མཱུལ > སུཏྟཔིཊཀ > ཁུདྡཀནིཀཱཡ

[ཀིམགྒྷཏཱི ཏཎྜུལནཱལི༹ཀཱ ཙ, བཱརཱཎསཱི ཨནྟརབཱཧིརཱནི; ཨསྶཔཉྩསཏེ ཏཱནི, ཨེཀཱ ཏཎྜུལནཱལི༹ཀཱཏི; (སྱཱ.)] ཀིམགྒྷཏི ཏཎྜུལནཱལི༹ཀཱཡ, ཨསྶཱན མཱུལཱཡ ཝདེཧི རཱཛ [ནཱལི༹ཀཱ ཙ (སཱི.), ནཱལི༹ཀཱཡ (ཀ. སཱི. ཨཊྛ.)];

བཱརཱཎསིཾ སནྟརབཱཧིརཏོ [བཱཧིརནྟཾ (སཱི.)], ཨཡམགྒྷཏི ཏཎྜུལནཱལི༹ཀཱཏི [ཀིམགྒྷཏཱི ཝཎྜུལནཱལི༹ཀཱ ཙ, བཱརཱཎསཱི ཨནྟརབཱཧིརཱནི; ཨསྶཔཉྩསཏེ ཏཱནི, ཨེཀཱ ཏཎྜུལནཱལི༹ཀཱཏི; (སྱཱ.)].

ཧིརིཨོཏྟཔྤསམྤནྣཱ ¶ , སུཀྐདྷམྨསམཱཧིཏཱ;

སནྟོ སཔྤུརིསཱ ལོཀེ, དེཝདྷམྨཱཏི ཝུཙྩརེཏི.

པུཏྟོ ཏྱཱཧཾ མཧཱརཱཛ, ཏྭཾ མཾ པོས ཛནཱདྷིཔ;

ཨཉྙེཔི དེཝོ པོསེཏི, ཀིཉྩ [ཀིཉྩི (ཀ.)] དེཝོ སཀཾ པཛནྟི.

ཀཊྛཧཱརི [ཀཊྛཝཱཧན (ཀ.)] ཛཱཏཀཾ སཏྟམཾ.

ཨཔི ¶ ¶ ཨཏརམཱནཱནཾ, ཕལཱསཱཝ སམིཛ྄ཛྷཏི;

ཝིཔཀྐབྲཧྨཙརིཡོསྨི, ཨེཝཾ ཛཱནཱཧི གཱམཎཱིཏི.

ཨུཏྟམངྒརུཧཱ མཡ྄ཧཾ, ཨིམེ ཛཱཏཱ ཝཡོཧརཱ;

པཱཏུབྷཱུཏཱ དེཝདཱུཏཱ, པབྦཛྫཱསམཡོ མམཱཏི.

མགྷདེཝ [མཁཱདེཝ (སཱི. པཱི.), དེཝདཱུཏ (ཀ.)] ཛཱཏཀཾ ནཝམཾ.

ཡཉྩ ¶ ཨཉྙེ ན རཀྑནྟི, ཡོ ཙ ཨཉྙེ ན རཀྑཏི;

ས ཝེ རཱཛ སུཁཾ སེཏི, ཀཱམེསུ ཨནཔེཀྑཝཱཏི.

ཝརཱཔཎྞཀ ཝཎྞུཔཐ སེརིཝརོ, སུཝིཙཀྑཎ ཏཎྜུལནཱལི༹ཀསྶཱ;

ཧིརི པུཏྟཝརུཏྟགཱམཎིནཱ, ཡོ ཙ ན རཀྑཏི ཏེན དསཱཏི.

ཧོཏི སཱིལཝཏཾ ཨཏྠོ, པཊིསནྠཱར [པཊིསནྡྷཱར (ཀ.)] ཝུཏྟིནཾ;

ལཀྑཎཾ པསྶ ཨཱཡནྟཾ, ཉཱཏིསངྒྷཔུརཀྑཏཾ [པུརཀྑིཏཾ (སྱཱ.), པུརེཀྑིཏཾ (ཀ.)];

ཨཐ པསྶསིམཾ ཀཱལ༹ཾ, སུཝིཧཱིནཾཝ ཉཱཏིབྷཱིཏི.

ནིགྲོདྷམེཝ ¶ ¶ ¶ སེཝེཡྻ, ན སཱཁམུཔསཾཝསེ;

ནིགྲོདྷསྨིཾ མཏཾ སེཡྻོ, ཡཉྩེ སཱཁསྨི [སཱཁསྨིཾ (སཱི. པཱི.)] ཛཱིཝིཏནྟི.

དྷིརཏྠུ ཀཎྜིནཾ སལླཾ, པུརིསཾ གཱལ༹ྷཝེདྷིནཾ;

དྷིརཏྠུ ཏཾ ཛནཔདཾ, ཡཏྠིཏྠཱི པརིཎཱཡིཀཱ;

ཏེ ཙཱཔི དྷིཀྐིཏཱ [དྷིཀྐཏཱ (?)] སཏྟཱ, ཡེ ཨིཏྠཱིནཾ ཝསཾགཏཱཏི.

ན ཀིརཏྠི རསེཧི པཱཔིཡོ, ཨཱཝཱསེཧི ཝ [ཝཱ (སབྦཏྠ)] སནྠཝེཧི ཝཱ;

ཝཱཏམིགཾ གཧནནིསྶིཏཾ [གེཧནིསྶིཏཾ (སཱི. པཱི.)], ཝསམཱནེསི རསེཧི སཉྫཡོཏི.

ཨཊྛཀྑུརཾ ཁརཱདིཡེ, མིགཾ ཝངྐཱཏིཝངྐིནཾ;

སཏྟཧི ¶ ཀཱལཱཏིཀྐནྟཾ [སཏྟཧི ཀལཱཧ’ཏིཀྐནྟཾ (སཱི.), སཏྟཀཱལེཧ’ཏིཀྐནྟཾ (སྱཱ.), སཏྟཧི ཀཱལཱཧ’ཏིཀྐནྟཾ (པཱི.)], ན ནཾ ཨོཝདིཏུསྶཧེཏི.

མིགཾ ¶ ཏིཔལླཏྠ [ཏིཔལླཏྟ (ཀ.)] མནེཀམཱཡཾ, ཨཊྛཀྑུརཾ ཨཌྜྷརཏྟཱཔཔཱཡིཾ [ཨཌྜྷརཏྟཱཝཔཱཡིཾ (སཱི. པཱི.)];

ཨེཀེན སོཏེན ཚམཱསྶསནྟོ, ཚཧི ཀལཱཧིཏིབྷོཏི [ཀལཱཧཏིབྷོཏི (སཱི. སྱཱ. པཱི.)] བྷཱགིནེཡྻོཏི.

ཀཱལེ༹ ¶ ཝཱ ཡདི ཝཱ ཛུཎྷེ, ཡདཱ ཝཱཡཏི མཱལུཏོ;

ཝཱཏཛཱནི ཧི སཱིཏཱནི, ཨུབྷོཏྠམཔརཱཛིཏཱཏི.

ཨེཝཾ ཙེ སཏྟཱ ཛཱནེཡྻུཾ, དུཀྑཱཡཾ ཛཱཏིསམྦྷཝོ;

ན པཱཎོ པཱཎིནཾ ཧཉྙེ, པཱཎགྷཱཏཱི ཧི སོཙཏཱིཏི.

སཙེ ¶ མུཙྩེ [མུཉྩེ (སཱི. སྱཱ. པཱི.)] པེཙྩ མུཙྩེ [མུཉྩེ (སཱི. སྱཱ. པཱི.)], མུཙྩམཱནོ ཧི བཛ྄ཛྷཏི;

ན ཧེཝཾ དྷཱིརཱ མུཙྩནྟི, མུཏྟི བཱལསྶ བནྡྷནནྟི.

དིསྭཱ པདམནུཏྟིཎྞཾ, དིསྭཱནོཏརིཏཾ པདཾ;

ནལེ༹ན ཝཱརིཾ པིསྶཱམ [པིཝིསྶཱམ (སཱི. སྱཱ. པཱི.)], ནེཝ [ན ཙ (ཀ.)] མཾ ཏྭཾ ཝདྷིསྶསཱིཏི.

ཨཐ ¶ ལཀྑཎ སཱཁ དྷིརཏྠུ པུན, ན ཀིརཏྠི རསེཧི ཁརཱདིཡཱ;

ཨཏིབྷོཏི ཝར [རས (སབྦཏྠ)] མཱལུཏ པཱཎ, མུཙྩེན ནལ༹ཨཝ྄ཧཡནེན བྷཝནྟི དསཱཏི.

ཉཱཏམེཏཾ ¶ ཀུརུངྒསྶ, ཡཾ ཏྭཾ སེཔཎྞི སིཡྻསི [སེཡྻསི (སཱི. སྱཱ. པཱི.)];

ཨཉྙཾ ¶ སེཔཎྞི གཙྪཱམི, ན མེ ཏེ རུཙྩཏེ ཕལནྟི.

ཡེ ཀུཀྐུརཱ རཱཛཀུལམྷི ཝདྡྷཱ, ཀོལེཡྻཀཱ ཝཎྞབལཱུཔཔནྣཱ;

ཏེམེ ན ཝཛ྄ཛྷཱ མཡམསྨ ཝཛ྄ཛྷཱ, ནཱཡཾ སགྷཙྩཱ དུབྦལགྷཱཏིཀཱཡནྟི.

ཨཔི པསྶེན སེམཱནོ, སལླེབྷི སལླལཱིཀཏོ;

སེཡྻོཝ ཝལ༹ཝཱ གོཛོ [བྷོཛྫོ (སཱི.), བྷོཛ྄ཛྷོ (སྱཱ. པཱི.)], ཡུཉྫ མཉྙེཝ སཱརཐཱིཏི.

གོཛཱནཱིཡ [བྷོཛཱཛཱནཱིཡ (སཱི. སྱཱ. པཱི.)] ཛཱཏཀཾ ཏཏིཡཾ.

ཡདཱ ཡདཱ ཡཏྠ ཡདཱ, ཡཏྠ ཡཏྠ ཡདཱ ཡདཱ;

ཨཱཛཉྙོ ཀུརུཏེ ཝེགཾ, ཧཱཡནྟི ཏཏྠ ཝཱལ༹ཝཱཏི.

ཨཉྙམཉྙེཧི ¶ ¶ ཏིཏྠེཧི, ཨསྶཾ པཱཡེཧི སཱརཐི;

ཨཙྩཱསནསྶ པུརིསོ, པཱཡཱསསྶཔི ཏཔྤཏཱིཏི.

པུརཱཎཙོརཱན ¶ ཝཙོ ནིསམྨ, མཧིལཱ༹མུཁོ པོཐཡམནྭཙཱརཱི;

སུསཉྙཏཱནཉྷི ཝཙོ ནིསམྨ, གཛུཏྟམོ སབྦགུཎེསུ ཨཊྛཱཏི.

ནཱལཾ ཀབལ༹ཾ པདཱཏཝེ, ན ཙ པིཎྜཾ ན ཀུསེ ན གྷཾསིཏུཾ;

མཉྙཱམི ཨབྷིཎྷདསྶནཱ, ནཱགོ སྣེཧམཀཱསི [སིནེཧམཀཱསི (སཱི. སྱཱ. པཱི.)] ཀུཀྐུརེཏི.

མནུཉྙམེཝ ¶ བྷཱསེཡྻ, ནཱམནུཉྙཾ ཀུདཱཙནཾ;

མནུཉྙཾ བྷཱསམཱནསྶ, གརུཾ བྷཱརཾ ཨུདདྡྷརི;

དྷནཉྩ ནཾ ཨལཱབྷེསི, ཏེན ཙཏྟམནོ ཨཧཱུཏི.

ཡཏོ ཡཏོ གརུ དྷུརཾ, ཡཏོ གམྦྷཱིརཝཏྟནཱི;

ཏདཱསྶུ ཀཎྷཾ ཡུཉྫནྟི, སྭཱསྶུ ཏཾ ཝཧཏེ དྷུརནྟི.

མཱ ¶ མུནིཀསྶ པིཧཡི, ཨཱཏུརནྣཱནི བྷུཉྫཏི;

ཨཔྤོསྶུཀྐོ བྷུསཾ ཁཱད, ཨེཏཾ དཱིགྷཱཡུལཀྑཎནྟི.

ཀུརུངྒསྶ ¶ ཀུཀྐུརགོཛཝརོ, པུན ཝཱལ༹ཝསྶསིརིཝ྄ཧཡནོ [སིརིཝཡནོ (སབྦཏྠ)];

མཧིལཱ༹མུཁནཱམནུཉྙཝརོ, ཝཧཏེ དྷུར མུནིཀེན དསཱཏི.

ཀུལཱཝཀཱ ¶ མཱཏལི སིམྦལིསྨིཾ, ཨཱིསཱམུཁེན པརིཝཛྫཡསྶུ;

ཀཱམཾ ཙཛཱམ ཨསུརེསུ པཱཎཾ, མཱ མེ དིཛཱ ཝིཀྐུལཝཱ [མཱཡིམེ དིཛཱ ཝིཀུལཱཝཱ (སཱི. སྱཱ. པཱི.)] ཨཧེསུནྟི.

རུདཾ མནུཉྙཾ རུཙིརཱ ཙ པིཊྛི, ཝེལུ༹རིཡཝཎྞཱུཔནིབྷཱ [ཝཎྞཱུཔཊིབྷཱ (སྱཱ.), ཝཎྞསནྣིབྷཱ (ཀ.)] ཙ གཱིཝཱ;

བྱཱམམཏྟཱནི ཙ པེཁུཎཱནི, ནཙྩེན ཏེ དྷཱིཏརཾ ནོ དདཱམཱིཏི.

སམྨོདམཱནཱ ¶ གཙྪནྟི, ཛཱལམཱདཱཡ པཀྑིནོ;

ཡདཱ ཏེ ཝིཝདིསྶནྟི, ཏདཱ ཨེཧིནྟི མེ ཝསནྟི.

ན ¶ མཾ སཱིཏཾ ན མཾ ཨུཎྷཾ, ན མཾ ཛཱལསྨི བཱདྷནཾ;

ཡཉྩ མཾ མཉྙཏེ མཙྪཱི, ཨཉྙཾ སོ རཏིཡཱ གཏོཏི.

སནྟི ¶ པཀྑཱ ཨཔཏནཱ, སནྟི པཱདཱ ཨཝཉྩནཱ;

མཱཏཱཔིཏཱ ཙ ནིཀྑནྟཱ, ཛཱཏཝེད པཊིཀྐམཱཏི.

ཡཾ ནིསྶིཏཱ ཛགཏིརུཧཾ ཝིཧངྒམཱ, སྭཱཡཾ ཨགྒིཾ པམུཉྩཏི;

དིསཱ བྷཛཐ ཝཀྐངྒཱ [ཝངྐངྒཱ (སྱཱ.)], ཛཱཏཾ སརཎཏོ བྷཡནྟི.

ཡེ ཝུཌྜྷ [ཝདྡྷ (སཱི. པཱི.)] མཔཙཱཡནྟི, ནརཱ དྷམྨསྶ ཀོཝིདཱ;

དིཊྛེཝ དྷམྨེ པཱསཾསཱ, སམྤརཱཡེ ཙ སུགྒཏཱིཏི.

ནཱཙྩནྟཾ ¶ ནིཀཏིཔྤཉྙོ, ནིཀཏྱཱ སུཁམེདྷཏི;

ཨཱརཱདྷེཏི ནིཀཏིཔྤཉྙོ [ཨཱརཱདྷེ ནིཀཏིཔྤཉྙོ (པཱི.)], བཀོ ཀཀྐཊཀཱམིཝཱཏི.

མཉྙེ ¶ སོཝཎྞཡོ རཱསི, སོཎྞམཱལཱ ཙ ནནྡཀོ;

ཡཏྠ དཱསོ ཨཱམཛཱཏོ, ཋིཏོ ཐུལླཱནི [ཐཱུལཱནི (ཀ.)] གཛྫཏཱིཏི.

ཀཱམཾ ¶ པཏཱམི ནིརཡཾ, ཨུདྡྷཾཔཱདོ ཨཝཾསིརོ;

ནཱནརིཡཾ ཀརིསྶཱམི, ཧནྡ པིཎྜཾ པཊིགྒཧཱཏི.

སིརིམཱཏལི དྷཱིཏར པཀྑིཝརོ, རཏིཡཱགཏོ མཱཏཱཔིཏཱ ཙ པུན;

ཛགཏཱིརུཧ ཝུཌྜྷ སུཀཀྐཊཀོ, ཏཐཱ ནནྡཀཔིཎྜཝརེན དསཱཏི.

ཡོ ¶ ཨཏྠཀཱམསྶ ཧིཏཱནུཀམྤིནོ, ཨོཝཛྫམཱནོ ན ཀརོཏི སཱསནཾ;

ཨཛིཡཱ པཱདམོལམྦ [པཱདམོལུམྦ (སཱི. སྱཱ. པཱི.)], མིཏྟཀོ ཝིཡ སོཙཏཱིཏི.

ཡོ ¶ ཨཏྠཀཱམསྶ ཧིཏཱནུཀམྤིནོ, ཨོཝཛྫམཱནོ ན ཀརོཏི སཱསནཾ;

ཀཔོཏཀསྶ ཝཙནཾ ཨཀཏྭཱ, ཨམིཏྟཧཏྠཏྠགཏོཝ སེཏཱིཏི.

ཡོ ཨཏྠཀཱམསྶ ཧིཏཱནུཀམྤིནོ, ཨོཝཛྫམཱནོ ན ཀརོཏི སཱསནཾ;

ཨེཝཾ སོ ནིཧཏོ སེཏི, ཝེལུ༹ཀསྶ ཡཐཱ པིཏཱཏི.

སེཡྻོ ¶ ¶ ཨམིཏྟོ མཏིཡཱ ཨུཔེཏོ, ན ཏྭེཝ མིཏྟོ མཏིཝིཔྤཧཱིནོ;

མཀསཾ ཝདྷིསྶནྟི ཧི ཨེལ༹མཱུགོ, པུཏྟོ པིཏུ ཨབྦྷིདཱ ཨུཏྟམངྒནྟི.

སེཡྻོ ཨམིཏྟོ མེདྷཱཝཱི, ཡཉྩེ བཱལཱནུཀམྤཀོ;

པསྶ རོཧིཎིཀཾ ཛམྨིཾ, མཱཏརཾ ཧནྟྭཱན སོཙཏཱིཏི.

ན ཝེ ཨནཏྠཀུསལེན, ཨཏྠཙརིཡཱ སུཁཱཝཧཱ;

ཧཱཔེཏི ཨཏྠཾ དུམྨེདྷོ, ཀཔི ཨཱརཱམིཀོ ཡཐཱཏི.

ན ¶ ཝེ ཨནཏྠཀུསལེན, ཨཏྠཙརིཡཱ སུཁཱཝཧཱ;

ཧཱཔེཏི ཨཏྠཾ དུམྨེདྷོ, ཀོཎྜཉྙོ ཝཱརུཎིཾ ཡཐཱཏི.

ཨནུཔཱཡེན ¶ ཡོ ཨཏྠཾ, ཨིཙྪཏི སོ ཝིཧཉྙཏི;

ཙེཏཱ ཧནིཾསུ ཝེདབྦཾ [ཝེདབྦྷཾ (སཱི. པཱི.)], སབྦེ ཏེ བྱསནམཛ྄ཛྷགཱུཏི.

ཝེདབྦ [ཝེདབྦྷ (སཱི. པཱི.)] ཛཱཏཀཾ ཨཊྛམཾ.

ནཀྑཏྟཾ ¶ པཊིམཱནེནྟཾ, ཨཏྠོ བཱལཾ ཨུཔཙྩགཱ;

ཨཏྠོ ཨཏྠསྶ ནཀྑཏྟཾ, ཀིཾ ཀརིསྶནྟི ཏཱརཀཱཏི.

དུམྨེདྷཱནཾ སཧསྶེན, ཡཉྙོ མེ ཨུཔཡཱཙིཏོ;

ཨིདཱནི ཁོཧཾ ཡཛིསྶཱམི, བཧུ [བཧཱུ (སཱི. པཱི.), བཧུཾ (ཀ.)] ཨདྷམྨིཀོ ཛནོཏི.

ཨཐ མིཏྟཀ མཱཏུ ཀཔོཏཝརོ, ཏཐཱ ཝེལཱུ༹ཀ ཨེལ༹མཱུགོ རོཧིཎཱི;

ཀཔི ¶ ཝཱརུཎི ཙེཏཙརཱ ཙ པུན, ཏཐཱ ཏཱརཀ ཡཉྙཝརེན དསཱཏི.

ཨཱསཱིསེཐེཝ ¶ [ཨཱསིཾསེཐེཝ (སཱི. སྱཱ. པཱི.)] པུརིསོ, ན ནིབྦིནྡེཡྻ པཎྜིཏོ;

པསྶཱམི ཝོཧཾ ཨཏྟཱནཾ, ཡཐཱ ཨིཙྪིཾ ཏཐཱ ཨཧཱུཏི.

ཝཱཡམེཐེཝ པུརིསོ, ན ནིབྦིནྡེཡྻ པཎྜིཏོ;

པསྶཱམི ཝོཧཾ ཨཏྟཱནཾ, ཨུདཀཱ ཐལམུབྦྷཏནྟི.

ཏཐེཝ ¶ པུཎྞཱ པཱཏིཡོ, ཨཉྙཱཡཾ ཝཏྟཏེ ཀཐཱ;

ཨཱཀཱརཎེན [ཨཱཀཱརཀེན (སཱི. སྱཱ. པཱི.)] ཛཱནཱམི, ན ཙཱཡཾ བྷདྡིཀཱ སུརཱཏི.

ནཱཡཾ ¶ རུཀྑོ དུརཱརུཧོ, ནཔི གཱམཏོ ཨཱརཀཱ;

ཨཱཀཱརཎེན ཛཱནཱམི, ནཱཡཾ སཱདུཕལོ དུམོཏི.

ཡོ ཨལཱིནེན ཙིཏྟེན, ཨལཱིནམནསོ ནརོ;

བྷཱཝེཏི ཀུསལཾ དྷམྨཾ, ཡོགཀྑེམསྶ པཏྟིཡཱ;

པཱཔུཎེ ཨནུཔུབྦེན, སབྦསཾཡོཛནཀྑཡནྟི.

ཡོ ¶ པཧཊྛེན ཙིཏྟེན, པཧཊྛམནསོ ནརོ;

བྷཱཝེཏི ཀུསལཾ དྷམྨཾ, ཡོགཀྑེམསྶ པཏྟིཡཱ;

པཱཔུཎེ ཨནུཔུབྦེན, སབྦསཾཡོཛནཀྑཡནྟི.

ཡསྶེཏེ ཙཏུརོ དྷམྨཱ, ཝཱནརིནྡ ཡཐཱ ཏཝ;

སཙྩཾ དྷམྨོ དྷིཏི [དྷིཏཱི (སཱི. པཱི.)] ཙཱགོ, དིཊྛཾ སོ ཨཏིཝཏྟཏཱིཏི.

ཡསྶེཏེ ¶ ¶ ཙ [ཡསྶ ཨེཏེ (སཱི. པཱི.)] ཏཡོ དྷམྨཱ, ཝཱནརིནྡ ཡཐཱ ཏཝ;

དཀྑིཡཾ སཱུརིཡཾ པཉྙཱ, དིཊྛཾ སོ ཨཏིཝཏྟཏཱིཏི.

དྷམེ དྷམེ ནཱཏིདྷམེ, ཨཏིདྷནྟཉྷི པཱཔཀཾ;

དྷནྟེན ཧི སཏཾ ལདྡྷཾ, ཨཏིདྷནྟེན ནཱསིཏནྟི.

དྷམེ དྷམེ ནཱཏིདྷམེ, ཨཏིདྷནྟཉྷི པཱཔཀཾ;

དྷནྟེནཱདྷིགཏཱ བྷོགཱ, ཏེ ཏཱཏོ ཝིདྷམཱི དྷམནྟི.

ཡཐཱ ¶ ཨིཙྪིཾ ཏཐཱཧུདཀཱ ཐལཱ, སུར སཱདུཕལོ ཙ ཨལཱིནམནོ;

སམྤཧཊྛམནོ ¶ ཙཏུརོ ཙ ཏཡོ, སཏལདྡྷཀ བྷོགདྷནེན དསཱཏི.

ཨསཱ ལོཀིཏྠིཡོ ནཱམ, ཝེལཱ ཏཱསཾ ན ཝིཛྫཏི;

སཱརཏྟཱ ཙ པགབྦྷཱ ཙ, སིཁཱི སབྦགྷསོ ཡཐཱ;

ཏཱ ཧིཏྭཱ པབྦཛིསྶཱམི, ཝིཝེཀམནུབྲཱུཧཡནྟི.

ཡཾ ¶ བྲཱཧྨཎོ ཨཝཱདེསི, ཝཱིཎཾ སམུཁཝེཋིཏོ;

ཨཎྜབྷཱུཏཱ བྷཏཱ བྷརིཡཱ, ཏཱསུ ཀོ ཛཱཏུ ཝིསྶསེཏི.

ཀོདྷནཱ ཨཀཏཉྙཱུ ཙ, པིསུཎཱ མིཏྟབྷེདིཀཱ [པིསུཎཱ ཙ ཝིབྷེདིཀཱ (སཱི. སྱཱ. པཱི.)];

བྲཧྨཙརིཡཾ ཙར བྷིཀྑུ, སོ སུཁཾ ན ཝིཧཱཧསཱིཏི [པིཧཱཧིསཱིཏི (སཱི. སྱཱ. པཱི.), ཝིཧཱཡསི (ཀ.)].

ཏཀྐཔཎྜིཏཛཱཏཀཾ [ཏཀྐཛཱཏཀཾ (སཱི. སྱཱ. པཱི. ཨཊྛ.)] ཏཏིཡཾ.

མཱ ¶ སུ ནནྡི ཨིཙྪཏི མཾ, མཱ སུ སོཙི ན མིཙྪཏི [ན ཨིཙྪཏི (སཱི. སྱཱ. པཱི.)];

ཐཱིནཾ བྷཱཝོ དུརཱཛཱནོ, མཙྪསྶེཝོདཀེ གཏནྟི.

ཡཐཱ ¶ ནདཱི ཙ པནྠོ ཙ, པཱནཱགཱརཾ སབྷཱ པཔཱ;

ཨེཝཾ ལོཀིཏྠིཡོ ནཱམ, ནཱསཾ ཀུཛ྄ཛྷནྟི པཎྜིཏཱཏི.

ཨེཀཱ ཨིཙྪཱ པུརེ ཨཱསི, ཨལདྡྷཱ མུདུལཀྑཎཾ;

ཡཏོ ལདྡྷཱ ཨལཱ༹རཀྑཱི, ཨིཙྪཱ ཨིཙྪཾ ཝིཛཱཡཐཱཏི.

ཨུཙྪངྒེ དེཝ མེ པུཏྟོ, པཐེ དྷཱཝནྟིཡཱ པཏི;

ཏཉྩ དེསཾ ན པསྶཱམི, ཡཏོ སོདརིཡམཱནཡེཏི [སོདརིཡཾ ནཡེ (ཀ.)].

ཡསྨིཾ ¶ ¶ མནོ ནིཝིསཏི, ཙིཏྟཉྩཱཔི [ཙིཏྟཾ ཝཱཔི (ཀཏྠཙི)] པསཱིདཏི;

ཨདིཊྛཔུབྦཀེ པོསེ, ཀཱམཾ ཏསྨིམྤི ཝིསྶསེཏི.

དྷིརཏྠུ ཏཾ ཝིསཾ ཝནྟཾ, ཡམཧཾ ཛཱིཝིཏཀཱརཎཱ;

ཝནྟཾ པཙྩཱཝམིསྶཱམི [པཙྩཱཧརིསྶཱམི (ཀ.)], མཏཾ མེ ཛཱིཝིཏཱ ཝརནྟི.

ན ཏཾ ཛིཏཾ སཱདྷུ ཛིཏཾ, ཡཾ ཛིཏཾ ཨཝཛཱིཡཏི;

ཏཾ ཁོ ཛིཏཾ སཱདྷུ ཛིཏཾ, ཡཾ ཛིཏཾ ནཱཝཛཱིཡཏཱིཏི.

སིཁཱིསབྦགྷསོཔི ¶ ཙ ཝཱིཎཝརོ, པིསུཎཱ མིཏྟབྷེདིཀཱ ནནྡཱི ནདཱི;

མུདུལཀྑཎ སོདརིཡཱ ཙ མནོ, ཝིས སཱདྷུཛིཏེན བྷཝནྟི དསཱཏི.

ཡོ ¶ པུབྦེ ཀརཎཱིཡཱནི, པཙྪཱ སོ ཀཱཏུམིཙྪཏི;

ཝརུཎཀཊྛ [ཝརཎཀཊྛ (སཱི. པཱི.)] བྷཉྫོཝ, ས པཙྪཱ མནུཏཔྤཏཱིཏི.

ཨཀཏཉྙུསྶ ¶ པོསསྶ, ནིཙྩཾ ཝིཝརདསྶིནོ;

སབྦཾ ཙེ པཐཝིཾ [པཋཝིཾ (སཱི. སྱཱ. པཱི.)] དཛྫཱ, ནེཝ ནཾ ཨབྷིརཱདྷཡེཏི.

སཙྩཾ ཀིརེཝམཱཧཾསུ, ནརཱ ཨེཀཙྩིཡཱ ཨིདྷ;

ཀཊྛཾ ནིཔླཝིཏཾ [ཝིཔླཱཝིཏཾ (སཱི. པཱི.)] སེཡྻོ, ན ཏྭེཝེཀཙྩིཡོ ནརོཏི.

སཱདྷཱུ སམྦཧུལཱ ཉཱཏཱི, ཨཔི རུཀྑཱ ཨརཉྙཛཱ;

ཝཱཏོ ¶ ཝཧཏི ཨེཀཊྛཾ, བྲཧནྟམྤི ཝནཔྤཏིནྟི.

ཨབྷིཏྠནཡ ¶ པཛྫུནྣ, ནིདྷིཾ ཀཱཀསྶ ནཱསཡ;

ཀཱཀཾ སོཀཱཡ རནྡྷེཧི, མཉྩ སོཀཱ པམོཙཡཱཏི.

ཨསངྐིཡོམྷི གཱམམྷི, ཨརཉྙེ ནཏྠི མེ བྷཡཾ;

ཨུཛུཾ མགྒཾ སམཱརཱུལ༹ྷོ, མེཏྟཱཡ ཀརུཎཱཡ ཙཱཏི.

ཨུསབྷཱ ¶ རུཀྑཱ གཱཝིཡོ གཝཱ ཙ, ཨསྶོ ཀཾསོ སིངྒཱལཱི [སིགཱསཱི (སཱི. སྱཱ. པཱི.)] ཙ ཀུམྦྷོ;

པོཀྑརཎཱི ཙ ཨཔཱཀཙནྡནཾ, ལཱབཱུནི སཱིདནྟི སིལཱ པླཝནྟི.

མཎྜཱུཀིཡོ ཀཎྷསཔྤེ གིལནྟི, ཀཱཀཾ སུཔཎྞཱ པརིཝཱརཡནྟི;

ཏསཱ ¶ ཝཀཱ ཨེལ༹ཀཱནཾ བྷཡཱཧི, ཝིཔརིཡཱསོ [ཝིཔརིཡཱཡོ (སྱཱ. ཀ.)] ཝཏྟཏི ནཡིདྷ མཏྠཱིཏི.

ཨུབྷོ ཁཉྫཱ ཨུབྷོ ཀུཎཱི, ཨུབྷོ ཝིསམཙཀྑུཀཱ [ཙཀྑུལཱ (སཱི. པཱི.)];

ཨུབྷིནྣཾ པིལ༹ཀཱ [པཱིལ༹ཀཱ (སྱཱ.)] ཛཱཏཱ, ནཱཧཾ པསྶཱམི ཨིལླིསནྟི.

ཡཏོ ¶ ཝིལུཏྟཱ ཙ ཧཏཱ ཙ གཱཝོ, དཌྜྷཱནི གེཧཱནི ཛནོ ཙ ནཱིཏོ;

ཨཐཱགམཱ པུཏྟཧཏཱཡ པུཏྟོ, ཁརསྶརཾ ཌིཎྜིམཾ [དེཎྜིམཾ (སཱི. སྱཱ. པཱི.), ཌིནྡིམཾ (ཀ.)] ཝཱདཡནྟོཏི.

ཡཾ ཏེ པཝིཀཏྠིཏཾ པུརེ, ཨཐ ཏེ པཱུཏིསརཱ སཛནྟི པཙྪཱ;

ཨུབྷཡཾ ¶ ན སམེཏི བྷཱིམསེན, ཡུདྡྷཀཐཱ ཙ ཨིདཉྩ ཏེ ཝིཧཉྙནྟི.

ཝརུཎཝགྒོ [ཝརཎཝགྒོ (སཱི. པཱི.)] ཨཊྛམོ.

ཝརུཎཱ ཨཀཏཉྙཱུཝརེ ཏུ སཙྩཝརཾ, སཝནཔྤཏིནཱ ཙ ཨབྷིཏྠནཡ;

ཀརུཎཱཡ སིལཱཔླཝ ཨིལླིསཏོ, པུན ཌིཎྜིམཔཱུཏིསརེན དསཱཏི.

ཨཔཱཡིམྷ ¶ ཨནཙྩིམྷ, ཨགཱཡིམྷ རུདིམྷ ཙ;

ཝིསཉྙིཀརཎིཾ པིཏྭཱ [པཱིཏྭཱ (སཱི. སྱཱ. པཱི.)], དིཊྛཱ ནཱཧུམྷ ཝཱནརཱཏི.

ཨཏིཀྐམྨ ¶ ¶ རམཎཀཾ, སདཱམཏྟཉྩ དཱུབྷཀཾ;

སྭཱསི པཱསཱཎམཱསཱིནོ, ཡསྨཱ ཛཱིཝཾ ན མོཀྑསཱིཏི.

མིཏྟོ ཧཝེ སཏྟཔདེན ཧོཏི, སཧཱཡོ པན དྭཱདསཀེན ཧོཏི;

མཱསཌྜྷམཱསེན ཙ ཉཱཏི ཧོཏི, ཏཏུཏྟརིཾ ཨཏྟསམོཔི ཧོཏི;

སོཧཾ ཀཐཾ ཨཏྟསུཁསྶ ཧེཏུ, ཙིརསནྠུཏཾ [ཙིརསནྡྷཝཾ (ཀ.), ཙིརསཏྠུནཾ (པཱི.)] ཀཱལ༹ཀཎྞིཾ ཛཧེཡྻནྟི.

ཨཱརོགྱམིཙྪེ པརམཉྩ ལཱབྷཾ, སཱིལཉྩ ཝུདྡྷཱནུམཏཾ སུཏཉྩ;

དྷམྨཱནུཝཏྟཱི ཙ ཨལཱིནཏཱ ཙ, ཨཏྠསྶ དྭཱརཱ པམུཁཱ ཚལེ༹ཏེཏི.

ཨཱཡཏིཾ ¶ དོསཾ ནཱཉྙཱཡ, ཡོ ཀཱམེ པཊིསེཝཏི;

ཝིཔཱཀནྟེ ཧནནྟི ནཾ, ཀིཾཔཀྐམིཝ བྷཀྑིཏནྟི.

སཱིལཾ ¶ ཀིརེཝ ཀལྱཱཎཾ, སཱིལཾ ལོཀེ ཨནུཏྟརཾ;

པསྶ གྷོརཝིསོ ནཱགོ, སཱིལཝཱཏི ན ཧཉྙཏཱིཏི.

ཡསྶ ¶ མངྒལཱ སམཱུཧཏཱསེ [སམཱུཧཏཱ (སཱི. སྱཱ. པཱི. སུ. ནི. ༣༦༢], ཨུཔྤཱཏཱ [ཨུཔྤཱདཱ (པཱི.)] སུཔིནཱ ཙ ལཀྑཎཱ ཙ;

སོ [ས (སཱི. པཱི. ཀ.)] མངྒལདོསཝཱིཏིཝཏྟོ, ཡུགཡོགཱདྷིགཏོ ན ཛཱཏུམེཏཱིཏི.

ཀལྱཱཎིམེཝ མུཉྩེཡྻ, ན ཧི མུཉྩེཡྻ པཱཔིཀཾ;

མོཀྑོ ཀལྱཱཎིཡཱ སཱདྷུ, མུཏྭཱ ཏཔྤཏི པཱཔིཀནྟི.

ཝཱཙཱཝ ¶ ཀིར ཏེ ཨཱསི, སཎྷཱ སཁིལབྷཱཎིནོ;

ཏིཎམཏྟེ ཨསཛྫིཏྠོ, ནོ ཙ ནིཀྑསཏཾ ཧརནྟི.

ཡོ པུབྦེ ཀཏཀལྱཱཎོ, ཀཏཏྠོ ནཱཝབུཛ྄ཛྷཏི;

པཙྪཱ ཀིཙྩེ སམུཔྤནྣེ, ཀཏྟཱརཾ ནཱདྷིགཙྪཏཱིཏི.

ཨཔཱཡིམྷ ཙ དཱུབྷཀཾ སཏྟཔདཾ, ཚལ༹དྭར ཙ ཨཱཡཏིནཱ ཙ པུན;

ཨཧིསཱིལཝ མངྒལི པཱཔིཀསྶཱ, སཏཾནིཀྑ ཀཏཏྠཝརེན དསཱཏི.

ལིཏྟཾ ¶ ¶ པརམེན ཏེཛསཱ, གིལམཀྑཾ ¶ པུརིསོ ན བུཛ྄ཛྷཏི;

གིལ རེ གིལ པཱཔདྷུཏྟཀ, པཙྪཱ ཏེ ཀཊུཀཾ བྷཝིསྶཏཱིཏི.

ཨུཀྐཊྛེ སཱུརམིཙྪནྟི, མནྟཱིསུ ཨཀུཏཱུཧལཾ;

པིཡཉྩ ཨནྣཔཱནམྷི, ཨཏྠེ ཛཱཏེ ཙ པཎྜིཏནྟི.

ན ཝིསྶསེ ཨཝིསྶཏྠེ, ཝིསྶཏྠེཔི ན ཝིསྶསེ;

ཝིསྶཱསཱ བྷཡམནྭེཏི, སཱིཧཾཝ མིགམཱཏུཀཱཏི [མིགམཱཏུཡཱ (ཀ.)].

སོཏཏྟོ སོསིནྡོ [སོསཱིཏོ (སཱི. སྱཱ. པཱི.), སོསིནོ (ཀ.)] ཙེཝ, ཨེཀོ བྷིཾསནཀེ ཝནེ;

ནགྒོ ན ཙགྒིམཱསཱིནོ, ཨེསནཱཔསུཏོ མུནཱིཏི.

ཨནིཙྩཱ ¶ ཝཏ སངྑཱརཱ, ཨུཔྤཱདཝཡདྷམྨིནོ;

ཨུཔྤཛྫིཏྭཱ ནིརུཛ྄ཛྷནྟི, ཏེསཾ ཝཱུཔསམོ སུཁོཏི.

སམཏིཏྟིཀཾ ¶ ཨནཝསེཀཾ, ཏེལཔཏྟཾ ཡཐཱ པརིཧརེཡྻ;

ཨེཝཾ སཙིཏྟམནུརཀྑེ, པཏྠཡཱནོ དིསཾ ཨགཏཔུབྦནྟི.

ཛཱིཝཀཉྩ ¶ མཏཾ དིསྭཱ, དྷནཔཱལིཉྩ དུགྒཏཾ;

པནྠཀཉྩ ཝནེ མཱུལ༹ྷཾ, པཱཔཀོ པུནརཱགཏོཏི.

སཱདྷུ ¶ ཁོ པཎྜིཏོ ནཱམ, ན ཏྭེཝ ཨཏིཔཎྜིཏོ;

ཨཏིཔཎྜིཏེན པུཏྟེན, མནམྷི ཨུཔཀཱུལི༹ཏོཏི [ཨུཔཀཱུལིཏོཏི (སཱི.), ཨུཔཀུཊྛིཏོཏི (སྱཱ.), ཨུཔཀུཊིཏོ (ཀ.)].

པརོསཧསྶམྤི སམཱགཏཱནཾ, ཀནྡེཡྻུཾ ཏེ ཝསྶསཏཾ ཨཔཉྙཱ;

ཨེཀོཝ སེཡྻོ པུརིསོ སཔཉྙོ, ཡོ བྷཱསིཏསྶ ཝིཛཱནཱཏི ཨཏྠནྟི.

ཨསཱཏཾ སཱཏརཱུཔེན, པིཡརཱུཔེན ཨཔྤིཡཾ;

དུཀྑཾ སུཁསྶ རཱུཔེན, པམཏྟམཏིཝཏྟཏཱིཏི.

གིལམཀྑཀུཏཱུཧལ ¶ ¶ མཱཏུཀསྶཱ, མུནིནཱ ཙ ཨནིཙྩཏ པཏྟཝརཾ;

དྷནཔཱལིཝརོ ཨཏིཔཎྜིཏཀོ, སཔརོསཧསྶཨསཱཏདསཱཏི.

པརོསཏཾ ¶ ཙེཔི སམཱགཏཱནཾ, ཛྷཱཡེཡྻུཾ ཏེ ཝསྶསཏཾ ཨཔཉྙཱ;

ཨེཀོཝ སེཡྻོ པུརིསོ སཔཉྙོ, ཡོ བྷཱསིཏསྶ ཝིཛཱནཱཏི ཨཏྠནྟི.

ཡོ དུཀྑཕུཊྛཱཡ བྷཝེཡྻ ཏཱཎཾ, སོ མེ པིཏཱ དུབྦྷི [དཱུབྷི (སཱི. པཱི.)] ཝནེ ཀརོཏི;

སཱ ཀསྶ ཀནྡཱམི ཝནསྶ མཛ྄ཛྷེ, ཡོ ཏཱཡིཏཱ སོ སཧསཾ [སཧསཱ (སཱི. སྱཱ. པཱི.)] ཀརོཏཱིཏི.

ཡཏྠ ¶ ཝེརཱི ནིཝིསཏི [ནིཝསཏི (སཱི. ཀ.)], ན ཝསེ ཏཏྠ པཎྜིཏོ;

ཨེཀརཏྟཾ དིརཏྟཾ ཝཱ, དུཀྑཾ ཝསཏི ཝེརིསཱུཏི.

ཙཏུབྦྷི ཨཊྛཛ྄ཛྷགམཱ, ཨཊྛཱཧིཔི ཙ སོལ༹ས;

སོལ༹སཱཧི ཙ བཱཏྟིཾས [བཏྟིཾས (སཱི. སྱཱ. པཱི.)], ཨཏྲིཙྪཾ ཙཀྐམཱསདོ;

ཨིཙྪཱཧཏསྶ པོསསྶ, ཙཀྐཾ བྷམཏི མཏྠཀེཏི.

བཧུམྤེཏཾ ¶ ¶ ཝནེ ཀཊྛཾ, ཝཱཏོ བྷཉྫཏི དུབྦལཾ;

ཏསྶ ཙེ བྷཱཡསཱི ནཱག, ཀིསོ ནཱུན བྷཝིསྶསཱིཏི.

སུཁཾ ཝཏ མཾ ཛཱིཝནྟཾ [སུཁཀཾ ཝཏ ཛཱིཝཾ (ཀ.)], པཙམཱནཱ ཨུདཉྩནཱི;

ཙོརཱི ཛཱཡཔྤཝཱདེན, ཏེལཾ ལོཎཉྩ ཡཱཙཏཱིཏི.

སཱདྷུ ¶ ཁོ སིཔྤཀཾ ནཱམ, ཨཔི ཡཱདིས ཀཱིདིསཾ;

པསྶ ཁཉྫཔྤཧཱརེན, ལདྡྷཱ གཱམཱ ཙཏུདྡིསཱཏི.

སིཀྑེཡྻ སིཀྑིཏབྦཱནི, སནྟི ཏཙྪནྡིནོ [སཙྪནྡིནོ (སཱི. པཱི.)] ཛནཱ;

བཱཧིཡཱ ཧི [པི (སཱི. སྱཱ. པཱི.)] སུཧནྣེན, རཱཛཱནམབྷིརཱདྷཡཱིཏི.

ཡཐནྣོ པུརིསོ ཧོཏི, ཏཐནྣཱ ཏསྶ དེཝཏཱ;

ཨཱཧརེཏཾ ཀུཎྜཔཱུཝཾ [ཀཎཾ པཱུཝཾ (སཱི. པཱི.)], མཱ མེ བྷཱགཾ ཝིནཱསཡཱཏི.

སབྦསཾཧཱརཀོ ¶ ¶ [སབྦསཱཧཱརཀོ (ཀ.)] ནཏྠི, སུདྡྷཾ ཀངྒུ པཝཱཡཏི;

ཨལིཀཾ བྷཱཡཏིཡཾ དྷུཏྟཱི, སཙྩམཱཧ མཧལླིཀཱཏི.

སཔརོསཏ ཏཱཡིཏ ཝེརཱི ¶ པུན, བྷམཙཀྐཐ ནཱགསིརིཝ྄ཧཡནོ;

སུཁཀཉྩ ཝཏ སིཔྤཀ བཱཧིཡཱ, ཀུཎྜཔཱུཝ མཧལླིཀཀཱ ཙ དསཱཏི.

ཧཾཙི [ཧཾསི (སཱི. སྱཱ.), ཧཉྩི (?)] ཏུཝཾ ཨེཝམཉྙསི སེཡྻོ, པུཏྟེན པིཏཱཏི རཱཛསེཊྛ;

ཧནྡསྶཏརསྶ ཏེ ཨཡཾ, ཨསྶཏརསྶ ཧི གདྲབྷོ པིཏཱཏི.

ཡེན སཏྟུབིལངྒཱ ཙ, དིགུཎཔལཱསོ ཙ པུཔྥིཏོ;

ཡེན དདཱམི [ཡེནཱ’དཱམི (སཱི. སྱཱ.)] ཏེན ཝདཱམི, ཡེན ན དདཱམི [ཡེན ནཱ’དཱམི (སཱི. སྱཱ.)] ན ཏེན ཝདཱམི;

ཨེས ¶ མགྒོ ཡཝམཛ྄ཛྷཀསྶ, ཨེཏཾ ཚནྣཔཐཾ ཝིཛཱནཱཧཱིཏི.

སདྡཧཱསི ¶ སིངྒཱལསྶ [སིགཱལསྶ (སཱི. སྱཱ. པཱི.)], སུརཱཔཱིཏསྶ བྲཱཧྨཎ;

སིཔྤིཀཱནཾ སཏཾ ནཏྠི, ཀུཏོ ཀཾསསཏཱ དུཝེཏི.

བཧུཙིནྟཱི ¶ ཨཔྤཙིནྟཱི, ཨུབྷོ ཛཱལེ ཨབཛ྄ཛྷརེ;

མིཏཙིནྟཱི པམོཙེསཱི, ཨུབྷོ ཏཏྠ སམཱགཏཱཏི.

ཡཱཡཉྙ [ཡཱཡཉྙེ (ཀ.)] མནུསཱསཏི, སཡཾ ལོལུཔྤཙཱརིནཱི;

སཱཡཾ ཝིཔཀྑིཀཱ སེཏི, ཧཏཱ ཙཀྐེན སཱསིཀཱཏི [སཱལིཀཱཏི (སཱི. སྱཱ. པཱི.)].

ཨཏིཀརམཀརཱཙརིཡ ¶ , མཡ྄ཧམྤེཏཾ ན རུཙྩཏི;

ཙཏུཏྠེ ལངྒྷཡིཏྭཱན, པཉྩམཱཡསི ཨཱཝུཏོཏི.

ཨཙྩུགྒཏཱཏིལཔཏཱ [ཨཏིབལཏཱ (སཱི. སྱཱ. པཱི.), ཨཏིལཔཀཱ (ཀཏྠཙི)], ཨཏིཝེལཾ པབྷཱསིཏཱ;

ཝཱཙཱ ཧནཏི དུམྨེདྷཾ, ཏིཏྟིརཾཝཱཏིཝསྶིཏནྟི.

ནཱཙིནྟཡནྟོ པུརིསོ, ཝིསེསམདྷིགཙྪཏི;

ཙིནྟིཏསྶ ཕལཾ པསྶ, མུཏྟོསྨི ཝདྷབནྡྷནཱཏི.

ཨམཱཏཱཔིཏརསཾཝདྡྷོ ¶ [པིཏརི (སཱི. པཱི.), པིཏུ (སྱཱ.)], ཨནཱཙེརཀུལེ ཝསཾ;

ནཱཡཾ ཀཱལཾ ཨཀཱལཾ ཝཱ, ཨབྷིཛཱནཱཏི ཀུཀྐུཊོཏི.

ཨབདྡྷཱ ¶ ¶ ཏཏྠ བཛ྄ཛྷནྟི, ཡཏྠ བཱལཱ པབྷཱསརེ;

བདྡྷཱཔི ཏཏྠ མུཙྩནྟི, ཡཏྠ དྷཱིརཱ པབྷཱསརེཏི.

ཧཾཙིཝགྒོ [ཧཾསིཝགྒོ (སཱི. སྱཱ.)] དྭཱདསམོ.

ཨཐ གདྲབྷ སཏྟུཝ ཀཾསསཏཾ, བཧུཙིནྟི སཱསིཀཱཡཱཏིཀར;

ཨཏིཝེལ ཝིསེསམནཱཙརིཡོཝ, དྷཱིརཱཔབྷཱསརཏེན དསཱཏི.

ཀརེ སརིཀྑོ ཨཐ ཝཱཔི སེཊྛོ, ནིཧཱིནཀོ ཝཱཔི ཀརེཡྻ ཨེཀོ;

ཀརེཡྻུམེཏེ [ཀརེཡྻུཾ ཏེ (སཱི. པཱི.)] བྱསནེ ཨུཏྟམཏྠཾ, ཡཐཱ ཨཧཾ ཀུསནཱལི༹ རུཙཱཡནྟི.

ཡསཾ ¶ ¶ ལདྡྷཱན དུམྨེདྷོ, ཨནཏྠཾ ཙརཏི ཨཏྟནོ;

ཨཏྟནོ ཙ པརེསཉྩ, ཧིཾསཱཡ པཊིཔཛྫཏཱིཏི.

ཨསབྦཏྠགཱམིཾ ཝཱཙཾ, བཱལོ སབྦཏྠ བྷཱསཏི;

ནཱཡཾ དདྷིཾ ཝེདི ན [ན ཝེདི (ཀ.)] ནངྒལཱིསཾ, དདྷིཔྤཡཾ [དདྷིམྤཡཾ (སཱི. པཱི.)] མཉྙཏི ནངྒལཱིསནྟི.

ཝཱཡམེཐེཝ ¶ པུརིསོ, ན ནིབྦིནྡེཡྻ པཎྜིཏོ;

ཝཱཡཱམསྶ ཕལཾ པསྶ, བྷུཏྟཱ ཨམྦཱ ཨནཱིཏིཧནྟི.

བཧུམྤི སོ ཝིཀཏྠེཡྻ, ཨཉྙཾ ཛནཔདཾ གཏོ;

ཨནྭཱགནྟྭཱན དཱུསེཡྻ, བྷུཉྫ བྷོགེ ཀཊཱཧཀཱཏི.

ཏདེཝེཀསྶ ¶ [ཏཐེཝེཀསྶ (སཱི. སྱཱ. པཱི. ཨཊྛ. མཱུལཔཱཋོ)] ཀལྱཱཎཾ, ཏདེཝེཀསྶ པཱཔཀཾ;

ཏསྨཱ སབྦཾ ན ཀལྱཱཎཾ, སབྦཾ ཝཱཔི ན པཱཔཀནྟི.

ཏེ དེསཱ ཏཱནི ཝཏྠཱུནི, ཨཧཉྩ ཝནགོཙརོ;

ཨནུཝིཙྩ ཁོ ཏཾ གཎྷེཡྻུཾ, པིཝ [པིཔ (སཱི. པཱི.)] ཁཱིརཾ ཀལཎྜུཀཱཏི.

ཡོ ¶ ཝེ དྷམྨཾ དྷཛཾ [དྷམྨདྷཛཾ (སྱཱ. པཱི. ཀ.)] ཀཏྭཱ, ནིགཱུལ༹ྷོ པཱཔམཱཙརེ;

ཝིསྶཱསཡིཏྭཱ བྷཱུཏཱནི, བིལཱ༹རཾ ནཱམ ཏཾ ཝཏནྟི.

ནཱཡཾ སིཁཱ པུཉྙཧེཏུ, གྷཱསཧེཏུ ཨཡཾ སིཁཱ;

ནཱངྒུཊྛགཎནཾ ཡཱཏི, ཨལཾ ཏེ ཧོཏུ ཨགྒིཀཱཏི.

ཡཐཱ ¶ ¶ ཝཱཙཱ ཙ བྷུཉྫསྶུ, ཡཐཱ བྷུཏྟཉྩ བྱཱཧར;

ཨུབྷཡཾ ཏེ ན སམེཏི, ཝཱཙཱ བྷུཏྟཉྩ ཀོསིཡེཏི.

ཀུསནཱལི༹ཝགྒོ [སརིཀྑཝགྒོ (ཀ.)] ཏེརསམོ.

ཀུསནཱལི༹སིརིཝ྄ཧཡནོ ཙ ཡསཾ, དདྷི མམྦ ཀཊཱཧཀཔཉྩམཀོ;

ཨཐ པཱཔཀ ཁཱིར བིལཱ༹རཝཏཾ, སིཁི ཀོསིཡསཝ྄ཧཡནེན དསཱཏི.

ཨསམྤདཱནེནིཏརཱིཏརསྶ, བཱལསྶ མིཏྟཱནི ཀལཱི བྷཝནྟི;

ཏསྨཱ ཧརཱམི བྷུསཾ ཨཌྜྷམཱནཾ, མཱ མེ མིཏྟི ཛཱིཡིཏྠ སསྶཏཱཡནྟི.

ཀུསལཱུཔདེསེ ¶ ¶ དྷིཏིཡཱ དལ༹ྷཱཡ ཙ, ཨནིཝཏྟིཏཏྟཱབྷཡབྷཱིརུཏཱཡ [ཨཝཏྠིཏཏྟཱབྷཡབྷཱིརུཏཱཡ (སཱི. སྱཱ. པཱི.)] ཙ;

ན རཀྑསཱིནཾ ཝསམཱགམིམྷསེ, ས སོཏྠིབྷཱཝོ མཧཏཱ བྷཡེན མེཏི.

བྷཱིརུཀ [པཉྩགརུཀ (སཱི. པཱི.), པཉྩབྷཱིརུཀ (སྱཱ.), ཨབྷཡབྷཱིརུཏ§(?)] ཛཱཏཀཾ དུཏིཡཾ.

ཁེམཾ ཡཧིཾ ཏཏྠ ཨརཱི ཨུདཱིརིཏོ [ཨརི ཨུདྡྷརིཏོ (ཀ.)], དཀསྶ མཛ྄ཛྷེ ཛལཏེ གྷཏཱསནོ;

ན ཨཛྫ ཝཱསོ མཧིཡཱ མཧཱིརུཧེ, དིསཱ བྷཛཝ྄ཧོ སརཎཱཛྫ ནོ བྷཡནྟི.

ཡེ ¶ སཉྙིནོ ཏེཔི དུགྒཏཱ, ཡེཔི ཨསཉྙིནོ ཏེཔི དུགྒཏཱ;

ཨེཏཾ ཨུབྷཡཾ ཝིཝཛྫཡ, ཏཾ ¶ སམཱཔཏྟིསུཁཾ ཨནངྒཎནྟི.

ཙནྡཱབྷཾ སཱུརིཡཱབྷཉྩ, ཡོདྷ པཉྙཱཡ གཱདྷཏི.

ཨཝིཏཀྐེན ཛྷཱནེན, ཧོཏི ཨཱབྷསྶརཱུཔགོཏི.

ཡཾ ¶ ལདྡྷཾ ཏེན ཏུཊྛབྦཾ, ཨཏིལོབྷོ ཧི པཱཔཀོ;

ཧཾསརཱཛཾ གཧེཏྭཱན, སུཝཎྞཱ པརིཧཱཡཐཱཏི.

ཡཏྠེཀོ ལབྷཏེ བབྦུ, དུཏིཡོ ཏཏྠ ཛཱཡཏི;

ཏཏིཡོ ཙ ཙཏུཏྠོ ཙ, ཨིདཾ ཏེ བབྦུཀཱ བིལནྟི.

ཀིཾ ཏེ ཛཊཱཧི དུམྨེདྷ, ཀིཾ ཏེ ཨཛིནསཱཊིཡཱ;

ཨབྦྷནྟརཾ ¶ ཏེ གཧནཾ, བཱཧིརཾ པརིམཛྫསཱིཏི.

ཨཀྑཱི བྷིནྣཱ པཊོ ནཊྛོ, སཁིགེཧེ ཙ བྷཎྜནཾ;

ཨུབྷཏོ པདུཊྛཱ ཀམྨནྟཱ [པདུཊྛཀམྨནྟོ (སཱི.), པདུཊྛོ ཀམྨནྟོ (པཱི.)], ཨུདཀམྷི ཐལམྷི ཙཱཏི.

ནིཙྩཾ ¶ ཨུབྦིགྒཧདཡཱ, སབྦལོཀཝིཧེསཀཱ;

ཏསྨཱ ནེསཾ ཝསཱ ནཏྠི, ཀཱཀཱནམྷཱཀ [ཀཱཀཱནསྨཱཀ (སཱི. སྱཱ. པཱི.)] ཉཱཏིནནྟི.

ཨིཏརཱིཏར ¶ རཀྑསི ཁེམིཡོ ཙ, པརོསཏཔཉྷེན ཨཱབྷསྶརོ པུན;

ཨཐ ཧཾསཝརུཏྟམབབྦུཛཊཾ, པཊནཊྛཀ ཀཱཀཝརེན དསཱཏི.

ན ¶ པཱཔཛནསཾསེཝཱི, ཨཙྩནྟསུཁམེདྷཏི;

གོདྷཱཀུལཾ [གོདྷཀྐུལཾ (ཀ.)] ཀཀཎྚཱཝ [ཀཀཎྚཀཱ (ཀ.)], ཀལིཾ པཱཔེཏི ཨཏྟནནྟི.

ཨེཏཉྷི ཏེ དུརཱཛཱནཾ, ཡཾ སེསི མཏསཱཡིཀཾ;

ཡསྶ ཏེ ཀཌྜྷམཱནསྶ, ཧཏྠཱ དཎྜོ ན མུཙྩཏཱིཏི.

ལསཱི ཙ ཏེ ནིཔྥལིཏཱ, མཏྠཀོ ཙ པདཱལིཏོ [ཝིདཱལིཏོ (སཱི. པཱི.)];

སབྦཱ ཏེ ཕཱསུཀཱ བྷགྒཱ, ཨཛྫ ཁོ ཏྭཾ ཝིརོཙསཱིཏི.

བཧུམྤེཏཾ ¶ ཨསབྦྷི [བཧུཔེཏམསབྦྷི (ཀ.)] ཛཱཏཝེད, ཡཾ ཏཾ ཝཱལདྷིནཱབྷིཔཱུཛཡཱམ;

མཾསཱརཧསྶ ¶ ནཏྠཛྫ མཾསཾ, ནངྒུཊྛམྤི བྷཝཾ པཊིགྒཧཱཏཱུཏི.

ན ¶ ཏྭཾ རཱདྷ ཝིཛཱནཱསི, ཨཌྜྷརཏྟེ ཨནཱགཏེ;

ཨབྱཡཏཾ [ཨབྱཱཡཏཾ (སཱི. སྱཱ. པཱི.), ཨབྱཏྟཏཾ (?)] ཝིལཔསི, ཝིརཏྟཱ ཀོསིཡཱཡནེཏི.

ཨཔི ནུ ཧནུཀཱ སནྟཱ, མུཁཉྩ པརིསུསྶཏི;

ཨོརམཱམ ན པཱརེམ, པཱུརཏེཝ མཧོདདྷཱིཏི.

ནཡིདཾ དུཀྑཾ ཨདུཾ དུཀྑཾ, ཡཾ མཾ ཏུདཏི ཝཱཡསོ;

ཡཾ སཱམཱ པུཔྥརཏྟེན, ཀཏྟིཀཾ ནཱནུབྷོསྶཏཱིཏི.

ནཱཧཾ ¶ པུནཾ ན ཙ པུནཾ, ན ཙཱཔི ཨཔུནཔྤུནཾ;

ཧཏྠིབོནྡིཾ པཝེཀྑཱམི, ཏཐཱ ཧི བྷཡཏཛྫིཏོཏི.

ཨེཀཔཎྞོ ཨཡཾ རུཀྑོ, ན བྷཱུམྱཱ ཙཏུརངྒུལོ;

ཕལེན ཝིསཀཔྤེན, མཧཱཡཾ ཀིཾ བྷཝིསྶཏཱིཏི.

ཨསནྟཾ ¶ ¶ ཡོ པགྒཎྷཱཏི, ཨསནྟཾ ཙཱུཔསེཝཏི;

ཏམེཝ གྷཱསཾ ཀུརུཏེ, བྱགྒྷོ སཉྫཱིཝཀོ ཡཐཱཏི.

ཀཀཎྚཀ [པཱཔསེཝན (ཀ.)] ཝགྒོ པནྣརསམོ.

སུཁམེདྷཏི དཎྜཝརོ ཙ པུན, ལསི ཝཱལདྷི པཉྩམརཱདྷཝརོ;

སམཧོདདྷི ¶ ཀཏྟིཀ བོནྡི པུན, ཙཏུརངྒུལབྱགྒྷཝརེན དསཱཏི.

(ཨུཔརིམོ པཎྞཱསཀོ.) [( ) སཱིཧལ༹པོཏྠཀེཡེཝ དིསྶཏི]

ཨཔཎྞཀཾ སཱིལཝགྒཀུརུངྒ, ཀུལཱཝཀཾ ཨཏྠཀཱམེན པཉྩམཾ;

ཨཱསཱིསོ ཨིཏྠིཝརུཎཾ ཨཔཱཡི, ལིཏྟཝགྒེན ཏེ དས;

པརོསཏཾ ཧཾཙི ཀུསནཱལི༹ [ཧཾསི སརིཀྑཾ (སབྦཏྠ)], ཨསམྤདཾ ཀཀཎྚཀཝགྒོ.

དལ༹ྷཾ ¶ ¶ ¶ དལ༹ྷསྶ ཁིཔཏི, བལླིཀོ [མལླིཀོ (སཱི. པཱི.)] མུདུནཱ མུདུཾ;

སཱདྷུམྤི སཱདྷུནཱ ཛེཏི, ཨསཱདྷུམྤི ཨསཱདྷུནཱ;

ཨེཏཱདིསོ ཨཡཾ རཱཛཱ, མགྒཱ ཨུཡྻཱཧི སཱརཐི.

ཨཀྐོདྷེན ཛིནེ ཀོདྷཾ, ཨསཱདྷུཾ སཱདྷུནཱ ཛིནེ;

ཛིནེ ཀདརིཡཾ དཱནེན, སཙྩེནཱལིཀཝཱདིནཾ;

ཨེཏཱདིསོ ཨཡཾ རཱཛཱ, མགྒཱ ཨུཡྻཱཧི སཱརཐཱིཏི.

༡༥༢. ཨསམེཀྑིཏཀམྨནྟཾ, ཏུརིཏཱབྷིནིཔཱཏིནཾ.

སཱནི ཀམྨཱནི ཏཔྤེནྟི, ཨུཎྷཾཝཛ྄ཛྷོཧིཏཾ མུཁེ.

སཱིཧོ ཙ སཱིཧནཱདེན, དདྡརཾ ཨབྷིནཱདཡི;

སུཏྭཱ སཱིཧསྶ ནིགྒྷོསཾ, སིངྒཱལོ [སིགཱལོ (སཱི. སྱཱ. པཱི.)] དདྡརེ ཝསཾ;

བྷཱིཏོ སནྟཱསམཱཔཱདི, ཧདཡཉྩསྶ ཨཔྥལཱིཏི.

སིངྒཱལཛཱཏཀཾ [སིགཱལཛཱཏཀཾ (སཱི. སྱཱ. པཱི.)] དུཏིཡཾ.

ཙཏུཔྤདོ ¶ ཨཧཾ སམྨ, ཏྭམྤི སམྨ ཙཏུཔྤདོ;

ཨེཧི སམྨ [སཱིཧ (སཱི. པཱི.)] ནིཝཏྟསྶུ, ཀིཾ ནུ བྷཱིཏོ པལཱཡསི.

ཨསུཙི ¶ པཱུཏིལོམོསི, དུགྒནྡྷོ ཝཱསི སཱུཀར;

སཙེ ཡུཛ྄ཛྷིཏུཀཱམོསི, ཛཡཾ སམྨ དདཱམི ཏེཏི.

ཨིདྷཱུརགཱནཾ ¶ པཝརོ པཝིཊྛོ, སེལསྶ ཝཎྞེན པམོཀྑམིཙྪཾ;

བྲཧྨཉྩ ཝཎྞཾ [ཝཀྐཾ (ཀ.)] ཨཔཙཱཡམཱནོ, བུབྷུཀྑིཏོ ནོ ཝིཏརཱམི [ཝིསཧཱམི (ཀ. སི. སྱཱ. པཱི.)] བྷོཏྟུཾ.

སོ བྲཧྨགུཏྟོ ཙིརམེཝ ཛཱིཝ, དིབྱཱ ཙ ཏེ པཱཏུབྷཝནྟུ བྷཀྑཱ;

ཡོ བྲཧྨཝཎྞཾ ཨཔཙཱཡམཱནོ, བུབྷུཀྑིཏོ ནོ ཝིཏརཱསི [སབྦཏྠཔི སམཱནཾ] བྷོཏྟུནྟི.

ཛཱིཝ ¶ ཝསྶསཏཾ བྷགྒ [གགྒ (སཱི. པཱི.)], ཨཔརཱནི ཙ ཝཱིསཏིཾ [ཝཱིསཏི (སྱཱ. ཀ.)];

མཱ མཾ པིསཱཙཱ ཁཱདནྟུ, ཛཱིཝ ཏྭཾ སརདོ སཏཾ.

ཏྭམྤི ཝསྶསཏཾ ཛཱིཝ, ཨཔརཱནི ཙ ཝཱིསཏིཾ;

ཝིསཾ པིསཱཙཱ ཁཱདནྟུ, ཛཱིཝ ཏྭཾ སརདོ སཏནྟི.

ཨལཱིནཙིཏྟཾ ནིསྶཱཡ, པཧཊྛཱ མཧཏཱི ཙམཱུ;

ཀོསལཾ སེནཱསནྟུཊྛཾ, ཛཱིཝགྒཱཧཾ ཨགཱཧཡི.

ཨེཝཾ ནིསྶཡསམྤནྣོ, བྷིཀྑུ ཨཱརདྡྷཝཱིརིཡོ;

བྷཱཝཡཾ ཀུསལཾ དྷམྨཾ, ཡོགཀྑེམསྶ པཏྟིཡཱ;

པཱཔུཎེ ཨནུཔུབྦེན, སབྦསཾཡོཛནཀྑཡནྟི.

ཡེན ¶ ཀཱམཾ པཎཱམེཏི, དྷམྨོ བལཝཏཾ མིགཱི;

ཨུནྣདནྟཱི ཝིཛཱནཱཧི, ཛཱཏཾ སརཎཏོ བྷཡཾ.

ཨཔི ¶ ཙེཔི དུབྦལོ མིཏྟོ, མིཏྟདྷམྨེསུ ཏིཊྛཏི;

སོ ཉཱཏཀོ ཙ བནྡྷུ ཙ, སོ མིཏྟོ སོ ཙ མེ སཁཱ;

དཱཋིནི ¶ མཱཏིམཉྙིཏྠོ [མཉྙིཝོ (སྱཱ.), མཉྙཝ྄ཧོ (ཀ.)], སིངྒཱལོ མམ པཱཎདོཏི.

ནཡིདཾ ཝིསམསཱིལེན, སོཎེན སུཧནཱུ སཧ;

སུཧནཱུཔི ཏཱདིསོཡེཝ, ཡོ སོཎསྶ སགོཙརོ.

པཀྑནྡིནཱ པགབྦྷེན, ནིཙྩཾ སནྡཱནཁཱདིནཱ;

སམེཏི པཱཔཾ པཱཔེན, སམེཏི ཨསཏཱ ཨསནྟི.

ཨུདེཏཡཾ ཙཀྑུམཱ ཨེཀརཱཛཱ, ཧརིསྶཝཎྞོ པཐཝིཔྤབྷཱསོ [པཋཝིཔྤབྷཱསོ (སཱི. སྱཱ. པཱི.)];

ཏཾ ཏཾ ནམསྶཱམི ཧརིསྶཝཎྞཾ པཐཝིཔྤབྷཱསཾ, ཏཡཱཛྫ གུཏྟཱ ཝིཧརེམུ དིཝསཾ.

ཡེ བྲཱཧྨཎཱ ཝེདགཱུ སབྦདྷམྨེ, ཏེ མེ ནམོ ཏེ ཙ མཾ པཱལཡནྟུ;

ནམཏྠུ བུདྡྷཱནཾ [བུདྡྷཱན (?)] ནམཏྠུ བོདྷིཡཱ, ནམོ ཝིམུཏྟཱནཾ [ཝིམུཏྟཱན (?)] ནམོ ཝིམུཏྟིཡཱ;

ཨིམཾ སོ པརིཏྟཾ ཀཏྭཱ, མོརོ ཙརཏི ཨེསནཱ.

ཨཔེཏཡཾ ¶ ¶ ཙཀྑུམཱ ཨེཀརཱཛཱ, ཧརིསྶཝཎྞོ པཐཝིཔྤབྷཱསོ;

ཏཾ ཏཾ ནམྨསྶཱམི ཧརིསྶཝཎྞཾ པཐཝིཔྤབྷཱསཾ, ཏཡཱཛྫ གུཏྟཱ ཝིཧརེམུ རཏྟིཾ.

ཡེ བྲཱཧྨཎཱ ཝེདགཱུ སབྦདྷམྨེ, ཏེ མེ ནམོ ཏེ ཙ མཾ པཱལཡནྟུ;

ནམཏྠུ བུདྡྷཱནཾ ནམཏྠུ བོདྷིཡཱ, ནམོ ཝིམུཏྟཱནཾ ནམོ ཝིམུཏྟིཡཱ;

ཨིམཾ སོ པརིཏྟཾ ཀཏྭཱ, མོརོ ཝཱསམཀཔྤཡཱིཏི.

ཨེཝམེཝ ནཱུན [ནུ (ཀ.)] རཱཛཱནཾ, ཝེདེཧཾ མིཐིལགྒཧཾ;

ཨསྶཱ ཝཧནྟི ཨཱཛཉྙཱ, ཡཐཱ ཧཾསཱ ཝིནཱིལཀཾ.

ཝིནཱིལ ¶ དུགྒཾ བྷཛསི, ཨབྷཱུམིཾ ཏཱཏ སེཝསི;

གཱམནྟཀཱནི [གཱམནྟིཀཱནི (སཱི.), གཱམནྟརཱནི (ཀ.)] སེཝསྶུ, ཨེཏཾ མཱཏཱལཡཾ ཏཝཱཏི.

ཝརབལླིཀ ¶ དདྡར སཱུཀརཀོ, ཨུརགཱུཏྟམ པཉྩམབྷགྒཝརོ;

མཧཏཱིཙམུ ཡཱཝ སིངྒཱལཝརོ, སུཧནུཏྟམ མོར ཝིནཱིལཾ དསཱཏི.

ན ¶ སནྠཝཾ [སནྡྷཝཾ (ཀ.)] ཀཱཔུརིསེན ཀཡིརཱ, ཨརིཡོ ཨནརིཡེན པཛཱནམཏྠཾ;

ཙིརཱནུཝུཏྠོཔི ཀརོཏི པཱཔཾ, གཛོ ཡཐཱ ཨིནྡསམཱནགོཏྟཾ.

ཡཾ ཏྭེཝ ཛཉྙཱ སདིསོ མམནྟི, སཱིལེན པཉྙཱཡ སུཏེན ཙཱཔི;

ཏེནེཝ མེཏྟིཾ ཀཡིརཱཐ སདྡྷིཾ, སུཁོ ཧཝེ སཔྤུརིསེན སངྒམོཏི.

ན ¶ སནྠཝསྨཱ པརམཏྠི པཱཔིཡོ, ཡོ སནྠཝོ [སནྡྷཝོ (ཀ.)] ཀཱཔུརིསེན ཧོཏི;

སནྟཔྤིཏོ སཔྤིནཱ པཱཡསེན [པཱཡཱསེན (ཀ.)], ཀིཙྪཱཀཏཾ པཎྞཀུཊིཾ ཨདཡ྄ཧི [ཨདཌྜྷཧི (སཱི. སྱཱ.), ཨདཊྛཧི (པཱི.), ཨདདྡཧི (?)].

ན སནྠཝསྨཱ པརམཏྠི སེཡྻོ, ཡོ སནྠཝོ སཔྤུརིསེན ཧོཏི;

སཱིཧསྶ བྱགྒྷསྶ ཙ དཱིཔིནོ ཙ, སཱམཱ མུཁཾ ལེཧཏི སནྠཝེནཱཏི.

ཀཱལཱ༹ མིགཱ སེཏདནྟཱ ཏཝཱིམེ [ཏཝ ཨིམེ (སཱི. སྱཱ. པཱི.)], པརོསཏཾ ཧེམཛཱལཱབྷིཚནྣཱ [ཧེམཛཱལཱབྷིསཉྪནྣཱ (སཱི.)];

ཏེ ཏེ དདཱམཱིཏི སུསཱིམ བྲཱུསི, ཨནུསྶརཾ ¶ པེཏྟིཔིཏཱམཧཱནཾ.

ཀཱལཱ༹ ¶ ¶ མིགཱ སེཏདནྟཱ མམཱིམེ [མམ ཨིམེ (སཱི. པཱི.)], པརོསཏཾ ཧེམཛཱལཱབྷིཙྪནྣཱ;

ཏེ ཏེ དདཱམཱིཏི ཝདཱམི མཱཎཝ, ཨནུསྶརཾ པེཏྟིཔིཏཱམཧཱནནྟི.

ཡཾ ནུ གིཛ྄ཛྷོ ཡོཛནསཏཾ, ཀུཎཔཱནི ཨཝེཀྑཏི;

ཀསྨཱ ཛཱལཉྩ པཱསཉྩ, ཨཱསཛྫཱཔི ན བུཛ྄ཛྷསི.

ཡདཱ པརཱབྷཝོ ཧོཏི, པོསོ ཛཱིཝིཏསངྑཡེ;

ཨཐ ཛཱལཉྩ པཱསཉྩ, ཨཱསཛྫཱཔི ན བུཛ྄ཛྷཏཱིཏི.

སནྡྷིཾ ཀཏྭཱ ཨམིཏྟེན, ཨཎྜཛེན ཛལཱབུཛ;

ཝིཝརིཡ དཱཋཾ སེསི [སཡསི (སཱི. སྱཱ. པཱི.)], ཀུཏོ ཏེ བྷཡམཱགཏཾ.

སངྐེཐེཝ [སངྐཏེཝ (ཀ.)] ཨམིཏྟསྨིཾ, མིཏྟསྨིམྤི ན ཝིསྶསེ;

ཨབྷཡཱ བྷཡམུཔྤནྣཾ, ཨཔི མཱུལཱནི ཀནྟཏཱིཏི [མཱུལཾ ནིཀནྟཏཱིཏི (སཱི.)].

ཨུཔསཱལ༹ཀནཱམཱནི [ཨུཔསཱལ༹ྷཀནཱམཱནཾ (སཱི. སྱཱ. པཱི.)], སཧསྶཱནི ཙཏུདྡས;

ཨསྨིཾ པདེསེ དཌྜྷཱནི, ནཏྠི ལོཀེ ཨནཱམཏཾ.

ཡམྷི ¶ སཙྩཉྩ དྷམྨོ ཙ, ཨཧིཾསཱ སཾཡམོ དམོ;

ཨེཏཾ ཨརིཡཱ སེཝནྟི, ཨེཏཾ ལོཀེ ཨནཱམཏནྟི.

ཨབྷུཏྭཱ ¶ བྷིཀྑསི བྷིཀྑུ, ན ཧི བྷུཏྭཱན བྷིཀྑསི;

བྷུཏྭཱན བྷིཀྑུ བྷིཀྑསྶུ, མཱ ཏཾ ཀཱལོ ཨུཔཙྩགཱ.

ཀཱལཾ ¶ ཝོཧཾ ན ཛཱནཱམི, ཚནྣོ ཀཱལོ ན དིསྶཏི;

ཏསྨཱ ཨབྷུཏྭཱ བྷིཀྑཱམི, མཱ མཾ ཀཱལོ ཨུཔཙྩགཱཏི.

སེནོ བལསཱ པཏམཱནོ, ལཱཔཾ གོཙརཋཱཡིནཾ;

སཧསཱ ཨཛ྄ཛྷཔྤཏྟོཝ, མརཎཾ ཏེནུཔཱགམི.

སོཧཾ ནཡེན སམྤནྣོ, པེཏྟིཀེ གོཙརེ རཏོ;

ཨཔེཏསཏྟུ མོདཱམི, སམྤསྶཾ ཨཏྠམཏྟནོཏི.

ཡོ ཝེ མེཏྟེན ཙིཏྟེན, སབྦལོཀཱནུཀམྤཏི;

ཨུདྡྷཾ ¶ ཨདྷོ ཙ ཏིརིཡཾ, ཨཔྤམཱཎེན སབྦསོ.

ཨཔྤམཱཎཾ ཧིཏཾ ཙིཏྟཾ, པརིཔུཎྞཾ སུབྷཱཝིཏཾ;

ཡཾ པམཱཎཀཏཾ ཀམྨཾ, ན ཏཾ ཏཏྲཱཝསིསྶཏཱིཏི.

ནཱཡཾ པུརེ ཨུཎྞམཏི [ཨུནྣམཏི (སྱཱ.)], ཏོརཎགྒེ ཀཀཎྚཀོ;

མཧོསདྷ ཝིཛཱནཱཧི, ཀེན ཐདྡྷོ ཀཀཎྚཀོ.

ཨལདྡྷཔུབྦཾ ལདྡྷཱན, ཨཌྜྷམཱསཾ ཀཀཎྚཀོ;

ཨཏིམཉྙཏི རཱཛཱནཾ, ཝེདེཧཾ མིཐིལགྒཧནྟི.

ཨཐ ¶ ཨིནྡསམཱན སཔཎྞཀུཊི, སུསིམུཏྟམ གིཛ྄ཛྷ ཛལཱབུཛཀོ;

ཨུཔསཱལ༹ཀ བྷིཀྑུ སལཱཔཝརོ, ཨཐ མེཏྟཝརོ དསཔུཎྞམཏཱིཏི.

ཀལྱཱཎདྷམྨོཏི ¶ ¶ ཡདཱ ཛནིནྡ, ལོཀེ སམཉྙཾ ཨནུཔཱཔུཎཱཏི;

ཏསྨཱ ན ཧིཡྻེཐ [ཧཱིཡེཐ (སཱི.)] ནརོ སཔཉྙོ, ཧིརིཡཱཔི སནྟོ དྷུརམཱདིཡནྟི.

སཱཡཾ སམཉྙཱ ཨིདྷ མཛྫ པཏྟཱ, ཀལྱཱཎདྷམྨོཏི ཛནིནྡ ལོཀེ;

ཏཱཧཾ སམེཀྑཾ ཨིདྷ པབྦཛིསྶཾ, ན ཧི མཏྠི ཚནྡོ ཨིདྷ ཀཱམབྷོགེཏི.

ཀོ ནུ སདྡེན མཧཏཱ, ཨབྷིནཱདེཏི དདྡརཾ;

ཏཾ སཱིཧཱ ནཔྤཊིནདནྟི [ཀིཾ སཱིཧཱ ནཔྤཊིནདནྟི (སཱི. པཱི.), ན སཱིཧཱ པཊིནདནྟི (ཀ.)], ཀོ ནཱམེསོ མིགཱདྷིབྷཱུ.

ཨདྷམོ མིགཛཱཏཱནཾ, སིངྒཱལོ ཏཱཏ ཝསྶཏི;

ཛཱཏིམསྶ ཛིགུཙྪནྟཱ, ཏུཎྷཱི སཱིཧཱ སམཙྪརེཏི.

ཏཱཏ ¶ ¶ མཱཎཝཀོ ཨེསོ, ཏཱལམཱུལཾ ཨཔསྶིཏོ;

ཨགཱརཀཉྩིདཾ ཨཏྠི, ཧནྡ དེམསྶགཱརཀཾ.

མཱ ཁོ ཏྭཾ ཏཱཏ པཀྐོསི, དཱུསེཡྻ ནོ ཨགཱརཀཾ;

ནེཏཱདིསཾ མུཁཾ ཧོཏི, བྲཱཧྨཎསྶ སུསཱིལིནོཏི.

ཨདམྷ ཏེ ཝཱརི པཧཱུཏརཱུཔཾ, གྷམྨཱབྷིཏཏྟསྶ པིཔཱསིཏསྶ;

སོ དཱནི པིཏྭཱན [པཱིཏྭཱན (སཱི. པཱི.)] ཀིརིངྐརོསི [ཀིཀིཾཀརོསི (སཱི. སྱཱ. པཱི.)], ཨསངྒམོ པཱཔཛནེན སེཡྻོ.

ཀོ ཏེ སུཏོ ཝཱ དིཊྛོ ཝཱ, སཱིལཝཱ ནཱམ མཀྐཊོ;

ཨིདཱནི ཁོ ཏཾ ཨོཧཙྪཾ [ཨཱུཧཙྩ (སཱི. པཱི.), ཨོཧཙྩཾ (སྱཱ.), ཨུཧཛྫཾ (ཀ.)], ཨེསཱ ཨསྨཱཀ དྷམྨཏཱཏི.

སབྦེསུ ¶ ཀིར བྷཱུཏེསུ, སནྟི སཱིལསམཱཧིཏཱ;

པསྶ སཱཁཱམིགཾ ཛམྨཾ, ཨཱདིཙྩམུཔཏིཊྛཏི.

ནཱསྶ སཱིལཾ ཝིཛཱནཱཐ, ཨནཉྙཱཡ པསཾསཐ;

ཨགྒིཧུཏྟཉྩ ¶ ཨུཧནྣཾ [ཨཱུཧནྟཾ (སཱི.), ཨཱུཧནཾ (སྱཱ.), ཨཱུཧནྟི (པཱི.), ཨུཧདཾ (ཀ.)], དྭེ ཙ བྷིནྣཱ ཀམཎྜལཱུཏི.

བཱལོ ¶ ཝཏཱཡཾ དུམསཱཁགོཙརོ, པཉྙཱ ཛནིནྡ ནཡིམསྶ ཝིཛྫཏི;

ཀལཱ༹ཡམུཊྛིཾ [ཀལཱཡམུཊྛིཾ (སཱི. པཱི.)] ཨཝཀིརིཡ ཀེཝལཾ, ཨེཀཾ ཀལཱ༹ཡཾ པཏིཏཾ གཝེསཏི.

ཨེཝམེཝ མཡཾ རཱཛ, ཡེ ཙཉྙེ ཨཏིལོབྷིནོ;

ཨཔྤེན བཧུཾ ཛིཡྻཱམ, ཀལཱ༹ཡེནེཝ ཝཱནརོཏི.

དྷནུཧཏྠཀལཱཔེཧི, ནེཏྟིཾ སཝརདྷཱརིབྷི;

སམནྟཱ པརིཀིཎྞམྷ, ཀཐཾ མོཀྑོ བྷཝིསྶཏི.

ཨཔྤེཝ བཧུཀིཙྩཱནཾ, ཨཏྠོ ཛཱཡེཐ ཀོཙི ནཾ;

ཨཏྠི རུཀྑསྶ ཨཙྪིནྣཾ, ཁཛྫཐཉྙེཝ ཏིནྡུཀནྟི.

ཛནིཏྟཾ ¶ མེ བྷཝིཏྟཾ མེ, ཨིཏི པངྐེ ཨཝསྶཡིཾ;

ཏཾ མཾ པངྐོ ཨཛ྄ཛྷབྷཝི, ཡཐཱ དུབྦལཀཾ ཏཐཱ;

ཏཾ ཏཾ ཝདཱམི བྷགྒཝ, སུཎོཧི ཝཙནཾ མམ.

གཱམེ ཝཱ ཡདི ཝཱ རཉྙེ, སུཁཾ ཡཏྲཱདྷིགཙྪཏི;

ཏཾ ཛནིཏྟཾ བྷཝིཏྟཉྩ, པུརིསསྶ པཛཱནཏོ;

ཡམྷི ཛཱིཝེ ཏམྷི གཙྪེ, ན ནིཀེཏཧཏོ སིཡཱཏི.

ཏཉྩ ¶ ཨཔྤཉྩ ཨུཙྪིཊྛཾ, ཏཉྩ ཀིཙྪེན ནོ ཨདཱ;

སོཧཾ བྲཱཧྨཎཛཱཏིཀོ, ཡཾ བྷུཏྟཾ ཏམྤི ཨུགྒཏཾ.

ཨེཝཾ ¶ དྷམྨཾ ནིརཾཀཏྭཱ [ནིརཱཀཏྭཱ (?) ནི + ཨཱ + ཀར + ཏྭཱ], ཡོ ཨདྷམྨེན ཛཱིཝཏི;

སཏདྷམྨོཝ ལཱབྷེན, ལདྡྷེནཔི ན ནནྡཏཱིཏི.

དུདྡདཾ དདམཱནཱནཾ, དུཀྐརཾ ཀམྨ ཀུབྦཏཾ;

ཨསནྟོ ནཱནུཀུབྦནྟི, སཏཾ དྷམྨོ དུརནྣཡོ.

ཏསྨཱ སཏཉྩ ཨསཏཾ, ནཱནཱ ཧོཏི ཨིཏོ གཏི;

ཨསནྟོ ¶ ནིརཡཾ ཡནྟི, སནྟོ སགྒཔརཱཡཎཱཏི [པརཱཡནཱ (སྱཱ. ཀ.)].

སུསམཉྙམིགཱདྷིབྷཱུ མཱཎཝཀོ, ཝཱརིཔཧཱུཏརཱུཔཱདིཙྩུཔཊྛཱནཱ;

སཀལཱ༹ཡསཏིནྡུཀཔངྐ པུན, སཏདྷམྨ སུདུདྡདཀེན དསཱཏི.

དྷནུགྒཧོ ཨསདིསོ, རཱཛཔུཏྟོ མཧབྦལོ;

དཱུརེཔཱཏཱི ཨཀྑཎཝེདྷཱི, མཧཱཀཱཡཔྤདཱལནོ.

སབྦཱམིཏྟེ རཎཾ ཀཏྭཱ, ན ཙ ཀཉྩི ཝིཧེཋཡི;

བྷཱཏརཾ སོཏྠིཾ ཀཏྭཱན, སཾཡམཾ ཨཛ྄ཛྷུཔཱགམཱིཏི.

སངྒཱམཱཝཙརོ ¶ ¶ སཱུརོ, བལཝཱ ཨིཏི ཝིསྶུཏོ;

ཀིཾ ¶ ནུ ཏོརཎམཱསཛྫ, པཊིཀྐམསི ཀུཉྫར.

ཨོམདྡ ཁིཔྤཾ པལིགྷཾ, ཨེསིཀཱནི ཙ ཨབྦཧ [ཨུབྦཧ (སྱཱ.), ཨབྦྷུཧ (ཀ.)];

ཏོརཎཱནི ཙ མདྡིཏྭཱ, ཁིཔྤཾ པཝིས ཀུཉྫརཱཏི.

ཝཱལོདཀཾ ཨཔྤརསཾ ནིཧཱིནཾ, པིཏྭཱ [པཱིཏྭཱ (སཱི. པཱི.)] མདོ ཛཱཡཏི གདྲབྷཱནཾ;

ཨིམཉྩ པིཏྭཱན རསཾ པཎཱིཏཾ, མདོ ན སཉྫཱཡཏི སིནྡྷཝཱནཾ.

ཨཔྤཾ པིཝིཏྭཱན ནིཧཱིནཛཙྩོ, སོ མཛྫཏཱི ཏེན ཛནིནྡ པུཊྛོ [ཕུཊྛོ (སཱི. སྱཱ.), མུཊྛོ (ཀ.)];

དྷོརཡ྄ཧསཱིལཱི ཙ ཀུལམྷི ཛཱཏོ, ན མཛྫཏཱི ཨགྒརསཾ པིཝིཏྭཱཏི.

དཱུསིཏོ གིརིདཏྟེན [གིརིདནྟེན (པཱི.)], ཧཡོ སཱམསྶ པཎྜཝོ;

པོརཱཎཾ པཀཏིཾ ཧིཏྭཱ, ཏསྶེཝཱནུཝིདྷིཡྻཏི [ནུཝིདྷཱིཡཏི (སཱི. པཱི.)].

སཙེ ¶ ཙ ཏནུཛོ པོསོ, སིཁརཱཀཱར [སིངྒཱརཱཀཱར (སྱཱ.)] ཀཔྤིཏོ;

ཨཱནནེ ནཾ [ཏཾ (སཱི. སྱཱ. པཱི.)] གཧེཏྭཱན, མཎྜལེ པརིཝཏྟཡེ;

ཁིཔྤམེཝ པཧནྟྭཱན, ཏསྶེཝཱནུཝིདྷིཡྻཏཱིཏི.

ཡཐོདཀེ ¶ ཨཱཝིལེ ཨཔྤསནྣེ, ན པསྶཏི སིཔྤིཀསམྦུཀཉྩ;

སཀྑརཾ ཝཱལུཀཾ མཙྪགུམྦཾ, ཨེཝཾ ཨཱཝིལམྷི [ཨཱཝིལེ ཧི (སཱི.)] ཙིཏྟེ;

ཡཐོདཀེ ¶ ཨཙྪེ ཝིཔྤསནྣེ, སོ པསྶཏི སིཔྤིཀསམྦུཀཉྩ;

སཀྑརཾ ཝཱལུཀཾ མཙྪགུམྦཾ, ཨེཝཾ ཨནཱཝིལམྷི ཙིཏྟེ;

ཝཎྞགནྡྷརསཱུཔེཏོ ¶ , ཨམྦོཡཾ ཨཧུཝཱ པུརེ;

ཏམེཝ པཱུཛཾ ལབྷམཱནོ, ཀེནམྦོ ཀཊུཀཔྥལོ.

པུཙིམནྡཔརིཝཱརོ, ཨམྦོ ཏེ དདྷིཝཱཧན;

མཱུལཾ མཱུལེན སཾསཊྛཾ, སཱཁཱ སཱཁཱ [སཱཁཾ (སྱཱ. ཀ.)] ནིསེཝརེ [ནིཝཱིསརེ (ཀ.)];

ཨསཱཏསནྣིཝཱསེན, ཏེནམྦོ ཀཊུཀཔྥལོཏི.

ཨུཙྩེ ཝིཊབྷིམཱརུཡ྄ཧ, མནྟཡཝ྄ཧོ རཧོགཏཱ;

ནཱིཙེ ཨོརུཡ྄ཧ མནྟཝ྄ཧོ, མིགརཱཛཱཔི སོསྶཏི.

ཡཾ སུཝཎྞོ སུཝཎྞེན [ཡཾ སུཔཎྞོ སུཔཎྞེན (སཱི. སྱཱ. པཱི.)], དེཝོ དེཝེན མནྟཡེ;

ཀིཾ ཏེཏྠ ཙཏུམཊྛསྶ, བིལཾ པཝིས ཛམྦུཀཱཏི.

སཱིཧངྒུལཱི ¶ སཱིཧནཁོ, སཱིཧཔཱདཔཏིཊྛིཏོ;

སོ སཱིཧོ སཱིཧསངྒྷམྷི, ཨེཀོ ནདཏི ཨཉྙཐཱ.

མཱ ¶ ཏྭཾ ནདི རཱཛཔུཏྟ, ཨཔྤསདྡོ ཝནེ ཝས;

སརེན ཁོ [མཱ (ཀ.)] ཏཾ ཛཱནེཡྻུཾ, ན ཧི ཏེ པེཏྟིཀོ སརོཏི.

ནེཏཾ སཱིཧསྶ ནདིཏཾ, ན བྱགྒྷསྶ ན [བྱགྒྷསྶ ན ཙ (ཀ.)] དཱིཔིནོ;

པཱརུཏོ སཱིཧཙམྨེན, ཛམྨོ ནདཏི གདྲབྷོ.

ཙིརམྤི ¶ ཁོ ཏཾ ཁཱདེཡྻ, གདྲབྷོ ཧརིཏཾ ཡཝཾ;

པཱརུཏོ སཱིཧཙམྨེན, རཝམཱནོཝ དཱུསཡཱིཏི.

པསྶ སདྡྷཱཡ སཱིལསྶ, ཙཱགསྶ ཙ ཨཡཾ ཕལཾ;

ནཱགོ ནཱཝཱཡ ཝཎྞེན, སདྡྷཾ ཝཧཏུཔཱསཀཾ.

སབྦྷིརེཝ སམཱསེཐ, སབྦྷི ཀུབྦེཐ སནྠཝཾ;

སཏཉྷི སནྣིཝཱསེན, སོཏྠིཾ གཙྪཏི ནྷཱཔིཏོཏི.

དྷནུགྒཧ ¶ ཀུཉྫར ཨཔྤརསོ, གིརིདཏྟམནཱཝིལཙིཏྟཝརཾ;

དདྷིཝཱཧན ཛམྦཱུཀ སཱིཧནཁོ, ཧརིཏཡཝ ནཱགཝརེན དསཱཏི.

ཨཔི ¶ [ཨམྦྷོ (སྱཱ. ཀ. སཱི.)] རུཧཀ ཚིནྣཱཔི, ཛིཡཱ སནྡྷཱིཡཏེ པུན;

སནྡྷཱིཡསྶུ པུརཱཎིཡཱ, མཱ ཀོདྷསྶ ཝསཾ གམི.

ཝིཛྫམཱནེསུ ཝཱཀེསུ [ཝིཛྫམཱནཱསུ མརུཝཱསུ (སཱི.), ཝིཛྫམཱནཱསུ མརཱུདྭཱསུ (པཱི.)], ཝིཛྫམཱནེསུ ཀཱརིསུ;

ཨཉྙཾ ཛིཡཾ ཀརིསྶཱམི, ཨལཉྙེཝ པུརཱཎིཡཱཏི.

ཨིཏྠཱི སིཡཱ རཱུཔཝཏཱི, སཱ ཙ སཱིལཝཏཱི སིཡཱ;

པུརིསོ ཏཾ ན ཨིཙྪེཡྻ, སདྡཧཱསི མཧོསདྷ.

སདྡཧཱམི ¶ མཧཱརཱཛ, པུརིསོ དུབྦྷགོ སིཡཱ;

སིརཱི ¶ ཙ ཀཱལ༹ཀཎྞཱི ཙ, ན སམེནྟི ཀུདཱཙནནྟི.

ཨཡམེཝ སཱ ཨཧམཔི [ཨཧམྤི (སཱི. སྱཱ. པཱི.), ཨཧསྨི (ཀ.)] སོ ཨནཉྙོ, ཨཡམེཝ སོ ཧཏྠཙྪིནྣོ ཨནཉྙོ;

ཡམཱཧ ‘‘ཀོམཱརཔཏཱི མམ’’ནྟི, ཝཛ྄ཛྷིཏྠིཡོ ནཏྠི ཨིཏྠཱིསུ སཙྩཾ.

ཨིམཉྩ ཛམྨཾ མུསལེན ཧནྟྭཱ, ལུདྡཾ ཚཝཾ པརདཱརཱུཔསེཝིཾ;

ཨིམིསྶཱ ཙ ནཾ པཱཔཔཏིབྦཏཱཡ, ཛཱིཝནྟིཡཱ ཚིནྡཐ ཀཎྞནཱསནྟི.

ན ¶ སནྟི དེཝཱ པཝསནྟི ནཱུན, ན ཧི ནཱུན སནྟི ཨིདྷ ལོཀཔཱལཱ;

སཧསཱ ཀརོནྟཱནམསཉྙཏཱནཾ, ན ཧི ནཱུན སནྟཱི པཊིསེདྷིཏཱརོ.

ཨཀཱལེ ཝསྶཏཱི ཏསྶ, ཀཱལེ ཏསྶ ན ཝསྶཏི;

སགྒཱ ¶ ཙ ཙཝཏི ཋཱནཱ, ནནུ སོ ཏཱཝཏཱ ཧཏོཏི.

པབྦཏཱུཔཏྠརེ [པབྦཏཔཏྠརེ (སཱི. སྱཱ. པཱི.)] རམྨེ, ཛཱཏཱ པོཀྑརཎཱི སིཝཱ;

ཏཾ སིངྒཱལོ ཨཔཱཔཱཡི [ཨཔཱཔཱསི (སཱི. སྱཱ. པཱི.)], ཛཱནཾ སཱིཧེན རཀྑིཏཾ.

པིཝནྟི ཙེ [པིཝནྟི ཝེ (སཱི.), པིཝནྟིཝ (པཱི.), པིཝནྟེཝ (?)] མཧཱརཱཛ, སཱཔདཱནི མཧཱནདིཾ;

ན ཏེན ཨནདཱི ཧོཏི, ཁམསྶུ ཡདི ཏེ པིཡཱཏི.

པབྦཏཱུཔཏྠར [པབྦཏཔཏྠར (སཱི. སྱཱ. པཱི.)] ཛཱཏཀཾ པཉྩམཾ.

ཡེ ན ཀཱཧནྟི ཨོཝཱདཾ, ནརཱ བུདྡྷེན དེསིཏཾ;

བྱསནཾ ཏེ གམིསྶནྟི, རཀྑསཱིཧིཝ ཝཱཎིཛཱ.

ཡེ ¶ ཙ ཀཱཧནྟི ཨོཝཱདཾ, ནརཱ བུདྡྷེན དེསིཏཾ;

སོཏྠིཾ པཱརཾ གམིསྶནྟི, ཝལཱཧེནེཝ [ཝཱལཱཧེནེཝ (སཱི. པཱི.)] ཝཱཎིཛཱཏི.

ཝལཱཧཀསྶ [ཝཱལཱཧསྶ (སཱི. པཱི.)] ཛཱཏཀཾ ཚཊྛཾ.

ན ནཾ ཨུམྷཡཏེ དིསྭཱ, ན ཙ ནཾ པཊིནནྡཏི;

ཙཀྑཱུནི ཙསྶ ན དདཱཏི, པཊིལོམཉྩ ཝཏྟཏི.

ཨེཏེ ¶ ¶ བྷཝནྟི ཨཱཀཱརཱ, ཨམིཏྟསྨིཾ པཏིཊྛིཏཱ;

ཡེཧི ཨམིཏྟཾ ཛཱནེཡྻ, དིསྭཱ སུཏྭཱ ཙ པཎྜིཏོཏི.

པཝཱསཱ ཨཱགཏོ ཏཱཏ, ཨིདཱནི ནཙིརཱགཏོ;

ཀཙྩིནྣུ ཏཱཏ ཏེ མཱཏཱ, ན ཨཉྙམུཔསེཝཏི.

ན ཁོ པནེཏཾ སུབྷཎཾ, གིརཾ སཙྩུཔསཾཧིཏཾ;

སཡེཐ པོཊྛཔཱདོཝ, མུམྨུརེ [མུམྨུརེ (སྱཱ.), མཾ པུརེ (ཀ.) མུམྨུརསདྡོ ཐུསགྒིམྷི ཀུཀྐུལེ༹ ཙ ཝཏྟཏཱིཏི སཀྐཏཱབྷིདྷཱནེསུ] ཨུཔཀཱུཐིཏོཏི [ཨུཔཀཱུསིཏོཏི (སཱི. སྱཱ. པཱི.), ཨུཔཀཱུལིཏོ (ཀ.)].

ཨུབྷཡཾ མེ ན ཁམཏི, ཨུབྷཡཾ མེ ན རུཙྩཏི;

ཡཱཙཱཡཾ ཀོཊྛམོཏིཎྞཱ, ནཱདྡསཾ ཨིཏི བྷཱསཏི.

ཏཾ ཏཾ གཱམཔཏི བྲཱུམི, ཀདརེ ཨཔྤསྨི ཛཱིཝིཏེ;

དྭེ མཱསེ སངྒརཾ ཀཏྭཱ [ཀཱརཾ ཀཏྭཱན (སཱི. པཱི.), སཾཀརཾ ཀཏྭཱ (ཀ.)], མཾསཾ ཛརགྒཝཾ ཀིསཾ;

ཨཔྤཏྟཀཱལེ ཙོདེསི, ཏམྤི མཡ྄ཧཾ ན རུཙྩཏཱིཏི.

སརཱིརདབྱཾ ¶ ཝུཌྜྷབྱཾ [ཝདྡྷབྱཾ (སཱི. པཱི.)], སོཛཙྩཾ སཱདྷུསཱིལིཡཾ;

བྲཱཧྨཎཾ ཏེཝ པུཙྪཱམ, ཀནྣུ ཏེསཾ ཝནིམྷསེ [ཝཎིམྷསེ (སཱི. པཱི.)].

ཨཏྠོ ¶ ཨཏྠི སརཱིརསྨིཾ, ཝུཌྜྷབྱསྶ ནམོ ཀརེ;

ཨཏྠོ ཨཏྠི སུཛཱཏསྨིཾ, སཱིལཾ ཨསྨཱཀ རུཙྩཏཱིཏི.

ཨཔིརུཧཀ ¶ རཱུཔཝཏཱི མུསལོ, པཝསནྟི སཔཉྩམཔོཀྑརཎཱི;

ཨཐ མུཏྟིམཝཱཎིཛ ཨུམྷཡཏེ, ཙིརཨཱགཏ ཀོཊྛ སརཱིར དསཱཏི.

ན ཏཾ དལ༹ྷཾ བནྡྷནམཱཧུ དྷཱིརཱ, ཡདཱཡསཾ དཱརུཛཔབྦཛཉྩ [བབྦཛཉྩ (སཱི.)];

སཱརཏྟརཏྟཱ མཎིཀུཎྜལེསུ, པུཏྟེསུ ¶ དཱརེསུ ཙ ཡཱ ཨཔེཀྑཱ.

ཨེཏཾ དལ༹ྷཾ བནྡྷནམཱཧུ དྷཱིརཱ, ཨོཧཱརིནཾ སིཐིལཾ དུཔྤམུཉྩཾ;

ཨེཏམྤི ཚེཏྭཱན ཝཛནྟི དྷཱིརཱ, ཨནཔེཀྑིནོ ཀཱམསུཁཾ པཧཱཡཱཏི.

ཧཾསཱ ཀོཉྩཱ མཡཱུརཱ ཙ, ཧཏྠཡོ [ཧཏྠིནོ (སཱི.), ཧཏྠིཡོ (སྱཱ. པཱི.)] པསདཱ མིགཱ;

སབྦེ སཱིཧསྶ བྷཱཡནྟི, ནཏྠི ཀཱཡསྨི ཏུལྱཏཱ.

ཨེཝམེཝ མནུསྶེསུ, དཧརོ ཙེཔི པཉྙཝཱ;

སོ ཧི ཏཏྠ མཧཱ ཧོཏི, ནེཝ བཱལོ སརཱིརཝཱཏི.

ཝིརཱུཔཀྑེཧི མེ མེཏྟཾ, མེཏྟཾ ཨེརཱཔཐེཧི མེ;

ཚབྱཱཔུཏྟེཧི མེ མེཏྟཾ, མེཏྟཾ ཀཎྷཱགོཏམཀེཧི ཙ.

ཨཔཱདཀེཧི ¶ ¶ མེ མེཏྟཾ, མེཏྟཾ དྭིཔཱདཀེཧི མེ;

ཙཏུཔྤདེཧི མེ མེཏྟཾ, མེཏྟཾ བཧུཔྤདེཧི མེ.

མཱ ¶ མཾ ཨཔཱདཀོ ཧིཾསི, མཱ མཾ ཧིཾསི དྭིཔཱདཀོ;

མཱ མཾ ཙཏུཔྤདོ ཧིཾསི, མཱ མཾ ཧིཾསི བཧུཔྤདོ.

སབྦེ སཏྟཱ སབྦེ པཱཎཱ, སབྦེ བྷཱུཏཱ ཙ ཀེཝལཱ;

སབྦེ བྷདྲཱནི པསྶནྟུ, མཱ ཀཉྩི [ཀིཉྩི (སྱཱ. ཀ.)] པཱཔམཱགམཱ.

ཨཔྤམཱཎོ སངྒྷོ, པམཱཎཝནྟཱནི སརཱིསཔཱནི [སིརིསཔཱནི (སཱི. སྱཱ. པཱི.)];

ཨཧིཝིཙྪིཀསཏཔདཱི, ཨུཎྞནཱབྷི [ཨུཎྞཱནཱབྷི (སཱི. སྱཱ. པཱི.)] སརབཱུམཱུསིཀཱ.

ཀཏཱ མེ རཀྑཱ ཀཏཱ མེ པརིཏྟཱ, པཊིཀྐམནྟུ བྷཱུཏཱནི;

སོཧཾ ནམོ བྷགཝཏོ, ནམོ སཏྟནྣཾ སམྨཱསམྦུདྡྷཱནནྟི.

ཨཔི ཝཱིརཀ པསྶེསི, སཀུཎཾ མཉྫུབྷཱཎཀཾ;

མཡཱུརགཱིཝསངྐཱསཾ, པཏིཾ མཡ྄ཧཾ སཝིཊྛཀཾ.

ཨུདཀཐལཙརསྶ པཀྑིནོ, ནིཙྩཾ ཨཱམཀམཙྪབྷོཛིནོ;

ཏསྶཱནུཀརཾ སཝིཊྛཀོ, སེཝཱལེ པལིགུཎྛིཏོ མཏོཏི.

སོབྷཏི མཙྪོ གངྒེཡྻོ, ཨཐོ སོབྷཏི ཡཱམུནོ [སོབྷནྟི མཙྪཱ གངྒེཡྻཱ, ཨཐོ སོབྷནྟི ཡཱམུནཱ (སྱཱ. པཱི.)];

ཙཏུཔྤདོཡཾ ¶ པུརིསོ, ནིགྲོདྷཔརིམཎྜལོ;

ཨཱིསཀཱཡཏ [ཨཱིསམཱཡཏ (ཀ.)] གཱིཝོ ཙ, སབྦེཝ ཨཏིརོཙཏི.

ཡཾ ¶ པུཙྪིཏོ ན ཏཾ ཨཀྑཱསི [ཨཀྑཱ (སཱི. སྱཱ. པཱི.)], ཨཉྙཾ ཨཀྑཱསི [ཨཀྑཱཏི (སྱཱ. པཱི.)] པུཙྪིཏོ;

ཨཏྟཔྤསཾསཀོ པོསོ, ནཱཡཾ ཨསྨཱཀ རུཙྩཏཱིཏི.

ཨིངྒྷ ¶ ཝདྡྷམཡཾ [ཝདྡྷམཡཾ (སཱི. སྱཱ. པཱི.)] པཱསཾ, ཚིནྡ དནྟེཧི ཀཙྪཔ;

ཨཧཾ ཏཐཱ ཀརིསྶཱམི, ཡཐཱ ནེཧིཏི ལུདྡཀོ.

ཀཙྪཔོ པཱཝིསཱི ཝཱརིཾ, ཀུརུངྒོ པཱཝིསཱི ཝནཾ;

སཏཔཏྟོ དུམགྒམྷཱ, དཱུརེ པུཏྟེ ཨཔཱནཡཱིཏི.

ཨཡམསྶཀརཱཛེན, དེསོ ཝིཙརིཏོ མཡཱ;

ཨནུཀཱམཡ ཀཱམེན [ཨནུཀཱམཡཝནུཀཱམེན (སཱི. པཱི.)], པིཡེན པཏིནཱ སཧ.

ནཝེན སུཁདུཀྑེན, པོརཱཎཾ ཨཔིདྷཱིཡཏི [ཨཔིཐཱིཡཏི (སཱི. པཱི.), ཨཔིཐིཡྻཏི (སྱཱ.)];

ཏསྨཱ ཨསྶཀརཉྙཱཝ, ཀཱིཊོ པིཡཏརོ མམཱཏི.

ཨལཾ ¶ མེཏེཧི ཨམྦེཧི, ཛམྦཱུཧི པནསེཧི ཙ;

ཡཱནི པཱརཾ སམུདྡསྶ, ཝརཾ མཡ྄ཧཾ ཨུདུམྦརོ.

མཧཏཱི ཝཏ ཏེ བོནྡི, ན ཙ པཉྙཱ ཏདཱུཔིཀཱ;

སུསུམཱར [སུཾསུམཱར (སཱི. སྱཱ. པཱི.)] ཝཉྩིཏོ མེསི, གཙྪ དཱནི ཡཐཱསུཁནྟི.

དིཊྛཱ ¶ མཡཱ ཝནེ རུཀྑཱ, ཨསྶཀཎྞཱ ཝིབྷཱིཊཀཱ [ཝིབྷེདཀཱ (སྱཱ. ཀ.)];

ན ཏཱནི ཨེཝཾ སཀྐནྟི, ཡཐཱ ཏྭཾ རུཀྑ སཀྐསི.

པུརཱཎཀུཀྐུཊོ [ཀཀྐརོ (སཱི. སྱཱ. པཱི.)] ཨཡཾ, བྷེཏྭཱ པཉྫརམཱགཏོ;

ཀུསལོ ཝཱལ༹པཱསཱནཾ, ཨཔཀྐམཏི བྷཱསཏཱིཏི.

ཀུཀྐུཊ [ཀཀྐར (སཱི. སྱཱ. པཱི.)] ཛཱཏཀཾ ནཝམཾ.

ཨམྦྷོ ¶ ཀོ ནཱམ ཡཾ རུཀྑོ, སིནྣཔཏྟོ [སཱིནཔཏྟོ (སཱི. པཱི.)] སཀཎྚཀོ;

ཡཏྠ ཨེཀཔྤཧཱརེན, ཨུཏྟམངྒཾ ཝིབྷིཛྫིཏཾ [ཝིསཱཊིཀཾ (སཱི. སྱཱ. པཱི.), ཝིགྷཱཊིཏཾ (སཱི. ནིཡྻ)].

ཨཙཱརི ཝཏཱཡཾ ཝིཏུདཾ ཝནཱནི, ཀཊྛངྒརུཀྑེསུ ཨསཱརཀེསུ;

ཨཐཱསདཱ ¶ ཁདིརཾ ཛཱཏསཱརཾ [ཛཱཏིསཱརཾ (ཀ.)], ཡཏྠབྦྷིདཱ གརུལོ༹ ཨུཏྟམངྒནྟི.

དལ༹ྷབནྡྷན ཧཾསཝརོ ཙ པུན, ཝིརཱུཔཀྑ སཝིཊྛཀ མཙྪཝརོ;

སཀུརུངྒ སཨསྶཀ ཨམྦཝརོ, པུན ཀུཀྐུཊཀོ གརུལེ༹ན དསཱཏི.

ཨཀཱསི ཡོགྒཾ དྷུཝམཔྤམཏྟོ, སཾཝཙྪརཾ བཱིརཎཐམྦྷཀསྨིཾ;

བྱཱཀཱསི སཉྙཾ པརིསཾ ཝིགཡ྄ཧ, ན ནིཡྻམོ ཏཱཡཏི ཨཔྤཔཉྙཾ.

དྭཡཾ ¶ ཡཱཙནཀོ ཏཱཏ, སོམདཏྟ ནིགཙྪཏི;

ཨལཱབྷཾ ¶ དྷནལཱབྷཾ ཝཱ, ཨེཝཾ དྷམྨཱ ཧི ཡཱཙནཱཏི.

ཨཉྙོ ཨུཔརིམོ ཝཎྞོ, ཨཉྙོ ཝཎྞོ ཙ ཧེཊྛིམོ;

བྲཱཧྨཎཱི ཏྭེཝ པུཙྪཱམི, ཀིཾ ཧེཊྛཱ ཀིཉྩ ཨུཔྤརི.

ཨཧཾ ནཊོསྨི བྷདྡནྟེ, བྷིཀྑཀོསྨི ཨིདྷཱགཏོ;

ཨཡཉྷི ཀོཊྛམོཏིཎྞོ, ཨཡཾ སོ ཡཾ [ཏྭཾ (ཀ.)] གཝེསསཱིཏི.

ཨིསཱིནམནྟརཾ ¶ ཀཏྭཱ, བྷརུརཱཛཱཏི [ཀུརུརཱཛཱཏི (ཀ.)] མེ སུཏཾ;

ཨུཙྪིནྣོ སཧ རཊྛེཧི [རཊྛེན (སཱི. པཱི.)], སརཱཛཱ ཝིབྷཝངྒཏོ.

ཏསྨཱ ཧི ཚནྡཱགམནཾ, ནཔྤསཾསནྟི པཎྜིཏཱ;

ཨདུཊྛཙིཏྟོ བྷཱསེཡྻ, གིརཾ སཙྩུཔསཾཧིཏནྟི.

པུཎྞཾ ནདིཾ ཡེན ཙ པེཡྻམཱཧུ, ཛཱཏཾ ¶ ཡཝཾ ཡེན ཙ གུཡ྄ཧམཱཧུ;

དཱུརཾ གཏཾ ཡེན ཙ ཨཝ྄ཧཡནྟི, སོ ཏྱཱགཏོ [ཏྱཱབྷཏོ (སྱཱ. ཀ.) པཧེལི༹གཱཐཱབྷཱཝོ མནསི ཀཱཏབྦོ] ཧནྡ ཙ བྷུཉྫ བྲཱཧྨཎ.

ཡཏོ མཾ སརཏཱི རཱཛཱ, ཝཱཡསམྤི པཧེཏཝེ;

ཧཾསཱ ཀོཉྩཱ མཡཱུརཱ ཙ [ཧཾསཀོཉྩམཡཱུརཱནཾ (ཀ. ཨཊྛ. པཱཋནྟརཾ)], ཨསཏཱིཡེཝ པཱཔིཡཱཏི.

ཨཝདྷཱི ¶ ཝཏ ཨཏྟཱནཾ, ཀཙྪཔོ བྱཱཧརཾ གིརཾ [ཀཙྪཔོཝ པབྱཱཧརཾ (སྱཱ.), ཀཙྪཔོ སོ པབྱཱཧརཾ (ཀ.)];

སུགྒཧཱིཏསྨིཾ ཀཊྛསྨིཾ, ཝཱཙཱཡ སཀིཡཱཝདྷི.

ཨེཏམྤི དིསྭཱ ནརཝཱིརིཡསེཊྛ, ཝཱཙཾ པམུཉྩེ ཀུསལཾ ནཱཏིཝེལཾ;

པསྶསི བཧུབྷཱཎེན, ཀཙྪཔཾ བྱསནཾ གཏནྟི.

ན མཱཡམགྒི ཏཔཏི, ན སཱུལོ སཱདྷུཏཙྪིཏོ;

ཡཉྩ མཾ མཉྙཏེ མཙྪཱི, ཨཉྙཾ སོ རཏིཡཱ གཏོ.

སོ ¶ མཾ དཧཏི རཱགགྒི, ཙིཏྟཾ ཙཱུཔཏཔེཏི མཾ;

ཛཱལིནོ མུཉྩཐཱཡིརཱ མཾ, ན ཀཱམེ ཧཉྙཏེ ཀྭཙཱིཏི.

སབྦོ ¶ ལོཀོ ཨཏྟམནོ ཨཧོསི, ཨཀོཝིདཱ གཱམདྷམྨསྶ སེགྒུ;

ཀོམཱརི ཀོ ནཱམ [ཀོམཱརིཀཱ ནཱམ (ཀ.), ཀོམཱརིཀོ ནཱམ (སྱཱ. པཱི.)] ཏཝཛྫ དྷམྨོ, ཡཾ ཏྭཾ གཧིཏཱ པཝནེ པརོདསི.

ཡོ དུཀྑཕུཊྛཱཡ བྷཝེཡྻ ཏཱཎཾ, སོ མེ པིཏཱ དུབྦྷི ཝནེ ཀརོཏི;

སཱ ཀསྶ ཀནྡཱམི ཝནསྶ མཛ྄ཛྷེ, ཡོ ཏཱཡིཏཱ སོ སཧསཾ ཀརོཏཱིཏི.

སཋསྶ ¶ སཱཋེཡྻམིདཾ སུཙིནྟིཏཾ, པཙྩོཌྜིཏཾ པཊིཀཱུཊསྶ ཀཱུཊཾ;

ཕཱལཉྩེ ཁཱདེཡྻུཾ [ཨདེཡྻུཾ (སཱི. པཱི.)] མཱུསིཀཱ, ཀསྨཱ ཀུམཱརཾ ཀུལལཱ ན [ནོ (སཱི. སྱཱ. པཱི.)] ཧརེཡྻུཾ.

ཀཱུཊསྶ ¶ ཧི སནྟི [སནྟཱིདྷ (ཀ.)] ཀཱུཊཀཱུཊཱ, བྷཝཏི [བྷཝནྟི (ཀ.)] ཙཱཔི ནིཀཏིནོ ནིཀཏྱཱ;

དེཧི པུཏྟནཊྛ ཕཱལནཊྛསྶ ཕཱལཾ, མཱ ཏེ པུཏྟམཧཱསི ཕཱལནཊྛོཏི.

ཧིརཉྙཾ མེ སུཝཎྞཾ མེ, ཨེསཱ རཏྟིཾ དིཝཱ ཀཐཱ;

དུམྨེདྷཱནཾ མནུསྶཱནཾ, ཨརིཡདྷམྨཾ ཨཔསྶཏཾ.

དྭེ དྭེ གཧཔཏཡོ གེཧེ, ཨེཀོ ཏཏྠ ཨམསྶུཀོ;

ལམྦཏྠནོ ཝེཎིཀཏོ, ཨཐོ ཨངྐིཏཀཎྞཀོ;

ཀཱིཏོ དྷནེན བཧུནཱ, སོ ཏཾ ཝིཏུདཏེ ཛནནྟི.

སུཁཾ ཛཱིཝིཏརཱུཔོསི, རཊྛཱ ཝིཝནམཱགཏོ;

སོ ཨེཀཀོ རུཀྑམཱུལེ [ཨརཉྙསྨིཾ (སཱི. སྱཱ. པཱི.)], ཀཔཎོ ཝིཡ ཛྷཱཡསི.

སུཁཾ ¶ ཛཱིཝིཏརཱུཔོསྨི, རཊྛཱ ཝིཝནམཱགཏོ;

སོ ཨེཀཀོ རུཀྑམཱུལེ, ཀཔཎོ ཝིཡ ཛྷཱཡཱམི;

ཨཐ ¶ བཱིརཎཐམྦྷཝརོ ཙ ནཊོ, བྷརུརཱཛཝརུཏྟམཔུཎྞནདཱི;

བཧུབྷཱཎི ཨགྒིཔཝནེ མཱུསིཀཱ, སཧལམྦཏྠནོ ཀཔཎེན དསཱཏི.

ཨནིཀྐསཱཝོ ཀཱསཱཝཾ, ཡོ ཝཏྠཾ པརིདཧིསྶཏི [པརིདཧེསྶཏི (སཱི. པཱི.)];

ཨཔེཏོ དམསཙྩེན, ན སོ ཀཱསཱཝམརཧཏི.

ཡོ ཙ ཝནྟཀསཱཝསྶ, སཱིལེསུ སུསམཱཧིཏོ;

ཨུཔེཏོ དམསཙྩེན, ས ཝེ ཀཱསཱཝམརཧཏཱིཏི.

ཨིདཾ ¶ ཏདཱཙརིཡཝཙོ, པཱརཱསརིཡོ ཡདབྲཝི [པོརཱཎཱཙརིཡོབྲཝི (ཀ.)];

མཱསུ ཏྭཾ ཨཀརི [ཨཀརཱ (སཱི. པཱི.)] པཱཔཾ, ཡཾ ཏྭཾ པཙྪཱ ཀཏཾ ཏཔེ.

ཡཱནི ཀརོཏི པུརིསོ, ཏཱནི ཨཏྟནི པསྶཏི;

ཀལྱཱཎཀཱརཱི ཀལྱཱཎཾ, པཱཔཀཱརཱི ཙ པཱཔཀཾ;

ཡཱདིསཾ ཝཔཏེ བཱིཛཾ, ཏཱདིསཾ ཧརཏེ ཕལནྟི.

ནམེ ¶ ནམནྟསྶ བྷཛེ བྷཛནྟཾ, ཀིཙྩཱནུཀུབྦསྶ ཀརེཡྻ ཀིཙྩཾ;

ནཱནཏྠཀཱམསྶ ཀརེཡྻ ཨཏྠཾ, ཨསམྦྷཛནྟམྤི ན སམྦྷཛེཡྻ.

ཙཛེ ¶ ཙཛནྟཾ ཝནཐཾ ན ཀཡིརཱ, ཨཔེཏཙིཏྟེན ན སམྦྷཛེཡྻ;

དིཛོ དུམཾ ཁཱིཎཕལནྟི ཉཏྭཱ, ཨཉྙཾ སམེཀྑེཡྻ མཧཱ ཧི ལོཀོཏི.

ཡསྶེཏེ ¶ ཙཏུརོ དྷམྨཱ, ཝཱནརིནྡ ཡཐཱ ཏཝ;

སཙྩཾ དྷམྨོ དྷིཏི ཙཱགོ, དིཊྛཾ སོ ཨཏིཝཏྟཏི.

ཡསྶ ཙེཏེ ན ཝིཛྫནྟི, གུཎཱ པརམབྷདྡཀཱ;

སཙྩཾ དྷམྨོ དྷིཏི ཙཱགོ, དིཊྛཾ སོ ནཱཏིཝཏྟཏཱིཏི.

ཨཏྠི མེ པུརིསོ དེཝ, སབྦཀིཙྩེསུ བྱཱཝཊོ [ཝཱཝཊོ (ཀ.)];

ཏསྶ ཙེཀོཔརཱདྷཏྠི, ཏཏྠ ཏྭཾ ཀིནྟི མཉྙསི.

ཨམྷཱཀམྤཏྠི པུརིསོ, ཨེདིསོ ཨིདྷ ཝིཛྫཏི;

དུལླབྷོ ཨངྒསམྤནྣོ, ཁནྟིརསྨཱཀ རུཙྩཏཱིཏི.

ཀཱལེ ནིཀྑམནཱ སཱདྷུ, ནཱཀཱལེ སཱདྷུ ནིཀྑམོ;

ཨཀཱལེན ཧི ནིཀྑམྨ, ཨེཀཀམྤི བཧུཛྫནོ;

ན ཀིཉྩི ཨཏྠཾ ཛོཏེཏི, དྷངྐསེནཱཝ ཀོསིཡཾ.

དྷཱིརོ ཙ ཝིདྷིཝིདྷཱནཉྙཱུ, པརེསཾ ཝིཝརཱནུགཱུ;

སབྦཱམིཏྟེ ¶ ཝསཱིཀཏྭཱ, ཀོསིཡོཝ སུཁཱི སིཡཱཏི.

སཱུརོ ¶ ¶ སཱུརེན སངྒམྨ, ཝིཀྐནྟེན པཧཱརིནཱ;

ཨེཧི ནཱག ནིཝཏྟསྶུ, ཀིཾ ནུ བྷཱིཏོ པལཱཡསི;

པསྶནྟུ ཨངྒམགདྷཱ, མམ ཏུཡ྄ཧཉྩ ཝིཀྐམཾ.

ན ཏཾ པཱདཱ ཝདྷིསྶཱམི, ན དནྟེཧི ན སོཎྜིཡཱ;

མཱིལ༹ྷེན ཏཾ ཝདྷིསྶཱམི, པཱུཏི ཧཉྙཏུ པཱུཏིནཱཏི.

ཏཡོ གིརིཾ ཨནྟརཾ ཀཱམཡཱམི, པཉྩཱལཱ ཀུརུཡོ ཀེཀཀེ ཙ [ཀུརཡོ ཀེཀཡེ ཙ (སཱི.)];

ཏཏུཏྟརིཾ [ཏདུཏྟརིཾ (ཀ.)] བྲཱཧྨཎ ཀཱམཡཱམི, ཏིཀིཙྪ མཾ བྲཱཧྨཎ ཀཱམནཱིཏཾ.

ཀཎྷཱཧིདཊྛསྶ ཀརོནྟི ཧེཀེ, ཨམནུསྶཔཝིཊྛསྶ [ཨམནུསྶཝདྡྷསྶ (སཱི. པཱི.), ཨམནུསྶཝིཊྛསྶ (སྱཱ.)] ཀརོནྟི པཎྜིཏཱ;

ན ཀཱམནཱིཏསྶ ཀརོཏི ཀོཙི, ཨོཀྐནྟསུཀྐསྶ ¶ ཧི ཀཱ ཏིཀིཙྪཱཏི.

གཛགྒམེགྷེཧི ཧཡགྒམཱལིབྷི, རཐཱུམིཛཱཏེཧི སརཱབྷིཝསྶེབྷི [སརཱབྷིཝསྶབྷི (སྱཱ. སཱི. ཨཊྛ.), སརཱབྷིཝསྶིབྷི (?)];

ཐརུགྒཧཱཝཊྚ [དྷནུགྒཧཱཝཊྚ (ཀ.)] དལ༹ྷཔྤཧཱརིབྷི, པརིཝཱརིཏཱ ཏཀྐསིལཱ སམནྟཏོ.

[ཨབྷིདྷཱཝཐཱ ཙ པཏཐཱ ཙ, ཝིཝིདྷཝིནདིཏཱ ཙ དནྟིབྷི; ཝཏྟཏཛྫ ཏུམུལོ གྷོསོ, ཡཐཱ ཝིཛྫུཏཱ ཛལདྷརསྶ གཛྫཏོཏི; (སཱི. པཱི. ཀ.)] ཨབྷིདྷཱཝཐ ¶ ཙཱུཔདྷཱཝཐ ཙ [ཨབྷིདྷཱཝཐཱ ཙུཔྤཏཐཱ ཙ (སྱཱ.)], ཝིཝིདྷཱ ཝིནཱདིཏཱ [ཝིནཱདིཏཏྠ (ཀ.)] ཝདནྟིབྷི;

ཝཏྟཏཛྫ ཏུམུལོ གྷོསོ ཡཐཱ, ཝིཛྫུལཏཱ ཛལདྷརསྶ གཛྫཏོཏི [ཨབྷིདྷཱཝཐཱ ཙ པཏཐཱ ཙ, ཝིཝིདྷཝིནདིཏཱ ཙ དནྟིབྷི; ཝཏྟཏཛྫ ཏུམུལོ གྷོསོ, ཡཐཱ ཝིཛྫུཏཱ ཛལདྷརསྶ གཛྫཏོཏི; (སཱི. པཱི. ཀ.)].

དྷཛམཔརིམིཏཾ ཨནནྟཔཱརཾ, དུཔྤསཧཾདྷངྐེཧི སཱགརཾཝ [སཱགརམིཝ (སཱི. སྱཱ. པཱི.)];

གིརིམིཝཨནིལེན དུཔྤསཡ྄ཧོ [དུཔྤསཧོ (སཱི. པཱི. ཀ.)], དུཔྤསཧོ ཨཧམཛྫཏཱདིསེན.

མཱ ¶ བཱལིཡཾ ཝིལཔི [ཝིཔྤལཔི (བཧཱུསུ)] ན ཧིསྶ ཏཱདིསཾ, ཝིཌཡ྄ཧསེ [ཝིལ༹ཡ྄ཧསེ (སཱི. པཱི.)] ན ཧི ལབྷསེ ནིསེདྷཀཾ;

ཨཱསཛྫསི གཛམིཝ ཨེཀཙཱརིནཾ, ཡོ ཏཾ པདཱ ནལ༹མིཝ པོཐཡིསྶཏཱིཏི.

ཝརཝཏྠཝཙོ ¶ དུམཁཱིཎཕལཾ, ཙཏུརོདྷམྨཝརཾ པུརིསུཏྟམ;

དྷངྐམགདྷཱ ཙ ཏཡོགིརིནཱམ, གཛགྒཝརོ དྷཛཝརེན དསཱཏི.

ཡཐཱཔི ¶ ཀཱིཏཱ པུརིསསྶུཔཱཧནཱ, སུཁསྶ ཨཏྠཱཡ དུཁཾ ཨུདབྦཧེ;

གྷམྨཱབྷིཏཏྟཱ ཐལསཱ པཔཱིལི༹ཏཱ, ཏསྶེཝ པཱདེ པུརིསསྶ ཁཱདརེ.

ཨེཝམེཝ ¶ ཡོ དུཀྐུལཱིནོ ཨནརིཡོ, ཏམྨཱཀ [ཏམྷཱཀ (སཱི.), ཏུམྷཱཀ (སྱཱ. པཱི.)] ཝིཛྫཉྩ སུཏཉྩ ཨཱདིཡ;

ཏམེཝ སོ ཏཏྠ སུཏེན ཁཱདཏི, ཨནརིཡོ ཝུཙྩཏི དུཔཱཧནཱུཔམོཏི [པཱནདཱུཔམོཏི (སཱི. པཱི.)].

ཨེཀཙིནྟིཏོ ཡམཏྠོ, བཱལོ ཨཔརིཎཱཡཀོ;

ན ཧི ཁུཛྫེན ཝཱམེན, བྷོཏི སངྒནྟུམརཧསི.

པུརིསཱུསབྷཾ མཉྙམཱནཱ, ཨཧཾ ཁུཛྫམཀཱམཡིཾ;

སོཡཾ སཾཀུཊིཏོ སེཏི, ཚིནྣཏནྟི ཡཐཱ ཝིཎཱཏི [ཐུཎཱཏི (སཱི.)].

ཀཱམཾ ཡཧིཾ ཨིཙྪསི ཏེན གཙྪ, ཝིདྡྷོསི མམྨམྷི [མམསྨི (ཀ.)] ཝིཀཎྞཀེན;

ཧཏོསི བྷཏྟེན སུཝཱདིཏེན [སཝཱདིཏེན (སཱི. སྱཱ. པཱི.)], ལོལོ ཙ མཙྪེ ཨནུབནྡྷམཱནོ.

ཨེཝམྤི ¶ ལོཀཱམིསཾ ཨོཔཏནྟོ, ཝིཧཉྙཏཱི ¶ ཙིཏྟཝསཱནུཝཏྟཱི;

སོ ཧཉྙཏི ཉཱཏིསཁཱན མཛ྄ཛྷེ, མཙྪཱནུགོ སོརིཝ སུཾསུམཱརོཏི [སུསུམཱརོ (ཀ.)].

ཏྭམེཝ ¶ དཱནིམཀར [མཀརི (སྱཱ.), མཀརཱ (ཀ. སཱི.)], ཡཾ ཀཱམོ བྱགམཱ ཏཡི;

སོཡཾ ཨཔྤཊིསནྡྷིཀོ, ཁརཚིནྣཾཝ རེནུཀཾ [རེརུཀཾ (སཱི. པཱི.)].

ཨཏྲིཙྪཾ [ཨཏྲིཙྪཱ (སཱི. སྱཱ. པཱི.)] ཨཏིལོབྷེན, ཨཏིལོབྷམདེན ཙ;

ཨེཝཾ ཧཱཡཏི ཨཏྠམྷཱ, ཨཧཾཝ ཨསིཏཱབྷུཡཱཏི.

སུཁཱ གྷརཱ ཝཙྪནཁ, སཧིརཉྙཱ སབྷོཛནཱ;

ཡཏྠ བྷུཏྭཱ པིཝིཏྭཱ ཙ, སཡེཡྻཱཐ ཨནུསྶུཀོ.

གྷརཱ ནཱནཱིཧམཱནསྶ, གྷརཱ ནཱབྷཎཏོ མུསཱ;

གྷརཱ ནཱདིནྣདཎྜསྶ, པརེསཾ ཨནིཀུབྦཏོ [ཨནིཀྲུབྦཏོ (ཀ.)];

ཨེཝཾ ཚིདྡཾ དུརབྷིསམྦྷཝཾ [དུརབྷིབྷཝཾ (སཱི. པཱི.)], ཀོ གྷརཾ པཊིཔཛྫཏཱིཏི.

བྷདྡཀོ ¶ ཝཏཡཾ པཀྑཱི, དིཛོ ཀུམུདསནྣིབྷོ;

ཝཱུཔསནྟེཧི པཀྑེཧི, མནྡམནྡོཝ ཛྷཱཡཏི.

ནཱསྶ སཱིལཾ ཝིཛཱནཱཐ, ཨནཉྙཱཡ པསཾསཐ;

ཨམྷེ དིཛོ ན པཱལེཏི, ཏེན པཀྑཱི ན ཕནྡཏཱིཏི.

ཀོ ¶ ནུ ཁོ བྷགཝཱ ཧེཏུ, ཨེཀཙྩེ ཨིདྷ པུགྒལེ;

ཨཏཱིཝ ཧདཡཾ ནིབྦཱཏི, ཙིཏྟཉྩཱཔི པསཱིདཏི.

པུབྦེཝ སནྣིཝཱསེན, པཙྩུཔྤནྣཧིཏེན ཝཱ;

ཨེཝཾ ཏཾ ཛཱཡཏེ པེམཾ, ཨུཔྤལཾཝ ཡཐོདཀེཏི.

ཨིངྒྷ ¶ ཨེཀཔདཾ ཏཱཏ, ཨནེཀཏྠཔདསྶིཏཾ [པདནིསྶིཏཾ (སཱི. པཱི.)];

ཀིཉྩི སངྒཱཧིཀཾ བྲཱུསི, ཡེནཏྠེ སཱདྷཡེམསེ.

དཀྑེཡྻེཀཔདཾ ཏཱཏ, ཨནེཀཏྠཔདསྶིཏཾ;

ཏཉྩ སཱིལེན སཉྙུཏྟཾ, ཁནྟིཡཱ ཨུཔཔཱདིཏཾ;

ཨལཾ ¶ མིཏྟེ སུཁཱཔེཏུཾ, ཨམིཏྟཱནཾ དུཁཱཡ ཙཱཏི.

ཨཱསཱིཝིསམྤི མཾ [ཨཱསཱིཝིསཾ མམཾ (སཱི. པཱི.)] སནྟཾ, པཝིཊྛཾ ཀུམིནཱམུཁཾ;

རུཙྩཏེ ཧརིཏཱམཱཏཱ, ཡཾ མཾ ཁཱདནྟི མཙྪཀཱ.

ཝིལུམྤཏེཝ པུརིསོ, ཡཱཝསྶ ཨུཔཀཔྤཏི;

ཡདཱ ཙཉྙེ ཝིལུམྤནྟི, སོ ཝིལུཏྟོ ཝིལུམྤཏཱིཏི [ཝིལུཔྤཏཱིཏི (?)].

སབྦོ ཛནོ ཧིཾསིཏོ པིངྒལེན, ཏསྨིཾ མཏེ པཙྩཡཱ [པཙྩཡཾ (སཱི. སྱཱ. པཱི.)] ཝེདཡནྟི;

པིཡོ ནུ ཏེ ཨཱསི ཨཀཎྷནེཏྟོ, ཀསྨཱ ནུ ཏྭཾ རོདསི དྭཱརཔཱལ.

ན ¶ མེ པིཡོ ཨཱསི ཨཀཎྷནེཏྟོ, བྷཱཡཱམི པཙྩཱགམནཱཡ ཏསྶ;

ཨིཏོ གཏོ ཧིཾསེཡྻ མཙྩུརཱཛཾ, སོ ཧིཾསིཏོ ཨཱནེཡྻ པུན ཨིདྷ.

དཌྜྷོ ཝཱཧསཧསྶེཧི, སིཏྟོ གྷཊསཏེཧི སོ;

པརིཀྑཏཱ ¶ ཙ སཱ བྷཱུམི, མཱ བྷཱཡི ནཱགམིསྶཏཱིཏི.

ཝརུཔཱཧན ཁུཛྫ ཝིཀཎྞཀཀོ, ཨསིཏཱབྷུཡ པཉྩམཝཙྪནཁོ;

དིཛ པེམཝརུཏྟམཨེཀཔདཾ, ཀུམིནཱམུཁ པིངྒལཀེན དསཱཏི.

སིངྒཱལོ ¶ མཱནཐདྡྷོ ཙ, པརིཝཱརེན ཨཏྠིཀོ;

པཱཔུཎི མཧཏིཾ བྷཱུམིཾ, རཱཛཱསི སབྦདཱཋིནཾ.

ཨེཝམེཝ མནུསྶེསུ, ཡོ ཧོཏི པརིཝཱརཝཱ;

སོ ཧི ཏཏྠ མཧཱ ཧོཏི, སིངྒཱལོ ཝིཡ དཱཋིནནྟི.

བཱལོ ¶ ཝཏཱཡཾ སུནཁོ, ཡོ ཝརཏྟཾ [ཡོ ཙ ཡོཏྟཾ (ཀ.)] ན ཁཱདཏི;

བནྡྷནཱ ཙ པམུཉྩེཡྻ, ཨསིཏོ ཙ གྷརཾ ཝཛེ.

ཨཊྛིཏཾ ¶ མེ མནསྨིཾ མེ, ཨཐོ མེ ཧདཡེ ཀཏཾ;

ཀཱལཉྩ པཊིཀངྑཱམི, ཡཱཝ པསྶུཔཏཱུ ཛནོ [པསུཔཏུཛྫནོ (སྱཱ. ཀ.)].

སཏྟཏནྟིཾ སུམདྷུརཾ, རཱམཎེཡྻཾ ཨཝཱཙཡིཾ;

སོ མཾ རངྒམྷི ཨཝ྄ཧེཏི, སརཎཾ མེ ཧོཧི ཀོསིཡ.

ཨཧཾ ཏཾ སརཎཾ སམྨ [ཨཧཾ ཏེ སརཎཾ ཧོམི (ཝི. ཝ. ༣༢༨)], ཨཧམཱཙརིཡཔཱུཛཀོ;

ན ཏཾ ཛཡིསྶཏི སིསྶོ, སིསྶམཱཙརིཡ ཛེསྶསཱིཏི.

ཡཾ པསྶཏི ན ཏཾ ཨིཙྪཏི, ཡཉྩ ན པསྶཏི ཏཾ ཀིརིཙྪཏི;

མཉྙཱམི ཙིརཾ ཙརིསྶཏི, ན ཧི ཏཾ ལཙྪཏི ཡཾ ས ཨིཙྪཏི.

ཡཾ ལབྷཏི ན ཏེན ཏུསྶཏི, ཡཉྩ པཏྠེཏི ལདྡྷཾ ཧཱིལེ༹ཏི;

ཨིཙྪཱ ཧི ཨནནྟགོཙརཱ, ཝིགཏིཙྪཱན [ཝཱིཏིཙྪཱནཾ (སཱི. པཱི.)] ནམོ ཀརོམསེཏི.

ཝིགཏིཙྪ [ཝཱིཏིཙྪ (སཱི. པཱི.)] ཛཱཏཀཾ ཙཏུཏྠཾ.

ཀཱལོ ¶ ¶ གྷསཏི བྷཱུཏཱནི, སབྦཱནེཝ སཧཏྟནཱ;

ཡོ ཙ ཀཱལགྷསོ བྷཱུཏོ, ས བྷཱུཏཔཙནིཾ པཙི.

བཧཱུནི ནརསཱིསཱནི, ལོམསཱནི བྲཧཱནི ཙ;

གཱིཝཱསུ པཊིམུཀྐཱནི, ཀོཙིདེཝེཏྠ ཀཎྞཝཱཏི.

ཧནྟྭཱ ཚེཏྭཱ [ཛྷཏྭཱ (སཱི. པཱི.), གྷཏྭཱ (སྱཱ.)] ཝདྷིཏྭཱ ཙ, དེཏི དཱནཾ ཨསཉྙཏོ;

ཨེདིསཾ བྷཏྟཾ བྷུཉྫམཱནོ, ས པཱཔམུཔལིམྤཏི [ས པཱཔེན ཨུཔལིཔྤཏི (སཱི. པཱི.)].

པུཏྟདཱརམྤི ¶ ཙེ ཧནྟྭཱ, དེཏི དཱནཾ ཨསཉྙཏོ;

བྷུཉྫམཱནོཔི སཔྤཉྙོ, ན པཱཔམུཔལིམྤཏཱིཏི.

ཨདྡྷཱ པཱདཉྫལཱི སབྦེ, པཉྙཱཡ ཨཏིརོཙཏི;

ཏཐཱ ཧི ཨོཊྛཾ བྷཉྫཏི, ཨུཏྟརིཾ ནཱུན པསྶཏི.

ནཱཡཾ དྷམྨཾ ཨདྷམྨཾ ཝཱ, ཨཏྠཱནཏྠཉྩ བུཛ྄ཛྷཏི;

ཨཉྙཏྲ ¶ ཨོཊྛནིབྦྷོགཱ, ནཱཡཾ ཛཱནཱཏི ཀིཉྩནནྟི.

སབྦེཧི ཀིཾསུཀོ དིཊྛོ, ཀིཾནྭེཏྠ ཝིཙིཀིཙྪཐ;

ན ཧི སབྦེསུ ཋཱནེསུ, སཱརཐཱི པརིཔུཙྪིཏོ.

ཨེཝཾ སབྦེཧི ཉཱཎེཧི, ཡེསཾ དྷམྨཱ ཨཛཱནིཏཱ;

ཏེ ཝེ དྷམྨེསུ ཀངྑནྟི, ཀིཾསུཀསྨིཾཝ བྷཱཏརོཏི.

ཨེཀཔུཏྟཀོ ¶ བྷཝིསྶསི, ཏྭཉྩ ནོ ཧེསྶསི ཨིསྶརོ ཀུལེ;

ཨོརོཧ དུམསྨཱ སཱལཀ, ཨེཧི དཱནི གྷརཀཾ ཝཛེམསེ.

ནནུ མཾ སུཧདཡོཏི [ནནུ མཾ ཧདཡེཏི (སཱི. པཱི.)] མཉྙསི, ཡཉྩ མཾ ཧནསི ཝེལུ༹ཡཊྛིཡཱ;

པཀྐམྦཝནེ རམཱམསེ, གཙྪ ཏྭཾ གྷརཀཾ ཡཐཱསུཁནྟི.

ཨཡཾ ¶ ¶ ཨིསཱི ཨུཔསམསཾཡམེ རཏོ, ས ཏིཊྛཏི [སནྟིཊྛཏི (སཱི. པཱི.)] སིསིརབྷཡེན ཨཊྚིཏོ;

ཧནྡ ཨཡཾ པཝིསཏུམཾ ཨགཱརཀཾ, ཝིནེཏུ སཱིཏཾ དརཐཉྩ ཀེཝལཾ.

ནཱཡཾ ཨིསཱི ཨུཔསམསཾཡམེ རཏོ, ཀཔཱི ཨཡཾ དུམཝརསཱཁགོཙརོ;

སོ དཱུསཀོ རོསཀོ ཙཱཔི ཛམྨོ, སཙེཝཛེམམྤི [སཙེ + ཨཱཝཛེ + ཨིམམྤི] དཱུསེཡྻགཱརནྟི [དཱུསཡེ གྷརནྟི (སཱི. སྱཱ. པཱི.)].

ཨཐ རཱཛཱ སིངྒཱལཝརོ སུནཁོ, ཏཐཱ ཀོསིཡ ཨིཙྪཏི ཀཱལགྷསོ;

ཨཐ དཱནཝརོཊྛཔི སཱརཐིནཱ, པུནམྦཝནཉྩ སིསིརཀཔི དསཱཏི.

དལ༹ྷཉྩ ¶ ཝགྒཾ ཨཔརེན སནྠཝཾ, ཀལྱཱཎཝགྒཱསདིསོ ཙ རཱུཧཀཾ;

ནཏཾདལ༹ྷ བཱིརཎཐམྦྷཀཾ པུན, ཀཱསཱཝུཔཱཧན སིངྒཱལཀེན དསཱཏི.

སངྐཔྤརཱགདྷོཏེན ¶ ¶ ¶ , ཝིཏཀྐནིསིཏེན ཙ;

ནཱལངྐཏེན བྷདྲེན [ནེཝཱལངྐཏབྷདྲེན (སྱཱ.)], ཨུསུཀཱརཱཀཏེན ཙ [ན ཨུསུཀཱརཀཏེན ཙ (སཱི. སྱཱ. པཱི.)].

ན ཀཎྞཱཡཏམུཏྟེན, ནཱཔི མོརཱུཔསེཝིནཱ;

ཏེནམྷི ཧདཡེ ཝིདྡྷོ, སབྦངྒཔརིདཱཧིནཱ.

ཨཱཝེདྷཉྩ ན པསྶཱམི, ཡཏོ རུཧིརམསྶཝེ;

ཡཱཝ ཨཡོནིསོ ཙིཏྟཾ, སཡཾ མེ དུཀྑམཱབྷཏནྟི.

ཨཛྫཱཔི མེ ཏཾ མནསི [སརསི (ཀ.)], ཡཾ མཾ ཏྭཾ ཏིལམུཊྛིཡཱ;

བཱཧཱཡ མཾ གཧེཏྭཱན, ལཊྛིཡཱ ཨནུཏཱལ༹ཡི.

ནནུ ཛཱིཝིཏེ ན རམསི, ཡེནཱསི བྲཱཧྨཎཱགཏོ;

ཡཾ མཾ བཱཧཱ གཧེཏྭཱན, ཏིཀྑཏྟུཾ ཨནུཏཱལ༹ཡི.

ཨརིཡོ ཨནརིཡཾ ཀུབྦནྟཾ [ཀུབྦཱནཾ (སཱི. པཱི.), ཀུབྦཾ (སྱཱ.)], ཡོ དཎྜེན ནིསེདྷཏི;

སཱསནཾ ཏཾ ན ཏཾ ཝེརཾ, ཨིཏི ནཾ པཎྜིཏཱ ཝིདཱུཏི.

མམནྣཔཱནཾ ¶ ཝིཔུལཾ ཨུལཱ༹རཾ, ཨུཔྤཛྫཏཱིམསྶ མཎིསྶ ཧེཏུ;

ཏཾ ཏེ ན དསྶཾ ཨཏིཡཱཙཀོསི, ན ཙཱཔི ཏེ ཨསྶམམཱགམིསྶཾ.

སུསཱུ ¶ ¶ ཡཐཱ སཀྑརདྷོཏཔཱཎཱི, ཏཱསེསི མཾ སེལཾ ཡཱཙམཱནོ;

ཏཾ ཏེ ན དསྶཾ ཨཏིཡཱཙཀོསི, ན ཙཱཔི ཏེ ཨསྶམམཱགམིསྶཾ.

ན ཏཾ ཡཱཙེ ཡསྶ པིཡཾ ཛིགཱིསེ [ཛིགིཾསེ (སཱི. སྱཱ. པཱི.)], དེསྶོ ཧོཏི ཨཏིཡཱཙནཱཡ;

ནཱགོ མཎིཾ ཡཱཙིཏོ བྲཱཧྨཎེན, ཨདསྶནཾཡེཝ ཏདཛ྄ཛྷགམཱཏི.

༢༥༤. ཀུཎྜཀཀུཙྪིསིནྡྷཝཛཱཏཀཾ (༣-༡-༤)

བྷུཏྭཱ ཏིཎཔརིགྷཱསཾ, བྷུཏྭཱ ཨཱཙཱམཀུཎྜཀཾ;

ཨེཏཾ ཏེ བྷོཛནཾ ཨཱསི, ཀསྨཱ དཱནི ན བྷུཉྫསི.

ཡཏྠ པོསཾ ན ཛཱནནྟི, ཛཱཏིཡཱ ཝིནཡེན ཝཱ;

བཧུཾ [པཧཱུ (སཱི. པཱི.), པཧུཾ (སྱཱ. ཀ.)] ཏཏྠ མཧཱབྲམྷེ, ཨཔི ཨཱཙཱམཀུཎྜཀཾ.

ཏྭཉྩ ¶ ཁོ མཾ པཛཱནཱསི, ཡཱདིསཱཡཾ ཧཡུཏྟམོ;

ཛཱནནྟོ ཛཱནམཱགམྨ, ན ཏེ བྷཀྑཱམི ཀུཎྜཀནྟི.

ཀུཎྜཀཀུཙྪིསིནྡྷཝཛཱཏཀཾ ཙཏུཏྠཾ.

ཡཱཝ སོ མཏྟམཉྙཱསི, བྷོཛནསྨིཾ ཝིཧངྒམོ;

ཏཱཝ ཨདྡྷཱནམཱཔཱདི, མཱཏརཉྩ ཨཔོསཡི.

ཡཏོ ཙ ཁོ བཧུཏརཾ, བྷོཛནཾ ཨཛ྄ཛྷཝཱཧརི [ཨཛ྄ཛྷུཔཱཧརི (སཱི. པཱི.)];

ཏཏོ ཏཏྠེཝ སཾསཱིདི, ཨམཏྟཉྙཱུ ཧི སོ ཨཧུ.

ཏསྨཱ མཏྟཉྙུཏཱ སཱདྷུ, བྷོཛནསྨིཾ ཨགིདྡྷཏཱ [ཨགིདྡྷིཏཱ (སྱཱ. ཀ.)];

ཨམཏྟཉྙཱུ ཧི སཱིདནྟི, མཏྟཉྙཱུ ཙ ན སཱིདརེཏི.

ཛརཱུདཔཱནཾ ¶ ཁཎམཱནཱ, ཝཱཎིཛཱ ཨུདཀཏྠིཀཱ;

ཨཛ྄ཛྷགམུཾ ཨཡསཾ ལོཧཾ [ཨཛ྄ཛྷགཾསུ ཨཡོལོཧཾ (སཱི. སྱཱ. པཱི.)], ཏིཔུསཱིསཉྩ ཝཱཎིཛཱ;

རཛཏཾ ཛཱཏརཱུཔཉྩ, མུཏྟཱ ཝེལཱུ༹རིཡཱ བཧཱུ.

ཏེ ཙ ཏེན ཨསནྟུཊྛཱ, བྷིཡྻོ བྷིཡྻོ ཨཁཱཎིསུཾ;

ཏེ ཏཏྠཱསཱིཝིསོ [ཏཏྠ ཨཱསཱིཝིསོ (ཀ.), ཏཏྠཔཱསཱིཝིསོ (སྱཱ.)] གྷོརོ, ཏེཛསྶཱི ཏེཛསཱ ཧནི.

ཏསྨཱ ¶ ¶ ཁཎེ ནཱཏིཁཎེ, ཨཏིཁཱཏཾ [ཨཏིཁཎཾ (ཀ.)] ཧི པཱཔཀཾ;

ཁཱཏེན ཙ [ཁཎེན ཙ (ཀ.), ཁཎནེན (སྱཱ.)] དྷནཾ ལདྡྷཾ, ཨཏིཁཱཏེན [ཨཏིཁཎེན (ཀ.)] ནཱསིཏནྟི.

ནཱཡཾ གྷརཱནཾ ཀུསལོ, ལོལོ ཨཡཾ ཝལཱིམུཁོ;

ཀཏཾ ཀཏཾ ཁོ དཱུསེཡྻ, ཨེཝཾདྷམྨམིདཾ ཀུལཾ.

ནཡིདཾ ཙིཏྟཝཏོ ལོམཾ, ནཱཡཾ ཨསྶཱསིཀོ མིགོ;

སིཊྛཾ [སཏྠཾ (སཱི. སྱཱ. པཱི.)] མེ ཛནསནྡྷེན, ནཱཡཾ ཀིཉྩི ཝིཛཱནཏི.

ན མཱཏརཾ པིཏརཾ ཝཱ, བྷཱཏརཾ བྷགིནིཾ སཀཾ;

བྷརེཡྻ ཏཱདིསོ པོསོ, སིཊྛཾ དསརཐེན མེཏི.

གཱམཎིཙནྡ [གཱམཎིཙཎྜ (སཱི. པཱི.)] ཛཱཏཀཾ སཏྟམཾ.

ཡཱཝཏཱ ཙནྡིམསཱུརིཡཱ, པརིཧརནྟི དིསཱ བྷནྟི ཝིརོཙནཱ [ཝིརོཙམཱནཱ (ཀ.)];

སབྦེཝ དཱསཱ མནྡྷཱཏུ, ཡེ པཱཎཱ པཐཝིསྶིཏཱ [པཋཝིནིསྶིཏཱ (སཱི. པཱི.), པཋཝིསྶིཏཱ (སྱཱ.)].

ན ཀཧཱཔཎཝསྶེན, ཏིཏྟི ཀཱམེསུ ཝིཛྫཏི;

ཨཔྤསྶཱདཱ དུཁཱ ཀཱམཱ, ཨིཏི ཝིཉྙཱཡ པཎྜིཏོ.

ཨཔི ¶ དིབྦེསུ ཀཱམེསུ, རཏིཾ སོ ནཱདྷིགཙྪཏི;

ཏཎྷཀྑཡརཏོ ¶ ཧོཏི, སམྨཱསམྦུདྡྷསཱཝཀོཏི.

ནཡིམསྶ ཝིཛྫཱམཡམཏྠི ཀིཉྩི, ན བནྡྷཝོ ནོ པན ཏེ སཧཱཡོ;

ཨཐ ཀེན ཝཎྞེན ཏིརཱིཊཝཙྪོ [ཏིརཱིཊིཝཙྪོ (སྱཱ. ཀ.)], ཏེདཎྜིཀོ བྷུཉྫཏི ཨགྒཔིཎྜཾ.

ཨཱཔཱསུ [ཨཱཝཱསུ (ཀ.)] མེ ཡུདྡྷཔརཱཛིཏསྶ, ཨེཀསྶ ཀཏྭཱ ཝིཝནསྨི གྷོརེ;

པསཱརཡཱི ཀིཙྪགཏསྶ པཱཎིཾ, ཏེནཱུདཏཱརིཾ དུཁསཾཔརེཏོ.

ཨེཏསྶ ¶ ཀིཙྩེན ཨིདྷཱནུཔཏྟོ, ཝེསཱཡིནོ ཝིསཡཱ ཛཱིཝལོཀེ;

ལཱབྷཱརཧོ ཏཱཏ ཏིརཱིཊཝཙྪོ, དེཐསྶ བྷོགཾ ཡཛཐཉྩ [ཡཛཏཉྩ (སཱི. པཱི.), ཡཛིཏཉྩ (སྱཱ.)] ཡཉྙནྟི.

ཡསྶཏྠཱ ¶ དཱུརམཱཡནྟི, ཨམིཏྟམཔི ཡཱཙིཏུཾ;

ཏསྶཱུདརསྶཧཾ དཱུཏོ, མཱ མེ ཀུཛ྄ཛྷ [ཀུཛ྄ཛྷི (སཱི. པཱི.)] རཐེསབྷ.

ཡསྶ དིཝཱ ཙ རཏྟོ ཙ, ཝསམཱཡནྟི མཱཎཝཱ;

ཏསྶཱུདརསྶཧཾ དཱུཏོ, མཱ མེ ཀུཛ྄ཛྷ [ཀུཛ྄ཛྷི (སཱི. པཱི.)] རཐེསབྷ.

དདཱམི ¶ ཏེ བྲཱཧྨཎ རོཧིཎཱིནཾ, གཝཾ སཧསྶཾ སཧ པུངྒཝེན;

དཱུཏོ ཧི དཱུཏསྶ ཀཐཾ ན དཛྫཾ, མཡམྤི ཏསྶེཝ བྷཝཱམ དཱུཏཱཏི.

ཨུསུཀཱརཝརོ ཏིལམུཊྛི མཎི, ཧཡརཱཛ ཝིཧངྒམ ཨཱསིཝིསོ;

ཛནསནྡྷ ཀཧཱཔཎཝསྶ པུན, ཏིརིཊཾ པུན དཱུཏཝརེན དསཱཏི.

ཡཐཱ ¶ ཀེསཱ ཙ མསྶཱུ ཙ, ཚིནྣཾ ཚིནྣཾ ཝིརཱུཧཏི;

ཨེཝཾ རཱུཧཏུ ཏེ ནཱསཱ, པདུམཾ དེཧི ཡཱཙིཏོ.

ཡཐཱ སཱརདིཀཾ བཱིཛཾ, ཁེཏྟེ ཝུཏྟཾ ཝིརཱུཧཏི;

ཨེཝཾ རཱུཧཏུ ཏེ ནཱསཱ, པདུམཾ དེཧི ཡཱཙིཏོ.

ཨུབྷོཔི པལཔནྟེཏེ [ཝིལཔནྟེཏེ (སྱཱ. ཀ.)], ཨཔི པདྨཱནི དསྶཏི;

ཝཛྫུཾ ཝཱ ཏེ ན ཝཱ ཝཛྫུཾ, ནཏྠི ནཱསཱཡ རཱུཧནཱ;

དེཧི སམྨ པདུམཱནི, ཨཧཾ ཡཱཙཱམི ཡཱཙིཏོཏི.

པཱཎི ¶ ཙེ མུདུཀོ ཙསྶ, ནཱགོ ཙསྶ སུཀཱརིཏོ;

ཨནྡྷཀཱརོ ཙ ཝསྶེཡྻ, ཨཐ ནཱུན ཏདཱ སིཡཱ.

ཨནལཱ ¶ མུདུསམྦྷཱསཱ, དུཔྤཱུརཱ ཏཱ [དུཔྤཱུརཏྟཱ (ཀ.)] ནདཱིསམཱ;

སཱིདནྟི ནཾ ཝིདིཏྭཱན, ཨཱརཀཱ པརིཝཛྫཡེ.

ཡཾ ཨེཏཱ ཨུཔསེཝནྟི, ཚནྡསཱ ཝཱ དྷནེན ཝཱ;

ཛཱཏཝེདོཝ སཾ ཋཱནཾ, ཁིཔྤཾ ཨནུདཧནྟི ནནྟི.

ཨབྷིཛྫམཱནེ ¶ ཝཱརིསྨིཾ, སཡཾ [ཨཡཾ (ཀ.)] ཨཱགམྨ ཨིདྡྷིཡཱ;

མིསྶཱིབྷཱཝིཏྠིཡཱ གནྟྭཱ, སཾསཱིདསི [སཾསཱིདཏི (ཀ.)] མཧཎྞཝེ.

ཨཱཝཊྚནཱི མཧཱམཱཡཱ, བྲཧྨཙརིཡཝིཀོཔནཱ;

སཱིདནྟི ནཾ ཝིདིཏྭཱན, ཨཱརཀཱ པརིཝཛྫཡེ.

ཡཾ ཨེཏཱ ཨུཔསེཝནྟི, ཚནྡསཱ ཝཱ དྷནེན ཝཱ;

ཛཱཏཝེདོཝ སཾ ཋཱནཾ, ཁིཔྤཾ ཨནུདཧནྟི ནནྟི.

ཙཱུལ༹པལོབྷན [ཙུལླཔལོབྷན (སཱི. སྱཱ. པཱི.)] ཛཱཏཀཾ ཏཏིཡཾ.

པནཱདོ ནཱམ སོ རཱཛཱ, ཡསྶ ཡཱུཔོ སུཝཎྞཡོ;

ཏིརིཡཾ སོལ༹སུབྦེདྷོ [སོལ༹སཔབྦེདྷོ (སཱི. པཱི.)], ཨུདྡྷམཱཧུ [ཨུཙྩམཱཧུ (སཱི. སྱཱ. པཱི.)] སཧསྶདྷཱ.

སཧསྶཀཎྜོ སཏགེཎྜུ [སཏབྷེདོ (སཱི. པཱི.), སཏབྷེཎྜུ (སཱི. ནིསྶཡ)], དྷཛཱསུ ཧརིཏཱམཡོ;

ཨནཙྩུཾ ཏཏྠ གནྡྷབྦཱ, ཚ སཧསྶཱནི སཏྟདྷཱ.

ཨེཝམེཏཾ [ཨེཝམེཝ (ཀ.)] ཏདཱ ཨཱསི, ཡཐཱ བྷཱསསི བྷདྡཛི;

སཀྐོ ཨཧཾ ཏདཱ ཨཱསིཾ, ཝེཡྻཱཝཙྩཀརོ ཏཝཱཏི.

དིསྭཱ ¶ ¶ ཁུརཔྤེ དྷནུཝེགནུནྣེ, ཁགྒེ ¶ གཧཱིཏེ ཏིཁིཎེ ཏེལདྷོཏེ;

ཏསྨིཾ བྷཡསྨིཾ མརཎེ ཝིཡཱུལ༹ྷེ, ཀསྨཱ ནུ ཏེ ནཱཧུ ཚམྦྷིཏཏྟཾ.

དིསྭཱ ཁུརཔྤེ དྷནུཝེགནུནྣེ, ཁགྒེ གཧཱིཏེ ཏིཁིཎེ ཏེལདྷོཏེ;

ཏསྨིཾ བྷཡསྨིཾ མརཎེ ཝིཡཱུལ༹ྷེ, ཝེདཾ ཨལཏྠཾ ཝིཔུལཾ ཨུལཱ༹རཾ.

སོ ཝེདཛཱཏོ ཨཛ྄ཛྷབྷཝིཾ ཨམིཏྟེ, པུབྦེཝ མེ ཛཱིཝིཏམཱསི ཙཏྟཾ;

ན ཧི ཛཱིཝིཏེ ཨཱལཡཾ ཀུབྦམཱནོ, སཱུརོ ཀཡིརཱ སཱུརཀིཙྩཾ ཀདཱཙཱིཏི.

ཡེནཱསི ཀིསིཡཱ པཎྜུ, ཡེན བྷཏྟཾ ན རུཙྩཏི;

ཨཡཾ སོ ཨཱགཏོ བྷཏྟཱ [ཏཱཏོ (སཱི. སྱཱ. པཱི.)], ཀསྨཱ དཱནི པལཱཡསི.

སཙེ [ན ཁོ (སྱཱ. ཀ.)] པནཱདིཀེནེཝ, སནྠཝོ ནཱམ ཛཱཡཏི;

ཡསོ ཧཱཡཏི ཨིཏྠཱིནཾ, ཏསྨཱ ཏཱཏ པལཱཡཧཾ [པལཱཡིཧཾ (སྱཱ.), པལཱཡིཏཾ (ཀ.)].

ཡསྶསྶིནཾ ཀུལེ ཛཱཏཾ, ཨཱགཏཾ ཡཱ ན ཨིཙྪཏི;

སོཙཏི ¶ ཙིརརཏྟཱཡ, ཝཱཏགྒམིཝ བྷདྡལཱིཏི [ཀུནྡལཱིཏི (སཱི. པཱི.), གདྲབྷཱིཏི (སྱཱ.)].

སིངྒཱིམིགོ ¶ ཨཱཡཏཙཀྑུནེཏྟོ, ཨཊྛིཏྟཙོ ཝཱརིསཡོ ཨལོམོ;

ཏེནཱབྷིབྷཱུཏོ ཀཔཎཾ རུདཱམི, མཱ ཧེཝ མཾ པཱཎསམཾ ཛཧེཡྻ [ཛཧེཡྻཱ (པཱི.) ཛཧཱ’ཡྻེ (?)].

ཨཡྻ ན ཏཾ ཛཧིསྶཱམི, ཀུཉྫརཾ སཊྛིཧཱཡནཾ [ཀུཉྫར སཊྛིཧཱཡན (སཱི. པཱི.)];

པཐབྱཱ ཙཱཏུརནྟཱཡ, སུཔྤིཡོ ཧོསི མེ ཏུཝཾ.

ཡེ ཀུལཱི༹རཱ སམུདྡསྨིཾ, གངྒཱཡ ཡམུནཱཡ [ནམྨདཱཡ (སཱི. པཱི.)] ཙ;

ཏེསཾ ཏྭཾ ཝཱརིཛོ སེཊྛོ, མུཉྩ རོདནྟིཡཱ པཏིནྟི.

ཡོ ¶ ཝེ སབྦསམེཏཱནཾ, ཨཧུཝཱ སེཊྛསམྨཏོ;

ཏསྶཱཡཾ ཨེདིསཱི པཉྙཱ, ཀིམེཝ ཨིཏརཱ པཛཱ.

ཨེཝམེཝ ཏུཝཾ བྲཧྨེ, ཨནཉྙཱཡ ཝིནིནྡསི;

ཀཐཾ མཱུལཾ ཨདིསྭཱན [ཀཐཾཧི མཱུལཾ ཨདིཏྭཱ (སྱཱ. པཱི.)], རུཀྑཾ ཛཉྙཱ པཏིཊྛིཏཾ.

ནཱཧཾ ¶ ཏུམྷེ ཝིནིནྡཱམི, ཡེ ཙཉྙེ ཝཱནརཱ ཝནེ;

ཝིསྶསེནོཝ གཱརཡ྄ཧོ, ཡསྶཏྠཱ རུཀྑརོཔཀཱཏི.

ན ཧི ཝཎྞེན སམྤནྣཱ, མཉྫུཀཱ པིཡདསྶནཱ;

ཁརཝཱཙཱ པིཡཱ ཧོཏི, ཨསྨིཾ ལོཀེ པརམྷི ཙ.

ནནུ པསྶསིམཾ ཀཱལི༹ཾ, དུབྦཎྞཾ ཏིལཀཱཧཏཾ;

ཀོཀིལཾ སཎྷཝཱཙེན, བཧཱུནཾ པཱཎིནཾ པིཡཾ.

ཏསྨཱ ¶ སཁིལཝཱཙསྶ, མནྟབྷཱཎཱི ཨནུདྡྷཏོ;

ཨཏྠཾ དྷམྨཉྩ དཱིཔེཏི, མདྷུརཾ ཏསྶ བྷཱསིཏནྟི.

སབྦེཧི ཀིར ཉཱཏཱིཧི, ཀོསིཡོ ཨིསྶརོ ཀཏོ;

སཙེ ཉཱཏཱིཧི ཨནུཉྙཱཏོ [ཉཱཏཱིཧནུཉྙཱཏོ (སཱི. པཱི.)], བྷཎེཡྻཱཧཾ ཨེཀཝཱཙིཀཾ.

བྷཎ སམྨ ཨནུཉྙཱཏོ, ཨཏྠཾ དྷམྨཉྩ ཀེཝལཾ;

སནྟི ཧི དཧརཱ པཀྑཱི, པཉྙཝནྟོ ཛུཏིནྡྷརཱ.

ན མེ རུཙྩཏི བྷདྡཾ ཝོ [བྷདནྟེ (ཀ.)], ཨུལཱུཀསྶཱབྷིསེཙནཾ;

ཨཀྐུདྡྷསྶ ¶ མུཁཾ པསྶ, ཀཐཾ ཀུདྡྷོ ཀརིསྶཏཱིཏི.

པདུམུཏྟམ ¶ ནཱགསིརིཝ྄ཧཡནོ, ས-མཧཎྞཝ ཡཱུཔ ཁུརཔྤཝརོ;

ཨཐ བྷདྡལཱི ཀུཉྫར རུཀྑ པུན, ཁརཝཱཙ ཨུལཱུཀཝརེན དསཱཏི.

ཨཱརཉྙིཀསྶ ཨིསིནོ, ཙིརརཏྟཾ ཏཔསྶིནོ;

ཀིཙྪཱཀཏཾ ཨུདཔཱནཾ, ཀཐཾ སམྨ ཨཝཱཧསི [ཨཝཱཧཡི (སཱི. པཱི.), ཨཔཱཧསི (སྱཱ.)].

ཨེས དྷམྨོ སིངྒཱལཱནཾ, ཡཾ པིཏྭཱ ཨོཧདཱམསེ;

པིཏུཔིཏཱམཧཾ དྷམྨོ, ན ཏཾ [ན ནཾ (སཱི. པཱི.)] ཨུཛ྄ཛྷཱཏུམརཧསི.

ཡེསཾ ¶ ¶ ཝོ ཨེདིསོ དྷམྨོ, ཨདྷམྨོ པན ཀཱིདིསོ;

མཱ ཝོ དྷམྨཾ ཨདྷམྨཾ ཝཱ, ཨདྡསཱམ ཀུདཱཙནནྟི.

ཡེན མིཏྟེན སཾསགྒཱ, ཡོགཀྑེམོ ཝིཧིཡྻཏི;

པུབྦེཝཛ྄ཛྷཱབྷཝཾ ཏསྶ, རུཀྑེ ཨཀྑཱིཝ པཎྜིཏོ.

ཡེན མིཏྟེན སཾསགྒཱ, ཡོགཀྑེམོ པཝཌྜྷཏི;

ཀརེཡྻཏྟསམཾ ཝུཏྟིཾ, སབྦཀིཙྩེསུ པཎྜིཏོ.

ཨེཐ བྱགྒྷཱ ནིཝཏྟཝ྄ཧོ, པཙྩུཔེཐ [པཙྩམེཐ (སཱི. པཱི.)] མཧཱཝནཾ;

མཱ ཝནཾ ཚིནྡི ནིབྱགྒྷཾ, བྱགྒྷཱ མཱཧེསུ ནིབྦནཱཏི.

ཀོ ནུ ཨུདྡྷིཏབྷཏྟོཝ [ཨུདྡིཏབྷཏྟོཝ (སཱི.), ཝཌྜྷིཏབྷཏྟོཝ (སྱཱ.)], པཱུརཧཏྠོཝ བྲཱཧྨཎོ;

ཀཧཾ ནུ བྷིཀྑཾ ཨཙརི, ཀཾ སདྡྷཾ ཨུཔསངྐམི.

ཨཧཾ ¶ ཀཔིསྨི དུམྨེདྷོ, ཨནཱམཱསཱནི ཨཱམསིཾ;

ཏྭཾ མཾ མོཙཡ བྷདྡནྟེ, མུཏྟོ གཙྪེཡྻ པབྦཏཾ.

ཀཙྪཔཱ ཀསྶཔཱ ཧོནྟི, ཀོཎྜཉྙཱ ཧོནྟི མཀྐཊཱ;

མུཉྩ ཀསྶཔ ཀོཎྜཉྙཾ, ཀཏཾ མེཐུནཀཾ ཏཡཱཏི.

ཀཱཡཾ བལཱཀཱ སིཁིནཱི, ཙོརཱི ལངྒྷིཔིཏཱམཧཱ;

ཨོརཾ ¶ བལཱཀེ ཨཱགཙྪ, ཙཎྜོ མེ ཝཱཡསོ སཁཱ.

ནཱཧཾ བལཱཀཱ སིཁིནཱི, ཨཧཾ ལོལོསྨི ཝཱཡསོ;

ཨཀཏྭཱ ཝཙནཾ ཏུཡ྄ཧཾ, པསྶ ལཱུནོསྨི ཨཱགཏོ.

པུནཔཱཔཛྫསཱི ¶ སམྨ, སཱིལཉྷི ཏཝ ཏཱདིསཾ;

ན ཧི མཱནུསཀཱ བྷོགཱ, སུབྷུཉྫཱ ཧོནྟི པཀྑིནཱཏི.

ཀཱཡཾ བལཱཀཱ རུཙིརཱ, ཀཱཀནཱིལ༹སྨིམཙྪཏི;

ཙཎྜོ ཀཱཀོ སཁཱ མཡ྄ཧཾ, ཡསྶ [ཏསྶ (སཱི. པཱི.)] ཙེཏཾ ཀུལཱཝཀཾ.

ནནུ མཾ སམྨ ཛཱནཱསི, དིཛ སཱམཱཀབྷོཛན;

ཨཀཏྭཱ ཝཙནཾ ཏུཡ྄ཧཾ, པསྶ ལཱུནོསྨི ཨཱགཏོ.

པུནཔཱཔཛྫསཱི སམྨ, སཱིལཉྷི ཏཝ ཏཱདིསཾ;

ན ཧི མཱནུསཀཱ བྷོགཱ, སུབྷུཉྫཱ ཧོནྟི པཀྑིནཱཏི.

ཏཝ སདྡྷཉྩ སཱིལཉྩ, ཝིདིཏྭཱན ཛནཱདྷིཔ;

ཝཎྞཾ ཨཉྫནཝཎྞེན, ཀཱལིངྒསྨིཾ ནིམིམྷསེ [ཝིནིམྷསེ (སྱཱ.), ཝནིམྷསེ (ཀ.)].

ཨནྣབྷཙྩཱ ¶ ཙབྷཙྩཱ ཙ, ཡོདྷ ཨུདྡིསྶ གཙྪཏི;

སབྦེ ཏེ ཨཔྤཊིཀྑིཔྤཱ, པུབྦཱཙརིཡཝཙོ ཨིདཾ.

དདཱམི ¶ ཝོ བྲཱཧྨཎཱ ནཱགམེཏཾ, རཱཛཱརཧཾ རཱཛབྷོགྒཾ ཡསསྶིནཾ;

ཨལངྐཏཾ ཧེམཛཱལཱབྷིཚནྣཾ, སསཱརཐིཾ གཙྪཐ ཡེན ཀཱམནྟི.

ཀུརུདྷམྨཛཱཏཀཾ [ཀུརུདྷམྨཛཱཏཀཾ (སཱི. སྱཱ. པཱི.)] ཚཊྛཾ.

ཝསྶཱནི ¶ པཉྙཱས སམཱདྷིཀཱནི, ཝསིམྷ སེལསྶ གུཧཱཡ རོམཀ;

ཨསངྐམཱནཱ ཨབྷིནིབྦུཏཏྟཱ [ཨབྷིནིབྦུཏཙིཏྟཱ (སྱཱ. ཀ.)], ཧཏྠཏྟ [ཧཏྠཏྠ (སྱཱ.)] མཱཡནྟི མམཎྜཛཱ པུརེ.

ཏེ དཱནི ཝཀྐངྒ ཀིམཏྠམུསྶུཀཱ, བྷཛནྟི ཨཉྙཾ གིརིཀནྡརཾ དིཛཱ;

ན ནཱུན མཉྙནྟི མམཾ ཡཐཱ པུརེ, ཙིརཔྤཝུཏྠཱ ཨཐ ཝཱ ན ཏེ ཨིམེ.

ཛཱནཱམ ཏཾ ན མཡཾ སམྤམཱུལ༹ྷཱ [ན མཡ’མསྨ མཱུལ༹ྷཱ (སཱི. པཱི.)], སོཡེཝ ཏྭཾ ཏེ མཡམསྨ ནཱཉྙེ;

ཙིཏྟཉྩ ¶ ཏེ ཨསྨིཾ ཛནེ པདུཊྛཾ, ཨཱཛཱིཝིཀཱ [ཨཱཛཱིཝཀ (སཱི. སྱཱ.), ཨཱཛཱིཝིཀ (པཱི.)] ཏེན ཏམུཏྟསཱམཱཏི.

ཀིམཏྠ [ཀམཏྠ (སཱི. པཱི.)] མབྷིསནྡྷཱཡ, ལཧུཙིཏྟསྶ དུབྦྷིནོ [དཱུབྷིནོ (སཱི. པཱི.)];

སབྦཀཱམདདསྶེཝ [དུཧསྶེཝ (སཱི. སྱཱ. པཱི.), རཧསྶེཝ (ཀ.)], ཨིམཾ དུཀྑཾ ཏིཏིཀྑསི.

སིངྒེན ནིཧནཱཧེཏཾ, པདསཱ ཙ ཨདྷིཊྛཧ;

བྷིཡྻོ [བྷཱིཡོ (སཱི.)] བཱལཱ པཀུཛ྄ཛྷེཡྻུཾ, ནོ ཙསྶ པཊིསེདྷཀོ.

མམེཝཱཡཾ མཉྙམཱནོ, ཨཉྙེཔེཝཾ [ཨཉྙམྤེཝཾ (སཱི. སྱཱ. པཱི.)] ཀརིསྶཏི;

ཏེ ནཾ ཏཏྠ ཝདྷིསྶནྟི, སཱ མེ མུཏྟི བྷཝིསྶཏཱིཏི.

མཧིཾསརཱཛཛཱཏཀཾ [མཧིསཛཱཏཀཾ (སཱི. སྱཱ. པཱི.)] ཨཊྛམཾ.

ཡཐཱ ¶ མཱཎཝཀོ པནྠེ, སིངྒཱལིཾ ཝནགོཙརིཾ;

ཨཏྠཀཱམཾ པཝེདེནྟིཾ [པཝདནྟིཾ (པཱི.)], ཨནཏྠཀཱམཱཏི མཉྙཏི;

ཨནཏྠཀཱམཾ སཏཔཏྟཾ, ཨཏྠཀཱམོཏི མཉྙཏི.

ཨེཝམེཝ ཨིདྷེཀཙྩོ, པུགྒལོ ཧོཏི ཏཱདིསོ;

ཧིཏེཧི ཝཙནཾ ཝུཏྟོ, པཊིགཎྷཱཏི ཝཱམཏོ.

ཡེ ¶ ¶ ཙ ཁོ ནཾ པསཾསནྟི, བྷཡཱ ཨུཀྐཾསཡནྟི ཝཱ [ཙ (སཱི. པཱི.)];

ཏཉྷི སོ མཉྙཏེ མིཏྟཾ, སཏཔཏྟཾཝ མཱཎཝོཏི.

ཨདྡྷཱ ཧི ནཱུན མིགརཱཛཱ, པུཊཀམྨསྶ ཀོཝིདོ;

ཏཐཱ ཧི པུཊཾ དཱུསེཏི, ཨཉྙཾ ནཱུན ཀརིསྶཏི.

ན མེ མཱཏཱ ཝཱ པིཏཱ ཝཱ, པུཊཀམྨསྶ ཀོཝིདོ;

ཀཏཾ ཀཏཾ ཁོ དཱུསེམ, ཨེཝཾ དྷམྨམིདཾ ཀུལཾ.

ཡེསཾ ཝོ ཨེདིསོ དྷམྨོ, ཨདྷམྨོ པན ཀཱིདིསོ;

མཱ ཝོ དྷམྨཾ ཨདྷམྨཾ ཝཱ, ཨདྡསཱམ ཀུདཱཙནནྟི.

ཨུདཔཱནཝགྒོ [ཨརཉྙཝགྒོ (སཱི. པཱི. ཀ.)] ཏཏིཡོ.

ཨུདཔཱནཝརཾ ཝནབྱགྒྷ ཀཔི, སིཁིནཱི ཙ བལཱཀ རུཙིརཝརོ;

སུཛནཱདྷིཔརོམཀདཱུས པུན, སཏཔཏྟཝརོ པུཊཀམྨ དསཱཏི.

ཨབྦྷནྟརོ ¶ ¶ ནཱམ དུམོ, ཡསྶ དིབྱམིདཾ ཕལཾ;

བྷུཏྭཱ དོཧལི༹ནཱི ནཱརཱི, ཙཀྐཝཏྟིཾ ཝིཛཱཡཏི.

ཏྭམྤི [ཏྭཉྩ (སཱི. པཱི.), ཏྭཾ ཧི (ཀ.)] བྷདྡེ མཧེསཱིསི, སཱ ཙཱཔི [ཙཱསི (སཱི. པཱི.)] པཏིནོ པིཡཱ;

ཨཱཧརིསྶཏི ཏེ རཱཛཱ, ཨིདཾ ཨབྦྷནྟརཾ ཕལཾ.

བྷཏྟུརཏྠེ པརཀྐནྟོ, ཡཾ ཋཱནམདྷིགཙྪཏི;

སཱུརོ ཨཏྟཔརིཙྩཱགཱི, ལབྷམཱནོ བྷཝཱམཧནྟི.

སེཡྻཾསོ ¶ སེཡྻསོ ཧོཏི, ཡོ སེཡྻམུཔསེཝཏི;

ཨེཀེན སནྡྷིཾ ཀཏྭཱན, སཏཾ ཝཛ྄ཛྷེ [མཙྩེ (ཀ.), བཛ྄ཛྷེ (ཀ. ཨཊྛ.)] ཨམོཙཡིཾ.

[ཀསྨཱ…པེ… སགྒཾ ན གཙྪེཡྻ (ཀཏྠཙི)] ཏསྨཱ སབྦེན ལོཀེན, སནྡྷིཾ ཀཏྭཱན ཨེཀཏོ [ཨེཀཀོ (སཱི. སྱཱ. པཱི.)];

པེཙྩ སགྒཾ ནིགཙྪེཡྻ [ཀསྨཱ…པེ… སགྒཾ ན གཙྪེཡྻ (ཀཏྠཙི)], ཨིདཾ སུཎཱཐ ཀཱསིཡཱ [ཀཱསཡོ (སཱི. པཱི.)].

ཨིདཾ ཝཏྭཱ མཧཱརཱཛཱ, ཀཾསོ བཱརཱཎསིགྒཧོ;

དྷནུཾ ཀཎྜཉྩ [ཏཱུཎིཉྩ (སཱི. པཱི.)] ནིཀྑིཔྤ, སཾཡམཾ ཨཛ྄ཛྷུཔཱགམཱིཏི.

ཝརཾ ¶ ཝརཾ ཏྭཾ ནིཧནཾ པུརེ ཙརི, ཨསྨིཾ པདེསེ ཨབྷིབྷུཡྻ སཱུཀརེ;

སོ དཱནི ཨེཀོ བྱཔགམྨ ཛྷཱཡསི, བལཾ ནུ ཏེ བྱགྒྷ ན ཙཛྫ ཝིཛྫཏི.

ཨིམེ ¶ སུདཾ [ཨིམསྶུ ཏཱ (སྱཱ. ཀ.)] ཡནྟི དིསོདིསཾ པུརེ, བྷཡཊྚིཏཱ ལེཎགཝེསིནོ པུཐུ;

ཏེ དཱནི སངྒམྨ ཝསནྟི ཨེཀཏོ, ཡཏྠཊྛིཏཱ དུཔྤསཧཛྫམེ [དུཔྤསཧཛྫིམེ (སྱཱ.)] མཡཱ.

ནམཏྠུ སངྒྷཱན སམཱགཏཱནཾ, དིསྭཱ སཡཾ སཁྱ ཝདཱམི ཨབྦྷུཏཾ;

བྱགྒྷཾ མིགཱ ཡཏྠ ཛིནིཾསུ དཱཋིནོ, སཱམགྒིཡཱ དཱཋབལེསུ མུཙྩརེཏི.

ཡཾ ཨུསྶུཀཱ སངྒྷརནྟི, ཨལཀྑིཀཱ བཧུཾ དྷནཾ;

སིཔྤཝནྟོ ཨསིཔྤཱ ཙ, ལཀྑིཝཱ ཏཱནི བྷུཉྫཏི.

སབྦཏྠ ¶ ཀཏཔུཉྙསྶ, ཨཏིཙྩཉྙེཝ པཱཎིནོ;

ཨུཔྤཛྫནྟི བཧཱུ བྷོགཱ, ཨཔྤནཱཡཏནེསུཔི.

ཀུཀྐུཊོ [ཀུཀྐུཊ (སཱི. པཱི.), ཀུཀྐུཊཱ (སཱི. ནིསྶཡ, སདྡནཱིཏི)] མཎཡོ དཎྜོ, ཐིཡོ ཙ པུཉྙལཀྑཎཱ;

ཨུཔྤཛྫནྟི ཨཔཱཔསྶ, ཀཏཔུཉྙསྶ ཛནྟུནོཏི.

དརིཡཱ ¶ སཏྟ ཝསྶཱནི, ཏིཾསམཏྟཱ ཝསཱམསེ;

ཧཉྙཱམ [ཧཉྪེམ (སཱི. པཱི.), ཧཉྪཱམ (?)] མཎིནོ ཨཱབྷཾ, ཨིཏི ནོ མནྟནཾ ཨཧུ.

ཡཱཝཏཱ མཎིཾ གྷཾསཱམ [ཡཱཝ ཡཱཝ ནིགྷཾསཱམ (སཱི. པཱི.)], བྷིཡྻོ ཝོདཱཡཏེ མཎི;

ཨིདཉྩ དཱནི པུཙྪཱམ, ཀིཾ ཀིཙྩཾ ཨིདྷ མཉྙསི.

ཨཡཾ མཎི ཝེལཱུ༹རིཡོ, ཨཀཱཙོ ཝིམལོ [ཝིཔུལོ (ཀ.)] སུབྷོ;

ནཱསྶ སཀྐཱ སིརིཾ ཧནྟུཾ, ཨཔཀྐམཐ སཱུཀརཱཏི.

མཎིསཱུཀར [མཎིགྷཾས (ཀ.)] ཛཱཏཀཾ པཉྩམཾ.

མཱ ¶ སཱལཱུཀསྶ པིཧཡི, ཨཱཏུརནྣཱནི བྷུཉྫཏི;

ཨཔྤོསྶུཀྐོ བྷུསཾ ཁཱད, ཨེཏཾ དཱིགྷཱཡུལཀྑཎཾ.

ཨིདཱནི སོ ཨིདྷཱགནྟྭཱ, ཨཏིཐཱི ཡུཏྟསེཝཀོ;

ཨཐ དཀྑསི སཱལཱུཀཾ, སཡནྟཾ མུསལུཏྟརཾ.

ཝིཀནྟཾ ¶ [ཝིཀཏྟཾ (སཱི.), ཝིཀནྟིཡམཱནཾ ཚིནྡིཡམཱནཾཏི ཨཏྠོ] སཱུཀརཾ དིསྭཱ, སཡནྟཾ མུསལུཏྟརཾ;

ཛརགྒཝཱ ཝིཙིནྟེསུཾ, ཝརམྷཱཀཾ བྷུསཱམིཝཱཏི.

ནཱནུམྨཏྟོ ནཱཔིསུཎོ, ནཱནཊོ ནཱཀུཏཱུཧལོ;

མཱུལ༹ྷེསུ ལབྷཏེ ལཱབྷཾ, ཨེསཱ ཏེ ཨནུསཱསནཱི.

དྷིརཏྠུ ཏཾ ཡསལཱབྷཾ, དྷནལཱབྷཉྩ བྲཱཧྨཎ;

ཡཱ ཝུཏྟི ཝིནིཔཱཏེན, ཨདྷམྨཙརཎེན [ཨདྷམྨཙརིཡཱཡ (སཱི. སྱཱ.)] ཝཱ.

ཨཔི ཙེ པཏྟམཱདཱཡ, ཨནགཱརོ པརིབྦཛེ;

ཨེསཱཝ ཛཱིཝིཀཱ སེཡྻོ [སེཡྻཱ (སཱི. སྱཱ. པཱི.)], ཡཱ ཙཱདྷམྨེན ཨེསནཱཏི.

ཨགྒྷནྟི ¶ མཙྪཱ ཨདྷིཀཾ སཧསྶཾ, ན སོ ཨཏྠི ཡོ ཨིམཾ སདྡཧེཡྻ;

མཡ྄ཧཉྩ ཨསྶུ ཨིདྷ སཏྟ མཱསཱ, ཨཧམྤི ཏཾ མཙྪུདྡཱནཾ ཀིཎེཡྻཾ.

མཙྪཱནཾ བྷོཛནཾ དཏྭཱ, མམ དཀྑིཎམཱདིསི;

ཏཾ དཀྑིཎཾ སརནྟིཡཱ, ཀཏཾ ཨཔཙིཏིཾ ཏཡཱ.

པདུཊྛཙིཏྟསྶ ¶ ¶ ན ཕཱཏི ཧོཏི, ན ཙཱཔི ཏཾ [ནཾ (སཱི. སྱཱ.)] དེཝཏཱ པཱུཛཡནྟི;

ཡོ བྷཱཏརཾ པེཏྟིཀཾ སཱཔཏེཡྻཾ, ཨཝཉྩཡཱི དུཀྐཊཀམྨཀཱརཱིཏི.

ནཱནཱཚནྡཱ མཧཱརཱཛ, ཨེཀཱགཱརེ ཝསཱམསེ;

ཨཧཾ གཱམཝརཾ ཨིཙྪེ, བྲཱཧྨཎཱི ཙ གཝཾ སཏཾ.

པུཏྟོ ཙ ཨཱཛཉྙརཐཾ, ཀཉྙཱ ཙ མཎིཀུཎྜལཾ;

ཡཱ ཙེསཱ པུཎྞིཀཱ ཛམྨཱི, ཨུདུཀྑལཾབྷིཀངྑཏི.

བྲཱཧྨཎསྶ གཱམཝརཾ, བྲཱཧྨཎིཡཱ གཝཾ སཏཾ;

པུཏྟསྶ ཨཱཛཉྙརཐཾ, ཀཉྙཱཡ མཎིཀུཎྜལཾ;

ཡཉྩེཏཾ པུཎྞིཀཾ ཛམྨིཾ, པཊིཔཱདེཐུདུཀྑལནྟི.

སཱིལཾ ཀིརེཝ ཀལྱཱཎཾ, སཱིལཾ ལོཀེ ཨནུཏྟརཾ;

པསྶ གྷོརཝིསོ ནཱགོ, སཱིལཝཱཏི ན ཧཉྙཏི.

སོཧཾ སཱིལཾ སམཱདིསྶཾ, ལོཀེ ཨནུམཏཾ སིཝཾ;

ཨརིཡཝུཏྟིསམཱཙཱརོ ¶ , ཡེན ཝུཙྩཏི སཱིལཝཱ.

ཉཱཏཱིནཉྩ པིཡོ ཧོཏི, མིཏྟེསུ ཙ ཝིརོཙཏི;

ཀཱཡསྶ བྷེདཱ སུགཏིཾ, ཨུཔཔཛྫཏི སཱིལཝཱཏི.

དུམ ¶ ¶ ཀཾསཝརུཏྟམབྱགྒྷམིགཱ, མཎཡོ མཎི སཱལུཀམཝ྄ཧཡནོ;

ཨནུསཱསནིཡོཔི ཙ མཙྪཝརོ, མཎིཀུཎྜལཀེན ཀིརེན དསཱཏི.

སབྦཀཱམདདཾ ཀུམྦྷཾ, ཀུཊཾ ལདྡྷཱན དྷུཏྟཀོ;

ཡཱཝ ནཾ ཨནུཔཱལེཏི, ཏཱཝ སོ སུཁམེདྷཏི.

ཡདཱ མཏྟོ ཙ དིཏྟོ ཙ, པམཱདཱ ཀུམྦྷམབྦྷིདཱ;

ཏདཱ ནགྒོ ཙ པོཏྠོ ཙ, པཙྪཱ བཱལོ ཝིཧཉྙཏི.

ཨེཝམེཝ ཡོ དྷནཾ ལདྡྷཱ, པམཏྟོ [ཨམཏྟཱ (སཱི.), ཨམཏྟོ (པཱི.)] པརིབྷུཉྫཏི;

པཙྪཱ ¶ ཏཔྤཏི དུམྨེདྷོ, ཀུཊཾ བྷིཏྭཱཝ [ཀུཊཾ བྷིནྣོཝ (སཱི. པཱི.), ཀུཊབྷིནྣོཝ (?)] དྷུཏྟཀོཏི.

སུརཱགྷཊ [བྷདྲགྷཊ (སཱི. པཱི.), བྷདྲགྷཊབྷེདཀ (སྱཱ.)] ཛཱཏཀཾ པཋམཾ.

བཱརཱཎསྱཾ [བཱརཱཎསྶཾ (སཱི. པཱི.)] མཧཱརཱཛ, ཀཱཀརཱཛཱ ནིཝཱསཀོ [ནིཝཱསིཀོ (སཱི. པཱི.)];

ཨསཱིཏིཡཱ སཧསྶེཧི, སུཔཏྟོ པརིཝཱརིཏོ.

ཏསྶ དོཧལི༹ནཱི བྷརིཡཱ, སུཕསྶཱ བྷཀྑིཏུམིཙྪཏི [མཙྪམིཙྪཏི (སཱི. པཱི.)];

རཉྙོ མཧཱནསེ པཀྐཾ, པཙྩགྒྷཾ རཱཛབྷོཛནཾ.

ཏེསཱཧཾ པཧིཏོ དཱུཏོ, རཉྙོ ཙམྷི ཨིདྷཱགཏོ;

བྷཏྟུ ཨཔཙིཏིཾ ཀུམྨི, ནཱསཱཡམཀརཾ [མཀརིཾ (སཱི. ནིསྶཡ)] ཝཎནྟི.

ཕུཊྛསྶ ¶ མེ ཨཉྙཏརེན བྱཱདྷིནཱ, རོགེན བཱལ༹ྷཾ དུཁིཏསྶ རུཔྤཏོ;

པརིསུསྶཏི ཁིཔྤམིདཾ ཀལེ༹ཝརཾ, པུཔྥཾ ཡཐཱ པཾསུནི ཨཱཏཔེ ཀཏཾ.

ཨཛཉྙཾ ¶ ཛཉྙསངྑཱཏཾ, ཨསུཙིཾ སུཙིསམྨཏཾ;

ནཱནཱཀུཎཔཔརིཔཱུརཾ, ཛཉྙརཱུཔཾ ཨཔསྶཏོ.

དྷིརཏྠུམཾ ¶ ཨཱཏུརཾ པཱུཏིཀཱཡཾ, ཛེགུཙྪིཡཾ ཨསྶུཙིཾ བྱཱདྷིདྷམྨཾ;

ཡཏྠཔྤམཏྟཱ ཨདྷིམུཙྪིཏཱ པཛཱ, ཧཱཔེནྟི མགྒཾ སུགཏཱུཔཔཏྟིཡཱཏི.

ཀཱཡནིབྦིནྡ [ཀཱཡཝིཙྪནྡ (སཱི.), ཀཱཡཝིཙྪིནྡ (པཱི.)] ཛཱཏཀཾ ཏཏིཡཾ.

ཀོཡཾ བིནྡུསྶརོ ཝགྒུ, སརཝནྟཱན [པཝདནྟཱན (སཱི. པཱི.)] མུཏྟམོ;

ཨཙྩུཏོ ཛམྦུསཱཁཱཡ, མོརཙྪཱཔོཝ ཀཱུཛཏི.

ཀུལཔུཏྟོཝ ཛཱནཱཏི [ཀུལཔུཏྟོ པཛཱནཱཏི (སྱཱ. ཀ.)], ཀུལཔུཏྟཾ [ཀུལཔུཏྟེ (སཱི. པཱི.)] པསཾསིཏུཾ;

བྱགྒྷཙྪཱཔསརཱིཝཎྞ, བྷུཉྫ སམྨ དདཱམི ཏེ.

ཙིརསྶཾ ཝཏ པསྶཱམི, མུསཱཝཱདཱི སམཱགཏེ;

ཝནྟཱདཾ ཀུཎཔཱདཉྩ, ཨཉྙམཉྙཾ པསཾསཀེཏི.

ཨུསབྷསྶེཝ ཏེ ཁནྡྷོ, སཱིཧསྶེཝ ཝིཛམྦྷིཏཾ;

མིགརཱཛ ནམོ ཏྱཏྠུ, ཨཔི ཀིཉྩི ལབྷཱམསེ.

ཀུལཔུཏྟོཝ ཛཱནཱཏི, ཀུལཔུཏྟཾ པསཾསིཏུཾ;

མཡཱུརགཱིཝསངྐཱས, ཨིཏོ པརིཡཱཧི ཝཱཡས.

མིགཱནཾ ¶ ¶ སིངྒཱལོ [ཀོཏྠུཀོ (སཱི. པཱི.), ཀོཊྛུཀོ (སྱཱ.)] ཨནྟོ, པཀྑཱིནཾ པན ཝཱཡསོ;

ཨེརཎྜོ ཨནྟོ རུཀྑཱནཾ, ཏཡོ ཨནྟཱ སམཱགཏཱཏི.

ཀོ ནཱཡཾ [ཀོ ནྭཱཡཾ (སྱཱ.)] ལོཎཏོཡསྨིཾ, སམནྟཱ པརིདྷཱཝཏི;

མཙྪེ མཀརེ ཙ ཝཱརེཏི, ཨཱུམཱིསུ ཙ ཝིཧཉྙཏི.

ཨནནྟཔཱཡཱི སཀུཎོ, ཨཏིཏྟོཏི དིསཱསུཏོ;

སམུདྡཾ པཱཏུམིཙྪཱམི, སཱགརཾ སརིཏཾ པཏིཾ.

སོ ¶ ཨཡཾ ཧཱཡཏི ཙེཝ, པཱུརཏེ ཙ མཧོདདྷི;

ནཱསྶ ནཱཡཏི པཱིཏནྟོ, ཨཔེཡྻོ ཀིར སཱགརོཏི.

ཨུཙྩེ སཀུཎ ཌེམཱན, པཏྟཡཱན ཝིཧངྒམ;

ཝཛྫཱསི ཁོ ཏྭཾ ཝཱམཱུརུཾ, ཙིརཾ ཁོ སཱ ཀརིསྶཏི [སརིསྶཏི (ཀ.)].

ཨིདཾ ཁོ སཱ ན ཛཱནཱཏི, ཨསིཾ སཏྟིཉྩ ཨོཌྜིཏཾ;

སཱ ཙཎྜཱི ཀཱཧཏི ཀོདྷཾ, ཏཾ མེ ཏཔཏི ནོ ཨིདཾ [ནོ ཨིདྷ (སཱི. སྱཱ. པཱི.)].

ཨེས ¶ ཨུཔྤལསནྣཱཧོ, ནིཀྑཉྩུསྶཱིསཀོཧིཏཾ [ནིཀྑམུསྶཱིསཀེ ཀཏཾ (སཱི. པཱི.), ནིཀྑཉྩུསྶཱིསཀེ ཀཏཾ (སྱཱ.)];

ཀཱསིཀཉྩ མུདུཾ ཝཏྠཾ, ཏཔྤེཏུ དྷནིཀཱ པིཡཱཏི [དྷནཀཱམིཡཱཏི (སྱཱ. པཱི.), དྷནཀཱམིཀཱཏི (སཱི.)].

ཨུདུམྦརཱ ཙིམེ པཀྐཱ, ནིགྲོདྷཱ ཙ ཀཔིཏྠནཱ;

ཨེཧི ནིཀྑམ བྷུཉྫསྶུ, ཀིཾ ཛིགྷཙྪཱཡ མིཡྻསི.

ཨེཝཾ ¶ སོ སུཧིཏོ ཧོཏི, ཡོ ཝུཌྜྷམཔཙཱཡཏི;

ཡཐཱཧམཛྫ སུཧིཏོ, དུམཔཀྐཱནི མཱསིཏོ.

ཡཾ ཝནེཛོ ཝནེཛསྶ, ཝཉྩེཡྻ ཀཔིནོ ཀཔི;

དཧརོ ཀཔི [དཧརོཔི ཏཾ ན (སཱི. པཱི.), དཧརོཔི ན (སྱཱ.)] སདྡྷེཡྻ, ན ཧི ཛིཎྞོ ཛརཱཀཔཱིཏི.

པུརེ ཏུཝཾ སཱིལཝཏཾ སཀཱསེ, ཨོཀྐནྟིཀཾ [ཨོཀྐནྡིཀཾ (སཱི. སྱཱ. པཱི.)] ཀཱིལ༹སི ཨསྶམམྷི;

ཀརོཧརེ [ཀརོཧི རེ (ཀ.)] མཀྐཊིཡཱནི མཀྐཊ, ན ཏཾ མཡཾ སཱིལཝཏཾ རམཱམ.

སུཏཱ ¶ ཧི མཡ྄ཧཾ པརམཱ ཝིསུདྡྷི, ཀོམཱརཔུཏྟསྶ བཧུསྶུཏསྶ;

མཱ དཱནི མཾ མཉྙི ཏུཝཾ ཡཐཱ པུརེ, ཛྷཱནཱནུཡུཏྟོ ཝིཧརཱམི [ཛྷཱནཱནུཡུཏྟཱ ཝིཧརཱམ (སཱི. པཱི.)] ཨཱཝུསོ.

སཙེཔི སེལསྨི ཝཔེཡྻ བཱིཛཾ, དེཝོ ཙ ཝསྶེ ན ཧི ཏཾ ཝིརཱུལ༹ྷེ [ནེཝ ཧི ཏཾ རུཧེཡྻ (སཱི. པཱི.), ན ཧི ཏཾ ཝིརཱུཧེ (?)];

སུཏཱ ཧི ཏེ སཱ པརམཱ ཝིསུདྡྷི, ཨཱརཱ ཏུཝཾ མཀྐཊ ཛྷཱནབྷཱུམིཡཱཏི.

པརཔཱཎརོདྷཱ ¶ [པརཔཱཎགྷཱཏེ (སྱཱ.), པརཔཱཎརོཙཾ (ཀ.)] ཛཱིཝནྟོ, མཾསལོཧིཏབྷོཛནོ;

ཝཀོ ཝཏཾ སམཱདཱཡ, ཨུཔཔཛྫི ཨུཔོསཐཾ.

ཏསྶ སཀྐོ ཝཏཉྙཱཡ, ཨཛརཱུཔེནུཔཱགམི;

ཝཱིཏཏཔོ ཨཛ྄ཛྷཔྤཏྟོ, བྷཉྫི ལོཧིཏཔོ ཏཔཾ.

ཨེཝམེཝ ¶ ཨིདྷེཀཙྩེ, སམཱདཱནམྷི དུབྦལཱ;

ལཧུཾ ཀརོནྟི ཨཏྟཱནཾ, ཝཀོཝ ཨཛཀཱརཎཱཏི.

ཝརཀུམྦྷ ¶ སུཔཏྟསིརིཝ྄ཧཡནོ, སུཙིསམྨཏ བིནྡུསརོ ཙུསབྷོ;

སརིཏཾཔཏི ཙཎྜི ཛརཱཀཔིནཱ, ཨཐ མཀྐཊིཡཱ ཝཀཀེན དསཱཏི.

སངྐཔྤོ པདུམོ ཙེཝ, ཨུདཔཱནེན ཏཏིཡཾ;

ཨབྦྷནྟརཾ གྷཊབྷེདཾ, ཏིཀནིཔཱཏམྷིལངྐཏནྟི.

ཝིཝརཐིམཱསཾ ¶ ¶ ¶ [ཝིཝརཐ ཨིམཱསཾ (སཱི. སྱཱ. པཱི.)] དྭཱརཾ, ནགརཾ པཝིསནྟུ [པཝིསིཏུཾ མཡཱ; (ཀ.)] ཨརུཎརཱཛསྶ;

སཱིཧེན སུསིཊྛེན, སུརཀྑིཏཾ [སུསཏྠེན, སུརཀྑིཏཾ (སཱི. པཱི.), སུསིཊྛེན (ཀ.)] ནནྡིསེནེན.

ཛཡོ ཀལིངྒཱནམསཡ྄ཧསཱཧིནཾ, པརཱཛཡོ ཨནཡོ [ཨཛཡོ (སྱཱ.), ཨནྭིཏོ (ཀ.)] ཨསྶཀཱནཾ;

ཨིཙྩེཝ ཏེ བྷཱསིཏཾ བྲཧྨཙཱརི, ན ཨུཛྫུབྷཱུཏཱ ཝིཏཐཾ བྷཎནྟི.

དེཝཱ མུསཱཝཱདམུཔཱཏིཝཏྟཱ, སཙྩཾ དྷནཾ པརམཾ ཏེསུ [ཏཐཾ པེམཀརཾ ནུ (ཀ.), ཏཐཾ པརམཾ ཀརཾ ནུ (སྱཱ.)] སཀྐ;

ཏཾ ཏེ མུསཱ བྷཱསིཏཾ དེཝརཱཛ, ཀིཾ ཝཱ པཊིཙྩ མགྷཝཱ མཧིནྡ.

ནནུ ཏེ སུཏཾ བྲཱཧྨཎ བྷཉྙམཱནེ, དེཝཱ ན ཨིསྶནྟི པུརིསཔརཀྐམསྶ;

དམོ སམཱདྷི མནསོ ཨབྷེཛྫོ [ཨདེཛྫོ (སཱི. པཱི.), ཨབྷིཛྫོ (ཀ.)], ཨབྱགྒཏཱ ¶ ནིཀྐམནཉྩ [ནིཀྑམནཉྩ (སཱི.)] ཀཱལེ;

དལ༹ྷཉྩ ཝིརིཡཾ པུརིསཔརཀྐམོ ཙ, ཏེནེཝ ཨཱསི ཝིཛཡོ ཨསྶཀཱནནྟི.

ཨདེཡྻེསུ དདཾ དཱནཾ, དེཡྻེསུ ནཔྤཝེཙྪཏི;

ཨཱཔཱསུ བྱསནཾ པཏྟོ, སཧཱཡཾ ནཱདྷིགཙྪཏི.

ནཱདེཡྻེསུ ¶ དདཾ དཱནཾ, དེཡྻེསུ ཡོ པཝེཙྪཏི;

ཨཱཔཱསུ བྱསནཾ པཏྟོ, སཧཱཡམདྷིགཙྪཏི.

སཉྙོགསམྦྷོགཝིསེསདསྶནཾ, ཨནརིཡདྷམྨེསུ སཋེསུ ནསྶཏི;

ཀཏཉྩ ཨརིཡེསུ ཙ ཨཛྫཝེསུ, མཧཔྥལཾ ཧོཏི ཨཎུམྤི ཏཱདིསུ.

ཡོ པུབྦེ ཀཏཀལྱཱཎོ, ཨཀཱ ལོཀེ སུདུཀྐརཾ;

པཙྪཱ ཀཡིརཱ ན ཝཱ ཀཡིརཱ, ཨཙྩནྟཾ པཱུཛནཱརཧོཏི.

ཨནུཏྟརེ ¶ ¶ ཀཱམགུཎེ སམིདྡྷེ, བྷུཏྭཱན པུབྦེ ཝསཱི ཨེཀརཱཛ;

སོ དཱནི དུགྒེ ནརཀམྷི ཁིཏྟོ, ནཔྤཛྫཧེ ཝཎྞབལཾ པུརཱཎཾ.

པུབྦེཝ ཁནྟཱི ཙ ཏཔོ ཙ མཡ྄ཧཾ, སམྤཏྠིཏཱ དུབྦྷིསེན [དབྦསེནཱ (སཱི. པཱི.)] ཨཧོསི;

ཏཾ དཱནི ལདྡྷཱན ཀཐཾ ནུ རཱཛ, ཛཧེ ཨཧཾ ཝཎྞབལཾ པུརཱཎཾ.

སབྦཱ ཀིརེཝཾ པརིནིཊྛིཏཱནི, ཡསསྶིནཾ པཉྙཝནྟཾ ཝིསཡ྄ཧ;

ཡསོ ཙ ལདྡྷཱ པུརིམཾ ཨུལཱ༹རཾ, ནཔྤཛྫཧེ ཝཎྞབལཾ པུརཱཎཾ.

པནུཛྫ དུཀྑེན སུཁཾ ཛནིནྡ, སུཁེན ཝཱ དུཀྑམསཡ྄ཧསཱཧི;

ཨུབྷཡཏྠ སནྟོ ཨབྷིནིབྦུཏཏྟཱ, སུཁེ ཙ དུཀྑེ ཙ བྷཝནྟི ཏུལྱཱཏི.

ཨིམཱནི ¶ ¶ མཾ དདྡར ཏཱཔཡནྟི, ཝཱཙཱདུརུཏྟཱནི མནུསྶལོཀེ;

མཎྜཱུཀབྷཀྑཱ ཨུདཀནྟསེཝཱི, ཨཱསཱིཝིསཾ མཾ ཨཝིསཱ སཔནྟི.

སཀཱ རཊྛཱ པབྦཱཛིཏོ, ཨཉྙཾ ཛནཔདཾ གཏོ;

མཧནྟཾ ཀོཊྛཾ ཀཡིརཱཐ, དུརུཏྟཱནཾ [དུརུཏྟཱནི (ཀ.)] ནིདྷེཏཝེ.

ཡཏྠ པོསཾ ན ཛཱནནྟི, ཛཱཏིཡཱ ཝིནཡེན ཝཱ;

ན ཏཏྠ མཱནཾ ཀཡིརཱཐ, ཝསམཉྙཱཏཀེ ཛནེ.

ཝིདེསཝཱསཾ ཝསཏོ, ཛཱཏཝེདསམེནཔི [ཛཱཏཝེདབྷཡེནཔི (ཀ.)];

ཁམིཏབྦཾ སཔཉྙེན, ཨཔི དཱསསྶ ཏཛྫིཏནྟི.

ནཏྠི ལོཀེ རཧོ ནཱམ, པཱཔཀམྨཾ པཀུབྦཏོ;

པསྶནྟི ཝནབྷཱུཏཱནི, ཏཾ བཱལོ མཉྙཏཱི རཧོ.

ཨཧཾ རཧོ ན པསྶཱམི, སུཉྙཾ ཝཱཔི ན ཝིཛྫཏི;

ཡཏྠ ཨཉྙཾ [སུཉྙཾ (སྱཱ. ཀ.)] ན པསྶཱམི, ཨསུཉྙཾ ཧོཏི ཏཾ མཡཱ.

དུཛྫཙྩོ ཙ སུཛཙྩོ [ཨཛཙྩོ (པཱི.)] ཙ, ནནྡོ ཙ སུཁཝཌྜྷིཏོ [སུཁཝཙྪཀོ (སཱི.), སུཁཝཙྪནོ (སྱཱ. པཱི.)];

ཝེཛྫོ ¶ ཙ ཨདྡྷུཝསཱིལོ [ཨཐ སཱིལོ (ཀ.)] ཙ, ཏེ དྷམྨཾ ཛཧུ མཏྠིཀཱ.

བྲཱཧྨཎོ ¶ ཙ ཀཐཾ ཛཧེ, སབྦདྷམྨཱན པཱརགཱུ;

ཡོ དྷམྨམནུཔཱལེཏི, དྷིཏིམཱ སཙྩནིཀྐམོཏི.

ཀིམཎྜཀཱ ¶ ཨིམེ དེཝ, ནིཀྑིཏྟཱ ཀཾསམལླཀེ;

ཨུཔལོཧིཏཀཱ ཝགྒཱུ, ཏཾ [ཏེ (པཱི.)] མེ ཨཀྑཱཧི པུཙྪིཏོ.

ཡཱནི པུརེ ཏུཝཾ དེཝི, བྷཎྜུ ནནྟཀཝཱསིནཱི;

ཨུཙྪངྒཧཏྠཱ པཙིནཱསི, ཏསྶཱ ཏེ ཀོལིཡཾ ཕལཾ.

ཨུཌྜཡ྄ཧཏེ ན རམཏི, བྷོགཱ ཝིཔྤཛཧནྟི ཏཾ [ཝིཔྤཛཧནྟི’མཾ (?)];

ཏཏྠེཝིམཾ པཊིནེཐ, ཡཏྠ ཀོལཾ པཙིསྶཏི.

ཧོནྟི ཧེཏེ མཧཱརཱཛ, ཨིདྡྷིཔྤཏྟཱཡ [ཨིདྡྷིམཏྟཱཡ (ཀ.)] ནཱརིཡཱ;

ཁམ དེཝ སུཛཱཏཱཡ, མཱསྶཱ [མཱསུ (ཀ.)] ཀུཛ྄ཛྷ རཐེསབྷཱཏི.

ཨཙེཏནཾ བྲཱཧྨཎ ཨསྶུཎནྟཾ, ཛཱནོ ཨཛཱནནྟམིམཾ པལཱསཾ;

ཨཱརདྡྷཝིརིཡོ དྷུཝཾ ཨཔྤམཏྟོ, སུཁསེཡྻཾ ¶ པུཙྪསི ཀིསྶ ཧེཏུ.

དཱུརེ སུཏོ ཙེཝ བྲཧཱ ཙ རུཀྑོ, དེསེ ཋིཏོ བྷཱུཏནིཝཱསརཱུཔོ;

ཏསྨཱ ནམསྶཱམི ཨིམཾ པལཱསཾ, ཡེ ཙེཏྠ བྷཱུཏཱ ཏེ [ཏེ ཙ (སཱི. པཱི.)] དྷནསྶ ཧེཏུ.

སོ ཏེ ཀརིསྶཱམི ཡཐཱནུབྷཱཝཾ, ཀཏཉྙུཏཾ བྲཱཧྨཎ པེཀྑམཱནོ;

ཀཐཉྷི ཨཱགམྨ སཏཾ སཀཱསེ, མོགྷཱནི ཏེ ཨསྶུ པརིཕནྡིཏཱནི.

ཡོ ¶ ཏིནྡུཀརུཀྑསྶ པརོ [པུརོ (ཀ.)] པིལཀྑོ [པིལཀྑུ (སཱི. པཱི.), མིལཀྑུ (ཀ.)], པརིཝཱརིཏོ པུབྦཡཉྙོ ཨུལཱ༹རོ;

ཏསྶེས མཱུལསྨིཾ ནིདྷི ནིཁཱཏོ, ཨདཱཡཱདོ གཙྪ ཏཾ ཨུདྡྷརཱཧཱིཏི.

ཨཀརམྷས ཏེ ཀིཙྩཾ, ཡཾ བལཾ ཨཧུཝམྷསེ;

མིགརཱཛ ནམོ ཏྱཏྠུ, ཨཔི ཀིཉྩི ལབྷཱམསེ.

མམ ¶ ལོཧིཏབྷཀྑསྶ, ནིཙྩཾ ལུདྡཱནི ཀུབྦཏོ;

དནྟནྟརགཏོ སནྟོ, ཏཾ བཧུཾ ཡམྤི ཛཱིཝསི.

ཨཀཏཉྙུམཀཏྟཱརཾ ¶ , ཀཏསྶ ཨཔྤཊིཀཱརཀཾ;

ཡསྨིཾ ཀཏཉྙུཏཱ ནཏྠི, ནིརཏྠཱ ཏསྶ སེཝནཱ.

ཡསྶ སམྨུཁཙིཎྞེན, མིཏྟདྷམྨོ ན ལབྦྷཏི;

ཨནུསཱུཡ [ཨནུསུཡྻ (སཱི. པཱི.)] མནཀྐོསཾ, སཎིཀཾ ཏམྷཱ ཨཔཀྐམེཏི.

སབྦམིདཾ ཙརིམཾ ཀཏཾ [ཙརིམཝཏཾ (སཱི. པཱི.)], ཨུབྷོ དྷམྨཾ ན པསྶརེ;

ཨུབྷོ པཀཏིཡཱ ཙུཏཱ, ཡོ ཙཱཡཾ མནྟེཛ྄ཛྷཱཔེཏི [མནྟཛ྄ཛྷཱཡཏི (སཱི.), སཛ྄ཛྷཱཔཡཏི (པཱི.)];

སཱལཱིནཾ ཨོདནཾ བྷུཉྫེ, སུཙིཾ མཾསཱུཔསེཙནཾ;

ཏསྨཱ ཨེཏཾ ན སེཝཱམི, དྷམྨཾ ཨིསཱིཧི སེཝིཏཾ.

པརིབྦཛ མཧཱ ལོཀོ [མཧཱབྲཧྨེ (ཀ.)], པཙནྟཉྙེཔི པཱཎིནོ;

མཱ ཏཾ ཨདྷམྨོ ཨཱཙརིཏོ, ཨསྨཱ ཀུམྦྷམིཝཱབྷིདཱ.

དྷིརཏྠུ ¶ ཏཾ ཡསལཱབྷཾ, དྷནལཱབྷཉྩ བྲཱཧྨཎ;

ཡཱ ཝུཏྟི ཝིནིཔཱཏེན, ཨདྷམྨཙརཎེན ཝཱཏི.

སསམུདྡཔརིཡཱཡཾ ¶ , མཧིཾ སཱགརཀུཎྜལཾ;

ན ཨིཙྪེ སཧ ནིནྡཱཡ, ཨེཝཾ སེཡྻ [སཡ྄ཧ (སཱི. སྱཱ. པཱི.)] ཝིཛཱནཧི.

དྷིརཏྠུ ཏཾ ཡསལཱབྷཾ, དྷནལཱབྷཉྩ བྲཱཧྨཎ;

ཡཱ ཝུཏྟི ཝིནིཔཱཏེན, ཨདྷམྨཙརཎེན ཝཱ.

ཨཔི ཙེ པཏྟམཱདཱཡ, ཨནགཱརོ པརིབྦཛེ;

སཱཡེཝ ཛཱིཝིཀཱ སེཡྻོ, ཡཱ ཙཱདྷམྨེན ཨེསནཱ.

ཨཔི ¶ ཙེ པཏྟམཱདཱཡ, ཨནགཱརོ པརིབྦཛེ;

ཨཉྙཾ ཨཧིཾསཡཾ ལོཀེ, ཨཔི རཛྫེན ཏཾ ཝརནྟི.

སེཡྻཛཱཏཀཾ [སཡ྄ཧཛཱཏཀཾ (སཱི. སྱཱ. པཱི.)] དསམཾ.

ཀཱལིངྒཝགྒོ [ཝིཝརཝགྒོ (སཱི. པཱི.)] པཋམོ.

ཝིཝརཉྩ ཨདེཡྻ སམིདྡྷཝརཾ, ཨཐ དདྡར པཱཔམཧཱཏིརཧོ;

ཨཐ ཀོལི པལཱསཝརཉྩ ཀར, ཙརིམཾ སསམུདྡཝརེན དསཱཏི.

ཨུཊྛེཧི ཙོར ཀིཾ སེསི, ཀོ ཨཏྠོ སུཔནེན [སུཔིཏེན (སཱི.), སུཔིནེན (པཱི. ཀ.)] ཏེ;

མཱ ¶ ཏཾ གཧེསུཾ [གཎྷེཡྻུཾ (ཀ.)] རཱཛཱནོ, གཱམེ ཀིབྦིསཀཱརཀཾ.

ཡཾ ¶ ནུ [ནཱུན (སྱཱ.)] ཙོརཾ གཧེསྶནྟི, གཱམེ ཀིབྦིསཀཱརཀཾ;

ཀིཾ ཏཏྠ པུཙིམནྡསྶ, ཝནེ ཛཱཏསྶ ཏིཊྛཏོ.

ན ཏྭཾ ཨསྶཏྠ ཛཱནཱསི, མམ ཙོརསྶ ཙནྟརཾ;

ཙོརཾ གཧེཏྭཱ རཱཛཱནོ, གཱམེ ཀིབྦིསཀཱརཀཾ;

ཨཔྤེནྟི [ཨཙྩེནྟི (སྱཱ.)] ནིམྦསཱུལསྨིཾ, ཏསྨིཾ མེ སངྐཏེ མནོ.

སངྐེཡྻ སངྐིཏབྦཱནི, རཀྑེཡྻཱནཱགཏཾ བྷཡཾ;

ཨནཱགཏབྷཡཱ དྷཱིརོ, ཨུབྷོ ལོཀེ ཨཝེཀྑཏཱིཏི.

ཨཔི ཀསྶཔ མནྡིཡཱ, ཡུཝཱ སཔཏི ཧནྟི [སམྤཊིཧནྟི (ཀ.)] ཝཱ;

སབྦཾ ཏཾ ཁམཏེ དྷཱིརོ, པཎྜིཏོ ཏཾ ཏིཏིཀྑཏི.

སཙེཔི སནྟོ ཝིཝདནྟི, ཁིཔྤཾ སནྡྷཱིཡརེ པུན;

བཱལཱ པཏྟཱཝ བྷིཛྫནྟི, ན ཏེ སམཐམཛ྄ཛྷགཱུ.

ཨེཏེ ¶ བྷིཡྻོ སམཱཡནྟི, སནྡྷི ཏེསཾ ན ཛཱིརཏི;

ཡོ ཙཱདྷིཔནྣཾ ཛཱནཱཏི, ཡོ ཙ ཛཱནཱཏི དེསནཾ.

ཨེསོ ཧི ཨུཏྟརིཏརོ, བྷཱརཝཧོ དྷུརདྡྷརོ;

ཡོ པརེསཱདྷིཔནྣཱནཾ ¶ , སཡཾ སནྡྷཱཏུམརཧཏཱིཏི.

ཡོ ཏེ ཧཏྠེ ཙ པཱདེ ཙ, ཀཎྞནཱསཉྩ ཚེདཡི;

ཏསྶ ཀུཛ྄ཛྷ མཧཱཝཱིར, མཱ རཊྛཾ ཝིནསཱ [ཝིནསྶ (ཀ. སཱི. སྱཱ. ཀ.)] ཨིདཾ.

ཡོ མེ ཧཏྠེ ཙ པཱདེ ཙ, ཀཎྞནཱསཉྩ ཚེདཡི;

ཙིརཾ ཛཱིཝཏུ སོ རཱཛཱ, ན ཧི ཀུཛ྄ཛྷནྟི མཱདིསཱ.

ཨཧཱུ ཨཏཱིཏམདྡྷཱནཾ [ཨཧུ ཨཏཱིཏམདྡྷཱནེ (སྱཱ. པཱི. ཀ.)], སམཎོ ཁནྟིདཱིཔནོ;

ཏཾ ཁནྟིཡཱཡེཝ ཋིཏཾ, ཀཱསིརཱཛཱ ཨཚེདཡི.

ཏསྶ ¶ ཀམྨ [ཀམྨསྶ (སཱི. པཱི.)] ཕརུསསྶ, ཝིཔཱཀོ ཀཊུཀོ ཨཧུ;

ཡཾ ཀཱསིརཱཛཱ ཝེདེསི, ནིརཡམྷི སམཔྤིཏོཏི.

དུཛྫཱིཝིཏམཛཱིཝིམྷ, ཡེ སནྟེ [ཡེསཾ ནོ (སྱཱ. ཀ.)] ན དདམྷསེ;

ཝིཛྫམཱནེསུ བྷོགེསུ, དཱིཔཾ ནཱཀམྷ ཨཏྟནོ.

སཊྛི [སཊྛིཾ (སྱཱ.)] ཝསྶསཧསྶཱནི, པརིཔུཎྞཱནི སབྦསོ;

ནིརཡེ པཙྩམཱནཱནཾ, ཀདཱ ཨནྟོ བྷཝིསྶཏི.

ནཏྠི ཨནྟོ ཀུཏོ ཨནྟོ, ན ཨནྟོ པཊིདིསྶཏི;

ཏདཱ ¶ ཧི པཀཏཾ པཱཔཾ, མམ ཏུཡ྄ཧཉྩ མཱརིསཱ [མཱརིས (སཱི. སྱཱ. པཱི.)].

སོཧཾ ནཱུན ཨིཏོ གནྟྭཱ, ཡོནིཾ ལདྡྷཱན མཱནུསིཾ;

ཝདཉྙཱུ སཱིལསམྤནྣོ, ཀཱཧཱམི ཀུསལཾ བཧུནྟི.

ཕརུསཱ ¶ ཝཏ ཏེ ཝཱཙཱ, མཾསཾ [སམྨ (པཱི. ཀ.)] ཡཱཙནཀོ ཨསི [ཙསི (པཱི.)];

ཀིལོམསདིསཱི [ཀིལོམསྶ སདིསཱ (པཱི.)] ཝཱཙཱ, ཀིལོམཾ སམྨ དམྨི ཏེ.

ཨངྒམེཏཾ མནུསྶཱནཾ, བྷཱཏཱ ལོཀེ པཝུཙྩཏི;

ཨངྒསྶ སདིསཱི ཝཱཙཱ [ཨངྒསྶདིསཱི ཏེ ཝཱཙཱ (ཀ.)], ཨངྒཾ སམྨ དདཱམི ཏེ.

ཏཱཏཱཏི པུཏྟོ ཝདམཱནོ, ཀམྤེཏི [སམྨེཏི (ཀ.)] ཧདཡཾ པིཏུ;

ཧདཡསྶ སདིསཱི [ཧདཡསྶདིསཱི (ཀ.)] ཝཱཙཱ, ཧདཡཾ སམྨ དམྨི ཏེ.

ཡསྶ གཱམེ སཁཱ ནཏྠི, ཡཐཱརཉྙཾ ཏཐེཝ ཏཾ;

སབྦསྶ སདིསཱི ཝཱཙཱ, སབྦཾ སམྨ དདཱམི ཏེཏི.

སབྦམཾསལཱབྷཛཱཏཀཾ [མཾསཛཱཏཀཾ (སཱི. སྱཱ. པཱི.)] པཉྩམཾ.

སཏྟ ¶ མེ རོཧིཏཱ མཙྪཱ, ཨུདཀཱ ཐལམུབྦྷཏཱ;

ཨིདཾ བྲཱཧྨཎ མེ ཨཏྠི, ཨེཏཾ བྷུཏྭཱ ཝནེ ཝས.

དུསྶ མེ ཁེཏྟཔཱལསྶ, རཏྟིབྷཏྟཾ ཨཔཱབྷཏཾ;

མཾསསཱུལཱ ¶ ཙ དྭེ གོདྷཱ, ཨེཀཉྩ དདྷིཝཱརཀཾ;

ཨིདཾ བྲཱཧྨཎ མེ ཨཏྠི, ཨེཏཾ བྷུཏྭཱ ཝནེ ཝས.

ཨམྦཔཀྐཾ དཀཾ [ཨམྦཔཀྐོདཀཾ (སཱི. པཱི.)] སཱིཏཾ, སཱིཏཙྪཱཡཱ མནོརམཱ [སཱིཏཙྪཱཡཾ མནོརམཾ (སཱི. སྱཱ. པཱི.)];

ཨིདཾ བྲཱཧྨཎ མེ ཨཏྠི, ཨེཏཾ བྷུཏྭཱ ཝནེ ཝས.

ན སསསྶ ཏིལཱ ཨཏྠི, ན མུགྒཱ ནཔི ཏཎྜུལཱ;

ཨིམིནཱ ཨགྒིནཱ པཀྐཾ, མམཾ [མཾསཾ (ཀ.)] བྷུཏྭཱ ཝནེ ཝསཱཏི.

མཏཾ མཏཾ ཨེཝ [མཏམཏམེཝ (སཱི. སྱཱ. པཱི.)] རོདཐ, ན ཧི ཏཾ རོདཐ ཡོ མརིསྶཏི;

སབྦེཔི [སབྦེཝ (སཱི. སྱཱ. པཱི.)] སརཱིརདྷཱརིནོ, ཨནུཔུབྦེན ཛཧནྟི ཛཱིཝིཏཾ.

དེཝམནུསྶཱ ཙཏུཔྤདཱ, པཀྑིགཎཱ ཨུརགཱ ཙ བྷོགིནོ;

སམྷི [ཡམྷི (སྱཱ.), ཨསྨིཾ (པཱི. ཀ.)] སརཱིརེ ཨནིསྶརཱ, རམམཱནཱཝ ཛཧནྟི ཛཱིཝིཏཾ.

ཨེཝཾ ¶ ཙལིཏཾ ཨསཎྛིཏཾ, སུཁདུཀྑཾ མནུཛེསྭཔེཀྑིཡ;

ཀནྡིཏརུདིཏཾ ནིརཏྠཀཾ, ཀིཾ ཝོ སོཀགཎཱབྷིཀཱིརརེ.

དྷུཏྟཱ ཙ སོཎྜཱ [དྷུཏྟཱ སོཎྜཱ (སཱི.), དྷུཏྟཱ སོཎྜཱ ཙ (སྱཱ.)] ཨཀཏཱ, བཱལཱ སཱུརཱ ཨཡོགིནོ [བཱལཱ སཱུརཱ ཝཱིརཱ ཨཡོགིནོ (པཱི.)];

དྷཱིརཾ མཉྙནྟི བཱལོཏི, ཡེ དྷམྨསྶ ཨཀོཝིདཱཏི.

ཡཾ ¶ ¶ ཏཾ ཝསནྟསམཡེ, ཀཎཝེརེསུ བྷཱཎུསུ;

སཱམཾ བཱཧཱཡ པཱིལེ༹སི, སཱ ཏཾ ཨཱརོགྱམབྲཝི.

ཨམྦྷོ ན ཀིར སདྡྷེཡྻཾ, ཡཾ ཝཱཏོ པབྦཏཾ ཝཧེ;

པབྦཏཉྩེ ཝཧེ ཝཱཏོ, སབྦམྤི པཐཝིཾ ཝཧེ;

ཡཏྠ སཱམཱ ཀཱལཀཏཱ [ཀཱལངྐཏཱ (ཀ.)], སཱ མཾ ཨཱརོགྱམབྲཝི.

ན ཙེཝ སཱ ཀཱལཀཏཱ, ན ཙ སཱ ཨཉྙམིཙྪཏི;

ཨེཀབྷཏྟིཀིནཱི [ཨེཀབྷཏྟཱ ཀིར (སཱི. སྱཱ.), ཨེཀབྷཏྟཀིནཱི (པཱི.)] སཱམཱ, ཏམེཝ ཨབྷིཀངྑཏི.

ཨསནྠུཏཾ མཾ ཙིརསནྠུཏེན [ཨསནྡྷཏཾ མཾ ཙིརསནྡྷཏེན (ཀ.)], ནིམཱིནི སཱམཱ ཨདྷུཝཾ དྷུཝེན;

མཡཱཔི སཱམཱ ནིམིནེཡྻ ཨཉྙཾ, ཨིཏོ ཨཧཾ དཱུརཏརཾ གམིསྶནྟི.

སུསུཁཾ ཝཏ ཛཱིཝཱམི, ལབྷཱམི ཙེཝ བྷུཉྫིཏུཾ;

པརིཔནྠེཝ ཏིཊྛཱམི, ཀཱ ནུ བྷནྟེ གཏཱི མམ.

མནོ ཙེ ཏེ ནཔྤཎམཏི, པཀྑི པཱཔསྶ ཀམྨུནོ;

ཨབྱཱཝཊསྶ བྷདྲསྶ, ན པཱཔམུཔལིམྤཏི.

ཉཱཏཀོ ནོ ནིསིནྣོཏི, བཧུ ཨཱགཙྪཏེ ཛནོ;

པཊིཙྩ ¶ ཀམྨཾ ཕུསཏི, ཏསྨིཾ མེ སངྐཏེ མནོ.

ན པཊིཙྩ ཀམྨཾ ཕུསཏི, མནོ ཙེ ནཔྤདུསྶཏི;

ཨཔྤོསྶུཀྐསྶ བྷདྲསྶ, ན པཱཔམུཔལིམྤཏཱིཏི.

སུཙྩཛཾ ¶ ¶ ཝཏ ནཙྩཛི, ཝཱཙཱཡ ཨདདཾ གིརིཾ;

ཀིཾ ཧིཏསྶ ཙཛནྟསྶ, ཝཱཙཱཡ ཨདད པབྦཏཾ.

ཡཉྷི ཀཡིརཱ ཏཉྷི ཝདེ, ཡཾ ན ཀཡིརཱ ན ཏཾ ཝདེ;

ཨཀརོནྟཾ བྷཱསམཱནཾ, པརིཛཱནནྟི པཎྜིཏཱ.

རཱཛཔུཏྟ ནམོ ཏྱཏྠུ, སཙྩེ དྷམྨེ ཋིཏོ ཙསི;

ཡསྶ ཏེ བྱསནཾ པཏྟོ, སཙྩསྨིཾ རམཏེ མནོ.

ཡཱ དལིདྡཱི དལིདྡསྶ, ཨཌྜྷཱ ཨཌྜྷསྶ ཀིཏྟིམ [ཀིཏྟིམཱ (སཱི. སྱཱ. པཱི.)];

སཱ ཧིསྶ པརམཱ བྷརིཡཱ, སཧིརཉྙསྶ ཨིཏྠིཡོཏི.

ཨཐ ཙོར སཀསྶཔ ཁནྟཱིཝརོ, དུཛྫཱིཝིཏཏཱ ཙ ཝརཱ ཕརུསཱ;

ཨཐ ¶ སས མཏཉྩ ཝསནྟ སུཁཾ, སུཙྩཛཾཝཏནཙྩཛིནཱ ཙ དསཱཏི.

མནུསྶསྶེཝ ཏེ སཱིསཾ, ཧཏྠཔཱདཱ ཙ ཝཱནར;

ཨཐ ཀེན ནུ ཝཎྞེན, ཨགཱརཾ ཏེ ན ཝིཛྫཏི.

མནུསྶསྶེཝ མེ སཱིསཾ, ཧཏྠཔཱདཱ ཙ སིངྒིལ [སིངྒཱལ (ཀ.), པིངྒལ (ཊཱིཀཱ)];

ཡཱཧུ སེཊྛཱ མནུསྶེསུ, སཱ མེ པཉྙཱ ན ཝིཛྫཏི.

ཨནཝཊྛིཏཙིཏྟསྶ ¶ , ལཧུཙིཏྟསྶ དུབྦྷིནོ [དཱུབྷིནོ (པཱི.)];

ནིཙྩཾ ཨདྡྷུཝསཱིལསྶ, སུཁབྷཱཝོ [སུཙིབྷཱཝོ (སཱི.), སུཁབྷཱགོ (?)] ན ཝིཛྫཏི.

སོ ¶ ཀརསྶུ ཨཱནུབྷཱཝཾ, ཝཱིཏིཝཏྟསྶུ སཱིལིཡཾ;

སཱིཏཝཱཏཔརིཏྟཱཎཾ, ཀརསྶུ ཀུཊཝཾ [ཀུཊིཀཾ (སཱི. སྱཱ.)] ཀཔཱིཏི.

ཀུཊིདཱུསཀ [སིངྒཱལསཀུཎ (ཀ.)] ཛཱཏཀཾ པཋམཾ.

དུདྡུབྷཱཡཏི [དདྡབྷཱཡཏི (སཱི. པཱི.)] བྷདྡནྟེ, ཡསྨིཾ དེསེ ཝསཱམཧཾ;

ཨཧམྤེཏཾ ན ཛཱནཱམི, ཀིམེཏཾ དུདྡུབྷཱཡཏི.

བེལུཝཾ ¶ པཏིཏཾ སུཏྭཱ, དུདྡུབྷནྟི [དདྡབྷནྟི (སཱི.)] སསོ ཛཝི;

སསསྶ ཝཙནཾ སུཏྭཱ, སནྟཏྟཱ མིགཝཱཧིནཱི.

ཨཔྤཏྭཱ པདཝིཉྙཱཎཾ, པརགྷོསཱནུསཱརིནོ;

པནཱདཔརམཱ བཱལཱ, ཏེ ཧོནྟི པརཔཏྟིཡཱ.

ཡེ ཙ སཱིལེན སམྤནྣཱ, པཉྙཱཡཱུཔསམེ རཏཱ;

ཨཱརཀཱ ཝིརཏཱ དྷཱིརཱ, ན ཧོནྟི པརཔཏྟིཡཱཏི.

དུདྡུབྷཛཱཏཀཾ [དདྡབྷཛཱཏཀཾ (སཱི. པཱི.)] དུཏིཡཾ.

དྭཡཾ ཡཱཙནཀོ རཱཛ, བྲཧྨདཏྟ ནིགཙྪཏི;

ཨལཱབྷཾ དྷནལཱབྷཾ ཝཱ, ཨེཝཾ དྷམྨཱ ཧི ཡཱཙནཱ.

ཡཱཙནཾ རོདནཾ ཨཱཧུ, པཉྩཱལཱནཾ རཐེསབྷ;

ཡོ ཡཱཙནཾ པཙྩཀྑཱཏི, ཏམཱཧུ པཊིརོདནཾ.

མཱ མདྡསཾསུ རོདནྟཾ, པཉྩཱལཱ སུསམཱགཏཱ;

ཏུཝཾ ཝཱ པཊིརོདནྟཾ, ཏསྨཱ ཨིཙྪཱམཧཾ རཧོ.

དདཱམི ¶ ཏེ བྲཱཧྨཎ རོཧིཎཱིནཾ, གཝཾ སཧསྶཾ སཧ པུངྒཝེན;

ཨརིཡོ ཧི ཨརིཡསྶ ཀཐཾ ན དཛྫཱ [དཛྫེ (སཱི.), དཛྫཾ (?)], སུཏྭཱན གཱཐཱ ཏཝ དྷམྨཡུཏྟཱཏི.

ཀལྱཱཎརཱུཔོ ¶ ཝཏཡཾ ཙཏུཔྤདོ, སུབྷདྡཀོ ཙེཝ སུཔེསལོ ཙ;

ཡོ བྲཱཧྨཎཾ ཛཱཏིམནྟཱུཔཔནྣཾ, ཨཔཙཱཡཏི མེཎྜཝརོ ཡསསྶཱི.

མཱ ¶ བྲཱཧྨཎ ཨིཏྟརདསྶནེན, ཝིསྶཱསམཱཔཛྫི ཙཏུཔྤདསྶ;

དལ༹ྷཔྤཧཱརཾ ཨབྷིཀངྑམཱནོ [ཨབྷིཀཏྟུཀཱམོ (སྱཱ.)], ཨཝསཀྐཏཱི དསྶཏི སུཔྤཧཱརཾ.

ཨཱུརུཊྛི [ཨཱུརཊྛི (སཱི.)] བྷགྒཾ པཝཊྚིཏོ [པཏིཏོ (སཱི. སྱཱ.)] ཁཱརིབྷཱརོ, སབྦཉྩ བྷཎྜཾ བྲཱཧྨཎསྶ [བྲཱཧྨཎསྶཱིདྷ (ཀ. སཱི. པཱི.), བྲཱཧྨཎསྶེཝ (ཀ. སཱི. སྱཱ. ཀ.)] བྷིནྣཾ;

ཨུབྷོཔི བཱཧཱ པགྒཡ྄ཧ [པགྒཡྻེཝ (སྱཱ.), པགྒཧཱིཡ (?)] ཀནྡཏི [བཱཧཱ པགྒཡྻ ཀནྡཏི (པཱི. ཀ.)], ཨབྷིདྷཱཝཐ ཧཉྙཏེ བྲཧྨཙཱརཱི.

ཨེཝཾ སོ ནིཧཏོ སེཏི, ཡོ ཨཔཱུཛཾ པསཾསཏི [ནམསྶཏི (པཱི.)];

ཡཐཱཧམཛྫ པཧཏོ, ཧཏོ མེཎྜེན དུམྨཏཱིཏི.

སམཎཾ ¶ ཏཾ མཉྙམཱནོ, ཨུཔགཙྪིམསཉྙཏཾ;

སོ མཾ དཎྜེན པཱཧཱསི, ཡཐཱ ཨསྶམཎོ ཏཐཱ.

ཀིཾ ¶ ཏེ ཛཊཱཧི དུམྨེདྷ, ཀིཾ ཏེ ཨཛིནསཱཊིཡཱ;

ཨབྦྷནྟརཾ ཏེ གཧནཾ, བཱཧིརཾ པརིམཛྫསི.

ཨེཧི གོདྷ ནིཝཏྟསྶུ, བྷུཉྫ སཱལཱིནམོདནཾ;

ཏེལཾ ལོཎཉྩ མེ ཨཏྠི, པཧཱུཏཾ མཡ྄ཧ པིཔྥལི.

ཨེས བྷིཡྻོ པཝེཀྑཱམི, ཝམྨིཀཾ སཏཔོརིསཾ;

ཏེལཾ ལོཎཉྩ ཀིཏྟེསི [ཀིནྟེསི (སྱཱ. པཱི.)], ཨཧིཏཾ མཡ྄ཧ པིཔྥལཱིཏི.

ཀཱཡེན ཡོ ནཱཝཧརེ, ཝཱཙཱཡ ན མུསཱ བྷཎེ;

ཡསོ ལདྡྷཱ ན མཛྫེཡྻ, ས ཝེ ཀཀྐཱརུམརཧཏི.

དྷམྨེན ཝིཏྟམེསེཡྻ, ན ནིཀཏྱཱ དྷནཾ ཧརེ;

བྷོགེ ལདྡྷཱ ན མཛྫེཡྻ, ས ཝེ ཀཀྐཱརུམརཧཏི.

ཡསྶ ཙིཏྟཾ ཨཧཱལིདྡཾ, སདྡྷཱ ཙ ཨཝིརཱགིནཱི;

ཨེཀོ སཱདུཾ ན བྷུཉྫེཡྻ, ས ཝེ ཀཀྐཱརུམརཧཏི.

སམྨུཁཱ ཝཱ ཏིརོཀྑཱ ཝཱ [པརོཀྑཱ ཝཱ (པཱི.), པརམྨུཁཱ (ཀ.)], ཡོ སནྟེ ན པརིབྷཱསཏི;

ཡཐཱཝཱདཱི ¶ ཏཐཱཀཱརཱི, ས ཝེ ཀཀྐཱརུམརཧཏཱིཏི.

ཝཱཏི ¶ ཙཱཡཾ [ཝཱཡཾ (ཀ.)] ཏཏོ གནྡྷོ, ཡཏྠ མེ ཝསཏཱི པིཡཱ;

དཱུརེ ཨིཏོ ཧི ཀཱཀཝཏཱི [ཀཱཀཱཏཱི (སཱི.), ཀཱཀཱཏི (སྱཱ. པཱི.)], ཡཏྠ མེ ནིརཏོ མནོ.

ཀཐཾ སམུདྡམཏརཱི, ཀཐཾ ཨཏརི ཀེཔུཀཾ [ཀེབུཀཾ (སཱི. པཱི.)];

ཀཐཾ སཏྟ སམུདྡཱནི, ཀཐཾ སིམྦལིམཱརུཧི.

ཏཡཱ སམུདྡམཏརིཾ, ཏཡཱ ཨཏརི ཀེཔུཀཾ [ཀེབུཀཾ (སཱི. པཱི.)];

ཏཡཱ སཏྟ སམུདྡཱནི, ཏཡཱ སིམྦལིམཱརུཧིཾ.

དྷིརཏྠུམཾ ¶ མཧཱཀཱཡཾ, དྷིརཏྠུམཾ ཨཙེཏནཾ;

ཡཏྠ ཛཱཡཱཡཧཾ ཛཱརཾ, ཨཱཝཧཱམི ཝཧཱམི ཙཱཏི.

བཧཱུནཾ ཝིཛྫཏཱི བྷོཏཱི, ཏེཧི མེ ཀིཾ བྷཝིསྶཏི;

ཏསྨཱ ཨེཏཾ ན སོཙཱམི, པིཡཾ སམྨིལླཧཱསིནིཾ.

ཏཾ ཏཾ ཙེ ཨནུསོཙེཡྻ, ཡཾ ཡཾ ཏསྶ ན ཝིཛྫཏི;

ཨཏྟཱནམནུསོཙེཡྻ, སདཱ མཙྩུཝསཾ པཏཾ.

ན ¶ ཧེཝ ཋིཏཾ ནཱསཱིནཾ, ན སཡཱནཾ ན པདྡྷགུཾ [པཏྠགུཾ (སྱཱ.)];

ཡཱཝ བྱཱཏི ནིམིསཏི, ཏཏྲཱཔི རསཏཱི [སརཏཱི (སཱི. སྱཱ. པཱི.)] ཝཡོ.

ཏཏྠཏྟནི ཝཏཔྤདྡྷེ [ཝཏ པནྠེ (སྱཱ.), ཝཏ བནྡྷེ (ཀ.) ཝཏ + པ-ཨདྡྷེ = ཝཏཔྤདྡྷེ], ཝིནཱབྷཱཝེ ཨསཾསཡེ;

བྷཱུཏཾ སེསཾ དཡིཏབྦཾ, ཝཱིཏཾ ཨནནུསོཙིཡནྟི [ཙཝིཏཾ ནཱནུསོཙིཡནྟི (སྱཱ.), མཏནྟཾ ནཱནུསོཙིཡཾ (ཀ.)].

ཡཾ ཨནྣཔཱནསྶ པུརེ ལབྷཱམ, ཏཾ དཱནི སཱཁམིགམེཝ གཙྪཏི;

གཙྪཱམ དཱནི ཝནམེཝ རཱདྷ, ཨསཀྐཏཱ ཙསྨ དྷནཉྫཡཱཡ [དྷནཉྩཡཱཡ (ཀ.)].

ལཱབྷོ ཨལཱབྷོ ཡསོ ཨཡསོ ཙ, ནིནྡཱ པསཾསཱ ཙ སུཁཉྩ དུཀྑཾ;

ཨེཏེ ཨནིཙྩཱ མནུཛེསུ དྷམྨཱ, མཱ སོཙི ཀིཾ སོཙསི པོཊྛཔཱད.

ཨདྡྷཱ ¶ ཏུཝཾ པཎྜིཏཀོསི རཱདྷ, ཛཱནཱསི ཨཏྠཱནི ཨནཱགཏཱནི;

ཀཐཾ ¶ ནུ སཱཁཱམིགཾ དཀྑིསཱམ [དཀྑིཡཱམ (ཀ.), དཀྑཱམ (སྱཱ.)], ནིདྡྷཱཝིཏཾ [ནིདྡྷཱཔིཏཾ (སཱི. སྱཱ.), ནིབྦཱཔིཏཾ (པཱི.), ནིཙྪདཾ (ཀ.)] རཱཛཀུལཏོཝ ཛམྨཾ.

ཙཱལེཏི ¶ ཀཎྞཾ བྷཀུཊིཾ ཀརོཏི, མུཧུཾ མུཧུཾ བྷཱཡཡཏེ [བྷཱཡཏེ (སྱཱ.), བྷཱཡཱཔཏེ (ཀ.)] ཀུམཱརེ;

སཡམེཝ ཏཾ ཀཱཧཏི ཀཱལ༹བཱཧུ, ཡེནཱརཀཱ ཋསྶཏི ཨནྣཔཱནཱཏི.

སཱིལཾ ཀིརེཝ ཀལྱཱཎཾ, སཱིལཾ ལོཀེ ཨནུཏྟརཾ;

པསྶ གྷོརཝིསོ ནཱགོ, སཱིལཝཱཏི ན ཧཉྙཏི.

ཡཱཝདེཝསྶཧཱུ ཀིཉྩི, ཏཱཝདེཝ ཨཁཱདིསུཾ;

སངྒམྨ ཀུལལཱ ལོཀེ, ན ཧིཾསནྟི ཨཀིཉྩནཾ.

སུཁཾ ནིརཱསཱ སུཔཏི, ཨཱསཱ ཕལཝཏཱི སུཁཱ;

ཨཱསཾ ནིརཱསཾ ཀཏྭཱན, སུཁཾ སུཔཏི པིངྒལཱ.

ན སམཱདྷིཔརོ ཨཏྠི, ཨསྨིཾ ལོཀེ པརམྷི ཙ;

ན པརཾ ནཱཔི ཨཏྟཱནཾ, ཝིཧིཾསཏི སམཱཧིཏོཏི.

སམནུསྶ ¶ -སདུདྡུབྷ-ཡཱཙནཀོ, ཨཐ མེཎྜཝརུཏྟམ-གོདྷཝརོ;

ཨཐ ཀཱཡསཀེཔུཀ བྷོཏཱིཝརོ, ཨཐ རཱདྷསུསཱིལཝརེན དསཱཏི.

ཡོ ¶ ཝེ ཀཱལེ ཨསམྤཏྟེ, ཨཏིཝེལཾ པབྷཱསཏི;

ཨེཝཾ སོ ནིཧཏོ སེཏི, ཀོཀིལཱཡིཝ ཨཏྲཛོ.

ན ཧི སཏྠཾ སུནིསིཏཾ, ཝིསཾ ཧལཱཧལཱམིཝ [ཧལཱཧལཾ ཨིཝ (པཱི.)];

ཨེཝཾ ནིཀཊྛེ [ནིཀྐཌྜྷེ (སྱཱ.), ནིཀཌྜྷེ (ཀ.)] པཱཏེཏི, ཝཱཙཱ དུབྦྷཱསིཏཱ ཡཐཱ.

ཏསྨཱ ཀཱལེ ཨཀཱལེ ཝཱ [ཨཀཱལེ ཙ (སཱི. སྱཱ.)], ཝཱཙཾ རཀྑེཡྻ པཎྜིཏོ;

ནཱཏིཝེལཾ པབྷཱསེཡྻ, ཨཔི ཨཏྟསམམྷི ཝཱ.

ཡོ ¶ ཙ ཀཱལེ མིཏཾ བྷཱསེ, མཏིཔུབྦོ ཝིཙཀྑཎོ;

སབྦེ ཨམིཏྟེ ཨཱདེཏི, སུཔཎྞོ ཨུརགཱམིཝཱཏི.

ཀོཀིལཛཱཏཀཾ [ཀོཀཱལིཀཛཱཏཀཾ (སབྦཏྠ)] པཋམཾ.

ཨཔི ཧནྟྭཱ ཧཏོ བྲཱུཏི, ཛེཏྭཱ ཛིཏོཏི བྷཱསཏི;

པུབྦཝཀྑཱཡིནོ ¶ [པུབྦམཀྑཱཡིནོ (སཱི. སྱཱ.)] རཱཛ, ཨཉྙདཏྠུ [ཨེཀདཏྠུ (སཱི. པཱི.)] ན སདྡཧེ.

ཏསྨཱ པཎྜིཏཛཱཏིཡོ, སུཎེཡྻ ཨིཏརསྶཔི;

ཨུབྷིནྣཾ ཝཙནཾ སུཏྭཱ, ཡཐཱ དྷམྨོ ཏཐཱ ཀརེ.

ཨལསོ གིཧཱི ཀཱམབྷོགཱི ན སཱདྷུ, ཨསཉྙཏོ པབྦཛིཏོ ན སཱདྷུ;

རཱཛཱ ན སཱདྷུ ཨནིསམྨཀཱརཱི, ཡོ པཎྜིཏོ ཀོདྷནོ ཏཾ ན སཱདྷུ.

ནིསམྨ ཁཏྟིཡོ ཀཡིརཱ, ནཱནིསམྨ དིསམྤཏི;

ནིསམྨཀཱརིནོ རཱཛ [རཉྙོ (སཱི. སྱཱ.)], ཡསོ ཀིཏྟི ཙ ཝཌྜྷཏཱིཏི.

ཏདེཝ ¶ མེ ཏྭཾ ཝིདིཏོ, ཝནམཛ྄ཛྷེ རཐེསབྷ;

ཡསྶ ཏེ ཁགྒབདྡྷསྶ, སནྣདྡྷསྶ ཏིརཱིཊིནོ;

ཨསྶཏྠདུམསཱཁཱཡ, པཀྐཱ གོདྷཱ པལཱཡཐ.

ནམེ ནམནྟསྶ བྷཛེ བྷཛནྟཾ, ཀིཙྩཱནུཀུབྦསྶ ཀརེཡྻ ཀིཙྩཾ;

ནཱནཏྠཀཱམསྶ ཀརེཡྻ ཨཏྠཾ, ཨསམྦྷཛནྟམྤི ན སམྦྷཛེཡྻ.

ཙཛེ ¶ ཙཛནྟཾ ཝནཐཾ ན ཀཡིརཱ, ཨཔེཏཙིཏྟེན ན སམྦྷཛེཡྻ;

དིཛོ དུམཾ ཁཱིཎཕལནྟི [ཕལཾཝ (ཀ. སཱི. སྱཱ. ཀ.), དུཀནིཔཱཏེ པུཊབྷཏྟཛཱཏཀེན སཾསནྡེཏབྦཾ] ཉཏྭཱ, ཨཉྙཾ སམེཀྑེཡྻ མཧཱ ཧི ལོཀོ.

སོ ཏེ ཀརིསྶཱམི ཡཐཱནུབྷཱཝཾ, ཀཏཉྙུཏཾ ཁཏྟིཡེ [ཁཏྟིཡོ (སྱཱ. ཀ.)] པེཀྑམཱནོ;

སབྦཉྩ ཏེ ཨིསྶརིཡཾ དདཱམི, ཡསྶིཙྪསཱི ཏསྶ ཏུཝཾ དདཱམཱིཏི.

པཀྐགོདྷཛཱཏཀཾ [གོདྷཛཱཏཀཾ (སཱི. སྱཱ. པཱི.)] ཏཏིཡཾ.

གཝཾ ཙེ ཏརམཱནཱནཾ, ཛིམྷཾ གཙྪཏི པུངྒཝོ;

སབྦཱ ཏཱ ཛིམྷཾ གཙྪནྟི [སབྦཱ གཱཝཱི ཛིམྷཾ ཡནྟི (སཱི. སྱཱ.)], ནེཏྟེ ཛིམྷཾ གཏེ སཏི.

ཨེཝམེཝ ¶ མནུསྶེསུ, ཡོ ཧོཏི སེཊྛསམྨཏོ;

སོ ཙེ ཨདྷམྨཾ ཙརཏི, པགེཝ ཨིཏརཱ པཛཱ;

སབྦཾ རཊྛཾ དུཁཾ སེཏི, རཱཛཱ ཙེ ཧོཏི ཨདྷམྨིཀོ.

གཝཾ ཙེ ཏརམཱནཱནཾ, ཨུཛུཾ གཙྪཏི པུངྒཝོ;

སབྦཱ གཱཝཱི ཨུཛུཾ ཡནྟི [སབྦཱ ཏཱ ཨུཛུཾ གཙྪནྟི (པཱི. ཨ. ནི. ༤.༧༠)], ནེཏྟེ ཨུཛུཾ གཏེ སཏི.

ཨེཝམེཝ ¶ མནུསྶེསུ, ཡོ ཧོཏི སེཊྛསམྨཏོ;

སོ སཙེ དྷམྨཾ ཙརཏི, པགེཝ ཨིཏརཱ པཛཱ;

སབྦཾ ¶ རཊྛཾ སུཁཾ སེཏི, རཱཛཱ ཙེ ཧོཏི དྷམྨིཀོཏི.

བྲཧཱ པཝཌྜྷཀཱཡོ སོ, དཱིགྷདཱཋོ ཙ ཛམྦུཀ;

ན ཏྭཾ ཏཏྠ ཀུལེ ཛཱཏོ, ཡཏྠ གཎྷནྟི ཀུཉྫརཾ.

ཨསཱིཧོ སཱིཧམཱནེན, ཡོ ཨཏྟཱནཾ ཝིཀུབྦཏི;

ཀོཏྠཱུཝ [ཀུཊྛཱུཝ (སཱི.), ཀུཏྠུཝ (སྱཱ. པཱི)] གཛམཱསཛྫ, སེཏི བྷཱུམྱཱ ཨནུཏྠུནཾ.

ཡསསྶིནོ ཨུཏྟམཔུགྒལསྶ, སཉྫཱཏཁནྡྷསྶ མཧབྦལསྶ;

ཨསམེཀྑིཡ ཐཱམབལཱུཔཔཏྟིཾ, ས སེཏི ནཱགེན ཧཏོཡཾ ཛམྦུཀོ.

ཡོ ཙཱིདྷ ཀམྨཾ ཀུརུཏེ པམཱཡ, ཐཱམབྦལཾ ཨཏྟནི སཾཝིདིཏྭཱ;

ཛཔྤེན མནྟེན སུབྷཱསིཏེན, པརིཀྑཝཱ སོ ཝིཔུལཾ ཛིནཱཏཱིཏི.

ཏིཎཾ ཏིཎནྟི ལཔསི, ཀོ ནུ ཏེ ཏིཎམཱཧརི;

ཀིཾ ¶ ནུ ཏེ ཏིཎཀིཙྩཏྠི, ཏིཎམེཝ པབྷཱསསི.

ཨིདྷཱགམཱ བྲཧྨཙཱརཱི, བྲཧཱ ཚཏྟོ བཧུསྶུཏོ;

སོ མེ [སོ ཝེ (ཀ.)] སབྦཾ སམཱདཱཡ, ཏིཎཾ ནིཀྑིཔྤ གཙྪཏི.

ཨེཝེཏཾ ཧོཏི ཀཏྟབྦཾ, ཨཔྤེན བཧུམིཙྪཏཱ;

སབྦཾ སཀསྶ ཨཱདཱནཾ, ཨནཱདཱནཾ ཏིཎསྶ ཙ. ( ) [(ཏིཎསྶ ཙཱཊཱིསུ གཏོ, ཏཏྠ ཀཱ པརིདེཝནཱ) (སཱི. སྱཱ.) (ཙཱཊཱིསུ པཀྑིཔིཏྭཱན, ཏཏྠ ཀཱ པརིདེཝནཱ) (ཀ.)]

སཱིལཝནྟོ ¶ ¶ ན ཀུབྦནྟི, བཱལོ སཱིལཱནི ཀུབྦཏི;

ཨནིཙྩསཱིལཾ དུསྶཱིལྱཾ [དུསྶཱིལཾ (པཱི.)], ཀིཾ པཎྜིཙྩཾ ཀརིསྶཏཱིཏི.

ན ཏེ པཱིཋམདཱཡིམྷཱ [མདཱསིམྷ (པཱི. ཀ.)], ན པཱནཾ ནཔི བྷོཛནཾ;

བྲཧྨཙཱརི ཁམསྶུ མེ, ཨེཏཾ པསྶཱམི ཨཙྩཡཾ.

ནེཝཱབྷིསཛྫཱམི ན ཙཱཔི ཀུཔྤེ, ན ཙཱཔི མེ ཨཔྤིཡམཱསི ཀིཉྩི;

ཨཐོཔི མེ ཨཱསི མནོཝིཏཀྐོ, ཨེཏཱདིསོ ནཱུན ཀུལསྶ དྷམྨོ.

ཨེསསྨཱཀཾ ཀུལེ དྷམྨོ, པིཏུཔིཏཱམཧོ སདཱ;

ཨཱསནཾ ཨུདཀཾ པཛྫཾ, སབྦེཏཾ ནིཔདཱམསེ.

ཨེསསྨཱཀཾ ¶ ཀུལེ དྷམྨོ, པིཏུཔིཏཱམཧོ སདཱ;

སཀྐཙྩཾ ཨུཔཏིཊྛཱམ, ཨུཏྟམཾ ཝིཡ ཉཱཏཀནྟི.

ཝིདིཏཾ ཐུསཾ ཨུནྡུརཱནཾ [ཨུནྡཱུརཱནཾ (ཀ.)], ཝིདིཏཾ པན ཏཎྜུལཾ;

ཐུསཾ ཐུསཾ [ཐུསཾ ཐཱུལཾ (སཱི.)] ཝིཝཛྫེཏྭཱ, ཏཎྜུལཾ པན ཁཱདརེ.

ཡཱ མནྟནཱ ཨརཉྙསྨིཾ, ཡཱ ཙ གཱམེ ནིཀཎྞིཀཱ;

ཡཉྩེཏཾ ཨིཏི ཙཱིཏི ཙ, ཨེཏམྤི ཝིདིཏཾ མཡཱ.

དྷམྨེན ཀིར ཛཱཏསྶ, པིཏཱ པུཏྟསྶ མཀྐཊོ;

དཧརསྶེཝ སནྟསྶ, དནྟེཧི ཕལམཙྪིདཱ.

ཡམེཏཾ པརིསཔྤསི [པརིསབྦེསི (ཀ.)], ཨཛཀཱཎོཝ སཱསཔེ;

ཡོཔཱཡཾ ཧེཊྛཏོ སེཏི [སེསི (སཱི.)], ཨེཏམྤི ཝིདིཏཾ མཡཱཏི.

ཨདསྶནེན ¶ མོརསྶ, སིཁིནོ མཉྫུབྷཱཎིནོ;

ཀཱཀཾ ཏཏྠ ཨཔཱུཛེསུཾ, མཾསེན ཙ ཕལེན ཙ.

ཡདཱ ¶ ཙ སརསམྤནྣོ, མོརོ བཱཝེརུམཱགམཱ;

ཨཐ ¶ ལཱབྷོ ཙ སཀྐཱརོ, ཝཱཡསསྶ ཨཧཱཡཐ.

ཡཱཝ ནུཔྤཛྫཏཱི བུདྡྷོ, དྷམྨརཱཛཱ པབྷངྐརོ;

ཏཱཝ ཨཉྙེ ཨཔཱུཛེསུཾ, པུཐཱུ སམཎབྲཱཧྨཎེ.

ཡདཱ ཙ སརསམྤནྣོ, བུདྡྷོ དྷམྨཾ ཨདེསཡི;

ཨཐ ལཱབྷོ ཙ སཀྐཱརོ, ཏིཏྠིཡཱནཾ ཨཧཱཡཐཱཏི.

ཨདཱསི དཱནཱནི པུརེ ཝིསཡ྄ཧ, དདཏོ ཙ ཏེ ཁཡདྷམྨོ ཨཧོསི;

ཨིཏོ པརཾ ཙེ ན དདེཡྻ དཱནཾ, ཏིཊྛེཡྻུཾ ཏེ སཾཡམནྟསྶ བྷོགཱ.

ཨནརིཡམརིཡེན སཧསྶནེཏྟ, སུདུགྒཏེནཱཔི ཨཀིཙྩམཱཧུ;

མཱ ཝོ དྷནཾ ཏཾ ཨཧུ དེཝརཱཛ [ཨཧུཝཱ ཛནིནྡ (ཀ. སཱི. སྱཱ. པཱི.)], ཡཾ བྷོགཧེཏུ ཝིཛཧེམུ སདྡྷཾ.

ཡེན ཨེཀོ རཐོ ཡཱཏི, ཡཱཏི ཏེནཱཔརོ རཐོ;

པོརཱཎཾ ནིཧིཏཾ ཝཏྟཾ, ཝཏྟཏཉྙེཝ [ཝདྡྷཾ, ཝདྡྷཏཉྙེཝ (ཀ. སཱི. པཱི.)] ཝཱསཝ.

ཡདི ¶ ཧེསྶཏི དསྶཱམ, ཨསནྟེ ཀིཾ དདཱམསེ;

ཨེཝཾབྷཱུཏཱཔི དསྶཱམ, མཱ དཱནཾ པམདམྷསེཏི.

ཀོཀིལཝགྒོ [ཀོཀཱལིཀཝགྒོ (ཀ.)] ཙཏུཏྠོ.

ཨཏིཝེལཔབྷཱསཏི ¶ ཛཱིཏཝརོ, ཝནམཛ྄ཛྷ རཐེསབྷ ཛིམྷགམོ;

ཨཐ ཛམྦུ ཏིཎཱསནཔཱིཋཝརཾ, ཨཐ ཏཎྜུལ མོར ཝིསཡ྄ཧ དསཱཏི.

ནརཱནམཱརཱམཀརཱསུ ནཱརིསུ, ཨནེཀཙིཏྟཱསུ ཨནིགྒཧཱསུ ཙ;

སབྦཏྠ ནཱཔཱིཏིཀརཱཔི [སབྦ’ཏྟནཱ’པཱིཏིཀརཱཔི (སཱི. སྱཱ.)] ཙེ སིཡཱ [སིཡུཾ (སྱཱ.)], ན ཝིསྶསེ ཏིཏྠསམཱ ཧི ནཱརིཡོ.

ཡཾ ¶ ཝེ [ཡཉྩ (སྱཱ. ཀ.)] དིསྭཱ ཀཎྜརཱིཀིནྣརཱནཾ [ཀིནྣརཀིནྣརཱིནཾ (སྱཱ.), ཀིནྣརཱིཀིནྣརཱནཾ (ཀ.)], སབྦིཏྠིཡོ ན རམནྟི ཨགཱརེ;

ཏཾ ¶ ཏཱདིསཾ མཙྩཾ ཙཛིཏྭཱ བྷརིཡཱ, ཨཉྙཾ དིསྭཱ པུརིསཾ པཱིཋསཔྤིཾ.

བཀསྶ ཙ བཱཝརིཀསྶ [པཱཝཱརིཀསྶ (སཱི.)] རཉྙོ, ཨཙྩནྟཀཱམཱནུགཏསྶ བྷརིཡཱ;

ཨཝཱཙརཱི [ཨཙྩཱཙརི (སྱཱ.), ཨནཱཙརི (ཀ.)] པཊྛཝསཱནུགསྶ [བདྡྷཝསཱནུགསྶ (སཱི. སྱཱ.), པཏྟཝསཱནུགཏསྶ (ཀ.)], ཀཾ ཝཱཔི ཨིཏྠཱི ནཱཏིཙརེ ཏདཉྙཾ.

པིངྒིཡཱནཱི སབྦལོཀིསྶརསྶ, རཉྙོ པིཡཱ བྲཧྨདཏྟསྶ བྷརིཡཱ;

ཨཝཱཙརཱི པཊྛཝསཱནུགསྶ, ཏཾ ཝཱཔི སཱ ནཱཛ྄ཛྷགཱ ཀཱམཀཱམིནཱིཏི.

ཀཎྜརཱིཛཱཏཀཾ [ཀིནྣརཱིཛཱཏཀཾ (ཀ. སཱི. ཀ.), ཀུཎྜལིཀཛཱཏཀཾ (སྱཱ.)] པཋམཾ.

ཨསཀྑིཾ ¶ ཝཏ ཨཏྟཱནཾ, ཨུདྡྷཱཏུཾ ཨུདཀཱ ཐལཾ;

ན དཱནཱཧཾ པུན ཏུཡ྄ཧཾ, ཝསཾ གཙྪཱམི ཝཱརིཛ.

ཨལམེཏེཧི ཨམྦེཧི, ཛམྦཱུཧི པནསེཧི ཙ;

ཡཱནི པཱརཾ སམུདྡསྶ, ཝརཾ མཡ྄ཧཾ ཨུདུམྦརོ.

ཡོ ཙ ཨུཔྤཏིཏཾ ཨཏྠཾ, ན ཁིཔྤམནུབུཛ྄ཛྷཏི;

ཨམིཏྟཝསམནྭེཏི ¶ , པཙྪཱ ཙ ཨནུཏཔྤཏི.

ཡོ ཙ ཨུཔྤཏིཏཾ ཨཏྠཾ, ཁིཔྤམེཝ ནིབོདྷཏི;

མུཙྩཏེ སཏྟུསམྦཱདྷཱ, ན ཙ པཙྪཱནུཏཔྤཏཱིཏི.

ཨཝསིམྷ ཏཝཱགཱརེ, ནིཙྩཾ སཀྐཏཔཱུཛིཏཱ;

ཏྭམེཝ དཱནིམཀརི, ཧནྡ རཱཛ ཝཛཱམཧཾ.

ཡོ ཝེ ཀཏེ པཊིཀཏེ, ཀིབྦིསེ པཊིཀིབྦིསེ;

ཨེཝཾ ཏཾ སམྨཏཱི ཝེརཾ, ཝས ཀུནྟིནི མཱགམཱ.

ན ཀཏསྶ ཙ ཀཏྟཱ ཙ, མེཏྟི [མེཏྟཱི (པཱི.), མིཏྟཱི (ཀ.)] སནྡྷཱིཡཏེ པུན;

ཧདཡཾ ནཱནུཛཱནཱཏི, གཙྪཉྙེཝ རཐེསབྷ.

ཀཏསྶ ཙེཝ ཀཏྟཱ ཙ, མེཏྟི སནྡྷཱིཡཏེ པུན;

དྷཱིརཱནཾ ནོ ཙ བཱལཱནཾ, ཝས ཀུནྟིནི མཱགམཱཏི.

ཡོ ¶ ནཱིལིཡཾ མཎྜཡཏི, སཎྜཱསེན ཝིཧཉྙཏི;

ཏསྶ སཱ ཝསམནྭེཏུ, ཡཱ ཏེ ཨམྦེ ཨཝཱཧརི.

ཝཱིསཾ ཝཱ པཉྩཝཱིསཾ [པཎྞུཝཱིསཾ (ཀ. སཱི. པཱི.)] ཝཱ, ཨཱུནཏིཾསཾ ཝ ཛཱཏིཡཱ;

ཏཱདིསཱ ¶ པཏི མཱ ལདྡྷཱ [པཏིཾ མཱ ལདྡྷཱ (པཱི.), པཏི མཱ’ལཏྠ (?)], ཡཱ ཏེ ཨམྦེ ཨཝཱཧརི.

དཱིགྷཾ ¶ གཙྪཏུ ཨདྡྷཱནཾ, ཨེཀིཀཱ ཨབྷིསཱརིཀཱ;

སངྐེཏེ པཏི མཱ ཨདྡ [མཱ ཨདྡས (སཱི. པཱི.)], ཡཱ ཏེ ཨམྦེ ཨཝཱཧརི.

ཨལངྐཏཱ སུཝསནཱ, མཱལིནཱི ཙནྡནུསྶདཱ;

ཨེཀིཀཱ སཡནེ སེཏུ, ཡཱ ཏེ ཨམྦེ ཨཝཱཧརཱིཏི.

ཨམྦཛཱཏཀཾ [ཨམྦཙོརཛཱཏཀཾ (ཀ. སཱི. པཱི.)] ཙཏུཏྠཾ.

ཝནཾ ཡདགྒི དཧཏི, པཱཝཀོ ཀཎྷཝཏྟནཱི;

ཀཐཾ ཀརོསི པཙལཀ, ཨེཝཾ དནྡྷཔརཀྐམོ.

བཧཱུནི རུཀྑཚིདྡཱནི, པཐབྱཱ ཝིཝརཱནི ཙ;

ཏཱནི ཙེ ནཱབྷིསམྦྷོམ, ཧོཏི ནོ ཀཱལཔརིཡཱཡོ.

ཡོ དནྡྷཀཱལེ ཏརཏི, ཏརཎཱིཡེ ཙ དནྡྷཏི;

སུཀྑཔཎྞཾཝ ཨཀྐམྨ, ཨཏྠཾ བྷཉྫཏི ཨཏྟནོ.

ཡོ དནྡྷཀཱལེ དནྡྷེཏི, ཏརཎཱིཡེ ཙ ཏཱརཡི;

སསཱིཝ རཏྟིཾ ཝིབྷཛཾ, ཏསྶཏྠོ པརིཔཱུརཏཱིཏི.

མནུསྶིནྡཾ ¶ ཛཧིཏྭཱན, སབྦཀཱམསམིདྡྷིནཾ;

ཀཐཾ ནུ བྷགཝཱ ཀེསཱི, ཀཔྤསྶ རམཏི ཨསྶམེ [རམཏསྶམེ (ཀ.)].

སཱདཱུནཱི [སཱདྷཱུནི (ཀ. སཱི. སྱཱ. ཀ.)] རམཎཱིཡཱནི, སནྟི ཝཀྑཱ མནོརམཱ;

སུབྷཱསིཏཱནི ཀཔྤསྶ, ནཱརད རམཡནྟི མཾ.

སཱལཱིནཾ ཨོདནཾ བྷུཉྫེ, སུཙིཾ མཾསཱུཔསེཙནཾ;

ཀཐཾ སཱམཱཀནཱིཝཱརཾ, ཨལོཎཾ ཚཱདཡནྟི ཏཾ.

སཱདུཾ ¶ ཝཱ [ཨསཱདུཾ (པཱི.)] ཡདི ཝཱསཱདུཾ, ཨཔྤཾ ཝཱ ཡདི ཝཱ བཧུཾ;

ཝིསྶཏྠོ ཡཏྠ བྷུཉྫེཡྻ, ཝིསྶཱསཔརམཱ རསཱཏི.

ཀེསཝཛཱཏཀཾ [ཀེསཱིཛཱཏཀཾ (ཀ.)] ཚཊྛཾ.

སབྦཱཡསཾ ¶ ཀཱུཊམཏིཔྤམཱཎཾ, པགྒཡ྄ཧ ཡོ [སོ (པཱི.)] ཏིཊྛསི ཨནྟལིཀྑེ;

རཀྑཱཡ མེ [མཾ (སཱི.)] ཏྭཾ ཝིཧིཏོ ནུསཛྫ, ཨུདཱཧུ མེ ཙེཏཡསེ [ཝཱཡམསེ (སཱི. སྱཱ.)] ཝདྷཱཡ.

དཱུཏོ ཨཧཾ རཱཛིདྷ རཀྑསཱནཾ, ཝདྷཱཡ ཏུཡ྄ཧཾ པཧིཏོཧམསྨི;

ཨིནྡོ ¶ ཙ ཏཾ རཀྑཏི དེཝརཱཛཱ, ཏེནུཏྟམངྒཾ ན ཏེ [ན ཧི (ཀ. སཱི. པཱི.), ཏེ ན (ཀ.)] ཕཱལཡཱམི.

སཙེ ཙ མཾ རཀྑཏི དེཝརཱཛཱ, དེཝཱནམིནྡོ མགྷཝཱ སུཛམྤཏི;

ཀཱམཾ པིསཱཙཱ ཝིནདནྟུ སབྦེ, ན སནྟསེ རཀྑསིཡཱ པཛཱཡ.

ཀཱམཾ ཀནྡནྟུ [ཀནྟནྟུ (ཀ.), ཀཎྜནྟུ (སྱཱ.)] ཀུམྦྷཎྜཱ, སབྦེ པཾསུཔིསཱཙཀཱ;

ནཱལཾ པིསཱཙཱ ཡུདྡྷཱཡ, མཧཏཱི སཱ ཝིབྷིཾསིཀཱཏི [ཝིབྷེསིཀཱཏི (སྱཱ.), ཝིཧེསིཀཱཏི (པཱི.)].

ཨརཉྙཱ གཱམམཱགམྨ, ཀིཾསཱིལཾ ཀིཾཝཏཾ ཨཧཾ;

པུརིསཾ ཏཱཏ སེཝེཡྻཾ, ཏཾ མེ ཨཀྑཱཧི པུཙྪིཏོ.

ཡོ ཏཾ ཝིསྶཱསཡེ ཏཱཏ, ཝིསྶཱསཉྩ ཁམེཡྻ ཏེ;

སུསྶཱུསཱི ཙ ཏིཏིཀྑཱི ཙ, ཏཾ བྷཛེཧི ཨིཏོ [ཏཾ བྷཛེཡྻཱསིཏོ (ཀ.)] གཏོ.

ཡསྶ ཀཱཡེན ཝཱཙཱཡ, མནསཱ ནཏྠི དུཀྐཊཾ;

ཨུརསཱིཝ པཏིཊྛཱཡ, ཏཾ བྷཛེཧི ཨིཏོ གཏོ.

ཧལིདྡིརཱགཾ ¶ ཀཔིཙིཏྟཾ, པུརིསཾ རཱགཝིརཱགིནཾ;

ཏཱདིསཾ ¶ ཏཱཏ མཱ སེཝི, ནིམྨནུསྶམྤི ཙེ སིཡཱཏི.

ནེཝ ཨིཏྠཱིསུ སཱམཉྙཾ, ནཱཔི བྷཀྑེསུ སཱརཐི;

ཨཐསྶ སནྡྷིབྷེདསྶ, པསྶ ཡཱཝ སུཙིནྟིཏཾ.

ཨསི ¶ ཏིཀྑོཝ མཾསམྷི, པེསུཉྙཾ པརིཝཏྟཏི;

ཡཏྠཱུསབྷཉྩ སཱིཧཉྩ, བྷཀྑཡནྟི མིགཱདྷམཱ.

ཨིམཾ སོ སཡནཾ སེཏི, ཡམིམཾ [ཡཡིམཾ (སཱི. པཱི.), ཡིམཾ (ཀ.)] པསྶསི སཱརཐི;

ཡོ ཝཱཙཾ སནྡྷིབྷེདསྶ, པིསུཎསྶ ནིབོདྷཏི.

ཏེ ཛནཱ སུཁམེདྷནྟི, ནརཱ སགྒགཏཱརིཝ;

ཡེ ཝཱཙཾ སནྡྷིབྷེདསྶ, ནཱཝབོདྷནྟི སཱརཐཱིཏི.

ཧནྟི ཧཏྠེཧི པཱདེཧི, མུཁཉྩ པརིསུམྦྷཏི;

ས ཝེ རཱཛ པིཡོ ཧོཏི, ཀཾ ཏེན ཏྭཱབྷིཔསྶསི [མབྷིཔསྶསི (སཱི.)].

ཨཀྐོསཏི ཡཐཱཀཱམཾ, ཨཱགམཉྩསྶ ཨིཙྪཏི;

ས ¶ ཝེ རཱཛ པིཡོ ཧོཏི, ཀཾ ཏེན ཏྭཱབྷིཔསྶསི.

ཨབྦྷཀྑཱཏི ཨབྷཱུཏེན, ཨལིཀེནཱབྷིསཱརཡེ;

ས ཝེ རཱཛ པིཡོ ཧོཏི, ཀཾ ཏེན ཏྭཱབྷིཔསྶསི.

ཧརཾ ཨནྣཉྩ པཱནཉྩ, ཝཏྠསེནཱསནཱནི ཙ;

ཨཉྙདཏྠུཧརཱ སནྟཱ, ཏེ ཝེ རཱཛ པིཡཱ ཧོནྟི;

ནརཱནཾ ¶ ཨསཀྑིཝསིམྷཝརོ, ནཱིལིཡམགྒིཝརཉྩ པུན;

པུན རསཱཡསཀཱུཊཝརོ, ཏཐཱརཉྙ སཱརཐི ཧནྟི དསཱཏི.

ཀཱལིངྒཾ [ཝིཝརཾ (བཧཱུསུ)] པུཙིམནྡཉྩ, ཀུཊིདཱུསཀ ཀོཀིལཱ [ཀུཊིདཱུསཾ བཧུབྷཱཎཀཾ (བཧཱུསུ)];

ཙཱུལ༹ཀུཎཱལཝགྒོ སོ, པཉྩམོ སུཔྤཀཱསིཏོཏི.

ཛཱིནོ ¶ ¶ ¶ རཐསྶཾ མཎིཀུཎྜལེ ཙ, པུཏྟེ ཙ དཱརེ ཙ ཏཐེཝ ཛཱིནོ;

སབྦེསུ བྷོགེསུ ཨསེསཀེསུ [ཨསེསིཏེསུ (སཱི. པཱི.), ཨསེསིཀེསུ (ཀ.)], ཀསྨཱ ན སནྟཔྤསི སོཀཀཱལེ.

པུབྦེཝ མཙྩཾ ཝིཛཧནྟི བྷོགཱ, མཙྩོ ཝཱ ཏེ [ཙ ནེ (པཱི.), དྷནེ (ཀ.)] པུབྦཏརཾ ཛཧཱཏི;

ཨསསྶཏཱ བྷོགིནོ ཀཱམཀཱམི, ཏསྨཱ ན སོཙཱམཧཾ སོཀཀཱལེ.

ཨུདེཏི ཨཱཔཱུརཏི ཝེཏི [པཱུརེཏི ཁཱིཡཏི (སྱཱ.)] ཙནྡོ, ཨཏྠཾ ཏཔེཏྭཱན [ཨནྡྷཾ ཏཔེཏྭཱན (ཀ.), ཨཏྠངྒམེཏྭཱན (སྱཱ.), ཨེཏྠ ‘‘ཏཔེཏྭཱན ཨཏྠཾ པལེཏཱི’’ཏི སམྦནྡྷོ] པལེཏི སཱུརིཡོ;

ཝིདིཏཱ [ཝིཛིཏཱ (སྱཱ.)] མཡཱ སཏྟུཀ ལོཀདྷམྨཱ, ཏསྨཱ ན སོཙཱམཧཾ སོཀཀཱལེ.

ཨལསོ གིཧཱི ཀཱམབྷོགཱི ན སཱདྷུ, ཨསཉྙཏོ ¶ པབྦཛིཏོ ན སཱདྷུ;

རཱཛཱ ན སཱདྷུ ཨནིསམྨཀཱརཱི, ཡོ པཎྜིཏོ ཀོདྷནོ ཏཾ ན སཱདྷུ.

ནིསམྨ ཁཏྟིཡོ ཀཡིརཱ, ནཱནིསམྨ དིསམྤཏི;

ནིསམྨཀཱརིནོ རཱཛ [རཉྙོ (སཱི. སྱཱ.)], ཡསོ ཀིཏྟི ཙ ཝཌྜྷཏཱིཏི.

ཀིཾ ¶ ནུ སནྟརམཱནོཝ, ལཱཡིཏྭཱ ཧརིཏཾ ཏིཎཾ;

ཁཱད ཁཱདཱཏི ལཔསི, གཏསཏྟཾ ཛརགྒཝཾ.

ན ཧི ཨནྣེན པཱནེན, མཏོ གོཎོ སམུཊྛཧེ;

ཏྭཉྩ ཏུཙྪཾ ཝིལཔསི, ཡཐཱ ཏཾ དུམྨཏཱི ཏཐཱ.

ཏཐེཝ ཏིཊྛཏི སཱིསཾ, ཧཏྠཔཱདཱ ཙ ཝཱལདྷི;

སོཏཱ ཏཐེཝ ཏིཊྛནྟི [སོ ཏཱཏ ཏཐེཝ ཏིཊྛཏི (ཀ.)], མཉྙེ གོཎོ སམུཊྛཧེ.

ནེཝཡྻཀསྶ སཱིསཉྩ [སཱིསཾ ཝཱ (སཱི. སྱཱ. པཱི.)], ཧཏྠཔཱདཱ ཙ དིསྶརེ;

རུདཾ མཏྟིཀཐཱུཔསྨིཾ, ནནུ ཏྭཉྙེཝ དུམྨཏི.

ཨཱདིཏྟཾ ¶ ཝཏ མཾ སནྟཾ, གྷཏསིཏྟཾཝ པཱཝཀཾ;

ཝཱརིནཱ ཝིཡ ཨོསིཉྩཾ [ཨོསིཉྩི (ཀ.)], སབྦཾ ནིབྦཱཔཡེ དརཾ.

ཨབྦཧཱི [ཨབྦཱུལ༹ྷཾ (སཱི. སྱཱ.), ཨབྦྷཱུལ༹ྷཾ (ཀ.)] ཝཏ མེ སལླཾ, ཡམཱསི ཧདཡསྶིཏཾ [སོཀཾ ཧདཡནིསྶིཏཾ (སཱི. སྱཱ.)];

ཡོ ¶ མེ སོཀཔརེཏསྶ, པིཏུ སོཀཾ ཨཔཱནུདི.

སོཧཾ ཨབྦཱུལ༹ྷསལློསྨི, ཝཱིཏསོཀོ ཨནཱཝིལོ;

ན སོཙཱམི ན རོདཱམི, ཏཝ སུཏྭཱན མཱཎཝ.

ཨེཝཾ ཀརོནྟི སཔྤཉྙཱ, ཡེ ཧོནྟི ཨནུཀམྤཀཱ;

ཝིནིཝཏྟེནྟི སོཀམྷཱ, སུཛཱཏོ པིཏརཾ ཡཐཱཏི.

ནཡིདཾ ནིཙྩཾ བྷཝིཏབྦཾ བྲཧྨདཏྟ, ཁེམཾ སུབྷིཀྑཾ སུཁཏཱ ཙ ཀཱཡེ;

ཨཏྠཙྩཡེ མཱ ཨཧུ སམྤམཱུལ༹ྷོ, བྷིནྣཔླཝོ སཱགརསྶེཝ མཛ྄ཛྷེ.

ཡཱནི ¶ ཀརོཏི པུརིསོ, ཏཱནི ཨཏྟནི པསྶཏི;

ཀལྱཱཎཀཱརཱི ཀལྱཱཎཾ, པཱཔཀཱརཱི ཙ པཱཔཀཾ;

ཡཱདིསཾ ཝཔཏེ བཱིཛཾ, ཏཱདིསཾ ཧརཏེ ཕལཾ.

ཨིདཾ ཏདཱཙརིཡཝཙོ, པཱརཱསརིཡོ ཡདབྲཝི;

མཱ སུ [མཱ སྶུ (སཱི. སྱཱ. པཱི.)] ཏྭཾ ཨཀརི པཱཔཾ, ཡཾ ཏྭཾ པཙྪཱ ཀཏཾ ཏཔེ.

ཨཡམེཝ སོ པིངྒིཡ [སོ པིངྒིཡོ (སྱཱ.), སོཔི བྷིཡྻོ (ཀ.)] ཝེནསཱཁོ, [དྷོནསཱཁོ (ཀ. སཱི. པཱི.)] ཡམྷི ¶ གྷཱཏཡིཾ ཁཏྟིཡཱནཾ སཧསྶཾ;

ཨལངྐཏེ ཙནྡནསཱརཱནུལིཏྟེ, ཏམེཝ དུཀྑཾ པཙྩཱགཏཾ མམཾ.

སཱམཱ ཙ [སཱམཱཔི (སཱི. སྱཱ.)] ཁོ ཙནྡནལིཏྟགཏྟཱ [གཏྟཱི (ཀ. སཱི. སྱཱ. པཱི.)], ལཊྛཱིཝ སོབྷཉྫནཀསྶ ཨུགྒཏཱ;

ཨདིསྭཱ [ཨདིསྭཱཝ (སཱི.)] ཀཱལཾ ཀརིསྶཱམི ཨུབྦརིཾ, ཏཾ མེ ཨིཏོ དུཀྑཏརཾ བྷཝིསྶཏཱིཏི.

ཝེནསཱཁཛཱཏཀཾ [དྷོནསཱཁཛཱཏཀཾ (ཀ. སཱི. པཱི.)] ཏཏིཡཾ.

ཨུརགོཝ ཏཙཾ ཛིཎྞཾ, ཧིཏྭཱ གཙྪཏི སཾ ཏནུཾ;

ཨེཝཾ སརཱིརེ ནིབྦྷོགེ, པེཏེ ཀཱལངྐཏེ སཏི.

ཌཡ྄ཧམཱནོ ན ཛཱནཱཏི, ཉཱཏཱིནཾ པརིདེཝིཏཾ;

ཏསྨཱ ཨེཏཾ ན སོཙཱམི, གཏོ སོ ཏསྶ ཡཱ གཏི.

ཨནཝ྄ཧིཏོ ¶ ཏཏོ ཨཱགཱ, ཨནནུཉྙཱཏོ [ནཱནུཉྙཱཏོ (ཀ.)] ཨིཏོ གཏོ;

ཡཐཱགཏོ ཏཐཱ གཏོ, ཏཏྠ ཀཱ པརིདེཝནཱ.

ཌཡ྄ཧམཱནོ ན ཛཱནཱཏི, ཉཱཏཱིནཾ པརིདེཝིཏཾ;

ཏསྨཱ ཨེཏཾ ན སོཙཱམི, གཏོ སོ ཏསྶ ཡཱ གཏི.

སཙེ རོདེ ཀིསཱ [ཀིསཱི (པཱི.)] ཨསྶཾ, ཏསྶཱ མེ ཀིཾ ཕལཾ སིཡཱ;

ཉཱཏིམིཏྟསུཧཛྫཱནཾ ¶ , བྷིཡྻོ ནོ ཨརཏཱི སིཡཱ.

ཌཡ྄ཧམཱནོ ¶ ན ཛཱནཱཏི, ཉཱཏཱིནཾ པརིདེཝིཏཾ;

ཏསྨཱ ཨེཏཾ ན སོཙཱམི, གཏོ སོ ཏསྶ ཡཱ གཏི.

ཡཐཱཔི དཱརཀོ ཙནྡཾ, གཙྪནྟམནུརོདཏི;

ཨེཝཾ སམྤདམེཝེཏཾ, ཡོ པེཏམནུསོཙཏི.

ཌཡ྄ཧམཱནོ ན ཛཱནཱཏི, ཉཱཏཱིནཾ པརིདེཝིཏཾ;

ཏསྨཱ ཨེཏཾ ན སོཙཱམི, གཏོ སོ ཏསྶ ཡཱ གཏི.

ཡཐཱཔི ཨུདཀཀུམྦྷོ, བྷིནྣོ ཨཔྤཊིསནྡྷིཡོ;

ཨེཝཾ སམྤདམེཝེཏཾ, ཡོ པེཏམནུསོཙཏི.

ཌཡ྄ཧམཱནོ ན ཛཱནཱཏི, ཉཱཏཱིནཾ པརིདེཝིཏཾ;

ཏསྨཱ ཨེཏཾ ན སོཙཱམི, གཏོ སོ ཏསྶ ཡཱ གཏཱིཏི.

ཨཉྙེ སོཙནྟི རོདནྟི, ཨཉྙེ ཨསྶུམུཁཱ ཛནཱ;

པསནྣམུཁཝཎྞོསི, ཀསྨཱ གྷཊ [གྷཏ (སཱི. པཱི.)] ན སོཙསི.

ནཱབྦྷཏཱིཏཧརོ སོཀོ, ནཱནཱགཏསུཁཱཝཧོ;

ཏསྨཱ དྷངྐ [ཝཾཀ (པཱི.)] ན སོཙཱམི, ནཏྠི སོཀེ དུཏཱིཡཏཱ [སོཀོ དུཏཱིཡཀཱ (ཀ.)].

སོཙཾ པཎྜུ ཀིསོ ཧོཏི, བྷཏྟཉྩསྶ ན རུཙྩཏི;

ཨམིཏྟཱ སུམནཱ ཧོནྟི, སལླཝིདྡྷསྶ རུཔྤཏོ.

གཱམེ ¶ ཝཱ ཡདི ཝཱརཉྙེ, ནིནྣེ ཝཱ ཡདི ཝཱ ཐལེ;

ཋིཏཾ མཾ ནཱགམིསྶཏི, ཨེཝཾ དིཊྛཔདོ ཨཧཾ.

ཡསྶཏྟཱ ནཱལམེཀོཝ, སབྦཀཱམརསཱཧརོ;

སབྦཱཔི པཐཝཱི ཏསྶ, ན སུཁཾ ཨཱཝཧིསྶཏཱིཏི.

ཨེཀོ ¶ ¶ ཨརཉྙེ གིརིཀནྡརཱཡཾ, པགྒཡ྄ཧ པགྒཡ྄ཧ སིལཾ པཝེཙྪསི [པཝེཛ྄ཛྷསི (སྱཱ. སཱི. ཨཊྛ.)];

པུནཔྤུནཾ སནྟརམཱནརཱུཔོ, ཀོརཎྜིཡ [ཀཱརཎྜིཡ (སཱི. སྱཱ. པཱི.)] ཀོ ནུ ཏཝ ཡིདྷཏྠོ.

ཨཧཉྷིམཾ སཱགར སེཝིཏནྟཾ, སམཾ ཀརིསྶཱམི ཡཐཱཔི པཱཎི;

ཝིཀིརིཡ སཱནཱུནི ཙ པབྦཏཱནི ཙ, ཏསྨཱ སིལཾ དརིཡཱ པཀྑིཔཱམི.

ནཡིམཾ མཧིཾ ཨརཧཏི པཱཎིཀཔྤཾ, སམཾ མནུསྶོ ཀརཎཱཡ མེཀོ;

མཉྙཱམིམཉྙེཝ དརིཾ ཛིགཱིསཾ [ཛིགིཾསཾ (སཱི. སྱཱ. པཱི.)], ཀོརཎྜིཡ ¶ ཧཱཧསི [ཧཱཡསི (སྱཱ. ཀ.)] ཛཱིཝལོཀཾ.

སཙེ ཨཧཾ [ཨཡཾ (སཱི. སྱཱ. པཱི.)] བྷཱུཏདྷརཾ ན སཀྐཱ [སཀྐོ (སྱཱ. ཀ.)], སམཾ མནུསྶོ ཀརཎཱཡ མེཀོ;

ཨེཝམེཝ ཏྭཾ བྲཧྨེ ཨིམེ མནུསྶེ, ནཱནཱདིཊྛིཀེ ནཱནཡིསྶསི ཏེ [ནེ (ཀ.)].

སངྑིཏྟརཱུཔེན བྷཝཾ མམཏྠཾ, ཨཀྑཱསི ཀོརཎྜིཡ ཨེཝམེཏཾ;

ཡཐཱ ན སཀྐཱ པཐཝཱི སམཱཡཾ, ཀཏྟུཾ མནུསྶེན ཏཐཱ མནུསྶཱཏི.

ཝནྡཱམི ཏཾ ཀུཉྫར སཊྛིཧཱཡནཾ, ཨཱརཉྙཀཾ ཡཱུཐཔཏིཾ ཡསསྶིཾ;

པཀྑེཧི ཏཾ པཉྫལིཀཾ ཀརོམི, མཱ མེ ཝདྷཱི པུཏྟཀེ དུབྦལཱཡ.

ཝནྡཱམི ¶ ཏཾ ཀུཉྫར ཨེཀཙཱརིཾ, ཨཱརཉྙཀཾ པབྦཏསཱནུགོཙརཾ;

པཀྑེཧི ཏཾ པཉྫལིཀཾ ཀརོམི, མཱ ¶ མེ ཝདྷཱི པུཏྟཀེ དུབྦལཱཡ;

ཝམིསྶཱམི ཏེ ལཊུཀིཀེ པུཏྟཀཱནི, ཀིཾ མེ ཏུཝཾ ཀཱཧསི དུབྦལཱསི;

སཏཾ སཧསྶཱནིཔི ཏཱདིསཱིནཾ, ཝཱམེན པཱདེན པཔོཐཡེཡྻཾ.

ན ཧེཝ སབྦཏྠ བལེན ཀིཙྩཾ, བལཉྷི བཱལསྶ ཝདྷཱཡ ཧོཏི;

ཀརིསྶཱམི ཏེ ནཱགརཱཛཱ ཨནཏྠཾ, ཡོ མེ ཝདྷཱི པུཏྟཀེ དུབྦལཱཡ.

ཀཱཀཉྩ པསྶ ལཊུཀིཀཾ, མཎྜཱུཀཾ ནཱིལམཀྑིཀཾ;

ཨེཏེ ནཱགཾ ཨགྷཱཏེསུཾ, པསྶ ཝེརསྶ ཝེརིནཾ;

ཏསྨཱ ཧི ཝེརཾ ན ཀཡིརཱཐ, ཨཔྤིཡེནཔི ཀེནཙཱིཏི.

ཨཧམེཝ ¶ དཱུསིཡཱ བྷཱུནཧཏཱ, རཉྙོ མཧཱཔཏཱཔསྶ;

ཨེཏཾ མུཉྩཏུ དྷམྨཔཱལཾ, ཧཏྠེ མེ དེཝ ཚེདེཧི.

ཨཧམེཝ དཱུསིཡཱ བྷཱུནཧཏཱ, རཉྙོ མཧཱཔཏཱཔསྶ;

ཨེཏཾ མུཉྩཏུ དྷམྨཔཱལཾ, པཱདེ མེ དེཝ ཚེདེཧི.

ཨཧམེཝ དཱུསིཡཱ བྷཱུནཧཏཱ, རཉྙོ མཧཱཔཏཱཔསྶ;

ཨེཏཾ ¶ མུཉྩཏུ དྷམྨཔཱལཾ, སཱིསཾ མེ དེཝ ཚེདེཧི.

ན ཧི [ནཧ (སཱི. སྱཱ. པཱི.) ཨེཏྠ ཧ-ཀཱརོ ཁེདེ] ནཱུནིམསྶ རཉྙོ, མིཏྟཱམཙྩཱ ཙ ཝིཛྫརེ སུཧདཱ;

ཡེ ན ཝདནྟི རཱཛཱནཾ, མཱ གྷཱཏཡི ཨོརསཾ པུཏྟཾ.

ན ཧི [ནཧ (སཱི. སྱཱ. པཱི.) ཨེཏྠ ཧ-ཀཱརོ ཁེདེ] ནཱུནིམསྶ རཉྙོ, ཉཱཏཱི མིཏྟཱ ཙ ཝིཛྫརེ སུཧདཱ;

ཡེ ན ཝདནྟི རཱཛཱནཾ, མཱ གྷཱཏཡི ཨཏྲཛཾ པུཏྟཾ.

ཙནྡནསཱརཱནུལིཏྟཱ ¶ , བཱཧཱ ཚིཛྫནྟི དྷམྨཔཱལསྶ;

དཱཡཱདསྶ པཐབྱཱ, པཱཎཱ མེ དེཝ རུཛ྄ཛྷནྟཱིཏི.

ཝིཀྐམ རེ ཧརིཔཱད [མཧཱམིག (སཱི. སྱཱ. པཱི.)], ཝིཀྐམ རེ མཧཱམིག [ཧརཱིཔད (སཱི. སྱཱ. པཱི.)];

ཚིནྡ ཝཱརཏྟིཀཾ པཱསཾ, ནཱཧཾ ཨེཀཱ ཝནེ རམེ.

ཝིཀྐམཱམི ན པཱརེམི, བྷཱུམིཾ སུམྦྷཱམི ཝེགསཱ;

དལ༹ྷོ ཝཱརཏྟིཀོ པཱསོ, པཱདཾ མེ པརིཀནྟཏི.

ཨཏྠརསྶུ པལཱསཱནི, ཨསིཾ ནིབྦཱཧ ལུདྡཀ;

པཋམཾ མཾ ཝདྷིཏྭཱན, ཧན པཙྪཱ མཧཱམིགཾ.

ན མེ སུཏཾ ཝཱ དིཊྛཾ ཝཱ, བྷཱསནྟིཾ མཱནུསིཾ མིགིཾ [ན མེ སུཏཱ ཝཱ དིཊྛཱ ཝཱ, བྷཱསནྟཱི མཱནུསིཾ མིགཱི (ཊཱིཀཱ)];

ཏྭཉྩ བྷདྡེ སུཁཱི ཧོཧི, ཨེསོ ཙཱཔི མཧཱམིགོ.

ཨེཝཾ ལུདྡཀ ནནྡསྶུ, སཧ སབྦེཧི ཉཱཏིབྷི;

ཡཐཱཧམཛྫ ¶ ནནྡཱམི, མུཏྟཾ དིསྭཱ མཧཱམིགནྟི.

ཝཱཏི ¶ གནྡྷོ ཏིམིརཱནཾ, ཀུསམུདྡོ ཙ [ཝ (སྱཱ. པཱི.)] གྷོསཝཱ;

དཱུརེ ཨིཏོ སུཡོནནྡཱི [ཨིཏོ ཧི སུསནྡཱི (སཱི. སྱཱ.), ཨིཏོཔི སུསྶོནྡཱི (པཱི.)], ཏམྦཀཱམཱ ཏུདནྟི མཾ.

ཀཐཾ སམུདྡམཏརི, ཀཐཾ ཨདྡཀྑི སེདུམཾ [སེརུམཾ (སཱི. སྱཱ. པཱི.)];

ཀཐཾ ཏསྶཱ ཙ ཏུཡ྄ཧཉྩ, ཨཧུ སགྒ [ཨགྒ (སཱི. སྱཱ.)] སམཱགམོ.

ཀུརུཀཙྪཱ [བྷརུཀཙྪཱ (སཱི. སྱཱ. པཱི.)] པཡཱཏཱནཾ, ཝཱཎིཛཱནཾ དྷནེསིནཾ;

མཀརེཧི ཨབྷིདཱ [མཀརེཧིབྦྷིདཱ (སཱི.), མཀརེཧི’བྷིདཱ (སྱཱ.), མཀརེཧི བྷིནྣཱ (པཱི.)] ནཱཝཱ, ཕལཀེནཱཧམཔླཝིཾ.

སཱ ¶ མཾ སཎྷེན མུདུནཱ, ནིཙྩཾ ཙནྡནགནྡྷིནཱི;

ཨངྒེན [ཨངྐེན (པཱི. ཀ.)] ཨུདྡྷརཱི བྷདྡཱ, མཱཏཱ པུཏྟཾཝ ཨོརསཾ.

སཱ མཾ ཨནྣེན པཱནེན, ཝཏྠེན སཡནེན ཙ;

ཨཏྟནཱཔི ཙ མནྡཀྑཱི, ཨེཝཾ ཏམྦ ཝིཛཱནཱཧཱིཏི.

ཨཐ ཛིནཝརོ ཧརིཏཾ ཏིཎཀོ, ཨཐ ¶ བྷིནྣཔླཝོ ཨུརགོཝ གྷཊོ;

དརིཡཱ པུན ཀུཉྫར བྷཱུནཧཏཱ, མིགམུཏྟམསགྒཝརེན དསཱཏི.

ཝཎྞཱརོཧེན ཛཱཏིཡཱ, བལནིཀྐམནེན ཙ;

སུབཱཧུ ན མཡཱ སེཡྻོ, སུདཱཋ ཨིཏི བྷཱསསི.

ཝཎྞཱརོཧེན ཛཱཏིཡཱ, བལནིཀྐམནེན ཙ;

སུདཱཋོ ན མཡཱ སེཡྻོ, སུབཱཧུ ཨིཏི བྷཱསསི.

ཨེཝཾ ཙེ མཾ ཝིཧརནྟཾ, སུབཱཧུ སམྨ དུབྦྷསི;

ན དཱནཱཧཾ ཏཡཱ སདྡྷིཾ, སཾཝཱསམབྷིརོཙཡེ.

ཡོ ¶ པརེསཾ ཝཙནཱནི, སདྡཧེཡྻ [སདྡཧེཐ (སཱི. སྱཱ. པཱི.)] ཡཐཱཏཐཾ;

ཁིཔྤཾ བྷིཛྫེཐ མིཏྟསྨིཾ, ཝེརཉྩ པསཝེ བཧུཾ.

ན ¶ སོ མིཏྟོ ཡོ སདཱ ཨཔྤམཏྟོ, བྷེདཱསངྐཱི རནྡྷམེཝཱནུཔསྶཱི;

ཡསྨིཉྩ སེཏཱི ཨུརསཱིཝ པུཏྟོ, ས ཝེ མིཏྟོ ཡོ ཨབྷེཛྫོ པརེཧཱིཏི.

སཱིལཾ ¶ སེཡྻོ སུཏཾ སེཡྻོ, ཨིཏི མེ སཾསཡོ ཨཧུ;

སཱིལམེཝ སུཏཱ སེཡྻོ, ཨིཏི མེ ནཏྠི སཾསཡོ.

མོགྷཱ ཛཱཏི ཙ ཝཎྞོ ཙ, སཱིལམེཝ ཀིརུཏྟམཾ;

སཱིལེན ཨནུཔེཏསྶ, སུཏེནཏྠོ ན ཝིཛྫཏི.

ཁཏྟིཡོ ཙ ཨདྷམྨཊྛོ, ཝེསྶོ ཙཱདྷམྨནིསྶིཏོ;

ཏེ པརིཙྩཛྫུབྷོ ལོཀེ, ཨུཔཔཛྫནྟི དུགྒཏིཾ.

ཁཏྟིཡཱ བྲཱཧྨཎཱ ཝེསྶཱ, སུདྡཱ ཙཎྜཱལཔུཀྐུསཱ;

ཨིདྷ དྷམྨཾ ཙརིཏྭཱན, བྷཝནྟི ཏིདིཝེ སམཱ.

ན ཝེདཱ སམྤརཱཡཱཡ, ན ཛཱཏི ནཱཔི [ནོཔི (པཱི.)] བནྡྷཝཱ;

སཀཉྩ སཱིལཾ སཾསུདྡྷཾ, སམྤརཱཡཱཡ སུཁཱཡ ཙཱཏི [སུཁཱཝཧནྟི (སཱི. སྱཱ.)].

ཧིརིཾ ཏརནྟཾ ཝིཛིགུཙྪམཱནཾ, ཏཝཱཧམསྨཱི ཨིཏི བྷཱསམཱནཾ;

སེཡྻཱནི ཀམྨཱནི ཨནཱདིཡནྟཾ, ནེསོ མམནྟི ཨིཏི ནཾ ཝིཛཉྙཱ.

ཡཉྷི ཀཡིརཱ ཏཉྷི ཝདེ, ཡཾ ན ཀཡིརཱ ན ཏཾ ཝདེ;

ཨཀརོནྟཾ ¶ བྷཱསམཱནཾ, པརིཛཱནནྟི པཎྜིཏཱ.

ན ¶ སོ མིཏྟོ ཡོ སདཱ ཨཔྤམཏྟོ, བྷེདཱསངྐཱི རནྡྷམེཝཱནུཔསྶཱི;

ཡསྨིཉྩ སེཏཱི ཨུརསཱིཝ པུཏྟོ, ས ཝེ མིཏྟོ ཡོ ཨབྷེཛྫོ པརེཧི.

པཱམོཛྫཀརཎཾ ཋཱནཾ, པསཾསཱཝཧནཾ སུཁཾ;

ཕལཱནིསཾསོ བྷཱཝེཏི, ཝཧནྟོ པོརིསཾ དྷུརཾ.

པཝིཝེཀརསཾ ¶ པིཏྭཱ, རསཾ ཨུཔསམསྶ ཙ;

ནིདྡརོ ཧོཏི ནིཔྤཱཔོ, དྷམྨཔྤཱིཏིརསཾ པིཝནྟི.

ཀོ ནུ སནྟམྷི པཛྫོཏེ, ཨགྒིཔརིཡེསནཾ ཙརཾ;

ཨདྡཀྑི རཏྟི [རཏྟིཾ (སྱཱ.)] ཁཛྫོཏཾ, ཛཱཏཝེདཾ ཨམཉྙཐ.

སྭསྶ གོམཡཙུཎྞཱནི, ཨབྷིམཏྠཾ ཏིཎཱནི ཙ;

ཝིཔརཱིཏཱཡ སཉྙཱཡ, ནཱསཀྑི པཛྫལེཏཝེ.

ཨེཝམྤི ཨནུཔཱཡེན, ཨཏྠཾ ན ལབྷཏེ མིགོ [མཱུགོ (སྱཱ.)];

ཝིསཱཎཏོ གཝཾ དོཧཾ, ཡཏྠ ཁཱིརཾ ན ཝིནྡཏི.

ཝིཝིདྷེཧི ཨུཔཱཡེཧི, ཨཏྠཾ པཔྤོནྟི མཱཎཝཱ;

ནིགྒཧེན ཨམིཏྟཱནཾ, མིཏྟཱནཾ པགྒཧེན ཙ.

སེནཱམོཀྑཔལཱབྷེན ¶ [སེནཱི མོཀྑཱུཔལཱབྷེན (སྱཱ.)], ཝལླབྷཱནཾ ནཡེན ཙ;

ཛགཏིཾ ཛགཏིཔཱལཱ, ཨཱཝསནྟི ཝསུནྡྷརནྟི.

དྷུཏྟོམྷི སམྨ སུམུཁ, ཛཱུཏེ ཨཀྑཔརཱཛིཏོ;

ཧརེཧི [སེཝེཧི (པཱི.)] ཨམྦཔཀྐཱནི, ཝཱིརིཡཾ ཏེ བྷཀྑཡཱམསེ.

ཨལིཀཾ ཝཏ མཾ སམྨ, ཨབྷཱུཏེན པསཾསསི;

ཀོ ཏེ སུཏོ ཝཱ དིཊྛོ ཝཱ, སུམུཁོ ནཱམ མཀྐཊོ.

ཨཛྫཱཔི ¶ མེ ཏཾ མནསི [ཏེ མཾ སརསི (ཀ.)], ཡཾ མཾ ཏྭཾ ཨཧིཏུཎྜིཀ;

དྷཉྙཱཔཎཾ པཝིསིཏྭཱ, མཏྟོ [མུཏྟོ (ཀ.)] ཚཱཏཾ ཧནཱསི མཾ.

ཏཱཧཾ སརཾ དུཀྑསེཡྻཾ, ཨཔི རཛྫམྤི ཀཱརཡེ;

ནེཝཱཧཾ ཡཱཙིཏོ དཛྫཾ, ཏཐཱ ཧི བྷཡཏཛྫིཏོ.

ཡཉྩ ཛཉྙཱ ཀུལེ ཛཱཏཾ, གབྦྷེ ཏིཏྟཾ ཨམཙྪརིཾ;

ཏེན སཁིཉྩ མིཏྟཉྩ, དྷཱིརོ སནྡྷཱཏུམརཧཏཱིཏི.

མདྷུཝཎྞཾ ¶ མདྷུརསཾ, མདྷུགནྡྷཾ ཝིསཾ ཨཧུ;

གུམྦིཡོ ¶ གྷཱསམེསཱནོ, ཨརཉྙེ ཨོདཧཱི ཝིསཾ.

མདྷུ ཨིཏི མཉྙམཱནཱ [མདྷཱུཏི མཉྙམཱནཱཡ (ཀ.)], ཡེ ཏཾ ཝིསམཁཱདིསུཾ [ཝིསམསཱཡིསུཾ (སཱི. སྱཱ.)];

ཏེསཾ ཏཾ ཀཊུཀཾ ཨཱསི, མརཎཾ ཏེནུཔཱགམུཾ.

ཡེ ཙ ཁོ པཊིསངྑཱཡ, ཝིསཾ ཏཾ པརིཝཛྫཡུཾ;

ཏེ ཨཱཏུརེསུ སུཁིཏཱ, ཌཡ྄ཧམཱནེསུ ནིབྦུཏཱ.

ཨེཝམེཝ མནུསྶེསུ, ཝིསཾ ཀཱམཱ སམོཧིཏཱ;

ཨཱམིསཾ བནྡྷནཉྩེཏཾ, མཙྩུཝེསོ [པཙྩུཝསོ (སཱི. སྱཱ.)] གུཧཱསཡོ.

ཨེཝམེཝ ཨིམེ ཀཱམེ, ཨཱཏུརཱ པརིཙཱརིཀེ [པརིཙཱརཀེ (ཀ.)];

ཡེ སདཱ པརིཝཛྫེནྟི, སངྒཾ ལོཀེ ཨུཔཙྩགུནྟི.

ཡྭཱཡཾ སཱལི༹ཡ [སཱལིཡ (སཱི. སྱཱ. པཱི.), སཱལི༹ཀ (?)] ཚཱཔོཏི, ཀཎྷསཔྤཾ ཨགཱཧཡི;

ཏེན སཔྤེནཡཾ དཊྛོ, ཧཏོ པཱཔཱནུསཱསཀོ.

ཨཧནྟཱར [ཨཧནནྟ (པཱི.), ཨཧརནྟ (?)] མཧནྟཱརཾ, ཡོ ནརོ ཧནྟུམིཙྪཏི;

ཨེཝཾ སོ ནིཧཏོ སེཏི, ཡཐཱཡཾ པུརིསོ ཧཏོ.

ཨཧནྟཱར ¶ [ཨཧནནྟ (སཱི. སྱཱ. པཱི.), ཨཧརནྟ (?)] མགྷཱཏེནྟཾ, ཡོ ནརོ ཧནྟུམིཙྪཏི;

ཨེཝཾ སོ ནིཧཏོ སེཏི, ཡཐཱཡཾ པུརིསོ ཧཏོ.

ཡཐཱ པཾསུམུཊྛིཾ པུརིསོ, པཊིཝཱཏཾ པཊིཀྑིཔེ;

ཏམེཝ ¶ སོ རཛོ ཧནྟི, ཏཐཱཡཾ པུརིསོ ཧཏོ.

ཡོ ཨཔྤདུཊྛསྶ ནརསྶ དུསྶཏི, སུདྡྷསྶ པོསསྶ ཨནངྒཎསྶ;

ཏམེཝ བཱལཾ པཙྩེཏི པཱཔཾ, སུཁུམོ རཛོ པཊིཝཱཏཾཝ ཁིཏྟོཏི.

ཨམིཏྟཧཏྠཏྠགཏཱ [ཧཏྠཏྟགཏཱ (ཀཏྠཙི, སཱི. ནིཡྻ)], ཏཙསཱརསམཔྤིཏཱ;

པསནྣམུཁཝཎྞཱཏྠ, ཀསྨཱ ཏུམྷེ ན སོཙཐ.

ན ¶ སོཙནཱཡ པརིདེཝནཱཡ, ཨཏྠོཝ ལབྦྷོ [ཨཏྠོ ཙ ལབྦྷཱ (སཱི. སྱཱ.), ཨཏྠོདྷ ལབྦྷཱ (ཨ. ནི. ༥.༤༨)] ཨཔི ཨཔྤཀོཔི;

སོཙནྟམེནཾ དུཁིཏཾ ཝིདིཏྭཱ, པཙྩཏྠིཀཱ ཨཏྟམནཱ བྷཝནྟི.

ཡཏོ ཙ ཁོ པཎྜིཏོ ཨཱཔདཱསུ, ན ཝེདྷཏཱི ཨཏྠཝིནིཙྪཡཉྙཱུ;

པཙྩཏྠིཀཱསྶ [པཙྩཏྠིཀཱ ཏེ (ཀ.)] དུཁིཏཱ བྷཝནྟི, དིསྭཱ མུཁཾ ཨཝིཀཱརཾ པུརཱཎཾ.

ཛཔྤེན མནྟེན སུབྷཱསིཏེན, ཨནུཔྤདཱནེན པཝེཎིཡཱ ཝཱ;

ཡཐཱ ¶ ཡཐཱ ཡཏྠ ལབྷེཐ ཨཏྠཾ, ཏཐཱ ཏཐཱ ཏཏྠ པརཀྐམེཡྻ.

ཡཏོ ¶ ཙ ཛཱནེཡྻ ཨལབྦྷནེཡྻོ, མཡཱ ཝ [མཡཱ ཝཱ (སྱཱ. ཀ.)] ཨཉྙེན ཝཱ ཨེས ཨཏྠོ;

ཨསོཙམཱནོ ཨདྷིཝཱསཡེཡྻ, ཀམྨཾ དལ༹ྷཾ ཀིནྟི ཀརོམི དཱནཱིཏི.

ཀྱཱཧཾ དེཝཱནམཀརཾ, ཀིཾ པཱཔཾ པཀཏཾ མཡཱ;

ཡཾ མེ སིརསྨིཾ ཨོཧཙྩ [ཨུཧཙྩ (ཀ.), ཨུཧཙྩ (པཱི.)], ཙཀྐཾ བྷམཏི མཏྠཀེ.

ཨཏིཀྐམྨ རམཎཀཾ, སདཱམཏྟཉྩ དཱུབྷཀཾ;

བྲཧྨཏྟརཉྩ པཱསཱདཾ, ཀེནཏྠེན ཨིདྷཱགཏོ.

ཨིཏོ བཧུཏརཱ བྷོགཱ, ཨཏྲ མཉྙེ བྷཝིསྶརེ;

ཨིཏི ཨེཏཱཡ སཉྙཱཡ, པསྶ མཾ བྱསནཾ གཏཾ.

ཙཏུབྦྷི ཨཊྛཛ྄ཛྷགམཱ, ཨཊྛཱཧིཔི ཙ [ཨཊྛཱཧི ཙཱཔི (སཱི. སྱཱ.), ཨཊྛཱབྷི ཙཱཔི (ཀ.)] སོལ༹ས;

སོལ༹སཱཧི ཙ བཱཏྟིཾས, ཨཏྲིཙྪཾ ཙཀྐམཱསདོ;

ཨིཙྪཱཧཏསྶ པོསསྶ, ཙཀྐཾ བྷམཏི མཏྠཀེ.

ཨུཔརིཝིསཱལཱ དུཔྤཱུརཱ, ཨིཙྪཱ ཝིསཊགཱམིནཱི [ཨུཔརི ཝིསཱལཾ དུཔྤཱུརཾ, ཨིཙྪཱཝིསདགཱམིནཱི (སཱི.)];

ཡེ ¶ ཙ ཏཾ ཨནུགིཛ྄ཛྷནྟི, ཏེ ཧོནྟི ཙཀྐདྷཱརིནོཏི.

ཧཾསོ པལཱསམཝཙ, ནིགྲོདྷོ སམྨ ཛཱཡཏི;

ཨངྐསྨིཾ [ཨངྒསྨིཾ (ཀ.)] ཏེ ནིསིནྣོཝ, སོ ཏེ མམྨཱནི ཚེཙྪཏི [ཚིཛྫཏི (ཀ.)].

ཝཌྜྷཏཱམེཝ [ཝདྡྷིཏམེཝ (ཀ.)] ནིགྲོདྷོ, པཏིཊྛསྶ བྷཝཱམཧཾ;

ཡཐཱ པིཏཱ ཙ མཱཏཱ ཙ [པིཏཱ ཝཱ མཱཏཱ ཝཱ (པཱི.), མཱཏཱ ཝཱ པིཏཱ ཝཱ (ཀ.)], ཨེཝཾ མེ སོ བྷཝིསྶཏི.

ཡཾ ¶ ཏྭཾ ཨངྐསྨིཾ ཝཌྜྷེསི, ཁཱིརརུཀྑཾ བྷཡཱནཀཾ;

ཨཱམནྟ ཁོ ཏཾ གཙྪཱམ, ཝུཌྜྷི མསྶ ན རུཙྩཏི.

ཨིདཱནི ¶ ཁོ མཾ བྷཱཡེཏི, མཧཱནེརུནིདསྶནཾ;

ཧཾསསྶ ཨནབྷིཉྙཱཡ, མཧཱ མེ བྷཡམཱགཏཾ.

ན ཏསྶ ཝུཌྜྷི ཀུསལཔྤསཏྠཱ, ཡོ ཝཌྜྷམཱནོ གྷསཏེ པཏིཊྛཾ;

ཏསྶཱུཔརོདྷཾ པརིསངྐམཱནོ, པཏཱརཡཱི མཱུལཝདྷཱཡ དྷཱིརོཏི.

ཝཎྞཱརོཧཝགྒོ དུཏིཡོ [ཨིམསྶུདྡཱནཾ ཏཏིཡཝགྒཔརིཡོསཱནེ བྷཝིསྶཏི].

ཨེཝཾབྷཱུཏསྶ ཏེ རཱཛ, ཨཱགཏསྶ ཝསེ [ཝསོ (པཱི. ཀ.)] མམ;

ཨཏྠི ནུ ཀོཙི པརིཡཱཡོ, ཡོ ཏཾ དུཀྑཱ པམོཙཡེ.

ཨེཝཾབྷཱུཏསྶ ¶ མེ ཏཱཏ, ཨཱགཏསྶ ཝསེ ཏཝ;

ནཏྠི ནོ ཀོཙི པརིཡཱཡོ, ཡོ མཾ དུཀྑཱ པམོཙཡེ.

ནཱཉྙཾ སུཙརིཏཾ རཱཛ, ནཱཉྙཾ རཱཛ སུབྷཱསིཏཾ;

ཏཱཡཏེ མརཎཀཱལེ, ཨེཝམེཝིཏརཾ དྷནཾ.

ཨཀྐོཙྪི མཾ ཨཝདྷི མཾ, ཨཛིནི མཾ ཨཧཱསི མེ;

ཡེ ཙ ཏཾ ཨུཔནཡ྄ཧནྟི, ཝེརཾ ཏེསཾ ན སམྨཏི.

ཨཀྐོཙྪི མཾ ཨཝདྷི མཾ, ཨཛིནི མཾ ཨཧཱསི མེ;

ཡེ ཙ ཏཾ ནུཔནཡ྄ཧནྟི, ཝེརཾ ཏེསཱུཔསམྨཏི.

ན ཧི ཝེརེན ཝེརཱནི, སམྨནྟཱིདྷ ཀུདཱཙནཾ;

ཨཝེརེན ཙ སམྨནྟི, ཨེས དྷམྨོ སནནྟནོཏི.

ཨགཱརཱ ¶ པཙྩུཔེཏསྶ, ཨནགཱརསྶ ཏེ སཏོ;

སམཎསྶ ན ཏཾ སཱདྷུ, ཡཾ པེཏམནུསོཙསི.

སཾཝཱསེན ¶ ཧཝེ སཀྐ, མནུསྶསྶ མིགསྶ ཝཱ;

ཧདཡེ ¶ ཛཱཡཏེ པེམཾ, ན ཏཾ སཀྐཱ ཨསོཙིཏུཾ.

མཏཾ མརིསྶཾ རོདནྟི, ཡེ རུདནྟི ལཔནྟི ཙ;

ཏསྨཱ ཏྭཾ ཨིསི མཱ རོདི, རོདིཏཾ མོགྷམཱཧུ སནྟོ.

རོདིཏེན ཧཝེ བྲཧྨེ, མཏོ པེཏོ སམུཊྛཧེ;

སབྦེ སངྒམྨ རོདཱམ, ཨཉྙམཉྙསྶ ཉཱཏཀེ.

ཨཱདིཏྟཾ ཝཏ མཾ སནྟཾ, གྷཏསིཏྟཾཝ པཱཝཀཾ;

ཝཱརིནཱ ཝིཡ ཨོསིཉྩཾ, སབྦཾ ནིབྦཱཔཡེ དརཾ.

ཨབྦཧི ཝཏ མེ སལླཾ, ཡམཱསི ཧདཡསྶིཏཾ;

ཡོ མེ སོཀཔརེཏསྶ, པུཏྟསོཀཾ ཨཔཱནུདི.

སོཧཾ ཨབྦཱུལ༹ྷསལློསྨི, ཝཱིཏསོཀོ ཨནཱཝིལོ;

ན སོཙཱམི ན རོདཱམི, ཏཝ སུཏྭཱན ཝཱསཝཱཏི.

ཀུཧིཾ གཏཱ ཀཏྠ གཏཱ, ཨིཏི ལཱལཔྤཏཱི ཛནོ;

ཨཧམེཝེཀོ ཛཱནཱམི, ཨུདཔཱནེ མཱུསིཀཱ ཧཏཱ.

ཡཉྩེཏཾ [ཡཐེཏཾ (པཱི.), ཡཝེཏཾ (ཀ.), ཡམེཏཾ (ཀཏྠཙི)] ཨིཏི ཙཱིཏི ཙ, གདྲབྷོཝ ནིཝཏྟསི;

ཨུདཔཱནེ མཱུསིཀཾ ཧནྟྭཱ, ཡཝཾ བྷཀྑེཏུམིཙྪསི.

དཧརོ ཙཱསི དུམྨེདྷ, པཋམུཔྤཏྟིཀོ [པཋམུཔྤཏྟིཏོ (སཱི. པཱི.)] སུསུ;

དཱིགྷཉྩེཏཾ ¶ [དཱིགྷམེཏཾ (པཱི.)] སམཱསཛྫ [སམཱཔཛྫ (སྱཱ. ཀ.)], ན ཏེ དསྶཱམི ཛཱིཝིཏཾ.

ནཱནྟལིཀྑབྷཝནེན, ནཱངྒཔུཏྟཔིནེན [ནཱངྒཔུཏྟསིརེན (སཱི. སྱཱ. པཱི.)] ཝཱ;

པུཏྟེན ཧི པཏྠཡིཏོ, སིལོཀེཧི པམོཙིཏོ.

སབྦཾ ¶ སུཏམདྷཱིཡེཐ, ཧཱིནམུཀྐཊྛམཛ྄ཛྷིམཾ;

སབྦསྶ ཨཏྠཾ ཛཱནེཡྻ, ན ཙ སབྦཾ པཡོཛཡེ;

ཧོཏི ཏཱདིསཀོ ཀཱལོ, ཡཏྠ ཨཏྠཱཝཧཾ སུཏནྟི.

སབྦཾ ¶ བྷཎྜཾ སམཱདཱཡ, པཱརཾ ཏིཎྞོསི བྲཱཧྨཎ;

པཙྩཱགཙྪ ལཧུཾ ཁིཔྤཾ, མམྤི ཏཱརེཧི དཱནིཏོ [དཱནིབྷོ (སྱཱ.)].

ཨསནྠུཏཾ མཾ ཙིརསནྠུཏེན, ནིམཱིནི བྷོཏཱི ཨདྡྷུཝཾ དྷུཝེན;

མཡཱཔི བྷོཏཱི ནིམིནེཡྻ ཨཉྙཾ, ཨིཏོ ཨཧཾ དཱུརཏརཾ གམིསྶཾ.

ཀཱཡཾ ཨེལ༹གལཱགུམྦེ [ཨེལ༹གཎགུམྦེ (ཀ.)], ཀརོཏི ཨཧུཧཱསིཡཾ;

ནཡཱིདྷ ནཙྩགཱིཏཾ ཝཱ [ནཡིདྷ ནཙྩཾ ཝཱ གཱིཏཾ ཝཱ (སཱི. སྱཱ. པཱི.)], ཏཱལ༹ཾ ཝཱ སུསམཱཧིཏཾ;

ཨནམྷིཀཱལེ [ཨནམྷཀཱལེ (པཱི.)] སུསོཎི [སུསྶོཎི (སཱི. སྱཱ. པཱི.)], ཀིཾ ནུ ཛགྒྷསི སོབྷནེ [སོབྷཎེ (པཱི. ཀ.)].

སིངྒཱལ བཱལ དུམྨེདྷ, ཨཔྤཔཉྙོསི ཛམྦུཀ;

ཛཱིནོ ¶ མཙྪཉྩ པེསིཉྩ, ཀཔཎོ ཝིཡ ཛྷཱཡསི.

སུདསྶཾ ཝཛྫམཉྙེསཾ, ཨཏྟནོ པན དུདྡསཾ;

ཛཱིནཱ པཏིཉྩ ཛཱརཉྩ, མཉྙེ ཏྭཉྙེཝ [མམྤི ཏྭཉྙེཝ (སཱི. སྱཱ.), ཏྭམྤི མཉྙེཝ (པཱི.)] ཛྷཱཡསི.

ཨེཝམེཏཾ མིགརཱཛ, ཡཐཱ བྷཱསསི ཛམྦུཀ;

སཱ ནཱུནཱཧཾ ཨིཏོ གནྟྭཱ, བྷཏྟུ ཧེསྶཾ ཝསཱནུགཱ.

ཡོ ཧརེ མཏྟིཀཾ ཐཱལཾ, ཀཾསཐཱལམྤི སོ ཧརེ;

ཀཏཉྩེཝ [ཀཏཾཡེཝ (སཱི. སྱཱ. པཱི.)] ཏཡཱ པཱཔཾ, པུནཔེཝཾ ཀརིསྶསཱིཏི.

ཨིདཱནི ཁོམྷི སུཁིཏོ ཨརོགོ, ནིཀྐཎྚཀོ ནིཔྤཏིཏོ ཀཔོཏོ;

ཀཱཧཱམི དཱནཱི ཧདཡསྶ ཏུཊྛིཾ, ཏཐཱཧིམཾ མཾསསཱཀཾ བལེཏི.

ཀཱཡཾ ¶ བལཱཀཱ སིཁིནོ, ཙོརཱི ལངྒྷིཔིཏཱམཧཱ;

ཨོརཾ བལཱཀེ ཨཱགཙྪ, ཙཎྜོ མེ ཝཱཡསོ སཁཱ.

ཨལཉྷི ཏེ ཛགྒྷིཏཱཡེ, མམཾ དིསྭཱན ཨེདིསཾ;

ཝིལཱུནཾ སཱུདཔུཏྟེན, པིཊྛམཎྜེན [པིཊྛམདྡེན (སཱི. སྱཱ. པཱི.)] མཀྑིཏཾ.

སུནྷཱཏོ ¶ སུཝིལིཏྟོསི, ཨནྣཔཱནེན ཏཔྤིཏོ;

ཀཎྛེ ¶ ཙ ཏེ ཝེལུ༹རིཡོ, ཨགམཱ ནུ ཀཛངྒལཾ.

མཱ ཏེ མིཏྟོ ཨམིཏྟོ ཝཱ, ཨགམཱསི ཀཛངྒལཾ;

པིཉྪཱནི ཏཏྠ ལཱཡིཏྭཱ, ཀཎྛེ བནྡྷནྟི ཝཊྚནཾ.

པུནཔཱཔཛྫསཱི སམྨ, སཱིལཉྷི ཏཝ ཏཱདིསཾ;

ན ཧི མཱནུསཀཱ བྷོགཱ, སུབྷུཉྫཱ ཧོནྟི པཀྑིནཱཏི.

ཨཐ ཝཎྞ སསཱིལ ཧིརི ལབྷཏེ, སུམུཁཱ ཝིས སཱལི༹ཡམིཏྟཝརོ;

ཨཐ ཙཀྐ པལཱས སརཱཛ སཏོ, ཡཝ བཱལ ཀཔོཏཀ པནྣརསཱཏི.

ཛཱིནཉྩ ཝཎྞཾ ཨསམཾཝགུཔྤརི, སུདེསིཏཱ ཛཱཏཀནྟི སནྟི ཝཱིསཏི [ཛཱཏཀ པཉྩཝཱིསཏི (?)];

མཧེསིནོ བྲཧྨཙརིཏྟམུཏྟ-མཝོཙ གཱཐཱ ཨཏྠཝཏཱི སུབྱཉྫནཱཏི.

མཱསུ ¶ ¶ ¶ ཀུཛ྄ཛྷ བྷཱུམིཔཏི, མཱསུ ཀུཛ྄ཛྷ རཐེསབྷ;

ཀུདྡྷཾ ཨཔྤཊིཀུཛ྄ཛྷནྟོ, རཱཛཱ རཊྛསྶ པཱུཛིཏོ.

གཱམེ ཝཱ ཡདི ཝཱརཉྙེ, ནིནྣེ ཝཱ ཡདི ཝཱ ཐལེ;

སབྦཏྠ ཨནུསཱསཱམི, མཱསུ ཀུཛ྄ཛྷ [མཱསྶུ ཀུཛ྄ཛྷི (སཱི. པཱི.)] རཐེསབྷ.

ཨཝཱརིཡཔིཏཱ ནཱམ, ཨཧུ གངྒཱཡ ནཱཝིཀོ;

པུབྦེ ཛནཾ ཏཱརེཏྭཱན, པཙྪཱ ཡཱཙཏི ཝེཏནཾ;

ཏེནསྶ བྷཎྜནཾ ཧོཏི, ན ཙ བྷོགེཧི ཝཌྜྷཏི.

ཨཏིཎྞཾཡེཝ ཡཱཙསྶུ, ཨཔཱརཾ ཏཱཏ ནཱཝིཀ;

ཨཉྙོ ཧི ཏིཎྞསྶ མནོ, ཨཉྙོ ཧོཏི པཱརེསིནོ [ཏརེསིནོ (སཱི. པཱི.), ཏིརེསིནོ (སྱཱ.)].

གཱམེ ཝཱ ཡདི ཝཱརཉྙེ, ནིནྣེ ཝཱ ཡདི ཝཱ ཐལེ;

སབྦཏྠ ཨནུསཱསཱམི, མཱསུ ཀུཛ྄ཛྷིཏྠ ནཱཝིཀ.

ཡཱཡེཝཱནུསཱསནིཡཱ, རཱཛཱ གཱམཝརཾ ཨདཱ;

ཏཱཡེཝཱནུསཱསནིཡཱ, ནཱཝིཀོ པཧརཱི མུཁཾ.

བྷཏྟཾ བྷིནྣཾ ཧཏཱ བྷརིཡཱ, གབྦྷོ ཙ པཏིཏོ ཚམཱ;

མིགོཝ ཛཱཏརཱུཔེན, ན ཏེནཏྠཾ ཨབནྡྷི སཱུཏི [ཨཝཌྜྷིཏུནྟི (སཱི. སྱཱ.), ཨཝཌྜྷི སཱུཏི (?)].

མཱ ¶ ཏཱཏ ཀུཛ྄ཛྷི ན ཧི སཱདྷུ ཀོདྷོ, བཧུམྤི ཏེ ཨདིཊྛམསྶུཏཉྩ;

མཱཏཱ པིཏཱ དིསཏཱ [དིསཱ ཏཱཏ (སྱཱ.), དིསཱ ཏཱ (པཱི.)] སེཏཀེཏུ, ཨཱཙརིཡམཱཧུ དིསཏཾ པསཏྠཱ.

ཨགཱརིནོ ¶ ¶ ཨནྣདཔཱནཝཏྠདཱ [ཨནྣཔཱནཝཏྠདཱ (སྱཱ. ཀ.)], ཨཝ྄ཧཱཡིཀཱ ཏམྤི དིསཾ ཝདནྟི;

ཨེསཱ དིསཱ པརམཱ སེཏཀེཏུ, ཡཾ པཏྭཱ དུཀྑཱི སུཁིནོ བྷཝནྟི.

ཁརཱཛིནཱ ཛཊིལཱ པངྐདནྟཱ, དུམྨཀྑརཱུཔཱ [དུམུཀྑརཱུཔཱ (སཱི. སྱཱ.), དུམྨུཀྑརཱུཔཱ (པཱི. ཀ.)] ཡེམེ ཛཔྤནྟི མནྟེ;

ཀཙྩི ནུ ཏེ མཱནུསཀེ པཡོགེ, ཨིདཾ ཝིདཱུ པརིམུཏྟཱ ཨཔཱཡཱ.

པཱཔཱནི ཀམྨཱནི ཀཏྭཱན རཱཛ, བཧུསྶུཏོ ཙེ ན [བཧུསྶུཏོ ནེཝ (སཱི. སྱཱ.)] ཙརེཡྻ དྷམྨཾ;

སཧསྶཝེདོཔི ན ཏཾ པཊིཙྩ, དུཀྑཱ པམུཉྩེ ཙརཎཾ ཨཔཏྭཱ.

སཧསྶཝེདོཔི ན ཏཾ པཊིཙྩ, དུཀྑཱ པམུཉྩེ ཙརཎཾ ཨཔཏྭཱ;

མཉྙཱམི ¶ ཝེདཱ ཨཕལཱ བྷཝནྟི, སསཾཡམཾ ཙརཎམེཝ [ཙརཎཉྙེཝ (སཱི. སྱཱ. པཱི.)] སཙྩཾ.

ན ཧེཝ ཝེདཱ ཨཕལཱ བྷཝནྟི, སསཾཡམཾ ཙརཎམེཝ སཙྩཾ;

ཀིཏྟིཉྷི པཔྤོཏི ཨདྷིཙྩ ཝེདེ, སནྟིཾ པུཎེཏི [སནྟཾ པུནེ’ཏི (སཱི. པཱི.)] ཙརཎེན དནྟོཏི.

པངྐོ ཙ ཀཱམཱ པལིཔོ ཙ ཀཱམཱ, བྷཡཉྩ མེཏཾ ཏིམཱུལཾ པཝུཏྟཾ;

རཛོ ཙ དྷཱུམོ ཙ མཡཱ པཀཱསིཏཱ, ཧིཏྭཱ ཏུཝཾ པབྦཛ བྲཧྨདཏྟ.

གདྷིཏོ ¶ [གཐིཏོ (སཱི.)] ཙ རཏྟོ ཙ ཨདྷིམུཙྪིཏོ ཙ, ཀཱམེསྭཧཾ བྲཱཧྨཎ བྷིཾསརཱུཔཾ;

ཏཾ ནུསྶཧེ ཛཱིཝིཀཏྠོ པཧཱཏུཾ, ཀཱཧཱམི པུཉྙཱནི ཨནཔྤཀཱནི.

ཡོ ཨཏྠཀཱམསྶ ཧིཏཱནུཀམྤིནོ, ཨོཝཛྫམཱནོ ན ཀརོཏི སཱསནཾ;

ཨིདམེཝ སེཡྻོ ཨིཏི མཉྙམཱནོ, པུནཔྤུནཾ ¶ གབྦྷམུཔེཏི མནྡོ.

སོ གྷོརརཱུཔཾ ནིརཡཾ ཨུཔེཏི, སུབྷཱསུབྷཾ མུཏྟཀརཱིསཔཱུརཾ;

སཏྟཱ སཀཱཡེ ན ཛཧནྟི གིདྡྷཱ, ཡེ ཧོནྟི ཀཱམེསུ ཨཝཱིཏརཱགཱ.

མཱིལ༹ྷེན ལིཏྟཱ རུཧིརེན མཀྑིཏཱ, སེམྷེན ལིཏྟཱ ཨུཔནིཀྑམནྟི;

ཡཾ ཡཉྷི ཀཱཡེན ཕུསནྟི ཏཱཝདེ, སབྦཾ ཨསཱཏཾ དུཁམེཝ ཀེཝལཾ.

དིསྭཱ ཝདཱམི ན ཧི ཨཉྙཏོ སཝཾ, པུབྦེནིཝཱསཾ བཧུཀཾ སརཱམི;

ཙིཏྲཱཧི གཱཐཱཧི སུབྷཱསིཏཱཧི, དརཱིམུཁོ ནིཛ྄ཛྷཱཔཡི སུམེདྷནྟི.

ཀཱཀོལཱ ཀཱཀསངྒྷཱ ཙ, མཡཉྩ པཏཏཾ ཝརཱ [ཝར (ཀ.) མཡནྟིཔདསྶ ཧི ཝིསེསནཾ];

སབྦེཝ སདིསཱ ཧོམ, ཨིམཾ ཨཱགམྨ པབྦཏཾ.

ཨིདྷ ¶ སཱིཧཱ ཙ བྱགྒྷཱ ཙ, སིངྒཱལཱ ཙ མིགཱདྷམཱ;

སབྦེཝ ¶ སདིསཱ ཧོནྟི, ཨཡཾ ཀོ ནཱམ པབྦཏོ.

ཨིམཾ ¶ ནེརཱུཏི [ནེརུནྟི (སཱི. སྱཱ.)] ཛཱནནྟི, མནུསྶཱ པབྦཏུཏྟམཾ;

ཨིདྷ ཝཎྞེན སམྤནྣཱ, ཝསནྟི སབྦཔཱཎིནོ.

ཨམཱནནཱ ཡཏྠ སིཡཱ, སནྟཱནཾ ཝཱ ཝིམཱནནཱ;

ཧཱིནསམྨཱནནཱ ཝཱཔི, ན ཏཏྠ ཝསཏིཾ ཝསེ [ཝསཏཱི ཝསེ (སྱཱ.), ཝས དིཝསེ (པཱི.)].

ཡཏྠཱལསོ ཙ དཀྑོ ཙ, སཱུརོ བྷཱིརུ ཙ པཱུཛིཡཱ;

ན ཏཏྠ སནྟོ ཝསནྟི, ཨཝིསེསཀརེ ནརེ [ནགེ (སཱི. སྱཱ. པཱི.)].

ནཱཡཾ ནེརུ ཝིབྷཛཏི, ཧཱིནཨུཀྐཊྛམཛ྄ཛྷིམེ;

ཨཝིསེསཀརོ ནེརུ, ཧནྡ ནེརུཾ ཛཧཱམསེཏི.

ཨཱསཱཝཏཱི ནཱམ ལཏཱ, ཛཱཏཱ ཙིཏྟལཏཱཝནེ;

ཏསྶཱ ཝསྶསཧསྶེན, ཨེཀཾ ནིབྦཏྟཏེ ཕལཾ.

ཏཾ དེཝཱ པཡིརུཔཱསནྟི, ཏཱཝ དཱུརཕལཾ སཏིཾ;

ཨཱསཱིསེཝ [ཨཱསིཾསེཝ (སཱི. སྱཱ. པཱི.)] ཏུཝཾ རཱཛ, ཨཱསཱ ཕལཝཏཱི སུཁཱ.

ཨཱསཱིསཏེཝ [ཨཱསིཾསེཐེཝ (སཱི. སྱཱ. པཱི.)] སོ པཀྑཱི, ཨཱསཱིསཏེཝ [ཨཱསིཾསེཐེཝ (སཱི. སྱཱ. པཱི.)] སོ དིཛོ;

ཏསྶ ཙཱསཱ [ཏསྶེཝཱསཱ (སྱཱ.)] སམིཛ྄ཛྷཏི, ཏཱཝ དཱུརགཏཱ སཏཱི;

ཨཱསཱིསེཝ ཏུཝཾ རཱཛ, ཨཱསཱ ཕལཝཏཱི སུཁཱ.

སམྤེསི ཁོ མཾ ཝཱཙཱཡ, ན ཙ སམྤེསི [སཾསེསི (ཀ.)] ཀམྨུནཱ;

མཱལཱ ¶ སེརེཡྻཀསྶེཝ, ཝཎྞཝནྟཱ ཨགནྡྷིཀཱ.

ཨཕལཾ མདྷུརཾ ཝཱཙཾ, ཡོ མིཏྟེསུ པཀུབྦཏི;

ཨདདཾ ཨཝིསྶཛཾ བྷོགཾ, སནྡྷི ཏེནསྶ ཛཱིརཏི.

ཡཉྷི ཀཡིརཱ ཏཉྷི ཝདེ, ཡཾ ན ཀཡིརཱ ན ཏཾ ཝདེ;

ཨཀརོནྟཾ བྷཱསམཱནཾ, པརིཛཱནནྟི པཎྜིཏཱ.

བལཉྩ ཝཏ མེ ཁཱིཎཾ, པཱཐེཡྻཉྩ ན ཝིཛྫཏི;

སངྐེ པཱཎཱུཔརོདྷཱཡ, ཧནྡ དཱནི ཝཛཱམཧཾ.

ཨེཏདེཝ ¶ ¶ ཧི མེ ནཱམཾ, ཡཾ ནཱམསྨི རཐེསབྷ;

ཨཱགམེཧི མཧཱརཱཛ, པིཏརཾ ཨཱམནྟཡཱམཧནྟི.

ན མེ རུཙྩི མིགཱལོཔ, ཡསྶ ཏེ ཏཱདིསཱི གཏཱི;

ཨཏུཙྩཾ ཏཱཏ པཏསི, ཨབྷཱུམིཾ ཏཱཏ སེཝསི.

ཙཏུཀྐཎྞཾཝ ཀེདཱརཾ, ཡདཱ ཏེ པཐཝཱི སིཡཱ;

ཏཏོ ཏཱཏ ནིཝཏྟསྶུ, མཱསྶུ ཨེཏྟོ པརཾ གམི.

སནྟི ཨཉྙེཔི སཀུཎཱ, པཏྟཡཱནཱ ཝིཧངྒམཱ;

ཨཀྑིཏྟཱ ཝཱཏཝེགེན, ནཊྛཱ ཏེ སསྶཏཱིསམཱ.

ཨཀཏྭཱ ཨཔནནྡསྶ [ཨཔརཎྞསྶ (སཱི. སྱཱ. པཱི.)], པིཏུ ཝུདྡྷསྶ སཱསནཾ;

ཀཱལཝཱཏེ ¶ ཨཏིཀྐམྨ, ཝེརམྦྷཱནཾ ཝསཾ ཨགཱ [གཏོ (སཱི.)].

ཏསྶ པུཏྟཱ ཙ དཱརཱ ཙ, ཡེ ཙཉྙེ ཨནུཛཱིཝིནོ;

སབྦེ བྱསནམཱཔཱདུཾ, ཨནོཝཱདཀརེ དིཛེ.

ཨེཝམྤི ཨིདྷ ཝུདྡྷཱནཾ, ཡོ ཝཱཀྱཾ ནཱཝབུཛ྄ཛྷཏི;

ཨཏིསཱིམཙརོ [ཨཏིསཱིམཾ ཙརོ (སཱི. སྱཱ. ཀ.)] དིཏྟོ, གིཛ྄ཛྷོཝཱཏཱིཏསཱསནོ;

སབྦེ བྱསནཾ པཔྤོནྟི, ཨཀཏྭཱ བུདྡྷསཱསནནྟི.

ཀཱ ནུ ཀཱལེ༹ན ཝཎྞེན, ན ཙཱཔི [ན ཙཱསི (སཱི.)] པིཡདསྶནཱ;

ཀཱ ཝཱ ཏྭཾ ཀསྶ ཝཱ དྷཱིཏཱ, ཀཐཾ ཛཱནེམུ ཏཾ མཡཾ.

མཧཱརཱཛསྶཧཾ དྷཱིཏཱ, ཝིརཱུཔཀྑསྶ ཙཎྜིཡཱ;

ཨཧཾ ཀཱལཱི༹ ཨལཀྑིཀཱ, ཀཱལ༹ཀཎྞཱིཏི མཾ ཝིདཱུ;

ཨོཀཱསཾ ཡཱཙིཏོ དེཧི, ཝསེམུ ཏཝ སནྟིཀེ.

ཀིཾསཱིལེ ¶ ཀིཾསམཱཙཱརེ, པུརིསེ ནིཝིསསེ ཏུཝཾ;

པུཊྛཱ མེ ཀཱལི༹ ཨཀྑཱཧི, ཀཐཾ [ཡཐཱ (སཱི. པཱི.)] ཛཱནེམུ ཏཾ མཡཾ.

མཀྑཱི པལཱ༹སཱི སཱརམྦྷཱི, ཨིསྶུཀཱི མཙྪརཱི སཋོ;

སོ མཡ྄ཧཾ པུརིསོ ཀནྟོ, ལདྡྷཾ ཡསྶ ཝིནསྶཏི.

ཀོདྷནོ ¶ ཨུཔནཱཧཱི ཙ, པིསུཎོ ཙ ཝིབྷེདཀོ;

ཀཎྜཀཝཱཙོ [ཨཎྜཀཝཱཙོ (ཀ. སཱི. པཱི.)] ཕརུསོ, སོ མེ ཀནྟཏརོ ཏཏོ.

ཨཛྫ ¶ སུཝེཏི པུརིསོ, སདཏྠཾ ནཱཝབུཛ྄ཛྷཏི;

ཨོཝཛྫམཱནོ ཀུཔྤཏི, སེཡྻཾ སོ ཨཏིམཉྙཏི.

དཝཔྤལུདྡྷོ [དེཝཔྤལུདྡྷོ (ཀ.), དཝཔྤལདྡྷོ (པཱི.)] པུརིསོ, སབྦམིཏྟེཧི དྷཾསཏི;

སོ མཡ྄ཧཾ པུརིསོ ཀནྟོ, ཏསྨིཾ ཧོམི ཨནཱམཡཱ.

ཨཔེཧི ཨེཏྟོ ཏྭཾ ཀཱལི༹, ནེཏཾ ཨམྷེསུ ཝིཛྫཏི;

ཨཉྙཾ ཛནཔདཾ གཙྪ, ནིགམེ རཱཛདྷཱནིཡོ.

ཨཧམྤི ཁོ ཏཾ [ཙེཏཾ (སཱི.)] ཛཱནཱམི, ནེཏཾ ཏུམྷེསུ ཝིཛྫཏི;

སནྟི ལོཀེ ཨལཀྑིཀཱ, སངྒྷརནྟི བཧུཾ དྷནཾ;

ཨཧཾ དེཝོ ཙ མེ བྷཱཏཱ, ཨུབྷོ ནཾ ཝིདྷམཱམསེ.

ཀཱ ནུ དིབྦེན ཝཎྞེན, པཐབྱཱ སུཔཏིཊྛིཏཱ;

ཀཱ ཝཱ ཏྭཾ ཀསྶ ཝཱ དྷཱིཏཱ, ཀཐཾ ཛཱནེམུ ཏཾ མཡཾ.

མཧཱརཱཛསྶཧཾ དྷཱིཏཱ, དྷཏརཊྛསྶ སིརཱིམཏོ [དྷཏརཊྛསིརཱིམཏོ (སྱཱ. ཀ.)];

ཨཧཾ སིརཱི ཙ ལཀྑཱི ཙ, བྷཱུརིཔཉྙཱཏི མཾ ཝིདཱུ;

ཨོཀཱསཾ ཡཱཙིཏོ དེཧི, ཝསེམུ ཏཝ སནྟིཀེ.

ཀིཾསཱིལེ ཀིཾསམཱཙཱརེ, པུརིསེ ནིཝིསསེ ཏུཝཾ;

པུཊྛཱ མེ ལཀྑི ཨཀྑཱཧི, ཀཐཾ [ཡཐཱ (སཱི. པཱི.)] ཛཱནེམུ ཏཾ མཡཾ.

ཡོ ¶ ཙཱཔི སཱིཏེ ཨཐཝཱཔི ཨུཎྷེ, ཝཱཏཱཏཔེ ཌཾསསརཱིསཔེ ཙ;

ཁུདྷཾ [ཁུདྡཾ (སྱཱ. ཀ.), ཁུདཾ (པཱི.)] པིཔཱསཾ ཨབྷིབྷུཡྻ སབྦཾ, རཏྟིནྟིཝཾ ཡོ སཏཏཾ ནིཡུཏྟོ;

ཀཱལཱགཏཉྩ ¶ ན ཧཱཔེཏི ཨཏྠཾ, སོ མེ མནཱཔོ ནིཝིསེ ཙ ཏམྷི.

ཨཀྐོདྷནོ མིཏྟཝཱ ཙཱགཝཱ ཙ, སཱིལཱུཔཔནྣོ ཨསཋོཛུབྷཱུཏོ [ཨསཋོ ཨུཛྫུབྷཱུཏོ (པཱི.)];

སངྒཱཧཀོ སཁིལོ སཎྷཝཱཙོ, མཧཏྟཔཏྟོཔི ནིཝཱཏཝུཏྟི;

ཏསྨིཾཧཾ [ཏསྨཱཧཾ (སཱི. པཱི.)] པོསེ ཝིཔུལཱ བྷཝཱམི, ཨཱུམི སམུདྡསྶ ཡཐཱཔི ཝཎྞཾ.

ཡོ ཙཱཔི མིཏྟེ ཨཐཝཱ ཨམིཏྟེ, སེཊྛེ སརིཀྑེ ཨཐ ཝཱཔི ཧཱིནེ;

ཨཏྠཾ ཙརནྟཾ ཨཐཝཱ ཨནཏྠཾ, ཨཱཝཱི རཧོ སངྒཧམེཝ ཝཏྟེ [ཝཏྟོ (སྱཱ. ཀ.)].

ཝཱཙཾ ན ཝཛྫཱ ཕརུསཾ ཀདཱཙི, མཏསྶ ཛཱིཝསྶ ཙ ཏསྶ ཧོམི.

ཨེཏེསཾ ཡོ ཨཉྙཏརཾ ལབྷིཏྭཱ, ཀནྟཱ སིརཱི [ཀནྟསིརིཾ (ཀཏྠཙི), ཀནྟཾ སིརིཾ (སྱཱ.) ཨཊྛཀཐཱཡཾ དུཏིཡཏཏིཡཔཱཋནྟརཱནི] མཛྫཏི ཨཔྤཔཉྙོ;

ཏཾ དིཏྟརཱུཔཾ ཝིསམཾ ཙརནྟཾ, ཀརཱིསཋཱནཾཝ [ཀརཱིསཛཱཏཾ ཝ (སཱི. སྱཱ.)] ཝིཝཛྫཡཱམི.

ཨཏྟནཱ ¶ ཀུརུཏེ ལཀྑིཾ, ཨལཀྑིཾ ཀུརུཏཏྟནཱ;

ན ¶ ཧི ལཀྑིཾ ཨལཀྑིཾ ཝཱ, ཨཉྙོ ཨཉྙསྶ ཀཱརཀོཏི.

སུཙིཏྟཔཏྟཚདན ¶ , ཏམྦཙཱུལ༹ ཝིཧངྒམ;

ཨོརོཧ དུམསཱཁཱཡ, མུདྷཱ བྷརིཡཱ བྷཝཱམི ཏེ.

ཙཏུཔྤདཱི ཏྭཾ ཀལྱཱཎི, དྭིཔདཱཧཾ མནོརམེ;

མིགཱི པཀྑཱི ཨསཉྙུཏྟཱ, ཨཉྙཾ པརིཡེས སཱམིཀཾ.

ཀོམཱརིཀཱ ཏེ ཧེསྶཱམི, མཉྫུཀཱ པིཡབྷཱཎིནཱི;

ཝིནྡ མཾ ཨརིཡེན ཝེདེན, སཱཝཡ མཾ ཡདིཙྪསི.

ཀུཎཔཱདིནི ལོཧིཏཔེ, ཙོརི ཀུཀྐུཊཔོཐིནི;

ན ཏྭཾ ཨརིཡེན ཝེདེན, མམཾ བྷཏྟཱརམིཙྪསི.

ཨེཝམྤི ཙཏུརཱ [ཙཱཏུརཱ (སྱཱ. ཀ.)] ནཱརཱི, དིསྭཱན སདྷནཾ [པཝརཾ (སཱི. སྱཱ. པཱི.)] ནརཾ;

ནེནྟི སཎྷཱཧི ཝཱཙཱཧི, བིལཱ༹རཱི ཝིཡ ཀུཀྐུཊཾ.

ཡོ ཙ ཨུཔྤཏིཏཾ ཨཏྠཾ, ན ཁིཔྤམནུབུཛ྄ཛྷཏི;

ཨམིཏྟཝསམནྭེཏི, པཙྪཱ ཙ ཨནུཏཔྤཏི.

ཡོ ཙ ཨུཔྤཏིཏཾ ཨཏྠཾ, ཁིཔྤམེཝ ནིབོདྷཏི;

མུཙྩཏེ ¶ སཏྟུསམྦཱདྷཱ, ཀུཀྐུཊོཝ བིལཱ༹རིཡཱཏི.

དྷམྨཾ ཙརཐ ཉཱཏཡོ, དྷམྨཾ ཙརཐ བྷདྡཾ ཝོ [བྷདྡ ཝོ (ཀ.)];

དྷམྨཙཱརཱི སུཁཾ སེཏི, ཨསྨིཾ ལོཀེ པརམྷི ཙ.

བྷདྡཀོ ཝཏཡཾ པཀྑཱི, དིཛོ པརམདྷམྨིཀོ;

ཨེཀཔཱདེན ཏིཊྛནྟོ, དྷམྨམེཝཱནུསཱསཏི.

ནཱསྶ སཱིལཾ ཝིཛཱནཱཐ, ཨནཉྙཱཡ པསཾསཐ;

བྷུཏྭཱ ཨཎྜཉྩ པོཏཉྩ [ཚཱཔེ ཙ (སཱི. པཱི.)], དྷམྨོ དྷམྨོཏི བྷཱསཏི.

ཨཉྙཾ བྷཎཏི ཝཱཙཱཡ, ཨཉྙཾ ཀཱཡེན ཀུབྦཏི;

ཝཱཙཱཡ ནོ ཙ ཀཱཡེན, ན ཏཾ དྷམྨཾ ཨདྷིཊྛིཏོ.

ཝཱཙཱཡ ¶ ¶ སཁིལོ མནོཝིདུགྒོ, ཚནྣོ ཀཱུཔསཡོཝ ཀཎྷསཔྤོ;

དྷམྨདྷཛོ གཱམནིགམཱསུསཱདྷུ [གཱམནིགམཱསུ སཱདྷུསམྨཏོ (སཱི.), གཱམནིགམསཱདྷུ (པཱི.)], དུཛྫཱནོ པུརིསེན བཱལིསེན.

ཨིམཾ ¶ ཏུཎྜེཧི པཀྑེཧི, པཱདཱ ཙིམཾ ཝིཧེཋཐ [ཝིཔོཐཐ (པཱི.)];

ཚཝཉྷིམཾ ཝིནཱསེཐ, ནཱཡཾ སཾཝཱསནཱརཧོཏི.

སཙེ བྲཱཧྨཎ གཙྪེསི, སཱཀེཏེ [སཱཀེཏཾ (སཱི. སྱཱ.)] ཨཛྫུནཾ [ཨཉྫྷནཾ (སཱི. སྱཱ. པཱི.)] ཝནཾ;

ཝཛྫཱསི ནནྡིཡཾ ནཱམ, པུཏྟཾ ཨསྨཱཀམོརསཾ;

མཱཏཱ པིཏཱ ཙ ཏེ ཝུདྡྷཱ, ཏེ ཏཾ ཨིཙྪནྟི པསྶིཏུཾ.

བྷུཏྟཱ མཡཱ ནིཝཱཔཱནི, རཱཛིནོ པཱནབྷོཛནཾ;

ཏཾ རཱཛཔིཎྜཾ ཨཝབྷོཏྟུཾ [ཨཝབྷོཏྟཾ (ཀ.)], ནཱཧཾ བྲཱཧྨཎ མུསྶཧེ.

ཨོདཧིསྶཱམཧཾ པསྶཾ, ཁུརཔྤཱནིསྶ [ཁུརཔྤཱཎིསྶ (སཱི.), ཁུརཔཱཎིསྶ (པཱི.), ཁུརཔྤཔཱཎིསྶ (?)] རཱཛིནོ;

ཏདཱཧཾ སུཁིཏོ མུཏྟོ, ཨཔི པསྶེཡྻ མཱཏརཾ.

མིགརཱཛཱ པུརེ ཨཱསིཾ, ཀོསལསྶ ནིཀེཏནེ [ནིཀེཏཝེ (སཱི. སྱཱ. པཱི.)];

ནནྡིཡོ ནཱམ ནཱམེན, ཨབྷིརཱུཔོ ཙཏུཔྤདོ.

ཏཾ མཾ ཝདྷིཏུམཱགཙྪི, དཱཡསྨིཾ ཨཛྫུནེ ཝནེ;

དྷནུཾ ཨཱརཛྫཾ [ཨཱརཛྫུཾ (ནིཡྻ), ཨདེཛ྄ཛྷཾ (སཱི. པཱི.) ཨདྭེདྷཱབྷཱཝཾ ཨེཀཱིབྷཱཝནྟི ཨཏྠོ] ཀཏྭཱན, ཨུསུཾ སནྣཡ྄ཧ [སནྡྷཱཡ (སཱི. པཱི.)] ཀོསལོ.

ཏསྶཱཧཾ ¶ ཨོདཧིཾ པསྶཾ, ཁུརཔྤཱནིསྶ རཱཛིནོ;

ཏདཱཧཾ ¶ སུཁིཏོ མུཏྟོ, མཱཏརཾ དཊྛུམཱགཏོཏི.

ཨཐ ཀུཛ྄ཛྷརཐེསབྷ ཀེཏུཝརོ, སདརཱིམུཁ ནེརུ ལཏཱ ཙ པུན;

ཨཔནནྡ སིརཱི ཙ སུཙིཏྟཝརོ, ཨཐ དྷམྨིཀ ནནྡིམིགེན དསཱཏི.

སཙྩཾ ¶ ཀིརེཝམཱཧཾསུ, ཝསྟཾ [བྷསྟཾ (སཱི. པཱི.), ཀལཀཾ (སྱཱ.), གརཾ (ཀ.)] བཱལོཏི པཎྜིཏཱ;

པསྶ བཱལོ རཧོཀམྨཾ, ཨཱཝིཀུབྦཾ ན བུཛ྄ཛྷཏི.

ཏྭཾ ཁོཔི [ཏྭཾ ནུ ཁོ (སཱི. སྱཱ.), ཏྭཉྩ ཁོ (པཱི.)] སམྨ བཱལོསི, ཁརཔུཏྟ ཝིཛཱནཧི;

རཛྫུཡཱ ཧི [རཛྫུཡཱསི (པཱི.)] པརིཀྑིཏྟོ, ཝངྐོཊྛོ ཨོཧིཏོམུཁོ.

ཨཔརམྤི སམྨ ཏེ བཱལྱཾ [ཨཡམྤི སམྨ ཏེ བཱལོ (ཀ.)], ཡོ མུཏྟོ ན པལཱཡསི;

སོ ཙ བཱལཏརོ སམྨ, ཡཾ ཏྭཾ ཝཧསི སེནཀཾ.

ཡཾ ནུ སམྨ ཨཧཾ བཱལོ, ཨཛརཱཛ ཝིཛཱནཧི;

ཨཐ ¶ ཀེན སེནཀོ བཱལོ, ཏཾ མེ ཨཀྑཱཧི པུཙྪིཏོ.

ཨུཏྟམཏྠཾ ལབྷིཏྭཱན, བྷརིཡཱཡ ཡོ པདསྶཏི [བྷཡིཡཱ ཡོ པདསྶཏི (པཱི.), བྷཡིཡཱ ན བྷཝིསྶཏི (ཀ.)];

ཏེན ཛཧིསྶཏཏྟཱནཾ, སཱ ཙེཝསྶ ན ཧེསྶཏི.

ན ¶ ཝེ པིཡམྨེཏི [ན པིཡམེཏི (ཀ.), ན པིཡམེདནྟི (ཀཏྠཙི)] ཛནིནྡ ཏཱདིསོ, ཨཏྟཾ ནིརཾཀཏྭཱ པིཡཱནི སེཝཏི [སེཝཡེ (?)];

ཨཏྟཱཝ སེཡྻོ པརམཱ ཙ སེཡྻོ, ལབྦྷཱ པིཡཱ ཨོཙིཏཏྠེན པཙྪཱཏི.

ཨཀཀྐསཾ ཨཕརུསཾ, ཁརདྷོཏཾ སུཔཱསིཡཾ;

སུཁུམཾ ཏིཁིཎགྒཉྩ, ཀོ སཱུཙིཾ ཀེཏུམིཙྪཏི.

སུམཛྫཉྩ སུཔཱསཉྩ, ཨནུཔུབྦཾ [ཨནུཔུབྦ (སཱི. སྱཱ.)] སུཝཊྚིཏཾ;

གྷནགྷཱཏིམཾ པཊིཐདྡྷཾ, ཀོ སཱུཙིཾ ཀེཏུམིཙྪཏི.

ཨིཏོ དཱནི པཏཱཡནྟི, སཱུཙིཡོ བལི༹སཱནི ཙ;

ཀོཡཾ ཀམྨཱརགཱམསྨིཾ, སཱུཙིཾ ཝིཀྐེཏུམིཙྪཏི.

ཨིཏོ སཏྠཱནི གཙྪནྟི, ཀམྨནྟཱ ཝིཝིདྷཱ པུཐཱུ;

ཀོཡཾ ཀམྨཱརགཱམསྨིཾ, སཱུཙིཾ ཝིཀྐེཏུམིཙྪཏི [མརཧཏི (སཱི. སྱཱ. པཱི.)].

སཱུཙིཾ ¶ ཀམྨཱརགཱམསྨིཾ, ཝིཀྐེཏབྦཱ པཛཱནཏཱ;

ཨཱཙརིཡཱཝ ཛཱནནྟི [ཨཱཙརིཡཱ སཉྫཱནནྟི (ཀ.), ཨཱཙརིཡཱ པཛཱནནྟི (སྱཱ.), ཨཱཙརིཡཱཝ སཉྫཱནནྟི (པཱི.)], ཀམྨཾ སུཀཏདུཀྐཊཾ [དུཀྐཏཾ (སཱི. པཱི.)].

ཨིམཾ ¶ ཙེ [ཨིམཉྩ (སཱི. སྱཱ. པཱི.)] ཏེ པིཏཱ བྷདྡེ, སཱུཙིཾ ཛཉྙཱ མཡཱ ཀཏཾ;

ཏཡཱ ཙ མཾ ནིམནྟེཡྻ, ཡཉྩཏྠཉྙཾ གྷརེ དྷནནྟི.

ནཝཚནྣཀེ [ནཝཚནྡཀེ (སཱི. པཱི.), ནཝཙྪདྡཀེ (སྱཱ.)] དཱནི [དོཎི (ཀ.), དཱནཾ, དཱནེ (ཀཏྠཙི)] དིཡྻཏི, པུཎྞཱཡཾ དོཎི སུཝཱམིནཱི ཋིཏཱ;

བཧུཀེ ཛནེ པཱསཔཱཎིཀེ, ནོ ཙ ཁོ མེ པཊིབྷཱཏི བྷུཉྫིཏུཾ.

ཏསསི ¶ བྷམསི ལེཎམིཙྪསི, ཨཏྟཱཎོསི ཀུཧིཾ གམིསྶསི;

ཨཔྤོསྶུཀྐོ བྷུཉྫ ཏུཎྜིལ, མཾསཏྠཱཡ ཧི པོསིཏཱམྷསེ [པོསིཡཱམསེ (སཱི. སྱཱ. པཱི.)].

ཨོགཧ རཧདཾ ཨཀདྡམཾ, སབྦཾ སེདམལཾ པཝཱཧཡ;

གཎྷཱཧི ནཝཾ ཝིལེཔནཾ, ཡསྶ ¶ གནྡྷོ ན ཀདཱཙི ཚིཛྫཏི.

ཀཏམོ རཧདོ ཨཀདྡམོ, ཀིཾསུ སེདམལནྟི ཝུཙྩཏི;

ཀཏམཉྩ ནཝཾ ཝིལེཔནཾ, ཡསྶ གནྡྷོ ན ཀདཱཙི ཚིཛྫཏི.

དྷམྨོ རཧདོ ཨཀདྡམོ, པཱཔཾ སེདམལནྟི ཝུཙྩཏི;

སཱིལཉྩ ནཝཾ ཝིལེཔནཾ, ཏསྶ གནྡྷོ ན ཀདཱཙི ཚིཛྫཏི.

ནནྡནྟི སརཱིརགྷཱཏིནོ, ན ཙ ནནྡནྟི སརཱིརདྷཱརིནོ;

པུཎྞཱཡ ཙ པུཎྞམཱསིཡཱ, རམམཱནཱཝ ཛཧནྟི ཛཱིཝིཏནྟི.

སིངྒཱིམིགོ ཨཱཡཏཙཀྑུནེཏྟོ, ཨཊྛིཏྟཙོ ཝཱརིསཡོ ཨལོམོ;

ཏེནཱབྷིབྷཱུཏོ ཀཔཎཾ རུདཱམི, ཧརེ སཁཱ ཀིསྶ ནུ མཾ ཛཧཱསི.

སོ ¶ ¶ པསྶསནྟོ མཧཏཱ ཕཎེན, བྷུཛངྒམོ ཀཀྐཊམཛ྄ཛྷཔཏྟོ;

སཁཱ སཁཱརཾ པརིཏཱཡམཱནོ, བྷུཛངྒམཾ ཀཀྐཊཀོ གཧེསི.

ན ཝཱཡསཾ ནོ པན ཀཎྷསཔྤཾ, གྷཱསཏྠིཀོ ཀཀྐཊཀོ ཨདེཡྻ;

པུཙྪཱམི ཏཾ ཨཱཡཏཙཀྑུནེཏྟ, ཨཐ ཀིསྶ ཧེཏུམྷ ཨུབྷོ གཧཱིཏཱ.

ཨཡཾ པུརིསོ མམ ཨཏྠཀཱམོ, ཡོ མཾ གཧེཏྭཱན དཀཱཡ ནེཏི;

ཏསྨིཾ མཏེ དུཀྑམནཔྤཀཾ མེ, ཨཧཉྩ ཨེསོ ཙ ཨུབྷོ ན ཧོམ.

མམཉྩ དིསྭཱན པཝདྡྷཀཱཡཾ, སབྦོ ཛནོ ཧིཾསིཏུམེཝ མིཙྪེ;

སཱདུཉྩ ཐཱུལཉྩ མུདུཉྩ མཾསཾ, ཀཱཀཱཔི མཾ དིསྭཱན [དིསྭ (སཱི. པཱི.)] ཝིཧེཋཡེཡྻུཾ.

སཙེཏསྶ ¶ ཧེཏུམྷ ཨུབྷོ གཧཱིཏཱ, ཨུཊྛཱཏུ པོསོ ཝིསམཱཝམཱམི [ཝིསམཱཙམཱམི (སཱི. པཱི. ཀ.)];

མམཉྩ ཀཱཀཉྩ པམུཉྩ ཁིཔྤཾ, པུརེ ¶ ཝིསཾ གཱལ༹ྷམུཔེཏི མཙྩཾ.

སཔྤཾ པམོཀྑཱམི ན ཏཱཝ ཀཱཀཾ, པཊིབནྡྷཀོ [པཊིབདྡྷཀོ (སཱི. པཱི.)] ཧོཧིཏི [ཧོཏི ཧི (སྱཱ.)] ཏཱཝ ཀཱཀོ;

པུརིསཉྩ དིསྭཱན སུཁིཾ ཨརོགཾ, ཀཱཀཾ པམོཀྑཱམི ཡཐེཝ སཔྤཾ.

ཀཱཀོ ¶ ཏདཱ དེཝདཏྟོ ཨཧོསི, མཱརོ པན ཀཎྷསཔྤོ ཨཧོསི;

ཨཱནནྡབྷདྡོ ཀཀྐཊཀོ ཨཧོསི, ཨཧཾ ཏདཱ བྲཱཧྨཎོ ཧོམི སཏྠཱཏི [ཏཏྠཱཏི (སཱི. པཱི.)].

སཀུཎོ མཡ྄ཧཀོ ནཱམ, གིརིསཱནུདརཱིཙརོ;

པཀྐཾ པིཔྥལིམཱརུཡ྄ཧ, མཡ྄ཧཾ མཡ྄ཧནྟི ཀནྡཏི.

ཏསྶེཝཾ ཝིལཔནྟསྶ, དིཛསངྒྷཱ སམཱགཏཱ;

བྷུཏྭཱན པིཔྥལིཾ ཡནྟི, ཝིལཔཏྭེཝ སོ དིཛོ.

ཨེཝམེཝ ཨིདྷེཀཙྩོ, སངྒྷརིཏྭཱ བཧུཾ དྷནཾ;

ནེཝཏྟནོ ན ཉཱཏཱིནཾ, ཡཐོདྷིཾ པཊིཔཛྫཏི.

ན སོ ཨཙྪཱདནཾ བྷཏྟཾ, ན མཱལཾ ན ཝིལེཔནཾ;

ཨནུབྷོཏི ¶ [ནཱནུབྷོཏི (སྱཱ. ཀ.)] སཀིཾ ཀིཉྩི, ན སངྒཎྷཱཏི ཉཱཏཀེ.

ཏསྶེཝཾ ཝིལཔནྟསྶ, མཡ྄ཧཾ མཡ྄ཧནྟི རཀྑཏོ;

རཱཛཱནོ ཨཐ ཝཱ ཙོརཱ, དཱཡདཱ ཡེ ཝ [ཡེ ཙ (སྱཱ. ཀ.)] ཨཔྤིཡཱ;

དྷནམཱདཱཡ གཙྪནྟི, ཝིལཔཏྭེཝ སོ ནརོ.

དྷཱིརོ [དྷཱིརོ ཙ (སཱི.)] བྷོགེ ཨདྷིགམྨ, སངྒཎྷཱཏི ཙ ཉཱཏཀེ;

ཏེན སོ ཀིཏྟིཾ པཔྤོཏི, པེཙྩ སགྒེ པམོདཏཱིཏི [སགྒེ ཙ མོདཏཱིཏི (སཱི. པཱི.)].

དུབྦཎྞརཱུཔཾ ཏུཝམརིཡཝཎྞཱི, པུརཀྑཏྭཱ [པུརཀྑིཏྭཱ (སྱཱ. ཀ.)] པཉྫལིཀོ ནམསྶསི;

སེཡྻོ ནུ ཏེ སོ ཨུདཝཱ [ཨུདཱཧུ (སྱཱ. ཀ.)] སརིཀྑོ, ནཱམཾ པརསྶཏྟནོ ཙཱཔི བྲཱུཧི.

ན ¶ ནཱམགོཏྟཾ གཎྷནྟི རཱཛ, སམྨགྒཏཱནུཛྫུགཏཱན [སམགྒཏཱནུཛྫུགཏཱན (སྱཱ.), སམུགྒཏཱནུཛྫུགཏཱན (ཀ.)] དེཝཱ;

ཨཧཉྩ ཏེ ནཱམདྷེཡྻཾ ཝདཱམི, སཀྐོཧམསྨཱི ཏིདསཱནམིནྡོ.

ཡོ ¶ དིསྭཱ བྷིཀྑུཾ ཙརཎཱུཔཔནྣཾ, པུརཀྑཏྭཱ པཉྫལིཀོ ནམསྶཏི;

པུཙྪཱམི ཏཾ དེཝརཱཛེཏམཏྠཾ, ཨིཏོ ¶ ཙུཏོ ཀིཾ ལབྷཏེ སུཁཾ སོ.

ཡོ དིསྭཱ བྷིཀྑུཾ ཙརཎཱུཔཔནྣཾ, པུརཀྑཏྭཱ པཉྫལིཀོ ནམསྶཏི;

དིཊྛེཝ དྷམྨེ ལབྷཏེ པསཾསཾ, སགྒཉྩ སོ ཡཱཏི སརཱིརབྷེདཱ.

ལཀྑཱི ཝཏ མེ ཨུདཔཱདི ཨཛྫ, ཡཾ ཝཱསཝཾ བྷཱུཏཔཏིདྡསཱམ;

བྷིཀྑུཉྩ དིསྭཱན ཏུཝཉྩ སཀྐ, ཀཱཧཱམི པུཉྙཱནི ཨནཔྤཀཱནི.

ཨདྡྷཱ ཧཝེ སེཝིཏབྦཱ སཔཉྙཱ, བཧུསྶུཏཱ ཡེ བཧུཋཱནཙིནྟིནོ;

བྷིཀྑུཉྩ དིསྭཱན མམཉྩ རཱཛ, ཀརོཧི པུཉྙཱནི ཨནཔྤཀཱནི.

ཨཀྐོདྷནོ ནིཙྩཔསནྣཙིཏྟོ, སབྦཱཏིཐཱིཡཱཙཡོགོ བྷཝིཏྭཱ;

ནིཧཙྩ མཱནཾ ཨབྷིཝཱདཡིསྶཾ, སུཏྭཱན དེཝིནྡ སུབྷཱསིཏཱནཱིཏི.

ཝིཛྫཱདྷར [དྷཛཝིཧེཋཀ (སཱི. པཱི.), པབྦཛིཏཝིཧེཋཀ (སྱཱ.)] ཛཱཏཀཾ ཚཊྛཾ.

ཡམེཏཾ ¶ ¶ [ཡམེཀཾ (པཱི.)] ཝཱརིཛཾ པུཔྥཾ, ཨདིནྣཾ ཨུཔསིངྒྷསི;

ཨེཀངྒམེཏཾ ཐེཡྻཱནཾ, གནྡྷཐེནོསི མཱརིས.

ན ཧརཱམི ན བྷཉྫཱམི, ཨཱརཱ སིངྒྷཱམི ཝཱརིཛཾ;

ཨཐ ཀེན ནུ ཝཎྞེན, གནྡྷཐེནོཏི ཝུཙྩཏི.

ཡོཡཾ བྷིསཱནི ཁཎཏི, པུཎྜརཱིཀཱནི བྷཉྫཏི;

ཨེཝཾ ཨཱཀིཎྞཀམྨནྟོ, ཀསྨཱ ཨེསོ ན ཝུཙྩཏི.

ཨཱཀིཎྞལུདྡོ པུརིསོ, དྷཱཏིཙེལཾཝ མཀྑིཏོ;

ཏསྨིཾ མེ ཝཙནཾ ནཏྠི, ཏཉྩཱརཧཱམི ཝཏྟཝེ.

ཨནངྒཎསྶ པོསསྶ, ནིཙྩཾ སུཙིགཝེསིནོ;

ཝཱལགྒམཏྟཾ པཱཔསྶ, ཨབྦྷཱམཏྟཾཝ ཁཱཡཏི.

ཨདྡྷཱ མཾ ཡཀྑ ཛཱནཱསི, ཨཐོ མཾ ཨནུཀམྤསི;

པུནཔི ཡཀྑ ཝཛྫཱསི, ཡདཱ པསྶསི ཨེདིསཾ.

ནེཝ ཏཾ ཨུཔཛཱིཝཱམི, ནཔི ཏེ བྷཏཀཱམྷསེ [བྷཏཀམྷསེ (སཱི. པཱི.), བྷཏིཀམྷསེ (སྱཱ.)];

ཏྭམེཝ བྷིཀྑུ ཛཱནེཡྻ, ཡེན གཙྪེཡྻ སུགྒཏིནྟི.

སིངྒྷཔུཔྥ [བྷིསཔུཔྥ (སཱི. པཱི.), ཨུཔསིངྒྷཔུཔྥ (སྱཱ.)] ཛཱཏཀཾ སཏྟམཾ.

སུསུཁཾ ¶ ཝཏ ཛཱིཝནྟི, ཡེ ཛནཱ ཝིགྷཱསཱདིནོ;

དིཊྛེཝ ¶ དྷམྨེ པཱསཾསཱ, སམྤརཱཡེ ཙ སུགྒཏཱི.

སུཀསྶ [སུཝསྶ (སཱི. སྱཱ. པཱི.)] བྷཱསམཱནསྶ, ན ནིསཱམེཐ པཎྜིཏཱ;

ཨིདཾ སུཎཱཐ སོདརིཡཱ, ཨམྷེཝཱཡཾ པསཾསཏི.

ནཱཧཾ ཏུམྷེ པསཾསཱམི, ཀུཎཔཱདཱ སུཎཱཐ མེ;

ཨུཙྪིཊྛབྷོཛིནོ [བྷོཛནཱ (ཀ.)] ཏུམྷེ, ན ཏུམྷེ ཝིགྷཱསཱདིནོ.

སཏྟཝསྶཱ ¶ པབྦཛིཏཱ, མེཛ྄ཛྷཱརཉྙེ [མཛ྄ཛྷེརཉྙེ (ཀ.)] སིཁཎྜིནོ;

ཝིགྷཱསེནེཝ ཡཱཔེནྟཱ, མཡཾ ཙེ བྷོཏོ གཱརཡ྄ཧཱ;

ཏུམྷེ སཱིཧཱནཾ བྱགྒྷཱནཾ, ཝཱལཱ༹ནཉྩཱཝསིཊྛཀཾ;

ཨུཙྪིཊྛེནེཝ ཡཱཔེནྟཱ, མཉྙིཝ྄ཧོ ཝིགྷཱསཱདིནོ.

ཡེ བྲཱཧྨཎསྶ སམཎསྶ, ཨཉྙསྶ ཝཱ [ཨཉྙསྶ ཙ (སཱི. སྱཱ.), ཨཉྙསྶེཝ (པཱི.)] ཝནིབྦིནོ [ཝཎིབྦིནོ (སཱི. སྱཱ.)];

དཏྭཱཝ [དཏྭཱན (པཱི. ཀ.)] སེསཾ བྷུཉྫནྟི, ཏེ ཛནཱ ཝིགྷཱསཱདིནོཏི.

པཎཱིཏཾ བྷུཉྫསེ བྷཏྟཾ, སཔྤིཏེལཉྩ མཱཏུལ;

ཨཐ ཀེན ནུ ཝཎྞེན, ཀིསོ ཏྭམསི ཝཱཡས.

ཨམིཏྟམཛ྄ཛྷེ ཝསཏོ, ཏེསུ ཨཱམིསམེསཏོ;

ནིཙྩཾ ཨུབྦིགྒཧདཡསྶ, ཀུཏོ ཀཱཀསྶ དལ༹ྷིཡཾ.

ནིཙྩཾ ཨུབྦེགིནོ [ཨུབྦིགྒིནོ (སྱཱ. ཀ.), ཨུབྦེདྷིནོ (སཱི.)] ཀཱཀཱ, དྷངྐཱ པཱཔེན ཀམྨུནཱ;

ལདྡྷོ ¶ པིཎྜོ ན པཱིཎེཏི, ཀིསོ ཏེནསྨི ཝཊྚཀ.

ལཱུཁཱནི ཏིཎབཱིཛཱནི, ཨཔྤསྣེཧཱནི བྷུཉྫསི;

ཨཐ ཀེན ནུ ཝཎྞེན, ཐཱུལོ ཏྭམསི ཝཊྚཀ.

ཨཔྤིཙྪཱ ཨཔྤཙིནྟཱཡ, ཨདཱུརགམནེན ཙ;

ལདྡྷཱལདྡྷེན ཡཱཔེནྟོ, ཐཱུལོ ཏེནསྨི ཝཱཡས.

ཨཔྤིཙྪསྶ ¶ ཧི པོསསྶ, ཨཔྤཙིནྟསུཁསྶ [ཨཔྤཙིནྟིསུཁསྶ (སཱི. སྱཱ. པཱི.)] ཙ;

སུསངྒཧིཏམཱནསྶ [སུསངྒཧིཏཔམཱཎསྶ (སཱི. སྱཱ. པཱི.)], ཝུཏྟཱི སུསམུདཱནཡཱཏི.

ཙིརསྶཾ ཝཏ པསྶཱམི, སཧཱཡཾ མཎིདྷཱརིནཾ;

སུཀཏཱ [སུཀཏཱཡ (སཱི. པཱི.)] མསྶུཀུཏྟིཡཱ, སོབྷཏེ ཝཏ མེ སཁཱ.

པརཱུལ༹ྷཀཙྪནཁལོམོ ¶ , ཨཧཾ ཀམྨེསུ བྱཱཝཊོ;

ཙིརསྶཾ ནྷཱཔིཏཾ ལདྡྷཱ, ལོམཾ ཏཾ ཨཛྫཾ ཧཱརཡིཾ [ཨཔཧཱརཡིཾ (སཱི. པཱི.)].

ཡཾ ནུ ལོམཾ ཨཧཱརེསི, དུལླབྷཾ ལདྡྷ ཀཔྤཀཾ;

ཨཐ ཀིཉྩརཧི ཏེ སམྨ, ཀཎྛེ ཀིཎིཀིཎཱཡཏི [ཨིདཾ ཀཎྛེ ཀིཎཱཡཏི (ཀ.), ཀཎྛེ ཀིཾནིཀིལཱཡཏི (སྱཱ.)].

མནུསྶསུཁུམཱལཱནཾ, མཎི ཀཎྛེསུ ལམྦཏི;

ཏེསཱཧཾ ¶ ཨནུསིཀྑཱམི, མཱ ཏྭཾ མཉྙི དཝཱ ཀཏཾ.

སཙེཔིམཾ པིཧཡསི, མསྶུཀུཏྟིཾ སུཀཱརིཏཾ;

ཀཱརཡིསྶཱམི ཏེ སམྨ, མཎིཉྩཱཔི དདཱམི ཏེ.

ཏྭཉྙེཝ མཎིནཱ ཚནྣོ, སུཀཏཱཡ ཙ མསྶུཡཱ;

ཨཱམནྟ ཁོ ཏཾ གཙྪཱམི, པིཡཾ མེ ཏཝ དསྶནནྟི.

པཱརཱཝཏཛཱཏཀཾ [ཀཱཀཛཱཏཀཾ (སཱི. པཱི.), མཎིཛཱཏཀཾ (སྱཱ.)] དསམཾ.

ཁརཔུཏྟཝགྒོ [སེནཀཝགྒོ (སཱི. པཱི.), ཁུརཔུཏྟཝགྒོ (སྱཱ.), སཱུཙིཝགྒོ (ཀ.)] དུཏིཡོ.

ཨཐ པསྶ སསཱུཙི ཙ ཏུཎྜིལཀོ, མིག མཡ྄ཧཀཔཉྩམཔཀྑིཝརོ;

ཨཐ པཉྫལི ཝཱརིཛ མེཛ྄ཛྷ པུན, ཨཐ ཝཊྚ ཀཔོཏཝརེན དསཱཏི.

ཨཐ ཝགྒཾ པཀིཏྟིསྶཾ, ཚནིཔཱཏཾ ཝརུཏྟམེ;

ཨཝཱརིཡཱ ཙ ཁརོ ཙ [སེནཀ (སཱི.), སཱུཙི ཙ (སྱཱ. ཀ.)], དྭེ ཙ ཝུཏྟཱ སུབྱཉྫནཱཏི.

དིཡཌྜྷཀུཀྐཱུ ¶ ¶ ¶ ཨུདཡེན ཀཎྞིཀཱ, ཝིདཏྠིཡོ ཨཊྛ པརིཀྑིཔནྟི ནཾ;

སཱ སིཾསཔཱ [སསིཾསཔཱ (སཱི. པཱི.), སཱ སཱིསཔཱ (སྱཱ.), ཡཱ སིཾསཔཱ (ཀ. སཱི. ནིཡྻ)] སཱརམཡཱ ཨཕེགྒུཀཱ, ཀུཧིཾ ཋིཏཱ ཨུཔྤརིཏོ [ཨུཔརིཏོ (སཱི. སྱཱ. པཱི.)] ན དྷཾསཏི.

ཡཱ ཏིཾསཏི སཱརམཡཱ ཨནུཛྫུཀཱ, པརིཀིརིཡ [པཀིརིཡཱ (ཀ.)] གོཔཱཎསིཡོ སམཾ ཋིཏཱ [སམཊྛིཏཱ (སཱི. སྱཱ.)];

ཏཱཧི སུསངྒཧིཏཱ བལསཱ པཱིལི༹ཏཱ [ཏཱ སངྒཧིཏཱ བལསཱ ཙ པཱིལི༹ཏཱ (སཱི.), ཏཱཧི སུསངྒཧིཏཱ བལསཱ ཙ པཱིལི༹ཏཱ (སྱཱ.), ཏཱཧི སངྒཧཱིཏཱ བལསཱ ཙ པཱིལི༹ཏཱ (པཱི.)], སམཾ ཋིཏཱ ཨུཔྤརིཏོ ན དྷཾསཏི.

ཨེཝམྤི མིཏྟེཧི དལ༹ྷེཧི པཎྜིཏོ, ཨབྷེཛྫརཱུཔེཧི སུཙཱིཧི མནྟིབྷི;

སུསངྒཧཱིཏོ སིརིཡཱ ན དྷཾསཏི, གོཔཱཎསཱི བྷཱརཝཧཱཝ ཀཎྞིཀཱ.

ཁརཏྟཙཾ བེལླཾ ཡཐཱཔི སཏྠཝཱ, ཨནཱམསནྟོཔི ཀརོཏི ཏིཏྟཀཾ;

སམཱཧརཾ སཱདུཾ ཀརོཏི པཏྠིཝ, ཨསཱདུཾ ཀཡིརཱ ཏནུབནྡྷམུདྡྷརཾ [ཏནུཝཊྚམུདྡྷརཾ (སཱི. པཱི.)].

ཨེཝམྤི ¶ གཱམནིགམེསུ པཎྜིཏོ, ཨསཱཧསཾ རཱཛདྷནཱནི སངྒྷརཾ;

དྷམྨཱནུཝཏྟཱི པཊིཔཛྫམཱནོ, ས ཕཱཏི ཀཡིརཱ ཨཝིཧེཋཡཾ པརཾ.

ཨོདཱཏམཱུལཾ ¶ སུཙིཝཱརིསམྦྷཝཾ, ཛཱཏཾ ཡཐཱ པོཀྑརཎཱིསུ ཨམྦུཛཾ;

པདུམཾ ཡཐཱ ཨགྒིནིཀཱསིཕཱལིམཾ, ན ཀདྡམོ ན རཛོ ན ཝཱརི ལིམྤཏི.

ཨེཝམྤི ཝོཧཱརསུཙིཾ ཨསཱཧསཾ, ཝིསུདྡྷཀམྨནྟམཔེཏཔཱཔཀཾ;

ན ལིམྤཏི ཀམྨཀིལེས ཏཱདིསོ, ཛཱཏཾ ཡཐཱ པོཀྑརཎཱིསུ ཨམྦུཛནྟི.

ཡཐཱ ཙཱཔོ ནིནྣམཏི, ཛིཡཱ ཙཱཔི ནིཀཱུཛཏི;

ཧཉྙཏེ ནཱུན མནོཛོ, མིགརཱཛཱ སཁཱ མམ.

ཧནྡ དཱནི ཝནནྟཱནི, པཀྐམཱམི ཡཐཱསུཁཾ;

ནེཏཱདིསཱ སཁཱ ཧོནྟི, ལབྦྷཱ མེ ཛཱིཝཏོ སཁཱ.

ན ¶ པཱཔཛནསཾསེཝཱི, ཨཙྩནྟཾ སུཁམེདྷཏི;

མནོཛཾ ¶ པསྶ སེམཱནཾ, གིརིཡསྶཱནུསཱསནཱི [ཨརིཡསྶཱནུསཱསནཱི (སཱི. སྱཱ. པཱི.)].

ན པཱཔསམྤཝངྐེན, མཱཏཱ པུཏྟེན ནནྡཏི;

མནོཛཾ པསྶ སེམཱནཾ, ཨཙྪནྣཾ [སཙྪནྣཾ (ཀ.)] སམྷི ལོཧིཏེ.

ཨེཝམཱཔཛྫཏེ པོསོ, པཱཔིཡོ ཙ ནིགཙྪཏི;

ཡོ ཝེ ཧིཏཱནཾ ཝཙནཾ, ན ཀརོཏི ཨཏྠདསྶིནཾ.

ཨེཝཉྩ སོ ཧོཏི ཏཏོ ཙ པཱཔིཡོ, ཡོ ཨུཏྟམོ ཨདྷམཛནཱུཔསེཝཱི;

པསྶུཏྟམཾ ཨདྷམཛནཱུཔསེཝིཏཾ [སེཝིཾ (སྱཱ.)], མིགཱདྷིཔཾ སརཝརཝེགནིདྡྷུཏཾ.

ནིཧཱིཡཏི ¶ པུརིསོ ནིཧཱིནསེཝཱི, ན ཙ ཧཱཡེཐ ཀདཱཙི ཏུལྱསེཝཱི;

སེཊྛམུཔགམཾ [མུཔནམཾ (སཱི. པཱི. ཨ. ནི. ༣.༢༦)] ཨུདེཏི ཁིཔྤཾ, ཏསྨཱཏྟནཱ ཨུཏྟརིཏརཾ [ཏསྨཱ ཨཏྟནོ ཨུཏྟརིཾ (སཱི. པཱི.), ཏསྨཱ ཨཏྟནོ ཨུཏྟརཾ (སྱཱ.)] བྷཛེཐཱཏི.

རཱཛཱ ཏེ བྷཏྟཾ པཱཧེསི, སུཙིཾ མཾསཱུཔསེཙནཾ;

མགྷདེཝསྨིཾ [མཁཱདེཝསྨིཾ (སཱི. པཱི.), མཱགྷདེཝསྨིཾ (ཀ.)] ཨདྷིཝཏྠེ, ཨེཧི ནིཀྑམྨ བྷུཉྫསྶུ.

ཨེཧི མཱཎཝ ཨོརེན, བྷིཀྑམཱདཱཡ སཱུཔིཏཾ;

ཏྭཉྩ ¶ མཱཎཝ བྷིཀྑཱ ཙ [བྷཀྑོསི (སྱཱ.), བྷཀྑཱཝ (ཀ.)], ཨུབྷོ བྷཀྑཱ བྷཝིསྶཐ.

ཨཔྤཀེན ཏུཝཾ ཡཀྑ, ཐུལླམཏྠཾ ཛཧིསྶསི;

བྷིཀྑཾ ཏེ ནཱཧརིསྶནྟི, ཛནཱ མརཎསཉྙིནོ.

ལདྡྷཱཡ ཡཀྑཱ [ལདྡྷཱཡཾ ཡཀྑ (སཱི. སྱཱ. པཱི.)] ཏཝ ནིཙྩབྷིཀྑཾ, སུཙིཾ པཎཱིཏཾ རསསཱ ཨུཔེཏཾ;

བྷིཀྑཉྩ ཏེ ཨཱཧརིཡོ ནརོ ཨིདྷ, སུདུལླབྷོ ཧེཧིཏི བྷཀྑིཏེ [ཁཱདིཏེ (སཱི. སྱཱ. པཱི.)] མཡི.

མམེཝ [མམེས (སཱི. པཱི.)] སུཏནོ ཨཏྠོ, ཡཐཱ བྷཱསསི མཱཎཝ;

མཡཱ ཏྭཾ སམནུཉྙཱཏོ, སོཏྠིཾ པསྶཱཧི མཱཏརཾ.

ཁགྒཾ ཚཏྟཉྩ པཱཏིཉྩ, གཙྪམཱདཱཡ [གཙྪེཝཱདཱཡ (སཱི. སྱཱ. པཱི.)] མཱཎཝ;

སོཏྠིཾ པསྶཏུ ཏེ མཱཏཱ, ཏྭཉྩ པསྶཱཧི མཱཏརཾ.

ཨེཝཾ ཡཀྑ སུཁཱི ཧོཧི, སཧ སབྦེཧི ཉཱཏིབྷི;

དྷནཉྩ མེ ཨདྷིགཏཾ, རཉྙོ ཙ ཝཙནཾ ཀཏནྟི.

ཏེ ¶ ¶ ཀཐཾ ནུ ཀརིསྶནྟི, ཝུདྡྷཱ གིརིདརཱིསཡཱ;

ཨཧཾ བདྡྷོསྨི པཱསེན, ནིལཱིཡསྶ ཝསཾ གཏོ.

ཀིཾ གིཛ྄ཛྷ པརིདེཝསི, ཀཱ ནུ ཏེ པརིདེཝནཱ;

ན ¶ མེ སུཏོ ཝཱ དིཊྛོ ཝཱ, བྷཱསནྟོ མཱནུསིཾ དིཛོ.

བྷརཱམི མཱཏཱཔིཏརོ, ཝུདྡྷེ གིརིདརཱིསཡེ;

ཏེ ཀཐཾ ནུ ཀརིསྶནྟི, ཨཧཾ ཝསཾ གཏོ ཏཝ.

ཡཾ ནུ གིཛ྄ཛྷོ ཡོཛནསཏཾ, ཀུཎཔཱནི ཨཝེཀྑཏི;

ཀསྨཱ ཛཱལཉྩ པཱསཉྩ, ཨཱསཛྫཱཔི ན བུཛ྄ཛྷསི.

ཡདཱ པརཱབྷཝོ ཧོཏི, པོསོ ཛཱིཝིཏསངྑཡེ;

ཨཐ ཛཱལཉྩ པཱསཉྩ, ཨཱསཛྫཱཔི ན བུཛ྄ཛྷཏི.

བྷརསྶུ མཱཏཱཔིཏརོ, ཝུདྡྷེ གིརིདརཱིསཡེ;

མཡཱ ཏྭཾ སམནུཉྙཱཏོ, སོཏྠིཾ པསྶཱཧི ཉཱཏཀེ.

ཨེཝཾ ལུདྡཀ ནནྡསྶུ, སཧ སབྦེཧི ཉཱཏིབྷི;

བྷརིསྶཾ མཱཏཱཔིཏརོ, ཝུདྡྷེ གིརིདརཱིསཡེཏི.

ཨནུཏཱིརཙཱརཱི བྷདྡནྟེ, སཧཱཡམནུདྷཱཝ མཾ;

མཧཱ མེ གཧིཏོ [རོཧིཏོ (ཀ.)] མཙྪོ, སོ མཾ ཧརཏི ཝེགསཱ.

གམྦྷཱིརཙཱརཱི བྷདྡནྟེ, དལ༹ྷཾ གཎྷཱཧི ཐཱམསཱ;

ཨཧཾ ཏཾ ཨུདྡྷརིསྶཱམི, སུཔཎྞོ ཨུརགཱམིཝ [ཨུརགམྨིཝ (སཱི. སྱཱ. པཱི.)].

ཝིཝཱདོ ནོ སམུཔྤནྣོ, དབྦྷཔུཔྥ སུཎོཧི མེ;

སམེཧི ¶ མེདྷགཾ [མེདྷཀཾ (པཱི.)] སམྨ, ཝིཝཱདོ ཝཱུཔསམྨཏཾ.

དྷམྨཊྛོཧཾ པུརེ ཨཱསིཾ, བཧཱུ ཨཌྜཱ མེ ཏཱིརིཏཱ [བཧུཨཊྚཾ མེ ཏཱིརིཏཾ (སཱི.), བཧུཨཊྚཾཝ ཏཱིརིཏཾ (སྱཱ.), བཧུ ཨཏྠཾ མེ ཏཱིརིཏཾ (པཱི.)];

སམེམི མེདྷགཾ སམྨ, ཝིཝཱདོ ཝཱུཔསམྨཏཾ.

ཨནུཏཱིརཙཱརི ¶ ནངྒུཊྛཾ, སཱིསཾ གམྦྷཱིརཙཱརིནོ;

ཨཙྩཱཡཾ [ཨཐཱཡཾ (སཱི. པཱི.)] མཛ྄ཛྷིམོ ཁཎྜོ, དྷམྨཊྛསྶ བྷཝིསྶཏི.

ཙིརམྤི ¶ བྷཀྑོ ཨབྷཝིསྶ, སཙེ ན ཝིཝདེམསེ;

ཨསཱིསཀཾ ཨནངྒུཊྛཾ, སིངྒཱལོ ཧརཏི རོཧིཏཾ.

ཡཐཱཔི རཱཛཱ ནནྡེཡྻ, རཛྫཾ ལདྡྷཱན ཁཏྟིཡོ;

ཨེཝཱཧམཛྫ ནནྡཱམི, དིསྭཱ པུཎྞམུཁཾ པཏིཾ.

ཀཐཾ ནུ ཐལཛོ སནྟོ, ཨུདཀེ མཙྪཾ པརཱམསི;

པུཊྛོ མེ སམྨ ཨཀྑཱཧི, ཀཐཾ ཨདྷིགཏཾ ཏཡཱ.

ཝིཝཱདེན ཀིསཱ ཧོནྟི, ཝིཝཱདེན དྷནཀྑཡཱ;

ཛཱིནཱ ཨུདྡཱ ཝིཝཱདེན, བྷུཉྫ མཱཡཱཝི རོཧིཏཾ.

ཨེཝམེཝ མནུསྶེསུ, ཝིཝཱདོ ཡཏྠ ཛཱཡཏི;

དྷམྨཊྛཾ པཊིདྷཱཝནྟི, སོ ཧི ནེསཾ ཝིནཱཡཀོ;

དྷནཱཔི ཏཏྠ ཛཱིཡནྟི, རཱཛཀོསོ པཝཌྜྷཏཱིཏི [ཙ ཝཌྜྷཏི (པཱི.)].

པཎྞཀཾ [དསཎྞཀཾ (སཱི. སྱཱ. པཱི.)] ཏིཁིཎདྷཱརཾ, ཨསིཾ སམྤནྣཔཱཡིནཾ;

པརིསཱཡཾ ¶ པུརིསོ གིལཏི, ཀིཾ དུཀྐརཏརཾ ཏཏོ;

ཡདཉྙཾ དུཀྐརཾ ཋཱནཾ, ཏཾ མེ ཨཀྑཱཧི པུཙྪིཏོ.

གིལེཡྻ པུརིསོ ལོབྷཱ, ཨསིཾ སམྤནྣཔཱཡིནཾ;

ཡོ ཙ ཝཛྫཱ དདཱམཱིཏི, ཏཾ དུཀྐརཏརཾ ཏཏོ;

སབྦཉྙཾ སུཀརཾ ཋཱནཾ, ཨེཝཾ ཛཱནཱཧི མདྡཝ [མཱགདྷ (སཱི. སྱཱ. པཱི.)].

བྱཱཀཱསི ཨཱཡུརོ པཉྷཾ, ཨཏྠཾ [ཨཏྠ (པཱི. སཱི. ནིཡྻ)] དྷམྨསྶ ཀོཝིདོ;

པུཀྐུསཾ དཱནི པུཙྪཱམི, ཀིཾ དུཀྐརཏརཾ ཏཏོ;

ཡདཉྙཾ དུཀྐརཾ ཋཱནཾ, ཏཾ མེ ཨཀྑཱཧི པུཙྪིཏོ.

ན ¶ ཝཱཙམུཔཛཱིཝནྟི, ཨཕལཾ གིརམུདཱིརིཏཾ;

ཡོ ཙ དཏྭཱ ཨཝཱཀཡིརཱ, ཏཾ དུཀྐརཏརཾ ཏཏོ;

སབྦཉྙཾ སུཀརཾ ཋཱནཾ, ཨེཝཾ ཛཱནཱཧི མདྡཝ.

བྱཱཀཱསི པུཀྐུསོ པཉྷཾ, ཨཏྠཾ དྷམྨསྶ ཀོཝིདོ;

སེནཀཾ དཱནི པུཙྪཱམི, ཀིཾ དུཀྐརཏརཾ ཏཏོ;

ཡདཉྙཾ དུཀྐརཾ ཋཱནཾ, ཏཾ མེ ཨཀྑཱཧི པུཙྪིཏོ.

དདེཡྻ ¶ པུརིསོ དཱནཾ, ཨཔྤཾ ཝཱ ཡདི ཝཱ བཧུཾ;

ཡོ ཙ དཏྭཱ ནཱནུཏཔྤེ [ཏཔེ (སཱི. པཱི.)], ཏཾ དུཀྐརཏརཾ ཏཏོ;

སབྦཉྙཾ སུཀརཾ ཋཱནཾ, ཨེཝཾ ཛཱནཱཧི མདྡཝ.

བྱཱཀཱསི ཨཱཡུརོ པཉྷཾ, ཨཐོ པུཀྐུསཔོརིསོ;

སབྦེ ¶ པཉྷེ ཨཏིབྷོཏི, ཡཐཱ བྷཱསཏི སེནཀོཏི.

པཎྞཀ [དསཎྞཀ (སཱི. སྱཱ. པཱི.)] ཛཱཏཀཾ ཚཊྛཾ.

ཝིབྦྷནྟཙིཏྟོ ཀུཔིཏིནྡྲིཡོསི, ནེཏྟེཧི ཏེ ཝཱརིགཎཱ སཝནྟི;

ཀིཾ ཏེ ནཊྛཾ ཀིཾ པན པཏྠཡཱནོ, ཨིདྷཱགམཱ བྲཧྨེ ཏདིངྒྷ [བྲཱཧྨཎ ཨིངྒྷ (སཱི. སྱཱ.)] བྲཱུཧི.

མིཡྻེཐ བྷརིཡཱ ཝཛཏོ མམཛྫ, ཨགཙྪཏོ མརཎམཱཧ ཡཀྑོ;

ཨེཏེན དུཀྑེན པཝེདྷིཏོསྨི, ཨཀྑཱཧི མེ སེནཀ ཨེཏམཏྠཾ.

བཧཱུནི ཋཱནཱནི ཝིཙིནྟཡིཏྭཱ, ཡམེཏྠ ཝཀྑཱམི ཏདེཝ སཙྩཾ;

མཉྙཱམི ཏེ བྲཱཧྨཎ སཏྟུབྷསྟཾ, ཨཛཱནཏོ ཀཎྷསཔྤོ པཝིཊྛོ.

ཨཱདཱཡ ¶ དཎྜཾ པརིསུམྦྷ བྷསྟཾ, པསྶེལ༹མཱུགཾ ཨུརགཾ དུཛིཝ྄ཧཾ [དིཛིཝ྄ཧཾ (སཱི. པཱི.)];

ཚིནྡཛྫ ཀངྑཾ ཝིཙིཀིཙྪིཏཱནི, བྷུཛངྒམཾ པསྶ པམུཉྩ བྷསྟཾ.

སཾཝིགྒརཱུཔོ ¶ པརིསཱཡ མཛ྄ཛྷེ, སོ བྲཱཧྨཎོ སཏྟུབྷསྟཾ པམུཉྩི;

ཨཐ ནིཀྑམི ཨུརགོ ཨུགྒཏེཛོ, ཨཱསཱིཝིསོ སཔྤོ ཕཎཾ ཀརིཏྭཱ.

སུལདྡྷལཱབྷཱ ཛནཀསྶ རཉྙོ, ཡོ པསྶཏཱི སེནཀཾ སཱདྷུཔཉྙཾ;

ཝིཝཊྚཚདྡོ [ཝིཝཏྟཙྪདྡོ (སཱི.), ཝིཝཊྚཙྪདོ (སྱཱ.), ཝིཝཊྚཙྪདྡཱ (པཱི.)] ནུསི སབྦདསྶཱི, ཉཱཎཾ ནུ ཏེ བྲཱཧྨཎ བྷིཾསརཱུཔཾ.

ཨིམཱནི མེ སཏྟསཏཱནི ཨཏྠི, གཎྷཱཧི སབྦཱནི དདཱམི ཏུཡ྄ཧཾ;

ཏཡཱ ཧི མེ ཛཱིཝིཏམཛྫ ལདྡྷཾ, ཨཐོཔི བྷརིཡཱཡ མཀཱསི སོཏྠིཾ.

ན པཎྜིཏཱ ཝེཏནམཱདིཡནྟི, ཙིཏྲཱཧི གཱཐཱཧི སུབྷཱསིཏཱཧི;

ཨིཏོཔི ཏེ བྲཧྨེ དདནྟུ ཝིཏྟཾ, ཨཱདཱཡ ཏྭཾ གཙྪ སཀཾ ནིཀེཏནྟི.

སཏྟུབྷསྟཛཱཏཀཾ [སེནཀཛཱཏཀཾ (སྱཱ.)] སཏྟམཾ.

ཡེམེ ¶ ཨཧཾ ན ཛཱནཱམི, ཨཊྛིསེན ཝནིབྦཀེ;

ཏེ མཾ སངྒམྨ ཡཱཙནྟི, ཀསྨཱ མཾ ཏྭཾ ན ཡཱཙསི.

ཡཱཙཀོ ¶ ཨཔྤིཡོ ཧོཏི, ཡཱཙཾ ཨདདམཔྤིཡོ;

ཏསྨཱཧཾ ཏཾ ན ཡཱཙཱམི, མཱ མེ ཝིདེསྶནཱ [ཝིདྡེསནཱ (སཱི. པཱི.)] ཨཧུ.

ཡོ ¶ ཝེ ཡཱཙནཛཱིཝཱནོ, ཀཱལེ ཡཱཙཾ ན ཡཱཙཏི;

པརཉྩ པུཉྙཱ [པུཉྙཾ (སྱཱ. ཀ.)] དྷཾསེཏི, ཨཏྟནཱཔི ན ཛཱིཝཏི.

ཡོ ཙ [ཡོ ཝེ (ཀ.)] ཡཱཙནཛཱིཝཱནོ, ཀཱལེ ཡཱཙཉྷི ཡཱཙཏི [ཡཱཙཾཔི ཡཱཙཏི (སྱཱ.), ཡཱཙཱནི ཡཱཙཏི (པཱི.), ཡཱཙཏི ཡཱཙནཾ (སཱི. ནིཡྻ), ཡཱཙནཾ ཡཱཙཏི (ཀ.)];

པརཉྩ པུཉྙཾ ལབྦྷེཏི, ཨཏྟནཱཔི ཙ ཛཱིཝཏི.

ན ཝེ དེསྶནྟི [ན ཝེ དུསྶནྟི (སྱཱ.), ན ཝེ དིསྶནྟི (པཱི.), ན ཝིདེསྶནྟི (ཀ. ཨཊྛ.)] སཔྤཉྙཱ, དིསྭཱ ཡཱཙཀམཱགཏེ;

བྲཧྨཙཱརི པིཡོ མེསི, ཝད ཏྭཾ [ཝར ཏཾ (སཱི.), ཝར ཏྭཾ (པཱི.)] བྷཉྙམིཙྪསི [ཡཉྙམིཙྪསི (?)].

ན ཝེ ཡཱཙནྟི སཔྤཉྙཱ, དྷཱིརོ ཙ ཝེདིཏུམརཧཏི;

ཨུདྡིསྶ ཨརིཡཱ ཏིཊྛནྟི, ཨེསཱ ཨརིཡཱན ཡཱཙནཱ.

དདཱམི ཏེ བྲཱཧྨཎ རོཧིཎཱིནཾ, གཝཾ སཧསྶཾ སཧ པུངྒཝེན;

ཨརིཡོ ཧི ཨརིཡསྶ ཀཐཾ ན དཛྫཱ, སུཏྭཱན གཱཐཱ ཏཝ དྷམྨཡུཏྟཱཏི.

ཡཏྠ ¶ ཝེརཱི ནིཝསཏི, ན ཝསེ ཏཏྠ པཎྜིཏོ;

ཨེཀརཏྟཾ དིརཏྟཾ ཝཱ, དུཀྑཾ ཝསཏི ཝེརིསུ.

དིསོ ཝེ ལཧུཙིཏྟསྶ, པོསསྶཱནུཝིདྷཱིཡཏོ;

ཨེཀསྶ ཀཔིནོ ཧེཏུ, ཡཱུཐསྶ ཨནཡོ ཀཏོ.

བཱལོཝ [ཙ (སཱི. སྱཱ. པཱི.)] པཎྜིཏམཱནཱི, ཡཱུཐསྶ པརིཧཱརཀོ;

སཙིཏྟསྶ ཝསཾ གནྟྭཱ, སཡེཐཱཡཾ [པསྶེཐཱཡཾ (ཀ.)] ཡཐཱ ཀཔི.

ན སཱདྷུ བལཝཱ བཱལོ, ཡཱུཐསྶ པརིཧཱརཀོ;

ཨཧིཏོ བྷཝཏི ཉཱཏཱིནཾ, སཀུཎཱནཾཝ ཙེཏཀོ [ཙེཊཀོ (ཀ.)].

དྷཱིརོཝ ¶ བལཝཱ སཱདྷུ, ཡཱུཐསྶ པརིཧཱརཀོ;

ཧིཏོ བྷཝཏི ཉཱཏཱིནཾ, ཏིདསཱནཾཝ ཝཱསཝོ.

ཡོ ཙ སཱིལཉྩ པཉྙཉྩ, སུཏཉྩཏྟནི པསྶཏི;

ཨུབྷིནྣམཏྠཾ ཙརཏི, ཨཏྟནོ ཙ པརསྶ ཙ.

ཏསྨཱ ཏུལེཡྻ མཏྟཱནཾ, སཱིལཔཉྙཱསུཏཱམིཝ [སཱིལཾ པཉྙཾ སུཏཾཔིཝ (སྱཱ.)];

གཎཾ ཝཱ པརིཧརེ དྷཱིརོ, ཨེཀོ ཝཱཔི པརིབྦཛེཏི.

དྭཱསཏྟཏི ¶ གོཏམ [བྷོ གོཏམ (ཀ.)] པུཉྙཀམྨཱ, ཝསཝཏྟིནོ ¶ ཛཱཏིཛརཾ ཨཏཱིཏཱ;

ཨཡམནྟིམཱ ཝེདགཱུ བྲཧྨཔཏྟི [བྲཧྨུཔཔཏྟི (སྱཱ. ཀ.)], ཨསྨཱབྷིཛཔྤནྟི ཛནཱ [པཛཱ (ཀ.)] ཨནེཀཱ.

ཨཔྤཉྷི ཨེཏཾ [ཨཔྤཉྩ ཧེཏཾ (སྱཱ.), ཨཔྤཾསི ཨེཏཾ (ཀ.)] ན ཧི དཱིགྷམཱཡུ, ཡཾ ཏྭཾ བཀ མཉྙསི དཱིགྷམཱཡུཾ;

སཏཾ སཧསྶཱནི [སཧསྶཱནཾ (སཱི. པཱི. སཾ. ནི. ༡.༡༧༥), སཧསྶཱན (སྱཱ. ཀཾ.)] ནིརབྦུདཱནཾ, ཨཱཡུཾ པཛཱནཱམི ཏཝཱཧ བྲཧྨེ.

ཨནནྟདསྶཱི བྷགཝཱཧམསྨི, ཛཱཏིཛྫརཾ སོཀམུཔཱཏིཝཏྟོ;

ཀིཾ མེ པུརཱཎཾ ཝཏསཱིལཝཏྟཾ [སཱིལཝནྟཾ (པཱི. ཀ.)], ཨཱཙིཀྑ མེ ཏཾ ཡམཧཾ ཝིཛཉྙཾ.

ཡཾ ཏྭཾ ཨཔཱཡེསི བཧཱུ མནུསྶེ, པིཔཱསིཏེ གྷམྨནི སམྤརེཏེ;

ཏཾ ཏེ པུརཱཎཾ ཝཏསཱིལཝཏྟཾ, སུཏྟཔྤབུདྡྷོཝ ཨནུསྶརཱམི.

ཡཾ ¶ ཨེཎིཀཱུལསྨི ཛནཾ གཧཱིཏཾ, ཨམོཙཡཱི གཡ྄ཧཀ ནིཡྻམཱནཾ;

ཏཾ ཏེ པུརཱཎཾ ཝཏསཱིལཝཏྟཾ, སུཏྟཔྤབུདྡྷོཝ ཨནུསྶརཱམི.

གངྒཱཡ སོཏསྨིཾ གཧཱིཏནཱཝཾ, ལུདྡེན ¶ ནཱགེན མནུསྶཀཔྤཱ;

ཨམོཙཡི ཏྭཾ བལསཱ པསཡ྄ཧ, ཏཾ ཏེ པུརཱཎཾ ཝཏསཱིལཝཏྟཾ;

ཀཔྤོ ཙ ཏེ བདྡྷཙརོ [པཏྠཙརོ (སྱཱ.), པཊྛཙརོ (ཀ.)] ཨཧོསི, སམྦུདྡྷིམནྟཾ [སམྦུདྡྷིཝནྟཾ (སྱཱ. པཱི.), སམྦུདྡྷཝནྟཾ (ཀ.)] ཝཏིནཾ [ཝཏིཏཾ (སྱཱ.), ཝཏིདཾ (ཀ.)] ཨམཉྙཾ;

ཏཾ ཏེ པུརཱཎཾ ཝཏསཱིལཝཏྟཾ, སུཏྟཔྤབུདྡྷོཝ ཨནུསྶརཱམི.

ཨདྡྷཱ པཛཱནཱསི མམེཏམཱཡུཾ, ཨཉྙམྤི ཛཱནཱསི ཏཐཱ ཧི བུདྡྷོ;

ཏཐཱ ཧི ཏཱཡཾ [ཏྱཱཡཾ (སཾ. ནི. ༡.༡༧༥)] ཛལིཏཱནུབྷཱཝོ, ཨོབྷཱསཡཾ ཏིཊྛཏི བྲཧྨལོཀནྟི.

ཝརཀཎྞིཀ ཙཱཔཝརོ སུཏནོ, ཨཐ གིཛ྄ཛྷ སརོཧིཏམཙྪཝརོ;

པུན པཎྞཀ [དསཎྞཀ (སཱི. སྱཱ. པཱི.)] སེནཀ ཡཱཙནཀོ, ཨཐ ཝེརི སབྲཧྨབཀེན དསཱཏི.

ཧིཏྭཱ ¶ ¶ ¶ གཱམསཧསྶཱནི, པརིཔུཎྞཱནི སོལ༹ས;

ཀོཊྛཱགཱརཱནི ཕཱིཏཱནི, སནྣིདྷིཾ དཱནི ཀུབྦསི.

ཧིཏྭཱ གནྡྷཱརཝིསཡཾ, པཧཱུཏདྷནདྷཱརིཡཾ [དྷཱནིཡཾ (སཱི. པཱི.), དྷཉྙནྟི ཨཏྠོ];

པསཱསནཏོ [པསཱསནིཏོ (སཱི. སྱཱ.), པསཱསནཱཏོ (པཱི.)] ནིཀྑནྟོ, ཨིདྷ དཱནི པསཱསསི.

དྷམྨཾ བྷཎཱམི ཝེདེཧ, ཨདྷམྨོ མེ ན རུཙྩཏི;

དྷམྨཾ མེ བྷཎམཱནསྶ, ན པཱཔམུཔལིམྤཏི.

ཡེན ཀེནཙི ཝཎྞེན, པརོ ལབྷཏི རུཔྤནཾ;

མཧཏྠིཡམྤི ཙེ ཝཱཙཾ, ན ཏཾ བྷཱསེཡྻ པཎྜིཏོ.

ཀཱམཾ རུཔྤཏུ ཝཱ མཱ ཝཱ, བྷུསཾཝ ཝིཀིརཱིཡཏུ;

དྷམྨཾ མེ བྷཎམཱནསྶ, ན པཱཔམུཔལིམྤཏི.

ནོ ཙེ ཨསྶ སཀཱ བུདྡྷི, ཝིནཡོ ཝཱ སུསིཀྑིཏོ;

ཝནེ ཨནྡྷམཧིཾསོཝ [ཨནྡྷམཧིསོཝ (སཱི. པཱི.)] ཙརེཡྻ བཧུཀོ ཛནོ.

ཡསྨཱ ཙ པནིདྷེཀཙྩེ, ཨཱཙེརམྷི [ཨཱཙཱརམྷི (སཱི. པཱི.)] སུསིཀྑིཏཱ;

ཏསྨཱ ཝིནཱིཏཝིནཡཱ, ཙརནྟི སུསམཱཧིཏཱཏི.

ཨཏྟཱནཾ ¶ སངྐམཾ ཀཏྭཱ, ཡོ སོཏྠིཾ སམཏཱརཡི;

ཀིཾ ཏྭཾ ཏེསཾ ཀིམེ [ཀིམོ (སཱི. པཱི.), ཀིཾ མེ (སྱཱ.)] ཏུཡ྄ཧཾ, ཧོནྟི ཨེཏེ [ཧེཏེ (སྱཱ.), སོ ཏེ (ཀ.)] མཧཱཀཔི.

རཱཛཱཧཾ ཨིསྶརོ ཏེསཾ, ཡཱུཐསྶ པརིཧཱརཀོ;

ཏེསཾ སོཀཔརེཏཱནཾ, བྷཱིཏཱནཾ ཏེ ཨརིནྡམ.

ཨུལླངྒྷཡིཏྭཱ [ས ལངྒྷཡིཏྭཱ (པཱི.), སུལངྒྷཡིཏྭཱ (ཀ.)] ཨཏྟཱནཾ, ཝིསྶཊྛདྷནུནོ སཏཾ;

ཏཏོ ཨཔརཔཱདེསུ, དལ༹ྷཾ བནྡྷཾ ལཏཱགུཎཾ.

ཚིནྣབྦྷམིཝ ¶ ཝཱཏེན, ནུཎྞོ [ནུནྣོ (སཱི.)] རུཀྑཾ ཨུཔཱགམིཾ;

སོཧཾ ཨཔྤབྷཝཾ ཏཏྠ, སཱཁཾ ཧཏྠེཧི ཨགྒཧིཾ.

ཏཾ ¶ མཾ ཝིཡཱཡཏཾ སནྟཾ, སཱཁཱཡ ཙ ལཏཱཡ ཙ;

སམནུཀྐམནྟཱ པཱདེཧི, སོཏྠིཾ སཱཁཱམིགཱ གཏཱ.

ཏཾ མཾ ན ཏཔཏེ བནྡྷོ, མཏོ [ཝདྷོ (སཱི. སྱཱ. པཱི.)] མེ ན ཏཔེསྶཏི;

སུཁམཱཧརིཏཾ ཏེསཾ, ཡེསཾ རཛྫམཀཱརཡིཾ.

ཨེསཱ ཏེ ཨུཔམཱ རཱཛ, ཏཾ སུཎོཧི ཨརིནྡམ [ཨཏྠསནྡསྶནཱི ཀཏཱ (པཱི.)];

རཉྙཱ རཊྛསྶ ཡོགྒསྶ, བལསྶ ནིགམསྶ ཙ;

སབྦེསཾ སུཁམེཊྛབྦཾ, ཁཏྟིཡེན པཛཱནཏཱཏི.

ཨམྦཱཧམདྡཾ ¶ ཝནམནྟརསྨིཾ, ནཱིལོབྷཱསཾ ཕལིཏཾ [ཕལིནཾ (པཱི.)] སཾཝིརཱུལ༹ྷཾ;

ཏམདྡསཾ ཕལཧེཏུ ཝིབྷགྒཾ, ཏཾ དིསྭཱ བྷིཀྑཱཙརིཡཾ ཙརཱམི.

སེལཾ སུམཊྛཾ ནརཝཱིརནིཊྛིཏཾ [ནརཝིདྡུནིཊྛིཏཾ (ཀ.)], ནཱརཱི ཡུགཾ དྷཱརཡི ཨཔྤསདྡཾ;

དུཏིཡཉྩ ཨཱགམྨ ཨཧོསི སདྡོ, ཏཾ དིསྭཱ བྷིཀྑཱཙརིཡཾ ཙརཱམི.

དིཛཱ དིཛཾ ཀུཎཔམཱཧརནྟཾ, ཨེཀཾ སམཱནཾ བཧུཀཱ སམེཙྩ;

ཨཱཧཱརཧེཏཱུ པརིཔཱཏཡིཾསུ, ཏཾ དིསྭཱ བྷིཀྑཱཙརིཡཾ ཙརཱམི.

ཨུསབྷཱཧམདྡཾ ཡཱུཐསྶ མཛ྄ཛྷེ, ཙལཀྐཀུཾ ཝཎྞབལཱུཔཔནྣཾ;

ཏམདྡསཾ ཀཱམཧེཏུ ཝིཏུནྣཾ, ཏཾ དིསྭཱ བྷིཀྑཱཙརིཡཾ ཙརཱམི.

ཀརཎྜཀོ ¶ [ཀརཎྜུནཱམ (སཱི. པཱི.)] ཀལིངྒཱནཾ, གནྡྷཱརཱནཉྩ ནགྒཛི;

ནིམིརཱཛཱ ཝིདེཧཱནཾ, པཉྩཱལཱནཉྩ དུམྨུཁོ;

ཨེཏེ རཊྛཱནི ཧིཏྭཱན, པབྦཛིཾསུ ཨཀིཉྩནཱ.

སབྦེཔིམེ ¶ དེཝསམཱ སམཱགཏཱ, ཨགྒཱི ཡཐཱ པཛྫལིཏོ ཏཐེཝིམེ;

ཨཧམྤི ཨེཀོ ཙརིསྶཱམི བྷགྒཝི, ཧིཏྭཱན ཀཱམཱནི ཡཐོདྷིཀཱནི.

ཨཡམེཝ ཀཱལོ ན ཧི ཨཉྙོ ཨཏྠི, ཨནུསཱསིཏཱ མེ ན བྷཝེཡྻ པཙྪཱ;

ཨཧམྤི ཨེཀཱ ཙརིསྶཱམི བྷགྒཝ, སཀུཎཱིཝ མུཏྟཱ པུརིསསྶ ཧཏྠཱ.

ཨཱམཾ པཀྐཉྩ ཛཱནནྟི, ཨཐོ ལོཎཾ ཨལོཎཀཾ;

ཏམཧཾ དིསྭཱན པབྦཛིཾ, ཙརེཝ ཏྭཾ ཙརཱམཧནྟི.

ཨཧཾ ¶ ཙེ དལ༹ྷདྷམྨསྶ [དལ༹ྷདྷམྨཱཡ (པཱི.)], ཝཧནྟི ནཱབྷིརཱདྷཡིཾ;

དྷརནྟཱི ཨུརསི སལླཾ, ཡུདྡྷེ ཝིཀྐནྟཙཱརིནཱི.

ནཱུན རཱཛཱ ན ཛཱནཱཏི [ན ཧ ནཱུན རཱཛཱ ཛཱནཱཏི (སཱི. པཱི.)], མམ ཝིཀྐམཔོརིསཾ;

སངྒཱམེ སུཀཏནྟཱནི, དཱུཏཝིཔྤཧིཏཱནི ཙ.

སཱ ནཱུནཱཧཾ མརིསྶཱམི, ཨབནྡྷུ ཨཔརཱཡིནཱི [ཨཔརཱཡིཎཱི (སཱི.), ཨཔརཱཡཎཱི (?)];

ཏདཱ ¶ ཧི [ཏཐཱ ཧི (པཱི.)] ཀུམྦྷཀཱརསྶ, དིནྣཱ ཚཀཎཧཱརིཀཱ.

ཡཱཝཏཱསཱིསཏཱི པོསོ, ཏཱཝདེཝ པཝཱིཎཏི;

ཨཏྠཱཔཱཡེ ཛཧནྟི ནཾ, ཨོཊྛིབྱཱདྷིཾཝ ཁཏྟིཡོ.

ཡོ པུབྦེ ཀཏཀལྱཱཎོ, ཀཏཏྠོ ནཱཝབུཛ྄ཛྷཏི;

ཨཏྠཱ ཏསྶ པལུཛྫནྟི, ཡེ ཧོནྟི ཨབྷིཔཏྠིཏཱ.

ཡོ ¶ པུབྦེ ཀཏཀལྱཱཎོ, ཀཏཏྠོ མནུབུཛ྄ཛྷཏི;

ཨཏྠཱ ཏསྶ པཝཌྜྷནྟི, ཡེ ཧོནྟི ཨབྷིཔཏྠིཏཱ.

ཏཾ ཝོ ཝདཱམི བྷདྡནྟེ [བྷདྡཾ ཝོ (སཱི. སྱཱ. པཱི.)], ཡཱཝནྟེཏྠ སམཱགཏཱ;

སབྦེ ཀཏཉྙུནོ ཧོཐ, ཙིརཾ སགྒམྷི ཋསྶཐཱཏི.

ཡོ མཾ པུརེ པཙྩུཌྜེཏི [པཙྩུདེཏི (སཱི. སྱཱ. པཱི.), པཙྩུཊྛེཏི (ཀ.)], ཨརཉྙེ དཱུརམཱཡཏོ;

སོ ན དིསྶཏི མཱཏངྒོ, སོམདཏྟོ ཀུཧིཾ གཏོ.

ཨཡཾ ཝཱ སོ མཏོ སེཏི, ཨལླསིངྒཾཝ ཝཙྪིཏོ [ཨལླཔིངྐཝ ཚིཛྫིཏོ (སཱི. པཱི.), ཨལླཔཱིཏཾཝ ཝིཙྪིཏོ (སྱཱ.)];

བྷུམྱཱ ནིཔཏིཏོ སེཏི, ཨམརཱ ཝཏ ཀུཉྫརོ.

ཨནགཱརིཡུཔེཏསྶ, ཝིཔྤམུཏྟསྶ ཏེ སཏོ;

སམཎསྶ ན ཏཾ སཱདྷུ, ཡཾ པེཏམནུསོཙསི.

སཾཝཱསེན ཧཝེ སཀྐ, མནུསྶསྶ མིགསྶ ཝཱ;

ཧདཡེ ¶ ཛཱཡཏེ པེམཾ, ཏཾ ན སཀྐཱ ཨསོཙིཏུཾ.

མཏཾ མརིསྶཾ རོདནྟི, ཡེ རུདནྟི ལཔནྟི ཙ;

ཏསྨཱ ཏྭཾ ཨིསི མཱ རོདི, རོདིཏཾ མོགྷམཱཧུ སནྟོ.

ཀནྡིཏེན ¶ ཧཝེ བྲཧྨེ, མཏོ པེཏོ སམུཊྛཧེ;

སབྦེ སངྒམྨ རོདཱམ, ཨཉྙམཉྙསྶ ཉཱཏཀེ.

ཨཱདིཏྟཾ ཝཏ མཾ སནྟཾ, གྷཏསིཏྟཾཝ པཱཝཀཾ;

ཝཱརིནཱ ཝིཡ ཨོསིཉྩཾ, སབྦཾ ནིབྦཱཔཡེ དརཾ.

ཨབྦཧཱི ཝཏ མེ སལླཾ, ཡམཱསི ཧདཡསྶིཏཾ;

ཡོ མེ སོཀཔརེཏསྶ, པུཏྟསོཀཾ ཨཔཱནུདི.

སོཧཾ ཨབྦཱུལ༹ྷསལློསྨི, ཝཱིཏསོཀོ ཨནཱཝིལོ;

ན སོཙཱམི ན རོདཱམི, ཏཝ སུཏྭཱན ཝཱསཝཱཏི.

ཀཱལཱ༹ནི ¶ ཀེསཱནི པུརེ ཨཧེསུཾ, ཛཱཏཱནི སཱིསམྷི ཡཐཱཔདེསེ;

ཏཱནཛྫ སེཏཱནི སུསཱིམ [སུསིམ (ཀ.)] དིསྭཱ, དྷམྨཾ ཙར བྲཧྨཙརིཡསྶ ཀཱལོ.

མམེཝ དེཝ པལིཏཾ ན ཏུཡ྄ཧཾ, མམེཝ སཱིསཾ མམ ཨུཏྟམངྒཾ;

‘‘ཨཏྠཾ ¶ ཀརིསྶ’’ནྟི མུསཱ ཨབྷཱཎིཾ [ཨབྷཱསིཾ (ཀ.)], ཨེཀཱཔརཱདྷཾ ཁམ རཱཛསེཊྛ.

དཧརོ ཏུཝཾ དསྶནིཡོསི རཱཛ, པཋམུགྒཏོ ཧོསི [ཧོཧི (སཱི.), ཧོཏི (ཀ.)] ཡཐཱ ཀལཱི༹རོ;

རཛྫཉྩ ཀཱརེཧི མམཉྩ པསྶ, མཱ ཀཱལིཀཾ ཨནུདྷཱཝཱི ཛནིནྡ.

པསྶཱམི ཝོཧཾ དཧརིཾ ཀུམཱརིཾ, སཱམཊྛཔསྶཾ སུཏནུཾ སུམཛ྄ཛྷཾ;

ཀཱལ༹པྤཝཱལཱ༹ཝ པཝེལླམཱནཱ, པལོབྷཡནྟཱིཝ [སཱ ལོབྷཡནྟཱིཝ (པཱི.)] ནརེསུ གཙྪཏི.

ཏམེན པསྶཱམིཔརེན ནཱརིཾ, ཨཱསཱིཏིཀཾ ནཱཝུཏིཀཾ ཝ ཛཙྩཱ;

དཎྜཾ གཧེཏྭཱན པཝེདྷམཱནཾ, གོཔཱནསཱིབྷོགྒསམཾ ཙརནྟིཾ.

སོཧཾ ཏམེཝཱནུཝིཙིནྟཡནྟོ, ཨེཀོ སཡཱམི [པསྶཱམི (ཀ.)] སཡནསྶ མཛ྄ཛྷེ;

‘‘ཨཧམྤི ཨེཝཾ’’ ཨིཏི པེཀྑམཱནོ, ན གཧེ རམེ [ན གེཧེ རམེ (སཱི.), གེཧེ ན རམེ (སྱཱ. ཀ.)] བྲཧྨཙརིཡསྶ ཀཱལོ.

རཛྫུཝཱལམྦནཱི ¶ ཙེསཱ, ཡཱ གེཧེ ཝསཏོ རཏི;

ཨེཝམྤི ¶ ཚེཏྭཱན ཝཛནྟི དྷཱིརཱ, ཨནཔེཀྑིནོ ཀཱམསུཁཾ པཧཱཡཱཏི.

ཨཧཾ དསསཏཾབྱཱམཾ, ཨུརགམཱདཱཡ ཨཱགཏོ;

ཏཉྩ མཉྩ མཧཱཀཱཡཾ, དྷཱརཡཾ ནཔྤཝེདྷསི [ན པཝེདྷཡི (ཀ.)].

ཨཐིམཾ ¶ ཁུདྡཀཾ པཀྑིཾ, ཨཔྤམཾསཏརཾ མཡཱ;

དྷཱརཡཾ བྱཐསི [བྱཱདྷསེ (སཱི.), བྱདྷསེ (པཱི.), བྱཱདྷསི (ཀ.)] བྷཱིཏཱ [བྷཱིཏོ (སཱི. སྱཱ. པཱི.)], ཀམཏྠཾ ཀོཊསིམྦལི [ཀོཊིསིམྦལི (སཱི. པཱི.)].

མཾསབྷཀྑོ ཏུཝཾ རཱཛ, ཕལབྷཀྑོ ཨཡཾ དིཛོ;

ཨཡཾ ནིགྲོདྷབཱིཛཱནི, པིལཀྑུདུམྦརཱནི ཙ;

ཨསྶཏྠཱནི ཙ བྷཀྑིཏྭཱ, ཁནྡྷེ མེ ཨོཧདིསྶཏི.

ཏེ རུཀྑཱ སཾཝིརཱུཧནྟི, མམ པསྶེ ནིཝཱཏཛཱ;

ཏེ མཾ པརིཡོནནྡྷིསྶནྟི, ཨརུཀྑཾ མཾ ཀརིསྶརེ.

སནྟི ཨཉྙེཔི རུཀྑཱ སེ, མཱུལིནོ ཁནྡྷིནོ དུམཱ;

ཨིམིནཱ སཀུཎཛཱཏེན, བཱིཛམཱཧརིཏཱ ཧཏཱ.

ཨཛ྄ཛྷཱརཱུཧཱབྷིཝཌྜྷནྟི [ཨཛ྄ཛྷཱརཱུལ༹ྷཱབྷིཝཌྜྷནྟི (སཱི. པཱི.)], བྲཧནྟམྤི ཝནཔྤཏིཾ;

ཏསྨཱ རཱཛ པཝེདྷཱམི, སམྤསྶཾནཱགཏཾ བྷཡཾ.

སངྐེཡྻ སངྐིཏབྦཱནི, རཀྑེཡྻཱནཱགཏཾ བྷཡཾ;

ཨནཱགཏབྷཡཱ ¶ དྷཱིརོ, ཨུབྷོ ལོཀེ ཨཝེཀྑཏཱིཏི.

རཱཛཱ ཨཔུཙྪི ཝིདྷུརཾ, དྷམྨཀཱམོ ཡུདྷིཊྛིལོ;

ཨཔི བྲཱཧྨཎ ཛཱནཱསི, ཀོ ཨེཀོ བཧུ སོཙཏི.

བྲཱཧྨཎོ ¶ ཨཛཡཱུཐེན, པཧཱུཏེདྷོ [བཧཱུཏེཛོ (པཱི. ཀ.), བཧུཏེནྡོ (སྱཱ.)] ཝནེ ཝསཾ;

དྷཱུམཾ ཨཀཱསི ཝཱསེཊྛོ, རཏྟིནྡིཝམཏནྡིཏོ.

ཏསྶ ཏཾ དྷཱུམགནྡྷེན, སརབྷཱ མཀསཌྜིཏཱ [མཀསདྡིཏཱ (སཱི. སྱཱ.), མཀསཊྚིཏཱ (པཱི. ཀ.)];

ཝསྶཱཝཱསཾ ཨུཔཱགཙྪུཾ, དྷཱུམཀཱརིསྶ སནྟིཀེ.

སརབྷེསུ མནཾ ཀཏྭཱ, ཨཛཱ སོ ནཱཝབུཛ྄ཛྷཐ;

ཨཱགཙྪནྟཱི ཝཛནྟཱི ཝཱ [ཨཱགཙྪནྟི ཝཛནྟི ཝཱ (སྱཱ. པཱི.), ཨཱགཙྪནྟིཾ ཝཛནྟིཾ ཝཱ (ཀ.)], ཏསྶ ཏཱ ཝིནསུཾ [ཝིནསྶུཾ (སཱི.)] ཨཛཱ.

པཱཝིསུཾ གིརིདུགྒཱནི, ནདཱིནཾ པབྷཝཱནི ཙ.

སརབྷེ ཙ གཏེ དིསྭཱ, ཨཛཱ ཙ ཝིབྷཝཾ གཏཱ [ཨཛེ ཙ ཝིབྷཝཾ གཏེ (ཀ.)];

ཀིསོ ཙ ཝིཝཎྞོ ཙཱསི, པཎྜུརོགཱི ཙ བྲཱཧྨཎོ.

ཨེཝཾ ¶ ཡོ སཾ ནིརཾཀཏྭཱ, ཨཱགནྟུཾ ཀུརུཏེ པིཡཾ;

སོ ཨེཀོ བཧུ སོཙཏི, དྷཱུམཀཱརཱིཝ བྲཱཧྨཎོཏི.

ཀོདྷ ¶ ཛཱགརཏཾ སུཏྟོ, ཀོདྷ སུཏྟེསུ ཛཱགརོ;

ཀོ མམེཏཾ ཝིཛཱནཱཏི, ཀོ ཏཾ པཊིབྷཎཱཏི མེ.

ཨཧཾ ཛཱགརཏཾ སུཏྟོ, ཨཧཾ སུཏྟེསུ ཛཱགརོ;

ཨཧམེཏཾ ཝིཛཱནཱམི, ཨཧཾ པཊིབྷཎཱམི ཏེ.

ཀཐཾ ཛཱགརཏཾ སུཏྟོ, ཀཐཾ སུཏྟེསུ ཛཱགརོ;

ཀཐཾ ཨེཏཾ ཝིཛཱནཱསི, ཀཐཾ པཊིབྷཎཱསི མེ.

ཡེ དྷམྨཾ ནཔྤཛཱནནྟི, སཾཡམོཏི དམོཏི ཙ;

ཏེསུ སུཔྤམཱནེསུ, ཨཧཾ ཛགྒཱམི དེཝཏེ.

ཡེསཾ རཱགོ ཙ དོསོ ཙ, ཨཝིཛྫཱ ཙ ཝིརཱཛིཏཱ;

ཏེསུ ཛཱགརམཱནེསུ, ཨཧཾ སུཏྟོསྨི དེཝཏེ.

ཨེཝཾ ¶ ཛཱགརཏཾ སུཏྟོ, ཨེཝཾ སུཏྟེསུ ཛཱགརོ;

ཨེཝམེཏཾ ཝིཛཱནཱམི, ཨེཝཾ པཊིབྷཎཱམི ཏེ.

སཱདྷུ ཛཱགརཏཾ སུཏྟོ, སཱདྷུ སུཏྟེསུ ཛཱགརོ;

སཱདྷུམེཏཾ ཝིཛཱནཱསི, སཱདྷུ པཊིབྷཎཱསི མེཏི.

ན ཀིརཏྠི ཨནོམདསྶིསུ, པཱརིཙརིཡཱ བུདྡྷེསུ ཨཔྤིཀཱ [ཨཔྤཀཱ (ཀ.)];

སུཀྑཱཡ ¶ ཨལོཎིཀཱཡ ཙ, པསྶཕལཾ ཀུམྨཱསཔིཎྜིཡཱ.

ཧཏྠིགཝསྶཱ ཙིམེ བཧཱུ [ཧཏྠིགཝཱསྶཱ ཙ མེ བཧཱུ (སཱི.), ཧཏྠཱི གཝཱསྶཱ ཙིམེ བཧཱུ (སྱཱ.), ཧཏྠཱི གཝཱསྶཱ ཙ མེ བཧཱུ (པཱི.)], དྷནདྷཉྙཾ པཐཝཱི ཙ ཀེཝལཱ;

ནཱརིཡོ ཙིམཱ ཨཙྪརཱུཔམཱ, པསྶཕལཾ ཀུམྨཱསཔིཎྜིཡཱ.

ཨབྷིཀྑཎཾ རཱཛཀུཉྫར, གཱཐཱ བྷཱསསི ཀོསལཱདྷིཔ;

པུཙྪཱམི ཏཾ རཊྛཝཌྜྷན, བཱལ༹ྷཾ པཱིཏིམནོ པབྷཱསསི.

ཨིམསྨིཉྙེཝ ནགརེ, ཀུལེ ཨཉྙཏརེ ཨཧུཾ;

པརཀམྨཀརོ ཨཱསིཾ, བྷཏཀོ སཱིལསཾཝུཏོ.

ཀམྨཱཡ ¶ ནིཀྑམནྟོཧཾ, ཙཏུརོ སམཎེདྡསཾ;

ཨཱཙཱརསཱིལསམྤནྣེ, སཱིཏིབྷཱུཏེ ཨནཱསཝེ.

ཏེསུ ཙིཏྟཾ པསཱདེཏྭཱ, ནིསཱིདེཏྭཱ [ནིསཱདེཏྭཱ (?)] པཎྞསནྠཏེ;

ཨདཾ བུདྡྷཱན ཀུམྨཱསཾ, པསནྣོ སེཧི པཱཎིབྷི.

ཏསྶ ¶ ཀམྨསྶ ཀུསལསྶ, ཨིདཾ མེ ཨེདིསཾ ཕལཾ;

ཨནུབྷོམི ཨིདཾ རཛྫཾ, ཕཱིཏཾ དྷརཎིམུཏྟམཾ.

དདཾ བྷུཉྫ མཱ ཙ པམཱདོ [དད བྷུཉྫ ཙ མཱ ཙ པམཱདོ (སཱི. པཱི.)], ཙཀྐཾ ཝཏྟཡ ཀོསལཱདྷིཔ;

མཱ ¶ རཱཛ ཨདྷམྨིཀོ ཨཧུ, དྷམྨཾ པཱལཡ ཀོསལཱདྷིཔ.

སོཧཾ ཏདེཝ པུནཔྤུནཾ, ཝཊུམཾ ཨཱཙརིསྶཱམི སོབྷནེ;

ཨརིཡཱཙརིཏཾ སུཀོསལེ, ཨརཧནྟོ མེ མནཱཔཱཝ པསྶིཏུཾ.

དེཝཱི ཝིཡ ཨཙྪརཱུཔམཱ, མཛ྄ཛྷེ ནཱརིགཎསྶ སོབྷསི;

ཀིཾ ཀམྨམཀཱསི བྷདྡཀཾ, ཀེནཱསི ཝཎྞཝཏཱི སུཀོསལེ.

ཨམྦཊྛཀུལསྶ ཁཏྟིཡ, དཱསྱཱཧཾ པརཔེསིཡཱ ཨཧུཾ;

སཉྙཏཱ ཙ [སཉྙཏཱ (སཱི. པཱི.)] དྷམྨཛཱིཝིནཱི, སཱིལཝཏཱི ཙ ཨཔཱཔདསྶནཱ.

ཨུདྡྷཊབྷཏྟཾ ཨཧཾ ཏདཱ, ཙརམཱནསྶ ཨདཱསི བྷིཀྑུནོ;

ཝིཏྟཱ སུམནཱ སཡཾ ཨཧཾ, ཏསྶ ཀམྨསྶ ཕལཾ མམེདིསནྟི.

ཨཱགམིསྶཏི ¶ མེ པཱཔཾ, ཨཱགམིསྶཏི མེ བྷཡཾ;

ཏདཱ ཧི ཙལིཏཱ སཱཁཱ, མནུསྶེན མིགེན ཝཱ.

བྷཱིརུཡཱ ནཱུན མེ ཀཱམོ, ཨཝིདཱུརེ ཝསནྟིཡཱ;

ཀརིསྶཏི ཀིསཾ པཎྜུཾ, སཱཝ སཱཁཱ པརནྟཔཾ.

སོཙཡིསྶཏི ¶ མཾ ཀནྟཱ, གཱམེ ཝསམནིནྡིཏཱ;

ཀརིསྶཏི ཀིསཾ པཎྜུཾ, སཱཝ སཱཁཱ པརནྟཔཾ.

ཏཡཱ མཾ ཨསིཏཱཔངྒི [ཧསིཏཱཔངྒི (སཱི. སྱཱ. པཱི.)], སིཏཱནི [མིཧིཏཱནི (སཱི. སྱཱ. པཱི.)] བྷཎིཏཱནི ཙ;

ཀིསཾ པཎྜུཾ ཀརིསྶནྟི, སཱཝ སཱཁཱ པརནྟཔཾ.

ཨགམཱ ནཱུན སོ སདྡོ, ཨསཾསི ནཱུན སོ ཏཝ;

ཨཀྑཱཏཾ ནཱུན ཏཾ ཏེན, ཡོ ཏཾ སཱཁམཀམྤཡི.

ཨིདཾ ¶ ཁོ ཏཾ སམཱགམྨ, མམ བཱལསྶ ཙིནྟིཏཾ;

ཏདཱ ཧི ཙལིཏཱ སཱཁཱ, མནུསྶེན མིགེན ཝཱ.

ཏཐེཝ ཏྭཾ ཨཝེདེསི, ཨཝཉྩི [ཨཝཛ྄ཛྷི (ཀ.)] པིཏརཾ མམ;

ཧནྟྭཱ སཱཁཱཧི ཚཱདེནྟོ, ཨཱགམིསྶཏི མེ [ཏེ (སྱཱ. ཀ.)] བྷཡནྟི.

ཝརགཱམ ¶ མཧཱཀཔི བྷགྒཝ ཙ, དལ༹ྷདྷམྨ སཀུཉྫར ཀེསཝརོ;

ཨུརགོ ཝིདྷུརོ པུན ཛཱགརཏཾ, ཨཐ ཀོསལཱདྷིཔ པརནྟཔ ཙཱཏི.

ཨཐ སཏྟནིཔཱཏམྷི, ཝགྒཾ མེ བྷཎཏོ སུཎ;

ཀུཀྐུ ཙ པུན གནྡྷཱརོ, དྭེཝ གུཏྟཱ མཧེསིནཱཏི.

ཨོདཱཏཝཏྠཱ ¶ ¶ ¶ སུཙི ཨལླཀེསཱ, ཀཙྩཱནི ཀིཾ ཀུམྦྷིམདྷིསྶཡིཏྭཱ [ཀུམྦྷིམཔསྶཡིཏྭཱ (པཱི.)];

པིཊྛཱ ཏིལཱ དྷོཝསི ཏཎྜུལཱནི, ཏིལོདནོ ཧེཧིཏི ཀིསྶ ཧེཏུ.

ན ཁོ ཨཡཾ བྲཱཧྨཎ བྷོཛནཏྠཱ [བྷོཛནཏྠཾ (སྱཱ.)], ཏིལོདནོ ཧེཧིཏི སཱདྷུཔཀྐོ;

དྷམྨོ མཏོ ཏསྶ པཧུཏྟམཛྫ [པཧཱུནམཛྫ (སྱཱ.), པཧཱུཏམཛྫ (སཱི.), བཧཱུཏམཛྫཱ (པཱི.)], ཨཧཾ ཀརིསྶཱམི སུསཱནམཛ྄ཛྷེ.

ཨནུཝིཙྩ ཀཙྩཱནི ཀརོཧི ཀིཙྩཾ, དྷམྨོ མཏོ ཀོ ནུ ཏཝེཝ [ཏཝེཏ (སཱི. སྱཱ. པཱི.)] སཾསི;

སཧསྶནེཏྟོ ཨཏུལཱནུབྷཱཝོ, ན མིཡྻཏཱི དྷམྨཝརོ ཀདཱཙི.

དལ༹ྷཔྤམཱཎཾ མམ ཨེཏྠ བྲཧྨེ, དྷམྨོ མཏོ ནཏྠི མམེཏྠ ཀངྑཱ;

ཡེ ཡེཝ དཱནི པཱཔཱ བྷཝནྟི, ཏེ ¶ ཏེཝ དཱནི སུཁིཏཱ བྷཝནྟི.

སུཎིསཱ ཧི མཡ྄ཧཾ ཝཉྫྷཱ ཨཧོསི, སཱ མཾ ཝདྷིཏྭཱན ཝིཛཱཡི པུཏྟཾ;

སཱ དཱནི སབྦསྶ ཀུལསྶ ཨིསྶརཱ, ཨཧཾ པནམྷི [ཝསཱམི (སྱཱ.)] ཨཔཝིདྡྷཱ ཨེཀིཀཱ.

ཛཱིཝཱམི ¶ ཝོཧཾ ན མཏོཧམསྨི [ནཱཧཾ མཏོསྨི (སཱི. པཱི.)], ཏཝེཝ ཨཏྠཱཡ ཨིདྷཱགཏོསྨི;

ཡཱ ཏཾ ཝདྷིཏྭཱན ཝིཛཱཡི པུཏྟཾ, སཧཱཝ པུཏྟེན ཀརོམི བྷསྨཾ.

ཨེཝཉྩ [ཨེཏཉྩ (སཱི. པཱི.)] ཏེ རུཙྩཏི དེཝརཱཛ, མམེཝ ཨཏྠཱཡ ཨིདྷཱགཏོསི;

ཨཧཉྩ པུཏྟོ སུཎིསཱ ཙ ནཏྟཱ, སམྨོདམཱནཱ གྷརམཱཝསེམ.

ཨེཝཉྩ ཏེ རུཙྩཏི ཀཱཏིཡཱནི, ཧཏཱཔི སནྟཱ ན ཛཧཱསི དྷམྨཾ;

ཏུཝཉྩ [ཏྭཉྩ (པཱི. ཀ.)] པུཏྟོ སུཎིསཱ ཙ ནཏྟཱ, སམྨོདམཱནཱ གྷརམཱཝསེཐ.

སཱ ཀཱཏིཡཱནཱི སུཎིསཱཡ སདྡྷིཾ, སམྨོདམཱནཱ གྷརམཱཝསིཏྠ;

པུཏྟོ ¶ ཙ ནཏྟཱ ཙ ཨུཔཊྛཧིཾསུ, དེཝཱནམིནྡེན ཨདྷིགྒཧཱིཏཱཏི.

ཨིདཾ ¶ པུརེ ནིནྣམཱཧུ, བཧུམཙྪཾ མཧོདཀཾ;

ཨཱཝཱསོ བཀརཱཛསྶ, པེཏྟིཀཾ བྷཝནཾ མམ;

ཏྱཛྫ བྷེཀེན [བྷིངྒེན (ཀ.)] ཡཱཔེམ, ཨོཀཾ ན ཝཛཧཱམསེ [ཨོཀནྟཾ ན ཛཧཱམསེ (ཀ.)].

ཀོ དུཏིཡཾ ཨསཱིལིསྶ, བནྡྷརསྶཀྑི བྷེཙྪཏི [བྷེཛྫཏི (སཱི. སྱཱ. པཱི.), བྷིནྡཏི (ཀ.)];

ཀོ མེ པུཏྟེ ཀུལཱཝཀཾ, མཉྩ སོཏྠིཾ ཀརིསྶཏི.

སབྦཱ པརིཀྑཡཱ ཕེགྒུ, ཡཱཝ ཏསྶཱ གཏཱི ཨཧུ;

ཁཱིཎབྷཀྑོ མཧཱརཱཛ, སཱརེ ན རམཏཱི གྷུཎོ.

སཱ ¶ ནཱུནཱཧཾ ཨིཏོ གནྟྭཱ, རཉྙོ མུཏྟཱ ནིཝེསནཱ;

ཨཏྟཱནཾ རམཡིསྶཱམི, དུམསཱཁནིཀེཏིནཱི.

སོ ནཱུནཱཧཾ ཨིཏོ གནྟྭཱ, རཉྙོ མུཏྟོ ནིཝེསནཱ;

ཨགྒོདཀཱནི པིསྶཱམི, ཡཱུཐསྶ པུརཏོ ཝཛཾ.

ཏཾ མཾ ཀཱམེཧི སམྨཏྟཾ, རཏྟཾ ཀཱམེསུ མུཙྪིཏཾ;

ཨཱནཡཱི བྷརཏོ [ཝནཏོ (ཀ.)] ལུདྡོ, བཱཧིཀོ བྷདྡམཏྠུ ཏེ.

ཨནྡྷཀཱརཏིམིསཱཡཾ, ཏུངྒེ ཨུཔརིཔབྦཏེ;

སཱ ¶ མཾ སཎྷེན མུདུནཱ, མཱ པཱདཾ ཁལི [ཁཎི (སཱི. སྱཱ. པཱི.)] ཡསྨནི.

ཨསཾསཡཾ ཛཱཏིཁཡནྟདསྶཱི, ན གབྦྷསེཡྻཾ པུནརཱཝཛིསྶཾ;

ཨཡམནྟིམཱ པཙྪིམཱ གབྦྷསེཡྻཱ [ཨཡཾ ཧི མེ ཨནྟིམཱ གབྦྷསེཡྻཱ (སཱི. པཱི.)], ཁཱིཎོ མེ སཾསཱརོ པུནབྦྷཝཱཡཱཏི.

ཨིདཾ སུཝཎྞཀཱཡཱུརཾ, མུཏྟཱ ཝེལུ༹རིཡཱ བཧཱུ;

སབྦཾ ཧརསྶུ བྷདྡནྟེ, མཉྩ དཱསཱིཏི སཱཝཡ.

ཨོརོཔཡསྶུ ཀལྱཱཎི, མཱ བཱལ༹ྷཾ [བཧུཾ (སཱི. སྱཱ. པཱི.)] པརིདེཝསི;

ན ཙཱཧཾ ཨབྷིཛཱནཱམི, ཨཧནྟྭཱ དྷནམཱབྷཏཾ.

ཡཏོ སརཱམི ཨཏྟཱནཾ, ཡཏོ པཏྟཱསྨི ཝིཉྙུཏཾ;

ན ཙཱཧཾ ཨབྷིཛཱནཱམི, ཨཉྙཾ པིཡཏརཾ ཏཡཱ.

ཨེཧི ཏཾ ཨུཔགཱུཧིསྶཾ [ཨུཔགུཡ྄ཧིསྶཾ (ཀ.)], ཀརིསྶཉྩ པདཀྑིཎཾ;

ན ཧི དཱནི པུན ཨཏྠི, མམ ཏུཡ྄ཧཉྩ སངྒམོ.

ན ¶ ཧི སབྦེསུ ཋཱནེསུ, པུརིསོ ཧོཏི པཎྜིཏོ;

ཨིཏྠཱིཔི པཎྜིཏཱ ཧོཏི, ཏཏྠ ཏཏྠ ཝིཙཀྑཎཱ.

ན ¶ ཧི སབྦེསུ ཋཱནེསུ, པུརིསོ ཧོཏི པཎྜིཏོ;

ཨིཏྠཱིཔི ¶ པཎྜིཏཱ ཧོཏི, ལཧུཾ ཨཏྠཾ ཝིཙིནྟིཀཱ [ལཧུམཏྠཝིཙིནྟིཀཱ (སཱི. པཱི.)].

ལཧུཉྩ ཝཏ ཁིཔྤཉྩ, ནིཀཊྛེ སམཙེཏཡི;

མིགཾ པུཎྞཱཡཏེནེཝ [པུཎྞཱཡཏནེཝ (སྱཱ.)], སུལསཱ སཏྟུཀཾ ཝདྷི.

ཡོདྷ ཨུཔྤཏིཏཾ ཨཏྠཾ, ན ཁིཔྤམནུབུཛ྄ཛྷཏི;

སོ ཧཉྙཏི མནྡམཏི, ཙོརོཝ གིརིགབྦྷརེ.

ཡོ ཙ ཨུཔྤཏིཏཾ ཨཏྠཾ, ཁིཔྤམེཝ ནིབོདྷཏི;

མུཙྩཏེ སཏྟུསམྦཱདྷཱ, སུལསཱ སཏྟུཀཱམིཝཱཏི.

བྷུསམྷི [བྷུསམྤི (ཀ.), བྷུསཾ ཧི (སཱི. ནིཡྻ)] ཀུདྡྷོཏི ཨཝེཀྑིཡཱན, ན ཏཱཝ དཎྜཾ པཎཡེཡྻ ཨིསྶརོ;

ཨཊྛཱནསོ ཨཔྤཏིརཱུཔམཏྟནོ, པརསྶ དུཀྑཱནི བྷུསཾ ཨུདཱིརཡེ.

ཡཏོ ཙ ཛཱནེཡྻ པསཱདམཏྟནོ, ཨཏྠཾ ནིཡུཉྫེཡྻ པརསྶ དུཀྐཊཾ;

ཏདཱཡམཏྠོཏི སཡཾ ཨཝེཀྑིཡ, ཨཐསྶ དཎྜཾ སདིསཾ ནིཝེསཡེ.

ན ཙཱཔི ཛྷཱཔེཏི པརཾ ན ཨཏྟནཾ, ཨམུཙྪིཏོ ཡོ ནཡཏེ ནཡཱནཡཾ;

ཡོ ¶ དཎྜདྷཱརོ བྷཝཏཱིདྷ ཨིསྶརོ, ས ཝཎྞགུཏྟོ སིརིཡཱ ན དྷཾསཏི.

ཡེ ཁཏྟིཡཱ སེ ཨནིསམྨཀཱརིནོ, པཎེནྟི དཎྜཾ སཧསཱ པམུཙྪིཏཱ;

ཨཝཎྞསཾཡུཏཱ [ཡུཏྟཱཝ (ཀ.)] ཛཧནྟི ཛཱིཝིཏཾ, ཨིཏོ ཝིམུཏྟཱཔི ཙ ཡནྟི དུགྒཏིཾ.

དྷམྨེ ¶ ཙ ཡེ ཨརིཡཔྤཝེདིཏེ རཏཱ, ཨནུཏྟརཱ ཏེ ཝཙསཱ མནསཱ ཀམྨུནཱ ཙ;

ཏེ སནྟིསོརཙྩསམཱདྷིསཎྛིཏཱ, ཝཛནྟི ལོཀཾ དུབྷཡཾ ཏཐཱཝིདྷཱ.

རཱཛཱཧམསྨི ནརཔམདཱནམིསྶརོ, སཙེཔི ཀུཛ྄ཛྷཱམི ཋཔེམི ཨཏྟནཾ;

ནིསེདྷཡནྟོ ཛནཏཾ ཏཐཱཝིདྷཾ, པཎེམི དཎྜཾ ཨནུཀམྤ ཡོནིསོ.

སིརཱི ཙ ལཀྑཱི ཙ ཏཝེཝ ཁཏྟིཡ, ཛནཱདྷིཔ མཱ ཝིཛཧི ཀུདཱཙནཾ;

ཨཀྐོདྷནོ ནིཙྩཔསནྣཙིཏྟོ, ཨནཱིགྷོ ཏུཝཾ ཝསྶསཏཱནི པཱལཡ.

གུཎེཧི ཨེཏེཧི ཨུཔེཏ ཁཏྟིཡ, ཋིཏམརིཡཝཏྟཱི [ཝཏྟི (སཱི.), ཝུཏྟི (ཀ.)] སུཝཙོ ཨཀོདྷནོ;

སུཁཱི ¶ ཨནུཔྤཱིལ༹ པསཱསམེདིནིཾ [ཨནུཔྤཱིལ༹ཾ སཧསམེདནིཾ (ཀ.)], ཨིཏོ ཝིམུཏྟོཔི ཙ ཡཱཧི སུགྒཏིཾ.

ཨེཝཾ ¶ སུནཱིཏེན [སུཝིནཱིཏེན (པཱི.)] སུབྷཱསིཏེན, དྷམྨེན ཉཱཡེན ཨུཔཱཡསོ ནཡཾ;

ནིབྦཱཔཡེ སངྑུབྷིཏཾ མཧཱཛནཾ, མཧཱཝ མེགྷོ སལིལེན མེདིནིནྟི [མེདནིནྟི (སྱཱ. ཀ.)].

ཨངྒཱརཛཱཏཱ པཐཝཱི, ཀུཀྐུལཱ༹ནུགཏཱ མཧཱི;

ཨཐ གཱཡསི ཝཏྟཱནི [ཝཏྠཱནི (ཀ.)], ན ཏཾ ཏཔཏི ཨཱཏཔོ.

ཨུདྡྷཾ ཏཔཏི ཨཱདིཙྩོ, ཨདྷོ ཏཔཏི ཝཱལུཀཱ;

ཨཐ གཱཡསི ཝཏྟཱནི [ཝཏྠཱནི (ཀ.)], ན ཏཾ ཏཔཏི ཨཱཏཔོ.

ན ¶ མཾ ཏཔཏི ཨཱཏཔོ, ཨཱཏཔཱ [ཨཱཏཔྤཱ (སཱི. སྱཱ. པཱི.)] ཏཔཡནྟི མཾ;

ཨཏྠཱ ཧི ཝིཝིདྷཱ རཱཛ, ཏེ ཏཔནྟི ན ཨཱཏཔོ.

ཨདྡསཾ ཀཱམ ཏེ མཱུལཾ, སངྐཔྤཱ ཀཱམ ཛཱཡསི;

ན ཏཾ སངྐཔྤཡིསྶཱམི, ཨེཝཾ ཀཱམ ན ཧེཧིསི.

ཨཔྤཱཔི ཀཱམཱ ན ཨལཾ, བཧཱུཧིཔི ན ཏཔྤཏི;

ཨཧཧཱ བཱལལཔནཱ, པརིཝཛྫེཐ [པཊིཝིཛ྄ཛྷེཐ (པཱི. སཱི. ཨཊྛ.)] ཛགྒཏོ.

ཨཔྤསྶ ¶ ཀམྨསྶ ཕལཾ མམེདཾ, ཨུདཡོ ཨཛ྄ཛྷཱགམཱ མཧཏྟཔཏྟཾ;

སུལདྡྷལཱབྷོ ཝཏ མཱཎཝསྶ, ཡོ པབྦཛཱི ཀཱམརཱགཾ པཧཱཡ.

ཏཔསཱ པཛཧནྟི པཱཔཀམྨཾ, ཏཔསཱ ནྷཱཔིཏཀུམྦྷཀཱརབྷཱཝཾ;

ཏཔསཱ ཨབྷིབྷུཡྻ གངྒམཱལ, ནཱམེནཱལཔསཛྫ བྲཧྨདཏྟཾ.

སནྡིཊྛིཀམེཝ ‘‘ཨམྨ’’ པསྶཐ, ཁནྟཱིསོརཙྩསྶ ཨཡཾ [ཡོ (སྱཱ. པཱི. ཀ.)] ཝིཔཱཀོ;

ཡོ [སོ (སྱཱ. ཀ.)] སབྦཛནསྶ ཝནྡིཏོཧུ, ཏཾ ཝནྡཱམ སརཱཛིཀཱ སམཙྩཱ.

མཱ ཀིཉྩི ཨཝཙུཏྠ གངྒམཱལཾ, མུནིནཾ མོནཔཐེསུ སིཀྑམཱནཾ;

ཨེསོ ཧི ཨཏརི ཨཎྞཝཾ, ཡཾ ཏརིཏྭཱ ཙརནྟི ཝཱིཏསོཀཱཏི.

དྷམྨོ ¶ ཧཝེ ཧཏོ ཧནྟི, ནཱཧཏོ ཧནྟི ཀིཉྩནཾ [ཀཉྩིནཾ (པཱི.)];

ཏསྨཱ ཧི དྷམྨཾ ན ཧནེ, མཱ ཏྭཾ [ཏཾ (སྱཱ. པཱི.)] དྷམྨོ ཧཏོ ཧནི.

ཨལིཀཾ ¶ ¶ བྷཱསམཱནསྶ, ཨཔཀྐམནྟི དེཝཏཱ;

པཱུཏིཀཉྩ མུཁཾ ཝཱཏི, སཀཊྛཱནཱ ཙ དྷཾསཏི;

ཡོ ཛཱནཾ པུཙྪིཏོ པཉྷཾ, ཨཉྙཐཱ ནཾ ཝིཡཱཀརེ.

སཙེ ཧི སཙྩཾ བྷཎསི, ཧོཧི རཱཛ ཡཐཱ པུརེ;

མུསཱ ཙེ བྷཱསསེ རཱཛ, བྷཱུམིཡཾ ཏིཊྛ ཙེཏིཡ.

ཨཀཱལེ ཝསྶཏཱི ཏསྶ, ཀཱལེ ཏསྶ ན ཝསྶཏི;

ཡོ ཛཱནཾ པུཙྪིཏོ པཉྷཾ, ཨཉྙཐཱ ནཾ ཝིཡཱཀརེ.

སཙེ ཧི སཙྩཾ བྷཎསི, ཧོཧི རཱཛ ཡཐཱ པུརེ;

མུསཱ ཙེ བྷཱསསེ རཱཛ, བྷཱུམིཾ པཝིས ཙེཏིཡ.

ཛིཝ྄ཧཱ ཏསྶ དྭིདྷཱ ཧོཏི, ཨུརགསྶེཝ དིསམྤཏི;

ཡོ ཛཱནཾ པུཙྪིཏོ པཉྷཾ, ཨཉྙཐཱ ནཾ ཝིཡཱཀརེ.

སཙེ ཧི སཙྩཾ བྷཎསི, ཧོཧི རཱཛ ཡཐཱ པུརེ;

མུསཱ ཙེ བྷཱསསེ རཱཛ, བྷིཡྻོ པཝིས ཙེཏིཡ.

ཛིཝ྄ཧཱ ཏསྶ ན བྷཝཏི, མཙྪསྶེཝ དིསམྤཏི;

ཡོ ཛཱནཾ པུཙྪིཏོ པཉྷཾ, ཨཉྙཐཱ ནཾ ཝིཡཱཀརེ.

སཙེ ཧི སཙྩཾ བྷཎསི, ཧོཧི རཱཛ ཡཐཱ པུརེ;

མུསཱ ཙེ བྷཱསསེ རཱཛ, བྷིཡྻོ པཝིས ཙེཏིཡ.

ཐིཡོཝ ¶ ཏསྶ ཛཱཡནྟི [ཐིཡོ ཏསྶ པཛཱཡནྟི (ཀ.)], ན པུམཱ ཛཱཡརེ ཀུལེ;

ཡོ ཛཱནཾ པུཙྪིཏོ པཉྷཾ, ཨཉྙཐཱ ནཾ ཝིཡཱཀརེ.

སཙེ ཧི སཙྩཾ བྷཎསི, ཧོཧི རཱཛ ཡཐཱ པུརེ;

མུསཱ ཙེ བྷཱསསེ རཱཛ, བྷིཡྻོ པཝིས ཙེཏིཡ.

པུཏྟཱ ཏསྶ ན བྷཝནྟི, པཀྐམནྟི དིསོདིསཾ;

ཡོ ཛཱནཾ པུཙྪིཏོ པཉྷཾ, ཨཉྙཐཱ ནཾ ཝིཡཱཀརེ.

སཙེ ཧི སཙྩཾ བྷཎསི, ཧོཧི རཱཛ ཡཐཱ པུརེ;

མུསཱ ཙེ བྷཱསསེ རཱཛ, བྷིཡྻོ པཝིས ཙེཏིཡ.

ས ¶ རཱཛཱ ཨིསིནཱ སཏྟོ, ཨནྟལིཀྑཙརོ པུརེ;

པཱཝེཀྑི པཐཝིཾ ཙེཙྩོ, ཧཱིནཏྟོ པཏྭ པརིཡཱཡཾ [ཨཏྟཔརིཡཱཡཾ (སཱི. སྱཱ.), པཏྟཔརིཡཱཡཾ (ཀ. སཱི. ནིཡྻ)].

ཏསྨཱ ¶ ཧི ཚནྡཱགམནཾ, ནཔྤསཾསནྟི པཎྜིཏཱ;

ཨདུཊྛཙིཏྟོ བྷཱསེཡྻ, གིརཾ སཙྩཱུཔསཾཧིཏནྟི.

ཡོ ཨིནྡྲིཡཱནཾ ཀཱམེན, ཝསཾ ནཱརད གཙྪཏི;

སོ པརིཙྩཛྫུབྷོ ལོཀེ, ཛཱིཝནྟོཝ ཝིསུསྶཏི [ཛཱིཝནྟོཔིཝིསུསྶཏི (སྱཱ.), ཛཱིཝནྟོ ཝཱཔི སུསྶཏི (ཀ.)].

སུཁསྶཱནནྟརཾ དུཀྑཾ, དུཀྑསྶཱནནྟརཾ སུཁཾ;

སོསི [སོཔི (སྱཱ. པཱི. ཀ.)] པཏྟོ སུཁཱ [སུཁ (སྱཱ.), སུཁཾ (ཀ.)] དུཀྑཾ, པཱཊིཀངྑ ཝརཾ སུཁཾ.

ཀིཙྪཀཱལེ ¶ ཀིཙྪསཧོ, ཡོ ཀིཙྪཾ ནཱཏིཝཏྟཏི;

ས ཀིཙྪནྟཾ སུཁཾ དྷཱིརོ, ཡོགཾ སམདྷིགཙྪཏི.

ན ཧེཝ ཀཱམཱན ཀཱམཱ, ནཱནཏྠཱ ནཱཏྠཀཱརཎཱ;

ན ཀཏཉྩ ནིརངྐཏྭཱ, དྷམྨཱ ཙཝིཏུམརཧསི.

དཀྑཾ གཧཔཏཱི [གཧཔཏཾ (སཱི. སྱཱ. པཱི.), གཧཝཏཾ (?)] སཱདྷུ, སཾཝིབྷཛྫཉྩ བྷོཛནཾ;

ཨཧཱསོ ཨཏྠལཱབྷེསུ, ཨཏྠབྱཱཔཏྟི ཨབྱཐོ.

ཨེཏྟཱཝཏེཏཾ པཎྜིཙྩཾ, ཨཔི སོ [ཨསིཏོ (སཱི. སྱཱ. པཱི.)] དཝིལོ [དེཝལོ (སཱི. པཱི.)] བྲཝི;

ན ཡིཏོ ཀིཉྩི པཱཔིཡོ, ཡོ ཨིནྡྲིཡཱནཾ ཝསཾ ཝཛེ.

ཨམིཏྟཱནཾཝ ཧཏྠཏྠཾ, སིཝི པཔྤོཏི མཱམིཝ;

ཀམྨཾ ཝིཛྫཉྩ དཀྑེཡྻཾ, ཝིཝཱཧཾ སཱིལམདྡཝཾ;

ཨེཏེ ཙ ཡསེ ཧཱཔེཏྭཱ, ནིབྦཏྟོ སེཧི ཀམྨེཧི.

སོཧཾ སཧསྶཛཱིནོཝ ཨབནྡྷུ ཨཔརཱཡཎོ;

ཨརིཡདྷམྨཱ ཨཔཀྐནྟོ, ཡཐཱ པེཏོ ཏཐེཝཧཾ.

སུཁཀཱམེ ¶ དུཀྑཱཔེཏྭཱ, ཨཱཔནྣོསྨི པདཾ ཨིམཾ;

སོ སུཁཾ ནཱདྷིགཙྪཱམི, ཋིཏོ [ཙིཏོ (པཱི. སཱི. ཨཊྛ.)] བྷཱཎུམཏཱམིཝཱཏི.

ཨཱདིཏྟསྨིཾ ཨགཱརསྨིཾ, ཡཾ ནཱིཧརཏི བྷཱཛནཾ;

ཏཾ ¶ ཏསྶ ཧོཏི ཨཏྠཱཡ, ནོ ཙ ཡཾ ཏཏྠ ཌཡ྄ཧཏི.

ཨེཝཱམཱདཱིཔིཏོ ¶ ལོཀོ, ཛརཱཡ མརཎེན ཙ;

ནཱིཧརེཐེཝ དཱནེན, དིནྣཾ ཧོཏི སུནཱིཧཏཾ [སུནཱིབྷཏཾ (སཱི. སྱཱ. པཱི.), སུནིབྦྷཏཾ (ཀ.)].

ཡོ དྷམྨལདྡྷསྶ དདཱཏི དཱནཾ, ཨུཊྛཱནཝཱིརིཡཱདྷིགཏསྶ ཛནྟུ;

ཨཏིཀྐམྨ སོ ཝེཏརཎིཾ [ཝེཏྟརཎིཾ (ཀ.)] ཡམསྶ, དིབྦཱནི ཋཱནཱནི ཨུཔེཏི མཙྩོ.

དཱནཉྩ ཡུདྡྷཉྩ སམཱནམཱཧུ, ཨཔྤཱཔི སནྟཱ བཧུཀེ ཛིནནྟི;

ཨཔྤམྤི ཙེ སདྡཧཱནོ དདཱཏི, ཏེནེཝ སོ ཧོཏི སུཁཱི པརཏྠ.

ཝིཙེཡྻ དཱནཾ སུགཏཔྤསཏྠཾ, ཡེ དཀྑིཎེཡྻཱ ཨིདྷ ཛཱིཝལོཀེ;

ཨེཏེསུ དིནྣཱནི མཧཔྥལཱནི, བཱིཛཱནི ཝུཏྟཱནི ཡཐཱ སུཁེཏྟེ.

ཡོ པཱཎབྷཱུཏཱནི ཨཧེཋཡཾ ཙརཾ, པརཱུཔཝཱདཱ ན ཀརོཏི པཱཔཾ;

བྷཱིརུཾ པསཾསནྟི ན ཏཏྠ སཱུརཾ, བྷཡཱ ཧི སནྟོ ན ཀརོནྟི པཱཔཾ.

ཧཱིནེན བྲཧྨཙརིཡེན, ཁཏྟིཡེ ཨུཔཔཛྫཏི;

མཛ྄ཛྷིམེན ¶ ཙ དེཝཏྟཾ, ཨུཏྟམེན ཝིསུཛ྄ཛྷཏི.

ཨདྡྷཱ ¶ ཧི དཱནཾ བཧུདྷཱ པསཏྠཾ, དཱནཱ ཙ ཁོ དྷམྨཔདཾཝ སེཡྻོ;

པུབྦེཝ ཧི པུབྦཏརེཝ སནྟོ [པུབྦེ ཙ ཧི པུབྦཏརེ ཙ སནྟོ (སཾ. ནི. ༡.༣༣)], ནིབྦཱནམེཝཛ྄ཛྷགམུཾ སཔཉྙཱཏི.

གངྒཱ ཀུམུདིནཱི སནྟཱ, སངྑཝཎྞཱ ཙ ཀོཀིལཱ;

ཛམྦུ ཏཱལཕལཾ དཛྫཱ, ཨཐ ནཱུན ཏདཱ སིཡཱ.

ཡདཱ ཀཙྪཔལོམཱནཾ, པཱཝཱརོ ཏིཝིདྷོ སིཡཱ;

ཧེམནྟིཀཾ པཱཝུརཎཾ [པཱཔུརཎཾ (སཱི. སྱཱ. པཱི.)], ཨཐ ནཱུན ཏདཱ སིཡཱ.

ཡདཱ མཀསཔཱདཱནཾ [དཱཋཱནཾ (སཱི. པཱི.)], ཨཊྚཱལོ སུཀཏོ སིཡཱ;

དལ༹ྷོ ཙ ཨཝིཀམྤཱི ཙ [ཨཔྤཀམྤཱི ཙ (སཱི. པཱི.)], ཨཐ ནཱུན ཏདཱ སིཡཱ.

ཡདཱ སསཝིསཱཎཱནཾ, ནིསྶེཎཱི སུཀཏཱ སིཡཱ;

སགྒསྶཱརོཧཎཏྠཱཡ, ཨཐ ནཱུན ཏདཱ སིཡཱ.

ཡདཱ ནིསྶེཎིམཱརུཡ྄ཧ, ཙནྡཾ ཁཱདེཡྻུ མཱུསིཀཱ;

རཱཧུཉྩ པརིཔཱཏེཡྻུཾ [པརིབཱཧེཡྻུཾ (སྱཱ.)], ཨཐ ནཱུན ཏདཱ སིཡཱ.

ཡདཱ སུརཱགྷཊཾ པིཏྭཱ, མཀྑིཀཱ གཎཙཱརིཎཱི;

ཨངྒཱརེ ¶ ཝཱསཾ ཀཔྤེཡྻུཾ, ཨཐ ནཱུན ཏདཱ སིཡཱ.

ཡདཱ ¶ བིམྦོཊྛསམྤནྣོ, གདྲབྷོ སུམུཁོ སིཡཱ;

ཀུསལོ ནཙྩགཱིཏསྶ, ཨཐ ནཱུན ཏདཱ སིཡཱ.

ཡདཱ ཀཱཀཱ ཨུལཱུཀཱ ཙ, མནྟཡེཡྻུཾ རཧོགཏཱ;

ཨཉྙམཉྙཾ པིཧཡེཡྻུཾ, ཨཐ ནཱུན ཏདཱ སིཡཱ.

ཡདཱ མུལཱ༹ལ [པུལས (སཱི. པཱི.), པུལཱས (སྱཱ.)] པཏྟཱནཾ, ཚཏྟཾ ཐིརཏརཾ སིཡཱ;

ཝསྶསྶ པཊིགྷཱཏཱཡ, ཨཐ ནཱུན ཏདཱ སིཡཱ.

ཡདཱ ¶ ཀུལཀོ [ཀུལུངྐོ (སཱི. པཱི.), ཀུལུཀོ (སྱཱ.)] སཀུཎོ, པབྦཏཾ གནྡྷམཱདནཾ;

ཏུཎྜེནཱདཱཡ གཙྪེཡྻ, ཨཐ ནཱུན ཏདཱ སིཡཱ.

ཡདཱ སཱམུདྡིཀཾ ནཱཝཾ, ས-ཡནྟཾ ས-ཝཊཱཀརཾ [སཔཊཱཀཱརཾ (ཀ.)];

ཙེཊོ ཨཱདཱཡ གཙྪེཡྻ, ཨཐ ནཱུན ཏདཱ སིཡཱཏི.

ཁམནཱིཡཾ ཡཱཔནཱིཡཾ, ཀཙྩི མཱཏུལ ཏེ སུཁཾ;

སུཁཾ ཏེ ཨམྨཱ ཨཝཙ, སུཁཀཱམཱཝ [སུཁཀཱམཱ ཧི (སཱི. སྱཱ. པཱི.)] ཏེ མཡཾ.

ནངྒུཊྛཾ མེ ཨཝཀྐམྨ [ཨཔཀྐམྨ (ཀ.)], ཧེཋཡིཏྭཱན [པོཐཡིཏྭཱན (ཀ.)] ཨེལི༹ཀེ [ཨེལ༹ཀི (སྱཱ.), ཨེལི༹ཀི (པཱི.)];

སཱཛྫ མཱཏུལཝཱདེན, མུཉྩིཏབྦཱ ནུ མཉྙསི.

པུརཏྠཱམུཁོ ནིསིནྣོསི, ཨཧཾ ཏེ མུཁམཱགཏཱ;

པཙྪཏོ ཏུཡ྄ཧཾ ནངྒུཊྛཾ, ཀཐཾ ཁྭཱཧཾ ཨཝཀྐམིཾ [ཨཔཀྐམིཾ (ཀ.)].

ཡཱཝཏཱ ¶ ཙཏུརོ དཱིཔཱ, སསམུདྡཱ སཔབྦཏཱ;

ཏཱཝཏཱ མཡ྄ཧཾ ནངྒུཊྛཾ, ཀཐཾ ཁོ ཏྭཾ ཝིཝཛྫཡི.

པུབྦེཝ མེཏམཀྑིཾསུ [མེཏཾ ཨཀྑཾསུ (སཱི. པཱི.)], མཱཏཱ པིཏཱ ཙ བྷཱཏརོ;

དཱིགྷཾ དུཊྛསྶ ནངྒུཊྛཾ, སཱམྷི ཝེཧཱཡསཱགཏཱ.

ཏཉྩ དིསྭཱན ཨཱཡནྟིཾ, ཨནྟལིཀྑསྨི ཨེལི༹ཀེ;

མིགསངྒྷོ པལཱཡིཏྠ, བྷཀྑོ མེ ནཱསིཏོ ཏཡཱ.

ཨིཙྩེཝཾ ཝིལཔནྟིཡཱ, ཨེལ༹ཀིཡཱ རུཧགྒྷསོ;

གལཀཾ ཨནྭཱཝམདྡི, ནཏྠི དུཊྛེ སུབྷཱསིཏཾ.

ནེཝ ¶ ¶ དུཊྛེ ནཡོ ཨཏྠི, ན དྷམྨོ ན སུབྷཱསིཏཾ;

ནིཀྐམཾ དུཊྛེ ཡུཉྫེཐ, སོ ཙ སབྦྷིཾ ན རཉྫཏཱིཏི.

པརིསུདྡྷཱ མནཱཝིལཱ ཝཏྠདྷརཱ, བཀརཱཛསྶ ཀཱཡུརཾ དཎྜཝརོ;

ཨཐ ཨངྒཱར ཙེཏིཡ དེཝིལིནཱ, ཨཐ ཨཱདིཏྟ གངྒཱ དསེལ༹ཀིནཱཏི.

པརིསངྐུཔཐོ ¶ ¶ ¶ ནཱམ, གིཛ྄ཛྷཔནྠོ སནནྟནོ;

ཏཏྲཱསི མཱཏཱཔིཏརོ, གིཛ྄ཛྷོ པོསེསི ཛིཎྞཀེ;

ཏེསཾ ཨཛགརམེདཾ, ཨཙྩཧཱསི བཧུཏྟསོ [པཧུཏྟཏོ (ཀ. སཱི.), པཧཱུཏསོ (སྱཱ. པཱི.), བཧུདྷསོ (ཀ.)].

པིཏཱ ཙ པུཏྟཾ ཨཝཙ, ཛཱནཾ ཨུཙྩཾ པཔཱཏིནཾ;

སུཔཏྟཾ ཐཱམསམྤནྣཾ [པཀྑསམྤནྣཾ (སཱི. སྱཱ. པཱི.)], ཏེཛསྶིཾ དཱུརགཱམིནཾ.

པརིཔླཝནྟཾ པཐཝིཾ, ཡདཱ ཏཱཏ ཝིཛཱནཧི;

སཱགརེན པརིཀྑིཏྟཾ, ཙཀྐཾཝ པརིམཎྜལཾ;

ཏཏོ ཏཱཏ ནིཝཏྟསྶུ, མཱསྶུ ཨེཏྟོ པརཾ གམི.

ཨུདཔཏྟོསི [ཨུདྡྷཾ པཏྟོསི (ཀ. སཱི.)] ཝེགེན, བལཱི པཀྑཱི དིཛུཏྟམོ;

ཨོལོཀཡནྟོ ཝཀྐངྒོ, པབྦཏཱནི ཝནཱནི ཙ.

ཨདྡསྶ པཐཝིཾ གིཛ྄ཛྷོ, ཡཐཱསཱསི [ཡཐཱསྶཱསི (སྱཱ. ཨཊྛ. པཱཋནྟརཾ)] པིཏུསྶུཏཾ;

སཱགརེན པརིཀྑིཏྟཾ, ཙཀྐཾཝ པརིམཎྜལཾ.

ཏཉྩ སོ སམཏིཀྐམྨ, པརམེཝཙྩཝཏྟཐ [པརམེཝ པཝཏྟཐ (སཱི. སྱཱ.)];

ཏཉྩ ཝཱཏསིཁཱ ཏིཀྑཱ, ཨཙྩཧཱསི བལིཾ དིཛཾ.

ནཱསཀྑཱཏིགཏོ པོསོ, པུནདེཝ ནིཝཏྟིཏུཾ;

དིཛོ བྱསནམཱཔཱདི, ཝེརམྦྷཱནཾ [ཝེརམྦཱནཾ (སཱི. པཱི.)] ཝསཾ གཏོ.

ཏསྶ ¶ པུཏྟཱ ཙ དཱརཱ ཙ, ཡེ ཙཉྙེ ཨནུཛཱིཝིནོ;

སབྦེ བྱསནམཱཔཱདུཾ, ཨནོཝཱདཀརེ དིཛེ.

ཨེཝམྤི ཨིདྷ ཝུཌྜྷཱནཾ, ཡོ ཝཱཀྱཾ ནཱཝབུཛ྄ཛྷཏི;

ཨཏིསཱིམཙརོ དིཏྟོ, གིཛ྄ཛྷོཝཱཏཱིཏསཱསནོ;

ས ཝེ བྱསནཾ པཔྤོཏི, ཨཀཏྭཱ ཝུཌྜྷསཱསནནྟི.

པུཐུསདྡོ ¶ ¶ སམཛནོ, ན བཱལོ ཀོཙི མཉྙཐ;

སངྒྷསྨིཾ བྷིཛྫམཱནསྨིཾ, ནཱཉྙཾ བྷིཡྻོ ཨམཉྙརུཾ.

པརིམུཊྛཱ པཎྜིཏཱབྷཱསཱ, ཝཱཙཱགོཙརབྷཱཎིནོ;

ཡཱཝིཙྪནྟི མུཁཱཡཱམཾ, ཡེན ནཱིཏཱ ན ཏཾ ཝིདཱུ.

ཨཀྐོཙྪི མཾ ཨཝདྷི མཾ, ཨཛིནི མཾ ཨཧཱསི མེ;

ཡེ ཙ ཏཾ ཨུཔནཡ྄ཧནྟི, ཝེརཾ ཏེསཾ ན སམྨཏི.

ཨཀྐོཙྪི མཾ ཨཝདྷི མཾ, ཨཛིནི མཾ ཨཧཱསི མེ;

ཡེ ཙ ཏཾ ནུཔནཡ྄ཧནྟི, ཝེརཾ ཏེསཱུཔསམྨཏི.

ན ཧི ཝེརེན ཝེརཱནི, སམྨནྟཱིདྷ ཀུདཱཙནཾ;

ཨཝེརེན ཙ སམྨནྟི, ཨེས དྷམྨོ སནནྟནོ.

པརེ ཙ ན ཝིཛཱནནྟི, མཡམེཏྠ ཡམཱམསེ;

ཡེ ཙ ཏཏྠ ཝིཛཱནནྟི, ཏཏོ སམྨནྟི མེདྷགཱ.

ཨཊྛིཙྪིནྣཱ ¶ པཱཎཧརཱ, གཝསྶ [གཝཱསྶ (སཱི. སྱཱ. པཱི.)] དྷནཧཱརིནོ;

རཊྛཾ ཝིལུམྤམཱནཱནཾ, ཏེསམྤི ཧོཏི སངྒཏི;

སཙེ ལབྷེཐ ནིཔཀཾ སཧཱཡཾ, སདྡྷིཾཙརཾ སཱདྷུཝིཧཱརིདྷཱིརཾ;

ཨབྷིབྷུཡྻ སབྦཱནི པརིསྶཡཱནི, ཙརེཡྻ ཏེནཏྟམནོ སཏཱིམཱ.

ནོ ཙེ ལབྷེཐ ནིཔཀཾ སཧཱཡཾ, སདྡྷིཾཙརཾ སཱདྷུཝིཧཱརིདྷཱིརཾ;

རཱཛཱཝ རཊྛཾ ཝིཛིཏཾ པཧཱཡ, ཨེཀོ ཙརེ མཱཏངྒརཉྙེཝ ནཱགོ.

ཨེཀསྶ ¶ ཙརིཏཾ སེཡྻོ, ནཏྠི བཱལེ སཧཱཡཏཱ;

ཨེཀོ ཙརེ ན པཱཔཱནི ཀཡིརཱ, ཨཔྤོསྶུཀྐོ མཱཏངྒརཉྙེཝ ནཱགོཏི.

དུམོ ཡདཱ ཧོཏི ཕལཱུཔཔནྣོ, བྷུཉྫནྟི ནཾ ཝིཧངྒམཱ [ཝིཧགཱ (སཱི. པཱི.)] སམྤཏནྟཱ;

ཁཱིཎནྟི ཉཏྭཱན དུམཾ ཕལཙྩཡེ [ཉཏྭཱ དུམཔྥལཙྩཡེན (ཀ.)], དིསོདིསཾ ¶ ཡནྟི ཏཏོ ཝིཧངྒམཱ.

ཙར ཙཱརིཀཾ ལོཧིཏཏུཎྜ མཱམརི, ཀིཾ ཏྭཾ སུཝ སུཀྑདུམམྷི ཛྷཱཡསི;

ཏདིངྒྷ མཾ བྲཱུཧི ཝསནྟསནྣིབྷ, ཀསྨཱ སུཝ སུཀྑདུམཾ ན རིཉྩསི.

ཡེ ¶ ཝེ སཁཱིནཾ སཁཱརོ བྷཝནྟི, པཱཎཙྩཡེ [པཱཎཾ ཙཛེ (ཀ.), པཱཎཙྩཡེ མརཎཀཱལེ ཙ སུཁདུཀྑེསུ ཙ ན ཛཧནྟཱིཏི སམྦནྡྷོ] དུཀྑསུཁེསུ ཧཾས;

ཁཱིཎཾ ཨཁཱིཎནྟི ན ཏཾ ཛཧནྟི, སནྟོ སཏཾ དྷམྨམནུསྶརནྟཱ.

སོཧཾ སཏཾ ཨཉྙཏརོསྨི ཧཾས, ཉཱཏཱི ཙ མེ ཧོཏི སཁཱ ཙ རུཀྑོ;

ཏཾ ནུསྶཧེ ཛཱིཝིཀཏྠོ པཧཱཏུཾ, ཁཱིཎནྟི ཉཏྭཱན ན ཧེས དྷམྨོ [ན སོས (ཀ.), ན ཨེས (སྱཱ.)].

སཱདྷུ སཀྑི ཀཏཾ ཧོཏི, མེཏྟི སཾསཏི སནྠཝོ [མིཏྟཾ སངྒཏི སནྡྷཝོ (ཀ.)];

སཙེཏཾ དྷམྨཾ རོཙེསི, པཱསཾསོསི ཝིཛཱནཏཾ.

སོ ཏེ སུཝ ཝརཾ དམྨི, པཏྟཡཱན ཝིཧངྒམ;

ཝརཾ ཝརསྶུ ཝཀྐངྒ, ཡཾ ཀིཉྩི མནསིཙྪསི.

ཝརཉྩ ¶ མེ ཧཾས བྷཝཾ དདེཡྻ, ཨཡཉྩ རུཀྑོ པུནརཱཡུཾ ལབྷེཐ;

སོ ¶ སཱཁཝཱ ཕལིམཱ སཾཝིརཱུལ༹ྷོ, མདྷུཏྠིཀོ ཏིཊྛཏུ སོབྷམཱནོ.

ཏཾ པསྶ སམྨ ཕལིམཾ ཨུལཱ༹རཾ, སཧཱཝ ཏེ ཧོཏུ ཨུདུམྦརེན;

སོ སཱཁཝཱ ཕལིམཱ སཾཝིརཱུལ༹ྷོ, མདྷུཏྠིཀོ ཏིཊྛཏུ སོབྷམཱནོ.

ཨེཝཾ སཀྐ སུཁཱི ཧོཧི, སཧ སབྦེཧི ཉཱཏིབྷི;

ཡཐཱཧམཛྫ སུཁིཏོ, དིསྭཱན སཕལཾ དུམཾ.

སུཝསྶ ཙ ཝརཾ དཏྭཱ, ཀཏྭཱན སཕལཾ དུམཾ;

པཀྐཱམི སཧ བྷརིཡཱཡ, དེཝཱནཾ ནནྡནཾ ཝནནྟི.

སནྟི རུཀྑཱ ཧརིཔཏྟཱ [ཧརིཏཔཏྟཱ (སཱི. སྱཱ. པཱི.)], དུམཱ ནེཀཕལཱ བཧཱུ;

ཀསྨཱ ནུ སུཀྑེ [སུཀྑ (ཀ.)] ཀོལཱ༹པེ, སུཝསྶ ནིརཏོ མནོ.

ཕལསྶ ཨུཔབྷུཉྫིམྷཱ, ནེཀཝསྶགཎེ བཧཱུ;

ཨཕལམྤི ཝིདིཏྭཱན, སཱཝ མེཏྟི ཡཐཱ པུརེ.

སུཁཉྩ རུཀྑཾ ཀོལཱ༹པཾ, ཨོཔཏྟམཕལཾ དུམཾ;

ཨོཧཱཡ སཀུཎཱ ཡནྟི, ཀིཾ དོསཾ པསྶསེ དིཛ.

ཡེ ¶ ཕལཏྠཱ སམྦྷཛནྟི, ཨཕལོཏི ཛཧནྟི ནཾ;

ཨཏྟཏྠཔཉྙཱ དུམྨེདྷཱ, ཏེ ཧོནྟི པཀྑཔཱཏིནོ.

སཱདྷུ སཀྑི ཀཏཾ ཧོཏི, མེཏྟི སཾསཏི སནྠཝོ;

སཙེཏཾ དྷམྨཾ རོཙེསི, པཱསཾསོསི ཝིཛཱནཏཾ.

སོ ¶ ཏེ སུཝ ཝརཾ དམྨི, པཏྟཡཱན ཝིཧངྒམ;

ཝརཾ ཝརསྶུ ཝཀྐངྒ, ཡཾ ཀིཉྩི མནསིཙྪསི.

ཨཔི ¶ ནཱམ ནཾ པསྶེཡྻཾ [ཨཔི ནཱམ ནཾ པུན པསྶེ (སཱི. སྱཱ.)], སཔཏྟཾ སཕལཾ དུམཾ;

དལིདྡོཝ ནིདྷི ལདྡྷཱ, ནནྡེཡྻཱཧཾ པུནཔྤུནཾ.

ཏཏོ ཨམཏམཱདཱཡ, ཨབྷིསིཉྩི མཧཱིརུཧཾ;

ཏསྶ སཱཁཱ ཝིརཱུཧིཾསུ [ཝིརཱུལ༹ྷསྶ (ཀ.)], སཱིཏཙྪཱཡཱ མནོརམཱ.

ཨེཝཾ སཀྐ སུཁཱི ཧོཧི, སཧ སབྦེཧི ཉཱཏིབྷི;

ཡཐཱཧམཛྫ སུཁིཏོ, དིསྭཱན སཕལཾ དུམཾ.

སུཝསྶ ཙ ཝརཾ དཏྭཱ, ཀཏྭཱན སཕལཾ དུམཾ;

པཀྐཱམི སཧ བྷརིཡཱཡ, དེཝཱནཾ ནནྡནཾ ཝནནྟི.

སུཏཾ མེཏཾ མཧཱབྲཧྨེ, ཀཱམེ བྷུཉྫཏི ཧཱརིཏོ;

ཀཙྩེཏཾ ཝཙནཾ ཏུཙྪཾ, ཀཙྩི སུདྡྷོ ཨིརིཡྻསི.

ཨེཝམེཏཾ མཧཱརཱཛ, ཡཐཱ ཏེ ཝཙནཾ སུཏཾ;

ཀུམྨགྒཾ ¶ པཊིཔནྣོསྨི, མོཧནེཡྻེསུ མུཙྪིཏོ.

ཨདུ [ཨཱདུ (སཱི. པཱི.)] པཉྙཱ ཀིམཏྠིཡཱ, ནིཔུཎཱ སཱདྷུཙིནྟིནཱི [ཙིནྟནཱི (སཱི. པཱི.)];

ཡཱཡ ཨུཔྤཏིཏཾ རཱགཾ, ཀིཾ མནོ ན ཝིནོདཡེ.

ཙཏྟཱརོམེ མཧཱརཱཛ, ལོཀེ ཨཏིབལཱ བྷུསཱ;

རཱགོ དོསོ མདོ མོཧོ, ཡཏྠ པཉྙཱ ན གཱདྷཏི.

ཨརཧཱ སཱིལསམྤནྣོ, སུདྡྷོ ཙརཏི ཧཱརིཏོ;

མེདྷཱཝཱི པཎྜིཏོ ཙེཝ, ཨིཏི ནོ སམྨཏོ བྷཝཾ.

མེདྷཱཝཱིནམྤི ཧིཾསནྟི, ཨིསིཾ དྷམྨགུཎེ རཏཾ;

ཝིཏཀྐཱ པཱཔཀཱ རཱཛ, སུབྷཱ རཱགཱུཔསཾཧིཏཱ.

ཨུཔྤནྣཱཡཾ ¶ སརཱིརཛོ, རཱགོ ཝཎྞཝིདཱུསནོ ཏཝ;

ཏཾ པཛཧ བྷདྡམཏྠུ ཏེ, བཧུནྣཱསི མེདྷཱཝིསམྨཏོ.

ཏེ ཨནྡྷཀཱརཀེ [ཀརཎེ (སཱི. སྱཱ. པཱི.)] ཀཱམེ, བཧུདུཀྑེ མཧཱཝིསེ;

ཏེསཾ མཱུལཾ གཝེསིསྶཾ, ཚེཙྪཾ རཱགཾ སབནྡྷནཾ.

ཨིདཾ ¶ ཝཏྭཱན ཧཱརིཏོ, ཨིསི སཙྩཔརཀྐམོ;

ཀཱམརཱགཾ ཝིརཱཛེཏྭཱ, བྲཧྨལོཀཱུཔགོ ཨཧཱུཏི.

ཧརིཏཙཛཱཏཀཾ [ཧཱརིཏཛཱཏཀཾ (སཱི. པཱི.)] པཉྩམཾ.

བཧུསྶུཏཾ ཙིཏྟཀཐིཾ [ཙིཏྟཀཐཾ (སྱཱ. ཀ.)], གངྒཱ ཝཧཏི པཱཊལིཾ [པཱཊལཾ (སཱི. པཱི.)];

ཝུཡ྄ཧམཱནཀ ¶ བྷདྡནྟེ, ཨེཀཾ མེ དེཧི གཱཐཀཾ [གཱིཏཀཾ (ཀ. ཨཊྛ.)].

ཡེན སིཉྩནྟི དུཀྑིཏཾ, ཡེན སིཉྩནྟི ཨཱཏུརཾ;

ཏསྶ མཛ྄ཛྷེ མརིསྶཱམི, ཛཱཏཾ སརཎཏོ བྷཡཾ.

ཡཏྠ བཱིཛཱནི རཱུཧནྟི, སཏྟཱ ཡཏྠ པཏིཊྛིཏཱ;

སཱ མེ སཱིསཾ ནིཔཱིལེ༹ཏི, ཛཱཏཾ སརཎཏོ བྷཡཾ.

ཡེན བྷཏྟཱནི པཙྩནྟི, སཱིཏཾ ཡེན ཝིཧཉྙཏི;

སོ མཾ ཌཧཏི [དཡ྄ཧཏི (ཀ.)] གཏྟཱནི, ཛཱཏཾ སརཎཏོ བྷཡཾ.

ཡེན བྷུཏྟེན [བྷཏྟེན (སྱཱ. ཀ.)] ཡཱཔེནྟི, པུཐཱུ བྲཱཧྨཎཁཏྟིཡཱ;

སོ མཾ བྷུཏྟོ བྱཱཔཱདེཏི, ཛཱཏཾ སརཎཏོ བྷཡཾ.

གིམྷཱནཾ པཙྪིམེ མཱསེ, ཝཱཏམིཙྪནྟི པཎྜིཏཱ;

སོ མཾ [སོ མེ (སཱི. པཱི.)] བྷཉྫཏི གཏྟཱནི, ཛཱཏཾ སརཎཏོ བྷཡཾ.

ཡཾ ནིསྶིཏཱ ཛགཏིརུཧཾ, སྭཱཡཾ ཨགྒིཾ པམུཉྩཏི;

དིསཱ བྷཛཐ ཝཀྐངྒཱ, ཛཱཏཾ སརཎཏོ བྷཡཾ.

ཡམཱནཡིཾ ¶ སོམནསྶཾ, མཱལིནིཾ ཙནྡནུསྶདཾ;

སཱ མཾ གྷརཱ ནིཙྪུབྷཏི [ནཱིཧརཏི (སཱི. སྱཱ.)], ཛཱཏཾ སརཎཏོ བྷཡཾ.

ཡེན ཛཱཏེན ནནྡིསྶཾ, ཡསྶ ཙ བྷཝམིཙྪིསཾ;

སོ མཾ གྷརཱ ནིཙྪུབྷཏི [ནཱིཧརཏི (སཱི. སྱཱ.)], ཛཱཏཾ སརཎཏོ བྷཡཾ.

སུཎནྟུ མེ ཛཱནཔདཱ, ནེགམཱ ཙ སམཱགཏཱ;

ཡཏོདཀཾ ཏདཱདིཏྟཾ, ཡཏོ ཁེམཾ ཏཏོ བྷཡཾ.

རཱཛཱ ¶ ཝིལུམྤཏེ རཊྛཾ, བྲཱཧྨཎོ ཙ པུརོཧིཏོ;

ཨཏྟགུཏྟཱ ཝིཧརཐ, ཛཱཏཾ སརཎཏོ བྷཡནྟི.

ཨསྶ ¶ ཨིནྡསམོ རཱཛ, ཨཙྩནྟཾ ཨཛརཱམརོ;

སཙེ ཏྭཾ ཡཉྙཾ ཡཱཛེཡྻ, ཨིསིཾ ལོམསཀསྶཔཾ.

སསམུདྡཔརིཡཱཡཾ, མཧིཾ སཱགརཀུཎྜལཾ;

ན ཨིཙྪེ སཧ ནིནྡཱཡ, ཨེཝཾ སེཡྻ [སཡ྄ཧ (སཱི. སྱཱ. པཱི.)] ཝིཛཱནཧི.

དྷིརཏྠུ ཏཾ ཡསལཱབྷཾ, དྷནལཱབྷཉྩ བྲཱཧྨཎ;

ཡཱ ཝུཏྟི ཝིནིཔཱཏེན, ཨདྷམྨཙརཎེན ཝཱ.

ཨཔི ཙེ པཏྟམཱདཱཡ, ཨནགཱརོ པརིབྦཛེ;

སཱཡེཝ ཛཱིཝིཀཱ སེཡྻོ, ཡཱ ཙཱདྷམྨེན ཨེསནཱ.

ཨཔི ཙེ པཏྟམཱདཱཡ, ཨནགཱརོ པརིབྦཛེ;

ཨཉྙཾ ཨཧིཾསཡཾ ལོཀེ, ཨཔི རཛྫེན ཏཾ ཝརཾ.

བལཾ ཙནྡོ བལཾ སུརིཡོ, བལཾ སམཎབྲཱཧྨཎཱ;

བལཾ ཝེལཱ སམུདྡསྶ, བལཱཏིབལམིཏྠིཡོ.

ཡཐཱ ཨུགྒཏཔཾ སནྟཾ, ཨིསིཾ ལོམསཀསྶཔཾ;

པིཏུ ཨཏྠཱ ཙནྡཝཏཱི, ཝཱཛཔེཡྻཾ [ཝཱཙཔེཡྻཾ (པཱི. ཀ.)] ཨཡཱཛཡི.

ཏཾ ལོབྷཔཀཏཾ ཀམྨཾ, ཀཊུཀཾ ཀཱམཧེཏུཀཾ;

ཏསྶ ¶ མཱུལཾ གཝེསིསྶཾ, ཚེཙྪཾ རཱགཾ སབནྡྷནཾ.

དྷིརཏྠུ ¶ ཀཱམེ སུབཧཱུཔི ལོཀེ, ཏཔོཝ སེཡྻོ ཀཱམགུཎེཧི རཱཛ;

ཏཔོ ཀརིསྶཱམི པཧཱཡ ཀཱམེ, ཏཝེཝ རཊྛཾ ཙནྡཝཏཱི ཙ ཧོཏཱུཏི.

ཀཱསཱཡཝཏྠེ སཀུཎེ ཝདཱམི, དུཝེ དུཝེ ནནྡམནེ [ནནྡིམནེ (སཱི. པཱི.)] ཙརནྟེ;

ཀཾ ཨཎྜཛཾ ཨཎྜཛཱ མཱནུསེསུ, ཛཱཏིཾ པསཾསནྟི ཏདིངྒྷ བྲཱུཐ.

ཨམྷེ མནུསྶེསུ མནུསྶཧིཾས, ཨནུབྦཏེ [ཨནུཔུབྦཀེ (ཀ.)] ཙཀྐཝཱཀེ ཝདནྟི;

ཀལྱཱཎབྷཱཝམྷེ [བྷཱཝ’མྷ (སཱི. པཱི.)] དིཛེསུ སམྨཏཱ, ཨབྷིརཱུཔཱ [ཨབྷཱིཏརཱུཔཱ (སཱི. སྱཱ. པཱི.)] ཝིཙརཱམ ཨཎྞཝེ. ( ) [(ན གྷཱསཧེཏཱུཔི ཀརོམ པཱཔཾ) (ཀ.)]

ཀིཾ ཨཎྞཝེ ཀཱནི ཕལཱནི བྷུཉྫེ, མཾསཾ ཀུཏོ ཁཱདཐ ཙཀྐཝཱཀཱ;

ཀིཾ བྷོཛནཾ བྷུཉྫཐ ཝོ ཨནོམཱ [ཨབྷིཎྷཾ (ཀ.)], བལཉྩ ¶ ཝཎྞོ ཙ ཨནཔྤརཱུཔཱ [ཨནཔྤརཱུཔོ (སཱི. སྱཱ. པཱི.)].

ན ¶ ཨཎྞཝེ སནྟི ཕལཱནི དྷངྐ, མཾསཾ ཀུཏོ ཁཱདིཏུཾ ཙཀྐཝཱཀེ;

སེཝཱལབྷཀྑམྷ [བྷཀྑིམྷ (ཀ.)] ཨཔཱཎབྷོཛནཱ [ཨཝཱཀབྷོཛནཱ (སཱི. པཱི.)], ན གྷཱསཧེཏཱུཔི ཀརོམ པཱཔཾ.

ན མེ ཨིདཾ རུཙྩཏི ཙཀྐཝཱཀ, ཨསྨིཾ བྷཝེ བྷོཛནསནྣིཀཱསོ;

ཨཧོསི པུབྦེ ཏཏོ མེ ཨཉྙཐཱ, ཨིཙྩེཝ མེ ཝིམཏི ཨེཏྠ ཛཱཏཱ.

ཨཧམྤི ¶ མཾསཱནི ཕལཱནི བྷུཉྫེ, ཨནྣཱནི ཙ ལོཎིཡཏེལིཡཱནི;

རསཾ མནུསྶེསུ ལབྷཱམི བྷོཏྟུཾ, སཱུརོཝ སངྒཱམམུཁཾ ཝིཛེཏྭཱ;

ན ཙ མེ ཏཱདིསོ ཝཎྞོ, ཙཀྐཝཱཀ ཡཐཱ ཏཝ.

ཨསུདྡྷབྷཀྑོསི ཁཎཱནུཔཱཏཱི, ཀིཙྪེན ཏེ ལབྦྷཏི ཨནྣཔཱནཾ;

ན ཏུསྶསཱི རུཀྑཕལེཧི དྷངྐ, མཾསཱནི ཝཱ ཡཱནི སུསཱནམཛ྄ཛྷེ.

ཡོ སཱཧསེན ཨདྷིགམྨ བྷོགེ, པརིབྷུཉྫཏི ¶ དྷངྐ ཁཎཱནུཔཱཏཱི;

ཏཏོ ཨུཔཀྐོསཏི ནཾ སབྷཱཝོ, ཨུཔཀྐུཊྛོ ཝཎྞབལཾ ཛཧཱཏི.

ཨཔྤམྤི ཙེ ནིབྦུཏིཾ བྷུཉྫཏཱི ཡདི, ཨསཱཧསེན ཨཔརཱུཔགྷཱཏཱི [ཨསཱཧསེནཱནུཔགྷཱཏིནོ (ཀ.)];

བལཉྩ ཝཎྞོ ཙ ཏདསྶ ཧོཏི, ན ཧི སབྦོ ཨཱཧཱརམཡེན ཝཎྞོཏི.

སུཏིཏིཀྑཾ ཨརཉྙམྷི, པནྟམྷི སཡནཱསནེ;

ཡེ ཙ གཱམེ ཏིཏིཀྑནྟི, ཏེ ཨུལཱ༹རཏརཱ ཏཡཱ.

ཨརཉྙཱ གཱམམཱགམྨ, ཀིཾསཱིལཾ ཀིཾཝཏཾ ཨཧཾ;

པུརིསཾ ཏཱཏ སེཝེཡྻཾ, ཏཾ མེ ཨཀྑཱཧི པུཙྪིཏོ.

ཡོ ཏེ [ཡོ ཏཾ (སྱཱ. ཛཱ. ༡.༤.༡༩༠ ཨརཉྙཛཱཏཀེཔི)] ཝིསྶཱསཡེ ཏཱཏ, ཝིསྶཱསཉྩ ཁམེཡྻ ཏེ;

སུསྶཱུསཱི ཙ ཏིཏིཀྑཱི ཙ, ཏཾ བྷཛེཧི ཨིཏོ གཏོ.

ཡསྶ ¶ ཀཱཡེན ཝཱཙཱཡ, མནསཱ ནཏྠི དུཀྐཊཾ;

ཨུརསཱིཝ པཏིཊྛཱཡ, ཏཾ བྷཛེཧི ཨིཏོ གཏོ.

ཡོ ཙ དྷམྨེན ཙརཏི, ཙརནྟོཔི ན མཉྙཏི;

ཝིསུདྡྷཀཱརིཾ སཔྤཉྙཾ, ཏཾ བྷཛེཧི ཨིཏོ གཏོ.

ཧལིདྡིརཱགཾ ¶ ཀཔིཙིཏྟཾ, པུརིསཾ རཱགཝིརཱགིནཾ;

ཏཱདིསཾ ཏཱཏ མཱ སེཝི, ནིམྨནུསྶམྤི ཙེ སིཡཱ.

ཨཱསཱིཝིསཾཝ ཀུཔིཏཾ, མཱིལ༹ྷལིཏྟཾ མཧཱཔཐཾ;

ཨཱརཀཱ པརིཝཛྫེཧི, ཡཱནཱིཝ ཝིསམཾ པཐཾ.

ཨནཏྠཱ ¶ ཏཱཏ ཝཌྜྷནྟི, བཱལཾ ཨཙྩུཔསེཝཏོ;

མཱསྶུ བཱལེན སཾགཙྪི, ཨམིཏྟེནེཝ སབྦདཱ.

ཏཾ ཏཱཧཾ ཏཱཏ ཡཱཙཱམི, ཀརསྶུ ཝཙནཾ མམ;

མཱསྶུ བཱལེན སཾགཙྪི [སཾགཉྪི (སཱི. པཱི.)], དུཀྑོ བཱལེཧི སངྒམོཏི.

ཀུཏོ ནུ ཨཱགཙྪཐ བྷོ ཏཡོ ཛནཱ, སྭཱགཏཱ ཨེཐ [སྭཱགཏཾ ཨེཏྠ (སཱི. པཱི.)] ནིསཱིདཐཱསནེ;

ཀཙྩིཏྠ བྷོནྟོ ཀུསལཾ ཨནཱམཡཾ, ཙིརསྶམབྦྷཱགམནཾ ཧི ཝོ ཨིདྷ.

ཨཧམེཝ ཨེཀོ ཨིདྷ མཛྫ པཏྟོ, ན ཙཱཔི མེ དུཏིཡོ ཀོཙི ཝིཛྫཏི;

ཀིམེཝ སནྡྷཱཡ ཏེ བྷཱསིཏཾ ཨིསེ, ‘‘ཀུཏོ ནུ ཨཱགཙྪཐ བྷོ ཏཡོ ཛནཱ’’.

ཏུཝཉྩ ཨེཀོ བྷརིཡཱ ཙ ཏེ པིཡཱ, སམུགྒཔཀྑིཏྟནིཀིཎྞམནྟརེ ¶ ;

སཱ རཀྑིཏཱ ཀུཙྪིགཏཱཝ [ཀུཙྪིགཏཱ ཙ (ཀ.)] ཏེ སདཱ, ཝཱཡུསྶ [ཧརིསྶ (ཀ.)] པུཏྟེན སཧཱ ཏཧིཾ རཏཱ.

སཾཝིགྒརཱུཔོ ¶ ཨིསིནཱ ཝིཡཱཀཏོ [པབྱཱཀཏོ (ཀ.), བྱཱཀཏོ (སྱཱ. པཱི.)], སོ དཱནཝོ ཏཏྠ སམུགྒམུགྒིལི;

ཨདྡཀྑི བྷརིཡཾ སུཙི མཱལདྷཱརིནིཾ, ཝཱཡུསྶ པུཏྟེན སཧཱ ཏཧིཾ རཏཾ.

སུདིཊྛརཱུཔམུགྒཏཔཱནུཝཏྟིནཱ [སུདིཊྛརཱུཔུགྒཏཔཱནུཝཏྟིནཱ (སཱི. སྱཱ. པཱི.)], ཧཱིནཱ ནརཱ ཡེ པམདཱཝསཾ གཏཱ;

ཡཐཱ ཧཝེ པཱཎརིཝེཏྠ རཀྑིཏཱ, དུཊྛཱ མཡཱི ཨཉྙམབྷིཔྤམོདཡི.

དིཝཱ ཙ རཏྟོ ཙ མཡཱ ཨུཔཊྛིཏཱ, ཏཔསྶིནཱ ཛོཏིརིཝཱ ཝནེ ཝསཾ;

སཱ དྷམྨམུཀྐམྨ ཨདྷམྨམཱཙརི, ཨཀིརིཡརཱུཔོ པམདཱཧི སནྠཝོ.

སརཱིརམཛ྄ཛྷམྷི ཋིཏཱཏིམཉྙཧཾ, མཡ྄ཧཾ ཨཡནྟི ཨསཏིཾ ཨསཉྙཏཾ;

སཱ དྷམྨམུཀྐམྨ ཨདྷམྨམཱཙརི, ཨཀིརིཡརཱུཔོ པམདཱཧི སནྠཝོ.

སུརཀྑིཏཾ ¶ མེཏི ཀཐཾ ནུ ཝིསྶསེ, ཨནེཀཙིཏྟཱསུ ན ཧཏྠི [ཨནེཀཙིཏྟཱ པུན ཧེཏྠ (ཀ.)] རཀྑཎཱ;

ཨེཏཱ ཧི པཱཏཱལཔཔཱཏསནྣིབྷཱ, ཨེཏྠཔྤམཏྟོ བྱསནཾ ནིགཙྪཏི.

ཏསྨཱ ཧི ཏེ སུཁིནོ ཝཱིཏསོཀཱ, ཡེ མཱཏུགཱམེཧི ཙརནྟི ནིསྶཊཱ;

ཨེཏཾ སིཝཾ ཨུཏྟམམཱབྷིཔཏྠཡཾ, ན མཱཏུགཱམེཧི ཀརེཡྻ སནྠཝནྟི.

ན ¶ ཁོ མེ རུཙྩཏི ཨཱལི༹, པཱུཏིམཾསསྶ པེཀྑནཱ;

ཨེཏཱདིསཱ སཁཱརསྨཱ, ཨཱརཀཱ པརིཝཛྫཡེ.

ཨུམྨཏྟིཀཱ ¶ ཨཡཾ ཝེཎཱི, ཝཎྞེཏི པཏིནོ སཁིཾ;

པཛ྄ཛྷཱཡི [པཛ྄ཛྷཱཏི (སཱི. པཱི.), པཛ྄ཛྷཱཡཏི (སཱི. ནིཡྻ)] པཊིགཙྪནྟིཾ, ཨཱགཏཾ མེཎྜ [མེལ༹ (སཱི. པཱི.)] མཱཏརཾ.

ཏྭཾ ཁོསི སམྨ ཨུམྨཏྟོ, དུམྨེདྷོ ཨཝིཙཀྑཎོ;

ཡོ ཏྭཾ [སོ ཏྭཾ (སྱཱ.)] མཏཱལཡཾ ཀཏྭཱ, ཨཀཱལེན ཝིཔེཀྑསི.

ན ཨཀཱལེ ཝིཔེཀྑེཡྻ, ཀཱལེ པེཀྑེཡྻ པཎྜིཏོ;

པཱུཏིམཾསོཝ པཛ྄ཛྷཱཡི [པཛ྄ཛྷཱཏི (སཱི. པཱི.), པཛ྄ཛྷཱཡཏི (སཱི. ནིཡྻ)], ཡོ ཨཀཱལེ ཝིཔེཀྑཏི.

པིཡཾ ཁོ ཨཱལི༹ མེ ཧོཏུ, པུཎྞཔཏྟཾ དདཱཧི མེ;

པཏི ¶ སཉྫཱིཝིཏོ མཡ྄ཧཾ, ཨེཡྻཱསི པིཡཔུཙྪིཀཱ [པུཙྪིཏཱ (སྱཱ. ཀ.)].

པིཡཾ ཁོ ཨཱལི༹ ཏེ ཧོཏུ, པུཎྞཔཏྟཾ དདཱམི ཏེ;

མཧཏཱ པརིཝཱརེན [པརིཧཱརེན (སྱཱ.)], ཨེསྶཾ [ཨེསཾ (སཱི. པཱི.)] ཀཡིརཱཧི [ཀཡིརཱསི (པཱི.)] བྷོཛནཾ.

ཀཱིདིསོ ཏུཡ྄ཧཾ པརིཝཱརོ, ཡེསཾ ཀཱཧཱམི བྷོཛནཾ;

ཀིཾནཱམཀཱ ཙ ཏེ སབྦེ, ཏཾ [ཏེ (སཱི. སྱཱ. པཱི.)] མེ ཨཀྑཱཧི པུཙྪིཏཱ.

མཱལིཡོ ཙཏུརཀྑོ ཙ, པིངྒིཡོ ཨཐ ཛམྦུཀོ;

ཨེདིསོ མཡ྄ཧཾ པརིཝཱརོ, ཏེསཾ ཀཡིརཱཧི [ཀཡིརཱསི (པཱི.)] བྷོཛནཾ.

ནིཀྑནྟཱཡ ཨགཱརསྨཱ, བྷཎྜཀམྤི ཝིནསྶཏི;

ཨཱརོགྱཾ ཨཱལི༹ནོ ཝཛྫཾ [ཝཙྪཾ (?)], ཨིདྷེཝ ཝས མཱགམཱཏི.

ཡོ ཏེ པུཏྟཀེ ཨཁཱདི, དིནྣབྷཏྟོ ཨདཱུསཀེ;

ཏསྨིཾ དཱཋཾ ནིཔཱཏེཧི, མཱ ཏེ མུཙྩིཏྠ ཛཱིཝཏོ.

ཨཱཀིཎྞལུདྡོ ¶ པུརིསོ, དྷཱཏིཙེལཾཝ མཀྑིཏོ;

པདེསཾ ཏཾ ན པསྶཱམི, ཡཏྠ དཱཋཾ ནིཔཱཏཡེ.

ཨཀཏཉྙུསྶ པོསསྶ, ནིཙྩཾ ཝིཝརདསྶིནོ;

སབྦཾ ཙེ པཐཝིཾ དཛྫཱ, ནེཝ ནཾ ཨབྷིརཱདྷཡེ.

ཀིནྣུ སུབཱཧུ ཏརམཱནརཱུཔོ, པཙྩཱགཏོསི སཧ མཱཎཝེན;

ཀིཾ ¶ ཀིཙྩམཏྠཾ ཨིདྷམཏྠི ཏུཡ྄ཧཾ, ཨཀྑཱཧི མེ པུཙྪིཏོ ཨེཏམཏྠཾ.

ཡོ ཏེ སཁཱ དདྡརོ སཱདྷུརཱུཔོ, ཏསྶ ཝདྷཾ པརིསངྐཱམི ཨཛྫ;

པུརིསསྶ ཀམྨཱཡཏནཱནི སུཏྭཱ, ནཱཧཾ སུཁིཾ དདྡརཾ ཨཛྫ མཉྙེ.

ཀཱནིསྶ ¶ ཀམྨཱཡཏནཱནི ཨསྶུ, པུརིསསྶ ཝུཏྟིསམོདྷཱནཏཱཡ;

ཀཾ ཝཱ པཊིཉྙཾ པུརིསསྶ སུཏྭཱ, པརིསངྐསི དདྡརཾ མཱཎཝེན.

ཙིཎྞཱ ཀལིངྒཱ ཙརིཏཱ ཝཎིཛྫཱ, ཝེཏྟཱཙརོ སངྐུཔཐོཔི ཙིཎྞོ;

ནཊེཧི ཙིཎྞཾ སཧ ཝཱཀུརེཧི [ཝཱཀརེཧི (པཱི. སཱི. ནིཡྻ), ཝཱགུརེཧི (?)], དཎྜེན ཡུདྡྷམྤི སམཛྫམཛ྄ཛྷེ.

བདྡྷཱ ཀུལཱིཀཱ [ཀུལིངྐཱ (སཱི. པཱི.)] མིཏམཱལ༹ྷཀེན, ཨཀྑཱ ཛིཏཱ [ཨཀྑཱཙིཏཱ (སཱི. ཨཊྛ.)] སཾཡམོ ཨབྦྷཏཱིཏོ;

ཨབྦཱཧིཏཾ [ཨཔྤཧིཏཾ (སཱི. སྱཱ.), ཨབྦཱུཧིཏཾ (པཱི. སཱི. ནིཡྻ)] པུབྦཀཾ [པུཔྥཀཾ (སཱི. སྱཱ.)] ཨཌྜྷརཏྟཾ, ཧཏྠཱ དཌྜྷཱ པིཎྜཔཊིགྒཧེན.

ཏཱནིསྶ ¶ ཀམྨཱཡཏནཱནི ཨསྶུ, པུརིསསྶ ¶ ཝུཏྟིསམོདྷཱནཏཱཡ;

ཡཐཱ ཨཡཾ དིསྶཏི ལོམཔིཎྜོ, གཱཝོ ཧཏཱ ཀིཾ པན དདྡརསྶཱཏི.

ཝརགིཛ྄ཛྷ སམཛྫན ཧཾསཝརོ, ནིདྷིསཝ྄ཧཡ ཧཱརིཏ པཱཊལིཀོ;

ཨཛརཱམར དྷངྐ ཏིཏིཀྑ ཀུཏོ, ཨཐ དྭཱདས པེཀྑན དདྡརིབྷཱིཏི.

ཙཏུདྭཱརམིདཾ ¶ ¶ ¶ ནགརཾ, ཨཱཡསཾ དལ༹ྷཔཱཀཱརཾ;

ཨོརུདྡྷཔཊིརུདྡྷོསྨི, ཀིཾ པཱཔཾ པཀཏཾ མཡཱ.

སབྦེ ཨཔིཧིཏཱ དྭཱརཱ, ཨོརུདྡྷོསྨི ཡཐཱ དིཛོ;

ཀིམཱདྷིཀརཎཾ ཡཀྑ, ཙཀྐཱབྷིནིཧཏོ ཨཧཾ.

ལདྡྷཱ སཏསཧསྶཱནི, ཨཏིརེཀཱནི ཝཱིསཏི;

ཨནུཀམྤཀཱནཾ ཉཱཏཱིནཾ, ཝཙནཾ སམྨ ནཱཀརི.

ལངྒྷིཾ སམུདྡཾ པཀྑནྡི, སཱགརཾ ཨཔྤསིདྡྷིཀཾ;

ཙཏུབྦྷི ཨཊྛཛ྄ཛྷགམཱ, ཨཊྛཱཧིཔི ཙ སོལ༹ས.

སོལ༹སཱཧི ཙ བཱཏྟིཾས, ཨཏྲིཙྪཾ ཙཀྐམཱསདོ;

ཨིཙྪཱཧཏསྶ པོསསྶ, ཙཀྐཾ བྷམཏི མཏྠཀེ.

ཨུཔརིཝིསཱལཱ དུཔྤཱུརཱ, ཨིཙྪཱ ཝིསཊགཱམིནཱི [ཝིསཊགཱམིནིཾ (པཱི. ཀ.)];

ཡེ ཙ ཏཾ ཨནུགིཛ྄ཛྷནྟི, ཏེ ཧོནྟི ཙཀྐདྷཱརིནོ.

བཧུབྷཎྜཾ [བཧུཾ བྷཎྜཾ (སཱི. པཱི.)] ཨཝཧཱཡ, མགྒཾ ཨཔྤཊིཝེཀྑིཡ;

ཡེསཉྩེཏཾ ཨསངྑཱཏཾ, ཏེ ཧོནྟི ཙཀྐདྷཱརིནོ.

ཀམྨཾ སམེཀྑེ ཝིཔུལཉྩ བྷོགཾ, ཨིཙྪཾ ¶ ན སེཝེཡྻ ཨནཏྠསཾཧིཏཾ;

ཀརེཡྻ ཝཱཀྱཾ ཨནུཀམྤཀཱནཾ, ཏཾ ཏཱདིསཾ ནཱཏིཝཏྟེཡྻ ཙཀྐཾ.

ཀཱིཝཙིརཾ ནུ མེ ཡཀྑ, ཙཀྐཾ སིརསི ཋསྶཏི;

ཀཏི ཝསྶསཧསྶཱནི, ཏཾ མེ ཨཀྑཱཧི པུཙྪིཏོ.

ཨཏིསརོ པཙྩསརོ [ཨཙྩསརོ (སཱི. སྱཱ. པཱི.)], མིཏྟཝིནྡ སུཎོཧི མེ;

ཙཀྐཾ ཏེ སིརསི [སིརསྨི (སྱཱ.)] མཱཝིདྡྷཾ, ན ཏཾ ཛཱིཝཾ པམོཀྑསཱིཏི.

ཀཎྷོ ¶ ¶ ཝཏཱཡཾ པུརིསོ, ཀཎྷཾ བྷུཉྫཏི བྷོཛནཾ;

ཀཎྷེ བྷཱུམིཔདེསསྨིཾ, ན མཡ྄ཧཾ མནསོ པིཡོ.

ན ཀཎྷོ ཏཙསཱ ཧོཏི, ཨནྟོསཱརོ ཧི བྲཱཧྨཎོ;

ཡསྨིཾ པཱཔཱནི ཀམྨཱནི, ས ཝེ ཀཎྷོ སུཛམྤཏི.

ཨེཏསྨིཾ ཏེ སུལཔིཏེ, པཏིརཱུཔེ སུབྷཱསིཏེ;

ཝརཾ བྲཱཧྨཎ ཏེ དམྨི, ཡཾ ཀིཉྩི མནསིཙྪསི.

ཝརཉྩེ མེ ཨདོ སཀྐ, སབྦབྷཱུཏཱནམིསྶར;

སུནིཀྐོདྷཾ སུནིདྡོསཾ, ནིལློབྷཾ ཝུཏྟིམཏྟནོ;

ནིསྣེཧམབྷིཀངྑཱམི, ཨེཏེ མེ ཙཏུརོ ཝརེ.

ཀིཾ ནུ ཀོདྷེ ཝཱ [ཀོདྷེཝ (སཱི. པཱི.)] དོསེ ཝཱ, ལོབྷེ སྣེཧེ ཙ བྲཱཧྨཎ;

ཨཱདཱིནཝཾ ¶ ཏྭཾ པསྶསི [སམྤསྶསི (སཱི. པཱི.)], ཏཾ མེ ཨཀྑཱཧི པུཙྪིཏོ.

ཨཔྤོ ཧུཏྭཱ བཧུ ཧོཏི, ཝཌྜྷཏེ སོ ཨཁནྟིཛོ;

ཨཱསངྒཱི བཧུཔཱཡཱསོ, ཏསྨཱ ཀོདྷཾ ན རོཙཡེ.

དུཊྛསྶ ཕརུསཱ [པཋམཱ (པཱི. སཱི. ནིཡྻ)] ཝཱཙཱ, པརཱམཱསོ ཨནནྟརཱ;

ཏཏོ པཱཎི ཏཏོ དཎྜོ, སཏྠསྶ པརམཱ གཏི [པརཱམསཏི (ཀ.)];

དོསོ ཀོདྷསམུཊྛཱནོ, ཏསྨཱ དོསཾ ན རོཙཡེ.

ཨཱལོཔསཱཧསཱཀཱརཱ [སཧསཱཀཱརཱ (སཱི. སྱཱ. པཱི.)], ནིཀཏཱི ཝཉྩནཱནི ཙ;

དིསྶནྟི ལོབྷདྷམྨེསུ, ཏསྨཱ ལོབྷཾ ན རོཙཡེ.

སྣེཧསངྒཐིཏཱ [སངྒདྷིཏཱ (ཀ.), སངྒནྟིཏཱ (སྱཱ.)] གནྠཱ, སེནྟི མནོམཡཱ པུཐཱུ;

ཏེ བྷུསཾ ཨུཔཏཱཔེནྟི, ཏསྨཱ སྣེཧཾ ན རོཙཡེ.

ཨེཏསྨིཾ ཏེ སུལཔིཏེ, པཏིརཱུཔེ སུབྷཱསིཏེ;

ཝརཾ བྲཱཧྨཎ ཏེ དམྨི, ཡཾ ཀིཉྩི མནསིཙྪསི.

ཝརཉྩེ མེ ཨདོ སཀྐ, སབྦབྷཱུཏཱནམིསྶར;

ཨརཉྙེ མེ ཝིཧརཏོ, ནིཙྩཾ ཨེཀཝིཧཱརིནོ;

ཨཱབཱདྷཱ མཱ [ན (སྱཱ. པཱི.)] ཨུཔྤཛྫེཡྻུཾ, ཨནྟརཱཡཀརཱ བྷུསཱ.

ཨེཏསྨིཾ ¶ ཏེ སུལཔིཏེ, པཏིརཱུཔེ སུབྷཱསིཏེ;

ཝརཾ བྲཱཧྨཎ ཏེ དམྨི, ཡཾ ཀིཉྩི མནསིཙྪསི.

ཝརཉྩེ ¶ མེ ཨདོ སཀྐ, སབྦབྷཱུཏཱནམིསྶར;

ན མནོ ཝཱ སརཱིརཾ ཝཱ, མཾ-ཀཏེ སཀྐ ཀསྶཙི;

ཀདཱཙི ¶ ཨུཔཧཉྙེཐ, ཨེཏཾ སཀྐ ཝརཾ ཝརེཏི.

ཡོ ཀོཔནེཡྻེ ན ཀརོཏི ཀོཔཾ, ན ཀུཛ྄ཛྷཏི སཔྤུརིསོ ཀདཱཙི;

ཀུདྡྷོཔི སོ ནཱཝིཀརོཏི ཀོཔཾ, ཏཾ ཝེ ནརཾ སམཎམཱཧུ [སམཎཾ ཨཱཧུ (སཱི.)] ལོཀེ.

ཨཱུནཱུདརོ ཡོ སཧཏེ ཛིགྷཙྪཾ, དནྟོ ཏཔསྶཱི མིཏཔཱནབྷོཛནོ;

ཨཱཧཱརཧེཏུ ན ཀརོཏི པཱཔཾ, ཏཾ ཝེ ནརཾ སམཎམཱཧུ ལོཀེ.

ཁིཌྜཾ རཏིཾ ཝིཔྤཛཧིཏྭཱན སབྦཾ, ན ཙཱལིཀཾ བྷཱསསི ཀིཉྩི ལོཀེ;

ཝིབྷཱུསཊྛཱནཱ ཝིརཏོ མེཐུནསྨཱ, ཏཾ ཝེ ནརཾ སམཎམཱཧུ ལོཀེ.

པརིགྒཧཾ ལོབྷདྷམྨཉྩ སབྦཾ, ཡོ ཝེ པརིཉྙཱཡ པརིཙྩཛེཏི;

དནྟཾ ཋིཏཏྟཾ ཨམམཾ ནིརཱསཾ, ཏཾ ཝེ ནརཾ སམཎམཱཧུ ལོཀེ.

པུཙྪཱམ ¶ ཀཏྟཱརམནོམཔཉྙཾ [མནོམཔཉྙ (སྱཱ. ཀ.)], ཀཐཱསུ ནོ ཝིགྒཧོ ཨཏྠི ཛཱཏོ;

ཚིནྡཛྫ ཀངྑཾ ཝིཙིཀིཙྪིཏཱནི, ཏདཛྫ [ཏཡཱཛྫ (སཱི.)] ཀངྑཾ ཝིཏརེམུ སབྦེ.

ཡེ ¶ པཎྜིཏཱ ཨཏྠདསཱ བྷཝནྟི, བྷཱསནྟི ཏེ ཡོནིསོ ཏཏྠ ཀཱལེ;

ཀཐཾ ནུ ཀཐཱནཾ ཨབྷཱསིཏཱནཾ, ཨཏྠཾ ནཡེཡྻུཾ ཀུསལཱ ཛནིནྡཱ.

ཀཐཾ ཧཝེ བྷཱསཏི ནཱགརཱཛཱ, གརུལོ༹ པན ཝེནཏེཡྻོ ཀིམཱཧ;

གནྡྷབྦརཱཛཱ པན ཀིཾ ཝདེསི, ཀཐཾ པན ཀུརཱུནཾ རཱཛསེཊྛོ.

ཁནྟིཾ ཧཝེ བྷཱསཏི ནཱགརཱཛཱ, ཨཔྤཱཧཱརཾ གརུལོ༹ ཝེནཏེཡྻོ;

གནྡྷབྦརཱཛཱ རཏིཝིཔྤཧཱནཾ, ཨཀིཉྩནཾ ཀུརཱུནཾ རཱཛསེཊྛོ.

སབྦཱནི ཨེཏཱནི སུབྷཱསིཏཱནི, ན ཧེཏྠ དུབྦྷཱསིཏམཏྠི ཀིཉྩི;

ཡསྨིཉྩ ཨེཏཱནི པཏིཊྛིཏཱནི, ཨརཱཝ ¶ ནཱབྷྱཱ སུསམོཧིཏཱནི;

ཙཏུབྦྷི དྷམྨེཧི སམངྒིབྷཱུཏཾ, ཏཾ ཝེ ནརཾ སམཎམཱཧུ ལོཀེ.

ཏུཝཉྷི [ཏུཝཾ ནུ (སཱི. པཱི.)] སེཊྛོ ཏྭམནུཏྟརོསི, ཏྭཾ དྷམྨགཱུ དྷམྨཝིདཱུ སུམེདྷོ;

པཉྙཱཡ པཉྷཾ སམདྷིགྒཧེཏྭཱ, ཨཙྪེཙྪི དྷཱིརོ ཝིཙིཀིཙྪིཏཱནི;

ཨཙྪེཙྪི ཀངྑཾ ཝིཙིཀིཙྪིཏཱནི, ཙུནྡོ ཡཐཱ ནཱགདནྟཾ ཁརེན.

ནཱིལུཔྤལཱབྷཾ ཝིམལཾ ཨནགྒྷཾ, ཝཏྠཾ ཨིདཾ དྷཱུམསམཱནཝཎྞཾ;

པཉྷསྶ ¶ ཝེཡྻཱཀརཎེན ཏུཊྛོ, དདཱམི ཏེ དྷམྨཔཱུཛཱཡ དྷཱིར.

སུཝཎྞམཱལཾ ¶ ¶ སཏཔཏྟཕུལླིཏཾ, སཀེསརཾ རཏྣསཧསྶམཎྜིཏཾ;

པཉྷསྶ ཝེཡྻཱཀརཎེན ཏུཊྛོ, དདཱམི ཏེ དྷམྨཔཱུཛཱཡ དྷཱིར.

མཎིཾ ཨནགྒྷཾ རུཙིརཾ པབྷསྶརཾ, ཀཎྛཱཝསཏྟཾ [ཝསིཏཾ (ཀ.)] མཎིབྷཱུསིཏཾ མེ;

པཉྷསྶ ཝེཡྻཱཀརཎེན ཏུཊྛོ, དདཱམི ཏེ དྷམྨཔཱུཛཱཡ དྷཱིར.

གཝཾ སཧསྶཾ ཨུསབྷཉྩ ནཱགཾ, ཨཱཛཉྙཡུཏྟེ ཙ རཐེ དས ཨིམེ;

པཉྷསྶ ཝེཡྻཱཀརཎེན ཏུཊྛོ, དདཱམི ཏེ གཱམཝརཱནི སོལ༹ས.

སཱརིཔུཏྟོ ཏདཱ ནཱགོ, སུཔཎྞོ པན ཀོལིཏོ;

གནྡྷབྦརཱཛཱ ཨནུརུདྡྷོ, རཱཛཱ ཨཱནནྡ པཎྜིཏོ;

ཝིདྷུརོ བོདྷིསཏྟོ ཙ, ཨེཝཾ དྷཱརེཐ ཛཱཏཀནྟི.

བཧུསྶུཏོ སུཏདྷམྨོསི སངྑ, དིཊྛཱ ཏཡཱ སམཎབྲཱཧྨཎཱ ཙ;

ཨཐཀྑཎེ དསྶཡསེ ཝིལཱཔཾ, ཨཉྙོ ནུ ཀོ ཏེ པཊིམནྟཀོ མཡཱ.

སུབྦྷཱུ [སུབྦྷཱ (སྱཱ.), སུམྦྷཱ, སུབྷྨཱ (ཀ.)] སུབྷཱ སུཔྤཊིམུཀྐཀམྦུ, པགྒཡ྄ཧ སོཝཎྞམཡཱཡ པཱཏིཡཱ;

‘‘བྷུཉྫསྶུ བྷཏྟཾ’’ ཨིཏི མཾ ཝདེཏི, སདྡྷཱཝིཏྟཱ [སདྡྷཱཙིཏྟཱ (སཱི. པཱི. ཀ.)], ཏམཧཾ ནོཏི བྲཱུམི.

ཨེཏཱདིསཾ ¶ ¶ བྲཱཧྨཎ དིསྭཱན [དིསྭ (སཱི. པཱི.)] ཡཀྑཾ, པུཙྪེཡྻ པོསོ སུཁམཱསིསཱནོ [སུཁམཱསསཱནོ (སྱཱ.), སུཁམཱསིསམཱནོ (ཀ.)];

ཨུཊྛེཧི ནཾ པཉྫལིཀཱབྷིཔུཙྪ, དེཝཱི ནུསི ཏྭཾ ཨུད མཱནུསཱི ནུ.

ཡཾ ཏྭཾ སུཁེནཱབྷིསམེཀྑསེ མཾ, བྷུཉྫསྶུ བྷཏྟཾ ཨིཏི མཾ ཝདེསི;

པུཙྪཱམི ཏཾ ནཱརི མཧཱནུབྷཱཝེ, དེཝཱི ནུསི ཏྭཾ ཨུད མཱནུསཱི ནུ.

དེཝཱི ཨཧཾ སངྑ མཧཱནུབྷཱཝཱ, ཨིདྷཱགཏཱ སཱགརཝཱརིམཛ྄ཛྷེ;

ཨནུཀམྤིཀཱ ནོ ཙ པདུཊྛཙིཏྟཱ, ཏཝེཝ ཨཏྠཱཡ ཨིདྷཱགཏཱསྨི.

ཨིདྷནྣཔཱནཾ སཡནཱསནཉྩ, ཡཱནཱནི ནཱནཱཝིཝིདྷཱནི སངྑ;

སབྦསྶ ཏྱཱཧཾ པཊིཔཱདཡཱམི, ཡཾ ཀིཉྩི ཏུཡ྄ཧཾ མནསཱབྷིཔཏྠིཏཾ.

ཡཾ ཀིཉྩི ཡིཊྛཉྩ ཧུཏཉྩ [ཡིཊྛཾཝ ཧུཏཾཝ (སཱི. པཱི.)] མཡ྄ཧཾ, སབྦསྶ ནོ ཨིསྶརཱ ཏྭཾ སུགཏྟེ;

སུསོཎི སུབྦྷམུ [སུབྦྷུ (སཱི.), སུབྦྷཱ (སྱཱ.)] སུཝིལགྒམཛ྄ཛྷེ [སུཝིལཱཀམཛ྄ཛྷེ (སྱཱ. པཱི. སཱི. ཨཊྛ.), སུཝིལཱཏམཛ྄ཛྷེ (ཀ.)], ཀིསྶ མེ ཀམྨསྶ ཨཡཾ ཝིཔཱཀོ.

གྷམྨེ ¶ པཐེ བྲཱཧྨཎ ཨེཀབྷིཀྑུཾ, ཨུགྒྷཊྚཔཱདཾ ཏསིཏཾ ཀིལནྟཾ;

པཊིཔཱདཡཱི སངྑ ཨུཔཱཧནཱནི [ཨུཔཱཧནཱཧི (སཱི. པཱི.)], སཱ དཀྑིཎཱ ཀཱམདུཧཱ ཏཝཛྫ.

སཱ ¶ ཧོཏུ ནཱཝཱ ཕལཀཱུཔཔནྣཱ, ཨནཝསྶུཏཱ ཨེརཀཝཱཏཡུཏྟཱ;

ཨཉྙསྶ ཡཱནསྶ ན ཧེཏྠ [ན ཧཏྠི (པཱི.)] བྷཱུམི, ཨཛྫེཝ མཾ མོལི༹ནིཾ པཱཔཡསྶུ.

སཱ ¶ ཏཏྠ ཝིཏྟཱ སུམནཱ པཏཱིཏཱ, ནཱཝཾ སུཙིཏྟཾ ཨབྷིནིམྨིནིཏྭཱ;

ཨཱདཱཡ སངྑཾ པུརིསེན སདྡྷིཾ, ཨུཔཱནཡཱི ནགརཾ སཱདྷུརམྨནྟི.

ཡོ ཏེ ཨིམཾ ཝིསཱལཀྑིཾ, པིཡཾ སམྷིཏབྷཱསིནིཾ [སམྨིལླབྷཱསིནིཾ (སཱི. པཱི.), སམྨིལླཧཱསིནིཾ (སྱཱ.)];

ཨཱདཱཡ བལཱ གཙྪེཡྻ, ཀིཾ ནུ ཀཡིརཱསི བྲཱཧྨཎ.

ཨུཔྤཛྫེ [ཨུཔྤཛྫ (སཱི. པཱི.)] མེ ན མུཙྩེཡྻ, ན མེ མུཙྩེཡྻ ཛཱིཝཏོ;

རཛཾཝ ¶ ཝིཔུལཱ ཝུཊྛི, ཁིཔྤམེཝ ནིཝཱརཡེ [ནིཝཱརཡིཾ (ཀ.)].

ཡཾ ནུ པུབྦེ ཝིཀཏྠིཏྠོ [ཝིཀཏྠིཏོ (ཀ. སཱི. སྱཱ. ཀ.)], བལམྷིཝ ཨཔསྶིཏོ;

སྭཛྫ ཏུཎྷིཀཏོ [ཏུཎྷིཀཏོ (སཱི.), ཏུཎྷིཀྑཀོ (པཱི.)] དཱནི, སངྒྷཱཊིཾ སིབྦམཙྪསི.

ཨུཔྤཛྫི མེ ན མུཙྩིཏྠ, ན མེ མུཙྩིཏྠ ཛཱིཝཏོ;

རཛཾཝ ཝིཔུལཱ ཝུཊྛི, ཁིཔྤམེཝ ནིཝཱརཡིཾ.

ཀིཾ ཏེ ཨུཔྤཛྫི ནོ མུཙྩི, ཀིཾ ཏེ ན མུཙྩི ཛཱིཝཏོ;

རཛཾཝ ཝིཔུལཱ ཝུཊྛི, ཀཏམཾ ཏྭཾ ནིཝཱརཡི.

ཡམྷི ཛཱཏེ ན པསྶཏི, ཨཛཱཏེ སཱདྷུ པསྶཏི;

སོ མེ ཨུཔྤཛྫི ནོ མུཙྩི, ཀོདྷོ དུམྨེདྷགོཙརོ.

ཡེན ཛཱཏེན ནནྡནྟི, ཨམིཏྟཱ དུཀྑམེསིནོ;

སོ མེ ཨུཔྤཛྫི ནོ མུཙྩི, ཀོདྷོ དུམྨེདྷགོཙརོ.

ཡསྨིཉྩ ¶ ཛཱཡམཱནམྷི, སདཏྠཾ ནཱཝབུཛ྄ཛྷཏི;

སོ མེ ཨུཔྤཛྫི ནོ མུཙྩི, ཀོདྷོ དུམྨེདྷགོཙརོ.

ཡེནཱབྷིབྷཱུཏོ ཀུསལཾ ཛཧཱཏི, པརཀྐརེ ཝིཔུལཉྩཱཔི ཨཏྠཾ;

ས བྷཱིམསེནོ བལཝཱ པམདྡཱི, ཀོདྷོ མཧཱརཱཛ ན མེ ཨམུཙྩཐ.

ཀཊྛསྨིཾ མཏྠམཱནསྨིཾ [མནྠམཱནསྨིཾ (པཱི.), མདྡམཱནསྨིཾ (ཀ.)], པཱཝཀོ ནཱམ ཛཱཡཏི;

ཏམེཝ ཀཊྛཾ ཌཧཏི, ཡསྨཱ སོ ཛཱཡཏེ གིནི.

ཨེཝཾ མནྡསྶ པོསསྶ, བཱལསྶ ཨཝིཛཱནཏོ;

སཱརམྦྷཱ ¶ [སཱརབྦྷཱ (ཀ.)] ཛཱཡཏེ ཀོདྷོ, སོཔི ཏེནེཝ ཌཡ྄ཧཏི.

ཨགྒཱིཝ ཏིཎཀཊྛསྨིཾ, ཀོདྷོ ཡསྶ པཝཌྜྷཏི;

ནིཧཱིཡཏི ཏསྶ ཡསོ, ཀཱལ༹པཀྑེཝ ཙནྡིམཱ.

ཨནེདྷོ ¶ [ཨནིནྡྷོ (སཱི. ཀ.), ཨནིནྡོ (སྱཱ.)] དྷཱུམཀེཏཱུཝ, ཀོདྷོ ཡསྶཱུཔསམྨཏི;

ཨཱཔཱུརཏི ཏསྶ ཡསོ, སུཀྐཔཀྑེཝ ཙནྡིམཱཏི.

སཏྟཱཧམེཝཱཧཾ པསནྣཙིཏྟོ, པུཉྙཏྠིཀོ ཨཱཙརིཾ [ཨཙརིཾ (སཱི. སྱཱ. པཱི.)] བྲཧྨཙརིཡཾ;

ཨཐཱཔརཾ ཡཾ ཙརིཏཾ མམེདཾ [མམ ཡིདཾ (སྱཱ.), མམཱཡིདཾ (པཱི.)], ཝསྶཱནི པཉྙཱས སམཱདྷིཀཱནི;

ཨཀཱམཀོ ཝཱཔི [ཝཱཧི (པཱི. ཀ.)] ཨཧཾ ཙརཱམི, ཨེཏེན ¶ སཙྩེན སུཝཏྠི ཧོཏུ;

ཡསྨཱ ¶ དཱནཾ ནཱབྷིནནྡིཾ ཀདཱཙི, དིསྭཱནཧཾ ཨཏིཐིཾ ཝཱསཀཱལེ;

ན ཙཱཔི མེ ཨཔྤིཡཏཾ ཨཝེདུཾ, བཧུསྶུཏཱ སམཎབྲཱཧྨཎཱ ཙ.

ཨཀཱམཀོ ཝཱཔི ཨཧཾ དདཱམི, ཨེཏེན སཙྩེན སུཝཏྠི ཧོཏུ;

ཨཱསཱིཝིསོ ཏཱཏ པཧཱུཏཏེཛོ, ཡོ ཏཾ ཨདཾསཱི [ཨཌཾསཱི (སྱཱ.)] སཙརཱ [བིལརཱ (སཱི.), པིལཱ༹རཱ (སྱཱ.), པཏརཱ (པཱི.)] ཨུདིཙྩ;

ཏསྨིཉྩ མེ ཨཔྤིཡཏཱཡ ཨཛྫ, པིཏརི ཙ ཏེ ནཏྠི ཀོཙི ཝིསེསོ;

ཨེཏེན སཙྩེན སུཝཏྠི ཧོཏུ, ཧཏཾ ཝིསཾ ཛཱིཝཏུ ཡཉྙདཏྟོ.

སནྟཱ དནྟཱཡེཝ [དནྟཱ སནྟཱ ཡེ ཙ (སྱཱ. ཀ.)] པརིབྦཛནྟི, ཨཉྙཏྲ ཀཎྷཱ ནཏྠཱཀཱམརཱུཔཱ [ཨནཀཱམརཱུཔཱ (སཱི. སྱཱ. པཱི.)];

དཱིཔཱཡན ཀིསྶ ཛིགུཙྪམཱནོ, ཨཀཱམཀོ ཙརསི བྲཧྨཙརིཡཾ.

སདྡྷཱཡ ནིཀྑམྨ པུནཾ ནིཝཏྟོ, སོ ཨེལ༹མཱུགོཝ བཱལོ [ཨེལ༹མཱུགོ ཙཔལོ (སྱཱ. ཀ.)] ཝཏཱཡཾ;

ཨེཏསྶ ཝཱདསྶ ཛིགུཙྪམཱནོ, ཨཀཱམཀོ ཙརཱམི བྲཧྨཙརིཡཾ;

ཝིཉྙུཔྤསཏྠཉྩ སཏཉྩ ཋཱནཾ [ཝིཉྙཱུཔསཏྠཾ ཝསིཏཾ ཙ ཋཱནཾ (ཀ.)], ཨེཝམྤཧཾ པུཉྙཀརོ བྷཝཱམི.

སམཎེ ¶ ཏུཝཾ བྲཱཧྨཎེ ཨདྡྷིཀེ ཙ, སནྟཔྤཡཱསི ¶ ཨནྣཔཱནེན བྷིཀྑཾ;

ཨོཔཱནབྷཱུཏཾཝ གྷརཾ ཏཝ ཡིདཾ, ཨནྣེན པཱནེན ཨུཔེཏརཱུཔཾ;

ཨཐ ཀིསྶ ཝཱདསྶ ཛིགུཙྪམཱནོ, ཨཀཱམཀོ དཱནམིམཾ དདཱསི.

པིཏརོ ཙ མེ ཨཱསུཾ པིཏཱམཧཱ ཙ, སདྡྷཱ ཨཧུཾ དཱནཔཏཱི ཝདཉྙཱུ;

ཏཾ ཀུལླཝཏྟཾ ཨནུཝཏྟམཱནོ, མཱཧཾ ཀུལེ ཨནྟིམགནྡྷནོ [གནྡྷིནོ (སྱཱ. པཱི. ཀ.), གནྡྷིནཱི (སཱི.)] ཨཧུཾ;

ཨེཏསྶ ཝཱདསྶ ཛིགུཙྪམཱནོ, ཨཀཱམཀོ དཱནམིམཾ དདཱམི.

དཧརིཾ ཀུམཱརིཾ ཨསམཏྠཔཉྙཾ, ཡཾ ཏཱནཡིཾ ཉཱཏིཀུལཱ སུགཏྟེ;

ན ཙཱཔི མེ ཨཔྤིཡཏཾ ཨཝེདི, ཨཉྙཏྲ ཀཱམཱ པརིཙཱརཡནྟཱ [པརིཙཱརཡནྟཱི (སཱི. པཱི.)];

ཨཐ ཀེན ཝཎྞེན མཡཱ ཏེ བྷོཏི, སཾཝཱསདྷམྨོ ཨཧུ ཨེཝརཱུཔོ.

ཨཱརཱ ¶ དཱུརེ ནཡིདྷ ཀདཱཙི ཨཏྠི, པརམྤརཱ ནཱམ ཀུལེ ཨིམསྨིཾ;

ཏཾ ཀུལླཝཏྟཾ ཨནུཝཏྟམཱནཱ, མཱཧཾ ¶ ཀུལེ ཨནྟིམགནྡྷིནཱི ཨཧུཾ;

ཨེཏསྶ ཝཱདསྶ ཛིགུཙྪམཱནཱ, ཨཀཱམིཀཱ པདྡྷཙརཱམྷི [པཊྛཙརཱམྷི (སྱཱ. ཀ.)] ཏུཡ྄ཧཾ.

མཎྜབྱ ¶ བྷཱསིཾ ཡམབྷཱསནེཡྻཾ [བྷཱསིསྶཾ ཨབྷཱསནེཡྻཾ (སཱི. སྱཱ. པཱི.), བྷཱསིསྶ’མབྷཱསནེཡྻཾ (?)], ཏཾ ཁམྱཏཾ པུཏྟཀཧེཏུ མཛྫ;

པུཏྟཔེམཱ ན ཨིདྷ པརཏྠི ཀིཉྩི, སོ ནོ ཨཡཾ ཛཱིཝཏི ཡཉྙདཏྟོཏི.

ཀཎྷདཱིཔཱཡནཛཱཏཀཾ [མཎྜབྱཛཱཏཀཾ (སྱཱ. ཀ.)] ཚཊྛཾ.

ན ཝཱཧམེཏཾ [ན ཙཱཧམེཏཾ (སཱི.)] ཛཱནཱམི, ཀོ ཝཱཡཾ ཀསྶ ཝཱཏི ཝཱ [ཙཱཏི ཝཱ (སཱི.)];

ཡཐཱ སཱཁོ ཙརི [ཝདཱི (སཱི. སྱཱ. པཱི.)] ཨེཝཾ, ནིགྲོདྷ ཀིནྟི མཉྙསི.

ཏཏོ གལཝིནཱིཏེན, པུརིསཱ ནཱིཧརིཾསུ མཾ;

དཏྭཱ མུཁཔཧཱརཱནི, སཱཁསྶ ཝཙནཾཀརཱ.

ཨེཏཱདིསཾ དུམྨཏིནཱ, ཨཀཏཉྙུན དུབྦྷིནཱ;

ཀཏཾ ཨནརིཡཾ སཱཁེན, སཁིནཱ ཏེ ཛནཱདྷིཔ.

ན ཝཱཧམེཏཾ ཛཱནཱམི, ནཔི མེ ཀོཙི སཾསཏི;

ཡཾ མེ ཏྭཾ སམྨ ཨཀྑཱསི, སཱཁེན ཀཱརཎཾ [ཀཌྜྷནཾ (སཱི. སྱཱ.)] ཀཏཾ.

སཁཱིནཾ ¶ སཱཛཱིཝཀརོ, མམ སཱཁསྶ ཙཱུབྷཡཾ;

ཏྭཾ ནོསིསྶརིཡཾ དཱཏཱ, མནུསྶེསུ མཧནྟཏཾ;

ཏཡཱམཱ ལབྦྷིཏཱ ཨིདྡྷཱི, ཨེཏྠ མེ ནཏྠི སཾསཡོ.

ཡཐཱཔི བཱིཛམགྒིམྷི, ཌཡ྄ཧཏི ན ཝིརཱུཧཏི;

ཨེཝཾ ཀཏཾ ཨསཔྤུརིསེ, ནསྶཏི ན ཝིརཱུཧཏི.

ཀཏཉྙུམྷི ཙ པོསམྷི, སཱིལཝནྟེ ཨརིཡཝུཏྟིནེ;

སུཁེཏྟེ ཝིཡ བཱིཛཱནི, ཀཏཾ ཏམྷི ན ནསྶཏི.

ཨིམཾ ཛམྨཾ ནེཀཏིཀཾ, ཨསཔྤུརིསཙིནྟཀཾ;

ཧནནྟུ སཱཁཾ སཏྟཱིཧི, ནཱསྶ ཨིཙྪཱམི ཛཱིཝིཏཾ.

ཁམཏསྶ ¶ མཧཱརཱཛ, པཱཎཱ ན པཊིཨཱནཡཱ [དུཔྤཊིཨཱནཡཱ (སཱི. སྱཱ. པཱི.)];

ཁམ དེཝ ཨསཔྤུརིསསྶ, ནཱསྶ ཨིཙྪཱམཧཾ ཝདྷཾ.

ནིགྲོདྷམེཝ སེཝེཡྻ, ན སཱཁམུཔསཾཝསེ;

ནིགྲོདྷསྨིཾ མཏཾ སེཡྻོ, ཡཉྩེ སཱཁསྨི ཛཱིཝིཏནྟི.

ན ¶ ཏཀྐལཱ སནྟི ན ཨཱལུཝཱནི [ཨཱལུཔཱནི (སཱི. སྱཱ. པཱི.)], ན བིལཱ༹ལིཡོ ན ཀལ༹མྦཱནི ཏཱཏ;

ཨེཀོ ཨརཉྙམྷི སུསཱནམཛ྄ཛྷེ, ཀིམཏྠིཀོ ཏཱཏ ཁཎཱསི ཀཱསུཾ.

པིཏཱམཧོ ¶ ཏཱཏ སུདུབྦལོ ཏེ, ཨནེཀབྱཱདྷཱིཧི དུཁེན ཕུཊྛོ;

ཏམཛྫཧཾ ནིཁཎིསྶཱམི སོབྦྷེ, ན ཧིསྶ ཏཾ ཛཱིཝིཏཾ རོཙཡཱམི.

སངྐཔྤམེཏཾ པཊིལདྡྷ པཱཔཀཾ, ཨཙྩཱཧིཏཾ ཀམྨ ཀརོསི ལུདྡཾ;

མཡཱཔི ཏཱཏ པཊིལཙྪསེ ཏུཝཾ, ཨེཏཱདིསཾ ཀམྨ ཛརཱུཔནཱིཏོ;

ཏཾ ཀུལླཝཏྟཾ ཨནུཝཏྟམཱནོ, ཨཧམྤི ཏཾ ནིཁཎིསྶཱམི སོབྦྷེ.

ཕརུསཱཧི ཝཱཙཱཧི པཀུབྦམཱནོ, ཨཱསཛྫ མཾ ཏྭཾ ཝདསེ ཀུམཱར;

པུཏྟོ མམཾ ཨོརསཀོ སམཱནོ, ཨཧིཏཱནུཀམྤཱི མམ ཏྭཾསི པུཏྟ.

ན ¶ ཏཱཧཾ [ཏྱཱཧཾ (སྱཱ.)] ཏཱཏ ཨཧིཏཱནུཀམྤཱི, ཧིཏཱནུཀམྤཱི ཏེ ཨཧམྤི [ཨཧཉྷི (སྱཱ.)] ཏཱཏ;

པཱཔཉྩ ཏཾ ཀམྨ པཀུབྦམཱནཾ, ཨརཧཱམི ནོ ཝཱརཡིཏུཾ ཏཏོ.

ཡོ མཱཏརཾ ཝཱ པིཏརཾ སཝིཊྛ [མཱཏརཾ པིཏརཾ ཝཱ ཝསིཊྛ (སཱི. པཱི.)], ཨདཱུསཀེ ཧིཾསཏི པཱཔདྷམྨོ;

ཀཱཡསྶ ¶ བྷེདཱ ཨབྷིསམྤརཱཡཾ, ཨསཾསཡཾ སོ ནིརཡཾ ཨུཔེཏི [པརེཏི (སཱི. པཱི.)].

ཡོ མཱཏརཾ ཝཱ པིཏརཾ སཝིཊྛ, ཨནྣེན པཱནེན ཨུཔཊྛཧཱཏི;

ཀཱཡསྶ བྷེདཱ ཨབྷིསམྤརཱཡཾ, ཨསཾསཡཾ སོ སུགཏིཾ ཨུཔེཏི.

ན མེ ཏྭཾ པུཏྟ ཨཧིཏཱནུཀམྤཱི, ཧིཏཱནུཀམྤཱི མེ [མམ (?)] ཏྭཾསི པུཏྟ;

ཨཧཉྩ ཏཾ མཱཏརཱ ཝུཙྩམཱནོ, ཨེཏཱདིསཾ ཀམྨ ཀརོམི ལུདྡཾ.

ཡཱ ཏེ སཱ བྷརིཡཱ ཨནརིཡརཱུཔཱ, མཱཏཱ མམེསཱ སཀིཡཱ ཛནེཏྟི;

ནིདྡྷཱཔཡེ [ནིདྡྷཱམསེ (པཱི.)] ཏཉྩ སཀཱ ཨགཱརཱ, ཨཉྙམྤི ཏེ སཱ དུཁམཱཝཧེཡྻ.

ཡཱ ཏེ སཱ བྷརིཡཱ ཨནརིཡརཱུཔཱ, མཱཏཱ མམེསཱ སཀིཡཱ ཛནེཏྟི;

དནྟཱ ཀརེཎཱུཝ ཝསཱུཔནཱིཏཱ, སཱ པཱཔདྷམྨཱ པུནརཱཝཛཱཏཱུཏི.

ཀིཾ ¶ ¶ ཏེ ཝཏཾ ཀིཾ པན བྲཧྨཙརིཡཾ, ཀིསྶ སུཙིཎྞསྶ ཨཡཾ ཝིཔཱཀོ;

ཨཀྑཱཧི མེ བྲཱཧྨཎ ཨེཏམཏྠཾ, ཀསྨཱ ནུ ཏུམྷཾ དཧརཱ ན མིཡྻརེ [མཱིཡརེ (སཱི. པཱི.)].

དྷམྨཾ ཙརཱམ ན མུསཱ བྷཎཱམ, པཱཔཱནི ཀམྨཱནི པརིཝཛྫཡཱམ [ཝིཝཛྫཡཱམ (སཱི. སྱཱ. པཱི.)];

ཨནརིཡཾ པརིཝཛྫེམུ སབྦཾ, ཏསྨཱ ཧི ཨམྷཾ དཧརཱ ན མིཡྻརེ.

སུཎོམ ¶ དྷམྨཾ ཨསཏཾ སཏཉྩ, ན ཙཱཔི དྷམྨཾ ཨསཏཾ རོཙཡཱམ;

ཧིཏྭཱ ཨསནྟེ ན ཛཧཱམ སནྟེ, ཏསྨཱ ཧི ཨམྷཾ དཧརཱ ན མིཡྻརེ.

པུབྦེཝ དཱནཱ སུམནཱ བྷཝཱམ, དདམྤི ཝེ ཨཏྟམནཱ བྷཝཱམ;

དཏྭཱཔི ཝེ ནཱནུཏཔྤཱམ པཙྪཱ, ཏསྨཱ ཧི ཨམྷཾ དཧརཱ ན མིཡྻརེ.

སམཎེ མཡཾ བྲཱཧྨཎེ ཨདྡྷིཀེ ཙ, ཝནིབྦཀེ ཡཱཙནཀེ དལིདྡེ;

ཨནྣེན པཱནེན ཨབྷིཏཔྤཡཱམ, ཏསྨཱ ¶ ཧི ཨམྷཾ དཧརཱ ན མིཡྻརེ.

མཡཉྩ བྷརིཡཾ ནཱཏིཀྐམཱམ, ཨམྷེ ཙ བྷརིཡཱ ནཱཏིཀྐམནྟི;

ཨཉྙཏྲ ཏཱཧི བྲཧྨཙརིཡཾ ཙརཱམ, ཏསྨཱ ཧི ཨམྷཾ དཧརཱ ན མིཡྻརེ.

པཱཎཱཏིཔཱཏཱ ¶ ཝིརམཱམ སབྦེ, ལོཀེ ཨདིནྣཾ པརིཝཛྫཡཱམ;

ཨམཛྫཔཱ ནོཔི མུསཱ བྷཎཱམ, ཏསྨཱ ཧི ཨམྷཾ དཧརཱ ན མིཡྻརེ.

ཨེཏཱསུ ཝེ ཛཱཡརེ སུཏྟམཱསུ, མེདྷཱཝིནོ ཧོནྟི པཧཱུཏཔཉྙཱ;

བཧུསྶུཏཱ ཝེདགུནོ [ཝེདགུཎཱ (སྱཱ. ཀ.)] ཙ ཧོནྟི, ཏསྨཱ ཧི ཨམྷཾ དཧརཱ ན མིཡྻརེ.

མཱཏཱ པིཏཱ ཙ [མཱཏཱ ཙ པིཏཱ (ཀ.), མཱཏཱཔིཏརཱ (སྱཱ.)] བྷགིནཱི བྷཱཏརོ ཙ, པུཏྟཱ ཙ དཱརཱ ཙ མཡཉྩ སབྦེ;

དྷམྨཾ ཙརཱམ པརལོཀཧེཏུ, ཏསྨཱ ཧི ཨམྷཾ དཧརཱ ན མིཡྻརེ.

དཱསཱ ཙ དཱསྱོ [དཱསྶོ (སཱི. པཱི.), དཱསཱི (སྱཱ.)] ཨནུཛཱིཝིནོ ཙ, པརིཙཱརཀཱ ཀམྨཀརཱ ཙ སབྦེ;

དྷམྨཾ ཙརནྟི པརལོཀཧེཏུ, ཏསྨཱ ¶ ཧི ཨམྷཾ དཧརཱ ན མིཡྻརེ.

དྷམྨོ ཧཝེ རཀྑཏི དྷམྨཙཱརིཾ, དྷམྨོ སུཙིཎྞོ སུཁམཱཝཧཱཏི;

ཨེསཱནིསཾསོ དྷམྨེ སུཙིཎྞེ, ན དུགྒཏིཾ གཙྪཏི དྷམྨཙཱརཱི.

དྷམྨོ ཧཝེ རཀྑཏི དྷམྨཙཱརིཾ, ཚཏྟཾ མཧནྟཾ ཝིཡ ཝསྶཀཱལེ;

དྷམྨེན གུཏྟོ མམ དྷམྨཔཱལོ, ཨཉྙསྶ ཨཊྛཱིནི སུཁཱི ཀུམཱརོཏི.

ནཱསྨསེ ¶ ཀཏཔཱཔམྷི, ནཱསྨསེ ཨལིཀཝཱདིནེ;

ནཱསྨསེ ཨཏྟཏྠཔཉྙམྷི, ཨཏིསནྟེཔི ནཱསྨསེ.

བྷཝནྟི ཧེཀེ པུརིསཱ, གོཔིཔཱསིཀཛཱཏིཀཱ [གོཔིཔཱསཀཛཱཏིཀཱ (སཱི. སྱཱ. པཱི.)];

གྷསནྟི མཉྙེ མིཏྟཱནི, ཝཱཙཱཡ ན ཙ ཀམྨུནཱ.

སུཀྑཉྫལིཔགྒཧིཏཱ, ཝཱཙཱཡ པལིགུཎྛིཏཱ;

མནུསྶཕེགྒཱུ ནཱསཱིདེ, ཡསྨིཾ ནཏྠི ཀཏཉྙུཏཱ.

ན ¶ ཧི ཨཉྙཉྙཙིཏྟཱནཾ, ཨིཏྠཱིནཾ པུརིསཱན ཝཱ;

ནཱནཱཝིཀཏྭཱ [ནཱནཱཝ ཀཏྭཱ (སཱི. པཱི.)] སཾསགྒཾ, ཏཱདིསམྤི ཙ ནཱསྨསེ [ཏཱདིསམྤི ན ཝིསྶསེ (སྱཱ.)].

ཨནརིཡཀམྨམོཀྐནྟཾ ¶ , ཨཐེཏཾ [ཨཏྠེཏཾ (སཱི. སྱཱ. པཱི.)] སབྦགྷཱཏིནཾ;

ནིསིཏཾཝ པཊིཙྪནྣཾ, ཏཱདིསམྤི ཙ ནཱསྨསེ.

མིཏྟརཱུཔེནིདྷེཀཙྩེ, སཱཁལྱེན ཨཙེཏསཱ;

ཝིཝིདྷེཧི ཨུཔཱཡནྟི, ཏཱདིསམྤི ཙ ནཱསྨསེ.

ཨཱམིསཾ ཝཱ དྷནཾ ཝཱཔི, ཡཏྠ པསྶཏི ཏཱདིསོ;

དུབྦྷིཾ ཀརོཏི དུམྨེདྷོ, ཏཉྩ ཧནྟྭཱན [ཛྷཱཏྭཱན (སཱི. པཱི.), ཧིཏྭཱན (སྱཱ.)] གཙྪཏི.

མིཏྟརཱུཔེན བཧཝོ, ཚནྣཱ སེཝནྟི སཏྟཝོ;

ཛཧེ ཀཱཔུརིསེ ཧེཏེ, ཀུཀྐུཊོ ཝིཡ སེནཀཾ.

ཡོ ཙ [ཡོདྷ (ཛཱ. ༡.༨.༢༥ སུལསཱཛཱཏཀེ)] ཨུཔྤཏིཏཾ ཨཏྠཾ, ན ཁིཔྤམནུབུཛ྄ཛྷཏི;

ཨམིཏྟཝསམནྭེཏི, པཙྪཱ ཙ ཨནུཏཔྤཏི.

ཡོ ཙ ཨུཔྤཏིཏཾ ཨཏྠཾ, ཁིཔྤམེཝ ནིབོདྷཏི;

མུཙྩཏེ སཏྟུསམྦཱདྷཱ, ཀུཀྐུཊོ ཝིཡ སེནཀཱ;

ཏཾ ཏཱདིསཾ ཀཱུཊམིཝོཌྜིཏཾ ཝནེ, ཨདྷམྨིཀཾ ནིཙྩཝིདྷཾསཀཱརིནཾ;

ཨཱརཱ ཝིཝཛྫེཡྻ ནརོ ཝིཙཀྑཎོ, སེནཾ ཡཐཱ ཀུཀྐུཊོ ཝཾསཀཱནནེཏི.

ཨལངྐཏོ ¶ ¶ མཊྛཀུཎྜལཱི [མཊྚཀུཎྜལཱི (སཱི. པཱི.)], མཱལདྷཱརཱི [མཱལབྷཱརཱི (སཱི. པཱི.)] ཧརིཙནྡནུསྶདོ;

བཱཧཱ པགྒཡ྄ཧ ཀནྡསི, ཝནམཛ྄ཛྷེ ཀིཾ དུཀྑིཏོ ཏུཝཾ.

སོཝཎྞམཡོ པབྷསྶརོ, ཨུཔྤནྣོ རཐཔཉྫརོ མམ;

ཏསྶ ཙཀྐཡུགཾ ན ཝིནྡཱམི, ཏེན དུཀྑེན ཛཧཱམི ཛཱིཝིཏཾ.

སོཝཎྞམཡཾ མཎཱིམཡཾ, ལོཧམཡཾ ཨཐ རཱུཔིཡཱམཡཾ;

[ཨཱཙིཀྑ མེ བྷདྡམཱཎཝ (ཝི. ཝ. ༡༢༠༩)] པཱཝད རཐཾ ཀརིསྶཱམི [ཀཱརཡཱམི (སཱི. པཱི.)] ཏེ [ཨཱཙིཀྑ མེ བྷདྡམཱཎཝ (ཝི. ཝ. ༡༢༠༩)], ཙཀྐཡུགཾ པཊིཔཱདཡཱམི ཏཾ.

སོ [ཨཐ (སྱཱ.)] མཱཎཝོ ཏསྶ པཱཝདི, ཙནྡིམསཱུརིཡཱ [ཙནྡིམསཱུརིཡཱ (སྱཱ.)] ཨུབྷཡེཏྠ བྷཱཏརོ [དིསྶརེ (ཝི. ཝ. ༡༢༡༠)];

སོཝཎྞམཡོ རཐོ མམ, ཏེན ཙཀྐཡུགེན སོབྷཏི.

བཱལོ ཁོ ཏྭཾསི མཱཎཝ, ཡོ ཏྭཾ པཏྠཡསེ ཨཔཏྠིཡཾ;

མཉྙཱམི ཏུཝཾ མརིསྶསི, ན ¶ ཧི ཏྭཾ ལཙྪསི ཙནྡསཱུརིཡེ.

གམནཱགམནམྤི ¶ དིསྶཏི, ཝཎྞདྷཱཏུ ཨུབྷཡེཏྠ ཝཱིཐིཡོ;

པེཏོ པན ནེཝ དིསྶཏི, ཀོ ནུ ཁོ [ཀོ ནིདྷ (ཝི. ཝ. ༡༢༡༢)] ཀནྡཏཾ བཱལྱཏརོ.

སཙྩཾ ¶ ཁོ ཝདེསི མཱཎཝ, ཨཧམེཝ ཀནྡཏཾ བཱལྱཏརོ;

ཙནྡཾ ཝིཡ དཱརཀོ རུདཾ, པེཏཾ ཀཱལཀཏཱབྷིཔཏྠཡེ.

ཨཱདིཏྟཾ ཝཏ མཾ སནྟཾ, གྷཏསིཏྟཾཝ པཱཝཀཾ;

ཝཱརིནཱ ཝིཡ ཨོསིཉྩཾ, སབྦཾ ནིབྦཱཔཡེ དརཾ.

ཨབྦཧཱི [ཨབྦུཧི (སྱཱ.), ཨབྦྷུལ༹ྷཾ (ཀ.)] ཝཏ མེ སལླཾ, ཡམཱསི ཧདཡསྶིཏཾ [སོཀཾ ཧདཡནིསྶིཏཾ (ཝི. ཝ. ༡༢༡༥)];

ཡོ མེ སོཀཔརེཏསྶ, པུཏྟསོཀཾ ཨཔཱནུདི.

སོཧཾ ཨབྦཱུལ༹ྷསལློསྨི, ཝཱིཏསོཀོ ཨནཱཝིལོ;

ན སོཙཱམི ན རོདཱམི, ཏཝ སུཏྭཱན མཱཎཝཱཏི.

ཨཔཙནྟཱཔི དིཙྪནྟི, སནྟོ ལདྡྷཱན བྷོཛནཾ;

ཀིམེཝ ཏྭཾ པཙམཱནོ, ཡཾ ན དཛྫཱ ན ཏཾ སམཾ.

མཙྪེརཱ ¶ ཙ པམཱདཱ ཙ, ཨེཝཾ དཱནཾ ན དིཡྻཏི;

པུཉྙཾ ཨཱཀངྑམཱནེན, དེཡྻཾ ཧོཏི ཝིཛཱནཏཱ.

ཡསྶེཝ བྷཱིཏོ ན དདཱཏི མཙྪརཱི, ཏདེཝཱདདཏོ བྷཡཾ;

ཛིགྷཙྪཱ ཙ པིཔཱསཱ ཙ, ཡསྶ བྷཱཡཏི མཙྪརཱི;

ཏམེཝ བཱལཾ ཕུསཏི, ཨསྨིཾ ལོཀེ པརམྷི ཙ.

ཏསྨཱ ཝིནེཡྻ མཙྪེརཾ, དཛྫཱ དཱནཾ མལཱབྷིབྷཱུ;

པུཉྙཱནི པརལོཀསྨིཾ, པཏིཊྛཱ ཧོནྟི པཱཎིནཾ.

དུདྡདཾ དདམཱནཱནཾ, དུཀྐརཾ ཀམྨ ཀུབྦཏཾ;

ཨསནྟོ ནཱནུཀུབྦནྟི, སཏཾ དྷམྨོ དུརནྣཡོ.

ཏསྨཱ སཏཉྩ ཨསཏཾ [ཨསཏཉྩ (སཱི. སྱཱ. པཱི.)], ནཱནཱ ཧོཏི ཨིཏོ གཏི;

ཨསནྟོ ནིརཡཾ ཡནྟི, སནྟོ སགྒཔརཱཡནཱ.

ཨཔྤསྨེཀེ ¶ [ཨཔྤམྤེཀེ (སྱཱ.)] པཝེཙྪནྟི, བཧུནེཀེ ན དིཙྪརེ;

ཨཔྤསྨཱ དཀྑིཎཱ དིནྣཱ, སཧསྶེན སམཾ མིཏཱ.

དྷམྨཾ ཙརེ ཡོཔི སམུཉྪཀཾ ཙརེ, དཱརཉྩ པོསཾ དདམཔྤཀསྨིཾ [དདཾ ཨཔྤཀསྨིཔི (པཱི.)];

སཏཾ སཧསྶཱནཾ སཧསྶཡཱགིནཾ, ཀལམྤི ¶ ནཱགྒྷནྟི ཏཐཱཝིདྷསྶ ཏེ.

ཀེནེས ¶ ཡཉྙོ ཝིཔུལོ མཧགྒྷཏོ [མཧགྒཏོ (སཾ. ནི. ༡.༣༢)], སམེན དིནྣསྶ ན ཨགྒྷམེཏི;

ཀཐཾ སཏཾ སཧསྶཱནཾ [ཀཐཾ སཧསྶཱནཾ (སཱི. སྱཱ. པཱི.)] སཧསྶཡཱགིནཾ, ཀལམྤི ནཱགྒྷནྟི ཏཐཱཝིདྷསྶ ཏེ.

དདནྟི ཧེཀེ ཝིསམེ ནིཝིཊྛཱ, ཚེཏྭཱ [ཛྷཏྭཱ (སཱི. པཱི.), གྷཏྭཱ (སྱཱ.)] ཝདྷིཏྭཱ ཨཐ སོཙཡིཏྭཱ;

སཱ དཀྑིཎཱ ཨསྶུམུཁཱ སདཎྜཱ, སམེན དིནྣསྶ ན ཨགྒྷམེཏི;

ཨེཝཾ སཏཾ སཧསྶཱནཾ [ཨེཝཾ སཧསྶཱནཾ (སཱི. སྱཱ. པཱི.)] སཧསྶཡཱགིནཾ, ཀལམྤི ནཱགྒྷནྟི ཏཐཱཝིདྷསྶ ཏེཏི.

ཝཎྞཝཱ ཨབྷིརཱུཔོསི, གྷནོ སཉྫཱཏརོཧིཏོ;

ཙཀྐཝཱཀ སུརཱུཔོསི, ཝིཔྤསནྣམུཁིནྡྲིཡོ.

པཱཋཱིནཾ པཱཝུསཾ མཙྪཾ, བལཛཾ [ཝཱལཛཾ (སཱི. པཱི.), བལཛྫཾ (སྱཱ.)] མུཉྫརོཧིཏཾ;

གངྒཱཡ ཏཱིརེ ནིསིནྣོ [གངྒཱཏཱིརེ ནིསིནྣོསི (སྱཱ. ཀ.)], ཨེཝཾ བྷུཉྫསི བྷོཛནཾ.

ན ཝཱཧམེཏཾ [སབྦཏྠཔི སམཱནཾ] བྷུཉྫཱམི, ཛངྒལཱནོདཀཱནི ཝཱ;

ཨཉྙཏྲ སེཝཱལཔཎཀཱ, ཨེཏཾ [ཨཉྙཾ (སྱཱ.)] མེ སམྨ བྷོཛནཾ.

ན ¶ ཝཱཧམེཏཾ སདྡཧཱམི, ཙཀྐཝཱཀསྶ བྷོཛནཾ;

ཨཧམྤི སམྨ བྷུཉྫཱམི, གཱམེ ལོཎིཡཏེལིཡཾ.

མནུསྶེསུ ཀཏཾ བྷཏྟཾ, སུཙིཾ མཾསཱུཔསེཙནཾ;

ན ¶ ཙ མེ ཏཱདིསོ ཝཎྞོ, ཙཀྐཝཱཀ ཡཐཱ ཏུཝཾ.

སམྤསྶཾ ཨཏྟནི ཝེརཾ, ཧིཾསཡཾ [ཧིཾསཱཡ (སྱཱ. པཱི. ཀ.)] མཱནུསིཾ པཛཾ;

ཨུཏྲསྟོ གྷསསཱི བྷཱིཏོ, ཏེན ཝཎྞོ ཏཝེདིསོ.

སབྦལོཀཝིརུདྡྷོསི, དྷངྐ པཱཔེན ཀམྨུནཱ;

ལདྡྷོ པིཎྜོ ན པཱིཎེཏི, ཏེན ཝཎྞོ ཏཝེདིསོ.

ཨཧམྤི [ཨཧཉྩ (?)] སམྨ བྷུཉྫཱམི, ཨཧིཾསཾ སབྦཔཱཎིནཾ;

ཨཔྤོསྶུཀྐོ ནིརཱསངྐཱི, ཨསོཀོ ཨཀུཏོབྷཡོ.

སོ ཀརསྶུ ཨཱནུབྷཱཝཾ, ཝཱིཏིཝཏྟསྶུ སཱིལིཡཾ;

ཨཧིཾསཱཡ ཙར ལོཀེ, པིཡོ ཧོཧིསི མཾམིཝ.

ཡོ ན ཧནྟི ན གྷཱཏེཏི, ན ཛིནཱཏི ན ཛཱཔཡེ;

མེཏྟཾསོ སབྦབྷཱུཏེསུ, ཝེརཾ ཏསྶ ན ཀེནཙཱིཏི.

སཙྩཾ ¶ ཀིར ཏྭཾ ཨཔི [ཏྭམྤི (སཱི.), ཏུཝམྤི (སྱཱ.), ཏྭཾ ཨསི (ཀ.)] བྷཱུརིཔཉྙ, ཡཱ ཏཱདིསཱི སཱིརི དྷིཏཱི མཏཱི ཙ;

ན ཏཱཡཏེབྷཱཝཝསཱུཔནིཏཾ, ཡོ ཡཝཀཾ བྷུཉྫསི ཨཔྤསཱུཔཾ.

སུཁཾ དུཀྑེན པརིཔཱཙཡནྟོ, ཀཱལཱ ཀཱལཾ ཝིཙིནཾ ཚནྡཚནྣོ;

ཨཏྠསྶ ¶ དྭཱརཱནི ཨཝཱཔུརནྟོ, ཏེནཱཧཾ ཏུསྶཱམི ཡཝོདནེན.

ཀཱལཉྩ ¶ ཉཏྭཱ ཨབྷིཛཱིཧནཱཡ, མནྟེཧི ཨཏྠཾ པརིཔཱཙཡིཏྭཱ;

ཝིཛམྦྷིསྶཾ སཱིཧཝིཛམྦྷིཏཱནི, ཏཱཡིདྡྷིཡཱ དཀྑསི མཾ པུནཱཔི.

སུཁཱིཔི ཧེཀེ [སུཁཱི ཧི ཨེཀེ (སཱི.), སུཁཱིཏི ཧེཀེ (?)] ན ཀརོནྟི པཱཔཾ, ཨཝཎྞསཾསགྒབྷཡཱ པུནེཀེ;

པཧཱུ སམཱནོ ཝིཔུལཏྠཙིནྟཱི, ཀིཾཀཱརཎཱ མེ ན ཀརོསི དུཀྑཾ.

ན པཎྜིཏཱ ཨཏྟསུཁསྶ ཧེཏུ, པཱཔཱནི ཀམྨཱནི སམཱཙརནྟི;

དུཀྑེན ཕུཊྛཱ ཁལིཏཱཔི སནྟཱ, ཚནྡཱ ཙ དོསཱ ན ཛཧནྟི དྷམྨཾ.

ཡེན ཀེནཙི ཝཎྞེན, མུདུནཱ དཱརུཎེན ཝཱ;

ཨུདྡྷརེ དཱིནམཏྟཱནཾ, པཙྪཱ དྷམྨཾ སམཱཙརེ.

ཡསྶ རུཀྑསྶ ཚཱཡཱཡ, ནིསཱིདེཡྻ སཡེཡྻ ཝཱ;

ན ཏསྶ སཱཁཾ བྷཉྫེཡྻ, མིཏྟདུབྦྷོ ཧི པཱཔཀོ.

ཡསྶཱཔི [ཡསྶ ཧི (སཱི. ཀ.)] དྷམྨཾ པུརིསོ [མནུཛོ (སཱི.)] ཝིཛཉྙཱ, ཡེ ཙསྶ ཀངྑཾ ཝིནཡནྟི སནྟོ;

ཏཾ ¶ ཧིསྶ དཱིཔཉྩ པརཱཡནཉྩ, ན ཏེན མེཏྟིཾ ཛརཡེཐ པཉྙོ.

ཨལསོ གིཧཱི ཀཱམབྷོགཱི ན སཱདྷུ, ཨསཉྙཏོ པབྦཛིཏོ ན སཱདྷུ;

རཱཛཱ ན སཱདྷུ ཨནིསམྨཀཱརཱི, ཡོ པཎྜིཏོ ཀོདྷནོ ཏཾ ན སཱདྷུ.

ནིསམྨ ཁཏྟིཡོ ཀཡིརཱ, ནཱནིསམྨ དིསམྤཏི;

ནིསམྨཀཱརིནོ རཱཛ, ཡསོ ཀིཏྟི ཙ ཝཌྜྷཏཱིཏི.

ཀིཾསུ ¶ ནརོ ཛཔྤམདྷིཙྩཀཱལེ, ཀཾ ཝཱ ཝིཛྫཾ ཀཏམཾ ཝཱ སུཏཱནཾ;

སོ མཙྩོ ཨསྨིཉྩ [ཨསྨིཾཝ (པཱི.)] པརམྷི ལོཀེ, ཀཐཾ ཀརོ སོཏྠཱནེན གུཏྟོ.

ཡསྶ དེཝཱ པིཏརོ ཙ སབྦེ, སརཱིསཔཱ [སིརིཾསཔཱ (སཱི. སྱཱ. པཱི.)] སབྦབྷཱུཏཱནི ཙཱཔི;

མེཏྟཱཡ ནིཙྩཾ ཨཔཙིཏཱནི ཧོནྟི, བྷཱུཏེསུ ཝེ སོཏྠཱནཾ ཏདཱཧུ.

ཡོ ¶ སབྦལོཀསྶ ནིཝཱཏཝུཏྟི, ཨིཏྠཱིཔུམཱནཾ ¶ སཧདཱརཀཱནཾ;

ཁནྟཱ དུརུཏྟཱནམཔྤཊིཀཱུལཝཱདཱི, ཨདྷིཝཱསནཾ སོཏྠཱནཾ ཏདཱཧུ.

ཡོ ནཱཝཛཱནཱཏི སཧཱཡམིཏྟེ [སཧཱཡམཏྟེ (སཱི. པཱི.)], སིཔྤེན ཀུལྱཱཧི དྷནེན ཛཙྩཱ;

རུཙིཔཉྙོ ཨཏྠཀཱལེ མཏཱིམཱ [མུཏཱིམཱ (སཱི. པཱི.)], སཧཱཡེསུ ཝེ སོཏྠཱནཾ ཏདཱཧུ.

མིཏྟཱནི ཝེ ཡསྶ བྷཝནྟི སནྟོ, སཾཝིསྶཏྠཱ ཨཝིསཾཝཱདཀསྶ;

ན མིཏྟདུབྦྷཱི སཾཝིབྷཱགཱི དྷནེན, མིཏྟེསུ ཝེ སོཏྠཱནཾ ཏདཱཧུ.

ཡསྶ བྷརིཡཱ ཏུལྱཝཡཱ སམགྒཱ, ཨནུབྦཏཱ དྷམྨཀཱམཱ པཛཱཏཱ [སཛཱཏཱ (ཀ.)];

ཀོལིནིཡཱ སཱིལཝཏཱི པཏིབྦཏཱ, དཱརེསུ ཝེ སོཏྠཱནཾ ཏདཱཧུ.

ཡསྶ ¶ རཱཛཱ བྷཱུཏཔཏི [བྷཱུཏཔཏཱི (སཱི. སྱཱ. པཱི.)] ཡསསྶཱི, ཛཱནཱཏི སོཙེཡྻཾ པརཀྐམཉྩ;

ཨདྭེཛ྄ཛྷཏཱ སུཧདཡཾ མམནྟི, རཱཛཱུསུ ཝེ སོཏྠཱནཾ ཏདཱཧུ.

ཨནྣཉྩ ¶ པཱནཉྩ དདཱཏི སདྡྷོ, མཱལཉྩ གནྡྷཉྩ ཝིལེཔནཉྩ;

པསནྣཙིཏྟོ ཨནུམོདམཱནོ, སགྒེསུ ཝེ སོཏྠཱནཾ ཏདཱཧུ.

ཡམརིཡདྷམྨེན པུནནྟི ཝུདྡྷཱ, ཨཱརཱདྷིཏཱ སམཙརིཡཱཡ སནྟོ;

བཧུསྶུཏཱ ཨིསཡོ སཱིལཝནྟོ, ཨརཧནྟམཛ྄ཛྷེ སོཏྠཱནཾ ཏདཱཧུ.

ཨེཏཱནི ཁོ སོཏྠཱནཱནི ལོཀེ, ཝིཉྙུཔྤསཏྠཱནི སུཁུདྲཡཱནི [སུཁིནྡྲིཡཱནི (པཱི.)];

ཏཱནཱིདྷ སེཝེཐ ནརོ སཔཉྙོ, ན ཧི མངྒལེ ཀིཉྩནམཏྠི སཙྩནྟི.

ཨུཊྛེཧི ཀཎྷ ཀིཾ སེསི, ཀོ ཨཏྠོ སུཔནེན ཏེ;

ཡོཔི ཏུཡ྄ཧཾ [ཏཱཡཾ (པཱི.)] སཀོ བྷཱཏཱ, ཧདཡཾ ཙཀྑུ ཙ [ཙཀྑུཾཝ (པཱི.)] དཀྑིཎཾ;

ཏསྶ ཝཱཏཱ བལཱིཡནྟི, གྷཊོ ཛཔྤཏི [སསཾ ཛཔྤཏི (?)] ཀེསཝ.

ཏསྶ ཏཾ ཝཙནཾ སུཏྭཱ, རོཧིཎེཡྻསྶ ཀེསཝོ;

ཏརམཱནརཱུཔོ ཝུཊྛཱསི, བྷཱཏུསོཀེན ཨཊྚིཏོ.

ཀིཾ ནུ ¶ ཨུམྨཏྟརཱུཔོཝ, ཀེཝལཾ དྭཱརཀཾ ཨིམཾ;

སསོ སསོཏི ལཔསི, ཀོ ནུ ཏེ སསམཱཧརི.

སོཝཎྞམཡཾ ¶ མཎཱིམཡཾ, ལོཧམཡཾ ཨཐ རཱུཔིཡཱམཡཾ;

སངྑསིལཱཔཝཱལ༹མཡཾ, ཀཱརཡིསྶཱམི ཏེ སསཾ.

སནྟི ཨཉྙེཔི སསཀཱ, ཨརཉྙེ ཝནགོཙརཱ;

ཏེཔི ཏེ ཨཱནཡིསྶཱམི, ཀཱིདིསཾ སསམིཙྪསི.

ན ¶ ཙཱཧམེཏེ [ན ཙཱཧམེཏཾ (སཱི.), ན ཝཱཧམེཏེ (སྱཱ.), ན ཝཱཧམེཏཾ (པཱི.)] ཨིཙྪཱམི, ཡེ སསཱ པཐཝིསྶིཏཱ [པཋཝིཾསིཏཱ (སཱི. སྱཱ. པཱི.)];

ཙནྡཏོ སསམིཙྪཱམི, ཏཾ མེ ཨོཧར ཀེསཝ.

སོ ནཱུན མདྷུརཾ ཉཱཏི, ཛཱིཝིཏཾ ཝིཛཧིསྶསི;

ཨཔཏྠིཡཾ ཡོ པཏྠཡསི, ཙནྡཏོ སསམིཙྪསི.

ཨེཝཾ ཙེ ཀཎྷ ཛཱནཱསི, ཡདཉྙམནུསཱསསི;

ཀསྨཱ པུརེ མཏཾ པུཏྟཾ, ཨཛྫཱཔི མནུསོཙསི.

ཡཾ ན ལབྦྷཱ མནུསྶེན, ཨམནུསྶེན ཝཱ པུན [པན (པེ. ཝ. ༢༡༥)];

ཛཱཏོ མེ མཱ མརཱི པུཏྟོ, ཀུཏོ ལབྦྷཱ ཨལབྦྷིཡཾ.

ན མནྟཱ མཱུལབྷེསཛྫཱ, ཨོསདྷེཧི དྷནེན ཝཱ;

སཀྐཱ ཨཱནཡིཏུཾ ཀཎྷ, ཡཾ པེཏམནུསོཙསི.

ཡསྶ ཨེཏཱདིསཱ ཨསྶུ, ཨམཙྩཱ པུརིསཔཎྜིཏཱ;

ཡཐཱ ནིཛ྄ཛྷཱཔཡེ ཨཛྫ, གྷཊོ པུརིསཔཎྜིཏོ.

ཨཱདིཏྟཾ ཝཏ མཾ སནྟཾ, གྷཏསིཏྟཾཝ པཱཝཀཾ;

ཝཱརིནཱ ཝིཡ ཨོསིཉྩཾ, སབྦཾ ནིབྦཱཔཡེ དརཾ.

ཨབྦཧཱི ¶ ཝཏ མེ སལླཾ, ཡམཱསི ཧདཡསྶིཏཾ;

ཡོ མེ སོཀཔརེཏསྶ, པུཏྟསོཀཾ ཨཔཱནུདི.

སོཧཾ ཨབྦཱུལ༹ྷསལློསྨི, ཝཱིཏསོཀོ ཨནཱཝིལོ;

ན སོཙཱམི ན རོདཱམི, ཏཝ སུཏྭཱན མཱཎཝ [བྷཱཏིཀ (པེ. ཝ. ༢༢༤)].

ཨེཝཾ ཀརོནྟི སཔྤཉྙཱ, ཡེ ཧོནྟི ཨནུཀམྤཀཱ;

ནིཝཏྟཡནྟི སོཀམྷཱ, གྷཊོ ཛེཊྛཾཝ བྷཱཏརནྟི.

དལ༹ྷ ¶ ཀཎྷ དྷནཉྫཡ སངྑཝརོ, རཛ སཏྟཧ ཀསྶ ཙ [སཏྟཱཧསསཱཁ (སྱཱ.)] ཏཀྐལིནཱ;

དྷམྨཾ ཀུཀྐུཊ ཀུཎྜལི བྷོཛནདཱ, ཙཀྐཝཱཀ སུབྷཱུརིས སོཏྠི གྷཊོཏི.

ཏསྶ ¶ ¶ ¶ ནཱགསྶ ཝིཔྤཝཱསེན, ཝིརཱུལ༹ྷཱ སལླཀཱི ཙ ཀུཊཛཱ ཙ;

ཀུརུཝིནྡཀརཝཱིརཱ [ཀརཝརཱ (སཱི. སྱཱ.)] ཏིསསཱམཱ ཙ, ནིཝཱཏེ པུཔྥིཏཱ ཙ ཀཎིཀཱརཱ.

ཀོཙིདེཝ སུཝཎྞཀཱཡུརཱ, ནཱགརཱཛཾ བྷརནྟི པིཎྜེན;

ཡཏྠ རཱཛཱ རཱཛཀུམཱརོ ཝཱ, ཀཝཙམབྷིཧེསྶཏི ཨཚམྦྷིཏོ [ཨསམྦྷཱིཏོ (སཱི. སྱཱ. པཱི.)].

གཎྷཱཧི ནཱག ཀབལ༹ཾ, མཱ ནཱག ཀིསཀོ བྷཝ;

བཧཱུནི རཱཛཀིཙྩཱནི, ཏཱནི [ཡཱནི (སཱི. པཱི.)] ནཱག ཀརིསྶསི.

སཱ ནཱུནསཱ ཀཔཎིཀཱ, ཨནྡྷཱ ཨཔརིཎཱཡིཀཱ;

ཁཱཎུཾ པཱདེན གྷཊྚེཏི, གིརིཾ ཙཎྜོརཎཾ པཏི.

ཀཱ ནུ ཏེ སཱ མཧཱནཱག, ཨནྡྷཱ ཨཔརིཎཱཡིཀཱ;

ཁཱཎུཾ པཱདེན གྷཊྚེཏི, གིརིཾ ཙཎྜོརཎཾ པཏི.

མཱཏཱ མེ སཱ མཧཱརཱཛ, ཨནྡྷཱ ཨཔརིཎཱཡིཀཱ;

ཁཱཎུཾ པཱདེན གྷཊྚེཏི, གིརིཾ ཙཎྜོརཎཾ པཏི.

མུཉྩཐེཏཾ མཧཱནཱགཾ, ཡོཡཾ བྷརཏི མཱཏརཾ;

སམེཏུ ¶ མཱཏརཱ ནཱགོ, སཧ སབྦེཧི ཉཱཏིབྷི.

མུཏྟོ ཙ བནྡྷནཱ ནཱགོ, མུཏྟམཱདཱཡ ཀུཉྫརོ [ཀཱསིརཱཛེན པེསིཏོ (སཱི. སྱཱ.), མུཏྟོ དཱམཱཏོ ཀུཉྫརོ (པཱི. སཱི. ནིཡྻ)];

མུཧུཏྟཾ ཨསྶཱསཡིཏྭཱ [ཝིསྶམིཏྭཱན (སཱི.)], ཨགམཱ ཡེན པབྦཏོ.

ཏཏོ སོ ནལི༹ནིཾ [ནིལིནཾ (སྱཱ.)] གནྟྭཱ, སཱིཏཾ ཀུཉྫརསེཝིཏཾ;

སོཎྜཱཡཱུདཀམཱཧཏྭཱ [མཱཧིཏྭཱ (སྱཱ. ཀ.)], མཱཏརཾ ཨབྷིསིཉྩཐ.

ཀོཡ ¶ ཨནརིཡོ དེཝོ, ཨཀཱལེནཔི ཝསྶཏི [ཨཀཱལེན པཝསྶཏི (སཱི. སྱཱ.), ཨཀཱལེན’ཏིཝསྶཏི (པཱི.)];

གཏོ མེ ཨཏྲཛོ པུཏྟོ, ཡོ མཡ྄ཧཾ པརིཙཱརཀོ.

ཨུཊྛེཧི ཨམྨ ཀིཾ སེསི, ཨཱགཏོ ཏྱཱཧམཏྲཛོ;

མུཏྟོམྷི ཀཱསིརཱཛེན, ཝེདེཧེན ཡསསྶིནཱ.

ཙིརཾ ¶ ཛཱིཝཏུ སོ རཱཛཱ, ཀཱསཱིནཾ རཊྛཝཌྜྷནོ;

ཡོ མེ པུཏྟཾ པམོཙེསི, སདཱ ཝུདྡྷཱཔཙཱཡིཀནྟི.

སུཎོཧི མཡ྄ཧཾ ཝཙནཾ ཛནིནྡ, ཨཏྠེན ཛུཎྷམྷི ཨིདྷཱནུཔཏྟོ;

ན བྲཱཧྨཎེ ཨདྡྷིཀེ ཏིཊྛམཱནེ, གནྟབྦ [གནྟབྱ (ཀ.)] མཱཧུ དྭིཔདིནྡ [དིཔདཱན (སཱི. པཱི.), དྭིཔདཱན (སྱཱ.)] སེཊྛ.

སུཎོམི ¶ ཏིཊྛཱམི ཝདེཧི བྲཧྨེ, ཡེནཱསི [ཡེནཱཔི (སྱཱ. ཀ.)] ཨཏྠེན ཨིདྷཱནུཔཏྟོ;

ཀཾ ཝཱ ཏྭམཏྠཾ མཡི པཏྠཡཱནོ, ཨིདྷཱགམཱ བྲཧྨེ ཏདིངྒྷ བྲཱུཧི.

དདཱཧི མེ གཱམཝརཱནི པཉྩ, དཱསཱིསཏཾ སཏྟ གཝཾསཏཱནི;

པརོསཧསྶཉྩ སུཝཎྞནིཀྑེ, བྷརིཡཱ ཙ མེ སཱདིསཱི དྭེ དདཱཧི.

ཏཔོ ནུ ཏེ བྲཱཧྨཎ བྷིཾསརཱུཔོ, མནྟཱ ནུ ཏེ བྲཱཧྨཎ ཙིཏྟརཱུཔཱ;

ཡཀྑཱ ནུ [ཡཀྑཱ ཝ (སཱི. པཱི.)] ཏེ ཨསྶཝཱ སནྟི ཀེཙི, ཨཏྠཾ ཝཱ མེ ཨབྷིཛཱནཱསི ཀཏྟཾ.

ན ¶ མེ ཏཔོ ཨཏྠི ན ཙཱཔི མནྟཱ, ཡཀྑཱཔི མེ ཨསྶཝཱ ནཏྠི ཀེཙི;

ཨཏྠམྤི ཏེ ནཱབྷིཛཱནཱམི ཀཏྟཾ, པུབྦེ ཙ ཁོ [པུབྦེཝ ཁོ (སྱཱ. ཀ.)] སངྒཏིམཏྟམཱསི.

པཋམཾ ཨིདཾ དསྶནཾ ཛཱནཏོ མེ, ན ཏཱབྷིཛཱནཱམི ཨིཏོ པུརཏྠཱ;

ཨཀྑཱཧི མེ པུཙྪིཏོ ཨེཏམཏྠཾ, ཀདཱ ཀུཧིཾ ཝཱ ཨཧུ སངྒམོ ནོ.

གནྡྷཱརརཱཛསྶ ¶ པུརམྷི རམྨེ, ཨཝསིམྷསེ ཏཀྐསཱིལཱཡཾ དེཝ;

ཏཏྠནྡྷཀཱརམྷི ཏིམཱིསིཀཱཡཾ [ཏིམིསྶིཀཱཡཾ (སཱི. ཨཊྛ.), ཏིམིསྶཀཱཡཾ (སྱཱ.)], ཨཾསེན ཨཾསཾ སམགྷཊྚཡིམྷ.

ཏེ ཏཏྠ ཋཏྭཱན ཨུབྷོ ཛནིནྡ, སཱརཱཎིཡཾ [སཱརཎཱིཡཾ (ཀ.)] ཝཱིཏིསཱརཡིམྷ [ཝཱིཏིསཱརིམྷ (སཱི. སྱཱ. པཱི.)] ཏཏྠ;

སཱཡེཝ ནོ སངྒཏིམཏྟམཱསི, ཏཏོ ན པཙྪཱ ན པུརེ ཨཧོསི.

ཡདཱ ཀདཱཙི མནུཛེསུ བྲཧྨེ, སམཱགམོ སཔྤུརིསེན ཧོཏི;

ན པཎྜིཏཱ སངྒཏིསནྠཝཱནི, པུབྦེ ཀཏཾ ཝཱཔི ཝིནཱསཡནྟི.

བཱལཱཝ [བཱལཱ ཙ (སཱི. སྱཱ. པཱི.)] ཁོ སངྒཏིསནྠཝཱནི, པུབྦེ ཀཏཾ ཝཱཔི ཝིནཱསཡནྟི;

བཧུམྤི བཱལེསུ ཀཏཾ ཝིནསྶཏི, ཏཐཱ ཧི བཱལཱ ཨཀཏཉྙུརཱུཔཱ.

དྷཱིརཱ ཙ ཁོ སངྒཏིསནྠཝཱནི, པུབྦེ ཀཏཾ ཝཱཔི ན ནཱསཡནྟི;

ཨཔྤམྤི དྷཱིརེསུ ཀཏཾ ན ནསྶཏི, ཏཐཱ ཧི དྷཱིརཱ སུཀཏཉྙུརཱུཔཱ.

དདཱམི ¶ ¶ ཏེ གཱམཝརཱནི པཉྩ, དཱསཱིསཏཾ སཏྟ གཝཾསཏཱནི;

པརོསཧསྶཉྩ སུཝཎྞནིཀྑེ, བྷརིཡཱ ཙ ཏེ སཱདིསཱི དྭེ དདཱམི.

ཨེཝཾ ¶ སཏཾ ཧོཏི སམེཙྩ རཱཛ, ནཀྑཏྟརཱཛཱརིཝ ཏཱརཀཱནཾ;

ཨཱཔཱུརཏཱི ཀཱསིཔཏཱི ཏཐཱཧཾ, ཏཡཱཔི མེ སངྒམོ ཨཛྫ ལདྡྷོཏི.

ཡསོཀརོ པུཉྙཀརོཧམསྨི, སདཱཏྠུཏོ སམཎབྲཱཧྨཎཱནཾ;

མགྒཱརཧོ དེཝམནུསྶཔཱུཛིཏོ, དྷམྨོ ཨཧཾ དེཧི ཨདྷམྨ མགྒཾ.

ཨདྷམྨཡཱནཾ དལ༹ྷམཱརུཧིཏྭཱ, ཨསནྟསནྟོ བལཝཱཧམསྨི;

ས ཀིསྶ ཧེཏུམྷི ཏཝཛྫ དཛྫཾ, མགྒཾ ཨཧཾ དྷམྨ ཨདིནྣཔུབྦཾ.

དྷམྨོ ཧཝེ པཱཏུརཧོསི པུབྦེ, པཙྪཱ ¶ ཨདྷམྨོ ཨུདཔཱདི ལོཀེ;

ཛེཊྛོ ཙ སེཊྛོ ཙ སནནྟནོ ཙ, ཨུཡྻཱཧི ཛེཊྛསྶ ཀནིཊྛ མགྒཱ.

ན ཡཱཙནཱཡ ནཔི པཱཏིརཱུཔཱ, ན ཨརཧཏཱ [ན ཨརཧཏི (སཱི. པཱི.), ཨརཧཏི (ཀ.)] ཏེཧཾ དདེཡྻཾ མགྒཾ;

ཡུདྡྷཉྩ ནོ ཧོཏུ ཨུབྷིནྣམཛྫ, ཡུདྡྷམྷི ཡོ ཛེསྶཏི ཏསྶ མགྒོ.

སབྦཱ ¶ དིསཱ ཨནུཝིསཊོཧམསྨི, མཧབྦལོ ཨམིཏཡསོ ཨཏུལྱོ;

གུཎེཧི སབྦེཧི ཨུཔེཏརཱུཔོ, དྷམྨོ ཨདྷམྨ ཏྭཾ ཀཐཾ ཝིཛེསྶསི.

ལོཧེན ཝེ ཧཉྙཏི ཛཱཏརཱུཔཾ, ན ཛཱཏརཱུཔེན ཧནནྟི ལོཧཾ;

སཙེ ཨདྷམྨོ ཧཉྪཏི [ཧཉྙཏི (སཱི. སྱཱ.), ཧཉྙིཏི (ཀཏྠཙི)] དྷམྨམཛྫ, ཨཡོ སུཝཎྞཾ ཝིཡ དསྶནེཡྻཾ.

སཙེ ཏུཝཾ ཡུདྡྷབལོ ཨདྷམྨ [ཡུདྡྷབལོ’སི’དྷམྨ (ཀ. སཱི.), ཡུདྡྷབལོ’ས’དྷམྨ (པཱི.)], ན ཏུཡ྄ཧ ཝུཌྜྷཱ [ཝདྡྷཱ (སཱི. པཱི.)] ཙ གརཱུ ཙ ཨཏྠི;

མགྒཉྩ ཏེ དམྨི པིཡཱཔྤིཡེན, ཝཱཙཱདུརུཏྟཱནིཔི ཏེ ཁམཱམི.

ཨིདཉྩ སུཏྭཱ ཝཙནཾ ཨདྷམྨོ, ཨཝཾསིརོ ¶ པཏིཏོ ཨུདྡྷཔཱདོ;

‘‘ཡུདྡྷཏྠིཀོ ཙེ ན ལབྷཱམི ཡུདྡྷཾ’’, ཨེཏྟཱཝཏཱ ཧོཏི ཧཏོ ཨདྷམྨོ.

ཁནྟཱིབལོ ཡུདྡྷབལཾ ཝིཛེཏྭཱ, ཧནྟྭཱ ཨདྷམྨཾ ནིཧནིཏྭ [ཝིཧནིཏྭཱ (ཀ.)] བྷཱུམྱཱ;

པཱཡཱསི ཝིཏྟོ [ཙིཏྟོ (སྱཱ.)] ཨབྷིརུཡ྄ཧ སནྡནཾ, མགྒེནེཝ ཨཏིབལོ སཙྩནིཀྐམོ.

མཱཏཱ པིཏཱ སམཎབྲཱཧྨཎཱ ཙ, ཨསམྨཱནིཏཱ ཡསྶ སཀེ ཨགཱརེ;

ཨིདྷེཝ ནིཀྑིཔྤ སརཱིརདེཧཾ, ཀཱཡསྶ བྷེདཱ ནིརཡཾ ཝཛནྟི ཏེ [ཝཛནྟི (སཱི. པཱི.)];

མཱཏཱ ¶ པིཏཱ སམཎབྲཱཧྨཎཱ ཙ, སུསམྨཱནིཏཱ ཡསྶ སཀེ ཨགཱརེ;

ཨིདྷེཝ ནིཀྑིཔྤ སརཱིརདེཧཾ, ཀཱཡསྶ བྷེདཱ སུགཏིཾ ཝཛནྟི ཏེ;

དྷམྨདེཝཔུཏྟཛཱཏཀཾ [དྷམྨཛཱཏཀཾ (སཱི. པཱི.)] ཏཏིཡཾ.

ཨེཀཱ ¶ ¶ ནིསིནྣཱ སུཙི སཉྙཏཱུརཱུ, པཱསཱདམཱརུཡ྄ཧ ཨནིནྡིཏངྒཱི;

ཡཱཙཱམི ཏཾ ཀིནྣརནེཏྟཙཀྑུ, ཨིམེཀརཏྟིཾ ཨུབྷཡོ ཝསེམ.

ཨོཀིཎྞནྟརཔརིཁཾ, དལ༹ྷམཊྚཱལཀོཊྛཀཾ;

རཀྑིཏཾ ཁགྒཧཏྠེཧི, དུཔྤཝེསམིདཾ པུརཾ.

དཧརསྶ ཡུཝིནོ ཙཱཔི, ཨཱགམོ ཙ ན ཝིཛྫཏི;

ཨཐ ཀེན ནུ ཝཎྞེན, སངྒམཾ ཨིཙྪསེ མཡཱ.

ཡཀྑོཧམསྨི ཀལྱཱཎི, ཨཱགཏོསྨི ཏཝནྟིཀེ [ཏཝནྟིཀཾ (སཱི. པཱི.)];

ཏྭཾ མཾ ནནྡཡ [ནནྡསྶུ (སྱཱ. ཀ.)] བྷདྡནྟེ, པུཎྞཀཾསཾ དདཱམི ཏེ.

དེཝཾ ཝ ཡཀྑཾ ཨཐ ཝཱ མནུསྶཾ, ན པཏྠཡེ ཨུདཡམཏིཙྩ ཨཉྙཾ;

གཙྪེཝ ཏྭཾ ཡཀྑ མཧཱནུབྷཱཝ, མཱ ཙསྶུ གནྟྭཱ པུནརཱཝཛིཏྠ.

ཡཱ སཱ རཏི ཨུཏྟམཱ ཀཱམབྷོགིནཾ, ཡཾ ཧེཏུ སཏྟཱ ཝིསམཾ ཙརནྟི;

མཱ ཏཾ རཏིཾ ཛཱིཡི ཏུཝཾ སུཙིམྷི ཏེ, དདཱམི ཏེ རཱུཔིཡཾ ཀཾསཔཱུརཾ.

ནཱརིཾ ¶ ¶ ནརོ ནིཛ྄ཛྷཔཡཾ དྷནེན, ཨུཀྐཾསཏཱི ཡཏྠ ཀརོཏི ཚནྡཾ;

ཝིཔཙྩནཱིཀོ ཏཝ དེཝདྷམྨོ, པཙྩཀྑཏོ ཐོཀཏརེན ཨེསི.

ཨཱཡུ ཙ ཝཎྞོ ཙ [ཨཱཡུཾ ཙ ཝཎྞཾ ཙ (ཀ. སཱི. པཱི.)] མནུསྶལོཀེ, ནིཧཱིཡཏི མནུཛཱནཾ སུགྒཏྟེ;

ཏེནེཝ ཝཎྞེན དྷནམྤི ཏུཡ྄ཧཾ, ནིཧཱིཡཏི ཛིཎྞཏརཱསི ཨཛྫ.

ཨེཝཾ མེ པེཀྑམཱནསྶ, རཱཛཔུཏྟི ཡསསྶིནི;

ཧཱཡཏེཝ ཏཝ [ཧཱཡཏེ ཝཏ ཏེ (སཱི. སྱཱ. ཀ.), ཧཱཡཏེཝ ཏཏོ (པཱི.)] ཝཎྞོ, ཨཧོརཏྟཱནམཙྩཡེ.

ཨིམིནཱཝ ཏྭཾ ཝཡསཱ, རཱཛཔུཏྟི སུམེདྷསེ;

བྲཧྨཙརིཡཾ ཙརེཡྻཱསི, བྷིཡྻོ ཝཎྞཝཏཱི སིཡཱ.

དེཝཱ ན ཛཱིརནྟི ཡཐཱ མནུསྶཱ, གཏྟེསུ ཏེསཾ ཝལིཡོ ན ཧོནྟི;

པུཙྪཱམི ཏཾ ཡཀྑ མཧཱནུབྷཱཝ, ཀཐཾ ནུ དེཝཱན [ཀཐཾ ན དེཝཱནཾ (པཱི.)] སརཱིརདེཧོ.

དེཝཱ ན ཛཱིརནྟི ཡཐཱ མནུསྶཱ, གཏྟེསུ ཏེསཾ ཝལིཡོ ན ཧོནྟི;

སུཝེ སུཝེ བྷིཡྻཏརོཝ [བྷིཡྻཏརོ ཙ (ཀ.)] ཏེསཾ, དིབྦོ ¶ ཙ ཝཎྞོ ཝིཔུལཱ ཙ བྷོགཱ.

ཀིཾསཱུདྷ བྷཱིཏཱ ཛནཏཱ ཨནེཀཱ, མགྒོ ཙ ནེཀཱཡཏནཾ པཝུཏྟོ;

པུཙྪཱམི ཏཾ ཡཀྑ མཧཱནུབྷཱཝ, ཀཏྠཊྛིཏོ པརལོཀཾ ན བྷཱཡེ.

ཝཱཙཾ ¶ ¶ མནཉྩ པཎིདྷཱཡ སམྨཱ, ཀཱཡེན པཱཔཱནི ཨཀུབྦམཱནོ;

བཧུནྣཔཱནཾ གྷརམཱཝསནྟོ, སདྡྷོ མུདཱུ སཾཝིབྷཱགཱི ཝདཉྙཱུ;

སངྒཱཧཀོ སཁིལོ སཎྷཝཱཙོ, ཨེཏྠཊྛིཏོ པརལོཀཾ ན བྷཱཡེ.

ཨནུསཱསསི མཾ ཡཀྑ, ཡཐཱ མཱཏཱ ཡཐཱ པིཏཱ;

ཨུལཱ༹རཝཎྞཾ པུཙྪཱམི, ཀོ ནུ ཏྭམསི སུབྲཧཱ.

ཨུདཡོཧམསྨི ཀལྱཱཎི, སངྐརཏྟཱ ཨིདྷཱགཏོ [སངྒརཏྠཱ ཨིདྷཱགཏོ (སཱི. པཱི.), སངྒརཏྠཱཡིདྷཱགཏོ (སྱཱ.)];

ཨཱམནྟ ཁོ ཏཾ གཙྪཱམི, མུཏྟོསྨི ཏཝ སངྐརཱ [སངྒརཱ (སཱི. སྱཱ. པཱི.)].

སཙེ ཁོ ཏྭཾ ཨུདཡོསི, སངྐརཏྟཱ ཨིདྷཱགཏོ;

ཨནུསཱས མཾ རཱཛཔུཏྟ, ཡཐཱསྶ པུན སངྒམོ.

ཨཏིཔཏཏི [ཨདྷིཔཏཏཱི (སཱི. པཱི.)] ཝཡོ ཁཎོ ཏཐེཝ, ཋཱནཾ ནཏྠི དྷུཝཾ ཙཝནྟི སཏྟཱ;

པརིཛིཡྻཏི ཨདྡྷུཝཾ སརཱིརཾ, ཨུདཡེ ¶ མཱ པམཱད [མཱ པམཱདཾ (སཱི.)] ཙརསྶུ དྷམྨཾ.

ཀསིཎཱ པཐཝཱི དྷནསྶ པཱུརཱ, ཨེཀསྶེཝ སིཡཱ ཨནཉྙདྷེཡྻཱ;

ཏཉྩཱཔི ཛཧཏི [ཛཧཱཏི (སཱི. སྱཱ. པཱི.), ཛཧཱཏཱི (?)] ཨཝཱིཏརཱགོ, ཨུདཡེ མཱ པམཱད ཙརསྶུ དྷམྨཾ.

མཱཏཱ ཙ པིཏཱ ཙ བྷཱཏརོ ཙ, བྷརིཡཱ ཡཱཔི དྷནེན ཧོཏི ཀཱིཏཱ [བྷརིཡཱཔི དྷནེན ཧོནྟི ཨཏིཏྟཱ (ཀ.)];

ཏེ ཙཱཔི ཛཧནྟི ཨཉྙམཉྙཾ, ཨུདཡེ མཱ པམཱད ཙརསྶུ དྷམྨཾ.

ཀཱཡོ ¶ པརབྷོཛནནྟི ཉཏྭཱ [ཀཱཡོ ཙ པརབྷོཛནཾ ཝིདིཏྭཱ (ཀ.)], སཾསཱརེ སུགཏིཉྩ དུགྒཏིཉྩ [སུགཏཱི ཙ དུགྒཏཱི ཙ (སཱི. སྱཱ. པཱི.), སུགྒཏིཾ དུགྒཏིཉྩ (ཀ.)];

ཨིཏྟརཝཱསོཏི ཛཱནིཡཱན, ཨུདཡེ མཱ པམཱད ཙརསྶུ དྷམྨཾ.

སཱདྷུ བྷཱསཏིཡཾ [བྷཱསཏཡཾ (སཱི. པཱི.)] ཡཀྑོ, ཨཔྤཾ མཙྩཱན ཛཱིཝིཏཾ;

ཀསིརཉྩ པརིཏྟཉྩ, ཏཉྩ དུཀྑེན སཾཡུཏཾ;

སཱཧཾ ཨེཀཱ པབྦཛིསྶཱམི, ཧིཏྭཱ ཀཱསིཾ སུརུནྡྷནནྟི.

མིཏྟོ ¶ མིཏྟསྶ པཱནཱིཡཾ, ཨདིནྣཾ པརིབྷུཉྫིསཾ;

ཏེན པཙྪཱ ཝིཛིགུཙྪིཾ, ཏཾ པཱཔཾ པཀཏཾ མཡཱ;

མཱ པུན ཨཀརཾ པཱཔཾ, ཏསྨཱ པབྦཛིཏོ ཨཧཾ.

པརདཱརཉྩ དིསྭཱན, ཚནྡོ མེ ཨུདཔཛྫཐ [ཨུཔཔཛྫཐ (སྱཱ. ཀ.)];

ཏེན པཙྪཱ ཝིཛིགུཙྪིཾ, ཏཾ པཱཔཾ པཀཏཾ མཡཱ;

མཱ པུན ཨཀརཾ པཱཔཾ, ཏསྨཱ པབྦཛིཏོ ཨཧཾ.

པིཏརཾ ¶ མེ མཧཱརཱཛ, ཙོརཱ ཨགཎྷུ [ཨགཎྷུཾ (སཱི. པཱི.), ཨགཎྷི (ཀ.)] ཀཱནནེ;

ཏེསཱཧཾ པུཙྪིཏོ ཛཱནཾ, ཨཉྙཐཱ ནཾ ཝིཡཱཀརིཾ.

ཏེན པཙྪཱ ཝིཛིགུཙྪིཾ, ཏཾ པཱཔཾ པཀཏཾ མཡཱ;

མཱ པུན ཨཀརཾ པཱཔཾ, ཏསྨཱ པབྦཛིཏོ ཨཧཾ.

པཱཎཱཏིཔཱཏམཀརུཾ, སོམཡཱགེ ཨུཔཊྛིཏེ;

ཏེསཱཧཾ སམནུཉྙཱསིཾ, ཏེན པཙྪཱ ཝིཛིགུཙྪིཾ.

ཏཾ པཱཔཾ པཀཏཾ མཡཱ, མཱ པུན ཨཀརཾ པཱཔཾ;

སུརཱམེརཡམཱདྷུཀཱ [མདྷུཀཱ (སཱི. སྱཱ. པཱི.)], ཡེ ཛནཱ པཋམཱསུ ནོ;

བཧཱུནཾ ཏེ ཨནཏྠཱཡ, མཛྫཔཱནམཀཔྤཡུཾ.

ཏེསཱཧཾ ¶ སམནུཉྙཱསིཾ, ཏེན པཙྪཱ ཝིཛིགུཙྪིཾ;

ཏཾ པཱཔཾ པཀཏཾ མཡཱ, མཱ པུན ཨཀརཾ པཱཔཾ;

དྷིརཏྠུ ¶ སུབཧཱུ ཀཱམེ, དུགྒནྡྷེ བཧུཀཎྚཀེ;

ཡེ ཨཧཾ པཊིསེཝནྟོ, ནཱལབྷིཾ ཏཱདིསཾ སུཁཾ.

མཧསྶཱདཱ སུཁཱ ཀཱམཱ, ནཏྠི ཀཱམཱ པརཾ [ཀཱམཔརཾ (སཱི. པཱི.)] སུཁཾ;

ཡེ ཀཱམེ པཊིསེཝནྟི, སགྒཾ ཏེ ཨུཔཔཛྫརེ.

ཨཔྤསྶཱདཱ དུཁཱ ཀཱམཱ, ནཏྠི ཀཱམཱ པརཾ དུཁཾ;

ཡེ ཀཱམེ པཊིསེཝནྟི, ནིརཡཾ ཏེ ཨུཔཔཛྫརེ.

ཨསཱི ཡཐཱ སུནིསིཏོ, ནེཏྟིཾསོཝ སུཔཱཡིཀོ [སུཔཱསིཏོ (ཀ. སཱི. ནིཡྻ), སུཔཱཡིཏོ (ཀ. ཨཊྛ.)];

སཏྟཱིཝ ཨུརསི ཁིཏྟཱ, ཀཱམཱ དུཀྑཏརཱ ཏཏོ.

ཨངྒཱརཱནཾཝ ཛལིཏཾ, ཀཱསུཾ སཱདྷིཀཔོརིསཾ;

ཕཱལཾཝ དིཝསཾཏཏྟཾ, ཀཱམཱ དུཀྑཏརཱ ཏཏོ.

ཝིསཾ ཡཐཱ ཧལཱཧལཾ, ཏེལཾ པཀྐུཐིཏཾ [ཨུཀྐཊྛིཏཾ (སཱི. པཱི.), པཀྐུཊྛིཏཾ (སྱཱ.)] ཡཐཱ;

ཏམྦལོཧ [ཏམྤལོཧཾ (སྱཱ.)] ཝིལཱིནཾཝ, ཀཱམཱ དུཀྑཏརཱ ཏཏོཏི.

མིཏྟཱམཙྩཔརིབྱཱུལ༹ྷཾ [པརིབྦཱུལ༹ྷཾ (སཱི. པཱི.)], ཨཧཾ ཝནྡེ རཐེསབྷཾ;

པབྦཛིསྶཱམཧཾ རཱཛ [པབྦཛིསྶཾ མཧཱརཱཛ (སཱི. པཱི.)], ཏཾ དེཝོ ཨནུམཉྙཏུ.

སཙེ ¶ ཏེ ཨཱུནཾ ཀཱམེཧི, ཨཧཾ པརིཔཱུརཡཱམི [ཨཧཾཝ པཱུརཡཱམི (ཀ.)] ཏེ;

ཡོ ཏཾ ཧིཾསཏི ཝཱརེམི, མཱ པབྦཛ [པབྦཛི (པཱི.)] ཡུདྷཉྩཡ [ཡུདྷཉྫཡ (སཱི. སྱཱ.), ཡུཝཉྫཡ (པཱི.)].

ན ¶ མཏྠི ཨཱུནཾ ཀཱམེཧི, ཧིཾསིཏཱ མེ ན ཝིཛྫཏི;

དཱིཔཉྩ ཀཱཏུམིཙྪཱམི, ཡཾ ཛརཱ ནཱབྷིཀཱིརཏི.

པུཏྟོ ¶ ཝཱ པིཏརཾ ཡཱཙེ, པིཏཱ ཝཱ པུཏྟམོརསཾ;

ནེགམོ ཏཾ ཡཱཙེ [ནེགམོ ཡཱཙཏེ (སཱི. སྱཱ. པཱི.)] ཏཱཏ, མཱ པབྦཛ ཡུདྷཉྩཡ.

མཱ མཾ དེཝ ནིཝཱརེཧི, པབྦཛནྟཾ རཐེསབྷ;

མཱཧཾ ཀཱམེཧི སམྨཏྟོ, ཛརཱཡ ཝསམནྭགཱུ.

ཨཧཾ ཏཾ ཏཱཏ ཡཱཙཱམི, ཨཧཾ པུཏྟ ནིཝཱརཡེ;

ཙིརཾ ཏཾ དཊྛུམིཙྪཱམི, མཱ པབྦཛ ཡུདྷཉྩཡ.

ཨུསྶཱཝོཝ ཏིཎགྒམྷི, སཱུརིཡུགྒམནཾ པཏི;

ཨེཝམཱཡུ མནུསྶཱནཾ, མཱ མཾ ཨམྨ ནིཝཱརཡ.

ཏརམཱནོ ཨིམཾ ཡཱནཾ, ཨཱརོཔེཏུ [ཏརམཱནཱ ཨིམཾ ཡཱནཾ, ཨཱརོཔེནྟུ (སཱི. པཱི.)] རཐེསབྷ;

མཱ མེ མཱཏཱ ཏརནྟསྶ, ཨནྟརཱཡཀརཱ ཨཧུ.

ཨབྷིདྷཱཝཐ བྷདྡནྟེ, སུཉྙཾ ཧེསྶཏི རམྨཀཾ;

ཡུདྷཉྩཡོ ཨནུཉྙཱཏོ, སབྦདཏྟེན རཱཛིནཱ.

ཡོཧུ སེཊྛོ སཧསྶསྶ [མནུསྶཱནཾ (སྱཱ.), སཧསྶཱནཾ (ཀ.)], ཡུཝཱ ཀཉྩནསནྣིབྷོ;

སོཡཾ ཀུམཱརོ པབྦཛིཏོ, ཀཱསཱཡཝསནོ བལཱི.

ཨུབྷོ ཀུམཱརཱ པབྦཛིཏཱ, ཡུདྷཉྩཡོ ཡུདྷིཊྛིལོ;

པཧཱཡ མཱཏཱཔིཏརོ, སངྒཾ ཚེཏྭཱན མཙྩུནོཏི.

ཨེཐ ¶ ལཀྑཎ སཱིཏཱ ཙ, ཨུབྷོ ཨོཏརཐོདཀཾ;

ཨེཝཱཡཾ བྷརཏོ ཨཱཧ, ‘‘རཱཛཱ དསརཐོ མཏོ’’.

ཀེན རཱམཔྤབྷཱཝེན, སོཙིཏབྦཾ ན སོཙསི;

པིཏརཾ ཀཱལཀཏཾ [ཀཱལངྐཏཾ (ཀ.)] སུཏྭཱ, ན ཏཾ པསཧཏེ དུཁཾ.

ཡཾ ན སཀྐཱ ནིཔཱལེཏུཾ, པོསེན ལཔཏཾ བཧུཾ;

ས ཀིསྶ ཝིཉྙཱུ མེདྷཱཝཱི, ཨཏྟཱནམུཔཏཱཔཡེ.

དཧརཱ ¶ ¶ ཙ ཧི ཝུདྡྷཱ ཙ [ཡེ ཝུདྡྷཱ (སཱི. ཨཊྛ.), ཡེ ཝུཌྜྷཱ (སྱཱ.)], ཡེ བཱལཱ ཡེ ཙ པཎྜིཏཱ;

ཨཌྜྷཱ ཙེཝ དལིདྡཱ ཙ, སབྦེ མཙྩུཔརཱཡཎཱ.

ཕལཱནམིཝ པཀྐཱནཾ, ནིཙྩཾ པཏནཏོ བྷཡཾ;

ཨེཝཾ ཛཱཏཱན མཙྩཱནཾ, ནིཙྩ མརཎཏོ བྷཡཾ.

སཱཡམེཀེ ན དིསྶནྟི, པཱཏོ དིཊྛཱ བཧུཛྫནཱ;

པཱཏོ ཨེཀེ ན དིསྶནྟི, སཱཡཾ དིཊྛཱ བཧུཛྫནཱ.

པརིདེཝཡམཱནོ ཙེ, ཀིཉྩིདཏྠཾ ཨུདབྦཧེ;

སམྨཱུལ༹ྷོ ཧིཾསམཏྟཱནཾ, ཀཡིརཱ ཏཾ ཝིཙཀྑཎོ.

ཀིསོ ཝིཝཎྞོ བྷཝཏི, ཧིཾསམཏྟཱནམཏྟནོ [མཏྟནཱ (སཱི. ཨཊྛ. སུ. ནི. ༥༩༠)];

ན ཏེན པེཏཱ པཱལེནྟི, ནིརཏྠཱ པརིདེཝནཱ.

ཡཐཱ སརཎམཱདིཏྟཾ, ཝཱརིནཱ པརིནིབྦཡེ [ཝཱརིནཱཝནིབྦཱཔཡེ (སྱཱ. ཀ.)];

ཨེཝམྤི དྷཱིརོ སུཏཝཱ, མེདྷཱཝཱི པཎྜིཏོ ནརོ;

ཁིཔྤམུཔྤཏིཏཾ སོཀཾ, ཝཱཏོ ཏཱུལཾཝ དྷཾསཡེ.

མཙྩོ ཨེཀོཝ ¶ [ཨེཀོཝ མཙྩོ (སཱི. སྱཱ. པཱི.)] ཨཙྩེཏི, ཨེཀོཝ ཛཱཡཏེ ཀུལེ;

སཾཡོགཔརམཱཏྭེཝ, སམྦྷོགཱ སབྦཔཱཎིནཾ.

ཏསྨཱ ཧི དྷཱིརསྶ བཧུསྶུཏསྶ, སམྤསྶཏོ ལོཀམིམཾ པརཉྩ;

ཨཉྙཱཡ དྷམྨཾ ཧདཡཾ མནཉྩ, སོཀཱ མཧནྟཱཔི ན ཏཱཔཡནྟི.

སོཧཾ དསྶཉྩ བྷོཀྑཉྩ, བྷརིསྶཱམི ཙ [སོཧཾ ཡསཉྩ བྷོགཉྩ, བྷརིཡཱཔི ཙ (སྱཱ. ཀ.)] ཉཱཏཀེ;

སེསཉྩ པཱལཡིསྶཱམི, ཀིཙྩམེཏཾ [ཀིཙྩམེཝཾ (པཱི.)] ཝིཛཱནཏོ.

དས ཝསྶསཧསྶཱནི, སཊྛི ཝསྶསཏཱནི ཙ;

ཀམྦུགཱིཝོ མཧཱབཱཧུ, རཱམོ རཛྫམཀཱརཡཱིཏི.

ཛཱནནྟོ ¶ ནོ མཧཱརཱཛ, ཏཝ སཱིལཾ ཛནཱདྷིཔོ;

ཨིམེ ཀུམཱརེ པཱུཛེནྟོ, ན ཏཾ ཀེནཙི མཉྙཐ.

ཏིཊྛནྟེ ནོ མཧཱརཱཛེ, ཨདུ [ཨཱདུ (སཱི. པཱི.), ཨཱདཱུ (སྱཱ.)] དེཝེ དིཝངྒཏེ;

ཉཱཏཱི ཏཾ སམནུཉྙིཾསུ, སམྤསྶཾ ཨཏྠམཏྟནོ.

ཀེན སཾཝརཝཏྟེན, སཉྫཱཏེ ཨབྷིཏིཊྛསི;

ཀེན ཏཾ ནཱཏིཝཏྟནྟི, ཉཱཏིསངྒྷཱ སམཱགཏཱ.

ན ¶ རཱཛཔུཏྟ ཨུསཱུཡཱམི [རཱཛཔུཏྟ ནུསྶུཡྻཱམི (ཀ.)], སམཎཱནཾ མཧེསིནཾ;

སཀྐཙྩཾ ¶ ཏེ ནམསྶཱམི, པཱདེ ཝནྡཱམི ཏཱདིནཾ.

ཏེ མཾ དྷམྨགུཎེ ཡུཏྟཾ, སུསྶཱུསམནུསཱུཡཀཾ;

སམཎཱ མནུསཱསནྟི [སམནུསཱསནྟི (སཱི. སྱཱ. པཱི.)], ཨིསཱི དྷམྨགུཎེ རཏཱ.

ཏེསཱཧཾ ཝཙནཾ སུཏྭཱ, སམཎཱནཾ མཧེསིནཾ;

ན ཀིཉྩི ཨཏིམཉྙཱམི, དྷམྨེ མེ ནིརཏོ མནོ.

ཧཏྠཱརོཧཱ ཨནཱིཀཊྛཱ, རཐིཀཱ པཏྟིཀཱརཀཱ;

ཏེསཾ [ཏེསུ (པཱི.)] ནཔྤཊིབནྡྷཱམི, ནིཝིཊྛཾ [ནིབདྡྷཾ (སཱི. པཱི.)] བྷཏྟཝེཏནཾ.

མཧཱམཏྟཱ ཙ མེ ཨཏྠི, མནྟིནོ པརིཙཱརཀཱ;

བཱརཱཎསིཾ ཝོཧརནྟི, བཧུམཾསསུརོདཀཾ.

ཨཐོཔི ཝཱཎིཛཱ ཕཱིཏཱ, ནཱནཱརཊྛེཧི ཨཱགཏཱ;

ཏེསུ མེ ཝིཧིཏཱ རཀྑཱ, ཨེཝཾ ཛཱནཱཧུཔོསཐ.

དྷམྨེན ཀིར ཉཱཏཱིནཾ, རཛྫཾ ཀཱརེཧི སཾཝར;

མེདྷཱཝཱི པཎྜིཏོ ཙཱསི [ཙཱཔི (སཱི. པཱི.)], ཨཐོཔི ཉཱཏིནཾ ཧིཏོ.

ཏཾ ཏཾ ཉཱཏིཔརིབྱཱུལ༹ྷཾ, ནཱནཱརཏནམོཙིཏཾ;

ཨམིཏྟཱ ནཔྤསཧནྟི, ཨིནྡཾཝ ཨསུརཱདྷིཔོཏི.

ཨུམྨུཛྫནྟི ¶ ནིམུཛྫནྟི, མནུསྶཱ ཁུརནཱསིཀཱ;

སུཔྤཱརཀཾ ¶ ཏཾ པུཙྪཱམ, སམུདྡོ ཀཏམོ ཨཡཾ.

ཀུརུཀཙྪཱ [བྷརུཀཙྪཱ (སཱི. སྱཱ. པཱི. ཨཊྛ.)] པཡཱཏཱནཾ, ཝཱཎིཛཱནཾ དྷནེསིནཾ;

ནཱཝཱཡ ཝིཔྤནཊྛཱཡ, ཁུརམཱལཱིཏི ཝུཙྩཏི.

ཡཐཱ ཨགྒཱིཝ སུརིཡོཝ [ཨགྒི སུརིཡོ ཙ (སྱཱ.), ཨགྒཱིཝ སཱུརིཡོ (ཀ.)], སམུདྡོ པཊིདིསྶཏི;

སུཔྤཱརཀཾ ཏཾ པུཙྪཱམ, སམུདྡོ ཀཏམོ ཨཡཾ.

ཀུརུཀཙྪཱ པཡཱཏཱནཾ, ཝཱཎིཛཱནཾ དྷནེསིནཾ;

ནཱཝཱཡ ཝིཔྤནཊྛཱཡ, ཨགྒིམཱལཱིཏི ཝུཙྩཏི.

ཡཐཱ དདྷཱིཝ ཁཱིརཾཝ [དདྷི ཙ ཁཱིརཾ ཙ (སྱཱ.), ཨེཝམུཔརིཔི], སམུདྡོ པཊིདིསྶཏི;

སུཔྤཱརཀཾ ཏཾ པུཙྪཱམ, སམུདྡོ ཀཏམོ ཨཡཾ.

ཀུརུཀཙྪཱ ¶ པཡཱཏཱནཾ, ཝཱཎིཛཱནཾ དྷནེསིནཾ;

ནཱཝཱཡ ཝིཔྤནཊྛཱཡ, དདྷིམཱལཱིཏི [ཁཱིརམཱལཱིཏི (ཀ.)] ཝུཙྩཏི.

ཡཐཱ ཀུསོཝ སསྶོཝ, སམུདྡོ པཊིདིསྶཏི;

སུཔྤཱརཀཾ ཏཾ པུཙྪཱམ, སམུདྡོ ཀཏམོ ཨཡཾ.

ཀུརུཀཙྪཱ པཡཱཏཱནཾ, ཝཱཎིཛཱནཾ དྷནེསིནཾ;

ནཱཝཱཡ ཝིཔྤནཊྛཱཡ, ཀུསམཱལཱིཏི ཝུཙྩཏི.

ཡཐཱ ནལོ༹ཝ ཝེལཱུ༹ཝ, སམུདྡོ པཊིདིསྶཏི;

སུཔྤཱརཀཾ ཏཾ པུཙྪཱམ, སམུདྡོ ཀཏམོ ཨཡཾ.

ཀུརུཀཙྪཱ པཡཱཏཱནཾ, ཝཱཎིཛཱནཾ དྷནེསིནཾ;

ནཱཝཱཡ ཝིཔྤནཊྛཱཡ, ནལ༹མཱལཱིཏི ཝུཙྩཏི.

མཧབྦྷཡོ བྷིཾསནཀོ, སདྡོ སུཡྻཏིམཱནུསོ [སམུདྡོ སུཡྻཏ’མཱནུསོ (སཱི. པཱི. ཨཊྛ.)];

ཡཐཱ ¶ སོབྦྷོ པཔཱཏོཝ, སམུདྡོ པཊིདིསྶཏི;

སུཔྤཱརཀཾ ཏཾ པུཙྪཱམ, སམུདྡོ ཀཏམོ ཨཡཾ.

ཀུརུཀཙྪཱ ¶ པཡཱཏཱནཾ, ཝཱཎིཛཱནཾ དྷནེསིནཾ;

ནཱཝཱཡ ཝིཔྤནཊྛཱཡ, བལ༹ཝཱམུཁཱིཏི [ཝལ༹བྷཱམུཁཱིཏི (སཱི. སྱཱ.), བལཝཱམུཁཱིཏི (སྱཱ. ཀ.)] ཝུཙྩཏི.

ཡཏོ སརཱམི ཨཏྟཱནཾ, ཡཏོ པཏྟོསྨི ཝིཉྙུཏཾ;

ནཱབྷིཛཱནཱམི སཉྩིཙྩ, ཨེཀཔཱཎམྤི ཧིཾསིཏཾ;

ཨེཏེན སཙྩཝཛྫེན, སོཏྠིཾ ནཱཝཱ ནིཝཏྟཏཱུཏི.

སིརིམཱཏུསུཔོསཀནཱགཝརོ, པུན ཛུཎྷཀ དྷམྨམུདཡཝརོ;

ཨཐ པཱནི ཡུདྷཉྩཡཀོ ཙ, དསརཐ སཾཝར པཱརགཏེན ནཝཱཏི.

ལུདྡྷཱནཾ ¶ ¶ ¶ [ཁུདྡཱནཾ (སཱི. སྱཱ. པཱི.)] ལཧུཙིཏྟཱནཾ, ཨཀཏཉྙཱུན དུབྦྷིནཾ;

ནཱདེཝསཏྟོ པུརིསོ, ཐཱིནཾ སདྡྷཱཏུམརཧཏི.

ན ཏཱ པཛཱནནྟི ཀཏཾ ན ཀིཙྩཾ, ན མཱཏརཾ པིཏརཾ བྷཱཏརཾ ཝཱ;

ཨནརིཡཱ སམཏིཀྐནྟདྷམྨཱ, སསྶེཝ ཙིཏྟསྶ ཝསཾ ཝཛནྟི.

ཙིརཱནུཝུཊྛམྤི [ཙིརཱནུཝུཏྠམྤི (སཱི. པཱི.)] པིཡཾ མནཱཔཾ, ཨནུཀམྤཀཾ པཱཎསམམྤི བྷཏྟུཾ [སནྟཾ (སཱི. སྱཱ. པཱི.)];

ཨཱཝཱསུ ཀིཙྩེསུ ཙ ནཾ ཛཧནྟི, ཏསྨཱཧམིཏྠཱིནཾ ན ཝིསྶསཱམི.

ཐཱིནཉྷི ཙིཏྟཾ ཡཐཱ ཝཱནརསྶ, ཀནྣཔྤཀནྣཾ ཡཐཱ རུཀྑཚཱཡཱ;

ཙལཱཙལཾ ཧདཡམིཏྠིཡཱནཾ, ཙཀྐསྶ ནེམི ཝིཡ པརིཝཏྟཏི.

ཡདཱ ཏཱ པསྶནྟི སམེཀྑམཱནཱ, ཨཱདེཡྻརཱུཔཾ པུརིསསྶ ཝིཏྟཾ;

སཎྷཱཧི ཝཱཙཱཧི ནཡནྟི མེནཾ, ཀམྦོཛཀཱ ¶ ཛལཛེནེཝ ཨསྶཾ.

ཡདཱ ན པསྶནྟི སམེཀྑམཱནཱ, ཨཱདེཡྻརཱུཔཾ པུརིསསྶ ཝིཏྟཾ;

སམནྟཏོ ནཾ པརིཝཛྫཡནྟི, ཏིཎྞོ ནདཱིཔཱརགཏོཝ ཀུལླཾ.

སིལེསཱུཔམཱ ¶ སིཁིརིཝ སབྦབྷཀྑཱ, ཏིཀྑམཱཡཱ ནདཱིརིཝ སཱིགྷསོཏཱ;

སེཝནྟི ཧེཏཱ པིཡམཔྤིཡཉྩ, ནཱཝཱ ཡཐཱ ཨོརཀཱུལཾ པརཉྩ.

ན ཏཱ ཨེཀསྶ ན དྭིནྣཾ, ཨཱཔཎོཝ པསཱརིཏོ;

ཡོ ཏཱ མཡ྄ཧནྟི མཉྙེཡྻ, ཝཱཏཾ ཛཱལེན བཱདྷཡེ [བནྡྷཡེ (སྱཱ. ཀ.)].

ཡཐཱ ནདཱི ཙ པནྠོ ཙ, པཱནཱགཱརཾ སབྷཱ པཔཱ;

ཨེཝཾ ལོཀིཏྠིཡོ ནཱམ, ཝེལཱ ཏཱསཾ ན ཝིཛྫཏི [ཨིམིསྶཱ གཱཐཱཡ པུབྦདྡྷཱཔརདྡྷཾ ཝིཔརིཡཱཡེན དིསྶཏི (ཀ.)].

གྷཏཱསནསམཱ ཨེཏཱ, ཀཎྷསཔྤསིརཱུཔམཱ;

གཱཝོ བཧིཏིཎསྶེཝ, ཨོམསནྟི ཝརཾ ཝརཾ.

གྷཏཱསནཾ ཀུཉྫརཾ ཀཎྷསཔྤཾ, མུདྡྷཱབྷིསིཏྟཾ པམདཱ ཙ སབྦཱ;

ཨེཏེ ནརོ ནིཙྩཡཏོ [ནིཙྩཡཏྟོ (སཱི. པཱི.)] བྷཛེཐ, ཏེསཾ ཧཝེ དུབྦིདུ སབྦབྷཱཝོ [སཙྩབྷཱཝོ (སྱཱ.)].

ནཙྩནྟཝཎྞཱ ¶ ¶ ན བཧཱུནཾ ཀནྟཱ, ན དཀྑིཎཱ པམདཱ སེཝིཏབྦཱ;

ན པརསྶ བྷརིཡཱ ན དྷནསྶ ཧེཏུ, ཨེཏིཏྠིཡོ པཉྩ ན སེཝིཏབྦཱཏི.

ཀཱ ཏྭཾ སུདྡྷེཧི ཝཏྠེཧི, ཨགྷེ ཝེཧཱཡསཾ [ཝེཧཱསཡཾ (སཱི. པཱི.)] ཋིཏཱ;

ཀེན ཏྱཱསྶཱུནི ཝཏྟནྟི, ཀུཏོ ཏཾ བྷཡམཱགཏཾ.

ཏཝེཝ དེཝ ཝིཛིཏེ, བྷདྡསཱལོཏི མཾ ཝིདཱུ;

སཊྛི [སཊྛིཾ (སཱི. པཱི.)] ཝསྶསཧསྶཱནི, ཏིཊྛཏོ པཱུཛིཏསྶ མེ.

ཀཱརཡནྟཱ ¶ ནགརཱནི, ཨགཱརེ ཙ དིསམྤཏི;

ཝིཝིདྷེ ཙཱཔི པཱསཱདེ, ན མཾ ཏེ ཨཙྩམཉྙིསུཾ;

ཡཐེཝ མཾ ཏེ པཱུཛེསུཾ, ཏཐེཝ ཏྭམྤི པཱུཛཡ.

ཏཾ ཨིཝཱཧཾ [ཏཉྩ ཨཧཾ (སཱི. སྱཱ. པཱི.)] ན པསྶཱམི, ཐཱུལཾ ཀཱཡེན ཏེ དུམཾ;

ཨཱརོཧཔརིཎཱཧེན, ཨབྷིརཱུཔོསི ཛཱཏིཡཱ.

པཱསཱདཾ ཀཱརཡིསྶཱམི, ཨེཀཏྠམྦྷཾ མནོརམཾ;

ཏཏྠ ཏཾ ཨུཔནེསྶཱམི, ཙིརཾ ཏེ ཡཀྑ ཛཱིཝིཏཾ.

ཨེཝཾ ཙིཏྟཾ ཨུདཔཱདི, སརཱིརེན ཝིནཱབྷཱཝོ;

པུཐུསོ མཾ ཝིཀནྟིཏྭཱ, ཁཎྜསོ ཨཝཀནྟཐ.

ཨགྒེ ¶ ཙ ཚེཏྭཱ མཛ྄ཛྷེ ཙ, པཙྪཱ མཱུལམྷི ཚིནྡཐ [མཱུལཉྩ ཚིནྡཐ (སཱི.), མཱུལཾ ཝིཚིནྡཐ (པཱི.)];

ཨེཝཾ མེ ཚིཛྫམཱནསྶ, ན དུཀྑཾ མརཎཾ སིཡཱ.

ཧཏྠཔཱདཾ [ཧཏྠཔཱདེ (ཀ.)] ཡཐཱ ཚིནྡེ [ཚིནྣེ (ཀ.)], ཀཎྞནཱསཉྩ ཛཱིཝཏོ;

ཏཏོ པཙྪཱ སིརོ ཚིནྡེ, ཏཾ དུཀྑཾ མརཎཾ སིཡཱ.

སུཁཾ ནུ ཁཎྜསོ ཚིནྣཾ, བྷདྡསཱལཝནཔྤཏི;

ཀིཾ ཧེཏུ ཀིཾ ཨུཔཱདཱཡ, ཁཎྜསོ ཚིནྣམིཙྪསི.

ཡཉྩ ཧེཏུམུཔཱདཱཡ, ཧེཏུཾ དྷམྨཱུཔསཾཧིཏཾ;

ཁཎྜསོ ཚིནྣམིཙྪཱམི, མཧཱརཱཛ སུཎོཧི མེ.

ཉཱཏཱི མེ སུཁསཾཝདྡྷཱ, མམ པསྶེ ནིཝཱཏཛཱ;

ཏེཔིཧཾ ཨུཔཧིཾསེཡྻཾ, པརེསཾ ཨསུཁོཙིཏཾ.

ཙེཏེཡྻརཱུཔཾ ¶ [ཙེཏབྦརཱུཔཾ (སཱི. པཱི.)] ཙེཏེསི, བྷདྡསཱལཝནཔྤཏི;

ཧིཏཀཱམོསི ཉཱཏཱིནཾ, ཨབྷཡཾ སམྨ དམྨི ཏེཏི.

ཀསནྟི ¶ ཝཔནྟི ཏེ ཛནཱ, མནུཛཱ ཀམྨཕལཱུཔཛཱིཝིནོ;

ནཡིམསྶ དཱིཔཀསྶ བྷཱགིནོ, ཛམྦུདཱིཔཱ ཨིདམེཝ ནོ ཝརཾ.

ཏིཔཉྩརཏྟཱུཔགཏམྷི ཙནྡེ, ཝེགོ ¶ མཧཱ ཧེཧིཏི སཱགརསྶ;

ཨུཔླཝིསྶཾ དཱིཔམིམཾ ཨུལཱ༹རཾ, མཱ ཝོ ཝདྷཱི གཙྪཐ ལེཎམཉྙཾ.

ན ཛཱཏུཡཾ སཱགརཝཱརིཝེགོ, ཨུཔླཝིསྶཾ དཱིཔམིམཾ ཨུལཱ༹རཾ;

ཏཾ མེ ནིམིཏྟེཧི བཧཱུཧི དིཊྛཾ, མཱ བྷེཐ ཀིཾ སོཙཐ མོདཐཝ྄ཧོ [མོདཐ ཝོ (ཀ.) ༦.༣༨ མོགྒལླཱནསུཏྟཾ པསྶིཏབྦཾ].

པཧཱུཏབྷཀྑཾ བཧུཨནྣཔཱནཾ, པཏྟཏྠ ཨཱཝཱསམིམཾ ཨུལཱ༹རཾ;

ན ཝོ བྷཡཾ པཊིཔསྶཱམི ཀིཉྩི, ཨཱཔུཏྟཔུཏྟེཧི པམོདཐཝ྄ཧོ.

ཡོ དེཝོཡཾ དཀྑིཎཱཡཾ [དཀྑིཎསྶཾ (སཱི.)] དིསཱཡཾ, ཁེམནྟི པཀྐོསཏི ཏསྶ སཙྩཾ;

ན ཨུཏྟརོ ཝེདི བྷཡཱབྷཡསྶ, མཱ བྷེཐ ཀིཾ སོཙཐ མོདཐཝ྄ཧོ.

ཡཐཱ ཨིམེ ཝིཔྤཝདནྟི ཡཀྑཱ, ཨེཀོ བྷཡཾ སཾསཏི ཁེམམེཀོ;

ཏདིངྒྷ མཡ྄ཧཾ ཝཙནཾ སུཎཱཐ, ཁིཔྤཾ ¶ ལཧུཾ མཱ ཝིནསྶིམྷ སབྦེ.

སབྦེ ¶ སམཱགམྨ ཀརོམ ནཱཝཾ, དོཎིཾ དལ༹ྷཾ སབྦཡནྟཱུཔཔནྣཾ;

སཙེ ཨཡཾ དཀྑིཎོ སཙྩམཱཧ, མོགྷཾ པཊིཀྐོསཏི ཨུཏྟརོཡཾ;

སཱ ཙེཝ ནོ ཧེཧིཏི ཨཱཔདཏྠཱ, ཨིམཉྩ དཱིཔཾ ན པརིཙྩཛེམ.

སཙེ ཙ ཁོ ཨུཏྟརོ སཙྩམཱཧ, མོགྷཾ པཊིཀྐོསཏི དཀྑིཎོཡཾ;

ཏམེཝ ནཱཝཾ ཨབྷིརུཡ྄ཧ སབྦེ, ཨེཝཾ མཡཾ སོཏྠི ཏརེམུ པཱརཾ.

ན ཝེ སུགཎྷཾ པཋམེན སེཊྛཾ, ཀནིཊྛམཱཔཱཐགཏཾ གཧེཏྭཱ;

ཡོ ཙཱིདྷ ཏཙྪཾ [མཛ྄ཛྷཾ (སཱི. སྱཱ. པཱི.)] པཝིཙེཡྻ གཎྷཏི [གཎྷི (ཀ.)], ས ཝེ ནརོ སེཊྛམུཔེཏི ཋཱནཾ.

ཡཐཱཔི ཏེ སཱགརཝཱརིམཛ྄ཛྷེ, སཀམྨུནཱ སོཏྠི ཝཧིཾསུ ཝཱཎིཛཱ;

ཨནཱགཏཏྠཾ པཊིཝིཛ྄ཛྷིཡཱན, ཨཔྤམྤི ནཱཙྩེཏི ས བྷཱུརིཔཉྙོ.

བཱལཱ ¶ ཙ མོཧེན རསཱནུགིདྡྷཱ, ཨནཱགཏཾ ཨཔྤཊིཝིཛ྄ཛྷིཡཏྠཾ;

པཙྩུཔྤནྣེ སཱིདནྟི ཨཏྠཛཱཏེ, སམུདྡམཛ྄ཛྷེ ཡཐཱ ཏེ མནུསྶཱ.

ཨནཱགཏཾ ¶ པཊིཀཡིརཱཐ ཀིཙྩཾ, ‘‘མཱ མཾ ཀིཙྩཾ ཀིཙྩཀཱལེ བྱདྷེསི’’;

ཏཾ ཏཱདིསཾ པཊིཀཏ [པཊིཀཏཾ (ཀ.), པཊིགཏ (སཱི. ཨཊྛ.), པཊིཀཙྩ (?)] ཀིཙྩཀཱརིཾ, ན ཏཾ ཀིཙྩཾ ཀིཙྩཀཱལེ བྱདྷེཏཱིཏི.

ཀཱམཾ ¶ ཀཱམཡམཱནསྶ, ཏསྶ ཙེ ཏཾ སམིཛ྄ཛྷཏི;

ཨདྡྷཱ པཱིཏིམནོ ཧོཏི, ལདྡྷཱ མཙྩོ ཡདིཙྪཏི.

ཀཱམཾ ཀཱམཡམཱནསྶ, ཏསྶ ཙེ ཏཾ སམིཛ྄ཛྷཏི;

ཏཏོ ནཾ ཨཔརཾ ཀཱམེ, དྷམྨེ ཏཎྷཾཝ ཝིནྡཏི.

གཝཾཝ སིངྒིནོ སིངྒཾ, ཝཌྜྷམཱནསྶ ཝཌྜྷཏི;

ཨེཝཾ མནྡསྶ པོསསྶ, བཱལསྶ ཨཝིཛཱནཏོ;

བྷིཡྻོ ཏཎྷཱ པིཔཱསཱ ཙ, ཝཌྜྷམཱནསྶ ཝཌྜྷཏི.

པཐབྱཱ སཱལིཡཝཀཾ, གཝསྶཾ [གཝཱསཾ (སཱི. སྱཱ. པཱི.)] དཱསཔོརིསཾ;

དཏྭཱ ཙ [དཏྭཱཔི (སཱི. སྱཱ.), དཏྭཱ ཝཱ (པཱི.)] ནཱལམེཀསྶ, ཨིཏི ཝིདྭཱ [ཝིདྡྷཱ (སྱཱ.)] སམཾ ཙརེ.

རཱཛཱ ¶ པསཡ྄ཧ པཐཝིཾ ཝིཛིཏྭཱ, སསཱགརནྟཾ མཧིམཱཝསནྟོ;

ཨོརཾ སམུདྡསྶ ཨཏིཏྟརཱུཔོ [ཨཏིཏྟིརཱུཔོ (ཀ.)], པཱརཾ སམུདྡསྶཔི པཏྠཡེཐ.

ཡཱཝ ཨནུསྶརཾ ཀཱམེ, མནསཱ ཏིཏྟི ནཱཛ྄ཛྷགཱ;

ཏཏོ ནིཝཏྟཱ པཊིཀམྨ དིསྭཱ, ཏེ ཝེ སུཏིཏྟཱ ཡེ [ཏིཏྟཱ (སཱི. སྱཱ. པཱི.)] པཉྙཱཡ ཏིཏྟཱ.

པཉྙཱཡ ཏིཏྟིནཾ [ཏིཏྟཱིནཾ (སཱི. སྱཱ.)] སེཊྛཾ, ན སོ ཀཱམེཧི ཏཔྤཏི;

པཉྙཱཡ ཏིཏྟཾ པུརིསཾ, ཏཎྷཱ ན ཀུརུཏེ ཝསཾ.

ཨཔཙིནེཐེཝ ཀཱམཱནཾ [ཀཱམཱནི (སཱི. སྱཱ. པཱི.)], ཨཔྤིཙྪསྶ ཨལོལུཔོ;

སམུདྡམཏྟོ པུརིསོ, ན སོ ཀཱམེཧི ཏཔྤཏི.

རཐཀཱརོཝ ཙམྨསྶ, པརིཀནྟཾ ཨུཔཱཧནཾ;

ཡཾ ཡཾ ཙཛཏི [ཛཧཏི (སྱཱ. ཀ.)] ཀཱམཱནཾ, ཏཾ ཏཾ སམྤཛྫཏེ སུཁཾ;

སབྦཾ ཙེ སུཁམིཙྪེཡྻ, སབྦེ ཀཱམེ པརིཙྩཛེ.

ཨཊྛ ¶ ཏེ བྷཱསིཏཱ གཱཐཱ, སབྦཱ ཧོནྟི སཧསྶིཡོ [སཧསྶིཡཱ (?) ཨུཔརི སུཏསོམཛཱཏཀེ ཏཐཱ དིསྶཏི];

པཊིགཎྷ མཧཱབྲཧྨེ, སཱདྷེཏཾ ཏཝ བྷཱསིཏཾ.

ན མེ ཨཏྠོ སཧསྶེཧི, སཏེཧི ནཧུཏེཧི ཝཱ;

པཙྪིམཾ བྷཱསཏོ གཱཐཾ, ཀཱམེ མེ ན རཏོ མནོ.

བྷདྲཀོ ¶ [སདྡོ (སཱི.)] ཝཏཱཡཾ མཱཎཝཀོ, སབྦལོཀཝིདཱུ མུནི;

ཡོ ¶ ཨིམཾ ཏཎྷཾ [ཡོ ཏཎྷཾ (སཱི. སྱཱ.)] དུཀྑཛནནིཾ, པརིཛཱནཱཏི པཎྜིཏོཏི.

དས ཁལུ ཨིམཱནི [ཁལུམཱནི (སྱཱ.)] ཋཱནཱནི, ཡཱནི པུབྦེ ཨཀརིཏྭཱ;

ས པཙྪཱ མནུཏཔྤཏི, ཨིཙྩེཝཱཧ [ཨིཙྩཱཧ རཱཛཱ (སཱི. སྱཱ. པཱི.)] ཛནསནྡྷོ.

ཨལདྡྷཱ ཝིཏྟཾ ཏཔྤཏི, པུབྦེ ཨསམུདཱནིཏཾ;

ན པུབྦེ དྷནམེསིསྶཾ, ཨིཏི པཙྪཱནུཏཔྤཏི.

སཀྱརཱུཔཾ པུརེ སནྟཾ, མཡཱ སིཔྤཾ ན སིཀྑིཏཾ;

ཀིཙྪཱ ཝུཏྟི ཨསིཔྤསྶ, ཨིཏི པཙྪཱནུཏཔྤཏི.

ཀཱུཊཝེདཱི པུརེ ཨཱསིཾ, པིསུཎོ པིཊྛིམཾསིཀོ;

ཙཎྜོ ཙ ཕརུསོ ཙཱཔི [ཙཱསིཾ (སཱི. སྱཱ. པཱི.)], ཨིཏི པཙྪཱནུཏཔྤཏི.

པཱཎཱཏིཔཱཏཱི པུརེ ཨཱསིཾ, ལུདྡོ ཙཱཔི [ཙཱསིཾ (སཱི. པཱི.)] ཨནཱརིཡོ;

བྷཱུཏཱནཾ ནཱཔཙཱཡིསྶཾ, ཨིཏི པཙྪཱནུཏཔྤཏི.

བཧཱུསུ ཝཏ སནྟཱིསུ, ཨནཱཔཱདཱསུ ཨིཏྠིསུ;

པརདཱརཾ ཨསེཝིསྶཾ, ཨིཏི པཙྪཱནུཏཔྤཏི.

བཧུམྷི ཝཏ སནྟམྷི, ཨནྣཔཱནེ ཨུཔཊྛིཏེ;

ན པུབྦེ ཨདདཾ [ཨདདིཾ (སཱི.)] དཱནཾ, ཨིཏི པཙྪཱནུཏཔྤཏི.

མཱཏརཾ པིཏརཉྩཱཔི, ཛིཎྞཀཾ གཏཡོབྦནཾ [ཛིཎྞཀེ གཏཡོབྦནེ (སཱི. སྱཱ. པཱི.)];

པཧུ ¶ སནྟོ ན པོསིསྶཾ, ཨིཏི པཙྪཱནུཏཔྤཏི.

ཨཱཙརིཡམནུསཏྠཱརཾ ¶ , སབྦཀཱམརསཱཧརཾ;

པིཏརཾ ཨཏིམཉྙིསྶཾ, ཨིཏི པཙྪཱནུཏཔྤཏི.

སམཎེ བྲཱཧྨཎེ ཙཱཔི, སཱིལཝནྟེ བཧུསྶུཏེ;

ན པུབྦེ པཡིརུཔཱསིསྶཾ, ཨིཏི པཙྪཱནུཏཔྤཏི.

སཱདྷུ ཧོཏི ཏཔོ ཙིཎྞོ, སནྟོ ཙ པཡིརུཔཱསིཏོ;

ན ཙ པུབྦེ ཏཔོ ཙིཎྞོ, ཨིཏི པཙྪཱནུཏཔྤཏི.

ཡོ ཙ ཨེཏཱནི ཋཱནཱནི, ཡོནིསོ པཊིཔཛྫཏི;

ཀརཾ པུརིསཀིཙྩཱནི, ས པཙྪཱ ནཱནུཏཔྤཏཱིཏི.

ཀཎྷོ ¶ ཀཎྷོ ཙ གྷོརོ ཙ, སུཀྐདཱཋོ པབྷཱསཝཱ [པཏཱཔཝཱ (སཱི. སྱཱ. པཱི.)];

བདྡྷོ པཉྩཧི རཛྫཱུཧི, ཀིཾ རཝི [དྷཱིར (སཱི. པཱི.), ཝཱིར (སྱཱ.)] སུནཁོ ཏཝ.

ནཱཡཾ མིགཱནམཏྠཱཡ, ཨུསཱིནཀ [ཨུསཱིནར (སཱི. པཱི.), ཨུསཱིནྣར (སྱཱ.)] བྷཝིསྶཏི;

མནུསྶཱནཾ ཨནཡོ ཧུཏྭཱ, ཏདཱ ཀཎྷོ པམོཀྑཏི.

པཏྟཧཏྠཱ སམཎཀཱ, མུཎྜཱ སངྒྷཱཊིཔཱརུཏཱ;

ནངྒལེཧི ཀསིསྶནྟི, ཏདཱ ཀཎྷོ པམོཀྑཏི.

ཏཔསྶིནིཡོ [ཏཔནཱིཡཱ (ཀ.) དུཏིཡནྟཔདཱནི ཧེཏཱནི] པབྦཛིཏཱ, མུཎྜཱ སངྒྷཱཊིཔཱརུཏཱ;

ཡདཱ ལོཀེ གམིསྶནྟི, ཏདཱ ཀཎྷོ པམོཀྑཏི.

དཱིགྷོཏྟརོཊྛཱ ¶ ཛཊིལཱ, པངྐདནྟཱ རཛསྶིརཱ;

ཨིཎཾ ཙོདཱཡ [ཝོདཱཡ (སཱི. པཱི.), ཙོདཡ (སྱཱ.)] གཙྪནྟི, ཏདཱ ཀཎྷོ པམོཀྑཏི.

ཨདྷིཙྩ ཝེདེ [ཝེདཾ (ཀ.)] སཱཝིཏྟིཾ, ཡཉྙཏནྟཉྩ [ཏནྟྲཉྩ (སཱི. སྱཱ. པཱི.)] བྲཱཧྨཎཱ;

བྷཏིཀཱཡ ཡཛིསྶནྟི, ཏདཱ ཀཎྷོ པམོཀྑཏི.

མཱཏརཾ པིཏརཉྩཱཔི, ཛིཎྞཀཾ གཏཡོབྦནཾ;

པཧཱུ སནྟོ [སནྟཱ (སཱི.)] ན བྷརནྟི, ཏདཱ ཀཎྷོ པམོཀྑཏི.

མཱཏརཾ ¶ པིཏརཉྩཱཔི, ཛིཎྞཀཾ གཏཡོབྦནཾ;

བཱལཱ ཏུམྷེཏི ཝཀྑནྟི, ཏདཱ ཀཎྷོ པམོཀྑཏི.

ཨཱཙརིཡབྷརིཡཾ སཁིཾ [ཨཱཙརིཡབྷརིཡཾ སཁཱབྷརིཡཾ (སཱི. པཱི.)], མཱཏུལཱནིཾ པིཏུཙྪཀིཾ [པིཏུཙྪཡཾ (སཱི.), པིཏུཙྪསཾ (པཱི.)];

ཡདཱ ལོཀེ གམིསྶནྟི, ཏདཱ ཀཎྷོ པམོཀྑཏི.

ཨསིཙམྨཾ གཧེཏྭཱན, ཁགྒཾ པགྒཡ྄ཧ བྲཱཧྨཎཱ;

པནྠགྷཱཏཾ ཀརིསྶནྟི, ཏདཱ ཀཎྷོ པམོཀྑཏི.

སུཀྐཙྪཝཱི ཝེདྷཝེརཱ, ཐཱུལབཱཧཱུ ཨཔཱཏུབྷཱ;

མིཏྟབྷེདཾ ཀརིསྶནྟི, ཏདཱ ཀཎྷོ པམོཀྑཏི.

མཱཡཱཝིནོ ནེཀཏིཀཱ, ཨསཔྤུརིསཙིནྟཀཱ;

ཡདཱ ལོཀེ བྷཝིསྶནྟི, ཏདཱ ཀཎྷོ པམོཀྑཏཱིཏི.

ནེཝ ¶ ཀིཎཱམི ནཔི ཝིཀྐིཎཱམི, ན ¶ ཙཱཔི མེ སནྣིཙཡོ ཙ ཨཏྠི [ཨིདྷཏྠི (སྱཱ.)];

སུཀིཙྪརཱུཔཾ ཝཏིདཾ པརིཏྟཾ, པཏྠོདནོ ནཱལམཡཾ དུཝིནྣཾ.

ཨཔྤམྷཱ ཨཔྤཀཾ དཛྫཱ, ཨནུམཛ྄ཛྷཏོ མཛ྄ཛྷཀཾ;

བཧུམྷཱ བཧུཀཾ དཛྫཱ, ཨདཱནཾ ནུཔཔཛྫཏི [ན ཨུཔཔཛྫཏི (སཱི. པཱི.), ནཱུཔཔཛྫཏི (སྱཱ.)].

ཏཾ ཏཾ ཝདཱམི ཀོསིཡ, དེཧི དཱནཱནི བྷུཉྫ ཙ.

ཨརིཡམགྒཾ སམཱརཱུཧ [ཨརིཡཾ མགྒཾ སམཱརུཧ (སཱི. པཱི.)], ནེཀཱསཱི ལབྷཏེ སུཁཾ.

མོགྷཉྩསྶ ཧུཏཾ ཧོཏི, མོགྷཉྩཱཔི སམཱིཧིཏཾ;

ཨཏིཐིསྨིཾ ཡོ ནིསིནྣསྨིཾ, ཨེཀོ བྷུཉྫཏི བྷོཛནཾ.

ཏཾ ཏཾ ཝདཱམི ཀོསིཡ, དེཧི དཱནཱནི བྷུཉྫ ཙ;

ཨརིཡམགྒཾ སམཱརཱུཧ, ནེཀཱསཱི ལབྷཏེ སུཁཾ.

སཙྩཉྩསྶ ¶ ཧུཏཾ ཧོཏི, སཙྩཉྩཱཔི སམཱིཧིཏཾ;

ཨཏིཐིསྨིཾ ཡོ ནིསིནྣསྨིཾ, ནེཀོ བྷུཉྫཏི བྷོཛནཾ.

ཏཾ ཏཾ ཝདཱམི ཀོསིཡ, དེཧི དཱནཱནི བྷུཉྫ ཙ;

ཨརིཡམགྒཾ སམཱརཱུཧ, ནེཀཱསཱི ལབྷཏེ སུཁཾ.

དོཎེ ཏིམྦརུཏིཏྠསྨིཾ, སཱིགྷསོཏེ མཧཱཝཧེ.

ཨཏྲ ཙསྶ ཧུཏཾ ཧོཏི, ཨཏྲ ཙསྶ སམཱིཧིཏཾ;

ཨཏིཐིསྨིཾ ཡོ ནིསིནྣསྨིཾ, ནེཀོ བྷུཉྫཏི བྷོཛནཾ.

ཏཾ ཏཾ ཝདཱམི ཀོསིཡ, དེཧི དཱནཱནི བྷུཉྫ ཙ;

ཨརིཡམགྒཾ ¶ སམཱརཱུཧ, ནེཀཱསཱི ལབྷཏེ སུཁཾ.

བལི༹སཉྷི སོ ནིགིལཏི [ནིགྒིལཏི (སཱི. པཱི.)], དཱིགྷསུཏྟཾ སབནྡྷནཾ;

ཨཏིཐིསྨིཾ ཡོ ནིསིནྣསྨིཾ, ཨེཀོ བྷུཉྫཏི བྷོཛནཾ.

ཏཾ ཏཾ ཝདཱམི ཀོསིཡ, དེཧི དཱནཱནི བྷུཉྫ ཙ;

ཨརིཡམགྒཾ སམཱརཱུཧ, ནེཀཱསཱི ལབྷཏེ སུཁཾ.

ཨུལཱ༹རཝཎྞཱ ཝཏ བྲཱཧྨཎཱ ཨིམེ, ཨཡཉྩ ཝོ སུནཁོ ཀིསྶ ཧེཏུ;

ཨུཙྩཱཝཙཾ ཝཎྞནིབྷཾ ཝིཀུབྦཏི, ཨཀྑཱཐ ནོ བྲཱཧྨཎཱ ཀེ ནུ ཏུམྷེ.

ཙནྡོ ཙ སུརིཡོ ཙ [སཱུརིཡོ ཙ (ཀ.)] ཨུབྷོ ཨིདྷཱགཏཱ, ཨཡཾ པན མཱཏལི དེཝསཱརཐི;

སཀྐོཧམསྨི ཏིདསཱནམིནྡོ, ཨེསོ ཙ ཁོ པཉྩསིཁོཏི ཝུཙྩཏི.

པཱཎིསྶརཱ ¶ མུདིངྒཱ ཙ [མུཏིངྒཱ ཙ (སཱི. སྱཱ. པཱི.], མུརཛཱལམྦརཱནི ཙ;

སུཏྟམེནཾ པབོདྷེནྟི, པཊིབུདྡྷོ ཙ ནནྡཏི.

ཡེ ཀེཙིམེ མཙྪརིནོ ཀདརིཡཱ, པརིབྷཱསཀཱ སམཎབྲཱཧྨཎཱནཾ;

ཨིདྷེཝ ནིཀྑིཔྤ སརཱིརདེཧཾ, ཀཱཡསྶ བྷེདཱ ནིརཡཾ ཝཛནྟི.

ཡེ ¶ ཀེཙིམེ སུགྒཏིམཱསམཱནཱ [སུགྒཏིམཱསསཱནཱ (སཱི. པཱི.), སུགྒཏཱསིསམཱནཱ (ཀ.)], དྷམྨེ ¶ ཋིཏཱ སཾཡམེ སཾཝིབྷཱགེ;

ཨིདྷེཝ ནིཀྑིཔྤ སརཱིརདེཧཾ, ཀཱཡསྶ བྷེདཱ སུགཏིཾ ཝཛནྟི.

ཏྭཾ ནོསི ཉཱཏི པུརིམཱསུ ཛཱཏིསུ, སོ མཙྪརཱི རོསཀོ [ཀོསིཡོ (སྱཱ. ཀ.)] པཱཔདྷམྨོ;

ཏཝེཝ ཨཏྠཱཡ ཨིདྷཱགཏམྷཱ, མཱ པཱཔདྷམྨོ ནིརཡཾ གམིཏྠ [ཨཔྤཏྠ (ཀ. སཱི. སྱཱ. པཱི.)].

ཨདྡྷཱ ཧི མཾ ཝོ ཧིཏཀཱམཱ, ཡཾ མཾ སམནུསཱསཐ;

སོཧཾ ཏཐཱ ཀརིསྶཱམི, སབྦཾ ཝུཏྟཾ ཧིཏེསིབྷི.

ཨེསཱཧམཛྫེཝ ཨུཔཱརམཱམི, ན ཙཱཔིཧཾ [ན ཙཱཔཧཾ (སཱི. པཱི.)] ཀིཉྩི ཀརེཡྻ པཱཔཾ;

ན ཙཱཔི མེ ཀིཉྩི ཨདེཡྻམཏྠི, ན ཙཱཔིདཏྭཱ ཨུདཀཾ པིཝཱམི [ཨུདཀམྤཧཾ པིབེ (སཱི.)].

ཨེཝཉྩ མེ དདཏོ སབྦཀཱལཾ [ཀཱལེ (ཀ.)], བྷོགཱ ཨིམེ ཝཱསཝ ཁཱིཡིསྶནྟི;

ཏཏོ ཨཧཾ པབྦཛིསྶཱམི སཀྐ, ཧིཏྭཱན ཀཱམཱནི ཡཐོདྷིཀཱནཱིཏི.

ཡེསཾ ¶ ན ཀདཱཙི བྷཱུཏཔུབྦཾ, སཁྱཾ [སཀྑིཾ (སཱི. པཱི.), སཁི (སྱཱ.)] སཏྟཔདམྤིམསྨི ལོཀེ;

ཛཱཏཱ ཨམིཏྟཱ དུཝེ སཧཱཡཱ, པཊིསནྡྷཱཡ ཙརནྟི ཀིསྶ ཧེཏུ.

ཡདི ¶ མེ ཨཛྫ པཱཏརཱསཀཱལེ, པཉྷཾ ན སཀྐུཎེཡྻཱཐ ཝཏྟུམེཏཾ;

རཊྛཱ པབྦཱཛཡིསྶཱམི ཝོ སབྦེ, ན ཧི མཏྠོ དུཔྤཉྙཛཱཏིཀེཧི.

མཧཱཛནསམཱགམམྷི གྷོརེ, ཛནཀོལཱཧལསངྒམམྷི ཛཱཏེ;

ཝིཀྑིཏྟམནཱ ཨནེཀཙིཏྟཱ, པཉྷཾ ན སཀྐུཎོམ ཝཏྟུམེཏཾ.

ཨེཀགྒཙིཏྟཱཝ ཨེཀམེཀཱ, རཧསི གཏཱ ཨཏྠཾ ནིཙིནྟཡིཏྭཱ [ཨཏྠཱནི ཙིནྟཡིཏྭཱ (སྱཱ. ཀ.)];

པཝིཝེཀེ སམྨསིཏྭཱན དྷཱིརཱ, ཨཐ ཝཀྑནྟི ཛནིནྡ ཨེཏམཏྠཾ.

ཨུགྒཔུཏྟ-རཱཛཔུཏྟིཡཱནཾ, ཨུརབྦྷསྶ མཾསཾ པིཡཾ མནཱཔཾ;

ན སུནཁསྶ ཏེ ཨདེནྟི མཾསཾ, ཨཐ མེཎྜསྶ སུཎེན སཁྱམསྶ.

ཙམྨཾ ཝིཧནནྟི ཨེལ༹ཀསྶ, ཨསྶཔིཊྛཏྠརསྶུཁསྶ [ཨསྶཔིཊྛཏྠརཎསུཁསྶ (སཱི.)] ཧེཏུ;

ན ཙ ཏེ སུནཁསྶ ཨཏྠརནྟི, ཨཐ ¶ མེཎྜསྶ སུཎེན སཁྱམསྶ.

ཨཱཝེལླིཏསིངྒིཀོ ¶ ཧི མེཎྜོ, ན ཙ སུནཁསྶ ཝིསཱཎཀཱནི ཨཏྠི;

ཏིཎབྷཀྑོ མཾསབྷོཛནོ ཙ, ཨཐ མེཎྜསྶ སུཎེན སཁྱམསྶ.

ཏིཎམཱསི པལཱསམཱསི མེཎྜོ, ན ཙ སུནཁོ ཏིཎམཱསི ནོ པལཱསཾ;

གཎྷེཡྻ སུཎོ སསཾ བིལཱ༹རཾ, ཨཐ མེཎྜསྶ སུཎེན སཁྱམསྶ.

ཨཊྛཌྜྷཔདོ ¶ ཙཏུཔྤདསྶ, མེཎྜོ ཨཊྛནཁོ ཨདིསྶམཱནོ;

ཚཱདིཡམཱཧརཏཱི ཨཡཾ ཨིམསྶ, མཾསཾ ཨཱཧརཏཱི ཨཡཾ ཨམུསྶ.

པཱསཱདཝརགཏོ ཝིདེཧསེཊྛོ, ཝིཏིཧཱརཾ ཨཉྙམཉྙབྷོཛནཱནཾ;

ཨདྡཀྑི [ཨདྡས (སྱཱ. ཀ.)] ཀིར སཀྑིཀཾ ཛནིནྡོ, བུབྷུཀྐསྶ ¶ པུཎྞཾ མུཁསྶ [བྷོབྷུཀྑསྶ ཙ པུཎྞམུཁསྶ (སཱི.)] ཙེཏཾ.

ལཱབྷཱ ཝཏ མེ ཨནཔྤརཱུཔཱ, ཡསྶ མེདིསཱ པཎྜིཏཱ ཀུལམྷི;

པཉྷསྶ གམྦྷཱིརགཏཾ ནིཔུཎམཏྠཾ, པཊིཝིཛ྄ཛྷནྟི སུབྷཱསིཏེན དྷཱིརཱ.

ཨསྶཏརིརཐཉྩ ཨེཀམེཀཾ, ཕཱིཏཾ གཱམཝརཉྩ ཨེཀམེཀཾ;

སབྦེསཾ ཝོ དམྨི པཎྜིཏཱནཾ, པརམཔྤཏཱིཏམནོ སུབྷཱསིཏེནཱཏི.

ནཱདཊྛཱ [ནཱདིཊྛཱ (ཀ. སཱི. སྱཱ. ཀ.)] པརཏོ དོསཾ, ཨཎུཾ ཐཱུལཱནི སབྦསོ;

ཨིསྶརོ པཎཡེ དཎྜཾ, སཱམཾ ཨཔྤཊིཝེཀྑིཡ.

ཡོ ཙ ཨཔྤཊིཝེཀྑིཏྭཱ, དཎྜཾ ཀུབྦཏི ཁཏྟིཡོ;

སཀཎྚཀཾ སོ གིལཏི, ཛཙྩནྡྷོཝ སམཀྑིཀཾ.

ཨདཎྜིཡཾ དཎྜཡཏི [དཎྜིཡཏི (སྱཱ. པཱི.)], དཎྜིཡཉྩ ཨདཎྜིཡཾ [ཨདཎྜིཡ (ནིཡྻ), ན དཎྜཡེ (?)];

ཨནྡྷོཝ ཝིསམཾ མགྒཾ, ན ཛཱནཱཏི སམཱསམཾ.

ཡོ ཙ ཨེཏཱནི ཋཱནཱནི, ཨཎུཾ ཐཱུལཱནི སབྦསོ;

སུདིཊྛམནུསཱསེཡྻ, ས ཝེ ཝོཧརིཏུ [ཝོཧཱཏུ (པཱི.)] མརཧཏི.

ནེཀནྟམུདུནཱ ¶ ¶ སཀྐཱ, ཨེཀནྟཏིཁིཎེན ཝཱ;

ཨཏྟཾ མཧནྟེ [མཧཏྟེ (སྱཱ. ཀ.)] ཋཔེཏུཾ [ཋཱཔེཏུཾ (སཱི. སྱཱ. པཱི.)], ཏསྨཱ ཨུབྷཡམཱཙརེ.

པརིབྷཱུཏོ མུདུ ཧོཏི, ཨཏིཏིཀྑོ ཙ ཝེརཝཱ;

ཨེཏཉྩ ཨུབྷཡཾ ཉཏྭཱ, ཨནུམཛ྄ཛྷཾ སམཱཙརེ.

བཧུམྤི རཏྟོ བྷཱསེཡྻ, དུཊྛོཔི བཧུ བྷཱསཏི;

ན ཨིཏྠིཀཱརཎཱ རཱཛ, པུཏྟཾ གྷཱཏེཏུམརཧསི.

སབྦོཝ ¶ [སབྦོ ཙ (ཀ. སཱི. པཱི.)] ལོཀོ ཨེཀཏོ [ཨེཀནྟོ (སཱི. པཱི.)], ཨིཏྠཱི ཙ ཨཡམེཀིཀཱ;

ཏེནཱཧཾ པཊིཔཛྫིསྶཾ, གཙྪཐ པཀྑིཔཐེཝ [པཀྑིཔེཐ (སྱཱ. ཨཊྛ.)] ཏཾ.

ཨནེཀཏཱལེ ནརཀེ, གམྦྷཱིརེ ཙ སུདུཏྟརེ [གམྦྷཱིརེ སུདུརུཏྟརེ (པཱི. ཀ.)];

པཱཏིཏོ གིརིདུགྒསྨིཾ, ཀེན ཏྭཾ ཏཏྠ ནཱམརི.

ནཱགོ ཛཱཏཕཎོ ཏཏྠ, ཐཱམཝཱ གིརིསཱནུཛོ;

པཙྩགྒཧི མཾ བྷོགེཧི, ཏེནཱཧཾ ཏཏྠ ནཱམརིཾ.

ཨེཧི ཏཾ པཊིནེསྶཱམི, རཱཛཔུཏྟ སཀཾ གྷརཾ;

རཛྫཾ ཀཱརེཧི [ཀཱརེསི (སཱི.)] བྷདྡནྟེ, ཀིཾ ཨརཉྙེ ཀརིསྶསི.

ཡཐཱ གིལིཏྭཱ བལི༹སཾ, ཨུདྡྷརེཡྻ སལོཧིཏཾ;

ཨུདྡྷརིཏྭཱ སུཁཱི ཨསྶ, ཨེཝཾ [སུཁཾ (པཱི. ཀ.)] པསྶཱམི ཨཏྟནཾ [ཨཏྟནི (པཱི. ཀ.), ཨཏྟནཱ (སྱཱ.), ཨེཝཾ ཨཧམྤི པུན སོཏྠིབྷཱཝཔྤཏྟཾ གིལིཏབལི༹སཾ པུརིསམིཝ ཨཏྟཱནཾ པསྶཱམཱིཏི (ཨཊྛ. སཾཝཎྞནཱ)].

ཀིཾ ནུ ཏྭཾ བལི༹སཾ བྲཱུསི, ཀིཾ ཏྭཾ བྲཱུསི སལོཧིཏཾ;

ཀིཾ ནུ ཏྭཾ ཨུབྦྷཏཾ བྲཱུསི, ཏཾ མེ ཨཀྑཱཧི པུཙྪིཏོ.

ཀཱམཱཧཾ བལི༹སཾ བྲཱུམི, ཧཏྠིཨསྶཾ སལོཧིཏཾ;

ཙཏྟཱཧཾ ཨུབྦྷཏཾ བྲཱུམི, ཨེཝཾ ཛཱནཱཧི ཁཏྟིཡ.

ཙིཉྩཱམཱཎཝིཀཱ ¶ མཱཏཱ, དེཝདཏྟོ ཙ མེ པིཏཱ;

ཨཱནནྡོ པཎྜིཏོ ནཱགོ, སཱརིཔུཏྟོ ཙ དེཝཏཱ;

རཱཛཔུཏྟོ ཨཧཾ ཨཱསིཾ [ཨཧཾ ཏདཱ རཱཛཔུཏྟོ (སཱི. སྱཱ. པཱི.)], ཨེཝཾ དྷཱརེཐ ཛཱཏཀནྟི.

ཀཱནི ¶ ཀམྨཱནི ཀུབྦཱནཾ, ཀཐཾ ཝིཉྙཱུ པརཀྐམེ;

ཨམིཏྟཾ ཛཱནེཡྻ མེདྷཱཝཱི, དིསྭཱ སུཏྭཱ ཙ པཎྜིཏོ.

ན ནཾ ཨུམྷཡཏེ དིསྭཱ, ན ཙ ནཾ པཊིནནྡཏི;

ཙཀྑཱུནི ཙསྶ [ཙཀྑཱུནིསྶ (སྱཱ. ཀ.)] ན དདཱཏི, པཊིལོམཉྩ ཝཏྟཏི.

ཨམིཏྟེ ཏསྶ བྷཛཏི, མིཏྟེ ཏསྶ ན སེཝཏི;

ཝཎྞཀཱམེ ནིཝཱརེཏི, ཨཀྐོསནྟེ པསཾསཏི.

གུཡ྄ཧཉྩ ཏསྶ ནཀྑཱཏི, ཏསྶ གུཡ྄ཧཾ ན གཱུཧཏི;

ཀམྨཾ ཏསྶ ན ཝཎྞེཏི, པཉྙསྶ ནཔྤསཾསཏི.

ཨབྷཝེ ¶ ནནྡཏི ཏསྶ, བྷཝེ ཏསྶ ན ནནྡཏི;

ཨཙྪེརཾ [ཨཙྪརིཡཾ (སཱི. སྱཱ. པཱི.)] བྷོཛནཾ ལདྡྷཱ, ཏསྶ ནུཔྤཛྫཏེ སཏི;

ཏཏོ ནཾ ནཱནུཀམྤཏི, ཨཧོ སོཔི [ཨཧཱསོཔི (ཀ. སཱི. སྱཱ. ཀ.)] ལབྷེཡྻིཏོ.

ཨིཙྩེཏེ སོལ༹སཱཀཱརཱ, ཨམིཏྟསྨིཾ པཏིཊྛིཏཱ;

ཡེཧི ཨམིཏྟཾ ཛཱནེཡྻ, དིསྭཱ སུཏྭཱ ཙ པཎྜིཏོ.

ཀཱནི ཀམྨཱནི ཀུབྦཱནཾ, ཀཐཾ ཝིཉྙཱུ པརཀྐམེ;

མིཏྟཾ ¶ ཛཱནེཡྻ མེདྷཱཝཱི, དིསྭཱ སུཏྭཱ ཙ པཎྜིཏོ.

པཝུཏྠཾ ཏསྶ སརཏི, ཨཱགཏཾ ཨབྷིནནྡཏི;

ཏཏོ ཀེལཱཡིཏོ ཧོཏི, ཝཱཙཱཡ པཊིནནྡཏི.

མིཏྟེ ཏསྶེཝ བྷཛཏི, ཨམིཏྟེ ཏསྶ ན སེཝཏི;

ཨཀྐོསནྟེ ནིཝཱརེཏི, ཝཎྞཀཱམེ པསཾསཏི.

གུཡ྄ཧཉྩ ཏསྶ ཨཀྑཱཏི, ཏསྶ གུཡ྄ཧཉྩ གཱུཧཏི;

ཀམྨཉྩ ཏསྶ ཝཎྞེཏི, པཉྙཾ ཏསྶ [པཉྙམསྶ (སྱཱ. ཀ.)] པསཾསཏི.

བྷཝེ ཙ ནནྡཏི ཏསྶ [བྷཝེ ནནྡཏི ཏསྶ ཙ (ཀ.)], ཨབྷཝེ ཏསྶ ན ནནྡཏི;

ཨཙྪེརཾ [ཨཙྪརིཡཾ (སཱི. སྱཱ. པཱི.)] བྷོཛནཾ ལདྡྷཱ, ཏསྶ ཨུཔྤཛྫཏེ སཏི;

ཏཏོ ནཾ ཨནུཀམྤཏི, ཨཧོ སོཔི [པཧཱསོཔི (ཀ. སཱི. སྱཱ. ཀ.)] ལབྷེཡྻིཏོ.

ཨིཙྩེཏེ ¶ སོལ༹སཱཀཱརཱ, མིཏྟསྨིཾ སུཔྤཏིཊྛིཏཱ;

ཡེཧི མིཏྟཉྩ ཛཱནེཡྻ [མིཏྟཾ སུཛཱནེཡྻ (པཱི. ཀ.)], དིསྭཱ སུཏྭཱ ཙ པཎྜིཏོཏི.

ལཧུཙིཏྟ སསཱལ ཀསནྟི པུན, ཨཐ ཀཱམ དསཁལུཊྛཱནཝརོ;

ཨཐ ཀཎྷ སུཀོསིཡ མེཎྜཝརོ, པདུམོ པུན མིཏྟཝརེན དསཱཏི.

ཨཧཱསི ¶ ¶ ¶ [ཨཱཧཱསི (?)] མེ ཨམྦཕལཱནི པུབྦེ, ཨཎཱུནི ཐཱུལཱནི ཙ བྲཧྨཙཱརི;

ཏེཧེཝ མནྟེཧི ན དཱནི ཏུཡ྄ཧཾ, དུམཔྥལཱ པཱཏུབྷཝནྟི བྲཧྨེ.

ནཀྑཏྟཡོགཾ པཊིམཱནཡཱམི, ཁཎཾ མུཧུཏྟཉྩ མནྟེ ན པསྶཾ [ཁཎཾ མུཧུཏྟཾ ན མཾ ཏོསཡནྟི (སཱི. པཱི.)];

ནཀྑཏྟཡོགཉྩ ཁཎཉྩ ལདྡྷཱ, ཨདྡྷཱཧརིསྶམྦཕལཾ [ཨཐཱཧརིསྶམྦཕལཾ (སཱི. པཱི.)] པཧཱུཏཾ.

ནཀྑཏྟཡོགཾ ན པུརེ ཨབྷཱཎི, ཁཎཾ མུཧུཏྟཾ ན པུརེ ཨསཾསི;

སཡཾ ཧརཱི [ཨཐཱཧརཱི (སཱི. སྱཱ. པཱི.)] ཨམྦཕལཾ པཧཱུཏཾ, ཝཎྞེན གནྡྷེན རསེནུཔེཏཾ.

མནྟཱབྷིཛཔྤེན པུརེ ཧི [པུར’སྶ (སཱི. པཱི.), པུརེཔི (སྱཱ.)] ཏུཡ྄ཧཾ, དུམཔྥལཱ པཱཏུབྷཝནྟི བྲཧྨེ;

སྭཱཛྫ ན པཱརེསི ཛཔྤམྤི མནྟཾ [ཛཔམྤི མནྟེ (སཱི. པཱི.)], ཨཡཾ སོ ཀོ ནཱམ ཏཝཛྫ དྷམྨོ.

ཙཎྜཱལཔུཏྟོ ¶ མམ སམྤདཱསི, དྷམྨེན མནྟེ པཀཏིཉྩ སཾསི;

མཱ ཙསྶུ མེ པུཙྪིཏོ ནཱམགོཏྟཾ, གུཡ྄ཧིཏྠོ ཨཏྠཾ [མཱ ཏཾ (སཱི. སྱཱ. པཱི.)] ཝིཛཧེཡྻ མནྟོ [ཝིཛཧེཡྻུམནྟཱ (སྱཱ.)].

སོཧཾ ¶ ཛནིནྡེན ཛནམྷི པུཊྛོ, མཀྑཱབྷིབྷཱུཏོ ཨལིཀཾ ཨབྷཱཎིཾ;

‘‘མནྟཱ ཨིམེ བྲཱཧྨཎསྶཱ’’ཏི མིཙྪཱ, པཧཱིནམནྟོ ཀཔཎོ རུདཱམི.

ཨེརཎྜཱ པུཙིམནྡཱ ཝཱ, ཨཐ ཝཱ པཱལིབྷདྡཀཱ;

མདྷུཾ མདྷུཏྠིཀོ ཝིནྡེ, སོ ཧི ཏསྶ དུམུཏྟམོ.

ཁཏྟིཡཱ བྲཱཧྨཎཱ ཝེསྶཱ, སུདྡཱ ཙཎྜཱལཔུཀྐུསཱ;

ཡམྷཱ དྷམྨཾ ཝིཛཱནེཡྻ, སོ ཧི ཏསྶ ནརུཏྟམོ.

ཨིམསྶ དཎྜཉྩ ཝདྷཉྩ དཏྭཱ, གལེ གཧེཏྭཱ ཁལཡཱཐ [བལཡཱཐ (སྱཱ.), གལཡཱཐ (ཀ.)] ཛམྨཾ;

ཡོ ཨུཏྟམཏྠཾ ཀསིརེན ལདྡྷཾ, མཱནཱཏིམཱནེན ཝིནཱསཡིཏྠ.

ཡཐཱ སམཾ མཉྙམཱནོ པཏེཡྻ, སོབྦྷཾ གུཧཾ ནརཀཾ པཱུཏིཔཱདཾ;

རཛྫཱུཏི ཝཱ ཨཀྐམེ ཀཎྷསཔྤཾ, ཨནྡྷོ ¶ ཡཐཱ ཛོཏིམདྷིཊྛཧེཡྻ;

ཨེཝམྤི མཾ ཏྭཾ ཁལིཏཾ སཔཉྙ [སཔཉྙཱ (པཱི.)], པཧཱིནམནྟསྶ པུནཔྤདཱཧི [པུན སམྤདཱཧི (སྱཱ.), པུནཔྤསཱིད (སཱི. པཱི.)].

དྷམྨེན མནྟཾ [མནྟེ (སཱི. སྱཱ. པཱི.)] ཏཝ སམྤདཱསིཾ, ཏུཝམྤི དྷམྨེན [ཏྭམྤི དྷམྨེནེཝ (ཀ.)] པརིགྒཧེསི;

པཀཏིམྤི ཏེ ཨཏྟམནོ ཨསཾསིཾ, དྷམྨེ ཋིཏཾ ཏཾ [པཏིཊྛཾ (ཀ.)] ན ཛཧེཡྻ མནྟོ.

ཡོ ¶ བཱལ མནྟཾ [བལམནྟཾ (ཀ.)] ཀསིརེན ལདྡྷཾ, ཡཾ དུལླབྷཾ ཨཛྫ མནུསྶལོཀེ;

ཀིཉྩཱཔི ལདྡྷཱ ཛཱིཝིཏུཾ ཨཔྤཔཉྙོ [ཀིཙྪཱ ལདྡྷཾ ཛཱིཝིཀཾ ཨཔྤཔཉྙོ (སཱི. སྱཱ.), ཀཙྪཱཔི ལདྡྷཱ ཛཱིཝིཀཾ ཨཔྤཉྙ (པཱི.)], ཝིནཱསཡཱི ཨལིཀཾ བྷཱསམཱནོ.

བཱལསྶ ¶ མཱུལ༹ྷསྶ ཨཀཏཉྙུནོ ཙ, མུསཱ བྷཎནྟསྶ ཨསཉྙཏསྶ;

མནྟེ མཡཾ ཏཱདིསཀེ ན དེམ, ཀུཏོ མནྟཱ གཙྪ ན མཡ྄ཧ རུཙྩསཱིཏི.

ཀུཋཱརིཧཏྠོ ¶ [ཀུདྷཱརིཧཏྠོ (ཀ.)] པུརིསོ, ཝནམོགཡ྄ཧ ཏིཊྛསི;

པུཊྛོ མེ སམྨ ཨཀྑཱཧི, ཀིཾ དཱརུཾ ཚེཏུམིཙྪསི.

ཨིསྶོ [ཨིསོ (སཱི.), ཨཱིསོ (སྱཱ. པཱི.)] ཝནཱནི ཙརསི, སམཱནི ཝིསམཱནི ཙ;

པུཊྛོ མེ སམྨ ཨཀྑཱཧི, ཀིཾ དཱརུཾ ནེམིཡཱ དལ༹ྷཾ.

ནེཝ སཱལོ ན ཁདིརོ, ནཱསྶཀཎྞོ ཀུཏོ དྷཝོ;

རུཀྑོ ཙ [རུཀྑོཝ (སཱི. པཱི.)] ཕནྡནོ ནཱམ, ཏཾ དཱརུཾ ནེམིཡཱ དལ༹ྷཾ.

ཀཱིདིསཱནིསྶ པཏྟཱནི, ཁནྡྷོ ཝཱ པན ཀཱིདིསོ;

པུཊྛོ མེ སམྨ ཨཀྑཱཧི, ཡཐཱ ཛཱནེམུ ཕནྡནཾ.

ཡསྶ སཱཁཱ པལམྦནྟི, ནམནྟི ན ཙ བྷཉྫརེ;

སོ རུཀྑོ ཕནྡནོ ནཱམ, ཡསྶ མཱུལེ ཨཧཾ ཋིཏོ.

ཨརཱནཾ ཙཀྐནཱབྷཱིནཾ, ཨཱིསཱནེམིརཐསྶ ཙ;

སབྦསྶ ཏེ ཀམྨནིཡོ, ཨཡཾ ཧེསྶཏི ཕནྡནོ.

ཨིཏི ཕནྡནརུཀྑོཔི, ཏཱཝདེ ཨཛ྄ཛྷབྷཱསཐ;

མཡ྄ཧམྤི ཝཙནཾ ཨཏྠི, བྷཱརདྭཱཛ སུཎོཧི མེ.

ཨིསྶསྶ [ཨིམསྶ (ཀ. སཱི. ཀ.)] ཨུཔཀྑནྡྷམྷཱ [ཨུཔཁནྡྷམྷཱ (ཀ. སཱི. པཱི. ཀ.)], ཨུཀྐཙྩ ཙཏུརངྒུལཾ;

ཏེན ནེམིཾ པསཱརེསི [པརིཧརེསི (སཱི. པཱི.)], ཨེཝཾ དལ༹ྷཏརཾ སིཡཱ.

ཨིཏི ཕནྡནརུཀྑོཔི, ཝེརཾ ཨཔྤེསི ཏཱཝདེ;

ཛཱཏཱནཉྩ ཨཛཱཏཱནཾ, ཨིསྶཱནཾ དུཀྑམཱཝཧི.

ཨིཙྩེཝཾ ¶ [ཨིཙྩེཝ (སཱི. པཱི.)] ཕནྡནོ ཨིསྶཾ, ཨིསྶོ ཙ པན ཕནྡནཾ;

ཨཉྙམཉྙཾ ¶ ཝིཝཱདེན, ཨཉྙམཉྙམགྷཱཏཡུཾ.

ཨེཝམེཝ མནུསྶཱནཾ, ཝིཝཱདོ ཡཏྠ ཛཱཡཏི;

མཡཱུརནཙྩཾ ནཙྩནྟི, ཡཐཱ ཏེ ཨིསྶཕནྡནཱ.

ཏཾ ¶ ཝོ ཝདཱམི བྷདྡཾ ཝོ [བྷདྡནྟེ (ཀ.)], ཡཱཝནྟེཏྠ སམཱགཏཱ;

སམྨོདཐ མཱ ཝིཝདཐ [མཱཝིཝདིཏྠ (སཱི. སྱཱ. པཱི.)], མཱ ཧོཐ ཨིསྶཕནྡནཱ.

སཱམགྒིམེཝ [སཱམགྱམེཝ (སྱཱ. ཀ.)] སིཀྑེཐ, བུདྡྷེཧེཏཾ པསཾསིཏཾ;

སཱམགྒིརཏོ དྷམྨཊྛོ, ཡོགཀྑེམཱ ན དྷཾསཏཱིཏི.

ཨིདྷེཝ ཧཾས ནིཔཏ, པིཡཾ མེ ཏཝ དསྶནཾ;

ཨིསྶརོསི ཨནུཔྤཏྟོ, ཡམིདྷཏྠི པཝེདཡ.

སཝནེན ཨེཀསྶ པིཡཱ བྷཝནྟི, དིསྭཱ པནེཀསྶ ཝིཡེཏི [ཝིནེཏི (སྱཱ.), ཝིཧེཏི (པཱི.), ཝིགེཏི (ཀ. ཨཊྛ.)] ཚནྡོ;

དིསྭཱ ཙ སུཏྭཱ ཙ པིཡཱ བྷཝནྟི, ཀཙྩིནྣུ མེ པཱིཡསི [པིཡྻསི (སཱི. པཱི.)] དསྶནེན.

སཝནེན པིཡོ མེསི, བྷིཡྻོ ཙཱགམྨ དསྶནཾ;

ཨེཝཾ པིཡདསྶནོ མེ [ཨེཝཾ པིཡདསྶནོ སམཱནོ (སཱི. སྱཱ. པཱི.)], ཝས ཧཾས མམནྟིཀེ [མམ སནྟིཀེ (སཱི. སྱཱ. པཱི.)].

ཝསེཡྻཱམ ཏཝཱགཱརེ, ནིཙྩཾ སཀྐཏཔཱུཛིཏཱ;

མཏྟོ ཙ ཨེཀདཱ ཝཛྫེ [ཝཛྫཱ (སཱི. པཱི.)], ‘‘ཧཾསརཱཛཾ པཙནྟུ མེ’’.

དྷིརཏྠུ ¶ ཏཾ མཛྫཔཱནཾ, ཡཾ མེ པིཡཏརཾ ཏཡཱ;

ན ཙཱཔི མཛྫཾ པིསྶཱམི [པིཝིསྶཱམི (སྱཱ.), པཱཡཱམི (སཱི. པཱི.)], ཡཱཝ མེ ཝཙྪསཱི གྷརེ.

སུཝིཛཱནཾ ¶ སིངྒཱལཱནཾ, སཀུཎཱནཉྩ [སཀུནྟཱནཉྩ (སཱི. སྱཱ. པཱི.)] ཝསྶིཏཾ;

མནུསྶཝསྶིཏཾ རཱཛ, དུབྦིཛཱནཏརཾ ཏཏོ.

ཨཔི ཙེ མཉྙཏཱི པོསོ, ཉཱཏི མིཏྟོ སཁཱཏི ཝཱ;

ཡོ པུབྦེ སུམནོ ཧུཏྭཱ, པཙྪཱ སམྤཛྫཏེ དིསོ.

ཡསྨིཾ མནོ ནིཝིསཏི, ཨཝིདཱུརེ སཧཱཔི སོ;

སནྟིཀེཔི ཧི སོ དཱུརེ, ཡསྨིཾ ནཱཝིསཏེ [ཡསྨཱ ཝིཝསཏེ (སཱི. སྱཱ. པཱི.)] མནོ.

ཨནྟོཔི སོ ཧོཏི པསནྣཙིཏྟོ, པཱརཾ སམུདྡསྶ པསནྣཙིཏྟོ;

ཨནྟོཔི སོ ཧོཏི པདུཊྛཙིཏྟོ, པཱརཾ སམུདྡསྶ པདུཊྛཙིཏྟོ.

སཾཝསནྟཱ ཝིཝསནྟི, ཡེ དིསཱ ཏེ རཐེསབྷ;

ཨཱརཱ སནྟོ སཾཝསནྟི, མནསཱ རཊྛཝཌྜྷན.

ཨཏིཙིརཾ ནིཝཱསེན, པིཡོ བྷཝཏི ཨཔྤིཡོ;

ཨཱམནྟ ཁོ ཏཾ གཙྪཱམ [གཙྪཱམི (སྱཱ.)], པུརཱ ཏེ ཧོམ ཨཔྤིཡཱ [ཧོམི ཨཔྤིཡོ (སྱཱ.)].

ཨེཝཾ ¶ ཙེ ཡཱཙམཱནཱནཾ, ཨཉྫལིཾ ནཱཝབུཛ྄ཛྷསི;

པརིཙཱརཀཱནཾ སཏཾ [སནྟཱནཾ (སཱི. སྱཱ.), སཏྟཱནཾ (པཱི.)], ཝཙནཾ ན ཀརོསི ནོ;

ཨེཝཾ ཏཾ ཨབྷིཡཱཙཱམ, པུན ཀཡིརཱསི པརིཡཱཡཾ.

ཨེཝཾ ཙེ ནོ ཝིཧརཏཾ, ཨནྟརཱཡོ ན ཧེསྶཏི;

ཏུཡ྄ཧཉྩཱཔི ¶ [ཝཱཔི (སྱཱ. པཱི. ཀ.)] མཧཱརཱཛ, མཡ྄ཧཉྩ [ཝཱ (བཧཱུསུ)] རཊྛཝཌྜྷན;

ཨཔྤེཝ ནཱམ པསྶེམུ [པསྶེམ (སཱི. སྱཱ. པཱི.)], ཨཧོརཏཱནམཙྩཡེཏི.

ན ཏེ ཀཊྛཱནི བྷིནྣཱནི, ན ཏེ ཨུདཀམཱབྷཏཾ;

ཨགྒཱིཔི ཏེ ན ཧཱཔིཏོ [ཧཱསིཏོ (སཱི. སྱཱ.)], ཀིཾ ནུ མནྡོཝ ཛྷཱཡསི.

ན ¶ ཨུསྶཧེ ཝནེ ཝཏྠུཾ, ཀསྶཔཱམནྟཡཱམི ཏཾ;

དུཀྑོ ཝཱསོ ཨརཉྙསྨིཾ, རཊྛཾ ཨིཙྪཱམི གནྟཝེ.

ཡཐཱ ཨཧཾ ཨིཏོ གནྟྭཱ, ཡསྨིཾ ཛནཔདེ ཝསཾ;

ཨཱཙཱརཾ བྲཧྨེ [བྲཧྨཾ (ཀ.)] སིཀྑེཡྻཾ, ཏཾ དྷམྨཾ ཨནུསཱས མཾ.

སཙེ ཨརཉྙཾ ཧིཏྭཱན, ཝནམཱུལཕལཱནི ཙ;

རཊྛེ རོཙཡསེ ཝཱསཾ, ཏཾ དྷམྨཾ ནིསཱམེཧི མེ.

ཝིསཾ མཱ པཊིསེཝིཏྠོ [པཊིསེཝིཏྠ (སྱཱ. ཀ.)], པཔཱཏཾ པརིཝཛྫཡ;

པངྐེ ཙ མཱ ཝིསཱིདིཏྠོ [པངྐོ ཙ མཱ ཝིསིཡིཏྠོ (ཀ.)], ཡཏྟོ ཙཱསཱིཝིསེ ཙརེ.

ཀིཾ ནུ ཝིསཾ པཔཱཏོ ཝཱ, པངྐོ ཝཱ བྲཧྨཙཱརིནཾ;

ཀཾ ཏྭཾ ཨཱསཱིཝིསཾ བྲཱུསི, ཏཾ མེ ཨཀྑཱཧི པུཙྪིཏོ;

ཨཱསཝོ ཏཱཏ ལོཀསྨིཾ, སུརཱ ནཱམ པཝུཙྩཏི;

མནུཉྙོ [མནུཉྙཱ (སཱི. སྱཱ. པཱི.)] སུརབྷཱི ཝགྒུ, སཱདུ [མདྷུ (སཱི. སྱཱ.)] ཁུདྡརསཱུཔམོ [རསཱུཔམཱ (སཱི. སྱཱ. པཱི.)];

ཝིསཾ ཏདཱཧུ ཨརིཡཱ སེ, བྲཧྨཙརིཡསྶ ནཱརད.

ཨིཏྠིཡོ ¶ ཏཱཏ ལོཀསྨིཾ, པམཏྟཾ པམཐེནྟི ཏཱ;

ཧརནྟི ཡུཝིནོ ཙིཏྟཾ, ཏཱུལཾ བྷཊྛཾཝ མཱལུཏོ;

པཔཱཏོ ཨེསོ ཨཀྑཱཏོ, བྲཧྨཙརིཡསྶ ནཱརད.

ལཱབྷོ སིལོཀོ སཀྐཱརོ, པཱུཛཱ པརཀུལེསུ ཙ;

པངྐོ ཨེསོ ཙ [ཨེསོཝ (སཱི. སྱཱ. པཱི.)] ཨཀྑཱཏོ, བྲཧྨཙརིཡསྶ ནཱརད.

སསཏྠཱ ¶ [མཧནྟཱ (སྱཱ. ཀ.)] ཏཱཏ རཱཛཱནོ, ཨཱཝསནྟི མཧིཾ ཨིམཾ;

ཏེ ཏཱདིསེ མནུསྶིནྡེ, མཧནྟེ ཏཱཏ ནཱརད.

ཨིསྶརཱནཾ ཨདྷིཔཏཱིནཾ, ན ཏེསཾ པཱདཏོ ཙརེ;

ཨཱསཱིཝིསོཏི [ཨཱསཱིཝིསོ སོ (སཱི. པཱི.)] ཨཀྑཱཏོ, བྲཧྨཙརིཡསྶ ནཱརད.

བྷཏྟཏྠོ བྷཏྟཀཱལེ ཙ [ཡཾ (སཱི. པཱི.)], ཡཾ གེཧམུཔསངྐམེ;

ཡདེཏྠ ཀུསལཾ ཛཉྙཱ, ཏཏྠ གྷཱསེསནཾ ཙརེ.

པཝིསིཏྭཱ ¶ པརཀུལཾ, པཱནཏྠཾ [པཱནཏྠོ (སྱཱ. པཱི.)] བྷོཛནཱཡ ཝཱ;

མིཏཾ ཁཱདེ མིཏཾ བྷུཉྫེ, ན ཙ རཱུཔེ མནཾ ཀརེ.

གོཊྛཾ མཛྫཾ ཀིརཱཊཉྩ [ཀིརཱསཉྩ (སཱི. སྱཱ.), ཀིརཱསཾ ཝཱ (པཱི.)], སབྷཱ ནིཀིརཎཱནི ཙ;

ཨཱརཀཱ པརིཝཛྫེཧི, ཡཱནཱིཝ ཝིསམཾ པཐནྟི.

དཱུཏེ ¶ ཏེ བྲཧྨེ [དཱུཏེ བྲཱཧྨཎ (ཀ.)] པཱཧེསིཾ, གངྒཱཏཱིརསྨི ཛྷཱཡཏོ;

ཏེསཾ པུཊྛོ ན བྱཱཀཱསི, དུཀྑཾ གུཡ྄ཧམཏཾ [གུཡ྄ཧཾ མཏཾ (སཱི.), ཏུཡ྄ཧཾ མཏཾ (སྱཱ. ཀ.)] ནུ ཏེ.

སཙེ ཏེ དུཀྑམུཔྤཛྫེ, ཀཱསཱིནཾ རཊྛཝཌྜྷན;

མཱ ཁོ ནཾ ཏསྶ ཨཀྑཱཧི, ཡོ ཏཾ དུཀྑཱ ན མོཙཡེ.

ཡོ ཏསྶ [ཡོ ཙ ཏཐཱ (པཱི.)] དུཀྑཛཱཏསྶ, ཨེཀངྒམཔི བྷཱགསོ [ཨེཀནྟམཔི བྷཱསཏོ (སཱི. པཱི.)];

ཝིཔྤམོཙེཡྻ དྷམྨེན, ཀཱམཾ ཏསྶ པཝེདཡ [པཝེདཡེ (སཱི.)].

སུཝིཛཱནཾ སིངྒཱལཱནཾ, སཀུཎཱནཉྩ ཝསྶིཏཾ;

མནུསྶཝསྶིཏཾ རཱཛ, དུབྦིཛཱནཏརཾ ཏཏོ.

ཨཔི ཙེ མཉྙཏཱི པོསོ, ཉཱཏི མིཏྟོ སཁཱཏི ཝཱ;

ཡོ པུབྦེ སུམནོ ཧུཏྭཱ, པཙྪཱ སམྤཛྫཏེ དིསོ.

ཡོ ཨཏྟནོ དུཀྑམནཱནུཔུཊྛོ, པཝེདཡེ ཛནྟུ ཨཀཱལརཱུཔེ;

ཨཱནནྡིནོ ཏསྶ བྷཝནྟིམིཏྟཱ [བྷཝནྟ’མིཏྟཱ (སཱི. པཱི.)], ཧིཏེསིནོ ཏསྶ དུཁཱི བྷཝནྟི.

ཀཱལཉྩ ཉཏྭཱན ཏཐཱཝིདྷསྶ, མེདྷཱཝཱིནཾ ཨེཀམནཾ ཝིདིཏྭཱ;

ཨཀྑེཡྻ ཏིབྦཱནི [ཏིཔྤཱནི (སཱི. སྱཱ. པཱི.)] པརསྶ དྷཱིརོ, སཎྷཾ གིརཾ ཨཏྠཝཏིཾ པམུཉྩེ.

སཙེ ¶ ¶ ཙ ཛཉྙཱ ཨཝིསཡ྄ཧམཏྟནོ, ན ཏེ ཧི མཡ྄ཧཾ [ནཱཡཾ ནཱིཏི མཡ྄ཧ (སཱི. པཱི.)] སུཁཱགམཱཡ;

ཨེཀོཝ ཏིབྦཱནི སཧེཡྻ དྷཱིརོ, སཙྩཾ ཧིརོཏྟཔྤམཔེཀྑམཱནོ.

ཨཧཾ ¶ རཊྛཱནི ཝིཙརནྟོ, ནིགམེ རཱཛདྷཱནིཡོ;

བྷིཀྑམཱནོ མཧཱརཱཛ, ཨཱཙརིཡསྶ དྷནཏྠིཀོ.

གཧཔཏཱི རཱཛཔུརིསེ, མཧཱསཱལེ ཙ བྲཱཧྨཎེ;

ཨལཏྠཾ སཏྟ ནིཀྑཱནི, སུཝཎྞསྶ ཛནཱདྷིཔ;

ཏེ མེ ནཊྛཱ མཧཱརཱཛ, ཏསྨཱ སོཙཱམཧཾ བྷུསཾ.

པུརིསཱ ཏེ མཧཱརཱཛ, མནསཱནུཝིཙིནྟིཏཱ;

ནཱལཾ དུཀྑཱ པམོཙེཏུཾ, ཏསྨཱ ཏེསཾ ན བྱཱཧརིཾ.

ཏྭཉྩ ཁོ མེ མཧཱརཱཛ, མནསཱནུཝིཙིནྟིཏོ;

ཨལཾ དུཀྑཱ པམོཙེཏུཾ, ཏསྨཱ ཏུཡ྄ཧཾ པཝེདཡིཾ.

ཏསྶཱདཱསི པསནྣཏྟོ, ཀཱསཱིནཾ རཊྛཝཌྜྷནོ;

ཛཱཏརཱུཔམཡེ ནིཀྑེ, སུཝཎྞསྶ ཙཏུདྡསཱཏི.

རཱཛཱ ¶ ཀཱལིངྒོ ཙཀྐཝཏྟི, དྷམྨེན པཐཝིམནུསཱསཾ [མནུསཱསི (སྱཱ. ཀ.)];

ཨགམཱ [ཨགམཱསི (སྱཱ. ཀ.)] བོདྷིསམཱིཔཾ, ནཱགེན མཧཱནུབྷཱཝེན.

ཀཱལིངྒོ བྷཱརདྭཱཛོ ཙ, རཱཛཱནཾ ཀཱལིངྒཾ སམཎཀོལཉྙཾ;

ཙཀྐཾ ཝཏྟཡཏོ པརིགྒཧེཏྭཱ [པརིཎེཏྭཱ (པཱི.)], པཉྫལཱི ཨིདམཝོཙ.

པཙྩོརོཧ མཧཱརཱཛ, བྷཱུམིབྷཱགོ ཡཐཱ སམཎུགྒཏོ [སམནུགཱིཏོ (སཱི. སྱཱ. པཱི.)];

ཨིདྷ ཨནདྷིཝརཱ བུདྡྷཱ, ཨབྷིསམྦུདྡྷཱ ཝིརོཙནྟི.

པདཀྑིཎཏོ ¶ ཨཱཝཊྚཱ, ཏིཎལཏཱ ཨསྨིཾ བྷཱུམིབྷཱགསྨིཾ;

པཐཝིཡཱ ནཱབྷིཡཾ [པུཐུཝིཡཱ ཨཡཾ (སཱི.), པཋཝིཡཱ ཨཡཾ (སྱཱ.), པུཐཝིཡཱ’ཡཾ (པཱི.)] མཎྜོ, ཨིཏི ནོ སུཏཾ མནྟེ མཧཱརཱཛ [སུཏཾ མཧཱརཱཛ (སཱི. སྱཱ. པཱི.)].

སཱགརཔརིཡནྟཱཡ, མེདིནིཡཱ སབྦབྷཱུཏདྷརཎིཡཱ;

པཐཝིཡཱ ཨཡཾ མཎྜོ, ཨོརོཧིཏྭཱ ནམོ ཀརོཧི.

ཡེ ཏེ བྷཝནྟི ནཱགཱ ཙ, ཨབྷིཛཱཏཱ ཙ ཀུཉྫརཱ;

ཨེཏྟཱཝཏཱ པདེསཾ ཏེ, ནཱགཱ ནེཝ མུཔཡནྟི.

ཨབྷིཛཱཏོ ནཱགོ [ཨབྷིཛཱཏོ ཏེ ནཱགོ (སཱི. པཱི. ཨཊྛ.)] ཀཱམཾ, པེསེཧི ཀུཉྫརཾ དནྟིཾ;

ཨེཏྟཱཝཏཱ པདེསོ [པདེསོ ཙ (སྱཱ. ཀ.)], སཀྐཱ [ན སཀྐཱ (སྱཱ.)] ནཱགེན མུཔགནྟུཾ.

ཏཾ སུཏྭཱ རཱཛཱ ཀཱལིངྒོ, ཝེཡྻཉྫནིཀཝཙོ ནིསཱམེཏྭཱ;

སམྤེསེསི ནཱགཾ ཉསྶཱམ, མཡཾ ཡཐིམསྶིདཾ [ཡཐཱ ཨིདཾ (སཱི. སྱཱ. པཱི.)] ཝཙནཾ.

སམྤེསིཏོ ¶ ཙ རཉྙཱ, ནཱགོ ཀོཉྩོཝ ཨབྷིནདིཏྭཱན;

པཊིསཀྐིཏྭཱ ¶ [པཊིཨོསཀྐིཏྭཱ (ཀ.)] ནིསཱིདི, གརུཾཝ བྷཱརཾ ཨསཧམཱནོ.

ཀཱལིངྒབྷཱརདྭཱཛོ, ནཱགཾ ཁཱིཎཱཡུཀཾ ཝིདིཏྭཱན;

རཱཛཱནཾ ཀཱལིངྒཾ, ཏརམཱནོ ཨཛ྄ཛྷབྷཱསིཏྠ;

ཨཉྙཾ སངྐམ ནཱགཾ, ནཱགོ ཁཱིཎཱཡུཀོ མཧཱརཱཛ.

ཏཾ སུཏྭཱ ཀཱལིངྒོ, ཏརམཱནོ སངྐམཱི ནཱགཾ;

སངྐནྟེཝ རཉྙེ, ནཱགོ ཏཏྠེཝ པཏི [པཏིཏོ (ཀ.)] བྷུམྱཱ;

ཝེཡྻཉྫནིཀཝཙོ, ཡཐཱ ཏཐཱ ཨཧུ ནཱགོ.

ཀཱལིངྒོ རཱཛཱ ཀཱལིངྒཾ, བྲཱཧྨཎཾ ཨེཏདཝོཙ;

ཏྭམེཝ ཨསི སམྦུདྡྷོ, སབྦཉྙཱུ སབྦདསྶཱཝཱི.

ཏཾ ཨནདྷིཝཱསེནྟོ ཀཱལིངྒཾ [ཀཱལིངྒོ (སཱི. སྱཱ. པཱི.)], བྲཱཧྨཎོ ཨིདམཝོཙ;

ཝེཡྻཉྫནིཀཱ ཧི མཡཾ, བུདྡྷཱ སབྦཉྙུནོ མཧཱརཱཛ.

སབྦཉྙཱུ སབྦཝིདཱུ ཙ, བུདྡྷཱ ན ལཀྑཎེན ཛཱནནྟི;

ཨཱགམབལསཱ [ཨཱགམཔུརིསཱ (པཱི.)] ཧི མཡཾ, བུདྡྷཱ སབྦཾ པཛཱནནྟི.

མཧཡིཏྭཱ ¶ སམྦོདྷིཾ [མཧཱཡིཏྭཱན སམྦོདྷིཾ (སཱི. པཱི.), པཧཾསིཏྭཱན སམྦོདྷིཾ (སྱཱ.), མམཱཡིཏྭཱན ཏཾ བོདྷིཾ (ཀ.)], ནཱནཱཏུརིཡེཧི ཝཛྫམཱནེཧི;

མཱལཱཝིལེཔནཾ ཨབྷིཧརིཏྭཱ [མཱལཱགནྡྷཝིལེཔནཾ ཨཱཧརིཏྭཱ (སཱི. པཱི.); པཱཀཱརཔརིཀྑེཔཾ ཀཱརེསི; ཨཐ རཱཛཱ པཱཡཱསི (སཱི. སྱཱ. པཱི.)] ཨཐ རཱཛཱ མནུཔཱཡཱསི [པཱཀཱརཔརིཀྑེཔཾ ཀཱརེསི; ཨཐ རཱཛཱ པཱཡཱསི (སཱི. སྱཱ. པཱི.)].

སཊྛི ཝཱཧསཧསྶཱནི, པུཔྥཱནཾ སནྣིཔཱཏཡི;

པཱུཛེསི ¶ རཱཛཱ ཀཱལིངྒོ, བོདྷིམཎྜམནུཏྟརནྟི [ཝརུཏྟམེཏི (སཱི.)].

ཨཀིཏྟིཾ [ཨཀཏྟིཾ (ཀ.)] དིསྭཱ སམྨནྟཾ, སཀྐོ བྷཱུཏཔཏཱི བྲཝི;

ཀིཾ པཏྠཡཾ མཧཱབྲཧྨེ, ཨེཀོ སམྨསི གྷམྨནི.

དུཀྑོ པུནབྦྷཝོ སཀྐ, སརཱིརསྶ ཙ བྷེདནཾ;

སམྨོཧམརཎཾ དུཀྑཾ, ཏསྨཱ སམྨཱམི ཝཱསཝ.

ཨེཏསྨིཾ ཏེ སུལཔིཏེ, པཏིརཱུཔེ སུབྷཱསིཏེ;

ཝརཾ ཀསྶཔ ཏེ དམྨི, ཡཾ ཀིཉྩི མནསིཙྪསི.

ཝརཾ ཙེ མེ ཨདོ སཀྐ, སབྦབྷཱུཏཱནམིསྶར;

ཡེན པུཏྟེ ཙ དཱརེ ཙ, དྷནདྷཉྙཾ པིཡཱནི ཙ;

ལདྡྷཱ ནརཱ ན [ལདྡྷཱ ནཉྙཱནི (ཀ.)] ཏཔྤནྟི, སོ ལོབྷོ ན མཡཱི ཝསེ.

ཨེཏསྨིཾ ¶ ཏེ སུལཔིཏེ, པཏིརཱུཔེ སུབྷཱསིཏེ;

ཝརཾ ¶ ཀསྶཔ ཏེ དམྨི, ཡཾ ཀིཉྩི མནསིཙྪསི.

ཝརཾ ཙེ མེ ཨདོ སཀྐ, སབྦབྷཱུཏཱནམིསྶར;

ཁེཏྟཾ ཝཏྠུཾ ཧིརཉྙཉྩ, གཝསྶཾ དཱསཔོརིསཾ;

ཡེན ཛཱཏེན ཛཱིཡནྟི, སོ དོསོ ན མཡཱི ཝསེ.

ཨེཏསྨིཾ ཏེ སུལཔིཏེ, པཏིརཱུཔེ སུབྷཱསིཏེ;

ཝརཾ ཀསྶཔ ཏེ དམྨི, ཡཾ ཀིཉྩི མནསིཙྪསི.

ཝརཾ ¶ ཙེ མེ ཨདོ སཀྐ, སབྦབྷཱུཏཱནམིསྶར;

བཱལཾ ན པསྶེ ན སུཎེ, ན ཙ བཱལེན སཾཝསེ;

བཱལེནལླཱཔ [བཱལེནཱ’ལཱཔ (?)] སལླཱཔཾ, ན ཀརེ ན ཙ རོཙཡེ.

ཀིཾ ནུ ཏེ ཨཀརཾ བཱལོ, ཝད ཀསྶཔ ཀཱརཎཾ;

ཀེན ཀསྶཔ བཱལསྶ, དསྶནཾ ནཱབྷིཀངྑསི.

ཨནཡཾ ནཡཏི དུམྨེདྷོ, ཨདྷུརཱཡཾ ནིཡུཉྫཏི;

དུནྣཡོ སེཡྻསོ ཧོཏི, སམྨཱ ཝུཏྟོ པཀུཔྤཏི;

ཝིནཡཾ སོ ན ཛཱནཱཏི, སཱདྷུ ཏསྶ ཨདསྶནཾ.

ཨེཏསྨིཾ ཏེ སུལཔིཏེ, པཏིརཱུཔེ སུབྷཱསིཏེ;

ཝརཾ ཀསྶཔ ཏེ དམྨི, ཡཾ ཀིཉྩི མནསིཙྪསི.

ཝརཾ ཙེ མེ ཨདོ སཀྐ, སབྦབྷཱུཏཱནམིསྶར;

དྷཱིརཾ པསྶེ སུཎེ དྷཱིརཾ, དྷཱིརེན སཧ སཾཝསེ;

དྷཱིརེནལླཱཔསལླཱཔཾ, ཏཾ ཀརེ ཏཉྩ རོཙཡེ.

ཀིཾ ནུ ཏེ ཨཀརཾ དྷཱིརོ, ཝད ཀསྶཔ ཀཱརཎཾ;

ཀེན ཀསྶཔ དྷཱིརསྶ, དསྶནཾ ཨབྷིཀངྑསི.

ནཡཾ ནཡཏི མེདྷཱཝཱི, ཨདྷུརཱཡཾ ན ཡུཉྫཏི;

སུནཡོ སེཡྻསོ ཧོཏི, སམྨཱ ཝུཏྟོ ན ཀུཔྤཏི;

ཝིནཡཾ སོ པཛཱནཱཏི, སཱདྷུ ཏེན སམཱགམོ.

ཨེཏསྨིཾ ཏེ སུལཔིཏེ, པཏིརཱུཔེ སུབྷཱསིཏེ;

ཝརཾ ¶ ཀསྶཔ ཏེ དམྨི, ཡཾ ཀིཉྩི མནསིཙྪསི.

ཝརཾ ཙེ མེ ཨདོ སཀྐ, སབྦབྷཱུཏཱནམིསྶར;

ཏཏོ རཏྱཱ ཝིཝསཱནེ [ཝིཝསནེ (སཱི. སྱཱ. པཱི.)], སཱུརིཡུགྒམནཾ [སུརིཡསྶུགྒམནཾ (སཱི. སྱཱ. པཱི.)] པཏི;

དིབྦཱ བྷཀྑཱ པཱཏུབྷཝེཡྻུཾ, སཱིལཝནྟོ ཙ ཡཱཙཀཱ.

དདཏོ ¶ མེ [དདཏོ ཙ མེ (པཱི.)] ན ཁཱིཡེཐ, དཏྭཱ ནཱནུཏཔེཡྻཧཾ;

དདཾ ཙིཏྟཾ པསཱདེཡྻཾ, ཨེཏཾ སཀྐ ཝརཾ ཝརེ.

ཨེཏསྨིཾ ¶ ཏེ སུལཔིཏེ, པཏིརཱུཔེ སུབྷཱསིཏེ;

ཝརཾ ཀསྶཔ ཏེ དམྨི, ཡཾ ཀིཉྩི མནསིཙྪསི.

ཝརཾ ཙེ མེ ཨདོ སཀྐ, སབྦབྷཱུཏཱནམིསྶར;

ན མཾ པུན ཨུཔེཡྻཱསི, ཨེཏཾ སཀྐ ཝརཾ ཝརེ.

བཧཱུཧི ཝཏཙརིཡཱཧི [ཝཏྟཙརིཡཱཧི (སཱི. སྱཱ. ཀ.)], ནརཱ ཙ ཨཐ ནཱརིཡོ;

དསྶནཾ ཨབྷིཀངྑནྟི, ཀིཾ ནུ མེ དསྶནེ བྷཡཾ.

ཏཾ ཏཱདིསཾ དེཝཝཎྞཾ [དེཝཝཎྞིཾ (པཱི.)], སབྦཀཱམསམིདྡྷིནཾ;

དིསྭཱ ཏཔོ པམཛྫེཡྻ [དིསྭཱ ཏཔོ པམཛྫེཡྻཾ (སཱི. སྱཱ. པཱི.), དིསྭཱནཧཾ པམཛྫེཡྻཾ (ཙརིཡཱཔིཊཀཊྛཀཐཱ)], ཨེཏཾ ཏེ དསྶནེ བྷཡནྟི.

ཨཧམེཝ དུབྦྷཱསིཏཾ བྷཱསི བཱལོ, བྷེཀོཝརཉྙེ ཨཧིམཝ྄ཧཱཡམཱནོ [མཝ྄ཧཡཱནོ (སཱི. པཱི.)];

ཏཀྐཱརིཡེ སོབྦྷམིམཾ [སོབྦྷམྷི ཨཧཾ (ཀ.)] པཏཱམི, ན ¶ ཀིརེཝ སཱདྷུ ཨཏིཝེལབྷཱཎཱི [སཱདྷཱུཏྱཏིཝེལབྷཱཎཱི (ཀ.)].

པཔྤོཏི མཙྩོ ཨཏིཝེལབྷཱཎཱི, བནྡྷཾ ཝདྷཾ སོཀཔརིདྡཝཉྩ;

ཨཏྟཱནམེཝ གརཧཱསི ཨེཏྠ, ཨཱཙེར ཡཾ ཏཾ ནིཁཎནྟི སོབྦྷེ.

ཀིམེཝཧཾ ཏུཎྜིལམནུཔུཙྪིཾ, ཀརེཡྻ སཾ [ཀརེཡྻཱསཾ (སྱཱ.), ཀརེཡྻ ས (ཀ.), བྷརེཡྻ སཾ (?)] བྷཱཏརཾ ཀཱལི༹ཀཱཡཾ [ཀཱལི༹ཀཱཡ (སྱཱ. ཀ.)];

ནགྒོཝཧཾ [ནགྒོཙ’ཧཾ (?)] ཝཏྠཡུགཉྩ ཛཱིནོ, ཨཡམྤི ཨཏྠོ བཧུཏཱདིསོཝ.

ཡོ ¶ ཡུཛ྄ཛྷམཱནཱནམཡུཛ྄ཛྷམཱནོ [ཡུཛ྄ཛྷམཱནེན ཨཡུཛ྄ཛྷམཱནོ (ཀ.)], མེཎྜནྟརཾ ཨཙྩུཔཏཱི ཀུལིངྒོ;

སོ པིཾསིཏོ མེཎྜསིརེཧི ཏཏྠ, ཨཡམྤི ཨཏྠོ བཧུཏཱདིསོཝ.

ཙཏུརོ ཛནཱ པོཏྠཀམགྒཧེསུཾ, ཨེཀཉྩ པོསཾ ཨནུརཀྑམཱནཱ;

སབྦེཝ ཏེ བྷིནྣསིརཱ སཡིཾསུ, ཨཡམྤི ཨཏྠོ བཧུཏཱདིསོཝ.

ཨཛཱ ཡཐཱ ཝེལུ༹གུམྦསྨིཾ བདྡྷཱ [བནྡྷཾ (སྱཱ. ཀ.)], ཨཝཀྑིཔནྟཱི ཨསིམཛ྄ཛྷགཙྪི;

ཏེནེཝ ¶ ཏསྶཱ གལཀཱཝཀནྟཾ [གལཡཱ ཝིཀནྟུཾ (ཀ.), གལཀཾ ཝིཀནྟཱ (སྱཱ.)], ཨཡམྤི ཨཏྠོ བཧུཏཱདིསོཝ.

ཨིམེ ན དེཝཱ ན གནྡྷབྦཔུཏྟཱ, མིགཱ ཨིམེ ཨཏྠཝསཾ གཏཱ མེ [ཨཏྠཝསཱབྷཏཱ ཨིམེ (སཱི. སྱཱ. པཱི.)];

ཨེཀཉྩ ནཾ སཱཡམཱསེ པཙནྟུ, ཨེཀཾ པུནཔྤཱཏརཱསེ [ཨེཀཉྩ ནཾ པཱཏརཱསེ (ཀ. སཱི. པཱི.)] པཙནྟུ.

སཏཾ སཧསྶཱནི དུབྷཱསིཏཱནི, ཀལམྤི ནཱགྒྷནྟི སུབྷཱསིཏསྶ;

དུབྦྷཱསིཏཾ སངྐམཱནོ ཀིལེསོ [ཀིལིསྶཏི (?)], ཏསྨཱ ཏུཎྷཱི ཀིམྤུརིསཱ [ཀིཾཔུརིསོ (སཱི. སྱཱ.)] ན བཱལྱཱ.

ཡཱ ¶ མེསཱ བྱཱཧཱསི [བྱཱཀཱསི (སཱི. སྱཱ. པཱི.)] པམུཉྩཐེཏཾ, གིརིཉྩ ནཾ [གིརིཾ ཝརཾ (ཀ.)] ཧིམཝནྟཾ ནཡནྟུ;

ཨིམཉྩ ཁོ དེནྟུ མཧཱནསཱཡ, པཱཏོཝ ནཾ པཱཏརཱསེ པཙནྟུ.

པཛྫུནྣནཱཐཱ ¶ པསཝོ, པསུནཱཐཱ ཨཡཾ པཛཱ;

ཏྭཾ ནཱཐོསི [ཏྭཾ-ནཱཐོ’སྨི (སཱི. སྱཱ. པཱི.)] མཧཱརཱཛ, ནཱཐོཧཾ བྷརིཡཱཡ མེ [ཨམྷ-ནཱཐཱ མམ བྷརིཡཱ (ཀ. སཱི. སྱཱ.)];

དྭིནྣམཉྙཏརཾ ཉཏྭཱ, མུཏྟོ གཙྪེཡྻ པབྦཏཾ.

ན ཝེ ནིནྡཱ སུཔརིཝཛྫཡེཐ [སུཔརིཝཛྫཡཱཐ (སྱཱ.)], ནཱནཱ ¶ ཛནཱ སེཝིཏབྦཱ ཛནིནྡ;

ཡེནེཝ ཨེཀོ ལབྷཏེ པསཾསཾ, ཏེནེཝ ཨཉྙོ ལབྷཏེ ནིནྡིཏཱརཾ.

སབྦོ ལོཀོ པརིཙིཏྟོ ཨཏིཙིཏྟོ [པརཙིཏྟེན ཨཏིཙིཏྟོ (སཱི. སྱཱ.), པརཙིཏྟེན ཨཙིཏྟོ (སཱི. ཨཊྛ.)], སབྦོ ལོཀོ ཙིཏྟཝཱ སམྷི ཙིཏྟེ;

པཙྩེཀཙིཏྟཱ པུཐུ སབྦསཏྟཱ, ཀསྶཱིདྷ ཙིཏྟསྶ ཝསེ ན ཝཏྟེ.

ཏུཎྷཱི ཨཧཱུ ཀིམྤུརིསོ སབྷརིཡོ [ཨབྷཱཎཱི (ཀ.)], ཡོ དཱནི བྱཱཧཱསི བྷཡསྶ བྷཱིཏོ;

སོ དཱནི མུཏྟོ སུཁིཏོ ཨརོགོ, ཝཱཙཱཀིརེཝཏྟཝཏཱི ནརཱནནྟི.

ཏསྶ [ཀསྶ (སཱི. པཱི.)] གཱམཝརཾ དམྨི, ནཱརིཡོ ཙ ཨལངྐཏཱ;

ཡོ [ཀོ (སཱི. སྱཱ. པཱི.)] མེཏཾ མིགམཀྑཱཏི [མཀྑཱསི (སྱཱ. ཀ.)], མིགཱནཾ མིགམུཏྟམཾ.

མཡ྄ཧཾ གཱམཝརཾ དེཧི, ནཱརིཡོ ཙ ཨལངྐཏཱ;

ཨཧཾ ཏེ མིགམཀྑིསྶཾ, མིགཱནཾ མིགམུཏྟམཾ.

ཨེཏསྨིཾ ཝནསཎྜསྨིཾ, ཨམྦཱ སཱལཱ ཙ པུཔྥིཏཱ;

ཨིནྡགོཔཀསཉྪནྣཱ ¶ , ཨེཏྠེསོ ཏིཊྛཏེ མིགོ.

དྷནུཾ ཨདྭེཛ྄ཛྷཾ [ཨདེཛ྄ཛྷཾ (སཱི. པཱི.), སརཛྫཾ (ཀ.)] ཀཏྭཱན, ཨུསུཾ སནྣཡ྄ཧུཔཱགམི [སནྡྷཱཡུཔཱགམི (སཱི. པཱི.)];

མིགོ ཙ དིསྭཱ རཱཛཱནཾ, དཱུརཏོ ཨཛ྄ཛྷབྷཱསཐ.

ཨཱགམེཧི ¶ མཧཱརཱཛ, མཱ མཾ ཝིཛ྄ཛྷི རཐེསབྷ;

ཀོ ནུ ཏེ ཨིདམཀྑཱསི, ཨེཏྠེསོ ཏིཊྛཏེ མིགོ.

ཨེས པཱཔཙརོ པོསོ, སམྨ ཏིཊྛཏི ཨཱརཀཱ;

སོཡཾ [སོ ཧི (སཱི. སྱཱ. པཱི.)] མེ ཨིདམཀྑཱསི, ཨེཏྠེསོ ཏིཊྛཏེ མིགོ.

སཙྩཾ ཀིརེཝ མཱཧཾསུ, ནརཱ ཨེཀཙྩིཡཱ ཨིདྷ;

ཀཊྛཾ ནིཔླཝིཏཾ སེཡྻོ, ན ཏྭེཝེཀཙྩི ཡོ ནརོ.

ཀིཾ ¶ ནུ རུརུ གརཧསི མིགཱནཾ, ཀིཾ པཀྑཱིནཾ ཀིཾ པན མཱནུསཱནཾ;

བྷཡཉྷི མཾ ཝིནྡཏིནཔྤརཱུཔཾ, སུཏྭཱན ཏཾ མཱནུསིཾ བྷཱསམཱནཾ.

ཡམུདྡྷརིཾ ཝཱཧནེ ཝུཡ྄ཧམཱནཾ, མཧོདཀེ སལིལེ སཱིགྷསོཏེ;

ཏཏོནིདཱནཾ བྷཡམཱགཏཾ མམ, དུཀྑོ ཧཝེ རཱཛ ཨསབྦྷི སངྒམོ.

སོཧཾ ཙཏུཔྤཏྟམིམཾ ཝིཧངྒམཾ, ཏནུཙྪིདཾ ཧདཡེ ཨོསྶཛཱམི;

ཧནཱམི ¶ ཏཾ མིཏྟདུབྦྷིཾ ཨཀིཙྩཀཱརིཾ [ཧནཱམི མིཏྟདྡུ’མཀིཙྩཀཱརིཾ (སཱི. པཱི.)], ཡོ ཏཱདིསཾ ཀམྨཀཏཾ ན ཛཱནེ.

དྷཱིརསྶ བཱལསྶ ཧཝེ ཛནིནྡ, སནྟོ ཝདྷཾ ནཔྤསཾསནྟི ཛཱཏུ;

ཀཱམཾ གྷརཾ གཙྪཏུ པཱཔདྷམྨོ, ཡཉྩསྶ བྷཊྛཾ ཏདེཏསྶ དེཧི;

ཨདྡྷཱ རུརུ ཨཉྙཏརོ སཏཾ སོ [སཏཾ’སེ (སཱི.)], ཡོ དུབྦྷཏོ [དུབྦྷིནོ (སྱཱ.), དཱུབྷཏོ (པཱི.)] མཱནུསསྶ ན དུབྦྷི;

ཀཱམཾ གྷརཾ གཙྪཏུ པཱཔདྷམྨོ, ཡཉྩསྶ བྷཊྛཾ ཏདེཏསྶ དམྨི;

སུཝིཛཱནཾ ¶ སིངྒཱལཱནཾ, སཀུཎཱནཉྩཝསྶིཏཾ;

མནུསྶཝསྶིཏཾ རཱཛ, དུབྦིཛཱནཏརཾ ཏཏོ.

ཨཔི ཙེ མཉྙཏཱི པོསོ, ཉཱཏི མིཏྟོ སཁཱཏི ཝཱ;

ཡོ པུབྦེ སུམནོ ཧུཏྭཱ, པཙྪཱ སམྤཛྫཏེ དིསོ.

མིགཱ སསྶཱནི ཁཱདནྟི, ཏཾ དེཝོ པཊིསེདྷཏུ.

ཀཱམཾ ཛནཔདོ མཱསི, རཊྛཉྩཱཔི ཝིནསྶཏུ;

ན ཏྭེཝཱཧཾ རུརུཾ དུབྦྷེ, དཏྭཱ ཨབྷཡདཀྑིཎཾ.

མཱ ¶ མེ ཛནཔདོ ཨཱསི [མཱ མཾ ཛནཔདོ ཨཧུ (སྱཱ.)], རཊྛཉྩཱཔི ཝིནསྶཏུ;

ན ཏྭེཝཱཧཾ [ན ཏྭེཝ (ཀ. སཱི. ཀ.)] མིགརཱཛསྶ, ཝརཾ དཏྭཱ མུསཱ བྷཎེཏི.

ཨཱསཱིསེཐེཝ [ཨཱསིཾསེཐེཝ (སཱི. སྱཱ. པཱི.)] པུརིསོ, ན ནིབྦིནྡེཡྻ པཎྜིཏོ;

པསྶཱམི ཝོཧཾ ཨཏྟཱནཾ, ཡཐཱ ཨིཙྪིཾ ཏཐཱ ཨཧུ.

ཨཱསཱིསེཐེཝ པུརིསོ, ན ནིབྦིནྡེཡྻ པཎྜིཏོ;

པསྶཱམི ཝོཧཾ ཨཏྟཱནཾ, ཨུདཀཱ ཐལམུབྦྷཏཾ.

ཝཱཡམེཐེཝ ¶ པུརིསོ, ན ནིབྦིནྡེཡྻ པཎྜིཏོ;

པསྶཱམི ཝོཧཾ ཨཏྟཱནཾ, ཡཐཱ ཨིཙྪིཾ ཏཐཱ ཨཧུ.

ཝཱཡམེཐེཝ པུརིསོ, ན ནིབྦིནྡེཡྻ པཎྜིཏོ;

པསྶཱམི ཝོཧཾ ཨཏྟཱནཾ, ཨུདཀཱ ཐལམུབྦྷཏཾ.

དུཀྑཱུཔནཱིཏོཔི ནརོ སཔཉྙོ, ཨཱསཾ ན ཚིནྡེཡྻ སུཁཱགམཱཡ;

བཧཱུ ཧི ཕསྶཱ ཨཧིཏཱ ཧིཏཱ ཙ, ཨཝིཏཀྐིཏཱ མཙྩམུཔབྦཛནྟི [མཙྩུམུཔབྦཛནྟི (ཀ. སཱི. པཱི.), མཙྩུམུཔཔཛྫནྟི (སྱཱ. ཀ.) ཨེཏྠ ‘‘ཨཝིཏཀྐིཏཱཔི ཕསྶོ མཙྩཾ ཛནཾ ཨུཔགཙྪནྟཱི’’ཏི ཨཏྠོ].

ཨཙིནྟིཏམྤི ¶ བྷཝཏི, ཙིནྟིཏམྤི ཝིནསྶཏི;

ན ཧི ཙིནྟཱམཡཱ བྷོགཱ, ཨིཏྠིཡཱ པུརིསསྶ ཝཱ.

སརབྷཾ ¶ གིརིདུགྒསྨིཾ, ཡཾ ཏྭཾ ཨནུསརཱི པུརེ;

ཨལཱིནཙིཏྟསྶ ཏུཝཾ, ཝིཀྐནྟམནུཛཱིཝསི [ཏཝ, ཝིཀྐནྟཾ ཛཱིཝིཏཾ ལབྷི (ཀ.)].

ཡོ ཏཾ ཝིདུགྒཱ ནརཀཱ སམུདྡྷརི, སིལཱཡ ཡོགྒཾ སརབྷོ ཀརིཏྭཱ;

དུཀྑཱུཔནཱིཏཾ མཙྩུམུཁཱ པམོཙཡི, ཨལཱིནཙིཏྟཾ ཏཾ མིགཾ [ཏམེཝ (སྱཱ. ཀ.)] ཝདེསི.

ཀིཾ ཏྭཾ ནུ [ཏུཝནྣུ (སཱི. པཱི.)] ཏཏྠེཝ ཏདཱ ཨཧོསི, ཨུདཱཧུ ཏེ ཀོཙི ནཾ [ཏཾ (ཀ.)] ཨེཏདཀྑཱ;

ཝིཝཊྚཙྪདྡོ ནུསི སབྦདསྶཱི, ཉཱཎཾ ནུ ཏེ བྲཱཧྨཎ བྷིཾསརཱུཔཾ.

ན ཙེཝཧཾ ཏཏྠ ཏདཱ ཨཧོསིཾ, ན ཙཱཔི མེ ཀོཙི ནཾ [ཏཾ (ཀ.)] ཨེཏདཀྑཱ;

གཱཐཱཔདཱནཉྩ སུབྷཱསིཏཱནཾ, ཨཏྠཾ ཏདཱནེནྟི ཛནིནྡ དྷཱིརཱ.

ཨཱདཱཡ པཏྟིཾ [པཏྟཾ (སྱཱ.), པཊྚིཾ (ཀ.)] པརཝིརིཡགྷཱཏིཾ, ཙཱཔེ སརཾ ཀིཾ ཝིཙིཀིཙྪསེ ཏུཝཾ;

ནུནྣོ [ནུཎྞོ (ཀ. སཱི. སྱཱ.), ཏུཎྞོ (ཀ.)] སརོ སརབྷཾ ཧནྟུ ཁིཔྤཾ, ཨནྣཉྷི ཨེཏཾ ཝརཔཉྙ རཉྙོ.

ཨདྡྷཱ པཛཱནཱམི ཨཧམྤི ཨེཏཾ, ཨནྣཾ མིགོ བྲཱཧྨཎ ཁཏྟིཡསྶ;

པུབྦེ ¶ ཀཏཉྩ [པུབྦེ ཙ ཀཏཾ (ཀ.)] ཨཔཙཱཡམཱནོ, ཏསྨཱ མིགཾ སརབྷཾ ནོ ཧནཱམི.

ནེསོ མིགོ མཧཱརཱཛ, ཨསུརེསོ དིསམྤཏི;

ཨེཏཾ ཧནྟྭཱ མནུསྶིནྡ, བྷཝསྶུ ཨམརཱདྷིཔོ.

སཙེ ¶ ཙ རཱཛཱ [རཱཛ (སཱི. སྱཱ. པཱི.)] ཝིཙིཀིཙྪསེ ཏུཝཾ, ཧནྟུཾ མིགཾ སརབྷཾ སཧཱཡཀཾ [སཧཱཡཀཾ མེ (སཱི. པཱི.)];

སཔུཏྟདཱརོ ནརཝཱིརསེཊྛ [ནརཝིརིཡསེཊྛ (སཱི. པཱི.)], གནྟྭཱ [གནྟཱ (སཱི. པཱི. ཨཊྛ.)] ཏུཝཾ ཝེཏརཎིཾ ཡམསྶ.

ཀཱམཾ ཨཧཾ ཛཱནཔདཱ ཙ སབྦེ, པུཏྟཱ ཙ དཱརཱ ཙ སཧཱཡསངྒྷཱ;

གཙྪེམུ ཏཾ ཝེཏརཎིཾ ཡམསྶ, ན ཏྭེཝ ཧཉྙོ མམ པཱཎདོ ཡོ [པཱཎད’སྶ (སཱི. སྱཱ. པཱི.)].

ཨཡཾ མིགོ ཀིཙྪགཏསྶ མཡ྄ཧཾ, ཨེཀསྶ ཀཏྟཱ ཝིཝནསྨི གྷོརེ;

ཏཾ ཏཱདིསཾ པུབྦཀིཙྩཾ སརནྟོ, ཛཱནཾ མཧཱབྲཧྨེ ཀཐཾ ཧནེཡྻཾ.

མིཏྟཱབྷིརཱདྷཱི ¶ ཙིརམེཝ ཛཱིཝ, རཛྫཾ ཨིམཾ དྷམྨགུཎེ [རཛྫམྤིམཾ ཙསྶ གཎེ (ཀ.)] པསཱས;

ནཱརཱིགཎེཧི པརིཙཱརིཡནྟོ, མོདསྶུ རཊྛེ ཏིདིཝེཝ ཝཱསཝོ.

ཨཀྐོདྷནོ ¶ ནིཙྩཔསནྣཙིཏྟོ, སབྦཱཏིཐཱི ཡཱཙཡོགོ བྷཝིཏྭཱ [པཱཧུནཀེ ཀརིཏྭཱ (སྱཱ.), ཡཱཙཡོགོ ཝིདིཏྭཱ (ཀ.)];

དཏྭཱ ཙ བྷུཏྭཱ ཙ ཡཐཱནུབྷཱཝཾ, ཨནིནྡིཏོ སགྒམུཔེཧི ཋཱནནྟི.

ཝརཨམྦ ¶ ཀུཋཱརི སཧཾསཝརོ, ཨཐརཉྙསྨིཾ དཱུཏཀཔཉྩམཀོ;

ཨཐ བོདྷི ཨཀིཏྟི སུཏཀྐརིནཱ, ཨཐ རུརུམིགེནཔརོ སརབྷོཏི.

སམྤནྣཾ ¶ ¶ ¶ སཱལིཀེདཱརཾ, སུཝཱ བྷུཉྫནྟི ཀོསིཡ;

པཊིཝེདེམི ཏེ བྲཧྨེ, ན ནེ [ཏེ (སཱི. སྱཱ.), ནཾ (སཱི. སྱཱ. པཱི. ཨཊྛ.), ཏཾ (ཀ. ཨཊྛ.)] ཝཱརེཏུམུསྶཧེ.

ཨེཀོ ཙ ཏཏྠ སཀུཎོ, ཡོ ནེསཾ [ཏེསཾ (སཱི. ཨཊྛ.)] སབྦསུནྡརོ;

བྷུཏྭཱ སཱལིཾ ཡཐཱཀཱམཾ, ཏུཎྜེནཱདཱཡ གཙྪཏི.

ཨོཌྜེནྟུ [ཨུཛ྄ཛྷུནྟུ (སྱཱ. ཀ.) ཨངྒུཏྟརནིཀཱཡེ པསྶིཏབྦཾ] ཝཱལ༹པཱསཱནི, ཡཐཱ ཝཛ྄ཛྷེཐ སོ དིཛོ;

ཛཱིཝཉྩ ནཾ གཧེཏྭཱན, ཨཱནཡེཧི [ཨཱནཡེཐ (སཱི. པཱི.)] མམནྟིཀེ.

ཨེཏེ བྷུཏྭཱ པིཝིཏྭཱ ཙ [བྷུཏྭཱ ཙ པིཏྭཱ ཙ (པཱི.)], པཀྐམནྟི ཝིཧངྒམཱ;

ཨེཀོ བདྡྷོསྨི པཱསེན, ཀིཾ པཱཔཾ པཀཏཾ མཡཱ.

ཨུདརཾ ནཱུན ཨཉྙེསཾ, སུཝ ཨཙྩོདརཾ ཏཝ;

བྷུཏྭཱ སཱལིཾ ཡཐཱཀཱམཾ, ཏུཎྜེནཱདཱཡ གཙྪསི.

ཀོཊྛཾ ནུ ཏཏྠ པཱུརེསི, སུཝ ཝེརཾ ནུ ཏེ མཡཱ;

པུཊྛོ མེ སམྨ ཨཀྑཱཧི, ཀུཧིཾ སཱལིཾ ནིདཱཧསི [ནིདྷཱིཡསི (པཱི.)].

ན མེ ཝེརཾ ཏཡཱ སདྡྷིཾ, ཀོཊྛོ མཡ྄ཧཾ ན ཝིཛྫཏི;

ཨིཎཾ མུཉྩཱམིཎཾ དམྨི, སམྤཏྟོ ཀོཊསིམྦལིཾ;

ནིདྷིམྤི ཏཏྠ ནིདཧཱམི, ཨེཝཾ ཛཱནཱཧི ཀོསིཡ.

ཀཱིདིསཾ ཏེ ཨིཎདཱནཾ, ཨིཎམོཀྑོ ཙ ཀཱིདིསོ;

ནིདྷིནིདྷཱནམཀྑཱཧི ¶ , ཨཐ པཱསཱ པམོཀྑསི.

ཨཛཱཏཔཀྑཱ ཏརུཎཱ, པུཏྟཀཱ མཡ྄ཧ ཀོསིཡ;

ཏེ མཾ བྷཏཱ བྷརིསྶནྟི, ཏསྨཱ ཏེསཾ ཨིཎཾ དདེ.

མཱཏཱ པིཏཱ ཙ མེ ཝུདྡྷཱ, ཛིཎྞཀཱ གཏཡོབྦནཱ;

ཏེསཾ ཏུཎྜེན ཧཱཏཱུན, མུཉྩེ པུབྦཀཏཾ [པུབྦེ ཀཏཾ (སཱི.)] ཨིཎཾ.

ཨཉྙེཔི ¶ ཏཏྠ སཀུཎཱ, ཁཱིཎཔཀྑཱ སུདུབྦལཱ;

ཏེསཾ པུཉྙཏྠིཀོ དམྨི, ཏཾ ནིདྷིཾ ཨཱཧུ པཎྜིཏཱ.

ཨཱིདིསཾ ¶ [ཨེདིསཾ (སཱི. པཱི.)] མེ ཨིཎདཱནཾ, ཨིཎམོཀྑོ ཙ ཨཱིདིསོ;

ནིདྷིནིདྷཱནམཀྑཱམི [ནིདྷིཾ ནིདྷཱནཾ ཨཀྑཱཏཾ (སཱི. པཱི.)], ཨེཝཾ ཛཱནཱཧི ཀོསིཡ.

བྷདྡཀོ ཝཏཡཾ པཀྑཱི, དིཛོ པརམདྷམྨིཀོ;

ཨེཀཙྩེསུ མནུསྶེསུ, ཨཡཾ དྷམྨོ ན ཝིཛྫཏི.

བྷུཉྫ སཱལིཾ ཡཐཱཀཱམཾ, སཧ སབྦེཧི ཉཱཏིབྷི;

པུནཱཔི སུཝ པསྶེམུ, པིཡཾ མེ ཏཝ དསྶནཾ.

བྷུཏྟཉྩ པཱིཏཉྩ ཏཝསྶམམྷི [ཏཝསྶབྱམྷི (ཀ.)], རཏྟིཉྩ [རཏཱི ཙ (སཱི. པཱི.)] ནོ ཀོསིཡ ཏེ སཀཱསེ;

ནིཀྑིཏྟདཎྜེསུ དདཱཧི དཱནཾ, ཛིཎྞེ ཙ མཱཏཱཔིཏརོ བྷརསྶུ.

ལཀྑཱི ཝཏ མེ ཨུདཔཱདི ཨཛྫ, ཡོ ཨདྡསཱསིཾ པཝརཾ [ཡོཧཾ ཨདསྶཾ པརམཾ (སྱཱ. ཀ.)] དིཛཱནཾ;

སུཝསྶ སུཏྭཱན སུབྷཱསིཏཱནི, ཀཱཧཱམི ¶ པུཉྙཱནི ཨནཔྤཀཱནི.

སོ ཀོསིཡོ ཨཏྟམནོ ཨུདགྒོ, ཨནྣཉྩ པཱནཉྩབྷིསངྑརིཏྭཱ [ཨནྣཉྩ པཱནཾ ཨབྷིསཾཧརིཏྭཱ (ཀ.)];

ཨནྣེན པཱནེན པསནྣཙིཏྟོ, སནྟཔྤཡི སམཎབྲཱཧྨཎེ ཙཱཏི.

སཱལིཀེདཱརཛཱཏཀཾ [ཀེདཱརཛཱཏཀཾ (ཀ.)] པཋམཾ.

ཨུཔནཱིཡཏིདཾ མཉྙེ, ཙནྡེ [ལོཧིཏམདེན མཛྫཱམི; ཝིཛཧཱམི ཛཱིཝིཏཾ པཱཎཱ, (སཱི. པཱི. ཨཊྛ.)] ལོཧིཏམདྡནེ;

ཨཛྫ ཛཧཱམི ཛཱིཝིཏཾ, པཱཎཱ [ལོཧིཏམདེན མཛྫཱམི; ཝིཛཧཱམི ཛཱིཝིཏཾ པཱཎཱ, (སཱི. པཱི. ཨཊྛ.)] མེ ཙནྡེ ནིརུཛ྄ཛྷནྟི.

ཨོསཱིདི ¶ [ཨོསདྷི (སཱི. སྱཱ. པཱི.), ཨོསཊྛི (ཀ.), ཨོསཏི (ཨབྷིནཝཊཱིཀཱ), ཨོསཱིདཏི (?)] མེ དུཀྑཾ [དུཀྑཾ མེ (སཱི. པཱི.)] ཧདཡཾ, མེ ཌཡ྄ཧཏེ ནིཏམྨཱམི;

ཏཝ ཙནྡིཡཱ སོཙནྟིཡཱ, ན ནཾ ཨཉྙེཧི སོཀེཧི.

ཏིཎམིཝ ཝནམིཝ མིལཱཡཱམི [མིལཡཱམི (སཱི.), མིཡྻཱམི (སཱི. པཱི. ཨཊྛ.)], ནདཱི ཨཔརིཔུཎྞཱཝ [ཨཔརིཔུཎྞིཡཱཝ (སཱི. པཱི.)] སུསྶཱམི;

ཏཝ ཙནྡིཡཱ སོཙནྟིཡཱ, ན ནཾ ཨཉྙེཧི སོཀེཧི.

ཝསྶམིཝ སརེ པཱདེ [ཝསྶཾཝ སརེ པཱདེ (སཱི.), ཝསྶཾཝ སརེ པབྦཏཔཱདེ (པཱི.)], ཨིམཱནི ཨསྶཱུནི ཝཏྟརེ མཡ྄ཧཾ;

ཏཝ ཙནྡིཡཱ སོཙནྟིཡཱ, ན ནཾ ཨཉྙེཧི སོཀེཧི.

པཱཔོ ཁོསི [པཱཔོསི ཁོ (སཱི.), པཱཔོ ཁོ (སྱཱ. པཱི.)] རཱཛཔུཏྟ, ཡོ མེ ཨིཙྪིཏཾ [ཨིཙྪིཏ (སཱི. སྱཱ. པཱི.)] པཏིཾ ཝརཱཀིཡཱ;

ཝིཛ྄ཛྷསི ཝནམཱུལསྨིཾ, སོཡཾ ཝིདྡྷོ ཚམཱ སེཏི.

ཨིམཾ མཡ྄ཧཾ ཧདཡསོཀཾ, པཊིམུཉྩཏུ རཱཛཔུཏྟ ཏཝ མཱཏཱ;

ཡོ མཡ྄ཧཾ ཧདཡསོཀོ, ཀིམྤུརིསཾ ཨཝེཀྑམཱནཱཡ.

ཨིམཾ མཡ྄ཧཾ ཧདཡསོཀཾ, པཊིམུཉྩཏུ རཱཛཔུཏྟ ཏཝ ཛཱཡཱ;

ཡོ ¶ མཡ྄ཧཾ ཧདཡསོཀོ, ཀིམྤུརིསཾ ཨཝེཀྑམཱནཱཡ.

མཱ ¶ ཙ པུཏྟཾ [པུཏྟེ (སཱི. པཱི.)] མཱ ཙ པཏིཾ, ཨདྡཀྑི རཱཛཔུཏྟ ཏཝ མཱཏཱ;

ཡོ ཀིམྤུརིསཾ ཨཝདྷི, ཨདཱུསཀཾ མཡ྄ཧ ཀཱམཱ ཧི [མཡ྄ཧཾ ཀཱམཱ (ཀ.)].

མཱ ཙ པུཏྟཾ མཱ ཙ པཏིཾ, ཨདྡཀྑི རཱཛཔུཏྟ ཏཝ ཛཱཡཱ;

ཡོ ཀིམྤུརིསཾ ཨཝདྷི, ཨདཱུསཀཾ མཡ྄ཧ ཀཱམཱ ཧི.

མཱ ཏྭཾ ཙནྡེ རོདི, མཱ སོཙི ཝནཏིམིརམཏྟཀྑི;

མམ ཏྭཾ ཧེཧིསི བྷརིཡཱ, རཱཛཀུལེ པཱུཛིཏཱ ནཱརཱིབྷི [ནཱརཱི (སཱི. པཱི.)].

ཨཔི ནཱུནཧཾ མརིསྶཾ, ནཱཧཾ [ན ཙ པནཱཧཾ (སཱི. པཱི.)] རཱཛཔུཏྟ ཏཝ ཧེསྶཾ;

ཡོ ཀིམྤུརིསཾ ཨཝདྷི, ཨདཱུསཀཾ མཡ྄ཧ ཀཱམཱ ཧི.

ཨཔི བྷཱིརུཀེ ཨཔི ཛཱིཝིཏུཀཱམིཀེ, ཀིམྤུརིསི གཙྪ ཧིམཝནྟཾ;

ཏཱལཱིསཏགརབྷོཛནཱ, ཨཉྙེ [ཏཱལིསྶཏགརབྷོཛནེ, ཨརཉྙེ (སཱི. པཱི.)] ཏཾ མིགཱ རམིསྶནྟི.

ཏེ ¶ པབྦཏཱ ཏཱ ཙ ཀནྡརཱ, [ཏཱ ཙ གིརིགུཧཱཡོ (སཱི. སྱཱ. པཱི.)] ཏཱ ཙ གིརིགུཧཱཡོ ཏཐེཝ ཏིཊྛནྟི [ཏཱ ཙ གིརིགུཧཱཡོ (སཱི. སྱཱ. པཱི.)];

ཏཏྠེཝ [ཏཏྠ (སཱི. སྱཱ. པཱི.)] ཏཾ ཨཔསྶནྟཱི, ཀིམྤུརིས ཀཐཾ ཨཧཾ ཀསྶཾ.

ཏེ པཎྞསནྠཏཱ རམཎཱིཡཱ, ཝཱལ༹མིགེཧི ཨནུཙིཎྞཱ;

ཏཏྠེཝ ཏཾ ཨཔསྶནྟཱི, ཀིམྤུརིས ཀཐཾ ཨཧཾ ཀསྶཾ [ཀཱསཾ (སཱི. སྱཱ. པཱི.)].

ཏེ ¶ པུཔྥསནྠཏཱ རམཎཱིཡཱ, ཝཱལ༹མིགེཧི ཨནུཙིཎྞཱ;

ཏཏྠེཝ ཏཾ ཨཔསྶནྟཱི, ཀིམྤུརིས ཀཐཾ ཨཧཾ ཀསྶཾ.

ཨཙྪཱ སཝནྟི གིརིཝན [གིརིཝར (སཱི. པཱི.)] ནདིཡོ, ཀུསུམཱབྷིཀིཎྞསོཏཱཡོ;

ཏཏྠེཝ ཏཾ ཨཔསྶནྟཱི, ཀིམྤུརིས ཀཐཾ ཨཧཾ ཀསྶཾ.

ནཱིལཱནི ཧིམཝཏོ པབྦཏསྶ, ཀཱུཊཱནི དསྶནཱིཡཱནི [དསྶནེཡྻཱནི (སཱི. པཱི.)];

ཏཏྠེཝ ཏཾ ཨཔསྶནྟཱི, ཀིམྤུརིས ཀཐཾ ཨཧཾ ཀསྶཾ.

པཱིཏཱནི ཧིམཝཏོ པབྦཏསྶ, ཀཱུཊཱནི དསྶནཱིཡཱནི;

ཏཏྠེཝ ཏཾ ཨཔསྶནྟཱི, ཀིམྤུརིས ཀཐཾ ཨཧཾ ཀསྶཾ.

ཏམྦཱནི ཧིམཝཏོ པབྦཏསྶ, ཀཱུཊཱནི དསྶནཱིཡཱནི;

ཏཏྠེཝ ཏཾ ཨཔསྶནྟཱི, ཀིམྤུརིས ཀཐཾ ཨཧཾ ཀསྶཾ.

ཏུངྒཱནི ཧིམཝཏོ པབྦཏསྶ, ཀཱུཊཱནི དསྶནཱིཡཱནི;

ཏཏྠེཝ ཏཾ ཨཔསྶནྟཱི, ཀིམྤུརིས ཀཐཾ ཨཧཾ ཀསྶཾ.

སེཏཱནི ཧིམཝཏོ པབྦཏསྶ, ཀཱུཊཱནི དསྶནཱིཡཱནི;

ཏཏྠེཝ ཏཾ ཨཔསྶནྟཱི, ཀིམྤུརིས ཀཐཾ ཨཧཾ ཀསྶཾ.

ཙིཏྲཱནི ཧིམཝཏོ པབྦཏསྶ, ཀཱུཊཱནི དསྶནཱིཡཱནི;

ཏཏྠེཝ ཏཾ ཨཔསྶནྟཱི, ཀིམྤུརིས ཀཐཾ ཨཧཾ ཀསྶཾ.

ཡཀྑགཎསེཝིཏེ ¶ གནྡྷམཱདནེ, ཨོསདྷེབྷི སཉྪནྣེ;

ཏཏྠེཝ ཏཾ ཨཔསྶནྟཱི, ཀིམྤུརིས ཀཐཾ ཨཧཾ ཀསྶཾ.

ཀིམྤུརིསསེཝིཏེ གནྡྷམཱདནེ, ཨོསདྷེབྷི སཉྪནྣེ;

ཏཏྠེཝ ¶ ཏཾ ཨཔསྶནྟཱི, ཀིམྤུརིས ཀཐཾ ཨཧཾ ཀསྶཾ.

ཝནྡེ ¶ ཏེ ཨཡིརབྲཧྨེ [ཨཡྻིརེ བྲཧྨེ (ཀ.)], ཡོ མེ ཨིཙྪིཏཾ པཏིཾ ཝརཱཀིཡཱ;

ཨམཏེན ཨབྷིསིཉྩི, སམཱགཏཱསྨི པིཡཏམེན.

ཝིཙརཱམ དཱནི གིརིཝན [གིརིཝར (སཱི. པཱི.)] ནདིཡོ, ཀུསུམཱབྷིཀིཎྞསོཏཱཡོ;

ནཱནཱདུམཝསནཱཡོ [སེཝནཱཡོ (པཱི.)], པིཡཾཝདཱ ཨཉྙམཉྙསྶཱཏི.

ཙནྡཀིནྣརཱིཛཱཏཀཾ [ཙནྡཀིནྣརཛཱཏཀཾ (སཱི. སྱཱ. པཱི.)] དུཏིཡཾ.

ཨུཀྐཱ ཙིལཱཙཱ [མིལཱཙཱ (སཱི. སྱཱ. པཱི.)] བནྡྷནྟི དཱིཔེ [བནྡྷནྟི ལུདྡཱ, དཱིཔེ (ཀ.)], པཛཱ མམཾ ཁཱདིཏུཾ པཏྠཡནྟི;

མིཏྟཾ སཧཱཡཉྩ ཝདེཧི སེནཀ, ཨཱཙིཀྑ ཉཱཏིབྱསནཾ དིཛཱནཾ.

དིཛོ དིཛཱནཾ པཝརོསི པཀྑིམ [པཀྑི (སཱི. པཱི.), པཀྑི ཙ (སྱཱ.)], ཨུཀྐུསརཱཛ སརཎཾ ཏཾ ཨུཔེམ [ཨུཔེམི (སཱི. སྱཱ. པཱི.)];

པཛཱ མམཾ ཁཱདིཏུཾ པཏྠཡནྟི, ལུདྡཱ ཙིལཱཙཱ [མིལཱཙཱ (སཱི. སྱཱ. པཱི.)] བྷཝ མེ སུཁཱཡ.

མིཏྟཾ སཧཱཡཉྩ ཀརོནྟི པཎྜིཏཱ, ཀཱལེ ཨཀཱལེ སུཁམེསམཱནཱ [མཱསཡཱནཱ (པཱི.)];

ཀརོམི ཏེ སེནཀ ཨེཏམཏྠཾ, ཨརིཡོ ¶ ཧི ཨརིཡསྶ ཀརོཏི ཀིཙྩཾ.

ཡཾ ཧོཏི ཀིཙྩཾ ཨནུཀམྤཀེན, ཨརིཡསྶ ཨརིཡེན ཀཏཾ ཏཡཱིདཾ [ཏཝ ཡིདཾ (སཱི. པཱི.)];

ཨཏྟཱནུརཀྑཱི བྷཝ མཱ ཨདཡ྄ཧི [ཨཌཡ྄ཧ (སཱི. པཱི.)], ལཙྪཱམ པུཏྟེ ཏཡི ཛཱིཝམཱནེ.

ཏཝེཝ ¶ [ཏམེཝ (སྱཱ. ཀ.)] རཀྑཱཝརཎཾ ཀརོནྟོ, སརཱིརབྷེདཱཔི ན སནྟསཱམི;

ཀརོནྟི ཧེཀེ [ཧེཏེ (ཀ. སཱི. སྱཱ. པཱི.)] སཁཱིནཾ སཁཱརོ, པཱཎཾ ཙཛནྟཱ [ཙཛནྟི (སཱི. པཱི.)] སཏམེས [སཏཱནེས (པཱི.)] དྷམྨོ.

སུདུཀྐརཾ ཀམྨམཀཱསི [མཀཱ (སཱི. པཱི.)], ཨཎྜཛཱཡཾ ཝིཧངྒམོ;

ཨཏྠཱཡ ཀུརརོ པུཏྟེ, ཨཌྜྷརཏྟེ ཨནཱགཏེ.

ཙུཏཱཔི ཧེཀེ [ཨེཀེ (སཱི. པཱི.)] ཁལིཏཱ སཀམྨུནཱ, མིཏྟཱནུཀམྤཱཡ པཏིཊྛཧནྟི;

པུཏྟཱ མམཊྚཱ གཏིམཱགཏོསྨི, ཨཏྠཾ ཙརེཐོ [ཙརེཐ (སཱི. སྱཱ. པཱི.)] མམ ཝཱརིཙར [ཝཱརིཚནྣ (སཱི. པཱི.)].

དྷནེན དྷཉྙེན ཙ ཨཏྟནཱ ཙ, མིཏྟཾ སཧཱཡཉྩ ཀརོནྟི པཎྜིཏཱ;

ཀརོམི ཏེ སེནཀ ཨེཏམཏྠཾ, ཨརིཡོ ཧི ཨརིཡསྶ ཀརོཏི ཀིཙྩཾ.

ཨཔྤོསྶུཀྐོ ཏཱཏ ཏུཝཾ ནིསཱིད, པུཏྟོ ¶ པིཏུ ཙརཏི ཨཏྠཙརིཡཾ;

ཨཧཾ ཙརིསྶཱམི ཏཝེཏམཏྠཾ, སེནསྶ པུཏྟེ པརིཏཱཡམཱནོ.

ཨདྡྷཱ ¶ ཧི ཏཱཏ སཏམེས དྷམྨོ, པུཏྟོ པིཏུ ཡཾ ཙརེ [པིཏུནཾ ཙརེ (ཀ.), པིཏུ ཡཉྩརེཐ (སཱི. པཱི.)] ཨཏྠཙརིཡཾ;

ཨཔྤེཝ མཾ དིསྭཱན པཝཌྜྷཀཱཡཾ, སེནསྶ པུཏྟཱ ན ཝིཧེཋཡེཡྻུཾ.

པསཱུ མནུསྶཱ མིགཝཱིརསེཊྛ [མིགཝིརིཡསེཊྛ (སཱི. པཱི.)], བྷཡཊྚིཏཱ [བྷཡདྡིཏཱ (སཱི. པཱི.)] སེཊྛམུཔབྦཛནྟི;

པུཏྟཱ མམཊྚཱ གཏིམཱགཏོསྨི, ཏྭཾ ནོསི རཱཛཱ བྷཝ མེ སུཁཱཡ.

ཀརོམི ¶ ཏེ སེནཀ ཨེཏམཏྠཾ, ཨཱཡཱམི ཏེ ཏཾ དིསཏཾ ཝདྷཱཡ;

ཀཐཉྷི ཝིཉྙཱུ པཧུ སམྤཛཱནོ, ན ཝཱཡམེ ཨཏྟཛནསྶ གུཏྟིཡཱ.

མིཏྟཉྩ ཀཡིརཱཐ སུཧདཡཉྩ [སུཧདྡཡཉྩ (སཱི.), སཁཱགྷརཉྩ (པཱི.)], ཨཡིརཉྩ ཀཡིརཱཐ སུཁཱགམཱཡ;

ནིཝཏྠཀོཙོཝ [ཀོཛོཝ (སཱི. པཱི.)] སརེབྷིཧནྟྭཱ, མོདཱམ པུཏྟེཧི སམངྒིབྷཱུཏཱ.

སཀམིཏྟསྶ ཀམྨེན, སཧཱཡསྶཱཔལཱཡིནོ;

ཀཱུཛནྟམུཔཀཱུཛནྟི ¶ , ལོམསཱ ཧདཡངྒམཾ.

མིཏྟཾ སཧཱཡཾ ཨདྷིགམྨ པཎྜིཏོ, སོ བྷུཉྫཏཱི པུཏྟ པསུཾ དྷནཾ ཝཱ;

ཨཧཉྩ པུཏྟཱ ཙ པཏཱི ཙ མཡ྄ཧཾ, མིཏྟཱནུཀམྤཱཡ སམངྒིབྷཱུཏཱ.

རཱཛཝཏཱ སཱུརཝཏཱ ཙ ཨཏྠོ, སམྤནྣསཁིསྶ བྷཝནྟི ཧེཏེ;

སོ མིཏྟཝཱ ཡསཝཱ ཨུགྒཏཏྟོ, ཨསྨིཾདྷལོཀེ [ཨསྨིཉྩ ལོཀེ (སཱི. སྱཱ. པཱི.)] མོདཏི ཀཱམཀཱམཱི.

ཀརཎཱིཡཱནི མིཏྟཱནི, དལིདྡེནཱཔི སེནཀ;

པསྶ མིཏྟཱནུཀམྤཱཡ, སམགྒམྷཱ སཉཱཏཀེ [སཉཱཏཀཱ (?)].

སཱུརེན བལཝནྟེན, ཡོ མིཏྟེ [མེཏྟེ (སཱི.), མིཏྟཾ (སྱཱ.)] ཀུརུཏེ དིཛོ;

ཨེཝཾ སོ སུཁིཏོ ཧོཏི, ཡཐཱཧཾ ཏྭཉྩ སེནཀཱཏི.

ཁརཱཛིནཱ ¶ ཛཊིལཱ པངྐདནྟཱ, དུམྨཀྑརཱུཔཱ [དུམྨུདྷརཱུཔཱ (སཱི. པཱི. ཀ.)] ཡེ མནྟཾ ཛཔྤནྟི [ཡེམེ ཛཔནྟི (སཱི. པཱི.), ཡེ’མེ ཛཔྤནྟི མནྟེ (ཛཱ. ༡.༦.༡༠)];

ཀཙྩིནྣུ ཏེ མཱནུསཀེ པཡོགེ, ཨིདཾ ཝིདཱུ པརིམུཏྟཱ ཨཔཱཡཱ.

པཱཔཱནི ¶ ཀམྨཱནི ཀརེཐ [ཀརེཡྻ (སྱཱ.), ཀཏྭཱན (ཛཱ. ༡.༦.༡༡)] རཱཛ, བཧུསྶུཏོ ཙེ ན ཙརེཡྻ དྷམྨཾ;

སཧསྶཝེདོཔི ན ཏཾ པཊིཙྩ, དུཀྑཱ པམུཙྩེ [པམུཉྩེ (སྱཱ.)] ཙརཎཾ ཨཔཏྭཱ.

སཧསྶཝེདོཔི ན ཏཾ པཊིཙྩ, དུཀྑཱ པམུཙྩེ ཙརཎཾ ཨཔཏྭཱ;

མཉྙཱམི ཝེདཱ ཨཕལཱ བྷཝནྟི, སསཾཡམཾ ཙརཎཉྙེཝ སཙྩཾ.

ན ཧེཝ ཝེདཱ ཨཕལཱ བྷཝནྟི, སསཾཡམཾ ཙརཎཉྙེཝ སཙྩཾ;

ཀིཏྟིཉྷི [ཀིཏྟིཉྩ (སྱཱ.)] པཔྤོཏི ཨདྷིཙྩ ཝེདེ, སནྟིཾ པུཎཱཏི [པུནོཏི (སཱི. ཨཊྛ.), པུཎེཏི (སྱཱ. ཛཱ. ༡.༦.༡༣), པུནེཏི (པཱི.)] ཙརཎེན དནྟོ.

བྷཙྩཱ ¶ མཱཏཱ པིཏཱ བནྡྷཱུ, ཡེན ཛཱཏོ སཡེཝ སོ;

ཨུདྡཱལཀོ ཨཧཾ བྷོཏོ [བྷོཏི (ཀ.)], སོཏྟིཡཱཀུལཝཾསཀོ [ཝཾསཏོ (ཀ.)].

ཀཐཾ བྷོ བྲཱཧྨཎོ ཧོཏི, ཀཐཾ བྷཝཏི ཀེཝལཱི;

ཀཐཉྩ པརིནིབྦཱནཾ, དྷམྨཊྛོ ཀིནྟི ཝུཙྩཏི.

ནིརཾཀཏྭཱ ¶ ཨགྒིམཱདཱཡ བྲཱཧྨཎོ, ཨཱཔོ སིཉྩཾ ཡཛཾ ཨུསྶེཏི ཡཱུཔཾ;

ཨེཝཾཀརོ བྲཱཧྨཎོ ཧོཏི ཁེམཱི, དྷམྨེ ཋིཏཾ ཏེན ཨམཱཔཡིཾསུ.

ན ¶ སུདྡྷི སེཙནེནཏྠི, ནཱཔི ཀེཝལཱི བྲཱཧྨཎོ;

ན ཁནྟཱི ནཱཔི སོརཙྩཾ, ནཱཔི སོ པརིནིབྦུཏོ.

ཀཐཾ སོ [བྷོ (སྱཱ. ཀ.)] བྲཱཧྨཎོ ཧོཏི, ཀཐཾ བྷཝཏི ཀེཝལཱི;

ཀཐཉྩ པརིནིབྦཱནཾ, དྷམྨཊྛོ ཀིནྟི ཝུཙྩཏི.

ཨཁེཏྟབནྡྷཱུ ཨམམོ ནིརཱསོ, ནིལློབྷཔཱཔོ བྷཝལོབྷཁཱིཎོ;

ཨེཝཾཀརོ བྲཱཧྨཎོ ཧོཏི ཁེམཱི, དྷམྨེ ཋིཏཾ ཏེན ཨམཱཔཡིཾསུ.

ཁཏྟིཡཱ བྲཱཧྨཎཱ ཝེསྶཱ, སུདྡཱ ཙཎྜཱལཔུཀྐུསཱ;

སབྦེཝ སོརཏཱ དནྟཱ, སབྦེཝ པརིནིབྦུཏཱ;

སབྦེསཾ སཱིཏིབྷཱུཏཱནཾ, ཨཏྠི སེཡྻོཐ [སེཡྻོཝ (སཱི. པཱི.)] པཱཔིཡོ.

ཁཏྟིཡཱ བྲཱཧྨཎཱ ཝེསྶཱ, སུདྡཱ ཙཎྜཱལཔུཀྐུསཱ;

སབྦེཝ སོརཏཱ དནྟཱ, སབྦེཝ པརིནིབྦུཏཱ;

སབྦེསཾ སཱིཏིབྷཱུཏཱནཾ, ནཏྠི སེཡྻོཐ པཱཔིཡོ.

ཁཏྟིཡཱ བྲཱཧྨཎཱ ཝེསྶཱ, སུདྡཱ ཙཎྜཱལཔུཀྐུསཱ;

སབྦེཝ སོརཏཱ དནྟཱ, སབྦེཝ པརིནིབྦུཏཱ.

སབྦེསཾ སཱིཏིབྷཱུཏཱནཾ, ནཏྠི སེཡྻོཐ པཱཔིཡོ;

པནཏྠཾ [པསཏྠཾ (སྱཱ.), པསཊྛཾ (ཀ.)] ཙརསི བྲཧྨཉྙཾ, སོཏྟིཡཱཀུལཝཾསཏཾ.

ནཱནཱརཏྟེཧི ཝཏྠེཧི, ཝིམཱནཾ བྷཝཏི ཚཱདིཏཾ;

ན ཏེསཾ ཚཱཡཱ ཝཏྠཱནཾ, སོ རཱགོ ཨནུཔཛྫཐ.

ཨེཝམེཝ ¶ ¶ [ཨེཝམེཝཾ (པཱི.)] མནུསྶེསུ, ཡདཱ སུཛ྄ཛྷནྟི མཱཎཝཱ;

ཏེ སཛཱཏིཾ པམུཉྩནྟི [ན ཏེསཾ ཛཱཏིཾ པུཙྪནྟི (སཱི. སྱཱ. པཱི.), ན ཏེསཾ ཛཱཏི སུཛ྄ཛྷཏི (ཀ.)], དྷམྨམཉྙཱཡ སུབྦཏཱཏི.

ཨསྶཾ ¶ གཝཾ རཛཏཾ ཛཱཏརཱུཔཾ, བྷརིཡཉྩ སོ ཨིདྷ ལབྷཏཾ མནཱཔཾ;

པུཏྟེཧི དཱརེཧི སམངྒི ཧོཏུ, བྷིསཱནི ཏེ བྲཱཧྨཎ ཡོ ཨཧཱསི.

མཱལཉྩ སོ ཀཱསིཀཙནྡནཉྩ, དྷཱརེཏུ པུཏྟསྶ བཧཱུ བྷཝནྟུ;

ཀཱམེསུ ཏིབྦཾ ཀུརུཏཾ ཨཔེཀྑཾ, བྷིསཱནི ཏེ བྲཱཧྨཎ ཡོ ཨཧཱསི.

པཧཱུཏདྷཉྙོ ཀསིམཱ ཡསསྶཱི, པུཏྟེ གིཧཱི དྷནིམཱ སབྦཀཱམེ;

ཝཡཾ ཨཔསྶཾ གྷརམཱཝསཱཏུ, བྷིསཱནི ཏེ བྲཱཧྨཎ ཡོ ཨཧཱསི.

སོ ཁཏྟིཡོ ཧོཏུ པསཡ྄ཧཀཱརཱི, རཱཛཱབྷིརཱཛཱ [རཱཛཱདྷིརཱཛཱ (སྱཱ. ཀ.)] བལཝཱ ཡསསྶཱི;

ས ¶ ཙཱཏུརནྟཾ མཧིམཱཝསཱཏུ, བྷིསཱནི ཏེ བྲཱཧྨཎ ཡོ ཨཧཱསི.

སོ བྲཱཧྨཎོ ཧོཏུ ཨཝཱིཏརཱགོ, མུཧུཏྟནཀྑཏྟཔཐེསུ ཡུཏྟོ;

པཱུཛེཏུ ནཾ རཊྛཔཏཱི ཡསསྶཱི, བྷིསཱནི ཏེ བྲཱཧྨཎ ཡོ ཨཧཱསི.

ཨཛ྄ཛྷཱཡཀཾ ¶ སབྦསམནྟཝེདཾ [སབྦསམཏྟཝེདཾ (སཱི.), སབྦསམཏྟཝེདནཾ (པཱི.)], ཏཔསྶཱིནཾ མཉྙཏུ སབྦལོཀོ;

པཱུཛེནྟུ ནཾ ཛཱནཔདཱ སམེཙྩ, བྷིསཱནི ཏེ བྲཱཧྨཎ ཡོ ཨཧཱསི.

ཙཏུསྶདཾ གཱམཝརཾ སམིདྡྷཾ, དིནྣཉྷི སོ བྷུཉྫཏུ ཝཱསཝེན;

ཨཝཱིཏརཱགོ མརཎཾ ཨུཔེཏུ, བྷིསཱནི ཏེ བྲཱཧྨཎ ཡོ ཨཧཱསི.

སོ གཱམཎཱི ཧོཏུ སཧཱཡམཛ྄ཛྷེ, ནཙྩེཧི གཱིཏེཧི པམོདམཱནོ;

སོ རཱཛཏོ བྱསན མཱལཏྠ [མཱ རཱཛཏོ ཝྱསན’མལཏྠ (སཱི. སྱཱ. པཱི.)] ཀིཉྩི, བྷིསཱནི ཏེ བྲཱཧྨཎ ཡོ ཨཧཱསི.

ཡཾ ཨེཀརཱཛཱ པཐཝིཾ ཝིཛེཏྭཱ, ཨིཏྠཱིསཧསྶཱན [ཨིཏྠཱིསཧསྶསྶ (སཱི. པཱི.)] ཋཔེཏུ ཨགྒཾ;

སཱིམནྟིནཱིནཾ ¶ པཝརཱ བྷཝཱཏུ, བྷིསཱནི ཏེ བྲཱཧྨཎ ཡཱ ཨཧཱསི.

ཨིསཱིནཉྷི སཱ སབྦསམཱགཏཱནཾ, བྷུཉྫེཡྻ སཱདུཾ ཨཝིཀམྤམཱནཱ;

ཙརཱཏུ ལཱབྷེན ཝིཀཏྠམཱནཱ, བྷིསཱནི ཏེ བྲཱཧྨཎ ཡཱ ཨཧཱསི.

ཨཱཝཱསིཀོ ཧོཏུ མཧཱཝིཧཱརེ, ནཝཀམྨིཀོ ཧོཏུ གཛངྒལཱཡཾ [ཀཛངྒལཱཡཾ (སཱི. སྱཱ. པཱི.)];

ཨཱལོཀསནྡྷིཾ དིཝསཾ [དིཝསཱ (སཱི. སྱཱ. པཱི.)] ཀརོཏུ, བྷིསཱནི ཏེ བྲཱཧྨཎ ཡོ ཨཧཱསི.

སོ ¶ བཛ྄ཛྷཏཱུ པཱསསཏེཧི ཚབྦྷི [ཚམྷི (སཱི. པཱི.), ཚསྶུ (?)], རམྨཱ ཝནཱ ནིཡྻཏུ རཱཛདྷཱནིཾ [རཱཛཋཱནིཾ (ཀ.)];

ཏུཏྟེཧི སོ ཧཉྙཏུ པཱཙནེཧི, བྷིསཱནི ཏེ བྲཱཧྨཎ ཡོ ཨཧཱསི.

ཨལཀྐམཱལཱི ཏིཔུཀཎྞཝིདྡྷོ, ལཊྛཱིཧཏོ སཔྤམུཁཾ ཨུཔེཏུ;

སཀཙྪབནྡྷོ [སཀྐཙྩབདྡྷོ (སཱི. པཱི.), སཾཀཙྩབནྡྷོ (ནིཡྻ)] ཝིསིཁཾ ཙརཱཏུ, བྷིསཱནི ཏེ བྲཱཧྨཎ ཡོ ཨཧཱསི.

ཡོ ཝེ ཨནཊྛཾཝ [ཨནཊྛཾ (སཱི. སྱཱ. པཱི.)] ནཊྛནྟི ཙཱཧ, ཀཱམེཝ ¶ སོ ལབྷཏཾ བྷུཉྫཏཉྩ [ལབྷཏུ བྷུཉྫཏུ ཙ (སྱཱ.)];

ཨགཱརམཛ྄ཛྷེ མརཎཾ ཨུཔེཏུ, ཡོ ཝཱ བྷོནྟོ སངྐཏི ཀཉྩིདེཝ [ཀིཉྩིདེཝ (ཀ.)].

ཡདེསམཱནཱ ¶ ཝིཙརནྟི ལོཀེ, ཨིཊྛཉྩ ཀནྟཉྩ བཧཱུནམེཏཾ;

པིཡཾ མནུཉྙཾ ཙིདྷ ཛཱིཝལོཀེ, ཀསྨཱ ཨིསཡོ ནཔྤསཾསནྟི ཀཱམེ.

ཀཱམེསུ ཝེ ཧཉྙརེ བཛ྄ཛྷརེ ཙ, ཀཱམེསུ དུཀྑཉྩ བྷཡཉྩ ཛཱཏཾ;

ཀཱམེསུ བྷཱུཏཱདྷིཔཏཱི པམཏྟཱ, པཱཔཱནི ཀམྨཱནི ཀརོནྟི མོཧཱ.

ཏེ པཱཔདྷམྨཱ པསཝེཏྭ པཱཔཾ, ཀཱཡསྶ བྷེདཱ ནིརཡཾ ཝཛནྟི;

ཨཱདཱིནཝཾ ཀཱམགུཎེསུ དིསྭཱ, ཏསྨཱ ཨིསཡོ ནཔྤསཾསནྟི ཀཱམེ.

ཝཱིམཾསམཱནོ ཨིསིནོ བྷིསཱནི, ཏཱིརེ གཧེཏྭཱན ཐལེ ནིདྷེསིཾ;

སུདྡྷཱ ཨཔཱཔཱ ཨིསཡོ ཝསནྟི, ཨེཏཱནི ཏེ བྲཧྨཙཱརཱི བྷིསཱནི.

ན ¶ ཏེ ནཊཱ ནོ པན ཀཱིལ༹ནེཡྻཱ, ན ¶ བནྡྷཝཱ ནོ པན ཏེ སཧཱཡཱ;

ཀིསྨིཾ ཝུཔཏྠམྦྷ སཧསྶནེཏྟ, ཨིསཱིཧི ཏྭཾ ཀཱིལ༹སི དེཝརཱཛ.

ཨཱཙརིཡོ མེསི པིཏཱ ཙ མཡ྄ཧཾ, ཨེསཱ པཏིཊྛཱ ཁལིཏསྶ བྲཧྨེ;

ཨེཀཱཔརཱདྷཾ ཁམ བྷཱུརིཔཉྙ, ན པཎྜིཏཱ ཀོདྷབལཱ བྷཝནྟི.

སུཝཱསིཏཾ ཨིསིནཾ ཨེཀརཏྟཾ, ཡཾ ཝཱསཝཾ བྷཱུཏཔཏིདྡསཱམ;

སབྦེཝ བྷོནྟོ སུམནཱ བྷཝནྟུ, ཡཾ བྲཱཧྨཎོ པཙྩུཔཱདཱི བྷིསཱནི.

ཨཧཉྩ སཱརིཔུཏྟོ ཙ, མོགྒལླཱནོ ཙ ཀསྶཔོ;

ཨནུརུདྡྷོ པུཎྞོ ཨཱནནྡོ, ཏདཱསུཾ སཏྟ བྷཱཏརོ.

བྷགིནཱི ཨུཔྤལཝཎྞཱ ཙ, དཱསཱི ཁུཛྫུཏྟརཱ ཏདཱ;

ཙིཏྟོ གཧཔཏི དཱསོ, ཡཀྑོ སཱཏཱགིརོ ཏདཱ.

པཱལིལེཡྻོ [པཱརིལེཡྻོ (སཱི. པཱི.)] ཏདཱ ནཱགོ, མདྷུདོ [མདྷུཝཱ (སཱི. པཱི.)] སེཊྛཝཱནརོ;

ཀཱལུ༹དཱཡཱི ཏདཱ སཀྐོ, ཨེཝཾ དྷཱརེཐ ཛཱཏཀནྟི.

མཧེསཱི ¶ སུརུཙིནོ [རུཙིནོ (སཱི. སྱཱ. པཱི.)] བྷརིཡཱ, ཨཱནཱིཏཱ པཋམཾ ཨཧཾ;

དས ཝསྶསཧསྶཱནི, ཡཾ མཾ སུརུཙིམཱནཡི.

སཱཧཾ བྲཱཧྨཎ རཱཛཱནཾ, ཝེདེཧཾ མིཐིལགྒཧཾ;

ནཱབྷིཛཱནཱམི ཀཱཡེན, ཝཱཙཱཡ ཨུད ཙེཏསཱ;

སུརུཙིཾ ཨཏིམཉྙིཏྠ [ཨཏིམཉྙིཏྠོ (སཱི. པཱི.), ཨཏིམཉྙིཏཱ (?)], ཨཱཝི [ཨཱཝིཾ (སཱི. པཱི.)] ཝཱ ཡདི ཝཱ རཧོ.

ཨེཏེན ¶ སཙྩཝཛྫེན, པུཏྟོ ཨུཔྤཛྫཏཾ ཨིསེ;

མུསཱ མེ བྷཎམཱནཱཡ, མུདྡྷཱ ཕལཏུ སཏྟདྷཱ.

བྷཏྟུ ¶ མམ སསྶུ མཱཏཱ, པིཏཱ ཙཱཔི ཙ སསྶུརོ;

ཏེ མཾ བྲཧྨེ ཝིནེཏཱརོ, ཡཱཝ ཨཊྛཾསུ ཛཱིཝིཏཾ.

སཱཧཾ ཨཧིཾསཱརཏིནཱི, ཀཱམསཱ [ཀཱམསོ (སཱི.)] དྷམྨཙཱརིནཱི [དྷམྨཙཱརིཎཱི (སཱི.)];

སཀྐཙྩཾ ཏེ ཨུཔཊྛཱསིཾ, རཏྟིནྡིཝམཏནྡིཏཱ.

ཨེཏེན སཙྩཝཛྫེན, པུཏྟོ ཨུཔྤཛྫཏཾ ཨིསེ;

མུསཱ མེ བྷཎམཱནཱཡ, མུདྡྷཱ ཕལཏུ སཏྟདྷཱ.

སོལ༹སིཏྠིསཧསྶཱནི, སཧབྷརིཡཱནི བྲཱཧྨཎ;

ཏཱསུ ཨིསྶཱ ཝཱ ཀོདྷོ ཝཱ, ནཱཧུ མཡ྄ཧཾ ཀུདཱཙནཾ.

ཧིཏེན ཏཱསཾ ནནྡཱམི, ན ཙ མེ ཀཱཙི ཨཔྤིཡཱ;

ཨཏྟཱནཾཝཱནུཀམྤཱམི, སདཱ སབྦཱ སཔཏྟིཡོ.

ཨེཏེན སཙྩཝཛྫེན, པུཏྟོ ཨུཔྤཛྫཏཾ ཨིསེ;

མུསཱ མེ བྷཎམཱནཱཡ, མུདྡྷཱ ཕལཏུ སཏྟདྷཱ.

དཱསེ ¶ ཀམྨཀརེ པེསྶེ [པོསེ (སྱཱ. ཀ.)], ཡེ ཙཉྙེ ཨནུཛཱིཝིནོ;

པེསེམི [པོསེམི (སཱི. སྱཱ. པཱི.)] སཧདྷམྨེན, སདཱ པམུདིཏིནྡྲིཡཱ.

ཨེཏེན སཙྩཝཛྫེན, པུཏྟོ ཨུཔྤཛྫཏཾ ཨིསེ;

མུསཱ མེ བྷཎམཱནཱཡ, མུདྡྷཱ ཕལཏུ སཏྟདྷཱ.

སམཎེ བྲཱཧྨཎེ ཙཱཔི, ཨཉྙེ ཙཱཔི ཝནིབྦཀེ;

ཏཔྤེམི ཨནྣཔཱནེན, སདཱ པཡཏཔཱཎིནཱི.

ཨེཏེན སཙྩཝཛྫེན, པུཏྟོ ཨུཔྤཛྫཏཾ ཨིསེ;

མུསཱ མེ བྷཎམཱནཱཡ, མུདྡྷཱ ཕལཏུ སཏྟདྷཱ.

ཙཱཏུདྡསིཾ པཉྩདྡསིཾ [པནྣརསིཾ (སཱི. པཱི.)], ཡཱ ཙ པཀྑསྶ ཨཊྛམཱི [ཨཊྛམིཾ (སཱི. པཱི.)];

པཱཊིཧཱརིཡཔཀྑཉྩ, ཨཊྛངྒསུསམཱགཏཾ [ཨཊྛངྒསུསམཱཧིཏཾ (སབྦཏྠ) ཝི. ཝ. ༡༢༩ པཱལི༹ཡཱ ཨཊྛཀཐཱ པསྶིཏབྦཱ];

ཨུཔོསཐཾ ཨུཔཝསཱམི [ཨུཔཝསིཾ (ཀ.)], སདཱ སཱིལེསུ སཾཝུཏཱ.

ཨེཏེན ¶ སཙྩཝཛྫེན, པུཏྟོ ཨུཔྤཛྫཏཾ ཨིསེ;

མུསཱ མེ བྷཎམཱནཱཡ, མུདྡྷཱ ཕལཏུ སཏྟདྷཱ.

སབྦེཝ ཏེ དྷམྨགུཎཱ, རཱཛཔུཏྟི ཡསསྶིནི;

སཾཝིཛྫནྟི ཏཡི བྷདྡེ, ཡེ ཏྭཾ ཀིཏྟེསི ཨཏྟནི.

ཁཏྟིཡོ ཛཱཏིསམྤནྣོ, ཨབྷིཛཱཏོ ཡསསྶིམཱ;

དྷམྨརཱཛཱ ཝིདེཧཱནཾ, པུཏྟོ ཨུཔྤཛྫཏེ ཏཝ [ཏཝཾ (སཱི. པཱི.)].

དུམྨཱི ¶ [རུམྨཱི (སཱི. པཱི.)] རཛོཛལླདྷརོ, ཨགྷེ ཝེཧཱཡསཾ ཋིཏོ;

མནུཉྙཾ བྷཱསསེ ཝཱཙཾ, ཡཾ མཡ྄ཧཾ ཧདཡངྒམཾ.

དེཝཏཱནུསི ¶ སགྒམྷཱ, ཨིསི ཝཱསི [ཙཱཔི (ཀ.)] མཧིདྡྷིཀོ;

ཀོ ཝཱསི ཏྭཾ ཨནུཔྤཏྟོ, ཨཏྟཱནཾ མེ པཝེདཡ.

ཡཾ དེཝསངྒྷཱ ཝནྡནྟི, སུདྷམྨཱཡཾ སམཱགཏཱ;

སོཧཾ སཀྐོ སཧསྶཀྑོ, ཨཱགཏོསྨི ཏཝནྟིཀེ.

ཨིཏྠིཡོ [ཨིཏྠིཡཱ (པཱི.)] ཛཱིཝལོཀསྨིཾ, ཡཱ ཧོཏི [ཧོནྟི (སཱི. སྱཱ.)] སམཙཱརིནཱི [སམཙཱརིཎཱི (སཱི.)];

མེདྷཱཝིནཱི སཱིལཝཏཱི, སསྶུདེཝཱ པཏིབྦཏཱ.

ཏཱདིསཱཡ སུམེདྷཱཡ, སུཙིཀམྨཱཡ ནཱརིཡཱ;

དེཝཱ དསྶནམཱཡནྟི, མཱནུསིཡཱ ཨམཱནུསཱ.

ཏྭཉྩ བྷདྡེ སུཙིཎྞེན, པུབྦེ སུཙརིཏེན ཙ;

ཨིདྷ རཱཛཀུལེ ཛཱཏཱ, སབྦཀཱམསམིདྡྷིནཱི.

ཨཡཉྩ ཏེ རཱཛཔུཏྟི, ཨུབྷཡཏྠ ཀཊགྒཧོ;

དེཝལོཀཱུཔཔཏྟཱི ཙ, ཀིཏྟཱི ཙ ཨིདྷ ཛཱིཝིཏེ.

ཙིརཾ སུམེདྷེ སུཁིནཱི, དྷམྨམཏྟནི པཱལཡ;

ཨེསཱཧཾ ཏིདིཝཾ ཡཱམི, པིཡཾ མེ ཏཝ དསྶནནྟི.

ཨཔྤོསྶུཀྐོ ¶ དཱནི ཏུཝཾ ཀཔོཏ, ཝིཧངྒམ ན ཏཝ བྷོཛནཏྠོ;

ཁུདཾ [ཁུདྡཾ (སྱཱ. ཀ.), ཁུདྷཾ (སཀྐཏ-པཱཀཏཱནུརཱུཔཾ)] པིཔཱསཾ ཨདྷིཝཱསཡནྟོ, ཀསྨཱ བྷཝཾཔོསཐིཀོ ཀཔོཏ [ཀཔོཏོ (སཱི. པཱི.)].

ཨཧཾ པུརེ གིདྡྷིགཏོ ཀཔོཏིཡཱ, ཨསྨིཾ པདེསསྨིམུབྷོ རམཱམ;

ཨཐགྒཧཱི སཱཀུཎིཀོ ཀཔོཏིཾ, ཨཀཱམཀོ ཏཱཡ ཝིནཱ ཨཧོསིཾ.

ནཱནཱབྷཝཱ ཝིཔྤཡོགེན ཏསྶཱ, མནོམཡཾ ཝེདན ཝེདཡཱམི [ཝེདནཾ ཝེདིཡཱམི (སཱི. པཱི.)];

ཏསྨཱ ཨཧཾཔོསཐཾ པཱལཡཱམི, རཱགོ མམཾ མཱ པུནརཱགམཱསི.

ཨནུཛྫུགཱམཱི ཨུརགཱ དུཛིཝ྄ཧ [ཨུརག དྭིཛིཝ྄ཧ (སཱི.)], དཱཋཱཝུདྷོ གྷོརཝིསོསི སཔྤ;

ཁུདཾ པིཔཱསཾ ཨདྷིཝཱསཡནྟོ, ཀསྨཱ ¶ བྷཝཾཔོསཐིཀོ ནུ དཱིགྷ [དཱིགྷོ (སཱི. པཱི.)].

ཨུསབྷོ ཨཧཱུ བལཝཱ གཱམིཀསྶ, ཙལཀྐཀཱུ ཝཎྞབལཱུཔཔནྣོ;

སོ མཾ ཨཀྐམི ཏཾ ཀུཔིཏོ ཨཌཾསི, དུཀྑཱབྷིཏུཎྞོ མརཎཾ ཨུཔཱགཱ [ཨུཔཱགམི (སཱི. པཱི.)].

ཏཏོ ¶ ཛནཱ ནིཀྑམིཏྭཱན གཱམཱ, ཀནྡིཏྭཱ རོདིཏྭཱ [ཀནྡིཏྭ རོདིཏྭ (སཱི.)] ཨཔཀྐམིཾསུ;

ཏསྨཱ ཨཧཾཔོསཐཾ པཱལཡཱམི, ཀོདྷོ ¶ མམཾ མཱ པུནརཱགམཱསི.

མཏཱན ¶ མཾསཱནི བཧཱུ སུསཱནེ, མནུཉྙརཱུཔཾ ཏཝ བྷོཛནེ ཏཾ;

ཁུདཾ པིཔཱསཾ ཨདྷིཝཱསཡནྟོ, ཀསྨཱ བྷཝཾཔོསཐིཀོ སིངྒཱལ [སིགཱལོ (སཱི. པཱི.)].

པཝིསི [པཝིསྶཾ (སཱི. པཱི.), པཝིསྶ (སྱཱ.)] ཀུཙྪིཾ མཧཏོ གཛསྶ, ཀུཎཔེ རཏོ ཧཏྠིམཾསེསུ གིདྡྷོ [ཧཏྠིམཾསེ པགིདྡྷོ (སཱི. པཱི.)];

ཨུཎྷོ ཙ ཝཱཏོ ཏིཁིཎཱ ཙ རསྨིཡོ, ཏེ སོསཡུཾ ཏསྶ ཀརཱིསམགྒཾ.

ཀིསོ ཙ པཎྜཱུ ཙ ཨཧཾ བྷདནྟེ, ན མེ ཨཧཱུ ནིཀྑམནཱཡ མགྒོ;

མཧཱ ཙ མེགྷོ སཧསཱ པཝསྶི, སོ ཏེམཡཱི ཏསྶ ཀརཱིསམགྒཾ.

ཏཏོ ཨཧཾ ནིཀྑམིསཾ བྷདནྟེ, ཙནྡོ ཡཐཱ རཱཧུམུཁཱ པམུཏྟོ;

ཏསྨཱ ཨཧཾཔོསཐཾ པཱལཡཱམི, ལོབྷོ མམཾ མཱ པུནརཱགམཱསི.

ཝམྨཱིཀཐཱུཔསྨིཾ ཀིཔིལླིཀཱནི, ནིཔྤོཐཡནྟོ ཏུཝཾ པུརེ ཙརཱསི;

ཁུདཾ པིཔཱསཾ ཨདྷིཝཱསཡནྟོ, ཀསྨཱ ¶ བྷཝཾཔོསཐིཀོ ནུ ཨཙྪ [ཨཙྪོ (སཱི. པཱི.)].

སཀཾ ནིཀེཏཾ ཨཏིཧཱིལ༹ཡཱནོ [ཨཏིཧེལ༹ཡཱནོ (སྱཱ. ཀ.)], ཨཏྲིཙྪཏཱ [ཨཏྲིཙྪཏཱཡ (སཱི. སྱཱ. པཱི.)] མལླགཱམཾ [མལཏཾ (སཱི. པཱི.), མལླཡཏཾ (ཀ.)] ཨགཙྪིཾ;

ཏཏོ ཛནཱ ནིཀྑམིཏྭཱན གཱམཱ, ཀོདཎྜཀེན པརིཔོཐཡིཾསུ མཾ.

སོ ¶ བྷིནྣསཱིསོ རུཧིརམཀྑིཏངྒོ, པཙྩཱགམཱསིཾ སཀཾ [ས སཀཾ (སྱཱ. ཀ.),’ཐ སཀཾ (?)] ནིཀེཏཾ;

ཏསྨཱ ཨཧཾཔོསཐཾ པཱལཡཱམི, ཨཏྲིཙྪཏཱ མཱ པུནརཱགམཱསི.

ཡཾ ནོ ཨཔུཙྪིཏྠ ཏུཝཾ བྷདནྟེ, སབྦེཝ བྱཱཀརིམྷ ཡཐཱ པཛཱནཾ;

མཡམྤི པུཙྪཱམ ཏུཝཾ བྷདནྟེ, ཀསྨཱ བྷཝཾཔོསཐིཀོ ནུ བྲཧྨེ.

ཨནཱུཔལིཏྟོ མམ ཨསྶམམྷི, པཙྩེཀབུདྡྷོ མུཧུཏྟཾ ནིསཱིདི;

སོ མཾ ཨཝེདཱི གཏིམཱགཏིཉྩ, ནཱམཉྩ གོཏྟཾ ཙརཎཉྩ སབྦཾ.

ཨེཝམྤཧཾ ཝནྡི ན [ཨེཝམྤཧཾ ནགྒཧེ (སཱི. པཱི.)] ཏསྶ པཱདེ, ན ཙཱཔི ནཾ མཱནགཏེན པུཙྪིཾ;

ཏསྨཱ ཨཧཾཔོསཐཾ པཱལཡཱམི, མཱནོ ¶ མམཾ མཱ པུནརཱགམཱསཱིཏི.

སཙེ ཧི ཏྱཱཧཾ དྷནཧེཏུ གཱཧིཏོ, མཱ མཾ ཝདྷཱི ཛཱིཝགཱཧཾ གཧེཏྭཱ;

རཉྙོ ཙ [རཉྙོཝ (སཱི. པཱི.)] མཾ སམྨ ཨུཔནྟིཀཾ [ཨུཔནྟི (སཱི. སྱཱ. པཱི.)] ནེཧི, མཉྙེ དྷནཾ ལཙྪསིནཔྤརཱུཔཾ.

ན མེ ཨཡཾ ཏུཡ྄ཧ ཝདྷཱཡ ཨཛྫ, སམཱཧིཏོ ཙཱཔདྷུརེ [ཙཱཔཝརེ (སཱི. པཱི.), ཙཱཔཝརོ (སྱཱ.)] ཁུརཔྤོ;

པཱསཉྩ ཏྱཱཧཾ ཨདྷིཔཱཏཡིསྶཾ, ཡཐཱསུཁཾ གཙྪཏུ མོརརཱཛཱ.

ཡཾ ¶ ¶ སཏྟ ཝསྶཱནི མམཱནུབནྡྷི, རཏྟིནྡིཝཾ ཁུཔྤིཔཱསཾ སཧནྟོ;

ཨཐ ཀིསྶ མཾ པཱསཝསཱུཔནཱིཏཾ, པམུཏྟཝེ ¶ ཨིཙྪསི བནྡྷནསྨཱ.

པཱཎཱཏིཔཱཏཱ ཝིརཏོ ནུསཛྫ, ཨབྷཡཾ ནུ ཏེ སབྦབྷཱུཏེསུ དིནྣཾ;

ཡཾ མཾ ཏུཝཾ པཱསཝསཱུཔནཱིཏཾ, པམུཏྟཝེ ཨིཙྪསི བནྡྷནསྨཱ.

པཱཎཱཏིཔཱཏཱ ཝིརཏསྶ བྲཱུཧི, ཨབྷཡཉྩ ཡོ སབྦབྷཱུཏེསུ དེཏི;

པུཙྪཱམི ཏཾ མོརརཱཛེཏམཏྠཾ, ཨིཏོ ཙུཏོ ཀིཾ ལབྷཏེ སུཁཾ སོ.

པཱཎཱཏིཔཱཏཱ ཝིརཏསྶ བྲཱུམི, ཨབྷཡཉྩ ཡོ སབྦབྷཱུཏེསུ དེཏི;

དིཊྛེཝ དྷམྨེ ལབྷཏེ པསཾསཾ, སགྒཉྩ སོ ཡཱཏི སརཱིརབྷེདཱ.

ན སནྟི དེཝཱ ཨིཏི ཨཱཧུ [ཨིཙྩཱཧུ (སཱི. པཱི.)] ཨེཀེ, ཨིདྷེཝ ཛཱིཝོ ཝིབྷཝཾ ཨུཔེཏི;

ཏཐཱ ཕལཾ སུཀཏདུཀྐཊཱནཾ, དཏྟུཔཉྙཏྟཉྩ ཝདནྟི དཱནཾ;

ཏེསཾ ཝཙོ ཨརཧཏཾ སདྡཧཱནོ, ཏསྨཱ ཨཧཾ སཀུཎེ བཱདྷཡཱམི.

ཙནྡོ ཙ སུརིཡོ ཙ ཨུབྷོ སུདསྶནཱ, གཙྪནྟི ཨོབྷཱསཡམནྟལིཀྑེ;

ཨིམསྶ ལོཀསྶ པརསྶ ཝཱ ཏེ, ཀཐཾ ནུ ཏེ ཨཱཧུ མནུསྶལོཀེ.

ཙནྡོ ¶ ཙ སུརིཡོ ཙ ཨུབྷོ སུདསྶནཱ, གཙྪནྟི ¶ ཨོབྷཱསཡམནྟལིཀྑེ;

པརསྶ ལོཀསྶ ན ཏེ ཨིམསྶ, དེཝཱཏི ཏེ ཨཱཧུ མནུསྶལོཀེ.

ཨེཏྠེཝ ཏེ ནཱིཧཏཱ ཧཱིནཝཱདཱ, ཨཧེཏུཀཱ ཡེ ན ཝདནྟི ཀམྨཾ;

ཏཐཱ ཕལཾ སུཀཏདུཀྐཊཱནཾ, དཏྟུཔཉྙཏྟཾ ཡེ ཙ ཝདནྟི དཱནཾ.

ཨདྡྷཱ ཧི སཙྩཾ ཝཙནཾ ཏཝེདཾ [ཏཝེཏཾ (སཱི. སྱཱ. པཱི.)], ཀཐཉྷི དཱནཾ ཨཕལཾ བྷཝེཡྻ [ཝདེཡྻ (སཱི. པཱི.)];

ཏཐཱ ཕལཾ སུཀཏདུཀྐཊཱནཾ, དཏྟུཔཉྙཏྟཉྩ ཀཐཾ བྷཝེཡྻ.

ཀཐཾཀརོ ཀིནྟིཀརོ ཀིམཱཙརཾ, ཀིཾ སེཝམཱནོ ཀེན ཏཔོགུཎེན;

ཨཀྑཱཧི [ཨཀྑཱཧི ཏཾ དཱནི (ཀ.)] མེ མོརརཱཛེཏམཏྠཾ, ཡཐཱ ཨཧཾ ནོ ནིརཡཾ པཏེཡྻཾ.

ཡེ ཀེཙི ཨཏྠི སམཎཱ པཐབྱཱ, ཀཱསཱཡཝཏྠཱ ཨནགཱརིཡཱ ཏེ;

པཱཏོཝ པིཎྜཱཡ ཙརནྟི ཀཱལེ, ཝིཀཱལཙརིཡཱ ཝིརཏཱ ཧི སནྟོ.

ཏེ ཏཏྠ ཀཱལེནུཔསངྐམིཏྭཱ, པུཙྪཱཧི ¶ ཡཾ ཏེ མནསོ པིཡཾ སིཡཱ;

ཏེ ཏེ པཝཀྑནྟི ཡཐཱཔཛཱནཾ, ཨིམསྶ ལོཀསྶ པརསྶ ཙཏྠཾ.

ཏཙཾཝ ཛིཎྞཾ ཨུརགོ པུརཱཎཾ, པཎྜཱུཔལཱསཾ ཧརིཏོ དུམོཝ;

ཨེསཔྤཧཱིནོ མམ ལུདྡབྷཱཝོ, ཛཧཱམཧཾ ལུདྡཀབྷཱཝམཛྫ.

ཡེ ¶ ཙཱཔི མེ སཀུཎཱ ཨཏྠི བདྡྷཱ, སཏཱནིནེཀཱནི ནིཝེསནསྨིཾ;

ཏེསམྤཧཾ [ཏེསཾ ཨཧཾ (སྱཱ. ཀ.)] ཛཱིཝིཏམཛྫ དམྨི, མོཀྑཉྩ ཏེ པཏྟཱ [པཏྟོ (སཱི.), ཨཙྪ (སྱཱ.)] སཀཾ ནིཀེཏཾ.

ལུདྡོ ¶ ཙརཱི པཱསཧཏྠོ ཨརཉྙེ, བཱདྷེཏུ མོརཱདྷིཔཏིཾ ཡསསྶིཾ;

བནྡྷིཏྭཱ [བནྡྷིཏྭ (སཱི. པཱི.)] མོརཱདྷིཔཏིཾ ཡསསྶིཾ, དུཀྑཱ ས པམུཙྩི [དུཀྑཱ པམུཙྩི (སཱི.), དུཀྑཱ པམུཉྩི (སྱཱ. པཱི.)] ཡཐཱཧཾ པམུཏྟོཏི.

ཡདེསམཱནཱ ཝིཙརིམྷ, པབྦཏཱནི ཝནཱནི ཙ;

ཨནྭེསཾ ¶ ཝིཙརིཾ [ཝིཔུལེ (སྱཱ. ཀ.)] ཉཱཏཱི, ཏེམེ ཨདྷིགཏཱ མཡཱ.

བཧུཉྩིདཾ མཱུལཕལཾ, བྷཀྑོ ཙཱཡཾ ཨནཔྤཀོ;

རམྨཱ ཙིམཱ གིརཱིནཛྫོ [གིརིནདིཡོ (སཱི. པཱི.)], ཕཱསུཝཱསོ བྷཝིསྶཏི.

ཨིདྷེཝཱཧཾ ཝསིསྶཱམི, སཧ སབྦེཧི ཉཱཏིབྷི;

ཨཔྤོསྶུཀྐོ ནིརཱསངྐཱི, ཨསོཀོ ཨཀུཏོབྷཡོ.

ཨཉྙམྤི [ཨཉྙཾ ཧི (སཱི. པཱི.)] ལེཎཾ པརིཡེས, སཏྟུ ནོ ཨིདྷ ཝིཛྫཏི;

སོ ཏཙྪ སཱུཀརེ ཧནྟི, ཨིདྷཱགནྟྭཱ ཝརཾ ཝརཾ.

ཀོ ནུམྷཱཀཾ [ཀོ ནམྷཱཀཾ (སཱི. པཱི.)] ཨིདྷ སཏྟུ, ཀོ ཉཱཏཱི སུསམཱགཏེ;

དུཔྤདྷཾསེ [ཨཔྤདྷཾསེ (སཱི. པཱི.)] པདྷཾསེཏི, ཏཾ མེ ཨཀྑཱཐ པུཙྪིཏཱ.

ཨུདྡྷགྒརཱཛཱི མིགརཱཛཱ, བལཱི དཱཋཱཝུདྷོ མིགོ;

སོ ཏཙྪ སཱུཀརེ ཧནྟི, ཨིདྷཱགནྟྭཱ ཝརཾ ཝརཾ.

ན ནོ དཱཋཱ ན ཝིཛྫནྟི [ནུ ཝིཛྫནྟི (ཀ.)], བལཾ ཀཱཡེ སམོཧིཏཾ;

སབྦེ སམགྒཱ ཧུཏྭཱན, ཝསཾ ཀཱཧཱམ ཨེཀཀཾ.

ཧདཡངྒམཾ ¶ ཀཎྞསུཁཾ, ཝཱཙཾ བྷཱསསི ཏཙྪཀ;

ཡོཔི ཡུདྡྷེ པལཱཡེཡྻ, ཏམྤི པཙྪཱ ཧནཱམསེ.

པཱཎཱཏིཔཱཏཱ ཝིརཏོ ནུ ཨཛྫ, ཨབྷཡཾ ནུ ཏེ སབྦབྷཱུཏེསུ དིནྣཾ;

དཱཋཱ ནུ ཏེ མིགཝདྷཱཡ [མིག ཝིརིཡཾ (སཱི. སྱཱ. པཱི.)] ན སནྟི, ཡོ སངྒྷཔཏྟོ ཀཔཎོཝ ཛྷཱཡསི.

ན ¶ མེ དཱཋཱ ན ཝིཛྫནྟི, བལཾ ཀཱཡེ སམོཧིཏཾ;

ཉཱཏཱི ཙ དིསྭཱན སཱམགྒཱི ཨེཀཏོ, ཏསྨཱ ཙ ཛྷཱཡཱམི ཝནམྷི ཨེཀཀོ.

ཨིམསྶུདཾ ཡནྟི དིསོདིསཾ པུརེ, བྷཡཊྚིཏཱ ལེཎགཝེསིནོ པུཐུ;

ཏེ དཱནི སངྒམྨ ཝསནྟི ཨེཀཏོ, ཡཏྠཊྛིཏཱ དུཔྤསཧཛྫ ཏེ མཡཱ.

པརིཎཱཡཀསམྤནྣཱ, སཧིཏཱ ཨེཀཝཱདིནོ;

ཏེ མཾ སམགྒཱ ཧིཾསེཡྻུཾ, ཏསྨཱ ནེསཾ ན པཏྠཡེ [ཨཔཏྠཝེ (པཱི.)].

ཨེཀོཝ ¶ ཨིནྡོ ཨསུརེ ཛིནཱཏི, ཨེཀོཝ སེནོ ཧནྟི དིཛེ པསཡ྄ཧ;

ཨེཀོཝ བྱགྒྷོ མིགསངྒྷཔཏྟོ, ཝརཾ ཝརཾ ཧནྟི བལཉྷི ཏཱདིསཾ.

ན ཧེཝ ཨིནྡོ ན སེནོ, ནཔི བྱགྒྷོ མིགཱདྷིཔོ;

སམགྒེ སཧིཏེ ཉཱཏཱི, ན བྱགྒྷེ [བྱགྒྷེ ཙ (སཱི. པཱི.), བྱགྒྷོ ན (སྱཱ.)] ཀུརུཏེ ཝསེ.

ཀུམྦྷཱིལཀཱ སཀུཎཀཱ, སངྒྷིནོ གཎཙཱརིནོ;

སམྨོདམཱནཱ ཨེཀཛ྄ཛྷཾ, ཨུཔྤཏནྟི ཌཡནྟི ཙ.

ཏེསཉྩ ཌཡམཱནཱནཾ, ཨེཀེཏྠ ཨཔསཀྐཏི [ཨཔཝཏྟཏི (སཱི. པཱི.)];

ཏཉྩ སེནོ ནིཏཱལེ༹ཏི, ཝེཡྻགྒྷིཡེཝ སཱ གཏི.

ཨུསྶཱཧིཏོ ¶ ¶ ཛཊིལེན, ལུདྡེནཱམིསཙཀྑུནཱ;

དཱཋཱི དཱཋཱིསུ པཀྑནྡི, མཉྙམཱནོ ཡཐཱ པུརེ.

སཱདྷུ སམྦཧུལཱ ཉཱཏཱི, ཨཔི རུཀྑཱ ཨརཉྙཛཱ;

སཱུཀརེཧི སམགྒེཧི, བྱགྒྷོ ཨེཀཱཡནེ ཧཏོ.

བྲཱཧྨཎཉྩེཝ བྱགྒྷཉྩ, ཨུབྷོ ཧནྟྭཱན སཱུཀརཱ.

ཨཱནནྡིནོ པམུདིཏཱ, མཧཱནཱདཾ པནཱདིསུཾ.

ཏེ སུ ཨུདུམྦརམཱུལསྨིཾ, སཱུཀརཱ སུསམཱགཏཱ;

ཏཙྪཀཾ ཨབྷིསིཉྩིཾསུ, ‘‘ཏྭཾ ནོ རཱཛཱསི ཨིསྶརོ’’ཏི.

ཝཱཎིཛཱ སམིཏིཾ ཀཏྭཱ, ནཱནཱརཊྛཏོ ཨཱགཏཱ;

དྷནཱཧརཱ པཀྐམིཾསུ, ཨེཀཾ ཀཏྭཱན གཱམཎིཾ.

ཏེ ཏཾ ཀནྟཱརམཱགམྨ, ཨཔྤབྷཀྑཾ ཨནོདཀཾ;

མཧཱནིགྲོདྷམདྡཀྑུཾ, སཱིཏཙྪཱཡཾ མནོརམཾ.

ཏེ ཙ ཏཏྠ ནིསཱིདིཏྭཱ, ཏསྶ རུཀྑསྶ ཚཱཡཡཱ [ཚཱདིཡཱ (སཱི. སྱཱ. པཱི.)];

ཝཱཎིཛཱ སམཙིནྟེསུཾ, བཱལཱ མོཧེན པཱརུཏཱ.

ཨལླཱཡཏེ [ཨདྡཱཡཏེ (སཱི. པཱི.)] ཨཡཾ རུཀྑོ, ཨཔི ཝཱརཱིཝ [ཝཱརི ཙ (སཱི. པཱི.)] སནྡཏི;

ཨིངྒྷསྶ པུརིམཾ སཱཁཾ, མཡཾ ཚིནྡཱམ ཝཱཎིཛཱ.

སཱ ཙ ཚིནྣཱཝ པགྒྷརི, ཨཙྪཾ ཝཱརིཾ ཨནཱཝིལཾ;

ཏེ ¶ ཏཏྠ ནྷཏྭཱ པིཝིཏྭཱ, ཡཱཝཏིཙྪིཾསུ ཝཱཎིཛཱ.

དུཏིཡཾ ¶ སམཙིནྟེསུཾ, བཱལཱ མོཧེན པཱརུཏཱ;

ཨིངྒྷསྶ དཀྑིཎཾ སཱཁཾ, མཡཾ ཚིནྡཱམ ཝཱཎིཛཱ.

སཱ ཙ ཚིནྣཱཝ པགྒྷརི, སཱལིམཾསོདནཾ བཧུཾ;

ཨཔྤོདཝཎྞེ ཀུམྨཱསེ, སིངྒིཾ ཝིདལསཱུཔིཡོ [སིངྒིཾ བིདལསཱུཔིཡོ (སཱི. པཱི.), སིངྒཱིཝེརཾ ལསཱུཔིཡོ (ཀ.) སིངྒཱིནྟི སིངྒཱིཝེརཱདིཀཾ ཨུཏྟརིབྷངྒཾ; ཝིདལསཱུཔིཡོཏི མུགྒསཱུཔཱདཡོ (ཨཊྛ.) ཝིདལཾ ཀལཱཡཱདིམྷི ཝཏྟཏཱིཏི སཀྐཏཱབྷིདྷཱནེ].

ཏེ ¶ ཏཏྠ བྷུཏྭཱ ཁཱདིཏྭཱ [བྷུཏྭཱ ཙ པིཝིཏྭཱ ཙ (པཱི.)], ཡཱཝཏིཙྪིཾསུ ཝཱཎིཛཱ;

ཏཏིཡཾ སམཙིནྟེསུཾ, བཱལཱ མོཧེན པཱརུཏཱ;

ཨིངྒྷསྶ པཙྪིམཾ སཱཁཾ, མཡཾ ཚིནྡཱམ ཝཱཎིཛཱ.

སཱ ཙ ཚིནྣཱཝ པགྒྷརི, ནཱརིཡོ སམལངྐཏཱ;

ཝིཙིཏྲཝཏྠཱབྷརཎཱ, ཨཱམུཏྟམཎིཀུཎྜལཱ.

ཨཔི སུ ཝཱཎིཛཱ ཨེཀཱ, ནཱརིཡོ པཎྞཝཱིསཏི;

སམནྟཱ པརིཝཱརིཾསུ [པརིཀརིཾསུ (སཱི. སྱཱ. པཱི.)], ཏསྶ རུཀྑསྶ ཚཱཡཡཱ [ཚཱདིཡཱ (སཱི. སྱཱ. པཱི.)].

ཏེ ཏཱཧི པརིཙཱརེཏྭཱ [པརིཝཱརེཏྭཱ (སཱི. སྱཱ. པཱི.)], ཡཱཝཏིཙྪིཾསུ ཝཱཎིཛཱ;

ཙཏུཏྠཾ སམཙིནྟེསུཾ, བཱལཱ མོཧེན པཱརུཏཱ;

ཨིངྒྷསྶ ཨུཏྟརཾ སཱཁཾ, མཡཾ ཚིནྡཱམ ཝཱཎིཛཱ.

སཱ ཙ ཚིནྣཱཝ པགྒྷརི, མུཏྟཱ ཝེལུ༹རིཡཱ བཧཱུ;

རཛཏཾ ཛཱཏརཱུཔཉྩ, ཀུཏྟིཡོ པཊིཡཱནི ཙ.

ཀཱསིཀཱནི ཙ ཝཏྠཱནི, ཨུདྡིཡཱནི ཙ ཀམྦལཱ [ཨུདྡིཡཱནེ ཙ ཀམྦལེ (སཱི. པཱི.)];

ཏེ ཏཏྠ བྷཱརེ བནྡྷིཏྭཱ, ཡཱཝཏིཙྪིཾསུ ཝཱཎིཛཱ.

པཉྩམཾ སམཙིནྟེསུཾ, བཱལཱ མོཧེན པཱརུཏཱ;

ཨིངྒྷསྶ ¶ མཱུལེ [མཱུལཾ (སཱི. པཱི. ཀ.)] ཚིནྡཱམ, ཨཔི བྷིཡྻོ ལབྷཱམསེ.

ཨཐུཊྛཧི སཏྠཝཱཧོ, ཡཱཙམཱནོ ཀཏཉྫལཱི;

ནིགྲོདྷོ ཀིཾ པརཛ྄ཛྷཏི [ཨཔརཛ྄ཛྷཐ (སཱི.), ཨཔརཛ྄ཛྷཏི (སྱཱ. པཱི.)], ཝཱཎིཛཱ བྷདྡམཏྠུ ཏེ.

ཝཱརིདཱ པུརིམཱ སཱཁཱ, ཨནྣཔཱནཉྩ དཀྑིཎཱ;

ནཱརིདཱ པཙྪིམཱ སཱཁཱ, སབྦཀཱམེ ཙ ཨུཏྟརཱ;

ནིགྲོདྷོ ཀིཾ པརཛ྄ཛྷཏི, ཝཱཎིཛཱ བྷདྡམཏྠུ ཏེ.

ཡསྶ རུཀྑསྶ ཚཱཡཱཡ, ནིསཱིདེཡྻ སཡེཡྻ ཝཱ;

ན ཏསྶ སཱཁཾ བྷཉྫེཡྻ, མིཏྟདུབྦྷོ ཧི པཱཔཀོ.

ཏེ ཙ ཏསྶཱནཱདིཡིཏྭཱ [ཏསྶ ཨནཱདིཏྭཱ (སཱི. སྱཱ.)], ཨེཀསྶ ཝཙནཾ བཧཱུ;

ནིསིཏཱཧི ཀུཋཱརཱིཧི [ཀུདྷཱརཱིཧི (ཀ.)], མཱུལཏོ ནཾ ཨུཔཀྐམུཾ.

ཏཏོ ¶ ¶ ནཱགཱ ནིཀྑམིཾསུ, སནྣདྡྷཱ པཎྞཝཱིསཏི;

དྷནུགྒཧཱནཾ ཏིསཏཱ, ཚསཧསྶཱ ཙ ཝམྨིནོ.

ཨེཏེ ཧནཐ བནྡྷཐ, མཱ ཝོ མུཉྩིཏྠ [མུཙྩིཏྠ (པཱི.)] ཛཱིཝིཏཾ;

ཋཔེཏྭཱ སཏྠཝཱཧཾཝ, སབྦེ བྷསྨཾ [བྷསྨཱི (སཱི.)] ཀརོཐ ནེ.

ཏསྨཱ ཧི པཎྜིཏོ པོསོ, སམྤསྶཾ ཨཏྠམཏྟནོ;

ལོབྷསྶ ན ཝསཾ གཙྪེ, ཧནེཡྻཱརིསཀཾ [ཧནེཡྻ དིསཏཾ (སཱི.), ཧནེཡྻ དིསཀཾ (སྱཱ.)] མནཾ.

ཨེཝ [ཨེཏ (སཱི. པཱི.)] མཱདཱིནཝཾ ཉཏྭཱ, ཏཎྷཱ དུཀྑསྶ སམྦྷཝཾ;

ཝཱིཏཏཎྷོ ཨནཱདཱནོ, སཏོ བྷིཀྑུ པརིབྦཛེཏི.

ཨབྦྷུཏོ ¶ ཝཏ ལོཀསྨིཾ, ཨུཔྤཛྫི ལོམཧཾསནོ;

དིབྦོ རཐོ པཱཏུརཧུ, ཝེདེཧསྶ ཡསསྶིནོ.

དེཝཔུཏྟོ མཧིདྡྷིཀོ, མཱཏལི [མཱཏལཱི (སཱི.)] དེཝསཱརཐི;

ནིམནྟཡིཏྠ རཱཛཱནཾ, ཝེདེཧཾ མིཐིལགྒཧཾ.

ཨེཧིམཾ རཐམཱརུཡ྄ཧ, རཱཛསེཊྛ དིསམྤཏི;

དེཝཱ དསྶནཀཱམཱ ཏེ, ཏཱཝཏིཾསཱ སཨིནྡཀཱ;

སརམཱནཱ ཧི ཏེ དེཝཱ, སུདྷམྨཱཡཾ སམཙྪརེ.

ཏཏོ ཙ རཱཛཱ སཱདྷིནོ [སཱདྷཱིནོ (སཱི. པཱི.)], ཝེདེཧོ མིཐིལགྒཧོ [པམུཁོ རཐམཱརུཧི (སཱི. པཱི.)];

སཧསྶཡུཏྟམཱརུཡ྄ཧ [ཡུཏྟཾ ཨབྷིརུཡ྄ཧ (སཱི.)], ཨགཱ དེཝཱན སནྟིཀེ;

ཏཾ དེཝཱ པཊིནནྡིཾསུ, དིསྭཱ རཱཛཱནམཱགཏཾ.

སྭཱགཏཾ ཏེ མཧཱརཱཛ, ཨཐོ ཏེ ཨདུརཱགཏཾ;

ནིསཱིད དཱནི རཱཛཱིསི [རཱཛིསི (སཱི. སྱཱ. པཱི.)], དེཝརཱཛསྶ སནྟིཀེ.

སཀྐོཔི པཊིནནྡིཏྠ, ཝེདེཧཾ མིཐིལགྒཧཾ;

ནིམནྟཡིཏྠ [ནིམནྟཡཱི ཙ (སཱི. པཱི.)] ཀཱམེཧི, ཨཱསནེན ཙ ཝཱསཝོ.

སཱདྷུ ¶ ཁོསི ཨནུཔྤཏྟོ, ཨཱཝཱསཾ ཝསཝཏྟིནཾ;

ཝས ¶ དེཝེསུ རཱཛཱིསི, སབྦཀཱམསམིདྡྷིསུ;

ཏཱཝཏིཾསེསུ དེཝེསུ, བྷུཉྫ ཀཱམེ ཨམཱནུསེ.

ཨཧཾ ¶ པུརེ སགྒགཏོ རམཱམི, ནཙྩེཧི གཱིཏེཧི ཙ ཝཱདིཏེཧི;

སོ དཱནི ཨཛྫ ན རམཱམི སགྒེ, ཨཱཡུཾ ནུ ཁཱིཎོ [ཁཱིཎཾ (སྱཱ.)] མརཎཾ ནུ སནྟིཀེ;

ན ཏཱཡུ [ན ཙཱཡུ (སཱི. པཱི. ཀ.)] ཁཱིཎཾ མརཎཉྩ [མརཎཾ ཏེ (སཱི. པཱི.)] དཱུརེ, ན ཙཱཔི མཱུལ༹ྷོ ནརཝཱིརསེཊྛ;

ཏུཡ྄ཧཉྩ [ཏཝཉྩ (སཱི. པཱི.), ཏཝ ཙ (ཀ.)] པུཉྙཱནི པརིཏྟཀཱནི, ཡེསཾ ཝིཔཱཀཾ ཨིདྷ ཝེདཡིཏྠོ [ཝེདཡཏོ (པཱི. ཀ.)].

ཝས དེཝཱནུབྷཱཝེན, རཱཛསེཊྛ དིསམྤཏི;

ཏཱཝཏིཾསེསུ དེཝེསུ, བྷུཉྫ ཀཱམེ ཨམཱནུསེ.

ཡཐཱ ཡཱཙིཏཀཾ ཡཱནཾ, ཡཐཱ ཡཱཙིཏཀཾ དྷནཾ;

ཨེཝཾ སམྤདམེཝེཏཾ, ཡཾ པརཏོ དཱནཔཙྩཡཱ.

ན ཙཱཧམེཏམིཙྪཱམི, ཡཾ པརཏོ དཱནཔཙྩཡཱ;

སཡཾཀཏཱནི པུཉྙཱནི, ཏཾ མེ ཨཱཝེཎིཀཾ [ཨཱཝེཎིཡཾ (སཱི. སྱཱ. པཱི.), ཨཱཝེནིཀཾ (ཀ.)] དྷནཾ.

སོཧཾ གནྟྭཱ མནུསྶེསུ, ཀཱཧཱམི ཀུསལཾ བཧུཾ;

ཡཾ ཀཏྭཱ སུཁིཏོ ཧོཏི, ན ཙ པཙྪཱནུཏཔྤཏི.

ཨིམཱནི ¶ ཏཱནི ཁེཏྟཱནི, ཨིམཾ ནིཀྑཾ སུཀུཎྜལཾ;

ཨིམཱ ཏཱ ཧརིཏཱནཱུཔཱ, ཨིམཱ ནཛྫོ སཝནྟིཡོ.

ཨིམཱ ཏཱ པོཀྑརཎཱི རམྨཱ, ཙཀྐཝཱཀཔཀཱུཛིཏཱ [ཙཀྐཝཱཀཱུཔཀཱུཛིཏཱ (སཱི. པཱི.)];

མནྡཱལཀེཧི སཉྪནྣཱ, པདུམུཔྤལཀེཧི ཙ;

ཡསྶིམཱནི མམཱཡིཾསུ, ཀིཾ ནུ ཏེ དིསཏཾ གཏཱ.

ཏཱནཱིདྷ ¶ ཁེཏྟཱནི སོ བྷཱུམིབྷཱགོ, ཏེཡེཝ ཨཱརཱམཝནུཔཙཱརཱ [ཏེ ཨཱརཱམཱ ཏེ ཝན’མེ པཙཱརཱ (སཱི. པཱི.), ཏེ ཡེཝ ཨཱརཱམཝནཱནི སཉྩརཱ (ཀ.)];

ཏམེཝ མཡ྄ཧཾ ཛནཏཾ ཨཔསྶཏོ, སུཉྙཾཝ མེ ནཱརད ཁཱཡཏེ དིསཱ.

དིཊྛཱ མཡཱ ཝིམཱནཱནི, ཨོབྷཱསེནྟཱ ཙཏུདྡིསཱ;

སམྨུཁཱ དེཝརཱཛསྶ, ཏིདསཱནཉྩ སམྨུཁཱ.

ཝུཏྠཾ མེ བྷཝནཾ དིབྱཾ [དིབྦཾ (སཱི. པཱི.)], བྷུཏྟཱ ཀཱམཱ ཨམཱནུསཱ;

ཏཱཝཏིཾསེསུ དེཝེསུ, སབྦཀཱམསམིདྡྷིསུ.

སོཧཾ ཨེཏཱདིསཾ ཧིཏྭཱ, པུཉྙཱཡམྷི ཨིདྷཱགཏོ;

དྷམྨམེཝ ཙརིསྶཱམི, ནཱཧཾ རཛྫེན ཨཏྠིཀོ.

ཨདཎྜཱཝཙརཾ མགྒཾ, སམྨཱསམྦུདྡྷདེསིཏཾ;

ཏཾ མགྒཾ པཊིཔཛྫིསྶཾ, ཡེན གཙྪནྟི སུབྦཏཱཏི.

སཱདྷིནཛཱཏཀཾ [སཱདྷིནརཱཛཛཱཏཀཾ (སྱཱ.)] ཨེཀཱདསམཾ.

རཱཛཱ ¶ ¶ ཨཝོཙ ཝིདྷུརཾ, དྷམྨཀཱམོ ཡུདྷིཊྛིལོ;

བྲཱཧྨཎེ ཝིདྷུར པརིཡེས, སཱིལཝནྟེ བཧུསྶུཏེ.

ཝིརཏེ མེཐུནཱ དྷམྨཱ, ཡེ མེ བྷུཉྫེཡྻུ [བྷུཉྫེཡྻུཾ (སཱི.)] བྷོཛནཾ;

དཀྑིཎཾ སམྨ དསྶཱམ, ཡཏྠ དིནྣཾ མཧཔྥལཾ.

དུལླབྷཱ བྲཱཧྨཎཱ དེཝ, སཱིལཝནྟོ བཧུསྶུཏཱ;

ཝིརཏཱ མེཐུནཱ དྷམྨཱ, ཡེ ཏེ བྷུཉྫེཡྻུ བྷོཛནཾ.

དས ཁལུ མཧཱརཱཛ, ཡཱ ཏཱ བྲཱཧྨཎཛཱཏིཡོ;

ཏེསཾ ཝིབྷངྒཾ ཝིཙཡཾ [ཝིཙིཡ (ཀ.)], ཝིཏྠཱརེན སུཎོཧི མེ.

པསིབྦཀེ གཧེཏྭཱན, པུཎྞེ མཱུལསྶ སཾཝུཏེ;

ཨོསདྷིཀཱཡོ [ཨོསདྷིཀཱཡེ (སྱཱ. ཀ.)] གནྠེནྟི, ནྷཱཔཡནྟི [ནཧཱཡནྟི (སཱི. པཱི.)] ཛཔནྟི ཙ.

ཏིཀིཙྪཀསམཱ ¶ རཱཛ, ཏེཔི ཝུཙྩནྟི བྲཱཧྨཎཱ;

ཨཀྑཱཏཱ ཏེ མཧཱརཱཛ, ཏཱདིསེ ནིཔཏཱམསེ.

ཨཔེཏཱ ཏེ ཙ [ཏེ (སཱི. པཱི.)] བྲཧྨཉྙཱ,

(ཨིཏི རཱཛཱ [རཱཛཱ ཙ (སྱཱ. ཀ.)] ཀོརབྱོ)

ཨཉྙེ ཝིདྷུར པརིཡེས, སཱིལཝནྟེ བཧུསྶུཏེ.

ཝིརཏེ མེཐུནཱ དྷམྨཱ, ཡེ མེ བྷུཉྫེཡྻུ བྷོཛནཾ;

དཀྑིཎཾ སམྨ དསྶཱམ, ཡཏྠ དིནྣཾ མཧཔྥལཾ.

ཀིངྐིཎིཀཱཡོ [ཀིངྐཎིཀཱཡོ (ཀ.), ཀིངྐིཎིཡོ (སྱཱ.)] གཧེཏྭཱ [གཧེཏྭཱན (སཱི. སྱཱ. པཱི.)], གྷོསེནྟི པུརཏོཔི ཏེ;

པེསནཱནིཔི གཙྪནྟི, རཐཙརིཡཱསུ སིཀྑརེ.

པརིཙཱརཀསམཱ ¶ རཱཛ, ཏེཔི ཝུཙྩནྟི བྲཱཧྨཎཱ;

ཨཀྑཱཏཱ ཏེ མཧཱརཱཛ, ཏཱདིསེ ནིཔཏཱམསེ.

ཨཉྙེ ཝིདྷུར པརིཡེས, སཱིལཝནྟེ བཧུསྶུཏེ.

ཝིརཏེ མེཐུནཱ དྷམྨཱ, ཡེ མེ བྷུཉྫེཡྻུ བྷོཛནཾ;

དཀྑིཎཾ སམྨ དསྶཱམ, ཡཏྠ དིནྣཾ མཧཔྥལཾ.

ཀམཎྜལུཾ ¶ གཧེཏྭཱན, ཝངྐདཎྜཉྩ བྲཱཧྨཎཱ;

པཙྩུཔེསྶནྟི རཱཛཱནོ, གཱམེསུ ནིགམེསུ ཙ;

ནཱདིནྣེ ཝུཊྛཧིསྶཱམ, གཱམམྷི ཝཱ ཝནམྷི ཝཱ [ཝཱམམྷི ཙ ཝནམྷི ཙ (སཱི. པཱི.), གཱམམྷི ནིགམམྷི ཝཱ (སྱཱ.)].

ནིགྒཱཧཀསམཱ རཱཛ, ཏེཔི ཝུཙྩནྟི བྲཱཧྨཎཱ;

ཨཀྑཱཏཱ ཏེ མཧཱརཱཛ, ཏཱདིསེ ནིཔཏཱམསེ.

ཨཉྙེ ཝིདྷུར པརིཡེས, སཱིལཝནྟེ བཧུསྶུཏེ.

ཝིརཏེ མེཐུནཱ དྷམྨཱ, ཡེ མེ བྷུཉྫེཡྻུ བྷོཛནཾ;

དཀྑིཎཾ སམྨ དསྶཱམ, ཡཏྠ དིནྣཾ མཧཔྥལཾ.

པརཱུལ༹ྷཀཙྪནཁལོམཱ ¶ , པངྐདནྟཱ རཛསྶིརཱ;

ཨོཀིཎྞཱ རཛརེཎཱུཧི, ཡཱཙཀཱ ཝིཙརནྟི ཏེ.

ཁཱཎུགྷཱཏསམཱ ¶ རཱཛ, ཏེཔི ཝུཙྩནྟི བྲཱཧྨཎཱ;

ཨཀྑཱཏཱ ཏེ མཧཱརཱཛ, ཏཱདིསེ ནིཔཏཱམསེ.

ཨཉྙེ ཝིདྷུར པརིཡེས, སཱིལཝནྟེ བཧུསྶུཏེ.

ཝིརཏེ མེཐུནཱ དྷམྨཱ, ཡེ མེ བྷུཉྫེཡྻུ བྷོཛནཾ;

དཀྑིཎཾ སམྨ དསྶཱམ, ཡཏྠ དིནྣཾ མཧཔྥལཾ.

ཧརཱིཏཀཾ [ཧརཱིཊཀཾ (བཧཱུསུ)] ཨཱམལཀཾ, ཨམྦཾ ཛམྦུཾ ཝིབྷཱིཏཀཾ [ཨམྦཛམྦུཝིབྷཱིཊཀཾ (སཱི. པཱི.)];

ལབུཛཾ དནྟཔོཎཱནི, བེལུཝཱ བདརཱནི ཙ.

རཱཛཱཡཏནཾ ཨུཙྪུ-པུཊཾ, དྷཱུམནེཏྟཾ མདྷུ-ཨཉྫནཾ;

ཨུཙྩཱཝཙཱནི པཎིཡཱནི, ཝིཔཎེནྟི ཛནཱདྷིཔ.

ཝཱཎིཛཀསམཱ རཱཛ, ཏེཔི ཝུཙྩནྟི བྲཱཧྨཎཱ;

ཨཀྑཱཏཱ ཏེ མཧཱརཱཛ, ཏཱདིསེ ནིཔཏཱམསེ.

ཨཉྙེ ཝིདྷུར པརིཡེས, སཱིལཝནྟེ བཧུསྶུཏེ.

ཝིརཏེ མེཐུནཱ དྷམྨཱ, ཡེ མེ བྷུཉྫེཡྻུ བྷོཛནཾ;

དཀྑིཎཾ སམྨ དསྶཱམ, ཡཏྠ དིནྣཾ མཧཔྥལཾ.

ཀསི-ཝཱཎིཛྫཾ [ཀསིཾ ཝཎིཛྫཾ (སཱི. པཱི.)] ཀཱརེནྟི, པོསཡནྟི ཨཛེལ༹ཀེ;

ཀུམཱརིཡོ ¶ པཝེཙྪནྟི, ཝིཝཱཧནྟཱཝཧནྟི ཙ.

སམཱ ཨམྦཊྛཝེསྶེཧི, ཏེཔི ཝུཙྩནྟི བྲཱཧྨཎཱ;

ཨཀྑཱཏཱ ཏེ མཧཱརཱཛ, ཏཱདིསེ ནིཔཏཱམསེ.

ཨཉྙེ ཝིདྷུར པརིཡེས, སཱིལཝནྟེ བཧུསྶུཏེ.

ཝིརཏེ ¶ མེཐུནཱ དྷམྨཱ, ཡེ མེ བྷུཉྫེཡྻུ བྷོཛནཾ;

དཀྑིཎཾ སམྨ དསྶཱམ, ཡཏྠ དིནྣཾ མཧཔྥལཾ.

ནིཀྑིཏྟབྷིཀྑཾ བྷུཉྫནྟི, གཱམེསྭེཀེ པུརོཧིཏཱ;

བཧཱུ ཏེ [ནེ (སྱཱ. ཀ.)] པརིཔུཙྪནྟི, ཨཎྜཙྪེདཱ ནིལཉྪཀཱ [ཏིལཉྪཀཱ (པཱི.)].

པསཱུཔི ཏཏྠ ཧཉྙནྟི, མཧིཾསཱ སཱུཀརཱ ཨཛཱ;

གོགྷཱཏཀསམཱ རཱཛ, ཏེཔི ཝུཙྩནྟི བྲཱཧྨཎཱ;

ཨཀྑཱཏཱ ཏེ མཧཱརཱཛ, ཏཱདིསེ ནིཔཏཱམསེ.

ཨཉྙེ ཝིདྷུར པརིཡེས, སཱིལཝནྟེ བཧུསྶུཏེ.

ཝིརཏེ མེཐུནཱ དྷམྨཱ, ཡེ མེ བྷུཉྫེཡྻུ བྷོཛནཾ;

དཀྑིཎཾ སམྨ དསྶཱམ, ཡཏྠ དིནྣཾ མཧཔྥལཾ.

ཨསིཙམྨཾ གཧེཏྭཱན, ཁགྒཾ པགྒཡ྄ཧ བྲཱཧྨཎཱ;

ཝེསྶཔཐེསུ ཏིཊྛནྟི, སཏྠཾ ཨབྦཱཧཡནྟིཔི.

སམཱ ¶ ¶ གོཔནིསཱདེཧི, ཏེཔི ཝུཙྩནྟི བྲཱཧྨཎཱ;

ཨཀྑཱཏཱ ཏེ མཧཱརཱཛ, ཏཱདིསེ ནིཔཏཱམསེ.

ཨཉྙེ ཝིདྷུར པརིཡེས, སཱིལཝནྟེ བཧུསྶུཏེ.

ཝིརཏེ མེཐུནཱ དྷམྨཱ, ཡེ མེ བྷུཉྫེཡྻུ བྷོཛནཾ;

དཀྑིཎཾ སམྨ དསྶཱམ, ཡཏྠ དིནྣཾ མཧཔྥལཾ.

ཨརཉྙེ ཀུཊིཀཾ ཀཏྭཱ, ཀཱུཊཱནི ཀཱརཡནྟི ཏེ;

སསབིལཱ༹རེ བཱདྷེནྟི, ཨཱགོདྷཱ མཙྪཀཙྪཔཾ.

ཏེ ལུདྡཀསམཱ རཱཛ [ལུདྡཀཱ ཏེ མཧཱརཱཛ (སཱི. པཱི.)], ཏེཔི ཝུཙྩནྟི བྲཱཧྨཎཱ;

ཨཀྑཱཏཱ ཏེ མཧཱརཱཛ, ཏཱདིསེ ནིཔཏཱམསེ.

ཨཉྙེ ཝིདྷུར པརིཡེས, སཱིལཝནྟེ བཧུསྶུཏེ.

ཝིརཏེ མེཐུནཱ དྷམྨཱ, ཡེ མེ བྷུཉྫེཡྻུ བྷོཛནཾ;

དཀྑིཎཾ སམྨ དསྶཱམ, ཡཏྠ དིནྣཾ མཧཔྥལཾ.

ཨཉྙེ དྷནསྶ ཀཱམཱ ཧི, ཧེཊྛཱམཉྩེ པསཀྐིཏཱ [པསཀྑིཏཱ (སཱི. སྱཱ. པཱི.)];

རཱཛཱནོ ཨུཔརི ནྷཱཡནྟི, སོམཡཱགེ ཨུཔཊྛིཏེ.

མལམཛྫཀསམཱ རཱཛ, ཏེཔི ཝུཙྩནྟི བྲཱཧྨཎཱ;

ཨཀྑཱཏཱ ཏེ མཧཱརཱཛ, ཏཱདིསེ ནིཔཏཱམསེ.

ཨཉྙེ ཝིདྷུར པརིཡེས, སཱིལཝནྟེ བཧུསྶུཏེ.

ཝིརཏེ མེཐུནཱ དྷམྨཱ, ཡེ མེ བྷུཉྫེཡྻུ བྷོཛནཾ;

དཀྑིཎཾ སམྨ དསྶཱམ, ཡཏྠ དིནྣཾ མཧཔྥལཾ.

ཨཏྠི ཁོ བྲཱཧྨཎཱ དེཝ, སཱིལཝནྟོ བཧུསྶུཏཱ;

ཝིརཏཱ མེཐུནཱ དྷམྨཱ, ཡེ ཏེ བྷུཉྫེཡྻུ བྷོཛནཾ.

ཨེཀཉྩ ¶ བྷཏྟཾ བྷུཉྫནྟི, ན ཙ མཛྫཾ པིཝནྟི ཏེ;

ཨཀྑཱཏཱ ཏེ མཧཱརཱཛ, ཏཱདིསེ ནིཔཏཱམསེ.

ཨེཏེ ཁོ བྲཱཧྨཎཱ ཝིདྷུར, སཱིལཝནྟོ བཧུསྶུཏཱ;

ཨེཏེ ཝིདྷུར པརིཡེས, ཁིཔྤཉྩ ནེ [ཁིཔྤཾཝ ནེ (ཀ.)] ནིམནྟཡཱཏི.

སུཁུམཱལརཱུཔཾ དིསྭཱ [དིསྭཱན (ཀ. སཱི. ཨཊྛ.)], རཊྛཱ ཝིཝནམཱགཏཾ;

ཀཱུཊཱགཱརཝརཱུཔེཏཾ, མཧཱསཡནམུཔཱསིཏཾ [མུཔོཙིཏཾ (བཧཱུསུ)].

ཏསྶ ¶ ཏེ པེམཀེནཱཧཾ, ཨདཱསིཾ ཝཌྜྷམོདནཾ [བདྡྷམོདནཾ (སཱི. པཱི.)];

སཱལཱིནཾ ཝིཙིཏཾ བྷཏྟཾ, སུཙིཾ མཾསཱུཔསེཙནཾ.

ཏཾ ཏྭཾ བྷཏྟཾ པཊིགྒཡ྄ཧ, བྲཱཧྨཎསྶ ཨདཱསཡི [ཨདཱཔཡི (སཱི. སྱཱ. པཱི.)];

ཨཏྟཱནཾ ¶ [ཨཏྟནཱ (པཱི. ཨཊྛ. པཱཋནྟརཾ)] ཨནསིཏྭཱན, ཀོཡཾ དྷམྨོ ནམཏྠུ ཏེ.

ཨཱཙརིཡོ བྲཱཧྨཎོ མཡ྄ཧཾ, ཀིཙྩཱཀིཙྩེསུ བྱཱཝཊོ [ཝཱཝཊོ (ཀ.)];

གརུ ཙ ཨཱམནྟནཱིཡོ [ཨཱམནྟཎཱིཡོ (སཱི. པཱི.)] ཙ, དཱཏུམརཧཱམི བྷོཛནཾ.

བྲཱཧྨཎཾ དཱནི པུཙྪཱམི, གོཏམཾ རཱཛཔཱུཛིཏཾ;

རཱཛཱ ཏེ བྷཏྟཾ པཱདཱསི, སུཙིཾ མཾསཱུཔསེཙནཾ.

ཏཾ ཏྭཾ བྷཏྟཾ པཊིགྒཡ྄ཧ, ཨིསིསྶ བྷོཛནཾ ཨདཱ;

ཨཁེཏྟཉྙཱུསི དཱནསྶ, ཀོཡཾ དྷམྨོ ནམཏྠུ ཏེ.

བྷརཱམི པུཏྟ [པུཏྟེ (སཱི. པཱི.)] དཱརེ ཙ, གྷརེསུ གདྷིཏོ [གཐིཏོ (སཱི. པཱི.)] ཨཧཾ;

བྷུཉྫེ མཱནུསཀེ ཀཱམེ, ཨནུསཱསཱམི རཱཛིནོ.

ཨཱརཉྙིཀསྶ [ཨཱརཉྙཀསྶ (སཱི. པཱི.)] ཨིསིནོ, ཙིརརཏྟཾ ཏཔསྶིནོ;

ཝུཌྜྷསྶ བྷཱཝིཏཏྟསྶ, དཱཏུམརཧཱམི བྷོཛནཾ.

ཨིསིཉྩ དཱནི པུཙྪཱམི, ཀིསཾ དྷམནིསནྠཏཾ;

པརཱུལ༹ྷཀཙྪནཁལོམཾ, པངྐདནྟཾ རཛསྶིརཾ.

ཨེཀོ ཨརཉྙེ ཝིཧརསི [ཝིཧཱསི (ཀ.)], ནཱཝཀངྑསི ཛཱིཝིཏཾ;

བྷིཀྑུ ཀེན ཏཡཱ སེཡྻོ, ཡསྶ ཏྭཾ བྷོཛནཾ ཨདཱ.

ཁཎནྟཱལུཀལམྦཱནི [ཁཎམཱལུཀལམྦཱནི (སྱཱ. ཀ.)], བིལཱལིཏཀྐལཱནི ཙ [བིལཱ༹ལིཏཀྐལཱ༹ནི ཙ (སཱི. པཱི.)];

དྷུནཾ སཱམཱཀནཱིཝཱརཾ, སངྒྷཱརིཡཾ པསཱརིཡཾ [སཾཧཱརིཡཾ པཧཱརིཡཾ (སྱཱ.), སཾསཱརིཡཾ པསཱརིཡཾ (ཀ.)].

སཱཀཾ ¶ བྷིསཾ མདྷུཾ མཾསཾ, བདརཱམལཀཱནི ཙ;

ཏཱནི ཨཱཧརིཏྭཱ [ཨཱཧཏྭ (སཱི. སྱཱ.)] བྷུཉྫཱམི, ཨཏྠི མེ སོ པརིགྒཧོ.

པཙནྟོ ¶ ¶ ཨཔཙནྟསྶ, ཨམམསྶ སཀིཉྩནོ [ཨཀིཉྩནོ (ཀ.)];

ཨནཱདཱནསྶ སཱདཱནོ, དཱཏུམརཧཱམི བྷོཛནཾ.

བྷིཀྑུཉྩ དཱནི པུཙྪཱམི, ཏུཎྷཱིམཱསཱིན སུབྦཏཾ;

ཨིསི ཏེ བྷཏྟཾ པཱདཱསི, སུཙིཾ མཾསཱུཔསེཙནཾ.

ཏཾ ཏྭཾ བྷཏྟཾ པཊིགྒཡ྄ཧ, ཏུཎྷཱི བྷུཉྫསི ཨེཀཀོ;

ནཱཉྙཾ ཀཉྩི [ཀིཉྩི (ཀ.)] ནིམནྟེསི, ཀོཡཾ དྷམྨོ ནམཏྠུ ཏེ.

ན པཙཱམི ན པཱཙེམི, ན ཚིནྡཱམི ན ཚེདཡེ;

ཏཾ མཾ ཨཀིཉྩནཾ ཉཏྭཱ, སབྦཔཱཔེཧི ཨཱརཏཾ.

ཝཱམེན བྷིཀྑམཱདཱཡ, དཀྑིཎེན ཀམཎྜལུཾ;

ཨིསི མེ བྷཏྟཾ པཱདཱསི, སུཙིཾ མཾསཱུཔསེཙནཾ.

ཨེཏེ ཧི དཱཏུམརཧནྟི, སམམཱ སཔརིགྒཧཱ;

པཙྩནཱིཀམཧཾ མཉྙེ, ཡོ དཱཏཱརཾ ནིམནྟཡེ.

ཨཏྠཱཡ ཝཏ མེ ཨཛྫ, ཨིདྷཱགཙྪི རཐེསབྷོ;

སོཧཾ ཨཛྫ པཛཱནཱམི [ཨིཏོ པུབྦེ ན ཛཱནཱམི (སཱི. པཱི.)], ཡཏྠ དིནྣཾ མཧཔྥལཾ.

རཊྛེསུ གིདྡྷཱ རཱཛཱནོ, ཀིཙྩཱཀིཙྩེསུ བྲཱཧྨཎཱ;

ཨིསཱི མཱུལཕལེ གིདྡྷཱ, ཝིཔྤམུཏྟཱ ཙ བྷིཀྑཝོཏི.

སུཝ ¶ ཀིནྣར མུཀྐ ཁརཱཛིནསོ, བྷིསཛཱཏ མཧེསི ཀཔོཏཝརོ;

ཨཐ མོར སཏཙྪཀ ཝཱཎིཛཀོ, ཨཐ རཱཛ སབྲཱཧྨཎ བྷིཀྑཔརནྟི.

ཀུཏོ ¶ ¶ ¶ ནུ ཨཱགཙྪསི དུམྨཝཱསཱི [རུམྨཝཱསཱི (སཱི. པཱི.)], ཨོཏལླཀོ པཾསུཔིསཱཙཀོཝ;

སངྐཱརཙོལ༹ཾ པཊིམུཉྩ [པཊིམུཙྩ (སཱི. པཱི.)] ཀཎྛེ, ཀོ རེ ཏུཝཾ ཧོསི [ཧོཧིསི (སཱི. པཱི.)] ཨདཀྑིཎེཡྻོ.

ཨནྣཾ ཏཝེདཾ [ཏཝ ཨིདཾ (ཀ. སཱི. པཱི.), ཏཝཡིདཾ (སྱཱ.)] པཀཏཾ ཡསསྶི, ཏཾ ཁཛྫརེ བྷུཉྫརེ པིཡྻརེ ཙ;

ཛཱནཱསི མཾ ཏྭཾ པརདཏྟཱུཔཛཱིཝིཾ, ཨུཏྟིཊྛཔིཎྜཾ ལབྷཏཾ སཔཱཀོ.

ཨནྣཾ མམེདཾ [མམ ཨིདཾ (ཀ. སཱི. པཱི.), མམཡིདཾ (སྱཱ.)] པཀཏཾ བྲཱཧྨཎཱནཾ, ཨཏྟཏྠཱཡ སདྡཧཏོ མམེདཾ [མམ ཨིདཾ (ཀ. སཱི. པཱི.), མམཡིདཾ (སྱཱ.)];

ཨཔེཧི ཨེཏྟོ ཀིམིདྷཊྛིཏོསི, ན མཱདིསཱ ཏུཡ྄ཧཾ དདནྟི ཛམྨ.

ཐལེ ཙ ནིནྣེ ཙ ཝཔནྟི བཱིཛཾ, ཨནཱུཔཁེཏྟེ ཕལམཱསམཱནཱ [མཱསསཱནཱ (སཱི. པཱི.), མཱསིཾ སམཱནཱ (སྱཱ.)];

ཨེཏཱཡ སདྡྷཱཡ དདཱཧི དཱནཾ, ཨཔྤེཝ ཨཱརཱདྷཡེ དཀྑིཎེཡྻེ.

ཁེཏྟཱནི མཡ྄ཧཾ ཝིདིཏཱནི ལོཀེ, ཡེསཱཧཾ ¶ བཱིཛཱནི པཏིཊྛཔེམི;

ཡེ བྲཱཧྨཎཱ ཛཱཏིམནྟཱུཔཔནྣཱ, ཏཱནཱིདྷ ཁེཏྟཱནི སུཔེསལཱནི.

ཛཱཏིམདོ ཙ ཨཏིམཱནིཏཱ ཙ, ལོབྷོ ཙ དོསོ ཙ མདོ ཙ མོཧོ;

ཨེཏེ ཨགུཎཱ ཡེསུ ཙ སནྟི [ཡེསུ ཝསནྟི (སཱི. པཱི.)] སབྦེ, ཏཱནཱིདྷ ཁེཏྟཱནི ཨཔེསལཱནི.

ཛཱཏིམདོ ¶ ཙ ཨཏིམཱནིཏཱ ཙ, ལོབྷོ ཙ དོསོ ཙ མདོ ཙ མོཧོ;

ཨེཏེ ཨགུཎཱ ཡེསུ ན སནྟི སབྦེ, ཏཱནཱིདྷ ཁེཏྟཱནི སུཔེསལཱནི.

ཀྭེཏྠ གཏཱ [ཀྭཏྠ གཏཱ (སྱཱ.), ཀཏྠེཝ བྷཊྛཱ (པཱི.)] ཨུཔཛོཏིཡོ ཙ, ཨུཔཛ྄ཛྷཱཡོ ཙ ཨཐཝཱ གཎྜཀུཙྪི [ཨཎྜཀུཙྪི (སཱི. སྱཱ. པཱི.)];

ཨིམསྶ དཎྜཉྩ ཝདྷཉྩ དཏྭཱ, གལེ གཧེཏྭཱ ཁལཡཱཐ [གལཡཱཐ (ཀ.)] ཛམྨཾ.

གིརིཾ ནཁེན ཁཎསི, ཨཡོ དནྟེཧི [དནྟེན (སཱི. པཱི.)] ཁཱདསི;

ཛཱཏཝེདཾ པདཧསི, ཡོ ཨིསིཾ པརིབྷཱསསི.

ཨིདཾ ཝཏྭཱན མཱཏངྒོ, ཨིསི སཙྩཔརཀྐམོ;

ཨནྟལིཀྑསྨིཾ ¶ པཀྐཱམི [པཀྐམི (ཀ.)], བྲཱཧྨཎཱནཾ ཨུདིཀྑཏཾ.

ཨཱཝེལླིཏཾ [ཨཝེཋིཏཾ (སཱི. པཱི.)] པིཊྛིཏོ ཨུཏྟམངྒཾ, བཱཧུཾ [བཱཧཾ (སཱི. པཱི.)] པསཱརེཏི ཨཀམྨནེཡྻཾ [ཨཀམྤནེཡྻཾ (ཀ.)];

སེཏཱནི ཨཀྑཱིནི ཡཐཱ མཏསྶ, ཀོ མེ ཨིམཾ པུཏྟམཀཱསི ཨེཝཾ.

ཨིདྷཱགམཱ ¶ སམཎོ དུམྨཝཱསཱི, ཨོཏལླཀོ པཾསུཔིསཱཙཀོཝ;

སངྐཱརཙོལ༹ཾ པཊིམུཉྩ ཀཎྛེ, སོ ཏེ ཨིམཾ པུཏྟམཀཱསི ཨེཝཾ.

ཀཏམཾ དིསཾ ཨགམཱ བྷཱུརིཔཉྙོ, ཨཀྑཱཐ མེ མཱཎཝཱ ཨེཏམཏྠཾ;

གནྟྭཱན ཏཾ པཊིཀརེམུ ཨཙྩཡཾ, ཨཔྤེཝ ནཾ པུཏྟ ལབྷེམུ ཛཱིཝིཏཾ.

ཝེཧཱཡསཾ ¶ ཨགམཱ བྷཱུརིཔཉྙོ, པཐདྡྷུནོ པནྣརསེཝ ཙནྡོ;

ཨཔི ཙཱཔི སོ པུརིམདིསཾ ཨགཙྪི, སཙྩཔྤཊིཉྙོ ཨིསི སཱདྷུརཱུཔོ.

ཨཱཝེལླིཏཾ པིཊྛིཏོ ཨུཏྟམངྒཾ, བཱཧུཾ པསཱརེཏི ཨཀམྨནེཡྻཾ;

སེཏཱནི ཨཀྑཱིནི ཡཐཱ མཏསྶ, ཀོ ¶ མེ ཨིམཾ པུཏྟམཀཱསི ཨེཝཾ.

ཡཀྑཱ ཧཝེ སནྟི མཧཱནུབྷཱཝཱ, ཨནྭཱགཏཱ ཨིསཡོ སཱདྷུརཱུཔཱ;

ཏེ དུཊྛཙིཏྟཾ ཀུཔིཏཾ ཝིདིཏྭཱ, ཡཀྑཱ ཧི ཏེ པུཏྟམཀཾསུ ཨེཝཾ.

ཡཀྑཱ ཙ མེ པུཏྟམཀཾསུ ཨེཝཾ, ཏྭཉྙེཝ མེ མཱ ཀུདྡྷོ [ཀུདྡྷ (ཀ.)] བྲཧྨཙཱརི;

ཏུམྷེཝ [ཏུཡ྄ཧེཝ (ཀ.)] པཱདེ སརཎཾ གཏཱསྨི, ཨནྭཱགཏཱ པུཏྟསོཀེན བྷིཀྑུ.

ཏདེཝ ཧི ཨེཏརཧི ཙ མཡ྄ཧཾ, མནོཔདོསོ ན མམཏྠི [མམ ནཏྠི (པཱི.)] ཀོཙི;

པུཏྟོ ཙ ཏེ ཝེདམདེན མཏྟོ, ཨཏྠཾ ན ཛཱནཱཏི ཨདྷིཙྩ ཝེདེ.

ཨདྡྷཱ ཧཝེ བྷིཀྑུ མུཧུཏྟཀེན, སམྨུཡ྄ཧཏེཝ པུརིསསྶ སཉྙཱ;

ཨེཀཱཔརཱདྷཾ [ཨེཏཱཔརཱདྷཾ (ཀ.)] ཁམ བྷཱུརིཔཉྙ, ན པཎྜིཏཱ ཀོདྷབལཱ བྷཝནྟི.

ཨིདཉྩ མཡ྄ཧཾ ཨུཏྟིཊྛཔིཎྜཾ, ཏཝ [ནཏྠི སཱི. པཱི. པོཏྠཀེསུ] མཎྜབྱོ བྷུཉྫཏུ ཨཔྤཔཉྙོ;

ཡཀྑཱ ཙ ཏེ ནཾ [ཏེ པུཏྟཾ (སྱཱ.)] ན ཝིཧེཋཡེཡྻུཾ, པུཏྟོ ¶ ཙ ཏེ ཧེསྶཏི [ཧོཧིཏི (སཱི. པཱི.)] སོ ཨརོགོ.

མཎྜབྱ ¶ བཱལོསི པརིཏྟཔཉྙོ, ཡོ པུཉྙཁེཏྟཱནམཀོཝིདོསི;

མཧཀྐསཱཝེསུ དདཱསི དཱནཾ, ཀིལིཊྛཀམྨེསུ ཨསཉྙཏེསུ.

ཛཊཱ ཙ ཀེསཱ ཨཛིནཱ ནིཝཏྠཱ, ཛརཱུདཔཱནཾཝ མུཁཾ པརཱུལ༹ྷཾ;

པཛཾ ཨིམཾ པསྶཐ དུམྨརཱུཔཾ [རུམྨརཱུཔིཾ (སཱི. པཱི.)], ན ཛཊཱཛིནཾ ཏཱཡཏི ཨཔྤཔཉྙཾ.

ཡེསཾ རཱགོ ཙ དོསོ ཙ, ཨཝིཛྫཱ ཙ ཝིརཱཛིཏཱ;

ཁཱིཎཱསཝཱ ཨརཧནྟོ, ཏེསུ དིནྣཾ མཧཔྥལནྟི.

སབྦཾ ནརཱནཾ སཕལཾ སུཙིཎྞཾ, ན ཀམྨུནཱ ཀིཉྩན མོགྷམཏྠི;

པསྶཱམི སམྦྷཱུཏཾ མཧཱནུབྷཱཝཾ, སཀམྨུནཱ ¶ པུཉྙཕལཱུཔཔནྣཾ.

སབྦཾ ¶ ནརཱནཾ སཕལཾ སུཙིཎྞཾ, ན ཀམྨུནཱ ཀིཉྩན མོགྷམཏྠི;

ཀཙྩིནྣུ ཙིཏྟསྶཔི ཨེཝམེཝཾ, ཨིདྡྷོ མནོ ཏསྶ ཡཐཱཔི མཡ྄ཧཾ.

སབྦཾ ནརཱནཾ སཕལཾ སུཙིཎྞཾ, ན ཀམྨུནཱ ཀིཉྩན མོགྷམཏྠི;

ཙིཏྟམྤི ཛཱནཱཧི [ཙིཏྟཾ ཝིཛཱནཱཧི (སཱི. པཱི.)] ཏཐེཝ དེཝ, ཨིདྡྷོ མནོ ཏསྶ ཡཐཱཔི ཏུཡ྄ཧཾ.

བྷཝཾ ནུ ཙིཏྟོ སུཏམཉྙཏོ ཏེ, ཨུདཱཧུ ཏེ ཀོཙི ནཾ ཨེཏདཀྑཱ;

གཱཐཱ སུགཱིཏཱ ན མམཏྠི ཀངྑཱ, དདཱམི ཏེ གཱམཝརཾ སཏཉྩ.

ན ¶ ཙཱཧཾ ཙིཏྟོ སུཏམཉྙཏོ མེ, ཨིསཱི ཙ མེ ཨེཏམཏྠཾ ཨསཾསི;

‘‘གནྟྭཱན རཉྙོ པཊིགཱཧི [པཊིགཱཡི (སྱཱ. ཀ.), པཊིགཱཡ (?)] གཱཐཾ, ཨཔི ཏེ ཝརཾ ཨཏྟམནོ དདེཡྻ’’ [ཨཔི ནུ ཏེ ཝརཾ ཨཏྟམནོ དདེཡྻ (སྱཱ.), ཨཔི ནུ ཏེ ཨཏྟམནོ ཝརཾ དདེ (ཀ.)].

ཡོཛེནྟུ ཝེ རཱཛརཐེ, སུཀཏེ ཙིཏྟསིབྦནེ;

ཀཙྪཾ ནཱགཱནཾ བནྡྷཐ, གཱིཝེཡྻཾ པཊིམུཉྩཐ.

ཨཱཧཉྙནྟུ ¶ [ཨཱཧཉྙརེ (སྱཱ.)] བྷེརིམུདིངྒསངྑེ [སངྑཱ (སྱཱ.)], སཱིགྷཱནི ཡཱནཱནི ཙ ཡོཛཡནྟུ;

ཨཛྫེཝཧཾ ཨསྶམཾ ཏཾ གམིསྶཾ, ཡཏྠེཝ དཀྑིསྶམིསིཾ ནིསིནྣཾ.

སུལདྡྷལཱབྷོ ཝཏ མེ ཨཧོསི, གཱཐཱ སུགཱིཏཱ པརིསཱཡ མཛ྄ཛྷེ;

སྭཱཧཾ ཨིསིཾ སཱིལཝཏཱུཔཔནྣཾ, དིསྭཱ པཏཱིཏོ སུམནོཧམསྨི.

ཨཱསནཾ ཨུདཀཾ པཛྫཾ, པཊིགྒཎྷཱཏུ ནོ བྷཝཾ;

ཨགྒྷེ བྷཝནྟཾ པུཙྪཱམ, ཨགྒྷཾ ཀུརུཏུ ནོ བྷཝཾ.

རམྨཉྩ ཏེ ཨཱཝསཐཾ ཀརོནྟུ, ནཱརཱིགཎེཧི པརིཙཱརཡསྶུ;

ཀརོཧི ཨོཀཱསམནུགྒཧཱཡ, ཨུབྷོཔི མཾ ཨིསྶརིཡཾ ཀརོམ.

དིསྭཱ ཕལཾ དུཙྩརིཏསྶ རཱཛ, ཨཐོ སུཙིཎྞསྶ མཧཱཝིཔཱཀཾ;

ཨཏྟཱནམེཝ པཊིསཾཡམིསྶཾ, ན པཏྠཡེ པུཏྟ [པུཏྟཾ (སཱི. པཱི.)] པསུཾ དྷནཾ ཝཱ.

དསེཝིམཱ ཝསྶདསཱ, མཙྩཱནཾ ཨིདྷ ཛཱིཝིཏཾ;

ཨཔཏྟཉྙེཝ ¶ ཏཾ ཨོདྷིཾ, ནལོ༹ ཚིནྣོཝ སུསྶཏི.

ཏཏྠ ¶ ཀཱ ནནྡི ཀཱ ཁིཌྜཱ, ཀཱ རཏཱི ཀཱ དྷནེསནཱ;

ཀིཾ མེ པུཏྟེཧི དཱརེཧི, རཱཛ མུཏྟོསྨི བནྡྷནཱ.

སོཧཾ ཨེཝཾ པཛཱནཱམི [སོ ཨཧཾ སུཔྤཛཱནཱམི (སཱི. པཱི.)], མཙྩུ མེ ནཔྤམཛྫཏི;

ཨནྟཀེནཱདྷིཔནྣསྶ, ཀཱ རཏཱི ཀཱ དྷནེསནཱ.

ཛཱཏི ནརཱནཾ ཨདྷམཱ ཛནིནྡ, ཙཎྜཱལཡོནི དྭིཔདཱཀནིཊྛཱ [དིཔདཱཀནིཊྛཱ (སཱི. པཱི.)];

སཀེཧི ཀམྨེཧི སུཔཱཔཀེཧི, ཙཎྜཱལགབྦྷེ [ཙཎྜཱལིགབྦྷེ (སྱཱ.)] ཨཝསིམྷ པུབྦེ.

ཙཎྜཱལཱཧུམྷ ཨཝནྟཱིསུ, མིགཱ ནེརཉྫརཾ པཏི;

ཨུཀྐུསཱ ནམྨདཱཏཱིརེ [རམྨདཱཏཱིརེ (སྱཱ. ཀ.)], ཏྱཛྫ བྲཱཧྨཎཁཏྟིཡཱ.

ཨུཔནཱིཡཏི ¶ ཛཱིཝིཏམཔྤམཱཡུ, ཛརཱུཔནཱིཏསྶ ¶ ན སནྟི ཏཱཎཱ;

ཀརོཧི པཉྩཱལ མམེཏ [མམེཝ (སྱཱ. ཀ.)] ཝཱཀྱཾ, མཱཀཱསི ཀམྨཱནི དུཀྑུདྲཡཱནི.

ཨུཔནཱིཡཏི ཛཱིཝིཏམཔྤམཱཡུ, ཛརཱུཔནཱིཏསྶ ན སནྟི ཏཱཎཱ;

ཀརོཧི པཉྩཱལ མམེཏ ཝཱཀྱཾ, མཱཀཱསི ཀམྨཱནི དུཀྑཔྥལཱནི.

ཨུཔནཱིཡཏི ཛཱིཝིཏམཔྤམཱཡུ, ཛརཱུཔནཱིཏསྶ ན སནྟི ཏཱཎཱ;

ཀརོཧི པཉྩཱལ མམེཏ ཝཱཀྱཾ, མཱཀཱསི ཀམྨཱནི རཛསྶིརཱནི.

ཨུཔནཱིཡཏི ཛཱིཝིཏམཔྤམཱཡུ, ཝཎྞཾ ཛརཱ ཧནྟི ནརསྶ ཛིཡྻཏོ;

ཀརོཧི པཉྩཱལ མམེཏ ཝཱཀྱཾ, མཱཀཱསི ཀམྨཾ ནིརཡཱུཔཔཏྟིཡཱ.

ཨདྡྷཱ ¶ ཧི སཙྩཾ ཝཙནཾ ཏཝེཏཾ, ཡཐཱ ཨིསཱི བྷཱསསི ཨེཝམེཏཾ;

ཀཱམཱ ཙ མེ སནྟི ཨནཔྤརཱུཔཱ, ཏེ དུཙྩཛཱ མཱདིསཀེན བྷིཀྑུ.

ནཱགོ ཡཐཱ པངྐམཛ྄ཛྷེ བྱསནྣོ, པསྶཾ ཐལཾ ནཱབྷིསམྦྷོཏི གནྟུཾ;

ཨེཝམྤཧཾ [ཨེཝམཧཾ (སྱཱ.)] ཀཱམཔངྐེ བྱསནྣོ, ན བྷིཀྑུནོ མགྒམནུབྦཛཱམི.

ཡཐཱཔི མཱཏཱ ཙ པིཏཱ ཙ པུཏྟཾ, ཨནུསཱསརེ ཀིནྟི སུཁཱི བྷཝེཡྻ;

ཨེཝམྤི མཾ ཏྭཾ ཨནུསཱས བྷནྟེ, ཡཐཱ ཙིརཾ [ཡམཱཙརཾ (སཱི. པཱི. ཀ. ཨཊྛ.)] པེཙྩ སུཁཱི བྷཝེཡྻཾ.

ནོ ¶ ཙེ ཏུཝཾ ཨུསྶཧསེ ཛནིནྡ, ཀཱམེ ཨིམེ མཱནུསཀེ པཧཱཏུཾ;

དྷམྨིཾ [དྷམྨཾ (སཱི. པཱི.)] བལིཾ པཊྛཔཡསྶུ རཱཛ, ཨདྷམྨཀཱརོ ཏཝ [ཨདྷམྨཀཱརོ ཙ ཏེ (སཱི. སྱཱ. པཱི.)] མཱཧུ རཊྛེ.

དཱུཏཱ ཝིདྷཱཝནྟུ དིསཱ ཙཏསྶོ, ནིམནྟཀཱ སམཎབྲཱཧྨཎཱནཾ;

ཏེ ཨནྣཔཱནེན ཨུཔཊྛཧསྶུ, ཝཏྠེན སེནཱསནཔཙྩཡེན ཙ.

ཨནྣེན པཱནེན པསནྣཙིཏྟོ, སནྟཔྤཡ སམཎབྲཱཧྨཎེ ཙ;

དཏྭཱ ཙ བྷུཏྭཱ ཙ ཡཐཱནུབྷཱཝཾ, ཨནིནྡིཏོ སགྒམུཔེཧི [མུཔེཏི (པཱི. ཀ.)] ཋཱནཾ.

སཙེ ཙ ཏཾ རཱཛ མདོ སཧེཡྻ, ནཱརཱིགཎེཧི པརིཙཱརཡནྟཾ;

ཨིམམེཝ གཱཐཾ མནསཱི ཀརོཧི, བྷཱསེསི [བྷཱསེཧི (སྱཱ. པཱི. ཀ.)] ཙེནཾ པརིསཱཡ མཛ྄ཛྷེ.

ཨབྦྷོཀཱསསཡོ ¶ ཛནྟུ, ཝཛནྟྱཱ ཁཱིརཔཱཡིཏོ;

པརིཀིཎྞོ སུཝཱནེཧི [སུཔིནེཧི (སཱི. པཱི.)], སྭཱཛྫ རཱཛཱཏི ཝུཙྩཏཱིཏི.

དཱུརེ ¶ ཨཔསྶཾ ཐེརོཝ, ཙཀྑུཾ ཡཱཙིཏུམཱགཏོ;

ཨེཀནེཏྟཱ བྷཝིསྶཱམ, ཙཀྑུཾ མེ དེཧི ཡཱཙིཏོ.

ཀེནཱནུསིཊྛོ ¶ ཨིདྷ མཱགཏོསི, ཝནིབྦཀ [ཝཎིབྦཀ (སཱི.)] ཙཀྑུཔཐཱནི ཡཱཙིཏུཾ;

སུདུཙྩཛཾ ཡཱཙསི ཨུཏྟམངྒཾ, ཡམཱཧུ ནེཏྟཾ པུརིསེན དུཙྩཛཾ.

ཡམཱཧུ དེཝེསུ སུཛམྤཏཱིཏི, མགྷཝཱཏི ནཾ ཨཱཧུ མནུསྶལོཀེ;

ཏེནཱནུསིཊྛོ ཨིདྷ མཱགཏོསྨི, ཝནིབྦཀོ ཙཀྑུཔཐཱནི ཡཱཙིཏུཾ.

ཝནིབྦཏོ [ཝནིབྦཀོ (སྱཱ. པཱི.)] མཡ྄ཧ ཝནིཾ [ཝནཾ (ཀ.), ཝཎིཾ (སཱི. སྱཱ. པཱི.)] ཨནུཏྟརཾ, དདཱཧི ཏེ ཙཀྑུཔཐཱནི ཡཱཙིཏོ;

དདཱཧི མེ ཙཀྑུཔཐཾ ཨནུཏྟརཾ, ཡམཱཧུ ནེཏྟཾ པུརིསེན དུཙྩཛཾ.

ཡེན ཨཏྠེན ཨཱགཙྪི [ཨཱགཉྪི (སཱི. པཱི.)], ཡམཏྠམབྷིཔཏྠཡཾ;

ཏེ ཏེ ཨིཛ྄ཛྷནྟུ སངྐཔྤཱ, ལབྷ ཙཀྑཱུནི བྲཱཧྨཎ.

ཨེཀཾ ཏེ ཡཱཙམཱནསྶ, ཨུབྷཡཱནི དདཱམཧཾ;

ས ཙཀྑུམཱ གཙྪ ཛནསྶ པེཀྑཏོ, ཡདིཙྪསེ ཏྭཾ ཏདཏེ སམིཛ྄ཛྷཏུ.

མཱ ¶ ¶ ནོ དེཝ ཨདཱ ཙཀྑུཾ, མཱ ནོ སབྦེ པརཱཀརི [པརཀྐརི (སྱཱ. ཀ. ཨཊྛ.), པརིཀྐརི (ཀ.) པརི + ཨཱ + ཀརི = པརཱཀརི];

དྷནཾ དེཧི མཧཱརཱཛ, མུཏྟཱ ཝེལུ༹རིཡཱ བཧཱུ.

ཡུཏྟེ དེཝ རཐེ དེཧི, ཨཱཛཱནཱིཡེ ཙལངྐཏེ;

ནཱགེ དེཧི མཧཱརཱཛ, ཧེམཀཔྤནཝཱསསེ.

ཡཐཱ ཏཾ སིཝཡོ [སཱིཝིཡོ (སྱཱ.)] སབྦེ, སཡོགྒཱ སརཐཱ སདཱ;

སམནྟཱ པརིཀིརེཡྻུཾ [པརིཀརེཡྻུཾ (སྱཱ. པཱི.)], ཨེཝཾ དེཧི རཐེསབྷ.

ཡོ ཝེ དསྶནྟི ཝཏྭཱན, ཨདཱནེ ཀུརུཏེ མནོ;

བྷཱུམྱཾ [བྷཱུམྱཱ (སཱི. པཱི.)] སོ པཏིཏཾ པཱསཾ, གཱིཝཱཡཾ པཊིམུཉྩཏི.

ཡོ ཝེ དསྶནྟི ཝཏྭཱན, ཨདཱནེ ཀུརུཏེ མནོ;

པཱཔཱ པཱཔཏརོ ཧོཏི, སམྤཏྟོ ཡམསཱདྷནཾ.

ཡཉྷི ཡཱཙེ ཏཉྷི དདེ, ཡཾ ན ཡཱཙེ ན ཏཾ དདེ;

སྭཱཧཾ ཏམེཝ དསྶཱམི, ཡཾ མཾ ཡཱཙཏི བྲཱཧྨཎོ.

ཨཱཡུཾ ནུ ཝཎྞཾ ནུ སུཁཾ བལཾ ནུ, ཀིཾ པཏྠཡཱནོ ནུ ཛནིནྡ དེསི;

ཀཐཉྷི རཱཛཱ སིཝིནཾ ཨནུཏྟརོ, ཙཀྑཱུནི དཛྫཱ པརལོཀཧེཏུ.

ན ཝཱཧམེཏཾ ཡསསཱ དདཱམི, ན པུཏྟམིཙྪེ ན དྷནཾ ན རཊྛཾ;

སཏཉྩ དྷམྨོ ཙརིཏོ པུརཱཎོ, ཨིཙྩེཝ དཱནེ རམཏེ མནོ མམ [མམཾ (སཱི. པཱི.)].

སཁཱ ¶ ཙ མིཏྟོ ཙ མམཱསི སཱིཝིཀ [སཱིཝཀ (སཱི. པཱི.)], སུསིཀྑིཏོ སཱདྷུ ཀརོཧི མེ ཝཙོ;

ཨུདྡྷརིཏྭཱ [ཨུདྡྷཏྭ (སཱི.), ལདྡྷ ཏྭཾ (པཱི.)] ཙཀྑཱུནི མམཾ ཛིགཱིསཏོ, ཧཏྠེསུ ཋཔེཧི [ཨཱཝེསི (སཱི.)] ཝནིབྦཀསྶ.

ཙོདིཏོ ¶ ¶ སིཝིརཱཛེན, སིཝིཀོ ཝཙནངྐརོ;

རཉྙོ ཙཀྑཱུནུདྡྷརིཏྭཱ [ཙཀྑཱུནི ཨུདྡྷཏྭཱ (སཱི. པཱི.)], བྲཱཧྨཎསྶཱུཔནཱམཡི;

སཙཀྑུ བྲཱཧྨཎོ ཨཱསི, ཨནྡྷོ རཱཛཱ ཨུཔཱཝིསི.

ཏཏོ སོ ཀཏིཔཱཧསྶ, ཨུཔརཱུལ༹ྷེསུ ཙཀྑུསུ;

སཱུཏཾ ཨཱམནྟཡཱི རཱཛཱ, སིཝཱིནཾ རཊྛཝཌྜྷནོ.

ཡོཛེཧི སཱརཐི ཡཱནཾ, ཡུཏྟཉྩ པཊིཝེདཡ;

ཨུཡྻཱནབྷཱུམིཾ གཙྪཱམ, པོཀྑརཉྙོ ཝནཱནི ཙ.

སོ ཙ པོཀྑརཎཱིཏཱིརེ [པོཀྑརཎིཡཱ ཏཱིརེ (སཱི. པཱི.)], པལླངྐེན ཨུཔཱཝིསི;

ཏསྶ སཀྐོ པཱཏུརཧུ, དེཝརཱཛཱ སུཛམྤཏི.

སཀྐོཧམསྨི དེཝིནྡོ, ཨཱགཏོསྨི ཏཝནྟིཀེ;

ཝརཾ ཝརསྶུ རཱཛཱིསི, ཡཾ ཀིཉྩི མནསིཙྪསི.

པཧཱུཏཾ མེ དྷནཾ སཀྐ, བལཾ ཀོསོ ཙནཔྤཀོ;

ཨནྡྷསྶ མེ སཏོ དཱནི, མརཎཉྙེཝ རུཙྩཏི.

ཡཱནི ¶ སཙྩཱནི དྭིཔདིནྡ, ཏཱནི བྷཱསསྶུ ཁཏྟིཡ;

སཙྩཾ ཏེ བྷཎམཱནསྶ, པུན ཙཀྑུ བྷཝིསྶཏི.

ཡེ མཾ ཡཱཙིཏུམཱཡནྟི, ནཱནཱགོཏྟཱ ཝནིབྦཀཱ;

ཡོཔི མཾ ཡཱཙཏེ ཏཏྠ, སོཔི མེ མནསོ པིཡོ;

ཨེཏེན སཙྩཝཛྫེན, ཙཀྑུ མེ ཨུཔཔཛྫཐ.

ཡཾ མཾ སོ ཡཱཙིཏུཾ ཨཱགཱ, དེཧི ཙཀྑུནྟི བྲཱཧྨཎོ;

ཏསྶ ཙཀྑཱུནི པཱདཱསིཾ, བྲཱཧྨཎསྶ ཝནིབྦཏོ [ཝཎིབྦིནོ (སཱི.), ཝནིབྦིནོ (པཱི.)].

བྷིཡྻོ མཾ ཨཱཝིསཱི པཱིཏི, སོམནསྶཉྩནཔྤཀཾ;

ཨེཏེན སཙྩཝཛྫེན, དུཏིཡཾ མེ ཨུཔཔཛྫཐ.

དྷམྨེན བྷཱསིཏཱ གཱཐཱ, སིཝཱིནཾ རཊྛཝཌྜྷན;

ཨེཏཱནི ཏཝ ནེཏྟཱནི, དིབྦཱནི པཊིདིསྶརེ.

ཏིརོཀུཊྚཾ ཏིརོསེལཾ, སམཏིགྒཡ྄ཧ པབྦཏཾ;

སམནྟཱ ཡོཛནསཏཾ, དསྶནཾ ཨནུབྷོནྟུ ཏེ.

ཀོ ¶ ནཱིདྷ ཝིཏྟཾ ན དདེཡྻ ཡཱཙིཏོ, ཨཔི ཝིསིཊྛཾ སུཔིཡམྤི ཨཏྟནོ;

ཏདིངྒྷ སབྦེ སིཝཡོ སམཱགཏཱ, དིབྦཱནི ནེཏྟཱནི མམཛྫ པསྶཐ.

ཏིརོཀུཊྚཾ ཏིརོསེལཾ, སམཏིགྒཡ྄ཧ པབྦཏཾ;

སམནྟཱ ཡོཛནསཏཾ, དསྶནཾ ཨནུབྷོནྟི མེ.

ན ¶ ཙཱགམཏྟཱ པརམཏྠི ཀིཉྩི, མཙྩཱནཾ ཨིདྷ ཛཱིཝིཏེ;

དཏྭཱན ¶ མཱནུསཾ [དཏྭཱ མཱནུསཀཾ (སཱི.)] ཙཀྑུཾ, ལདྡྷཾ མེ [མེ ཨིཏི པདཾ ནཏྠི སཱི. པོཏྠཀེ] ཙཀྑུཾ ཨམཱནུསཾ.

ཨེཏམྤི དིསྭཱ སིཝཡོ, དེཐ དཱནཱནི བྷུཉྫཐ;

དཏྭཱ ཙ བྷུཏྭཱ ཙ ཡཐཱནུབྷཱཝཾ, ཨནིནྡིཏཱ སགྒམུཔེཐ ཋཱནནྟི.

པཉྙཱཡུཔེཏཾ སིརིཡཱ ཝིཧཱིནཾ, ཡསསྶིནཾ ཝཱཔི ཨཔེཏཔཉྙཾ;

པུཙྪཱམི ཏཾ སེནཀ ཨེཏམཏྠཾ, ཀམེཏྠ སེཡྻོ ཀུསལཱ ཝདནྟི.

དྷཱིརཱ ཙ བཱལཱ ཙ ཧཝེ ཛནིནྡ, སིཔྤཱུཔཔནྣཱ ཙ ཨསིཔྤིནོ ཙ;

སུཛཱཏིམནྟོཔི ཨཛཱཏིམསྶ, ཡསསྶིནོ པེསཀརཱ [པེསྶཀརཱ (སཱི. པཱི.)] བྷཝནྟི;

ཨེཏམྤི དིསྭཱན ཨཧཾ ཝདཱམི, པཉྙོ ནིཧཱིནོ སིརཱིམཱཝ [སིརིམཱཝ (སཱི. སྱཱ. པཱི.)] སེཡྻོ.

ཏུཝམྤི པུཙྪཱམི ཨནོམཔཉྙ, མཧོསདྷ ཀེཝལདྷམྨདསྶི;

བཱལཾ ཡསསྶིཾ པཎྜིཏཾ ཨཔྤབྷོགཾ, ཀམེཏྠ ¶ སེཡྻོ ཀུསལཱ ཝདནྟི.

པཱཔཱནི ¶ ཀམྨཱནི ཀརོཏི བཱལོ [ཀརོནྟི བཱལཱ (སྱཱ. ཀ.)], ཨིདྷམེཝ [ཨིདམེཝ (སྱཱ. ཀ. ཨཊྛ.), ཨིམམེཝ (ཀ.)] སེཡྻོ ཨིཏི མཉྙམཱནོ [མཉྙམཱནཱ (སྱཱ. ཀ.)];

ཨིདྷལོཀདསྶཱི པརལོཀམདསྶཱི, ཨུབྷཡཏྠ བཱལོ ཀལིམགྒཧེསི;

ཨེཏམྤི དིསྭཱན ཨཧཾ ཝདཱམི, པཉྙོཝ སེཡྻོ ན ཡསསྶི བཱལོ.

ན སིཔྤམེཏཾ ཝིདདྷཱཏི བྷོགཾ, ན བནྡྷུཝཱ [ན བནྡྷཝཱ (སཱི. སྱཱ. ཀ.)] ན སརཱིརཝཎྞོ ཡོ [ན སརཱིརཱཝཀཱསོ (སཱི. སྱཱ. པཱི.)];

པསྶེལ༹མཱུགཾ སུཁམེདྷམཱནཾ, སིརཱི ཧི ནཾ བྷཛཏེ གོརཝིནྡཾ [གོརིམནྡཾ (སཱི. པཱི.)];

ཨེཏམྤི དིསྭཱན ཨཧཾ ཝདཱམི, པཉྙོ ནིཧཱིནོ སིརཱིམཱཝ སེཡྻོ.

ལདྡྷཱ སུཁཾ མཛྫཏི ཨཔྤཔཉྙོ, དུཀྑེན ཕུཊྛོཔི པམོཧམེཏི;

ཨཱགནྟུནཱ དུཀྑསུཁེན ཕུཊྛོ, པཝེདྷཏི ཝཱརིཙརོཝ གྷམྨེ;

ཨེཏམྤི དིསྭཱན ཨཧཾ ཝདཱམི, པཉྙོཝ སེཡྻོ ན ཡསསྶི བཱལོ.

དུམཾ ཡཐཱ སཱདུཕལཾ ཨརཉྙེ, སམནྟཏོ ¶ སམབྷིསརནྟི [སམབྷིཙརནྟི (སཱི. པཱི.)] པཀྑཱི;

ཨེཝམྤི ཨཌྜྷཾ སདྷནཾ སབྷོགཾ, བཧུཛྫནོ བྷཛཏི ཨཏྠཧེཏུ;

ཨེཏམྤི དིསྭཱན ཨཧཾ ཝདཱམི, པཉྙོ ནིཧཱིནོ སིརཱིམཱཝ སེཡྻོ.

ན སཱདྷུ བལཝཱ བཱལོ, སཱཧསཱ ཝིནྡཏེ དྷནཾ;

ཀནྡནྟམེཏཾ དུམྨེདྷཾ, ཀཌྜྷནྟི ནིརཡཾ བྷུསཾ;

ཨེཏམྤི དིསྭཱན ཨཧཾ ཝདཱམི, པཉྙོཝ སེཡྻོ ན ཡསསྶི བཱལོ.

ཡཱ ¶ ¶ ཀཱཙི ནཛྫོ གངྒམབྷིསྶཝནྟི, སབྦཱཝ ཏཱ ནཱམགོཏྟཾ ཛཧནྟི;

གངྒཱ སམུདྡཾ པཊིཔཛྫམཱནཱ, ན ཁཱཡཏེ ཨིདྡྷིཾ པཉྙོཔི ལོཀེ [ཨིདྡྷིཔརོ ཧི ལོཀེ (ཀ. སཱི. སྱཱ.), ཨིདྡྷིཔརོ ཧི ལོཀོ (སཱི. པཱི. ཨཊྛ.)];

ཨེཏམྤི དིསྭཱན ཨཧཾ ཝདཱམི, པཉྙོ ནིཧཱིནོ སིརཱིམཱཝ སེཡྻོ.

ཡམེཏམཀྑཱ ཨུདདྷིཾ མཧནྟཾ, སཝནྟི ནཛྫོ སབྦཀཱལམསངྑྱཾ;

སོ སཱགརོ ནིཙྩམུལཱ༹རཝེགོ, ཝེལཾ ན ཨཙྩེཏི མཧཱསམུདྡོ.

ཨེཝམྤི ¶ བཱལསྶ པཛཔྤིཏཱནི, པཉྙཾ ན ཨཙྩེཏི སིརཱི ཀདཱཙི;

ཨེཏམྤི དིསྭཱན ཨཧཾ ཝདཱམི, པཉྙོཝ སེཡྻོ ན ཡསསྶི བཱལོ.

ཨསཉྙཏོ ཙེཔི པརེསམཏྠཾ, བྷཎཱཏི སནྡྷཱནགཏོ [སཎྛཱནགཏོ (སྱཱ. པཱི.), སནྠཱནགཏོ (སཱི.)] ཡསསྶཱི;

ཏསྶེཝ ཏཾ རཱུཧཏི ཉཱཏིམཛ྄ཛྷེ, སིརཱི ཧི ནཾ [སིརིཧཱིནཾ (སཱི. ཀ.), སིརཱིཧཱིནཾ (སྱཱ. པཱི.)] ཀཱརཡཏེ ན པཉྙཱ [ན པཉྙོ (སཱི.), ན པཉྙཾ (སྱཱ. ཀ.)];

ཨེཏམྤི དིསྭཱན ཨཧཾ ཝདཱམི, པཉྙོ ནིཧཱིནོ སིརཱིམཱཝ སེཡྻོ.

པརསྶ ཝཱ ཨཏྟནོ ཝཱཔི ཧེཏུ, བཱལོ མུསཱ བྷཱསཏི ཨཔྤཔཉྙོ;

སོ ནིནྡིཏོ ཧོཏི སབྷཱཡ མཛ྄ཛྷེ, པཙྪཱཔི [པེཙྩམྤི (སཱི. པཱི.), པེཙྩཱཔི (?)] སོ དུགྒཏིགཱམཱི ཧོཏི;

ཨེཏམྤི དིསྭཱན ཨཧཾ ཝདཱམི, པཉྙོཝ སེཡྻོ ན ཡསསྶི བཱལོ.

ཨཏྠམྤི ¶ ཙེ བྷཱསཏི བྷཱུརིཔཉྙོ, ཨནཱལ༹ྷིཡོ [ཨནཱལཡོ (པཱི.)] ཨཔྤདྷནོ དལིདྡོ;

ན ཏསྶ ཏཾ རཱུཧཏི ཉཱཏིམཛ྄ཛྷེ, སིརཱི ¶ ཙ པཉྙཱཎཝཏོ ན ཧོཏི;

ཨེཏམྤི དིསྭཱན ཨཧཾ ཝདཱམི, པཉྙོ ནིཧཱིནོ སིརཱིམཱཝ སེཡྻོ.

པརསྶ ཝཱ ཨཏྟནོ ཝཱཔི ཧེཏུ, ན བྷཱསཏི ཨལིཀཾ བྷཱུརིཔཉྙོ;

སོ པཱུཛིཏོ ཧོཏི སབྷཱཡ མཛ྄ཛྷེ, པཙྪཱཔི སོ སུགྒཏིགཱམཱི ཧོཏི;

ཨེཏམྤི དིསྭཱན ཨཧཾ ཝདཱམི, པཉྙོཝ སེཡྻོ ན ཡསསྶི བཱལོ.

ཧཏྠཱི གཝསྶཱ མཎིཀུཎྜལཱ ཙ, ཐིཡོ ཙ ཨིདྡྷེསུ ཀུལེསུ ཛཱཏཱ;

སབྦཱཝ ཏཱ ཨུཔབྷོགཱ བྷཝནྟི, ཨིདྡྷསྶ པོསསྶ ཨནིདྡྷིམནྟོ;

ཨེཏམྤི དིསྭཱན ཨཧཾ ཝདཱམི, པཉྙོ ནིཧཱིནོ སིརཱིམཱཝ སེཡྻོ.

ཨསཾཝིཧིཏཀམྨནྟཾ, བཱལཾ དུམྨེདྷམནྟིནཾ;

སིརཱི ཛཧཏི དུམྨེདྷཾ, ཛིཎྞཾཝ ཨུརགོ ཏཙཾ;

ཨེཏམྤི དིསྭཱན ཨཧཾ ཝདཱམི, པཉྙོཝ སེཡྻོ ན ཡསསྶི བཱལོ.

པཉྩ པཎྜིཏཱ མཡཾ བྷདྡནྟེ, སབྦེ ¶ པཉྫལིཀཱ ཨུཔཊྛིཏཱ;

ཏྭཾ ནོ ཨབྷིབྷུཡྻ ཨིསྶརོསི, སཀྐོཝ བྷཱུཏཔཏི དེཝརཱཛཱ;

ཨེཏམྤི དིསྭཱན ཨཧཾ ཝདཱམི, པཉྙོ ནིཧཱིནོ སིརཱིམཱཝ སེཡྻོ.

དཱསོཝ ¶ ¶ པཉྙསྶ ཡསསྶི བཱལོ, ཨཏྠེསུ ཛཱཏེསུ ཏཐཱཝིདྷེསུ;

ཡཾ པཎྜིཏོ ནིཔུཎཾ སཾཝིདྷེཏི, སམྨོཧམཱཔཛྫཏི ཏཏྠ བཱལོ;

ཨེཏམྤི དིསྭཱན ཨཧཾ ཝདཱམི, པཉྙོཝ སེཡྻོ ན ཡསསྶི བཱལོ.

ཨདྡྷཱ ཧི པཉྙཱཝ སཏཾ པསཏྠཱ, ཀནྟཱ སིརཱི བྷོགརཏཱ མནུསྶཱ;

ཉཱཎཉྩ བུདྡྷཱནམཏུལྱརཱུཔཾ, པཉྙཾ ན ཨཙྩེཏི སིརཱི ཀདཱཙི.

ཡཾ ཏཾ ཨཔུཙྪིམྷ ཨཀིཏྟཡཱི ནོ, མཧོསདྷ ཀེཝལདྷམྨདསྶཱི;

གཝཾ སཧསྶཾ ཨུསབྷཉྩ ནཱགཾ, ཨཱཛཉྙཡུཏྟེ ཙ རཐེ དས ཨིམེ;

པཉྷསྶ ཝེཡྻཱཀརཎེན ཏུཊྛོ, དདཱམི ¶ ཏེ གཱམཝརཱནི སོལ༹སཱཏི.

སིརཱིམནྟཛཱཏཀཾ [སིརིམནྡཛཱཏཀཾ (སཱི. སྱཱ. པཱི.)] ཙཏུཏྠཾ.

ཨེཏེ ཡཱུཐཱ པཏིཡནྟི, བྷཱིཏཱ མརཎསྶ [མརཎཱ (སྱཱ. པཱི.), མརཎ (ཀ.)] ཙིཏྟཀ;

གཙྪ ཏུཝམྤི མཱཀངྑི, ཛཱིཝིསྶནྟི ཏཡཱ སཧ.

ནཱཧཾ རོཧཎ [རོཧནྟ (སཱི. པཱི.), རོཧན (སྱཱ.)] གཙྪཱམི, ཧདཡཾ མེ ཨཝཀསྶཏི;

ན ཏཾ ཨཧཾ ཛཧིསྶཱམི, ཨིདྷ ཧིསྶཱམི ཛཱིཝིཏཾ.

ཏེ ཧི ནཱུན མརིསྶནྟི, ཨནྡྷཱ ཨཔརིཎཱཡཀཱ;

གཙྪ ཏུཝམྤི མཱཀངྑི, ཛཱིཝིསྶནྟི ཏཡཱ སཧ.

ནཱཧཾ རོཧཎ གཙྪཱམི, ཧདཡཾ མེ ཨཝཀསྶཏི;

ན ཏཾ བདྡྷཾ [བནྡྷཾ (ཀ.)] ཛཧིསྶཱམི, ཨིདྷ ཧིསྶཱམི ཛཱིཝིཏཾ.

གཙྪ ¶ བྷཱིརུ པལཱཡསྶུ, ཀཱུཊེ བདྡྷོསྨི ཨཱཡསེ;

གཙྪ ཏུཝམྤི མཱཀངྑི, ཛཱིཝིསྶནྟི ཏཡཱ སཧ.

ནཱཧཾ རོཧཎ གཙྪཱམི, ཧདཡཾ མེ ཨཝཀསྶཏི;

ན ཏཾ ཨཧཾ ཛཧིསྶཱམི, ཨིདྷ ཧིསྶཱམི ཛཱིཝིཏཾ.

ཏེ ཧི ནཱུན མརིསྶནྟི, ཨནྡྷཱ ཨཔརིཎཱཡཀཱ;

གཙྪ ཏུཝམྤི མཱཀངྑི, ཛཱིཝིསྶནྟི ཏཡཱ སཧ.

ནཱཧཾ རོཧཎ གཙྪཱམི, ཧདཡཾ མེ ཨཝཀསྶཏི;

ན ¶ ཏཾ བདྡྷཾ ཛཧིསྶཱམི, ཨིདྷ ཧིསྶཱམི ཛཱིཝིཏཾ.

ཨཡཾ སོ ལུདྡཀོ ཨེཏི, ལུདྡརཱུཔོ [རུདྡརཱུཔོ (སཱི. པཱི.)] སཧཱཝུདྷོ;

ཡོ ནོ ཝདྷིསྶཏི ཨཛྫ, ཨུསུནཱ སཏྟིཡཱ ཨཔི [མཔི (སཱི. སྱཱ. པཱི.)].

སཱ ¶ མུཧུཏྟཾ པལཱཡིཏྭཱ, བྷཡཊྚཱ [བྷཡཊྛཱ (པཱི.)] བྷཡཏཛྫིཏཱ;

སུདུཀྐརཾ ཨཀརཱ བྷཱིརུ, མརཎཱཡཱུཔནིཝཏྟཐ.

ཀིནྣུ ཏེམེ མིགཱ ཧོནྟི, མུཏྟཱ བདྡྷཾ ཨུཔཱསརེ;

ན ཏཾ ཙཛིཏུམིཙྪནྟི, ཛཱིཝིཏསྶཔི ཀཱརཎཱ.

བྷཱཏརོ ཧོནྟི མེ ལུདྡ, སོདརིཡཱ ཨེཀམཱཏུཀཱ;

ན མཾ ཙཛིཏུམིཙྪནྟི, ཛཱིཝིཏསྶཔི ཀཱརཎཱ.

ཏེ ཧི ནཱུན མརིསྶནྟི, ཨནྡྷཱ ཨཔརིཎཱཡཀཱ;

པཉྩནྣཾ ཛཱིཝིཏཾ དེཧི, བྷཱཏརཾ མུཉྩ ལུདྡཀ.

སོ ཝོ ཨཧཾ པམོཀྑཱམི, མཱཏཱཔེཏྟིབྷརཾ མིགཾ;

ནནྡནྟུ མཱཏཱཔིཏརོ, མུཏྟཾ དིསྭཱ མཧཱམིགཾ.

ཨེཝཾ ལུདྡཀ ནནྡསྶུ, སཧ སབྦེཧི ཉཱཏིབྷི;

ཡཐཱཧམཛྫ ནནྡཱམི, མུཏྟཾ དིསྭཱ མཧཱམིགཾ.

ཀཐཾ ཏྭཾ པམོཀྑོ [ཀཐཾ པམོཀྑོ (སཱི. པཱི.), ཀཐཾ ཏེ པརོཀྑོ (?)] ཨཱསི, ཨུཔནཱིཏསྨི ཛཱིཝིཏེ;

ཀཐཾ པུཏྟ ཨམོཙེསི, ཀཱུཊཔཱསམྷ ལུདྡཀོ.

བྷཎཾ ཀཎྞསུཁཾ ཝཱཙཾ, ཧདཡངྒཾ ཧདཡསྶིཏཾ;

སུབྷཱསིཏཱཧི ཝཱཙཱཧི, ཙིཏྟཀོ མཾ ཨམོཙཡི.

བྷཎཾ ¶ ཀཎྞསུཁཾ ཝཱཙཾ, ཧདཡངྒཾ ཧདཡསྶིཏཾ;

སུབྷཱསིཏཱཧི ¶ ཝཱཙཱཧི, སུཏནཱ མཾ ཨམོཙཡི.

སུཏྭཱ ཀཎྞསུཁཾ ཝཱཙཾ, ཧདཡངྒཾ ཧདཡསྶིཏཾ;

སུབྷཱསིཏཱནི སུཏྭཱན, ལུདྡཀོ མཾ ཨམོཙཡི.

ཨེཝཾ ཨཱནནྡིཏོ ཧོཏུ, སཧ དཱརེཧི ལུདྡཀོ;

ཡཐཱ མཡཛྫ ནནྡཱམ, དིསྭཱ རོཧཎམཱགཏཾ.

ནནུ ཏྭཾ ཨཝཙ [ཨཝཙཱ (སཱི. པཱི.)] ལུདྡ, ‘‘མིགཙམྨཱནི ཨཱཧརིཾ’’;

ཨཐ ཀེན ནུ ཝཎྞེན, མིགཙམྨཱནི ནཱཧརི.

ཨཱགམཱ ཙེཝ ཧཏྠཏྠཾ, ཀཱུཊཔཱསཉྩ སོ མིགོ;

ཨབཛ྄ཛྷི ཏཾ [ཨབཛ྄ཛྷི ཏཉྩ (པཱི.)] མིགརཱཛཾ, ཏཉྩ མུཏྟཱ ཨུཔཱསརེ.

ཏསྶ མེ ཨཧུ སཾཝེགོ, ཨབྦྷུཏོ ལོམཧཾསནོ;

ཨིམཉྩཱཧཾ མིགཾ ཧཉྙེ, ཨཛྫ ཧིསྶཱམི ཛཱིཝིཏཾ.

ཀཱིདིསཱ ཏེ མིགཱ ལུདྡ, ཀཱིདིསཱ དྷམྨིཀཱ མིགཱ;

ཀཐཾཝཎྞཱ ཀཐཾསཱིལཱ, བཱལ༹ྷཾ ཁོ ནེ པསཾསསི.

ཨོདཱཏསིངྒཱ ¶ སུཙིཝཱལཱ༹, ཛཱཏརཱུཔཏཙཱུཔམཱ;

པཱདཱ ལོཧིཏཀཱ ཏེསཾ, ཨཉྫིཏཀྑཱ མནོརམཱ.

ཨེདིསཱ ཏེ མིགཱ དེཝ, ཨེདིསཱ དྷམྨིཀཱ མིགཱ;

མཱཏཱཔེཏྟིབྷརཱ དེཝ, ན ཏེ སོ ཨབྷིཧཱརིཏུཾ [ཨབྷིཧཱརཡུཾ (ཀ. སཱི.), ཨབྷིཧཱརཡིཾ (སྱཱ.), ཨབྷིཧཱརཡཾ (པཱི.)].

དམྨི ནིཀྑསཏཾ ལུདྡ, ཐཱུལཉྩ མཎིཀུཎྜལཾ;

ཙཏུསྶདཉྩ [ཙཏུརསྶཉྩ (སྱཱ. ཀ.)] པལླངྐཾ, ཨུམཱཔུཔྥསརིནྣིབྷཾ [ཨུམྨཱཔུཔྥསིརིནྣིབྷཾ (སཱི. སྱཱ. པཱི. ཀ.)].

དྭེ ¶ ཙ སཱདིསིཡོ བྷརིཡཱ, ཨུསབྷཉྩ གཝཾ སཏཾ;

དྷམྨེན རཛྫཾ ཀཱརེསྶཾ, བཧུཀཱརོ མེསི ལུདྡཀ.

ཀསིཝཱཎིཛྫཱ [ཀསཱི ཝཎིཛྫཱ (སཱི. སྱཱ. པཱི.)] ཨིཎདཱནཾ, ཨུཉྪཱཙརིཡཱ ཙ ལུདྡཀ;

ཨེཏེན དཱརཾ པོསེཧི, མཱ པཱཔཾ ཨཀརཱི པུནཱཏི [ཨཀརཱ པུནནྟི (ཀ. སཱི. པཱི.)].

རོཧཎམིགཛཱཏཀཾ [རོཧནྟམིགཛཱཏཀཾ (སཱི. པཱི.)] པཉྩམཾ.

ཨེཏེ ¶ ཧཾསཱ པཀྐམནྟི, ཝཀྐངྒཱ བྷཡམེརིཏཱ;

ཧརིཏྟཙ ཧེམཝཎྞ, ཀཱམཾ སུམུཁ པཀྐམ.

ཨོཧཱཡ མཾ ཉཱཏིགཎཱ, ཨེཀཾ པཱསཝསཾ གཏཾ;

ཨནཔེཀྑམཱནཱ [ནཱཔེཀྑམཱནཱ (ཀ.)] གཙྪནྟི, ཀིཾ ཨེསོ ཨཝཧིཡྻསི.

པཏེཝ པཏཏཾ སེཊྛ, ནཏྠི བདྡྷེ སཧཱཡཏཱ [སཧཱཡཀཱ (སྱཱ.)];

མཱ ཨནཱིགྷཱཡ ཧཱཔེསི, ཀཱམཾ སུམུཁ པཀྐམ.

ནཱཧཾ ‘‘དུཀྑཔརེཏོ’’ཏི [དུཀྑཔརེཏོཔི (ཀ.)], དྷཏརཊྛ ཏུཝཾ [ཏཝཾ (སཱི. པཱི.)] ཛཧེ;

ཛཱིཝིཏཾ མརཎཾ ཝཱ མེ, ཏཡཱ སདྡྷིཾ བྷཝིསྶཏི.

ཨེཏདརིཡསྶ ཀལྱཱཎཾ, ཡཾ ཏྭཾ སུམུཁ བྷཱསསི;

ཏཉྩ ཝཱིམཾསམཱནོཧཾ, ‘‘པཏཏེཏཾ’’ ཨཝསྶཛིཾ.

ཨཔདེན པདཾ ཡཱཏི, ཨནྟལིཀྑཙརོ [ཨནྟལིཀྑེ ཙརོ (སཱི. པཱི.)] དིཛོ;

ཨཱརཱ པཱསཾ ན བུཛ྄ཛྷི ཏྭཾ, ཧཾསཱནཾ པཝརུཏྟམ [པཝརུཏྟམོ (ཀ. སཱི. པཱི.)].

ཡདཱ པརཱབྷཝོ ཧོཏི, པོསོ ཛཱིཝིཏསངྑཡེ;

ཨཐ ¶ ཛཱལཉྩ པཱསཉྩ, ཨཱསཛྫཱཔི ན བུཛ྄ཛྷཏི.

ཨེཏེ ཧཾསཱ པཀྐམནྟི, ཝཀྐངྒཱ བྷཡམེརིཏཱ;

ཧརིཏྟཙ ཧེམཝཎྞ, ཏྭཉྙེཝ [ཏྭཉྩ ཏཾ (སཱི.), ཏྭཉྩ (པཱི.)] ཨཝཧིཡྻསི.

ཨེཏེ ¶ བྷུཏྭཱ ཙ པིཏྭཱ ཙ, པཀྐམནྟི ཝིཧངྒམཱ;

ཨནཔེཀྑམཱནཱ ཝཀྐངྒཱ, ཏྭཉྙེཝེཀོ ཨུཔཱསསི.

ཀིནྣུ ཏྱཱཡཾ [ཏཱཡཾ (སཱི. སྱཱ. པཱི.)] དིཛོ ཧོཏི, མུཏྟོ བདྡྷཾ ཨུཔཱསསི;

ཨོཧཱཡ སཀུཎཱ ཡནྟི, ཀིཾ ཨེཀོ ཨཝཧིཡྻསི.

རཱཛཱ མེ སོ དིཛོ མིཏྟོ, སཁཱ པཱཎསམོ ཙ མེ;

ནེཝ ནཾ ཝིཛཧིསྶཱམི, ཡཱཝ ཀཱལསྶ པརིཡཱཡཾ.

ཡོ ཙ ཏྭཾ སཁིནོ ཧེཏུ, པཱཎཾ ཙཛིཏུམིཙྪསི;

སོ ཏེ སཧཱཡཾ མུཉྩཱམི, ཧོཏུ རཱཛཱ ཏཝཱནུགོ.

ཨེཝཾ ¶ ལུདྡཀ ནནྡསྶུ, སཧ སབྦེཧི ཉཱཏིབྷི;

ཡཐཱཧམཛྫ ནནྡཱམི, དིསྭཱ མུཏྟཾ དིཛཱདྷིཔཾ.

ཀཙྩིནྣུ བྷོཏོ ཀུསལཾ, ཀཙྩི བྷོཏོ ཨནཱམཡཾ;

ཀཙྩི རཊྛམིདཾ ཕཱིཏཾ, དྷམྨེན མནུསཱསསི.

ཀུསལཉྩེཝ མེ ཧཾས, ཨཐོ ཧཾས ཨནཱམཡཾ;

ཨཐོ རཊྛམིདཾ ཕཱིཏཾ, དྷམྨེན མནུསཱསཧཾ.

ཀཙྩི བྷོཏོ ཨམཙྩེསུ, དོསོ ཀོཙི ན ཝིཛྫཏི;

ཀཙྩི ཨཱརཱ ཨམིཏྟཱ ཏེ, ཚཱཡཱ དཀྑིཎཏོརིཝ.

ཨཐོཔི མེ ཨམཙྩེསུ, དོསོ ཀོཙི ན ཝིཛྫཏི;

ཨཐོ ¶ ཨཱརཱ ཨམིཏྟཱ མེ, ཚཱཡཱ དཀྑིཎཏོརིཝ.

ཀཙྩི ཏེ སཱདིསཱི བྷརིཡཱ, ཨསྶཝཱ པིཡབྷཱཎིནཱི;

པུཏྟརཱུཔཡསཱུཔེཏཱ, ཏཝ ཚནྡཝསཱནུགཱ.

ཨཐོ མེ སཱདིསཱི བྷརིཡཱ, ཨསྶཝཱ པིཡབྷཱཎིནཱི;

པུཏྟརཱུཔཡསཱུཔེཏཱ, མམ ཚནྡཝསཱནུགཱ.

ཀཙྩི ཏེ བཧཝོ པུཏྟཱ, སུཛཱཏཱ རཊྛཝཌྜྷན;

པཉྙཱཛཝེན སམྤནྣཱ, སམྨོདནྟི ཏཏོ ཏཏོ.

སཏམེཀོ ཙ མེ པུཏྟཱ, དྷཏརཊྛ མཡཱ སུཏཱ;

ཏེསཾ ཏྭཾ ཀིཙྩམཀྑཱཧི, ནཱཝརུཛ྄ཛྷནྟི [ནཱཝརཛ྄ཛྷནྟི (ཀ. སཱི. པཱི.)] ཏེ ཝཙོ.

ཨུཔཔནྣོཔི ཙེ ཧོཏི, ཛཱཏིཡཱ ཝིནཡེན ཝཱ;

ཨཐ པཙྪཱ ཀུརུཏེ ཡོགཾ, ཀིཙྪེ [ཀིཙྩེ (སཱི. སྱཱ. པཱི.)] ཨཱཔཱསུ [ཨཱཝཱསུ (སྱཱ.), ཨཱཔདཱསུ (ཀ.)] སཱིདཏི.

ཏསྶ སཾཧཱིརཔཉྙསྶ, ཝིཝརོ ཛཱཡཏེ མཧཱ;

རཏྟིམནྡྷོཝ [ནཏྟམནྡྷོཝ (སཱི. པཱི.)] རཱུཔཱནི, ཐཱུལཱནི མནུཔསྶཏི.

ཨསཱརེ ¶ སཱརཡོགཉྙཱུ, མཏིཾ ན ཏྭེཝ ཝིནྡཏི;

སརབྷོཝ གིརིདུགྒསྨིཾ, ཨནྟརཱཡེཝ སཱིདཏི.

ཧཱིནཛཙྩོཔི ཙེ ཧོཏི, ཨུཊྛཱཏཱ དྷིཏིམཱ ནརོ;

ཨཱཙཱརསཱིལསམྤནྣོ, ནིསེ ཨགྒཱིཝ བྷཱསཏི.

ཨེཏཾ ¶ མེ ཨུཔམཾ ཀཏྭཱ, པུཏྟེ ཝིཛྫཱསུ ཝཱཙཡ [ཋཱཔས (སྱཱ. ཀ.)];

སཾཝིརཱུལ༹ྷེཐ མེདྷཱཝཱི, ཁེཏྟེ བཱིཛཾཝ [ཁེཏྟབཱིཛཾཝ (སཱི. པཱི.)] ཝུཊྛིཡཱཏི.

མིགལུདྡོ ¶ མཧཱརཱཛཱ, པཉྩཱལཱནཾ རཐེསབྷོ;

ནིཀྑནྟོ སཧ སེནཱཡ, ཨོགཎོ ཝནམཱགམཱ.

ཏཏྠདྡསཱ ཨརཉྙསྨིཾ, ཏཀྐརཱནཾ ཀུཊིཾ ཀཏཾ;

ཏསྶཱ [ཏསྨཱ (སྱཱ. པཱི. ཀ.)] ཀུཊིཡཱ ནིཀྑམྨ, སུཝོ ལུདྡཱནི བྷཱསཏི.

སམྤནྣཝཱཧནོ པོསོ, ཡུཝཱ སམྨཊྛཀུཎྜལོ [ཀུཎྜལཱི (སྱཱ. ཀ.)];

སོབྷཏི ལོཧིཏུཎྷཱིསོ, དིཝཱ སཱུརིཡོཝ བྷཱསཏི.

མཛ྄ཛྷནྷིཀེ [མཛ྄ཛྷནྟིཀེ (སབྦཏྠ)] སམྤཏིཀེ, སུཏྟོ རཱཛཱ སསཱརཐི;

ཧནྡསྶཱབྷརཎཾ སབྦཾ, གཎྷཱམ སཱཧསཱ [སཧསཱ (སཱི. སྱཱ. པཱི.)] མཡཾ.

ནིསཱིཐེཔི རཧོ དཱནི, སུཏྟོ རཱཛཱ སསཱརཐི;

ཨཱདཱཡ ཝཏྠཾ མཎིཀུཎྜལཉྩ, ཧནྟྭཱན སཱཁཱཧི ཨཝཏྠརཱམ.

ཀིནྣུ ཨུམྨཏྟརཱུཔོཝ, སཏྟིགུམྦ པབྷཱསསི;

དུརཱསདཱ ཧི རཱཛཱནོ, ཨགྒི པཛྫལིཏོ ཡཐཱ.

ཨཐ ཏྭཾ པཏིཀོལམྦ, མཏྟོ ཐུལླཱནི གཛྫསི;

མཱཏརི མཡ྄ཧཾ ནགྒཱཡ, ཀིནྣུ ཏྭཾ ཝིཛིགུཙྪསེ.

ཨུཊྛེཧི སམྨ ཏརམཱནོ, རཐཾ ཡོཛེཧི སཱརཐི;

སཀུཎོ མེ ན རུཙྩཏི, ཨཉྙཾ གཙྪཱམ ཨསྶམཾ.

ཡུཏྟོ རཐོ མཧཱརཱཛ, ཡུཏྟོ ཙ བལཝཱཧནོ;

ཨདྷིཏིཊྛ མཧཱརཱཛ, ཨཉྙཾ གཙྪཱམ ཨསྶམཾ.

ཀོ ¶ ནུམེཝ གཏཱ [ཀྭ ནུ’མེ’པགཏཱ (?)] སབྦེ, ཡེ ཨསྨིཾ པརིཙཱརཀཱ;

ཨེས གཙྪཏི པཉྩཱལོ, མུཏྟོ ཏེསཾ ཨདསྶནཱ.

ཀོདཎྜཀཱནི ¶ ¶ གཎྷཐ, སཏྟིཡོ ཏོམརཱནི ཙ;

ཨེས གཙྪཏི པཉྩཱལོ, མཱ ཝོ མུཉྩིཏྠ ཛཱིཝཏཾ [ཛཱིཝིཏཾ (བཧཱུསུ)].

ཨཐཱཔརོ པཊིནནྡིཏྠ, སུཝོ ལོཧིཏཏུཎྜཀོ;

སྭཱགཏཾ ཏེ མཧཱརཱཛ, ཨཐོ ཏེ ཨདུརཱགཏཾ;

ཨིསྶརོསི ཨནུཔྤཏྟོ, ཡཾ ཨིདྷཏྠི པཝེདཡ.

ཏིནྡུཀཱནི པིཡཱལཱནི, མདྷུཀེ ཀཱསུམཱརིཡོ;

ཕལཱནི ཁུདྡཀཔྤཱནི, བྷུཉྫ རཱཛ ཝརཾ ཝརཾ.

ཨིདམྤི པཱནཱིཡཾ སཱིཏཾ, ཨཱབྷཏཾ གིརིགབྦྷརཱ;

ཏཏོ པིཝ མཧཱརཱཛ, སཙེ ཏྭཾ ཨབྷིཀངྑསི.

ཨརཉྙཾ ཨུཉྪཱཡ གཏཱ, ཡེ ཨསྨིཾ པརིཙཱརཀཱ;

སཡཾ ཨུཊྛཱཡ གཎྷཝ྄ཧོ, ཧཏྠཱ མེ ནཏྠི དཱཏཝེ.

བྷདྡཀོ ཝཏཡཾ པཀྑཱི, དིཛོ པརམདྷམྨིཀོ;

ཨཐེསོ ཨིཏརོ པཀྑཱི, སུཝོ ལུདྡཱནི བྷཱསཏི.

‘‘ཨེཏཾ ཧནཐ བནྡྷཐ, མཱ ཝོ མུཉྩིཏྠ ཛཱིཝཏཾ’’;

ཨིཙྩེཝཾ ཝིལཔནྟསྶ, སོཏྠིཾ [སོཏྠཱི (སྱཱ.)] པཏྟོསྨི ཨསྶམཾ.

བྷཱཏརོསྨ མཧཱརཱཛ, སོདརིཡཱ ཨེཀམཱཏུཀཱ;

ཨེཀརུཀྑསྨིཾ སཾཝཌྜྷཱ, ནཱནཱཁེཏྟགཏཱ ཨུབྷོ.

སཏྟིགུམྦོ ཙ ཙོརཱནཾ, ཨཧཉྩ ཨིསཱིནཾ ཨིདྷ;

ཨསཏཾ ¶ སོ, སཏཾ ཨཧཾ, ཏེན དྷམྨེན ནོ ཝིནཱ.

ཏཏྠ ཝདྷོ ཙ བནྡྷོ ཙ, ནིཀཏཱི ཝཉྩནཱནི ཙ;

ཨཱལོཔཱ སཱཧསཱཀཱརཱ, ཏཱནི སོ ཏཏྠ སིཀྑཏི.

ཨིདྷ སཙྩཉྩ དྷམྨོ ཙ, ཨཧིཾསཱ སཾཡམོ དམོ;

ཨཱསནཱུདཀདཱཡཱིནཾ, ཨངྐེ ཝདྡྷོསྨི བྷཱརདྷ [བྷཱརཏ (སཱི. སྱཱ. པཱི.)].

ཡཾ ཡཉྷི རཱཛ བྷཛཏི, སནྟཾ ཝཱ ཡདི ཝཱ ཨསཾ;

སཱིལཝནྟཾ ཝིསཱིལཾ ཝཱ, ཝསཾ ཏསྶེཝ གཙྪཏི.

ཡཱདིསཾ ཀུརུཏེ མིཏྟཾ, ཡཱདིསཾ ཙཱུཔསེཝཏི;

སོཔི ཏཱདིསཀོ ཧོཏི, སཧཝཱསོ ཧི [སཧཝཱསོཔི (སྱཱ. ཀ.)] ཏཱདིསོ.

སེཝམཱནོ ¶ སེཝམཱནཾ, སམྥུཊྛོ སམྥུསཾ པརཾ;

སརོ དིདྡྷོ ཀལཱཔཾཝ, ཨལིཏྟམུཔལིམྤཏི;

ཨུཔལེཔབྷཡཱ [ཨུཔལིམྤབྷཡཱ (སྱཱ. ཀ.)] དྷཱིརོ, ནེཝ པཱཔསཁཱ སིཡཱ.

པཱུཏིམཙྪཾ ¶ ཀུསགྒེན, ཡོ ནརོ ཨུཔནཡ྄ཧཏི;

ཀུསཱཔི པཱུཏི [པཱུཏཱི (སཱི. པཱི.)] ཝཱཡནྟི, ཨེཝཾ བཱལཱུཔསེཝནཱ.

ཏགརཉྩ པལཱསེན, ཡོ ནརོ ཨུཔནཡ྄ཧཏི;

པཏྟཱཔི སུརབྷི [སུརབྷཱི (སཱི. སྱཱ. པཱི.)] ཝཱཡནྟི, ཨེཝཾ དྷཱིརཱུཔསེཝནཱ.

ཏསྨཱ པཏྟཔུཊསྶེཝ [ཕལཔུཊསྶེཝ (སཱི. པཱི.), པལཔུཊསྶེཝ (ཀ. ཨཊྛ.), པལཱསཔུཊསྶེཝ (སྱཱ. ཀ.)], ཉཏྭཱ སམྤཱཀམཏྟནོ;

ཨསནྟེ ནོཔསེཝེཡྻ, སནྟེ སེཝེཡྻ པཎྜིཏོ;

ཨསནྟོ ནིརཡཾ ནེནྟི, སནྟོ པཱཔེནྟི སུགྒཏིནྟི.

བྷལླཱཏིཡོ ¶ [བྷལླཱཊིཡོ (སཱི. པཱི.)] ནཱམ ཨཧོསི རཱཛཱ, རཊྛཾ པཧཱཡ མིགཝཾ ཨཙཱརི སོ;

ཨགམཱ གིརིཝརཾ གནྡྷམཱདནཾ, སུཔུཔྥིཏཾ [སམྤུཔྥིཏཾ (སཱི. པཱི.)] ཀིམྤུརིསཱནུཙིཎྞཾ.

སཱལཱུ༹རསངྒྷཉྩ ནིསེདྷཡིཏྭཱ, དྷནུཾ [དྷནུ (སཱི. སྱཱ. པཱི.)] ཀལཱཔཉྩ སོ ནིཀྑིཔིཏྭཱ;

ཨུཔཱགམི ཝཙནཾ ཝཏྟུཀཱམོ, ཡཏྠཊྛིཏཱ ཀིམྤུརིསཱ ཨཧེསུཾ.

ཧིམཙྩཡེ ཧེམཝཏཱཡ ཏཱིརེ, ཀིམིདྷཊྛིཏཱ མནྟཡཝ྄ཧོ ཨབྷིཎྷཾ;

པུཙྪཱམི ཝོ མཱནུསདེཧཝཎྞེ, ཀཐཾ ནུ [ཀཐཾ ཝོ (སཱི. སྱཱ. པཱི.)] ཛཱནནྟི མནུསྶལོཀེ.

མལླཾ ¶ གིརིཾ པཎྜརཀཾ ཏིཀཱུཊཾ, སཱིཏོདཀཱ [སཱིཏོདིཡཱ (སཱི. པཱི.), སཱིཏོདིཀཱ (?)] ཨནུཝིཙརཱམ ནཛྫོ;

མིགཱ མནུསྶཱཝ ནིབྷཱསཝཎྞཱ, ཛཱནནྟི ནོ ཀིམྤུརིསཱཏི ལུདྡ.

སུཀིཙྪརཱུཔཾ པརིདེཝཡཝ྄ཧོ [པརིདེཝཐཝ྄ཧོ (?) མོགྒལླཱནབྱཱཀརཎེ ༦.༣༨ སུཏྟཾ], ཨཱལིངྒིཏོ ཙཱསི པིཡོ པིཡཱཡ;

པུཙྪཱམི ཝོ མཱནུསདེཧཝཎྞེ, ཀིམིདྷ ཝནེ རོདཐ ཨཔྤཏཱིཏཱ.

སུཀིཙྪརཱུཔཾ པརིདེཝཡཝ྄ཧོ, ཨཱལིངྒིཏོ ཙཱསི པིཡོ པིཡཱཡ;

པུཙྪཱམི ཝོ མཱནུསདེཧཝཎྞེ, ཀིམིདྷ ཝནེ ཝིལཔཐ ཨཔྤཏཱིཏཱ.

སུཀིཙྪརཱུཔཾ པརིདེཝཡཝ྄ཧོ, ཨཱལིངྒིཏོ ཙཱསི པིཡོ པིཡཱཡ;

པུཙྪཱམི ཝོ མཱནུསདེཧཝཎྞེ, ཀིམིདྷ ¶ ཝནེ སོཙཐ ཨཔྤཏཱིཏཱ.

མཡེཀརཏྟཾ [རཏྟིཾ (པཱི.)] ཝིཔྤཝསིམྷ ལུདྡ, ཨཀཱམཀཱ ཨཉྙམཉྙཾ སརནྟཱ;

ཏམེཀརཏྟཾ ཨནུཏཔྤམཱནཱ, སོཙཱམ ‘‘སཱ རཏྟི པུནཾ ན ཧེསྶཏི’’.

ཡམེཀརཏྟཾ ཨནུཏཔྤཐེཏཾ, དྷནཾ ཝ ནཊྛཾ པིཏརཾ ཝ པེཏཾ;

པུཙྪཱམི ཝོ མཱནུསདེཧཝཎྞེ, ཀཐཾ ཝིནཱ ཝཱསམཀཔྤཡིཏྠ.

ཡམིམཾ ¶ [ཡཡིམཾ (ཀ. སཱི.)] ནདིཾ པསྶསི སཱིགྷསོཏཾ, ནཱནཱདུམཙྪཱདནཾ སེལཀཱུལཾ [དུམཙྪདནཾ སེལཀཱུཊཾ (སཱི. པཱི.), དུམསཉྪནྣཾ སེལཀཱུལཾ (ཀ.)];

ཏཾ མེ པིཡོ ཨུཏྟརི ཝསྶཀཱལེ, མམཉྩ ¶ མཉྙཾ ཨནུབནྡྷཏཱིཏི.

ཨཧཉྩ ¶ ཨངྐོལཀམོཙིནཱམི, ཨཏིམུཏྟཀཾ སཏྟལིཡོཐིཀཉྩ;

‘‘པིཡོ ཙ མེ ཧེཧིཏི མཱལབྷཱརཱི, ཨཧཉྩ ནཾ མཱལིནཱི ཨཛ྄ཛྷུཔེསྶཾ’’.

ཨཧཉྩིདཾ ཀུརཝཀམོཙིནཱམི, ཨུདྡཱལཀཱ པཱཊལིསིནྡྷུཝཱརཀཱ [སིནྡྷུཝཱརིཏཱ (སྱཱ. པཱི. ཀ.)];

‘‘པིཡོ ཙ མེ ཧེཧིཏི མཱལབྷཱརཱི, ཨཧཉྩ ནཾ མཱལིནཱི ཨཛ྄ཛྷུཔེསྶཾ’’.

ཨཧཉྩ སཱལསྶ སུཔུཔྥིཏསྶ, ཨོཙེཡྻ པུཔྥཱནི ཀརོམི མཱལཾ;

‘‘པིཡོ ཙ མེ ཧེཧིཏི མཱལབྷཱརཱི, ཨཧཉྩ ནཾ མཱལིནཱི ཨཛ྄ཛྷུཔེསྶཾ’’.

ཨཧཉྩ སཱལསྶ སུཔུཔྥིཏསྶ, ཨོཙེཡྻ པུཔྥཱནི ཀརོམི བྷཱརཾ;

ཨིདཉྩ ནོ ཧེཧིཏི སནྠརཏྠཾ, ཡཏྠཛྫིམཾ [ཡཏྠཛྫམཾ (སཱི. པཱི.)] ཝིཧརིསྶཱམ [ཝིཧརིསྶཱམུ (པཱི.)] རཏྟིཾ.

ཨཧཉྩ ཁོ ཨགལུ༹ཾ [ཨགྒལུ (སྱཱ. ཀ.), ཨཀལུཾ (པཱི.)] ཙནྡནཉྩ, སིལཱཡ པིཾསཱམི པམཏྟརཱུཔཱ;

‘‘པིཡོ ཙ མེ ཧེཧིཏི རོསིཏངྒོ, ཨཧཉྩ ¶ ནཾ རོསིཏཱ ཨཛ྄ཛྷུཔེསྶཾ’’.

ཨཐཱགམཱ སལིལཾ སཱིགྷསོཏཾ, ནུདཾ སཱལེ སལལེ༹ ཀཎྞིཀཱརེ;

ཨཱཔཱུརཐ [ཨཔཱུརཐ (སཱི. པཱི.), ཨཱཔཱུརཐེ (སྱཱ.)] ཏེན མུཧུཏྟཀེན, སཱཡཾ ནདཱི ཨཱསི མཡཱ སུདུཏྟརཱ.

ཨུབྷོསུ ཏཱིརེསུ མཡཾ ཏདཱ ཋིཏཱ, སམྤསྶནྟཱ ཨུབྷཡོ ཨཉྙམཉྙཾ;

སཀིམྤི རོདཱམ སཀིཾ ཧསཱམ, ཀིཙྪེན ནོ ཨཱགམཱ [ཨགམཱ (སཱི. སྱཱ. པཱི.)] སཾཝརཱི སཱ.

པཱཏོཝ ¶ [པཱཏོ ཙ (སཱི. སྱཱ. པཱི.)] ཁོ ཨུགྒཏེ སཱུརིཡམྷི, ཙཏུཀྐཾ ནདིཾ ཨུཏྟརིཡཱན ལུདྡ;

ཨཱལིངྒིཡཱ ཨཉྙམཉྙཾ མཡཾ ཨུབྷོ, སཀིམྤི རོདཱམ སཀིཾ ཧསཱམ.

ཏཱིཧཱུནཀཾ སཏྟསཏཱནི ལུདྡ, ཡམིདྷ མཡཾ ཝིཔྤཝསིམྷ པུབྦེ;

ཝསྶེཀིམཾ [ཝཱསེཀིམཾ (སཱི. པཱི.)] ཛཱིཝིཏཾ བྷཱུམིཔཱལ, ཀོ ནཱིདྷ ཀནྟཱཡ ཝིནཱ ཝསེཡྻ.

ཨཱཡུཉྩ ཝོ ཀཱིཝཏཀོ ནུ སམྨ, སཙེཔི ཛཱནཱཐ ཝདེཐ ཨཱཡུཾ;

ཨནུསྶཝཱ ཝུཌྜྷཏོ ཨཱགམཱ ཝཱ, ཨཀྑཱཐ ¶ མེ ཏཾ ཨཝིཀམྤམཱནཱ.

ཨཱཡུཉྩ ནོ ཝསྶསཧསྶཾ ལུདྡ, ན ཙནྟརཱ པཱཔཀོ ཨཏྠི རོགོ;

ཨཔྤཉྩ [ཨཔྤཾཝ (སྱཱ. ཀ.)] དུཀྑཾ སུཁམེཝ བྷིཡྻོ, ཨཝཱིཏརཱགཱ ཝིཛཧཱམ ཛཱིཝིཏཾ.

ཨིདཉྩ སུཏྭཱན ཨམཱནུསཱནཾ, བྷལླཱཏིཡོ ཨིཏྟར ཛཱིཝིཏནྟི;

ནིཝཏྟཐ ན མིགཝཾ ཨཙརི, ཨདཱསི དཱནཱནི ཨབྷུཉྫི བྷོགེ.

ཨིདཉྩ སུཏྭཱན ཨམཱནུསཱནཾ, སམྨོདཐ མཱ ཀལཧཾ ཨཀཏྠ;

མཱ ཝོ ཏཔཱི ཨཏྟཀམྨཱཔརཱདྷོ, ཡཐཱཔི ཏེ ཀིམྤུརིསེཀརཏྟཾ.

ཨིདཉྩ ¶ སུཏྭཱན ཨམཱནུསཱནཾ, སམྨོདཐ མཱ ཝིཝཱདཾ ཨཀཏྠ;

མཱ ཝོ ཏཔཱི ཨཏྟཀམྨཱཔརཱདྷོ, ཡཐཱཔི ཏེ ཀིམྤུརིསེཀརཏྟཾ.

ཝིཝིདྷཾ ¶ [ཝིཝིདྷ (སཱི. སྱཱ.)] ཨདྷིམནཱ སུཎོམཧཾ, ཝཙནཔཐཾ ཏཝ ཨཏྠསཾཧིཏཾ;

མུཉྩཾ [མུཉྩ (སཱི. པཱི.)] གིརཾ ནུདསེཝ མེ དརཾ, སམཎ ¶ སུཁཱཝཧ ཛཱིཝ མེ ཙིརནྟི.

ཀོ ཏཾ ཧིཾསཏི ཧེཋེཏི, ཀིཾ [ཀིནྣུ (པཱི. ཀ.)] དུམྨནོ སོཙསི ཨཔྤཏཱིཏོ;

ཀསྶཛྫ མཱཏཱཔིཏརོ རུདནྟུ, ཀྭཛྫ སེཏུ [ཀོ ནྭེཛྫ སེཏི (ཀ.), ཀོ ཨཛྫ སེཏུ (?)] ནིཧཏོ པཐབྱཱ.

ཏུཊྛོསྨི དེཝ ཏཝ དསྶནེན, ཙིརསྶཾ པསྶཱམི ཏཾ བྷཱུམིཔཱལ;

ཨཧིཾསཀོ རེཎུམནུཔྤཝིསྶ, པུཏྟེན ཏེ ཧེཋཡིཏོསྨི [པོཐཡིཏོསྨི (ཀ.)] དེཝ.

ཨཱཡནྟུ དོཝཱརིཀཱ ཁགྒབནྡྷཱ [ཁགྒབདྡྷཱ (སཱི. པཱི.)], ཀཱསཱཝིཡཱ ཡནྟུ [ཧནྟུ (ཀ.)] ཨནྟེཔུརནྟཾ;

ཧནྟྭཱན ཏཾ སོམནསྶཾ ཀུམཱརཾ, ཚེཏྭཱན སཱིསཾ ཝརམཱཧརནྟུ.

པེསིཏཱ རཱཛིནོ དཱུཏཱ, ཀུམཱརཾ ཨེཏདབྲཝུཾ;

ཨིསྶརེན ཝིཏིཎྞོསི, ཝདྷཾ པཏྟོསི ཁཏྟིཡ.

ས རཱཛཔུཏྟོ པརིདེཝཡནྟོ, དསངྒུལིཾ ཨཉྫལིཾ པགྒཧེཏྭཱ;

ཨཧམྤི ¶ ཨིཙྪཱམི ཛནིནྡ དཊྛུཾ, ཛཱིཝཾ མཾ ནེཏྭཱ [ཛཱིཝཾ པནེཏྭཱ (སཱི. པཱི.)] པཊིདསྶཡེཐ.

ཏསྶ ཏཾ ཝཙནཾ སུཏྭཱ, རཉྙོ པུཏྟཾ ཨདསྶཡུཾ;

པུཏྟོ ཙ པིཏརཾ དིསྭཱ, དཱུརཏོཝཛ྄ཛྷབྷཱསཐ.

ཨཱགཙྪུཾ ¶ [ཨཱགཉྪུཾ (སཱི.), ཨཱགཉྪུ (པཱི.)] དོཝཱརིཀཱ ཁགྒབནྡྷཱ, ཀཱསཱཝིཡཱ ཧནྟུ མམཾ ཛནིནྡ;

ཨཀྑཱཧི མེ པུཙྪིཏོ ཨེཏམཏྠཾ, ཨཔརཱདྷོ ཀོ ནིདྷ མམཛྫ ཨཏྠི.

སཱཡཉྩ པཱཏོ ཨུདཀཾ སཛཱཏི, ཨགྒིཾ སདཱ པཱརིཙརཏཔྤམཏྟོ;

ཏཾ ཏཱདིསཾ སཾཡཏཾ བྲཧྨཙཱརིཾ, ཀསྨཱ ཏུཝཾ བྲཱུསི གཧཔྤཏཱིཏི.

ཏཱལཱ ཙ མཱུལཱ ཙ ཕལཱ ཙ དེཝ, པརིགྒཧཱ ཝིཝིདྷཱ སནྟིམསྶ;

ཏེ རཀྑཏི གོཔཡཏཔྤམཏྟོ, [བྲཱཧྨཎོ གཧཔཏི ཏེན ཧོཏི (སཱི. སྱཱ. པཱི.)] ཏསྨཱ ཨཧཾ བྲཱུམི གཧཔྤཏཱིཏི [བྲཱཧྨཎོ གཧཔཏི ཏེན ཧོཏི (སཱི. སྱཱ. པཱི.)].

སཙྩཾ ཁོ ཨེཏཾ ཝདསི ཀུམཱར, པརིགྒཧཱ ཝིཝིདྷཱ སནྟིམསྶ;

ཏེ རཀྑཏི གོཔཡཏཔྤམཏྟོ, ས [ནཏྠི ཨིདཾ སཱི. སྱཱ. པཱི. པོཏྠཀེསུ] བྲཱཧྨཎོ ¶ གཧཔཏི ཏེན ཧོཏི.

སུཎནྟུ མཡ྄ཧཾ པརིསཱ སམཱགཏཱ, སནེགམཱ ཛཱནཔདཱ ཙ སབྦེ;

བཱལཱཡཾ བཱལསྶ ཝཙོ ནིསམྨ, ཨཧེཏུནཱ གྷཱཏཡཏེ མཾ [གྷཱཏཡཏེ (སཱི. པཱི.)] ཛནིནྡོ.

དལ༹ྷསྨི ¶ མཱུལེ ཝིསཊེ ཝིརཱུལ༹ྷེ, དུནྣིཀྐཡོ ཝེལུ༹ པསཱཁཛཱཏོ;

ཝནྡཱམི པཱདཱནི ཏཝ [ཏཝཾ (སཱི. པཱི.)] ཛནིནྡ, ཨནུཛཱན མཾ པབྦཛིསྶཱམི དེཝ.

བྷུཉྫསྶུ བྷོགེ ཝིཔུལེ ཀུམཱར, སབྦཉྩ ཏེ ཨིསྶརིཡཾ དདཱམི;

ཨཛྫེཝ ཏྭཾ ཀུརཱུནཾ ཧོཧི རཱཛཱ, མཱ པབྦཛཱི པབྦཛྫཱ ཧི དུཀྑཱ.

ཀིནྣཱུདྷ ¶ དེཝ ཏཝམཏྠི བྷོགཱ, པུབྦེཝཧཾ [པུབྦེ ཙཧཾ (ཀ.)] དེཝལོཀེ རམིསྶཾ;

རཱུཔེཧི སདྡེཧི ཨཐོ རསེཧི, གནྡྷེཧི ཕསྶེཧི མནོརམེཧི.

བྷུཏྟཱ ཙ མེ [བྷུཏྟཱ (སཱི. པཱི.)] བྷོགཱ ཏིདིཝསྨིཾ དེཝ, པརིཝཱརིཏཱ [པརིཙཱརིཏཱ (ཀ.)] ཨཙྪརཱནཾ གཎེན [ཨཙྪརཱསཾགཎེན (སྱཱ. པཱི. ཀ.)];

ཏུཝཉྩ [ཏཝཉྩ (སཱི. པཱི.)] བཱལཾ པརནེཡྻཾ ཝིདིཏྭཱ, ན ¶ ཏཱདིསེ རཱཛཀུལེ ཝསེཡྻཾ.

སཙཱཧཾ བཱལོ པརནེཡྻོ ཨསྨི, ཨེཀཱཔརཱདྷཾ [ཨེཏཱཔརཱདྷཾ (ཀ.)] ཁམ པུཏྟ མཡ྄ཧཾ;

པུནཔི ཙེ ཨེདིསཀཾ བྷཝེཡྻ, ཡཐཱམཏིཾ སོམནསྶ ཀརོཧི.

ཨནིསམྨ ཀཏཾ ཀམྨཾ, ཨནཝཏྠཱཡ ཙིནྟིཏཾ;

བྷེསཛྫསྶེཝ ཝེབྷངྒོ, ཝིཔཱཀོ ཧོཏི པཱཔཀོ.

ནིསམྨ ཙ ཀཏཾ ཀམྨཾ, སམྨཱཝཏྠཱཡ ཙིནྟིཏཾ;

བྷེསཛྫསྶེཝ སམྤཏྟི, ཝིཔཱཀོ ཧོཏི བྷདྲཀོ.

ཨལསོ གིཧཱི ཀཱམབྷོགཱི ན སཱདྷུ, ཨསཉྙཏོ པབྦཛིཏོ ན སཱདྷུ;

རཱཛཱ ན སཱདྷུ ཨནིསམྨཀཱརཱི, ཡོ པཎྜིཏོ ཀོདྷནོ ཏཾ ན སཱདྷུ.

ནིསམྨ ཁཏྟིཡོ ཀཡིརཱ, ནཱནིསམྨ དིསམྤཏི;

ནིསམྨཀཱརིནོ རཱཛ, ཡསོ ཀིཏྟི ཙ ཝཌྜྷཏི.

ནིསམྨ དཎྜཾ པཎཡེཡྻ ཨིསྶརོ, ཝེགཱ ཀཏཾ ཏཔྤཏི བྷཱུམིཔཱལ;

སམྨཱཔཎཱིདྷཱི ཙ ནརསྶ ཨཏྠཱ, ཨནཱནུཏཔྤཱ ཏེ བྷཝནྟི པཙྪཱ.

ཨནཱནུཏཔྤཱནི ¶ ཧི ཡེ ཀརོནྟི, ཝིབྷཛྫ ¶ ཀམྨཱཡཏནཱནི ལོཀེ;

ཝིཉྙུཔྤསཏྠཱནི སུཁུདྲཡཱནི, བྷཝནྟི བུདྡྷཱནུམཏཱནི [ཝདྡྷཱནུམཏཱནི (སཱི. པཱི.)] ཏཱནི.

ཨཱགཙྪུཾ དོཝཱརིཀཱ ཁགྒབནྡྷཱ, ཀཱསཱཝིཡཱ ཧནྟུ མམཾ ཛནིནྡ;

མཱཏུཉྩ [མཱཏུཙྩ (པཱི.)] ཨངྐསྨིམཧཾ ནིསིནྣོ, ཨཱཀཌྜྷིཏོ སཧསཱ ཏེཧི དེཝ.

ཀཊུཀཉྷི སམྦཱདྷཾ སུཀིཙྪཾ [སུཀིཙྪ (སཱི. པཱི.)] པཏྟོ, མདྷུརམྤི ཡཾ ཛཱིཝིཏཾ ལདྡྷ རཱཛ;

ཀིཙྪེནཧཾ ཨཛྫ ཝདྷཱ པམུཏྟོ, པབྦཛྫམེཝཱབྷིམནོཧམསྨི.

པུཏྟོ ཏཝཱཡཾ ཏརུཎོ སུདྷམྨེ, ཨནུཀམྤཀོ སོམནསྶོ ཀུམཱརོ;

ཏཾ ཡཱཙམཱནོ ན ལབྷཱམི སྭཛྫ [སཛྫ (སཱི. པཱི.)], ཨརཧསི ནཾ ཡཱཙིཏཝེ [ཡཱཙིཏུཡེ (ཀ.)] ཏུཝམྤི.

རམསྶུ ¶ བྷིཀྑཱཙརིཡཱཡ པུཏྟ, ནིསམྨ དྷམྨེསུ པརིབྦཛསྶུ;

སབྦེསུ བྷཱུཏེསུ ནིདྷཱཡ དཎྜཾ, ཨནིནྡིཏོ བྲཧྨམུཔེཧི ཋཱནཾ.

ཨཙྪེར [ཨཙྪརིཡ (སཱི. སྱཱ. པཱི.)] རཱུཔཾ ཝཏ ཡཱདིསཉྩ, དུཀྑིཏཾ ¶ མཾ དུཀྑཱཔཡསེ སུདྷམྨེ;

ཡཱཙསྶུ པུཏྟཾ ཨིཏི ཝུཙྩམཱནཱ, བྷིཡྻོཝ ཨུསྶཱཧཡསེ ཀུམཱརཾ.

ཡེ ཝིཔྤམུཏྟཱ ཨནཝཛྫབྷོགིནོ [བྷོཛིནོ (སཱི. སྱཱ. པཱི.)], པརིནིབྦུཏཱ ལོཀམིམཾ ཙརནྟི;

ཏམརིཡམགྒཾ པཊིཔཛྫམཱནཾ, ན ཨུསྶཧེ ཝཱརཡིཏུཾ ཀུམཱརཾ.

ཨདྡྷཱ ¶ ཧཝེ སེཝིཏབྦཱ སཔཉྙཱ, བཧུསྶུཏཱ ཡེ བཧུཋཱནཙིནྟིནོ;

ཡེསཱཡཾ སུཏྭཱན སུབྷཱསིཏཱནི, ཨཔྤོསྶུཀྐཱ ཝཱིཏསོཀཱ སུདྷམྨཱཏི.

ཀཱ ནུ ཝིཛྫུརིཝཱབྷཱསི, ཨོསདྷཱི ཝིཡ ཏཱརཀཱ;

དེཝཏཱ ནུསི གནྡྷབྦཱི, ན ཏཾ མཉྙཱམི མཱནུསིཾ [མཱནུསཱི (སྱཱ. ཀ.)].

ནམྷི དེཝཱི ན གནྡྷབྦཱི, ན མཧཱརཱཛ མཱནུསཱི;

ནཱགཀཉྙཱསྨི བྷདྡནྟེ, ཨཏྠེནམྷི ཨིདྷཱགཏཱ.

ཝིབྦྷནྟཙིཏྟཱ ཀུཔིཏིནྡྲིཡཱསི, ནེཏྟེཧི ཏེ ཝཱརིགཎཱ སཝནྟི;

ཀིཾ ¶ ཏེ ནཊྛཾ ཀིཾ པན པཏྠཡཱནཱ, ཨིདྷཱགཏཱ ནཱརི ཏདིངྒྷ བྲཱུཧི.

ཡམུགྒཏེཛོ ཨུརགོཏི ཙཱཧུ, ནཱགོཏི ནཾ ཨཱཧུ ཛནཱ ཛནིནྡ;

ཏམགྒཧཱི པུརིསོ ཛཱིཝིཀཏྠོ, ཏཾ བནྡྷནཱ མུཉྩ པཏཱི མམེསོ.

ཀཐཾ ནྭཡཾ བལཝིརིཡཱུཔཔནྣོ, ཧཏྠཏྟ [ཧཏྠཏྠ (སཱི. སྱཱ. པཱི.)] མཱགཙྪི ཝནིབྦཀསྶ;

ཨཀྑཱཧི མེ ནཱགཀཉྙེ ཏམཏྠཾ, ཀཐཾ ཝིཛཱནེམུ གཧཱིཏནཱགཾ.

ནགརམྤི ནཱགོ བྷསྨཾ ཀརེཡྻ, ཏཐཱ ཧི སོ བལཝིརིཡཱུཔཔནྣོ;

དྷམྨཉྩ ནཱགོ ཨཔཙཱཡམཱནོ, ཏསྨཱ པརཀྐམྨ ཏཔོ ཀརོཏི.

ཙཱཏུདྡསིཾ ¶ པཉྩདསིཾ [པནྣརསིཾ (སཱི. སྱཱ. པཱི.)] ཙ རཱཛ, ཙཏུཔྤཐེ སམྨཏི ནཱགརཱཛཱ;

ཏམགྒཧཱི པུརིསོ ཛཱིཝིཀཏྠོ, ཏཾ བནྡྷནཱ མུཉྩ པཏཱི མམེསོ.

སོལ༹སིཏྠིསཧསྶཱནི, ཨཱམུཏྟམཎིཀུཎྜལཱ;

ཝཱརིགེཧསཡཱ ནཱརཱི [ནཱརིཡོ (པཱི.)], ཏཱཔི ཏཾ སརཎཾ གཏཱ.

དྷམྨེན ¶ མོཙེཧི ཨསཱཧསེན, གཱམེན ནིཀྑེན གཝཾ སཏེན;

ཨོསྶཊྛཀཱཡོ ཨུརགོ ཙརཱཏུ, པུཉྙཏྠིཀོ མུཉྩཏུ བནྡྷནསྨཱ.

དྷམྨེན ¶ མོཙེམི ཨསཱཧསེན, གཱམེན ནིཀྑེན གཝཾ སཏེན;

ཨོསྶཊྛཀཱཡོ ཨུརགོ ཙརཱཏུ, པུཉྙཏྠིཀོ མུཉྩཏུ བནྡྷནསྨཱ.

དམྨི ནིཀྑསཏཾ ལུདྡ, ཐཱུལཉྩ མཎིཀུཎྜལཾ;

ཙཏུསྶདཉྩ པལླངྐཾ, ཨུམཱཔུཔྥསརིནྣིབྷཾ.

དྭེ ཙ སཱདིསིཡོ བྷརིཡཱ, ཨུསབྷཉྩ གཝཾ སཏཾ;

ཨོསྶཊྛཀཱཡོ ཨུརགོ ཙརཱཏུ, པུཉྙཏྠིཀོ མུཉྩཏུ བནྡྷནསྨཱ.

ཝིནཱཔི དཱནཱ ཏཝ ཝཙནཾ ཛནིནྡ, མུཉྩེམུ ནཾ ཨུརགཾ བནྡྷནསྨཱ;

ཨོསྶཊྛཀཱཡོ ཨུརགོ ཙརཱཏུ, པུཉྙཏྠིཀོ མུཉྩཏུ བནྡྷནསྨཱ.

མུཏྟོ ཙམྤེཡྻཀོ ནཱགོ, རཱཛཱནཾ ཨེཏདབྲཝི;

ནམོ ཏེ ཀཱསིརཱཛཏྠུ, ནམོ ཏེ ཀཱསིཝཌྜྷན;

ཨཉྫལིཾ ཏེ པགྒཎྷཱམི, པསྶེཡྻཾ མེ ནིཝེསནཾ.

ཨདྡྷཱ ¶ ¶ ཧི དུབྦིསྶསམེཏམཱཧུ, ཡཾ མཱནུསོ ཝིསྶསེ ཨམཱནུསམྷི;

སཙེ ཙ མཾ ཡཱཙསི ཨེཏམཏྠཾ, དཀྑེམུ ཏེ ནཱག ནིཝེསནཱནི.

སཙེཔི [སཙེ ཧི (སཱི. པཱི. ཨཊྛ.)] ཝཱཏོ གིརིམཱཝཧེཡྻ, ཙནྡོ ཙ སུརིཡོ ཙ ཚམཱ པཏེཡྻུཾ;

སབྦཱ ཙ ནཛྫོ པཊིསོཏཾ ཝཛེཡྻུཾ, ན ཏྭེཝཧཾ རཱཛ མུསཱ བྷཎེཡྻཾ.

ནབྷཾ ཕལེཡྻ ཨུདདྷཱིཔི སུསྶེ, སཾཝཊྚཡེ [སཾཝཊྚེཡཾ (སཱི. པཱི.), སཾཝཊྚེཡྻ (སྱཱ. ཀ.)] བྷཱུཏདྷརཱ ཝསུནྡྷརཱ;

སིལུཙྩཡོ མེརུ སམཱུལམུཔྤཏེ [མུབྦཧེ (སཱི. སྱཱ. པཱི. ཀ. ཨཊྛ.), མུཊྛཧེ (ཀ.)], ན ཏྭེཝཧཾ རཱཛ མུསཱ བྷཎེཡྻཾ.

ཨདྡྷཱ ཧི དུབྦིསྶསམེཏམཱཧུ, ཡཾ མཱནུསོ ཝིསྶསེ ཨམཱནུསམྷི;

སཙེ ཙ མཾ ཡཱཙསི ཨེཏམཏྠཾ, དཀྑེམུ ཏེ ནཱག ནིཝེསནཱནི.

ཏུམྷེ ཁོཏྠ གྷོརཝིསཱ ཨུལཱ༹རཱ, མཧཱཏེཛཱ ཁིཔྤཀོཔཱི ཙ ཧོཐ;

མཾཀཱརཎཱ [མམ ཀཱརཎཱ (སཱི. སྱཱ. པཱི.)] བནྡྷནསྨཱ པམུཏྟོ, ཨརཧསི ནོ ཛཱནིཏུཡེ [ཛཱནིཏཱཡེ (སཱི.), ཛཱནིཏཝེ (སྱཱ.), ཛཱནིཏཡེ (པཱི.)] ཀཏཱནི.

སོ ¶ པཙྩཏཾ ནིརཡེ གྷོརརཱུཔེ, མཱ ཀཱཡིཀཾ སཱཏམལཏྠ ཀིཉྩི;

པེལཱ༹ཡ བདྡྷོ མརཎཾ ཨུཔེཏུ, ཡོ ཏཱདིསཾ ཀམྨཀཏཾ ན ཛཱནེ.

སཙྩཔྤཊིཉྙཱ ¶ ཏཝམེས ཧོཏུ, ཨཀྐོདྷནོ ཧོཧི ཨནུཔནཱཧཱི;

སབྦཉྩ ཏེ ནཱགཀུལཾ སུཔཎྞཱ, ཨགྒིཾཝ གིམྷེསུ [གིམྷཱསུ (སཱི. སྱཱ. པཱི.)] ཝིཝཛྫཡནྟུ.

ཨནུཀམྤསཱི ནཱགཀུལཾ ཛནིནྡ, མཱཏཱ ཡཐཱ སུཔྤིཡཾ ཨེཀཔུཏྟཾ;

ཨཧཉྩ ཏེ ནཱགཀུལེན སདྡྷིཾ, ཀཱཧཱམི ཝེཡྻཱཝཊིཀཾ ཨུལཱ༹རཾ.

ཡོཛེནྟུ ཝེ རཱཛརཐེ སུཙིཏྟེ, ཀམྦོཛཀེ ཨསྶཏརེ སུདནྟེ;

ནཱགེ ཙ ཡོཛེནྟུ སུཝཎྞཀཔྤནེ, དཀྑེམུ ནཱགསྶ ནིཝེསནཱནི.

བྷེརཱི ¶ མུདིངྒཱ [མུཏིངྒཱ (སཱི. པཱི.)] པཎཝཱ ཙ སངྑཱ, ཨཝཛྫཡིཾསུ ཨུགྒསེནསྶ རཉྙོ;

པཱཡཱསི རཱཛཱ བཧུསོབྷམཱནོ, པུརཀྑཏོ ནཱརིགཎསྶ མཛ྄ཛྷེ.

སུཝཎྞཙིཏཀཾ ¶ བྷཱུམིཾ, ཨདྡཀྑི ཀཱསིཝཌྜྷནོ;

སོཝཎྞམཡཔཱསཱདེ, ཝེལུ༹རིཡཕལཀཏྠཏེ.

ས རཱཛཱ པཱཝིསི བྱམྷཾ, ཙམྤེཡྻསྶ ནིཝེསནཾ;

ཨཱདིཙྩཝཎྞསནྣིབྷཾ, ཀཾསཝིཛྫུ པབྷསྶརཾ.

ནཱནཱརུཀྑེཧི སཉྪནྣཾ, ནཱནཱགནྡྷསམཱིརིཏཾ;

སོ པཱཝེཀྑི ཀཱསིརཱཛཱ, ཙམྤེཡྻསྶ ནིཝེསནཾ.

པཝིཊྛསྨིཾ ཀཱསིརཉྙེ, ཙམྤེཡྻསྶ ནིཝེསནཾ;

དིབྦཱ ཏཱུརིཡཱ པཝཛྫིཾསུ, ནཱགཀཉྙཱ ཙ ནཙྩིསུཾ [ནཙྩཡུཾ (སཱི. པཱི. ཀ.)].

ཏཾ ནཱགཀཉྙཱ ཙརིཏཾ གཎེན, ཨནྭཱརུཧཱི ཀཱསིརཱཛཱ པསནྣོ;

ནིསཱིདི སོཝཎྞམཡམྷི པཱིཋེ, སཱཔསྶཡེ [སོཔསྶཡེ (ཀ.)] ཙནྡནསཱརལིཏྟེ.

སོ ¶ ཏཏྠ བྷུཏྭཱ ཙ ཨཐོ རམིཏྭཱ, ཙམྤེཡྻཀཾ ཀཱསིརཱཛཱ ཨཝོཙ;

ཝིམཱནསེཊྛཱནི ཨིམཱནི ཏུཡ྄ཧཾ, ཨཱདིཙྩཝཎྞཱནི པབྷསྶརཱནི;

ནེཏཱདིསཾ ཨཏྠི མནུསྶལོཀེ, ཀིཾ པཏྠཡཾ [ཀིམཏྠིཡཾ (སཱི. སྱཱ. པཱི.)] ནཱག ཏཔོ ཀརོསི.

ཏཱ ཀམྦུཀཱཡཱུརདྷརཱ སུཝཏྠཱ, ཝཊྚངྒུལཱི ཏམྦཏལཱུཔཔནྣཱ;

པགྒཡ྄ཧ ¶ པཱཡེནྟི ཨནོམཝཎྞཱ, ནེཏཱདིསཾ ཨཏྠི མནུསྶལོཀེ;

ནཛྫོ ཙ ཏེམཱ པུཐུལོམམཙྪཱ, ཨཱཊཱ [ཨཱདཱ (སྱཱ.), ཨདཱ (པཱི.)] སཀུནྟཱབྷིརུདཱ སུཏིཏྠཱ;

ནེཏཱདིསཾ ཨཏྠི མནུསྶལོཀེ, ཀིཾ པཏྠཡཾ ནཱག ཏཔོ ཀརོསི.

ཀོཉྩཱ མཡཱུརཱ དིཝིཡཱ ཙ ཧཾསཱ, ཝགྒུསྶརཱ ཀོཀིལཱ སམྤཏནྟི;

ནེཏཱདིསཾ ཨཏྠི མནུསྶལོཀེ, ཀིཾ པཏྠཡཾ ནཱག ཏཔོ ཀརོསི.

ཨམྦཱ ཙ སཱལཱ ཏིལཀཱ ཙ ཛམྦུཡོ, ཨུདྡཱལཀཱ པཱཊལིཡོ ཙ ཕུལླཱ;

ནེཏཱདིསཾ ཨཏྠི མནུསྶལོཀེ, ཀིཾ པཏྠཡཾ ནཱག ཏཔོ ཀརོསི.

ཨིམཱ ཙ ཏེ པོཀྑརཉྙོ སམནྟཏོ, དིབྦཱ [དིབྱཱ (སྱཱ.), དིཝིཡཱ (པཱི.)] ཙ གནྡྷཱ སཏཏཾ པཝཱཡནྟི;

ནེཏཱདིསཾ ཨཏྠི མནུསྶལོཀེ, ཀིཾ པཏྠཡཾ ནཱག ཏཔོ ཀརོསི.

ན ¶ པུཏྟཧེཏུ ན དྷནསྶ ཧེཏུ, ན ¶ ཨཱཡུནོ ཙཱཔི [ཝཱཔི (སཱི. པཱི.)] ཛནིནྡ ཧེཏུ;

མནུསྶཡོནིཾ ཨབྷིཔཏྠཡཱནོ, ཏསྨཱ པརཀྐམྨ ཏཔོ ཀརོམི.

ཏྭཾ ¶ ལོཧིཏཀྑོ ཝིཧཏནྟརཾསོ, ཨལངྐཏོ ཀཔྤིཏཀེསམསྶུ;

སུརོསིཏོ ལོཧིཏཙནྡནེན, གནྡྷབྦརཱཛཱཝ དིསཱ པབྷཱསསི.

དེཝིདྡྷིཔཏྟོསི མཧཱནུབྷཱཝོ, སབྦེཧི ཀཱམེཧི སམངྒིབྷཱུཏོ;

པུཙྪཱམི ཏཾ ནཱགརཱཛེཏམཏྠཾ, སེཡྻོ ཨིཏོ ཀེན མནུསྶལོཀོ.

ཛནིནྡ ནཱཉྙཏྲ མནུསྶལོཀཱ, སུདྡྷཱི ཝ སཾཝིཛྫཏི སཾཡམོ ཝཱ;

ཨཧཉྩ ལདྡྷཱན མནུསྶཡོནིཾ, ཀཱཧཱམི ཛཱཏིམརཎསྶ ཨནྟཾ.

ཨདྡྷཱ ཧཝེ སེཝིཏབྦཱ སཔཉྙཱ, བཧུསྶུཏཱ ཡེ བཧུཋཱནཙིནྟིནོ;

ནཱརིཡོ ཙ དིསྭཱན ཏུཝཉྩ ནཱག, ཀཱཧཱམི པུཉྙཱནི ཨནཔྤཀཱནི.

ཨདྡྷཱ ཧཝེ སེཝིཏབྦཱ སཔཉྙཱ, བཧུསྶུཏཱ ¶ ཡེ བཧུཋཱནཙིནྟིནོ;

ནཱརིཡོ ཙ དིསྭཱན མམཉྩ རཱཛ, ཀརོཧི པུཉྙཱནི ཨནཔྤཀཱནི.

ཨིདཉྩ མེ ཛཱཏརཱུཔཾ པཧཱུཏཾ, རཱསཱི སུཝཎྞསྶ ཙ ཏཱལམཏྟཱ;

[ཨིཏོ ཧརིཏྭཱ སོཝཎྞགྷརཱནི ཀཱརཡ, རཱུཔིཡསྶ ཙ པཱཀཱརཾ ཀརོནྟུ (སཱི. སྱཱ.) ཨིཏོ ཧརིཏྭཱ སོཝཎྞགྷརཱནི, [ཀཱརཡ] རཱུཔིཡསྶ ཙ པཱཀཱརཾ ཀརོནྟུ (པཱི.)] ཨིཏོ ཧརིཏྭཱན སུཝཎྞགྷརཱནི, ཀརསྶུ རཱུཔིཡཔཱཀཱརཾ ཀརོནྟུ [ཨིཏོ ཧརིཏྭཱ སོཝཎྞགྷརཱནི ཀཱརཡ, རཱུཔིཡསྶ ཙ པཱཀཱརཾ ཀརོནྟུ (སཱི. སྱཱ.) ཨིཏོ ཧརིཏྭཱ སོཝཎྞགྷརཱནི, [ཀཱརཡ] རཱུཔིཡསྶ ཙ པཱཀཱརཾ ཀརོནྟུ (པཱི.)].

མུཏྟཱ ¶ ཙ [མུཏྟཱནཉྩ (སཱི. སྱཱ.)] ཝཱཧསཧསྶཱནི པཉྩ, ཝེལུ༹རིཡམིསྶཱནི ཨིཏོ ཧརིཏྭཱ;

ཨནྟེཔུརེ བྷཱུམིཡཾ སནྠརནྟུ, ནིཀྐདྡམཱ ཧེཧིཏི ནཱིརཛཱ ཙ.

ཨེཏཱདིསཾ ཨཱཝས རཱཛསེཊྛ, ཝིམཱནསེཊྛཾ བཧུ སོབྷམཱནཾ;

བཱརཱཎསིཾ ནགརཾ ཨིདྡྷཾ ཕཱིཏཾ, རཛྫཉྩ ཀཱརེཧི ཨནོམཔཉྙཱཏི.

བྲཧྨལོཀཱ ཙཝིཏྭཱན, དེཝཔུཏྟོ མཧིདྡྷིཀོ;

རཉྙོ པུཏྟོ ཨུདཔཱདི, སབྦཀཱམསམིདྡྷིསུ.

ཀཱམཱ ¶ ཝཱ ཀཱམསཉྙཱ ཝཱ, བྲཧྨལོཀེ ན ཝིཛྫཏི;

སྭཱསྶུ [ཡྭཱསྶ (སཱི.)] ཏཱཡེཝ སཉྙཱཡ, ཀཱམེཧི ཝིཛིགུཙྪཐ.

ཏསྶ ཙནྟེཔུརེ ཨཱསི, ཛྷཱནཱགཱརཾ སུམཱཔིཏཾ;

སོ ཏཏྠ པཊིསལླཱིནོ [པཊིསལླཱནོ (ཀ.)], ཨེཀོ རཧསི ཛྷཱཡཐ.

ས རཱཛཱ པརིདེཝེསི, པུཏྟསོཀེན ཨཊྚིཏོ;

ཨེཀཔུཏྟོ ཙཡཾ མཡ྄ཧཾ, ན ཙ ཀཱམཱནི བྷུཉྫཏི.

ཀོ ནུ ཁྭེཏྠ [ཁེཏྠ (སཱི. པཱི.)] ཨུཔཱཡོ སོ, ཀོ ཝཱ ཛཱནཱཏི ཀིཉྩནཾ;

ཡོ [ཀོ (སཱི. པཱི.)] མེ པུཏྟཾ པལོབྷེཡྻ, ཡཐཱ ཀཱམཱནི པཏྠཡེ.

ཨཧུ ¶ ཀུམཱརཱི ཏཏྠེཝ, ཝཎྞརཱུཔསམཱཧིཏཱ;

ཀུསལཱ ནཙྩགཱིཏསྶ, ཝཱདིཏེ ཙ པདཀྑིཎཱ.

སཱ ཏཏྠ ཨུཔསངྐམྨ, རཱཛཱནཾ ཨེཏདབྲཝི;

ཨཧཾ ཁོ ནཾ པལོབྷེཡྻཾ, སཙེ བྷཏྟཱ བྷཝིསྶཏི.

ཏཾ ཏཐཱཝཱདིནིཾ རཱཛཱ, ཀུམཱརིཾ ཨེཏདབྲཝི;

ཏྭཉྙེཝ ནཾ པལོབྷེཧི, ཏཝ བྷཏྟཱ བྷཝིསྶཏི.

སཱ ¶ ཙ ཨནྟེཔུརཾ གནྟྭཱ, བཧུཾ ཀཱམུཔསཾཧིཏཾ;

ཧདཡངྒམཱ པེམནཱིཡཱ, ཙིཏྲཱ གཱཐཱ ཨབྷཱསཐ.

ཏསྶཱ ཙ གཱཡམཱནཱཡ, སདྡཾ སུཏྭཱན ནཱརིཡཱ;

ཀཱམཙྪནྡསྶ ཨུཔྤཛྫི, ཛནཾ སོ པརིཔུཙྪཐ.

ཀསྶེསོ སདྡོ ཀོ ཝཱ སོ, བྷཎཏི ཨུཙྩཱཝཙཾ བཧུཾ;

ཧདཡངྒམཾ པེམནཱིཡཾ, ཨཧོ [ཨཐོ (སཱི. པཱི.)] ཀཎྞསུཁཾ མམ.

ཨེསཱ ¶ ཁོ པམདཱ དེཝ, ཁིཌྜཱ ཨེསཱ ཨནཔྤིཀཱ [ཨནཔྤཀཱ (ཀ.)];

སཙེ ཏྭཾ ཀཱམེ བྷུཉྫེཡྻ, བྷིཡྻོ བྷིཡྻོ ཚཱདེཡྻུ ཏཾ.

ཨིངྒྷ ཨཱགཙྪཏོརེན [ཨཱགཙྪཏོརེནཾ (ཀ.) ཨཱགཙྪཏུ + ཨོརེན], ཨཝིདཱུརམྷི གཱཡཏུ;

ཨསྶམསྶ སམཱིཔམྷི, སནྟིཀེ མཡ྄ཧཾ གཱཡཏུ.

ཏིརོཀུཊྚམྷི གཱཡིཏྭཱ, ཛྷཱནཱགཱརམྷི པཱཝིསི;

བནྡྷི ནཾ [བྷནྡྷིཏུཾ (སྱཱ. ཀ.)] ཨནུཔུབྦེན, ཨཱརཉྙམིཝ ཀུཉྫརཾ.

ཏསྶ [ཏསྶཱ (སྱཱ.)] ཀཱམརསཾ ཉཏྭཱ, ཨིསྶཱདྷམྨོ ཨཛཱཡཐ;

‘‘ཨཧམེཝ ཀཱམེ བྷུཉྫེཡྻཾ, མཱ ཨཉྙོ པུརིསོ ཨཧུ’’.

ཏཏོ ཨསིཾ གཧེཏྭཱན, པུརིསེ ཧནྟུཾ ཨུཔཀྐམི;

ཨཧམེཝེཀོ བྷུཉྫིསྶཾ, མཱ ཨཉྙོ པུརིསོ སིཡཱ.

ཏཏོ ཛཱནཔདཱ སབྦེ, ཝིཀྐནྡིཾསུ སམཱགཏཱ;

པུཏྟོ ཏྱཱཡཾ མཧཱརཱཛ, ཛནཾ ཧེཋེཏྱདཱུསཀཾ.

ཏཉྩ རཱཛཱ ཝིཝཱཧེསི [ནིཝཱཧེསི (སྱཱ.), ཝིཧཱཧེསི (པཱི.)], སམྷཱ རཊྛཱ ཙ [རཊྛཱཏོ (སཱི. པཱི.), རཊྛཏོ (ཀ.)] ཁཏྟིཡོ;

ཡཱཝཏཱ ཝིཛིཏཾ མཡ྄ཧཾ, ན ཏེ ཝཏྠབྦ [ཝཏྟབྦ (སཱི. པཱི.)] ཏཱཝདེ.

ཏཏོ སོ བྷརིཡམཱདཱཡ, སམུདྡཾ ཨུཔསངྐམི;

པཎྞསཱལཾ ཀརིཏྭཱན, ཝནམུཉྪཱཡ པཱཝིསི.

ཨཐེཏྠ ¶ ཨིསི མཱགཙྪི, སམུདྡཾ ཨུཔརཱུཔརི;

སོ ཏསྶ གེཧཾ པཱཝེཀྑི, བྷཏྟཀཱལེ ཨུཔཊྛིཏེ.

ཏཉྩ ¶ བྷརིཡཱ པལོབྷེསི, པསྶ ཡཱཝ སུདཱརུཎཾ;

ཙུཏོ སོ བྲཧྨཙརིཡམྷཱ, ཨིདྡྷིཡཱ པརིཧཱཡཐ.

རཱཛཔུཏྟོ ¶ ཙ ཨུཉྪཱཏོ, ཝནམཱུལཕལཾ བཧུཾ;

སཱཡཾ ཀཱཛེན [ཀཱཙེན (པཱི.)] ཨཱདཱཡ, ཨསྶམཾ ཨུཔསངྐམི.

ཨིསཱི ཙ ཁཏྟིཡཾ དིསྭཱ, སམུདྡཾ ཨུཔསངྐམི;

‘‘ཝེཧཱཡསཾ གམིསྶ’’ནྟི, སཱིདཏེ སོ མཧཎྞཝེ.

ཁཏྟིཡོ ཙ ཨིསིཾ དིསྭཱ, སཱིདམཱནཾ མཧཎྞཝེ;

ཏསྶེཝ ཨནུཀམྤཱཡ, ཨིམཱ གཱཐཱ ཨབྷཱསཐ.

ཨབྷིཛྫམཱནེ ཝཱརིསྨིཾ, སཡཾ ཨཱགམྨ ཨིདྡྷིཡཱ;

མིསྶཱིབྷཱཝིཏྠིཡཱ གནྟྭཱ, སཾསཱིདསི མཧཎྞཝེ.

ཨཱཝཊྚནཱི མཧཱམཱཡཱ, བྲཧྨཙརིཡཝིཀོཔནཱ;

སཱིདནྟི ནཾ ཝིདིཏྭཱན, ཨཱརཀཱ པརིཝཛྫཡེ.

ཨནལཱ མུདུསམྦྷཱསཱ, དུཔྤཱུརཱ ཏཱ ནདཱིསམཱ;

སཱིདནྟི ནཾ ཝིདིཏྭཱན, ཨཱརཀཱ པརིཝཛྫཡེ.

ཡཾ ཨེཏཱ ཨུཔསེཝནྟི, ཚནྡསཱ ཝཱ དྷནེན ཝཱ;

ཛཱཏཝེདོཝ སཾ ཋཱནཾ, ཁིཔྤཾ ཨནུདཧནྟི ནཾ.

ཁཏྟིཡསྶ ཝཙོ སུཏྭཱ, ཨིསིསྶ ནིབྦིདཱ ཨཧུ;

ལདྡྷཱ པོརཱཎཀཾ མགྒཾ, གཙྪཏེ སོ ཝིཧཱཡསཾ.

ཁཏྟིཡོ ཙ ཨིསིཾ དིསྭཱ, གཙྪམཱནཾ ཝིཧཱཡསཾ;

སཾཝེགཾ ཨལབྷཱི དྷཱིརོ, པབྦཛྫཾ སམརོཙཡི.

ཏཏོ སོ པབྦཛིཏྭཱན, ཀཱམརཱགཾ ཝིརཱཛཡི;

ཀཱམརཱགཾ ¶ ཝིརཱཛེཏྭཱ, བྲཧྨལོཀཱུཔགོ ཨཧཱུཏི.

པཉྩ ¶ པཎྜིཏཱ སམཱགཏཱཏྠ, པཉྷཱ མེ པཊིབྷཱཏི ཏཾ སུཎཱཐ;

ནིནྡིཡམཏྠཾ པསཾསིཡཾ ཝཱ, ཀསྶེཝཱཝིཀརེཡྻ [ཀསྶ ཝཱཝཱིཀརེཡྻ (ཀ.)] གུཡ྄ཧམཏྠཾ.

ཏྭཾ ¶ ཨཱཝིཀརོཧི བྷཱུམིཔཱལ, བྷཏྟཱ བྷཱརསཧོ ཏུཝཾ ཝདེ ཏཾ;

ཏཝ ཚནྡརུཙཱིནི [ཚནྡཉྩ རུཙིཉྩ (སཱི. པཱི.)] སམྨསིཏྭཱ, ཨཐ ཝཀྑནྟི ཛནིནྡ པཉྩ དྷཱིརཱ.

ཡཱ སཱིལཝཏཱི ཨནཉྙཐེཡྻཱ [ཨནཉྙདྷེཡྻཱ (སཱི. པཱི.)], བྷཏྟུཙྪནྡཝསཱནུགཱ (པིཡཱ) [( ) ནཏྠི སཱི. པཱི. པོཏྠཀེསུ] མནཱཔཱ;

ནིནྡིཡམཏྠཾ པསཾསིཡཾ ཝཱ, བྷརིཡཱཡཱཝིཀརེཡྻ [བྷརིཡཱཡ ཝཱཝཱིཀརེཡྻ (ཀ.)] གུཡ྄ཧམཏྠཾ.

ཡོ ཀིཙྪགཏསྶ ཨཱཏུརསྶ, སརཎཾ ཧོཏི གཏཱི པརཱཡནཉྩ;

ནིནྡིཡམཏྠཾ པསཾསིཡཾ ཝཱ, སཁིནོ ཝཱཝིཀརེཡྻ གུཡ྄ཧམཏྠཾ.

ཛེཊྛོ ¶ [ཡོ ཛེཊྛོ (སྱཱ.)] ཨཐ མཛ྄ཛྷིམོ ཀནིཊྛོ, ཡོ [སོ (སཱི. སྱཱ. པཱི.)] ཙེ སཱིལསམཱཧིཏོ ཋིཏཏྟོ;

ནིནྡིཡམཏྠཾ པསཾསིཡཾ ཝཱ, བྷཱཏུ ཝཱཝཱིཀརེཡྻ གུཡ྄ཧམཏྠཾ.

ཡོ ཝེ པིཏུཧདཡསྶ པདྡྷགཱུ [པཏྠགཱུ (སྱཱ.), པཏྟགཱུ (ཀ.)], ཨནུཛཱཏོ པིཏརཾ ཨནོམཔཉྙོ;

ནིནྡིཡམཏྠཾ པསཾསིཡཾ ཝཱ, པུཏྟསྶཱཝིཀརེཡྻ [པུཏྟསྶ ཝཱཝཱིཀརེཡྻ (ཀ.)] གུཡ྄ཧམཏྠཾ.

མཱཏཱ ¶ དྭིཔདཱཛནིནྡསེཊྛ, ཡཱ ནཾ [ཡོ ཏཾ (སཱི. པཱི.)] པོསེཏི ཚནྡསཱ པིཡེན;

ནིནྡིཡམཏྠཾ པསཾསིཡཾ ཝཱ, མཱཏུཡཱཝཱིཀརེཡྻ [མཱཏུཡཱ ཝཱཝཱིཀརེཡྻ (ཀ.)] གུཡ྄ཧམཏྠཾ.

གུཡ྄ཧསྶ ཧི གུཡ྄ཧམེཝ སཱདྷུ, ན ཧི གུཡ྄ཧསྶ པསཏྠམཱཝིཀམྨཾ;

ཨནིཔྥནྣཏཱ [ཨནིཔྥཱདཱཡ (སཱི. པཱི.), ཨནིཔྥནྣཏཱཡ (སྱཱ.), ཨཱ ནིཔྥཱདཱ (?)] སཧེཡྻ དྷཱིརོ, ནིཔྥནྣོཝ [ནིཔྥནྣཏྠོ (སཱི. པཱི.), ནིཔྥནྣཏྠོཝ (སྱཱ.)] ཡཐཱསུཁཾ བྷཎེཡྻ.

ཀིཾ ཏྭཾ ཝིམནོསི རཱཛསེཊྛ, དྭིཔདཛནིནྡ [དིཔདིནྡ (སཱི. སྱཱ. པཱི.)] ཝཙནཾ སུཎོམ མེཏཾ [ནེཏཾ (སཱི. པཱི.), ཏེཏཾ (སྱཱ.)];

ཀིཾ ཙིནྟཡམཱནོ དུམྨནོསི, ནཱུན དེཝ ཨཔརཱདྷོ ཨཏྠི མཡ྄ཧཾ.

‘‘པཎྷེ ¶ [པཉྙོ (སཱི. པཱི.), པཉྷེ (སྱཱ.), པནྷེ (ཀ.)] ཝཛ྄ཛྷོ མཧོསདྷོ’’ཏི, ཨཱཎཏྟོ མེ ཝདྷཱཡ བྷཱུརིཔཉྙོ;

ཏཾ ཙིནྟཡམཱནོ དུམྨནོསྨི, ན ཧི དེཝཱི ཨཔརཱདྷོ ཨཏྠི ཏུཡ྄ཧཾ.

ཨབྷིདོསགཏོ དཱནི ཨེཧིསི, ཀིཾ སུཏྭཱ ཀིཾ སངྐཏེ མནོ ཏེ;

ཀོ ཏེ ཀིམཝོཙ བྷཱུརིཔཉྙ, ཨིངྒྷ ཝཙནཾ སུཎོམ བྲཱུཧི མེཏཾ.

‘‘པཎྷེ ཝཛ྄ཛྷོ མཧོསདྷོ’’ཏི, ཡདི ཏེ མནྟཡིཏཾ ཛནིནྡ དོསཾ;

བྷརིཡཱཡ རཧོགཏོ ཨསཾསི, གུཡ྄ཧཾ པཱཏུཀཏཾ སུཏཾ མམེཏཾ.

ཡཾ ¶ སཱལཝནསྨིཾ སེནཀོ, པཱཔཀམྨཾ ཨཀཱསི ཨསབྦྷིརཱུཔཾ;

སཁིནོཝ རཧོགཏོ ཨསཾསི, གུཡ྄ཧཾ པཱཏུཀཏཾ སུཏཾ མམེཏཾ.

པུཀྐུས [པཀྐུས (ཀ.) ཛཱ. ༡.༧.༤༡ པཎྞཛཱཏཀེ པསྶིཏབྦཾ] པུརིསསྶ ཏེ ཛནིནྡ, ཨུཔྤནྣོ རོགོ ཨརཱཛཡུཏྟོ;

བྷཱཏུཉྩ [བྷཱཏུཙྩ (སཱི. པཱི.), བྷཱཏུཝ (སྱཱ.)] རཧོགཏོ ཨསཾསི, གུཡ྄ཧཾ པཱཏུཀཏཾ སུཏཾ མམེཏཾ.

ཨཱབཱདྷོཡཾ ¶ ཨསབྦྷིརཱུཔོ, ཀཱམིནྡོ [ཀཱཝིནྡོ (སཱི. པཱི.)] ནརདེཝེན ཕུཊྛོ;

པུཏྟསྶ རཧོགཏོ ཨསཾསི, གུཡ྄ཧཾ པཱཏུཀཏཾ སུཏཾ མམེཏཾ.

ཨཊྛཝངྐཾ ¶ མཎིརཏནཾ ཨུལཱ༹རཾ, སཀྐོ ཏེ ཨདདཱ པིཏཱམཧསྶ;

དེཝིནྡསྶ གཏཾ ཏདཛྫ ཧཏྠཾ [དེཝིནྡསྶ ཏདཛྫ ཧཏྠགཏཾ (ཀ.)], མཱཏུཉྩ རཧོགཏོ ཨསཾསི;

གུཡ྄ཧསྶ ཧི གུཡ྄ཧམེཝ སཱདྷུ, ན ཧི གུཡ྄ཧསྶ པསཏྠམཱཝིཀམྨཾ;

ཨནིཔྥནྣཏཱ སཧེཡྻ དྷཱིརོ, ནིཔྥནྣོཝ ཡཐཱསུཁཾ བྷཎེཡྻ.

ན གུཡ྄ཧམཏྠཾ ཝིཝརེཡྻ, རཀྑེཡྻ ནཾ ཡཐཱ ནིདྷིཾ;

ན ཧི པཱཏུཀཏོ སཱདྷུ, གུཡ྄ཧོ ཨཏྠོ པཛཱནཏཱ.

ཐིཡཱ གུཡ྄ཧཾ ན སཾསེཡྻ, ཨམིཏྟསྶ ཙ པཎྜིཏོ;

ཡོ ཙཱམིསེན སཾཧཱིརོ, ཧདཡཏྠེནོ ཙ ཡོ ནརོ.

གུཡ྄ཧམཏྠཾ ཨསམྦུདྡྷཾ, སམྦོདྷཡཏི ཡོ ནརོ;

མནྟབྷེདབྷཡཱ ཏསྶ, དཱསབྷཱུཏོ ཏིཏིཀྑཏི.

ཡཱཝནྟོ ¶ པུརིསསྶཏྠཾ, གུཡ྄ཧཾ ཛཱནནྟི མནྟིནཾ;

ཏཱཝནྟོ ¶ ཏསྶ ཨུབྦེགཱ, ཏསྨཱ གུཡ྄ཧཾ ན ཝིསྶཛེ.

ཝིཝིཙྩ བྷཱསེཡྻ དིཝཱ རཧསྶཾ, རཏྟིཾ གིརཾ ནཱཏིཝེལཾ པམུཉྩེ;

ཨུཔསྶུཏིཀཱ ཧི སུཎནྟི མནྟཾ, ཏསྨཱ མནྟོ ཁིཔྤམུཔེཏི བྷེདནྟི.

ཙིརསྶཾ ཝཏ པསྶཱམ, བྲཱཧྨཎཾ དེཝཝཎྞིནཾ;

མཧཱཛཊཾ ཁཱརིདྷརཾ [བྷཱརདྷརཾ (པཱི.)], པངྐདནྟཾ རཛསྶིརཾ.

ཙིརསྶཾ ཝཏ པསྶཱམ, ཨིསིཾ དྷམྨགུཎེ རཏཾ;

ཀཱསཱཡཝཏྠཝསནཾ, ཝཱཀཙཱིརཾ པཊིཙྪདཾ.

ཨཱསནཾ ཨུདཀཾ པཛྫཾ, པཊིགཎྷཱཏུ ནོ བྷཝཾ;

ཨགྒྷེ བྷཝནྟཾ པུཙྪཱམ, ཨགྒྷཾ ཀུརུཏུ ནོ བྷཝཾ.

ཨདྷིཙྩ ཝེདེ པརིཡེས ཝིཏྟཾ, པུཏྟེ གཧེ [གེཧེ (སཱི. སྱཱ. པཱི.)] ཏཱཏ པཏིཊྛཔེཏྭཱ;

གནྡྷེ རསེ པཙྩནུབྷུཡྻ [པཙྩནུབྷོཏྭ (སྱཱ.), པཙྩནུབྷུཏྭ (པཱི.)] སབྦཾ, ཨརཉྙཾ སཱདྷུ མུནི སོ པསཏྠོ.

ཝེདཱ ན སཙྩཱ ན ཙ ཝིཏྟལཱབྷོ, ན པུཏྟལཱབྷེན ཛརཾ ཝིཧནྟི;

གནྡྷེ ¶ རསེ མུཙྩན [མུཉྩན (སཱི. ཀ.)] མཱཧུ སནྟོ, སཀམྨུནཱ [སཀམྨནཱ (སཱི. པཱི.)] ཧོཏི ཕལཱུཔཔཏྟི.

ཨདྡྷཱ ཧི སཙྩཾ ཝཙནཾ ཏཝེཏཾ, སཀམྨུནཱ ཧོཏི ཕལཱུཔཔཏྟི;

ཛིཎྞཱ ཙ མཱཏཱཔིཏརོ ཏཝཱིམེ [ཏཝེམེ (སཱི.), ཏཝ ཡིམེ (སྱཱ. པཱི.)], པསྶེཡྻུཾ ཏཾ ཝསྶསཏཾ ཨརོགཾ [ཨརོགྱཾ (སྱཱ. ཀ.)].

ཡསྶསྶ ¶ ¶ སཀྑཱི མརཎེན རཱཛ, ཛརཱཡ མེཏྟཱི ནརཝཱིརསེཊྛ;

ཡོ ཙཱཔི ཛཉྙཱ ན མརིསྶཾ ཀདཱཙི, པསྶེཡྻུཾ ཏཾ ཝསྶསཏཾ ཨརོགཾ.

ཡཐཱཔི ནཱཝཾ པུརིསོ དཀམྷི, ཨེརེཏི ཙེ ནཾ ཨུཔནེཏི ཏཱིརཾ;

ཨེཝམྤི བྱཱདྷཱི སཏཏཾ ཛརཱ ཙ, ཨུཔནེཏི མཙྩཾ [མཙྩུ (སྱཱ. པཱི.)] ཝསམནྟཀསྶ.

པངྐོ ཙ ཀཱམཱ པལིཔོ ཙ ཀཱམཱ, མནོཧརཱ དུཏྟརཱ མཙྩུདྷེཡྻཱ;

ཨེཏསྨིཾ པངྐེ པལིཔེ བྱསནྣཱ [ཝིསནྣཱ (སྱཱ. ཀ.)], ཧཱིནཏྟརཱུཔཱ ན ཏརནྟི པཱརཾ.

ཨཡཾ པུརེ ལུདྡམཀཱསི ཀམྨཾ, སྭཱཡཾ གཧཱིཏོ ན ཧི མོཀྑིཏོ མེ;

ཨོརུནྡྷིཡཱ ¶ ནཾ པརིརཀྑིསྶཱམི, མཱཡཾ པུན ལུདྡམཀཱསི ཀམྨཾ.

གཝཾཝ [གཱཝཾཝ (སཱི.)] ནཊྛཾ པུརིསོ ཡཐཱ ཝནེ, ཨནྭེསཏཱི [པརིཡེསཏཱི (སཱི. པཱི.)] རཱཛ ཨཔསྶམཱནོ;

ཨེཝཾ ནཊྛོ ཨེསུཀཱརཱི མམཏྠོ, སོཧཾ ཀཐཾ ན གཝེསེཡྻཾ རཱཛ.

ཧིཡྻོཏི ཧིཡྻཏི [ཧཱིཡོཏི ཧཱིཡཏི (སཱི.)] པོསོ, པརེཏི པརིཧཱཡཏི;

ཨནཱགཏཾ ནེཏམཏྠཱིཏི ཉཏྭཱ, ཨུཔྤནྣཚནྡཾ ཀོ པནུདེཡྻ དྷཱིརོ.

པསྶཱམི ཝོཧཾ དཧརཾ [དཧརཱི (སྱཱ. པཱི. ཀ.)] ཀུམཱརིཾ, མཏྟཱུཔམཾ ཀེཏཀཔུཔྥནེཏྟཾ;

ཨབྷུཏྟབྷོགེ [ཨབྷུཏྭ བྷོགེ (སྱཱ. ཀ. ཨཊྛ.), ཨབྷུཏྭ བྷོགེ (པཱི.), བྷོགེ ཨཏུཏྭཱ (ཀ.)] པཋམེ ཝཡསྨིཾ, ཨཱདཱཡ མཙྩུ ཝཛཏེ ཀུམཱརིཾ.

ཡུཝཱ ¶ སུཛཱཏོ སུམུཁོ སུདསྶནོ, སཱམོ ཀུསུམྦྷཔརིཀིཎྞམསྶུ;

ཧིཏྭཱན ཀཱམེ པཊིཀཙྩ [པཊིགཙྩ (སཱི.), པཊིགཙྪ (སྱཱ. པཱི.)] གེཧཾ, ཨནུཛཱན མཾ པབྦཛིསྶཱམི དེཝ.

སཱཁཱཧི རུཀྑོ ལབྷཏེ སམཉྙཾ, པཧཱིནསཱཁཾ པན ཁཱཎུམཱཧུ;

པཧཱིནཔུཏྟསྶ མམཛྫ བྷོཏི, ཝཱསེཊྛི ¶ བྷིཀྑཱཙརིཡཱཡ ཀཱལོ.

ཨགྷསྨི ཀོཉྩཱཝ ཡཐཱ ཧིམཙྩཡེ, ཀཏཱནི [ཏནྟཱནི (སཱི. པཱི.)] ཛཱལཱནི པདཱལིཡ [པདཱལེཡྻ (སཱི.)] ཧཾསཱ;

གཙྪནྟི པུཏྟཱ ཙ པཏཱི ཙ མཡ྄ཧཾ, སཱཧཾ ཀཐཾ ནཱནུཝཛེ པཛཱནཾ.

ཨེཏེ བྷུཏྭཱ ཝམིཏྭཱ ཙ, པཀྐམནྟི ཝིཧངྒམཱ;

ཡེ ཙ བྷུཏྭཱན ཝམིཾསུ, ཏེ མེ ཧཏྠཏྟ [ཧཏྠཏྠ (སཱི. སྱཱ. པཱི.)] མཱགཏཱ.

ཨཝམཱི བྲཱཧྨཎོ ཀཱམེ, སོ [ཏེ (སཱི. པཱི.)] ཏྭཾ པཙྩཱཝམིསྶསི;

ཝནྟཱདོ པུརིསོ རཱཛ, ན སོ ཧོཏི པསཾསིཡོ.

པངྐེ ཙ [པངྐེཝ (སཱི. པཱི.)] པོསཾ པལིཔེ བྱསནྣཾ, བལཱི ཡཐཱ དུབྦལམུདྡྷརེཡྻ;

ཨེཝམྤི མཾ ཏྭཾ ཨུདཏཱརི བྷོཏི, པཉྩཱལི གཱཐཱཧི སུབྷཱསིཏཱཧི.

ཨིདཾ ཝཏྭཱ མཧཱརཱཛཱ, ཨེསུཀཱརཱི དིསམྤཏི;

རཊྛཾ ཧིཏྭཱན པབྦཛི, ནཱགོ ཚེཏྭཱཝ བནྡྷནཾ.

རཱཛཱ ¶ ཙ པབྦཛྫམརོཙཡིཏྠ, རཊྛཾ པཧཱཡ ནརཝཱིརསེཊྛོ;

ཏུཝམྤི ནོ ཧོཏི ཡཐེཝ རཱཛཱ, ཨམྷེཧི གུཏྟཱ ཨནུསཱས རཛྫཾ.

རཱཛཱ ¶ ཙ པབྦཛྫམརོཙཡིཏྠ, རཊྛཾ ¶ པཧཱཡ ནརཝཱིརསེཊྛོ;

ཨཧམྤི ཨེཀཱ [ཨེཀཱཝ (སཱི.)] ཙརིསྶཱམི ལོཀེ, ཧིཏྭཱན ཀཱམཱནི མནོརམཱནི.

རཱཛཱ ཙ པབྦཛྫམརོཙཡིཏྠ, རཊྛཾ པཧཱཡ ནརཝཱིརསེཊྛོ;

ཨཧམྤི ཨེཀཱ ཙརིསྶཱམི ལོཀེ, ཧིཏྭཱན ཀཱམཱནི ཡཐོདྷིཀཱནི.

ཨཙྩེནྟི ཀཱལཱ ཏརཡནྟི རཏྟིཡོ, ཝཡོགུཎཱ ཨནུཔུབྦཾ ཛཧནྟི;

ཨཧམྤི ཨེཀཱ ཙརིསྶཱམི ལོཀེ, ཧིཏྭཱན ཀཱམཱནི མནོརམཱནི.

ཨཙྩེནྟི ཀཱལཱ ཏརཡནྟི རཏྟིཡོ, ཝཡོགུཎཱ ཨནུཔུབྦཾ ཛཧནྟི;

ཨཧམྤི ཨེཀཱ ཙརིསྶཱམི ལོཀེ, ཧིཏྭཱན ཀཱམཱནི ཡཐོདྷིཀཱནི.

ཨཙྩེནྟི ཀཱལཱ ཏརཡནྟི རཏྟིཡོ, ཝཡོགུཎཱ ཨནུཔུབྦཾ ཛཧནྟི;

ཨཧམྤི ཨེཀཱ ཙརིསྶཱམི ལོཀེ, སཱིཏིབྷཱུཏཱ [སཱིཏཱིབྷཱུཏཱ (སཱི.)] སབྦམཏིཙྩ སངྒནྟི.

ཡམེཀརཏྟིཾ ¶ པཋམཾ, གབྦྷེ ཝསཏི མཱཎཝོ;

ཨབྦྷུཊྛིཏོཝ སོ ཡཱཏི [སཡཏི (སཱི. པཱི.), ས ཡཱཏི (ཀཏྠཙི)], སགཙྪཾ ན ནིཝཏྟཏི.

ན ¶ ཡུཛ྄ཛྷམཱནཱ ན བལེནཝསྶིཏཱ, ནརཱ ན ཛཱིརནྟི ན ཙཱཔི མིཡྻརེ;

སབྦཾ ཧིདཾ [ཧི ཏཾ (སཱི. པཱི.)] ཛཱཏིཛརཱཡུཔདྡུཏཾ, ཏཾ མེ མཏཱི ཧོཏི ཙརཱམི དྷམྨཾ.

ཙཏུརངྒིནིཾ སེནཾ སུབྷིཾསརཱུཔཾ, ཛཡནྟི རཊྛཱདྷིཔཏཱི པསཡ྄ཧ;

ན མཙྩུནོ ཛཡིཏུམུསྶཧནྟི, ཏཾ མེ མཏཱི ཧོཏི ཙརཱམི དྷམྨཾ.

ཧཏྠཱིཧི ཨསྶེཧི རཐེཧི པཏྟིབྷི, པརིཝཱརིཏཱ མུཙྩརེ ཨེཀཙྩེཡྻཱ [ཨེཀཙེཡྻཱ (སཱི. པཱི.)];

ན མཙྩུནོ [ན མཙྩུཏོ (སཱི.)] མུཙྩིཏུམུསྶཧནྟི, ཏཾ མེ མཏཱི ཧོཏི ཙརཱམི དྷམྨཾ.

ཧཏྠཱིཧི ཨསྶེཧི རཐེཧི པཏྟིབྷི, སཱུརཱ [པུརཱ (ཀ.)] པབྷཉྫནྟི པདྷཾསཡནྟི;

ན མཙྩུནོ བྷཉྫིཏུམུསྶཧནྟི, ཏཾ མེ མཏཱི ཧོཏི ཙརཱམི དྷམྨཾ.

མཏྟཱ གཛཱ བྷིནྣགལཱ༹ [པབྷིནྣགལཱ (སཱི.)] པབྷིནྣཱ, ནགརཱནི ¶ མདྡནྟི ཛནཾ ཧནནྟི;

ན མཙྩུནོ མདྡིཏུམུསྶཧནྟི, ཏཾ མེ མཏཱི ཧོཏི ཙརཱམི དྷམྨཾ.

ཨིསྶཱསིནོ ཀཏཧཏྠཱཔི ཝཱིརཱ [ཝཱིརཱ (སཱི. པཱི.)], དཱུརེཔཱཏཱི [པཏཱི (ཀ.)] ཨཀྑཎཝེདྷིནོཔི;

ན མཙྩུནོ ཝིཛ྄ཛྷིཏུམུསྶཧནྟི, ཏཾ མེ མཏཱི ཧོཏི ཙརཱམི དྷམྨཾ.

སརཱནི ¶ ཁཱིཡནྟི སསེལཀཱནནཱ, སབྦཾ ཧིདཾ [ཧི ཏཾ (སཱི. པཱི.), པིཏཾ (སྱཱ.)] ཁཱིཡཏི དཱིགྷམནྟརཾ;

སབྦཾ ཧིདཾ [ཧི ཏཾ (སཱི. པཱི.), པིཏཾ (སྱཱ.)] བྷཉྫརེ ཀཱལཔརིཡཱཡཾ, ཏཾ མེ མཏཱི ཧོཏི ཙརཱམི དྷམྨཾ.

སབྦེ ¶ སམེཝཾ ཧི ནརཱནནཱརིནཾ [ནརཱནརཱིནཾ (པཱི.), ནཱརཱི ནརཱནཾ (སྱཱ.), ནརནཱརཱིནཾ (ཀ.)], ཙལཱཙལཾ པཱཎབྷུནོདྷ ཛཱིཝིཏཾ;

པཊོཝ དྷུཏྟསྶ དུམོཝ ཀཱུལཛོ, ཏཾ མེ མཏཱི ཧོཏི ཙརཱམི དྷམྨཾ.

དུམཔྥལཱནེཝ པཏནྟི མཱཎཝཱ, དཧརཱ ཙ ཝུདྡྷཱ ཙ སརཱིརབྷེདཱ;

ནཱརིཡོ ནརཱ མཛ྄ཛྷིམཔོརིསཱ ཙ, ཏཾ མེ མཏཱི ཧོཏི ཙརཱམི དྷམྨཾ.

ནཱཡཾ ཝཡོ ཏཱརཀརཱཛསནྣིབྷོ, ཡདབྦྷཏཱིཏཾ ¶ གཏམེཝ དཱནི ཏཾ;

ཛིཎྞསྶ ཧཱི ནཏྠི རཏཱི ཀུཏོ སུཁཾ, ཏཾ མེ མཏཱི ཧོཏི ཙརཱམི དྷམྨཾ.

ཡཀྑཱ པིསཱཙཱ ཨཐཝཱཔི པེཏཱ, ཀུཔིཏཱཏེ [ཀུཔིཏཱཔི ཏེ (སཱི. པཱི.)] ཨསྶསནྟི མནུསྶེ;

ན མཙྩུནོ ཨསྶསིཏུསྶཧནྟི, ཏཾ མེ མཏཱི ཧོཏི ཙརཱམི དྷམྨཾ.

ཡཀྑེ པིསཱཙེ ཨཐཝཱཔི པེཏེ, ཀུཔིཏེཔི ཏེ ནིཛ྄ཛྷཔནཾ ཀརོནྟི;

ན མཙྩུནོ ནིཛ྄ཛྷཔནཾ ཀརོནྟི, ཏཾ མེ མཏཱི ཧོཏི ཙརཱམི དྷམྨཾ.

ཨཔརཱདྷཀེ དཱུསཀེ ཧེཋཀེ ཙ, རཱཛཱནོ དཎྜེནྟི ཝིདིཏྭཱན དོསཾ;

ན མཙྩུནོ དཎྜཡིཏུསྶཧནྟི, ཏཾ མེ མཏཱི ཧོཏི ཙརཱམི དྷམྨཾ.

ཨཔརཱདྷཀཱ དཱུསཀཱ ཧེཊྛཀཱ ཙ, ལབྷནྟི ཏེ རཱཛིནོ ནིཛ྄ཛྷཔེཏུཾ;

ན མཙྩུནོ ནིཛ྄ཛྷཔནཾ ཀརོནྟི, ཏཾ མེ མཏཱི ཧོཏི ཙརཱམི དྷམྨཾ.

ན ¶ ཁཏྟིཡོཏི ན ཙ བྲཱཧྨཎོཏི, ན ¶ ཨཌྜྷཀཱ བལཝཱ ཏེཛཝཱཔི;

ན མཙྩུརཱཛསྶ ཨཔེཀྑམཏྠི, ཏཾ མེ མཏཱི ཧོཏི ཙརཱམི དྷམྨཾ.

སཱིཧཱ ཙ བྱགྒྷཱ ཙ ཨཐོཔི དཱིཔིཡོ, པསཡ྄ཧ ཁཱདནྟི ཝིཔྥནྡམཱནཾ;

ན མཙྩུནོ ཁཱདིཏུམུསྶཧནྟི, ཏཾ མེ མཏཱི ཧོཏི ཙརཱམི དྷམྨཾ.

མཱཡཱཀཱརཱ རངྒམཛ྄ཛྷེ ཀརོནྟཱ, མོཧེནྟི ཙཀྑཱུནི ཛནསྶ ཏཱཝདེ;

ན མཙྩུནོ མོཧཡིཏུསྶཧནྟི, ཏཾ མེ མཏཱི ཧོཏི ཙརཱམི དྷམྨཾ.

ཨཱསཱིཝིསཱ ཀུཔིཏཱ ཨུགྒཏེཛཱ, ཌཾསནྟི མཱརེནྟིཔི ཏེ མནུསྶེ;

ན མཙྩུནོ ཌཾསིཏུམུསྶཧནྟི, ཏཾ མེ མཏཱི ཧོཏི ཙརཱམི དྷམྨཾ.

ཨཱསཱིཝིསཱ ཀུཔིཏཱ ཡཾ ཌཾསནྟི, ཏིཀིཙྪཀཱ ཏེས ཝིསཾ ཧནནྟི;

ན མཙྩུནོ དཊྛཝིསཾ [དཊྛསྶ ཝིསཾ (ཀ.)] ཧནནྟི, ཏཾ མེ མཏཱི ཧོཏི ཙརཱམི དྷམྨཾ.

དྷམྨནྟརཱི ཝེཏྟརཎཱི [ཝེཏརཎཱི (སཱི. པཱི.)] ཙ བྷོཛོ, ཝིསཱནི ¶ ཧནྟྭཱན བྷུཛངྒམཱནཾ;

སུཡྻནྟི ཏེ ཀཱལཀཏཱ ཏཐེཝ, ཏཾ མེ མཏཱི ཧོཏི ཙརཱམི དྷམྨཾ.

ཝིཛྫཱདྷརཱ ¶ གྷོརམདྷཱིཡམཱནཱ, ཨདསྶནཾ ཨོསདྷེཧི ཝཛནྟི;

ན མཙྩུརཱཛསྶ ཝཛནྟདསྶནཾ [ཝཛནྟི ཨདསྶནཾ (སྱཱ. ཀ.)], ཏཾ མེ མཏཱི ཧོཏི ཙརཱམི དྷམྨཾ.

དྷམྨོ ¶ ཧཝེ རཀྑཏི དྷམྨཙཱརིཾ, དྷམྨོ སུཙིཎྞོ སུཁམཱཝཧཱཏི;

ཨེསཱནིསཾསོ དྷམྨེ སུཙིཎྞེ, ན དུགྒཏིཾ གཙྪཏི དྷམྨཙཱརཱི.

ན ཧི དྷམྨོ ཨདྷམྨོ ཙ, ཨུབྷོ སམཝིཔཱཀིནོ;

ཨདྷམྨོ ནིརཡཾ ནེཏི, དྷམྨོ པཱཔེཏི སུགྒཏིནྟི.

མཱཏངྒ སམྦྷཱུཏ སིཝི སིརིམནྟོ, རོཧཎ ཧཾས སཏྟིགུམྦོ བྷལླཱཏིཡ;

སོམནསྶ ཙམྤེཡྻ བྲཧྨ པཉྩ-པཎྜིཏ ཙིརསྶཾཝཏ ཨཡོགྷརཱཏི.

ཀིཾཚནྡོ ¶ ¶ ¶ ཀིམདྷིཔྤཱཡོ, ཨེཀོ སམྨསི གྷམྨནི;

ཀིཾ པཏྠཡཱནོ ཀིཾ ཨེསཾ, ཀེན ཨཏྠེན བྲཱཧྨཎ.

ཡཐཱ མཧཱ ཝཱརིདྷརོ, ཀུམྦྷོ སུཔརིཎཱཧཝཱ [སུཔརིཎཱམཝཱ (ཀ.)];

ཏཐཱུཔམཾ ཨམྦཔཀྐཾ, ཝཎྞགནྡྷརསུཏྟམཾ.

ཏཾ ཝུཡ྄ཧམཱནཾ སོཏེན, དིསྭཱནཱམལམཛ྄ཛྷིམེ;

པཱཎཱིཧི ནཾ གཧེཏྭཱན, ཨགྱཱཡཏནམཱཧརིཾ.

ཏཏོ ཀདལིཔཏྟེསུ, ནིཀྑིཔིཏྭཱ སཡཾ ཨཧཾ;

སཏྠེན ནཾ ཝིཀཔྤེཏྭཱ, ཁུཔྤིཔཱསཾ ཨཧཱསི མེ.

སོཧཾ ཨཔེཏདརཐོ, བྱནྟཱིབྷཱུཏོ [བྱནྟིབྷཱུཏོ (སཱི. པཱི. ཀ.)] དུཁཀྑམོ;

ཨསྶཱདཾ ནཱདྷིགཙྪཱམི, ཕལེསྭཉྙེསུ ཀེསུཙི [ཀེསུཔི (ཀ. སཱི.)].

སོསེཏྭཱ ནཱུན མརཎཾ, ཏཾ མམཾ ཨཱཝཧིསྶཏི;

ཨམྦཾ ཡསྶ ཕལཾ སཱདུ, མདྷུརགྒཾ མནོརམཾ;

ཡམུདྡྷརིཾ ཝུཡ྄ཧམཱནཾ, ཨུདདྷིསྨཱ མཧཎྞཝེ.

ཨཀྑཱཏཾ ཏེ མཡཱ སབྦཾ, ཡསྨཱ ཨུཔཝསཱམཧཾ;

རམྨཾ པཏི ནིསིནྣོསྨི, པུཐུལོམཱཡུཏཱ པུཐུ.

ཏྭཉྩ ཁོ མེཝ [མེ (སཱི.), མམ (?)] ཨཀྑཱཧི, ཨཏྟཱནམཔལཱཡིནི;

ཀཱ ཝཱ ཏྭམསི ཀལྱཱཎི, ཀིསྶ ཝཱ ཏྭཾ སུམཛ྄ཛྷིམེ.

རུཔྤཔཊྚཔལིམཊྛཱིཝ ¶ [རུཔྤཔཊྚཔླམཊྛཱིཝ (སྱཱ.), རཱུཔཔཊྚཔམཊྛཱིཝ (ཀ.)], བྱགྒྷཱིཝ གིརིསཱནུཛཱ;

ཡཱ སནྟི ནཱརིཡོ དེཝེསུ, དེཝཱནཾ པརིཙཱརིཀཱ.

ཡཱ ཙ མནུསྶལོཀསྨིཾ, རཱུཔེནཱནྭཱགཏིཏྠིཡོ;

རཱུཔེན ཏེ སདིསཱི ནཏྠི, དེཝེསུ གནྡྷབྦམནུསྶལོཀེ [དེཝགནྡྷབྦམཱནུསེ (སྱཱ.)];

པུཊྛཱསི མེ ཙཱརུཔུབྦངྒི, བྲཱུཧི ནཱམཉྩ བནྡྷཝེ.

ཡཾ ¶ ¶ ཏྭཾ པཏི ནིསིནྣོསི, རམྨཾ བྲཱཧྨཎ ཀོསིཀིཾ;

སཱཧཾ བྷུསཱལཡཱ ཝུཏྠཱ, ཝརཝཱརིཝཧོགྷསཱ.

ནཱནཱདུམགཎཱཀིཎྞཱ, བཧུཀཱ གིརིཀནྡརཱ;

མམེཝ པམུཁཱ ཧོནྟི, ཨབྷིསནྡནྟི པཱཝུསེ.

ཨཐོ བཧཱུ ཝནཏོདཱ, ནཱིལཝཱརིཝཧིནྡྷརཱ;

བཧུཀཱ ནཱགཝིཏྟོདཱ, ཨབྷིསནྡནྟི ཝཱརིནཱ.

ཏཱ ཨམྦཛམྦུལབུཛཱ, ནཱིཔཱ ཏཱལཱ ཙུདུམྦརཱ [ཏཱལམུདུམྦརཱ (སྱཱ. ཀ.)];

བཧཱུནི ཕལཛཱཏཱནི, ཨཱཝཧནྟི ཨབྷིཎྷསོ.

ཡཾ ཀིཉྩི ཨུབྷཏོ ཏཱིརེ, ཕལཾ པཏཏི ཨམྦུནི;

ཨསཾསཡཾ ཏཾ སོཏསྶ, ཕལཾ ཧོཏི ཝསཱནུགཾ.

ཨེཏདཉྙཱཡ མེདྷཱཝི, པུཐུཔཉྙ སུཎོཧི མེ;

མཱ རོཙཡ མབྷིསངྒཾ, པཊིསེདྷ ཛནཱདྷིཔ.

ན ཝཱཧཾ ཝཌྜྷཝཾ [ཝདྡྷཝཾ (སཱི. པཱི.)] མཉྙེ, ཡཾ ཏྭཾ རཊྛཱབྷིཝཌྜྷན;

ཨཱཙེཡྻམཱནོ རཱཛིསི, མརཎཾ ཨབྷིཀངྑསི.

ཏསྶ ཛཱནནྟི པིཏརོ, གནྡྷབྦཱ ཙ སདེཝཀཱ;

ཡེ ¶ ཙཱཔི ཨིསཡོ ལོཀེ, སཉྙཏཏྟཱ ཏཔསྶིནོ;

ཨསཾསཡཾ ཏེཔི [ཏེ (སཱི. པཱི.)] ཛཱནནྟི, པཊྛབྷཱུཏཱ [ཝདྡྷབྷཱུཏཱ (སཱི. པཱི.)] ཡསསྶིནོ.

ཨེཝཾ ཝིདིཏྭཱ ཝིདཱུ སབྦདྷམྨཾ, ཝིདྡྷཾསནཾ ཙཝནཾ ཛཱིཝིཏསྶ;

ན ཙཱིཡཏཱི ཏསྶ ནརསྶ པཱཔཾ, སཙེ ན ཙེཏེཏི ཝདྷཱཡ ཏསྶ.

ཨིསིཔཱུགསམཉྙཱཏེ, ཨེཝཾ ལོཀྱཱ ཝིདིཏཱ སཏི [པཏི (ཀ. སྱཱ. ཀ.)];

ཨནརིཡཔརིསམྦྷཱསེ, པཱཔཀམྨཾ ཛིགཱིསསི [ཛིགིཾསསི (སཱི. སྱཱ. པཱི.)].

སཙེ ཨཧཾ མརིསྶཱམི, ཏཱིརེ ཏེ པུཐུསུསྶོཎི;

ཨསཾསཡཾ ཏཾ ཨསིལོཀོ, མཡི པེཏེ ཨཱགམིསྶཏི.

ཏསྨཱ ¶ ཧི པཱཔཀཾ ཀམྨཾ, རཀྑསྶེཝ [རཀྑསྶུ ཙ (སྱཱ.)] སུམཛ྄ཛྷིམེ;

མཱ ཏཾ སབྦོ ཛནོ པཙྪཱ, པཀུཊྛཱཡི [པཀཏྠཱསི (སཱི. པཱི.), པཏྭཀྑཱསི (སྱཱ.)] མཡི མཏེ.

ཨཉྙཱཏམེཏཾ ཨཝིསཡ྄ཧསཱཧི, ཨཏྟཱནམམྦཉྩ དདཱམི ཏེ ཏཾ;

སོ དུཙྩཛེ ཀཱམགུཎེ པཧཱཡ, སནྟིཉྩ དྷམྨཉྩ ཨདྷིཊྛིཏོསི.

ཡོ ཧིཏྭཱ པུབྦསཉྙོགཾ, པཙྪཱ སཾཡོཛནེ ཋིཏོ;

ཨདྷམྨཉྩེཝ ཙརཏི, པཱཔཉྩསྶ པཝཌྜྷཏི.

ཨེཧི ¶ ཏཾ པཱཔཡིསྶཱམི, ཀཱམཾ ཨཔྤོསྶུཀོ བྷཝ;

ཨུཔཱནཡཱམི སཱིཏསྨིཾ, ཝིཧརཱཧི ཨནུསྶུཀོ.

ཏཾ ¶ པུཔྥརསམཏྟེབྷི, ཝཀྐངྒེཧི ཨརིནྡམ;

ཀོཉྩཱ མཡཱུརཱ དིཝིཡཱ, ཀོལཊྛིམདྷུསཱལི༹ཀཱ;

ཀཱུཛིཏཱ ཧཾསཔཱུགེཧི, ཀོཀིལེཏྠ པབོདྷརེ.

ཨམྦེཏྠ ཝིཔྤསཱཁགྒཱ [ཝིཔྤསཱུནགྒཱ (སཱི. སྱཱ. པཱི.), ཝིཔྤཨོནགྒཱ (ཀ.)], པལཱལཁལསནྣིབྷཱ;

ཀོསམྦསལ༹ལཱ [ཀོསུམྦྷསལལཱ (སཱི. སྱཱ. པཱི.)] ནཱིཔཱ, པཀྐཏཱལཝིལམྦིནོ.

མཱལཱི ཏིརིཊཱི ཀཱཡཱུརཱི, ཨངྒདཱི ཙནྡནུསྶདོ [ཙནྡནསྶདོ (སཱི.)];

རཏྟིཾ ཏྭཾ པརིཙཱརེསི, དིཝཱ ཝེདེསི ཝེདནཾ.

སོལ༹སིཏྠིསཧསྶཱནི, ཡཱ ཏེམཱ པརིཙཱརིཀཱ;

ཨེཝཾ མཧཱནུབྷཱཝོསི, ཨབྦྷུཏོ ལོམཧཾསནོ.

ཀིཾ ཀམྨམཀརཱི པུབྦེ, པཱཔཾ ཨཏྟདུཁཱཝཧཾ;

ཡཾ ཀརིཏྭཱ མནུསྶེསུ, པིཊྛིམཾསཱནི ཁཱདསི.

ཨཛ྄ཛྷེནཱནི པཊིགྒཡ྄ཧ, ཀཱམེསུ གདྷིཏོ [གཐིཏོ (སཱི. པཱི.), གིདྡྷིཏོ (སྱཱ. ཀ.), གིདྡྷིཀོ (ཀ. ཨཊྛ.)] ཨཧཾ;

ཨཙརིཾ དཱིགྷམདྡྷཱནཾ, པརེསཾ ཨཧིཏཱཡཧཾ.

ཡོ པིཊྛིམཾསིཀོ ཧོཏི, ཨེཝཾ ཨུཀྐཙྩ ཁཱདཏི;

ཡཐཱཧཾ ཨཛྫ ཁཱདཱམི, པིཊྛིམཾསཱནི ཨཏྟནོཏི.

ཀོ ¶ པཱཏུརཱསཱི ཏིདིཝཱ ནབྷམྷི, ཨོབྷཱསཡཾ སཾཝརིཾ ཙནྡིམཱཝ;

གཏྟེཧི ¶ ཏེ རསྨིཡོ ནིཙྪརནྟི, སཏེརཏཱ [སཏེརིཏཱ (སཱི. སྱཱ. ཀ.)] ཝིཛྫུརིཝནྟལིཀྑེ.

སོ ཚིནྣཝཱཏཾ ཀམསཱི ཨགྷམྷི, ཝེཧཱཡསཾ གཙྪསི ཏིཊྛསཱི ཙ;

ཨིདྡྷཱི ནུ ཏེ ཝཏྠུཀཏཱ སུབྷཱཝིཏཱ, ཨནདྡྷགཱུནཾ ཨཔི དེཝཏཱནཾ.

ཝེཧཱཡསཾ གམྨམཱགམྨ [ཀམམཱགམྨ (སཱི. སྱཱ.)] ཏིཊྛསི, ཀུམྦྷཾ ཀིཎཱཐཱཏི ཡམེཏམཏྠཾ;

ཀོ ཝཱ ཏུཝཾ ཀིསྶ ཝཱ ཏཱཡ ཀུམྦྷོ, ཨཀྑཱཧི མེ བྲཱཧྨཎ ཨེཏམཏྠཾ.

ན སཔྤིཀུམྦྷོ ནཔི ཏེལཀུམྦྷོ, ན ཕཱཎིཏསྶ ན མདྷུསྶ ཀུམྦྷོ;

ཀུམྦྷསྶ ཝཛྫཱནི ཨནཔྤཀཱནི, དོསེ བཧཱུ ཀུམྦྷགཏེ སུཎཱཐ.

གལེ༹ཡྻ ¶ ཡཾ པིཏྭཱ [པཱིཏྭཱ (སཱི. པཱི.)] པཏེ པཔཱཏཾ, སོབྦྷཾ གུཧཾ ཙནྡནིཡོལི༹གལླཾ;

བཧུམྤི བྷུཉྫེཡྻ ཨབྷོཛནེཡྻཾ, ཏསྶཱ པུཎྞཾ ཀུམྦྷམིམཾ ཀིཎཱཐ.

ཡཾ པིཏྭཱ [ཡཾ ཝེ པཱིཏྭཱ (སཱི.)] ཙིཏྟསྨིམནེསམཱནོ, ཨཱཧིཎྜཏཱི གོརིཝ བྷཀྑསཱརཱི [བྷཀྑསཱདཱི (སཱི. སྱཱ. ཨཊྛ.)];

ཨནཱཐམཱནོ ¶ ཨུཔགཱཡཏི ནཙྩཏི ཙ, ཏསྶཱ པུཎྞཾ ཀུམྦྷམིམཾ ཀིཎཱཐ.

ཡཾ ¶ ཝེ པིཝིཏྭཱ ཨཙེལོཝ ནགྒོ, ཙརེཡྻ གཱམེ ཝིསིཁནྟརཱནི;

སམྨཱུལ༹ྷཙིཏྟོ ཨཏིཝེལསཱཡཱི, ཏསྶཱ པུཎྞཾ ཀུམྦྷམིམཾ ཀིཎཱཐ.

ཡཾ པིཏྭཱ ཨུཊྛཱཡ པཝེདྷམཱནོ, སཱིསཉྩ བཱཧུཉྩ [བཱཧཉྩ (པཱི.)] པཙཱལཡནྟོ;

སོ ནཙྩཏཱི དཱརུཀཊལླཀོཝ, ཏསྶཱ པུཎྞཾ ཀུམྦྷམིམཾ ཀིཎཱཐ.

ཡཾ ཝེ པིཝིཏྭཱ ཨགྒིདཌྜྷཱ སཡནྟི, ཨཐོ སིགཱལེཧིཔི ཁཱདིཏཱསེ;

བནྡྷཾ ཝདྷཾ བྷོགཛཱནིཉྩུཔེནྟི, ཏསྶཱ པུཎྞཾ ཀུམྦྷམིམཾ ཀིཎཱཐ.

ཡཾ པིཏྭཱ བྷཱསེཡྻ ཨཱབྷཱསནེཡྻཾ, སབྷཱཡམཱསཱིནོ ཨཔེཏཝཏྠོ;

སམྨཀྑིཏོ [སམཀྑིཏོ (སཱི.)] ཝནྟགཏོ བྱསནྣོ, ཏསྶཱ པུཎྞཾ ཀུམྦྷམིམཾ ཀིཎཱཐ.

ཡཾ ཝེ པིཝིཏྭཱ ཨུཀྐཊྛོ ཨཱཝིལཀྑོ, མམེཝ སབྦཱ པཐཝཱིཏི མཉྙེ [མཉྙཏི (སཱི.)];

ན ¶ མེ སམོ ཙཱཏུརནྟོཔི རཱཛཱ, ཏསྶཱ པུཎྞཾ ཀུམྦྷམིམཾ ཀིཎཱཐ.

མཱནཱཏིམཱནཱ ཀལཧཱནི པེསུཎཱི, དུབྦཎྞིནཱི ནགྒཡིནཱི པལཱཡིནཱི;

ཙོརཱན དྷུཏྟཱན གཏཱི ནིཀེཏོ, ཏསྶཱ པུཎྞཾ ཀུམྦྷམིམཾ ཀིཎཱཐ.

ཨིདྡྷཱནི ཕཱིཏཱནི ཀུལཱནི ཨསྶུ, ཨནེཀསཱཧསྶདྷནཱནི ལོཀེ;

ཨུཙྪིནྣདཱཡཛྫཀཏཱནིམཱཡ, ཏསྶཱ པུཎྞཾ ཀུམྦྷམིམཾ ཀིཎཱཐ.

དྷཉྙཾ ¶ དྷནཾ རཛཏཾ ཛཱཏརཱུཔཾ, ཁེཏྟཾ གཝཾ ཡཏྠ ཝིནཱསཡནྟི;

ཨུཙྪེདནཱི ཝིཏྟཝཏཾ [ཨུཙྪེདནཱི ཝིཏྟགཏཾ (སྱཱ.), ཨུཙྪེདནིཝིཏྟགཏཾ (ཀ.)] ཀུལཱནཾ, ཏསྶཱ པུཎྞཾ ཀུམྦྷམིམཾ ཀིཎཱཐ.

ཡཾ ཝེ པིཏྭཱ དིཏྟརཱུཔོཝ [དུཊྛརཱུཔོཝ (སཱི.)] པོསོ, ཨཀྐོསཏི མཱཏརཾ པིཏརཉྩ;

སསྶུམྤི གཎྷེཡྻ ཨཐོཔི སུཎྷཾ, ཏསྶཱ པུཎྞཾ ཀུམྦྷམིམཾ ཀིཎཱཐ.

ཡཾ ཝེ པིཏྭཱ དིཏྟརཱུཔཱཝ ནཱརཱི, ཨཀྐོསཏི སསུརཾ སཱམིཀཉྩ;

དཱསམྤི ¶ གཎྷེ པརིཙཱརཀམྤི, ཏསྶཱ པུཎྞཾ ཀུམྦྷམིམཾ ཀིཎཱཐ.

ཡཾ ཝེ པིཝིཏྭཱན [ཡཉྩེ པཱིཏྭཱན (པཱི.)] ཧནེཡྻ པོསོ, དྷམྨེ ཋིཏཾ སམཎཾ བྲཱཧྨཎཾ ཝཱ;

གཙྪེ ཨཔཱཡམྤི ཏཏོནིདཱནཾ, ཏསྶཱ པུཎྞཾ ཀུམྦྷམིམཾ ཀིཎཱཐ.

ཡཾ ཝེ པིཝིཏྭཱ དུཙྩརིཏཾ ཙརནྟི, ཀཱཡེན ཝཱཙཱཡ ཙ ཙེཏསཱ ཙ;

ནིརཡཾ ཝཛནྟི དུཙྩརིཏཾ ཙརིཏྭཱ, ཏསྶཱ པུཎྞཾ ཀུམྦྷམིམཾ ཀིཎཱཐ.

ཡཾ ¶ ཡཱཙམཱནཱ ན ལབྷནྟི པུབྦེ, བཧུཾ ཧིརཉྙམྤི པརིཙྩཛནྟཱ;

སོ ཏཾ པིཝིཏྭཱ ཨལིཀཾ བྷཎཱཏི, ཏསྶཱ པུཎྞཾ ཀུམྦྷམིམཾ ཀིཎཱཐ.

ཡཾ ཝེ པིཏྭཱ པེསནེ པེསིཡནྟོ, ཨཙྩཱཡིཀེ ཀརཎཱིཡམྷི ཛཱཏེ;

ཨཏྠམྤི སོ ནཔྤཛཱནཱཏི ཝུཏྟོ, ཏསྶཱ པུཎྞཾ ཀུམྦྷམིམཾ ཀིཎཱཐ.

ཧིརཱིམནཱཔི ¶ ཨཧིརཱིཀབྷཱཝཾ, པཱཏུཾ ཀརོནྟི མདནཱཡ [མདིརཱཡ (པཱི.)] མཏྟཱ;

དྷཱིརཱཔི ¶ སནྟཱ བཧུཀཾ བྷཎནྟི, ཏསྶཱ པུཎྞཾ ཀུམྦྷམིམཾ ཀིཎཱཐ.

ཡཾ ཝེ པིཏྭཱ ཨེཀཐཱུཔཱ སཡནྟི, ཨནཱསཀཱ ཐཎྜིལདུཀྑསེཡྻཾ;

དུབྦཎྞིཡཾ ཨཱཡསཀྱཉྩུཔེནྟི, ཏསྶཱ པུཎྞཾ ཀུམྦྷམིམཾ ཀིཎཱཐ.

ཡཾ ཝེ པིཏྭཱ པཏྟཁནྡྷཱ སཡནྟི, གཱཝོ ཀུཊཧཏཱཝ ན ཧི ཝཱརུཎིཡཱ;

[ཡཾ ཝེ པིཏྭཱ པཏྟཀྑནྡྷཱ, སཡནྟི གཱཝོ ཀཱུཊཧཏཱརིཝ; ན ཧི ཝཱརུཎིཡཱ ཝེགོ, ནརེན སུསྶཧོརིཝ; (སཱི.)] ཝེགོ ནརེན སུསཧོརིཝ [ཡཾ ཝེ པིཏྭཱ པཏྟཀྑནྡྷཱ, སཡནྟི གཱཝོ ཀཱུཊཧཏཱརིཝ; ན ཧི ཝཱརུཎིཡཱ ཝེགོ, ནརེན སུསྶཧོརིཝ; (སཱི.)], ཏསྶཱ པུཎྞཾ ཀུམྦྷམིམཾ ཀིཎཱཐ.

ཡཾ མནུསྶཱ ཝིཝཛྫེནྟི, སཔྤཾ གྷོརཝིསཾ མིཝ [ཝིསམིཝ (སྱཱ.), ཝིསཾ ཨིཝ (ཀ.), ཝིསཱམིཝ (?)];

ཏཾ ལོཀེ ཝིསསམཱནཾ, ཀོ ནརོ པཱཏུམརཧཏི.

ཡཾ ཝེ པིཏྭཱ ཨནྡྷཀཝེཎྜཔུཏྟཱ, སམུདྡཏཱིརེ པརིཙཱརཡནྟཱ [ཨནྡྷཀཝེཎྷུཔུཏྟཱ (སཱི. པཱི.), ཨཎྜཀཝེཎྜཔུཏྟཱ (ཀ.)];

ཨུཔཀྐམུཾ མུསལེཧཉྙམཉྙཾ, ཏསྶཱ པུཎྞཾ ཀུམྦྷམིམཾ ཀིཎཱཐ.

ཡཾ ཝེ པིཏྭཱ པུབྦདེཝཱ པམཏྟཱ, ཏིདིཝཱ ཙུཏཱ སསྶཏིཡཱ སམཱཡ;

ཏཾ ¶ ཏཱདིསཾ མཛྫམིམཾ ནིརཏྠཀཾ, ཛཱནཾ མཧཱརཱཛ ཀཐཾ པིཝེཡྻ.

ནཡིམསྨིཾ ཀུམྦྷསྨིཾ དདྷི ཝཱ མདྷུ ཝཱ, ཨེཝཾ ཨབྷིཉྙཱཡ ཀིཎཱཧི རཱཛ;

ཨེཝཉྷིམཾ ཀུམྦྷགཏཱ མཡཱ ཏེ, ཨཀྑཱཏརཱུཔཾ ཏཝ སབྦམིཏྟ.

ན ¶ མེ པིཏཱ ཝཱ ཨཐཝཱཔི མཱཏཱ, ཨེཏཱདིསཱ ཡཱདིསཀོ ཏུཝཾསི;

ཧིཏཱནུཀམྤཱི པརམཏྠཀཱམོ, སོཧཾ ཀརིསྶཾ ཝཙནཾ ཏཝཛྫ.

དདཱམི ཏེ གཱམཝརཱནི པཉྩ, དཱསཱིསཏཾ སཏྟ གཝཾ སཏཱནི;

ཨཱཛཉྙཡུཏྟེ ཙ རཐེ དས ཨིམེ, ཨཱཙརིཡོ ཧོསི མམཏྠཀཱམོ.

ཏཝེཝ དཱསཱིསཏམཏྠུ རཱཛ, གཱམཱ ཙ གཱཝོ ཙ ཏཝེཝ ཧོནྟུ;

ཨཱཛཉྙཡུཏྟཱ ཙ རཐཱ ཏཝེཝ, སཀྐོཧམསྨཱི ཏིདསཱནམིནྡོ.

མཾསོདནཾ སཔྤིཔཱཡཱསཾ [སཔྤིཔཱཡཉྩ (སཱི.)] བྷུཉྫ, ཁཱདསྶུ ཙ ཏྭཾ མདྷུམཱསཔཱུཝེ;

ཨེཝཾ ¶ ཏུཝཾ དྷམྨརཏོ ཛནིནྡ, ཨནིནྡིཏོ སགྒམུཔེཧི ཋཱནནྟི.

ཙིརསྶཾ ¶ ཝཏ མེ ཨུདཔཱདི ཨཛྫ, བྷཀྑོ མཧཱ སཏྟམིབྷཏྟཀཱལེ;

ཀུཏོསི ཀོ ཝཱསི ཏདིངྒྷ བྲཱུཧི, ཨཱཙིཀྑ ཛཱཏིཾ ཝིདིཏོ ཡཐཱསི.

པཉྩཱལརཱཛཱ མིགཝཾ པཝིཊྛོ, ཛཡདྡིསོ ནཱམ ཡདིསྶུཏོ ཏེ;

ཙརཱམི ཀཙྪཱནི ཝནཱནི ཙཱཧཾ, པསདཾ ཨིམཾ ཁཱད མམཛྫ མུཉྩ.

སེནེཝ ¶ ཏྭཾ པཎསི སསྶམཱནོ [སཡ྄ཧམཱནོ (སྱཱ. ཀ.)], མམེས བྷཀྑོ པསདོ ཡཾ ཝདེསི;

ཏཾ ཁཱདིཡཱན པསདཾ ཛིགྷཉྙཾ [ཛིགྷཙྪཾ (?)], ཁཱདིསྶཾ པཙྪཱ ན ཝིལཱཔཀཱལོ.

ན ཙཏྠི མོཀྑོ མམ ནིཀྐཡེན [ཝིཀྐཡེན (སཱི.)], གནྟྭཱན པཙྩཱགམནཱཡ པཎྷེ;

ཏཾ ¶ སངྐརཾ [སངྒརཾ (སཱི. སྱཱ. པཱི.)] བྲཱཧྨཎསྶཔྤདཱཡ, སཙྩཱནུརཀྑཱི པུནརཱཝཛིསྶཾ.

ཀིཾ ཀམྨཛཱཏཾ ཨནུཏཔྤཏེ ཏྭཾ [ཨནུཏཔྤཏཱི ཏཾ (སཱི. པཱི.)], པཏྟཾ སམཱིཔཾ མརཎསྶ རཱཛ;

ཨཱཙིཀྑ མེ ཏཾ ཨཔི སཀྐུཎེམུ, ཨནུཛཱནིཏུཾ ཨཱགམནཱཡ པཎྷེ.

ཀཏཱ མཡཱ བྲཱཧྨཎསྶ དྷནཱསཱ, ཏཾ སངྐརཾ པཊིམུཀྐཾ ན མུཏྟཾ;

ཏཾ སངྐརཾ བྲཱཧྨཎསྶཔྤདཱཡ, སཙྩཱནུརཀྑཱི པུནརཱཝཛིསྶཾ.

ཡཱ ཏེ ཀཏཱ བྲཱཧྨཎསྶ དྷནཱསཱ, ཏཾ སངྐརཾ པཊིམུཀྐཾ ན མུཏྟཾ;

ཏཾ སངྐརཾ བྲཱཧྨཎསྶཔྤདཱཡ, སཙྩཱནུརཀྑཱི པུནརཱཝཛསྶུ.

མུཏྟོ ཙ སོ པོརིསཱདསྶ [པུརིསཱདསྶ (པཱི.)] ཧཏྠཱ, གནྟྭཱ སཀཾ མནྡིརཾ ཀཱམཀཱམཱི;

ཏཾ སངྐརཾ བྲཱཧྨཎསྶཔྤདཱཡ, ཨཱམནྟཡཱི པུཏྟམལཱིནསཏྟཾ [སཏྟུཾ (སྱཱ. པཱི. ཀ.)].

ཨཛྫེཝ ¶ རཛྫཾ ཨབྷིསིཉྩཡསྶུ, དྷམྨཾ ཙར སེསུ པརེསུ ཙཱཔི;

ཨདྷམྨཀཱརོ ¶ ཙ ཏེ མཱཧུ རཊྛེ, གཙྪཱམཧཾ པོརིསཱདསྶ ཉཏྟེ [ཉནྟེ (སྱཱ.)].

ཀིཾ ཀམྨ ཀུབྦཾ ཏཝ དེཝ པཱཝ [དེཝཔཱདེ (སཱི. སྱཱ. པཱི.)], ནཱརཱདྷཡཱི ཏཾ ཏདིཙྪཱམི སོཏུཾ;

ཡམཛྫ རཛྫམྷི ཨུདསྶཡེ ཏུཝཾ, རཛྫམྤི ནིཙྪེཡྻཾ ཏཡཱ ཝིནཱཧཾ.

ན ཀམྨུནཱ ཝཱ ཝཙསཱ ཝ ཏཱཏ, ཨཔརཱདྷིཏོཧཾ ཏུཝིཡཾ སརཱམི;

སནྡྷིཉྩ [སདྡྷིཾ ཙ (ཀ.)] ཀཏྭཱ པུརིསཱདཀེན, སཙྩཱནུརཀྑཱི པུནཱཧཾ གམིསྶཾ.

ཨཧཾ གམིསྶཱམི ཨིདྷེཝ ཧོཧི, ནཏྠི ཏཏོ ཛཱིཝཏོ ཝིཔྤམོཀྑོ;

སཙེ ཏུཝཾ གཙྪསིཡེཝ རཱཛ, ཨཧམྤི གཙྪཱམི ཨུབྷོ ན ཧོམ.

ཨདྡྷཱ ཧི ཏཱཏ སཏཱནེས དྷམྨོ, མརཎཱ ཙ མེ དུཀྑཏརཾ ཏདསྶ;

ཀམྨཱསཔཱདོ ཏཾ ཡདཱ པཙིཏྭཱ, པསཡ྄ཧ ཁཱདེ བྷིདཱ རུཀྑསཱུལེ.

པཱཎེན ཏེ པཱཎམཧཾ ནིམིསྶཾ, མཱ ཏྭཾ ཨགཱ པོརིསཱདསྶ ཉཏྟེ;

ཨེཏཉྩ ¶ ཏེ པཱཎམཧཾ ནིམིསྶཾ, ཏསྨཱ མཏཾ ཛཱིཝིཏསྶ ཝཎྞེམི [ཝརེམི (སཱི.)].

ཏཏོ ¶ ཧཝེ དྷིཏིམཱ རཱཛཔུཏྟོ, ཝནྡིཏྭཱ མཱཏུ ཙ པིཏུ ཙ [ཝནྡིཏྠ མཱཏུཙྩ པིཏུཙྩ (སཱི. པཱི.)] པཱདེ;

དུཁིནིསྶ མཱཏཱ ནིཔཏཱ [ནིཔཏཱི (སཱི. པཱི.)] པཐབྱཱ, པིཏཱསྶ པགྒཡ྄ཧ བྷུཛཱནི ཀནྡཏི.

ཏཾ ¶ གཙྪནྟཾ ཏཱཝ པིཏཱ ཝིདིཏྭཱ, པརམྨུཁོ ཝནྡཏི པཉྫལཱིཀོ;

སོམོ ཙ རཱཛཱ ཝརུཎོ ཙ རཱཛཱ, པཛཱཔཏཱི ཙནྡིམཱ སཱུརིཡོ ཙ;

ཨེཏེཧི གུཏྟོ པུརིསཱདཀམྷཱ, ཨནུཉྙཱཏོ སོཏྠི པཙྩེཧི ཏཱཏ.

ཡཾ དཎྜཀིརཉྙོ གཏསྶ [ཡཾ དཎྜཀཱརཉྙགཏསྶ (པཱི.)] མཱཏཱ, རཱམསྶཀཱསི སོཏྠཱནཾ སུགུཏྟཱ;

ཏཾ ཏེ ཨཧཾ སོཏྠཱནཾ ཀརོམི, ཨེཏེན སཙྩེན སརནྟུ དེཝཱ;

ཨཱཝཱི རཧོ ཝཱཔཱི མནོཔདོསཾ, ནཱཧཾ སརེ ཛཱཏུ མལཱིནསཏྟེ;

ཨེཏེན སཙྩེན སརནྟུ དེཝཱ, ཨནུཉྙཱཏོ སོཏྠི པཙྩེཧི བྷཱཏིཀ [བྷཱཏ (སཱི.), བྷཱཏཱ (སྱཱ. པཱི.)].

ཡསྨཱ ཙ མེ ཨནདྷིམནོསི སཱམི, ན ཙཱཔི མེ མནསཱ ཨཔྤིཡོསི;

ཨེཏེན སཙྩེན སརནྟུ དེཝཱ, ཨནུཉྙཱཏོ ¶ སོཏྠི པཙྩེཧི སཱམི.

བྲཧཱ ཨུཛཱུ ཙཱརུམུཁོ ཀུཏོསི, ན མཾ པཛཱནཱསི ཝནེ ཝསནྟཾ;

ལུདྡཾ མཾ ཉཏྭཱ ‘‘པུརིསཱདཀོ’’ཏི, ཀོ སོཏྠི མཱཛཱནམིདྷཱ’ཝཛེཡྻ.

ཛཱནཱམི ལུདྡ པུརིསཱདཀོ ཏྭཾ, ན ཏཾ ན ཛཱནཱམི ཝནེ ཝསནྟཾ;

ཨཧཉྩ པུཏྟོསྨི ཛཡདྡིསསྶ, མམཛྫ ཁཱད པིཏུནོ པམོཀྑཱ.

ཛཱནཱམི ¶ པུཏྟོཏི [པུཏྟོསི (སྱཱ. ཀ.)] ཛཡདྡིསསྶ, ཏཐཱ ཧི ཝོ མུཁཝཎྞོ ཨུབྷིནྣཾ;

སུདུཀྐརཉྙེཝ [སུདུཀྐརཉྩེཝ (སྱཱ. པཱི. ཀ.)] ཀཏཾ ཏཝེདཾ, ཡོ མཏྟུམིཙྪེ པིཏུནོ པམོཀྑཱ.

ན དུཀྐརཾ ཀིཉྩི མཧེཏྠ མཉྙེ, ཡོ མཏྟུམིཙྪེ པིཏུནོ པམོཀྑཱ;

མཱཏུ ཙ [མཱཏུཙྩ (སཱི.)] ཧེཏུ པརལོཀ གནྟྭཱ [གམྱཱ (སཱི. སྱཱ.), གམྱ (པཱི.)], སུཁེན ¶ སགྒེན ཙ སམྤཡུཏྟོ.

ཨཧཉྩ ཁོ ཨཏྟནོ པཱཔཀིརིཡཾ, ཨཱཝཱི རཧོ ཝཱཔི སརེ ན ཛཱཏུ;

སངྑཱཏཛཱཏཱིམརཎོཧམསྨི, ཡཐེཝ མེ ཨིདྷ ཏཐཱ པརཏྠ.

ཁཱདཛྫ མཾ དཱནི མཧཱནུབྷཱཝ, ཀརསྶུ ཀིཙྩཱནི ཨིམཾ སརཱིརཾ;

རུཀྑསྶ ཝཱ ཏེ པཔཏཱམི ཨགྒཱ, ཚཱདཡམཱནོ མཡ྄ཧཾ ཏྭམདེསི མཾསཾ.

ཨིདཉྩ ཏེ རུཙྩཏི རཱཛཔུཏྟ, ཙཛེསི [ཙཛཱསི (སཱི. པཱི.)] པཱཎཾ པིཏུནོ པམོཀྑཱ;

ཏསྨཱ ཧི སོ [ཏསྨཱཏིཧ (སཱི. སྱཱ.)] ཏྭཾ ཏརམཱནརཱུཔོ, སམྦྷཉྫ ཀཊྛཱནི ཛལེཧི ཨགྒིཾ.

ཏཏོ ཧཝེ དྷིཏིམཱ རཱཛཔུཏྟོ, དཱརུཾ སམཱཧཏྭཱ མཧནྟམགྒིཾ;

སནྡཱིཔཡིཏྭཱ པཊིཝེདཡིཏྠ, ཨཱདཱིཔིཏོ དཱནི མཧཱཡམགྒི [མཡཱ ཡཀྑམགྒི (ཀ.)].

ཁཱདཛྫ ¶ ¶ མཾ དཱནི པསཡ྄ཧཀཱརཱི, ཀིཾ མཾ མུཧུཾ པེཀྑསི ཧཊྛལོམོ;

ཏཐཱ ཏཐཱ ཏུཡ྄ཧམཧཾ ཀརོམི, ཡཐཱ ¶ ཡཐཱ མཾ ཚཱདཡམཱནོ ཨདེསི.

ཀོ ཏཱདིསཾ ཨརཧཏི ཁཱདིཏཱཡེ, དྷམྨེ ཋིཏཾ སཙྩཝཱདིཾ ཝདཉྙུཾ;

མུདྡྷཱཔི ཏསྶ ཝིཕལེཡྻ སཏྟདྷཱ, ཡོ ཏཱདིསཾ སཙྩཝཱདིཾ ཨདེཡྻ.

ཨིདཉྷི སོ བྲཱཧྨཎཾ མཉྙམཱནོ, སསོ ཨཝཱསེསི སཀེ སརཱིརེ;

ཏེནེཝ སོ ཙནྡིམཱ དེཝཔུཏྟོ, སསཏྠུཏོ [སསཊྛཀོ (སྱཱ.)] ཀཱམདུཧཛྫ [ཀཱམརུཧཛྫ (ཀ.)] ཡཀྑ.

ཙནྡོ ཡཐཱ རཱཧུམུཁཱ པམུཏྟོ, ཝིརོཙཏེ པནྣརསེཝ བྷཱཎུམཱ [བྷཱནུམཱ (སཱི. པཱི.)];

ཨེཝཾ ཏུཝཾ པོརིསཱདཱ པམུཏྟོ, ཝིརོཙ ཀཔིལེ [ཀམྤིལླ (སཱི. པཱི.), ཀཔིལླེ (སྱཱ.)] མཧཱནུབྷཱཝ;

ཨཱམོདཡཾ པིཏརཾ མཱཏརཉྩ, སབྦོ ཙ ཏེ ནནྡཏུ ཉཱཏིཔཀྑོ.

ཏཏོ ཧཝེ དྷིཏིམཱ རཱཛཔུཏྟོ, ཀཏཉྫལཱི པརིཡཱཡ [པརིཡགཱ (སཱི.), པགྒཡ྄ཧ (སྱཱ. པཱི.)] པོརིསཱདཾ;

ཨནུཉྙཱཏོ སོཏྠི སུཁཱི ཨརོགོ, པཙྩཱགམཱ [པཙྩཱག (པཱི.)] ཀཔིལམལཱིནསཏྟཱ [ཀམྤིལླ’མལཱིནསཏྟོ (སཱི. པཱི.), ཀཔིལ’མལཱིནསཏྟཱ (ཀ.)].

ཏཾ ¶ ནེགམཱ ཛཱནཔདཱ ཙ སབྦེ, ཧཏྠཱརོཧཱ རཐིཀཱ པཏྟིཀཱ ཙ;

ནམསྶམཱནཱ པཉྫལིཀཱ ཨུཔཱགམུཾ, ནམཏྠུ ཏེ དུཀྐརཀཱརཀོསཱིཏི.

ཛཡདྡིསཛཱཏཀཾ [ཛཡདིསཛཱཏཀཾ (ཀ.)] ཏཏིཡཾ.

ཀིཾ ¶ ནུ སོཙསིནུཙྩངྒི, པཎྜཱུསི ཝརཝཎྞིནི;

མིལཱཡསི ཝིསཱལཀྑི, མཱལཱཝ པརིམདྡིཏཱ.

དོཧལོ༹ མེ མཧཱརཱཛ, སུཔིནནྟེནུཔཛ྄ཛྷགཱ [ནུ’པཙྩགཱ (སཱི. སྱཱ. པཱི.)];

ན སོ སུལབྷརཱུཔོཝ, ཡཱདིསོ མམ དོཧལོ༹.

ཡེ ཀེཙི མཱནུསཱ ཀཱམཱ, ཨིདྷ ལོཀསྨི ནནྡནེ;

སབྦེ ཏེ པཙུརཱ མཡ྄ཧཾ, ཨཧཾ ཏེ དམྨི དོཧལ༹ཾ.

ལུདྡཱ དེཝ སམཱཡནྟུ, ཡེ ཀེཙི ཝིཛིཏེ ཏཝ;

ཨེཏེསཾ ཨཧམཀྑིསྶཾ, ཡཱདིསོ མམ དོཧལོ༹.

ཨིམེ ཏེ ལུདྡཀཱ དེཝི, ཀཏཧཏྠཱ ཝིསཱརདཱ;

ཝནཉྙཱུ ཙ མིགཉྙཱུ ཙ, མམཏྠེ [མམ ཏེ (པཱི.)] ཙཏྟཛཱིཝིཏཱ.

ལུདྡཔུཏྟཱ ནིསཱམེཐ, ཡཱཝནྟེཏྠ སམཱགཏཱ;

ཚབྦིསཱཎཾ གཛཾ སེཏཾ, ཨདྡསཾ སུཔིནེ ཨཧཾ;

ཏསྶ དནྟེཧི མེ ཨཏྠོ, ཨལཱབྷེ ནཏྠི ཛཱིཝིཏཾ.

ན ¶ ¶ ནོ པིཏཱུནཾ ན པིཏཱམཧཱནཾ, དིཊྛོ སུཏོ ཀུཉྫརོ ཚབྦིསཱཎོ;

ཡམདྡསཱ སུཔིནེ རཱཛཔུཏྟཱི, ཨཀྑཱཧི ནོ ཡཱདིསོ ཧཏྠིནཱགོ.

དིསཱ ཙཏསྶོ ཝིདིསཱ ཙཏསྶོ, ཨུདྡྷཾ ཨདྷོ དས དིསཱ ཨིམཱཡོ;

ཀཏམཾ དིསཾ ཏིཊྛཏི ནཱགརཱཛཱ, ཡམདྡསཱ སུཔིནེ ཚབྦིསཱཎཾ.

ཨིཏོ ཨུཛུཾ ཨུཏྟརིཡཾ དིསཱཡཾ, ཨཏིཀྐམྨ སོ སཏྟགིརཱི བྲཧནྟེ;

སུཝཎྞཔསྶོ ནཱམ གིརཱི ཨུལཱ༹རོ, སུཔུཔྥིཏོ [སམྤུཔྥིཏོ (སྱཱ.)] ཀིམྤུརིསཱནུཙིཎྞོ.

ཨཱརུཡ྄ཧ ¶ སེལཾ བྷཝནཾ ཀིནྣརཱནཾ, ཨོལོཀཡ པབྦཏཔཱདམཱུལཾ;

ཨཐ དཀྑསཱི མེགྷསམཱནཝཎྞཾ, ནིགྲོདྷརཱཛཾ ཨཐ སཧསྶཔཱདཾ [པོརཾ (ཀ.)].

ཏཏྠཙྪཏཱི ཀུཉྫརོ ཚབྦིསཱཎོ, སབྦསེཏོ དུཔྤསཧོ པརེབྷི;

རཀྑནྟི ནཾ ཨཊྛསཧསྶནཱགཱ, ཨཱིསཱདནྟཱ ཝཱཏཛཝཔྤཧཱརིནོ.

ཏིཊྛནྟི ¶ ཏེ ཏུམཱུལཾ [ཏུམཱུལ (སྱཱ.), བྷིམཱུལ (པཱི. ཀ.)] པསྶསནྟཱ, ཀུཔྤནྟི ཝཱཏསྶཔི ཨེརིཏསྶ;

མནུསྶབྷཱུཏཾ པན ཏཏྠ དིསྭཱ, བྷསྨཾ ཀརེཡྻུཾ ནཱསྶ རཛོཔི ཏསྶ.

བཧཱུ ཧིམེ རཱཛཀུལམྷི སནྟི, པིལ༹ནྡྷནཱ ཛཱཏརཱུཔསྶ དེཝཱི;

མུཏྟཱམཎཱིཝེལུ༹རིཡཱམཡཱ ཙ, ཀིཾ ཀཱཧསི དནྟཔིལ༹ནྡྷནེན;

མཱརེཏུཀཱམཱ ཀུཉྫརཾ ཚབྦིསཱཎཾ, ཨུདཱཧུ གྷཱཏེསྶསི ལུདྡཔུཏྟེ.

སཱ ཨིསྶིཏཱ དུཀྑིཏཱ ཙསྨི ལུདྡ, ཨུདྡྷཉྩ སུསྶཱམི ཨནུསྶརནྟཱི;

ཀརོཧི མེ ལུདྡཀ ཨེཏམཏྠཾ, དསྶཱམི ཏེ གཱམཝརཱནི པཉྩ.

ཀཏྠཙྪཏཱི ཀཏྠམུཔེཏི ཋཱནཾ, ཝཱིཐིསྶ ཀཱ ནྷཱན [ནཧཱན (སཱི. པཱི.)] གཏསྶ ཧོཏི;

ཀཐཉྷི སོ ནྷཱཡཏི [ནཧཱཡཏི (སཱི. པཱི.)] ནཱགརཱཛཱ, ཀཐཾ ཝིཛཱནེམུ གཏིཾ གཛསྶ.

ཏཏྠེཝ ¶ སཱ པོཀྑརཎཱི ཨདཱུརེ [ཨཝིདཱུརེ (སྱཱ. ཀ.)], རམྨཱ སུཏིཏྠཱ ཙ མཧོདིཀཱ [མཧོདཀཱ (སྱཱ. ཀ.)] ཙ;

སམྤུཔྥིཏཱ ¶ བྷམརགཎཱནུཙིཎྞཱ [ཀིཎྞཱ (ཀཏྠཙི)], ཨེཏྠ ཧི སོ ནྷཱཡཏི ནཱགརཱཛཱ.

སཱིསཾ ནཧཱཏུཔྤལ [ནཧཱཏོ ཨུཔྤལ (སཱི. སྱཱ. པཱི.)] མཱལབྷཱརཱི, སབྦསེཏོ པུཎྜརཱིཀཏྟཙངྒཱི;

ཨཱམོདམཱནོ གཙྪཏི སནྣིཀེཏཾ, པུརཀྑཏྭཱ མཧེསིཾ སབྦབྷདྡཾ.

ཏཏྠེཝ སོ ཨུགྒཧེཏྭཱན ཝཱཀྱཾ, ཨཱདཱཡ ཏཱུཎིཉྩ དྷནུཉྩ ལུདྡོ;

ཝིཏུརིཡཏི [ཝིཏུརིཡ སོ (སཱི. ཨཊྛ.)] སཏྟགིརཱི བྲཧནྟེ, སུཝཎྞཔསྶཾ ནཱམ གིརིཾ ཨུལཱ༹རཾ.

ཨཱརུཡ྄ཧ སེལཾ བྷཝནཾ ཀིནྣརཱནཾ, ཨོལོཀཡཱི པབྦཏཔཱདམཱུལཾ;

ཏཏྠདྡསཱ མེགྷསམཱནཝཎྞཾ, ནིགྲོདྷརཱཛཾ ཨཊྛསཧསྶཔཱདཾ.

ཏཏྠདྡསཱ ཀུཉྫརཾ ཚབྦིསཱཎཾ, སབྦསེཏཾ དུཔྤསཧཾ པརེབྷི;

རཀྑནྟི ནཾ ཨཊྛསཧསྶནཱགཱ, ཨཱིསཱདནྟཱ ཝཱཏཛཝཔྤཧཱརིནོ.

ཏཏྠདྡསཱ ¶ པོཀྑརཎིཾ ཨདཱུརེ, རམྨཾ སུཏིཏྠཉྩ མཧོདིཀཉྩ;

སམྤུཔྥིཏཾ ¶ བྷམརགཎཱནུཙིཎྞཾ, ཡཏྠ ཧི སོ ནྷཱཡཏི ནཱགརཱཛཱ.

དིསྭཱན ནཱགསྶ གཏིཾ ཋིཏིཉྩ, ཝཱིཐིསྶ ཡཱ ནྷཱནགཏསྶ ཧོཏི;

ཨོཔཱཏམཱགཙྪི ཨནརིཡརཱུཔོ, པཡོཛིཏོ ཙིཏྟཝསཱནུགཱཡ.

ཁཎིཏྭཱན ¶ ཀཱསུཾ ཕལཀེཧི ཚཱདཡི, ཨཏྟཱནམོདྷཱཡ དྷནུཉྩ ལུདྡོ;

པསྶཱགཏཾ པུཐུསལླེན ནཱགཾ, སམཔྤཡཱི དུཀྐཊཀམྨཀཱརཱི.

ཝིདྡྷོ ཙ ནཱགོ ཀོཉྩམནཱདི གྷོརཾ, སབྦེ ཙ [སབྦེཝ (སཱི. སྱཱ. པཱི.)] ནཱགཱ ནིནྣདུཾ [ནིནྣཱདུ (སྱཱ.), ནིནྣཱདཾ (ཀ.)] གྷོརརཱུཔཾ;

ཏིཎཉྩ ཀཊྛཉྩ རཎཾ [ཙུཎྞཾ (ཀ. སཱི. པཱི.)] ཀརོནྟཱ, དྷཱཝིཾསུ ཏེ ཨཊྛདིསཱ སམནྟཏོ.

ཝདྷིསྶམེཏནྟི [ཝདྷིསྶམེནནྟི (སྱཱ.)] པརཱམསནྟོ, ཀཱསཱཝམདྡཀྑི དྷཛཾ ཨིསཱིནཾ;

དུཀྑེན ཕུཊྛསྶུདཔཱདི སཉྙཱ, ཨརཧདྡྷཛོ སབྦྷི ཨཝཛ྄ཛྷརཱུཔོ.

ཨནིཀྐསཱཝོ ཀཱསཱཝཾ, ཡོ ཝཏྠཾ པརིདཧིསྶཏི [པརིདཧེསྶཏི (སཱི. པཱི.), པརིདྷསྶཏི (ཀཏྠཙི)];

ཨཔེཏོ དམསཙྩེན, ན སོ ཀཱསཱཝམརཧཏི.

ཡོ ¶ ཙ ཝནྟཀསཱཝསྶ, སཱིལེསུ སུསམཱཧིཏོ;

ཨུཔེཏོ དམསཙྩེན, ས ཝེ ཀཱསཱཝམརཧཏི.

སམཔྤིཏོ པུཐུསལླེན ནཱགོ, ཨདུཊྛཙིཏྟོ ལུདྡཀམཛ྄ཛྷབྷཱསི;

ཀིམཏྠཡཾ ཀིསྶ ཝཱ སམྨ ཧེཏུ, མམཾ ཝདྷཱི ཀསྶ ཝཱཡཾ པཡོགོ.

ཀཱསིསྶ རཉྙོ མཧེསཱི བྷདནྟེ, སཱ པཱུཛིཏཱ རཱཛཀུལེ སུབྷདྡཱ;

ཏཾ ཨདྡསཱ སཱ ཙ མམཾ ཨསཾསི, དནྟེཧི ཨཏྠོཏི ཙ མཾ [ཨཏྠོཏི མམཾ (སྱཱ. ཀ.)] ཨཝོཙ.

བཧཱུ ¶ ཧི མེ དནྟཡུགཱ ཨུལཱ༹རཱ, ཡེ མེ པིཏཱུནཉྩ [པིཏུནྣམྤི (པཱི.)] པིཏཱམཧཱནཾ;

ཛཱནཱཏི སཱ ཀོདྷནཱ རཱཛཔུཏྟཱི, ཝདྷཏྠིཀཱ ཝེརམཀཱསི བཱལཱ.

ཨུཊྛེཧི ཏྭཾ ལུདྡ ཁརཾ གཧེཏྭཱ, དནྟེ ཨིམེ ཚིནྡ པུརཱ མརཱམི;

ཝཛྫཱསི ཏཾ ཀོདྷནཾ རཱཛཔུཏྟིཾ, ‘‘ནཱགོ ཧཏོ ཧནྡ ཨིམསྶ དནྟཱ’’.

ཨུཊྛཱཡ སོ ལུདྡོ ཁརཾ གཧེཏྭཱ, ཚེཏྭཱན ¶ དནྟཱནི གཛུཏྟམསྶ;

ཝགྒཱུ སུབྷེ ཨཔྤཊིམེ པཐབྱཱ, ཨཱདཱཡ པཀྐཱམི ཏཏོ ཧི ཁིཔྤཾ.

བྷཡཊྚིཏཱ [བྷཡདྡིཏཱ (སཱི. པཱི.)] ནཱགཝདྷེན ཨཊྚཱ, ཡེ ཏེ ནཱགཱ ཨཊྛ དིསཱ ཝིདྷཱཝུཾ;

ཨདིསྭཱན [ཨདིསྭ (སཱི. པཱི.)] པོསཾ གཛཔཙྩམིཏྟཾ, པཙྩཱགམུཾ ཡེན སོ ནཱགརཱཛཱ.

ཏེ ཏཏྠ ཀནྡིཏྭཱ རོདིཏྭཱན [རོདིཏྭ (སཱི. པཱི.)] ནཱགཱ, སཱིསེ སཀེ པཾསུཀཾ ཨོཀིརིཏྭཱ;

ཨགམཾསུ ཏེ སབྦེ སཀཾ ནིཀེཏཾ, པུརཀྑཏྭཱ མཧེསིཾ སབྦབྷདྡཾ.

ཨཱདཱཡ ¶ དནྟཱནི གཛུཏྟམསྶ, ཝགྒཱུ སུབྷེ ཨཔྤཊིམེ པཐབྱཱ;

སུཝཎྞརཱཛཱིཧི སམནྟམོདརེ, སོ ལུདྡཀོ ཀཱསིཔུརཾ ཨུཔཱགམི;

ཨུཔནེསི སོ རཱཛཀཉྙཱཡ དནྟེ, ནཱགོ ཧཏོ ཧནྡ ཨིམསྶ དནྟཱ.

དིསྭཱན ¶ དནྟཱནི གཛུཏྟམསྶ, བྷཏྟུཔྤིཡསྶ པུརིམཱཡ ཛཱཏིཡཱ;

ཏཏྠེཝ ཏསྶཱ ཧདཡཾ ཨཕཱལི, ཏེནེཝ ¶ སཱ ཀཱལམཀཱསི བཱལཱ.

སམྦོདྷིཔཏྟོ ས [ཙ (སཱི. སྱཱ.), ཝ (པཱི.)] མཧཱནུབྷཱཝོ, སིཏཾ ཨཀཱསི པརིསཱཡ མཛ྄ཛྷེ;

པུཙྪིཾསུ བྷིཀྑཱུ སུཝིམུཏྟཙིཏྟཱ, ནཱཀཱརཎེ པཱཏུཀརོནྟི བུདྡྷཱ.

ཡམདྡསཱཐ དཧརིཾ ཀུམཱརིཾ, ཀཱསཱཡཝཏྠཾ ཨནགཱརིཡཾ ཙརནྟིཾ;

སཱ ཁོ ཏདཱ རཱཛཀཉྙཱ ཨཧོསི, ཨཧཾ ཏདཱ ནཱགརཱཛཱ ཨཧོསིཾ.

ཨཱདཱཡ དནྟཱནི གཛུཏྟམསྶ, ཝགྒཱུ སུབྷེ ཨཔྤཊིམེ པཐབྱཱ;

ཡོ ལུདྡཀོ ཀཱསིཔུརཾ ཨུཔཱགམི, སོ ཁོ ཏདཱ དེཝདཏྟོ ཨཧོསི.

ཨནཱཝསཱུརཾ ཙིརརཏྟསཾསིཏཾ, ཨུཙྩཱཝཙཾ [ཨུཙཾ ནཱིཙཾ (སཱི. སྱཱ. པཱི.)] ཙརིཏམིདཾ པུརཱཎཾ;

ཝཱིཏདྡརོ ཝཱིཏསོཀོ ཝིསལློ, སཡཾ ཨབྷིཉྙཱཡ ཨབྷཱསི བུདྡྷོ.

ཨཧཾ ཝོ ཏེན ཀཱལེན, ཨཧོསིཾ ཏཏྠ བྷིཀྑཝོ;

ནཱགརཱཛཱ ཏདཱ ཧོམི [ཧོསིཾ (སཱི. སྱཱ. པཱི.)], ཨེཝཾ དྷཱརེཐ ཛཱཏཀནྟི.

རཛྫཉྩ ¶ པཊིཔནྣཱསྨ, ཨཱདྷིཔཙྩཾ སུཙཱིརཏ;

མཧཏྟཾ པཏྟུམིཙྪཱམི, ཝིཛེཏུཾ པཐཝིཾ ཨིམཾ.

དྷམྨེན ནོ ཨདྷམྨེན, ཨདྷམྨོ མེ ན རུཙྩཏི;

ཀིཙྩོཝ དྷམྨོ ཙརིཏོ, རཉྙོ ཧོཏི སུཙཱིརཏ.

ཨིདྷ ¶ ཙེཝཱནིནྡིཏཱ ཡེན, པེཙྩ ཡེན ཨནིནྡིཏཱ;

ཡསཾ དེཝམནུསྶེསུ, ཡེན པཔྤོམུ [པཔྤེམུ (སཱི. ཨཊྛ.)] བྲཱཧྨཎ.

ཡོཧཾ ཨཏྠཉྩ དྷམྨཉྩ, ཀཏྟུམིཙྪཱམི བྲཱཧྨཎ;

ཏཾ ཏྭཾ ཨཏྠཉྩ དྷམྨཉྩ, བྲཱཧྨཎཀྑཱཧི པུཙྪིཏོ.

ནཱཉྙཏྲ ཝིདྷུརཱ རཱཛ, ཨེཏདཀྑཱཏུམརཧཏི;

ཡཾ ཏྭཾ ཨཏྠཉྩ དྷམྨཉྩ, ཀཏྟུམིཙྪསི ཁཏྟིཡ.

ཨེཧི ¶ ཁོ པཧིཏོ གཙྪ, ཝིདྷུརསྶ ཨུཔནྟིཀཾ;

ནིཀྑཉྩིམཾ [ནིཀྑཾ རཏྟ (སཱི.), ནིཀྑམིམཾ (པཱི.)] སུཝཎྞསྶ, ཧརཾ གཙྪ སུཙཱིརཏ;

ཨབྷིཧཱརཾ ཨིམཾ དཛྫཱ, ཨཏྠདྷམྨཱནུསིཊྛིཡཱ.

སྭཱདྷིཔྤཱགཱ བྷཱརདྭཱཛོ, ཝིདྷུརསྶ ཨུཔནྟིཀཾ;

ཏམདྡས མཧཱབྲཧྨཱ, ཨསམཱནཾ སཀེ གྷརེ.

རཉྙོཧཾ པཧིཏོ དཱུཏོ, ཀོརབྱསྶ ཡསསྶིནོ;

‘‘ཨཏྠཾ དྷམྨཉྩ པུཙྪེསི’’, ཨིཙྩབྲཝི ཡུདྷིཊྛིལོ;

ཏཾ ཏྭཾ ཨཏྠཉྩ དྷམྨཉྩ, ཝིདྷུརཀྑཱཧི པུཙྪིཏོ.

གངྒཾ མེ པིདཧིསྶནྟི, ན ཏཾ སཀྐོམི བྲཱཧྨཎ;

ཨཔིདྷེཏུཾ ¶ མཧཱསིནྡྷུཾ, ཏཾ ཀཐཾ སོ བྷཝིསྶཏི.

ན ཏེ སཀྐོམི ཨཀྑཱཏུཾ, ཨཏྠཾ དྷམྨཉྩ པུཙྪིཏོ;

བྷདྲཀཱརོ ཙ མེ པུཏྟོ, ཨོརསོ མམ ཨཏྲཛོ;

ཏཾ ཏྭཾ ཨཏྠཉྩ དྷམྨཉྩ, གནྟྭཱ པུཙྪསྶུ བྲཱཧྨཎ.

སྭཱདྷིཔྤཱགཱ བྷཱརདྭཱཛོ, བྷདྲཀཱརསྶུཔནྟིཀཾ [བྷདྲཀཱརསྶ སནྟིཀཾ (སཱི. སྱཱ.)];

ཏམདྡས མཧཱབྲཧྨཱ, ནིསིནྣཾ སམྷི ཝེསྨནི.

རཉྙོཧཾ པཧིཏོ དཱུཏོ, ཀོརབྱསྶ ཡསསྶིནོ;

‘‘ཨཏྠཾ དྷམྨཉྩ པུཙྪེསི’’, ཨིཙྩབྲཝི ཡུདྷིཊྛིལོ;

ཏཾ ཏྭཾ ཨཏྠཉྩ དྷམྨཉྩ, བྷདྲཀཱར པབྲཱུཧི [བྲཝཱིཧི (སཱི. པཱི.)] མེ.

མཾསཀཱཛཾ [མཾསཀཱཙཾ (པཱི.)] ཨཝཧཱཡ, གོདྷཾ ཨནུཔཏཱམཧཾ;

ན ཏེ སཀྐོམི ཨཀྑཱཏུཾ, ཨཏྠཾ དྷམྨཉྩ པུཙྪིཏོ.

སཉྩཡོ ¶ [སཉྫཡོ (སཱི. སྱཱ. པཱི.)] ནཱམ མེ བྷཱཏཱ, ཀནིཊྛོ མེ སུཙཱིརཏ;

ཏཾ ཏྭཾ ཨཏྠཉྩ དྷམྨཉྩ, གནྟྭཱ པུཙྪསྶུ བྲཱཧྨཎ.

སྭཱདྷིཔྤཱགཱ བྷཱརདྭཱཛོ, སཉྩཡསྶ ཨུཔནྟིཀཾ;

ཏམདྡས མཧཱབྲཧྨཱ, ནིསིནྣཾ སམྷི ཝེསྨནི [པརིསཏི (སྱཱ.), པརཱིསཏི (པཱི.)].

རཉྙོཧཾ པཧིཏོ དཱུཏོ, ཀོརབྱསྶ ཡསསྶིནོ;

‘‘ཨཏྠཾ དྷམྨཉྩ པུཙྪེསི’’, ཨིཙྩབྲཝི ཡུདྷིཊྛིལོ;

ཏཾ ཏྭཾ ཨཏྠཉྩ དྷམྨཉྩ, སཉྩཡཀྑཱཧི པུཙྪིཏོ.

སདཱ མཾ གིལཏེ [གིལཏཱི (སཱི.), གིལཏི (པཱི.)] མཙྩུ, སཱཡཾ པཱཏོ སུཙཱིརཏ;

ན ཏེ སཀྐོམི ཨཀྑཱཏུཾ, ཨཏྠཾ དྷམྨཉྩ པུཙྪིཏོ.

སམྦྷཝོ ¶ ¶ ནཱམ མེ བྷཱཏཱ, ཀནིཊྛོ མེ སུཙཱིརཏ;

ཏཾ ཏྭཾ ཨཏྠཉྩ དྷམྨཉྩ, གནྟྭཱ པུཙྪསྶུ བྲཱཧྨཎ.

ཨབྦྷུཏོ ཝཏ བྷོ དྷམྨོ, ནཱཡཾ ཨསྨཱཀ རུཙྩཏི;

ཏཡོ ཛནཱ པིཏཱཔུཏྟཱ, ཏེསུ པཉྙཱཡ ནོ ཝིདཱུ.

ན ཏཾ སཀྐོཐ ཨཀྑཱཏུཾ, ཨཏྠཾ དྷམྨཉྩ པུཙྪིཏཱ;

ཀཐཾ ནུ དཧརོ ཛཉྙཱ, ཨཏྠཾ དྷམྨཉྩ པུཙྪིཏོ.

མཱ ནཾ དཧརོཏི ཨུཉྙཱསི [མཉྙཱསི (སྱཱ. ཀ.)], ཨཔུཙྪིཏྭཱན སམྦྷཝཾ;

པུཙྪིཏྭཱ སམྦྷཝཾ ཛཉྙཱ, ཨཏྠཾ དྷམྨཉྩ བྲཱཧྨཎ.

ཡཐཱཔི ཙནྡོ ཝིམལོ, གཙྪཾ ཨཱཀཱསདྷཱཏུཡཱ;

སབྦེ ཏཱརཱགཎེ ལོཀེ, ཨཱབྷཱཡ ཨཏིརོཙཏི.

ཨེཝམྤི དཧརཱུཔེཏོ, པཉྙཱཡོགེན སམྦྷཝོ;

མཱ ནཾ དཧརོཏི ཨུཉྙཱསི, ཨཔུཙྪིཏྭཱན སམྦྷཝཾ;

པུཙྪིཏྭཱ སམྦྷཝཾ ཛཉྙཱ, ཨཏྠཾ དྷམྨཉྩ བྲཱཧྨཎ.

ཡཐཱཔི རམྨཀོ མཱསོ, གིམྷཱནཾ ཧོཏི བྲཱཧྨཎ;

ཨཏེཝཉྙེཧི མཱསེཧི, དུམཔུཔྥེཧི སོབྷཏི.

ཨེཝམྤི ¶ དཧརཱུཔེཏོ, པཉྙཱཡོགེན སམྦྷཝོ;

མཱ ནཾ དཧརོཏི ཨུཉྙཱསི, ཨཔུཙྪིཏྭཱན སམྦྷཝཾ;

པུཙྪིཏྭཱ སམྦྷཝཾ ཛཉྙཱ, ཨཏྠཾ དྷམྨཉྩ བྲཱཧྨཎ.

ཡཐཱཔི ཧིམཝཱ བྲཧྨེ, པབྦཏོ གནྡྷམཱདནོ;

ནཱནཱརུཀྑེཧི སཉྪནྣོ, མཧཱབྷཱུཏགཎཱལཡོ;

ཨོསདྷེཧི ¶ ཙ དིབྦེཧི, དིསཱ བྷཱཏི པཝཱཏི ཙ.

ཨེཝམྤི དཧརཱུཔེཏོ, པཉྙཱཡོགེན སམྦྷཝོ;

མཱ ནཾ དཧརོཏི ཨུཉྙཱསི, ཨཔུཙྪིཏྭཱན སམྦྷཝཾ;

པུཙྪིཏྭཱ སམྦྷཝཾ ཛཉྙཱ, ཨཏྠཾ དྷམྨཉྩ བྲཱཧྨཎ.

ཡཐཱཔི པཱཝཀོ བྲཧྨེ, ཨཙྩིམཱལཱི ཡསསྶིམཱ;

ཛལམཱནོ ཝནེ གཙྪེ [ཙརཾ ཀཙྪེ (པཱི.)], ཨནལོ ཀཎྷཝཏྟནཱི.

གྷཏཱསནོ དྷཱུམཀེཏུ, ཨུཏྟམཱཧེཝནནྡཧོ;

ནིསཱིཐེ [ནིསྶཱིཝེ (སྱཱ.), ནིསིཝེ (ཀ.)] པབྦཏགྒསྨིཾ, པཧཱུཏེདྷོ [བཧུཏེཛོ (སྱཱ. ཀ.)] ཝིརོཙཏི.

ཨེཝམྤི ¶ དཧརཱུཔེཏོ, པཉྙཱཡོགེན སམྦྷཝོ;

མཱ ནཾ དཧརོཏི ཨུཉྙཱསི, ཨཔུཙྪིཏྭཱན སམྦྷཝཾ;

པུཙྪིཏྭཱ སམྦྷཝཾ ཛཉྙཱ, ཨཏྠཾ དྷམྨཉྩ བྲཱཧྨཎ.

ཛཝེན བྷདྲཾ ཛཱནནྟི, བལིབདྡཉྩ [བལིཝདྡཉྩ (སཱི. པཱི.)] ཝཱཧིཡེ;

དོཧེན དྷེནུཾ ཛཱནནྟི, བྷཱསམཱནཉྩ པཎྜིཏཾ.

ཨེཝམྤི དཧརཱུཔེཏོ, པཉྙཱཡོགེན སམྦྷཝོ;

མཱ ནཾ དཧརོཏི ཨུཉྙཱསི, ཨཔུཙྪིཏྭཱན སམྦྷཝཾ;

པུཙྪིཏྭཱ སམྦྷཝཾ ཛཉྙཱ, ཨཏྠཾ དྷམྨཉྩ བྲཱཧྨཎ.

སྭཱདྷིཔྤཱགཱ བྷཱརདྭཱཛོ, སམྦྷཝསྶ ཨུཔནྟིཀཾ;

ཏམདྡས མཧཱབྲཧྨཱ, ཀཱིལ༹མཱནཾ བཧཱིཔུརེ.

རཉྙོཧཾ པཧིཏོ དཱུཏོ, ཀོརབྱསྶ ཡསསྶིནོ;

‘‘ཨཏྠཾ དྷམྨཉྩ པུཙྪེསི’’, ཨིཙྩབྲཝི ཡུདྷིཊྛིལོ;

ཏཾ ¶ ཏྭཾ ཨཏྠཉྩ དྷམྨཉྩ, སམྦྷཝཀྑཱཧི པུཙྪིཏོ.

ཏགྒྷ ¶ ཏེ ཨཧམཀྑིསྶཾ, ཡཐཱཔི ཀུསལོ ཏཐཱ;

རཱཛཱ ཙ ཁོ ཏཾ ཛཱནཱཏི, ཡདི ཀཱཧཏི ཝཱ ན ཝཱ.

‘‘ཨཛྫ སུཝེ’’ཏི སཾསེཡྻ, རཉྙཱ པུཊྛོ སུཙཱིརཏ;

མཱ ཀཏྭཱ ཨཝསཱི རཱཛཱ, ཨཏྠེ ཛཱཏེ ཡུདྷིཊྛིལོ.

ཨཛ྄ཛྷཏྟཉྙེཝ སཾསེཡྻ, རཉྙཱ པུཊྛོ སུཙཱིརཏ;

ཀུམྨགྒཾ ན ནིཝེསེཡྻ, ཡཐཱ མཱུལ༹ྷོ ཨཙེཏསོ [ཨཙེཏནོ (ཀ.)].

ཨཏྟཱནཾ ནཱཏིཝཏྟེཡྻ, ཨདྷམྨཾ ན སམཱཙརེ;

ཨཏིཏྠེ ནཔྤཏཱརེཡྻ, ཨནཏྠེ ན ཡུཏོ སིཡཱ.

ཡོ ཙ ཨེཏཱནི ཋཱནཱནི, ཀཏྟུཾ ཛཱནཱཏི ཁཏྟིཡོ;

སདཱ སོ ཝཌྜྷཏེ རཱཛཱ, སུཀྐཔཀྑེཝ ཙནྡིམཱ.

ཉཱཏཱིནཉྩ པིཡོ ཧོཏི, མིཏྟེསུ ཙ ཝིརོཙཏི;

ཀཱཡསྶ བྷེདཱ སཔྤཉྙོ, སགྒཾ སོ ཨུཔཔཛྫཏཱིཏི.

བཱརཱཎསྱཾ [བཱརཱཎསྶཾ (སཱི. པཱི.)] ཨཧཱུ རཱཛཱ, ཀཱསཱིནཾ རཊྛཝཌྜྷནོ;

མིཏྟཱམཙྩཔརིབྱཱུལ༹ྷོ, ཨགམཱསི མིགཱཛིནཾ [མིགཱཛིརཾ (སཱི.), མིགཱཙིརཾ (པཱི.)].

ཏཏྠ ¶ བྲཱཧྨཎམདྡཀྑི, སེཏཾ ཙིཏྲཾ ཀིལཱསིནཾ;

ཝིདྡྷསྟཾ ཀོཝིལཱ༹རཾཝ, ཀིསཾ དྷམནིསནྠཏཾ.

པརམཀཱརུཉྙཏཾ ¶ པཏྟཾ, དིསྭཱ ཀིཙྪགཏཾ ནརཾ;

ཨཝཙ བྱམྷིཏོ རཱཛཱ, ‘‘ཡཀྑཱནཾ ཀཏམོ ནུསི.

‘‘ཧཏྠཔཱདཱ ཙ ཏེ སེཏཱ, ཏཏོ སེཏཏརཾ [སེཏཏརོ (པཱི.)] སིརོ;

གཏྟཾ ཀམྨཱསཝཎྞཾ ཏེ, ཀིལཱསབཧུལོ ཙསི.

‘‘ཝཊྚནཱཝལི༹ [ཝཊྛནཱཝལི (པཱི.)] སངྐཱསཱ, པིཊྛི ཏེ ནིནྣཏུནྣཏཱ;

ཀཱལ༹པབྦཱཝ [ཀཱལ༹པབྦཱ ཙ (སྱཱ.), ཀཱལཱ༹ པབྦཱ ཙ (པཱི.)] ཏེ ཨངྒཱ, ནཱཉྙཾ པསྶཱམི ཨེདིསཾ.

‘‘ཨུགྒྷཊྚཔཱདོ ¶ ཏསིཏོ, ཀིསོ དྷམནིསནྠཏོ;

ཚཱཏོ ཨཱཏཏྟརཱུཔོསི [ཨཱདིཏྟརཱུཔོསི (ཀ.), ཨཏིཏྟརཱུཔོསི (སྱཱ. ཀ. ཨཊྛ.)], ཀུཏོསི ཀཏྠ གཙྪསི.

‘‘དུདྡསཱི ཨཔྤཀཱརོསི, དུབྦཎྞོ བྷཱིམདསྶནོ;

ཛནེཏྟི ཡཱཔི ཏེ མཱཏཱ, ན ཏཾ ཨིཙྪེཡྻ པསྶིཏུཾ.

‘‘ཀིཾ ཀམྨམཀརཾ [ཀམྨམཀརཱ (སཱི. སྱཱ. པཱི.)] པུབྦེ, ཀཾ ཨཝཛ྄ཛྷཾ ཨགྷཱཏཡི;

ཀིབྦིསཾ ཡཾ ཀརིཏྭཱན, ཨིདཾ དུཀྑཾ ཨུཔཱགམི’’.

ཏགྒྷ ཏེ ཨཧམཀྑིསྶཾ, ཡཐཱཔི ཀུསལོ ཏཐཱ;

སཙྩཝཱདིཉྷི ལོཀསྨིཾ, པསཾསནྟཱིདྷ པཎྜིཏཱ.

ཨེཀོ ཙརཾ གོགཝེསོ, མཱུལ༹ྷོ ཨཙྩསརིཾ ཝནེ;

ཨརཉྙེ ཨིརཱིཎེ [ཨཱིརིཎེ (སཱི. སྱཱ. པཱི.)] ཝིཝནེ, ནཱནཱཀུཉྫརསེཝིཏེ.

ཝཱལ༹མིགཱནུཙརིཏེ, ཝིཔྤནཊྛོསྨི ཀཱནནེ;

ཨཙརིཾ ཏཏྠ སཏྟཱཧཾ, ཁུཔྤིཔཱས [ཁུཔྤིཔཱསཱ (སཱི. པཱི.)] སམཔྤིཏོ.

ཏཏྠ ཏིནྡུཀམདྡཀྑིཾ, ཝིསམཊྛཾ བུབྷུཀྑིཏོ;

པཔཱཏམབྷིལམྦནྟཾ, སམྤནྣཕལདྷཱརིནཾ.

ཝཱཏསྶིཏཱནི ¶ བྷཀྑེསིཾ, ཏཱནི རུཙྩིཾསུ མེ བྷུསཾ;

ཨཏིཏྟོ རུཀྑམཱརཱུཧིཾ [མཱརུཡ྄ཧ (སཱི. སྱཱ.)], ཏཏྠ ཧེསྶཱམི ཨཱསིཏོ.

ཨེཀཾ མེ བྷཀྑིཏཾ ཨཱསི, དུཏིཡཾ ཨབྷིཔཏྠིཏཾ;

ཏཏོ སཱ བྷཉྫཐ སཱཁཱ, ཚིནྣཱ ཕརསུནཱ ཝིཡ.

སོཧཾ སཧཱཝ སཱཁཱཧི, ཨུདྡྷཾཔཱདོ ཨཝཾསིརོ;

ཨཔྤཏིཊྛེ ཨནཱལམྦེ, གིརིདུགྒསྨི པཱཔཏཾ.

ཡསྨཱ ཙ ཝཱརི གམྦྷཱིརཾ, ཏསྨཱ ན སམཔཛྫིསཾ [སམཔཛྫསིཾ (སཱི.), སམབྷཛྫིསཾ (པཱི.)];

ཏཏྠ སེསིཾ ནིརཱནནྡོ, ཨནཱུནཱ [ཨནཱཐོ (སཱི.)] དས རཏྟིཡོ.

ཨཐེཏྠ ¶ ཀཔི མཱགཉྪི [མཱགཙྪི (སྱཱ. ཀ.)], གོནངྒུལོ དརཱིཙརོ;

སཱཁཱཧི སཱཁཾ ཝིཙརནྟོ, ཁཱདམཱནོ དུམཔྥལཾ.

སོ ¶ མཾ དིསྭཱ ཀིསཾ པཎྜུཾ, ཀཱརུཉྙམཀརཾ མཡི;

ཨམྦྷོ ཀོ ནཱམ སོ ཨེཏྠ, ཨེཝཾ དུཀྑེན ཨཊྚིཏོ.

མནུསྶོ ཨམནུསྶོ ཝཱ, ཨཏྟཱནཾ མེ པཝེདཡ;

ཏསྶཉྫལིཾ པཎཱམེཏྭཱ, ཨིདཾ ཝཙནམབྲཝིཾ.

མནུསྶོཧཾ བྱསམྤཏྟོ [ཝསམྤཏྟོ (སྱཱ. ཀ.)], སཱ མེ ནཏྠི ཨིཏོ གཏི;

ཏཾ ཝོ ཝདཱམི བྷདྡཾ ཝོ, ཏྭཉྩ མེ སརཎཾ བྷཝ.

གརུཾ [གརུ (སཱི. པཱི.)] སིལཾ གཧེཏྭཱན, ཝིཙརཱི [ཝིཙརི (པཱི.)] པབྦཏེ ཀཔི;

སིལཱཡ ཡོགྒཾ ཀཏྭཱན, ནིསབྷོ ཨེཏདབྲཝི.

ཨེཧི མེ པིཊྛིམཱརུཡ྄ཧ, གཱིཝཾ གཎྷཱཧི བཱཧུབྷི;

ཨཧཾ ཏཾ ཨུདྡྷརིསྶཱམི, གིརིདུགྒཏ ཝེགསཱ.

ཏསྶ ¶ ཏཾ ཝཙནཾ སུཏྭཱ, ཝཱནརིནྡསྶ སིརཱིམཏོ;

པིཊྛིམཱརུཡ྄ཧ དྷཱིརསྶ, གཱིཝཾ བཱཧཱཧི ཨགྒཧིཾ.

སོ མཾ ཏཏོ སམུཊྛཱསི, ཏེཛསྶཱི [ཏེཛསཱི (སྱཱ. པཱི. ཀ.)] བལཝཱ ཀཔི;

ཝིཧཉྙམཱནོ ཀིཙྪེན, གིརིདུགྒཏ ཝེགསཱ.

ཨུདྡྷརིཏྭཱན མཾ སནྟོ, ནིསབྷོ ཨེཏདབྲཝི;

ཨིངྒྷ མཾ སམྨ རཀྑསྶུ, པསྶུཔིསྶཾ མུཧུཏྟཀཾ.

སཱིཧཱ བྱགྒྷཱ ཙ དཱིཔཱི ཙ, ཨཙྪཀོཀཏརཙྪཡོ;

ཏེ མཾ པམཏྟཾ ཧིཾསེཡྻུཾ, ཏེ ཏྭཾ དིསྭཱ ནིཝཱརཡ [དིསྭཱན ཝཱརཡ (པཱི.)].

ཨེཝཾ མེ པརིཏྟཱཏཱུན [པརིཏྟཱཏུན (ཀ.)], པསྶུཔི སོ མུཧུཏྟཀཾ;

ཏདཱཧཾ པཱཔིཀཾ དིཊྛིཾ, པཊིལཙྪིཾ ཨཡོནིསོ.

བྷཀྑོ ཨཡཾ མནུསྶཱནཾ, ཡཐཱ ཙཉྙེ ཝནེ མིགཱ;

ཡཾ ནཱུནིམཾ ཝདྷིཏྭཱན, ཚཱཏོ ཁཱདེཡྻ ཝཱནརཾ.

ཨསིཏོ [ཨཱསིཀོ (པཱི.)] ཙ གམིསྶཱམི, མཾསམཱདཱཡ སམྦལཾ;

ཀནྟཱརཾ ནིཏྠརིསྶཱམི, པཱཐེཡྻཾ མེ བྷཝིསྶཏི.

ཏཏོ སིལཾ གཧེཏྭཱན, མཏྠཀཾ སནྣིཏཱལ༹ཡིཾ;

མམ གཏྟ [བྷཏྟ (སཱི. སྱཱ.), ཧཏྠ (པཱི.)] ཀིལནྟསྶ, པཧཱརོ དུབྦལོ ཨཧུ.

སོ ¶ ¶ ཙ ཝེགེནུདཔྤཏྟོ, ཀཔི རུཧིར [རུདྷིར (སཱི.)] མཀྑིཏོ;

ཨསྶུཔུཎྞེཧི ནེཏྟེཧི, རོདནྟོ མཾ ཨུདིཀྑཏི.

མཱཡྻོམཾ ཀརི བྷདྡནྟེ, ཏྭཉྩ ནཱམེདིསཾ ཀརི;

ཏྭཉྩ ཁོ ནཱམ དཱིགྷཱཝུ [དཱིགྷཱཡུ (པཱི.)], ཨཉྙེ [ཨཉྙཾ (པཱི.)] ཝཱརེཏུམརཧསི.

ཨཧོ ¶ ཝཏ རེ པུརིས, ཏཱཝ དུཀྐརཀཱརཀ;

ཨེདིསཱ ཝིསམཱ དུགྒཱ, པཔཱཏཱ ཨུདྡྷཏོ [ཨུདྡྷཊོ (པཱི.)] མཡཱ.

ཨཱནཱིཏོ པརལོཀཱཝ, དུབྦྷེཡྻཾ མཾ ཨམཉྙཐ;

ཏཾ ཏེན པཱཔདྷམྨེན, པཱཔཾ པཱཔེན ཙིནྟིཏཾ.

མཱ ཧེཝ ཏྭཾ ཨདྷམྨཊྛ, ཝེདནཾ ཀཊུཀཾ ཕུསི;

མཱ ཧེཝ པཱཔཀམྨཾ ཏཾ, ཕལཾ ཝེལུ༹ཾཝ ཏཾ ཝདྷི.

ཏཡིམེ ནཏྠི ཝིསྶཱསོ, པཱཔདྷམྨ ཨསཉྙཏ [པཱཔདྷམྨཾ ཨམཉྙཐ (པཱི.)];

ཨེཧི མེ པིཊྛིཏོ གཙྪ, དིསྶམཱནོཝ སནྟིཀེ.

མུཏྟོསི ཧཏྠཱ ཝཱལཱ༹ནཾ, པཏྟོསི མཱནུསིཾ པདཾ;

ཨེས མགྒོ ཨདྷམྨཊྛ, ཏེན གཙྪ ཡཐཱསུཁཾ.

ཨིདཾ ཝཏྭཱ གིརིཙརོ, རཧདེ [རུཧིརཾ (སྱཱ. ཀ.)] པཀྑལྱ མཏྠཀཾ;

ཨསྶཱུནི སམྤམཛྫིཏྭཱ, ཏཏོ པབྦཏམཱརུཧི.

སོཧཾ ཏེནཱབྷིསཏྟོསྨི, པརིལཱ༹ཧེན ཨཊྚིཏོ;

ཌཡ྄ཧམཱནེན གཏྟེན, ཝཱརིཾ པཱཏུཾ ཨུཔཱགམིཾ.

ཨགྒིནཱ ཝིཡ སནྟཏྟོ, རཧདོ རུཧིརམཀྑིཏོ;

པུབྦལོཧིཏསངྐཱསོ, སབྦོ མེ སམཔཛྫཐ.

ཡཱཝནྟོ ཨུདབིནྡཱུནི, ཀཱཡསྨིཾ ནིཔཏིཾསུ མེ;

ཏཱཝནྟོ གཎྜ [གཎྜཱུ (སཱི. པཱི.), གཎྜུ (སྱཱ.)] ཛཱཡེཐ, ཨདྡྷབེལུཝསཱདིསཱ.

པབྷིནྣཱ པགྒྷརིཾསུ མེ, ཀུཎཔཱ པུབྦལོཧིཏཱ;

ཡེན ཡེནེཝ གཙྪཱམི, གཱམེསུ ནིགམེསུ ཙ.

དཎྜཧཏྠཱ ¶ ¶ ནིཝཱརེནྟི, ཨིཏྠིཡོ པུརིསཱ ཙ མཾ;

ཨོཀྐིཏཱ [ཨོཀིཎྞཱ (སཱི.)] པཱུཏིགནྡྷེན, མཱསྶུ ཨོརེན ཨཱགམཱ [མཱགམཱ (སཱི. པཱི.)].

ཨེཏཱདིསཾ ཨིདཾ དུཀྑཾ, སཏྟ ཝསྶཱནི དཱནི མེ;

ཨནུབྷོམི སཀཾ ཀམྨཾ, པུབྦེ དུཀྐཊམཏྟནོ.

ཏཾ ¶ ཝོ ཝདཱམི བྷདྡནྟེ [བྷདྡཾ ཝོ (སཱི. པཱི.)], ཡཱཝནྟེཏྠ སམཱགཏཱ;

མཱསྶུ མིཏྟཱན [མིཏྟཱནཾ (སཱི. པཱི.)] དུབྦྷིཏྠོ, མིཏྟདུབྦྷོ ཧི པཱཔཀོ.

ཀུཊྛཱི ཀིལཱསཱི བྷཝཏི, ཡོ མིཏྟཱནིདྷ དུབྦྷཏི [ཡོ མིཏྟཱནཾ ཨིདྷདྡུབྷི (སཱི. ཨཊྛ.), ཡོ མིཏྟཱནཾ ཨིདྷ དུབྦྷཏི (པཱི.)];

ཀཱཡསྶ བྷེདཱ མིཏྟདྡུ [མིཏྟདུབྦྷཱི (སྱཱ. ཀ.)], ནིརཡཾ སོཔཔཛྫཏཱིཏི [སོ ཨུཔཔཛྫཏཱིཏི (སཱི. སྱཱ. པཱི.)].

སཙེ ཝོ ཝུཡ྄ཧམཱནཱནཾ, སཏྟནྣཾ ཨུདཀཎྞཝེ;

མནུསྶབལིམེསཱནོ, ནཱཝཾ གཎྷེཡྻ རཀྑསོ;

ཨནུཔུབྦཾ ཀཐཾ དཏྭཱ, མུཉྩེསི དཀརཀྑསཱ [དཀརཀྑཏོ (པཱི.)].

མཱཏརཾ པཋམཾ དཛྫཾ, བྷརིཡཾ དཏྭཱན བྷཱཏརཾ;

ཏཏོ སཧཱཡཾ དཏྭཱན, པཉྩམཾ དཛྫཾ [དཛྫ (སྱཱ.)] བྲཱཧྨཎཾ;

ཚཊྛཱཧཾ དཛྫམཏྟཱནཾ, ནེཝ དཛྫཾ མཧོསདྷཾ.

པོསེཏཱ ཏེ ཛནེཏྟཱི ཙ, དཱིགྷརཏྟཱནུཀམྤིཀཱ;

ཚབྦྷཱི ཏཡི པདུསྶཏི [པདུཊྛསྨིཾ (སཱི. སྱཱ.)], པཎྜིཏཱ ཨཏྠདསྶིནཱི;

ཨཉྙཾ ¶ ཨུཔནིསཾ ཀཏྭཱ, ཝདྷཱ ཏཾ པརིམོཙཡི.

ཏཾ ཏཱདིསིཾ [ཏཱདིསཾ (ཀ.)] པཱཎདདིཾ, ཨོརསཾ གབྦྷདྷཱརིནིཾ [གབྦྷདྷཱརིཎིཾ (སཱི. སྱཱ.)];

མཱཏརཾ ཀེན དོསེན, དཛྫཱསི དཀརཀྑིནོ [དཀརཀྑཏོ (པཱི.)].

དཧརཱ ཝིཡལངྐཱརཾ, དྷཱརེཏི ཨཔིལ༹ནྡྷནཾ;

དོཝཱརིཀེ ཨནཱིཀཊྛེ, ཨཏིཝེལཾ པཛགྒྷཏི [སཉྫགྒྷཏི (ཀ.)].

ཨཐོཔི ¶ པཊིརཱཛཱུནཾ, སཡཾ དཱུཏཱནི སཱསཏི;

མཱཏརཾ ཏེན དོསེན, དཛྫཱཧཾ དཀརཀྑིནོ.

ཨིཏྠིགུམྦསྶ པཝརཱ, ཨཙྩནྟཾ པིཡབྷཱཎིནཱི [ཨཙྩནྟཔིཡཝཱདིནཱི (སཱི. པཱི.)];

ཨནུགྒཏཱ [ཨནུབྦཏཱ (སྱཱ.), ཨནུཔུབྦཏཱ (ཀ.)] སཱིལཝཏཱི, ཚཱཡཱཝ ཨནཔཱཡིནཱི.

ཨཀྐོདྷནཱ པུཉྙཝཏཱི [པཉྙཝཏཱི (སཱི. པཱི.)], པཎྜིཏཱ ཨཏྠདསྶིནཱི;

ཨུབྦརིཾ [ཨུཔྤརིཾ (སཱི.)] ཀེན དོསེན, དཛྫཱསི དཀརཀྑིནོ.

ཁིཌྜཱརཏིསམཱཔནྣཾ, ཨནཏྠཝསམཱགཏཾ;

སཱ མཾ སཀཱན པུཏྟཱནཾ, ཨཡཱཙཾ ཡཱཙཏེ དྷནཾ.

སོཧཾ ¶ དདཱམི སཱརཏྟོ [སཱརཏོ (སྱཱ.)], བཧུཾ ཨུཙྩཱཝཙཾ དྷནཾ;

སུདུཙྩཛཾ ཙཛིཏྭཱན, པཙྪཱ སོཙཱམི དུམྨནོ;

ཨུབྦརིཾ ཏེན དོསེན, དཛྫཱཧཾ དཀརཀྑིནོ.

ཡེནོཙིཏཱ ཛནཔདཱ [ཛཱནཔདཱ (སཱི. སྱཱ. པཱི.)], ཨཱནཱིཏཱ ཙ པཊིགྒཧཾ;

ཨཱབྷཏཾ པརརཛྫེབྷི, ཨབྷིཊྛཱཡ བཧུཾ དྷནཾ.

དྷནུགྒཧཱནཾ པཝརཾ, སཱུརཾ ཏིཁིཎམནྟིནཾ;

བྷཱཏརཾ ཀེན དོསེན, དཛྫཱསི དཀརཀྑིནོ.

ཡེནོཙིཏཱ ¶ [མཡོཙིཏཱ (སཱི.), མཡཱཙིཏཱ (པཱི.)] ཛནཔདཱ, ཨཱནཱིཏཱ ཙ པཊིགྒཧཾ;

ཨཱབྷཏཾ པརརཛྫེབྷི, ཨབྷིཊྛཱཡ བཧུཾ དྷནཾ.

དྷནུགྒཧཱནཾ པཝརོ, སཱུརོ ཏིཁིཎམནྟི ཙ [ཏིཁིཎམནྟིནོ (ཀ.)];

མཡཱཡཾ [མཡཱ སོ (སཱི. པཱི.)] སུཁིཏོ རཱཛཱ, ཨཏིམཉྙཏི དཱརཀོ.

ཨུཔཊྛཱནམྤི མེ ཨཡྻེ, ན སོ ཨེཏི ཡཐཱ པུརེ;

བྷཱཏརཾ ཏེན དོསེན, དཛྫཱཧཾ དཀརཀྑིནོ.

ཨེཀརཏྟེན ཨུབྷཡོ, ཏྭཉྩེཝ དྷནུསེཁ ཙ [དྷནུསེཁཝཱ (སཱི. སྱཱ. པཱི.)];

ཨུབྷོ ཛཱཏེཏྠ པཉྩཱལཱ, སཧཱཡཱ སུསམཱཝཡཱ.

ཙརིཡཱ ¶ ཏཾ ཨནུབནྡྷིཏྠོ [ཨནུབནྡྷོ (ཀ.)], ཨེཀདུཀྑསུཁོ ཏཝ;

ཨུསྶུཀྐོ ཏེ དིཝཱརཏྟིཾ, སབྦཀིཙྩེསུ བྱཱཝཊོ;

སཧཱཡཾ ཀེན དོསེན, དཛྫཱསི དཀརཀྑིནོ.

ཙརིཡཱ མཾ ཨཡཾ [ཙརིཡཱཡ ཨཡཾ (སཱི. པཱི.)] ཨཡྻེ, པཛགྒྷིཏྠོ [སཉྫགྒྷིཏྠོ (སྱཱ.)] མཡཱ སཧ;

ཨཛྫཱཔི ཏེན ཝཎྞེན, ཨཏིཝེལཾ པཛགྒྷཏི.

ཨུབྦརིཡཱཔིཧཾ ཨཡྻེ, མནྟཡཱམི རཧོགཏོ;

ཨནཱམནྟོ [ཨནཱམནྟཱ (སཱི.)] པཝིསཏི, པུབྦེ ཨཔྤཊིཝེདིཏོ.

ལདྡྷདྭཱརོ [ལདྡྷཝཱརོ (སཱི. པཱི.)] ཀཏོཀཱསོ, ཨཧིརིཀཾ ཨནཱདརཾ;

སཧཱཡཾ ཏེན དོསེན, དཛྫཱཧཾ དཀརཀྑིནོ.

ཀུསལོ སབྦནིམིཏྟཱནཾ, རུཏཉྙཱུ [རུདཉྙཱུ (སཱི. སྱཱ. པཱི.)] ཨཱགཏཱགམོ;

ཨུཔྤཱཏེ སུཔིནེ ཡུཏྟོ, ནིཡྻཱནེ ཙ པཝེསནེ.

པཊྛོ [པདྡྷོ (སཱི. པཱི.)] བྷཱུམནྟལིཀྑསྨིཾ, ནཀྑཏྟཔདཀོཝིདོ;

བྲཱཧྨཎཾ ¶ ཀེན དོསེན, དཛྫཱསི དཀརཀྑིནོ.

པརིསཱཡམྤི མེ ཨཡྻེ, ཨུམྨཱིལིཏྭཱ ཨུདིཀྑཏི;

ཏསྨཱ ཨཙྩབྷམུཾ ལུདྡཾ, དཛྫཱཧཾ དཀརཀྑིནོ.

སསམུདྡཔརིཡཱཡཾ ¶ , མཧིཾ སཱགརཀུཎྜལཾ;

ཝསུནྡྷརཾ ཨཱཝསསི, ཨམཙྩཔརིཝཱརིཏོ.

ཙཱཏུརནྟོ མཧཱརཊྛོ, ཝིཛིཏཱཝཱི མཧབྦལོ;

པཐབྱཱ ཨེཀརཱཛཱསི, ཡསོ ཏེ ཝིཔུལཾ གཏོ.

སོལ༹སིཏྠིསཧསྶཱནི, ཨཱམུཏྟམཎིཀུཎྜལཱ;

ནཱནཱཛནཔདཱ ནཱརཱི, དེཝཀཉྙཱུཔམཱ སུབྷཱ.

ཨེཝཾ སབྦངྒསམྤནྣཾ, སབྦཀཱམསམིདྡྷིནཾ;

སུཁིཏཱནཾ པིཡཾ དཱིགྷཾ, ཛཱིཝིཏཾ ཨཱཧུ ཁཏྟིཡ.

ཨཐ ཏྭཾ ཀེན ཝཎྞེན, ཀེན ཝཱ པན ཧེཏུནཱ;

པཎྜིཏཾ ཨནུརཀྑནྟོ, པཱཎཾ ཙཛསི དུཙྩཛཾ.

ཡཏོཔི ¶ ཨཱགཏོ ཨཡྻེ, མམ ཧཏྠཾ མཧོསདྷོ;

ནཱབྷིཛཱནཱམི དྷཱིརསྶ, ཨནུམཏྟམྤི དུཀྐཊཾ.

སཙེ ཙ ཀིསྨིཙི ཀཱལེ, མརཎཾ མེ པུརེ སིཡཱ;

སོ མེ པུཏྟེ [པུཏྟེ ཙ མེ (སཱི. སྱཱ. པཱི.] པཔུཏྟེ ཙ, སུཁཱཔེཡྻ མཧོསདྷོ.

ཨནཱགཏཾ པཙྩུཔྤནྣཾ, སབྦམཏྠམྤི པསྶཏི [སབྦམཏྠཾ ཝིཔསྶཏི (སཱི. སྱཱ. པཱི.)];

ཨནཱཔརཱདྷཀམྨནྟཾ, ན དཛྫཾ དཀརཀྑིནོ.

ཨིདཾ སུཎཱཐ པཉྩཱལཱ, ཙཱུལ༹ནེཡྻསྶ [ཙཱུལ༹ནཱིཡསྶ (སཱི.)] བྷཱསིཏཾ;

པཎྜིཏཾ ¶ ཨནུརཀྑནྟོ, པཱཎཾ ཙཛཏི དུཙྩཛཾ.

མཱཏུ བྷརིཡཱཡ བྷཱཏུཙྩ, སཁིནོ བྲཱཧྨཎསྶ ཙ;

ཨཏྟནོ ཙཱཔི པཉྩཱལོ, ཚནྣཾ ཙཛཏི ཛཱིཝིཏཾ.

ཨེཝཾ མཧཏྠིཀཱ [ཁཧིདྡྷིཡཱ (སྱཱ.), མཧིདྡྷིཀཱ (ཀ.)] པཉྙཱ, ནིཔུཎཱ སཱདྷུཙིནྟིནཱི;

དིཊྛདྷམྨཧིཏཏྠཱཡ, སམྤརཱཡསུཁཱཡ ཙཱཏི.

ཝིཀིཎྞཝཱཙཾ ཨནིགུཡ྄ཧ [ཨནིགཱུལ༹ྷ (པཱི.)] མནྟཾ, ཨསཉྙཏཾ ཨཔརིཙཀྑིཏཱརཾ [ཨཔརིརཀྑིཏཱརཾ (ཀ.)];

བྷཡཾ ཏམནྭེཏི སཡཾ ཨབོདྷཾ, ནཱགཾ ཡཐཱ པཎྜརཀཾ སུཔཎྞོ [སུཝཎྞོ (ཀ.)].

ཡོ གུཡ྄ཧམནྟཾ པརིརཀྑནེཡྻཾ, མོཧཱ ནརོ སཾསཏི ཧཱསམཱནོ [བྷཱསམཱནོ (པཱི.)];

ཏཾ བྷིནྣམནྟཾ བྷཡམནྭེཏི ཁིཔྤཾ, ནཱགཾ ཡཐཱ པཎྜརཀཾ སུཔཎྞོ.

ནཱནུམིཏྟོ ¶ གརུཾ ཨཏྠཾ, གུཡ྄ཧཾ ཝེདིཏུམརཧཏི;

སུམིཏྟོ ཙ ཨསམྦུདྡྷཾ, སམྦུདྡྷཾ ཝཱ ཨནཏྠ ཝཱ.

ཝིསྶཱསམཱཔཛྫིམཧཾ ¶ ཨཙེལཾ [ཨཙེལོ (སཱི. པཱི.)], སམཎོ ¶ ཨཡཾ སམྨཏོ བྷཱཝིཏཏྟོ;

ཏསྶཱཧམཀྑིཾ ཝིཝརིཾ [ཝིཝརཾ (སཱི.)] གུཡ྄ཧམཏྠཾ, ཨཏཱིཏམཏྠོ ཀཔཎཾ [ཀཔཎོ (པཱི.)] རུདཱམི.

ཏསྶཱཧཾ པརམཾ [པུརིམཾ (སཱི.)] བྲཧྨེ གུཡ྄ཧཾ, ཝཱཙཉྷི མཾ ནཱསཀྑིཾ [ནཱསཀྑི (པཱི.)] སཾཡམེཏུཾ;

ཏཔྤཀྑཏོ ཧི བྷཡམཱགཏཾ མམཾ, ཨཏཱིཏམཏྠོ ཀཔཎཾ རུདཱམི.

ཡོ ཝེ ནརོ སུཧདཾ མཉྙམཱནོ, གུཡ྄ཧམཏྠཾ སཾསཏི དུཀྐུལཱིནེ;

དོསཱ བྷཡཱ ཨཐཝཱ རཱགརཏྟཱ [རཱགརཏྟོ (སཱི. སྱཱ. པཱི.)], པལླཏྠིཏོ [པལླིཏྠོ (པཱི.), པལླཏྟིཏོ (ཀ.)] བཱལོ ཨསཾསཡཾ སོ.

ཏིརོཀྑཝཱཙོ ཨསཏཾ པཝིཊྛོ, ཡོ སངྒཏཱིསུ མུདཱིརེཏི ཝཱཀྱཾ;

ཨཱསཱིཝིསོ དུམྨུཁོཏྱཱཧུ ཏཾ ནརཾ, ཨཱརཱ ཨཱརཱ [ཨཱརཱ ཨརཱ (པཱི.)] སཾཡམེ ཏཱདིསམྷཱ.

ཨནྣཾ པཱནཾ ཀཱསིཀ [ཀཱསིཀཾ (པཱི.)] ཙནྡནཉྩ, མནཱཔིཏྠིཡོ མཱལམུཙྪཱདནཉྩ;

ཨོཧཱཡ གཙྪཱམསེ སབྦཀཱམེ, སུཔཎྞ པཱཎཱུཔགཏཱཝ ཏྱམྷཱ.

ཀོ ནཱིདྷ ཏིཎྞཾ གརཧཾ ཨུཔེཏི, ཨསྨིཾདྷ ¶ ལོཀེ པཱཎབྷཱུ ནཱགརཱཛ;

སམཎོ སུཔཎྞོ ཨཐ ཝཱ ཏྭམེཝ, ཀིཾ ཀཱརཎཱ པཎྜརཀགྒཧཱིཏོ.

སམཎོཏི ¶ མེ སམྨཏཏྟོ ཨཧོསི, པིཡོ ཙ མེ མནསཱ བྷཱཝིཏཏྟོ;

ཏསྶཱཧམཀྑིཾ ཝིཝརིཾ གུཡ྄ཧམཏྠཾ, ཨཏཱིཏམཏྠོ ཀཔཎཾ རུདཱམི.

ན ཙཏྠི སཏྟོ ཨམརོ པཐབྱཱ, པཉྙཱཝིདྷཱ ནཏྠི ན ནིནྡིཏབྦཱ;

སཙྩེན དྷམྨེན དྷིཏིཡཱ [དྷིཡཱ (སཱི. པཱི.)] དམེན, ཨལབྦྷམབྱཱཧརཏཱི ནརོ ཨིདྷ.

མཱཏཱཔིཏཱ པརམཱ བནྡྷཝཱནཾ, ནཱསྶ ཏཏིཡོ ཨནུཀམྤཀཏྠི;

ཏེསམྤི གུཡ྄ཧཾ པརམཾ ན སཾསེ, མནྟསྶ བྷེདཾ པརིསངྐམཱནོ.

མཱཏཱཔིཏཱ བྷགིནཱི བྷཱཏརོ ཙ, སཧཱཡཱ ཝཱ ཡསྶ ཧོནྟི སཔཀྑཱ;

ཏེསམྤི གུཡ྄ཧཾ པརམཾ ན སཾསེ, མནྟསྶ བྷེདཾ པརིསངྐམཱནོ.

བྷརིཡཱ ཙེ པུརིསཾ ཝཛྫཱ, ཀོམཱརཱི པིཡབྷཱཎིནཱི;

པུཏྟརཱུཔཡསཱུཔེཏཱ ¶ , ཉཱཏིསངྒྷཔུརཀྑཏཱ, ཏསྶཱཔི གུཡ྄ཧཾ པརམཾ ན སཾསེ;

ན གུཡ྄ཧམཏྠཾ [གུཡ྄ཧཏྠཾ (ཀ.)] ཝིཝརེཡྻ, རཀྑེཡྻ ནཾ ཡཐཱ ནིདྷིཾ;

ན ཧི པཱཏུཀཏོ སཱདྷུ, གུཡ྄ཧོ ཨཏྠོ པཛཱནཏཱ.

ཐིཡཱ གུཡ྄ཧཾ ན སཾསེཡྻ, ཨམིཏྟསྶ ཙ པཎྜིཏོ;

ཡོ ཙཱམིསེན སཾཧཱིརོ, ཧདཡཏྠེནོ ཙ ཡོ ནརོ.

གུཡ྄ཧམཏྠཾ ¶ ཨསམྦུདྡྷཾ, སམྦོདྷཡཏི ཡོ ནརོ;

མནྟབྷེདབྷཡཱ ཏསྶ, དཱསབྷཱུཏོ ཏིཏིཀྑཏི.

ཡཱཝནྟོ ¶ པུརིསསྶཏྠཾ, གུཡ྄ཧཾ ཛཱནནྟི མནྟིནཾ;

ཏཱཝནྟོ ཏསྶ ཨུབྦེགཱ, ཏསྨཱ གུཡ྄ཧཾ ན ཝིསྶཛེ.

ཝིཝིཙྩ བྷཱསེཡྻ དིཝཱ རཧསྶཾ, རཏྟིཾ གིརཾ ནཱཏིཝེལཾ པམུཉྩེ;

ཨུཔསྶུཏིཀཱ ཧི སུཎནྟི མནྟཾ, ཏསྨཱ མནྟོ ཁིཔྤམུཔེཏི བྷེདཾ.

ཡཐཱཔི ཨསྶ [ཨཡོ (སྱཱ.), ཨཡ (ཀ.)] ནགརཾ མཧནྟཾ, ཨདྭཱརཀཾ [ཨཱལཱ༹རཀཾ (པཱི.)] ཨཱཡསཾ བྷདྡསཱལཾ;

སམནྟཁཱཏཱཔརིཁཱཨུཔེཏཾ, ཨེཝམྤི མེ ཏེ ཨིདྷ གུཡ྄ཧམནྟཱ.

ཡེ གུཡ྄ཧམནྟཱ ཨཝིཀིཎྞཝཱཙཱ, དལ༹ྷཱ ¶ སདཏྠེསུ ནརཱ དུཛིཝ྄ཧ [དུཛིཝ྄ཧཱ (སྱཱ. པཱི.)];

ཨཱརཱ ཨམིཏྟཱ བྱཝཛནྟི ཏེཧི, ཨཱསཱིཝིསཱ ཝཱ རིཝ སཏྟུསངྒྷཱ [སཏྟསངྒྷཱ (སཱི. སྱཱ.)].

ཧིཏྭཱ གྷརཾ པབྦཛིཏོ ཨཙེལོ, ནགྒོ མུཎྜོ ཙརཏི གྷཱསཧེཏུ;

ཏམྷི [ཏམྷཱི (པཱི.)] ནུ ཁོ ཝིཝརིཾ གུཡ྄ཧམཏྠཾ, ཨཏྠཱ ཙ དྷམྨཱ ཙ ཨཔགྒཏམྷཱ [ཨཔཱགཏམྷཱ (སཱི.), ཨཔགཏམྷཱ (སྱཱ.), ཨཝཱགཏམྷཱ (པཱི.)].

ཀཐཾཀརོ ཧོཏི སུཔཎྞརཱཛ, ཀིཾསཱིལོ ཀེན ཝཏེན ཝཏྟཾ;

སམཎོ ཙརཾ ཧིཏྭཱ མམཱཡིཏཱནི, ཀཐཾཀརོ སགྒམུཔེཏི ཋཱནཾ.

ཧིརིཡཱ ཏིཏིཀྑཱཡ དམེནུཔེཏོ [དམེན ཁནྟིཡཱ (སཱི. སྱཱ. པཱི.)], ཨཀྐོདྷནོ པེསུཎིཡཾ པཧཱཡ;

སམཎོ ཙརཾ ཧིཏྭཱ མམཱཡིཏཱནི, ཨེཝཾཀརོ སགྒམུཔེཏི ཋཱནཾ.

མཱཏཱཝ ¶ པུཏྟཾ ཏརུཎཾ ཏནུཛྫཾ [ཏནཱུཛཾ (སཱི.)], སམྥསྶཏཱ [སམྤསྶ ཏཾ (སཱི. པཱི.)] སབྦགཏྟཾ ཕརེཏི;

ཨེཝམྤི མེ ཏྭཾ པཱཏུརཧུ དིཛིནྡ, མཱཏཱཝ པུཏྟཾ ཨནུཀམྤམཱནོ.

ཧནྡཛྫ ¶ ཏྭཾ མུཉྩ [མུཙྩ (སཱི.)] ཝདྷཱ དུཛིཝ྄ཧ, ཏཡོ ཧི པུཏྟཱ ན ཧི ཨཉྙོ ཨཏྠི;

ཨནྟེཝཱསཱི དིནྣཀོ ཨཏྲཛོ ཙ, རཛྫསྶུ [རཛསྶུ (སཱི. སྱཱ. པཱི.)] པུཏྟཉྙཏརོ མེ ཨཧོསི.

ཨིཙྩེཝ ཝཱཀྱཾ ཝིསཛྫཱི སུཔཎྞོ, བྷུམྱཾ པཏིཊྛཱཡ དིཛོ དུཛིཝ྄ཧཾ;

མུཏྟཛྫ ཏྭཾ སབྦབྷཡཱཏིཝཏྟོ, ཐལཱུདཀེ ཧོཧི མཡཱབྷིགུཏྟོ.

ཨཱཏངྐིནཾ ཡཐཱ ཀུསལོ བྷིསཀྐོ, པིཔཱསིཏཱནཾ རཧདོཝ སཱིཏོ;

ཝེསྨཾ ཡཐཱ ཧིམསཱིཏཊྚིཏཱནཾ [ཧིམསིསིརཊྚིཏཱནཾ (པཱི.)], ཨེཝམྤི ཏེ སརཎམཧཾ བྷཝཱམི.

སནྡྷིཾ ཀཏྭཱ ཨམིཏྟེན, ཨཎྜཛེན ཛལཱབུཛ;

ཝིཝརིཡ དཱཋཾ སེསི, ཀུཏོ ཏཾ བྷཡམཱགཏཾ.

སངྐེཐེཝ ཨམིཏྟསྨིཾ, མིཏྟསྨིམྤི ན ཝིསྶསེ;

ཨབྷཡཱ བྷཡམུཔྤནྣཾ, ཨཔི མཱུལཱནི ཀནྟཏི.

ཀཐཾ ནུ ཝིསྶསེ ཏྱམྷི, ཡེནཱསི ཀལཧོ ཀཏོ;

ནིཙྩཡཏྟེན ཋཱཏབྦཾ, སོ དིསབྦྷི [སོ དིསམྷི (པཱི.)] ན རཛྫཏི.

ཝིསྶཱསཡེ ¶ ན ཙ ཏཾ [ནཾ (སཱི. སྱཱ. པཱི.)] ཝིསྶཡེཡྻ, ཨསངྐིཏོ སངྐིཏོ ཙ [ཨསངྐིཏོ ཙ སངྐིཏོ (སཱི. པཱི.)] བྷཝེཡྻ;

ཏཐཱ ¶ ཏཐཱ ཝིཉྙཱུ པརཀྐམེཡྻ, ཡཐཱ ཡཐཱ བྷཱཝཾ པརོ ན ཛཉྙཱ.

ཏེ ¶ དེཝཝཎྞཱ [དེཝཝཎྞཱི (པཱི.)] སུཁུམཱལརཱུཔཱ, ཨུབྷོ སམཱ སུཛཡཱ [སུཛཡོ (སཱི. སྱཱ. པཱི.)] པུཉྙཁནྡྷཱ [པུཉྙགནྡྷཱ (པཱི.)];

ཨུཔཱགམུཾ ཀརམྤིཡཾ [ཀཱདམྦིཡཾ (སཱི.), ཀཱརམྦིཡཾ (པཱི.)] ཨཙེལཾ, མིསྶཱིབྷཱུཏཱ ཨསྶཝཱཧཱཝ ནཱགཱ.

ཏཏོ ཧཝེ པཎྜརཀོ ཨཙེལཾ, སཡམེཝུཔཱགམྨ ཨིདཾ ཨཝོཙ;

མུཏྟཛྫཧཾ སབྦབྷཡཱཏིཝཏྟོ, ན ཧི [ཧ (པཱི.)] ནཱུན ཏུཡ྄ཧཾ མནསོ པིཡམྷཱ.

པིཡོ ཧི མེ ཨཱསི སུཔཎྞརཱཛཱ, ཨསཾསཡཾ པཎྜརཀེན སཙྩཾ;

སོ རཱགརཏྟོཝ ཨཀཱསིམེཏཾ, པཱཔཀམྨཾ [པཱཔཾ ཀམྨཾ (སཱི. པཱི.)] སམྤཛཱནོ ན མོཧཱ.

ན མེ པིཡཾ ཨཔྤིཡཾ ཝཱཔི ཧོཏི, སམྤསྶཏོ ལོཀམིམཾ པརཉྩ;

སུསཉྙཏཱནཉྷི ཝིཡཉྫནེན, ཨསཉྙཏོ ལོཀམིམཾ ཙརཱསི.

ཨརིཡཱཝཀཱསོསི ཨནརིཡོཝཱསི [ཨནརིཡོ ཙཱསི (སཱི. པཱི.)], ཨསཉྙཏོ སཉྙཏསནྣིཀཱསོ;

ཀཎྷཱབྷིཛཱཏིཀོསི ¶ ཨནརིཡརཱུཔོ, པཱཔཾ བཧུཾ དུཙྩརིཏཾ ཨཙཱརི.

ཨདུཊྛསྶ ཏུཝཾ དུབྦྷི, དུབྦྷཱི [དཱུབྷི, དཱུབྷཱི (པཱི.)] ཙ པིསུཎོ ཙསི;

ཨེཏེན སཙྩཝཛྫེན, མུདྡྷཱ ཏེ ཕལཏུ སཏྟདྷཱ.

ཏསྨཱ ཧི མིཏྟཱནཾ ན དུབྦྷིཏབྦཾ, མིཏྟདུབྦྷཱ [མིཏྟདུབྦྷཱ ཧི (སྱཱ.)] པཱཔིཡོ ནཏྠི ཨཉྙོ;

ཨཱསིཏྟསཏྟོ ནིཧཏོ པཐབྱཱ, ཨིནྡསྶ ཝཱཀྱེན ཧི སཾཝརོ ཧཏོཏི.

པཎྜརནཱགརཱཛཛཱཏཀཾ [པཎྜརཀཛཱཏཀཾ (སཱི. སྱཱ. པཱི.)] ཨཊྛམཾ.

ཀཱ ¶ ཝེདྷམཱནཱ གིརིཀནྡརཱཡཾ, ཨེཀཱ ཏུཝཾ ཏིཊྛསི སཾཧིཏཱུརུ [སཉྙཏཱུར (སཱི. པཱི.), སཉྩིཏཱུརུ (སྱཱ.)];

པུཊྛཱསི མེ པཱཎིཔམེཡྻམཛ྄ཛྷེ, ཨཀྑཱཧི མེ ནཱམཉྩ བནྡྷཝེ ཙ.

ཨོབྷཱསཡཾ ཝནཾ རམྨཾ, སཱིཧབྱགྒྷནིསེཝིཏཾ;

ཀཱ ཝཱ ཏྭམསི ཀལྱཱཎི, ཀསྶ ཝཱ ཏྭཾ སུམཛ྄ཛྷིམེ;

ཨབྷིཝཱདེམི ཏཾ བྷདྡེ, དཱནཝཱཧཾ ནམཏྠུ ཏེ.

ཡོ པུཏྟོ ཀཱསིརཱཛསྶ, སོཏྠིསེནོཏི ཏཾ ཝིདཱུ;

ཏསྶཱཧཾ སམྦུལཱ བྷརིཡཱ, ཨེཝཾ ཛཱནཱཧི དཱནཝ;

ཨབྷིཝཱདེམི ¶ ཏཾ བྷནྟེ [བྷདྡནྟེ (སཱི. སྱཱ.)], སམྦུལཱཧཾ ནམཏྠུ ཏེ.

ཝེདེཧཔུཏྟོ ¶ བྷདྡནྟེ, ཝནེ ཝསཏི ཨཱཏུརོ;

ཏམཧཾ རོགསམྨཏྟཾ, ཨེཀཱ ཨེཀཾ ཨུཔཊྛཧཾ [ཨུཔཊྛཧིཾ (སཱི.)].

ཨཧཉྩ ཝནམུཉྪཱཡ, མདྷུམཾསཾ མིགཱབིལཾ [མིགཱཝིལཾ (སཱི.)];

ཡདཱ ཧརཱམི ཏཾ བྷཀྑོ, ཏསྶ ནཱུནཛྫ ནཱདྷཏི [ནཱཐཏི (ཀ.)].

ཀིཾ ཝནེ རཱཛཔུཏྟེན, ཨཱཏུརེན ཀརིསྶསི;

སམྦུལེ པརིཙིཎྞེན, ཨཧཾ བྷཏྟཱ བྷཝཱམི ཏེ.

སོཀཊྚཱཡ དུརཏྟཱཡ, ཀིཾ རཱུཔཾ ཝིཛྫཏེ མམ;

ཨཉྙཾ པརིཡེས བྷདྡནྟེ, ཨབྷིརཱུཔཏརཾ མཡཱ.

ཨེཧིམཾ གིརིམཱརུཡ྄ཧ, བྷརིཡཱ མེ [མཡ྄ཧཾ (སཱི. སྱཱ. པཱི.)] ཙཏུསྶཏཱ;

ཏཱསཾ ཏྭཾ པཝརཱ ཧོཧི, སབྦཀཱམསམིདྡྷིནཱི.

ནཱུན [ནནུ (སཱི. སྱཱ. པཱི. ཀ.)] ཏཱརཀཝཎྞཱབྷེ [ཧཱཊཀཝཎྞཱབྷེ (པཱི.)], ཡཾ ཀིཉྩི མནསིཙྪསི;

སབྦཾ ཏཾ པཙུརཾ མཡ྄ཧཾ, རམསྶྭཛྫ [རམསུཛྫ (སཱི. སྱཱ.)] མཡཱ སཧ.

ནོ ཙེ ཏུཝཾ མཧེསེཡྻཾ, སམྦུལེ ཀཱརཡིསྶསི;

ཨལཾ ཏྭཾ པཱཏརཱསཱཡ, པཎྷེ [མཉྙེ (སཱི. པཱི.)] བྷཀྑཱ བྷཝིསྶསི.

ཏཉྩ ¶ སཏྟཛཊོ ལུདྡོ, ཀལཱ༹རོ པུརིསཱདཀོ;

ཝནེ ནཱཐཾ ཨཔསྶནྟིཾ, སམྦུལཾ ཨགྒཧཱི བྷུཛེ.

ཨདྷིཔནྣཱ པིསཱཙེན, ལུདྡེནཱམིསཙཀྑུནཱ;

སཱ ཙ སཏྟུཝསམྤཏྟཱ, པཏིམེཝཱནུསོཙཏི.

ན མེ ཨིདཾ ཏཐཱ དུཀྑཾ, ཡཾ མཾ ཁཱདེཡྻ རཀྑསོ;

ཡཉྩ ¶ མེ ཨཡྻཔུཏྟསྶ, མནོ ཧེསྶཏི ཨཉྙཐཱ.

ན སནྟི དེཝཱ པཝསནྟི ནཱུན, ན ཧི ནཱུན སནྟི ཨིདྷ ལོཀཔཱལཱ;

སཧསཱ ཀརོནྟཱནམསཉྙཏཱནཾ, ན ཧི ནཱུན སནྟི པཊིསེདྷིཏཱརོ.

ཨིཏྠཱིནམེསཱ པཝརཱ ཡསསྶིནཱི, སནྟཱ སམཱ ཨགྒིརིཝུགྒཏེཛཱ;

ཏཉྩེ ཏུཝཾ རཀྑསཱདེསི ཀཉྙཾ, མུདྡྷཱ ཙ ཧི སཏྟདྷཱ ཏེ ཕལེཡྻ;

མཱ ཏྭཾ དཧཱི [ཛཧཱི (པཱི.)] མུཉྩ པཏིབྦཏཱཡ [པཏིབྦཏཱ སཱ (སཱི.), པཏིབྦཏཱ ཡཱ (པཱི.)].

སཱ ཙ ཨསྶམམཱགཙྪི, པམུཏྟཱ པུརིསཱདཀཱ;

ནཱིལ༹ཾ [ནིཌྜཾ (སྱཱ. ཀ.)] པལི༹ནཾ སཀུཎཱིཝ [ཕལིནསཀུཎཱིཝ (སཱི. སྱཱ. པཱི.)], གཏསིངྒཾཝ ཨཱལཡཾ.

སཱ ཏཏྠ པརིདེཝེསི, རཱཛཔུཏྟཱི ཡསསྶིནཱི;

སམྦུལཱ ཨུཏུམཏྟཀྑཱ, ཝནེ ནཱཐཾ ཨཔསྶནྟཱི [ཨཔསྶཏཱི (སཱི.)].

སམཎེ ¶ བྲཱཧྨཎེ ཝནྡེ, སམྤནྣཙརཎེ ཨིསེ;

རཱཛཔུཏྟཾ ཨཔསྶནྟཱི, ཏུམྷཾམྷི [ཏུམྷཾ ཧི (པཱི.)] སརཎཾ གཏཱ.

ཝནྡེ སཱིཧེ ཙ བྱགྒྷེ ཙ, ཡེ ཙ ཨཉྙེ ཝནེ མིགཱ;

རཱཛཔུཏྟཾ ཨཔསྶནྟཱི, ཏུམྷཾམྷི སརཎཾ གཏཱ.

ཏིཎཱ [ཏིཎ (པཱི.)] ལཏཱནི ཨོསདྷྱོ, པབྦཏཱནི ཝནཱནི ཙ;

རཱཛཔུཏྟཾ ཨཔསྶནྟཱི, ཏུམྷཾམྷི སརཎཾ གཏཱ.

ཝནྡེ ¶ ¶ ཨིནྡཱིཝརཱིསཱམཾ, རཏྟིཾ ནཀྑཏྟམཱལིནིཾ;

རཱཛཔུཏྟཾ ཨཔསྶནྟཱི, ཏུམྷཾམྷི སརཎཾ གཏཱ.

ཝནྡེ བྷཱགཱིརཐིཾ གངྒཾ, སཝནྟཱིནཾ པཊིགྒཧཾ;

རཱཛཔུཏྟཾ ཨཔསྶནྟཱི, ཏུམྷཾམྷི སརཎཾ གཏཱ.

ཝནྡེ ཨཧཾ པབྦཏརཱཛསེཊྛཾ, ཧིམཝནྟཾ སིལུཙྩཡཾ;

རཱཛཔུཏྟཾ ཨཔསྶནྟཱི, ཏུམྷཾམྷི སརཎཾ གཏཱ.

ཨཏིསཱཡཾ ཝཏཱགཙྪི, རཱཛཔུཏྟི ཡསསྶིནི;

ཀེན ནུཛྫ སམཱགཙྪི [སམཱགཙྪི (སཱི. པཱི.)], ཀོ ཏེ པིཡཏརོ མཡཱ.

ཨིདཾ ཁོཧཾ ཏདཱཝོཙཾ [ཏདཝོཙཾ (སཱི. སྱཱ.)], གཧིཏཱ ཏེན སཏྟུནཱ;

ན མེ ཨིདཾ ཏཐཱ དུཀྑཾ, ཡཾ མཾ ཁཱདེཡྻ རཀྑསོ;

ཡཉྩ མེ ཨཡྻཔུཏྟསྶ, མནོ ཧེསྶཏི ཨཉྙཐཱ.

ཙོརཱིནཾ བཧུབུདྡྷཱིནཾ, ཡཱསུ སཙྩཾ སུདུལླབྷཾ;

ཐཱིནཾ བྷཱཝོ དུརཱཛཱནོ, མཙྪསྶེཝོདཀེ གཏཾ.

ཏཐཱ མཾ སཙྩཾ པཱལེཏུ, པཱལཡིསྶཏི ཙེ མམཾ;

ཡཐཱཧཾ ནཱབྷིཛཱནཱམི, ཨཉྙཾ པིཡཏརཾ ཏཡཱ;

ཨེཏེན སཙྩཝཛྫེན, བྱཱདྷི ཏེ ཝཱུཔསམྨཏུ.

ཡེ ཀུཉྫརཱ སཏྟསཏཱ ཨུལཱ༹རཱ, རཀྑནྟི རཏྟིནྡིཝམུཡྻུཏཱཝུདྷཱ;

དྷནུགྒཧཱནཉྩ སཏཱནི སོལ༹ས, ཀཐཾཝིདྷེ པསྶསི བྷདྡེ སཏྟཝོ.

ཨལངྐཏཱཡོ ¶ པདུམུཏྟརཏྟཙཱ, ཝིརཱགིཏཱ པསྶཏི ཧཾསགགྒརཱ;

ཏཱསཾ སུཎིཏྭཱ མིཏགཱིཏཝཱདིཏཾ [མིཏགཱིཏཝཱདིནཾ (པཱི.)], ན དཱནི མེ ཏཱཏ ཏཐཱ ཡཐཱ པུརེ.

སུཝཎྞསཾཀཙྩདྷརཱ ¶ སུཝིགྒཧཱ, ཨལངྐཏཱ མཱནུསིཡཙྪརཱུཔམཱ;

སེནོཔིཡཱ [སེནཱུཔིཡཱ (པཱི.)] ཏཱཏ ཨནིནྡིཏངྒིཡོ, ཁཏྟིཡཀཉྙཱ པཊིལོབྷཡནྟི [པཊིལཱབྷཡནྟི (པཱི.)] ནཾ.

སཙེ ཨཧཾ ཏཱཏ ཏཐཱ ཡཐཱ པུརེ, པཏིཾ ཏམུཉྪཱཡ པུནཱ ཝནེ བྷརེ;

སམྨཱནཡེ མཾ ན ཙ མཾ ཝིམཱནཡེ, ཨིཏོཔི མེ ཏཱཏ ཏཏོ ཝརཾ སིཡཱ.

ཡམནྣཔཱནེ ¶ ཝིཔུལསྨི ཨོཧིཏེ, ནཱརཱི ཝིམཊྛཱབྷརཎཱ ཨལངྐཏཱ;

སབྦངྒུཔེཏཱ [པཉྩངྒུཔེཏཱ (སཱི. སྱཱ. པཱི.)] པཏིནོ ཙ ཨཔྤིཡཱ, ཨབཛ྄ཛྷ [ཨཝཛ྄ཛྷ (སྱཱ.), ཨཱབཛ྄ཛྷ (པཱི.)] ཏསྶཱ མརཎཾ ཏཏོ ཝརཾ.

ཨཔི ཙེ དལིདྡཱ ཀཔཎཱ ཨནཱལ༹ྷིཡཱ, ཀཊཱདུཏཱིཡཱ པཏིནོ ཙ སཱ པིཡཱ;

སབྦངྒུཔེཏཱཡཔི ཨཔྤིཡཱཡ, ཨཡམེཝ ¶ སེཡྻཱ [སེཡྻོ (སྱཱ. ཀ.)] ཀཔཎཱཔི ཡཱ པིཡཱ [ཀཔཎཱཔི ཡཱ (ཀ.)].

སུདུལླབྷིཏྠཱི པུརིསསྶ ཡཱ ཧིཏཱ, བྷཏྟིཏྠིཡཱ དུལླབྷོ ཡོ ཧིཏོ ཙ;

ཧིཏཱ ཙ ཏེ སཱིལཝཏཱི ཙ བྷརིཡཱ, ཛནིནྡ དྷམྨཾ ཙར སམྦུལཱཡ.

སཙེ ཏུཝཾ ཝིཔུལེ ལདྡྷབྷོགེ, ཨིསྶཱཝཏིཎྞཱ མརཎཾ ཨུཔེསི;

ཨཧཉྩ ཏེ བྷདྡེ ཨིམཱ རཱཛཀཉྙཱ [ཨིམཱ ཙ ཀཉྙཱ (པཱི.)], སབྦེ [སབྦེཝ (སཱི. སྱཱ. པཱི.)] ཏེ ཝཙནཀརཱ བྷཝཱམཱཏི.

ཨཔྤམཱདོ ¶ ཨམཏཾ པདཾ [ཨམཏཔདཾ (སཱི. པཱི.)], པམཱདོ མཙྩུནོ པདཾ;

ཨཔྤམཏྟཱ ན མཱིཡནྟི, ཡེ པམཏྟཱ ཡཐཱ མཏཱ.

མདཱ པམཱདོ ཛཱཡེཐ, པམཱདཱ ཛཱཡཏེ ཁཡོ;

ཁཡཱ པདོསཱ [ཁཡཱ ཙ དོསཱ (སཱི.)] ཛཱཡནྟི, མཱ པམཱདོ [མཱ མདོ (སཱི. སྱཱ. པཱི.)] བྷརཏཱུསབྷ [བྷཱརདྷཱུསབྷ (ཀ.)].

བཧཱུ ཧི ཁཏྟིཡཱ ཛཱིནཱ, ཨཏྠཾ རཊྛཾ པམཱདིནོ;

ཨཐོཔི གཱམིནོ གཱམཱ, ཨནགཱརཱ ཨགཱརིནོ.

ཁཏྟིཡསྶ པམཏྟསྶ, རཊྛསྨིཾ རཊྛཝཌྜྷན;

སབྦེ བྷོགཱ ཝིནསྶནྟི, རཉྙོ ཏཾ ཝུཙྩཏེ ཨགྷཾ.

ནེས ¶ དྷམྨོ མཧཱརཱཛ, ཨཏིཝེལཾ པམཛྫསི;

ཨིདྡྷཾ ཕཱིཏཾ ཛནཔདཾ, ཙོརཱ ཝིདྡྷཾསཡནྟི ནཾ.

ན ཏེ པུཏྟཱ བྷཝིསྶནྟི, ན ཧིརཉྙཾ ན དྷཱནིཡཾ [ན ཧིརཉྙནིདྷཱནིཡཱ (ཀ.)];

རཊྛེ ཝིལུཔྤམཱནམྷི, སབྦབྷོགེཧི ཛིཡྻསི.

སབྦབྷོགཱ པརིཛིཎྞཾ, རཱཛཱནཾ ཝཱཔི ཁཏྟིཡཾ [ཁཏྟིཡ (ཀ.)];

ཉཱཏིམིཏྟཱ སུཧཛྫཱ ཙ, ན ཏཾ མཉྙནྟི མཱནིཡཾ [མནྟིཡཾ (སྱཱ.)].

ཧཏྠཱརོཧཱ ཨནཱིཀཊྛཱ, རཐིཀཱ པཏྟིཀཱརཀཱ;

ཏམེཝམུཔཛཱིཝནྟཱ, ན ཏཾ མཉྙནྟི མཱནིཡཾ.

ཨསཾཝིཧིཏཀམྨནྟཾ, བཱལཾ དུམྨནྟིམནྟིནཾ;

སིརཱི ཛཧཏི དུམྨེདྷཾ, ཛིཎྞཾཝ ཨུརགོ ཏཙཾ.

སུསཾཝིཧིཏཀམྨནྟཾ ¶ , ཀཱལུཊྛཱཡིཾ ཨཏནྡིཏཾ;

སབྦེ བྷོགཱབྷིཝཌྜྷནྟི, གཱཝོ སཨུསབྷཱམིཝ.

ཨུཔསྶུཏིཾ མཧཱརཱཛ, རཊྛེ ཛནཔདེ ཙར;

ཏཏྠ དིསྭཱ ཙ སུཏྭཱ ཙ, ཏཏོ ཏཾ [ཏྭཾ (ཀ.)] པཊིཔཛྫསི.

ཨེཝཾ ཝེདེཏུ པཉྩཱལོ, སངྒཱམེ སརམཔྤིཏོ [སམཔྤིཏོ (སཱི. པཱི.)];

ཡཐཱཧམཛྫ ཝེདེམི, ཀཎྚཀེན སམཔྤིཏོ.

ཛིཎྞོ ¶ དུབྦལཙཀྑཱུསི, ན རཱུཔཾ སཱདྷུ པསྶསི;

ཀིཾ ཏཏྠ བྲཧྨདཏྟསྶ, ཡཾ ཏཾ མགྒེཡྻ [མགྒྷེཡྻ (པཱི.)] ཀཎྚཀོ [ཀཎྜཀོ (སཱི. སྱཱ. པཱི.)].

བཧྭེཏྠ བྲཧྨདཏྟསྶ, སོཧཾ [ཡོཧཾ (སཱི. སྱཱ. པཱི.)] མགྒསྨི [མགྒོསྨི (པཱི.)] བྲཱཧྨཎ;

ཨརཀྑིཏཱ ¶ ཛཱནཔདཱ, ཨདྷམྨབལིནཱ ཧཏཱ.

རཏྟིཉྷི [རཏྟིཉྩ (སཱི.)] ཙོརཱ ཁཱདནྟི, དིཝཱ ཁཱདནྟི ཏུཎྜིཡཱ;

རཊྛསྨིཾ ཀཱུཊརཱཛསྶ, བཧུ ཨདྷམྨིཀོ ཛནོ.

ཨེཏཱདིསེ བྷཡེ ཛཱཏེ [ཏཱཏ (སཱི. པཱི.)], བྷཡཊྚཱ ཏཱཏ [ཏཱཝ (སཱི. པཱི.)] མཱཎཝཱ;

ནིལླེནཀཱནི ཀུབྦནྟི, ཝནེ ཨཱཧཏྭ ཀཎྚཀཾ.

ཀདཱསྶུ ནཱམཡཾ རཱཛཱ, བྲཧྨདཏྟོ མརིསྶཏི;

ཡསྶ རཊྛམྷི ཛིཡྻནྟི, ཨཔྤཏིཀཱ ཀུམཱརིཀཱ.

དུབྦྷཱསིཏཉྷི ཏེ ཛམྨི, ཨནཏྠཔདཀོཝིདེ;

ཀུཧིཾ རཱཛཱ ཀུམཱརཱིནཾ, བྷཏྟཱརཾ པརིཡེསཏི.

ན མེ དུབྦྷཱསིཏཾ བྲཧྨེ, ཀོཝིདཏྠཔདཱ ཨཧཾ;

ཨརཀྑིཏཱ ཛཱནཔདཱ, ཨདྷམྨབལིནཱ ཧཏཱ.

རཏྟིཉྷི ¶ ཙོརཱ ཁཱདནྟི, དིཝཱ ཁཱདནྟི ཏུཎྜིཡཱ;

རཊྛསྨིཾ ཀཱུཊརཱཛསྶ, བཧུ ཨདྷམྨིཀོ ཛནོ;

དུཛྫཱིཝེ དུབྦྷརེ དཱརེ, ཀུཏོ བྷཏྟཱ ཀུམཱརིཡོ.

ཨེཝཾ སཡཏུ པཉྩཱལོ, སངྒཱམེ སཏྟིཡཱ ཧཏོ;

ཡཐཱཡཾ ཀཔཎོ སེཏི, ཧཏོ ཕཱལེན སཱལིཡོ.

ཨདྷམྨེན ཏུཝཾ ཛམྨ, བྲཧྨདཏྟསྶ ཀུཛ྄ཛྷསི;

ཡོ ཏྭཾ སཔསི རཱཛཱནཾ, ཨཔརཛ྄ཛྷིཏྭཱན ཨཏྟནོ [ཨཏྟནཱ (པཱི.)].

དྷམྨེན བྲཧྨདཏྟསྶ, ཨཧཾ ཀུཛ྄ཛྷཱམི བྲཱཧྨཎ;

ཨརཀྑིཏཱ ཛཱནཔདཱ, ཨདྷམྨབལིནཱ ཧཏཱ.

རཏྟིཉྷི ¶ ཙོརཱ ཁཱདནྟི, དིཝཱ ཁཱདནྟི ཏུཎྜིཡཱ;

རཊྛསྨིཾ ཀཱུཊརཱཛསྶ, བཧུ ཨདྷམྨིཀོ ཛནོ.

སཱ ¶ ནཱུན པུན རེ པཀྐཱ, ཝིཀཱལེ བྷཏྟམཱཧརི;

བྷཏྟཧཱརིཾ ཨཔེཀྑནྟོ, ཧཏོ ཕཱལེན སཱལིཡོ.

ཨེཝཾ ཧཉྙཏུ པཉྩཱལོ, སངྒཱམེ ཨསིནཱ ཧཏོ [དལ༹ྷཾ (པཱི.)];

ཡཐཱཧམཛྫ པཧཏོ, ཁཱིརཉྩ མེ པཝཊྚིཏཾ.

ཡཾ པསུ ཁཱིརཾ ཚཌྜེཏི, པསུཔཱལཾ ཝིཧིཾསཏི [པསུཔཱལཉྩ ཧིཾསཏི (སཱི.), པསུ ཕཱལཉྩ ཧིཾསཏི (པཱི.)];

ཀིཾ ཏཏྠ བྲཧྨདཏྟསྶ, ཡཾ ནོ གརཧཏེ [གརཧཏོ (པཱི.)] བྷཝཾ.

གཱརཡ྄ཧོ བྲཧྨེ པཉྩཱལོ, བྲཧྨདཏྟསྶ རཱཛིནོ;

ཨརཀྑིཏཱ ཛཱནཔདཱ, ཨདྷམྨབལིནཱ ཧཏཱ.

རཏྟིཉྷི ¶ ཙོརཱ ཁཱདནྟི, དིཝཱ ཁཱདནྟི ཏུཎྜིཡཱ;

རཊྛསྨིཾ ཀཱུཊརཱཛསྶ, བཧུ ཨདྷམྨིཀོ ཛནོ.

ཙཎྜཱ ཨཊནཀཱ [ཨཊནཀ (པཱི.), ཨཀཊནཱ (ཀ.)] གཱཝཱི, ཡཾ པུརེ ན དུཧཱམསེ;

ཏཾ དཱནི ཨཛྫ དོཧཱམ, ཁཱིརཀཱམེཧུཔདྡུཏཱ.

ཨེཝཾ ཀནྡཏུ པཉྩཱལོ, ཝིཔུཏྟོ ཝིཔྤསུཀྑཏུ;

ཡཐཱཡཾ ཀཔཎཱ གཱཝཱི, ཝིཔུཏྟཱ པརིདྷཱཝཏི.

ཡཾ པསུ པསུཔཱལསྶ, སམྦྷམེཡྻ [པབྦྷམེཡྻ (སཱི. པཱི.)] རཝེཡྻ ཝཱ;

ཀོ ནཱིདྷ ཨཔརཱདྷཏྠི, བྲཧྨདཏྟསྶ རཱཛིནོ.

ཨཔརཱདྷོ མཧཱབྲཧྨེ, བྲཧྨདཏྟསྶ རཱཛིནོ;

ཨརཀྑིཏཱ ཛཱནཔདཱ, ཨདྷམྨབལིནཱ ཧཏཱ.

རཏྟིཉྷི ཙོརཱ ཁཱདནྟི, དིཝཱ ཁཱདནྟི ཏུཎྜིཡཱ;

རཊྛསྨིཾ ཀཱུཊརཱཛསྶ, བཧུ ཨདྷམྨིཀོ ཛནོ;

ཀཐཾ ནོ ཨསིཀོསཏྠཱ, ཁཱིརཔཱ ཧཉྙཏེ པཛཱ.

ཨེཝཾ ཁཛྫཏུ པཉྩཱལོ, ཧཏོ ཡུདྡྷེ སཔུཏྟཀོ;

ཡཐཱཧམཛྫ ཁཛྫཱམི, གཱམིཀེཧི [གཱམཀེཧི (སཱི. པཱི.)] ཨརཉྙཛོ.

ན ¶ སབྦབྷཱུཏེསུ ཝིདྷེནྟི [ཝིདྷནྟི (ཀ.)] རཀྑཾ, རཱཛཱནོ མཎྜཱུཀ མནུསྶལོཀེ;

ནེཏྟཱཝཏཱ རཱཛཱ ཨདྷམྨཙཱརཱི, ཡཾ ཏཱདིསཾ ཛཱིཝམདེཡྻུ དྷངྐཱ.

ཨདྷམྨརཱུཔོ ཝཏ བྲཧྨཙཱརཱི, ཨནུཔྤིཡཾ བྷཱསསི ཁཏྟིཡསྶ;

ཝིལུཔྤམཱནཱཡ པུཐུཔྤཛཱཡ, པཱུཛེསི རཱཛཾ པརམཔྤམཱདཾ [རཱཛཾ པརམཔྤཝཱདཾ (སཱི.), རཱཛཱ པརམཔྤཝཱདིཾ (སྱཱ.)].

སཙེ ¶ ཨིམཾ བྲཧྨེ སུརཛྫཀཾ སིཡཱ, ཕཱིཏཾ རཊྛཾ མུདིཏཾ [པཱུརིཏཾ (ཀ.)] ཝིཔྤསནྣཾ;

བྷུཏྭཱ བལིཾ ཨགྒཔིཎྜཉྩ ཀཱཀཱ, ན མཱདིསཾ ཛཱིཝམདེཡྻུ དྷངྐཱཏི.

ཀིཾཚནྡ ¶ ཀུམྦྷ ཛཡདྡིས ཚདྡནྟ, ཨཐ པཎྜིཏསམྦྷཝ སིརཀཔི;

དཀརཀྑས པཎྜརནཱགཝརོ, ཨཐ སམྦུལ ཏིནྡུཀདེཝསུཏོཏི.

ཛཱཏཀཔཱལི༹ཡཱ པཋམོ བྷཱགོ ནིཊྛིཏོ.