེརཱི དིཊྛཱ ཨཧོསི. ཨཔི ཙཱཧཾ ན བྱཱཀཱསིཾ. ཨཧཉྩེཏཾ བྱཱཀརེཡྻཾ, པརེ ཙ མེ ན སདྡཧེཡྻུཾ. ཡེ མེ ན སདྡཧེཡྻུཾ, ཏེསཾ ཏཾ ཨསྶ དཱིགྷརཏྟཾ ཨཧིཏཱཡ ¶ དུཀྑཱཡ. ཨེསཱ, བྷིཀྑཝེ, སཱམཎེརཱི ཀསྶཔསྶ སམྨཱསམྦུདྡྷསྶ པཱཝཙནེ པཱཔསཱམཎེརཱི ཨཧོསི. སཱ ཏསྶ ཀམྨསྶ ཝིཔཱཀེན བཧཱུནི ཝསྶཱནི བཧཱུནི ཝསྶསཏཱནི བཧཱུནི ཝསྶསཧསྶཱནི བཧཱུནི ཝསྶསཏསཧསྶཱནི ནིརཡེ པཙྩིཏྭཱ ཏསྶེཝ ཀམྨསྶ ཝིཔཱཀཱཝསེསེན ཨེཝརཱུཔཾ ཨཏྟབྷཱཝཔཊིལཱབྷཾ པཊིསཾཝེདཡཏཱི’’ཏི. ཨེཀཱདསམཾ.

དུཏིཡོ ཝགྒོ.

ཏསྶུདྡཱནཾ –

ཀཱུཔེ ¶ ནིམུགྒོ ཧི སོ པཱརདཱརིཀོ;

གཱུཐཁཱདི ཨཧུ དུཊྛབྲཱཧྨཎོ.

ནིཙྪཝིཏྠི ཨཏིཙཱརིནཱི ཨཧུ;

མངྒུལིཏྠི ཨཧུ ཨིཀྑཎིཏྠིཀཱ.

ཨོཀིལིནི སཔཏྟངྒཱརོཀིརི;

སཱིསཙྪིནྣོ ཨཧུ ཙོརགྷཱཏཀོ.

བྷིཀྑུ ¶ བྷིཀྑུནཱི སིཀྑམཱནཱ;

སཱམཎེརོ ཨཐ སཱམཎེརིཀཱ.

ཀསྶཔསྶ ཝིནཡསྨིཾ པབྦཛྫཾ;

པཱཔཀམྨཾ ཀརིཾསུ ཏཱཝདེཏི.

ལཀྑཎསཾཡུཏྟཾ སམཏྟཾ.

༩. ཨོཔམྨསཾཡུཏྟཾ

༡. ཀཱུཊསུཏྟཾ

༢༢༣. ཨེཝཾ ¶ ¶ ¶ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏཏྲ ¶ ཁོ བྷགཝཱ བྷིཀྑཱུ ཨཱམནྟེསི – ‘‘བྷིཀྑཝོ’’ཏི. ‘‘བྷདནྟེ’’ཏི ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ – ‘‘སེཡྻཐཱཔི, བྷིཀྑཝེ, ཀཱུཊཱགཱརསྶ ཡཱ ཀཱཙི གོཔཱནསིཡོ སབྦཱ ཏཱ ཀཱུཊངྒམཱ ཀཱུཊསམོསརཎཱ ཀཱུཊསམུགྒྷཱཏཱ སབྦཱ ཏཱ སམུགྒྷཱཏཾ གཙྪནྟི; ཨེཝམེཝ ཁོ, བྷིཀྑཝེ, ཡེ ཀེཙི ཨཀུསལཱ དྷམྨཱ སབྦེ ཏེ ཨཝིཛྫཱམཱུལཀཱ ཨཝིཛྫཱསམོསརཎཱ ཨཝིཛྫཱསམུགྒྷཱཏཱ, སབྦེ ཏེ སམུགྒྷཱཏཾ གཙྪནྟི. ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘ཨཔྤམཏྟཱ ཝིཧརིསྶཱམཱ’ཏི. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. པཋམཾ.

༢. ནཁསིཁསུཏྟཾ

༢༢༤. སཱཝཏྠིཡཾ ཝིཧརཏི. ཨཐ ཁོ བྷགཝཱ པརིཏྟཾ ནཁསིཁཱཡཾ པཾསུཾ ཨཱརོཔེཏྭཱ བྷིཀྑཱུ ཨཱམནྟེསི – ‘‘ཏཾ ཀིཾ མཉྙཐ བྷིཀྑཝེ, ཀཏམཾ ནུ ཁོ བཧུཏརཾ, ཡོ ཝཱཡཾ [ཡོ ཙཱཡཾ (བཧཱུསུ)] མཡཱ པརིཏྟོ ནཁསིཁཱཡཾ པཾསུ ཨཱརོཔིཏོ ཨཡཾ ཝཱ [ཡཱ ཙཱཡཾ (སྱཱ. ཀ.)] མཧཱཔཐཝཱི’’ཏི? ‘‘ཨེཏདེཝ, བྷནྟེ, བཧུཏརཾ ཡདིདཾ མཧཱཔཐཝཱི. ཨཔྤམཏྟཀོཡཾ བྷགཝཏཱ པརིཏྟོ ནཁསིཁཱཡཾ པཾསུ ཨཱརོཔིཏོ. སངྑམྤི ན ཨུཔེཏི ཨུཔནིདྷིམྤི ན ཨུཔེཏི ཀལབྷཱགམྤི ན ཨུཔེཏི མཧཱཔཐཝིཾ ཨུཔནིདྷཱཡ བྷགཝཏཱ པརིཏྟོ ནཁསིཁཱཡཾ པཾསུ ཨཱརོཔིཏོ’’ཏི. ‘‘ཨེཝམེཝ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ མནུསྶེསུ པཙྩཱཛཱཡནྟི; ཨཐ ཁོ ཨེཏེཡེཝ བཧུཏརཱ སཏྟཱ ཡེ ཨཉྙཏྲ མནུསྶེཧི པཙྩཱཛཱཡནྟི. ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ ¶ – ‘ཨཔྤམཏྟཱ ཝིཧརིསྶཱམཱ’ཏི. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. དུཏིཡཾ.

༣. ཀུལསུཏྟཾ

༢༢༥. སཱཝཏྠིཡཾ ¶ ཝིཧརཏི…པེ… ‘‘སེཡྻཐཱཔི ¶ , བྷིཀྑཝེ, ཡཱནི ཀཱནིཙི ཀུལཱནི བཧུཏྠིཀཱནི ཨཔྤཔུརིསཱནི ཏཱནི སུཔྤདྷཾསིཡཱནི ཧོནྟི ཙོརེཧི ཀུམྦྷཏྠེནཀེཧི ¶ ; ཨེཝམེཝ ཁོ, བྷིཀྑཝེ, ཡསྶ ཀསྶཙི བྷིཀྑུནོ མེཏྟཱཙེཏོཝིམུཏྟི ཨབྷཱཝིཏཱ ཨབཧུལཱིཀཏཱ སོ སུཔྤདྷཾསིཡོ ཧོཏི ཨམནུསྶེཧི. སེཡྻཐཱཔི, བྷིཀྑཝེ, ཡཱནི ཀཱནིཙི ཀུལཱནི ཨཔྤིཏྠིཀཱནི བཧུཔུརིསཱནི ཏཱནི དུཔྤདྷཾསིཡཱནི ཧོནྟི ཙོརེཧི ཀུམྦྷཏྠེནཀེཧི, ཨེཝམེཝ ཁོ, བྷིཀྑཝེ, ཡསྶ ཀསྶཙི བྷིཀྑུནོ མེཏྟཱཙེཏོཝིམུཏྟི བྷཱཝིཏཱ བཧུལཱིཀཏཱ སོ དུཔྤདྷཾསིཡོ ཧོཏི ཨམནུསྶེཧི. ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘མེཏྟཱ ནོ ཙེཏོཝིམུཏྟི བྷཱཝིཏཱ བྷཝིསྶཏི བཧུལཱིཀཏཱ ཡཱནཱིཀཏཱ ཝཏྠུཀཏཱ ཨནུཊྛིཏཱ པརིཙིཏཱ སུསམཱརདྡྷཱ’ཏི. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. ཏཏིཡཾ.

༤. ཨོཀྑཱསུཏྟཾ

༢༢༦. སཱཝཏྠིཡཾ ཝིཧརཏི…པེ… ‘‘ཡོ, བྷིཀྑཝེ, པུབྦཎྷསམཡཾ ཨོཀྑཱསཏཾ དཱནཾ དདེཡྻ, ཡོ མཛ྄ཛྷནྷིཀསམཡཾ ཨོཀྑཱསཏཾ དཱནཾ དདེཡྻ, ཡོ སཱཡནྷསམཡཾ ཨོཀྑཱསཏཾ དཱནཾ དདེཡྻ, ཡོ ཝཱ པུབྦཎྷསམཡཾ ཨནྟམསོ གདྡུཧནམཏྟམྤི མེཏྟཙིཏྟཾ བྷཱཝེཡྻ, ཡོ ཝཱ མཛ྄ཛྷནྷིཀསམཡཾ ཨནྟམསོ གདྡུཧནམཏྟམྤི མེཏྟཙིཏྟཾ བྷཱཝེཡྻ, ཡོ ¶ ཝཱ སཱཡནྷསམཡཾ ཨནྟམསོ གདྡུཧནམཏྟམྤི མེཏྟཙིཏྟཾ བྷཱཝེཡྻ, ཨིདཾ ཏཏོ མཧཔྥལཏརཾ. ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘མེཏྟཱ ནོ ཙེཏོཝིམུཏྟི བྷཱཝིཏཱ བྷཝིསྶཏི བཧུལཱིཀཏཱ ཡཱནཱིཀཏཱ ཝཏྠུཀཏཱ ཨནུཊྛིཏཱ པརིཙིཏཱ སུསམཱརདྡྷཱ’ཏི. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. ཙཏུཏྠཾ.

༥. སཏྟིསུཏྟཾ

༢༢༧. སཱཝཏྠིཡཾ ¶ ཝིཧརཏི…པེ… ‘‘སེཡྻཐཱཔི, བྷིཀྑཝེ, སཏྟི ཏིཎྷཕལཱ. ཨཐ པུརིསོ ཨཱགཙྪེཡྻ – ‘ཨཧཾ ཨིམཾ སཏྟིཾ ཏིཎྷཕལཾ པཱཎིནཱ ཝཱ མུཊྛིནཱ ཝཱ པཊིལེཎིསྶཱམི པཊིཀོཊྚིསྶཱམི པཊིཝཊྚེསྶཱམཱི’ཏི. ཏཾ ཀིཾ མཉྙཐ, བྷིཀྑཝེ, བྷབྦོ ནུ ཁོ སོ པུརིསོ ཨམུཾ སཏྟིཾ ཏིཎྷཕལཾ པཱཎིནཱ ཝཱ མུཊྛིནཱ ཝཱ པཊིལེཎེཏུཾ པཊིཀོཊྚེཏུཾ པཊིཝཊྚེཏུ’’ནྟི? ‘‘ནོ ཧེཏཾ ¶ , བྷནྟེ’’. ‘‘ཏཾ ཀིསྶ ཧེཏུ’’? ‘‘ཨསུ ཧི, བྷནྟེ, སཏྟི ཏིཎྷཕལཱ ན སུཀརཱ པཱཎིནཱ ཝཱ མུཊྛིནཱ ཝཱ པཊིལེཎེཏུཾ པཊིཀོཊྚེཏུཾ པཊིཝཊྚེཏུཾ. ཡཱཝདེཝ ཙ པན སོ པུརིསོ ཀིལམཐསྶ ཝིགྷཱཏསྶ བྷཱགཱི ཨསྶཱ’’ཏི.

‘‘ཨེཝམེཝ ¶ ཁོ, བྷིཀྑཝེ, ཡསྶ ཀསྶཙི བྷིཀྑུནོ མེཏྟཱཙེཏོཝིམུཏྟི བྷཱཝིཏཱ བཧུལཱིཀཏཱ ཡཱནཱིཀཏཱ ཝཏྠུཀཏཱ ཨནུཊྛིཏཱ པརིཙིཏཱ སུསམཱརདྡྷཱ, ཏསྶ ཙེ ཨམནུསྶོ ཙིཏྟཾ ཁིཔིཏབྦཾ མཉྙེཡྻ; ཨཐ ཁོ སྭེཝ ཨམནུསྶོ ཀིལམཐསྶ ཝིགྷཱཏསྶ བྷཱགཱི ཨསྶ. ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘མེཏྟཱ ནོ ཙེཏོཝིམུཏྟི བྷཱཝིཏཱ བྷཝིསྶཏི བཧུལཱིཀཏཱ ཡཱནཱིཀཏཱ ཝཏྠུཀཏཱ ཨནུཊྛིཏཱ ¶ པརིཙིཏཱ སུསམཱརདྡྷཱ’ཏི. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. པཉྩམཾ.

༦. དྷནུགྒཧསུཏྟཾ

༢༢༨. སཱཝཏྠིཡཾ ཝིཧརཏི…པེ… ‘‘སེཡྻཐཱཔི, བྷིཀྑཝེ, ཙཏྟཱརོ དལ༹ྷདྷམྨཱ དྷནུགྒཧཱ ¶ སུསིཀྑིཏཱ ཀཏཧཏྠཱ ཀཏཱུཔཱསནཱ ཙཏུདྡིསཱ ཋིཏཱ ཨསྶུ. ཨཐ པུརིསོ ཨཱགཙྪེཡྻ – ‘ཨཧཾ ཨིམེསཾ ཙཏུནྣཾ དལ༹ྷདྷམྨཱནཾ དྷནུགྒཧཱནཾ སུསིཀྑིཏཱནཾ ཀཏཧཏྠཱནཾ ཀཏཱུཔཱསནཱནཾ ཙཏུདྡིསཱ ཀཎྜེ ཁིཏྟེ ཨཔྤཏིཊྛིཏེ པཐཝིཡཾ གཧེཏྭཱ ཨཱཧརིསྶཱམཱི’ཏི. ཏཾ ཀིཾ མཉྙཐ, བྷིཀྑཝེ, ‘ཛཝནོ པུརིསོ པརམེན ཛཝེན སམནྣཱགཏོ’ཏི ཨལཾ ཝཙནཱཡཱ’’ཏི?

‘‘ཨེཀསྶ ཙེཔི, བྷནྟེ, དལ༹ྷདྷམྨསྶ དྷནུགྒཧསྶ སུསིཀྑིཏསྶ ཀཏཧཏྠསྶ ཀཏཱུཔཱསནསྶ ཀཎྜཾ ཁིཏྟཾ ཨཔྤཏིཊྛིཏཾ པཐཝིཡཾ གཧེཏྭཱ ཨཱཧརེཡྻ – ‘ཛཝནོ པུརིསོ པརམེན ཛཝེན སམནྣཱགཏོ’ཏི ཨལཾ ཝཙནཱཡ, ཀོ པན ཝཱདོ ཙཏུནྣཾ དལ༹ྷདྷམྨཱནཾ དྷནུགྒཧཱནཾ སུསིཀྑིཏཱནཾ ཀཏཧཏྠཱནཾ ཀཏཱུཔཱསནཱན’’ནྟི?

‘‘ཡཐཱ ཙ, བྷིཀྑཝེ, ཏསྶ པུརིསསྶ ཛཝོ, ཡཐཱ ཙ ཙནྡིམསཱུརིཡཱནཾ ཛཝོ, ཏཏོ སཱིགྷཏརོ. ཡཐཱ ཙ, བྷིཀྑཝེ, ཏསྶ པུརིསསྶ ཛཝོ ཡཐཱ ཙ ཙནྡིམསཱུརིཡཱནཾ ཛཝོ ཡཐཱ ཙ ཡཱ དེཝཏཱ ཙནྡིམསཱུརིཡཱནཾ པུརཏོ དྷཱཝནྟི ཏཱསཾ དེཝཏཱནཾ ཛཝོ, ( ) [(ཏཏོ སཱིགྷཏརོ. ཡཐཱ ཙ བྷིཀྑཝེ ཏསྶ པུརིསསྶ ཛཝོ, ཡཐཱ ཙ ཙནྡིམསུརིཡཱནཾ ཛཝོ, ཡཐཱ ཙ ཡཱ དེཝཏཱ ཙནྡིམསུརིཡཱནཾ པུརཏོ དྷཱཝནྟི, ཏཱསཾ དེཝཏཱནཾ ཛཝོ,) (སཱི. སྱཱ. ཀཾ.)] ཏཏོ སཱིགྷཏརཾ ཨཱཡུསངྑཱརཱ ¶ ཁིཡནྟི. ཏསྨཱཏིཧ ¶ , བྷིཀྑཝེ, ཨེཝཾ སིཀྑིཏབྦཾ – ‘ཨཔྤམཏྟཱ ཝིཧརིསྶཱམཱ’ཏི. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. ཚཊྛཾ.

༧. ཨཱཎིསུཏྟཾ

༢༢༩. སཱཝཏྠིཡཾ ¶ ཝིཧརཏི…པེ… ‘‘བྷཱུཏཔུབྦཾ, བྷིཀྑཝེ, དསཱརཧཱནཾ ཨཱནཀོ [ཨཱཎཀོ (སཱི.)] ནཱམ མུདིངྒོ ཨཧོསི. ཏསྶ དསཱརཧཱ ཨཱནཀེ གྷཊིཏེ ཨཉྙཾ ཨཱཎིཾ ཨོདཧིཾསུ. ཨཧུ ¶ ཁོ སོ, བྷིཀྑཝེ, སམཡོ ཡཾ ཨཱནཀསྶ མུདིངྒསྶ པོརཱཎཾ པོཀྑརཕལཀཾ ཨནྟརདྷཱཡི. ཨཱཎིསངྒྷཱཊོཝ ཨཝསིསྶི. ཨེཝམེཝ ཁོ, བྷིཀྑཝེ, བྷཝིསྶནྟི བྷིཀྑཱུ ཨནཱགཏམདྡྷཱནཾ, ཡེ ཏེ སུཏྟནྟཱ ཏཐཱགཏབྷཱསིཏཱ གམྦྷཱིརཱ གམྦྷཱིརཏྠཱ ལོཀུཏྟརཱ སུཉྙཏཔྤཊིསཾཡུཏྟཱ, ཏེསུ བྷཉྙམཱནེསུ ན སུསྶཱུསིསྶནྟི ན སོཏཾ ཨོདཧིསྶནྟི ན ཨཉྙཱ ཙིཏྟཾ ཨུཔཊྛཱཔེསྶནྟི ན ཙ ཏེ དྷམྨེ ཨུགྒཧེཏབྦཾ པརིཡཱཔུཎིཏབྦཾ མཉྙིསྶནྟི’’.

‘‘ཡེ པན ཏེ སུཏྟནྟཱ ཀཝིཀཏཱ ཀཱཝེཡྻཱ ཙིཏྟཀྑརཱ ཙིཏྟབྱཉྫནཱ བཱཧིརཀཱ སཱཝཀབྷཱསིཏཱ, ཏེསུ བྷཉྙམཱནེསུ སུསྶཱུསིསྶནྟི, སོཏཾ ཨོདཧིསྶནྟི, ཨཉྙཱ ཙིཏྟཾ ཨུཔཊྛཱཔེསྶནྟི, ཏེ ཙ དྷམྨེ ཨུགྒཧེཏབྦཾ པརིཡཱཔུཎིཏབྦཾ མཉྙིསྶནྟི. ཨེཝམེཏེསཾ, བྷིཀྑཝེ, སུཏྟནྟཱནཾ ཏཐཱགཏབྷཱསིཏཱནཾ གམྦྷཱིརཱནཾ གམྦྷཱིརཏྠཱནཾ ལོཀུཏྟརཱནཾ སུཉྙཏཔྤཊིསཾཡུཏྟཱནཾ ཨནྟརདྷཱནཾ བྷཝིསྶཏི. ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘ཡེ ཏེ སུཏྟནྟཱ ཏཐཱགཏབྷཱསིཏཱ གམྦྷཱིརཱ གམྦྷཱིརཏྠཱ ལོཀུཏྟརཱ སུཉྙཏཔྤཊིསཾཡུཏྟཱ, ཏེསུ བྷཉྙམཱནེསུ སུསྶཱུསིསྶཱམ, སོཏཾ ཨོདཧིསྶཱམ ¶ , ཨཉྙཱ ཙིཏྟཾ ཨུཔཊྛཱཔེསྶཱམ, ཏེ ཙ དྷམྨེ ཨུགྒཧེཏབྦཾ པརིཡཱཔུཎིཏབྦཾ མཉྙིསྶཱམཱ’ཏི. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. སཏྟམཾ.

༨. ཀལིངྒརསུཏྟཾ

༢༣༠. ཨེཝཾ མེ སུཏཾ – ཨེཀཾ སམཡཾ བྷགཝཱ ཝེསཱལིཡཾ ཝིཧརཏི མཧཱཝནེ ཀཱུཊཱགཱརསཱལཱཡཾ. ཏཏྲ ཁོ བྷགཝཱ བྷིཀྑཱུ ཨཱམནྟེསི ‘‘བྷིཀྑཝོ’’ཏི. ‘‘བྷདནྟེ’’ཏི ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ཀལིངྒརཱུཔདྷཱནཱ ¶ , བྷིཀྑཝེ, ཨེཏརཧི ལིཙྪཝཱི ཝིཧརནྟི ¶ ཨཔྤམཏྟཱ ཨཱཏཱཔིནོ ཨུཔཱསནསྨིཾ. ཏེསཾ རཱཛཱ མཱགདྷོ ཨཛཱཏསཏྟུ ཝེདེཧིཔུཏྟོ ན ལབྷཏི ཨོཏཱརཾ ན ལབྷཏི ཨཱརམྨཎཾ. བྷཝིསྶནྟི, བྷིཀྑཝེ ¶ , ཨནཱགཏམདྡྷཱནཾ ལིཙྪཝཱི སུཁུམཱལཱ [སུཀུམཱལཱ (སཱི.), སུཁུམཱ (ཀ.)] མུདུཏལུནཧཏྠཔཱདཱ [མུདུཏལཱཧཏྠཔཱདཱ (སྱཱ. ཀཾ.)] ཏེ མུདུཀཱསུ སེཡྻཱསུ ཏཱུལབིམྦོཧནཱསུ [ཏཱུལབིམྦོཧནཱསུ (སྱཱ. ཀཾ. པཱི.), ཏཱུལབིམྦོཧནཱདཱིསུ (སཱི.), ཏཱུལབིབྦོཧནཱདཱིསུ (ཀ.)] ཡཱཝསཱུརིཡུགྒམནཱ སེཡྻཾ ཀཔྤིསྶནྟི. ཏེསཾ རཱཛཱ མཱགདྷོ ཨཛཱཏསཏྟུ ཝེདེཧིཔུཏྟོ ལཙྪཏི ཨོཏཱརཾ ལཙྪཏི ཨཱརམྨཎཾ.

‘‘ཀལིངྒརཱུཔདྷཱནཱ, བྷིཀྑཝེ, ཨེཏརཧི བྷིཀྑཱུ ཝིཧརནྟི ཨཔྤམཏྟཱ ཨཱཏཱཔིནོ པདྷཱནསྨིཾ. ཏེསཾ མཱརོ པཱཔིམཱ ན ལབྷཏི ཨོཏཱརཾ ན ལབྷཏི ཨཱརམྨཎཾ. བྷཝིསྶནྟི, བྷིཀྑཝེ, ཨནཱགཏམདྡྷཱནཾ བྷིཀྑཱུ སུཁུམཱ མུདུཏལུནཧཏྠཔཱདཱ. ཏེ མུདུཀཱསུ སེཡྻཱསུ ཏཱུལབིམྦོཧནཱསུ ཡཱཝསཱུརིཡུགྒམནཱ སེཡྻཾ ཀཔྤིསྶནྟི. ཏེསཾ མཱརོ པཱཔིམཱ ལཙྪཏི ཨོཏཱརཾ ལཙྪཏི ཨཱརམྨཎཾ. ཏསྨཱཏིཧ, བྷིཀྑཝེ, ཨེཝཾ ¶ སིཀྑིཏབྦཾ – ‘ཀལིངྒརཱུཔདྷཱནཱ ཝིཧརིསྶཱམ ཨཔྤམཏྟཱ ཨཱཏཱཔིནོ པདྷཱནསྨི’ནྟི. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. ཨཊྛམཾ.

༩. ནཱགསུཏྟཾ

༢༣༡. ཨེཝཾ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཉྙཏརོ ནཝོ བྷིཀྑུ ཨཏིཝེལཾ ཀུལཱནི ཨུཔསངྐམཏི. ཏམེནཾ བྷིཀྑཱུ ཨེཝམཱཧཾསུ – ‘‘མཱཡསྨཱ ཨཏིཝེལཾ ཀུལཱནི ཨུཔསངྐམཱི’’ཏི. སོ བྷིཀྑུ བྷིཀྑཱུཧི ཝུཙྩམཱནོ ཨེཝམཱཧ – ‘‘ཨིམེ ཧི ནཱམ ཐེརཱ བྷིཀྑཱུ ཀུལཱནི ཨུཔསངྐམིཏབྦཾ མཉྙིསྶནྟི, ཀིམངྒཾ [ཀིམངྒ (སཱི.)] པནཱཧ’’ནྟི?

ཨཐ ཁོ སམྦཧུལཱ བྷིཀྑཱུ ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ¶ ནིསིནྣཱ ཁོ ཏེ བྷིཀྑཱུ བྷགཝནྟཾ ཨེཏདཝོཙུཾ – ‘‘ཨིདྷ, བྷནྟེ, ཨཉྙཏརོ ནཝོ བྷིཀྑུ ཨཏིཝེལཾ ཀུལཱནི ཨུཔསངྐམཏི. ཏམེནཾ བྷིཀྑཱུ ཨེཝམཱཧཾསུ – ‘མཱཡསྨཱ ཨཏིཝེལཾ ཀུལཱནི ཨུཔསངྐམཱི’ཏི. སོ བྷིཀྑུ བྷིཀྑཱུཧི ཝུཙྩམཱནོ ཨེཝམཱཧ – ‘ཨིམེ ཧི ནཱམ ཐེརཱ བྷིཀྑཱུ ཀུལཱནི ཨུཔསངྐམིཏབྦཾ མཉྙིསྶནྟི, ཀིམངྒཾ པནཱཧ’’’ནྟི.

‘‘བྷཱུཏཔུབྦཾ ¶ ¶ , བྷིཀྑཝེ, ཨརཉྙཱཡཏནེ མཧཱསརསཱི. ཏཾ ནཱགཱ ཨུཔནིསྶཱཡ ཝིཧརནྟི. ཏེ ཏཾ སརསིཾ ཨོགཱཧེཏྭཱ སོཎྜཱཡ བྷིསམུལཱ༹ལཾ ཨབྦུཧེཏྭཱ [ཨབྦྷཱུཧེཏྭཱ (ཀ.), ཨབྦཱཧིཏྭཱ (མཧཱཝ. ༢༧༨)] སུཝིཀྑཱལིཏཾ ཝིཀྑཱལེཏྭཱ ཨཀདྡམཾ སངྑཱདིཏྭཱ [སངྑརིཏྭཱ (པཱི. ཀ.)] ཨཛ྄ཛྷོཧརནྟི. ཏེསཾ ཏཾ ཝཎྞཱཡ ཙེཝ ཧོཏི བལཱཡ ཙ, ན ཙ ཏཏོནིདཱནཾ མརཎཾ ཝཱ ནིགཙྪནྟི མརཎམཏྟཾ ཝཱ དུཀྑཾ. ཏེསཾཡེཝ ¶ ཁོ པན, བྷིཀྑཝེ, མཧཱནཱགཱནཾ ཨནུསིཀྑམཱནཱ ཏརུཎཱ བྷིངྐཙྪཱཔཱ ཏཾ སརསིཾ ཨོགཱཧེཏྭཱ སོཎྜཱཡ བྷིསམུལཱ༹ལཾ ཨབྦུཧེཏྭཱ ན སུཝིཀྑཱལིཏཾ ཝིཀྑཱལེཏྭཱ སཀདྡམཾ ཨསངྑཱདིཏྭཱ ཨཛ྄ཛྷོཧརནྟི. ཏེསཾ ཏཾ ནེཝ ཝཎྞཱཡ ཧོཏི ན བལཱཡ. ཏཏོནིདཱནཾ མརཎཾ ཝཱ ནིགཙྪནྟི མརཎམཏྟཾ ཝཱ དུཀྑཾ.

‘‘ཨེཝམེཝ ཁོ, བྷིཀྑཝེ, ཨིདྷ ཐེརཱ བྷིཀྑཱུ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ གཱམཾ ཝཱ ནིགམཾ ཝཱ པིཎྜཱཡ པཝིསནྟི. ཏེ ཏཏྠ དྷམྨཾ བྷཱསནྟི. ཏེསཾ གིཧཱི པསནྣཱཀཱརཾ ཀརོནྟི. ཏེ ཏཾ ལཱབྷཾ ཨགདྷིཏཱ ཨམུཙྪིཏཱ ཨནཛ྄ཛྷོཔནྣཱ [ཨནཛ྄ཛྷཱཔནྣཱ (སབྦཏྠ) མ. ནི. ༡ པཱསརཱསིསུཏྟཝཎྞནཱ ཨོལོཀེཏབྦཱ] ཨཱདཱིནཝདསྶཱཝིནོ ནིསྶརཎཔཉྙཱ པརིབྷུཉྫནྟི. ཏེསཾ ཏཾ ཝཎྞཱཡ ཙེཝ ཧོཏི བལཱཡ ཙ, ན ཙ ཏཏོནིདཱནཾ མརཎཾ ཝཱ ནིགཙྪནྟི མརཎམཏྟཾ ཝཱ དུཀྑཾ. ཏེསཾཡེཝ ཁོ པན, བྷིཀྑཝེ, ཐེརཱནཾ བྷིཀྑཱུནཾ ཨནུསིཀྑམཱནཱ ནཝཱ བྷིཀྑཱུ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ གཱམཾ ཝཱ ནིགམཾ ཝཱ པིཎྜཱཡ པཝིསནྟི. ཏེ ཏཏྠ དྷམྨཾ བྷཱསནྟི. ཏེསཾ གིཧཱི པསནྣཱཀཱརཾ ¶ ཀརོནྟི. ཏེ ཏཾ ལཱབྷཾ གདྷིཏཱ མུཙྪིཏཱ ཨཛ྄ཛྷོཔནྣཱ ཨནཱདཱིནཝདསྶཱཝིནོ ཨནིསྶརཎཔཉྙཱ པརིབྷུཉྫནྟི. ཏེསཾ ཏཾ ནེཝ ཝཎྞཱཡ ཧོཏི ན བལཱཡ, ཏེ ཏཏོནིདཱནཾ མརཎཾ ཝཱ ནིགཙྪནྟི མརཎམཏྟཾ ཝཱ དུཀྑཾ. ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘ཨགདྷིཏཱ ཨམུཙྪིཏཱ ཨནཛ྄ཛྷོཔནྣཱ ཨཱདཱིནཝདསྶཱཝིནོ ནིསྶརཎཔཉྙཱ ཏཾ ལཱབྷཾ པརིབྷུཉྫིསྶཱམཱ’ཏི. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི ¶ . ནཝམཾ.

༡༠. བིལཱ༹རསུཏྟཾ

༢༣༢. སཱཝཏྠིཡཾ ཝིཧརཏི. ཏེན ཁོ པན སམཡེན ཨཉྙཏརོ བྷིཀྑུ ཨཏིཝེལཾ ཀུལེསུ ཙཱརིཏྟཾ ཨཱཔཛྫཏི. ཏམེནཾ བྷིཀྑཱུ ཨེཝམཱཧཾསུ – ‘‘མཱཡསྨཱ ཨཏིཝེལཾ ཀུལེསུ ཙཱརིཏྟཾ ཨཱཔཛྫཱི’’ཏི. སོ བྷིཀྑུ བྷིཀྑཱུཧི ཝུཙྩམཱནོ ན ཝིརམཏི. ཨཐ ཁོ སམྦཧུལཱ བྷིཀྑཱུ ཡེན བྷགཝཱ ཏེནུཔསངྐམིཾསུ ¶ ; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣཱ ཁོ ཏེ བྷིཀྑཱུ བྷགཝནྟཾ ཨེཏདཝོཙུཾ – ‘‘ཨིདྷ, བྷནྟེ, ཨཉྙཏརོ བྷིཀྑུ ཨཏིཝེལཾ ¶ ཀུལེསུ ཙཱརིཏྟཾ ཨཱཔཛྫཏི. ཏམེནཾ བྷིཀྑཱུ ཨེཝམཱཧཾསུ – ‘མཱཡསྨཱ ཨཏིཝེལཾ ཀུལེསུ ཙཱརིཏྟཾ ཨཱཔཛྫཱི’ཏི. སོ བྷིཀྑུ བྷིཀྑཱུཧི ཝུཙྩམཱནོ ན ཝིརམཏཱི’’ཏི.

‘‘བྷཱུཏཔུབྦཾ, བྷིཀྑཝེ, བིལཱ༹རོ སནྡྷིསམལསངྐཊཱིརེ ཋིཏོ ཨཧོསི མུདུམཱུསིཾ མགྒཡམཱནོ – ‘ཡདཱཡཾ མུདུམཱུསི གོཙརཱཡ པཀྐམིསྶཏི, ཏཏྠེཝ ནཾ གཧེཏྭཱ ཁཱདིསྶཱམཱི’ཏི. ཨཐ ཁོ སོ, བྷིཀྑཝེ, མུདུམཱུསི གོཙརཱཡ པཀྐཱམི. ཏམེནཾ བིལཱ༹རོ གཧེཏྭཱ སཧསཱ སངྑཱདིཏྭཱ [སངྑརིཏྭཱ (པཱི. ཀ.), མཾསཾ ཁཱདིཏྭཱ (སྱཱ. ཀཾ.), ཨསཾཁཱདིཏྭཱ (ཀཏྠཙི)] ཨཛ྄ཛྷོཧརི. ཏསྶ སོ མུདུམཱུསི ཨནྟམྤི ཁཱདི, ཨནྟགུཎམྤི ཁཱདི. སོ ཏཏོནིདཱནཾ ¶ མརཎམྤི ནིགཙྪི མརཎམཏྟམྤི དུཀྑཾ.

‘‘ཨེཝམེཝ ཁོ, བྷིཀྑཝེ, ཨིདྷེཀཙྩོ བྷིཀྑུ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ གཱམཾ ཝཱ ནིགམཾ ཝཱ པིཎྜཱཡ པཝིསཏི ཨརཀྑིཏེནེཝ ཀཱཡེན ཨརཀྑིཏཱཡ ཝཱཙཱཡ ཨརཀྑིཏེན ཙིཏྟེན, ཨནུཔཊྛིཏཱཡ ¶ སཏིཡཱ, ཨསཾཝུཏེཧི ཨིནྡྲིཡེཧི. སོ ཏཏྠ པསྶཏི མཱཏུགཱམཾ དུནྣིཝཏྠཾ ཝཱ དུཔྤཱརུཏཾ ཝཱ. ཏསྶ མཱཏུགཱམཾ དིསྭཱ དུནྣིཝཏྠཾ ཝཱ དུཔྤཱརུཏཾ ཝཱ རཱགོ ཙིཏྟཾ ཨནུདྡྷཾསེཏི. སོ རཱགཱནུདྡྷཾསེན ཙིཏྟེན མརཎཾ ཝཱ ནིགཙྪཏི མརཎམཏྟཾ ཝཱ དུཀྑཾ. མརཎཉྷེཏཾ, བྷིཀྑཝེ, ཨརིཡསྶ ཝིནཡེ ཡོ སིཀྑཾ པཙྩཀྑཱཡ ཧཱིནཱཡཱཝཏྟཏི. མརཎམཏྟཉྷེཏཾ, བྷིཀྑཝེ, དུཀྑཾ ཡདིདཾ ཨཉྙཏརཾ སཾཀིལིཊྛཾ ཨཱཔཏྟིཾ ཨཱཔཛྫཏི. ཡཐཱརཱུཔཱཡ ཨཱཔཏྟིཡཱ ཝུཊྛཱནཾ པཉྙཱཡཏི. ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘རཀྑིཏེནེཝ ཀཱཡེན རཀྑིཏཱཡ ཝཱཙཱཡ རཀྑིཏེན ཙིཏྟེན, ཨུཔཊྛིཏཱཡ སཏིཡཱ, སཾཝུཏེཧི ཨིནྡྲིཡེཧི གཱམཾ ཝཱ ནིགམཾ ཝཱ པིཎྜཱཡ པཝིསིསྶཱམཱ’ཏི. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. དསམཾ.

༡༡. སིངྒཱལསུཏྟཾ

༢༣༣. སཱཝཏྠིཡཾ ཝིཧརཏི…པེ… ‘‘ཨསྶུཏྠ ནོ ཏུམྷེ, བྷིཀྑཝེ, རཏྟིཡཱ པཙྩཱུསསམཡཾ ཛརསིངྒཱལསྶ ཝསྶམཱནསྶཱ’’ཏི? ‘‘ཨེཝཾ, བྷནྟེ’’. ‘‘ཨེསོ ཁོ, བྷིཀྑཝེ, ཛརསིངྒཱལོ ཨུཀྐཎྜཀེན ནཱམ རོགཛཱཏེན ཕུཊྛོ. སོ ཡེན ¶ ཡེན ཨིཙྪཏི ཏེན ཏེན གཙྪཏི; ཡཏྠ ཡཏྠ ཨིཙྪཏི ཏཏྠ ཏཏྠ ཏིཊྛཏི; ཡཏྠ ཡཏྠ ཨིཙྪཏི ཏཏྠ ཏཏྠ ནིསཱིདཏི; ཡཏྠ ཡཏྠ ཨིཙྪཏི ¶ ཏཏྠ ཏཏྠ ནིཔཛྫཏི; སཱིཏཀོཔི ནཾ ཝཱཏོ ཨུཔཝཱཡཏི. སཱདྷུ ཁྭསྶ, བྷིཀྑཝེ, ཡཾ ཨིདྷེཀཙྩོ སཀྱཔུཏྟིཡཔཊིཉྙོ ཨེཝརཱུཔམྤི ཨཏྟབྷཱཝཔཊིལཱབྷཾ པཊིསཾཝེདིཡེཐ. ཏསྨཱཏིཧ, བྷིཀྑཝེ ¶ , ཨེཝཾ སིཀྑིཏབྦཾ ¶ – ‘ཨཔྤམཏྟཱ ཝིཧརིསྶཱམཱ’ཏི. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. ཨེཀཱདསམཾ.

༡༢. དུཏིཡསིངྒཱལསུཏྟཾ

༢༣༤. སཱཝཏྠིཡཾ ཝིཧརཏི…པེ… ‘‘ཨསྶུཏྠ ནོ ཏུམྷེ, བྷིཀྑཝེ, རཏྟིཡཱ པཙྩཱུསསམཡཾ ཛརསིངྒཱལསྶ ཝསྶམཱནསྶཱ’’ཏི? ‘‘ཨེཝཾ, བྷནྟེ’’. ‘‘སིཡཱ ཁོ, བྷིཀྑཝེ, ཏསྨིཾ ཛརསིངྒཱལེ ཡཱ ཀཱཙི ཀཏཉྙུཏཱ ཀཏཝེདིཏཱ, ན ཏྭེཝ ཨིདྷེཀཙྩེ སཀྱཔུཏྟིཡཔཊིཉྙེ སིཡཱ ཡཱ ཀཱཙི ཀཏཉྙུཏཱ ཀཏཝེདིཏཱ. ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘ཀཏཉྙུནོ བྷཝིསྶཱམ ཀཏཝེདིནོ; ན ཙ ནོ [ན ཙ ནོཏི ཨིདཾ སཱི. པཱི. པོཏྠཀེསུ ནཏྠི] ཨམྷེསུ ཨཔྤཀམྤི ཀཏཾ ནསྶིསྶཏཱི’ཏི [མཱ ནསྶིསྶཏཱིཏི (སཱི. པཱི.), ཝིནསྶིསྶཏཱིཏི (སྱཱ. ཀཾ.)]. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. དྭཱདསམཾ.

ཨོཔམྨསཾཡུཏྟཾ སམཏྟཾ.

ཏསྶུདྡཱནཾ –

ཀཱུཊཾ ནཁསིཁཾ ཀུལཾ, ཨོཀྑཱ སཏྟི དྷནུགྒཧོ;

ཨཱཎི ཀལིངྒརོ ནཱགོ, བིལཱ༹རོ དྭེ སིངྒཱལཀཱཏི.

༡༠. བྷིཀྑུསཾཡུཏྟཾ

༡. ཀོལིཏསུཏྟཾ

༢༣༥. ཨེཝཾ ¶ ¶ ¶ ¶ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏཏྲ ཁོ ཨཱཡསྨཱ མཧཱམོགྒལླཱནོ བྷིཀྑཱུ ཨཱམནྟེསི – ‘‘ཨཱཝུསོ བྷིཀྑཝེ’’ཏི. ‘‘ཨཱཝུསོ’’ཏི ཁོ ཏེ བྷིཀྑཱུ ཨཱཡསྨཏོ མཧཱམོགྒལླཱནསྶ པཙྩསྶོསུཾ.

ཨཱཡསྨཱ མཧཱམོགྒལླཱནོ ཨེཏདཝོཙ – ‘‘ཨིདྷ མཡ྄ཧཾ, ཨཱཝུསོ, རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘ཨརིཡོ ཏུཎྷཱིབྷཱཝོ, ཨརིཡོ ཏུཎྷཱིབྷཱཝོཏི ཝུཙྩཏི. ཀཏམོ ནུ ཁོ ཨརིཡོ ཏུཎྷཱིབྷཱཝོ’ཏི? ཏསྶ མཡ྄ཧཾ ཨཱཝུསོ, ཨེཏདཧོསི – ‘ཨིདྷ བྷིཀྑུ ཝིཏཀྐཝིཙཱརཱནཾ ཝཱུཔསམཱ ཨཛ྄ཛྷཏྟཾ སམྤསཱདནཾ ཙེཏསོ ཨེཀོདིབྷཱཝཾ ཨཝིཏཀྐཾ ཨཝིཙཱརཾ སམཱདྷིཛཾ པཱིཏིསུཁཾ དུཏིཡཾ ཛྷཱནཾ ཨུཔསམྤཛྫ ཝིཧརཏི. ཨཡཾ ཝུཙྩཏི ཨརིཡོ ཏུཎྷཱིབྷཱཝོ’ཏི. སོ ཁྭཱཧཾ, ཨཱཝུསོ, ཝིཏཀྐཝིཙཱརཱནཾ ཝཱུཔསམཱ ཨཛ྄ཛྷཏྟཾ སམྤསཱདནཾ ཙེཏསོ ཨེཀོདིབྷཱཝཾ ཨཝིཏཀྐཾ ཨཝིཙཱརཾ སམཱདྷིཛཾ པཱིཏིསུཁཾ དུཏིཡཾ ཛྷཱནཾ ཨུཔསམྤཛྫ ཝིཧརིཾ. ཏསྶ མཡ྄ཧཾ, ཨཱཝུསོ, ཨིམིནཱ ཝིཧཱརེན ཝིཧརཏོ ཝིཏཀྐསཧགཏཱ སཉྙཱ མནསིཀཱརཱ སམུདཱཙརནྟི’’.

‘‘ཨཐ ཁོ མཾ, ཨཱཝུསོ, བྷགཝཱ ཨིདྡྷིཡཱ ཨུཔསངྐམིཏྭཱ ཨེཏདཝོཙ – ‘མོགྒལླཱན, མོགྒལླཱན, མཱ, བྲཱཧྨཎ, ཨརིཡཾ ཏུཎྷཱིབྷཱཝཾ པམཱདོ, ཨརིཡེ ཏུཎྷཱིབྷཱཝེ ཙིཏྟཾ སཎྛཔེཧི, ཨརིཡེ ཏུཎྷཱིབྷཱཝེ ཙིཏྟཾ ཨེཀོདིབྷཱཝཾ ཀརོཧི, ཨརིཡེ ཏུཎྷཱིབྷཱཝེ ཙིཏྟཾ ¶ སམཱདཧཱ’ཏི. སོ ཁྭཱཧཾ, ཨཱཝུསོ, ཨཔརེན སམཡེན ཝིཏཀྐཝིཙཱརཱནཾ ཝཱུཔསམཱ ཨཛ྄ཛྷཏྟཾ སམྤསཱདནཾ ཙེཏསོ ཨེཀོདིབྷཱཝཾ ཨཝིཏཀྐཾ ཨཝིཙཱརཾ སམཱདྷིཛཾ པཱིཏིསུཁཾ དུཏིཡཾ ཛྷཱནཾ ཨུཔསམྤཛྫ ཝིཧརཱམི. ཡཉྷི ¶ ཏཾ, ཨཱཝུསོ ¶ , སམྨཱ ཝདམཱནོ ཝདེཡྻ – ‘སཏྠཱརཱ ཨནུགྒཧིཏོ སཱཝཀོ མཧཱབྷིཉྙཏཾ པཏྟོ’ཏི, མམཾ ཏཾ སམྨཱ ཝདམཱནོ ཝདེཡྻ – ‘སཏྠཱརཱ ཨནུགྒཧིཏོ སཱཝཀོ མཧཱབྷིཉྙཏཾ པཏྟོ’’’ཏི. པཋམཾ.

༢. ཨུཔཏིསྶསུཏྟཾ

༢༣༦. སཱཝཏྠིཡཾ ¶ ཝིཧརཏི. ཏཏྲ ཁོ ཨཱཡསྨཱ སཱརིཔུཏྟོ བྷིཀྑཱུ ཨཱམནྟེསི – ‘‘ཨཱཝུསོ བྷིཀྑཝེ’’ཏི. ‘‘ཨཱཝུསོ’’ཏི ཁོ ཏེ བྷིཀྑཱུ ཨཱཡསྨཏོ སཱརིཔུཏྟསྶ པཙྩསྶོསུཾ. ཨཱཡསྨཱ སཱརིཔུཏྟོ ཨེཏདཝོཙ –

‘‘ཨིདྷ མཡ྄ཧཾ, ཨཱཝུསོ, རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘ཨཏྠི ནུ ཁོ ཏཾ ཀིཉྩི ལོཀསྨིཾ ཡསྶ མེ ཝིཔརིཎཱམཉྙཐཱབྷཱཝཱ ཨུཔྤཛྫེཡྻུཾ སོཀཔརིདེཝདུཀྑདོམནསྶུཔཱཡཱསཱ’ཏི? ཏསྶ མཡ྄ཧཾ, ཨཱཝུསོ, ཨེཏདཧོསི – ‘ནཏྠི ཁོ ཏཾ ཀིཉྩི ལོཀསྨིཾ ཡསྶ མེ ཝིཔརིཎཱམཉྙཐཱབྷཱཝཱ ཨུཔྤཛྫེཡྻུཾ སོཀཔརིདེཝདུཀྑདོམནསྶུཔཱཡཱསཱ’’’ཏི.

ཨེཝཾ ཝུཏྟེ, ཨཱཡསྨཱ ཨཱནནྡོ ཨཱཡསྨནྟཾ སཱརིཔུཏྟཾ ཨེཏདཝོཙ – ‘‘སཏྠུཔི ཁོ ཏེ, ཨཱཝུསོ སཱརིཔུཏྟ, ཝིཔརིཎཱམཉྙཐཱབྷཱཝཱ ནུཔྤཛྫེཡྻུཾ སོཀཔརིདེཝདུཀྑདོམནསྶུཔཱཡཱསཱ’’ཏི? ‘‘སཏྠུཔི ཁོ མེ, ཨཱཝུསོ, ཝིཔརིཎཱམཉྙཐཱབྷཱཝཱ ནུཔྤཛྫེཡྻུཾ སོཀཔརིདེཝདུཀྑདོམནསྶུཔཱཡཱསཱ, ཨཔི ཙ མེ ཨེཝམསྶ – ‘མཧེསཀྑོ ཝཏ, བྷོ, སཏྠཱ ¶ ཨནྟརཧིཏོ མཧིདྡྷིཀོ མཧཱནུབྷཱཝོ. སཙེ ཧི བྷགཝཱ ཙིརཾ དཱིགྷམདྡྷཱནཾ ཏིཊྛེཡྻ ཏདསྶ བཧུཛནཧིཏཱཡ བཧུཛནསུཁཱཡ ལོཀཱནུཀམྤཱཡ ཨཏྠཱཡ ཧིཏཱཡ སུཁཱཡ དེཝམནུསྶཱན’ནྟི. ཏཐཱ ¶ ཧི པནཱཡསྨཏོ སཱརིཔུཏྟསྶ དཱིགྷརཏྟཾ ཨཧངྐཱརམམངྐཱརམཱནཱནུསཡཱ སུསམཱུཧཏཱ. ཏསྨཱ ཨཱཡསྨཏོ སཱརིཔུཏྟསྶ སཏྠུཔི ཝིཔརིཎཱམཉྙཐཱབྷཱཝཱ ནུཔྤཛྫེཡྻུཾ སོཀཔརིདེཝདུཀྑདོམནསྶུཔཱཡཱསཱ’’ཏི. དུཏིཡཾ.

༣. གྷཊསུཏྟཾ

༢༣༧. ཨེཝཾ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཙ སཱརིཔུཏྟོ ཨཱཡསྨཱ ཙ མཧཱམོགྒལླཱནོ ¶ རཱཛགཧེ ཝིཧརནྟི ཝེལུ༹ཝནེ ཀལནྡཀནིཝཱཔེ ཨེཀཝིཧཱརེ. ཨཐ ཁོ ཨཱཡསྨཱ སཱརིཔུཏྟོ སཱཡནྷསམཡཾ པཊིསལླཱནཱ ཝུཊྛིཏོ ཡེནཱཡསྨཱ མཧཱམོགྒལླཱནོ ཏེནུཔསངྐམི; ཨུཔསངྐམིཏྭཱ ཨཱཡསྨཏཱ མཧཱམོགྒལླཱནེན སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ¶ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ སཱརིཔུཏྟོ ཨཱཡསྨནྟཾ མཧཱམོགྒལླཱནཾ ཨེཏདཝོཙ –

‘‘ཝིཔྤསནྣཱནི ཁོ ཏེ, ཨཱཝུསོ མོགྒལླཱན, ཨིནྡྲིཡཱནི; པརིསུདྡྷོ མུཁཝཎྞོ པརིཡོདཱཏོ སནྟེན ནཱུནཱཡསྨཱ མཧཱམོགྒལླཱནོ ཨཛྫ ཝིཧཱརེན ཝིཧཱསཱི’’ཏི. ‘‘ཨོལཱ༹རིཀེན ཁྭཱཧཾ, ཨཱཝུསོ, ཨཛྫ ཝིཧཱརེན ཝིཧཱསིཾ. ཨཔི ཙ, མེ ཨཧོསི དྷམྨཱི ཀཐཱ’’ཏི. ‘‘ཀེན སདྡྷིཾ པནཱཡསྨཏོ མཧཱམོགྒལླཱནསྶ ཨཧོསི དྷམྨཱི ཀཐཱ’’ཏི? ‘‘བྷགཝཏཱ ¶ ཁོ མེ, ཨཱཝུསོ, སདྡྷིཾ ཨཧོསི དྷམྨཱི ཀཐཱ’’ཏི. ‘‘དཱུརེ ཁོ, ཨཱཝུསོ, བྷགཝཱ ཨེཏརཧི སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཀིཾ ནུ ཁོ, ཨཱཡསྨཱ, མཧཱམོགྒལླཱནོ བྷགཝནྟཾ ཨིདྡྷིཡཱ ཨུཔསངྐམི; ཨུདཱཧུ བྷགཝཱ ཨཱཡསྨནྟཾ མཧཱམོགྒལླཱནཾ ཨིདྡྷིཡཱ ཨུཔསངྐམཱི’’ཏི? ‘‘ན ¶ ཁྭཱཧཾ, ཨཱཝུསོ, བྷགཝནྟཾ ཨིདྡྷིཡཱ ཨུཔསངྐམིཾ; ནཔི མཾ བྷགཝཱ ཨིདྡྷིཡཱ ཨུཔསངྐམི. ཨཔི ཙ, མེ ཡཱཝཏཱ བྷགཝཱ ཨེཏྟཱཝཏཱ དིབྦཙཀྑུ ཝིསུཛ྄ཛྷི དིབྦཱ ཙ སོཏདྷཱཏུ. བྷགཝཏོཔི ཡཱཝཏཱཧཾ ཨེཏྟཱཝཏཱ དིབྦཙཀྑུ ཝིསུཛ྄ཛྷི དིབྦཱ ཙ སོཏདྷཱཏཱུ’’ཏི. ‘‘ཡཐཱཀཐཾ པནཱཡསྨཏོ མཧཱམོགྒལླཱནསྶ བྷགཝཏཱ སདྡྷིཾ ཨཧོསི དྷམྨཱི ཀཐཱ’’ཏི?

‘‘ཨིདྷཱཧཾ, ཨཱཝུསོ, བྷགཝནྟཾ ཨེཏདཝོཙཾ – ‘ཨཱརདྡྷཝཱིརིཡོ ཨཱརདྡྷཝཱིརིཡོཏི, བྷནྟེ, ཝུཙྩཏི. ཀིཏྟཱཝཏཱ ནུ ཁོ, བྷནྟེ, ཨཱརདྡྷཝཱིརིཡོ ཧོཏཱི’ཏི? ཨེཝཾ ཝུཏྟེ, མཾ, ཨཱཝུསོ, བྷགཝཱ ཨེཏདཝོཙ – ‘ཨིདྷ, མོགྒལླཱན, བྷིཀྑུ ཨཱརདྡྷཝཱིརིཡོ ཝིཧརཏི – ཀཱམཾ ཏཙོ ཙ ནྷཱརུ ཙ ཨཊྛཱི ཙ ཨཝསིསྶཏུ, སརཱིརེ ཨུཔསུསྶཏུ མཾསལོཧིཏཾ, ཡཾ ཏཾ པུརིསཐཱམེན པུརིསཝཱིརིཡེན པུརིསཔརཀྐམེན པཏྟབྦཾ ན ཏཾ ཨཔཱཔུཎིཏྭཱ ཝཱིརིཡསྶ སཎྛཱནཾ བྷཝིསྶཏཱིཏི. ཨེཝཾ ཁོ, མོགྒལླཱན, ཨཱརདྡྷཝཱིརིཡོ ཧོཏཱི’ཏི. ཨེཝཾ ཁོ མེ, ཨཱཝུསོ, བྷགཝཏཱ སདྡྷིཾ ཨཧོསི དྷམྨཱི ཀཐཱ’’ཏི.

‘‘སེཡྻཐཱཔི, ཨཱཝུསོ, ཧིམཝཏོ པབྦཏརཱཛསྶ པརིཏྟཱ པཱསཱཎསཀྑརཱ ¶ ཡཱཝདེཝ ཨུཔནིཀྑེཔནམཏྟཱཡ ¶ ; ཨེཝམེཝ ཁོ མཡཾ ཨཱཡསྨཏོ མཧཱམོགྒལླཱནསྶ ཡཱཝདེཝ ཨུཔནིཀྑེཔནམཏྟཱཡ. ཨཱཡསྨཱ ཧི མཧཱམོགྒལླཱནོ མཧིདྡྷིཀོ མཧཱནུབྷཱཝོ ཨཱཀངྑམཱནོ ཀཔྤཾ ཏིཊྛེཡྻཱ’’ཏི.

‘‘སེཡྻཐཱཔི ¶ , ཨཱཝུསོ, མཧཏིཡཱ ལོཎགྷཊཱཡ པརིཏྟཱ ལོཎསཀྑརཱཡ ཡཱཝདེཝ ཨུཔནིཀྑེཔནམཏྟཱཡ; ཨེཝམེཝ ཁོ མཡཾ ཨཱཡསྨཏོ སཱརིཔུཏྟསྶ ཡཱཝདེཝ ཨུཔནིཀྑེཔནམཏྟཱཡ. ཨཱཡསྨཱ ¶ ཧི སཱརིཔུཏྟོ བྷགཝཏཱ ཨནེཀཔརིཡཱཡེན ཐོམིཏོ ཝཎྞིཏོ པསཏྠོ –

‘‘སཱརིཔུཏྟོཝ པཉྙཱཡ, སཱིལེན ཨུཔསམེན ཙ;

ཡོཔི པཱརངྒཏོ བྷིཀྑུ, ཨེཏཱཝཔརམོ སིཡཱ’’ཏི.

ཨིཏིཧ ཏེ ཨུབྷོ མཧཱནཱགཱ ཨཉྙམཉྙསྶ སུབྷཱསིཏཾ སུལཔིཏཾ སམནུམོདིཾསཱུཏི. ཏཏིཡཾ.

༤. ནཝསུཏྟཾ

༢༣༨. སཱཝཏྠིཡཾ ཝིཧརཏི. ཏེན ཁོ པན སམཡེན ཨཉྙཏརོ ནཝོ བྷིཀྑུ པཙྪཱབྷཏྟཾ པིཎྜཔཱཏཔཊིཀྐནྟོ ཝིཧཱརཾ པཝིསིཏྭཱ ཨཔྤོསྶུཀྐོ ཏུཎྷཱིབྷཱུཏོ སངྐསཱཡཏི, ན བྷིཀྑཱུནཾ ཝེཡྻཱཝཙྩཾ ཀརོཏི ཙཱིཝརཀཱརསམཡེ. ཨཐ ཁོ སམྦཧུལཱ བྷིཀྑཱུ ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣཱ ཁོ ཏེ བྷིཀྑཱུ བྷགཝནྟཾ ཨེཏདཝོཙུཾ – ‘‘ཨིདྷ ¶ , བྷནྟེ, ཨཉྙཏརོ ནཝོ བྷིཀྑུ པཙྪཱབྷཏྟཾ པིཎྜཔཱཏཔཊིཀྐནྟོ ཝིཧཱརཾ པཝིསིཏྭཱ ཨཔྤོསྶུཀྐོ ཏུཎྷཱིབྷཱུཏོ སངྐསཱཡཏི, ན བྷིཀྑཱུནཾ ཝེཡྻཱཝཙྩཾ ཀརོཏི ཙཱིཝརཀཱརསམཡེ’’ཏི.

ཨཐ ཁོ བྷགཝཱ ཨཉྙཏརཾ བྷིཀྑུཾ ཨཱམནྟེསི – ‘‘ཨེཧི ཏྭཾ, བྷིཀྑུ, མམ ཝཙནེན ཏཾ བྷིཀྑུཾ ཨཱམནྟེཧི ‘སཏྠཱ ཏཾ, ཨཱཝུསོ, ཨཱམནྟེཏཱི’’’ཏི. ‘‘ཨེཝཾ བྷནྟེ’’ཏི ཁོ སོ བྷིཀྑུ བྷགཝཏོ པཊིསྶུཏྭཱ ཡེན སོ བྷིཀྑུ ཏེནུཔསངྐམི; ཨུཔསངྐམིཏྭཱ ཏཾ བྷིཀྑུཾ ཨེཏདཝོཙ – ‘‘སཏྠཱ ཏཾ, ཨཱཝུསོ, ཨཱམནྟེཏཱི’’ཏི. ‘‘ཨེཝམཱཝུསོ’’ཏི ཁོ སོ བྷིཀྑུ ཏསྶ བྷིཀྑུནོ པཊིསྶུཏྭཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི ¶ . ཨེཀམནྟཾ ¶ ནིསིནྣཾ ཁོ ཏཾ བྷིཀྑུཾ བྷགཝཱ ཨེཏདཝོཙ – ‘‘སཙྩཾ ཀིར ཏྭཾ, བྷིཀྑུ, པཙྪཱབྷཏྟཾ པིཎྜཔཱཏཔཊིཀྐནྟོ ཝིཧཱརཾ པཝིསིཏྭཱ ཨཔྤོསྶུཀྐོ ཏུཎྷཱིབྷཱུཏོ སངྐསཱཡསི, ན བྷིཀྑཱུནཾ ཝེཡྻཱཝཙྩཾ ཀརོསི ཙཱིཝརཀཱརསམཡེ’’ཏི? ‘‘ཨཧམྤི ཁོ, བྷནྟེ, སཀཾ ཀིཙྩཾ ཀརོམཱི’’ཏི.

ཨཐ ¶ ཁོ བྷགཝཱ ཏསྶ བྷིཀྑུནོ ཙེཏསཱ ཙེཏོཔརིཝིཏཀྐམཉྙཱཡ བྷིཀྑཱུ ཨཱམནྟེསི – ‘‘མཱ ཁོ ཏུམྷེ, བྷིཀྑཝེ, ཨེཏསྶ བྷིཀྑུནོ ཨུཛ྄ཛྷཱཡིཏྠ. ཨེསོ ཁོ, བྷིཀྑཝེ, བྷིཀྑུ ཙཏུནྣཾ ཛྷཱནཱནཾ ཨཱབྷིཙེཏསིཀཱནཾ དིཊྛདྷམྨསུཁཝིཧཱརཱནཾ ནིཀཱམལཱབྷཱི ཨཀིཙྪལཱབྷཱི ཨཀསིརལཱབྷཱི, ཡསྶ ཙཏྠཱཡ ཀུལཔུཏྟཱ སམྨདེཝ ཨགཱརསྨཱ ཨནགཱརིཡཾ པབྦཛནྟི, ཏདནུཏྟརཾ བྲཧྨཙརིཡཔརིཡོསཱནཾ དིཊྛེཝ དྷམྨེ སཡཾ ཨབྷིཉྙཱ ¶ སཙྪིཀཏྭཱ ཨུཔསམྤཛྫ ཝིཧརཏཱི’’ཏི.

ཨིདམཝོཙ བྷགཝཱ. ཨིདཾ ཝཏྭཱན སུགཏོ ཨཐཱཔརཾ ཨེཏདཝོཙ སཏྠཱ –

‘‘ནཡིདཾ སིཐིལམཱརབྦྷ, ནཡིདཾ ཨཔྤེན ཐཱམསཱ;

ནིབྦཱནཾ ཨདྷིགནྟབྦཾ, སབྦདུཀྑཔྤམོཙནཾ.

‘‘ཨཡཉྩ དཧརོ བྷིཀྑུ, ཨཡམུཏྟམཔུརིསོ;

དྷཱརེཏི ཨནྟིམཾ དེཧཾ, ཛེཏྭཱ མཱརཾ སཝཱཧིནི’’ནྟི. ཙཏུཏྠཾ;

༥. སུཛཱཏསུཏྟཾ

༢༣༩. སཱཝཏྠིཡཾ ཝིཧརཏི. ཨཐ ཁོ ཨཱཡསྨཱ སུཛཱཏོ ཡེན བྷགཝཱ ཏེནུཔསངྐམི. ཨདྡསཱ ཁོ བྷགཝཱ ཨཱཡསྨནྟཾ སུཛཱཏཾ དཱུརཏོཝ ཨཱགཙྪནྟཾ. དིསྭཱན བྷིཀྑཱུ ཨཱམནྟེསི – ‘‘ཨུབྷཡེནེཝཱཡཾ, བྷིཀྑཝེ, ཀུལཔུཏྟོ སོབྷཏི – ཡཉྩ ¶ ཨབྷིརཱུཔོ དསྶནཱིཡོ པཱསཱདིཀོ པརམཱཡ ཝཎྞཔོཀྑརཏཱཡ སམནྣཱགཏོ, ཡསྶ ཙཏྠཱཡ ཀུལཔུཏྟཱ སམྨདེཝ ཨགཱརསྨཱ ཨནགཱརིཡཾ པབྦཛྫནྟི ཏདནུཏྟརཾ བྲཧྨཙརིཡཔརིཡོསཱནཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཏཱི’’ཏི. ཨིདམཝོཙ བྷགཝཱ…པེ… སཏྠཱ –

‘‘སོབྷཏི ¶ ཝཏཱཡཾ བྷིཀྑུ, ཨུཛུབྷཱུཏེན ཙེཏསཱ;

ཝིཔྤཡུཏྟོ ཝིསཾཡུཏྟོ, ཨནུཔཱདཱཡ ནིབྦུཏོ;

དྷཱརེཏི ཨནྟིམཾ དེཧཾ, ཛེཏྭཱ མཱརཾ སཝཱཧིནི’’ནྟི. པཉྩམཾ;

༦. ལཀུཎྜཀབྷདྡིཡསུཏྟཾ

༢༤༠. སཱཝཏྠིཡཾ ¶ ¶ ཝིཧརཏི. ཨཐ ཁོ ཨཱཡསྨཱ ལཀུཎྜཀབྷདྡིཡོ ཡེན བྷགཝཱ ཏེནུཔསངྐམི. ཨདྡསཱ ཁོ བྷགཝཱ ཨཱཡསྨནྟཾ ལཀུཎྜཀབྷདྡིཡཾ དཱུརཏོཝ ཨཱགཙྪནྟཾ. དིསྭཱན བྷིཀྑཱུ ཨཱམནྟེསི – ‘‘པསྶཐ ནོ ཏུམྷེ, བྷིཀྑཝེ, ཨེཏཾ བྷིཀྑུཾ ཨཱགཙྪནྟཾ དུབྦཎྞཾ དུདྡསིཀཾ ཨོཀོཊིམཀཾ བྷིཀྑཱུནཾ པརིབྷཱུཏརཱུཔ’’ནྟི? ‘‘ཨེཝཾ, བྷནྟེ’’. ‘‘ཨེསོ ཁོ, བྷིཀྑཝེ, བྷིཀྑུ མཧིདྡྷིཀོ མཧཱནུབྷཱཝོ, ན ཙ སཱ སམཱཔཏྟི སུལབྷརཱུཔཱ ཡཱ ཏེན བྷིཀྑུནཱ ཨསམཱཔནྣཔུབྦཱ. ཡསྶ ཙཏྠཱཡ ཀུལཔུཏྟཱ སམྨདེཝ ཨགཱརསྨཱ ཨནགཱརིཡཾ པབྦཛནྟི, ཏདནུཏྟརཾ བྲཧྨཙརིཡཔརིཡོསཱནཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཏཱི’’ཏི. ཨིདམཝོཙ བྷགཝཱ…པེ… སཏྠཱ –

‘‘ཧཾསཱ ཀོཉྩཱ མཡཱུརཱ ཙ, ཧཏྠཡོ པསདཱ མིགཱ;

སབྦེ སཱིཧསྶ བྷཱཡནྟི, ནཏྠི ཀཱཡསྨིཾ ཏུལྱཏཱ.

‘‘ཨེཝམེཝ མནུསྶེསུ, དཧརོ ཙེཔི པཉྙཝཱ;

སོ ཧི ཏཏྠ མཧཱ ཧོཏི, ནེཝ བཱལོ སརཱིརཝཱ’’ཏི. ཚཊྛཾ;

༧. ཝིསཱཁསུཏྟཾ

༢༤༡. ཨེཝཾ ¶ མེ སུཏཾ – ཨེཀཾ སམཡཾ བྷགཝཱ ཝེསཱལིཡཾ ཝིཧརཏི མཧཱཝནེ ཀཱུཊཱགཱརསཱལཱཡཾ. ཏེན ཁོ པན སམཡེན ཨཱཡསྨཱ ཝིསཱཁོ པཉྩཱལཔུཏྟོ ཨུཔཊྛཱནསཱལཱཡཾ བྷིཀྑཱུ དྷམྨིཡཱ ཀཐཱཡ སནྡསྶེཏི སམཱདཔེཏི སམུཏྟེཛེཏི སམྤཧཾསེཏི, པོརིཡཱ ཝཱཙཱཡ ཝིསྶཊྛཱཡ ¶ ཨནེལགལཱཡ ཨཏྠསྶ ཝིཉྙཱཔནིཡཱ པརིཡཱཔནྣཱཡ ཨནིསྶིཏཱཡ.

ཨཐ ཁོ བྷགཝཱ སཱཡནྷསམཡཾ པཊིསལླཱནཱ ཝུཊྛིཏོ ཡེན ཨུཔཊྛཱནསཱལཱ ཏེནུཔསངྐམི; ཨུཔསངྐམིཏྭཱ ¶ པཉྙཏྟེ ཨཱསནེ ནིསཱིདི. ནིསཛྫ ཁོ བྷགཝཱ བྷིཀྑཱུ ཨཱམནྟེསི – ‘‘ཀོ ནུ ཁོ, བྷིཀྑཝེ, ཨུཔཊྛཱནསཱལཱཡཾ བྷིཀྑཱུ དྷམྨིཡཱ ཀཐཱཡ སནྡསྶེཏི སམཱདཔེཏི སམུཏྟེཛེཏི སམྤཧཾསེཏི པོརིཡཱ ཝཱཙཱཡ ཝིསྶཊྛཱཡ ཨནེལགལཱཡ ཨཏྠསྶ ཝིཉྙཱཔནིཡཱ པརིཡཱཔནྣཱཡ ཨནིསྶིཏཱཡཱ’’ཏི? ‘‘ཨཱཡསྨཱ, བྷནྟེ, ཝིསཱཁོ ¶ པཉྩཱལཔུཏྟོ ཨུཔཊྛཱནསཱལཱཡཾ བྷིཀྑཱུ དྷམྨིཡཱ ཀཐཱཡ སནྡསྶེཏི སམཱདཔེཏི སམུཏྟེཛེཏི སམྤཧཾསེཏི, པོརིཡཱ ཝཱཙཱཡ ཝིསྶཊྛཱཡ ཨནེལགལཱཡ ཨཏྠསྶ ཝིཉྙཱཔནིཡཱ པརིཡཱཔནྣཱཡ ཨནིསྶིཏཱཡཱ’’ཏི.

ཨཐ ཁོ བྷགཝཱ ཨཱཡསྨནྟཾ ཝིསཱཁཾ པཉྩཱལཔུཏྟཾ ཨཱམནྟེསི – ‘‘སཱདྷུ སཱདྷུ, ཝིསཱཁ, སཱདྷུ ཁོ ཏྭཾ, ཝིསཱཁ, བྷིཀྑཱུ དྷམྨིཡཱ ཀཐཱཡ སནྡསྶེསི…པེ… ཨཏྠསྶ ཝིཉྙཱཔནིཡཱ པརིཡཱཔནྣཱཡ ཨནིསྶིཏཱཡཱ’’ཏི.

ཨིདམཝོཙ བྷགཝཱ. ཨིདཾ ཝཏྭཱན སུགཏོ ཨཐཱཔརཾ ཨེཏདཝོཙ སཏྠཱ –

‘‘ནཱབྷཱསམཱནཾ ཛཱནནྟི, མིསྶཾ བཱལེཧི པཎྜིཏཾ;

བྷཱསམཱནཉྩ ཛཱནནྟི, དེསེནྟཾ ཨམཏཾ པདཾ.

‘‘བྷཱསཡེ ཛོཏཡེ དྷམྨཾ, པགྒཎྷེ ཨིསིནཾ དྷཛཾ;

སུབྷཱསིཏདྷཛཱ ཨིསཡོ, དྷམྨོ ཧི ཨིསིནཾ དྷཛོ’’ཏི. སཏྟམཾ;

༨. ནནྡསུཏྟཾ

༢༤༢. སཱཝཏྠིཡཾ ¶ ¶ ཝིཧརཏི. ཨཐ ཁོ ཨཱཡསྨཱ ནནྡོ བྷགཝཏོ མཱཏུཙྪཱཔུཏྟོ ཨཱཀོཊིཏཔཙྩཱཀོཊིཏཱནི ཙཱིཝརཱནི པཱརུཔིཏྭཱ ཨཀྑཱིནི ཨཉྫེཏྭཱ ཨཙྪཾ པཏྟཾ གཧེཏྭཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨཱཡསྨནྟཾ ནནྡཾ བྷགཝཱ ཨེཏདཝོཙ – ‘‘ན ཁོ ཏེ ཏཾ, ནནྡ, པཏིརཱུཔཾ ཀུལཔུཏྟསྶ སདྡྷཱ ཨགཱརསྨཱ ཨནགཱརིཡཾ པབྦཛིཏསྶ, ཡཾ ཏྭཾ ཨཱཀོཊིཏཔཙྩཱཀོཊིཏཱནི ཙཱིཝརཱནི པཱརུཔེཡྻཱསི, ཨཀྑཱིནི ཙ ཨཉྫེཡྻཱསི, ཨཙྪཉྩ པཏྟཾ དྷཱརེཡྻཱསི. ཨེཏཾ ཁོ ཏེ, ནནྡ, པཏིརཱུཔཾ ཀུལཔུཏྟསྶ སདྡྷཱ ཨགཱརསྨཱ ཨནགཱརིཡཾ པབྦཛིཏསྶ, ཡཾ ཏྭཾ ཨཱརཉྙིཀོ ¶ ཙ ཨསྶསི, པིཎྜཔཱཏིཀོ ཙ པཾསུཀུལིཀོ ཙ ཀཱམེསུ ཙ ཨནཔེཀྑོ ཝིཧརེཡྻཱསཱི’’ཏི. ཨིདམཝོཙ བྷགཝཱ…པེ… སཏྠཱ –

‘‘ཀདཱཧཾ ནནྡཾ པསྶེཡྻཾ, ཨཱརཉྙཾ པཾསུཀཱུལིཀཾ;

ཨཉྙཱཏུཉྪེན ཡཱཔེནྟཾ, ཀཱམེསུ ཨནཔེཀྑིན’’ནྟི.

ཨཐ ¶ ཁོ ཨཱཡསྨཱ ནནྡོ ཨཔརེན སམཡེན ཨཱརཉྙིཀོ ཙ པིཎྜཔཱཏིཀོ ཙ པཾསུཀཱུལིཀོ ཙ ཀཱམེསུ ཙ ཨནཔེཀྑོ ཝིཧཱསཱིཏི. ཨཊྛམཾ.

༩. ཏིསྶསུཏྟཾ

༢༤༣. སཱཝཏྠིཡཾ ཝིཧརཏི. ཨཐ ¶ ཁོ ཨཱཡསྨཱ ཏིསྶོ བྷགཝཏོ པིཏུཙྪཱཔུཏྟོ ཡེན བྷགཝཱ ཏེནུཔསངྐམི ¶ ; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི དུཀྑཱི དུམྨནོ ཨསྶཱུནི པཝཏྟཡམཱནོ. ཨཐ ཁོ བྷགཝཱ ཨཱཡསྨནྟཾ ཏིསྶཾ ཨེཏདཝོཙ – ‘‘ཀིཾ ནུ ཁོ ཏྭཾ, ཏིསྶ, ཨེཀམནྟཾ ནིསིནྣོ དུཀྑཱི དུམྨནོ ཨསྶཱུནི པཝཏྟཡམཱནོ’’ཏི? ‘‘ཏཐཱ ཧི པན མཾ, བྷནྟེ, བྷིཀྑཱུ སམནྟཱ ཝཱཙཱསནྣིཏོདཀེན [ཝཱཙཱཡ སནྣིཏོདཀེན (ཀ.)] སཉྫམྦྷརིམཀཾསཱུ’’ཏི [སཉྫབྦྷརིམཀཾསཱུཏི (?)]. ‘‘ཏཐཱཧི པན ཏྭཾ, ཏིསྶ, ཝཏྟཱ ནོ ཙ ཝཙནཀྑམོ; ན ཁོ ཏེ ཏཾ, ཏིསྶ, པཏིརཱུཔཾ ཀུལཔུཏྟསྶ སདྡྷཱ ཨགཱརསྨཱ ཨནགཱརིཡཾ པབྦཛིཏསྶ, ཡཾ ཏྭཾ ཝཏྟཱ ནོ ཙ ཝཙནཀྑམོ. ཨེཏཾ ཁོ ཏེ, ཏིསྶ, པཏིརཱུཔཾ ཀུལཔུཏྟསྶ སདྡྷཱ ཨགཱརསྨཱ ཨནགཱརིཡཾ པབྦཛིཏསྶ – ‘ཡཾ ཏྭཾ ཝཏྟཱ ཙ ཨསྶ ཝཙནཀྑམོ ཙཱ’’’ཏི.

ཨིདམཝོཙ བྷགཝཱ. ཨིདཾ ཝཏྭཱན སུགཏོ ཨཐཱཔརཾ ཨེཏདཝོཙ སཏྠཱ –

‘‘ཀིཾ ནུ ཀུཛ྄ཛྷསི མཱ ཀུཛ྄ཛྷི, ཨཀྐོདྷོ ཏིསྶ ཏེ ཝརཾ;

ཀོདྷམཱནམཀྑཝིནཡཏྠཉྷི, ཏིསྶ བྲཧྨཙརིཡཾ ཝུསྶཏཱི’’ཏི. ནཝམཾ;

༡༠. ཐེརནཱམཀསུཏྟཾ

༢༤༤. ཨེཀཾ ¶ སམཡཾ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན ཨཉྙཏརོ བྷིཀྑུ ཐེརནཱམཀོ ཨེཀཝིཧཱརཱི ཙེཝ ཧོཏི ཨེཀཝིཧཱརསྶ ཙ ཝཎྞཝཱདཱི. སོ ཨེཀོ གཱམཾ པིཎྜཱཡ པཝིསཏི ཨེཀོ པཊིཀྐམཏི ཨེཀོ རཧོ ནིསཱིདཏི ཨེཀོ ཙངྐམཾ ཨདྷིཊྛཱཏི. ཨཐ ཁོ སམྦཧུལཱ བྷིཀྑཱུ ཡེན བྷགཝཱ ཏེནུཔསངྐམིཾསུ ¶ ; ¶ ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣཱ ཁོ ¶ ཏེ བྷིཀྑཱུ བྷགཝནྟཾ ཨེཏདཝོཙུཾ – ‘‘ཨིདྷ, བྷནྟེ, ཨཉྙཏརོ བྷིཀྑུ ཐེརནཱམཀོ ཨེཀཝིཧཱརཱི ཨེཀཝིཧཱརསྶ ཙ ཝཎྞཝཱདཱི’’ཏི.

ཨཐ ཁོ བྷགཝཱ ཨཉྙཏརཾ བྷིཀྑུཾ ཨཱམནྟེསི – ‘‘ཨེཧི ཏྭཾ, བྷིཀྑུ, མམ ཝཙནེན ཐེརཾ བྷིཀྑུཾ ཨཱམནྟེཧི – ‘སཏྠཱ ཏཾ, ཨཱཝུསོ ཐེར, ཨཱམནྟེཏཱི’’’ཏི. ‘‘ཨེཝཾ, བྷནྟེ’’ཏི ཁོ སོ བྷིཀྑུ བྷགཝཏོ པཊིསྶུཏྭཱ ཡེནཱཡསྨཱ ཐེརོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཐེརཾ ཨེཏདཝོཙ – ‘‘སཏྠཱ ཏཾ, ཨཱཝུསོ ཐེར, ཨཱམནྟེཏཱི’’ཏི. ‘‘ཨེཝམཱཝུསོ’’ཏི ཁོ ཨཱཡསྨཱ ཐེརོ ཏསྶ བྷིཀྑུནོ པཊིསྶུཏྭཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨཱཡསྨནྟཾ ཐེརཾ བྷགཝཱ ཨེཏདཝོཙ – ‘‘སཙྩཾ ཀིར ཏྭཾ, ཐེར, ཨེཀཝིཧཱརཱི ཨེཀཝིཧཱརསྶ ཙ ཝཎྞཝཱདཱི’’ཏི? ‘‘ཨེཝཾ, བྷནྟེ’’. ‘‘ཡཐཱ ཀཐཾ པན ཏྭཾ, ཐེར, ཨེཀཝིཧཱརཱི ཨེཀཝིཧཱརསྶ ཙ ཝཎྞཝཱདཱི’’ཏི? ‘‘ཨིདྷཱཧཾ, བྷནྟེ, ཨེཀོ གཱམཾ པིཎྜཱཡ པཝིསཱམི ཨེཀོ པཊིཀྐམཱམི ཨེཀོ རཧོ ནིསཱིདཱམི ཨེཀོ ཙངྐམཾ ཨདྷིཊྛཱམི. ཨེཝཾ ཁྭཱཧཾ, བྷནྟེ, ཨེཀཝིཧཱརཱི ཨེཀཝིཧཱརསྶ ཙ ཝཎྞཝཱདཱི’’ཏི.

‘‘ཨཏྠེསོ, ཐེར, ཨེཀཝིཧཱརོ ནེསོ ནཏྠཱིཏི ཝདཱམི. ཨཔི ཙ, ཐེར, ཡཐཱ ཨེཀཝིཧཱརོ ཝིཏྠཱརེན པརིཔུཎྞོ ཧོཏི ཏཾ སུཎཱཧི, སཱདྷུཀཾ མནསི ཀརོཧི; བྷཱསིསྶཱམཱི’’ཏི. ‘‘ཨེཝཾ, བྷནྟེ’’ཏི ཁོ…པེ…. ‘‘ཀཐཉྩ ¶ , ཐེར, ཨེཀཝིཧཱརོ ཝིཏྠཱརེན པརིཔུཎྞོ ཧོཏི. ཨིདྷ, ཐེར, ཡཾ ཨཏཱིཏཾ ཏཾ པཧཱིནཾ, ཡཾ ཨནཱགཏཾ ཏཾ པཊིནིསྶཊྛཾ, པཙྩུཔྤནྣེསུ ཙ ཨཏྟབྷཱཝཔཊིལཱབྷེསུ ཚནྡརཱགོ སུཔྤཊིཝིནཱིཏོ. ཨེཝཾ ཁོ, ཐེར, ཨེཀཝིཧཱརོ ཝིཏྠཱརེན པརིཔུཎྞོ ཧོཏཱི’’ཏི.

ཨིདམཝོཙ ¶ བྷགཝཱ. ཨིདཾ ཝཏྭཱན སུགཏོ ཨཐཱཔརཾ ཨེཏདཝོཙ སཏྠཱ –

‘‘སབྦཱབྷིབྷུཾ ¶ སབྦཝིདུཾ སུམེདྷཾ,

སབྦེསུ དྷམྨེསུ ཨནཱུཔལིཏྟཾ;

སབྦཉྫཧཾ ཏཎྷཱཀྑཡེ ཝིམུཏྟཾ,

ཏམཧཾ ནརཾ ཨེཀཝིཧཱརཱིཏི བྲཱུམཱི’’ཏི. དསམཾ;

༡༡. མཧཱཀཔྤིནསུཏྟཾ

༢༤༥. སཱཝཏྠིཡཾ ¶ ཝིཧརཏི. ཨཐ ཁོ ཨཱཡསྨཱ མཧཱཀཔྤིནོ ཡེན བྷགཝཱ ཏེནུཔསངྐམི. ཨདྡསཱ ཁོ བྷགཝཱ ཨཱཡསྨནྟཾ མཧཱཀཔྤིནཾ དཱུརཏོཝ ཨཱགཙྪནྟཾ. དིསྭཱན བྷིཀྑཱུ ཨཱམནྟེསི – ‘‘པསྶཐ ནོ ཏུམྷེ བྷིཀྑཝེ, ཨེཏཾ བྷིཀྑུཾ ཨཱགཙྪནྟཾ ཨོདཱཏཀཾ ཏནུཀཾ ཏུངྒནཱསིཀ’’ནྟི? ‘‘ཨེཝཾ, བྷནྟེ’’. ‘‘ཨེསོ ཁོ, བྷིཀྑཝེ, བྷིཀྑུ མཧིདྡྷིཀོ མཧཱནུབྷཱཝོ. ན ཙ སཱ སམཱཔཏྟི སུལབྷརཱུཔཱ ཡཱ ཏེན བྷིཀྑུནཱ ཨསམཱཔནྣཔུབྦཱ. ཡསྶ ཙཏྠཱཡ ཀུལཔུཏྟཱ སམྨདེཝ ཨགཱརསྨཱ ཨནགཱརིཡཾ པབྦཛནྟི ཏདནུཏྟརཾ བྲཧྨཙརིཡཔརིཡོསཱནཾ ¶ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཏཱི’’ཏི.

ཨིདམཝོཙ བྷགཝཱ. ཨིདཾ ཝཏྭཱན སུགཏོ ཨཐཱཔརཾ ཨེཏདཝོཙ སཏྠཱ –

‘‘ཁཏྟིཡོ སེཊྛོ ཛནེཏསྨིཾ, ཡེ གོཏྟཔཊིསཱརིནོ;

ཝིཛྫཱཙརཎསམྤནྣོ, སོ སེཊྛོ དེཝམཱནུསེ.

‘‘དིཝཱ ཏཔཏི ཨཱདིཙྩོ, རཏྟིམཱབྷཱཏི ཙནྡིམཱ;

སནྣདྡྷོ ཁཏྟིཡོ ཏཔཏི, ཛྷཱཡཱི ཏཔཏི བྲཱཧྨཎོ;

ཨཐ སབྦམཧོརཏྟིཾ [ཨཐ སབྦམཧོརཏྟཾ (སཱི. སྱཱ. ཀཾ.)], བུདྡྷོ ཏཔཏི ཏེཛསཱ’’ཏི. ཨེཀཱདསམཾ;

༡༢. སཧཱཡཀསུཏྟཾ

༢༤༦. སཱཝཏྠིཡཾ ¶ ཝིཧརཏི. ཨཐ ཁོ དྭེ བྷིཀྑཱུ སཧཱཡཀཱ ཨཱཡསྨཏོ མཧཱཀཔྤིནསྶ སདྡྷིཝིཧཱརིནོ ཡེན བྷགཝཱ ཏེནུཔསངྐམིཾསུ. ཨདྡསཱ ཁོ བྷགཝཱ ཏེ བྷིཀྑཱུ དཱུརཏོཝ ¶ ཨཱགཙྪནྟེ. དིསྭཱན བྷིཀྑཱུ ཨཱམནྟེསི – ‘‘པསྶཐ ནོ ཏུམྷེ, བྷིཀྑཝེ, ཨེཏེ བྷིཀྑཱུ སཧཱཡཀེ ཨཱགཙྪནྟེ ཀཔྤིནསྶ སདྡྷིཝིཧཱརིནོ’’ཏི? ‘‘ཨེཝཾ, བྷནྟེ’’. ‘‘ཨེཏེ ཁོ ཏེ བྷིཀྑཱུ མཧིདྡྷིཀཱ མཧཱནུབྷཱཝཱ. ན ཙ སཱ སམཱཔཏྟི སུལབྷརཱུཔཱ, ཡཱ ཏེཧི བྷིཀྑཱུཧི ཨསམཱཔནྣཔུབྦཱ. ཡསྶ ཙཏྠཱཡ ཀུལཔུཏྟཱ སམྨདེཝ ཨགཱརསྨཱ ཨནགཱརིཡཾ པབྦཛནྟི ཏདནུཏྟརཾ བྲཧྨཙརིཡཔརིཡོསཱནཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ¶ ཨུཔསམྤཛྫ ཝིཧརནྟཱི’’ཏི.

ཨིདམཝོཙ ¶ བྷགཝཱ. ཨིདཾ ཝཏྭཱན སུགཏོ ཨཐཱཔརཾ ཨེཏདཝོཙ སཏྠཱ –

‘‘སཧཱཡཱ ཝཏིམེ བྷིཀྑཱུ, ཙིརརཏྟཾ སམེཏིཀཱ;

སམེཏི ནེསཾ སདྡྷམྨོ, དྷམྨེ བུདྡྷཔྤཝེདིཏེ.

‘‘སུཝིནཱིཏཱ ཀཔྤིནེན, དྷམྨེ ཨརིཡཔྤཝེདིཏེ;

དྷཱརེནྟི ཨནྟིམཾ དེཧཾ, ཛེཏྭཱ མཱརཾ སཝཱཧིནི’’ནྟི. དྭཱདསམཾ;

བྷིཀྑུསཾཡུཏྟཾ སམཏྟཾ.

ཏསྶུདྡཱནཾ –

ཀོལིཏོ ཨུཔཏིསྶོ ཙ, གྷཊོ ཙཱཔི པཝུཙྩཏི;

ནཝོ ¶ སུཛཱཏོ བྷདྡི ཙ, ཝིསཱཁོ ནནྡོ ཏིསྶོ ཙ;

ཐེརནཱམོ ཙ ཀཔྤིནོ, སཧཱཡེན ཙ དྭཱདསཱཏི.

ནིདཱནཝགྒོ དུཏིཡོ.

ཏསྶུདྡཱནཾ –

ནིདཱནཱབྷིསམཡདྷཱཏུ, ཨནམཏགྒེན ཀསྶཔཾ;

སཀྐཱརརཱཧུལལཀྑཎོ, ཨོཔམྨ-བྷིཀྑུནཱ ཝགྒོ.

དུཏིཡོ ཏེན པཝུཙྩཏཱིཏི.

ནིདཱནཝགྒསཾཡུཏྟཔཱལི༹ ནིཊྛིཏཱ.