📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

ཁུདྡཀནིཀཱཡེ

ཝིམཱནཝཏྠུཔཱལི༹

༡. ཨིཏྠིཝིམཱནཾ

༡. པཱིཋཝགྒོ

༡. པཋམཔཱིཋཝིམཱནཝཏྠུ

༡.

¶ ‘‘པཱིཋཾ ¶ ¶ ¶ ཏེ སོཝཎྞམཡཾ ཨུལཱ༹རཾ, མནོཛཝཾ གཙྪཏི ཡེནཀཱམཾ;

ཨལངྐཏེ མལྱདྷརེ [མཱལྱདྷརེ (སྱཱ.)] སུཝཏྠེ, ཨོབྷཱསསི ཝིཛྫུརིཝབྦྷཀཱུཊཾ.

༢.

‘‘ཀེན ཏེཏཱདིསོ ཝཎྞོ, ཀེན ཏེ ཨིདྷ མིཛ྄ཛྷཏི;

ཨུཔྤཛྫནྟི ཙ ཏེ བྷོགཱ, ཡེ ཀེཙི མནསོ པིཡཱ.

༣.

‘‘པུཙྪཱམི ¶ ཏཾ དེཝི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༤.

སཱ དེཝཏཱ ཨཏྟམནཱ, མོགྒལླཱནེན [མོགྒལཱནེན (ཀ.) ཨེཝམུཔརིཔི] པུཙྪིཏཱ;

པཉྷཾ ¶ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༥.

‘‘ཨཧཾ ¶ མནུསྶེསུ མནུསྶབྷཱུཏཱ, ཨབྦྷཱགཏཱནཱསནཀཾ ཨདཱསིཾ;

ཨབྷིཝཱདཡིཾ ཨཉྫལིཀཾ ཨཀཱསིཾ, ཡཐཱནུབྷཱཝཉྩ ཨདཱསི དཱནཾ.

༦.

‘‘ཏེན མེཏཱདིསོ ཝཎྞོ, ཏེན མེ ཨིདྷ མིཛ྄ཛྷཏི;

ཨུཔྤཛྫནྟི ཙ མེ བྷོགཱ, ཡེ ཀེཙི མནསོ པིཡཱ.

༧.

‘‘ཨཀྑཱམི ཏེ བྷིཀྑུ མཧཱནུབྷཱཝ, མནུསྶབྷཱུཏཱ ཡམཀཱསི པུཉྙཾ;

ཏེནམྷི ཨེཝཾ ཛལིཏཱནུབྷཱཝཱ, ཝཎྞོ ཙ མེ སབྦདིསཱ པབྷཱསཏཱི’’ཏི.

པཋམཔཱིཋཝིམཱནཾ པཋམཾ.

༢. དུཏིཡཔཱིཋཝིམཱནཝཏྠུ

༨.

‘‘པཱིཋཾ ¶ ཏེ ཝེལུ༹རིཡམཡཾ ཨུལཱ༹རཾ, མནོཛཝཾ གཙྪཏི ཡེནཀཱམཾ;

ཨལངྐཏེ མལྱདྷརེ སུཝཏྠེ, ཨོབྷཱསསི ཝིཛྫུརིཝབྦྷཀཱུཊཾ.

༩.

‘‘ཀེན ཏེཏཱདིསོ ཝཎྞོ, ཀེན ཏེ ཨིདྷ མིཛ྄ཛྷཏི;

ཨུཔྤཛྫནྟི ཙ ཏེ བྷོགཱ, ཡེ ཀེཙི མནསོ པིཡཱ.

༡༠.

‘‘པུཙྪཱམི ཏཾ དེཝི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ¶ ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༡.

སཱ དེཝཏཱ ཨཏྟམནཱ, མོགྒལླཱནེན པུཙྪིཏཱ;

པཉྷཾ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༡༢.

‘‘ཨཧཾ མནུསྶེསུ མནུསྶབྷཱུཏཱ, ཨབྦྷཱགཏཱནཱསནཀཾ ཨདཱསིཾ;

ཨབྷིཝཱདཡིཾ ཨཉྫལིཀཾ ཨཀཱསིཾ, ཡཐཱནུབྷཱཝཉྩ ཨདཱསི དཱནཾ.

༡༣.

‘‘ཏེན ¶ མེཏཱདིསོ ཝཎྞོ, ཏེན མེ ཨིདྷ མིཛ྄ཛྷཏི;

ཨུཔྤཛྫནྟི ཙ མེ བྷོགཱ, ཡེ ཀེཙི མནསོ པིཡཱ.

༡༤.

‘‘ཨཀྑཱམི ¶ ཏེ བྷིཀྑུ མཧཱནུབྷཱཝ, མནུསྶབྷཱུཏཱ ཡམཀཱསི པུཉྙཾ;

ཏེནམྷི ཨེཝཾ ཛལིཏཱནུབྷཱཝཱ, ཝཎྞོ ཙ མེ སབྦདིསཱ པབྷཱསཏཱི’’ཏི.

དུཏིཡཔཱིཋཝིམཱནཾ དུཏིཡཾ.

༣. ཏཏིཡཔཱིཋཝིམཱནཝཏྠུ

༡༥.

‘‘པཱིཋཾ ¶ ཏེ སོཝཎྞམཡཾ ཨུལཱ༹རཾ, མནོཛཝཾ གཙྪཏི ཡེནཀཱམཾ;

ཨལངྐཏེ མལྱདྷརེ སུཝཏྠེ, ཨོབྷཱསསི ཝིཛྫུརིཝབྦྷཀཱུཊཾ.

༡༦.

‘‘ཀེན ཏེཏཱདིསོ ཝཎྞོ, ཀེན ཏེ ཨིདྷ མིཛ྄ཛྷཏི;

ཨུཔྤཛྫནྟི ¶ ཙ ཏེ བྷོགཱ, ཡེ ཀེཙི མནསོ པིཡཱ.

༡༧.

‘‘པུཙྪཱམི ཏཾ དེཝི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༨.

སཱ དེཝཏཱ ཨཏྟམནཱ, མོགྒལླཱནེན པུཙྪིཏཱ;

པཉྷཾ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༡༩.

‘‘ཨཔྤསྶ ཀམྨསྶ ཕལཾ མམེདཾ [མམེཏཾ (ཀ.)], ཡེནམྷི [ཏེནམྷི (ཀ.)] ཨེཝཾ ཛལིཏཱནུབྷཱཝཱ;

ཨཧཾ མནུསྶེསུ མནུསྶབྷཱུཏཱ, པུརིམཱཡ ཛཱཏིཡཱ མནུསྶལོཀེ.

༢༠.

‘‘ཨདྡསཾ ¶ ཝིརཛཾ བྷིཀྑུཾ, ཝིཔྤསནྣམནཱཝིལཾ;

ཏསྶ ཨདཱསཧཾ པཱིཋཾ, པསནྣཱ སེཧི པཱཎིབྷི.

༢༡.

‘‘ཏེན མེཏཱདིསོ ཝཎྞོ, ཏེན མེ ཨིདྷ མིཛ྄ཛྷཏི;

ཨུཔྤཛྫནྟི ཙ མེ བྷོགཱ, ཡེ ཀེཙི མནསོ པིཡཱ.

༢༢.

‘‘ཨཀྑཱམི ཏེ བྷིཀྑུ མཧཱནུབྷཱཝ, མནུསྶབྷཱུཏཱ ཡམཀཱསི པུཉྙཾ;

ཏེནམྷི ཨེཝཾ ཛལིཏཱནུབྷཱཝཱ, ཝཎྞོ ཙ མེ སབྦདིསཱ པབྷཱསཏཱི’’ཏི.

ཏཏིཡཔཱིཋཝིམཱནཾ ཏཏིཡཾ.

༤. ཙཏུཏྠཔཱིཋཝིམཱནཝཏྠུ

༢༣.

‘‘པཱིཋཾ ¶ ¶ ཏེ ཝེལུ༹རིཡམཡཾ ཨུལཱ༹རཾ, མནོཛཝཾ གཙྪཏི ཡེནཀཱམཾ;

ཨལངྐཏེ མལྱདྷརེ སུཝཏྠེ, ཨོབྷཱསསི ཝིཛྫུརིཝབྦྷཀཱུཊཾ.

༢༤.

‘‘ཀེན ¶ ཏེཏཱདིསོ ཝཎྞོ, ཀེན ཏེ ཨིདྷ མིཛ྄ཛྷཏི;

ཨུཔྤཛྫནྟི ¶ ཙ ཏེ བྷོགཱ, ཡེ ཀེཙི མནསོ པིཡཱ.

༢༥.

‘‘པུཙྪཱམི ཏཾ དེཝི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༢༦.

སཱ དེཝཏཱ ཨཏྟམནཱ, མོགྒལླཱནེན པུཙྪིཏཱ;

པཉྷཾ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༢༧.

‘‘ཨཔྤསྶ ཀམྨསྶ ཕལཾ མམེདཾ, ཡེནམྷི ཨེཝཾ ཛལིཏཱནུབྷཱཝཱ;

ཨཧཾ མནུསྶེསུ མནུསྶབྷཱུཏཱ, པུརིམཱཡ ཛཱཏིཡཱ མནུསྶལོཀེ.

༢༨.

‘‘ཨདྡསཾ ¶ ཝིརཛཾ བྷིཀྑུཾ, ཝིཔྤསནྣམནཱཝིལཾ;

ཏསྶ ཨདཱསཧཾ པཱིཋཾ, པསནྣཱ སེཧི པཱཎིབྷི.

༢༩.

‘‘ཏེན མེཏཱདིསོ ཝཎྞོ, ཏེན མེ ཨིདྷ མིཛ྄ཛྷཏི;

ཨུཔྤཛྫནྟི ཙ མེ བྷོགཱ, ཡེ ཀེཙི མནསོ པིཡཱ.

༣༠.

‘‘ཨཀྑཱམི ¶ ཏེ བྷིཀྑུ མཧཱནུབྷཱཝ, མནུསྶབྷཱུཏཱ ཡམཀཱསི པུཉྙཾ;

ཏེནམྷི ཨེཝཾ ཛལིཏཱནུབྷཱཝཱ, ཝཎྞོ ཙ མེ སབྦདིསཱ པབྷཱསཏཱི’’ཏི.

ཙཏུཏྠཔཱིཋཝིམཱནཾ ཙཏུཏྠཾ.

༥. ཀུཉྫརཝིམཱནཝཏྠུ

༣༡.

‘‘ཀུཉྫརོ ¶ ཏེ ཝརཱརོཧོ, ནཱནཱརཏནཀཔྤནོ;

རུཙིརོ ཐཱམཝཱ ཛཝསམྤནྣོ, ཨཱཀཱསམྷི སམཱིཧཏི.

༣༢.

‘‘པདུམི པདྨ [པདུམ… (སཱི. སྱཱ.) ཨེཝམུཔརིཔི] པཏྟཀྑི, པདྨུཔྤལཛུཏིནྡྷརོ;

པདྨཙུཎྞཱབྷིཀིཎྞངྒོ, སོཎྞཔོཀྑརམཱལདྷཱ [… མཱལཝཱ (སཱི. སྱཱ.)].

༣༣.

‘‘པདུམཱནུསཊཾ མགྒཾ, པདྨཔཏྟཝིབྷཱུསིཏཾ.

ཋིཏཾ ཝགྒུམནུགྒྷཱཏཱི, མིཏཾ གཙྪཏི ཝཱརཎོ.

༣༤.

‘‘ཏསྶ པཀྐམམཱནསྶ, སོཎྞཀཾསཱ རཏིསྶརཱ;

ཏེསཾ སུཡྻཏི ནིགྒྷོསོ, ཏུརིཡེ པཉྩངྒིཀེ ཡཐཱ.

༣༥.

‘‘ཏསྶ ནཱགསྶ ཁནྡྷམྷི, སུཙིཝཏྠཱ ཨལངྐཏཱ;

མཧནྟཾ ཨཙྪརཱསངྒྷཾ, ཝཎྞེན ཨཏིརོཙསི.

༣༦.

‘‘དཱནསྶ ¶ ཏེ ཨིདཾ ཕལཾ, ཨཐོ སཱིལསྶ ཝཱ པན;

ཨཐོ ཨཉྫལིཀམྨསྶ, ཏཾ མེ ཨཀྑཱཧི པུཙྪིཏཱ’’ཏི;

༣༧.

སཱ དེཝཏཱ ཨཏྟམནཱ, མོགྒལླཱནེན པུཙྪིཏཱ;

པཉྷཾ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༣༨.

‘‘དིསྭཱན ¶ ¶ གུཎསམྤནྣཾ, ཛྷཱཡིཾ ཛྷཱནརཏཾ སཏཾ;

ཨདཱསིཾ པུཔྥཱབྷིཀིཎྞཾ, ཨཱསནཾ དུསྶསནྠཏཾ.

༣༩.

‘‘ཨུཔཌྜྷཾ པདྨམཱལཱཧཾ, ཨཱསནསྶ སམནྟཏོ;

ཨབྦྷོཀིརིསྶཾ པཏྟེཧི, པསནྣཱ སེཧི པཱཎིབྷི.

༤༠.

‘‘ཏསྶ ཀམྨཀུསལསྶ [ཀམྨསྶ ཀུསལསྶ (སཱི. པཱི.)], ཨིདཾ མེ ཨཱིདིསཾ ཕལཾ;

སཀྐཱརོ གརུཀཱརོ ཙ, དེཝཱནཾ ཨཔཙིཏཱ ཨཧཾ.

༤༡.

‘‘ཡོ ཝེ སམྨཱཝིམུཏྟཱནཾ, སནྟཱནཾ བྲཧྨཙཱརིནཾ;

པསནྣོ ཨཱསནཾ དཛྫཱ, ཨེཝཾ ནནྡེ ཡཐཱ ཨཧཾ.

༤༢.

‘‘ཏསྨཱ ཧི ཨཏྟཀཱམེན [ཨཏྠཀཱམེན (ཀ.)], མཧཏྟམབྷིཀངྑཏཱ;

ཨཱསནཾ དཱཏབྦཾ ཧོཏི, སརཱིརནྟིམདྷཱརིན’’ནྟི.

ཀུཉྫརཝིམཱནཾ པཉྩམཾ.

༦. པཋམནཱཝཱཝིམཱནཝཏྠུ

༤༣.

‘‘སུཝཎྞཙྪདནཾ ¶ ནཱཝཾ, ནཱརི ཨཱརུཡ྄ཧ ཏིཊྛསི;

ཨོགཱཧསི པོཀྑརཎིཾ, པདྨཾ [པདུམཾ (སཱི. སྱཱ.)] ཚིནྡསི པཱཎིནཱ.

༤༤.

‘‘ཀེན ཏེཏཱདིསོ ཝཎྞོ, ཀེན ཏེ ཨིདྷ མིཛ྄ཛྷཏི;

ཨུཔྤཛྫནྟི ཙ ཏེ བྷོགཱ, ཡེ ཀེཙི མནསོ པིཡཱ.

༤༥.

‘‘པུཙྪཱམི ཏཾ དེཝི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ¶ ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༤༦.

སཱ དེཝཏཱ ཨཏྟམནཱ, མོགྒལླཱནེན པུཙྪིཏཱ;

པཉྷཾ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༤༧.

‘‘ཨཧཾ ¶ མནུསྶེསུ མནུསྶབྷཱུཏཱ, པུརིམཱཡ ཛཱཏིཡཱ མནུསྶལོཀེ;

དིསྭཱན བྷིཀྑཱུ ཏསིཏེ ཀིལནྟེ, ཨུཊྛཱཡ པཱཏུཾ ཨུདཀཾ ཨདཱསིཾ.

༤༨.

‘‘ཡོ ¶ ཝེ ཀིལནྟཱན པིཔཱསིཏཱནཾ, ཨུཊྛཱཡ པཱཏུཾ ཨུདཀཾ དདཱཏི;

སཱིཏོདཀཱ [སཱིཏོདིཀཱ (སཱི.)] ཏསྶ བྷཝནྟི ནཛྫོ, པཧཱུཏམལྱཱ བཧུཔུཎྜརཱིཀཱ.

༤༩.

‘‘ཏཾ ཨཱཔགཱ [ཏམཱཔགཱ (སཱི. ཀ.)] ཨནུཔརིཡནྟི སབྦདཱ, སཱིཏོདཀཱ ཝཱལུཀསནྠཏཱ ནདཱི;

ཨམྦཱ ཙ སཱལཱ ཏིལཀཱ ཙ ཛམྦུཡོ, ཨུདྡཱལཀཱ པཱཊལིཡོ ཙ ཕུལླཱ.

༥༠.

‘‘ཏཾ བྷཱུམིབྷཱགེཧི ཨུཔེཏརཱུཔཾ, ཝིམཱནསེཊྛཾ བྷུསསོབྷམཱནཾ;

ཏསྶཱིདྷ [ཏསྶེཝ (སྱཱ.)] ཀམྨསྶ ཨཡཾ ཝིཔཱཀོ, ཨེཏཱདིསཾ པུཉྙཀཏཱ [ཀཏཔུཉྙཱ (སཱི.)] ལབྷནྟི.

༥༡.

‘‘ཏེན ¶ མེཏཱདིསོ ཝཎྞོ, ཏེན མེ ཨིདྷ མིཛ྄ཛྷཏི;

ཨུཔྤཛྫནྟི ཙ མེ བྷོགཱ, ཡེ ཀེཙི མནསོ པིཡཱ.

༥༢.

‘‘ཨཀྑཱམི ཏེ བྷིཀྑུ མཧཱནུབྷཱཝ, མནུསྶབྷཱུཏཱ ཡམཀཱསི པུཉྙཾ;

ཏེནམྷི ཨེཝཾ ཛལིཏཱནུབྷཱཝཱ, ཝཎྞོ ཙ མེ སབྦདིསཱ པབྷཱསཏཱི’’ཏི.

པཋམནཱཝཱཝིམཱནཾ ཚཊྛཾ.

༧. དུཏིཡནཱཝཱཝིམཱནཝཏྠུ

༥༣.

‘‘སུཝཎྞཙྪདནཾ ¶ ནཱཝཾ, ནཱརི ཨཱརུཡ྄ཧ ཏིཊྛསི;

ཨོགཱཧསི པོཀྑརཎིཾ, པདྨཾ ཚིནྡསི པཱཎིནཱ.

༥༤.

‘‘ཀེན ¶ ཏེཏཱདིསོ ཝཎྞོ, ཀེན ཏེ ཨིདྷ མིཛ྄ཛྷཏི;

ཨུཔྤཛྫནྟི ཙ ཏེ བྷོགཱ, ཡེ ཀེཙི མནསོ པིཡཱ.

༥༥.

‘‘པུཙྪཱམི ཏཾ དེཝི མཧཱནུབྷཱཝེ, མནུསྶབྷུཏཱ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༥༦.

སཱ ¶ དེཝཏཱ ཨཏྟམནཱ, མོགྒལླཱནེན པུཙྪིཏཱ;

པཉྷཾ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༥༧.

‘‘ཨཧཾ མནུསྶེསུ མནུསྶབྷཱུཏཱ, པུརིམཱཡ ཛཱཏིཡཱ མནུསྶལོཀེ;

དིསྭཱན བྷིཀྑུཾ ཏསིཏཾ ཀིལནྟཾ, ཨུཊྛཱཡ པཱཏུཾ ཨུདཀཾ ཨདཱསིཾ.

༥༨.

‘‘ཡོ ཝེ ཀིལནྟསྶ པིཔཱསིཏསྶ, ཨུཊྛཱཡ པཱཏུཾ ཨུདཀཾ དདཱཏི;

སཱིཏོདཀཱ ཏསྶ བྷཝནྟི ནཛྫོ, པཧཱུཏམལྱཱ བཧུཔུཎྜརཱིཀཱ.

༥༩.

‘‘ཏཾ ཨཱཔགཱ ཨནུཔརིཡནྟི སབྦདཱ, སཱིཏོདཀཱ ཝཱལུཀསནྠཏཱ ནདཱི;

ཨམྦཱ ཙ སཱལཱ ཏིལཀཱ ཙ ཛམྦུཡོ, ཨུདྡཱལཀཱ པཱཊལིཡོ ཙ ཕུལླཱ.

༦༠.

‘‘ཏཾ ¶ བྷཱུམིབྷཱགེཧི ཨུཔེཏརཱུཔཾ, ཝིམཱནསེཊྛཾ བྷུསསོབྷམཱནཾ;

ཏསྶཱིདྷ ཀམྨསྶ ཨཡཾ ཝིཔཱཀོ, ཨེཏཱདིསཾ པུཉྙཀཏཱ ལབྷནྟི.

༦༡.

‘‘ཏེན མེཏཱདིསོ ཝཎྞོ, ཏེན མེ ཨིདྷ མིཛ྄ཛྷཏི;

ཨུཔྤཛྫནྟི ཙ མེ བྷོགཱ, ཡེ ཀེཙི མནསོ པིཡཱ.

༦༢.

‘‘ཨཀྑཱམི ¶ ¶ ཏེ བྷིཀྑུ མཧཱནུབྷཱཝ, མནུསྶབྷཱུཏཱ ཡམཀཱསི པུཉྙཾ;

ཏེནམྷི ཨེཝཾ ཛལིཏཱནུབྷཱཝཱ, ཝཎྞོ ཙ མེ སབྦདིསཱ པབྷཱསཏཱི’’ཏི.

དུཏིཡནཱཝཱཝིམཱནཾ སཏྟམཾ.

༨. ཏཏིཡནཱཝཱཝིམཱནཝཏྠུ

༦༣.

‘‘སུཝཎྞཙྪདནཾ ¶ ནཱཝཾ, ནཱརི ཨཱརུཡ྄ཧ ཏིཊྛསི;

ཨོགཱཧསི པོཀྑརཎིཾ, པདྨཾ ཚིནྡསི པཱཎིནཱ.

༦༤.

‘‘ཀཱུཊཱགཱརཱ ¶ ནིཝེསཱ ཏེ, ཝིབྷཏྟཱ བྷཱགསོ མིཏཱ;

དདྡལླམཱནཱ [དདྡལ༹ྷམཱནཱ (ཀ.)] ཨཱབྷནྟི, སམནྟཱ ཙཏུརོ དིསཱ.

༦༥.

‘‘ཀེན ཏེཏཱདིསོ ཝཎྞོ, ཀེན ཏེ ཨིདྷ མིཛ྄ཛྷཏི;

ཨུཔྤཛྫནྟི ཙ ཏེ བྷོགཱ, ཡེ ཀེཙི མནསོ པིཡཱ.

༦༦.

‘‘པུཙྪཱམི ཏཾ དེཝི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༦༧.

སཱ དེཝཏཱ ཨཏྟམནཱ, སམྦུདྡྷེནེཝ པུཙྪིཏཱ;

པཉྷཾ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༦༨.

‘‘ཨཧཾ མནུསྶེསུ མནུསྶབྷཱུཏཱ, པུརིམཱཡ ཛཱཏིཡཱ མནུསྶལོཀེ;

དིསྭཱན ¶ བྷིཀྑཱུ ཏསིཏེ ཀིལནྟེ, ཨུཊྛཱཡ པཱཏུཾ ཨུདཀཾ ཨདཱསིཾ.

༦༩.

‘‘ཡོ ཝེ ཀིལནྟཱན པིཔཱསིཏཱནཾ, ཨུཊྛཱཡ པཱཏུཾ ཨུདཀཾ དདཱཏི;

སཱིཏོདཀཱ ཏསྶ བྷཝནྟི ནཛྫོ, པཧཱུཏམལྱཱ བཧུཔུཎྜརཱིཀཱ.

༧༠.

‘‘ཏཾ ¶ ཨཱཔགཱ ཨནུཔརིཡནྟི སབྦདཱ, སཱིཏོདཀཱ ཝཱལུཀསནྠཏཱ ནདཱི;

ཨམྦཱ ཙ སཱལཱ ཏིལཀཱ ཙ ཛམྦུཡོ, ཨུདྡཱལཀཱ པཱཊལིཡོ ཙ ཕུལླཱ.

༧༡.

‘‘ཏཾ བྷཱུམིབྷཱགེཧི ཨུཔེཏརཱུཔཾ, ཝིམཱནསེཊྛཾ བྷུསསོབྷམཱནཾ;

ཏསྶཱིདྷ ཀམྨསྶ ཨཡཾ ཝིཔཱཀོ, ཨེཏཱདིསཾ པུཉྙཀཏཱ ལབྷནྟི.

༧༢.

‘‘ཀཱུཊཱགཱརཱ ¶ ནིཝེསཱ མེ, ཝིབྷཏྟཱ བྷཱགསོ མིཏཱ;

དདྡལླམཱནཱ ཨཱབྷནྟི, སམནྟཱ ཙཏུརོ དིསཱ.

༧༣.

‘‘ཏེན མེཏཱདིསོ ཝཎྞོ, ཏེན མེ ཨིདྷ མིཛ྄ཛྷཏི;

ཨུཔྤཛྫནྟི ཙ མེ བྷོགཱ, ཡེ ཀེཙི མནསོ པིཡཱ.

༧༤.

‘‘ཨཀྑཱམི ཏེ བུདྡྷ མཧཱནུབྷཱཝ, མནུསྶབྷཱུཏཱ ཡམཀཱསི པུཉྙཾ;

ཏེནམྷི ཨེཝཾ ཛལིཏཱནུབྷཱཝཱ, ཝཎྞོ ཙ མེ སབྦདིསཱ པབྷཱསཏི;

ཨེཏསྶ ¶ ཀམྨསྶ ཕལཾ མམེདཾ, ཨཏྠཱཡ བུདྡྷོ ཨུདཀཾ ཨཔཱཡཱི’’ཏི [ཨཔཱསཱིཏི (སཱི. སྱཱ. པཱི.)].

ཏཏིཡནཱཝཱཝིམཱནཾ ཨཊྛམཾ.

༩. དཱིཔཝིམཱནཝཏྠུ

༧༥.

‘‘ཨབྷིཀྐནྟེན ¶ ཝཎྞེན, ཡཱ ཏྭཾ ཏིཊྛསི དེཝཏེ;

ཨོབྷཱསེནྟཱི དིསཱ སབྦཱ, ཨོསདྷཱི ཝིཡ ཏཱརཀཱ.

༧༦.

‘‘ཀེན ཏེཏཱདིསོ ཝཎྞོ, ཀེན ཏེ ཨིདྷ མིཛ྄ཛྷཏི;

ཨུཔྤཛྫནྟི ཙ ཏེ བྷོགཱ, ཡེ ཀེཙི མནསོ པིཡཱ.

༧༧.

‘‘ཀེན ཏྭཾ ཝིམལོབྷཱསཱ, ཨཏིརོཙསི དེཝཏཱ [དེཝཏེ (བཧཱུསུ) ༨༣ ཝིསྶཛྫནགཱཐཱཡ སཾསནྡེཏབྦཾ];

ཀེན ཏེ སབྦགཏྟེཧི, སབྦཱ ཨོབྷཱསཏེ དིསཱ.

༧༨.

‘‘པུཙྪཱམི ¶ ཏཾ དེཝི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༧༩.

སཱ དེཝཏཱ ཨཏྟམནཱ, མོགྒལླཱནེན པུཙྪིཏཱ;

པཉྷཾ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༨༠.

‘‘ཨཧཾ མནུསྶེསུ མནུསྶབྷཱུཏཱ, པུརིམཱཡ ཛཱཏིཡཱ མནུསྶལོཀེ;

ཏམནྡྷཀཱརམྷི ཏིམཱིསིཀཱཡཾ, པདཱིཔཀཱལམྷི ཨདཱསི དཱིཔཾ [ཨདཾ པདཱིཔཾ (སཱི. སྱཱ. པཱི.)].

༨༡.

‘‘ཡོ ཨནྡྷཀཱརམྷི ཏིམཱིསིཀཱཡཾ, པདཱིཔཀཱལམྷི ¶ དདཱཏི དཱིཔཾ;

ཨུཔྤཛྫཏི ཛོཏིརསཾ ཝིམཱནཾ, པཧཱུཏམལྱཾ བཧུཔུཎྜརཱིཀཾ.

༨༢.

‘‘ཏེན མེཏཱདིསོ ཝཎྞོ, ཏེན མེ ཨིདྷ མིཛ྄ཛྷཏི;

ཨུཔྤཛྫནྟི ཙ མེ བྷོགཱ, ཡེ ཀེཙི མནསོ པིཡཱ.

༨༣.

‘‘ཏེནཱཧཾ ཝིམལོབྷཱསཱ, ཨཏིརོཙཱམི དེཝཏཱ;

ཏེན མེ སབྦགཏྟེཧི, སབྦཱ ཨོབྷཱསཏེ དིསཱ.

༨༤.

‘‘ཨཀྑཱམི ¶ ཏེ བྷིཀྑུ མཧཱནུབྷཱཝ, མནུསྶབྷཱུཏཱ ཡམཀཱསི པུཉྙཾ;

ཏེནམྷི ཨེཝཾ ཛལིཏཱནུབྷཱཝཱ, ཝཎྞོ ཙ མེ སབྦདིསཱ པབྷཱསཏཱི’’ཏི.

དཱིཔཝིམཱནཾ ནཝམཾ.

༡༠. ཏིལདཀྑིཎཝིམཱནཝཏྠུ

༨༥.

‘‘ཨབྷིཀྐནྟེན ¶ ཝཎྞེན, ཡཱ ཏྭཾ ཏིཊྛསི དེཝཏེ;

ཨོབྷཱསེནྟཱི དིསཱ སབྦཱ, ཨོསདྷཱི ཝིཡ ཏཱརཀཱ.

༨༦.

‘‘ཀེན ¶ ཏེཏཱདིསོ ཝཎྞོ, ཀེན ཏེ ཨིདྷ མིཛ྄ཛྷཏི;

ཨུཔྤཛྫནྟི ཙ ཏེ བྷོགཱ, ཡེ ཀེཙི མནསོ པིཡཱ.

༨༧.

‘‘པུཙྪཱམི ཏཾ དེཝི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༨༨.

སཱ ¶ དེཝཏཱ ཨཏྟམནཱ, མོགྒལླཱནེན པུཙྪིཏཱ;

པཉྷཾ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༨༩.

‘ཨཧཾ མནུསྶེསུ མནུསྶབྷཱུཏཱ, པུརིམཱཡ ཛཱཏིཡཱ མནུསྶལོཀེ.

༩༠.

‘‘ཨདྡསཾ ཝིརཛཾ བུདྡྷཾ, ཝིཔྤསནྣམནཱཝིལཾ;

ཨཱསཛྫ དཱནཾ ཨདཱསིཾ, ཨཀཱམཱ ཏིལདཀྑིཎཾ;

དཀྑིཎེཡྻསྶ བུདྡྷསྶ, པསནྣཱ སེཧི པཱཎིབྷི.

༩༡.

‘‘ཏེན མེཏཱདིསོ ཝཎྞོ, ཏེན མེ ཨིདྷ མིཛ྄ཛྷཏི;

ཨུཔྤཛྫནྟི ཙ མེ བྷོགཱ, ཡེ ཀེཙི མནསོ པིཡཱ.

༩༢.

‘‘ཨཀྑཱམི ཏེ བྷིཀྑུ མཧཱནུབྷཱཝ, མནུསྶབྷཱུཏཱ ཡམཀཱསི པུཉྙཾ;

ཏེནམྷི ཨེཝཾ ཛལིཏཱནུབྷཱཝཱ, ཝཎྞོ ཙ མེ སབྦདིསཱ པབྷཱསཏཱི’’ཏི.

ཏིལདཀྑིཎཝིམཱནཾ དསམཾ.

༡༡. པཋམཔཏིབྦཏཱཝིམཱནཝཏྠུ

༩༣.

‘‘ཀོཉྩཱ ¶ མཡཱུརཱ དིཝིཡཱ ཙ ཧཾསཱ, ཝགྒུསྶརཱ ཀོཀིལཱ སམྤཏནྟི;

པུཔྥཱབྷིཀིཎྞཾ རམྨམིདཾ ཝིམཱནཾ, ཨནེཀཙིཏྟཾ ནརནཱརིསེཝིཏཾ [ནརནཱརཱིབྷི སེཝིཏཾ (ཀ.)].

༩༤.

‘‘ཏཏྠཙྪསི ¶ ¶ དེཝི མཧཱནུབྷཱཝེ, ཨིདྡྷཱི ཝིཀུབྦནྟི ཨནེཀརཱུཔཱ;

ཨིམཱ ¶ ཙ ཏེ ཨཙྪརཱཡོ སམནྟཏོ, ནཙྩནྟི གཱཡནྟི པམོདཡནྟི ཙ.

༩༥.

‘‘དེཝིདྡྷིཔཏྟཱསི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༩༦.

སཱ དེཝཏཱ ཨཏྟམནཱ, མོགྒལླཱནེན པུཙྪིཏཱ;

པཉྷཾ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༩༧.

‘‘ཨཧཾ མནུསྶེསུ མནུསྶབྷཱུཏཱ, པཏིབྦཏཱནཉྙམནཱ ཨཧོསིཾ;

མཱཏཱཝ པུཏྟཾ ཨནུརཀྑམཱནཱ, ཀུདྡྷཱཔིཧཾ [ཀུདྡྷཱཔཧཾ (སཱི.)] ནཔྥརུསཾ ཨཝོཙཾ.

༩༨.

‘‘སཙྩེ ཋིཏཱ མོསཝཛྫཾ པཧཱཡ, དཱནེ རཏཱ སངྒཧིཏཏྟབྷཱཝཱ;

ཨནྣཉྩ པཱནཉྩ པསནྣཙིཏྟཱ, སཀྐཙྩ དཱནཾ ཝིཔུལཾ ཨདཱསིཾ.

༩༩.

‘‘ཏེན མེཏཱདིསོ ཝཎྞོ, ཏེན མེ ཨིདྷ མིཛ྄ཛྷཏི;

ཨུཔྤཛྫནྟི ཙ མེ བྷོགཱ, ཡེ ཀེཙི མནསོ པིཡཱ.

༡༠༠.

‘‘ཨཀྑཱམི ཏེ བྷིཀྑུ མཧཱནུབྷཱཝ, མནུསྶབྷཱུཏཱ ཡམཀཱསི པུཉྙཾ;

ཏེནམྷི ¶ ཨེཝཾ ཛལིཏཱནུབྷཱཝཱ, ཝཎྞོ ཙ མེ སབྦདིསཱ པབྷཱསཏཱི’’ཏི.

པཋམཔཏིབྦཏཱཝིམཱནཾ ཨེཀཱདསམཾ.

༡༢. དུཏིཡཔཏིབྦཏཱཝིམཱནཝཏྠུ

༡༠༡.

‘‘ཝེལུ༹རིཡཐམྦྷཾ ¶ ¶ རུཙིརཾ པབྷསྶརཾ, ཝིམཱནམཱརུཡ྄ཧ ཨནེཀཙིཏྟཾ;

ཏཏྠཙྪསི དེཝི མཧཱནུབྷཱཝེ, ཨུཙྩཱཝཙཱ ཨིདྡྷི ཝིཀུབྦམཱནཱ;

ཨིམཱ ཙ ཏེ ཨཙྪརཱཡོ སམནྟཏོ, ནཙྩནྟི གཱཡནྟི པམོདཡནྟི ཙ.

༡༠༢.

‘‘དེཝིདྡྷིཔཏྟཱསི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༠༣.

སཱ དེཝཏཱ ཨཏྟམནཱ, མོགྒལླཱནེན པུཙྪིཏཱ;

པཉྷཾ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༡༠༤.

‘‘ཨཧཾ མནུསྶེསུ མནུསྶབྷཱུཏཱ, ཨུཔཱསིཀཱ ཙཀྑུམཏོ ཨཧོསིཾ;

པཱཎཱཏིཔཱཏཱ ཝིརཏཱ ཨཧོསིཾ, ལོཀེ ཨདིནྣཾ པརིཝཛྫཡིསྶཾ.

༡༠༥.

‘‘ཨམཛྫཔཱ ནོ ཙ [ནཱཔི (སྱཱ.)] མུསཱ ཨབྷཱཎིཾ [ཨབྷཱསིཾ (ཀ.)], སཀེན ¶ སཱམིནཱ [སཱམིནཱཝ (སཱི.)] ཨཧོསིཾ ཏུཊྛཱ;

ཨནྣཉྩ པཱནཉྩ པསནྣཙིཏྟཱ, སཀྐཙྩ དཱནཾ ཝིཔུལཾ ཨདཱསིཾ.

༡༠༦.

‘‘ཏེན ¶ མེཏཱདིསོ ཝཎྞོ, ཏེན མེ ཨིདྷ མིཛ྄ཛྷཏི;

ཨུཔྤཛྫནྟི ཙ མེ བྷོགཱ, ཡེ ཀེཙི མནསོ པིཡཱ.

༡༠༧.

‘‘ཨཀྑཱམི ཏེ བྷིཀྑུ མཧཱནུབྷཱཝ, མནུསྶབྷཱུཏཱ ཡམཀཱསི པུཉྙཾ;

ཏེནམྷི ཨེཝཾ ཛལིཏཱནུབྷཱཝཱ, ཝཎྞོ ཙ མེ སབྦདིསཱ པབྷཱསཏཱི’’ཏི.

དུཏིཡཔཏིབྦཏཱཝིམཱནཾ དྭཱདསམཾ.

༡༣. པཋམསུཎིསཱཝིམཱནཝཏྠུ

༡༠༨.

‘‘ཨབྷིཀྐནྟེན ¶ ¶ ཝཎྞེན, ཡཱ ཏྭཾ ཏིཊྛསི དེཝཏེ;

ཨོབྷཱསེནྟཱི དིསཱ སབྦཱ, ཨོསདྷཱི ཝིཡ ཏཱརཀཱ.

༡༠༩.

‘‘ཀེན ཏེཏཱདིསོ ཝཎྞོ, ཀེན ཏེ ཨིདྷ མིཛ྄ཛྷཏི;

ཨུཔྤཛྫནྟི ཙ ཏེ བྷོགཱ, ཡེ ཀེཙི མནསོ པིཡཱ.

༡༡༠.

‘‘པུཙྪཱམི ཏཾ དེཝི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༡༡.

སཱ དེཝཏཱ ཨཏྟམནཱ, མོགྒལླཱནེན པུཙྪིཏཱ;

པཉྷཾ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༡༡༢.

‘‘ཨཧཾ ¶ མནུསྶེསུ མནུསྶབྷཱུཏཱ, སུཎིསཱ ཨཧོསིཾ སསུརསྶ གེཧེ [གྷརེ (སྱཱ. ཀ.)].

༡༡༣.

‘‘ཨདྡསཾ ཝིརཛཾ བྷིཀྑུཾ, ཝིཔྤསནྣམནཱཝིལཾ;

ཏསྶ ཨདཱསཧཾ པཱུཝཾ, པསནྣཱ སེཧི པཱཎིབྷི;

བྷཱགཌྜྷབྷཱགཾ དཏྭཱན, མོདཱམི ནནྡནེ ཝནེ.

༡༡༤.

‘‘ཏེན མེཏཱདིསོ ཝཎྞོ, ཏེན མེ ཨིདྷ མིཛ྄ཛྷཏི;

ཨུཔྤཛྫནྟི ཙ མེ བྷོགཱ, ཡེ ཀེཙི མནསོ པིཡཱ.

༡༡༥.

‘‘ཨཀྑཱམི ཏེ བྷིཀྑུ མཧཱནུབྷཱཝ, མནུསྶབྷཱུཏཱ ཡམཀཱསི པུཉྙཾ;

ཏེནམྷི ཨེཝཾ ཛལིཏཱནུབྷཱཝཱ, ཝཎྞོ ཙ མེ སབྦདིསཱ པབྷཱསཏཱི’’ཏི.

པཋམསུཎིསཱཝིམཱནཾ ཏེརསམཾ.

༡༤. དུཏིཡསུཎིསཱཝིམཱནཝཏྠུ

༡༡༦.

‘‘ཨབྷིཀྐནྟེན ¶ ཝཎྞེན, ཡཱ ཏྭཾ ཏིཊྛསི དེཝཏེ;

ཨོབྷཱསེནྟཱི དིསཱ སབྦཱ, ཨོསདྷཱི ཝིཡ ཏཱརཀཱ.

༡༡༧.

‘‘ཀེན ¶ ¶ ཏེཏཱདིསོ ཝཎྞོ, ཀེན ཏེ ཨིདྷ མིཛ྄ཛྷཏི;

ཨུཔྤཛྫནྟི ཙ ཏེ བྷོགཱ, ཡེ ཀེཙི མནསོ པིཡཱ.

༡༡༨.

‘‘པུཙྪཱམི ཏཾ དེཝི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༡༩.

སཱ ¶ དེཝཏཱ ཨཏྟམནཱ, མོགྒལླཱནེན པུཙྪིཏཱ;

པཉྷཾ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༡༢༠.

‘‘ཨཧཾ ¶ མནུསྶེསུ མནུསྶབྷཱུཏཱ, སུཎིསཱ ཨཧོསིཾ སསུརསྶ གེཧེ.

༡༢༡.

‘‘ཨདྡསཾ ཝིརཛཾ བྷིཀྑུཾ, ཝིཔྤསནྣམནཱཝིལཾ;

ཏསྶ ཨདཱསཧཾ བྷཱགཾ, པསནྣཱ སེཧི པཱཎིབྷི;

ཀུམྨཱསཔིཎྜཾ དཏྭཱན, མོདཱམི ནནྡནེ ཝནེ.

༡༢༢.

‘‘ཏེན མེཏཱདིསོ ཝཎྞོ, ཏེན མེ ཨིདྷ མིཛ྄ཛྷཏི;

ཨུཔྤཛྫནྟི ཙ མེ བྷོགཱ, ཡེ ཀེཙི མནསོ པིཡཱ.

༡༢༣.

‘‘ཨཀྑཱམི ཏེ བྷིཀྑུ མཧཱནུབྷཱཝ, མནུསྶབྷཱུཏཱ ཡམཀཱསི པུཉྙཾ;

ཏེནམྷི ཨེཝཾ ཛལིཏཱནུབྷཱཝཱ, ཝཎྞོ ཙ མེ སབྦདིསཱ པབྷཱསཏཱི’’ཏི.

དུཏིཡསུཎིསཱཝིམཱནཾ ཙུདྡསམཾ.

༡༥. ཨུཏྟརཱཝིམཱནཝཏྠུ

༡༢༤.

‘‘ཨབྷིཀྐནྟེན ཝཎྞེན, ཡཱ ཏྭཾ ཏིཊྛསི དེཝཏེ;

ཨོབྷཱསེནྟཱི དིསཱ སབྦཱ, ཨོསདྷཱི ཝིཡ ཏཱརཀཱ.

༡༢༥.

‘‘ཀེན ཏེཏཱདིསོ ཝཎྞོ, ཀེན ཏེ ཨིདྷ མིཛ྄ཛྷཏི;

ཨུཔྤཛྫནྟི ཙ ཏེ བྷོགཱ, ཡེ ཀེཙི མནསོ པིཡཱ.

༡༢༦.

‘‘པུཙྪཱམི ¶ ཏཾ དེཝི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༢༧.

སཱ ¶ དེཝཏཱ ཨཏྟམནཱ, མོགྒལླཱནེན པུཙྪིཏཱ;

པཉྷཾ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༡༢༨.

‘‘ཨིསྶཱ ¶ ཙ མཙྪེརམཐོ [མཙྪརིཡམཐོ ཙ (ཀ.)] པལཱ༹སོ, ནཱཧོསི མཡ྄ཧཾ གྷརམཱཝསནྟིཡཱ;

ཨཀྐོདྷནཱ བྷཏྟུཝསཱནུཝཏྟིནཱི, ཨུཔོསཐེ ནིཙྩཧམཔྤམཏྟཱ.

༡༢༩.

‘‘ཙཱཏུདྡསིཾ པཉྩདསིཾ, ཡཱ ཙ [ཡཱཝ (སཱི. ཨཊྛ., ཀ. ཨཊྛ.) ཐེརཱིགཱཐཱཨཊྛཀཐཱ པསྶིཏབྦཱ] པཀྑསྶ ཨཊྛམཱི;

པཱཊིཧཱརིཡཔཀྑཉྩ, ཨཊྛངྒསུསམཱགཏཾ.

༡༣༠.

‘‘ཨུཔོསཐཾ ཨུཔཝསིསྶཾ, སདཱ སཱིལེསུ སཾཝུཏཱ;

སཉྙམཱ སཾཝིབྷཱགཱ ཙ, ཝིམཱནཾ ཨཱཝསཱམཧཾ [ཨཱཝསཱམིམཾ (སཱི. ཨཊྛ., ཀ.) པརཏོ པན སབྦཏྠཔི ‘‘ཨཱཝསཱམཧཾ’’ ཨིཙྩེཝ དིསྶཏི].

༡༣༡.

‘‘པཱཎཱཏིཔཱཏཱ ཝིརཏཱ, མུསཱཝཱདཱ ཙ སཉྙཏཱ;

ཐེཡྻཱ ཙ ཨཏིཙཱརཱ ཙ, མཛྫཔཱནཱ ཙ ཨཱརཀཱ [ཨཱརཏཱ (?)].

༡༣༢.

‘‘པཉྩསིཀྑཱཔདེ རཏཱ, ཨརིཡསཙྩཱན ཀོཝིདཱ;

ཨུཔཱསིཀཱ ཙཀྑུམཏོ, གོཏམསྶ ཡསསྶིནོ.

༡༣༣.

‘‘སཱཧཾ སཀེན སཱིལེན, ཡསསཱ ཙ ཡསསྶིནཱི;

ཨནུབྷོམི སཀཾ པུཉྙཾ, སུཁིཏཱ ཙམྷིནཱམཡཱ.

༡༣༤.

‘‘ཏེན མེཏཱདིསོ ཝཎྞོ, ཏེན མེ ཨིདྷ མིཛ྄ཛྷཏི;

ཨུཔྤཛྫནྟི ཙ མེ བྷོགཱ, ཡེ ཀེཙི མནསོ པིཡཱ.

༡༣༥.

‘‘ཨཀྑཱམི ཏེ བྷིཀྑུ མཧཱནུབྷཱཝ, མནུསྶབྷཱུཏཱ ཡམཧཾ ཨཀཱསིཾ;

ཏེནམྷི ཨེཝཾ ཛལིཏཱནུབྷཱཝཱ, ཝཎྞོ ¶ ཙ མེ སབྦདིསཱ པབྷཱསཏཱིཏི.

༡༣༦. ‘‘མམ ¶ ཙ, བྷནྟེ, ཝཙནེན བྷགཝཏོ པཱདེ སིརསཱ ཝནྡེཡྻཱསི – ‘ཨུཏྟརཱ ནཱམ, བྷནྟེ, ཨུཔཱསིཀཱ བྷགཝཏོ པཱདེ སིརསཱ ཝནྡཏཱི’ཏི. ཨནཙྪརིཡཾ ཁོ པནེཏཾ, བྷནྟེ, ཡཾ མཾ བྷགཝཱ ཨཉྙཏརསྨིཾ སཱམཉྙཕལེ བྱཱཀརེཡྻ [བྱཱཀརེཡྻཱཏི (?)], ཏཾ བྷགཝཱ སཀདཱགཱམིཕལེ བྱཱཀཱསཱི’’ཏི.

ཨུཏྟརཱཝིམཱནཾ པནྣརསམཾ.

༡༦. སིརིམཱཝིམཱནཝཏྠུ

༡༣༧.

‘‘ཡུཏྟཱ ¶ ཙ ཏེ པརམཨལངྐཏཱ ཧཡཱ, ཨདྷོམུཁཱ ཨགྷསིགམཱ བལཱི ཛཝཱ;

ཨབྷིནིམྨིཏཱ པཉྩརཐཱསཏཱ ཙ ཏེ, ཨནྭེནྟི ཏཾ སཱརཐིཙོདིཏཱ ཧཡཱ.

༡༣༨.

‘‘སཱ ཏིཊྛསི རཐཝརེ ཨལངྐཏཱ, ཨོབྷཱསཡཾ ཛལམིཝ ཛོཏི པཱཝཀོ;

པུཙྪཱམི ཏཾ ཝརཏནུ [ཝརཙཱརུ (ཀཏྠཙི)] ཨནོམདསྶནེ, ཀསྨཱ ནུ ཀཱཡཱ ཨནདྷིཝརཾ ཨུཔཱགམི.

༡༣༩.

‘‘ཀཱམགྒཔཏྟཱནཾ ¶ ཡམཱཧུནུཏྟརཾ [… ནུཏྟརཱ (ཀ.), ཨནུཏྟརཱ (སྱཱ.)], ནིམྨཱཡ ནིམྨཱཡ རམནྟི དེཝཏཱ;

ཏསྨཱ ཀཱཡཱ ཨཙྪརཱ ཀཱམཝཎྞིནཱི, ཨིདྷཱགཏཱ ཨནདྷིཝརཾ ནམསྶིཏུཾ.

༡༤༠.

‘‘ཀིཾ ཏྭཾ པུརེ སུཙརིཏམཱཙརཱིདྷ [སུཙརིཏཾ ཨཙཱརིདྷ (པཱི.)],

ཀེནཙྪསི ¶ ཏྭཾ ཨམིཏཡསཱ སུཁེདྷིཏཱ;

ཨིདྡྷཱི ཙ ཏེ ཨནདྷིཝརཱ ཝིཧངྒམཱ,

ཝཎྞོ ཙ ཏེ དས དིསཱ ཝིརོཙཏི.

༡༤༡.

‘‘དེཝེཧི ཏྭཾ པརིཝུཏཱ སཀྐཏཱ ཙསི,

ཀུཏོ ཙུཏཱ སུགཏིགཏཱསི དེཝཏེ;

ཀསྶ ཝཱ ཏྭཾ ཝཙནཀརཱནུསཱསནིཾ,

ཨཱཙིཀྑ མེ ཏྭཾ ཡདི བུདྡྷསཱཝིཀཱ’’ཏི.

༡༤༢.

‘‘ནགནྟརེ ¶ ནགརཝརེ སུམཱཔིཏེ, པརིཙཱརིཀཱ རཱཛཝརསྶ སིརིམཏོ;

ནཙྩེ གཱིཏེ པརམསུསིཀྑིཏཱ ཨཧུཾ, སིརིམཱཏི མཾ རཱཛགཧེ ཨཝེདིཾསུ [ཨཝེདིསུཾ (?)].

༡༤༣.

‘‘བུདྡྷོ ཙ མེ ཨིསིནིསབྷོ ཝིནཱཡཀོ, ཨདེསཡཱི སམུདཡདུཀྑནིཙྩཏཾ;

ཨསངྑཏཾ དུཀྑནིརོདྷསསྶཏཾ, མགྒཉྩིམཾ ཨཀུཊིལམཉྫསཾ སིཝཾ.

༡༤༤.

‘‘སུཏྭཱནཧཾ ཨམཏཔདཾ ཨསངྑཏཾ, ཏཐཱགཏསྶནདྷིཝརསྶ སཱསནཾ;

སཱིལེསྭཧཾ པརམསུསཾཝུཏཱ ཨཧུཾ, དྷམྨེ ཋིཏཱ ནརཝརབུདྡྷདེསིཏེ [བྷཱསིཏེ (སཱི.)].

༡༤༥.

‘‘ཉཏྭཱནཧཾ ཝིརཛཔདཾ ཨསངྑཏཾ, ཏཐཱགཏེནནདྷིཝརེན ¶ དེསིཏཾ;

ཏཏྠེཝཧཾ སམཐསམཱདྷིམཱཕུསིཾ, སཱཡེཝ མེ པརམནིཡཱམཏཱ ཨཧུ.

༡༤༦.

‘‘ལདྡྷཱནཧཾ ¶ ཨམཏཝརཾ ཝིསེསནཾ, ཨེཀཾསིཀཱ ཨབྷིསམཡེ ཝིསེསིཡ;

ཨསཾསཡཱ བཧུཛནཔཱུཛིཏཱ ཨཧཾ, ཁིཌྜཱརཏིཾ [ཁིཌྜཾ རཏིཾ (སྱཱ. པཱི.)] པཙྩནུབྷོམནཔྤཀཾ.

༡༤༧.

‘‘ཨེཝཾ ཨཧཾ ཨམཏདསམྷི [ཨམཏརསམྷི (ཀ.)] དེཝཏཱ, ཏཐཱགཏསྶནདྷིཝརསྶ སཱཝིཀཱ;

དྷམྨདྡསཱ པཋམཕལེ པཏིཊྛིཏཱ, སོཏཱཔནྣཱ ན ཙ པན མཏྠི དུགྒཏི.

༡༤༨.

‘‘སཱ ཝནྡིཏུཾ ཨནདྷིཝརཾ ཨུཔཱགམིཾ, པཱསཱདིཀེ ཀུསལརཏེ ཙ བྷིཀྑཝོ;

ནམསྶིཏུཾ སམཎསམཱགམཾ སིཝཾ, སགཱརཝཱ སིརིམཏོ དྷམྨརཱཛིནོ.

༡༤༩.

‘‘དིསྭཱ ¶ མུནིཾ མུདིཏམནམྷི པཱིཎིཏཱ, ཏཐཱགཏཾ ནརཝརདམྨསཱརཐིཾ;

ཏཎྷཙྪིདཾ ཀུསལརཏཾ ཝིནཱཡཀཾ, ཝནྡཱམཧཾ པརམཧིཏཱནུཀམྤཀ’’ནྟི.

སིརིམཱཝིམཱནཾ སོལ༹སམཾ.

༡༧. ཀེསཀཱརཱིཝིམཱནཝཏྠུ

༡༥༠.

‘‘ཨིདཾ ¶ ¶ ¶ ཝིམཱནཾ རུཙིརཾ པབྷསྶརཾ, ཝེལུ༹རིཡཐམྦྷཾ སཏཏཾ སུནིམྨིཏཾ;

སུཝཎྞརུཀྑེཧི སམནྟམོཏྠཏཾ, ཋཱནཾ མམཾ ཀམྨཝིཔཱཀསམྦྷཝཾ.

༡༥༡.

‘‘ཏཏྲཱུཔཔནྣཱ པུརིམཙྪརཱ ཨིམཱ, སཏཾ སཧསྶཱནི སཀེན ཀམྨུནཱ;

ཏུཝཾསི ཨཛ྄ཛྷུཔགཏཱ ཡསསྶིནཱི, ཨོབྷཱསཡཾ ཏིཊྛསི པུབྦདེཝཏཱ.

༡༥༢.

‘‘སསཱི ཨདྷིགྒཡ྄ཧ ཡཐཱ ཝིརོཙཏི, ནཀྑཏྟརཱཛཱརིཝ ཏཱརཀཱགཎཾ;

ཏཐེཝ ཏྭཾ ཨཙྪརཱསངྒཎཾ [ཨཙྪརཱསངྒམཾ (སཱི.)] ཨིམཾ, དདྡལླམཱནཱ ཡསསཱ ཝིརོཙསི.

༡༥༣.

‘‘ཀུཏོ ནུ ཨཱགམྨ ཨནོམདསྶནེ, ཨུཔཔནྣཱ ཏྭཾ བྷཝནཾ མམཾ ཨིདཾ;

བྲཧྨཾཝ དེཝཱ ཏིདསཱ སཧིནྡཀཱ, སབྦེ ན ཏཔྤཱམསེ དསྶནེན ཏ’’ནྟི.

༡༥༤.

‘‘ཡམེཏཾ སཀྐ ཨནུཔུཙྪསེ མམཾ, ‘ཀུཏོ ཙུཏཱ ཏྭཾ ཨིདྷ ཨཱགཏཱ’ཏི [ཀུཏོ ཙུཏཱ ཨིདྷ ཨཱགཏཱ ཏུཝཾ (སྱཱ.), ཀུཏོ ཙུཏཱཡ ཨཱགཏི ཏཝ (པཱི.)];

བཱརཱཎསཱི ནཱམ པུརཏྠི ཀཱསིནཾ, ཏཏྠ ཨཧོསིཾ པུརེ ཀེསཀཱརིཀཱ.

༡༥༥.

‘‘བུདྡྷེ ¶ ¶ ཙ དྷམྨེ ཙ པསནྣམཱནསཱ, སངྒྷེ ཙ ཨེཀནྟགཏཱ ཨསཾསཡཱ;

ཨཁཎྜསིཀྑཱཔདཱ ཨཱགཏཔྥལཱ, སམྦོདྷིདྷམྨེ ནིཡཏཱ ཨནཱམཡཱ’’ཏི.

༡༥༦.

‘‘ཏནྟྱཱབྷིནནྡཱམསེ སྭཱགཏཉྩ [སཱགཏཉྩ (སཱི.)] ཏེ, དྷམྨེན ཙ ཏྭཾ ཡསསཱ ཝིརོཙསི;

བུདྡྷེ ཙ དྷམྨེ ཙ པསནྣམཱནསེ, སངྒྷེ ཙ ཨེཀནྟགཏེ ཨསཾསཡེ;

ཨཁཎྜསིཀྑཱཔདེ ཨཱགཏཔྥལེ, སམྦོདྷིདྷམྨེ ནིཡཏེ ཨནཱམཡེ’’ཏི.

ཀེསཀཱརཱིཝིམཱནཾ སཏྟརསམཾ.

པཱིཋཝགྒོ པཋམོ ནིཊྛིཏོ.

ཏསྶུདྡཱནཾ –

པཉྩ པཱིཋཱ ཏཡོ ནཱཝཱ, དཱིཔཏིལདཀྑིཎཱ དྭེ;

པཏི དྭེ སུཎིསཱ ཨུཏྟརཱ, སིརིམཱ ཀེསཀཱརིཀཱ;

ཝགྒོ ཏེན པཝུཙྩཏཱིཏི.

༢. ཙིཏྟལཏཱཝགྒོ

༡. དཱསིཝིམཱནཝཏྠུ

༡༥༧.

‘‘ཨཔི ¶ ¶ སཀྐོཝ དེཝིནྡོ, རམྨེ ཙིཏྟལཏཱཝནེ;

སམནྟཱ ཨནུཔརིཡཱསི, ནཱརཱིགཎཔུརཀྑཏཱ;

ཨོབྷཱསེནྟཱི ¶ དིསཱ སབྦཱ, ཨོསདྷཱི ཝིཡ ཏཱརཀཱ.

༡༥༨.

‘‘ཀེན ཏེཏཱདིསོ ཝཎྞོ, ཀེན ཏེ ཨིདྷ མིཛ྄ཛྷཏི;

ཨུཔྤཛྫནྟི ཙ ཏེ བྷོགཱ, ཡེ ཀེཙི མནསོ པིཡཱ.

༡༥༩.

‘‘པུཙྪཱམི ¶ ཏཾ དེཝི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༦༠.

སཱ དེཝཏཱ ཨཏྟམནཱ, མོགྒལླཱནེན པུཙྪིཏཱ;

པཉྷཾ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༡༦༡.

‘‘ཨཧཾ མནུསྶེསུ མནུསྶབྷཱུཏཱ, དཱསཱི ཨཧོསིཾ པརཔེསྶིཡཱ [པརཔེསིཡཱ (ཀ.)] ཀུལེ.

༡༦༢.

‘‘ཨུཔཱསིཀཱ ཙཀྑུམཏོ, གོཏམསྶ ཡསསྶིནོ;

ཏསྶཱ མེ ནིཀྐམོ ཨཱསི, སཱསནེ ཏསྶ ཏཱདིནོ.

༡༦༣.

‘‘ཀཱམཾ བྷིཛྫཏུཡཾ ཀཱཡོ, ནེཝ ཨཏྠེཏྠ སཎྛནཾ [སནྠནཾ (སཱི. སྱཱ. པཱི.)];

སིཀྑཱཔདཱནཾ པཉྩནྣཾ, མགྒོ སོཝཏྠིཀོ སིཝོ.

༡༦༤.

‘‘ཨཀཎྚཀོ ཨགཧནོ, ཨུཛུ སབྦྷི པཝེདིཏོ;

ནིཀྐམསྶ ཕལཾ པསྶ, ཡཐིདཾ པཱཔུཎིཏྠིཀཱ.

༡༦༥.

‘‘ཨཱམནྟནིཀཱ རཉྙོམྷི, སཀྐསྶ ཝསཝཏྟིནོ;

སཊྛི ¶ ཏུརིཡ [ཏུརིཡ (སཱི. སྱཱ. པཱི.)] སཧསྶཱནི, པཊིབོདྷཾ ཀརོནྟི མེ.

༡༦༦.

‘‘ཨཱལམྦོ གགྒརོ [གགྒམོ (སྱཱ.), བྷགྒརོ (ཀ.)] བྷཱིམོ [བྷིམྨོ (ཀ.)], སཱདྷུཝཱདཱི ཙ སཾསཡོ;

པོཀྑརོ ¶ ཙ སུཕསྶོ ཙ, ཝིཎཱམོཀྑཱ [ཝིལཱམོཀྑཱ (ཀ.)] ཙ ནཱརིཡོ.

༡༦༧.

‘‘ནནྡཱ ཙེཝ སུནནྡཱ ཙ, སོཎདིནྣཱ སུཙིམྷིཏཱ [སུཙིམྦྷིཀཱ (སྱཱ.)];

ཨལམྦུསཱ མིསྶཀེསཱི ཙ, པུཎྜརཱིཀཱཏི དཱརུཎཱི.

༡༦༨.

‘‘ཨེཎཱིཕསྶཱ སུཕསྶཱ ཙ, སུབྷདྡཱ མུདུཝཱདིནཱི;

ཨེཏཱ ཙཉྙཱ ཙ སེཡྻཱསེ, ཨཙྪརཱནཾ པབོདྷིཀཱ.

༡༦༩.

‘‘ཏཱ ¶ མཾ ཀཱལེནུཔཱགནྟྭཱ, ཨབྷིབྷཱསནྟི དེཝཏཱ;

ཧནྡ ནཙྩཱམ གཱཡཱམ, ཧནྡ ཏཾ རམཡཱམསེ.

༡༧༠.

‘‘ནཡིདཾ ¶ ཨཀཏཔུཉྙཱནཾ, ཀཏཔུཉྙཱནམེཝིདཾ;

ཨསོཀཾ ནནྡནཾ རམྨཾ, ཏིདསཱནཾ མཧཱཝནཾ.

༡༧༡.

‘‘སུཁཾ ཨཀཏཔུཉྙཱནཾ, ཨིདྷ ནཏྠི པརཏྠ ཙ;

སུཁཉྩ ཀཏཔུཉྙཱནཾ, ཨིདྷ ཙེཝ པརཏྠ ཙ.

༡༧༢.

‘‘ཏེསཾ སཧབྱཀཱམཱནཾ, ཀཏྟབྦཾ ཀུསལཾ བཧུཾ;

ཀཏཔུཉྙཱ ཧི མོདནྟི, སགྒེ བྷོགསམངྒིནོ’’ཏི.

དཱསིཝིམཱནཾ པཋམཾ.

༢. ལཁུམཱཝིམཱནཝཏྠུ

༡༧༣.

‘‘ཨབྷིཀྐནྟེན ¶ ཝཎྞེན, ཡཱ ཏྭཾ ཏིཊྛསི དེཝཏེ;

ཨོབྷཱསེནྟཱི དིསཱ སབྦཱ, ཨོསདྷཱི ཝིཡ ཏཱརཀཱ.

༡༧༤.

‘‘ཀེན ཏེཏཱདིསོ ཝཎྞོ, ཀེན ཏེ ཨིདྷ མིཛ྄ཛྷཏི;

ཨུཔྤཛྫནྟི ཙ ཏེ བྷོགཱ, ཡེ ཀེཙི མནསོ པིཡཱ.

༡༧༥.

‘‘པུཙྪཱམི ཏཾ དེཝི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༧༦.

སཱ དེཝཏཱ ཨཏྟམནཱ, མོགྒལླཱནེན པུཙྪིཏཱ;

པཉྷཾ ¶ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༡༧༧.

‘‘ཀེཝཊྚདྭཱརཱ ནིཀྑམྨ, ཨཧུ མཡ྄ཧཾ ནིཝེསནཾ;

ཏཏྠ སཉྩརམཱནཱནཾ, སཱཝཀཱནཾ མཧེསིནཾ.

༡༧༨.

‘‘ཨོདནཾ ཀུམྨཱསཾ [སཱཀཾ (སཱི.)] ཌཱཀཾ, ལོཎསོཝཱིརཀཉྩཧཾ;

ཨདཱསིཾ ཨུཛུབྷཱུཏེསུ, ཝིཔྤསནྣེན ཙེཏསཱ.

༡༧༩.

‘‘ཙཱཏུདྡསིཾ པཉྩདསིཾ, ཡཱ ཙ པཀྑསྶ ཨཊྛམཱི;

པཱཊིཧཱརིཡཔཀྑཉྩ, ཨཊྛངྒསུསམཱགཏཾ.

༡༨༠.

‘‘ཨུཔོསཐཾ ¶ ཨུཔཝསིསྶཾ, སདཱ སཱིལེསུ སཾཝུཏཱ;

སཉྙམཱ སཾཝིབྷཱགཱ ཙ, ཝིམཱནཾ ཨཱཝསཱམཧཾ.

༡༨༡.

‘‘པཱཎཱཏིཔཱཏཱ ¶ ཝིརཏཱ, མུསཱཝཱདཱ ཙ སཉྙཏཱ;

ཐེཡྻཱ ཙ ཨཏིཙཱརཱ ཙ, མཛྫཔཱནཱ ཙ ཨཱརཀཱ.

༡༨༢.

‘‘པཉྩསིཀྑཱཔདེ རཏཱ, ཨརིཡསཙྩཱན ཀོཝིདཱ;

ཨུཔཱསིཀཱ ཙཀྑུམཏོ, གོཏམསྶ ཡསསྶིནོ.

༡༨༣.

‘‘ཏེན མེཏཱདིསོ ཝཎྞོ…པེ… ཝཎྞོ ཙ མེ སབྦདིསཱ པབྷཱསཏཱིཏི.

‘‘མམ ཙ, བྷནྟེ, ཝཙནེན བྷགཝཏོ པཱདེ སིརསཱ ཝནྡེཡྻཱསི – ‘ལཁུམཱ ནཱམ,བྷནྟེ,ཨུཔཱསིཀཱ བྷགཝཏོ པཱདེ སིརསཱ ཝནྡཏཱི’ཏི. ཨནཙྪརིཡཾ ཁོ པནེཏཾ, བྷནྟེ, ཡཾ མཾ བྷགཝཱ ཨཉྙཏརསྨིཾ སཱམཉྙཕལེ བྱཱཀརེཡྻ [བྱཱཀརེཡྻཱཏི (?)]. ཏཾ བྷགཝཱ སཀདཱགཱམིཕལེ བྱཱཀཱསཱི’’ཏི.

ལཁུམཱཝིམཱནཾ དུཏིཡཾ.

༣. ཨཱཙཱམདཱཡིཀཱཝིམཱནཝཏྠུ

༡༨༥.

‘‘པིཎྜཱཡ ¶ ¶ ཏེ ཙརནྟསྶ, ཏུཎྷཱིབྷཱུཏསྶ ཏིཊྛཏོ;

དལིདྡཱ ཀཔཎཱ ནཱརཱི, པརཱགཱརཾ ཨཔསྶིཏཱ [ཨཝསྶིཏཱ (སཱི.)].

༡༨༦.

‘‘ཡཱ ཏེ ཨདཱསི ཨཱཙཱམཾ, པསནྣཱ སེཧི པཱཎིབྷི;

སཱ ཧིཏྭཱ མཱནུསཾ དེཧཾ, ཀཾ ནུ སཱ དིསཏཾ གཏཱ’’ཏི.

༡༨༧.

‘‘པིཎྜཱཡ མེ ཙརནྟསྶ, ཏུཎྷཱིབྷཱུཏསྶ ཏིཊྛཏོ;

དལིདྡཱ ཀཔཎཱ ནཱརཱི, པརཱགཱརཾ ཨཔསྶིཏཱ.

༡༨༨.

‘‘ཡཱ མེ ཨདཱསི ཨཱཙཱམཾ, པསནྣཱ སེཧི པཱཎིབྷི;

སཱ ཧིཏྭཱ མཱནུསཾ དེཧཾ, ཝིཔྤམུཏྟཱ ཨིཏོ ཙུཏཱ.

༡༨༩.

‘‘ནིམྨཱནརཏིནོ ནཱམ, སནྟི དེཝཱ མཧིདྡྷིཀཱ;

ཏཏྠ སཱ སུཁིཏཱ ནཱརཱི, མོདཏཱཙཱམདཱཡིཀཱ’’ཏི.

༡༩༠.

‘‘ཨཧོ ¶ དཱནཾ ཝརཱཀིཡཱ, ཀསྶཔེ སུཔྤཏིཊྛིཏཾ;

པརཱབྷཏེན དཱནེན, ཨིཛ྄ཛྷིཏྠ ཝཏ དཀྑིཎཱ.

༡༩༡.

‘‘ཡཱ མཧེསིཏྟཾ ཀཱརེཡྻ, ཙཀྐཝཏྟིསྶ རཱཛིནོ;

ནཱརཱི སབྦངྒཀལྱཱཎཱི, བྷཏྟུ ཙཱནོམདསྶིཀཱ;

ཨེཏསྶཱཙཱམདཱནསྶ ¶ , ཀལཾ ནཱགྒྷཏི སོལ༹སིཾ.

༡༩༢.

‘‘སཏཾ ¶ ནིཀྑཱ སཏཾ ཨསྶཱ, སཏཾ ཨསྶཏརཱིརཐཱ;

སཏཾ ཀཉྙཱསཧསྶཱནི, ཨཱམུཏྟམཎིཀུཎྜལཱ;

ཨེཏསྶཱཙཱམདཱནསྶ, ཀལཾ ནཱགྒྷནྟི སོལ༹སིཾ.

༡༩༣.

‘‘སཏཾ ཧེམཝཏཱ ནཱགཱ, ཨཱིསཱདནྟཱ ཨུརཱུལ༹ྷཝཱ;

སུཝཎྞཀཙྪཱ མཱཏངྒཱ, ཧེམཀཔྤནཝཱསསཱ [ཧེམཀཔྤནིཝཱསསཱ (སྱཱ. ཀ.)];

ཨེཏསྶཱཙཱམདཱནསྶ, ཀལཾ ནཱགྒྷཏི སོལ༹སིཾ.

༡༩༤.

‘‘ཙཏུནྣམཔི ¶ དཱིཔཱནཾ, ཨིསྶརཾ ཡོདྷ ཀཱརཡེ;

ཨེཏསྶཱཙཱམདཱནསྶ, ཀལཾ ནཱགྒྷཏི སོལ༹སི’’ནྟི.

ཨཱཙཱམདཱཡིཀཱཝིམཱནཾ ཏཏིཡཾ.

༤. ཙཎྜཱལིཝིམཱནཝཏྠུ

༡༩༥.

‘‘ཙཎྜཱལི ཝནྡ པཱདཱནི, གོཏམསྶ ཡསསྶིནོ;

ཏམེཝ [ཏཝེཝ (སཱི.)] ཨནུཀམྤཱཡ, ཨཊྛཱསི ཨིསིསཏྟམོ [ཨིསིསུཏྟམོ (སཱི.)].

༡༩༦.

‘‘ཨབྷིཔྤསཱདེཧི མནཾ, ཨརཧནྟམྷི ཏཱདིནི [ཏཱདིནེ (སྱཱ. ཀ.)];

ཁིཔྤཾ པཉྫལིཀཱ ཝནྡ, པརིཏྟཾ ཏཝ ཛཱིཝིཏ’’ནྟི.

༡༩༧.

ཙོདིཏཱ བྷཱཝིཏཏྟེན, སརཱིརནྟིམདྷཱརིནཱ;

ཙཎྜཱལཱི ཝནྡི པཱདཱནི, གོཏམསྶ ཡསསྶིནོ.

༡༩༨.

ཏམེནཾ ཨཝདྷཱི གཱཝཱི, ཙཎྜཱལིཾ པཉྫལིཾ ཋིཏཾ;

ནམསྶམཱནཾ སམྦུདྡྷཾ, ཨནྡྷཀཱརེ པབྷངྐརནྟི.

༡༩༩.

‘‘ཁཱིཎཱསཝཾ ¶ ཝིགཏརཛཾ ཨནེཛཾ, ཨེཀཾ ཨརཉྙམྷི རཧོ ནིསིནྣཾ;

དེཝིདྡྷིཔཏྟཱ ཨུཔསངྐམིཏྭཱ, ཝནྡཱམི ཏཾ ཝཱིར མཧཱནུབྷཱཝ’’ནྟི.

༢༠༠.

‘‘སུཝཎྞཝཎྞཱ ཛལིཏཱ མཧཱཡསཱ, ཝིམཱནམོརུཡ྄ཧ ཨནེཀཙིཏྟཱ;

པརིཝཱརིཏཱ ཨཙྪརཱསངྒཎེན [ཨཙྪརཱནཾ གཎེན (སཱི.)], ཀཱ ཏྭཾ སུབྷེ དེཝཏེ ཝནྡསེ མམ’’ནྟི.

༢༠༡.

‘‘ཨཧཾ ¶ བྷདྡནྟེ ཙཎྜཱལཱི, ཏཡཱ ཝཱིརེན [ཐེརེན (ཀ.)] པེསིཏཱ;

ཝནྡིཾ ¶ ཨརཧཏོ པཱདེ, གོཏམསྶ ཡསསྶིནོ.

༢༠༢.

‘‘སཱཧཾ ཝནྡིཏྭཱ [ཝནྡིཏྭ (སཱི.)] པཱདཱནི, ཙུཏཱ ཙཎྜཱལཡོནིཡཱ;

ཝིམཱནཾ སབྦཏོ བྷདྡཾ, ཨུཔཔནྣམྷི ནནྡནེ.

༢༠༣.

‘‘ཨཙྪརཱནཾ ¶ སཏསཧསྶཾ, པུརཀྑཏྭཱན [པུརཀྑིཏྭཱ མཾ (སྱཱ. ཀ.)] ཏིཊྛཏི;

ཏཱསཱཧཾ པཝརཱ སེཊྛཱ, ཝཎྞེན ཡསསཱཡུནཱ.

༢༠༤.

‘‘པཧཱུཏཀཏཀལྱཱཎཱ, སམྤཛཱནཱ པཊིསྶཏཱ [པཏིསྶཏཱ (སཱི. སྱཱ.)];

མུནིཾ ཀཱརུཎིཀཾ ལོཀེ, ཏཾ བྷནྟེ ཝནྡིཏུམཱགཏཱ’’ཏི.

༢༠༥.

ཨིདཾ ཝཏྭཱན ཙཎྜཱལཱི, ཀཏཉྙཱུ ཀཏཝེདིནཱི;

ཝནྡིཏྭཱ ཨརཧཏོ པཱདེ, ཏཏྠེཝནྟརདྷཱཡཐཱཏི [ཏཏྠེཝནྟརདྷཱཡཏཱིཏི (སྱཱ. ཀ.)].

ཙཎྜཱལིཝིམཱནཾ ཙཏུཏྠཾ.

༥. བྷདྡིཏྠིཝིམཱནཝཏྠུ

༢༠༦.

‘‘ནཱིལཱ པཱིཏཱ ཙ ཀཱལཱ༹ ཙ, མཉྫིཊྛཱ [མཉྫེཊྛཱ (སཱི.), མཉྫཊྛཱ (པཱི.)] ཨཐ ལོཧིཏཱ;

ཨུཙྩཱཝཙཱནཾ ཝཎྞཱནཾ, ཀིཉྫཀྑཔརིཝཱརིཏཱ.

༢༠༧.

‘‘མནྡཱརཝཱནཾ པུཔྥཱནཾ, མཱལཾ དྷཱརེསི མུདྡྷནི;

ནཡིམེ ཨཉྙེསུ ཀཱཡེསུ, རུཀྑཱ སནྟི སུམེདྷསེ.

༢༠༨.

‘‘ཀེན ¶ ¶ ཀཱཡཾ ཨུཔཔནྣཱ, ཏཱཝཏིཾསཾ ཡསསྶིནཱི;

དེཝཏེ པུཙྪིཏཱཙིཀྑ, ཀིསྶ ཀམྨསྶིདཾ ཕལ’’ནྟི.

༢༠༩.

‘‘བྷདྡིཏྠིཀཱཏི [བྷདྡིཏྠཱིཏི (སཱི.)] མཾ ཨཉྙཾསུ, ཀིམིལཱཡཾ ཨུཔཱསིཀཱ;

སདྡྷཱ སཱིལེན སམྤནྣཱ, སཾཝིབྷཱགརཏཱ སདཱ.

༢༡༠.

‘‘ཨཙྪཱདནཉྩ བྷཏྟཉྩ, སེནཱསནཾ པདཱིཔིཡཾ;

ཨདཱསིཾ ཨུཛུབྷཱུཏེསུ, ཝིཔྤསནྣེན ཙེཏསཱ.

༢༡༡.

‘‘ཙཱཏུདྡསིཾ ¶ པཉྩདསིཾ, ཡཱ ཙ པཀྑསྶ ཨཊྛམཱི;

པཱཊིཧཱརིཡཔཀྑཉྩ, ཨཊྛངྒསུསམཱགཏཾ.

༢༡༢.

‘‘ཨུཔོསཐཾ ཨུཔཝསིསྶཾ, སདཱ སཱིལེསུ སཾཝུཏཱ;

སཉྙམཱ སཾཝིབྷཱགཱ ཙ, ཝིམཱནཾ ཨཱཝསཱམཧཾ.

༢༡༣.

‘‘པཱཎཱཏིཔཱཏཱ ཝིརཏཱ, མུསཱཝཱདཱ ཙ སཉྙཏཱ;

ཐེཡྻཱ ཙ ཨཏིཙཱརཱ ཙ, མཛྫཔཱནཱ ཙ ཨཱརཀཱ.

༢༡༤.

‘‘པཉྩསིཀྑཱཔདེ རཏཱ, ཨརིཡསཙྩཱན ཀོཝིདཱ;

ཨུཔཱསིཀཱ ¶ ཙཀྑུམཏོ, ཨཔྤམཱདཝིཧཱརིནཱི.

ཀཏཱཝཱསཱ ཀཏཀུསལཱ ཏཏོ ཙུཏཱ [ཀཏཱཝཀཱསཱ ཀཏཀུསལཱ (ཀ.)],

སཡཾ པབྷཱ ཨནུཝིཙརཱམི ནནྡནཾ.

༢༡༥.

‘‘བྷིཀྑཱུ ཙཱཧཾ པརམཧིཏཱནུཀམྤཀེ, ཨབྷོཛཡིཾ ཏཔསྶིཡུགཾ མཧཱམུནིཾ;

ཀཏཱཝཱསཱ ཀཏཀུསལཱ ཏཏོ ཙུཏཱ [ཀཏཱཝཀཱསཱ ཀཏཀུསལཱ (ཀ.)], སཡཾ པབྷཱ ཨནུཝིཙརཱམི ནནྡནཾ.

༢༡༦.

‘‘ཨཊྛངྒིཀཾ ཨཔརིམིཏཾ སུཁཱཝཧཾ, ཨུཔོསཐཾ སཏཏམུཔཱཝསིཾ ཨཧཾ;

ཀཏཱཝཱསཱ ཀཏཀུསལཱ ཏཏོ ཙུཏཱ [ཀཏཱཝཀཱསཱ ཀཏཀུསལཱ (ཀ.)], སཡཾ པབྷཱ ཨནུཝིཙརཱམི ནནྡན’’ནྟི.

བྷདྡིཏྠིཝིམཱནཾ [བྷདྡིཏྠིཀཱཝིམཱནཾ (སྱཱ.)] པཉྩམཾ.

༦. སོཎདིནྣཱཝིམཱནཝཏྠུ

༢༡༧.

‘‘ཨབྷིཀྐནྟེན ¶ ¶ ཝཎྞེན, ཡཱ ཏྭཾ ཏིཊྛསི དེཝཏེ;

ཨོབྷཱསེནྟཱི དིསཱ སབྦཱ, ཨོསདྷཱི ཝིཡ ཏཱརཀཱ.

༢༡༨.

‘‘ཀེན ¶ ཏེཏཱདིསོ ཝཎྞོ, ཀེན ཏེ ཨིདྷ མིཛ྄ཛྷཏི;

ཨུཔྤཛྫནྟི ཙ ཏེ བྷོགཱ, ཡེ ཀེཙི མནསོ པིཡཱ.

༢༡༩.

‘‘པུཙྪཱམི ཏཾ དེཝི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༢༢༠.

སཱ དེཝཏཱ ཨཏྟམནཱ, མོགྒལླཱནེན པུཙྪིཏཱ;

པཉྷཾ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༢༢༡.

‘‘སོཎདིནྣཱཏི མཾ ཨཉྙཾསུ, ནཱལ༹ནྡཱཡཾ ཨུཔཱསིཀཱ;

སདྡྷཱ སཱིལེན སམྤནྣཱ, སཾཝིབྷཱགརཏཱ སདཱ.

༢༢༢.

‘‘ཨཙྪཱདནཉྩ བྷཏྟཉྩ, སེནཱསནཾ པདཱིཔིཡཾ;

ཨདཱསིཾ ཨུཛུབྷཱུཏེསུ, ཝིཔྤསནྣེན ཙེཏསཱ.

༢༢༣.

‘‘ཙཱཏུདྡསིཾ པཉྩདསིཾ, ཡཱ ཙ པཀྑསྶ ཨཊྛམཱི;

པཱཊིཧཱརིཡཔཀྑཉྩ, ཨཊྛངྒསུསམཱགཏཾ.

༢༢༤.

‘‘ཨུཔོསཐཾ ཨུཔཝསིསྶཾ, སདཱ སཱིལེསུ སཾཝུཏཱ;

སཉྙམཱ སཾཝིབྷཱགཱ ཙ, ཝིམཱནཾ ཨཱཝསཱམཧཾ.

༢༢༥.

‘‘པཱཎཱཏིཔཱཏཱ ཝིརཏཱ, མུསཱཝཱདཱ ཙ སཉྙཏཱ;

ཐེཡྻཱ ཙ ཨཏིཙཱརཱ ཙ, མཛྫཔཱནཱ ཙ ཨཱརཀཱ.

༢༢༦.

‘‘པཉྩསིཀྑཱཔདེ ¶ རཏཱ, ཨརིཡསཙྩཱན ཀོཝིདཱ;

ཨུཔཱསིཀཱ ཙཀྑུམཏོ, གོཏམསྶ ཡསསྶིནོ.

༢༢༧.

‘‘ཏེན མེཏཱདིསོ ཝཎྞོ…པེ…

ཝཎྞོ ¶ ཙ མེ སབྦདིསཱ པབྷཱསཏཱི’’ཏི.

སོཎདིནྣཱཝིམཱནཾ ཚཊྛཾ.

༧. ཨུཔོསཐཱཝིམཱནཝཏྠུ

༢༢༩.

‘‘ཨབྷིཀྐནྟེན ¶ ¶ ཝཎྞེན, ཡཱ ཏྭཾ ཏིཊྛསི དེཝཏེ;

ཨོབྷཱསེནྟཱི དིསཱ སབྦཱ, ཨོསདྷཱི ཝིཡ ཏཱརཀཱ.

༢༣༠.

‘‘ཀེན ཏེཏཱདིསོ ཝཎྞོ…པེ…

ཝཎྞོ ཙ ཏེ སབྦདིསཱ པབྷཱསཏཱི’’ཏི.

༢༣༢.

སཱ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༢༣༣.

‘‘ཨུཔོསཐཱཏི མཾ ཨཉྙཾསུ, སཱཀེཏཱཡཾ ཨུཔཱསིཀཱ;

སདྡྷཱ སཱིལེན སམྤནྣཱ, སཾཝིབྷཱགརཏཱ སདཱ.

༢༣༤.

‘‘ཨཙྪཱདནཉྩ བྷཏྟཉྩ, སེནཱསནཾ པདཱིཔིཡཾ;

ཨདཱསིཾ ཨུཛུབྷཱུཏེསུ, ཝིཔྤསནྣེན ཙེཏསཱ.

༢༣༥.

‘‘ཙཱཏུདྡསིཾ པཉྩདསིཾ, ཡཱ ཙ པཀྑསྶ ཨཊྛམཱི;

པཱཊིཧཱརིཡཔཀྑཉྩ, ཨཊྛངྒསུསམཱགཏཾ.

༢༣༦.

‘‘ཨུཔོསཐཾ ཨུཔཝསིསྶཾ, སདཱ སཱིལེསུ སཾཝུཏཱ;

སཉྙམཱ སཾཝིབྷཱགཱ ཙ, ཝིམཱནཾ ཨཱཝསཱམཧཾ.

༢༣༧.

‘‘པཱཎཱཏིཔཱཏཱ ཝིརཏཱ, མུསཱཝཱདཱ ཙ སཉྙཏཱ;

ཐེཡྻཱ ཙ ཨཏིཙཱརཱ ཙ, མཛྫཔཱནཱ ཙ ཨཱརཀཱ.

༢༣༨.

‘‘པཉྩསིཀྑཱཔདེ རཏཱ, ཨརིཡསཙྩཱན ཀོཝིདཱ;

ཨུཔཱསིཀཱ ཙཀྑུམཏོ, གོཏམསྶ ཡསསྶིནོ.

༢༣༩.

‘‘ཏེན མེཏཱདིསོ ཝཎྞོ…པེ…

ཝཎྞོ ¶ ཙ མེ སབྦདིསཱ པབྷཱསཏཱི’’ཏི.

༢༤༡.

‘‘ཨབྷིཀྑཎཾ ¶ ནནྡནཾ སུཏྭཱ, ཚནྡོ མེ ཨུདཔཛྫཐ [ཨུཔཔཛྫཐ (བཧཱུསུ)];

ཏཏྠ ཙིཏྟཾ པཎིདྷཱཡ, ཨུཔཔནྣམྷི ནནྡནཾ.

༢༤༢.

‘‘ནཱཀཱསིཾ ¶ སཏྠུ ཝཙནཾ, བུདྡྷསྶཱདིཙྩབནྡྷུནོ;

ཧཱིནེ ཙིཏྟཾ པཎིདྷཱཡ, སཱམྷི པཙྪཱནུཏཱཔིནཱི’’ཏི.

༢༤༣.

‘‘ཀཱིཝ ཙིརཾ ཝིམཱནམྷི, ཨིདྷ ཝཙྪསུཔོསཐེ [ཝསྶསུཔོསཐེ (སཱི.)];

དེཝཏེ པུཙྪིཏཱཙིཀྑ, ཡདི ཛཱནཱསི ཨཱཡུནོ’’ཏི.

༢༤༤.

‘‘སཊྛིཝསྶསཧསྶཱནི ¶ [སཊྛི སཏསཧསྶཱནི (?)], ཏིསྶོ ཙ ཝསྶཀོཊིཡོ;

ཨིདྷ ཋཏྭཱ མཧཱམུནི, ཨིཏོ ཙུཏཱ གམིསྶཱམི;

མནུསྶཱནཾ སཧབྱཏ’’ནྟི.

༢༤༥.

‘‘མཱ ཏྭཾ ཨུཔོསཐེ བྷཱཡི, སམྦུདྡྷེནཱསི བྱཱཀཏཱ;

སོཏཱཔནྣཱ ཝིསེསཡི, པཧཱིནཱ ཏཝ དུགྒཏཱི’’ཏི.

ཨུཔོསཐཱཝིམཱནཾ སཏྟམཾ.

༨. ནིདྡཱཝིམཱནཝཏྠུ

༢༤༦.

‘‘ཨབྷིཀྐནྟེན ཝཎྞེན, ཡཱ ཏྭཾ ཏིཊྛསི དེཝཏེ;

ཨོབྷཱསེནྟཱི དིསཱ སབྦཱ, ཨོསདྷཱི ཝིཡ ཏཱརཀཱ.

༢༤༧.

‘‘ཀེན ཏེཏཱདིསོ ཝཎྞོ…པེ…

ཝཎྞོ ཙ ཏེ སབྦདིསཱ པབྷཱསཏཱི’’ཏི.

༢༤༩.

སཱ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༢༥༠.

‘‘ནིདྡཱཏི [སདྡྷཱཏི (སཱི.)] མམཾ ཨཉྙཾསུ, རཱཛགཧསྨིཾ ཨུཔཱསིཀཱ;

སདྡྷཱ སཱིལེན སམྤནྣཱ, སཾཝིབྷཱགརཏཱ སདཱ.

༢༥༡.

‘‘ཨཙྪཱདནཉྩ ¶ ¶ བྷཏྟཉྩ, སེནཱསནཾ པདཱིཔིཡཾ;

ཨདཱསིཾ ཨུཛུབྷཱུཏེསུ, ཝིཔྤསནྣེན ཙེཏསཱ.

༢༥༢.

‘‘ཙཱཏུདྡསིཾ པཉྩདསིཾ, ཡཱ ཙ པཀྑསྶ ཨཊྛམཱི;

པཱཊིཧཱརིཡཔཀྑཉྩ, ཨཊྛངྒསུསམཱགཏཾ.

༢༥༣.

‘‘ཨུཔོསཐཾ ཨུཔཝསིསྶཾ, སདཱ སཱིལེསུ སཾཝུཏཱ;

སཉྙམཱ སཾཝིབྷཱགཱ ཙ, ཝིམཱནཾ ཨཱཝསཱམཧཾ.

༢༥༤.

‘‘པཱཎཱཏིཔཱཏཱ ¶ ཝིརཏཱ, མུསཱཝཱདཱ ཙ སཉྙཏཱ;

ཐེཡྻཱ ཙ ཨཏིཙཱརཱ ཙ, མཛྫཔཱནཱ ཙ ཨཱརཀཱ.

༢༥༥.

‘‘པཉྩསིཀྑཱཔདེ རཏཱ, ཨརིཡསཙྩཱན ཀོཝིདཱ;

ཨུཔཱསིཀཱ ཙཀྑུམཏོ, གོཏམསྶ ཡསསྶིནོ.

༢༥༦.

‘‘ཏེན ¶ མེཏཱདིསོ ཝཎྞོ…པེ… ཝཎྞོ ཙ མེ སབྦདིསཱ པབྷཱསཏཱི’’ཏི.

ནིདྡཱཝིམཱནཾ [སདྡྷཱཝིམཱནཾ (སཱི.)] ཨཊྛམཾ.

༩. སུནིདྡཱཝིམཱནཝཏྠུ

༢༥༨.

‘‘ཨབྷིཀྐནྟེན ཝཎྞེན…པེ… ཨོསདྷཱི ཝིཡ ཏཱརཀཱ.

༢༥༩.

‘‘ཀེན ཏེཏཱདིསོ ཝཎྞོ…པེ… ཝཎྞོ ཙ ཏེ སབྦདིསཱ པབྷཱསཏཱི’’ཏི.

༢༦༡.

སཱ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༢༦༢.

‘‘སུནིདྡཱཏི ¶ [སུནནྡཱཏི (སཱི.)] མཾ ཨཉྙཾསུ, རཱཛགཧསྨིཾ ཨུཔཱསིཀཱ;

སདྡྷཱ སཱིལེན སམྤནྣཱ, སཾཝིབྷཱགརཏཱ སདཱ.

༢༦༦.

(ཡཐཱ ནིདྡཱཝིམཱནཾ ཏཐཱ ཝིཏྠཱརེཏབྦཾ.)

༢༦༧.

‘‘པཉྩསིཀྑཱཔདེ ¶ རཏཱ, ཨརིཡསཙྩཱན ཀོཝིདཱ;

ཨུཔཱསིཀཱ ཙཀྑུམཏོ, གོཏམསྶ ཡསསྶིནོ.

༢༦༨.

‘‘ཏེན མེཏཱདིསོ ཝཎྞོ…པེ… ཝཎྞོ ཙ མེ སབྦདིསཱ པབྷཱསཏཱི’’ཏི.

སུནིདྡཱཝིམཱནཾ ནཝམཾ.

༡༠. པཋམབྷིཀྑཱདཱཡིཀཱཝིམཱནཝཏྠུ

༢༧༠.

‘‘ཨབྷིཀྐནྟེན ཝཎྞེན, ཡཱ ཏྭཾ ཏིཊྛསི དེཝཏེ;

ཨོབྷཱསེནྟཱི དིསཱ སབྦཱ, ཨོསདྷཱི ཝིཡ ཏཱརཀཱ.

༢༧༡.

‘‘ཀེན ཏེཏཱདིསོ ཝཎྞོ…པེ…ཝཎྞོ ཙ ཏེ སབྦདིསཱ པབྷཱསཏཱི’’ཏི.

༢༧༣.

སཱ ¶ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༢༧༤.

‘‘ཨཧཾ ¶ མནུསྶེསུ མནུསྶབྷཱུཏཱ, པུརིམཱཡ ཛཱཏིཡཱ མནུསྶལོཀེ.

༢༧༥.

‘‘ཨདྡསཾ ¶ ¶ ཝིརཛཾ བུདྡྷཾ, ཝིཔྤསནྣམནཱཝིལཾ;

ཏསྶ ཨདཱསཧཾ བྷིཀྑཾ, པསནྣཱ སེཧི པཱཎིབྷི.

༢༧༦.

‘‘ཏེན མེཏཱདིསོ ཝཎྞོ…པེ…

ཝཎྞོ ཙ མེ སབྦདིསཱ པབྷཱསཏཱི’’ཏི.

པཋམབྷིཀྑཱདཱཡིཀཱཝིམཱནཾ དསམཾ.

༡༡. དུཏིཡབྷིཀྑཱདཱཡིཀཱཝིམཱནཝཏྠུ

༢༧༨.

‘‘ཨབྷིཀྐནྟེན ཝཎྞེན, ཡཱ ཏྭཾ ཏིཊྛསི དེཝཏེ;

ཨོབྷཱསེནྟཱི དིསཱ སབྦཱ, ཨོསདྷཱི ཝིཡ ཏཱརཀཱ.

༢༧༩.

‘‘ཀེན ཏེཏཱདིསོ ཝཎྞོ…པེ… ཝཎྞོ ཙ ཏེ སབྦདིསཱ པབྷཱསཏཱི’’ཏི.

༢༨༡.

སཱ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༢༨༢.

‘‘ཨཧཾ མནུསྶེསུ མནུསྶབྷཱུཏཱ, པུརིམཱཡ ཛཱཏིཡཱ མནུསྶལོཀེ.

༢༨༣.

‘‘ཨདྡསཾ ཝིརཛཾ བྷིཀྑུཾ, ཝིཔྤསནྣམནཱཝིལཾ;

ཏསྶ ཨདཱསཧཾ བྷིཀྑཾ, པསནྣཱ སེཧི པཱཎིབྷི.

༢༨༤.

‘‘ཏེན མེཏཱདིསོ ཝཎྞོ…པེ. ¶ … ཝཎྞོ ཙ མེ སབྦདིསཱ པབྷཱསཏཱི’’ཏི.

དུཏིཡབྷིཀྑཱདཱཡིཀཱཝིམཱནཾ ཨེཀཱདསམཾ.

ཙིཏྟལཏཱཝགྒོ དུཏིཡོ ནིཊྛིཏོ.

ཏསྶུདྡཱནཾ –

དཱསཱི ¶ ཙེཝ ལཁུམཱ ཙ, ཨཐ ཨཱཙཱམདཱཡིཀཱ;

ཙཎྜཱལཱི ¶ བྷདྡིཏྠཱི ཙེཝ [བྷདྡིཏྠིཀཱ ཙ (སྱཱ.)], སོཎདིནྣཱ ཨུཔོསཐཱ;

ནིདྡཱ ཙེཝ སུནིདྡཱ ཙ [ནནྡཱ ཙེཝ སུནནྡཱ ཙ (སཱི.)], དྭེ ཙ བྷིཀྑཱཡ དཱཡིཀཱ;

ཝགྒོ ཏེན པཝུཙྩཏཱིཏི.

བྷཱཎཝཱརཾ པཋམཾ ནིཊྛིཏཾ.

༣. པཱརིཙྪཏྟཀཝགྒོ

༡. ཨུལཱ༹རཝིམཱནཝཏྠུ

༢༨༦.

‘‘ཨུལཱ༹རོ ¶ ¶ ཏེ ཡསོ ཝཎྞོ, སབྦཱ ཨོབྷཱསཏེ དིསཱ;

ནཱརིཡོ ནཙྩནྟི གཱཡནྟི, དེཝཔུཏྟཱ ཨལངྐཏཱ.

༢༨༧.

‘‘མོདེནྟི པརིཝཱརེནྟི, ཏཝ པཱུཛཱཡ དེཝཏེ;

སོཝཎྞཱནི ཝིམཱནཱནི, ཏཝིམཱནི སུདསྶནེ.

༢༨༨.

‘‘ཏུཝཾསི ཨིསྶརཱ ཏེསཾ, སབྦཀཱམསམིདྡྷིནཱི;

ཨབྷིཛཱཏཱ མཧནྟཱསི, དེཝཀཱཡེ པམོདསི;

དེཝཏེ པུཙྪིཏཱཙིཀྑ, ཀིསྶ ཀམྨསྶིདཾ ཕལ’’ནྟི.

༢༨༩.

‘‘ཨཧཾ མནུསྶེསུ མནུསྶབྷཱུཏཱ, པུརིམཱཡ ཛཱཏིཡཱ མནུསྶལོཀེ;

དུསྶཱིལཀུལེ སུཎིསཱ ཨཧོསིཾ, ཨསྶདྡྷེསུ ཀདརིཡེསུ ཨཧཾ.

༢༩༠.

‘‘སདྡྷཱ སཱིལེན སམྤནྣཱ, སཾཝིབྷཱགརཏཱ སདཱ;

པིཎྜཱཡ ཙརམཱནསྶ, ཨཔཱུཝཾ ཏེ ཨདཱསཧཾ.

༢༩༡.

‘‘ཏདཱཧཾ ¶ སསྶུཡཱཙིཀྑིཾ, སམཎོ ཨཱགཏོ ཨིདྷ;

ཏསྶ ཨདཱསཧཾ པཱུཝཾ, པསནྣཱ སེཧི པཱཎིབྷི.

༢༩༢.

‘‘ཨིཏིསྶཱ ¶ ¶ སསྶུ པརིབྷཱསི, ཨཝིནཱིཏཱསི ཏྭཾ [ཨཝིནཱིཏཱ ཏུཝཾ (སཱི.)] ཝདྷུ;

ན མཾ སམྤུཙྪིཏུཾ ཨིཙྪི, སམཎསྶ དདཱམཧཾ.

༢༩༣.

‘‘ཏཏོ མེ སསྶུ ཀུཔིཏཱ, པཧཱསི མུསལེན མཾ;

ཀཱུཊངྒཙྪི ཨཝདྷི མཾ, ནཱསཀྑིཾ ཛཱིཝིཏུཾ ཙིརཾ.

༢༩༤.

‘‘སཱ ཨཧཾ ཀཱཡསྶ བྷེདཱ, ཝིཔྤམུཏྟཱ ཏཏོ ཙུཏཱ;

དེཝཱནཾ ཏཱཝཏིཾསཱནཾ, ཨུཔཔནྣཱ སཧབྱཏཾ.

༢༩༥.

‘‘ཏེན མེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

ཨུལཱ༹རཝིམཱནཾ པཋམཾ.

༢. ཨུཙྪུདཱཡིཀཱཝིམཱནཝཏྠུ

༢༩༦.

‘‘ཨོབྷཱསཡིཏྭཱ ¶ ¶ པཐཝིཾ [པཋཝིཾ (སཱི. སྱཱ.)] སདེཝཀཾ, ཨཏིརོཙསི ཙནྡིམསཱུརིཡཱ ཝིཡ;

སིརིཡཱ ཙ ཝཎྞེན ཡསེན ཏེཛསཱ, བྲཧྨཱཝ དེཝེ ཏིདསེ སཧིནྡཀེ [སཨིནྡཀེ (སཱི.)].

༢༩༧.

‘‘པུཙྪཱམི ཏཾ ཨུཔྤལམཱལདྷཱརིནཱི, ཨཱཝེལི༹ནཱི ཀཉྩནསནྣིབྷཏྟཙེ;

ཨལངྐཏེ ཨུཏྟམཝཏྠདྷཱརིནཱི, ཀཱ ཏྭཾ སུབྷེ དེཝཏེ ཝནྡསེ མམཾ.

༢༩༨.

‘‘ཀིཾ ཏྭཾ པུརེ ཀམྨམཀཱསི ཨཏྟནཱ, མནུསྶབྷཱུཏཱ པུརིམཱཡ ཛཱཏིཡཱ;

དཱནཾ སུཙིཎྞཾ ཨཐ སཱིལསཾཡམཾ [སཉྙམཾ (སཱི.)], ཀེནཱུཔཔནྣཱ ¶ སུགཏིཾ ཡསསྶིནཱི;

དེཝཏེ པུཙྪིཏཱཙིཀྑ, ཀིསྶ ཀམྨསྶིདཾ ཕལ’’ནྟི.

༢༩༩.

‘‘ཨིདཱནི ¶ བྷནྟེ ཨིམམེཝ གཱམཾ [གཱམེ (སྱཱ. ཀ.)], པིཎྜཱཡ ཨམྷཱཀཾ གྷརཾ ཨུཔཱགམི;

ཏཏོ ཏེ ཨུཙྪུསྶ ཨདཱསི ཁཎྜིཀཾ, པསནྣཙིཏྟཱ ཨཏུལཱཡ པཱིཏིཡཱ.

༣༠༠.

‘‘སསྶུ ཙ པཙྪཱ ཨནུཡུཉྫཏེ མམཾ, ཀཧཾ [ཀཧཾ མེ (པཱི.)] ནུ ཨུཙྪུཾ ཝདྷུཀེ ཨཝཱཀིརི [ཨཝཱཀརི (སྱཱ. ཀ.)];

ན ཚཌྜིཏཾ ནོ པན ཁཱདིཏཾ མཡཱ, སནྟསྶ བྷིཀྑུསྶ སཡཾ ཨདཱསཧཾ.

༣༠༡.

‘‘ཏུཡ྄ཧཾནྭིདཾ [ཏུཡ྄ཧཾ ནུ ཨིདཾ (སྱཱ.)] ཨིསྶརིཡཾ ཨཐོ མམ, ཨིཏིསྶཱ སསྶུ པརིབྷཱསཏེ མམཾ;

པཱིཋཾ གཧེཏྭཱ པཧཱརཾ ཨདཱསི མེ, ཏཏོ ཙུཏཱ ཀཱལཀཏཱམྷི དེཝཏཱ.

༣༠༢.

‘‘ཏདེཝ ཀམྨཾ ཀུསལཾ ཀཏཾ མཡཱ, སུཁཉྩ ཀམྨཾ ཨནུབྷོམི ཨཏྟནཱ;

དེཝེཧི སདྡྷིཾ པརིཙཱརཡཱམཧཾ, མོདཱམཧཾ ཀཱམགུཎེཧི པཉྩཧི.

༣༠༣.

‘‘ཏདེཝ ཀམྨཾ ཀུསལཾ ཀཏཾ མཡཱ, སུཁཉྩ ཀམྨཾ ཨནུབྷོམི ཨཏྟནཱ;

དེཝིནྡགུཏྟཱ ¶ ཏིདསེཧི རཀྑིཏཱ, སམཔྤིཏཱ ཀཱམགུཎེཧི པཉྩཧི.

༣༠༤.

‘‘ཨེཏཱདིསཾ པུཉྙཕལཾ ཨནཔྤཀཾ, མཧཱཝིཔཱཀཱ མམ ཨུཙྪུདཀྑིཎཱ;

དེཝེཧི སདྡྷིཾ པརིཙཱརཡཱམཧཾ, མོདཱམཧཾ ཀཱམགུཎེཧི པཉྩཧི.

༣༠༥.

‘‘ཨེཏཱདིསཾ ¶ པུཉྙཕལཾ ཨནཔྤཀཾ, མཧཱཛུཏིཀཱ མམ ཨུཙྪུདཀྑིཎཱ;

དེཝིནྡགུཏྟཱ ཏིདསེཧི རཀྑིཏཱ, སཧསྶནེཏྟོརིཝ ནནྡནེ ཝནེ.

༣༠༦.

‘‘ཏུཝཉྩ ¶ བྷནྟེ ཨནུཀམྤཀཾ ཝིདུཾ, ཨུཔེཙྩ ཝནྡིཾ ཀུསལཉྩ པུཙྪིསཾ;

ཏཏོ ཏེ ཨུཙྪུསྶ ཨདཱསི ཁཎྜིཀཾ, པསནྣཙིཏཱ ཨཏུལཱཡ པཱིཏིཡཱ’’ཏི.

ཨུཙྪུདཱཡིཀཱཝིམཱནཾ དུཏིཡཾ.

༣. པལླངྐཝིམཱནཝཏྠུ

༣༠༧.

‘‘པལླངྐསེཊྛེ ¶ ¶ མཎིསོཎྞཙིཏྟེ, པུཔྥཱབྷིཀིཎྞེ སཡནེ ཨུལཱ༹རེ;

ཏཏྠཙྪསི དེཝི མཧཱནུབྷཱཝེ, ཨུཙྩཱཝཙཱ ཨིདྡྷི ཝིཀུབྦམཱནཱ.

༣༠༨.

‘‘ཨིམཱ ཙ ཏེ ཨཙྪརཱཡོ སམནྟཏོ, ནཙྩནྟི ¶ གཱཡནྟི པམོདཡནྟི;

དེཝིདྡྷིཔཏྟཱསི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༣༠༩.

‘‘ཨཧཾ མནུསྶེསུ མནུསྶབྷཱུཏཱ, ཨཌྜྷེ ཀུལེ སུཎིསཱ ཨཧོསིཾ;

ཨཀྐོདྷནཱ བྷཏྟུཝསཱནུཝཏྟིནཱི, ཨུཔོསཐེ ཨཔྤམཏྟཱ ཨཧོསིཾ [ཨཔྤམཏྟཱ ཨུཔོསཐེ (སྱཱ. ཀ.)].

༣༡༠.

‘‘མནུསྶབྷཱུཏཱ དཧརཱ ཨཔཱཔིཀཱ [དཧརཱས’པཱཔིཀཱ (སཱི.)], པསནྣཙིཏྟཱ པཏིམཱབྷིརཱདྷཡིཾ;

དིཝཱ ཙ རཏྟོ ཙ མནཱཔཙཱརིནཱི, ཨཧཾ པུརེ སཱིལཝཏཱི ཨཧོསིཾ.

༣༡༡.

‘‘པཱཎཱཏིཔཱཏཱ ¶ ཝིརཏཱ ཨཙོརིཀཱ, སཾསུདྡྷཀཱཡཱ སུཙིབྲཧྨཙཱརིནཱི;

ཨམཛྫཔཱ ནོ ཙ མུསཱ ཨབྷཱཎིཾ, སིཀྑཱཔདེསུ པརིཔཱུརཀཱརིནཱི.

༣༡༢.

‘‘ཙཱཏུདྡསིཾ པཉྩདསིཾ, ཡཱ ཙ པཀྑསྶ ཨཊྛམཱི;

པཱཊིཧཱརིཡཔཀྑཉྩ, པསནྣམཱནསཱ ཨཧཾ [ཨཏིཔསནྣམཱནསཱ (ཀ.)].

༣༡༣.

‘‘ཨཊྛངྒུཔེཏཾ ཨནུདྷམྨཙཱརིནཱི, ཨུཔོསཐཾ ¶ པཱིཏིམནཱ ཨུཔཱཝསིཾ;

ཨིམཉྩ ཨརིཡཾ ཨཊྛངྒཝརེཧུཔེཏཾ, སམཱདིཡིཏྭཱ ཀུསལཾ སུཁུདྲཡཾ;

པཏིམྷི ཀལྱཱཎཱི ཝསཱནུཝཏྟིནཱི, ཨཧོསིཾ པུབྦེ སུགཏསྶ སཱཝིཀཱ.

༣༡༤.

‘‘ཨེཏཱདིསཾ ཀུསལཾ ཛཱིཝལོཀེ, ཀམྨཾ ཀརིཏྭཱན ཝིསེསབྷཱགིནཱི;

ཀཱཡསྶ བྷེདཱ ཨབྷིསམྤརཱཡཾ, དེཝིདྡྷིཔཏྟཱ སུགཏིམྷི ཨཱགཏཱ.

༣༡༥.

‘‘ཝིམཱནཔཱསཱདཝརེ མནོརམེ, པརིཝཱརིཏཱ ཨཙྪརཱསངྒཎེན;

སཡཾཔབྷཱ དེཝགཎཱ རམེནྟི མཾ, དཱིགྷཱཡུཀིཾ དེཝཝིམཱནམཱགཏ’’ནྟི;

པལླངྐཝིམཱནཾ ཏཏིཡཾ.

༤. ལཏཱཝིམཱནཝཏྠུ

༣༡༦.

ལཏཱ ¶ ཙ སཛྫཱ པཝརཱ ཙ དེཝཏཱ, ཨཙྩིམཏཱི [ཨཙྩིམུཁཱི (སཱི.), ཨཙྪིམཏཱི (པཱི. ཀ.) ཨཙྪིམུཏཱི (སྱཱ.)] རཱཛཝརསྶ སིརཱིམཏོ;

སུཏཱ ཙ རཉྙོ ཝེསྶཝཎསྶ དྷཱིཏཱ, རཱཛཱིམཏཱི དྷམྨགུཎེཧི སོབྷཐ.

༣༡༧.

པཉྩེཏྠ ¶ ¶ ནཱརིཡོ ཨཱགམཾསུ ནྷཱཡིཏུཾ, སཱིཏོདཀཾ ཨུཔྤལིནིཾ སིཝཾ ནདིཾ;

ཏཱ ¶ ཏཏྠ ནྷཱཡིཏྭཱ རམེཏྭཱ དེཝཏཱ, ནཙྩིཏྭཱ གཱཡིཏྭཱ སུཏཱ ལཏཾ བྲཝི [བྲུཝཱི (སཱི.)].

༣༡༨.

‘‘པུཙྪཱམི ཏཾ ཨུཔྤལམཱལདྷཱརིནི, ཨཱཝེལི༹ནི ཀཉྩནསནྣིབྷཏྟཙེ;

ཏིམིརཏམྦཀྑི ནབྷེཝ སོབྷནེ, དཱིགྷཱཡུཀཱི ཀེན ཀཏོ ཡསོ ཏཝ.

༣༡༩.

‘‘ཀེནཱསི བྷདྡེ པཏིནོ པིཡཏརཱ, ཝིསིཊྛཀལྱཱཎིཏརསྶུ རཱུཔཏོ;

པདཀྑིཎཱ ནཙྩགཱིཏཝཱདིཏེ, ཨཱཙིཀྑ ནོ ཏྭཾ ནརནཱརིཔུཙྪིཏཱ’’ཏི.

༣༢༠.

‘‘ཨཧཾ མནུསྶེསུ མནུསྶབྷཱུཏཱ, ཨུལཱ༹རབྷོགེ ཀུལེ སུཎིསཱ ཨཧོསིཾ;

ཨཀྐོདྷནཱ བྷཏྟུཝསཱནུཝཏྟིནཱི, ཨུཔོསཐེ ཨཔྤམཏྟཱ ཨཧོསིཾ.

༣༢༡.

‘‘མནུསྶབྷཱུཏཱ ¶ དཧརཱ ཨཔཱཔིཀཱ [དཧརཱས’པཱཔིཀཱ (སཱི.)], པསནྣཙིཏྟཱ པཏིམཱབྷིརཱདྷཡིཾ;

སདེཝརཾ སསྶསུརཾ སདཱསཀཾ, ཨབྷིརཱདྷཡིཾ ཏམྷི ཀཏོ ཡསོ མམ.

༣༢༢.

‘‘སཱཧཾ ཏེན ཀུསལེན ཀམྨུནཱ, ཙཏུབྦྷི ཋཱནེཧི ཝིསེསམཛ྄ཛྷགཱ;

ཨཱཡུཉྩ ¶ ཝཎྞཉྩ སུཁཾ བལཉྩ, ཁིཌྜཱརཏིཾ པཙྩནུབྷོམནཔྤཀཾ.

༣༢༣.

‘‘སུཏཾ ནུ ཏཾ བྷཱསཏི ཡཾ ཨཡཾ ལཏཱ, ཡཾ ནོ ཨཔུཙྪིམྷ ཨཀིཏྟཡཱི ནོ;

པཏིནོ ཀིརམྷཱཀཾ ཝིསིཊྛ ནཱརཱིནཾ, གཏཱི ཙ ཏཱསཾ པཝརཱ ཙ དེཝཏཱ.

༣༢༤.

‘‘པཏཱིསུ ¶ དྷམྨཾ པཙརཱམ སབྦཱ, པཏིབྦཏཱ ཡཏྠ བྷཝནྟི ཨིཏྠིཡོ;

པཏཱིསུ དྷམྨཾ པཙརིཏྭ [པཙརིཏྭཱན (ཀ.)] སབྦཱ, ལཙྪཱམསེ བྷཱསཏི ཡཾ ཨཡཾ ལཏཱ.

༣༢༥.

‘‘སཱིཧོ ཡཐཱ པབྦཏསཱནུགོཙརོ, མཧིནྡྷརཾ པབྦཏམཱཝསིཏྭཱ;

པསཡ྄ཧ ཧནྟྭཱ ཨིཏརེ ཙཏུཔྤདེ, ཁུདྡེ མིགེ ཁཱདཏི མཾསབྷོཛནོ.

༣༢༦.

‘‘ཏཐེཝ སདྡྷཱ ཨིདྷ ཨརིཡསཱཝིཀཱ, བྷཏྟཱརཾ ནིསྶཱཡ པཏིཾ ཨནུབྦཏཱ;

ཀོདྷཾ ཝདྷིཏྭཱ ཨབྷིབྷུཡྻ མཙྪརཾ, སགྒམྷི སཱ མོདཏི དྷམྨཙཱརིནཱི’’ཏི.

ལཏཱཝིམཱནཾ ཙཏུཏྠཾ.

༥. གུཏྟིལཝིམཱནཾ

༡. ཝཏྠུཏྟམདཱཡིཀཱཝིམཱནཝཏྠུ

༣༢༧.

‘‘སཏྟཏནྟིཾ ¶ སུམདྷུརཾ, རཱམཎེཡྻཾ ཨཝཱཙཡིཾ;

སོ ¶ མཾ རངྒམྷི ཨཝ྄ཧེཏི, ‘སརཎཾ མེ ཧོཧི ཀོསིཡཱ’ཏི.

༣༢༨.

‘‘ཨཧཾ ¶ ཏེ སརཎཾ ཧོམི, ཨཧམཱཙརིཡཔཱུཛཀོ;

ན ཏཾ ཛཡིསྶཏི སིསྶོ, སིསྶམཱཙརིཡ ཛེསྶསཱི’’ཏི.

༣༢༩.

‘‘ཨབྷིཀྐནྟེན ཝཎྞེན, ཡཱ ཏྭཾ ཏིཊྛསི དེཝཏེ;

ཨོབྷཱསེནྟཱི དིསཱ སབྦཱ, ཨོསདྷཱི ཝིཡ ཏཱརཀཱ.

༣༣༠.

‘‘ཀེན ཏེཏཱདིསོ ཝཎྞོ, ཀེན ཏེ ཨིདྷ མིཛ྄ཛྷཏི;

ཨུཔྤཛྫནྟི ཙ ཏེ བྷོགཱ, ཡེ ཀེཙི མནསོ པིཡཱ.

༣༣༡.

‘‘པུཙྪཱམི ¶ ཏཾ དེཝི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༣༣༢.

སཱ དེཝཏཱ ཨཏྟམནཱ, མོགྒལླཱནེན པུཙྪིཏཱ;

པཉྷཾ པུཊྛཱ ཝིཡཱཀཱསི, ཡསྶ ཀམྨསྶིདཾ ཕལཾ.

༣༣༣.

‘‘ཝཏྠུཏྟམདཱཡིཀཱ ནཱརཱི, པཝརཱ ཧོཏི ནརེསུ ནཱརཱིསུ;

ཨེཝཾ པིཡརཱུཔདཱཡིཀཱ མནཱཔཾ, དིབྦཾ སཱ ལབྷཏེ ཨུཔེཙྩ ཋཱནཾ.

༣༣༤.

‘‘ཏསྶཱ ¶ མེ པསྶ ཝིམཱནཾ, ཨཙྪརཱ ཀཱམཝཎྞིནཱིཧམསྨི;

ཨཙྪརཱསཧསྶསྶཱཧཾ, པཝརཱ [ཨཙྪརཱསཧསྶསྶཱཧཾ པཝརཱ, (སྱཱ.)] པསྶ ¶ པུཉྙཱནཾ ཝིཔཱཀཾ.

༣༣༥.

‘‘ཏེན མེཏཱདིསོ ཝཎྞོ, ཏེན མེ ཨིདྷ མིཛ྄ཛྷཏི;

ཨུཔྤཛྫནྟི ཙ མེ བྷོགཱ, ཡེ ཀེཙི མནསོ པིཡཱ.

༣༣༦.

‘‘ཨཀྑཱམི ཏེ བྷིཀྑུ མཧཱནུབྷཱཝ, མནུསྶབྷཱུཏཱ ཡམཀཱསི པུཉྙཾ;

ཏེནམྷི ཨེཝཾ ཛལིཏཱནུབྷཱཝཱ, ཝཎྞོ ཙ མེ སབྦདིསཱ པབྷཱསཏཱི’’ཏི.

(ཨནནྟརཾ ཙཏུརཝིམཱནཾ ཡཐཱ ཝཏྠུདཱཡིཀཱཝིམཱནཾ ཏཐཱ ཝིཏྠཱརེཏབྦཾ [( ) ནཏྠི སཱི. པོཏྠཀེ])

༢. པུཔྥུཏྟམདཱཡིཀཱཝིམཱནཝཏྠུ (༡)

༣༣༧.

‘‘ཨབྷིཀྐནྟེན ཝཎྞེན…པེ… ཨོསདྷཱི ཝིཡ ཏཱརཀཱ.

༣༣༨.

‘‘ཀེན ཏེཏཱདིསོ ཝཎྞོ…པེ… ཡེ ཀེཙི མནསོ པིཡཱ.

༣༣༩.

‘‘པུཙྪཱམི ཏཾ དེཝི མཧཱནུབྷཱཝེ…པེ…

ཝཎྞོ ཙ ཏེ སབྦདིསཱ པབྷཱསཏཱི’’ཏི.

༣༤༠.

སཱ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༣༤༡.

‘‘པུཔྥུཏྟམདཱཡིཀཱ ནཱརཱི, པཝརཱ ཧོཏི ནརེསུ ནཱརཱིསུ;

ཨེཝཾ པིཡརཱུཔདཱཡིཀཱ མནཱཔཾ, དིབྦཾ སཱ ལབྷཏེ ཨུཔེཙྩ ཋཱནཾ.

༣༤༢.

‘‘ཏསྶཱ ¶ ¶ མེ པསྶ ཝིམཱནཾ, ཨཙྪརཱ ཀཱམཝཎྞིནཱིཧམསྨི;

ཨཙྪརཱསཧསྶསྶཱཧཾ, པཝརཱ པསྶ པུཉྙཱནཾ ཝིཔཱཀཾ.

༣༤༣.

‘‘ཏེན མེཏཱདིསོ ཝཎྞོ…པེ…

ཝཎྞོ ཙ མེ སབྦདིསཱ པབྷཱསཏཱི’’ཏི.

༣. གནྡྷུཏྟམདཱཡིཀཱཝིམཱནཝཏྠུ (༢)

༣༤༥.

‘‘ཨབྷིཀྐནྟེན ཝཎྞེན…པེ… ¶ ཨོསདྷཱི ཝིཡ ཏཱརཀཱ.

༣༤༦.

‘‘ཀེན ཏེཏཱདིསོ ཝཎྞོ…པེ… ཡེ ཀེཙི མནསོ པིཡཱ.

༣༤༧.

‘‘པུཙྪཱམི ཏཾ དེཝི མཧཱནུབྷཱཝེ…པེ…

ཝཎྞོ ཙ ཏེ སབྦདིསཱ པབྷཱསཏཱི’’ཏི.

༣༤༨.

‘‘སཱ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༣༤༩.

‘‘གནྡྷུཏྟམདཱཡིཀཱ ནཱརཱི, པཝརཱ ཧོཏི ནརེསུ ནཱརཱིསུ;

ཨེཝཾ པིཡརཱུཔདཱཡིཀཱ མནཱཔཾ, དིབྦཾ སཱ ལབྷཏེ ཨུཔེཙྩ ཋཱནཾ.

༣༥༠.

‘‘ཏསྶཱ མེ པསྶ ཝིམཱནཾ, ཨཙྪརཱ ཀཱམཝཎྞིནཱིཧམསྨི;

ཨཙྪརཱསཧསྶསྶཱཧཾ, པཝརཱ པསྶ པུཉྙཱནཾ ཝིཔཱཀཾ.

༣༥༡.

‘‘ཏེན མེཏཱདིསོ ཝཎྞོ…པེ…

ཝཎྞོ ཙ མེ སབྦདིསཱ པབྷཱསཏཱི’’ཏི.

༤. ཕལུཏྟམདཱཡིཀཱཝིམཱནཝཏྠུ (༣)

༣༥༣.

‘‘ཨབྷིཀྐནྟེན ཝཎྞེན…པེ… ཨོསདྷཱི ཝིཡ ཏཱརཀཱ.

༣༥༤.

‘‘ཀེན ཏེཏཱདིསོ ཝཎྞོ…པེ… ཡེ ཀེཙི མནསོ པིཡཱ.

༣༥༥.

‘‘པུཙྪཱམི ཏཾ དེཝི མཧཱནུབྷཱཝེ…པེ…

ཝཎྞོ ཙ ཏེ སབྦདིསཱ པབྷཱསཏཱི’’ཏི.

༣༥༦.

སཱ ¶ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༣༥༧.

‘‘ཕལུཏྟམདཱཡིཀཱ ནཱརཱི, པཝརཱ ཧོཏི ནརེསུ ནཱརཱིསུ;

ཨེཝཾ པིཡརཱུཔདཱཡིཀཱ མནཱཔཾ, དིབྦཾ སཱ ལབྷཏེ ཨུཔེཙྩ ཋཱནཾ.

༣༥༨.

‘‘ཏསྶཱ མེ པསྶ ཝིམཱནཾ, ཨཙྪརཱ ཀཱམཝཎྞིནཱིཧམསྨི;

ཨཙྪརཱསཧསྶསྶཱཧཾ, པཝརཱ པསྶ པུཉྙཱནཾ ཝིཔཱཀཾ.

༣༥༩.

‘‘ཏེན ¶ མེཏཱདིསོ ཝཎྞོ…པེ… ཝཎྞོ ཙ མེ སབྦདིསཱ པབྷཱསཏཱི’’ཏི.

༥. རསུཏྟམདཱཡིཀཱཝིམཱནཝཏྠུ (༤)

༣༦༡.

‘‘ཨབྷིཀྐནྟེན ཝཎྞེན…པེ… ཨོསདྷཱི ཝིཡ ཏཱརཀཱ.

༣༦༢.

‘‘ཀེན ¶ ཏེཏཱདིསོ ཝཎྞོ…པེ… ཡེ ཀེཙི མནསོ པིཡཱ.

༣༦༣.

‘‘པུཙྪཱམི ཏཾ དེཝི མཧཱནུབྷཱཝེ…པེ…

ཝཎྞོ ཙ ཏེ སབྦདིསཱ པབྷཱསཏཱི’’ཏི.

༣༦༤.

སཱ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༣༦༥.

‘‘རསུཏྟམདཱཡིཀཱ ནཱརཱི, པཝརཱ ¶ ཧོཏི ནརེསུ ནཱརཱིསུ;

ཨེཝཾ པིཡརཱུཔདཱཡིཀཱ མནཱཔཾ, དིབྦཾ སཱ ལབྷཏེ ཨུཔེཙྩ ཋཱནཾ.

༣༦༦.

‘‘ཏསྶཱ མེ པསྶ ཝིམཱནཾ, ཨཙྪརཱ ཀཱམཝཎྞིནཱིཧམསྨི;

ཨཙྪརཱསཧསྶསྶཱཧཾ, པཝརཱ པསྶ པུཉྙཱནཾ ཝིཔཱཀཾ.

༣༦༧.

‘‘ཏེན མེཏཱདིསོ ཝཎྞོ…པེ…

ཝཎྞོ ཙ མེ སབྦདིསཱ པབྷཱསཏཱི’’ཏི.

༦. གནྡྷཔཉྩངྒུལིཀདཱཡིཀཱཝིམཱནཝཏྠུ

༣༦༩.

‘‘ཨབྷིཀྐནྟེན ཝཎྞེན…པེ… ཨོསདྷཱི ཝིཡ ཏཱརཀཱ.

༣༧༠.

‘‘ཀེན ཏེཏཱདིསོ ཝཎྞོ…པེ…

ཝཎྞོ ཙ ཏེ སབྦདིསཱ པབྷཱསཏཱི’’ཏི.

༣༧༢.

སཱ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༣༧༣.

‘‘གནྡྷཔཉྩངྒུལིཀཾ ཨཧམདཱསིཾ, ཀསྶཔསྶ བྷགཝཏོ ཐཱུཔམྷི;

ཨེཝཾ པིཡརཱུཔདཱཡིཀཱ མནཱཔཾ, དིབྦཾ སཱ ལབྷཏེ ཨུཔེཙྩ ཋཱནཾ.

༣༧༤.

‘‘ཏསྶཱ མེ པསྶ ཝིམཱནཾ, ཨཙྪརཱ ཀཱམཝཎྞིནཱིཧམསྨི;

ཨཙྪརཱསཧསྶསྶཱཧཾ ¶ , པཝརཱ པསྶ པུཉྙཱནཾ ཝིཔཱཀཾ.

༣༧༥.

‘‘ཏེན མེཏཱདིསོ ཝཎྞོ…པེ… ཝཎྞོ ཙ མེ སབྦདིསཱ པབྷཱསཏཱི’’ཏི.

(ཨནནྟརཾ ¶ ཙཏུརཝིམཱནཾ ཡཐཱ གནྡྷཔཉྩངྒུལིཀདཱཡིཀཱཝིམཱནཾ ཏཐཱ ཝིཏྠཱརེཏབྦཾ [( ) ནཏྠི སཱི. པོཏྠཀེ] )

༧. ཨེཀཱུཔོསཐཝིམཱནཝཏྠུ (༡)

༣༧༧.

‘‘ཨབྷིཀྐནྟེན ཝཎྞེན…པེ…ཝཎྞོ ཙ ཏེ སབྦདིསཱ པབྷཱསཏཱི’’ཏི.

༣༨༠.

སཱ དེཝཏཱ ཨཏྟམནཱ…པེ…ཡསྶ ཀམྨསྶིདཾ ཕལཾ.

༣༨༡.

‘‘བྷིཀྑཱུ ཙ ཨཧཾ བྷིཀྑུནིཡོ ཙ, ཨདྡསཱསིཾ པནྠཔཊིཔནྣེ;

ཏེསཱཧཾ དྷམྨཾ སུཏྭཱན, ཨེཀཱུཔོསཐཾ ཨུཔཝསིསྶཾ.

༣༨༢.

‘‘ཏསྶཱ མེ པསྶ ཝིམཱནཾ, ཨཙྪརཱ ཀཱམཝཎྞིནཱིཧམསྨི;

ཨཙྪརཱསཧསྶསྶཱཧཾ, པཝརཱ པསྶ པུཉྙཱནཾ ཝིཔཱཀཾ.

༣༨༣.

‘‘ཏེན མེཏཱདིསོ ཝཎྞོ…པེ… ཝཎྞོ ཙ མེ སབྦདིསཱ པབྷཱསཏཱི’’ཏི.

༨. ཨུདཀདཱཡིཀཱཝིམཱནཝཏྠུ (༢)

༣༨༥.

‘‘ཨབྷིཀྐནྟེན ¶ ¶ ཝཎྞེན…པེ…ཝཎྞོ ཙ ཏེ སབྦདིསཱ པབྷཱསཏཱི’’ཏི.

༣༨༨.

སཱ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༣༨༩.

‘‘ཨུདཀེ ¶ ཋིཏཱ ཨུདཀམདཱསིཾ, བྷིཀྑུནོ ཙིཏྟེན ཝིཔྤསནྣེན;

ཨེཝཾ པིཡརཱུཔདཱཡིཀཱ མནཱཔཾ, དིབྦཾ སཱ ལབྷཏེ ཨུཔེཙྩ ཋཱནཾ.

༣༩༠.

‘‘ཏསྶཱ མེ པསྶ ཝིམཱནཾ, ཨཙྪརཱ ཀཱམཝཎྞིནཱིཧམསྨི;

ཨཙྪརཱསཧསྶསྶཱཧཾ, པཝརཱ པསྶ པུཉྙཱནཾ ཝིཔཱཀཾ.

༣༩༡.

‘‘ཏེན མེཏཱདིསོ ཝཎྞོ…པེ… ཝཎྞོ ཙ མེ སབྦདིསཱ པབྷཱསཏཱི’’ཏི.

༩. ཨུཔཊྛཱནཝིམཱནཝཏྠུ (༣)

༣༩༣.

‘‘ཨབྷིཀྐནྟེན ཝཎྞེན…པེ… ཝཎྞོ ཙ ཏེ སབྦདིསཱ པབྷཱསཏཱི’’ཏི.

༣༩༦.

སཱ ¶ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༣༩༧.

‘‘སསྶུཉྩཱཧཾ སསུརཉྩ, ཙཎྜིཀེ ཀོདྷནེ ཙ ཕརུསེ ཙ;

ཨནུསཱུཡིཀཱ ཨུཔཊྛཱསིཾ [སཱུཔཊྛཱསིཾ (སཱི.)], ཨཔྤམཏྟཱ ¶ སཀེན སཱིལེན.

༣༩༨.

‘‘ཏསྶཱ མེ པསྶ ཝིམཱནཾ, ཨཙྪརཱ ཀཱམཝཎྞིནཱིཧམསྨི;

ཨཙྪརཱསཧསྶསྶཱཧཾ, པཝརཱ པསྶ པུཉྙཱནཾ ཝིཔཱཀཾ.

༣༩༩.

‘‘ཏེན མེཏཱདིསོ ཝཎྞོ…པེ… ཝཎྞོ ཙ མེ སབྦདིསཱ པབྷཱསཏཱི’’ཏི.

༡༠. ཨཔརཀམྨཀཱརིནཱིཝིམཱནཝཏྠུ (༤)

༤༠༡.

‘‘ཨབྷིཀྐནྟེན ཝཎྞེན…པེ… ཝཎྞོ ཙ ཏེ སབྦདིསཱ པབྷཱསཏཱི’’ཏི.

༤༠༤.

སཱ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༤༠༥.

‘‘པརཀམྨཀརཱི [པརཀམྨཀཱརིནཱི (སྱཱ.) པརཀམྨཀཱརཱི (པཱི.) ཨཔརཀམྨཀཱརིནཱི (ཀ.)] ཨཱསིཾ, ཨཏྠེནཱཏནྡིཏཱ དཱསཱི;

ཨཀྐོདྷནཱནཏིམཱནིནཱི [ཨནཏིམཱནཱི (སཱི. སྱཱ.)], སཾཝིབྷཱགིནཱི སཀསྶ བྷཱགསྶ.

༤༠༦.

‘‘ཏསྶཱ མེ པསྶ ཝིམཱནཾ, ཨཙྪརཱ ཀཱམཝཎྞིནཱིཧམསྨི;

ཨཙྪརཱསཧསྶསྶཱཧཾ, པཝརཱ པསྶ ¶ པུཉྙཱནཾ ཝིཔཱཀཾ.

༤༠༧.

‘‘ཏེན མེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

༡༡. ཁཱིརོདནདཱཡིཀཱཝིམཱནཝཏྠུ

༤༠༩.

‘‘ཨབྷིཀྐནྟེན ཝཎྞེན…པེ… ཨོསདྷཱི ཝིཡ ཏཱརཀཱ.

༤༡༠.

‘‘ཀེན ¶ ཏེཏཱདིསོ ཝཎྞོ…པེ…ཝཎྞོ ཙ ཏེ སབྦདིསཱ པབྷཱསཏཱི’’ཏི.

༤༡༢.

སཱ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༤༡༣.

‘‘ཁཱིརོདནཾ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ;

ཨེཝཾ ཀརིཏྭཱ ཀམྨཾ, སུགཏིཾ ཨུཔཔཛྫ མོདཱམི.

༤༡༤.

‘‘ཏསྶཱ ¶ མེ པསྶ ཝིམཱནཾ, ཨཙྪརཱ ཀཱམཝཎྞིནཱིཧམསྨི;

ཨཙྪརཱསཧསྶསྶཱཧཾ, པཝརཱ པསྶ པུཉྙཱནཾ ཝིཔཱཀཾ.

༤༡༥.

‘‘ཏེན མེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

(ཨནནྟརཾ པཉྩཝཱིསཏིཝིམཱནཾ ཡཐཱ ཁཱིརོདནདཱཡིཀཱཝིམཱནཾ ཏཐཱ ཝིཏྠཱརེཏབྦཾ) [( ) ནཏྠི སཱི. པོཏྠཀེ]

༡༢. ཕཱཎིཏདཱཡིཀཱཝིམཱནཝཏྠུ (༡)

༤༡༧.

‘‘ཨབྷིཀྐནྟེན ཝཎྞེན…པེ… ¶ སབྦདིསཱ པབྷཱསཏཱི’’ཏི.

༤༢༠.

སཱ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༤༢༡.

‘‘ཕཱཎིཏཾ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ…’’.

༡༣. ཨུཙྪུཁཎྜིཀདཱཡིཀཱཝཏྠུ (༢)

༤༢༩.

ཨུཙྪུཁཎྜིཀཾ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༡༤. ཏིམྦརུསཀདཱཡིཀཱཝིམཱནཝཏྠུ (༣)

༤༣༧.

ཏིམྦརུསཀཾ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༡༥. ཀཀྐཱརིཀདཱཡིཀཱཝིམཱནཝཏྠུ (༤)

༤༤༥.

ཀཀྐཱརིཀཾ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༡༦. ཨེལཱ༹ལུཀདཱཡིཀཱཝིམཱནཝཏྠུ (༥)

༤༥༣.

ཨེལཱ༹ལུཀཾ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༡༧. ཝལླིཕལདཱཡིཀཱཝིམཱནཝཏྠུ(༦)

༤༦༡.

ཝལླིཕལཾ ¶ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༡༨. ཕཱརུསཀདཱཡིཀཱཝིམཱནཝཏྠུ (༧)

༤༦༩.

ཕཱརུསཀཾ ¶ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༡༩. ཧཏྠཔྤཏཱཔཀདཱཡིཀཱཝིམཱནཝཏྠུ (༨)

༤༧༧.

ཧཏྠཔྤཏཱཔཀཾ ¶ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༢༠. སཱཀམུཊྛིདཱཡིཀཱཝིམཱནཝཏྠུ (༩)

༤༨༥.

སཱཀམུཊྛིཾ ཨཧམདཱསིཾ, བྷིཀྑུནོ པནྠཔཊིཔནྣསྶ…པེ….

༢༡. པུཔྥཀམུཊྛིདཱཡིཀཱཝིམཱནཝཏྠུ (༡༠)

༤༩༣.

པུཔྥཀམུཊྛིཾ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༢༢. མཱུལཀདཱཡིཀཱཝིམཱནཝཏྠུ (༡༡)

༥༠༡.

མཱུལཀཾ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༢༣. ནིམྦམུཊྛིདཱཡིཀཱཝིམཱནཝཏྠུ (༡༢)

༥༠༦.

ནིམྦམུཊྛིཾ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༢༤. ཨམྦཀཉྫིཀདཱཡིཀཱཝིམཱནཝཏྠུ (༡༣)

༥༡༧.

ཨམྦཀཉྫིཀཾ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༢༥. དོཎིནིམྨཛྫནིདཱཡིཀཱཝིམཱནཝཏྠུ (༡༤)

༥༢༥.

དོཎིནིམྨཛྫནིཾ [དོཎིནིམྨུཛྫནཾ (སྱཱ.)] ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༢༦. ཀཱཡབནྡྷནདཱཡིཀཱཝིམཱནཝཏྠུ (༡༥)

༥༣༣.

ཀཱཡབནྡྷནཾ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༢༧. ཨཾསབདྡྷཀདཱཡིཀཱཝིམཱནཝཏྠུ (༡༦)

༥༤༡.

ཨཾསབདྡྷཀཾ ¶ [ཨཾསཝཊྚཀཾ (སཱི.), ཨཾསབནྡྷནཾ (ཀ.)] ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༢༨. ཨཱཡོགཔཊྚདཱཡིཀཱཝིམཱནཝཏྠུ (༡༧)

༥༤༦.

ཨཱཡོགཔཊྚཾ ¶ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༢༩. ཝིདྷཱུཔནདཱཡིཀཱཝིམཱནཝཏྠུ (༡༨)

༥༥༧.

ཝིདྷཱུཔནཾ ¶ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༣༠. ཏཱལཝཎྚདཱཡིཀཱཝིམཱནཝཏྠུ (༡༩)

༥༦༥.

ཏཱལཝཎྚཾ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༣༡. མོརཧཏྠདཱཡིཀཱཝིམཱནཝཏྠུ (༢༠)

༥༧༣.

མོརཧཏྠཾ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༣༢. ཚཏྟདཱཡིཀཱཝིམཱནཝཏྠུ (༢༡)

༥༨༡.

ཚཏྟཾ [ཚཏྟཉྩ (ཀ.)] ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༣༣. ཨུཔཱཧནདཱཡིཀཱཝིམཱནཝཏྠུ (༢༢)

༥༨༦.

ཨུཔཱཧནཾ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༣༤. པཱུཝདཱཡིཀཱཝིམཱནཝཏྠུ (༢༣)

༥༩༧.

པཱུཝཾ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༣༥. མོདཀདཱཡིཀཱཝིམཱནཝཏྠུ (༢༤)

༦༠༥.

མོདཀཾ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༣༦. སཀྑལིཀདཱཡིཀཱཝིམཱནཝཏྠུ (༢༥)

༦༡༣.

‘‘སཀྑལིཀཾ [སཀྑལིཾ (སཱི. སྱཱ.)] ཨཧམདཱསིཾ, བྷིཀྑུནོ པིཎྜཱཡ ཙརནྟསྶ…པེ….

༦༡༤.

‘‘ཏསྶཱ མེ པསྶ ཝིམཱནཾ, ཨཙྪརཱ ཀཱམཝཎྞིནཱིཧམསྨི;

ཨཙྪརཱསཧསྶསྶཱཧཾ, པཝརཱ པསྶ པུཉྙཱནཾ ཝིཔཱཀཾ.

༦༡༥.

‘‘ཏེན ¶ མེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

༦༡༧.

‘‘སྭཱགཏཾ ཝཏ མེ ཨཛྫ, སུཔྤབྷཱཏཾ སུཧུཊྛིཏཾ [སུཝུཊྛིཏཾ (སཱི.)];

ཡཾ ཨདྡསཱམི [ཨདྡསཾ (སཱི. སྱཱ.), ཨདྡསཱསིཾ (པཱི.)] དེཝཏཱཡོ, ཨཙྪརཱ ཀཱམཝཎྞིནིཡོ [ཀཱམཝཎྞིཡོ (སཱི.)].

༦༡༨.

‘‘ཨིམཱསཱཧཾ ¶ [ཏཱསཱཧཾ (སྱཱ. ཀ.)] དྷམྨཾ སུཏྭཱ [སུཏྭཱན (སྱཱ. ཀ.)], ཀཱཧཱམི ཀུསལཾ བཧུཾ.

དཱནེན སམཙརིཡཱཡ, སཉྙམེན དམེན ཙ;

སྭཱཧཾ ཏཏྠ གམིསྶཱམི [ཏཏྠེཝ གཙྪཱམི (ཀ.)], ཡཏྠ གནྟྭཱ ན སོཙརེ’’ཏི.

གུཏྟིལཝིམཱནཾ པཉྩམཾ.

༦. དདྡལླཝིམཱནཝཏྠུ

༦༡༩.

‘‘དདྡལླམཱནཱ ¶ ¶ [དདྡལ༹ྷམཱནཱ (ཀ.)] ཝཎྞེན, ཡསསཱ ཙ ཡསསྶིནཱི;

སབྦེ དེཝེ ཏཱཝཏིཾསེ, ཝཎྞེན ཨཏིརོཙསི.

༦༢༠.

‘‘དསྶནཾ ནཱབྷིཛཱནཱམི, ཨིདཾ པཋམདསྶནཾ;

ཀསྨཱ ཀཱཡཱ ནུ ཨཱགམྨ, ནཱམེན བྷཱསསེ མམ’’ནྟི.

༦༢༡.

‘‘ཨཧཾ བྷདྡེ སུབྷདྡཱསིཾ, པུབྦེ མཱནུསཀེ བྷཝེ;

སཧབྷརིཡཱ ཙ ཏེ ཨཱསིཾ, བྷགིནཱི ཙ ཀནིཊྛིཀཱ.

༦༢༢.

‘‘སཱ ཨཧཾ ཀཱཡསྶ བྷེདཱ, ཝིཔྤམུཏྟཱ ཏཏོ ཙུཏཱ;

ནིམྨཱནརཏཱིནཾ དེཝཱནཾ, ཨུཔཔནྣཱ སཧབྱཏ’’ནྟི.

༦༢༣.

‘‘པཧཱུཏཀཏཀལྱཱཎཱ, ཏེ དེཝེ ཡནྟི པཱཎིནོ;

ཡེསཾ ཏྭཾ ཀིཏྟཡིསྶསི, སུབྷདྡེ ཛཱཏིམཏྟནོ.

༦༢༤.

‘‘ཨཐ [ཀཐཾ (སཱི. སྱཱ.)] ཏྭཾ ཀེན ཝཎྞེན, ཀེན ཝཱ ཨནུསཱསིཏཱ;

ཀཱིདིསེནེཝ དཱནེན, སུབྦཏེན ཡསསྶིནཱི.

༦༢༥.

‘‘ཡསཾ ཨེཏཱདིསཾ པཏྟཱ, ཝིསེསཾ ཝིཔུལམཛ྄ཛྷགཱ;

དེཝཏེ པུཙྪིཏཱཙིཀྑ, ཀིསྶ ཀམྨསྶིདཾ ཕལ’’ནྟི.

༦༢༦.

‘‘ཨཊྛེཝ པིཎྜཔཱཏཱནི, ཡཾ དཱནཾ ཨདདཾ པུརེ;

དཀྑིཎེཡྻསྶ སངྒྷསྶ, པསནྣཱ སེཧི པཱཎིབྷི.

༦༢༧.

‘‘ཏེན མེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

༦༢༩.

‘‘ཨཧཾ ¶ ཏཡཱ བཧུཏརེ བྷིཀྑཱུ, སཉྙཏེ བྲཧྨཙཱརཡོ [བྲཧྨཙརིནོ (སྱཱ.), བྲཧྨཙཱརིཡེ (པཱི. ཀ.)];

ཏཔྤེསིཾ ཨནྣཔཱནེན, པསནྣཱ སེཧི པཱཎིབྷི.

༦༣༠.

‘‘ཏཡཱ ¶ ¶ བཧུཏརཾ དཏྭཱ, ཧཱིནཀཱཡཱུཔགཱ ཨཧཾ [ཨཧུཾ (ཀ. སཱི.)];

ཀཐཾ ཏྭཾ ཨཔྤཏརཾ དཏྭཱ, ཝིསེསཾ ཝིཔུལམཛ྄ཛྷགཱ;

དེཝཏེ པུཙྪིཏཱཙིཀྑ, ཀིསྶ ཀམྨསྶིདཾ ཕལ’’ནྟི.

༦༣༡.

‘‘མནོབྷཱཝནཱིཡོ ¶ བྷིཀྑུ, སནྡིཊྛོ མེ པུརེ ཨཧུ;

ཏཱཧཾ བྷཏྟེན [བྷདྡེ (ཀ.)] ནིམནྟེསིཾ, རེཝཏཾ ཨཏྟནཊྛམཾ.

༦༣༢.

‘‘སོ མེ ཨཏྠཔུརེཀྑཱརོ, ཨནུཀམྤཱཡ རེཝཏོ;

སངྒྷེ དེཧཱིཏི མཾཝོཙ, ཏསྶཱཧཾ ཝཙནཾ ཀརིཾ.

༦༣༣.

‘‘སཱ དཀྑིཎཱ སངྒྷགཏཱ, ཨཔྤམེཡྻེ པཏིཊྛིཏཱ;

པུགྒལེསུ ཏཡཱ དིནྣཾ, ན ཏཾ ཏཝ མཧཔྥལ’’ནྟི.

༦༣༤.

‘‘ཨིདཱནེཝཱཧཾ ཛཱནཱམི, སངྒྷེ དིནྣཾ མཧཔྥལཾ;

སཱཧཾ གནྟྭཱ མནུསྶཏྟཾ, ཝདཉྙཱུ ཝཱིཏམཙྪརཱ;

སངྒྷེ དཱནཱནི དསྶཱམི [སངྒྷེ དཱནཾ དསྶཱམིཧཾ (སྱཱ.)], ཨཔྤམཏྟཱ པུནཔྤུན’’ནྟི.

༦༣༥.

‘‘ཀཱ ཨེསཱ དེཝཏཱ བྷདྡེ, ཏཡཱ མནྟཡཏེ སཧ;

སབྦེ དེཝེ ཏཱཝཏིཾསེ, ཝཎྞེན ཨཏིརོཙཏཱི’’ཏི.

༦༣༦.

‘‘མནུསྶབྷཱུཏཱ དེཝིནྡ, པུབྦེ མཱནུསཀེ བྷཝེ;

སཧབྷརིཡཱ ཙ མེ ཨཱསི, བྷགིནཱི ཙ ཀནིཊྛིཀཱ;

སངྒྷེ དཱནཱནི དཏྭཱན, ཀཏཔུཉྙཱ ཝིརོཙཏཱི’’ཏི.

༦༣༧.

‘‘དྷམྨེན པུབྦེ བྷགིནཱི, ཏཡཱ བྷདྡེ ཝིརོཙཏི;

ཡཾ སངྒྷམྷི ཨཔྤམེཡྻེ, པཏིཊྛཱཔེསི དཀྑིཎཾ.

༦༣༨.

‘‘པུཙྪིཏོ ཧི མཡཱ བུདྡྷོ, གིཛ྄ཛྷཀཱུཊམྷི པབྦཏེ;

ཝིཔཱཀཾ ¶ སཾཝིབྷཱགསྶ, ཡཏྠ དིནྣཾ མཧཔྥལཾ.

༦༣༩.

‘‘ཡཛམཱནཱནཾ མནུསྶཱནཾ, པུཉྙཔེཀྑཱན པཱཎིནཾ;

ཀརོཏཾ ཨོཔདྷིཀཾ པུཉྙཾ, ཡཏྠ དིནྣཾ མཧཔྥལཾ.

༦༤༠.

‘‘ཏཾ ¶ མེ བུདྡྷོ ཝིཡཱཀཱསི, ཛཱནཾ ཀམྨཕལཾ སཀཾ;

ཝིཔཱཀཾ སཾཝིབྷཱགསྶ, ཡཏྠ དིནྣཾ མཧཔྥལཾ.

༦༤༡.

[ཝི. ཝ. ༧༥༠; ཀཐཱ. ༧༩༨] ‘‘ཙཏྟཱརོ ཙ པཊིཔནྣཱ, ཙཏྟཱརོ ཙ ཕལེ ཋིཏཱ;

ཨེས སངྒྷོ ཨུཛུབྷཱུཏོ, པཉྙཱསཱིལསམཱཧིཏོ.

༦༤༢.

[ཝི. ཝ. ༧༥༡; ཀཐཱ. ༧༩༨] ‘‘ཡཛམཱནཱནཾ མནུསྶཱནཾ, པུཉྙཔེཀྑཱན པཱཎིནཾ;

ཀརོཏཾ ཨོཔདྷིཀཾ པུཉྙཾ, སངྒྷེ དིནྣཾ མཧཔྥལཾ.

༦༤༣.

[ཝི. ཝ. ༧༥༢; ཀཐཱ. ༧༩༨] ‘‘ཨེསོ ¶ ཧི སངྒྷོ ཝིཔུལོ མཧགྒཏོ, ཨེསཔྤམེཡྻོ ཨུདདྷཱིཝ སཱགརོ;

ཨེཏེ ཧི སེཊྛཱ ནརཝཱིརསཱཝཀཱ, པབྷངྐརཱ དྷམྨམུདཱིརཡནྟི [དྷམྨཀཐཾ ཨུདཱིརཡནྟི (སྱཱ.)].

༦༤༤.

[ཝི. ཝ. ༧༥༣; ཀཐཱ. ༧༩༨] ‘‘ཏེསཾ ¶ སུདིནྣཾ སུཧུཏཾ སུཡིཊྛཾ, ཡེ སངྒྷམུདྡིསྶ དདནྟི དཱནཾ;

སཱ དཀྑིཎཱ སངྒྷགཏཱ པཏིཊྛིཏཱ, མཧཔྥལཱ ལོཀཝིདཱུན [ལོཀཝིདཱུཧི (སྱཱ. ཀ.)] ཝཎྞིཏཱ.

༦༤༥.

[ཝི. ཝ. ༧༥༤; ཀཐཱ. ༧༩༨] ‘‘ཨེཏཱདིསཾ ཡཉྙམནུསྶརནྟཱ [པུཉྙམནུསྶརནྟཱ (སྱཱ. ཀ.)], ཡེ ཝེདཛཱཏཱ ཝིཙརནྟི ལོཀེ;

ཝིནེཡྻ མཙྪེརམལཾ སམཱུལཾ, ཨནིནྡིཏཱ ¶ སགྒམུཔེནྟི ཋཱན’’ནྟི.

དདྡལླཝིམཱནཾ [དདྡལ༹ྷཝིམཱནཾ (ཀ.)] ཚཊྛཾ.

༧. པེསཝཏཱིཝིམཱནཝཏྠུ

༦༤༦.

‘‘ཕལིཀརཛཏཧེམཛཱལཚནྣཾ ¶ , ཝིཝིདྷཙིཏྲཏལམདྡསཾ སུརམྨཾ;

བྱམྷཾ སུནིམྨིཏཾ ཏོརཎཱུཔཔནྣཾ, རུཙཀུཔཀིཎྞམིདཾ སུབྷཾ ཝིམཱནཾ.

༦༤༧.

‘‘བྷཱཏི ¶ ཙ དས དིསཱ ནབྷེཝ སུརིཡོ, སརདེ ཏམོནུདོ སཧསྶརཾསཱི;

ཏཐཱ ཏཔཏིམིདཾ ཏཝ ཝིམཱནཾ, ཛལམིཝ དྷཱུམསིཁོ ནིསེ ནབྷགྒེ.

༦༤༨.

‘‘མུསཏཱིཝ ནཡནཾ སཏེརཏཱཝ [སཏེརིཏཱཝ (སྱཱ. ཀ.)], ཨཱཀཱསེ ཋཔིཏམིདཾ མནུཉྙཾ;

ཝཱིཎཱམུརཛསམྨཏཱལ༹གྷུཊྛཾ, ཨིདྡྷཾ ཨིནྡཔུརཾ ཡཐཱ ཏཝེདཾ.

༦༤༩.

‘‘པདུམཀུམུདུཔྤལཀུཝལཡཾ, ཡོདྷིཀ [ཡཱུདྷིཀ (སཱི.)] བནྡྷུཀནོཛཀཱ [ཡོཐིཀཱ བྷཎྜིཀཱ ནོཛཀཱ (སྱཱ.)] ཙ སནྟི;

སཱལཀུསུམིཏཔུཔྥིཏཱ ཨསོཀཱ, ཝིཝིདྷདུམགྒསུགནྡྷསེཝིཏམིདཾ.

༦༥༠.

‘‘སལ༹ལལབུཛབྷུཛཀ [སུཛཀ (སཱི. སྱཱ.)] སཾཡུཏྟཱ [སཉྙཏཱ (སཱི.)], ཀུསཀསུཕུལླིཏལཏཱཝལམྦིནཱིཧི ¶ ;

མཎིཛཱལསདིསཱ ཡསསྶིནཱི, རམྨཱ པོཀྑརཎཱི ཨུཔཊྛིཏཱ ཏེ.

༦༥༡.

‘‘ཨུདཀརུཧཱ ཙ ཡེཏྠི པུཔྥཛཱཏཱ, ཐལཛཱ ཡེ ཙ སནྟི རུཀྑཛཱཏཱ;

མཱནུསཀཱམཱནུསྶཀཱ ཙ དིབྦཱ, སབྦེ ཏུཡ྄ཧཾ ནིཝེསནམྷི ཛཱཏཱ.

༦༥༢.

‘‘ཀིསྶ སཾཡམདམསྶཡཾ ཝིཔཱཀོ, ཀེནཱསི ཀམྨཕལེནིདྷཱུཔཔནྣཱ;

ཡཐཱ ཙ ཏེ ཨདྷིགཏམིདཾ ཝིམཱནཾ, ཏདནུཔདཾ ཨཝཙཱསིལཱ༹རཔམྷེ’’ཏི [པཁུམེཏི (སཱི.)].

༦༥༣.

‘‘ཡཐཱ ¶ ཙ མེ ཨདྷིགཏམིདཾ ཝིམཱནཾ, ཀོཉྩམཡཱུརཙཀོར [ཙངྐོར (ཀ.)] སངྒྷཙརིཏཾ;

དིབྱ [དིབྦ (སཱི. པཱི.)] པིལཝཧཾསརཱཛཙིཎྞཾ, དིཛཀཱརཎྜཝཀོཀིལཱབྷིནདིཏཾ.

༦༥༤.

‘‘ནཱནཱསནྟཱནཀཔུཔྥརུཀྑཝིཝིདྷཱ, པཱཊལིཛམྦུཨསོཀརུཀྑཝནྟཾ;

ཡཐཱ ཙ མེ ཨདྷིགཏམིདཾ ཝིམཱནཾ, ཏཾ ¶ ཏེ པཝེདཡཱམི [པཝདིསྶཱམི (སཱི.), པཝེདིསྶཱམི (པཱི.)] སུཎོཧི བྷནྟེ.

༦༥༥.

‘‘མགདྷཝརཔུརཏྠིམེན ¶ , ནཱལ༹ཀགཱམོ ནཱམ ཨཏྠི བྷནྟེ;

ཏཏྠ ཨཧོསིཾ པུརེ སུཎིསཱ, པེསཝཏཱིཏི [སེསཝཏཱིཏི (སཱི. སྱཱ.)] ཏཏྠ ཛཱནིཾསུ མམཾ.

༦༥༦.

‘‘སཱཧམཔཙིཏཏྠདྷམྨཀུསལཾ ¶ , དེཝམནུསྶཔཱུཛིཏཾ མཧནྟཾ;

ཨུཔཏིསྶཾ ནིབྦུཏམཔྤམེཡྻཾ, མུདིཏམནཱ ཀུསུམེཧི ཨབྦྷུཀིརིཾ [ཨབྦྷོཀིརིཾ (སཱི. སྱཱ. པཱི. ཀ.)].

༦༥༧.

‘‘པརམགཏིགཏཉྩ པཱུཛཡིཏྭཱ, ཨནྟིམདེཧདྷརཾ ཨིསིཾ ཨུལཱ༹རཾ;

པཧཱཡ མཱནུསཀཾ སམུསྶཡཾ, ཏིདསགཏཱ ཨིདྷ མཱཝསཱམི ཋཱན’’ནྟི.

པེསཝཏཱིཝིམཱནཾ སཏྟམཾ.

༨. མལླིཀཱཝིམཱནཝཏྠུ

༦༥༨.

‘‘པཱིཏཝཏྠེ ¶ པཱིཏདྷཛེ, པཱིཏཱལངྐཱརབྷཱུསིཏེ;

པཱིཏནྟརཱཧི ཝགྒཱུཧི, ཨཔིལ༹ནྡྷཱཝ སོབྷསི.

༦༥༩.

‘‘ཀཱ ¶ ཀམྦུཀཱཡཱུརདྷརེ [ཀཀམྦུཀཱཡུརདྷརེ (སྱཱ.)], ཀཉྩནཱཝེལ༹བྷཱུསིཏེ;

ཧེམཛཱལཀསཉྪནྣེ [པཙྪནྣེ (སཱི.)], ནཱནཱརཏནམཱལིནཱི.

༦༦༠.

‘‘སོཝཎྞམཡཱ ལོཧིཏངྒམཡཱ [ལོཧིཏངྐམཡཱ (སཱི. སྱཱ.)] ཙ, མུཏྟཱམཡཱ ¶ ཝེལུ༹རིཡམཡཱ ཙ;

མསཱརགལླཱ སཧལོཧིཏངྒཱ [སཧལོཧིཏངྐཱ (སཱི.), སཧལོཧིཏཀཱ (སྱཱ.)], པཱརེཝཏཀྑཱིཧི མཎཱིཧི ཙིཏྟཏཱ.

༦༦༡.

‘‘ཀོཙི ཀོཙི ཨེཏྠ མཡཱུརསུསྶརོ, ཧཾསསྶ རཉྙོ ཀརཝཱིཀསུསྶརོ;

ཏེསཾ སརོ སུཡྻཏི ཝགྒུརཱུཔོ, པཉྩངྒིཀཾ ཏཱུརིཡམིཝཔྤཝཱདིཏཾ.

༦༦༢.

‘‘རཐོ ཙ ཏེ སུབྷོ ཝགྒུ [ཝགྒཱུ (སྱཱ.)], ནཱནཱརཏནཙིཏྟིཏོ [ནཱནཱརཏནཙིཏྟངྒོ (སྱཱ.)];

ནཱནཱཝཎྞཱཧི དྷཱཏཱུཧི, སུཝིབྷཏྟོཝ སོབྷཏི.

༦༦༣.

‘‘ཏསྨིཾ རཐེ ཀཉྩནབིམྦཝཎྞེ, ཡཱ ཏྭཾ [ཡཏྠ (ཀ. སཱི. སྱཱ. ཀ.)] ཋིཏཱ བྷཱསསི མཾ པདེསཾ;

དེཝཏེ པུཙྪིཏཱཙིཀྑ, ཀིསྶ ཀམྨསྶིདཾ ཕལ’’ནྟི.

༦༦༤.

‘‘སོཝཎྞཛཱལཾ མཎིསོཎྞཙིཏྟིཏཾ [ཝིཙིཏྟཾ (ཀ.), ཙིཏྟཾ (སཱི. སྱཱ.)], མུཏྟཱཙིཏཾ ཧེམཛཱལེན ཚནྣཾ [སཉྪནྣཾ (ཀ.)];

པརིནིབྦུཏེ གོཏམེ ཨཔྤམེཡྻེ, པསནྣཙིཏྟཱ ཨཧམཱབྷིརོཔཡིཾ.

༦༦༥.

‘‘ཏཱཧཾ ཀམྨཾ ཀརིཏྭཱན, ཀུསལཾ བུདྡྷཝཎྞིཏཾ;

ཨཔེཏསོཀཱ སུཁིཏཱ, སམྤམོདཱམནཱམཡཱ’’ཏི.

མལླིཀཱཝིམཱནཾ ཨཊྛམཾ.

༩. ཝིསཱལཀྑིཝིམཱནཝཏྠུ

༦༦༦.

‘‘ཀཱ ¶ ¶ ¶ ནཱམ ཏྭཾ ཝིསཱལཀྑི [ཝིསཱལཀྑཱི (སྱཱ.)], རམྨེ ཙིཏྟལཏཱཝནེ;

སམནྟཱ ཨནུཔརིཡཱསི, ནཱརཱིགཎཔུརཀྑཏཱ [པུརཀྑིཏཱ (སྱཱ. ཀ.)].

༦༦༧.

‘‘ཡདཱ ¶ དེཝཱ ཏཱཝཏིཾསཱ, པཝིསནྟི ཨིམཾ ཝནཾ;

སཡོགྒཱ སརཐཱ སབྦེ, ཙིཏྲཱ ཧོནྟི ཨིདྷཱགཏཱ.

༦༦༨.

‘‘ཏུཡ྄ཧཉྩ ཨིདྷ པཏྟཱཡ, ཨུཡྻཱནེ ཝིཙརནྟིཡཱ;

ཀཱཡེ ན དིསྶཏཱི ཙིཏྟཾ, ཀེན རཱུཔཾ ཏཝེདིསཾ;

དེཝཏེ པུཙྪིཏཱཙིཀྑ, ཀིསྶ ཀམྨསྶིདཾ ཕལ’’ནྟི.

༦༦༩.

‘‘ཡེན ཀམྨེན དེཝིནྡ, རཱུཔཾ མཡ྄ཧཾ གཏཱི ཙ མེ;

ཨིདྡྷི ཙ ཨཱནུབྷཱཝོ ཙ, ཏཾ སུཎོཧི པུརིནྡད.

༦༧༠.

‘‘ཨཧཾ རཱཛགཧེ རམྨེ, སུནནྡཱ ནཱམུཔཱསིཀཱ;

སདྡྷཱ སཱིལེན སམྤནྣཱ, སཾཝིབྷཱགརཏཱ སདཱ.

༦༧༡.

‘‘ཨཙྪཱདནཉྩ བྷཏྟཉྩ, སེནཱསནཾ པདཱིཔིཡཾ;

ཨདཱསིཾ ཨུཛུབྷཱུཏེསུ, ཝིཔྤསནྣེན ཙེཏསཱ.

༦༧༢.

‘‘ཙཱཏུདྡསིཾ [ཙཏུདྡསིཾ (པཱི. ཀ.)] པཉྩདསིཾ, ཡཱ ཙ པཀྑསྶ ཨཊྛམཱི;

པཱཊིཧཱརིཡཔཀྑཉྩ, ཨཊྛངྒསུསམཱགཏཾ.

༦༧༣.

‘‘ཨུཔོསཐཾ ཨུཔཝསིསྶཾ, སདཱ སཱིལེསུ སཾཝུཏཱ;

སཉྙམཱ སཾཝིབྷཱགཱ ཙ, ཝིམཱནཾ ཨཱཝསཱམཧཾ.

༦༧༤.

‘‘པཱཎཱཏིཔཱཏཱ ཝིརཏཱ, མུསཱཝཱདཱ ཙ སཉྙཏཱ;

ཐེཡྻཱ ཙ ཨཏིཙཱརཱ ཙ, མཛྫཔཱནཱ ཙ ཨཱརཀཱ.

༦༧༥.

‘‘པཉྩསིཀྑཱཔདེ རཏཱ, ཨརིཡསཙྩཱན ཀོཝིདཱ;

ཨུཔཱསིཀཱ ཙཀྑུམཏོ, གོཏམསྶ ཡསསྶིནོ.

༦༧༦.

‘‘ཏསྶཱ ¶ ¶ མེ ཉཱཏིཀུལཱ དཱསཱི [ཉཱཏིཀུལཾ ཨཱསཱི (སྱཱ. ཀ.)], སདཱ མཱལཱབྷིཧཱརཏི;

ཏཱཧཾ བྷགཝཏོ ཐཱུཔེ, སབྦམེཝཱབྷིརོཔཡིཾ.

༦༧༧.

‘‘ཨུཔོསཐེ ཙཧཾ གནྟྭཱ, མཱལཱགནྡྷཝིལེཔནཾ;

ཐཱུཔསྨིཾ ཨབྷིརོཔེསིཾ, པསནྣཱ སེཧི པཱཎིབྷི.

༦༧༨.

‘‘ཏེན ¶ ཀམྨེན དེཝིནྡ, རཱུཔཾ མཡ྄ཧཾ གཏཱི ཙ མེ;

ཨིདྡྷཱི ཙ ཨཱནུབྷཱཝོ ཙ, ཡཾ མཱལཾ ཨབྷིརོཔཡིཾ.

༦༧༩.

‘‘ཡཉྩ སཱིལཝཏཱི ཨཱསིཾ, ན ཏཾ ཏཱཝ ཝིཔཙྩཏི;

ཨཱསཱ ཙ པན མེ དེཝིནྡ, སཀདཱགཱམིནཱི སིཡ’’ནྟི.

ཝིསཱལཀྑིཝིམཱནཾ ནཝམཾ.

༡༠. པཱརིཙྪཏྟཀཝིམཱནཝཏྠུ

༦༨༠.

‘‘པཱརིཙྪཏྟཀེ ¶ ཀོཝིལཱ༹རེ, རམཎཱིཡེ མནོརམེ;

དིབྦམཱལཾ གནྠམཱནཱ, གཱཡནྟཱི སམྤམོདསི.

༦༨༡.

‘‘ཏསྶཱ ཏེ ནཙྩམཱནཱཡ, ཨངྒམངྒེཧི སབྦསོ;

དིབྦཱ སདྡཱ ནིཙྪརནྟི, སཝནཱིཡཱ མནོརམཱ.

༦༨༢.

‘‘ཏསྶཱ ཏེ ནཙྩམཱནཱཡ, ཨངྒམངྒེཧི སབྦསོ;

དིབྦཱ གནྡྷཱ པཝཱཡནྟི, སུཙིགནྡྷཱ མནོརམཱ.

༦༨༣.

‘‘ཝིཝཏྟམཱནཱ ཀཱཡེན, ཡཱ ཝེཎཱིསུ པིལ༹ནྡྷནཱ.

ཏེསཾ སུཡྻཏི ནིགྒྷོསོ, ཏཱུརིཡེ པཉྩངྒིཀེ ཡཐཱ.

༦༨༤.

‘‘ཝཊཾསཀཱ ཝཱཏདྷུཏཱ [ཝཱཏདྷཱུཏཱ (སཱི. སྱཱ.)], ཝཱཏེན སམྤཀམྤིཏཱ;

ཏེསཾ སུཡྻཏི ནིགྒྷོསོ, ཏཱུརིཡེ པཉྩངྒིཀེ ཡཐཱ.

༦༨༥.

‘‘ཡཱཔི ¶ ཏེ སིརསྨིཾ མཱལཱ, སུཙིགནྡྷཱ མནོརམཱ;

ཝཱཏི ¶ གནྡྷོ དིསཱ སབྦཱ, རུཀྑོ མཉྫཱུསཀོ ཡཐཱ.

༦༨༦.

‘‘གྷཱཡསེ ཏཾ སུཙིགནྡྷཾ [སུཙིཾ གནྡྷཾ (སཱི.)], རཱུཔཾ པསྶསི ཨམཱནུསཾ [མཱནུསཾ (པཱི.)];

དེཝཏེ པུཙྪིཏཱཙིཀྑ, ཀིསྶ ཀམྨསྶིདཾ ཕལ’’ནྟི.

༦༨༧.

‘‘པབྷསྶརཾ ཨཙྩིམནྟཾ, ཝཎྞགནྡྷེན སཾཡུཏཾ;

ཨསོཀཔུཔྥམཱལཱཧཾ, བུདྡྷསྶ ཨུཔནཱམཡིཾ.

༦༨༨.

‘‘ཏཱཧཾ ཀམྨཾ ཀརིཏྭཱན, ཀུསལཾ བུདྡྷཝཎྞིཏཾ;

ཨཔེཏསོཀཱ སུཁིཏཱ, སམྤམོདཱམནཱམཡཱ’’ཏི.

པཱརིཙྪཏྟཀཝིམཱནཾ དསམཾ.

པཱརིཙྪཏྟཀཝགྒོ ཏཏིཡོ ནིཊྛིཏོ.

ཏསྶུདྡཱནཾ ¶ –

ཨུལཱ༹རོ ཨུཙྪུ པལླངྐོ, ལཏཱ ཙ གུཏྟིལེན ཙ;

དདྡལླཔེསམལླིཀཱ, ཝིསཱལཀྑི པཱརིཙྪཏྟཀོ;

ཝགྒོ ཏེན པཝུཙྩཏཱིཏི.

༤. མཉྫིཊྛཀཝགྒོ

༡. མཉྫིཊྛཀཝིམཱནཝཏྠུ

༦༨༩.

‘‘མཉྫིཊྛཀེ ¶ ¶ [མཉྫེཊྛཀེ (སཱི.)] ཝིམཱནསྨིཾ, སོཎྞཝཱལུཀསནྠཏེ [སོཝཎྞཝཱལུཀསནྠཏེ (སྱཱ. པཱི.), སོཝཎྞཝཱལིཀསནྠཏེ (ཀ.)];

པཉྩངྒིཀེ ཏུརིཡེན [ཏུརིཡེན (སཱི. སྱཱ. པཱི.)], རམསི སུཔྤཝཱདིཏེ.

༦༩༠.

‘‘ཏམྷཱ ཝིམཱནཱ ཨོརུཡ྄ཧ, ནིམྨིཏཱ རཏནཱམཡཱ;

ཨོགཱཧསི ¶ སཱལཝནཾ, པུཔྥིཏཾ སབྦཀཱལིཀཾ.

༦༩༡.

‘‘ཡསྶ ཡསྶེཝ སཱལསྶ, མཱུལེ ཏིཊྛསི དེཝཏེ;

སོ སོ མུཉྩཏི པུཔྥཱནི, ཨོནམིཏྭཱ དུམུཏྟམོ.

༦༩༢.

‘‘ཝཱཏེརིཏཾ སཱལཝནཾ, ཨཱདྷུཏཾ [ཨཱདྷཱུཏཾ (སཱི.)] དིཛསེཝིཏཾ;

ཝཱཏི གནྡྷོ དིསཱ སབྦཱ, རུཀྑོ མཉྫཱུསཀོ ཡཐཱ.

༦༩༣.

‘‘གྷཱཡསེ ཏཾ སུཙིགནྡྷཾ, རཱུཔཾ པསྶསི ཨམཱནུསཾ;

དེཝཏེ པུཙྪིཏཱཙིཀྑ, ཀིསྶ ཀམྨསྶིདཾ ཕལ’’ནྟི.

༦༩༤.

‘‘ཨཧཾ མནུསྶེསུ མནུསྶབྷཱུཏཱ, དཱསཱི ཨཡིརཀུལེ [ཨཡྻིརཀུལེ (སྱཱ. ཀ.)] ཨཧུཾ;

བུདྡྷཾ ནིསིནྣཾ དིསྭཱན, སཱལཔུཔྥེཧི ཨོཀིརིཾ.

༦༩༥.

‘‘ཝཊཾསཀཉྩ སུཀཏཾ, སཱལཔུཔྥམཡཾ ཨཧཾ;

བུདྡྷསྶ ཨུཔནཱམེསིཾ, པསནྣཱ སེཧི པཱཎིབྷི.

༦༩༦.

‘‘ཏཱཧཾ ¶ ཀམྨཾ ཀརིཏྭཱན, ཀུསལཾ བུདྡྷཝཎྞིཏཾ;

ཨཔེཏསོཀཱ སུཁིཏཱ, སམྤམོདཱམནཱམཡཱ’’ཏི.

མཉྫིཊྛཀཝིམཱནཾ པཋམཾ.

༢. པབྷསྶརཝིམཱནཝཏྠུ

༦༩༧.

‘‘པབྷསྶརཝརཝཎྞནིབྷེ ¶ , སུརཏྟཝཏྠཝསནེ [ཝཏྠནིཝཱསནེ (སཱི. སྱཱ.)];

མཧིདྡྷིཀེ ཙནྡནརུཙིརགཏྟེ, ཀཱ ཏྭཾ སུབྷེ དེཝཏེ ཝནྡསེ མམཾ.

༦༩༨.

‘‘པལླངྐོ ¶ ཙ ཏེ མཧགྒྷོ, ནཱནཱརཏནཙིཏྟིཏོ ¶ རུཙིརོ;

ཡཏྠ ཏྭཾ ནིསིནྣཱ ཝིརོཙསི, དེཝརཱཛཱརིཝ ནནྡནེ ཝནེ.

༦༩༩.

‘‘ཀིཾ ཏྭཾ པུརེ སུཙརིཏམཱཙརཱི བྷདྡེ, ཀིསྶ ཀམྨསྶ ཝིཔཱཀཾ;

ཨནུབྷོསི དེཝལོཀསྨིཾ, དེཝཏེ པུཙྪིཏཱཙིཀྑ;

ཀིསྶ ཀམྨསྶིདཾ ཕལ’’ནྟི.

༧༠༠.

‘‘པིཎྜཱཡ ཏེ ཙརནྟསྶ, མཱལཾ ཕཱཎིཏཉྩ ཨདདཾ བྷནྟེ;

ཏསྶ ཀམྨསྶིདཾ ཝིཔཱཀཾ, ཨནུབྷོམི དེཝལོཀསྨིཾ.

༧༠༡.

‘‘ཧོཏི ཙ མེ ཨནུཏཱཔོ, ཨཔརདྡྷཾ [ཨཔརཱདྷཾ (སྱཱ.)] དུཀྑིཏཉྩ [དུཀྐཊཉྩ (སཱི.)] མེ བྷནྟེ;

སཱཧཾ དྷམྨཾ ནཱསྶོསིཾ, སུདེསིཏཾ དྷམྨརཱཛེན.

༧༠༢.

‘‘ཏཾ ཏཾ ཝདཱམི བྷདྡནྟེ, ‘ཡསྶ མེ ཨནུཀམྤིཡོ ཀོཙི;

དྷམྨེསུ ཏཾ སམཱདཔེཐ’, སུདེསིཏཾ དྷམྨརཱཛེན.

༧༠༣.

‘‘ཡེསཾ ཨཏྠི སདྡྷཱ བུདྡྷེ, དྷམྨེ ¶ ཙ སངྒྷརཏནེ;

ཏེ མཾ ཨཏིཝིརོཙནྟི, ཨཱཡུནཱ ཡསསཱ སིརིཡཱ.

༧༠༤.

‘‘པཏཱཔེན ཝཎྞེན ཨུཏྟརིཏརཱ,

ཨཉྙེ མཧིདྡྷིཀཏརཱ མཡཱ དེཝཱ’’ཏི;

པབྷསྶརཝིམཱནཾ དུཏིཡཾ.

༣. ནཱགཝིམཱནཝཏྠུ

༧༠༥.

‘‘ཨལངྐཏཱ ¶ ¶ མཎིཀཉྩནཱཙིཏཾ, སོཝཎྞཛཱལཙིཏཾ མཧནྟཾ;

ཨབྷིརུཡ྄ཧ གཛཝརཾ སུཀཔྤིཏཾ, ཨིདྷཱགམཱ ཝེཧཱཡསཾ [ཝེཧཱསཡཾ (སཱི.)] ཨནྟལིཀྑེ.

༧༠༦.

‘‘ནཱགསྶ དནྟེསུ དུཝེསུ ནིམྨིཏཱ, ཨཙྪོདཀཱ [ཨཙྪོདིཀཱ (སཱི. ཀ.)] པདུམིནིཡོ སུཕུལླཱ;

པདུམེསུ ཙ ཏུརིཡགཎཱ པབྷིཛྫརེ, ཨིམཱ ཙ ནཙྩནྟི མནོཧརཱཡོ.

༧༠༧.

‘‘དེཝིདྡྷིཔཏྟཱསི མཧཱནུབྷཱཝེ, མནུསྶབྷཱུཏཱ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝཱ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༧༠༨.

‘‘བཱརཱཎསིཡཾ ¶ ཨུཔསངྐམིཏྭཱ, བུདྡྷསྶཧཾ ཝཏྠཡུགཾ ཨདཱསིཾ;

པཱདཱནི ཝནྡིཏྭཱ [ཝནྡིཏྭ (སཱི.)] ཚམཱ ནིསཱིདིཾ, ཝིཏྟཱ ཙཧཾ ཨཉྫལིཀཾ ཨཀཱསིཾ.

༧༠༩.

‘‘བུདྡྷོ ཙ མེ ཀཉྩནསནྣིབྷཏྟཙོ, ཨདེསཡི སམུདཡདུཀྑནིཙྩཏཾ;

ཨསངྑཏཾ དུཀྑནིརོདྷསསྶཏཾ, མགྒཾ ཨདེསཡི [ཨདེསེསི (སཱི.)] ཡཏོ ཝིཛཱནིསཾ;

༧༡༠.

‘‘ཨཔྤཱཡུཀཱི ¶ ཀཱལཀཏཱ ཏཏོ ཙུཏཱ, ཨུཔཔནྣཱ ཏིདསགཎཾ ཡསསྶིནཱི;

སཀྐསྶཧཾ ཨཉྙཏརཱ པཛཱཔཏི, ཡསུཏྟརཱ ནཱམ དིསཱསུ ཝིསྶུཏཱ’’ཏི.

ནཱགཝིམཱནཾ ཏཏིཡཾ.

༤. ཨལོམཝིམཱནཝཏྠུ

༧༡༡.

‘‘ཨབྷིཀྐནྟེན ¶ ¶ ཝཎྞེན, ཡཱ ཏྭཾ ཏིཊྛསི དེཝཏེ;

ཨོབྷཱསེནྟཱི དིསཱ སབྦཱ, ཨོསདྷཱི ཝིཡ ཏཱརཀཱ.

༧༡༢.

‘‘ཀེན ཏེཏཱདིསོ ཝཎྞོ…པེ…

ཝཎྞོ ཙ ཏེ སབྦདིསཱ པབྷཱསཏཱི’’ཏི.

༧༡༤.

སཱ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༧༡༥.

‘‘ཨཧཉྩ ¶ བཱརཱཎསིཡཾ, བུདྡྷསྶཱདིཙྩབནྡྷུནོ;

ཨདཱསིཾ སུཀྑཀུམྨཱསཾ, པསནྣཱ སེཧི པཱཎིབྷི.

༧༡༦.

‘‘སུཀྑཱཡ ཨལོཎིཀཱཡ ཙ, པསྶ ཕལཾ ཀུམྨཱསཔིཎྜིཡཱ;

ཨལོམཾ སུཁིཏཾ དིསྭཱ, ཀོ པུཉྙཾ ན ཀརིསྶཏི.

༧༡༧.

‘‘ཏེན མེཏཱདིསོ ཝཎྞོ…པེ… ¶ ཝཎྞོ ཙ མེ སབྦདིསཱ པབྷཱསཏཱི’’ཏི.

ཨལོམཝིམཱནཾ ཙཏུཏྠཾ.

༥. ཀཉྫིཀདཱཡིཀཱཝིམཱནཝཏྠུ

༧༡༩.

‘‘ཨབྷིཀྐནྟེན ཝཎྞེན…པེ… ཨོསདྷཱི ཝིཡ ཏཱརཀཱ.

༧༢༠.

‘‘ཀེན ཏེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

༧༢༢.

སཱ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༧༢༣.

‘‘ཨཧཾ ཨནྡྷཀཝིནྡམྷི, བུདྡྷསྶཱདིཙྩབནྡྷུནོ;

ཨདཱསིཾ ཀོལསམྤཱཀཾ, ཀཉྫིཀཾ ཏེལདྷཱུཔིཏཾ.

༧༢༤.

‘‘པིཔྥལྱཱ ལསུཎེན ཙ, མིསྶཾ ལཱམཉྫཀེན ཙ;

ཨདཱསིཾ ཨུཛུབྷཱུཏསྨིཾ [ཨུཛུབྷཱུཏེསུ (ཀ.)], ཝིཔྤསནྣེན ཙེཏསཱ.

༧༢༥.

‘‘ཡཱ ¶ ¶ མཧེསིཏྟཾ ཀཱརེཡྻ, ཙཀྐཝཏྟིསྶ རཱཛིནོ;

ནཱརཱི སབྦངྒཀལྱཱཎཱི, བྷཏྟུ ཙཱནོམདསྶིཀཱ;

ཨེཀསྶ ¶ ཀཉྫིཀདཱནསྶ, ཀལཾ ནཱགྒྷཏི སོལ༹སིཾ.

༧༢༦.

‘‘སཏཾ ནིཀྑཱ སཏཾ ཨསྶཱ, སཏཾ ཨསྶཏརཱིརཐཱ;

སཏཾ ཀཉྙཱསཧསྶཱནི, ཨཱམུཏྟམཎིཀུཎྜལཱ;

ཨེཀསྶ ཀཉྫིཀདཱནསྶ, ཀལཾ ནཱགྒྷནྟི སོལ༹སིཾ.

༧༢༧.

‘‘སཏཾ ཧེམཝཏཱ ནཱགཱ, ཨཱིསཱདནྟཱ ཨུརཱུལ༹ྷཝཱ;

སུཝཎྞཀཙྪཱ མཱཏངྒཱ, ཧེམཀཔྤནཝཱསསཱ;

ཨེཀསྶ ཀཉྫིཀདཱནསྶ, ཀལཾ ནཱགྒྷནྟི སོལ༹སིཾ.

༧༢༨.

‘‘ཙཏུནྣམཔི ¶ དཱིཔཱནཾ, ཨིསྶརཾ ཡོདྷ ཀཱརཡེ;

ཨེཀསྶ ཀཉྫིཀདཱནསྶ, ཀལཾ ནཱགྒྷཏི སོལ༹སི’’ནྟི.

ཀཉྫིཀདཱཡིཀཱཝིམཱནཾ པཉྩམཾ.

༦. ཝིཧཱརཝིམཱནཝཏྠུ

༧༢༩.

‘‘ཨབྷིཀྐནྟེན ཝཎྞེན…པེ… ཨོསདྷཱི ཝིཡ ཏཱརཀཱ.

༧༣༠.

‘‘ཏསྶཱ ཏེ ནཙྩམཱནཱཡ, ཨངྒམངྒེཧི སབྦསོ;

དིབྦཱ སདྡཱ ནིཙྪརནྟི, སཝནཱིཡཱ མནོརམཱ.

༧༣༡.

‘‘ཏསྶཱ ཏེ ནཙྩམཱནཱཡ, ཨངྒམངྒེཧི སབྦསོ;

དིབྦཱ གནྡྷཱ པཝཱཡནྟི, སུཙིགནྡྷཱ མནོརམཱ.

༧༣༢.

‘‘ཝིཝཏྟམཱནཱ ཀཱཡེན, ཡཱ ཝེཎཱིསུ པིལ༹ནྡྷནཱ;

ཏེསཾ སུཡྻཏི ནིགྒྷོསོ, ཏུརིཡེ པཉྩངྒིཀེ ཡཐཱ.

༧༣༣.

‘‘ཝཊཾསཀཱ ཝཱཏདྷུཏཱ, ཝཱཏེན སམྤཀམྤིཏཱ;

ཏེསཾ སུཡྻཏི ནིགྒྷོསོ, ཏུརིཡེ པཉྩངྒིཀེ ཡཐཱ.

༧༣༤.

‘‘ཡཱཔི ¶ ཏེ སིརསྨིཾ མཱལཱ, སུཙིགནྡྷཱ མནོརམཱ;

ཝཱཏི གནྡྷོ དིསཱ སབྦཱ, རུཀྑོ མཉྫཱུསཀོ ཡཐཱ.

༧༣༥.

‘‘གྷཱཡསེ ཏཾ སུཙིགནྡྷཾ, རཱུཔཾ པསྶསི ཨམཱནུསཾ;

དེཝཏེ པུཙྪིཏཱཙིཀྑ, ཀིསྶ ཀམྨསྶིདཾ ཕལ’’ནྟི.

༧༣༦.

‘‘སཱཝཏྠིཡཾ ¶ ¶ མཡ྄ཧཾ སཁཱི བྷདནྟེ, སངྒྷསྶ ཀཱརེསི མཧཱཝིཧཱརཾ;

ཏཏྠཔྤསནྣཱ ཨཧམཱནུམོདིཾ, དིསྭཱ ཨགཱརཉྩ པིཡཉྩ མེཏཾ.

༧༣༧.

‘‘ཏཱཡེཝ ¶ མེ སུདྡྷནུམོདནཱཡ, ལདྡྷཾ ཝིམཱནབྦྷུཏདསྶནེཡྻཾ;

སམནྟཏོ སོལ༹སཡོཛནཱནི, ཝེཧཱཡསཾ གཙྪཏི ཨིདྡྷིཡཱ མམ.

༧༣༨.

‘‘ཀཱུཊཱགཱརཱ ནིཝེསཱ མེ, ཝིབྷཏྟཱ བྷཱགསོ མིཏཱ;

དདྡལླམཱནཱ ཨཱབྷནྟི, སམནྟཱ སཏཡོཛནཾ.

༧༣༩.

‘‘པོཀྑརཉྙོ ཙ མེ ཨེཏྠ, པུཐུལོམནིསེཝིཏཱ;

ཨཙྪོདཀཱ [ཨཙྪོདིཀཱ (སཱི.)] ཝིཔྤསནྣཱ, སོཎྞཝཱལུཀསནྠཏཱ.

༧༤༠.

‘‘ནཱནཱཔདུམསཉྪནྣཱ, པུཎྜརཱིཀསམོཏཏཱ [པཎྜརཱིཀསམོནཏཱ (སཱི.)];

སུརབྷཱི སམྤཝཱཡནྟི, མནུཉྙཱ མཱལུཏེརིཏཱ.

༧༤༡.

‘‘ཛམྦུཡོ པནསཱ ཏཱལཱ, ནཱལི༹ཀེརཝནཱནི ཙ;

ཨནྟོནིཝེསནེ ཛཱཏཱ, ནཱནཱརུཀྑཱ ཨརོཔིམཱ.

༧༤༢.

‘‘ནཱནཱཏཱུརིཡསངྒྷུཊྛཾ ¶ , ཨཙྪརཱགཎགྷོསིཏཾ;

ཡོཔི མཾ སུཔིནེ པསྶེ, སོཔི ཝིཏྟོ སིཡཱ ནརོ.

༧༤༣.

‘‘ཨེཏཱདིསཾ ཨབྦྷུཏདསྶནེཡྻཾ, ཝིམཱནཾ སབྦསོཔབྷཾ;

མམ ཀམྨེཧི ནིབྦཏྟཾ, ཨལཾ པུཉྙཱནི ཀཱཏཝེ’’ཏི.

༧༤༤.

‘‘ཏཱཡེཝ ཏེ སུདྡྷནུམོདནཱཡ, ལདྡྷཾ ཝིམཱནབྦྷུཏདསྶནེཡྻཾ;

ཡཱ ཙེཝ སཱ དཱནམདཱསི ནཱརཱི, ཏསྶཱ གཏིཾ བྲཱུཧི ཀུཧིཾ ཨུཔྤནྣཱ [ཨུཔཔནྣཱ (ཀ.)] སཱ’’ཏི.

༧༤༥.

‘‘ཡཱ སཱ ཨཧུ མཡ྄ཧཾ སཁཱི བྷདནྟེ, སངྒྷསྶ ཀཱརེསི མཧཱཝིཧཱརཾ;

ཝིཉྙཱཏདྷམྨཱ སཱ ཨདཱསི དཱནཾ, ཨུཔྤནྣཱ ནིམྨཱནརཏཱིསུ དེཝེསུ.

༧༤༦.

‘‘པཛཱཔཏཱི ¶ ཏསྶ སུནིམྨིཏསྶ, ཨཙིནྟིཡཱ ཀམྨཝིཔཱཀཱ ཏསྶ;

ཡམེཏཾ པུཙྪསི ཀུཧིཾ ཨུཔྤནྣཱ [ཨུཔཔནྣཱ (ཀ.)] སཱཏི, ཏཾ ཏེ ཝིཡཱཀཱསིཾ ཨནཉྙཐཱ ཨཧཾ.

༧༤༧.

‘‘ཏེནཧཉྙེཔི སམཱདཔེཐ, སངྒྷསྶ དཱནཱནི དདཱཐ ཝིཏྟཱ;

དྷམྨཉྩ སུཎཱཐ པསནྣམཱནསཱ, སུདུལླབྷོ ལདྡྷོ མནུསྶལཱབྷོ.

༧༤༨.

‘‘ཡཾ ¶ མགྒཾ མགྒཱདྷིཔཏཱི ཨདེསཡི [མགྒཱདྷིཔཏྱདེསཡི (སཱི.)], བྲཧྨསྶརོ ཀཉྩནསནྣིབྷཏྟཙོ;

སངྒྷསྶ དཱནཱནི དདཱཐ ཝིཏྟཱ, མཧཔྥལཱ ཡཏྠ བྷཝནྟི དཀྑིཎཱ.

༧༤༩.

[ཁུ. པཱ. ༦.༦; སུ. ནི. ༢༢༩] ‘‘ཡེ ¶ པུགྒལཱ ཨཊྛ སཏཾ པསཏྠཱ, ཙཏྟཱརི ཨེཏཱནི ཡུགཱནི ཧོནྟི;

ཏེ དཀྑིཎེཡྻཱ སུགཏསྶ སཱཝཀཱ, ཨེཏེསུ དིནྣཱནི མཧཔྥལཱནི.

༧༥༠.

[ཝི. ཝ. ༦༤༡] ‘‘ཙཏྟཱརོ ཙ པཊིཔནྣཱ, ཙཏྟཱརོ ཙ ཕལེ ཋིཏཱ;

ཨེས སངྒྷོ ཨུཛུབྷཱུཏོ, པཉྙཱསཱིལསམཱཧིཏོ.

༧༥༡.

[ཝི. ཝ. ༦༤༢] ‘‘ཡཛམཱནཱནཾ ¶ མནུསྶཱནཾ, པུཉྙཔེཀྑཱན པཱཎིནཾ;

ཀརོཏཾ ཨོཔདྷིཀཾ པུཉྙཾ, སངྒྷེ དིནྣཾ མཧཔྥལཾ.

༧༥༢.

[ཝི. ཝ. ༦༤༣] ‘‘ཨེསོ ཧི སངྒྷོ ཝིཔུལོ མཧགྒཏོ, ཨེསཔྤམེཡྻོ ཨུདདྷཱིཝ སཱགརོ;

ཨེཏེཧི སེཊྛཱ ནརཝཱིརསཱཝཀཱ, པབྷངྐརཱ དྷམྨམུདཱིརཡནྟི [ནཏྠེཏྠ པཱཋབྷེདོ].

༧༥༣.

[ཝི. ཝ. ༦༤༤] ‘‘ཏེསཾ སུདིནྣཾ སུཧུཏཾ སུཡིཊྛཾ, ཡེ སངྒྷམུདྡིསྶ དདནྟི དཱནཾ;

སཱ དཀྑིཎཱ སངྒྷགཏཱ པཏིཊྛིཏཱ, མཧཔྥལཱ ལོཀཝིདཱུན [ལོཀཝིདཱུཧི (ཀ.)] ཝཎྞིཏཱ.

༧༥༤.

‘‘ཨེཏཱདིསཾ ¶ ¶ ཡཉྙམནུསྶརནྟཱ, ཡེ ཝེདཛཱཏཱ ཝིཙརནྟི ལོཀེ;

ཝིནེཡྻ མཙྪེརམལཾ སམཱུལཾ, ཨནིནྡིཏཱ སགྒམུཔེནྟི ཋཱན’’ནྟི.

ཝིཧཱརཝིམཱནཾ ཚཊྛཾ.

བྷཱཎཝཱརཾ དུཏིཡཾ ནིཊྛིཏཾ.

༧. ཙཏུརིཏྠིཝིམཱནཝཏྠུ

༧༥༥.

‘‘ཨབྷིཀྐནྟེན ¶ ཝཎྞེན…པེ…ཝཎྞོ ཙ ཏེ སབྦདིསཱ པབྷཱསཏཱི’’ཏི.

༧༥༨.

སཱ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༧༥༩.

‘‘ཨིནྡཱིཝརཱནཾ ¶ ཧཏྠཀཾ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ;

ཨེསིཀཱནཾ ཨུཎྞཏསྨིཾ, ནགརཝརེ པཎྞཀཏེ རམྨེ.

༧༦༠.

‘‘ཏེན མེཏཱདིསོ ཝཎྞོ…པེ…ཝཎྞོ ཙ མེ སབྦདིསྶཱ པབྷཱསཏཱི’’ཏི.

༧༦༢.

‘‘ཨབྷིཀྐནྟེན ཝཎྞེན…པེ…ཝཎྞོ ཙ ཏེ སབྦདིསཱ པབྷཱསཏཱི’’ཏི.

༧༦༥.

སཱ དེཝཏཱ ཨཏྟམནཱ…པེ… ¶ ཡསྶ ཀམྨསྶིདཾ ཕལཾ.

༧༦༦.

‘‘ནཱིལུཔྤལཧཏྠཀཾ ཨཧམདཱསིཾ, བྷིཀྑུནོ པིཎྜཱཡ ཙརནྟསྶ;

ཨེསིཀཱནཾ ཨུཎྞཏསྨིཾ, ནགརཝརེ པཎྞཀཏེ རམྨེ.

༧༦༧.

‘‘ཏེན མེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

༧༦༩.

‘‘ཨབྷིཀྐནྟེན ¶ ཝཎྞེན…པེ…ཝཎྞོ ཙ ཏེ སབྦདིསཱ པབྷཱསཏཱི’’ཏི.

༧༧༢.

སཱ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༧༧༣.

‘‘ཨོདཱཏམཱུལཀཾ ཧརིཏཔཏྟཾ, ཨུདཀསྨིཾ སརེ ཛཱཏཾ ཨཧམདཱསིཾ;

བྷིཀྑུནོ པིཎྜཱཡ ཙརནྟསྶ, ཨེསིཀཱནཾ ཨུཎྞཏསྨིཾ;

ནགརཝརེ པཎྞཀཏེ རམྨེ.

༧༧༤.

‘‘ཏེན མེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

༧༧༦.

‘‘ཨབྷིཀྐནྟེན ¶ ¶ ཝཎྞེན…པེ…ཝཎྞོ ཙ ཏེ སབྦདིསཱ པབྷཱསཏཱི’’ཏི.

༧༧༩.

སཱ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༧༨༠.

‘‘ཨཧཾ སུམནཱ སུམནསྶ སུམནམཀུལཱ༹ནི, དནྟཝཎྞཱནི ཨཧམདཱསིཾ;

བྷིཀྑུནོ པིཎྜཱཡ ཙརནྟསྶ, ཨེསིཀཱནཾ ཨུཎྞཏསྨིཾ;

ནགརཝརེ པཎྞཀཏེ རམྨེ.

༧༨༡.

‘‘ཏེན མེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

ཙཏུརིཏྠིཝིམཱནཾ སཏྟམཾ.

༨. ཨམྦཝིམཱནཝཏྠུ

༧༨༣.

‘‘དིབྦཾ ¶ ཏེ ཨམྦཝནཾ རམྨཾ, པཱསཱདེཏྠ མཧལླཀོ;

ནཱནཱཏུརིཡསངྒྷུཊྛོ, ཨཙྪརཱགཎགྷོསིཏོ.

༧༨༤.

‘‘པདཱིཔོ ཙེཏྠ ཛལཏི, ནིཙྩཾ སོཝཎྞཡོ མཧཱ;

དུསྶཕལེཧི རུཀྑེཧི, སམནྟཱ པརིཝཱརིཏོ.

༧༨༥.

‘‘ཀེན ¶ ཏེཏཱདིསོ ཝཎྞོ…པེ…ཝཎྞོ ཙ ཏེ སབྦདིསཱ པབྷཱསཏཱི’’ཏི;

༧༨༧.

སཱ དེཝཏཱ ཨཏྟམནཱ…པེ… ¶ ཡསྶ ཀམྨསྶིདཾ ཕལཾ.

༧༨༨.

‘‘ཨཧཾ མནུསྶེསུ མནུསྶབྷཱུཏཱ, པུརིམཱཡ ཛཱཏིཡཱ མནུསྶལོཀེ;

ཝིཧཱརཾ སངྒྷསྶ ཀཱརེསིཾ, ཨམྦེཧི པརིཝཱརིཏཾ.

༧༨༩.

‘‘པརིཡོསིཏེ ཝིཧཱརེ, ཀཱརེནྟེ ནིཊྛིཏེ མཧེ;

ཨམྦེཧི ཚཱདཡིཏྭཱན [ཨམྦེ ཨཙྪཱདཡིཏྭཱན (སཱི. སྱཱ.), ཨམྦེཧཙྪཱདཡིཏྭཱན (པཱི. ཀ.)], ཀཏྭཱ དུསྶམཡེ ཕལེ.

༧༩༠.

‘‘པདཱིཔཾ ཏཏྠ ཛཱལེཏྭཱ, བྷོཛཡིཏྭཱ གཎུཏྟམཾ;

ནིཡྻཱདེསིཾ ཏཾ སངྒྷསྶ, པསནྣཱ སེཧི པཱཎིབྷི.

༧༩༡.

‘‘ཏེན མེ ཨམྦཝནཾ རམྨཾ, པཱསཱདེཏྠ མཧལླཀོ;

ནཱནཱཏུརིཡསངྒྷུཊྛོ, ཨཙྪརཱགཎགྷོསིཏོ.

༧༩༢.

‘‘པདཱིཔོ ¶ ཙེཏྠ ཛལཏི, ནིཙྩཾ སོཝཎྞཡོ མཧཱ;

དུསྶཕལེཧི རུཀྑེཧི, སམནྟཱ པརིཝཱརིཏོ.

༧༩༣.

‘‘ཏེན མེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

ཨམྦཝིམཱནཾ ཨཊྛམཾ.

༩. པཱིཏཝིམཱནཝཏྠུ

༧༩༥.

‘‘པཱིཏཝཏྠེ ¶ པཱིཏདྷཛེ, པཱིཏཱལངྐཱརབྷཱུསིཏེ;

པཱིཏཙནྡནལིཏྟངྒེ, པཱིཏཨུཔྤལམཱལིནཱི [པཱིཏུཔྤལམདྷཱརིནཱི (སྱཱ. ཀ.), པཱིཏུཔྤལམཱལིནཱི (པཱི.)].

༧༩༦.

‘‘པཱིཏཔཱསཱདསཡནེ, པཱིཏཱསནེ པཱིཏབྷཱཛནེ;

པཱིཏཚཏྟེ པཱིཏརཐེ, པཱིཏསྶེ པཱིཏབཱིཛནེ.

༧༩༧.

‘‘ཀིཾ ¶ ¶ ཀམྨམཀརཱི བྷདྡེ, པུབྦེ མཱནུསཀེ བྷཝེ;

དེཝཏེ པུཙྪིཏཱཙིཀྑ, ཀིསྶ ཀམྨསྶིདཾ ཕལ’’ནྟི.

༧༩༨.

‘‘ཀོསཱཏཀཱི ནཱམ ལཏཏྠི བྷནྟེ, ཏིཏྟིཀཱ ཨནབྷིཙྪིཏཱ;

ཏསྶཱ ཙཏྟཱརི པུཔྥཱནི, ཐཱུཔཾ ཨབྷིཧརིཾ ཨཧཾ.

༧༩༩.

‘‘སཏྠུ སརཱིརམུདྡིསྶ, ཝིཔྤསནྣེན ཙེཏསཱ;

ནཱསྶ མགྒཾ ཨཝེཀྑིསྶཾ, ན ཏགྒམནསཱ [ཏདགྒམནསཱ (སཱི.), ཏདངྒམནསཱ (སྱཱ.)] སཏཱི.

༨༠༠.

‘‘ཏཏོ མཾ ཨཝདྷཱི གཱཝཱི, ཐཱུཔཾ ཨཔཏྟམཱནསཾ;

ཏཉྩཱཧཾ ཨབྷིསཉྩེཡྻཾ, བྷིཡྻོ [བྷཱིཡོ (སཱི. ཨཊྛ.)] ནཱུན ཨིཏོ སིཡཱ.

༨༠༡.

‘‘ཏེན ཀམྨེན དེཝིནྡ, མགྷཝཱ དེཝཀུཉྫརོ;

པཧཱཡ མཱནུསཾ དེཧཾ, ཏཝ སཧབྱ [སཧབྱཏ (སཱི. སྱཱ.)] མཱགཏཱ’’ཏི.

༨༠༢.

ཨིདཾ ¶ སུཏྭཱ ཏིདསཱདྷིཔཏི, མགྷཝཱ དེཝཀུཉྫརོ;

ཏཱཝཏིཾསེ པསཱདེནྟོ, མཱཏལིཾ ཨེཏདབྲཝི [ཨེཏདབྲཱུཝཱིཏི (སཱི.)].

༨༠༣.

‘‘པསྶ མཱཏལི ཨཙྪེརཾ, ཙིཏྟཾ ཀམྨཕལཾ ཨིདཾ;

ཨཔྤཀམྤི ཀཏཾ དེཡྻཾ, པུཉྙཾ ཧོཏི མཧཔྥལཾ.

༨༠༤.

‘‘ནཏྠི ཙིཏྟེ པསནྣམྷི, ཨཔྤཀཱ ནཱམ དཀྑིཎཱ;

ཏཐཱགཏེ ཝཱ སམྦུདྡྷེ, ཨཐ ཝཱ ཏསྶ སཱཝཀེ.

༨༠༥.

‘‘ཨེཧི མཱཏལི ཨམྷེཔི, བྷིཡྻོ བྷིཡྻོ མཧེམསེ;

ཏཐཱགཏསྶ དྷཱཏུཡོ, སུཁོ པུཉྙཱན མུཙྩཡོ.

༨༠༦.

‘‘ཏིཊྛནྟེ ནིབྦུཏེ ཙཱཔི, སམེ ཙིཏྟེ སམཾ ཕལཾ;

ཙེཏོཔཎིདྷིཧེཏུ ¶ ཧི, སཏྟཱ གཙྪནྟི སུགྒཏིཾ.

༨༠༧.

‘‘བཧཱུནཾ [བཧུནྣཾ (སཱི. སྱཱ.)] ཝཏ ཨཏྠཱཡ, ཨུཔྤཛྫནྟི ཏཐཱགཏཱ;

ཡཏྠ ཀཱརཾ ཀརིཏྭཱན, སགྒཾ གཙྪནྟི དཱཡཀཱ’’ཏི.

པཱིཏཝིམཱནཾ ནཝམཾ.

༡༠. ཨུཙྪུཝིམཱནཝཏྠུ

༨༠༨.

‘‘ཨོབྷཱསཡིཏྭཱ ¶ ¶ པཐཝིཾ སདེཝཀཾ, ཨཏིརོཙསི ཙནྡིམསཱུརིཡཱ ཝིཡ;

སིརིཡཱ ཙ ཝཎྞེན ཡསེན ཏེཛསཱ, བྲཧྨཱཝ དེཝེ ཏིདསེ སཧིནྡཀེ.

༨༠༩.

‘‘པུཙྪཱམི ¶ ཏཾ ཨུཔྤལམཱལདྷཱརིནཱི, ཨཱཝེལི༹ནཱི ཀཉྩནསནྣིབྷཏྟཙེ;

ཨལངྐཏེ ཨུཏྟམཝཏྠདྷཱརིནཱི, ཀཱ ཏྭཾ སུབྷེ དེཝཏེ ཝནྡསེ མམཾ.

༨༡༠.

‘‘ཀིཾ ཏྭཾ པུརེ ཀམྨམཀཱསི ཨཏྟནཱ, མནུསྶབྷཱུཏཱ པུརིམཱཡ ཛཱཏིཡཱ;

དཱནཾ སུཙིཎྞཾ ཨཐ སཱིལསཉྙམཾ, ཀེནུཔཔནྣཱ སུགཏིཾ ཡསསྶིནཱི;

དེཝཏེ པུཙྪིཏཱཙིཀྑ, ཀིསྶ ཀམྨསྶིདཾ ཕལ’’ནྟི.

༨༡༡.

‘‘ཨིདཱནི བྷནྟེ ཨིམམེཝ གཱམཾ, པིཎྜཱཡ ཨམྷཱཀ གྷརཾ ཨུཔཱགམི;

ཏཏོ ཏེ ཨུཙྪུསྶ ཨདཱསི ཁཎྜིཀཾ, པསནྣཙིཏྟཱ ཨཏུལཱཡ པཱིཏིཡཱ;

༨༡༢.

‘‘སསྶུ ¶ ཙ པཙྪཱ ཨནུཡུཉྫཏེ མམཾ, ཀཧཾ ནུ ཨུཙྪུཾ ཝདྷུཀེ ཨཝཱཀིརཱི;

ན ཚཌྜིཏཾ ནོ པན ཁཱདིཏཾ མཡཱ, སནྟསྶ བྷིཀྑུསྶ སཡཾ ཨདཱསཧཾ.

༨༡༣.

‘‘ཏུཡ྄ཧཾནྭིདཾ ཨིསྶརིཡཾ ཨཐོ མམ, ཨིཏིསྶཱ སསྶུ པརིབྷཱསཏེ མམཾ;

ལེཌྜུཾ གཧེཏྭཱ པཧཱརཾ ཨདཱསི མེ, ཏཏོ ཙུཏཱ ཀཱལཀཏཱམྷི དེཝཏཱ.

༨༡༤.

‘‘ཏདེཝ ཀམྨཾ ཀུསལཾ ཀཏཾ མཡཱ, སུཁཉྩ ཀམྨཾ ཨནུབྷོམི ཨཏྟནཱ;

དེཝེཧི སདྡྷིཾ པརིཙཱརཡཱམཧཾ, མོདཱམཧཾ ཀཱམགུཎེཧི པཉྩཧི.

༨༡༥.

‘‘ཏདེཝ ¶ ཀམྨཾ ཀུསལཾ ཀཏཾ མཡཱ, སུཁཉྩ ཀམྨཾ ཨནུབྷོམི ཨཏྟནཱ;

དེཝིནྡགུཏྟཱ ཏིདསེཧི རཀྑིཏཱ, སམཔྤིཏཱ ཀཱམགུཎེཧི པཉྩཧི.

༨༡༦.

‘‘ཨེཏཱདིསཾ ¶ པུཉྙཕལཾ ཨནཔྤཀཾ, མཧཱཝིཔཱཀཱ མམ ཨུཙྪུདཀྑིཎཱ;

དེཝེཧི སདྡྷིཾ པརིཙཱརཡཱམཧཾ, མོདཱམཧཾ ཀཱམགུཎེཧི པཉྩཧི.

༨༡༧.

‘‘ཨེཏཱདིསཾ པུཉྙཕལཾ ཨནཔྤཀཾ, མཧཱཛུཏིཀཱ མམ ཨུཙྪུདཀྑིཎཱ;

དེཝིནྡགུཏྟཱ ཏིདསེཧི རཀྑིཏཱ, སཧསྶནེཏྟོརིཝ ནནྡནེ ཝནེ.

༨༡༨.

‘‘ཏུཝཉྩ ¶ བྷནྟེ ཨནུཀམྤཀཾ ཝིདུཾ, ཨུཔེཙྩ ཝནྡིཾ ཀུསལཉྩ པུཙྪིསཾ;

ཏཏོ ཏེ ཨུཙྪུསྶ ཨདཱསིཾ ཁཎྜིཀཾ, པསནྣཙིཏྟཱ ཨཏུལཱཡ པཱིཏིཡཱ’’ཏི.

ཨུཙྪུཝིམཱནཾ དསམཾ.

༡༡. ཝནྡནཝིམཱནཝཏྠུ

༨༡༩.

‘‘ཨབྷིཀྐནྟེན ¶ ཝཎྞེན, ཡཱ ཏྭཾ ཏིཊྛསི དེཝཏེ;

ཨོབྷཱསེནྟཱི དིསཱ སབྦཱ, ཨོསདྷཱི ཝིཡ ཏཱརཀཱ.

༨༢༠.

‘‘ཀེན ཏེཏཱདིསོ ཝཎྞོ…པེ. ¶ …

ཝཎྞོ ཙ ཏེ སབྦདིསཱ པབྷཱསཏཱི’’ཏི.

༨༢༢.

སཱ དེཝཏཱ ཨཏྟམནཱ…པེ… ཡསྶ ཀམྨསྶིདཾ ཕལཾ.

༨༢༣.

‘‘ཨཧཾ མནུསྶེསུ མནུསྶབྷཱུཏཱ, དིསྭཱན སམཎེ སཱིལཝནྟེ;

པཱདཱནི ཝནྡིཏྭཱ མནཾ པསཱདཡིཾ, ཝིཏྟཱ ཙཧཾ ཨཉྫལིཀཾ ཨཀཱསིཾ.

༨༢༤.

‘‘ཏེན ¶ མེཏཱདིསོ ཝཎྞོ…པེ… ཝཎྞོ ¶ ཙ མེ སབྦདིསཱ པབྷཱསཏཱི’’ཏི.

ཝནྡནཝིམཱནཾ ཨེཀཱདསམཾ.

༡༢. རཛྫུམཱལཱཝིམཱནཝཏྠུ

༨༢༦.

‘‘ཨབྷིཀྐནྟེན ཝཎྞེན, ཡཱ ཏྭཾ ཏིཊྛསི དེཝཏེ;

ཧཏྠཔཱདེ ཙ ཝིགྒཡ྄ཧ, ནཙྩསི སུཔྤཝཱདིཏེ.

༨༢༧.

‘‘ཏསྶཱ ཏེ ནཙྩམཱནཱཡ, ཨངྒམངྒེཧི སབྦསོ;

དིབྦཱ སདྡཱ ནིཙྪརནྟི, སཝནཱིཡཱ མནོརམཱ.

༨༢༨.

‘‘ཏསྶཱ ཏེ ནཙྩམཱནཱཡ, ཨངྒམངྒེཧི སབྦསོ;

དིབྦཱ གནྡྷཱ པཝཱཡནྟི, སུཙིགནྡྷཱ མནོརམཱ.

༨༢༩.

‘‘ཝིཝཏྟམཱནཱ ཀཱཡེན, ཡཱ ཝེཎཱིསུ པིལ༹ནྡྷནཱ;

ཏེསཾ སུཡྻཏི ནིགྒྷོསོ, ཏུརིཡེ པཉྩངྒིཀེ ཡཐཱ.

༨༣༠.

‘‘ཝཊཾསཀཱ ཝཱཏདྷུཏཱ, ཝཱཏེན སམྤཀམྤིཏཱ;

ཏེསཾ སུཡྻཏི ནིགྒྷོསོ, ཏུརིཡེ པཉྩངྒིཀེ ཡཐཱ.

༨༣༡.

‘‘ཡཱཔི ཏེ སིརསྨིཾ མཱལཱ, སུཙིགནྡྷཱ མནོརམཱ;

ཝཱཏི གནྡྷོ དིསཱ སབྦཱ, རུཀྑོ མཉྫཱུསཀོ ཡཐཱ.

༨༣༢.

‘‘གྷཱཡསེ ¶ ཏཾ སུཙིགནྡྷཾ, རཱུཔཾ པསྶསི ཨམཱནུསཾ;

དེཝཏེ པུཙྪིཏཱཙིཀྑ, ཀིསྶ ཀམྨསྶིདཾ ཕལ’’ནྟི.

༨༣༣.

‘‘དཱསཱི ¶ ཨཧཾ པུརེ ཨཱསིཾ, གཡཱཡཾ བྲཱཧྨཎསྶཧཾ;

ཨཔྤཔུཉྙཱ ཨལཀྑིཀཱ, རཛྫུམཱལཱཏི མཾ ཝིདུཾ [ཝིདཱུ (སྱཱ. པཱི. ཀ.)].

༨༣༤.

‘‘ཨཀྐོསཱནཾ ཝདྷཱནཉྩ, ཏཛྫནཱཡ ཙ ཨུགྒཏཱ [ཨུཀྐཏཱ (སཱི. སྱཱ.)];

ཀུཊཾ ¶ གཧེཏྭཱ ནིཀྑམྨ, ཨགཉྪིཾ [ཨཱགཙྪིཾ (སྱཱ. ཀ.), ཨགཙྪིཾ (པཱི.), གཙྪིཾ (སཱི.)] ཨུདཧཱརིཡཱ [ཨུདཀཧཱརིཡཱ (སཱི.)].

༨༣༥.

‘‘ཝིཔཐེ ¶ ཀུཊཾ ནིཀྑིཔིཏྭཱ, ཝནསཎྜཾ ཨུཔཱགམིཾ;

ཨིདྷེཝཱཧཾ མརིསྶཱམི, ཀོ ཨཏྠོ [ཀྭཏྠོསི (ཀ.), ཀཱིཝཏྠོཔི (སྱཱ.)] ཛཱིཝིཏེན མེ.

༨༣༦.

‘‘དལ༹ྷཾ པཱསཾ ཀརིཏྭཱན, ཨཱསུམྦྷིཏྭཱན པཱདཔེ;

ཏཏོ དིསཱ ཝིལོཀེསིཾ,ཀོ ནུ ཁོ ཝནམསྶིཏོ.

༨༣༧.

‘‘ཏཏྠདྡསཱསིཾ སམྦུདྡྷཾ, སབྦལོཀཧིཏཾ མུནིཾ;

ནིསིནྣཾ རུཀྑམཱུལསྨིཾ, ཛྷཱཡནྟཾ ཨཀུཏོབྷཡཾ.

༨༣༨.

‘‘ཏསྶཱ མེ ཨཧུ སཾཝེགོ, ཨབྦྷུཏོ ལོམཧཾསནོ;

ཀོ ནུ ཁོ ཝནམསྶིཏོ, མནུསྶོ ཨུདཱཧུ དེཝཏཱ.

༨༣༩.

‘‘པཱསཱདིཀཾ པསཱདནཱིཡཾ, ཝནཱ ནིབྦནམཱགཏཾ;

དིསྭཱ མནོ མེ པསཱིདི, ནཱཡཾ ཡཱདིསཀཱིདིསོ.

༨༤༠.

‘‘གུཏྟིནྡྲིཡོ ཛྷཱནརཏོ, ཨབཧིགྒཏམཱནསོ;

ཧིཏོ སབྦསྶ ལོཀསྶ, བུདྡྷོ ཨཡཾ [སོཡཾ (སཱི.)] བྷཝིསྶཏི.

༨༤༡.

‘‘བྷཡབྷེརཝོ དུརཱསདོ, སཱིཧོཝ གུཧམསྶིཏོ;

དུལླབྷཱཡཾ དསྶནཱཡ, པུཔྥཾ ཨོདུམྦརཾ ཡཐཱ.

༨༤༢.

‘‘སོ མཾ མུདཱུཧི ཝཱཙཱཧི, ཨཱལཔིཏྭཱ ཏཐཱགཏོ;

རཛྫུམཱལེཏི མཾཝོཙ, སརཎཾ གཙྪ ཏཐཱགཏཾ.

༨༤༣.

‘‘ཏཱཧཾ གིརཾ སུཎིཏྭཱན, ནེལཾ ཨཏྠཝཏིཾ སུཙིཾ;

སཎྷཾ མུདུཉྩ ཝགྒུཉྩ, སབྦསོཀཱཔནཱུདནཾ.

༨༤༤.

‘‘ཀལླཙིཏྟཉྩ མཾ ཉཏྭཱ, པསནྣཾ སུདྡྷམཱནསཾ;

ཧིཏོ ¶ སབྦསྶ ལོཀསྶ, ཨནུསཱསི ཏཐཱགཏོ.

༨༤༥.

‘‘ཨིདཾ དུཀྑནྟི མཾཝོཙ, ཨཡཾ དུཀྑསྶ སམྦྷཝོ;

དུཀྑ [ཨཡཾ (སཱི. སྱཱ. པཱི.)] ནིརོདྷོ མགྒོ ཙ [དུཀྑནིརོདྷོ ཙ (སྱཱ.)], ཨཉྫསོ ཨམཏོགདྷོ.

༨༤༦.

‘‘ཨནུཀམྤཀསྶ ¶ ཀུསལསྶ, ཨོཝཱདམྷི ཨཧཾ ཋིཏཱ;

ཨཛ྄ཛྷགཱ ཨམཏཾ སནྟིཾ, ནིབྦཱནཾ པདམཙྩུཏཾ.

༨༤༧.

‘‘སཱཧཾ ཨཝཊྛིཏཱཔེམཱ, དསྶནེ ཨཝིཀམྤིནཱི;

མཱུལཛཱཏཱཡ སདྡྷཱཡ, དྷཱིཏཱ བུདྡྷསྶ ཨོརསཱ.

༨༤༨.

‘‘སཱཧཾ ¶ ¶ རམཱམི ཀཱིལཱ༹མི, མོདཱམི ཨཀུཏོབྷཡཱ;

དིབྦམཱལཾ དྷཱརཡཱམི, པིཝཱམི མདྷུམདྡཝཾ.

༨༤༩.

‘‘སཊྛིཏུརིཡསཧསྶཱནི, པཊིབོདྷཾ ཀརོནྟི མེ;

ཨཱལ༹མྦོ གགྒརོ བྷཱིམོ, སཱདྷུཝཱདཱི ཙ སཾསཡོ.

༨༥༠.

‘‘པོཀྑརོ ཙ སུཕསྶོ ཙ, ཝཱིཎཱམོཀྑཱ ཙ ནཱརིཡོ;

ནནྡཱ ཙེཝ སུནནྡཱ ཙ, སོཎདིནྣཱ སུཙིམྷིཏཱ.

༨༥༡.

‘‘ཨལམྦུསཱ མིསྶཀེསཱི ཙ, པུཎྜརཱིཀཱཏིདཱརུཎཱི [… ཏིཙཱརུཎཱི (སཱི.)];

ཨེཎཱིཕསྶཱ སུཕསྶཱ [སུཔསྶཱ (སྱཱ. པཱི. ཀ.)] ཙ, སུབྷདྡཱ [སཾབྷདྡཱ (ཀ.)] མུདུཝཱདིནཱི.

༨༥༢.

‘‘ཨེཏཱ ཙཉྙཱ ཙ སེཡྻཱསེ, ཨཙྪརཱནཾ པབོདྷིཀཱ;

ཏཱ མཾ ཀཱལེནུཔཱགནྟྭཱ, ཨབྷིབྷཱསནྟི དེཝཏཱ.

༨༥༣.

‘‘ཧནྡ ནཙྩཱམ གཱཡཱམ, ཧནྡ ཏཾ རམཡཱམསེ;

ནཡིདཾ ཨཀཏཔུཉྙཱནཾ, ཀཏཔུཉྙཱནམེཝིདཾ.

༨༥༤.

‘‘ཨསོཀཾ ¶ ནནྡནཾ རམྨཾ, ཏིདསཱནཾ མཧཱཝནཾ;

སུཁཾ ཨཀཏཔུཉྙཱནཾ, ཨིདྷ ནཏྠི པརཏྠ ཙ.

༨༥༥.

‘‘སུཁཉྩ ཀཏཔུཉྙཱནཾ, ཨིདྷ ཙེཝ པརཏྠ ཙ;

ཏེསཾ སཧབྱཀཱམཱནཾ, ཀཏྟབྦཾ ཀུསལཾ བཧུཾ;

ཀཏཔུཉྙཱ ཧི མོདནྟི, སགྒེ བྷོགསམངྒིནོ.

༨༥༦.

‘‘བཧཱུནཾ ཝཏ ཨཏྠཱཡ, ཨུཔྤཛྫནྟི ཏཐཱགཏཱ;

དཀྑིཎེཡྻཱ མནུསྶཱནཾ, པུཉྙཁེཏྟཱནམཱཀརཱ;

ཡཏྠ ཀཱརཾ ཀརིཏྭཱན, སགྒེ མོདནྟི དཱཡཀཱ’’ཏི.

རཛྫུམཱལཱཝིམཱནཾ དྭཱདསམཾ.

མཉྫིཊྛཀཝགྒོ ཙཏུཏྠོ ནིཊྛིཏོ.

ཏསྶུདྡཱནཾ ¶ –

མཉྫིཊྛཱ ¶ པབྷསྶརཱ ནཱགཱ, ཨལོམཱཀཉྫིཀདཱཡིཀཱ;

ཝིཧཱརཙཏུརིཏྠམྦཱ, པཱིཏཱ ཨུཙྪུཝནྡནརཛྫུམཱལཱ ཙ;

ཝགྒོ ཏེན པཝུཙྩཏཱིཏི.

ཨིཏྠིཝིམཱནཾ སམཏྟཾ.

༢. པུརིསཝིམཱནཾ

༥. མཧཱརཐཝགྒོ

༡. མཎྜཱུཀདེཝཔུཏྟཝིམཱནཝཏྠུ

༨༥༧.

‘‘ཀོ ¶ ¶ ¶ མེ ཝནྡཏི པཱདཱནི, ཨིདྡྷིཡཱ ཡསསཱ ཛལཾ;

ཨབྷིཀྐནྟེན ཝཎྞེན, སབྦཱ ཨོབྷཱསཡཾ དིསཱ’’ཏི.

༨༥༨.

‘‘མཎྜཱུཀོཧཾ པུརེ ཨཱསིཾ, ཨུདཀེ ཝཱརིགོཙརོ;

ཏཝ དྷམྨཾ སུཎནྟསྶ, ཨཝདྷཱི ཝཙྪཔཱལཀོ.

༨༥༩.

‘‘མུཧུཏྟཾ ¶ ཙིཏྟཔསཱདསྶ, ཨིདྡྷིཾ པསྶ ཡསཉྩ མེ;

ཨཱནུབྷཱཝཉྩ མེ པསྶ, ཝཎྞཾ པསྶ ཛུཏིཉྩ མེ.

༨༦༠.

‘‘ཡེ ཙ ཏེ དཱིགྷམདྡྷཱནཾ, དྷམྨཾ ཨསྶོསུཾ གོཏམ;

པཏྟཱ ཏེ ཨཙལཊྛཱནཾ, ཡཏྠ གནྟྭཱ ན སོཙརེ’’ཏི.

མཎྜཱུཀདེཝཔུཏྟཝིམཱནཾ པཋམཾ.

༢. རེཝཏཱིཝིམཱནཝཏྠུ

༨༦༡.

[དྷ. པ. ༢༡༩ དྷམྨཔདེ] ‘‘ཙིརཔྤཝཱསིཾ པུརིསཾ, དཱུརཏོ སོཏྠིམཱགཏཾ;

ཉཱཏིམིཏྟཱ སུཧཛྫཱ ཙ, ཨབྷིནནྡནྟི ཨཱགཏཾ;

༨༦༢.

[དྷ. པ. ༢༢༠ དྷམྨཔདེ] ‘‘ཏཐེཝ ¶ ཀཏཔུཉྙམྤི, ཨསྨཱ ལོཀཱ པརཾ གཏཾ;

པུཉྙཱནི པཊིགཎྷནྟི, པིཡཾ ཉཱཏཱིཝ ཨཱགཏཾ.

༨༦༣.

[པེ. ཝ. ༧༡༤]‘‘ཨུཊྛེཧི རེཝཏེ སུཔཱཔདྷམྨེ, ཨཔཱརུཏདྭཱརེ [ཨཔཱརུབྷཾ དྭཱརཾ (སཱི. སྱཱ.), ཨཔཱརུཏདྭཱརཾ (པཱི. ཀ.)] ཨདཱནསཱིལེ;

ནེསྶཱམ ཏཾ ཡཏྠ ཐུནནྟི དུགྒཏཱ, སམཔྤིཏཱ ནེརཡིཀཱ དུཀྑེནཱ’’ཏི.

༨༦༤.

ཨིཙྩེཝ ¶ [ཨིཙྩེཝཾ (སྱཱ. ཀ.)] ཝཏྭཱན ཡམསྶ དཱུཏཱ, ཏེ དྭེ ཡཀྑཱ ལོཧིཏཀྑཱ བྲཧནྟཱ;

པཙྩེཀབཱཧཱསུ གཧེཏྭཱ རེཝཏཾ, པཀྐཱམཡུཾ དེཝགཎསྶ སནྟིཀེ.

༨༦༥.

‘‘ཨཱདིཙྩཝཎྞཾ ¶ རུཙིརཾ པབྷསྶརཾ, བྱམྷཾ སུབྷཾ ཀཉྩནཛཱལཚནྣཾ;

ཀསྶེཏམཱཀིཎྞཛནཾ ¶ ཝིམཱནཾ, སཱུརིཡསྶ རཾསཱིརིཝ ཛོཏམཱནཾ.

༨༦༦.

‘‘ནཱརཱིགཎཱ ཙནྡནསཱརལིཏྟཱ [ཙནྡནསཱརཱནུལིཏྟཱ (སྱཱ.)], ཨུབྷཏོ ཝིམཱནཾ ཨུཔསོབྷཡནྟི;

ཏཾ དིསྶཏི སཱུརིཡསམཱནཝཎྞཾ, ཀོ མོདཏི སགྒཔཏྟོ ཝིམཱནེ’’ཏི.

༨༦༧.

‘‘བཱརཱཎསིཡཾ ནནྡིཡོ ནཱམཱསི, ཨུཔཱསཀོ ཨམཙྪརཱི དཱནཔཏི ཝདཉྙཱུ;

ཏསྶེཏམཱཀིཎྞཛནཾ ཝིམཱནཾ, སཱུརིཡསྶ རཾསཱིརིཝ ཛོཏམཱནཾ.

༨༦༨.

‘‘ནཱརཱིགཎཱ ཙནྡནསཱརལིཏྟཱ, ཨུབྷཏོ ཝིམཱནཾ ཨུཔསོབྷཡནྟི;

ཏཾ དིསྶཏི སཱུརིཡསམཱནཝཎྞཾ, སོ མོདཏི སགྒཔཏྟོ ཝིམཱནེ’’ཏི.

༨༦༩.

‘‘ནནྡིཡསྶཱཧཾ བྷརིཡཱ, ཨགཱརིནཱི སབྦཀུལསྶ ཨིསྶརཱ;

བྷཏྟུ ཝིམཱནེ རམིསྶཱམི དཱནཧཾ, ན པཏྠཡེ ནིརཡཾ དསྶནཱཡཱ’’ཏི.

༨༧༠.

‘‘ཨེསོ ཏེ ནིརཡོ སུཔཱཔདྷམྨེ, པུཉྙཾ ¶ ཏཡཱ ཨཀཏཾ ཛཱིཝལོཀེ;

ན ཧི མཙྪརཱི རོསཀོ པཱཔདྷམྨོ, སགྒཱུཔགཱནཾ ལབྷཏི སཧབྱཏ’’ནྟི.

༨༧༡.

‘‘ཀིཾ ¶ ནུ གཱུཐཉྩ མུཏྟཉྩ, ཨསུཙཱི པཊིདིསྶཏི;

དུགྒནྡྷཾ ཀིམིདཾ མཱིལ༹ྷཾ, ཀིམེཏཾ ཨུཔཝཱཡཏཱི’’ཏི.

༨༧༢.

‘‘ཨེས སཾསཝཀོ ནཱམ, གམྦྷཱིརོ སཏཔོརིསོ;

ཡཏྠ ཝསྶསཧསྶཱནི, ཏུཝཾ པཙྩསི རེཝཏེ’’ཏི.

༨༧༣.

‘‘ཀིཾ ¶ ནུ ཀཱཡེན ཝཱཙཱཡ, མནསཱ དུཀྐཊཾ ཀཏཾ;

ཀེན སཾསཝཀོ ལདྡྷོ, གམྦྷཱིརོ སཏཔོརིསོ’’ཏི.

༨༧༤.

‘‘སམཎེ བྲཱཧྨཎེ ཙཱཔི, ཨཉྙེ ཝཱཔི ཝནིབྦཀེ [ཝཎིབྦཀེ (སྱཱ. ཀ.)];

མུསཱཝཱདེན ཝཉྩེསི, ཏཾ པཱཔཾ པཀཏཾ ཏཡཱ.

༨༧༥.

‘‘ཏེན སཾསཝཀོ ལདྡྷོ, གམྦྷཱིརོ སཏཔོརིསོ;

ཏཏྠ ཝསྶསཧསྶཱནི, ཏུཝཾ པཙྩསི རེཝཏེ.

༨༧༦.

‘‘ཧཏྠེཔི ཚིནྡནྟི ཨཐོཔི པཱདེ, ཀཎྞེཔི ཚིནྡནྟི ཨཐོཔི ནཱསཾ;

ཨཐོཔི ཀཱཀོལ༹གཎཱ སམེཙྩ, སངྒམྨ ཁཱདནྟི ཝིཕནྡམཱན’’ནྟི.

༨༧༧.

‘‘སཱདྷུ ཁོ མཾ པཊིནེཐ, ཀཱཧཱམི ཀུསལཾ བཧུཾ;

དཱནེན སམཙརིཡཱཡ, སཾཡམེན དམེན ཙ;

ཡཾ ཀཏྭཱ སུཁིཏཱ ཧོནྟི, ན ཙ པཙྪཱནུཏཔྤརེ’’ཏི.

༨༧༨.

‘‘པུརེ ¶ ཏུཝཾ པམཛྫིཏྭཱ, ཨིདཱནི པརིདེཝསི;

སཡཾ ཀཏཱནཾ ཀམྨཱནཾ, ཝིཔཱཀཾ ཨནུབྷོསྶསཱི’’ཏི.

༨༧༩.

‘‘ཀོ ¶ དེཝལོཀཏོ མནུསྶལོཀཾ, གནྟྭཱན པུཊྛོ མེ ཨེཝཾ ཝདེཡྻ;

‘ནིཀྑིཏྟདཎྜེསུ དདཱཐ དཱནཾ, ཨཙྪཱདནཾ སེཡྻ [སཡན (སཱི.)] མཐནྣཔཱནཾ;

ནཧི མཙྪརཱི རོསཀོ པཱཔདྷམྨོ, སགྒཱུཔགཱནཾ ལབྷཏི སཧབྱཏཾ’.

༨༨༠.

‘‘སཱཧཾ ནཱུན ཨིཏོ གནྟྭཱ, ཡོནིཾ ལདྡྷཱན མཱནུསིཾ;

ཝདཉྙཱུ སཱིལསམྤནྣཱ, ཀཱཧཱམི ཀུསལཾ བཧུཾ;

དཱནེན སམཙརིཡཱཡ, སཾཡམེན དམེན ཙ.

༨༨༡.

‘‘ཨཱརཱམཱནི ¶ ཙ རོཔིསྶཾ, དུགྒེ སངྐམནཱནི ཙ;

པཔཉྩ ཨུདཔཱནཉྩ, ཝིཔྤསནྣེན ཙེཏསཱ.

༨༨༢.

‘‘ཙཱཏུདྡསིཾ པཉྩདསིཾ, ཡཱ ཙ པཀྑསྶ ཨཊྛམཱི;

པཱཊིཧཱརིཡཔཀྑཉྩ, ཨཊྛངྒསུསམཱགཏཾ.

༨༨༣.

‘‘ཨུཔོསཐཾ ཨུཔཝསིསྶཾ, སདཱ སཱིལེསུ སཾཝུཏཱ;

ན ཙ དཱནེ པམཛྫིསྶཾ, སཱམཾ དིཊྛམིདཾ མཡཱ’’ཏི;

༨༨༤.

ཨིཙྩེཝཾ ཝིཔྤལཔནྟིཾ, ཕནྡམཱནཾ ཏཏོ ཏཏོ;

ཁིཔིཾསུ ནིརཡེ གྷོརེ, ཨུདྡྷཔཱདཾ ཨཝཾསིརཾ.

༨༨༥.

‘‘ཨཧཾ པུརེ མཙྪརིནཱི ཨཧོསིཾ, པརིབྷཱསིཀཱ ¶ སམཎབྲཱཧྨཎཱནཾ;

ཝིཏཐེན ཙ སཱམིཀཾ ཝཉྩཡིཏྭཱ, པཙྩཱམཧཾ ནིརཡེ གྷོརརཱུཔེ’’ཏི.

རེཝཏཱིཝིམཱནཾ དུཏིཡཾ.

༣. ཚཏྟམཱཎཝཀཝིམཱནཝཏྠུ

༨༨༦.

‘‘ཡེ ¶ ཝདཏཾ པཝརོ མནུཛེསུ, སཀྱམུནཱི བྷགཝཱ ཀཏཀིཙྩོ;

པཱརགཏོ བལཝཱིརིཡསམངྒཱི [བལཝཱིརསམངྒཱི (ཀ.)], ཏཾ སུགཏཾ སརཎཏྠམུཔེཧི.

༨༨༧.

‘‘རཱགཝིརཱགམནེཛམསོཀཾ, དྷམྨམསངྑཏམཔྤཊིཀཱུལཾ;

མདྷུརམིམཾ པགུཎཾ སུཝིབྷཏྟཾ, དྷམྨམིམཾ སརཎཏྠམུཔེཧི.

༨༨༨.

‘‘ཡཏྠ ¶ ཙ དིནྣ མཧཔྥལམཱཧུ, ཙཏཱུསུ སུཙཱིསུ པུརིསཡུགེསུ;

ཨཊྛ ཙ པུགྒལདྷམྨདསཱ ཏེ, སངྒྷམིམཾ སརཎཏྠམུཔེཧི.

༨༨༩.

‘‘ན ¶ ཏཐཱ ཏཔཏི ནབྷེ སཱུརིཡོ, ཙནྡོ ཙ ན བྷཱསཏི ན ཕུསྶོ;

ཡཐཱ ཨཏུལམིདཾ མཧཔྤབྷཱསཾ, ཀོ ¶ ནུ ཏྭཾ ཏིདིཝཱ མཧིཾ ཨུཔཱགཱ.

༨༩༠.

‘‘ཚིནྡཏི ¶ རཾསཱི པབྷངྐརསྶ, སཱདྷིཀཝཱིསཏིཡོཛནཱནི ཨཱབྷཱ;

རཏྟིམཔི ཡཐཱ དིཝཾ ཀརོཏི, པརིསུདྡྷཾ ཝིམལཾ སུབྷཾ ཝིམཱནཾ.

༨༩༡.

‘‘བཧུཔདུམཝིཙིཏྲཔུཎྜརཱིཀཾ, ཝོཀིཎྞཾ ཀུསུམེཧི ནེཀཙིཏྟཾ;

ཨརཛཝིརཛཧེམཛཱལཚནྣཾ, ཨཱཀཱསེ ཏཔཏི ཡཐཱཔི སཱུརིཡོ.

༨༩༢.

‘‘རཏྟམྦརཔཱིཏཝསསཱཧི, ཨགརུཔིཡངྒུཙནྡནུསྶདཱཧི;

ཀཉྩནཏནུསནྣིབྷཏྟཙཱཧི, པརིཔཱུརཾ གགནཾཝ ཏཱརཀཱཧི.

༨༩༣.

‘‘ནརནཱརིཡོ [ནརནཱརཱི (ཀ.), ནཱརིཡོ (?)] བཧུཀེཏྠནེཀཝཎྞཱ, ཀུསུམཝིབྷཱུསིཏཱབྷརཎེཏྠ སུམནཱ;

ཨནིལཔམུཉྩིཏཱ པཝནྟི [པཝཱཡནྟི (ཀ.)] སུརབྷིཾ, ཏཔནིཡཝིཏཏཱ སུཝཎྞཚནྣཱ [སུཝཎྞཙྪཱདནཱ (སཱི.)].

༨༩༤.

‘‘ཀིསྶ སཾཡམསྶ [སམདམསྶ (སཱི.)] ཨཡཾ ཝིཔཱཀོ, ཀེནཱསི ཀམྨཕལེནིདྷཱུཔཔནྣོ;

ཡཐཱ ¶ ཙ ཏེ ཨདྷིགཏམིདཾ ཝིམཱནཾ, ཏདནུཔདཾ ཨཝཙཱསི ཨིངྒྷ པུཊྛོ’’ཏི.

༨༩༥.

‘‘སཡམིདྷ [ཡམིདྷ (སཱི. སྱཱ. པཱི.)] པཐེ སམེཙྩ མཱཎཝེན, སཏྠཱནུསཱསི ཨནུཀམྤམཱནོ;

ཏཝ རཏནཝརསྶ དྷམྨཾ སུཏྭཱ, ཀརིསྶཱམཱིཏི ཙ བྲཝིཏྠ ཚཏྟོ.

༨༩༦.

‘‘ཛིནཝརཔཝརཾ ¶ [ཛིནཔཝརཾ (སྱཱ. ཀ.)] ཨུཔེཧི [ཨུཔེམི (བཧཱུསུ)] སརཎཾ, དྷམྨཉྩཱཔི ཏཐེཝ བྷིཀྑུསངྒྷཾ;

ནོཏི པཋམཾ ཨཝོཙཧཾ [ཨཝོཙཱཧཾ (སཱི. སྱཱ. ཀ.)] བྷནྟེ, པཙྪཱ ཏེ ཝཙནཾ ཏཐེཝཀཱསིཾ.

༨༩༧.

‘‘མཱ ཙ པཱཎཝདྷཾ ཝིཝིདྷཾ ཙརསྶུ ཨསུཙིཾ,

ན ཧི པཱཎེསུ ཨསཉྙཏཾ ཨཝཎྞཡིཾསུ སཔྤཉྙཱ;

ནོཏི པཋམཾ ཨཝོཙཧཾ བྷནྟེ,

པཙྪཱ ཏེ ཝཙནཾ ཏཐེཝཀཱསིཾ.

༨༩༨.

‘‘མཱ ¶ ཙ པརཛནསྶ རཀྑིཏམྤི, ཨཱདཱཏབྦམམཉྙིཐོ [མམཉྙིཏྠ (སཱི. པཱི.)] ཨདིནྣཾ;

ནོཏི པཋམཾ ཨཝོཙཧཾ བྷནྟེ, པཙྪཱ ཝཙནཾ ཏཐེཝཀཱསིཾ.

༨༩༩.

‘‘མཱ ཙ པརཛནསྶ རཀྑིཏཱཡོ, པརབྷརིཡཱ ཨགམཱ ཨནརིཡམེཏཾ;

ནོཏི པཋམཾ ཨཝོཙཧཾ བྷནྟེ, པཙྪཱ ཏེ ཝཙནཾ ཏཐེཝཀཱསིཾ;

༩༠༠.

‘‘མཱ ཙ ཝིཏཐཾ ཨཉྙཐཱ ཨབྷཱཎི,

ན ¶ ཧི མུསཱཝཱདཾ ཨཝཎྞཡིཾསུ སཔྤཉྙཱ;

ནོཏི པཋམཾ ཨཝོཙཧཾ བྷནྟེ, པཙྪཱ ཏེ ཝཙནཾ ཏཐེཝཀཱསིཾ.

༩༠༡.

‘‘ཡེན ཙ པུརིསསྶ ཨཔེཏི སཉྙཱ, ཏཾ མཛྫཾ པརིཝཛྫཡསྶུ སབྦཾ;

ནོཏི པཋམཾ ཨཝོཙཧཾ བྷནྟེ, པཙྪཱ ཏེ ཝཙནཾ ཏཐེཝཀཱསིཾ.

༩༠༢.

‘‘སྭཱཧཾ ཨིདྷ པཉྩ སིཀྑཱ ཀརིཏྭཱ, པཊིཔཛྫིཏྭཱ ཏཐཱགཏསྶ དྷམྨེ;

དྭེཔཐམགམཱསིཾ ཙོརམཛ྄ཛྷེ, ཏེ མཾ ཏཏྠ ཝདྷིཾསུ བྷོགཧེཏུ.

༩༠༣.

‘‘ཨེཏྟཀམིདཾ ¶ ¶ ཨནུསྶརཱམི ཀུསལཾ, ཏཏོ པརཾ ན མེ ཝིཛྫཏི ཨཉྙཾ;

ཏེན སུཙརིཏེན ཀམྨུནཱཧཾ [ཀམྨནཱཧཾ (སཱི.)], ཨུཔྤནྣོ [ཨུཔཔནྣོ (བཧཱུསུ)] ཏིདིཝེསུ ཀཱམཀཱམཱི.

༩༠༤.

‘‘པསྶ ཁཎམུཧུཏྟསཉྙམསྶ, ཨནུདྷམྨཔྤཊིཔཏྟིཡཱ ཝིཔཱཀཾ;

ཛལམིཝ ཡསསཱ སམེཀྑམཱནཱ, བཧུཀཱ མཾ པིཧཡནྟི ཧཱིནཀམྨཱ.

༩༠༥.

‘‘པསྶ ཀཏིཔཡཱཡ དེསནཱཡ, སུགཏིཉྩམྷི ¶ གཏོ སུཁཉྩ པཏྟོ;

ཡེ ཙ ཏེ སཏཏཾ སུཎནྟི དྷམྨཾ, མཉྙེ ཏེ ཨམཏཾ ཕུསནྟི ཁེམཾ.

༩༠༦.

‘‘ཨཔྤམྤི ཀཏཾ མཧཱཝིཔཱཀཾ, ཝིཔུལཾ ཧོཏི [ཝིཔུལཕལཾ (ཀ.)] ཏཐཱགཏསྶ དྷམྨེ;

པསྶ ཀཏཔུཉྙཏཱཡ ཚཏྟོ, ཨོབྷཱསེཏི པཐཝིཾ ཡཐཱཔི སཱུརིཡོ.

༩༠༧.

‘‘ཀིམིདཾ ཀུསལཾ ཀིམཱཙརེམ, ཨིཙྩེཀེ ཧི སམེཙྩ མནྟཡནྟི;

ཏེ མཡཾ པུནརེཝ [པུནཔི (?)] ལདྡྷ མཱནུསཏྟཾ, པཊིཔནྣཱ ཝིཧརེམུ སཱིལཝནྟོ.

༩༠༨.

‘‘བཧུཀཱརོ ¶ ཨནུཀམྤཀོ ཙ སཏྠཱ, ཨིཏི མེ སཏི ཨགམཱ དིཝཱ དིཝསྶ;

སྭཱཧཾ ཨུཔགཏོམྷི སཙྩནཱམཾ, ཨནུཀམྤསྶུ པུནཔི སུཎེམུ [སུཎོམ (སཱི.), སུཎོམི (སྱཱ.)] དྷམྨཾ.

༩༠༩.

‘‘ཡེ ¶ ཙིདྷ [ཡེདྷ (སཱི. སྱཱ. པཱི.), ཡེ ཨིདྷ (ཀ.)] པཛཧནྟི ཀཱམརཱགཾ, བྷཝརཱགཱནུསཡཉྩ པཧཱཡ མོཧཾ;

ན ཙ ཏེ པུནམུཔེནྟི གབྦྷསེཡྻཾ, པརིནིབྦཱནགཏཱ ཧི སཱིཏིབྷཱུཏཱ’’ཏི.

ཚཏྟམཱཎཝཀཝིམཱནཾ ཏཏིཡཾ.

༤. ཀཀྐཊཀརསདཱཡཀཝིམཱནཝཏྠུ

༩༡༠.

‘‘ཨུཙྩམིདཾ ¶ ¶ མཎིཐཱུཎཾ ཝིམཱནཾ, སམནྟཏོ དྭཱདས ཡོཛནཱནི;

ཀཱུཊཱགཱརཱ སཏྟསཏཱ ཨུལཱ༹རཱ, ཝེལུ༹རིཡཐམྦྷཱ རུཙཀཏྠཏཱ [རུཙིརཏྠཏཱ (སྱཱ. ཀ.) ༦༤༦ གཱཐཱཡཾ ‘‘རུཙཀུཔཀིཎྞཾ’’ཏི པདསྶ སཾཝཎྞནཱ པསྶིཏབྦཱ] སུབྷཱ.

༩༡༡.

‘‘ཏཏྠཙྪསི ¶ པིཝསི ཁཱདསི ཙ, དིབྦཱ ཙ ཝཱིཎཱ པཝདནྟི ཝགྒུཾ [ཝགྒུ (སཱི. ཀ.), ཝགྒཱུ (སྱཱ.)];

དིབྦཱ རསཱ ཀཱམགུཎེཏྠ པཉྩ, ནཱརིཡོ ཙ ནཙྩནྟི སུཝཎྞཚནྣཱ.

༩༡༢.

‘‘ཀེན ཏེཏཱདིསོ ཝཎྞོ, ཀེན ཏེ ཨིདྷ མིཛ྄ཛྷཏི;

ཨུཔྤཛྫནྟི ཙ ཏེ བྷོགཱ, ཡེ ཀེཙི མནསོ པིཡཱ.

༩༡༣.

‘‘པུཙྪཱམི ཏཾ དེཝ མཧཱནུབྷཱཝ, མནུསྶབྷཱུཏོ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝོ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༩༡༤.

སོ དེཝཔུཏྟོ ཨཏྟམནོ, མོགྒལླཱནེན པུཙྪིཏོ;

པཉྷཾ པུཊྛོ ཝིཡཱཀཱསི, ཡསྶ ཀམྨསྶིདཾ ཕལཾ.

༩༡༥.

‘‘སཏིསམུཔྤཱདཀརོ ¶ , དྭཱརེ ཀཀྐཊཀོ ཋིཏོ;

ནིཊྛིཏོ ཛཱཏརཱུཔསྶ, སོབྷཏི དསཔཱདཀོ.

༩༡༦.

‘‘ཏེན ¶ མེཏཱདིསོ ཝཎྞོ, ཏེན མེ ཨིདྷ མིཛ྄ཛྷཏི;

ཨུཔྤཛྫནྟི ¶ ཙ མེ བྷོགཱ, ཡེ ཀེཙི མནསོ པིཡཱ.

༩༡༧.

‘‘ཨཀྑཱམི ཏེ བྷིཀྑུ མཧཱནུབྷཱཝ, མནུསྶབྷཱུཏོ ཡམཀཱསི པུཉྙཾ;

ཏེནམྷི ཨེཝཾ ཛལིཏཱནུབྷཱཝོ, ཝཎྞོ ཙ མེ སབྦདིསཱ པབྷཱསཏཱི’’ཏི.

ཀཀྐཊཀརསདཱཡཀཝིམཱནཾ ཙཏུཏྠཾ.

(ཨནནྟརཾ པཉྩཝིམཱནཾ ཡཐཱ ཀཀྐཊཀརསདཱཡཀཝིམཱནཾ ཏཐཱ ཝིཏྠཱརེཏབྦཾ)

༥. དྭཱརཔཱལཝིམཱནཝཏྠུ

༩༡༨.

‘‘ཨུཙྩམིདཾ ¶ མཎིཐཱུཎཾ ཝིམཱནཾ, སམནྟཏོ དྭཱདས ཡོཛནཱནི;

ཀཱུཊཱགཱརཱ སཏྟསཏཱ ཨུལཱ༹རཱ, ཝེལུ༹རིཡཐམྦྷཱ རུཙཀཏྠཏཱ སུབྷཱ.

༩༡༩.

‘‘ཏཏྠཙྪསི པིཝསི ཁཱདསི ཙ, དིབྦཱ ཙ ཝཱིཎཱ པཝདནྟི ཝགྒུཾ;

དིབྦཱ རསཱ ཀཱམགུཎེཏྠ པཉྩ, ནཱརིཡོ ཙ ནཙྩནྟི སུཝཎྞཚནྣཱ.

༩༢༠.

‘‘ཀེན ཏེཏཱདིསོ ཝཎྞོ…པེ… ¶ ཝཎྞོ ཙ ཏེ སབྦདིསཱ པབྷཱསཏཱི’’ཏི.

༩༢༢.

སོ དེཝཔུཏྟོ ཨཏྟམནོ, མོགྒལླཱནེན པུཙྪིཏོ;

པཉྷཾ པུཊྛོ ཝིཡཱཀཱསི, ཡསྶ ཀམྨསྶིདཾ ཕལཾ.

༩༢༣.

‘‘དིབྦཾ མམཾ ཝསྶསཧསྶམཱཡུ, ཝཱཙཱབྷིགཱིཏཾ མནསཱ པཝཏྟིཏཾ;

ཨེཏྟཱཝཏཱ ཋསྶཏི པུཉྙཀམྨོ, དིབྦེཧི ཀཱམེཧི སམངྒིབྷཱུཏོ.

༩༢༤.

‘‘ཏེན ¶ མེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

དྭཱརཔཱལཝིམཱནཾ པཉྩམཾ.

༦. པཋམཀརཎཱིཡཝིམཱནཝཏྠུ

༩༢༦.

‘‘ཨུཙྩམིདཾ མཎིཐཱུཎཾ ཝིམཱནཾ, སམནྟཏོ དྭཱདས ཡོཛནཱནི;

ཀཱུཊཱགཱརཱ སཏྟསཏཱ ཨུལཱ༹རཱ, ཝེལུ༹རིཡཐམྦྷཱ རུཙཀཏྠཏཱ སུབྷཱ.

༩༢༧.

‘‘ཏཏྠཙྪསི ¶ པིཝསི ཁཱདསི ཙ, དིབྦཱ ཙ ཝཱིཎཱ པཝདནྟི ཝགྒུཾ;

དིབྦཱ རསཱ ཀཱམགུཎེཏྠ པཉྩ, ནཱརིཡོ ཙ ནཙྩནྟི སུཝཎྞཚནྣཱ.

༩༢༨.

‘‘ཀེན ཏེཏཱདིསོ ཝཎྞོ…པེ…

ཝཎྞོ ཙ ཏེ སབྦདིསཱ པབྷཱསཏཱི’’ཏི.

༩༣༠.

སོ དེཝཔུཏྟོ ཨཏྟམནོ…པེ…ཡསྶ ཀམྨསྶིདཾ ཕལཾ.

༩༣༡.

‘‘ཀརཎཱིཡཱནི པུཉྙཱནི, པཎྜིཏེན ཝིཛཱནཏཱ;

སམྨགྒཏེསུ བུདྡྷེསུ, ཡཏྠ དིནྣཾ མཧཔྥལཾ.

༩༣༢.

‘‘ཨཏྠཱཡ ཝཏ མེ བུདྡྷོ, ཨརཉྙཱ གཱམམཱགཏོ;

ཏཏྠ ¶ ཙིཏྟཾ པསཱདེཏྭཱ, ཏཱཝཏིཾསཱུཔགོ ཨཧཾ [ཨཧུཾ (སཱི.)].

༩༣༣.

‘‘ཏེན མེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

པཋམཀརཎཱིཡཝིམཱནཾ ཚཊྛཾ.

༧. དུཏིཡཀརཎཱིཡཝིམཱནཝཏྠུ

༩༣༥.

‘‘ཨུཙྩམིདཾ ¶ མཎིཐཱུཎཾ ཝིམཱནཾ, སམནྟཏོ དྭཱདས ཡོཛནཱནི;

ཀཱུཊཱགཱརཱ སཏྟསཏཱ ཨུལཱ༹རཱ, ཝེལུ༹རིཡཐམྦྷཱ རུཙཀཏྠཏཱ སུབྷཱ.

༩༣༦.

‘‘ཏཏྠཙྪསི པིཝསི ཁཱདསི ཙ, དིབྦཱ ཙ ཝཱིཎཱ པཝདནྟི ཝགྒུཾ;

དིབྦཱ རསཱ ཀཱམགུཎེཏྠ པཉྩ, ནཱརིཡོ ཙ ནཙྩནྟི སུཝཎྞཚནྣཱ.

༩༣༧.

‘‘ཀེན ཏེཏཱདིསོ ཝཎྞོ…པེ… ཝཎྞོ ཙ ཏེ སབྦདིསཱ པབྷཱསཏཱི’’ཏི.

༩༣༩.

སོ དེཝཔུཏྟོ ཨཏྟམནོ…པེ… ཡསྶ ཀམྨསྶིདཾ ཕལཾ.

༩༤༠.

‘‘ཀརཎཱིཡཱནི པུཉྙཱནི, པཎྜིཏེན ཝིཛཱནཏཱ;

སམྨགྒཏེསུ བྷིཀྑཱུསུ, ཡཏྠ དིནྣཾ མཧཔྥལཾ.

༩༤༡.

‘‘ཨཏྠཱཡ ཝཏ མེ བྷིཀྑུ, ཨརཉྙཱ གཱམམཱགཏོ;

ཏཏྠ ཙིཏྟཾ པསཱདེཏྭཱ, ཏཱཝཏིཾསཱུཔགོ ཨཧཾ.

༩༤༢.

‘‘ཏེན ¶ མེཏཱདིསོ ཝཎྞོ…པེ…

ཝཎྞོ ཙ མེ སབྦདིསཱ པབྷཱསཏཱི’’ཏི.

དུཏིཡཀརཎཱིཡཝིམཱནཾ སཏྟམཾ.

༨. པཋམསཱུཙིཝིམཱནཝཏྠུ

༩༤༤.

‘‘ཨུཙྩམིདཾ ¶ མཎིཐཱུཎཾ ཝིམཱནཾ, སམནྟཏོ དྭཱདས ཡོཛནཱནི;

ཀཱུཊཱགཱརཱ སཏྟསཏཱ ཨུལཱ༹རཱ, ཝེལུ༹རིཡཐམྦྷཱ རུཙཀཏྠཏཱ སུབྷཱ.

༩༤༥.

‘‘ཏཏྠཙྪསི ¶ པིཝསི ཁཱདསི ཙ, དིབྦཱ ཙ ཝཱིཎཱ པཝདནྟི ཝགྒུཾ;

དིབྦཱ རསཱ ཀཱམགུཎེཏྠ པཉྩ, ནཱརིཡོ ཙ ནཙྩནྟི སུཝཎྞཚནྣཱ.

༩༤༦.

‘‘ཀེན ཏེཏཱདིསོ ཝཎྞོ…པེ… ཝཎྞོ ཙ ཏེ སབྦདིསཱ པབྷཱསཏཱི’’ཏི.

༩༤༨.

སོ ¶ དེཝཔུཏྟོ ཨཏྟམནོ…པེ… ཡསྶ ཀམྨསྶིདཾ ཕལཾ.

༩༤༩.

‘‘ཡཾ དདཱཏི ན ཏཾ ཧོཏི,

ཡཉྩེཝ དཛྫཱ ཏཉྩེཝ སེཡྻོ;

སཱུཙི དིནྣཱ སཱུཙིམེཝ སེཡྻོ.

༩༥༠.

‘‘ཏེན མེཏཱདིསོ ཝཎྞོ…པེ… ཝཎྞོ ཙ མེ སབྦདིསཱ པབྷཱསཏཱི’’ཏི.

པཋམསཱུཙིཝིམཱནཾ ཨཊྛམཾ.

༩. དུཏིཡསཱུཙིཝིམཱནཝཏྠུ

༩༥༢.

‘‘ཨུཙྩམིདཾ མཎིཐཱུཎཾ ཝིམཱནཾ, སམནྟཏོ དྭཱདས ཡོཛནཱནི;

ཀཱུཊཱགཱརཱ སཏྟསཏཱ ཨུལཱ༹རཱ, ཝེལུ༹རིཡཐམྦྷཱ རུཙཀཏྠཏཱ སུབྷཱ.

༩༥༣.

‘‘ཏཏྠཙྪསི པིཝསི ཁཱདསི ཙ, དིབྦཱ ཙ ཝཱིཎཱ པཝདནྟི ཝགྒུཾ;

དིབྦཱ རསཱ ཀཱམགུཎེཏྠ པཉྩ, ནཱརིཡོ ཙ ནཙྩནྟི སུཝཎྞཚནྣཱ.

༩༥༤.

‘‘ཀེན ཏེཏཱདིསོ ཝཎྞོ…པེ… ཝཎྞོ ¶ ཙ ཏེ སབྦདིསཱ པབྷཱསཏཱི’’ཏི.

༩༥༦.

སོ དེཝཔུཏྟོ ཨཏྟམནོ…པེ… ཡསྶ ཀམྨསྶིདཾ ཕལཾ.

༩༥༧.

‘‘ཨཧཾ མནུསྶེསུ མནུསྶབྷཱུཏོ,པུརིམཛཱཏིཡཱ མནུསྶལོཀེ.

༩༥༨.

‘‘ཨདྡསཾ ¶ ཝིརཛཾ བྷིཀྑུཾ, ཝིཔྤསནྣམནཱཝིལཾ;

ཏསྶ ཨདཱསཧཾ སཱུཙིཾ, པསནྣོ སེཧི པཱཎིབྷི.

༩༥༩.

‘‘ཏེན མེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

དུཏིཡསཱུཙིཝིམཱནཾ ནཝམཾ.

༡༠. པཋམནཱགཝིམཱནཝཏྠུ

༩༦༡.

‘‘སུསུཀྐཁནྡྷཾ ¶ ¶ ཨབྷིརུཡ྄ཧ ནཱགཾ, ཨཀཱཙིནཾ དནྟིཾ བལིཾ མཧཱཛཝཾ;

ཨབྷིརུཡ྄ཧ གཛཝརཾ [གཛཾ ཝརཾ (སྱཱ.)] སུཀཔྤིཏཾ, ཨིདྷཱགམཱ ཝེཧཱཡསཾ ཨནྟལིཀྑེ.

༩༦༢.

‘‘ནཱགསྶ དནྟེསུ དུཝེསུ ནིམྨིཏཱ, ཨཙྪོདཀཱ པདུམིནིཡོ སུཕུལླཱ;

པདུམེསུ ཙ ཏུརིཡགཎཱ པཝཛྫརེ, ཨིམཱ ཙ ནཙྩནྟི མནོཧརཱཡོ.

༩༦༣.

‘‘དེཝིདྡྷིཔཏྟོསི མཧཱནུབྷཱཝོ, མནུསྶབྷཱུཏོ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝོ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༩༦༤.

སོ དེཝཔུཏྟོ ཨཏྟམནོ, མོགྒལླཱནེན པུཙྪིཏོ;

པཉྷཾ པུཊྛོ ཝིཡཱཀཱསི, ཡསྶ ཀམྨསྶིདཾ ཕལཾ.

༩༦༥.

‘‘ཨཊྛེཝ མུཏྟཔུཔྥཱནི, ཀསྶཔསྶ མཧེསིནོ [བྷགཝཏོ (སྱཱ. ཀ.)];

ཐཱུཔསྨིཾ ཨབྷིརོཔེསིཾ, པསནྣོ སེཧི པཱཎིབྷི.

༩༦༦.

‘‘ཏེན མེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

པཋམནཱགཝིམཱནཾ དསམཾ.

༡༡. དུཏིཡནཱགཝིམཱནཝཏྠུ

༩༦༨.

‘‘མཧནྟཾ ¶ ¶ ནཱགཾ ཨབྷིརུཡ྄ཧ, སབྦསེཏཾ གཛུཏྟམཾ;

ཝནཱ ཝནཾ ཨནུཔརིཡཱསི, ནཱརཱིགཎཔུརཀྑཏོ;

ཨོབྷཱསེནྟོ དིསཱ སབྦཱ, ཨོསདྷཱི ཝིཡ ཏཱརཀཱ.

༩༦༩.

‘‘ཀེན ཏེཏཱདིསོ ཝཎྞོ…པེ…ཝཎྞོ ཙ ཏེ སབྦདིསཱ པབྷཱསཏཱི’’ཏི.

༩༧༡.

སོ དེཝཔུཏྟོ ཨཏྟམནོ, ཝངྒཱིསེནེཝ པུཙྪིཏོ;

པཉྷཾ པུཊྛོ ཝིཡཱཀཱསི, ཡསྶ ཀམྨསྶིདཾ ཕལཾ.

༩༧༢.

‘‘ཨཧཾ མནུསྶེསུ མནུསྶབྷཱུཏོ, ཨུཔཱསཀོ ཙཀྑུམཏོ ཨཧོསིཾ;

པཱཎཱཏིཔཱཏཱ ཝིརཏོ ཨཧོསིཾ, ལོཀེ ཨདིནྣཾ པརིཝཛྫཡིསྶཾ.

༩༧༣.

‘‘ཨམཛྫཔོ ¶ ནོ ཙ མུསཱ ཨབྷཱཎིཾ [ཨབྷཱསིཾ (སཱི. ཀ.)], སཀེན དཱརེན ཙ ཏུཊྛོ ཨཧོསིཾ;

ཨནྣཉྩ པཱནཉྩ པསནྣཙིཏྟོ, སཀྐཙྩ དཱནཾ ཝིཔུལཾ ཨདཱསིཾ.

༩༧༤.

‘‘ཏེན མེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

དུཏིཡནཱགཝིམཱནཾ ཨེཀཱདསམཾ.

༡༢. ཏཏིཡནཱགཝིམཱནཝཏྠུ

༩༧༦.

‘‘ཀོ ¶ ¶ ནུ དིབྦེན ཡཱནེན, སབྦསེཏེན ཧཏྠིནཱ;

ཏུརིཡཏཱལི༹ཏནིགྒྷོསོ, ཨནྟལིཀྑེ མཧཱིཡཏི.

༩༧༧.

‘‘དེཝཏཱ ནུསི གནྡྷབྦོ, ཨདུ [ཨཱདུ (སཱི. སྱཱ.)] སཀྐོ པུརིནྡདོ;

ཨཛཱནནྟཱ ཏཾ པུཙྪཱམ, ཀཐཾ ཛཱནེམུ ཏཾ མཡ’’ནྟི.

༩༧༨.

‘‘ནམྷི ¶ དེཝོ ན གནྡྷབྦོ, ནཱཔི [ནཱམྷི (ཀ.)] སཀྐོ པུརིནྡདོ;

སུདྷམྨཱ ནཱམ ཡེ དེཝཱ, ཏེསཾ ཨཉྙཏརོ ཨཧ’’ནྟི.

༩༧༩.

‘‘པུཙྪཱམ དེཝཾ སུདྷམྨཾ [དེཝ སུདྷམྨ (སྱཱ.), དེཝ སུདྷམྨཾ (ཀ.)], པུཐུཾ ཀཏྭཱན ཨཉྫལིཾ;

ཀིཾ ཀཏྭཱ མཱནུསེ ཀམྨཾ, སུདྷམྨཾ ཨུཔཔཛྫཏཱི’’ཏི.

༩༨༠.

‘‘ཨུཙྪཱགཱརཾ ཏིཎཱགཱརཾ, ཝཏྠཱགཱརཉྩ ཡོ དདེ;

ཏིཎྞཾ ཨཉྙཏརཾ དཏྭཱ, སུདྷམྨཾ ཨུཔཔཛྫཏཱི’’ཏི.

ཏཏིཡནཱགཝིམཱནཾ དྭཱདསམཾ.

༡༣. ཙཱུལ༹རཐཝིམཱནཝཏྠུ

༩༨༡.

‘‘དལ༹ྷདྷམྨཱ ནིསཱརསྶ, དྷནུཾ ཨོལུབྦྷ ཏིཊྛསི;

ཁཏྟིཡོ ནུསི རཱཛཉྙོ, ཨདུ ལུདྡོ ཝནེཙརོ’’ཏི [ཝནཱཙརོཏི (སྱཱ. ཀ.)].

༩༨༢.

‘‘ཨསྶཀཱདྷིཔཏིསྶཱཧཾ ¶ , བྷནྟེ པུཏྟོ ཝནེཙརོ;

ནཱམཾ མེ བྷིཀྑུ ཏེ བྲཱུམི, སུཛཱཏོ ཨིཏི མཾ ཝིདཱུ [ཝིདུཾ (སཱི.)].

༩༨༣.

‘‘མིགེ གཝེསམཱནོཧཾ, ཨོགཱཧནྟོ བྲཧཱཝནཾ;

མིགཾ ཏཉྩེཝ [མིགཾ གནྟྭེཝ (སྱཱ.), མིགཝདྷཉྩ (ཀ.)] ནཱདྡཀྑིཾ, ཏཉྩ དིསྭཱ ཋིཏོ ཨཧ’’ནྟི.

༩༨༤.

‘‘སྭཱགཏཾ ¶ ཏེ མཧཱཔུཉྙ, ཨཐོ ཏེ ཨདུརཱགཏཾ;

ཨེཏྟོ ཨུདཀམཱདཱཡ, པཱདེ པཀྑཱལཡསྶུ ཏེ.

༩༨༥.

‘‘ཨིདམྤི པཱནཱིཡཾ སཱིཏཾ, ཨཱབྷཏཾ གིརིགབྦྷརཱ;

རཱཛཔུཏྟ ཏཏོ པིཏྭཱ [པཱིཏྭཱ (སཱི. སྱཱ.)], སནྠཏསྨིཾ ཨུཔཱཝིསཱ’’ཏི.

༩༨༦.

‘‘ཀལྱཱཎཱི ཝཏ ཏེ ཝཱཙཱ, སཝནཱིཡཱ མཧཱམུནི;

ནེལཱ ཨཏྠཝཏཱི [ཙཏྠཝཏཱི (སཱི.)] ཝགྒུ, མནྟྭཱ [མནྟཱ (སྱཱ. པཱི. ཀ.)] ཨཏྠཉྩ བྷཱསསི [བྷཱསསེ (སཱི.)].

༩༨༧.

‘‘ཀཱ ¶ ཏེ རཏི ཝནེ ཝིཧརཏོ, ཨིསིནིསབྷ ཝདེཧི པུཊྛོ;

ཏཝ ཝཙནཔཐཾ ནིསཱམཡིཏྭཱ, ཨཏྠདྷམྨཔདཾ སམཱཙརེམསེ’’ཏི.

༩༨༨.

‘‘ཨཧིཾསཱ ¶ སབྦཔཱཎཱིནཾ, ཀུམཱརམྷཱཀ རུཙྩཏི;

ཐེཡྻཱ ཙ ཨཏིཙཱརཱ ཙ, མཛྫཔཱནཱ ཙ ཨཱརཏི.

༩༨༩.

‘‘ཨཱརཏི སམཙརིཡཱ ཙ, བཱཧུསཙྩཾ ཀཏཉྙུཏཱ;

དིཊྛེཝ དྷམྨེ པཱསཾསཱ, དྷམྨཱ ཨེཏེ པསཾསིཡཱཏི.

༩༩༠.

‘‘སནྟིཀེ མརཎཾ ཏུཡ྄ཧཾ, ཨོརཾ མཱསེཧི པཉྩཧི;

རཱཛཔུཏྟ ¶ ཝིཛཱནཱཧི, ཨཏྟཱནཾ པརིམོཙཡཱ’’ཏི.

༩༩༡.

‘‘ཀཏམཾ སྭཱཧཾ ཛནཔདཾ གནྟྭཱ, ཀིཾ ཀམྨཾ ཀིཉྩ པོརིསཾ;

ཀཱཡ ཝཱ པན ཝིཛྫཱཡ, བྷཝེཡྻཾ ཨཛརཱམརོ’’ཏི.

༩༩༢.

‘‘ན ཝིཛྫཏེ སོ པདེསོ, ཀམྨཾ ཝིཛྫཱ ཙ པོརིསཾ;

ཡཏྠ གནྟྭཱ བྷཝེ མཙྩོ, རཱཛཔུཏྟཱཛརཱམརོ.

༩༩༣.

‘‘མཧདྡྷནཱ མཧཱབྷོགཱ, རཊྛཝནྟོཔི ཁཏྟིཡཱ;

པཧཱུཏདྷནདྷཉྙཱསེ, ཏེཔི ནོ [ཏེཔི ན (བཧཱུསུ)] ཨཛརཱམརཱ.

༩༩༤.

‘‘ཡདི ཏེ སུཏཱ ཨནྡྷཀཝེཎྜུཔུཏྟཱ [ཨནྡྷཀཝེཎྷུཔུཏྟཱ (སཱི.), ཨཎྜཀཝེཎྜཔུཏྟཱ (སྱཱ. ཀ.)], སཱུརཱ ཝཱིརཱ ཝིཀྐནྟཔྤཧཱརིནོ;

ཏེཔི ཨཱཡུཀྑཡཾ པཏྟཱ, ཝིདྡྷསྟཱ སསྶཏཱིསམཱ.

༩༩༥.

‘‘ཁཏྟིཡཱ བྲཱཧྨཎཱ ཝེསྶཱ, སུདྡཱ ཙཎྜཱལཔུཀྐུསཱ;

ཨེཏེ ཙཉྙེ ཙ ཛཱཏིཡཱ, ཏེཔི ནོ ཨཛརཱམརཱ.

༩༩༦.

‘‘ཡེ མནྟཾ པརིཝཏྟེནྟི, ཚལ༹ངྒཾ བྲཧྨཙིནྟིཏཾ;

ཨེཏེ ཙཉྙེ ཙ ཝིཛྫཱཡ, ཏེཔི ནོ ཨཛརཱམརཱ.

༩༩༧.

‘‘ཨིསཡོ ཙཱཔི ཡེ སནྟཱ, སཉྙཏཏྟཱ ཏཔསྶིནོ;

སརཱིརཾ ཏེཔི ཀཱལེན, ཝིཛཧནྟི ཏཔསྶིནོ.

༩༩༨.

‘‘བྷཱཝིཏཏྟཱཔི ¶ ཨརཧནྟོ, ཀཏཀིཙྩཱ ཨནཱསཝཱ;

ནིཀྑིཔནྟི ཨིམཾ དེཧཾ, པུཉྙཔཱཔཔརིཀྑཡཱ’’ཏི.

༩༩༩.

‘‘སུབྷཱསིཏཱ ཨཏྠཝཏཱི, གཱཐཱཡོ ཏེ མཧཱམུནི;

ནིཛ྄ཛྷཏྟོམྷི ¶ སུབྷཊྛེན, ཏྭཉྩ མེ སརཎཾ བྷཝཱ’’ཏི.

༡༠༠༠.

‘‘མཱ ¶ མཾ ཏྭཾ སརཎཾ གཙྪ, ཏམེཝ སརཎཾ ཝཛ [བྷཛ (ཀ.)];

སཀྱཔུཏྟཾ མཧཱཝཱིརཾ, ཡམཧཾ སརཎཾ གཏོ’’ཏི.

༡༠༠༡.

‘‘ཀཏརསྨིཾ སོ ཛནཔདེ, སཏྠཱ ཏུམྷཱཀ མཱརིས;

ཨཧམྤི དཊྛུཾ གཙྪིསྶཾ, ཛིནཾ ཨཔྤཊིཔུགྒལ’’ནྟི.

༡༠༠༢.

‘‘པུརཏྠིམསྨིཾ ¶ ཛནཔདེ, ཨོཀྐཱཀཀུལསམྦྷཝོ;

ཏཏྠཱསི པུརིསཱཛཉྙོ, སོ ཙ ཁོ པརིནིབྦུཏོ’’ཏི.

༡༠༠༣.

‘‘སཙེ ཧི བུདྡྷོ ཏིཊྛེཡྻ, སཏྠཱ ཏུམྷཱཀ མཱརིས;

ཡོཛནཱནི སཧསྶཱནི, གཙྪེཡྻཾ [གཙྪེ (སྱཱ. པཱི. ཀ.)] པཡིརུཔཱསིཏུཾ.

༡༠༠༤.

‘‘ཡཏོ ཙ ཁོ [ཡཏཱ ཁོ (པཱི. ཀ.)] པརིནིབྦུཏོ, སཏྠཱ ཏུམྷཱཀ མཱརིས;

ནིབྦུཏམྤི [པརིནིབྦུཏཾ (སྱཱ. ཀ.)] མཧཱཝཱིརཾ, གཙྪཱམི སརཎཾ ཨཧཾ.

༡༠༠༥.

‘‘ཨུཔེམི སརཎཾ བུདྡྷཾ, དྷམྨཉྩཱཔི ཨནུཏྟརཾ;

སངྒྷཉྩ ནརདེཝསྶ, གཙྪཱམི སརཎཾ ཨཧཾ.

༡༠༠༦.

‘‘པཱཎཱཏིཔཱཏཱ ཝིརམཱམི ཁིཔྤཾ, ལོཀེ ཨདིནྣཾ པརིཝཛྫཡཱམི;

ཨམཛྫཔོ ནོ ཙ མུསཱ བྷཎཱམི, སཀེན དཱརེན ཙ ཧོམི ཏུཊྛོ’’ཏི.

༡༠༠༧.

‘‘སཧསྶརཾསཱིཝ ཡཐཱ མཧཔྤབྷོ, དིསཾ ཡཐཱ བྷཱཏི ནབྷེ ཨནུཀྐམཾ;

ཏཐཱཔཀཱརོ [ཏཐཔྤཀཱརོ (སཱི. སྱཱ.)] ཏཝཱཡཾ [ཏཝཡཾ (སཱི. པཱི.)] མཧཱརཐོ, སམནྟཏོ ¶ ཡོཛནསཏྟམཱཡཏོ.

༡༠༠༨.

‘‘སུཝཎྞཔཊྚེཧི སམནྟམོཏྠཊོ, ཨུརསྶ མུཏྟཱཧི མཎཱིཧི ཙིཏྟིཏོ;

ལེཁཱ སུཝཎྞསྶ ཙ རཱུཔིཡསྶ ཙ, སོབྷེནྟི ཝེལུ༹རིཡམཡཱ སུནིམྨིཏཱ.

༡༠༠༩.

‘‘སཱིསཉྩིདཾ ¶ ཝེལུ༹རིཡསྶ ནིམྨིཏཾ, ཡུགཉྩིདཾ ལོཧིཏཀཱཡ ཙིཏྟིཏཾ;

ཡུཏྟཱ སུཝཎྞསྶ ཙ རཱུཔིཡསྶ ཙ, སོབྷནྟི ཨསྶཱ ཙ ཨིམེ མནོཛཝཱ.

༡༠༡༠.

‘‘སོ ཏིཊྛསི ཧེམརཐེ ཨདྷིཊྛིཏོ, དེཝཱནམིནྡོཝ སཧསྶཝཱཧནོ;

པུཙྪཱམི ཏཱཧཾ ཡསཝནྟ ཀོཝིདཾ [ཀོཝིད (ཀ.)], ཀཐཾ ཏཡཱ ལདྡྷོ ཨཡཾ ཨུལཱ༹རོ’’ཏི.

༡༠༡༡.

‘‘སུཛཱཏོ ¶ ནཱམཧཾ བྷནྟེ, རཱཛཔུཏྟོ པུརེ ཨཧུཾ;

ཏྭཉྩ མཾ ཨནུཀམྤཱཡ, སཉྙམསྨིཾ ནིཝེསཡི.

༡༠༡༢.

‘‘ཁཱིཎཱཡུཀཉྩ མཾ ཉཏྭཱ, སརཱིརཾ པཱདཱསི སཏྠུནོ;

ཨིམཾ སུཛཱཏ པཱུཛེཧི, ཏཾ ཏེ ཨཏྠཱཡ ཧེཧིཏི.

༡༠༡༣.

‘‘ཏཱཧཾ གནྡྷེཧི མཱལེཧི, པཱུཛཡིཏྭཱ སམུཡྻུཏོ;

པཧཱཡ མཱནུསཾ དེཧཾ, ཨུཔཔནྣོམྷི ནནྡནཾ.

༡༠༡༤.

‘‘ནནྡནེ ¶ ཙ ཝནེ [ནནྡནོཔཝནེ (སཱི.), ནནྡནེ པཝནེ (སྱཱ. ཀ.)] རམྨེ, ནཱནཱདིཛགཎཱཡུཏེ;

རམཱམི ནཙྩགཱིཏེཧི, ཨཙྪརཱཧི པུརཀྑཏོ’’ཏི.

ཙཱུལ༹རཐཝིམཱནཾ ཏེརསམཾ.

༡༤. མཧཱརཐཝིམཱནཝཏྠུ

༡༠༡༥.

‘‘སཧསྶཡུཏྟཾ ¶ ¶ ཧཡཝཱཧནཾ སུབྷཾ, ཨཱརུཡ྄ཧིམཾ སནྡནཾ ནེཀཙིཏྟཾ;

ཨུཡྻཱནབྷཱུམིཾ ཨབྷིཏོ ཨནུཀྐམཾ, པུརིནྡདོ བྷཱུཏཔཏཱིཝ ཝཱསཝོ.

༡༠༡༦.

‘‘སོཝཎྞམཡཱ ཏེ རཐཀུབྦརཱ ཨུབྷོ, ཕལེཧི [ཐལེཧི (སཱི.)] ཨཾསེཧི ཨཏཱིཝ སངྒཏཱ;

སུཛཱཏགུམྦཱ ནརཝཱིརནིཊྛིཏཱ, ཝིརོཙཏཱི པནྣརསེཝ ཙནྡོ.

༡༠༡༧.

‘‘སུཝཎྞཛཱལཱཝཏཏོ ¶ རཐོ ཨཡཾ, བཧཱུཧི ནཱནཱརཏནེཧི ཙིཏྟིཏོ;

སུནནྡིགྷོསོ ཙ སུབྷསྶརོ ཙ, ཝིརོཙཏཱི ཙཱམརཧཏྠབཱཧུབྷི.

༡༠༡༨.

‘‘ཨིམཱ ཙ ནཱབྷྱོ མནསཱབྷིནིམྨིཏཱ, རཐསྶ པཱདནྟརམཛ྄ཛྷབྷཱུསིཏཱ;

ཨིམཱ ཙ ནཱབྷྱོ སཏརཱཛིཙིཏྟིཏཱ, སཏེརཏཱ ཝིཛྫུརིཝཔྤབྷཱསརེ.

༡༠༡༩.

‘‘ཨནེཀཙིཏྟཱཝཏཏོ ¶ རཐོ ཨཡཾ, པུཐཱུ ཙ ནེམཱི ཙ སཧསྶརཾསིཀོ;

ཏེསཾ སརོ སུཡྻཏི [སཱུཡཏི (སཱི.)] ཝགྒུརཱུཔོ, པཉྩངྒིཀཾ ཏུརིཡམིཝཔྤཝཱདིཏཾ.

༡༠༢༠.

‘‘སིརསྨིཾ ¶ ཙིཏྟཾ མཎིཙནྡཀཔྤིཏཾ, སདཱ ཝིསུདྡྷཾ རུཙིརཾ པབྷསྶརཾ;

སུཝཎྞརཱཛཱིཧི ཨཏཱིཝ སངྒཏཾ, ཝེལུ༹རིཡརཱཛཱིཝ ཨཏཱིཝ སོབྷཏི.

༡༠༢༡.

‘‘ཨིམེ ཙ ཝཱལཱི༹ མཎིཙནྡཀཔྤིཏཱ, ཨཱརོཧཀམྦཱུ སུཛཝཱ བྲཧཱུཔམཱ.

བྲཧཱ མཧནྟཱ བལིནོ མཧཱཛཝཱ, མནོ ཏཝཉྙཱཡ ཏཐེཝ སིཾསརེ [སབྦརེ (ཀ.), སཔྤརེ (?)].

༡༠༢༢.

‘‘ཨིམེ ཙ སབྦེ སཧིཏཱ ཙཏུཀྐམཱ, མནོ ཏཝཉྙཱཡ ཏཐེཝ སིཾསརེ;

སམཾ ཝཧནྟཱ མུདུཀཱ ཨནུདྡྷཏཱ, ཨཱམོདམཱནཱ ཏུརགཱན [ཏུརངྒཱན (ཀ.)] མུཏྟམཱ.

༡༠༢༣.

‘‘དྷུནནྟི ཝགྒནྟི པཏནྟི [པཝཏྟནྟི (པཱི. ཀ.)] ཙམྦརེ, ཨབྦྷུདྡྷུནནྟཱ སུཀཏེ པིལ༹ནྡྷནེ;

ཏེསཾ སརོ སུཡྻཏི ཝགྒུརཱུཔོ, པཉྩངྒིཀཾ ¶ ཏུརིཡམིཝཔྤཝཱདིཏཾ.

༡༠༢༤.

‘‘རཐསྶ ¶ གྷོསོ ཨཔིལ༹ནྡྷནཱན ཙ, ཁུརསྶ ནཱདོ [ནཱདཱི (སྱཱ.), ནཱདི (པཱི. ཀ.)] ཨབྷིཧིཾསནཱཡ ཙ;

གྷོསོ སུཝགྒཱུ སམིཏསྶ སུཡྻཏི, གནྡྷབྦཏཱུརིཡཱནི ཝིཙིཏྲསཾཝནེ.

༡༠༢༥.

‘‘རཐེ ཋིཏཱ ཏཱ མིགམནྡལོཙནཱ, ཨཱལཱ༹རཔམྷཱ ཧསིཏཱ པིཡཾཝདཱ;

ཝེལུ༹རིཡཛཱལཱཝཏཏཱ ཏནུཙྪཝཱ, སདེཝ གནྡྷབྦསཱུརགྒཔཱུཛིཏཱ.

༡༠༢༦.

‘‘ཏཱ རཏྟརཏྟམྦརཔཱིཏཝཱསསཱ, ཝིསཱལནེཏྟཱ ཨབྷིརཏྟལོཙནཱ;

ཀུལེ སུཛཱཏཱ སུཏནཱུ སུཙིམྷིཏཱ, རཐེ ཋིཏཱ པཉྫལིཀཱ ཨུཔཊྛིཏཱ.

༡༠༢༧.

‘‘ཏཱ ཀམྦུཀེཡཱུརདྷརཱ སུཝཱསསཱ, སུམཛ྄ཛྷིམཱ ཨཱུརུཐནཱུཔཔནྣཱ;

ཝཊྚངྒུལིཡོ སུམུཁཱ སུདསྶནཱ, རཐེ ཋིཏཱ པཉྫལིཀཱ ཨུཔཊྛིཏཱ.

༡༠༢༨.

‘‘ཨཉྙཱ སུཝེཎཱི སུསུ མིསྶཀེསིཡོ, སམཾ ཝིབྷཏྟཱཧི པབྷསྶརཱཧི ཙ;

ཨནུབྦཏཱ ཏཱ ཏཝ མཱནསེ རཏཱ, རཐེ ཋིཏཱ པཉྫལིཀཱ ཨུཔཊྛིཏཱ.

༡༠༢༩.

‘‘ཨཱཝེལི༹ནིཡོ ¶ པདུམུཔྤལཙྪདཱ, ཨལངྐཏཱ ཙནྡནསཱརཝཱསིཏཱ [ཝོསིཏཱ (སྱཱ.), བྷཱུསིཏཱ (ཀ.)];

ཨནུབྦཏཱ ¶ ཏཱ ཏཝ མཱནསེ རཏཱ, རཐེ ཋིཏཱ པཉྫལིཀཱ ཨུཔཊྛིཏཱ.

༡༠༣༠.

‘‘ཏཱ ¶ མཱལིནིཡོ པདུམུཔྤལཙྪདཱ, ཨལངྐཏཱ ཙནྡནསཱརཝཱསིཏཱ;

ཨནུབྦཏཱ ཏཱ ཏཝ མཱནསེ རཏཱ, རཐེ ཋིཏཱ པཉྫལིཀཱ ཨུཔཊྛིཏཱ.

༡༠༣༡.

‘‘ཀཎྛེསུ ¶ ཏེ ཡཱནི པིལ༹ནྡྷནཱནི, ཧཏྠེསུ པཱདེསུ ཏཐེཝ སཱིསེ;

ཨོབྷཱསཡནྟཱི དས སབྦསོ དིསཱ, ཨབྦྷུདྡཡཾ སཱརདིཀོཝ བྷཱཎུམཱ.

༡༠༣༢.

‘‘ཝཱཏསྶ ཝེགེན ཙ སམྤཀམྤིཏཱ, བྷུཛེསུ མཱལཱ ཨཔིལ༹ནྡྷནཱནི ཙ;

མུཉྩནྟི གྷོསཾ རཱུཙིརཾ སུཙིཾ སུབྷཾ, སབྦེཧི ཝིཉྙཱུཧི སུཏབྦརཱུཔཾ.

༡༠༣༣.

‘‘ཨུཡྻཱནབྷཱུམྱཱ ཙ དུཝདྡྷཏོ ཋིཏཱ, རཐཱ ¶ ཙ ནཱགཱ ཏཱུརིཡཱནི ཙ སརོ;

ཏམེཝ དེཝིནྡ པམོདཡནྟི, ཝཱིཎཱ ཡཐཱ པོཀྑརཔཏྟབཱཧུབྷི.

༡༠༣༤.

‘‘ཨིམཱསུ ཝཱིཎཱསུ བཧཱུསུ ཝགྒཱུསུ, མནུཉྙརཱུཔཱསུ ཧདཡེརིཏཾ པཱིཏིཾ [ཧདཡེརིཏཾ པཏི (སཱི.), ཧདཡེརིཏམྤི ཏཾ (སྱཱ.)];

པཝཛྫམཱནཱསུ ཨཏཱིཝ ཨཙྪརཱ, བྷམནྟི ཀཉྙཱ པདུམེསུ སིཀྑིཏཱ.

༡༠༣༥.

‘‘ཡདཱ ཙ གཱིཏཱནི ཙ ཝཱདིཏཱནི ཙ, ནཙྩཱནི ཙིམཱནི [ཙེམཱནི (སཱི.)] སམེནྟི ཨེཀཏོ;

ཨཐེཏྠ ནཙྩནྟི ཨཐེཏྠ ཨཙྪརཱ, ཨོབྷཱསཡནྟཱི ཨུབྷཏོ ཝརིཏྠིཡོ.

༡༠༣༦.

‘‘སོ མོདསི ཏུརིཡགཎཔྤབོདྷནོ, མཧཱིཡམཱནོ ཝཛིརཱཝུདྷོརིཝ;

ཨིམཱསུ ཝཱིཎཱསུ བཧཱུསུ ཝགྒཱུསུ, མནུཉྙརཱུཔཱསུ ཧདཡེརིཏཾ པཱིཏིཾ.

༡༠༣༧.

‘‘ཀིཾ ཏྭཾ པུརེ ཀམྨམཀཱསི ཨཏྟནཱ, མནུསྶབྷཱུཏོ པུརིམཱཡ ཛཱཏིཡཱ;

ཨུཔོསཐཾ ཀཾ ཝཱ [ཨུཔོསཐཾ ཀིཾ ཝ (སྱཱ.)] ཏུཝཾ ཨུཔཱཝསི, ཀཾ [ཀིཾ (སྱཱ.)] དྷམྨཙརིཡཾ ཝཏམཱབྷིརོཙཡི.

༡༠༣༨.

‘‘ནཡཱིདམཔྤསྶ ¶ ཀཏསྶ [ནཡིདཾ ཨཔྤསྶ ཀཏསྶ (སཱི. སྱཱ.), སཱསེདཾ ཨཔྤཀཏསྶ (ཀ.)] ཀམྨུནོ, པུབྦེ སུཙིཎྞསྶ ཨུཔོསཐསྶ ཝཱ;

ཨིདྡྷཱནུབྷཱཝོ ¶ ཝིཔུལོ ཨཡཾ ཏཝ, ཡཾ དེཝསངྒྷཾ ཨབྷིརོཙསེ བྷུསཾ.

༡༠༣༩.

‘‘དཱནསྶ ཏེ ཨིདཾ ཕལཾ, ཨཐོ སཱིལསྶ ཝཱ པན;

ཨཐོ ཨཉྫལིཀམྨསྶ, ཏཾ མེ ཨཀྑཱཧི པུཙྪིཏོ’’ཏི.

༡༠༤༠.

སོ ¶ དེཝཔུཏྟོ ཨཏྟམནོ, མོགྒལླཱནེན པུཙྪིཏོ;

པཉྷཾ པུཊྛོ ཝིཡཱཀཱསི, ཡསྶ ཀམྨསྶིདཾ ཕལནྟི.

༡༠༤༡.

‘‘ཛིཏིནྡྲིཡཾ བུདྡྷམནོམནིཀྐམཾ, ནརུཏྟམཾ ཀསྶཔམགྒཔུགྒལཾ;

ཨཝཱཔུརནྟཾ ཨམཏསྶ དྭཱརཾ, དེཝཱཏིདེཝཾ སཏཔུཉྙལཀྑཎཾ.

༡༠༤༢.

‘‘ཏམདྡསཾ ཀུཉྫརམོགྷཏིཎྞཾ, སུཝཎྞསིངྒཱིནདབིམྦསཱདིསཾ;

དིསྭཱན ཏཾ ཁིཔྤམཧུཾ སུཙཱིམནོ, ཏམེཝ དིསྭཱན སུབྷཱསིཏདྡྷཛཾ.

༡༠༤༣.

‘‘ཏམནྣཔཱནཾ ཨཐཝཱཔི ཙཱིཝརཾ, སུཙིཾ པཎཱིཏཾ རསསཱ ཨུཔེཏཾ;

པུཔྥཱབྷིཀྐིཎམྷི སཀེ ནིཝེསནེ, པཏིཊྛཔེསིཾ ས ཨསངྒམཱནསོ.

༡༠༤༤.

‘‘ཏམནྣཔཱནེན ¶ ཙ ཙཱིཝརེན ཙ, ཁཛྫེན བྷོཛྫེན ཙ སཱཡནེན ཙ;

སནྟཔྤཡིཏྭཱ ¶ དྭིཔདཱནམུཏྟམཾ, སོ སགྒསོ དེཝཔུརེ རམཱམཧཾ.

༡༠༤༥.

‘‘ཨེཏེནུཔཱཡེན ཨིམཾ ནིརགྒལ༹ཾ, ཡཉྙཾ ཡཛིཏྭཱ ཏིཝིདྷཾ ཝིསུདྡྷཾ.

པཧཱཡཧཾ མཱནུསཀཾ སམུསྶཡཾ, ཨིནྡཱུཔམོ [ཨིནྡསྶམོ (སྱཱ. ཀ.)] དེཝཔུརེ རམཱམཧཾ.

༡༠༤༦.

‘‘ཨཱཡུཉྩ ¶ ཝཎྞཉྩ སུཁཾ བལཉྩ, པཎཱིཏརཱུཔཾ ཨབྷིཀངྑཏཱ མུནི;

ཨནྣཉྩ པཱནཉྩ བཧུཾ སུསངྑཏཾ, པཏིཊྛཔེཏབྦམསངྒམཱནསེ.

༡༠༤༧.

[ཀཐཱ. ༧༩༩]‘‘ནཡིམསྨིཾ ལོཀེ པརསྨིཾ [ནཡིམསྨིཾ ཝཱ ལོཀེ པརསྨིཾ (ཀཐཱཝཏྠུ ༧༩༩), ནཡིམསྨི ལོཀེ ཝ པརསྨི (?)] ཝཱ པན, བུདྡྷེན སེཊྛོ ཝ སམོ ཝ ཝིཛྫཏི;

ཨཱཧུནེཡྻཱནཾ [ཡམཱཧུནེཡྻཱནཾ (ཀ.)] པརམཱཧུཏིཾ གཏོ, པུཉྙཏྠིཀཱནཾ ཝིཔུལཔྥལེསིན’’ནྟི.

མཧཱརཐཝིམཱནཾ ཙུདྡསམཾ.

མཧཱརཐཝགྒོ པཉྩམོ ནིཊྛིཏོ.

ཏསྶུདྡཱནཾ ¶ –

མཎྜཱུཀོ རེཝཏཱི ཚཏྟོ, ཀཀྐཊོ དྭཱརཔཱལཀོ;

དྭེ ཀརཎཱིཡཱ དྭེ སཱུཙི, ཏཡོ ནཱགཱ ཙ དྭེ རཐཱ;

པུརིསཱནཾ པཋམོ ཝགྒོ པཝུཙྩཏཱིཏི.

བྷཱཎཝཱརཾ ཏཏིཡཾ ནིཊྛིཏཾ.

༦. པཱཡཱསིཝགྒོ

༡. པཋམཨགཱརིཡཝིམཱནཝཏྠུ

༡༠༤༨.

‘‘ཡཐཱ ¶ ¶ ¶ ཝནཾ ཙིཏྟལཏཾ པབྷཱསཏི [པཀཱསཏི (ཀ.)], ཨུཡྻཱནསེཊྛཾ ཏིདསཱནམུཏྟམཾ;

ཏཐཱུཔམཾ ཏུཡ྄ཧམིདཾ ཝིམཱནཾ, ཨོབྷཱསཡཾ ཏིཊྛཏི ཨནྟལིཀྑེ.

༡༠༤༩.

‘‘དེཝིདྡྷིཔཏྟོསི མཧཱནུབྷཱཝོ, མནུསྶབྷཱུཏོ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝོ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༠༥༠.

སོ ¶ དེཝཔུཏྟོ ཨཏྟམནོ, མོགྒལླཱནེན པུཙྪིཏོ;

པཉྷཾ པུཊྛོ ཝིཡཱཀཱསི, ཡསྶ ཀམྨསྶིདཾ ཕལཾ.

༡༠༥༡.

‘‘ཨཧཉྩ བྷརིཡཱ ཙ མནུསྶལོཀེ, ཨོཔཱནབྷཱུཏཱ གྷརམཱཝསིམྷ;

ཨནྣཉྩ པཱནཉྩ པསནྣཙིཏྟཱ, སཀྐཙྩ དཱནཾ ཝིཔུལཾ ཨདམྷ.

༡༠༥༢.

‘‘ཏེན མེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

པཋམཨགཱརིཡཝིམཱནཾ པཋམཾ.

༢. དུཏིཡཨགཱརིཡཝིམཱནཝཏྠུ

༡༠༥༤.

‘‘ཡཐཱ ¶ ཝནཾ ཙིཏྟལཏཾ པབྷཱསཏི, ཨུཡྻཱནསེཊྛཾ ཏིདསཱནམུཏྟམཾ;

ཏཐཱུཔམཾ ¶ ཏུཡ྄ཧམིདཾ ཝིམཱནཾ, ཨོབྷཱསཡཾ ཏིཊྛཏི ཨནྟལིཀྑེ.

༡༠༥༥.

‘‘དེཝིདྡྷིཔཏྟོསི མཧཱནུབྷཱཝོ, མནུསྶབྷཱུཏོ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝོ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༠༥༦.

སོ དེཝཔུཏྟོ ཨཏྟམནོ…པེ… ཡསྶ ཀམྨསྶིདཾ ཕལཾ.

༡༠༥༧.

‘‘ཨཧཉྩ བྷརིཡཱ ཙ མནུསྶལོཀེ, ཨོཔཱནབྷཱུཏཱ གྷརམཱཝསིམྷ;

ཨནྣཉྩ པཱནཉྩ པསནྣཙིཏྟཱ, སཀྐཙྩ དཱནཾ ཝིཔུལཾ ཨདམྷ.

༡༠༥༨.

‘‘ཏེན མེཏཱདིསོ ཝཎྞོ…པེ… ཝཎྞོ ཙ མེ སབྦདིསཱ པབྷཱསཏཱི’’ཏི.

དུཏིཡཨགཱརིཡཝིམཱནཾ དུཏིཡཾ.

༣. ཕལདཱཡཀཝིམཱནཝཏྠུ

༡༠༦༠.

‘‘ཨུཙྩམིདཾ ¶ ¶ ¶ མཎིཐཱུཎཾ ཝིམཱནཾ, སམནྟཏོ སོལ༹ས ཡོཛནཱནི;

ཀཱུཊཱགཱརཱ སཏྟསཏཱ ཨུལཱ༹རཱ, ཝེལུ༹རིཡཐམྦྷཱ རུཙཀཏྠཏཱ སུབྷཱ.

༡༠༦༡.

‘‘ཏཏྠཙྪསི པིཝསི ཁཱདསི ཙ, དིབྦཱ ¶ ཙ ཝཱིཎཱ པཝདནྟི ཝགྒུཾ;

ཨཊྛཊྛཀཱ སིཀྑིཏཱ སཱདྷུརཱུཔཱ, དིབྦཱ ཙ ཀཉྙཱ ཏིདསཙརཱ ཨུལཱ༹རཱ;

ནཙྩནྟི གཱཡནྟི པམོདཡནྟི.

༡༠༦༢.

‘‘དེཝིདྡྷིཔཏྟོསི མཧཱནུབྷཱཝོ, མནུསྶབྷཱུཏོ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝོ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༠༦༣.

སོ དེཝཔུཏྟོ ཨཏྟམནོ…པེ… ཡསྶ ཀམྨསྶིདཾ ཕལཾ.

༡༠༦༤.

‘‘ཕལདཱཡཱི ཕལཾ ཝིཔུལཾ ལབྷཏི, དདམུཛུགཏེསུ པསནྣམཱནསོ;

སོ ཧི པམོདཏི [མོདཏི (སཱི. སྱཱ. པཱི.)] སགྒགཏོ ཏིདིཝེ [ཏཏྠ (ཀ.)], ཨནུབྷོཏི ཙ པུཉྙཕལཾ ཝིཔུལཾ.

༡༠༦༥.

‘‘ཏཝེཝཱཧཾ [ཏཐེཝཱཧཾ (སཱི. སྱཱ. པཱི.)] མཧཱམུནི, ཨདཱསིཾ ཙཏུརོ ཕལེ.

༡༠༦༦.

‘‘ཏསྨཱ ཧི ཕལཾ ཨལམེཝ དཱཏུཾ, ནིཙྩཾ མནུསྶེན སུཁཏྠིཀེན;

དིབྦཱནི ཝཱ པཏྠཡཏཱ སུཁཱནི, མནུསྶསོབྷགྒཏམིཙྪཏཱ ཝཱ.

༡༠༦༧.

‘‘ཏེན ¶ མེཏཱདིསོ ཝཎྞོ…པེ…

ཝཎྞོ ཙ མེ སབྦདིསཱ པབྷཱསཏཱི’’ཏི.

ཕལདཱཡཀཝིམཱནཾ ཏཏིཡཾ.

༤. པཋམཨུཔསྶཡདཱཡཀཝིམཱནཝཏྠུ

༡༠༦༩.

‘‘ཙནྡོ ¶ ¶ ཡཐཱ ཝིགཏཝལཱཧཀེ ནབྷེ, ཨོབྷཱསཡཾ གཙྪཏི ཨནྟལིཀྑེ;

ཏཐཱུཔམཾ ཏུཡ྄ཧམིདཾ ཝིམཱནཾ, ཨོབྷཱསཡཾ ཏིཊྛཏི ཨནྟལིཀྑེ.

༡༠༧༠.

‘‘དེཝིདྡྷིཔཏྟོསི མཧཱནུབྷཱཝཱ, མནུསྶབྷཱུཏོ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝོ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༠༧༡.

སོ དེཝཔུཏྟོ ཨཏྟམནོ…པེ… ཡསྶ ཀམྨསྶིདཾ ཕལཾ.

༡༠༧༢.

‘‘ཨཧཉྩ བྷརིཡཱ ཙ མནུསྶལོཀེ, ཨུཔསྶཡཾ ཨརཧཏོ ཨདམྷ;

ཨནྣཉྩ པཱནཉྩ པསནྣཙིཏྟཱ, སཀྐཙྩ དཱནཾ ཝིཔུལཾ ཨདམྷ.

༡༠༧༣.

‘‘ཏེན ¶ མེཏཱདིསོ ཝཎྞོ…པེ… ཝཎྞོ ཙ མེ སབྦདིསཱ པབྷཱསཏཱི’’ཏི.

པཋམཨུཔསྶཡདཱཡཀཝིམཱནཾ ཙཏུཏྠཾ.

༥. དུཏིཡཨུཔསྶཡདཱཡཀཝིམཱནཝཏྠུ

༡༠༧༥.

སཱུརིཡོ ¶ ¶ ཡཐཱ ཝིགཏཝལཱཧཀེ ནབྷེ…པེ….

(ཡཐཱ པུརིམཝིམཱནཾ ཏཐཱ ཝིཏྠཱརེཏབྦཾ).

༡༠༧༩.

‘‘ཏེན མེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

དུཏིཡཨུཔསྶཡདཱཡཀཝིམཱནཾ པཉྩམཾ.

༦. བྷིཀྑཱདཱཡཀཝིམཱནཝཏྠུ

༡༠༨༡.

‘‘ཨུཙྩམིདཾ ¶ མཎིཐཱུཎཾ ཝིམཱནཾ, སམནྟཏོ དྭཱདས ཡོཛནཱནི;

ཀཱུཊཱགཱརཱ སཏྟསཏཱ ཨུལཱ༹རཱ, ཝེལུ༹རིཡཐམྦྷཱ རུཙཀཏྠཏཱ སུབྷཱ.

༡༠༨༢.

‘‘དེཝིདྡྷིཔཏྟོསི ¶ མཧཱནུབྷཱཝོ, མནུསྶབྷཱུཏོ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝོ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༠༨༣.

སོ དེཝཔུཏྟོ ཨཏྟམནོ…པེ… ཡསྶ ཀམྨསྶིདཾ ཕལཾ.

༡༠༨༤.

‘‘ཨཧཾ མནུསྶེསུ མནུསྶབྷཱུཏོ, དིསྭཱན བྷིཀྑུཾ ཏསིཏཾ ཀིལནྟཾ;

ཨེཀཱཧཾ བྷིཀྑཾ པཊིཔཱདཡིསྶཾ, སམངྒི བྷཏྟེན ཏདཱ ཨཀཱསིཾ.

༡༠༨༥.

‘‘ཏེན ¶ མེཏཱདིསོ ཝཎྞོ…པེ… ཝཎྞོ ཙ མེ སབྦདིསཱ པབྷཱསཏཱི’’ཏི.

བྷིཀྑཱདཱཡཀཝིམཱནཾ ཚཊྛཾ.

༧. ཡཝཔཱལཀཝིམཱནཝཏྠུ

༡༠༨༧.

‘‘ཨུཙྩམིདཾ མཎིཐཱུཎཾ ཝིམཱནཾ…པེ… ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༠༨༩.

སོ དེཝཔུཏྟོ ཨཏྟམནོ…པེ… ཡསྶ ཀམྨསྶིདཾ ཕལཾ.

༡༠༩༠.

‘‘ཨཧཾ ¶ མནུསྶེསུ མནུསྶབྷཱུཏོ, ཨཧོསིཾ ཡཝཔཱལཀོ;

ཨདྡསཾ ཝིརཛཾ བྷིཀྑུཾ, ཝིཔྤསནྣམནཱཝིལཾ.

༡༠༩༡.

‘‘ཏསྶ ¶ ཨདཱསཧཾ བྷཱགཾ, པསནྣོ སེཧི པཱཎིབྷི;

ཀུམྨཱསཔིཎྜཾ དཏྭཱན, མོདཱམི ནནྡནེ ཝནེ.

༡༠༩༢.

‘‘ཏེན ¶ མེཏཱདིསོ ཝཎྞོ…པེ… ཝཎྞོ ཙ མེ སབྦདིསཱ པབྷཱསཏཱི’’ཏི.

ཡཝཔཱལཀཝིམཱནཾ སཏྟམཾ.

༨. པཋམཀུཎྜལཱིཝིམཱནཝཏྠུ

༡༠༩༤.

‘‘ཨལངྐཏོ མལྱདྷརོ སུཝཏྠོ, སུཀུཎྜལཱི ཀཔྤིཏཀེསམསྶུ;

ཨཱམུཏྟཧཏྠཱབྷརཎོ ཡསསྶཱི, དིབྦེ ¶ ཝིམཱནམྷི ཡཐཱཔི ཙནྡིམཱ.

༡༠༩༥.

‘‘དིབྦཱ ཙ ཝཱིཎཱ པཝདནྟི ཝགྒུཾ, ཨཊྛཊྛཀཱ སིཀྑིཏཱ སཱདྷུརཱུཔཱ;

དིབྦཱ ཙ ཀཉྙཱ ཏིདསཙརཱ ཨུལཱ༹རཱ, ནཙྩནྟི གཱཡནྟི པམོདཡནྟི.

༡༠༩༦.

‘‘དེཝིདྡྷིཔཏྟོསི མཧཱནུབྷཱཝོ, མནུསྶབྷཱུཏོ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝོ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༠༩༧.

སོ དེཝཔུཏྟོ ཨཏྟམནོ…པེ… ཡསྶ ཀམྨསྶིདཾ ཕལཾ.

༡༠༩༨.

‘‘ཨཧཾ མནུསྶེསུ མནུསྶབྷཱུཏོ, དིསྭཱན སམཎེ སཱིལཝནྟེ;

སམྤནྣཝིཛྫཱཙརཎེ ཡསསྶཱི, བཧུསྶུཏེ ཏཎྷཀྑཡཱུཔཔནྣེ;

ཨནྣཉྩ པཱནཉྩ པསནྣཙིཏྟོ, སཀྐཙྩ དཱནཾ ཝིཔུལཾ ཨདཱསིཾ.

༡༠༩༩.

‘‘ཏེན ¶ མེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

པཋམཀུཎྜལཱིཝིམཱནཾ ཨཊྛམཾ.

༩. དུཏིཡཀུཎྜལཱིཝིམཱནཝཏྠུ

༡༡༠༡.

‘‘ཨལངྐཏོ ¶ ¶ མལྱདྷརོ སུཝཏྠོ, སུཀུཎྜལཱི ཀཔྤིཏཀེསམསྶུ;

ཨཱམུཏྟཧཏྠཱབྷརཎོ ཡསསྶཱི, དིབྦེ ཝིམཱནམྷི ཡཐཱཔི ཙནྡིམཱ.

༡༡༠༢.

‘‘དིབྦཱ ཙ ཝཱིཎཱ པཝདནྟི ཝགྒུཾ, ཨཊྛཊྛཀཱ སིཀྑིཏཱ སཱདྷུརཱུཔཱ;

དིབྦཱ ཙ ཀཉྙཱ ཏིདསཙརཱ ཨུལཱ༹རཱ, ནཙྩནྟི གཱཡནྟི པམོདཡནྟི.

༡༡༠༣.

‘‘དེཝིདྡྷིཔཏྟོསི མཧཱནུབྷཱཝོ, མནུསྶབྷཱུཏོ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝོ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༡༠༤.

སོ དེཝཔུཏྟོ ཨཏྟམནོ…པེ… ཡསྶ ཀམྨསྶིདཾ ཕལཾ.

༡༡༠༥.

‘‘ཨཧཾ ¶ མནུསྶེསུ མནུསྶབྷཱུཏོ, དིསྭཱན སམཎེ སཱདྷུརཱུཔེ [སཱིལཝནྟེ (ཀ.)];

སམྤནྣཝིཛྫཱཙརཎེ ཡསསྶཱི, བཧུསྶུཏེ སཱིལཝནྟེ པསནྣེ [སཱིལཝཏཱུཔཔནྣེ (ཀ. སཱི. ཀ.)];

ཨནྣཉྩ པཱནཉྩ པསནྣཙིཏྟོ, སཀྐཙྩ ¶ དཱནཾ ཝིཔུལཾ ཨདཱསིཾ.

༡༡༠༦.

‘‘ཏེན ¶ མེཏཱདིསོ ཝཎྞོ…པེ…ཝཎྞོ ཙ མེ སབྦདིསཱ པབྷཱསཏཱི’’ཏི.

དུཏིཡཀུཎྜལཱིཝིམཱནཾ ནཝམཾ.

༡༠. (ཨུཏྟར) པཱཡཱསིཝིམཱནཝཏྠུ

༡༡༠༨.

‘‘ཡཱ ¶ དེཝརཱཛསྶ སབྷཱ སུདྷམྨཱ, ཡཏྠཙྪཏི དེཝསངྒྷོ སམགྒོ;

ཏཐཱུཔམཾ ཏུཡ྄ཧམིདཾ ཝིམཱནཾ, ཨོབྷཱསཡཾ ཏིཊྛཏི ཨནྟལིཀྑེ.

༡༡༠༩.

‘‘དེཝིདྡྷིཔཏྟོསི མཧཱནུབྷཱཝོ, མནུསྶབྷཱུཏོ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝོ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༡༡༠.

སོ དེཝཔུཏྟོ ཨཏྟམནོ…པེ… ཡསྶ ཀམྨསྶིདཾ ཕལཾ.

༡༡༡༡.

‘‘ཨཧཾ མནུསྶེསུ མནུསྶབྷཱུཏོ, རཉྙོ པཱཡཱསིསྶ ཨཧོསིཾ མཱཎཝོ;

ལདྡྷཱ དྷནཾ སཾཝིབྷཱགཾ ཨཀཱསིཾ, པིཡཱ ཙ མེ སཱིལཝནྟོ ཨཧེསུཾ;

ཨནྣཉྩ པཱནཉྩ པསནྣཙིཏྟོ, སཀྐཙྩ ¶ དཱནཾ ཝིཔུལཾ ཨདཱསིཾ.

༡༡༡༢.

‘‘ཏེན མེཏཱདིསོ ཝཎྞོ…པེ. ¶ …ཝཎྞོ ཙ མེ སབྦདིསཱ པབྷཱསཏཱི’’ཏི.

(ཨུཏྟར) པཱཡཱསིཝིམཱནཾ [ཨུཏྟརཝིམཱནཾ (སཱི. སྱཱ. ཨཊྛ.)] དསམཾ.

པཱཡཱསིཝགྒོ ཚཊྛོ ནིཊྛིཏོ.

ཏསྶུདྡཱནཾ –

དྭེ ཨགཱརིནོ ཕལདཱཡཱི, དྭེ ཨུཔསྶཡདཱཡཱི བྷིཀྑཱཡ དཱཡཱི;

ཡཝཔཱལཀོ ཙེཝ དྭེ, ཀུཎྜལིནོ པཱཡཱསཱིཏི [པཱཋབྷེདོ ནཏྠི];

པུརིསཱནཾ དུཏིཡོ ཝགྒོ པཝུཙྩཏཱིཏི.

༧. སུནིཀྑིཏྟཝགྒོ

༡. ཙིཏྟལཏཱཝིམཱནཝཏྠུ

༡༡༡༤.

‘‘ཡཐཱ ¶ ¶ ¶ ཝནཾ ཙིཏྟལཏཾ པབྷཱསཏི, ཨུཡྻཱནསེཊྛཾ ཏིདསཱནམུཏྟམཾ;

ཏཐཱུཔམཾ ཏུཡ྄ཧམིདཾ ཝིམཱནཾ, ཨོབྷཱསཡཾ ཏིཊྛཏི ཨནྟལིཀྑེ.

༡༡༡༥.

‘‘དེཝིདྡྷིཔཏྟོསི མཧཱནུབྷཱཝོ, མནུསྶབྷཱུཏོ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝོ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༡༡༦.

སོ དེཝཔུཏྟོ ཨཏྟམནོ…པེ… ¶ ཡསྶ ཀམྨསྶིདཾ ཕལཾ.

༡༡༡༧.

‘‘ཨཧཾ མནུསྶེསུ མནུསྶབྷཱུཏོ, དལིདྡོ ཨཏཱཎོ ཀཔཎོ ཀམྨཀརོ ཨཧོསིཾ;

ཛིཎྞེ ཙ མཱཏཱཔིཏརོ ཨབྷཱརིཾ [ཨབྷརིཾ (སཱི. སྱཱ.)], པིཡཱ ཙ མེ སཱིལཝནྟོ ཨཧེསུཾ;

ཨནྣཉྩ པཱནཉྩ པསནྣཙིཏྟོ, སཀྐཙྩ དཱནཾ ཝིཔུལཾ ཨདཱསི.

༡༡༡༨.

‘‘ཏེན མེཏཱདིསོ ཝཎྞོ…པེ… ཝཎྞོ ཙ མེ སབྦདིསཱ པབྷཱསཏཱི’’ཏི.

ཙིཏྟལཏཱཝིམཱནཾ པཋམཾ.

༢. ནནྡནཝིམཱནཝཏྠུ

༡༡༢༠.

‘‘ཡཐཱ ¶ ཝནཾ ནནྡནཾ [ནནྡནཾ ཙིཏྟལཏཾ (སཱི. སྱཱ. ཀ.), ནནྡཝནཾ (ཀ.)] པབྷཱསཏི, ཨུཡྻཱནསེཊྛཾ ཏིདསཱནམུཏྟམཾ;

ཏཐཱུཔམཾ ཏུཡ྄ཧམིདཾ ཝིམཱནཾ, ཨོབྷཱསཡཾ ཏིཊྛཏི ཨནྟལིཀྑེ.

༡༡༢༡.

‘‘དེཝིདྡྷིཔཏྟོསི ¶ མཧཱནུབྷཱཝོ, མནུསྶབྷཱུཏོ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝོ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༡༢༢.

སོ དེཝཔུཏྟོ ཨཏྟམནོ…པེ… ¶ ཡསྶ ཀམྨསྶིདཾ ཕལཾ.

༡༡༢༣.

‘‘ཨཧཾ མནུསྶེསུ མནུསྶབྷཱུཏོ, དལིདྡོ ཨཏཱཎོ ཀཔཎོ ཀམྨཀརོ ཨཧོསིཾ;

ཛིཎྞེ ཙ མཱཏཱཔིཏརོ ཨབྷཱརིཾ, པིཡཱ ཙ མེ སཱིལཝནྟོ ཨཧེསུཾ;

ཨནྣཉྩ པཱནཉྩ པསནྣཙིཏྟོ, སཀྐཙྩ དཱནཾ ཝིཔུལཾ ཨདཱསིཾ.

༡༡༢༤.

‘‘ཏེན ¶ མེཏཱདིསོ ཝཎྞོ…པེ… ཝཎྞོ ཙ མེ སབྦདིསཱ པབྷཱསཏཱི’’ཏི.

ནནྡནཝིམཱནཾ དུཏིཡཾ.

༣. མཎིཐཱུཎཝིམཱནཝཏྠུ

༡༡༢༦.

‘‘ཨུཙྩམིདཾ ¶ མཎིཐཱུཎཾ ཝིམཱནཾ, སམནྟཏོ དྭཱདས ཡོཛནཱནི;

ཀཱུཊཱགཱརཱ སཏྟསཏཱ ཨུལཱ༹རཱ, ཝེལུ༹རིཡཐམྦྷཱ རུཙཀཏྠཏཱ སུབྷཱ.

༡༡༢༧.

‘‘ཏཏྠཙྪསི པིཝསི ཁཱདསི ཙ, དིབྦཱ ཙ ཝཱིཎཱ པཝདནྟི ཝགྒུཾ;

དིབྦཱ རསཱ ཀཱམགུཎེཏྠ པཉྩ, ནཱརིཡོ ཙ ནཙྩནྟི སུཝཎྞཚནྣཱ.

༡༡༢༨.

‘‘ཀེན ཏེཏཱདིསོ ཝཎྞོ…པེ…ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༡༣༠.

སོ ¶ དེཝཔུཏྟོ ཨཏྟམནོ…པེ…ཡསྶ ཀམྨསྶིདཾ ཕལཾ.

༡༡༣༡.

‘‘ཨཧཾ ¶ མནུསྶེསུ མནུསྶབྷཱུཏོ, ཝིཝནེ པཐེ སངྐམནཾ [ཙངྐམནཾ (སཱི.), ཙངྐམཾ (སྱཱ.), སམཀཾ (ཀ. སཱི.)] ཨཀཱསིཾ;

ཨཱརཱམརུཀྑཱནི ཙ རོཔཡིསྶཾ, པིཡཱ ཙ མེ སཱིལཝནྟོ ཨཧེསུཾ;

ཨནྣཉྩ པཱནཉྩ པསནྣཙིཏྟོ, སཀྐཙྩ དཱནཾ ཝིཔུལཾ ཨདཱསིཾ.

༡༡༣༢.

‘‘ཏེན མེཏཱདིསོ ཝཎྞོ…པེ… ཝཎྞོ ཙ མེ སབྦདིསཱ པབྷཱསཏཱི’’ཏི.

མཎིཐཱུཎཝིམཱནཾ ཏཏིཡཾ.

༤. སུཝཎྞཝིམཱནཝཏྠུ

༡༡༣༤.

‘‘སོཝཎྞམཡེ ¶ པབྦཏསྨིཾ, ཝིམཱནཾ སབྦཏོཔབྷཾ;

ཧེམཛཱལཔཊིཙྪནྣཾ [ཧེམཛཱལཀཔཙྪནྣཾ (སཱི.)], ཀིངྐིཎི [ཀིངྐཎིཀ (སྱཱ. ཀ.), ཀིངྐིཎིཀ (པཱི.)] ཛཱལཀཔྤིཏཾ.

༡༡༣༥.

‘‘ཨཊྛཾསཱ སུཀཏཱ ཐམྦྷཱ, སབྦེ ཝེལུ༹རིཡཱམཡཱ;

ཨེཀམེཀཱཡ ཨཾསིཡཱ, རཏནཱ སཏྟ ནིམྨིཏཱ.

༡༡༣༦.

‘‘ཝེལུ༹རིཡསུཝཎྞསྶ, ཕལིཀཱ རཱུཔིཡསྶ ཙ;

མསཱརགལླམུཏྟཱཧི, ལོཧིཏངྒམཎཱིཧི ཙ.

༡༡༣༧.

‘‘ཙིཏྲཱ མནོརམཱ བྷཱུམི, ན ཏཏྠུདྡྷཾསཏཱི རཛོ;

གོཔཱཎསཱིགཎཱ པཱིཏཱ, ཀཱུཊཾ དྷཱརེནྟི ནིམྨིཏཱ.

༡༡༣༨.

‘‘སོཔཱཎཱནི ¶ ཙ ཙཏྟཱརི, ནིམྨིཏཱ ཙཏུརོ དིསཱ;

ནཱནཱརཏནགབྦྷེཧི ¶ , ཨཱདིཙྩོཝ ཝིརོཙཏི.

༡༡༣༩.

‘‘ཝེདིཡཱ ཙཏསྶོ ཏཏྠ, ཝིབྷཏྟཱ བྷཱགསོ མིཏཱ;

དདྡལླམཱནཱ ཨཱབྷནྟི, སམནྟཱ ཙཏུརོ དིསཱ.

༡༡༤༠.

‘‘ཏསྨིཾ ཝིམཱནེ པཝརེ, དེཝཔུཏྟོ མཧཔྤབྷོ;

ཨཏིརོཙསི ཝཎྞེན, ཨུདཡནྟོཝ བྷཱཎུམཱ.

༡༡༤༡.

‘‘དཱནསྶ ¶ ཏེ ཨིདཾ ཕལཾ, ཨཐོ སཱིལསྶ ཝཱ པན;

ཨཐོ ཨཉྫལིཀམྨསྶ, ཏཾ མེ ཨཀྑཱཧི པུཙྪིཏོ’’.

༡༡༤༢.

སོ དེཝཔུཏྟོ ཨཏྟམནོ…པེ… ཡསྶ ཀམྨསྶིདཾ ཕལཾ.

༡༡༤༣.

‘‘ཨཧཾ ཨནྡྷཀཝིནྡསྨིཾ, བུདྡྷསྶཱདིཙྩབནྡྷུནོ;

ཝིཧཱརཾ སཏྠུ ཀཱརེསིཾ, པསནྣོ སེཧི པཱཎིབྷི.

༡༡༤༤.

‘‘ཏཏྠ གནྡྷཉྩ མཱལཉྩ, པཙྩཡཉྩ [པཙྩགྒཉྩ (སཱི.), པཙྩགྒྷཉྩ (?)] ཝིལེཔནཾ;

ཝིཧཱརཾ སཏྠུ ཨདཱསིཾ, ཝིཔྤསནྣེན ཙེཏསཱ;

ཏེན མཡ྄ཧཾ ཨིདཾ ལདྡྷཾ, ཝསཾ ཝཏྟེམི ནནྡནེ.

༡༡༤༥.

‘‘ནནྡནེ ཙ ཝནེ [ནནྡནེ པཝནེ (སཱི. སྱཱ.)] རམྨེ, ནཱནཱདིཛགཎཱཡུཏེ;

རམཱམི ནཙྩགཱིཏེཧི, ཨཙྪརཱཧི པུརཀྑཏོ’’ཏི.

སུཝཎྞཝིམཱནཾ ཙཏུཏྠཾ.

༥. ཨམྦཝིམཱནཝཏྠུ

༡༡༤༦.

‘‘ཨུཙྩམིདཾ ¶ མཎིཐཱུཎཾ ཝིམཱནཾ, སམནྟཏོ དྭཱདས ཡོཛནཱནི;

ཀཱུཊཱགཱརཱ ¶ སཏྟསཏཱ ཨུལཱ༹རཱ, ཝེལུ༹རིཡཐམྦྷཱ རུཙཀཏྠཏཱ སུབྷཱ.

༡༡༤༧.

‘‘ཏཏྠཙྪསི པིཝསི ཁཱདསི ཙ, དིབྦཱ ཙ ཝཱིཎཱ པཝདནྟི ཝགྒུཾ;

དིབྦཱ རསཱ ཀཱམགུཎེཏྠ པཉྩ, ནཱརིཡོ ཙ ནཙྩནྟི སུཝཎྞཚནྣཱ.

༡༡༤༨.

‘‘ཀེན ཏེཏཱདིསོ ཝཎྞོ…པེ… ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༡༥༠.

སོ དེཝཔུཏྟོ ཨཏྟམནོ…པེ… ཡསྶ ཀམྨསྶིདཾ ཕལཾ.

༡༡༥༡.

‘‘གིམྷཱནཾ ¶ པཙྪིམེ མཱསེ, པཏཔནྟེ [པཏཱཔནྟེ (སྱཱ.), པཏཱཔེནྟེ (ཀ.)] དིཝངྐརེ;

པརེསཾ བྷཏཀོ པོསོ, ཨམྦཱརཱམམསིཉྩཏི.

༡༡༥༢.

‘‘ཨཐ ¶ ཏེནཱགམཱ བྷིཀྑུ, སཱརིཔུཏྟོཏི ཝིསྶུཏོ;

ཀིལནྟརཱུཔོ ཀཱཡེན, ཨཀིལནྟོཝ ཙེཏསཱ.

༡༡༥༣.

‘‘ཏཉྩ ¶ དིསྭཱན ཨཱཡནྟཾ, ཨཝོཙཾ ཨམྦསིཉྩཀོ;

སཱདྷུ ཏཾ [སཱདྷུཀཾ (ཀ.)] བྷནྟེ ནྷཱཔེཡྻཾ, ཡཾ མམསྶ སུཁཱཝཧཾ.

༡༡༥༤.

‘‘ཏསྶ མེ ཨནུཀམྤཱཡ, ནིཀྑིཔི པཏྟཙཱིཝརཾ;

ནིསཱིདི རུཀྑམཱུལསྨིཾ, ཚཱཡཱཡ ཨེཀཙཱིཝརོ.

༡༡༥༥.

‘‘ཏཉྩ ཨཙྪེན ཝཱརིནཱ, པསནྣམཱནསོ ནརོ;

ནྷཱཔཡཱི རུཀྑམཱུལསྨིཾ, ཚཱཡཱཡ ཨེཀཙཱིཝརཾ.

༡༡༥༦.

‘‘ཨམྦོ ¶ ཙ སིཏྟོ སམཎོ ཙ ནྷཱཔིཏོ, མཡཱ ཙ པུཉྙཾ པསུཏཾ ཨནཔྤཀཾ;

ཨིཏི སོ པཱིཏིཡཱ ཀཱཡཾ, སབྦཾ ཕརཏི ཨཏྟནོ.

༡༡༥༧.

‘‘ཏདེཝ ཨེཏྟཀཾ ཀམྨཾ, ཨཀཱསིཾ ཏཱཡ ཛཱཏིཡཱ;

པཧཱཡ མཱནུསཾ དེཧཾ, ཨུཔཔནྣོམྷི ནནྡནཾ.

༡༡༥༨.

‘‘ནནྡནེ ཙ ཝནེ རམྨེ, ནཱནཱདིཛགཎཱཡུཏེ;

རམཱམི ནཙྩགཱིཏེཧི, ཨཙྪརཱཧི པུརཀྑཏོ’’ཏི.

ཨམྦཝིམཱནཾ པཉྩམཾ.

༦. གོཔཱལཝིམཱནཝཏྠུ

༡༡༥༩.

‘‘དིསྭཱན དེཝཾ པཊིཔུཙྪི བྷིཀྑུ, ཨུཙྩེ ཝིམཱནམྷི ཙིརཊྛིཏིཀེ;

ཨཱམུཏྟཧཏྠཱབྷརཎཾ ཡསསྶིཾ [ཨཱམུཏྟཧཏྠཱབྷརཎོ ཡསསྶཱི (སྱཱ. པཱི. ཀ.)], དིབྦེ ཝིམཱནམྷི ཡཐཱཔི ཙནྡིམཱ.

༡༡༦༠.

‘‘ཨལངྐཏོ ¶ ¶ མལྱདྷརོ [མཱལབྷཱརཱི (སཱི.), མཱལདྷརཱི (ཀ.)] སུཝཏྠོ, སུཀུཎྜལཱི ཀཔྤིཏཀེསམསྶུ;

ཨཱམུཏྟཧཏྠཱབྷརཎོ ཡསསྶཱི, དིབྦེ ཝིམཱནམྷི ཡཐཱཔི ཙནྡིམཱ.

༡༡༦༡.

‘‘དིབྦཱ ཙ ཝཱིཎཱ པཝདནྟི ཝགྒུཾ, ཨཊྛཊྛཀཱ སིཀྑིཏཱ སཱདྷུརཱུཔཱ;

དིབྦཱ ཙ ཀཉྙཱ ཏིདསཙརཱ ཨུལཱ༹རཱ, ནཙྩནྟི གཱཡནྟི པམོདཡནྟི.

༡༡༦༢.

‘‘དེཝིདྡྷིཔཏྟོསི མཧཱནུབྷཱཝོ, མནུསྶབྷཱུཏོ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝོ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༡༦༣.

སོ ¶ དེཝཔུཏྟོ ཨཏྟམནོ…པེ… ཡསྶ ཀམྨསྶིདཾ ཕལཾ.

༡༡༦༤.

‘‘ཨཧཾ མནུསྶེསུ མནུསྶབྷཱུཏོ, སངྒམྨ རཀྑིསྶཾ པརེསཾ དྷེནུཡོ;

ཏཏོ ཙ ཨཱགཱ སམཎོ མམནྟིཀེ གཱཝོ ཙ མཱསེ ཨགམཾསུ ཁཱདིཏུཾ.

༡༡༦༥.

‘‘དྭཡཛྫ ¶ ཀིཙྩཾ ཨུབྷཡཉྩ ཀཱརིཡཾ, ཨིཙྩེཝཧཾ [ཨིཙྩེཝཾ (ཀ.)] བྷནྟེ ཏདཱ ཝིཙིནྟཡིཾ;

ཏཏོ ཙ སཉྙཾ པཊིལདྡྷཡོནིསོ, དདཱམི བྷནྟེཏི ཁིཔིཾ ཨནནྟཀཾ.

༡༡༦༦.

‘‘སོ མཱསཁེཏྟཾ ཏུརིཏོ ཨཝཱསརིཾ, པུརཱ ཨཡཾ བྷཉྫཏི ཡསྶིདཾ དྷནཾ;

ཏཏོ ཙ ཀཎྷོ ཨུརགོ མཧཱཝིསོ, ཨཌཾསི པཱདེ ཏུརིཏསྶ མེ སཏོ.

༡༡༦༧.

‘‘སྭཱཧཾ ¶ ཨཊྚོམྷི དུཀྑེན པཱིལི༹ཏོ, བྷིཀྑུ ཙ ཏཾ སཱམཾ མུཉྩིཏྭཱནནྟཀཾ [མུཉྩིཏྭ ནནྟཀཾ (སཱི.), མུཉྩིཏྭཱ ཨནནྟཀཾ (སྱཱ.)];

ཨཧཱསི ཀུམྨཱསཾ མམཱནུཀམྤཡཱ [མམཱནུཀམྤིཡཱ (པཱི. ཀ.), མམཱནུཀམྤཱཡ (སྱཱ.)], ཏཏོ ཙུཏོ ཀཱལཀཏོམྷི དེཝཏཱ.

༡༡༦༨.

‘‘ཏདེཝ ¶ ཀམྨཾ ཀུསལཾ ཀཏཾ མཡཱ, སུཁཉྩ ཀམྨཾ ཨནུབྷོམི ཨཏྟནཱ;

ཏཡཱ ཧི བྷནྟེ ཨནུཀམྤིཏོ བྷུསཾ, ཀཏཉྙུཏཱཡ ཨབྷིཔཱདཡཱམི ཏཾ.

༡༡༦༩.

‘‘སདེཝཀེ ལོཀེ སམཱརཀེ ཙ, ཨཉྙོ མུནི ནཏྠི ཏཡཱནུཀམྤཀོ;

ཏཡཱ ཧི བྷནྟེ ཨནུཀམྤིཏོ བྷུསཾ, ཀཏཉྙུཏཱཡ ཨབྷིཝཱདཡཱམི ཏཾ.

༡༡༧༠.

‘‘ཨིམསྨིཾ ¶ ལོཀེ པརསྨིཾ ཝཱ པན, ཨཉྙོ མུནཱི ནཏྠི ཏཡཱནུཀམྤཀོ;

ཏཡཱ ཧི བྷནྟེ ཨནུཀམྤིཏོ བྷུསཾ, ཀཏཉྙུཏཱཡ ཨབྷིཝཱདཡཱམི ཏ’’ནྟི.

གོཔཱལཝིམཱནཾ ཚཊྛཾ.

༧. ཀཎྜཀཝིམཱནཝཏྠུ

༡༡༧༡.

‘‘པུཎྞམཱསེ ཡཐཱ ཙནྡོ, ནཀྑཏྟཔརིཝཱརིཏོ;

སམནྟཱ ཨནུཔརིཡཱཏི, ཏཱརཀཱདྷིཔཏཱི སསཱི.

༡༡༧༢.

‘‘ཏཐཱུཔམཾ ཨིདཾ བྱམྷཾ, དིབྦཾ དེཝཔུརམྷི ཙ;

ཨཏིརོཙཏི ཝཎྞེན, ཨུདཡནྟོཝ རཾསིམཱ.

༡༡༧༣.

‘‘ཝེལུ༹རིཡསུཝཎྞསྶ, ཕལིཀཱ རཱུཔིཡསྶ ཙ;

མསཱརགལླམུཏྟཱཧི, ལོཧིཏངྒམཎཱིཧི ཙ.

༡༡༧༤.

‘‘ཙིཏྲཱ མནོརམཱ བྷཱུམི, ཝེལཱུ༹རིཡསྶ སནྠཏཱ;

ཀཱུཊཱགཱརཱ ¶ སུབྷཱ རམྨཱ, པཱསཱདོ ཏེ སུམཱཔིཏོ.

༡༡༧༥.

‘‘རམྨཱ ¶ ¶ ཙ ཏེ པོཀྑརཎཱི, པུཐུལོམནིསེཝིཏཱ;

ཨཙྪོདཀཱ ཝིཔྤསནྣཱ, སོཝཎྞཝཱལུཀསནྠཏཱ.

༡༡༧༦.

‘‘ནཱནཱཔདུམསཉྪནྣཱ, པུཎྜརཱིཀསམོཏཏཱ [སམོཏྠཏཱ (ཀ.), སམོགཏཱ (སྱཱ.)];

སུརབྷིཾ སམྤཝཱཡནྟི, མནུཉྙཱ མཱལུཏེརིཏཱ.

༡༡༧༧.

‘‘ཏསྶཱ ¶ ཏེ ཨུབྷཏོ པསྶེ, ཝནགུམྦཱ སུམཱཔིཏཱ;

ཨུཔེཏཱ པུཔྥརུཀྑེཧི, ཕལརུཀྑེཧི ཙཱུབྷཡཾ.

༡༡༧༨.

‘‘སོཝཎྞཔཱདེ པལླངྐེ, མུདུཀེ གོཎཀཏྠཏེ [ཙོལསནྠཏེ (སཱི.)];

ནིསིནྣཾ དེཝརཱཛཾཝ, ཨུཔཏིཊྛནྟི ཨཙྪརཱ.

༡༡༧༩.

‘‘སབྦཱབྷརཎསཉྪནྣཱ, ནཱནཱམཱལཱཝིབྷཱུསིཏཱ;

རམེནྟི ཏཾ མཧིདྡྷིཀཾ, ཝསཝཏྟཱིཝ མོདསི.

༡༡༨༠.

‘‘བྷེརིསངྑམུདིངྒཱཧི, ཝཱིཎཱཧི པཎཝེཧི ཙ;

རམསི རཏིསམྤནྣོ, ནཙྩགཱིཏེ སུཝཱདིཏེ.

༡༡༨༡.

‘‘དིབྦཱ ཏེ ཝིཝིདྷཱ རཱུཔཱ, དིབྦཱ སདྡཱ ཨཐོ རསཱ;

གནྡྷཱ ཙ ཏེ ཨདྷིཔྤེཏཱ, ཕོཊྛབྦཱ ཙ མནོརམཱ.

༡༡༨༢.

‘‘ཏསྨིཾ ཝིམཱནེ པཝརེ, དེཝཔུཏྟ མཧཔྤབྷོ;

ཨཏིརོཙསི ཝཎྞེན, ཨུདཡནྟོཝ བྷཱཎུམཱ.

༡༡༨༣.

‘‘དཱནསྶ ཏེ ཨིདཾ ཕལཾ, ཨཐོ སཱིལསྶ ཝཱ པན;

ཨཐོ ཨཉྫལིཀམྨསྶ, ཏཾ མེ ཨཀྑཱཧི པུཙྪིཏོ’’.

༡༡༨༤.

སོ ¶ དེཝཔུཏྟོ ཨཏྟམནོ…པེ… ཡསྶ ཀམྨསྶིདཾ ཕལཾ.

༡༡༨༥.

‘‘ཨཧཾ ཀཔིལཝཏྠུསྨིཾ, སཱཀིཡཱནཾ པུརུཏྟམེ;

སུདྡྷོདནསྶ པུཏྟསྶ, ཀཎྜཀོ སཧཛོ ཨཧཾ.

༡༡༨༦.

‘‘ཡདཱ སོ ཨཌྜྷརཏྟཱཡཾ, བོདྷཱཡ མབྷིནིཀྑམི;

སོ མཾ མུདཱུཧི པཱཎཱིཧི, ཛཱལི [ཛཱལ (སཱི.)] ཏམྦནཁེཧི ཙ.

༡༡༨༧.

‘‘སཏྠིཾ ཨཱཀོཊཡིཏྭཱན, ཝཧ སམྨཱཏི ཙབྲཝི;

ཨཧཾ ལོཀཾ ཏཱརཡིསྶཾ, པཏྟོ སམྦོདྷིམུཏྟམཾ.

༡༡༨༨.

‘‘ཏཾ ¶ མེ གིརཾ སུཎནྟསྶ, ཧཱསོ མེ ཝིཔུལོ ཨཧུ;

ཨུདགྒཙིཏྟོ སུམནོ, ཨབྷིསཱིསིཾ [ཨབྷིསིཾསིཾ (སཱི.), ཨབྷིསཱིསི (པཱི.)] ཏདཱ ཨཧཾ.

༡༡༨༩.

‘‘ཨབྷིརཱུལ༹ྷཉྩ མཾ ཉཏྭཱ, སཀྱཔུཏྟཾ མཧཱཡསཾ;

ཨུདགྒཙིཏྟོ མུདིཏོ, ཝཧིསྶཾ པུརིསུཏྟམཾ.

༡༡༩༠.

‘‘པརེསཾ ཝིཛིཏཾ གནྟྭཱ, ཨུགྒཏསྨིཾ དིཝཱཀརེ [དིཝངྐརེ (སྱཱ. ཀ.)];

མམཾ ཚནྣཉྩ ཨོཧཱཡ, ཨནཔེཀྑོ སོ ཨཔཀྐམི.

༡༡༩༡.

‘‘ཏསྶ ¶ ཏམྦནཁེ པཱདེ, ཛིཝ྄ཧཱཡ པརིལེཧིསཾ;

གཙྪནྟཉྩ མཧཱཝཱིརཾ, རུདམཱནོ ཨུདིཀྑིསཾ.

༡༡༩༢.

‘‘ཨདསྶནེནཧཾ ¶ ཏསྶ, སཀྱཔུཏྟསྶ སིརཱིམཏོ;

ཨལཏྠཾ གརུཀཱབཱདྷཾ, ཁིཔྤཾ མེ མརཎཾ ཨཧུ.

༡༡༩༣.

‘‘ཏསྶེཝ ཨཱནུབྷཱཝེན, ཝིམཱནཾ ཨཱཝསཱམིདཾ;

སབྦཀཱམགུཎོཔེཏཾ ¶ , དིབྦཾ དེཝཔུརམྷི ཙ.

༡༡༩༤.

‘‘ཡཉྩ མེ ཨཧུཝཱ ཧཱསོ, སདྡཾ སུཏྭཱན བོདྷིཡཱ;

ཏེནེཝ ཀུསལམཱུལེན, ཕུསིསྶཾ ཨཱསཝཀྑཡཾ.

༡༡༩༥.

‘‘སཙེ ཧི བྷནྟེ གཙྪེཡྻཱསི, སཏྠུ བུདྡྷསྶ སནྟིཀེ;

མམཱཔི ནཾ ཝཙནེན, སིརསཱ ཝཛྫཱསི ཝནྡནཾ.

༡༡༩༦.

‘‘ཨཧམྤི དཊྛུཾ གཙྪིསྶཾ, ཛིནཾ ཨཔྤཊིཔུགྒལཾ;

དུལླབྷཾ དསྶནཾ ཧོཏི, ལོཀནཱཐཱན ཏཱདིན’’ནྟི.

༡༡༩༧.

སོ ཀཏཉྙཱུ ཀཏཝེདཱི, སཏྠཱརཾ ཨུཔསངྐམི;

སུཏྭཱ གིརཾ ཙཀྑུམཏོ, དྷམྨཙཀྑུཾ ཝིསོདྷཡི.

༡༡༩༨.

ཝིསོདྷེཏྭཱ དིཊྛིགཏཾ, ཝིཙིཀིཙྪཾ ཝཏཱནི ཙ;

ཝནྡིཏྭཱ སཏྠུནོ པཱདེ, ཏཏྠེཝནྟརདྷཱཡཐཱཏི [ཏཏྠེཝནྟརདྷཱཡཏཱིཏི (ཀ.)].

ཀཎྜཀཝིམཱནཾ སཏྟམཾ.

༨. ཨནེཀཝཎྞཝིམཱནཝཏྠུ

༡༡༩༩.

‘‘ཨནེཀཝཎྞཾ ¶ ¶ དརསོཀནཱསནཾ, ཝིམཱནམཱརུཡ྄ཧ ཨནེཀཙིཏྟཾ;

པརིཝཱརིཏོ ཨཙྪརཱསངྒཎེན, སུནིམྨིཏོ བྷཱུཏཔཏཱིཝ མོདསི.

༡༢༠༠.

‘‘སམསྶམོ ནཏྠི ཀུཏོ པནུཏྟརོ [ཨུཏྟརི (ཀ.)], ཡསེན པུཉྙེན ཙ ཨིདྡྷིཡཱ ཙ;

སབྦེ ཙ དེཝཱ ཏིདསགཎཱ སམེཙྩ, ཏཾ ¶ ཏཾ ནམསྶནྟི སསིཾཝ དེཝཱ;

ཨིམཱ ཙ ཏེ ཨཙྪརཱཡོ སམནྟཏོ, ནཙྩནྟི གཱཡནྟི པམོདཡནྟི.

༡༢༠༡.

‘‘དེཝིདྡྷིཔཏྟོསི ¶ མཧཱནུབྷཱཝོ, མནུསྶབྷཱུཏོ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝོ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༢༠༢.

སོ དེཝཔུཏྟོ ཨཏྟམནོ…པེ… ཡསྶ ཀམྨསྶིདཾ ཕལཾ.

༡༢༠༣.

‘‘ཨཧཾ བྷདནྟེ ཨཧུཝཱསི པུབྦེ, སུམེདྷནཱམསྶ ཛིནསྶ སཱཝཀོ;

པུཐུཛྫནོ ཨནནུབོདྷོཧམསྨི [ཨནཝབོདྷོཧམསྨིཾ (སཱི.), ཨནནུབོདྷོཧམཱསིཾ (?)], སོ སཏྟ ཝསྶཱནི པརིབྦཛིསྶཧཾ [པབྦཛིསྶཧཾ (སྱཱ. ཀ.), པབྦཛིསཱཧཾ (པཱི.)].

༡༢༠༤.

‘‘སོཧཾ ¶ སུམེདྷསྶ ཛིནསྶ སཏྠུནོ, པརིནིབྦུཏསྶོགྷཏིཎྞསྶ ཏཱདིནོ;

རཏནུཙྩཡཾ ཧེམཛཱལེན ཚནྣཾ, ཝནྡིཏྭཱ ཐཱུཔསྨིཾ མནཾ པསཱདཡིཾ.

༡༢༠༥.

‘‘ན ¶ མཱསི དཱནཾ ན ཙ མཏྠི དཱཏུཾ, པརེ ཙ ཁོ ཏཏྠ སམཱདཔེསིཾ;

པཱུཛེཐ ནཾ པཱུཛནཱིཡསྶ [པཱུཛནེཡྻསྶ (སྱཱ. ཀ.)] དྷཱཏུཾ, ཨེཝཾ ¶ ཀིར སགྒམིཏོ གམིསྶཐ.

༡༢༠༦.

‘‘ཏདེཝ ཀམྨཾ ཀུསལཾ ཀཏཾ མཡཱ, སུཁཉྩ དིབྦཾ ཨནུབྷོམི ཨཏྟནཱ;

མོདཱམཧཾ ཏིདསགཎསྶ མཛ྄ཛྷེ, ན ཏསྶ པུཉྙསྶ ཁཡམྤི ཨཛ྄ཛྷག’’ནྟི.

ཨནེཀཝཎྞཝིམཱནཾ ཨཊྛམཾ.

༩. མཊྛཀུཎྜལཱིཝིམཱནཝཏྠུ

༡༢༠༧.

[པེ. ཝ. ༡༨༦] ‘‘ཨལངྐཏོ ¶ མཊྛཀུཎྜལཱི [མཊྚཀུཎྜལཱི (སཱི.)], མཱལདྷཱརཱི ཧརིཙནྡནུསྶདོ;

བཱཧཱ པགྒཡ྄ཧ ཀནྡསི, ཝནམཛ྄ཛྷེ ཀིཾ དུཀྑིཏོ ཏུཝ’’ནྟི.

༡༢༠༨.

‘‘སོཝཎྞམཡོ པབྷསྶརོ, ཨུཔྤནྣོ རཐཔཉྫརོ མམ;

ཏསྶ ཙཀྐཡུགཾ ན ཝིནྡཱམི, ཏེན དུཀྑེན ཛཧཱམི [ཛཧིསྶཾ (སཱི.), ཛཧིསྶཱམི (སྱཱ. པཱི.)] ཛཱིཝིཏ’’ནྟི.

༡༢༠༩.

‘‘སོཝཎྞམཡཾ མཎིམཡཾ, ལོཧིཏཀམཡཾ [ལོཧིཏངྒམཡཾ (སྱཱ.), ལོཧིཏངྐམཡཾ (སཱི.), ལོཧམཡཾ (ཀཏྠཙི)] ཨཐ རཱུཔིཡམཡཾ;

ཨཱཙིཀྑ [ཨཱཙིཀྑཐ (ཀ.)] མེ བྷདྡམཱཎཝ, ཙཀྐཡུགཾ པཊིཔཱདཡཱམི ཏེ’’ཏི.

༡༢༡༠.

སོ ¶ མཱཎཝོ ཏསྶ པཱཝདི, ‘‘ཙནྡིམསཱུརིཡཱ ཨུབྷཡེཏྠ དིསྶརེ;

སོཝཎྞམཡོ རཐོ མམ, ཏེན ཙཀྐཡུགེན སོབྷཏཱི’’ཏི.

༡༢༡༡.

‘‘བཱལོ ¶ ཁོ ཏྭཾ ཨསི མཱཎཝ, ཡོ ཏྭཾ པཏྠཡསེ ཨཔཏྠིཡཾ;

མཉྙཱམི ཏུཝཾ མརིསྶསི, ན ཧི ཏྭཾ ལཙྪསི ཙནྡིམསཱུརིཡེ’’ཏི.

༡༢༡༢.

‘‘གམནཱགམནམྤི དིསྶཏི, ཝཎྞདྷཱཏུ ཨུབྷཡཏྠ ཝཱིཐིཡཱ;

པེཏོ [པེཏོ པན (སཱི. སྱཱ.)] ཀཱལཀཏོ ན དིསྶཏི, ཀོ ནིདྷ ཀནྡཏཾ བཱལྱཏརོ’’ཏི.

༡༢༡༣.

‘‘སཙྩཾ ཁོ ཝདེསི མཱཎཝ, ཨཧམེཝ ཀནྡཏཾ བཱལྱཏརོ;

ཙནྡཾ ཝིཡ དཱརཀོ རུདཾ, པེཏཾ ཀཱལཀཏཱབྷིཔཏྠཡི’’ནྟི.

༡༢༡༤.

‘‘ཨཱདིཏྟཾ ཝཏ མཾ སནྟཾ, གྷཏསིཏྟཾཝ པཱཝཀཾ;

ཝཱརིནཱ ཝིཡ ཨོསིཉྩཾ, སབྦཾ ནིབྦཱཔཡེ དརཾ.

༡༢༡༥.

‘‘ཨབྦཧཱི ¶ [ཨབྦཱུལ༹ྷ (པཱི.), ཨབྦཱུལ༹ྷཾ (སྱཱ. ཀ.)] ཝཏ མེ སལླཾ, སོཀཾ ཧདཡནིསྶིཏཾ;

ཡོ མེ སོཀཔརེཏསྶ, པུཏྟསོཀཾ ཨཔཱནུདི.

༡༢༡༦.

‘‘སྭཱཧཾ ¶ ¶ ཨབྦཱུལ༹ྷསལློསྨི, སཱིཏིབྷཱུཏོསྨི ནིབྦུཏོ;

ན སོཙཱམི ན རོདཱམི, ཝཏ སུཏྭཱན མཱཎཝཱཏི.

༡༢༡༧.

‘‘དེཝཏཱ ནུསི གནྡྷབྦོ, ཨདུ [ཨཱདུ (སཱི. སྱཱ.)] སཀྐོ པུརིནྡདོ;

ཀོ ཝཱ ཏྭཾ ཀསྶ ཝཱ པུཏྟོ, ཀཐཾ ཛཱནེམུ ཏཾ མཡ’’ནྟི.

༡༢༡༨.

‘‘ཡཉྩ [ཡཾ (ཀ.)] ཀནྡསི ཡཉྩ རོདསི, པུཏྟཾ ཨཱལཱ༹ཧནེ སཡཾ དཧིཏྭཱ;

སྭཱཧཾ ཀུསལཾ ཀརིཏྭཱ ཀམྨཾ, ཏིདསཱནཾ སཧབྱཏཾ གཏོ’’ཏི [པཏྟོཏི (སཱི. སྱཱ. པཱི.)].

༡༢༡༩.

‘‘ཨཔྤཾ ¶ ཝཱ བཧུཾ ཝཱ ནཱདྡསཱམ, དཱནཾ དདནྟསྶ སཀེ ཨགཱརེ;

ཨུཔོསཐཀམྨཾ ཝཱ [ཨུཔོསཐཀམྨཉྩ (ཀ.)] ཏཱདིསཾ, ཀེན ཀམྨེན གཏོསི དེཝལོཀ’’ནྟི.

༡༢༢༠.

‘‘ཨཱབཱདྷིཀོཧཾ དུཀྑིཏོ གིལཱནོ, ཨཱཏུརརཱུཔོམྷི སཀེ ནིཝེསནེ;

བུདྡྷཾ ཝིགཏརཛཾ ཝིཏིཎྞཀངྑཾ, ཨདྡཀྑིཾ སུགཏཾ ཨནོམཔཉྙཾ.

༡༢༢༡ .

‘‘སྭཱཧཾ མུདིཏམནོ པསནྣཙིཏྟོ, ཨཉྫལིཾ ¶ ཨཀརིཾ ཏཐཱགཏསྶ;

ཏཱཧཾ ཀུསལཾ ཀརིཏྭཱན ཀམྨཾ, ཏིདསཱནཾ སཧབྱཏཾ གཏོ’’ཏི.

༡༢༢༢.

‘‘ཨཙྪརིཡཾ ཝཏ ཨབྦྷུཏཾ ཝཏ, ཨཉྫལིཀམྨསྶ ཨཡམཱིདིསོ ཝིཔཱཀོ;

ཨཧམྤི མུདིཏམནོ པསནྣཙིཏྟོ, ཨཛྫེཝ བུདྡྷཾ སརཎཾ ཝཛཱམཱི’’ཏི.

༡༢༢༣.

‘‘ཨཛྫེཝ བུདྡྷཾ སརཎཾ ཝཛཱཧི, དྷམྨཉྩ སངྒྷཉྩ པསནྣཙིཏྟོ;

ཏཐེཝ སིཀྑཱཡ པདཱནི པཉྩ, ཨཁཎྜཕུལླཱནི སམཱདིཡསྶུ.

༡༢༢༤.

‘‘པཱཎཱཏིཔཱཏཱ ཝིརམསྶུ ཁིཔྤཾ, ལོཀེ ཨདིནྣཾ པརིཝཛྫཡསྶུ;

ཨམཛྫཔོ མཱ ཙ མུསཱ བྷཎཱཧི, སཀེན དཱརེན ཙ ཧོཧི ཏུཊྛོ’’ཏི.

༡༢༢༥.

‘‘ཨཏྠཀཱམོསི མེ ཡཀྑ, ཧིཏཀཱམོསི དེཝཏེ;

ཀརོམི ཏུཡ྄ཧཾ ཝཙནཾ, ཏྭཾསི ཨཱཙརིཡོ མམཱཏི.

༡༢༢༦.

‘‘ཨུཔེམི སརཎཾ བུདྡྷཾ, དྷམྨཉྩཱཔི ཨནུཏྟརཾ;

སངྒྷཉྩ ནརདེཝསྶ, གཙྪཱམི སརཎཾ ཨཧཾ.

༡༢༢༧.

‘‘པཱཎཱཏིཔཱཏཱ ¶ ¶ ཝིརམཱམི ཁིཔྤཾ, ལོཀེ ¶ ཨདིནྣཾ པརིཝཛྫཡཱམི;

ཨམཛྫཔོ ནོ ཙ མུསཱ བྷཎཱམི, སཀེན དཱརེན ཙ ཧོམི ཏུཊྛོ’’ཏི.

མཊྛཀུཎྜལཱིཝིམཱནཾ ནཝམཾ.

༡༠. སེརཱིསཀཝིམཱནཝཏྠུ

༡༢༢༨.

[པེ. ཝ. ༦༠༤] སུཎོཐ ¶ ¶ ཡཀྑསྶ ཙ ཝཱཎིཛཱན ཙ, སམཱགམོ ཡཏྠ ཏདཱ ཨཧོསི;

ཡཐཱ ཀཐཾ ཨིཏརིཏརེན ཙཱཔི, སུབྷཱསིཏཾ ཏཉྩ སུཎཱཐ སབྦེ.

༡༢༢༩.

‘‘ཡོ སོ ཨཧུ རཱཛཱ པཱཡཱསི ནཱམ [ནཱམོ (སཱི.)], བྷུམྨཱནཾ སཧབྱགཏོ ཡསསྶཱི;

སོ མོདམཱནོཝ སཀེ ཝིམཱནེ, ཨམཱནུསོ མཱནུསེ ཨཛ྄ཛྷབྷཱསཱིཏི.

༡༢༣༠.

‘‘ཝངྐེ ཨརཉྙེ ཨམནུསྶཊྛཱནེ, ཀནྟཱརེ ཨཔྤོདཀེ ཨཔྤབྷཀྑེ;

སུདུགྒམེ ཝཎྞུཔཐསྶ མཛ྄ཛྷེ, ཝངྐཾ བྷཡཱ [དྷངྐཾབྷཡཱ (ཀ.)] ནཊྛམནཱ མནུསྶཱ.

༡༢༣༡.

‘‘ནཡིདྷ ཕལཱ མཱུལམཡཱ ཙ སནྟི, ཨུཔཱདཱནཾ ནཏྠི ཀུཏོདྷ བྷཀྑོ;

ཨཉྙཏྲ པཾསཱུཧི ཙ ཝཱལུཀཱཧི ཙ, ཏཏཱཧི ¶ ཨུཎྷཱཧི ཙ དཱརུཎཱཧི ཙ.

༡༢༣༢.

‘‘ཨུཛྫངྒལཾ ཏཏྟམིཝཾ ཀཔཱལཾ, ཨནཱཡསཾ པརལོཀེན ཏུལྱཾ;

ལུདྡཱནམཱཝཱསམིདཾ པུརཱཎཾ, བྷཱུམིཔྤདེསོ ཨབྷིསཏྟརཱུཔོ.

༡༢༣༣.

‘‘ཨཐ ¶ ཏུམྷེ ཀེན [ཀེན ནུ (སྱཱ. ཀ.)] ཝཎྞེན, ཀིམཱསམཱནཱ ཨིམཾ པདེསཾ ཧི;

ཨནུཔཝིཊྛཱ སཧསཱ སམེཙྩ, ལོབྷཱ བྷཡཱ ཨཐ ཝཱ སམྤམཱུལ༹ྷཱ’’ཏི.

༡༢༣༤.

‘‘མགདྷེསུ ཨངྒེསུ ཙ སཏྠཝཱཧཱ, ཨཱརོཔཡིཏྭཱ པཎིཡཾ པུཐུཏྟཾ;

ཏེ ཡཱམསེ སིནྡྷུསོཝཱིརབྷཱུམིཾ, དྷནཏྠིཀཱ ཨུདྡཡཾ པཏྠཡཱནཱ.

༡༢༣༥.

‘‘དིཝཱ ¶ པིཔཱསཾ ནདྷིཝཱསཡནྟཱ, ཡོགྒཱནུཀམྤཉྩ སམེཀྑམཱནཱ,

ཨེཏེན ཝེགེན ཨཱཡཱམ སབྦེ [སབྦེ ཏེ (ཀ.)], རཏྟིཾ མགྒཾ པཊིཔནྣཱ ཝིཀཱལེ.

༡༢༣༦.

‘‘ཏེ དུཔྤཡཱཏཱ ཨཔརདྡྷམགྒཱ, ཨནྡྷཱཀུལཱ ཝིཔྤནཊྛཱ ཨརཉྙེ;

སུདུགྒམེ ¶ ཝཎྞུཔཐསྶ མཛ྄ཛྷེ, དིསཾ ན ཛཱནཱམ པམཱུལ༹ྷཙིཏྟཱ.

༡༢༣༧.

‘‘ཨིདཉྩ དིསྭཱན ཨདིཊྛཔུབྦཾ, ཝིམཱནསེཊྛཉྩ ཏཝཉྩ ཡཀྑ;

ཏཏུཏྟརིཾ ཛཱིཝིཏམཱསམཱནཱ, དིསྭཱ པཏཱིཏཱ སུམནཱ ཨུདགྒཱ’’ཏི.

༡༢༣༨.

‘‘པཱརཾ སམུདྡསྶ ཨིམཉྩ ཝཎྞུཾ [ཝནཾ (སྱཱ.), ཝཎྞཾ (ཀ.)], ཝེཏྟཱཙརཾ [ཝེཏྟཾ པརཾ (སྱཱ.), ཝེཏྟཱཙཱརཾ (ཀ.)] སངྐུཔཐཉྩ མགྒཾ;

ནདིཡོ པན པབྦཏཱནཉྩ དུགྒཱ, པུཐུདྡིསཱ གཙྪཐ བྷོགཧེཏུ.

༡༢༣༩.

‘‘པཀྑནྡིཡཱན ཝིཛིཏཾ པརེསཾ, ཝེརཛྫཀེ མཱནུསེ པེཀྑམཱནཱ;

ཡཾ ཝོ སུཏཾ ཝཱ ཨཐ ཝཱཔི དིཊྛཾ, ཨཙྪེརཀཾ ཏཾ ཝོ སུཎོམ ཏཱཏཱ’’ཏི.

༡༢༤༠.

‘‘ཨིཏོཔི ¶ ཨཙྪེརཏརཾ ཀུམཱར, ན ཏོ སུཏཾ ཝཱ ཨཐ ཝཱཔི དིཊྛཾ;

ཨཏཱིཏམཱནུསྶཀམེཝ སབྦཾ, དིསྭཱན ཏཔྤཱམ ཨནོམཝཎྞཾ.

༡༢༤༡.

‘‘ཝེཧཱཡསཾ པོཀྑརཉྙོ སཝནྟི, པཧཱུཏམལྱཱ ¶ [པཧཱུཏམཱལྱཱ (སྱཱ.)] བཧུཔུཎྜརཱིཀཱ;

དུམཱ ཙིམེ [དུམཱ ཙ ཏེ (སྱཱ. ཀ.)] ནིཙྩཕལཱུཔཔནྣཱ, ཨཏཱིཝ གནྡྷཱ སུརབྷིཾ པཝཱཡནྟི.

༡༢༤༢.

‘‘ཝེལཱུ༹རིཡཐམྦྷཱ ¶ སཏམུསྶིཏཱསེ, སིལཱཔཝཱལ༹སྶ ཙ ཨཱཡཏཾསཱ;

མསཱརགལླཱ སཧལོཧིཏངྒཱ, ཐམྦྷཱ ཨིམེ ཛོཏིརསཱམཡཱསེ.

༡༢༤༣.

‘‘སཧསྶཐམྦྷཾ ཨཏུལཱནུབྷཱཝཾ, ཏེསཱུཔརི སཱདྷུམིདཾ ཝིམཱནཾ;

རཏནནྟརཾ ཀཉྩནཝེདིམིསྶཾ, ཏཔནཱིཡཔཊྚེཧི ཙ སཱདྷུཚནྣཾ.

༡༢༤༤.

‘‘ཛམྦོནདུཏྟཏྟམིདཾ སུམཊྛོ, པཱསཱདསོཔཱཎཕལཱུཔཔནྣོ;

དལ༹ྷོ ཙ ཝགྒུ ཙ སུསངྒཏོ ཙ [ཝགྒུ སུམུཁོ སུསངྒཏོ (སཱི.)], ཨཏཱིཝ ནིཛ྄ཛྷཱནཁམོ མནུཉྙོ.

༡༢༤༥.

‘‘རཏནནྟརསྨིཾ ¶ བཧུཨནྣཔཱནཾ, པརིཝཱརིཏོ ཨཙྪརཱསངྒཎེན;

མུརཛཨཱལམྦརཏཱུརིཡགྷུཊྛོ, ཨབྷིཝནྡིཏོསི ཐུཏིཝནྡནཱཡ.

༡༢༤༦.

‘‘སོ ¶ མོདསི ནཱརིགཎཔྤབོདྷནོ, ཝིམཱནཔཱསཱདཝརེ མནོརམེ;

ཨཙིནྟིཡོ སབྦགུཎཱུཔཔནྣོ, རཱཛཱ ཡཐཱ ཝེསྶཝཎོ ནལི༹ནྱཱ [ནལི༹ཉྙཾ (ཀ.)].

༡༢༤༧.

‘‘དེཝོ ¶ ནུ ཨཱསི ཨུདཝཱསི ཡཀྑོ, ཨུདཱཧུ དེཝིནྡོ མནུསྶབྷཱུཏོ;

པུཙྪནྟི ཏཾ ཝཱཎིཛཱ སཏྠཝཱཧཱ, ཨཱཙིཀྑ ཀོ ནཱམ ཏུཝཾསི ཡཀྑོ’’ཏི.

༡༢༤༨.

‘‘སེརཱིསཀོ [སེརིསྶཀོ (སཱི. སྱཱ.)] ནཱམ ཨཧམྷི ཡཀྑོ, ཀནྟཱརིཡོ ཝཎྞུཔཐམྷི གུཏྟོ;

ཨིམཾ པདེསཾ ཨབྷིཔཱལཡཱམི, ཝཙནཀརོ ཝེསྶཝཎསྶ རཉྙོ’’ཏི.

༡༢༤༩.

‘‘ཨདྷིཙྩལདྡྷཾ པརིཎཱམཛཾ ཏེ, སཡཾ ཀཏཾ ཨུདཱཧུ དེཝེཧི དིནྣཾ;

པུཙྪནྟི ཏཾ ཝཱཎིཛཱ སཏྠཝཱཧཱ, ཀཐཾ ཏཡཱ ལདྡྷམིདཾ མནུཉྙ’’ནྟི.

༡༢༥༠.

‘‘ནཱདྷིཙྩལདྡྷཾ ན པརིཎཱམཛཾ མེ, ན སཡཾ ཀཏཾ ན ཧི དེཝེཧི དིནྣཾ;

སཀེཧི ཀམྨེཧི ཨཔཱཔཀེཧི, པུཉྙེཧི ¶ མེ ལདྡྷམིདཾ མནུཉྙ’’ནྟི.

༡༢༥༡.

‘‘ཀིཾ ཏེ ཝཏཾ ཀིཾ པན བྲཧྨཙརིཡཾ, ཀིསྶ སུཙིཎྞསྶ ཨཡཾ ཝིཔཱཀོ;

པུཙྪནྟི ཏཾ ཝཱཎིཛཱ སཏྠཝཱཧཱ, ཀཐཾ ཏཡཱ ལདྡྷམིདཾ ཝིམཱན’’ནྟི.

༡༢༥༢.

‘‘མམཾ པཱཡཱསཱིཏི ཨཧུ སམཉྙཱ, རཛྫཾ ཡདཱ ཀཱརཡིཾ ཀོསལཱནཾ;

ནཏྠིཀདིཊྛི ཀདརིཡོ པཱཔདྷམྨོ, ཨུཙྪེདཝཱདཱི ཙ ཏདཱ ཨཧོསིཾ.

༡༢༥༣.

‘‘སམཎོ ཙ ཁོ ཨཱསི ཀུམཱརཀསྶཔོ, བཧུསྶུཏོ ཙིཏྟཀཐཱི ཨུལཱ༹རོ;

སོ མེ ཏདཱ དྷམྨཀཐཾ ཨབྷཱསི [ཨཀཱསི (སཱི.)], དིཊྛིཝིསཱུཀཱནི ཝིནོདཡཱི མེ.

༡༢༥༤.

‘‘ཏཱཧཾ ¶ ཏསྶ [ཏཱཧཾ (ཀ.)] དྷམྨཀཐཾ སུཎིཏྭཱ, ཨུཔཱསཀཏྟཾ པཊིཝེདཡིསྶཾ;

པཱཎཱཏིཔཱཏཱ ཝིརཏོ ཨཧོསིཾ, ལོཀེ ཨདིནྣཾ པརིཝཛྫཡིསྶཾ;

ཨམཛྫཔོ ¶ ནོ ཙ མུསཱ ཨབྷཱཎིཾ, སཀེན དཱརེན ཙ ཨཧོསི ཏུཊྛོ.

༡༢༥༥.

‘‘ཏཾ ¶ མེ ཝཏཾ ཏཾ པན བྲཧྨཙརིཡཾ, ཏསྶ སུཙིཎྞསྶ ཨཡཾ ཝིཔཱཀོ;

ཏེཧེཝ ཀམྨེཧི ཨཔཱཔཀེཧི, པུཉྙེཧི མེ ལདྡྷམིདཾ ཝིམཱན’’ནྟི.

༡༢༥༦.

‘‘སཙྩཾ ¶ ཀིརཱཧཾསུ ནརཱ སཔཉྙཱ, ཨནཉྙཐཱ ཝཙནཾ པཎྜིཏཱནཾ;

ཡཧིཾ ཡཧིཾ གཙྪཏི པུཉྙཀམྨོ, ཏཧིཾ ཏཧིཾ མོདཏི ཀཱམཀཱམཱི.

༡༢༥༧.

‘‘ཡཧིཾ ཡཧིཾ སོཀཔརིདྡཝོ ཙ, ཝདྷོ ཙ བནྡྷོ ཙ པརིཀྐིལེསོ;

ཏཧིཾ ཏཧིཾ གཙྪཏི པཱཔཀམྨོ, ན མུཙྩཏི དུགྒཏིཡཱ ཀདཱཙཱི’’ཏི.

༡༢༥༨.

‘‘སམྨཱུལ༹ྷརཱུཔོཝ ཛནོ ཨཧོསི, ཨསྨིཾ མུཧུཏྟེ ཀལལཱིཀཏོཝ;

ཛནསྶིམསྶ ཏུཡ྄ཧཉྩ ཀུམཱར, ཨཔྤཙྩཡོ ཀེན ནུ ཁོ ཨཧོསཱི’’ཏི.

༡༢༥༩.

‘‘ཨིམེ ཙ སིརཱིསཝནཱ [ཨིམེ སིརཱིསཱུཔཝནཱ ཙ (སཱི.), ཨིམེཔི སིརཱིསཝནཱ ཙ (པཱི. ཀ.)] ཏཱཏཱ, དིབྦཱ [དིབྦཱ ཙ (པཱི. ཀ.)] གནྡྷཱ སུརབྷཱི [སུརབྷིཾ (སཱི. ཀ.)] སམྤཝནྟི [སམྤཝཱཡནྟི (ཀ.)];

ཏེ སམྤཝཱཡནྟི ཨིམཾ ཝིམཱནཾ, དིཝཱ ¶ ཙ རཏྟོ ཙ ཏམཾ ནིཧནྟྭཱ.

༡༢༦༠.

‘‘ཨིམེསཉྩ ¶ ཁོ ཝསྶསཏཙྩཡེན, སིཔཱཊིཀཱ ཕལཏི ཨེཀམེཀཱ;

མཱནུསྶཀཾ ཝསྶསཏཾ ཨཏཱིཏཾ, ཡདགྒེ ཀཱཡམྷི ཨིདྷཱུཔཔནྣོ.

༡༢༦༡.

‘‘དིསྭཱནཧཾ ཝསྶསཏཱནི པཉྩ, ཨསྨིཾ ཝིམཱནེ ཋཏྭཱན ཏཱཏཱ;

ཨཱཡུཀྑཡཱ པུཉྙཀྑཡཱ ཙཝིསྶཾ, ཏེནེཝ སོཀེན པམུཙྪིཏོསྨཱི’’ཏི [སམུཙྪིཏོསྨཱིཏི (པཱི. ཀ.)].

༡༢༦༢.

‘‘ཀཐཾ ནུ སོཙེཡྻ ཏཐཱཝིདྷོ སོ, ལདྡྷཱ ཝིམཱནཾ ཨཏུལཾ ཙིརཱཡ;

ཡེ ཙཱཔི ཁོ ཨིཏྟརམུཔཔནྣཱ, ཏེ ནཱུན སོཙེཡྻུཾ པརིཏྟཔུཉྙཱ’’ཏི.

༡༢༦༣.

‘‘ཨནུཙྪཝིཾ ཨོཝདིཡཉྩ མེ ཏཾ, ཡཾ མཾ ཏུམྷེ པེཡྻཝཱཙཾ ཝདེཐ;

ཏུམྷེ ཙ ཁོ ཏཱཏཱ མཡཱནུགུཏྟཱ, ཡེནིཙྪཀཾ ཏེན པལེཐ སོཏྠི’’ནྟི.

༡༢༦༤.

‘‘གནྟྭཱ ¶ མཡཾ སིནྡྷུསོཝཱིརབྷཱུམིཾ, དྷནཏྠིཀཱ ཨུདྡཡཾ པཏྠཡཱནཱ;

ཡཐཱཔཡོགཱ པརིཔུཎྞཙཱགཱ, ཀཱཧཱམ ¶ སེརཱིསམཧཾ ཨུལཱ༹ར’’ནྟི.

༡༢༦༥.

‘‘མཱ ཙེཝ སེརཱིསམཧཾ ཨཀཏྠ, སབྦཉྩ ཝོ བྷཝིསྶཏི ཡཾ ཝདེཐ;

པཱཔཱནི ཀམྨཱནི ཝིཝཛྫཡཱཐ, དྷམྨཱནུཡོགཉྩ ཨདྷིཊྛཧཱཐ.

༡༢༦༦.

‘‘ཨུཔཱསཀོ ཨཏྠི ཨིམམྷི སངྒྷེ, བཧུསྶུཏོ སཱིལཝཏཱུཔཔནྣོ;

སདྡྷོ ཙ ཙཱགཱི ཙ སུཔེསལོ ཙ, ཝིཙཀྑཎོ སནྟུསིཏོ མུཏཱིམཱ.

༡༢༦༧.

‘‘སཉྫཱནམཱནོ ¶ ན མུསཱ བྷཎེཡྻ, པརཱུཔགྷཱཏཱཡ ན ཙེཏཡེཡྻ;

ཝེབྷཱུཏིཀཾ པེསུཎཾ ནོ ཀརེཡྻ, སཎྷཉྩ ཝཱཙཾ སཁིལཾ བྷཎེཡྻ.

༡༢༦༨.

‘‘སགཱརཝོ སཔྤཊིསྶོ ཝིནཱིཏོ, ཨཔཱཔཀོ ཨདྷིསཱིལེ ཝིསུདྡྷོ;

སོ མཱཏརཾ པིཏརཉྩཱཔི ཛནྟུ, དྷམྨེན པོསེཏི ཨརིཡཝུཏྟི.

༡༢༦༩.

‘‘མཉྙེ སོ མཱཏཱཔིཏཱུནཾ ཀཱརཎཱ, བྷོགཱནི པརིཡེསཏི ན ཨཏྟཧེཏུ;

མཱཏཱཔིཏཱུནཉྩ ཡོ [སོ (?)] ཨཙྩཡེན, ནེཀྑམྨཔོཎོ ¶ ཙརིསྶཏི བྲཧྨཙརིཡཾ.

༡༢༧༠.

‘‘ཨུཛཱུ ཨཝངྐོ ཨསཋོ ཨམཱཡོ, ན ལེསཀཔྤེན ཙ ཝོཧརེཡྻ;

སོ ཏཱདིསོ སུཀཏཀམྨཀཱརཱི, དྷམྨེ ཋིཏོ ཀིནྟི ལབྷེཐ དུཀྑཾ.

༡༢༧༡.

‘‘ཏཾ ¶ ཀཱརཎཱ པཱཏུཀཏོམྷི ཨཏྟནཱ, ཏསྨཱ དྷམྨཾ པསྶཐ ཝཱཎིཛཱསེ;

ཨཉྙཏྲ ཏེནིཧ བྷསྨཱི [བྷསྨི (སྱཱ.), བྷསྨ (ཀ.)] བྷཝེཐ, ཨནྡྷཱཀུལཱ ཝིཔྤནཊྛཱ ཨརཉྙེ;

ཏཾ ཁིཔྤམཱནེན ལཧུཾ པརེན, སུཁོ ཧཝེ སཔྤུརིསེན སངྒམོ’’ཏི.

༡༢༧༢.

‘‘ཀིཾ ནཱམ སོ ཀིཉྩ ཀརོཏི ཀམྨཾ,

ཀིཾ ནཱམདྷེཡྻཾ ཀིཾ པན ཏསྶ གོཏྟཾ;

མཡམྤི ནཾ དཊྛུཀཱམམྷ ཡཀྑ, ཡསྶཱནུཀམྤཱཡ ཨིདྷཱགཏོསི;

ལཱབྷཱ ཧི ཏསྶ, ཡསྶ ཏུཝཾ པིཧེསཱི’’ཏི.

༡༢༧༣.

‘‘ཡོ ¶ ¶ ཀཔྤཀོ སམྦྷཝནཱམདྷེཡྻོ,

ཨུཔཱསཀོ ཀོཙྪཕལཱུཔཛཱིཝཱི;

ཛཱནཱཐ ནཾ ཏུམྷཱཀཾ པེསིཡོ སོ,

མཱ ¶ ཁོ ནཾ ཧཱིལི༹ཏྠ སུཔེསལོ སོ’’ཏི.

༡༢༧༤.

‘‘ཛཱནཱམསེ ཡཾ ཏྭཾ པཝདེསི [ཝདེསི (སཱི.)] ཡཀྑ,

ན ཁོ ནཾ ཛཱནཱམ ས ཨེདིསོཏི;

མཡམྤི ནཾ པཱུཛཡིསྶཱམ ཡཀྑ,

སུཏྭཱན ཏུཡ྄ཧཾ ཝཙནཾ ཨུལཱ༹ར’’ནྟི.

༡༢༧༥.

‘‘ཡེ ཀེཙི ཨིམསྨིཾ སཏྠེ མནུསྶཱ,

དཧརཱ མཧནྟཱ ཨཐཝཱཔི མཛ྄ཛྷིམཱ;

སབྦེཝ ཏེ ཨཱལམྦནྟུ ཝིམཱནཾ,

པསྶནྟུ པུཉྙཱནཾ ཕལཾ ཀདརིཡཱ’’ཏི.

༡༢༧༦.

ཏེ ཏཏྠ སབྦེཝ ‘ཨཧཾ པུརེ’ཏི,

ཏཾ ཀཔྤཀཾ ཏཏྠ པུརཀྑཏྭཱ [པུརཀྑིཔིཏྭཱ (སཱི.)];

སབྦེཝ ཏེ ཨཱལམྦིཾསུ ཝིམཱནཾ,

མསཀྐསཱརཾ ཝིཡ ཝཱསཝསྶ.

༡༢༧༧.

ཏེ ¶ ཏཏྠ སབྦེཝ ‘ཨཧཾ པུརེ’ཏི, ཨུཔཱསཀཏྟཾ པཊིཝེདཡིཾསུ;

པཱཎཱཏིཔཱཏཱ ཝིརཏཱ ཨཧེསུཾ, ལོཀེ ཨདིནྣཾ པརིཝཛྫཡིཾསུ;

ཨམཛྫཔཱ ནོ ཙ མུསཱ བྷཎིཾསུ, སཀེན དཱརེན ཙ ཨཧེསུཾ ཏུཊྛཱ.

༡༢༧༨.

ཏེ ཏཏྠ སབྦེཝ ‘ཨཧཾ པུརེ’ཏི, ཨུཔཱསཀཏྟཾ པཊིཝེདཡིཏྭཱ;

པཀྐཱམི སཏྠོ ཨནུམོདམཱནོ, ཡཀྑིདྡྷིཡཱ ཨནུམཏོ པུནཔྤུནཾ.

༡༢༧༩.

‘‘གནྟྭཱན ¶ ཏེ སིནྡྷུསོཝཱིརབྷཱུམིཾ, དྷནཏྠིཀཱ ཨུདྡཡཾ [ཨུདཡ (པཱི. ཀ.)] པཏྠཡཱནཱ;

ཡཐཱཔཡོགཱ པརིཔུཎྞལཱབྷཱ, པཙྩཱགམུཾ པཱཊལིཔུཏྟམཀྑཏཾ.

༡༢༨༠.

‘‘གནྟྭཱན ¶ ཏེ སངྒྷརཾ སོཏྠིཝནྟོ,

པུཏྟེཧི དཱརེཧི སམངྒིབྷཱུཏཱ;

ཨཱནནྡཱི ཝིཏྟཱ [ཨཱནནྡཙིཏྟཱ (སྱཱ.), ཨཱནནྡཱིཙིཏྟཱ (ཀ.)] སུམནཱ པཏཱིཏཱ,

ཨཀཾསུ སེརཱིསམཧཾ ཨུལཱ༹རཾ;

སེརཱིསཀཾ ཏེ པརིཝེཎཾ མཱཔཡིཾསུ.

༡༢༨༡.

ཨེཏཱདིསཱ སཔྤུརིསཱན སེཝནཱ,

མཧཏྠིཀཱ དྷམྨགུཎཱན སེཝནཱ;

ཨེཀསྶ ཨཏྠཱཡ ཨུཔཱསཀསྶ,

སབྦེཝ སཏྟཱ སུཁིཏཱ [སུཁིནོ (པཱི. ཀ.)] ཨཧེསུནྟི.

སེརཱིསཀཝིམཱནཾ དསམཾ.

༡༡. སུནིཀྑིཏྟཝིམཱནཝཏྠུ

༡༢༨༢.

‘‘ཨུཙྩམིདཾ ¶ མཎིཐཱུཎཾ ཝིམཱནཾ, སམནྟཏོ དྭཱདས ཡོཛནཱནི;

ཀཱུཊཱགཱརཱ ¶ སཏྟསཏཱ ཨུལཱ༹རཱ, ཝེལུ༹རིཡཐམྦྷཱ རུཙཀཏྠཏཱ སུབྷཱ.

༡༢༨༣.

‘‘ཏཏྠཙྪསི པིཝསི ཁཱདསི ཙ, དིབྦཱ ཙ ཝཱིཎཱ པཝདནྟི ཝགྒུཾ;

དིབྦཱ རསཱ ཀཱམགུཎེཏྠ པཉྩ, ནཱརིཡོ ཙ ནཙྩནྟི སུཝཎྞཚནྣཱ.

༡༢༨༤.

‘‘ཀེན ཏེཏཱདིསོ ཝཎྞོ, ཀེན ཏེ ཨིདྷ མིཛ྄ཛྷཏི;

ཨུཔྤཛྫནྟི ཙ ཏེ བྷོགཱ, ཡེ ཀེཙི མནསོ པིཡཱ.

༡༢༨༥.

‘‘པུཙྪཱམི ¶ ‘ཏཾ དེཝ མཧཱནུབྷཱཝ, མནུསྶབྷཱུཏོ ཀིམཀཱསི པུཉྙཾ;

ཀེནཱསི ཨེཝཾ ཛལིཏཱནུབྷཱཝོ, ཝཎྞོ ཙ ཏེ སབྦདིསཱ པབྷཱསཏཱི’’ཏི.

༡༢༨༦.

སོ ¶ དེཝཔུཏྟོ ཨཏྟམནོ, མོགྒལླཱནེན པུཙྪིཏོ;

པཉྷཾ པུཊྛོ ཝིཡཱཀཱསི, ཡསྶ ཀམྨསྶིདཾ ཕལཾ.

༡༢༨༧.

‘‘དུནྣིཀྑིཏྟཾ མཱལཾ སུནིཀྑིཔིཏྭཱ, པཏིཊྛཔེཏྭཱ སུགཏསྶ ཐཱུཔེ;

མཧིདྡྷིཀོ ཙམྷི མཧཱནུབྷཱཝོ, དིབྦེཧི ཀཱམེཧི སམངྒིབྷཱུཏོ.

༡༢༨༨.

‘‘ཏེན མེཏཱདིསོ ཝཎྞོ,

ཏེན མེ ཨིདྷ མིཛ྄ཛྷཏི;

ཨུཔྤཛྫནྟི ཙ མེ བྷོགཱ,

ཡེ ཀེཙི མནསོ པིཡཱ.

༡༢༨༩.

‘‘ཨཀྑཱམི ཏེ བྷིཀྑུ མཧཱནུབྷཱཝ,

མནུསྶབྷཱུཏོ ཡམཧཾ ཨཀཱསིཾ;

ཏེནམྷི ¶ ཨེཝཾ ཛལིཏཱནུབྷཱཝོ,

ཝཎྞོ ཙ མེ སབྦདིསཱ པབྷཱསཏཱི’’ཏི.

སུནིཀྑིཏྟཝིམཱནཾ ཨེཀཱདསམཾ.

སུནིཀྑིཏྟཝགྒོ སཏྟམོ ནིཊྛིཏོ.

ཏསྶུདྡཱནཾ ¶ –

དྭེ དལིདྡཱ ཝནཝིཧཱརཱ, བྷཏཀོ གོཔཱལཀཎྜཀཱ;

ཨནེཀཝཎྞམཊྛཀུཎྜལཱི, སེརཱིསཀོ སུནིཀྑིཏྟཾ;

པུརིསཱནཾ ཏཏིཡོ ཝགྒོ པཝུཙྩཏཱིཏི.

བྷཱཎཝཱརཾ ཙཏུཏྠཾ ནིཊྛིཏཾ.

ཝིམཱནཝཏྠུཔཱལི༹ ནིཊྛིཏཱ.