📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ.

ཨངྒུཏྟརནིཀཱཡོ

ནཝཀནིཔཱཏཔཱལི༹

༡. པཋམཔཎྞཱསཀཾ

༡. སམྦོདྷིཝགྒོ

༡. སམྦོདྷིསུཏྟཾ

༡. ཨེཝཾ ¶ ¶ ¶ ¶ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏཏྲ ཁོ བྷགཝཱ བྷིཀྑཱུ ཨཱམནྟེསི –

‘‘སཙེ, བྷིཀྑཝེ, ཨཉྙཏིཏྠིཡཱ པརིབྦཱཛཀཱ ཨེཝཾ པུཙྪེཡྻུཾ – ‘སམྦོདྷིཔཀྑིཀཱནཾ [སམྦོདྷཔཀྑིཀཱནཾ (སཱི. སྱཱ. པཱི.)], ཨཱཝུསོ, དྷམྨཱནཾ ཀཱ ཨུཔནིསཱ བྷཱཝནཱཡཱ’ཏི, ཨེཝཾ པུཊྛཱ ཏུམྷེ, བྷིཀྑཝེ, ཏེསཾ ཨཉྙཏིཏྠིཡཱནཾ ¶ པརིབྦཱཛཀཱནཾ ཀིནྟི བྱཱཀརེཡྻཱཐཱ’’ཏི? ‘‘བྷགཝཾམཱུལཀཱ ནོ, བྷནྟེ, དྷམྨཱ…པེ… བྷགཝཏོ སུཏྭཱ བྷིཀྑཱུ དྷཱརེསྶནྟཱི’’ཏི.

‘‘ཏེན ཧི, བྷིཀྑཝེ, སུཎཱཐ, སཱདྷུཀཾ མནསི ཀརོཐ; བྷཱསིསྶཱམཱི’’ཏི. ‘‘ཨེཝཾ, བྷནྟེ’’ཏི ཁོ ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘སཙེ, བྷིཀྑཝེ, ཨཉྙཏིཏྠིཡཱ པརིབྦཱཛཀཱ ཨེཝཾ པུཙྪེཡྻུཾ – ‘སམྦོདྷིཔཀྑིཀཱནཾ, ཨཱཝུསོ, དྷམྨཱནཾ ཀཱ ཨུཔནིསཱ བྷཱཝནཱཡཱ’ཏི, ཨེཝཾ པུཊྛཱ ¶ ཏུམྷེ, བྷིཀྑཝེ, ཏེསཾ ཨཉྙཏིཏྠིཡཱནཾ པརིབྦཱཛཀཱནཾ ཨེཝཾ བྱཱཀརེཡྻཱཐ ¶ –

‘‘ཨིདྷཱཝུསོ, བྷིཀྑུ ཀལྱཱཎམིཏྟོ ཧོཏི ཀལྱཱཎསཧཱཡོ ཀལྱཱཎསམྤཝངྐོ ¶ . སམྦོདྷིཔཀྑིཀཱནཾ, ཨཱཝུསོ, དྷམྨཱནཾ ཨཡཾ པཋམཱ ཨུཔནིསཱ བྷཱཝནཱཡ.

‘‘པུན ཙཔརཾ, ཨཱཝུསོ, བྷིཀྑུ སཱིལཝཱ ཧོཏི, པཱཏིམོཀྑསཾཝརསཾཝུཏོ ཝིཧརཏི ཨཱཙཱརགོཙརསམྤནྣོ ཨཎུམཏྟེསུ ཝཛྫེསུ བྷཡདསྶཱཝཱི, སམཱདཱཡ སིཀྑཏི སིཀྑཱཔདེསུ. སམྦོདྷིཔཀྑིཀཱནཾ, ཨཱཝུསོ, དྷམྨཱནཾ ཨཡཾ དུཏིཡཱ ཨུཔནིསཱ བྷཱཝནཱཡ.

‘‘པུན ཙཔརཾ, ཨཱཝུསོ, བྷིཀྑུ ཡཱཡཾ ཀཐཱ ཨབྷིསལླེཁིཀཱ ཙེཏོཝིཝརཎསཔྤཱཡཱ, སེཡྻཐིདཾ – ཨཔྤིཙྪཀཐཱ སནྟུཊྛིཀཐཱ པཝིཝེཀཀཐཱ ཨསཾསགྒཀཐཱ ཝཱིརིཡཱརམྦྷཀཐཱ སཱིལཀཐཱ སམཱདྷིཀཐཱ པཉྙཱཀཐཱ ཝིམུཏྟིཀཐཱ ཝིམུཏྟིཉཱཎདསྶནཀཐཱ, ཨེཝརཱུཔིཡཱ ཀཐཱཡ ནིཀཱམལཱབྷཱི ཧོཏི ཨཀིཙྪལཱབྷཱི ཨཀསིརལཱབྷཱི. སམྦོདྷིཔཀྑིཀཱནཾ, ཨཱཝུསོ, དྷམྨཱནཾ ཨཡཾ ཏཏིཡཱ ཨུཔནིསཱ བྷཱཝནཱཡ.

‘‘པུན ཙཔརཾ, ཨཱཝུསོ, བྷིཀྑུ ཨཱརདྡྷཝཱིརིཡོ ཝིཧརཏི ཨཀུསལཱནཾ དྷམྨཱནཾ པཧཱནཱཡ, ཀུསལཱནཾ དྷམྨཱནཾ ཨུཔསམྤདཱཡ, ཐཱམཝཱ དལ༹ྷཔརཀྐམོ ཨནིཀྑིཏྟདྷུརོ ཀུསལེསུ དྷམྨེསུ. སམྦོདྷིཔཀྑིཀཱནཾ, ཨཱཝུསོ, དྷམྨཱནཾ ཨཡཾ ཙཏུཏྠཱི ཨུཔནིསཱ བྷཱཝནཱཡ.

‘‘པུན ཙཔརཾ, ཨཱཝུསོ, བྷིཀྑུ པཉྙཝཱ ཧོཏི ཨུདཡཏྠགཱམིནིཡཱ པཉྙཱཡ སམནྣཱགཏོ ཨརིཡཱཡ ¶ ནིབྦེདྷིཀཱཡ སམྨཱ དུཀྑཀྑཡགཱམིནིཡཱ. སམྦོདྷིཔཀྑིཀཱནཾ, ཨཱཝུསོ, དྷམྨཱནཾ ཨཡཾ པཉྩམཱི ཨུཔནིསཱ བྷཱཝནཱཡ’’.

‘‘ཀལྱཱཎམིཏྟསྶེཏཾ ¶ , བྷིཀྑཝེ, བྷིཀྑུནོ པཱཊིཀངྑཾ ཀལྱཱཎསཧཱཡསྶ ཀལྱཱཎསམྤཝངྐསྶ – སཱིལཝཱ བྷཝིསྶཏི, པཱཏིམོཀྑསཾཝརསཾཝུཏོ ཝིཧརིསྶཏི ཨཱཙཱརགོཙརསམྤནྣོ ཨཎུམཏྟེསུ ཝཛྫེསུ བྷཡདསྶཱཝཱི, སམཱདཱཡ སིཀྑིསྶཏི སིཀྑཱཔདེསུ.

‘‘ཀལྱཱཎམིཏྟསྶེཏཾ, བྷིཀྑཝེ, བྷིཀྑུནོ པཱཊིཀངྑཾ ཀལྱཱཎསཧཱཡསྶ ཀལྱཱཎསམྤཝངྐསྶ – ཡཱཡཾ ཀཐཱ ཨབྷིསལླེཁིཀཱ ཙེཏོཝིཝརཎསཔྤཱཡཱ, སེཡྻཐིདཾ – ཨཔྤིཙྪཀཐཱ སནྟུཊྛིཀཐཱ པཝིཝེཀཀཐཱ ¶ ཨསཾསགྒཀཐཱ ཝཱིརིཡཱརམྦྷཀཐཱ སཱིལཀཐཱ སམཱདྷིཀཐཱ པཉྙཱཀཐཱ ཝིམུཏྟིཀཐཱ ཝིམུཏྟིཉཱཎདསྶནཀཐཱ, ཨེཝརཱུཔིཡཱ ཀཐཱཡ ནིཀཱམལཱབྷཱི བྷཝིསྶཏི ཨཀིཙྪལཱབྷཱི ཨཀསིརལཱབྷཱི.

‘‘ཀལྱཱཎམིཏྟསྶེཏཾ, བྷིཀྑཝེ, བྷིཀྑུནོ པཱཊིཀངྑཾ ཀལྱཱཎསཧཱཡསྶ ཀལྱཱཎསམྤཝངྐསྶ – ཨཱརདྡྷཝཱིརིཡོ ཝིཧརིསྶཏི ¶ ཨཀུསལཱནཾ དྷམྨཱནཾ པཧཱནཱཡ, ཀུསལཱནཾ དྷམྨཱནཾ ཨུཔསམྤདཱཡ, ཐཱམཝཱ དལ༹ྷཔརཀྐམོ ཨནིཀྑིཏྟདྷུརོ ཀུསལེསུ དྷམྨེསུ.

‘‘ཀལྱཱཎམིཏྟསྶེཏཾ, བྷིཀྑཝེ, བྷིཀྑུནོ པཱཊིཀངྑཾ ཀལྱཱཎསཧཱཡསྶ ཀལྱཱཎསམྤཝངྐསྶ – པཉྙཝཱ བྷཝིསྶཏི ཨུདཡཏྠགཱམིནིཡཱ པཉྙཱཡ སམནྣཱགཏོ ཨརིཡཱཡ ནིབྦེདྷིཀཱཡ སམྨཱ དུཀྑཀྑཡགཱམིནིཡཱ.

‘‘ཏེན ཙ པན, བྷིཀྑཝེ, བྷིཀྑུནཱ ཨིམེསུ པཉྩསུ དྷམྨེསུ པཏིཊྛཱཡ ཙཏྟཱརོ དྷམྨཱ ཨུཏྟརི [ཨུཏྟརིཾ (སཱི. སྱཱ. པཱི.)] བྷཱཝེཏབྦཱ – ཨསུབྷཱ བྷཱཝེཏབྦཱ རཱགསྶ པཧཱནཱཡ, མེཏྟཱ བྷཱཝེཏབྦཱ བྱཱཔཱདསྶ པཧཱནཱཡ, ཨཱནཱཔཱནསྶཏི [ཨཱནཱཔཱནསཏི (སཱི. པཱི.)] བྷཱཝེཏབྦཱ ཝིཏཀྐུཔཙྪེདཱཡ, ཨནིཙྩསཉྙཱ བྷཱཝེཏབྦཱ ཨསྨིམཱནསམུགྒྷཱཏཱཡ. ཨནིཙྩསཉྙིནོ, བྷིཀྑཝེ, ཨནཏྟསཉྙཱ སཎྛཱཏི. ཨནཏྟསཉྙཱི ཨསྨིམཱནསམུགྒྷཱཏཾ པཱཔུཎཱཏི དིཊྛེཝ དྷམྨེ ནིབྦཱན’’ནྟི ¶ . པཋམཾ.

༢. ནིསྶཡསུཏྟཾ

༢. ཨཐ ¶ ཁོ ཨཉྙཏརོ བྷིཀྑུ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ…པེ… ཨེཀམནྟཾ ནིསིནྣོ ཁོ སོ བྷིཀྑུ བྷགཝནྟཾ ཨེཏདཝོཙ – ‘‘‘ནིསྶཡསམྤནྣོ ནིསྶཡསམྤནྣོ’ཏི, བྷནྟེ, ཝུཙྩཏི. ཀིཏྟཱཝཏཱ ནུ ཁོ, བྷནྟེ, བྷིཀྑུ ནིསྶཡསམྤནྣོ ཧོཏཱི’’ཏི? ‘‘སདྡྷཾ ཙེ, བྷིཀྑུ, བྷིཀྑུ ནིསྶཱཡ ཨཀུསལཾ པཛཧཏི ཀུསལཾ བྷཱཝེཏི, པཧཱིནམེཝསྶ ཏཾ ཨཀུསལཾ ཧོཏི. ཧིརིཾ ཙེ, བྷིཀྑུ, བྷིཀྑུ ནིསྶཱཡ…པེ… ཨོཏྟཔྤཾ ཙེ, བྷིཀྑུ, བྷིཀྑུ ནིསྶཱཡ…པེ… ཝཱིརིཡཾ ཙེ, བྷིཀྑུ, བྷིཀྑུ ནིསྶཱཡ…པེ… པཉྙཾ ཙེ, བྷིཀྑུ, བྷིཀྑུ ནིསྶཱཡ ཨཀུསལཾ པཛཧཏི ཀུསལཾ བྷཱཝེཏི, པཧཱིནམེཝསྶ ཏཾ ཨཀུསལཾ ཧོཏི ¶ . ཏཾ ཧིསྶ བྷིཀྑུནོ ཨཀུསལཾ པཧཱིནཾ ཧོཏི སུཔྤཧཱིནཾ, ཡཾས ཨརིཡཱཡ པཉྙཱཡ དིསྭཱ པཧཱིནཾ’’.

‘‘ཏེན ¶ ཙ པན, བྷིཀྑུ, བྷིཀྑུནཱ ཨིམེསུ པཉྩསུ དྷམྨེསུ པཏིཊྛཱཡ ཙཏྟཱརོ ཨུཔནིསྶཱཡ ཝིཧཱཏབྦཱ. ཀཏམེ ཙཏྟཱརོ? ཨིདྷ, བྷིཀྑུ, བྷིཀྑུ སངྑཱཡེཀཾ པཊིསེཝཏི, སངྑཱཡེཀཾ ཨདྷིཝཱསེཏི, སངྑཱཡེཀཾ པརིཝཛྫེཏི, སངྑཱཡེཀཾ ཝིནོདེཏི. ཨེཝཾ ཁོ, བྷིཀྑུ, བྷིཀྑུ ནིསྶཡསམྤནྣོ ཧོཏཱི’’ཏི. དུཏིཡཾ.

༣. མེགྷིཡསུཏྟཾ

༣. ཨེཀཾ སམཡཾ བྷགཝཱ ཙཱལིཀཱཡཾ ཝིཧརཏི ཙཱལིཀཱཔབྦཏེ. ཏེན ཁོ པན སམཡེན ཨཱཡསྨཱ མེགྷིཡོ བྷགཝཏོ ཨུཔཊྛཱཀོ ཧོཏི. ཨཐ ཁོ ཨཱཡསྨཱ མེགྷིཡོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏོ ཁོ ཨཱཡསྨཱ མེགྷིཡོ བྷགཝནྟཾ ཨེཏདཝོཙ – ‘‘ཨིཙྪཱམཧཾ, བྷནྟེ, ཛནྟུགཱམཾ [ཛཏུགཱམཾ (སཱི. ཨཊྛ., སྱཱ. ཨཊྛ.), ཛཏྟུགཱམཾ (ཀ. ཨཊྛཀཐཱཡམྤི པཱཋནྟརཾ)] པིཎྜཱཡ ¶ པཝིསིཏུ’’ནྟི. ‘‘ཡསྶ དཱནི ཏྭཾ, མེགྷིཡ, ཀཱལཾ མཉྙསཱི’’ཏི.

ཨཐ ཁོ ཨཱཡསྨཱ མེགྷིཡོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཛནྟུགཱམཾ པིཎྜཱཡ པཱཝིསི. ཛནྟུགཱམེ པིཎྜཱཡ ཙརིཏྭཱ པཙྪཱབྷཏྟཾ པིཎྜཔཱཏཔཊིཀྐནྟོ ཡེན ཀིམིཀཱལཱ༹ཡ ནདིཡཱ ཏཱིརཾ ཏེནུཔསངྐམི. ཨདྡསཱ ཁོ ཨཱཡསྨཱ མེགྷིཡོ ཀིམིཀཱལཱ༹ཡ ནདིཡཱ ¶ ཏཱིརེ ཛངྒྷཱཝིཧཱརཾ [ཛངྒྷཝིཧཱརཾ (སྱཱ. ཀ.)] ཨནུཙངྐམམཱནོ ཨནུཝིཙརམཱནོ ཨམྦཝནཾ ¶ པཱསཱདིཀཾ རམཎཱིཡཾ. དིསྭཱནསྶ ཨེཏདཧོསི – ‘‘པཱསཱདིཀཾ ཝཏིདཾ ཨམྦཝནཾ རམཎཱིཡཾ, ཨལཾ ཝཏིདཾ ཀུལཔུཏྟསྶ པདྷཱནཏྠིཀསྶ པདྷཱནཱཡ. སཙེ མཾ བྷགཝཱ ཨནུཛཱནེཡྻ, ཨཱགཙྪེཡྻཱཧཾ ཨིམཾ ཨམྦཝནཾ པདྷཱནཱཡཱ’’ཏི.

ཨཐ ཁོ ཨཱཡསྨཱ མེགྷིཡོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ མེགྷིཡོ བྷགཝནྟཾ ཨེཏདཝོཙ – ‘‘ཨིདྷཱཧཾ, བྷནྟེ, པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཛནྟུགཱམཾ པིཎྜཱཡ པཱཝིསིཾ. ཛནྟུགཱམེ པིཎྜཱཡ ཙརིཏྭཱ པཙྪཱབྷཏྟཾ པིཎྜཔཱཏཔཊིཀྐནྟོ ཡེན ཀིམིཀཱལཱ༹ཡ ནདིཡཱ ཏཱིརཾ ཏེནུཔསངྐམིཾ. ཨདྡསཾ ཁོ ཨཧཾ, བྷནྟེ, ཀིམིཀཱལཱ༹ཡ ནདིཡཱ ཏཱིརེ ཛངྒྷཱཝིཧཱརཾ ཨནུཙངྐམམཱནོ ཨནུཝིཙརམཱནོ ཨམྦཝནཾ པཱསཱདིཀཾ རམཎཱིཡཾ. དིསྭཱན མེ ཨེཏདཧོསི – ‘པཱསཱདིཀཾ ཝཏིདཾ ཨམྦཝནཾ རམཎཱིཡཾ. ཨལཾ ཝཏིདཾ ཀུལཔུཏྟསྶ པདྷཱནཏྠིཀསྶ པདྷཱནཱཡ. སཙེ ¶ མཾ བྷགཝཱ ཨནུཛཱནེཡྻ, ཨཱགཙྪེཡྻཱཧཾ ཨིམཾ ཨམྦཝནཾ པདྷཱནཱཡཱ’ཏི. སཙེ མཾ བྷགཝཱ ཨནུཛཱནེཡྻ, གཙྪེཡྻཱཧཾ ཏཾ ཨམྦཝནཾ པདྷཱནཱཡཱ’’ཏི. ‘‘ཨཱགམེཧི ཏཱཝ, མེགྷིཡ ¶ ! ཨེཀཀམྷི [ཨེཀཀམྷཱ (སཱི. པཱི.)] ཏཱཝ [ཝཏ (ཀ.)] ཡཱཝ ཨཉྙོཔི ཀོཙི བྷིཀྑུ ཨཱགཙྪཏཱི’’ཏི [དིསྶཏཱུཏི (སབྦཏྠ, ཊཱིཀཱཡམྤི པཱཋནྟརཾ), ཨཱགཙྪཏཱུཏི, དིསྶཏཱིཏི (ཊཱིཀཱཡཾ པཱཋནྟརཱནི)].

དུཏིཡམྤི ཁོ ཨཱཡསྨཱ མེགྷིཡོ བྷགཝནྟཾ ཨེཏདཝོཙ – ‘‘བྷགཝཏོ, བྷནྟེ, ནཏྠི ཀིཉྩི ཨུཏྟརི ཀརཎཱིཡཾ, ནཏྠི ཀཏསྶ པཊིཙཡོ. མཡ྄ཧཾ ཁོ པན, བྷནྟེ, ཨཏྠི ཨུཏྟརི ཀརཎཱིཡཾ, ཨཏྠི ཀཏསྶ པཊིཙཡོ. སཙེ མཾ བྷགཝཱ ཨནུཛཱནེཡྻ, གཙྪེཡྻཱཧཾ ཏཾ ཨམྦཝནཾ པདྷཱནཱཡཱ’’ཏི. ‘‘ཨཱགམེཧི ཏཱཝ, མེགྷིཡ, ཨེཀཀམྷི ཏཱཝ ཡཱཝ ཨཉྙོཔི ཀོཙི བྷིཀྑུ ཨཱགཙྪཏཱི’’ཏི.

ཏཏིཡམྤི ¶ ཁོ ཨཱཡསྨཱ མེགྷིཡོ བྷགཝནྟཾ ཨེཏདཝོཙ – ‘‘བྷགཝཏོ, བྷནྟེ, ནཏྠི ཀིཉྩི ཨུཏྟརི ཀརཎཱིཡཾ, ནཏྠི ཀཏསྶ པཊིཙཡོ. མཡ྄ཧཾ ཁོ པན, བྷནྟེ, ཨཏྠི ཨུཏྟརི ཀརཎཱིཡཾ, ཨཏྠི ཀཏསྶ པཊིཙཡོ. སཙེ མཾ བྷགཝཱ ཨནུཛཱནེཡྻ, གཙྪེཡྻཱཧཾ ཏཾ ཨམྦཝནཾ པདྷཱནཱཡཱ’’ཏི. ‘‘པདྷཱནནྟི ཁོ, མེགྷིཡ, ཝདམཱནཾ ཀིནྟི ཝདེཡྻཱམ! ཡསྶ དཱནི ཏྭཾ, མེགྷིཡ, ཀཱལཾ མཉྙསཱི’’ཏི.

ཨཐ ¶ ཁོ ཨཱཡསྨཱ མེགྷིཡོ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ ཡེན ཏཾ ཨམྦཝནཾ ཏེནུཔསངྐམི; ཨུཔསངྐམིཏྭཱ ཏཾ ཨམྦཝནཾ ཨཛ྄ཛྷོགཱཧེཏྭཱ ཨཉྙཏརསྨིཾ རུཀྑམཱུལེ དིཝཱཝིཧཱརཾ ནིསཱིདི. ཨཐ ཁོ ཨཱཡསྨཏོ མེགྷིཡསྶ ཏསྨིཾ ཨམྦཝནེ ཝིཧརནྟསྶ ཡེབྷུཡྻེན ཏཡོ པཱཔཀཱ ཨཀུསལཱ ཝིཏཀྐཱ སམུདཱཙརནྟི, སེཡྻཐིདཾ – ཀཱམཝིཏཀྐོ, བྱཱཔཱདཝིཏཀྐོ, ཝིཧིཾསཱཝིཏཀྐོ. ཨཐ ཁོ ཨཱཡསྨཏོ མེགྷིཡསྶ ཨེཏདཧོསི – ‘‘ཨཙྪརིཡཾ ཝཏ བྷོ, ཨབྦྷུཏཾ ཝཏ བྷོ! སདྡྷཱཡ ཙ ཝཏམྷཱ ཨགཱརསྨཱ ཨནགཱརིཡཾ པབྦཛིཏཱ; ཨཐ ཙ པནིམེཧི ཏཱིཧི པཱཔཀེཧི ཨཀུསལེཧི ཝིཏཀྐེཧི ཨནྭཱསཏྟཱ – ཀཱམཝིཏཀྐེན, བྱཱཔཱདཝིཏཀྐེན, ཝིཧིཾསཱཝིཏཀྐེནཱ’’ཏི.

ཨཐ ¶ ཁོ ཨཱཡསྨཱ མེགྷིཡོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ མེགྷིཡོ བྷགཝནྟཾ ཨེཏདཝོཙ –

‘‘ཨིདྷ ¶ མཡ྄ཧཾ, བྷནྟེ, ཏསྨིཾ ཨམྦཝནེ ཝིཧརནྟསྶ ཡེབྷུཡྻེན ཏཡོ པཱཔཀཱ ཨཀུསལཱ ཝིཏཀྐཱ སམུདཱཙརནྟི, སེཡྻཐིདཾ – ཀཱམཝིཏཀྐོ, བྱཱཔཱདཝིཏཀྐོ, ཝིཧིཾསཱཝིཏཀྐོ. ཏསྶ མཡ྄ཧཾ, བྷནྟེ, ཨེཏདཧོསི – ‘ཨཙྪརིཡཾ ཝཏ བྷོ, ཨབྦྷུཏཾ ཝཏ བྷོ! སདྡྷཱཡ ཙ ཝཏམྷཱ ཨགཱརསྨཱ ཨནགཱརིཡཾ པབྦཛིཏཱ; ཨཐ ཙ པནིམེཧི ¶ ཏཱིཧི པཱཔཀེཧི ཨཀུསལེཧི ཝིཏཀྐེཧི ཨནྭཱསཏྟཱ – ཀཱམཝིཏཀྐེན, བྱཱཔཱདཝིཏཀྐེན, ཝིཧིཾསཱཝིཏཀྐེནཱཏི’’’.

‘‘ཨཔརིཔཀྐཱཡ, མེགྷིཡ, ཙེཏོཝིམུཏྟིཡཱ པཉྩ དྷམྨཱ པརིཔཀྐཱཡ སཾཝཏྟནྟི. ཀཏམེ པཉྩ? ཨིདྷ, མེགྷིཡ, བྷིཀྑུ ཀལྱཱཎམིཏྟོ ཧོཏི ཀལྱཱཎསཧཱཡོ ཀལྱཱཎསམྤཝངྐོ. ཨཔརིཔཀྐཱཡ, མེགྷིཡ, ཙེཏོཝིམུཏྟིཡཱ ཨཡཾ པཋམོ དྷམྨོ པརིཔཀྐཱཡ སཾཝཏྟཏི.

‘‘པུན ཙཔརཾ, མེགྷིཡ, བྷིཀྑུ སཱིལཝཱ ཧོཏི, པཱཏིམོཀྑསཾཝརསཾཝུཏོ ཝིཧརཏི ཨཱཙཱརགོཙརསམྤནྣོ ཨཎུམཏྟེསུ ཝཛྫེསུ བྷཡདསྶཱཝཱི, སམཱདཱཡ སིཀྑཏི སིཀྑཱཔདེསུ. ཨཔརིཔཀྐཱཡ, མེགྷིཡ, ཙེཏོཝིམུཏྟིཡཱ ཨཡཾ དུཏིཡོ དྷམྨོ པརིཔཀྐཱཡ སཾཝཏྟཏི.

‘‘པུན ཙཔརཾ, མེགྷིཡ, ཡཱཡཾ ཀཐཱ ཨབྷིསལླེཁིཀཱ ཙེཏོཝིཝརཎསཔྤཱཡཱ, སེཡྻཐིདཾ – ཨཔྤིཙྪཀཐཱ ¶ སནྟུཊྛིཀཐཱ པཝིཝེཀཀཐཱ ཨསཾསགྒཀཐཱ ¶ ཝཱིརིཡཱརམྦྷཀཐཱ སཱིལཀཐཱ སམཱདྷིཀཐཱ པཉྙཱཀཐཱ ཝིམུཏྟིཀཐཱ ཝིམུཏྟིཉཱཎདསྶནཀཐཱ, ཨེཝརཱུཔིཡཱ ཀཐཱཡ ནིཀཱམལཱབྷཱི ཧོཏི ཨཀིཙྪལཱབྷཱི ཨཀསིརལཱབྷཱི. ཨཔརིཔཀྐཱཡ, མེགྷིཡ, ཙེཏོཝིམུཏྟིཡཱ ཨཡཾ ཏཏིཡོ དྷམྨོ པརིཔཀྐཱཡ སཾཝཏྟཏི.

‘‘པུན ཙཔརཾ, མེགྷིཡ, བྷིཀྑུ ཨཱརདྡྷཝཱིརིཡོ ཝིཧརཏི ཨཀུསལཱནཾ དྷམྨཱནཾ པཧཱནཱཡ, ཀུསལཱནཾ དྷམྨཱནཾ ཨུཔསམྤདཱཡ, ཐཱམཝཱ དལ༹ྷཔརཀྐམོ ཨནིཀྑིཏྟདྷུརོ ཀུསལེསུ དྷམྨེསུ. ཨཔརིཔཀྐཱཡ, མེགྷིཡ, ཙེཏོཝིམུཏྟིཡཱ ཨཡཾ ཙཏུཏྠོ དྷམྨོ པརིཔཀྐཱཡ སཾཝཏྟཏི.

‘‘པུན ཙཔརཾ, མེགྷིཡ, བྷིཀྑུ པཉྙཝཱ ཧོཏི ཨུདཡཏྠགཱམིནིཡཱ པཉྙཱཡ སམནྣཱགཏོ ཨརིཡཱཡ ནིབྦེདྷིཀཱཡ སམྨཱ དུཀྑཀྑཡགཱམིནིཡཱ. ཨཔརིཔཀྐཱཡ, མེགྷིཡ, ཙེཏོཝིམུཏྟིཡཱ ཨཡཾ པཉྩམོ དྷམྨོ པརིཔཀྐཱཡ སཾཝཏྟཏི.

‘‘ཀལྱཱཎམིཏྟསྶེཏཾ ¶ , མེགྷིཡ, བྷིཀྑུནོ པཱཊིཀངྑཾ ཀལྱཱཎསཧཱཡསྶ ཀལྱཱཎསམྤཝངྐསྶ – ‘སཱིལཝཱ བྷཝིསྶཏི…པེ. ¶ … སམཱདཱཡ སིཀྑིསྶཏི སིཀྑཱཔདེསུ’’’.

‘‘ཀལྱཱཎམིཏྟསྶེཏཾ, མེགྷིཡ, བྷིཀྑུནོ པཱཊིཀངྑཾ ཀལྱཱཎསཧཱཡསྶ ཀལྱཱཎསམྤཝངྐསྶ – ‘ཡཱཡཾ ཀཐཱ ཨབྷིསལླེཁིཀཱ ཙེཏོཝིཝརཎསཔྤཱཡཱ, སེཡྻཐིདཾ – ཨཔྤིཙྪཀཐཱ…པེ… ཝིམུཏྟིཉཱཎདསྶནཀཐཱ, ཨེཝརཱུཔིཡཱ ཀཐཱཡ ནིཀཱམལཱབྷཱི བྷཝིསྶཏི ཨཀིཙྪལཱབྷཱི ཨཀསིརལཱབྷཱི’’’.

‘‘ཀལྱཱཎམིཏྟསྶེཏཾ, མེགྷིཡ, བྷིཀྑུནོ པཱཊིཀངྑཾ ཀལྱཱཎསཧཱཡསྶ ཀལྱཱཎསམྤཝངྐསྶ – ‘ཨཱརདྡྷཝཱིརིཡོ ཝིཧརིསྶཏི…པེ… ཨནིཀྑིཏྟདྷུརོ ཀུསལེསུ དྷམྨེསུ’’’.

‘‘ཀལྱཱཎམིཏྟསྶེཏཾ ¶ , མེགྷིཡ, བྷིཀྑུནོ པཱཊིཀངྑཾ ཀལྱཱཎསཧཱཡསྶ ཀལྱཱཎསམྤཝངྐསྶ – ‘པཉྙཝཱ བྷཝིསྶཏི…པེ… སམྨཱདུཀྑཀྑཡགཱམིནིཡཱ’’’.

‘‘ཏེན ¶ ཙ པན, མེགྷིཡ, བྷིཀྑུནཱ ཨིམེསུ པཉྩསུ དྷམྨེསུ པཏིཊྛཱཡ ཙཏྟཱརོ དྷམྨཱ ཨུཏྟརི བྷཱཝེཏབྦཱ – ཨསུབྷཱ བྷཱཝེཏབྦཱ རཱགསྶ པཧཱནཱཡ, མེཏྟཱ བྷཱཝེཏབྦཱ བྱཱཔཱདསྶ པཧཱནཱཡ, ཨཱནཱཔཱནསྶཏི བྷཱཝེཏབྦཱ ཝིཏཀྐུཔཙྪེདཱཡ, ཨནིཙྩསཉྙཱ བྷཱཝེཏབྦཱ ཨསྨིམཱནསམུགྒྷཱཏཱཡ. ཨནིཙྩསཉྙིནོ, མེགྷིཡ, ཨནཏྟསཉྙཱ སཎྛཱཏི. ཨནཏྟསཉྙཱི ཨསྨིམཱནསམུགྒྷཱཏཾ པཱཔུཎཱཏི དིཊྛེཝ དྷམྨེ ནིབྦཱན’’ནྟི. ཏཏིཡཾ.

༤. ནནྡཀསུཏྟཾ

༤. ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ནནྡཀོ ཨུཔཊྛཱནསཱལཱཡཾ བྷིཀྑཱུ དྷམྨིཡཱ ཀཐཱཡ སནྡསྶེཏི སམཱདཔེཏི སམུཏྟེཛེཏི སམྤཧཾསེཏི. ཨཐ ཁོ བྷགཝཱ སཱཡནྷསམཡཾ པཊིསལླཱནཱ ཝུཊྛིཏོ ཡེནུཔཊྛཱནསཱལཱ ཏེནུཔསངྐམི; ཨུཔསངྐམིཏྭཱ བཧིདྭཱརཀོཊྛཀེ ཨཊྛཱསི ཀཐཱཔརིཡོསཱནཾ ཨཱགམཡམཱནོ. ཨཐ ཁོ བྷགཝཱ ཀཐཱཔརིཡོསཱནཾ ཝིདིཏྭཱ ཨུཀྐཱསེཏྭཱ ཨགྒལ༹ཾ ¶ ཨཱཀོཊེསི. ཝིཝརིཾསུ ཁོ ཏེ བྷིཀྑཱུ བྷགཝཏོ དྭཱརཾ.

ཨཐ ¶ ཁོ བྷགཝཱ ཨུཔཊྛཱནསཱལཾ པཝིསིཏྭཱ པཉྙཏྟཱསནེ ནིསཱིདི. ནིསཛྫ ཁོ བྷགཝཱ ཨཱཡསྨནྟཾ ནནྡཀཾ ཨེཏདཝོཙ – ‘‘དཱིགྷོ ཁོ ཏྱཱཡཾ, ནནྡཀ, དྷམྨཔརིཡཱཡོ བྷིཀྑཱུནཾ པཊིབྷཱསི. ཨཔི མེ པིཊྛི ཨཱགིལཱཡཏི བཧིདྭཱརཀོཊྛཀེ ¶ ཋིཏསྶ ཀཐཱཔརིཡོསཱནཾ ཨཱགམཡམཱནསྶཱ’’ཏི.

ཨེཝཾ ཝུཏྟེ ཨཱཡསྨཱ ནནྡཀོ སཱརཛྫམཱནརཱུཔོ བྷགཝནྟཾ ཨེཏདཝོཙ – ‘‘ན ཁོ པན མཡཾ, བྷནྟེ, ཛཱནཱམ ‘བྷགཝཱ བཧིདྭཱརཀོཊྛཀེ ཋིཏོ’ཏི. སཙེ ཧི མཡཾ, བྷནྟེ, ཛཱནེཡྻཱམ ‘བྷགཝཱ བཧིདྭཱརཀོཊྛཀེ ཋིཏོ’ཏི, ཨེཏྟཀམྤི ( ) [(དྷམྨཾ) ཀཏྠཙི] ནོ ནཔྤཊིབྷཱསེཡྻཱ’’ཏི.

ཨཐ ཁོ བྷགཝཱ ཨཱཡསྨནྟཾ ནནྡཀཾ སཱརཛྫམཱནརཱུཔཾ ཝིདིཏྭཱ ཨཱཡསྨནྟཾ ནནྡཀཾ ཨེཏདཝོཙ – ‘‘སཱདྷུ, སཱདྷུ, ནནྡཀ! ཨེཏཾ ཁོ, ནནྡཀ, ཏུམྷཱཀཾ པཏིརཱུཔཾ ཀུལཔུཏྟཱནཾ སདྡྷཱཡ ཨགཱརསྨཱ ཨནགཱརིཡཾ པབྦཛིཏཱནཾ, ཡཾ ཏུམྷེ དྷམྨིཡཱ ཀཐཱཡ སནྣིསཱིདེཡྻཱཐ. སནྣིཔཏིཏཱནཾ ཝོ, ནནྡཀ, དྭཡཾ ཀརཎཱིཡཾ – དྷམྨཱི ཝཱ ཀཐཱ ཨརིཡོ ཝཱ ཏུཎྷཱིབྷཱཝོ. [ཨ. ནི. ༨.༧༡; ༩.༡] སདྡྷོ ཙ, ནནྡཀ, བྷིཀྑུ ¶ ཧོཏི, ནོ ཙ སཱིལཝཱ. ཨེཝཾ སོ ཏེནངྒེན ཨཔརིཔཱུརོ ཧོཏི. ཏེན ཏཾ ཨངྒཾ པརིཔཱུརེཏབྦཾ – ‘ཀིནྟཱཧཾ སདྡྷོ ཙ ཨསྶཾ ¶ སཱིལཝཱ ཙཱ’ཏི. ཡཏོ ཙ ཁོ, ནནྡཀ, བྷིཀྑུ སདྡྷོ ཙ ཧོཏི སཱིལཝཱ ཙ, ཨེཝཾ སོ ཏེནངྒེན པརིཔཱུརོ ཧོཏི.

‘‘སདྡྷོ ཙ, ནནྡཀ, བྷིཀྑུ ཧོཏི སཱིལཝཱ ཙ, ནོ ཙ ལཱབྷཱི ཨཛ྄ཛྷཏྟཾ ཙེཏོསམཱདྷིསྶ. ཨེཝཾ སོ ཏེནངྒེན ཨཔརིཔཱུརོ ཧོཏི. ཏེན ཏཾ ཨངྒཾ པརིཔཱུརེཏབྦཾ – ‘ཀིནྟཱཧཾ སདྡྷོ ཙ ཨསྶཾ སཱིལཝཱ ཙ ལཱབྷཱི ཙ ཨཛ྄ཛྷཏྟཾ ཙེཏོསམཱདྷིསྶཱ’ཏི. ཡཏོ ཙ ཁོ, ནནྡཀ, བྷིཀྑུ སདྡྷོ ཙ ཧོཏི སཱིལཝཱ ཙ ལཱབྷཱི ཙ ཨཛ྄ཛྷཏྟཾ ཙེཏོསམཱདྷིསྶ, ཨེཝཾ སོ ཏེནངྒེན པརིཔཱུརོ ཧོཏི.

‘‘སདྡྷོ ཙ, ནནྡཀ, བྷིཀྑུ ཧོཏི སཱིལཝཱ ཙ ལཱབྷཱི ཙ ཨཛ྄ཛྷཏྟཾ ཙེཏོསམཱདྷིསྶ, ན ལཱབྷཱི ཨདྷིཔཉྙཱདྷམྨཝིཔསྶནཱཡ. ཨེཝཾ སོ ཏེནངྒེན ¶ ཨཔརིཔཱུརོ ཧོཏི. སེཡྻཐཱཔི, ནནྡཀ, པཱཎཀོ ཙཏུཔྤཱདཀོ ཨསྶ. ཏསྶ ཨེཀོ པཱདོ ཨོམཀོ ལཱམཀོ. ཨེཝཾ སོ ཏེནངྒེན ཨཔརིཔཱུརོ ཨསྶ. ཨེཝམེཝཾ ཁོ, ནནྡཀ, བྷིཀྑུ སདྡྷོ ཙ ཧོཏི སཱིལཝཱ ཙ ལཱབྷཱི ཙ ཨཛ྄ཛྷཏྟཾ ཙེཏོསམཱདྷིསྶ, ན ལཱབྷཱི ཨདྷིཔཉྙཱདྷམྨཝིཔསྶནཱཡ. ཨེཝཾ ¶ སོ ཏེནངྒེན ཨཔརིཔཱུརོ ཧོཏི. ཏེན ཏཾ ཨངྒཾ པརིཔཱུརེཏབྦཾ – ‘ཀིནྟཱཧཾ སདྡྷོ ཙ ཨསྶཾ སཱིལཝཱ ཙ ལཱབྷཱི ཙ ཨཛ྄ཛྷཏྟཾ ཙེཏོསམཱདྷིསྶ ལཱབྷཱི ཙ ཨདྷིཔཉྙཱདྷམྨཝིཔསྶནཱཡཱ’’’ཏི.

‘‘ཡཏོ ཙ ཁོ, ནནྡཀ, བྷིཀྑུ སདྡྷོ ཙ ཧོཏི སཱིལཝཱ ཙ ལཱབྷཱི ཙ ཨཛ྄ཛྷཏྟཾ ཙེཏོསམཱདྷིསྶ ལཱབྷཱི ཙ ཨདྷིཔཉྙཱདྷམྨཝིཔསྶནཱཡ, ཨེཝཾ སོ ཏེནངྒེན པརིཔཱུརོ ཧོཏཱི’’ཏི. ཨིདམཝོཙ བྷགཝཱ. ཨིདཾ ཝཏྭཱན སུགཏོ ཨུཊྛཱཡཱསནཱ ཝིཧཱརཾ པཱཝིསི.

ཨཐ ཁོ ཨཱཡསྨཱ ནནྡཀོ ཨཙིརཔཀྐནྟསྶ བྷགཝཏོ བྷིཀྑཱུ ཨཱམནྟེསི – ‘‘ཨིདཱནི, ཨཱཝུསོ, བྷགཝཱ ཙཏཱུཧི པདེཧི ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ པཀཱསེཏྭཱ ¶ ཨུཊྛཱཡཱསནཱ ཝིཧཱརཾ པཝིཊྛོ – ‘སདྡྷོ ཙ, ནནྡཀ, བྷིཀྑུ ཧོཏི, ནོ ཙ སཱིལཝཱ. ཨེཝཾ སོ ཏེནངྒེན ཨཔརིཔཱུརོ ཧོཏི. ཏེན ཏཾ ཨངྒཾ པརིཔཱུརེཏབྦཾ – ཀིནྟཱཧཾ སདྡྷོ ཙ ཨསྶཾ སཱིལཝཱ ཙཱ’ཏི. ཡཏོ ཙ ཁོ ནནྡཀ བྷིཀྑུ སདྡྷོ ཙ ཧོཏི སཱིལཝཱ ཙ, ཨེཝཾ སོ ཏེནངྒེན པརིཔཱུརོ ཧོཏི. སདྡྷོ ཙ ནནྡཀ བྷིཀྑུ ཧོཏི སཱིལཝཱ ཙ, ནོ ཙ ལཱབྷཱི ཨཛ྄ཛྷཏྟཾ ཙེཏོསམཱདྷིསྶ…པེ… ལཱབྷཱི ¶ ཙ ཨཛ྄ཛྷཏྟཾ ཙེཏོསམཱདྷིསྶ, ན ལཱབྷཱི ཨདྷིཔཉྙཱདྷམྨཝིཔསྶནཱཡ, ཨེཝཾ སོ ཏེནངྒེན ཨཔརིཔཱུརོ ¶ ཧོཏི. སེཡྻཐཱཔི ནནྡཀ པཱཎཀོ ཙཏུཔྤཱདཀོ ཨསྶ, ཏསྶ ཨེཀོ པཱདོ ཨོམཀོ ལཱམཀོ, ཨེཝཾ སོ ཏེནངྒེན ཨཔརིཔཱུརོ ཨསྶ. ཨེཝམེཝཾ ཁོ, ནནྡཀ, བྷིཀྑུ སདྡྷོ ཙ ཧོཏི སཱིལཝཱ ཙ, ལཱབྷཱི ཙ ཨཛ྄ཛྷཏྟཾ ཙེཏོསམཱདྷིསྶ, ན ལཱབྷཱི ཨདྷིཔཉྙཱདྷམྨཝིཔསྶནཱཡ, ཨེཝཾ སོ ཏེནངྒེན ཨཔརིཔཱུརོ ཧོཏི, ཏེན ཏཾ ཨངྒཾ པརིཔཱུརེཏབྦཾ ‘ཀིནྟཱཧཾ སདྡྷོ ཙ ཨསྶཾ སཱིལཝཱ ཙ, ལཱབྷཱི ཙ ཨཛ྄ཛྷཏྟཾ ཙེཏོསམཱདྷིསྶ, ལཱབྷཱི ཙ ཨདྷིཔཉྙཱདྷམྨཝིཔསྶནཱཡཱ’ཏི. ཡཏོ ཙ ཁོ, ནནྡཀ, བྷིཀྑུ སདྡྷོ ཙ ཧོཏི སཱིལཝཱ ཙ ལཱབྷཱི ཙ ཨཛ྄ཛྷཏྟཾ ཙེཏོསམཱདྷིསྶ ལཱབྷཱི ཙ ཨདྷིཔཉྙཱདྷམྨཝིཔསྶནཱཡ, ཨེཝཾ སོ ཏེནངྒེན པརིཔཱུརོ ཧོཏཱི’’ཏི.

‘‘པཉྩིམེ, ཨཱཝུསོ, ཨཱནིསཾསཱ ཀཱལེན དྷམྨསྶཝནེ ཀཱལེན དྷམྨསཱཀཙྪཱཡ. ཀཏམེ པཉྩ? ཨིདྷཱཝུསོ, བྷིཀྑུ བྷིཀྑཱུནཾ དྷམྨཾ དེསེཏི ཨཱདིཀལྱཱཎཾ མཛ྄ཛྷེཀལྱཱཎཾ པརིཡོསཱནཀལྱཱཎཾ སཱཏྠཾ སབྱཉྫནཾ, ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ པཀཱསེཏི. ཡཐཱ ཡཐཱ, ཨཱཝུསོ, བྷིཀྑུ བྷིཀྑཱུནཾ དྷམྨཾ དེསེཏི ཨཱདིཀལྱཱཎཾ མཛ྄ཛྷེཀལྱཱཎཾ པརིཡོསཱནཀལྱཱཎཾ སཱཏྠཾ སབྱཉྫནཾ, ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ པཀཱསེཏི ¶ , ཏཐཱ ཏཐཱ སོ སཏྠུ པིཡོ ཙ ཧོཏི མནཱཔོ ཙ གརུ ཙ བྷཱཝནཱིཡོ ཙ. ཨཡཾ, ཨཱཝུསོ, པཋམོ ཨཱནིསཾསོ ཀཱལེན དྷམྨསྶཝནེ ཀཱལེན དྷམྨསཱཀཙྪཱཡ.

‘‘པུན ཙཔརཾ, ཨཱཝུསོ, བྷིཀྑུ བྷིཀྑཱུནཾ དྷམྨཾ དེསེཏི ཨཱདིཀལྱཱཎཾ མཛ྄ཛྷེཀལྱཱཎཾ པརིཡོསཱནཀལྱཱཎཾ སཱཏྠཾ སབྱཉྫནཾ, ཀེཝལཔརིཔུཎྞཾ པརིསུདྡྷཾ ¶ བྲཧྨཙརིཡཾ པཀཱསེཏི. ཡཐཱ ཡཐཱ, ཨཱཝུསོ, བྷིཀྑུ བྷིཀྑཱུནཾ དྷམྨཾ དེསེཏི ཨཱདིཀལྱཱཎཾ…པེ… བྲཧྨཙརིཡཾ ¶ པཀཱསེཏི, ཏཐཱ ཏཐཱ སོ ཏསྨིཾ དྷམྨེ ཨཏྠཔྤཊིསཾཝེདཱི ཙ ཧོཏི དྷམྨཔྤཊིསཾཝེདཱི ཙ. ཨཡཾ, ཨཱཝུསོ, དུཏིཡོ ཨཱནིསཾསོ ཀཱལེན དྷམྨསྶཝནེ ཀཱལེན དྷམྨསཱཀཙྪཱཡ.

‘‘པུན ཙཔརཾ, ཨཱཝུསོ, བྷིཀྑུ བྷིཀྑཱུནཾ དྷམྨཾ དེསེཏི ཨཱདིཀལྱཱཎཾ མཛ྄ཛྷེཀལྱཱཎཾ པརིཡོསཱནཀལྱཱཎཾ སཱཏྠཾ སབྱཉྫནཾ, ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ པཀཱསེཏི. ཡཐཱ ཡཐཱ, ཨཱཝུསོ, བྷིཀྑུ བྷིཀྑཱུནཾ དྷམྨཾ དེསེཏི ཨཱདིཀལྱཱཎཾ…པེ… བྲཧྨཙརིཡཾ པཀཱསེཏི, ཏཐཱ ཏཐཱ སོ ཏསྨིཾ དྷམྨེ གམྦྷཱིརཾ ཨཏྠཔདཾ པཉྙཱཡ ཨཏིཝིཛ྄ཛྷ པསྶཏི. ཨཡཾ, ཨཱཝུསོ, ཏཏིཡོ ཨཱནིསཾསོ ཀཱལེན དྷམྨསྶཝནེ ཀཱལེན དྷམྨསཱཀཙྪཱཡ.

‘‘པུན ¶ ཙཔརཾ, ཨཱཝུསོ, བྷིཀྑུ བྷིཀྑཱུནཾ དྷམྨཾ དེསེཏི ཨཱདིཀལྱཱཎཾ…པེ… བྲཧྨཙརིཡཾ པཀཱསེཏི. ཡཐཱ ཡཐཱ, ཨཱཝུསོ, བྷིཀྑུ བྷིཀྑཱུནཾ དྷམྨཾ དེསེཏི ཨཱདིཀལྱཱཎཾ…པེ… བྲཧྨཙརིཡཾ པཀཱསེཏི, ཏཐཱ ཏཐཱ ནཾ སབྲཧྨཙཱརཱི ཨུཏྟརི སམྦྷཱཝེནྟི – ‘ཨདྡྷཱ ཨཡམཱཡསྨཱ པཏྟོ ཝཱ པཛྫཏི ཝཱ’. ཨཡཾ, ཨཱཝུསོ, ཙཏུཏྠོ ཨཱནིསཾསོ ཀཱལེན དྷམྨསྶཝནེ ཀཱལེན དྷམྨསཱཀཙྪཱཡ.

‘‘པུན ཙཔརཾ, ཨཱཝུསོ, བྷིཀྑུ བྷིཀྑཱུནཾ དྷམྨཾ དེསེཏི ཨཱདིཀལྱཱཎཾ མཛ྄ཛྷེཀལྱཱཎཾ པརིཡོསཱནཀལྱཱཎཾ སཱཏྠཾ སབྱཉྫནཾ, ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ པཀཱསེཏི. ཡཐཱ ཡཐཱ, ཨཱཝུསོ, བྷིཀྑུ བྷིཀྑཱུནཾ དྷམྨཾ དེསེཏི ཨཱདིཀལྱཱཎཾ མཛ྄ཛྷེཀལྱཱཎཾ པརིཡོསཱནཀལྱཱཎཾ སཱཏྠཾ སབྱཉྫནཾ ¶ , ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ པཀཱསེཏི, ཏཏྠ ཡེ ཁོ བྷིཀྑཱུ སེཁཱ ཨཔྤཏྟམཱནསཱ ཨནུཏྟརཾ ཡོགཀྑེམཾ པཏྠཡམཱནཱ ཝིཧརནྟི, ཏེ ཏཾ དྷམྨཾ སུཏྭཱ ཝཱིརིཡཾ ཨཱརབྷནྟི ཨཔྤཏྟསྶ པཏྟིཡཱ ཨནདྷིགཏསྶ ¶ ཨདྷིགམཱཡ ཨསཙྪིཀཏསྶ སཙྪིཀིརིཡཱཡ. ཡེ པན ཏཏྠ བྷིཀྑཱུ ཨརཧནྟོ ཁཱིཎཱསཝཱ ཝུསིཏཝནྟོ ཀཏཀརཎཱིཡཱ ཨོཧིཏབྷཱརཱ ཨནུཔྤཏྟསདཏྠཱ པརིཀྑཱིཎབྷཝསཾཡོཛནཱ སམྨདཉྙཱཝིམུཏྟཱ, ཏེ ཏཾ དྷམྨཾ སུཏྭཱ དིཊྛདྷམྨསུཁཝིཧཱརཾཡེཝ ¶ ཨནུཡུཏྟཱ ཝིཧརནྟི. ཨཡཾ, ཨཱཝུསོ, པཉྩམོ ཨཱནིསཾསོ ཀཱལེན དྷམྨསྶཝནེ ཀཱལེན དྷམྨསཱཀཙྪཱཡ. ཨིམེ ཁོ, ཨཱཝུསོ, པཉྩ ཨཱནིསཾསཱ ཀཱལེན དྷམྨསྶཝནེ ཀཱལེན དྷམྨསཱཀཙྪཱཡཱ’’ཏི. ཙཏུཏྠཾ.

༥. བལསུཏྟཾ

༥. ‘‘ཙཏྟཱརིམཱནི, བྷིཀྑཝེ, བལཱནི. ཀཏམཱནི ཙཏྟཱརི? པཉྙཱབལཾ, ཝཱིརིཡབལཾ, ཨནཝཛྫབལཾ, སངྒཱཧབལཾ. ཀཏམཉྩ, བྷིཀྑཝེ, པཉྙཱབལཾ? ཡེ དྷམྨཱ ཀུསལཱ ཀུསལསངྑཱཏཱ ཡེ དྷམྨཱ ཨཀུསལཱ ཨཀུསལསངྑཱཏཱ ཡེ དྷམྨཱ སཱཝཛྫཱ སཱཝཛྫསངྑཱཏཱ ཡེ དྷམྨཱ ཨནཝཛྫཱ ཨནཝཛྫསངྑཱཏཱ ཡེ དྷམྨཱ ཀཎྷཱ ཀཎྷསངྑཱཏཱ ཡེ དྷམྨཱ སུཀྐཱ སུཀྐསངྑཱཏཱ ཡེ དྷམྨཱ སེཝིཏབྦཱ སེཝིཏབྦསངྑཱཏཱ ཡེ དྷམྨཱ ཨསེཝིཏབྦཱ ཨསེཝིཏབྦསངྑཱཏཱ ཡེ དྷམྨཱ ནཱལམརིཡཱ ནཱལམརིཡསངྑཱཏཱ ཡེ དྷམྨཱ ཨལམརིཡཱ ཨལམརིཡསངྑཱཏཱ, ཏྱཱསྶ དྷམྨཱ པཉྙཱཡ ཝོདིཊྛཱ ཧོནྟི ཝོཙརིཏཱ. ཨིདཾ ཝུཙྩཏི, བྷིཀྑཝེ, པཉྙཱབལཾ.

‘‘ཀཏམཉྩ ¶ ¶ , བྷིཀྑཝེ, ཝཱིརིཡབལཾ? ཡེ དྷམྨཱ ཨཀུསལཱ ཨཀུསལསངྑཱཏཱ ཡེ དྷམྨཱ སཱཝཛྫཱ སཱཝཛྫསངྑཱཏཱ ཡེ དྷམྨཱ ཀཎྷཱ ཀཎྷསངྑཱཏཱ ཡེ དྷམྨཱ ཨསེཝིཏབྦཱ ཨསེཝིཏབྦསངྑཱཏཱ ཡེ དྷམྨཱ ནཱལམརིཡཱ ནཱལམརིཡསངྑཱཏཱ, ཏེསཾ དྷམྨཱནཾ པཧཱནཱཡ ཚནྡཾ ཛནེཏི ཝཱཡམཏི ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི. ཡེ དྷམྨཱ ཀུསལཱ ཀུསལསངྑཱཏཱ ཡེ དྷམྨཱ ཨནཝཛྫཱ ཨནཝཛྫསངྑཱཏཱ ཡེ དྷམྨཱ སུཀྐཱ སུཀྐསངྑཱཏཱ ཡེ དྷམྨཱ སེཝིཏབྦཱ སེཝིཏབྦསངྑཱཏཱ ¶ ཡེ དྷམྨཱ ཨལམརིཡཱ ཨལམརིཡསངྑཱཏཱ, ཏེསཾ དྷམྨཱནཾ པཊིལཱབྷཱཡ ཚནྡཾ ཛནེཏི ཝཱཡམཏི ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི. ཨིདཾ ཝུཙྩཏི, བྷིཀྑཝེ, ཝཱིརིཡབལཾ.

‘‘ཀཏམཉྩ, བྷིཀྑཝེ, ཨནཝཛྫབལཾ? ཨིདྷ, བྷིཀྑཝེ, ཨརིཡསཱཝཀོ ཨནཝཛྫེན ཀཱཡཀམྨེན སམནྣཱགཏོ ཧོཏི, ཨནཝཛྫེན ཝཙཱིཀམྨེན སམནྣཱགཏོ ཧོཏི, ཨནཝཛྫེན མནོཀམྨེན སམནྣཱགཏོ ཧོཏི. ཨིདཾ ཝུཙྩཏི, བྷིཀྑཝེ, ཨནཝཛྫབལཾ.

‘‘ཀཏམཉྩ ¶ , བྷིཀྑཝེ, སངྒཱཧབལཾ? ཙཏྟཱརིམཱནི, བྷིཀྑཝེ, སངྒཧཝཏྠཱུནི – དཱནཾ, པེཡྻཝཛྫཾ, ཨཏྠཙརིཡཱ, སམཱནཏྟཏཱ. ཨེཏདགྒཾ, བྷིཀྑཝེ, དཱནཱནཾ ཡདིདཾ དྷམྨདཱནཾ. ཨེཏདགྒཾ, བྷིཀྑཝེ, པེཡྻཝཛྫཱནཾ ཡདིདཾ ཨཏྠིཀསྶ ཨོཧིཏསོཏསྶ པུནཔྤུནཾ དྷམྨཾ དེསེཏི. ཨེཏདགྒཾ, བྷིཀྑཝེ, ཨཏྠཙརིཡཱནཾ ཡདིདཾ ཨསྶདྡྷཾ སདྡྷཱསམྤདཱཡ སམཱདཔེཏི ནིཝེསེཏི པཏིཊྛཱཔེཏི, དུསྶཱིལཾ སཱིལསམྤདཱཡ… པེ… མཙྪརིཾ ཙཱགསམྤདཱཡ…པེ… དུཔྤཉྙཾ པཉྙཱསམྤདཱཡ སམཱདཔེཏི ནིཝེསེཏི པཏིཊྛཱཔེཏི. ཨེཏདགྒཾ, བྷིཀྑཝེ, སམཱནཏྟཏཱནཾ ཡདིདཾ ¶ སོཏཱཔནྣོ སོཏཱཔནྣསྶ སམཱནཏྟོ, སཀདཱགཱམཱི སཀདཱགཱམིསྶ སམཱནཏྟོ, ཨནཱགཱམཱི ཨནཱགཱམིསྶ སམཱནཏྟོ, ཨརཧཱ ཨརཧཏོ སམཱནཏྟོ. ཨིདཾ ཝུཙྩཏི, བྷིཀྑཝེ, སངྒཱཧབལཾ. ཨིམཱནི ཁོ, བྷིཀྑཝེ, ཙཏྟཱརི བལཱནི.

‘‘ཨིམེཧི ཁོ, བྷིཀྑཝེ, ཙཏཱུཧི བལེཧི སམནྣཱགཏོ ཨརིཡསཱཝཀོ པཉྩ བྷཡཱནི སམཏིཀྐནྟོ ཧོཏི. ཀཏམཱནི པཉྩ? ཨཱཛཱིཝིཀབྷཡཾ, ཨསིལོཀབྷཡཾ, པརིསསཱརཛྫབྷཡཾ, མརཎབྷཡཾ ¶ , དུགྒཏིབྷཡཾ. ས ཁོ སོ, བྷིཀྑཝེ, ཨརིཡསཱཝཀོ ཨིཏི པཊིསཉྩིཀྑཏི – ‘ནཱཧཾ ཨཱཛཱིཝིཀབྷཡསྶ བྷཱཡཱམི. ཀིསྶཱཧཾ ཨཱཛཱིཝིཀབྷཡསྶ བྷཱཡིསྶཱམི? ཨཏྠི མེ ཙཏྟཱརི བལཱནི – པཉྙཱབལཾ, ཝཱིརིཡབལཾ, ཨནཝཛྫབལཾ, སངྒཱཧབལཾ. དུཔྤཉྙོ ཁོ ཨཱཛཱིཝིཀབྷཡསྶ ¶ བྷཱཡེཡྻ. ཀུསཱིཏོ ཨཱཛཱིཝིཀབྷཡསྶ བྷཱཡེཡྻ. སཱཝཛྫཀཱཡཀམྨནྟཝཙཱིཀམྨནྟམནོཀམྨནྟོ ཨཱཛཱིཝིཀབྷཡསྶ བྷཱཡེཡྻ. ཨསངྒཱཧཀོ ཨཱཛཱིཝིཀབྷཡསྶ བྷཱཡེཡྻ. ནཱཧཾ ཨསིལོཀབྷཡསྶ བྷཱཡཱམི…པེ… ནཱཧཾ པརིསསཱརཛྫབྷཡསྶ བྷཱཡཱམི…པེ… ནཱཧཾ མརཎབྷཡསྶ བྷཱཡཱམི…པེ… ནཱཧཾ དུགྒཏིབྷཡསྶ བྷཱཡཱམི. ཀིསྶཱཧཾ དུགྒཏིབྷཡསྶ བྷཱཡིསྶཱམི? ཨཏྠི མེ ཙཏྟཱརི བལཱནི – པཉྙཱབལཾ, ཝཱིརིཡབལཾ, ཨནཝཛྫབལཾ, སངྒཱཧབལཾ. དུཔྤཉྙོ ཁོ དུགྒཏིབྷཡསྶ བྷཱཡེཡྻ. ཀུསཱིཏོ དུགྒཏིབྷཡསྶ བྷཱཡེཡྻ. སཱཝཛྫཀཱཡཀམྨནྟཝཙཱིཀམྨནྟམནོཀམྨནྟོ དུགྒཏིབྷཡསྶ བྷཱཡེཡྻ. ཨསངྒཱཧཀོ དུགྒཏིབྷཡསྶ བྷཱཡེཡྻ. ཨིམེཧི ཁོ, བྷིཀྑཝེ, ཙཏཱུཧི བལེཧི སམནྣཱགཏོ ཨརིཡསཱཝཀོ ཨིམཱནི པཉྩ བྷཡཱནི སམཏིཀྐནྟོ ཧོཏཱི’’ཏི. པཉྩམཾ.

༦. སེཝནཱསུཏྟཾ

༦. ཏཏྲ ¶ ཁོ ཨཱཡསྨཱ སཱརིཔུཏྟོ བྷིཀྑཱུ ཨཱམནྟེསི…པེ… ཨཱཡསྨཱ སཱརིཔུཏྟོ ཨེཏདཝོཙ –

‘‘པུགྒལོཔི ¶ , ཨཱཝུསོ, དུཝིདྷེན ཝེདིཏབྦོ – སེཝིཏབྦོཔི ཨསེཝིཏབྦོཔི. ཙཱིཝརམྤི, ཨཱཝུསོ, དུཝིདྷེན ཝེདིཏབྦཾ – སེཝིཏབྦམྤི ཨསེཝིཏབྦམྤི. པིཎྜཔཱཏོཔི, ཨཱཝུསོ, དུཝིདྷེན ཝེདིཏབྦོ – སེཝིཏབྦོཔི ཨསེཝིཏབྦོཔི. སེནཱསནམྤི, ཨཱཝུསོ, དུཝིདྷེན ཝེདིཏབྦཾ – སེཝིཏབྦམྤི ཨསེཝིཏབྦམྤི. གཱམནིགམོཔི, ཨཱཝུསོ, དུཝིདྷེན ཝེདིཏབྦོ – སེཝིཏབྦོཔི ¶ ཨསེཝིཏབྦོཔི. ཛནཔདཔདེསོཔི ཨཱཝུསོ, དུཝིདྷེན ཝེདིཏབྦོ – སེཝིཏབྦོཔི ཨསེཝིཏབྦོཔི.

‘‘‘པུགྒལོཔི, ཨཱཝུསོ, དུཝིདྷེན ཝེདིཏབྦོ – སེཝིཏབྦོཔི ཨསེཝིཏབྦོཔཱི’ཏི, ཨིཏི ཁོ པནེཏཾ ཝུཏྟཾ. ཀིཉྩེཏཾ པཊིཙྩ ཝུཏྟཾ? ཏཏྠ ཡཾ ཛཉྙཱ པུགྒལཾ – ‘ཨིམཾ ཁོ མེ པུགྒལཾ སེཝཏོ ཨཀུསལཱ དྷམྨཱ ཨབྷིཝཌྜྷནྟི, ཀུསལཱ དྷམྨཱ པརིཧཱཡནྟི; ཡེ ཙ ཁོ མེ པབྦཛིཏེན ཛཱིཝིཏཔརིཀྑཱརཱ སམུདཱནེཏབྦཱ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱ ཏེ ཙ ཀསིརེན སམུདཱགཙྪནྟི; ཡསྶ ཙམྷི ཨཏྠཱཡ ཨགཱརསྨཱ ཨནགཱརིཡཾ པབྦཛིཏོ སོ ཙ མེ སཱམཉྙཏྠོ ¶ ན བྷཱཝནཱཔཱརིཔཱུརིཾ གཙྪཏཱི’ཏི, ཏེནཱཝུསོ, པུགྒལེན སོ པུགྒལོ རཏྟིབྷཱགཾ ཝཱ དིཝསབྷཱགཾ ཝཱ སངྑཱཔི ཨནཱཔུཙྪཱ པཀྐམིཏབྦཾ ནཱནུབནྡྷིཏབྦོ.

‘‘ཏཏྠ ཡཾ ཛཉྙཱ པུགྒལཾ – ‘ཨིམཾ ཁོ མེ པུགྒལཾ སེཝཏོ ཨཀུསལཱ དྷམྨཱ ཨབྷིཝཌྜྷནྟི, ཀུསལཱ དྷམྨཱ པརིཧཱཡནྟི; ཡེ ཙ ཁོ མེ པབྦཛིཏེན ཛཱིཝིཏཔརིཀྑཱརཱ སམུདཱནེཏབྦཱ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱ ཏེ ¶ ཙ ཨཔྤཀསིརེན སམུདཱགཙྪནྟི; ཡསྶ ཙམྷི ཨཏྠཱཡ ཨགཱརསྨཱ ཨནགཱརིཡཾ པབྦཛིཏོ སོ ཙ མེ སཱམཉྙཏྠོ ན བྷཱཝནཱཔཱརིཔཱུརིཾ གཙྪཏཱི’ཏི, ཏེནཱཝུསོ, པུགྒལེན སོ པུགྒལོ སངྑཱཔི ཨནཱཔུཙྪཱ པཀྐམིཏབྦཾ ནཱནུབནྡྷིཏབྦོ.

‘‘ཏཏྠ ཡཾ ཛཉྙཱ པུགྒལཾ – ‘ཨིམཾ ཁོ མེ པུགྒལཾ སེཝཏོ ཨཀུསལཱ ¶ དྷམྨཱ པརིཧཱཡནྟི, ཀུསལཱ དྷམྨཱ ཨབྷིཝཌྜྷནྟི; ཡེ ཙ ཁོ མེ པབྦཛིཏེན ཛཱིཝིཏཔརིཀྑཱརཱ སམུདཱནེཏབྦཱ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱ ཏེ ཙ ཀསིརེན སམུདཱགཙྪནྟི; ཡསྶ ཙམྷི ཨཏྠཱཡ ཨགཱརསྨཱ ཨནགཱརིཡཾ པབྦཛིཏོ སོ ཙ མེ སཱམཉྙཏྠོ བྷཱཝནཱཔཱརིཔཱུརིཾ གཙྪཏཱི’ཏི, ཏེནཱཝུསོ, པུགྒལེན སོ པུགྒལོ སངྑཱཔི ཨནུབནྡྷིཏབྦོ ན པཀྐམིཏབྦཾ.

‘‘ཏཏྠ ¶ ཡཾ ཛཉྙཱ པུགྒལཾ – ‘ཨིམཾ ཁོ མེ པུགྒལཾ སེཝཏོ ཨཀུསལཱ དྷམྨཱ པརིཧཱཡནྟི, ཀུསལཱ དྷམྨཱ ཨབྷིཝཌྜྷནྟི; ཡེ ཙ ཁོ མེ པབྦཛིཏེན ཛཱིཝིཏཔརིཀྑཱརཱ སམུདཱནེཏབྦཱ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱ ཏེ ཙ ཨཔྤཀསིརེན སམུདཱགཙྪནྟི; ཡསྶ ཙམྷི ཨཏྠཱཡ ཨགཱརསྨཱ ཨནགཱརིཡཾ པབྦཛིཏོ སོ ཙ མེ སཱམཉྙཏྠོ བྷཱཝནཱཔཱརིཔཱུརིཾ གཙྪཏཱི’ཏི, ཏེནཱཝུསོ, པུགྒལེན སོ པུགྒལོ ཡཱཝཛཱིཝཾ ཨནུབནྡྷིཏབྦོ ན པཀྐམིཏབྦཾ ཨཔི པནུཛྫམཱནེན [པཎུཛྫམཱནེན (?)]. ‘པུགྒལོཔི, ཨཱཝུསོ, དུཝིདྷེན ཝེདིཏབྦོ – སེཝིཏབྦོཔི ཨསེཝིཏབྦོཔཱི’ཏི, ཨིཏི ཡཾ ཏཾ ཝུཏྟཾ, ཨིདམེཏཾ པཊིཙྩ ཝུཏྟཾ.

‘‘‘ཙཱིཝརམྤི, ཨཱཝུསོ, དུཝིདྷེན ཝེདིཏབྦཾ – སེཝིཏབྦམྤི ཨསེཝིཏབྦམྤཱི’ཏི, ཨིཏི ¶ ཁོ པནེཏཾ ཝུཏྟཾ. ཀིཉྩེཏཾ པཊིཙྩ ཝུཏྟཾ? ཏཏྠ ཡཾ ཛཉྙཱ ཙཱིཝརཾ – ‘ཨིདཾ ཁོ མེ ཙཱིཝརཾ སེཝཏོ ཨཀུསལཱ དྷམྨཱ ཨབྷིཝཌྜྷནྟི, ཀུསལཱ དྷམྨཱ པརིཧཱཡནྟཱི’ཏི, ཨེཝརཱུཔཾ ཙཱིཝརཾ ན སེཝིཏབྦཾ ¶ . ཏཏྠ ཡཾ ཛཉྙཱ ཙཱིཝརཾ – ‘ཨིདཾ ཁོ མེ ཙཱིཝརཾ སེཝཏོ ཨཀུསལཱ དྷམྨཱ པརིཧཱཡནྟི, ཀུསལཱ དྷམྨཱ ཨབྷིཝཌྜྷནྟཱི’ཏི, ཨེཝརཱུཔཾ ཙཱིཝརཾ སེཝིཏབྦཾ. ‘ཙཱིཝརམྤི ¶ , ཨཱཝུསོ, དུཝིདྷེན ཝེདིཏབྦཾ – སེཝིཏབྦམྤི ཨསེཝིཏབྦམྤཱི’ཏི, ཨིཏི ཡཾ ཏཾ ཝུཏྟཾ, ཨིདམེཏཾ པཊིཙྩ ཝུཏྟཾ.

‘‘‘པིཎྜཔཱཏོཔི, ཨཱཝུསོ, དུཝིདྷེན ཝེདིཏབྦོ – སེཝིཏབྦོཔི ཨསེཝིཏབྦོཔཱི’ཏི, ཨིཏི ཁོ པནེཏཾ ཝུཏྟཾ. ཀིཉྩེཏཾ པཊིཙྩ ཝུཏྟཾ? ཏཏྠ ཡཾ ཛཉྙཱ པིཎྜཔཱཏཾ – ‘ཨིམཾ ཁོ མེ པིཎྜཔཱཏཾ སེཝཏོ ཨཀུསལཱ དྷམྨཱ ཨབྷིཝཌྜྷནྟི, ཀུསལཱ དྷམྨཱ པརིཧཱཡནྟཱི’ཏི, ཨེཝརཱུཔོ པིཎྜཔཱཏོ ན སེཝིཏབྦོ. ཏཏྠ ཡཾ ཛཉྙཱ པིཎྜཔཱཏཾ – ‘ཨིམཾ ཁོ མེ པིཎྜཔཱཏཾ སེཝཏོ ཨཀུསལཱ དྷམྨཱ པརིཧཱཡནྟི, ཀུསལཱ དྷམྨཱ ཨབྷིཝཌྜྷནྟཱི’ཏི, ཨེཝརཱུཔོ པིཎྜཔཱཏོ སེཝིཏབྦོ. ‘པིཎྜཔཱཏོཔི, ཨཱཝུསོ, དུཝིདྷེན ཝེདིཏབྦོ – སེཝིཏབྦོཔི ཨསེཝིཏབྦོཔཱི’ཏི, ཨིཏི ཡཾ ཏཾ ཝུཏྟཾ, ཨིདམེཏཾ པཊིཙྩ ཝུཏྟཾ.

‘‘‘སེནཱསནམྤི, ཨཱཝུསོ, དུཝིདྷེན ཝེདིཏབྦཾ – སེཝིཏབྦམྤི ཨསེཝིཏབྦམྤཱི’ཏི, ཨིཏི ཁོ པནེཏཾ ཝུཏྟཾ. ཀིཉྩེཏཾ པཊིཙྩ ཝུཏྟཾ? ཏཏྠ ཡཾ ཛཉྙཱ སེནཱསནཾ – ‘‘ཨིདཾ ཁོ མེ སེནཱསནཾ སེཝཏོ ཨཀུསལཱ དྷམྨཱ ཨབྷིཝཌྜྷནྟི, ཀུསལཱ དྷམྨཱ པརིཧཱཡནྟཱི’ཏི, ཨེཝརཱུཔཾ སེནཱསནཾ ན ¶ སེཝིཏབྦཾ. ཏཏྠ ཡཾ ཛཉྙཱ སེནཱསནཾ – ‘ཨིདཾ ཁོ མེ སེནཱསནཾ སེཝཏོ ཨཀུསལཱ དྷམྨཱ པརིཧཱཡནྟི ¶ , ཀུསལཱ དྷམྨཱ ཨབྷིཝཌྜྷནྟཱི’ཏི, ཨེཝརཱུཔཾ སེནཱསནཾ སེཝིཏབྦཾ. ‘སེནཱསནམྤི, ཨཱཝུསོ, དུཝིདྷེན ཝེདིཏབྦཾ – སེཝིཏབྦམྤི ཨསེཝིཏབྦམྤཱི’ཏི, ཨིཏི ཡཾ ཏཾ ཝུཏྟཾ, ཨིདམེཏཾ པཊིཙྩ ཝུཏྟཾ.

‘‘‘གཱམནིགམོཔི, ཨཱཝུསོ, དུཝིདྷེན ཝེདིཏབྦོ – སེཝིཏབྦོཔི ཨསེཝིཏབྦོཔཱི’ཏི, ཨིཏི ཁོ པནེཏཾ ཝུཏྟཾ. ཀིཉྩེཏཾ པཊིཙྩ ཝུཏྟཾ? ཏཏྠ ཡཾ ཛཉྙཱ གཱམནིགམཾ – ‘ཨིམཾ ཁོ མེ གཱམནིགམཾ སེཝཏོ ཨཀུསལཱ དྷམྨཱ ཨབྷིཝཌྜྷནྟི, ཀུསལཱ དྷམྨཱ པརིཧཱཡནྟཱི’ཏི, ཨེཝརཱུཔོ གཱམནིགམོ ན སེཝིཏབྦོ. ཏཏྠ ཡཾ ཛཉྙཱ གཱམནིགམཾ – ‘ཨིམཾ ཁོ, མེ གཱམནིགམཾ ¶ སེཝཏོ ཨཀུསལཱ དྷམྨཱ པརིཧཱཡནྟི, ཀུསལཱ དྷམྨཱ ཨབྷིཝཌྜྷནྟཱི’ཏི, ཨེཝརཱུཔོ གཱམནིགམོ སེཝིཏབྦོ. ‘གཱམནིགམོཔི, ཨཱཝུསོ, དུཝིདྷེན ཝེདིཏབྦོ – སེཝིཏབྦོཔི ཨསེཝིཏབྦོཔཱི’ཏི, ཨིཏི ཡཾ ཏཾ ཝུཏྟཾ, ཨིདམེཏཾ པཊིཙྩ ཝུཏྟཾ.

‘‘‘ཛནཔདཔདེསོཔི ¶ , ཨཱཝུསོ, དུཝིདྷེན ཝེདིཏབྦོ – སེཝིཏབྦོཔི ཨསེཝིཏབྦོཔཱི’ཏི, ཨིཏི ཁོ པནེཏཾ ཝུཏྟཾ. ཀིཉྩེཏཾ པཊིཙྩ ཝུཏྟཾ? ཏཏྠ ཡཾ ཛཉྙཱ ཛནཔདཔདེསཾ – ‘ཨིམཾ ཁོ མེ ཛནཔདཔདེསཾ སེཝཏོ ཨཀུསལཱ དྷམྨཱ ཨབྷིཝཌྜྷནྟི, ཀུསལཱ དྷམྨཱ པརིཧཱཡནྟཱི’ཏི, ཨེཝརཱུཔོ ཛནཔདཔདེསོ ན སེཝིཏབྦོ. ཏཏྠ ཡཾ ཛཉྙཱ ཛནཔདཔདེསཾ – ‘ཨིམཾ ཁོ མེ ཛནཔདཔདེསཾ སེཝཏོ ཨཀུསལཱ དྷམྨཱ པརིཧཱཡནྟི, ཀུསལཱ དྷམྨཱ ཨབྷིཝཌྜྷནྟཱི’ཏི, ཨེཝརཱུཔོ ཛནཔདཔདེསོ སེཝིཏབྦོ. ‘ཛནཔདཔདེསོཔི, ཨཱཝུསོ, དུཝིདྷེན ¶ ཝེདིཏབྦོ – སེཝིཏབྦོཔི ཨསེཝིཏབྦོཔཱི’ཏི, ཨིཏི ཡཾ ཏཾ ཝུཏྟཾ, ཨིདམེཏཾ པཊིཙྩ ཝུཏྟ’’ནྟི. ཚཊྛཾ.

༧. སུཏཝཱསུཏྟཾ

༧. ཨེཀཾ སམཡཾ བྷགཝཱ རཱཛགཧེ ཝིཧརཏི གིཛ྄ཛྷཀཱུཊེ པབྦཏེ. ཨཐ ཁོ སུཏཝཱ པརིབྦཱཛཀོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝཏཱ སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སུཏཝཱ པརིབྦཱཛཀོ བྷགཝནྟཾ ཨེཏདཝོཙ –

‘‘ཨེཀམིདཱཧཾ, བྷནྟེ, སམཡཾ བྷགཝཱ ཨིདྷེཝ རཱཛགཧེ ཝིཧརཱམི གིརིབྦཛེ. ཏཏྲ མེ, བྷནྟེ, བྷགཝཏོ སམྨུཁཱ སུཏཾ སམྨུཁཱ པཊིགྒཧིཏཾ – ‘ཡོ སོ, སུཏཝཱ ¶ [སུཏཝ (སྱཱ.)], བྷིཀྑུ ཨརཧཾ ཁཱིཎཱསཝོ ཝུསིཏཝཱ ཀཏཀརཎཱིཡོ ཨོཧིཏབྷཱརོ ¶ ཨནུཔྤཏྟསདཏྠོ པརིཀྑཱིཎབྷཝསཾཡོཛནོ སམྨདཉྙཱཝིམུཏྟོ, ཨབྷབྦོ སོ པཉྩ ཋཱནཱནི ཨཛ྄ཛྷཱཙརིཏུཾ – ཨབྷབྦོ ཁཱིཎཱསཝོ བྷིཀྑུ སཉྩིཙྩ པཱཎཾ ཛཱིཝིཏཱ ཝོརོཔེཏུཾ, ཨབྷབྦོ ཁཱིཎཱསཝོ བྷིཀྑུ ཨདིནྣཾ ཐེཡྻསངྑཱཏཾ ཨཱདཱཏུཾ, ཨབྷབྦོ ཁཱིཎཱསཝོ བྷིཀྑུ མེཐུནཾ དྷམྨཾ པཊིསེཝིཏུཾ, ཨབྷབྦོ ཁཱིཎཱསཝོ བྷིཀྑུ སམྤཛཱནམུསཱ [སམྤཛཱནཾ མུསཱ (ཀ. སཱི.)] བྷཱསིཏུཾ, ཨབྷབྦོ ཁཱིཎཱསཝོ བྷིཀྑུ སནྣིདྷིཀཱརཀཾ ཀཱམེ པརིབྷུཉྫིཏུཾ སེཡྻཐཱཔི པུབྦེ ཨགཱརིཡབྷཱུཏོ’ཏི. ཀཙྩི མེཏཾ, བྷནྟེ, བྷགཝཏོ སུསྶུཏཾ སུགྒཧིཏཾ སུམནསིཀཏཾ སཱུཔདྷཱརིཏ’’ནྟི?

‘‘ཏགྒྷ ཏེ ཨེཏཾ, སུཏཝཱ, སུསྶུཏཾ སུགྒཧིཏཾ སུམནསིཀཏཾ སཱུཔདྷཱརིཏཾ. པུབྦེ ཙཱཧཾ, སུཏཝཱ, ཨེཏརཧི ཙ ཨེཝཾ ཝདཱམི – ‘ཡོ སོ བྷིཀྑུ ཨརཧཾ ཁཱིཎཱསཝོ ཝུསིཏཝཱ ཀཏཀརཎཱིཡོ ཨོཧིཏབྷཱརོ ཨནུཔྤཏྟསདཏྠོ པརིཀྑཱིཎབྷཝསཾཡོཛནོ སམྨདཉྙཱཝིམུཏྟོ, ཨབྷབྦོ ¶ སོ ནཝ ཋཱནཱནི ཨཛ྄ཛྷཱཙརིཏུཾ ¶ – ཨབྷབྦོ ཁཱིཎཱསཝོ བྷིཀྑུ སཉྩིཙྩ པཱཎཾ ཛཱིཝིཏཱ ཝོརོཔེཏུཾ, ཨབྷབྦོ ཁཱིཎཱསཝོ བྷིཀྑུ ཨདིནྣཾ ཐེཡྻསངྑཱཏཾ ཨཱདཱཏུཾ, ཨབྷབྦོ ཁཱིཎཱསཝོ བྷིཀྑུ མེཐུནཾ དྷམྨཾ པཊིསེཝིཏུཾ, ཨབྷབྦོ ཁཱིཎཱསཝོ བྷིཀྑུ སམྤཛཱནམུསཱ བྷཱསིཏུཾ, ཨབྷབྦོ ཁཱིཎཱསཝོ བྷིཀྑུ སནྣིདྷིཀཱརཀཾ ཀཱམེ པརིབྷུཉྫིཏུཾ སེཡྻཐཱཔི པུབྦེ ཨགཱརིཡབྷཱུཏོ, ཨབྷབྦོ ཁཱིཎཱསཝོ བྷིཀྑུ ཚནྡཱགཏིཾ གནྟུཾ, ཨབྷབྦོ ཁཱིཎཱསཝོ བྷིཀྑུ དོསཱགཏིཾ གནྟུཾ, ཨབྷབྦོ ཁཱིཎཱསཝོ བྷིཀྑུ མོཧཱགཏིཾ གནྟུཾ, ཨབྷབྦོ ཁཱིཎཱསཝོ བྷིཀྑུ བྷཡཱགཏིཾ ¶ གནྟུཾ’. པུབྦེ ཙཱཧཾ, སུཏཝཱ, ཨེཏརཧི ཙ ཨེཝཾ ཝདཱམི – ‘ཡོ སོ བྷིཀྑུ ཨརཧཾ ཁཱིཎཱསཝོ ཝུསིཏཝཱ ཀཏཀརཎཱིཡོ ཨོཧིཏབྷཱརོ ཨནུཔྤཏྟསདཏྠོ པརིཀྑཱིཎབྷཝསཾཡོཛནོ སམྨདཉྙཱཝིམུཏྟོ, ཨབྷབྦོ སོ ཨིམཱནི ནཝ ཋཱནཱནི ཨཛ྄ཛྷཱཙརིཏུ’’’ནྟི. སཏྟམཾ.

༨. སཛ྄ཛྷསུཏྟཾ

༨. ཨེཀཾ སམཡཾ བྷགཝཱ རཱཛགཧེ ཝིཧརཏི གིཛ྄ཛྷཀཱུཊེ པབྦཏེ. ཨཐ ཁོ སཛ྄ཛྷོ པརིབྦཱཛཀོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝཏཱ སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ¶ ནིསཱིདི. ཨེཀམནྟཾ ནིསིནྣོ ཁོ སཛ྄ཛྷོ པརིབྦཱཛཀོ བྷགཝནྟཾ ཨེཏདཝོཙ –

‘‘ཨེཀམིདཱཧཾ, བྷནྟེ, སམཡཾ བྷགཝཱ ཨིདྷེཝ རཱཛགཧེ ཝིཧརཱམི གིརིབྦཛེ. ཏཏྲ མེ, བྷནྟེ, བྷགཝཏོ སམྨུཁཱ སུཏཾ སམྨུཁཱ པཊིགྒཧིཏཾ – ‘ཡོ སོ, སཛ྄ཛྷ, བྷིཀྑུ ཨརཧཾ ཁཱིཎཱསཝོ ཝུསིཏཝཱ ཀཏཀརཎཱིཡོ ཨོཧིཏབྷཱརོ ཨནུཔྤཏྟསདཏྠོ པརིཀྑཱིཎབྷཝསཾཡོཛནོ སམྨདཉྙཱཝིམུཏྟོ, ཨབྷབྦོ སོ པཉྩ ཋཱནཱནི ཨཛ྄ཛྷཱཙརིཏུཾ – ཨབྷབྦོ ཁཱིཎཱསཝོ བྷིཀྑུ སཉྩིཙྩ ¶ པཱཎཾ ཛཱིཝིཏཱ ཝོརོཔེཏུཾ, ཨབྷབྦོ ཁཱིཎཱསཝོ བྷིཀྑུ ཨདིནྣཾ ཐེཡྻསངྑཱཏཾ ཨཱདཱཏུཾ, ཨབྷབྦོ ཁཱིཎཱསཝོ བྷིཀྑུ མེཐུནཾ དྷམྨཾ པཊིསེཝིཏུཾ, ཨབྷབྦོ ཁཱིཎཱསཝོ བྷིཀྑུ སམྤཛཱནམུསཱ བྷཱསིཏུཾ, ཨབྷབྦོ ཁཱིཎཱསཝོ བྷིཀྑུ སནྣིདྷིཀཱརཀཾ ཀཱམེ པརིབྷུཉྫིཏུཾ སེཡྻཐཱཔི པུབྦེ ཨགཱརིཡབྷཱུཏོ’ཏི. ཀཙྩི མེཏཾ, བྷནྟེ, བྷགཝཏོ སུསྶུཏཾ སུགྒཧིཏཾ སུམནསིཀཏཾ སཱུཔདྷཱརིཏ’’ནྟི?

‘‘ཏགྒྷ ¶ ཏེ ཨེཏཾ, སཛ྄ཛྷ, སུསྶུཏཾ སུགྒཧིཏཾ སུམནསིཀཏཾ སཱུཔདྷཱརིཏཾ. པུབྦེ ཙཱཧཾ, སཛ྄ཛྷ ¶ , ཨེཏརཧི ཙ ཨེཝཾ ཝདཱམི – ‘ཡོ སོ བྷིཀྑུ ཨརཧཾ ཁཱིཎཱསཝོ ཝུསིཏཝཱ ཀཏཀརཎཱིཡོ ཨོཧིཏབྷཱརོ ཨནུཔྤཏྟསདཏྠོ པརིཀྑཱིཎབྷཝསཾཡོཛནོ སམྨདཉྙཱཝིམུཏྟོ, ཨབྷབྦོ སོ ནཝ ཋཱནཱནི ཨཛ྄ཛྷཱཙརིཏུཾ – ཨབྷབྦོ ཁཱིཎཱསཝོ བྷིཀྑུ སཉྩིཙྩ པཱཎཾ ཛཱིཝིཏཱ ཝོརོཔེཏུཾ…པེ… ཨབྷབྦོ ཁཱིཎཱསཝོ བྷིཀྑུ སནྣིདྷིཀཱརཀཾ ཀཱམེ པརིབྷུཉྫིཏུཾ སེཡྻཐཱཔི པུབྦེ ཨགཱརིཡབྷཱུཏོ, ཨབྷབྦོ ཁཱིཎཱསཝོ བྷིཀྑུ བུདྡྷཾ པཙྩཀྑཱཏུཾ, ཨབྷབྦོ ཁཱིཎཱསཝོ བྷིཀྑུ དྷམྨཾ པཙྩཀྑཱཏུཾ, ཨབྷབྦོ ཁཱིཎཱསཝོ བྷིཀྑུ སངྒྷཾ པཙྩཀྑཱཏུཾ, ཨབྷབྦོ ཁཱིཎཱསཝོ བྷིཀྑུ སིཀྑཾ པཙྩཀྑཱཏུཾ’. པུབྦེ ཙཱཧཾ, སཛ྄ཛྷ, ཨེཏརཧི ཙ ཨེཝཾ ཝདཱམི – ‘ཡོ སོ བྷིཀྑུ ཨརཧཾ ཁཱིཎཱསཝོ ཝུསིཏཝཱ ཀཏཀརཎཱིཡོ ཨོཧིཏབྷཱརོ ཨནུཔྤཏྟསདཏྠོ པརིཀྑཱིཎབྷཝསཾཡོཛནོ སམྨདཉྙཱཝིམུཏྟོ, ཨབྷབྦོ སོ ཨིམཱནི ནཝ ཋཱནཱནི ཨཛ྄ཛྷཱཙརིཏུ’’’ནྟི. ཨཊྛམཾ.

༩. པུགྒལསུཏྟཾ

༩. ‘‘ནཝཡིམེ, བྷིཀྑཝེ, པུགྒལཱ སནྟོ སཾཝིཛྫམཱནཱ ལོཀསྨིཾ. ཀཏམེ ¶ ནཝ? ཨརཧཱ, ཨརཧཏྟཱཡ པཊིཔནྣོ, ཨནཱགཱམཱི, ཨནཱགཱམིཕལསཙྪིཀིརིཡཱཡ པཊིཔནྣོ, སཀདཱགཱམཱི, སཀདཱགཱམིཕལསཙྪིཀིརིཡཱཡ པཊིཔནྣོ ¶ , སོཏཱཔནྣོ, སོཏཱཔཏྟིཕལསཙྪིཀིརིཡཱཡ པཊིཔནྣོ, པུཐུཛྫནོ – ཨིམེ ཁོ, བྷིཀྑཝེ, ནཝ པུགྒལཱ སནྟོ སཾཝིཛྫམཱནཱ ལོཀསྨི’’ནྟི. ནཝམཾ.

༡༠. ཨཱཧུནེཡྻསུཏྟཾ

༡༠. ‘‘ནཝཡིམེ ¶ , བྷིཀྑཝེ, པུགྒལཱ ཨཱཧུནེཡྻཱ པཱཧུནེཡྻཱ དཀྑིཎེཡྻཱ ཨཉྫལིཀརཎཱིཡཱ ཨནུཏྟརཾ པུཉྙཀྑེཏྟཾ ལོཀསྶ. ཀཏམེ ནཝ? ཨརཧཱ, ཨརཧཏྟཱཡ པཊིཔནྣོ, ཨནཱགཱམཱི, ཨནཱགཱམིཕལསཙྪིཀིརིཡཱཡ པཊིཔནྣོ, སཀདཱགཱམཱི, སཀདཱགཱམིཕལསཙྪིཀིརིཡཱཡ པཊིཔནྣོ, སོཏཱཔནྣོ, སོཏཱཔཏྟིཕལསཙྪིཀིརིཡཱཡ པཊིཔནྣོ, གོཏྲབྷཱུ – ཨིམེ ཁོ, བྷིཀྑཝེ, ནཝ པུགྒལཱ ཨཱཧུནེཡྻཱ…པེ… ཨནུཏྟརཾ པུཉྙཀྑེཏྟཾ ལོཀསྶཱ’’ཏི. དསམཾ.

སམྦོདྷིཝགྒོ པཋམོ.

ཏསྶུདྡཱནཾ ¶ –

སམྦོདྷི ནིསྶཡོ ཙེཝ, མེགྷིཡ ནནྡཀཾ བལཾ;

སེཝནཱ སུཏཝཱ སཛ྄ཛྷོ, པུགྒལོ ཨཱཧུནེཡྻེན ཙཱཏི.

༢. སཱིཧནཱདཝགྒོ

༡. སཱིཧནཱདསུཏྟཾ

༡༡. ཨེཀཾ ¶ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཨཐ ཁོ ཨཱཡསྨཱ སཱརིཔུཏྟོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ སཱརིཔུཏྟོ བྷགཝནྟཾ ཨེཏདཝོཙ – ‘‘ཝུཏྠོ ¶ མེ, བྷནྟེ, སཱཝཏྠིཡཾ ཝསྶཱཝཱསོ. ཨིཙྪཱམཧཾ, བྷནྟེ, ཛནཔདཙཱརིཀཾ པཀྐམིཏུ’’ནྟི. ‘‘ཡསྶདཱནི ཏྭཾ, སཱརིཔུཏྟ, ཀཱལཾ མཉྙསཱི’’ཏི. ཨཐ ཁོ ཨཱཡསྨཱ སཱརིཔུཏྟོ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ¶ ཁོ ཨཉྙཏརོ བྷིཀྑུ ཨཙིརཔཀྐནྟེ ཨཱཡསྨནྟེ སཱརིཔུཏྟེ བྷགཝནྟཾ ཨེཏདཝོཙ – ‘‘ཨཱཡསྨཱ མཾ, བྷནྟེ, སཱརིཔུཏྟོ ཨཱསཛྫ ཨཔྤཊིནིསྶཛྫ ཙཱརིཀཾ པཀྐནྟོ’’ཏི. ཨཐ ཁོ བྷགཝཱ ཨཉྙཏརཾ བྷིཀྑུཾ ཨཱམནྟེསི – ‘‘ཨེཧི ¶ ཏྭཾ, བྷིཀྑུ, མམ ཝཙནེན སཱརིཔུཏྟཾ ཨཱམནྟེཧི – ‘སཏྠཱ ཏཾ, ཨཱཝུསོ སཱརིཔུཏྟ, ཨཱམནྟེཏཱི’’’ཏི. ‘‘ཨེཝཾ, བྷནྟེ’’ཏི ཁོ སོ བྷིཀྑུ བྷགཝཏོ པཊིསྶུཏྭཱ ཡེནཱཡསྨཱ སཱརིཔུཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ སཱརིཔུཏྟཾ ཨེཏདཝོཙ – ‘‘སཏྠཱ ཏཾ, ཨཱཝུསོ སཱརིཔུཏྟ, ཨཱམནྟེཏཱི’’ཏི. ‘‘ཨེཝམཱཝུསོ’’ཏི ཁོ ཨཱཡསྨཱ སཱརིཔུཏྟོ ཏསྶ བྷིཀྑུནོ པཙྩསྶོསི.

ཏེན ཁོ པན སམཡེན ཨཱཡསྨཱ ཙ མཧཱམོགྒལླཱནོ [མཧཱམོགྒལཱནོ (ཀ.)] ཨཱཡསྨཱ ཙ ཨཱནནྡོ ཨཝཱཔུརཎཾ [ཨཔཱཔུརཎཾ (སྱཱ. ཀ.)] ཨཱདཱཡ ཝིཧཱརེ ཨཱཧིཎྜནྟི [ཝིཧཱརེན ཝིཧཱརཾ ཨནྭཱཧིཎྜནྟི (སཱི. པཱི.), ཝིཧཱརཾ ཨཱཧིཎྜནྟི (སྱཱ.)] – ‘‘ཨབྷིཀྐམཐཱཡསྨནྟོ, ཨབྷིཀྐམཐཱཡསྨནྟོ! ཨིདཱནཱཡསྨཱ སཱརིཔུཏྟོ བྷགཝཏོ སམྨུཁཱ སཱིཧནཱདཾ ནདིསྶཏཱི’’ཏི. ཨཐ ཁོ ཨཱཡསྨཱ སཱརིཔུཏྟོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨཱཡསྨནྟཾ སཱརིཔུཏྟཾ བྷགཝཱ ཨེཏདཝོཙ – ‘‘ཨིདྷ ཏེ, སཱརིཔུཏྟ, ཨཉྙཏརོ སབྲཧྨཙཱརཱི ཁཱིཡནདྷམྨཾ ཨཱཔནྣོ – ‘ཨཱཡསྨཱ མཾ, བྷནྟེ, སཱརིཔུཏྟོ ཨཱསཛྫ ¶ ཨཔྤཊིནིསྶཛྫཙཱརིཀཾ པཀྐནྟོ’’’ཏི.

‘‘ཡསྶ ¶ ནཱུན, བྷནྟེ, ཀཱཡེ ཀཱཡགཏཱསཏི ཨནུཔཊྛིཏཱ ཨསྶ, སོ ཨིདྷ ཨཉྙཏརཾ སབྲཧྨཙཱརིཾ ཨཱསཛྫ ཨཔྤཊིནིསྶཛྫ ཙཱརིཀཾ པཀྐམེཡྻ.

‘‘སེཡྻཐཱཔི, བྷནྟེ, པཐཝིཡཾ སུཙིམྤི ནིཀྑིཔནྟི ཨསུཙིམྤི ནིཀྑིཔནྟི གཱུཐགཏམྤི ནིཀྑིཔནྟི མུཏྟགཏམྤི ནིཀྑིཔནྟི ཁེལ༹གཏམྤི ནིཀྑིཔནྟི པུབྦགཏམྤི ནིཀྑིཔནྟི ལོཧིཏགཏམྤི ནིཀྑིཔནྟི, ན ཙ ཏེན པཐཝཱི ཨཊྚཱིཡཏི ཝཱ ཧརཱཡཏི ཝཱ ཛིགུཙྪཏི ཝཱ; ཨེཝམེཝཾ ¶ ཁོ ཨཧཾ, བྷནྟེ, པཐཝཱིསམེན ཙེཏསཱ ཝིཧརཱམི ཝིཔུལེན མཧགྒཏེན ཨཔྤམཱཎེན ཨཝེརེན ཨབྱཱཔཛྫེན. ཡསྶ ནཱུན, བྷནྟེ, ཀཱཡེ ཀཱཡགཏཱསཏི ཨནུཔཊྛིཏཱ ཨསྶ, སོ ཨིདྷ ཨཉྙཏརཾ སབྲཧྨཙཱརིཾ ཨཱསཛྫ ཨཔྤཊིནིསྶཛྫ ཙཱརིཀཾ པཀྐམེཡྻ.

‘‘སེཡྻཐཱཔི, བྷནྟེ, ཨཱཔསྨིཾ སུཙིམྤི དྷོཝནྟི ཨསུཙིམྤི དྷོཝནྟི གཱུཐགཏམྤི… མུཏྟགཏམྤི… ཁེལ༹གཏམྤི… པུབྦགཏམྤི… ལོཧིཏགཏམྤི དྷོཝནྟི, ན ཙ ཏེན ཨཱཔོ ཨཊྚཱིཡཏི ཝཱ ཧརཱཡཏི ཝཱ ཛིགུཙྪཏི ཝཱ; ཨེཝམེཝཾ ཁོ ཨཧཾ, བྷནྟེ, ཨཱཔོསམེན ཙེཏསཱ ཝིཧརཱམི ཝིཔུལེན མཧགྒཏེན ཨཔྤམཱཎེན ¶ ཨཝེརེན ཨབྱཱཔཛྫེན. ཡསྶ ནཱུན, བྷནྟེ, ཀཱཡེ ཀཱཡགཏཱསཏི ཨནུཔཊྛིཏཱ ཨསྶ, སོ ཨིདྷ ཨཉྙཏརཾ སབྲཧྨཙཱརིཾ ཨཱསཛྫ ཨཔྤཊིནིསྶཛྫ ཙཱརིཀཾ པཀྐམེཡྻ.

‘‘སེཡྻཐཱཔི, བྷནྟེ, ཏེཛོ སུཙིམྤི ཌཧཏི ཨསུཙིམྤི ཌཧཏི གཱུཐགཏམྤི… མུཏྟགཏམྤི… ཁེལ༹གཏམྤི… པུབྦགཏམྤི… ལོཧིཏགཏམྤི ཌཧཏི, ན ཙ ཏེན ཏེཛོ ཨཊྚཱིཡཏི ཝཱ ཧརཱཡཏི ཝཱ ཛིགུཙྪཏི ཝཱ; ཨེཝམེཝཾ ཁོ ཨཧཾ ¶ , བྷནྟེ, ཏེཛོསམེན ཙེཏསཱ ཝིཧརཱམི ཝིཔུལེན མཧགྒཏེན ཨཔྤམཱཎེན ཨཝེརེན ཨབྱཱཔཛྫེན. ཡསྶ ནཱུན, བྷནྟེ, ཀཱཡེ ཀཱཡགཏཱསཏི ཨནུཔཊྛིཏཱ ཨསྶ, སོ ཨིདྷ ཨཉྙཏརཾ སབྲཧྨཙཱརིཾ ཨཱསཛྫ ཨཔྤཊིནིསྶཛྫ ཙཱརིཀཾ པཀྐམེཡྻ.

‘‘སེཡྻཐཱཔི, བྷནྟེ, ཝཱཡོ སུཙིམྤི ཨུཔཝཱཡཏི ཨསུཙིམྤི ཨུཔཝཱཡཏི གཱུཐགཏམྤི… མུཏྟགཏམྤི… ཁེལ༹གཏམྤི… པུབྦགཏམྤི… ལོཧིཏགཏམྤི ཨུཔཝཱཡཏི, ན ཙ ཏེན ཝཱཡོ ཨཊྚཱིཡཏི ཝཱ ཧརཱཡཏི ཝཱ ཛིགུཙྪཏི ཝཱ; ཨེཝམེཝཾ ཁོ ཨཧཾ, བྷནྟེ, ཝཱཡོསམེན ཙེཏསཱ ཝིཧརཱམི ཝིཔུལེན མཧགྒཏེན ཨཔྤམཱཎེན ཨཝེརེན ཨབྱཱཔཛྫེན. ཡསྶ ནཱུན, བྷནྟེ, ཀཱཡེ ཀཱཡགཏཱསཏི ¶ ཨནུཔཊྛིཏཱ ཨསྶ, སོ ཨིདྷ ཨཉྙཏརཾ སབྲཧྨཙཱརིཾ ཨཱསཛྫ ཨཔྤཊིནིསྶཛྫ ཙཱརིཀཾ པཀྐམེཡྻ.

‘‘སེཡྻཐཱཔི ¶ , བྷནྟེ, རཛོཧརཎཾ སུཙིམྤི པུཉྪཏི ཨསུཙིམྤི པུཉྪཏི གཱུཐགཏམྤི… མུཏྟགཏམྤི… ཁེལ༹གཏམྤི… པུབྦགཏམྤི… ལོཧིཏགཏམྤི པུཉྪཏི, ན ཙ ཏེན རཛོཧརཎཾ ཨཊྚཱིཡཏི ཝཱ ཧརཱཡཏི ཝཱ ཛིགུཙྪཏི ཝཱ; ཨེཝམེཝཾ ཁོ ཨཧཾ, བྷནྟེ, རཛོཧརཎསམེན ཙེཏསཱ ཝིཧརཱམི ཝིཔུལེན མཧགྒཏེན ཨཔྤམཱཎེན ཨཝེརེན ཨབྱཱཔཛྫེན. ཡསྶ ནཱུན, བྷནྟེ, ཀཱཡེ ཀཱཡགཏཱསཏི ཨནུཔཊྛིཏཱ ཨསྶ, སོ ཨིདྷ ཨཉྙཏརཾ སབྲཧྨཙཱརིཾ ཨཱསཛྫ ཨཔྤཊིནིསྶཛྫ ཙཱརིཀཾ པཀྐམེཡྻ.

‘‘སེཡྻཐཱཔི, བྷནྟེ, ཙཎྜཱལཀུམཱརཀོ ཝཱ ཙཎྜཱལཀུམཱརིཀཱ ཝཱ ཀལོ༹པིཧཏྠོ ནནྟཀཝཱསཱི གཱམཾ ཝཱ ནིགམཾ ཝཱ པཝིསནྟོ ནཱིཙཙིཏྟཾཡེཝ ཨུཔཊྛཔེཏྭཱ ¶ པཝིསཏི; ཨེཝམེཝཾ ཁོ ཨཧཾ, བྷནྟེ, ཙཎྜཱལཀུམཱརཀཙཎྜཱལཀུམཱརིཀཱསམེན ཙེཏསཱ ཝིཧརཱམི ཝིཔུལེན མཧགྒཏེན ཨཔྤམཱཎེན ཨཝེརེན ཨབྱཱཔཛྫེན. ཡསྶ ནཱུན, བྷནྟེ, ཀཱཡེ ཀཱཡགཏཱསཏི ¶ ཨནུཔཊྛིཏཱ ཨསྶ, སོ ཨིདྷ ཨཉྙཏརཾ སབྲཧྨཙཱརིཾ ཨཱསཛྫ ཨཔྤཊིནིསྶཛྫ ཙཱརིཀཾ པཀྐམེཡྻ.

‘‘སེཡྻཐཱཔི, བྷནྟེ, ཨུསབྷོ ཚིནྣཝིསཱཎོ སཱུརཏོ སུདནྟོ སུཝིནཱིཏོ རཐིཡཱཡ རཐིཡཾ སིངྒྷཱཊཀེན སིངྒྷཱཊཀཾ ཨནྭཱཧིཎྜནྟོ ན ཀིཉྩི ཧིཾསཏི པཱདེན ཝཱ ཝིསཱཎེན ཝཱ; ཨེཝམེཝཾ ཁོ ཨཧཾ, བྷནྟེ, ཨུསབྷཚིནྣཝིསཱཎསམེན ཙེཏསཱ ཝིཧརཱམི ཝིཔུལེན མཧགྒཏེན ཨཔྤམཱཎེན ཨཝེརེན ཨབྱཱཔཛྫེན. ཡསྶ ནཱུན, བྷནྟེ, ཀཱཡེ ཀཱཡགཏཱསཏི ཨནུཔཊྛིཏཱ ཨསྶ, སོ ཨིདྷ ཨཉྙཏརཾ སབྲཧྨཙཱརིཾ ཨཱསཛྫ ཨཔྤཊིནིསྶཛྫ ཙཱརིཀཾ པཀྐམེཡྻ.

‘‘སེཡྻཐཱཔི, བྷནྟེ, ཨིཏྠཱི ཝཱ པུརིསོ ཝཱ དཧརོ ཡུཝཱ མཎྜནཀཛཱཏིཀོ སཱིསཾནྷཱཏོ ཨཧིཀུཎཔེན ཝཱ ཀུཀྐུརཀུཎཔེན ¶ ཝཱ མནུསྶཀུཎཔེན ཝཱ ཀཎྛེ ཨཱསཏྟེན ཨཊྚཱིཡེཡྻ ཧརཱཡེཡྻ ཛིགུཙྪེཡྻ; ཨེཝམེཝཾ ཁོ ཨཧཾ, བྷནྟེ, ཨིམིནཱ པཱུཏིཀཱཡེན ཨཊྚཱིཡཱམི ཧརཱཡཱམི ཛིགུཙྪཱམི. ཡསྶ ནཱུན, བྷནྟེ, ཀཱཡེ ཀཱཡགཏཱསཏི ཨནུཔཊྛིཏཱ ཨསྶ, སོ ཨིདྷ ཨཉྙཏརཾ སབྲཧྨཙཱརིཾ ཨཱསཛྫ ཨཔྤཊིནིསྶཛྫ ཙཱརིཀཾ པཀྐམེཡྻ.

‘‘སེཡྻཐཱཔི ¶ , བྷནྟེ, པུརིསོ མེདཀཐཱལིཀཾ པརིཧརེཡྻ ཚིདྡཱཝཚིདྡཾ ཨུགྒྷརནྟཾ པགྒྷརནྟཾ; ཨེཝམེཝཾ ཁོ ཨཧཾ, བྷནྟེ, ཨིམཾ ཀཱཡཾ པརིཧརཱམི ཚིདྡཱཝཚིདྡཾ ¶ ཨུགྒྷརནྟཾ པགྒྷརནྟཾ. ཡསྶ ནཱུན, བྷནྟེ, ཀཱཡེ ཀཱཡགཏཱསཏི ཨནུཔཊྛིཏཱ ཨསྶ, སོ ཨིདྷ ཨཉྙཏརཾ སབྲཧྨཙཱརིཾ ཨཱསཛྫ ཨཔྤཊིནིསྶཛྫ ཙཱརིཀཾ པཀྐམེཡྻཱ’’ཏི.

ཨཐ ཁོ སོ བྷིཀྑུ ཨུཊྛཱཡཱསནཱ ཨེཀཾསཾ ཨུཏྟརཱསངྒཾ ཀརིཏྭཱ བྷགཝཏོ པཱདེསུ སིརསཱ ནིཔཏིཏྭཱ བྷགཝནྟཾ ཨེཏདཝོཙ – ‘‘ཨཙྩཡོ མཾ, བྷནྟེ, ཨཙྩགམཱ ཡཐཱབཱལཾ ཡཐཱམཱུལ༹ྷཾ ཡཐཱཨཀུསལཾ, ཡོ ཨཧཾ ཨཱཡསྨནྟཾ སཱརིཔུཏྟཾ ཨསཏཱ ཏུཙྪཱ མུསཱ ཨབྷཱུཏེན ཨབྦྷཱཙིཀྑིཾ. ཏསྶ མེ, བྷནྟེ, བྷགཝཱ ཨཙྩཡཾ ཨཙྩཡཏོ པཊིགྒཎྷཏུ ཨཱཡཏིཾ སཾཝརཱཡཱ’’ཏི. ‘‘ཏགྒྷ ཏཾ [ཏྭཾ (སཱི. པཱི.)], བྷིཀྑུ, ཨཙྩཡོ ཨཙྩགམཱ ཡཐཱབཱལཾ ཡཐཱམཱུལ༹ྷཾ ཡཐཱཨཀུསལཾ, ཡོ ཏྭཾ སཱརིཔུཏྟཾ ཨསཏཱ ཏུཙྪཱ མུསཱ ཨབྷཱུཏེན ཨབྦྷཱཙིཀྑི. ཡཏོ ཙ ཁོ ཏྭཾ, བྷིཀྑུ, ཨཙྩཡཾ ཨཙྩཡཏོ དིསྭཱ ཡཐཱདྷམྨཾ ¶ པཊིཀརོསི, ཏཾ ཏེ མཡཾ པཊིགྒཎྷཱམ. ཝུཌྜྷིཧེསཱ, བྷིཀྑུ, ཨརིཡསྶ ཝིནཡེ ཡོ ཨཙྩཡཾ ཨཙྩཡཏོ དིསྭཱ ཡཐཱདྷམྨཾ པཊིཀརོཏི ཨཱཡཏིཾ སཾཝརཾ ཨཱཔཛྫཏཱི’’ཏི.

ཨཐ ¶ ཁོ བྷགཝཱ ཨཱཡསྨནྟཾ སཱརིཔུཏྟཾ ཨཱམནྟེསི – ‘‘ཁམ, སཱརིཔུཏྟ, ཨིམསྶ མོགྷཔུརིསསྶ, པུརཱ ཏསྶ ཏཏྠེཝ སཏྟདྷཱ མུདྡྷཱ ཕལཏཱི’’ཏི [ཕལིསྶཏཱིཏི (ཀ. སཱི. སྱཱ. པཱི. ཀ.) ཨཊྛཀཐཱསུ པན ‘‘ཕལཏཱིཏི’’ ཨིཏྭེཝ དིསྶཏི]. ‘‘ཁམཱམཧཾ, བྷནྟེ, ཏསྶ ཨཱཡསྨཏོ སཙེ མཾ སོ ཨཱཡསྨཱ ཨེཝམཱཧ – ‘ཁམཏུ ཙ མེ སོ ཨཱཡསྨཱ’’’ཏི. པཋམཾ.

༢. སཨུཔཱདིསེསསུཏྟཾ

༡༢. ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཨཐ ཁོ ཨཱཡསྨཱ སཱརིཔུཏྟོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ¶ སཱཝཏྠིཾ པིཎྜཱཡ པཱཝིསི. ཨཐ ཁོ ཨཱཡསྨཏོ སཱརིཔུཏྟསྶ ཨེཏདཧོསི – ‘‘ཨཏིཔྤགོ ཁོ ཏཱཝ སཱཝཏྠིཡཾ པིཎྜཱཡ ཙརིཏུཾ, ཡཾནཱུནཱཧཾ ཡེན ཨཉྙཏིཏྠིཡཱནཾ པརིབྦཱཛཀཱནཾ ཨཱརཱམོ ཏེནུཔསངྐམེཡྻ’’ནྟི. ཨཐ ཁོ ཨཱཡསྨཱ སཱརིཔུཏྟོ ཡེན ཨཉྙཏིཏྠིཡཱནཾ པརིབྦཱཛཀཱནཾ ཨཱརཱམོ ཏེནུཔསངྐམི; ཨུཔསངྐམིཏྭཱ ཏེཧི ཨཉྙཏིཏྠིཡེཧི པརིབྦཱཛཀེཧི སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི.

ཏེན ¶ ཁོ པན སམཡེན ཏེསཾ ཨཉྙཏིཏྠིཡཱནཾ པརིབྦཱཛཀཱནཾ སནྣིསིནྣཱནཾ སནྣིཔཏིཏཱནཾ ཨཡམནྟརཱཀཐཱ ཨུདཔཱདི – ‘‘ཡོ ཧི ཀོཙི, ཨཱཝུསོ, སཨུཔཱདིསེསོ ཀཱལཾ ཀརོཏི, སབྦོ སོ ཨཔརིམུཏྟོ ནིརཡཱ ཨཔརིམུཏྟོ ཏིརཙྪཱནཡོནིཡཱ ཨཔརིམུཏྟོ པེཏྟིཝིསཡཱ ཨཔརིམུཏྟོ ཨཔཱཡདུགྒཏིཝིནིཔཱཏཱ’’ཏི. ཨཐ ཁོ ཨཱཡསྨཱ སཱརིཔུཏྟོ ཏེསཾ ཨཉྙཏིཏྠིཡཱནཾ པརིབྦཱཛཀཱནཾ བྷཱསིཏཾ ནེཝ ཨབྷིནནྡི ནཔྤཊིཀྐོསི. ཨནབྷིནནྡིཏྭཱ ཨཔྤཊིཀྐོསིཏྭཱ ཨུཊྛཱཡཱསནཱ པཀྐཱམི – ‘‘བྷགཝཏོ སནྟིཀེ ཨེཏསྶ བྷཱསིཏསྶ ཨཏྠཾ ཨཱཛཱནིསྶཱམཱི’’ཏི. ཨཐ ཁོ ཨཱཡསྨཱ སཱརིཔུཏྟོ སཱཝཏྠིཡཾ པིཎྜཱཡ ཙརིཏྭཱ པཙྪཱབྷཏྟཾ ¶ པིཎྜཔཱཏཔཊིཀྐནྟོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ¶ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ སཱརིཔུཏྟོ བྷགཝནྟཾ ཨེཏདཝོཙ –

‘‘ཨིདྷཱཧཾ, བྷནྟེ, པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ སཱཝཏྠིཾ པིཎྜཱཡ པཱཝིསིཾ. ཏསྶ མཡ྄ཧཾ, བྷནྟེ, ཨེཏདཧོསི – ‘ཨཏིཔྤགོ ཁོ ཏཱཝ སཱཝཏྠིཡཾ ¶ པིཎྜཱཡ ཙརིཏུཾ; ཡཾནཱུནཱཧཾ ཡེན ཨཉྙཏིཏྠིཡཱནཾ པརིབྦཱཛཀཱནཾ ཨཱརཱམོ ཏེནུཔསངྐམེཡྻ’ནྟི. ཨཐ ཁོ ཨཧཾ, བྷནྟེ, ཡེན ཨཉྙཏིཏྠིཡཱནཾ པརིབྦཱཛཀཱནཾ ཨཱརཱམོ ཏེནུཔསངྐམིཾ; ཨུཔསངྐམིཏྭཱ ཏེཧི ཨཉྙཏིཏྠིཡེཧི པརིབྦཱཛཀེཧི སདྡྷིཾ སམྨོདིཾ. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདིཾ. ཏེན ཁོ པན སམཡེན ཏེསཾ ཨཉྙཏིཏྠིཡཱནཾ པརིབྦཱཛཀཱནཾ སནྣིསིནྣཱནཾ སནྣིཔཏིཏཱནཾ ཨཡམནྟརཱཀཐཱ ཨུདཔཱདི – ‘ཡོ ཧི ཀོཙི, ཨཱཝུསོ, སཨུཔཱདིསེསོ ཀཱལཾ ཀརོཏི, སབྦོ སོ ཨཔརིམུཏྟོ ནིརཡཱ ཨཔརིམུཏྟོ ཏིརཙྪཱནཡོནིཡཱ ཨཔརིམུཏྟོ པེཏྟིཝིསཡཱ ཨཔརིམུཏྟོ ཨཔཱཡདུགྒཏིཝིནིཔཱཏཱ’ཏི. ཨཐ ཁོ ཨཧཾ, བྷནྟེ, ཏེསཾ ཨཉྙཏིཏྠིཡཱནཾ པརིབྦཱཛཀཱནཾ བྷཱསིཏཾ ནེཝ ཨབྷིནནྡིཾ ནཔྤཊིཀྐོསིཾ. ཨནབྷིནནྡིཏྭཱ ཨཔྤཊིཀྐོསིཏྭཱ ཨུཊྛཱཡཱསནཱ པཀྐམིཾ – ‘བྷགཝཏོ སནྟིཀེ ཨེཏསྶ བྷཱསིཏསྶ ཨཏྠཾ ཨཱཛཱནིསྶཱམཱི’’’ཏི.

‘‘ཀེ ཙ [ཀེཙི (སྱཱ. པཱི.), ཏེ ཙ (ཀ.)], སཱརིཔུཏྟ, ཨཉྙཏིཏྠིཡཱ པརིབྦཱཛཀཱ བཱལཱ ཨབྱཏྟཱ, ཀེ ཙ [ཀེཙི (སྱཱ. པཱི. ཀ.) ཨ. ནི. ༦.༤༤ པཱལི༹ཡཱ སཾསནྡེཏབྦཾ] སཨུཔཱདིསེསཾ ཝཱ ‘སཨུཔཱདིསེསོ’ཏི ཛཱནིསྶནྟི, ཨནུཔཱདིསེསཾ ཝཱ ‘ཨནུཔཱདིསེསོ’ཏི ཛཱནིསྶནྟི’’!

‘‘ནཝཡིམེ, སཱརིཔུཏྟ, པུགྒལཱ སཨུཔཱདིསེསཱ ཀཱལཾ ཀུརུམཱནཱ པརིམུཏྟཱ ནིརཡཱ པརིམུཏྟཱ ཏིརཙྪཱནཡོནིཡཱ པརིམུཏྟཱ པེཏྟིཝིསཡཱ པརིམུཏྟཱ ཨཔཱཡདུགྒཏིཝིནིཔཱཏཱ. ཀཏམེ ནཝ? ཨིདྷ ¶ , སཱརིཔུཏྟ, ཨེཀཙྩོ པུགྒལོ སཱིལེསུ པརིཔཱུརཀཱརཱི ཧོཏི, སམཱདྷིསྨིཾ པརིཔཱུརཀཱརཱི ¶ , པཉྙཱཡ མཏྟསོ ཀཱརཱི. སོ པཉྩནྣཾ ཨོརམྦྷཱགིཡཱནཾ སཾཡོཛནཱནཾ པརིཀྑཡཱ ཨནྟརཱཔརིནིབྦཱཡཱི ཧོཏི. ཨཡཾ, སཱརིཔུཏྟ ¶ , པཋམོ པུགྒལོ སཨུཔཱདིསེསོ ཀཱལཾ ཀུརུམཱནོ པརིམུཏྟོ ནིརཡཱ པརིམུཏྟོ ཏིརཙྪཱནཡོནིཡཱ ¶ པརིམུཏྟོ པེཏྟིཝིསཡཱ པརིམུཏྟོ ཨཔཱཡདུགྒཏིཝིནིཔཱཏཱ.

‘‘པུན ཙཔརཾ, སཱརིཔུཏྟ, ཨིདྷེཀཙྩོ པུགྒལོ སཱིལེསུ པརིཔཱུརཀཱརཱི ཧོཏི, སམཱདྷིསྨིཾ པརིཔཱུརཀཱརཱི, པཉྙཱཡ མཏྟསོ ཀཱརཱི. སོ པཉྩནྣཾ ཨོརམྦྷཱགིཡཱནཾ སཾཡོཛནཱནཾ པརིཀྑཡཱ ཨུཔཧཙྩཔརིནིབྦཱཡཱི ཧོཏི…པེ… ཨསངྑཱརཔརིནིབྦཱཡཱི ཧོཏི…པེ… སསངྑཱརཔརིནིབྦཱཡཱི ཧོཏི…པེ… ཨུདྡྷཾསོཏོ ཧོཏི ཨཀནིཊྛགཱམཱི. ཨཡཾ, སཱརིཔུཏྟ, པཉྩམོ པུགྒལོ སཨུཔཱདིསེསོ ཀཱལཾ ཀུརུམཱནོ པརིམུཏྟོ ནིརཡཱ པརིམུཏྟོ ཏིརཙྪཱནཡོནིཡཱ པརིམུཏྟོ པེཏྟིཝིསཡཱ པརིམུཏྟོ ཨཔཱཡདུགྒཏིཝིནིཔཱཏཱ.

‘‘པུན ཙཔརཾ, སཱརིཔུཏྟ, ཨིདྷེཀཙྩོ པུགྒལོ སཱིལེསུ པརིཔཱུརཀཱརཱི ཧོཏི, སམཱདྷིསྨིཾ མཏྟསོ ཀཱརཱི, པཉྙཱཡ མཏྟསོ ཀཱརཱི. སོ ཏིཎྞཾ སཾཡོཛནཱནཾ པརིཀྑཡཱ རཱགདོསམོཧཱནཾ ཏནུཏྟཱ སཀདཱགཱམཱི ཧོཏི, སཀིདེཝ ཨིམཾ ལོཀཾ ཨཱགནྟྭཱ དུཀྑསྶནྟཾ ཀརོཏི. ཨཡཾ, སཱརིཔུཏྟ, ཚཊྛོ པུགྒལོ སཨུཔཱདིསེསོ ཀཱལཾ ཀུརུམཱནོ པརིམུཏྟོ ནིརཡཱ…པེ… པརིམུཏྟོ ཨཔཱཡདུགྒཏིཝིནིཔཱཏཱ.

‘‘པུན ཙཔརཾ, སཱརིཔུཏྟ, ཨིདྷེཀཙྩོ པུགྒལོ སཱིལེསུ པརིཔཱུརཀཱརཱི ཧོཏི, སམཱདྷིསྨིཾ མཏྟསོ ཀཱརཱི, པཉྙཱཡ མཏྟསོ ཀཱརཱི. སོ ཏིཎྞཾ སཾཡོཛནཱནཾ པརིཀྑཡཱ ཨེཀབཱིཛཱི ཧོཏི, ཨེཀཾཡེཝ མཱནུསཀཾ བྷཝཾ ནིབྦཏྟེཏྭཱ དུཀྑསྶནྟཾ ¶ ཀརོཏི. ཨཡཾ, སཱརིཔུཏྟ, སཏྟམོ པུགྒལོ སཨུཔཱདིསེསོ ¶ ཀཱལཾ ཀུརུམཱནོ པརིམུཏྟོ ནིརཡཱ…པེ… པརིམུཏྟོ ཨཔཱཡདུགྒཏིཝིནིཔཱཏཱ.

‘‘པུན ཙཔརཾ, སཱརིཔུཏྟ, ཨིདྷེཀཙྩོ པུགྒལོ སཱིལེསུ པརིཔཱུརཀཱརཱི ཧོཏི, སམཱདྷིསྨིཾ མཏྟསོ ཀཱརཱི, པཉྙཱཡ མཏྟསོ ཀཱརཱི. སོ ཏིཎྞཾ སཾཡོཛནཱནཾ པརིཀྑཡཱ ཀོལཾཀོལོ ཧོཏི, དྭེ ཝཱ ཏཱིཎི ཝཱ ཀུལཱནི སནྡྷཱཝིཏྭཱ སཾསརིཏྭཱ དུཀྑསྶནྟཾ ཀརོཏི. ཨཡཾ, སཱརིཔུཏྟ, ཨཊྛམོ པུགྒལོ སཨུཔཱདིསེསོ ཀཱལཾ ཀུརུམཱནོ པརིམུཏྟོ ནིརཡཱ…པེ… པརིམུཏྟོ ཨཔཱཡདུགྒཏིཝིནིཔཱཏཱ.

‘‘པུན ¶ ཙཔརཾ, སཱརིཔུཏྟ, ཨིདྷེཀཙྩོ པུགྒལོ སཱིལེསུ པརིཔཱུརཀཱརཱི ཧོཏི, སམཱདྷིསྨིཾ མཏྟསོ ཀཱརཱི, པཉྙཱཡ མཏྟསོ ཀཱརཱི. སོ ཏིཎྞཾ ¶ སཾཡོཛནཱནཾ པརིཀྑཡཱ སཏྟཀྑཏྟུཔརམོ ཧོཏི, སཏྟཀྑཏྟུཔརམཾ དེཝེ ཙ མནུསྶེ ཙ སནྡྷཱཝིཏྭཱ སཾསརིཏྭཱ དུཀྑསྶནྟཾ ཀརོཏི. ཨཡཾ, སཱརིཔུཏྟ, ནཝམོ པུགྒལོ སཨུཔཱདིསེསོ ཀཱལཾ ཀུརུམཱནོ པརིམུཏྟོ ནིརཡཱ པརིམུཏྟོ ཏིརཙྪཱནཡོནིཡཱ པརིམུཏྟོ པེཏྟིཝིསཡཱ པརིམུཏྟོ ཨཔཱཡདུགྒཏིཝིནིཔཱཏཱ.

‘‘ཀེ ཙ, སཱརིཔུཏྟ, ཨཉྙཏིཏྠིཡཱ པརིབྦཱཛཀཱ བཱལཱ ཨབྱཏྟཱ, ཀེ ཙ སཨུཔཱདིསེསཾ ཝཱ ‘སཨུཔཱདིསེསོ’ཏི ཛཱནིསྶནྟི, ཨནུཔཱདིསེསཾ ཝཱ ‘ཨནུཔཱདིསེསོ’ཏི ཛཱནིསྶནྟི! ཨིམེ ཁོ, སཱརིཔུཏྟ, ནཝ པུགྒལཱ སཨུཔཱདིསེསཱ ཀཱལཾ ཀུརུམཱནཱ པརིམུཏྟཱ ནིརཡཱ པརིམུཏྟཱ ཏིརཙྪཱནཡོནིཡཱ པརིམུཏྟཱ པེཏྟིཝིསཡཱ པརིམུཏྟཱ ཨཔཱཡདུགྒཏིཝིནིཔཱཏཱ. ན ཏཱཝཱཡཾ, སཱརིཔུཏྟ, དྷམྨཔརིཡཱཡོ པཊིབྷཱསི བྷིཀྑཱུནཾ བྷིཀྑུནཱིནཾ ཨུཔཱསཀཱནཾ ཨུཔཱསིཀཱནཾ. ཏཾ ཀིསྶ ¶ ཧེཏུ? མཱཡིམཾ དྷམྨཔརིཡཱཡཾ སུཏྭཱ པམཱདཾ ཨཱཧརིཾསཱུཏི [ཨཱཧརིཾསུ (སཱི. པཱི.)]. ཨཔི ¶ ཙ མཡཱ [ཨཔི ཙཱཡཾ (?)], སཱརིཔུཏྟ, དྷམྨཔརིཡཱཡོ པཉྷཱདྷིཔྤཱཡེན བྷཱསིཏོ’’ཏི. དུཏིཡཾ.

༣. ཀོཊྛིཀསུཏྟཾ

༡༣. ཨཐ ཁོ ཨཱཡསྨཱ མཧཱཀོཊྛིཀོ [མཧཱཀོཊྛིཏོ (སཱི. སྱཱ. པཱི.)] ཡེནཱཡསྨཱ སཱརིཔུཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨཏཱ སཱརིཔུཏྟེན སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ མཧཱཀོཊྛིཀོ ཨཱཡསྨནྟཾ སཱརིཔུཏྟཾ ཨེཏདཝོཙ – ‘‘ཀིཾ ནུ ཁོ, ཨཱཝུསོ སཱརིཔུཏྟ, ‘ཡཾ ཀམྨཾ དིཊྛདྷམྨཝེདནཱིཡཾ, ཏཾ མེ ཀམྨཾ སམྤརཱཡཝེདནཱིཡཾ ཧོཏཱུ’ཏི, ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’’ཏི? ‘‘ནོ ཧིདཾ, ཨཱཝུསོ’’.

‘‘ཀིཾ ནུ ཁོ, ཨཱཝུསོ སཱརིཔུཏྟ, ‘ཡཾ ཀམྨཾ སུཁཝེདནཱིཡཾ [སུཁཝེདནིཡཾ (ཀ.) མ. ནི. ༣.༨ པསྶིཏབྦཾ], ཏཾ མེ ཀམྨཾ དུཀྑཝེདནཱིཡཾ [དུཀྑཝེདནིཡཾ (ཀ.)] ཧོཏཱུ’ཏི, ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’’ཏི? ‘‘ནོ ཧིདཾ, ཨཱཝུསོ’’.

‘‘ཀིཾ ནུ ཁོ, ཨཱཝུསོ སཱརིཔུཏྟ, ‘ཡཾ ཀམྨཾ སུཁཝེདནཱིཡཾ [སུཁཝེདནིཡཾ (ཀ.) མ. ནི. ༣.༨ པསྶིཏབྦཾ], ཏཾ མེ ཀམྨཾ དུཀྑཝེདནཱིཡཾ [དུཀྑཝེདནིཡཾ (ཀ.)] ཧོཏཱུ’ཏི, ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’’ཏི? ‘‘ནོ ཧིདཾ, ཨཱཝུསོ’’.

‘‘ཀིཾ ¶ ¶ པནཱཝུསོ, སཱརིཔུཏྟ, ‘ཡཾ ཀམྨཾ དུཀྑཝེདནཱིཡཾ, ཏཾ མེ ཀམྨཾ སུཁཝེདནཱིཡཾ ཧོཏཱུ’ཏི, ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’’ཏི? ‘‘ནོ ཧིདཾ, ཨཱཝུསོ’’.

‘‘ཀིཾ ནུ ཁོ, ཨཱཝུསོ སཱརིཔུཏྟ, ‘ཡཾ ཀམྨཾ པརིཔཀྐཝེདནཱིཡཾ, ཏཾ མེ ཀམྨཾ ཨཔརིཔཀྐཝེདནཱིཡཾ ཧོཏཱུ’ཏི, ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’’ཏི? ‘‘ནོ ¶ ཧིདཾ, ཨཱཝུསོ’’.

‘‘ཀིཾ པནཱཝུསོ སཱརིཔུཏྟ, ‘ཡཾ ཀམྨཾ ཨཔརིཔཀྐཝེདནཱིཡཾ, ཏཾ མེ ཀམྨཾ པརིཔཀྐཝེདནཱིཡཾ ཧོཏཱུ’ཏི, ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’’ཏི? ‘‘ནོ ཧིདཾ, ཨཱཝུསོ’’.

‘‘ཀིཾ ནུ ཁོ, ཨཱཝུསོ སཱརིཔུཏྟ, ‘ཡཾ ཀམྨཾ བཧུཝེདནཱིཡཾ, ཏཾ མེ ཀམྨཾ ཨཔྤཝེདནཱིཡཾ ཧོཏཱུ’ཏི, ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’’ཏི? ‘‘ནོ ཧིདཾ, ཨཱཝུསོ’’.

‘‘ཀིཾ པནཱཝུསོ སཱརིཔུཏྟ ¶ , ‘ཡཾ ཀམྨཾ ཨཔྤཝེདནཱིཡཾ, ཏཾ མེ ཀམྨཾ བཧུཝེདནཱིཡཾ ཧོཏཱུ’ཏི, ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’’ཏི? ‘‘ནོ ཧིདཾ, ཨཱཝུསོ’’.

‘‘ཀིཾ ནུ ཁོ, ཨཱཝུསོ སཱརིཔུཏྟ, ‘ཡཾ ཀམྨཾ ཝེདནཱིཡཾ, ཏཾ མེ ཀམྨཾ ཨཝེདནཱིཡཾ ཧོཏཱུ’ཏི, ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’’ཏི? ‘‘ནོ ཧིདཾ, ཨཱཝུསོ’’.

‘‘ཀིཾ པནཱཝུསོ སཱརིཔུཏྟ, ‘ཡཾ ཀམྨཾ ཨཝེདནཱིཡཾ, ཏཾ མེ ཀམྨཾ ཝེདནཱིཡཾ ཧོཏཱུ’ཏི, ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’’ཏི? ‘‘ནོ ཧིདཾ, ཨཱཝུསོ’’.

‘‘‘ཀིཾ ནུ ཁོ, ཨཱཝུསོ སཱརིཔུཏྟ, ཡཾ ཀམྨཾ དིཊྛདྷམྨཝེདནཱིཡཾ ཏཾ མེ ཀམྨཾ སམྤརཱཡཝེདནཱིཡཾ ཧོཏཱུཏི, ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’ཏི, ཨིཏི པུཊྛོ སམཱནོ ‘ནོ ཧིདཾ, ཨཱཝུསོ’ཏི ཝདེསི.

‘‘‘ཀིཾ པནཱཝུསོ སཱརིཔུཏྟ, ཡཾ ཀམྨཾ སམྤརཱཡཝེདནཱིཡཾ ཏཾ མེ ཀམྨཾ དིཊྛདྷམྨཝེདནཱིཡཾ ཧོཏཱུཏི ¶ , ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’ཏི, ཨིཏི པུཊྛོ སམཱནོ ‘ནོ ཧིདཾ, ཨཱཝུསོ’ཏི ཝདེསི.

‘‘‘ཀིཾ ¶ ནུ ཁོ, ཨཱཝུསོ སཱརིཔུཏྟ, ཡཾ ཀམྨཾ སུཁཝེདནཱིཡཾ ཏཾ མེ ཀམྨཾ དུཀྑཝེདནཱིཡཾ ཧོཏཱུཏི, ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’ཏི, ཨིཏི པུཊྛོ སམཱནོ ‘ནོ ཧིདཾ, ཨཱཝུསོ’ཏི ཝདེསི.

‘‘‘ཀིཾ པནཱཝུསོ སཱརིཔུཏྟ, ཡཾ ཀམྨཾ དུཀྑཝེདནཱིཡཾ ཏཾ མེ ཀམྨཾ སུཁཝེདནཱིཡཾ ཧོཏཱུཏི, ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’ཏི, ཨིཏི ¶ པུཊྛོ སམཱནོ ‘ནོ ཧིདཾ, ཨཱཝུསོ’ཏི ཝདེསི.

‘‘‘ཀིཾ ནུ ཁོ, ཨཱཝུསོ སཱརིཔུཏྟ, ཡཾ ཀམྨཾ པརིཔཀྐཝེདནཱིཡཾ ཏཾ མེ ཀམྨཾ ཨཔརིཔཀྐཝེདནཱིཡཾ ཧོཏཱུཏི, ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’ཏི, ཨིཏི པུཊྛོ སམཱནོ ‘ནོ ཧིདཾ, ཨཱཝུསོ’ཏི ཝདེསི.

‘‘‘ཀིཾ པནཱཝུསོ སཱརིཔུཏྟ, ཡཾ ཀམྨཾ ཨཔརིཔཀྐཝེདནཱིཡཾ ཏཾ མེ ཀམྨཾ པརིཔཀྐཝེདནཱིཡཾ ཧོཏཱུཏི, ཨེཏསྶ ཨཏྠཱཡ བྷགཝཏི བྲཧྨཙརིཡཾ ¶ ཝུསྶཏཱི’ཏི, ཨིཏི པུཊྛོ སམཱནོ ‘ནོ ཧིདཾ, ཨཱཝུསོ’ཏི ཝདེསི.

‘‘‘ཀིཾ ནུ ཁོ, ཨཱཝུསོ སཱརིཔུཏྟ, ཡཾ ཀམྨཾ བཧུཝེདནཱིཡཾ ཏཾ མེ ཀམྨཾ ཨཔྤཝེདནཱིཡཾ ཧོཏཱུཏི, ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’ཏི, ཨིཏི པུཊྛོ སམཱནོ ‘ནོ ཧིདཾ, ཨཱཝུསོ’ཏི ཝདེསི.

‘‘‘ཀིཾ པནཱཝུསོ སཱརིཔུཏྟ, ཡཾ ཀམྨཾ ཨཔྤཝེདནཱིཡཾ ཏཾ མེ ཀམྨཾ བཧུཝེདནཱིཡཾ ཧོཏཱུཏི, ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’ཏི, ཨིཏི པུཊྛོ སམཱནོ ‘ནོ ཧིདཾ, ཨཱཝུསོ’ཏི ཝདེསི.

‘‘‘ཀིཾ ནུ ཁོ, ཨཱཝུསོ སཱརིཔུཏྟ, ཡཾ ཀམྨཾ ཝེདནཱིཡཾ ཏཾ མེ ཀམྨཾ ཨཝེདནཱིཡཾ ཧོཏཱུཏི ¶ , ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’ཏི, ཨིཏི པུཊྛོ སམཱནོ ‘ནོ ཧིདཾ, ཨཱཝུསོ’ཏི ཝདེསི.

‘‘‘ཀིཾ པནཱཝུསོ སཱརིཔུཏྟ, ཡཾ ཀམྨཾ ཨཝེདནཱིཡཾ ཏཾ མེ ཀམྨཾ ཝེདནཱིཡཾ ཧོཏཱུཏི, ཨེཏསྶ ཨཏྠཱཡ བྷགཝཏི བྲཧྨཙརིཡཾ ཝུསྶཏཱི’ཏི, ཨིཏི པུཊྛོ སམཱནོ ‘ནོ ཧིདཾ, ཨཱཝུསོ’ཏི ཝདེསི. ཨཐ ཀིམཏྠཾ ཙརཧཱཝུསོ, བྷགཝཏི བྲཧྨཙརིཡཾ ཝུསྶཏཱི’’ཏི?

‘‘ཡཾ ཁྭསྶ [ཡཾ ཁོ (ཀ.)], ཨཱཝུསོ, ཨཉྙཱཏཾ ཨདིཊྛཾ ཨཔྤཏྟཾ ཨསཙྪིཀཏཾ ཨནབྷིསམེཏཾ, ཏསྶ ཉཱཎཱཡ དསྶནཱཡ པཏྟིཡཱ སཙྪིཀིརིཡཱཡ ཨབྷིསམཡཱཡ བྷགཝཏི ¶ བྲཧྨཙརིཡཾ ཝུསྶཏཱི’’ཏི [ཝུསྶཏི (སྱཱ.)]. (‘‘ཀིཾ པནསྶཱཝུསོ, ཨཉྙཱཏཾ ¶ ཨདིཊྛཾ ཨཔྤཏྟཾ ཨསཙྪིཀཏཾ ཨནབྷིསམེཏཾ, ཡསྶ ཉཱཎཱཡ དསྶནཱཡ པཏྟིཡཱ སཙྪིཀིརིཡཱཡ ཨབྷིསམཡཱཡ བྷགཝཏི བྲཧྨཙརིཡཾ ཝུསྶཏཱི’’ཏི?) [( ) སྱཱ. ཀ. པོཏྠཀེསུ ནཏྠི] ‘‘‘ཨིདཾ དུཀྑ’ནྟི ཁྭསྶ [ཁོ ཡཾ (ཀ.)], ཨཱཝུསོ, ཨཉྙཱཏཾ ཨདིཊྛཾ ཨཔྤཏྟཾ ཨསཙྪིཀཏཾ ཨནབྷིསམེཏཾ. ཏསྶ ཉཱཎཱཡ དསྶནཱཡ པཏྟིཡཱ སཙྪིཀིརིཡཱཡ ཨབྷིསམཡཱཡ བྷགཝཏི བྲཧྨཙརིཡཾ ཝུསྶཏི. ཨཡཾ ¶ ‘དུཀྑསམུདཡོ’ཏི ཁྭསྶ, ཨཱཝུསོ…པེ… ‘ཨཡཾ དུཀྑནིརོདྷོ’ཏི ཁྭསྶ, ཨཱཝུསོ…པེ… ‘ཨཡཾ དུཀྑནིརོདྷགཱམིནཱི པཊིཔདཱ’ཏི ཁྭསྶ, ཨཱཝུསོ, ཨཉྙཱཏཾ ཨདིཊྛཾ ཨཔྤཏྟཾ ཨསཙྪིཀཏཾ ཨནབྷིསམེཏཾ. ཏསྶ ཉཱཎཱཡ དསྶནཱཡ པཏྟིཡཱ སཙྪིཀིརིཡཱཡ ཨབྷིསམཡཱཡ བྷགཝཏི བྲཧྨཙརིཡཾ ཝུསྶཏི. ཨིདཾ ཁྭསྶ [ཨིཏི ཁོ ཡཾ (ཀ.)], ཨཱཝུསོ, ཨཉྙཱཏཾ ཨདིཊྛཾ ཨཔྤཏྟཾ ཨསཙྪིཀཏཾ ཨནབྷིསམེཏཾ. ཏསྶ [ཡསྶ (?)] ཉཱཎཱཡ དསྶནཱཡ པཏྟིཡཱ སཙྪིཀིརིཡཱཡ ཨབྷིསམཡཱཡ བྷགཝཏི བྲཧྨཙརིཡཾ ཝུསྶཏཱི’’ཏི. ཏཏིཡཾ.

༤. སམིདྡྷིསུཏྟཾ

༡༤. ཨཐ ཁོ ཨཱཡསྨཱ སམིདྡྷི ཡེནཱཡསྨཱ སཱརིཔུཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ སཱརིཔུཏྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨཱཡསྨནྟཾ སམིདྡྷིཾ ཨཱཡསྨཱ སཱརིཔུཏྟོ ཨེཏདཝོཙ – ‘‘ཀིམཱརམྨཎཱ, སམིདྡྷི, པུརིསསྶ སངྐཔྤཝིཏཀྐཱ ཨུཔྤཛྫནྟཱི’’ཏི? ‘‘ནཱམརཱུཔཱརམྨཎཱ, བྷནྟེ’’ཏི. ‘‘ཏེ པན, སམིདྡྷི, ཀྭ ནཱནཏྟཾ གཙྪནྟཱི’’ཏི? ‘‘དྷཱཏཱུསུ, བྷནྟེ’’ཏི. ‘‘ཏེ པན, སམིདྡྷི, ཀིཾསམུདཡཱ’’ཏི? ‘‘ཕསྶསམུདཡཱ, བྷནྟེ’’ཏི. ‘‘ཏེ པན, སམིདྡྷི, ཀིཾསམོསརཎཱ’’ཏི? ‘‘ཝེདནཱསམོསརཎཱ, བྷནྟེ’’ཏི. ‘‘ཏེ པན ¶ , སམིདྡྷི, ཀིཾཔམུཁཱ’’ཏི? ‘‘སམཱདྷིཔྤམུཁཱ, བྷནྟེ’’ཏི. ‘‘ཏེ པན, སམིདྡྷི, ཀིཾཨདྷིཔཏེཡྻཱ’’ཏི? ‘‘སཏཱདྷིཔཏེཡྻཱ, བྷནྟེ’’ཏི. ‘‘ཏེ པན, སམིདྡྷི, ཀིཾཨུཏྟརཱ’’ཏི? ‘‘པཉྙུཏྟརཱ, བྷནྟེ’’ཏི. ‘‘ཏེ པན, སམིདྡྷི, ཀིཾསཱརཱ’’ཏི? ‘‘ཝིམུཏྟིསཱརཱ, བྷནྟེ’’ཏི. ‘‘ཏེ པན, སམིདྡྷི, ཀིཾཨོགདྷཱ’’ཏི? ‘‘ཨམཏོགདྷཱ, བྷནྟེ’’ཏི.

‘‘‘ཀིམཱརམྨཎཱ, སམིདྡྷི, པུརིསསྶ སངྐཔྤཝིཏཀྐཱ ཨུཔྤཛྫནྟཱི’ཏི, ཨིཏི པུཊྛོ སམཱནོ ‘ནཱམརཱུཔཱརམྨཎཱ, བྷནྟེ’ཏི ཝདེསི. ‘ཏེ པན, སམིདྡྷི, ཀྭ ¶ ནཱནཏྟཾ གཙྪནྟཱི’ཏི, ཨིཏི ¶ པུཊྛོ སམཱནོ ‘དྷཱཏཱུསུ, བྷནྟེ’ཏི ཝདེསི. ‘ཏེ པན, སམིདྡྷི, ཀིཾསམུདཡཱ’ཏི, ཨིཏི པུཊྛོ སམཱནོ ‘ཕསྶསམུདཡཱ, བྷནྟེ’ཏི ¶ ཝདེསི. ‘ཏེ པན, སམིདྡྷི, ཀིཾསམོསརཎཱ’ཏི, ཨིཏི པུཊྛོ སམཱནོ ‘ཝེདནཱསམོསརཎཱ, བྷནྟེ’ཏི ཝདེསི. ‘ཏེ པན, སམིདྡྷི, ཀིཾཔམུཁཱ’ཏི, ཨིཏི པུཊྛོ སམཱནོ ‘སམཱདྷིཔྤམུཁཱ, བྷནྟེ’ཏི ཝདེསི. ‘ཏེ པན, སམིདྡྷི, ཀིཾཨདྷིཔཏེཡྻཱ’ཏི, ཨིཏི པུཊྛོ སམཱནོ ‘སཏཱདྷིཔཏེཡྻཱ, བྷནྟེ’ཏི ཝདེསི. ‘ཏེ པན, སམིདྡྷི, ཀིཾཨུཏྟརཱ’ཏི, ཨིཏི པུཊྛོ སམཱནོ ‘པཉྙུཏྟརཱ, བྷནྟེ’ཏི ཝདེསི. ‘ཏེ པན, སམིདྡྷི, ཀིཾསཱརཱ’ཏི, ཨིཏི པུཊྛོ སམཱནོ ‘ཝིམུཏྟིསཱརཱ, བྷནྟེ’ཏི ཝདེསི. ‘ཏེ པན, སམིདྡྷི, ཀིཾཨོགདྷཱ’ཏི, ཨིཏི པུཊྛོ སམཱནོ ‘ཨམཏོགདྷཱ, བྷནྟེ’ཏི ཝདེསི. སཱདྷུ སཱདྷུ, སམིདྡྷི! སཱདྷུ ཁོ ཏྭཾ, སམིདྡྷི, པུཊྛོ [པཉྷཾ (སཱི. སྱཱ. པཱི.)] པུཊྛོ ཝིསྶཛྫེསི, ཏེན ཙ མཱ མཉྙཱི’’ཏི. ཙཏུཏྠཾ.

༥. གཎྜསུཏྟཾ

༡༥. ‘‘སེཡྻཐཱཔི, བྷིཀྑཝེ, གཎྜོ ཨནེཀཝསྶགཎིཀོ. ཏསྶསྶུ གཎྜསྶ ནཝ ཝཎམུཁཱནི ནཝ ཨབྷེདནམུཁཱནི. ཏཏོ ཡཾ ཀིཉྩི པགྒྷརེཡྻ – ཨསུཙིཡེཝ པགྒྷརེཡྻ, དུགྒནྡྷཾཡེཝ པགྒྷརེཡྻ, ཛེགུཙྪིཡཾཡེཝ [ཛེགུཙྪིཡེཝ (ཀ.)] པགྒྷརེཡྻ; ཡཾ ཀིཉྩི པསཝེཡྻ – ཨསུཙིཡེཝ པསཝེཡྻ, དུགྒནྡྷཾཡེཝ པསཝེཡྻ, ཛེགུཙྪིཡཾཡེཝ པསཝེཡྻ.

‘‘གཎྜོཏི ཁོ, བྷིཀྑཝེ, ཨིམསྶེཏཾ ཙཱཏུམཧཱབྷཱུཏིཀསྶ [ཙཱཏུམྨཧཱབྷཱུཏིཀསྶ (སཱི. སྱཱ. པཱི.)] ཀཱཡསྶ ཨདྷིཝཙནཾ མཱཏཱཔེཏྟིཀསམྦྷཝསྶ ཨོདནཀུམྨཱསཱུཔཙཡསྶ ཨནིཙྩུཙྪཱདནཔརིམདྡནབྷེདནཝིདྡྷཾསནདྷམྨསྶ. ཏསྶསྶུ གཎྜསྶ ནཝ ཝཎམུཁཱནི ནཝ ཨབྷེདནམུཁཱནི. ཏཏོ ཡཾ ཀིཉྩི པགྒྷརཏི – ཨསུཙིཡེཝ པགྒྷརཏི, དུགྒནྡྷཾཡེཝ པགྒྷརཏི, ཛེགུཙྪིཡཾཡེཝ ¶ པགྒྷརཏི; ཡཾ ཀིཉྩི པསཝཏི ¶ – ཨསུཙིཡེཝ ¶ པསཝཏི, དུགྒནྡྷཾཡེཝ པསཝཏི, ཛེགུཙྪིཡཾཡེཝ པསཝཏི. ཏསྨཱཏིཧ, བྷིཀྑཝེ, ཨིམསྨིཾ ཀཱཡེ ནིབྦིནྡཐཱ’’ཏི. པཉྩམཾ.

༦. སཉྙཱསུཏྟཾ

༡༦. ‘‘ནཝཡིམཱ, བྷིཀྑཝེ, སཉྙཱ བྷཱཝིཏཱ བཧུལཱིཀཏཱ མཧཔྥལཱ ཧོནྟི མཧཱནིསཾསཱ ཨམཏོགདྷཱ ཨམཏཔརིཡོསཱནཱ. ཀཏམཱ ནཝ ¶ ? ཨསུབྷསཉྙཱ, མརཎསཉྙཱ, ཨཱཧཱརེ པཊིཀཱུལསཉྙཱ [པཊིཀྐཱུལསཉྙཱ (སཱི. སྱཱ. པཱི.)], སབྦལོཀེ ཨནབྷིརཏསཉྙཱ [ཨནབྷིརཏིསཉྙཱ (ཀ.) ཨ. ནི. ༥.༡༢༡-༡༢༢], ཨནིཙྩསཉྙཱ, ཨནིཙྩེ དུཀྑསཉྙཱ, དུཀྑེ ཨནཏྟསཉྙཱ, པཧཱནསཉྙཱ, ཝིརཱགསཉྙཱ – ཨིམཱ ཁོ, བྷིཀྑཝེ, ནཝ སཉྙཱ, བྷཱཝིཏཱ བཧུལཱིཀཏཱ མཧཔྥལཱ ཧོནྟི མཧཱནིསཾསཱ ཨམཏོགདྷཱ ཨམཏཔརིཡོསཱནཱ’’ཏི. ཚཊྛཾ.

༧. ཀུལསུཏྟཾ

༡༧. ‘‘ནཝཧི, བྷིཀྑཝེ, ཨངྒེཧི སམནྣཱགཏཾ ཀུལཾ ཨནུཔགནྟྭཱ ཝཱ ནཱལཾ ཨུཔགནྟུཾ, ཨུཔགནྟྭཱ ཝཱ ནཱལཾ ནིསཱིདིཏུཾ. ཀཏམེཧི ནཝཧི? ན མནཱཔེན པཙྩུཊྛེནྟི, ན མནཱཔེན ཨབྷིཝཱདེནྟི, ན མནཱཔེན ཨཱསནཾ དེནྟི, སནྟམསྶ པརིགུཧནྟི, བཧུཀམྤི ཐོཀཾ དེནྟི, པཎཱིཏམྤི ལཱུཁཾ དེནྟི, ཨསཀྐཙྩཾ དེནྟི ནོ སཀྐཙྩཾ, ན ཨུཔནིསཱིདནྟི དྷམྨསྶཝནཱཡ, བྷཱསིཏམསྶ ན སུསྶཱུསནྟི. ཨིམེཧི ཁོ, བྷིཀྑཝེ, ནཝཧངྒེཧི སམནྣཱགཏཾ ཀུལཾ ཨནུཔགནྟྭཱ ཝཱ ནཱལཾ ཨུཔགནྟུཾ ཨུཔགནྟྭཱ ཝཱ ནཱལཾ ནིསཱིདིཏུཾ.

‘‘ནཝཧི, བྷིཀྑཝེ, ཨངྒེཧི སམནྣཱགཏཾ ཀུལཾ ཨནུཔགནྟྭཱ ཝཱ ཨལཾ ཨུཔགནྟུཾ, ཨུཔགནྟྭཱ ཝཱ ཨལཾ ནིསཱིདིཏུཾ. ཀཏམེཧི ནཝཧི? མནཱཔེན པཙྩུཊྛེནྟི, མནཱཔེན ཨབྷིཝཱདེནྟི, མནཱཔེན ཨཱསནཾ དེནྟི, སནྟམསྶ ¶ ན པརིགུཧནྟི, བཧུཀམྤི ¶ བཧུཀཾ དེནྟི, པཎཱིཏམྤི པཎཱིཏཾ དེནྟི, སཀྐཙྩཾ དེནྟི ནོ ཨསཀྐཙྩཾ, ཨུཔནིསཱིདནྟི དྷམྨསྶཝནཱཡ, བྷཱསིཏམསྶ སུསྶཱུསནྟི. ཨིམེཧི ཁོ, བྷིཀྑཝེ, ནཝཧངྒེཧི སམནྣཱགཏཾ ཀུལཾ ཨནུཔགནྟྭཱ ཝཱ ཨལཾ ཨུཔགནྟུཾ, ཨུཔགནྟྭཱ ཝཱ ཨལཾ ནིསཱིདིཏུ’’ནྟི. སཏྟམཾ.

༨. ནཝངྒུཔོསཐསུཏྟཾ

༡༨. ‘‘ནཝཧི ¶ , བྷིཀྑཝེ, ཨངྒེཧི སམནྣཱགཏོ ཨུཔོསཐོ ཨུཔཝུཏྠོ མཧཔྥལོ ཧོཏི མཧཱནིསཾསོ མཧཱཛུཏིཀོ མཧཱཝིཔྥཱརོ. ཀཐཾ ཨུཔཝུཏྠོ ཙ, བྷིཀྑཝེ, ནཝཧངྒེཧི སམནྣཱགཏོ ཨུཔོསཐོ མཧཔྥལོ ཧོཏི མཧཱནིསཾསོ མཧཱཛུཏིཀོ མཧཱཝིཔྥཱརོ? ཨིདྷ, བྷིཀྑཝེ, ཨརིཡསཱཝཀོ ཨིཏི པཊིསཉྩིཀྑཏི – ‘ཡཱཝཛཱིཝཾ ཨརཧནྟོ པཱཎཱཏིཔཱཏཾ པཧཱཡ པཱཎཱཏིཔཱཏཱ པཊིཝིརཏཱ ནིཧིཏདཎྜཱ ནིཧིཏསཏྠཱ ལཛྫཱི ¶ དཡཱཔནྣཱ སབྦཔཱཎབྷཱུཏཧིཏཱནུཀམྤིནོ ཝིཧརནྟི; ཨཧམྤཛྫ ཨིམཉྩ རཏྟིཾ ཨིམཉྩ དིཝསཾ པཱཎཱཏིཔཱཏཾ པཧཱཡ པཱཎཱཏིཔཱཏཱ པཊིཝིརཏོ ནིཧིཏདཎྜོ ནིཧིཏསཏྠོ ལཛྫཱི དཡཱཔནྣོ སབྦཔཱཎབྷཱུཏཧིཏཱནུཀམྤཱི ཝིཧརཱམི. ཨིམིནཱཔངྒེན [ཨིམིནཱཔི ཨངྒེན (ཀ. སཱི.)] ཨརཧཏཾ ཨནུཀརོམི; ཨུཔོསཐོ ཙ མེ ཨུཔཝུཏྠོ བྷཝིསྶཏཱི’ཏི. ཨིམིནཱ པཋམེན ཨངྒེན སམནྣཱགཏོ ཧོཏི…པེ. ¶ ….

‘‘‘ཡཱཝཛཱིཝཾ ཨརཧནྟོ ཨུཙྩཱསཡནམཧཱསཡནཾ པཧཱཡ ཨུཙྩཱསཡནམཧཱསཡནཱ པཊིཝིརཏཱ ནཱིཙསེཡྻཾ ཀཔྤེནྟི ¶ – མཉྩཀེ ཝཱ ཏིཎསནྠཱརཀེ ཝཱ; ཨཧམྤཛྫ ཨིམཉྩ རཏྟིཾ ཨིམཉྩ དིཝསཾ ཨུཙྩཱསཡནམཧཱསཡནཾ པཧཱཡ ཨུཙྩཱསཡནམཧཱསཡནཱ པཊིཝིརཏོ ནཱིཙསེཡྻཾ ཀཔྤེམི – མཉྩཀེ ཝཱ ཏིཎསནྠཱརཀེ ཝཱ. ཨིམིནཱཔངྒེན ཨརཧཏཾ ¶ ཨནུཀརོམི; ཨུཔོསཐོ ཙ མེ ཨུཔཝུཏྠོ བྷཝིསྶཏཱི’ཏི. ཨིམིནཱ ཨཊྛམེན ཨངྒེན སམནྣཱགཏོ ཧོཏི.

‘‘མེཏྟཱསཧགཏེན ཙེཏསཱ ཨེཀཾ དིསཾ ཕརིཏྭཱ ཝིཧརཏི, ཏཐཱ དུཏིཡཾ ཏཐཱ ཏཏིཡཾ ཏཐཱ ཙཏུཏྠཾ. ཨིཏི ཨུདྡྷམདྷོ ཏིརིཡཾ སབྦདྷི སབྦཏྟཏཱཡ སབྦཱཝནྟཾ ལོཀཾ མེཏྟཱསཧགཏེན ཙེཏསཱ ཝིཔུལེན མཧགྒཏེན ཨཔྤམཱཎེན ཨཝེརེན ཨབྱཱཔཛྫེན [ཨབྱཱཔཛ྄ཛྷེན (ཀ.), ཨབྱཱབཛ྄ཛྷེན (?)] ཕརིཏྭཱ ཝིཧརཏི. ཨིམིནཱ ནཝམེན ཨངྒེན སམནྣཱགཏོ ཧོཏི. ཨེཝཾ ཨུཔཝུཏྠོ ཁོ, བྷིཀྑཝེ, ནཝཧངྒེཧི སམནྣཱགཏོ ཨུཔོསཐོ མཧཔྥལོ ཧོཏི མཧཱནིསཾསོ མཧཱཛུཏིཀོ མཧཱཝིཔྥཱརོ’’ཏི. ཨཊྛམཾ.

༩. དེཝཏཱསུཏྟཾ

༡༩. ‘‘ཨིམཉྩ, བྷིཀྑཝེ, རཏྟིཾ སམྦཧུལཱ དེཝཏཱ ཨབྷིཀྐནྟཱཡ རཏྟིཡཱ ཨབྷིཀྐནྟཝཎྞཱ ཀེཝལཀཔྤཾ ཛེཏཝནཾ ཨོབྷཱསེཏྭཱ ཡེནཱཧཾ ཏེནུཔསངྐམིཾསུ; ཨུཔསངྐམིཏྭཱ མཾ ཨབྷིཝཱདེཏྭཱ ¶ ཨེཀམནྟཾ ཨཊྛཾསུ. ཨེཀམནྟཾ ཋིཏཱ ཁོ, བྷིཀྑཝེ, ཏཱ དེཝཏཱ མཾ ཨེཏདཝོཙུཾ – ‘ཨུཔསངྐམིཾསུ ནོ, བྷནྟེ, པུབྦེ མནུསྶབྷཱུཏཱནཾ པབྦཛིཏཱ ཨགཱརཱནི. ཏེ མཡཾ, བྷནྟེ, པཙྩུཊྛིམྷ, ནོ ཙ ཁོ ཨབྷིཝཱདིམྷ. ཏཱ མཡཾ, བྷནྟེ, ཨཔརིཔུཎྞཀམྨནྟཱ ཝིཔྤཊིསཱརིནིཡོ པཙྩཱནུཏཱཔིནིཡོ ཧཱིནཾ ཀཱཡཾ ཨུཔཔནྣཱ’’’ཏི.

‘‘ཨཔརཱཔི ¶ ¶ མཾ, བྷིཀྑཝེ, སམྦཧུལཱ དེཝཏཱ ཨུཔསངྐམིཏྭཱ ཨེཏདཝོཙུཾ – ‘ཨུཔསངྐམིཾསུ ནོ, བྷནྟེ, པུབྦེ མནུསྶབྷཱུཏཱནཾ པབྦཛིཏཱ ཨགཱརཱནི. ཏེ མཡཾ, བྷནྟེ, པཙྩུཊྛིམྷ ཨབྷིཝཱདིམྷ [པཙྩུཊྛིམྷ ཙ ཨབྷིཝཱདིམྷ ཙ (སྱཱ.)], ནོ ཙ ཏེསཾ ཨཱསནཾ ཨདམྷ. ཏཱ མཡཾ, བྷནྟེ, ཨཔརིཔུཎྞཀམྨནྟཱ ཝིཔྤཊིསཱརིནིཡོ པཙྩཱནུཏཱཔིནིཡོ ཧཱིནཾ ཀཱཡཾ ཨུཔཔནྣཱ’’’ཏི.

‘‘ཨཔརཱཔི མཾ, བྷིཀྑཝེ, སམྦཧུལཱ དེཝཏཱ ཨུཔསངྐམིཏྭཱ ¶ ཨེཏདཝོཙུཾ – ‘ཨུཔསངྐམིཾསུ ནོ, བྷནྟེ, པུབྦེ མནུསྶབྷཱུཏཱནཾ པབྦཛིཏཱ ཨགཱརཱནི. ཏེ མཡཾ, བྷནྟེ, པཙྩུཊྛིམྷ ཨབྷིཝཱདིམྷ [པཙྩུཊྛིམྷ ཙ ཨབྷིཝཱདིམྷ ཙ (སྱཱ.)] ཨཱསནཾ [ཨཱསནཉྩ (སཱི. སྱཱ.)] ཨདམྷ, ནོ ཙ ཁོ ཡཐཱསཏྟི ཡཐཱབལཾ སཾཝིབྷཛིམྷ…པེ… ཡཐཱསཏྟི ཡཐཱབལཾ [ཡཐཱབལཾ ཙ (?)] སཾཝིབྷཛིམྷ, ནོ ཙ ཁོ ཨུཔནིསཱིདིམྷ དྷམྨསྶཝནཱཡ…པེ… ཨུཔནིསཱིདིམྷ [ཨུཔནིསཱིདིམྷ ཙ (སྱཱ.)] དྷམྨསྶཝནཱཡ, ནོ ཙ ཁོ ཨོཧིཏསོཏཱ དྷམྨཾ སུཎིམྷ…པེ… ཨོཧིཏསོཏཱ ཙ དྷམྨཾ སུཎིམྷ, ནོ ཙ ཁོ སུཏྭཱ དྷམྨཾ དྷཱརཡིམྷ…པེ… སུཏྭཱ ཙ དྷམྨཾ དྷཱརཡིམྷ, ནོ ཙ ཁོ དྷཱཏཱནཾ དྷམྨཱནཾ ཨཏྠཾ ཨུཔཔརིཀྑིམྷ…པེ… དྷཱཏཱནཉྩ དྷམྨཱནཾ ཨཏྠཾ ཨུཔཔརིཀྑིམྷ, ནོ ཙ ཁོ ཨཏྠམཉྙཱཡ དྷམྨམཉྙཱཡ དྷམྨཱནུདྷམྨཾ པཊིཔཛྫིམྷ. ཏཱ མཡཾ, བྷནྟེ, ཨཔརིཔུཎྞཀམྨནྟཱ ཝིཔྤཊིསཱརིནིཡོ པཙྩཱནུཏཱཔིནིཡོ ཧཱིནཾ ཀཱཡཾ ཨུཔཔནྣཱ’’’ཏི.

‘‘ཨཔརཱཔི མཾ, བྷིཀྑཝེ, སམྦཧུལཱ དེཝཏཱ ཨུཔསངྐམིཏྭཱ ཨེཏདཝོཙུཾ – ‘ཨུཔསངྐམིཾསུ ནོ, བྷནྟེ, པུབྦེ མནུསྶབྷཱུཏཱནཾ པབྦཛིཏཱ ཨགཱརཱནི. ཏེ མཡཾ, བྷནྟེ, པཙྩུཊྛིམྷ ཨབྷིཝཱདིམྷ [པཙྩུཊྛིམྷ ཙ ཨབྷིཝཱདིམྷ ཙ (སྱཱ.)], ཨཱསནཾ [ཨཱསནཉྩ (སཱི. སྱཱ.)] ཨདམྷ, ཡཐཱསཏྟི ¶ ཡཐཱབལཾ [ཡཐཱབལཾ ཙ (?)] སཾཝིབྷཛིམྷ, ཨུཔནིསཱིདིམྷ [ཨུཔནིསཱིདིམྷ ཙ (སྱཱ.)] དྷམྨསྶཝནཱཡ, ཨོཧིཏསོཏཱ ཙ དྷམྨཾ སུཎིམྷ, སུཏྭཱ ཙ དྷམྨཾ དྷཱརཡིམྷ, དྷཱཏཱནཉྩ དྷམྨཱནཾ ཨཏྠཾ ཨུཔཔརིཀྑིམྷ, ཨཏྠམཉྙཱཡ དྷམྨམཉྙཱཡ དྷམྨཱནུདྷམྨཾ [དྷམྨཱནུདྷམྨཉྩ (?)] པཊིཔཛྫིམྷ. ཏཱ མཡཾ, བྷནྟེ, པརིཔུཎྞཀམྨནྟཱ ཨཝིཔྤཊིསཱརིནིཡོ ཨཔཙྩཱནུཏཱཔིནིཡོ པཎཱིཏཾ ཀཱཡཾ ཨུཔཔནྣཱ’ཏི. ཨེཏཱནི, བྷིཀྑཝེ, རུཀྑམཱུལཱནི ཨེཏཱནི སུཉྙཱགཱརཱནི. ཛྷཱཡཐ, བྷིཀྑཝེ, མཱ པམཱདཏྠ, མཱ པཙྪཱ ཝིཔྤཊིསཱརིནོ ཨཧུཝཏྠ སེཡྻཐཱཔི ཏཱ པུརིམིཀཱ དེཝཏཱ’’ཏི. ནཝམཾ.

༡༠. ཝེལཱམསུཏྟཾ

༢༠. ཨེཀཾ ¶ ¶ ¶ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཨཐ ཁོ ཨནཱཐཔིཎྜིཀོ གཧཔཏི ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨནཱཐཔིཎྜིཀཾ གཧཔཏིཾ བྷགཝཱ ཨེཏདཝོཙ –

‘‘ཨཔི ནུ ཏེ, གཧཔཏི, ཀུལེ དཱནཾ དཱིཡཏཱི’’ཏི? ‘‘དཱིཡཏི མེ, བྷནྟེ, ཀུལེ དཱནཾ; ཏཉྩ ཁོ ལཱུཁཾ ཀཎཱཛཀཾ བིལ༹ངྒདུཏིཡ’’ནྟི. ‘‘ལཱུཁཉྩེཔི [ལཱུཁཾ ཝཱཔི (སྱཱ.), ལཱུཁཉྩཱཔི (ཀ.)], གཧཔཏི, དཱནཾ དེཏི པཎཱིཏཾ ཝཱ; ཏཉྩ ཨསཀྐཙྩཾ དེཏི, ཨཙིཏྟཱིཀཏྭཱ [ཨཙིཏྟིཾ ཀཏྭཱ (ཀ.), ཨཔཙིཏྟིཾ ཀཏྭཱ (སྱཱ.), ཨཙིཏྟིཀཏྭཱ (པཱི.)] དེཏི, ཨསཧཏྠཱ དེཏི, ཨཔཝིདྡྷཾ [ཨཔཝིཊྛཾ (སྱཱ.)] དེཏི, ཨནཱགམནདིཊྛིཀོ དེཏི. ཡཏྠ ཡཏྠ ཏསྶ ཏསྶ དཱནསྶ ཝིཔཱཀོ ནིབྦཏྟཏི, ན ཨུལཱ༹རཱཡ བྷཏྟབྷོགཱཡ ཙིཏྟཾ ནམཏི, ན ཨུལཱ༹རཱཡ ཝཏྠབྷོགཱཡ ཙིཏྟཾ ནམཏི, ན ཨུལཱ༹རཱཡ ཡཱནབྷོགཱཡ ཙིཏྟཾ ནམཏི, ན ཨུལཱ༹རེསུ པཉྩསུ ཀཱམགུཎེསུ བྷོགཱཡ ཙིཏྟཾ ནམཏི. ཡེཔིསྶ ཏེ ཧོནྟི ¶ པུཏྟཱཏི ཝཱ དཱརཱཏི ཝཱ དཱསཱཏི ཝཱ པེསྶཱཏི ཝཱ ཀམྨཀརཱཏི ཝཱ, ཏེཔི ན སུསྶཱུསནྟི ན སོཏཾ ཨོདཧནྟི ན ཨཉྙཱ ཙིཏྟཾ ཨུཔཊྛཔེནྟི. ཏཾ ཀིསྶ ཧེཏུ? ཨེཝཉྷེཏཾ [ཨེཝཉྩེཏཾ (སྱཱ. ཀ.)], གཧཔཏི, ཧོཏི ཨསཀྐཙྩཾ ཀཏཱནཾ ཀམྨཱནཾ ཝིཔཱཀོ’’.

‘‘ལཱུཁཉྩེཔི, གཧཔཏི, དཱནཾ དེཏི པཎཱིཏཾ ཝཱ; ཏཉྩ སཀྐཙྩཾ དེཏི, ཙིཏྟཱིཀཏྭཱ དེཏི, སཧཏྠཱ དེཏི, ཨནཔཝིདྡྷཾ དེཏི, ཨཱགམནདིཊྛིཀོ དེཏི. ཡཏྠ ཡཏྠ ཏསྶ ཏསྶ དཱནསྶ ཝིཔཱཀོ ནིབྦཏྟཏི, ཨུལཱ༹རཱཡ བྷཏྟབྷོགཱཡ ཙིཏྟཾ ནམཏི, ཨུལཱ༹རཱཡ ཝཏྠབྷོགཱཡ ཙིཏྟཾ ནམཏི, ཨུལཱ༹རཱཡ ཡཱནབྷོགཱཡ ཙིཏྟཾ ནམཏི, ཨུལཱ༹རེསུ པཉྩསུ ཀཱམགུཎེསུ བྷོགཱཡ ཙིཏྟཾ ནམཏི. ཡེཔིསྶ ཏེ ཧོནྟི པུཏྟཱཏི ¶ ཝཱ དཱརཱཏི ཝཱ དཱསཱཏི ཝཱ པེསྶཱཏི ཝཱ ཀམྨཀརཱཏི ཝཱ, ཏེཔི སུསྶཱུསནྟི སོཏཾ ཨོདཧནྟི ཨཉྙཱ ཙིཏྟཾ ཨུཔཊྛཔེནྟི. ཏཾ ཀིསྶ ཧེཏུ? ཨེཝཉྷེཏཾ, གཧཔཏི, ཧོཏི སཀྐཙྩཾ ཀཏཱནཾ ཀམྨཱནཾ ཝིཔཱཀོ.

‘‘བྷཱུཏཔུབྦཾ, གཧཔཏི, ཝེལཱམོ ནཱམ བྲཱཧྨཎོ ཨཧོསི. སོ ཨེཝརཱུཔཾ དཱནཾ ཨདཱསི མཧཱདཱནཾ. ཙཏུརཱསཱིཏི སུཝཎྞཔཱཏིསཧསྶཱནི ཨདཱསི རཱུཔིཡཔཱུརཱནི ¶ , ཙཏུརཱསཱིཏི རཱུཔིཡཔཱཏིསཧསྶཱནི ཨདཱསི སུཝཎྞཔཱུརཱནི, ཙཏུརཱསཱིཏི ཀཾསཔཱཏིསཧསྶཱནི ཨདཱསི ཧིརཉྙཔཱུརཱནི ¶ , ཙཏུརཱསཱིཏི ཧཏྠིསཧསྶཱནི ཨདཱསི སོཝཎྞཱལངྐཱརཱནི སོཝཎྞདྷཛཱནི ཧེམཛཱལཔྤཊིཙྪནྣཱནི [ཧེམཛཱལསཉྪནྣཱནི (སཱི. པཱི.)], ཙཏུརཱསཱིཏི རཐསཧསྶཱནི ཨདཱསི སཱིཧཙམྨཔརིཝཱརཱནི བྱགྒྷཙམྨཔརིཝཱརཱནི དཱིཔིཙམྨཔརིཝཱརཱནི པཎྜུཀམྦལཔརིཝཱརཱནི སོཝཎྞཱལངྐཱརཱནི སོཝཎྞདྷཛཱནི ཧེམཛཱལཔྤཊིཙྪནྣཱནི, ཙཏུརཱསཱིཏི དྷེནུསཧསྶཱནི ཨདཱསི དུཀཱུལསནྡྷནཱནི [དུཀཱུལསནྡསྶནཱནི (སཱི.), དུཀཱུལསཎྛནཱནི (སྱཱ.), དུཀཱུལསནྠནཱནི (པཱི.), དུཧསནྡནཱནི (དཱི. ནི. ༢.༢༦༣), དུཀཱུལསནྡནཱནི (ཏཏྠ པཱཋནྟརཾ)] ཀཾསཱུཔདྷཱརཎཱནི, ཙཏུརཱསཱིཏི ཀཉྙཱསཧསྶཱནི ཨདཱསི ཨཱམུཏྟམཎིཀུཎྜལཱཡོ [ཨཱམུཀྐམཎིཀུཎྜལཱཡོ (?)], ཙཏུརཱསཱིཏི པལླངྐསཧསྶཱནི ཨདཱསི གོནཀཏྠཏཱནི ¶ པཊིཀཏྠཏཱནི པཊལིཀཏྠཏཱནི ཀདལིམིགཔཝརཔཙྩཏྠརཎཱནི སཨུཏྟརཙྪདཱནི ཨུབྷཏོལོཧིཏཀཱུཔདྷཱནཱནི, ཙཏུརཱསཱིཏི ཝཏྠཀོཊིསཧསྶཱནི ཨདཱསི ཁོམསུཁུམཱནཾ ཀོསེཡྻསུཁུམཱནཾ ཀམྦལསུཁུམཱནཾ ཀཔྤཱསིཀསུཁུམཱནཾ, ཀོ པན ཝཱདོ ཨནྣསྶ པཱནསྶ ཁཛྫསྶ བྷོཛྫསྶ ལེཡྻསྶ པེཡྻསྶ, ནཛྫོ མཉྙེ ཝིསྶནྡནྟི [ཝིསྶནྡཏི (སཱི. པཱི.)].

‘‘སིཡཱ ཁོ པན ཏེ, གཧཔཏི, ཨེཝམསྶ – ‘ཨཉྙོ ནཱུན ཏེན སམཡེན ཝེལཱམོ བྲཱཧྨཎོ ཨཧོསི, སོ [ཡོ (?)] ཏཾ དཱནཾ ཨདཱསི མཧཱདཱན’ནྟི. ན ཁོ པནེཏཾ, གཧཔཏི, ཨེཝཾ དཊྛབྦཾ. ཨཧཾ ཏེན སམཡེན ཝེལཱམོ བྲཱཧྨཎོ ¶ ཨཧོསིཾ. ཨཧཾ ཏཾ དཱནཾ ཨདཱསིཾ མཧཱདཱནཾ. ཏསྨིཾ ཁོ པན, གཧཔཏི, དཱནེ ན ཀོཙི དཀྑིཎེཡྻོ ཨཧོསི, ན ཏཾ ཀོཙི དཀྑིཎཾ ཝིསོདྷེཏི.

‘‘ཡཾ, གཧཔཏི, ཝེལཱམོ བྲཱཧྨཎོ དཱནཾ ཨདཱསི མཧཱདཱནཾ, ཡོ ཙེཀཾ དིཊྛིསམྤནྣཾ བྷོཛེཡྻ, ཨིདཾ ཏཏོ མཧཔྥལཏརཾ.

( ) [(ཡཉྩ གཧཔཏི ཝེལཱམོ བྲཱཧྨཎོ དཱནཾ ཨདཱསི མཧཱདཱནཾ) (སཱི. པཱི.)] ‘‘ཡོ ཙ སཏཾ དིཊྛིསམྤནྣཱནཾ བྷོཛེཡྻ, ཡོ ཙེཀཾ སཀདཱགཱམིཾ བྷོཛེཡྻ, ཨིདཾ ཏཏོ མཧཔྥལཏརཾ.

( ) [(ཡཉྩ གཧཔཏི ཝེལཱམོ བྲཱཧྨཎོ དཱནཾ ཨདཱསི མཧཱདཱནཾ) (སཱི. པཱི.)] ‘‘ཡོ ཙ སཏཾ སཀདཱགཱམཱིནཾ བྷོཛེཡྻ, ཡོ ཙེཀཾ ཨནཱགཱམིཾ བྷོཛེཡྻ…པེ… ཡོ ཙ སཏཾ ཨནཱགཱམཱིནཾ བྷོཛེཡྻ, ཡོ ཙེཀཾ ¶ ཨརཧནྟཾ བྷོཛེཡྻ… ཡོ ཙ སཏཾ ཨརཧནྟཱནཾ བྷོཛེཡྻ, ཡོ ཙེཀཾ པཙྩེཀབུདྡྷཾ བྷོཛེཡྻ ¶ … ཡོ ཙ སཏཾ པཙྩེཀབུདྡྷཱནཾ བྷོཛེཡྻ, ཡོ ཙ ཏཐཱགཏཾ ཨརཧནྟཾ སམྨཱསམྦུདྡྷཾ བྷོཛེཡྻ… ཡོ ཙ བུདྡྷཔྤམུཁཾ བྷིཀྑུསངྒྷཾ བྷོཛེཡྻ… ཡོ ཙ ཙཱཏུདྡིསཾ སངྒྷཾ ཨུདྡིསྶ ཝིཧཱརཾ ཀཱརཱཔེཡྻ… ཡོ ཙ པསནྣཙིཏྟོ བུདྡྷཉྩ དྷམྨཉྩ སངྒྷཉྩ སརཎཾ གཙྪེཡྻ… ཡོ ཙ པསནྣཙིཏྟོ སིཀྑཱཔདཱནི སམཱདིཡེཡྻ – པཱཎཱཏིཔཱཏཱ ཝེརམཎིཾ, ཨདིནྣཱདཱནཱ ¶ ཝེརམཎིཾ, ཀཱམེསུམིཙྪཱཙཱརཱ ཝེརམཎིཾ, མུསཱཝཱདཱ ཝེརམཎིཾ, སུརཱམེརཡམཛྫཔམཱདཊྛཱནཱ ཝེརམཎིཾ, ཡོ ཙ ཨནྟམསོ གནྡྷོཧནམཏྟམྤི [གནྡྷཱུཧནམཏྟམྤི (སཱི.), གདྡཱུཧནམཏྟམྤི (སྱཱ. པཱི.) མ. ནི. ༣.༢༡༡] མེཏྟཙིཏྟཾ བྷཱཝེཡྻ, ( ) [(ཡོ ཙ ཨཙྪརཱསངྒྷཱཏམཏྟམྤི ཨནིཙྩསཉྙཾ བྷཱཝེཡྻ) (ཀ.)] ཨིདཾ ཏཏོ མཧཔྥལཏརཾ.

‘‘ཡཉྩ, གཧཔཏི, ཝེལཱམོ བྲཱཧྨཎོ དཱནཾ ཨདཱསི མཧཱདཱནཾ, ཡོ ཙེཀཾ དིཊྛིསམྤནྣཾ བྷོཛེཡྻ… ཡོ ཙ སཏཾ དིཊྛིསམྤནྣཱནཾ བྷོཛེཡྻ, ཡོ ཙེཀཾ སཀདཱགཱམིཾ བྷོཛེཡྻ… ཡོ ཙ སཏཾ སཀདཱགཱམཱིནཾ བྷོཛེཡྻ, ཡོ ¶ ཙེཀཾ ཨནཱགཱམིཾ བྷོཛེཡྻ… ཡོ ཙ སཏཾ ཨནཱགཱམཱིནཾ བྷོཛེཡྻ, ཡོ ཙེཀཾ ཨརཧནྟཾ བྷོཛེཡྻ… ཡོ ཙ སཏཾ ཨརཧནྟཱནཾ བྷོཛེཡྻ, ཡོ ཙེཀཾ པཙྩེཀབུདྡྷཾ བྷོཛེཡྻ… ཡོ ཙ སཏཾ པཙྩེཀབུདྡྷཱནཾ བྷོཛེཡྻ, ཡོ ཙ ཏཐཱགཏཾ ཨརཧནྟཾ སམྨཱསམྦུདྡྷཾ བྷོཛེཡྻ… ཡོ ཙ བུདྡྷཔྤམུཁཾ བྷིཀྑུསངྒྷཾ བྷོཛེཡྻ, ཡོ ཙ ཙཱཏུདྡིསཾ སངྒྷཾ ཨུདྡིསྶ ཝིཧཱརཾ ཀཱརཱཔེཡྻ… ཡོ ཙ པསནྣཙིཏྟོ བུདྡྷཉྩ དྷམྨཉྩ སངྒྷཉྩ སརཎཾ གཙྪེཡྻ, ཡོ ཙ པསནྣཙིཏྟོ སིཀྑཱཔདཱནི སམཱདིཡེཡྻ – པཱཎཱཏིཔཱཏཱ ཝེརམཎིཾ… སུརཱམེརཡམཛྫཔམཱདཊྛཱནཱ ཝེརམཎིཾ, ཡོ ཙ ཨནྟམསོ གནྡྷོཧནམཏྟམྤི མེཏྟཙིཏྟཾ བྷཱཝེཡྻ ¶ , ཡོ ཙ ཨཙྪརཱསངྒྷཱཏམཏྟམྤི ཨནིཙྩསཉྙཾ བྷཱཝེཡྻ, ཨིདཾ ཏཏོ མཧཔྥལཏར’’ནྟི. དསམཾ.

སཱིཧནཱདཝགྒོ དུཏིཡོ.

ཏསྶུདྡཱནཾ –

ནཱདོ སཨུཔཱདིསེསོ ཙ, ཀོཊྛིཀེན སམིདྡྷིནཱ;

གཎྜསཉྙཱ ཀུལཾ མེཏྟཱ, དེཝཏཱ ཝེལཱམེན ཙཱཏི.

༣. སཏྟཱཝཱསཝགྒོ

༡. ཏིཋཱནསུཏྟཾ

༢༡. ‘‘ཏཱིཧི ¶ ¶ , བྷིཀྑཝེ, ཋཱནེཧི ཨུཏྟརཀུརུཀཱ མནུསྶཱ དེཝེ ཙ ཏཱཝཏིཾསེ ཨདྷིགྒཎྷནྟི ཛམྦུདཱིཔཀེ ཙ མནུསྶེ. ཀཏམེཧི ཏཱིཧི? ཨམམཱ, ཨཔརིགྒཧཱ, ནིཡཏཱཡུཀཱ, ཝིསེསགུཎཱ [ཝིསེསབྷུནོ (སཱི. སྱཱ. པཱི.)] – ཨིམེཧི ཁོ, བྷིཀྑཝེ, ཏཱིཧི ཋཱནེཧི ཨུཏྟརཀུརུཀཱ ¶ མནུསྶཱ དེཝེ ཙ ཏཱཝཏིཾསེ ཨདྷིགྒཎྷནྟི ཛམྦུདཱིཔཀེ ཙ མནུསྶེ.

‘‘ཏཱིཧི, བྷིཀྑཝེ, ཋཱནེཧི དེཝཱ ཏཱཝཏིཾསཱ ཨུཏྟརཀུརུཀེ ཙ མནུསྶེ ཨདྷིགྒཎྷནྟི ཛམྦུདཱིཔཀེ ཙ མནུསྶེ. ཀཏམེཧི ཏཱིཧི? དིབྦེན ཨཱཡུནཱ, དིབྦེན ཝཎྞེན, དིབྦེན སུཁེན – ཨིམེཧི ཁོ, བྷིཀྑཝེ, ཏཱིཧི ཋཱནེཧི དེཝཱ ཏཱཝཏིཾསཱ ཨུཏྟརཀུརུཀེ ཙ མནུསྶེ ཨདྷིགྒཎྷནྟི ཛམྦུདཱིཔཀེ ཙ མནུསྶེ.

[ཀཐཱ. ༢༧༡] ‘‘ཏཱིཧི, བྷིཀྑཝེ, ཋཱནེཧི ཛམྦུདཱིཔཀཱ མནུསྶཱ ཨུཏྟརཀུརུཀེ ཙ མནུསྶེ ཨདྷིགྒཎྷནྟི དེཝེ ཙ ཏཱཝཏིཾསེ. ཀཏམེཧི ཏཱིཧི? སཱུརཱ, སཏིམནྟོ, ཨིདྷ བྲཧྨཙརིཡཝཱསོ – ཨིམེཧི ཁོ, བྷིཀྑཝེ, ཏཱིཧི ཋཱནེཧི ཛམྦུདཱིཔཀཱ མནུསྶཱ ཨུཏྟརཀུརུཀེ ཙ མནུསྶེ ཨདྷིགྒཎྷནྟི དེཝེ ཙ ཏཱཝཏིཾསེ’’ཏི. པཋམཾ.

༢. ཨསྶཁལུ༹ངྐསུཏྟཾ

༢༢. [ཨ. ནི. ༣.༡༤༡] ‘‘ཏཡོ ¶ ཙ, བྷིཀྑཝེ, ཨསྶཁལུ༹ངྐེ དེསེསྶཱམི ཏཡོ ཙ པུརིསཁལུ༹ངྐེ ཏཡོ ཙ ཨསྶཔརསྶེ [ཨསྶསདསྶེ (སཱི. སྱཱ. པཱི.) ཨ. ནི. ༣.༡༤༢] ཏཡོ ཙ པུརིསཔརསྶེ [པུརིསསདསྶེ (སཱི. སྱཱ. པཱི.)] ཏཡོ ཙ བྷདྡེ ཨསྶཱཛཱནཱིཡེ ཏཡོ ཙ བྷདྡེ པུརིསཱཛཱནཱིཡེ. ཏཾ སུཎཱཐ.

‘‘ཀཏམེ ཙ, བྷིཀྑཝེ, ཏཡོ ཨསྶཁལུ༹ངྐཱ? ཨིདྷ, བྷིཀྑཝེ, ཨེཀཙྩོ ཨསྶཁལུ༹ངྐོ ཛཝསམྤནྣོ ¶ ཧོཏི, ན ཝཎྞསམྤནྣོ, ན ཨཱརོཧཔརིཎཱཧསམྤནྣོ. ཨིདྷ པན, བྷིཀྑཝེ, ཨེཀཙྩོ ཨསྶཁལུ༹ངྐོ ཛཝསམྤནྣོ ཙ ཧོཏི ཝཎྞསམྤནྣོ ཙ, ན ཨཱརོཧཔརིཎཱཧསམྤནྣོ. ཨིདྷ པན, བྷིཀྑཝེ, ཨེཀཙྩོ ཨསྶཁལུ༹ངྐོ ཛཝསམྤནྣོ ཙ ཧོཏི ཝཎྞསམྤནྣོ ཙ ཨཱརོཧཔརིཎཱཧསམྤནྣོ ཙ. ཨིམེ ཁོ, བྷིཀྑཝེ, ཏཡོ ཨསྶཁལུ༹ངྐཱ.

‘‘ཀཏམེ ¶ ¶ ཙ, བྷིཀྑཝེ, ཏཡོ པུརིསཁལུ༹ངྐཱ? ཨིདྷ, བྷིཀྑཝེ, ཨེཀཙྩོ པུརིསཁལུ༹ངྐོ ཛཝསམྤནྣོ ཧོཏི, ན ཝཎྞསམྤནྣོ, ན ཨཱརོཧཔརིཎཱཧསམྤནྣོ. ཨིདྷ པན, བྷིཀྑཝེ, ཨེཀཙྩོ པུརིསཁལུ༹ངྐོ ཛཝསམྤནྣོ ཙ ཧོཏི ཝཎྞསམྤནྣོ ཙ, ན ཨཱརོཧཔརིཎཱཧསམྤནྣོ. ཨིདྷ པན, བྷིཀྑཝེ, ཨེཀཙྩོ པུརིསཁལུ༹ངྐོ ཛཝསམྤནྣོ ཙ ཧོཏི ཝཎྞསམྤནྣོ ཙ ཨཱརོཧཔརིཎཱཧསམྤནྣོ ཙ.

‘‘ཀཐཉྩ, བྷིཀྑཝེ, པུརིསཁལུ༹ངྐོ ཛཝསམྤནྣོ ཧོཏི, ན ཝཎྞསམྤནྣོ ན ཨཱརོཧཔརིཎཱཧསམྤནྣོ? ཨིདྷ, བྷིཀྑཝེ, བྷིཀྑུ ‘ཨིདཾ དུཀྑ’ནྟི ཡཐཱབྷཱུཏཾ པཛཱནཱཏི, ‘ཨཡཾ དུཀྑསམུདཡོ’ཏི ཡཐཱབྷཱུཏཾ པཛཱནཱཏི, ‘ཨཡཾ དུཀྑནིརོདྷོ’ཏི ཡཐཱབྷཱུཏཾ པཛཱནཱཏི, ‘ཨཡཾ དུཀྑནིརོདྷགཱམིནཱི པཊིཔདཱ’ཏི ཡཐཱབྷཱུཏཾ པཛཱནཱཏི. ཨིདམསྶ ¶ ཛཝསྨིཾ ཝདཱམི. ཨབྷིདྷམྨེ ཁོ པན ཨབྷིཝིནཡེ པཉྷཾ པུཊྛོ སཾསཱདེཏི [སཾསཱརེཏི (ཀ.) ཨ. ནི. ༡.༣.༡༤༡], ནོ ཝིསྶཛྫེཏི. ཨིདམསྶ ན ཝཎྞསྨིཾ ཝདཱམི. ན ཁོ པན ལཱབྷཱི ཧོཏི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནཾ. ཨིདམསྶ ན ཨཱརོཧཔརིཎཱཧསྨིཾ ཝདཱམི. ཨེཝཾ ཁོ, བྷིཀྑཝེ, པུརིསཁལུ༹ངྐོ ཛཝསམྤནྣོ ཧོཏི, ན ཝཎྞསམྤནྣོ ན ཨཱརོཧཔརིཎཱཧསམྤནྣོ.

‘‘ཀཐཉྩ, བྷིཀྑཝེ, པུརིསཁལུ༹ངྐོ ཛཝསམྤནྣོ ཙ ཧོཏི ཝཎྞསམྤནྣོ ཙ, ན ཨཱརོཧཔརིཎཱཧསམྤནྣོ? ཨིདྷ, བྷིཀྑཝེ, བྷིཀྑུ ‘ཨིདཾ དུཀྑ’ནྟི ཡཐཱབྷཱུཏཾ པཛཱནཱཏི…པེ… ‘ཨཡཾ དུཀྑནིརོདྷགཱམིནཱི པཊིཔདཱ’ཏི ཡཐཱབྷཱུཏཾ པཛཱནཱཏི. ཨིདམསྶ ཛཝསྨིཾ ཝདཱམི. ཨབྷིདྷམྨེ ཁོ པན ཨབྷིཝིནཡེ པཉྷཾ ¶ པུཊྛོ ཝིསྶཛྫེཏི, ནོ སཾསཱདེཏི. ཨིདམསྶ ཝཎྞསྨིཾ ཝདཱམི. ན ཁོ པན ལཱབྷཱི ཧོཏི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནཾ. ཨིདམསྶ ན ཨཱརོཧཔརིཎཱཧསྨིཾ ཝདཱམི. ཨེཝཾ ཁོ, བྷིཀྑཝེ, པུརིསཁལུ༹ངྐོ ཛཝསམྤནྣོ ཙ ཧོཏི ཝཎྞསམྤནྣོ ཙ, ན ཨཱརོཧཔརིཎཱཧསམྤནྣོ.

‘‘ཀཐཉྩ ¶ , བྷིཀྑཝེ, པུརིསཁལུ༹ངྐོ ཛཝསམྤནྣོ ཙ ཧོཏི ཝཎྞསམྤནྣོ ཙ ཨཱརོཧཔརིཎཱཧསམྤནྣོ ཙ? ཨིདྷ, བྷིཀྑཝེ, བྷིཀྑུ ‘ཨིདཾ དུཀྑ’ནྟི ཡཐཱབྷཱུཏཾ པཛཱནཱཏི…པེ… ‘ཨཡཾ དུཀྑནིརོདྷགཱམིནཱི པཊིཔདཱ’ཏི ཡཐཱབྷཱུཏཾ པཛཱནཱཏི. ཨིདམསྶ ཛཝསྨིཾ ཝདཱམི. ཨབྷིདྷམྨེ ཁོ པན ཨབྷིཝིནཡེ པཉྷཾ པུཊྛོ ཝིསྶཛྫེཏི, ནོ སཾསཱདེཏི. ཨིདམསྶ ཝཎྞསྨིཾ ཝདཱམི. ལཱབྷཱི ¶ ཁོ པན ¶ ཧོཏི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནཾ. ཨིདམསྶ ཨཱརོཧཔརིཎཱཧསྨིཾ ཝདཱམི. ཨེཝཾ ཁོ, བྷིཀྑཝེ, པུརིསཁལུ༹ངྐོ ཛཝསམྤནྣོ ཙ ཧོཏི ཝཎྞསམྤནྣོ ཙ ཨཱརོཧཔརིཎཱཧསམྤནྣོ ཙ. ཨིམེ ཁོ, བྷིཀྑཝེ, ཏཡོ པུརིསཁལུ༹ངྐཱ.

‘‘ཀཏམེ ཙ, བྷིཀྑཝེ, ཏཡོ ཨསྶཔརསྶཱ? ཨིདྷ, བྷིཀྑཝེ, ཨེཀཙྩོ ཨསྶཔརསྶོ…པེ… ཛཝསམྤནྣོ ཙ ཧོཏི ཝཎྞསམྤནྣོ ཙ ཨཱརོཧཔརིཎཱཧསམྤནྣོ ཙ. ཨིམེ ཁོ, བྷིཀྑཝེ, ཏཡོ ཨསྶཔརསྶཱ.

‘‘ཀཏམེ ཙ, བྷིཀྑཝེ, ཏཡོ པུརིསཔརསྶཱ? ཨིདྷ, བྷིཀྑཝེ, ཨེཀཙྩོ པུརིསཔརསྶོ…པེ… ཛཝསམྤནྣོ ཙ ཧོཏི ཝཎྞསམྤནྣོ ཙ ཨཱརོཧཔརིཎཱཧསམྤནྣོ ཙ.

‘‘ཀཐཉྩ ¶ , བྷིཀྑཝེ, པུརིསཔརསྶོ…པེ… ཛཝསམྤནྣོ ཙ ཧོཏི ཝཎྞསམྤནྣོ ཙ ཨཱརོཧཔརིཎཱཧསམྤནྣོ ཙ? ཨིདྷ, བྷིཀྑཝེ, བྷིཀྑུ པཉྩནྣཾ ཨོརམྦྷཱགིཡཱནཾ སཾཡོཛནཱནཾ པརིཀྑཡཱ ཨོཔཔཱཏིཀོ ཧོཏི, ཏཏྠ པརིནིབྦཱཡཱི ཨནཱཝཏྟིདྷམྨོ ཏསྨཱ ལོཀཱ. ཨིདམསྶ ཛཝསྨིཾ ཝདཱམི. ཨབྷིདྷམྨེ ཁོ པན ཨབྷིཝིནཡེ པཉྷཾ པུཊྛོ ཝིསྶཛྫེཏི, ནོ སཾསཱདེཏི. ཨིདམསྶ ཝཎྞསྨིཾ ཝདཱམི. ལཱབྷཱི ཁོ པན ཧོཏི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནཾ. ཨིདམསྶ ཨཱརོཧཔརིཎཱཧསྨིཾ ཝདཱམི. ཨེཝཾ ཁོ, བྷིཀྑཝེ, པུརིསཔརསྶོ ཛཝསམྤནྣོ ཙ ཧོཏི ཝཎྞསམྤནྣོ ཙ ཨཱརོཧཔརིཎཱཧསམྤནྣོ ཙ. ཨིམེ ཁོ, བྷིཀྑཝེ, ཏཡོ པུརིསཔརསྶཱ.

‘‘ཀཏམེ ཙ, བྷིཀྑཝེ, ཏཡོ བྷདྡཱ ཨསྶཱཛཱནཱིཡཱ? ཨིདྷ, བྷིཀྑཝེ, ཨེཀཙྩོ བྷདྡོ ཨསྶཱཛཱནཱིཡོ…པེ… ཛཝསམྤནྣོ ཙ ཧོཏི ཝཎྞསམྤནྣོ ཙ ཨཱརོཧཔརིཎཱཧསམྤནྣོ ཙ. ཨིམེ ¶ ཁོ, བྷིཀྑཝེ, ཏཡོ བྷདྡཱ ཨསྶཱཛཱནཱིཡཱ.

‘‘ཀཏམེ ¶ ཙ, བྷིཀྑཝེ, ཏཡོ བྷདྡཱ པུརིསཱཛཱནཱིཡཱ? ཨིདྷ, བྷིཀྑཝེ, ཨེཀཙྩོ བྷདྡོ པུརིསཱཛཱནཱིཡོ…པེ… ཛཝསམྤནྣོ ཙ ཧོཏི ཝཎྞསམྤནྣོ ཙ ཨཱརོཧཔརིཎཱཧསམྤནྣོ ཙ.

‘‘ཀཐཉྩ, བྷིཀྑཝེ, བྷདྡོ པུརིསཱཛཱནཱིཡོ…པེ… ཛཝསམྤནྣོ ཙ ཧོཏི ཝཎྞསམྤནྣོ ཙ ཨཱརོཧཔརིཎཱཧསམྤནྣོ ཙ? ཨིདྷ, བྷིཀྑཝེ, བྷིཀྑུ ཨཱསཝཱནཾ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ ¶ དྷམྨེ སཡཾ ཨབྷིཉྙཱ ¶ སཙྪིཀཏྭཱ ཨུཔསམྤཛྫ ཝིཧརཏི. ཨིདམསྶ ཛཝསྨིཾ ཝདཱམི. ཨབྷིདྷམྨེ ཁོ པན ཨབྷིཝིནཡེ པཉྷཾ པུཊྛོ ཝིསྶཛྫེཏི, ནོ སཾསཱདེཏི. ཨིདམསྶ ཝཎྞསྨིཾ ཝདཱམི. ལཱབྷཱི ཁོ པན ཧོཏི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནཾ. ཨིདམསྶ ཨཱརོཧཔརིཎཱཧསྨིཾ ཝདཱམི. ཨེཝཾ ཁོ, བྷིཀྑཝེ, བྷདྡོ པུརིསཱཛཱནཱིཡོ ཛཝསམྤནྣོ ཙ ཧོཏི ཝཎྞསམྤནྣོ ཙ ཨཱརོཧཔརིཎཱཧསམྤནྣོ ཙ. ཨིམེ ཁོ, བྷིཀྑཝེ, ཏཡོ བྷདྡཱ པུརིསཱཛཱནཱིཡཱ’’ཏི. དུཏིཡཾ.

༣. ཏཎྷཱམཱུལཀསུཏྟཾ

༢༣. [དཱི. ནི. ༢.༡༠༣] ‘‘ནཝ, བྷིཀྑཝེ, ཏཎྷཱམཱུལཀེ དྷམྨེ དེསེསྶཱམི, ཏཾ སུཎཱཐ. ཀཏམེ ཙ, བྷིཀྑཝེ, ནཝ ཏཎྷཱམཱུལཀཱ དྷམྨཱ? ཏཎྷཾ པཊིཙྩ པརིཡེསནཱ, པརིཡེསནཾ པཊིཙྩ ལཱབྷོ, ལཱབྷཾ པཊིཙྩ ཝིནིཙྪཡོ, ཝིནིཙྪཡཾ པཊིཙྩ ཚནྡརཱགོ, ཚནྡརཱགཾ པཊིཙྩ ཨཛ྄ཛྷོསཱནཾ, ཨཛ྄ཛྷོསཱནཾ པཊིཙྩ པརིགྒཧོ, པརིགྒཧཾ པཊིཙྩ མཙྪརིཡཾ, མཙྪརིཡཾ པཊིཙྩ ཨཱརཀྑོ, ཨཱརཀྑཱདྷིཀརཎཾ དཎྜཱདཱནཾ སཏྠཱདཱནཾ ¶ ཀལཧཝིགྒཧཝིཝཱདཏུཝཾཏུཝཾཔེསུཉྙམུསཱཝཱདཱ ཨནེཀེ པཱཔཀཱ ཨཀུསལཱ དྷམྨཱ སམྦྷཝནྟི. ཨིམེ ཁོ, བྷིཀྑཝེ, ནཝ ཏཎྷཱམཱུལཀཱ དྷམྨཱ’’ཏི. ཏཏིཡཾ.

༤. སཏྟཱཝཱསསུཏྟཾ

༢༤. [དཱི. ནི. ༣.༣༤༡] ‘‘ནཝཡིམེ, བྷིཀྑཝེ, སཏྟཱཝཱསཱ. ཀཏམེ ནཝ? སནྟི, བྷིཀྑཝེ, སཏྟཱ ནཱནཏྟཀཱཡཱ ནཱནཏྟསཉྙིནོ, སེཡྻཐཱཔི མནུསྶཱ, ཨེཀཙྩེ ཙ དེཝཱ, ཨེཀཙྩེ ཙ ཝིནིཔཱཏིཀཱ. ཨཡཾ པཋམོ སཏྟཱཝཱསོ.

‘‘སནྟི ¶ , བྷིཀྑཝེ, སཏྟཱ ནཱནཏྟཀཱཡཱ ཨེཀཏྟསཉྙིནོ, སེཡྻཐཱཔི དེཝཱ བྲཧྨཀཱཡིཀཱ པཋམཱབྷིནིབྦཏྟཱ. ཨཡཾ དུཏིཡོ སཏྟཱཝཱསོ.

‘‘སནྟི ¶ , བྷིཀྑཝེ, སཏྟཱ ཨེཀཏྟཀཱཡཱ ནཱནཏྟསཉྙིནོ, སེཡྻཐཱཔི དེཝཱ ཨཱབྷསྶརཱ. ཨཡཾ ཏཏིཡོ སཏྟཱཝཱསོ.

‘‘སནྟི, བྷིཀྑཝེ, སཏྟཱ ཨེཀཏྟཀཱཡཱ ཨེཀཏྟསཉྙིནོ, སེཡྻཐཱཔི དེཝཱ སུབྷཀིཎྷཱ. ཨཡཾ ཙཏུཏྠོ སཏྟཱཝཱསོ.

‘‘སནྟི, བྷིཀྑཝེ, སཏྟཱ ཨསཉྙིནོ ཨཔྤཊིསཾཝེདིནོ, སེཡྻཐཱཔི དེཝཱ ཨསཉྙསཏྟཱ. ཨཡཾ པཉྩམོ སཏྟཱཝཱསོ.

‘‘སནྟི ¶ , བྷིཀྑཝེ, སཏྟཱ སབྦསོ རཱུཔསཉྙཱནཾ སམཏིཀྐམཱ པཊིགྷསཉྙཱནཾ ཨཏྠངྒམཱ ནཱནཏྟསཉྙཱནཾ ཨམནསིཀཱརཱ ‘ཨནནྟོ ཨཱཀཱསོ’ཏི ཨཱཀཱསཱནཉྩཱཡཏནཱུཔགཱ. ཨཡཾ ཚཊྛོ སཏྟཱཝཱསོ.

‘‘སནྟི, བྷིཀྑཝེ, སཏྟཱ སབྦསོ ཨཱཀཱསཱནཉྩཱཡཏནཾ སམཏིཀྐམྨ ‘ཨནནྟཾ ཝིཉྙཱཎ’ནྟི ཝིཉྙཱཎཉྩཱཡཏནཱུཔགཱ. ཨཡཾ སཏྟམོ སཏྟཱཝཱསོ.

‘‘སནྟི, བྷིཀྑཝེ, སཏྟཱ སབྦསོ ཝིཉྙཱཎཉྩཱཡཏནཾ སམཏིཀྐམྨ ‘ནཏྠི ཀིཉྩཱི’ཏི ཨཱཀིཉྩཉྙཱཡཏནཱུཔགཱ. ཨཡཾ ཨཊྛམོ སཏྟཱཝཱསོ.

‘‘སནྟི, བྷིཀྑཝེ, སཏྟཱ སབྦསོ ཨཱཀིཉྩཉྙཱཡཏནཾ སམཏིཀྐམྨ ནེཝསཉྙཱནཱསཉྙཱཡཏནཱུཔགཱ. ཨཡཾ ནཝམོ སཏྟཱཝཱསོ. ཨིམེ ཁོ, བྷིཀྑཝེ, ནཝ སཏྟཱཝཱསཱ’’ཏི. ཙཏུཏྠཾ.

༥. པཉྙཱསུཏྟཾ

༢༥. ‘‘ཡཏོ ¶ ¶ ཁོ, བྷིཀྑཝེ, བྷིཀྑུནོ པཉྙཱཡ ཙིཏྟཾ སུཔརིཙིཏཾ ཧོཏི, ཏསྶེཏཾ, བྷིཀྑཝེ, བྷིཀྑུནོ ཀལླཾ ཝཙནཱཡ – ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱཏི པཛཱནཱམཱི’’’ཏི.

‘‘ཀཐཉྩ ¶ , བྷིཀྑཝེ, བྷིཀྑུནོ པཉྙཱཡ ཙིཏྟཾ སུཔརིཙིཏཾ ཧོཏི? ‘ཝཱིཏརཱགཾ མེ ཙིཏྟ’ནྟི པཉྙཱཡ ཙིཏྟཾ སུཔརིཙིཏཾ ཧོཏི; ‘ཝཱིཏདོསཾ མེ ཙིཏྟ’ནྟི པཉྙཱཡ ཙིཏྟཾ སུཔརིཙིཏཾ ཧོཏི; ‘ཝཱིཏམོཧཾ མེ ཙིཏྟ’ནྟི པཉྙཱཡ ཙིཏྟཾ སུཔརིཙིཏཾ ཧོཏི; ‘ཨསརཱགདྷམྨཾ མེ ཙིཏྟ’ནྟི པཉྙཱཡ ཙིཏྟཾ སུཔརིཙིཏཾ ཧོཏི; ‘ཨསདོསདྷམྨཾ མེ ཙིཏྟ’ནྟི པཉྙཱཡ ཙིཏྟཾ སུཔརིཙིཏཾ ཧོཏི; ‘ཨསམོཧདྷམྨཾ མེ ཙིཏྟ’ནྟི པཉྙཱཡ ཙིཏྟཾ སུཔརིཙིཏཾ ཧོཏི; ‘ཨནཱཝཏྟིདྷམྨཾ མེ ཙིཏྟཾ ཀཱམབྷཝཱཡཱ’ཏི པཉྙཱཡ ཙིཏྟཾ སུཔརིཙིཏཾ ཧོཏི; ‘ཨནཱཝཏྟིདྷམྨཾ མེ ཙིཏྟཾ རཱུཔབྷཝཱཡཱ’ཏི པཉྙཱཡ ཙིཏྟཾ སུཔརིཙིཏཾ ཧོཏི; ‘ཨནཱཝཏྟིདྷམྨཾ མེ ཙིཏྟཾ ཨརཱུཔབྷཝཱཡཱ’ཏི པཉྙཱཡ ཙིཏྟཾ སུཔརིཙིཏཾ ཧོཏི. ཡཏོ ཁོ, བྷིཀྑཝེ, བྷིཀྑུནོ པཉྙཱཡ ཙིཏྟཾ སུཔརིཙིཏཾ ཧོཏི, ཏསྶེཏཾ, བྷིཀྑཝེ, བྷིཀྑུནོ ཀལླཾ ཝཙནཱཡ – ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱཏི པཛཱནཱམཱི’’’ཏི. པཉྩམཾ.

༦. སིལཱཡཱུཔསུཏྟཾ

༢༦. ཨེཀཾ ¶ སམཡཾ ཨཱཡསྨཱ ཙ སཱརིཔུཏྟོ ཨཱཡསྨཱ ཙ ཙནྡིཀཱཔུཏྟོ རཱཛགཧེ ཝིཧརནྟི ཝེལུ༹ཝནེ ཀལནྡཀནིཝཱཔེ. ཏཏྲ ཁོ ཨཱཡསྨཱ ཙནྡིཀཱཔུཏྟོ བྷིཀྑཱུ ཨཱམནྟེསི ( ) [(ཨཱཝུསོ…པེ… ཨེཏདཝོཙ) (སཱི.)] – ‘‘དེཝདཏྟོ, ཨཱཝུསོ, བྷིཀྑཱུནཾ ཨེཝཾ དྷམྨཾ དེསེཏི – ‘ཡཏོ ཁོ, ཨཱཝུསོ, བྷིཀྑུནོ ཙེཏསཱ ཙིཏཾ ཧོཏི, ཏསྶེཏཾ བྷིཀྑུནོ ཀལླཾ ཝེཡྻཱཀརཎཱཡ ¶ – ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱཏི པཛཱནཱམཱི’’’ཏི.

ཨེཝཾ ཝུཏྟེ ཨཱཡསྨཱ སཱརིཔུཏྟོ ཨཱཡསྨནྟཾ ཙནྡིཀཱཔུཏྟཾ ཨེཏདཝོཙ – ‘‘ན ཁོ, ཨཱཝུསོ ཙནྡིཀཱཔུཏྟ, དེཝདཏྟོ བྷིཀྑཱུནཾ ཨེཝཾ དྷམྨཾ དེསེཏི ¶ – ‘ཡཏོ ཁོ, ཨཱཝུསོ, བྷིཀྑུནོ ཙེཏསཱ ཙིཏཾ ཧོཏི, ཏསྶེཏཾ བྷིཀྑུནོ ཀལླཾ ཝེཡྻཱཀརཎཱཡ – ཁཱིཎཱ ཛཱཏི, ཝུསིཏཾ ¶ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱཏི པཛཱནཱམཱི’ཏི. ཨེཝཉྩ ཁོ, ཨཱཝུསོ, ཙནྡིཀཱཔུཏྟ, དེཝདཏྟོ བྷིཀྑཱུནཾ དྷམྨཾ དེསེཏི – ‘ཡཏོ ཁོ, ཨཱཝུསོ, བྷིཀྑུནོ ཙེཏསཱ ཙིཏྟཾ སུཔརིཙིཏཾ ཧོཏི, ཏསྶེཏཾ བྷིཀྑུནོ ཀལླཾ ཝེཡྻཱཀརཎཱཡ – ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱཏི པཛཱནཱམཱི’’’ཏི.

དུཏིཡམྤི ཁོ ཨཱཡསྨཱ ཙནྡིཀཱཔུཏྟོ བྷིཀྑཱུ ཨཱམནྟེསི – ‘‘དེཝདཏྟོ, ཨཱཝུསོ, བྷིཀྑཱུནཾ ཨེཝཾ དྷམྨཾ དེསེཏི – ‘ཡཏོ ཁོ, ཨཱཝུསོ, བྷིཀྑུནོ ཙེཏསཱ ཙིཏཾ ཧོཏི, ཏསྶེཏཾ བྷིཀྑུནོ ཀལླཾ ཝེཡྻཱཀརཎཱཡ – ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱཏི པཛཱནཱམཱི’’’ཏི. དུཏིཡམྤི ཁོ ཨཱཡསྨཱ སཱརིཔུཏྟོ ཨཱཡསྨནྟཾ ཙནྡིཀཱཔུཏྟཾ ཨེཏདཝོཙ – ‘‘ན ཁོ, ཨཱཝུསོ ཙནྡིཀཱཔུཏྟ, དེཝདཏྟོ བྷིཀྑཱུནཾ ཨེཝཾ དྷམྨཾ དེསེཏི – ‘ཡཏོ ཁོ, ཨཱཝུསོ, བྷིཀྑུནོ ཙེཏསཱ ཙིཏཾ ཧོཏི, ཏསྶེཏཾ བྷིཀྑུནོ ཀལླཾ ཝེཡྻཱཀརཎཱཡ – ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱཏི པཛཱནཱམཱི’ཏི. ཨེཝཉྩ ཁོ, ཨཱཝུསོ ཙནྡིཀཱཔུཏྟ, དེཝདཏྟོ བྷིཀྑཱུནཾ དྷམྨཾ དེསེཏི – ‘ཡཏོ ཁོ, ཨཱཝུསོ, བྷིཀྑུནོ ཙེཏསཱ ཙིཏྟཾ སུཔརིཙིཏཾ ཧོཏི, ཏསྶེཏཾ བྷིཀྑུནོ ཀལླཾ ཝེཡྻཱཀརཎཱཡ – ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱཏི པཛཱནཱམཱི’’’ཏི.

ཏཏིཡམྤི ¶ ¶ ཁོ ཨཱཡསྨཱ ཙནྡིཀཱཔུཏྟོ བྷིཀྑཱུ ཨཱམནྟེསི – ‘‘དེཝདཏྟོ, ཨཱཝུསོ, བྷིཀྑཱུནཾ ཨེཝཾ དྷམྨཾ དེསེཏི – ‘ཡཏོ ཁོ, ཨཱཝུསོ, བྷིཀྑུནོ ཙེཏསཱ ཙིཏཾ ཧོཏི, ཏསྶེཏཾ བྷིཀྑུནོ ཀལླཾ ཝེཡྻཱཀརཎཱཡ – ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱཏི པཛཱནཱམཱི’’’ཏི. ཏཏིཡམྤི ཁོ ཨཱཡསྨཱ སཱརིཔུཏྟོ ཨཱཡསྨནྟཾ ཙནྡིཀཱཔུཏྟཾ ཨེཏདཝོཙ – ‘‘ན ཁོ, ཨཱཝུསོ ཙནྡིཀཱཔུཏྟ, དེཝདཏྟོ བྷིཀྑཱུནཾ ཨེཝཾ དྷམྨཾ དེསེཏི – ‘ཡཏོ ཁོ, ཨཱཝུསོ, བྷིཀྑུནོ ཙེཏསཱ ཙིཏཾ ཧོཏི, ཏསྶེཏཾ བྷིཀྑུནོ ཀལླཾ ཝེཡྻཱཀརཎཱཡ – ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱཏི པཛཱནཱམཱི’ཏི. ཨེཝཉྩ ཁོ, ཨཱཝུསོ ཙནྡིཀཱཔུཏྟ, དེཝདཏྟོ བྷིཀྑཱུནཾ དྷམྨཾ དེསེཏི – ‘ཡཏོ ཁོ, ཨཱཝུསོ, བྷིཀྑུནོ ཙེཏསཱ ཙིཏྟཾ སུཔརིཙིཏཾ ཧོཏི, ཏསྶེཏཾ བྷིཀྑུནོ ཀལླཾ ཝེཡྻཱཀརཎཱཡ – ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱཏི པཛཱནཱམཱི’’’ཏི.

‘‘ཀཐཉྩ, ཨཱཝུསོ, བྷིཀྑུནོ ཙེཏསཱ ཙིཏྟཾ སུཔརིཙིཏཾ ཧོཏི? ‘ཝཱིཏརཱགཾ ¶ མེ ཙིཏྟ’ནྟི ¶ ཙེཏསཱ ཙིཏྟཾ སུཔརིཙིཏཾ ཧོཏི; ‘ཝཱིཏདོསཾ མེ ཙིཏྟ’ནྟི ཙེཏསཱ ཙིཏྟཾ སུཔརིཙིཏཾ ཧོཏི; ‘ཝཱིཏམོཧཾ མེ ཙིཏྟ’ནྟི ཙེཏསཱ ཙིཏྟཾ སུཔརིཙིཏཾ ཧོཏི; ‘ཨསརཱགདྷམྨཾ མེ ཙིཏྟ’ནྟི ཙེཏསཱ ཙིཏྟཾ སུཔརིཙིཏཾ ཧོཏི; ‘ཨསདོསདྷམྨཾ མེ ཙིཏྟ’ནྟི ཙེཏསཱ ཙིཏྟཾ སུཔརིཙིཏཾ ཧོཏི; ‘ཨསམོཧདྷམྨཾ མེ ཙིཏྟ’ནྟི ཙེཏསཱ ཙིཏྟཾ སུཔརིཙིཏཾ ཧོཏི; ‘ཨནཱཝཏྟིདྷམྨཾ མེ ¶ ཙིཏྟཾ ཀཱམབྷཝཱཡཱ’ཏི ཙེཏསཱ ཙིཏྟཾ སུཔརིཙིཏཾ ཧོཏི; ‘ཨནཱཝཏྟིདྷམྨཾ མེ ཙིཏྟཾ རཱུཔབྷཝཱཡཱ’ཏི ཙེཏསཱ ཙིཏྟཾ སུཔརིཙིཏཾ ཧོཏི; ‘ཨནཱཝཏྟིདྷམྨཾ མེ ཙིཏྟཾ ཨརཱུཔབྷཝཱཡཱ’ཏི ཙེཏསཱ ཙིཏྟཾ སུཔརིཙིཏཾ ཧོཏི. ཨེཝཾ སམྨཱ ཝིམུཏྟཙིཏྟསྶ ཁོ, ཨཱཝུསོ, བྷིཀྑུནོ བྷུསཱ ཙེཔི ཙཀྑུཝིཉྙེཡྻཱ རཱུཔཱ ཙཀྑུསྶ ཨཱཔཱཐཾ ཨཱགཙྪནྟི, ནེཝསྶ ཙིཏྟཾ པརིཡཱདིཡནྟི; ཨམིསྶཱིཀཏམེཝསྶ ཙིཏྟཾ ཧོཏི ཋིཏཾ ཨཱནེཉྫཔྤཏྟཾ, ཝཡཾ ཙསྶཱནུཔསྶཏི.

‘‘སེཡྻཐཱཔི, ཨཱཝུསོ, སིལཱཡཱུཔོ སོལ༹སཀུཀྐུཀོ. ཏསྶསྶུ ཨཊྛ ཀུཀྐཱུ ཧེཊྛཱ ནེམངྒམཱ, ཨཊྛ ཀུཀྐཱུ ཨུཔརི ནེམསྶ. ཨཐ པུརཏྠིམཱཡ ཙེཔི དིསཱཡ ཨཱགཙྪེཡྻ བྷུསཱ ཝཱཏཝུཊྛི, ནེཝ ནཾ སངྐམྤེཡྻ ¶ ན སམྤཝེདྷེཡྻ; ཨཐ པཙྪིམཱཡ… ཨཐ ཨུཏྟརཱཡ… ཨཐ དཀྑིཎཱཡ ཙེཔི དིསཱཡ ¶ ཨཱགཙྪེཡྻ བྷུསཱ ཝཱཏཝུཊྛི, ནེཝ ནཾ སངྐམྤེཡྻ ན སམྤཝེདྷེཡྻ. ཏཾ ཀིསྶ ཧེཏུ? གམྦྷཱིརཏྟཱ, ཨཱཝུསོ, ནེམསྶ, སུནིཁཱཏཏྟཱ སིལཱཡཱུཔསྶ. ཨེཝམེཝཾ ཁོ, ཨཱཝུསོ, སམྨཱ ཝིམུཏྟཙིཏྟསྶ བྷིཀྑུནོ བྷུསཱ ཙེཔི ཙཀྑུཝིཉྙེཡྻཱ རཱུཔཱ ཙཀྑུསྶ ཨཱཔཱཐཾ ཨཱགཙྪནྟི, ནེཝསྶ ཙིཏྟཾ པརིཡཱདིཡནྟི; ཨམིསྶཱིཀཏམེཝསྶ ཙིཏྟཾ ཧོཏི ཋིཏཾ ཨཱནེཉྫཔྤཏྟཾ, ཝཡཾ ཙསྶཱནུཔསྶཏི.

‘‘བྷུསཱ ཙེཔི སོཏཝིཉྙེཡྻཱ སདྡཱ… གྷཱནཝིཉྙེཡྻཱ གནྡྷཱ… ཛིཝ྄ཧཱཝིཉྙེཡྻཱ རསཱ… ཀཱཡཝིཉྙེཡྻཱ ¶ ཕོཊྛབྦཱ… མནོཝིཉྙེཡྻཱ དྷམྨཱ མནསྶ ཨཱཔཱཐཾ ཨཱགཙྪནྟི, ནེཝསྶ ཙིཏྟཾ པརིཡཱདིཡནྟི; ཨམིསྶཱིཀཏམེཝསྶ ཙིཏྟཾ ཧོཏི ཋིཏཾ ཨཱནེཉྫཔྤཏྟཾ, ཝཡཾ ཙསྶཱནུཔསྶཏཱི’’ཏི. ཚཊྛཾ.

༧. པཋམཝེརསུཏྟཾ

༢༧. [ཨ. ནི. ༩.༩༢; སཾ. ནི. ༥.༡༠༢༤] ཨཐ ཁོ ཨནཱཐཔིཎྜིཀོ གཧཔཏི ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ¶ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨནཱཐཔིཎྜིཀཾ གཧཔཏིཾ བྷགཝཱ ཨེཏདཝོཙ –

‘‘ཡཏོ ཁོ, གཧཔཏི, ཨརིཡསཱཝཀསྶ པཉྩ བྷཡཱནི ཝེརཱནི ཝཱུཔསནྟཱནི ཧོནྟི, ཙཏཱུཧི ཙ སོཏཱཔཏྟིཡངྒེཧི སམནྣཱགཏོ ཧོཏི, སོ ཨཱཀངྑམཱནོ ཨཏྟནཱཝ ཨཏྟཱནཾ བྱཱཀརེཡྻ – ‘ཁཱིཎནིརཡོམྷི ཁཱིཎཏིརཙྪཱནཡོནི ཁཱིཎཔེཏྟིཝིསཡོ ཁཱིཎཱཔཱཡདུགྒཏིཝིནིཔཱཏོ, སོཏཱཔནྣོཧམསྨི ཨཝིནིཔཱཏདྷམྨོ ནིཡཏོ སམྦོདྷིཔརཱཡཎོ’’’ཏི.

‘‘ཀཏམཱནི ¶ པཉྩ བྷཡཱནི ཝེརཱནི ཝཱུཔསནྟཱནི ཧོནྟི? ཡཾ, གཧཔཏི, པཱཎཱཏིཔཱཏཱི པཱཎཱཏིཔཱཏཔཙྩཡཱ དིཊྛདྷམྨིཀམྤི བྷཡཾ ཝེརཾ པསཝཏི, སམྤརཱཡིཀམྤི བྷཡཾ ཝེརཾ པསཝཏི, ཙེཏསིཀམྤི དུཀྑཾ དོམནསྶཾ པཊིསཾཝེདེཏི, པཱཎཱཏིཔཱཏཱ པཊིཝིརཏོ ནེཝ དིཊྛདྷམྨིཀམྤི བྷཡཾ ཝེརཾ པསཝཏི, ན སམྤརཱཡིཀམྤི བྷཡཾ ཝེརཾ པསཝཏི, ན ཙེཏསིཀམྤི དུཀྑཾ དོམནསྶཾ པཊིསཾཝེདེཏི. པཱཎཱཏིཔཱཏཱ པཊིཝིརཏསྶ ཨེཝཾ ཏཾ བྷཡཾ ཝེརཾ ཝཱུཔསནྟཾ ཧོཏི.

‘‘ཡཾ, གཧཔཏི, ཨདིནྣཱདཱཡཱི…པེ… ཀཱམེསུམིཙྪཱཙཱརཱི… མུསཱཝཱདཱི… སུརཱམེརཡམཛྫཔམཱདཊྛཱཡཱི སུརཱམེརཡམཛྫཔམཱདཊྛཱནཔཙྩཡཱ དིཊྛདྷམྨིཀམྤི བྷཡཾ ཝེརཾ པསཝཏི, སམྤརཱཡིཀམྤི བྷཡཾ ཝེརཾ པསཝཏི, ཙེཏསིཀམྤི ¶ དུཀྑཾ དོམནསྶཾ ¶ པཊིསཾཝེདེཏི, སུརཱམེརཡམཛྫཔམཱདཊྛཱནཱ པཊིཝིརཏོ ནེཝ དིཊྛདྷམྨིཀམྤི བྷཡཾ ཝེརཾ པསཝཏི, ན སམྤརཱཡིཀམྤི བྷཡཾ ཝེརཾ པསཝཏི, ན ཙེཏསིཀམྤི དུཀྑཾ དོམནསྶཾ པཊིསཾཝེདེཏི. སུརཱམེརཡམཛྫཔམཱདཊྛཱནཱ པཊིཝིརཏསྶ ཨེཝཾ ཏཾ བྷཡཾ ཝེརཾ ཝཱུཔསནྟཾ ཧོཏི. ཨིམཱནི པཉྩ བྷཡཱནི ཝེརཱནི ཝཱུཔསནྟཱནི ཧོནྟི.

‘‘ཀཏམེཧི ཙཏཱུཧི སོཏཱཔཏྟིཡངྒེཧི སམནྣཱགཏོ ཧོཏི? ཨིདྷ, གཧཔཏི, ཨརིཡསཱཝཀོ བུདྡྷེ ཨཝེཙྩཔྤསཱདེན སམནྣཱགཏོ ཧོཏི – ‘ཨིཏིཔི སོ བྷགཝཱ ཨརཧཾ སམྨཱསམྦུདྡྷོ ཝིཛྫཱཙརཎསམྤནྣོ སུགཏོ ལོཀཝིདཱུ ཨནུཏྟརོ པུརིསདམྨསཱརཐི སཏྠཱ དེཝམནུསྶཱནཾ བུདྡྷོ བྷགཝཱ’’’ཏི.

དྷམྨེ ¶ ཨཝེཙྩཔྤསཱདེན སམནྣཱགཏོ ཧོཏི – ‘སྭཱཀྑཱཏོ བྷགཝཏཱ དྷམྨོ སནྡིཊྛིཀོ ཨཀཱལིཀོ ཨེཧིཔསྶིཀོ ཨོཔནེཡྻིཀོ པཙྩཏྟཾ ཝེདིཏབྦོ ཝིཉྙཱུཧཱི’ཏི.

སངྒྷེ ཨཝེཙྩཔྤསཱདེན སམནྣཱགཏོ ཧོཏི – ‘སུཔྤཊིཔནྣོ བྷགཝཏོ སཱཝཀསངྒྷོ ཨུཛུཔྤཊིཔནྣོ བྷགཝཏོ སཱཝཀསངྒྷོ ཉཱཡཔྤཊིཔནྣོ ¶ བྷགཝཏོ སཱཝཀསངྒྷོ སཱམཱིཙིཔྤཊིཔནྣོ བྷགཝཏོ སཱཝཀསངྒྷོ; ཡདིདཾ ཙཏྟཱརི པུརིསཡུགཱནི ཨཊྛ པུརིསཔུགྒལཱ ཨེས བྷགཝཏོ སཱཝཀསངྒྷོ ཨཱཧུནེཡྻོ པཱཧུནེཡྻོ དཀྑིཎེཡྻོ ཨཉྫལིཀརཎཱིཡོ ཨནུཏྟརཾ པུཉྙཀྑེཏྟཾ ལོཀསྶཱ’ཏི.

ཨརིཡཀནྟེཧི སཱིལེཧི སམནྣཱགཏོ ཧོཏི ཨཁཎྜེཧི ཨཙྪིདྡེཧི ཨསབལེཧི ཨཀམྨཱསེཧི བྷུཛིསྶེཧི ཝིཉྙུཔྤསཏྠེཧི ཨཔརཱམཊྛེཧི སམཱདྷིསཾཝཏྟནིཀེཧི. ཨིམེཧི ཙཏཱུཧི སོཏཱཔཏྟིཡངྒེཧི སམནྣཱགཏོ ཧོཏི.

‘‘ཡཏོ ¶ ཁོ, གཧཔཏི, ཨརིཡསཱཝཀསྶ ཨིམཱནི པཉྩ བྷཡཱནི ཝེརཱནི ཝཱུཔསནྟཱནི ཧོནྟི, ཨིམེཧི ཙ ཙཏཱུཧི སོཏཱཔཏྟིཡངྒེཧི སམནྣཱགཏོ ཧོཏི, སོ ཨཱཀངྑམཱནོ ཨཏྟནཱཝ ཨཏྟཱནཾ བྱཱཀརེཡྻ – ‘ཁཱིཎནིརཡོམྷི ཁཱིཎཏིརཙྪཱནཡོནི ཁཱིཎཔེཏྟིཝིསཡོ ཁཱིཎཱཔཱཡདུགྒཏིཝིནིཔཱཏོ; སོཏཱཔནྣོཧམསྨི ཨཝིནིཔཱཏདྷམྨོ ནིཡཏོ སམྦོདྷིཔརཱཡཎོ’’’ཏི. སཏྟམཾ.

༨. དུཏིཡཝེརསུཏྟཾ

༢༨. [སཾ. ནི. ༥.༡༠༢༥] ‘‘ཡཏོ ¶ ཁོ, བྷིཀྑཝེ, ཨརིཡསཱཝཀསྶ པཉྩ བྷཡཱནི ཝེརཱནི ཝཱུཔསནྟཱནི ཧོནྟི, ཙཏཱུཧི ཙ སོཏཱཔཏྟིཡངྒེཧི སམནྣཱགཏོ ཧོཏི, སོ ཨཱཀངྑམཱནོ ཨཏྟནཱཝ ཨཏྟཱནཾ བྱཱཀརེཡྻ – ‘ཁཱིཎནིརཡོམྷི ཁཱིཎཏིརཙྪཱནཡོནི ཁཱིཎཔེཏྟིཝིསཡོ ཁཱིཎཱཔཱཡདུགྒཏིཝིནིཔཱཏོ; སོཏཱཔནྣོཧམསྨི ཨཝིནིཔཱཏདྷམྨོ ནིཡཏོ སམྦོདྷིཔརཱཡཎོ’’’ཏི.

‘‘ཀཏམཱནི པཉྩ བྷཡཱནི ཝེརཱནི ཝཱུཔསནྟཱནི ཧོནྟི? ཡཾ, བྷིཀྑཝེ, པཱཎཱཏིཔཱཏཱི པཱཎཱཏིཔཱཏཔཙྩཡཱ དིཊྛདྷམྨིཀམྤི བྷཡཾ ཝེརཾ པསཝཏི, སམྤརཱཡིཀམྤི བྷཡཾ ཝེརཾ པསཝཏི, ཙེཏསིཀམྤི ¶ དུཀྑཾ དོམནསྶཾ པཊིསཾཝེདེཏི, པཱཎཱཏིཔཱཏཱ པཊིཝིརཏོ…པེ… ཨེཝཾ ཏཾ བྷཡཾ ཝེརཾ ཝཱུཔསནྟཾ ཧོཏི.

‘‘ཡཾ, བྷིཀྑཝེ, ཨདིནྣཱདཱཡཱི…པེ… སུརཱམེརཡམཛྫཔམཱདཊྛཱཡཱི སུརཱམེརཡམཛྫཔམཱདཊྛཱནཔཙྩཡཱ དིཊྛདྷམྨིཀམྤི བྷཡཾ ཝེརཾ པསཝཏི, སམྤརཱཡིཀམྤི བྷཡཾ ཝེརཾ པསཝཏི, ཙེཏསིཀམྤི དུཀྑཾ དོམནསྶཾ པཊིསཾཝེདེཏི, སུརཱམེརཡམཛྫཔམཱདཊྛཱནཱ པཊིཝིརཏོ ནེཝ དིཊྛདྷམྨིཀམྤི བྷཡཾ ཝེརཾ པསཝཏི, ན སམྤརཱཡིཀམྤི བྷཡཾ ཝེརཾ པསཝཏི, ན ཙེཏསིཀམྤི དུཀྑཾ དོམནསྶཾ པཊིསཾཝེདེཏི. སུརཱམེརཡམཛྫཔམཱདཊྛཱནཱ ¶ པཊིཝིརཏསྶ ཨེཝཾ ཏཾ བྷཡཾ ཝེརཾ ཝཱུཔསནྟཾ ཧོཏི. ཨིམཱནི པཉྩ བྷཡཱནི ཝེརཱནི ཝཱུཔསནྟཱནི ཧོནྟི.

‘‘ཀཏམེཧི ཙཏཱུཧི སོཏཱཔཏྟིཡངྒེཧི སམནྣཱགཏོ ཧོཏི? ཨིདྷ, བྷིཀྑཝེ, ཨརིཡསཱཝཀོ བུདྡྷེ ཨཝེཙྩཔྤསཱདེན སམནྣཱགཏོ ཧོཏི – ‘ཨིཏིཔི སོ བྷགཝཱ…པེ… སཏྠཱ དེཝམནུསྶཱནཾ བུདྡྷོ བྷགཝཱ’ཏི. དྷམྨེ…པེ… སངྒྷེ… ཨརིཡཀནྟེཧི སཱིལེཧི སམནྣཱགཏོ ཧོཏི ཨཁཎྜེཧི ཨཙྪིདྡེཧི ཨསབལེཧི ཨཀམྨཱསེཧི བྷུཛིསྶེཧི ཝིཉྙུཔྤསཏྠེཧི ཨཔརཱམཊྛེཧི སམཱདྷིསཾཝཏྟནིཀེཧི. ཨིམེཧི ཙཏཱུཧི སོཏཱཔཏྟིཡངྒེཧི སམནྣཱགཏོ ཧོཏི.

‘‘ཡཏོ ¶ ཁོ, བྷིཀྑཝེ, ཨརིཡསཱཝཀསྶ ཨིམཱནི པཉྩ བྷཡཱནི ཝེརཱནི ཝཱུཔསནྟཱནི ཧོནྟི, ཨིམེཧི ཙ ཙཏཱུཧི སོཏཱཔཏྟིཡངྒེཧི སམནྣཱགཏོ ཧོཏི, སོ ཨཱཀངྑམཱནོ ཨཏྟནཱཝ ཨཏྟཱནཾ བྱཱཀརེཡྻ – ‘ཁཱིཎནིརཡོམྷི ཁཱིཎཏིརཙྪཱནཡོནི ཁཱིཎཔེཏྟིཝིསཡོ ཁཱིཎཱཔཱཡདུགྒཏིཝིནིཔཱཏོ ¶ ; སོཏཱཔནྣོཧམསྨི ཨཝིནིཔཱཏདྷམྨོ ནིཡཏོ སམྦོདྷིཔརཱཡཎོ’’’ཏི. ཨཊྛམཾ.

༩. ཨཱགྷཱཏཝཏྠུསུཏྟཾ

༢༩. [ཝིབྷ. ༩༦༠; དཱི. ནི. ༣.༣༤༠; ཨ. ནི. ༡༠.༧༩] ‘‘ནཝཡིམཱནི, བྷིཀྑཝེ, ཨཱགྷཱཏཝཏྠཱུནི. ཀཏམཱནི ནཝ? ‘ཨནཏྠཾ མེ ཨཙརཱི’ཏི ཨཱགྷཱཏཾ བནྡྷཏི; ‘ཨནཏྠཾ མེ ཙརཏཱི’ཏི ཨཱགྷཱཏཾ བནྡྷཏི; ‘ཨནཏྠཾ མེ ཙརིསྶཏཱི’ཏི ཨཱགྷཱཏཾ བནྡྷཏི; ‘པིཡསྶ མེ མནཱཔསྶ ཨནཏྠཾ ཨཙརཱི’ཏི…པེ… ‘ཨནཏྠཾ ཙརཏཱི’ཏི…པེ… ‘ཨནཏྠཾ ཙརིསྶཏཱི’ཏི ཨཱགྷཱཏཾ བནྡྷཏི; ‘ཨཔྤིཡསྶ མེ ¶ ཨམནཱཔསྶ ཨཏྠཾ ཨཙརཱི’ཏི ¶ …པེ… ‘ཨཏྠཾ ཙརཏཱི’ཏི…པེ… ‘ཨཏྠཾ ཙརིསྶཏཱི’ཏི ཨཱགྷཱཏཾ བནྡྷཏི. ཨིམཱནི ཁོ, བྷིཀྑཝེ, ནཝ ཨཱགྷཱཏཝཏྠཱུནཱི’’ཏི. ནཝམཾ.

༡༠. ཨཱགྷཱཏཔཊིཝིནཡསུཏྟཾ

༣༠. [དཱི. ནི. ༣.༣༤༠, ༣༥༩] ‘‘ནཝཡིམེ, བྷིཀྑཝེ, ཨཱགྷཱཏཔཊིཝིནཡཱ. ཀཏམེ ནཝ? ‘ཨནཏྠཾ མེ ཨཙརི [ཨཙརཱིཏི (སྱཱ.), ཨེཝཾ ‘‘ཙརཏི, ཙརིསྶཏི’’ པདེསུཔི], ཏཾ ཀུཏེཏྠ ལབྦྷཱ’ཏི ཨཱགྷཱཏཾ པཊིཝིནེཏི; ‘ཨནཏྠཾ མེ ཙརཏི, ཏཾ ཀུཏེཏྠ ལབྦྷཱ’ཏི ཨཱགྷཱཏཾ པཊིཝིནེཏི; ‘ཨནཏྠཾ མེ ཙརིསྶཏི, ཏཾ ཀུཏེཏྠ ལབྦྷཱ’ཏི ཨཱགྷཱཏཾ པཊིཝིནེཏི; པིཡསྶ མེ མནཱཔསྶ ཨནཏྠཾ ཨཙརི…པེ… ཨནཏྠཾ ཙརཏི…པེ… ‘ཨནཏྠཾ ¶ ཙརིསྶཏི, ཏཾ ཀུཏེཏྠ ལབྦྷཱ’ཏི ཨཱགྷཱཏཾ པཊིཝིནེཏི; ཨཔྤིཡསྶ མེ ཨམནཱཔསྶ ཨཏྠཾ ཨཙརི…པེ… ཨཏྠཾ ཙརཏི…པེ… ‘ཨཏྠཾ ཙརིསྶཏི, ཏཾ ཀུཏེཏྠ ལབྦྷཱ’ཏི ཨཱགྷཱཏཾ པཊིཝིནེཏི. ཨིམེ ཁོ, བྷིཀྑཝེ, ནཝ ཨཱགྷཱཏཔཊིཝིནཡཱ’’ཏི. དསམཾ.

༡༡. ཨནུཔུབྦནིརོདྷསུཏྟཾ

༣༡. ‘‘ནཝཡིམེ, བྷིཀྑཝེ, ཨནུཔུབྦནིརོདྷཱ. ཀཏམེ ནཝ? པཋམཾ ཛྷཱནཾ སམཱཔནྣསྶ ཀཱམསཉྙཱ [ཨཱམིསྶསཉྙཱ (སྱཱ.)] ནིརུདྡྷཱ ཧོཏི; དུཏིཡཾ ཛྷཱནཾ སམཱཔནྣསྶ ཝིཏཀྐཝིཙཱརཱ ནིརུདྡྷཱ ཧོནྟི; ཏཏིཡཾ ཛྷཱནཾ སམཱཔནྣསྶ པཱིཏི ནིརུདྡྷཱ ཧོཏི; ཙཏུཏྠཾ ཛྷཱནཾ སམཱཔནྣསྶ ཨསྶཱསཔསྶཱསཱ ནིརུདྡྷཱ ཧོནྟི; ཨཱཀཱསཱནཉྩཱཡཏནཾ སམཱཔནྣསྶ རཱུཔསཉྙཱ ནིརུདྡྷཱ ཧོཏི; ཝིཉྙཱཎཉྩཱཡཏནཾ སམཱཔནྣསྶ ཨཱཀཱསཱནཉྩཱཡཏནསཉྙཱ ནིརུདྡྷཱ ཧོཏི; ཨཱཀིཉྩཉྙཱཡཏནཾ སམཱཔནྣསྶ ¶ ཝིཉྙཱཎཉྩཱཡཏནསཉྙཱ ནིརུདྡྷཱ ཧོཏི ¶ ; ནེཝསཉྙཱནཱསཉྙཱཡཏནཾ སམཱཔནྣསྶ ཨཱཀིཉྩཉྙཱཡཏནསཉྙཱ ནིརུདྡྷཱ ཧོཏི; སཉྙཱཝེདཡིཏནིརོདྷཾ སམཱཔནྣསྶ སཉྙཱ ཙ ཝེདནཱ ཙ ནིརུདྡྷཱ ཧོནྟི. ཨིམེ ཁོ, བྷིཀྑཝེ, ནཝ ཨནུཔུབྦནིརོདྷཱ’’ཏི [དཱི. ནི. ༣.༣༤༤, ༣༤༩]. ཨེཀཱདསམཾ.

སཏྟཱཝཱསཝགྒོ ཏཏིཡོ.

ཏསྶུདྡཱནཾ –

ཏིཋཱནཾ ཁལུ༹ངྐོ ཏཎྷཱ, སཏྟཔཉྙཱ སིལཱཡུཔོ;

དྭེ ཝེརཱ དྭེ ཨཱགྷཱཏཱནི, ཨནུཔུབྦནིརོདྷེན ཙཱཏི.

༤. མཧཱཝགྒོ

༡. ཨནུཔུབྦཝིཧཱརསུཏྟཾ

༣༢. [དཱི. ནི. ༣.༣༤༤, ༣༥༩] ‘‘ནཝཡིམེ ¶ ¶ , བྷིཀྑཝེ, ཨནུཔུབྦཝིཧཱརཱ. ཀཏམེ ནཝ? [ཨེཏྠ སཱི. པཱི. པོཏྠཀེསུ ‘‘ཨིདྷ བྷིཀྑཝེ བྷིཀྑུ ཝིཝིཙྩེཝ ཀཱམེཧཱི’’ ཏིཨཱདིནཱ ཝིཏྠརེན པཱཋོ དིསྶཏི] པཋམཾ ཛྷཱནཾ, དུཏིཡཾ ཛྷཱནཾ, ཏཏིཡཾ ཛྷཱནཾ, ཙཏུཏྠཾ ཛྷཱནཾ, ཨཱཀཱསཱནཉྩཱཡཏནཾ, ཝིཉྙཱཎཉྩཱཡཏནཾ, ཨཱཀིཉྩཉྙཱཡཏནཾ, ནེཝསཉྙཱནཱསཉྙཱཡཏནཾ, སཉྙཱཝེདཡིཏནིརོདྷོ – ཨིམེ ཁོ, བྷིཀྑཝེ, ནཝ ཨནུཔུབྦཝིཧཱརཱ’’ཏི. པཋམཾ.

༢. ཨནུཔུབྦཝིཧཱརསམཱཔཏྟིསུཏྟཾ

༣༣. ‘‘ནཝཡིམཱ, བྷིཀྑཝེ [ནཝ བྷིཀྑཝེ (?)], ཨནུཔུབྦཝིཧཱརསམཱཔཏྟིཡོ དེསེསྶཱམི, ཏཾ སུཎཱཐ…པེ… ཀཏམཱ ཙ, བྷིཀྑཝེ, ནཝ ཨནུཔུབྦཝིཧཱརསམཱཔཏྟིཡོ? ཡཏྠ ཀཱམཱ ནིརུཛ྄ཛྷནྟི, ཡེ ཙ ཀཱམེ ནིརོདྷེཏྭཱ ནིརོདྷེཏྭཱ ཝིཧརནྟི, ‘ཨདྡྷཱ ཏེ ཨཱཡསྨནྟོ ནིཙྪཱཏཱ ནིབྦུཏཱ ཏིཎྞཱ ¶ པཱརངྒཏཱ ཏདངྒེནཱ’ཏི ཝདཱམི. ‘ཀཏྠ ཀཱམཱ ནིརུཛ྄ཛྷནྟི, ཀེ ཙ ཀཱམེ ནིརོདྷེཏྭཱ ནིརོདྷེཏྭཱ ཝིཧརནྟི – ཨཧམེཏཾ ན ཛཱནཱམི ཨཧམེཏཾ ན པསྶཱམཱི’ཏི, ཨིཏི ཡོ ཨེཝཾ ཝདེཡྻ, སོ ཨེཝམསྶ ཝཙནཱིཡོ – ‘ཨིདྷཱཝུསོ ¶ , བྷིཀྑུ ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ¶ ཝིཧརཏི. ཨེཏྠ ཀཱམཱ ནིརུཛ྄ཛྷནྟི, ཏེ ཙ ཀཱམེ ནིརོདྷེཏྭཱ ནིརོདྷེཏྭཱ ཝིཧརནྟཱི’ཏི. ཨདྡྷཱ, བྷིཀྑཝེ, ཨསཋོ ཨམཱཡཱཝཱི ‘སཱདྷཱུ’ཏི བྷཱསིཏཾ ཨབྷིནནྡེཡྻ ཨནུམོདེཡྻ; ‘སཱདྷཱུ’ཏི བྷཱསིཏཾ ཨབྷིནནྡིཏྭཱ ཨནུམོདིཏྭཱ ནམསྶམཱནོ པཉྫལིཀོ པཡིརུཔཱསེཡྻ.

‘‘ཡཏྠ ཝིཏཀྐཝིཙཱརཱ ནིརུཛ྄ཛྷནྟི, ཡེ ཙ ཝིཏཀྐཝིཙཱརེ ནིརོདྷེཏྭཱ ནིརོདྷེཏྭཱ ཝིཧརནྟི, ‘ཨདྡྷཱ ཏེ ཨཱཡསྨནྟོ ནིཙྪཱཏཱ ནིབྦུཏཱ ཏིཎྞཱ པཱརངྒཏཱ ཏདངྒེནཱ’ཏི ཝདཱམི. ‘ཀཏྠ ཝིཏཀྐཝིཙཱརཱ ནིརུཛ྄ཛྷནྟི, ཀེ ཙ ཝིཏཀྐཝིཙཱརེ ནིརོདྷེཏྭཱ ནིརོདྷེཏྭཱ ཝིཧརནྟི – ཨཧམེཏཾ ན ཛཱནཱམི ཨཧམེཏཾ ན པསྶཱམཱི’ཏི, ཨིཏི ཡོ ཨེཝཾ ཝདེཡྻ, སོ ཨེཝམསྶ ཝཙནཱིཡོ ¶ – ‘ཨིདྷཱཝུསོ, བྷིཀྑུ ཝིཏཀྐཝིཙཱརཱནཾ ཝཱུཔསམཱ…པེ… དུཏིཡཾ ཛྷཱནཾ ཨུཔསམྤཛྫ ཝིཧརཏི; ཨེཏྠ ཝིཏཀྐཝིཙཱརཱ ནིརུཛ྄ཛྷནྟི, ཏེ ཙ ཝིཏཀྐཝིཙཱརེ ནིརོདྷེཏྭཱ ནིརོདྷེཏྭཱ ཝིཧརནྟཱི’ཏི. ཨདྡྷཱ, བྷིཀྑཝེ, ཨསཋོ ཨམཱཡཱཝཱི ‘སཱདྷཱུ’ཏི བྷཱསིཏཾ ཨབྷིནནྡེཡྻ ཨནུམོདེཡྻ; ‘སཱདྷཱུ’ཏི བྷཱསིཏཾ ཨབྷིནནྡིཏྭཱ ཨནུམོདིཏྭཱ ནམསྶམཱནོ པཉྫལིཀོ པཡིརུཔཱསེཡྻ.

‘‘ཡཏྠ པཱིཏི ནིརུཛ྄ཛྷཏི, ཡེ ཙ པཱིཏིཾ ནིརོདྷེཏྭཱ ནིརོདྷེཏྭཱ ཝིཧརནྟི, ‘ཨདྡྷཱ ཏེ ཨཱཡསྨནྟོ ནིཙྪཱཏཱ ནིབྦུཏཱ ཏིཎྞཱ པཱརངྒཏཱ ཏདངྒེནཱ’ཏི ཝདཱམི. ‘ཀཏྠ པཱིཏི ནིརུཛ྄ཛྷཏི, ཀེ ཙ པཱིཏིཾ ནིརོདྷེཏྭཱ ནིརོདྷེཏྭཱ ཝིཧརནྟི – ཨཧམེཏཾ ན ཛཱནཱམི ཨཧམེཏཾ ན པསྶཱམཱི’ཏི, ཨིཏི ཡོ ཨེཝཾ ཝདེཡྻ, སོ ཨེཝམསྶ ཝཙནཱིཡོ – ‘ཨིདྷཱཝུསོ, བྷིཀྑུ པཱིཏིཡཱ ཙ ཝིརཱགཱ…པེ… ¶ ཏཏིཡཾ ཛྷཱནཾ ཨུཔསམྤཛྫ ཝིཧརཏི; ཨེཏྠ པཱིཏི ནིརུཛ྄ཛྷཏི, ཏེ ཙ པཱིཏིཾ ནིརོདྷེཏྭཱ ནིརོདྷེཏྭཱ ¶ ཝིཧརནྟཱི’ཏི. ཨདྡྷཱ, བྷིཀྑཝེ, ཨསཋོ ཨམཱཡཱཝཱི ‘སཱདྷཱུ’ཏི བྷཱསིཏཾ ཨབྷིནནྡེཡྻ ཨནུམོདེཡྻ; ‘སཱདྷཱུ’ཏི བྷཱསིཏཾ ཨབྷིནནྡིཏྭཱ ཨནུམོདིཏྭཱ ནམསྶམཱནོ པཉྫལིཀོ པཡིརུཔཱསེཡྻ.

‘‘ཡཏྠ ཨུཔེཀྑཱསུཁཾ ནིརུཛ྄ཛྷཏི, ཡེ ཙ ཨུཔེཀྑཱསུཁཾ ནིརོདྷེཏྭཱ ནིརོདྷེཏྭཱ ཝིཧརནྟི, ‘ཨདྡྷཱ ཏེ ཨཱཡསྨནྟོ ནིཙྪཱཏཱ ནིབྦུཏཱ ཏིཎྞཱ པཱརངྒཏཱ ཏདངྒེནཱ’ཏི ཝདཱམི. ‘ཀཏྠ ཨུཔེཀྑཱསུཁཾ ནིརུཛ྄ཛྷཏི, ཀེ ཙ ཨུཔེཀྑཱསུཁཾ ནིརོདྷེཏྭཱ ནིརོདྷེཏྭཱ ཝིཧརནྟི – ཨཧམེཏཾ ན ཛཱནཱམི ཨཧམེཏཾ ན པསྶཱམཱི’ཏི, ཨིཏི ཡོ ཨེཝཾ ཝདེཡྻ, སོ ཨེཝམསྶ ཝཙནཱིཡོ – ‘ཨིདྷཱཝུསོ, བྷིཀྑུ སུཁསྶ ཙ པཧཱནཱ…པེ… ཙཏུཏྠཾ ཛྷཱནཾ ཨུཔསམྤཛྫ ཝིཧརཏི; ཨེཏྠ ཨུཔེཀྑཱསུཁཾ ནིརུཛ྄ཛྷཏི, ཏེ ཙ ཨུཔེཀྑཱསུཁཾ ནིརོདྷེཏྭཱ ནིརོདྷེཏྭཱ ཝིཧརནྟཱི’ཏི. ཨདྡྷཱ, བྷིཀྑཝེ, ཨསཋོ ཨམཱཡཱཝཱི ‘སཱདྷཱུ’ཏི བྷཱསིཏཾ ཨབྷིནནྡེཡྻ ¶ ཨནུམོདེཡྻ; ‘སཱདྷཱུ’ཏི བྷཱསིཏཾ ཨབྷིནནྡིཏྭཱ ཨནུམོདིཏྭཱ ནམསྶམཱནོ པཉྫལིཀོ པཡིརུཔཱསེཡྻ.

‘‘ཡཏྠ རཱུཔསཉྙཱ ནིརུཛ྄ཛྷཏི, ཡེ ཙ རཱུཔསཉྙཾ [ཡཏྠ རཱུཔསཉྙཱ ནིརུཛ྄ཛྷནྟི, ཡེ ཙ རཱུཔསཉྙཱ (སཱི. སྱཱ. པཱི.)] ནིརོདྷེཏྭཱ ནིརོདྷེཏྭཱ ཝིཧརནྟི, ‘ཨདྡྷཱ ཏེ ཨཱཡསྨནྟོ ནིཙྪཱཏཱ ནིབྦུཏཱ ཏིཎྞཱ པཱརངྒཏཱ ཏདངྒེནཱ’ཏི ཝདཱམི. ‘ཀཏྠ རཱུཔསཉྙཱ ནིརུཛ྄ཛྷཏི ¶ , ཀེ ཙ རཱུཔསཉྙཾ ནིརོདྷེཏྭཱ ནིརོདྷེཏྭཱ ཝིཧརནྟི – ཨཧམེཏཾ ན ཛཱནཱམི ཨཧམེཏཾ ན པསྶཱམཱི’ཏི, ཨིཏི ཡོ ཨེཝཾ ཝདེཡྻ, སོ ཨེཝམསྶ ཝཙནཱིཡོ – ‘ཨིདྷཱཝུསོ, བྷིཀྑུ སབྦསོ རཱུཔསཉྙཱནཾ སམཏིཀྐམཱ པཊིགྷསཉྙཱནཾ ཨཏྠངྒམཱ ནཱནཏྟསཉྙཱནཾ ཨམནསིཀཱརཱ ཨནནྟོ ཨཱཀཱསོཏི ཨཱཀཱསཱནཉྩཱཡཏནཾ ¶ ཨུཔསམྤཛྫ ཝིཧརཏི. ཨེཏྠ རཱུཔསཉྙཱ ནིརུཛ྄ཛྷཏི, ཏེ ཙ རཱུཔསཉྙཾ ནིརོདྷེཏྭཱ ནིརོདྷེཏྭཱ ཝིཧརནྟཱི’ཏི. ཨདྡྷཱ, བྷིཀྑཝེ, ཨསཋོ ཨམཱཡཱཝཱི ‘སཱདྷཱུ’ཏི བྷཱསིཏཾ ཨབྷིནནྡེཡྻ ཨནུམོདེཡྻ; ‘སཱདྷཱུ’ཏི བྷཱསིཏཾ ཨབྷིནནྡིཏྭཱ ཨནུམོདིཏྭཱ ནམསྶམཱནོ པཉྫལིཀོ པཡིརུཔཱསེཡྻ.

‘‘ཡཏྠ ¶ ཨཱཀཱསཱནཉྩཱཡཏནསཉྙཱ ནིརུཛ྄ཛྷཏི, ཡེ ཙ ཨཱཀཱསཱནཉྩཱཡཏནསཉྙཾ ནིརོདྷེཏྭཱ ནིརོདྷེཏྭཱ ཝིཧརནྟི, ‘ཨདྡྷཱ ཏེ ཨཱཡསྨནྟོ ནིཙྪཱཏཱ ནིབྦུཏཱ ཏིཎྞཱ པཱརངྒཏཱ ཏདངྒེནཱ’ཏི ཝདཱམི. ‘ཀཏྠ ཨཱཀཱསཱནཉྩཱཡཏནསཉྙཱ ནིརུཛ྄ཛྷཏི, ཀེ ཙ ཨཱཀཱསཱནཉྩཱཡཏནསཉྙཾ ནིརོདྷེཏྭཱ ནིརོདྷེཏྭཱ ཝིཧརནྟི – ཨཧམེཏཾ ན ཛཱནཱམི ཨཧམེཏཾ ན པསྶཱམཱི’ཏི, ཨིཏི ཡོ ཨེཝཾ ཝདེཡྻ, སོ ཨེཝམསྶ ཝཙནཱིཡོ – ‘ཨིདྷཱཝུསོ, བྷིཀྑུ སབྦསོ ཨཱཀཱསཱནཉྩཱཡཏནཾ སམཏིཀྐམྨ ཨནནྟཾ ཝིཉྙཱཎནྟི ཝིཉྙཱཎཉྩཱཡཏནཾ ཨུཔསམྤཛྫ ཝིཧརཏི. ཨེཏྠ ཨཱཀཱསཱནཉྩཱཡཏནསཉྙཱ ནིརུཛ྄ཛྷཏི, ཏེ ཙ ཨཱཀཱསཱནཉྩཱཡཏནསཉྙཾ ནིརོདྷེཏྭཱ ནིརོདྷེཏྭཱ ཝིཧརནྟཱི’ཏི. ཨདྡྷཱ, བྷིཀྑཝེ, ཨསཋོ ཨམཱཡཱཝཱི ‘སཱདྷཱུ’ཏི བྷཱསིཏཾ ཨབྷིནནྡེཡྻ ཨནུམོདེཡྻ; ‘སཱདྷཱུ’ཏི བྷཱསིཏཾ ཨབྷིནནྡིཏྭཱ ཨནུམོདིཏྭཱ ནམསྶམཱནོ པཉྫལིཀོ པཡིརུཔཱསེཡྻ.

‘‘ཡཏྠ ཝིཉྙཱཎཉྩཱཡཏནསཉྙཱ ནིརུཛ྄ཛྷཏི, ཡེ ཙ ཝིཉྙཱཎཉྩཱཡཏནསཉྙཾ ནིརོདྷེཏྭཱ ནིརོདྷེཏྭཱ ཝིཧརནྟི, ‘ཨདྡྷཱ ཏེ ཨཱཡསྨནྟོ ནིཙྪཱཏཱ ནིབྦུཏཱ ¶ ཏིཎྞཱ པཱརངྒཏཱ ཏདངྒེནཱ’ཏི ཝདཱམི. ‘ཀཏྠ ཝིཉྙཱཎཉྩཱཡཏནསཉྙཱ ནིརུཛ྄ཛྷཏི, ཀེ ཙ ཝིཉྙཱཎཉྩཱཡཏནསཉྙཾ ནིརོདྷེཏྭཱ ནིརོདྷེཏྭཱ ཝིཧརནྟི – ཨཧམེཏཾ ¶ ན ཛཱནཱམི ཨཧམེཏཾ ན པསྶཱམཱི’ཏི, ཨིཏི ཡོ ཨེཝཾ ཝདེཡྻ, སོ ཨེཝམསྶ ཝཙནཱིཡོ – ‘ཨིདྷཱཝུསོ, བྷིཀྑུ སབྦསོ ཝིཉྙཱཎཉྩཱཡཏནཾ སམཏིཀྐམྨ ནཏྠི ཀིཉྩཱིཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧརཏི. ཨེཏྠ ཝིཉྙཱཎཉྩཱཡཏནསཉྙཱ ནིརུཛ྄ཛྷཏི, ཏེ ཙ ཝིཉྙཱཎཉྩཱཡཏནསཉྙཾ ནིརོདྷེཏྭཱ ནིརོདྷེཏྭཱ ཝིཧརནྟཱི’ཏི. ཨདྡྷཱ, བྷིཀྑཝེ, ཨསཋོ ཨམཱཡཱཝཱི ‘སཱདྷཱུ’ཏི བྷཱསིཏཾ ཨབྷིནནྡེཡྻ ཨནུམོདེཡྻ ¶ ; ‘སཱདྷཱུ’ཏི བྷཱསིཏཾ ཨབྷིནནྡིཏྭཱ ཨནུམོདིཏྭཱ ནམསྶམཱནོ པཉྫལིཀོ པཡིརུཔཱསེཡྻ.

‘‘ཡཏྠ ཨཱཀིཉྩཉྙཱཡཏནསཉྙཱ ནིརུཛ྄ཛྷཏི, ཡེ ཙ ཨཱཀིཉྩཉྙཱཡཏནསཉྙཾ ནིརོདྷེཏྭཱ ནིརོདྷེཏྭཱ ཝིཧརནྟི, ‘ཨདྡྷཱ ཏེ ཨཱཡསྨནྟོ ནིཙྪཱཏཱ ནིབྦུཏཱ ཏིཎྞཱ པཱརངྒཏཱ ཏདངྒེནཱ’ཏི ཝདཱམི. ‘ཀཏྠ ཨཱཀིཉྩཉྙཱཡཏནསཉྙཱ ནིརུཛ྄ཛྷཏི, ཀེ ཙ ཨཱཀིཉྩཉྙཱཡཏནསཉྙཾ ནིརོདྷེཏྭཱ ནིརོདྷེཏྭཱ ཝིཧརནྟི – ཨཧམེཏཾ ¶ ན ཛཱནཱམི ཨཧམེཏཾ ན པསྶཱམཱི’ཏི, ཨིཏི ཡོ ཨེཝཾ ཝདེཡྻ, སོ ཨེཝམསྶ ཝཙནཱིཡོ – ‘ཨིདྷཱཝུསོ, བྷིཀྑུ སབྦསོ ཨཱཀིཉྩཉྙཱཡཏནཾ སམཏིཀྐམྨ ནེཝསཉྙཱནཱསཉྙཱཡཏནཾ ཨུཔསམྤཛྫ ཝིཧརཏི. ཨེཏྠ ཨཱཀིཉྩཉྙཱཡཏནསཉྙཱ ནིརུཛ྄ཛྷཏི, ཏེ ཙ ཨཱཀིཉྩཉྙཱཡཏནསཉྙཾ ནིརོདྷེཏྭཱ ནིརོདྷེཏྭཱ ཝིཧརནྟཱི’ཏི. ཨདྡྷཱ, བྷིཀྑཝེ, ཨསཋོ ཨམཱཡཱཝཱི ‘སཱདྷཱུ’ཏི བྷཱསིཏཾ ཨབྷིནནྡེཡྻ ཨནུམོདེཡྻ; ‘སཱདྷཱུ’ཏི བྷཱསིཏཾ ཨབྷིནནྡིཏྭཱ ཨནུམོདིཏྭཱ ནམསྶམཱནོ པཉྫལིཀོ པཡིརུཔཱསེཡྻ.

‘‘ཡཏྠ ནེཝསཉྙཱནཱསཉྙཱཡཏནསཉྙཱ ནིརུཛ྄ཛྷཏི, ཡེ ཙ ནེཝསཉྙཱནཱསཉྙཱཡཏནསཉྙཾ ནིརོདྷེཏྭཱ ནིརོདྷེཏྭཱ ཝིཧརནྟི, ‘ཨདྡྷཱ ཏེ ¶ ཨཱཡསྨནྟོ ནིཙྪཱཏཱ ནིབྦུཏཱ ཏིཎྞཱ པཱརངྒཏཱ ཏདངྒེནཱ’ཏི ཝདཱམི. ‘ཀཏྠ ནེཝསཉྙཱནཱསཉྙཱཡཏནསཉྙཱ ནིརུཛ྄ཛྷཏི, ཀེ ཙ ནེཝསཉྙཱནཱསཉྙཱཡཏནསཉྙཾ ནིརོདྷེཏྭཱ ནིརོདྷེཏྭཱ ཝིཧརནྟི – ཨཧམེཏཾ ན ཛཱནཱམི ཨཧམེཏཾ ན པསྶཱམཱི’ཏི, ཨིཏི ཡོ ཨེཝཾ ཝདེཡྻ, སོ ཨེཝམསྶ ཝཙནཱིཡོ – ‘ཨིདྷཱཝུསོ, བྷིཀྑུ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི. ཨེཏྠ ནེཝསཉྙཱནཱསཉྙཱཡཏནསཉྙཱ ནིརུཛ྄ཛྷཏི, ཏེ ཙ ནེཝསཉྙཱནཱསཉྙཱཡཏནསཉྙཾ ནིརོདྷེཏྭཱ ¶ ནིརོདྷེཏྭཱ ཝིཧརནྟཱི’ཏི. ཨདྡྷཱ, བྷིཀྑཝེ, ཨསཋོ ཨམཱཡཱཝཱི ‘སཱདྷཱུ’ཏི བྷཱསིཏཾ ཨབྷིནནྡེཡྻ ཨནུམོདེཡྻ; ‘སཱདྷཱུ’ཏི བྷཱསིཏཾ ཨབྷིནནྡིཏྭཱ ཨནུམོདིཏྭཱ ནམསྶམཱནོ པཉྫལིཀོ པཡིརུཔཱསེཡྻ. ཨིམཱ ཁོ, བྷིཀྑཝེ, ནཝ ཨནུཔུབྦཝིཧཱརསམཱཔཏྟིཡོ’’ཏི. དུཏིཡཾ.

༣. ནིབྦཱནསུཁསུཏྟཾ

༣༤. ཨེཀཾ སམཡཾ ཨཱཡསྨཱ སཱརིཔུཏྟོ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏཏྲ ཁོ ཨཱཡསྨཱ སཱརིཔུཏྟོ བྷིཀྑཱུ ཨཱམནྟེསི – ‘‘སུཁམིདཾ, ཨཱཝུསོ, ནིབྦཱནཾ. སུཁམིདཾ ¶ , ཨཱཝུསོ, ནིབྦཱན’’ནྟི. ཨེཝཾ ཝུཏྟེ ཨཱཡསྨཱ ཨུདཱཡཱི ཨཱཡསྨནྟཾ སཱརིཔུཏྟཾ ཨེཏདཝོཙ – ‘‘ཀིཾ ¶ པནེཏྠ, ཨཱཝུསོ སཱརིཔུཏྟ, སུཁཾ ཡདེཏྠ ནཏྠི ཝེདཡིཏ’’ནྟི? ‘‘ཨེཏདེཝ ཁྭེཏྠ, ཨཱཝུསོ, སུཁཾ ཡདེཏྠ ནཏྠི ཝེདཡིཏཾ. པཉྩིམེ, ཨཱཝུསོ, ཀཱམགུཎཱ. ཀཏམེ པཉྩ? ཙཀྑུཝིཉྙེཡྻཱ རཱུཔཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ, སོཏཝིཉྙེཡྻཱ སདྡཱ…པེ… གྷཱནཝིཉྙེཡྻཱ གནྡྷཱ… ཛིཝ྄ཧཱཝིཉྙེཡྻཱ རསཱ… ཀཱཡཝིཉྙེཡྻཱ ཕོཊྛབྦཱ ¶ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ – ཨིམེ ཁོ, ཨཱཝུསོ, པཉྩ ཀཱམགུཎཱ. ཡཾ ཁོ, ཨཱཝུསོ, ཨིམེ པཉྩ ཀཱམགུཎེ པཊིཙྩ ཨུཔྤཛྫཏི སུཁཾ སོམནསྶཾ, ཨིདཾ ཝུཙྩཏཱཝུསོ, ཀཱམསུཁཾ.

‘‘ཨིདྷཱཝུསོ, བྷིཀྑུ ཝིཝིཙྩེཝ ཀཱམེཧི…པེ… པཋམཾ ཛྷཱནཾ ཨུཔསམྤཛྫ ཝིཧརཏི. ཏསྶ ཙེ, ཨཱཝུསོ, བྷིཀྑུནོ ཨིམིནཱ ཝིཧཱརེན ཝིཧརཏོ ཀཱམསཧགཏཱ སཉྙཱམནསིཀཱརཱ སམུདཱཙརནྟི, སྭསྶ ཧོཏི ཨཱབཱདྷོ. སེཡྻཐཱཔི, ཨཱཝུསོ, སུཁིནོ དུཀྑཾ ཨུཔྤཛྫེཡྻ ཡཱཝདེཝ ཨཱབཱདྷཱཡ; ཨེཝམེཝསྶ ཏེ ཀཱམསཧགཏཱ སཉྙཱམནསིཀཱརཱ སམུདཱཙརནྟི. སྭསྶ ཧོཏི ཨཱབཱདྷོ. ཡོ ཁོ པནཱཝུསོ, ཨཱབཱདྷོ དུཀྑམེཏཾ ཝུཏྟཾ བྷགཝཏཱ. ཨིམིནཱཔི ཁོ ཨེཏཾ, ཨཱཝུསོ, པརིཡཱཡེན ཝེདིཏབྦཾ ཡཐཱ སུཁཾ ནིབྦཱནཾ.

‘‘པུན ཙཔརཾ, ཨཱཝུསོ, བྷིཀྑུ ཝིཏཀྐཝིཙཱརཱནཾ ཝཱུཔསམཱ…པེ… དུཏིཡཾ ཛྷཱནཾ ཨུཔསམྤཛྫ ཝིཧརཏི. ཏསྶ ཙེ, ཨཱཝུསོ, བྷིཀྑུནོ ཨིམིནཱ ཝིཧཱརེན ཝིཧརཏོ ཝིཏཀྐསཧགཏཱ སཉྙཱམནསིཀཱརཱ ¶ སམུདཱཙརནྟི, སྭསྶ ཧོཏི ཨཱབཱདྷོ. སེཡྻཐཱཔི, ཨཱཝུསོ, སུཁིནོ དུཀྑཾ ཨུཔྤཛྫེཡྻ ཡཱཝདེཝ ཨཱབཱདྷཱཡ; ཨེཝམེཝསྶ ཏེ ཝིཏཀྐསཧགཏཱ སཉྙཱམནསིཀཱརཱ སམུདཱཙརནྟི ¶ . སྭསྶ ཧོཏི ཨཱབཱདྷོ. ཡོ ཁོ པནཱཝུསོ, ཨཱབཱདྷོ དུཀྑམེཏཾ ཝུཏྟཾ བྷགཝཏཱ. ཨིམིནཱཔི ཁོ ཨེཏཾ, ཨཱཝུསོ, པརིཡཱཡེན ཝེདིཏབྦཾ ཡཐཱ སུཁཾ ནིབྦཱནཾ.

‘‘པུན ཙཔརཾ, ཨཱཝུསོ, བྷིཀྑུ པཱིཏིཡཱ ཙ ཝིརཱགཱ…པེ… ཏཏིཡཾ ཛྷཱནཾ ཨུཔསམྤཛྫ ཝིཧརཏི. ཏསྶ ཙེ, ཨཱཝུསོ, བྷིཀྑུནོ ཨིམིནཱ ཝིཧཱརེན ཝིཧརཏོ ¶ པཱིཏིསཧགཏཱ སཉྙཱམནསིཀཱརཱ སམུདཱཙརནྟི, སྭསྶ ཧོཏི ཨཱབཱདྷོ. སེཡྻཐཱཔི ¶ , ཨཱཝུསོ, སུཁིནོ དུཀྑཾ ཨུཔྤཛྫེཡྻ ཡཱཝདེཝ ཨཱབཱདྷཱཡ; ཨེཝམེཝསྶ ཏེ པཱིཏིསཧགཏཱ སཉྙཱམནསིཀཱརཱ སམུདཱཙརནྟི. སྭསྶ ཧོཏི ཨཱབཱདྷོ. ཡོ ཁོ པནཱཝུསོ, ཨཱབཱདྷོ དུཀྑམེཏཾ ཝུཏྟཾ བྷགཝཏཱ. ཨིམིནཱཔི ཁོ ཨེཏཾ, ཨཱཝུསོ, པརིཡཱཡེན ཝེདིཏབྦཾ ཡཐཱ སུཁཾ ནིབྦཱནཾ.

‘‘པུན ཙཔརཾ, ཨཱཝུསོ, བྷིཀྑུ སུཁསྶ ཙ པཧཱནཱ…པེ… ཙཏུཏྠཾ ཛྷཱནཾ ཨུཔསམྤཛྫ ཝིཧརཏི. ཏསྶ ཙེ, ཨཱཝུསོ, བྷིཀྑུནོ ཨིམིནཱ ཝིཧཱརེན ཝིཧརཏོ ཨུཔེཀྑཱསཧགཏཱ སཉྙཱམནསིཀཱརཱ སམུདཱཙརནྟི, སྭསྶ ཧོཏི ཨཱབཱདྷོ. སེཡྻཐཱཔི, ཨཱཝུསོ, སུཁིནོ དུཀྑཾ ཨུཔྤཛྫེཡྻ ཡཱཝདེཝ ཨཱབཱདྷཱཡ; ཨེཝམེཝསྶ ཏེ ཨུཔེཀྑཱསཧགཏཱ སཉྙཱམནསིཀཱརཱ སམུདཱཙརནྟི. སྭསྶ ཧོཏི ཨཱབཱདྷོ. ཡོ ཁོ པནཱཝུསོ, ཨཱབཱདྷོ དུཀྑམེཏཾ ཝུཏྟཾ བྷགཝཏཱ. ཨིམིནཱཔི ཁོ ཨེཏཾ, ཨཱཝུསོ, པརིཡཱཡེན ཝེདིཏབྦཾ ཡཐཱ སུཁཾ ནིབྦཱནཾ.

‘‘པུན ཙཔརཾ, ཨཱཝུསོ, བྷིཀྑུ སབྦསོ རཱུཔསཉྙཱནཾ སམཏིཀྐམཱ པཊིགྷསཉྙཱནཾ ཨཏྠངྒམཱ ནཱནཏྟསཉྙཱནཾ ཨམནསིཀཱརཱ ཨནནྟོ ཨཱཀཱསོཏི ཨཱཀཱསཱནཉྩཱཡཏནཾ ཨུཔསམྤཛྫ ཝིཧརཏི. ཏསྶ ཙེ, ཨཱཝུསོ, བྷིཀྑུནོ ཨིམིནཱ ཝིཧཱརེན ཝིཧརཏོ རཱུཔསཧགཏཱ སཉྙཱམནསིཀཱརཱ སམུདཱཙརནྟི, སྭསྶ ཧོཏི ཨཱབཱདྷོ. སེཡྻཐཱཔི, ཨཱཝུསོ, སུཁིནོ དུཀྑཾ ཨུཔྤཛྫེཡྻ ཡཱཝདེཝ ཨཱབཱདྷཱཡ; ཨེཝམེཝསྶ ཏེ ¶ རཱུཔསཧགཏཱ སཉྙཱམནསིཀཱརཱ སམུདཱཙརནྟི ¶ . སྭསྶ ཧོཏི ཨཱབཱདྷོ. ཡོ ཁོ པནཱཝུསོ, ཨཱབཱདྷོ དུཀྑམེཏཾ ཝུཏྟཾ བྷགཝཏཱ. ཨིམིནཱཔི ཁོ ཨེཏཾ, ཨཱཝུསོ, པརིཡཱཡེན ཝེདིཏབྦཾ ཡཐཱ སུཁཾ ནིབྦཱནཾ.

‘‘པུན ཙཔརཾ, ཨཱཝུསོ, བྷིཀྑུ སབྦསོ ཨཱཀཱསཱནཉྩཱཡཏནཾ སམཏིཀྐམྨ ཨནནྟཾ ཝིཉྙཱཎནྟི ཝིཉྙཱཎཉྩཱཡཏནཾ ཨུཔསམྤཛྫ ཝིཧརཏི. ཏསྶ ཙེ ¶ , ཨཱཝུསོ, བྷིཀྑུནོ ཨིམིནཱ ཝིཧཱརེན ཝིཧརཏོ ཨཱཀཱསཱནཉྩཱཡཏནསཧགཏཱ སཉྙཱམནསིཀཱརཱ སམུདཱཙརནྟི, སྭསྶ ཧོཏི ཨཱབཱདྷོ. སེཡྻཐཱཔི, ཨཱཝུསོ, སུཁིནོ དུཀྑཾ ཨུཔྤཛྫེཡྻ ཡཱཝདེཝ ཨཱབཱདྷཱཡ; ཨེཝམེཝསྶ ཏེ ཨཱཀཱསཱནཉྩཱཡཏནསཧགཏཱ སཉྙཱམནསིཀཱརཱ སམུདཱཙརནྟི. སྭསྶ ཧོཏི ཨཱབཱདྷོ. ཡོ ཁོ པནཱཝུསོ, ཨཱབཱདྷོ དུཀྑམེཏཾ ཝུཏྟཾ བྷགཝཏཱ. ཨིམིནཱཔི ཁོ ཨེཏཾ, ཨཱཝུསོ, པརིཡཱཡེན ཝེདིཏབྦཾ ཡཐཱ སུཁཾ ནིབྦཱནཾ.

‘‘པུན ¶ ཙཔརཾ, ཨཱཝུསོ, བྷིཀྑུ སབྦསོ ཝིཉྙཱཎཉྩཱཡཏནཾ སམཏིཀྐམྨ, ནཏྠི ཀིཉྩཱིཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧརཏི. ཏསྶ ཙེ, ཨཱཝུསོ, བྷིཀྑུནོ ཨིམིནཱ ཝིཧཱརེན ཝིཧརཏོ ཝིཉྙཱཎཉྩཱཡཏནསཧགཏཱ སཉྙཱམནསིཀཱརཱ སམུདཱཙརནྟི, སྭསྶ ཧོཏི ཨཱབཱདྷོ. སེཡྻཐཱཔི, ཨཱཝུསོ, སུཁིནོ དུཀྑཾ ཨུཔྤཛྫེཡྻ ཡཱཝདེཝ ཨཱབཱདྷཱཡ; ཨེཝམེཝསྶ ཏེ ཝིཉྙཱཎཉྩཱཡཏནསཧགཏཱ སཉྙཱམནསིཀཱརཱ སམུདཱཙརནྟི. སྭསྶ ཧོཏི ཨཱབཱདྷོ. ཡོ ཁོ པནཱཝུསོ, ཨཱབཱདྷོ དུཀྑམེཏཾ ཝུཏྟཾ བྷགཝཏཱ. ཨིམིནཱཔི ཁོ ཨེཏཾ, ཨཱཝུསོ, པརིཡཱཡེན ཝེདིཏབྦཾ ཡཐཱ སུཁཾ ནིབྦཱནཾ.

‘‘པུན ཙཔརཾ, ཨཱཝུསོ, བྷིཀྑུ སབྦསོ ཨཱཀིཉྩཉྙཱཡཏནཾ སམཏིཀྐམྨ ནེཝསཉྙཱནཱསཉྙཱཡཏནཾ ¶ ཨུཔསམྤཛྫ ཝིཧརཏི. ཏསྶ ཙེ, ཨཱཝུསོ, བྷིཀྑུནོ ཨིམིནཱ ཝིཧཱརེན ཝིཧརཏོ ཨཱཀིཉྩཉྙཱཡཏནསཧགཏཱ སཉྙཱམནསིཀཱརཱ སམུདཱཙརནྟི, སྭསྶ ཧོཏི ཨཱབཱདྷོ. སེཡྻཐཱཔི, ཨཱཝུསོ, སུཁིནོ དུཀྑཾ ཨུཔྤཛྫེཡྻ ཡཱཝདེཝ ཨཱབཱདྷཱཡ; ཨེཝམེཝསྶ ཏེ ཨཱཀིཉྩཉྙཱཡཏནསཧགཏཱ སཉྙཱམནསིཀཱརཱ སམུདཱཙརནྟི. སྭསྶ ཧོཏི ཨཱབཱདྷོ. ཡོ ཁོ པནཱཝུསོ, ཨཱབཱདྷོ དུཀྑམེཏཾ ཝུཏྟཾ བྷགཝཏཱ. ཨིམིནཱཔི ཁོ ཨེཏཾ, ཨཱཝུསོ, པརིཡཱཡེན ཝེདིཏབྦཾ ཡཐཱ སུཁཾ ནིབྦཱནཾ.

‘‘པུན ¶ ཙཔརཾ, ཨཱཝུསོ, བྷིཀྑུ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི, པཉྙཱཡ ཙསྶ དིསྭཱ ཨཱསཝཱ པརིཀྑཱིཎཱ ཧོནྟི. ཨིམིནཱཔི ཁོ ཨེཏཾ, ཨཱཝུསོ, པརིཡཱཡེན ཝེདིཏབྦཾ ཡཐཱ སུཁཾ ནིབྦཱན’’ནྟི. ཏཏིཡཾ.

༤. གཱཝཱིཨུཔམཱསུཏྟཾ

༣༥. ‘‘སེཡྻཐཱཔི ¶ , བྷིཀྑཝེ, གཱཝཱི པབྦཏེཡྻཱ བཱལཱ ཨབྱཏྟཱ ཨཁེཏྟཉྙཱུ ཨཀུསལཱ ཝིསམེ པབྦཏེ ཙརིཏུཾ. ཏསྶཱ ཨེཝམསྶ – ‘ཡཾནཱུནཱཧཾ ཨགཏཔུབྦཉྩེཝ དིསཾ གཙྪེཡྻཾ, ཨཁཱདིཏཔུབྦཱནི ཙ ཏིཎཱནི ཁཱདེཡྻཾ, ཨཔཱིཏཔུབྦཱནི ཙ པཱནཱིཡཱནི པིཝེཡྻ’ནྟི. སཱ པུརིམཾ པཱདཾ ན སུཔྤཏིཊྛིཏཾ པཏིཊྛཱཔེཏྭཱ པཙྪིམཾ པཱདཾ ཨུདྡྷརེཡྻ. སཱ ན ཙེཝ ཨགཏཔུབྦཾ དིསཾ གཙྪེཡྻ, ན ཙ ཨཁཱདིཏཔུབྦཱནི ཏིཎཱནི ཁཱདེཡྻ, ན ཙ ཨཔཱིཏཔུབྦཱནི པཱནཱིཡཱནི པིཝེཡྻ; ཡསྨིཾ ཙསྶཱ པདེསེ ཋིཏཱཡ ཨེཝམསྶ – ‘ཡཾནཱུནཱཧཾ ཨགཏཔུབྦཉྩེཝ དིསཾ གཙྪེཡྻཾ, ཨཁཱདིཏཔུབྦཱནི ¶ ཙ ཏིཎཱནི ཁཱདེཡྻཾ, ཨཔཱིཏཔུབྦཱནི ¶ ཙ པཱནཱིཡཱནི པིཝེཡྻ’ནྟི ཏཉྩ པདེསཾ ན སོཏྠིནཱ པཙྩཱགཙྪེཡྻ. ཏཾ ཀིསྶ ཧེཏུ? ཏཐཱ ཧི སཱ, བྷིཀྑཝེ, གཱཝཱི པབྦཏེཡྻཱ བཱལཱ ཨབྱཏྟཱ ཨཁེཏྟཉྙཱུ ཨཀུསལཱ ཝིསམེ པབྦཏེ ཙརིཏུཾ. ཨེཝམེཝཾ ཁོ, བྷིཀྑཝེ, ཨིདྷེཀཙྩོ བྷིཀྑུ བཱལོ ཨབྱཏྟོ ཨཁེཏྟཉྙཱུ ཨཀུསལོ ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཏི; སོ ཏཾ ནིམིཏྟཾ ན ཨཱསེཝཏི ན བྷཱཝེཏི ན བཧུལཱིཀརོཏི ན སྭཱདྷིཊྛིཏཾ ཨདྷིཊྛཱཏི.

‘‘ཏསྶ ཨེཝཾ ཧོཏི – ‘ཡཾནཱུནཱཧཾ ཝིཏཀྐཝིཙཱརཱནཾ ཝཱུཔསམཱ ཨཛ྄ཛྷཏྟཾ སམྤསཱདནཾ ཙེཏསོ ཨེཀོདིབྷཱཝཾ ཨཝིཏཀྐཾ ཨཝིཙཱརཾ སམཱདྷིཛཾ པཱིཏིསུཁཾ དུཏིཡཾ ཛྷཱནཾ ཨུཔསམྤཛྫ ¶ ཝིཧརེཡྻ’ནྟི. སོ ན སཀྐོཏི ཝིཏཀྐཝིཙཱརཱནཾ ཝཱུཔསམཱ…པེ… དུཏིཡཾ ཛྷཱནཾ ཨུཔསམྤཛྫ ཝིཧརིཏུཾ. ཏསྶ ཨེཝཾ ཧོཏི – ‘ཡཾནཱུནཱཧཾ ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརེཡྻ’ནྟི. སོ ན སཀྐོཏི ཝིཝིཙྩེཝ ཀཱམེཧི…པེ… པཋམཾ ཛྷཱནཾ ཨུཔསམྤཛྫ ཝིཧརིཏུཾ. ཨཡཾ ཝུཙྩཏི, བྷིཀྑཝེ, ‘བྷིཀྑུ ཨུབྷཏོ བྷཊྛོ ཨུབྷཏོ པརིཧཱིནོ, སེཡྻཐཱཔི སཱ གཱཝཱི པབྦཏེཡྻཱ བཱལཱ ཨབྱཏྟཱ ཨཁེཏྟཉྙཱུ ཨཀུསལཱ ཝིསམེ པབྦཏེ ཙརིཏུཾ’’’.

‘‘སེཡྻཐཱཔི, བྷིཀྑཝེ, གཱཝཱི པབྦཏེཡྻཱ པཎྜིཏཱ བྱཏྟཱ ཁེཏྟཉྙཱུ ཀུསལཱ ཝིསམེ པབྦཏེ ཙརིཏུཾ. ཏསྶཱ ཨེཝམསྶ – ‘ཡཾནཱུནཱཧཾ ཨགཏཔུབྦཉྩེཝ དིསཾ གཙྪེཡྻཾ, ཨཁཱདིཏཔུབྦཱནི ཙ ཏིཎཱནི ཁཱདེཡྻཾ, ཨཔཱིཏཔུབྦཱནི ¶ ཙ པཱནཱིཡཱནི པིཝེཡྻ’ནྟི. སཱ པུརིམཾ པཱདཾ སུཔྤཏིཊྛིཏཾ པཏིཊྛཱཔེཏྭཱ པཙྪིམཾ པཱདཾ ཨུདྡྷརེཡྻ. སཱ ཨགཏཔུབྦཉྩེཝ དིསཾ གཙྪེཡྻ, ཨཁཱདིཏཔུབྦཱནི ཙ ཏིཎཱནི ¶ ཁཱདེཡྻ, ཨཔཱིཏཔུབྦཱནི ཙ པཱནཱིཡཱནི པིཝེཡྻ. ཡསྨིཾ ཙསྶཱ པདེསེ ཋིཏཱཡ ཨེཝམསྶ – ‘ཡཾནཱུནཱཧཾ ཨགཏཔུབྦཉྩེཝ དིསཾ གཙྪེཡྻཾ, ཨཁཱདིཏཔུབྦཱནི ཙ ཏིཎཱནི ཁཱདེཡྻཾ, ཨཔཱིཏཔུབྦཱནི ཙ པཱནཱིཡཱནི པིཝེཡྻ’ནྟི ཏཉྩ པདེསཾ སོཏྠིནཱ པཙྩཱགཙྪེཡྻ. ཏཾ ཀིསྶ ཧེཏུ? ཏཐཱ ཧི སཱ, བྷིཀྑཝེ, གཱཝཱི པབྦཏེཡྻཱ པཎྜིཏཱ བྱཏྟཱ ཁེཏྟཉྙཱུ ཀུསལཱ ཝིསམེ པབྦཏེ ཙརིཏུཾ. ཨེཝམེཝཾ ཁོ, བྷིཀྑཝེ, ཨིདྷེཀཙྩོ བྷིཀྑུ པཎྜིཏོ བྱཏྟོ ཁེཏྟཉྙཱུ ཀུསལོ ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ ¶ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཏི. སོ ཏཾ ནིམིཏྟཾ ཨཱསེཝཏི བྷཱཝེཏི བཧུལཱིཀརོཏི སྭཱདྷིཊྛིཏཾ ཨདྷིཊྛཱཏི.

‘‘ཏསྶ ཨེཝཾ ཧོཏི – ‘ཡཾནཱུནཱཧཾ ཝིཏཀྐཝིཙཱརཱནཾ ཝཱུཔསམཱ ཨཛ྄ཛྷཏྟཾ སམྤསཱདནཾ ཙེཏསོ ཨེཀོདིབྷཱཝཾ ཨཝིཏཀྐཾ ཨཝིཙཱརཾ སམཱདྷིཛཾ པཱིཏིསུཁཾ དུཏིཡཾ ཛྷཱནཾ ཨུཔསམྤཛྫ ཝིཧརེཡྻ’ནྟི. སོ དུཏིཡཾ ཛྷཱནཾ ཨནབྷིཧིཾསམཱནོ ཝིཏཀྐཝིཙཱརཱནཾ ཝཱུཔསམཱ… དུཏིཡཾ ཛྷཱནཾ ཨུཔསམྤཛྫ ཝིཧརཏི. སོ ཏཾ ནིམིཏྟཾ ཨཱསེཝཏི བྷཱཝེཏི བཧུལཱིཀརོཏི སྭཱདྷིཊྛིཏཾ ཨདྷིཊྛཱཏི.

‘‘ཏསྶ ཨེཝཾ ཧོཏི – ‘ཡཾནཱུནཱཧཾ པཱིཏིཡཱ ཙ ཝིརཱགཱ ཨུཔེཀྑཀོ ཙ ཝིཧརེཡྻཾ སཏོ ཙ སམྤཛཱནོ, སུཁཉྩ ཀཱཡེན པཊིསཾཝེདེཡྻཾ ཡཾ ཏཾ ཨརིཡཱ ཨཱཙིཀྑནྟི – ཨུཔེཀྑཀོ སཏིམཱ སུཁཝིཧཱརཱིཏི ཏཏིཡཾ ¶ ཛྷཱནཾ ཨུཔསམྤཛྫ ཝིཧརེཡྻ’ནྟི. སོ ཏཏིཡཾ ཛྷཱནཾ ཨནབྷིཧིཾསམཱནོ པཱིཏིཡཱ ཙ ཝིརཱགཱ…པེ… ¶ ཏཏིཡཾ ཛྷཱནཾ ཨུཔསམྤཛྫ ཝིཧརཏི. སོ ཏཾ ནིམིཏྟཾ ཨཱསེཝཏི བྷཱཝེཏི བཧུལཱིཀརོཏི སྭཱདྷིཊྛིཏཾ ཨདྷིཊྛཱཏི.

‘‘ཏསྶ ཨེཝཾ ཧོཏི – ‘ཡཾནཱུནཱཧཾ སུཁསྶ ཙ པཧཱནཱ དུཀྑསྶ ཙ པཧཱནཱ པུབྦེཝ སོམནསྶདོམནསྶཱནཾ ཨཏྠངྒམཱ ཨདུཀྑམསུཁཾ ཨུཔེཀྑཱསཏིཔཱརིསུདྡྷིཾ ཙཏུཏྠཾ ཛྷཱནཾ ཨུཔསམྤཛྫ ཝིཧརེཡྻ’ནྟི. སོ ཙཏུཏྠཾ ཛྷཱནཾ ཨནབྷིཧིཾསམཱནོ སུཁསྶ ཙ པཧཱནཱ…པེ… ཙཏུཏྠཾ ཛྷཱནཾ ཨུཔསམྤཛྫ ཝིཧརཏི. སོ ཏཾ ནིམིཏྟཾ ཨཱསེཝཏི བྷཱཝེཏི བཧུལཱིཀརོཏི སྭཱདྷིཊྛིཏཾ ཨདྷིཊྛཱཏི.

‘‘ཏསྶ ཨེཝཾ ཧོཏི – ‘ཡཾནཱུནཱཧཾ སབྦསོ རཱུཔསཉྙཱནཾ སམཏིཀྐམཱ པཊིགྷསཉྙཱནཾ ཨཏྠངྒམཱ ནཱནཏྟསཉྙཱནཾ ཨམནསིཀཱརཱ ཨནནྟོ ཨཱཀཱསོཏི ཨཱཀཱསཱནཉྩཱཡཏནཾ ཨུཔསམྤཛྫ ཝིཧརེཡྻ’ནྟི. སོ ཨཱཀཱསཱནཉྩཱཡཏནཾ ¶ ཨནབྷིཧིཾསམཱནོ སབྦསོ རཱུཔསཉྙཱནཾ སམཏིཀྐམཱ ¶ …པེ… ཨཱཀཱསཱནཉྩཱཡཏནཾ ཨུཔསམྤཛྫ ཝིཧརཏི. སོ ཏཾ ནིམིཏྟཾ ཨཱསེཝཏི བྷཱཝེཏི བཧུལཱིཀརོཏི སྭཱདྷིཊྛིཏཾ ཨདྷིཊྛཱཏི.

‘‘ཏསྶ ཨེཝཾ ཧོཏི – ‘ཡཾནཱུནཱཧཾ སབྦསོ ཨཱཀཱསཱནཉྩཱཡཏནཾ སམཏིཀྐམྨ ཨནནྟཾ ཝིཉྙཱཎནྟི ཝིཉྙཱཎཉྩཱཡཏནཾ ཨུཔསམྤཛྫ ཝིཧརེཡྻ’ནྟི. སོ ཝིཉྙཱཎཉྩཱཡཏནཾ ཨནབྷིཧིཾསམཱནོ སབྦསོ ཨཱཀཱསཱནཉྩཱཡཏནཾ སམཏིཀྐམྨ ‘ཨནནྟཾ ཝིཉྙཱཎ’ནྟི ཝིཉྙཱཎཉྩཱཡཏནཾ ཨུཔསམྤཛྫ ཝིཧརཏི. སོ ཏཾ ནིམིཏྟཾ ཨཱསེཝཏི བྷཱཝེཏི བཧུལཱིཀརོཏི སྭཱདྷིཊྛིཏཾ ཨདྷིཊྛཱཏི.

‘‘ཏསྶ ཨེཝཾ ཧོཏི – ‘ཡཾནཱུནཱཧཾ སབྦསོ ཝིཉྙཱཎཉྩཱཡཏནཾ སམཏིཀྐམྨ ནཏྠི ཀིཉྩཱིཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧརེཡྻ’ནྟི. སོ ཨཱཀིཉྩཉྙཱཡཏནཾ ཨནབྷིཧིཾསམཱནོ སབྦསོ ¶ ཝིཉྙཱཎཉྩཱཡཏནཾ སམཏིཀྐམྨ ‘ནཏྠི ཀིཉྩཱི’ཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧརཏི. སོ ཏཾ ནིམིཏྟཾ ཨཱསེཝཏི བྷཱཝེཏི བཧུལཱིཀརོཏི སྭཱདྷིཊྛིཏཾ ཨདྷིཊྛཱཏི.

‘‘ཏསྶ ཨེཝཾ ཧོཏི – ‘ཡཾནཱུནཱཧཾ སབྦསོ ཨཱཀིཉྩཉྙཱཡཏནཾ སམཏིཀྐམྨ ནེཝསཉྙཱནཱསཉྙཱཡཏནཾ ཨུཔསམྤཛྫ ཝིཧརེཡྻ’ནྟི. སོ ནེཝསཉྙཱནཱསཉྙཱཡཏནཾ ཨནབྷིཧིཾསམཱནོ སབྦསོ ཨཱཀིཉྩཉྙཱཡཏནཾ སམཏིཀྐམྨ ནེཝསཉྙཱནཱསཉྙཱཡཏནཾ ཨུཔསམྤཛྫ ཝིཧརཏི. སོ ཏཾ ནིམིཏྟཾ ཨཱསེཝཏི བྷཱཝེཏི བཧུལཱིཀརོཏི ¶ སྭཱདྷིཊྛིཏཾ ཨདྷིཊྛཱཏི.

‘‘ཏསྶ ཨེཝཾ ཧོཏི – ‘ཡཾནཱུནཱཧཾ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརེཡྻ’ནྟི. སོ སཉྙཱཝེདཡིཏནིརོདྷཾ ཨནབྷིཧིཾསམཱནོ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི.

‘‘ཡཏོ ཁོ, བྷིཀྑཝེ, བྷིཀྑུ ཏཾ ཏདེཝ སམཱཔཏྟིཾ སམཱཔཛྫཏིཔི ཝུཊྛཱཏིཔི, ཏསྶ མུདུ ཙིཏྟཾ ཧོཏི ཀམྨཉྙཾ. མུདུནཱ ཀམྨཉྙེན ཙིཏྟེན ཨཔྤམཱཎོ སམཱདྷི ཧོཏི སུབྷཱཝིཏོ. སོ ཨཔྤམཱཎེན སམཱདྷིནཱ སུབྷཱཝིཏེན ཡསྶ ཡསྶ ཨབྷིཉྙཱསཙྪིཀརཎཱིཡསྶ དྷམྨསྶ ཙིཏྟཾ ¶ ཨབྷིནིནྣཱམེཏི ¶ ཨབྷིཉྙཱསཙྪིཀིརིཡཱཡ ཏཏྲ ཏཏྲེཝ སཀྑིབྷབྦཏཾ པཱཔུཎཱཏི སཏི སཏི ཨཱཡཏནེ.

‘‘སོ སཙེ ཨཱཀངྑཏི – ‘ཨནེཀཝིཧིཏཾ ཨིདྡྷིཝིདྷཾ པཙྩནུབྷཝེཡྻཾ, ཨེཀོཔི ཧུཏྭཱ བཧུདྷཱ ཨསྶཾ, བཧུདྷཱཔི ཧུཏྭཱ ཨེཀོ ཨསྶཾ…པེ… ཡཱཝ བྲཧྨལོཀཱཔི ཀཱཡེན ཝསཾ ཝཏྟེཡྻ’ནྟི, ཏཏྲ ཏཏྲེཝ སཀྑིབྷབྦཏཾ པཱཔུཎཱཏི སཏི སཏི ཨཱཡཏནེ.

‘‘སོ སཙེ ཨཱཀངྑཏི – དིབྦཱཡ ¶ སོཏདྷཱཏུཡཱ…པེ… སཏི སཏི ཨཱཡཏནེ.

‘‘སོ སཙེ ཨཱཀངྑཏི – ‘པརསཏྟཱནཾ པརཔུགྒལཱནཾ ཙེཏསཱ ཙེཏོ པརིཙྩ པཛཱནེཡྻཾ, སརཱགཾ ཝཱ ཙིཏྟཾ སརཱགཾ ཙིཏྟནྟི པཛཱནེཡྻཾ, ཝཱིཏརཱགཾ ཝཱ ཙིཏྟཾ ཝཱིཏརཱགཾ ཙིཏྟནྟི པཛཱནེཡྻཾ, སདོསཾ ཝཱ ཙིཏྟཾ སདོསཾ ཙིཏྟནྟི པཛཱནེཡྻཾ, ཝཱིཏདོསཾ ཝཱ ཙིཏྟཾ ཝཱིཏདོསཾ ཙིཏྟནྟི པཛཱནེཡྻཾ, སམོཧཾ ཝཱ ཙིཏྟཾ སམོཧཾ ཙིཏྟནྟི པཛཱནེཡྻཾ, ཝཱིཏམོཧཾ ཝཱ ཙིཏྟཾ… སཾཁིཏྟཾ ཝཱ ཙིཏྟཾ… ཝིཀྑིཏྟཾ ཝཱ ཙིཏྟཾ… མཧགྒཏཾ ཝཱ ཙིཏྟཾ… ཨམཧགྒཏཾ ཝཱ ཙིཏྟཾ… སཨུཏྟརཾ ཝཱ ཙིཏྟཾ… ཨནུཏྟརཾ ཝཱ ཙིཏྟཾ… སམཱཧིཏཾ ཝཱ ཙིཏྟཾ… ཨསམཱཧིཏཾ ཝཱ ཙིཏྟཾ… ཝིམུཏྟཾ ཝཱ ཙིཏྟཾ… ཨཝིམུཏྟཾ ཝཱ ཙིཏྟཾ ཨཝིམུཏྟཾ ཙིཏྟནྟི པཛཱནེཡྻ’ནྟི, ཏཏྲ ཏཏྲེཝ སཀྑིབྷབྦཏཾ པཱཔུཎཱཏི སཏི སཏི ཨཱཡཏནེ.

‘‘སོ སཙེ ཨཱཀངྑཏི – ‘ཨནེཀཝིཧིཏཾ པུབྦེནིཝཱསཾ ཨནུསྶརེཡྻཾ, སེཡྻཐིདཾ – ཨེཀམྤི ཛཱཏིཾ དྭེཔི ཛཱཏིཡོ…པེ… ཨིཏི སཱཀཱརཾ སཨུདྡེསཾ ཨནེཀཝིཧིཏཾ པུབྦེནིཝཱསཾ ཨནུསྶརེཡྻ’ནྟི, ཏཏྲ ཏཏྲེཝ སཀྑིབྷབྦཏཾ པཱཔུཎཱཏི སཏི སཏི ཨཱཡཏནེ.

‘‘སོ ¶ སཙེ ཨཱཀངྑཏི – ‘དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན…པེ… ཡཐཱཀམྨཱུཔགེ སཏྟེ པཛཱནེཡྻ’ནྟི, ཏཏྲ ཏཏྲེཝ སཀྑིབྷབྦཏཾ པཱཔུཎཱཏི སཏི སཏི ཨཱཡཏནེ.

‘‘སོ སཙེ ཨཱཀངྑཏི – ‘ཨཱསཝཱནཾ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརེཡྻ’ནྟི, ཏཏྲ ཏཏྲེཝ སཀྑིབྷབྦཏཾ པཱཔུཎཱཏི སཏི སཏི ཨཱཡཏནེ’’ཏི. ཙཏུཏྠཾ.

༥. ཛྷཱནསུཏྟཾ

༣༦. ‘‘པཋམམྤཱཧཾ ¶ ¶ , བྷིཀྑཝེ, ཛྷཱནཾ ནིསྶཱཡ ཨཱསཝཱནཾ ཁཡཾ ཝདཱམི ¶ ; དུཏིཡམྤཱཧཾ, བྷིཀྑཝེ, ཛྷཱནཾ ནིསྶཱཡ ཨཱསཝཱནཾ ཁཡཾ ཝདཱམི; ཏཏིཡམྤཱཧཾ, བྷིཀྑཝེ, ཛྷཱནཾ ནིསྶཱཡ ཨཱསཝཱནཾ ཁཡཾ ཝདཱམི; ཙཏུཏྠམྤཱཧཾ, བྷིཀྑཝེ, ཛྷཱནཾ ནིསྶཱཡ ཨཱསཝཱནཾ ཁཡཾ ཝདཱམི; ཨཱཀཱསཱནཉྩཱཡཏནམྤཱཧཾ, བྷིཀྑཝེ, ནིསྶཱཡ ཨཱསཝཱནཾ ཁཡཾ ཝདཱམི; ཝིཉྙཱཎཉྩཱཡཏནམྤཱཧཾ, བྷིཀྑཝེ, ནིསྶཱཡ ཨཱསཝཱནཾ ཁཡཾ ཝདཱམི; ཨཱཀིཉྩཉྙཱཡཏནམྤཱཧཾ, བྷིཀྑཝེ, ནིསྶཱཡ ཨཱསཝཱནཾ ཁཡཾ ཝདཱམི; ནེཝསཉྙཱནཱསཉྙཱཡཏནམྤཱཧཾ, བྷིཀྑཝེ, ནིསྶཱཡ ཨཱསཝཱནཾ ཁཡཾ ཝདཱམི; སཉྙཱཝེདཡིཏནིརོདྷམྤཱཧཾ, བྷིཀྑཝེ, ནིསྶཱཡ ཨཱསཝཱནཾ ཁཡཾ ཝདཱམི.

‘‘‘པཋམམྤཱཧཾ, བྷིཀྑཝེ, ཛྷཱནཾ ནིསྶཱཡ ཨཱསཝཱནཾ ཁཡཾ ཝདཱམཱི’ཏི, ཨིཏི ཁོ པནེཏཾ ཝུཏྟཾ. ཀིཉྩེཏཾ པཊིཙྩ ཝུཏྟཾ? ཨིདྷ, བྷིཀྑཝེ, བྷིཀྑུ ཝིཝིཙྩེཝ ཀཱམེཧི…པེ… པཋམཾ ཛྷཱནཾ ཨུཔསམྤཛྫ ཝིཧརཏི. སོ ཡདེཝ ཏཏྠ ཧོཏི རཱུཔགཏཾ ཝེདནཱགཏཾ སཉྙཱགཏཾ སངྑཱརགཏཾ ཝིཉྙཱཎགཏཾ, ཏེ དྷམྨེ ཨནིཙྩཏོ དུཀྑཏོ རོགཏོ གཎྜཏོ སལླཏོ ཨགྷཏོ ཨཱབཱདྷཏོ པརཏོ པལོཀཏོ སུཉྙཏོ ¶ ཨནཏྟཏོ སམནུཔསྶཏི. སོ ཏེཧི དྷམྨེཧི ཙིཏྟཾ པཊིཝཱཔེཏི [པཏིཊྛཱཔེཏི (སྱཱ.), པཊིཔཱདེཏི (ཀ.) མ. ནི. ༢.༡༣༣ པསྶིཏབྦཾ]. སོ ཏེཧི དྷམྨེཧི ཙིཏྟཾ པཊིཝཱཔེཏྭཱ [པཏིཊྛཱཔེཏྭཱ (སྱཱ.), པཊིཔཱདེཏྭཱ (ཀ.)] ཨམཏཱཡ དྷཱཏུཡཱ ཙིཏྟཾ ཨུཔསཾཧརཏི – ‘ཨེཏཾ སནྟཾ ཨེཏཾ པཎཱིཏཾ ཡདིདཾ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཱཀྑཡོ ཝིརཱགོ ནིརོདྷོ ནིབྦཱན’ནྟི. སོ ཏཏྠ ཋིཏོ ཨཱསཝཱནཾ ཁཡཾ པཱཔུཎཱཏི. ནོ ཙེ ཨཱསཝཱནཾ ཁཡཾ པཱཔུཎཱཏི, ཏེནེཝ དྷམྨརཱགེན ཏཱཡ དྷམྨནནྡིཡཱ པཉྩནྣཾ ཨོརམྦྷཱགིཡཱནཾ སཾཡོཛནཱནཾ པརིཀྑཡཱ ཨོཔཔཱཏིཀོ ཧོཏི ཏཏྠ པརིནིབྦཱཡཱི ཨནཱཝཏྟིདྷམྨོ ཏསྨཱ ལོཀཱ.

‘‘སེཡྻཐཱཔི, བྷིཀྑཝེ, ཨིསྶཱསོ ཝཱ ཨིསྶཱསནྟེཝཱསཱི ཝཱ ཏིཎཔུརིསརཱུཔཀེ ཝཱ མཏྟིཀཱཔུཉྫེ ཝཱ ཡོགྒཾ ཀརིཏྭཱ, སོ ཨཔརེན སམཡེན དཱུརེཔཱཏཱི ཙ ཧོཏི ཨཀྑཎཝེདྷཱི ཙ མཧཏོ ཙ ཀཱཡསྶ པདཱལེཏཱ [པདཱལིཏཱ (ཀ.) ཨ. ནི. ༣.༡༣༤; ༤.༡༨༡]; ཨེཝམེཝཾ ཁོ ¶ , བྷིཀྑཝེ, བྷིཀྑུ ཝིཝིཙྩེཝ ཀཱམེཧི…པེ… པཋམཾ ཛྷཱནཾ ཨུཔསམྤཛྫ ¶ ཝིཧརཏི. སོ ཡདེཝ ཏཏྠ ཧོཏི རཱུཔགཏཾ ཝེདནཱགཏཾ སཉྙཱགཏཾ སངྑཱརགཏཾ ཝིཉྙཱཎགཏཾ, ཏེ དྷམྨེ ཨནིཙྩཏོ དུཀྑཏོ རོགཏོ གཎྜཏོ སལླཏོ ཨགྷཏོ ཨཱབཱདྷཏོ པརཏོ པལོཀཏོ སུཉྙཏོ ཨནཏྟཏོ སམནུཔསྶཏི. སོ ཏེཧི དྷམྨེཧི ཙིཏྟཾ པཊིཝཱཔེཏི ¶ . སོ ཏེཧི དྷམྨེཧི ཙིཏྟཾ པཊིཝཱཔེཏྭཱ ཨམཏཱཡ དྷཱཏུཡཱ ཙིཏྟཾ ཨུཔསཾཧརཏི – ‘ཨེཏཾ སནྟཾ ཨེཏཾ པཎཱིཏཾ ཡདིདཾ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཱཀྑཡོ ཝིརཱགོ ནིརོདྷོ ནིབྦཱན’ནྟི. སོ ཏཏྠ ཋིཏོ ཨཱསཝཱནཾ ཁཡཾ པཱཔུཎཱཏི. ནོ ཙེ ཨཱསཝཱནཾ ཁཡཾ པཱཔུཎཱཏི, ཏེནེཝ དྷམྨརཱགེན ཏཱཡ དྷམྨནནྡིཡཱ པཉྩནྣཾ ཨོརམྦྷཱགིཡཱནཾ སཾཡོཛནཱནཾ པརིཀྑཡཱ ཨོཔཔཱཏིཀོ ཧོཏི ཏཏྠ པརིནིབྦཱཡཱི ཨནཱཝཏྟིདྷམྨོ ཏསྨཱ ལོཀཱ. ‘པཋམམྤཱཧཾ ¶ , བྷིཀྑཝེ, ཛྷཱནཾ ནིསྶཱཡ ཨཱསཝཱནཾ ཁཡཾ ཝདཱམཱི’ཏི, ཨིཏི ཡཾ ཏཾ ཝུཏྟཾ, ཨིདམེཏཾ པཊིཙྩ ཝུཏྟཾ.

‘‘དུཏིཡམྤཱཧཾ, བྷིཀྑཝེ, ཛྷཱནཾ ནིསྶཱཡ…པེ… ཏཏིཡམྤཱཧཾ, བྷིཀྑཝེ, ཛྷཱནཾ ནིསྶཱཡ… ‘ཙཏུཏྠམྤཱཧཾ, བྷིཀྑཝེ, ཛྷཱནཾ ནིསྶཱཡ ཨཱསཝཱནཾ ཁཡཾ ཝདཱམཱི’ཏི, ཨིཏི ཁོ པནེཏཾ ཝུཏྟཾ. ཀིཉྩེཏཾ པཊིཙྩ ཝུཏྟཾ? ཨིདྷ, བྷིཀྑཝེ, བྷིཀྑུ སུཁསྶ ཙ པཧཱནཱ དུཀྑསྶ ཙ པཧཱནཱ པུབྦེཝ སོམནསྶདོམནསྶཱནཾ ཨཏྠངྒམཱ ཨདུཀྑམསུཁཾ ཨུཔེཀྑཱསཏིཔཱརིསུདྡྷིཾ ཙཏུཏྠཾ ཛྷཱནཾ ཨུཔསམྤཛྫ ཝིཧརཏི. སོ ཡདེཝ ཏཏྠ ཧོཏི རཱུཔགཏཾ ཝེདནཱགཏཾ སཉྙཱགཏཾ སངྑཱརགཏཾ ཝིཉྙཱཎགཏཾ, ཏེ དྷམྨེ ཨནིཙྩཏོ དུཀྑཏོ ¶ རོགཏོ གཎྜཏོ སལླཏོ ཨགྷཏོ ཨཱབཱདྷཏོ པརཏོ པལོཀཏོ སུཉྙཏོ ཨནཏྟཏོ སམནུཔསྶཏི. སོ ཏེཧི དྷམྨེཧི ཙིཏྟཾ པཊིཝཱཔེཏི. སོ ཏེཧི དྷམྨེཧི ཙིཏྟཾ པཊིཝཱཔེཏྭཱ ཨམཏཱཡ དྷཱཏུཡཱ ཙིཏྟཾ ཨུཔསཾཧརཏི – ‘ཨེཏཾ སནྟཾ ཨེཏཾ པཎཱིཏཾ ཡདིདཾ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཱཀྑཡོ ཝིརཱགོ ནིརོདྷོ ནིབྦཱན’ནྟི. སོ ཏཏྠ ཋིཏོ ཨཱསཝཱནཾ ཁཡཾ པཱཔུཎཱཏི. ནོ ཙེ ཨཱསཝཱནཾ ཁཡཾ པཱཔུཎཱཏི, ཏེནེཝ དྷམྨརཱགེན ཏཱཡ དྷམྨནནྡིཡཱ པཉྩནྣཾ ཨོརམྦྷཱགིཡཱནཾ སཾཡོཛནཱནཾ པརིཀྑཡཱ ཨོཔཔཱཏིཀོ ཧོཏི ཏཏྠ པརིནིབྦཱཡཱི ཨནཱཝཏྟིདྷམྨོ ཏསྨཱ ལོཀཱ.

‘‘སེཡྻཐཱཔི ¶ , བྷིཀྑཝེ, ཨིསྶཱསོ ཝཱ ཨིསྶཱསནྟེཝཱསཱི ཝཱ ཏིཎཔུརིསརཱུཔཀེ ཝཱ མཏྟིཀཱཔུཉྫེ ཝཱ ཡོགྒཾ ཀརིཏྭཱ, སོ ཨཔརེན སམཡེན དཱུརེཔཱཏཱི ཙ ཧོཏི ཨཀྑཎཝེདྷཱི ཙ མཧཏོ ཙ ཀཱཡསྶ པདཱལེཏཱ ¶ ; ཨེཝམེཝཾ ཁོ, བྷིཀྑཝེ, བྷིཀྑུ སུཁསྶ ཙ པཧཱནཱ, དུཀྑསྶ ཙ པཧཱནཱ, པུབྦེཝ སོམནསྶདོམནསྶཱནཾ ཨཏྠངྒམཱ ཨདུཀྑམསུཁཾ ཨུཔེཀྑཱསཏིཔཱརིསུདྡྷིཾ ཙཏུཏྠཾ ཛྷཱནཾ ཨུཔསམྤཛྫ ཝིཧརཏི. སོ ཡདེཝ ཏཏྠ ཧོཏི རཱུཔགཏཾ ཝེདནཱགཏཾ…པེ… ཨནཱཝཏྟིདྷམྨོ ཏསྨཱ ལོཀཱ. ‘ཙཏུཏྠམྤཱཧཾ ¶ , བྷིཀྑཝེ, ཛྷཱནཾ ནིསྶཱཡ ཨཱསཝཱནཾ ཁཡཾ ཝདཱམཱི’ཏི, ཨིཏི ཡཾ ཏཾ ཝུཏྟཾ, ཨིདམེཏཾ པཊིཙྩ ཝུཏྟཾ.

‘‘‘ཨཱཀཱསཱནཉྩཱཡཏནམྤཱཧཾ, བྷིཀྑཝེ, ཛྷཱནཾ ནིསྶཱཡ ཨཱསཝཱནཾ ཁཡཾ ཝདཱམཱི’ཏི, ཨིཏི ཁོ པནེཏཾ ཝུཏྟཾ. ཀིཉྩེཏཾ པཊིཙྩ ཝུཏྟཾ? ཨིདྷ, བྷིཀྑཝེ, བྷིཀྑུ སབྦསོ རཱུཔསཉྙཱནཾ སམཏིཀྐམཱ པཊིགྷསཉྙཱནཾ ཨཏྠངྒམཱ ནཱནཏྟསཉྙཱནཾ ཨམནསིཀཱརཱ ‘ཨནནྟོ ཨཱཀཱསོ’ཏི ཨཱཀཱསཱནཉྩཱཡཏནཾ ཨུཔསམྤཛྫ ཝིཧརཏི. སོ ཡདེཝ ཏཏྠ ཧོཏི ཝེདནཱགཏཾ སཉྙཱགཏཾ སངྑཱརགཏཾ ¶ ཝིཉྙཱཎགཏཾ, ཏེ དྷམྨེ ཨནིཙྩཏོ དུཀྑཏོ རོགཏོ གཎྜཏོ སལླཏོ ཨགྷཏོ ཨཱབཱདྷཏོ པརཏོ པལོཀཏོ སུཉྙཏོ ཨནཏྟཏོ སམནུཔསྶཏི. སོ ཏེཧི དྷམྨེཧི ཙིཏྟཾ པཊིཝཱཔེཏི. སོ ཏེཧི དྷམྨེཧི ཙིཏྟཾ པཊིཝཱཔེཏྭཱ ཨམཏཱཡ དྷཱཏུཡཱ ཙིཏྟཾ ཨུཔསཾཧརཏི – ‘ཨེཏཾ སནྟཾ ཨེཏཾ པཎཱིཏཾ ཡདིདཾ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཱཀྑཡོ ཝིརཱགོ ནིརོདྷོ ནིབྦཱན’ནྟི. སོ ཏཏྠ ཋིཏོ ཨཱསཝཱནཾ ཁཡཾ པཱཔུཎཱཏི. ནོ ཙེ ཨཱསཝཱནཾ ཁཡཾ པཱཔུཎཱཏི, ཏེནེཝ དྷམྨརཱགེན ཏཱཡ དྷམྨནནྡིཡཱ པཉྩནྣཾ ཨོརམྦྷཱགིཡཱནཾ སཾཡོཛནཱནཾ པརིཀྑཡཱ ཨོཔཔཱཏིཀོ ཧོཏི ཏཏྠ པརིནིབྦཱཡཱི ཨནཱཝཏྟིདྷམྨོ ཏསྨཱ ལོཀཱ.

‘‘སེཡྻཐཱཔི, བྷིཀྑཝེ, ཨིསྶཱསོ ཝཱ ཨིསྶཱསནྟེཝཱསཱི ཝཱ ཏིཎཔུརིསརཱུཔཀེ ཝཱ མཏྟིཀཱཔུཉྫེ ཝཱ ཡོགྒཾ ཀརིཏྭཱ, སོ ཨཔརེན སམཡེན དཱུརེཔཱཏཱི ཙ ཧོཏི ཨཀྑཎཝེདྷཱི ཙ མཧཏོ ཙ ཀཱཡསྶ པདཱལེཏཱ; ཨེཝམེཝཾ ཁོ, བྷིཀྑཝེ, བྷིཀྑུ སབྦསོ རཱུཔསཉྙཱནཾ སམཏིཀྐམཱ པཊིགྷསཉྙཱནཾ ཨཏྠངྒམཱ ནཱནཏྟསཉྙཱནཾ ཨམནསིཀཱརཱ ‘ཨནནྟོ ཨཱཀཱསོ’ཏི ཨཱཀཱསཱནཉྩཱཡཏནཾ ཨུཔསམྤཛྫ ཝིཧརཏི. སོ ཡདེཝ ཏཏྠ ཧོཏི ཝེདནཱགཏཾ སཉྙཱགཏཾ…པེ… ཨནཱཝཏྟིདྷམྨོ ཏསྨཱ ལོཀཱ. ‘ཨཱཀཱསཱནཉྩཱཡཏནམྤཱཧཾ, བྷིཀྑཝེ, ནིསྶཱཡ ཨཱསཝཱནཾ ཁཡཾ ཝདཱམཱི’ཏི, ཨིཏི ཡཾ ཏཾ ཝུཏྟཾ, ཨིདམེཏཾ པཊིཙྩ ཝུཏྟཾ.

‘‘‘ཝིཉྙཱཎཉྩཱཡཏནམྤཱཧཾ ¶ , བྷིཀྑཝེ, ནིསྶཱཡ…པེ… ཨཱཀིཉྩཉྙཱཡཏནམྤཱཧཾ, བྷིཀྑཝེ, ནིསྶཱཡ ཨཱསཝཱནཾ ཁཡཾ ཝདཱམཱི’ཏི, ཨིཏི ཁོ པནེཏཾ ཝུཏྟཾ ¶ . ཀིཉྩེཏཾ པཊིཙྩ ཝུཏྟཾ? ཨིདྷ ¶ , བྷིཀྑཝེ, བྷིཀྑུ སབྦསོ ཝིཉྙཱཎཉྩཱཡཏནཾ སམཏིཀྐམྨ ¶ ‘ནཏྠི ཀིཉྩཱི’ཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧརཏི. སོ ཡདེཝ ཏཏྠ ཧོཏི ཝེདནཱགཏཾ སཉྙཱགཏཾ སངྑཱརགཏཾ ཝིཉྙཱཎགཏཾ, ཏེ དྷམྨེ ཨནིཙྩཏོ དུཀྑཏོ རོགཏོ གཎྜཏོ སལླཏོ ཨགྷཏོ ཨཱབཱདྷཏོ པརཏོ པལོཀཏོ སུཉྙཏོ ཨནཏྟཏོ སམནུཔསྶཏི. སོ ཏེཧི དྷམྨེཧི ཙིཏྟཾ པཊིཝཱཔེཏི. སོ ཏེཧི དྷམྨེཧི ཙིཏྟཾ པཊིཝཱཔེཏྭཱ ཨམཏཱཡ དྷཱཏུཡཱ ཙིཏྟཾ ཨུཔསཾཧརཏི – ‘ཨེཏཾ སནྟཾ ཨེཏཾ པཎཱིཏཾ ཡདིདཾ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཱཀྑཡོ ཝིརཱགོ ནིརོདྷོ ནིབྦཱན’ནྟི. སོ ཏཏྠ ཋིཏོ ཨཱསཝཱནཾ ཁཡཾ པཱཔུཎཱཏི. ནོ ཙེ ཨཱསཝཱནཾ ཁཡཾ པཱཔུཎཱཏི, ཏེནེཝ དྷམྨརཱགེན ཏཱཡ དྷམྨནནྡིཡཱ པཉྩནྣཾ ཨོརམྦྷཱགིཡཱནཾ སཾཡོཛནཱནཾ པརིཀྑཡཱ ཨོཔཔཱཏིཀོ ཧོཏི ཏཏྠ པརིནིབྦཱཡཱི ཨནཱཝཏྟིདྷམྨོ ཏསྨཱ ལོཀཱ.

‘‘སེཡྻཐཱཔི, བྷིཀྑཝེ, ཨིསྶཱསོ ཝཱ ཨིསྶཱསནྟེཝཱསཱི ཝཱ ཏིཎཔུརིསརཱུཔཀེ ཝཱ མཏྟིཀཱཔུཉྫེ ཝཱ ཡོགྒཾ ཀརིཏྭཱ, སོ ཨཔརེན སམཡེན དཱུརེཔཱཏཱི ཙ ཧོཏི ཨཀྑཎཝེདྷཱི ཙ མཧཏོ ཙ ཀཱཡསྶ པདཱལེཏཱ; ཨེཝམེཝཾ ཁོ, བྷིཀྑཝེ, བྷིཀྑུ སབྦསོ ཝིཉྙཱཎཉྩཱཡཏནཾ སམཏིཀྐམྨ ‘ནཏྠི ཀིཉྩཱི’ཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧརཏི. སོ ཡདེཝ ཏཏྠ ཧོཏི ཝེདནཱགཏཾ སཉྙཱགཏཾ སངྑཱརགཏཾ ཝིཉྙཱཎགཏཾ, ཏེ དྷམྨེ ཨནིཙྩཏོ དུཀྑཏོ རོགཏོ གཎྜཏོ སལླཏོ ཨགྷཏོ ཨཱབཱདྷཏོ པརཏོ པལོཀཏོ སུཉྙཏོ ཨནཏྟཏོ སམནུཔསྶཏི. སོ ཏེཧི དྷམྨེཧི ¶ ཙིཏྟཾ པཊིཝཱཔེཏི. སོ ཏེཧི དྷམྨེཧི ཙིཏྟཾ པཊིཝཱཔེཏྭཱ ཨམཏཱཡ དྷཱཏུཡཱ ཙིཏྟཾ ཨུཔསཾཧརཏི – ‘ཨེཏཾ སནྟཾ ཨེཏཾ པཎཱིཏཾ ཡདིདཾ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཱཀྑཡོ ཝིརཱགོ ནིརོདྷོ ནིབྦཱན’ནྟི. སོ ཏཏྠ ཋིཏོ ཨཱསཝཱནཾ ཁཡཾ པཱཔུཎཱཏི. ནོ ཙེ ཨཱསཝཱནཾ ཁཡཾ པཱཔུཎཱཏི, ཏེནེཝ དྷམྨརཱགེན ཏཱཡ དྷམྨནནྡིཡཱ པཉྩནྣཾ ཨོརམྦྷཱགིཡཱནཾ སཾཡོཛནཱནཾ པརིཀྑཡཱ ཨོཔཔཱཏིཀོ ཧོཏི ཏཏྠ པརིནིབྦཱཡཱི ཨནཱཝཏྟིདྷམྨོ ཏསྨཱ ལོཀཱ. ‘ཨཱཀིཉྩཉྙཱཡཏནམྤཱཧཾ, ནིསྶཱཡ ཨཱསཝཱནཾ ཁཡཾ ཝདཱམཱི’ཏི, ཨིཏི ཡཾ ཏཾ ཝུཏྟཾ, ཨིདམེཏཾ པཊིཙྩ ཝུཏྟཾ.

‘‘ཨིཏི ཁོ, བྷིཀྑཝེ, ཡཱཝཏཱ སཉྙཱསམཱཔཏྟི ཏཱཝཏཱ ཨཉྙཱཔཊིཝེདྷོ. ཡཱནི ཙ ཁོ ཨིམཱནི, བྷིཀྑཝེ, ནིསྶཱཡ དྭེ ཨཱཡཏནཱནི – ནེཝསཉྙཱནཱསཉྙཱཡཏནསམཱཔཏྟི ཙ སཉྙཱཝེདཡིཏནིརོདྷོ ¶ ཙ, ཛྷཱཡཱིཧེཏེ ¶ , བྷིཀྑཝེ, སམཱཔཏྟིཀུསལེཧི སམཱཔཏྟིཝུཊྛཱནཀུསལེཧི སམཱཔཛྫིཏྭཱ ཝུཊྛཧིཏྭཱ སམྨཱ ཨཀྑཱཏབྦཱནཱིཏི ཝདཱམཱི’’ཏི. པཉྩམཾ.

༦. ཨཱནནྡསུཏྟཾ

༣༧. ཨེཀཾ སམཡཾ ཨཱཡསྨཱ ཨཱནནྡོ ཀོསམྦིཡཾ ཝིཧརཏི གྷོསིཏཱརཱམེ. ཏཏྲ ཁོ ཨཱཡསྨཱ ཨཱནནྡོ བྷིཀྑཱུ ཨཱམནྟེསི – ‘‘ཨཱཝུསོ བྷིཀྑཝེ’’ཏི. ‘‘ཨཱཝུསོ’’ཏི ཁོ ཏེ བྷིཀྑཱུ ཨཱཡསྨཏོ ཨཱནནྡསྶ པཙྩསྶོསུཾ. ཨཱཡསྨཱ ཨཱནནྡོ ཨེཏདཝོཙ –

‘‘ཨཙྪརིཡཾ, ཨཱཝུསོ, ཨབྦྷུཏཾ, ཨཱཝུསོ! ཡཱཝཉྩིདཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན སམྦཱདྷེ ཨོཀཱསཱདྷིགམོ ¶ ཨནུབུདྡྷོ སཏྟཱནཾ ཝིསུདྡྷིཡཱ སོཀཔརིདེཝཱནཾ སམཏིཀྐམཱཡ དུཀྑདོམནསྶཱནཾ ཨཏྠངྒམཱཡ ཉཱཡསྶ ཨདྷིགམཱཡ ནིབྦཱནསྶ སཙྪིཀིརིཡཱཡ. ཏདེཝ ནཱམ ཙཀྑུཾ བྷཝིསྶཏི ཏེ རཱུཔཱ ཏཉྩཱཡཏནཾ ¶ ནོ པཊིསཾཝེདིསྶཏི [པཊིསཾཝེདཡཏི (ཀ.)]. ཏདེཝ ནཱམ སོཏཾ བྷཝིསྶཏི ཏེ སདྡཱ ཏཉྩཱཡཏནཾ ནོ པཊིསཾཝེདིསྶཏི. ཏདེཝ ནཱམ གྷཱནཾ བྷཝིསྶཏི ཏེ གནྡྷཱ ཏཉྩཱཡཏནཾ ནོ པཊིསཾཝེདིསྶཏི. སཱཝ ནཱམ ཛིཝ྄ཧཱ བྷཝིསྶཏི ཏེ རསཱ ཏཉྩཱཡཏནཾ ནོ པཊིསཾཝེདིསྶཏི. སོཝ ནཱམ ཀཱཡོ བྷཝིསྶཏི ཏེ ཕོཊྛབྦཱ ཏཉྩཱཡཏནཾ ནོ པཊིསཾཝེདིསྶཏཱི’’ཏི.

ཨེཝཾ ཝུཏྟེ ཨཱཡསྨཱ ཨུདཱཡཱི ཨཱཡསྨནྟཾ ཨཱནནྡཾ ཨེཏདཝོཙ – ‘‘སཉྙཱིམེཝ ནུ ཁོ, ཨཱཝུསོ ཨཱནནྡ, ཏདཱཡཏནཾ ནོ པཊིསཾཝེདེཏི ཨུདཱཧུ ཨསཉྙཱི’’ཏི? ‘‘སཉྙཱིམེཝ ཁོ, ཨཱཝུསོ, ཏདཱཡཏནཾ ནོ པཊིསཾཝེདེཏི, ནོ ཨསཉྙཱི’’ཏི.

‘‘ཀིཾསཉྙཱི པནཱཝུསོ, ཏདཱཡཏནཾ ནོ པཊིསཾཝེདེཏཱི’’ཏི? ‘‘ཨིདྷཱཝུསོ, བྷིཀྑུ, སབྦསོ རཱུཔསཉྙཱནཾ སམཏིཀྐམཱ པཊིགྷསཉྙཱནཾ ཨཏྠངྒམཱ ནཱནཏྟསཉྙཱནཾ ཨམནསིཀཱརཱ ‘ཨནནྟོ ཨཱཀཱསོ’ཏི ཨཱཀཱསཱནཉྩཱཡཏནཾ ཨུཔསམྤཛྫ ཝིཧརཏི. ཨེཝཾསཉྙཱིཔི ཁོ, ཨཱཝུསོ, ཏདཱཡཏནཾ ནོ པཊིསཾཝེདེཏི.

‘‘པུན ¶ ཙཔརཾ, ཨཱཝུསོ, བྷིཀྑུ སབྦསོ ཨཱཀཱསཱནཉྩཱཡཏནཾ སམཏིཀྐམྨ ‘ཨནནྟཾ ཝིཉྙཱཎ’ནྟི ¶ ཝིཉྙཱཎཉྩཱཡཏནཾ ཨུཔསམྤཛྫ ཝིཧརཏི. ཨེཝཾསཉྙཱིཔི ཁོ, ཨཱཝུསོ, ཏདཱཡཏནཾ ནོ པཊིསཾཝེདེཏི.

‘‘པུན ཙཔརཾ, ཨཱཝུསོ, བྷིཀྑུ སབྦསོ ཝིཉྙཱཎཉྩཱཡཏནཾ སམཏིཀྐམྨ ‘ནཏྠི ཀིཉྩཱི’ཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧརཏི. ཨེཝཾསཉྙཱིཔི ཁོ ¶ , ཨཱཝུསོ, ཏདཱཡཏནཾ ནོ པཊིསཾཝེདེཏཱི’’ཏི.

‘‘ཨེཀམིདཱཧཾ, ཨཱཝུསོ, སམཡཾ སཱཀེཏེ ཝིཧརཱམི ཨཉྫནཝནེ མིགདཱཡེ. ཨཐ ཁོ, ཨཱཝུསོ, ཛཊིལཝཱསིཀཱ [ཛཊིལགཱཧིཡཱ (སཱི. པཱི.), ཛཌིལབྷཱགིཀཱ (སྱཱ.)] བྷིཀྑུནཱི ¶ ཡེནཱཧཾ ཏེནུཔསངྐམི; ཨུཔསངྐམིཏྭཱ མཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏཱ ཁོ, ཨཱཝུསོ, ཛཊིལཝཱསིཀཱ བྷིཀྑུནཱི མཾ ཨེཏདཝོཙ – ‘ཡཱཡཾ, བྷནྟེ ཨཱནནྡ, སམཱདྷི ན ཙཱབྷིནཏོ ན ཙཱཔནཏོ ན ཙ སསངྑཱརནིགྒཡ྄ཧཝཱརིཏགཏོ [སསངྑཱརནིགྒཡ྄ཧཝཱརིཏཝཏོ (སཱི. སྱཱ. ཀཾ. པཱི.), སསངྑཱརནིགྒཡ྄ཧཝཱརིཝཱཝཊོ (ཀ.) ཨ. ནི. ༣.༡༠༢; ༥.༢༧; དཱི. ནི. ༣.༣༥༥], ཝིམུཏྟཏྟཱ ཋིཏོ, ཋིཏཏྟཱ སནྟུསིཏོ, སནྟུསིཏཏྟཱ ནོ པརིཏསྶཏི. ཨཡཾ, བྷནྟེ ཨཱནནྡ, སམཱདྷི ཀིཾཕལོ ཝུཏྟོ བྷགཝཏཱ’’’ཏི?

‘‘ཨེཝཾ ཝུཏྟེ, སོཧཾ, ཨཱཝུསོ, ཛཊིལཝཱསིཀཾ བྷིཀྑུནིཾ ཨེཏདཝོཙཾ – ‘ཡཱཡཾ, བྷགིནི, སམཱདྷི ན ཙཱབྷིནཏོ ན ཙཱཔནཏོ ན ཙ སསངྑཱརནིགྒཡ྄ཧཝཱརིཏགཏོ, ཝིམུཏྟཏྟཱ ཋིཏོ, ཋིཏཏྟཱ སནྟུསིཏོ, སནྟུསིཏཏྟཱ ནོ པརིཏསྶཏི. ཨཡཾ, བྷགིནི, སམཱདྷི ཨཉྙཱཕལོ ཝུཏྟོ བྷགཝཏཱ’ཏི. ཨེཝཾསཉྙཱིཔི ཁོ, ཨཱཝུསོ, ཏདཱཡཏནཾ ནོ པཊིསཾཝེདེཏཱི’’ཏི. ཚཊྛཾ.

༧. ལོཀཱཡཏིཀསུཏྟཾ

༣༨. ཨཐ ཁོ དྭེ ལོཀཱཡཏིཀཱ བྲཱཧྨཎཱ ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝཏཱ སདྡྷིཾ སམྨོདིཾསུ. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣཱ ཁོ ཏེ བྲཱཧྨཎཱ བྷགཝནྟཾ ཨེཏདཝོཙུཾ –

‘‘པཱུརཎོ, བྷོ གོཏམ, ཀསྶཔོ སབྦཉྙཱུ སབྦདསྶཱཝཱི ཨཔརིསེསཾ ཉཱཎདསྶནཾ པཊིཛཱནཱཏི – ‘ཙརཏོ ཙ མེ ཏིཊྛཏོ ཙ སུཏྟསྶ ཙ ཛཱགརསྶ ¶ ཙ སཏཏཾ སམིཏཾ ཉཱཎདསྶནཾ ¶ པཙྩུཔཊྛིཏ’ནྟི. སོ ཨེཝམཱཧ – ‘ཨཧཾ ཨནནྟེན ཉཱཎེན ཨནནྟཾ ལོཀཾ ཛཱནཾ པསྶཾ ¶ ཝིཧརཱམཱི’ཏི. ཨཡམྤི ¶ [ཨཡམྤི ཧི (སྱཱ. ཀ.)], བྷོ གོཏམ, ནིགཎྛོ ནཱཊཔུཏྟོ སབྦཉྙཱུ སབྦདསྶཱཝཱི ཨཔརིསེསཾ ཉཱཎདསྶནཾ པཊིཛཱནཱཏི – ‘ཙརཏོ ཙ མེ ཏིཊྛཏོ ཙ སུཏྟསྶ ཙ ཛཱགརསྶ ཙ སཏཏཾ སམིཏཾ ཉཱཎདསྶནཾ པཙྩུཔཊྛིཏ’ནྟི. སོ [སོཔི (?)] ཨེཝམཱཧ – ‘ཨཧཾ ཨནནྟེན ཉཱཎེན ཨནནྟཾ ལོཀཾ ཛཱནཾ པསྶཾ ཝིཧརཱམཱི’ཏི. ཨིམེསཾ, བྷོ གོཏམ, ཨུབྷིནྣཾ ཉཱཎཝཱདཱནཾ ཨུབྷིནྣཾ ཨཉྙམཉྙཾ ཝིཔཙྩནཱིཀཝཱདཱནཾ ཀོ སཙྩཾ ཨཱཧ ཀོ མུསཱ’’ཏི?

‘‘ཨལཾ, བྲཱཧྨཎཱ! ཏིཊྛཏེཏཾ – ‘ཨིམེསཾ ཨུབྷིནྣཾ ཉཱཎཝཱདཱནཾ ཨུབྷིནྣཾ ཨཉྙམཉྙཾ ཝིཔཙྩནཱིཀཝཱདཱནཾ ཀོ སཙྩཾ ཨཱཧ ཀོ མུསཱ’ཏི. དྷམྨཾ ཝོ, བྲཱཧྨཎཱ, དེསེསྶཱམི, ཏཾ སུཎཱཐ, སཱདྷུཀཾ མནསི ཀརོཐ; བྷཱསིསྶཱམཱི’’ཏི. ‘‘ཨེཝཾ, བྷོ’’ཏི ཁོ ཏེ བྲཱཧྨཎཱ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘སེཡྻཐཱཔི, བྲཱཧྨཎཱ, ཙཏྟཱརོ པུརིསཱ ཙཏུདྡིསཱ ཋིཏཱ པརམེན ཛཝེན ཙ སམནྣཱགཏཱ པརམེན ཙ པདཝཱིཏིཧཱརེན. ཏེ ཨེཝརཱུཔེན ཛཝེན སམནྣཱགཏཱ ཨསྶུ, སེཡྻཐཱཔི ནཱམ དལ༹ྷདྷམྨཱ [དལ༹ྷདྷམྨོ (སབྦཏྠ) ཨ. ནི. ༤.༤༥; མ. ནི. ༡.༡༡༦ ཙ, ཏཾསཾཝཎྞནཱཊཱིཀཱཡོ ཙ མོགྒལླཱནབྱཱཀརཎཉྩ ཨོལོཀེཏབྦཱ] དྷནུགྒཧོ སིཀྑིཏོ ཀཏཧཏྠོ ཀཏཱུཔཱསནོ ལཧུཀེན ཨསནེན ཨཔྤཀསིརེན ཏིརིཡཾ ཏཱལཙྪཱཡཾ [ཏཱལཙྪཱཏིཾ (སཱི. སྱཱ. པཱི.), ཏཱལཙྪཱདིཾ (ཀ.) ཨ. ནི. ༤.༤༥; མ. ནི. ༡.༡༦༡ པསྶིཏབྦཾ] ཨཏིཔཱཏེཡྻ; ཨེཝརཱུཔེན ཙ པདཝཱིཏིཧཱརེན, སེཡྻཐཱཔི ནཱམ པུརཏྠིམཱ སམུདྡཱ པཙྪིམོ སམུདྡོ ཨཐ པུརཏྠིམཱཡ དིསཱཡ ཋིཏོ པུརིསོ ཨེཝཾ ཝདེཡྻ – ‘ཨཧཾ གམནེན ལོཀསྶ ཨནྟཾ པཱཔུཎིསྶཱམཱི’ཏི. སོ ཨཉྙཏྲེཝ ཨསིཏཔཱིཏཁཱཡིཏསཱཡིཏཱ ཨཉྙཏྲ ཨུཙྩཱརཔསྶཱཝཀམྨཱ ཨཉྙཏྲ ནིདྡཱཀིལམཐཔཊིཝིནོདནཱ ¶ ཝསྶསཏཱཡུཀོ ཝསྶསཏཛཱིཝཱི ཝསྶསཏཾ གནྟྭཱ ཨཔྤཏྭཱཝ ལོཀསྶ ཨནྟཾ ཨནྟརཱ ཀཱལཾ ¶ ཀརེཡྻ. ཨཐ པཙྪིམཱཡ དིསཱཡ…པེ… ཨཐ ཨུཏྟརཱཡ དིསཱཡ… ཨཐ དཀྑིཎཱཡ དིསཱཡ ཋིཏོ པུརིསོ ཨེཝཾ ཝདེཡྻ – ‘ཨཧཾ གམནེན ལོཀསྶ ཨནྟཾ པཱཔུཎིསྶཱམཱི’ཏི. སོ ཨཉྙཏྲེཝ ཨསིཏཔཱིཏཁཱཡིཏསཱཡིཏཱ ཨཉྙཏྲ ཨུཙྩཱརཔསྶཱཝཀམྨཱ ཨཉྙཏྲ ¶ ནིདྡཱཀིལམཐཔཊིཝིནོདནཱ ཝསྶསཏཱཡུཀོ ཝསྶསཏཛཱིཝཱི ཝསྶསཏཾ གནྟྭཱ ཨཔྤཏྭཱཝ ལོཀསྶ ཨནྟཾ ཨནྟརཱ ཀཱལཾ ཀརེཡྻ. ཏཾ ཀིསྶ ཧེཏུ? ནཱཧཾ, བྲཱཧྨཎཱ, ཨེཝརཱུཔཱཡ སནྡྷཱཝནིཀཱཡ ལོཀསྶ ཨནྟཾ ཉཱཏེཡྻཾ དཊྛེཡྻཾ པཏྟེཡྻནྟི ཝདཱམི. ན ཙཱཧཾ, བྲཱཧྨཎཱ, ཨཔྤཏྭཱཝ ལོཀསྶ ཨནྟཾ དུཀྑསྶ ཨནྟཀིརིཡཾ ཝདཱམི.

‘‘པཉྩིམེ, བྲཱཧྨཎཱ, ཀཱམགུཎཱ ཨརིཡསྶ ཝིནཡེ ལོཀོཏི ཝུཙྩཏི. ཀཏམེ པཉྩ? ཙཀྑུཝིཉྙེཡྻཱ ¶ རཱུཔཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ; སོཏཝིཉྙེཡྻཱ སདྡཱ…པེ… གྷཱནཝིཉྙེཡྻཱ གནྡྷཱ… ཛིཝ྄ཧཱཝིཉྙེཡྻཱ རསཱ… ཀཱཡཝིཉྙེཡྻཱ ཕོཊྛབྦཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ; ཨིམེ ཁོ, བྲཱཧྨཎཱ, པཉྩ ཀཱམགུཎཱ ཨརིཡསྶ ཝིནཡེ ལོཀོཏི ཝུཙྩཏི.

‘‘ཨིདྷ, བྲཱཧྨཎཱ, བྷིཀྑུ ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཏི. ཨཡཾ ཝུཙྩཏི, བྲཱཧྨཎཱ, ‘བྷིཀྑུ ལོཀསྶ ཨནྟམཱགམྨ, ལོཀསྶ ཨནྟེ ཝིཧརཏི’. ཏམཉྙེ ཨེཝམཱཧཾསུ – ‘ཨཡམྤི ¶ ལོཀཔརིཡཱཔནྣོ, ཨཡམྤི ཨནིསྶཊོ ལོཀམྷཱ’ཏི. ཨཧམྤི ཧི [ཨཧམྤི (སཱི. པཱི.)], བྲཱཧྨཎཱ, ཨེཝཾ ཝདཱམི – ‘ཨཡམྤི ལོཀཔརིཡཱཔནྣོ, ཨཡམྤི ཨནིསྶཊོ ལོཀམྷཱ’’’ཏི.

‘‘པུན ¶ ཙཔརཾ, བྲཱཧྨཎཱ, བྷིཀྑུ ཝིཏཀྐཝིཙཱརཱནཾ ཝཱུཔསམཱ…པེ… དུཏིཡཾ ཛྷཱནཾ… ཏཏིཡཾ ཛྷཱནཾ… ཙཏུཏྠཾ ཛྷཱནཾ ཨུཔསམྤཛྫ ཝིཧརཏི. ཨཡཾ ཝུཙྩཏི, བྲཱཧྨཎཱ, ‘བྷིཀྑུ ལོཀསྶ ཨནྟམཱགམྨ ལོཀསྶ ཨནྟེ ཝིཧརཏི’. ཏམཉྙེ ཨེཝམཱཧཾསུ – ‘ཨཡམྤི ལོཀཔརིཡཱཔནྣོ, ཨཡམྤི ཨནིསྶཊོ ལོཀམྷཱ’ཏི. ཨཧམྤི ཧི, བྲཱཧྨཎཱ, ཨེཝཾ ཝདཱམི – ‘ཨཡམྤི ལོཀཔརིཡཱཔནྣོ, ཨཡམྤི ཨནིསྶཊོ ལོཀམྷཱ’’’ཏི.

‘‘པུན ཙཔརཾ, བྲཱཧྨཎཱ, བྷིཀྑུ སབྦསོ རཱུཔསཉྙཱནཾ སམཏིཀྐམཱ པཊིགྷསཉྙཱནཾ ཨཏྠངྒམཱ ནཱནཏྟསཉྙཱནཾ ཨམནསིཀཱརཱ ‘ཨནནྟོ ཨཱཀཱསོ’ཏི ཨཱཀཱསཱནཉྩཱཡཏནཾ ཨུཔསམྤཛྫ ཝིཧརཏི. ཨཡཾ ཝུཙྩཏི, བྲཱཧྨཎཱ, ‘བྷིཀྑུ ལོཀསྶ ཨནྟམཱགམྨ ལོཀསྶ ཨནྟེ ཝིཧརཏི’. ཏམཉྙེ ཨེཝམཱཧཾསུ – ‘ཨཡམྤི ལོཀཔརིཡཱཔནྣོ, ཨཡམྤི ཨནིསྶཊོ ལོཀམྷཱ’ཏི ¶ . ཨཧམྤི ཧི, བྲཱཧྨཎཱ, ཨེཝཾ ཝདཱམི – ‘ཨཡམྤི ལོཀཔརིཡཱཔནྣོ, ཨཡམྤི ཨནིསྶཊོ ལོཀམྷཱ’’’ཏི.

‘‘པུན ཙཔརཾ, བྲཱཧྨཎཱ, བྷིཀྑུ སབྦསོ ཨཱཀཱསཱནཉྩཱཡཏནཾ སམཏིཀྐམྨ ‘ཨནནྟཾ ཝིཉྙཱཎ’ནྟི ¶ ཝིཉྙཱཎཉྩཱཡཏནཾ ཨུཔསམྤཛྫ ཝིཧརཏི…པེ… སབྦསོ ཝིཉྙཱཎཉྩཱཡཏནཾ སམཏིཀྐམྨ ‘ནཏྠི ཀིཉྩཱི’ཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧརཏི…པེ… སབྦསོ ཨཱཀིཉྩཉྙཱཡཏནཾ སམཏིཀྐམྨ ནེཝསཉྙཱནཱསཉྙཱཡཏནཾ ཨུཔསམྤཛྫ ཝིཧརཏི. ཨཡཾ ཝུཙྩཏི, བྲཱཧྨཎཱ ¶ , ‘བྷིཀྑུ ལོཀསྶ ཨནྟམཱགམྨ ལོཀསྶ ཨནྟེ ཝིཧརཏི’. ཏམཉྙེ ཨེཝམཱཧཾསུ – ‘ཨཡམྤི ལོཀཔརིཡཱཔནྣོ, ཨཡམྤི ཨནིསྶཊོ ལོཀམྷཱ’ཏི. ཨཧམྤི ཧི, བྲཱཧྨཎཱ, ཨེཝཾ ཝདཱམི – ‘ཨཡམྤི ལོཀཔརིཡཱཔནྣོ, ཨཡམྤི ཨནིསྶཊོ ལོཀམྷཱ’’’ཏི.

‘‘པུན ཙཔརཾ, བྲཱཧྨཎཱ, བྷིཀྑུ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི, པཉྙཱཡ ཙསྶ དིསྭཱ ཨཱསཝཱ པརིཀྑཱིཎཱ ཧོནྟི. ཨཡཾ ཝུཙྩཏི, བྲཱཧྨཎཱ, ‘བྷིཀྑུ ལོཀསྶ ¶ ཨནྟམཱགམྨ ལོཀསྶ ཨནྟེ ཝིཧརཏི ཏིཎྞོ ལོཀེ ཝིསཏྟིཀ’’’ནྟི. སཏྟམཾ.

༨. དེཝཱསུརསངྒཱམསུཏྟཾ

༣༩. ‘‘བྷཱུཏཔུབྦཾ, བྷིཀྑཝེ, དེཝཱསུརསངྒཱམོ སམུཔབྱཱུལ༹ྷོ [སམུཔབྦཱུལ༹ྷོ (སཱི. པཱི.)] ཨཧོསི. ཏསྨིཾ ཁོ པན, བྷིཀྑཝེ, སངྒཱམེ ཨསུརཱ ཛིནིཾསུ, དེཝཱ པརཱཛཡིཾསུ [པརཱཛིཡིཾསུ (སཱི. སྱཱ. ཀ.)]. པརཱཛིཏཱ ཙ, བྷིཀྑཝེ, དེཝཱ [དེཝཱ བྷཱིཏཱ (པཱི.)] ཨཔཡིཾསུཡེཝ [ཨཔཡཾསྭེཝ (སཱི.)] ཨུཏྟརེནཱབྷིམུཁཱ, ཨབྷིཡིཾསུ [ཨབྷིཡཾསུ (སཱི.)] ཨསུརཱ. ཨཐ ཁོ, བྷིཀྑཝེ, དེཝཱནཾ ཨེཏདཧོསི – ‘ཨབྷིཡནྟེཝ ཁོ ཨསུརཱ. ཡཾནཱུན མཡཾ དུཏིཡམྤི ཨསུརེཧི སངྒཱམེཡྻཱམཱ’ཏི. དུཏིཡམྤི ཁོ, བྷིཀྑཝེ, དེཝཱ ཨསུརེཧི སངྒཱམེསུཾ. དུཏིཡམྤི ཁོ, བྷིཀྑཝེ, ཨསུརཱཝ ཛིནིཾསུ, དེཝཱ པརཱཛཡིཾསུ. པརཱཛིཏཱ ཙ, བྷིཀྑཝེ, དེཝཱ ཨཔཡིཾསུཡེཝ ཨུཏྟརེནཱབྷིམུཁཱ, ཨབྷིཡིཾསུ ཨསུརཱ’’.

ཨཐ ཁོ, བྷིཀྑཝེ, དེཝཱནཾ ཨེཏདཧོསི – ‘ཨབྷིཡནྟེཝ ཁོ ཨསུརཱ. ཡཾནཱུན མཡཾ ཏཏིཡམྤི ཨསུརེཧི སངྒཱམེཡྻཱམཱ’ཏི. ཏཏིཡམྤི ཁོ, བྷིཀྑཝེ, ¶ དེཝཱ ཨསུརེཧི སངྒཱམེསུཾ. ཏཏིཡམྤི ཁོ ¶ , བྷིཀྑཝེ, ཨསུརཱཝ ཛིནིཾསུ, དེཝཱ པརཱཛཡིཾསུ. པརཱཛིཏཱ ཙ, བྷིཀྑཝེ, དེཝཱ བྷཱིཏཱ དེཝཔུརཾཡེཝ པཝིསིཾསུ. དེཝཔུརགཏཱནཉྩ པན [པུན (ཀ.)], བྷིཀྑཝེ, དེཝཱནཾ ཨེཏདཧོསི – ‘བྷཱིརུཏྟཱནགཏེན ཁོ དཱནི མཡཾ ཨེཏརཧི ¶ ཨཏྟནཱ ཝིཧརཱམ ཨཀརཎཱིཡཱ ཨསུརེཧཱི’ཏི. ཨསུརཱནམྤི, བྷིཀྑཝེ, ཨེཏདཧོསི – ‘བྷཱིརུཏྟཱནགཏེན ཁོ དཱནི དེཝཱ ཨེཏརཧི ཨཏྟནཱ ཝིཧརནྟི ཨཀརཎཱིཡཱ ཨམྷེཧཱི’ཏི.

‘‘བྷཱུཏཔུབྦཾ ¶ , བྷིཀྑཝེ, དེཝཱསུརསངྒཱམོ སམུཔབྱཱུལ༹ྷོ ཨཧོསི. ཏསྨིཾ ཁོ པན, བྷིཀྑཝེ, སངྒཱམེ དེཝཱ ཛིནིཾསུ, ཨསུརཱ པརཱཛཡིཾསུ. པརཱཛིཏཱ ཙ, བྷིཀྑཝེ, ཨསུརཱ ཨཔཡིཾསུཡེཝ དཀྑིཎེནཱབྷིམུཁཱ, ཨབྷིཡིཾསུ དེཝཱ. ཨཐ ཁོ, བྷིཀྑཝེ, ཨསུརཱནཾ ཨེཏདཧོསི – ‘ཨབྷིཡནྟེཝ ཁོ དེཝཱ. ཡཾནཱུན མཡཾ དུཏིཡམྤི དེཝེཧི སངྒཱམེཡྻཱམཱ’ཏི. དུཏིཡམྤི ཁོ, བྷིཀྑཝེ, ཨསུརཱ དེཝེཧི སངྒཱམེསུཾ. དུཏིཡམྤི ཁོ, བྷིཀྑཝེ, དེཝཱ ཛིནིཾསུ, ཨསུརཱ པརཱཛཡིཾསུ. པརཱཛིཏཱ ཙ, བྷིཀྑཝེ, ཨསུརཱ ཨཔཡིཾསུཡེཝ དཀྑིཎེནཱབྷིམུཁཱ, ཨབྷིཡིཾསུ དེཝཱ’’.

ཨཐ ཁོ, བྷིཀྑཝེ, ཨསུརཱནཾ ཨེཏདཧོསི – ‘ཨབྷིཡནྟེཝ ཁོ དེཝཱ. ཡཾནཱུན མཡཾ ཏཏིཡམྤི དེཝེཧི སངྒཱམེཡྻཱམཱ’ཏི. ཏཏིཡམྤི ཁོ, བྷིཀྑཝེ, ཨསུརཱ དེཝེཧི སངྒཱམེསུཾ. ཏཏིཡམྤི ཁོ, བྷིཀྑཝེ, དེཝཱ ཛིནིཾསུ, ཨསུརཱ པརཱཛཡིཾསུ. པརཱཛིཏཱ ཙ, བྷིཀྑཝེ, ཨསུརཱ བྷཱིཏཱ ཨསུརཔུརཾཡེཝ པཝིསིཾསུ. ཨསུརཔུརགཏཱནཉྩ པན, བྷིཀྑཝེ, ཨསུརཱནཾ ཨེཏདཧོསི – ‘བྷཱིརུཏྟཱནགཏེན ཁོ དཱནི མཡཾ ཨེཏརཧི ཨཏྟནཱ ཝིཧརཱམ ཨཀརཎཱིཡཱ ¶ དེཝེཧཱི’ཏི. དེཝཱནམྤི, བྷིཀྑཝེ, ཨེཏདཧོསི – ‘བྷཱིརུཏྟཱནགཏེན ཁོ དཱནི ཨསུརཱ ཨེཏརཧི ཨཏྟནཱ ཝིཧརནྟི ཨཀརཎཱིཡཱ ཨམྷེཧཱི’ཏི.

‘‘ཨེཝམེཝཾ ཁོ, བྷིཀྑཝེ, ཡསྨིཾ སམཡེ བྷིཀྑུ ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཏི, ཏསྨིཾ, བྷིཀྑཝེ, སམཡེ བྷིཀྑུསྶ ཨེཝཾ ཧོཏི – ‘བྷཱིརུཏྟཱནགཏེན ཁོ དཱནཱཧཾ ཨེཏརཧི ཨཏྟནཱ ཝིཧརཱམི ¶ ཨཀརཎཱིཡོ མཱརསྶཱ’ཏི ¶ . མཱརསྶཱཔི, བྷིཀྑཝེ, པཱཔིམཏོ ཨེཝཾ ཧོཏི – ‘བྷཱིརུཏྟཱནགཏེན ཁོ དཱནི བྷིཀྑུ ཨེཏརཧི ཨཏྟནཱ ཝིཧརཏི ཨཀརཎཱིཡོ མཡ྄ཧ’’’ནྟི.

‘‘ཡསྨིཾ, བྷིཀྑཝེ, སམཡེ བྷིཀྑུ ཝིཏཀྐཝིཙཱརཱནཾ ཝཱུཔསམཱ…པེ… དུཏིཡཾ ཛྷཱནཾ… ཏཏིཡཾ ཛྷཱནཾ… ཙཏུཏྠཾ ཛྷཱནཾ ཨུཔསམྤཛྫ ཝིཧརཏི, ཏསྨིཾ, བྷིཀྑཝེ, སམཡེ ¶ བྷིཀྑུསྶ ཨེཝཾ ཧོཏི – ‘བྷཱིརུཏྟཱནགཏེན ཁོ དཱནཱཧཾ ཨེཏརཧི ཨཏྟནཱ ཝིཧརཱམི ཨཀརཎཱིཡོ མཱརསྶཱ’ཏི. མཱརསྶཱཔི, བྷིཀྑཝེ, པཱཔིམཏོ ཨེཝཾ ཧོཏི – ‘བྷཱིརུཏྟཱནགཏེན ཁོ དཱནི བྷིཀྑུ ཨེཏརཧི ཨཏྟནཱ ཝིཧརཏི, ཨཀརཎཱིཡོ མཡ྄ཧ’’’ནྟི.

‘‘ཡསྨིཾ, བྷིཀྑཝེ, སམཡེ བྷིཀྑུ སབྦསོ རཱུཔསཉྙཱནཾ སམཏིཀྐམཱ པཊིགྷསཉྙཱནཾ ཨཏྠངྒམཱ ནཱནཏྟསཉྙཱནཾ ཨམནསིཀཱརཱ ‘ཨནནྟོ ཨཱཀཱསོ’ཏི ཨཱཀཱསཱནཉྩཱཡཏནཾ ཨུཔསམྤཛྫ ཝིཧརཏི. ཨཡཾ ཝུཙྩཏི, བྷིཀྑཝེ, ‘བྷིཀྑུ ཨནྟམཀཱསི མཱརཾ, ཨཔདཾ ཝདྷིཏྭཱ མཱརཙཀྑུཾ ཨདསྶནཾ གཏོ པཱཔིམཏོ ཏིཎྞོ ལོཀེ ཝིསཏྟིཀ’’’ནྟི.

‘‘ཡསྨིཾ, བྷིཀྑཝེ, སམཡེ བྷིཀྑུ སབྦསོ ཨཱཀཱསཱནཉྩཱཡཏནཾ སམཏིཀྐམྨ ‘ཨནནྟཾ ཝིཉྙཱཎ’ནྟི ཝིཉྙཱཎཉྩཱཡཏནཾ ཨུཔསམྤཛྫ ཝིཧརཏི… སབྦསོ ཝིཉྙཱཎཉྩཱཡཏནཾ སམཏིཀྐམྨ ‘ནཏྠི ¶ ཀིཉྩཱི’ཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧརཏི… སབྦསོ ཨཱཀིཉྩཉྙཱཡཏནཾ སམཏིཀྐམྨ ནེཝསཉྙཱནཱསཉྙཱཡཏནཾ ཨུཔསམྤཛྫ ཝིཧརཏི… སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི, པཉྙཱཡ ཙསྶ དིསྭཱ ཨཱསཝཱ པརིཀྑཱིཎཱ ཧོནྟི. ཨཡཾ ཝུཙྩཏི, བྷིཀྑཝེ, ‘བྷིཀྑུ ཨནྟམཀཱསི མཱརཾ, ཨཔདཾ ཝདྷིཏྭཱ མཱརཙཀྑུཾ ཨདསྶནཾ གཏོ པཱཔིམཏོ ཏིཎྞོ ལོཀེ ཝིསཏྟིཀ’’’ནྟི. ཨཊྛམཾ.

༩. ནཱགསུཏྟཾ

༤༠. ‘‘ཡསྨིཾ ¶ , བྷིཀྑཝེ, སམཡེ ཨཱརཉྙིཀསྶ ནཱགསྶ གོཙརཔསུཏསྶ ཧཏྠཱིཔི ཧཏྠིནིཡོཔི ཧཏྠིཀལབྷཱཔི ཧཏྠིཙྪཱཔཱཔི པུརཏོ པུརཏོ གནྟྭཱ ཏིཎགྒཱནི ཚིནྡནྟི, ཏེན, བྷིཀྑཝེ, ཨཱརཉྙིཀོ ནཱགོ ཨཊྚཱིཡཏི ཧརཱཡཏི ཛིགུཙྪཏི. ཡསྨིཾ, བྷིཀྑཝེ, སམཡེ ཨཱརཉྙིཀསྶ ནཱགསྶ གོཙརཔསུཏསྶ ཧཏྠཱིཔི ཧཏྠིནིཡོཔི ཧཏྠིཀལབྷཱཔི ཧཏྠིཙྪཱཔཱཔི ཨོབྷགྒོབྷགྒཾ སཱཁཱབྷངྒཾ ཁཱདནྟི, ཏེན, བྷིཀྑཝེ, ཨཱརཉྙིཀོ ནཱགོ ཨཊྚཱིཡཏི ཧརཱཡཏི ཛིགུཙྪཏི. ཡསྨིཾ ¶ , བྷིཀྑཝེ, སམཡེ ཨཱརཉྙིཀསྶ ནཱགསྶ ཨོགཱཧཾ ཨོཏིཎྞསྶ ཧཏྠཱིཔི ཧཏྠིནིཡོཔི ཧཏྠིཀལབྷཱཔི ཧཏྠིཙྪཱཔཱཔི པུརཏོ པུརཏོ གནྟྭཱ སོཎྜཱཡ ཨུདཀཾ ཨཱལོལེ༹ནྟི, ཏེན, བྷིཀྑཝེ, ཨཱརཉྙིཀོ ནཱགོ ཨཊྚཱིཡཏི ཧརཱཡཏི ཛིགུཙྪཏི. ཡསྨིཾ, བྷིཀྑཝེ, སམཡེ ཨཱརཉྙིཀསྶ ¶ ནཱགསྶ ཨོགཱཧཱ ཨུཏྟིཎྞསྶ ཧཏྠིནིཡོ ཀཱཡཾ ཨུཔནིགྷཾསནྟིཡོ གཙྪནྟི, ཏེན, བྷིཀྑཝེ, ཨཱརཉྙིཀོ ནཱགོ ཨཊྚཱིཡཏི ཧརཱཡཏི ཛིགུཙྪཏི.

‘‘ཏསྨིཾ, བྷིཀྑཝེ, སམཡེ ཨཱརཉྙིཀསྶ ནཱགསྶ ཨེཝཾ ཧོཏི – ‘ཨཧཾ ཁོ ཨེཏརཧི ཨཱཀིཎྞོ ཝིཧརཱམི ཧཏྠཱིཧི ཧཏྠིནཱིཧི ཧཏྠིཀལབྷེཧི ཧཏྠིཙྪཱཔེཧི ¶ . ཚིནྣགྒཱནི ཙེཝ ཏིཎཱནི ཁཱདཱམི, ཨོབྷགྒོབྷགྒཉྩ མེ སཱཁཱབྷངྒཾ ཁཱདནྟི [ཁཱདིཏཾ (སྱཱ. ཀ.) མཧཱཝ. ༤༦༧ པསྶིཏབྦཾ], ཨཱཝིལཱནི ཙ པཱནཱིཡཱནི པིཝཱམི, ཨོགཱཧཱ ཙ [ཨོགཱཧཱཔི ཙ (སྱཱ. ཀ.) མཧཱཝ. ༤༦༧ པསྶིཏབྦཾ] མེ ཨུཏྟིཎྞསྶ ཧཏྠིནིཡོ ཀཱཡཾ ཨུཔནིགྷཾསནྟིཡོ གཙྪནྟི. ཡཾནཱུནཱཧཾ ཨེཀོ གཎསྨཱ ཝཱུཔཀཊྛོ ཝིཧརེཡྻ’ནྟི. སོ ཨཔརེན སམཡེན ཨེཀོ གཎསྨཱ ཝཱུཔཀཊྛོ ཝིཧརཏི, ཨཙྪིནྣགྒཱནི ཙེཝ ཏིཎཱནི ཁཱདཏི, ཨོབྷགྒོབྷགྒཉྩསྶ སཱཁཱབྷངྒཾ ¶ ན ཁཱདནྟི [ན ཨོབྷགྒོབྷགྒཉྩ སཱཁཱབྷངྒ ཁཱདཏི (སྱཱ. ཀ.)], ཨནཱཝིལཱནི ཙ པཱནཱིཡཱནི པིཝཏི, ཨོགཱཧཱ ཙསྶ ཨུཏྟིཎྞསྶ ན ཧཏྠིནིཡོ ཀཱཡཾ ཨུཔནིགྷཾསནྟིཡོ གཙྪནྟི.

‘‘ཏསྨིཾ, བྷིཀྑཝེ, སམཡེ ཨཱརཉྙིཀསྶ ནཱགསྶ ཨེཝཾ ཧོཏི – ‘ཨཧཾ ཁོ པུབྦེ ཨཱཀིཎྞོ ཝིཧཱསིཾ ཧཏྠཱིཧི ཧཏྠིནཱིཧི ཧཏྠིཀལབྷེཧི ཧཏྠིཙྪཱཔེཧི, ཚིནྣགྒཱནི ཙེཝ ཏིཎཱནི ཁཱདིཾ, ཨོབྷགྒོབྷགྒཉྩ མེ སཱཁཱབྷངྒཾ ཁཱདིཾསུ, ཨཱཝིལཱནི ཙ པཱནཱིཡཱནི ཨཔཱཡིཾ, ཨོགཱཧཱ [ཨེཏྠ པིསདྡོ སབྦཏྠཔི ནཏྠི] ཙ མེ ཨུཏྟིཎྞསྶ ཧཏྠིནིཡོ ཀཱཡཾ ཨུཔནིགྷཾསནྟིཡོ ཨགམཾསུ. སོཧཾ ཨེཏརཧི ཨེཀོ གཎསྨཱ ཝཱུཔཀཊྛོ ཝིཧརཱམི, ཨཙྪིནྣགྒཱནི ཙེཝ ཏིཎཱནི ཁཱདཱམི, ཨོབྷགྒོབྷགྒཉྩ མེ སཱཁཱབྷངྒཾ ན ཁཱདནྟི, ཨནཱཝིལཱནི ཙ པཱནཱིཡཱནི པིཝཱམི, ཨོགཱཧཱ ཙ མེ ཨུཏྟིཎྞསྶ ན ཧཏྠིནིཡོ ཀཱཡཾ ཨུཔནིགྷཾསནྟིཡོ གཙྪནྟཱི’ཏི. སོ སོཎྜཱཡ སཱཁཱབྷངྒཾ བྷཉྫིཏྭཱ སཱཁཱབྷངྒེན ཀཱཡཾ པརིམཛྫིཏྭཱ ཨཏྟམནོ སོཎྜཾ སཾཧརཏི [ཀཎྜུཾ སཾཧནྟི (སཱི. པཱི.) ཀཎྜུཾ སཾཧནཏི (སྱཱ.), ཨེཏྠ ཀཎྜུཝནདུཀྑཾ ཝིནེཏཱིཏི ཨཏྠོ],.

‘‘ཨེཝམེཝཾ ཁོ, བྷིཀྑཝེ, ཡསྨིཾ སམཡེ བྷིཀྑུ ཨཱཀིཎྞོ ཝིཧརཏི བྷིཀྑཱུཧི བྷིཀྑུནཱིཧི ཨུཔཱསཀེཧི ཨུཔཱསིཀཱཧི རཉྙཱ རཱཛམཧཱམཏྟེཧི ཏིཏྠིཡེཧི ¶ ཏིཏྠིཡསཱཝཀེཧི, ཏསྨིཾ, བྷིཀྑཝེ, སམཡེ བྷིཀྑུསྶ ཨེཝཾ ཧོཏི – ‘ཨཧཾ ཁོ ཨེཏརཧི ཨཱཀིཎྞོ ཝིཧརཱམི བྷིཀྑཱུཧི བྷིཀྑུནཱིཧི ཨུཔཱསཀེཧི ¶ ཨུཔཱསིཀཱཧི རཉྙཱ རཱཛམཧཱམཏྟེཧི ཏིཏྠིཡེཧི ཏིཏྠིཡསཱཝཀེཧི. ཡཾནཱུནཱཧཾ ཨེཀོ གཎསྨཱ ཝཱུཔཀཊྛོ ཝིཧརེཡྻ’ནྟི. སོ ཝིཝིཏྟཾ སེནཱསནཾ བྷཛཏི ཨརཉྙཾ རུཀྑམཱུལཾ ¶ པབྦཏཾ ཀནྡརཾ གིརིགུཧཾ སུསཱནཾ ཝནཔཏྠཾ ཨབྦྷོཀཱསཾ པལཱལཔུཉྫཾ ¶ . སོ ཨརཉྙགཏོ ཝཱ རུཀྑམཱུལགཏོ ཝཱ སུཉྙཱགཱརགཏོ ཝཱ ནིསཱིདཏི པལླངྐཾ ཨཱབྷུཛིཏྭཱ ཨུཛུཾ ཀཱཡཾ པཎིདྷཱཡ པརིམུཁཾ སཏིཾ ཨུཔཊྛཔེཏྭཱ.

‘‘སོ ཨབྷིཛ྄ཛྷཾ ལོཀེ པཧཱཡ ཝིགཏཱབྷིཛ྄ཛྷེན ཙེཏསཱ ཝིཧརཏི, ཨབྷིཛ྄ཛྷཱཡ ཙིཏྟཾ པརིསོདྷེཏི; བྱཱཔཱདཔདོསཾ པཧཱཡ ཨབྱཱཔནྣཙིཏྟོ ཝིཧརཏི སབྦཔཱཎབྷཱུཏཧིཏཱནུཀམྤཱི, བྱཱཔཱདཔདོསཱ ཙིཏྟཾ པརིསོདྷེཏི; ཐིནམིདྡྷཾ པཧཱཡ ཝིགཏཐིནམིདྡྷོ ཝིཧརཏི ཨཱལོཀསཉྙཱི སཏོ སམྤཛཱནོ, ཐིནམིདྡྷཱ ཙིཏྟཾ པརིསོདྷེཏི; ཨུདྡྷཙྩཀུཀྐུཙྩཾ པཧཱཡ ཨནུདྡྷཏོ ཝིཧརཏི ཨཛ྄ཛྷཏྟཾ ཝཱུཔསནྟཙིཏྟོ, ཨུདྡྷཙྩཀུཀྐུཙྩཱ ཙིཏྟཾ པརིསོདྷེཏི; ཝིཙིཀིཙྪཾ པཧཱཡ ཏིཎྞཝིཙིཀིཙྪོ ཝིཧརཏི ཨཀཐཾཀཐཱི ཀུསལེསུ དྷམྨེསུ, ཝིཙིཀིཙྪཱཡ ཙིཏྟཾ པརིསོདྷེཏི. སོ ཨིམེ པཉྩ ནཱིཝརཎེ པཧཱཡ ཙེཏསོ ཨུཔཀྐིལེསེ པཉྙཱཡ དུབྦལཱིཀརཎེ ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཏི. སོ ཨཏྟམནོ སོཎྜཾ སཾཧརཏི [ཀཎྜུཾ སཾཧནྟི (སཱི. པཱི.), ཀཎྜུཾ སཾཧནཏི (སྱཱ.), ཨེཏྠ ཀཎྜུཝནསདིསཾ ཛྷཱནཔཊིཔཀྑཾ ཀིལེསདུཀྑཾ ཝིནེཏཱིཏི ཨཏྠོ]. ཝིཏཀྐཝིཙཱརཱནཾ ཝཱུཔསམཱ…པེ… དུཏིཡཾ ཛྷཱནཾ… ཏཏིཡཾ ཛྷཱནཾ… ཙཏུཏྠཾ ཛྷཱནཾ ཨུཔསམྤཛྫ ཝིཧརཏི. སོ ཨཏྟམནོ སོཎྜཾ སཾཧརཏི.

‘‘སབྦསོ རཱུཔསཉྙཱནཾ སམཏིཀྐམཱ པཊིགྷསཉྙཱནཾ ཨཏྠངྒམཱ ནཱནཏྟསཉྙཱནཾ ཨམནསིཀཱརཱ ‘ཨནནྟོ ཨཱཀཱསོ’ཏི ཨཱཀཱསཱནཉྩཱཡཏནཾ ཨུཔསམྤཛྫ ཝིཧརཏི. སོ ཨཏྟམནོ སོཎྜཾ ¶ སཾཧརཏི. སབྦསོ ཨཱཀཱསཱནཉྩཱཡཏནཾ སམཏིཀྐམྨ ‘ཨནནྟཾ ཝིཉྙཱཎ’ནྟི ཝིཉྙཱཎཉྩཱཡཏནཾ ཨུཔསམྤཛྫ ཝིཧརཏི… སབྦསོ ཝིཉྙཱཎཉྩཱཡཏནཾ སམཏིཀྐམྨ ‘ནཏྠི ཀིཉྩཱི’ཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧརཏི… སབྦསོ ཨཱཀིཉྩཉྙཱཡཏནཾ སམཏིཀྐམྨ ནེཝསཉྙཱནཱསཉྙཱཡཏནཾ ཨུཔསམྤཛྫ ཝིཧརཏི… སབྦསོ ནེཝསཉྙཱནཱསཉྙཱཡཏནཾ ¶ ¶ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི, པཉྙཱཡ ཙསྶ དིསྭཱ ཨཱསཝཱ པརིཀྑཱིཎཱ ཧོནྟི. སོ ཨཏྟམནོ སོཎྜཾ སཾཧརཏཱི’’ཏི. ནཝམཾ.

༡༠. ཏཔུསྶསུཏྟཾ

༤༡. ཨེཀཾ ¶ སམཡཾ བྷགཝཱ མལླེསུ ཝིཧརཏི ཨུརུཝེལཀཔྤཾ ནཱམ མལླཱནཾ ནིགམོ. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཨུརུཝེལཀཔྤཾ པིཎྜཱཡ པཱཝིསི. ཨུརུཝེལཀཔྤེ པིཎྜཱཡ ཙརིཏྭཱ པཙྪཱབྷཏྟཾ པིཎྜཔཱཏཔཊིཀྐནྟོ ཨཱཡསྨནྟཾ ཨཱནནྡཾ ཨཱམནྟེསི – ‘‘ཨིདྷེཝ ཏཱཝ ཏྭཾ, ཨཱནནྡ, ཧོཧི, ཡཱཝཱཧཾ མཧཱཝནཾ ཨཛ྄ཛྷོགཱཧཱམི དིཝཱཝིཧཱརཱཡཱ’’ཏི. ‘‘ཨེཝཾ, བྷནྟེ’’ཏི ཁོ ཨཱཡསྨཱ ཨཱནནྡོ བྷགཝཏོ པཙྩསྶོསི. ཨཐ ཁོ བྷགཝཱ མཧཱཝནཾ ཨཛ྄ཛྷོགཱཧེཏྭཱ ཨཉྙཏརསྨིཾ རུཀྑམཱུལེ དིཝཱཝིཧཱརཾ ནིསཱིདི.

ཨཐ ཁོ ཏཔུསྶོ གཧཔཏི ཡེནཱཡསྨཱ ཨཱནནྡོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨཱནནྡཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཏཔུསྶོ གཧཔཏི ཨཱཡསྨནྟཾ ཨཱནནྡཾ ཨེཏདཝོཙ –

‘‘མཡཾ, བྷནྟེ ཨཱནནྡ, གིཧཱི ཀཱམབྷོགིནོ ཀཱམཱརཱམཱ ཀཱམརཏཱ ཀཱམསམྨུདིཏཱ. ཏེསཾ ནོ, བྷནྟེ, ཨམྷཱཀཾ གིཧཱིནཾ ཀཱམབྷོགཱིནཾ ཀཱམཱརཱམཱནཾ ཀཱམརཏཱནཾ ཀཱམསམྨུདིཏཱནཾ ¶ པཔཱཏོ ཝིཡ ཁཱཡཏི, ཡདིདཾ ནེཀྑམྨཾ. སུཏཾ མེཏཾ, བྷནྟེ, ‘ཨིམསྨིཾ དྷམྨཝིནཡེ དཧརཱནཾ དཧརཱནཾ བྷིཀྑཱུནཾ ནེཀྑམྨེ ཙིཏྟཾ པཀྑནྡཏི པསཱིདཏི སནྟིཊྛཏི ཝིམུཙྩཏི ཨེཏཾ སནྟནྟི པསྶཏོ’ [པསྶཏཾ (?)]. ཏཡིདཾ, བྷནྟེ, ཨིམསྨིཾ དྷམྨཝིནཡེ བྷིཀྑཱུནཾ བཧུནཱ ཛནེན ཝིསབྷཱགོ, ཡདིདཾ ནེཀྑམྨ’’ནྟི.

‘‘ཨཏྠི ¶ ཁོ ཨེཏཾ, གཧཔཏི, ཀཐཱཔཱབྷཏཾ བྷགཝནྟཾ དསྶནཱཡ. ཨཱཡཱམ, གཧཔཏི, ཡེན བྷགཝཱ ཏེནུཔསངྐམིསྶཱམ; ཨུཔསངྐམིཏྭཱ བྷགཝཏོ ཨེཏམཏྠཾ ཨཱརོཙེསྶཱམ. ཡཐཱ ནོ བྷགཝཱ བྱཱཀརིསྶཏི ཏཐཱ ནཾ དྷཱརེསྶཱམཱ’’ཏི.

‘‘ཨེཝཾ, བྷནྟེ’’ཏི ཁོ ཏཔུསྶོ གཧཔཏི ཨཱཡསྨཏོ ཨཱནནྡསྶ པཙྩསྶོསི. ཨཐ ཁོ ཨཱཡསྨཱ ཨཱནནྡོ ཏཔུསྶེན གཧཔཏིནཱ སདྡྷིཾ ¶ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ –

‘‘ཨཡཾ ¶ , བྷནྟེ, ཏཔུསྶོ གཧཔཏི ཨེཝམཱཧ – ‘མཡཾ, བྷནྟེ ཨཱནནྡ, གིཧཱི ཀཱམབྷོགིནོ ཀཱམཱརཱམཱ ཀཱམརཏཱ ཀཱམསམྨུདིཏཱ, ཏེསཾ ནོ བྷནྟེ, ཨམྷཱཀཾ གིཧཱིནཾ ཀཱམབྷོགཱིནཾ ཀཱམཱརཱམཱནཾ ཀཱམརཏཱནཾ ཀཱམསམྨུདིཏཱནཾ པཔཱཏོ ཝིཡ ཁཱཡཏི, ཡདིདཾ ནེཀྑམྨཾ’. སུཏཾ མེཏཾ, བྷནྟེ, ‘ཨིམསྨིཾ དྷམྨཝིནཡེ དཧརཱནཾ དཧརཱནཾ བྷིཀྑཱུནཾ ནེཀྑམྨེ ཙིཏྟཾ པཀྑནྡཏི པསཱིདཏི སནྟིཊྛཏི ཝིམུཙྩཏི ཨེཏཾ སནྟནྟི པསྶཏོ. ཏཡིདཾ, བྷནྟེ, ཨིམསྨིཾ དྷམྨཝིནཡེ བྷིཀྑཱུནཾ བཧུནཱ ཛནེན ཝིསབྷཱགོ ཡདིདཾ ནེཀྑམྨ’’’ནྟི.

‘‘ཨེཝམེཏཾ, ཨཱནནྡ, ཨེཝམེཏཾ, ཨཱནནྡ! མཡ྄ཧམྤི ཁོ, ཨཱནནྡ, པུབྦེཝ སམྦོདྷཱ ཨནབྷིསམྦུདྡྷསྶ བོདྷིསཏྟསྶེཝ སཏོ ཨེཏདཧོསི – ‘སཱདྷུ ནེཀྑམྨཾ ¶ , སཱདྷུ པཝིཝེཀོ’ཏི. ཏསྶ མཡ྄ཧཾ, ཨཱནནྡ, ནེཀྑམྨེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ. ཏསྶ མཡ྄ཧཾ, ཨཱནནྡ, ཨེཏདཧོསི – ‘ཀོ ནུ ཁོ ཧེཏུ ཀོ པཙྩཡོ, ཡེན མེ ནེཀྑམྨེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ’? ཏསྶ མཡ྄ཧཾ, ཨཱནནྡ, ཨེཏདཧོསི – ‘ཀཱམེསུ ཁོ མེ ཨཱདཱིནཝོ ཨདིཊྛོ, སོ ཙ མེ ཨབཧུལཱིཀཏོ, ནེཀྑམྨེ ཙ ཨཱནིསཾསོ ཨནདྷིགཏོ, སོ ཙ མེ ཨནཱསེཝིཏོ ¶ . ཏསྨཱ མེ ནེཀྑམྨེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ’. ཏསྶ མཡ྄ཧཾ, ཨཱནནྡ, ཨེཏདཧོསི – ‘སཙེ ཁོ ཨཧཾ ཀཱམེསུ ཨཱདཱིནཝཾ དིསྭཱ ཏཾ བཧུལཾ ཀརེཡྻཾ [བཧུལཱིཀརེཡྻཾ (སཱི. སྱཱ. པཱི.)], ནེཀྑམྨེ ཨཱནིསཾསཾ ཨདྷིགམྨ ཏམཱསེཝེཡྻཾ, ཋཱནཾ ཁོ པནེཏཾ ཝིཛྫཏི ཡཾ མེ ནེཀྑམྨེ ཙིཏྟཾ པཀྑནྡེཡྻ པསཱིདེཡྻ སནྟིཊྛེཡྻ ཝིམུཙྩེཡྻ ཨེཏཾ སནྟནྟི པསྶཏོ’. སོ ཁོ ཨཧཾ, ཨཱནནྡ, ཨཔརེན སམཡེན ཀཱམེསུ ཨཱདཱིནཝཾ དིསྭཱ ཏཾ བཧུལམཀཱསིཾ, ནེཀྑམྨེ ཨཱནིསཾསཾ ཨདྷིགམྨ ཏམཱསེཝིཾ. ཏསྶ མཡ྄ཧཾ, ཨཱནནྡ, ནེཀྑམྨེ ཙིཏྟཾ པཀྑནྡཏི པསཱིདཏི སནྟིཊྛཏི ཝིམུཙྩཏི ཨེཏཾ སནྟནྟི པསྶཏོ. སོ ཁོ ཨཧཾ, ཨཱནནྡ, ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཱམི. ཏསྶ མཡ྄ཧཾ, ཨཱནནྡ, ཨིམིནཱ ཝིཧཱརེན ཝིཧརཏོ ཀཱམསཧགཏཱ སཉྙཱམནསིཀཱརཱ སམུདཱཙརནྟི. སྭསྶ མེ ཧོཏི ཨཱབཱདྷོ ¶ . སེཡྻཐཱཔི, ཨཱནནྡ, སུཁིནོ དུཀྑཾ ཨུཔྤཛྫེཡྻ ¶ ཡཱཝདེཝ ཨཱབཱདྷཱཡ; ཨེཝམེཝསྶ མེ ཀཱམསཧགཏཱ སཉྙཱམནསིཀཱརཱ སམུདཱཙརནྟི. སྭསྶ མེ ཧོཏི ཨཱབཱདྷོ.

‘‘ཏསྶ མཡ྄ཧཾ, ཨཱནནྡ, ཨེཏདཧོསི – ‘ཡཾནཱུནཱཧཾ ཝིཏཀྐཝིཙཱརཱནཾ ཝཱུཔསམཱ…པེ… དུཏིཡཾ ¶ ཛྷཱནཾ ཨུཔསམྤཛྫ ཝིཧརེཡྻ’ནྟི. ཏསྶ མཡ྄ཧཾ, ཨཱནནྡ, ཨཝིཏཀྐེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ. ཏསྶ མཡ྄ཧཾ, ཨཱནནྡ, ཨེཏདཧོསི – ‘ཀོ ནུ ཁོ ཧེཏུ ཀོ པཙྩཡོ, ཡེན མེ ཨཝིཏཀྐེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ’? ཏསྶ མཡ྄ཧཾ, ཨཱནནྡ, ཨེཏདཧོསི – ‘ཝིཏཀྐེསུ ཁོ མེ ཨཱདཱིནཝོ ཨདིཊྛོ, སོ ཙ མེ ཨབཧུལཱིཀཏོ, ཨཝིཏཀྐེ ཙ ཨཱནིསཾསོ ཨནདྷིགཏོ, སོ ཙ ¶ མེ ཨནཱསེཝིཏོ. ཏསྨཱ མེ ཨཝིཏཀྐེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ’. ཏསྶ མཡ྄ཧཾ, ཨཱནནྡ, ཨེཏདཧོསི – ‘སཙེ ཁོ ཨཧཾ ཝིཏཀྐེསུ ཨཱདཱིནཝཾ དིསྭཱ ཏཾ བཧུལཾ ཀརེཡྻཾ, ཨཝིཏཀྐེ ཨཱནིསཾསཾ ཨདྷིགམྨ ཏམཱསེཝེཡྻཾ, ཋཱནཾ ཁོ པནེཏཾ ཝིཛྫཏི ཡཾ མེ ཨཝིཏཀྐེ ཙིཏྟཾ པཀྑནྡེཡྻ པསཱིདེཡྻ སནྟིཊྛེཡྻ ཝིམུཙྩེཡྻ ཨེཏཾ སནྟནྟི པསྶཏོ’. སོ ཁོ ཨཧཾ, ཨཱནནྡ, ཨཔརེན སམཡེན ཝིཏཀྐེསུ ཨཱདཱིནཝཾ དིསྭཱ ཏཾ བཧུལམཀཱསིཾ, ཨཝིཏཀྐེ ཨཱནིསཾསཾ ཨདྷིགམྨ ཏམཱསེཝིཾ. ཏསྶ མཡ྄ཧཾ, ཨཱནནྡ, ཨཝིཏཀྐེ ཙིཏྟཾ པཀྑནྡཏི པསཱིདཏི སནྟིཊྛཏི ཝིམུཙྩཏི ཨེཏཾ སནྟནྟི པསྶཏོ. སོ ཁོ ཨཧཾ, ཨཱནནྡ, ཝིཏཀྐཝིཙཱརཱནཾ ཝཱུཔསམཱ…པེ… དུཏིཡཾ ཛྷཱནཾ ཨུཔསམྤཛྫ ¶ ཝིཧརཱམི. ཏསྶ མཡ྄ཧཾ, ཨཱནནྡ, ཨིམིནཱ ཝིཧཱརེན ཝིཧརཏོ ཝིཏཀྐསཧགཏཱ སཉྙཱམནསིཀཱརཱ སམུདཱཙརནྟི. སྭསྶ མེ ཧོཏི ཨཱབཱདྷོ. སེཡྻཐཱཔི, ཨཱནནྡ, སུཁིནོ དུཀྑཾ ཨུཔྤཛྫེཡྻ ཡཱཝདེཝ ཨཱབཱདྷཱཡ; ཨེཝམེཝསྶ མེ ཝིཏཀྐསཧགཏཱ སཉྙཱམནསིཀཱརཱ སམུདཱཙརནྟི. སྭསྶ མེ ཧོཏི ཨཱབཱདྷོ.

‘‘ཏསྶ མཡ྄ཧཾ, ཨཱནནྡ, ཨེཏདཧོསི – ‘ཡཾནཱུནཱཧཾ པཱིཏིཡཱ ཙ ཝིརཱགཱ ཨུཔེཀྑཀོ ཙ ཝིཧརེཡྻཾ སཏོ ཙ སམྤཛཱནོ སུཁཉྩ ཀཱཡེན པཊིསཾཝེདེཡྻཾ ཡཾ ཏཾ ཨརིཡཱ ཨཱཙིཀྑནྟི – ཨུཔེཀྑཀོ སཏིམཱ སུཁཝིཧཱརཱིཏི ཏཏིཡཾ ཛྷཱནཾ ཨུཔསམྤཛྫ ཝིཧརེཡྻ’ནྟི. ཏསྶ མཡ྄ཧཾ, ཨཱནནྡ, ནིཔྤཱིཏིཀེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ. ཏསྶ མཡ྄ཧཾ, ཨཱནནྡ, ཨེཏདཧོསི – ‘ཀོ ནུ ཁོ ཧེཏུ ཀོ པཙྩཡོ ¶ , ཡེན མེ ནིཔྤཱིཏིཀེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ’? ཏསྶ མཡ྄ཧཾ, ཨཱནནྡ, ཨེཏདཧོསི – ‘པཱིཏིཡཱ ཁོ མེ ཨཱདཱིནཝོ ཨདིཊྛོ, སོ ཙ མེ ཨབཧུལཱིཀཏོ, ནིཔྤཱིཏིཀེ ཙ ཨཱནིསཾསོ ཨནདྷིགཏོ, སོ ཙ མེ ཨནཱསེཝིཏོ. ཏསྨཱ མེ ནིཔྤཱིཏིཀེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ¶ ན ཝིམུཙྩཏི ཨེཏཾ སནྟནྟི པསྶཏོ’. ཏསྶ མཡ྄ཧཾ, ཨཱནནྡ, ཨེཏདཧོསི – ‘སཙེ ཁོ ཨཧཾ པཱིཏིཡཱ ཨཱདཱིནཝཾ དིསྭཱ ཏཾ ¶ བཧུལཾ ཀརེཡྻཾ, ནིཔྤཱིཏིཀེ ཨཱནིསཾསཾ ཨདྷིགམྨ ཏམཱསེཝེཡྻཾ, ཋཱནཾ ཁོ པནེཏཾ ཝིཛྫཏི ཡཾ མེ ནིཔྤཱིཏིཀེ ཙིཏྟཾ པཀྑནྡེཡྻ པསཱིདེཡྻ སནྟིཊྛེཡྻ ཝིམུཙྩེཡྻ ཨེཏཾ སནྟནྟི པསྶཏོ’. སོ ཁོ ཨཧཾ, ཨཱནནྡ, ཨཔརེན སམཡེན པཱིཏིཡཱ ཨཱདཱིནཝཾ དིསྭཱ ཏཾ བཧུལམཀཱསིཾ, ནིཔྤཱིཏིཀེ ཨཱནིསཾསཾ ཨདྷིགམྨ ཏམཱསེཝིཾ. ཏསྶ མཡ྄ཧཾ, ཨཱནནྡ, ནིཔྤཱིཏིཀེ ཙིཏྟཾ པཀྑནྡཏི པསཱིདཏི སནྟིཊྛཏི ཝིམུཙྩཏི ཨེཏཾ སནྟནྟི པསྶཏོ. སོ ¶ ཁོ ཨཧཾ, ཨཱནནྡ, པཱིཏིཡཱ ཙ ཝིརཱགཱ…པེ… ཏཏིཡཾ ཛྷཱནཾ ཨུཔསམྤཛྫ ཝིཧརཱམི. ཏསྶ མཡ྄ཧཾ, ཨཱནནྡ, ཨིམིནཱ ཝིཧཱརེན ཝིཧརཏོ པཱིཏིསཧགཏཱ སཉྙཱམནསིཀཱརཱ སམུདཱཙརནྟི. སྭསྶ མེ ཧོཏི ཨཱབཱདྷོ. སེཡྻཐཱཔི, ཨཱནནྡ, སུཁིནོ དུཀྑཾ ཨུཔྤཛྫེཡྻ ཡཱཝདེཝ ཨཱབཱདྷཱཡ; ཨེཝམེཝསྶ མེ པཱིཏིསཧགཏཱ སཉྙཱམནསིཀཱརཱ སམུདཱཙརནྟི. སྭསྶ མེ ཧོཏི ཨཱབཱདྷོ.

‘‘ཏསྶ མཡ྄ཧཾ, ཨཱནནྡ, ཨེཏདཧོསི – ‘ཡཾནཱུནཱཧཾ སུཁསྶ ཙ པཧཱནཱ དུཀྑསྶ ཙ པཧཱནཱ པུབྦེཝ སོམནསྶདོམནསྶཱནཾ ཨཏྠངྒམཱ ཨདུཀྑམསུཁཾ ཨུཔེཀྑཱསཏིཔཱརིསུདྡྷིཾ ཙཏུཏྠཾ ཛྷཱནཾ ཨུཔསམྤཛྫ ཝིཧརེཡྻ’ནྟི. ཏསྶ མཡ྄ཧཾ, ཨཱནནྡ, ཨདུཀྑམསུཁེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ. ཏསྶ མཡ྄ཧཾ, ཨཱནནྡ, ཨེཏདཧོསི – ‘ཀོ ནུ ཁོ ཧེཏུ ཀོ པཙྩཡོ, ཡེན མེ ཨདུཀྑམསུཁེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ’? ཏསྶ མཡ྄ཧཾ, ཨཱནནྡ, ཨེཏདཧོསི – ‘ཨུཔེཀྑཱསུཁེ ཁོ མེ ཨཱདཱིནཝོ ཨདིཊྛོ, སོ ཙ མེ ཨབཧུལཱིཀཏོ, ཨདུཀྑམསུཁེ ཙ ཨཱནིསཾསོ ཨནདྷིགཏོ, སོ ཙ མེ ཨནཱསེཝིཏོ. ཏསྨཱ མེ ཨདུཀྑམསུཁེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ ¶ སནྟནྟི པསྶཏོ’. ཏསྶ མཡ྄ཧཾ, ཨཱནནྡ, ཨེཏདཧོསི – ‘སཙེ ཁོ ཨཧཾ ཨུཔེཀྑཱསུཁེ ཨཱདཱིནཝཾ དིསྭཱ ཏཾ ¶ བཧུལཾ ཀརེཡྻཾ, ཨདུཀྑམསུཁེ ཨཱནིསཾསཾ ཨདྷིགམྨ ཏམཱསེཝེཡྻཾ, ཋཱནཾ ¶ ཁོ པནེཏཾ ཝིཛྫཏི ཡཾ མེ ཨདུཀྑམསུཁེ ཙིཏྟཾ པཀྑནྡེཡྻ པསཱིདེཡྻ སནྟིཊྛེཡྻ ཝིམུཙྩེཡྻ ཨེཏཾ སནྟནྟི པསྶཏོ’. སོ ཁོ ཨཧཾ, ཨཱནནྡ, ཨཔརེན སམཡེན ཨུཔེཀྑཱསུཁེ ཨཱདཱིནཝཾ དིསྭཱ ཏཾ བཧུལམཀཱསིཾ ཨདུཀྑམསུཁེ ཨཱནིསཾསཾ ཨདྷིགམྨ ཏམཱསེཝིཾ. ཏསྶ མཡ྄ཧཾ, ཨཱནནྡ, ཨདུཀྑམསུཁེ ཙིཏྟཾ པཀྑནྡཏི པསཱིདཏི སནྟིཊྛཏི ཝིམུཙྩཏི ཨེཏཾ སནྟནྟི པསྶཏོ. སོ ཁོ ཨཧཾ, ཨཱནནྡ, སུཁསྶ ཙ པཧཱནཱ…པེ… ¶ ཙཏུཏྠཾ ཛྷཱནཾ ཨུཔསམྤཛྫ ཝིཧརཱམི. ཏསྶ མཡ྄ཧཾ, ཨཱནནྡ, ཨིམིནཱ ཝིཧཱརེན ཝིཧརཏོ ཨུཔེཀྑཱསཧགཏཱ སཉྙཱམནསིཀཱརཱ སམུདཱཙརནྟི. སྭསྶ མེ ཧོཏི ཨཱབཱདྷོ. སེཡྻཐཱཔི, ཨཱནནྡ, སུཁིནོ དུཀྑཾ ཨུཔྤཛྫེཡྻ ཡཱཝདེཝ ཨཱབཱདྷཱཡ; ཨེཝམེཝསྶ མེ ཨུཔེཀྑཱསཧགཏཱ སཉྙཱམནསིཀཱརཱ སམུདཱཙརནྟི. སྭསྶ མེ ཧོཏི ཨཱབཱདྷོ.

‘‘ཏསྶ མཡ྄ཧཾ, ཨཱནནྡ, ཨེཏདཧོསི – ‘ཡཾནཱུནཱཧཾ སབྦསོ རཱུཔསཉྙཱནཾ སམཏིཀྐམཱ པཊིགྷསཉྙཱནཾ ཨཏྠངྒམཱ ནཱནཏྟསཉྙཱནཾ ཨམནསིཀཱརཱ ‘‘ཨནནྟོ ཨཱཀཱསོ’’ཏི ཨཱཀཱསཱནཉྩཱཡཏནཾ ཨུཔསམྤཛྫ ཝིཧརེཡྻ’ནྟི. ཏསྶ མཡ྄ཧཾ, ཨཱནནྡ, ཨཱཀཱསཱནཉྩཱཡཏནེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ. ཏསྶ མཡ྄ཧཾ, ཨཱནནྡ, ཨེཏདཧོསི – ‘ཀོ ནུ ཁོ ཧེཏུ ཀོ པཙྩཡོ, ཡེན ¶ མེ ཨཱཀཱསཱནཉྩཱཡཏནེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ’? ཏསྶ མཡ྄ཧཾ, ཨཱནནྡ, ཨེཏདཧོསི – ‘རཱུཔེསུ ཁོ མེ ཨཱདཱིནཝོ ཨདིཊྛོ, སོ ཙ ཨབཧུལཱིཀཏོ, ཨཱཀཱསཱནཉྩཱཡཏནེ ཙ ཨཱནིསཾསོ ཨནདྷིགཏོ, སོ ཙ མེ ཨནཱསེཝིཏོ. ཏསྨཱ མེ ཨཱཀཱསཱནཉྩཱཡཏནེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི ¶ པསྶཏོ’. ཏསྶ མཡ྄ཧཾ, ཨཱནནྡ, ཨེཏདཧོསི – ‘སཙེ ཁོ ཨཧཾ རཱུཔེསུ ཨཱདཱིནཝཾ དིསྭཱ ཏཾ བཧུལཾ ཀརེཡྻཾ, ཨཱཀཱསཱནཉྩཱཡཏནེ ཨཱནིསཾསཾ ཨདྷིགམྨ ཏམཱསེཝེཡྻཾ, ཋཱནཾ ཁོ པནེཏཾ ཝིཛྫཏི ཡཾ མེ ཨཱཀཱསཱནཉྩཱཡཏནེ ཙིཏྟཾ པཀྑནྡེཡྻ པསཱིདེཡྻ སནྟིཊྛེཡྻ ཝིམུཙྩེཡྻ ཨེཏཾ སནྟནྟི པསྶཏོ’. སོ ཁོ ཨཧཾ, ཨཱནནྡ, ཨཔརེན སམཡེན རཱུཔེསུ ཨཱདཱིནཝཾ དིསྭཱ ཏཾ བཧུལམཀཱསིཾ, ཨཱཀཱསཱནཉྩཱཡཏནེ ཨཱནིསཾསཾ ཨདྷིགམྨ ཏམཱསེཝིཾ. ཏསྶ མཡ྄ཧཾ, ཨཱནནྡ, ཨཱཀཱསཱནཉྩཱཡཏནེ ཙིཏྟཾ པཀྑནྡཏི པསཱིདཏི སནྟིཊྛཏི ཝིམུཙྩཏི ཨེཏཾ སནྟནྟི པསྶཏོ. སོ ཁོ ཨཧཾ, ཨཱནནྡ, སབྦསོ རཱུཔསཉྙཱནཾ སམཏིཀྐམཱ ¶ པཊིགྷསཉྙཱནཾ ཨཏྠངྒམཱ ནཱནཏྟསཉྙཱནཾ ཨམནསིཀཱརཱ ‘ཨནནྟོ ཨཱཀཱསོ’ཏི ཨཱཀཱསཱནཉྩཱཡཏནཾ ཨུཔསམྤཛྫ ཝིཧརཱམི. ཏསྶ མཡ྄ཧཾ, ཨཱནནྡ, ཨིམིནཱ ཝིཧཱརེན ཝིཧརཏོ རཱུཔསཧགཏཱ སཉྙཱམནསིཀཱརཱ སམུདཱཙརནྟི. སྭསྶ མེ ཧོཏི ཨཱབཱདྷོ. སེཡྻཐཱཔི, ཨཱནནྡ, སུཁིནོ དུཀྑཾ ཨུཔྤཛྫེཡྻ ཡཱཝདེཝ ཨཱབཱདྷཱཡ; ཨེཝམེཝསྶ མེ རཱུཔསཧགཏཱ སཉྙཱམནསིཀཱརཱ སམུདཱཙརནྟི. སྭསྶ མེ ཧོཏི ཨཱབཱདྷོ.

‘‘ཏསྶ ¶ མཡ྄ཧཾ, ཨཱནནྡ, ཨེཏདཧོསི – ‘ཡཾནཱུནཱཧཾ སབྦསོ ཨཱཀཱསཱནཉྩཱཡཏནཾ སམཏིཀྐམྨ ¶ ‘‘ཨནནྟཾ ཝིཉྙཱཎ’’ནྟི ཝིཉྙཱཎཉྩཱཡཏནཾ ཨུཔསམྤཛྫ ཝིཧརེཡྻ’ནྟི. ཏསྶ མཡ྄ཧཾ, ཨཱནནྡ, ཝིཉྙཱཎཉྩཱཡཏནེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ. ཏསྶ མཡ྄ཧཾ, ཨཱནནྡ, ཨེཏདཧོསི – ‘ཀོ ནུ ཁོ ཧེཏུ ཀོ པཙྩཡོ, ཡེན མེ ཝིཉྙཱཎཉྩཱཡཏནེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ’? ཏསྶ མཡ྄ཧཾ, ཨཱནནྡ, ཨེཏདཧོསི – ‘ཨཱཀཱསཱནཉྩཱཡཏནེ ཁོ མེ ཨཱདཱིནཝོ ཨདིཊྛོ, སོ ཙ ཨབཧུལཱིཀཏོ, ཝིཉྙཱཎཉྩཱཡཏནེ ཙ ཨཱནིསཾསོ ཨནདྷིགཏོ, སོ ཙ མེ ཨནཱསེཝིཏོ. ཏསྨཱ མེ ཝིཉྙཱཎཉྩཱཡཏནེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ’. ཏསྶ མཡ྄ཧཾ, ཨཱནནྡ, ཨེཏདཧོསི – ‘སཙེ ཁོ ཨཧཾ ཨཱཀཱསཱནཉྩཱཡཏནེ ཨཱདཱིནཝཾ དིསྭཱ ཏཾ བཧུལཾ ¶ ཀརེཡྻཾ, ཝིཉྙཱཎཉྩཱཡཏནེ ཨཱནིསཾསཾ ཨདྷིགམྨ ཏམཱསེཝེཡྻཾ, ཋཱནཾ ཁོ པནེཏཾ ཝིཛྫཏི ཡཾ མེ ཝིཉྙཱཎཉྩཱཡཏནེ ཙིཏྟཾ པཀྑནྡེཡྻ པསཱིདེཡྻ སནྟིཊྛེཡྻ ཝིམུཙྩེཡྻ ཨེཏཾ སནྟནྟི པསྶཏོ’. སོ ཁོ ཨཧཾ, ཨཱནནྡ, ཨཔརེན སམཡེན ཨཱཀཱསཱནཉྩཱཡཏནེ ཨཱདཱིནཝཾ དིསྭཱ ཏཾ བཧུལམཀཱསིཾ, ཝིཉྙཱཎཉྩཱཡཏནེ ཨཱནིསཾསཾ ཨདྷིགམྨ ཏམཱསེཝིཾ. ཏསྶ མཡ྄ཧཾ, ཨཱནནྡ, ཝིཉྙཱཎཉྩཱཡཏནེ ཙིཏྟཾ པཀྑནྡཏི པསཱིདཏི སནྟིཊྛཏི ཝིམུཙྩཏི ཨེཏཾ སནྟནྟི པསྶཏོ. སོ ཁོ ཨཧཾ, ཨཱནནྡ, སབྦསོ ཨཱཀཱསཱནཉྩཱཡཏནཾ སམཏིཀྐམྨ ‘ཨནནྟཾ ཝིཉྙཱཎ’ནྟི ཝིཉྙཱཎཉྩཱཡཏནཾ ¶ ཨུཔསམྤཛྫ ཝིཧརཱམི. ཏསྶ མཡ྄ཧཾ, ཨཱནནྡ, ཨིམིནཱ ཝིཧཱརེན ཝིཧརཏོ ཨཱཀཱསཱནཉྩཱཡཏནསཧགཏཱ སཉྙཱམནསིཀཱརཱ སམུདཱཙརནྟི. སྭསྶ མེ ཧོཏི ཨཱབཱདྷོ. སེཡྻཐཱཔི, ཨཱནནྡ, སུཁིནོ དུཀྑཾ ཨུཔྤཛྫེཡྻ ཡཱཝདེཝ ཨཱབཱདྷཱཡ ¶ ; ཨེཝམེཝསྶ མེ ཨཱཀཱསཱནཉྩཱཡཏནསཧགཏཱ སཉྙཱམནསིཀཱརཱ སམུདཱཙརནྟི. སྭསྶ མེ ཧོཏི ཨཱབཱདྷོ.

‘‘ཏསྶ མཡ྄ཧཾ, ཨཱནནྡ, ཨེཏདཧོསི – ‘ཡཾནཱུནཱཧཾ སབྦསོ ཝིཉྙཱཎཉྩཱཡཏནཾ སམཏིཀྐམྨ ནཏྠི ཀིཉྩཱིཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧརེཡྻ’ནྟི. ཏསྶ མཡ྄ཧཾ, ཨཱནནྡ, ཨཱཀིཉྩཉྙཱཡཏནེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ. ཏསྶ མཡ྄ཧཾ, ཨཱནནྡ, ཨེཏདཧོསི – ‘ཀོ ནུ ཁོ ཧེཏུ ཀོ པཙྩཡོ, ཡེན མེ ཨཱཀིཉྩཉྙཱཡཏནེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ’? ཏསྶ མཡ྄ཧཾ, ཨཱནནྡ, ཨེཏདཧོསི – ‘ཝིཉྙཱཎཉྩཱཡཏནེ ཁོ མེ ཨཱདཱིནཝོ ཨདིཊྛོ, སོ ཙ མེ ཨབཧུལཱིཀཏོ, ཨཱཀིཉྩཉྙཱཡཏནེ ཙ ཨཱནིསཾསོ ཨནདྷིགཏོ, སོ ཙ མེ ཨནཱསེཝིཏོ. ཏསྨཱ མེ ཨཱཀིཉྩཉྙཱཡཏནེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ¶ ན ཝིམུཙྩཏི ཨེཏཾ སནྟནྟི པསྶཏོ’. ཏསྶ མཡ྄ཧཾ, ཨཱནནྡ, ཨེཏདཧོསི – ‘སཙེ ཁོ ཨཧཾ ཝིཉྙཱཎཉྩཱཡཏནེ ཨཱདཱིནཝཾ དིསྭཱ ཏཾ བཧུལཾ ཀརེཡྻཾ, ཨཱཀིཉྩཉྙཱཡཏནེ ཨཱནིསཾསཾ ཨདྷིགམྨ ཏམཱསེཝེཡྻཾ, ཋཱནཾ ཁོ ¶ པནེཏཾ ཝིཛྫཏི ཡཾ མེ ཨཱཀིཉྩཉྙཱཡཏནེ ¶ ཙིཏྟཾ པཀྑནྡེཡྻ པསཱིདེཡྻ སནྟིཊྛེཡྻ ཝིམུཙྩེཡྻ ཨེཏཾ སནྟནྟི པསྶཏོ’. སོ ཁོ ཨཧཾ, ཨཱནནྡ, ཨཔརེན སམཡེན ཝིཉྙཱཎཉྩཱཡཏནེ ཨཱདཱིནཝཾ དིསྭཱ ཏཾ བཧུལམཀཱསིཾ, ཨཱཀིཉྩཉྙཱཡཏནེ ཨཱནིསཾསཾ ཨདྷིགམྨ ཏམཱསེཝིཾ. ཏསྶ མཡ྄ཧཾ, ཨཱནནྡ, ཨཱཀིཉྩཉྙཱཡཏནེ ཙིཏྟཾ པཀྑནྡཏི པསཱིདཏི སནྟིཊྛཏི ཝིམུཙྩཏི ཨེཏཾ སནྟནྟི པསྶཏོ. སོ ཁོ ཨཧཾ, ཨཱནནྡ, སབྦསོ ཝིཉྙཱཎཉྩཱཡཏནཾ སམཏིཀྐམྨ ‘ནཏྠི ཀིཉྩཱི’ཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧརཱམི. ཏསྶ མཡ྄ཧཾ, ཨཱནནྡ, ཨིམིནཱ ཝིཧཱརེན ཝིཧརཏོ ཝིཉྙཱཎཉྩཱཡཏནསཧགཏཱ སཉྙཱམནསིཀཱརཱ སམུདཱཙརནྟི. སྭསྶ མེ ཧོཏི ཨཱབཱདྷོ. སེཡྻཐཱཔི, ཨཱནནྡ, སུཁིནོ དུཀྑཾ ཨུཔྤཛྫེཡྻ ཡཱཝདེཝ ཨཱབཱདྷཱཡ; ཨེཝམེཝསྶ མེ ཝིཉྙཱཎཉྩཱཡཏནསཧགཏཱ སཉྙཱམནསིཀཱརཱ སམུདཱཙརནྟི. སྭསྶ མེ ཧོཏི ཨཱབཱདྷོ.

‘‘ཏསྶ མཡ྄ཧཾ, ཨཱནནྡ, ཨེཏདཧོསི – ‘ཡཾནཱུནཱཧཾ སབྦསོ ཨཱཀིཉྩཉྙཱཡཏནཾ སམཏིཀྐམྨ ནེཝསཉྙཱནཱསཉྙཱཡཏནཾ ཨུཔསམྤཛྫ ཝིཧརེཡྻ’ནྟི. ཏསྶ མཡ྄ཧཾ, ཨཱནནྡ, ནེཝསཉྙཱནཱསཉྙཱཡཏནེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ. ཏསྶ མཡ྄ཧཾ, ཨཱནནྡ, ཨེཏདཧོསི ¶ – ‘ཀོ ནུ ཁོ ཧེཏུ ཀོ པཙྩཡོ, ཡེན མེ ནེཝསཉྙཱནཱསཉྙཱཡཏནེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ’? ཏསྶ མཡ྄ཧཾ, ཨཱནནྡ, ཨེཏདཧོསི – ‘ཨཱཀིཉྩཉྙཱཡཏནེ ཁོ མེ ཨཱདཱིནཝོ ཨདིཊྛོ, སོ ཙ མེ ཨབཧུལཱིཀཏོ, ནེཝསཉྙཱནཱསཉྙཱཡཏནེ ¶ ཙ ཨཱནིསཾསོ ཨནདྷིགཏོ, སོ ཙ མེ ཨནཱསེཝིཏོ. ཏསྨཱ མེ ནེཝསཉྙཱནཱསཉྙཱཡཏནེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ’. ཏསྶ མཡ྄ཧཾ, ཨཱནནྡ, ཨེཏདཧོསི – ‘སཙེ ཁོ ཨཧཾ ཨཱཀིཉྩཉྙཱཡཏནེ ཨཱདཱིནཝཾ དིསྭཱ ཏཾ བཧུལཾ ཀརེཡྻཾ, ནེཝསཉྙཱནཱསཉྙཱཡཏནེ ཨཱནིསཾསཾ ཨདྷིགམྨ ཏམཱསེཝེཡྻཾ, ཋཱནཾ ཁོ པནེཏཾ ཝིཛྫཏི ཡཾ མེ ནེཝསཉྙཱནཱསཉྙཱཡཏནེ ཙིཏྟཾ པཀྑནྡེཡྻ པསཱིདེཡྻ སནྟིཊྛེཡྻ ཝིམུཙྩེཡྻ ཨེཏཾ སནྟནྟི པསྶཏོ’. སོ ¶ ཁོ ཨཧཾ, ཨཱནནྡ, ཨཔརེན སམཡེན ཨཱཀིཉྩཉྙཱཡཏནེ ཨཱདཱིནཝཾ དིསྭཱ ཏཾ བཧུལམཀཱསིཾ, ནེཝསཉྙཱནཱསཉྙཱཡཏནེ ཨཱནིསཾསཾ ཨདྷིགམྨ ཏམཱསེཝིཾ. ཏསྶ མཡ྄ཧཾ, ཨཱནནྡ, ནེཝསཉྙཱནཱསཉྙཱཡཏནེ ཙིཏྟཾ པཀྑནྡཏི པསཱིདཏི སནྟིཊྛཏི ཝིམུཙྩཏི ཨེཏཾ སནྟནྟི ¶ པསྶཏོ. སོ ཁོ ཨཧཾ, ཨཱནནྡ, སབྦསོ ཨཱཀིཉྩཉྙཱཡཏནཾ སམཏིཀྐམྨ ནེཝསཉྙཱནཱསཉྙཱཡཏནཾ ཨུཔསམྤཛྫ ཝིཧརཱམི. ཏསྶ མཡ྄ཧཾ, ཨཱནནྡ, ཨིམིནཱ ཝིཧཱརེན ཝིཧརཏོ ཨཱཀིཉྩཉྙཱཡཏནསཧགཏཱ སཉྙཱམནསིཀཱརཱ སམུདཱཙརནྟི. སྭསྶ མེ ཧོཏི ཨཱབཱདྷོ. སེཡྻཐཱཔི, ཨཱནནྡ, སུཁིནོ དུཀྑཾ ཨུཔྤཛྫེཡྻ ཡཱཝདེཝ ཨཱབཱདྷཱཡ; ཨེཝམེཝསྶ མེ ཨཱཀིཉྩཉྙཱཡཏནསཧགཏཱ སཉྙཱམནསིཀཱརཱ སམུདཱཙརནྟི. སྭསྶ མེ ཧོཏི ཨཱབཱདྷོ.

‘‘ཏསྶ མཡ྄ཧཾ, ཨཱནནྡ, ཨེཏདཧོསི – ‘ཡཾནཱུནཱཧཾ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརེཡྻ’ནྟི. ཏསྶ ¶ མཡ྄ཧཾ, ཨཱནནྡ, སཉྙཱཝེདཡིཏནིརོདྷེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ. ཏསྶ མཡ྄ཧཾ, ཨཱནནྡ, ཨེཏདཧོསི – ‘ཀོ ནུ ཁོ ཧེཏུ, ཀོ པཙྩཡོ, ཡེན མེ སཉྙཱཝེདཡིཏནིརོདྷེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ’? ཏསྶ མཡ྄ཧཾ, ཨཱནནྡ, ཨེཏདཧོསི – ‘ནེཝསཉྙཱནཱསཉྙཱཡཏནེ ཁོ མེ ཨཱདཱིནཝོ ཨདིཊྛོ, སོ ཙ མེ ཨབཧུལཱིཀཏོ, སཉྙཱཝེདཡིཏནིརོདྷེ ཙ ཨཱནིསཾསོ ཨནདྷིགཏོ, སོ ¶ ཙ མེ ཨནཱསེཝིཏོ. ཏསྨཱ མེ སཉྙཱཝེདཡིཏནིརོདྷེ ཙིཏྟཾ ན པཀྑནྡཏི ནཔྤསཱིདཏི ན སནྟིཊྛཏི ན ཝིམུཙྩཏི ཨེཏཾ སནྟནྟི པསྶཏོ’. ཏསྶ མཡ྄ཧཾ, ཨཱནནྡ, ཨེཏདཧོསི – ‘སཙེ ཁོ ཨཧཾ ནེཝསཉྙཱནཱསཉྙཱཡཏནེ ཨཱདཱིནཝཾ དིསྭཱ ཏཾ བཧུལཾ ཀརེཡྻཾ, སཉྙཱཝེདཡིཏནིརོདྷེ ཨཱནིསཾསཾ ཨདྷིགམྨ ཏམཱསེཝེཡྻཾ, ཋཱནཾ ཁོ པནེཏཾ ཝིཛྫཏི ཡཾ མེ སཉྙཱཝེདཡིཏནིརོདྷེ ཙིཏྟཾ པཀྑནྡེཡྻ པསཱིདེཡྻ སནྟིཊྛེཡྻ ཝིམུཙྩེཡྻ ཨེཏཾ སནྟནྟི པསྶཏོ’. སོ ཁོ ཨཧཾ, ཨཱནནྡ, ཨཔརེན སམཡེན ནེཝསཉྙཱནཱསཉྙཱཡཏནེ ཨཱདཱིནཝཾ དིསྭཱ ཏཾ བཧུལམཀཱསིཾ ¶ , སཉྙཱཝེདཡིཏནིརོདྷེ ཨཱནིསཾསཾ ཨདྷིགམྨ ཏམཱསེཝིཾ. ཏསྶ མཡ྄ཧཾ, ཨཱནནྡ, སཉྙཱཝེདཡིཏནིརོདྷེ ཙིཏྟཾ པཀྑནྡཏི པསཱིདཏི སནྟིཊྛཏི ཝིམུཙྩཏི ཨེཏཾ སནྟནྟི པསྶཏོ. སོ ཁོ ཨཧཾ, ཨཱནནྡ, སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཱམི, པཉྙཱཡ ཙ མེ དིསྭཱ ཨཱསཝཱ པརིཀྑཡཾ ཨགམཾསུ.

‘‘ཡཱཝཀཱིཝཉྩཱཧཾ ¶ , ཨཱནནྡ, ཨིམཱ ནཝ ཨནུཔུབྦཝིཧཱརསམཱཔཏྟིཡོ ན ཨེཝཾ ཨནུལོམཔཊིལོམཾ སམཱཔཛྫིམྤི ཝུཊྛཧིམྤི, ནེཝ ཏཱཝཱཧཾ, ཨཱནནྡ, སདེཝཀེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ‘ཨནུཏྟརཾ སམྨཱསམྦོདྷིཾ ཨབྷིསམྦུདྡྷོ’ཏི པཙྩཉྙཱསིཾ. ཡཏོ ཙ ཁོ ཨཧཾ, ཨཱནནྡ, ཨིམཱ ནཝ ཨནུཔུབྦཝིཧཱརསམཱཔཏྟིཡོ ཨེཝཾ ཨནུལོམཔཊིལོམཾ ¶ སམཱཔཛྫིམྤི ཝུཊྛཧིམྤི, ཨཐཱཧཾ, ཨཱནནྡ, སདེཝཀེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ‘ཨནུཏྟརཾ སམྨཱསམྦོདྷིཾ ཨབྷིསམྦུདྡྷོ’ཏི པཙྩཉྙཱསིཾ. ཉཱཎཉྩ པན མེ དསྶནཾ ཨུདཔཱདི – ‘ཨཀུཔྤཱ མེ ཙེཏོཝིམུཏྟི [ཝིམུཏྟི (ཀ. སཱི. ཀ.)], ཨཡམནྟིམཱ ཛཱཏི, ནཏྠི དཱནི པུནབྦྷཝོ’’’ཏི. དསམཾ.

མཧཱཝགྒོ ཙཏུཏྠོ.

ཏསྶུདྡཱནཾ –

དྭེ ཝིཧཱརཱ ཙ ནིབྦཱནཾ, གཱཝཱི ཛྷཱནེན པཉྩམཾ;

ཨཱནནྡོ བྲཱཧྨཎཱ དེཝོ, ནཱགེན ཏཔུསྶེན ཙཱཏི.

༥. སཱམཉྙཝགྒོ

༡. སམྦཱདྷསུཏྟཾ

༤༢. ཨེཀཾ ¶ ¶ ¶ སམཡཾ ཨཱཡསྨཱ ཨཱནནྡོ ཀོསམྦིཡཾ ཝིཧརཏི གྷོསིཏཱརཱམེ. ཨཐ ཁོ ཨཱཡསྨཱ ཨུདཱཡཱི ཡེནཱཡསྨཱ ཨཱནནྡོ ཏེནུཔསངྐམི; ཨུཔསངྐམིཏྭཱ ཨཱཡསྨཏཱ ཨཱནནྡེན སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ¶ ཁོ ཨཱཡསྨཱ ཨུདཱཡཱི ཨཱཡསྨནྟཾ ཨཱནནྡཾ ཨེཏདཝོཙ – ‘‘ཝུཏྟམིདཾ, ཨཱཝུསོ, པཉྩཱལཙཎྜེན དེཝཔུཏྟེན –

‘‘སམྦཱདྷེ གཏཾ [སམྦཱདྷེ ཝཏ (སཱི.)] ཨོཀཱསཾ, ཨཝིདྭཱ བྷཱུརིམེདྷསོ;

ཡོ ཛྷཱནམབུཛ྄ཛྷི བུདྡྷོ, པཊིལཱིནནིསབྷོ མུནཱི’’ཏི.

‘‘ཀཏམོ, ཨཱཝུསོ, སམྦཱདྷོ, ཀཏམོ སམྦཱདྷེ ཨོཀཱསཱདྷིགམོ ཝུཏྟོ བྷགཝཏཱ’’ཏི? ‘‘པཉྩིམེ, ཨཱཝུསོ, ཀཱམགུཎཱ སམྦཱདྷོ ཝུཏྟོ བྷགཝཏཱ. ཀཏམེ པཉྩ? ཙཀྑུཝིཉྙེཡྻཱ རཱུཔཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ, སོཏཝིཉྙེཡྻཱ སདྡཱ…པེ… གྷཱནཝིཉྙེཡྻཱ གནྡྷཱ… ཛིཝ྄ཧཱཝིཉྙེཡྻཱ རསཱ… ཀཱཡཝིཉྙེཡྻཱ ཕོཊྛབྦཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ. ཨིམེ ཁོ, ཨཱཝུསོ, པཉྩ ཀཱམགུཎཱ སམྦཱདྷོ ཝུཏྟོ བྷགཝཏཱ.

‘‘ཨིདྷཱཝུསོ, བྷིཀྑུ ཝིཝིཙྩེཝ ཀཱམེཧི…པེ… པཋམཾ ཛྷཱནཾ ཨུཔསམྤཛྫ ཝིཧརཏི. ཨེཏྟཱཝཏཱཔི ཁོ, ཨཱཝུསོ, སམྦཱདྷེ ཨོཀཱསཱདྷིགམོ ཝུཏྟོ བྷགཝཏཱ པརིཡཱཡེན. ཏཏྲཱཔཏྠི སམྦཱདྷོ. ཀིཉྩ ཏཏྠ སམྦཱདྷོ? ཡདེཝ ¶ ཏཏྠ ཝིཏཀྐཝིཙཱརཱ ཨནིརུདྡྷཱ ཧོནྟི, ཨཡམེཏྠ སམྦཱདྷོ.

‘‘པུན ཙཔརཾ, ཨཱཝུསོ, བྷིཀྑུ ཝིཏཀྐཝིཙཱརཱནཾ ཝཱུཔསམཱ…པེ… དུཏིཡཾ ཛྷཱནཾ ཨུཔསམྤཛྫ ཝིཧརཏི. ཨེཏྟཱཝཏཱཔི ཁོ, ཨཱཝུསོ, སམྦཱདྷེ ཨོཀཱསཱདྷིགམོ ཝུཏྟོ བྷགཝཏཱ པརིཡཱཡེན ¶ . ཏཏྲཱཔཏྠི སམྦཱདྷོ. ཀིཉྩ ཏཏྠ སམྦཱདྷོ? ཡདེཝ ཏཏྠ པཱིཏི ཨནིརུདྡྷཱ ཧོཏི ¶ , ཨཡམེཏྠ སམྦཱདྷོ.

‘‘པུན ¶ ཙཔརཾ, ཨཱཝུསོ, བྷིཀྑུ པཱིཏིཡཱ ཙ ཝིརཱགཱ…པེ… ཏཏིཡཾ ཛྷཱནཾ ཨུཔསམྤཛྫ ཝིཧརཏི. ཨེཏྟཱཝཏཱཔི ཁོ, ཨཱཝུསོ, སམྦཱདྷེ ཨོཀཱསཱདྷིགམོ ཝུཏྟོ བྷགཝཏཱ པརིཡཱཡེན. ཏཏྲཱཔཏྠི སམྦཱདྷོ. ཀིཉྩ ཏཏྠ སམྦཱདྷོ? ཡདེཝ ཏཏྠ ཨུཔེཀྑཱསུཁཾ ཨནིརུདྡྷཾ ཧོཏི, ཨཡམེཏྠ སམྦཱདྷོ.

‘‘པུན ཙཔརཾ, ཨཱཝུསོ, བྷིཀྑུ སུཁསྶ ཙ པཧཱནཱ…པེ… ཙཏུཏྠཾ ཛྷཱནཾ ཨུཔསམྤཛྫ ཝིཧརཏི. ཨེཏྟཱཝཏཱཔི ཁོ, ཨཱཝུསོ, སམྦཱདྷེ ཨོཀཱསཱདྷིགམོ ཝུཏྟོ བྷགཝཏཱ པརིཡཱཡེན. ཏཏྲཱཔཏྠི སམྦཱདྷོ. ཀིཉྩ ཏཏྠ སམྦཱདྷོ? ཡདེཝ ཏཏྠ རཱུཔསཉྙཱ ཨནིརུདྡྷཱ ཧོཏི, ཨཡམེཏྠ སམྦཱདྷོ.

‘‘པུན ཙཔརཾ, ཨཱཝུསོ, བྷིཀྑུ སབྦསོ རཱུཔསཉྙཱནཾ སམཏིཀྐམཱ པཊིགྷསཉྙཱནཾ ཨཏྠངྒམཱ ནཱནཏྟསཉྙཱནཾ ཨམནསིཀཱརཱ ‘ཨནནྟོ ཨཱཀཱསོ’ཏི ཨཱཀཱསཱནཉྩཱཡཏནཾ ཨུཔསམྤཛྫ ཝིཧརཏི. ཨེཏྟཱཝཏཱཔི ཁོ, ཨཱཝུསོ, སམྦཱདྷེ ཨོཀཱསཱདྷིགམོ ཝུཏྟོ བྷགཝཏཱ པརིཡཱཡེན. ཏཏྲཱཔཏྠི སམྦཱདྷོ. ཀིཉྩ ཏཏྠ སམྦཱདྷོ? ཡདེཝ ཏཏྠ ཨཱཀཱསཱནཉྩཱཡཏནསཉྙཱ ཨནིརུདྡྷཱ ཧོཏི, ཨཡམེཏྠ སམྦཱདྷོ.

‘‘པུན ཙཔརཾ, ཨཱཝུསོ, བྷིཀྑུ སབྦསོ ཨཱཀཱསཱནཉྩཱཡཏནཾ སམཏིཀྐམྨ ‘ཨནནྟཾ ཝིཉྙཱཎ’ནྟི ཝིཉྙཱཎཉྩཱཡཏནཾ ¶ ཨུཔསམྤཛྫ ཝིཧརཏི. ཨེཏྟཱཝཏཱཔི ཁོ, ཨཱཝུསོ, སམྦཱདྷེ ཨོཀཱསཱདྷིགམོ ཝུཏྟོ བྷགཝཏཱ པརིཡཱཡེན ¶ . ཏཏྲཱཔཏྠི སམྦཱདྷོ. ཀིཉྩ ཏཏྠ སམྦཱདྷོ? ཡདེཝ ཏཏྠ ཝིཉྙཱཎཉྩཱཡཏནསཉྙཱ ཨནིརུདྡྷཱ ཧོཏི, ཨཡམེཏྠ སམྦཱདྷོ.

‘‘པུན ཙཔརཾ, ཨཱཝུསོ, བྷིཀྑུ སབྦསོ ཝིཉྙཱཎཉྩཱཡཏནཾ སམཏིཀྐམྨ ‘ནཏྠི ཀིཉྩཱི’ཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧརཏི. ཨེཏྟཱཝཏཱཔི ཁོ, ཨཱཝུསོ, སམྦཱདྷེ ཨོཀཱསཱདྷིགམོ ¶ ཝུཏྟོ བྷགཝཏཱ པརིཡཱཡེན. ཏཏྲཱཔཏྠི སམྦཱདྷོ. ཀིཉྩ ཏཏྠ སམྦཱདྷོ? ཡདེཝ ཏཏྠ ཨཱཀིཉྩཉྙཱཡཏནསཉྙཱ ཨནིརུདྡྷཱ ཧོཏི, ཨཡམེཏྠ སམྦཱདྷོ.

‘‘པུན ཙཔརཾ, ཨཱཝུསོ, བྷིཀྑུ སབྦསོ ཨཱཀིཉྩཉྙཱཡཏནཾ སམཏིཀྐམྨ ནེཝསཉྙཱནཱསཉྙཱཡཏནཾ ཨུཔསམྤཛྫ ཝིཧརཏི. ཨེཏྟཱཝཏཱཔི ཁོ, ཨཱཝུསོ, སམྦཱདྷེ ཨོཀཱསཱདྷིགམོ ཝུཏྟོ བྷགཝཏཱ པརིཡཱཡེན. ཏཏྲཱཔཏྠི ¶ སམྦཱདྷོ. ཀིཉྩ ཏཏྠ སམྦཱདྷོ? ཡདེཝ ཏཏྠ ནེཝསཉྙཱནཱསཉྙཱཡཏནསཉྙཱ ཨནིརུདྡྷཱ ཧོཏི, ཨཡམེཏྠ སམྦཱདྷོ.

‘‘པུན ཙཔརཾ, ཨཱཝུསོ, བྷིཀྑུ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི, པཉྙཱཡ ཙསྶ དིསྭཱ ཨཱསཝཱ པརིཀྑཱིཎཱ ཧོནྟི. ཨེཏྟཱཝཏཱཔི ཁོ, ཨཱཝུསོ, སམྦཱདྷེ ཨོཀཱསཱདྷིགམོ ཝུཏྟོ བྷགཝཏཱ ནིཔྤརིཡཱཡེནཱ’’ཏི. པཋམཾ.

༢. ཀཱཡསཀྑཱིསུཏྟཾ

༤༣. ‘‘‘ཀཱཡསཀྑཱི ཀཱཡསཀྑཱི’ཏི, ཨཱཝུསོ, ཝུཙྩཏི. ཀིཏྟཱཝཏཱ ནུ ཁོ, ཨཱཝུསོ, ཀཱཡསཀྑཱི ཝུཏྟོ བྷགཝཏཱ’’ཏི? ‘‘ཨིདྷཱཝུསོ, བྷིཀྑུ ཝིཝིཙྩེཝ ཀཱམེཧི…པེ… པཋམཾ ཛྷཱནཾ ཨུཔསམྤཛྫ ཝིཧརཏི. ཡཐཱ ཡཐཱ ཙ ཏདཱཡཏནཾ ཏཐཱ ཏཐཱ ནཾ ཀཱཡེན ཕུསིཏྭཱ ཝིཧརཏི. ཨེཏྟཱཝཏཱཔི ¶ ཁོ, ཨཱཝུསོ, ཀཱཡསཀྑཱི ཝུཏྟོ བྷགཝཏཱ པརིཡཱཡེན.

‘‘པུན ¶ ཙཔརཾ, ཨཱཝུསོ, བྷིཀྑུ ཝིཏཀྐཝིཙཱརཱནཾ ཝཱུཔསམཱ…པེ… དུཏིཡཾ ཛྷཱནཾ… ཏཏིཡཾ ཛྷཱནཾ… ཙཏུཏྠཾ ཛྷཱནཾ ཨུཔསམྤཛྫ ཝིཧརཏི. ཡཐཱ ཡཐཱ ཙ ཏདཱཡཏནཾ ཏཐཱ ཏཐཱ ནཾ ཀཱཡེན ཕུསིཏྭཱ ཝིཧརཏི. ཨེཏྟཱཝཏཱཔི ཁོ, ཨཱཝུསོ, ཀཱཡསཀྑཱི ཝུཏྟོ བྷགཝཏཱ པརིཡཱཡེན.

‘‘པུན ཙཔརཾ, ཨཱཝུསོ, བྷིཀྑུ སབྦསོ རཱུཔསཉྙཱནཾ སམཏིཀྐམཱ པཊིགྷསཉྙཱནཾ ཨཏྠངྒམཱ ¶ ནཱནཏྟསཉྙཱནཾ ཨམནསིཀཱརཱ ‘ཨནནྟོ ཨཱཀཱསོ’ཏི ཨཱཀཱསཱནཉྩཱཡཏནཾ ཨུཔསམྤཛྫ ཝིཧརཏི. ཡཐཱ ཡཐཱ ཙ ཏདཱཡཏནཾ ཏཐཱ ཏཐཱ ནཾ ཀཱཡེན ཕུསིཏྭཱ ཝིཧརཏི. ཨེཏྟཱཝཏཱཔི ཁོ, ཨཱཝུསོ, ཀཱཡསཀྑཱི ཝུཏྟོ བྷགཝཏཱ པརིཡཱཡེན…པེ….

‘‘པུན ཙཔརཾ, ཨཱཝུསོ, བྷིཀྑུ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི, པཉྙཱཡ ཙསྶ དིསྭཱ ཨཱསཝཱ པརིཀྑཱིཎཱ ཧོནྟི. ཡཐཱ ཡཐཱ ཙ ཏདཱཡཏནཾ ཏཐཱ ཏཐཱ ནཾ ཀཱཡེན ཕུསིཏྭཱ ཝིཧརཏི. ཨེཏྟཱཝཏཱཔི ཁོ, ཨཱཝུསོ, ཀཱཡསཀྑཱི ཝུཏྟོ བྷགཝཏཱ ནིཔྤརིཡཱཡེནཱ’’ཏི. དུཏིཡཾ.

༣. པཉྙཱཝིམུཏྟསུཏྟཾ

༤༤. ‘‘‘པཉྙཱཝིམུཏྟོ ¶ པཉྙཱཝིམུཏྟོ’ཏི, ཨཱཝུསོ, ཝུཙྩཏི. ཀིཏྟཱཝཏཱ ནུ ཁོ, ཨཱཝུསོ, པཉྙཱཝིམུཏྟོ ཝུཏྟོ བྷགཝཏཱ’’ཏི?

‘‘ཨིདྷཱཝུསོ, བྷིཀྑུ ཝིཝིཙྩེཝ ཀཱམེཧི…པེ… པཋམཾ ཛྷཱནཾ ཨུཔསམྤཛྫ ཝིཧརཏི, པཉྙཱཡ ཙ ནཾ པཛཱནཱཏི. ཨེཏྟཱཝཏཱཔི ཁོ, ཨཱཝུསོ, པཉྙཱཝིམུཏྟོ ཝུཏྟོ བྷགཝཏཱ པརིཡཱཡེན…པེ….

‘‘པུན ¶ ¶ ཙཔརཾ, ཨཱཝུསོ, བྷིཀྑུ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི, པཉྙཱཡ ཙསྶ དིསྭཱ ཨཱསཝཱ པརིཀྑཱིཎཱ ཧོནྟི, པཉྙཱཡ ཙ ནཾ པཛཱནཱཏི. ཨེཏྟཱཝཏཱཔི ཁོ, ཨཱཝུསོ, པཉྙཱཝིམུཏྟོ ཝུཏྟོ བྷགཝཏཱ ནིཔྤརིཡཱཡེནཱ’’ཏི. ཏཏིཡཾ.

༤. ཨུབྷཏོབྷཱགཝིམུཏྟསུཏྟཾ

༤༥. ‘‘‘ཨུབྷཏོབྷཱགཝིམུཏྟོ ¶ ཨུབྷཏོབྷཱགཝིམུཏྟོ’ཏི, ཨཱཝུསོ, ཝུཙྩཏི. ཀིཏྟཱཝཏཱ ནུ ཁོ, ཨཱཝུསོ, ཨུབྷཏོབྷཱགཝིམུཏྟོ ཝུཏྟོ བྷགཝཏཱ’’ཏི?

‘‘ཨིདྷཱཝུསོ, བྷིཀྑུ ཝིཝིཙྩེཝ ཀཱམེཧི…པེ… པཋམཾ ཛྷཱནཾ ཨུཔསམྤཛྫ ཝིཧརཏི. ཡཐཱ ཡཐཱ ཙ ཏདཱཡཏནཾ ཏཐཱ ཏཐཱ ནཾ ཀཱཡེན ཕུསིཏྭཱ ཝིཧརཏི, པཉྙཱཡ ཙ ནཾ པཛཱནཱཏི. ཨེཏྟཱཝཏཱཔི ཁོ, ཨཱཝུསོ, ཨུབྷཏོབྷཱགཝིམུཏྟོ ཝུཏྟོ བྷགཝཏཱ པརིཡཱཡེན…པེ….

‘‘པུན ¶ ཙཔརཾ, ཨཱཝུསོ, བྷིཀྑུ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི, པཉྙཱཡ ཙསྶ དིསྭཱ ཨཱསཝཱ པརིཀྑཱིཎཱ ཧོནྟི. ཡཐཱ ཡཐཱ ཙ ཏདཱཡཏནཾ ཏཐཱ ཏཐཱ ནཾ ཀཱཡེན ཕུསིཏྭཱ ཝིཧརཏི, པཉྙཱཡ ཙ ནཾ པཛཱནཱཏི. ཨེཏྟཱཝཏཱཔི ཁོ, ཨཱཝུསོ, ཨུབྷཏོབྷཱགཝིམུཏྟོ ཝུཏྟོ བྷགཝཏཱ ནིཔྤརིཡཱཡེནཱ’’ཏི. ཙཏུཏྠཾ.

༥. སནྡིཊྛིཀདྷམྨསུཏྟཾ

༤༦. ‘‘‘སནྡིཊྛིཀོ དྷམྨོ སནྡིཊྛིཀོ དྷམྨོ’ཏི, ཨཱཝུསོ, ཝུཙྩཏི. ཀིཏྟཱཝཏཱ ནུ ཁོ, ཨཱཝུསོ, སནྡིཊྛིཀོ དྷམྨོ ཝུཏྟོ བྷགཝཏཱ’’ཏི?

‘‘ཨིདྷཱཝུསོ, བྷིཀྑུ ཝིཝིཙྩེཝ ཀཱམེཧི…པེ… པཋམཾ ཛྷཱནཾ ཨུཔསམྤཛྫ ཝིཧརཏི. ཨེཏྟཱཝཏཱཔི ¶ ཁོ, ཨཱཝུསོ, སནྡིཊྛིཀོ དྷམྨོ ཝུཏྟོ བྷགཝཏཱ པརིཡཱཡེན…པེ….

‘‘པུན ཙཔརཾ, ཨཱཝུསོ, བྷིཀྑུ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི, པཉྙཱཡ ཙསྶ དིསྭཱ ཨཱསཝཱ པརིཀྑཱིཎཱ ཧོནྟི. ཨེཏྟཱཝཏཱཔི ཁོ, ཨཱཝུསོ, སནྡིཊྛིཀོ དྷམྨོ ཝུཏྟོ བྷགཝཏཱ ནིཔྤརིཡཱཡེནཱ’’ཏི. པཉྩམཾ.

༦. སནྡིཊྛིཀནིབྦཱནསུཏྟཾ

༤༧. ‘‘‘སནྡིཊྛིཀཾ ¶ ནིབྦཱནཾ སནྡིཊྛིཀཾ ནིབྦཱན’ནྟི, ཨཱཝུསོ, ཝུཙྩཏི. ཀིཏྟཱཝཏཱ ནུ ཁོ, ཨཱཝུསོ, སནྡིཊྛིཀཾ ནིབྦཱནཾ ཝུཏྟཾ བྷགཝཏཱ’’ཏི?

‘‘ཨིདྷཱཝུསོ, བྷིཀྑུ ཝིཝིཙྩེཝ ཀཱམེཧི…པེ… པཋམཾ ཛྷཱནཾ ཨུཔསམྤཛྫ ཝིཧརཏི. ཨེཏྟཱཝཏཱཔི ཁོ, ཨཱཝུསོ, སནྡིཊྛིཀཾ ནིབྦཱནཾ ཝུཏྟཾ བྷགཝཏཱ པརིཡཱཡེན…པེ….

‘‘པུན ཙཔརཾ, ཨཱཝུསོ, བྷིཀྑུ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི, པཉྙཱཡ ཙསྶ དིསྭཱ ཨཱསཝཱ པརིཀྑཱིཎཱ ཧོནྟི. ཨེཏྟཱཝཏཱཔི ཁོ, ཨཱཝུསོ, སནྡིཊྛིཀཾ ནིབྦཱནཾ ཝུཏྟཾ བྷགཝཏཱ ནིཔྤརིཡཱཡེནཱ’’ཏི. ཚཊྛཾ.

༧. ནིབྦཱནསུཏྟཾ

༤༨. ‘‘‘ནིབྦཱནཾ ¶ ནིབྦཱན’ནྟི, ཨཱཝུསོ, ཝུཙྩཏི…པེ…. སཏྟམཾ.

༨. པརིནིབྦཱནསུཏྟཾ

༤༩. ‘‘‘པརིནིབྦཱནཾ པརིནིབྦཱན’ནྟི…པེ…. ཨཊྛམཾ.

༩. ཏདངྒནིབྦཱནསུཏྟཾ

༥༠. ‘‘‘ཏདངྒནིབྦཱནཾ ¶ ཏདངྒནིབྦཱན’ནྟི, ཨཱཝུསོ, ཝུཙྩཏི…པེ…. ནཝམཾ.

༡༠. དིཊྛདྷམྨནིབྦཱནསུཏྟཾ

༥༡. ‘‘‘དིཊྛདྷམྨནིབྦཱནཾ དིཊྛདྷམྨནིབྦཱན’ནྟི, ཨཱཝུསོ, ཝུཙྩཏི. ཀིཏྟཱཝཏཱ ནུ ཁོ, ཨཱཝུསོ དིཊྛདྷམྨནིབྦཱནཾ ཝུཏྟཾ བྷགཝཏཱ’’ཏི?

‘‘ཨིདྷཱཝུསོ, བྷིཀྑུ ཝིཝིཙྩེཝ ཀཱམེཧི ¶ …པེ… པཋམཾ ཛྷཱནཾ ཨུཔསམྤཛྫ ཝིཧརཏི. ཨེཏྟཱཝཏཱཔི ཁོ, ཨཱཝུསོ, དིཊྛདྷམྨནིབྦཱནཾ ཝུཏྟཾ བྷགཝཏཱ པརིཡཱཡེན ¶ …པེ….

‘‘པུན ཙཔརཾ, ཨཱཝུསོ, བྷིཀྑུ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི, པཉྙཱཡ ཙསྶ དིསྭཱ ཨཱསཝཱ པརིཀྑཱིཎཱ ཧོནྟི. ཨེཏྟཱཝཏཱཔི ཁོ, ཨཱཝུསོ, དིཊྛདྷམྨནིབྦཱནཾ ཝུཏྟཾ བྷགཝཏཱ ནིཔྤརིཡཱཡེནཱ’’ཏི. དསམཾ.

སཱམཉྙཝགྒོ པཉྩམོ.

ཏསྶུདྡཱནཾ –

སམྦཱདྷོ ¶ ཀཱཡསཀྑཱི པཉྙཱ,

ཨུབྷཏོབྷཱགོ སནྡིཊྛིཀཱ དྭེ;

ནིབྦཱནཾ པརིནིབྦཱནཾ,

ཏདངྒདིཊྛདྷམྨིཀེན ཙཱཏི.

པཋམཔཎྞཱསཀཾ སམཏྟཾ.

༢. དུཏིཡཔཎྞཱསཀཾ

(༦) ༡. ཁེམཝགྒོ

༡. ཁེམསུཏྟཾ

༥༢. ‘‘‘ཁེམཾ ¶ ཁེམ’ནྟི ¶ ¶ , ཨཱཝུསོ, ཝུཙྩཏི. ཀིཏྟཱཝཏཱ ནུ ཁོ, ཨཱཝུསོ, ཁེམཾ ཝུཏྟཾ བྷགཝཏཱ’’ཏི?

‘‘ཨིདྷཱཝུསོ, བྷིཀྑུ ཝིཝིཙྩེཝ ཀཱམེཧི…པེ… པཋམཾ ཛྷཱནཾ ཨུཔསམྤཛྫ ཝིཧརཏི. ཨེཏྟཱཝཏཱཔི ཁོ, ཨཱཝུསོ, ཁེམཾ ཝུཏྟཾ བྷགཝཏཱ པརིཡཱཡེན…པེ….

‘‘པུན ཙཔརཾ, ཨཱཝུསོ, བྷིཀྑུ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི, པཉྙཱཡ ཙསྶ དིསྭཱ ཨཱསཝཱ པརིཀྑཱིཎཱ ཧོནྟི. ཨེཏྟཱཝཏཱཔི ཁོ, ཨཱཝུསོ, ཁེམཾ ཝུཏྟཾ བྷགཝཏཱ ནིཔྤརིཡཱཡེནཱ’’ཏི. པཋམཾ.

༢. ཁེམཔྤཏྟསུཏྟཾ

༥༣. ཁེམཔྤཏྟོ ཁེམཔྤཏྟོཏི, ཨཱཝུསོ, ཝུཙྩཏི…པེ…. དུཏིཡཾ.

༣. ཨམཏསུཏྟཾ

༥༤. ཨམཏཾ ཨམཏནྟི, ཨཱཝུསོ, ཝུཙྩཏི…པེ…. ཏཏིཡཾ.

༤. ཨམཏཔྤཏྟསུཏྟཾ

༥༥. ཨམཏཔྤཏྟོ ཨམཏཔྤཏྟོཏི, ཨཱཝུསོ, ཝུཙྩཏི…པེ…. ཙཏུཏྠཾ.

༥. ཨབྷཡསུཏྟཾ

༥༦. ཨབྷཡཾ ¶ ཨབྷཡནྟི, ཨཱཝུསོ, ཝུཙྩཏི…པེ…. པཉྩམཾ.

༦. ཨབྷཡཔྤཏྟསུཏྟཾ

༥༧. ཨབྷཡཔྤཏྟོ ཨབྷཡཔྤཏྟོཏི, ཨཱཝུསོ, ཝུཙྩཏི…པེ…. ཚཊྛཾ.

༧. པསྶདྡྷིསུཏྟཾ

༥༨. པསྶདྡྷི པསྶདྡྷཱིཏི, ཨཱཝུསོ, ཝུཙྩཏི…པེ…. སཏྟམཾ.

༨. ཨནུཔུབྦཔསྶདྡྷིསུཏྟཾ

༥༩. ཨནུཔུབྦཔསྶདྡྷི ¶ ¶ ཨནུཔུབྦཔསྶདྡྷཱིཏི, ཨཱཝུསོ, ཝུཙྩཏི…པེ…. ཨཊྛམཾ.

༩. ནིརོདྷསུཏྟཾ

༦༠. ནིརོདྷོ ནིརོདྷོཏི, ཨཱཝུསོ, ཝུཙྩཏི…པེ…. ནཝམཾ.

༡༠. ཨནུཔུབྦནིརོདྷསུཏྟཾ

༦༡. ‘‘‘ཨནུཔུབྦནིརོདྷོ ཨནུཔུབྦནིརོདྷོ’ཏི, ཨཱཝུསོ, ཝུཙྩཏི. ཀིཏྟཱཝཏཱ ¶ ནུ ཁོ, ཨཱཝུསོ, ཨནུཔུབྦནིརོདྷོ ཝུཏྟོ བྷགཝཏཱ’’ཏི?

‘‘ཨིདྷཱཝུསོ, བྷིཀྑུ ཝིཝིཙྩེཝ ཀཱམེཧི…པེ… པཋམཾ ཛྷཱནཾ ཨུཔསམྤཛྫ ཝིཧརཏི. ཨེཏྟཱཝཏཱཔི ཁོ, ཨཱཝུསོ, ཨནུཔུབྦནིརོདྷོ ཝུཏྟོ བྷགཝཏཱ པརིཡཱཡེན…པེ… ¶ .

‘‘པུན ཙཔརཾ, ཨཱཝུསོ, བྷིཀྑུ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི, པཉྙཱཡ ཙསྶ དིསྭཱ ཨཱསཝཱ པརིཀྑཱིཎཱ ཧོནྟི. ཨེཏྟཱཝཏཱཔི ཁོ, ཨཱཝུསོ, ཨནུཔུབྦནིརོདྷོ ཝུཏྟོ བྷགཝཏཱ ནིཔྤརིཡཱཡེནཱ’’ཏི. དསམཾ.

༡༡. ཨབྷབྦསུཏྟཾ

༦༢. ‘‘ནཝ, བྷིཀྑཝེ, དྷམྨེ ཨཔྤཧཱཡ ཨབྷབྦོ ཨརཧཏྟཾ སཙྪིཀཱཏུཾ. ཀཏམེ ནཝ? རཱགཾ, དོསཾ, མོཧཾ, ཀོདྷཾ, ཨུཔནཱཧཾ, མཀྑཾ, པལཱ༹སཾ, ཨིསྶཾ, མཙྪརིཡཾ – ཨིམེ ཁོ, བྷིཀྑཝེ, ནཝ དྷམྨེ ཨཔྤཧཱཡ ཨབྷབྦོ ཨརཧཏྟཾ སཙྪིཀཱཏུཾ.

‘‘ནཝ, བྷིཀྑཝེ, དྷམྨེ པཧཱཡ བྷབྦོ ཨརཧཏྟཾ སཙྪིཀཱཏུཾ. ཀཏམེ ནཝ? རཱགཾ, དོསཾ, མོཧཾ, ཀོདྷཾ, ཨུཔནཱཧཾ, མཀྑཾ, པལཱ༹སཾ, ཨིསྶཾ, མཙྪརིཡཾ – ཨིམེ ཁོ, བྷིཀྑཝེ, ནཝ དྷམྨེ པཧཱཡ བྷབྦོ ཨརཧཏྟཾ སཙྪིཀཱཏུ’’ནྟི. ཨེཀཱདསམཾ.

ཁེམཝགྒོ པཋམོ.

ཏསྶུདྡཱནཾ –

ཁེམོ ¶ ཙ ཨམཏཉྩེཝ, ཨབྷཡཾ པསྶདྡྷིཡེན ཙ;

ནིརོདྷོ ཨནུཔུབྦོ ཙ, དྷམྨཾ པཧཱཡ བྷབྦེན ཙཱཏི.

(༧) ༢. སཏིཔཊྛཱནཝགྒོ

༡. སིཀྑཱདུབྦལྱསུཏྟཾ

༦༣. ‘‘པཉྩིམཱནི ¶ ¶ ¶ , བྷིཀྑཝེ, སིཀྑཱདུབྦལྱཱནི. ཀཏམཱནི པཉྩ? པཱཎཱཏིཔཱཏོ, ཨདིནྣཱདཱནཾ, ཀཱམེསུམིཙྪཱཙཱརོ, མུསཱཝཱདོ, སུརཱམེརཡམཛྫཔམཱདཊྛཱནཾ – ཨིམཱནི ཁོ, བྷིཀྑཝེ, པཉྩ སིཀྑཱདུབྦལྱཱནི.

‘‘ཨིམེསཾ ཁོ, བྷིཀྑཝེ, པཉྩནྣཾ སིཀྑཱདུབྦལྱཱནཾ པཧཱནཱཡ ཙཏྟཱརོ སཏིཔཊྛཱནཱ བྷཱཝེཏབྦཱ. ཀཏམེ ཙཏྟཱརོ? ཨིདྷ, བྷིཀྑཝེ, བྷིཀྑུ ཀཱཡེ ཀཱཡཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱདོམནསྶཾ; ཝེདནཱསུ…པེ… ཙིཏྟེ…པེ… དྷམྨེསུ དྷམྨཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱདོམནསྶཾ. ཨིམེསཾ ཁོ, བྷིཀྑཝེ, པཉྩནྣཾ སིཀྑཱདུབྦལྱཱནཾ པཧཱནཱཡ ཨིམེ ཙཏྟཱརོ སཏིཔཊྛཱནཱ བྷཱཝེཏབྦཱ’’ཏི. པཋམཾ.

༢. ནཱིཝརཎསུཏྟཾ

༦༤. ‘‘པཉྩིམཱནི, བྷིཀྑཝེ, ནཱིཝརཎཱནི. ཀཏམཱནི པཉྩ? ཀཱམཙྪནྡནཱིཝརཎཾ, བྱཱཔཱདནཱིཝརཎཾ, ཐིནམིདྡྷནཱིཝརཎཾ ¶ , ཨུདྡྷཙྩཀུཀྐུཙྩནཱིཝརཎཾ, ཝིཙིཀིཙྪཱནཱིཝརཎཾ – ཨིམཱནི ཁོ, བྷིཀྑཝེ, པཉྩ ནཱིཝརཎཱནི.

‘‘ཨིམེསཾ ཁོ, བྷིཀྑཝེ, པཉྩནྣཾ ནཱིཝརཎཱནཾ པཧཱནཱཡ ཙཏྟཱརོ སཏིཔཊྛཱནཱ བྷཱཝེཏབྦཱ. ཀཏམེ ཙཏྟཱརོ? ཨིདྷ, བྷིཀྑཝེ, བྷིཀྑུ ཀཱཡེ ཀཱཡཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱདོམནསྶཾ; ཝེདནཱསུ…པེ… ཙིཏྟེ…པེ… ¶ དྷམྨེསུ དྷམྨཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱདོམནསྶཾ. ཨིམེསཾ ¶ ཁོ, བྷིཀྑཝེ, པཉྩནྣཾ ནཱིཝརཎཱནཾ པཧཱནཱཡ ཨིམེ ཙཏྟཱརོ སཏིཔཊྛཱནཱ བྷཱཝེཏབྦཱ’’ཏི. དུཏིཡཾ.

༣. ཀཱམགུཎསུཏྟཾ

༦༥. ‘‘པཉྩིམེ, བྷིཀྑཝེ, ཀཱམགུཎཱ. ཀཏམེ པཉྩ? ཙཀྑུཝིཉྙེཡྻཱ རཱུཔཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ, སོཏཝིཉྙེཡྻཱ སདྡཱ…པེ… གྷཱནཝིཉྙེཡྻཱ གནྡྷཱ… ཛིཝ྄ཧཱཝིཉྙེཡྻཱ རསཱ… ཀཱཡཝིཉྙེཡྻཱ ཕོཊྛབྦཱ ¶ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ. ཨིམེ ཁོ, བྷིཀྑཝེ, པཉྩ ཀཱམགུཎཱ.

‘‘ཨིམེསཾ ཁོ, བྷིཀྑཝེ, པཉྩནྣཾ ཀཱམགུཎཱནཾ པཧཱནཱཡ…པེ… ཨིམེ ཙཏྟཱརོ སཏིཔཊྛཱནཱ བྷཱཝེཏབྦཱ’’ཏི. ཏཏིཡཾ.

༤. ཨུཔཱདཱནཀྑནྡྷསུཏྟཾ

༦༦. ‘‘པཉྩིམེ, བྷིཀྑཝེ, ཨུཔཱདཱནཀྑནྡྷཱ. ཀཏམེ པཉྩ? རཱུཔུཔཱདཱནཀྑནྡྷོ, ཝེདནུཔཱདཱནཀྑནྡྷོ, སཉྙུཔཱདཱནཀྑནྡྷོ, སངྑཱརུཔཱདཱནཀྑནྡྷོ, ཝིཉྙཱཎུཔཱདཱནཀྑནྡྷོ – ཨིམེ ¶ ཁོ, བྷིཀྑཝེ, པཉྩུཔཱདཱནཀྑནྡྷཱ.

‘‘ཨིམེསཾ ཁོ, བྷིཀྑཝེ, པཉྩནྣཾ ཨུཔཱདཱནཀྑནྡྷཱནཾ པཧཱནཱཡ…པེ… ཨིམེ ཙཏྟཱརོ སཏིཔཊྛཱནཱ བྷཱཝེཏབྦཱ’’ཏི. ཙཏུཏྠཾ.

༥. ཨོརམྦྷཱགིཡསུཏྟཾ

༦༧. ‘‘པཉྩིམཱནི, བྷིཀྑཝེ, ཨོརམྦྷཱགིཡཱནི སཾཡོཛནཱནི. ཀཏམཱནི པཉྩ? སཀྐཱཡདིཊྛི, ཝིཙིཀིཙྪཱ, སཱིལབྦཏཔརཱམཱསོ, ཀཱམཙྪནྡོ, བྱཱཔཱདོ – ཨིམཱནི ཁོ, བྷིཀྑཝེ, པཉྩོརམྦྷཱགིཡཱནི སཾཡོཛནཱནི.

‘‘ཨིམེསཾ ¶ ཁོ, བྷིཀྑཝེ, པཉྩནྣཾ ཨོརམྦྷཱགིཡཱནཾ སཾཡོཛནཱནཾ པཧཱནཱཡ…པེ… ཨིམེ ཙཏྟཱརོ སཏིཔཊྛཱནཱ བྷཱཝེཏབྦཱ’’ཏི. པཉྩམཾ.

༦. གཏིསུཏྟཾ

༦༨. ‘‘པཉྩིམཱ, བྷིཀྑཝེ, གཏིཡོ. ཀཏམཱ པཉྩ? ནིརཡོ, ཏིརཙྪཱནཡོནི ¶ , པེཏྟིཝིསཡོ, མནུསྶཱ, དེཝཱ – ཨིམཱ ཁོ, བྷིཀྑཝེ, པཉྩ གཏིཡོ.

‘‘ཨིམཱསཾ ཁོ, བྷིཀྑཝེ, པཉྩནྣཾ གཏཱིནཾ པཧཱནཱཡ…པེ… ཨིམེ ཙཏྟཱརོ སཏིཔཊྛཱནཱ བྷཱཝེཏབྦཱ’’ཏི. ཚཊྛཾ.

༧. མཙྪརིཡསུཏྟཾ

༦༩. ‘‘པཉྩིམཱནི, བྷིཀྑཝེ, མཙྪརིཡཱནི. ཀཏམཱནི པཉྩ? ཨཱཝཱསམཙྪརིཡཾ, ཀུལམཙྪརིཡཾ, ལཱབྷམཙྪརིཡཾ, ཝཎྞམཙྪརིཡཾ, དྷམྨམཙྪརིཡཾ – ཨིམཱནི ཁོ, བྷིཀྑཝེ, པཉྩ མཙྪརིཡཱནི.

‘‘ཨིམེསཾ ¶ ཁོ, བྷིཀྑཝེ, པཉྩནྣཾ མཙྪརིཡཱནཾ པཧཱནཱཡ…པེ… ཨིམེ ཙཏྟཱརོ སཏིཔཊྛཱནཱ བྷཱཝེཏབྦཱ’’ཏི. སཏྟམཾ.

༨. ཨུདྡྷམྦྷཱགིཡསུཏྟཾ

༧༠. ‘‘པཉྩིམཱནི ¶ , བྷིཀྑཝེ, ཨུདྡྷམྦྷཱགིཡཱནི སཾཡོཛནཱནི. ཀཏམཱནི པཉྩ? རཱུཔརཱགོ, ཨརཱུཔརཱགོ, མཱནོ, ཨུདྡྷཙྩཾ, ཨཝིཛྫཱ – ཨིམཱནི ཁོ, བྷིཀྑཝེ, པཉྩུདྡྷམྦྷཱགིཡཱནི སཾཡོཛནཱནི.

‘‘ཨིམེསཾ ཁོ, བྷིཀྑཝེ, པཉྩནྣཾ ཨུདྡྷམྦྷཱགིཡཱནཾ སཾཡོཛནཱནཾ པཧཱནཱཡ…པེ… ཨིམེ ཙཏྟཱརོ སཏིཔཊྛཱནཱ བྷཱཝེཏབྦཱ’’ཏི. ཨཊྛམཾ.

༩. ཙེཏོཁིལསུཏྟཾ

༧༡. [ཨ. ནི. ༥.༢༠༥; དཱི. ནི. ༣.༣༡༩; མ. ནི. ༡.༡༨༥] ‘‘པཉྩིམེ ¶ , བྷིཀྑཝེ, ཙེཏོཁིལཱ [ཙེཏོཁཱིལཱ (ཀ.)]. ཀཏམེ པཉྩ? ཨིདྷ བྷིཀྑཝེ, བྷིཀྑུ སཏྠརི ཀངྑཏི ཝིཙིཀིཙྪཏི ནཱདྷིམུཙྩཏི ན སམྤསཱིདཏི. ཡོ སོ, བྷིཀྑཝེ, བྷིཀྑུ སཏྠརི ཀངྑཏི ཝིཙིཀིཙྪཏི ནཱདྷིམུཙྩཏི ན སམྤསཱིདཏི, ཏསྶ ཙིཏྟཾ ན ནམཏི ཨཱཏཔྤཱཡ ཨནུཡོགཱཡ སཱཏཙྩཱཡ པདྷཱནཱཡ. ཡསྶ ཙིཏྟཾ ན ནམཏི ཨཱཏཔྤཱཡ ཨནུཡོགཱཡ སཱཏཙྩཱཡ པདྷཱནཱཡ ¶ , ཨཡཾ པཋམོ ཙེཏོཁིལོ.

‘‘པུན ཙཔརཾ, བྷིཀྑཝེ, བྷིཀྑུ དྷམྨེ ཀངྑཏི…པེ… སངྒྷེ ཀངྑཏི… སིཀྑཱཡ ཀངྑཏི… སབྲཧྨཙཱརཱིསུ ཀུཔིཏོ ཧོཏི ཨནཏྟམནོ ཨཱཧཏཙིཏྟོ ཁིལཛཱཏོ. ཡོ སོ, བྷིཀྑཝེ, བྷིཀྑུ སབྲཧྨཙཱརཱིསུ ཀུཔིཏོ ཧོཏི ཨནཏྟམནོ ཨཱཧཏཙིཏྟོ ཁིལཛཱཏོ, ཏསྶ ཙིཏྟཾ ན ནམཏི ཨཱཏཔྤཱཡ ཨནུཡོགཱཡ སཱཏཙྩཱཡ པདྷཱནཱཡ. ཡསྶ ཙིཏྟཾ ན ནམཏི ཨཱཏཔྤཱཡ ཨནུཡོགཱཡ སཱཏཙྩཱཡ པདྷཱནཱཡ, ཨཡཾ པཉྩམོ ཙེཏོཁིལོ.

‘‘ཨིམེསཾ, ཁོ, བྷིཀྑཝེ, པཉྩནྣཾ ཙེཏོཁིལཱནཾ པཧཱནཱཡ…པེ… ཨིམེ ཙཏྟཱརོ སཏིཔཊྛཱནཱ བྷཱཝེཏབྦཱ’’ཏི. ནཝམཾ.

༡༠. ཙེཏསོཝིནིབནྡྷསུཏྟཾ

༧༢. ‘‘པཉྩིམེ ¶ , བྷིཀྑཝེ, ཙེཏསོཝིནིབནྡྷཱ [ཙེཏོཝིནིབདྡྷཱ (སཱརཏྠདཱིཔནཱིཊཱིཀཱ) ཨ. ནི. ༥.༢༠༦; དཱི. ནི. ༣.༣༢༠]. ཀཏམེ པཉྩ? ཨིདྷ, བྷིཀྑཝེ, བྷིཀྑུ ཀཱམེསུ ཨཝཱིཏརཱགོ ཧོཏི ཨཝིགཏཙྪནྡོ ཨཝིགཏཔེམོ ཨཝིགཏཔིཔཱསོ ¶ ཨཝིགཏཔརིལཱ༹ཧོ ཨཝིགཏཏཎྷོ. ཡོ སོ, བྷིཀྑཝེ, བྷིཀྑུ ཀཱམེསུ ཨཝཱིཏརཱགོ ཧོཏི ཨཝིགཏཙྪནྡོ ཨཝིགཏཔེམོ ཨཝིགཏཔིཔཱསོ ཨཝིགཏཔརིལཱ༹ཧོ ཨཝིགཏཏཎྷོ, ཏསྶ ཙིཏྟཾ ན ནམཏི ཨཱཏཔྤཱཡ ཨནུཡོགཱཡ སཱཏཙྩཱཡ པདྷཱནཱཡ. ཡསྶ ཙིཏྟཾ ན ནམཏི ཨཱཏཔྤཱཡ ཨནུཡོགཱཡ སཱཏཙྩཱཡ པདྷཱནཱཡ, ཨཡཾ པཋམོ ཙེཏསོཝིནིབནྡྷོ.

‘‘པུན ཙཔརཾ, བྷིཀྑཝེ, བྷིཀྑུ ཀཱཡེ ཨཝཱིཏརཱགོ ཧོཏི…པེ… རཱུཔེ ཨཝཱིཏརཱགོ ཧོཏི… ཡཱཝདཏྠཾ ཨུདརཱཝདེཧཀཾ བྷུཉྫིཏྭཱ སེཡྻསུཁཾ པསྶསུཁཾ མིདྡྷསུཁཾ ཨནུཡུཏྟོ ཝིཧརཏི ¶ … ཨཉྙཏརཾ དེཝནིཀཱཡཾ པཎིདྷཱཡ བྲཧྨཙརིཡཾ ཙརཏི – ‘ཨིམིནཱཧཾ སཱིལེན ཝཱ ཝཏེན ཝཱ ཏཔེན ཝཱ བྲཧྨཙརིཡེན ཝཱ དེཝོ ཝཱ བྷཝིསྶཱམི དེཝཉྙཏརོ ¶ ཝཱ’ཏི. ཡོ སོ, བྷིཀྑཝེ, བྷིཀྑུ ཨཉྙཏརཾ དེཝནིཀཱཡཾ པཎིདྷཱཡ བྲཧྨཙརིཡཾ ཙརཏི – ‘ཨིམིནཱཧཾ སཱིལེན ཝཱ ཝཏེན ཝཱ ཏཔེན ཝཱ བྲཧྨཙརིཡེན ཝཱ དེཝོ ཝཱ བྷཝིསྶཱམི དེཝཉྙཏརོ ཝཱ’ཏི, ཏསྶ ཙིཏྟཾ ན ནམཏི ཨཱཏཔྤཱཡ ཨནུཡོགཱཡ སཱཏཙྩཱཡ པདྷཱནཱཡ. ཡསྶ ཙིཏྟཾ ན ནམཏི ཨཱཏཔྤཱཡ ཨནུཡོགཱཡ སཱཏཙྩཱཡ པདྷཱནཱཡ, ཨཡཾ པཉྩམོ ཙེཏསོཝིནིབནྡྷོ. ཨིམེ ཁོ, བྷིཀྑཝེ, པཉྩ ཙེཏསོཝིནིབནྡྷཱ.

‘‘ཨིམེསཾ ཁོ, བྷིཀྑཝེ, པཉྩནྣཾ ཙེཏསོཝིནིབནྡྷཱནཾ པཧཱནཱཡ ཙཏྟཱརོ སཏིཔཊྛཱནཱ བྷཱཝེཏབྦཱ. ཀཏམེ ཙཏྟཱརོ? ཨིདྷ, བྷིཀྑཝེ, བྷིཀྑུ ཀཱཡེ ཀཱཡཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱདོམནསྶཾ; ཝེདནཱསུ…པེ… ཙིཏྟེ…པེ… དྷམྨེསུ དྷམྨཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱདོམནསྶཾ. ཨིམེསཾ ཁོ, བྷིཀྑཝེ, པཉྩནྣཾ ཙེཏསོཝིནིབནྡྷཱནཾ པཧཱནཱཡ ཨིམེ ཙཏྟཱརོ སཏིཔཊྛཱནཱ བྷཱཝེཏབྦཱ’’ཏི. དསམཾ.

སཏིཔཊྛཱནཝགྒོ དུཏིཡོ.

ཏསྶུདྡཱནཾ –

སིཀྑཱ ¶ ནཱིཝརཎཱཀཱམཱ, ཁནྡྷཱ ཙ ཨོརམྦྷཱགིཡཱ གཏི;

མཙྪེརཾ ཨུདྡྷམྦྷཱགིཡཱ ཨཊྛམཾ, ཙེཏོཁིལཱ ཝིནིབནྡྷཱཏི.

(༨) ༣. སམྨཔྤདྷཱནཝགྒོ

༡. སིཀྑསུཏྟཾ

༧༣. ‘‘པཉྩིམཱནི ¶ ¶ , བྷིཀྑཝེ, སིཀྑཱདུབྦལྱཱནི. ཀཏམཱནི པཉྩ? པཱཎཱཏིཔཱཏོ ¶ …པེ… སུརཱམེརཡམཛྫཔམཱདཊྛཱནཾ – ཨིམཱནི ཁོ, བྷིཀྑཝེ, པཉྩ སིཀྑཱདུབྦལྱཱནི.

‘‘ཨིམེསཾ ཁོ, བྷིཀྑཝེ, པཉྩནྣཾ སིཀྑཱདུབྦལྱཱནཾ པཧཱནཱཡ ཙཏྟཱརོ སམྨཔྤདྷཱནཱ བྷཱཝེཏབྦཱ. ཀཏམེ ཙཏྟཱརོ? ཨིདྷ, བྷིཀྑཝེ, བྷིཀྑུ ཨནུཔྤནྣཱནཾ པཱཔཀཱནཾ ཨཀུསལཱནཾ དྷམྨཱནཾ ཨནུཔྤཱདཱཡ ཚནྡཾ ཛནེཏི ཝཱཡམཏི ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི; ཨུཔྤནྣཱནཾ པཱཔཀཱནཾ ཨཀུསལཱནཾ དྷམྨཱནཾ པཧཱནཱཡ ཚནྡཾ ཛནེཏི ཝཱཡམཏི ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི; ཨནུཔྤནྣཱནཾ ཀུསལཱནཾ དྷམྨཱནཾ ཨུཔྤཱདཱཡ ཚནྡཾ ཛནེཏི ཝཱཡམཏི ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི; ཨུཔྤནྣཱནཾ ཀུསལཱནཾ དྷམྨཱནཾ ཋིཏིཡཱ ཨསམྨོསཱཡ བྷིཡྻོབྷཱཝཱཡ ཝེཔུལླཱཡ བྷཱཝནཱཡ པཱརིཔཱུརིཡཱ ཚནྡཾ ཛནེཏི ཝཱཡམཏི ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི. ཨིམེསཾ ཁོ, བྷིཀྑཝེ, པཉྩནྣཾ སིཀྑཱདུབྦལྱཱནཾ པཧཱནཱཡ ཨིམེ ཙཏྟཱརོ སམྨཔྤདྷཱནཱ བྷཱཝེཏབྦཱ’’ཏི. པཋམཾ.

༧༤-༨༡. (ཡཐཱ སཏིཔཊྛཱནཝགྒེ ཏཐཱ སམྨཔྤདྷཱནཝསེན ཝིཏྠཱརེཏབྦཱ.)

༡༠. ཙེཏསོཝིནིབནྡྷསུཏྟཾ

༨༢. ‘‘པཉྩིམེ ¶ , བྷིཀྑཝེ, ཙེཏསོཝིནིབནྡྷཱ. ཀཏམེ པཉྩ? ཨིདྷ, བྷིཀྑཝེ, བྷིཀྑུ ཀཱམེསུ ཨཝཱིཏརཱགོ ཧོཏི…པེ… ཨིམེ ཁོ, བྷིཀྑཝེ, པཉྩ ཙེཏསོཝིནིབནྡྷཱ.

‘‘ཨིམེསཾ ཁོ, བྷིཀྑཝེ, པཉྩནྣཾ ཙེཏསོཝིནིབནྡྷཱནཾ པཧཱནཱཡ ཙཏྟཱརོ སམྨཔྤདྷཱནཱ བྷཱཝེཏབྦཱ ¶ . ཀཏམེ ཙཏྟཱརོ? ཨིདྷ, བྷིཀྑཝེ, བྷིཀྑུ ཨནུཔྤནྣཱནཾ པཱཔཀཱནཾ ཨཀུསལཱནཾ དྷམྨཱནཾ ཨནུཔྤཱདཱཡ ཚནྡཾ ཛནེཏི ཝཱཡམཏི ¶ ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི; ཨུཔྤནྣཱནཾ པཱཔཀཱནཾ ཨཀུསལཱནཾ དྷམྨཱནཾ པཧཱནཱཡ… ཨནུཔྤནྣཱནཾ ཀུསལཱནཾ དྷམྨཱནཾ ཨུཔྤཱདཱཡ… ཨུཔྤནྣཱནཾ ཀུསལཱནཾ དྷམྨཱནཾ ཋིཏིཡཱ ཨསམྨོསཱཡ བྷིཡྻོབྷཱཝཱཡ ཝེཔུལླཱཡ བྷཱཝནཱཡ པཱརིཔཱུརིཡཱ ཚནྡཾ ཛནེཏི ཝཱཡམཏི ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི ¶ . ཨིམེསཾ ཁོ, བྷིཀྑཝེ, པཉྩནྣཾ ཙེཏསོཝིནིབནྡྷཱནཾ པཧཱནཱཡ ཨིམེ ཙཏྟཱརོ སམྨཔྤདྷཱནཱ བྷཱཝེཏབྦཱ’’ཏི. དསམཾ.

སམྨཔྤདྷཱནཝགྒོ ཏཏིཡོ.

(༩) ༤. ཨིདྡྷིཔཱདཝགྒོ

༡. སིཀྑསུཏྟཾ

༨༣. ‘‘པཉྩིམཱནི ¶ , བྷིཀྑཝེ, སིཀྑཱདུབྦལྱཱནི. ཀཏམཱནི པཉྩ? པཱཎཱཏིཔཱཏོ…པེ… སུརཱམེརཡམཛྫཔམཱདཊྛཱནཾ – ཨིམཱནི ཁོ, བྷིཀྑཝེ, པཉྩ སིཀྑཱདུབྦལྱཱནི.

‘‘ཨིམེསཾ ཁོ, བྷིཀྑཝེ, པཉྩནྣཾ སིཀྑཱདུབྦལྱཱནཾ པཧཱནཱཡ ཙཏྟཱརོ ཨིདྡྷིཔཱདཱ བྷཱཝེཏབྦཱ. ཀཏམེ ཙཏྟཱརོ? ཨིདྷ ¶ , བྷིཀྑཝེ, བྷིཀྑུ ཚནྡསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི, ཝཱིརིཡསམཱདྷི… ཙིཏྟསམཱདྷི… ཝཱིམཾསཱསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི. ཨིམེསཾ ཁོ, བྷིཀྑཝེ, པཉྩནྣཾ སིཀྑཱདུབྦལྱཱནཾ པཧཱནཱཡ ཨིམེ ཙཏྟཱརོ ཨིདྡྷིཔཱདཱ བྷཱཝེཏབྦཱ’’ཏི. པཋམཾ.

༨༤-༩༡. (ཡཐཱ སཏིཔཊྛཱནཝགྒེ ཏཐཱ ཨིདྡྷིཔཱདཝསེན ཝིཏྠཱརེཏབྦཱ.)

༡༠. ཙེཏསོཝིནིབནྡྷསུཏྟཾ

༩༢. ‘‘པཉྩིམེ ¶ , བྷིཀྑཝེ, ཙེཏསོཝིནིབནྡྷཱ. ཀཏམེ པཉྩ? ཨིདྷ, བྷིཀྑཝེ, བྷིཀྑུ ཀཱམེསུ ཨཝཱིཏརཱགོ ཧོཏི…པེ… ཨིམེ ཁོ, བྷིཀྑཝེ, པཉྩ ཙེཏསོཝིནིབནྡྷཱ.

‘‘ཨིམེསཾ ཁོ, བྷིཀྑཝེ, པཉྩནྣཾ ཙེཏསོཝིནིབནྡྷཱནཾ པཧཱནཱཡ ཨིམེ ཙཏྟཱརོ ཨིདྡྷིཔཱདཱ བྷཱཝེཏབྦཱ. ཀཏམེ ཙཏྟཱརོ? ཨིདྷ, བྷིཀྑཝེ, བྷིཀྑུ ཚནྡསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི, ཝཱིརིཡསམཱདྷི… ཙིཏྟསམཱདྷི… ཝཱིམཾསཱསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ ¶ བྷཱཝེཏི. ཨིམེསཾ ཁོ, བྷིཀྑཝེ, པཉྩནྣཾ ཙེཏསོཝིནིབནྡྷཱནཾ པཧཱནཱཡ ཨིམེ ཙཏྟཱརོ ཨིདྡྷིཔཱདཱ བྷཱཝེཏབྦཱ’’ཏི. དསམཾ.

ཨིདྡྷིཔཱདཝགྒོ ཙཏུཏྠོ.

ཡཐེཝ ¶ སཏིཔཊྛཱནཱ, པདྷཱནཱ ཙཏུརོཔི ཙ;

ཙཏྟཱརོ ཨིདྡྷིཔཱདཱ ཙ, ཏཐེཝ སམྤཡོཛཡེཏི.

(༡༠) ༥. རཱགཔེཡྻཱལཾ

༩༣. ‘‘རཱགསྶ ¶ ¶ , བྷིཀྑཝེ, ཨབྷིཉྙཱཡ ནཝ དྷམྨཱ བྷཱཝེཏབྦཱ. ཀཏམེ ནཝ? ཨསུབྷསཉྙཱ, མརཎསཉྙཱ, ཨཱཧཱརེ པཊིཀཱུལསཉྙཱ, སབྦལོཀེ ཨནབྷིརཏསཉྙཱ, ཨནིཙྩསཉྙཱ, ཨནིཙྩེ དུཀྑསཉྙཱ, དུཀྑེ ཨནཏྟསཉྙཱ, པཧཱནསཉྙཱ, ཝིརཱགསཉྙཱ – རཱགསྶ, བྷིཀྑཝེ ཨབྷིཉྙཱཡ ཨིམེ ནཝ དྷམྨཱ བྷཱཝེཏབྦཱ’’ཏི.

༩༤. ‘‘རཱགསྶ, བྷིཀྑཝེ, ཨབྷིཉྙཱཡ ནཝ དྷམྨཱ བྷཱཝེཏབྦཱ. ཀཏམེ ¶ ནཝ? པཋམཾ ཛྷཱནཾ, དུཏིཡཾ ཛྷཱནཾ, ཏཏིཡཾ ཛྷཱནཾ, ཙཏུཏྠཾ ཛྷཱནཾ, ཨཱཀཱསཱནཉྩཱཡཏནཾ, ཝིཉྙཱཎཉྩཱཡཏནཾ, ཨཱཀིཉྩཉྙཱཡཏནཾ, ནེཝསཉྙཱནཱསཉྙཱཡཏནཾ, སཉྙཱཝེདཡིཏནིརོདྷོ – རཱགསྶ, བྷིཀྑཝེ, ཨབྷིཉྙཱཡ ཨིམེ ནཝ དྷམྨཱ བྷཱཝེཏབྦཱ’’ཏི.

༩༥-༡༡༢. ‘‘རཱགསྶ, བྷིཀྑཝེ, པརིཉྙཱཡ…པེ… པརིཀྑཡཱཡ…པེ… པཧཱནཱཡ…པེ… ཁཡཱཡ…པེ… ཝཡཱཡ…པེ… ཝིརཱགཱཡ…པེ… ནིརོདྷཱཡ…པེ… ཙཱགཱཡ…པེ… པཊིནིསྶགྒཱཡ…པེ… ཨིམེ ནཝ དྷམྨཱ བྷཱཝེཏབྦཱ’’.

༡༡༣-༤༣༢. ‘‘དོསསྶ…པེ… མོཧསྶ… ཀོདྷསྶ… ཨུཔནཱཧསྶ… མཀྑསྶ… པལཱ༹སསྶ… ཨིསྶཱཡ… མཙྪརིཡསྶ… མཱཡཱཡ… སཱཋེཡྻསྶ… ཐམྦྷསྶ… སཱརམྦྷསྶ… མཱནསྶ… ཨཏིམཱནསྶ… མདསྶ… པམཱདསྶ ཨབྷིཉྙཱཡ…པེ… པརིཉྙཱཡ… པརིཀྑཡཱཡ… པཧཱནཱཡ… ཁཡཱཡ… ཝཡཱཡ… ཝིརཱགཱཡ… ནིརོདྷཱཡ ¶ … ཙཱགཱཡ… པཊིནིསྶགྒཱཡ…པེ… ཨིམེ ནཝ དྷམྨཱ བྷཱཝེཏབྦཱ’’ཏི.

རཱགཔེཡྻཱལཾ ནིཊྛིཏཾ.

ནཝཀནིཔཱཏཔཱལི༹ ནིཊྛིཏཱ.