📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

ཁུདྡཀནིཀཱཡེ

ཐེརཱཔདཱནཔཱལི༹

(དུཏིཡོ བྷཱགོ)

༤༣. སཀིཾསམྨཛྫཀཝགྒོ

༡. སཀིཾསམྨཛྫཀཏྠེརཨཔདཱནཾ

༡.

‘‘ཝིཔསྶིནོ ¶ ¶ ¶ བྷགཝཏོ, པཱཊལིཾ བོདྷིམུཏྟམཾ;

དིསྭཱཝ ཏཾ པཱདཔགྒཾ, ཏཏྠ ཙིཏྟཾ པསཱདཡིཾ.

༢.

‘‘སམྨཛྫནིཾ གཧེཏྭཱན, བོདྷིཾ སམྨཛྫི ཏཱཝདེ;

སམྨཛྫིཏྭཱན ཏཾ བོདྷིཾ, ཨཝནྡིཾ པཱཊལིཾ ཨཧཾ.

༣.

‘‘ཏཏྠ ཙིཏྟཾ པསཱདེཏྭཱ, སིརེ ཀཏྭཱན ཨཉྫལིཾ;

ནམསྶམཱནོ ཏཾ བོདྷིཾ, གཉྪིཾ པཊིཀུཊིཾ ཨཧཾ.

༤.

‘‘ཏཱདིམགྒེན ¶ གཙྪཱམི, སརནྟོ བོདྷིམུཏྟམཾ;

ཨཛགརོ མཾ པཱིལེ༹སི, གྷོརརཱུཔོ མཧབྦལོ.

༥.

‘‘ཨཱསནྣེ ¶ མེ ཀཏཾ ཀམྨཾ, ཕལེན ཏོསཡཱི མམཾ;

ཀལེ༹ཝརཾ མེ གིལཏི, དེཝལོཀེ རམཱམཧཾ.

༦.

‘‘ཨནཱཝིལཾ མམ ཙིཏྟཾ, ཝིསུདྡྷཾ པཎྜརཾ སདཱ;

སོཀསལླཾ ན ཛཱནཱམི, ཙིཏྟསནྟཱཔནཾ མམ.

༧.

‘‘ཀུཊྛཾ གཎྜོ ཀིལཱསོ ཙ, ཨཔམཱརོ ཝིཏཙྪིཀཱ;

དདྡུ ཀཎྜུ ཙ མེ ནཏྠི, ཕལཾ སམྨཛྫནཱཡིདཾ [སམྨཛྫནེ ཨིདཾ (སཱི.)].

༨.

‘‘སོཀོ ¶ ཙ པརིདེཝོ ཙ, ཧདཡེ མེ ན ཝིཛྫཏི;

ཨབྷནྟཾ ཨུཛུཀཾ ཙིཏྟཾ, ཕལཾ སམྨཛྫནཱཡིདཾ.

༩.

‘‘སམཱདྷཱིསུ ¶ ན མཛྫཱམི [སམཱདྷཱིསུ ན སཛྫཱམི (སཱི.), སམཱདྷིཾ པུན པཛྫཱམི (སྱཱ)], ཝིསདཾ ཧོཏི མཱནསཾ;

ཡཾ ཡཾ སམཱདྷིམིཙྪཱམི, སོ སོ སམྤཛྫཏེ མམཾ.

༡༠.

‘‘རཛནཱིཡེ ན རཛྫཱམི, ཨཐོ དུསྶནིཡེསུ [དོསནིཡེསུ (སཱི. སྱཱ. ཀ.)] ཙ;

མོཧནཱིཡེ ན མུཡ྄ཧཱམི, ཕལཾ སམྨཛྫནཱཡིདཾ.

༡༡.

‘‘ཨེཀནཝུཏིཏོ [ཨེཀནཝུཏེ ཨིཏོ (སཱི. སྱཱ.)] ཀཔྤེ, ཡཾ ཀམྨམཀརིཾ ཏདཱ;

དུགྒཏིཾ ནཱབྷིཛཱནཱམི, ཕལཾ སམྨཛྫནཱཡིདཾ.

༡༢.

‘‘ཀིལེསཱ ཛྷཱཔིཏཱ མཡ྄ཧཾ, བྷཝཱ སབྦེ སམཱུཧཏཱ;

ནཱགོཝ བནྡྷནཾ ཚེཏྭཱ, ཝིཧརཱམི ཨནཱསཝོ.

༡༣.

‘‘སྭཱགཏཾ ཝཏ མེ ཨཱསི, མམ བུདྡྷསྶ སནྟིཀེ;

ཏིསྶོ ཝིཛྫཱ ཨནུཔྤཏྟཱ, ཀཏཾ བུདྡྷསྶ སཱསནཾ.

༡༤.

‘‘པཊིསམྦྷིདཱ ཙཏསྶོ, ཝིམོཀྑཱཔི ཙ ཨཊྛིམེ;

ཚལ༹བྷིཉྙཱ སཙྪིཀཏཱ, ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ སཀིཾསམྨཛྫཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

སཀིཾསམྨཛྫཀཏྠེརསྶཱཔདཱནཾ པཋམཾ.

༢. ཨེཀདུསྶདཱཡཀཏྠེརཨཔདཱནཾ

༡༥.

‘‘ནགརེ ¶ ཧཾསཝཏིཡཱ, ཨཧོསིཾ ཏིཎཧཱརཀོ;

ཏིཎཧཱརེན ཛཱིཝཱམི, ཏེན པོསེམི དཱརཀེ.

༡༦.

‘‘པདུམུཏྟརོ ནཱམ ཛིནོ, སབྦདྷམྨཱན པཱརགཱུ;

ཏམནྡྷཀཱརཾ ནཱསེཏྭཱ, ཨུཔྤཛྫི ལོཀནཱཡཀོ.

༡༧.

‘‘སཀེ ¶ གྷརེ ནིསཱིདིཏྭཱ, ཨེཝཾ ཙིནྟེསི ཏཱཝདེ;

‘བུདྡྷོ ལོཀེ སམུཔྤནྣོ, དེཡྻདྷམྨོ ན ཝིཛྫཏི.

༡༨.

‘‘‘ཨིདཾ ¶ མེ སཱཊཀཾ ཨེཀཾ, ནཏྠི མེ ཀོཙི དཱཡཀོ;

དུཀྑོ ནིརཡསམྥསྶོ, རོཔཡིསྶཱམི དཀྑིཎཾ’.

༡༩.

‘‘ཨེཝཱཧཾ ཙིནྟཡིཏྭཱན, སཀཾ ཙིཏྟཾ པསཱདཡིཾ;

ཨེཀཾ དུསྶཾ གཧེཏྭཱན, བུདྡྷསེཊྛསྶདཱསཧཾ.

༢༠.

‘‘ཨེཀཾ ¶ དུསྶཾ དདིཏྭཱན, ཨུཀྐུཊྛིཾ སམྤཝཏྟཡིཾ;

‘ཡདི བུདྡྷོ ཏུཝཾ ཝཱིར, ཏཱརེཧི མཾ མཧཱམུནི’.

༢༡.

‘‘པདུམུཏྟརོ ལོཀཝིདཱུ, ཨཱཧུཏཱིནཾ པཊིགྒཧོ;

མམ དཱནཾ པཀིཏྟེནྟོ, ཨཀཱ མེ ཨནུམོདནཾ.

༢༢.

‘‘‘ཨིམིནཱ ཨེཀདུསྶེན, ཙེཏནཱཔཎིདྷཱིཧི ཙ;

ཀཔྤསཏསཧསྶཱནི, ཝིནིཔཱཏཾ ན གཙྪསི.

༢༣.

‘‘‘ཚཏྟིཾསཀྑཏྟུཾ དེཝིནྡོ, དེཝརཛྫཾ ཀརིསྶསི;

ཏེཏྟིཾསཀྑཏྟུཾ རཱཛཱ ཙ, ཙཀྐཝཏྟཱི [ཙཀྐཝཏྟི (སྱཱ.)] བྷཝིསྶསི.

༢༤.

‘‘‘པདེསརཛྫཾ ཝིཔུལཾ, གཎནཱཏོ ཨསངྑིཡཾ [ཨསངྐཡཾ (སྱཱ. ཀ.) ཨེཝམུཔརིཔི];

དེཝལོཀེ མནུསྶེ ཝཱ, སཾསརནྟོ ཏུཝཾ བྷཝེ.

༢༥.

‘‘‘རཱུཔཝཱ གུཎསམྤནྣོ, ཨནཝཀྐནྟདེཧཝཱ [ཨནུཝཏྟནྟ… (སྱཱ)];

ཨཀྑོབྷཾ ཨམིཏཾ དུསྶཾ, ལབྷིསྶསི ཡདིཙྪཀཾ’.

༢༦.

‘‘ཨིདཾ ཝཏྭཱན སམྦུདྡྷོ, ཛལཛུཏྟམནཱམཀོ;

ནབྷཾ ཨབྦྷུགྒམཱི ཝཱིརོ [དྷཱིརོ (སཱི. སྱཱ.)], ཧཾསརཱཛཱཝ ཨམྦརེ.

༢༧.

‘‘ཡཾ ¶ ཡཾ ཡོནུཔཔཛྫཱམི, དེཝཏྟཾ ཨཐ མཱནུསཾ;

བྷོགེ མེ ཨཱུནཏཱ ནཏྠི, ཨེཀདུསྶསྶིདཾ ཕལཾ.

༢༨.

‘‘པདུདྡྷཱརེ ¶ པདུདྡྷཱརེ, དུསྶཾ ནིབྦཏྟཏེ མམཾ;

ཧེཊྛཱ དུསྶམྷི ཏིཊྛཱམི, ཨུཔརིཙྪདནཾ མམ.

༢༩.

‘‘ཙཀྐཝཱལ༹ཾ ཨུཔཱདཱཡ, སཀཱནནཾ སཔབྦཏཾ;

ཨིཙྪམཱནོ ཙཧཾ ཨཛྫ, དུསྶེཧཙྪཱདཡེཡྻ ཏཾ.

༣༠.

‘‘ཏེནེཝ ཨེཀདུསྶེན, སཾསརནྟོ བྷཝཱབྷཝེ;

སུཝཎྞཝཎྞོ ཧུཏྭཱན, སཾསརཱམི བྷཝཱབྷཝེ.

༣༡.

‘‘ཝིཔཱཀཾ ¶ ཝིཨེཀདུསྶསྶ, ནཱཛ྄ཛྷགཾ ཀཏྠཙིཀྑཡཾ;

ཨཡཾ མེ ཨནྟིམཱ ཛཱཏི, ཝིཔཙྩཏི ཨིདྷཱཔི མེ.

༣༢.

‘‘སཏསཧསྶིཏོ ཀཔྤེ, ཡཾ དུསྶམདདིཾ ཏདཱ;

དུགྒཏིཾ ནཱབྷིཛཱནཱམི, ཨེཀདུསྶསྶིདཾ ཕལཾ.

༣༣.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༣༤.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༣༥.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨེཀདུསྶདཱཡཀོ ཐེརོ ཨིམཱ གཱཐཱཡོ ཨབྷཱསིཏྠཱཏི;

ཨེཀདུསྶདཱཡཀཏྠེརསྶཱཔདཱནཾ དུཏིཡཾ.

༣. ཨེཀཱསནདཱཡཀཏྠེརཨཔདཱནཾ

༣༦.

‘‘ཧིམཝནྟསྶཱཝིདཱུརེ ¶ ¶ , གོསིཏོ ནཱམ པབྦཏོ;

ཨསྶམོ སུཀཏོ མཡ྄ཧཾ, པཎྞསཱལཱ སུམཱཔིཏཱ.

༣༧.

‘‘ནཱརདོ ནཱམ ནཱམེན, ཀསྶཔོ ཨིཏི མཾ ཝིདཱུ;

སུདྡྷིམགྒཾ གཝེསནྟོ, ཝསཱམི གོསིཏེ ཏདཱ.

༣༨.

‘‘པདུམུཏྟརོ ནཱམ ཛིནོ, སབྦདྷམྨཱན པཱརགཱུ;

ཝིཝེཀཀཱམོ སམྦུདྡྷོ, ཨགཉྪི ཨནིལཉྫསཱ.

༣༩.

‘‘ཝནགྒེ གཙྪམཱནསྶ, དིསྭཱ རཾསིཾ མཧེསིནོ;

ཀཊྛམཉྩཾ པཉྙཱཔེཏྭཱ, ཨཛིནཉྩ ཨཔཏྠརིཾ.

༤༠.

‘‘ཨཱསནཾ ¶ པཉྙཱཔེཏྭཱན, སིརེ ཀཏྭཱན ཨཉྫལིཾ;

སོམནསྶཾ པཝེདིཏྭཱ, ཨིདཾ ཝཙནམབྲཝིཾ.

༤༡.

‘‘‘སལླཀཏྟོ མཧཱཝཱིར, ཨཱཏུརཱནཾ ཏིཀིཙྪཀོ;

མམཾ རོགཔརེཏསྶ [རཱག… (སྱཱ.)], ཏིཀིཙྪཾ དེཧི ནཱཡཀ.

༤༢.

‘‘‘ཀལླཏྠིཀཱ ཡེ པསྶནྟི, བུདྡྷསེཊྛ ཏུཝཾ མུནེ;

དྷུཝཏྠསིདྡྷིཾ པཔྤོནྟི, ཨེཏེསཾ ཨཛརོ [ཛཛྫརོ (སཱི. པཱི. ཀ.)] བྷཝེ.

༤༣.

‘‘‘ན ¶ མེ དེཡྻདྷམྨོ ཨཏྠི, པཝཏྟཕལབྷོཛིཧཾ;

ཨིདཾ མེ ཨཱསནཾ ཨཏྠི [ན མེ དེཡྻཾ ཏཝ ཨཏྠི (སཱི. སྱཱ.)], ནིསཱིད ཀཊྛམཉྩཀེ’.

༤༤.

‘‘ནིསཱིདི ཏཏྠ བྷགཝཱ, ཨསམྦྷཱིཏོཝ [ཨཙྪམྦྷིཏོཝ (སྱཱ. ཀ.)] ཀེསརཱི;

མུཧུཏྟཾ ཝཱིཏིནཱམེཏྭཱ, ཨིདཾ ཝཙནམབྲཝི.

༤༥.

‘‘‘ཝིསཊྛོ ¶ [ཝིསྶཏྠོ (སཱི. པཱི), ཝིསྶཊྛོ (སྱཱ. ཀ.)] ཧོཧི མཱ བྷཱཡི, ལདྡྷོ ཛོཏིརསོ ཏཡཱ;

ཡཾ ཏུཡ྄ཧཾ པཏྠིཏཾ སབྦཾ, པརིཔཱུརིསྶཏིནཱགཏེ [པརིཔཱུརིསྶཏཱསནཾ (སྱཱ. ཀ.)].

༤༦.

‘‘‘ན མོགྷཾ ཏཾ ཀཏཾ ཏུཡ྄ཧཾ, པུཉྙཀྑེཏྟེ ཨནུཏྟརེ;

སཀྐཱ ཨུདྡྷརིཏུཾ ཨཏྟཱ, ཡསྶ ཙིཏྟཾ པཎཱིཧིཏཾ [སུནཱིཧིཏཾ (སྱཱ.)].

༤༧.

‘‘‘ཨིམིནཱསནདཱནེན, ཙེཏནཱཔཎིདྷཱིཧི ཙ;

ཀཔྤསཏསཧསྶཱནི, ཝིནིཔཱཏཾ ན གཙྪསི.

༤༨.

‘‘‘པཉྙཱསཀྑཏྟུཾ དེཝིནྡོ, དེཝརཛྫཾ ཀརིསྶསི;

ཨསཱིཏིཀྑཏྟུཾ རཱཛཱ ཙ, ཙཀྐཝཏྟཱི བྷཝིསྶསི.

༤༩.

‘‘‘པདེསརཛྫཾ ¶ ཝིཔུལཾ, གཎནཱཏོ ཨསངྑིཡཾ;

སབྦཏྠ སུཁིཏོ ཧུཏྭཱ, སཾསཱརེ སཾསརིསྶསི’.

༥༠.

‘‘ཨིདཾ ཝཏྭཱན སམྦུདྡྷོ, ཛལཛུཏྟམནཱམཀོ;

ནབྷཾ ཨབྦྷུགྒམཱི ཝཱིརོ, ཧཾསརཱཛཱཝ ཨམྦརེ.

༥༡.

‘‘ཧཏྠིཡཱནཾ ཨསྶཡཱནཾ, སརཐཾ སནྡམཱནིཀཾ;

ལབྷཱམི སབྦམེཝེཏཾ, ཨེཀཱསནསྶིདཾ ཕལཾ.

༥༢.

‘‘ཀཱནནཾ པཝིསིཏྭཱཔི, ཡདཱ ཨིཙྪཱམི ཨཱསནཾ;

མམ སངྐཔྤམཉྙཱཡ, པལླངྐོ ཨུཔཏིཊྛཏི.

༥༣.

‘‘ཝཱརིམཛ྄ཛྷགཏོ སནྟོ, ཡདཱ ཨིཙྪཱམི ཨཱསནཾ;

མམ སངྐཔྤམཉྙཱཡ, པལླངྐོ ཨུཔཏིཊྛཏི.

༥༤.

‘‘ཡཾ ¶ ཡཾ ཡོནུཔཔཛྫཱམི, དེཝཏྟཾ ཨཐ མཱནུསཾ;

པལླངྐསཏསཧསྶཱནི, པརིཝཱརེནྟི མཾ སདཱ.

༥༥.

‘‘དུཝེ ¶ ¶ བྷཝེ སཾསརཱམི, དེཝཏྟེ ཨཐ མཱནུསེ;

དུཝེ ཀུལེ པཛཱཡཱམི, ཁཏྟིཡེ ཨཐ བྲཱཧྨཎེ.

༥༦.

‘‘ཨེཀཱསནཾ དདིཏྭཱན, པུཉྙཀྑེཏྟེ ཨནུཏྟརེ;

དྷམྨཔལླངྐམཱདཱཡ [དྷམྨཔལླངྐམཉྙཱཡ (སྱཱ. ཀ.)], ཝིཧརཱམི ཨནཱསཝོ.

༥༧.

‘‘སཏསཧསྶིཏོ ཀཔྤེ, ཡཾ དཱནམདདིཾ ཏདཱ;

དུགྒཏིཾ ནཱབྷིཛཱནཱམི, ཨེཀཱསནསྶིདཾ ཕལཾ.

༥༨.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༥༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༦༠.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨེཀཱསནདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཨེཀཱསནདཱཡཀཏྠེརསྶཱཔདཱནཾ ཏཏིཡཾ.

༤. སཏྟཀདམྦཔུཔྥིཡཏྠེརཨཔདཱནཾ

༦༡.

‘‘ཧིམཝནྟསྶཱཝིདཱུརེ, ཀུཀྐུཊོ [ཀདམྦོ (སཱི. སྱཱ. པཱི.)] ནཱམ པབྦཏོ;

ཏམྷི པབྦཏཔཱདམྷི, སཏྟ བུདྡྷཱ ཝསིཾསུ ཏེ.

༦༢.

‘‘ཀདམྦཾ པུཔྥིཏཾ དིསྭཱ, པགྒཧེཏྭཱན ཨཉྫལིཾ;

སཏྟ མཱལཱ གཧེཏྭཱན, པུཉྙཙིཏྟེན [པུཎྞཙིཏྟེན (ཀ.)] ཨོཀིརིཾ.

༦༣.

‘‘ཏེན ¶ ཀམྨེན སུཀཏེན, ཙེཏནཱཔཎིདྷཱིཧི ཙ;

ཛཧིཏྭཱ མཱནུསཾ དེཧཾ, ཏཱཝཏིཾསམགཙྪཧཾ.

༦༤.

‘‘ཙཏུནྣཝུཏིཏོ ¶ ཀཔྤེ, ཡཾ ཀམྨམཀརིཾ ཏདཱ;

དུགྒཏིཾ ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༦༥.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༦༦.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༦༧.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ སཏྟཀདམྦཔུཔྥིཡོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

སཏྟཀདམྦཔུཔྥིཡཏྠེརསྶཱཔདཱནཾ ཙཏུཏྠཾ.

༥. ཀོརཎྜཔུཔྥིཡཏྠེརཨཔདཱནཾ

༦༨.

‘‘ཝནཀམྨིཀོ པུརེ ཨཱསིཾ, པིཏུམཱཏུམཏེནཧཾ [པིཏུཔིཏཱམཧེནཧཾ (སཱི. སྱཱ. པཱི.)];

པསུམཱརེན ཛཱིཝཱམི, ཀུསལཾ མེ ན ཝིཛྫཏི.

༦༩.

‘‘མམ ཨཱསཡསཱམནྟཱ, ཏིསྶོ ལོཀགྒནཱཡཀོ;

པདཱནི ཏཱིཎི དསྶེསི, ཨནུཀམྤཱཡ ཙཀྑུམཱ.

༧༠.

‘‘ཨཀྐནྟེ ཙ པདེ དིསྭཱ, ཏིསྶནཱམསྶ སཏྠུནོ;

ཧཊྛོ ཧཊྛེན ཙིཏྟེན, པདེ ཙིཏྟཾ པསཱདཡིཾ.

༧༡.

‘‘ཀོརཎྜཾ ¶ པུཔྥིཏཾ དིསྭཱ, པཱདཔཾ དྷརཎཱིརུཧཾ;

སཀོསཀཾ གཧེཏྭཱན, པདསེཊྛམཔཱུཛཡིཾ.

༧༢.

‘‘ཏེན ཀམྨེན སུཀཏེན, ཙེཏནཱཔཎིདྷཱིཧི ཙ;

ཛཧིཏྭཱ མཱནུསཾ དེཧཾ, ཏཱཝཏིཾསམགཙྪཧཾ.

༧༣.

‘‘ཡཾ ཡཾ ཡོནུཔཔཛྫཱམི, དེཝཏྟཾ ཨཐ མཱནུསཾ;

ཀོརཎྜཝཎྞཀོཡེཝ, སུཔྤབྷཱསོ བྷཝཱམཧཾ.

༧༤.

‘‘དྭེནཝུཏེ ཨིཏོ ཀཔྤེ, ཡཾ ཀམྨམཀརིཾ ཏདཱ;

དུགྒཏིཾ ནཱབྷིཛཱནཱམི, པདཔཱུཛཱཡིདཾ ཕལཾ.

༧༥.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༧༦.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༧༧.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཀོརཎྜཔུཔྥིཡོ ཐེརོ ཨིམཱ གཱཐཱཡོ ཨབྷཱསིཏྠཱཏི;

ཀོརཎྜཔུཔྥིཡཏྠེརསྶཱཔདཱནཾ པཉྩམཾ.

༦. གྷཏམཎྜདཱཡཀཏྠེརཨཔདཱནཾ

༧༨.

‘‘སུཙིནྟིཏཾ ¶ ¶ བྷགཝནྟཾ, ལོཀཛེཊྛཾ ནརཱསབྷཾ;

ཨུཔཝིཊྛཾ མཧཱརཉྙཾ, ཝཱཏཱབཱདྷེན པཱིལི༹ཏཾ.

༧༩.

‘‘དིསྭཱ ¶ ཙིཏྟཾ པསཱདེཏྭཱ, གྷཏམཎྜམུཔཱནཡིཾ;

ཀཏཏྟཱ ¶ ཨཱཙིཏཏྟཱ ཙ, གངྒཱ བྷཱགཱིརཐཱི ཨཡཾ.

༨༠.

‘‘མཧཱསམུདྡཱ ཙཏྟཱརོ, གྷཏཾ སམྤཛྫརེ མམ;

ཨཡཉྩ པཐཝཱི གྷོརཱ, ཨཔྤམཱཎཱ ཨསངྑིཡཱ.

༨༡.

‘‘མམ སངྐཔྤམཉྙཱཡ, བྷཝཏེ མདྷུསཀྐརཱ;

ཙཱཏུདྡཱིཔཱ [ཙཏུདྡིསཱ (སྱཱ.)] ཨིམེ རུཀྑཱ, པཱདཔཱ དྷརཎཱིརུཧཱ.

༨༢.

‘‘མམ སངྐཔྤམཉྙཱཡ, ཀཔྤརུཀྑཱ བྷཝནྟི ཏེ;

པཉྙཱསཀྑཏྟུཾ དེཝིནྡོ, དེཝརཛྫམཀཱརཡིཾ.

༨༣.

‘‘ཨེཀཔཉྙཱསཀྑཏྟུཉྩ, ཙཀྐཝཏྟཱི ཨཧོསཧཾ;

པདེསརཛྫཾ ཝིཔུལཾ, གཎནཱཏོ ཨསངྑིཡཾ.

༨༤.

‘‘ཙཏུནྣཝུཏིཏོ ཀཔྤེ, ཡཾ དཱནམདདིཾ ཏདཱ;

དུགྒཏིཾ ནཱབྷིཛཱནཱམི, གྷཏམཎྜསྶིདཾ ཕལཾ.

༨༥.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༨༦.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༨༧.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ གྷཏམཎྜདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

གྷཏམཎྜདཱཡཀཏྠེརསྶཱཔདཱནཾ ཚཊྛཾ.

༧. ཨེཀདྷམྨསྶཝནིཡཏྠེརཨཔདཱནཾ

༨༨.

‘‘པདུམུཏྟརོ ¶ ནཱམ ཛིནོ, སབྦདྷམྨཱན པཱརགཱུ;

ཙཏུསཙྩཾ པཀཱསེནྟོ, སནྟཱརེསི བཧུཾ ཛནཾ.

༨༩.

‘‘ཨཧཾ ¶ ¶ ཏེན སམཡེན, ཛཊིལོ ཨུགྒཏཱཔནོ;

དྷུནནྟོ ཝཱཀཙཱིརཱནི, གཙྪཱམི ཨམྦརེ ཏདཱ.

༩༠.

‘‘བུདྡྷསེཊྛསྶ ཨུཔརི, གནྟུཾ ན ཝིསཧཱམཧཾ;

པཀྑཱིཝ སེལམཱསཛྫ, གམནཾ ན ལབྷཱམཧཾ.

༩༡.

‘‘ཨུདཀེ ཝོཀྐམིཏྭཱན, ཨེཝཾ གཙྪཱམི ཨམྦརེ;

ན མེ ཨིདཾ བྷཱུཏཔུབྦཾ, ཨིརིཡཱཔཐཝིཀོཔནཾ.

༩༢.

‘‘ཧནྡ མེཏཾ གཝེསིསྶཾ, ཨཔྤེཝཏྠཾ ལབྷེཡྻཧཾ;

ཨོརོཧནྟོ ཨནྟལིཀྑཱ, སདྡམསྶོསི སཏྠུནོ.

༩༣.

‘‘སརེན རཛནཱིཡེན, སཝནཱིཡེན ཝགྒུནཱ;

ཨནིཙྩཏཾ ཀཐེནྟསྶ, ཏཉྙེཝ ཨུགྒཧིཾ ཏདཱ;

ཨནིཙྩསཉྙམུགྒཡ྄ཧ ¶ , ཨགམཱསིཾ མམསྶམཾ.

༩༤.

‘‘ཡཱཝཏཱཡུཾ ཝསིཏྭཱན, ཏཏྠ ཀཱལངྐཏོ ཨཧཾ;

ཙརིམེ ཝཏྟམཱནམྷི, སདྡྷམྨསྶཝནཾ སརིཾ.

༩༥.

‘‘ཏེན ཀམྨེན སུཀཏེན, ཙེཏནཱཔཎིདྷཱིཧི ཙ;

ཛཧིཏྭཱ མཱནུསཾ དེཧཾ, ཏཱཝཏིཾསམགཙྪཧཾ.

༩༦.

‘‘ཏིཾསཀཔྤསཧསྶཱནི, དེཝལོཀེ རམིཾ ཨཧཾ;

ཨེཀཔཉྙཱསཀྑཏྟུཉྩ ¶ , དེཝརཛྫམཀཱརཡིཾ.

༩༧.

‘‘ཨེཀཝཱིསཏིཀྑཏྟུཉྩ [ཨེཀཏིཾསཏི… (སྱཱ.)], ཙཀྐཝཏྟཱི ཨཧོསཧཾ;

པདེསརཛྫཾ ཝིཔུལཾ, གཎནཱཏོ ཨསངྑིཡཾ.

༩༨.

‘‘ཨནུབྷོམི སཀཾ པུཉྙཾ, སུཁིཏོཧཾ བྷཝཱབྷཝེ;

ཨནུསྶརཱམི ཏཾ སཉྙཾ, སཾསརནྟོ བྷཝཱབྷཝེ;

ན ཀོཊིཾ པཊིཝིཛ྄ཛྷཱམི, ནིབྦཱནཾ ཨཙྩུཏཾ པདཾ.

༩༩.

‘‘པིཏུགེཧེ ནིསཱིདིཏྭཱ, སམཎོ བྷཱཝིཏིནྡྲིཡོ;

ཀཐཾས [ཀཐཡཾ (སཱི. པཱི. ཀ.)] པརིདཱིཔེནྟོ, ཨནིཙྩཏམུདཱཧརི.

༡༠༠.

‘‘‘ཨནིཙྩཱ ཝཏ སངྑཱརཱ, ཨུཔྤཱདཝཡདྷམྨིནོ;

ཨུཔྤཛྫིཏྭཱ ནིརུཛ྄ཛྷནྟི, ཏེསཾ ཝཱུཔསམོ སུཁོ’.

༡༠༡.

‘‘སཧ ¶ གཱཐཾ སུཎིཏྭཱན, པུབྦསཉྙམནུསྶརིཾ;

ཨེཀཱསནེ ནིསཱིདིཏྭཱ, ཨརཧཏྟམཔཱཔུཎིཾ.

༡༠༢.

‘‘ཛཱཏིཡཱ ¶ སཏྟཝསྶེན, ཨརཧཏྟམཔཱཔུཎིཾ;

ཨུཔསམྤཱདཡཱི བུདྡྷོ, དྷམྨསྶཝནསྶིདཾ ཕལཾ.

༡༠༣.

‘‘སཏསཧསྶིཏོ ཀཔྤེ, ཡཾ དྷམྨམསུཎིཾ ཏདཱ;

དུགྒཏིཾ ནཱབྷིཛཱནཱམི, དྷམྨསྶཝནསྶིདཾ ཕལཾ.

༡༠༤.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༠༥.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༠༦.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨེཀདྷམྨསྶཝནིཡོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

ཨེཀདྷམྨསྶཝནིཡཏྠེརསྶཱཔདཱནཾ སཏྟམཾ.

༨. སུཙིནྟིཏཏྠེརཨཔདཱནཾ

༡༠༧.

‘‘ནགརེ ཧཾསཝཏིཡཱ, ཨཧོསིཾ ཀསྶཀོ ཏདཱ;

ཀསིཀམྨེན ཛཱིཝཱམི, ཏེན པོསེམི དཱརཀེ.

༡༠༨.

‘‘སུསམྤནྣཾ ¶ ཏདཱ ཁེཏྟཾ, དྷཉྙཾ མེ ཕལིནཾ [ཕལིཏཾ (སཱི. པཱི.)] ཨཧུ;

པཱཀཀཱལེ ཙ སམྤཏྟེ, ཨེཝཾ ཙིནྟེསཧཾ ཏདཱ.

༡༠༩.

‘‘ནཙྪནྣཾ ནཔྤཏིརཱུཔཾ, ཛཱནནྟསྶ གུཎཱགུཎཾ;

ཡོཧཾ སངྒྷེ ཨདཏྭཱན, ཨགྒཾ བྷུཉྫེཡྻ ཙེ ཏདཱ [མཏྟནཱ (སྱཱ.)].

༡༡༠.

‘‘ཨཡཾ བུདྡྷོ ཨསམསམོ, དྭཏྟིཾསཝརལཀྑཎོ;

ཏཏོ པབྷཱཝིཏོ སངྒྷོ, པུཉྙཀྑེཏྟོ ཨནུཏྟརོ.

༡༡༡.

‘‘ཏཏྠ དསྶཱམཧཾ དཱནཾ, ནཝསསྶཾ པུརེ པུརེ;

ཨེཝཱཧཾ ཙིནྟཡིཏྭཱན, ཧཊྛོ པཱིཎིཏམཱནསོ [པཱིཏིཀ… (སྱཱ.)].

༡༡༢.

‘‘ཁེཏྟཏོ ¶ དྷཉྙམཱཧཏྭཱ, སམྦུདྡྷཾ ཨུཔསངྐམིཾ;

ཨུཔསངྐམྨ སམྦུདྡྷཾ, ལོཀཛེཊྛཾ ནརཱསབྷཾ;

ཝནྡིཏྭཱ སཏྠུནོ པཱདེ, ཨིདཾ ཝཙནམབྲཝིཾ.

༡༡༣.

‘‘‘ནཝསསྶཉྩ སམྤནྣཾ, ཨཱཡཱགོསི [ཨིདྷ ཧོསི (སྱཱ.)] ཙ ཏྭཾ མུནེ;

ཨནུཀམྤམུཔཱདཱཡ ¶ , ཨདྷིཝཱསེཧི ཙཀྑུམ’.

༡༡༤.

‘‘པདུམུཏྟརོ ¶ ལོཀཝིདཱུ, ཨཱཧུཏཱིནཾ པཊིགྒཧོ;

མམ སངྐཔྤམཉྙཱཡ, ཨིདཾ ཝཙནམབྲཝི.

༡༡༥.

‘‘‘ཙཏྟཱརོ ཙ པཊིཔནྣཱ, ཙཏྟཱརོ ཙ ཕལེ ཋིཏཱ;

ཨེས སངྒྷོ ཨུཛུབྷཱུཏོ, པཉྙཱསཱིལསམཱཧིཏོ;

ཡཛནྟཱནཾ མནུསྶཱནཾ, པུཉྙཔེཀྑཱན པཱཎིནཾ.

༡༡༦.

‘‘‘ཀརོཏོཔདྷིཀཾ པུཉྙཾ, སངྒྷེ དིནྣཾ མཧཔྥལཾ;

ཏསྨིཾ སངྒྷེཝ [སཾགྷེ ཙ (སྱཱ. པཱི.)] དཱཏབྦཾ, ཏཝ སསྶཾ ཏཐེཏརཾ.

༡༡༧.

‘‘‘སངྒྷཏོ ཨུདྡིསིཏྭཱན, བྷིཀྑཱུ ནེཏྭཱན སཾགྷརཾ;

པཊིཡཏྟཾ གྷརེ སནྟཾ, བྷིཀྑུསངྒྷསྶ དེཧི ཏྭཾ’.

༡༡༨.

‘‘སངྒྷཏོ ཨུདྡིསིཏྭཱན, བྷིཀྑཱུ ནེཏྭཱན སཾགྷརཾ;

ཡཾ གྷརེ པཊིཡཏྟཾ མེ, བྷིཀྑུསངྒྷསྶདཱསཧཾ.

༡༡༩.

‘‘ཏེན ཀམྨེན སུཀཏེན, ཙེཏནཱཔཎིདྷཱིཧི ཙ;

ཛཧིཏྭཱ མཱནུསཾ དེཧཾ, ཏཱཝཏིཾསམགཙྪཧཾ.

༡༢༠.

‘‘ཏཏྠ མེ སུཀཏཾ བྱམྷཾ, སོཝཎྞཾ སཔྤབྷསྶརཾ;

སཊྛིཡོཛནམུབྦེདྷཾ, ཏིཾསཡོཛནཝིཏྠཏཾ.

ཨེཀཱུནཝཱིསཏིམཾ བྷཱཎཝཱརཾ.

༡༢༡.

‘‘ཨཱཀིཎྞཾ བྷཝནཾ མཡ྄ཧཾ, ནཱརཱིགཎསམཱཀུལཾ;

ཏཏྠ བྷུཏྭཱ པིཝིཏྭཱ ཙ, ཝསཱམི ཏིདསེ ཨཧཾ.

༡༢༢.

‘‘སཏཱནཾ ¶ ཏཱིཎིཀྑཏྟུཉྩ, དེཝརཛྫམཀཱརཡིཾ;

སཏཱནཾ པཉྩཀྑཏྟུཉྩ, ཙཀྐཝཏྟཱི ཨཧོསཧཾ;

པདེསརཛྫཾ ཝིཔུལཾ, གཎནཱཏོ ཨསངྑིཡཾ.

༡༢༣.

‘‘བྷཝཱབྷཝེ ¶ ¶ སཾསརནྟོ, ལབྷཱམི ཨམིཏཾ དྷནཾ;

བྷོགེ མེ ཨཱུནཏཱ ནཏྠི, ནཝསསྶསྶིདཾ ཕལཾ.

༡༢༤.

‘‘ཧཏྠིཡཱནཾ ཨསྶཡཱནཾ, སིཝིཀཾ སནྡམཱནིཀཾ;

ལབྷཱམི སབྦམེཝེཏཾ [སབྦམེཏམྤི (ཀ.)], ནཝསསྶསྶིདཾ ཕལཾ.

༡༢༥.

‘‘ནཝཝཏྠཾ ནཝཕལཾ, ནཝགྒརསབྷོཛནཾ;

ལབྷཱམི སབྦམེཝེཏཾ, ནཝསསྶསྶིདཾ ཕལཾ.

༡༢༦.

‘‘ཀོསེཡྻཀམྦལིཡཱནི ¶ , ཁོམཀཔྤཱསིཀཱནི ཙ;

ལབྷཱམི སབྦམེཝེཏཾ, ནཝསསྶསྶིདཾ ཕལཾ.

༡༢༧.

‘‘དཱསཱིགཎཾ དཱསགཎཾ, ནཱརིཡོ ཙ ཨལངྐཏཱ;

ལབྷཱམི སབྦམེཝེཏཾ, ནཝསསྶསྶིདཾ ཕལཾ.

༡༢༨.

‘‘ན མཾ སཱིཏཾ ཝཱ ཨུཎྷཾ ཝཱ, པརིལཱ༹ཧོ ན ཝིཛྫཏི;

ཨཐོ ཙེཏསིཀཾ དུཀྑཾ, ཧདཡེ མེ ན ཝིཛྫཏི.

༡༢༩.

‘‘ཨིདཾ ཁཱད ཨིདཾ བྷུཉྫ, ཨིམམྷི སཡནེ སཡ;

ལབྷཱམི སབྦམེཝེཏཾ, ནཝསསྶསྶིདཾ ཕལཾ.

༡༣༠.

‘‘ཨཡཾ པཙྪིམཀོ དཱནི, ཙརིམོ ཝཏྟཏེ བྷཝོ;

ཨཛྫཱཔི དེཡྻདྷམྨོ མེ, ཕལཾ ཏོསེསི སབྦདཱ.

༡༣༡.

‘‘ནཝསསྶཾ ¶ དདིཏྭཱན, སངྒྷེ གཎཝརུཏྟམེ;

ཨཊྛཱནིསཾསེ ཨནུབྷོམི, ཀམྨཱནུཙྪཝིཀེ མམ.

༡༣༢.

‘‘ཝཎྞཝཱ ཡསཝཱ ཧོམི, མཧཱབྷོགོ ཨནཱིཏིཀོ;

མཧཱཔཀྑོ [མཧཱབྷཀྑོ (སྱཱ. ཀ.)] སདཱ ཧོམི, ཨབྷེཛྫཔརིསོ སདཱ.

༡༣༣.

‘‘སབྦེ མཾ ཨཔཙཱཡནྟི, ཡེ ཀེཙི པཐཝིསྶིཏཱ;

དེཡྻདྷམྨཱ ཙ ཡེ ཀེཙི, པུརེ པུརེ ལབྷཱམཧཾ.

༡༣༤.

‘‘བྷིཀྑུསངྒྷསྶ ཝཱ མཛ྄ཛྷེ, བུདྡྷསེཊྛསྶ སམྨུཁཱ;

སབྦེཔི སམཏིཀྐམྨ, དེནྟི མམེཝ དཱཡཀཱ.

༡༣༥.

‘‘པཋམཾ ནཝསསྶཉྷི, དཏྭཱ སངྒྷེ གཎུཏྟམེ;

ཨིམཱནིསཾསེ ཨནུབྷོམི, ནཝསསྶསྶིདཾ ཕལཾ.

༡༣༦.

‘‘སཏསཧསྶིཏོ ¶ ཀཔྤེ, ཡཾ དཱནམདདིཾ ཏདཱ;

དུགྒཏིཾ ནཱབྷིཛཱནཱམི, ནཝསསྶསྶིདཾ ཕལཾ.

༡༣༧.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ;

༡༣༨.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༣༩.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ སུཙིནྟིཏོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

སུཙིནྟིཏཏྠེརསྶཱཔདཱནཾ ཨཊྛམཾ.

༩. སོཝཎྞཀིངྐཎིཡཏྠེརཨཔདཱནཾ

༡༤༠.

‘‘སདྡྷཱཡ ¶ ¶ ¶ ཨབྷིནིཀྑམྨ, པབྦཛིཾ ཨནགཱརིཡཾ;

ཝཱཀཙཱིརདྷརོ ཨཱསིཾ, ཏཔོཀམྨམཔསྶིཏོ.

༡༤༡.

‘‘ཨཏྠདསྶཱི ཏུ བྷགཝཱ, ལོཀཛེཊྛོ ནརཱསབྷོ;

ཨུཔྤཛྫི ཏམྷི སམཡེ, ཏཱརཡནྟོ མཧཱཛནཾ.

༡༤༢.

‘‘བལཉྩ ཝཏ མེ ཁཱིཎཾ, བྱཱདྷིནཱ པརམེན ཏཾ;

བུདྡྷསེཊྛཾ སརིཏྭཱན, པུལིནེ ཐཱུཔམུཏྟམཾ.

༡༤༣.

‘‘ཀརིཏྭཱ ཧཊྛཙིཏྟོཧཾ, སཧཏྠེན [པསཱདེན (ཀ.)] སམོཀིརིཾ;

སོཎྞཀིངྐཎིཔུཔྥཱནི, ཨུདགྒམནསོ ཨཧཾ.

༡༤༤.

‘‘སམྨུཁཱ ཝིཡ སམྦུདྡྷཾ, ཐཱུཔཾ པརིཙརིཾ ཨཧཾ;

ཏེན ཙེཏོཔསཱདེན, ཨཏྠདསྶིསྶ ཏཱདིནོ.

༡༤༥.

‘‘དེཝལོཀཾ གཏོ སནྟོ, ལབྷཱམི ཝིཔུལཾ སུཁཾ;

སུཝཎྞཝཎྞོ ཏཏྠཱསིཾ, བུདྡྷཔཱུཛཱཡིདཾ ཕལཾ.

༡༤༦.

‘‘ཨསཱིཏིཀོཊིཡོ མཡ྄ཧཾ, ནཱརིཡོ སམལངྐཏཱ;

སདཱ མཡ྄ཧཾ ཨུཔཊྛནྟི, བུདྡྷཔཱུཛཱཡིདཾ ཕལཾ.

༡༤༧.

‘‘སཊྛིཏུརིཡསཧསྶཱནི [སཊྛིཏཱུརིཡ… (ཀ.)], བྷེརིཡོ པཎཝཱནི ཙ;

སངྑཱ ཙ ཌིཎྜིམཱ ཏཏྠ, ཝགྒཱུ ཝཛྫནྟི [ནདནྟི (སཱི.), ཝདནྟི (པཱི.)] དུནྡུབྷཱི.

༡༤༨.

‘‘ཙུལླཱསཱིཏིསཧསྶཱནི ¶ , ཧཏྠིནོ སམལངྐཏཱ;

ཏིདྷཱཔབྷིནྣམཱཏངྒཱ, ཀུཉྫརཱ སཊྛིཧཱཡནཱ.

༡༤༩.

‘‘ཧེམཛཱལཱབྷིསཉྪནྣཱ ¶ , ཨུཔཊྛཱནཾ ཀརོནྟི མེ;

བལཀཱཡེ གཛེ ཙེཝ, ཨཱུནཏཱ མེ ན ཝིཛྫཏི.

༡༥༠.

‘‘སོཎྞཀིངྐཎིཔུཔྥཱནཾ, ཝིཔཱཀཾ ཨནུབྷོམཧཾ;

ཨཊྛཔཉྙཱསཀྑཏྟུཉྩ, དེཝརཛྫམཀཱརཡིཾ.

༡༥༡.

‘‘ཨེཀསཏྟཏིཀྑཏྟུཉྩ, ཙཀྐཝཏྟཱི ཨཧོསཧཾ;

པཐབྱཱ རཛྫཾ ཨེཀསཏཾ, མཧིཡཱ ཀཱརཡིཾ ཨཧཾ.

༡༥༢.

‘‘སོ དཱནི ཨམཏཾ པཏྟོ, ཨསངྑཏཾ སུདུདྡསཾ [གམྦྷཱིརཾ དུདྡསཾ པདཾ (སྱཱ.)];

སཾཡོཛནཔརིཀྑཱིཎོ, ནཏྠི དཱནི པུནབྦྷཝོ.

༡༥༣.

‘‘ཨཊྛཱརསེ ¶ ཀཔྤསཏེ, ཡཾ པུཔྥམབྷིརོཔཡིཾ;

དུགྒཏིཾ ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༡༥༤.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༥༥.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༥༦.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ སོཝཎྞཀིངྐཎིཡོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

སོཝཎྞཀིངྐཎིཡཏྠེརསྶཱཔདཱནཾ ནཝམཾ.

༡༠. སོཎྞཀོནྟརིཀཏྠེརཨཔདཱནཾ

༡༥༧.

‘‘མནོབྷཱཝནིཡཾ ¶ བུདྡྷཾ, ཨཏྟདནྟཾ སམཱཧིཏཾ;

ཨིརིཡམཱནཾ བྲཧྨཔཐེ, ཙིཏྟཝཱུཔསམེ རཏཾ.

༡༥༨.

‘‘ནིཏྟིཎྞཨོགྷཾ སམྦུདྡྷཾ, ཛྷཱཡིཾ ཛྷཱནརཏཾ མུནིཾ;

ཨུཔཏིཏྠཾ སམཱཔནྣཾ, ཨིནྡིཝརདལཔྤབྷཾ.

༡༥༩.

‘‘ཨལཱབུནོདཀཾ གཡ྄ཧ, བུདྡྷསེཊྛཾ ཨུཔཱགམིཾ;

བུདྡྷསྶ པཱདེ དྷོཝིཏྭཱ, ཨལཱབུཀམདཱསཧཾ.

༡༦༠.

‘‘ཨཱཎཱཔེསི ¶ ཙ སམྦུདྡྷོ, པདུམུཏྟརནཱམཀོ;

‘ཨིམིནཱ དཀམཱཧཏྭཱ, པཱདམཱུལེ ཋཔེཧི མེ’.

༡༦༡.

‘‘སཱདྷཱུཏིཧཾ པཊིསྶུཏྭཱ, སཏྠུགཱརཝཏཱཡ ཙ;

དཀཾ ཨལཱབུནཱཧཏྭཱ, བུདྡྷསེཊྛཾ ཨུཔཱགམིཾ.

༡༦༢.

‘‘ཨནུམོདི མཧཱཝཱིརོ, ཙིཏྟཾ ནིབྦཱཔཡཾ མམ;

‘ཨིམིནཱལཱབུདཱནེན, སངྐཔྤོ ཏེ སམིཛ྄ཛྷཏུ’.

༡༦༣.

‘‘པནྣརསེསུ ཀཔྤེསུ, དེཝལོཀེ རམིཾ ཨཧཾ;

ཏིཾསཏིཀྑཏྟུཾ རཱཛཱ ཙ, ཙཀྐཝཏྟཱི ཨཧོསཧཾ.

༡༦༤.

‘‘དིཝཱ ཝཱ ཡདི ཝཱ རཏྟིཾ, ཙངྐམནྟསྶ ཏིཊྛཏོ;

སོཝཎྞཾ ཀོནྟརཾ གཡ྄ཧ, ཏིཊྛཏེ པུརཏོ མམ.

༡༦༥.

‘‘བུདྡྷསྶ ¶ དཏྭཱནལཱབུཾ, ལབྷཱམི སོཎྞཀོནྟརཾ;

ཨཔྤཀམྤི ཀཏཾ ཀཱརཾ, ཝིཔུལཾ ཧོཏི ཏཱདིསུ.

༡༦༦.

‘‘སཏསཧསྶིཏོ ¶ ཀཔྤེ, ཡཾལཱབུམདདིཾ ཏདཱ;

དུགྒཏིཾ ནཱབྷིཛཱནཱམི, ཨལཱབུསྶ ཨིདཾ ཕལཾ.

༡༦༧.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༦༨.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༦༩.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ སོཎྞཀོནྟརིཀོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

སོཎྞཀོནྟརིཀཏྠེརསྶཱཔདཱནཾ དསམཾ.

སཀིཾསམྨཛྫཀཝགྒོ ཏེཙཏྟཱལཱིསམོ.

ཏསྶུདྡཱནཾ –

སཀིཾསམྨཛྫཀོ ¶ ཐེརོ, ཨེཀདུསྶཱི ཨེཀཱསནཱི;

ཀདམྦཀོརཎྜཀདོ, གྷཏསྶཝནིཀོཔི ཙ.

སུཙིནྟིཀོ ཀིངྐཎིཀོ, སོཎྞཀོནྟརིཀོཔི ཙ;

ཨེཀགཱཐཱསཏཉྩེཏྠ, ཨེཀསཏྟཏིམེཝ ཙ.

༤༤. ཨེཀཝིཧཱརིཝགྒོ

༡. ཨེཀཝིཧཱརིཀཏྠེརཨཔདཱནཾ

༡.

‘‘ཨིམམྷི ¶ ¶ ¶ བྷདྡཀེ ཀཔྤེ, བྲཧྨབནྡྷུ མཧཱཡསོ;

ཀསྶཔོ ནཱམ གོཏྟེན, ཨུཔྤཛྫི ཝདཏཾ ཝརོ.

༢.

‘‘ནིཔྤཔཉྩོ ནིརཱལམྦོ, ཨཱཀཱསསམམཱནསོ;

སུཉྙཏཱབཧུལོ ཏཱདཱི, ཨནིམིཏྟརཏོ ཝསཱི.

༣.

‘‘ཨསངྒཙིཏྟོ ནིཀླེསོ [ནིལླེཔོ (སྱཱ. ཀ.)], ཨསཾསཊྛོ ཀུལེ གཎེ;

མཧཱཀཱརུཎིཀོ ཝཱིརོ, ཝིནཡོཔཱཡཀོཝིདོ.

༤.

‘‘ཨུཡྻུཏྟོ པརཀིཙྩེསུ, ཝིནཡནྟོ སདེཝཀེ;

ནིབྦཱནགམནཾ མགྒཾ, གཏིཾ པངྐཝིསོསནཾ.

༥.

‘‘ཨམཏཾ པརམསྶཱདཾ, ཛརཱམཙྩུནིཝཱརཎཾ;

མཧཱཔརིསམཛ྄ཛྷེ སོ, ནིསིནྣོ ལོཀཏཱརཀོ.

༦.

‘‘ཀརཝཱིཀརུཏོ [ཀརཝཱིཀརུདོ (སྱཱ. པཱི. ཀ.)] ནཱཐོ, བྲཧྨགྷོསོ ཏཐཱགཏོ;

ཨུདྡྷརནྟོ མཧཱདུགྒཱ, ཝིཔྤནཊྛེ ཨནཱཡཀེ.

༧.

‘‘དེསེནྟོ ཝིརཛཾ དྷམྨཾ, དིཊྛོ མེ ལོཀནཱཡཀོ;

ཏསྶ དྷམྨཾ སུཎིཏྭཱན, པབྦཛིཾ ཨནགཱརིཡཾ.

༨.

‘‘པབྦཛིཏྭཱ ཏདཱཔཱཧཾ, ཙིནྟེནྟོ ཛིནསཱསནཾ;

ཨེཀཀོཝ ཝནེ རམྨེ, ཝསིཾ སཾསགྒཔཱིལི༹ཏོ.

༩.

‘‘སཀྐཱཡཝཱུཔཀཱསོ ¶ མེ, ཧེཏུབྷཱུཏོ མམཱབྷཝཱི [མམཱགམཱི (སྱཱ. པཱི.)];

མནསོ ཝཱུཔཀཱསསྶ, སཾསགྒབྷཡདསྶིནོ.

༡༠.

‘‘ཀིལེསཱ ¶ ཛྷཱཔིཏཱ མཡ྄ཧཾ, བྷཝཱ སབྦེ སམཱུཧཏཱ;

ནཱགོཝ བནྡྷནཾ ཚེཏྭཱ, ཝིཧརཱམི ཨནཱསཝོ.

༡༡.

‘‘སྭཱགཏཾ ཝཏ མེ ཨཱསི, མམ བུདྡྷསྶ སནྟིཀེ;

ཏིསྶོ ཝིཛྫཱ ཨནུཔྤཏྟཱ, ཀཏཾ བུདྡྷསྶ སཱསནཾ.

༡༢.

‘‘པཊིསམྦྷིདཱ ¶ ¶ ཙཏསྶོ, ཝིམོཀྑཱཔི ཙ ཨཊྛིམེ;

ཚལ༹བྷིཉྙཱ སཙྪིཀཏཱ, ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨེཀཝིཧཱརིཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཨེཀཝིཧཱརིཀཏྠེརསྶཱཔདཱནཾ པཋམཾ.

༢. ཨེཀསངྑིཡཏྠེརཨཔདཱནཾ

༡༣.

‘‘ཝིཔསྶིནོ བྷགཝཏོ, མཧཱབོདྷིམཧོ ཨཧུ;

མཧཱཛནཱ སམཱགམྨ, པཱུཛེནྟི བོདྷིམུཏྟམཾ.

༡༤.

‘‘ན ཧི ཏཾ ཨོརཀཾ མཉྙེ, བུདྡྷསེཊྛོ བྷཝིསྶཏི;

ཡསྶཱཡཾ ཨཱིདིསཱ བོདྷི, པཱུཛནཱིཡཱ [ཨཱིདིསོ བོདྷི, པཱུཛནཱིཡོ (སྱཱ.)] ཙ སཏྠུནོ.

༡༥.

‘‘ཏཏོ སངྑཾ གཧེཏྭཱན, བོདྷིརུཀྑམུཔཊྛཧིཾ;

དྷམནྟོ སབྦདིཝསཾ, ཨཝནྡིཾ བོདྷིམུཏྟམཾ.

༡༦.

‘‘ཨཱསནྣཀེ ཀཏཾ ཀམྨཾ, དེཝལོཀཾ ཨཔཱཔཡཱི;

ཀལེ༹ཝརཾ མེ པཏིཏཾ, དེཝལོཀེ རམཱམཧཾ.

༡༧.

‘‘སཊྛིཏུརིཡསཧསྶཱནི ¶ , ཏུཊྛཧཊྛཱ པམོདིཏཱ;

སདཱ མཡ྄ཧཾ ཨུཔཊྛནྟི, བུདྡྷཔཱུཛཱཡིདཾ ཕལཾ.

༡༨.

‘‘ཨེཀསཏྟཏིམེ ཀཔྤེ, རཱཛཱ ཨཱསིཾ སུདསྶནོ;

ཙཱཏུརནྟོ ཝིཛིཏཱཝཱི, ཛམྦུམཎྜསྶ ཨིསྶརོ.

༡༩.

‘‘ཏཏོ ཨངྒསཏཱ ཏུརིཡཱ [ཏཱུརཱ (སཱི. ཀ.)], པརིཝཱརེནྟི མཾ སདཱ;

ཨནུབྷོམི སཀཾ ཀམྨཾ, ཨུཔཊྛཱནསྶིདཾ ཕལཾ.

༢༠.

‘‘ཡཾ ཡཾ ཡོནུཔཔཛྫཱམི, དེཝཏྟཾ ཨཐ མཱནུསཾ;

མཱཏུཀུཙྪིགཏསྶཱཔི, ཝཛྫརེ བྷེརིཡོ སདཱ.

༢༡.

‘‘ཨུཔཊྛིཏྭཱན སམྦུདྡྷཾ, ཨནུབྷུཏྭཱན སམྤདཱ;

སིཝཾ སུཁེམཾ ཨམཏཾ, པཏྟོམྷི ཨཙལཾ པདཾ.

༢༢.

‘‘ཨེཀནཝུཏིཏོ ཀཔྤེ, ཡཾ ཀམྨམཀརིཾ ཏདཱ;

དུགྒཏིཾ ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༢༣.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༢༤.

‘‘སྭཱགཏཾ ¶ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༢༥.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨེཀསངྑིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཨེཀསངྑིཡཏྠེརསྶཱཔདཱནཾ དུཏིཡཾ.

༣. པཱཊིཧཱིརསཉྙཀཏྠེརཨཔདཱནཾ

༢༦.

‘‘པདུམུཏྟརོ ¶ ¶ ནཱམ ཛིནོ, ཨཱཧུཏཱིནཾ པཊིགྒཧོ;

ཝསཱིསཏསཧསྶེཧི, ནགརཾ པཱཝིསཱི ཏདཱ.

༢༧.

‘‘ནགརཾ པཝིསནྟསྶ, ཨུཔསནྟསྶ ཏཱདིནོ;

རཏནཱནི པཛྫོཏིཾསུ [པནཱདིཾསུ (པཱི.)], ནིགྒྷོསོ ཨཱསི ཏཱཝདེ.

༢༨.

‘‘བུདྡྷསྶ ཨཱནུབྷཱཝེན, བྷེརཱི ཝཛྫུམགྷཊྚིཏཱ;

སཡཾ ཝཱིཎཱ པཝཛྫནྟི, བུདྡྷསྶ པཝིསཏོ པུརཾ.

༢༩.

‘‘བུདྡྷསེཊྛཾ ནམསྶཱམི [ན པསྶཱམི (སཱི.)], པདུམུཏྟརམཧཱམུནིཾ;

པཱཊིཧཱིརཉྩ པསྶིཏྭཱ, ཏཏྠ ཙིཏྟཾ པསཱདཡིཾ.

༣༠.

‘‘ཨཧོ བུདྡྷོ ཨཧོ དྷམྨོ, ཨཧོ ནོ སཏྠུསམྤདཱ;

ཨཙེཏནཱཔི ཏུརིཡཱ, སཡམེཝ པཝཛྫརེ.

༣༡.

‘‘སཏསཧསྶིཏོ ཀཔྤེ, ཡཾ སཉྙམལབྷིཾ ཏདཱ;

དུགྒཏིཾ ནཱབྷིཛཱནཱམི, བུདྡྷསཉྙཱཡིདཾ ཕལཾ.

༣༢.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༣༣.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༣༤.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ ¶ སུདཾ ཨཱཡསྨཱ པཱཊིཧཱིརསཉྙཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

པཱཊིཧཱིརསཉྙཀཏྠེརསྶཱཔདཱནཾ ཏཏིཡཾ.

༤. ཉཱཎཏྠཝིཀཏྠེརཨཔདཱནཾ

༣༥.

‘‘ཀཎིཀཱརཾཝ ¶ ¶ ཛལིཏཾ, དཱིཔརུཀྑཾཝ ཛོཏིཏཾ;

ཀཉྩནཾཝ ཝིརོཙནྟཾ, ཨདྡསཾ དྭིཔདུཏྟམཾ.

༣༦.

‘‘ཀམཎྜལུཾ ཋཔེཏྭཱན, ཝཱཀཙཱིརཉྩ ཀུཎྜིཀཾ;

ཨེཀཾསཾ ཨཛིནཾ ཀཏྭཱ, བུདྡྷསེཊྛཾ ཐཝིཾ ཨཧཾ.

༣༧.

‘‘‘ཏམནྡྷཀཱརཾ ཝིདྷམཾ, མོཧཛཱལསམཱཀུལཾ;

ཉཱཎཱལོཀཾ དསྶེཏྭཱན, ནིཏྟིཎྞོསི མཧཱམུནི.

༣༨.

‘‘‘སམུདྡྷརསིམཾ ལོཀཾ, སབྦཱཝནྟམནུཏྟརཾ;

ཉཱཎེ ཏེ ཨུཔམཱ ནཏྠི, ཡཱཝཏཱཛགཏོགཏི [ཡཱཝཏཱ ཙ གཏོགཏི (པཱི. ཀ.)].

༣༩.

‘‘‘ཏེན ཉཱཎེན སབྦཉྙཱུ, ཨིཏི བུདྡྷོ པཝུཙྩཏི;

ཝནྡཱམི ཏཾ མཧཱཝཱིརཾ, སབྦཉྙུཏམནཱཝརཾ’.

༤༠.

‘‘སཏསཧསྶིཏོ ¶ ཀཔྤེ, བུདྡྷསེཊྛཾ ཐཝིཾ ཨཧཾ;

དུགྒཏིཾ ནཱབྷིཛཱནཱམི, ཉཱཎཏྠཝཱཡིདཾ ཕལཾ;

༤༡.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ;

༤༢.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༤༣.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཉཱཎཏྠཝིཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཉཱཎཏྠཝིཀཏྠེརསྶཱཔདཱནཾ ཙཏུཏྠཾ.

༥. ཨུཙྪུཁཎྜིཀཏྠེརཨཔདཱནཾ

༤༤.

‘‘ནགརེ བནྡྷུམཏིཡཱ, དྭཱརཔཱལོ ཨཧོསཧཾ;

ཨདྡསཾ ཝིརཛཾ བུདྡྷཾ, སབྦདྷམྨཱན པཱརགུཾ.

༤༥.

‘‘ཨུཙྪུཁཎྜིཀམཱདཱཡ, བུདྡྷསེཊྛསྶདཱསཧཾ;

པསནྣཙིཏྟོ སུམནོ, ཝིཔསྶིསྶ མཧེསིནོ.

༤༦.

‘‘ཨེཀནཝུཏིཏོ ¶ ¶ ཀཔྤེ, ཡཾ ཨུཙྪུམདདིཾ ཏདཱ;

དུགྒཏིཾ ནཱབྷིཛཱནཱམི, ཨུཙྪུཁཎྜསྶིདཾ ཕལཾ.

༤༧.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༤༨.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༤༩.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨུཙྪུཁཎྜིཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཨུཙྪུཁཎྜིཀཏྠེརསྶཱཔདཱནཾ པཉྩམཾ.

༦. ཀལ༹མྦདཱཡཀཏྠེརཨཔདཱནཾ

༥༠.

‘‘རོམསོ ¶ ནཱམ སམྦུདྡྷོ, ཝསཏེ པབྦཏནྟརེ;

ཀལ༹མྦཾ ཏསྶ པཱདཱསིཾ, པསནྣོ སེཧི པཱཎིབྷི.

༥༡.

‘‘ཙཏུནྣཝུཏིཏོ ཀཔྤེ, ཡཾ དཱནམདདིཾ ཏདཱ;

དུགྒཏིཾ ནཱབྷིཛཱནཱམི, ཀལ༹མྦསྶ ཨིདཾ ཕལཾ.

༥༢.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༥༣.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༥༤.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཀལ༹མྦདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཀལ༹མྦདཱཡཀཏྠེརསྶཱཔདཱནཾ ཚཊྛཾ.

༧. ཨམྦཱཊཀདཱཡཀཏྠེརཨཔདཱནཾ

༥༥.

‘‘ཝིཔིནེ ¶ བུདྡྷཾ དིསྭཱན, སཡམྦྷུཾ ཨཔརཱཛིཏཾ;

ཨམྦཱཊཀཾ གཧེཏྭཱན, སཡམྦྷུསྶ ཨདཱསཧཾ.

༥༦.

‘‘ཨེཀཏིཾསེ ¶ ཨིཏོ ཀཔྤེ, ཡཾ ཕལམདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༥༧.

‘‘ཀིལེསཱ ¶ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༥༨.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༥༩.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨམྦཱཊཀདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཨམྦཱཊཀདཱཡཀཏྠེརསྶཱཔདཱནཾ སཏྟམཾ.

༨. ཧརཱིཏཀདཱཡཀཏྠེརཨཔདཱནཾ

༦༠.

‘‘ཧརཱིཏཀཾ ཨཱམལཀཾ, ཨམྦཛམྦུཝིབྷཱིཏཀཾ;

ཀོལཾ བྷལླཱཏཀཾ བིལླཾ, སཡམེཝ ཧརཱམཧཾ.

༦༡.

‘‘དིསྭཱན པབྦྷཱརགཏཾ, ཛྷཱཡིཾ ཛྷཱནརཏཾ མུནིཾ;

ཨཱབཱདྷེན ཨཱཔཱིལེ༹ནྟཾ, ཨདུཏཱིཡཾ མཧཱམུནིཾ.

༦༢.

‘‘ཧརཱིཏཀཾ གཧེཏྭཱན, སཡམྦྷུསྶ ཨདཱསཧཾ;

ཁཱདམཏྟམྷི བྷེསཛྫེ, བྱཱདྷི པསྶམྦྷི [པསྶདྡྷི (ཀ.)] ཏཱཝདེ.

༦༣.

‘‘པཧཱིནདརཐོ བུདྡྷོ, ཨནུམོདམཀཱསི མེ;

‘བྷེསཛྫདཱནེནིམིནཱ, བྱཱདྷིཝཱུཔསམེན ཙ.

༦༤.

‘‘‘དེཝབྷཱུཏོ མནུསྶོ ཝཱ, ཛཱཏོ ཝཱ ཨཉྙཛཱཏིཡཱ;

སབྦཏྠ སུཁིཏོ ཧོཏུ, མཱ ཙ ཏེ བྱཱདྷིམཱགམཱ’.

༦༥.

‘‘ཨིདཾ ¶ ཝཏྭཱན སམྦུདྡྷོ, སཡམྦྷཱུ ཨཔརཱཛིཏོ;

ནབྷཾ ཨབྦྷུགྒམཱི དྷཱིརོ, ཧཾསརཱཛཱཝ ཨམྦརེ.

༦༦.

‘‘ཡཏོ ཧརཱིཏཀཾ དིནྣཾ, སཡམྦྷུསྶ མཧེསིནོ;

ཨིམཾ ཛཱཏིཾ ཨུཔཱདཱཡ, བྱཱདྷི མེ ནུཔཔཛྫཐ.

༦༧.

‘‘ཨཡཾ པཙྪིམཀོ མཡ྄ཧཾ, ཙརིམོ ཝཏྟཏེ བྷཝོ;

ཏིསྶོ ཝིཛྫཱ སཙྪིཀཏཱ, ཀཏཾ བུདྡྷསྶ སཱསནཾ.

༦༨.

‘‘ཙཏུནྣཝུཏིཏོ ཀཔྤེ, བྷེསཛྫམདདིཾ ཏདཱ;

དུགྒཏིཾ ནཱབྷིཛཱནཱམི, བྷེསཛྫསྶ ཨིདཾ ཕལཾ.

༦༩.

‘‘ཀིལེསཱ ¶ ¶ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༧༠.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༧༡.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཧརཱིཏཀདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཧརཱིཏཀདཱཡཀཏྠེརསྶཱཔདཱནཾ ཨཊྛམཾ.

༩. ཨམྦཔིཎྜིཡཏྠེརཨཔདཱནཾ

༧༢.

‘‘ཧཏྠིརཱཛཱ ཏདཱ ཨཱསིཾ, ཨཱིསཱདནྟོ ཨུརུལ༹ྷཝཱ;

ཝིཙརནྟོ བྲཧཱརཉྙེ, ཨདྡསཾ ལོཀནཱཡཀཾ.

༧༣.

‘‘ཨམྦཔིཎྜཾ ¶ གཧེཏྭཱན, ཨདཱསིཾ སཏྠུནོ ཨཧཾ;

པཊིགྒཎྷི མཧཱཝཱིརོ, སིདྡྷཏྠོ ལོཀནཱཡཀོ.

༧༤.

‘‘མམ ནིཛ྄ཛྷཱཡམཱནསྶ, པརིབྷུཉྫི ཏདཱ ཛིནོ;

ཏཏྠ ཙིཏྟཾ པསཱདེཏྭཱ, ཏུསིཏཾ ཨུཔཔཛྫཧཾ.

༧༥.

‘‘ཏཏོ ཨཧཾ ཙཝིཏྭཱན, ཙཀྐཝཏྟཱི ཨཧོསཧཾ;

ཨེཏེནེཝ ཨུཔཱཡེན, ཨནུབྷུཏྭཱན སམྤདཱ.

༧༦.

‘‘པདྷཱནཔཧིཏཏྟོཧཾ, ཨུཔསནྟོ ནིརཱུཔདྷི;

སབྦཱསཝེ པརིཉྙཱཡ, ཝིཧརཱམི ཨནཱསཝོ.

༧༧.

‘‘ཙཏུནྣཝུཏིཏོ ཀཔྤེ, ཡཾ ཕལམདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༧༨.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༧༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༨༠.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨམྦཔིཎྜིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཨམྦཔིཎྜིཡཏྠེརསྶཱཔདཱནཾ ནཝམཾ.

༡༠. ཨམྦཕལིཡཏྠེརཨཔདཱནཾ

༨༡.

‘‘པདུམུཏྟརབུདྡྷསྶ ¶ ¶ ¶ , ལོཀཛེཊྛསྶ ཏཱདིནོ;

པིཎྜཱཡ ཝིཙརནྟསྶ, དྷཱརཏོ ཨུཏྟམཾ ཡསཾ.

༨༢.

‘‘ཨགྒཕལཾ གཧེཏྭཱན, ཝིཔྤསནྣེན ཙེཏསཱ;

དཀྑིཎེཡྻསྶ ཝཱིརསྶ, ཨདཱསིཾ སཏྠུནོ ཨཧཾ.

༨༣.

‘‘ཏེན ཀམྨེན དྭིཔདིནྡ [དིཔདིནྡ (སཱི. སྱཱ. པཱི.)], ལོཀཛེཊྛ ནརཱསབྷ;

པཏྟོམྷི ཨཙལཾ ཋཱནཾ, ཧིཏྭཱ ཛཡཔརཱཛཡཾ.

༨༤.

‘‘སཏསཧསྶིཏོ ¶ ཀཔྤེ, ཡཾ དཱནམདདིཾ ཏདཱ;

དུགྒཏིཾ ནཱབྷིཛཱནཱམི, ཨགྒདཱནསྶིདཾ ཕལཾ.

༨༥.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༨༦.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༨༧.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨམྦཕལིཡོ ཐེརོ ཨིམཱ གཱཐཱཡོ ཨབྷཱསིཏྠཱཏི;

ཨམྦཕལིཡཏྠེརསྶཱཔདཱནཾ དསམཾ.

ཨེཀཝིཧཱརིཝགྒོ ཙཏུཙཏྟཱལཱིསམོ.

ཏསྶུདྡཱནཾ –

ཐེརོ ¶ ཨེཀཝིཧཱརཱི ཙ, སངྑིཡོ པཱཊིཧཱིརཀོ;

ཐཝིཀོ ཨུཙྪུཁཎྜཱི ཙ, ཀལ༹མྦཨམྦཱཊཀདོ.

ཧརཱིཏཀམྦཔིཎྜཱི ཙ, ཨམྦདོ དསམོ ཡཏི;

ཚལ༹སཱིཏི ཙ གཱཐཱཡོ, གཎིཏཱཡོ ཝིབྷཱཝིབྷི.

༤༥. ཝིབྷཱིཏཀཝགྒོ

༡. ཝིབྷཱིཏཀམིཉྫིཡཏྠེརཨཔདཱནཾ

༡.

‘‘ཀཀུསནྡྷོ ¶ ¶ ¶ མཧཱཝཱིརོ, སབྦདྷམྨཱན པཱརགཱུ;

གཎམྷཱ ཝཱུཔཀཊྛོ སོ, ཨགམཱསི ཝནནྟརཾ.

༢.

‘‘བཱིཛམིཉྫཾ གཧེཏྭཱན, ལཏཱཡ ཨཱཝུཎིཾ ཨཧཾ;

བྷགཝཱ ཏམྷི སམཡེ, ཛྷཱཡཏེ པབྦཏནྟརེ.

༣.

‘‘དིསྭཱནཧཾ དེཝདེཝཾ, ཝིཔྤསནྣེན ཙེཏསཱ;

དཀྑིཎེཡྻསྶ ཝཱིརསྶ, བཱིཛམིཉྫམདཱསཧཾ.

༤.

‘‘ཨིམསྨིཾཡེཝ ཀཔྤམྷི, ཡཾ མིཉྫམདདིཾ [ཕལམདདིཾ (སཱི. པཱི.), བཱིཛམདདིཾ (སྱཱ.)] ཏདཱ;

དུགྒཏིཾ ནཱབྷིཛཱནཱམི, བཱིཛམིཉྫསྶིདཾ ཕལཾ.

༥.

‘‘ཀིལེསཱ ཛྷཱཔིཏཱ མཡ྄ཧཾ, བྷཝཱ སབྦེ སམཱུཧཏཱ;

ནཱགོཝ བནྡྷནཾ ཚེཏྭཱ, ཝིཧརཱམི ཨནཱསཝོ.

༦.

‘‘སྭཱགཏཾ ཝཏ མེ ཨཱསི, མམ བུདྡྷསྶ སནྟིཀེ;

ཏིསྶོ ཝིཛྫཱ ཨནུཔྤཏྟཱ, ཀཏཾ བུདྡྷསྶ སཱསནཾ.

༧.

‘‘པཊིསམྦྷིདཱ ཙཏསྶོ, ཝིམོཀྑཱཔི ཙ ཨཊྛིམེ;

ཚལ༹བྷིཉྙཱ སཙྪིཀཏཱ, ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཝིབྷཱིཏཀམིཉྫིཡོ [ཝིབྷེདཀ… (སྱཱ. ཀ.)] ཐེརོ ཨིམཱ

གཱཐཱཡོ ཨབྷཱསིཏྠཱཏི.

ཝིབྷཱིཏཀམིཉྫིཡཏྠེརསྶཱཔདཱནཾ པཋམཾ.

༢. ཀོལདཱཡཀཏྠེརཨཔདཱནཾ

༨.

‘‘ཨཛིནེན ¶ ¶ ¶ ནིཝཏྠོཧཾ, ཝཱཀཙཱིརདྷརོ ཏདཱ;

ཁཱརིཡཱ པཱུརཡིཏྭཱན, ཀོལཾཧཱསིཾ མམསྶམཾ [ཁཱརིབྷཱརཾ ཧརིཏྭཱན, ཀོལམཱཧརིམསྶམཾ (སཱི. པཱི.)].

༩.

‘‘ཏམྷི ¶ ཀཱལེ སིཁཱི བུདྡྷོ, ཨེཀོ ཨདུཏིཡོ ཨཧུ;

མམསྶམཾ ཨུཔཱགཙྪི, ཛཱནནྟོ སབྦཀཱལིཀཾ.

༡༠.

‘‘སཀཾ ཙིཏྟཾ པསཱདེཏྭཱ, ཝནྡིཏྭཱན ཙ སུབྦཏཾ;

ཨུབྷོ ཧཏྠེཧི པགྒཡ྄ཧ, ཀོལཾ བུདྡྷསྶདཱསཧཾ.

༡༡.

‘‘ཨེཀཏིཾསེ ཨིཏོ ཀཔྤེ, ཡཾ ཕལམདདིཾ ཏདཱ;

དུགྒཏིཾ ནཱབྷིཛཱནཱམི, ཀོལདཱནསྶིདཾ ཕལཾ.

༡༢.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༣.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༤.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཀོལདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཀོལདཱཡཀཏྠེརསྶཱཔདཱནཾ དུཏིཡཾ.

༣. བིལླིཡཏྠེརཨཔདཱནཾ

༡༥.

‘‘ཙནྡབྷཱགཱནདཱིཏཱིརེ ¶ , ཨསྶམོ སུཀཏོ མམ;

བིལླརུཀྑེཧི [བེལུཝརུཀྑེཧི (སྱཱ.)] ཨཱཀིཎྞོ, ནཱནཱདུམནིསེཝིཏོ.

༡༦.

‘‘སུགནྡྷཾ བེལུཝཾ དིསྭཱ, བུདྡྷསེཊྛམནུསྶརིཾ;

ཁཱརིབྷཱརཾ པཱུརཡིཏྭཱ, ཏུཊྛོ སཾཝིགྒམཱནསོ.

༡༧.

‘‘ཀཀུསནྡྷཾ ཨུཔཱགམྨ, བིལླཔཀྐམདཱསཧཾ;

པུཉྙཀྑེཏྟསྶ ཝཱིརསྶ, ཝིཔྤསནྣེན ཙེཏསཱ.

༡༨.

‘‘ཨིམསྨིཾཡེཝ ཀཔྤསྨིཾ, ཡཾ ཕལམདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༡༩.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༢༠.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༢༡.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ བིལླིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

བིལླིཡཏྠེརསྶཱཔདཱནཾ ཏཏིཡཾ.

༤. བྷལླཱཏདཱཡཀཏྠེརཨཔདཱནཾ

༢༢.

‘‘སུཝཎྞཝཎྞཾ ¶ ¶ སམྦུདྡྷཾ, དྭཏྟིཾསཝརལཀྑཎཾ;

ཝིཔིནགྒེན [པཝནགྒེན (སཱི. སྱཱ. པཱི.)] གཙྪནྟཾ, སཱལརཱཛཾཝ ཕུལླིཏཾ.

༢༣.

‘‘ཏིཎཏྠརཾ པཉྙཱཔེཏྭཱ, བུདྡྷསེཊྛཾ ཨཡཱཙཧཾ;

‘ཨནུཀམྤཏུ མཾ བུདྡྷོ, བྷིཀྑཾ ཨིཙྪཱམི དཱཏཝེ’.

༢༤.

‘‘ཨནུཀམྤཀོ ཀཱརུཎིཀོ, ཨཏྠདསྶཱི མཧཱཡསོ;

མམ སངྐཔྤམཉྙཱཡ, ཨོརཱུཧི མམ ཨསྶམེ.

༢༥.

‘‘ཨོརོཧིཏྭཱན སམྦུདྡྷོ, ནིསཱིདི པཎྞསནྠརེ;

བྷལླཱཏཀཾ གཧེཏྭཱན, བུདྡྷསེཊྛསྶདཱསཧཾ.

༢༦.

‘‘མམ ནིཛ྄ཛྷཱཡམཱནསྶ, པརིབྷུཉྫི ཏདཱ ཛིནོ;

ཏཏྠ ཙིཏྟཾ པསཱདེཏྭཱ, ཨབྷིཝནྡིཾ ཏདཱ ཛིནཾ.

༢༧.

‘‘ཨཊྛཱརསེ ཀཔྤསཏེ, ཡཾ ཕལམདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༢༨.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༢༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༣༠.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ ¶ སུདཾ ཨཱཡསྨཱ བྷལླཱཏདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

བྷལླཱཏདཱཡཀཏྠེརསྶཱཔདཱནཾ ཙཏུཏྠཾ.

༥. ཨུཏྟལིཔུཔྥིཡཏྠེརཨཔདཱནཾ

༣༡.

‘‘ནིགྲོདྷེ ¶ ¶ ཧརིཏོབྷཱསེ, སཾཝིརུལ༹ྷམྷི པཱདཔེ;

ཨུཏྟལིམཱལཾ [ཨུམྨཱ མཱལཾ ཧི (སྱཱ.)] པགྒཡ྄ཧ, བོདྷིཡཱ ཨབྷིརོཔཡིཾ.

༣༢.

‘‘ཨིམསྨིཾཡེཝ ཀཔྤམྷི, ཡཾ བོདྷིམབྷིཔཱུཛཡིཾ;

དུགྒཏིཾ ནཱབྷིཛཱནཱམི, བོདྷིཔཱུཛཱཡིདཾ ཕལཾ.

༣༣.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༣༤.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༣༥.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨུཏྟལིཔུཔྥིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཨུཏྟལིཔུཔྥིཡཏྠེརསྶཱཔདཱནཾ པཉྩམཾ.

༦. ཨམྦཱཊཀིཡཏྠེརཨཔདཱནཾ

༣༦.

‘‘སུཔུཔྥིཏཾ ¶ སཱལཝནཾ, ཨོགཡ྄ཧ ཝེསྶབྷཱུ མུནི;

ནིསཱིདི གིརིདུགྒེསུ, ཨབྷིཛཱཏོཝ ཀེསརཱི.

༣༧.

‘‘པསནྣཙིཏྟོ ¶ སུམནོ, ཨམྦཱཊཀམཔཱུཛཡིཾ;

པུཉྙཀྑེཏྟཾ ཨནུཏྟརཾ [མཧཱཝཱིརཾ (སཱི. སྱཱ.)], པསནྣོ སེཧི པཱཎིབྷི.

༣༨.

‘‘ཨེཀཏིཾསེ ཨིཏོ ཀཔྤེ, ཡཾ པུཔྥམབྷིརོཔཡིཾ;

དུགྒཏི ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༣༩.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༤༠.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༤༡.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨམྦཱཊཀིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཨམྦཱཊཀིཡཏྠེརསྶཱཔདཱནཾ ཚཊྛཾ.

༧. སཱིཧཱསནིཀཏྠེརཨཔདཱནཾ

༤༢.

‘‘པདུམུཏྟརསྶ ¶ ¶ བྷགཝཏོ, སབྦབྷཱུཏཧིཏེསིནོ;

པསནྣཙིཏྟོ སུམནོ, སཱིཧཱསནམདཱསཧཾ.

༤༣.

‘‘དེཝལོཀེ མནུསྶེ ཝཱ, ཡཏྠ ཡཏྠ ཝསཱམཧཾ;

ལབྷཱམི ཝིཔུལཾ བྱམྷཾ, སཱིཧཱསནསྶིདཾ ཕལཾ.

༤༤.

‘‘སོཎྞམཡཱ རཱུཔིམཡཱ, ལོཧིཏངྒམཡཱ [ལོཧིཏངྐམཡཱ (སཱི. སྱཱ. པཱི.)] བཧཱུ;

མཎིམཡཱ ཙ པལླངྐཱ, ནིབྦཏྟནྟི མམཾ སདཱ.

༤༥.

‘‘བོདྷིཡཱ ¶ ཨཱསནཾ ཀཏྭཱ, ཛལཛུཏྟམནཱམིནོ;

ཨུཙྩེ ཀུལེ པཛཱཡཱམི, ཨཧོ དྷམྨསུདྷམྨཏཱ.

༤༦.

‘‘སཏསཧསྶིཏོ ཀཔྤེ, སཱིཧཱསནམཀཱསཧཾ;

དུགྒཏིཾ ནཱབྷིཛཱནཱམི, སཱིཧཱསནསྶིདཾ ཕལཾ.

༤༧.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༤༨.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༤༩.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ སཱིཧཱསནིཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

སཱིཧཱསནིཀཏྠེརསྶཱཔདཱནཾ སཏྟམཾ.

༨. པཱདཔཱིཋིཡཏྠེརཨཔདཱནཾ

༥༠.

‘‘སུམེདྷོ ¶ ནཱམ སམྦུདྡྷོ, ཨགྒོ ཀཱརུཎིཀོ མུནི;

ཏཱརཡིཏྭཱ བཧཱུ སཏྟེ, ནིབྦུཏོ སོ མཧཱཡསོ.

༥༡.

‘‘སཱིཧཱསནསྶ སཱམནྟཱ, སུམེདྷསྶ མཧེསིནོ;

པསནྣཙིཏྟོ སུམནོ, པཱདཔཱིཋམཀཱརཡིཾ.

༥༢.

‘‘ཀཏྭཱན ཀུསལཾ ཀམྨཾ, སུཁཔཱཀཾ སུཁུདྲཡཾ;

པུཉྙཀམྨེན སཾཡུཏྟོ, ཏཱཝཏིཾསམགཙྪཧཾ.

༥༣.

‘‘ཏཏྠ ¶ ¶ ¶ མེ ཝསམཱནསྶ, པུཉྙཀམྨསམངྒིནོ;

པདཱནི ཨུདྡྷརནྟསྶ, སོཎྞཔཱིཋཱ བྷཝནྟི མེ.

༥༤.

‘‘ལཱབྷཱ ཏེསཾ སུལདྡྷཾ ཝོ, ཡེ ལབྷནྟི ཨུཔསྶུཏིཾ;

ནིབྦུཏེ ཀཱརཾ ཀཏྭཱན, ལབྷནྟི ཝིཔུལཾ སུཁཾ.

༥༥.

‘‘མཡཱཔི སུཀཏཾ ཀམྨཾ, ཝཱཎིཛྫཾ སུཔྤཡོཛིཏཾ;

པཱདཔཱིཋཾ ཀརིཏྭཱན, སོཎྞཔཱིཋཾ ལབྷཱམཧཾ.

༥༦.

‘‘ཡཾ ཡཾ དིསཾ པཀྐམཱམི, ཀེནཙི ཀིཙྩཡེནཧཾ [པཙྩཡེནཧཾ (སཱི. པཱི.)];

སོཎྞཔཱིཋེ ཨཀྐམཱམི [སོཎྞཔཱིཋེན ཀམཱམི (ཀ.)], པུཉྙཀམྨསྶིདཾ ཕལཾ.

༥༧.

‘‘ཏིཾསཀཔྤསཧསྶམྷི, ཡཾ ཀམྨམཀརིཾ ཏདཱ;

དུགྒཏིཾ ནཱབྷིཛཱནཱམི, པཱདཔཱིཋསྶིདཾ ཕལཾ.

༥༨.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༥༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༦༠.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ པཱདཔཱིཋིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

པཱདཔཱིཋིཡཏྠེརསྶཱཔདཱནཾ ཨཊྛམཾ.

༩. ཝེདིཀཱརཀཏྠེརཨཔདཱནཾ

༦༡.

‘‘པདུམུཏྟརསྶ ¶ བྷགཝཏོ, བོདྷིཡཱ པཱདཔུཏྟམེ;

ཝེདིཀཾ སུཀཏཾ ཀཏྭཱ, སཀཾ ཙིཏྟཾ པསཱདཡིཾ.

༦༢.

‘‘ཨཏོལཱ༹རཱནི [ཨཐོལཱ༹རཱནི (སཱི. པཱི.), ཨགྒོལཱ༹རཱནི (སྱཱ.)] བྷཎྜཱནི, ཀཏཱནི ཨཀཏཱནི ཙ;

ཨནྟལིཀྑཱ པཝསྶནྟི, ཝེདིཀཱཡ ཨིདཾ ཕལཾ.

༦༣.

‘‘ཨུབྷཏོ བྱཱུལ༹ྷསངྒཱམེ, པཀྑནྡནྟོ བྷཡཱནཀེ;

བྷཡབྷེརཝཾ ན པསྶཱམི, ཝེདིཀཱཡ ཨིདཾ ཕལཾ.

༦༤.

‘‘མམ ¶ ¶ སངྐཔྤམཉྙཱཡ, བྱམྷཾ ནིབྦཏྟཏེ སུབྷཾ;

སཡནཱནི མཧགྒྷཱནི, ཝེདིཀཱཡ ཨིདཾ ཕལཾ.

༦༥.

‘‘སཏསཧསྶིཏོ ¶ ཀཔྤེ, ཡཾ ཝེདིཀམཀཱརཡིཾ;

དུགྒཏིཾ ནཱབྷིཛཱནཱམི, ཝེདིཀཱཡ ཨིདཾ ཕལཾ.

༦༦.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༦༧.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༦༨.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཝེདིཀཱརཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཝེདིཀཱརཀཏྠེརསྶཱཔདཱནཾ ནཝམཾ.

༡༠. བོདྷིགྷརདཱཡཀཏྠེརཨཔདཱནཾ

༦༩.

‘‘སིདྡྷཏྠསྶ ¶ བྷགཝཏོ, དྭིཔདིནྡསྶ ཏཱདིནོ;

པསནྣཙིཏྟོ སུམནོ, བོདྷིགྷརམཀཱརཡིཾ.

༧༠.

‘‘ཏུསིཏཾ ཨུཔཔནྣོམྷི, ཝསཱམི རཏནེ གྷརེ;

ན མེ སཱིཏཾ ཝཱ ཨུཎྷཾ ཝཱ, ཝཱཏོ གཏྟེ ན སམྥུསེ.

༧༡.

‘‘པཉྩསཊྛིམྷིཏོ ཀཔྤེ, ཙཀྐཝཏྟཱི ཨཧོསཧཾ;

ཀཱསིཀཾ ནཱམ ནགརཾ, ཝིསྶཀམྨེན [ཝིསུཀམྨེན (སྱཱ. ཀ.)] མཱཔིཏཾ.

༧༢.

‘‘དསཡོཛནཨཱཡཱམཾ, ཨཊྛཡོཛནཝིཏྠཏཾ;

ན ཏམྷི ནགརེ ཨཏྠི, ཀཊྛཾ ཝལླཱི ཙ མཏྟིཀཱ.

༧༣.

‘‘ཏིརིཡཾ ཡོཛནཾ ཨཱསི, ཨདྡྷཡོཛནཝིཏྠཏཾ;

མངྒལོ ནཱམ པཱསཱདོ, ཝིསྶཀམྨེན མཱཔིཏོ.

༧༤.

‘‘ཙུལླཱསཱིཏིསཧསྶཱནི, ཐམྦྷཱ སོཎྞམཡཱ ཨཧུཾ;

མཎིམཡཱ ཙ ནིཡྻཱུཧཱ, ཚདནཾ རཱུཔིཡཾ ཨཧུ.

༧༥.

‘‘སབྦསོཎྞམཡཾ ¶ གྷརཾ, ཝིསྶཀམྨེན མཱཔིཏཾ;

ཨཛ྄ཛྷཱཝུཏྠཾ མཡཱ ཨེཏཾ, གྷརདཱནསྶིདཾ ཕལཾ.

༧༦.

‘‘ཏེ སབྦེ ཨནུབྷོཏྭཱན, དེཝམཱནུསཀེ བྷཝེ;

ཨཛ྄ཛྷཔཏྟོམྷི ནིབྦཱནཾ, སནྟིཔདམནུཏྟརཾ.

༧༧.

‘‘ཏིཾསཀཔྤསཧསྶམྷི, བོདྷིགྷརམཀཱརཡིཾ;

དུགྒཏིཾ ¶ ནཱབྷིཛཱནཱམི, གྷརདཱནསྶིདཾ ཕལཾ.

༧༨.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༧༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༨༠.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ བོདྷིགྷརདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

བོདྷིགྷརདཱཡཀཏྠེརསྶཱཔདཱནཾ དསམཾ.

ཝིབྷཱིཏཀཝགྒོ པཉྩཙཏྟཱལཱིསམོ.

ཏསྶུདྡཱནཾ –

ཝིབྷཱིཏཀཱི ཀོལཕལཱི, བིལླབྷལླཱཏཀཔྤདོ;

ཨུཏྟལམྦཊཀཱི ཙེཝ, ཨཱསནཱི པཱདཔཱིཋཀོ.

ཝེདིཀོ བོདྷིགྷརིཀོ, གཱཐཱཡོ གཎིཏཱཔི ཙ;

ཨེཀཱུནཱསཱིཏིཀཱ སབྦཱ, ཨསྨིཾ ཝགྒེ པཀིཏྟིཏཱ.

༤༦. ཛགཏིདཱཡཀཝགྒོ

༡. ཛགཏིདཱཡཀཏྠེརཨཔདཱནཾ

༡.

‘‘དྷམྨདསྶིསྶ ¶ ¶ ¶ མུནིནོ, བོདྷིཡཱ པཱདཔུཏྟམེ;

པསནྣཙིཏྟོ སུམནོ, ཛགཏིཾ ཀཱརཡིཾ ཨཧཾ.

༢.

‘‘དརིཏོ པབྦཏཏོ ཝཱ, རུཀྑཏོ པཏིཏོ ཨཧཾ;

ཙུཏོ པཏིཊྛཾ ཝིནྡཱམི, ཛགཏིཡཱ ཨིདཾ ཕལཾ.

༣.

‘‘ན མེ ཙོརཱ ཝིཧེསནྟི, ནཱཏིམཉྙནྟི ཁཏྟིཡཱ [པསཧནྟི, ནཱཏིམཉྙཏི ཁཏྟིཡོ (སཱི. པཱི.)];

སབྦཱམིཏྟེཏིཀྐམཱམི, ཛགཏིཡཱ ཨིདཾ ཕལཾ.

༤.

‘‘ཡཾ ཡཾ ཡོནུཔཔཛྫཱམི, དེཝཏྟཾ ཨཐ མཱནུསཾ;

སབྦཏྠ པཱུཛིཏོ ཧོམི, ཛགཏིཡཱ ཨིདཾ ཕལཾ.

༥.

‘‘ཨཊྛཱརསེ ཀཔྤསཏེ, ཛགཏིཾ ཀཱརཡིཾ ཨཧཾ;

དུགྒཏིཾ ནཱབྷིཛཱནཱམི, ཛགཏིདཱནསྶིདཾ ཕལཾ.

༦.

‘‘ཀིལེསཱ ཛྷཱཔིཏཱ མཡ྄ཧཾ, བྷཝཱ སབྦེ སམཱུཧཏཱ;

ནཱགོཝ བནྡྷནཾ ཚེཏྭཱ, ཝིཧརཱམི ཨནཱསཝོ.

༧.

‘‘སྭཱགཏཾ ཝཏ མེ ཨཱསི, མམ བུདྡྷསྶ སནྟིཀེ;

ཏིསྶོ ཝིཛྫཱ ཨནུཔྤཏྟཱ, ཀཏཾ བུདྡྷསྶ སཱསནཾ.

༨.

‘‘པཊིསམྦྷིདཱ ཙཏསྶོ, ཝིམོཀྑཱཔི ཙ ཨཊྛིམེ;

ཚལ༹བྷིཉྙཱ སཙྪིཀཏཱ, ཀཏཾ བུདྡྷསྶ སཱསནཾ’’.

ཨིཏྠཾ ¶ སུདཾ ཨཱཡསྨཱ ཛགཏིདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཛགཏིདཱཡཀཏྠེརསྶཱཔདཱནཾ པཋམཾ.

༢. མོརཧཏྠིཡཏྠེརཨཔདཱནཾ

༩.

‘‘མོརཧཏྠཾ ¶ ¶ གཧེཏྭཱན, ཨུཔེསིཾ ལོཀནཱཡཀཾ;

པསནྣཙིཏྟོ སུམནོ, མོརཧཏྠམདཱསཧཾ.

༡༠.

‘‘ཨིམིནཱ ¶ མོརཧཏྠེན, ཙེཏནཱཔཎིདྷཱིཧི ཙ;

ནིབྦཱཡིཾསུ ཏཡོ ཨགྒཱི, ལབྷཱམི ཝིཔུལཾ སུཁཾ.

༡༡.

‘‘ཨཧོ བུདྡྷོ ཨཧོ དྷམྨོ, ཨཧོ ནོ སཏྠུསམྤདཱ;

དཏྭཱནཧཾ མོརཧཏྠཾ, ལབྷཱམི ཝིཔུལཾ སུཁཾ.

༡༢.

‘‘ཏིཡགྒཱི [ཏིདྷགྒཱི (སྱཱ. ཀ.), ཏིཝགྒཱི (པཱི.)] ནིབྦུཏཱ མཡ྄ཧཾ, བྷཝཱ སབྦེ སམཱུཧཏཱ;

སབྦཱསཝཱ པརིཀྑཱིཎཱ, ནཏྠི དཱནི པུནབྦྷཝོ.

༡༣.

‘‘ཨེཀཏིཾསེ ཨིཏོ ཀཔྤེ, ཡཾ དཱནམདདིཾ ཏདཱ;

དུགྒཏིཾ ནཱབྷིཛཱནཱམི, མོརཧཏྠསྶིདཾ ཕལཾ.

༡༤.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༥.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༦.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ ¶ སུདཾ ཨཱཡསྨཱ མོརཧཏྠིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

མོརཧཏྠིཡཏྠེརསྶཱཔདཱནཾ དུཏིཡཾ.

༣. སཱིཧཱསནབཱིཛིཡཏྠེརཨཔདཱནཾ

༡༧.

‘‘ཏིསྶསྶཱཧཾ བྷགཝཏོ, བོདྷིརུཀྑམཝནྡིཡཾ;

པགྒཡ྄ཧ བཱིཛནིཾ ཏཏྠ, སཱིཧཱསནམབཱིཛཧཾ [མབཱིཛཡིཾ (སཱི.), མཝིཛྫཧཾ (སྱཱ.)].

༡༨.

‘‘དྭེནཝུཏེ ཨིཏོ ཀཔྤེ, སཱིཧཱསནམབཱིཛཧཾ;

དུགྒཏིཾ ནཱབྷིཛཱནཱམི, བཱིཛནཱཡ ཨིདཾ ཕལཾ.

༡༩.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༢༠.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༢༡.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ སཱིཧཱསནབཱིཛིཡོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

སཱིཧཱསནབཱིཛིཡཏྠེརསྶཱཔདཱནཾ ཏཏིཡཾ.

༤. ཏིཎུཀྐདྷཱརིཡཏྠེརཨཔདཱནཾ

༢༢.

‘‘པདུམུཏྟརབུདྡྷསྶ ¶ ¶ , བོདྷིཡཱ པཱདཔུཏྟམེ;

པསནྣཙིཏྟོ སུམནོ, ཏཡོ ཨུཀྐེ ཨདྷཱརཡིཾ.

༢༣.

‘‘སཏསཧསྶིཏོ ¶ ཀཔྤེ, སོཧཾ ཨུཀྐམདྷཱརཡིཾ;

དུགྒཏིཾ ནཱབྷིཛཱནཱམི, ཨུཀྐདཱནསྶིདཾ ཕལཾ.

༢༤.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༢༥.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༢༦.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཏིཎུཀྐདྷཱརིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཏིཎུཀྐདྷཱརིཡཏྠེརསྶཱཔདཱནཾ ཙཏུཏྠཾ.

༥. ཨཀྐམནདཱཡཀཏྠེརཨཔདཱནཾ

༢༧.

‘‘ཀཀུསནྡྷསྶ མུནིནོ, བྲཱཧྨཎསྶ ཝུསཱིམཏོ;

དིཝཱཝིཧཱརཾ ཝཛཏོ, ཨཀྐམནམདཱསཧཾ.

༢༨.

‘‘ཨིམསྨིཾཡེཝ ཀཔྤམྷི, ཡཾ དཱནམདདིཾ ཏདཱ;

དུགྒཏིཾ ནཱབྷིཛཱནཱམི, ཨཀྐམནསྶིདཾ ཕལཾ.

༢༩.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༣༠.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༣༡.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨཀྐམནདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཨཀྐམནདཱཡཀཏྠེརསྶཱཔདཱནཾ པཉྩམཾ.

༦. ཝནཀོརཎྜིཡཏྠེརཨཔདཱནཾ

༣༢.

‘‘སིདྡྷཏྠསྶ བྷགཝཏོ, ལོཀཛེཊྛསྶ ཏཱདིནོ;

ཝནཀོརཎྜམཱདཱཡ, བུདྡྷསྶ ཨབྷིརོཔཡིཾ.

༣༣.

‘‘ཙཏུནྣཝུཏིཏོ ¶ ཀཔྤེ, ཡཾ པུཔྥམབྷིརོཔཡིཾ;

དུགྒཏིཾ ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༣༤.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༣༥.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༣༦.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཝནཀོརཎྜིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཝནཀོརཎྜིཡཏྠེརསྶཱཔདཱནཾ ཚཊྛཾ.

ཝཱིསཏིམཾ བྷཱཎཝཱརཾ.

༧. ཨེཀཚཏྟིཡཏྠེརཨཔདཱནཾ

༣༧.

‘‘ཨངྒཱརཛཱཏཱ ¶ ¶ པཐཝཱི, ཀུཀྐུལཱ༹ནུགཏཱ མཧཱི;

པདུམུཏྟརོ བྷགཝཱ, ཨབྦྷོཀཱསམྷི ཙངྐམི.

༣༨.

‘‘པཎྜརཾ ཚཏྟམཱདཱཡ, ཨདྡྷཱནཾ པཊིཔཛྫཧཾ;

ཏཏྠ དིསྭཱན སམྦུདྡྷཾ, ཝིཏྟི མེ ཨུཔཔཛྫཐ.

༣༩.

‘‘མརཱིཙིཡོཏྠཊཱ ¶ [མརིཙིམོཕུནཱ (སྱཱ.), མརཱིཙིཝོཕུཊཱ (པཱི.)] བྷཱུམི, ཨངྒཱརཱཝ མཧཱི ཨཡཾ;

ཨུཔཧནྟི [ཨུཔཝཱཡནྟི (སཱི. པཱི.)] མཧཱཝཱཏཱ, སརཱིརསྶཱསུཁེཔནཱ [སརཱིརཀཱཡུཁེཔནཱ (སྱཱ.)].

༤༠.

‘‘སཱིཏཾ ཨུཎྷཾ ཝིཧནནྟཾ [ཝིཧནཏི (སྱཱ. ཀ.)], ཝཱཏཱཏཔནིཝཱརཎཾ;

པཊིགྒཎྷ ཨིམཾ ཚཏྟཾ, ཕསྶཡིསྶཱམི [པསྶཡིསྶཱམི (ཀ.)] ནིབྦུཏིཾ.

༤༡.

‘‘ཨནུཀམྤཀོ ཀཱརུཎིཀོ, པདུམུཏྟརོ མཧཱཡསོ;

མམ སངྐཔྤམཉྙཱཡ, པཊིགྒཎྷི ཏདཱ ཛིནོ.

༤༢.

‘‘ཏིཾསཀཔྤཱནི དེཝིནྡོ, དེཝརཛྫམཀཱརཡིཾ;

སཏཱནཾ པཉྩཀྑཏྟུཉྩ, ཙཀྐཝཏྟཱི ཨཧོསཧཾ.

༤༣.

‘‘པདེསརཛྫཾ ཝིཔུལཾ, གཎནཱཏོ ཨསངྑིཡཾ;

ཨནུབྷོམི སཀཾ ཀམྨཾ, པུབྦེ སུཀཏམཏྟནོ.

༤༤.

‘‘ཨཡཾ ¶ མེ པཙྪིམཱ ཛཱཏི, ཙརིམོ ཝཏྟཏེ བྷཝོ;

ཨཛྫཱཔི སེཏཙྪཏྟཾ མེ, སབྦཀཱལཾ དྷརཱིཡཏི.

༤༥.

‘‘སཏསཧསྶིཏོ ཀཔྤེ, ཡཾ ཚཏྟམདདིཾ ཏདཱ;

དུགྒཏིཾ ནཱབྷིཛཱནཱམི, ཚཏྟདཱནསྶིདཾ ཕལཾ.

༤༦.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༤༧.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༤༨.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨེཀཚཏྟིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཨེཀཚཏྟིཡཏྠེརསྶཱཔདཱནཾ སཏྟམཾ.

༨. ཛཱཏིཔུཔྥིཡཏྠེརཨཔདཱནཾ

༤༩.

‘‘པརིནིབྦུཏེ བྷགཝཏི, པདུམུཏྟརེ མཧཱཡསེ;

པུཔྥཝཊཾསཀེ ཀཏྭཱ [པུཔྥཙངྐོཊཀེ གཧེཏྭཱ (སྱཱ.)], སརཱིརམབྷིརོཔཡིཾ.

༥༠.

‘‘ཏཏྠ ཙིཏྟཾ པསཱདེཏྭཱ, ནིམྨཱནཾ ཨགམཱསཧཾ;

དེཝལོཀགཏོ སནྟོ, པུཉྙཀམྨཾ སརཱམཧཾ.

༥༡.

‘‘ཨམྦརཱ ¶ ¶ པུཔྥཝསྶོ མེ, སབྦཀཱལཾ པཝསྶཏི;

སཾསརཱམི མནུསྶེ ཙེ [ཝེ (སྱཱ.)], རཱཛཱ ཧོམི མཧཱཡསོ.

༥༢.

‘‘ཏཧིཾ ཀུསུམཝསྶོ མེ, ཨབྷིཝསྶཏི སབྦདཱ;

ཏསྶེཝ [ཀཱཡེསུ (སྱཱ.), ཀཱཡེཝ (པཱི.)] པུཔྥཔཱུཛཱཡ, ཝཱཧསཱ སབྦདསྶིནོ.

༥༣.

‘‘ཨཡཾ པཙྪིམཀོ མཡ྄ཧཾ, ཙརིམོ ཝཏྟཏེ བྷཝོ;

ཨཛྫཱཔི པུཔྥཝསྶོ མེ, ཨབྷིཝསྶཏི སབྦདཱ.

༥༤.

‘‘སཏསཧསྶིཏོ ¶ ཀཔྤེ, ཡཾ པུཔྥམབྷིརོཔཡིཾ;

དུགྒཏིཾ ནཱབྷིཛཱནཱམི, དེཧཔཱུཛཱཡིདཾ ཕལཾ.

༥༥.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༥༦.

‘‘སྭཱགཏཾ ¶ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༥༧.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཛཱཏིཔུཔྥིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཛཱཏིཔུཔྥིཡཏྠེརསྶཱཔདཱནཾ ཨཊྛམཾ.

༩. པཊྚིཔུཔྥིཡཏྠེརཨཔདཱནཾ

༥༨.

‘‘ནཱིཧརནྟེ སརཱིརམྷི, ཝཛྫམཱནཱསུ བྷེརིསུ;

པསནྣཙིཏྟོ སུམནོ, པཊྚིཔུཔྥམཔཱུཛཡིཾ [སཏྟི… (སྱཱ. པཱི.)].

༥༩.

‘‘སཏསཧསྶིཏོ ཀཔྤེ, ཡཾ པུཔྥམབྷིཔཱུཛཡིཾ;

དུགྒཏིཾ ནཱབྷིཛཱནཱམི, དེཧཔཱུཛཱཡིདཾ ཕལཾ.

༦༠.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༦༡.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༦༢.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ པཊྚིཔུཔྥིཡོ [སཏྟིཔཎྞིཡོ (སྱཱ. པཱི.)] ཐེརོ ཨིམཱ གཱཐཱཡོ

ཨབྷཱསིཏྠཱཏི.

པཊྚིཔུཔྥིཡཏྠེརསྶཱཔདཱནཾ ནཝམཾ.

༡༠. གནྡྷཔཱུཛཀཏྠེརཨཔདཱནཾ

༦༣.

‘‘ཙིཏཱསུ ¶ ཀུརུམཱནཱསུ [ཙིཏྟེསུ ཀཡིརམཱནེསུ (སཱི.)], ནཱནཱགནྡྷེ སམཱཧཊེ;

པསནྣཙིཏྟོ སུམནོ, གནྡྷམུཊྛིམཔཱུཛཡིཾ.

༦༤.

‘‘སཏསཧསྶིཏོ ཀཔྤེ, ཙིཏཀཾ ཡམཔཱུཛཡིཾ;

དུགྒཏིཾ ནཱབྷིཛཱནཱམི, ཙིཏཔཱུཛཱཡིདཾ ཕལཾ.

༦༥.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༦༦.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༦༧.

‘‘པཊིསམྦྷིདཱ ¶ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ གནྡྷཔཱུཛཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

གནྡྷཔཱུཛཀཏྠེརསྶཱཔདཱནཾ དསམཾ.

ཛགཏིདཱཡཀཝགྒོ ཚཙཏྟཱལཱིསམོ.

ཏསྶུདྡཱནཾ –

ཛགཏཱི ¶ མོརཧཏྠཱི ཙ, ཨཱསནཱི ཨུཀྐདྷཱརཀོ;

ཨཀྐམི ཝནཀོརཎྜི, ཚཏྟདོ ཛཱཏིཔཱུཛཀོ.

པཊྚིཔུཔྥཱི ཙ ཡོ ཐེརོ, དསམོ གནྡྷཔཱུཛཀོ;

སཏྟསཊྛི ཙ གཱཐཱཡོ, གཎིཏཱཡོ ཝིབྷཱཝིབྷི.

༤༧. སཱལཀུསུམིཡཝགྒོ

༡. སཱལཀུསུམིཡཏྠེརཨཔདཱནཾ

༡.

‘‘པརིནིབྦུཏེ ¶ ¶ ¶ བྷགཝཏི, ཛལཛུཏྟམནཱམཀེ;

ཨཱརོཔིཏམྷི ཙིཏཀེ, སཱལཔུཔྥམཔཱུཛཡིཾ.

༢.

‘‘སཏསཧསྶིཏོ ཀཔྤེ, ཡཾ པུཔྥམབྷིརོཔཡིཾ [པུཔྥམབྷིཔུཛཡིཾ (སྱཱ.)];

དུགྒཏིཾ ནཱབྷིཛཱནཱམི, ཙིཏཔཱུཛཱཡིདཾ [བུདྡྷཔཱུཛཱཡིདཾ (སྱཱ.)] ཕལཾ.

༣.

‘‘ཀིལེསཱ ཛྷཱཔིཏཱ མཡ྄ཧཾ, བྷཝཱ སབྦེ སམཱུཧཏཱ;

ནཱགོཝ བནྡྷནཾ ཚེཏྭཱ, ཝིཧརཱམི ཨནཱསཝོ.

༤.

‘‘སྭཱགཏཾ ཝཏ མེ ཨཱསི, མམ བུདྡྷསྶ སནྟིཀེ;

ཏིསྶོ ཝིཛྫཱ ཨནུཔྤཏྟཱ, ཀཏཾ བུདྡྷསྶ སཱསནཾ.

༥.

‘‘པཊིསམྦྷིདཱ ཙཏསྶོ, ཝིམོཀྑཱཔི ཙ ཨཊྛིམེ;

ཚལ༹བྷིཉྙཱ སཙྪིཀཏཱ, ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ སཱལཀུསུམིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

སཱལཀུསུམིཡཏྠེརསྶཱཔདཱནཾ པཋམཾ.

༢. ཙིཏཀཔཱུཛཀཏྠེརཨཔདཱནཾ

༦.

‘‘ཛྷཱཡམཱནསྶ བྷགཝཏོ, སིཁིནོ ལོཀབནྡྷུནོ;

ཨཊྛ ཙམྤཀཔུཔྥཱནི, ཙིཏཀཾ ཨབྷིརོཔཡིཾ.

༧.

‘‘ཨེཀཏིཾསེ ཨིཏོ ཀཔྤེ, ཡཾ པུཔྥམབྷིརོཔཡིཾ;

དུགྒཏིཾ ¶ ནཱབྷིཛཱནཱམི, ཙིཏཔཱུཛཱཡིདཾ ཕལཾ.

༨.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༠.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ ¶ ¶ སུདཾ ཨཱཡསྨཱ ཙིཏཀཔཱུཛཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཙིཏཀཔཱུཛཀཏྠེརསྶཱཔདཱནཾ དུཏིཡཾ.

༣. ཙིཏཀནིབྦཱཔཀཏྠེརཨཔདཱནཾ

༡༡.

‘‘དཡ྄ཧམཱནེ ¶ སརཱིརམྷི, ཝེསྶབྷུསྶ མཧེསིནོ;

གནྡྷོདཀཾ གཧེཏྭཱན, ཙིཏཾ ནིབྦཱཔཡིཾ ཨཧཾ.

༡༢.

‘‘ཨེཀཏིཾསེ ཨིཏོ ཀཔྤེ, ཙིཏཾ ནིབྦཱཔཡིཾ ཨཧཾ;

དུགྒཏིཾ ནཱབྷིཛཱནཱམི, གནྡྷོདཀསྶིདཾ ཕལཾ.

༡༣.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༤.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༥.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཙིཏཀནིབྦཱཔཀོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

ཙིཏཀནིབྦཱཔཀཏྠེརསྶཱཔདཱནཾ ཏཏིཡཾ.

༤. སེཏུདཱཡཀཏྠེརཨཔདཱནཾ

༡༦.

‘‘ཝིཔསྶིནོ བྷགཝཏོ, ཙངྐམནྟསྶ སམྨུཁཱ;

པསནྣཙིཏྟོ སུམནོ, སེཏུཾ ཀཱརཱཔཡིཾ ཨཧཾ.

༡༧.

‘‘ཨེཀནཝུཏིཏོ ཀཔྤེ, ཡཾ སེཏུཾ ཀཱརཡིཾ ཨཧཾ;

དུགྒཏིཾ ནཱབྷིཛཱནཱམི, སེཏུདཱནསྶིདཾ ཕལཾ.

༡༨.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༢༠.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ ¶ སུདཾ ཨཱཡསྨཱ སེཏུདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

སེཏུདཱཡཀཏྠེརསྶཱཔདཱནཾ ཙཏུཏྠཾ.

༥. སུམནཏཱལཝཎྚིཡཏྠེརཨཔདཱནཾ

༢༡.

‘‘སིདྡྷཏྠསྶ ¶ ¶ བྷགཝཏོ, ཏཱལཝཎྚམདཱསཧཾ;

སུམནེཧི པཊིཙྪནྣཾ, དྷཱརཡཱམི མཧཱཡསཾ.

༢༢.

‘‘ཙཏུནྣཝུཏིཏོ ཀཔྤེ, ཏཱལཝཎྚམདཱསཧཾ;

དུགྒཏིཾ ནཱབྷིཛཱནཱམི, ཏཱལཝཎྚསྶིདཾ ཕལཾ.

༢༣.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༢༤.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༢༥.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ སུམནཏཱལཝཎྚིཡོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

སུམནཏཱལཝཎྚིཡཏྠེརསྶཱཔདཱནཾ པཉྩམཾ.

༦. ཨཝཊཕལིཡཏྠེརཨཔདཱནཾ

༢༦.

‘‘སཏརཾསཱི ¶ ནཱམ བྷགཝཱ, སཡམྦྷཱུ ཨཔརཱཛིཏོ;

ཝིཝེཀཀཱམོ སམྦུདྡྷོ, གོཙརཱཡཱབྷིནིཀྑམི.

༢༧.

‘‘ཕལཧཏྠོ ཨཧཾ དིསྭཱ, ཨུཔགཙྪིཾ ནརཱསབྷཾ;

པསནྣཙིཏྟོ སུམནོ, ཨདཱསིཾ ཨཝཊཾ ཕལཾ.

༢༨.

‘‘ཙཏུནྣཝུཏིཏོ ¶ ཀཔྤེ, ཡཾ ཕལཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༢༩.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༣༠.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༣༡.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨཝཊཕལིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཨཝཊཕལིཡཏྠེརསྶཱཔདཱནཾ ཚཊྛཾ.

༧. ལབུཛཕལདཱཡཀཏྠེརཨཔདཱནཾ

༣༢.

‘‘ནགརེ ¶ བནྡྷུམཏིཡཱ, ཨཱརཱམིཀོ ཨཧཾ ཏདཱ;

ཨདྡསཾ ཝིརཛཾ བུདྡྷཾ, གཙྪནྟཾ ཨནིལཉྫསེ.

༣༣.

‘‘ལབུཛཾ ཕལམཱདཱཡ, བུདྡྷསེཊྛསྶདཱསཧཾ;

ཨཱཀཱསེཝ ཋིཏོ སནྟོ, པཊིགྒཎྷི མཧཱཡསོ.

༣༤.

‘‘ཝིཏྟིསཉྫནནོ མཡ྄ཧཾ, དིཊྛདྷམྨསུཁཱཝཧོ;

ཕལཾ བུདྡྷསྶ དཏྭཱན, ཝིཔྤསནྣེན ཙེཏསཱ.

༣༥.

‘‘ཨདྷིགཉྪིཾ ཏདཱ པཱིཏིཾ, ཝིཔུལཾ སུཁམུཏྟམཾ;

ཨུཔྤཛྫཏེཝ [ཨུཔྤཛྫཏེ མེ (སྱཱ.)] རཏནཾ, ནིབྦཏྟསྶ ཏཧིཾ ཏཧིཾ.

༣༦.

‘‘ཨེཀནཝུཏིཏོ ¶ ཀཔྤེ, ཡཾ ཕལཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༣༧.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༣༨.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༣༩.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ལབུཛཕལདཱཡཀོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

ལབུཛཕལདཱཡཀཏྠེརསྶཱཔདཱནཾ སཏྟམཾ.

༨. པིལཀྑཕལདཱཡཀཏྠེརཨཔདཱནཾ

༤༠.

‘‘ཝནནྟརེ ¶ ¶ བུདྡྷཾ དིསྭཱ [ཝནནྟེ བུདྡྷཾ དིསྭཱན (སཱི. པཱི.)], ཨཏྠདསྶིཾ མཧཱཡསཾ;

པསནྣཙིཏྟོ སུམནོ, པིལཀྑསྶ [པིལཀྑུསྶ (པཱི.)] ཕལཾ ཨདཱ.

༤༡.

‘‘ཨཊྛཱརསེ ཀཔྤསཏེ, ཡཾ ཕལཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༤༢.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༤༣.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༤༤.

‘‘པཊིསམྦྷིདཱ ¶ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ པིལཀྑཕལདཱཡཀོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

པིལཀྑཕལདཱཡཀཏྠེརསྶཱཔདཱནཾ ཨཊྛམཾ.

༩. སཡཾཔཊིབྷཱནིཡཏྠེརཨཔདཱནཾ

༤༥.

‘‘ཀཀུདྷཾ ཝིལསནྟཾཝ, དེཝདེཝཾ ནརཱསབྷཾ;

རཐིཡཾ པཊིཔཛྫནྟཾ, ཀོ དིསྭཱ ན པསཱིདཏི.

༤༦.

‘‘ཏམནྡྷཀཱརཾ ནཱསེཏྭཱ, སནྟཱརེཏྭཱ བཧུཾ ཛནཾ;

ཉཱཎཱལོཀེན ཛོཏནྟཾ, ཀོ དིསྭཱ ན པསཱིདཏི.

༤༧.

‘‘ཝསཱིསཏསཧསྶེཧི, ནཱིཡནྟཾ ལོཀནཱཡཀཾ;

ཨུདྡྷརནྟཾ བཧཱུ སཏྟེ, ཀོ དིསྭཱ ན པསཱིདཏི.

༤༨.

‘‘ཨཱཧནནྟཾ [ཨཱཧནིཏྭཱ (སྱཱ. ཀ.)] དྷམྨབྷེརིཾ, མདྡནྟཾ ཏིཏྠིཡེ གཎེ;

སཱིཧནཱདཾ ཝིནདནྟཾ, ཀོ དིསྭཱ ན པསཱིདཏི.

༤༩.

‘‘ཡཱཝཏཱ བྲཧྨལོཀཏོ, ཨཱགནྟྭཱན སབྲཧྨཀཱ;

པུཙྪནྟི ནིཔུཎེ པཉྷེ, ཀོ དིསྭཱ ན པསཱིདཏི.

༥༠.

‘‘ཡསྶཉྫལིཾ ཀརིཏྭཱན, ཨཱཡཱཙནྟི སདེཝཀཱ;

ཏེན པུཉྙཾ ཨནུབྷོནྟི, ཀོ དིསྭཱ ན པསཱིདཏི.

༥༡.

‘‘སབྦེ ¶ ཛནཱ སམཱགནྟྭཱ, སམྤཝཱརེནྟི ཙཀྑུམཾ;

ན ཝིཀམྤཏི ཨཛ྄ཛྷིཊྛོ, ཀོ དིསྭཱ ན པསཱིདཏི.

༥༢.

‘‘ནགརཾ ¶ པཝིསཏོ ཡསྶ, རཝནྟི བྷེརིཡོ བཧཱུ;

ཝིནདནྟི གཛཱ མཏྟཱ, ཀོ དིསྭཱ ན པསཱིདཏི.

༥༣.

‘‘ཝཱིཐིཡཱ [རཐིཡཱ (སཱི.)] གཙྪཏོ ཡསྶ, སབྦཱབྷཱ ཛོཏཏེ སདཱ;

ཨབྦྷུནྣཏཱ སམཱ ཧོནྟི, ཀོ དིསྭཱ ན པསཱིདཏི.

༥༤.

‘‘བྱཱཧརནྟསྶ ¶ བུདྡྷསྶ, ཙཀྐཝཱལ༹མྤི སུཡྻཏི;

སབྦེ སཏྟེ ཝིཉྙཱཔེཏི, ཀོ དིསྭཱ ན པསཱིདཏི.

༥༥.

‘‘སཏསཧསྶིཏོ ¶ ཀཔྤེ, ཡཾ བུདྡྷམབྷིཀིཏྟཡིཾ;

དུགྒཏིཾ ནཱབྷིཛཱནཱམི, ཀིཏྟནཱཡ ཨིདཾ ཕལཾ.

༥༦.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༥༧.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༥༨.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ སཡཾཔཊིབྷཱནིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

སཡཾཔཊིབྷཱནིཡཏྠེརསྶཱཔདཱནཾ ནཝམཾ.

༡༠. ནིམིཏྟབྱཱཀརཎིཡཏྠེརཨཔདཱནཾ

༥༩.

‘‘ཨཛ྄ཛྷོགཱཧེཏྭཱ ཧིམཝཾ, མནྟེ ཝཱཙེ མཧཾ ཏདཱ;

ཙཏུཔཉྙཱསསཧསྶཱནི, སིསྶཱ མཡ྄ཧཾ ཨུཔཊྛཧུཾ.

༦༠.

‘‘ཨདྷིཏཱ ¶ ཝེདགཱུ སབྦེ, ཚལ༹ངྒེ པཱརམིཾ གཏཱ;

སཀཝིཛྫཱཧུཔཏྠདྡྷཱ, ཧིམཝནྟེ ཝསནྟི ཏེ.

༦༡.

‘‘ཙཝིཏྭཱ ཏུསིཏཱ ཀཱཡཱ, དེཝཔུཏྟོ མཧཱཡསོ;

ཨུཔྤཛྫི མཱཏུཀུཙྪིསྨིཾ, སམྤཛཱནོ པཏིསྶཏོ.

༦༢.

‘‘སམྦུདྡྷེ ཨུཔཔཛྫནྟེ, དསསཧསྶི ཀམྤཐ;

ཨནྡྷཱ ཙཀྑུཾ ཨལབྷིཾསུ, ཨུཔྤཛྫནྟམྷི ནཱཡཀེ.

༦༣.

‘‘སབྦཱཀཱརཾ ¶ པཀམྤིཏྠ, ཀེཝལཱ ཝསུདྷཱ ཨཡཾ;

ནིགྒྷོསསདྡཾ སུཏྭཱན, ཨུབྦིཛྫིཾསུ [ཝིམྷཡིཾསུ (སྱཱ. ཀ.)] མཧཱཛནཱ.

༦༤.

‘‘སབྦེ ཛནཱ སམཱགམྨ, ཨཱགཙྪུཾ མམ སནྟིཀཾ;

ཝསུདྷཱཡཾ པཀམྤིཏྠ, ཀིཾ ཝིཔཱཀོ བྷཝིསྶཏི.

༦༥.

‘‘ཨཝཙཱསིཾ [ཝིདསྶཱམི (སྱཱ.)] ཏདཱ ཏེསཾ, མཱ བྷེཐ [མཱ རོད (ཀ.), མཱབྷཱཡིཏྠ (སྱཱ.)] ནཏྠི ཝོ བྷཡཾ;

ཝིསཊྛཱ ཧོཐ སབྦེཔི, ཨུཔྤཱདོཡཾ སུཝཏྠིཀོ [སུཁཏྠིཀོ (སྱཱ.)].

༦༦.

‘‘ཨཊྛཧེཏཱུཧི ¶ སམྥུསྶ [ཨཊྛཧེཏཱུཧི སམྥསྶ (སྱཱ. པཱི.), ཨཏྠཧེཏུ ནིསཾསཡཾ (ཀ.)], ཝསུདྷཱཡཾ པཀམྤཏི;

ཏཐཱ ནིམིཏྟཱ དིསྶནྟི, ཨོབྷཱསོ ཝིཔུལོ མཧཱ.

༦༧.

‘‘ཨསཾསཡཾ བུདྡྷསེཊྛོ, ཨུཔྤཛྫིསྶཏི ཙཀྑུམཱ;

སཉྙཱཔེཏྭཱན ཛནཏཾ, པཉྩསཱིལེ ཀཐེསཧཾ.

༦༨.

‘‘སུཏྭཱན ¶ པཉྩ སཱིལཱནི, བུདྡྷུཔྤཱདཉྩ དུལླབྷཾ;

ཨུབྦེགཛཱཏཱ སུམནཱ, ཏུཊྛཧཊྛཱ ཨཧཾསུ ཏེ.

༦༩.

‘‘དྭེནཝུཏེ ཨིཏོ ཀཔྤེ, ཡཾ ནིམིཏྟཾ ཝིཡཱཀརིཾ;

དུགྒཏིཾ ནཱབྷིཛཱནཱམི, བྱཱཀརཎསྶིདཾ ཕལཾ.

༧༠.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༧༡.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༧༢.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ནིམིཏྟབྱཱཀརཎིཡོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

ནིམིཏྟབྱཱཀརཎིཡཏྠེརསྶཱཔདཱནཾ དསམཾ.

སཱལཀུསུམིཡཝགྒོ སཏྟཙཏྟཱལཱིསམོ.

ཏསྶུདྡཱནཾ –

སཱལཀུསུམིཡོ ཐེརོ, པཱུཛཱ ནིབྦཱཔཀོཔི ཙ;

སེཏུདོ ཏཱལཝཎྚཱི ཙ, ཨཝཊལབུཛཔྤདོ.

པིལཀྑཔཊིབྷཱནཱི ཙ, ཝེཡྻཱཀརཎིཡོ དིཛོ;

དྭེསཏྟཏི ཙ གཱཐཱཡོ, གཎིཏཱཡོ ཝིབྷཱཝིབྷི.

༤༨. ནལ༹མཱལིཝགྒོ

༡. ནལ༹མཱལིཡཏྠེརཨཔདཱནཾ

༡.

‘‘སུཝཎྞཝཎྞཾ ¶ ¶ ¶ སམྦུདྡྷཾ, ཨཱཧུཏཱིནཾ པཊིགྒཧཾ;

ཝིཔིནགྒེན གཙྪནྟཾ, ཨདྡསཾ ལོཀནཱཡཀཾ.

༢.

‘‘ནལ༹མཱལཾ གཧེཏྭཱན, ནིཀྑམནྟོ ཙ ཏཱཝདེ;

ཏཏྠདྡསཱསིཾ སམྦུདྡྷཾ, ཨོགྷཏིཎྞམནཱསཝཾ.

༣.

‘‘པསནྣཙིཏྟོ སུམནོ, ནལ༹མཱལམཔཱུཛཡིཾ;

དཀྑིཎེཡྻཾ མཧཱཝཱིརཾ, སབྦལོཀཱནུཀམྤཀཾ.

༤.

‘‘ཨེཀཏིཾསེ ཨིཏོ ཀཔྤེ, ཡཾ མཱལམབྷིརོཔཡིཾ [པུཔྥམབྷིརོཔཡིཾ (སཱི. སྱཱ. པཱི.)];

དུགྒཏིཾ ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༥.

‘‘ཀིལེསཱ ཛྷཱཔིཏཱ མཡ྄ཧཾ, བྷཝཱ སབྦེ སམཱུཧཏཱ;

ནཱགོཝ བནྡྷནཾ ཚེཏྭཱ, ཝིཧརཱམི ཨནཱསཝོ.

༦.

‘‘སྭཱགཏཾ ཝཏ མེ ཨཱསི, མམ བུདྡྷསྶ སནྟིཀེ;

ཏིསྶོ ཝིཛྫཱ ཨནུཔྤཏྟཱ, ཀཏཾ བུདྡྷསྶ སཱསནཾ.

༧.

‘‘པཊིསམྦྷིདཱ ཙཏསྶོ, ཝིམོཀྑཱཔི ཙ ཨཊྛིམེ;

ཚལ༹བྷིཉྙཱ སཙྪིཀཏཱ, ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ནལ༹མཱལིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ནལ༹མཱལིཡཏྠེརསྶཱཔདཱནཾ པཋམཾ.

༢. མཎིཔཱུཛཀཏྠེརཨཔདཱནཾ

༨.

‘‘པདུམུཏྟརོ ¶ ¶ ¶ ནཱམ ཛིནོ, སབྦདྷམྨཱན པཱརགཱུ;

ཝིཝེཀཀཱམོ སམྦུདྡྷོ, གཙྪཏེ ཨནིལཉྫསེ.

༩.

‘‘ཨཝིདཱུརེ ཧིམཝནྟསྶ, མཧཱཛཱཏསྶརོ ཨཧུ;

ཏཏྠ མེ བྷཝནཾ ཨཱསི, པུཉྙཀམྨེན སཾཡུཏཾ.

༡༠.

‘‘བྷཝནཱ ¶ ཨབྷིནིཀྑམྨ, ཨདྡསཾ ལོཀནཱཡཀཾ;

ཨིནྡཱིཝརཾཝ ཛལིཏཾ, ཨཱདིཏྟཾཝ ཧུཏཱསནཾ.

༡༡.

‘‘ཝིཙིནཾ ནདྡསཾ པུཔྥཾ, པཱུཛཡིསྶནྟི ནཱཡཀཾ;

སཀཾ ཙིཏྟཾ པསཱདེཏྭཱ, ཨཝནྡིཾ སཏྠུནོ ཨཧཾ.

༡༢.

‘‘མམ སཱིསེ མཎིཾ གཡ྄ཧ, པཱུཛཡིཾ ལོཀནཱཡཀཾ;

ཨིམཱཡ མཎིཔཱུཛཱཡ, ཝིཔཱཀོ ཧོཏུ བྷདྡཀོ.

༡༣.

‘‘པདུམུཏྟརོ ལོཀཝིདཱུ, ཨཱཧུཏཱིནཾ པཊིགྒཧོ;

ཨནྟལིཀྑེ ཋིཏོ སཏྠཱ, ཨིམཾ གཱཐཾ ཨབྷཱསཐ.

༡༤.

‘སོ ཏེ ཨིཛ྄ཛྷཏུ སངྐཔྤོ, ལབྷསྶུ ཝིཔུལཾ སུཁཾ;

ཨིམཱཡ མཎིཔཱུཛཱཡ, ཨནུབྷོཧི མཧཱཡསཾ’.

༡༥.

‘‘ཨིདཾ ཝཏྭཱན བྷགཝཱ, ཛལཛུཏྟམནཱམཀོ;

ཨགམཱསི བུདྡྷསེཊྛོ, ཡཏྠ ཙིཏྟཾ པཎཱིཧིཏཾ.

༡༦.

‘‘སཊྛིཀཔྤཱནི དེཝིནྡོ, དེཝརཛྫམཀཱརཡིཾ;

ཨནེཀསཏཀྑཏྟུཉྩ, ཙཀྐཝཏྟཱི ཨཧོསཧཾ.

༡༧.

‘‘པུབྦཀམྨཾ ¶ སརནྟསྶ, དེཝབྷཱུཏསྶ མེ སཏོ;

མཎི ནིབྦཏྟཏེ མཡ྄ཧཾ, ཨཱལོཀཀརཎོ མམཾ.

༡༨.

‘‘ཚལ༹སཱིཏིསཧསྶཱནི, ནཱརིཡོ མེ པརིགྒཧཱ;

ཝིཙིཏྟཝཏྠཱབྷརཎཱ, ཨཱམུཀྐམཎིཀུཎྜལཱ [ཨཱམུཏྟམཎིཀུཎྜལཱ (སཱི. སྱཱ. པཱི.)].

༡༩.

‘‘ཨལཱ༹རཔམྷཱ ཧསུལཱ, སུསཉྙཱ ཏནུམཛ྄ཛྷིམཱ;

པརིཝཱརེནྟི མཾ ནིཙྩཾ, མཎིཔཱུཛཱཡིདཾ ཕལཾ.

༢༠.

‘‘སོཎྞམཡཱ མཎིམཡཱ, ལོཧིཏངྒམཡཱ ཏཐཱ;

བྷཎྜཱ མེ སུཀཏཱ ཧོནྟི, ཡདིཙྪསི [ཡདིཙྪཱཡ (སཱི. པཱི.)] པིལ༹ནྡྷནཱ.

༢༡.

‘‘ཀཱུཊཱགཱརཱ ¶ གཧཱརམྨཱ, སཡནཉྩ མཧཱརཧཾ;

མམ སངྐཔྤམཉྙཱཡ, ནིབྦཏྟནྟི ཡདིཙྪཀཾ.

༢༢.

‘‘ལཱབྷཱ ཏེསཾ སུལདྡྷཉྩ, ཡེ ལབྷནྟི ཨུཔསྶུཏིཾ;

པུཉྙཀྑེཏྟཾ མནུསྶཱནཾ, ཨོསདྷཾ སབྦཔཱཎིནཾ.

༢༣.

‘‘མཡ྄ཧམྤི ¶ ¶ སུཀཏཾ ཀམྨཾ, ཡོཧཾ ཨདཀྑི ནཱཡཀཾ;

ཝིནིཔཱཏཱ པམུཏྟོམྷི, པཏྟོམྷི ཨཙལཾ པདཾ.

༢༤.

‘‘ཡཾ ཡཾ ཡོནུཔཔཛྫཱམི, དེཝཏྟཾ ཨཐ མཱནུསཾ;

དིཝསཉྩེཝ རཏྟིཉྩ [སམནྟཱ སཏྟརཏནཱ (སཱི. པཱི. ཀ.)], ཨཱལོཀོ ཧོཏི མེ སདཱ.

༢༥.

‘‘ཏཱཡེཝ མཎིཔཱུཛཱཡ, ཨནུབྷོཏྭཱན སམྤདཱ;

ཉཱཎཱལོཀོ མཡཱ དིཊྛོ, པཏྟོམྷི ཨཙལཾ པདཾ.

༢༦.

‘‘སཏསཧསྶིཏོ ཀཔྤེ, ཡཾ མཎིཾ ཨབྷིཔཱུཛཡིཾ;

དུགྒཏིཾ ནཱབྷིཛཱནཱམི, མཎིཔཱུཛཱཡིདཾ ཕལཾ.

༢༧.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༢༨.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༢༩.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ མཎིཔཱུཛཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

མཎིཔཱུཛཀཏྠེརསྶཱཔདཱནཾ དུཏིཡཾ.

༣. ཨུཀྐཱསཏིཀཏྠེརཨཔདཱནཾ

༣༠.

‘‘ཀོསིཀོ ནཱམ བྷགཝཱ, ཙིཏྟཀཱུཊེ ཝསཱི ཏདཱ;

ཛྷཱཡཱི ཛྷཱནརཏོ བུདྡྷོ, ཝིཝེཀཱབྷིརཏོ མུནི.

༣༡.

‘‘ཨཛ྄ཛྷོགཱཧེཏྭཱ [ཨཛ྄ཛྷོགཧེཏྭཱ (སཱི. སྱཱ. པཱི.)] ཧིམཝནྟཾ, ནཱརཱིགཎཔུརཀྑཏོ;

ཨདྡསཾ ཀོསིཀཾ བུདྡྷཾ, པུཎྞམཱཡེཝ ཙནྡིམཾ.

༣༢.

‘‘ཨུཀྐཱསཏེ གཧེཏྭཱན, པརིཝཱརེསཧཾ ཏདཱ;

སཏྟརཏྟིནྡིཝཾ ཋཏྭཱ [བུདྡྷོ (སྱཱ. ཀ.)], ཨཊྛམེན ཨགཙྪཧཾ.

༣༣.

‘‘ཝུཊྛིཏཾ ¶ ཀོསིཀཾ བུདྡྷཾ, སཡམྦྷུཾ ཨཔརཱཛིཏཾ;

པསནྣཙིཏྟོ ཝནྡིཏྭཱ, ཨེཀཾ བྷིཀྑཾ ཨདཱསཧཾ.

༣༤.

‘‘ཏེན ཀམྨེན དྭིཔདིནྡ, ལོཀཛེཊྛ ནརཱསབྷ;

ཨུཔྤཛྫིཾ ཏུསིཏེ ཀཱཡེ, ཨེཀབྷིཀྑཱཡིདཾ ཕལཾ.

༣༥.

‘‘དིཝསཉྩེཝ ¶ ¶ རཏྟིཉྩ, ཨཱལོཀོ ཧོཏི མེ སདཱ;

སམནྟཱ ཡོཛནསཏཾ, ཨོབྷཱསེན ཕརཱམཧཾ.

༣༦.

‘‘པཉྩཔཉྙཱསཀཔྤམྷི, ཙཀྐཝཏྟཱི ཨཧོསཧཾ;

ཙཱཏུརནྟོ ཝིཛིཏཱཝཱི, ཛམྦུམཎྜསྶ [ཛམྦུསཎྜསྶ (པཱི.)] ཨིསྶརོ.

༣༧.

‘‘ཏདཱ མེ ནགརཾ ཨཱསི, ཨིདྡྷཾ ཕཱིཏཾ སུནིམྨིཏཾ;

ཏིཾསཡོཛནམཱཡཱམཾ, ཝིཏྠཱརེན ཙ ཝཱིསཏི.

༣༨.

‘‘སོབྷཎཾ ནཱམ ནགརཾ, ཝིསྶཀམྨེན མཱཔིཏཾ;

དསསདྡཱཝིཝིཏྟཾ ཏཾ, སམྨཏཱལ༹སམཱཧིཏཾ.

༣༩.

‘‘ན ¶ ཏམྷི ནགརེ ཨཏྠི, ཝལླིཀཊྛཉྩ མཏྟིཀཱ;

སབྦསོཎྞམཡཾཡེཝ, ཛོཏཏེ ནིཙྩཀཱལིཀཾ.

༤༠.

‘‘ཙཏུཔཱཀཱརཔརིཀྑིཏྟཾ, ཏཡོ ཨཱསུཾ མཎིམཡཱ;

ཝེམཛ྄ཛྷེ ཏཱལཔནྟཱི ཙ, ཝིསྶཀམྨེན མཱཔིཏཱ.

༤༡.

‘‘དསསཧསྶཔོཀྑརཉྙོ, པདུམུཔྤལཚཱདིཏཱ;

པུཎྜརཱིཀེཧི [པུཎྜརཱིཀཱདི (སྱཱ.)] སཉྪནྣཱ, ནཱནཱགནྡྷསམཱིརིཏཱ.

༤༢.

‘‘ཙཏུནྣཝུཏིཏོ ཀཔྤེ, ཡཾ ཨུཀྐཾ དྷཱརཡིཾ ཨཧཾ;

དུགྒཏིཾ ནཱབྷིཛཱནཱམི, ཨུཀྐདྷཱརསྶིདཾ ཕལཾ.

༤༣.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༤༤.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༤༥.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨུཀྐཱསཏིཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཨུཀྐཱསཏིཀཏྠེརསྶཱཔདཱནཾ ཏཏིཡཾ.

༤. སུམནབཱིཛནིཡཏྠེརཨཔདཱནཾ

༤༦.

‘‘ཝིཔསྶིནོ ¶ བྷགཝཏོ, བོདྷིཡཱ པཱདཔུཏྟམེ;

སུམནོ བཱིཛནིཾ གཡ྄ཧ, ཨབཱིཛིཾ བོདྷིམུཏྟམཾ.

༤༧.

‘‘ཨེཀནཝུཏིཏོ ¶ ཀཔྤེ, ཨབཱིཛིཾ བོདྷིམུཏྟམཾ;

དུགྒཏིཾ ནཱབྷིཛཱནཱམི, བཱིཛནཱཡ ཨིདཾ ཕལཾ.

༤༨.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༤༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༥༠.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ སུམནབཱིཛནིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

སུམནབཱིཛནིཡཏྠེརསྶཱཔདཱནཾ ཙཏུཏྠཾ.

༥. ཀུམྨཱསདཱཡཀཏྠེརཨཔདཱནཾ

༥༡.

‘‘ཨེསནཱཡ ¶ ཙརནྟསྶ, ཝིཔསྶིསྶ མཧེསིནོ;

རིཏྟཀཾ པཏྟཾ དིསྭཱན, ཀུམྨཱསཾ པཱུརཡིཾ ཨཧཾ.

༥༢.

‘‘ཨེཀནཝུཏིཏོ ཀཔྤེ, ཡཾ བྷིཀྑཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཀུམྨཱསསྶ ཨིདཾ ཕལཾ.

༥༣.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༥༤.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༥༥.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཀུམྨཱསདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཀུམྨཱསདཱཡཀཏྠེརསྶཱཔདཱནཾ པཉྩམཾ.

༦. ཀུསཊྛཀདཱཡཀཏྠེརཨཔདཱནཾ

༥༦.

‘‘ཀསྶཔསྶ ¶ ¶ བྷགཝཏོ, བྲཱཧྨཎསྶ ཝུསཱིམཏོ;

པསནྣཙིཏྟོ སུམནོ, ཀུསཊྛཀམདཱསཧཾ.

༥༧.

‘‘ཨིམསྨིཾཡེཝ ཀཔྤསྨིཾ, ཀུསཊྛཀམདཱསཧཾ;

དུགྒཏིཾ ནཱབྷིཛཱནཱམི, ཀུསཊྛཀསྶིདཾ ཕལཾ.

༥༨.

‘‘ཀིལེསཱ ¶ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༥༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༦༠.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཀུསཊྛཀདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཀུསཊྛཀདཱཡཀཏྠེརསྶཱཔདཱནཾ ཚཊྛཾ.

༧. གིརིཔུནྣཱགིཡཏྠེརཨཔདཱནཾ

༦༡.

‘‘སོབྷིཏོ ནཱམ སམྦུདྡྷོ, ཙིཏྟཀཱུཊེ ཝསཱི ཏདཱ;

གཧེཏྭཱ གིརིཔུནྣཱགཾ, སཡམྦྷུཾ ཨབྷིཔཱུཛཡིཾ.

༦༢.

‘‘ཙཏུནྣཝུཏིཏོ ཀཔྤེ, ཡཾ བུདྡྷམབྷིཔཱུཛཡིཾ;

དུགྒཏིཾ ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༦༣.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༦༤.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༦༥.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ ¶ སུདཾ ཨཱཡསྨཱ གིརིཔུནྣཱགིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

གིརིཔུནྣཱགིཡཏྠེརསྶཱཔདཱནཾ སཏྟམཾ.

༨. ཝལླིཀཱརཕལདཱཡཀཏྠེརཨཔདཱནཾ

༦༦.

‘‘སུམནོ ¶ ནཱམ སམྦུདྡྷོ, ཏཀྐརཱཡཾ ཝསཱི ཏདཱ;

ཝལླིཀཱརཕལཾ གཡ྄ཧ, སཡམྦྷུསྶ ཨདཱསཧཾ.

༦༧.

‘‘ཨེཀཏིཾསེ ཨིཏོ ཀཔྤེ, ཡཾ ཕལཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༦༨.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༦༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༧༠.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཝལླིཀཱརཕལདཱཡཀོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

ཝལླིཀཱརཕལདཱཡཀཏྠེརསྶཱཔདཱནཾ ཨཊྛམཾ.

༩. པཱནདྷིདཱཡཀཏྠེརཨཔདཱནཾ

༧༡.

‘‘ཨནོམདསྶཱི ¶ བྷགཝཱ, ལོཀཛེཊྛོ ནརཱསབྷོ;

དིཝཱཝིཧཱརཱ ནིཀྑམྨ, པཐམཱརུཧི [པཱིཏིམཱརུཡ྄ཧི (སྱཱ.)] ཙཀྑུམཱ.

༧༢.

‘‘པཱནདྷིཾ ¶ སུཀཏཾ གཡ྄ཧ, ཨདྡྷཱནཾ པཊིཔཛྫཧཾ;

ཏཏྠདྡསཱསིཾ སམྦུདྡྷཾ, པཏྟིཀཾ ཙཱརུདསྶནཾ.

༧༣.

‘‘སཀཾ ཙིཏྟཾ པསཱདེཏྭཱ, ནཱིཧརིཏྭཱན པཱནདྷིཾ;

པཱདམཱུལེ ཋཔེཏྭཱན, ཨིདཾ ཝཙནམབྲཝིཾ.

༧༤.

‘‘‘ཨབྷིརཱུཧ མཧཱཝཱིར, སུགཏིནྡ ཝིནཱཡཀ;

ཨིཏོ ཕལཾ ལབྷིསྶཱམི, སོ མེ ཨཏྠོ སམིཛ྄ཛྷཏུ’.

༧༥.

‘‘ཨནོམདསྶཱི བྷགཝཱ, ལོཀཛེཊྛོ ནརཱསབྷོ;

པཱནདྷིཾ ཨབྷིརཱུཧིཏྭཱ, ཨིདཾ ཝཙནམབྲཝི.

༧༦.

‘‘‘ཡོ པཱནདྷིཾ མེ ཨདཱསི, པསནྣོ སེཧི པཱཎིབྷི;

ཏམཧཾ ཀིཏྟཡིསྶཱམི, སུཎཱཐ མམ བྷཱསཏོ’.

༧༧.

‘‘བུདྡྷསྶ ¶ གིརམཉྙཱཡ, སབྦེ དེཝཱ སམཱགཏཱ;

ཨུདགྒཙིཏྟཱ སུམནཱ, ཝེདཛཱཏཱ ཀཏཉྫལཱི.

༧༨.

‘‘པཱནདྷཱིནཾ པདཱནེན, སུཁིཏོཡཾ བྷཝིསྶཏི;

པཉྩཔཉྙཱསཀྑཏྟུཉྩ, དེཝརཛྫཾ ཀརིསྶཏི.

༧༩.

‘‘སཧསྶཀྑཏྟུཾ རཱཛཱ ཙ, ཙཀྐཝཏྟཱི བྷཝིསྶཏི;

པདེསརཛྫཾ ཝིཔུལཾ, གཎནཱཏོ ཨསངྑིཡཾ.

༨༠.

‘‘ཨཔརིམེཡྻེ ཨིཏོ ཀཔྤེ, ཨོཀྐཱཀཀུལསམྦྷཝོ;

གོཏམོ ནཱམ གོཏྟེན [ནཱམེན (སབྦཏྠ)], སཏྠཱ ལོཀེ བྷཝིསྶཏི.

༨༡.

‘‘ཏསྶ ¶ དྷམྨེསུ དཱཡཱདོ, ཨོརསོ དྷམྨནིམྨིཏོ;

སབྦཱསཝེ པརིཉྙཱཡ, ནིབྦཱཡིསྶཏིནཱསཝོ.

༨༢.

‘‘དེཝལོཀེ ¶ མནུསྶེ ཝཱ, ནིབྦཏྟིསྶཏི པུཉྙཝཱ;

དེཝཡཱནཔཊིབྷཱགཾ, ཡཱནཾ པཊིལབྷིསྶཏི.

༨༣.

‘‘པཱསཱདཱ སིཝིཀཱ ཝཡ྄ཧཾ, ཧཏྠིནོ སམལངྐཏཱ;

རཐཱ ཝཱཛཉྙསཾཡུཏྟཱ, སདཱ པཱཏུབྷཝནྟི མེ.

༨༤.

‘‘ཨགཱརཱ ནིཀྑམནྟོཔི, རཐེན ནིཀྑམིཾ ཨཧཾ;

ཀེསེསུ ཚིཛྫམཱནེསུ, ཨརཧཏྟམཔཱཔུཎིཾ.

༨༥.

‘‘ལཱབྷཱ མཡ྄ཧཾ སུལདྡྷཾ མེ, ཝཱཎིཛྫཾ སུཔྤཡོཛིཏཾ;

དཏྭཱན པཱནདྷིཾ ཨེཀཾ, པཏྟོམྷི ཨཙལཾ པདཾ.

༨༦.

‘‘ཨཔརིམེཡྻེ ཨིཏོ ཀཔྤེ, ཡཾ པཱནདྷིམདཱསཧཾ;

དུགྒཏིཾ ནཱབྷིཛཱནཱམི, པཱནདྷིསྶ ཨིདཾ ཕལཾ.

༨༧.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༨༨.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༨༩.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ པཱནདྷིདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

པཱནདྷིདཱཡཀཏྠེརསྶཱཔདཱནཾ ནཝམཾ.

༡༠. པུལིནཙངྐམིཡཏྠེརཨཔདཱནཾ

༩༠.

‘‘མིགལུདྡོ ¶ ¶ པུརེ ཨཱསིཾ, ཨརཉྙེ ཀཱནནེ ཨཧཾ;

ཝཱཏམིགཾ གཝེསནྟོ, ཙངྐམཾ ཨདྡསཾ ཨཧཾ.

༩༡.

‘‘ཨུཙྪངྒེན པུལིནཾ [པུལི༹ནཾ (སཱི. སྱཱ. པཱི. ཀ.)] གཡ྄ཧ, ཙངྐམེ ཨོཀིརིཾ ཨཧཾ;

པསནྣཙིཏྟོ སུམནོ, སུགཏསྶ སིརཱིམཏོ.

༩༢.

‘‘ཨེཀཏིཾསེ ཨིཏོ ཀཔྤེ, པུལིནཾ ཨོཀིརིཾ ཨཧཾ;

དུགྒཏིཾ ནཱབྷིཛཱནཱམི, པུལིནསྶ ཨིདཾ ཕལཾ.

༩༣.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༩༤.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༩༥.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ པུལིནཙངྐམིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

པུལིནཙངྐམིཡཏྠེརསྶཱཔདཱནཾ དསམཾ.

ནལ༹མཱལིཝགྒོ ཨཊྛཙཏྟཱལཱིསམོ.

ཏསྶུདྡཱནཾ –

ནལ༹མཱལཱི མཎིདདོ, ཨུཀྐཱསཏིཀབཱིཛནཱི;

ཀུམྨཱསོ ཙ ཀུསཊྛོ ཙ, གིརིཔུནྣཱགིཡོཔི ཙ.

ཝལླིཀཱརོ ¶ པཱནདྷིདོ, ཨཐོ པུལིནཙངྐམོ;

གཱཐཱཡོ པཉྩནཝུཏི, གཎིཏཱཡོ ཝིབྷཱཝིབྷི.

༤༩. པཾསུཀཱུལཝགྒོ

༡. པཾསུཀཱུལསཉྙཀཏྠེརཨཔདཱནཾ

༡.

‘‘ཏིསྶོ ¶ ¶ ནཱམཱསི བྷགཝཱ, སཡམྦྷཱུ ཨགྒཔུགྒལོ;

པཾསུཀཱུལཾ ཋཔེཏྭཱན, ཝིཧཱརཾ པཱཝིསཱི ཛིནོ.

༢.

‘‘ཝིནཏཾ [སཛྫིཏཾ (སྱཱ.), ཏིཡནྟཾ (པཱི.)] དྷནུམཱདཱཡ, བྷཀྑཏྠཱཡ ཙརིཾ ཨཧཾ;

མཎྜལགྒཾ གཧེཏྭཱན, ཀཱནནཾ པཱཝིསིཾ ཨཧཾ.

༣.

‘‘ཏཏྠདྡསཾ ¶ པཾསུཀཱུལཾ, དུམགྒེ ལགྒིཏཾ ཏདཱ;

ཙཱཔཾ ཏཏྠེཝ ནིཀྑིཔྤ, སིརེ ཀཏྭཱན ཨཉྫལིཾ.

༤.

‘‘པསནྣཙིཏྟོ སུམནོ, ཝིཔུལཱཡ ཙ པཱིཏིཡཱ;

བུདྡྷསེཊྛཾ སརིཏྭཱན, པཾསུཀཱུལཾ ཨཝནྡཧཾ.

༥.

‘‘དྭེནཝུཏེ ཨིཏོ ཀཔྤེ, པཾསུཀཱུལམཝནྡཧཾ;

དུགྒཏིཾ ནཱབྷིཛཱནཱམི, ཝནྡནཱཡ ཨིདཾ ཕལཾ.

༦.

‘‘ཀིལེསཱ ཛྷཱཔིཏཱ མཡ྄ཧཾ, བྷཝཱ སབྦེ སམཱུཧཏཱ;

ནཱགོཝ བནྡྷནཾ ཚེཏྭཱ, ཝིཧརཱམི ཨནཱསཝོ.

༧.

‘‘སྭཱགཏཾ ¶ ཝཏ མེ ཨཱསི, མམ བུདྡྷསྶ སནྟིཀེ;

ཏིསྶོ ཝིཛྫཱ ཨནུཔྤཏྟཱ, ཀཏཾ བུདྡྷསྶ སཱསནཾ.

༨.

‘‘པཊིསམྦྷིདཱ ཙཏསྶོ, ཝིམོཀྑཱཔི ཙ ཨཊྛིམེ;

ཚལ༹བྷིཉྙཱ སཙྪིཀཏཱ, ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ པཾསུཀཱུལསཉྙཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

པཾསུཀཱུལསཉྙཀཏྠེརསྶཱཔདཱནཾ པཋམཾ.

༢. བུདྡྷསཉྙཀཏྠེརཨཔདཱནཾ

༩.

‘‘ཨཛ྄ཛྷཱཡཀོ ¶ མནྟདྷརོ, ཏིཎྞཾ ཝེདཱན པཱརགཱུ;

ལཀྑཎེ ཨིཏིཧཱསེ ཙ, སནིགྷཎྜུསཀེཊུབྷེ.

༡༠.

‘‘ནདཱིསོཏཔཊིབྷཱགཱ ¶ , སིསྶཱ ཨཱཡནྟི མེ ཏདཱ;

ཏེསཱཧཾ མནྟེ [མནྟཾ (སྱཱ. ཀ.)] ཝཱཙེམི, རཏྟིནྡིཝམཏནྡིཏོ.

༡༡.

‘‘སིདྡྷཏྠོ ནཱམ སམྦུདྡྷོ, ལོཀེ ཨུཔྤཛྫི ཏཱཝདེ;

ཏམནྡྷཀཱརཾ ནཱསེཏྭཱ, ཉཱཎཱལོཀཾ པཝཏྟཡི.

༡༢.

‘‘མམ ཨཉྙཏརོ སིསྶོ, སིསྶཱནཾ སོ ཀཐེསི མེ;

སུཏྭཱན ཏེ ཨེཏམཏྠཾ, ཨཱརོཙེསུཾ མམཾ ཏདཱ.

༡༣.

‘‘བུདྡྷོ ལོཀེ སམུཔྤནྣོ, སབྦཉྙཱུ ལོཀནཱཡཀོ;

ཏསྶཱནུཝཏྟཏི ཛནོ, ལཱབྷོ ཨམྷཾ ན ཝིཛྫཏི [ན ཧེསྶཏི (སཱི. པཱི.)].

༡༤.

‘‘ཨདྷིཙྩུཔྤཏྟིཀཱ བུདྡྷཱ, ཙཀྑུམནྟོ མཧཱཡསཱ;

ཡཾནཱུནཱཧཾ བུདྡྷསེཊྛཾ, པསྶེཡྻཾ ལོཀནཱཡཀཾ.

༡༥.

‘‘ཨཛིནཾ ¶ མེ གཧེཏྭཱན, ཝཱཀཙཱིརཾ ཀམཎྜལུཾ;

ཨསྶམཱ ཨབྷིནིཀྑམྨ, སིསྶེ ཨཱམནྟཡིཾ ཨཧཾ.

༡༦.

‘‘ཨོདུམྦརིཀཔུཔྥཾཝ, ཙནྡམྷི སསཀཾ ཡཐཱ;

ཝཱཡསཱནཾ ཡཐཱ ཁཱིརཾ, དུལླབྷོ ལོཀནཱཡཀོ [དུལླབྷཱ ལོཀནཱཡཀཱ (སཱི.), དུལླབྷཾ ལོཀནཱཡཀཾ (སྱཱ. པཱི. ཀ.)].

༡༧.

‘‘བུདྡྷོ ལོཀམྷི ཨུཔྤནྣོ, མནུསྶཏྟམྤི དུལླབྷཾ;

ཨུབྷོསུ ཝིཛྫམཱནེསུ, སཝནཉྩ སུདུལླབྷཾ.

༡༨.

‘‘བུདྡྷོ ལོཀེ སམུཔྤནྣོ, ཙཀྑུཾ ལཙྪཱམ ནོ བྷཝཾ;

ཨེཐ སབྦེ གམིསྶཱམ, སམྨཱསམྦུདྡྷསནྟིཀཾ.

༡༩.

‘‘ཀམཎྜལུདྷརཱ ¶ སབྦེ, ཁརཱཛིནནིཝཱསིནོ;

ཏེ ཛཊཱ བྷཱརབྷརིཏཱ, ནིཀྑམུཾ ཝིཔིནཱ ཏདཱ.

༢༠.

‘‘ཡུགམཏྟཾ པེཀྑམཱནཱ, ཨུཏྟམཏྠཾ གཝེསིནོ;

ཨཱསཏྟིདོསརཧིཏཱ, ཨསམྦྷཱིཏཱཝ ཀེསརཱི.

༢༡.

‘‘ཨཔྤཀིཙྩཱ ཨལོལུཔྤཱ, ནིཔཀཱ སནྟཝུཏྟིནོ;

ཨུཉྪཱཡ ཙརམཱནཱ ཏེ, བུདྡྷསེཊྛམུཔཱགམུཾ.

༢༢.

‘‘དིཡཌྜྷཡོཛནེ ¶ སེསེ, བྱཱདྷི མེ ཨུཔཔཛྫཐ;

བུདྡྷསེཊྛཾ སརིཏྭཱན, ཏཏྠ ཀཱལངྐཏོ ཨཧཾ.

༢༣.

‘‘ཙཏུནྣཝུཏིཏོ ¶ ཀཔྤེ, ཡཾ སཉྙམལབྷིཾ ཏདཱ;

དུགྒཏིཾ ནཱབྷིཛཱནཱམི, བུདྡྷསཉྙཱཡིདཾ ཕལཾ.

༢༤.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༢༥.

‘‘སྭཱགཏཾ ¶ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༢༦.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ བུདྡྷསཉྙཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

བུདྡྷསཉྙཀཏྠེརསྶཱཔདཱནཾ དུཏིཡཾ.

༣. བྷིསདཱཡཀཏྠེརཨཔདཱནཾ

༢༧.

‘‘ཨོགཡ྄ཧ ཡཾ [ཨོགཡ྄ཧཱཧཾ (སཱི. སྱཱ. པཱི.)] པོཀྑརཎིཾ, ནཱནཱཀུཉྫརསེཝིཏཾ;

ཨུདྡྷརཱམི བྷིསཾ ཏཏྠ, གྷཱསཧེཏུ [ཨསནཧེཏུ (སྱཱ.)] ཨཧཾ ཏདཱ.

༢༨.

‘‘བྷགཝཱ ཏམྷི སམཡེ, པདུམུཏྟརསཝ྄ཧཡོ;

རཏྟམྦརདྷརོ [རཏྟཀམྦལདྷརོ (སྱཱ.)] བུདྡྷོ, གཙྪཏི ཨནིལཉྫསེ.

༢༩.

‘‘དྷུནནྟོ པཾསུཀཱུལཱནི, སདྡམསྶོསཧཾ ཏདཱ;

ཨུདྡྷཾ ནིཛ྄ཛྷཱཡམཱནོཧཾ, ཨདྡསཾ ལོཀནཱཡཀཾ.

༣༠.

‘‘ཏཏྠེཝ ཋིཏཀོ སནྟོ, ཨཱཡཱཙིཾ ལོཀནཱཡཀཾ;

མདྷུཾ བྷིསེཧི སཝཏི, ཁཱིརཾ སཔྤིཾ མུལཱ༹ལིབྷི.

༣༡.

‘‘པཊིགྒཎྷཱཏུ མེ བུདྡྷོ, ཨནུཀམྤཱཡ ཙཀྑུམཱ;

ཏཏོ ཀཱརུཎིཀོ སཏྠཱ, ཨོརུཧིཏྭཱ མཧཱཡསོ.

༣༢.

‘‘པཊིགྒཎྷི མམཾ བྷིཀྑཾ, ཨནུཀམྤཱཡ ཙཀྑུམཱ;

པཊིགྒཧེཏྭཱ སམྦུདྡྷོ, ཨཀཱ མེ ཨནུམོདནཾ.

༣༣.

‘‘‘སུཁཱི ¶ ཧོཏུ [ཧོཧི (སཱི. སྱཱ. པཱི. ཀ.)] མཧཱཔུཉྙ, གཏི ཏུཡ྄ཧཾ སམིཛ྄ཛྷཏུ;

ཨིམིནཱ བྷིསདཱནེན, ལབྷསྶུ ཝིཔུལཾ སུཁཾ’.

༣༤.

‘‘ཨིདཾ ¶ ¶ ཝཏྭཱན སམྦུདྡྷོ, ཛལཛུཏྟམནཱམཀོ;

བྷིཀྑམཱདཱཡ སམྦུདྡྷོ, ཨམྦརེནཱགམཱ ཛིནོ.

༣༥.

‘‘ཏཏོ ¶ བྷིསཾ གཧེཏྭཱན, ཨཱགཙྪིཾ མམ ཨསྶམཾ;

བྷིསཾ རུཀྑེ ལགེཏྭཱན [ལགྒིཏྭཱན (སྱཱ. ཀ.)], མམ དཱནམནུསྶརིཾ.

༣༦.

‘‘མཧཱཝཱཏོ ཝུཊྛཧིཏྭཱ, སཉྩཱལེསི ཝནཾ ཏདཱ;

ཨཱཀཱསོ ཨབྷིནཱདིཏྠ, ཨསནིཡཱ ཕལནྟིཡཱ.

༣༧.

‘‘ཏཏོ མེ ཨསནིཔཱཏོ, མཏྠཀེ ནིཔཏཱི ཏདཱ;

སོཧཾ ནིསིནྣཀོ སནྟོ, ཏཏྠ ཀཱལངྐཏོ ཨཧུཾ.

༣༨.

‘‘པུཉྙཀམྨེན སཾཡུཏྟོ, ཏུསིཏཾ ཨུཔཔཛྫཧཾ;

ཀལེ༹ཝརཾ མེ པཏིཏཾ, དེཝལོཀེ རམིཾ ཨཧཾ.

༣༩.

‘‘ཚལ༹སཱིཏིསཧསྶཱནི, ནཱརིཡོ སམལངྐཏཱ;

སཱཡཔཱཏཾ [སཱཡཾ པཱཏཾ (སྱཱ. ཀ.)] ཨུཔཊྛནྟི, བྷིསདཱནསྶིདཾ ཕལཾ.

༤༠.

‘‘མནུསྶཡོནིམཱགནྟྭཱ, སུཁིཏོ ཧོམཧཾ སདཱ;

བྷོགེ མེ ཨཱུནཏཱ ནཏྠི, བྷིསདཱནསྶིདཾ ཕལཾ.

༤༡.

‘‘ཨནུཀམྤིཏཀོ ཏེན, དེཝདེཝེན ཏཱདིནཱ;

སབྦཱསཝཱ པརིཀྑཱིཎཱ, ནཏྠི དཱནི པུནབྦྷཝོ.

༤༢.

‘‘སཏསཧསྶིཏོ ཀཔྤེ, ཡཾ བྷིསཾ [བྷིཀྑཾ (སབྦཏྠ)] ཨདདིཾ ཏདཱ;

དུགྒཏིཾ ནཱབྷིཛཱནཱམི, བྷིསདཱནསྶིདཾ ཕལཾ.

༤༣.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༤༤.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༤༥.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ བྷིསདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

བྷིསདཱཡཀཏྠེརསྶཱཔདཱནཾ ཏཏིཡཾ.

༤. ཉཱཎཐཝིཀཏྠེརཨཔདཱནཾ

༤༦.

‘‘དཀྑིཎེ ¶ ཧིམཝནྟསྶ, སུཀཏོ ཨསྶམོ མམ;

ཨུཏྟམཏྠཾ གཝེསནྟོ, ཝསཱམི ཝིཔིནེ ཏདཱ.

༤༧.

‘‘ལཱབྷཱལཱབྷེན ¶ སནྟུཊྛོ, མཱུལེན ཙ ཕལེན ཙ;

ཨནྭེསནྟོ ཨཱཙརིཡཾ, ཝསཱམི ཨེཀཀོ ཨཧཾ.

༤༨.

‘‘སུམེདྷོ ནཱམ སམྦུདྡྷོ, ལོཀེ ཨུཔྤཛྫི ཏཱཝདེ;

ཙཏུསཙྩཾ པཀཱསེཏི, ཨུདྡྷརནྟོ མཧཱཛནཾ.

༤༩.

‘‘ནཱཧཾ སུཎོམི སམྦུདྡྷཾ, ནཔི མེ ཀོཙི སཾསཏི [བྷཱསཏི (སཱི.), སཱསཏི (སྱཱ. པཱི.)];

ཨཊྛཝསྶེ ཨཏིཀྐནྟེ, ཨསྶོསིཾ ལོཀནཱཡཀཾ.

༥༠.

‘‘ཨགྒིདཱརུཾ ¶ ནཱིཧརིཏྭཱ, སམྨཛྫིཏྭཱན ཨསྶམཾ;

ཁཱརིབྷཱརཾ གཧེཏྭཱན, ནིཀྑམིཾ ཝིཔིནཱ ཨཧཾ.

༥༡.

‘‘ཨེཀརཏྟིཾ ¶ ཝསནྟོཧཾ, གཱམེསུ ནིགམེསུ ཙ;

ཨནུཔུབྦེན ཙནྡཝཏིཾ, ཏདཱཧཾ ཨུཔསངྐམིཾ.

༥༢.

‘‘བྷགཝཱ ཏམྷི སམཡེ, སུམེདྷོ ལོཀནཱཡཀོ;

ཨུདྡྷརནྟོ བཧཱུ སཏྟེ, དེསེཏི ཨམཏཾ པདཾ.

༥༣.

‘‘ཛནཀཱཡམཏིཀྐམྨ, ཝནྡིཏྭཱ ཛིནསཱགརཾ;

ཨེཀཾསཾ ཨཛིནཾ ཀཏྭཱ, སནྠཝིཾ ལོཀནཱཡཀཾ.

༥༤.

‘‘‘ཏུཝཾ སཏྠཱ ཙ ཀེཏུ ཙ, དྷཛོ ཡཱུཔོ ཙ པཱཎིནཾ;

པརཱཡནོ [པརཱཡཎོ (སཱི. པཱི.)] པཏིཊྛཱ ཙ, དཱིཔོ ཙ དྭིཔདུཏྟམོ.

ཨེཀཝཱིསཏིམཾ བྷཱཎཝཱརཾ.

༥༥.

‘‘‘ནེཔུཉྙོ དསྶནེ ཝཱིརོ, ཏཱརེསི ཛནཏཾ ཏུཝཾ;

ནཏྠཉྙོ ཏཱརཀོ ལོཀེ, ཏཝུཏྟརིཏརོ མུནེ.

༥༦.

‘‘‘སཀྐཱ ཐེཝེ [ཧཝེ (སཱི. པཱི.) བྷཝེ (སྱཱ. ཀ.)] ཀུསགྒེན, པམེཏུཾ སཱགརུཏྟམེ [སཱགརུཏྟམོ (སཱི. སྱཱ. པཱི.)];

ནཏྭེཝ ཏཝ སབྦཉྙུ, ཉཱཎཾ སཀྐཱ པམེཏཝེ.

༥༧.

‘‘‘ཏུལདཎྜེ ¶ [ཏུལམཎྜལེ (སཱི. པཱི.)] ཋཔེཏྭཱན, མཧིཾ [མཧཱི (སྱཱ. པཱི.)] སཀྐཱ དྷརེཏཝེ;

ནཏྭེཝ ཏཝ པཉྙཱཡ, པམཱཎམཏྠི ཙཀྑུམ.

༥༨.

‘‘‘ཨཱཀཱསོ མིནིཏུཾ སཀྐཱ, རཛྫུཡཱ ཨངྒུལེན ཝཱ;

ནཏྭེཝ ཏཝ སབྦཉྙུ, སཱིལཾ སཀྐཱ པམེཏཝེ.

༥༩.

‘‘‘མཧཱསམུདྡེ ¶ ཨུདཀཾ, ཨཱཀཱསོ ཙ ཝསུནྡྷརཱ;

པརིམེཡྻཱནི ཨེཏཱནི, ཨཔྤམེཡྻོསི ཙཀྑུམ’.

༦༠.

‘‘ཚཧི ¶ གཱཐཱཧི སབྦཉྙུཾ, ཀིཏྟཡིཏྭཱ མཧཱཡསཾ;

ཨཉྫལིཾ པགྒཧེཏྭཱན, ཏུཎྷཱི ཨཊྛཱསཧཾ ཏདཱ.

༦༡.

‘‘ཡཾ ཝདནྟི སུམེདྷོཏི, བྷཱུརིཔཉྙཾ སུམེདྷསཾ;

བྷིཀྑུསངྒྷེ ནིསཱིདིཏྭཱ, ཨིམཱ གཱཐཱ ཨབྷཱསཐ.

༦༢.

‘‘‘ཡོ མེ ཉཱཎཾ པཀིཏྟེསི, ཝིཔྤསནྣེན ཙེཏསཱ;

ཏམཧཾ ཀིཏྟཡིསྶཱམི, སུཎཱཐ མམ བྷཱསཏོ.

༦༣.

‘‘‘སཏྟསཏྟཏི ཀཔྤཱནི, དེཝལོཀེ རམིསྶཏི;

སཧསྶཀྑཏྟུཾ དེཝིནྡོ, དེཝརཛྫཾ ཀརིསྶཏི.

༦༤.

‘‘‘ཨནེཀསཏཀྑཏྟུཉྩ, ཙཀྐཝཏྟཱི བྷཝིསྶཏི;

པདེསརཛྫཾ ཝིཔུལཾ, གཎནཱཏོ ཨསངྑིཡཾ.

༦༥.

‘‘‘དེཝབྷཱུཏོ ¶ མནུསྶོ ཝཱ, པུཉྙཀམྨསམཱཧིཏོ;

ཨནཱུནམནསངྐཔྤོ, ཏིཀྑཔཉྙོ བྷཝིསྶཏི’.

༦༦.

‘‘ཏིཾསཀཔྤསཧསྶམྷི, ཨོཀྐཱཀཀུལསམྦྷཝོ;

གོཏམོ ནཱམ གོཏྟེན, སཏྠཱ ལོཀེ བྷཝིསྶཏི.

༦༧.

‘‘ཨགཱརཱ ཨབྷིནིཀྑམྨ, པབྦཛིསྶཏི ཀིཉྩནོ;

ཛཱཏིཡཱ སཏྟཝསྶེན, ཨརཧཏྟཾ ཕུསིསྶཏི.

༦༨.

‘‘ཡཏོ སརཱམི ཨཏྟཱནཾ, ཡཏོ པཏྟོསྨི སཱསནཾ;

ཨེཏྠནྟརེ ན ཛཱནཱམི, ཙེཏནཾ ཨམནོརམཾ.

༦༩.

‘‘སཾསརིཏྭཱ བྷཝེ སབྦེ, སམྤཏྟཱནུབྷཝིཾ ཨཧཾ;

བྷོགེ ¶ མེ ཨཱུནཏཱ ནཏྠི, ཕལཾ ཉཱཎསྶ ཐོམནེ.

༧༠.

‘‘ཏིཡགྒཱི ནིབྦུཏཱ མཡ྄ཧཾ, བྷཝཱ སབྦེ སམཱུཧཏཱ;

སབྦཱསཝཱ པརིཀྑཱིཎཱ, ནཏྠི དཱནི པུནབྦྷཝོ.

༧༡.

‘‘ཏིཾསཀཔྤསཧསྶམྷི ¶ , ཡཾ ཉཱཎམཐཝིཾ ཨཧཾ [མབྷིཐོམཡིཾ (སཱི. པཱི.), མབྷིཐོམཧཾ (སྱཱ.)];

དུགྒཏིཾ ནཱབྷིཛཱནཱམི, ཕལཾ ཉཱཎསྶ ཐོམནེ.

༧༢.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༧༣.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༧༤.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཉཱཎཐཝིཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཉཱཎཐཝིཀཏྠེརསྶཱཔདཱནཾ ཙཏུཏྠཾ.

༥. ཙནྡནམཱལིཡཏྠེརཨཔདཱནཾ

༧༥.

‘‘པཉྩ ཀཱམགུཎེ ཧིཏྭཱ, པིཡརཱུཔེ མནོརམེ;

ཨསཱིཏིཀོཊིཡོ ཧིཏྭཱ, པབྦཛིཾ ཨནགཱརིཡཾ.

༧༦.

‘‘པབྦཛིཏྭཱན ཀཱཡེན, པཱཔཀམྨཾ ཝིཝཛྫཡིཾ;

ཝཙཱིདུཙྩརིཏཾ ཧིཏྭཱ, ནདཱིཀཱུལེ ཝསཱམཧཾ.

༧༧.

‘‘ཨེཀཀཾ ¶ མཾ ཝིཧརནྟཾ, བུདྡྷསེཊྛོ ཨུཔཱགམི;

ནཱཧཾ ཛཱནཱམི བུདྡྷོཏི, ཨཀཱསིཾ པཊིསནྠརཾ [པཊིསནྡྷཱརཾ (ཀ.)].

༧༨.

‘‘ཀརིཏྭཱ པཊིསནྠཱརཾ, ནཱམགོཏྟམཔུཙྪཧཾ;

‘དེཝཏཱནུསི གནྡྷབྦོ, ཨདུ སཀྐོ པུརིནྡདོ.

༧༩.

‘‘‘ཀོ ཝཱ ཏྭཾ ཀསྶ ཝཱ པུཏྟོ, མཧཱབྲཧྨཱ ཨིདྷཱགཏོ;

ཝིརོཙེསི དིསཱ སབྦཱ, ཨུདཡཾ སཱུརིཡོ ཡཐཱ.

༨༠.

‘‘‘སཧསྶཱརཱནི ¶ ཙཀྐཱནི, པཱདེ དིསྶནྟི མཱརིས;

ཀོ ཝཱ ཏྭཾ ཀསྶ ཝཱ པུཏྟོ, ཀཐཾ ཛཱནེམུ ཏཾ མཡཾ;

ནཱམགོཏྟཾ པཝེདེཧི, སཾསཡཾ ཨཔནེཧི མེ’.

༨༡.

‘‘‘ནམྷི དེཝོ ན གནྡྷབྦོ, ནམྷི [ནཱཔི (སཱི.)] སཀྐོ པུརིནྡདོ;

བྲཧྨབྷཱཝོ ཙ མེ ནཏྠི, ཨེཏེསཾ ཨུཏྟམོ ཨཧཾ.

༨༢.

‘‘‘ཨཏཱིཏོ ཝིསཡཾ ཏེསཾ, དཱལཡིཾ ཀཱམབནྡྷནཾ;

སབྦེ ཀིལེསེ ཛྷཱཔེཏྭཱ, པཏྟོ སམྦོདྷིམུཏྟམཾ’.

༨༣.

‘‘ཏསྶ ¶ ¶ ཝཱཙཾ སུཎིཏྭཱཧཾ, ཨིདཾ ཝཙནམབྲཝིཾ;

‘ཡདི བུདྡྷོཏི སབྦཉྙཱུ, ནིསཱིད ཏྭཾ མཧཱམུནེ.

༨༤.

‘ཏམཧཾ པཱུཛཡིསྶཱམི, དུཀྑསྶནྟཀརོ ཏུཝཾ’;

‘‘པཏྠརིཏྭཱ ཛིནཙམྨཾ, ཨདཱསི སཏྠུནོ ཨཧཾ.

༨༥.

‘‘ནིསཱིདི ཏཏྠ བྷགཝཱ, སཱིཧོཝ གིརིགབྦྷརེ;

ཁིཔྤཾ པབྦཏམཱརུཡ྄ཧ, ཨམྦསྶ ཕལམགྒཧིཾ.

༨༦.

‘‘སཱལཀལྱཱཎིཀཾ པུཔྥཾ, ཙནྡནཉྩ མཧཱརཧཾ;

ཁིཔྤཾ ¶ པགྒཡ྄ཧ ཏཾ སབྦཾ, ཨུཔེཏྭཱ ལོཀནཱཡཀཾ.

༨༧.

‘‘ཕལཾ བུདྡྷསྶ དཏྭཱན, སཱལཔུཔྥམཔཱུཛཡིཾ;

ཙནྡནཾ ཨནུལིམྤིཏྭཱ, ཨཝནྡིཾ སཏྠུནོ ཨཧཾ.

༨༨.

‘‘པསནྣཙིཏྟོ སུམནོ, ཝིཔུལཱཡ ཙ པཱིཏིཡཱ;

ཨཛིནམྷི ནིསཱིདིཏྭཱ, སུམེདྷོ ལོཀནཱཡཀོ.

༨༩.

‘‘མམ ཀམྨཾ པཀིཏྟེསི, ཧཱསཡནྟོ མམཾ ཏདཱ;

‘ཨིམིནཱ ཕལདཱནེན, གནྡྷམཱལེཧི ཙཱུབྷཡཾ.

༩༠.

‘‘‘པཉྩཝཱིསེ ཀཔྤསཏེ, དེཝལོཀེ རམིསྶཏི;

ཨནཱུནམནསངྐཔྤོ, ཝསཝཏྟཱི བྷཝིསྶཏི.

༩༡.

‘‘‘ཚབྦཱིསཏིཀཔྤསཏེ, མནུསྶཏྟཾ གམིསྶཏི;

བྷཝིསྶཏི ཙཀྐཝཏྟཱི, ཙཱཏུརནྟོ མཧིདྡྷིཀོ.

༩༢.

‘‘‘ཝེབྷཱརཾ ནཱམ ནགརཾ, ཝིསྶཀམྨེན མཱཔིཏཾ;

ཧེསྶཏི སབྦསོཝཎྞཾ, ནཱནཱརཏནབྷཱུསིཏཾ.

༩༣.

‘‘‘ཨེཏེནེཝ ཨུཔཱཡེན, སཾསརིསྶཏི སོ བྷཝེ [ཡོནིསོ (སྱཱ. པཱི.)];

སབྦཏྠ པཱུཛིཏོ ཧུཏྭཱ, དེཝཏྟེ ཨཐ མཱནུསེ.

༩༤.

‘‘‘པཙྪིམེ བྷཝེ སམྤཏྟེ, བྲཧྨབནྡྷུ བྷཝིསྶཏི;

ཨགཱརཱ ཨབྷིནིཀྑམྨ, ཨནགཱརཱི བྷཝིསྶཏི;

ཨབྷིཉྙཱཔཱརགཱུ ཧུཏྭཱ, ནིབྦཱཡིསྶཏིནཱསཝོ’.

༩༥.

‘‘ཨིདཾ ¶ ཝཏྭཱན སམྦུདྡྷོ, སུམེདྷོ ལོཀནཱཡཀོ;

མམ ནིཛ྄ཛྷཱཡམཱནསྶ, པཀྐཱམི ཨནིལཉྫསེ.

༩༦.

‘‘ཏེན ¶ ¶ ཀམྨེན སུཀཏེན, ཙེཏནཱཔཎིདྷཱིཧི ཙ;

ཛཧིཏྭཱ མཱནུསཾ དེཧཾ, ཏཱཝཏིཾསམགཙྪཧཾ.

༩༧.

‘‘ཏུསིཏཏོ ¶ ཙཝིཏྭཱན, ནིབྦཏྟིཾ མཱཏུཀུཙྪིཡཾ;

བྷོགེ མེ ཨཱུནཏཱ ནཏྠི, ཡམྷི གབྦྷེ ཝསཱམཧཾ.

༩༨.

‘‘མཱཏུཀུཙྪིགཏེ མཡི, ཨནྣཔཱནཉྩ བྷོཛནཾ;

མཱཏུཡཱ མམ ཚནྡེན, ནིབྦཏྟཏི ཡདིཙྪཀཾ.

༩༩.

‘‘ཛཱཏིཡཱ པཉྩཝསྶེན, པབྦཛིཾ ཨནགཱརིཡཾ;

ཨོརོཔིཏམྷི ཀེསམྷི, ཨརཧཏྟམཔཱཔུཎིཾ.

༡༠༠.

‘‘པུབྦཀམྨཾ གཝེསནྟོ, ཨོརེན ནཱདྡསཾ ཨཧཾ;

ཏིཾསཀཔྤསཧསྶམྷི, མམ ཀམྨམནུསྶརིཾ.

༡༠༡.

‘‘ནམོ ཏེ པུརིསཱཛཉྙ, ནམོ ཏེ པུརིསུཏྟམ;

ཏཝ སཱསནམཱགམྨ, པཏྟོམྷི ཨཙལཾ པདཾ.

༡༠༢.

‘‘ཏིཾསཀཔྤསཧསྶམྷི, ཡཾ བུདྡྷམབྷིཔཱུཛཡིཾ;

དུགྒཏིཾ ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༡༠༣.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༠༤.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༠༥.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ ¶ སུདཾ ཨཱཡསྨཱ ཙནྡནམཱལིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཙནྡནམཱལིཡཏྠེརསྶཱཔདཱནཾ པཉྩམཾ.

༦. དྷཱཏུཔཱུཛཀཏྠེརཨཔདཱནཾ

༡༠༦.

‘‘ནིབྦུཏེ ལོཀནཱཐམྷི, སིདྡྷཏྠེ ལོཀནཱཡཀེ;

མམ ཉཱཏཱི སམཱནེཏྭཱ, དྷཱཏུཔཱུཛཾ ཨཀཱསཧཾ.

༡༠༧.

‘‘ཙཏུནྣཝུཏིཏོ ཀཔྤེ, ཡཾ དྷཱཏུམབྷིཔཱུཛཡིཾ;

དུགྒཏིཾ ནཱབྷིཛཱནཱམི, དྷཱཏུཔཱུཛཱཡིདཾ ཕལཾ.

༡༠༨.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༠༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༡༠.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ དྷཱཏུཔཱུཛཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

དྷཱཏུཔཱུཛཀཏྠེརསྶཱཔདཱནཾ ཚཊྛཾ.

༧. པུལིནུཔྤཱདཀཏྠེརཨཔདཱནཾ

༡༡༡.

‘‘པབྦཏེ ¶ ¶ ཧིམཝནྟམྷི, དེཝལོ ནཱམ ཏཱཔསོ;

ཏཏྠ མེ ཙངྐམོ ཨཱསི, ཨམནུསྶེཧི མཱཔིཏོ.

༡༡༢.

‘‘ཛཊཱབྷཱརེན ¶ [ཛཊཱབྷཱརསྶ (སྱཱ. ཀ.)] བྷརིཏོ, ཀམཎྜལུདྷརོ སདཱ;

ཨུཏྟམཏྠཾ གཝེསནྟོ, ཝིཔིནཱ ནིཀྑམིཾ ཏདཱ.

༡༡༣.

‘‘ཙུལླཱསཱིཏིསཧསྶཱནི, སིསྶཱ མཡ྄ཧཾ ཨུཔཊྛཧུཾ;

སཀཀམྨཱབྷིཔསུཏཱ, ཝསནྟི ཝིཔིནེ ཏདཱ.

༡༡༤.

‘‘ཨསྶམཱ ཨབྷིནིཀྑམྨ, ཨཀཾ པུལིནཙེཏིཡཾ;

ནཱནཱཔུཔྥཾ སམཱནེཏྭཱ, ཏཾ ཙེཏིཡམཔཱུཛཡིཾ.

༡༡༥.

‘‘ཏཏྠ ཙིཏྟཾ པསཱདེཏྭཱ, ཨསྶམཾ པཝིསཱམཧཾ;

སབྦེ སིསྶཱ སམཱགནྟྭཱ, ཨེཏམཏྠཾ པུཙྪིཾསུ མཾ [ཨེཏམཏྠམཔུཙྪུ མཾ (སཱི.), ཨེཏམཏྟཾ ཨཔུཙྪིཾསུ (སྱཱ. ཀ.)].

༡༡༦.

‘‘‘པུལིནེན ཀཏོ ཐཱུཔོ [ཀཏོ ཐཱུཔེ (སཱི.)], ཡཾ ཏྭཾ དེཝ [དེཝཾ (སཱི. པཱི.)] མསྶཏི;

མཡམྤི ཉཱཏུམིཙྪཱམ, པུཊྛོ ཨཱཙིཀྑ ནོ ཏུཝཾ’.

༡༡༧.

‘‘‘ནིདྡིཊྛཱ ནུ [ནིདྡིཊྛཱ ནོ (སཱི. པཱི.), དིཊྛཱནོ ཝོ (སྱཱ.)] མནྟཔདེ, ཙཀྑུམནྟོ མཧཱཡསཱ;

ཏེ ཁོ ཨཧཾ ནམསྶཱམི, བུདྡྷསེཊྛེ མཧཱཡསེ’.

༡༡༨.

‘‘‘ཀཱིདིསཱ ཏེ མཧཱཝཱིརཱ, སབྦཉྙཱུ ལོཀནཱཡཀཱ;

ཀཐཾཝཎྞཱ ཀཐཾསཱིལཱ, ཀཱིདིསཱ ཏེ མཧཱཡསཱ’.

༡༡༩.

‘‘‘བཱཏྟིཾསལཀྑཎཱ ¶ བུདྡྷཱ, ཙཏྟཱལཱིསདིཛཱཔི ཙ;

ནེཏྟཱ གོཔཁུམཱ ཏེསཾ, ཛིཉྫུཀཱ ཕལསནྣིབྷཱ.

༡༢༠.

‘‘‘གཙྪམཱནཱ ཙ ཏེ བུདྡྷཱ, ཡུགམཏྟཉྩ པེཀྑརེ;

ན ཏེསཾ ཛཱཎུ ནདཏི, སནྡྷིསདྡོ ན སུཡྻཏི.

༡༢༡.

‘‘‘གཙྪམཱནཱ ཙ སུགཏཱ, ཨུདྡྷརནྟཱཝ གཙྪརེ;

པཋམཾ དཀྑིཎཾ པཱདཾ, བུདྡྷཱནཾ ཨེས དྷམྨཏཱ.

༡༢༢.

‘‘‘ཨསམྦྷཱིཏཱ ¶ ཙ ཏེ བུདྡྷཱ, མིགརཱཛཱཝ ཀེསརཱི;

ནེཝུཀྐཾསེནྟི ཨཏྟཱནཾ, ནོ ཙ ཝམྦྷེནྟི པཱཎིནཾ.

༡༢༣.

‘‘‘མཱནཱཝམཱནཏོ མུཏྟཱ, སམཱ སབྦེསུ པཱཎིསུ;

ཨནཏྟུཀྐཾསཀཱ བུདྡྷཱ, བུདྡྷཱནཾ ཨེས དྷམྨཏཱ.

༡༢༤.

‘‘‘ཨུཔྤཛྫནྟཱ ¶ ཙ སམྦུདྡྷཱ, ཨཱལོཀཾ དསྶཡནྟི ཏེ;

ཚཔྤཀཱརཾ པཀམྤེནྟི, ཀེཝལཾ ཝསུདྷཾ ཨིམཾ.

༡༢༥.

‘‘‘པསྶནྟི ¶ ནིརཡཉྩེཏེ, ནིབྦཱཏི ནིརཡོ ཏདཱ;

པཝསྶཏི མཧཱམེགྷོ, བུདྡྷཱནཾ ཨེས དྷམྨཏཱ.

༡༢༦.

‘‘‘ཨཱིདིསཱ ཏེ མཧཱནཱགཱ, ཨཏུལཱ ཙ [ཏེ (སྱཱ. ཀ.)] མཧཱཡསཱ;

ཝཎྞཏོ ཨནཏིཀྐནྟཱ, ཨཔྤམེཡྻཱ ཏཐཱགཏཱ’.

༡༢༧.

‘‘‘ཨནུམོདིཾསུ མེ ཝཱཀྱཾ, སབྦེ སིསྶཱ སགཱརཝཱ;

ཏཐཱ ཙ པཊིཔཛྫིཾསུ, ཡཐཱསཏྟི ཡཐཱབལཾ’.

༡༢༨.

‘‘པཊིཔཱུཛེནྟི པུལིནཾ, སཀཀམྨཱབྷིལཱསིནོ;

སདྡཧནྟཱ མམ ཝཱཀྱཾ, བུདྡྷསཀྐཏམཱནསཱ [བུདྡྷཏྟགཏམཱནསཱ (སཱི. སྱཱ. པཱི.)].

༡༢༩.

‘‘ཏདཱ ཙཝིཏྭཱ ཏུསིཏཱ, དེཝཔུཏྟོ མཧཱཡསོ;

ཨུཔྤཛྫི མཱཏུཀུཙྪིམྷི, དསསཧསྶི ཀམྤཐ.

༡༣༠.

‘‘ཨསྶམསྶཱཝིདཱུརམྷི, ཙངྐམམྷི ཋིཏོ ཨཧཾ;

སབྦེ སིསྶཱ སམཱགནྟྭཱ, ཨཱགཙྪུཾ མམ སནྟིཀེ.

༡༣༡.

‘‘ཨུསབྷོཝ མཧཱི ནདཏི, མིགརཱཛཱཝ ཀཱུཛཏི;

སུསུམཱརོཝ [སུཾསུམཱརོཝ (སཱི. སྱཱ. པཱི.)] སལ༹ཏི, ཀིཾ ཝིཔཱཀོ བྷཝིསྶཏི.

༡༣༢.

‘‘ཡཾ ¶ ¶ པཀིཏྟེམི སམྦུདྡྷཾ, སིཀཏཱཐཱུཔསནྟིཀེ;

སོ དཱནི བྷགཝཱ སཏྠཱ, མཱཏུཀུཙྪིམུཔཱགམི.

༡༣༣.

‘‘ཏེསཾ དྷམྨཀཐཾ ཝཏྭཱ, ཀིཏྟཡིཏྭཱ མཧཱམུནིཾ;

ཨུཡྻོཛེཏྭཱ སཀེ སིསྶེ, པལླངྐམཱབྷུཛིཾ ཨཧཾ.

༡༣༤.

‘‘བལཉྩ ཝཏ མེ ཁཱིཎཾ, བྱཱདྷིནཱ [བྱཱདྷིཏོ (སཱི. སྱཱ. པཱི. ཀ.)] པརམེན ཏཾ;

བུདྡྷསེཊྛཾ སརིཏྭཱན, ཏཏྠ ཀཱལངྐཏོ [ཀཱལཀཏོ (སཱི. པཱི.)] ཨཧཾ.

༡༣༥.

‘‘སབྦེ སིསྶཱ སམཱགནྟྭཱ, ཨཀཾསུ ཙིཏཀཾ ཏདཱ;

ཀལེ༹ཝརཉྩ མེ གཡ྄ཧ, ཙིཏཀཾ ཨབྷིརོཔཡུཾ.

༡༣༦.

‘‘ཙིཏཀཾ པརིཝཱརེཏྭཱ, སཱིསེ ཀཏྭཱན ཨཉྫལིཾ;

སོཀསལླཔརེཏཱ ཏེ, ཝིཀྐནྡིཾསུ སམཱགཏཱ.

༡༣༧.

‘‘ཏེསཾ ལཱལཔྤམཱནཱནཾ, ཨགམཾ ཙིཏཀཾ ཏདཱ;

‘ཨཧཾ ཨཱཙརིཡོ ཏུམྷཾ, མཱ སོཙིཏྠ སུམེདྷསཱ.

༡༣༨.

‘‘‘སདཏྠེ ¶ ཝཱཡམེཡྻཱཐ, རཏྟིནྡིཝམཏནྡིཏཱ;

མཱ ཝོ པམཏྟཱ ཨཧུཏྠ [ཨཧུཝཏྠ (སཱི.)], ཁཎོ ཝོ པཊིཔཱདིཏོ’.

༡༣༩.

‘‘སཀེ སིསྶེནུསཱསིཏྭཱ, དེཝལོཀཾ པུནཱགམིཾ;

ཨཊྛཱརས ཙ ཀཔྤཱནི, དེཝལོཀེ རམཱམཧཾ.

༡༤༠.

‘‘སཏཱནཾ ¶ པཉྩཀྑཏྟུཉྩ, ཙཀྐཝཏྟཱི ཨཧོསཧཾ;

ཨནེཀསཏཀྑཏྟུཉྩ, དེཝརཛྫམཀཱརཡིཾ.

༡༤༡.

‘‘ཨཝསེསེསུ ཀཔྤེསུ, ཝོཀིཎྞོ [ཝོཀིཎྞཾ (སཱི. སྱཱ. ཀ.)] སཾསརིཾ ཨཧཾ;

དུགྒཏིཾ ནཱབྷིཛཱནཱམི, ཨུཔྤཱདསྶ ཨིདཾ ཕལཾ [པུལིནཔཱུཛཱཡིདཾ ཕལཾ (སཱི.)].

༡༤༢.

‘‘ཡཐཱ ¶ ཀོམུདིཀེ མཱསེ, བཧཱུ པུཔྥནྟི པཱདཔཱ;

ཏཐེཝཱཧམྤི སམཡེ, པུཔྥིཏོམྷི མཧེསིནཱ.

༡༤༣.

‘‘ཝཱིརིཡཾ མེ དྷུརདྷོརཡ྄ཧཾ, ཡོགཀྑེམཱདྷིཝཱཧནཾ;

ནཱགོཝ བནྡྷནཾ ཚེཏྭཱ, ཝིཧརཱམི ཨནཱསཝོ.

༡༤༤.

‘‘སཏསཧསྶིཏོ ཀཔྤེ, ཡཾ བུདྡྷམབྷིཀིཏྟཡིཾ;

དུགྒཏིཾ ནཱབྷིཛཱནཱམི, ཀིཏྟནཱཡ ཨིདཾ ཕལཾ.

༡༤༥.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༤༦.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༤༧.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ པུལིནུཔྤཱདཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

པུལིནུཔྤཱདཀཏྠེརསྶཱཔདཱནཾ སཏྟམཾ.

༨. ཏརཎིཡཏྠེརཨཔདཱནཾ

༡༤༨.

‘‘ཨཏྠདསྶཱི ཏུ བྷགཝཱ, སཡམྦྷཱུ ལོཀནཱཡཀོ;

ཝིནཏཱ ནདིཡཱ ཏཱིརཾ [ཏཱིརེ (སྱཱ. པཱི. ཀ.)], ཨུཔཱགཙྪི ཏཐཱགཏོ.

༡༤༩.

‘‘ཨུདཀཱ ཨབྷིནིཀྑམྨ, ཀཙྪཔོ ཝཱརིགོཙརོ;

བུདྡྷཾ ཏཱརེཏུཀཱམོཧཾ, ཨུཔེསིཾ ལོཀནཱཡཀཾ.

༡༥༠.

‘‘‘ཨབྷིརཱུཧཏུ ¶ ¶ མཾ བུདྡྷོ, ཨཏྠདསྶཱི མཧཱམུནི;

ཨཧཾ ཏཾ ཏཱརཡིསྶཱམི, དུཀྑསྶནྟཀརོ ཏུཝཾ’.

༡༥༡.

‘‘མམ སངྐཔྤམཉྙཱཡ, ཨཏྠདསྶཱི མཧཱཡསོ;

ཨབྷིརཱུཧིཏྭཱ མེ པིཊྛིཾ, ཨཊྛཱསི ལོཀནཱཡཀོ.

༡༥༢.

‘‘ཡཏོ སརཱམི ཨཏྟཱནཾ, ཡཏོ པཏྟོསྨི ཝིཉྙུཏཾ;

སུཁཾ མེ ཏཱདིསཾ ནཏྠི, ཕུཊྛེ པཱདཏལེ ཡཐཱ.

༡༥༣.

‘‘ཨུཏྟརིཏྭཱན སམྦུདྡྷོ, ཨཏྠདསྶཱི མཧཱཡསོ;

ནདཱིཏཱིརམྷི ཋཏྭཱན, ཨིམཱ གཱཐཱ ཨབྷཱསཐ.

༡༥༤.

‘‘‘ཡཱཝཏཱ ¶ ཝཏྟཏེ ཙིཏྟཾ, གངྒཱསོཏཾ ཏརཱམཧཾ;

ཨཡཉྩ ཀཙྪཔོ རཱཛཱ, ཏཱརེསི མམ པཉྙཝཱ.

༡༥༥.

‘‘‘ཨིམིནཱ བུདྡྷཏརཎེན, མེཏྟཙིཏྟཝཏཱཡ ཙ;

ཨཊྛཱརསེ ཀཔྤསཏེ, དེཝལོཀེ རམིསྶཏི.

༡༥༦.

‘‘‘དེཝལོཀཱ ཨིདྷཱགནྟྭཱ, སུཀྐམཱུལེན ཙོདིཏོ;

ཨེཀཱསནེ ནིསཱིདིཏྭཱ, ཀངྑཱསོཏཾ ཏརིསྶཏི.

༡༥༧.

‘‘‘ཡཐཱཔི ¶ བྷདྡཀེ ཁེཏྟེ, བཱིཛཾ ཨཔྤམྤི རོཔིཏཾ;

སམྨཱདྷཱརེ པཝཙྪནྟེ, ཕལཾ ཏོསེཏི ཀསྶཀཾ [ཀསྶཀེ (སྱཱ.)].

༡༥༨.

‘‘‘ཏཐེཝིདཾ བུདྡྷཁེཏྟཾ, སམྨཱསམྦུདྡྷདེསིཏཾ;

སམྨཱདྷཱརེ པཝཙྪནྟེ, ཕལཾ མཾ ཏོསཡིསྶཏི’.

༡༥༩.

‘‘པདྷཱནཔཧིཏཏྟོམྷི, ཨུཔསནྟོ ནིརཱུཔདྷི;

སབྦཱསཝེ པརིཉྙཱཡ, ཝིཧརཱམི ཨནཱསཝོ.

༡༦༠.

‘‘ཨཊྛཱརསེ ¶ ཀཔྤསཏེ, ཡཾ ཀམྨམཀརིཾ ཏདཱ;

དུགྒཏིཾ ནཱབྷིཛཱནཱམི, ཏརཎཱཡ ཨིདཾ ཕལཾ.

༡༦༡.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༦༢.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༦༣.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཏརཎིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཏརཎིཡཏྠེརསྶཱཔདཱནཾ ཨཊྛམཾ.

༩. དྷམྨརུཙིཡཏྠེརཨཔདཱནཾ

༡༦༤.

‘‘ཡདཱ ¶ དཱིཔངྐརོ བུདྡྷོ, སུམེདྷཾ བྱཱཀརཱི ཛིནོ;

‘ཨཔརིམེཡྻེ ཨིཏོ ཀཔྤེ, ཨཡཾ བུདྡྷོ བྷཝིསྶཏི.

༡༦༥.

‘‘‘ཨིམསྶ ཛནིཀཱ མཱཏཱ, མཱཡཱ ནཱམ བྷཝིསྶཏི;

པིཏཱ སུདྡྷོདནོ ནཱམ, ཨཡཾ ཧེསྶཏི གོཏམོ.

༡༦༦.

‘‘‘པདྷཱནཾ པདཧིཏྭཱན, ཀཏྭཱ དུཀྐརཀཱརིཀཾ;

ཨསྶཏྠམཱུལེ སམྦུདྡྷོ, བུཛ྄ཛྷིསྶཏི མཧཱཡསོ.

༡༦༧.

‘‘‘ཨུཔཏིསྶོ ཀོལིཏོ ཙ, ཨགྒཱ ཧེསྶནྟི སཱཝཀཱ;

ཨཱནནྡོ ནཱམ ནཱམེན [ཨཱནནྡོ ནཱམུཔཊྛཱཀོ (སྱཱ.)], ཨུཔཊྛིསྶཏིམཾ ཛིནཾ.

༡༦༨.

‘‘‘ཁེམཱ ¶ ཨུཔྤལཝཎྞཱ ཙ, ཨགྒཱ ཧེསྶནྟི སཱཝིཀཱ;

ཙིཏྟོ ཨཱལ༹ཝཀོ ཙེཝ, ཨགྒཱ ཧེསྶནྟུཔཱསཀཱ.

༡༦༩.

‘‘‘ཁུཛྫུཏྟརཱ ¶ ནནྡམཱཏཱ, ཨགྒཱ ཧེསྶནྟུཔཱསིཀཱ;

བོདྷི ཨིམསྶ ཝཱིརསྶ, ཨསྶཏྠོཏི པཝུཙྩཏི’.

༡༧༠.

‘‘ཨིདཾ ¶ སུཏྭཱན ཝཙནཾ, ཨསམསྶ མཧེསིནོ;

ཨཱམོདིཏཱ ནརམརཱུ, ནམསྶནྟི ཀཏཉྫལཱི.

༡༧༡.

‘‘ཏདཱཧཾ མཱཎཝོ ཨཱསིཾ, མེགྷོ ནཱམ སུསིཀྑིཏོ;

སུཏྭཱ བྱཱཀརཎཾ སེཊྛཾ, སུམེདྷསྶ མཧཱམུནེ.

༡༧༢.

‘‘སཾཝིསཊྛོ བྷཝིཏྭཱན, སུམེདྷེ ཀརུཎཱསཡེ [ཀརུཎཱལཡེ (སྱཱ.)];

པབྦཛནྟཉྩ ཏཾ ཝཱིརཾ, སཧཱཝ ཨནུཔབྦཛིཾ.

༡༧༣.

‘‘སཾཝུཏོ པཱཏིམོཀྑསྨིཾ, ཨིནྡྲིཡེསུ ཙ པཉྩསུ;

སུདྡྷཱཛཱིཝོ སཏོ ཝཱིརོ, ཛིནསཱསནཀཱརཀོ.

༡༧༤.

‘‘ཨེཝཾ ཝིཧརམཱནོཧཾ, པཱཔམིཏྟེན ཀེནཙི;

ནིཡོཛིཏོ ཨནཱཙཱརེ, སུམགྒཱ པརིདྷཾསིཏོ.

༡༧༥.

‘‘ཝིཏཀྐཝསིཀོ ཧུཏྭཱ, སཱསནཏོ ཨཔཀྐམིཾ;

པཙྪཱ ཏེན ཀུམིཏྟེན, པཡུཏྟོ མཱཏུགྷཱཏནཾ.

༡༧༦.

‘‘ཨཀརིཾ ཨཱནནྟརིཡཾ [ཨཀརིཾ ནནྟརིཡཉྩ (སྱཱ. ཀ.)], གྷཱཏཡིཾ དུཊྛམཱནསོ;

ཏཏོ ཙུཏོ མཧཱཝཱིཙིཾ, ཨུཔཔནྣོ སུདཱརུཎཾ.

༡༧༧.

‘‘ཝིནིཔཱཏགཏོ ¶ སནྟོ, སཾསརིཾ དུཀྑིཏོ ཙིརཾ;

ན པུནོ ཨདྡསཾ ཝཱིརཾ, སུམེདྷཾ ནརཔུངྒཝཾ.

༡༧༨.

‘‘ཨསྨིཾ ¶ ཀཔྤེ སམུདྡམྷི, མཙྪོ ཨཱསིཾ ཏིམིངྒལོ;

དིསྭཱཧཾ སཱགརེ ནཱཝཾ, གོཙརཏྠམུཔཱགམིཾ.

༡༧༩.

‘‘དིསྭཱ མཾ ཝཱཎིཛཱ བྷཱིཏཱ, བུདྡྷསེཊྛམནུསྶརུཾ;

གོཏམོཏི མཧཱགྷོསཾ, སུཏྭཱ ཏེཧི ཨུདཱིརིཏཾ.

༡༨༠.

‘‘པུབྦསཉྙཾ སརིཏྭཱན, ཏཏོ ཀཱལངྐཏོ ཨཧཾ;

སཱཝཏྠིཡཾ ཀུལེ ཨིདྡྷེ, ཛཱཏོ བྲཱཧྨཎཛཱཏིཡཾ.

༡༨༡.

‘‘ཨཱསིཾ དྷམྨརུཙི ནཱམ, སབྦཔཱཔཛིགུཙྪཀོ;

དིསྭཱཧཾ ལོཀཔཛྫོཏཾ, ཛཱཏིཡཱ སཏྟཝསྶིཀོ.

༡༨༢.

‘‘མཧཱཛེཏཝནཾ ¶ གནྟྭཱ, པབྦཛིཾ ཨནགཱརིཡཾ;

ཨུཔེམི བུདྡྷཾ ཏིཀྑཏྟུཾ, རཏྟིཡཱ དིཝསསྶ ཙ.

༡༨༣.

‘‘ཏདཱ དིསྭཱ མུནི ཨཱཧ, ཙིརཾ དྷམྨརུཙཱིཏི མཾ;

ཏཏོཧཾ ཨཝཙཾ བུདྡྷཾ, པུབྦཀམྨཔབྷཱཝིཏཾ.

༡༨༤.

‘‘སུཙིརཾ སཏཔུཉྙལཀྑཎཾ, པཏིཔུབྦེན ཝིསུདྡྷཔཙྩཡཾ;

ཨཧམཛྫསུཔེཀྑནཾ ¶ ཝཏ, ཏཝ པསྶཱམི ནིརུཔམཾ ཝིགྒཧཾ [ནིརཱུཔམགྒཧཾ (སཱི.)].

༡༨༥.

‘‘སུཙིརཾ ཝིཧཏཏྟམོ མཡཱ, སུཙིརཀྑེན ནདཱི ཝིསོསིཏཱ;

སུཙིརཾ ཨམལཾ ཝིསོདྷིཏཾ, ནཡནཾ ཉཱཎམཡཾ མཧཱམུནེ.

༡༨༦.

‘‘ཙིརཀཱལསམངྒིཏོ ¶ [ཙིརཀཱལཾ སམཱགཏོ (པཱི.)] ཏཡཱ, ཨཝིནཊྛོ པུནརནྟརཾ ཙིརཾ;

པུནརཛྫསམཱགཏོ ཏཡཱ, ན ཧི ནསྶནྟི ཀཏཱནི གོཏམ.

༡༨༧.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༨༨.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༨༩.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ དྷམྨརུཙིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

དྷམྨརུཙིཡཏྠེརསྶཱཔདཱནཾ ནཝམཾ.

༡༠. སཱལམཎྜཔིཡཏྠེརཨཔདཱནཾ

༡༩༠.

‘‘ཨཛ྄ཛྷོགཱཧེཏྭཱ ¶ སཱལཝནཾ, སུཀཏོ ཨསྶམོ མམ;

སཱལཔུཔྥེཧི སཉྪནྣོ, ཝསཱམི ཝིཔིནེ ཏདཱ.

༡༩༡.

‘‘པིཡདསྶཱི ཙ བྷགཝཱ, སཡམྦྷཱུ ཨགྒཔུགྒལོ;

ཝིཝེཀཀཱམོ སམྦུདྡྷོ, སཱལཝནམུཔཱགམི.

༡༩༢.

‘‘ཨསྶམཱ ཨབྷིནིཀྑམྨ, པཝནཾ ཨགམཱསཧཾ;

མཱུལཕལཾ གཝེསནྟོ, ཨཱཧིཎྜཱམི ཝནེ ཏདཱ.

༡༩༣.

‘‘ཏཏྠདྡསཱསིཾ ¶ སམྦུདྡྷཾ, པིཡདསྶིཾ མཧཱཡསཾ;

སུནིསིནྣཾ སམཱཔནྣཾ, ཝིརོཙནྟཾ མཧཱཝནེ.

༡༩༤.

‘‘ཙཏུདཎྜེ ¶ ཋཔེཏྭཱན, བུདྡྷསྶ ཨུཔརཱི ཨཧཾ;

མཎྜཔཾ སུཀཏཾ ཀཏྭཱ, སཱལཔུཔྥེཧི ཚཱདཡིཾ.

༡༩༥.

‘‘སཏྟཱཧཾ དྷཱརཡིཏྭཱན, མཎྜཔཾ སཱལཚཱདིཏཾ;

ཏཏྠ ཙིཏྟཾ པསཱདེཏྭཱ, བུདྡྷསེཊྛམཝནྡཧཾ.

༡༩༦.

‘‘བྷགཝཱ ¶ ཏམྷི སམཡེ, ཝུཊྛཧིཏྭཱ སམཱདྷིཏོ;

ཡུགམཏྟཾ པེཀྑམཱནོ, ནིསཱིདི པུརིསུཏྟམོ.

༡༩༧.

‘‘སཱཝཀོ ཝརུཎོ ནཱམ, པིཡདསྶིསྶ སཏྠུནོ;

ཝསཱིསཏསཧསྶེཧི, ཨུཔགཙྪི ཝིནཱཡཀཾ.

༡༩༨.

‘‘པིཡདསྶཱི ཙ བྷགཝཱ, ལོཀཛེཊྛོ ནརཱསབྷོ;

བྷིཀྑུསངྒྷེ ནིསཱིདིཏྭཱ, སིཏཾ པཱཏུཀརཱི ཛིནོ.

༡༩༩.

‘‘ཨནུརུདྡྷོ ཨུཔཊྛཱཀོ, པིཡདསྶིསྶ སཏྠུནོ;

ཨེཀཾསཾ ཙཱིཝརཾ ཀཏྭཱ, ཨཔུཙྪིཏྠ མཧཱམུནིཾ.

༢༠༠.

‘‘‘ཀོ ནུ ཁོ བྷགཝཱ ཧེཏུ, སིཏཀམྨསྶ སཏྠུནོ;

ཀཱརཎེ ཝིཛྫམཱནམྷི, སཏྠཱ པཱཏུཀརེ སིཏཾ’.

༢༠༡.

‘‘‘སཏྟཱཧཾ སཱལཙྪདནཾ [པུཔྥཚདནཾ (སཱི. སྱཱ. པཱི.)], ཡོ མེ དྷཱརེསི མཱཎཝོ;

ཏསྶ ཀམྨཾ སརིཏྭཱན, སིཏཾ པཱཏུཀརིཾ ཨཧཾ.

༢༠༢.

‘‘‘ཨནོཀཱསཾ ན པསྶཱམི, ཡཏྠ [ཡཾ ཏཾ (སྱཱ. པཱི. ཀ.)] པུཉྙཾ ཝིཔཙྩཏི;

དེཝལོཀེ ¶ མནུསྶེ ཝཱ, ཨོཀཱསོཝ ན སམྨཏི.

༢༠༣.

‘‘‘དེཝལོཀེ ¶ ཝསནྟསྶ, པུཉྙཀམྨསམངྒིནོ;

ཡཱཝཏཱ པརིསཱ ཏསྶ, སཱལཙྪནྣཱ བྷཝིསྶཏི.

༢༠༤.

‘‘‘ཏཏྠ དིབྦེཧི ནཙྩེཧི, གཱིཏེཧི ཝཱདིཏེཧི ཙ;

རམིསྶཏི སདཱ སནྟོ, པུཉྙཀམྨསམཱཧིཏོ.

༢༠༥.

‘‘‘ཡཱཝཏཱ པརིསཱ ཏསྶ, གནྡྷགནྡྷཱི བྷཝིསྶཏི;

སཱལསྶ པུཔྥཝསྶོ ཙ, པཝསྶིསྶཏི ཏཱཝདེ.

༢༠༦.

‘‘‘ཏཏོ ཙུཏོཡཾ མནུཛོ, མཱནུསཾ ཨཱགམིསྶཏི;

ཨིདྷཱཔི སཱལཙྪདནཾ, སབྦཀཱལཾ དྷརིསྶཏི [དྷརིཡཏི (སཱི. པཱི.)].

༢༠༧.

‘‘‘ཨིདྷ ¶ ནཙྩཉྩ གཱིཏཉྩ, སམྨཏཱལ༹སམཱཧིཏཾ;

པརིཝཱརེསྶནྟི མཾ ནིཙྩཾ, བུདྡྷཔཱུཛཱཡིདཾ ཕལཾ.

༢༠༨.

‘‘‘ཨུགྒཙྪནྟེ ཙ སཱུརིཡེ, སཱལཝསྶཾ པཝསྶཏི;

པུཉྙཀམྨེན སཾཡུཏྟཾ, ཝསྶཏེ སབྦཀཱལིཀཾ.

༢༠༩.

‘‘‘ཨཊྛཱརསེ ཀཔྤསཏེ, ཨོཀྐཱཀཀུལསམྦྷཝོ;

གོཏམོ ནཱམ གོཏྟེན, སཏྠཱ ལོཀེ བྷཝིསྶཏི.

༢༡༠.

‘‘‘ཏསྶ དྷམྨེསུ དཱཡཱདོ, ཨོརསོ དྷམྨནིམྨིཏོ;

སབྦཱསཝེ པརིཉྙཱཡ, ནིབྦཱཡིསྶཏིནཱསཝོ.

༢༡༡.

‘‘‘དྷམྨཾ ཨབྷིསམེནྟསྶ, སཱལཙྪནྣཾ བྷཝིསྶཏི;

ཙིཏཀེ ཛྷཱཡམཱནསྶ, ཚདནཾ ཏཏྠ ཧེསྶཏི’.

༢༡༢.

‘‘ཝིཔཱཀཾ ཀིཏྟཡིཏྭཱན, པིཡདསྶཱི མཧཱམུནི;

པརིསཱཡ དྷམྨཾ དེསེསི, ཏཔྤེནྟོ དྷམྨཝུཊྛིཡཱ.

༢༡༣.

‘‘ཏིཾསཀཔྤཱནི ¶ ¶ དེཝེསུ, དེཝརཛྫམཀཱརཡིཾ;

སཊྛི ཙ སཏྟཀྑཏྟུཉྩ, ཙཀྐཝཏྟཱི ཨཧོསཧཾ.

༢༡༤.

‘‘དེཝལོཀཱ ཨིདྷཱགནྟྭཱ, ལབྷཱམི ཝིཔུལཾ སུཁཾ;

ཨིདྷཱཔི སཱལཙྪདནཾ, མཎྜཔསྶ ཨིདཾ ཕལཾ.

༢༡༥.

‘‘ཨཡཾ པཙྪིམཀོ མཡ྄ཧཾ, ཙརིམོ ཝཏྟཏེ བྷཝོ;

ཨིདྷཱཔི སཱལཙྪདནཾ, ཧེསྶཏི སབྦཀཱལིཀཾ.

༢༡༦.

‘‘མཧཱམུནིཾ ཏོསཡིཏྭཱ, གོཏམཾ སཀྱཔུངྒཝཾ;

པཏྟོམྷི ཨཙལཾ ཋཱནཾ, ཧིཏྭཱ ཛཡཔརཱཛཡཾ.

༢༡༧.

‘‘ཨཊྛཱརསེ ¶ ཀཔྤསཏེ, ཡཾ བུདྡྷམབྷིཔཱུཛཡིཾ;

དུགྒཏིཾ ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༢༡༨.

ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༢༡༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༢༢༠.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ ¶ སུདཾ ཨཱཡསྨཱ སཱལམཎྜཔིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

སཱལམཎྜཔིཡཏྠེརསྶཱཔདཱནཾ དསམཾ.

པཾསུཀཱུལཝགྒོ ཨེཀཱུནཔཉྙཱསམོ.

ཏསྶུདྡཱནཾ –

པཾསུཀཱུལཾ ¶ བུདྡྷསཉྙཱི, བྷིསདོ ཉཱཎཀིཏྟཀོ;

ཙནྡནཱི དྷཱཏུཔཱུཛཱི ཙ, པུལིནུཔྤཱདཀོཔི ཙ.

ཏརཎོ དྷམྨརུཙིཀོ, སཱལམཎྜཔིཡོ ཏཐཱ;

སཏཱནི དྭེ ཧོནྟི གཱཐཱ, ཨཱུནཝཱིསཏིམེཝ ཙ.

༥༠. ཀིངྐཎིཔུཔྥཝགྒོ

༡. ཏིཀིངྐཎིཔུཔྥིཡཏྠེརཨཔདཱནཾ

༡.

‘‘ཀཎིཀཱརཾཝ ¶ ¶ ¶ ཛོཏནྟཾ, ནིསིནྣཾ པབྦཏནྟརེ;

ཨདྡསཾ ཝིརཛཾ བུདྡྷཾ, ཝིཔསྶིཾ ལོཀནཱཡཀཾ.

༢.

‘‘ཏཱིཎི ཀིངྐཎིཔུཔྥཱནི, པགྒཡ྄ཧ ཨབྷིརོཔཡིཾ;

སམྦུདྡྷམབྷིཔཱུཛེཏྭཱ, གཙྪཱམི དཀྑིཎཱམུཁོ.

༣.

‘‘ཏེན ཀམྨེན སུཀཏེན, ཙེཏནཱཔཎིདྷཱིཧི ཙ;

ཛཧིཏྭཱ མཱནུསཾ དེཧཾ, ཏཱཝཏིཾསམགཙྪཧཾ.

༤.

‘‘ཨེཀནཝུཏིཏོ ཀཔྤེ, ཡཾ བུདྡྷམབྷིཔཱུཛཡིཾ;

དུགྒཏིཾ ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༥.

‘‘ཀིལེསཱ ¶ ཛྷཱཔིཏཱ མཡ྄ཧཾ, བྷཝཱ སབྦེ སམཱུཧཏཱ;

ནཱགོཝ བནྡྷནཾ ཚེཏྭཱ, ཝིཧརཱམི ཨནཱསཝོ.

༦.

‘‘སྭཱགཏཾ ཝཏ མེ ཨཱསི, མམ བུདྡྷསྶ སནྟིཀེ;

ཏིསྶོ ཝིཛྫཱ ཨནུཔྤཏྟཱ, ཀཏཾ བུདྡྷསྶ སཱསནཾ.

༧.

‘‘པཊིསམྦྷིདཱ ཙཏསྶོ, ཝིམོཀྑཱཔི ཙ ཨཊྛིམེ;

ཚལ༹བྷིཉྙཱ སཙྪིཀཏཱ, ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཏིཀིངྐཎིཔུཔྥིཡོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

ཏིཀིངྐཎིཔུཔྥིཡཏྠེརསྶཱཔདཱནཾ པཋམཾ.

༢. པཾསུཀཱུལཔཱུཛཀཏྠེརཨཔདཱནཾ

༨.

‘‘ཧིམཝནྟསྶཱཝིདཱུརེ ¶ ¶ , ཨུདངྒཎོ ནཱམ པབྦཏོ;

ཏཏྠདྡསཾ པཾསུཀཱུལཾ, དུམགྒམྷི ཝིལམྦིཏཾ.

༩.

‘‘ཏཱིཎི ཀིངྐཎིཔུཔྥཱནི, ཨོཙིནིཏྭཱནཧཾ ཏདཱ;

ཧཊྛོ ཧཊྛེན ཙིཏྟེན, པཾསུཀཱུལམཔཱུཛཡིཾ.

༡༠.

‘‘ཏེན ཀམྨེན སུཀཏེན, ཙེཏནཱཔཎིདྷཱིཧི ཙ;

ཛཧིཏྭཱ མཱནུསཾ དེཧཾ, ཏཱཝཏིཾསམགཙྪཧཾ.

༡༡.

‘‘ཨེཀནཝུཏིཏོ ¶ ཀཔྤེ, ཡཾ ཀམྨམཀརིཾ ཏདཱ;

དུགྒཏིཾ ནཱབྷིཛཱནཱམི, པཱུཛིཏྭཱ ཨརཧདྡྷཛཾ.

༡༢.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༣.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༤.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ པཾསུཀཱུལཔཱུཛཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

པཾསུཀཱུལཔཱུཛཀཏྠེརསྶཱཔདཱནཾ དུཏིཡཾ.

༣. ཀོརཎྜཔུཔྥིཡཏྠེརཨཔདཱནཾ

༡༥.

‘‘ཝནཀམྨིཀོ ¶ པུརེ ཨཱསིཾ, པིཏུམཱཏུམཏེནཧཾ [པིཏུཔེཏཱམཧེནཧཾ (སཱི. སྱཱ. པཱི.)];

པསུམཱརེན ཛཱིཝཱམི, ཀུསལཾ མེ ན ཝིཛྫཏི.

༡༦.

‘‘མམ ཨཱསཡསཱམནྟཱ, ཏིསྶོ ལོཀགྒནཱཡཀོ;

པདཱནི ཏཱིཎི དསྶེསི, ཨནུཀམྤཱཡ ཙཀྑུམཱ.

༡༧.

‘‘ཨཀྐནྟེ ཙ པདེ དིསྭཱ, ཏིསྶནཱམསྶ སཏྠུནོ;

ཧཊྛོ ཧཊྛེན ཙིཏྟེན, པདེ ཙིཏྟཾ པསཱདཡིཾ.

༡༨.

‘‘ཀོརཎྜཾ པུཔྥིཏཾ དིསྭཱ, པཱདཔཾ དྷརཎཱིརུཧཾ;

སཀོསཀཾ གཧེཏྭཱན, པདསེཊྛམཔཱུཛཡིཾ [པདསེཊྛེ ཨཔཱུཛཡིཾ (སཱི. པཱི.)].

༡༩.

‘‘ཏེན ¶ ¶ ཀམྨེན སུཀཏེན, ཙེཏནཱཔཎིདྷཱིཧི ཙ;

ཛཧིཏྭཱ མཱནུསཾ དེཧཾ, ཏཱཝཏིཾསམགཙྪཧཾ.

༢༠.

‘‘ཡཾ ཡཾ ཡོནུཔཔཛྫཱམི, དེཝཏྟཾ ཨཐ མཱནུསཾ;

ཀོརཎྜཀཚཝི ཧོམི, སུཔྤབྷཱསོ [སཔབྷཱསོ (སཱི. སྱཱ. པཱི. ཀ.)] བྷཝཱམཧཾ.

༢༡.

‘‘དྭེནཝུཏེ ཨིཏོ ཀཔྤེ, ཡཾ ཀམྨམཀརིཾ ཏདཱ;

དུགྒཏིཾ ནཱབྷིཛཱནཱམི, པདཔཱུཛཱཡིདཾ ཕལཾ.

༢༢.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༢༣.

‘‘སྭཱགཏཾ ¶ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༢༤.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཀོརཎྜཔུཔྥིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཀོརཎྜཔུཔྥིཡཏྠེརསྶཱཔདཱནཾ ཏཏིཡཾ.

༤. ཀིཾསུཀཔུཔྥིཡཏྠེརཨཔདཱནཾ

༢༥.

‘‘ཀིཾསུཀཾ པུཔྥིཏཾ དིསྭཱ, པགྒཧེཏྭཱན ཨཉྫལིཾ;

བུདྡྷསེཊྛཾ སརིཏྭཱན, ཨཱཀཱསེ ཨབྷིཔཱུཛཡིཾ.

༢༦.

‘‘ཏེན ཀམྨེན སུཀཏེན, ཙེཏནཱཔཎིདྷཱིཧི ཙ;

ཛཧིཏྭཱ མཱནུསཾ དེཧཾ, ཏཱཝཏིཾསམགཙྪཧཾ.

༢༧.

‘‘ཨེཀཏིཾསེ ཨིཏོ ཀཔྤེ, ཡཾ ཀམྨམཀརིཾ ཏདཱ;

དུགྒཏིཾ ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༢༨.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༢༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༣༠.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཀིཾསུཀཔུཔྥིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཀིཾསུཀཔུཔྥིཡཏྠེརསྶཱཔདཱནཾ ཙཏུཏྠཾ.

༥. ཨུཔཌྜྷདུསྶདཱཡཀཏྠེརཨཔདཱནཾ

༣༡.

‘‘པདུམུཏྟརབྷགཝཏོ ¶ ¶ , སུཛཱཏོ ནཱམ སཱཝཀོ;

པཾསུཀཱུལཾ གཝེསནྟོ, སངྐཱརེ ཙརཏེ [ཙརཏཱི (སཱི. ཀ.)] ཏདཱ.

༣༢.

‘‘ནགརེ ཧཾསཝཏིཡཱ, པརེསཾ བྷཏཀོ ཨཧཾ;

ཨུཔཌྜྷདུསྶཾ དཏྭཱན, སིརསཱ ཨབྷིཝཱདཡིཾ.

༣༣.

‘‘ཏེན ¶ ཀམྨེན སུཀཏེན, ཙེཏནཱཔཎིདྷཱིཧི ཙ;

ཛཧིཏྭཱ མཱནུསཾ དེཧཾ, ཏཱཝཏིཾསམགཙྪཧཾ.

༣༤.

‘‘ཏེཏྟིཾསཀྑཏྟུཾ ¶ དེཝིནྡོ, དེཝརཛྫམཀཱརཡིཾ;

སཏྟསཏྟཏིཀྑཏྟུཉྩ, ཙཀྐཝཏྟཱི ཨཧོསཧཾ.

༣༥.

‘‘པདེསརཛྫཾ ཝིཔུལཾ, གཎནཱཏོ ཨསངྑིཡཾ;

ཨུཔཌྜྷདུསྶདཱནེན, མོདཱམི ཨཀུཏོབྷཡོ.

༣༦.

‘‘ཨིཙྪམཱནོ ཙཧཾ ཨཛྫ, སཀཱནནཾ སཔབྦཏཾ;

ཁོམདུསྶེཧི ཚཱདེཡྻཾ, ཨཌྜྷདུསྶསྶིདཾ ཕལཾ.

༣༧.

‘‘སཏསཧསྶིཏོ ཀཔྤེ, ཡཾ དཱནམདདིཾ ཏདཱ;

དུགྒཏིཾ ནཱབྷིཛཱནཱམི, ཨཌྜྷདུསྶསྶིདཾ ཕལཾ.

༣༨.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༣༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༤༠.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨུཔཌྜྷདུསྶདཱཡཀོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

ཨུཔཌྜྷདུསྶདཱཡཀཏྠེརསྶཱཔདཱནཾ པཉྩམཾ.

༦. གྷཏམཎྜདཱཡཀཏྠེརཨཔདཱནཾ

༤༡.

‘‘སུཙིནྟིཏཾ བྷགཝནྟཾ, ལོཀཛེཊྛཾ ནརཱསབྷཾ;

ཨུཔཝིཊྛཾ མཧཱརཉྙཾ, ཝཱཏཱབཱདྷེན པཱིལི༹ཏཾ.

༤༢.

‘‘དིསྭཱ ¶ ཙིཏྟཾ པསཱདེཏྭཱ, གྷཏམཎྜམུཔཱནཡིཾ;

ཀཏཏྟཱ ཨཱཙིཏཏྟཱ [ཨུཔཙིཏཏྟཱ (སྱཱ. ཀ.)] ཙ, གངྒཱ བྷཱགཱིརཐཱི ཨཡཾ.

༤༣.

‘‘མཧཱསམུདྡཱ ཙཏྟཱརོ, གྷཏཾ སམྤཛྫརེ མམ;

ཨཡཉྩ པཐཝཱི གྷོརཱ, ཨཔྤམཱཎཱ ཨསངྑིཡཱ.

༤༤.

‘‘མམ སངྐཔྤམཉྙཱཡ, བྷཝཏེ མདྷུསཀྐརཱ [མདྷུསཀྑརཱ (སྱཱ. ཀ.)];

ཙཱཏུདྡཱིཔཱ ཨིམེ རུཀྑཱ, པཱདཔཱ དྷརཎཱིརུཧཱ.

༤༥.

‘‘མམ ¶ སངྐཔྤམཉྙཱཡ, ཀཔྤརུཀྑཱ བྷཝནྟི ཏེ;

པཉྙཱསཀྑཏྟུཾ དེཝིནྡོ, དེཝརཛྫམཀཱརཡིཾ.

༤༦.

‘‘ཨེཀཔཉྙཱསཀྑཏྟུཉྩ, ཙཀྐཝཏྟཱི ཨཧོསཧཾ;

པདེསརཛྫཾ ཝིཔུལཾ, གཎནཱཏོ ཨསངྑིཡཾ.

༤༧.

‘‘ཙཏུནྣཝུཏིཏོ [ཚནཝུཏེ ཨིཏོ (སཱི.)] ཀཔྤེ, ཡཾ དཱནམདདིཾ ཏདཱ;

དུགྒཏིཾ ནཱབྷིཛཱནཱམི, གྷཏམཎྜསྶིདཾ ཕལཾ.

༤༨.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༤༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༥༠.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ གྷཏམཎྜདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

གྷཏམཎྜདཱཡཀཏྠེརསྶཱཔདཱནཾ ཚཊྛཾ.

༧. ཨུདཀདཱཡཀཏྠེརཨཔདཱནཾ

༥༡.

‘‘པདུམུཏྟརབུདྡྷསྶ ¶ , བྷིཀྑུསངྒྷེ ཨནུཏྟརེ;

པསནྣཙིཏྟོ སུམནོ, པཱནཱིགྷཊམཔཱུརཡིཾ.

༥༢.

‘‘པབྦཏགྒེ དུམགྒེ ཝཱ, ཨཱཀཱསེ ཝཱཐ བྷཱུམིཡཾ;

ཡདཱ པཱནཱིཡམིཙྪཱམི, ཁིཔྤཾ ནིབྦཏྟཏེ མམ.

༥༣.

‘‘སཏསཧསྶིཏོ ཀཔྤེ, ཡཾ དཱནམདདིཾ ཏདཱ;

དུགྒཏིཾ ནཱབྷིཛཱནཱམི, དཀདཱནསྶིདཾ ཕལཾ.

༥༤.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༥༥.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༥༦.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨུདཀདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཨུདཀདཱཡཀཏྠེརསྶཱཔདཱནཾ སཏྟམཾ.

༨. པུལིནཐཱུཔིཡཏྠེརཨཔདཱནཾ

༥༧.

‘‘ཧིམཝནྟསྶཱཝིདཱུརེ ¶ , ཡམཀོ ནཱམ པབྦཏོ;

ཨསྶམོ སུཀཏོ མཡ྄ཧཾ, པཎྞསཱལཱ སུམཱཔིཏཱ.

༥༨.

‘‘ནཱརདོ ནཱམ ནཱམེན, ཛཊིལོ ཨུགྒཏཱཔནོ;

ཙཏུདྡསསཧསྶཱནི, སིསྶཱ པརིཙརནྟི མཾ.

༥༩.

‘‘པཊིསལླཱིནཀོ སནྟོ, ཨེཝཾ ཙིནྟེསཧཾ ཏདཱ;

‘སབྦོ ཛནོ མཾ པཱུཛེཏི, ནཱཧཾ པཱུཛེམི ཀིཉྩནཾ.

༦༠.

‘‘‘ན མེ ཨོཝཱདཀོ ཨཏྠི, ཝཏྟཱ ཀོཙི ན ཝིཛྫཏི;

ཨནཱཙརིཡུཔཛ྄ཛྷཱཡོ, ཝནེ ཝཱསཾ ཨུཔེམཧཾ.

༦༡.

‘‘‘ཨུཔཱསམཱནོ ཡམཧཾ, གརུཙིཏྟཾ ཨུཔཊྛཧེ;

སོ མེ ཨཱཙརིཡོ ནཏྠི, ཝནཝཱསོ ནིརཏྠཀོ.

༦༢.

‘‘‘ཨཱཡཱགཾ མེ གཝེསིསྶཾ, གརུཾ བྷཱཝནིཡཾ ཏཐཱ;

སཱཝསྶཡོ ཝསིསྶཱམི, ན ཀོཙི གརཧིསྶཏི’.

༦༣.

‘‘ཨུཏྟཱནཀཱུལཱ ནདིཀཱ, སུཔཏིཏྠཱ མནོརམཱ;

སཾསུདྡྷཔུལིནཱཀིཎྞཱ, ཨཝིདཱུརེ མམསྶམཾ.

༦༤.

‘‘ནདིཾ ¶ ཨམརིཀཾ ནཱམ, ཨུཔགནྟྭཱནཧཾ ཏདཱ;

སཾཝཌྜྷཡིཏྭཱ པུལིནཾ, ཨཀཾ པུལིནཙེཏིཡཾ.

༦༥.

‘‘ཡེ ¶ ཏེ ཨཧེསུཾ སམྦུདྡྷཱ, བྷཝནྟཀརཎཱ མུནཱི;

ཏེསཾ ཨེཏཱདིསོ ཐཱུཔོ, ཏཾ ནིམིཏྟཾ ཀརོམཧཾ.

༦༦.

‘‘ཀརིཏྭཱ ¶ པུལིནཾ [པུལི༹ནེ (སཱི. སྱཱ. པཱི.)] ཐཱུཔཾ, སོཝཎྞཾ མཱཔཡིཾ ཨཧཾ;

སོཎྞཀིངྐཎིཔུཔྥཱནི, སཧསྶེ ཏཱིཎི པཱུཛཡིཾ.

༦༧.

‘‘སཱཡཔཱཏཾ ནམསྶཱམི, ཝེདཛཱཏོ ཀཏཉྫལཱི;

སམྨུཁཱ ཝིཡ སམྦུདྡྷཾ, ཝནྡིཾ པུལིནཙེཏིཡཾ.

༦༨.

‘‘ཡདཱ ཀིལེསཱ ཛཱཡནྟི, ཝིཏཀྐཱ གེཧནིསྶིཏཱ;

སརཱམི སུཀཏཾ ཐཱུཔཾ, པཙྩཝེཀྑཱམི ཏཱཝདེ.

༦༩.

‘‘ཨུཔནིསྶཱཡ ཝིཧརཾ, སཏྠཝཱཧཾ ཝིནཱཡཀཾ;

ཀིལེསེ སཾཝསེཡྻཱསི, ན ཡུཏྟཾ ཏཝ མཱརིས.

༧༠.

‘‘སཧ ¶ ཨཱཝཛྫིཏེ ཐཱུཔེ, གཱརཝཾ ཧོཏི མེ ཏདཱ;

ཀུཝིཏཀྐེ ཝིནོདེསིཾ, ནཱགོ ཏུཏྟཊྚིཏོ ཡཐཱ.

༧༡.

‘‘ཨེཝཾ ཝིཧརམཱནཾ མཾ, མཙྩུརཱཛཱབྷིམདྡཐ;

ཏཏྠ ཀཱལངྐཏོ སནྟོ, བྲཧྨལོཀམགཙྪཧཾ.

༧༢.

‘‘ཡཱཝཏཱཡུཾ ཝསིཏྭཱན, ཏིདིཝེ [ཏིདསེ (སཱི. པཱི.)] ཨུཔཔཛྫཧཾ;

ཨསཱིཏིཀྑཏྟུཾ དེཝིནྡོ, དེཝརཛྫམཀཱརཡིཾ.

༧༣.

‘‘སཏཱནཾ ཏཱིཎིཀྑཏྟུཉྩ, ཙཀྐཝཏྟཱི ཨཧོསཧཾ;

པདེསརཛྫཾ ཝིཔུལཾ, གཎནཱཏོ ཨསངྑིཡཾ.

༧༤.

‘‘སོཎྞཀིངྐཎིཔུཔྥཱནཾ ¶ [ཏེསཾ ཀིངྐཎིཔུཔྥཱནཾ (སཱི.)], ཝིཔཱཀཾ ཨནུབྷོམཧཾ;

དྷཱཏཱིསཏསཧསྶཱནི, པརིཝཱརེནྟི མཾ [མེ (ཀ.)] བྷཝེ.

༧༥.

‘‘ཐཱུཔསྶ པརིཙིཎྞཏྟཱ, རཛོཛལླཾ ན ལིམྤཏི;

གཏྟེ སེདཱ ན མུཙྩནྟི, སུཔྤབྷཱསོ བྷཝཱམཧཾ.

༧༦.

‘‘ཨཧོ མེ སུཀཏོ ཐཱུཔོ, སུདིཊྛཱམརིཀཱ ནདཱི;

ཐཱུཔཾ ཀཏྭཱན པུལིནཾ, པཏྟོམྷི ཨཙལཾ པདཾ.

༧༧.

‘‘ཀུསལཾ ཀཏྟུཀཱམེན, ཛནྟུནཱ སཱརགཱཧིནཱ;

ནཏྠི ཁེཏྟཾ ཨཁེཏྟཾ ཝཱ, པཊིཔཏྟཱིཝ སཱདྷཀཱ [སཱརིཀཱ (པཱི.), སཱརཀཱ (སྱཱ.), སཱརཏཱ (ཀ.)].

༧༨.

‘‘ཡཐཱཔི བལཝཱ པོསོ, ཨཎྞཝཾ ཏརིཏུསྶཧེ;

པརིཏྟཾ ཀཊྛམཱདཱཡ, པཀྑནྡེཡྻ མཧཱསརཾ.

༧༩.

‘‘ཨིམཱཧཾ ཀཊྛཾ ནིསྶཱཡ, ཏརིསྶཱམི མཧོདདྷིཾ;

ཨུསྶཱཧེན ཝཱིརིཡེན, ཏརེཡྻ ཨུདདྷིཾ ནརོ.

༨༠.

‘‘ཏཐེཝ ¶ ¶ མེ ཀཏཾ ཀམྨཾ, པརིཏྟཾ ཐོཀཀཉྩ ཡཾ;

ཏཾ ཀམྨཾ ཨུཔནིསྶཱཡ, སཾསཱརཾ སམཏིཀྐམིཾ.

༨༡.

‘‘པཙྪིམེ བྷཝེ སམྤཏྟེ, སུཀྐམཱུལེན ཙོདིཏོ;

སཱཝཏྠིཡཾ པུརེ ཛཱཏོ, མཧཱསཱལེ སུཨཌྜྷཀེ.

༨༢.

‘‘སདྡྷཱ མཱཏཱ པིཏཱ མཡ྄ཧཾ, བུདྡྷསྶ སརཎཾ གཏཱ;

ཨུབྷོ དིཊྛཔདཱ ཨེཏེ, ཨནུཝཏྟནྟི སཱསནཾ.

༨༣.

‘‘བོདྷིཔཔཊིཀཾ ¶ གཡ྄ཧ, སོཎྞཐཱུཔམཀཱརཡུཾ;

སཱཡཔཱཏཾ [སཱཡཾ པཱཏཾ (སྱཱ. ཀ.)] ནམསྶནྟི, སཀྱཔུཏྟསྶ སམྨུཁཱ.

༨༤.

‘‘ཨུཔོསཐམྷི ¶ དིཝསེ, སོཎྞཐཱུཔཾ ཝིནཱིཧརུཾ;

བུདྡྷསྶ ཝཎྞཾ ཀིཏྟེནྟཱ, ཏིཡཱམཾ ཝཱིཏིནཱམཡུཾ.

༨༥.

‘‘སཧ དིསྭཱནཧཾ [པསཱདེཏྭཱནཧཾ (ཀ.)] ཐཱུཔཾ, སརིཾ པུལིནཙེཏིཡཾ;

ཨེཀཱསནེ ནིསཱིདིཏྭཱ, ཨརཧཏྟམཔཱཔུཎིཾ.

དྭཱཝཱིསཏིམཾ བྷཱཎཝཱརཾ.

༨༦.

‘‘གཝེསམཱནོ ཏཾ ཝཱིརཾ, དྷམྨསེནཱཔཏིདྡསཾ;

ཨགཱརཱ ནིཀྑམིཏྭཱན, པབྦཛིཾ ཏསྶ སནྟིཀེ.

༨༧.

‘‘ཛཱཏིཡཱ སཏྟཝསྶེན, ཨརཧཏྟམཔཱཔུཎིཾ;

ཨུཔསམྤཱདཡཱི བུདྡྷོ, གུཎམཉྙཱཡ ཙཀྑུམཱ.

༨༨.

‘‘དཱརཀེནེཝ སནྟེན, ཀིརིཡཾ ནིཊྛིཏཾ མཡཱ;

ཀཏཾ མེ ཀརཎཱིཡཛྫ, སཀྱཔུཏྟསྶ སཱསནེ.

༨༩.

‘‘སབྦཝེརབྷཡཱཏཱིཏོ, སབྦསངྒཱཏིགོ [སབྦསངྐཱཏིཏོ (ཀ.)] ཨིསི;

སཱཝཀོ ཏེ མཧཱཝཱིར, སོཎྞཐཱུཔསྶིདཾ ཕལཾ.

༩༠.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༩༡.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༩༢.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ ¶ སུདཾ ཨཱཡསྨཱ པུལིནཐཱུཔིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

པུལིནཐཱུཔིཡཏྠེརསྶཱཔདཱནཾ ཨཊྛམཾ.

༩. ནལ༹ཀུཊིདཱཡཀཏྠེརཨཔདཱནཾ

༩༣.

‘‘ཧིམཝནྟསྶཱཝིདཱུརེ ¶ ¶ , ཧཱརིཏོ ནཱམ པབྦཏོ;

སཡམྦྷཱུ ནཱརདོ ནཱམ, རུཀྑམཱུལེ ཝསཱི ཏདཱ.

༩༤.

‘‘ནལཱ༹གཱརཾ ¶ ཀརིཏྭཱན, ཏིཎེན ཚཱདཡིཾ ཨཧཾ;

ཙངྐམཾ སོདྷཡིཏྭཱན, སཡམྦྷུསྶ ཨདཱསཧཾ.

༩༥.

‘‘ཏེན ཀམྨེན སུཀཏེན, ཙེཏནཱཔཎིདྷཱིཧི ཙ;

ཛཧིཏྭཱ མཱནུསཾ དེཧཾ, ཏཱཝཏིཾསམགཙྪཧཾ.

༩༦.

‘‘ཏཏྠ མེ སུཀཏཾ བྱམྷཾ, ནལ༹ཀུཊིཀནིམྨིཏཾ;

སཊྛིཡོཛནམུབྦེདྷཾ, ཏིཾསཡོཛནཝིཏྠཏཾ.

༩༧.

‘‘ཙཏུདྡསེསུ ཀཔྤེསུ, དེཝལོཀེ རམིཾ ཨཧཾ;

ཨེཀསཏྟཏིཀྑཏྟུཉྩ, དེཝརཛྫམཀཱརཡིཾ.

༩༨.

‘‘ཙཏུཏིཾསཏིཀྑཏྟུཉྩ, ཙཀྐཝཏྟཱི ཨཧོསཧཾ;

པདེསརཛྫཾ ཝིཔུལཾ, གཎནཱཏོ ཨསངྑིཡཾ.

༩༩.

‘‘དྷམྨཔཱསཱདམཱརུཡ྄ཧ, སབྦཱཀཱརཝརཱུཔམཾ;

ཡདིཙྪཀཱཧཾ ཝིཧརེ, སཀྱཔུཏྟསྶ སཱསནེ.

༡༠༠.

‘‘ཨེཀཏིཾསེ ཨིཏོ ཀཔྤེ, ཡཾ ཀམྨམཀརིཾ ཏདཱ;

དུགྒཏིཾ ནཱབྷིཛཱནཱམི, ནལ༹ཀུཊིཡིདཾ ཕལཾ.

༡༠༡.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༠༢.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༠༣.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ནལ༹ཀུཊིདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ནལ༹ཀུཊིདཱཡཀཏྠེརསྶཱཔདཱནཾ ནཝམཾ.

༡༠. པིཡཱལཕལདཱཡཀཏྠེརཨཔདཱནཾ

༡༠༤.

‘‘མིགལུདྡོ ¶ པུརེ ཨཱསིཾ, ཝིཔིནེ ཝིཙརཾ ཏདཱ;

ཨདྡསཾ ཝིརཛཾ བུདྡྷཾ, སབྦདྷམྨཱན པཱརགུཾ.

༡༠༥.

‘‘པིཡཱལཕལམཱདཱཡ, བུདྡྷསེཊྛསྶདཱསཧཾ;

པུཉྙཀྑེཏྟསྶ ཝཱིརསྶ, པསནྣོ སེཧི པཱཎིབྷི.

༡༠༦.

‘‘ཨེཀཏིཾསེ ¶ ཨིཏོ ཀཔྤེ, ཡཾ ཕལཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༡༠༧.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༠༨.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༠༩.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ པིཡཱལཕལདཱཡཀོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

པིཡཱལཕལདཱཡཀཏྠེརསྶཱཔདཱནཾ དསམཾ.

ཀིངྐཎིཔུཔྥཝགྒོ པཉྙཱསམོ.

ཏསྶུདྡཱནཾ –

ཀིངྐཎཱི པཾསུཀཱུལཉྩ, ཀོརཎྜམཐ ཀིཾསུཀཾ;

ཨུཔཌྜྷདུསྶཱི གྷཏདོ, ཨུདཀཾ ཐཱུཔཀཱརཀོ.

ནལ༹ཀཱརཱི ཙ ནཝམོ, པིཡཱལཕལདཱཡཀོ;

སཏམེཀཉྩ གཱཐཱནཾ, ནཝཀཉྩ ཏདུཏྟརི.

ཨཐ ཝགྒུདྡཱནཾ –

མེཏྟེཡྻཝགྒོ བྷདྡཱལི, སཀིཾསམྨཛྫཀོཔི ཙ;

ཨེཀཝིཧཱརཱི ཝིབྷཱིཏཀཱི, ཛགཏཱི སཱལཔུཔྥིཡོ.

ནལཱ༹གཱརཾ པཾསུཀཱུལཾ, ཀིངྐཎིཔུཔྥིཡོ ཏཐཱ;

ཨསཱིཏི དྭེ ཙ གཱཐཱཡོ, ཙཏུདྡསསཏཱནི ཙ.

མེཏྟེཡྻཝགྒདསཀཾ.

པཉྩམསཏཀཾ སམཏྟཾ.

༥༡. ཀཎིཀཱརཝགྒོ

༡. ཏིཀཎིཀཱརཔུཔྥིཡཏྠེརཨཔདཱནཾ

༡.

‘‘སུམེདྷོ ¶ ¶ ¶ ནཱམ སམྦུདྡྷོ, བཱཏྟིཾསཝརལཀྑཎོ;

ཝིཝེཀཀཱམོ སམྦུདྡྷོ, ཧིམཝནྟམུཔཱགམིཾ.

༢.

‘‘ཨཛ྄ཛྷོགཡ྄ཧ ཧིམཝནྟཾ, ཨགྒོ ཀཱརུཎིཀོ མུནི;

པལླངྐམཱབྷུཛིཏྭཱན, ནིསཱིདི པུརིསུཏྟམོ.

༣.

‘‘ཝིཛྫཱདྷརོ ཏདཱ ཨཱསིཾ, ཨནྟལིཀྑཙརོ ཨཧཾ;

ཏིསཱུལཾ སུཀཏཾ གཡ྄ཧ, གཙྪཱམི ཨམྦརེ ཏདཱ.

༤.

‘‘པབྦཏགྒེ ཡཐཱ ཨགྒི, པུཎྞམཱཡེཝ ཙནྡིམཱ;

ཝནེ ཨོབྷཱསཏེ བུདྡྷོ, སཱལརཱཛཱཝ ཕུལླིཏོ.

༥.

‘‘ཝནགྒཱ ¶ ནིཀྑམིཏྭཱན, བུདྡྷརཾསཱིབྷིདྷཱཝརེ;

ནལ༹གྒིཝཎྞསངྐཱསཱ, དིསྭཱ ཙིཏྟཾ པསཱདཡིཾ.

༦.

‘‘ཝིཙིནཾ ཨདྡསཾ པུཔྥཾ, ཀཎིཀཱརཾ དེཝགནྡྷིཀཾ;

ཏཱིཎི པུཔྥཱནི ཨཱདཱཡ, བུདྡྷསེཊྛམཔཱུཛཡིཾ.

༧.

‘‘བུདྡྷསྶ ཨཱནུབྷཱཝེན, ཏཱིཎི པུཔྥཱནི མེ ཏདཱ;

ཨུདྡྷཾཝཎྚཱ ཨདྷོཔཏྟཱ, ཚཱཡཾ ཀུབྦནྟི སཏྠུནོ.

༨.

‘‘ཏེན ཀམྨེན སུཀཏེན, ཙེཏནཱཔཎིདྷཱིཧི ཙ;

ཛཧིཏྭཱ མཱནུསཾ དེཧཾ, ཏཱཝཏིཾསམགཙྪཧཾ.

༩.

‘‘ཏཏྠ ¶ མེ སུཀཏཾ བྱམྷཾ, ཀཎིཀཱརཱིཏི ཉཱཡཏི;

སཊྛིཡོཛནམུབྦེདྷཾ, ཏིཾསཡོཛནཝིཏྠཏཾ.

༡༠.

‘‘སཧསྶཀཎྜཾ སཏབྷེཎྜུ [སཏགེཎྜུ (སྱཱ.)], དྷཛཱལུཧརིཏཱམཡཾ;

སཏསཧསྶནིཡྻཱུཧཱ, བྱམྷེ པཱཏུབྷཝིཾསུ མེ.

༡༡.

‘‘སོཎྞམཡཱ མཎིམཡཱ, ལོཧིཏངྒམཡཱཔི ཙ;

ཕལིཀཱཔི ཙ པལླངྐཱ, ཡེནིཙྪཀཱ ཡདིཙྪཀཱ [ཡེནིཙྪཡཱ ཡདིཙྪཀཾ (སྱཱ.), ཡདིཙྪཀཱཡདིཙྪཀཱ (ཀ.)].

༡༢.

‘‘མཧཱརཧཉྩ ¶ ¶ སཡནཾ, ཏཱུལིཀཱཝིཀཏཱིཡུཏཾ;

ཨུདྡྷལོམིཀཨེཀནྟཾ, བིམྦོཧནསམཱཡུཏཾ [བིབྦོཧནསམཱཡུཏཾ… (སྱཱ. ཀ.)].

༡༣.

‘‘བྷཝནཱ ནིཀྑམིཏྭཱན, ཙརནྟོ དེཝཙཱརིཀཾ;

ཡདཱ ཨིཙྪཱམི གམནཾ, དེཝསངྒྷཔུརཀྑཏོ.

༡༤.

‘‘པུཔྥསྶ ཧེཊྛཱ ཏིཊྛཱམི, ཨུཔརིཙྪདནཾ མམ;

སམནྟཱ ཡོཛནསཏཾ, ཀཎིཀཱརེཧི ཚཱདིཏཾ.

༡༥.

‘‘སཊྛིཏུརིཡསཧསྶཱནི, སཱཡཔཱཏམུཔཊྛཧུཾ;

པརིཝཱརེནྟི མཾ ནིཙྩཾ, རཏྟིནྡིཝམཏནྡིཏཱ.

༡༦.

‘‘ཏཏྠ ནཙྩེཧི གཱིཏེཧི, ཏཱལེ༹ཧི ཝཱདིཏེཧི ཙ;

རམཱམི ཁིཌྜཱརཏིཡཱ, མོདཱམི ཀཱམཀཱམིཧཾ.

༡༧.

‘‘ཏཏྠ བྷུཏྭཱ པིཝིཏྭཱ ཙ, མོདཱམི ཏིདསེ ཏདཱ;

ནཱརཱིགཎེཧི སཧིཏོ, མོདཱམི བྱམྷམུཏྟམེ.

༡༨.

‘‘སཏཱནཾ པཉྩཀྑཏྟུཉྩ, དེཝརཛྫམཀཱརཡིཾ;

སཏཱནཾ ཏཱིཎིཀྑཏྟུཉྩ, ཙཀྐཝཏྟཱི ཨཧོསཧཾ;

པདེསརཛྫཾ ¶ ཝིཔུལཾ, གཎནཱཏོ ཨསངྑིཡཾ.

༡༩.

‘‘བྷཝཱབྷཝེ སཾསརནྟོ, མཧཱབྷོགཾ ལབྷཱམཧཾ;

བྷོགེ མེ ཨཱུནཏཱ ནཏྠི, བུདྡྷཔཱུཛཱཡིདཾ ཕལཾ.

༢༠.

‘‘དུཝེ ¶ བྷཝེ སཾསརཱམི, དེཝཏྟེ ཨཐ མཱནུསེ;

ཨཉྙཾ གཏིཾ ན ཛཱནཱམི, བུདྡྷཔཱུཛཱཡིདཾ ཕལཾ.

༢༡.

‘‘དུཝེ ཀུལེ པཛཱཡཱམི, ཁཏྟིཡེ ཙཱཔི བྲཱཧྨཎེ;

ནཱིཙེ ཀུལེ ན ཛཱཡཱམི, བུདྡྷཔཱུཛཱཡིདཾ ཕལཾ.

༢༢.

‘‘ཧཏྠིཡཱནཾ ཨསྶཡཱནཾ, སིཝིཀཾ སནྡམཱནིཀཾ;

ལབྷཱམི སབྦམེཝེཏཾ, བུདྡྷཔཱུཛཱཡིདཾ ཕལཾ.

༢༣.

‘‘དཱསཱིགཎཾ དཱསགཎཾ, ནཱརིཡོ སམལངྐཏཱ;

ལབྷཱམི སབྦམེཝེཏཾ, བུདྡྷཔཱུཛཱཡིདཾ ཕལཾ.

༢༤.

‘‘ཀོསེཡྻཀམྦལིཡཱནི, ཁོམཀཔྤཱསིཀཱནི ཙ;

ལབྷཱམི སབྦམེཝེཏཾ, བུདྡྷཔཱུཛཱཡིདཾ ཕལཾ.

༢༥.

‘‘ནཝཝཏྠཾ ¶ ¶ ནཝཕལཾ, ནཝགྒརསབྷོཛནཾ;

ལབྷཱམི སབྦམེཝེཏཾ, བུདྡྷཔཱུཛཱཡིདཾ ཕལཾ.

༢༦.

‘‘ཨིམཾ ཁཱད ཨིམཾ བྷུཉྫ, ཨིམམྷི སཡནེ སཡ;

ལབྷཱམི སབྦམེཝེཏཾ, བུདྡྷཔཱུཛཱཡིདཾ ཕལཾ.

༢༧.

‘‘སབྦཏྠ པཱུཛིཏོ ཧོམི, ཡསོ ཨབྦྷུགྒཏོ མམ;

མཧཱཔཀྑོ སདཱ ཧོམི, ཨབྷེཛྫཔརིསོ སདཱ;

ཉཱཏཱིནཾ ཨུཏྟམོ ཧོམི, བུདྡྷཔཱུཛཱཡིདཾ ཕལཾ.

༢༨.

‘‘སཱིཏཾ ¶ ཨུཎྷཾ ན ཛཱནཱམི, པརིལཱ༹ཧོ ན ཝིཛྫཏི;

ཨཐོ ཙེཏསིཀཾ དུཀྑཾ, ཧདཡེ མེ ན ཝིཛྫཏི.

༢༩.

‘‘སུཝཎྞཝཎྞོ ཧུཏྭཱན, སཾསརཱམི བྷཝཱབྷཝེ;

ཝེཝཎྞིཡཾ ན ཛཱནཱམི, བུདྡྷཔཱུཛཱཡིདཾ ཕལཾ.

༣༠.

‘‘དེཝལོཀཱ ཙཝིཏྭཱན, སུཀྐམཱུལེན ཙོདིཏོ;

སཱཝཏྠིཡཾ པུརེ ཛཱཏོ, མཧཱསཱལེ སུཨཌྜྷཀེ.

༣༡.

‘‘པཉྩ ཀཱམགུཎེ ཧིཏྭཱ, པབྦཛིཾ ཨནགཱརིཡཾ;

ཛཱཏིཡཱ སཏྟཝསྶོཧཾ, ཨརཧཏྟམཔཱཔུཎིཾ.

༣༢.

‘‘ཨུཔསམྤཱདཡཱི བུདྡྷོ, གུཎམཉྙཱཡ ཙཀྑུམཱ;

ཏརུཎོ པཱུཛནཱིཡོཧཾ, བུདྡྷཔཱུཛཱཡིདཾ ཕལཾ.

༣༣.

‘‘དིབྦཙཀྑུ ཝིསུདྡྷཾ མེ, སམཱདྷིཀུསལོ ཨཧཾ;

ཨབྷིཉྙཱཔཱརམིཔྤཏྟོ, བུདྡྷཔཱུཛཱཡིདཾ ཕལཾ.

༣༤.

‘‘པཊིསམྦྷིདཱ ཨནུཔྤཏྟོ, ཨིདྡྷིཔཱདེསུ ཀོཝིདོ;

དྷམྨེསུ པཱརམིཔྤཏྟོ, བུདྡྷཔཱུཛཱཡིདཾ ཕལཾ.

༣༥.

‘‘ཏིཾསཀཔྤསཧསྶམྷི ¶ , ཡཾ བུདྡྷམབྷིཔཱུཛཡིཾ;

དུགྒཏིཾ ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༣༦.

‘‘ཀིལེསཱ ཛྷཱཔིཏཱ མཡ྄ཧཾ, བྷཝཱ སབྦེ སམཱུཧཏཱ;

ནཱགོཝ བནྡྷནཾ ཚེཏྭཱ, ཝིཧརཱམི ཨནཱསཝོ.

༣༧.

‘‘སྭཱགཏཾ ཝཏ མེ ཨཱསི, མམ བུདྡྷསྶ སནྟིཀེ;

ཏིསྶོ ཝིཛྫཱ ཨནུཔྤཏྟཱ, ཀཏཾ བུདྡྷསྶ སཱསནཾ.

༣༨.

‘‘པཊིསམྦྷིདཱ ¶ ¶ ¶ ཙཏསྶོ, ཝིམོཀྑཱཔི ཙ ཨཊྛིམེ;

ཚལ༹བྷིཉྙཱ སཙྪིཀཏཱ, ཀཏཾ བུདྡྷསྶ སཱསནཾ.

ཨིཏྠཾ སུདཾ ཨཱཡསྨཱ ཏིཀཎིཀཱརཔུཔྥིཡོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

ཏིཀཎིཀཱརཔུཔྥིཡཏྠེརསྶཱཔདཱནཾ པཋམཾ.

༢. ཨེཀཔཏྟདཱཡཀཏྠེརཨཔདཱནཾ

༣༩.

‘‘ནགརེ ཧཾསཝཏིཡཱ, ཀུམྦྷཀཱརོ ཨཧོསཧཾ;

ཨདྡསཾ ཝིརཛཾ བུདྡྷཾ, ཨོགྷཏིཎྞམནཱསཝཾ.

༤༠.

‘‘སུཀཏཾ མཏྟིཀཱཔཏྟཾ, བུདྡྷསེཊྛསྶདཱསཧཾ;

པཏྟཾ དཏྭཱ བྷགཝཏོ, ཨུཛུབྷཱུཏསྶ ཏཱདིནོ.

༤༡.

‘‘བྷཝེ ནིབྦཏྟམཱནོཧཾ, སོཎྞཐཱལེ ལབྷཱམཧཾ;

རཱུཔིམཡེ ཙ སོཝཎྞེ, ཏཊྚིཀེ ཙ མཎཱིམཡེ.

༤༢.

‘‘པཱཏིཡོ པརིབྷུཉྫཱམི, པུཉྙཀམྨསྶིདཾ ཕལཾ;

ཡསཱནཉྩ དྷནཱནཉྩ [ཡསསཱཝ ཛནཱནཉྩ (སྱཱ.)], ཨགྒབྷཱུཏོ [པཏྟབྷཱུཏོ (སཱི. པཱི.)] ཙ ཧོམཧཾ.

༤༣.

‘‘ཡཐཱཔི བྷདྡཀེ ཁེཏྟེ, བཱིཛཾ ཨཔྤམྤི རོཔིཏཾ;

སམྨཱདྷཱརཾ པཝཙྪནྟེ, ཕལཾ ཏོསེཏི ཀསྶཀཾ.

༤༤.

‘‘ཏཐེཝིདཾ པཏྟདཱནཾ, བུདྡྷཁེཏྟམྷི རོཔིཏཾ;

པཱིཏིདྷཱརེ པཝསྶནྟེ, ཕལཾ མཾ ཏོསཡིསྶཏི.

༤༥.

‘‘ཡཱཝཏཱ ཁེཏྟཱ ཝིཛྫནྟི, སངྒྷཱཔི ཙ གཎཱཔི ཙ;

བུདྡྷཁེཏྟསམོ ནཏྠི, སུཁདོ སབྦཔཱཎིནཾ.

༤༦.

‘‘ནམོ ¶ ཏེ པུརིསཱཛཉྙ, ནམོ ཏེ པུརིསུཏྟམ;

ཨེཀཔཏྟཾ དདིཏྭཱན, པཏྟོམྷི ཨཙལཾ པདཾ.

༤༧.

‘‘ཨེཀནཝུཏིཏོ ཀཔྤེ, ཡཾ པཏྟམདདིཾ ཏདཱ;

དུགྒཏིཾ ནཱབྷིཛཱནཱམི, པཏྟདཱནསྶིདཾ ཕལཾ.

༤༨.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༤༩.

‘‘སྭཱགཏཾ ¶ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༥༠.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨེཀཔཏྟདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཨེཀཔཏྟདཱཡཀཏྠེརསྶཱཔདཱནཾ དུཏིཡཾ.

༣. ཀཱསུམཱརཕལིཡཏྠེརཨཔདཱནཾ

༥༡.

‘‘ཀཎིཀཱརཾཝ ¶ ཛོཏནྟཾ, ནིསིནྣཾ པབྦཏནྟརེ;

ཨདྡསཾ ཝིརཛཾ བུདྡྷཾ, ལོཀཛེཊྛཾ ནརཱསབྷཾ.

༥༢.

‘‘པསནྣཙིཏྟོ སུམནོ, སིརེ ཀཏྭཱན ཨཉྫལིཾ;

ཀཱསུམཱརིཀམཱདཱཡ, བུདྡྷསེཊྛསྶདཱསཧཾ.

༥༣.

‘‘ཨེཀཏིཾསེ ཨིཏོ ཀཔྤེ, ཡཾ ཕལཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༥༤.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༥༥.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༥༦.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཀཱསུམཱརཕལིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཀཱསུམཱརཕལིཡཏྠེརསྶཱཔདཱནཾ ཏཏིཡཾ.

༤. ཨཝཊཕལིཡཏྠེརཨཔདཱནཾ

༥༧.

‘‘སཧསྶརཾསཱི བྷགཝཱ, སཡམྦྷཱུ ཨཔརཱཛིཏོ;

ཝིཝེཀཱ ཨུཊྛཧིཏྭཱན, གོཙརཱཡཱབྷིནིཀྑམི.

༥༨.

‘‘ཕལཧཏྠོ ¶ ཨཧཾ དིསྭཱ, ཨུཔགཙྪིཾ ནརཱསབྷཾ;

པསནྣཙིཏྟོ སུམནོ, ཨཝཊཾ ཨདདིཾ ཕལཾ.

༥༩.

‘‘ཙཏུནྣཝུཏིཏོ ¶ ཀཔྤེ, ཡཾ ཕལཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༦༠.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༦༡.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༦༢.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨཝཊཕལིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཨཝཊཕལིཡཏྠེརསྶཱཔདཱནཾ ཙཏུཏྠཾ.

༥. པཱདཕལིཡཏྠེརཨཔདཱནཾ

༦༣.

‘‘སུཝཎྞཝཎྞཾ སམྦུདྡྷཾ, ཨཱཧུཏཱིནཾ པཊིགྒཧཾ;

རཐིཡཾ པཊིཔཛྫནྟཾ, པཱདཕལཾ [ཝཱརཕལཾ (སཱི.), ཙཱརཕལཾ (སྱཱ.), པཱརཕལཾ (པཱི.)] ཨདཱསཧཾ.

༦༤.

‘‘ཨེཀནཝུཏིཏོ ཀཔྤེ, ཡཾ ཕལཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༦༥.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༦༦.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༦༧.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ པཱདཕལིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

པཱདཕལིཡཏྠེརསྶཱཔདཱནཾ པཉྩམཾ.

༦. མཱཏུལུངྒཕལདཱཡཀཏྠེརཨཔདཱནཾ

༦༨.

‘‘ཀཎིཀཱརཾཝ ¶ ¶ ཛལིཏཾ, པུཎྞམཱཡེཝ ཙནྡིམཾ;

ཛལནྟཾ དཱིཔརུཀྑཾཝ, ཨདྡསཾ ལོཀནཱཡཀཾ.

༦༩.

‘‘མཱཏུལུངྒཕལཾ ¶ གཡ྄ཧ, ཨདཱསིཾ སཏྠུནོ ཨཧཾ;

དཀྑིཎེཡྻསྶ ཝཱིརསྶ [དྷཱིརསྶ (སཱི.)], པསནྣོ སེཧི པཱཎིབྷི.

༧༠.

‘‘ཨེཀཏིཾསེ ཨིཏོ ཀཔྤེ, ཡཾ ཕལཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༧༡.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༧༢.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༧༣.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ མཱཏུལུངྒཕལདཱཡཀོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

མཱཏུལུངྒཕལདཱཡཀཏྠེརསྶཱཔདཱནཾ ཚཊྛཾ.

༧. ཨཛེལིཕལདཱཡཀཏྠེརཨཔདཱནཾ

༧༤.

‘‘ཨཛྫུནོ [ཨཛིནོ (སྱཱ.)] ནཱམ སམྦུདྡྷོ, ཧིམཝནྟེ ཝསཱི ཏདཱ;

ཙརཎེན ཙ སམྤནྣོ, སམཱདྷིཀུསལོ མུནི.

༧༥.

‘‘ཀུམྦྷམཏྟཾ ¶ གཧེཏྭཱན, ཨཛེལིཾ [ཨཉྫལིཾ (སྱཱ.), ཨཛེལཾ (པཱི.)] ཛཱིཝཛཱིཝཀཾ;

ཚཏྟཔཎྞཾ གཧེཏྭཱན, ཨདཱསིཾ སཏྠུནོ ཨཧཾ.

༧༦.

‘‘ཙཏུནྣཝུཏིཏོ ཀཔྤེ, ཡཾ ཕལཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༧༧.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༧༨.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༧༩.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨཛེལིཕལདཱཡཀོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

ཨཛེལིཕལདཱཡཀཏྠེརསྶཱཔདཱནཾ སཏྟམཾ.

༨. ཨམོདཕལིཡཏྠེརཨཔདཱནཾ

༨༠.

‘‘སུཝཎྞཝཎྞཾ ¶ ¶ ¶ སམྦུདྡྷཾ, ཨཱཧུཏཱིནཾ པཊིགྒཧཾ;

རཐིཡཾ པཊིཔཛྫནྟཾ, ཨམོདམདདིཾ ཕལཾ.

༨༡.

‘‘ཨེཀནཝུཏིཏོ ཀཔྤེ, ཡཾ ཕལཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༨༢.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༨༣.

‘‘སྭཱགཏཾ ¶ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༨༤.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨམོདཕལིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཨམོདཕལིཡཏྠེརསྶཱཔདཱནཾ ཨཊྛམཾ.

༩. ཏཱལཕལདཱཡཀཏྠེརཨཔདཱནཾ

༨༥.

‘‘སཏརཾསཱི ནཱམ བྷགཝཱ, སཡམྦྷཱུ ཨཔརཱཛིཏོ;

ཝིཝེཀཱ ཝུཊྛཧིཏྭཱན, གོཙརཱཡཱབྷིནིཀྑམི.

༨༦.

‘‘ཕལཧཏྠོ ཨཧཾ དིསྭཱ, ཨུཔགཙྪིཾ ནརཱསབྷཾ;

པསནྣཙིཏྟོ སུམནོ, ཏཱལཕལཾ ཨདཱསཧཾ.

༨༧.

‘‘ཙཏུནྣཝུཏིཏོ ཀཔྤེ, ཡཾ ཕལཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༨༨.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༨༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༩༠.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ ¶ སུདཾ ཨཱཡསྨཱ ཏཱལཕལདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཏཱལཕལདཱཡཀཏྠེརསྶཱཔདཱནཾ ནཝམཾ.

༡༠. ནཱལི༹ཀེརཕལདཱཡཀཏྠེརཨཔདཱནཾ

༩༡.

‘‘ནགརེ ¶ ¶ བནྡྷུམཏིཡཱ, ཨཱརཱམིཀོ ཨཧཾ ཏདཱ;

ཨདྡསཾ ཝིརཛཾ བུདྡྷཾ, གཙྪནྟཾ ཨནིལཉྫསེ.

༩༢.

‘‘ནཱལི༹ཀེརཕལཾ གཡ྄ཧ, བུདྡྷསེཊྛསྶདཱསཧཾ;

ཨཱཀཱསེ ཋིཏཀོ སནྟོ, པཊིགྒཎྷི མཧཱཡསོ.

༩༣.

‘‘ཝིཏྟིསཉྫནནོ ¶ མཡ྄ཧཾ, དིཊྛདྷམྨསུཁཱཝཧོ;

ཕལཾ བུདྡྷསྶ དཏྭཱན, ཝིཔྤསནྣེན ཙེཏསཱ.

༩༤.

‘‘ཨདྷིགཙྪིཾ ཏདཱ པཱིཏིཾ, ཝིཔུལཉྩ སུཁུཏྟམཾ;

ཨུཔྤཛྫཏེཝ རཏནཾ, ནིབྦཏྟསྶ ཏཧིཾ ཏཧིཾ.

༩༥.

‘‘ཨེཀནཝུཏིཏོ ཀཔྤེ, ཡཾ ཕལཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༩༦.

‘‘དིབྦཙཀྑུ ཝིསུདྡྷཾ མེ, སམཱདྷིཀུསལོ ཨཧཾ;

ཨབྷིཉྙཱཔཱརམིཔྤཏྟོ, ཕལདཱནསྶིདཾ ཕལཾ.

༩༧.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༩༨.

‘‘སྭཱགཏཾ ཝཏ མེ ཨཱསི…པེ… ¶ ཀཏཾ བུདྡྷསྶ སཱསནཾ.

༩༩.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ནཱལི༹ཀེརཕལདཱཡཀོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

ནཱལི༹ཀེརཕལདཱཡཀཏྠེརསྶཱཔདཱནཾ དསམཾ.

ཀཎིཀཱརཝགྒོ ཨེཀཔཉྙཱསམོ.

ཏསྶུདྡཱནཾ –

ཀཎིཀཱརེཀཔཏྟཱ ཙ, ཀཱསུམཱརཱི ཏཐཱཝཊཱ;

པཱདཉྩ མཱཏུལུངྒཉྩ, ཨཛེལཱིམོདམེཝ ཙ.

ཏཱལཾ ཏཐཱ ནཱལི༹ཀེརཾ, གཱཐཱཡོ གཎིཏཱ ཝིཧ;

ཨེཀཾ གཱཐཱསཏཾ ཧོཏི, ཨཱུནཱདྷིཀཝིཝཛྫིཏཾ.

༥༢. ཕལདཱཡཀཝགྒོ

༡. ཀུརཉྩིཡཕལདཱཡཀཏྠེརཨཔདཱནཾ

༡.

‘‘མིགལུདྡོ ¶ ¶ ¶ པུརེ ཨཱསིཾ, ཝིཔིནེ ཝིཙརཾ ཨཧཾ;

ཨདྡསཾ ཝིརཛཾ བུདྡྷཾ, སབྦདྷམྨཱན པཱརགུཾ.

༢.

‘‘ཀུརཉྩིཡཕལཾ གཡ྄ཧ, བུདྡྷསེཊྛསྶདཱསཧཾ;

པུཉྙཀྑེཏྟསྶ ཏཱདིནོ, པསནྣོ སེཧི པཱཎིབྷི.

༣.

‘‘ཨེཀཏིཾསེ ཨིཏོ ཀཔྤེ, ཡཾ ཕལཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༤.

‘‘ཀིལེསཱ ¶ ཛྷཱཔིཏཱ མཡ྄ཧཾ, བྷཝཱ སབྦེ སམཱུཧཏཱ;

ནཱགོཝ བནྡྷནཾ ཚེཏྭཱ, ཝིཧརཱམི ཨནཱསཝོ.

༥.

‘‘སྭཱགཏཾ ཝཏ མེ ཨཱསི, བུདྡྷསེཊྛསྶ སནྟིཀེ;

ཏིསྶོ ཝིཛྫཱ ཨནུཔྤཏྟཱ, ཀཏཾ བུདྡྷསྶ སཱསནཾ.

༦.

‘‘པཊིསམྦྷིདཱ ཙཏསྶོ, ཝིམོཀྑཱཔི ཙ ཨཊྛིམེ;

ཚལ༹བྷིཉྙཱ སཙྪིཀཏཱ, ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཀུརཉྩིཡཕལདཱཡཀོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

ཀུརཉྩིཡཕལདཱཡཀཏྠེརསྶཱཔདཱནཾ པཋམཾ.

༢. ཀཔིཏྠཕལདཱཡཀཏྠེརཨཔདཱནཾ

༧.

‘‘སུཝཎྞཝཎྞཾ ¶ སམྦུདྡྷཾ, ཨཱཧུཏཱིནཾ པཊིགྒཧཾ;

རཐིཡཾ པཊིཔཛྫནྟཾ, ཀཔིཏྠཾ [ཀཔིཊྛཾ (སྱཱ.)] ཨདདིཾ ཕལཾ.

༨.

‘‘ཨེཀནཝུཏིཏོ ¶ ཀཔྤེ, ཡཾ ཕལཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༩.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༠.

‘‘སྭཱགཏཾ ¶ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༡.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཀཔིཏྠཕལདཱཡཀོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

ཀཔིཏྠཕལདཱཡཀཏྠེརསྶཱཔདཱནཾ དུཏིཡཾ.

༣. ཀོསམྦཕལིཡཏྠེརཨཔདཱནཾ

༡༢.

‘‘ཀཀུདྷཾ ཝིལསནྟཾཝ, དེཝདེཝཾ ནརཱསབྷཾ;

རཐིཡཾ པཊིཔཛྫནྟཾ, ཀོསམྦཾ [ཀོསུམྦཾ (སཱི. སྱཱ. པཱི.)] ཨདདིཾ ཏདཱ.

༡༣.

‘‘ཨེཀཏིཾསེ ཨིཏོ ཀཔྤེ, ཡཾ ཕལཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༡༤.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༥.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༦.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཀོསམྦཕལིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཀོསམྦཕལིཡཏྠེརསྶཱཔདཱནཾ ཏཏིཡཾ.

༤. ཀེཏཀཔུཔྥིཡཏྠེརཨཔདཱནཾ

༡༧.

‘‘ཝིནཏཱནདིཡཱ ཏཱིརེ, ཝིཧཱསི པུརིསུཏྟམོ;

ཨདྡསཾ ཝིརཛཾ བུདྡྷཾ, ཨེཀགྒཾ སུསམཱཧིཏཾ.

༡༨.

‘‘མདྷུགནྡྷསྶ ¶ པུཔྥེན, ཀེཏཀསྶ ཨཧཾ ཏདཱ;

པསནྣཙིཏྟོ སུམནོ, བུདྡྷསེཊྛམཔཱུཛཡིཾ.

༡༩.

‘‘ཨེཀནཝུཏིཏོ ¶ ¶ ཀཔྤེ, ཡཾ པུཔྥམབྷིཔཱུཛཡིཾ;

དུགྒཏིཾ ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༢༠.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༢༡.

‘‘སྭཱགཏཾ ཝཏ མེ ཨཱསི…པེ… ¶ ཀཏཾ བུདྡྷསྶ སཱསནཾ.

༢༢.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཀེཏཀཔུཔྥིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཀེཏཀཔུཔྥིཡཏྠེརསྶཱཔདཱནཾ ཙཏུཏྠཾ.

༥. ནཱགཔུཔྥིཡཏྠེརཨཔདཱནཾ

༢༣.

‘‘སུཝཎྞཝཎྞཾ སམྦུདྡྷཾ, ཨཱཧུཏཱིནཾ པཊིགྒཧཾ;

རཐིཡཾ པཊིཔཛྫནྟཾ, ནཱགཔུཔྥཾ ཨཔཱུཛཡིཾ.

༢༤.

‘‘ཨེཀནཝུཏིཏོ ཀཔྤེ, ཡཾ པུཔྥམབྷིཔཱུཛཡིཾ;

དུགྒཏིཾ ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༢༥.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༢༦.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༢༧.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ནཱགཔུཔྥིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ནཱགཔུཔྥིཡཏྠེརསྶཱཔདཱནཾ པཉྩམཾ.

༦. ཨཛྫུནཔུཔྥིཡཏྠེརཨཔདཱནཾ

༢༨.

‘‘ཙནྡབྷཱགཱནདཱིཏཱིརེ ¶ ¶ , ཨཧོསིཾ ཀིནྣརོ ཏདཱ;

ཨདྡསཾ ཝིརཛཾ བུདྡྷཾ, སཡམྦྷུཾ ཨཔརཱཛིཏཾ.

༢༩.

‘‘པསནྣཙིཏྟོ སུམནོ, ཝེདཛཱཏོ ཀཏཉྫལཱི;

གཧེཏྭཱ ཨཛྫུནཾ པུཔྥཾ, སཡམྦྷུཾ ཨབྷིཔཱུཛཡིཾ.

༣༠.

‘‘ཏེན ¶ ཀམྨེན སུཀཏེན, ཙེཏནཱཔཎིདྷཱིཧི ཙ;

ཛཧིཏྭཱ ཀིནྣརཾ དེཧཾ, ཏཱཝཏིཾསམགཙྪཧཾ.

༣༡.

‘‘ཚཏྟིཾསཀྑཏྟུཾ དེཝིནྡོ, དེཝརཛྫམཀཱརཡིཾ;

དསཀྑཏྟུཾ ཙཀྐཝཏྟཱི, མཧཱརཛྫམཀཱརཡིཾ.

༣༢.

‘‘པདེསརཛྫཾ ཝིཔུལཾ, གཎནཱཏོ ཨསངྑིཡཾ;

སུཁེཏྟེ ཝཔྤིཏཾ བཱིཛཾ, སཡམྦྷུམྷི ཨཧོ མམ [ཨཧོསི མེ (སྱཱ.)].

༣༣.

‘‘ཀུསལཾ ཝིཛྫཏེ མཡ྄ཧཾ, པབྦཛིཾ ཨནགཱརིཡཾ;

པཱུཛཱརཧོ ཨཧཾ ཨཛྫ, སཀྱཔུཏྟསྶ སཱསནེ.

༣༤.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༣༥.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༣༦.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ ¶ སུདཾ ཨཱཡསྨཱ ཨཛྫུནཔུཔྥིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཨཛྫུནཔུཔྥིཡཏྠེརསྶཱཔདཱནཾ ཚཊྛཾ.

༧. ཀུཊཛཔུཔྥིཡཏྠེརཨཔདཱནཾ

༣༧.

‘‘ཧིམཝནྟསྶཱཝིདཱུརེ, ཝསལོ [ཙཱཝལོ (སཱི. པཱི.), ཨཙྩཡོ (སྱཱ.)] ནཱམ པབྦཏོ;

བུདྡྷོ སུདསྶནོ ནཱམ, ཝསཏེ པབྦཏནྟརེ.

༣༨.

‘‘པུཔྥཾ ཧེམཝནྟཾ གཡ྄ཧ, ཝེཧཱསཾ ཨགམཱསཧཾ;

ཏཏྠདྡསཱསིཾ སམྦུདྡྷཾ, ཨོགྷཏིཎྞམནཱསཝཾ.

༣༩.

‘‘པུཔྥཾ ¶ ཀུཊཛམཱདཱཡ, སིརེ ཀཏྭཱན ཨཉྫལིཾ [ཀཏྭཱནཧཾ ཏདཱ (སྱཱ. པཱི. ཀ.)];

བུདྡྷསྶ ཨབྷིརོཔེསིཾ, སཡམྦྷུསྶ མཧེསིནོ.

༤༠.

‘‘ཨེཀཏིཾསེ ཨིཏོ ཀཔྤེ, ཡཾ པུཔྥམབྷིཔཱུཛཡིཾ;

དུགྒཏིཾ ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༤༡.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༤༢.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༤༣.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཀུཊཛཔུཔྥིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཀུཊཛཔུཔྥིཡཏྠེརསྶཱཔདཱནཾ སཏྟམཾ.

༨. གྷོསསཉྙཀཏྠེརཨཔདཱནཾ

༤༤.

‘‘མིགལུདྡོ ¶ པུརེ ཨཱསིཾ, ཨརཉྙེ ཝིཔིནེ ཨཧཾ;

ཨདྡསཾ ཝིརཛཾ བུདྡྷཾ, དེཝསངྒྷཔུརཀྑཏཾ.

༤༥.

‘‘ཙཏུསཙྩཾ པཀཱསེནྟཾ, དེསེནྟཾ ཨམཏཾ པདཾ;

ཨསྶོསིཾ མདྷུརཾ དྷམྨཾ, སིཁིནོ ལོཀབནྡྷུནོ.

༤༦.

‘‘གྷོསེ ཙིཏྟཾ པསཱདེསིཾ, ཨསམཔྤཊིཔུགྒལེ;

ཏཏྠ ཙིཏྟཾ པསཱདེཏྭཱ, ཨུཏྟརིཾ [ཨཏརིཾ (སཱི. པཱི.)] དུཏྟརཾ བྷཝཾ.

༤༧.

‘‘ཨེཀཏིཾསེ ཨིཏོ ཀཔྤེ, ཡཾ སཉྙམལབྷིཾ ཏདཱ;

དུགྒཏིཾ ནཱབྷིཛཱནཱམི, གྷོསསཉྙཱཡིདཾ ཕལཾ.

༤༨.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༤༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༥༠.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ གྷོསསཉྙཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

གྷོསསཉྙཀཏྠེརསྶཱཔདཱནཾ ཨཊྛམཾ.

༩. སབྦཕལདཱཡཀཏྠེརཨཔདཱནཾ

༥༡.

‘‘ཝརུཎོ ¶ ¶ ¶ ནཱམ ནཱམེན, བྲཱཧྨཎོ མནྟཔཱརགཱུ;

ཚཌྜེཏྭཱ དསཔུཏྟཱནི, ཝནམཛ྄ཛྷོགཧིཾ ཏདཱ.

༥༢.

‘‘ཨསྶམཾ ¶ སུཀཏཾ ཀཏྭཱ, སུཝིབྷཏྟཾ མནོརམཾ;

པཎྞསཱལཾ ཀརིཏྭཱན, ཝསཱམི ཝིཔིནེ ཨཧཾ.

༥༣.

‘‘པདུམུཏྟརོ ལོཀཝིདཱུ, ཨཱཧུཏཱིནཾ པཊིགྒཧོ;

མམུདྡྷརིཏུཀཱམོ སོ, ཨཱགཙྪི མམ ཨསྶམཾ.

༥༤.

‘‘ཡཱཝཏཱ ཝནསཎྜམྷི, ཨོབྷཱསོ ཝིཔུལོ ཨཧུ;

བུདྡྷསྶ ཨཱནུབྷཱཝེན, པཛྫལཱི ཝིཔིནཾ ཏདཱ.

༥༥.

‘‘དིསྭཱན ཏཾ པཱཊིཧཱིརཾ, བུདྡྷསེཊྛསྶ ཏཱདིནོ;

པཏྟཔུཊཾ གཧེཏྭཱན, ཕལེན པཱུཛཡིཾ ཨཧཾ.

༥༦.

‘‘ཨུཔགནྟྭཱན སམྦུདྡྷཾ, སཧཁཱརིམདཱསཧཾ;

ཨནུཀམྤཱཡ མེ བུདྡྷོ, ཨིདཾ ཝཙནམབྲཝི.

༥༧.

‘ཁཱརིབྷཱརཾ གཧེཏྭཱན, པཙྪཏོ ཨེཧི མེ ཏུཝཾ;

པརིབྷུཏྟེ ཙ སངྒྷམྷི, པུཉྙཾ ཏཝ བྷཝིསྶཏི’.

༥༨.

‘‘པུཊཀནྟཾ གཧེཏྭཱན, བྷིཀྑུསངྒྷསྶདཱསཧཾ;

ཏཏྠ ཙིཏྟཾ པསཱདེཏྭཱ, ཏུསིཏཾ ཨུཔཔཛྫཧཾ.

༥༩.

‘‘ཏཏྠ དིབྦེཧི ནཙྩེཧི, གཱིཏེཧི ཝཱདིཏེཧི ཙ;

པུཉྙཀམྨེན སཾཡུཏྟཾ, ཨནུབྷོམི སདཱ སུཁཾ.

༦༠.

‘‘ཡཾ ¶ ཡཾ ཡོནུཔཔཛྫཱམི, དེཝཏྟཾ ཨཐ མཱནུསཾ;

བྷོགེ མེ ཨཱུནཏཱ ནཏྠི, ཕལདཱནསྶིདཾ ཕལཾ.

༦༡.

‘‘ཡཱཝཏཱ ཙཏུརོ དཱིཔཱ, སསམུདྡཱ སཔབྦཏཱ;

ཕལཾ བུདྡྷསྶ དཏྭཱན, ཨིསྶརཾ ཀཱརཡཱམཧཾ.

༦༢.

‘‘ཡཱཝཏཱ མེ པཀྑིགཎཱ, ཨཱཀཱསེ ཨུཔྤཏནྟི ཙེ;

ཏེཔི མཾ ཝསམནྭེནྟི, ཕལདཱནསྶིདཾ ཕལཾ.

༦༣.

‘‘ཡཱཝཏཱ ཝནསཎྜམྷི, ཡཀྑཱ བྷཱུཏཱ ཙ རཀྑསཱ;

ཀུམྦྷཎྜཱ གརུལཱ༹ ཙཱཔི, པཱརིཙརིཡཾ ཨུཔེནྟི མེ.

༦༤.

‘‘ཀུམྦྷཱ ¶ ¶ སོཎཱ མདྷུཀཱརཱ, ཌཾསཱ ཙ མཀསཱ ཨུབྷོ;

ཏེཔི མཾ ཝསམནྭེནྟི, ཕལདཱནསྶིདཾ ཕལཾ.

༦༥.

‘‘སུཔཎྞཱ ¶ ནཱམ སཀུཎཱ, པཀྑིཛཱཏཱ མཧབྦལཱ;

ཏེཔི མཾ སརཎཾ ཡནྟི, ཕལདཱནསྶིདཾ ཕལཾ.

༦༦.

‘‘ཡེཔི དཱིགྷཱཡུཀཱ ནཱགཱ, ཨིདྡྷིམནྟོ མཧཱཡསཱ;

ཏེཔི མཾ ཝསམནྭེནྟི, ཕལདཱནསྶིདཾ ཕལཾ.

༦༧.

‘‘སཱིཧཱ བྱགྒྷཱ ཙ དཱིཔཱི ཙ, ཨཙྪཀོཀཏརཙྪཀཱ;

ཏེཔི མཾ ཝསམནྭེནྟི, ཕལདཱནསྶིདཾ ཕལཾ.

༦༨.

‘‘ཨོསདྷཱིཏིཎཝཱསཱི ཙ, ཡེ ཙ ཨཱཀཱསཝཱསིནོ;

སབྦེ མཾ སརཎཾ ཡནྟི, ཕལདཱནསྶིདཾ ཕལཾ.

༦༩.

‘‘སུདུདྡསཾ སུནིཔུཎཾ, གམྦྷཱིརཾ སུཔྤཀཱསིཏཾ;

ཕསྶཡིཏྭཱ [ཕུསཡིཏྭཱ (ཀ.)] ཝིཧརཱམི, ཕལདཱནསྶིདཾ ཕལཾ.

༧༠.

‘‘ཝིམོཀྑེ ¶ ཨཊྛ ཕུསིཏྭཱ, ཝིཧརཱམི ཨནཱསཝོ;

ཨཱཏཱཔཱི ནིཔཀོ ཙཱཧཾ, ཕལདཱནསྶིདཾ ཕལཾ.

༧༡.

‘‘ཡེ ཕལཊྛཱ བུདྡྷཔུཏྟཱ, ཁཱིཎདོསཱ མཧཱཡསཱ;

ཨཧམཉྙཏརོ ཏེསཾ, ཕལདཱནསྶིདཾ ཕལཾ.

༧༢.

‘‘ཨབྷིཉྙཱཔཱརམིཾ གནྟྭཱ, སུཀྐམཱུལེན ཙོདིཏོ;

སབྦཱསཝེ པརིཉྙཱཡ, ཝིཧརཱམི ཨནཱསཝོ.

༧༣.

‘‘ཏེཝིཛྫཱ ཨིདྡྷིཔཏྟཱ ཙ, བུདྡྷཔུཏྟཱ མཧཱཡསཱ;

དིབྦསོཏསམཱཔནྣཱ, ཏེསཾ ཨཉྙཏརོ ཨཧཾ.

༧༤.

‘‘སཏསཧསྶིཏོ ཀཔྤེ, ཡཾ ཕལཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཕལདཱནསྶིདཾ ཕལཾ.

༧༥.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༧༦.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༧༧.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ སབྦཕལདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

སབྦཕལདཱཡཀཏྠེརསྶཱཔདཱནཾ ནཝམཾ.

༡༠. པདུམདྷཱརིཀཏྠེརཨཔདཱནཾ

༧༨.

‘‘ཧིམཝནྟསྶཱཝིདཱུརེ ¶ ¶ ¶ , རོམསོ ནཱམ པབྦཏོ;

བུདྡྷོཔི སམྦྷཝོ ནཱམ, ཨབྦྷོཀཱསེ ཝསཱི ཏདཱ.

༧༩.

‘‘བྷཝནཱ ནིཀྑམིཏྭཱན, པདུམཾ དྷཱརཡིཾ ཨཧཾ;

ཨེཀཱཧཾ དྷཱརཡིཏྭཱན, བྷཝནཾ པུནརཱགམིཾ.

༨༠.

‘‘ཨེཀཏིཾསེ ¶ ཨིཏོ ཀཔྤེ, ཡཾ བུདྡྷམབྷིཔཱུཛཡིཾ;

དུགྒཏིཾ ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༨༡.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༨༢.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༨༣.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ པདུམདྷཱརིཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

པདུམདྷཱརིཀཏྠེརསྶཱཔདཱནཾ དསམཾ.

ཕལདཱཡཀཝགྒོ དྭེཔཉྙཱསམོ.

ཏསྶུདྡཱནཾ –

ཀུརཉྩིཡཾ ཀཔིཏྠཉྩ, ཀོསམྦམཐ ཀེཏཀཾ;

ནཱགཔུཔྥཛྫུནཉྩེཝ, ཀུཊཛཱི གྷོསསཉྙཀོ.

ཐེརོ ¶ ཙ སབྦཕལདོ, ཏཐཱ པདུམདྷཱརིཀོ;

ཨསཱིཏི ཙེཏྠ གཱཐཱཡོ, ཏིསྶོ གཱཐཱ ཏདུཏྟརི.

༥༣. ཏིཎདཱཡཀཝགྒོ

༡. ཏིཎམུཊྛིདཱཡཀཏྠེརཨཔདཱནཾ

༡.

‘‘ཧིམཝནྟསྶཱཝིདཱུརེ ¶ ¶ , ལམྦཀོ ནཱམ པབྦཏོ;

ཏཏྠེཝ ཏིསྶོ [ཏཏྠོཔཏིསྶོ (སཱི. པཱི. ཀ.)] སམྦུདྡྷོ, ཨབྦྷོཀཱསམྷི ཙངྐམི.

༢.

‘‘མིགལུདྡོ པུརེ ཨཱསིཾ, ཨརཉྙེ ཀཱནནེ ཨཧཾ;

དིསྭཱན ཏཾ དེཝདེཝཾ, ཏིཎམུཊྛིམདཱསཧཾ.

༣.

‘‘ནིསཱིདནཏྠཾ བུདྡྷསྶ, དཏྭཱ ཙིཏྟཾ པསཱདཡིཾ;

སམྦུདྡྷཾ ཨབྷིཝཱདེཏྭཱ, པཀྐཱམིཾ [པཀྐམིཾ (ཀ.)] ཨུཏྟརཱམུཁོ.

༤.

‘‘ཨཙིརཾ གཏམཏྟསྶ [གཏམཏྟཾ མཾ (སཱི. སྱཱ.)], མིགརཱཛཱ ཨཔོཐཡི [ཨཧེཋཡི (སཱི. སྱཱ. པཱི.)];

སཱིཧེན པོཐིཏོ [པཱཏིཏོ (སཱི. པཱི.), གྷཱཊིཏོ (སྱཱ.)] སནྟོ, ཏཏྠ ཀཱལངྐཏོ ཨཧཾ.

༥.

‘‘ཨཱསནྣེ མེ ཀཏཾ ཀམྨཾ, བུདྡྷསེཊྛེ ཨནཱསཝེ;

སུམུཏྟོ སརཝེགོཝ, དེཝལོཀམགཙྪཧཾ.

༦.

‘‘ཡཱུཔོ ཏཏྠ སུབྷོ ཨཱསི, པུཉྙཀམྨཱབྷིནིམྨིཏོ;

སཧསྶཀཎྜོ སཏབྷེཎྜུ, དྷཛཱལུ ཧརིཏཱམཡོ.

༧.

‘‘པབྷཱ ¶ ནིདྡྷཱཝཏེ ཏསྶ, སཏརཾསཱིཝ ཨུགྒཏོ;

ཨཱཀིཎྞོ དེཝཀཉྙཱཧི, ཨཱམོདིཾ ཀཱམཀཱམིཧཾ.

༨.

‘‘དེཝལོཀཱ ¶ ཙཝིཏྭཱན, སུཀྐམཱུལེན ཙོདིཏོ;

ཨཱགནྟྭཱན མནུསྶཏྟཾ, པཏྟོམྷི ཨཱསཝཀྑཡཾ.

༩.

‘‘ཙཏུནྣཝུཏིཏོ ཀཔྤེ, ནིསཱིདནམདཱསཧཾ;

དུགྒཏིཾ ནཱབྷིཛཱནཱམི, ཏིཎམུཊྛེ ཨིདཾ ཕལཾ.

༡༠.

‘‘ཀིལེསཱ ཛྷཱཔིཏཱ མཡ྄ཧཾ, བྷཝཱ སབྦེ སམཱུཧཏཱ;

ནཱགོཝ བནྡྷནཾ ཚེཏྭཱ, ཝིཧརཱམི ཨནཱསཝོ.

༡༡.

‘‘སྭཱགཏཾ ཝཏ མེ ཨཱསི, མམ བུདྡྷསྶ སནྟིཀེ;

ཏིསྶོ ཝིཛྫཱ ཨནུཔྤཏྟཱ, ཀཏཾ བུདྡྷསྶ སཱསནཾ.

༡༢.

‘‘པཊིསམྦྷིདཱ ¶ ¶ ཙཏསྶོ, ཝིམོཀྑཱཔི ཙ ཨཊྛིམེ;

ཚལ༹བྷིཉྙཱ སཙྪིཀཏཱ, ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཏིཎམུཊྛིདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཏིཎམུཊྛིདཱཡཀཏྠེརསྶཱཔདཱནཾ པཋམཾ.

༢. མཉྩདཱཡཀཏྠེརཨཔདཱནཾ

༡༣.

‘‘ཝིཔསྶིནོ བྷགཝཏོ, ལོཀཛེཊྛསྶ ཏཱདིནོ;

ཨེཀམཉྩཾ [ཨེཀཾ ཝེཙྩཾ (སྱཱ.), ཨེཀཔཙྪཾ (པཱི.)] མཡཱ དིནྣཾ, པསནྣེན སཔཱཎིནཱ.

༡༤.

‘‘ཧཏྠིཡཱནཾ ཨསྶཡཱནཾ, དིབྦཡཱནཾ སམཛ྄ཛྷགཾ;

ཏེན མཉྩཀདཱནེན, པཏྟོམྷི ཨཱསཝཀྑཡཾ.

༡༥.

‘‘ཨེཀནཝུཏིཏོ ¶ ཀཔྤེ, ཡཾ མཉྩམདདིཾ ཏདཱ;

དུགྒཏིཾ ནཱབྷིཛཱནཱམི, མཉྩདཱནསྶིདཾ ཕལཾ.

༡༦.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༧.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༨.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ མཉྩདཱཡཀོ [ཝེཙྩཀདཱཡཀོ (སྱཱ.), སདྡསཉྙིཀཝགྒེཔི ཨིདཾ§ཨཔདཱནཾ དིསྶཏི] ཐེརོ ཨིམཱ གཱཐཱཡོ ཨབྷཱསིཏྠཱཏི.

མཉྩདཱཡཀཏྠེརསྶཱཔདཱནཾ དུཏིཡཾ.

༣. སརཎགམནིཡཏྠེརཨཔདཱནཾ

༡༩.

‘‘ཨཱརུཧིམྷ ཏདཱ ནཱཝཾ, བྷིཀྑུ ཙཱཛཱིཝིཀོ ཙཧཾ;

ནཱཝཱཡ བྷིཛྫམཱནཱཡ, བྷིཀྑུ མེ སརཎཾ ཨདཱ.

༢༠.

‘‘ཨེཀཏིཾསེ ¶ ཨིཏོ ཀཔྤེ, ཡཾ སོ མེ སརཎཾ ཨདཱ;

དུགྒཏིཾ ནཱབྷིཛཱནཱམི, སརཎགམནེ ཕལཾ.

༢༡.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༢༢.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༢༣.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ སརཎགམནིཡོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

སརཎགམནིཡཏྠེརསྶཱཔདཱནཾ ཏཏིཡཾ.

༤. ཨབྦྷཉྫནདཱཡཀཏྠེརཨཔདཱནཾ

༢༤.

‘‘ནགརེ ¶ བནྡྷུམཏིཡཱ, རཱཛུཡྻཱནེ ཝསཱམཧཾ;

ཙམྨཝཱསཱི ཏདཱ ཨཱསིཾ, ཀམཎྜལུདྷརོ ཨཧཾ.

༢༥.

‘‘ཨདྡསཾ ཝིམལཾ བུདྡྷཾ, སཡམྦྷུཾ ཨཔརཱཛིཏཾ;

པདྷཱནཾ པཧིཏཏྟཾ ཏཾ, ཛྷཱཡིཾ ཛྷཱནརཏཾ ཝསིཾ [ཨིསིཾ (སྱཱ.)].

༢༦.

‘‘སབྦཀཱམསམིདྡྷིཉྩ, ཨོགྷཏིཎྞམནཱསཝཾ;

དིསྭཱ པསནྣོ སུམནོ, ཨབྦྷཉྫནམདཱསཧཾ.

༢༧.

‘‘ཨེཀནཝུཏིཏོ ཀཔྤེ, ཡཾ དཱནམདདིཾ ཏདཱ;

དུགྒཏིཾ ནཱབྷིཛཱནཱམི, ཨབྦྷཉྫནསྶིདཾ ཕལཾ.

༢༨.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༢༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༣༠.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ ¶ སུདཾ ཨཱཡསྨཱ ཨབྦྷཉྫནདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

ཨབྦྷཉྫནདཱཡཀཏྠེརསྶཱཔདཱནཾ ཙཏུཏྠཾ.

༥. སུཔཊདཱཡཀཏྠེརཨཔདཱནཾ

༣༡.

‘‘དིཝཱཝིཧཱརཱ ¶ ¶ ནིཀྑནྟོ, ཝིཔསྶཱི ལོཀནཱཡཀོ;

ལཧུཾ སུཔཊཀཾ [སུཔཊིཀཾ (སྱཱ.), པཱུཔཔཝཾ (པཱི.)] དཏྭཱ, ཀཔྤཾ སགྒམྷི མོདཧཾ.

༣༢.

‘‘ཨེཀནཝུཏིཏོ ཀཔྤེ, སུཔཊཀམདཱསཧཾ;

དུགྒཏིཾ ནཱབྷིཛཱནཱམི, སུཔཊསྶ ཨིདཾ ཕལཾ.

༣༣.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༣༤.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༣༥.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ སུཔཊདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

སུཔཊདཱཡཀཏྠེརསྶཱཔདཱནཾ པཉྩམཾ.

༦. དཎྜདཱཡཀཏྠེརཨཔདཱནཾ

༣༦.

‘‘ཀཱནནཾ ཝནམོགཡ྄ཧ, ཝེལུ༹ཾ ཚེཏྭཱནཧཾ ཏདཱ;

ཨཱལམྦཎཾ ཀརིཏྭཱན, སངྒྷསྶ ཨདདིཾ བཧུཾ [ཨཧཾ (སཱི. སྱཱ. པཱི.)].

༣༧.

‘‘ཏེན ¶ ཙིཏྟཔྤསཱདེན, སུབྦཏེ ཨབྷིཝཱདིཡ;

ཨཱལམྦདཎྜཾ དཏྭཱན, པཀྐཱམིཾ ཨུཏྟརཱམུཁོ.

༣༨.

‘‘ཙཏུནྣཝུཏིཏོ ¶ ཀཔྤེ, ཡཾ དཎྜམདདིཾ ཏདཱ;

དུགྒཏིཾ ནཱབྷིཛཱནཱམི, དཎྜདཱནསྶིདཾ ཕལཾ.

༣༩.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༤༠.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༤༡.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ ¶ སུདཾ ཨཱཡསྨཱ དཎྜདཱཡཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

དཎྜདཱཡཀཏྠེརསྶཱཔདཱནཾ ཚཊྛཾ.

ཏེཝཱིསཏིམཾ བྷཱཎཝཱརཾ.

༧. གིརིནེལཔཱུཛཀཏྠེརཨཔདཱནཾ

༤༢.

‘‘མིགལུདྡོ ¶ པུརེ ཨཱསིཾ, ཝིཔིནེ ཝིཙརཾ ཨཧཾ;

ཨདྡསཾ ཝིརཛཾ བུདྡྷཾ, སབྦདྷམྨཱན པཱརགུཾ.

༤༣.

‘‘ཏསྨིཾ མཧཱཀཱརུཎིཀེ, སབྦསཏྟཧིཏེ རཏེ;

པསནྣཙིཏྟོ སུམནོ, ནེལཔུཔྥམཔཱུཛཡིཾ.

༤༤.

‘‘ཨེཀཏིཾསེ ¶ ཨིཏོ ཀཔྤེ, ཡཾ པུཔྥམབྷིཔཱུཛཡིཾ;

དུགྒཏིཾ ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༤༥.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༤༦.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༤༧.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ གིརིནེལཔཱུཛཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

གིརིནེལཔཱུཛཀཏྠེརསྶཱཔདཱནཾ སཏྟམཾ.

༨. བོདྷིསམྨཛྫཀཏྠེརཨཔདཱནཾ

༤༨.

‘‘ཨཧཾ པུརེ བོདྷིཔཏྟཾ, ཨུཛ྄ཛྷིཏཾ ཙེཏིཡངྒཎེ;

ཏཾ གཧེཏྭཱན ཚཌྜེསིཾ, ཨལབྷིཾ ཝཱིསཏཱིགུཎེ.

༤༩.

‘‘ཏསྶ ཀམྨསྶ ཏེཛེན, སཾསརནྟོ བྷཝཱབྷཝེ;

དུཝེ བྷཝེ སཾསརཱམི, དེཝཏྟེ ཙཱཔི མཱནུསེ.

༥༠.

‘‘དེཝལོཀཱ ཙཝིཏྭཱན, ཨཱགནྟྭཱ མཱནུསཾ བྷཝཾ;

དུཝེ ཀུལེ པཛཱཡཱམི, ཁཏྟིཡེ ཙཱཔི བྲཱཧྨཎེ.

༥༡.

‘‘ཨངྒཔཙྩངྒསམྤནྣོ, ཨཱརོཧཔརིཎཱཧཝཱ;

ཨབྷིརཱུཔོ སུཙི ཧོམི, སམྤུཎྞངྒོ ཨནཱུནཀོ.

༥༢.

‘‘དེཝལོཀེ ¶ ¶ མནུསྶེ ཝཱ, ཛཱཏོ ཝཱ ཡཏྠ ཀཏྠཙི;

བྷཝེ སུཝཎྞཝཎྞོ ཙ, ཨུཏྟཏྟཀནཀཱུཔམོ.

༥༣.

‘‘མུདུཀཱ ¶ ¶ མདྡཝཱ སྣིདྡྷཱ [མུདུ མདྡཝཱ སིནིདྡྷཱ (སྱཱ.)], སུཁུམཱ སུཀུམཱརིཀཱ;

ཚཝི མེ སབྦདཱ ཧོཏི, བོདྷིཔཏྟེ སུཚཌྜིཏེ [སུཚཌྜིནེ (སཱི.)].

༥༤.

‘‘ཡཏོ ཀུཏོཙི གཏཱིསུ, སརཱིརེ སམུདཱགཏེ;

ན ལིམྤཏི རཛོཛལླཾ, ཝིཔཱཀོ པཏྟཚཌྜིཏེ.

༥༥.

‘‘ཨུཎྷེ ཝཱཏཱཏཔེ ཏསྶ, ཨགྒིཏཱཔེན ཝཱ པན;

གཏྟེ སེདཱ ན མུཙྩནྟི, ཝིཔཱཀོ པཏྟཚཌྜིཏེ.

༥༦.

‘‘ཀུཊྛཾ གཎྜོ ཀིལཱསོ ཙ, ཏིལཀཱ པིལ༹ཀཱ ཏཐཱ;

ན ཧོནྟི ཀཱཡེ དདྡུ ཙ, ཝིཔཱཀོ པཏྟཚཌྜིཏེ.

༥༧.

‘‘ཨཔརམྤི གུཎཾ ཏསྶ, ནིབྦཏྟཏི བྷཝཱབྷཝེ;

རོགཱ ན ཧོནྟི ཀཱཡསྨིཾ, ཝིཔཱཀོ པཏྟཚཌྜིཏེ.

༥༨.

‘‘ཨཔརམྤི གུཎཾ ཏསྶ, ནིབྦཏྟཏི བྷཝཱབྷཝེ;

ན ཧོཏི ཙིཏྟཛཱ པཱིལཱ༹, ཝིཔཱཀོ པཏྟཚཌྜིཏེ.

༥༩.

‘‘ཨཔརམྤི གུཎཾ ཏསྶ, ནིབྦཏྟཏི བྷཝཱབྷཝེ;

ཨམིཏྟཱ ན བྷཝནྟསྶ, ཝིཔཱཀོ པཏྟཚཌྜིཏེ.

༦༠.

‘‘ཨཔརམྤི གུཎཾ ཏསྶ, ནིབྦཏྟཏི བྷཝཱབྷཝེ;

ཨནཱུནབྷོགོ བྷཝཏི, ཝིཔཱཀོ པཏྟཚཌྜིཏེ.

༦༡.

‘‘ཨཔརམྤི གུཎཾ ཏསྶ, ནིབྦཏྟཏི བྷཝཱབྷཝེ;

ཨགྒིརཱཛཱུཧི ཙོརེཧི, ན ཧོཏི ཨུདཀེ བྷཡཾ.

༦༢.

‘‘ཨཔརམྤི ¶ གུཎཾ ཏསྶ, ནིབྦཏྟཏི བྷཝཱབྷཝེ;

དཱསིདཱསཱ ཨནུཙརཱ, ཧོནྟི ཙིཏྟཱནུཝཏྟཀཱ.

༦༣.

‘‘ཡམྷི ཨཱཡུཔྤམཱཎམྷི, ཛཱཡཏེ མཱནུསེ བྷཝེ;

ཏཏོ ན ཧཱཡཏེ ཨཱཡུ, ཏིཊྛཏེ ཡཱཝཏཱཡུཀཾ.

༦༤.

‘‘ཨབྦྷནྟརཱ ཙ བཱཧིརཱ [བཧིཙརཱ (སཱི. པཱི. ཀ.)], ནེགམཱ ཙ སརཊྛཀཱ;

ནུཡུཏྟཱ ཧོནྟི སབྦེཔི, ཝུདྡྷིཀཱམཱ སུཁིཙྪཀཱ.

༦༥.

‘‘བྷོགཝཱ ཡསཝཱ ཧོམི, སིརིམཱ ཉཱཏིཔཀྑཝཱ;

ཨཔེཏབྷཡསནྟཱསོ, བྷཝེཧཾ སབྦཏོ བྷཝེ.

༦༦.

‘‘དེཝཱ ¶ ¶ མནུསྶཱ ཨསུརཱ, གནྡྷབྦཱ ཡཀྑརཀྑསཱ;

སབྦེ ཏེ པརིརཀྑནྟི, བྷཝེ སཾསརཏོ སདཱ.

༦༧.

‘‘དེཝལོཀེ མནུསྶེ ཙ, ཨནུབྷོཏྭཱ ཨུབྷོ ཡསེ;

ཨཝསཱནེ ཙ ནིབྦཱནཾ, སིཝཾ པཏྟོ ཨནུཏྟརཾ.

༦༨.

‘‘སམྦུདྡྷམུདྡིསིཏྭཱན, བོདྷིཾ ཝཱ ཏསྶ སཏྠུནོ;

ཡོ པུཉྙཾ པསཝེ པོསོ, ཏསྶ ཀིཾ ནཱམ དུལླབྷཾ.

༦༩.

‘‘མགྒེ ¶ ཕལེ ཨཱགམེ ཙ, ཛྷཱནཱབྷིཉྙཱགུཎེསུ ཙ;

ཨཉྙེསཾ ཨདྷིཀོ ཧུཏྭཱ, ནིབྦཱཡཱམི ཨནཱསཝོ.

༧༠.

‘‘པུརེཧཾ བོདྷིཡཱ པཏྟཾ, ཚཌྜེཏྭཱ ཧཊྛམཱནསོ;

ཨིམེཧི ཝཱིསཏངྒེཧི, སམངྒཱི ཧོམི སབྦདཱ.

༧༡.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༧༢.

‘‘སྭཱགཏཾ ¶ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༧༣.

‘‘པཊིསམྦྷིདཱ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ བོདྷིསམྨཛྫཀོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

བོདྷིསམྨཛྫཀཏྠེརསྶཱཔདཱནཾ ཨཊྛམཾ.

༩. ཨཱམཎྜཕལདཱཡཀཏྠེརཨཔདཱནཾ

༧༤.

‘‘པདུམུཏྟརོ ནཱམ ཛིནོ, སབྦདྷམྨཱན པཱརགཱུ;

ཝུཊྛཧིཏྭཱ སམཱདྷིམྷཱ, ཙངྐམཱི ལོཀནཱཡཀོ.

༧༥.

‘‘ཁཱརིབྷཱརཾ གཧེཏྭཱན, ཨཱཧརནྟོ ཕལཾ ཏདཱ;

ཨདྡསཾ ཝིརཛཾ བུདྡྷཾ, ཙངྐམནྟཾ མཧཱམུནིཾ.

༧༦.

‘‘པསནྣཙིཏྟོ སུམནོ, སིརེ ཀཏྭཱན ཨཉྫལིཾ;

སམྦུདྡྷཾ ཨབྷིཝཱདེཏྭཱ, ཨཱམཎྜམདདིཾ ཕལཾ.

༧༧.

‘‘སཏསཧསྶིཏོ ཀཔྤེ, ཡཾ ཕལཾ ཨདདིཾ ཏདཱ;

དུགྒཏིཾ ནཱབྷིཛཱནཱམི, ཨཱམཎྜསྶ ཨིདཾ ཕལཾ.

༧༨.

‘‘ཀིལེསཱ ¶ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༧༩.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༨༠.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཨཱམཎྜཕལདཱཡཀོ ཐེརོ ཨིམཱ

གཱཐཱཡོ ཨབྷཱསིཏྠཱཏི.

ཨཱམཎྜཕལདཱཡཀཏྠེརསྶཱཔདཱནཾ ནཝམཾ.

༡༠. སུགནྡྷཏྠེརཨཔདཱནཾ

༨༡.

‘‘ཨིམམྷི བྷདྡཀེ ཀཔྤེ, བྲཧྨབནྡྷུ མཧཱཡསོ;

ཀསྶཔོ ནཱམ གོཏྟེན [ནཱམེན (སབྦཏྠ)], ཨུཔྤཛྫི ཝདཏཾ ཝརོ.

༨༢.

‘‘ཨནུབྱཉྫནསམྤནྣོ, བཱཏྟིཾསཝརལཀྑཎོ;

བྱཱམཔྤབྷཱཔརིཝུཏོ, རཾསིཛཱལསམོཏྠཊོ [རཾསིཛཱལསམོསཊོ (སཱི. པཱི.)].

༨༣.

‘‘ཨསྶཱསེཏཱ ཡཐཱ ཙནྡོ, སཱུརིཡོཝ པབྷངྐརོ;

ནིབྦཱཔེཏཱ ཡཐཱ མེགྷོ, སཱགརོཝ གུཎཱཀརོ.

༨༤.

‘‘དྷརཎཱིརིཝ ¶ སཱིལེན, ཧིམཝཱཝ སམཱདྷིནཱ;

ཨཱཀཱསོ ཝིཡ པཉྙཱཡ, ཨསངྒོ ཨནིལོ ཡཐཱ.

༨༥.

‘‘ས ཀདཱཙི མཧཱཝཱིརོ, པརིསཱསུ ཝིསཱརདོ;

སཙྩཱནི སམྤཀཱསེཏི, ཨུདྡྷརནྟོ མཧཱཛནཾ.

༨༦.

‘‘ཏདཱ ཧི བཱརཱཎསིཡཾ, སེཊྛིཔུཏྟོ མཧཱཡསོ;

ཨཱསཧཾ དྷནདྷཉྙསྶ [ཨནནྟདྷནདྷཉྙསྶ (ཀ.)], པཧཱུཏསྶ བཧཱུ ཏདཱ.

༨༧.

‘‘ཛངྒྷཱཝིཧཱརཾ ཝིཙརཾ, མིགདཱཡམུཔེཙྩཧཾ [མུཔེསཧཾ (ཀ.)];

ཨདྡསཾ ཝིརཛཾ བུདྡྷཾ, དེསེནྟཾ ཨམཏཾ པདཾ.

༨༨.

‘‘ཝིསཊྛཀནྟཝཙནཾ ¶ , ཀརཝཱིཀསམསྶརཾ;

ཧཾསརུཏེཧི [ཧཾསདུནྡུབྷི (སྱཱ. པཱི.)] ནིགྒྷོསཾ, ཝིཉྙཱཔེནྟཾ མཧཱཛནཾ.

༨༩.

‘‘དིསྭཱ ¶ དེཝཱཏིདེཝཾ ཏཾ, སུཏྭཱཝ མདྷུརཾ གིརཾ;

པཧཱཡནཔྤཀེ བྷོགེ, པབྦཛིཾ ཨནགཱརིཡཾ.

༩༠.

‘‘ཨེཝཾ ¶ པབྦཛིཏོ ཙཱཧཾ, ན ཙིརེན བཧུསྶུཏོ;

ཨཧོསིཾ དྷམྨཀཐིཀོ, ཝིཙིཏྟཔཊིབྷཱཎཝཱ.

༩༡.

‘‘མཧཱཔརིསམཛ྄ཛྷེཧཾ, ཧཊྛཙིཏྟོ པུནཔྤུནཾ;

ཝཎྞཡིཾ ཧེམཝཎྞསྶ, ཝཎྞཾ ཝཎྞཝིསཱརདོ.

༩༢.

‘‘ཨེས ཁཱིཎཱསཝོ བུདྡྷོ, ཨནཱིགྷོ ཚིནྣསཾསཡོ;

སབྦཀམྨཀྑཡཾ པཏྟོ, ཝིམུཏྟོཔདྷིསངྑཡེ.

༩༣.

‘‘ཨེས སོ བྷགཝཱ བུདྡྷོ, ཨེས སཱིཧོ ཨནུཏྟརོ;

སདེཝཀསྶ ལོཀསྶ, བྲཧྨཙཀྐཔྤཝཏྟཀོ.

༩༤.

‘‘དནྟོ དམེཏཱ སནྟོ ཙ, སམེཏཱ ནིབྦུཏོ ཨིསི;

ནིབྦཱཔེཏཱ ཙ ཨསྶཏྠོ, ཨསྶཱསེཏཱ མཧཱཛནཾ.

༩༥.

‘‘ཝཱིརོ སཱུརོ ཙ ཝིཀྐནྟོ [དྷཱིརོ ཙ (སཱི. པཱི.)], པཉྙོ ཀཱརུཎིཀོ ཝསཱི;

ཝིཛིཏཱཝཱི ཙ ས ཛིནོ, ཨཔྤགབྦོ ཨནཱལཡོ.

༩༦.

‘‘ཨནེཉྫོ ཨཙལོ དྷཱིམཱ, ཨམོཧོ ཨསམོ མུནི;

དྷོརཡ྄ཧོ ཨུསབྷོ ནཱགོ, སཱིཧོ སཀྐོ གརཱུསུཔི.

༩༧.

‘‘ཝིརཱགོ ཝིམལོ བྲཧྨཱ, ཝཱདཱི སཱུརོ རཎཉྫཧོ;

ཨཁིལོ ཙ ཝིསལློ ཙ, ཨསམོ སཾཡཏོ [ཝུསབྷོ (སྱཱ.), པཡཏོ (པཱི.)] སུཙི.

༩༨.

‘‘བྲཱཧྨཎོ ¶ ¶ སམཎོ ནཱཐོ, བྷིསཀྐོ སལླཀཏྟཀོ;

ཡོདྷོ བུདྡྷོ སུཏཱསུཏོ [སུཏོ སུཏོ (སཱི. པཱི.)], ཨཙལོ མུདིཏོ སིཏོ [དིཏོ (སཱི.)].

༩༩.

‘‘དྷཱཏཱ དྷཏཱ ཙ སནྟི ཙ, ཀཏྟཱ ནེཏཱ པཀཱསིཏཱ;

སམྤཧཾསིཏཱ བྷེཏྟཱ ཙ, ཚེཏྟཱ སོཏཱ པསཾསིཏཱ.

༡༠༠.

‘‘ཨཁིལོ ཙ ཝིསལློ ཙ, ཨནཱིགྷོ ཨཀཐཾཀཐཱི;

ཨནེཛོ ཝིརཛོ ཀཏྟཱ, གནྡྷཱ ཝཏྟཱ པསཾསིཏཱ.

༡༠༡.

‘‘ཏཱརེཏཱ ཨཏྠཀཱརེཏཱ, ཀཱརེཏཱ སམྤདཱརིཏཱ;

པཱཔེཏཱ སཧིཏཱ ཀནྟཱ, ཧནྟཱ ཨཱཏཱཔཱི ཏཱཔསོ [ཧནྟཱ, ཏཱཔིཏཱ ཙ ཝིསོསིཏཱ (སྱཱ.)].

༡༠༢.

‘‘སམཙིཏྟོ ¶ [སཙྩཊྛིཏོ (སྱཱ.)] སམསམོ, ཨསཧཱཡོ དཡཱལཡོ [དཡཱསཡོ (སཱི.)];

ཨཙྪེརསཏྟོ [ཨཙྪེརམནྟོ (སྱཱ.)] ཨཀུཧོ, ཀཏཱཝཱི ཨིསིསཏྟམོ.

༡༠༣.

‘‘ནིཏྟིཎྞཀངྑོ ནིམྨཱནོ, ཨཔྤམེཡྻོ ཨནཱུཔམོ;

སབྦཝཱཀྱཔཐཱཏཱིཏོ, སཙྩ ནེཡྻནྟགཱུ [སབྦནེཡྻནྟིཀོ (སྱཱ.)] ཛིནོ.

༡༠༤.

‘‘སཏྟསཱརཝརེ ¶ [སཏརཾསཱིཝརེ (སྱཱ.)] ཏསྨིཾ, པསཱདོ ཨམཏཱཝཧོ;

ཏསྨཱ བུདྡྷེ ཙ དྷམྨེ ཙ, སངྒྷེ སདྡྷཱ མཧཏྠིཀཱ [མཧིདྡྷིཀཱ (སཱི. ཀ.)].

༡༠༥.

‘‘གུཎེཧི ཨེཝམཱདཱིཧི, ཏིལོཀསརཎུཏྟམཾ;

ཝཎྞེནྟོ པརིསཱམཛ྄ཛྷེ, ཨཀཾ [ཀཐིཾ (སྱཱ.)] དྷམྨཀཐཾ ཨཧཾ.

༡༠༦.

‘‘ཏཏོ ཙུཏཱཧཾ ཏུསིཏེ, ཨནུབྷོཏྭཱ མཧཱསུཁཾ;

ཏཏོ ཙུཏོ མནུསྶེསུ, ཛཱཏོ ཧོམི སུགནྡྷིཀོ.

༡༠༧.

‘‘ནིསྶཱསོ མུཁགནྡྷོ ཙ, དེཧགནྡྷོ ཏཐེཝ མེ;

སེདགནྡྷོ ཙ སཏཏཾ, སབྦགནྡྷོཝ ཧོཏི མེ [སབྦགནྡྷོཏིསེཏི མེ (སཱི. པཱི.)].

༡༠༨.

‘‘མུཁགནྡྷོ ¶ སདཱ མཡ྄ཧཾ, པདུམུཔྤལཙམྤཀོ;

པརིསནྟོ [ཨཱདིསནྟོ (སཱི.), ཨཏིཀནྟོ (སྱཱ.), ཨཏིསནྟོ (པཱི.)] སདཱ ཝཱཏི, སརཱིརོ ཙ ཏཐེཝ མེ.

༡༠༩.

‘‘གུཎཏྠཝསྶ སབྦནྟཾ, ཕལཾ ཏུ [ཕལནྟཾ (སྱཱ.)] པརམབྦྷུཏཾ;

ཨེཀགྒམནསཱ སབྦེ, ཝཎྞཡིསྶཾ [བྷཱསིཏསྶ (སྱཱ.)] སུཎཱཐ མེ.

༡༡༠.

‘‘གུཎཾ ¶ བུདྡྷསྶ ཝཏྭཱན, ཧིཏཱཡ ཙ ན སདིསཾ [ཧིཏཱཡ ཛནསནྡྷིསུ (སཱི. པཱི.), ཧིཏཱཡ ནཾ སུཁཱཝཧཾ (སྱཱ.)];

སུཁིཏོ [སུཙིཏྟོ (སྱཱ.)] ཧོམི སབྦཏྠ, སངྒྷོ ཝཱིརསམཱཡུཏོ [སརདྡྷནིསམཱཡུཏོ (སཱི.)].

༡༡༡.

‘‘ཡསསྶཱི སུཁིཏོ ཀནྟོ, ཛུཏིམཱ པིཡདསྶནོ;

ཝཏྟཱ ཨཔརིབྷཱུཏོ ཙ, ནིདྡོསོ པཉྙཝཱ ཏཐཱ.

༡༡༢.

‘‘ཁཱིཎེ ཨཱཡུསི [པཱསུསི (སྱཱ.)] ནིབྦཱནཾ, སུལབྷཾ བུདྡྷབྷཏྟིནོ;

ཏེསཾ ཧེཏུཾ པཝཀྑཱམི, ཏཾ སུཎཱཐ ཡཐཱཏཐཾ.

༡༡༣.

‘‘སནྟཾ ¶ ཡསཾ བྷགཝཏོ, ཝིདྷིནཱ ཨབྷིཝཱདཡཾ;

ཏཏྠ ཏཏྠཱུཔཔནྣོཔི [ཡཏྠ ཏཏྠཱུཔཔནྣོཔི (སཱི. པཱི.)], ཡསསྶཱི ཏེན ཧོམཧཾ.

༡༡༤.

‘‘དུཀྑསྶནྟཀརཾ བུདྡྷཾ, དྷམྨཾ སནྟམསངྑཏཾ;

ཝཎྞཡཾ སུཁདོ ཨཱསིཾ, སཏྟཱནཾ སུཁིཏོ ཏཏོ.

༡༡༥.

‘‘གུཎཾ ཝདནྟོ བུདྡྷསྶ, བུདྡྷཔཱིཏིསམཱཡུཏོ;

སཀནྟིཾ པརཀནྟིཉྩ, ཛནཡིཾ ཏེན ཀནྟིམཱ.

༡༡༦.

‘‘ཛིནོ ཏེ ཏིཏྠིཀཱཀིཎྞེ [ཛནོགྷེ ཏིཏྠཀཱཀིཎྞེ (སཱི. པཱི.), ཛིནོ ཡོ ཏིཏྠིཀཱཏིཎྞོ (སྱཱ.)], ཨབྷིབྷུཡྻ ཀུཏིཏྠིཡེ;

གུཎཾ ཝདནྟོ ཛོཏེསིཾ [ཐོམེསིཾ (སྱཱ.)], ནཱཡཀཾ ཛུཏིམཱ ཏཏོ.

༡༡༧.

‘‘པིཡཀཱརཱི ཛནསྶཱཔི, སམྦུདྡྷསྶ གུཎཾ ཝདཾ;

སརདོཝ སསངྐོཧཾ, ཏེནཱསིཾ པིཡདསྶནོ.

༡༡༨.

‘‘ཡཐཱསཏྟིཝསེནཱཧཾ ¶ ¶ , སབྦཝཱཙཱཧི སནྠཝིཾ;

སུགཏཾ ཏེན ཝཱགིསོ, ཝིཙིཏྟཔཊིབྷཱནཝཱ.

༡༡༩.

‘‘ཡེ བཱལཱ ཝིམཏིཾ པཏྟཱ, པརིབྷོནྟི མཧཱམུནིཾ;

ནིགྒཧིཾ ཏེ སདྡྷམྨེན, པརིབྷཱུཏོ ན ཏེནཧཾ [པརིབྷཱུཏེན ཏེནཧཾ (སྱཱ.)].

༡༢༠.

‘‘བུདྡྷཝཎྞེན སཏྟཱནཾ, ཀིལེསེ ཨཔནེསཧཾ;

ནིཀྐིལེསམནོ ཧོམི, ཏསྶ ཀམྨསྶ ཝཱཧསཱ.

༡༢༡.

‘‘སོཏཱུནཾ ¶ ཝུདྡྷིམཛནིཾ [བུདྡྷིམཛནིཾ (སཱི. པཱི.)], བུདྡྷཱནུསྶཏིདེསཀོ;

ཏེནཱཧམཱསིཾ [ཏེནཱཔི ཙཱསིཾ (སྱཱ.)] སཔྤཉྙོ, ནིཔུཎཏྠཝིཔསྶཀོ.

༡༢༢.

‘‘སབྦཱསཝཔརིཀྑཱིཎོ, ཏིཎྞསཾསཱརསཱགརོ;

སིཁཱིཝ ཨནུཔཱདཱནོ, པཱཔུཎིསྶཱམི ནིབྦུཏིཾ.

༡༢༣.

‘‘ཨིམསྨིཾཡེཝ ཀཔྤསྨིཾ, ཡམཧཾ སནྠཝིཾ ཛིནཾ;

དུགྒཏིཾ ནཱབྷིཛཱནཱམི, བུདྡྷཝཎྞསྶིདཾ ཕལཾ.

༡༢༤.

‘‘ཀིལེསཱ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༡༢༥.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༡༢༦.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ སུགནྡྷོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

སུགནྡྷཏྠེརསྶཱཔདཱནཾ དསམཾ.

ཏིཎདཱཡཀཝགྒོ ཏེཔཉྙཱསམོ.

ཏསྶུདྡཱནཾ –

ཏིཎདོ ¶ མཉྩདོ ཙེཝ, སརཎབྦྷཉྫནཔྤདོ;

སུཔཊོ དཎྜདཱཡཱི ཙ, ནེལཔཱུཛཱི ཏཐེཝ ཙ.

བོདྷིསམྨཛྫཀོ མཎྜོ, སུགནྡྷོ དསམོཏི ཙ;

གཱཐཱསཏཾ སཏེཝཱིསཾ, གཎིཏཉྩེཏྠ སབྦསོ.

༥༤. ཀཙྩཱཡནཝགྒོ

༡. མཧཱཀཙྩཱཡནཏྠེརཨཔདཱནཾ

༡.

‘‘པདུམུཏྟརོ ¶ ¶ ¶ ནཱམ ཛིནོ, ཨནེཛོ ཨཛིཏཾ ཛཡོ;

སཏསཧསྶེ ཀཔྤཱནཾ, ཨིཏོ ཨུཔྤཛྫི ནཱཡཀོ.

༢.

‘‘ཝཱིརོ ཀམལཔཏྟཀྑོ, སསངྐཝིམལཱནནོ;

ཀནཀཱཙལསངྐཱསོ [ཀཉྩནཏཙསངྐཱསོ (སྱཱ.)], རཝིདིཏྟིསམཔྤབྷོ.

༣.

‘‘སཏྟནེཏྟམནོཧཱརཱི, ཝརལཀྑཎབྷཱུསིཏོ;

སབྦཝཱཀྱཔཐཱཏཱིཏོ, མནུཛཱམརསཀྐཏོ.

༤.

‘‘སམྦུདྡྷོ བོདྷཡཾ སཏྟེ, ཝཱགཱིསོ མདྷུརསྶརོ;

ཀརུཎཱནིབནྡྷསནྟཱནོ, པརིསཱསུ ཝིསཱརདོ.

༥.

‘‘དེསེཏི ¶ མདྷུརཾ དྷམྨཾ, ཙཏུསཙྩཱུཔསཾཧིཏཾ;

ནིམུགྒེ མོཧཔངྐམྷི, སམུདྡྷརཏི པཱཎིནེ.

༦.

‘‘ཏདཱ ཨེཀཙརོ ཧུཏྭཱ, ཏཱཔསོ ཧིམཝཱལཡོ;

ནབྷསཱ མཱནུསཾ ལོཀཾ, གཙྪནྟོ ཛིནམདྡསཾ.

༧.

‘‘ཨུཔེཙྩ སནྟིཀཾ ཏསྶ, ཨསྶོསིཾ དྷམྨདེསནཾ;

ཝཎྞཡནྟསྶ ཝཱིརསྶ, སཱཝཀསྶ མཧཱགུཎཾ.

༨.

‘‘སངྑིཏྟེན མཡཱ ཝུཏྟཾ, ཝིཏྠཱརེན པཀཱསཡཾ;

པརིསཾ མཉྩ ཏོསེཏི, ཡཐཱ ཀཙྩཱཡནོ ཨཡཾ.

༩.

‘‘‘ནཱཧཾ ¶ ཨེཝམིདྷེཀཙྩཾ [ཨེཝཾཝིདྷཾ ཀཉྩི (སཱི. པཱི.)], ཨཉྙཾ པསྶཱམི སཱཝཀཾ;

ཏསྨཱཏདགྒེ [ཏསྨེཏདགྒེ (སཱི.)] ཨེསགྒོ, ཨེཝཾ དྷཱརེཐ བྷིཀྑཝོ’.

༡༠.

‘‘ཏདཱཧཾ ཝིམྷིཏོ ཧུཏྭཱ, སུཏྭཱ ཝཱཀྱཾ མནོརམཾ;

ཧིམཝནྟཾ གམིཏྭཱན, ཨཱཧིཏྭཱ [ཨཱཧཏྭཱ (སཱི. པཱི.)] པུཔྥསཉྩཡཾ.

༡༡.

‘‘པཱུཛེཏྭཱ ལོཀསརཎཾ, ཏཾ ཋཱནམབྷིཔཏྠཡིཾ;

ཏདཱ མམཱསཡཾ ཉཏྭཱ, བྱཱཀཱསི ས རཎཉྫཧོ.

༡༢.

‘‘‘པསྶཐེཏཾ ¶ ཨིསིཝརཾ, ནིདྡྷནྟཀནཀཏྟཙཾ;

ཨུདྡྷགྒལོམཾ པཱིཎཾསཾ, ཨཙལཾ པཉྫལིཾ ཋིཏཾ.

༡༣.

‘‘‘ཧཱསཾ ¶ སུཔུཎྞནཡནཾ, བུདྡྷཝཎྞགཏཱསཡཾ;

དྷམྨཛཾ ཨུགྒཧདཡཾ [དྷམྨཾཝ ཝིགྒཧཝརཾ (སཱི.), དྷམྨཔཊིགྒཧཝརཾ (པཱི.)], ཨམཏཱསིཏྟསནྣིབྷཾ’.

༡༤.

‘‘ཀཙྩཱནསྶ གུཎཾ སུཏྭཱ, ཏཾ ཋཱནཾ པཏྠཡཾ ཋིཏོ;

ཨནཱགཏམྷི ཨདྡྷཱནེ, གོཏམསྶ མཧཱམུནེ.

༡༥.

‘‘ཏསྶ དྷམྨེསུ དཱཡཱདོ, ཨོརསོ དྷམྨནིམྨིཏོ;

ཀཙྩཱནོ ནཱམ ནཱམེན, ཧེསྶཏི སཏྠུ སཱཝཀོ.

༡༦.

‘‘བཧུསྶུཏོ མཧཱཉཱཎཱི, ཨདྷིཔྤཱཡཝིདཱུ མུནེ;

པཱཔུཎིསྶཏི ཏཾ ཋཱནཾ, ཡཐཱཡཾ བྱཱཀཏོ མཡཱ.

༡༧.

‘‘སཏསཧསྶིཏོ ཀཔྤེ, ཡཾ ཀམྨམཀརིཾ ཏདཱ;

དུགྒཏིཾ ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༡༨.

‘‘དུཝེ བྷཝེ སཾསརཱམི, དེཝཏྟེ ཨཐ མཱནུསེ;

ཨཉྙཾ གཏིཾ ན གཙྪཱམི, བུདྡྷཔཱུཛཱཡིདཾ ཕལཾ.

༡༩.

‘‘དུཝེ ¶ ཀུལེ པཛཱཡཱམི, ཁཏྟིཡེ ཨཐ བྲཱཧྨཎེ;

ནཱིཙེ ཀུལེ ན ཛཱཡཱམི, བུདྡྷཔཱུཛཱཡིདཾ ཕལཾ.

༢༠.

‘‘པཙྪིམེ ¶ ཙ བྷཝེ དཱནི, ཛཱཏོ ཨུཛྫེནིཡཾ པུརེ [ཛཱཏོ, ཨུཛྫེནིཡཾ པུརེ རམེ (སྱཱ.)];

པཛྫོཏསྶ ཙ ཙཎྜསྶ, པུརོཧིཏདིཛཱདྷིནོ [པུརོཧིཏདིཛཱཏིནོ (སཱི. པཱི.)].

༢༡.

‘‘པུཏྟོ ཏིརིཊིཝཙྪསྶ [ཏིརིཊཝཙྪསྶ (སཱི.), ཏིཔིཏིཝཙྪསྶ (སྱཱ.)], ནིཔུཎོ ཝེདཔཱརགཱུ;

མཱཏཱ ཙ ཙནྡིམཱ ནཱམ, ཀཙྩཱནོཧཾ ཝརཏྟཙོ.

༢༢.

‘‘ཝཱིམཾསནཏྠཾ བུདྡྷསྶ, བྷཱུམིཔཱལེན པེསིཏོ;

དིསྭཱ མོཀྑཔུརདྭཱརཾ, ནཱཡཀཾ གུཎསཉྩཡཾ.

༢༣.

‘‘སུཏྭཱ ཙ ཝིམལཾ ཝཱཀྱཾ, གཏིཔངྐཝིསོསནཾ;

པཱཔུཎིཾ ཨམཏཾ སནྟཾ, སེསེཧི སཧ སཏྟཧི.

༢༤.

‘‘ཨདྷིཔྤཱཡཝིདཱུ ཛཱཏོ, སུགཏསྶ མཧཱམཏེ;

ཋཔིཏོ ཨེཏདགྒེ ཙ, སུསམིདྡྷམནོརཐོ.

༢༥.

‘‘ཀིལེསཱ ཛྷཱཔིཏཱ མཡ྄ཧཾ, བྷཝཱ སབྦེ སམཱུཧཏཱ;

ནཱགོཝ བནྡྷནཾ ཚེཏྭཱ, ཝིཧརཱམི ཨནཱསཝོ.

༢༦.

‘‘སྭཱགཏཾ ¶ ¶ ཝཏ མེ ཨཱསི, མམ བུདྡྷསྶ སནྟིཀེ;

‘‘སྭཱགཏཾ ཝཏ མེ ཨཱསི, མམ བུདྡྷསྶ སནྟིཀེ; ཏིསྶོ ཝིཛྫཱ ཨནུཔྤཏྟཱ, ཀཏཾ བུདྡྷསྶ སཱསནཾ.

༢༧.

‘‘པཊིསམྦྷིདཱ ཙཏསྶོ, ཝིམོཀྑཱཔི ཙ ཨཊྛིམེ;

ཚལ༹བྷིཉྙཱ སཙྪིཀཏཱ, ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ མཧཱཀཙྩཱཡནོ ཐེརོ ཨིམཱ གཱཐཱཡོ

ཨབྷཱསིཏྠཱཏི.

མཧཱཀཙྩཱཡནཏྠེརསྶཱཔདཱནཾ པཋམཾ.

༢. ཝཀྐལིཏྠེརཨཔདཱནཾ

༢༨.

‘‘ཨིཏོ ¶ སཏསཧསྶམྷི, ཀཔྤེ ཨུཔྤཛྫི ནཱཡཀོ;

ཨནོམནཱམོ ཨམིཏོ, ནཱམེན པདུམུཏྟརོ.

༢༩.

‘‘པདུམཱཀཱརཝདནོ, པདུམཱམལསུཙྪཝཱི;

ལོཀེནཱནུཔལིཏྟོཝ ཏོཡེན པདུམཾ ཡཐཱ.

༣༠.

‘‘ཝཱིརོ པདུམཔཏྟཀྑོ, ཀནྟོ ཙ པདུམཾ ཡཐཱ;

པདུམུཏྟརགནྡྷོཝ, ཏསྨཱ སོ པདུམུཏྟརོ.

༣༡.

‘‘ལོཀཛེཊྛོ ཙ ནིམྨཱནོ, ཨནྡྷཱནཾ ནཡནཱུཔམོ;

སནྟཝེསོ གུཎནིདྷི, ཀརུཎཱམཏིསཱགརོ.

༣༢.

‘‘ས ཀདཱཙི མཧཱཝཱིརོ, བྲཧྨཱསུརསུརཙྩིཏོ;

སདེཝམནུཛཱཀིཎྞེ, ཛནམཛ྄ཛྷེ ཛིནུཏྟམོ [ཛནུཏྟམོ (སྱཱ. པཱི.), ཨནུཏྟམོ (ཀ.) ཝངྒཱིསཏྠེརཱཔདཱནེཔི].

༣༣.

‘‘ཝདནེན སུགནྡྷེན, མདྷུརེན རུཏེན ཙ;

རཉྫཡཾ པརིསཾ སབྦཾ, སནྠཝཱི སཱཝཀཾ སཀཾ.

༣༤.

‘‘སདྡྷཱདྷིམུཏྟོ ¶ སུམཏི, མམ དསྶནལཱལསོ [དསྶནསཱལཡོ (སྱཱ.)];

ནཏྠི ཨེཏཱདིསོ ཨཉྙོ, ཡཐཱཡཾ བྷིཀྑུ ཝཀྐལི.

༣༥.

‘‘ཏདཱཧཾ ཧཾསཝཏིཡཾ, ནགརེ བྲཱཧྨཎཏྲཛོ;

ཧུཏྭཱ སུཏྭཱ ཙ ཏཾ ཝཱཀྱཾ, ཏཾ ཋཱནམབྷིརོཙཡིཾ.

༣༦.

‘‘སསཱཝཀཾ ¶ ཏཾ ཝིམལཾ, ནིམནྟེཏྭཱ ཏཐཱགཏཾ;

སཏྟཱཧཾ བྷོཛཡིཏྭཱན, དུསྶེཧཙྪཱདཡིཾ ཏདཱ.

༣༧.

‘‘ནིཔཙྩ ¶ ¶ སིརསཱ ཏསྶ, ཨནནྟགུཎསཱགརེ;

ནིམུགྒོ པཱིཏིསམྤུཎྞོ, ཨིདཾ ཝཙནམབྲཝིཾ.

༣༨.

‘‘‘ཡོ སོ ཏཡཱ སནྠཝིཏོ, ཨིཏོ སཏྟམཀེ མུནི [ཨིདྷ སདྡྷཱདྷིམུཏྟོ ཨིསི (སྱཱ.), ཨིཏོ སཏྟམཀེཧནི (སཱི. པཱི.)];

བྷིཀྑུ སདྡྷཱཝཏཾ ཨགྒོ, ཏཱདིསོ ཧོམཧཾ མུནེ’.

༣༩.

‘‘ཨེཝཾ ཝུཏྟེ མཧཱཝཱིརོ, ཨནཱཝརཎདསྶནོ;

ཨིམཾ ཝཱཀྱཾ ཨུདཱིརེསི, པརིསཱཡ མཧཱམུནི.

༤༠.

‘‘‘པསྶཐེཏཾ མཱཎཝཀཾ, པཱིཏམཊྛནིཝཱསནཾ;

ཧེམཡཉྙོཔཙིཏངྒཾ [ཧེམཡཉྙོཔཝཱིཏངྒཾ (སཱི.)], ཛནནེཏྟམནོཧརཾ.

༤༡.

‘‘‘ཨེསོ ཨནཱགཏདྡྷཱནེ, གོཏམསྶ མཧེསིནོ;

ཨགྒོ སདྡྷཱདྷིམུཏྟཱནཾ, སཱཝཀོཡཾ བྷཝིསྶཏི.

༤༢.

‘‘‘དེཝབྷཱུཏོ མནུསྶོ ཝཱ, སབྦསནྟཱཔཝཛྫིཏོ;

སབྦབྷོགཔརིབྱཱུལ༹ྷོ, སུཁིཏོ སཾསརིསྶཏི.

༤༣.

‘‘‘སཏསཧསྶིཏོ ཀཔྤེ, ཨོཀྐཱཀཀུལསམྦྷཝོ;

གོཏམོ ནཱམ གོཏྟེན, སཏྠཱ ལོཀེ བྷཝིསྶཏི.

༤༤.

‘‘‘ཏསྶ དྷམྨེསུ དཱཡཱདོ, ཨོརསོ དྷམྨནིམྨིཏོ;

ཝཀྐལི ནཱམ ནཱམེན, ཧེསྶཏི སཏྠུ སཱཝཀོ’.

༤༥.

‘‘ཏེན ཀམྨཝིསེསེན, ཙེཏནཱཔཎིདྷཱིཧི ཙ;

ཛཧིཏྭཱ མཱནུསཾ དེཧཾ, ཏཱཝཏིཾསམགཙྪཧཾ.

༤༦.

‘‘སབྦཏྠ སུཁིཏོ ཧུཏྭཱ, སཾསརནྟོ བྷཝཱབྷཝེ;

སཱཝཏྠིཡཾ པུརེ ཛཱཏོ, ཀུལེ ཨཉྙཏརེ ཨཧཾ.

༤༧.

‘‘ནོནཱིཏསུཁུམཱལཾ ¶ མཾ, ཛཱཏཔལླཝཀོམལཾ;

མནྡཾ ཨུཏྟཱནསཡནཾ, པིསཱཙབྷཡཏཛྫིཏཱ.

༤༨.

‘‘པཱདམཱུལེ མཧེསིསྶ, སཱཡེསུཾ དཱིནམཱནསཱ;

ཨིམཾ དདཱམ ཏེ ནཱཐ, སརཎཾ ཧོཧི ནཱཡཀ.

༤༩.

‘‘ཏདཱ ¶ ¶ པཊིགྒཧི སོ མཾ, བྷཱིཏཱནཾ སརཎོ མུནི;

ཛཱལིནཱ ཙཀྐངྐིཏེན [སངྐལངྐེན (སཱི.)], མུདུཀོམལཔཱཎིནཱ.

༥༠.

‘‘ཏདཱ པབྷུཏི ཏེནཱཧཾ, ཨརཀྑེཡྻེན རཀྑིཏོ;

སབྦཝེརཝིནིམུཏྟོ [སབྦབྱཱདྷིཝིནིམུཏྟོ (སྱཱ.), སབྦཱུཔདྷིཝིནིམུཏྟོ (པཱི.)], སུཁེན པརིཝུདྡྷིཏོ.

༥༡.

‘‘སུགཏེན ¶ ཝིནཱ བྷཱུཏོ, ཨུཀྐཎྛཱམི མུཧུཏྟཀཾ;

ཛཱཏིཡཱ སཏྟཝསྶོཧཾ, པབྦཛིཾ ཨནགཱརིཡཾ.

༥༢.

‘‘སབྦཔཱརམིསམྦྷཱུཏཾ, ནཱིལཀྑིནཡནཾ [ལངྐིནཱིལཡནཾ (སཱི.)] ཝརཾ;

རཱུཔཾ སབྦསུབྷཱཀིཎྞཾ, ཨཏིཏྟོ ཝིཧརཱམཧཾ [ཝིཧཡཱམཧཾ (སཱི. པཱི.)].

༥༣.

‘‘བུདྡྷརཱུཔརཏིཾ [བུདྡྷོ རཱུཔརཏིཾ (སཱི.)] ཉཏྭཱ, ཏདཱ ཨོཝདི མཾ ཛིནོ;

‘ཨལཾ ཝཀྐལི ཀིཾ རཱུཔེ, རམསེ བཱལནནྡིཏེ.

༥༤.

‘‘‘ཡོ ཧི པསྶཏི སདྡྷམྨཾ, སོ མཾ པསྶཏི པཎྜིཏོ;

ཨཔསྶམཱནོ སདྡྷམྨཾ, མཾ པསྶམྤི ན པསྶཏི.

༥༥.

‘‘‘ཨནནྟཱདཱིནཝོ ཀཱཡོ, ཝིསརུཀྑསམཱུཔམོ;

ཨཱཝཱསོ སབྦརོགཱནཾ, པུཉྫོ དུཀྑསྶ ཀེཝལོ.

༥༦.

‘‘‘ནིབྦིནྡིཡ ཏཏོ རཱུཔེ, ཁནྡྷཱནཾ ཨུདཡབྦཡཾ;

པསྶ ཨུཔཀྐིལེསཱནཾ, སུཁེནནྟཾ གམིསྶཏི’.

༥༧.

‘‘ཨེཝཾ ¶ ཏེནཱནུསིཊྛོཧཾ, ནཱཡཀེན ཧིཏེསིནཱ;

གིཛ྄ཛྷཀཱུཊཾ སམཱརུཡ྄ཧ, ཛྷཱཡཱམི གིརིཀནྡརེ.

༥༨.

‘‘ཋིཏོ པབྦཏཔཱདམྷི, ཨསྶཱསཡི [མམཱཧསོ (སཱི.)] མཧཱམུནི;

ཝཀྐལཱིཏི ཛིནོ ཝཱཙཾ, ཏཾ སུཏྭཱ མུདིཏོ ཨཧཾ.

༥༩.

‘‘པཀྑནྡིཾ སེལཔབྦྷཱརེ, ཨནེཀསཏཔོརིསེ;

ཏདཱ བུདྡྷཱནུབྷཱཝེན, སུཁེནེཝ མཧིཾ གཏོ.

༦༠.

‘‘པུནོཔི [པུནཱཔི (སྱཱ.), མུནི མཾ (ཀ.)] དྷམྨཾ དེསེཏི, ཁནྡྷཱནཾ ཨུདཡབྦཡཾ;

ཏམཧཾ དྷམྨམཉྙཱཡ, ཨརཧཏྟམཔཱཔུཎིཾ.

༦༡.

‘‘སུམཧཱཔརིསམཛ྄ཛྷེ ¶ , ཏདཱ མཾ ཙརཎནྟགོ;

ཨགྒཾ སདྡྷཱདྷིམུཏྟཱནཾ, པཉྙཔེསི མཧཱམཏི.

༦༢.

‘‘སཏསཧསྶིཏོ ཀཔྤེ, ཡཾ ཀམྨམཀརིཾ ཏདཱ;

དུགྒཏིཾ ནཱབྷིཛཱནཱམི, བུདྡྷཔཱུཛཱཡིདཾ ཕལཾ.

༦༣.

‘‘ཀིལེསཱ ¶ ཛྷཱཔིཏཱ མཡ྄ཧཾ…པེ… ཝིཧརཱམི ཨནཱསཝོ.

༦༤.

‘‘སྭཱགཏཾ ཝཏ མེ ཨཱསི…པེ… ཀཏཾ བུདྡྷསྶ སཱསནཾ.

༦༥.

‘‘པཊིསམྦྷིདཱ ¶ ཙཏསྶོ…པེ… ཀཏཾ བུདྡྷསྶ སཱསནཾ’’.

ཨིཏྠཾ སུདཾ ཨཱཡསྨཱ ཝཀྐལིཏྠེརོ ཨིམཱ གཱཐཱཡོ

ཨབྷཱསིཏྠཱཏི.

ཝཀྐལིཏྠེརསྶཱཔདཱནཾ དུཏིཡཾ.

༣. མཧཱཀཔྤིནཏྠེརཨཔདཱནཾ

༦༦.

‘‘པདུམུཏྟརོ ¶ ནཱམ ཛིནོ, སབྦདྷམྨཱན པཱརགཱུ;

ཨུདིཏོ ཨཛཊཱཀཱསེ [ཛགདཱཀཱསེ (སཱི.), ཛལདཱཀཱསེ (པཱི.)], རཝཱིཝ སརདམྦརེ.

༦༧.

‘‘ཝཙནཱབྷཱཡ བོདྷེཏི, ཝེནེཡྻཔདུམཱནི སོ;

ཀིལེསཔངྐཾ སོསེཏི, མཏིརཾསཱིཧི ནཱཡཀོ.

༦༨.

‘‘ཏིཏྠིཡཱནཾ ཡསེ [ཡསོ (སཱི. པཱི.)] ཧནྟི, ཁཛྫོཏཱབྷཱ ཡཐཱ རཝི;

སཙྩཏྠཱབྷཾ པཀཱསེཏི, རཏནཾཝ དིཝཱཀརོ.

༦༩.

‘‘གུཎཱནཾ ཨཱཡཏིབྷཱུཏོ, རཏནཱནཾཝ སཱགརོ;

པཛྫུནྣོརིཝ བྷཱུཏཱནི, དྷམྨམེགྷེན ཝསྶཏི.

༧༠.

‘‘ཨཀྑདསྶོ ཏདཱ ཨཱསིཾ, ནགརེ ཧཾསསཝ྄ཧཡེ;

ཨུཔེཙྩ དྷམྨམསྶོསིཾ, ཛལཛུཏྟམནཱམིནོ.

༧༡.

‘‘ཨོཝཱདཀསྶ བྷིཀྑཱུནཾ, སཱཝཀསྶ ཀཏཱཝིནོ;

གུཎཾ པཀཱསཡནྟསྶ, ཏཔྤཡནྟསྶ [ཏོསཡནྟསྶ (སཱི.), ཧཱསཡནྟསྶ (སྱཱ.), ཝཱསཡནྟསྶ (པཱི.)] མེ མནཾ.

༧༢.

‘‘སུཏྭཱ པཏཱིཏོ སུམནོ, ནིམནྟེཏྭཱ ཏཐཱགཏཾ;

སསིསྶཾ བྷོཛཡིཏྭཱན, ཏཾ ཋཱནམབྷིཔཏྠཡིཾ.

༧༣.

‘‘ཏདཱ ¶ ཧཾསསམབྷཱགོ, ཧཾསདུནྡུབྷིནིསྶནོ [ཧཾསདུནྡུབྷིསུསྶརོ (སཱི.)];

པསྶཐེཏཾ མཧཱམཏྟཾ, ཝིནིཙྪཡཝིསཱརདཾ.

༧༤.

‘‘པཏིཏཾ པཱདམཱུལེ མེ, སམུགྒཏཏནཱུརུཧཾ;

ཛཱིམཱུཏཝཎྞཾ པཱིཎཾསཾ, པསནྣནཡནཱནནཾ.

༧༥.

‘‘པརིཝཱརེན ¶ མཧཏཱ, རཱཛཡུཏྟཾ མཧཱཡསཾ;

ཨེསོ ཀཏཱཝིནོ ཋཱནཾ, པཏྠེཏི མུདིཏཱསཡོ.

༧༦.

‘‘‘ཨིམིནཱ ¶ ¶ པཎིཔཱཏེན, ཙཱགེན པཎིདྷཱིཧི ཙ [པིཎྜཔཱཏེན, ཙེཏནཱ པཎིདྷཱིཧི ཙ (སཱི.)];

ཀཔྤསཏསཧསྶཱནི, ནུཔཔཛྫཏི དུགྒཏིཾ.

༧༧.

‘‘‘དེཝེསུ དེཝསོབྷགྒཾ, མནུསྶེསུ མཧནྟཏཾ;

ཨནུབྷོཏྭཱན སེསེན [ཨབྷུཏྭཱཝ སེསེན (སཱི.), ཨནུབྷོཏྭཱཝ སེསེན (སྱཱ.)], ནིབྦཱནཾ པཱཔུཎིསྶཏི.

༧༨.

‘‘‘སཏསཧསྶིཏོ ཀཔྤེ, ཨོཀྐཱཀཀུལསམྦྷཝོ;

གོཏམོ ནཱམ གོཏྟེན, སཏྠཱ ལོཀེ བྷཝིསྶཏི.

༧༩.

‘‘‘ཏསྶ དྷམྨེསུ དཱཡཱདོ, ཨོརསོ དྷམྨནིམྨིཏོ;

ཀཔྤིནོ ནཱམ ནཱམེན, ཧེསྶཏི སཏྠུ སཱཝཀོ’.

༨༠.

‘‘ཏཏོཧཾ སུཀཏཾ ཀཱརཾ, ཀཏྭཱན ཛིནསཱསནེ;

ཛཧིཏྭཱ མཱནུསཾ དེཧཾ, ཏུསིཏཾ ཨགམཱསཧཾ.

༨༡.

‘‘དེཝམཱནུསརཛྫཱནི, སཏསོ ཨནུསཱསིཡ;