མཱུལ > སུཏྟཔིཊཀ > ཨངྒུཏྟརནིཀཱཡ

༡. ཨེཝཾ ¶ ¶ ¶ ¶ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏཏྲ ཁོ བྷགཝཱ བྷིཀྑཱུ ཨཱམནྟེསི – ‘‘བྷིཀྑཝོ’’ཏི. ‘‘བྷདནྟེ’’ཏི ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘ནཱཧཾ, བྷིཀྑཝེ, ཨཉྙཾ ཨེཀརཱུཔམྤི སམནུཔསྶཱམི ཡཾ ཨེཝཾ པུརིསསྶ ཙིཏྟཾ པརིཡཱདཱཡ ཏིཊྛཏི ཡཐཡིདཾ, བྷིཀྑཝེ, ཨིཏྠིརཱུཔཾ. ཨིཏྠིརཱུཔཾ, བྷིཀྑཝེ, པུརིསསྶ ཙིཏྟཾ པརིཡཱདཱཡ ཏིཊྛཏཱི’’ཏི. པཋམཾ.

༢. ‘‘ནཱཧཾ, བྷིཀྑཝེ, ཨཉྙཾ ཨེཀསདྡམྤི སམནུཔསྶཱམི ཡཾ ཨེཝཾ པུརིསསྶ ཙིཏྟཾ པརིཡཱདཱཡ ¶ ཏིཊྛཏི ཡཐཡིདཾ, བྷིཀྑཝེ, ཨིཏྠིསདྡོ. ཨིཏྠིསདྡོ, བྷིཀྑཝེ, པུརིསསྶ ཙིཏྟཾ པརིཡཱདཱཡ ཏིཊྛཏཱི’’ཏི. དུཏིཡཾ.

༣. ‘‘ནཱཧཾ, བྷིཀྑཝེ, ཨཉྙཾ ཨེཀགནྡྷམྤི སམནུཔསྶཱམི ཡཾ ཨེཝཾ པུརིསསྶ ཙིཏྟཾ པརིཡཱདཱཡ ཏིཊྛཏི ཡཐཡིདཾ, བྷིཀྑཝེ, ཨིཏྠིགནྡྷོ. ཨིཏྠིགནྡྷོ, བྷིཀྑཝེ, པུརིསསྶ ཙིཏྟཾ པརིཡཱདཱཡ ཏིཊྛཏཱི’’ཏི. ཏཏིཡཾ.

༤. ‘‘ནཱཧཾ ¶ ¶ , བྷིཀྑཝེ, ཨཉྙཾ ཨེཀརསམྤི སམནུཔསྶཱམི ཡཾ ཨེཝཾ པུརིསསྶ ཙིཏྟཾ པརིཡཱདཱཡ ཏིཊྛཏི ཡཐཡིདཾ, བྷིཀྑཝེ, ཨིཏྠིརསོ. ཨིཏྠིརསོ, བྷིཀྑཝེ, པུརིསསྶ ཙིཏྟཾ པརིཡཱདཱཡ ཏིཊྛཏཱི’’ཏི. ཙཏུཏྠཾ.

༥. ‘‘ནཱཧཾ ¶ , བྷིཀྑཝེ, ཨཉྙཾ ཨེཀཕོཊྛབྦམྤི སམནུཔསྶཱམི ཡཾ ཨེཝཾ པུརིསསྶ ཙིཏྟཾ པརིཡཱདཱཡ ཏིཊྛཏི ཡཐཡིདཾ, བྷིཀྑཝེ, ཨིཏྠིཕོཊྛབྦོ. ཨིཏྠིཕོཊྛབྦོ, བྷིཀྑཝེ, པུརིསསྶ ཙིཏྟཾ པརིཡཱདཱཡ ཏིཊྛཏཱི’’ཏི. པཉྩམཾ.

༦. ‘‘ནཱཧཾ, བྷིཀྑཝེ, ཨཉྙཾ ཨེཀརཱུཔམྤི སམནུཔསྶཱམི ཡཾ ཨེཝཾ ཨིཏྠིཡཱ ཙིཏྟཾ པརིཡཱདཱཡ ཏིཊྛཏི ཡཐཡིདཾ, བྷིཀྑཝེ, པུརིསརཱུཔཾ. པུརིསརཱུཔཾ, བྷིཀྑཝེ, ཨིཏྠིཡཱ ཙིཏྟཾ པརིཡཱདཱཡ ཏིཊྛཏཱི’’ཏི. ཚཊྛཾ.

༧. ‘‘ནཱཧཾ, བྷིཀྑཝེ, ཨཉྙཾ ཨེཀསདྡམྤི སམནུཔསྶཱམི ཡཾ ཨེཝཾ ཨིཏྠིཡཱ ཙིཏྟཾ པརིཡཱདཱཡ ཏིཊྛཏི ཡཐཡིདཾ, བྷིཀྑཝེ, པུརིསསདྡོ. པུརིསསདྡོ, བྷིཀྑཝེ, ཨིཏྠིཡཱ ཙིཏྟཾ པརིཡཱདཱཡ ཏིཊྛཏཱི’’ཏི. སཏྟམཾ.

༨. ‘‘ནཱཧཾ, བྷིཀྑཝེ, ཨཉྙཾ ཨེཀགནྡྷམྤི སམནུཔསྶཱམི ཡཾ ཨེཝཾ ཨིཏྠིཡཱ ཙིཏྟཾ པརིཡཱདཱཡ ཏིཊྛཏི ཡཐཡིདཾ, བྷིཀྑཝེ, པུརིསགནྡྷོ. པུརིསགནྡྷོ, བྷིཀྑཝེ, ཨིཏྠིཡཱ ཙིཏྟཾ པརིཡཱདཱཡ ཏིཊྛཏཱི’’ཏི. ཨཊྛམཾ.

༩. ‘‘ནཱཧཾ, བྷིཀྑཝེ, ཨཉྙཾ ཨེཀརསམྤི སམནུཔསྶཱམི ཡཾ ཨེཝཾ ཨིཏྠིཡཱ ཙིཏྟཾ པརིཡཱདཱཡ ¶ ཏིཊྛཏི ཡཐཡིདཾ, བྷིཀྑཝེ, པུརིསརསོ. པུརིསརསོ, བྷིཀྑཝེ, ཨིཏྠིཡཱ ཙིཏྟཾ པརིཡཱདཱཡ ཏིཊྛཏཱི’’ཏི. ནཝམཾ.

༡༠. ‘‘ནཱཧཾ, བྷིཀྑཝེ, ཨཉྙཾ ཨེཀཕོཊྛབྦམྤི སམནུཔསྶཱམི ཡཾ ཨེཝཾ ¶ ཨིཏྠིཡཱ ཙིཏྟཾ པརིཡཱདཱཡ ཏིཊྛཏི ཡཐཡིདཾ, བྷིཀྑཝེ, པུརིསཕོཊྛབྦོ. པུརིསཕོཊྛབྦོ, བྷིཀྑཝེ, ཨིཏྠིཡཱ ཙིཏྟཾ པརིཡཱདཱཡ ཏིཊྛཏཱི’’ཏི. དསམཾ.

༡༡. ‘‘ནཱཧཾ ¶ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣོ ཝཱ ཀཱམཙྪནྡོ ཨུཔྤཛྫཏི ཨུཔྤནྣོ ཝཱ ཀཱམཙྪནྡོ བྷིཡྻོབྷཱཝཱཡ ཝེཔུལླཱཡ སཾཝཏྟཏི ཡཐཡིདཾ, བྷིཀྑཝེ, སུབྷནིམིཏྟཾ. སུབྷནིམིཏྟཾ, བྷིཀྑཝེ, ཨཡོནིསོ མནསི ཀརོཏོ ཨནུཔྤནྣོ ཙེཝ ཀཱམཙྪནྡོ ཨུཔྤཛྫཏི ཨུཔྤནྣོ ཙ ཀཱམཙྪནྡོ བྷིཡྻོབྷཱཝཱཡ ཝེཔུལླཱཡ སཾཝཏྟཏཱི’’ཏི. པཋམཾ.

༡༢. ‘‘ནཱཧཾ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣོ ཝཱ བྱཱཔཱདོ ཨུཔྤཛྫཏི ཨུཔྤནྣོ ཝཱ བྱཱཔཱདོ བྷིཡྻོབྷཱཝཱཡ ཝེཔུལླཱཡ སཾཝཏྟཏི ཡཐཡིདཾ, བྷིཀྑཝེ, པཊིགྷནིམིཏྟཾ. པཊིགྷནིམིཏྟཾ, བྷིཀྑཝེ, ཨཡོནིསོ མནསི ཀརོཏོ ཨནུཔྤནྣོ ཙེཝ བྱཱཔཱདོ ཨུཔྤཛྫཏི ཨུཔྤནྣོ ཙ བྱཱཔཱདོ བྷིཡྻོབྷཱཝཱཡ ཝེཔུལླཱཡ སཾཝཏྟཏཱི’’ཏི. དུཏིཡཾ.

༡༣. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཾ ཝཱ ཐིནམིདྡྷཾ [ཐཱིནམིདྡྷཾ (སཱི. སྱཱ. ཀཾ. པཱི.)] ཨུཔྤཛྫཏི ཨུཔྤནྣཾ ཝཱ ཐིནམིདྡྷཾ བྷིཡྻོབྷཱཝཱཡ ཝེཔུལླཱཡ སཾཝཏྟཏི ཡཐཡིདཾ, བྷིཀྑཝེ, ཨརཏི ཏནྡཱི [ཏནྡི (ཀ.)] ཝིཛམྦྷིཏཱ [ཝིཛམྦྷིཀཱ (སཱི. སྱཱ. ཀཾ. པཱི.)] བྷཏྟསམྨདོ ཙེཏསོ ཙ ལཱིནཏྟཾ. ལཱིནཙིཏྟསྶ, བྷིཀྑཝེ, ཨནུཔྤནྣཉྩེཝ ཐིནམིདྡྷཾ ¶ ཨུཔྤཛྫཏི ཨུཔྤནྣཉྩ ཐིནམིདྡྷཾ བྷིཡྻོབྷཱཝཱཡ ཝེཔུལླཱཡ སཾཝཏྟཏཱི’’ཏི. ཏཏིཡཾ.

༡༤. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཾ ཝཱ ཨུདྡྷཙྩཀུཀྐུཙྩཾ ཨུཔྤཛྫཏི ཨུཔྤནྣཾ ཝཱ ཨུདྡྷཙྩཀུཀྐུཙྩཾ བྷིཡྻོབྷཱཝཱཡ ཝེཔུལླཱཡ སཾཝཏྟཏི ཡཐཡིདཾ, བྷིཀྑཝེ, ཙེཏསོ ཨཝཱུཔསམོ. ཨཝཱུཔསནྟཙིཏྟསྶ, བྷིཀྑཝེ, ཨནུཔྤནྣཉྩེཝ ཨུདྡྷཙྩཀུཀྐུཙྩཾ ཨུཔྤཛྫཏི ཨུཔྤནྣཉྩ ཨུདྡྷཙྩཀུཀྐུཙྩཾ བྷིཡྻོབྷཱཝཱཡ ཝེཔུལླཱཡ སཾཝཏྟཏཱི’’ཏི. ཙཏུཏྠཾ.

༡༥. ‘‘ནཱཧཾ ¶ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཝིཙིཀིཙྪཱ ཨུཔྤཛྫཏི ཨུཔྤནྣཱ ཝཱ ཝིཙིཀིཙྪཱ བྷིཡྻོབྷཱཝཱཡ ཝེཔུལླཱཡ སཾཝཏྟཏི ཡཐཡིདཾ, བྷིཀྑཝེ, ཨཡོནིསོམནསིཀཱརོ. ཨཡོནིསོ, བྷིཀྑཝེ, མནསི ཀརོཏོ ཨནུཔྤནྣཱ ཙེཝ ཝིཙིཀིཙྪཱ ཨུཔྤཛྫཏི ཨུཔྤནྣཱ ཙ ཝིཙིཀིཙྪཱ བྷིཡྻོབྷཱཝཱཡ ཝེཔུལླཱཡ སཾཝཏྟཏཱི’’ཏི. པཉྩམཾ.

༡༦. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣོ ཝཱ ཀཱམཙྪནྡོ ནུཔྤཛྫཏི ཨུཔྤནྣོ ཝཱ ཀཱམཙྪནྡོ པཧཱིཡཏི ཡཐཡིདཾ, བྷིཀྑཝེ, ཨསུབྷནིམིཏྟཾ. ཨསུབྷནིམིཏྟཾ, བྷིཀྑཝེ, ཡོནིསོ མནསི ཀརོཏོ ཨནུཔྤནྣོ ཙེཝ ཀཱམཙྪནྡོ ནུཔྤཛྫཏི ཨུཔྤནྣོ ཙ ཀཱམཙྪནྡོ པཧཱིཡཏཱི’’ཏི. ཚཊྛཾ.

༡༧. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣོ ཝཱ བྱཱཔཱདོ ནུཔྤཛྫཏི ཨུཔྤནྣོ ཝཱ བྱཱཔཱདོ པཧཱིཡཏི ¶ ཡཐཡིདཾ, བྷིཀྑཝེ, མེཏྟཱ ¶ ཙེཏོཝིམུཏྟི. མེཏྟཾ, བྷིཀྑཝེ, ཙེཏོཝིམུཏྟིཾ ཡོནིསོ མནསི ཀརོཏོ ཨནུཔྤནྣོ ཙེཝ བྱཱཔཱདོ ནུཔྤཛྫཏི ཨུཔྤནྣོ ཙ བྱཱཔཱདོ པཧཱིཡཏཱི’’ཏི. སཏྟམཾ.

༡༨. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཾ ཝཱ ཐིནམིདྡྷཾ ནུཔྤཛྫཏི ཨུཔྤནྣཾ ཝཱ ཐིནམིདྡྷཾ པཧཱིཡཏི ཡཐཡིདཾ, བྷིཀྑཝེ, ཨཱརམྦྷདྷཱཏུ ནིཀྐམདྷཱཏུ པརཀྐམདྷཱཏུ. ཨཱརདྡྷཝཱིརིཡསྶ, བྷིཀྑཝེ, ཨནུཔྤནྣཉྩེཝ ཐིནམིདྡྷཾ ནུཔྤཛྫཏི ཨུཔྤནྣཉྩ ཐིནམིདྡྷཾ པཧཱིཡཏཱི’’ཏི. ཨཊྛམཾ.

༡༩. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཾ ཝཱ ཨུདྡྷཙྩཀུཀྐུཙྩཾ ནུཔྤཛྫཏི ཨུཔྤནྣཾ ཝཱ ཨུདྡྷཙྩཀུཀྐུཙྩཾ པཧཱིཡཏི ཡཐཡིདཾ, བྷིཀྑཝེ, ཙེཏསོ ཝཱུཔསམོ. ཝཱུཔསནྟཙིཏྟསྶ, བྷིཀྑཝེ, ཨནུཔྤནྣཉྩེཝ ཨུདྡྷཙྩཀུཀྐུཙྩཾ ནུཔྤཛྫཏི ཨུཔྤནྣཉྩ ཨུདྡྷཙྩཀུཀྐུཙྩཾ པཧཱིཡཏཱི’’ཏི. ནཝམཾ.

༢༠. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ¶ ཡེན ཨནུཔྤནྣཱ ཝཱ ཝིཙིཀིཙྪཱ ནུཔྤཛྫཏི ཨུཔྤནྣཱ ཝཱ ཝིཙིཀིཙྪཱ པཧཱིཡཏི ཡཐཡིདཾ, བྷིཀྑཝེ, ཡོནིསོམནསིཀཱརོ ¶ . ཡོནིསོ, བྷིཀྑཝེ, མནསི ཀརོཏོ ཨནུཔྤནྣཱ ཙེཝ ཝིཙིཀིཙྪཱ ནུཔྤཛྫཏི ཨུཔྤནྣཱ ཙ ཝིཙིཀིཙྪཱ པཧཱིཡཏཱི’’ཏི. དསམཾ.

༢༡. ‘‘ནཱཧཾ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ ཨབྷཱཝིཏཾ ¶ ཨཀམྨནིཡཾ ཧོཏི ཡཐཡིདཾ, བྷིཀྑཝེ, ཙིཏྟཾ [ཡཐཡིདཾ ཙིཏྟཾ (སཱི. པཱི.) ཨེཝམུཔརིཔི]. ཙིཏྟཾ, བྷིཀྑཝེ, ཨབྷཱཝིཏཾ ཨཀམྨནིཡཾ ཧོཏཱི’’ཏི. པཋམཾ.

༢༢. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ བྷཱཝིཏཾ ཀམྨནིཡཾ ཧོཏི ཡཐཡིདཾ, བྷིཀྑཝེ, ཙིཏྟཾ. ཙིཏྟཾ, བྷིཀྑཝེ, བྷཱཝིཏཾ ཀམྨནིཡཾ ཧོཏཱི’’ཏི. དུཏིཡཾ.

༢༣. ‘‘ནཱཧཾ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ ཨབྷཱཝིཏཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, ཙིཏྟཾ. ཙིཏྟཾ, བྷིཀྑཝེ, ཨབྷཱཝིཏཾ མཧཏོ ཨནཏྠཱཡ སཾཝཏྟཏཱི’’ཏི. ཏཏིཡཾ.

༢༤. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ བྷཱཝིཏཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, ཙིཏྟཾ. ཙིཏྟཾ, བྷིཀྑཝེ, བྷཱཝིཏཾ མཧཏོ ཨཏྠཱཡ སཾཝཏྟཏཱི’’ཏི. ཙཏུཏྠཾ.

༢༥. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ ཨབྷཱཝིཏཾ ཨཔཱཏུབྷཱུཏཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, ཙིཏྟཾ. ཙིཏྟཾ, བྷིཀྑཝེ, ཨབྷཱཝིཏཾ ཨཔཱཏུབྷཱུཏཾ མཧཏོ ཨནཏྠཱཡ སཾཝཏྟཏཱི’’ཏི. པཉྩམཾ.

༢༦. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ¶ ཡཾ ཨེཝཾ བྷཱཝིཏཾ པཱཏུབྷཱུཏཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, ཙིཏྟཾ. ཙིཏྟཾ, བྷིཀྑཝེ, བྷཱཝིཏཾ པཱཏུབྷཱུཏཾ མཧཏོ ཨཏྠཱཡ སཾཝཏྟཏཱི’’ཏི. ཚཊྛཾ.

༢༧. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ ཨབྷཱཝིཏཾ ཨབཧུལཱིཀཏཾ ¶ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, ཙིཏྟཾ. ཙིཏྟཾ, བྷིཀྑཝེ, ཨབྷཱཝིཏཾ ཨབཧུལཱིཀཏཾ མཧཏོ ཨནཏྠཱཡ སཾཝཏྟཏཱི’’ཏི. སཏྟམཾ.

༢༨. ‘‘ནཱཧཾ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ བྷཱཝིཏཾ བཧུལཱིཀཏཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, ཙིཏྟཾ. ཙིཏྟཾ, བྷིཀྑཝེ, བྷཱཝིཏཾ བཧུལཱིཀཏཾ མཧཏོ ཨཏྠཱཡ སཾཝཏྟཏཱི’’ཏི. ཨཊྛམཾ.

༢༩. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ ཨབྷཱཝིཏཾ ཨབཧུལཱིཀཏཾ དུཀྑཱདྷིཝཧཾ ཧོཏི ཡཐཡིདཾ, བྷིཀྑཝེ, ཙིཏྟཾ. ཙིཏྟཾ, བྷིཀྑཝེ, ཨབྷཱཝིཏཾ ཨབཧུལཱིཀཏཾ དུཀྑཱདྷིཝཧཾ ཧོཏཱི’’ཏི. ནཝམཾ.

༣༠. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ བྷཱཝིཏཾ བཧུལཱིཀཏཾ སུཁཱདྷིཝཧཾ ཧོཏི ཡཐཡིདཾ, བྷིཀྑཝེ, ཙིཏྟཾ. ཙིཏྟཾ, བྷིཀྑཝེ, བྷཱཝིཏཾ བཧུལཱིཀཏཾ སུཁཱདྷིཝཧཾ ཧོཏཱི’’ཏི. དསམཾ.

༣༡. ‘‘ནཱཧཾ ¶ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ ཨདནྟཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, ཙིཏྟཾ. ཙིཏྟཾ, བྷིཀྑཝེ, ཨདནྟཾ མཧཏོ ཨནཏྠཱཡ སཾཝཏྟཏཱི’’ཏི. པཋམཾ.

༣༢. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ དནྟཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, ཙིཏྟཾ. ཙིཏྟཾ, བྷིཀྑཝེ, དནྟཾ མཧཏོ ཨཏྠཱཡ སཾཝཏྟཏཱི’’ཏི. དུཏིཡཾ.

༣༣. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ¶ ཡཾ ཨེཝཾ ཨགུཏྟཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, ཙིཏྟཾ. ཙིཏྟཾ, བྷིཀྑཝེ, ཨགུཏྟཾ མཧཏོ ཨནཏྠཱཡ སཾཝཏྟཏཱི’’ཏི. ཏཏིཡཾ.

༣༤. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ གུཏྟཾ ¶ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, ཙིཏྟཾ. ཙིཏྟཾ, བྷིཀྑཝེ, གུཏྟཾ མཧཏོ ཨཏྠཱཡ སཾཝཏྟཏཱི’’ཏི. ཙཏུཏྠཾ.

༣༥. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ ཨརཀྑིཏཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, ཙིཏྟཾ. ཙིཏྟཾ, བྷིཀྑཝེ, ཨརཀྑིཏཾ མཧཏོ ཨནཏྠཱཡ སཾཝཏྟཏཱི’’ཏི. པཉྩམཾ.

༣༦. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ རཀྑིཏཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, ཙིཏྟཾ. ཙིཏྟཾ, བྷིཀྑཝེ, རཀྑིཏཾ མཧཏོ ཨཏྠཱཡ སཾཝཏྟཏཱི’’ཏི. ཚཊྛཾ.

༣༧. ‘‘ནཱཧཾ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ ཨསཾཝུཏཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, ཙིཏྟཾ. ཙིཏྟཾ, བྷིཀྑཝེ, ཨསཾཝུཏཾ མཧཏོ ཨནཏྠཱཡ སཾཝཏྟཏཱི’’ཏི. སཏྟམཾ.

༣༨. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ སཾཝུཏཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, ཙིཏྟཾ. ཙིཏྟཾ, བྷིཀྑཝེ, སཾཝུཏཾ མཧཏོ ཨཏྠཱཡ སཾཝཏྟཏཱི’’ཏི. ཨཊྛམཾ.

༣༩. ‘‘ནཱཧཾ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ ཨདནྟཾ ཨགུཏྟཾ ཨརཀྑིཏཾ ཨསཾཝུཏཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, ཙིཏྟཾ. ཙིཏྟཾ, བྷིཀྑཝེ, ཨདནྟཾ ཨགུཏྟཾ ཨརཀྑིཏཾ ཨསཾཝུཏཾ མཧཏོ ཨནཏྠཱཡ སཾཝཏྟཏཱི’’ཏི. ནཝམཾ.

༤༠. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ དནྟཾ གུཏྟཾ རཀྑིཏཾ སཾཝུཏཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, ཙིཏྟཾ ¶ . ཙིཏྟཾ, བྷིཀྑཝེ, དནྟཾ གུཏྟཾ རཀྑིཏཾ སཾཝུཏཾ མཧཏོ ཨཏྠཱཡ སཾཝཏྟཏཱི’’ཏི. དསམཾ.

༤༡. ‘‘སེཡྻཐཱཔི ¶ ¶ , བྷིཀྑཝེ, སཱལིསཱུཀཾ ཝཱ ཡཝསཱུཀཾ ཝཱ མིཙྪཱཔཎིཧིཏཾ ཧཏྠེན ཝཱ པཱདེན ཝཱ ཨཀྐནྟཾ ཧཏྠཾ ཝཱ པཱདཾ ཝཱ བྷེཙྪཏི [བྷིཛྫིསྶཏི (སྱཱ. ཀཾ. ཀ.), བྷེཛྫཏི (སཱི.) མོགྒལླཱནབྱཱཀརཎཾ པསྶིཏབྦཾ] ལོཧིཏཾ ཝཱ ཨུཔྤཱདེསྶཏཱིཏི ནེཏཾ ཋཱནཾ ཝིཛྫཏི. ཏཾ ཀིསྶ ཧེཏུ? མིཙྪཱཔཎིཧིཏཏྟཱ, བྷིཀྑཝེ, སཱུཀསྶ. ཨེཝམེཝཾ ཁོ, བྷིཀྑཝེ, སོ ཝཏ བྷིཀྑུ མིཙྪཱཔཎིཧིཏེན ཙིཏྟེན ཨཝིཛྫཾ བྷེཙྪཏི, ཝིཛྫཾ ཨུཔྤཱདེསྶཏི, ནིབྦཱནཾ སཙྪིཀརིསྶཏཱིཏི ནེཏཾ ཋཱནཾ ཝིཛྫཏི. ཏཾ ཀིསྶ ཧེཏུ? མིཙྪཱཔཎིཧིཏཏྟཱ, བྷིཀྑཝེ, ཙིཏྟསྶཱ’’ཏི. པཋམཾ.

༤༢. ‘‘སེཡྻཐཱཔི, བྷིཀྑཝེ, སཱལིསཱུཀཾ ཝཱ ཡཝསཱུཀཾ ཝཱ སམྨཱཔཎིཧིཏཾ ཧཏྠེན ཝཱ པཱདེན ཝཱ ཨཀྐནྟཾ ཧཏྠཾ ཝཱ པཱདཾ ཝཱ བྷེཙྪཏི ལོཧིཏཾ ཝཱ ཨུཔྤཱདེསྶཏཱིཏི ཋཱནམེཏཾ ཝིཛྫཏི. ཏཾ ཀིསྶ ཧེཏུ? སམྨཱཔཎིཧིཏཏྟཱ, བྷིཀྑཝེ, སཱུཀསྶ. ཨེཝམེཝཾ ཁོ, བྷིཀྑཝེ, སོ ཝཏ བྷིཀྑུ སམྨཱཔཎིཧིཏེན ཙིཏྟེན ཨཝིཛྫཾ བྷེཙྪཏི, ཝིཛྫཾ ཨུཔྤཱདེསྶཏི, ནིབྦཱནཾ སཙྪིཀརིསྶཏཱིཏི ཋཱནམེཏཾ ཝིཛྫཏི. ཏཾ ཀིསྶ ཧེཏུ? སམྨཱཔཎིཧིཏཏྟཱ, བྷིཀྑཝེ, ཙིཏྟསྶཱ’’ཏི. དུཏིཡཾ.

༤༣. ‘‘ཨིདྷཱཧཾ ¶ [ཨིདཱཧཾ (སཱི.)], བྷིཀྑཝེ, ཨེཀཙྩཾ པུགྒལཾ པདུཊྛཙིཏྟཾ ཨེཝཾ ཙེཏསཱ ཙེཏོ པརིཙྩ པཛཱནཱམི – ‘ཨིམམྷི ཙེ ཨཡཾ སམཡེ པུགྒལོ ཀཱལཾ ཀརེཡྻ, ཡཐཱབྷཏཾ ནིཀྑིཏྟོ ཨེཝཾ ནིརཡེ’. ཏཾ ཀིསྶ ཧེཏུ? ཙིཏྟཾ ཧིསྶ ¶ , བྷིཀྑཝེ, པདུཊྛཾ. ‘‘ཙེཏོཔདོསཧེཏུ པན, བྷིཀྑཝེ, ཨེཝམིདྷེཀཙྩེ སཏྟཱ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫནྟཱི’’ཏི. ཏཏིཡཾ.

༤༤. ‘‘ཨིདྷཱཧཾ, བྷིཀྑཝེ, ཨེཀཙྩཾ པུགྒལཾ པསནྣཙིཏྟཾ ཨེཝཾ ཙེཏསཱ ཙེཏོ པརིཙྩ པཛཱནཱམི – ‘ཨིམམྷི ཙེ ཨཡཾ ¶ སམཡེ པུགྒལོ ཀཱལཾ ཀརེཡྻ, ཡཐཱབྷཏཾ ནིཀྑིཏྟོ ཨེཝཾ སགྒེ’. ཏཾ ཀིསྶ ཧེཏུ? ཙིཏྟཾ ཧིསྶ, བྷིཀྑཝེ, པསནྣཾ. ‘‘ཙེཏོཔསཱདཧེཏུ པན, བྷིཀྑཝེ, ཨེཝམིདྷེཀཙྩེ སཏྟཱ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫནྟཱི’’ཏི. ཙཏུཏྠཾ.

༤༥. ‘‘སེཡྻཐཱཔི ¶ , བྷིཀྑཝེ, ཨུདཀརཧདོ ཨཱཝིལོ ལུལི༹ཏོ ཀལལཱིབྷཱུཏོ ཏཏྠ ཙཀྑུམཱ པུརིསོ ཏཱིརེ ཋིཏོ ན པསྶེཡྻ སིཔྤིསམྦུཀམྤི [སིཔྤིཀསམྦུཀམྤི (ཀ.)] སཀྑརཀཋལམྤི མཙྪགུམྦམྤི ཙརནྟམྤི ཏིཊྛནྟམྤི. ཏཾ ཀིསྶ ཧེཏུ? ཨཱཝིལཏྟཱ, བྷིཀྑཝེ, ཨུདཀསྶ. ཨེཝམེཝཾ ཁོ, བྷིཀྑཝེ, སོ ཝཏ བྷིཀྑུ ཨཱཝིལེན ཙིཏྟེན ཨཏྟཏྠཾ ཝཱ ཉསྶཏི པརཏྠཾ ཝཱ ཉསྶཏི ཨུབྷཡཏྠཾ ཝཱ ཉསྶཏི ཨུཏྟརིཾ ཝཱ མནུསྶདྷམྨཱ ཨལམརིཡཉཱཎདསྶནཝིསེསཾ སཙྪིཀརིསྶཏཱིཏི ནེཏཾ ཋཱནཾ ཝིཛྫཏི. ཏཾ ཀིསྶ ཧེཏུ? ཨཱཝིལཏྟཱ, བྷིཀྑཝེ, ཙིཏྟསྶཱ’’ཏི. པཉྩམཾ.

༤༦. ‘‘སེཡྻཐཱཔི, བྷིཀྑཝེ, ཨུདཀརཧདོ ཨཙྪོ ཝིཔྤསནྣོ ཨནཱཝིལོ ཏཏྠ ཙཀྑུམཱ པུརིསོ ཏཱིརེ ཋིཏོ པསྶེཡྻ སིཔྤིསམྦུཀམྤི སཀྑརཀཋལམྤི མཙྪགུམྦམྤི ཙརནྟམྤི ཏིཊྛནྟམྤི. ཏཾ ཀིསྶ ཧེཏུ? ཨནཱཝིལཏྟཱ, བྷིཀྑཝེ, ཨུདཀསྶ. ཨེཝམེཝཾ ཁོ, བྷིཀྑཝེ, སོ ཝཏ བྷིཀྑུ ཨནཱཝིལེན ¶ ཙིཏྟེན ཨཏྟཏྠཾ ཝཱ ཉསྶཏི པརཏྠཾ ཝཱ ཉསྶཏི ཨུབྷཡཏྠཾ ཝཱ ཉསྶཏི ཨུཏྟརིཾ ཝཱ མནུསྶདྷམྨཱ ཨལམརིཡཉཱཎདསྶནཝིསེསཾ སཙྪིཀརིསྶཏཱིཏི ཋཱནམེཏཾ ཝིཛྫཏི. ཏཾ ཀིསྶ ཧེཏུ? ཨནཱཝིལཏྟཱ, བྷིཀྑཝེ, ཙིཏྟསྶཱ’’ཏི. ཚཊྛཾ.

༤༧. ‘‘སེཡྻཐཱཔི, བྷིཀྑཝེ, ཡཱནི ཀཱནིཙི རུཀྑཛཱཏཱནཾ ཕནྡནོ ཏེསཾ ཨགྒམཀྑཱཡཏི ཡདིདཾ མུདུཏཱཡ ཙེཝ ཀམྨཉྙཏཱཡ ཙ. ཨེཝམེཝཾ ཁོ ཨཧཾ, བྷིཀྑཝེ ¶ , ནཱཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ བྷཱཝིཏཾ བཧུལཱིཀཏཾ མུདུ ཙ ཧོཏི ཀམྨཉྙཉྩ ཡཐཡིདཾ ཙིཏྟཾ. ཙིཏྟཾ, བྷིཀྑཝེ, བྷཱཝིཏཾ བཧུལཱིཀཏཾ མུདུ ཙ ཧོཏི ཀམྨཉྙཉྩ ཧོཏཱི’’ཏི. སཏྟམཾ.

༤༨. ‘‘ནཱཧཾ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ ལཧུཔརིཝཏྟཾ ཡཐཡིདཾ ཙིཏྟཾ. ཡཱཝཉྩིདཾ, བྷིཀྑཝེ, ཨུཔམཱཔི ན སུཀརཱ ཡཱཝ ལཧུཔརིཝཏྟཾ ཙིཏྟ’’ནྟི. ཨཊྛམཾ.

༤༩. ‘‘པབྷསྶརམིདཾ, བྷིཀྑཝེ, ཙིཏྟཾ. ཏཉྩ ཁོ ཨཱགནྟུཀེཧི ཨུཔཀྐིལེསེཧི ཨུཔཀྐིལིཊྛ’’ནྟི. ནཝམཾ.

༥༠. ‘‘པབྷསྶརམིདཾ, བྷིཀྑཝེ, ཙིཏྟཾ. ཏཉྩ ཁོ ཨཱགནྟུཀེཧི ཨུཔཀྐིལེསེཧི ཝིཔྤམུཏྟ’’ནྟི. དསམཾ.

༥༡. ‘‘པབྷསྶརམིདཾ ¶ , བྷིཀྑཝེ, ཙིཏྟཾ. ཏཉྩ ཁོ ཨཱགནྟུཀེཧི ཨུཔཀྐིལེསེཧི ཨུཔཀྐིལིཊྛཾ. ཏཾ ཨསྶུཏཝཱ པུཐུཛྫནོ ཡཐཱབྷཱུཏཾ ནཔྤཛཱནཱཏི. ཏསྨཱ ‘ཨསྶུཏཝཏོ པུཐུཛྫནསྶ ཙིཏྟབྷཱཝནཱ ནཏྠཱི’ཏི ཝདཱམཱི’’ཏི. པཋམཾ.

༥༢. ‘‘པབྷསྶརམིདཾ ¶ , བྷིཀྑཝེ, ཙིཏྟཾ. ཏཉྩ ཁོ ཨཱགནྟུཀེཧི ཨུཔཀྐིལེསེཧི ཝིཔྤམུཏྟཾ. ཏཾ སུཏཝཱ ཨརིཡསཱཝཀོ ཡཐཱབྷཱུཏཾ པཛཱནཱཏི. ཏསྨཱ ‘སུཏཝཏོ ཨརིཡསཱཝཀསྶ ཙིཏྟབྷཱཝནཱ ཨཏྠཱི’ཏི ཝདཱམཱི’’ཏི. དུཏིཡཾ.

༥༣. ‘‘ཨཙྪརཱསངྒྷཱཏམཏྟམྤི ཙེ, བྷིཀྑཝེ, བྷིཀྑུ མེཏྟཱཙིཏྟཾ [མེཏྟཾ ཙིཏྟཾ (སཱི.), མེཏྟཙིཏྟཾ (སྱཱ. ཀཾ. པཱི. ཀ.)] ཨཱསེཝཏི; ཨཡཾ ཝུཙྩཏི, བྷིཀྑཝེ – ‘བྷིཀྑུ ཨརིཏྟཛ྄ཛྷཱནོ ཝིཧརཏི སཏྠུསཱསནཀརོ ཨོཝཱདཔཏིཀརོ, ཨམོགྷཾ རཊྛཔིཎྜཾ བྷུཉྫཏི’. ཀོ པན ཝཱདོ ཡེ ནཾ བཧུལཱིཀརོནྟཱི’’ཏི! ཏཏིཡཾ.

༥༤. ‘‘ཨཙྪརཱསངྒྷཱཏམཏྟམྤི ¶ ཙེ, བྷིཀྑཝེ, བྷིཀྑུ མེཏྟཱཙིཏྟཾ བྷཱཝེཏི; ཨཡཾ ཝུཙྩཏི, བྷིཀྑཝེ – ‘བྷིཀྑུ ཨརིཏྟཛ྄ཛྷཱནོ ཝིཧརཏི སཏྠུསཱསནཀརོ ཨོཝཱདཔཏིཀརོ, ཨམོགྷཾ རཊྛཔིཎྜཾ བྷུཉྫཏི’. ཀོ པན ཝཱདོ ཡེ ནཾ བཧུལཱིཀརོནྟཱི’’ཏི! ཙཏུཏྠཾ.

༥༥. ‘‘ཨཙྪརཱསངྒྷཱཏམཏྟམྤི ¶ ཙེ, བྷིཀྑཝེ, བྷིཀྑུ མེཏྟཱཙིཏྟཾ མནསི ཀརོཏི; ཨཡཾ ཝུཙྩཏི, བྷིཀྑཝེ – ‘བྷིཀྑུ ཨརིཏྟཛ྄ཛྷཱནོ ཝིཧརཏི སཏྠུསཱསནཀརོ ཨོཝཱདཔཏིཀརོ ཨམོགྷཾ རཊྛཔིཎྜཾ བྷུཉྫཏི’. ཀོ པན ཝཱདོ ཡེ ནཾ བཧུལཱིཀརོནྟཱི’’ཏི! པཉྩམཾ.

༥༦. ‘‘ཡེ ཀེཙི, བྷིཀྑཝེ, དྷམྨཱ ཨཀུསལཱ ཨཀུསལབྷཱགིཡཱ ཨཀུསལཔཀྑིཀཱ, སབྦེ ཏེ མནོཔུབྦངྒམཱ. མནོ ཏེསཾ དྷམྨཱནཾ པཋམཾ ཨུཔྤཛྫཏི, ཨནྭདེཝ ཨཀུསལཱ དྷམྨཱ’’ཏི. ཚཊྛཾ.

༥༧. ‘‘ཡེ ¶ ཀེཙི, བྷིཀྑཝེ, དྷམྨཱ ཀུསལཱ ཀུསལབྷཱགིཡཱ ཀུསལཔཀྑིཀཱ, སབྦེ ཏེ མནོཔུབྦངྒམཱ. མནོ ཏེསཾ དྷམྨཱནཾ པཋམཾ ཨུཔྤཛྫཏི, ཨནྭདེཝ ¶ ཀུསལཱ དྷམྨཱ’’ཏི. སཏྟམཾ.

༥༨. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཨཀུསལཱ དྷམྨཱ ཨུཔྤཛྫནྟི ཨུཔྤནྣཱ ཝཱ ཀུསལཱ དྷམྨཱ པརིཧཱཡནྟི ཡཐཡིདཾ, བྷིཀྑཝེ, པམཱདོ. པམཏྟསྶ, བྷིཀྑཝེ, ཨནུཔྤནྣཱ ཙེཝ ཨཀུསལཱ དྷམྨཱ ཨུཔྤཛྫནྟི ཨུཔྤནྣཱ ཙ ཀུསལཱ དྷམྨཱ པརིཧཱཡནྟཱི’’ཏི. ཨཊྛམཾ.

༥༩. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཀུསལཱ དྷམྨཱ ཨུཔྤཛྫནྟི ཨུཔྤནྣཱ ཝཱ ཨཀུསལཱ དྷམྨཱ པརིཧཱཡནྟི ཡཐཡིདཾ, བྷིཀྑཝེ, ཨཔྤམཱདོ. ཨཔྤམཏྟསྶ, བྷིཀྑཝེ, ཨནུཔྤནྣཱ ཙེཝ ཀུསལཱ དྷམྨཱ ཨུཔྤཛྫནྟི ཨུཔྤནྣཱ ཙ ཨཀུསལཱ དྷམྨཱ པརིཧཱཡནྟཱི’’ཏི. ནཝམཾ.

༦༠. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཨཀུསལཱ དྷམྨཱ ཨུཔྤཛྫནྟི ཨུཔྤནྣཱ ཝཱ ཀུསལཱ དྷམྨཱ པརིཧཱཡནྟི ཡཐཡིདཾ, བྷིཀྑཝེ, ཀོསཛྫཾ. ཀུསཱིཏསྶ, བྷིཀྑཝེ, ཨནུཔྤནྣཱ ཙེཝ ཨཀུསལཱ དྷམྨཱ ཨུཔྤཛྫནྟི ཨུཔྤནྣཱ ཙ ཀུསལཱ དྷམྨཱ པརིཧཱཡནྟཱི’’ཏི. དསམཾ.

༦༡. ‘‘ནཱཧཾ ¶ ¶ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཀུསལཱ དྷམྨཱ ཨུཔྤཛྫནྟི ཨུཔྤནྣཱ ཝཱ ཨཀུསལཱ དྷམྨཱ པརིཧཱཡནྟི ཡཐཡིདཾ, བྷིཀྑཝེ, ཝཱིརིཡཱརམྦྷོ [ཝིརིཡཱརམྦྷོ (སཱི. སྱཱ. ཀཾ. པཱི.)]. ཨཱརདྡྷཝཱིརིཡསྶ, བྷིཀྑཝེ, ཨནུཔྤནྣཱ ཙེཝ ཀུསལཱ དྷམྨཱ ཨུཔྤཛྫནྟི ཨུཔྤནྣཱ ཙ ཨཀུསལཱ ¶ དྷམྨཱ པརིཧཱཡནྟཱི’’ཏི. པཋམཾ.

༦༢. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཨཀུསལཱ དྷམྨཱ ཨུཔྤཛྫནྟི ཨུཔྤནྣཱ ཝཱ ཀུསལཱ དྷམྨཱ པརིཧཱཡནྟི ཡཐཡིདཾ, བྷིཀྑཝེ, མཧིཙྪཏཱ. མཧིཙྪསྶ, བྷིཀྑཝེ, ཨནུཔྤནྣཱ ཙེཝ ཨཀུསལཱ དྷམྨཱ ཨུཔྤཛྫནྟི ཨུཔྤནྣཱ ཙ ཀུསལཱ དྷམྨཱ པརིཧཱཡནྟཱི’’ཏི. དུཏིཡཾ.

༦༣. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཀུསལཱ དྷམྨཱ ཨུཔྤཛྫནྟི ཨུཔྤནྣཱ ཝཱ ཨཀུསལཱ དྷམྨཱ པརིཧཱཡནྟི ཡཐཡིདཾ, བྷིཀྑཝེ, ཨཔྤིཙྪཏཱ. ཨཔྤིཙྪསྶ, བྷིཀྑཝེ, ཨནུཔྤནྣཱ ཙེཝ ཀུསལཱ དྷམྨཱ ཨུཔྤཛྫནྟི ཨུཔྤནྣཱ ཙ ཨཀུསལཱ དྷམྨཱ པརིཧཱཡནྟཱི’’ཏི. ཏཏིཡཾ.

༦༤. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཨཀུསལཱ དྷམྨཱ ཨུཔྤཛྫནྟི ཨུཔྤནྣཱ ཝཱ ཀུསལཱ དྷམྨཱ པརིཧཱཡནྟི ཡཐཡིདཾ, བྷིཀྑཝེ, ཨསནྟུཊྛིཏཱ. ཨསནྟུཊྛསྶ, བྷིཀྑཝེ, ཨནུཔྤནྣཱ ཙེཝ ཨཀུསལཱ དྷམྨཱ ཨུཔྤཛྫནྟི ཨུཔྤནྣཱ ཙ ཀུསལཱ དྷམྨཱ པརིཧཱཡནྟཱི’’ཏི. ཙཏུཏྠཾ.

༦༥. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཀུསལཱ དྷམྨཱ ཨུཔྤཛྫནྟི ཨུཔྤནྣཱ ཝཱ ཨཀུསལཱ དྷམྨཱ པརིཧཱཡནྟི ཡཐཡིདཾ, བྷིཀྑཝེ, སནྟུཊྛིཏཱ. སནྟུཊྛསྶ, བྷིཀྑཝེ, ཨནུཔྤནྣཱ ཙེཝ ཀུསལཱ དྷམྨཱ ཨུཔྤཛྫནྟི ཨུཔྤནྣཱ ཙ ཨཀུསལཱ དྷམྨཱ ¶ པརིཧཱཡནྟཱི’’ཏི. པཉྩམཾ.

༦༦. ‘‘ནཱཧཾ ¶ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཨཀུསལཱ དྷམྨཱ ཨུཔྤཛྫནྟི ཨུཔྤནྣཱ ཝཱ ཀུསལཱ དྷམྨཱ པརིཧཱཡནྟི ཡཐཡིདཾ, བྷིཀྑཝེ, ཨཡོནིསོམནསིཀཱརོ. ཨཡོནིསོ, བྷིཀྑཝེ, མནསི ཀརོཏོ ཨནུཔྤནྣཱ ཙེཝ ཨཀུསལཱ དྷམྨཱ ཨུཔྤཛྫནྟི ཨུཔྤནྣཱ ཙ ཀུསལཱ དྷམྨཱ པརིཧཱཡནྟཱི’’ཏི. ཚཊྛཾ.

༦༧. ‘‘ནཱཧཾ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཀུསལཱ དྷམྨཱ ཨུཔྤཛྫནྟི ཨུཔྤནྣཱ ཝཱ ཨཀུསལཱ དྷམྨཱ པརིཧཱཡནྟི ཡཐཡིདཾ, བྷིཀྑཝེ, ཡོནིསོམནསིཀཱརོ. ཡོནིསོ, བྷིཀྑཝེ, མནསི ཀརོཏོ ཨནུཔྤནྣཱ ཙེཝ ཀུསལཱ དྷམྨཱ ཨུཔྤཛྫནྟི ཨུཔྤནྣཱ ཙ ཨཀུསལཱ དྷམྨཱ པརིཧཱཡནྟཱི’’ཏི. སཏྟམཾ.

༦༨. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཨཀུསལཱ དྷམྨཱ ཨུཔྤཛྫནྟི ཨུཔྤནྣཱ ཝཱ ཀུསལཱ དྷམྨཱ པརིཧཱཡནྟི ཡཐཡིདཾ, བྷིཀྑཝེ, ཨསམྤཛཉྙཾ. ཨསམྤཛཱནསྶ, བྷིཀྑཝེ, ཨནུཔྤནྣཱ ཙེཝ ཨཀུསལཱ དྷམྨཱ ཨུཔྤཛྫནྟི ཨུཔྤནྣཱ ཙ ཀུསལཱ དྷམྨཱ པརིཧཱཡནྟཱི’’ཏི. ཨཊྛམཾ.

༦༩. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཀུསལཱ དྷམྨཱ ཨུཔྤཛྫནྟི ཨུཔྤནྣཱ ཝཱ ཨཀུསལཱ དྷམྨཱ པརིཧཱཡནྟི ཡཐཡིདཾ, བྷིཀྑཝེ, སམྤཛཉྙཾ. སམྤཛཱནསྶ, བྷིཀྑཝེ, ཨནུཔྤནྣཱ ཙེཝ ཀུསལཱ དྷམྨཱ ཨུཔྤཛྫནྟི ཨུཔྤནྣཱ ཙ ཨཀུསལཱ ¶ དྷམྨཱ པརིཧཱཡནྟཱི’’ཏི. ནཝམཾ.

༧༠. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཨཀུསལཱ དྷམྨཱ ཨུཔྤཛྫནྟི ཨུཔྤནྣཱ ཝཱ ཀུསལཱ དྷམྨཱ པརིཧཱཡནྟི ཡཐཡིདཾ, བྷིཀྑཝེ, པཱཔམིཏྟཏཱ. པཱཔམིཏྟསྶ, བྷིཀྑཝེ, ཨནུཔྤནྣཱ ཙེཝ ཨཀུསལཱ དྷམྨཱ ཨུཔྤཛྫནྟི ཨུཔྤནྣཱ ཙ ཀུསལཱ དྷམྨཱ པརིཧཱཡནྟཱི’’ཏི. དསམཾ.

༧༡. ‘‘ནཱཧཾ ¶ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཀུསལཱ དྷམྨཱ ཨུཔྤཛྫནྟི ཨུཔྤནྣཱ ཝཱ ཨཀུསལཱ དྷམྨཱ པརིཧཱཡནྟི ཡཐཡིདཾ, བྷིཀྑཝེ, ཀལྱཱཎམིཏྟཏཱ. ཀལྱཱཎམིཏྟསྶ, བྷིཀྑཝེ, ཨནུཔྤནྣཱ ཙེཝ ཀུསལཱ དྷམྨཱ ཨུཔྤཛྫནྟི ཨུཔྤནྣཱ ཙ ཨཀུསལཱ དྷམྨཱ པརིཧཱཡནྟཱི’’ཏི. པཋམཾ.

༧༢. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཨཀུསལཱ དྷམྨཱ ཨུཔྤཛྫནྟི ཨུཔྤནྣཱ ཝཱ ཀུསལཱ དྷམྨཱ པརིཧཱཡནྟི ཡཐཡིདཾ, བྷིཀྑཝེ, ཨནུཡོགོ ཨཀུསལཱནཾ དྷམྨཱནཾ, ཨནནུཡོགོ ཀུསལཱནཾ ¶ དྷམྨཱནཾ. ཨནུཡོགཱ, བྷིཀྑཝེ, ཨཀུསལཱནཾ དྷམྨཱནཾ, ཨནནུཡོགཱ ཀུསལཱནཾ དྷམྨཱནཾ ཨནུཔྤནྣཱ ཙེཝ ཨཀུསལཱ དྷམྨཱ ཨུཔྤཛྫནྟི ཨུཔྤནྣཱ ཙ ཀུསལཱ དྷམྨཱ པརིཧཱཡནྟཱི’’ཏི. དུཏིཡཾ.

༧༣. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཀུསལཱ དྷམྨཱ ཨུཔྤཛྫནྟི ཨུཔྤནྣཱ ཝཱ ཨཀུསལཱ དྷམྨཱ ¶ པརིཧཱཡནྟི ཡཐཡིདཾ, བྷིཀྑཝེ, ཨནུཡོགོ ཀུསལཱནཾ དྷམྨཱནཾ, ཨནནུཡོགོ ཨཀུསལཱནཾ དྷམྨཱནཾ. ཨནུཡོགཱ, བྷིཀྑཝེ, ཀུསལཱནཾ དྷམྨཱནཾ, ཨནནུཡོགཱ ཨཀུསལཱནཾ དྷམྨཱནཾ ཨནུཔྤནྣཱ ཙེཝ ཀུསལཱ དྷམྨཱ ཨུཔྤཛྫནྟི ཨུཔྤནྣཱ ཙ ཨཀུསལཱ དྷམྨཱ པརིཧཱཡནྟཱི’’ཏི. ཏཏིཡཾ.

༧༤. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ བོཛ྄ཛྷངྒཱ ནུཔྤཛྫནྟི ཨུཔྤནྣཱ ཝཱ བོཛ྄ཛྷངྒཱ ན བྷཱཝནཱཔཱརིཔཱུརིཾ གཙྪནྟི ཡཐཡིདཾ, བྷིཀྑཝེ, ཨཡོནིསོམནསིཀཱརོ. ཨཡོནིསོ, བྷིཀྑཝེ, མནསི ཀརོཏོ ཨནུཔྤནྣཱ ཙེཝ བོཛ྄ཛྷངྒཱ ནུཔྤཛྫནྟི ཨུཔྤནྣཱ ཙ བོཛ྄ཛྷངྒཱ ན བྷཱཝནཱཔཱརིཔཱུརིཾ གཙྪནྟཱི’’ཏི. ཙཏུཏྠཾ.

༧༥. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ བོཛ྄ཛྷངྒཱ ཨུཔྤཛྫནྟི ཨུཔྤནྣཱ ཝཱ བོཛ྄ཛྷངྒཱ བྷཱཝནཱཔཱརིཔཱུརིཾ གཙྪནྟི ཡཐཡིདཾ, བྷིཀྑཝེ, ཡོནིསོམནསིཀཱརོ ¶ . ཡོནིསོ ¶ , བྷིཀྑཝེ, མནསི ཀརོཏོ ཨནུཔྤནྣཱ ཙེཝ བོཛ྄ཛྷངྒཱ ཨུཔྤཛྫནྟི ཨུཔྤནྣཱ ཙ བོཛ྄ཛྷངྒཱ བྷཱཝནཱཔཱརིཔཱུརིཾ གཙྪནྟཱི’’ཏི. པཉྩམཾ.

༧༦. ‘‘ཨཔྤམཏྟིཀཱ ཨེསཱ, བྷིཀྑཝེ, པརིཧཱནི ཡདིདཾ ཉཱཏིཔརིཧཱནི. ཨེཏཾ པཏིཀིཊྛཾ, བྷིཀྑཝེ, པརིཧཱནཱིནཾ ཡདིདཾ པཉྙཱཔརིཧཱནཱི’’ཏི. ཚཊྛཾ.

༧༧. ‘‘ཨཔྤམཏྟིཀཱ ཨེསཱ, བྷིཀྑཝེ, ཝུདྡྷི ཡདིདཾ ཉཱཏིཝུདྡྷི. ཨེཏདགྒཾ, བྷིཀྑཝེ, ཝུདྡྷཱིནཾ ཡདིདཾ པཉྙཱཝུདྡྷི. ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘པཉྙཱཝུདྡྷིཡཱ ཝདྡྷིསྶཱམཱ’ཏི. ཨེཝཉྷི ཝོ, བྷིཀྑཝེ ¶ , སིཀྑིཏབྦ’’ནྟི. སཏྟམཾ.

༧༨. ‘‘ཨཔྤམཏྟིཀཱ ཨེསཱ, བྷིཀྑཝེ, པརིཧཱནི ཡདིདཾ བྷོགཔརིཧཱནི. ཨེཏཾ པཏིཀིཊྛཾ, བྷིཀྑཝེ, པརིཧཱནཱིནཾ ཡདིདཾ པཉྙཱཔརིཧཱནཱི’’ཏི. ཨཊྛམཾ.

༧༩. ‘‘ཨཔྤམཏྟིཀཱ ¶ ཨེསཱ, བྷིཀྑཝེ, ཝུདྡྷི ཡདིདཾ བྷོགཝུདྡྷི. ཨེཏདགྒཾ, བྷིཀྑཝེ, ཝུདྡྷཱིནཾ ཡདིདཾ པཉྙཱཝུདྡྷི. ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘པཉྙཱཝུདྡྷིཡཱ ཝདྡྷིསྶཱམཱ’ཏི. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. ནཝམཾ.

༨༠. ‘‘ཨཔྤམཏྟིཀཱ ཨེསཱ, བྷིཀྑཝེ, པརིཧཱནི ཡདིདཾ ཡསོཔརིཧཱནི. ཨེཏཾ པཏིཀིཊྛཾ, བྷིཀྑཝེ, པརིཧཱནཱིནཾ ཡདིདཾ པཉྙཱཔརིཧཱནཱི’’ཏི. དསམཾ.

༨༡. ‘‘ཨཔྤམཏྟིཀཱ ¶ ཨེསཱ, བྷིཀྑཝེ, ཝུདྡྷི ཡདིདཾ ཡསོཝུདྡྷི. ཨེཏདགྒཾ, བྷིཀྑཝེ, ཝུདྡྷཱིནཾ ཡདིདཾ པཉྙཱཝུདྡྷི. ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘པཉྙཱཝུདྡྷིཡཱ ཝདྡྷིསྶཱམཱ’ཏི. ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི. པཋམཾ.

༨༢. ‘‘ནཱཧཾ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, པམཱདོ. པམཱདོ, བྷིཀྑཝེ, མཧཏོ ཨནཏྠཱཡ སཾཝཏྟཏཱི’’ཏི. དུཏིཡཾ.

༨༣. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, ཨཔྤམཱདོ. ཨཔྤམཱདོ, བྷིཀྑཝེ, མཧཏོ ཨཏྠཱཡ སཾཝཏྟཏཱི’’ཏི. ཏཏིཡཾ.

༨༤. ‘‘ནཱཧཾ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, ཀོསཛྫཾ. ཀོསཛྫཾ, བྷིཀྑཝེ, མཧཏོ ཨནཏྠཱཡ སཾཝཏྟཏཱི’’ཏི. ཙཏུཏྠཾ.

༨༥. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, ཝཱིརིཡཱརམྦྷོ. ཝཱིརིཡཱརམྦྷོ, བྷིཀྑཝེ, མཧཏོ ཨཏྠཱཡ སཾཝཏྟཏཱི’’ཏི. པཉྩམཾ.

༨༦. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, མཧིཙྪཏཱ. མཧིཙྪཏཱ, བྷིཀྑཝེ, མཧཏོ ཨནཏྠཱཡ སཾཝཏྟཏཱི’’ཏི. ཚཊྛཾ.

༨༧. ‘‘ནཱཧཾ ¶ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, ཨཔྤིཙྪཏཱ. ཨཔྤིཙྪཏཱ, བྷིཀྑཝེ, མཧཏོ ཨཏྠཱཡ སཾཝཏྟཏཱི’’ཏི. སཏྟམཾ.

༨༨. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, ཨསནྟུཊྛིཏཱ. ཨསནྟུཊྛིཏཱ, བྷིཀྑཝེ, མཧཏོ ཨནཏྠཱཡ སཾཝཏྟཏཱི’’ཏི. ཨཊྛམཾ.

༨༩. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, སནྟུཊྛིཏཱ. སནྟུཊྛིཏཱ, བྷིཀྑཝེ, མཧཏོ ཨཏྠཱཡ སཾཝཏྟཏཱི’’ཏི. ནཝམཾ.

༩༠. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, ཨཡོནིསོ མནསིཀཱརོ. ཨཡོནིསོམནསིཀཱརོ ¶ , བྷིཀྑཝེ, མཧཏོ ཨནཏྠཱཡ སཾཝཏྟཏཱི’’ཏི. དསམཾ.

༩༡. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, ཡོནིསོ མནསིཀཱརོ. ཡོནིསོམནསིཀཱརོ, བྷིཀྑཝེ, མཧཏོ ཨཏྠཱཡ སཾཝཏྟཏཱི’’ཏི. ཨེཀཱདསམཾ.

༩༢. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, ཨསམྤཛཉྙཾ. ཨསམྤཛཉྙཾ, བྷིཀྑཝེ, མཧཏོ ཨནཏྠཱཡ སཾཝཏྟཏཱི’’ཏི. དྭཱདསམཾ.

༩༣. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, སམྤཛཉྙཾ. སམྤཛཉྙཾ, བྷིཀྑཝེ, མཧཏོ ཨཏྠཱཡ སཾཝཏྟཏཱི’’ཏི. ཏེརསམཾ.

༩༤. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ མཧཏོ ཨནཏྠཱཡ སཾཝཏྟཏི ¶ ཡཐཡིདཾ, བྷིཀྑཝེ, པཱཔམིཏྟཏཱ. པཱཔམིཏྟཏཱ, བྷིཀྑཝེ, མཧཏོ ཨནཏྠཱཡ སཾཝཏྟཏཱི’’ཏི. ཙུདྡསམཾ.

༩༥. ‘‘ནཱཧཾ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, ཀལྱཱཎམིཏྟཏཱ. ཀལྱཱཎམིཏྟཏཱ, བྷིཀྑཝེ, མཧཏོ ཨཏྠཱཡ སཾཝཏྟཏཱི’’ཏི. པནྣརསམཾ.

༩༦. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, ཨནུཡོགོ ཨཀུསལཱནཾ དྷམྨཱནཾ, ཨནནུཡོགོ ཀུསལཱནཾ དྷམྨཱནཾ. ཨནུཡོགོ, བྷིཀྑཝེ, ཨཀུསལཱནཾ དྷམྨཱནཾ, ཨནནུཡོགོ ཀུསལཱནཾ དྷམྨཱནཾ མཧཏོ ཨནཏྠཱཡ སཾཝཏྟཏཱི’’ཏི. སོལ༹སམཾ.

༩༧. ‘‘ནཱཧཾ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, ཨནུཡོགོ ཀུསལཱནཾ དྷམྨཱནཾ, ཨནནུཡོགོ ཨཀུསལཱནཾ དྷམྨཱནཾ. ཨནུཡོགོ, བྷིཀྑཝེ, ཀུསལཱནཾ དྷམྨཱནཾ, ཨནནུཡོགོ ཨཀུསལཱནཾ དྷམྨཱནཾ མཧཏོ ཨཏྠཱཡ སཾཝཏྟཏཱི’’ཏི. སཏྟརསམཾ.

༩༨. ‘‘ཨཛ྄ཛྷཏྟིཀཾ ¶ , བྷིཀྑཝེ, ཨངྒནྟི ཀརིཏྭཱ ནཱཉྙཾ ཨེཀངྒམྤི སམནུཔསྶཱམི ཡཾ ཨེཝཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, པམཱདོ. པམཱདོ, བྷིཀྑཝེ, མཧཏོ ཨནཏྠཱཡ སཾཝཏྟཏཱི’’ཏི. པཋམཾ.

༩༩. ‘‘ཨཛ྄ཛྷཏྟིཀཾ, བྷིཀྑཝེ, ཨངྒནྟི ཀརིཏྭཱ ནཱཉྙཾ ཨེཀངྒམྤི སམནུཔསྶཱམི ཡཾ ཨེཝཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, ཨཔྤམཱདོ. ཨཔྤམཱདོ ¶ , བྷིཀྑཝེ, མཧཏོ ཨཏྠཱཡ སཾཝཏྟཏཱི’’ཏི. དུཏིཡཾ.

༡༠༠. ‘‘ཨཛ྄ཛྷཏྟིཀཾ, བྷིཀྑཝེ, ཨངྒནྟི ཀརིཏྭཱ ནཱཉྙཾ ཨེཀངྒམྤི སམནུཔསྶཱམི ཡཾ ཨེཝཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, ཀོསཛྫཾ. ཀོསཛྫཾ, བྷིཀྑཝེ, མཧཏོ ཨནཏྠཱཡ སཾཝཏྟཏཱི’’ཏི. ཏཏིཡཾ.

༡༠༡. ‘‘ཨཛ྄ཛྷཏྟིཀཾ, བྷིཀྑཝེ, ཨངྒནྟི ཀརིཏྭཱ ནཱཉྙཾ ཨེཀངྒམྤི སམནུཔསྶཱམི ཡཾ ཨེཝཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, ཝཱིརིཡཱརམྦྷོ. ཝཱིརིཡཱརམྦྷོ, བྷིཀྑཝེ, མཧཏོ ཨཏྠཱཡ སཾཝཏྟཏཱི’’ཏི. ཙཏུཏྠཾ.

༡༠༢-༡༠༩. ‘‘ཨཛ྄ཛྷཏྟིཀཾ ¶ , བྷིཀྑཝེ, ཨངྒནྟི ཀརིཏྭཱ ནཱཉྙཾ ཨེཀངྒམྤི སམནུཔསྶཱམི ཡཾ ཨེཝཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, མཧིཙྪཏཱ…པེ… ¶ ཨཔྤིཙྪཏཱ… ཨསནྟུཊྛིཏཱ… སནྟུཊྛིཏཱ… ཨཡོནིསོམནསིཀཱརོ… ཡོནིསོམནསིཀཱརོ… ཨསམྤཛཉྙཾ… སམྤཛཉྙཾ… དྭཱདསམཾ.

༡༡༠. ‘‘བཱཧིརཾ ¶ , བྷིཀྑཝེ, ཨངྒནྟི ཀརིཏྭཱ ནཱཉྙཾ ཨེཀངྒམྤི སམནུཔསྶཱམི ཡཾ ཨེཝཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, པཱཔམིཏྟཏཱ. པཱཔམིཏྟཏཱ, བྷིཀྑཝེ, མཧཏོ ཨནཏྠཱཡ སཾཝཏྟཏཱི’’ཏི. ཏེརསམཾ.

༡༡༡. ‘‘བཱཧིརཾ, བྷིཀྑཝེ, ཨངྒནྟི ཀརིཏྭཱ ནཱཉྙཾ ཨེཀངྒམྤི སམནུཔསྶཱམི ཡཾ ཨེཝཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, ཀལྱཱཎམིཏྟཏཱ. ཀལྱཱཎམིཏྟཏཱ, བྷིཀྑཝེ, མཧཏོ ཨཏྠཱཡ སཾཝཏྟཏཱི’’ཏི. ཙུདྡསམཾ.

༡༡༢. ‘‘ཨཛ྄ཛྷཏྟིཀཾ ¶ , བྷིཀྑཝེ, ཨངྒནྟི ཀརིཏྭཱ ནཱཉྙཾ ཨེཀངྒམྤི སམནུཔསྶཱམི ཡཾ ཨེཝཾ མཧཏོ ཨནཏྠཱཡ སཾཝཏྟཏི ཡཐཡིདཾ, བྷིཀྑཝེ, ཨནུཡོགོ ཨཀུསལཱནཾ དྷམྨཱནཾ, ཨནནུཡོགོ ཀུསལཱནཾ དྷམྨཱནཾ. ཨནུཡོགོ, བྷིཀྑཝེ, ཨཀུསལཱནཾ དྷམྨཱནཾ, ཨནནུཡོགོ ཀུསལཱནཾ དྷམྨཱནཾ མཧཏོ ཨནཏྠཱཡ སཾཝཏྟཏཱི’’ཏི. པནྣརསམཾ.

༡༡༣. ‘‘ཨཛ྄ཛྷཏྟིཀཾ, བྷིཀྑཝེ, ཨངྒནྟི ཀརིཏྭཱ ནཱཉྙཾ ཨེཀངྒམྤི སམནུཔསྶཱམི ཡཾ ཨེཝཾ མཧཏོ ཨཏྠཱཡ སཾཝཏྟཏི ཡཐཡིདཾ, བྷིཀྑཝེ, ཨནུཡོགོ ཀུསལཱནཾ དྷམྨཱནཾ, ཨནནུཡོགོ ཨཀུསལཱནཾ དྷམྨཱནཾ. ཨནུཡོགོ, བྷིཀྑཝེ, ཀུསལཱནཾ དྷམྨཱནཾ, ཨནནུཡོགོ ཨཀུསལཱནཾ དྷམྨཱནཾ མཧཏོ ཨཏྠཱཡ སཾཝཏྟཏཱི’’ཏི. སོལ༹སམཾ.

༡༡༤. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ སདྡྷམྨསྶ སམྨོསཱཡ ཨནྟརདྷཱནཱཡ སཾཝཏྟཏི ཡཐཡིདཾ, བྷིཀྑཝེ, པམཱདོ. པམཱདོ, བྷིཀྑཝེ, སདྡྷམྨསྶ སམྨོསཱཡ ཨནྟརདྷཱནཱཡ སཾཝཏྟཏཱི’’ཏི. སཏྟརསམཾ.

༡༡༥. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ སདྡྷམྨསྶ ཋིཏིཡཱ ཨསམྨོསཱཡ ཨནནྟརདྷཱནཱཡ སཾཝཏྟཏི ཡཐཡིདཾ, བྷིཀྑཝེ, ཨཔྤམཱདོ. ཨཔྤམཱདོ ¶ , བྷིཀྑཝེ, སདྡྷམྨསྶ ཋིཏིཡཱ ཨསམྨོསཱཡ ཨནནྟརདྷཱནཱཡ སཾཝཏྟཏཱི’’ཏི. ཨཊྛཱརསམཾ.

༡༡༦. ‘‘ནཱཧཾ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ ¶ སདྡྷམྨསྶ སམྨོསཱཡ ¶ ཨནྟརདྷཱནཱཡ སཾཝཏྟཏི ཡཐཡིདཾ, བྷིཀྑཝེ, ཀོསཛྫཾ. ཀོསཛྫཾ, བྷིཀྑཝེ, སདྡྷམྨསྶ སམྨོསཱཡ ཨནྟརདྷཱནཱཡ སཾཝཏྟཏཱི’’ཏི. ཨེཀཱུནཝཱིསཏིམཾ.

༡༡༧. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ སདྡྷམྨསྶ ཋིཏིཡཱ ཨསམྨོསཱཡ ཨནནྟརདྷཱནཱཡ སཾཝཏྟཏི ཡཐཡིདཾ, བྷིཀྑཝེ, ཝཱིརིཡཱརམྦྷོ. ཝཱིརིཡཱརམྦྷོ, བྷིཀྑཝེ, སདྡྷམྨསྶ ཋིཏིཡཱ ཨསམྨོསཱཡ ཨནནྟརདྷཱནཱཡ སཾཝཏྟཏཱི’’ཏི. ཝཱིསཏིམཾ.

༡༡༨-༡༢༨. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ སདྡྷམྨསྶ སམྨོསཱཡ ཨནྟརདྷཱནཱཡ སཾཝཏྟཏི ཡཐཡིདཾ, བྷིཀྑཝེ, མཧིཙྪཏཱ…པེ… ཨཔྤིཙྪཏཱ… ཨསནྟུཊྛིཏཱ… སནྟུཊྛིཏཱ… ཨཡོནིསོམནསིཀཱརོ… ཡོནིསོམནསིཀཱརོ… ཨསམྤཛཉྙཾ… སམྤཛཉྙཾ ¶ … པཱཔམིཏྟཏཱ… ཀལྱཱཎམིཏྟཏཱ… ཨནུཡོགོ ཨཀུསལཱནཾ དྷམྨཱནཾ, ཨནནུཡོགོ ཀུསལཱནཾ དྷམྨཱནཾ. ཨནུཡོགོ, བྷིཀྑཝེ, ཨཀུསལཱནཾ དྷམྨཱནཾ, ཨནནུཡོགོ ཀུསལཱནཾ དྷམྨཱནཾ སདྡྷམྨསྶ སམྨོསཱཡ ཨནྟརདྷཱནཱཡ སཾཝཏྟཏཱི’’ཏི. ཨེཀཏྟིཾསཏིམཾ.

༡༢༩. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡོ ཨེཝཾ སདྡྷམྨསྶ ཋིཏིཡཱ ཨསམྨོསཱཡ ཨནནྟརདྷཱནཱཡ སཾཝཏྟཏི ཡཐཡིདཾ, བྷིཀྑཝེ, ཨནུཡོགོ ཀུསལཱནཾ དྷམྨཱནཾ, ཨནནུཡོགོ ཨཀུསལཱནཾ དྷམྨཱནཾ. ཨནུཡོགོ, བྷིཀྑཝེ, ཀུསལཱནཾ དྷམྨཱནཾ, ཨནནུཡོགོ ཨཀུསལཱནཾ དྷམྨཱནཾ སདྡྷམྨསྶ ཋིཏིཡཱ ཨསམྨོསཱཡ ཨནནྟརདྷཱནཱཡ སཾཝཏྟཏཱི’’ཏི. ཙཏུཀྐོཊིཀཾ ནིཊྛིཏཾ. བཱཏྟིཾསཏིམཾ.

༡༣༠. ‘‘ཡེ ཏེ, བྷིཀྑཝེ, བྷིཀྑཱུ ཨདྷམྨཾ དྷམྨོཏི དཱིཔེནྟི ཏེ, བྷིཀྑཝེ, བྷིཀྑཱུ བཧུཛནཨཧིཏཱཡ པཊིཔནྣཱ བཧུཛནཨསུཁཱཡ, བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ ¶ . བཧུཉྩ ཏེ, བྷིཀྑཝེ, བྷིཀྑཱུ ཨཔུཉྙཾ པསཝནྟི, ཏེ ཙིམཾ [ཏེཔིམཾ (སཱི.)] སདྡྷམྨཾ ཨནྟརདྷཱཔེནྟཱི’’ཏི. ཏེཏྟིཾསཏིམཾ.

༡༣༡. ‘‘ཡེ ཏེ, བྷིཀྑཝེ, བྷིཀྑཱུ དྷམྨཾ ཨདྷམྨོཏི དཱིཔེནྟི ཏེ, བྷིཀྑཝེ, བྷིཀྑཱུ བཧུཛནཨཧིཏཱཡ པཊིཔནྣཱ བཧུཛནཨསུཁཱཡ, བཧུནོ ཛནསྶ ཨནཏྠཱཡ ¶ ཨཧིཏཱཡ དུཀྑཱཡ དེཝམནུསྶཱནཾ. བཧུཉྩ ཏེ, བྷིཀྑཝེ, བྷིཀྑཱུ ཨཔུཉྙཾ པསཝནྟི, ཏེ ཙིམཾ སདྡྷམྨཾ ཨནྟརདྷཱཔེནྟཱི’’ཏི. ཙཏུཏྟིཾསཏིམཾ.

༡༣༢-༡༣༩. ‘‘ཡེ ཏེ, བྷིཀྑཝེ, བྷིཀྑཱུ ཨཝིནཡཾ ¶ ཝིནཡོཏི དཱིཔེནྟི…པེ… ཝིནཡཾ ཨཝིནཡོཏི དཱིཔེནྟི…པེ… ཨབྷཱསིཏཾ ཨལཔིཏཾ ཏཐཱགཏེན བྷཱསིཏཾ ¶ ལཔིཏཾ ཏཐཱགཏེནཱཏི དཱིཔེནྟི…པེ… བྷཱསིཏཾ ལཔིཏཾ ཏཐཱགཏེན ཨབྷཱསིཏཾ ཨལཔིཏཾ ཏཐཱགཏེནཱཏི དཱིཔེནྟི…པེ… ཨནཱཙིཎྞཾ ཏཐཱགཏེན ཨཱཙིཎྞཾ ཏཐཱགཏེནཱཏི དཱིཔེནྟི…པེ… ཨཱཙིཎྞཾ ཏཐཱགཏེན ཨནཱཙིཎྞཾ ཏཐཱགཏེནཱཏི དཱིཔེནྟི…པེ… ཨཔཉྙཏྟཾ ཏཐཱགཏེན པཉྙཏྟཾ ཏཐཱགཏེནཱཏི དཱིཔེནྟི…པེ… པཉྙཏྟཾ ཏཐཱགཏེན ཨཔཉྙཏྟཾ ཏཐཱགཏེནཱཏི དཱིཔེནྟི ཏེ, བྷིཀྑཝེ, བྷིཀྑཱུ བཧུཛནཨཧིཏཱཡ པཊིཔནྣཱ བཧུཛནཨསུཁཱཡ, བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ. བཧུཉྩ ཏེ, བྷིཀྑཝེ, བྷིཀྑཱུ ཨཔུཉྙཾ པསཝནྟི, ཏེ ཙིམཾ སདྡྷམྨཾ ཨནྟརདྷཱཔེནྟཱི’’ཏི. དྭཱཙཏྟཱལཱིསཏིམཾ.

༡༤༠. ‘‘ཡེ ¶ ཏེ, བྷིཀྑཝེ, བྷིཀྑཱུ ཨདྷམྨཾ ཨདྷམྨོཏི དཱིཔེནྟི ཏེ, བྷིཀྑཝེ, བྷིཀྑཱུ བཧུཛནཧིཏཱཡ པཊིཔནྣཱ བཧུཛནསུཁཱཡ, བཧུནོ ཛནསྶ ཨཏྠཱཡ ཧིཏཱཡ སུཁཱཡ དེཝམནུསྶཱནཾ. བཧུཉྩ ཏེ, བྷིཀྑཝེ, བྷིཀྑཱུ པུཉྙཾ པསཝནྟི, ཏེ ཙིམཾ སདྡྷམྨཾ ཋཔེནྟཱི’’ཏི [ཐཔེནྟཱིཏི (ཀ.)]. པཋམཾ.

༡༤༡. ‘‘ཡེ ཏེ, བྷིཀྑཝེ, བྷིཀྑཱུ དྷམྨཾ དྷམྨོཏི དཱིཔེནྟི ཏེ, བྷིཀྑཝེ, བྷིཀྑཱུ བཧུཛནཧིཏཱཡ པཊིཔནྣཱ བཧུཛནསུཁཱཡ, བཧུནོ ཛནསྶ ཨཏྠཱཡ ཧིཏཱཡ སུཁཱཡ དེཝམནུསྶཱནཾ. བཧུཉྩ ཏེ, བྷིཀྑཝེ, བྷིཀྑཱུ པུཉྙཾ པསཝནྟི, ཏེ ཙིམཾ སདྡྷམྨཾ ཋཔེནྟཱི’’ཏི. དུཏིཡཾ.

༡༤༢-༡༤༩. ‘‘ཡེ ཏེ, བྷིཀྑཝེ, བྷིཀྑཱུ ཨཝིནཡཾ ཨཝིནཡོཏི དཱིཔེནྟི…པེ… ཝིནཡཾ ཝིནཡོཏི དཱིཔེནྟི…པེ… ཨབྷཱསིཏཾ ཨལཔིཏཾ ཏཐཱགཏེན ཨབྷཱསིཏཾ ཨལཔིཏཾ ཏཐཱགཏེནཱཏི དཱིཔེནྟི…པེ… བྷཱསིཏཾ ¶ ལཔིཏཾ ཏཐཱགཏེན བྷཱསིཏཾ ལཔིཏཾ ཏཐཱགཏེནཱཏི དཱིཔེནྟི…པེ… ཨནཱཙིཎྞཾ ¶ ཏཐཱགཏེན ཨནཱཙིཎྞཾ ཏཐཱགཏེནཱཏི དཱིཔེནྟི…པེ… ཨཱཙིཎྞཾ ཏཐཱགཏེན ཨཱཙིཎྞཾ ཏཐཱགཏེནཱཏི དཱིཔེནྟི…པེ… ¶ ཨཔཉྙཏྟཾ ཏཐཱགཏེན ཨཔཉྙཏྟཾ ཏཐཱགཏེནཱཏི དཱིཔེནྟི…པེ… པཉྙཏྟཾ ཏཐཱགཏེན པཉྙཏྟཾ ཏཐཱགཏེནཱཏི དཱིཔེནྟི ཏེ, བྷིཀྑཝེ, བྷིཀྑཱུ བཧུཛནཧིཏཱཡ པཊིཔནྣཱ བཧུཛནསུཁཱཡ, བཧུནོ ཛནསྶ ཨཏྠཱཡ ཧིཏཱཡ སུཁཱཡ དེཝམནུསྶཱནཾ. བཧུཉྩ ཏེ, བྷིཀྑཝེ, བྷིཀྑཱུ པུཉྙཾ པསཝནྟི, ཏེ ཙིམཾ སདྡྷམྨཾ ཋཔེནྟཱི’’ཏི. དསམཾ.

༡༥༠. ‘‘ཡེ ¶ ཏེ, བྷིཀྑཝེ, བྷིཀྑཱུ ཨནཱཔཏྟིཾ ཨཱཔཏྟཱིཏི དཱིཔེནྟི ཏེ, བྷིཀྑཝེ, བྷིཀྑཱུ བཧུཛནཨཧིཏཱཡ པཊིཔནྣཱ བཧུཛནཨསུཁཱཡ, བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ. བཧུཉྩ ཏེ, བྷིཀྑཝེ, བྷིཀྑཱུ ཨཔུཉྙཾ པསཝནྟི, ཏེ ཙིམཾ སདྡྷམྨཾ ཨནྟརདྷཱཔེནྟཱི’’ཏི. པཋམཾ.

༡༥༡. ‘‘ཡེ ཏེ, བྷིཀྑཝེ, བྷིཀྑཱུ ཨཱཔཏྟིཾ ཨནཱཔཏྟཱིཏི དཱིཔེནྟི ཏེ, བྷིཀྑཝེ, བྷིཀྑཱུ བཧུཛནཨཧིཏཱཡ པཊིཔནྣཱ བཧུཛནཨསུཁཱཡ, བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ. བཧུཉྩ ཏེ, བྷིཀྑཝེ, བྷིཀྑཱུ ཨཔུཉྙཾ པསཝནྟི, ཏེ ཙིམཾ སདྡྷམྨཾ ཨནྟརདྷཱཔེནྟཱི’’ཏི. དུཏིཡཾ.

༡༥༢-༡༥༩. ‘‘ཡེ ཏེ, བྷིཀྑཝེ, བྷིཀྑཱུ ལཧུཀཾ ཨཱཔཏྟིཾ གརུཀཱ ཨཱཔཏྟཱིཏི དཱིཔེནྟི…པེ… གརུཀཾ ཨཱཔཏྟིཾ ལཧུཀཱ ཨཱཔཏྟཱིཏི དཱིཔེནྟི…པེ… དུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེནྟི…པེ… ཨདུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེནྟི…པེ… སཱཝསེསཾ ཨཱཔཏྟིཾ ཨནཝསེསཱ ཨཱཔཏྟཱིཏི དཱིཔེནྟི…པེ… ཨནཝསེསཾ ¶ ཨཱཔཏྟིཾ སཱཝསེསཱ ཨཱཔཏྟཱིཏི དཱིཔེནྟི…པེ… སཔྤཊིཀམྨཾ ཨཱཔཏྟིཾ ཨཔྤཊིཀམྨཱ ཨཱཔཏྟཱིཏི དཱིཔེནྟི…པེ… ཨཔྤཊིཀམྨཾ ཨཱཔཏྟིཾ སཔྤཊིཀམྨཱ ཨཱཔཏྟཱིཏི དཱིཔེནྟི ཏེ, བྷིཀྑཝེ, བྷིཀྑཱུ བཧུཛནཨཧིཏཱཡ པཊིཔནྣཱ བཧུཛནཨསུཁཱཡ, བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ. བཧུཉྩ ¶ ཏེ, བྷིཀྑཝེ, བྷིཀྑཱུ ཨཔུཉྙཾ པསཝནྟི, ཏེ ཙིམཾ སདྡྷམྨཾ ཨནྟརདྷཱཔེནྟཱི’’ཏི. དསམཾ.

༡༦༠. ‘‘ཡེ ཏེ, བྷིཀྑཝེ, བྷིཀྑཱུ ཨནཱཔཏྟིཾ ཨནཱཔཏྟཱིཏི དཱིཔེནྟི ཏེ, བྷིཀྑཝེ, བྷིཀྑཱུ བཧུཛནཧིཏཱཡ པཊིཔནྣཱ བཧུཛནསུཁཱཡ, བཧུནོ ཛནསྶ ཨཏྠཱཡ ¶ ཧིཏཱཡ སུཁཱཡ དེཝམནུསྶཱནཾ. བཧུཉྩ ཏེ, བྷིཀྑཝེ, བྷིཀྑཱུ པུཉྙཾ པསཝནྟི, ཏེ ཙིམཾ སདྡྷམྨཾ ཋཔེནྟཱི’’ཏི. ཨེཀཱདསམཾ.

༡༦༡. ‘‘ཡེ ¶ ཏེ, བྷིཀྑཝེ, བྷིཀྑཱུ ཨཱཔཏྟིཾ ཨཱཔཏྟཱིཏི དཱིཔེནྟི ཏེ, བྷིཀྑཝེ, བྷིཀྑཱུ བཧུཛནཧིཏཱཡ པཊིཔནྣཱ བཧུཛནསུཁཱཡ, བཧུནོ ཛནསྶ ཨཏྠཱཡ ཧིཏཱཡ སུཁཱཡ དེཝམནུསྶཱནཾ. བཧུཉྩ ཏེ, བྷིཀྑཝེ, བྷིཀྑཱུ པུཉྙཾ པསཝནྟི, ཏེ ཙིམཾ སདྡྷམྨཾ ཋཔེནྟཱི’’ཏི. དྭཱདསམཾ.

༡༦༢-༡༦༩. ‘‘ཡེ ཏེ, བྷིཀྑཝེ, བྷིཀྑཱུ ལཧུཀཾ ཨཱཔཏྟིཾ ལཧུཀཱ ཨཱཔཏྟཱིཏི དཱིཔེནྟི… གརུཀཾ ཨཱཔཏྟིཾ གརུཀཱ ཨཱཔཏྟཱིཏི དཱིཔེནྟི… དུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེནྟི… ཨདུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེནྟི… སཱཝསེསཾ ཨཱཔཏྟིཾ སཱཝསེསཱ ཨཱཔཏྟཱིཏི དཱིཔེནྟི… ཨནཝསེསཾ ཨཱཔཏྟིཾ ཨནཝསེསཱ ཨཱཔཏྟཱིཏི དཱིཔེནྟི… སཔྤཊིཀམྨཾ ཨཱཔཏྟིཾ སཔྤཊིཀམྨཱ ཨཱཔཏྟཱིཏི དཱིཔེནྟི… ཨཔྤཊིཀམྨཾ ཨཱཔཏྟིཾ ཨཔྤཊིཀམྨཱ ཨཱཔཏྟཱིཏི དཱིཔེནྟི ཏེ, བྷིཀྑཝེ, བྷིཀྑཱུ བཧུཛནཧིཏཱཡ པཊིཔནྣཱ བཧུཛནསུཁཱཡ, བཧུནོ ཛནསྶ ཨཏྠཱཡ ཧིཏཱཡ སུཁཱཡ དེཝམནུསྶཱནཾ. བཧུཉྩ ཏེ, བྷིཀྑཝེ, བྷིཀྑཱུ པུཉྙཾ པསཝནྟི, ཏེ ཙིམཾ སདྡྷམྨཾ ཋཔེནྟཱི’’ཏི. ཝཱིསཏིམཾ.

༡༧༠. ‘‘ཨེཀཔུགྒལོ ¶ ¶ , བྷིཀྑཝེ, ལོཀེ ཨུཔྤཛྫམཱནོ ཨུཔྤཛྫཏི བཧུཛནཧིཏཱཡ བཧུཛནསུཁཱཡ ལོཀཱནུཀམྤཱཡ ཨཏྠཱཡ ཧིཏཱཡ སུཁཱཡ དེཝམནུསྶཱནཾ ¶ . ཀཏམོ ཨེཀཔུགྒལོ? ཏཐཱགཏོ ཨརཧཾ སམྨཱསམྦུདྡྷོ. ཨཡཾ ཁོ, བྷིཀྑཝེ, ཨེཀཔུགྒལོ ལོཀེ ཨུཔྤཛྫམཱནོ ཨུཔྤཛྫཏི བཧུཛནཧིཏཱཡ ¶ བཧུཛནསུཁཱཡ ལོཀཱནུཀམྤཱཡ ཨཏྠཱཡ ཧིཏཱཡ སུཁཱཡ དེཝམནུསྶཱན’’ནྟི.

༡༧༡. ‘‘ཨེཀཔུགྒལསྶ, བྷིཀྑཝེ, པཱཏུབྷཱཝོ དུལླབྷོ ལོཀསྨིཾ. ཀཏམསྶ ཨེཀཔུགྒལསྶ? ཏཐཱགཏསྶ ཨརཧཏོ སམྨཱསམྦུདྡྷསྶ. ཨིམསྶ ཁོ, བྷིཀྑཝེ, ཨེཀཔུགྒལསྶ པཱཏུབྷཱཝོ དུལླབྷོ ལོཀསྨི’’ནྟི.

༡༧༢. ‘‘ཨེཀཔུགྒལོ, བྷིཀྑཝེ, ལོཀེ ཨུཔྤཛྫམཱནོ ཨུཔྤཛྫཏི ཨཙྪརིཡམནུསྶོ. ཀཏམོ ཨེཀཔུགྒལོ? ཏཐཱགཏོ ཨརཧཾ སམྨཱསམྦུདྡྷོ. ཨཡཾ ཁོ, བྷིཀྑཝེ, ཨེཀཔུགྒལོ ལོཀེ ཨུཔྤཛྫམཱནོ ཨུཔྤཛྫཏི ཨཙྪརིཡམནུསྶོ’’ཏི.

༡༧༣. ‘‘ཨེཀཔུགྒལསྶ, བྷིཀྑཝེ, ཀཱལཀིརིཡཱ བཧུནོ ཛནསྶ ཨནུཏཔྤཱ [ཨཱནུཏཔྤཱ (སཱི.)] ཧོཏི. ཀཏམསྶ ཨེཀཔུགྒལསྶ? ཏཐཱགཏསྶ ཨརཧཏོ སམྨཱསམྦུདྡྷསྶ. ཨིམསྶ ཁོ, བྷིཀྑཝེ, ཨེཀཔུགྒལསྶ ཀཱལཀིརིཡཱ བཧུནོ ཛནསྶ ཨནུཏཔྤཱ ཧོཏཱི’’ཏི.

༡༧༤. ‘‘ཨེཀཔུགྒལོ, བྷིཀྑཝེ, ལོཀེ ཨུཔྤཛྫམཱནོ ཨུཔྤཛྫཏི ཨདུཏིཡོ ཨསཧཱཡོ ཨཔྤཊིམོ ཨཔྤཊིསམོ ཨཔྤཊིབྷཱགོ ཨཔྤཊིཔུགྒལོ ཨསམོ ཨསམསམོ དྭིཔདཱནཾ ཨགྒོ. ཀཏམོ ཨེཀཔུགྒལོ? ཏཐཱགཏོ ཨརཧཾ སམྨཱསམྦུདྡྷོ. ཨཡཾ ཁོ, བྷིཀྑཝེ, ཨེཀཔུགྒལོ ལོཀེ ཨུཔྤཛྫམཱནོ ཨུཔྤཛྫཏི ཨདུཏིཡོ ཨསཧཱཡོ ཨཔྤཊིམོ ཨཔྤཊིསམོ ཨཔྤཊིབྷཱགོ ཨཔྤཊིཔུགྒལོ ཨསམོ ཨསམསམོ དྭིཔདཱནཾ ཨགྒོ’’ཏི.

༡༧༥-༡༨༦. ‘‘ཨེཀཔུགྒལསྶ ¶ ¶ , བྷིཀྑཝེ, པཱཏུབྷཱཝཱ མཧཏོ ཙཀྑུསྶ པཱཏུབྷཱཝོ ཧོཏི, མཧཏོ ཨཱལོཀསྶ པཱཏུབྷཱཝོ ཧོཏི, མཧཏོ ཨོབྷཱསསྶ པཱཏུབྷཱཝོ ཧོཏི, ཚནྣཾ ཨནུཏྟརིཡཱནཾ པཱཏུབྷཱཝོ ཧོཏི, ཙཏུནྣཾ པཊིསམྦྷིདཱནཾ སཙྪིཀིརིཡཱ ཧོཏི, ཨནེཀདྷཱཏུཔཊིཝེདྷོ ཧོཏི, ནཱནཱདྷཱཏུཔཊིཝེདྷོ ཧོཏི, ཝིཛྫཱཝིམུཏྟིཕལསཙྪིཀིརིཡཱ ¶ ཧོཏི, སོཏཱཔཏྟིཕལསཙྪིཀིརིཡཱ ཧོཏི, སཀདཱགཱམིཕལསཙྪིཀིརིཡཱ ཧོཏི, ཨནཱགཱམིཕལསཙྪིཀིརིཡཱ ཧོཏི, ཨརཧཏྟཕལསཙྪིཀིརིཡཱ ¶ ཧོཏི. ཀཏམསྶ ཨེཀཔུགྒལསྶ? ཏཐཱགཏསྶ ཨརཧཏོ སམྨཱསམྦུདྡྷསྶ. ཨིམསྶ ཁོ, བྷིཀྑཝེ, ཨེཀཔུགྒལསྶ པཱཏུབྷཱཝཱ མཧཏོ ཙཀྑུསྶ པཱཏུབྷཱཝོ ཧོཏི, མཧཏོ ཨཱལོཀསྶ པཱཏུབྷཱཝོ ཧོཏི, མཧཏོ ཨོབྷཱསསྶ པཱཏུབྷཱཝོ ཧོཏི, ཚནྣཾ ཨནུཏྟརིཡཱནཾ པཱཏུབྷཱཝོ ཧོཏི, ཙཏུནྣཾ པཊིསམྦྷིདཱནཾ སཙྪིཀིརིཡཱ ཧོཏི, ཨནེཀདྷཱཏུཔཊིཝེདྷོ ཧོཏི, ནཱནཱདྷཱཏུཔཊིཝེདྷོ ཧོཏི, ཝིཛྫཱཝིམུཏྟིཕལསཙྪིཀིརིཡཱ ཧོཏི, སོཏཱཔཏྟིཕལསཙྪིཀིརིཡཱ ཧོཏི, སཀདཱགཱམིཕལསཙྪིཀིརིཡཱ ཧོཏི, ཨནཱགཱམིཕལསཙྪིཀིརིཡཱ ཧོཏི, ཨརཧཏྟཕལསཙྪིཀིརིཡཱ ཧོཏཱི’’ཏི.

༡༨༧. ‘‘ནཱཧཾ བྷིཀྑཝེ, ཨཉྙཾ ཨེཀཔུགྒལམྤི སམནུཔསྶཱམི ཡོ ཨེཝཾ ཏཐཱགཏེན ཨནུཏྟརཾ དྷམྨཙཀྐཾ པཝཏྟིཏཾ སམྨདེཝ ཨནུཔྤཝཏྟེཏི ཡཐཡིདཾ, བྷིཀྑཝེ, སཱརིཔུཏྟོ. སཱརིཔུཏྟོ, བྷིཀྑཝེ, ཏཐཱགཏེན ཨནུཏྟརཾ དྷམྨཙཀྐཾ པཝཏྟིཏཾ སམྨདེཝ ཨནུཔྤཝཏྟེཏཱི’’ཏི.

༡༨༨. ‘‘ཨེཏདགྒཾ ¶ ¶ , བྷིཀྑཝེ, མམ སཱཝཀཱནཾ བྷིཀྑཱུནཾ རཏྟཉྙཱུནཾ ཡདིདཾ ཨཉྙཱསིཀོཎྜཉྙོ’’ [ཨཉྙཱཏཀོཎྜཉྙོཏི (ཀ.), ཨཉྙཱཀོཎྜཉྙོ (སཱི. སྱཱ. ཀཾ. པཱི.)].

༡༨༩. … མཧཱཔཉྙཱནཾ ཡདིདཾ སཱརིཔུཏྟོ.

༡༩༠. … ཨིདྡྷིམནྟཱནཾ ཡདིདཾ མཧཱམོགྒལླཱནོ.

༡༩༡. … དྷུཏཝཱདཱནཾ [དྷུཏངྒདྷརཱནཾ (ཀཏྠཙི)] ཡདིདཾ མཧཱཀསྶཔོ.

༡༩༢. … དིབྦཙཀྑུཀཱནཾ ཡདིདཾ ཨནུརུདྡྷོ.

༡༩༣. … ཨུཙྩཱཀུལིཀཱནཾ ཡདིདཾ བྷདྡིཡོ ཀཱལི༹གོདྷཱཡཔུཏྟོ.

༡༩༤. … མཉྫུསྶརཱནཾ ཡདིདཾ ལཀུཎྜཀ [ལཀུཎྚཀ (སྱཱ. ཀཾ.)] བྷདྡིཡོ.

༡༩༥. … སཱིཧནཱདིཀཱནཾ ¶ ཡདིདཾ པིཎྜོལབྷཱརདྭཱཛོ.

༡༩༦. … དྷམྨཀཐིཀཱནཾ ཡདིདཾ པུཎྞོ མནྟཱཎིཔུཏྟོ.

༡༩༧. … སཾཁིཏྟེན བྷཱསིཏསྶ ཝིཏྠཱརེན ཨཏྠཾ ཝིབྷཛནྟཱནཾ ཡདིདཾ མཧཱཀཙྩཱནོཏི.

༡༩༨. ‘‘ཨེཏདགྒཾ ¶ ¶ , བྷིཀྑཝེ, མམ སཱཝཀཱནཾ བྷིཀྑཱུནཾ མནོམཡཾ ཀཱཡཾ ཨབྷིནིམྨིནནྟཱནཾ ཡདིདཾ ཙཱུལ༹པནྠཀོ’’ [ཙུལླཔནྠཀོ (སཱི. སྱཱ. ཀཾ. པཱི.)].

༡༩༩. … ཙེཏོཝིཝཊྚཀུསལཱནཾ ཡདིདཾ ཙཱུལ༹པནྠཀོ.

༢༠༠. … སཉྙཱཝིཝཊྚཀུསལཱནཾ ཡདིདཾ མཧཱཔནྠཀོ.

༢༠༡. … ཨརཎཝིཧཱརཱིནཾ ཡདིདཾ སུབྷཱུཏི.

༢༠༢. … དཀྑིཎེཡྻཱནཾ ཡདིདཾ སུབྷཱུཏི.

༢༠༣. … ཨཱརཉྙཀཱནཾ ཡདིདཾ རེཝཏོ ཁདིརཝནིཡོ.

༢༠༤. … ཛྷཱཡཱིནཾ ཡདིདཾ ཀངྑཱརེཝཏོ.

༢༠༥. … ཨཱརདྡྷཝཱིརིཡཱནཾ ཡདིདཾ སོཎོ ཀོལི༹ཝིསོ.

༢༠༦. … ཀལྱཱཎཝཱཀྐརཎཱནཾ ཡདིདཾ སོཎོ ཀུཊིཀཎྞོ.

༢༠༨. … སདྡྷཱདྷིམུཏྟཱནཾ ཡདིདཾ ཝཀྐལཱིཏི.

༢༠༩. ‘‘ཨེཏདགྒཾ ¶ , བྷིཀྑཝེ, མམ སཱཝཀཱནཾ བྷིཀྑཱུནཾ སིཀྑཱཀཱམཱནཾ ཡདིདཾ ¶ རཱཧུལོ’’.

༢༡༠. … སདྡྷཱཔབྦཛིཏཱནཾ ¶ ཡདིདཾ རཊྛཔཱལོ.

༢༡༡. … པཋམཾ སལཱཀཾ གཎྷནྟཱནཾ ཡདིདཾ ཀུཎྜདྷཱནོ.

༢༡༢. … པཊིབྷཱནཝནྟཱནཾ ཡདིདཾ ཝངྒཱིསོ.

༢༡༣. … སམནྟཔཱསཱདིཀཱནཾ ཡདིདཾ ཨུཔསེནོ ཝངྒནྟཔུཏྟོ.

༢༡༤. … སེནཱསནཔཉྙཱཔཀཱནཾ ཡདིདཾ དབྦོ མལླཔུཏྟོ.

༢༡༥. … དེཝཏཱནཾ པིཡམནཱཔཱནཾ ཡདིདཾ པིལིནྡཝཙྪོ.

༢༡༦. … ཁིཔྤཱབྷིཉྙཱནཾ ཡདིདཾ བཱཧིཡོ དཱརུཙཱིརིཡོ.

༢༡༧. … ཙིཏྟཀཐིཀཱནཾ ཡདིདཾ ཀུམཱརཀསྶཔོ.

༢༡༨. … པཊིསམྦྷིདཱཔཏྟཱནཾ ཡདིདཾ མཧཱཀོཊྛིཏོཏི [མཧཱཀོཊྛིཀོཏི (ཨཉྙེསུ སུཏྟེསུ མརམྨཔོཏྠཀེ)].

༢༡༩. ‘‘ཨེཏདགྒཾ, བྷིཀྑཝེ, མམ སཱཝཀཱནཾ བྷིཀྑཱུནཾ བཧུསྶུཏཱནཾ ཡདིདཾ ཨཱནནྡོ’’.

༢༢༠. … སཏིམནྟཱནཾ ¶ ཡདིདཾ ཨཱནནྡོ.

༢༢༡. … གཏིམནྟཱནཾ ¶ ཡདིདཾ ཨཱནནྡོ.

༢༢༢. … དྷིཏིམནྟཱནཾ ཡདིདཾ ཨཱནནྡོ.

༢༢༣. … ཨུཔཊྛཱཀཱནཾ ཡདིདཾ ཨཱནནྡོ.

༢༢༤. … མཧཱཔརིསཱནཾ ཡདིདཾ ཨུརུཝེལཀསྶཔོ.

༢༢༥. … ཀུལཔྤསཱདཀཱནཾ ཡདིདཾ ཀཱལུ༹དཱཡཱི.

༢༢༦. … ཨཔྤཱབཱདྷཱནཾ ཡདིདཾ བཱཀུལོ [བཀྐུལོ (སཱི. སྱཱ. ཀཾ. པཱི.)].

༢༢༧. … པུབྦེནིཝཱསཾ ཨནུསྶརནྟཱནཾ ཡདིདཾ སོབྷིཏོ.

༢༢༩. … བྷིཀྑུནོཝཱདཀཱནཾ ¶ ཡདིདཾ ནནྡཀོ.

༢༣༠. … ཨིནྡྲིཡེསུ གུཏྟདྭཱརཱནཾ ཡདིདཾ ནནྡོ.

༢༣༡. … བྷིཀྑུཨོཝཱདཀཱནཾ ཡདིདཾ མཧཱཀཔྤིནོ.

༢༣༢. … ཏེཛོདྷཱཏུཀུསལཱནཾ ཡདིདཾ སཱགཏོ.

༢༣༣. … པཊིབྷཱནེཡྻཀཱནཾ ཡདིདཾ རཱདྷོ.

༢༣༤. … ལཱུཁཙཱིཝརདྷརཱནཾ ¶ ཡདིདཾ མོགྷརཱཛཱཏི.

༢༣༥. ‘‘ཨེཏདགྒཾ ¶ , བྷིཀྑཝེ, མམ སཱཝིཀཱནཾ བྷིཀྑུནཱིནཾ རཏྟཉྙཱུནཾ ཡདིདཾ མཧཱཔཛཱཔཏིགོཏམཱི’’.

༢༣༧. … ཨིདྡྷིམནྟཱིནཾ ཡདིདཾ ཨུཔྤལཝཎྞཱ.

༢༣༨. … ཝིནཡདྷརཱནཾ ཡདིདཾ པཊཱཙཱརཱ.

༢༣༩. … དྷམྨཀཐིཀཱནཾ ཡདིདཾ དྷམྨདིནྣཱ.

༢༤༡. … ཨཱརདྡྷཝཱིརིཡཱནཾ ཡདིདཾ སོཎཱ.

༢༤༢. … དིབྦཙཀྑུཀཱནཾ ཡདིདཾ བཀུལཱ [སཀུལཱ (སཱི. སྱཱ. ཀཾ. པཱི.)].

༢༤༣. … ཁིཔྤཱབྷིཉྙཱནཾ ཡདིདཾ བྷདྡཱ ཀུཎྜལཀེསཱ.

༢༤༤. … པུབྦེནིཝཱསཾ ཨནུསྶརནྟཱིནཾ ཡདིདཾ བྷདྡཱ ཀཱཔིལཱནཱི.

༢༤༥. … མཧཱབྷིཉྙཔྤཏྟཱནཾ ཡདིདཾ བྷདྡཀཙྩཱནཱ.

༢༤༦. … ལཱུཁཙཱིཝརདྷརཱནཾ ཡདིདཾ ཀིསཱགོཏམཱི.

༢༤༧. … སདྡྷཱདྷིམུཏྟཱནཾ ¶ ཡདིདཾ སིངྒཱལཀམཱཏཱཏི [སིགཱལམཱཏཱཏི (སཱི. སྱཱ. ཀཾ. པཱི.)].

༢༤༨. ‘‘ཨེཏདགྒཾ ¶ , བྷིཀྑཝེ, མམ སཱཝཀཱནཾ ཨུཔཱསཀཱནཾ པཋམཾ སརཎཾ གཙྪནྟཱནཾ ཡདིདཾ ¶ ཏཔུསྶབྷལླིཀཱ [ཏཔསྶུབྷལླིཀཱ (སཱི. པཱི.)] ཝཱཎིཛཱ’’.

༢༤༩. … དཱཡཀཱནཾ ཡདིདཾ སུདཏྟོ གཧཔཏི ཨནཱཐཔིཎྜིཀོ.

༢༥༠. … དྷམྨཀཐིཀཱནཾ ཡདིདཾ ཙིཏྟོ གཧཔཏི མཙྪིཀཱསཎྜིཀོ.

༢༥༡. … ཙཏཱུཧི སངྒཧཝཏྠཱུཧི པརིསཾ སངྒཎྷནྟཱནཾ ཡདིདཾ ཧཏྠཀོ ཨཱལ༹ཝཀོ.

༢༥༢. … པཎཱིཏདཱཡཀཱནཾ ཡདིདཾ མཧཱནཱམོ སཀྐོ.

༢༥༣. … མནཱཔདཱཡཀཱནཾ ཡདིདཾ ཨུགྒོ གཧཔཏི ཝེསཱལིཀོ.

༢༥༤. … སངྒྷུཔཊྛཱཀཱནཾ ཡདིདཾ ཧཏྠིགཱམཀོ ཨུགྒཏོ གཧཔཏི.

༢༥༥. … ཨཝེཙྩཔྤསནྣཱནཾ ཡདིདཾ སཱུརམྦཊྛོ [སཱུརོ ཨམྦཊྛོ (སཱི. སྱཱ. ཀཾ. པཱི.) སུརེབནྡྷོ (ཀ.)].

༢༥༦. … པུགྒལཔྤསནྣཱནཾ ཡདིདཾ ཛཱིཝཀོ ཀོམཱརབྷཙྩོ.

༢༥༧. … ཝིསྶཱསཀཱནཾ ¶ ཡདིདཾ ནཀུལཔིཏཱ གཧཔཏཱིཏི.

༢༥༨. ‘‘ཨེཏདགྒཾ ¶ , བྷིཀྑཝེ, མམ སཱཝིཀཱནཾ ཨུཔཱསིཀཱནཾ པཋམཾ སརཎཾ གཙྪནྟཱིནཾ ཡདིདཾ སུཛཱཏཱ སེནིཡདྷཱིཏཱ’’ [སེནཱནཱི དྷཱིཏཱ (སཱི. སྱཱ. ཀཾ. པཱི.)].

༢༥༩. … དཱཡིཀཱནཾ ཡདིདཾ ཝིསཱཁཱ མིགཱརམཱཏཱ.

༢༦༠. … བཧུསྶུཏཱནཾ ཡདིདཾ ཁུཛྫུཏྟརཱ.

༢༦༡. … མེཏྟཱཝིཧཱརཱིནཾ ཡདིདཾ སཱམཱཝཏཱི.

༢༦༢. … ཛྷཱཡཱིནཾ ཡདིདཾ ཨུཏྟརཱནནྡམཱཏཱ.

༢༦༣. … པཎཱིཏདཱཡིཀཱནཾ ཡདིདཾ སུཔྤཝཱསཱ ཀོལིཡདྷཱིཏཱ.

༢༦༤. … གིལཱནུཔཊྛཱཀཱིནཾ ¶ ཡདིདཾ སུཔྤིཡཱ ཨུཔཱསིཀཱ.

༢༦༥. … ཨཝེཙྩཔྤསནྣཱནཾ ཡདིདཾ ཀཱཏིཡཱནཱི.

༢༦༦. … ཝིསྶཱསིཀཱནཾ ཡདིདཾ ནཀུལམཱཏཱ གཧཔཏཱནཱི.

༢༦༧. … ཨནུསྶཝཔྤསནྣཱནཾ ཡདིདཾ ཀཱལཱི༹ ཨུཔཱསིཀཱ ཀུལགྷརིཀཱ [ཀུལགྷརིཀཱ (ཀ.)] ཏི.

༢༦༨. ‘‘ཨཊྛཱནམེཏཾ ¶ , བྷིཀྑཝེ, ཨནཝཀཱསོ ཡཾ དིཊྛིསམྤནྣོ པུགྒལོ ཀཉྩི [ཀིཉྩི (ཀ.)] སངྑཱརཾ ནིཙྩཏོ ཨུཔགཙྪེཡྻ. ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ¶ ཡཾ པུཐུཛྫནོ ཀཉྩི སངྑཱརཾ ནིཙྩཏོ ཨུཔགཙྪེཡྻ. ཋཱནམེཏཾ ཝིཛྫཏཱི’’ཏི.

༢༦༩. ‘‘ཨཊྛཱནམེཏཾ, བྷིཀྑཝེ, ཨནཝཀཱསོ ཡཾ དིཊྛིསམྤནྣོ པུགྒལོ ཀཉྩི སངྑཱརཾ སུཁཏོ ཨུཔགཙྪེཡྻ. ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ཡཾ པུཐུཛྫནོ ཀཉྩི སངྑཱརཾ སུཁཏོ ཨུཔགཙྪེཡྻ. ཋཱནམེཏཾ ཝིཛྫཏཱི’’ཏི.

༢༧༠. ‘‘ཨཊྛཱནམེཏཾ, བྷིཀྑཝེ, ཨནཝཀཱསོ ཡཾ དིཊྛིསམྤནྣོ པུགྒལོ ¶ ཀཉྩི དྷམྨཾ ཨཏྟཏོ ཨུཔགཙྪེཡྻ. ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ཡཾ པུཐུཛྫནོ ཀཉྩི དྷམྨཾ ཨཏྟཏོ ཨུཔགཙྪེཡྻ. ཋཱནམེཏཾ ཝིཛྫཏཱི’’ཏི.

༢༧༡. ‘‘ཨཊྛཱནམེཏཾ, བྷིཀྑཝེ, ཨནཝཀཱསོ ཡཾ དིཊྛིསམྤནྣོ པུགྒལོ མཱཏརཾ ཛཱིཝིཏཱ ཝོརོཔེཡྻ. ནེཏཾ ཋཱནཾ ཝིཛྫཏི. ཋཱནཉྩ ཁོ, བྷིཀྑཝེ, ཝིཛྫཏི ཡཾ པུཐུཛྫནོ མཱཏརཾ ཛཱིཝིཏཱ ཝོརོཔེཡྻ. ཋཱནམེཏཾ ཝིཛྫཏཱི’’ཏི.

༢༧༢. ‘‘ཨཊྛཱནམེཏཾ ¶ , བྷིཀྑཝེ, ཨནཝཀཱསོ ཡཾ དིཊྛིསམྤནྣོ པུགྒལོ པིཏརཾ ཛཱིཝིཏཱ ཝོརོཔེཡྻ. ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ཡཾ པུཐུཛྫནོ པིཏརཾ ཛཱིཝིཏཱ ཝོརོཔེཡྻ. ཋཱནམེཏཾ ཝིཛྫཏཱི’’ཏི.

༢༧༣. ‘‘ཨཊྛཱནམེཏཾ ¶ , བྷིཀྑཝེ, ཨནཝཀཱསོ ཡཾ དིཊྛིསམྤནྣོ པུགྒལོ ཨརཧནྟཾ ཛཱིཝིཏཱ ཝོརོཔེཡྻ. ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ཡཾ པུཐུཛྫནོ ཨརཧནྟཾ ཛཱིཝིཏཱ ཝོརོཔེཡྻ. ཋཱནམེཏཾ ཝིཛྫཏཱི’’ཏི.

༢༧༤. ‘‘ཨཊྛཱནམེཏཾ, བྷིཀྑཝེ, ཨནཝཀཱསོ ཡཾ དིཊྛིསམྤནྣོ པུགྒལོ ཏཐཱགཏསྶ པདུཊྛཙིཏྟོ ལོཧིཏཾ ཨུཔྤཱདེཡྻ. ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ཡཾ པུཐུཛྫནོ ཏཐཱགཏསྶ པདུཊྛཙིཏྟོ ལོཧིཏཾ ཨུཔྤཱདེཡྻ. ཋཱནམེཏཾ ཝིཛྫཏཱི’’ཏི.

༢༧༥. ‘‘ཨཊྛཱནམེཏཾ ¶ , བྷིཀྑཝེ, ཨནཝཀཱསོ ཡཾ དིཊྛིསམྤནྣོ པུགྒལོ སངྒྷཾ བྷིནྡེཡྻ. ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ཡཾ པུཐུཛྫནོ སངྒྷཾ བྷིནྡེཡྻ. ཋཱནམེཏཾ ཝིཛྫཏཱི’’ཏི.

༢༧༦. ‘‘ཨཊྛཱནམེཏཾ, བྷིཀྑཝེ, ཨནཝཀཱསོ ཡཾ དིཊྛིསམྤནྣོ པུགྒལོ ཨཉྙཾ སཏྠཱརཾ ཨུདྡིསེཡྻ. ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ཡཾ པུཐུཛྫནོ ཨཉྙཾ སཏྠཱརཾ ཨུདྡིསེཡྻ. ཋཱནམེཏཾ ཝིཛྫཏཱི’’ཏི.

༢༧༧. ‘‘ཨཊྛཱནམེཏཾ, བྷིཀྑཝེ, ཨནཝཀཱསོ ཡཾ ཨེཀིསྶཱ ལོཀདྷཱཏུཡཱ དྭེ ཨརཧནྟོ སམྨཱསམྦུདྡྷཱ ཨཔུབྦཾ ཨཙརིམཾ ¶ ཨུཔྤཛྫེཡྻུཾ. ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ཡཾ ཨེཀིསྶཱ ལོཀདྷཱཏུཡཱ ཨེཀོཝ ཨརཧཾ སམྨཱསམྦུདྡྷོ ཨུཔྤཛྫེཡྻ. ཋཱནམེཏཾ ཝིཛྫཏཱི’’ཏི.

༢༧༨. ‘‘ཨཊྛཱནམེཏཾ ¶ , བྷིཀྑཝེ, ཨནཝཀཱསོ ཡཾ ཨེཀིསྶཱ ལོཀདྷཱཏུཡཱ དྭེ རཱཛཱནོ ཙཀྐཝཏྟཱི ཨཔུབྦཾ ཨཙརིམཾ ཨུཔྤཛྫེཡྻུཾ. ནེཏཾ ཋཱནཾ ཝིཛྫཏི ¶ . ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ཡཾ ཨེཀིསྶཱ ལོཀདྷཱཏུཡཱ ཨེཀོ རཱཛཱ ཙཀྐཝཏྟཱི ཨུཔྤཛྫེཡྻ. ཋཱནམེཏཾ ཝིཛྫཏཱི’’ཏི.

༢༧༩. ‘‘ཨཊྛཱནམེཏཾ, བྷིཀྑཝེ, ཨནཝཀཱསོ ཡཾ ཨིཏྠཱི ཨརཧཾ ཨསྶ སམྨཱསམྦུདྡྷོ. ནེཏཾ ཋཱནཾ ཝིཛྫཏི. ཋཱནཉྩ ཁོ, ཨེཏཾ, བྷིཀྑཝེ, ཝིཛྫཏི ཡཾ པུརིསོ ཨརཧཾ ཨསྶ སམྨཱསམྦུདྡྷོ. ཋཱནམེཏཾ ཝིཛྫཏཱི’’ཏི.

༢༨༠. ‘‘ཨཊྛཱནམེཏཾ ¶ , བྷིཀྑཝེ, ཨནཝཀཱསོ ཡཾ ཨིཏྠཱི རཱཛཱ ཨསྶ ཙཀྐཝཏྟཱི. ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ཡཾ པུརིསོ རཱཛཱ ཨསྶ ཙཀྐཝཏྟཱི. ཋཱནམེཏཾ ཝིཛྫཏཱི’’ཏི.

༢༨༡-༢༨༣. ‘‘ཨཊྛཱནམེཏཾ, བྷིཀྑཝེ, ཨནཝཀཱསོ ཡཾ ཨིཏྠཱི སཀྐཏྟཾ ཀཱརེཡྻ…པེ… མཱརཏྟཾ ཀཱརེཡྻ…པེ… བྲཧྨཏྟཾ ཀཱརེཡྻ. ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ཡཾ པུརིསོ སཀྐཏྟཾ ཀཱརེཡྻ…པེ… མཱརཏྟཾ ཀཱརེཡྻ…པེ… བྲཧྨཏྟཾ ཀཱརེཡྻ. ཋཱནམེཏཾ ཝིཛྫཏཱི’’ཏི.

༢༨༤. ‘‘ཨཊྛཱནམེཏཾ, བྷིཀྑཝེ, ཨནཝཀཱསོ ཡཾ ཀཱཡདུཙྩརིཏསྶ ཨིཊྛོ ཀནྟོ མནཱཔོ ཝིཔཱཀོ ནིབྦཏྟེཡྻ. ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ཡཾ ཀཱཡདུཙྩརིཏསྶ ཨནིཊྛོ ཨཀནྟོ ཨམནཱཔོ ཝིཔཱཀོ ནིབྦཏྟེཡྻ. ཋཱནམེཏཾ ཝིཛྫཏཱི’’ཏི.

༢༨༥-༢༨༦. ‘‘ཨཊྛཱནམེཏཾ, བྷིཀྑཝེ, ཨནཝཀཱསོ ཡཾ ཝཙཱིདུཙྩརིཏསྶ…པེ… ཡཾ མནོདུཙྩརིཏསྶ ཨིཊྛོ ཀནྟོ མནཱཔོ ཝིཔཱཀོ ནིབྦཏྟེཡྻ. ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ཡཾ མནོདུཙྩརིཏསྶ ཨནིཊྛོ ཨཀནྟོ ཨམནཱཔོ ཝིཔཱཀོ ནིབྦཏྟེཡྻ. ཋཱནམེཏཾ ཝིཛྫཏཱི’’ཏི.

༢༨༧. ‘‘ཨཊྛཱནམེཏཾ ¶ , བྷིཀྑཝེ, ཨནཝཀཱསོ ཡཾ ཀཱཡསུཙརིཏསྶ ཨནིཊྛོ ཨཀནྟོ ཨམནཱཔོ ཝིཔཱཀོ ནིབྦཏྟེཡྻ. ནེཏཾ ཋཱནཾ ཝིཛྫཏི. ཋཱནཉྩ ¶ ¶ ཁོ ཨེཏཾ, བྷིཀྑཝེ, ཝིཛྫཏི ཡཾ ཀཱཡསུཙརིཏསྶ ཨིཊྛོ ཀནྟོ མནཱཔོ ཝིཔཱཀོ ནིབྦཏྟེཡྻ. ཋཱནམེཏཾ ཝིཛྫཏཱི’’ཏི.

༢༨༨-༢༨༩. ‘‘ཨཊྛཱནམེཏཾ ¶ , བྷིཀྑཝེ, ཨནཝཀཱསོ ཡཾ ཝཙཱིསུཙརིཏསྶ…པེ… མནོསུཙརིཏསྶ ཨནིཊྛོ ཨཀནྟོ ཨམནཱཔོ ཝིཔཱཀོ ནིབྦཏྟེཡྻ. ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ཡཾ མནོསུཙརིཏསྶ ཨིཊྛོ ཀནྟོ མནཱཔོ ཝིཔཱཀོ ནིབྦཏྟེཡྻ. ཋཱནམེཏཾ ཝིཛྫཏཱི’’ཏི.

༢༩༠. ‘‘ཨཊྛཱནམེཏཾ, བྷིཀྑཝེ, ཨནཝཀཱསོ ཡཾ ཀཱཡདུཙྩརིཏསམངྒཱི ཏནྣིདཱནཱ ཏཔྤཙྩཡཱ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫེཡྻ. ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ཡཾ ཀཱཡདུཙྩརིཏསམངྒཱི ཏནྣིདཱནཱ ཏཔྤཙྩཡཱ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫེཡྻ. ཋཱནམེཏཾ ཝིཛྫཏཱི’’ཏི.

༢༩༡-༢༩༢. ‘‘ཨཊྛཱནམེཏཾ, བྷིཀྑཝེ, ཨནཝཀཱསོ ཡཾ ཝཙཱིདུཙྩརིཏསམངྒཱི…པེ… ཡཾ མནོདུཙྩརིཏསམངྒཱི ཏནྣིདཱནཱ ཏཔྤཙྩཡཱ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫེཡྻ. ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ཡཾ མནོདུཙྩརིཏསམངྒཱི ཏནྣིདཱནཱ ཏཔྤཙྩཡཱ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫེཡྻ. ཋཱནམེཏཾ ཝིཛྫཏཱི’’ཏི ¶ .

༢༩༣. ‘‘ཨཊྛཱནམེཏཾ, བྷིཀྑཝེ, ཨནཝཀཱསོ ཡཾ ཀཱཡསུཙརིཏསམངྒཱི ཏནྣིདཱནཱ ཏཔྤཙྩཡཱ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫེཡྻ. ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ཡཾ ཀཱཡསུཙརིཏསམངྒཱི ཏནྣིདཱནཱ ཏཔྤཙྩཡཱ ¶ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫེཡྻ. ཋཱནམེཏཾ ཝིཛྫཏཱི’’ཏི.

༢༩༤-༢༩༥. ‘‘ཨཊྛཱནམེཏཾ, བྷིཀྑཝེ, ཨནཝཀཱསོ ཡཾ ཝཙཱིསུཙརིཏསམངྒཱི…པེ… ཡཾ མནོསུཙརིཏསམངྒཱི ཏནྣིདཱནཱ ཏཔྤཙྩཡཱ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫེཡྻ. ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ, བྷིཀྑཝེ, ཝིཛྫཏི ཡཾ ¶ མནོསུཙརིཏསམངྒཱི ཏནྣིདཱནཱ ཏཔྤཙྩཡཱ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫེཡྻ. ཋཱནམེཏཾ ཝིཛྫཏཱི’’ཏི.

༢༩༦. ‘‘ཨེཀདྷམྨོ ¶ ¶ , བྷིཀྑཝེ, བྷཱཝིཏོ བཧུལཱིཀཏོ ཨེཀནྟནིབྦིདཱཡ ཝིརཱགཱཡ ནིརོདྷཱཡ ཨུཔསམཱཡ ཨབྷིཉྙཱཡ སམྦོདྷཱཡ ནིབྦཱནཱཡ སཾཝཏྟཏི. ཀཏམོ ཨེཀདྷམྨོ? བུདྡྷཱནུསྶཏི. ཨཡཾ ཁོ, བྷིཀྑཝེ, ཨེཀདྷམྨོ བྷཱཝིཏོ བཧུལཱིཀཏོ ཨེཀནྟནིབྦིདཱཡ ཝིརཱགཱཡ ནིརོདྷཱཡ ཨུཔསམཱཡ ཨབྷིཉྙཱཡ སམྦོདྷཱཡ ¶ ནིབྦཱནཱཡ སཾཝཏྟཏཱི’’ཏི.

༢༩༧. ‘‘ཨེཀདྷམྨོ, བྷིཀྑཝེ, བྷཱཝིཏོ བཧུལཱིཀཏོ ཨེཀནྟནིབྦིདཱཡ ཝིརཱགཱཡ ནིརོདྷཱཡ ཨུཔསམཱཡ ཨབྷིཉྙཱཡ སམྦོདྷཱཡ ནིབྦཱནཱཡ སཾཝཏྟཏི. ཀཏམོ ཨེཀདྷམྨོ? དྷམྨཱནུསྶཏི…པེ… སངྒྷཱནུསྶཏི… སཱིལཱནུསྶཏི… ཙཱགཱནུསྶཏི… དེཝཏཱནུསྶཏི… ཨཱནཱཔཱནསྶཏི… མརཎསྶཏི… ཀཱཡགཏཱསཏི… ཨུཔསམཱནུསྶཏི. ཨཡཾ ཁོ, བྷིཀྑཝེ, ཨེཀདྷམྨོ བྷཱཝིཏོ བཧུལཱིཀཏོ ཨེཀནྟནིབྦིདཱཡ ཝིརཱགཱཡ ནིརོདྷཱཡ ཨུཔསམཱཡ ཨབྷིཉྙཱཡ སམྦོདྷཱཡ ནིབྦཱནཱཡ སཾཝཏྟཏཱི’’ཏི.

༢༩༨. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཨཀུསལཱ དྷམྨཱ ཨུཔྤཛྫནྟི ཨུཔྤནྣཱ ཝཱ ཨཀུསལཱ དྷམྨཱ བྷིཡྻོབྷཱཝཱཡ ཝེཔུལླཱཡ སཾཝཏྟནྟི ཡཐཡིདཾ, བྷིཀྑཝེ, མིཙྪཱདིཊྛི. མིཙྪཱདིཊྛིཀསྶ, བྷིཀྑཝེ, ཨནུཔྤནྣཱ ཙེཝ ཨཀུསལཱ དྷམྨཱ ཨུཔྤཛྫནྟི ཨུཔྤནྣཱ ཙ ཨཀུསལཱ དྷམྨཱ བྷིཡྻོབྷཱཝཱཡ ཝེཔུལླཱཡ སཾཝཏྟནྟཱི’’ཏི.

༢༩༩. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཀུསལཱ དྷམྨཱ ཨུཔྤཛྫནྟི ཨུཔྤནྣཱ ཝཱ ཀུསལཱ དྷམྨཱ བྷིཡྻོབྷཱཝཱཡ ཝེཔུལླཱཡ སཾཝཏྟནྟི ཡཐཡིདཾ ¶ , བྷིཀྑཝེ, སམྨཱདིཊྛི. སམྨཱདིཊྛིཀསྶ ¶ , བྷིཀྑཝེ, ཨནུཔྤནྣཱ ཙེཝ ཀུསལཱ དྷམྨཱ ཨུཔྤཛྫནྟི ཨུཔྤནྣཱ ཙ ཀུསལཱ དྷམྨཱ བྷིཡྻོབྷཱཝཱཡ ཝེཔུལླཱཡ སཾཝཏྟནྟཱི’’ཏི.

༣༠༠. ‘‘ནཱཧཾ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཀུསལཱ དྷམྨཱ ནུཔྤཛྫནྟི ཨུཔྤནྣཱ ཝཱ ཀུསལཱ དྷམྨཱ པརིཧཱཡནྟི ཡཐཡིདཾ ¶ , བྷིཀྑཝེ, མིཙྪཱདིཊྛི. མིཙྪཱདིཊྛིཀསྶ, བྷིཀྑཝེ, ཨནུཔྤནྣཱ ཙེཝ ཀུསལཱ དྷམྨཱ ནུཔྤཛྫནྟི ཨུཔྤནྣཱ ཙ ཀུསལཱ དྷམྨཱ པརིཧཱཡནྟཱི’’ཏི.

༣༠༡. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ ཨཀུསལཱ དྷམྨཱ ནུཔྤཛྫནྟི ཨུཔྤནྣཱ ཝཱ ཨཀུསལཱ དྷམྨཱ པརིཧཱཡནྟི ཡཐཡིདཾ, བྷིཀྑཝེ, སམྨཱདིཊྛི. སམྨཱདིཊྛིཀསྶ, བྷིཀྑཝེ, ཨནུཔྤནྣཱ ཙེཝ ཨཀུསལཱ དྷམྨཱ ནུཔྤཛྫནྟི ཨུཔྤནྣཱ ཙ ཨཀུསལཱ དྷམྨཱ པརིཧཱཡནྟཱི’’ཏི.

༣༠༢. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ མིཙྪཱདིཊྛི ཨུཔྤཛྫཏི ཨུཔྤནྣཱ ཝཱ མིཙྪཱདིཊྛི པཝཌྜྷཏི ཡཐཡིདཾ, བྷིཀྑཝེ, ཨཡོནིསོམནསིཀཱརོ. ཨཡོནིསོ, བྷིཀྑཝེ, མནསི ཀརོཏོ ཨནུཔྤནྣཱ ཙེཝ མིཙྪཱདིཊྛི ཨུཔྤཛྫཏི ཨུཔྤནྣཱ ཙ མིཙྪཱདིཊྛི པཝཌྜྷཏཱི’’ཏི.

༣༠༣. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན ཨནུཔྤནྣཱ ཝཱ སམྨཱདིཊྛི ཨུཔྤཛྫཏི ཨུཔྤནྣཱ ཝཱ སམྨཱདིཊྛི པཝཌྜྷཏི ཡཐཡིདཾ, བྷིཀྑཝེ, ཡོནིསོམནསིཀཱརོ. ཡོནིསོ, བྷིཀྑཝེ, མནསི ཀརོཏོ ཨནུཔྤནྣཱ ཙེཝ སམྨཱདིཊྛི ཨུཔྤཛྫཏི ཨུཔྤནྣཱ ཙ སམྨཱདིཊྛི པཝཌྜྷཏཱི’’ཏི.

༣༠༤. ‘‘ནཱཧཾ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡེན [ཡེནེཝཾ (སཱི. སྱཱ. ཀཾ. པཱི.)] སཏྟཱ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫནྟི ཡཐཡིདཾ, བྷིཀྑཝེ, མིཙྪཱདིཊྛི. མིཙྪཱདིཊྛིཡཱ, བྷིཀྑཝེ, སམནྣཱགཏཱ སཏྟཱ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫནྟཱི’’ཏི.

༣༠༥. ‘‘ནཱཧཾ ¶ , བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ¶ ཡེན སཏྟཱ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫནྟི ཡཐཡིདཾ, བྷིཀྑཝེ, སམྨཱདིཊྛི. སམྨཱདིཊྛིཡཱ, བྷིཀྑཝེ, སམནྣཱགཏཱ སཏྟཱ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫནྟཱི’’ཏི.

༣༠༦. ‘‘མིཙྪཱདིཊྛིཀསྶ, བྷིཀྑཝེ, པུརིསཔུགྒལསྶ ཡཉྩེཝ ཀཱཡཀམྨཾ ཡཐཱདིཊྛི སམཏྟཾ སམཱདིནྣཾ ཡཉྩ ཝཙཱིཀམྨཾ…པེ… ཡཉྩ མནོཀམྨཾ ཡཐཱདིཊྛི སམཏྟཾ སམཱདིནྣཾ ཡཱ ཙ ཙེཏནཱ ཡཱ ཙ པཏྠནཱ ཡོ ཙ པཎིདྷི ཡེ ཙ སངྑཱརཱ སབྦེ ཏེ དྷམྨཱ ཨནིཊྛཱཡ ཨཀནྟཱཡ ཨམནཱཔཱཡ ཨཧིཏཱཡ དུཀྑཱཡ སཾཝཏྟནྟི. ཏཾ ཀིསྶ ཧེཏུ? དིཊྛི ཧིསྶ [དིཊྛི ཧི (སཱི. སྱཱ. ཀཾ. པཱི.)], བྷིཀྑཝེ, པཱཔིཀཱ. སེཡྻཐཱཔི, བྷིཀྑཝེ ¶ , ནིམྦབཱིཛཾ ཝཱ ཀོསཱཏཀིབཱིཛཾ ཝཱ ཏིཏྟཀལཱབུབཱིཛཾ ཝཱ ཨལླཱཡ པཐཝིཡཱ [པཋཝིཡཱ (སཱི. སྱཱ. ཀཾ. པཱི.)] ནིཀྑིཏྟཾ ཡཉྩེཝ པཐཝིརསཾ ཨུཔཱདིཡཏི ཡཉྩ ཨཱཔོརསཾ ཨུཔཱདིཡཏི སབྦཾ ཏཾ ཏིཏྟཀཏྟཱཡ ཀཊུཀཏྟཱཡ ཨསཱཏཏྟཱཡ སཾཝཏྟཏི. ཏཾ ཀིསྶ ཧེཏུ? བཱིཛཾ ཧིསྶ [ཝཱིཛཾ (སཱི. སྱཱ. ཀཾ. པཱི.)], བྷིཀྑཝེ, པཱཔཀཾ. ཨེཝམེཝཾ ཁོ, བྷིཀྑཝེ, མིཙྪཱདིཊྛིཀསྶ པུརིསཔུགྒལསྶ ཡཉྩེཝ ཀཱཡཀམྨཾ ཡཐཱདིཊྛི སམཏྟཾ སམཱདིནྣཾ ཡཉྩ ཝཙཱིཀམྨཾ…པེ… ¶ ཡཉྩ མནོཀམྨཾ ཡཐཱདིཊྛི སམཏྟཾ སམཱདིནྣཾ ཡཱ ཙ ཙེཏནཱ ཡཱ ཙ པཏྠནཱ ཡོ ཙ པཎིདྷི ཡེ ཙ སངྑཱརཱ སབྦེ ཏེ དྷམྨཱ ཨནིཊྛཱཡ ཨཀནྟཱཡ ཨམནཱཔཱཡ ཨཧིཏཱཡ དུཀྑཱཡ སཾཝཏྟནྟི. ཏཾ ཀིསྶ ཧེཏུ? དིཊྛི ཧིསྶ, བྷིཀྑཝེ, པཱཔིཀཱ’’ཏི.

༣༠༧. ‘‘སམྨཱདིཊྛིཀསྶ, བྷིཀྑཝེ, པུརིསཔུགྒལསྶ ཡཉྩེཝ ཀཱཡཀམྨཾ ཡཐཱདིཊྛི སམཏྟཾ སམཱདིནྣཾ ཡཉྩ ཝཙཱིཀམྨཾ…པེ… ཡཉྩ མནོཀམྨཾ ཡཐཱདིཊྛི སམཏྟཾ སམཱདིནྣཾ ཡཱ ཙ ཙེཏནཱ ཡཱ ཙ པཏྠནཱ ཡོ ཙ པཎིདྷི ཡེ ཙ སངྑཱརཱ སབྦེ ཏེ དྷམྨཱ ཨིཊྛཱཡ ཀནྟཱཡ མནཱཔཱཡ ཧིཏཱཡ སུཁཱཡ སཾཝཏྟནྟི. ཏཾ ཀིསྶ ཧེཏུ? དིཊྛི ཧིསྶ, བྷིཀྑཝེ, བྷདྡིཀཱ. སེཡྻཐཱཔི, བྷིཀྑཝེ, ཨུཙྪུབཱིཛཾ ཝཱ སཱལིབཱིཛཾ ཝཱ མུདྡིཀཱབཱིཛཾ ཝཱ ཨལླཱཡ པཐཝིཡཱ ནིཀྑིཏྟཾ ཡཉྩེཝ པཐཝིརསཾ ཨུཔཱདིཡཏི ཡཉྩ ཨཱཔོརསཾ ཨུཔཱདིཡཏི སབྦཾ ཏཾ མདྷུརཏྟཱཡ སཱཏཏྟཱཡ ཨསེཙནཀཏྟཱཡ སཾཝཏྟཏི. ཏཾ ཀིསྶ ཧེཏུ? བཱིཛཾ ཧིསྶ, བྷིཀྑཝེ, བྷདྡཀཾ. ཨེཝམེཝཾ ཁོ, བྷིཀྑཝེ, སམྨཱདིཊྛིཀསྶ པུརིསཔུགྒལསྶ ཡཉྩེཝ ཀཱཡཀམྨཾ ཡཐཱདིཊྛི སམཏྟཾ སམཱདིནྣཾ ཡཉྩ ཝཙཱིཀམྨཾ…པེ… ཡཉྩ མནོཀམྨཾ ཡཐཱདིཊྛི སམཏྟཾ སམཱདིནྣཾ ཡཱ ཙ ཙེཏནཱ ཡཱ ཙ པཏྠནཱ ཡོ ཙ པཎིདྷི ཡེ ཙ སངྑཱརཱ སབྦེ ཏེ དྷམྨཱ ཨིཊྛཱཡ ཀནྟཱཡ མནཱཔཱཡ ¶ ཧིཏཱཡ སུཁཱཡ སཾཝཏྟནྟི. ཏཾ ཀིསྶ ཧེཏུ? དིཊྛི ཧིསྶ, བྷིཀྑཝེ, བྷདྡིཀཱ’’ཏི.

༣༠༨. ‘‘ཨེཀཔུགྒལོ ¶ ¶ , བྷིཀྑཝེ, ལོཀེ ཨུཔྤཛྫམཱནོ ཨུཔྤཛྫཏི བཧུཛནཨཧིཏཱཡ བཧུཛནཨསུཁཱཡ, བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ ¶ དེཝམནུསྶཱནཾ. ཀཏམོ ཨེཀཔུགྒལོ? མིཙྪཱདིཊྛིཀོ ཧོཏི ཝིཔརཱིཏདསྶནོ. སོ བཧུཛནཾ སདྡྷམྨཱ ཝུཊྛཱཔེཏྭཱ ཨསདྡྷམྨེ པཏིཊྛཱཔེཏི. ཨཡཾ ཁོ, བྷིཀྑཝེ, ཨེཀཔུགྒལོ ལོཀེ ཨུཔྤཛྫམཱནོ ཨུཔྤཛྫཏི བཧུཛནཨཧིཏཱཡ བཧུཛནཨསུཁཱཡ, བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱན’’ནྟི.

༣༠༩. ‘‘ཨེཀཔུགྒལོ, བྷིཀྑཝེ, ལོཀེ ཨུཔྤཛྫམཱནོ ཨུཔྤཛྫཏི བཧུཛནཧིཏཱཡ བཧུཛནསུཁཱཡ, བཧུནོ ཛནསྶ ཨཏྠཱཡ ཧིཏཱཡ སུཁཱཡ དེཝམནུསྶཱནཾ. ཀཏམོ ཨེཀཔུགྒལོ? སམྨཱདིཊྛིཀོ ཧོཏི ཨཝིཔརཱིཏདསྶནོ. སོ བཧུཛནཾ ཨསདྡྷམྨཱ ཝུཊྛཱཔེཏྭཱ སདྡྷམྨེ པཏིཊྛཱཔེཏི. ཨཡཾ ཁོ, བྷིཀྑཝེ, ཨེཀཔུགྒལོ ལོཀེ ཨུཔཔཛྫམཱནོ ཨུཔྤཛྫཏི བཧུཛནཧིཏཱཡ བཧུཛནསུཁཱཡ, བཧུནོ ཛནསྶ ཨཏྠཱཡ ཧིཏཱཡ སུཁཱཡ དེཝམནུསྶཱན’’ནྟི.

༣༡༠. ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཡཾ ཨེཝཾ མཧཱསཱཝཛྫཾ ཡཐཡིདཾ, བྷིཀྑཝེ, མིཙྪཱདིཊྛི. མིཙྪཱདིཊྛིཔརམཱནི, བྷིཀྑཝེ, མཧཱསཱཝཛྫཱནཱི’’ཏི [ཝཛྫཱནཱིཏི (སཱི. སྱཱ. ཀཾ.)].

༣༡༡. ‘‘ནཱཧཾ, བྷིཀྑཝེ, ཨཉྙཾ ཨེཀཔུགྒལམྤི སམནུཔསྶཱམི ཡོ ཨེཝཾ བཧུཛནཨཧིཏཱཡ པཊིཔནྣོ བཧུཛནཨསུཁཱཡ, བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ ཡཐཡིདཾ, བྷིཀྑཝེ, མཀྑལི མོགྷཔུརིསོ. སེཡྻཐཱཔི, བྷིཀྑཝེ, ནདཱིམུཁེ ཁིཔྤཾ [ཁིཔཾ (སཱི. སྱཱ. ཀཾ. པཱི.)] ཨུཌྜེཡྻ [ཨོཌྜེཡྻ (སཱི.), ཨུཛ྄ཛྷེཡྻ (ཀ.)] བཧཱུནཾ མཙྪཱནཾ ཨཧིཏཱཡ དུཀྑཱཡ ཨནཡཱཡ བྱསནཱཡ; ཨེཝམེཝཾ ཁོ, བྷིཀྑཝེ ¶ , མཀྑལི མོགྷཔུརིསོ མནུསྶཁིཔྤཾ ¶ མཉྙེ ལོཀེ ཨུཔྤནྣོ བཧཱུནཾ སཏྟཱནཾ ཨཧིཏཱཡ དུཀྑཱཡ ཨནཡཱཡ བྱསནཱཡཱ’’ཏི.

༣༡༢. ‘‘དུརཀྑཱཏེ ¶ , བྷིཀྑཝེ, དྷམྨཝིནཡེ ཡོ ཙ སམཱདཔེཏི [སམཱདཱཔེཏི (?)] ཡཉྩ སམཱདཔེཏི ཡོ ཙ སམཱདཔིཏོ ཏཐཏྟཱཡ པཊིཔཛྫཏི སབྦེ ཏེ བཧུཾ ཨཔུཉྙཾ པསཝནྟི. ཏཾ ཀིསྶ ཧེཏུ? དུརཀྑཱཏཏྟཱ, བྷིཀྑཝེ, དྷམྨསྶཱ’’ཏི.

༣༡༣. ‘‘སྭཱཀྑཱཏེ ¶ , བྷིཀྑཝེ, དྷམྨཝིནཡེ ཡོ ཙ སམཱདཔེཏི ཡཉྩ སམཱདཔེཏི ཡོ ཙ སམཱདཔིཏོ ཏཐཏྟཱཡ པཊིཔཛྫཏི སབྦེ ཏེ བཧུཾ པུཉྙཾ པསཝནྟི. ཏཾ ཀིསྶ ཧེཏུ? སྭཱཀྑཱཏཏྟཱ, བྷིཀྑཝེ, དྷམྨསྶཱ’’ཏི.

༣༡༤. ‘‘དུརཀྑཱཏེ, བྷིཀྑཝེ, དྷམྨཝིནཡེ དཱཡཀེན མཏྟཱ ཛཱནིཏབྦཱ, ནོ པཊིགྒཱཧཀེན. ཏཾ ཀིསྶ ཧེཏུ? དུརཀྑཱཏཏྟཱ, བྷིཀྑཝེ, དྷམྨསྶཱ’’ཏི.

༣༡༥. ‘‘སྭཱཀྑཱཏེ, བྷིཀྑཝེ, དྷམྨཝིནཡེ པཊིགྒཱཧཀེན མཏྟཱ ཛཱནིཏབྦཱ, ནོ དཱཡཀེན. ཏཾ ཀིསྶ ཧེཏུ? སྭཱཀྑཱཏཏྟཱ, བྷིཀྑཝེ, དྷམྨསྶཱ’’ཏི.

༣༡༦. ‘‘དུརཀྑཱཏེ, བྷིཀྑཝེ, དྷམྨཝིནཡེ ཡོ ཨཱརདྡྷཝཱིརིཡོ སོ དུཀྑཾ ཝིཧརཏི. ཏཾ ཀིསྶ ཧེཏུ? དུརཀྑཱཏཏྟཱ, བྷིཀྑཝེ, དྷམྨསྶཱ’’ཏི.

༣༡༧. ‘‘སྭཱཀྑཱཏེ, བྷིཀྑཝེ, དྷམྨཝིནཡེ ཡོ ཀུསཱིཏོ སོ དུཀྑཾ ཝིཧརཏི. ཏཾ ཀིསྶ ཧེཏུ? སྭཱཀྑཱཏཏྟཱ, བྷིཀྑཝེ, དྷམྨསྶཱ’’ཏི.

༣༡༨. ‘‘དུརཀྑཱཏེ, བྷིཀྑཝེ, དྷམྨཝིནཡེ ཡོ ཀུསཱིཏོ སོ སུཁཾ ཝིཧརཏི ¶ . ཏཾ ཀིསྶ ཧེཏུ? དུརཀྑཱཏཏྟཱ, བྷིཀྑཝེ, དྷམྨསྶཱ’’ཏི.

༣༡༩. ‘‘སྭཱཀྑཱཏེ, བྷིཀྑཝེ, དྷམྨཝིནཡེ ཡོ ཨཱརདྡྷཝཱིརིཡོ སོ སུཁཾ ཝིཧརཏི. ཏཾ ཀིསྶ ཧེཏུ? སྭཱཀྑཱཏཏྟཱ, བྷིཀྑཝེ, དྷམྨསྶཱ’’ཏི.

༣༢༠. ‘‘སེཡྻཐཱཔི ¶ , བྷིཀྑཝེ, ཨཔྤམཏྟཀོཔི གཱུཐོ དུགྒནྡྷོ ཧོཏི; ཨེཝམེཝཾ ཁོ ཨཧཾ, བྷིཀྑཝེ, ཨཔྤམཏྟཀམྤི བྷཝཾ ན ཝཎྞེམི, ཨནྟམསོ ཨཙྪརཱསངྒྷཱཏམཏྟམྤི’’.

༣༢༡. ‘‘སེཡྻཐཱཔི, བྷིཀྑཝེ, ཨཔྤམཏྟཀམྤི མུཏྟཾ དུགྒནྡྷཾ ཧོཏི… ཨཔྤམཏྟཀོཔི ཁེལོ༹ དུགྒནྡྷོ ཧོཏི… ཨཔྤམཏྟཀོཔི པུབྦོ དུགྒནྡྷོ ཧོཏི… ཨཔྤམཏྟཀམྤི ¶ ལོཧིཏཾ དུགྒནྡྷཾ ཧོཏི; ཨེཝམེཝཾ ཁོ ཨཧཾ, བྷིཀྑཝེ, ཨཔྤམཏྟཀམྤི བྷཝཾ ན ཝཎྞེམི, ཨནྟམསོ ཨཙྪརཱསངྒྷཱཏམཏྟམྤི’’.

༣༢༢. ‘‘སེཡྻཐཱཔི ¶ , བྷིཀྑཝེ, ཨཔྤམཏྟཀཾ ཨིམསྨིཾ ཛམྦུདཱིཔེ ཨཱརཱམརཱམཎེཡྻཀཾ ཝནརཱམཎེཡྻཀཾ བྷཱུམིརཱམཎེཡྻཀཾ པོཀྑརཎིརཱམཎེཡྻཀཾ; ཨཐ ཁོ ཨེཏདེཝ བཧུཏརཾ ཡདིདཾ ཨུཀྐཱུལཝིཀཱུལཾ ནདཱིཝིདུགྒཾ ཁཱཎུཀཎྚཀཊྛཱནཾ [ཁཱཎུཀཎྜཀདྷཱནཾ (སཱི. པཱི.)] པབྦཏཝིསམཾ; ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ ཐལཛཱ, ཨཐ ཁོ ཨེཏེཝ སཏྟཱ བཧུཏརཱ ཡེ ཨོདཀཱ’’.

༣༢༣. … ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ མནུསྶེསུ པཙྩཱཛཱཡནྟི; ཨཐ ཁོ ཨེཏེཝ སཏྟཱ བཧུཏརཱ ཡེ ཨཉྙཏྲ མནུསྶེཧི པཙྩཱཛཱཡནྟི.

… ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ མཛ྄ཛྷིམེསུ ཛནཔདེསུ པཙྩཱཛཱཡནྟི; ཨཐ ¶ ཁོ ཨེཏེཝ སཏྟཱ བཧུཏརཱ ཡེ པཙྩནྟིམེསུ ཛནཔདེསུ པཙྩཱཛཱཡནྟི ཨཝིཉྙཱཏཱརེསུ མིལཀྑེསུ [མིལཀྑཱུསུ (ཀ.)].

༣༢༤. … ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ པཉྙཝནྟོ ཨཛལཱ༹ ཨནེལ༹མཱུགཱ པཊིབལཱ སུབྷཱསིཏདུབྦྷཱསིཏསྶ ཨཏྠམཉྙཱཏུཾ; ཨཐ ཁོ ཨེཏེཝ སཏྟཱ བཧུཏརཱ ཡེ དུཔྤཉྙཱ ཛལཱ༹ ཨེལ༹མཱུགཱ ན པཊིབལཱ སུབྷཱསིཏདུབྦྷཱསིཏསྶ ཨཏྠམཉྙཱཏུཾ.

༣༢༥. … ཨེཝམེཝཾ ¶ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ ཨརིཡེན པཉྙཱཙཀྑུནཱ སམནྣཱགཏཱ; ཨཐ ཁོ ཨེཏེཝ སཏྟཱ བཧུཏརཱ ཡེ ཨཝིཛྫཱགཏཱ སམྨཱུལ༹ྷཱ.

༣༢༦. … ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ ལབྷནྟི ཏཐཱགཏཾ དསྶནཱཡ; ཨཐ ཁོ ཨེཏེཝ སཏྟཱ བཧུཏརཱ ཡེ ན ལབྷནྟི ཏཐཱགཏཾ དསྶནཱཡ.

༣༢༧. … ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ ལབྷནྟི ཏཐཱགཏཔྤཝེདིཏཾ དྷམྨཝིནཡཾ སཝནཱཡ; ཨཐ ཁོ ཨེཏེཝ ¶ སཏྟཱ བཧུཏརཱ ཡེ ན ལབྷནྟི ཏཐཱགཏཔྤཝེདིཏཾ དྷམྨཝིནཡཾ སཝནཱཡ.

༣༢༨. … ཨེཝམེཝཾ ¶ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ སུཏྭཱ དྷམྨཾ དྷཱརེནྟི; ཨཐ ཁོ ཨེཏེཝ སཏྟཱ བཧུཏརཱ ཡེ སུཏྭཱ དྷམྨཾ ན དྷཱརེནྟི.

༣༢༩. … ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ དྷཱཏཱནཾ [དྷཏཱནཾ (སཱི. སྱཱ. ཀཾ. པཱི.)] དྷམྨཱནཾ ཨཏྠཾ ཨུཔཔརིཀྑནྟི; ཨཐ ཁོ ཨེཏེཝ སཏྟཱ བཧུཏརཱ ཡེ དྷཱཏཱནཾ དྷམྨཱནཾ ཨཏྠཾ ན ཨུཔཔརིཀྑནྟི.

༣༣༠. … ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ ཨཏྠམཉྙཱཡ དྷམྨམཉྙཱཡ དྷམྨཱནུདྷམྨཾ པཊིཔཛྫནྟི; ཨཐ ཁོ ཨེཏེཝ སཏྟཱ བཧུཏརཱ ཡེ ཨཏྠམཉྙཱཡ དྷམྨམཉྙཱཡ དྷམྨཱནུདྷམྨཾ ན པཊིཔཛྫནྟི.

༣༣༡. … ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ སཾཝེཛནིཡེསུ ཋཱནེསུ སཾཝིཛྫནྟི; ཨཐ ཁོ ཨེཏེཝ སཏྟཱ ¶ བཧུཏརཱ ཡེ སཾཝེཛནིཡེསུ ཋཱནེསུ ན སཾཝིཛྫནྟི.

༣༣༢. … ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ སཾཝིགྒཱ ¶ ཡོནིསོ པདཧནྟི; ཨཐ ཁོ ཨེཏེཝ སཏྟཱ བཧུཏརཱ ཡེ སཾཝིགྒཱ ཡོནིསོ ན པདཧནྟི.

༣༣༣. … ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ ཝཝསྶགྒཱརམྨཎཾ ཀརིཏྭཱ ལབྷནྟི སམཱདྷིཾ [ཙིཏྟསྶ སམཱདྷིཾ (སཱི.)] ལབྷནྟི ཙིཏྟསྶེཀགྒཏཾ [ཙིཏྟསྶེཀགྒཾ (སཱི.)]; ཨཐ ཁོ ཨེཏེཝ སཏྟཱ བཧུཏརཱ ཡེ ཝཝསྶགྒཱརམྨཎཾ ཀརིཏྭཱ ན ལབྷནྟི སམཱདྷིཾ ན ལབྷནྟི ཙིཏྟསྶེཀགྒཏཾ.

༣༣༤. … ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ ཨནྣགྒརསགྒཱནཾ ལཱབྷིནོ; ཨཐ ཁོ ཨེཏེཝ སཏྟཱ བཧུཏརཱ ཡེ ཨནྣགྒརསགྒཱནཾ ན ལཱབྷིནོ, ཨུཉྪེན ཀཔཱལཱབྷཏེན ཡཱཔེནྟི.

༣༣༥. … ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ ཨཏྠརསསྶ དྷམྨརསསྶ ཝིམུཏྟིརསསྶ ལཱབྷིནོ; ཨཐ ཁོ ཨེཏེཝ སཏྟཱ བཧུཏརཱ ཡེ ཨཏྠརསསྶ དྷམྨརསསྶ ཝིམུཏྟིརསསྶ ན ལཱབྷིནོ. ཏསྨཱཏིཧ, བྷིཀྑཝེ ¶ , ཨེཝཾ སིཀྑིཏབྦཾ – ཨཏྠརསསྶ དྷམྨརསསྶ ཝིམུཏྟིརསསྶ ལཱབྷིནོ བྷཝིསྶཱམཱཏི. ཨེཝཉྷི ཝོ, བྷིཀྑཝེ, སིཀྑིཏབྦནྟི.

༣༣༦-༣༣༨. ‘‘སེཡྻཐཱཔི ¶ , བྷིཀྑཝེ, ཨཔྤམཏྟཀཾ ཨིམསྨིཾ ཛམྦུདཱིཔེ ཨཱརཱམརཱམཎེཡྻཀཾ ཝནརཱམཎེཡྻཀཾ བྷཱུམིརཱམཎེཡྻཀཾ པོཀྑརཎིརཱམཎེཡྻཀཾ; ཨཐ ཁོ ཨེཏདེཝ བཧུཏརཾ ཡདིདཾ ཨུཀྐཱུལཝིཀཱུལཾ ནདཱིཝིདུགྒཾ ཁཱཎུཀཎྚཀཊྛཱནཾ པབྦཏཝིསམཾ. ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ མནུསྶཱ ཙུཏཱ མནུསྶེསུ པཙྩཱཛཱཡནྟི, ཨཐ ཁོ ཨེཏེཝ སཏྟཱ བཧུཏརཱ ཡེ མནུསྶཱ ཙུཏཱ ནིརཡེ པཙྩཱཛཱཡནྟི…པེ… ཏིརཙྪཱནཡོནིཡཱ པཙྩཱཛཱཡནྟི…པེ… པེཏྟིཝིསཡེ པཙྩཱཛཱཡནྟི’’.

༣༣༩-༣༤༡. … ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ ¶ མནུསྶཱ ཙུཏཱ དེཝེསུ པཙྩཱཛཱཡནྟི; ཨཐ ཁོ ཨེཏེཝ སཏྟཱ བཧུཏརཱ ཡེ མནུསྶཱ ཙུཏཱ ནིརཡེ པཙྩཱཛཱཡནྟི… ཏིརཙྪཱནཡོནིཡཱ པཙྩཱཛཱཡནྟི… པེཏྟིཝིསཡེ པཙྩཱཛཱཡནྟི.

༣༤༢-༣༤༤. … ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ དེཝཱ ¶ ཙུཏཱ དེཝེསུ པཙྩཱཛཱཡནྟི; ཨཐ ཁོ ཨེཏེཝ སཏྟཱ བཧུཏརཱ ཡེ དེཝཱ ཙུཏཱ ནིརཡེ པཙྩཱཛཱཡནྟི… ཏིརཙྪཱནཡོནིཡཱ པཙྩཱཛཱཡནྟི… པེཏྟིཝིསཡེ པཙྩཱཛཱཡནྟི.

༣༤༥-༣༤༧. … ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ དེཝཱ ཙུཏཱ མནུསྶེསུ པཙྩཱཛཱཡནྟི; ཨཐ ཁོ ཨེཏེཝ སཏྟཱ བཧུཏརཱ ཡེ དེཝཱ ཙུཏཱ ནིརཡེ པཙྩཱཛཱཡནྟི… ཏིརཙྪཱནཡོནིཡཱ པཙྩཱཛཱཡནྟི… པེཏྟིཝིསཡེ པཙྩཱཛཱཡནྟི.

༣༤༨-༣༥༠. … ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ ནིརཡཱ ཙུཏཱ མནུསྶེསུ པཙྩཱཛཱཡནྟི; ཨཐ ཁོ ཨེཏེཝ སཏྟཱ བཧུཏརཱ ཡེ ནིརཡཱ ཙུཏཱ ནིརཡེ པཙྩཱཛཱཡནྟི… ཏིརཙྪཱནཡོནིཡཱ པཙྩཱཛཱཡནྟི… པེཏྟིཝིསཡེ པཙྩཱཛཱཡནྟི.

༣༥༡-༣༥༣. … ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ ནིརཡཱ ཙུཏཱ དེཝེསུ པཙྩཱཛཱཡནྟི; ཨཐ ཁོ ཨེཏེཝ སཏྟཱ བཧུཏརཱ ཡེ ནིརཡཱ ཙུཏཱ ནིརཡེ པཙྩཱཛཱཡནྟི… ཏིརཙྪཱནཡོནིཡཱ པཙྩཱཛཱཡནྟི… པེཏྟིཝིསཡེ པཙྩཱཛཱཡནྟི.

༣༥༤-༣༥༦. … ཨེཝམེཝཾ ¶ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ ཏིརཙྪཱནཡོནིཡཱ ཙུཏཱ མནུསྶེསུ པཙྩཱཛཱཡནྟི; ཨཐ ཁོ ཨེཏེཝ སཏྟཱ བཧུཏརཱ ཡེ ཏིརཙྪཱནཡོནིཡཱ ཙུཏཱ ནིརཡེ པཙྩཱཛཱཡནྟི… ཏིརཙྪཱནཡོནིཡཱ པཙྩཱཛཱཡནྟི… པེཏྟིཝིསཡེ པཙྩཱཛཱཡནྟི.

༣༥༧-༣༥༩. … ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ ཏིརཙྪཱནཡོནིཡཱ ཙུཏཱ དེཝེསུ པཙྩཱཛཱཡནྟི; ཨཐ ཁོ ཨེཏེཝ སཏྟཱ བཧུཏརཱ ཡེ ¶ ཏིརཙྪཱནཡོནིཡཱ ཙུཏཱ ནིརཡེ པཙྩཱཛཱཡནྟི… ཏིརཙྪཱནཡོནིཡཱ པཙྩཱཛཱཡནྟི… པེཏྟིཝིསཡེ པཙྩཱཛཱཡནྟི.

༣༦༠-༣༦༢. … ཨེཝམེཝཾ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ པེཏྟིཝིསཡཱ ཙུཏཱ མནུསྶེསུ པཙྩཱཛཱཡནྟི; ཨཐ ཁོ ཨེཏེཝ སཏྟཱ བཧུཏརཱ ཡེ པེཏྟིཝིསཡཱ ཙུཏཱ ནིརཡེ པཙྩཱཛཱཡནྟི… ཏིརཙྪཱནཡོནིཡཱ པཙྩཱཛཱཡནྟི… པེཏྟིཝིསཡེ པཙྩཱཛཱཡནྟི.

༣༦༣-༣༦༥. … ཨེཝམེཝཾ ¶ ཁོ, བྷིཀྑཝེ, ཨཔྤཀཱ ཏེ སཏྟཱ ཡེ པེཏྟིཝིསཡཱ ཙུཏཱ དེཝེསུ པཙྩཱཛཱཡནྟི ¶ ; ཨཐ ཁོ ཨེཏེཝ སཏྟཱ བཧུཏརཱ ཡེ པེཏྟིཝིསཡཱ ཙུཏཱ ནིརཡེ པཙྩཱཛཱཡནྟི… ཏིརཙྪཱནཡོནིཡཱ པཙྩཱཛཱཡནྟི… པེཏྟིཝིསཡེ པཙྩཱཛཱཡནྟི.

༣༦༦-༣༨༡. ‘‘ཨདྡྷམིདཾ ¶ , བྷིཀྑཝེ, ལཱབྷཱནཾ ཡདིདཾ ཨཱརཉྙིཀཏྟཾ [ཨརཉྙཀཏྟཾ (སབྦཏྠ)] …པེ… པིཎྜཔཱཏིཀཏྟཾ… པཾསུཀཱུལིཀཏྟཾ… ཏེཙཱིཝརིཀཏྟཾ… དྷམྨཀཐིཀཏྟཾ… ཝིནཡདྷརཏྟཾ [ཝིནཡདྷརཀཏྟཾ (སྱཱ. ཀཾ. པཱི. ཀ.)] … བཱཧུསཙྩཾ… ཐཱཝརེཡྻཾ… ཨཱཀཔྤསམྤདཱ… པརིཝཱརསམྤདཱ… མཧཱཔརིཝཱརཏཱ… ཀོལཔུཏྟི… ཝཎྞཔོཀྑརཏཱ… ཀལྱཱཎཝཱཀྐརཎཏཱ… ཨཔྤིཙྪཏཱ… ཨཔྤཱབཱདྷཏཱ’’ཏི.

༣༨༢. ‘‘ཨཙྪརཱསངྒྷཱཏམཏྟམྤི ¶ ¶ ཙེ, བྷིཀྑཝེ, བྷིཀྑུ པཋམཾ ཛྷཱནཾ བྷཱཝེཏི, ཨཡཾ ཝུཙྩཏི, བྷིཀྑཝེ – ‘བྷིཀྑུ ཨརིཏྟཛ྄ཛྷཱནོ ཝིཧརཏི, སཏྠུསཱསནཀརོ ཨོཝཱདཔཏིཀརོ, ཨམོགྷཾ རཊྛཔིཎྜཾ བྷུཉྫཏི’. ཀོ པན ཝཱདོ ཡེ ནཾ བཧུལཱིཀརོནྟཱི’’ཏི!

༣༨༣-༣༨༩. ‘‘ཨཙྪརཱསངྒྷཱཏམཏྟམྤི ཙེ, བྷིཀྑཝེ, བྷིཀྑུ དུཏིཡཾ ཛྷཱནཾ བྷཱཝེཏི…པེ… ¶ ཏཏིཡཾ ཛྷཱནཾ བྷཱཝེཏི…པེ… ཙཏུཏྠཾ ཛྷཱནཾ བྷཱཝེཏི…པེ… མེཏྟཾ ཙེཏོཝིམུཏྟིཾ བྷཱཝེཏི…པེ… ཀརུཎཾ ཙེཏོཝིམུཏྟིཾ བྷཱཝེཏི…པེ… མུདིཏཾ ¶ ཙེཏོཝིམུཏྟིཾ བྷཱཝེཏི…པེ… ཨུཔེཀྑཾ ཙེཏོཝིམུཏྟིཾ བྷཱཝེཏི…པེ….

༣༩༠-༣༩༣. ཀཱཡེ ཀཱཡཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱདོམནསྶཾ; ཝེདནཱསུ ཝེདནཱནུཔསྶཱི ཝིཧརཏི…པེ… ཙིཏྟེ ཙིཏྟཱནུཔསྶཱི ཝིཧརཏི…པེ… དྷམྨེསུ དྷམྨཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱདོམནསྶཾ.

༣༩༤-༣༩༧. ཨནུཔྤནྣཱནཾ པཱཔཀཱནཾ ཨཀུསལཱནཾ དྷམྨཱནཾ ཨནུཔྤཱདཱཡ ཚནྡཾ ཛནེཏི ཝཱཡམཏི ཝཱིརིཡཾ [ཝིརིཡཾ (སཱི. སྱཱ. ཀཾ. པཱི.)] ཨཱརབྷཏི ཙིཏྟཾ པགྒཎྷཱཏི པདཧཏི; ཨུཔྤནྣཱནཾ པཱཔཀཱནཾ ཨཀུསལཱནཾ དྷམྨཱནཾ པཧཱནཱཡ ཚནྡཾ ཛནེཏི ཝཱཡམཏི ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི. ཨནུཔྤནྣཱནཾ ཀུསལཱནཾ དྷམྨཱནཾ ཨུཔྤཱདཱཡ ཚནྡཾ ཛནེཏི ཝཱཡམཏི ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི; ཨུཔྤནྣཱནཾ ཀུསལཱནཾ དྷམྨཱནཾ ཋིཏིཡཱ ཨསམྨོསཱཡ བྷིཡྻོབྷཱཝཱཡ ཝེཔུལླཱཡ བྷཱཝནཱཡ པཱརིཔཱུརིཡཱ ཚནྡཾ ཛནེཏི ཝཱཡམཏི ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི.

༣༩༨-༤༠༡. ཚནྡསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི… ཝཱིརིཡསམཱདྷིཔདྷཱནསངྑཱརསམནྣཱགཏཾ ¶ ཨིདྡྷིཔཱདཾ བྷཱཝེཏི… ཙིཏྟསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི… ཝཱིམཾསཱསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི….

༤༠༢-༤༠༦. སདྡྷིནྡྲིཡཾ བྷཱཝེཏི… ཝཱིརིཡིནྡྲིཡཾ བྷཱཝེཏི… སཏིནྡྲིཡཾ བྷཱཝེཏི… སམཱདྷིནྡྲིཡཾ བྷཱཝེཏི… པཉྙིནྡྲིཡཾ བྷཱཝེཏི….

༤༠༧-༤༡༡. སདྡྷཱབལཾ ¶ བྷཱཝེཏི… ཝཱིརིཡབལཾ བྷཱཝེཏི… སཏིབལཾ ¶ བྷཱཝེཏི… སམཱདྷིབལཾ བྷཱཝེཏི… པཉྙཱབལཾ བྷཱཝེཏི….

༤༡༢-༤༡༨. སཏིསམྦོཛ྄ཛྷངྒཾ བྷཱཝེཏི… དྷམྨཝིཙཡསམྦོཛ྄ཛྷངྒཾ བྷཱཝེཏི… ཝཱིརིཡསམྦོཛ྄ཛྷངྒཾ ¶ བྷཱཝེཏི… པཱིཏིསམྦོཛ྄ཛྷངྒཾ བྷཱཝེཏི… པསྶདྡྷིསམྦོཛ྄ཛྷངྒཾ བྷཱཝེཏི… སམཱདྷིསམྦོཛ྄ཛྷངྒཾ བྷཱཝེཏི… ཨུཔེཀྑཱསམྦོཛ྄ཛྷངྒཾ བྷཱཝེཏི….

༤༡༩-༤༢༦. སམྨཱདིཊྛིཾ བྷཱཝེཏི… སམྨཱསངྐཔྤཾ བྷཱཝེཏི… སམྨཱཝཱཙཾ བྷཱཝེཏི… སམྨཱཀམྨནྟཾ བྷཱཝེཏི… སམྨཱཨཱཛཱིཝཾ བྷཱཝེཏི… སམྨཱཝཱཡཱམཾ བྷཱཝེཏི… སམྨཱསཏིཾ བྷཱཝེཏི… སམྨཱསམཱདྷིཾ བྷཱཝེཏི….

༤༢༧-༤༣༤. [དཱི. ནི. ༢.༡༧༣; མ. ནི. ༢.༢༤༩; ཨ. ནི. ༨.༦༥] ཨཛ྄ཛྷཏྟཾ རཱུཔསཉྙཱི བཧིདྡྷཱ རཱུཔཱནི པསྶཏི པརིཏྟཱནི སུཝཎྞདུབྦཎྞཱནི. ‘ཏཱནི ཨབྷིབྷུཡྻ ཛཱནཱམི པསྶཱམཱི’ཏི – ཨེཝཾསཉྙཱི ཧོཏི… ཨཛ྄ཛྷཏྟཾ རཱུཔསཉྙཱི བཧིདྡྷཱ རཱུཔཱནི པསྶཏི ཨཔྤམཱཎཱནི སུཝཎྞདུབྦཎྞཱནི. ‘ཏཱནི ཨབྷིབྷུཡྻ ཛཱནཱམི པསྶཱམཱི’ཏི – ཨེཝཾསཉྙཱི ཧོཏི… ཨཛ྄ཛྷཏྟཾ ཨརཱུཔསཉྙཱི བཧིདྡྷཱ རཱུཔཱནི པསྶཏི པརིཏྟཱནི སུཝཎྞདུབྦཎྞཱནི. ‘ཏཱནི ཨབྷིབྷུཡྻ ཛཱནཱམི པསྶཱམཱི’ཏི – ཨེཝཾསཉྙཱི ཧོཏི… ཨཛ྄ཛྷཏྟཾ ཨརཱུཔསཉྙཱི བཧིདྡྷཱ རཱུཔཱནི པསྶཏི ཨཔྤམཱཎཱནི སུཝཎྞདུབྦཎྞཱནི. ‘ཏཱནི ཨབྷིབྷུཡྻ ཛཱནཱམི པསྶཱམཱི’ཏི – ཨེཝཾསཉྙཱི ཧོཏི… ཨཛ྄ཛྷཏྟཾ ¶ ཨརཱུཔསཉྙཱི བཧིདྡྷཱ རཱུཔཱནི པསྶཏི ནཱིལཱནི ནཱིལཝཎྞཱནི ནཱིལནིདསྶནཱནི ནཱིལནིབྷཱསཱནི. ‘ཏཱནི ཨབྷིབྷུཡྻ ཛཱནཱམི པསྶཱམཱི’ཏི – ཨེཝཾསཉྙཱི ཧོཏི… ཨཛ྄ཛྷཏྟཾ ཨརཱུཔསཉྙཱི བཧིདྡྷཱ རཱུཔཱནི པསྶཏི པཱིཏཱནི པཱིཏཝཎྞཱནི པཱིཏནིདསྶནཱནི པཱིཏནིབྷཱསཱནི. ‘ཏཱནི ཨབྷིབྷུཡྻ ཛཱནཱམི པསྶཱམཱི’ཏི – ཨེཝཾསཉྙཱི ཧོཏི… ཨཛ྄ཛྷཏྟཾ ཨརཱུཔསཉྙཱི བཧིདྡྷཱ རཱུཔཱནི པསྶཏི ལོཧིཏཀཱནི ལོཧིཏཀཝཎྞཱནི ¶ ལོཧིཏཀནིདསྶནཱནི ལོཧིཏཀནིབྷཱསཱནི. ‘ཏཱནི ཨབྷིབྷུཡྻ ཛཱནཱམི པསྶཱམཱི’ཏི ཨེཝཾསཉྙཱི ཧོཏི… ཨཛ྄ཛྷཏྟཾ ཨརཱུཔསཉྙཱི བཧིདྡྷཱ རཱུཔཱནི པསྶཏི ཨོདཱཏཱནི ཨོདཱཏཝཎྞཱནི ཨོདཱཏནིདསྶནཱནི ཨོདཱཏནིབྷཱསཱནི. ‘ཏཱནི ཨབྷིབྷུཡྻ ཛཱནཱམི པསྶཱམཱི’ཏི – ཨེཝཾསཉྙཱི ཧོཏི….

༤༣༥-༤༤༢. རཱུཔཱི རཱུཔཱནི པསྶཏི… ཨཛ྄ཛྷཏྟཾ ¶ ཨརཱུཔསཉྙཱི བཧིདྡྷཱ རཱུཔཱནི པསྶཏི སུབྷནྟེཝ ཨདྷིམུཏྟོ ཧོཏི… སབྦསོ རཱུཔསཉྙཱནཾ སམཏིཀྐམཱ པཊིགྷསཉྙཱནཾ ཨཏྠངྒམཱ ནཱནཏྟསཉྙཱནཾ ཨམནསིཀཱརཱ ཨནནྟོ ¶ ཨཱཀཱསོཏི ཨཱཀཱསཱནཉྩཱཡཏནཾ ཨུཔསམྤཛྫ ཝིཧརཏི… སབྦསོ ཨཱཀཱསཱནཉྩཱཡཏནཾ སམཏིཀྐམྨ ཨནནྟཾ ཝིཉྙཱཎནྟི ཝིཉྙཱཎཉྩཱཡཏནཾ ཨུཔསམྤཛྫ ཝིཧརཏི… སབྦསོ ཝིཉྙཱཎཉྩཱཡཏནཾ སམཏིཀྐམྨ ནཏྠི ཀིཉྩཱིཏི ཨཱཀིཉྩཉྙཱཡཏནཾ ¶ ཨུཔསམྤཛྫ ཝིཧརཏི… སབྦསོ ཨཱཀིཉྩཉྙཱཡཏནཾ སམཏིཀྐམྨ ནེཝསཉྙཱནཱསཉྙཱཡཏནཾ ཨུཔསམྤཛྫ ཝིཧརཏི… སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི….

༤༤༣-༤༥༢. པཐཝཱིཀསིཎཾ བྷཱཝེཏི… ཨཱཔོཀསིཎཾ བྷཱཝེཏི… ཏེཛོཀསིཎཾ བྷཱཝེཏི… ཝཱཡོཀསིཎཾ བྷཱཝེཏི… ནཱིལཀསིཎཾ བྷཱཝེཏི… པཱིཏཀསིཎཾ བྷཱཝེཏི… ལོཧིཏཀསིཎཾ བྷཱཝེཏི… ཨོདཱཏཀསིཎཾ བྷཱཝེཏི… ཨཱཀཱསཀསིཎཾ བྷཱཝེཏི… ཝིཉྙཱཎཀསིཎཾ བྷཱཝེཏི….

༤༥༣-༤༦༢. ཨསུབྷསཉྙཾ བྷཱཝེཏི… མརཎསཉྙཾ བྷཱཝེཏི… ཨཱཧཱརེ པཊིཀཱུལསཉྙཾ བྷཱཝེཏི… སབྦལོཀེ ཨནབྷིརཏིསཉྙཾ [ཨནབྷིརཏསཉྙཾ (སཱི. སྱཱ. ཀཾ. པཱི.)] བྷཱཝེཏི… ཨནིཙྩསཉྙཾ བྷཱཝེཏི… ཨནིཙྩེ དུཀྑསཉྙཾ བྷཱཝེཏི… དུཀྑེ ཨནཏྟསཉྙཾ བྷཱཝེཏི… པཧཱནསཉྙཾ བྷཱཝེཏི… ཝིརཱགསཉྙཾ བྷཱཝེཏི… ནིརོདྷསཉྙཾ བྷཱཝེཏི….

༤༦༣-༤༧༢. ཨནིཙྩསཉྙཾ བྷཱཝེཏི… ཨནཏྟསཉྙཾ བྷཱཝེཏི… མརཎསཉྙཾ ¶ བྷཱཝེཏི… ཨཱཧཱརེ པཊིཀཱུལསཉྙཾ བྷཱཝེཏི… སབྦལོཀེ ཨནབྷིརཏིསཉྙཾ བྷཱཝེཏི… ཨཊྛིཀསཉྙཾ བྷཱཝེཏི… པུལ༹ཝཀསཉྙཾ [པུལུ༹ཝཀསཉྙཾ (ཀ.)] བྷཱཝེཏི… ཝིནཱིལཀསཉྙཾ བྷཱཝེཏི… ཝིཙྪིདྡཀསཉྙཾ བྷཱཝེཏི… ཨུདྡྷུམཱཏཀསཉྙཾ བྷཱཝེཏི….

༤༧༣-༤༨༢. བུདྡྷཱནུསྶཏིཾ ¶ བྷཱཝེཏི… དྷམྨཱནུསྶཏིཾ བྷཱཝེཏི… སངྒྷཱནུསྶཏིཾ བྷཱཝེཏི… སཱིལཱནུསྶཏིཾ བྷཱཝེཏི… ཙཱགཱནུསྶཏིཾ བྷཱཝེཏི… དེཝཏཱནུསྶཏིཾ ¶ བྷཱཝེཏི… ཨཱནཱཔཱནསྶཏིཾ བྷཱཝེཏི… མརཎསྶཏིཾ བྷཱཝེཏི… ཀཱཡགཏཱསཏིཾ བྷཱཝེཏི… ཨུཔསམཱནུསྶཏིཾ བྷཱཝེཏི….

༤༨༣-༤༩༢. པཋམཛ྄ཛྷཱནསཧགཏཾ ¶ སདྡྷིནྡྲིཡཾ བྷཱཝེཏི… ཝཱིརིཡིནྡྲིཡཾ བྷཱཝེཏི… སཏིནྡྲིཡཾ བྷཱཝེཏི… སམཱདྷིནྡྲིཡཾ བྷཱཝེཏི… པཉྙིནྡྲིཡཾ བྷཱཝེཏི… སདྡྷཱབལཾ བྷཱཝེཏི… ཝཱིརིཡབལཾ བྷཱཝེཏི… སཏིབལཾ བྷཱཝེཏི… སམཱདྷིབལཾ བྷཱཝེཏི… པཉྙཱབལཾ བྷཱཝེཏི….

༤༩༣-༥༦༢. ‘‘དུཏིཡཛ྄ཛྷཱནསཧགཏཾ…པེ… ཏཏིཡཛ྄ཛྷཱནསཧགཏཾ…པེ… ཙཏུཏྠཛ྄ཛྷཱནསཧགཏཾ…པེ… མེཏྟཱསཧགཏཾ…པེ… ཀརུཎཱསཧགཏཾ…པེ… མུདིཏཱསཧགཏཾ…པེ… ཨུཔེཀྑཱསཧགཏཾ སདྡྷིནྡྲིཡཾ བྷཱཝེཏི… ཝཱིརིཡིནྡྲིཡཾ བྷཱཝེཏི… སཏིནྡྲིཡཾ ¶ བྷཱཝེཏི… སམཱདྷིནྡྲིཡཾ བྷཱཝེཏི… པཉྙིནྡྲིཡཾ བྷཱཝེཏི… སདྡྷཱབལཾ བྷཱཝེཏི… ཝཱིརིཡབལཾ བྷཱཝེཏི… སཏིབལཾ བྷཱཝེཏི… སམཱདྷིབལཾ བྷཱཝེཏི… པཉྙཱབལཾ བྷཱཝེཏི. ཨཡཾ ཝུཙྩཏི, བྷིཀྑཝེ – ‘བྷིཀྑུ ཨརིཏྟཛ྄ཛྷཱནོ ཝིཧརཏི སཏྠུསཱསནཀརོ ཨོཝཱདཔཏིཀརོ, ཨམོགྷཾ རཊྛཔིཎྜཾ བྷུཉྫཏི’. ཀོ པན ཝཱདོ ཡེ ནཾ བཧུལཱིཀརོནྟཱི’’ཏི!

༥༦༣. ‘‘ཡསྶ ¶ ཀསྶཙི, བྷིཀྑཝེ, མཧཱསམུདྡོ ཙེཏསཱ ཕུཊོ ཨནྟོགདྷཱ ཏསྶ ཀུནྣདིཡོ ཡཱ ཀཱཙི སམུདྡངྒམཱ; ཨེཝམེཝཾ, བྷིཀྑཝེ, ཡསྶ ཀསྶཙི ཀཱཡགཏཱ སཏི བྷཱཝིཏཱ བཧུལཱིཀཏཱ ཨནྟོགདྷཱ ཏསྶ ཀུསལཱ དྷམྨཱ ཡེ ཀེཙི ཝིཛྫཱབྷཱགིཡཱ’’ཏི.

༥༦༤-༥༧༠. ‘‘ཨེཀདྷམྨོ, བྷིཀྑཝེ, བྷཱཝིཏོ བཧུལཱིཀཏོ མཧཏོ སཾཝེགཱཡ སཾཝཏྟཏི… མཧཏོ ཨཏྠཱཡ སཾཝཏྟཏི… མཧཏོ ཡོགཀྑེམཱཡ སཾཝཏྟཏི… སཏིསམྤཛཉྙཱཡ ¶ སཾཝཏྟཏི… ཉཱཎདསྶནཔྤཊིལཱབྷཱཡ སཾཝཏྟཏི… དིཊྛདྷམྨསུཁཝིཧཱརཱཡ སཾཝཏྟཏི… ཝིཛྫཱཝིམུཏྟིཕལསཙྪིཀིརིཡཱཡ སཾཝཏྟཏི. ཀཏམོ ཨེཀདྷམྨོ? ཀཱཡགཏཱ སཏི. ཨཡཾ ཁོ, བྷིཀྑཝེ, ཨེཀདྷམྨོ བྷཱཝིཏོ བཧུལཱིཀཏོ མཧཏོ སཾཝེགཱཡ སཾཝཏྟཏི… མཧཏོ ཨཏྠཱཡ སཾཝཏྟཏི… མཧཏོ ཡོགཀྑེམཱཡ སཾཝཏྟཏི… སཏིསམྤཛཉྙཱཡ སཾཝཏྟཏི… ཉཱཎདསྶནཔྤཊིལཱབྷཱཡ སཾཝཏྟཏི… དིཊྛདྷམྨསུཁཝིཧཱརཱཡ སཾཝཏྟཏི… ཝིཛྫཱཝིམུཏྟིཕལསཙྪིཀིརིཡཱཡ སཾཝཏྟཏཱི’’ཏི.

༥༧༡. ‘‘ཨེཀདྷམྨེ ¶ , བྷིཀྑཝེ, བྷཱཝིཏེ བཧུལཱིཀཏེ ཀཱཡོཔི པསྶམྦྷཏི, ཙིཏྟམྤི པསྶམྦྷཏི, ཝིཏཀྐཝིཙཱརཱཔི ཝཱུཔསམྨནྟི, ཀེཝལཱཔི ཝིཛྫཱབྷཱགིཡཱ དྷམྨཱ བྷཱཝནཱཔཱརིཔཱུརིཾ གཙྪནྟི. ཀཏམསྨིཾ ཨེཀདྷམྨེ? ཀཱཡགཏཱཡ སཏིཡཱ. ཨིམསྨིཾ ¶ ཁོ, བྷིཀྑཝེ, ཨེཀདྷམྨེ བྷཱཝིཏེ བཧུལཱིཀཏེ ཀཱཡོཔི པསྶམྦྷཏི, ཙིཏྟམྤི པསྶམྦྷཏི, ཝིཏཀྐཝིཙཱརཱཔི ཝཱུཔསམྨནྟི, ཀེཝལཱཔི ཝིཛྫཱབྷཱགིཡཱ དྷམྨཱ བྷཱཝནཱཔཱརིཔཱུརིཾ གཙྪནྟཱི’’ཏི.

༥༧༢. ‘‘ཨེཀདྷམྨེ, བྷིཀྑཝེ, བྷཱཝིཏེ བཧུལཱིཀཏེ ཨནུཔྤནྣཱ ཙེཝ ཨཀུསལཱ དྷམྨཱ ནུཔྤཛྫནྟི, ཨུཔྤནྣཱ ཙ ཨཀུསལཱ དྷམྨཱ པཧཱིཡནྟི. ཀཏམསྨིཾ ཨེཀདྷམྨེ? ཀཱཡགཏཱཡ སཏིཡཱ. ཨིམསྨིཾ ཁོ, བྷིཀྑཝེ, ཨེཀདྷམྨེ བྷཱཝིཏེ བཧུལཱིཀཏེ ཨནུཔྤནྣཱ ཙེཝ ཨཀུསལཱ དྷམྨཱ ནུཔྤཛྫནྟི, ཨུཔྤནྣཱ ཙ ཨཀུསལཱ དྷམྨཱ པཧཱིཡནྟཱི’’ཏི.

༥༧༣. ‘‘ཨེཀདྷམྨེ ¶ , བྷིཀྑཝེ, བྷཱཝིཏེ བཧུལཱིཀཏེ ཨནུཔྤནྣཱ ཙེཝ ཀུསལཱ དྷམྨཱ ཨུཔྤཛྫནྟི, ཨུཔྤནྣཱ ཙ ཀུསལཱ དྷམྨཱ བྷིཡྻོབྷཱཝཱཡ ཝེཔུལླཱཡ ¶ སཾཝཏྟནྟི. ཀཏམསྨིཾ ཨེཀདྷམྨེ? ཀཱཡགཏཱཡ སཏིཡཱ. ཨིམསྨིཾ ཁོ, བྷིཀྑཝེ, ཨེཀདྷམྨེ བྷཱཝིཏེ བཧུལཱིཀཏེ ཨནུཔྤནྣཱ ཙེཝ ཀུསལཱ དྷམྨཱ ཨུཔྤཛྫནྟི, ཨུཔྤནྣཱ ཙ ཀུསལཱ དྷམྨཱ བྷིཡྻོབྷཱཝཱཡ ཝེཔུལླཱཡ སཾཝཏྟནྟཱི’’ཏི.

༥༧༤. ‘‘ཨེཀདྷམྨེ, བྷིཀྑཝེ, བྷཱཝིཏེ བཧུལཱིཀཏེ ཨཝིཛྫཱ པཧཱིཡཏི, ཝིཛྫཱ ཨུཔྤཛྫཏི, ཨསྨིམཱནོ པཧཱིཡཏི, ཨནུསཡཱ སམུགྒྷཱཏཾ གཙྪནྟི, སཾཡོཛནཱ པཧཱིཡནྟི. ཀཏམསྨིཾ ཨེཀདྷམྨེ? ཀཱཡགཏཱཡ སཏིཡཱ. ཨིམསྨིཾ ཁོ, བྷིཀྑཝེ, ཨེཀདྷམྨེ བྷཱཝིཏེ བཧུལཱིཀཏེ ཨཝིཛྫཱ པཧཱིཡཏི, ཝིཛྫཱ ཨུཔྤཛྫཏི, ཨསྨིམཱནོ པཧཱིཡཏི, ཨནུསཡཱ སམུགྒྷཱཏཾ གཙྪནྟི, སཾཡོཛནཱ པཧཱིཡནྟཱི’’ཏི.

༥༧༥-༥༧༦. ‘‘ཨེཀདྷམྨོ, བྷིཀྑཝེ, བྷཱཝིཏོ བཧུལཱིཀཏོ པཉྙཱཔབྷེདཱཡ སཾཝཏྟཏི… ཨནུཔཱདཱཔརིནིབྦཱནཱཡ སཾཝཏྟཏི. ཀཏམོ ཨེཀདྷམྨོ? ཀཱཡགཏཱ སཏི. ཨཡཾ ཁོ, བྷིཀྑཝེ, ཨེཀདྷམྨོ བྷཱཝིཏོ བཧུལཱིཀཏོ པཉྙཱཔབྷེདཱཡ སཾཝཏྟཏི… ཨནུཔཱདཱཔརིནིབྦཱནཱཡ སཾཝཏྟཏཱི’’ཏི.

༥༧༧-༥༧༩. ‘‘ཨེཀདྷམྨེ ¶ , བྷིཀྑཝེ, བྷཱཝིཏེ བཧུལཱིཀཏེ ཨནེཀདྷཱཏུཔཊིཝེདྷོ ཧོཏི… ནཱནཱདྷཱཏུཔཊིཝེདྷོ ཧོཏི… ཨནེཀདྷཱཏུཔཊིསམྦྷིདཱ ཧོཏི. ཀཏམསྨིཾ ཨེཀདྷམྨེ? ཀཱཡགཏཱཡ སཏིཡཱ. ཨིམསྨིཾ ཁོ, བྷིཀྑཝེ, ཨེཀདྷམྨེ བྷཱཝིཏེ བཧུལཱིཀཏེ ཨནེཀདྷཱཏུཔཊིཝེདྷོ ཧོཏི… ནཱནཱདྷཱཏུཔཊིཝེདྷོ ཧོཏི… ཨནེཀདྷཱཏུཔཊིསམྦྷིདཱ ཧོཏཱི’’ཏི.

༥༨༠-༥༨༣. ‘‘ཨེཀདྷམྨོ, བྷིཀྑཝེ, བྷཱཝིཏོ བཧུལཱིཀཏོ སོཏཱཔཏྟིཕལསཙྪིཀིརིཡཱཡ ¶ སཾཝཏྟཏི… སཀདཱགཱམིཕལསཙྪིཀིརིཡཱཡ སཾཝཏྟཏི… ཨནཱགཱམིཕལསཙྪིཀིརིཡཱཡ སཾཝཏྟཏི… ཨརཧཏྟཕལསཙྪིཀིརིཡཱཡ ¶ སཾཝཏྟཏི. ཀཏམོ ཨེཀདྷམྨོ? ཀཱཡགཏཱ སཏི. ཨཡཾ ཁོ, བྷིཀྑཝེ, ཨེཀདྷམྨོ བྷཱཝིཏོ བཧུལཱིཀཏོ སོཏཱཔཏྟིཕལསཙྪིཀིརིཡཱཡ སཾཝཏྟཏི… སཀདཱགཱམིཕལསཙྪིཀིརིཡཱཡ སཾཝཏྟཏི… ཨནཱགཱམིཕལསཙྪིཀིརིཡཱཡ སཾཝཏྟཏི… ཨརཧཏྟཕལསཙྪིཀིརིཡཱཡ སཾཝཏྟཏཱི’’ཏི.

༥༨༤-༥༩༩. ‘‘ཨེཀདྷམྨོ ¶ , བྷིཀྑཝེ, བྷཱཝིཏོ བཧུལཱིཀཏོ པཉྙཱཔཊིལཱབྷཱཡ སཾཝཏྟཏི… པཉྙཱཝུདྡྷིཡཱ སཾཝཏྟཏི… པཉྙཱཝེཔུལླཱཡ སཾཝཏྟཏི… མཧཱཔཉྙཏཱཡ སཾཝཏྟཏི… པུཐུཔཉྙཏཱཡ སཾཝཏྟཏི… ཝིཔུལཔཉྙཏཱཡ སཾཝཏྟཏི… གམྦྷཱིརཔཉྙཏཱཡ སཾཝཏྟཏི… ཨསཱམནྟཔཉྙཏཱཡ [ཨསམཏྠཔཉྙཏཱཡ (སྱཱ. ཀཾ.), ཨསམཏྟཔཉྙཏཱཡ (ཀ.), ཨསམནྟཔཉྙཏཱཡ (ཊཱིཀཱ) པཊི. མ. ཨཊྛ. ༢.༣.༡ པསྶིཏབྦཾ] སཾཝཏྟཏི… བྷཱུརིཔཉྙཏཱཡ སཾཝཏྟཏི… པཉྙཱབཱཧུལླཱཡ སཾཝཏྟཏི… སཱིགྷཔཉྙཏཱཡ སཾཝཏྟཏི… ལཧུཔཉྙཏཱཡ སཾཝཏྟཏི… ཧཱསཔཉྙཏཱཡ [ཧཱསུཔཉྙཏཱཡ (སཱི. པཱི.)] སཾཝཏྟཏི… ཛཝནཔཉྙཏཱཡ སཾཝཏྟཏི… ཏིཀྑཔཉྙཏཱཡ སཾཝཏྟཏི… ནིབྦེདྷིཀཔཉྙཏཱཡ སཾཝཏྟཏི. ཀཏམོ ཨེཀདྷམྨོ? ཀཱཡགཏཱ སཏི. ཨཡཾ ཁོ, བྷིཀྑཝེ, ཨེཀདྷམྨོ བྷཱཝིཏོ བཧུལཱིཀཏོ པཉྙཱཔཊིལཱབྷཱཡ སཾཝཏྟཏི… པཉྙཱཝུདྡྷིཡཱ སཾཝཏྟཏི… པཉྙཱཝེཔུལླཱཡ སཾཝཏྟཏི… མཧཱཔཉྙཏཱཡ སཾཝཏྟཏི… པུཐུཔཉྙཏཱཡ སཾཝཏྟཏི… ཝིཔུལཔཉྙཏཱཡ སཾཝཏྟཏི… གམྦྷཱིརཔཉྙཏཱཡ སཾཝཏྟཏི… ཨསཱམནྟཔཉྙཏཱཡ སཾཝཏྟཏི… བྷཱུརིཔཉྙཏཱཡ སཾཝཏྟཏི… པཉྙཱབཱཧུལླཱཡ སཾཝཏྟཏི… སཱིགྷཔཉྙཏཱཡ སཾཝཏྟཏི… ལཧུཔཉྙཏཱཡ སཾཝཏྟཏི… ཧཱསཔཉྙཏཱཡ སཾཝཏྟཏི… ཛཝནཔཉྙཏཱཡ སཾཝཏྟཏི… ཏིཀྑཔཉྙཏཱཡ སཾཝཏྟཏི… ནིབྦེདྷིཀཔཉྙཏཱཡ སཾཝཏྟཏཱི’’ཏི.

ཀཱཡགཏཱསཏིཝགྒོ ཨེཀཱུནཝཱིསཏིམོ.

༦༠༠. ‘‘ཨམཏཾ ¶ ¶ ¶ ཏེ, བྷིཀྑཝེ, ན པརིབྷུཉྫནྟི ཡེ ཀཱཡགཏཱསཏིཾ ན པརིབྷུཉྫནྟི. ཨམཏཾ ཏེ, བྷིཀྑཝེ, པརིབྷུཉྫནྟི ཡེ ཀཱཡགཏཱསཏིཾ པརིབྷུཉྫནྟཱི’’ཏི.

༦༠༡. ‘‘ཨམཏཾ ཏེསཾ, བྷིཀྑཝེ, ཨཔརིབྷུཏྟཾ ཡེསཾ ཀཱཡགཏཱསཏི ཨཔརིབྷུཏྟཱ. ཨམཏཾ ཏེསཾ, བྷིཀྑཝེ, པརིབྷུཏྟཾ ཡེསཾ ཀཱཡགཏཱསཏི པརིབྷུཏྟཱ’’ཏི.

༦༠༢. ‘‘ཨམཏཾ ཏེསཾ, བྷིཀྑཝེ, པརིཧཱིནཾ ཡེསཾ ཀཱཡགཏཱསཏི པརིཧཱིནཱ. ཨམཏཾ ཏེསཾ, བྷིཀྑཝེ, ཨཔརིཧཱིནཾ ཡེསཾ ཀཱཡགཏཱསཏི ཨཔརིཧཱིནཱ’’ཏི.

༦༠༣. ‘‘ཨམཏཾ ཏེསཾ, བྷིཀྑཝེ, ཝིརདྡྷཾ ཡེསཾ ཀཱཡགཏཱསཏི ¶ ཝིརདྡྷཱ. ཨམཏཾ ཏེསཾ, བྷིཀྑཝེ, ཨཱརདྡྷཾ [ཨཝིརདྡྷཾ (ཀ.)] ཡེསཾ ཀཱཡགཏཱསཏི ཨཱརདྡྷཱ’’ཏི.

༦༠༤. ‘‘ཨམཏཾ ཏེ, བྷིཀྑཝེ, པམཱདིཾསུ ཡེ ཀཱཡགཏཱསཏིཾ པམཱདིཾསུ. ཨམཏཾ ཏེ, བྷིཀྑཝེ, ན པམཱདིཾསུ ཡེ ཀཱཡགཏཱསཏིཾ ན པམཱདིཾསུ’’.

༦༠༥. ‘‘ཨམཏཾ ཏེསཾ, བྷིཀྑཝེ, པམུཊྛཾ ཡེསཾ ཀཱཡགཏཱསཏི པམུཊྛཱ. ཨམཏཾ ཏེསཾ, བྷིཀྑཝེ, ཨཔྤམུཊྛཾ ཡེསཾ ཀཱཡགཏཱསཏི ཨཔྤམུཊྛཱ’’ཏི.

༦༠༦. ‘‘ཨམཏཾ ཏེསཾ, བྷིཀྑཝེ, ཨནཱསེཝིཏཾ ཡེསཾ ཀཱཡགཏཱསཏི ཨནཱསེཝིཏཱ. ཨམཏཾ ཏེསཾ, བྷིཀྑཝེ, ཨཱསེཝིཏཾ ཡེསཾ ཀཱཡགཏཱསཏི ཨཱསེཝིཏཱ’’ཏི.

༦༠༧. ‘‘ཨམཏཾ ཏེསཾ, བྷིཀྑཝེ, ཨབྷཱཝིཏཾ ཡེསཾ ཀཱཡགཏཱསཏི ཨབྷཱཝིཏཱ. ཨམཏཾ ཏེསཾ, བྷིཀྑཝེ, བྷཱཝིཏཾ ཡེསཾ ཀཱཡགཏཱསཏི བྷཱཝིཏཱ’’ཏི.

༦༠༨. ‘‘ཨམཏཾ ¶ ¶ ཏེསཾ, བྷིཀྑཝེ, ཨབཧུལཱིཀཏཾ ཡེསཾ ཀཱཡགཏཱསཏི ཨབཧུལཱིཀཏཱ ¶ . ཨམཏཾ ཏེསཾ, བྷིཀྑཝེ, བཧུལཱིཀཏཾ ཡེསཾ ཀཱཡགཏཱསཏི བཧུལཱིཀཏཱ’’ཏི.

༦༠༩. ‘‘ཨམཏཾ ཏེསཾ, བྷིཀྑཝེ, ཨནབྷིཉྙཱཏཾ ཡེསཾ ཀཱཡགཏཱསཏི ཨནབྷིཉྙཱཏཱ. ཨམཏཾ ཏེསཾ, བྷིཀྑཝེ, ཨབྷིཉྙཱཏཾ ཡེསཾ ཀཱཡགཏཱསཏི ཨབྷིཉྙཱཏཱ’’ཏི.

༦༡༠. ‘‘ཨམཏཾ ཏེསཾ, བྷིཀྑཝེ, ཨཔརིཉྙཱཏཾ ཡེསཾ ཀཱཡགཏཱསཏི ཨཔརིཉྙཱཏཱ. ཨམཏཾ ཏེསཾ, བྷིཀྑཝེ, པརིཉྙཱཏཾ ཡེསཾ ཀཱཡགཏཱསཏི པརིཉྙཱཏཱ’’ཏི.

༦༡༡. ‘‘ཨམཏཾ ཏེསཾ, བྷིཀྑཝེ, ཨསཙྪིཀཏཾ ཡེསཾ ཀཱཡགཏཱསཏི ཨསཙྪིཀཏཱ. ཨམཏཾ ཏེསཾ, བྷིཀྑཝེ, སཙྪིཀཏཾ ཡེསཾ ཀཱཡགཏཱསཏི སཙྪིཀཏཱ’’ཏི. (….) [(ཨེཀཀནིཔཱཏསྶ སུཏྟསཧསྶཾ སམཏྟཾ.) (སཱི. སྱཱ. ཀཾ. པཱི.)]

(ཨིདམཝོཙ བྷགཝཱ. ཨཏྟམནཱ ཏེ བྷིཀྑཱུ བྷགཝཏོ བྷཱསིཏཾ ཨབྷིནནྡུནྟི.) [( ) ཨེཏྠནྟརེ པཱཋོ སཱི. སྱཱ. ཀཾ. པཱི. པོཏྠཀེསུ ནཏྠི]