📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

ཁུདྡཀནིཀཱཡེ

ཛཱཏཀཔཱལི༹

(དུཏིཡོ བྷཱགོ)

༡༧. ཙཏྟཱལཱིསནིཔཱཏོ

༥༢༡. ཏེསཀུཎཛཱཏཀཾ (༡)

༡.

‘‘ཝེསྶནྟརཾ ¶ ¶ ¶ ཏཾ པུཙྪཱམི, སཀུཎ བྷདྡམཏྠུ ཏེ;

རཛྫཾ ཀཱརེཏུཀཱམེན, ཀིཾ སུ ཀིཙྩཾ ཀཏཾ ཝརཾ’’.

༢.

‘‘ཙིརསྶཾ ཝཏ མཾ ཏཱཏོ, ཀཾསོ བཱརཱཎསིགྒཧོ;

པམཏྟོ ཨཔྤམཏྟཾ མཾ, པིཏཱ པུཏྟཾ ཨཙོདཡི.

༣.

‘‘པཋམེནེཝ ཝིཏཐཾ, ཀོདྷཾ ཧཱསཾ ནིཝཱརཡེ;

ཏཏོ ཀིཙྩཱནི ཀཱརེཡྻ, ཏཾ ཝཏཾ ཨཱཧུ ཁཏྟིཡ.

༤.

‘‘ཡཾ ¶ ཏྭཾ ཏཱཏ ཏཔོཀམྨཾ [ཏཔེ ཀམྨཾ (སཱི. སྱཱ. པཱི.)], པུབྦེ ཀཏམསཾསཡཾ;

རཏྟོ དུཊྛོ ཙ ཡཾ ཀཡིརཱ, ན ཏཾ ཀཡིརཱ ཏཏོ པུན [པུནཾ (པཱི.)].

༥.

‘‘ཁཏྟིཡསྶ པམཏྟསྶ, རཊྛསྨིཾ རཊྛཝཌྜྷན;

སབྦེ བྷོགཱ ཝིནསྶནྟི, རཉྙོ ཏཾ ཝུཙྩཏེ ཨགྷཾ.

༦.

‘‘སིརཱི ཏཱཏ ཨལཀྑཱི ཙ [སིརཱི ཙ ཏཱཏ ལཀྑཱི ཙ (སྱཱ. པཱི.)], པུཙྪིཏཱ ཨེཏདབྲཝུཾ;

ཨུཊྛཱན [ཨུཊྛཱནེ (སྱཱ.)] ཝཱིརིཡེ པོསེ, རམཱཧཾ ཨནུསཱུཡཀེ.

༧.

‘‘ཨུསཱུཡཀེ ¶ དུཧདཡེ, པུརིསེ ཀམྨདུསྶཀེ;

ཀཱལཀཎྞཱི མཧཱརཱཛ, རམཏི [རམཱཏི (ཀ.)] ཙཀྐབྷཉྫནཱི.

༨.

‘‘སོ ཏྭཾ སབྦེསུ སུཧདཡོ [སོ ཏྭཾ སབྦེསཾ སུཧདཡོ (སྱཱ. པཱི.), སོ ཏྭཾ སབྦེ སུཧདཡོ (ཀ.)], སབྦེསཾ རཀྑིཏོ བྷཝ;

ཨལཀྑིཾ ནུད མཧཱརཱཛ, ལཀྑྱཱ བྷཝ ནིཝེསནཾ.

༩.

‘‘ས ¶ ལཀྑཱིདྷིཏིསམྤནྣོ, པུརིསོ ཧི མཧགྒཏོ;

ཨམིཏྟཱནཾ ཀཱསིཔཏི, མཱུལཾ ཨགྒཉྩ ཚིནྡཏི.

༡༠.

‘‘སཀྐོཔི ཧི བྷཱུཏཔཏི, ཨུཊྛཱནེ ནཔྤམཛྫཏི;

ས ཀལྱཱཎེ དྷིཏིཾ ཀཏྭཱ, ཨུཊྛཱནེ ཀུརུཏེ མནོ.

༡༡.

‘‘གནྡྷབྦཱ པིཏརོ དེཝཱ, སཱཛཱིཝཱ [སཉྫཱིཝཱ (པཱི.)] ཧོནྟི ཏཱདིནོ;

ཨུཊྛཱཧཏོ [ཨུཊྛཧཏོ (སྱཱ. པཱི.)] ཨཔྤམཛྫཏོ [མཔྤམཛྫཏོ (ཀ.)], ཨནུཏིཊྛནྟི དེཝཏཱ.

༡༢.

‘‘སོ ཨཔྤམཏྟོ ཨཀྐུདྡྷོ [ཨཀྐུཊྛོ (པཱི.)], ཏཱཏ ཀིཙྩཱནི ཀཱརཡ;

ཝཱཡམསྶུ ཙ ཀིཙྩེསུ, ནཱལསོ ཝིནྡཏེ སུཁཾ.

༡༣.

‘‘ཏཏྠེཝ ཏེ ཝཏྟཔདཱ, ཨེསཱཝ [ཨེསཱ ཙ (པཱི.)] ཨནུསཱསནཱི;

ཨལཾ མིཏྟེ སུཁཱཔེཏུཾ, ཨམིཏྟཱནཾ དུཁཱཡ [དུཀྑཱཡ (པཱི.)] ཙ’’.

༡༤.

‘‘སཀྑིསི ཏྭཾ [སཀྑཱི ཏུཝཾ (སཱི. སྱཱ. པཱི.)] ཀུཎྜལིནི, མཉྙསི ཁཏྟབནྡྷུནི [ཁཏྟིཡབནྡྷུནཱི (པཱི.)];

རཛྫཾ ཀཱརེཏུཀཱམེན, ཀིཾ སུ ཀིཙྩཾ ཀཏཾ ཝརཾ’’.

༡༥.

‘‘དྭེཝ ཏཱཏ པདཀཱནི, ཡཏྠ [ཡེསུ (པཱི.)] སབྦཾ པཏིཊྛིཏཾ;

ཨལདྡྷསྶ ཙ ཡོ ལཱབྷོ, ལདྡྷསྶ ཙཱནུརཀྑཎཱ.

༡༦.

‘‘ཨམཙྩེ ཏཱཏ ཛཱནཱཧི, དྷཱིརེ ཨཏྠསྶ ཀོཝིདེ;

ཨནཀྑཱ ཀིཏཝེ ཏཱཏ, ཨསོཎྜེ ཨཝིནཱསཀེ.

༡༧.

‘‘ཡོ ཙ ཏཾ ཏཱཏ རཀྑེཡྻ, དྷནཾ ཡཉྩེཝ ཏེ སིཡཱ;

སཱུཏོཝ རཐཾ སངྒཎྷེ, སོ ཏེ ཀིཙྩཱནི ཀཱརཡེ.

༡༨.

‘‘སུསངྒཧིཏནྟཛནོ, སཡཾ ཝིཏྟཾ ཨཝེཀྑིཡ;

ནིདྷིཉྩ ཨིཎདཱནཉྩ, ན ཀརེ པརཔཏྟིཡཱ.

༡༩.

‘‘སཡཾ ¶ ¶ ཨཱཡཾ ¶ ཝཡཾ [ཨཱཡཝཡཾ (པཱི.)] ཛཉྙཱ, སཡཾ ཛཉྙཱ ཀཏཱཀཏཾ;

ནིགྒཎྷེ ནིགྒཧཱརཧཾ, པགྒཎྷེ པགྒཧཱརཧཾ.

༢༠.

‘‘སཡཾ ཛཱནཔདཾ ཨཏྠཾ, ཨནུསཱས རཐེསབྷ;

མཱ ཏེ ཨདྷམྨིཀཱ ཡུཏྟཱ, དྷནཾ རཊྛཉྩ ནཱསཡུཾ.

༢༡.

‘‘མཱ ཙ ཝེགེན ཀིཙྩཱནི, ཀརོསི [ཀཱརེསི (སཱི. སྱཱ. པཱི.)] ཀཱརཡེསི ཝཱ;

ཝེགསཱ ཧི ཀཏཾ ཀམྨཾ, མནྡོ པཙྪཱནུཏཔྤཏི.

༢༢.

‘‘མཱ ཏེ ཨདྷིསརེ མུཉྩ, སུབཱལ༹ྷམདྷིཀོདྷིཏཾ [ཀོཔིཏཾ (སཱི. སྱཱ.)];

ཀོདྷསཱ ཧི བཧཱུ ཕཱིཏཱ, ཀུལཱ ཨཀུལཏཾ གཏཱ.

༢༣.

‘‘མཱ ཏཱཏ ཨིསྶརོམྷཱིཏི, ཨནཏྠཱཡ པཏཱརཡི;

ཨིཏྠཱིནཾ པུརིསཱནཉྩ, མཱ ཏེ ཨཱསི དུཁུདྲཡོ.

༢༤.

‘‘ཨཔེཏལོམཧཾསསྶ, རཉྙོ ཀཱམཱནུསཱརིནོ;

སབྦེ བྷོགཱ ཝིནསྶནྟི, རཉྙོ ཏཾ ཝུཙྩཏེ ཨགྷཾ.

༢༥.

‘‘ཏཏྠེཝ ཏེ ཝཏྟཔདཱ, ཨེསཱཝ ཨནུསཱསནཱི;

དཀྑསྶུདཱནི པུཉྙཀརོ, ཨསོཎྜོ ཨཝིནཱསཀོ;

སཱིལཝཱསྶུ [སཱིལཝཱསྶ (ཊཱིཀཱ)] མཧཱརཱཛ, དུསྶཱིལོ ཝིནིཔཱཏིཀོ’’ [ཝིནིཔཱཏཀོ (པཱི.)].

༢༦.

‘‘ཨཔུཙྪིམྷ ཀོསིཡགོཏྟཾ [ཨཔུཙྪིམྷཱ ཀོསིཡགོཏྟཾ (སྱཱ.), ཨཔུཙྪམྷཱཔི ཀོསིཀཾ (པཱི.)], ཀུཎྜལིནིཾ ཏཐེཝ ཙ;

ཏྭཾ དཱནི ཝདེཧི ཛམྦུཀ [ཛམྦུཀ ཏྭཾ དཱནི ཝདེཧི (སྱཱ. པཱི.)], བལཱནཾ བལམུཏྟམཾ’’.

༢༧.

‘‘བལཾ པཉྩཝིདྷཾ ལོཀེ, པུརིསསྨིཾ མཧགྒཏེ;

ཏཏྠ བཱཧུབལཾ ནཱམ, ཙརིམཾ ཝུཙྩཏེ བལཾ.

༢༨.

‘‘བྷོགབལཉྩ དཱིགྷཱཝུ, དུཏིཡཾ ཝུཙྩཏེ བལཾ;

ཨམཙྩབལཉྩ ¶ དཱིགྷཱཝུ, ཏཏིཡཾ ཝུཙྩཏེ བལཾ.

༢༩.

‘‘ཨབྷིཛཙྩབལཾ ཙེཝ, ཏཾ ཙཏུཏྠཾ ཨསཾསཡཾ;

ཡཱནི ཙེཏཱནི སབྦཱནི, ཨདྷིགཎྷཱཏི པཎྜིཏོ.

༣༠.

‘‘ཏཾ བལཱནཾ བལཾ སེཊྛཾ, ཨགྒཾ པཉྙཱབཾ བལཾ [ཝརཾ (སཱི.)];

པཉྙཱབལེནུཔཏྠདྡྷོ, ཨཏྠཾ ཝིནྡཏི པཎྜིཏོ.

༣༡.

‘‘ཨཔི ¶ ཙེ ལབྷཏི མནྡོ, ཕཱིཏཾ དྷརཎིམུཏྟམཾ;

ཨཀཱམསྶ པསཡ྄ཧཾ ཝཱ, ཨཉྙོ ཏཾ པཊིཔཛྫཏི.

༣༢.

‘‘ཨབྷིཛཱཏོཔི ཙེ ཧོཏི, རཛྫཾ ལདྡྷཱན ཁཏྟིཡོ;

དུཔྤཉྙོ ཧི ཀཱསིཔཏི, སབྦེནཔི ན ཛཱིཝཏི.

༣༣.

‘‘པཉྙཱཝ ¶ སུཏཾ ཝིནིཙྪིནཱི [པཉྙཱ སུཏཝིནིཙྪིནཱི (སྱཱ. པཱི.)], པཉྙཱ ཀིཏྟི སིལོཀཝཌྜྷནཱི [ཝདྡྷནཱི (པཱི.)];

པཉྙཱསཧིཏོ ནརོ ཨིདྷ, ཨཔི དུཀྑེ སུཁཱནི ཝིནྡཏི.

༣༤.

‘‘པཉྙཉྩ ཁོ ཨསུསྶཱུསཾ, ན ཀོཙི ཨདྷིགཙྪཏི;

བཧུསྶུཏཾ ཨནཱགམྨ, དྷམྨཊྛཾ ཨཝིནིབྦྷུཛཾ.

༣༥.

‘‘ཡོ ཙ དྷམྨཝིབྷངྒཉྙཱུ [ཡོ དྷམྨཉྩ ཝིབྷཱགཉྙཱུ (པཱི.)], ཀཱལུཊྛཱཡཱི མཏནྡིཏོ;

ཨནུཊྛཧཏི ཀཱལེན, ཀམྨཕལཾ ཏསྶ ཨིཛ྄ཛྷཏི [ཀམྨཕལཾ ཏསྶིཛ྄ཛྷཏི, ཕལཾ ཏསྶ སམིཛ྄ཛྷཏི (ཀ.)].

༣༦.

‘‘ཨནཱཡཏན [ནཱ’ནཱཡཏན (པཱི.)] སཱིལསྶ, ཨནཱཡཏན [ནཱ’ནཱཡཏན (པཱི.)] སེཝིནོ;

ན ནིབྦིནྡིཡཀཱརིསྶ, སམྨདཏྠོ ཝིཔཙྩཏི.

༣༧.

‘‘ཨཛ྄ཛྷཏྟཉྩ པཡུཏྟསྶ, ཏཐཱཡཏནསེཝིནོ;

ཨནིབྦིནྡིཡཀཱརིསྶ, སམྨདཏྠོ ཝིཔཙྩཏི.

༣༨.

‘‘ཡོགཔྤཡོགསངྑཱཏཾ, སམྦྷཏསྶཱནུརཀྑཎཾ;

ཏཱནི ¶ ཏྭཾ ཏཱཏ སེཝསྶུ, མཱ ཨཀམྨཱཡ རནྡྷཡི;

ཨཀམྨུནཱ ཧི དུམྨེདྷོ, ནལཱ༹གཱརཾཝ སཱིདཏི’’.

༣༩.

‘‘དྷམྨཾ ཙར མཧཱརཱཛ, མཱཏཱཔིཏཱུསུ ཁཏྟིཡ;

ཨིདྷ དྷམྨཾ ཙརིཏྭཱན, རཱཛ སགྒཾ གམིསྶསི.

༤༠.

‘‘དྷམྨཾ ཙར མཧཱརཱཛ, པུཏྟདཱརེསུ ཁཏྟིཡ;

ཨིདྷ དྷམྨཾ ཙརིཏྭཱན, རཱཛ སགྒཾ གམིསྶསི.

༤༡.

‘‘དྷམྨཾ ཙར མཧཱརཱཛ, མིཏྟཱམཙྩེསུ ཁཏྟིཡ;

ཨིདྷ དྷམྨཾ ཙརིཏྭཱན, རཱཛ སགྒཾ གམིསྶསི.

༤༢.

‘‘དྷམྨཾ ཙར མཧཱརཱཛ, ཝཱཧནེསུ བལེསུ ཙ;

ཨིདྷ དྷམྨཾ ཙརིཏྭཱན, རཱཛ སགྒཾ གམིསྶསི.

༤༣.

‘‘དྷམྨཾ ¶ ཙར མཧཱརཱཛ, གཱམེསུ ནིགམེསུ ཙ…པེ….

༤༤.

‘‘དྷམྨཾ ཙར མཧཱརཱཛ, རཊྛེསུ [རཊྛེ (པཱི.)] ཛནཔདེསུ ཙ…པེ….

༤༥.

‘‘དྷམྨཾ ཙར མཧཱརཱཛ, སམཎ [སམཎེ (སྱཱ. ཀ.)] བྲཱཧྨཎེསུ ཙ…པེ….

༤༦.

‘‘དྷམྨཾ ཙར མཧཱརཱཛ, མིགཔཀྑཱིསུ ཁཏྟིཡ;

ཨིདྷ དྷམྨཾ ཙརིཏྭཱན, རཱཛ སགྒཾ གམིསྶསི.

༤༧.

‘‘དྷམྨཾ ¶ ཙར མཧཱརཱཛ, དྷམྨོ ཙིཎྞོ སུཁཱཝཧོ [དྷམྨོ སུཙིཎྞོ སུཁམཱཝཧཏི (ཀ.)];

ཨིདྷ དྷམྨཾ ཙརིཏྭཱན, རཱཛ སགྒཾ གམིསྶསི.

༤༨.

‘‘དྷམྨཾ ཙར མཧཱརཱཛ, སཨིནྡཱ [ཨིནྡོ (པཱི.), སིནྡཱ (ཀ.)] དེཝཱ སབྲཧྨཀཱ;

སུཙིཎྞེན དིཝཾ པཏྟཱ, མཱ དྷམྨཾ རཱཛ པཱམདོ [པམཱདོ (པཱི. ཀ.)].

༤༩.

‘‘ཏཏྠེཝ ¶ ཏེ [ཝེཏེ (པཱི.)] ཝཏྟཔདཱ, ཨེསཱཝ [ཨེསཱ ཙ (པཱི.)] ཨནུསཱསནཱི;

སཔྤཉྙསེཝཱི ཀལྱཱཎཱི, སམཏྟཾ སཱམ [སཱམཾ (ཀ.)] ཏཾ ཝིདཱུ’’ཏི.

ཏེསཀུཎཛཱཏཀཾ པཋམཾ.

༥༢༢. སརབྷངྒཛཱཏཀཾ (༢)

༥༠.

‘‘ཨལངྐཏཱ ཀུཎྜལིནོ སུཝཏྠཱ, ཝེལུ༹རིཡམུཏྟཱཐརུཁགྒབནྡྷཱ [བདྡྷཱ (པཱི.)];

རཐེསབྷཱ ཏིཊྛཐ ཀེ ནུ ཏུམྷེ, ཀཐཾ ཝོ ཛཱནནྟི མནུསྶལོཀེ’’.

༥༡.

‘‘ཨཧམཊྛཀོ བྷཱིམརཐོ པནཱཡཾ, ཀཱལིངྒརཱཛཱ པན ཨུགྒཏོཡཾ [ཨུགྒཏོ ཨཡཾ (པཱི.), ཨུགྒཏཱཡཾ (ཀ.)];

སུསཉྙཏཱནཾ ཨིསཱིནཾ [སུསཉྙཏཱནིསིནཾ (པཱི.)] དསྶནཱཡ, ཨིདྷཱགཏཱ པུཙྪིཏཱཡེམྷ པཉྷེ’’.

༥༢.

‘‘ཝེཧཱཡསཾ ¶ ཏིཊྛསི [ཏིཊྛཏི (པཱི.)] ཨནྟལིཀྑེ, པཐདྡྷུནོ པནྣརསེཝ ཙནྡོ;

པུཙྪཱམི ཏཾ ཡཀྑ མཧཱནུབྷཱཝ, ཀཐཾ ཏཾ ཛཱནནྟི མནུསྶལོཀེ’’.

༥༣.

‘‘ཡམཱཧུ དེཝེསུ སུཛམྤཏཱིཏི, མགྷཝཱཏི ¶ ཏཾ ཨཱཧུ མནུསྶལོཀེ;

ས དེཝརཱཛཱ ཨིདམཛྫ པཏྟོ, སུསཉྙཏཱནཾ ཨིསཱིནཾ དསྶནཱཡ’’.

༥༤.

‘‘དཱུརེ སུཏཱ ནོ ཨིསཡོ སམཱགཏཱ, མཧིདྡྷིཀཱ ཨིདྡྷིགུཎཱུཔཔནྣཱ;

ཝནྡཱམི ཏེ ཨཡིརེ པསནྣཙིཏྟོ, ཡེ ཛཱིཝལོཀེཏྠ མནུསྶསེཊྛཱ’’.

༥༥.

གནྡྷོ ཨིསཱིནཾ ཙིརདིཀྑིཏཱནཾ [དཀྑིཏཱནཾ (སྱཱ. པཱི.)], ཀཱཡཱ ཙུཏོ གཙྪཏི མཱལུཏེན;

ཨིཏོ པཊིཀྐམྨ སཧསྶནེཏྟ, གནྡྷོ ཨིསཱིནཾ ཨསུཙི དེཝརཱཛ’’.

༥༦.

‘‘གནྡྷོ ཨིསཱིནཾ ཙིརདིཀྑིཏཱནཾ, ཀཱཡཱ ཙུཏོ གཙྪཏུ མཱལུཏེན;

ཝིཙིཏྲཔུཔྥཾ སུརབྷིཾཝ མཱལཾ, གནྡྷཉྩ ཨེཏཾ པཱཊིཀངྑཱམ བྷནྟེ;

ན ཧེཏྠ དེཝཱ པཊིཀྐཱུལསཉྙིནོ’’.

༥༧.

‘‘པུརིནྡདོ བྷཱུཏཔཏཱི ཡསསྶཱི, དེཝཱནམིནྡོ སཀྐོ [ཨིདཾ པདཾ ནཏྠི (སཱི. སྱཱ. པཱི. པོཏྠཀེསུ)] མགྷཝཱ སུཛམྤཏི;

ས དེཝརཱཛཱ ཨསུརགཎཔྤམདྡནོ, ཨོཀཱསམཱཀངྑཏི པཉྷ པུཙྪིཏུཾ.

༥༨.

‘‘ཀོ ¶ ནེཝིམེསཾ ཨིདྷ པཎྜིཏཱནཾ, པཉྷེ པུཊྛོ ནིཔུཎེ བྱཱཀརིསྶཏི;

ཏིཎྞཉྩ རཉྙཾ མནུཛཱདྷིཔཱནཾ, དེཝཱནམིནྡསྶ ཙ ཝཱསཝསྶ’’.

༥༩.

‘‘ཨཡཾ ¶ ཨིསི [ཨིསཱི (སཱི. པཱི.)] སརབྷངྒོ ཏཔསྶཱི [ཡསསྶཱི (སཱི.)], ཡཏོ ཛཱཏོ ཝིརཏོ མེཐུནསྨཱ;

ཨཱཙེརཔུཏྟོ [ཨཱཙརིཡཔུཏྟོ (པཱི. ཀ.)] སུཝིནཱིཏརཱུཔོ, སོ ནེསཾ པཉྷཱནི ཝིཡཱཀརིསྶཏི’’.

༦༠.

‘‘ཀོཎྜཉྙ པཉྷཱནི ཝིཡཱཀརོཧི, ཡཱཙནྟི ཏཾ ཨིསཡོ སཱདྷུརཱུཔཱ;

ཀོཎྜཉྙ ཨེསོ མནུཛེསུ དྷམྨོ, ཡཾ ཝུདྡྷ [ཝདྡྷ (པཱི.), བུདྡྷ (ཀ.)] མཱགཙྪཏི ཨེས བྷཱརོ’’.

༦༡.

‘‘ཀཏཱཝཀཱསཱ ¶ པུཙྪནྟུ བྷོནྟོ, ཡཾ ཀིཉྩི པཉྷཾ མནསཱབྷིཔཏྠིཏཾ;

ཨཧཉྷི ཏཾ ཏཾ ཝོ ཝིཡཱཀརིསྶཾ, ཉཏྭཱ སཡཾ ལོཀམིམཾ པརཉྩ’’.

༦༢.

‘‘ཏཏོ ཙ མགྷཝཱ སཀྐོ, ཨཏྠདསྶཱི པུརིནྡདོ;

ཨཔུཙྪི པཋམཾ པཉྷཾ, ཡཉྩཱསི ཨབྷིཔཏྠིཏཾ’’.

༦༣.

‘‘ཀིཾ སཱུ ཝདྷིཏྭཱ ན ཀདཱཙི སོཙཏི, ཀིསྶཔྤཧཱནཾ ཨིསཡོ ཝཎྞཡནྟི;

ཀསྶཱིདྷ ¶ ཝུཏྟཾ ཕརུསཾ ཁམེཐ, ཨཀྑཱཧི མེ ཀོཎྜཉྙ ཨེཏམཏྠཾ’’.

༦༤.

‘‘ཀོདྷཾ ཝདྷིཏྭཱ ན ཀདཱཙི སོཙཏི, མཀྑཔྤཧཱནཾ ཨིསཡོ ཝཎྞཡནྟི;

སབྦེསཾ ཝུཏྟཾ ཕརུསཾ ཁམེཐ, ཨེཏཾ ཁནྟིཾ ཨུཏྟམམཱཧུ སནྟོ’’.

༦༥.

‘‘སཀྐཱ ཨུབྷིནྣཾ [ཧི དྭིནྣཾ (པཱི.)] ཝཙནཾ ཏིཏིཀྑིཏུཾ, སདིསསྶ ཝཱ སེཊྛཏརསྶ [སེཊྛནརསྶ (པཱི.)] ཝཱཔི;

ཀཐཾ ནུ ཧཱིནསྶ ཝཙོ ཁམེཐ, ཨཀྑཱཧི མེ ཀོཎྜཉྙ ཨེཏམཏྠཾ’’.

༦༦.

‘‘བྷཡཱ ¶ ཧི སེཊྛསྶ ཝཙོ ཁམེཐ, སཱརམྦྷཧེཏཱུ པན སཱདིསསྶ;

ཡོ ཙཱིདྷ ཧཱིནསྶ ཝཙོ ཁམེཐ, ཨེཏཾ ཁནྟིཾ ཨུཏྟམམཱཧུ སནྟོ’’.

༦༧.

‘‘ཀཐཾ ཝིཛཉྙཱ ཙཏུཔཏྠརཱུཔཾ [ཙཏུམཊྛརཱུཔཾ (སྱཱ. པཱི.)], སེཊྛཾ སརིཀྑཾ ཨཐཝཱཔི ཧཱིནཾ;

ཝིརཱུཔརཱུཔེན ཙརནྟི སནྟོ, ཏསྨཱ ཧི སབྦེསཾ ཝཙོ ཁམེཐ’’.

༦༨.

‘‘ན ཧེཏམཏྠཾ མཧཏཱིཔི སེནཱ, སརཱཛིཀཱ ཡུཛ྄ཛྷམཱནཱ ལབྷེཐ;

ཡཾ ¶ ཁནྟིམཱ སཔྤུརིསོ ལབྷེཐ, ཁནྟཱི བལསྶཱུཔསམནྟི ཝེརཱ’’.

༦༩.

‘‘སུབྷཱསིཏཾ ཏེ ཨནུམོདིཡཱན, ཨཉྙཾ ཏཾ པུཙྪཱམི ཏདིངྒྷ བྲཱུཧི;

ཡཐཱ ཨཧུཾ [ཨཧཱུ (སཱི. སྱཱ. པཱི.)] དཎྜཀཱི ནཱལི༹ཀེརོ [ནཱལི༹ཀཱིརོ (སཱི. སྱཱ. པཱི.)], ཨཐཛྫུནོ ཀལཱབུ ཙཱཔི རཱཛཱ;

ཏེསཾ གཏིཾ བྲཱུཧི སུཔཱཔཀམྨིནཾ, ཀཏྠཱུཔཔནྣཱ ཨིསིནཾ ཝིཧེཋཀཱ’’.

༧༠.

‘‘ཀིསཉྷི [ཀིསཾཔི (པཱི.)] ཝཙྪཾ ཨཝཀིརིཡ དཎྜཀཱི, ཨུཙྪིནྣམཱུལོ སཛནོ སརཊྛོ;

ཀུཀྐུལ༹ནཱམེ ནིརཡམྷི པཙྩཏི, ཏསྶ ཕུལིངྒཱནི པཏནྟི ཀཱཡེ.

༧༡.

‘‘ཡོ སཉྙཏེ པབྦཛིཏེ ཨཧེཋཡི [ཨཝཉྩསི (པཱི.)], དྷམྨཾ བྷཎནྟེ སམཎེ ཨདཱུསཀེ;

ཏཾ ནཱལི༹ཀེརཾ སུནཁཱ པརཏྠ, སངྒམྨ ཁཱདནྟི ཝིཕནྡམཱནཾ.

༧༢.

‘‘ཨཐཛྫུནོ ¶ ནིརཡེ སཏྟིསཱུལེ, ཨཝཾསིརོ པཏིཏོ ཨུདྡྷཾཔཱདོ [ཨུདྡྷཔཱདོ (སྱཱ.), ཨདྡྷཔཱདོ (པཱི.)];

ཨངྒཱིརསཾ གོཏམཾ ཧེཋཡིཏྭཱ, ཁནྟིཾ ཏཔསྶིཾ ཙིརབྲཧྨཙཱརིཾ.

༧༣.

‘‘ཡོ ¶ ཁཎྜསོ པབྦཛིཏཾ ཨཚེདཡི, ཁནྟིཾ ཝདནྟཾ སམཎཾ ཨདཱུསཀཾ;

ཀལཱབུཝཱིཙིཾ ཨུཔཔཛྫ པཙྩཏི, མཧཱཔཏཱཔཾ [མཧཱབྷིཏཱཔཾ (པཱི.)] ཀཊུཀཾ བྷཡཱནཀཾ.

༧༤.

‘‘ཨེཏཱནི སུཏྭཱ ནིརཡཱནི པཎྜིཏོ, ཨཉྙཱནི པཱཔིཊྛཏརཱནི ཙེཏྠ;

དྷམྨཾ ཙརེ སམཎབྲཱཧྨཎེསུ, ཨེཝངྐརོ སགྒམུཔེཏི ཋཱནཾ’’.

༧༥.

‘‘སུབྷཱསིཏཾ ¶ ཏེ ཨནུམོདིཡཱན, ཨཉྙཾ ཏཾ པུཙྪཱམི ཏདིངྒྷ བྲཱུཧི;

ཀཐཾཝིདྷཾ སཱིལཝནྟཾ ཝདནྟི, ཀཐཾཝིདྷཾ པཉྙཝནྟཾ ཝདནྟི;

ཀཐཾཝིདྷཾ སཔྤུརིསཾ ཝདནྟི, ཀཐཾཝིདྷཾ ནོ སིརི ནོ ཛཧཱཏི’’.

༧༦.

‘‘ཀཱཡེན ཝཱཙཱཡ ཙ ཡོ’དྷ [ཡོ ཙ (པཱི.)] སཉྙཏོ, མནསཱ ཙ ཀིཉྩི ན ཀརོཏི པཱཔཾ;

ན ཨཏྟཧེཏཱུ ཨལིཀཾ བྷཎེཏི [བྷཎཱཏི (སཱི. སྱཱ. པཱི.)], ཏཐཱཝིདྷཾ སཱིལཝནྟཾ ཝདནྟི.

༧༧.

‘‘གམྦྷཱིརཔཉྷཾ མནསཱབྷིཙིནྟཡཾ [མནསཱ ཝིཙིནྟཡཾ (སཱི.)], ནཱཙྩཱཧིཏཾ ཀམྨ ཀརོཏི ལུདྡཾ;

ཀཱལཱགཏཾ ¶ [ཀཱལཱབྷཏཾ (པཱི.)] ཨཏྠཔདཾ ན རིཉྩཏི, ཏཐཱཝིདྷཾ པཉྙཝནྟཾ ཝདནྟི.

༧༨.

‘‘ཡོ ¶ ཝེ ཀཏཉྙཱུ ཀཏཝེདི དྷཱིརོ, ཀལྱཱཎམིཏྟོ དལ༹ྷབྷཏྟི ཙ ཧོཏི;

དུཁིཏསྶ སཀྐཙྩ ཀརོཏི ཀིཙྩཾ, ཏཐཱཝིདྷཾ སཔྤུརིསཾ ཝདནྟི.

༧༩.

‘‘ཨེཏེཧི སབྦེཧི གུཎེཧུཔེཏོ, སདྡྷོ མུདཱུ སཾཝིབྷཱགཱི ཝདཉྙཱུ;

སངྒཱཧཀཾ སཁིལཾ སཎྷཝཱཙཾ, ཏཐཱཝིདྷཾ ནོ སིརི ནོ ཛཧཱཏི’’.

༨༠.

‘‘སུབྷཱསིཏཾ ཏེ ཨནུམོདིཡཱན, ཨཉྙཾ ཏཾ པུཙྪཱམི ཏདིངྒྷ བྲཱུཧི;

སཱིལཾ སིརིཉྩཱཔི སཏཉྩ དྷམྨཾ, པཉྙཉྩ ཀཾ སེཊྛཏརཾ ཝདནྟི’’.

༨༡.

‘‘པཉྙཱ ཧི སེཊྛཱ ཀུསལཱ ཝདནྟི, ནཀྑཏྟརཱཛཱརིཝ ཏཱརཀཱནཾ;

སཱིལཾ སཱིརཱི ཙཱཔི སཏཉྩ དྷམྨོ [དྷམྨཱ (པཱི.)], ཨནྭཱཡིཀཱ པཉྙཝཏོ བྷཝནྟི’’.

༨༢.

‘‘སུབྷཱསིཏཾ ཏེ ཨནུམོདིཡཱན, ཨཉྙཾ ཏཾ པུཙྪཱམི ཏདིངྒྷ བྲཱུཧི;

ཀཐཾཀརོ ¶ ཀིནྟིཀརོ ཀིམཱཙརཾ, ཀིཾ སེཝམཱནོ ལབྷཏཱིདྷ པཉྙཾ;

པཉྙཱཡ དཱནིཔྤཊིཔཾ [དཱནི པཊིཔདཾ (སཱི. སྱཱ. པཱི.)] ཝདེཧི, ཀཐཾཀརོ པཉྙཝཱ ཧོཏི མཙྩོ’’.

༨༣.

‘‘སེཝེཐ ཝུདྡྷེ ནིཔུཎེ བཧུསྶུཏེ, ཨུགྒཱཧཀོ ཙ པརིཔུཙྪཀོ སིཡཱ;

སུཎེཡྻ སཀྐཙྩ སུབྷཱསིཏཱནི, ཨེཝཾཀརོ པཉྙཝཱ ཧོཏི མཙྩོ.

༨༤.

‘‘ ¶ པཉྙཝཱ ཀཱམགུཎེ ཨཝེཀྑཏི, ཨནིཙྩཏོ དུཀྑཏོ རོགཏོ ཙ;

ཨེཝཾ ཝིཔསྶཱི པཛཧཱཏི ཚནྡཾ, དུཀྑེསུ ཀཱམེསུ མཧབྦྷཡེསུ.

༨༥.

‘‘ས ཝཱིཏརཱགོ པཝིནེཡྻ དོསཾ, མེཏྟཾ [མེཏྟ (སྱཱ. ཀ.)] ཙིཏྟཾ བྷཱཝཡེ [བྷཱཝེཡྻ (སཱི. སྱཱ. ཀ.)] ཨཔྤམཱཎཾ;

སབྦེསུ བྷཱུཏེསུ ནིདྷཱཡ དཎྜཾ, ཨནིནྡིཏོ བྲཧྨམུཔེཏི ཋཱནཾ’’.

༨༦.

‘‘མཧཏྠིཡཾ [མཧིདྡྷིཡཾ (སཱི. སྱཱ. པཱི.)] ཨཱགམནཾ ཨཧོསི, ཏཝམཊྛཀཱ [མཊྛཀ (སཱི. སྱཱ. ཀ.)] བྷཱིམརཐསྶ ཙཱཔི;

ཀཱལིངྒརཱཛསྶ ཙ ཨུགྒཏསྶ, སབྦེས ¶ ཝོ ཀཱམརཱགོ པཧཱིནོ’’.

༨༧.

‘‘ཨེཝམེཏཾ པརཙིཏྟཝེདི, སབྦེས ནོ ཀཱམརཱགོ པཧཱིནོ;

ཀརོཧི ཨོཀཱསམནུགྒཧཱཡ, ཡཐཱ གཏིཾ ཏེ ཨབྷིསམྦྷཝེམ’’.

༨༨.

‘‘ཀརོམི ཨོཀཱསམནུགྒཧཱཡ, ཏཐཱ ཧི ཝོ ཀཱམརཱགོ པཧཱིནོ;

ཕརཱཐ ཀཱཡཾ ཝིཔུལཱཡ པཱིཏིཡཱ, ཡཐཱ གཏིཾ མེ ཨབྷིསམྦྷཝེཐ’’.

༨༩.

‘‘སབྦཾ ¶ ཀརིསྶཱམ ཏཝཱནུསཱསནིཾ, ཡཾ ཡཾ ཏུཝཾ ཝཀྑསི བྷཱུརིཔཉྙ;

ཕརཱམ ཀཱཡཾ ཝིཔུལཱཡ པཱིཏིཡཱ, ཡཐཱ གཏིཾ ཏེ ཨབྷིསམྦྷཝེམ’’.

༩༠.

‘‘ཀཏཱཡ [ཀཏཱཡཾ (སཱི. པཱི.)] ཝཙྪསྶ ཀིསསྶ པཱུཛཱ, གཙྪནྟུ བྷོནྟོ ཨིསཡོ སཱདྷུརཱུཔཱ;

ཛྷཱནེ རཏཱ ཧོཐ སདཱ སམཱཧིཏཱ, ཨེསཱ རཏཱི པབྦཛིཏསྶ སེཊྛཱ’’.

༩༡.

‘‘སུཏྭཱན ¶ གཱཐཱ པརམཏྠསཾཧིཏཱ, སུབྷཱསིཏཱ ཨིསིནཱ པཎྜིཏེན;

ཏེ ཝེདཛཱཏཱ ཨནུམོདམཱནཱ, པཀྐཱམུ ¶ [པཀྐམུ (ཀ.)] དེཝཱ དེཝཔུརཾ ཡསསྶིནོ.

༩༢.

‘‘གཱཐཱ ཨིམཱ ཨཏྠཝཏཱི སུབྱཉྫནཱ, སུབྷཱསིཏཱ ཨིསིནཱ པཎྜིཏེན;

ཡོ ཀོཙིམཱ ཨཊྛིཀཏྭཱ [ཨཊྛིཾ ཀཏྭཱ (ཀ.)] སུཎེཡྻ, ལབྷེཐ པུབྦཱཔརིཡཾ ཝིསེསཾ;

ལདྡྷཱན པུབྦཱཔརིཡཾ ཝིསེསཾ, ཨདསྶནཾ མཙྩུརཱཛསྶ གཙྪེ’’.

༩༣.

‘‘སཱལིསྶརོ སཱརིཔུཏྟོ, མེཎྜིསྶརོ ཙ ཀསྶཔོ;

པབྦཏོ ཨནུརུདྡྷོ ཙ, ཀཙྩཱཡནོ ཙ དེཝལོ [དེཝིལོ (སྱཱ. ཀ.)].

༩༤.

‘‘ཨནུསིསྶོ ཙ ཨཱནནྡོ, ཀིསཝཙྪོ ཙ ཀོལིཏོ;

ནཱརདོ ཨུདཱཡཱི ཐེརོ [ནཱརདོ པུཎྞོ མནྟཱནཱིཔུཏྟོ (སཱི.)], པརིསཱ བུདྡྷཔརིསཱ;

སརབྷངྒོ ལོཀནཱཐོ, ཨེཝཾ དྷཱརེཐ ཛཱཏཀ’’ནྟི.

སརབྷངྒཛཱཏཀཾ དུཏིཡཾ.

༥༢༣. ཨལམྦུསཱཛཱཏཀཾ (༣)

༩༥.

‘‘ཨཐ བྲཝི བྲཧཱ ཨིནྡོ, ཝཏྲབྷཱུ ཛཡཏཾ པིཏཱ;

དེཝཀཉྙཾ པརཱབྷེཏྭཱ, སུདྷམྨཱཡཾ ཨལམྦུསཾ.

༩༦.

‘‘མིསྶེ དེཝཱ ཏཾ ཡཱཙནྟི, ཏཱཝཏིཾསཱ སཨིནྡཀཱ;

ཨིསིཔྤལོབྷནེ ¶ [ཨིསིཔལོབྷིཀེ (སཱི. སྱཱ.), ཨིསིཾ པལོབྷིཀེ (པཱི.)] གཙྪ, ཨིསིསིངྒཾ ཨལམྦུསེ.

༩༧.

‘‘པུརཱཡཾ ཨམྷེ ཨཙྩེཏི [ནཱཙྩེཏི (སྱཱ. ཀ.)], ཝཏྟཝཱ [ཝཏཝཱ (སཱི. སྱཱ. པཱི.)] བྲཧྨཙརིཡཝཱ;

ནིབྦཱནཱབྷིརཏོ ཝུདྡྷོ [ཝདྡྷོ (པཱི.), བུདྡྷོ (སྱཱ. ཀ.)], ཏསྶ མགྒཱནི ཨཱཝར’’.

༩༨.

‘‘དེཝརཱཛ ཀིམེཝ ཏྭཾ, མམེཝ ཏུཝཾ སིཀྑསི;

ཨིསིཔྤལོབྷནེ [ཨིསིཔལོབྷིཀེ (སཱི. སྱཱ.), ཨིསིཾ པལོབྷིཀེ (པཱི.)] གཙྪ, སནྟི ཨཉྙཱཔི ཨཙྪརཱ.

༩༩.

‘‘མཱདིསིཡོ ¶ པཝརཱ ཙེཝ, ཨསོཀེ ནནྡནེ ཝནེ;

ཏཱསམྤི ཧོཏུ པརིཡཱཡོ, ཏཱཔི ཡནྟུ པལོབྷནཱ’’ [པལོབྷིཀཱ (སྱཱ. པཱི.)].

༡༠༠.

‘‘ཨདྡྷཱ ¶ ཧི སཙྩཾ བྷཎསི, སནྟི ཨཉྙཱཔི ཨཙྪརཱ;

ཏཱདིསིཡོ པཝརཱ ཙེཝ, ཨསོཀེ ནནྡནེ ཝནེ.

༡༠༡.

‘‘ན ཏཱ ཨེཝཾ པཛཱནནྟི, པཱརིཙརིཡཾ པུམཾ གཏཱ;

ཡཱདིསཾ ཏྭཾ པཛཱནཱསི, ནཱརི སབྦངྒསོབྷནེ.

༡༠༢.

‘‘ཏྭམེཝ གཙྪ ཀལྱཱཎི, ཨིཏྠཱིནཾ པཝརཱ ཙསི;

ཏཝེཝ ཝཎྞརཱུཔེན, སཝསམཱནཡིསྶསི’’ [ཝསམཱནཱཔཡིསྶསི (སྱཱ.), ཝསམཱནཱམཡིསྶསི (པཱི.), ཏཾ ཝསམཱནཡིསྶསི (ཀ.)].

༡༠༣.

‘‘ན ཝཱཧཾ ན གམིསྶཱམི, དེཝརཱཛེན པེསིཏཱ;

ཝིབྷེམི ཙེཏཾ ཨཱསཱདུཾ, ཨུགྒཏེཛོ ཧི བྲཱཧྨཎོ.

༡༠༤.

‘‘ཨནེཀེ ནིརཡཾ པཏྟཱ, ཨིསིམཱསཱདིཡཱ ཛནཱ;

ཨཱཔནྣཱ མོཧསཾསཱརཾ, ཏསྨཱ ལོམཱནི ཧཾསཡེ’’.

༡༠༥.

‘‘ཨིདཾ ཝཏྭཱན པཀྐཱམི, ཨཙྪརཱ ཀཱམཝཎྞིནཱི;

མིསྶཱ མིསྶིཏུ [མིསྶེཏུ (སཱི. སྱཱ. པཱི.)] མིཙྪནྟཱི, ཨིསིསིངྒཾ ཨལམྦུསཱ.

༡༠༦.

‘‘སཱ ཙ ཏཾ ཝནམོགཡ྄ཧ, ཨིསིསིངྒེན རཀྑིཏཾ;

བིམྦཛཱལཀསཉྪནྣཾ ¶ , སམནྟཱ ཨཌྜྷཡོཛནཾ.

༡༠༧.

‘‘པཱཏོཝ པཱཏརཱསམྷི, ཨུདཎྷསམཡཾ [ཨུདཡསམཡཾ (སྱཱ.), ཨུདནྟསམཡཾ (ཀ.)] པཏི;

ཨགྒིཊྛཾ པརིམཛྫནྟཾ, ཨིསིསིངྒཾ ཨུཔཱགམི’’.

༡༠༨.

‘‘ཀཱ ནུ ཝིཛྫུརིཝཱབྷཱསི, ཨོསདྷཱི ཝིཡ ཏཱརཀཱ;

ཝིཙིཏྟཧཏྠཱབྷརཎཱ [ཝིཙིཏྟཝཏྠཱབྷརཎཱ (སཱི.)], ཨཱམུཏྟམཎིཀུཎྜལཱ [ཨཱམུཀྐམཎིཀུཎྜལཱ (?)].

༡༠༩.

‘‘ཨཱདིཙྩཝཎྞསངྐཱསཱ, ཧེམཙནྡནགནྡྷིནཱི;

སཉྙཏཱུརཱུ མཧཱམཱཡཱ, ཀུམཱརཱི ཙཱརུདསྶནཱ.

༡༡༠.

‘‘ཝིལགྒཱ [ཝིལཱཀཱ (སཱི. སྱཱ. པཱི.)] མུདུཀཱ སུདྡྷཱ, པཱདཱ ཏེ སུཔྤཏིཊྛིཏཱ;

གམནཱ ཀཱམནཱིཡཱ [ཀམནཱ ཀམནཱིཡཱ (སཱི. པཱི.)] ཏེ, ཧརནྟིཡེཝ མེ མནོ.

༡༡༡.

‘‘ཨནུཔུབྦཱཝ ¶ ཏེ ཨཱུརཱུ, ནཱགནཱསསམཱུཔམཱ;

ཝིམཊྛཱ ཏུཡ྄ཧཾ སུསྶོཎཱི, ཨཀྑསྶ ཕལཀཾ ཡཐཱ.

༡༡༢.

‘‘ཨུཔྤལསྶེཝ ཀིཉྫཀྑཱ, ནཱབྷི ཏེ སཱདྷུ སཎྛིཏཱ;

པཱུརཱ ཀཎྷཉྫནསྶེཝ, དཱུརཏོ པཊིདིསྶཏི.

༡༡༣.

‘‘དུཝིདྷཱ ཛཱཏཱ ཨུརཛཱ, ཨཝཎྚཱ སཱདྷུ པཙྩུདཱ;

པཡོདྷརཱ ཨཔཏིཏཱ [ཨཔྤཏཱིཏཱ (སཱི. སྱཱ. པཱི.)], ཨཌྜྷལཱབུསམཱ ཐནཱ.

༡༡༤.

‘‘དཱིགྷཱ ཀམྦུཏལཱབྷཱསཱ, གཱིཝཱ ཨེཎེཡྻཀཱ ཡཐཱ;

པཎྜརཱཝརཎཱ ཝགྒུ, ཙཏུཏྠམནསནྣིབྷཱ.

༡༡༥.

‘‘ཨུདྡྷགྒཱ ¶ ཙ ཨདྷགྒཱ ཙ, དུམགྒཔརིམཛྫིཏཱ;

དུཝིཛཱ ནེལསམྦྷཱུཏཱ, དནྟཱ ཏཝ སུདསྶནཱ.

༡༡༦.

‘‘ཨཔཎྜརཱ ལོཧིཏནྟཱ, ཛིཉྫཱུཀ [ཛིཉྫུཀ (སཱི. སྱཱ. པཱི.)] ཕལསནྣིབྷཱ;

ཨཱཡཏཱ ¶ ཙ ཝིསཱལཱ ཙ, ནེཏྟཱ ཏཝ སུདསྶནཱ.

༡༡༧.

‘‘ནཱཏིདཱིགྷཱ སུསམྨཊྛཱ, ཀནཀབྱཱ [ཀནཀགྒཱ (པཱི.)] སམོཙིཏཱ;

ཨུཏྟམངྒརུཧཱ ཏུཡ྄ཧཾ, ཀེསཱ ཙནྡནགནྡྷིཀཱ.

༡༡༨.

‘‘ཡཱཝཏཱ ཀསིགོརཀྑཱ, ཝཱཎིཛཱནཾ [ཝཎིཛཱནཾ (པཱི.)] ཙ ཡཱ གཏི;

ཨིསཱིནཉྩ པརཀྐནྟཾ, སཉྙཏཱནཾ ཏཔསྶིནཾ.

༡༡༩.

‘‘ན ཏེ སམསམཾ པསྶེ, ཨསྨིཾ པཐཝི [པུཐུཝི (པཱི.)] མཎྜལེ;

ཀོ ཝཱ ཏྭཾ ཀསྶ ཝཱ པུཏྟོ, ཀཐཾ ཛཱནེམུ ཏཾ མཡཾ’’.

༡༢༠.

‘‘ན པཉྷཀཱལོ བྷདྡནྟེ, ཀསྶཔེཝཾ གཏེ སཏི;

ཨེཧི སམྨ རམིསྶཱམ, ཨུབྷོ ཨསྨཱཀམསྶམེ;

ཨེཧི ཏཾ ཨུཔགཱུཧིསྶཾ [ཨུཔགུཡ྄ཧིསྶཾ (སྱཱ.)], རཏཱིནཾ ཀུསལོ བྷཝ’’.

༡༢༡.

‘‘ཨིདཾ ཝཏྭཱན པཀྐཱམི, ཨཙྪརཱ ཀཱམཝཎྞིནཱི;

མིསྶཱ མིསྶིཏུམིཙྪནྟཱི, ཨིསིསིངྒཾ ཨལམྦུསཱ’’.

༡༢༢.

‘‘སོ ཙ ཝེགེན ནིཀྑམྨ, ཚེཏྭཱ དནྡྷཔརཀྐམཾ [དནྡྷཔདཀྐམཾ (ཀ.)];

ཏམུཏྟམཱསུ ཝེཎཱིསུ, ཨཛ྄ཛྷཔྤཏྟོ [ཨཛ྄ཛྷཱཔཏྟོ (པཱི.)] པརཱམསི;

༡༢༣.

‘‘ཏམུདཱཝཏྟ ¶ ཀལྱཱཎཱི, པལིསྶཛི སུསོབྷནཱ [སུསོབྷཎཱི (སྱཱ. ཀ.)];

ཙཝིཏམྷི [ཙཝི ཏམྷཱ (སྱཱ. ཀ.)] བྲཧྨཙརིཡཱ, ཡཐཱ ཏཾ ཨཐ ཏོསིཏཱ.

༡༢༤.

‘‘མནསཱ ཨགམཱ ཨིནྡཾ, ཝསནྟཾ ནནྡནེ ཝནེ;

ཏསྶཱ སངྐཔྤམཉྙཱཡ, མགྷཝཱ དེཝཀུཉྫརོ.

༡༢༥.

‘‘པལླངྐཾ པཧིཎཱི ཁིཔྤཾ, སོཝཎྞཾ སོཔཝཱཧནཾ;

སཨུཏྟརཙྪདཔཉྙཱསཾ, སཧསྶཔཊིཡཏྠཏཾ [པཊིཀཏྠཏཾ (སཱི.)].

༡༢༦.

‘‘ཏམེནཾ ¶ ཏཏྠ དྷཱརེསི, ཨུརེ ཀཏྭཱན སོབྷནཱ;

ཡཐཱ ཨེཀམུཧུཏྟཾཝ, ཏཱིཎི ཝསྶཱནི དྷཱརཡི.

༡༢༧.

‘‘ཝིམདོ ཏཱིཧི ཝསྶེཧི, པབུཛ྄ཛྷིཏྭཱན བྲཱཧྨཎོ;

ཨདྡསཱསི ཧརིཏ [ཧརཱི (པཱི.)] རུཀྑེ, སམནྟཱ ཨགྒིཡཱཡནཾ.

༡༢༨.

‘‘ནཝཔཏྟཝནཾ ཕུལླཾ, ཀོཀིལགྒཎགྷོསིཏཾ;

སམནྟཱ པཝིལོཀེཏྭཱ, རུདཾ ཨསྶཱུནི ཝཏྟཡི.

༡༢༩.

‘‘ན ¶ ཛུཧེ ན ཛཔེ [ཛཔྤེ (ཀ.)] མནྟེ, ཨགྒིཧུཏྟཾ པཧཱཔིཏཾ;

ཀོ ནུ མེ པཱརིཙརིཡཱཡ, པུབྦེ ཙིཏྟཾ པལོབྷཡི.

༡༣༠.

‘‘ཨརཉྙེ མེ ཝིཧརཏོ, ཡོ མེ ཏེཛཱ ཧ སམྦྷུཏཾ [སམྦྷཏཾ (པཱི.)];

ནཱནཱརཏྣཔརིཔཱུརཾ, ནཱཝཾཝ གཎྷི ཨཎྞཝེ’’.

༡༣༡.

‘‘ཨཧཾ ཏེ པཱརིཙརིཡཱཡ, དེཝརཱཛེན པེསིཏཱ;

ཨཝདྷིཾ [ཨཝདྷཱི (སྱཱ. པཱི. ཀ.)] ཙིཏྟཾ ཙིཏྟེན, པམཱདོ [པམཱདཱ (སྱཱ. པཱི.)] ཏྭཾ ན བུཛ྄ཛྷསི’’.

༡༣༢.

‘‘ཨིམཱནི ཀིར མཾ ཏཱཏོ, ཀསྶཔོ ཨནུསཱསཏི;

ཀམལཱསདིསིཏྠིཡོ [སརིསིཏྠིཡོ (སྱཱ. པཱི.)], ཏཱཡོ བུཛ྄ཛྷེསི མཱཎཝ.

༡༣༣.

‘‘ཨུརེ གཎྜཱཡོ བུཛ྄ཛྷེསི, ཏཱཡོ བུཛ྄ཛྷེསི མཱཎཝ;

ཨིཙྩཱནུསཱསི མཾ ཏཱཏོ, ཡཐཱ མཾ ཨནུཀམྤཀོ.

༡༣༤.

‘‘ཏསྶཱཧཾ ཝཙནཾ ནཱཀཾ, པིཏུ ཝུདྡྷསྶ སཱསནཾ;

ཨརཉྙེ ནིམྨནུསྶམྷི, སྭཛྫ ཛྷཱཡཱམི [སྭཱཛྫཛ྄ཛྷཱཡཱམི (སཱི. པཱི.)] ཨེཀཀོ.

༡༣༥.

‘‘སོཧཾ ¶ ཏཐཱ ཀརིསྶཱམི, དྷིརཏྠུ ཛཱིཝིཏེན མེ;

པུན ཝཱ ཏཱདིསོ ཧེསྶཾ, མརཎཾ མེ བྷཝིསྶཏི’’.

༡༣༦.

‘‘ཏསྶ ¶ ཏེཛཾ [ཏེཛཉྩ (སཱི. པཱི.)] ཝཱིརིཡཉྩ, དྷིཏིཾ [དྷིཏིཉྩ (པཱི.)] ཉཏྭཱ ཨཝཊྛིཏཾ [སུཝཌྜྷིཏཾ (སཱི.)];

སིརསཱ ཨགྒཧཱི པཱདེ, ཨིསིསིངྒཾ ཨལམྦུསཱ.

༡༣༧.

‘‘མཱ མེ ཀུཛ྄ཛྷ [ཀུཛ྄ཛྷི (པཱི.)] མཧཱཝཱིར, མཱ མེ ཀུཛ྄ཛྷ [ཀུཛ྄ཛྷི (པཱི.)] མཧཱཨིསེ;

མཧཱ ཨཏྠོ མཡཱ ཙིཎྞོ, ཏིདསཱནཾ ཡསསྶིནཾ;

ཏཡཱ སཾཀམྤིཏཾ ཨཱསི, སབྦཾ དེཝཔུརཾ ཏདཱ’’.

༡༣༨.

‘‘ཏཱཝཏིཾསཱ ཙ ཡེ དེཝཱ, ཏིདསཱནཉྩ ཝཱསཝོ;

ཏྭཉྩ བྷདྡེ སུཁཱི ཧོཧི, གཙྪ ཀཉྙེ ཡཐཱསུཁཾ’’.

༡༣༩.

‘‘ཏསྶ པཱདེ གཧེཏྭཱན, ཀཏྭཱ ཙ ནཾ པདཀྑིཎཾ;

ཨཉྫལིཾ པགྒཧེཏྭཱན, ཏམྷཱ ཋཱནཱ ཨཔཀྐམི.

༡༤༠.

‘‘ཡོ ཙ ཏསྶཱསི པལླངྐོ, སོཝཎྞོ སོཔཝཱཧནོ;

སཨུཏྟརཙྪདཔཉྙཱསོ, སཧསྶཔཊིཡཏྠཏོ;

ཏམེཝ པལླངྐམཱརུཡ྄ཧ, ཨགཱ དེཝཱན སནྟིཀེ.

༡༤༡.

‘‘ཏམོཀྐམིཝ ཨཱཡནྟིཾ, ཛལནྟིཾ ཝིཛྫུཏཾ ཡཐཱ;

པཏཱིཏོ སུམནོ ཝིཏྟོ, དེཝིནྡོ ཨདདཱ ཝརཾ’’.

༡༤༢.

‘‘ཝརཉྩེ ¶ མེ ཨདོ སཀྐ, སབྦབྷཱུཏཱནམིསྶར;

ནིསིཔྤལོབྷིཀཱ [ན ཨིསིཔལོབྷིཀཱ (སྱཱ.), ན ཨིསིཔལོབྷིཡཾ (པཱི.)] གཙྪེ, ཨེཏཾ སཀྐ ཝརཾ ཝརེ’’ཏི.

ཨལམྦུསཱཛཱཏཀཾ ཏཏིཡཾ.

༥༢༤. སངྑཔཱལཛཱཏཀཾ (༤)

༡༤༣.

‘‘ཨརིཡཱཝཀཱསོསི པསནྣནེཏྟོ, མཉྙེ ¶ བྷཝཾ པབྦཛིཏོ ཀུལམྷཱ;

ཀཐཾ ནུ ཝིཏྟཱནི པཧཱཡ བྷོགེ, པབྦཛི ནིཀྑམྨ གྷརཱ སཔཉྙ’’ [སཔཉྙོ (སྱཱ.), སཔཉྙཱ (པཱི.)].

༡༤༤.

‘‘སཡཾ ¶ ཝིམཱནཾ ནརདེཝ དིསྭཱ, མཧཱནུབྷཱཝསྶ མཧོརགསྶ;

དིསྭཱན པུཉྙཱན མཧཱཝིཔཱཀཾ, སདྡྷཱཡཧཾ པབྦཛིཏོམྷི རཱཛ’’.

༡༤༥.

‘‘ན ཀཱམཀཱམཱ ན བྷཡཱ ན དོསཱ, ཝཱཙཾ མུསཱ པབྦཛིཏཱ བྷཎནྟི;

ཨཀྑཱཧི མེ པུཙྪིཏོ ཨེཏམཏྠཾ, སུཏྭཱན མེ ཛཱཡིཧིཏིཔྤསཱདོ’’.

༡༤༦.

‘‘ཝཱཎིཛྫ [ཝཎིཛྫ (པཱི.)] རཊྛཱདྷིཔ གཙྪམཱནོ, པཐེ ཨདྡསཱསིམྷི བྷོཛཔུཏྟེ [མིལཱཙཔུཏྟེ (སཱི. པཱི.)];

པཝདྡྷཀཱཡཾ ཨུརགཾ མཧནྟཾ, ཨཱདཱཡ གཙྪནྟེ པམོདམཱནེ’’.

༡༤༧.

‘‘སོཧཾ སམཱགམྨ ཛནིནྡ ཏེཧི, པཧཊྛལོམོ ཨཝཙམྷི བྷཱིཏོ;

ཀུཧིཾ ཨཡཾ ནཱིཡཏི [ནིཡྻཏི (ཀ.)] བྷཱིམཀཱཡོ, ནཱགེན ཀིཾ ཀཱཧཐ བྷོཛཔུཏྟཱ.

༡༤༨.

‘‘ནཱགོ ཨཡཾ ནཱིཡཏི བྷོཛནཏྠཱ [བྷོཛནཏྠཾ (སཱི. སྱཱ. པཱི.)], པཝདྡྷཀཱཡོ ¶ ཨུརགོ མཧནྟོ;

སཱདུཉྩ ཐཱུལཉྩ མུདུཉྩ མཾསཾ, ན ཏྭཾ རསཉྙཱསི ཝིདེཧཔུཏྟ.

༡༤༩.

‘‘ཨིཏོ མཡཾ གནྟྭཱ སཀཾ ནིཀེཏཾ [ནིཀེཏནཾ (པཱི.)], ཨཱདཱཡ སཏྠཱནི ཝིཀོཔཡིཏྭཱ;

མཾསཱནི བྷོཀྑཱམ [བྷཀྑཱམ (སྱཱ.)] པམོདམཱནཱ, མཡཉྷི ཝེ སཏྟཝོ པནྣགཱནཾ.

༡༥༠.

‘‘སཙེ ཨཡཾ ནཱིཡཏི བྷོཛནཏྠཱ, པཝདྡྷཀཱཡོ ཨུརགོ མཧནྟོ;

དདཱམི ཝོ བལིབདྡཱནི [བལིཝདྡཱནི (པཱི.)] སོལ༹ས, ནཱགཾ ཨིམཾ མུཉྩཐ བནྡྷནསྨཱ.

༡༥༡.

‘‘ཨདྡྷཱ ¶ ཧི ནོ བྷཀྑོ ཨཡཾ མནཱཔོ, བཧཱུ ཙ ནོ ཨུརགཱ བྷུཏྟཔུབྦཱ [བཧུཾ ཙ ནོ ཨུརགོ བྷུཏྟཔུབྦོ (ཀ.)];

ཀརོམ ཏེ ཏཾ ཝཙནཾ ཨལཱ༹ར [ཨཱལཱ༹ར (ཀ.) ཨེཝམུཔརིཔི], མིཏྟཉྩ ནོ ཧོཧི ཝིདེཧཔུཏྟ.

༡༥༢.

‘‘ཏདསྶུ ཏེ བནྡྷནཱ མོཙཡིཾསུ, ཡཾ ནཏྠུཏོ པཊིམོཀྐསྶ པཱསེ;

མུཏྟོ ཙ སོ བནྡྷནཱ ནཱགརཱཛཱ, པཀྐཱམི པཱཙཱིནམུཁོ མུཧུཏྟཾ.

༡༥༣.

‘‘གནྟྭཱན པཱཙཱིནམུཁོ མུཧུཏྟཾ, པུཎྞེཧི ¶ ནེཏྟེཧི པལོཀཡཱི མཾ;

ཏདཱསྶཧཾ པིཊྛིཏོ ཨནྭགཙྪིཾ, དསངྒུལིཾ ཨཉྫལིཾ པགྒཧེཏྭཱ.

༡༥༤.

‘‘གཙྪེཝ ¶ ཁོ ཏྭཾ ཏརམཱནརཱུཔོ, མཱ ཏཾ ཨམིཏྟཱ པུནརགྒཧེསུཾ;

དུཀྑོ ཧི ལུདྡེཧི པུནཱ སམཱགམོ, ཨདསྶནཾ བྷོཛཔུཏྟཱན གཙྪ.

༡༥༥.

‘‘ཨགམཱསི སོ རཧདཾ ཝིཔྤསནྣཾ, ནཱིལོབྷཱསཾ རམཎཱིཡཾ སུཏིཏྠཾ;

སམོཏཏཾ [སམོནཏཾ (སྱཱ. ཀ.)] ཛམྦུཧི ཝེཏསཱཧི, པཱཝེཀྑི ནིཏྟིཎྞབྷཡོ པཏཱིཏོ.

༡༥༦.

‘‘སོ ཏཾ པཝིསྶ ན ཙིརསྶ ནཱགོ, དིབྦེན མེ པཱཏུརཧུཾ ཛནིནྡ;

ཨུཔཊྛཧཱི མཾ པིཏརཾཝ པུཏྟོ, ཧདཡངྒམཾ ཀཎྞསུཁཾ བྷཎནྟོ.

༡༥༧.

‘‘ཏྭཾ ¶ མེསི མཱཏཱ ཙ པིཏཱ [པིཏཱ ཙ (པཱི.)] ཨལཱ༹ར, ཨབྦྷནྟརོ པཱཎདདོ སཧཱཡོ;

སཀཉྩ ཨིདྡྷིཾ པཊིལཱབྷཀོསྨི [པཊིལཱབྷིཏོསྨི (པཱི.)], ཨལཱ༹ར པསྶ མེ ནིཝེསནཱནི;

པཧཱུཏབྷཀྑཾ བཧུཨནྣཔཱནཾ, མསཀྐསཱརཾ ¶ ཝིཡ ཝཱསཝསྶ’’.

༡༥༨.

‘‘ཏཾ བྷཱུམིབྷཱགེཧི ཨུཔེཏརཱུཔཾ, ཨསཀྑརཱ ཙེཝ མུདཱུ སུབྷཱ ཙ;

ནཱིཙཏྟིཎཱ [ནཱིཙཱ ཏིཎཱ (སྱཱ. པཱི.)] ཨཔྤརཛཱ ཙ བྷཱུམི, པཱསཱདིཀཱ ཡཏྠ ཛཧནྟི སོཀཾ.

༡༥༩.

‘‘ཨནཱཝཀུལཱ ཝེལུ༹རིཡཱུཔནཱིལཱ, ཙཏུདྡིསཾ ཨམྦཝནཾ སུརམྨཾ;

པཀྐཱ ཙ པེསཱི ཙ ཕལཱ སུཕུལླཱ, ནིཙྩོཏུཀཱ དྷཱརཡནྟཱི ཕལཱནི.

༡༦༠.

‘‘ཏེསཾ ཝནཱནཾ ནརདེཝ མཛ྄ཛྷེ, ནིཝེསནཾ བྷསྶརསནྣིཀཱསཾ;

རཛཏགྒལ༹ཾ སོཝཎྞམཡཾ ཨུལཱ༹རཾ, ཨོབྷཱསཏཱི ཝིཛྫུརིཝནྟལིཀྑེ.

༡༦༡.

‘‘མཎཱིམཡཱ སོཎྞམཡཱ [སོཝཎྞམཡཱ (སཱི. སྱཱ. པཱི.)] ཨུལཱ༹རཱ, ཨནེཀཙིཏྟཱ སཏཏཾ སུནིམྨིཏཱ;

པརིཔཱུརཱ ཀཉྙཱཧི ཨལངྐཏཱབྷི, སུཝཎྞཀཱཡཱུརདྷརཱཧི རཱཛ.

༡༦༢.

‘‘སོ སངྑཔཱལོ ཏརམཱནརཱུཔོ, པཱསཱདམཱརུཡ྄ཧ ཨནོམཝཎྞོ;

སཧསྶཐམྦྷཾ ཨཏུལཱནུབྷཱཝཾ, ཡཏྠསྶ ¶ བྷརིཡཱ མཧེསཱི ཨཧོསི.

༡༦༣.

‘‘ཨེཀཱ ¶ ཙ ནཱརཱི ཏརམཱནརཱུཔཱ, ཨཱདཱཡ ཝེལུ༹རིཡམཡཾ མཧགྒྷཾ;

སུབྷཾ མཎིཾ ཛཱཏིམནྟཱུཔཔནྣཾ, ཨཙོདིཏཱ ཨཱསནམབྦྷིཧཱསི.

༡༦༤.

‘‘ཏཏོ མཾ ཨུརགོ ཧཏྠེ གཧེཏྭཱ, ནིསཱིདཡཱི པཱམུཁཨཱསནསྨིཾ;

ཨིདམཱསནཾ ཨཏྲ བྷཝཾ ནིསཱིདཏུ, བྷཝཉྷི མེ ཨཉྙཏརོ གརཱུནཾ.

༡༦༥.

‘‘ཨཉྙཱ ཙ ནཱརཱི ཏརམཱནརཱུཔཱ, ཨཱདཱཡ ཝཱརིཾ ཨུཔསངྐམིཏྭཱ;

པཱདཱནི པཀྑཱལཡཱི མེ ཛནིནྡ, བྷརིཡཱཝ [བྷརིཡཱ ཙ (པཱི.)] བྷཏྟཱུ པཏིནོ པིཡསྶ.

༡༦༦.

‘‘ཨཔརཱ ཙ ནཱརཱི ཏརམཱནརཱུཔཱ, པགྒཡ྄ཧ སོཝཎྞམཡཱཡ [སོཝཎྞམཡཱ (པཱི.)] པཱཏིཡཱ;

ཨནེཀསཱུཔཾ ཝིཝིདྷཾ ཝིཡཉྫནཾ, ཨུཔནཱམཡཱི བྷཏྟ མནུཉྙརཱུཔཾ.

༡༦༧.

‘‘ཏུརིཡེཧི [ཏཱུརིཡེཧི (ཀ.)] མཾ བྷཱརཏ བྷུཏྟཝནྟཾ, ཨུཔཊྛཧུཾ བྷཏྟུ མནོ ཝིདིཏྭཱ;

ཏཏུཏྟརིཾ [ཏདུཏྟརིཾ (ཀ.)] མཾ ནིཔཏཱི མཧནྟཾ, དིབྦེཧི ¶ ཀཱམེཧི ཨནཔྤཀེཧི.

༡༦༨.

‘‘བྷརིཡཱ ¶ མམེཏཱ ཏིསཏཱ ཨལཱ༹ར, སབྦཏྟམཛ྄ཛྷཱ པདུམུཏྟརཱབྷཱ;

ཨལཱ༹ར ཨེཏཱསྶུ ཏེ ཀཱམཀཱརཱ, དདཱམི ཏེ ཏཱ པརིཙཱརཡསྶུ.

༡༦༩.

‘‘སཾཝཙྪརཾ དིབྦརསཱནུབྷུཏྭཱ, ཏདཱསྶུཧཾ [ཏདསྶཧཾ (པཱི.)] ཨུཏྟརིམཛ྄ཛྷབྷཱསིཾ [ཨུཏྟརི པཙྩབྷཱསིཾ (སཱི. སྱཱ.), ཨུཏྟརིཾ པཙྩབྷཱསིཾ (པཱི.)];

ནཱགསྶིདཾ ཀིནྟི ཀཐཉྩ ལདྡྷཾ, ཀཐཛ྄ཛྷགམཱསི ཝིམཱནསེཊྛཾ’’.

༡༧༠.

‘‘ཨདྷིཙྩ ¶ ལདྡྷཾ པརིཎཱམཛཾ ཏེ, སཡཾཀཏཾ ཨུདཱཧུ དེཝེཧི དིནྣཾ;

པུཙྪཱམི ཏཾ [ཏེ (པཱི.)] ནཱགརཱཛེཏམཏྠཾ, ཀཐཛ྄ཛྷགམཱསི ཝིམཱནསེཊྛཾ’’.

༡༧༡.

‘‘ནཱདྷིཙྩ ལདྡྷཾ ན པརིཎཱམཛཾ མེ, ན སཡཾཀཏཾ ནཱཔི དེཝེཧི དིནྣཾ;

སཀེཧི ཀམྨེཧི ཨཔཱཔཀེཧི, པུཉྙེཧི མེ ལདྡྷམིདཾ ཝིམཱནཾ’’.

༡༧༢.

‘‘ཀིཾ ཏེ ཝཏཾ ཀིཾ པན བྲཧྨཙརིཡཾ, ཀིསྶ སུཙིཎྞསྶ ཨཡཾ ཝིཔཱཀོ;

ཨཀྑཱཧི མེ ནཱགརཱཛེཏམཏྠཾ, ཀཐཾ ¶ ནུ ཏེ ལདྡྷམིདཾ ཝིམཱནཾ’’.

༡༧༣.

‘‘རཱཛཱ ཨཧོསིཾ མགདྷཱནམིསྶརོ, དུཡྻོདྷནོ ནཱམ མཧཱནུབྷཱཝོ;

སོ ཨིཏྟརཾ ཛཱིཝིཏཾ སཾཝིདིཏྭཱ, ཨསསྶཏཾ ཝིཔརིཎཱམདྷམྨཾ.

༡༧༤.

‘‘ཨནྣཉྩ པཱནཉྩ པསནྣཙིཏྟོ, སཀྐཙྩ དཱནཾ ཝིཔུལཾ ཨདཱསིཾ [ཨདཱསི (པཱི.)];

ཨོཔཱནབྷཱུཏཾ མེ གྷརཾ ཏདཱསི, སནྟཔྤིཏཱ སམཎབྲཱཧྨཎཱ ཙ.

༡༧༥.

[ཨཡཾ གཱཐཱ པཱི. པོཏྠཀེ ནཏྠི] ‘‘མཱལཉྩ གནྡྷཉྩ ཝིལེཔནཉྩ, པདཱིཔིཡཾ [པདཱིཔཡཾ (སྱཱ. ཀ.)] ཡཱནམུཔསྶཡཉྩ;

ཨཙྪཱདནཾ སེཡྻམཐནྣཔཱནཾ, སཀྐཙྩ དཱནཱནི ཨདམྷ ཏཏྠ [ཨཡཾ གཱཐཱ པཱི. པོཏྠཀེ ནཏྠི].

༡༧༦.

‘‘ཏཾ ¶ མེ ཝཏཾ ཏཾ པན བྲཧྨཙརིཡཾ, ཏསྶ སུཙིཎྞསྶ ཨཡཾ ཝིཔཱཀོ;

ཏེནེཝ མེ ལདྡྷམིདཾ ཝིམཱནཾ, པཧཱུཏབྷཀྑཾ བཧུཨནྣཔཱནཾ’’;

‘‘ནཙྩེཧི གཱིཏེཧི ཙུཔེཏརཱུཔཾ, ཙིརཊྛིཏིཀཾ ན ཙ སསྶཏཱཡཾ.

༡༧༧.

‘‘ཨཔྤཱནུབྷཱཝཱ ཏཾ མཧཱནུབྷཱཝཾ, ཏེཛསྶིནཾ ¶ ཧནྟི ཨཏེཛཝནྟོ;

ཀིམེཝ དཱཋཱཝུདྷ ཀིཾ པཊིཙྩ, ཧཏྠཏྟ [ཧཏྠཏྠ (སཱི. སྱཱ. པཱི.)] མཱགཙྪི ཝནིབྦཀཱནཾ [ཝཎིབྦཀཱནཾ (སཱི.)].

༡༧༨.

‘‘བྷཡཾ ནུ ཏེ ཨནྭགཏཾ མཧནྟཾ, ཏེཛོ ནུ ཏེ ནཱནྭགཾ དནྟམཱུལཾ;

ཀིམེཝ དཱཋཱཝུདྷ ཀིཾ པཊིཙྩ, ཀིལེསམཱཔཛྫི ཝནིབྦཀཱནཾ’’.

༡༧༩.

‘‘ན མེ བྷཡཾ ཨནྭགཏཾ མཧནྟཾ, ཏེཛོ ན སཀྐཱ མམ ཏེཧི ཧནྟུཾ [ཏེབྷིཧནྟུཾ (སྱཱ. ཀ.)];

སཏཉྩ དྷམྨཱནི སུཀིཏྟིཏཱནི, སམུདྡཝེལཱཝ དུརཙྩཡཱནི.

༡༨༠.

‘‘ཙཱཏུདྡསིཾ པཉྩདསིཾ ཨལཱ༹ར, ཨུཔོསཐཾ ནིཙྩམུཔཱཝསཱམི;

ཨཐཱགམུཾ སོལ༹ས བྷོཛཔུཏྟཱ, རཛྫུཾ གཧེཏྭཱན དལ༹ྷཉྩ པཱསཾ.

༡༨༡.

‘‘བྷེཏྭཱན ནཱསཾ ཨཏིཀསྶ [ཨནྟཀསྶ (ཀ.)] རཛྫུཾ, ནཡིཾསུ མཾ སམྤརིགཡ྄ཧ ལུདྡཱ;

ཨེཏཱདིསཾ དུཀྑམཧཾ ཏིཏིཀྑཾ [ཏིཏིཀྑིཾ (པཱི.)], ཨུཔོསཐཾ ཨཔྤཊིཀོཔཡནྟོ’’.

༡༨༢.

‘‘ཨེཀཱཡནེ ¶ ¶ ཏཾ པཐེ ཨདྡསཾསུ, བལེན ¶ ཝཎྞེན ཙུཔེཏརཱུཔཾ;

སིརིཡཱ པཉྙཱཡ ཙ བྷཱཝིཏོསི, ཀིཾ པཏྠཡཾ [ཀིམཏྠིཡཾ (སཱི. སྱཱ. པཱི.)] ནཱག ཏཔོ ཀརོསི.

༡༨༣.

‘‘ན པུཏྟཧེཏཱུ ན དྷནསྶ ཧེཏུ, ན ཨཱཡུནོ ཙཱཔི ཨལཱ༹ར ཧེཏུ;

མནུསྶཡོནིཾ ཨབྷིཔཏྠཡཱནོ, ཏསྨཱ པརཀྐམྨ ཏཔོ ཀརོམི’’.

༡༨༤.

‘‘ཏྭཾ ལོཧིཏཀྑོ ཝིཧཏནྟརཾསོ, ཨལངྐཏོ ཀཔྤིཏཀེསམསྶུ;

སུརོསིཏོ ལོཧིཏཙནྡནེན, གནྡྷབྦརཱཛཱཝ དིསཱ པབྷཱསསི [པབྷཱསི (ཀ.)].

༡༨༥.

‘‘དེཝིདྡྷིཔཏྟོསི མཧཱནུབྷཱཝོ, སབྦེཧི ཀཱམེཧི སམངྒིབྷཱུཏོ;

པུཙྪཱམི ཏཾ ནཱགརཱཛེཏམཏྠཾ, སེཡྻོ ཨིཏོ ཀེན མནུསྶལོཀོ’’.

༡༨༦.

‘‘ཨལཱ༹ར ནཱཉྙཏྲ མནུསྶལོཀཱ, སུདྡྷཱི ཝ སཾཝིཛྫཏི སཾཡམོ ཝཱ;

ཨཧཉྩ ལདྡྷཱན མནུསྶཡོནིཾ, ཀཱཧཱམི ཛཱཏིམརཎསྶ ཨནྟཾ’’.

༡༨༧.

‘‘སཾཝཙྪརོ ¶ མེ ཝསཏོ [ཝུསིཏོ (པཱི.)] ཏཝནྟིཀེ, ཨནྣེན པཱནེན ཨུཔཊྛིཏོསྨི;

ཨཱམནྟཡིཏྭཱན པལེམི ནཱག, ཙིརཔྤཝུཊྛོསྨི [ཙིརཔྤཝུཏྠོ ཨསྨི (པཱི.)] ཨཧཾ ཛནིནྡ’’.

༡༨༨.

‘‘པུཏྟཱ ཙ དཱརཱ ཨནུཛཱིཝིནོ ཙ [ཙ’ནུཛཱིཝིནོ (སྱཱ. པཱི.)], ནིཙྩཱནུསིཊྛཱ ཨུཔཏིཊྛཏེ ཏཾ;

ཀཙྩིནྣུ ཏཾ ནཱབྷིསཔིཏྠ [ནཱབྷིསཾསིཏྠ (སྱཱ. པཱི.)] ཀོཙི, པིཡཉྷི མེ དསྶནཾ ཏུཡ྄ཧཾ [ཏུཡ྄ཧ (པཱི.)] ཨལཱ༹ར’’.

༡༨༩.

‘‘ཡཐཱཔི ¶ མཱཏཱུ ཙ པིཏཱུ ཨགཱརེ, པུཏྟོ པིཡོ པཊིཝིཧིཏོ ཝསེཡྻ [སེཡྻོ (པཱི.)];

ཏཏོཔི མཡ྄ཧཾ ཨིདྷམེཝ སེཡྻོ, ཙིཏྟཉྷི ཏེ ནཱག མཡཱི པསནྣཾ’’.

༡༩༠.

‘‘མཎཱི མམཾ ཝིཛྫཏི ལོཧིཏངྐོ [ལོཧིཏངྒོ (ཀ.)], དྷནཱཧརོ མཎིརཏནཾ ཨུལཱ༹རཾ;

ཨཱདཱཡ ཏྭཾ [ཏཾ (པཱི.)] གཙྪ སཀཾ ནིཀེཏཾ, ལདྡྷཱ དྷནཾ ཏཾ མཎིམོསྶཛསྶུ’’.

༡༩༡.

‘‘དིཊྛཱ མཡཱ མཱནུསཀཱཔི ཀཱམཱ, ཨསསྶཏཱ ཝིཔརིཎཱམདྷམྨཱ;

ཨཱདཱིནཝཾ ཀཱམགུཎེསུ དིསྭཱ, སདྡྷཱཡཧཾ པབྦཛིཏོམྷི རཱཛ.

༡༩༢.

‘‘དུམཔྥལཱནཱིཝ ¶ པཏནྟི མཱཎཝཱ, དཧརཱ ཙ ཝུདྡྷཱ ཙ སརཱིརབྷེདཱ;

ཨེཏམྤི དིསྭཱ པབྦཛིཏོམྷི རཱཛ, ཨཔཎྞཀཾ སཱམཉྙམེཝ སེཡྻོ’’.

༡༩༣.

‘‘ཨདྡྷཱ ཧཝེ སེཝིཏབྦཱ སཔཉྙཱ, བཧུསྶུཏཱ ཡེ བཧུཋཱནཙིནྟིནོ;

ནཱགཉྩ སུཏྭཱན ཏཝཉྩལཱ༹ར, ཀཱཧཱམི པུཉྙཱནི ཨནཔྤཀཱནི’’.

༡༩༤.

‘‘ཨདྡྷཱ ཧཝེ སེཝིཏབྦཱ སཔཉྙཱ, བཧུསྶུཏཱ ཡེ བཧུཋཱནཙིནྟིནོ;

ནཱགཉྩ སུཏྭཱན མམཉྩ རཱཛ, ཀརོཧི པུཉྙཱནི ཨནཔྤཀཱནཱི’’ཏི.

སངྑཔཱལཛཱཏཀཾ ཙཏུཏྠཾ.

༥༢༥. ཙཱུལ༹སུཏསོམཛཱཏཀཾ (༥)

༡༩༥.

‘‘ཨཱམནྟཡཱམི ¶ ¶ ནིགམཾ, མིཏྟཱམཙྩེ པརིསྶཛེ [པཱརིསཛྫེ (སཱི. སྱཱ.)];

སིརསྨིཾ པལིཏཾ ཛཱཏཾ, པབྦཛྫཾ དཱནི རོཙཧཾ’’.

༡༩༦.

‘‘ཨབྷུམྨེ ཀཐཾ ནུ བྷཎསི, སལླཾ མེ དེཝ ཨུརསི ཀཔྤེསི [ཀམྤེསི (པཱི.)];

སཏྟསཏཱ ཏེ བྷརིཡཱ, ཀཐཾ ¶ ནུ ཏེ ཏཱ བྷཝིསྶནྟི’’.

༡༩༧.

‘‘པཉྙཱཡིཧིནྟི ཨེཏཱ, དཧརཱ ཨཉྙམྤི ཏཱ གམིསྶནྟི;

སགྒཉྩསྶ པཏྠཡཱནོ, ཏེན ཨཧཾ པབྦཛིསྶཱམི’’.

༡༩༨.

‘‘དུལླདྡྷཾ མེ ཨཱསི སུཏསོམ, ཡསྶ ཏེ ཧོམཧཾ མཱཏཱ;

ཡཾ མེ ཝིལཔནྟིཡཱ, ཨནཔེཀྑོ པབྦཛསི དེཝ.

༡༩༩.

‘‘དུལླདྡྷཾ མེ ཨཱསི སུཏསོམ, ཡཾ ཏཾ ཨཧཾ ཝིཛཱཡིསྶཾ;

ཡཾ མེ ཝིལཔནྟིཡཱ, ཨནཔེཀྑོ པབྦཛསི དེཝ’’.

༢༠༠.

‘‘ཀོ ནཱམེསོ དྷམྨོ, སུཏསོམ ཀཱ ཙ ནཱམ པབྦཛྫཱ;

ཡཾ ནོ ཨམྷེ ཛིཎྞེ, ཨནཔེཀྑོ པབྦཛསི དེཝ.

༢༠༡.

‘‘པུཏྟཱཔི ཏུཡ྄ཧཾ བཧཝོ, དཧརཱ ཨཔྤཏྟཡོབྦནཱ;

མཉྫཱུ ཏེཔི [ཏེ (སཱི. པཱི.)] ཏཾ ཨཔསྶནྟཱ, མཉྙེ ¶ དུཀྑཾ ནིགཙྪནྟི’’.

༢༠༢.

‘‘པུཏྟེཧི ཙ མེ ཨེཏེཧི, དཧརེཧི ཨཔྤཏྟཡོབྦནེཧི;

མཉྫཱུཧི སབྦེཧིཔི ཏུམྷེཧི, ཙིརམྤི ཋཏྭཱ ཝིནཱསབྷཱཝོ’’ [ཝིནཱབྷཱཝོ (སཱི. སྱཱ. པཱི.)].

༢༠༣.

‘‘ཚིནྣཾ ¶ ནུ ཏུཡ྄ཧཾ ཧདཡཾ, ཨདུ ཏེ [ཨཱདུ (སཱི. པཱི.), ཨཱདཱུ (སྱཱ.)] ཀརུཎཱ ཙ ནཏྠི ཨམྷེསུ;

ཡཾ ནོ ཝིཀནྡནྟིཡོ [ཝིཀྐནྡནྟིཡོ (སཱི.)], ཨནཔེཀྑོ པབྦཛསི དེཝ’’.

༢༠༤.

‘‘ན ཙ མཡ྄ཧཾ ཚིནྣཾ ཧདཡཾ, ཨཏྠི ཀརུཎཱཔི མཡ྄ཧཾ ཏུམྷེསུ;

སགྒཉྩ པཏྠཡཱནོ, ཏེན ཨཧཾ [ཏེནཱཧཾ (སཱི. སྱཱ.), ཏེནམཧཾ (པཱི.)] པབྦཛིསྶཱམི’’.

༢༠༥.

‘‘དུལླདྡྷཾ མེ ཨཱསི, སུཏསོམ ཡསྶ ཏེ ཨཧཾ བྷརིཡཱ;

ཡཾ མེ ཝིལཔནྟིཡཱ, ཨནཔེཀྑོ པབྦཛསི དེཝ.

༢༠༦.

‘‘དུལླདྡྷཾ མེ ཨཱསི, སུཏསོམ ཡསྶ ཏེ ཨཧཾ བྷརིཡཱ;

ཡཾ མེ ཀུཙྪིཔཊིསནྡྷིཾ [མཾ ཀུཙྪིམཏིཾ སནྟིཾ (པཱི.)], ཨནཔེཀྑོ ¶ པབྦཛསི དེཝ.

༢༠༧.

‘‘པརིཔཀྐོ མེ གབྦྷོ, ཀུཙྪིགཏོ ཡཱཝ ནཾ ཝིཛཱཡཱམི;

མཱཧཾ ཨེཀཱ ཝིདྷཝཱ, པཙྪཱ དུཀྑཱནི ཨདྡཀྑིཾ’’.

༢༠༨.

‘‘པརིཔཀྐོ ཏེ གབྦྷོ, ཀུཙྪིགཏོ ཨིངྒྷ ཏྭཾ [ཏྭ (སཱི.), ནཾ (པཱི.)] ཝིཛཱཡསྶུ;

པུཏྟཾ ཨནོམཝཎྞཾ, ཏཾ ཧིཏྭཱ པབྦཛིསྶཱམི’’.

༢༠༩.

‘‘མཱ ¶ ཏྭཾ ཙནྡེ རུདི, མཱ སོཙི ཝནཏིམིརམཏྟཀྑི;

ཨཱརོཧ ཝརཔཱསཱདཾ [ཙ པཱསཱདཾ (པཱི.)], ཨནཔེཀྑོ ཨཧཾ གམིསྶཱམི’’.

༢༡༠.

‘‘ཀོ ¶ ཏཾ ཨམྨ ཀོཔེསི, ཀིཾ རོདསི པེཀྑསི ཙ མཾ བཱལ༹ྷཾ;

ཀཾ ཨཝཛ྄ཛྷཾ གྷཱཏེམི [གྷཱཏེམི ཀཾ ཨཝཛ྄ཛྷཾ (པཱི.), ཏཾ ཨཝཛ྄ཛྷཾ གྷཱཏེམི (ཀ.)], ཉཱཏཱིནཾ ཨུདིཀྑམཱནཱནཾ’’.

༢༡༡.

‘‘ན ཧི སོ སཀྐཱ ཧནྟུཾ, ཝིཛིཏཱཝཱི [ཛཱིཝིཏཱཝཱི (པཱི.)] ཡོ མཾ ཏཱཏ ཀོཔེསི;

པིཏཱ ཏེ མཾ ཏཱཏ ཨཝཙ, ཨནཔེཀྑོ ¶ ཨཧཾ གམིསྶཱམི’’.

༢༡༢.

‘‘ཡོཧཾ པུབྦེ ནིཡྻཱམི, ཨུཡྻཱནཾ མཏྟཀུཉྫརེ ཙ ཡོདྷེམི;

སུཏསོམེ པབྦཛིཏེ, ཀཐཾ ནུ དཱནི ཀརིསྶཱམི’’.

༢༡༣.

‘‘མཱཏུཙྩ [མཱཏུ ཙ (སཱི. སྱཱ.)] མེ རུདནྟྱཱ [རུདཏྱཱ (པཱི.)], ཛེཊྛསྶ ཙ བྷཱཏུནོ ཨཀཱམསྶ;

ཧཏྠེཔི ཏེ གཧེསྶཾ, ན ཧི གཙྪསི [གཉྪིསི (པཱི.)] ནོ ཨཀཱམཱནཾ’’.

༢༡༤.

‘‘ཨུཊྛེཧི ཏྭཾ དྷཱཏི, ཨིམཾ ཀུམཱརཾ རམེཧི ཨཉྙཏྠ;

མཱ མེ པརིཔནྠམཀཱསི [མཀཱ (སཱི. པཱི.)], སགྒཾ མམ པཏྠཡཱནསྶ’’.

༢༡༥.

‘‘ཡཾ ནཱུནིམཾ དདེཡྻཾ [ཛཧེཡྻཾ (པཱི.)] པབྷངྐརཾ, ཀོ ནུ མེ ཨིམིནཱཏྠོ [ཀོ ནུ མེ ཨིམིནཱ ཨཏྠོ (སཱི. སྱཱ.), ཀོ ནུ མེ ནཏྠོ (པཱི.)];

སུཏསོམེ པབྦཛིཏེ, ཀིཾ ནུ མེནཾ ཀརིསྶཱམི’’.

༢༡༦.

‘‘ཀོསོ ¶ ཙ ཏུཡ྄ཧཾ ཝིཔུལོ, ཀོཊྛཱགཱརཉྩ ཏུཡ྄ཧཾ པརིཔཱུརཾ;

པཐཝཱི ཙ ཏུཡ྄ཧཾ ཝིཛིཏཱ, རམསྶུ ¶ མཱ པབྦཛི [པབྦཛསྶུ (སཱི.), པབྦཛ (པཱི.)] དེཝ’’.

༢༡༧.

‘‘ཀོསོ ཙ མཡ྄ཧཾ ཝིཔུལོ, ཀོཊྛཱགཱརཉྩ མཡ྄ཧཾ པརིཔཱུརཾ;

པཐཝཱི ཙ མཡ྄ཧཾ ཝིཛིཏཱ, ཏཾ ཧིཏྭཱ པབྦཛིསྶཱམི’’.

༢༡༨.

‘‘མཡ྄ཧམྤི དྷནཾ པཧཱུཏཾ, སངྑཱཏུཾ [སངྑྱཱཏུཾ (སཱི.)] ནོཔི དེཝ སཀྐོམི;

ཏཾ ཏེ དདཱམི སབྦམྤི [ཏཾ དེཝ ཏེ དདཱམི སབྦམྤི (སཱི.), ཏཾ ཏེ དདཱམི སབྦཾ (པཱི.)], རམསྶུ མཱ པབྦཛི དེཝ’’.

༢༡༩.

‘‘ཛཱནཱམི [ཛཱནཱམི ཏེ (སཱི. སྱཱ.)] དྷནཾ པཧཱུཏཾ, ཀུལཝདྡྷན པཱུཛིཏོ ཏཡཱ ཙསྨི;

སགྒཉྩ པཏྠཡཱནོ, ཏེན ཨཧཾ པབྦཛིསྶཱམི’’.

༢༢༠.

‘‘ཨུཀྐཎྛིཏོསྨི བཱལ༹ྷཾ, ཨརཏི མཾ སོམདཏྟ ཨཱཝིསཏི [ཨཱཝཱིསཏི (ཀ.)];

བཧུཀཱཔི [བཧུཀཱ ཧི (སཱི. སྱཱ.)] མེ ཨནྟརཱཡཱ, ཨཛྫེཝཱཧཾ པབྦཛིསྶཱམི’’.

༢༢༡.

‘‘ཨིདཉྩ ཏུཡ྄ཧཾ རུཙིཏཾ, སུཏསོམ ཨཛྫེཝ དཱནི ཏྭཾ པབྦཛ;

ཨཧམྤི པབྦཛིསྶཱམི, ན ¶ ཨུསྶཧེ ཏཡཱ ཝིནཱ ཨཧཾ ཋཱཏུཾ’’.

༢༢༢.

‘‘ན ཧི སཀྐཱ པབྦཛིཏུཾ, ནགརེ ན ཧི པཙྩཏི ཛནཔདེ ཙ’’;

‘‘སུཏསོམེ པབྦཛིཏེ, ཀཐཾ ནུ དཱནི ཀརིསྶཱམ’’.

༢༢༣.

‘‘ཨུཔནཱིཡཏིདཾ མཉྙེ, པརིཏྟཾ ཨུདཀཾཝ ཙངྐཝཱརམྷི;

ཨེཝཾ སུཔརིཏྟཀེ ཛཱིཝིཏེ, ན ཙ པམཛྫིཏུཾ ཀཱལོ.

༢༢༤.

‘‘ཨུཔནཱིཡཏིདཾ ¶ མཉྙེ, པརིཏྟཾ ཨུདཀཾཝ ཙངྐཝཱརམྷི;

ཨེཝཾ སུཔརིཏྟཀེ ཛཱིཝིཏེ, ཨནྡྷབཱལཱ [ཨཐ བཱལཱ (སཱི. སྱཱ. པཱི.)] པམཛྫནྟི.

༢༢༥.

‘‘ཏེ ཝཌྜྷཡནྟི ནིརཡཾ, ཏིརཙྪཱནཡོནིཉྩ པེཏྟིཝིསཡཉྩ;

ཏཎྷཱཡ བནྡྷནབདྡྷཱ, ཝཌྜྷེནྟི ཨསུརཀཱཡཾ’’.

༢༢༦.

‘‘ཨཱུཧཉྙཏེ ¶ རཛགྒཾ, ཨཝིདཱུརེ པུབྦཀམྷི ཙ [པུཔྥཀམྷི ཙ (སཱི. པཱི.)] པཱསཱདེ;

མཉྙེ ནོ ཀེསཱ ཚིནྣཱ, ཡསསྶིནོ ¶ དྷམྨརཱཛསྶ’’.

༢༢༧.

‘‘ཨཡམསྶ པཱསཱདོ, སོཝཎྞ [སོཝཎྞོ (པཱི.)] པུཔྥམཱལྱཝཱིཏིཀིཎྞོ;

ཡཧི [ཡམྷི (པཱི.)] མནུཝིཙརི རཱཛཱ, པརིཀིཎྞོ ཨིཏྠཱགཱརེཧི.

༢༢༨.

‘‘ཨཡམསྶ པཱསཱདོ, སོཝཎྞཔུཔྥམཱལྱཝཱིཏིཀིཎྞོ;

ཡཧིམནུཝིཙརི རཱཛཱ, པརིཀིཎྞོ ཉཱཏིསངྒྷེན.

༢༢༩.

‘‘ཨིདམསྶ ཀཱུཊཱགཱརཾ, སོཝཎྞཔུཔྥམཱལྱཝཱིཏིཀིཎྞཾ;

ཡཧིམནུཝིཙརི རཱཛཱ, པརིཀིཎྞོ ཨིཏྠཱགཱརེཧི.

༢༣༠.

‘‘ཨིདམསྶ ཀཱུཊཱགཱརཾ, སོཝཎྞ [སོཝཎྞཾ (པཱི.)] པུཔྥམཱལྱཝཱིཏིཀིཎྞཾ;

ཡཧིམནུཝིཙརི རཱཛཱ, པརིཀིཎྞོ ཉཱཏིསངྒྷེན.

༢༣༡.

‘‘ཨཡམསྶ ཨསོཀཝནིཀཱ, སུཔུཔྥིཏཱ སབྦཀཱལིཀཱ རམྨཱ;

ཡཧིམནུཝིཙརི རཱཛཱ, པརིཀིཎྞོ ¶ ཨིཏྠཱགཱརེཧི.

༢༣༢.

‘‘ཨཡམསྶ ཨསོཀཝནིཀཱ, སུཔུཔྥིཏཱ སབྦཀཱལིཀཱ རམྨཱ;

ཡཧིམནུཝིཙརི རཱཛཱ, པརིཀིཎྞོ ཉཱཏིསངྒྷེན.

༢༣༣.

‘‘ཨིདམསྶ ཨུཡྻཱནཾ, སུཔུཔྥིཏཾ སབྦཀཱལིཀཾ རམྨཾ;

ཡཧིམནུཝིཙརི རཱཛཱ, པརིཀིཎྞོ ཨིཏྠཱགཱརེཧི.

༢༣༤.

‘‘ཨིདམསྶ ཨུཡྻཱནཾ, སུཔུཔྥིཏཾ སབྦཀཱལིཀཾ རམྨཾ;

ཡཧིམནུཝིཙརི རཱཛཱ, པརིཀིཎྞོ ཉཱཏིསངྒྷེན.

༢༣༥.

‘‘ཨིདམསྶ ཀཎིཀཱརཝནཾ, སུཔུཔྥིཏཾ སབྦཀཱལིཀཾ རམྨཾ;

ཡཧིམནུཝིཙརི རཱཛཱ, པརིཀིཎྞོ ཨིཏྠཱགཱརེཧི.

༢༣༦.

‘‘ཨིདམསྶ ཀཎིཀཱརཝནཾ, སུཔུཔྥིཏཾ སབྦཀཱལིཀཾ རམྨཾ;

ཡཧིམནུཝིཙརི རཱཛཱ, པརིཀིཎྞོ ¶ ཉཱཏིསངྒྷེན.

༢༣༧.

‘‘ཨིདམསྶ པཱཊལིཝནཾ [པཱཊལཱིཝནཾ (སཱི.)], སུཔུཔྥིཏཾ སབྦཀཱལིཀཾ རམྨཾ;

ཡཧིམནུཝིཙརི རཱཛཱ, པརིཀིཎྞོ ཨིཏྠཱགཱརེཧི.

༢༣༨.

‘‘ཨིདམསྶ པཱཊལིཝནཾ, སུཔུཔྥིཏཾ སབྦཀཱལིཀཾ རམྨཾ;

ཡཧིམནུཝིཙརི རཱཛཱ, པརིཀིཎྞོ ཉཱཏིསངྒྷེན.

༢༣༩.

‘‘ཨིདམསྶ ¶ ¶ ཨམྦཝནཾ, སུཔུཔྥིཏཾ སབྦཀཱལིཀཾ རམྨཾ;

ཡཧིམནུཝིཙརི རཱཛཱ, པརིཀིཎྞོ ཨིཏྠཱགཱརེཧི.

༢༤༠.

‘‘ཨིདམསྶ ཨམྦཝནཾ, སུཔུཔྥིཏཾ སབྦཀཱལིཀཾ རམྨཾ;

ཡཧིམནུཝིཙརི རཱཛཱ, པརིཀིཎྞོ ཉཱཏིསངྒྷེན.

༢༤༡.

‘‘ཨཡམསྶ པོཀྑརཎཱི, སཉྪནྣཱ ཨཎྜཛེཧི ཝཱིཏིཀིཎྞཱ;

ཡཧིམནུཝིཙརི རཱཛཱ, པརིཀིཎྞོ ¶ ཨིཏྠཱགཱརེཧི.

༢༤༢.

‘‘ཨཡམསྶ པོཀྑརཎཱི, སཉྪནྣཱ ཨཎྜཛེཧི ཝཱིཏིཀིཎྞཱ;

ཡཧིམནུཝིཙརི རཱཛཱ, པརིཀིཎྞོ ཉཱཏིསངྒྷེན’’.

༢༤༣.

‘‘རཱཛཱ ཝོ ཁོ [རཱཛཱ ཁོ (སཱི. སྱཱ. པཱི.)] པབྦཛིཏོ, སུཏསོམོ རཛྫཾ ཨིམཾ པཧཏྭཱན [པཧནྟྭཱན (སྱཱ. ཀ.)];

ཀཱསཱཡཝཏྠཝསནོ, ནཱགོཝ ཨེཀཀོ [ཨེཀཀོཝ (སཱི.)] ཙརཏི’’.

༢༤༤.

‘‘མཱསྶུ པུབྦེ རཏིཀཱིལི༹ཏཱནི, ཧསིཏཱནི ཙ ཨནུསྶརིཏྠ [ཨནུསྶརིཏྠོ (པཱི.)];

མཱ ཝོ ཀཱམཱ ཧནིཾསུ, རམྨཾ ཧི [སུརམྨཉྷི (སྱཱ. ཀ.)] སུདསྶནཾ [སུདསྶནཾ ནཱམ (སཱི.)] ནགརཾ.

༢༤༥.

‘‘མེཏྟཙིཏྟཉྩ [མེཏྟཉྩ (པཱི.)] བྷཱཝེཐ, ཨཔྤམཱཎཾ དིཝཱ ཙ རཏྟོ ཙ;

ཨགཙྪིཏྠ [ཨཐ གཉྪིཏྠ (སཱི. སྱཱ. པཱི.)] དེཝཔུར, ཨཱཝཱསཾ པུཉྙཀམྨིན’’ནྟི [པུཉྙཀམྨཱནནྟི (པཱི.)].

ཙཱུལ༹སུཏསོམཛཱཏཀཾ པཉྩམཾ.

ཙཏྟཱལཱིསནིཔཱཏཾ ནིཊྛིཏཾ.

ཏསྶུདྡཱནཾ –

སུཝཔཎྜིཏཛམྦུཀཀུཎྜལིནོ ¶ , ཝརཀཉྙམལམྦུསཛཱཏཀཉྩ;

པཝརུཏྟམསངྑསིརཱིཝ྄ཧཡཀོ, སུཏསོམཨརིནྡྷམརཱཛཝརོ.

༡༨. པཎྞཱསནིཔཱཏོ

༥༢༦. ནིལི༹ནིཀཱཛཱཏཀཾ (༡)

༡.

‘‘ཨུདྡཡ྄ཧཏེ ¶ ¶ ¶ [ཨུཌྜཡ྄ཧཏེ (སཱི. པཱི.)] ཛནཔདོ, རཊྛཉྩཱཔི ཝིནསྶཏི;

ཨེཧི ནིལི༹ནིཀེ [ནིལི༹ཀེ (སཱི. སྱཱ. པཱི.), ཨེཝམུཔརིཔི] གཙྪ, ཏཾ མེ བྲཱཧྨཎམཱནཡ’’.

༢.

‘‘ནཱཧཾ དུཀྑཀྑམཱ རཱཛ, ནཱཧཾ ཨདྡྷཱནཀོཝིདཱ;

ཀཐཾ ཨཧཾ གམིསྶཱམི, ཝནཾ ཀུཉྫརསེཝིཏཾ’’.

༣.

‘‘ཕཱིཏཾ ཛནཔདཾ གནྟྭཱ, ཧཏྠིནཱ ཙ རཐེན ཙ;

དཱརུསངྒྷཱཊཡཱནེན, ཨེཝཾ གཙྪ ནིལི༹ནིཀེ.

༤.

‘‘ཧཏྠིཨསྶརཐེ པཏྟཱི, གཙྪེཝཱདཱཡ ཁཏྟིཡེ;

ཏཝེཝ ཝཎྞརཱུཔེན, ཝསཾ ཏམཱནཡིསྶསི’’.

༥.

‘‘ཀདལཱིདྷཛཔཉྙཱཎོ, ཨཱབྷུཛཱིཔརིཝཱརིཏོ;

ཨེསོ པདིསྶཏི རམྨོ, ཨིསིསིངྒསྶ ཨསྶམོ.

༦.

‘‘ཨེསོ ཨགྒིསྶ སངྑཱཏོ, ཨེསོ དྷཱུམོ པདིསྶཏི;

མཉྙེ ནོ ཨགྒིཾ ཧཱཔེཏི, ཨིསིསིངྒོ མཧིདྡྷིཀོ’’.

༧.

‘‘ཏཉྩ ¶ དིསྭཱན ཨཱཡནྟིཾ, ཨཱམུཏྟམཎིཀུཎྜལཾ;

ཨིསིསིངྒོ པཱཝིསི བྷཱིཏོ, ཨསྶམཾ པཎྞཚཱདནཾ.

༨.

‘‘ཨསྶམསྶ ཙ སཱ དྭཱརེ, གེཎྜུཀེནསྶ [བྷེཎྜུཀེནསྶ (སཱི. པཱི.)] ཀཱིལ༹ཏི;

ཝིདཾསཡནྟཱི ཨངྒཱནི, གུཡ྄ཧཾ པཀཱསིཏཱནི ཙ.

༩.

‘‘ཏཉྩ དིསྭཱན ཀཱིལ༹ནྟིཾ, པཎྞསཱལགཏོ ཛཊཱི;

ཨསྶམཱ ནིཀྑམིཏྭཱན, ཨིདཾ ཝཙནམབྲཝི.

༡༠.

‘‘ཨམྦྷོ ཀོ ནཱམ སོ རུཀྑོ, ཡསྶ ཏེཝཾགཏཾ ཕལཾ;

དཱུརེཔི ཁིཏྟཾ པཙྩེཏི, ན ཏཾ ཨོཧཱཡ གཙྪཏི’’.

༡༡.

‘‘ཨསྶམསྶ ¶ མམ [མཾ (སཱི.)] བྲཧྨེ, སམཱིཔེ གནྡྷམཱདནེ;

བཧཝོ [པབྦཏེ (སཱི.)] ཏཱདིསཱ རུཀྑཱ, ཡསྶ ཏེཝཾགཏཾ ཕལཾ;

དཱུརེཔི ཁིཏྟཾ པཙྩེཏི, ན མཾ ཨོཧཱཡ གཙྪཏི’’.

༡༢.

‘‘ཨེཏཱུ ¶ [ཨེཏུ (སཱི. སྱཱ. ཀ.)] བྷཝཾ ཨསྶམིམཾ ཨདེཏུ, པཛྫཉྩ བྷཀྑཉྩ པཊིཙྪ དམྨི;

ཨིདམཱསནཾ ཨཏྲ བྷཝཾ ནིསཱིདཏུ, ཨིཏོ བྷཝཾ མཱུལཕལཱནི བྷུཉྫཏུ’’ [ཁཱདཏུ (སཱི.)].

༡༣.

‘‘ཀིཾ ཏེ ཨིདཾ ཨཱུརཱུནམནྟརསྨིཾ, སུཔིཙྪིཏཾ ཀཎྷརིཝཔྤཀཱསཏི;

ཨཀྑཱཧི མེ པུཙྪིཏོ ཨེཏམཏྠཾ, ཀོསེ ནུ ཏེ ཨུཏྟམངྒཾ པཝིཊྛཾ’’.

༡༤.

‘‘ཨཧཾ ཝནེ མཱུལཕལེསནཾ ཙརཾ, ཨཱསཱདཡིཾ ¶ [ཨསྶཱདཡིཾ (ཀ.)] ཨཙྪཾ སུགྷོརརཱུཔཾ;

སོ མཾ པཏིཏྭཱ སཧསཱཛ྄ཛྷཔཏྟོ, པནུཛྫ མཾ ཨབྦཧི [ཨབྦུཧི (སྱཱ. ཀ.)] ཨུཏྟམངྒཾ.

༡༥.

‘‘སྭཱཡཾ ཝཎོ ཁཛྫཏི ཀཎྜུཝཱཡཏི, སབྦཉྩ ཀཱལཾ ན ལབྷཱམི སཱཏཾ;

པཧོ བྷཝཾ ཀཎྜུམིམཾ ཝིནེཏུཾ, ཀུརུཏཾ བྷཝཾ ཡཱཙིཏོ བྲཱཧྨཎཏྠཾ’’.

༡༦.

‘‘གམྦྷཱིརརཱུཔོ ཏེ ཝཎོ སལོཧིཏོ, ཨཔཱུཏིཀོ ཝཎགནྡྷོ [པཀྐགནྡྷོ (སཱི.), པནྣགནྡྷོ (སྱཱ. པཱི.)] མཧཱ ཙ;

ཀརོམི ཏེ ཀིཉྩི ཀསཱཡཡོགཾ, ཡཐཱ བྷཝཾ པརམསུཁཱི བྷཝེཡྻ’’.

༡༧.

‘‘ན ¶ མནྟཡོགཱ ན ཀསཱཡཡོགཱ, ན ཨོསདྷཱ བྲཧྨཙཱརི [བྲཧྨཙཱརཱི (སཱི. སྱཱ. པཱི.)] ཀམནྟི;

གྷཊྚེ མུདུཀེན [ཡཾ ཏེ མུདུ ཏེན (སཱི.), ཡཾ ཏེ མུདཱུ ཏེན (པཱི.)] ཝིནེཧི ཀཎྜུཾ [ཀཎྜུཀཾ (པཱི.)], ཡཐཱ ཨཧཾ པརམསུཁཱི བྷཝེཡྻཾ’’.

༡༨.

‘‘ཨིཏོ ནུ བྷོཏོ ཀཏམེན ཨསྶམོ, ཀཙྩི བྷཝཾ ཨབྷིརམསི [ཨབྷིརམསཱི (པཱི.)] ཨརཉྙེ;

ཀཙྩི ནུ ཏེ [ཀཙྩི ཏེ (པཱི.)] མཱུལཕལཾ པཧཱུཏཾ, ཀཙྩི བྷཝནྟཾ ན ཝིཧིཾསནྟི ཝཱལཱ༹’’.

༡༩.

‘‘ཨིཏོ ¶ ཨུཛུཾ ཨུཏྟརཱཡཾ དིསཱཡཾ, ཁེམཱནདཱི ཧིམཝཏཱ པབྷཱཝཱི [པབྷཱཏི (སཱི. པཱི.)];

ཏསྶཱ ཏཱིརེ ཨསྶམོ མཡ྄ཧ རམྨོ, ཨཧོ བྷཝཾ ཨསྶམཾ མཡ྄ཧཾ པསྶེ.

༢༠.

‘‘ཨམྦཱ ཙ སཱལཱ ཏིལཀཱ ཙ ཛམྦུཡོ, ཨུདྡཱལཀཱ པཱཊལིཡོ ཙ ཕུལླཱ;

སམནྟཏོ ཀིམྤུརིསཱབྷིགཱིཏཾ, ཨཧོ བྷཝཾ ཨསྶམཾ མཡ྄ཧཾ པསྶེ.

༢༡.

‘‘ཏཱལཱ ཙ མཱུལཱ ཙ ཕལཱ ཙ མེཏྠ, ཝཎྞེན གནྡྷེན ཨུཔེཏརཱུཔཾ;

ཏཾ བྷཱུམིབྷཱགེཧི ཨུཔེཏརཱུཔཾ, ཨཧོ བྷཝཾ ཨསྶམཾ མཡ྄ཧཾ པསྶེ.

༢༡.

‘‘ཕལཱ ཙ མཱུལཱ ཙ པཧཱུཏམེཏྠ, ཝཎྞེན གནྡྷེན རསེནུཔེཏཱ;

ཨཱཡནྟི ཙ ལུདྡཀཱ ཏཾ པདེསཾ, མཱ མེ ཏཏོ མཱུལཕལཾ ཨཧཱསུཾ’’.

༢༣.

‘‘པིཏཱ མམཾ མཱུལཕལེསནཾ གཏོ, ཨིདཱནི ཨཱགཙྪཏི སཱཡཀཱལེ;

ཨུབྷོཝ གཙྪཱམསེ ཨསྶམཾ ཏཾ, ཡཱཝ ¶ པིཏཱ མཱུལཕལཏོ ཨེཏུ’’.

༢༤.

‘‘ཨཉྙེ ¶ བཧཱུ ཨིསཡོ སཱདྷུརཱུཔཱ, རཱཛཱིསཡོ ཨནུམགྒེ ཝསནྟི;

ཏེ ཡེཝ པུཙྪེསི མམསྶམཾ ཏཾ, ཏེ ཏཾ ནཡིསྶནྟི མམཾ སཀཱསེ’’.

༢༥.

‘‘ན ཏེ ཀཊྛཱནི བྷིནྣཱནི, ན ཏེ ཨུདཀམཱབྷཏཾ;

ཨགྒཱིཔི ཏེ ན ཧཱཔིཏོ [ཧཱསིཏོ (སཱི. སྱཱ.)], ཀིཾ ནུ མནྡོཝ ཛྷཱཡསི.

༢༦.

‘‘བྷིནྣཱནི ཀཊྛཱནི ཧུཏོ ཙ ཨགྒི, ཏཔནཱིཔི ཏེ སམིཏཱ བྲཧྨཙཱརཱི [བྲཧྨཙཱརི (?)];

པཱིཋཉྩ མཡ྄ཧཾ ཨུདཀཉྩ ཧོཏི, རམསི ཏུཝཾ [ཏྭཾ (སཱི.)] བྲཧྨབྷཱུཏོ པུརཏྠཱ.

༢༧.

‘‘ཨབྷིནྣཀཊྛོསི ¶ ཨནཱབྷཏོདཀོ, ཨཧཱཔིཏགྒཱིསི [ཨཧཱཔིཏགྒཱིཔི (ཀ.)] ཨསིདྡྷབྷོཛནོ [ཨསིཊྛབྷོཛནོ (ཀ.)];

ན མེ ཏུཝཾ ཨཱལཔསཱི མམཛྫ, ནཊྛཾ ནུ ཀིཾ ཙེཏསིཀཉྩ དུཀྑཾ’’.

༢༨.

‘‘ཨིདྷཱགམཱ ཛཊིལོ བྲཧྨཙཱརཱི, སུདསྶནེཡྻོ སུཏནཱུ ཝིནེཏི;

ནེཝཱཏིདཱིགྷོ ན པནཱཏིརསྶོ, སུཀཎྷཀཎྷཙྪདནེཧི བྷོཏོ.

༢༩.

‘‘ཨམསྶུཛཱཏོ ¶ ཨཔུརཱཎཝཎྞཱི, ཨཱདྷཱརརཱུཔཉྩ པནསྶ ཀཎྛེ;

དྭེ ཡམཱ [དྭེ པསྶ (སཱི.), དྭཱསྶ (པཱི.)] གཎྜཱ ཨུརེསུ ཛཱཏཱ, སུཝཎྞཏིནྡུཀནིབྷཱ [སུཝཎྞཔིནྡཱུཔནིབྷཱ (སཱི.), སུཝཎྞཏིཎྜུསནྣིབྷཱ (སྱཱ.), སོཝནྣཔིཎྜཱུཔནིབྷཱ (པཱི.)] པབྷསྶརཱ.

༣༠.

‘‘མུཁཉྩ ཏསྶ བྷུསདསྶནེཡྻཾ, ཀཎྞེསུ ལམྦནྟི ཙ ཀུཉྩིཏགྒཱ;

ཏེ ཛོཏརེ ཙརཏོ མཱཎཝསྶ, སུཏྟཉྩ ཡཾ སཾཡམནཾ ཛཊཱནཾ.

༣༡.

‘‘ཨཉྙཱ ¶ ཙ ཏསྶ སཾཡམཱནི [སཾཡམནཱི (སཱི. པཱི.)] ཙཏསྶོ, ནཱིལཱ པཱིཏཱ [ནཱིལཱཔི ཏཱ (པཱི.)] ལོཧིཏིཀཱ [ལོཧིཏཀཱ (སྱཱ. པཱི. ཀ.)] ཙ སེཏཱ;

ཏཱ པིཾསརེ [སཾསརེ (སཱི. སྱཱ.)] ཙརཏོ མཱཎཝསྶ, ཏིརིཊི [ཙིརཱིཊི (སཱི. པཱི.)] སངྒྷཱརིཝ པཱཝུསམྷི.

༣༢.

‘‘ན མིཁལཾ མུཉྫམཡཾ དྷཱརེཏི, ན སནྠརེ [སནྟཙེ (སཱི.), སནྟཙཾ (པཱི.), སནྟརེ (ཀ.)] ནོ པན པབྦཛསྶ;

ཏཱ ཛོཏརེ ཛགྷནནྟརེ [ཛགྷནཝརེ (སཱི. པཱི.)] ཝིལགྒཱ, སཏེརཏཱ ཝིཛྫུརིཝནྟལིཀྑེ.

༣༣.

‘‘ཨཁཱིལཀཱནི ཙ ཨཝཎྚཀཱནི, ཧེཊྛཱ ནབྷྱཱ ཀཊིསམོཧིཏཱནི;

ཨགྷཊྚིཏཱ ནིཙྩཀཱིལ༹ཾ ཀརོནྟི, ཧཾ ཏཱཏ ཀིཾརུཀྑཕལཱནི ཏཱནི.

༣༤.

‘‘ཛཊཱ ¶ ཙ ཏསྶ བྷུསདསྶནེཡྻཱ, པརོསཏཾ ཝེལླིཏགྒཱ སུགནྡྷཱ;

དྭེདྷཱ སིརོ སཱདྷུ ཝིབྷཏྟརཱུཔོ, ཨཧོ ནུ ཁོ མཡ྄ཧ ཏཐཱ ཛཊཱསྶུ.

༣༥.

‘‘ཡདཱ ཙ སོ པཀིརཏི ཏཱ ཛཊཱཡོ, ཝཎྞེན གནྡྷེན ཨུཔེཏརཱུཔཱ;

ནཱིལུཔྤལཾ ཝཱཏསམེརིཏཾཝ, ཏཐེཝ སཾཝཱཏི པནསྶམོ ཨཡཾ.

༣༦.

‘‘པངྐོ ཙ ཏསྶ བྷུསདསྶནེཡྻོ, ནེཏཱདིསོ ཡཱདིསོ མཡ྄ཧཾ ཀཱཡེ [ཀཱཡོ (སཱི. སྱཱ. པཱི.)];

སོ ཝཱཡཏཱི ཨེརིཏོ མཱལུཏེན, ཝནཾ ཡཐཱ ཨགྒགིམྷེ སུཕུལླཾ.

༣༧.

‘‘ནིཧནྟི ¶ སོ རུཀྑཕལཾ པཐབྱཱ, སུཙིཏྟརཱུཔཾ རུཙིརཾ དསྶནེཡྻཾ;

ཁིཏྟཉྩ ཏསྶ པུནརེཏི ཧཏྠཾ, ཧཾ ཏཱཏ ཀིཾརུཀྑཕལཾ ནུ ཁོ ཏཾ.

༣༨.

‘‘དནྟཱ ཙ ཏསྶ བྷུསདསྶནེཡྻཱ, སུདྡྷཱ སམཱ སངྑཝརཱུཔཔནྣཱ;

མནོ པསཱདེནྟི ཝིཝརིཡམཱནཱ, ན ཧི [ན ཧ (སཱི. པཱི.)] ནཱུན སོ སཱཀམཁཱདི ཏེཧི.

༣༩.

‘‘ཨཀཀྐསཾ ¶ ཨགྒལི༹ཏཾ མུཧུཾ མུདུཾ, ཨུཛུཾ ཨནུདྡྷཏཾ ཨཙཔལམསྶ བྷཱསིཏཾ;

རུདཾ མནུཉྙཾ ཀརཝཱིཀསུསྶརཾ, ཧདཡངྒམཾ རཉྫཡཏེཝ མེ མནོ.

༤༠.

‘‘བིནྡུསྶརོ ནཱཏིཝིསཊྛཝཱཀྱོ [ནཱཏིཝིསྶཊྛཝཱཀྱོ (སཱི. སྱཱ. པཱི.)], ན ནཱུན སཛ྄ཛྷཱཡམཏིཔྤཡུཏྟོ;

ཨིཙྪཱམི བྷོ [ཁོ (སཱི. སྱཱ. པཱི.)] ཏཾ པུནདེཝ དཊྛུཾ, མིཏྟོ ཧི [མིཏྟཾ ཧི (སཱི. སྱཱ. པཱི.)] མེ མཱཎཝོཧུ [མཱཎཝཱཧུ (སཱི. སྱཱ.), མཱཎཝཱཧཱུ (པཱི.)] པུརཏྠཱ.

༤༡.

‘‘སུསནྡྷི ¶ སབྦཏྠ ཝིམཊྛིམཾ ཝཎཾ, པུཐཱུ [པུཐུཾ (པཱི.), པུཐུ (ཀ.)] སུཛཱཏཾ ཁརཔཏྟསནྣིབྷཾ;

ཏེནེཝ མཾ ཨུཏྟརིཡཱན མཱཎཝོ, ཝིཝརིཏཾ ཨཱུརུཾ ཛགྷནེན པཱིལ༹ཡི.

༤༢.

‘‘ཏཔནྟི ཨཱབྷནྟི ཝིརོཙརེ ཙ, སཏེརཏཱ ཝིཛྫུརིཝནྟལིཀྑེ;

བཱཧཱ མུདཱུ ཨཉྫནལོམསཱདིསཱ, ཝིཙིཏྲཝཊྚངྒུལིཀཱསྶ སོབྷརེ.

༤༣.

‘‘ཨཀཀྐསངྒོ ¶ ན ཙ དཱིགྷལོམོ, ནཁཱསྶ དཱིགྷཱ ཨཔི ལོཧིཏགྒཱ;

མུདཱུཧི བཱཧཱཧི པལིསྶཛནྟོ, ཀལྱཱཎརཱུཔོ རམཡཾ [རམཡ྄ཧཾ (ཀ.)] ཨུཔཊྛཧི.

༤༤.

‘‘དུམསྶ ¶ ཏཱུལཱུཔནིབྷཱ པབྷསྶརཱ, སུཝཎྞཀམྦུཏལཝཊྚསུཙྪཝཱི;

ཧཏྠཱ མུདཱུ ཏེཧི མཾ སཾཕུསིཏྭཱ, ཨིཏོ གཏོ ཏེན མཾ དཧནྟི ཏཱཏ.

༤༥.

‘‘ན ནཱུན [ན ཧ ནཱུན (སཱི. པཱི.)] སོ ཁཱརིཝིདྷཾ ཨཧཱསི, ན ནཱུན སོ ཀཊྛཱནི སཡཾ ཨབྷཉྫི;

ན ནཱུན སོ ཧནྟི དུམེ ཀུཋཱརིཡཱ [ཀུདྷཱརིཡཱ (ཀ.)], ན ཧིསྶ [ན པིསྶ (སཱི. སྱཱ. པཱི.)] ཧཏྠེསུ ཁིལཱནི ཨཏྠི.

༤༦.

‘‘ཨཙྪོ ཙ ཁོ ཏསྶ ཝཎཾ ཨཀཱསི, སོ མཾབྲཝི སུཁིཏཾ མཾ ཀརོཧི;

ཏཱཧཾ ཀརིཾ ཏེན མམཱསི སོཁྱཾ, སོ ཙབྲཝི སུཁིཏོསྨཱིཏི བྲཧྨེ.

༤༧.

‘‘ཨཡཉྩ ཏེ མཱལུཝཔཎྞསནྠཏཱ, ཝིཀིཎྞརཱུཔཱཝ མཡཱ ཙ ཏེན ཙ;

ཀིལནྟརཱུཔཱ ཨུདཀེ རམིཏྭཱ, པུནཔྤུནཾ པཎྞཀུཊིཾ ཝཛཱམ.

༤༨.

‘‘ན མཛྫ མནྟཱ པཊིབྷནྟི ཏཱཏ, ན ཨགྒིཧུཏྟཾ ནཔི ཡཉྙཏནྟཾ [ཡཉྙཏནྟྲཾ (སཱི.), ཡཉྙཾ ཏཏྲ (པཱི. ཀ.), ཡཉྙཏཏྲ (སྱཱ.)];

ན ཙཱཔི ཏེ མཱུལཕལཱནི བྷུཉྫེ, ཡཱཝ ¶ ན པསྶཱམི ཏཾ བྲཧྨཙཱརིཾ.

༤༩.

‘‘ཨདྡྷཱ ¶ པཛཱནཱསི ཏུཝམྤི ཏཱཏ, ཡསྶཾ དིསཾ [དིསཱཡཾ (སྱཱ. པཱི. ཀ.)] ཝསཏེ བྲཧྨཙཱརཱི;

ཏཾ མཾ དིསཾ པཱཔཡ ཏཱཏ ཁིཔྤཾ, མཱ ཏེ ཨཧཾ ཨམརིམསྶམམྷི.

༥༠.

‘‘ཝིཙིཏྲཕུལླཾ [ཝིཙིཏྲཔུཔྥཾ (སཱི. པཱི.)] ཧི ཝནཾ སུཏཾ མཡཱ, དིཛཱབྷིགྷུཊྛཾ དིཛསངྒྷསེཝིཏཾ;

ཏཾ མཾ ཝནཾ པཱཔཡ ཏཱཏ ཁིཔྤཾ, པུརཱ ཏེ པཱཎཾ ཝིཛཧཱམི ཨསྶམེ’’.

༥༡.

‘‘ཨིམསྨཱཧཾ ཛོཏིརསེ ཝནམྷི, གནྡྷབྦདེཝཙྪརསངྒྷསེཝིཏེ;

ཨིསཱིནམཱཝཱསེ སནནྟནམྷི, ནེཏཱདིསཾ ཨརཏིཾ པཱཔུཎེཐ.

༥༢.

‘‘བྷཝནྟི མིཏྟཱནི ཨཐོ ན ཧོནྟི, ཉཱཏཱིསུ མིཏྟེསུ ཀརོནྟི པེམཾ;

ཨཡཉྩ ཛམྨོ ཀིསྶ ཝཱ ནིཝིཊྛོ, ཡོ ནེཝ ཛཱནཱཏི ཀུཏོམྷི ཨཱགཏོ.

༥༣.

‘‘སཾཝཱསེན ཧི མིཏྟཱནི, སནྡྷིཡནྟི [སནྡྷཱིཡནྟི (སཱི. པཱི.)] པུནཔྤུནཾ;

སྭེཝ མིཏྟོ [སཱ ཙ མེཏྟི (པཱི.)] ཨསཾགནྟུ, ཨསཾཝཱསེན ཛཱིརཏི.

༥༤.

‘‘སཙེ ¶ ཏུཝཾ དཀྑསི བྲཧྨཙཱརིཾ, སཙེ ཏུཝཾ སལླཔེ [སལླཔི (སཱི.)] བྲཧྨཙཱརིནཱ;

སམྤནྣསསྶཾཝ མཧོདཀེན, ཏཔོགུཎཾ ཁིཔྤམིམཾ པཧིསྶསི [པཧསྶསི (སཱི. སྱཱ. པཱི.)].

༥༥.

‘‘པུནཔི ¶ [པུནཔྤི (པཱི.)] ཙེ དཀྑསི བྲཧྨཙཱརིཾ, པུནཔི [པུནཔྤི (པཱི.)] ཙེ སལླཔེ བྲཧྨཙཱརིནཱ;

སམྤནྣསསྶཾཝ མཧོདཀེན, ཨུསྨཱགཏཾ ཁིཔྤམིམཾ པཧིསྶསི.

༥༦.

‘‘བྷཱུཏཱནི ¶ ཧེཏཱནི [ཨེཏཱནི (པཱི.)] ཙརནྟི ཏཱཏ, ཝིརཱུཔརཱུཔེན མནུསྶལོཀེ;

ན ཏཱནི སེཝེཐ ནརོ སཔཉྙོ, ཨཱསཛྫ ནཾ ནསྶཏི བྲཧྨཙཱརཱི’’ཏི.

ནིལི༹ནིཀཱཛཱཏཀཾ [ནལི༹ནཱིཛཱཏཀཾ (སཱི.), ནལི༹ནིཛཱཏཀཾ (པཱི.)] པཋམཾ.

༥༢༧. ཨུམྨཱདནྟཱིཛཱཏཀཾ (༢)

༥༧.

‘‘ནིཝེསནཾ ཀསྶ ནུདཾ སུནནྡ, པཱཀཱརེན པཎྜུམཡེན གུཏྟཾ;

ཀཱ དིསྶཏི ཨགྒིསིཁཱཝ དཱུརེ, ཝེཧཱཡསཾ [ཝེཧཱསཡཾ (སཱི. པཱི.)] པབྦཏགྒེཝ ཨཙྩི.

༥༨.

‘‘དྷཱིཏཱ ¶ ནྭཡཾ [ནཡཾ (སཱི. པཱི.), ནྭཱཡཾ (སྱཱ.)] ཀསྶ སུནནྡ ཧོཏི, སུཎིསཱ ནྭཡཾ [ནཡཾ (སཱི. པཱི.), ནྭཱཡཾ (སྱཱ.)] ཀསྶ ཨཐོཔི བྷརིཡཱ;

ཨཀྑཱཧི མེ ཁིཔྤམིདྷེཝ པུཊྛོ, ཨཝཱཝཊཱ ཡདི ཝཱ ཨཏྠི བྷཏྟཱ’’.

༥༩.

‘‘ཨཧཉྷི ཛཱནཱམི ཛནིནྡ ཨེཏཾ, མཏྱཱ ཙ པེཏྱཱ ཙ ཨཐོཔི ཨསྶཱ;

ཏཝེཝ སོ པུརིསོ བྷཱུམིཔཱལ, རཏྟིནྡིཝཾ ཨཔྤམཏྟོ ཏཝཏྠེ.

༦༠.

‘‘ཨིདྡྷོ ཙ ཕཱིཏོ ཙ སུཝཌྜྷིཏོ [སུབཱལ༹ྷིཀོ (པཱི.)] ཙ, ཨམཙྩོ ཙ ཏེ ཨཉྙཏརོ ཛནིནྡ;

ཏསྶེསཱ བྷརིཡཱབྷིཔཱརཀསྶ [ཨཧིཔཱརཀསྶ (སཱི. པཱི.), ཨབྷིཔཱདཀསྶ (ཀ.)], ཨུམྨཱདནྟཱི [ཨུམྨཱདནྟཱིཏི (ཀ.)] ནཱམདྷེཡྻེན རཱཛ’’.

༦༡.

‘‘ཨམྦྷོ ¶ ཨམྦྷོ ནཱམམིདཾ ཨིམིསྶཱ, མཏྱཱ ཙ པེཏྱཱ ཙ ཀཏཾ སུསཱདྷུ;

ཏདཱ [ཏཐཱ (སཱི. སྱཱ. པཱི.)] ཧི མཡ྄ཧཾ ཨཝལོཀཡནྟཱི, ཨུམྨཏྟཀཾ ཨུམྨདནྟཱི ཨཀཱསི’’.

༦༢.

‘‘ཡཱ པུཎྞམཱསེ [པུཎྞམཱཡེ (ཀ.)] མིགམནྡལོཙནཱ, ཨུཔཱཝིསི པུཎྜརཱིཀཏྟཙངྒཱི;

དྭེ པུཎྞམཱཡོ ཏདཧཱུ ཨམཉྙཧཾ, དིསྭཱན པཱརཱཝཏརཏྟཝཱསིནིཾ.

༦༣.

‘‘ཨལཱ༹རཔམྷེཧི ¶ སུབྷེཧི ཝགྒུབྷི, པལོབྷཡནྟཱི མཾ ཡདཱ ཨུདིཀྑཏི;

ཝིཛམྦྷམཱནཱ ཧརཏེཝ མེ མནོ, ཛཱཏཱ ཝནེ ཀིམྤུརིསཱིཝ པབྦཏེ.

༦༤.

‘‘ཏདཱ ཧི བྲཧཏཱི སཱམཱ, ཨཱམུཏྟམཎིཀུཎྜལཱ;

ཨེཀཙྩཝསནཱ ནཱརཱི, མིགཱི བྷནྟཱཝུདིཀྑཏི.

༦༥.

‘‘ཀདཱསྶུ མཾ ཏམྦནཁཱ སུལོམཱ, བཱཧཱམུདཱུ ཙནྡནསཱརལིཏྟཱ;

ཝཊྚངྒུལཱི སནྣཏདྷཱིརཀུཏྟིཡཱ, ནཱརཱི ཨུཔཉྙིསྶཏི སཱིསཏོ སུབྷཱ.

༦༦.

‘‘ཀདཱསྶུ མཾ ཀཉྩནཛཱལུརཙྪདཱ, དྷཱིཏཱ ཏིརཱིཊིསྶ ཝིལགྒམཛ྄ཛྷཱ;

མུདཱུཧི བཱཧཱཧི པལིསྶཛིསྶཏི, བྲཧཱཝནེ ཛཱཏདུམཾཝ མཱལུཝཱ.

༦༧.

‘‘ཀདཱསྶུ ¶ [ཀདཱསྶུ མཾ (སྱཱ. ཀ.)] ལཱཁཱརསརཏྟསུཙྪཝཱི, བིནྡུཏྠནཱི པུཎྜརཱིཀཏྟཙངྒཱི;

མུཁཾ མུཁེན ཨུཔནཱམཡིསྶཏི, སོཎྜོཝ སོཎྜསྶ སུརཱཡ ཐཱལཾ.

༦༨.

‘‘ཡདཱདྡསཾ [ཡཐཱདྡསཾ (པཱི.)] ཏཾ ཏིཊྛནྟིཾ, སབྦབྷདྡཾ [སབྦགཏྟཾ (སཱི. སྱཱ. པཱི.)] མནོརམཾ;

ཏཏོ ¶ སཀསྶ ཙིཏྟསྶ, ནཱཝབོདྷཱམི ཀཉྩིནཾ [ཀིཉྩིནཾ (ཀ.), ཀིཉྩནཾ (པཱི.)].

༦༩.

‘‘ཨུམྨཱདནྟིམཧཾ ¶ དཊྛཱ [དིཊྛཱ (སཱི. སྱཱ. པཱི. ཀ.)], ཨཱམུཏྟམཎིཀུཎྜལཾ;

ན སུཔཱམི དིཝཱརཏྟིཾ, སཧསྶཾཝ པརཱཛིཏོ.

༧༠.

‘‘སཀྐོ ཙེ [ཙ (སཱི. པཱི.)] མེ ཝརཾ དཛྫཱ, སོ ཙ ལབྦྷེཐ མེ ཝརོ;

ཨེཀརཏྟཾ དྭིརཏྟཾ [དིརཏྟཾ (པཱི.)] ཝཱ, བྷཝེཡྻཾ ཨབྷིཔཱརཀོ;

ཨུམྨཱདནྟྱཱ རམིཏྭཱན, སིཝིརཱཛཱ ཏཏོ སིཡཾ’’ [སིཡཱ (སྱཱ. པཱི.)].

༧༡.

‘‘བྷཱུཏཱནི མེ བྷཱུཏཔཏཱི ནམསྶཏོ, ཨཱགམྨ ཡཀྑོ ཨིདམེཏདབྲཝི;

རཉྙོ མནོ ཨུམྨདནྟྱཱ ནིཝིཊྛོ, དདཱམི ཏེ ཏཾ པརིཙཱརཡསྶུ’’.

༧༢.

‘‘པུཉྙཱ ཝིདྷཾསེ ཨམརོ ན ཙམྷི, ཛནོ ཙ མེ པཱཔམིདཉྩ [པཱཔམིདནྟི (སཱི. པཱི.)] ཛཉྙཱ;

བྷུསོ ཙ ཏྱསྶ མནསོ ཝིགྷཱཏོ, དཏྭཱ པིཡཾ ཨུམྨདནྟིཾ ཨདཊྛཱ’’.

༧༣.

‘‘ཛནིནྡ ནཱཉྙཏྲ ཏཡཱ མཡཱ ཝཱ, སབྦཱཔི ཀམྨསྶ ཀཏསྶ ཛཉྙཱ;

ཡཾ ཏེ མཡཱ ཨུམྨདནྟཱི པདིནྣཱ, བྷུསེཧི རཱཛཱ ཝནཐཾ སཛཱཧི’’.

༧༤.

‘‘ཡོ པཱཔཀཾ ཀམྨ ཀརཾ མནུསྶོ, སོ ¶ མཉྙཏི མཱཡིད [མཱཡིདྷ (ཀ.)] མཉྙིཾསུ ཨཉྙེ;

པསྶནྟི བྷཱུཏཱནི ཀརོནྟམེཏཾ, ཡུཏྟཱ ཙ ཡེ ཧོནྟི ནརཱ པཐབྱཱ.

༧༥.

‘‘ཨཉྙོ ནུ ཏེ ཀོཙི [ཀོདྷ (པཱི.)] ནརོ པཐབྱཱ, སདྡྷེཡྻ [སདྡཧེཡྻ (སཱི.)] ལོཀསྨི ན མེ པིཡཱཏི;

བྷུསོ ཙ ཏྱསྶ མནསོ ཝིགྷཱཏོ, དཏྭཱ པིཡཾ ཨུམྨདནྟིཾ ཨདཊྛཱ’’.

༧༦.

‘‘ཨདྡྷཱ ¶ པིཡཱ མཡ྄ཧ ཛནིནྡ ཨེསཱ, ན སཱ མམཾ ཨཔྤིཡཱ བྷཱུམིཔཱལ;

གཙྪེཝ ཏྭཾ ཨུམྨདནྟིཾ བྷདནྟེ, སཱིཧོཝ སེལསྶ གུཧཾ ཨུཔེཏི’’.

༧༧.

‘‘ན པཱིལི༹ཏཱ ཨཏྟདུཁེན དྷཱིརཱ, སུཁཔྥལཾ ཀམྨ པརིཙྩཛནྟི;

སམྨོཧིཏཱ ཝཱཔི སུཁེན མཏྟཱ, ན པཱཔཀམྨཉྩ [པཱཔཀཾ ཀམྨ (པཱི.)] སམཱཙརནྟི’’.

༧༨.

‘‘ཏུཝཉྷི མཱཏཱ ཙ པིཏཱ ཙ མཡ྄ཧཾ, བྷཏྟཱ པཏཱི པོསཀོ དེཝཏཱ ཙ;

དཱསོ ཨཧཾ ཏུཡ྄ཧ སཔུཏྟདཱརོ, ཡཐཱསུཁཾ སཱམི [སིབྦ (སཱི.), སཱིཝི (སྱཱ.)] ཀརོཧི ཀཱམཾ’’.

༧༩.

‘‘ཡོ ཨིསྶརོམྷཱིཏི ཀརོཏི པཱཔཾ, ཀཏྭཱ ¶ ཙ སོ ནུཏྟསཏེ [ནུཏྟཔཏེ (པཱི.)] པརེསཾ;

ན ཏེན སོ ཛཱིཝཏི དཱིགྷམཱཡུ [དཱིགྷམཱཡུཾ (སཱི. སྱཱ.)], དེཝཱཔི པཱཔེན སམེཀྑརེ ནཾ.

༨༠.

‘‘ཨཉྙཱཏཀཾ སཱམིཀེཧཱི པདིནྣཾ, དྷམྨེ ཋིཏཱ ཡེ པཊིཙྪནྟི དཱནཾ;

པཊིཙྪཀཱ དཱཡཀཱ ཙཱཔི ཏཏྠ, སུཁཔྥལཉྙེཝ ཀརོནྟི ཀམྨཾ’’.

༨༡.

‘‘ཨཉྙོ ¶ ནུ ཏེ ཀོཙི ནརོ པཐབྱཱ, སདྡྷེཡྻ ལོཀསྨི ན མེ པིཡཱཏི;

བྷུསོ ཙ ཏྱསྶ མནསོ ཝིགྷཱཏོ, དཏྭཱ པིཡཾ ཨུམྨདནྟིཾ ཨདཊྛཱ’’.

༨༢.

‘‘ཨདྡྷཱ པིཡཱ མཡ྄ཧ ཛནིནྡ ཨེསཱ, ན སཱ མམཾ ཨཔྤིཡཱ བྷཱུམིཔཱལ;

ཡཾ ཏེ མཡཱ ཨུམྨདནྟཱི པདིནྣཱ, བྷུསེཧི རཱཛཱ ཝནཐཾ སཛཱཧི’’.

༨༣.

‘‘ཡོ ¶ ཨཏྟདུཀྑེན པརསྶ དུཀྑཾ, སུཁེན ཝཱ ཨཏྟསུཁཾ དཧཱཏི;

ཡཐེཝིདཾ མཡ྄ཧ ཏཐཱ པརེསཾ, ཡོ [སོ (པཱི.)] ཨེཝཾ ཛཱནཱཏི [པཛཱནཱཏི (ཀ.)] ས ཝེདི དྷམྨཾ.

༨༤.

‘‘ཨཉྙོ ནུ ཏེ ཀོཙི ནརོ པཐབྱཱ, སདྡྷེཡྻ ¶ ལོཀསྨི ན མེ པིཡཱཏི;

བྷུསོ ཙ ཏྱསྶ མནསོ ཝིགྷཱཏོ, དཏྭཱ པིཡཾ ཨུམྨདནྟིཾ ཨདཊྛཱ’’.

༨༥.

‘‘ཛནིནྡ ཛཱནཱསི པིཡཱ མམེསཱ, ན སཱ མམཾ ཨཔྤིཡཱ བྷཱུམིཔཱལ;

པིཡེན ཏེ དམྨི པིཡཾ ཛནིནྡ, པིཡདཱཡིནོ དེཝ པིཡཾ ལབྷནྟི’’.

༨༦.

‘‘སོ ནཱུནཱཧཾ ཝདྷིསྶཱམི, ཨཏྟཱནཾ ཀཱམཧེཏུཀཾ;

ན ཧི དྷམྨཾ ཨདྷམྨེན, ཨཧཾ ཝདྷིཏུམུསྶཧེ’’.

༨༧.

‘‘སཙེ ཏུཝཾ མཡ྄ཧ སཏིཾ [སནྟི (ཀ.)] ཛནིནྡ, ན ཀཱམཡཱསི ནརཝཱིར སེཊྛ;

ཙཛཱམི ནཾ སབྦཛནསྶ སིབྱཱ [སིབྦ (སཱི. པཱི.), མཛ྄ཛྷེ (སྱཱ.)], མཡཱ པམུཏྟཾ ཏཏོ ཨཝ྄ཧཡེསི [ཨཝ྄ཧཡཱསི (ཀ.)] ནཾ’’.

༨༨.

‘‘ཨདཱུསིཡཾ ཙེ ཨབྷིཔཱརཀ ཏྭཾ, ཙཛཱསི ཀཏྟེ ཨཧིཏཱཡ ཏྱསྶ;

མཧཱ ཙ ཏེ ཨུཔཝཱདོཔི ཨསྶ, ན ཙཱཔི ཏྱསྶ ནགརམྷི པཀྑོ’’.

༨༩.

‘‘ཨཧཾ སཧིསྶཾ ཨུཔཝཱདམེཏཾ, ནིནྡཾ པསཾསཾ གརཧཉྩ སབྦཾ;

མམེཏམཱགཙྪཏུ བྷཱུམིཔཱལ, ཡཐཱསུཁཾ ¶ སིཝི [སིབྦ (སཱི. པཱི.)] ཀརོཧི ཀཱམཾ’’.

༩༠.

‘‘ཡོ ¶ ནེཝ ནིནྡཾ ན པནཔྤསཾསཾ, ཨཱདིཡཏི གརཧཾ ནོཔི པཱུཛཾ;

སིརཱི ཙ ལཀྑཱི ཙ ཨཔེཏི ཏམྷཱ, ཨཱཔོ སུཝུཊྛཱིཝ ཡཐཱ ཐལམྷཱ’’.

༩༡.

‘‘ཡཾ ཀིཉྩི དུཀྑཉྩ སུཁཉྩ ཨེཏྟོ, དྷམྨཱཏིསཱརཉྩ མནོཝིགྷཱཏཾ;

ཨུརསཱ ཨཧཾ པཙྩུཏྟརིསྶཱམི [པཊིཙྪིསྶཱམི (སཱི. སྱཱ.), པཙྩུཔདིསྶཱམི (པཱི.)] སབྦཾ, པཐཝཱི ཡཐཱ ཐཱཝརཱནཾ ཏསཱནཾ’’.

༩༢.

‘‘དྷམྨཱཏིསཱརཉྩ མནོཝིགྷཱཏཾ, དུཀྑཉྩ ནིཙྪཱམི ཨཧཾ པརེསཾ;

ཨེཀོཝིམཾ ཧཱརཡིསྶཱམི བྷཱརཾ, དྷམྨེ ཋིཏོ ཀིཉྩི ཨཧཱཔཡནྟོ’’.

༩༣.

‘‘སགྒཱུཔགཾ པུཉྙཀམྨཾ ཛནིནྡ, མཱ མེ ཏུཝཾ ཨནྟརཱཡཾ ཨཀཱསི;

དདཱམི ཏེ ཨུམྨདནྟིཾ པསནྣོ, རཱཛཱཝ ཡཉྙེ དྷནཾ བྲཱཧྨཎཱནཾ’’.

༩༤.

‘‘ཨདྡྷཱ ཏུཝཾ ཀཏྟེ ཧིཏེསི མཡ྄ཧཾ, སཁཱ མམཾ ཨུམྨདནྟཱི ཏུཝཉྩ;

ནིནྡེཡྻུ དེཝཱ པིཏརོ ཙ སབྦེ, པཱཔཉྩ ¶ པསྶཾ ཨབྷིསམྤརཱཡཾ’’.

༩༥.

‘‘ན ཧེཏདྷམྨཾ སིཝིརཱཛ ཝཛྫུཾ, སནེགམཱ ཛཱནཔདཱ ཙ སབྦེ;

ཡཾ ཏེ མཡཱ ཨུམྨདནྟཱི པདིནྣཱ, བྷུསེཧི རཱཛཱ ཝནཐཾ སཛཱཧི’’.

༩༦.

‘‘ཨདྡྷཱ ¶ ཏུཝཾ ཀཏྟེ ཧིཏེསི མཡ྄ཧཾ, སཁཱ མམཾ ཨུམྨདནྟཱི ཏུཝཉྩ;

སཏཉྩ དྷམྨཱནི སུཀིཏྟིཏཱནི, སམུདྡཝེལཱཝ དུརཙྩཡཱནི’’.

༩༧.

‘‘ཨཱཧུནེཡྻོ ¶ མེསི ཧིཏཱནུཀམྤཱི, དྷཱཏཱ ཝིདྷཱཏཱ ཙསི ཀཱམཔཱལོ;

ཏཡཱི ཧུཏཱ རཱཛ མཧཔྥལཱ ཧི [མཧཔྥལཱ ཧི མེ (པཱི.)], ཀཱམེན མེ ཨུམྨདནྟིཾ པཊིཙྪ’’.

༩༨.

‘‘ཨདྡྷཱ ཧི སབྦཾ ཨབྷིཔཱརཀ ཏྭཾ, དྷམྨཾ ཨཙཱརཱི མམ ཀཏྟུཔུཏྟ;

ཨཉྙོ ནུ ཏེ ཀོ ཨིདྷ སོཏྠིཀཏྟཱ, དྭིཔདོ ནརོ ཨརུཎེ ཛཱིཝལོཀེ’’.

༩༩.

‘‘ཏུཝཾ ནུ སེཊྛོ ཏྭམནུཏྟརོསི, ཏྭཾ དྷམྨགཱུ [དྷམྨགུཏྟོ (སཱི.)] དྷམྨཝིདཱུ སུམེདྷོ;

སོ དྷམྨགུཏྟོ ཙིརམེཝ ཛཱིཝ, དྷམྨཉྩ ¶ མེ དེསཡ དྷམྨཔཱལ’’.

༡༠༠.

‘‘ཏདིངྒྷ ཨབྷིཔཱརཀ, སུཎོཧི ཝཙནཾ མམ;

དྷམྨཾ ཏེ དེསཡིསྶཱམི, སཏཾ ཨཱསེཝིཏཾ ཨཧཾ.

༡༠༡.

‘‘སཱདྷུ དྷམྨརུཙི རཱཛཱ, སཱདྷུ པཉྙཱཎཝཱ ནརོ;

སཱདྷུ མིཏྟཱནམདྡུབྦྷོ, པཱཔསྶཱཀརཎཾ སུཁཾ.

༡༠༢.

‘‘ཨཀྐོདྷནསྶ ཝིཛིཏེ, ཋིཏདྷམྨསྶ རཱཛིནོ;

སུཁཾ མནུསྶཱ ཨཱསེཐ, སཱིཏཙྪཱཡཱཡ སངྒྷརེ.

༡༠༣.

‘‘ན ཙཱཧམེཏཾ ཨབྷིརོཙཡཱམི, ཀམྨཾ ཨསམེཀྑཀཏཾ ཨསཱདྷུ;

ཡེ ཝཱཔི ཉཏྭཱན སཡཾ ཀརོནྟི, ཨུཔམཱ ཨིམཱ མཡ྄ཧཾ ཏུཝཾ སུཎོཧི.

༡༠༤.

‘‘གཝཾ ཙེ ཏརམཱནཱནཾ, ཛིམྷཾ གཙྪཏི པུངྒཝོ;

སབྦཱ ཏཱ ཛིམྷཾ གཙྪནྟི, ནེཏྟེ ཛིམྷཾ གཏེ སཏི.

༡༠༥.

‘‘ཨེཝམེཝ [ཨེཝམེཝཾ (པཱི.)] མནུསྶེསུ, ཡོ ཧོཏི སེཊྛསམྨཏོ;

སོ ཙེ ཨདྷམྨཾ ཙརཏི, པགེཝ ཨིཏརཱ པཛཱ;

སབྦཾ ¶ རཊྛཾ དུཁཾ སེཏི, རཱཛཱ ཙེ ཧོཏི ཨདྷམྨིཀོ.

༡༠༦.

‘‘གཝཾ ¶ ཙེ ཏརམཱནཱནཾ, ཨུཛུཾ གཙྪཏི པུངྒཝོ;

སབྦཱ གཱཝཱི ཨུཛུཾ ཡནྟི, ནེཏྟེ ཨུཛུཾ གཏེ སཏི.

༡༠༧.

‘‘ཨེཝམེཝ མནུསྶེསུ, ཡོ ཧོཏི སེཊྛསམྨཏོ;

སོ སཙེ དྷམྨཾ ཙརཏི, པགེཝ ཨིཏརཱ པཛཱ;

སབྦཾ རཊྛཾ སུཁཾ སེཏི, རཱཛཱ ཙེ ཧོཏི དྷམྨིཀོ.

༡༠༨.

‘‘ན ཙཱཔཱཧཾ ཨདྷམྨེན, ཨམརཏྟམབྷིཔཏྠཡེ;

ཨིམཾ ཝཱ པཐཝིཾ སབྦཾ, ཝིཛེཏུཾ ཨབྷིཔཱརཀ.

༡༠༩.

‘‘ཡཉྷི ཀིཉྩི མནུསྶེསུ, རཏནཾ ཨིདྷ ཝིཛྫཏི;

གཱཝོ དཱསོ ཧིརཉྙཉྩ, ཝཏྠིཡཾ ཧརིཙནྡནཾ.

༡༡༠.

‘‘ཨསྶིཏྠིཡོ ¶ [ཨསྶིཏྠིཡོ ཙ (སཱི.)] རཏནཾ མཎིཀཉྩ, ཡཉྩཱཔི མེ ཙནྡསཱུརིཡཱ ཨབྷིཔཱལཡནྟི;

ན ཏསྶ ཧེཏུ ཝིསམཾ ཙརེཡྻཾ, མཛ྄ཛྷེ སིཝཱིནཾ ཨུསབྷོམྷི ཛཱཏོ.

༡༡༡.

‘‘ནེཏཱ ཧིཏཱ [ནེཏཱབྷི ཏཱ (སཱི.)] ཨུགྒཏོ རཊྛཔཱལོ, དྷམྨཾ སིཝཱིནཾ ཨཔཙཱཡམཱནོ;

སོ དྷམྨམེཝཱནུཝིཙིནྟཡནྟོ, ཏསྨཱ སཀེ ཙིཏྟཝསེ ན ཝཏྟོ’’.

༡༡༢.

‘‘ཨདྡྷཱ ཏུཝཾ མཧཱརཱཛ, ནིཙྩཾ ཨབྱསནཾ སིཝཾ;

ཀརིསྶསི ཙིརཾ རཛྫཾ, པཉྙཱ ཧི ཏཝ ཏཱདིསཱི.

༡༡༣.

‘‘ཨེཏཾ ཏེ ཨནུམོདཱམ, ཡཾ དྷམྨཾ ནཔྤམཛྫསི;

དྷམྨཾ པམཛྫ ཁཏྟིཡོ, རཊྛཱ [ཋཱནཱ (སཱི.)] ཙཝཏི ཨིསྶརོ.

༡༡༤.

‘‘དྷམྨཾ ཙར མཧཱརཱཛ, མཱཏཱཔིཏཱུསུ ཁཏྟིཡ;

ཨིདྷ ¶ དྷམྨཾ ཙརིཏྭཱན, རཱཛ སགྒཾ གམིསྶསི.

༡༡༥.

‘‘དྷམྨཾ ཙར མཧཱརཱཛ, པུཏྟདཱརེསུ ཁཏྟིཡ…པེ….

༡༡༦.

‘‘དྷམྨཾ ཙར མཧཱརཱཛ, མིཏྟཱམཙྩེསུ ཁཏྟིཡ…པེ….

༡༡༧.

‘‘དྷམྨཾ ཙར མཧཱརཱཛ, ཝཱཧནེསུ བལེསུ ཙ…པེ….

༡༡༨.

‘‘དྷམྨཾ ཙར མཧཱརཱཛ, གཱམེསུ ནིགམེསུ ཙ…པེ….

༡༡༩.

‘‘དྷམྨཾ ¶ ཙར མཧཱརཱཛ, རཊྛེསུ ཛནཔདེསུ ཙ…པེ….

༡༢༠.

‘‘དྷམྨཾ ཙར མཧཱརཱཛ, སམཎབྲཱཧྨཎེསུ ཙ…པེ….

༡༢༡.

‘‘དྷམྨཾ ཙར མཧཱརཱཛ, མིགཔཀྑཱིསུ ཁཏྟིཡ…པེ….

༡༢༢.

‘‘དྷམྨཾ ཙར མཧཱརཱཛ, དྷམྨོ ཙིཎྞོ སུཁཱཝཧོ;

ཨིདྷ དྷམྨཾ ཙརིཏྭཱན, རཱཛ སགྒཾ གམིསྶསི.

༡༢༣.

‘‘དྷམྨཾ ཙར མཧཱརཱཛ, སཨིནྡཱ དེཝཱ སབྲཧྨཀཱ;

སུཙིཎྞེན དིཝཾ པཏྟཱ, མཱ དྷམྨཾ རཱཛ པཱམདོ’’ཏི.

ཨུམྨཱདནྟཱིཛཱཏཀཾ དུཏིཡཾ.

༥༢༨. མཧཱབོདྷིཛཱཏཀཾ (༣)

༡༢༤.

‘‘ཀིཾ ¶ ནུ དཎྜཾ ཀིམཛིནཾ, ཀིཾ ཚཏྟཾ ཀིམུཔཱཧནཾ;

ཀིམངྐུསཉྩ པཏྟཉྩ, སངྒྷཱཊིཉྩཱཔི བྲཱཧྨཎ;

ཏརམཱནརཱུཔོཧཱསི [གཎྷཱསི (སཱི. སྱཱ. པཱི.)], ཀིཾ ནུ པཏྠཡསེ དིསཾ’’.

༡༢༥.

‘‘དྭཱདསེཏཱནི ¶ ཝསྶཱནི, ཝུསིཏཱནི ཏཝནྟིཀེ;

ནཱབྷིཛཱནཱམི སོཎེན, པིངྒལེནཱབྷིཀཱུཛིཏཾ.

༡༢༦.

‘‘སྭཱཡཾ དིཏྟོཝ ནདཏི, སུཀྐདཱཋཾ ཝིདཾསཡཾ;

ཏཝ སུཏྭཱ སབྷརིཡསྶ, ཝཱིཏསདྡྷསྶ མཾ པཏི’’.

༡༢༧.

‘‘ཨཧུ ཨེས ཀཏོ དོསོ, ཡཐཱ བྷཱསསི བྲཱཧྨཎ;

ཨེས བྷིཡྻོ པསཱིདཱམི, ཝས བྲཱཧྨཎ མཱགམཱ’’.

༡༢༨.

‘‘སབྦསེཏོ པུརེ ཨཱསི, ཏཏོཔི སབལོ ཨཧུ;

སབྦལོཧིཏཀོ དཱནི, ཀཱལོ པཀྐམིཏུཾ མམ.

༡༢༩.

‘‘ཨབྦྷནྟརཾ པུརེ ཨཱསི, ཏཏོ མཛ྄ཛྷེ ཏཏོ བཧི;

པུརཱ ནིདྡྷམནཱ ཧོཏི, སཡམེཝ ཝཛཱམཧཾ.

༡༣༠.

‘‘ཝཱིཏསདྡྷཾ ན སེཝེཡྻ, ཨུདཔཱནཾཝནོདཀཾ;

སཙེཔི ནཾ ཨནུཁཎེ, ཝཱརི ཀདྡམགནྡྷིཀཾ.

༡༣༡.

‘‘པསནྣམེཝ སེཝེཡྻ, ཨཔྤསནྣཾ ཝིཝཛྫཡེ;

པསནྣཾ པཡིརུཔཱསེཡྻ, རཧདཾ ཝུདཀཏྠིཀོ.

༡༣༢.

‘‘བྷཛེ ¶ བྷཛནྟཾ པུརིསཾ, ཨབྷཛནྟཾ ན བྷཛྫཡེ [བྷཱཛཡེ (པཱི.)];

ཨསཔྤུརིསདྷམྨོ སོ, ཡོ བྷཛནྟཾ ན བྷཛྫཏི [བྷཱཛཏི (པཱི.)].

༡༣༣.

‘‘ཡོ ¶ བྷཛནྟཾ ན བྷཛཏི, སེཝམཱནཾ ན སེཝཏི;

ས ཝེ མནུསྶཔཱཔིཊྛོ, མིགོ སཱཁསྶིཏོ ཡཐཱ.

༡༣༤.

‘‘ཨཙྩཱབྷིཀྑཎསཾསགྒཱ, ཨསམོསརཎེན ཙ;

ཨེཏེན མིཏྟཱ ཛཱིརནྟི, ཨཀཱལེ ཡཱཙནཱཡ ཙ.

༡༣༥.

‘‘ཏསྨཱ ནཱབྷིཀྑཎཾ གཙྪེ, ན ཙ གཙྪེ ཙིརཱཙིརཾ;

ཀཱལེན ཡཱཙཾ ཡཱཙེཡྻ, ཨེཝཾ མིཏྟཱ ན ཛཱིཡརེ [ཛཱིརརེ (སྱཱ. པཱི.)].

༡༣༦.

‘‘ཨཏིཙིརཾ ནིཝཱསེན, པིཡོ བྷཝཏི ཨཔྤིཡོ;

ཨཱམནྟ ཁོ ཏཾ གཙྪཱམ, པུརཱ ཏེ ཧོམ ཨཔྤིཡཱ’’.

༡༣༧.

‘‘ཨེཝཾ ཙེ ཡཱཙམཱནཱནཾ, ཨཉྫལིཾ ནཱཝབུཛ྄ཛྷསི;

པརིཙཱརཀཱནཾ སཏཾ [པརིཙཱརིཀཱནཾ སཏྟཱནཾ (སཱི. སྱཱ. པཱི.)], ཝཙནཾ ན ཀརོསི ནོ;

ཨེཝཾ ཏཾ ཨབྷིཡཱཙཱམ, པུན ཀཡིརཱསི པརིཡཱཡཾ’’.

༡༣༨.

‘‘ཨེཝཾ ཙེ ནོ ཝིཧརཏཾ, ཨནྟརཱཡོ ན ཧེསྶཏི;

ཏུཡ྄ཧཾ ཝཱཔི [ཏུམྷཉྩཱཔི (སཱི.), ཏུཡ྄ཧཉྩཱཔི (པཱི.)] མཧཱརཱཛ, མཡ྄ཧཾ ཝཱ [ཨམྷཾ ཝཱ (སཱི.), མཡ྄ཧཉྩ (པཱི.)] རཊྛཝདྡྷན;

ཨཔྤེཝ ནཱམ པསྶེམ, ཨཧོརཏྟཱནམཙྩཡེ’’.

༡༣༩.

‘‘ཨུདཱིརཎཱ ¶ ཙེ སཾགཏྱཱ, བྷཱཝཱཡ མནུཝཏྟཏི;

ཨཀཱམཱ ཨཀརཎཱིཡཾ ཝཱ, ཀརཎཱིཡཾ ཝཱཔི ཀུབྦཏི;

ཨཱཀཱམཱཀརཎཱིཡམྷི, ཀྭིདྷ པཱཔེན ལིཔྤཏི [ལིམྤཏི (སྱཱ. ཀ.)].

༡༤༠.

‘‘སོ ཙེ ཨཏྠོ ཙ དྷམྨོ ཙ, ཀལྱཱཎོ ན ཙ པཱཔཀོ;

བྷོཏོ ཙེ ཝཙནཾ སཙྩཾ, སུཧཏོ ཝཱནརོ མཡཱ.

༡༤༡.

‘‘ཨཏྟནོ ཙེ ཧི ཝཱདསྶ, ཨཔརཱདྷཾ ཝིཛཱནིཡཱ [ཝིཛཱནིཡ (སཱི. སྱཱ. པཱི.)];

ན ¶ མཾ ཏྭཾ གརཧེཡྻཱསི, བྷོཏོ ཝཱདོ ཧི ཏཱདིསོ’’.

༡༤༢.

‘‘ཨིསྶརོ ¶ སབྦལོཀསྶ, སཙེ ཀཔྤེཏི ཛཱིཝིཏཾ;

ཨིདྡྷིཾ [ཨིདྡྷི (པཱི. ཀ.)] བྱསནབྷཱཝཉྩ, ཀམྨཾ ཀལྱཱཎཔཱཔཀཾ;

ནིདྡེསཀཱརཱི པུརིསོ, ཨིསྶརོ ཏེན ལིཔྤཏི.

༡༤༣.

‘‘སོ ཙེ ཨཏྠོ ཙ དྷམྨོ ཙ, ཀལྱཱཎོ ན ཙ པཱཔཀོ;

བྷོཏོ ཙེ ཝཙནཾ སཙྩཾ, སུཧཏོ ཝཱནརོ མཡཱ.

༡༤༤.

‘‘ཨཏྟནོ ཙེ ཧི ཝཱདསྶ, ཨཔརཱདྷཾ ཝིཛཱནིཡཱ;

ན མཾ ཏྭཾ གརཧེཡྻཱསི, བྷོཏོ ཝཱདོ ཧི ཏཱདིསོ’’.

༡༤༥.

‘‘སཙེ པུབྦེཀཏཧེཏུ, སུཁདུཀྑཾ ནིགཙྪཏི;

པོརཱཎཀཾ ཀཏཾ པཱཔཾ, ཏམེསོ མུཙྩཏེ [མུཉྩཏེ (སཱི. སྱཱ.)] ཨིཎཾ;

པོརཱཎཀཨིཎམོཀྑོ, ཀྭིདྷ པཱཔེན ལིཔྤཏི.

༡༤༦.

‘‘སོ ཙེ ཨཏྠོ ཙ དྷམྨོ ཙ, ཀལྱཱཎོ ན ཙ པཱཔཀོ;

བྷོཏོ ཙེ ཝཙནཾ སཙྩཾ, སུཧཏོ ཝཱནརོ མཡཱ.

༡༤༧.

‘‘ཨཏྟནོ ཙེ ཧི ཝཱདསྶ, ཨཔརཱདྷཾ ཝིཛཱནིཡཱ;

ན མཾ ཏྭཾ གརཧེཡྻཱསི, བྷོཏོ ཝཱདོ ཧི ཏཱདིསོ’’.

༡༤༨.

‘‘ཙཏུནྣཾཡེཝུཔཱདཱཡ, རཱུཔཾ སམྦྷོཏི པཱཎིནཾ;

ཡཏོ ཙ རཱུཔཾ སམྦྷོཏི, ཏཏྠེཝཱནུཔགཙྪཏི;

ཨིདྷེཝ ཛཱིཝཏི ཛཱིཝོ, པེཙྩ པེཙྩ ཝིནསྶཏི.

༡༤༩.

ཨུཙྪིཛྫཏི ཨཡཾ ལོཀོ, ཡེ བཱལཱ ཡེ ཙ པཎྜིཏཱ;

ཨུཙྪིཛྫམཱནེ ལོཀསྨིཾ, ཀྭིདྷ པཱཔེན ལིཔྤཏི.

༡༥༠.

‘‘སོ ¶ ཙེ ཨཏྠོ ཙ དྷམྨོ ཙ, ཀལྱཱཎོ ན ཙ པཱཔཀོ;

བྷོཏོ ཙེ ཝཙནཾ སཙྩཾ, སུཧཏོ ཝཱནརོ མཡཱ.

༡༥༡.

‘‘ཨཏྟནོ ཙེ ཧི ཝཱདསྶ, ཨཔརཱདྷཾ ཝིཛཱནིཡཱ;

ན མཾ ཏྭཾ གརཧེཡྻཱསི, བྷོཏོ ཝཱདོ ཧི ཏཱདིསོ’’.

༡༥༢.

‘‘ཨཱཧུ ¶ ཁཏྟཝིདཱ [ཁཏྟཝིདྷཱ (སཱི. སྱཱ. པཱི.)] ལོཀེ, བཱལཱ པཎྜིཏམཱནིནོ.

མཱཏརཾ པིཏརཾ ཧཉྙེ, ཨཐོ ཛེཊྛམྤི བྷཱཏརཾ;

ཧནེཡྻ པུཏྟ [པུཏྟེ ཙ (པཱི.)] དཱརེ ཙ, ཨཏྠོ ཙེ ཏཱདིསོ སིཡཱ.

༡༥༣.

‘‘ཡསྶ ¶ རུཀྑསྶ ཚཱཡཱཡ, ནིསཱིདེཡྻ སཡེཡྻ ཝཱ;

ན ཏསྶ སཱཁཾ བྷཉྫེཡྻ, མིཏྟདུབྦྷོ [མིཏྟདཱུབྷཱི (པཱི.)] ཧི པཱཔཀོ.

༡༥༤.

‘‘ཨཐ ཨཏྠེ སམུཔྤནྣེ, སམཱུལམཔི ཨབྦཧེ [ཨབྦྷཧེ (སྱཱ. ཀ.)];

ཨཏྠོ མེ སམྦལེནཱཔི, སུཧཏོ ཝཱནརོ མཡཱ.

༡༥༥.

[ཨཡཾ གཱཐཱ སཱིཧལ༹པོཏྠཀེ ནཏྠི] ‘‘སོ ཙེ ཨཏྠོ ཙ དྷམྨོ ཙ, ཀལྱཱཎོ ན ཙ པཱཔཀོ;

བྷོཏོ ཙེ ཝཙནཾ སཙྩཾ, སུཧཏོ ཝཱནརོ མཡཱ [ཨཡཾ གཱཐཱ སཱིཧལ༹པོཏྠཀེ ནཏྠི].

༡༥༦.

‘‘ཨཏྟནོ ཙེ ཧི ཝཱདསྶ, ཨཔརཱདྷཾ ཝིཛཱནིཡཱ;

ན མཾ ཏྭཾ གརཧེཡྻཱསི, བྷོཏོ ཝཱདོ ཧི ཏཱདིསོ.

༡༥༧.

‘‘ཨཧེཏུཝཱདོ པུརིསོ, ཡོ ཙ ཨིསྶརཀུཏྟིཀོ;

པུབྦེཀཏཱི ཙ ཨུཙྪེདཱི, ཡོ ཙ ཁཏྟཝིདོ ནརོ.

༡༥༨.

‘‘ཨེཏེ ཨསཔྤུརིསཱ ལོཀེ, བཱལཱ པཎྜིཏམཱནིནོ;

ཀརེཡྻ ཏཱདིསོ པཱཔཾ, ཨཐོ ཨཉྙམྤི ཀཱརཡེ;

ཨསཔྤུརིསསཾསགྒོ ¶ , དུཀྑནྟོ [དུཀྐཊོ (སཱི.)] ཀཊུཀུདྲཡོ.

༡༥༩.

‘‘ཨུརབྦྷརཱུཔེན ཝཀསྶུ [བཀཱསུ (སཱི. སྱཱ.), ཝཀཱསུ (པཱི.)] པུབྦེ, ཨསཾཀིཏོ ཨཛཡཱུཐཾ ཨུཔེཏི;

ཧནྟྭཱ ཨུརཎིཾ ཨཛིཀཾ [ཨཛིཡཾ (སཱི. སྱཱ. པཱི.)] ཨཛཉྩ, ཨུཏྲཱསཡིཏྭཱ [ཙིཏྲཱསཡིཏྭཱ (སཱི. པཱི.)] ཡེན ཀཱམཾ པལེཏི.

༡༦༠.

‘‘ཏཐཱཝིདྷེཀེ སམཎབྲཱཧྨཎཱསེ, ཚདནཾ ཀཏྭཱ ཝཉྩཡནྟི མནུསྶེ;

ཨནཱསཀཱ ཐཎྜིལསེཡྻཀཱ ཙ, རཛོཛལླཾ ཨུཀྐུཊིཀཔྤདྷཱནཾ;

པརིཡཱཡབྷཏྟཉྩ ཨཔཱནཀཏྟཱ, པཱཔཱཙཱརཱ ཨརཧནྟོ ཝདཱནཱ.

༡༦༡.

‘‘ཨེཏེ ཨསཔྤུརིསཱ ལོཀེ, བཱལཱ པཎྜིཏམཱནིནོ;

ཀརེཡྻ ཏཱདིསོ པཱཔཾ, ཨཐོ ཨཉྙམྤི ཀཱརཡེ;

ཨསཔྤུརིསསཾསགྒོ, དུཀྑནྟོ ཀཊུཀུདྲཡོ.

༡༦༢.

‘‘ཡམཱཧུ ¶ ནཏྠི ཝཱིརིཡནྟི, ཨཧེཏུཉྩ པཝདནྟི [ཧེཏུཉྩ ཨཔཝདནྟི (སཱི. སྱཱ. པཱི.)] ཡེ;

པརཀཱརཾ ཨཏྟཀཱརཉྩ, ཡེ ཏུཙྪཾ སམཝཎྞཡུཾ.

༡༦༣.

‘‘ཨེཏེ ཨསཔྤུརིསཱ ལོཀེ, བཱལཱ པཎྜིཏམཱནིནོ;

ཀརེཡྻ ཏཱདིསོ པཱཔཾ, ཨཐོ ཨཉྙམྤི ཀཱརཡེ;

ཨསཔྤུརིསསཾསགྒོ, དུཀྑནྟོ ཀཊུཀུདྲཡོ.

༡༦༤.

‘‘སཙེ ¶ ཧི ཝཱིརིཡཾ ནཱསྶ, ཀམྨཾ ཀལྱཱཎཔཱཔཀཾ;

ན ¶ བྷརེ ཝཌྜྷཀིཾ རཱཛཱ, ནཔི ཡནྟཱནི ཀཱརཡེ.

༡༦༥.

‘‘ཡསྨཱ ཙ ཝཱིརིཡཾ ཨཏྠི, ཀམྨཾ ཀལྱཱཎཔཱཔཀཾ;

ཏསྨཱ ཡནྟཱནི ཀཱརེཏི, རཱཛཱ བྷརཏི ཝཌྜྷཀིཾ.

༡༦༦.

‘‘ཡདི ཝསྶསཏཾ དེཝོ, ན ཝསྶེ ན ཧིམཾ པཏེ;

ཨུཙྪིཛྫེཡྻ ཨཡཾ ལོཀོ, ཝིནསྶེཡྻ ཨཡཾ པཛཱ.

༡༦༧.

‘‘ཡསྨཱ ཙ ཝསྶཏཱི དེཝོ, ཧིམཉྩཱནུཕུསཱཡཏི;

ཏསྨཱ སསྶཱནི པཙྩནྟི, རཊྛཉྩ པཱལིཏེ [པལླཏེ (སཱི. པཱི.), པོལཡཏེ (སྱཱ.)] ཙིརཾ.

༡༦༨.

‘‘གཝཾ ཙེ ཏརམཱནཱནཾ, ཛིམྷཾ གཙྪཏི པུངྒཝོ;

སབྦཱ ཏཱ ཛིམྷཾ གཙྪནྟི, ནེཏྟེ ཛིམྷཾ [ཛིམྷ (པཱི.)] གཏེ སཏི.

༡༦༩.

‘‘ཨེཝམེཝ [ཨེཝམེཝཾ (པཱི.)] མནུསྶེསུ, ཡོ ཧོཏི སེཊྛསམྨཏོ;

སོ ཙེ ཨདྷམྨཾ ཙརཏི, པགེཝ ཨིཏརཱ པཛཱ;

སབྦཾ རཊྛཾ དུཁཾ སེཏི, རཱཛཱ ཙེ ཧོཏི ཨདྷམྨིཀོ.

༡༧༠.

‘‘གཝཾ ཙེ ཏརམཱནཱནཾ, ཨུཛུཾ གཙྪཏི པུངྒཝོ;

སབྦཱ གཱཝཱི ཨུཛུཾ ཡནྟི, ནེཏྟེ ཨུཛུཾ [ཨུཛཱུ (པཱི.)] གཏེ སཏི.

༡༧༡.

‘‘ཨེཝམེཝ མནུསྶེསུ, ཡོ ཧོཏི སེཊྛསམྨཏོ;

སོ སཙེ [ཙེཝ (སཱི.), ཙེཔི (ཀ.)] དྷམྨཾ ཙརཏི, པགེཝ ཨིཏརཱ པཛཱ;

སབྦཾ རཊྛཾ སུཁཾ སེཏི, རཱཛཱ ཙེ ཧོཏི དྷམྨིཀོ.

༡༧༢.

‘‘མཧཱརུཀྑསྶ ཕལིནོ, ཨཱམཾ ཚིནྡཏི ཡོ ཕལཾ;

རསཉྩསྶ ན ཛཱནཱཏི, བཱིཛཉྩསྶ ཝིནསྶཏི.

༡༧༣.

‘‘མཧཱརུཀྑཱུཔམཾ ¶ རཊྛཾ, ཨདྷམྨེན པསཱསཏི;

རསཉྩསྶ ན ཛཱནཱཏི, རཊྛཉྩསྶ ཝིནསྶཏི.

༡༧༤.

‘‘མཧཱརུཀྑསྶ ¶ ཕལིནོ, པཀྐཾ ཚིནྡཏི ཡོ ཕལཾ;

རསཉྩསྶ ཝིཛཱནཱཏི, བཱིཛཉྩསྶ ན ནསྶཏི.

༡༧༥.

‘‘མཧཱརུཀྑཱུཔམཾ རཊྛཾ, དྷམྨེན ཡོ པསཱསཏི;

རསཉྩསྶ ཝིཛཱནཱཏི, རཊྛཉྩསྶ ན ནསྶཏི.

༡༧༦.

‘‘ཡོ ཙ རཱཛཱ ཛནཔདཾ, ཨདྷམྨེན པསཱསཏི;

སབྦོསདྷཱིཧི སོ རཱཛཱ, ཝིརུདྡྷོ ཧོཏི ཁཏྟིཡོ.

༡༧༧.

‘‘ཏཐེཝ ནེགམེ ཧིཾསཾ, ཡེ ཡུཏྟཱ ཀཡཝིཀྐཡེ;

ཨོཛདཱནབལཱིཀཱརེ, ས ཀོསེན ཝིརུཛ྄ཛྷཏི.

༡༧༨.

‘‘པཧཱརཝརཁེཏྟཉྙཱུ ¶ , སངྒཱམེ ཀཏནིསྶམེ [ཀཏནིཡམེ (ཀ.)];

ཨུསྶིཏེ ཧིཾསཡཾ རཱཛཱ, ས བལེན ཝིརུཛ྄ཛྷཏི.

༡༧༩.

‘‘ཏཐེཝ ཨིསཡོ ཧིཾསཾ, སཉྙཏེ [སཾཡམེ (སྱཱ. ཀ.)] བྲཧྨཙཱརིཡོ [བྲཧྨཙཱརིནོ (སཱི.)];

ཨདྷམྨཙཱརཱི ཁཏྟིཡོ, སོ སགྒེན ཝིརུཛ྄ཛྷཏི.

༡༨༠.

‘‘ཡོ ཙ རཱཛཱ ཨདྷམྨཊྛོ, བྷརིཡཾ ཧནྟི ཨདཱུསིཀཾ;

ལུདྡཾ པསཝཏེ ཋཱནཾ [པཱཔཾ (སཱི.)], པུཏྟེཧི ཙ ཝིརུཛ྄ཛྷཏི.

༡༨༡.

‘‘དྷམྨཾ ཙརེ ཛཱནཔདེ, ནེགམེསུ [ནིགམེསུ (སཱི.)] བལེསུ ཙ;

ཨིསཡོ ཙ ན ཧིཾསེཡྻ, པུཏྟདཱརེ སམཾ ཙརེ.

༡༨༢.

‘‘ས ཏཱདིསོ བྷཱུམིཔཏི, རཊྛཔཱལོ ཨཀོདྷནོ;

སཔཏྟེ ¶ [སཱམནྟེ (སཱི. སྱཱ. པཱི.)] སམྤཀམྤེཏི, ཨིནྡོཝ ཨསུརཱདྷིཔོ’’ཏི.

མཧཱབོདྷིཛཱཏཀཾ ཏཏིཡཾ.

པཎྞཱསནིཔཱཏཾ ནིཊྛིཏཾ.

ཏསྶུདྡཱནཾ –

སནིལཱི༹ནིཀམཝ྄ཧཡནོ པཋམོ, དུཏིཡོ པན སཨུམྨདནྟིཝརོ;

ཏཏིཡོ པན བོདྷིསིརཱིཝ྄ཧཡནོ, ཀཐིཏཱ པན ཏཱིཎི ཛིནེན སུབྷཱཏི.

༡༩. སཊྛིནིཔཱཏོ

༥༢༩. སོཎཀཛཱཏཀཾ (༡)

༡.

‘‘ཏསྶ ¶ ¶ ¶ སུཏྭཱ སཏཾ དམྨི, སཧསྶཾ དིཊྛ [དཊྛུ (སཱི. པཱི.)] སོཎཀཾ;

ཀོ མེ སོཎཀམཀྑཱཏི, སཧཱཡཾ པཾསུཀཱིལི༹ཏཾ’’.

༢.

‘‘ཨཐབྲཝཱི མཱཎཝཀོ, དཧརོ པཉྩཙཱུལ༹ཀོ;

མཡ྄ཧཾ སུཏྭཱ སཏཾ དེཧི, སཧསྶཾ དིཊྛ [དཊྛུ (སཱི. པཱི.)] སོཎཀཾ;

ཨཧཾ ཏེ སོཎཀཀྑིསྶཾ [ཨཧཾ སོཎཀམཀྑིསྶཾ (སཱི. པཱི.), ཨཧཾ ཏེ སོཎཀམཀྑིསྶཾ (སྱཱ.)], སཧཱཡཾ པཾསུཀཱིལི༹ཏཾ’’.

༣.

‘‘ཀཏམསྨིཾ [ཀཏརསྨིཾ (སཱི. སྱཱ. པཱི.)] སོ ཛནཔདེ, རཊྛེསུ ནིགམེསུ ཙ;

ཀཏྠ སོཎཀམདྡཀྑི [ཀཏྠ ཏེ སོཎཀོ དིཊྛོ (སཱི. པཱི.)], ཏཾ མེ ཨཀྑཱཧི པུཙྪིཏོ’’.

༤.

‘‘ཏཝེཝ དེཝ ཝིཛིཏེ, ཏཝེཝུཡྻཱནབྷཱུམིཡཱ;

ཨུཛུཝཾསཱ མཧཱསཱལཱ, ནཱིལོབྷཱསཱ མནོརམཱ.

༥.

‘‘ཏིཊྛནྟི མེགྷསམཱནཱ, རམྨཱ ཨཉྙོཉྙནིསྶིཏཱ;

ཏེསཾ མཱུལམྷི [མཱུལསྨིཾ (སཱི. པཱི.), མཱུལསྨི (སྱཱ.)] སོཎཀོ, ཛྷཱཡཏཱི ཨནུཔཱདནོ [ཨནུཔཱདིནོ (སྱཱ.), ཨནུཔཱདཱནོ (པཱི.)];

ཨུཔཱདཱནེསུ ལོཀེསུ, ཌཡ྄ཧམཱནེསུ ནིབྦུཏོ.

༦.

‘‘ཏཏོ ཙ རཱཛཱ པཱཡཱསི, སེནཱཡ ཙཏུརངྒིཡཱ;

ཀཱརཱཔེཏྭཱ སམཾ མགྒཾ, ཨགམཱ ཡེན སོཎཀོ.

༧.

‘‘ཨུཡྻཱནབྷཱུམིཾ གནྟྭཱན, ཝིཙརནྟོ བྲཧཱཝནེ;

ཨཱསཱིནཾ ¶ སོཎཀཾ དཀྑི, ཌཡ྄ཧམཱནེསུ ནིབྦུཏཾ’’.

༨.

‘‘ཀཔཎོ ཝཏཡཾ བྷིཀྑུ, མུཎྜོ སངྒྷཱཊིཔཱརུཏོ;

ཨམཱཏིཀོ ཨཔིཏིཀོ, རུཀྑམཱུལསྨི ཛྷཱཡཏི’’.

༩.

‘‘ཨིམཾ ཝཱཀྱཾ ནིསཱམེཏྭཱ, སོཎཀོ ཨེཏདབྲཝི;

‘ན རཱཛ ཀཔཎོ ཧོཏི, དྷམྨཾ ཀཱཡེན ཕསྶཡཾ [ཕུསཡཾ (ཀ.)].

༡༠.

‘ཡོ ¶ ཙ [ཡོདྷ (སཱི. སྱཱ.)] དྷམྨཾ ནིརཾཀཏྭཱ [ནིརཱཀཏྭཱ (?)], ཨདྷམྨམནུཝཏྟཏི;

ས རཱཛ ཀཔཎོ ཧོཏི, པཱཔོ པཱཔཔརཱཡནོ’’’.

༡༡.

‘‘‘ཨརིནྡམོཏི ¶ མེ ནཱམཾ, ཀཱསིརཱཛཱཏི མཾ ཝིདཱུ;

ཀཙྩི བྷོཏོ སུཁསྶེཡྻཱ [སུཁཱ སེཡྻཱ (པཱི.), སུཁསེཡྻོ (ཀ.)], ཨིདྷ པཏྟསྶ སོཎཀ’’’.

༡༢.

‘‘སདཱཔི བྷདྲམདྷནསྶ, ཨནཱགཱརསྶ བྷིཀྑུནོ;

ན ཏེསཾ ཀོཊྛེ ཨོཔེནྟི, ན ཀུམྦྷིཾ ན ཁལོ༹པིཡཾ [ན ཀུམྦྷེ ན ཀལོ༹པིཡཱ (སྱཱ. པཱི.)];

པརནིཊྛིཏམེསཱནཱ, ཏེན ཡཱཔེནྟི སུབྦཏཱ.

༡༣.

‘‘དུཏིཡམྤི བྷདྲམདྷནསྶ, ཨནཱགཱརསྶ བྷིཀྑུནོ;

ཨནཝཛྫཔིཎྜོ [ཨནཝཛྫོ པིཎྜཱ (པཱི.)] བྷོཏྟབྦོ, ན ཙ ཀོཙཱུཔརོདྷཏི.

༡༤.

‘‘ཏཏིཡམྤི བྷདྲམདྷནསྶ, ཨནཱགཱརསྶ བྷིཀྑུནོ;

ནིབྦུཏོ པིཎྜོ བྷོཏྟབྦོ, ན ཙ ཀོཙཱུཔརོདྷཏི.

༡༥.

‘‘ཙཏུཏྠམྤི [ཙཏུཏྠཾ (པཱི.)] བྷདྲམདྷནསྶ, ཨནཱགཱརསྶ བྷིཀྑུནོ;

མུཏྟསྶ རཊྛེ ཙརཏོ, སངྒོ ཡསྶ ན ཝིཛྫཏི.

༡༦.

‘‘པཉྩམམྤི [པཉྩམཾ (པཱི.)] བྷདྲམདྷནསྶ, ཨནཱགཱརསྶ བྷིཀྑུནོ;

ནགརམྷི ཌཡ྄ཧམཱནམྷི, ནཱསྶ ཀིཉྩི ཨཌཡ྄ཧཐ.

༡༧.

‘‘ཚཊྛམྤི ¶ [ཚཊྛཾ (པཱི.)] བྷདྲམདྷནསྶ, ཨནཱགཱརསྶ བྷིཀྑུནོ;

རཊྛེ ཝིལུམྤམཱནམྷི [ཝིལུཔྤམཱནམྷི (ཀ.)], ནཱསྶ ཀིཉྩི ཨཧཱིརཐ [ཨཧཱརཐ (སཱི. སྱཱ.)].

༡༨.

‘‘སཏྟམམྤི [སཏྟམཾ (པཱི.)] བྷདྲམདྷནསྶ, ཨནཱགཱརསྶ བྷིཀྑུནོ;

ཙོརེཧི རཀྑིཏཾ མགྒཾ, ཡེ ཙཉྙེ པརིཔནྠིཀཱ;

པཏྟཙཱིཝརམཱདཱཡ, སོཏྠིཾ གཙྪཏི སུབྦཏོ.

༡༩.

‘‘ཨཊྛམམྤི [ཨཊྛམཾ (པཱི.)] བྷདྲམདྷནསྶ, ཨནཱགཱརསྶ བྷིཀྑུནོ;

ཡཾ ཡཾ དིསཾ པཀྐམཏི, ཨནཔེཀྑོཝ གཙྪཏི’’.

༢༠.

‘‘བཧཱུཔི བྷདྲཱ [བཧཱུནི སམཎབྷདྲཱནི (སཱི.), བཧཱུཔི བྷདྲཀཱ ཨེཏེ (པཱི.)] ཨེཏེསཾ, ཡོ ཏྭཾ བྷིཀྑུ པསཾསསི;

ཨཧཉྩ གིདྡྷོ ཀཱམེསུ, ཀཐཾ ཀཱཧཱམི སོཎཀ.

༢༡.

‘‘པིཡཱ ¶ མེ མཱནུསཱ ཀཱམཱ, ཨཐོ དིབྱཱཔི མེ པིཡཱ;

ཨཐ ཀེན ནུ ཝཎྞེན, ཨུབྷོ ལོཀེ ལབྷཱམསེ’’.

༢༢.

‘‘ཀཱམེ གིདྡྷཱ [ཀཱམེསུ གིདྡྷཱ (སཱི. པཱི.)] ཀཱམརཏཱ, ཀཱམེསུ ཨདྷིམུཙྪིཏཱ;

ནརཱ པཱཔཱནི ཀཏྭཱན, ཨུཔཔཛྫནྟི དུགྒཏིཾ.

༢༣.

‘‘ཡེ ཙ ཀཱམེ པཧནྟྭཱན [པཧཏྭཱན (སཱི. པཱི.)], ནིཀྑནྟཱ ཨཀུཏོབྷཡཱ;

ཨེཀོདིབྷཱཝཱདྷིགཏཱ, ན ཏེ གཙྪནྟི དུགྒཏིཾ.

༢༤.

‘‘ཨུཔམཾ ཏེ ཀརིསྶཱམི, ཏཾ སུཎོཧི ཨརིནྡམ;

ཨུཔམཱཡ མིདྷེཀཙྩེ [པིདྷེཀཙྩེ (སཱི. པཱི.)], ཨཏྠཾ ཛཱནནྟི པཎྜིཏཱ.

༢༥.

‘‘གངྒཱཡ ¶ ཀུཎཔཾ དིསྭཱ, ཝུཡ྄ཧམཱནཾ མཧཎྞཝེ;

ཝཱཡསོ སམཙིནྟེསི, ཨཔྤཔཉྙོ ཨཙེཏསོ.

༢༦.

‘‘‘ཡཱནཉྩ ¶ ཝཏིདཾ ལདྡྷཾ, བྷཀྑོ ཙཱཡཾ ཨནཔྤཀོ’;

ཏཏྠ རཏྟིཾ ཏཏྠ དིཝཱ, ཏཏྠེཝ ནིརཏོ མནོ.

༢༧.

‘‘ཁཱདཾ ནཱགསྶ མཾསཱནི, པིཝཾ བྷཱགཱིརཐོདཀཾ [བྷཱགིརསོདཀཾ (སཱི. སྱཱ. པཱི. ཀ.)];

སམྤསྶཾ ཝནཙེཏྱཱནི, ན པལེཏྠ [པལེཏྭཱ (ཀ.)] ཝིཧངྒམོ.

༢༨.

‘‘ཏཉྩ [ཏཾཝ (པཱི.)] ཨོཏརཎཱི གངྒཱ, པམཏྟཾ ཀུཎཔེ རཏཾ;

སམུདྡཾ ཨཛ྄ཛྷགཱཧཱསི [ཨཛ྄ཛྷགཱཧཡི (པཱི.)], ཨགཏཱི ཡཏྠ པཀྑིནཾ.

༢༩.

‘‘སོ ཙ བྷཀྑཔརིཀྑཱིཎོ, ཨུདཔཏྭཱ [ཨུཔྤཏིཏྭཱ (སཱི. སྱཱ.), ཨུདཱཔཏྭཱ (པཱི.)] ཝིཧངྒམོ.

ན པཙྪཏོ ན པུརཏོ, ནུཏྟརཾ ནོཔི དཀྑིཎཾ.

༣༠.

‘‘དཱིཔཾ སོ ནཛ྄ཛྷགཱགཉྪི [ན ཨཛ྄ཛྷགཉྪི (སཱི.), ན ཨཛ྄ཛྷགཙྪི (པཱི.)], ཨགཏཱི ཡཏྠ པཀྑིནཾ;

སོ ཙ ཏཏྠེཝ པཱཔཏྠ, ཡཐཱ དུབྦལཀོ ཏཐཱ.

༣༡.

‘‘ཏཉྩ སཱམུདྡིཀཱ མཙྪཱ, ཀུམྦྷཱིལཱ མཀརཱ སུསཱུ;

པསཡ྄ཧཀཱརཱ ཁཱདིཾསུ, ཕནྡམཱནཾ ཝིཔཀྑཀཾ [ཝིཔཀྑིནཾ (སཱི. པཱི.), ཝིཔཀྑིཀཾ (སྱཱ.)].

༣༢.

‘‘ཨེཝམེཝ ¶ ཏུཝཾ རཱཛ, ཡེ ཙཉྙེ ཀཱམབྷོགིནོ;

གིདྡྷཱ ཙེ ན ཝམིསྶནྟི, ཀཱཀཔཉྙཱཝ [ཀཱཀཔཉྙཱཡ (སཱི. སྱཱ. པཱི.)] ཏེ ཝིདཱུ.

༣༣.

‘‘ཨེསཱ ཏེ ཨུཔམཱ རཱཛ, ཨཏྠསནྡསྶནཱི ཀཏཱ;

ཏྭཉྩ པཉྙཱཡསེ ཏེན, ཡདི ཀཱཧསི ཝཱ ན ཝཱ.

༣༤.

‘‘ཨེཀཝཱཙམྤི དྭིཝཱཙཾ, བྷཎེཡྻ ཨནུཀམྤཀོ;

ཏཏུཏྟརིཾ ན བྷཱསེཡྻ, དཱསོཝཡྻསྶ [དཱསོ ཨཡྻསྶ (སཱི.), དཱསོ ཨཡིརསྶ (པཱི.)] སནྟིཀེ’’.

༣༥.

‘‘ཨིདཾ ཝཏྭཱན པཀྐཱམི, སོཎཀོ ཨམིཏབུདྡྷིམཱ [སོཎཀོ’མིཏབུདྡྷིམཱ (?)];

ཝེཧཱསེ ཨནྟལིཀྑསྨིཾ, ཨནུསཱསིཏྭཱན ཁཏྟིཡཾ’’.

༣༦.

‘‘ཀོ ¶ ནུམེ རཱཛཀཏྟཱརོ, སུདྡཱ ཝེཡྻཏྟམཱགཏཱ [སཱུཏཱ ཝེཡྻཏྟིམཱགཏཱ (སཱི. སྱཱ. པཱི.)];

རཛྫཾ ནིཡྻཱདཡིསྶཱམི, ནཱཧཾ རཛྫེན མཏྠིཀོ.

༣༧.

‘‘ཨཛྫེཝ པབྦཛིསྶཱམི, ཀོ ཛཉྙཱ མརཎཾ སུཝེ;

མཱཧཾ ཀཱཀོཝ དུམྨེདྷོ, ཀཱམཱནཾ ཝསམནྭགཾ’’ [ཝསམནྣགཱ (པཱི.)].

༣༨.

‘‘ཨཏྠི ཏེ དཧརོ པུཏྟོ, དཱིགྷཱཝུ རཊྛཝཌྜྷནོ;

ཏཾ རཛྫེ ཨབྷིསིཉྩསྶུ, སོ ནོ རཱཛཱ བྷཝིསྶཏི’’.

༣༩.

‘‘ཁིཔྤཾ ཀུམཱརམཱནེཐ, དཱིགྷཱཝུཾ རཊྛཝཌྜྷནཾ;

ཏཾ རཛྫེ ཨབྷིསིཉྩིསྶཾ, སོ ཝོ རཱཛཱ བྷཝིསྶཏི’’.

༤༠.

‘‘ཏཏོ ¶ ཀུམཱརམཱནེསུཾ, དཱིགྷཱཝུཾ རཊྛཝཌྜྷནཾ;

ཏཾ དིསྭཱ ཨཱལཔཱི རཱཛཱ, ཨེཀཔུཏྟཾ མནོརམཾ.

༤༡.

‘‘སཊྛི གཱམསཧསྶཱནི, པརིཔུཎྞཱནི སབྦསོ;

ཏེ པུཏྟ པཊིཔཛྫསྶུ, རཛྫཾ ནིཡྻཱདཡཱམི ཏེ.

༤༢.

‘‘ཨཛྫེཝ པབྦཛིསྶཱམི, ཀོ ཛཉྙཱ མརཎཾ སུཝེ;

མཱཧཾ ཀཱཀོཝ དུམྨེདྷོ, ཀཱམཱནཾ ཝསམནྭགཾ [ཝསམནྣགཱ (པཱི.)].

༤༣.

‘‘སཊྛི ནཱགསཧསྶཱནི, སབྦཱལངྐཱརབྷཱུསིཏཱ;

སུཝཎྞཀཙྪཱ མཱཏངྒཱ, ཧེམཀཔྤནཝཱསསཱ.

༤༤.

‘‘ཨཱརཱུལ༹ྷཱ ¶ གཱམཎཱིཡེཧི, ཏོམརངྐུསཔཱཎིབྷི;

ཏེ པུཏྟ པཊིཔཛྫསྶུ, རཛྫཾ ནིཡྻཱདཡཱམི ཏེ.

༤༥.

‘‘ཨཛྫེཝ པབྦཛིསྶཱམི, ཀོ ཛཉྙཱ མརཎཾ སུཝེ;

མཱཧཾ ཀཱཀོཝ དུམྨེདྷོ, ཀཱམཱནཾ ཝསམནྭགཾ.

༤༦.

‘‘སཊྛི ¶ ཨསྶསཧསྶཱནི, སབྦཱལངྐཱརབྷཱུསིཏཱ;

ཨཱཛཱནཱིཡཱཝ ཛཱཏིཡཱ, སིནྡྷཝཱ སཱིགྷཝཱཧིནོ.

༤༧.

‘‘ཨཱརཱུལ༹ྷཱ གཱམཎཱིཡེཧི, ཨིལླིཡཱཙཱཔདྷཱརིབྷི [ཨིནྡིཡཱཙཱཔདྷཱརིབྷི (ཀ.)];

ཏེ པུཏྟ པཊིཔཛྫསྶུ, རཛྫཾ ནིཡྻཱདཡཱམི ཏེ.

༤༨.

‘‘ཨཛྫེཝ པབྦཛིསྶཱམི, ཀོ ཛཉྙཱ མརཎཾ སུཝེ;

མཱཧཾ ཀཱཀོཝ དུམྨེདྷོ, ཀཱམཱནཾ ཝསམནྭགཾ.

༤༩.

‘‘སཊྛི རཐསཧསྶཱནི, སནྣདྡྷཱ ཨུསྶིཏདྡྷཛཱ;

དཱིཔཱ ཨཐོཔི ཝེཡྻགྒྷཱ, སབྦཱལངྐཱརབྷཱུསིཏཱ.

༥༠.

‘‘ཨཱརཱུལ༹ྷཱ གཱམཎཱིཡེཧི, ཙཱཔཧཏྠེཧི ཝམྨིབྷི;

ཏེ པུཏྟ པཊིཔཛྫསྶུ, རཛྫཾ ནིཡྻཱདཡཱམི ཏེ.

༥༡.

‘‘ཨཛྫེཝ པབྦཛིསྶཱམི, ཀོ ཛཉྙཱ མརཎཾ སུཝེ;

མཱཧཾ ཀཱཀོཝ དུམྨེདྷོ, ཀཱམཱནཾ ཝསམནྭགཾ.

༥༢.

‘‘སཊྛི དྷེནུསཧསྶཱནི, རོཧཉྙཱ པུངྒཝཱུསབྷཱ;

ཏཱ པུཏྟ པཊིཔཛྫསྶུ, རཛྫཾ ནིཡྻཱདཡཱམི ཏེ.

༥༣.

‘‘ཨཛྫེཝ པབྦཛིསྶཱམི, ཀོ ཛཉྙཱ མརཎཾ སུཝེ;

མཱཧཾ ཀཱཀོཝ དུམྨེདྷོ, ཀཱམཱནཾ ཝསམནྭགཾ.

༥༤.

‘‘སོལ༹སིཏྠིསཧསྶཱནི ¶ , སབྦཱལངྐཱརབྷཱུསིཏཱ;

ཝིཙིཏྲཝཏྠཱབྷརཎཱ, ཨཱམུཏྟམཎིཀུཎྜལཱ;

ཏཱ པུཏྟ པཊིཔཛྫསྶུ, རཛྫཾ ནིཡྻཱདཡཱམི ཏེ.

༥༥.

‘‘ཨཛྫེཝ པབྦཛིསྶཱམི, ཀོ ཛཉྙཱ མརཎཾ སུཝེ;

མཱཧཾ ¶ ཀཱཀོཝ དུམྨེདྷོ, ཀཱམཱནཾ ཝསམནྭགཾ’’.

༥༦.

‘‘དཧརསྶེཝ ¶ མེ ཏཱཏ, མཱཏཱ མཏཱཏི མེ སུཏཾ;

ཏཡཱ ཝིནཱ ཨཧཾ ཏཱཏ, ཛཱིཝིཏུམྤི ན ཨུསྶཧེ.

༥༧.

‘‘ཡཐཱ ཨཱརཉྙཀཾ ནཱགཾ, པོཏོ ཨནྭེཏི པཙྪཏོ;

ཛེསྶནྟཾ གིརིདུགྒེསུ, སམེསུ ཝིསམེསུ ཙ.

༥༨.

‘‘ཨེཝཾ ཏཾ ཨནུགཙྪཱམི, པུཏྟམཱདཱཡ [པཏྟམཱདཱཡ (པཱི.)] པཙྪཏོ;

སུབྷརོ ཏེ བྷཝིསྶཱམི, ན ཏེ ཧེསྶཱམི དུབྦྷརོ’’.

༥༩.

‘‘ཡཐཱ སཱམུདྡིཀཾ ནཱཝཾ, ཝཱཎིཛཱནཾ དྷནེསིནཾ;

ཝོཧཱརོ ཏཏྠ གཎྷེཡྻ, ཝཱཎིཛཱ བྱསནཱི [བྱསནཾ (ཀ.)] སིཡཱ.

༦༠.

‘‘ཨེཝམེཝཱཡཾ པུཏྟཀལི [པུཏྟཀ (སྱཱ.)], ཨནྟརཱཡཀརོ མམ [མམཾ (པཱི.)];

ཨིམཾ ཀུམཱརཾ པཱཔེཐ, པཱསཱདཾ རཏིཝཌྜྷནཾ.

༦༡.

‘‘ཏཏྠ ཀམྦུསཧཏྠཱཡོ, ཡཐཱ སཀྐཾཝ ཨཙྪརཱ;

ཏཱ ནཾ ཏཏྠ རམེསྶནྟི [རམིསྶནྟི (སྱཱ. ཀ.)], ཏཱཧི ཙེསོ [མེསོ (པཱི.)] རམིསྶཏི.

༦༢.

‘‘ཏཏོ ཀུམཱརཾ པཱཔེསུཾ, པཱསཱདཾ རཏིཝཌྜྷནཾ;

ཏཾ དིསྭཱ ཨཝཙུཾ ཀཉྙཱ, དཱིགྷཱཝུཾ རཊྛཝཌྜྷནཾ.

༦༣.

‘‘དེཝཏཱ ནུསི གནྡྷབྦོ, ཨདུ [ཨཱདུ (སཱི. པཱི.)] སཀྐོ པུརིནྡདོ;

ཀོ ཝཱ ཏྭཾ ཀསྶ ཝཱ པུཏྟོ, ཀཐཾ ཛཱནེམུ ཏཾ མཡཾ’’.

༦༤.

‘‘ནམྷི དེཝོ ན གནྡྷབྦོ, ནཱཔི [ནམྷི (ཀ.)] སཀྐོ པུརིནྡདོ;

ཀཱསིརཉྙོ ཨཧཾ པུཏྟོ, དཱིགྷཱཝུ རཊྛཝཌྜྷནོ;

མམཾ [མམ (པཱི.)] བྷརཐ བྷདྡཾ ཝོ [བྷདྡནྟེ (ཀ.)], ཨཧཾ བྷཏྟཱ བྷཝཱམི ཝོ’’.

༦༥.

‘‘ཏཾ ¶ ཏཏྠ ཨཝཙུཾ ཀཉྙཱ, དཱིགྷཱཝུཾ རཊྛཝཌྜྷནཾ;

‘ཀུཧིཾ རཱཛཱ ཨནུཔྤཏྟོ, ཨིཏོ རཱཛཱ ཀུཧིཾ གཏོ’’’.

༦༦.

‘‘པངྐཾ རཱཛཱ ཨཏིཀྐནྟོ, ཐལེ རཱཛཱ པཏིཊྛིཏོ;

ཨཀཎྚཀཾ ཨགཧནཾ, པཊིཔནྣོ མཧཱཔཐཾ.

༦༧.

‘‘ཨཧཉྩ པཊིཔནྣོསྨི, མགྒཾ དུགྒཏིགཱམིནཾ;

སཀཎྚཀཾ སགཧནཾ, ཡེན གཙྪནྟི དུགྒཏིཾ’’.

༦༨.

‘‘ཏསྶ ¶ ¶ ཏེ སྭཱགཏཾ རཱཛ, སཱིཧསྶེཝ གིརིབྦཛཾ;

ཨནུསཱས མཧཱརཱཛ, ཏྭཾ ནོ སབྦཱསམིསྶརོ’’ཏི.

སོཎཀཛཱཏཀཾ པཋམཾ.

༥༣༠. སཾཀིཙྩཛཱཏཀཾ (༢)

༦༩.

‘‘དིསྭཱ ནིསིནྣཾ རཱཛཱནཾ, བྲཧྨདཏྟཾ རཐེསབྷཾ;

ཨཐསྶ པཊིཝེདེསི, ཡསྶཱསི ཨནུཀམྤཀོ.

༧༠.

‘‘སཾཀིཙྩཱཡཾ ཨནུཔྤཏྟོ, ཨིསཱིནཾ སཱདྷུསམྨཏོ;

ཏརམཱནརཱུཔོ ནིཡྻཱཧི, ཁིཔྤཾ པསྶ མཧེསིནཾ.

༧༡.

‘‘ཏཏོ ཙ རཱཛཱ ཏརམཱནོ, ཡུཏྟམཱརུཡ྄ཧ སནྡནཾ;

མིཏྟཱམཙྩཔརིབྱཱུལ༹ྷོ [པརིབྦཱུལ༹ྷོ (སཱི. པཱི.)], ཨགམཱསི རཐེསབྷོ.

༧༢.

‘‘ནིཀྑིཔྤ པཉྩ ཀཀུདྷཱནི, ཀཱསཱིནཾ རཊྛཝཌྜྷནོ;

ཝཱལ༹བཱིཛནི [ཝཱ ལ༹ཝཱིཛནཱི (སཱི. པཱི.)] མུཎྷཱིསཾ, ཁགྒཾ ཚཏྟཉྩུཔཱཧནཾ;

༧༣.

‘‘ཨོརུཡ྄ཧ རཱཛཱ ཡཱནམྷཱ, ཋཔཡིཏྭཱ པཊིཙྪདཾ;

ཨཱསཱིནཾ ¶ དཱཡཔསྶསྨིཾ, སཾཀིཙྩམུཔསངྐམི.

༧༤.

‘‘ཨུཔསངྐམིཏྭཱ སོ རཱཛཱ, སམྨོདི ཨིསིནཱ སཧ;

ཏཾ ཀཐཾ ཝཱིཏིསཱརེཏྭཱ, ཨེཀམནྟཾ ཨུཔཱཝིསི.

༧༥.

‘‘ཨེཀམནྟཾ ནིསིནྣོཝ, ཨཐ ཀཱལཾ ཨམཉྙཐ;

ཏཏོ པཱཔཱནི ཀམྨཱནི, པུཙྪིཏུཾ པཊིཔཛྫཐ.

༧༦.

‘‘ཨིསིཾ པུཙྪཱམ [པུཙྪཱམི (སཱི. པཱི.)] སཾཀིཙྩཾ, ཨིསཱིནཾ སཱདྷུསམྨཏཾ;

ཨཱསཱིནཾ དཱཡཔསྶསྨིཾ, ཨིསིསངྒྷཔུརཀྑཏཾ [པུརཀྑིཏཾ (ཀ.)].

༧༧.

‘‘ཀཾ གཏིཾ པེཙྩ གཙྪནྟི, ནརཱ དྷམྨཱཏིཙཱརིནོ;

ཨཏིཙིཎྞོ མཡཱ དྷམྨོ, ཏཾ མེ ཨཀྑཱཧི པུཙྪིཏོ.

༧༨.

‘‘ཨིསཱི ཨཝཙ སཾཀིཙྩོ, ཀཱསཱིནཾ རཊྛཝཌྜྷནཾ;

ཨཱསཱིནཾ དཱཡཔསྶསྨིཾ, མཧཱརཱཛ སུཎོཧི མེ.

༧༩.

‘‘ཨུཔྤཐེན ¶ ཝཛནྟསྶ, ཡོ མགྒམནུསཱསཏི;

ཏསྶ ཙེ ཝཙནཾ ཀཡིརཱ, ནཱསྶ མགྒེཡྻ ཀཎྚཀོ.

༨༠.

‘‘ཨདྷམྨཾ ¶ པཊིཔནྣསྶ, ཡོ དྷམྨམནུསཱསཏི;

ཏསྶ ཙེ ཝཙནཾ ཀཡིརཱ, ན སོ གཙྪེཡྻ དུགྒཏིཾ.

༨༡.

‘‘དྷམྨོ པཐོ མཧཱརཱཛ, ཨདྷམྨོ པན ཨུཔྤཐོ;

ཨདྷམྨོ ནིརཡཾ ནེཏི, དྷམྨོ པཱཔེཏི སུགྒཏིཾ.

༨༢.

‘‘ཨདྷམྨཙཱརིནོ རཱཛ, ནརཱ ཝིསམཛཱིཝིནོ;

ཡཾ གཏིཾ པེཙྩ གཙྪནྟི, ནིརཡེ ཏེ སུཎོཧི མེ.

༨༣.

‘‘སཉྫཱིཝོ ཀཱལ༹སུཏྟོ ཙ, སངྒྷཱཏོ [སངྑཱཊོ (སྱཱ. ཀ.)] དྭེ ཙ རོརུཝཱ;

ཨཐཱཔརོ ¶ མཧཱཝཱིཙི, ཏཱཔནོ [ཏཔནོ (སཱི. པཱི.)] ཙ པཏཱཔནོ.

༨༤.

‘‘ཨིཙྩེཏེ ཨཊྛ ནིརཡཱ, ཨཀྑཱཏཱ དུརཏིཀྐམཱ;

ཨཱཀིཎྞཱ ལུདྡཀམྨེཧི, པཙྩེཀཱ སོལ༹སུསྶདཱ.

༨༥.

‘‘ཀདརིཡཏཱཔནཱ [ཀདརིཡཏཔནཱ (སཱི. པཱི.)] གྷོརཱ, ཨཙྩིམནྟོ [ཨཙྩིམནྟཱ (པཱི.)] མཧབྦྷཡཱ;

ལོམཧཾསནརཱུཔཱ ཙ, བྷེསྨཱ པཊིབྷཡཱ དུཁཱ.

༨༦.

‘‘ཙཏུཀྐཎྞཱ ཙཏུདྭཱརཱ, ཝིབྷཏྟཱ བྷཱགསོ མིཏཱ;

ཨཡོཔཱཀཱརཔརིཡནྟཱ, ཨཡསཱ པཊིཀུཛྫིཏཱ.

༨༧.

‘‘ཏེསཾ ཨཡོམཡཱ བྷཱུམི, ཛལིཏཱ ཏེཛསཱ ཡུཏཱ;

སམནྟཱ ཡོཛནསཏཾ, ཕུཊཱ [ཕརིཏྭཱ (ཨ. ནི. ༣.༣༦; པེ. ཝ. ༧༡)] ཏིཊྛནྟི སབྦདཱ.

༨༨.

‘‘ཨེཏེ པཏནྟི ནིརཡེ, ཨུདྡྷཾཔཱདཱ ཨཝཾསིརཱ;

ཨིསཱིནཾ ཨཏིཝཏྟཱརོ, སཉྙཏཱནཾ ཏཔསྶིནཾ.

༨༩.

‘‘ཏེ བྷཱུནཧུནོ པཙྩནྟི, མཙྪཱ བིལཀཏཱ ཡཐཱ;

སཾཝཙྪརེ ཨསངྑེཡྻེ, ནརཱ ཀིབྦིསཀཱརིནོ.

༩༠.

‘‘ཌཡ྄ཧམཱནེན གཏྟེན, ནིཙྩཾ སནྟརབཱཧིརཾ;

ནིརཡཱ ནཱདྷིགཙྪནྟི, དྭཱརཾ ནིཀྑམནེསིནོ.

༩༡.

‘‘པུརཏྠིམེན ¶ དྷཱཝནྟི, ཏཏོ དྷཱཝནྟི པཙྪཏོ;

ཨུཏྟརེནཔི དྷཱཝནྟི, ཏཏོ དྷཱཝནྟི དཀྑིཎཾ;

ཡཾ ཡཉྷི དྭཱརཾ གཙྪནྟི, ཏཾ ཏདེཝ པིདྷཱིཡརེ [པིཐིཡྻཏི (སཱི.), པིཐིཡྻརེ (སྱཱ.), པིཐཱིཡརེ (པཱི.)].

༩༢.

‘‘བཧཱུནི ཝསྶསཧསྶཱནི, ཛནཱ ནིརཡགཱམིནོ;

བཱཧཱ པགྒཡ྄ཧ ཀནྡནྟི, པཏྭཱ དུཀྑཾ ཨནཔྤཀཾ.

༩༣.

‘‘ཨཱསཱིཝིསཾཝ ¶ ཀུཔིཏཾ, ཏེཛསྶིཾ དུརཏིཀྐམཾ;

ན སཱདྷུརཱུཔེ ཨཱསཱིདེ, སཉྙཏཱནཾ ཏཔསྶིནཾ.

༩༤.

‘‘ཨཏིཀཱཡོ ¶ མཧིསྶཱསོ, ཨཛྫུནོ ཀེཀཀཱདྷིཔོ;

སཧསྶབཱཧུ ཨུཙྪིནྣོ, ཨིསིམཱསཛྫ གོཏམཾ.

༩༥.

‘‘ཨརཛཾ རཛསཱ ཝཙྪཾ, ཀིསཾ ཨཝཀིརིཡ དཎྜཀཱི;

ཏཱལོཝ མཱུལཏོ [སམཱུལོ (ཀ.)] ཚིནྣོ, ས རཱཛཱ ཝིབྷཝངྒཏོ.

༩༦.

‘‘ཨུཔཧཙྩ མནཾ མཛ྄ཛྷོ [མེཛ྄ཛྷོ (ཀ.)], མཱཏངྒསྨིཾ ཡསསྶིནེ;

སཔཱརིསཛྫོ ཨུཙྪིནྣོ, མཛ྄ཛྷཱརཉྙཾ ཏདཱ ཨཧུ.

༩༧.

‘‘ཀཎྷདཱིཔཱཡནཱསཛྫ, ཨིསིཾ ཨནྡྷཀཝེཎྜཡོ [ཝེཎྷུཡོ (སཱི. པཱི.), པིཎྷཡོ (?)];

ཨཉྙོཉྙཾ [ཨཉྙམཉྙཾ (སཱི. པཱི.)] མུསལཱ [མུསལེ (སཱི. སྱཱ. པཱི.)] ཧནྟྭཱ, སམྤཏྟཱ ཡམསཱདྷནཾ [ཡམསཱདནཾ (པཱི.)].

༩༨.

‘‘ཨཐཱཡཾ ཨིསིནཱ སཏྟོ, ཨནྟལིཀྑཙརོ པུརེ;

པཱཝེཀྑི པཐཝིཾ [པཋཝིཾ (སཱི. སྱཱ. པཱི.)] ཙེཙྩོ, ཧཱིནཏྟོ པཏྟཔརིཡཱཡཾ.

༩༩.

‘‘ཏསྨཱ ཧི ཚནྡཱགམནཾ, ནཔྤསཾསནྟི པཎྜིཏཱ;

ཨདུཊྛཙིཏྟོ བྷཱསེཡྻ, གིརཾ སཙྩཱུཔསཾཧིཏཾ.

༡༠༠.

‘‘མནསཱ ཙེ པདུཊྛེན, ཡོ ནརོ པེཀྑཏེ མུནིཾ;

ཝིཛྫཱཙརཎསམྤནྣཾ, གནྟཱ སོ ནིརཡཾ ཨདྷོ.

༡༠༡.

‘‘ཡེ ཝུཌྜྷེ [ཝདྡྷེ (ཀ.)] པརིབྷཱསནྟི, ཕརུསཱུཔཀྐམཱ ཛནཱ;

ཨནཔཙྩཱ ཨདཱཡཱདཱ, ཏཱལཝཏྠུ [ཏཱལཝཏྠཱུ (སྱཱ.), ཏཱལཱཝཏྠུ (པཱི.)] བྷཝནྟི ཏེ.

༡༠༢.

‘‘ཡོ ¶ ཙ པབྦཛིཏཾ ཧནྟི, ཀཏཀིཙྩཾ མཧེསིནཾ;

ས ཀཱལ༹སུཏྟེ ནིརཡེ, ཙིརརཏྟཱཡ པཙྩཏི.

༡༠༣.

‘‘ཡོ ¶ ཙ རཱཛཱ ཨདྷམྨཊྛོ, རཊྛཝིདྡྷཾསནོ མགོ [ཙུཏོ (སཱི.)];

ཏཱཔཡིཏྭཱ ཛནཔདཾ, ཏཱཔནེ པེཙྩ པཙྩཏི.

༡༠༤.

‘‘སོ ཙ ཝསྶསཧསྶཱནི [ཝསྶསཧསྶཱནཾ (སཱི. སྱཱ.)], སཏཾ དིབྦཱནི པཙྩཏི;

ཨཙྩིསངྒྷཔརེཏོ སོ, དུཀྑཾ ཝེདེཏི ཝེདནཾ.

༡༠༥.

‘‘ཏསྶ ཨགྒིསིཁཱ ཀཱཡཱ, ནིཙྪརནྟི པབྷསྶརཱ;

ཏེཛོབྷཀྑསྶ གཏྟཱནི, ལོམེཧི ཙ [ལོམགྒེཧི ཙ (སཱི. སྱཱ. པཱི.)] ནཁེཧི ཙ.

༡༠༦.

‘‘ཌཡ྄ཧམཱནེན གཏྟེན, ནིཙྩཾ སནྟརབཱཧིརཾ;

དུཀྑཱབྷིཏུནྣོ ནདཏི, ནཱགོ ཏུཏྟཊྚིཏོ [ཏུཏྟདྡིཏོ (སཱི.)] ཡཐཱ.

༡༠༧.

‘‘ཡོ ལོབྷཱ པིཏརཾ ཧནྟི, དོསཱ ཝཱ པུརིསཱདྷམོ;

ས ཀཱལ༹སུཏྟེ ནིརཡེ, ཙིརརཏྟཱཡ པཙྩཏི.

༡༠༨.

‘‘ས ¶ ཏཱདིསོ པཙྩཏི ལོཧཀུམྦྷིཡཾ, པཀྐཉྩ སཏྟཱིཧི ཧནནྟི ནིཏྟཙཾ;

ཨནྡྷཾ ཀརིཏྭཱ མུཏྟཀརཱིསབྷཀྑཾ, ཁཱརེ ནིམུཛྫནྟི ཏཐཱཝིདྷཾ ནརཾ.

༡༠༩.

‘‘ཏཏྟཾ པཀྐུཐིཏམཡོགུལ༹ཉྩ [པཀྐུདྷིཏམཡོགུལ༹ཉྩ (ཀ.)], དཱིགྷེ ཙ ཕཱལེ ཙིརརཏྟཏཱཔིཏེ;

ཝིཀྑམྦྷམཱདཱཡ ཝིབནྡྷ [ཝིབདྡྷ (སཱི.), ཝིབྷཛྫ (སྱཱ. པཱི.)] རཛྫུབྷི, ཝིཝཊེ མུཁེ སམྤཝིསནྟི [སཾཙཝནྟི (སཱི. སྱཱ. པཱི.)] རཀྑསཱ.

༡༡༠.

‘‘སཱམཱ ཙ སོཎཱ སབལཱ ཙ གིཛ྄ཛྷཱ, ཀཱཀོལ༹སངྒྷཱ ཙ དིཛཱ ཨཡོམུཁཱ;

སངྒམྨ ¶ ཁཱདནྟི ཝིཔྥནྡམཱནཾ, ཛིཝ྄ཧཾ ཝིབྷཛྫ ཝིགྷཱསཾ སལོཧིཏཾ.

༡༡༡.

‘‘ཏཾ ¶ དཌྜྷཏཱལཾ པརིབྷིནྣགཏྟཾ, ནིཔྤོཐཡནྟཱ ཨནུཝིཙརནྟི རཀྑསཱ;

རཏཱི ཧི ནེསཾ དུཁིནོ པནཱིཏརེ, ཨེཏཱདིསསྨིཾ ནིརཡེ ཝསནྟི;

ཡེ ཀེཙི ལོཀེ ཨིདྷ པེཏྟིགྷཱཏིནོ.

༡༡༢.

‘‘པུཏྟོ ཙ མཱཏརཾ ཧནྟྭཱ, ཨིཏོ གནྟྭཱ ཡམཀྑཡཾ;

བྷུསམཱཔཛྫཏེ དུཀྑཾ, ཨཏྟཀམྨཕལཱུཔགོ.

༡༡༣.

‘‘ཨམནུསྶཱ ཨཏིབལཱ, ཧནྟཱརཾ ཛནཡནྟིཡཱ;

ཨཡོམཡེཧི ཝཱལེ༹ཧི [ཕཱལེཧི (པཱི.)], པཱིལ༹ཡནྟི པུནཔྤུནཾ.

༡༡༤.

‘‘ཏམསྶཝཾ [ཏཾ པསྶཝཾ (སཱི. སྱཱ.), ཏཾ པསྶུཏཾ (པཱི.)] སཀཱ གཏྟཱ, རུཧིརཾ [རུདྷིརཾ (སཱི. སྱཱ.)] ཨཏྟསམྦྷཝཾ;

ཏམྦལོཧཝིལཱིནཾཝ, ཏཏྟཾ པཱཡེནྟི མཏྟིགྷཾ [མཏྟིཡཾ (སཱི.)].

༡༡༥.

‘‘ཛིགུཙྪཾ ཀུཎཔཾ པཱུཏིཾ, དུགྒནྡྷཾ གཱུཐཀདྡམཾ;

པུབྦལོཧིཏསངྐཱསཾ, རཧདམོགཡ྄ཧ [རཧདོགྒཡ྄ཧ (ཀ.)] ཏིཊྛཏི.

༡༡༦.

‘‘ཏམེནཾ ཀིམཡོ ཏཏྠ, ཨཏིཀཱཡཱ ཨཡོམུཁཱ;

ཚཝིཾ བྷེཏྭཱན [ཚེཏྭཱན (སཱི. པཱི.)] ཁཱདནྟི, སཾགིདྡྷཱ [པགིདྡྷཱ (སཱི. སྱཱ. པཱི.)] མཾསལོཧིཏེ.

༡༡༧.

‘‘སོ ཙ ཏཾ ནིརཡཾ པཏྟོ, ནིམུགྒོ སཏཔོརིསཾ;

པཱུཏིཀཾ ཀུཎཔཾ ཝཱཏི, སམནྟཱ སཏཡོཛནཾ.

༡༡༨.

‘‘ཙཀྑུམཱཔི ཧི ཙཀྑཱུཧི, ཏེན གནྡྷེན ཛཱིཡཏི;

ཨེཏཱདིསཾ ¶ བྲཧྨདཏྟ, མཱཏུགྷོ ལབྷཏེ དུཁཾ.

༡༡༩.

‘‘ཁུརདྷཱརམནུཀྐམྨ, ཏིཀྑཾ དུརབྷིསམྦྷཝཾ;

པཏནྟི གབྦྷཔཱཏིཡོ [གབྦྷཔཱཏིནིཡོ (སཱི. སྱཱ. པཱི.)], དུགྒཾ ཝེཏརཎིཾ [ཝེཏྟརཎིཾ (སྱཱ. ཀ.)] ནདིཾ.

༡༢༠.

‘‘ཨཡོམཡཱ སིམྦལིཡོ, སོལ༹སངྒུལཀཎྚཀཱ;

ཨུབྷཏོ ཨབྷིལམྦནྟི, དུགྒཾ ཝེཏརཎིཾ [ཝེཏྟརཎིཾ (སྱཱ. ཀ.)] ནདིཾ.

༡༢༡.

‘‘ཏེ ¶ ཨཙྩིམནྟོ ཏིཊྛནྟི, ཨགྒིཀྑནྡྷཱཝ ཨཱརཀཱ;

ཨཱདིཏྟཱ ཛཱཏཝེདེན, ཨུདྡྷཾ ཡོཛནམུགྒཏཱ.

༡༢༢.

‘‘ཨེཏེ ¶ ཝཛནྟི [སཛནྟི (སཱི. པཱི.), པཛྫནྟི (སྱཱ.)] ནིརཡེ, ཏཏྟེ ཏིཁིཎཀཎྚཀེ;

ནཱརིཡོ ཙ ཨཏིཙཱརཱ [ཨཏིཙཱརིནིཡོ (སཱི. སྱཱ. པཱི.)], ནརཱ ཙ པརདཱརགཱུ.

༡༢༣.

‘‘ཏེ པཏནྟི ཨདྷོཀྑནྡྷཱ, ཝིཝཏྟཱ ཝིཧཏཱ པུཐཱུ;

སཡནྟི ཝིནིཝིདྡྷངྒཱ, དཱིགྷཾ ཛགྒནྟི སབྦདཱ [སཾཝརིཾ (སཱི. པཱི.)].

༡༢༤.

‘‘ཏཏོ རཏྱཱ ཝིཝསཱནེ [ཝིཝསནེ (སཱི. སྱཱ. པཱི.)], མཧཏིཾ པབྦཏཱུཔམཾ;

ལོཧཀུམྦྷིཾ པཝཛྫནྟི, ཏཏྟཾ ཨགྒིསམཱུདཀཾ.

༡༢༥.

‘‘ཨེཝཾ དིཝཱ ཙ རཏྟོ ཙ, དུསྶཱིལཱ མོཧཔཱརུཏཱ;

ཨནུབྷོནྟི སཀཾ ཀམྨཾ, པུབྦེ དུཀྐཊམཏྟནོ.

༡༢༦.

‘‘ཡཱ ཙ བྷརིཡཱ དྷནཀྐཱིཏཱ, སཱམིཀཾ ཨཏིམཉྙཏི;

སསྶུཾ ཝཱ སསུརཾ ཝཱཔི, ཛེཊྛཾ ཝཱཔི ནནནྡརཾ [ནནནྡནཾ (སྱཱ. ཀ.)].

༡༢༧.

‘‘ཏསྶཱ ཝངྐེན ཛིཝ྄ཧགྒཾ, ནིབྦཧནྟི སབནྡྷནཾ;

ས བྱཱམམཏྟཾ ཀིམིནཾ, ཛིཝ྄ཧཾ པསྶཏི ཨཏྟནི [ཨཏྟནོ (སཱི. སྱཱ.)];

ཝིཉྙཱཔེཏུཾ ¶ ན སཀྐོཏི, ཏཱཔནེ པེཙྩ པཙྩཏི.

༡༢༨.

‘‘ཨོརབྦྷིཀཱ སཱུཀརིཀཱ, མཙྪིཀཱ མིགབནྡྷཀཱ;

ཙོརཱ གོགྷཱཏཀཱ ལུདྡཱ, ཨཝཎྞེ ཝཎྞཀཱརཀཱ.

༡༢༩.

‘‘སཏྟཱིཧི ལོཧཀཱུཊེཧི, ནེཏྟིཾསེཧི ཨུསཱུཧི ཙ;

ཧཉྙམཱནཱ ཁཱརནདིཾ, པཔཏནྟི [སམྤཏནྟི (ཀ.)] ཨཝཾསིརཱ.

༡༣༠.

‘‘སཱཡཾ པཱཏོ ཀཱུཊཀཱརཱི, ཨཡོཀཱུཊེཧི ཧཉྙཏི;

ཏཏོ ཝནྟཾ དུརཏྟཱནཾ, པརེསཾ བྷུཉྫརེ [བྷུཉྫཏེ (སཱི. སྱཱ. པཱི.)] སདཱ.

༡༣༡.

‘‘དྷངྐཱ བྷེརཎྜཀཱ [བྷེདཎྜཀཱ (ཀ.)] གིཛ྄ཛྷཱ, ཀཱཀོལཱ༹ ཙ ཨཡོམུཁཱ;

ཝིཔྥནྡམཱནཾ ཁཱདནྟི, ནརཾ ཀིབྦིསཀཱརཀཾ [ཀིབྦིསཀཱརིནཾ (པཱི.)].

༡༣༢.

‘‘ཡེ མིགེན མིགཾ ཧནྟི, པཀྑིཾ ཝཱ པན པཀྑིནཱ;

ཨསནྟོ རཛསཱ ཚནྣཱ, གནྟཱ [གཏཱ (ཀ.)] ཏེ ནིརཡུསྶདཾ [ནིརཡཾ ཨདྷོ (པཱི.)].

༡༣༣.

‘‘སནྟོ ¶ ཙ [སནྟོཝ (སྱཱ.)] ཨུདྡྷཾ གཙྪནྟི, སུཙིཎྞེནིདྷ ཀམྨུནཱ;

སུཙིཎྞསྶ ཕལཾ པསྶ, སཨིནྡཱ [སཧིནྡཱ (སཱི.)] དེཝཱ སབྲཧྨཀཱ.

༡༣༤.

‘‘ཏཾ ¶ ཏཾ བྲཱུམི མཧཱརཱཛ, དྷམྨཾ རཊྛཔཏཱི ཙར;

ཏཐཱ [ཏཐཱ ཏཐཱ (སཱི. སྱཱ. པཱི.)] རཱཛ ཙརཱཧི དྷམྨཾ, ཡཐཱ ཏཾ སུཙིཎྞཾ ནཱནུཏཔྤེཡྻ པཙྪཱ’’ཏི.

སཾཀིཙྩཛཱཏཀཾ དུཏིཡཾ.

སཊྛིནིཔཱཏཾ ནིཊྛིཏཾ.

ཏསྶུདྡཱནཾ –

ཨཐ སཊྛིནིཔཱཏམྷི, སུཎཱཐ མམ བྷཱསིཏཾ;

ཛཱཏཀསཝ྄ཧཡནོ ¶ པཝརོ, སོཎཀཨརིནྡམསཝ྄ཧཡནོ;

ཏཐཱ ཝུཏྟརཐེསབྷཀིཙྩཝརོཏི.

༢༠. སཏྟཏིནིཔཱཏོ

༥༣༡. ཀུསཛཱཏཀཾ (༡)

༡.

‘‘ཨིདཾ ¶ ¶ ¶ ཏེ རཊྛཾ སདྷནཾ སཡོགྒཾ, སཀཱཡུརཾ སབྦཀཱམཱུཔཔནྣཾ;

ཨིདཾ ཏེ རཛྫཾ [རཊྛཾ (ཀ.)] ཨནུསཱས ཨམྨ, གཙྪཱམཧཾ ཡཏྠ པིཡཱ པབྷཱཝཏཱི’’.

༢.

‘‘ཨནུཛྫུབྷཱུཏེན ཧརཾ མཧནྟཾ, དིཝཱ ཙ རཏྟོ ཙ ནིསཱིཐཀཱལེ [ནིསཱིད ཀཱལེ (ཀ.)];

པཊིགཙྪ ཏྭཾ ཁིཔྤཾ ཀུསཱཝཏིཾ ཀུས [ཀུསཱཝཏིཾ (སྱཱ. ཀ.)], ནིཙྪཱམི དུབྦཎྞམཧཾ ཝསནྟཾ’’.

༣.

‘‘ནཱཧཾ གམིསྶཱམི ཨིཏོ ཀུསཱཝཏིཾ, པབྷཱཝཏཱི ཝཎྞཔལོབྷིཏོ ཏཝ;

རམཱམི མདྡསྶ ནིཀེཏརམྨེ, ཧིཏྭཱན རཊྛཾ ཏཝ དསྶནེ རཏོ.

༤.

‘‘པབྷཱཝཏཱི ཝཎྞཔལོབྷིཏོ ཏཝ, སམྨཱུལ༹ྷརཱུཔོ ཝིཙརཱམི མེདིནིཾ [མེདནིཾ (སྱཱ. ཀ.)];

དིསཾ ན ཛཱནཱམི ཀུཏོམྷི ཨཱགཏོ, ཏཡམྷི མཏྟོ མིགམནྡལོཙནེ.

༥.

‘‘སུཝཎྞཙཱིརཝསནེ, ཛཱཏརཱུཔསུམེཁལེ;

སུསྶོཎི ¶ ཏཝ ཀཱམཱ ཧི [ཀཱམེཧི (སཱི. སྱཱ. པཱི.)], ནཱཧཾ རཛྫེན མཏྠིཀོ’’.

༦.

‘‘ཨབྦྷཱུཏི [ཨབྦྷཱུ ཧི (སཱི.), ཨབྷཱུཏི (སྱཱ.), ཨབྦྷུ ཧི (པཱི.)] ཏསྶ བྷོ ཧོཏི, ཡོ ཨནིཙྪནྟམིཙྪཏི;

ཨཀཱམཾ རཱཛ ཀཱམེསི [ཀཱམེཧི (སཱི. པཱི.)], ཨཀནྟཾ ཀནྟུ [ཨཀནྟོ ཀནྟ (སཱི. སྱཱ. པཱི.)] མིཙྪསི’’.

༧.

‘‘ཨཀཱམཾ ཝཱ སཀཱམཾ ཝཱ, ཡོ ནརོ ལབྷཏེ པིཡཾ;

ལཱབྷམེཏྠ པསཾསཱམ, ཨལཱབྷོ ཏཏྠ པཱཔཀོ’’.

༨.

‘‘པཱསཱཎསཱརཾ ¶ ཁཎསི, ཀཎིཀཱརསྶ དཱརུནཱ;

ཝཱཏཾ ཛཱལེན བཱདྷེསི, ཡོ ཨནིཙྪནྟམིཙྪསི’’.

༩.

‘‘པཱསཱཎོ ནཱུན ཏེ ཧདཡེ, ཨོཧིཏོ མུདུལཀྑཎེ;

ཡོ ཏེ སཱཏཾ ན ཝིནྡཱམི, ཏིརོཛནཔདཱགཏོ.

༡༠.

‘‘ཡདཱ མཾ བྷཀུཊིཾ [བྷཱུཀུཊིཾ (སཱི. པཱི.)] ཀཏྭཱ, རཱཛཔུཏྟཱི ཨུདིཀྑཏི [རཱཛཔུཏྟི ཨུདིཀྑསི (སཱི. པཱི.)];

ཨཱལཱ༹རིཀོ ཏདཱ ཧོམི, རཉྙོ མདྡསྶནྟེཔུརེ [མདྡསྶ ཐཱིཔུརེ (སཱི. པཱི.) ཨེཝམུཔརིཔི].

༡༡.

‘‘ཡདཱ ཨུམྷཡམཱནཱ མཾ, རཱཛཔུཏྟཱི ཨུདིཀྑཏི [རཱཛཔུཏྟི ཨུདིཀྑསི (སཱི. པཱི.)];

ནཱལཱ༹རིཀོ ཏདཱ ཧོམི, རཱཛཱ ཧོམི ཏདཱ ཀུསོ’’.

༡༢.

‘‘སཙེ ¶ ཧི ཝཙནཾ སཙྩཾ, ནེམིཏྟཱནཾ བྷཝིསྶཏི;

ནེཝ མེ ཏྭཾ པཏཱི ཨསྶ, ཀཱམཾ ཚིནྡནྟུ སཏྟདྷཱ’’.

༡༣.

‘‘སཙེ ཧི ཝཙནཾ སཙྩཾ, ཨཉྙེསཾ ཡདི ཝཱ མམཾ;

ནེཝ ཏུཡ྄ཧཾ པཏཱི ཨཏྠི, ཨཉྙོ སཱིཧསྶརཱ ཀུསཱ’’.

༡༤.

‘‘ནེཀྑཾ གཱིཝཾ ཏེ ཀཱརེསྶཾ, པཏྭཱ ཁུཛྫེ ཀུསཱཝཏིཾ;

སཙེ མཾ ནཱགནཱསཱུརཱུ, ཨོལོཀེཡྻ པབྷཱཝཏཱི.

༡༥.

‘‘ནེཀྑཾ ¶ གཱིཝཾ ཏེ ཀཱརེསྶཾ, པཏྭཱ ཁུཛྫེ ཀུསཱཝཏིཾ;

སཙེ མཾ ནཱགནཱསཱུརཱུ, ཨཱལཔེཡྻ པབྷཱཝཏཱི.

༡༦.

‘‘ནེཀྑཾ གཱིཝཾ ཏེ ཀཱརེསྶཾ, པཏྭཱ ཁུཛྫེ ཀུསཱཝཏིཾ;

སཙེ མཾ ནཱགནཱསཱུརཱུ, ཨུམྷཱཡེཡྻ པབྷཱཝཏཱི.

༡༧.

‘‘ནེཀྑཾ གཱིཝཾ ཏེ ཀཱརེསྶཾ, པཏྭཱ ཁུཛྫེ ཀུསཱཝཏིཾ;

སཙེ མཾ ནཱགནཱསཱུརཱུ, པམྷཱཡེཡྻ པབྷཱཝཏཱི.

༡༨.

‘‘ནེཀྑཾ གཱིཝཾ ཏེ ཀཱརེསྶཾ, པཏྭཱ ཁུཛྫེ ཀུསཱཝཏིཾ;

སཙེ མེ ནཱགནཱསཱུརཱུ, པཱཎཱིཧི ཨུཔསམྥུསེ’’.

༡༩.

‘‘ན ཧི ནཱུནཱཡཾ རཱཛཔུཏྟཱི, ཀུསེ སཱཏམྤི ཝིནྡཏི;

ཨཱལཱ༹རིཀེ བྷཏེ པོསེ, ཝེཏནེན ཨནཏྠིཀེ’’.

༢༠.

‘‘ན ཧི ནཱུནཱཡཾ སཱ [ནཱུན ཨཡཾ (སཱི. སྱཱ.)] ཁུཛྫཱ, ལབྷཏི ཛིཝ྄ཧཱཡ ཚེདནཾ;

སུནིསིཏེན སཏྠེན, ཨེཝཾ དུབྦྷཱསིཏཾ བྷཎཾ’’.

༢༡.

‘‘མཱ ¶ ནཾ རཱུཔེན པཱམེསི, ཨཱརོཧེན པབྷཱཝཏི;

མཧཱཡསོཏི ཀཏྭཱན, ཀརསྶུ རུཙིརེ པིཡཾ.

༢༢.

‘‘མཱ ནཾ རཱུཔེན པཱམེསི, ཨཱརོཧེན པབྷཱཝཏི;

མཧདྡྷནོཏི ཀཏྭཱན, ཀརསྶུ རུཙིརེ པིཡཾ.

༢༣.

‘‘མཱ ནཾ རཱུཔེན པཱམེསི, ཨཱརོཧེན པབྷཱཝཏི;

མཧབྦལོཏི ཀཏྭཱན, ཀརསྶུ རུཙིརེ པིཡཾ.

༢༤.

‘‘མཱ ¶ ནཾ རཱུཔེན པཱམེསི, ཨཱརོཧེན པབྷཱཝཏི;

མཧཱརཊྛོཏི ཀཏྭཱན, ཀརསྶུ རུཙིརེ པིཡཾ.

༢༥.

‘‘མཱ ནཾ རཱུཔེན པཱམེསི, ཨཱརོཧེན པབྷཱཝཏི;

མཧཱརཱཛཱཏི ཀཏྭཱན, ཀརསྶུ རུཙིརེ པིཡཾ.

༢༦.

‘‘མཱ ནཾ རཱུཔེན པཱམེསི, ཨཱརོཧེན པབྷཱཝཏི;

སཱིཧསྶརོཏི ཀཏྭཱན, ཀརསྶུ རུཙིརེ པིཡཾ.

༢༧.

‘‘མཱ ¶ ནཾ རཱུཔེན པཱམེསི, ཨཱརོཧེན པབྷཱཝཏི;

ཝགྒུསྶརོཏི ཀཏྭཱན, ཀརསྶུ རུཙིརེ པིཡཾ.

༢༨.

‘‘མཱ ནཾ རཱུཔེན པཱམེསི, ཨཱརོཧེན པབྷཱཝཏི;

བིནྡུསྶརོཏི ཀཏྭཱན, ཀརསྶུ རུཙིརེ པིཡཾ.

༢༩.

‘‘མཱ ནཾ རཱུཔེན པཱམེསི, ཨཱརོཧེན པབྷཱཝཏི;

མཉྫུསྶརོཏི ཀཏྭཱན, ཀརསྶུ རུཙིརེ པིཡཾ.

༣༠.

‘‘མཱ ནཾ རཱུཔེན པཱམེསི, ཨཱརོཧེན པབྷཱཝཏི;

མདྷུསྶརོཏི [མདྷུརསྶརོཏི (སཱི.)] ཀཏྭཱན, ཀརསྶུ རུཙིརེ པིཡཾ.

༣༡.

‘‘མཱ ནཾ རཱུཔེན པཱམེསི, ཨཱརོཧེན པབྷཱཝཏི;

སཏསིཔྤོཏི ཀཏྭཱན, ཀརསྶུ རུཙིརེ པིཡཾ.

༣༢.

‘‘མཱ ནཾ རཱུཔེན པཱམེསི, ཨཱརོཧེན པབྷཱཝཏི;

ཁཏྟིཡོཏིཔི ཀཏྭཱན [ཀརིཏྭཱན (སཱི.)], ཀརསྶུ རུཙིརེ པིཡཾ.

༣༣.

‘‘མཱ ནཾ རཱུཔེན པཱམེསི, ཨཱརོཧེན པབྷཱཝཏི;

ཀུསརཱཛཱཏི ཀཏྭཱན, ཀརསྶུ རུཙིརེ པིཡཾ’’.

༣༤.

‘‘ཨེཏེ ¶ ནཱགཱ ཨུཔཏྠདྡྷཱ, སབྦེ ཏིཊྛནྟི ཝམྨིཏཱ [ཝམྨིཀཱ (སྱཱ.)];

པུརཱ མདྡནྟི པཱཀཱརཾ, ཨཱནེནྟེཏཾ པབྷཱཝཏིཾ’’.

༣༥.

‘‘སཏྟ ¶ བིལེ [ཁཎྜེ (སཱི. པཱི.)] ཀརིཏྭཱན, ཨཧམེཏཾ པབྷཱཝཏིཾ;

ཁཏྟིཡཱནཾ པདསྶཱམི, ཡེ མཾ ཧནྟུཾ ཨིདྷཱགཏཱ’’.

༣༦.

‘‘ཨཝུཊྛཧི རཱཛཔུཏྟཱི, སཱམཱ ཀོསེཡྻཝཱསིནཱི;

ཨསྶུཔུཎྞེཧི ནེཏྟེཧི, དཱསཱིགཎཔུརཀྑཏཱ’’.

༣༧.

‘‘ཏཾ ནཱུན ཀཀྐཱུཔནིསེཝིཏཾ མུཁཾ, ཨཱདཱསདནྟཱཐརུཔཙྩཝེཀྑིཏཾ;

སུབྷཾ སུནེཏྟཾ ཝིརཛཾ ཨནངྒཎཾ, ཚུདྡྷཾ ཝནེ ཋསྶཏི ཁཏྟིཡེཧི.

༣༨.

‘‘ཏེ ནཱུན མེ ཨསིཏེ ཝེལླིཏགྒེ, ཀེསེ མུདཱུ ཙནྡནསཱརལིཏྟེ;

སམཱཀུལེ སཱིཝཐིཀཱཡ མཛ྄ཛྷེ, པཱདེཧི གིཛ྄ཛྷཱ པརིཀཌྜྷིསྶནྟི [པརིཀཌྜྷཡནྟི (སཱི. སྱཱ. པཱི.)].

༣༩.

‘‘ཏཱ ནཱུན མེ ཏམྦནཁཱ སུལོམཱ, བཱཧཱ མུདཱུ ཙནྡནསཱརལིཏྟཱ;

ཚིནྣཱ ཝནེ ཨུཛ྄ཛྷིཏཱ ཁཏྟིཡེཧི, གཡ྄ཧ དྷངྐོ [ཝཀོ (པཱི.)] གཙྪཏི ཡེན ཀཱམཾ.

༤༠.

‘‘ཏེ ནཱུན ཏཱལཱུཔནིབྷེ ཨལམྦེ, ནིསེཝིཏེ ཀཱསིཀཙནྡནེན;

ཐནེསུ མེ ལམྦིསྶཏི [ལམྦཧཱིཏི (པཱི.)] སིངྒཱལོ [སིགཱལོ (སཱི. སྱཱ. པཱི.)], མཱཏཱུཝ པུཏྟོ ཏརུཎོ ཏནཱུཛོ.

༤༡.

‘‘ཏཾ ¶ ནཱུན སོཎིཾ པུཐུལཾ སུཀོཊྚིཏཾ, ནིསེཝིཏཾ ཀཉྩནམེཁལཱཧི;

ཚིནྣཾ ཝནེ ཁཏྟིཡེཧཱི ཨཝཏྠཾ, སིངྒཱལསངྒྷཱ པརིཀཌྜྷིསྶནྟི [གཡ྄ཧཱ ཝཀོ གཙྪཏི ཡེནཀཱམཾ (པཱི.)].

༤༢.

‘‘སོཎཱ ¶ ¶ དྷངྐཱ [ཝཀཱ (པཱི.)] སིངྒཱལཱ ཙ, ཡེ ཙཉྙེ སནྟི དཱཋིནོ;

ཨཛརཱ ནཱུན ཧེསྶནྟི, བྷཀྑཡིཏྭཱ པབྷཱཝཏིཾ.

༤༣.

‘‘སཙེ མཾསཱནི ཧརིཾསུ, ཁཏྟིཡཱ དཱུརགཱམིནོ;

ཨཊྛཱིནི ཨམྨ ཡཱཙིཏྭཱ, ཨནུཔཐེ དཧཱཐ ནཾ.

༤༤.

‘‘ཁེཏྟཱནི ཨམྨ ཀཱརེཏྭཱ, ཀཎིཀཱརེཏྠ རོཔཡ [རོཔཡེ (ཀ.)];

ཡདཱ ཏེ པུཔྥིཏཱ ཨསྶུ, ཧེམནྟཱནཾ ཧིམཙྩཡེ;

སརེཡྻཱཐ མམཾ [མམ (པཱི.)] ཨམྨ, ཨེཝཾཝཎྞཱ པབྷཱཝཏཱི’’.

༤༥.

‘‘ཏསྶཱ མཱཏཱ ཨུདཊྛཱསི, ཁཏྟིཡཱ དེཝཝཎྞིནཱི;

དིསྭཱ ཨསིཉྩ སཱུནཉྩ, རཉྙོ མདྡསྶནྟེཔུརེ’’.

༤༦.

‘‘ཨིམིནཱ ནཱུན ཨསིནཱ, སུསཉྙཾ ཏནུམཛ྄ཛྷིམཾ;

དྷཱིཏརཾ མདྡ [མམ (སཱི.), མདྡོ (པཱི.)] ཧནྟྭཱན, ཁཏྟིཡཱནཾ པདསྶསི’’ [པདསྶཏི (པཱི. ཀ.)].

༤༧.

‘‘ན མེ ཨཀཱསི ཝཙནཾ, ཨཏྠཀཱམཱཡ པུཏྟིཀེ;

སཱཛྫ ལོཧིཏསཉྪནྣཱ, གཙྪསི [གཉྪིསི (སཱི. པཱི.)] ཡམསཱདྷནཾ.

༤༨.

‘‘ཨེཝམཱཔཛྫཏཱི པོསོ, པཱཔིཡཉྩ ནིགཙྪཏི;

ཡོ ཝེ ཧིཏཱནཾ ཝཙནཾ, ན ཀརོཏི [ན ཀརཾ (སཱི.)] ཨཏྠདསྶིནཾ.

༤༩.

‘‘སཙེ ཙ ཨཛྫ [ཏྭཾ ཨམྨ (སཱི.)] དྷཱརེསི [ཝཱརེསི (པཱི.)], ཀུམཱརཾ ཙཱརུདསྶནཾ;

ཀུསེན ¶ ཛཱཏཾ ཁཏྟིཡཾ, སུཝཎྞམཎིམེཁལཾ;

པཱུཛིཏཾ [པཱུཛིཏཱ (པཱི.)] ཉཱཏིསངྒྷེཧི, ན གཙྪསི [གཉྪིསི (སཱི. པཱི.)] ཡམཀྑཡཾ.

༥༠.

‘‘ཡཏྠསྶུ བྷེརཱི ནདཏི, ཀུཉྫརོ ཙ ནིཀཱུཛཏི [ནིཀུཉྫཏི (པཱི.)];

ཁཏྟིཡཱནཾ ཀུལེ བྷདྡེ, ཀིཾ ནུ སུཁཏརཾ ཏཏོ.

༥༡.

‘‘ཨསྶོ ཙ སིསཏི [ཨསྶོ ཧསིསཏི (སཱི.), ཨསྶོ ཧསིཡཏི (སྱཱ.), ཨསྶོ ཙ སིཾསཏི (པཱི.)] དྭཱརེ, ཀུམཱརོ ཨུཔརོདཏི;

ཁཏྟིཡཱནཾ ཀུལེ བྷདྡེ, ཀིཾ ནུ སུཁཏརཾ ཏཏོ.

༥༢.

‘‘མཡཱུརཀོཉྩཱབྷིརུདེ, ཀོཀིལཱབྷིནིཀཱུཛིཏེ;

ཁཏྟིཡཱནཾ ཀུལེ བྷདྡེ, ཀིཾ ནུ སུཁཏརཾ ཏཏོ’’.

༥༣.

‘‘ཀཧཾ ¶ ནུ སོ སཏྟུམདྡནོ, པརརཊྛཔྤམདྡནོ;

ཀུསོ སོལཱ༹རཔཉྙཱཎོ, ཡོ ནོ དུཀྑཱ པམོཙཡེ’’.

༥༤.

‘‘ཨིདྷེཝ སོ སཏྟུམདྡནོ, པརརཊྛཔྤམདྡནོ;

ཀུསོ སོལཱ༹རཔཉྙཱཎོ, ཡོ ཏེ སབྦེ ཝདྷིསྶཏི’’ [ཡོ ནོ དུཀྑཱ པམོཙཡེ (སཱི.), སོ ནོ སབྦེ ཝདྷིསྶཏི (པཱི.)].

༥༥.

‘‘ཨུམྨཏྟིཀཱ ནུ བྷཎསི, ཨནྡྷབཱལཱ པབྷཱསསི [ཨཱདུ བཱལཱཝ བྷཱསསི (སཱི. པཱི.)];

ཀུསོ ཙེ ཨཱགཏོ ཨསྶ, ཀིཾ ན [ཀིནྣུ (སྱཱ. ཀ.)] ཛཱནེམུ ཏཾ མཡཾ’’.

༥༦.

‘‘ཨེསོ ¶ ཨཱལཱ༹རིཀོ པོསོ, ཀུམཱརཱིཔུརམནྟརེ;

དལ༹ྷཾ ཀཏྭཱན སཾཝེལླིཾ, ཀུམྦྷིཾ དྷོཝཏི ཨོཎཏོ’’.

༥༧.

‘‘ཝེཎཱི ཏྭམསི ཙཎྜཱལཱི, ཨདཱུསི ཀུལགནྡྷིནཱི;

ཀཐཾ མདྡཀུལེ ཛཱཏཱ, དཱསཾ ཀཡིརཱསི ཀཱམུཀཾ’’.

༥༨.

‘‘ནམྷི ཝེཎཱི ན ཙཎྜཱལཱི, ན ཙམྷི ཀུལགནྡྷིནཱི;

ཨོཀྐཱཀཔུཏྟོ བྷདྡནྟེ, ཏྭཾ ནུ དཱསོཏི མཉྙསི’’.

༥༩.

‘‘ཡོ ¶ བྲཱཧྨཎསཧསྶཱནི, སདཱ བྷོཛེཏི ཝཱིསཏིཾ;

ཨོཀྐཱཀཔུཏྟོ བྷདྡནྟེ, ཏྭཾ ནུ དཱསོཏི མཉྙསི’’.

༦༠.

‘‘ཡསྶ ནཱགསཧསྶཱནི, སདཱ ཡོཛེནྟི ཝཱིསཏིཾ;

ཨོཀྐཱཀཔུཏྟོ བྷདྡནྟེ, ཏྭཾ ནུ དཱསོཏི མཉྙསི.

༦༡.

‘‘ཡསྶ ཨསྶསཧསྶཱནི, སདཱ ཡོཛེནྟི ཝཱིསཏིཾ;

ཨོཀྐཱཀཔུཏྟོ བྷདྡནྟེ, ཏྭཾ ནུ དཱསོཏི མཉྙསི.

༦༢.

‘‘ཡསྶ རཐསཧསྶཱནི, སདཱ ཡོཛེནྟི ཝཱིསཏིཾ;

ཨོཀྐཱཀཔུཏྟོ བྷདྡནྟེ, ཏྭཾ ནུ དཱསོཏི མཉྙསི.

[( ) ཨཡཾ གཱཐཱ སཱི. པཱི. པོཏྠཀེསུཡེཝ དིསྶཏི] (‘‘ཡསྶ ཨུསབྷསཧསྶཱནི, སདཱ ཡོཛེནྟི ཝཱིསཏིཾ;

ཨོཀྐཱཀཔུཏྟོ བྷདྡནྟེ, ཏྭཾ ནུ དཱསོཏི མཉྙསི) [( ) ཨཡཾ གཱཐཱ སཱི. པཱི. པོཏྠཀེསུཡེཝ དིསྶཏི].

༦༣.

‘‘ཡསྶ དྷེནུསཧསྶཱནི, སདཱ དུཧནྟི ཝཱིསཏིཾ [དུཡ྄ཧནྟི ཝཱིསཏི (སཱི. པཱི.)];

ཨོཀྐཱཀཔུཏྟོ བྷདྡནྟེ, ཏྭཾ ནུ དཱསོཏི མཉྙསི’’.

༦༤.

‘‘ཏགྒྷ ¶ ཏེ དུཀྐཊཾ བཱལེ, ཡཾ ཁཏྟིཡཾ མཧབྦལཾ;

ནཱགཾ མཎྜཱུཀཝཎྞེན, ན ནཾ [ན ཏཾ (སཱི. པཱི.)] ཨཀྑཱསིདྷཱགཏཾ’’ [ཨཀྑཱསི ཨཱགཏཾ (སཱི.)].

༦༥.

‘‘ཨཔརཱདྷཾ མཧཱརཱཛ, ཏྭཾ ནོ ཁམ རཐེསབྷ;

ཡཾ ཏཾ ཨཉྙཱཏཝེསེན, ནཱཉྙཱསིམྷཱ ཨིདྷཱགཏཾ’’.

༦༦.

‘‘མཱདིསསྶ ན ཏཾ ཚནྣཾ, ཡོཧཾ ཨཱལཱ༹རིཀོ བྷཝེ;

ཏྭཉྙེཝ མེ པསཱིདསྶུ, ནཏྠི ཏེ དེཝ དུཀྐཊཾ’’.

༦༧.

‘‘གཙྪ བཱལེ ཁམཱཔེཧི, ཀུསརཱཛཾ མཧབྦལཾ;

ཁམཱཔིཏོ ཀུསོ རཱཛཱ [ཀུསརཱཛཱ (སབྦཏྠ)], སོ ཏེ དསྶཏི ཛཱིཝིཏཾ’’.

༦༨.

‘‘པིཏུསྶ ཝཙནཾ སུཏྭཱ, དེཝཝཎྞཱི པབྷཱཝཏཱི;

སིརསཱ ཨགྒཧཱི པཱདེ, ཀུསརཱཛཾ མཧབྦལཾ’’.

༦༩.

‘‘ཡཱམཱ ¶ རཏྱོ ཨཏིཀྐནྟཱ, ཏཱམཱ དེཝ ཏཡཱ ཝིནཱ;

ཝནྡེ ཏེ སིརསཱ པཱདེ, མཱ མེ ཀུཛ྄ཛྷཾ རཐེསབྷ.

༧༠.

‘‘སབྦཾ ¶ [སཙྩཾ (སཱི. སྱཱ. པཱི.)] ཏེ པཊིཛཱནཱམི, མཧཱརཱཛ སུཎོཧི མེ;

ན ཙཱཔི ཨཔྤིཡཾ ཏུཡ྄ཧཾ, ཀརེཡྻཱམི ཨཧཾ པུན.

༧༡.

‘‘ཨེཝཾ ཙེ ཡཱཙམཱནཱཡ, ཝཙནཾ མེ ན ཀཱཧསི;

ཨིདཱནི མཾ ཏཱཏོ ཧནྟྭཱ, ཁཏྟིཡཱནཾ པདསྶཏི’’.

༧༢.

‘‘ཨེཝཾ ཏེ ཡཱཙམཱནཱཡ, ཀིཾ ན ཀཱཧཱམི ཏེ ཝཙོ;

ཝིཀུདྡྷོ ཏྱསྨི ཀལྱཱཎི, མཱ ཏྭཾ བྷཱཡི པབྷཱཝཏི.

༧༣.

‘‘སབྦཾ ཏེ པཊིཛཱནཱམི, རཱཛཔུཏྟི སུཎོཧི མེ;

ན ཙཱཔི ཨཔྤིཡཾ ཏུཡ྄ཧཾ, ཀརེཡྻཱམི ཨཧཾ པུན.

༧༤.

‘‘ཏཝ ཀཱམཱ ཧི སུསྶོཎི, པཧུ [བཧུ (སྱཱ.), བཧཱུ (པཱི.), བཧུཾ (ཀ.)] དུཀྑཾ ཏིཏིཀྑིསཾ [ཏིཏིཀྑིསྶཾ (སཱི. པཱི.)];

བཧུཾ མདྡཀུལཾ ཧནྟྭཱ, ནཡིཏུཾ ཏཾ པབྷཱཝཏི’’.

༧༥.

‘‘ཡོཛཡནྟུ རཐེ ཨསྶེ, ནཱནཱཙིཏྟེ སམཱཧིཏེ;

ཨཐ དཀྑཐ མེ ཝེགཾ, ཝིདྷམནྟསྶ [ཝིདྷམེནྟསྶ (སབྦཏྠ)] སཏྟཝོ’’.

༧༦.

‘‘ཏཉྩ ཏཏྠ ཨུདིཀྑིཾསུ, རཉྙོ མདྡསྶནྟེཔུརེ;

ཝིཛམྦྷམཱནཾ སཱིཧཾཝ, ཕོཊེནྟཾ དིགུཎཾ བྷུཛཾ.

༧༧.

‘‘ཧཏྠིཀྑནྡྷཉྩ ¶ ཨཱརུཡ྄ཧ, ཨཱརོཔེཏྭཱ པབྷཱཝཏིཾ;

སངྒཱམཾ ཨོཏརིཏྭཱན, སཱིཧནཱདཾ ནདཱི ཀུསོ.

༧༨.

‘‘ཏསྶ ཏཾ ནདཏོ སུཏྭཱ, སཱིཧསྶེཝིཏརེ མིགཱ;

ཁཏྟིཡཱ ¶ ཝིཔལཱཡིཾསུ, ཀུསསདྡབྷཡཊྚིཏཱ [ཀུསསདྡབྷཡཊྛིཏཱ (པཱི.)].

༧༩.

‘‘ཧཏྠཱརོཧཱ ཨནཱིཀཊྛཱ, རཐིཀཱ པཏྟིཀཱརཀཱ;

ཨཉྙམཉྙསྶ ཚིནྡནྟི, ཀུསསདྡབྷཡཊྚིཏཱ.

༨༠.

‘‘ཏསྨིཾ སངྒཱམསཱིསསྨིཾ, པསྶིཏྭཱ ཧཊྛ [ཏུཊྛ (སཱི.)] མཱནསོ;

ཀུསསྶ རཉྙོ དེཝིནྡོ, ཨདཱ ཝེརོཙནཾ མཎིཾ.

༨༡.

‘‘སོ ཏཾ ཝིཛིཏྭཱ སངྒཱམཾ, ལདྡྷཱ ཝེརོཙནཾ མཎིཾ;

ཧཏྠིཀྑནྡྷགཏོ རཱཛཱ, པཱཝེཀྑི ནགརཾ པུརཾ.

༨༢.

‘‘ཛཱིཝགྒཱཧཾ [ཛཱིཝགཱཧཾ (སཱི. པཱི.)] གཧེཏྭཱན, བནྡྷིཏྭཱ སཏྟ ཁཏྟིཡེ;

སསུརསྶུཔནཱམེསི, ཨིམེ ཏེ དེཝ སཏྟཝོ.

༨༣.

‘‘སབྦེཝ ཏེ ཝསཾ གཏཱ, ཨམིཏྟཱ ཝིཧཏཱ ཏཝ;

ཀཱམཾ ཀརོཧི ཏེ ཏཡཱ, མུཉྩ ཝཱ ཏེ ཧནསྶུ ཝཱ’’.

༨༤.

‘‘ཏུཡ྄ཧེཝ སཏྟཝོ ཨེཏེ, ན ཧི ཏེ མཡ྄ཧ སཏྟཝོ;

ཏྭཉྙེཝ ནོ མཧཱརཱཛ, མུཉྩ ཝཱ ཏེ ཧནསྶུ ཝཱ’’.

༨༥.

‘‘ཨིམཱ ¶ ཏེ དྷཱིཏརོ སཏྟ, དེཝཀཉྙཱུཔམཱ སུབྷཱ;

དདཱཧི ནེསཾ ཨེཀེཀཾ, ཧོནྟུ ཛཱམཱཏརོ ཏཝ’’.

༨༦.

‘‘ཨམྷཱཀཉྩེཝ ཏཱསཉྩ, ཏྭཾ ནོ སབྦེསམིསྶརོ;

ཏྭཉྙེཝ ནོ མཧཱརཱཛ, དེཧི ནེསཾ ཡདིཙྪསི’’.

༨༧.

‘‘ཨེཀམེཀསྶ ཨེཀེཀཾ, ཨདཱ སཱིཧསྶརོ ཀུསོ;

ཁཏྟིཡཱནཾ ཏདཱ ཏེསཾ, རཉྙོ མདྡསྶ དྷཱིཏརོ.

༨༨.

‘‘པཱིཎིཏཱ ཏེན ལཱབྷེན, ཏུཊྛཱ སཱིཧསྶརེ ཀུསེ;

སཀརཊྛཱནི ¶ པཱཡིཾསུ, ཁཏྟིཡཱ སཏྟ ཏཱཝདེ.

༨༩.

‘‘པབྷཱཝཏིཉྩ ཨཱདཱཡ, མཎིཾ ཝེརོཙནཾ སུབྷཾ [ཏདཱ (པཱི.)];

ཀུསཱཝཏིཾ ཀུསོ རཱཛཱ, ཨགམཱསི མཧབྦལོ.

༩༠.

‘‘ཏྱསྶུ ¶ ཨེཀརཐེ ཡནྟཱ, པཝིསནྟཱ ཀུསཱཝཏིཾ;

སམཱནཱ ཝཎྞརཱུཔེན, ནཱཉྙམཉྙཱཏིརོཙིསུཾ [ནཱཉྙམཉྙམཏིརོཙཡུཾ (སཱི.)].

༩༡.

‘‘མཱཏཱ པུཏྟེན སངྒཙྪི [སངྒཉྪི (སཱི. སྱཱ. པཱི.)], ཨུབྷཡོ ཙ ཛཡམྤཏཱི;

སམགྒཱ ཏེ ཏདཱ ཨཱསུཾ, ཕཱིཏཾ དྷརཎིམཱཝསུ’’ནྟི.

ཀུསཛཱཏཀཾ པཋམཾ.

༥༣༢. སོཎནནྡཛཱཏཀཾ (༢)

༩༢.

‘‘དེཝཏཱ ནུསི གནྡྷབྦོ, ཨདུ [ཨཱདུ (སཱི. སྱཱ.)] སཀྐོ པུརིནྡདོ;

མནུསྶབྷཱུཏོ ཨིདྡྷིམཱ, ཀཐཾ ཛཱནེམུ ཏཾ མཡཾ’’.

༩༣.

‘‘ནཱཔི དེཝོ ན གནྡྷབྦོ, ནཱཔི སཀྐོ པུརིནྡདོ;

མནུསྶབྷཱུཏོ ཨིདྡྷིམཱ, ཨེཝཾ ཛཱནཱཧི བྷཱརདྷ’’ [བྷཱརབྷ (ཀ.)].

༩༤.

‘‘ཀཏརཱུཔམིདཾ བྷོཏོ [བྷོཏོ (སཱི. པཱི.)], ཝེཡྻཱཝཙྩཾ ཨནཔྤཀཾ;

དེཝམྷི ཝསྶམཱནམྷི, ཨནོཝསྶཾ བྷཝཾ ཨཀཱ.

༩༥.

‘‘ཏཏོ ཝཱཏཱཏཔེ གྷོརེ, སཱིཏཙྪཱཡཾ བྷཝཾ ཨཀཱ;

ཏཏོ ཨམིཏྟམཛ྄ཛྷེསུ [ཨམིཏྟམཛ྄ཛྷེ ཙ (སཱི.)], སརཏཱཎཾ བྷཝཾ ཨཀཱ.

༩༦.

‘‘ཏཏོ ཕཱིཏཱནི རཊྛཱནི, ཝསིནོ ཏེ བྷཝཾ ཨཀཱ;

ཏཏོ ཨེཀསཏཾ ཁཏྱེ, ཨནུཡནྟེ [ཨནུཡུཏྟེ (པཱི.)] བྷཝཾ ཨཀཱ.

༩༧.

‘‘པཏཱིཏཱསྶུ ¶ ¶ མཡཾ བྷོཏོ, ཝད ཏཾ [ཝར ཏཾ (སཱི. སྱཱ. པཱི.)] བྷཉྫ [བྷཉྙ (སཱི. པཱི.), བྷུཉྫ (སྱཱ. ཀ.)] མིཙྪསི;

ཧཏྠིཡཱནཾ ཨསྶརཐཾ, ནཱརིཡོ ཙ ཨལངྐཏཱ;

ནིཝེསནཱནི རམྨཱནི, མཡཾ བྷོཏོ དདཱམསེ.

༩༨.

‘‘ཨཐ ཝངྒེ [ཨཐ ཝཱ སངྒེ (སཱི. པཱི.)] ཝཱ མགདྷེ, མཡཾ བྷོཏོ དདཱམསེ;

ཨཐ ཝཱ ཨསྶཀཱཝནྟཱི [ཨསྶཀཱཝནྟིཾ (སཱི. སྱཱ. པཱི.)], སུམནཱ དམྨ ཏེ མཡཾ.

༩༩.

‘‘ཨུཔཌྜྷཾ ཝཱཔི རཛྫསྶ, མཡཾ བྷོཏོ དདཱམསེ;

སཙེ ཏེ ཨཏྠོ རཛྫེན, ཨནུསཱས ཡདིཙྪསི’’.

༡༠༠.

‘‘ན ¶ མེ ཨཏྠོཔི རཛྫེན, ནགརེན དྷནེན ཝཱ;

ཨཐོཔི ཛནཔདེན, ཨཏྠོ མཡ྄ཧཾ ན ཝིཛྫཏི.

༡༠༡.

‘‘བྷོཏོཝ རཊྛེ ཝིཛིཏེ, ཨརཉྙེ ཨཏྠི ཨསྶམོ;

པིཏཱ མཡ྄ཧཾ ཛནེཏྟཱི ཙ, ཨུབྷོ སམྨནྟི ཨསྶམེ.

༡༠༢.

‘‘ཏེསཱཧཾ [ཏེསྭཧཾ (ཀ.)] པུབྦཱཙརིཡེསུ, པུཉྙཾ ན ལབྷཱམི ཀཱཏཝེ;

བྷཝནྟཾ ཨཛ྄ཛྷཱཝརཾ ཀཏྭཱ, སོཎཾ [སོནཾ (པཱི.)] ཡཱཙེམུ སཾཝརཾ’’.

༡༠༣.

‘‘ཀརོམི ཏེ ཏཾ ཝཙནཾ, ཡཾ མཾ བྷཎསི བྲཱཧྨཎ;

ཨེཏཉྩ ཁོ ནོ ཨཀྑཱཧི, ཀཱིཝནྟོ ཧོནྟུ ཡཱཙཀཱ’’.

༡༠༤.

‘‘པརོསཏཾ ཛཱནཔདཱ, མཧཱསཱལཱ ཙ བྲཱཧྨཎཱ;

ཨིམེ ཙ ཁཏྟིཡཱ སབྦེ, ཨབྷིཛཱཏཱ ཡསསྶིནོ;

བྷཝཉྩ རཱཛཱ མནོཛོ, ཨལཾ ཧེསྶནྟི ཡཱཙཀཱ’’.

༡༠༥.

‘‘ཧཏྠཱི ཨསྶེ ཙ ཡོཛེནྟུ, རཐཾ སནྣཡ྄ཧ སཱརཐི [ནཾ རཐི (པཱི.)];

ཨཱབནྡྷནཱནི གཎྷཱཐ, པཱདཱསུསྶཱརཡདྡྷཛེ [པཱདེསུསྶཱརཡཾ དྷཛེ (སཱི.), པཱདཱསུསྶཱརཡཾ དྷཛེ (པཱི.)];

ཨསྶམཾ ¶ ཏཾ གམིསྶཱམི, ཡཏྠ སམྨཏི ཀོསིཡོ’’.

༡༠༦.

‘‘ཏཏོ ཙ རཱཛཱ པཱཡཱསི, སེནཱཡ ཙཏུརངྒིནཱི;

ཨགམཱ ཨསྶམཾ རམྨཾ, ཡཏྠ སམྨཏི ཀོསིཡོ’’.

༡༠༧.

‘‘ཀསྶ ཀཱདམྦཡོ [ཀསྶ ཀཱདམྦམཡོ (ཀ.)] ཀཱཛོ, ཝེཧཱསཾ ཙཏུརངྒུལཾ;

ཨཾསཾ ཨསམྥུསཾ ཨེཏི, ཨུདཧཱརཱཡ [ཨུདཧཱརསྶ (སཱི. སྱཱ. པཱི.)] གཙྪཏོ’’.

༡༠༨.

‘‘ཨཧཾ སོཎོ མཧཱརཱཛ, ཏཱཔསོ སཧིཏབྦཏོ [སཧིཏཾ ཝཏོ (པཱི.)];

བྷརཱམི མཱཏཱཔིཏརོ, རཏྟིནྡིཝམཏནྡིཏོ.

༡༠༩.

‘‘ཝནེ ཕལཉྩ མཱུལཉྩ, ཨཱཧརིཏྭཱ དིསམྤཏི;

པོསེམི མཱཏཱཔིཏརོ, པུབྦེ ཀཏམནུསྶརཾ’’.

༡༡༠.

‘‘ཨིཙྪཱམ ¶ ཨསྶམཾ གནྟུཾ, ཡཏྠ སམྨཏི ཀོསིཡོ;

མགྒཾ ནོ སོཎ ཨཀྑཱཧི, ཡེན གཙྪེམུ [གཙྪཱམ (སཱི.)] ཨསྶམཾ’’.

༡༡༡.

‘‘ཨཡཾ ¶ ཨེཀཔདཱི རཱཛ, ཡེནེཏཾ [ཡེན ཏཾ (ཀ.)] མེགྷསནྣིབྷཾ;

ཀོཝིལཱ༹རེཧི སཉྪནྣཾ, ཨེཏྠ སམྨཏི ཀོསིཡོ’’.

༡༡༢.

‘‘ཨིདཾ ཝཏྭཱན པཀྐཱམི, ཏརམཱནོ མཧཱཨིསི;

ཝེཧཱསེ ཨནྟལིཀྑསྨིཾ, ཨནུསཱསིཏྭཱན ཁཏྟིཡེ.

༡༡༣.

‘‘ཨསྶམཾ པརིམཛྫིཏྭཱ, པཉྙཔེཏྭཱན [པཉྙཔེཏྭཱན (སཱི. སྱཱ.)] ཨཱསནཾ;

པཎྞསཱལཾ པཝིསིཏྭཱ, པིཏརཾ པཊིབོདྷཡི.

༡༡༤.

‘‘ཨིམེ ཨཱཡནྟི རཱཛཱནོ, ཨབྷིཛཱཏཱ ཡསསྶིནོ;

ཨསྶམཱ ནིཀྑམིཏྭཱན, ནིསཱིད ཏྭཾ [ནིསཱིདཱཧི (སཱི.)] མཧཱཨིསེ.

༡༡༥.

‘‘ཏསྶ ཏཾ ཝཙནཾ སུཏྭཱ, ཏརམཱནོ མཧཱཨིསི;

ཨསྶམཱ ¶ ནིཀྑམིཏྭཱན, སདྭཱརམྷི ཨུཔཱཝིསི’’.

༡༡༦.

‘‘ཏཉྩ དིསྭཱན ཨཱཡནྟཾ, ཛལནྟཾརིཝ ཏེཛསཱ;

ཁཏྱསངྒྷཔརིབྱཱུལ༹ྷཾ, ཀོསིཡོ ཨེཏདབྲཝི.

༡༡༧.

‘‘ཀསྶ བྷེརཱི མུདིངྒཱ ཙ [མུཏིངྒཱ ཙ (པཱི.)], སངྑཱ པཎཝདིནྡིམཱ [དེཎྜིམཱ (སཱི. པཱི.)];

པུརཏོ པཊིཔནྣཱནི, ཧཱསཡནྟཱ རཐེསབྷཾ.

༡༡༨.

‘‘ཀསྶ ཀཉྩནཔཊྚེན, པུཐུནཱ ཝིཛྫུཝཎྞིནཱ;

ཡུཝཱ ཀལཱཔསནྣདྡྷོ, ཀོ ཨེཏི སིརིཡཱ ཛལཾ.

༡༡༩.

‘‘ཨུཀྐཱམུཁཔཧཊྛཾཝ, ཁདིརངྒཱརསནྣིབྷཾ;

མུཁཉྩ རུཙིརཱ བྷཱཏི, ཀོ ཨེཏི སིརིཡཱ ཛལཾ.

༡༢༠.

‘‘ཀསྶ པགྒཧིཏཾ ཚཏྟཾ, སསལཱཀཾ མནོརམཾ;

ཨཱདིཙྩརཾསཱཝརཎཾ, ཀོ ཨེཏི སིརིཡཱ ཛལཾ.

༡༢༡.

‘‘ཀསྶ ཨངྒཾ པརིགྒཡ྄ཧ, ཝཱལ༹བཱིཛནིམུཏྟམཾ;

ཙརནྟི ཝརཔུཉྙསྶ [ཝརཔཉྙསྶ (སཱི. པཱི.)], ཧཏྠིཀྑནྡྷེན ཨཱཡཏོ.

༡༢༢.

‘‘ཀསྶ སེཏཱནི ཚཏྟཱནི, ཨཱཛཱནཱིཡཱ ཙ ཝམྨིཏཱ;

སམནྟཱ པརིཀིརེནྟི [པརིཀིརནྟི (སཱི. སྱཱ. པཱི.)], ཀོ ཨེཏི སིརིཡཱ ཛལཾ.

༡༢༣.

‘‘ཀསྶ ¶ ཨེཀསཏཾ ཁཏྱཱ, ཨནུཡནྟཱ [ཨནུཡུཏྟཱ (པཱི.)] ཡསསྶིནོ;

སམནྟཱནུཔརིཡནྟི, ཀོ ཨེཏི སིརིཡཱ ཛལཾ.

༡༢༤.

‘‘ཧཏྠི ཨསྶརཐ པཏྟི [ཧཏྠཱི ཨསྶཱ རཐཱ པཏྟཱི (སཱི.)], སེནཱ ཙ ཙཏུརངྒིནཱི;

སམནྟཱནུཔརིཡནྟི [སམནྟཱ ཨནུཔརིཡཱཏི (པཱི.)], ཀོ ཨེཏི སིརིཡཱ ཛལཾ.

༡༢༥.

‘‘ཀསྶེསཱ ¶ མཧཏཱི སེནཱ, པིཊྛིཏོ ཨནུཝཏྟཏི;

ཨཀྑོབྷཎཱི ¶ [ཨཀྑཱབྷནཱི (སཱི.), ཨཀྑོབྷིནཱི (སྱཱ.)] ཨཔརིཡནྟཱ, སཱགརསྶེཝ ཨཱུམིཡོ’’.

༡༢༦.

‘‘རཱཛཱབྷིརཱཛཱ [རཱཛཱདྷིརཱཛཱ (ཀ.)] མནོཛོ, ཨིནྡོཝ ཛཡཏཾ པཏི;

ནནྡསྶཛ྄ཛྷཱཝརཾ ཨེཏི, ཨསྶམཾ བྲཧྨཙཱརིནཾ.

༡༢༧.

‘‘ཏསྶེསཱ མཧཏཱི སེནཱ, པིཊྛིཏོ ཨནུཝཏྟཏི;

ཨཀྑོབྷཎཱི ཨཔརིཡནྟཱ, སཱགརསྶེཝ ཨཱུམིཡོ’’.

༡༢༨.

‘‘ཨནུལིཏྟཱ ཙནྡནེན, ཀཱསིཀུཏྟམདྷཱརིནོ [ཀཱསིཀཝཏྠདྷཱརིནོ (པཱི.)];

སབྦེ པཉྫལིཀཱ ཧུཏྭཱ, ཨིསཱིནཾ ཨཛ྄ཛྷུཔཱགམུཾ’’.

༡༢༩.

‘‘ཀཙྩི ནུ བྷོཏོ ཀུསལཾ, ཀཙྩི བྷོཏོ ཨནཱམཡཾ;

ཀཙྩི ཨུཉྪེན ཡཱཔེཐ, ཀཙྩི མཱུལཕལཱ བཧཱུ.

༡༣༠.

‘‘ཀཙྩི ཌཾསཱ མཀསཱ ཙ, ཨཔྤམེཝ སརཱིསཔཱ [སིརིཾསཔཱ (སཱི. སྱཱ. པཱི.)];

ཝནེ ཝཱལ༹མིགཱཀིཎྞེ, ཀཙྩི ཧིཾསཱ ན ཝིཛྫཏི’’.

༡༣༡.

‘‘ཀུསལཉྩེཝ ནོ རཱཛ, ཨཐོ རཱཛ ཨནཱམཡཾ;

ཨཐོ ཨུཉྪེན ཡཱཔེམ, ཨཐོ མཱུལཕལཱ བཧཱུ.

༡༣༢.

‘‘ཨཐོ ཌཾསཱ མཀསཱ ཙ [ཌཾསཱ ཙ མཀསཱ (སཱི.), ཌཾསཱ ཙ མཀསཱ ཙ (པཱི.)], ཨཔྤམེཝ སརཱིསཔཱ [སིརིཾསཔཱ (སཱི. སྱཱ. པཱི.)];

ཝནེ ཝཱལ༹མིགཱཀིཎྞེ, ཧིཾསཱ མཡ྄ཧཾ [ཨ མྷཾ (སཱི. པཱི.)] ན ཝིཛྫཏི.

༡༣༣.

‘‘བཧཱུནི ཝསྶཔཱུགཱནི, ཨསྶམེ སམྨཏཾ [ཝསཏོ (སཱི.)] ཨིདྷ;

ནཱབྷིཛཱནཱམི ཨུཔྤནྣཾ, ཨཱབཱདྷཾ ཨམནོརམཾ.

༡༣༤.

‘‘སྭཱགཏཾ ཏེ མཧཱརཱཛ, ཨཐོ ཏེ ཨདུརཱགཏཾ;

ཨིསྶརོསི ཨནུཔྤཏྟོ, ཡཾ ཨིདྷཏྠི པཝེདཡ.

༡༣༥.

‘‘ཏིནྡུཀཱནི ¶ པིཡཱལཱནི, མདྷུཀེ ཀཱསུམཱརིཡོ [ཀཱསམཱརིཡོ (སཱི. སྱཱ.)];

ཕལཱནི ¶ ཁུདྡཀཔྤཱནི, བྷུཉྫ རཱཛ ཝརཾ ཝརཾ.

༡༣༦.

‘‘ཨིདམྤི པཱནཱིཡཾ སཱིཏཾ, ཨཱབྷཏཾ གིརིགབྦྷརཱ;

ཏཏོ པིཝ མཧཱརཱཛ, སཙེ ཏྭཾ ཨབྷིཀངྑསི’’.

༡༣༧.

‘‘པཊིགྒཧིཏཾ ཡཾ དིནྣཾ, སབྦསྶ ཨགྒྷིཡཾ ཀཏཾ;

ནནྡསྶཱཔི ནིསཱམེཐ, ཝཙནཾ སོ [ཡཾ (སཱི.), ཡཾ སོ (པཱི.)] པཝཀྑཏི.

༡༣༨.

‘‘ཨཛ྄ཛྷཱཝརམྷཱ ནནྡསྶ, བྷོཏོ སནྟིཀམཱགཏཱ;

སུཎཱཏུ [སུཎཱཏུ མེ (སཱི. སྱཱ.)] བྷཝཾ ཝཙནཾ, ནནྡསྶ པརིསཱཡ ཙ’’.

༡༣༩.

‘‘པརོསཏཾ ¶ ཛཱནཔདཱ [ཛནཔདཱ (པཱི.)], མཧཱསཱལཱ ཙ བྲཱཧྨཎཱ;

ཨིམེ ཙ ཁཏྟིཡཱ སབྦེ, ཨབྷིཛཱཏཱ ཡསསྶིནོ;

བྷཝཉྩ རཱཛཱ མནོཛོ, ཨནུམཉྙནྟུ མེ ཝཙོ.

༡༤༠.

‘‘ཡེ ཙ སནྟི [ཡེ ཝསནྟི (སཱི.), ཡེ ཧི སནྟི (པཱི.)] སམཱིཏཱརོ, ཡཀྑཱནི ཨིདྷ མསྶམེ;

ཨརཉྙེ བྷཱུཏབྷབྱཱནི, སུཎནྟུ ཝཙནཾ མམ.

༡༤༡.

‘‘ནམོ ཀཏྭཱན བྷཱུཏཱནཾ, ཨིསིཾ ཝཀྑཱམི སུབྦཏཾ;

སོ ཏྱཱཧཾ དཀྑིཎཱ བཱཧུ, ཏཝ ཀོསིཡ སམྨཏོ.

༡༤༢.

‘‘པིཏརཾ མེ ཛནེཏྟིཉྩ, བྷཏྟུཀཱམསྶ མེ སཏོ;

ཝཱིར པུཉྙམིདཾ ཋཱནཾ, མཱ མཾ ཀོསིཡ ཝཱརཡ.

༡༤༣.

‘‘སབྦྷི ཧེཏཾ ཨུཔཉྙཱཏཾ, མམེཏཾ ཨུཔནིསྶཛ;

ཨུཊྛཱནཔཱརིཙརིཡཱཡ, དཱིགྷརཏྟཾ ཏཡཱ ཀཏཾ;

མཱཏཱཔིཏཱུསུ པུཉྙཱནི, མམ ལོཀདདོ བྷཝ.

༡༤༤.

‘‘ཏཐེཝ སནྟི མནུཛཱ, དྷམྨེ དྷམྨཔདཾ ཝིདཱུ;

མགྒོ ¶ སགྒསྶ ལོཀསྶ, ཡཐཱ ཛཱནཱསི ཏྭཾ ཨིསེ.

༡༤༥.

‘‘ཨུཊྛཱནཔཱརིཙརིཡཱཡ, མཱཏཱཔིཏུསུཁཱཝཧཾ;

ཏཾ མཾ པུཉྙཱ ནིཝཱརེཏི, ཨརིཡམགྒཱཝརོ ནརོ’’.

༡༤༦.

‘‘སུཎནྟུ ¶ བྷོནྟོ ཝཙནཾ, བྷཱཏུརཛ྄ཛྷཱཝརཱ མམ;

ཀུལཝཾསཾ མཧཱརཱཛ, པོརཱཎཾ པརིཧཱཔཡཾ;

ཨདྷམྨཙཱརཱི ཛེཊྛེསུ [ཡོ ཛེཊྛོ (སཱི.)], ནིརཡཾ སོཔཔཛྫཏི [སོ ཨུཔཔཛྫཏི (སཱི. སྱཱ. པཱི.)].

༡༤༧.

‘‘ཡེ ཙ དྷམྨསྶ ཀུསལཱ, པོརཱཎསྶ དིསམྤཏི;

ཙཱརིཏྟེན ཙ སམྤནྣཱ, ན ཏེ གཙྪནྟི དུགྒཏིཾ.

༡༤༨.

‘‘མཱཏཱཔིཏཱ ཙ བྷཱཏཱ ཙ, བྷགིནཱི ཉཱཏིབནྡྷཝཱ;

སབྦེ ཛེཊྛསྶ ཏེ བྷཱརཱ, ཨེཝཾ ཛཱནཱཧི བྷཱརདྷ [བྷཱརཐ (སྱཱ.)].

༡༤༩.

‘‘ཨཱདིཡིཏྭཱ གརུཾ བྷཱརཾ, ནཱཝིཀོ ཝིཡ ཨུསྶཧེ;

དྷམྨཉྩ ནཔྤམཛྫཱམི, ཛེཊྛོ ཙསྨི རཐེསབྷ’’.

༡༥༠.

‘‘ཨདྷིགམཱ [ཨདྷིགཏམྷཱ (སཱི.), ཨདྷིགམྷཱ (སྱཱ.), ཨདྷིགཏམྷ (པཱི.)] ཏམེ ཉཱཎཾ, ཛཱལཾཝ ཛཱཏཝེདཏོ;

ཨེཝམེཝ ནོ བྷཝཾ དྷམྨཾ, ཀོསིཡོ པཝིདཾསཡི.

༡༥༡.

‘‘ཡཐཱ ཨུདཡམཱདིཙྩོ, ཝཱསུདེཝོ པབྷངྐརོ;

པཱཎཱིནཾ པཝིདཾསེཏི, རཱུཔཾ ཀལྱཱཎཔཱཔཀཾ;

ཨེཝམེཝ ནོ བྷཝཾ དྷམྨཾ, ཀོསིཡོ པཝིདཾསཡི’’.

༡༥༢.

‘‘ཨེཝཾ ¶ མེ ཡཱཙམཱནསྶ, ཨཉྫལིཾ ནཱཝབུཛ྄ཛྷཐ;

ཏཝ པདྡྷཙརོ [ཏཝ པཊྛཙརོ (སྱཱ.), ཏཝ བདྡྷཉྩརོ (པཱི.), ཏཝུཔཊྛཙརོ (ཀ.)] ཧེསྶཾ, ཝུཊྛིཏོ པརིཙཱརཀོ’’.

༡༥༣.

‘‘ཨདྡྷཱ ནནྡ ཝིཛཱནཱསི [པཛཱནཱསི (སཱི.)], སདྡྷམྨཾ སབྦྷི དེསིཏཾ;

ཨརིཡོ ¶ ཨརིཡསམཱཙཱརོ, བཱལ༹ྷཾ ཏྭཾ མམ རུཙྩསི.

༡༥༤.

‘‘བྷཝནྟཾ ཝདཱམི བྷོཏིཉྩ, སུཎཱཐ ཝཙནཾ མམ;

ནཱཡཾ བྷཱརོ བྷཱརམཏོ [བྷཱརམཏྟོ (སཱི. སྱཱ.)], ཨཧུ མཡ྄ཧཾ ཀུདཱཙནཾ.

༡༥༥.

‘‘ཏཾ མཾ ཨུཔཊྛིཏཾ སནྟཾ, མཱཏཱཔིཏུསུཁཱཝཧཾ;

ནནྡོ ཨཛ྄ཛྷཱཝརཾ ཀཏྭཱ, ཨུཔཊྛཱནཱཡ ཡཱཙཏི.

༡༥༦.

‘‘ཡོ ཝེ ཨིཙྪཏི ཀཱམེན, སནྟཱནཾ བྲཧྨཙཱརིནཾ;

ནནྡཾ ཝོ ཝརཐ ཨེཀོ [ནནྡཾ ཝདཐ ཨེཀེ (པཱི.)], ཀཾ ནནྡོ ཨུཔཏིཊྛཏུ’’.

༡༥༧.

‘‘ཏཡཱ ¶ ཏཱཏ ཨནུཉྙཱཏཱ, སོཎ ཏཾ ནིསྶིཏཱ མཡཾ;

ཨུཔགྷཱཏུཾ [ཨུཔགྷཱཡིཏུཾ (སཱི.)] ལབྷེ ནནྡཾ, མུདྡྷནི བྲཧྨཙཱརིནཾ’’.

༡༥༨.

‘‘ཨསྶཏྠསྶེཝ ཏརུཎཾ, པཝཱལ༹ཾ མཱལུཏེརིཏཾ;

ཙིརསྶཾ ནནྡཾ དིསྭཱན, ཧདཡཾ མེ པཝེདྷཏི.

༡༥༩.

‘‘ཡདཱ སུཏྟཱཔི སུཔིནེ [སུཔྤནྟེ (སྱཱ. པཱི.)], ནནྡཾ པསྶཱམི ཨཱགཏཾ;

ཨུདགྒཱ སུམནཱ ཧོམི, ནནྡོ ནོ ཨཱགཏོ ཨཡཾ.

༡༦༠.

‘‘ཡདཱ ཙ པཊིབུཛ྄ཛྷིཏྭཱ, ནནྡཾ པསྶཱམི ནཱགཏཾ;

བྷིཡྻོ ཨཱཝིསཏཱི སོཀོ, དོམནསྶཉྩནཔྤཀཾ.

༡༦༡.

‘‘སཱཧཾ ཨཛྫ ཙིརསྶམྤི, ནནྡཾ པསྶཱམི ཨཱགཏཾ;

བྷཏྟུཙྩ [བྷཏྟུཉྩ (ཀ.)] མཡ྄ཧཉྩ པིཡོ, ནནྡོ ནོ པཱཝིསཱི གྷརཾ.

༡༦༢.

‘‘པིཏུཔི ནནྡོ སུཔྤིཡོ, ཡཾ ནནྡོ ནཔྤཝསེ [པཱཝིསཱི (པཱི.)] གྷརཱ [གྷརཾ (སྱཱ. པཱི. ཀ.)];

ལབྷཏཱུ ཏཱཏ ནནྡོ ཏཾ, མཾ ནནྡོ ཨུཔཏིཊྛཏུ’’.

༡༦༣.

‘‘ཨནུཀམྤིཀཱ ¶ པཏིཊྛཱ ཙ, པུབྦེ རསདདཱི ཙ ནོ;

མགྒོ སགྒསྶ ལོཀསྶ, མཱཏཱ ཏཾ ཝརཏེ ཨིསེ.

༡༦༤.

‘‘པུབྦེ རསདདཱི གོཏྟཱི, མཱཏཱ པུཉྙཱུཔསཾཧིཏཱ;

མགྒོ སགྒསྶ ལོཀསྶ, མཱཏཱ ཏཾ ཝརཏེ ཨིསེ’’.

༡༦༥.

‘‘ཨཱཀངྑམཱནཱ པུཏྟཕལཾ, དེཝཏཱཡ ནམསྶཏི;

ནཀྑཏྟཱནི ཙ པུཙྪཏི, ཨུཏུསཾཝཙྪརཱནི ཙ.

༡༦༦.

‘‘ཏསྶཱ ཨུཏུམྷི ནྷཱཏཱཡ [ཨུཏུསིནཱཏཱཡ (པཱི.)], ཧོཏི གབྦྷསྶ ཝོཀྐམོ [གབྦྷསྶ’ཝཀྐམོ (སཱི. སྱཱ. པཱི.)];

ཏེན དོཧལི༹ནཱི ཧོཏི, སུཧདཱ ཏེན ཝུཙྩཏི.

༡༦༧.

‘‘སཾཝཙྪརཾ ¶ ཝཱ ཨཱུནཾ ཝཱ, པརིཧརིཏྭཱ ཝིཛཱཡཏི;

ཏེན སཱ ཛནཡནྟཱིཏི, ཛནེཏྟི [ཛནེཏྟཱི (སཱི. སྱཱ. པཱི.)] ཏེན ཝུཙྩཏི.

༡༦༨.

‘‘ཐནཁཱིརེན [ཐནཀྑཱིརེན (སཱི.)] གཱིཏེན, ཨངྒཔཱཝུརཎེན [ཨངྒཔཱཔུརཎེན (པཱི.)] ཙ;

རོདནྟཾ པུཏྟཾ [ཨེཝ (པཱི.)] ཏོསེཏི, ཏོསེནྟཱི ཏེན ཝུཙྩཏི.

༡༦༩.

‘‘ཏཏོ ¶ ཝཱཏཱཏཔེ གྷོརེ, མམཾ ཀཏྭཱ ཨུདིཀྑཏི;

དཱརཀཾ ཨཔྤཛཱནནྟཾ, པོསེནྟཱི ཏེན ཝུཙྩཏི.

༡༧༠.

‘‘ཡཉྩ མཱཏུདྷནཾ ཧོཏི, ཡཉྩ ཧོཏི པིཏུདྡྷནཾ;

ཨུབྷཡམྤེཏསྶ གོཔེཏི, ཨཔི པུཏྟསྶ ནོ སིཡཱ.

༡༧༡.

‘‘ཨེཝཾ པུཏྟ ཨདུཾ པུཏྟ, ཨིཏི མཱཏཱ ཝིཧཉྙཏི;

པམཏྟཾ པརདཱརེསུ, ནིསཱིཐེ པཏྟཡོབྦནེ;

སཱཡཾ པུཏྟཾ ཨནཱཡནྟཾ, ཨིཏི མཱཏཱ ཝིཧཉྙཏི.

༡༧༢.

‘‘ཨེཝཾ ཀིཙྪཱ བྷཏོ པོསོ, མཱཏུ ཨཔརིཙཱརཀོ;

མཱཏརི མིཙྪཱ ཙརིཏྭཱན, ནིརཡཾ སོཔཔཛྫཏི.

༡༧༣.

‘‘ཨེཝཾ ¶ ཀིཙྪཱ བྷཏོ པོསོ, པིཏུ ཨཔརིཙཱརཀོ;

པིཏརི མིཙྪཱ ཙརིཏྭཱན, ནིརཡཾ སོཔཔཛྫཏི.

༡༧༤.

‘‘དྷནཱཔི དྷནཀཱམཱནཾ, ནསྶཏི ཨིཏི མེ སུཏཾ;

མཱཏརཾ ཨཔརིཙརིཏྭཱན, ཀིཙྪཾ ཝཱ སོ ནིགཙྪཏི.

༡༧༥.

‘‘དྷནཱཔི དྷནཀཱམཱནཾ, ནསྶཏི ཨིཏི མེ སུཏཾ;

པིཏརཾ ཨཔརིཙརིཏྭཱན, ཀིཙྪཾ ཝཱ སོ ནིགཙྪཏི.

༡༧༦.

‘‘ཨཱནནྡོ ཙ པམོདོ ཙ, སདཱ ཧསིཏཀཱིལི༹ཏཾ;

མཱཏརཾ པརིཙརིཏྭཱན, ལབྦྷམེཏཾ ཝིཛཱནཏོ.

༡༧༧.

‘‘ཨཱནནྡོ ཙ པམོདོ ཙ, སདཱ ཧསིཏཀཱིལི༹ཏཾ;

པིཏརཾ པརིཙརིཏྭཱན, ལབྦྷམེཏཾ ཝིཛཱནཏོ.

༡༧༨.

‘‘དཱནཉྩ པེཡྻཝཛྫཉྩ [པིཡཝཱཙཱ ཙ (སཱི. སྱཱ. ཀ.)], ཨཏྠཙརིཡཱ ཙ ཡཱ ཨིདྷ;

སམཱནཏྟཏཱ [སམཱནཏྟཱ (པཱི.)] ཙ དྷམྨེསུ, ཏཏྠ ཏཏྠ ཡཐཱརཧཾ;

ཨེཏེ ཁོ སངྒཧཱ ལོཀེ, རཐསྶཱཎཱིཝ ཡཱཡཏོ.

༡༧༩.

ཨེཏེ ཙ སངྒཧཱ ནཱསྶུ, ན མཱཏཱ པུཏྟཀཱརཎཱ;

ལབྷེཐ མཱནཾ པཱུཛཾ ཝཱ [པཱུཛཉྩ (པཱི.)], པིཏཱ ཝཱ པུཏྟཀཱརཎཱ.

༡༨༠.

‘‘ཡསྨཱ ཙ སངྒཧཱ [སངྒཧེ (དཱི. ནི. ༣.༢༧༣; ཨ. ནི. ༤.༣༢) ཏདཊྛཀཐཱཡོ ཨོལོཀེཏབྦཱ] ཨེཏེ, སམྨཔེཀྑནྟི [སམཝེཀྑནྟི (སཱི. སྱཱ. པཱི.) ཨ. ནི. ༤.༣༢] པཎྜིཏཱ;

ཏསྨཱ མཧཏྟཾ པཔྤོནྟི, པཱསཾསཱ ཙ བྷཝནྟི ཏེ.

༡༨༡.

‘‘བྲཧྨཱཏི ¶ ¶ [བྲཧྨཱ ཧི (པཱི.)] མཱཏཱཔིཏརོ, པུབྦཱཙརིཡཱཏི ཝུཙྩརེ;

ཨཱཧུནེཡྻཱ ¶ ཙ པུཏྟཱནཾ, པཛཱཡ ཨནུཀམྤཀཱ.

༡༨༢.

‘‘ཏསྨཱ ཧི ནེ ནམསྶེཡྻ, སཀྐརེཡྻ ཙ པཎྜིཏོ;

ཨནྣེན ཨཐོ [མཐོ (པཱི.), ཨཐ (ཨ. ནི. ༤.༦༣; ཨིཏིཝུ. ༡༠༦)] པཱནེན, ཝཏྠེན སཡནེན ཙ;

ཨུཙྪཱདནེན ནྷཱཔནེན [ནཧཱཔནེན (སཱི. པཱི.)], པཱདཱནཾ དྷོཝནེན ཙ.

༡༨༣.

‘‘ཏཱཡ ནཾ པཱརིཙརིཡཱཡ [པརིཙརིཡཱཡ (པཱི.)], མཱཏཱཔིཏཱུསུ པཎྜིཏཱ;

ཨིདྷེཝ ནཾ པསཾསནྟི, པེཙྩ སགྒེ པམོདཏཱི’’ཏི.

སོཎནནྡཛཱཏཀཾ དུཏིཡཾ.

སཏྟཏིནིཔཱཏཾ ནིཊྛིཏཾ.

ཏསྶུདྡཱནཾ –

ཨཐ སཏྟཏིམམྷི ནིཔཱཏཝརེ, སབྷཱཝནྟུ ཀུསཱཝཏིརཱཛཝརོ;

ཨཐ སོཎསུནནྡཝརོ ཙ པུན, ཨབྷིཝཱསིཏསཏྟཏིམམྷི སུཏེཏི.

༢༡. ཨསཱིཏིནིཔཱཏོ

༥༣༣. ཙཱུལ༹ཧཾསཛཱཏཀཾ (༡)

༡.

‘‘སུམུཁ ¶ ¶ ¶ ཨནུཔཙིནནྟཱ, པཀྐམནྟི ཝིཧངྒམཱ;

གཙྪ ཏུཝམྤི མཱ ཀངྑི, ནཏྠི བདྡྷེ [བནྡྷེ (སྱཱ. ཀ.)] སཧཱཡཏཱ’’.

༢.

‘‘གཙྪེ ཝཱཧཾ ན ཝཱ གཙྪེ, ན ཏེན ཨམརོ སིཡཾ;

སུཁིཏཾ ཏཾ ཨུཔཱསིཏྭཱ, དུཀྑིཏཾ ཏཾ ཀཐཾ ཛཧེ.

༣.

‘‘མརཎཾ ཝཱ ཏཡཱ སདྡྷིཾ, ཛཱིཝིཏཾ ཝཱ ཏཡཱ ཝིནཱ;

ཏདེཝ མརཎཾ སེཡྻོ, ཡཉྩེ ཛཱིཝེ ཏཡཱ ཝིནཱ.

༤.

‘‘ནེས དྷམྨོ མཧཱརཱཛ, ཡཾ ཏཾ ཨེཝཾ གཏཾ ཛཧེ;

ཡཱ གཏི ཏུཡ྄ཧཾ སཱ མཡ྄ཧཾ, རུཙྩཏེ ཝིཧགཱདྷིཔ.

༥.

‘‘ཀཱ ནུ པཱསེན བདྡྷསྶ [བནྡྷསྶ (སྱཱ. ཀ.)], གཏི ཨཉྙཱ མཧཱནསཱ;

སཱ ཀཐཾ ཙེཏཡཱནསྶ, མུཏྟསྶ ཏཝ རུཙྩཏི.

༦.

‘‘ཀཾ ཝཱ ཏྭཾ པསྶསེ ཨཏྠཾ, མམ ཏུཡ྄ཧཉྩ པཀྑིམ;

ཉཱཏཱིནཾ ཝཱཝསིཊྛཱནཾ, ཨུབྷིནྣཾ ཛཱིཝིཏཀྑཡེ.

༧.

‘‘ཡཾ ན ཀཉྩནདེཔིཉྪ [དེཔིཙྪ (སཱི. པཱི.), དྭེཔིཙྪ (སྱཱ.)], ཨནྡྷེན ཏམསཱ གཏཾ;

ཏཱདིསེ སཉྩཛཾ པཱཎཾ, ཀམཏྠམབྷིཛོཏཡེ’’.

༨.

‘‘ཀཐཾ ནུ པཏཏཾ སེཊྛ, དྷམྨེ ཨཏྠཾ ན བུཛ྄ཛྷསི [བུཛ྄ཛྷསེ (སཱི.)];

དྷམྨོ ཨཔཙིཏོ སནྟོ, ཨཏྠཾ དསྶེཏི པཱཎིནཾ.

༩.

‘‘སོཧཾ དྷམྨཾ ཨཔེཀྑཱནོ, དྷམྨཱ ཙཏྠཾ སམུཊྛིཏཾ;

བྷཏྟིཉྩ ¶ ཏཡི སམྤསྶཾ, ནཱཝཀངྑཱམི ཛཱིཝིཏཾ’’.

༡༠.

‘‘ཨདྡྷཱ ཨེསོ སཏཾ དྷམྨོ, ཡོ མིཏྟོ མིཏྟམཱཔདེ;

ན ཙཛེ ཛཱིཝིཏསྶཱཔི, ཧེཏུདྷམྨམནུསྶརཾ.

༡༡.

‘‘སྭཱཡཾ དྷམྨོ ཙ ཏེ ཙིཎྞོ, བྷཏྟི ཙ ཝིདིཏཱ མཡི;

ཀཱམཾ ཀརསྶུ མཡ྄ཧེཏཾ, གཙྪེཝཱནུམཏོ མཡཱ’’.

༡༢.

‘‘ཨཔི ¶ ¶ ཏྭེཝཾ གཏེ ཀཱལེ, ཡཾ ཁཎྜཾ [བདྡྷཾ (སཱི.), བནྡྷཾ (པཱི.)] ཉཱཏིནཾ མཡཱ;

ཏཡཱ ཏཾ བུདྡྷིསམྤནྣཾ [བུདྡྷིསམྤནྣ (སཱི. སྱཱ. པཱི.)], ཨསྶ པརམསཾཝུཏཾ.

༡༣.

‘‘ཨིཙྩེཝཾ [ཨིཙྩེཝ (སཱི. པཱི.)] མནྟཡནྟཱནཾ, ཨརིཡཱནཾ ཨརིཡཝུཏྟིནཾ;

པཙྩདིསྶཐ ནེསཱདོ, ཨཱཏུརཱནམིཝནྟཀོ.

༡༤.

‘‘ཏེ སཏྟུམབྷིསཉྩིཀྑ, དཱིགྷརཏྟཾ ཧིཏཱ དིཛཱ;

ཏུཎྷཱིམཱསིཏྠ ཨུབྷཡོ, ན སཉྩལེསུམཱསནཱ [ན ཙ སཉྩེསུ’མཱསནཱ (སཱི. པཱི.)].

༡༥.

‘‘དྷཏརཊྛེ ཙ དིསྭཱན, སམུཌྜེནྟེ ཏཏོ ཏཏོ;

ཨབྷིཀྐམཐ ཝེགེན, དིཛསཏྟུ དིཛཱདྷིཔེ.

༡༦.

‘‘སོ ཙ ཝེགེནབྷིཀྐམྨ, ཨཱསཛྫ པརམེ དིཛེ;

པཙྩཀམིཏྠ [པཙྩཀམྤིཏྠ (སཱི. སྱཱ. པཱི.)] ནེསཱདོ, བདྡྷཱ ཨིཏི ཝིཙིནྟཡཾ.

༡༧.

‘‘ཨེཀཾཝ བདྡྷམཱསཱིནཾ, ཨབདྡྷཉྩ པུནཱཔརཾ;

ཨཱསཛྫ བདྡྷམཱསཱིནཾ, པེཀྑམཱནམདཱིནཝཾ.

༡༨.

‘‘ཏཏོ སོ ཝིམཏོཡེཝ, པཎྜརེ ཨཛ྄ཛྷབྷཱསཐ;

པཝཌྜྷཀཱཡེ ཨཱསཱིནེ, དིཛསངྒྷགཎཱདྷིཔེ.

༡༩.

‘‘ཡཾ ནུ པཱསེན མཧཏཱ, བདྡྷོ ན ཀུརུཏེ དིསཾ;

ཨཐ ¶ ཀསྨཱ ཨབདྡྷོ ཏྭཾ, བལཱི པཀྑི ན གཙྪསི.

༢༠.

‘‘ཀིནྣུ ཏྱཱཡཾ [ཏཱ’ཡཾ (སཱི. པཱི. ཀ.)] དིཛོ ཧོཏི, མུཏྟོ བདྡྷཾ ཨུཔཱསསི;

ཨོཧཱཡ སཀུཎཱ ཡནྟི, ཀིཾ ཨེཀོ ཨཝཧཱིཡསི’’.

༢༡.

‘‘རཱཛཱ མེ སོ དིཛཱམིཏྟ, སཁཱ པཱཎསམོ ཙ མེ;

ནེཝ ནཾ ཝིཛཧིསྶཱམི, ཡཱཝ ཀཱལསྶ པརིཡཱཡཾ.

༢༢.

‘‘ཀཐཾ པནཱཡཾ ཝིཧངྒོ, ནཱདྡས པཱསམོཌྜིཏཾ;

པདཉྷེཏཾ མཧནྟཱནཾ, བོདྡྷུམརཧནྟི ཨཱཔདཾ.

༢༣.

‘‘ཡདཱ པརཱབྷཝོ ཧོཏི, པོསོ ཛཱིཝིཏསངྑཡེ;

ཨཐ ཛཱལཉྩ པཱསཉྩ, ཨཱསཛྫཱཔི ན བུཛ྄ཛྷཏི.

༢༤.

‘‘ཨཔི ¶ ཏྭེཝ མཧཱཔཉྙ, པཱསཱ བཧུཝིདྷཱ ཏཏཱ [ཏཏཱ (སྱཱ. ཀ.)];

གུཡ྄ཧམཱསཛྫ [གཱུལ༹ྷམཱསཛྫ (སཱི. པཱི.)] བཛ྄ཛྷནྟི, ཨཐེཝཾ ཛཱིཝིཏཀྑཡེ’’.

༢༥.

‘‘ཨཔི ནཱཡཾ ཏཡཱ སདྡྷིཾ, སཾཝཱསསྶ [སམྦྷཱསསྶ (སཱི. པཱི.)] སུཁུདྲཡོ;

ཨཔི ནོ ཨནུམཉྙཱསི, ཨཔི ནོ ཛཱིཝིཏཾ དདེ’’.

༢༦.

‘‘ན ཙེཝ མེ ཏྭཾ བདྡྷོསི, ནཔི ཨིཙྪཱམི ཏེ ཝདྷཾ;

ཀཱམཾ ཁིཔྤམིཏོ གནྟྭཱ, ཛཱིཝ ཏྭཾ ཨནིགྷོ ཙིརཾ’’.

༢༧.

‘‘ནེཝཱཧམེཏམིཙྪཱམི ¶ , ཨཉྙཏྲེཏསྶ ཛཱིཝིཏཱ;

སཙེ ཨེཀེན ཏུཊྛོསི, མུཉྩེཏཾ མཉྩ བྷཀྑཡ.

༢༨.

‘‘ཨཱརོཧཔརིཎཱཧེན, ཏུལྱཱསྨཱ [ཏུལྱཱམྷཱ (ཀ.)] ཝཡསཱ ཨུབྷོ;

ན ཏེ ལཱབྷེན ཛཱིཝཏྠི [ཛཱིནཏྠི (སཱི. སྱཱ. པཱི.)], ཨེཏེན ནིམིནཱ ཏུཝཾ.

༢༩.

‘‘ཏདིངྒྷ ¶ སམཔེཀྑསྶུ [སམཝེཀྑསུ (སཱི. པཱི.)], ཧོཏུ གིདྡྷི ཏཝམྷསུ [ཏཝསྨསུ (སཱི. སྱཱ.)];

མཾ པུབྦེ བནྡྷ པཱསེན, པཙྪཱ མུཉྩ དིཛཱདྷིཔཾ.

༣༠.

‘‘ཏཱཝདེཝ ཙ ཏེ ལཱབྷོ, ཀཏཱསྶ [ཀཏསྶཱ (སཱི. པཱི.)] ཡཱཙནཱཡ ཙ;

མིཏྟི ཙ དྷཏརཊྛེཧི, ཡཱཝཛཱིཝཱཡ ཏེ སིཡཱ’’.

༣༡.

‘‘པསྶནྟུ ནོ མཧཱསངྒྷཱ, ཏཡཱ མུཏྟཾ ཨིཏོ གཏཾ;

མིཏྟཱམཙྩཱ ཙ བྷཙྩཱ ཙ, པུཏྟདཱརཱ ཙ བནྡྷཝཱ.

༣༢.

‘‘ན ཙ ཏེ ཏཱདིསཱ མིཏྟཱ, བཧཱུནཾ [བཧུནྣཾ (སཱི. པཱི.)] ཨིདྷ ཝིཛྫཏི;

ཡཐཱ ཏྭཾ དྷཏརཊྛསྶ, པཱཎསཱདྷཱརཎོ སཁཱ.

༣༣.

‘‘སོ ཏེ སཧཱཡཾ མུཉྩཱམི, ཧོཏུ རཱཛཱ ཏཝཱནུགོ;

ཀཱམཾ ཁིཔྤམིཏོ གནྟྭཱ, ཉཱཏིམཛ྄ཛྷེ ཝིརོཙཐ’’.

༣༤.

‘‘སོ པཏཱིཏོ པམུཏྟེན, བྷཏྟུནཱ [བྷཏྟུནོ (སྱཱ.)] བྷཏྟུགཱརཝོ;

ཨཛ྄ཛྷབྷཱསཐ ཝཀྐངྒོ [ཝངྐངྒོ (སྱཱ.)], ཝཱཙཾ ཀཎྞསུཁཾ བྷཎཾ.

༣༥.

‘‘ཨེཝཾ ལུདྡཀ ནནྡསྶུ, སཧ སབྦེཧི ཉཱཏིབྷི;

ཡཐཱཧམཛྫ ནནྡཱམི, མུཏྟཾ དིསྭཱ དིཛཱདྷིཔཾ’’.

༣༦.

‘‘ཨེཧི ¶ ཏཾ ཨནུསིཀྑཱམི, ཡཐཱ ཏྭམཔི ལཙྪསེ;

ལཱབྷཾ ཏཝཱཡཾ [ཡཐཱཡཾ (སཱི. པཱི.)] དྷཏརཊྛོ, པཱཔཾ ཀིཉྩི [ཀཉྩི (སཱི.)] ན དཀྑཏི.

༣༧.

‘‘ཁིཔྤམནྟེཔུརཾ ནེཏྭཱ [གནྟྭཱ (སྱཱ. ཀ.)], རཉྙོ དསྶེཧི ནོ ཨུབྷོ;

ཨབདྡྷེ པཀཏིབྷཱུཏེ, ཀཱཛེ [ཀཱཙེ (པཱི.)] ཨུབྷཡཏོ ཋིཏེ.

༣༨.

‘‘དྷཏརཊྛཱ མཧཱརཱཛ, ཧཾསཱདྷིཔཏིནོ ཨིམེ;

ཨཡཉྷི ¶ རཱཛཱ ཧཾསཱནཾ, ཨཡཾ སེནཱཔཏཱིཏརོ.

༣༩.

‘‘ཨསཾསཡཾ ཨིམཾ དིསྭཱ, ཧཾསརཱཛཾ ནརཱདྷིཔོ;

པཏཱིཏོ སུམནོ ཝིཏྟོ [ཙིཏྟོ (ཀ.)], བཧུཾ དསྶཏི ཏེ དྷནཾ’’.

༤༠.

‘‘ཏསྶ ཏཾ ཝཙནཾ སུཏྭཱ, ཀམྨུནཱ ཨུཔཔཱདཡི;

ཁིཔྤམནྟེཔུརཾ གནྟྭཱ, རཉྙོ ཧཾསེ ཨདསྶཡི;

ཨབདྡྷེ པཀཏིབྷཱུཏེ, ཀཱཛེ ཨུབྷཡཏོ ཋིཏེ.

༤༡.

‘‘དྷཏརཊྛཱ ¶ མཧཱརཱཛ, ཧཾསཱདྷིཔཏིནོ ཨིམེ;

ཨཡཉྷི རཱཛཱ ཧཾསཱནཾ, ཨཡཾ སེནཱཔཏཱིཏརོ’’.

༤༢.

‘‘ཀཐཾ པནིམེ ཝིཧངྒཱ [ཝིཧགཱ (སཱི. པཱི.)], ཏཝ ཧཏྠཏྟམཱགཏཱ [ཧཏྠཏྠ’མཱགཏཱ (སཱི. སྱཱ. པཱི.)];

ཀཐཾ ལུདྡོ མཧནྟཱནཾ, ཨིསྶརེ ཨིདྷ ཨཛ྄ཛྷགཱ’’.

༤༣.

‘‘ཝིཧིཏཱ སནྟིམེ པཱསཱ, པལླལེསུ ཛནཱདྷིཔ;

ཡཾ ཡདཱཡཏནཾ མཉྙེ, དིཛཱནཾ པཱཎརོདྷནཾ.

༤༤.

‘‘ཏཱདིསཾ པཱསམཱསཛྫ, ཧཾསརཱཛཱ ཨབཛ྄ཛྷཐ;

ཏཾ ཨབདྡྷོ ཨུཔཱསཱིནོ, མམཱཡཾ ཨཛ྄ཛྷབྷཱསཐ.

༤༥.

‘‘སུདུཀྐརཾ ཨནརིཡེཧི, དཧཏེ བྷཱཝམུཏྟམཾ;

བྷཏྟུརཏྠེ པརཀྐནྟོ, དྷམྨཡུཏྟོ [དྷམྨེ ཡུཏྟོ (སཱི. པཱི.)] ཝིཧངྒམོ.

༤༦.

‘‘ཨཏྟནཱཡཾ [ཨཏྟནོ ཡཾ (སྱཱ.)] ཙཛིཏྭཱན, ཛཱིཝིཏཾ ཛཱིཝིཏཱརཧོ;

ཨནུཏྠུནནྟོ ཨཱསཱིནོ, བྷཏྟུ ཡཱཙིཏྠ ཛཱིཝིཏཾ.

༤༧.

‘‘ཏསྶ ཏཾ ཝཙནཾ སུཏྭཱ, པསཱདམཧམཛ྄ཛྷགཱ;

ཏཏོ ནཾ པཱམུཙིཾ [པཱམུཉྩིཾ (པཱི. ཀ.)] པཱསཱ, ཨནུཉྙཱསིཾ སུཁེན ཙ.

༤༨.

‘‘‘སོ ¶ ¶ པཏཱིཏོ པམུཏྟེན, བྷཏྟུནཱ བྷཏྟུགཱརཝོ;

ཨཛ྄ཛྷབྷཱསཐ ཝཀྐངྒོ, ཝཱཙཾ ཀཎྞསུཁཾ བྷཎཾ.

༤༩.

‘‘‘ཨེཝཾ ལུདྡཀ ནནྡསྶུ, སཧ སབྦེཧི ཉཱཏིབྷི;

ཡཐཱཧམཛྫ ནནྡཱམི, མུཏྟཾ དིསྭཱ དིཛཱདྷིཔཾ.

༥༠.

‘‘‘ཨེཧི ཏཾ ཨནུསིཀྑཱམི, ཡཐཱ ཏྭམཔི ལཙྪསེ;

ལཱབྷཾ ཏཝཱཡཾ དྷཏརཊྛོ, པཱཔཾ ཀིཉྩི ན དཀྑཏི.

༥༡.

‘‘‘ཁིཔྤམནྟེཔུརཾ ནེཏྭཱ [གནྟྭཱ (སབྦཏྠ)], རཉྙོ དསྶེཧི ནོ ཨུབྷོ;

ཨབདྡྷེ པཀཏིབྷཱུཏེ, ཀཱཛེ ཨུབྷཡཏོ ཋིཏེ.

༥༢.

‘‘‘དྷཏརཊྛཱ མཧཱརཱཛ, ཧཾསཱདྷིཔཏིནོ ཨིམེ;

ཨཡཉྷི རཱཛཱ ཧཾསཱནཾ, ཨཡཾ སེནཱཔཏཱིཏརོ.

༥༣.

‘‘‘ཨསཾསཡཾ ཨིམཾ དིསྭཱ, ཧཾསརཱཛཾ ནརཱདྷིཔོ;

པཏཱིཏོ སུམནོ ཝིཏྟོ, བཧུཾ དསྶཏི ཏེ དྷནཾ’.

༥༤.

‘‘ཨེཝམེཏསྶ ཝཙནཱ, ཨཱནཱིཏཱམེ ཨུབྷོ མཡཱ;

ཨེཏྠེཝ ཧི ཨིམེ ཨཱསུཾ [ཨསྶུ (སཱི. སྱཱ. པཱི.)], ཨུབྷོ ཨནུམཏཱ མཡཱ.

༥༥.

‘‘སོཡཾ ཨེཝཾ གཏོ པཀྑཱི, དིཛོ པརམདྷམྨིཀོ;

མཱདིསསྶ ཧི ལུདྡསྶ, ཛནཡེཡྻཱཐ མདྡཝཾ.

༥༦.

‘‘ཨུཔཱཡནཉྩ ¶ ཏེ དེཝ, ནཱཉྙཾ པསྶཱམི ཨེདིསཾ;

སབྦསཱཀུཎིཀཱགཱམེ, ཏཾ པསྶ མནུཛཱདྷིཔ’’.

༥༧.

‘‘དིསྭཱ ནིསིནྣཾ རཱཛཱནཾ, པཱིཋེ སོཝཎྞཡེ སུབྷེ;

ཨཛ྄ཛྷབྷཱསཐ ཝཀྐངྒོ, ཝཱཙཾ ཀཎྞསུཁཾ བྷཎཾ.

༥༨.

‘‘ཀཙྩིནྣུ ¶ བྷོཏོ ཀུསལཾ, ཀཙྩི བྷོཏོ ཨནཱམཡཾ;

ཀཙྩི རཊྛམིདཾ ཕཱིཏཾ, དྷམྨེན མནུསཱསསི’’.

༥༩.

‘‘ཀུསལཉྩེཝ མེ ཧཾས, ཨཐོ ཧཾས ཨནཱམཡཾ;

ཨཐོ རཊྛམིདཾ ཕཱིཏཾ, དྷམྨེན མནུསཱསཧཾ’’ [མནུསིསྶཏི (སཱི. པཱི.)].

༦༠.

‘‘ཀཙྩི བྷོཏོ ཨམཙྩེསུ, དོསོ ཀོཙི ན ཝིཛྫཏི;

ཀཙྩི ཙ [ཀཙྩིནྣུ (སཱི. པཱི.)] ཏེ ཏཝཏྠེསུ, ནཱཝཀངྑནྟི ཛཱིཝིཏཾ’’.

༦༡.

‘‘ཨཐོཔི ¶ མེ ཨམཙྩེསུ, དོསོ ཀོཙི ན ཝིཛྫཏི;

ཨཐོཔི ཏེ [ཨཐོཔིམེ (སཱི. པཱི.)] མམཏྠེསུ, ནཱཝཀངྑནྟི ཛཱིཝིཏཾ’’.

༦༢.

‘‘ཀཙྩི ཏེ སཱདིསཱི བྷརིཡཱ, ཨསྶཝཱ པིཡབྷཱཎིནཱི;

པུཏྟརཱུཔཡསཱུཔེཏཱ, ཏཝ ཚནྡཝསཱནུགཱ’’.

༦༣.

‘‘ཨཐོ མེ སཱདིསཱི བྷརིཡཱ, ཨསྶཝཱ པིཡབྷཱཎིནཱི;

པུཏྟརཱུཔཡསཱུཔེཏཱ, མམ ཚནྡཝསཱནུགཱ’’.

༦༤.

‘‘བྷཝནྟཾ [བྷཝཾ ཏུ (སཱི. པཱི.), བྷཝནྣུ (སྱཱ.)] ཀཙྩི ནུ མཧཱ-སཏྟུཧཏྠཏྟཏཾ [ཧཏྠཏྠཏཾ (སཱི. སྱཱ. པཱི.)] གཏོ;

དུཀྑམཱཔཛྫི ཝིཔུལཾ, ཏསྨིཾ པཋམམཱཔདེ.

༦༥.

‘‘ཀཙྩི ཡནྟཱཔཏིཏྭཱན, དཎྜེན སམཔོཐཡི;

ཨེཝམེཏེསཾ ཛམྨཱནཾ, པཱཏིཀཾ [པཱཀཏིཀཾ (སཱི. པཱི.)] བྷཝཏི ཏཱཝདེ’’.

༦༦.

‘‘ཁེམམཱསི མཧཱརཱཛ, ཨེཝམཱཔདིཡཱ སཏི [ཨེཝམཱཔདི སཾསཏི (སཱི. པཱི.)];

ན ཙཱཡཾ ཀིཉྩི རསྨཱསུ, སཏྟཱུཝ སམཔཛྫཐ.

༦༧.

‘‘པཙྩགམིཏྠ ནེསཱདོ, པུབྦེཝ ཨཛ྄ཛྷབྷཱསཐ;

ཏདཱཡཾ སུམུཁོཡེཝ, པཎྜིཏོ པཙྩབྷཱསཐ.

༦༨.

‘‘ཏསྶ ¶ ཏཾ ཝཙནཾ སུཏྭཱ, པསཱདམཡམཛ྄ཛྷགཱ;

ཏཏོ མཾ པཱམུཙཱི པཱསཱ, ཨནུཉྙཱསི སུཁེན ཙ.

༦༩.

‘‘ཨིདཉྩ སུམུཁེནེཝ, ཨེཏདཏྠཱཡ ཙིནྟིཏཾ;

བྷོཏོ སཀཱསེགམནཾ [སཀཱསེ + ཨཱགམནཾ], ཨེཏསྶ དྷནམིཙྪཏཱ’’.

༧༠.

‘‘སྭཱགཏཉྩེཝིདཾ བྷཝཏཾ, པཏཱིཏོ ཙསྨི དསྶནཱ;

ཨེསོ ཙཱཔི བཧུཾ ཝིཏྟཾ, ལབྷཏཾ ཡཱཝདིཙྪཏི’’ [ཡཱཝཏིཙྪཏི (སཱི. པཱི.)].

༧༡.

‘‘སནྟཔྤཡིཏྭཱ ¶ ནེསཱདཾ, བྷོགེཧི མནུཛཱདྷིཔོ;

ཨཛ྄ཛྷབྷཱསཐ ཝཀྐངྒཾ, ཝཱཙཾ ཀཎྞསུཁཾ བྷཎཾ’’.

༧༢.

‘‘ཡཾ ཁལུ དྷམྨམཱདྷཱིནཾ, ཝསོ ཝཏྟཏི ཀིཉྩནཾ;

སབྦཏྠིསྶརིཡཾ ཏཝ [སབྦཏྠིསྶརིཡཾ བྷཝཏཾ (སཱི. སྱཱ. པཱི.), སབྦིསྶརིཡཾ བྷཝཏཾ (སྱཱ. ཀ.)], ཏཾ པསཱས [པསཱསཐ (སཱི. སྱཱ. པཱི.)] ཡདིཙྪཐ.

༧༣.

‘‘དཱནཏྠཾ ¶ ཨུཔབྷོཏྟུཾ ཝཱ, ཡཾ ཙཉྙཾ ཨུཔཀཔྤཏི;

ཨེཏཾ དདཱམི ཝོ ཝིཏྟཾ, ཨིསྶརིཡཾ [ཨིསྶེརཾ (སཱི.), ཨིསྶརཾ (པཱི.)] ཝིསྶཛཱམི ཝོ’’.

༧༤.

‘‘ཡཐཱ ཙ མྱཱཡཾ སུམུཁོ, ཨཛ྄ཛྷབྷཱསེཡྻ པཎྜིཏོ;

ཀཱམསཱ བུདྡྷིསམྤནྣོ, ཏཾ མྱཱསྶ པརམཔྤིཡཾ’’.

༧༥.

‘‘ཨཧཾ ཁལུ མཧཱརཱཛ, ནཱགརཱཛཱརིཝནྟརཾ;

པཊིཝཏྟུཾ ན སཀྐོམི, ན མེ སོ ཝིནཡོ སིཡཱ.

༧༦.

‘‘ཨམྷཱཀཉྩེཝ སོ [ཡོ (སཱི. པཱི.)] སེཊྛོ, ཏྭཉྩ ཨུཏྟམསཏྟཝོ;

བྷཱུམིཔཱལོ མནུསྶིནྡོ, པཱུཛཱ བཧཱུཧི ཧེཏུཧི.

༧༧.

‘‘ཏེསཾ ཨུབྷིནྣཾ བྷཎཏཾ, ཝཏྟམཱནེ ཝིནིཙྪཡེ;

ནནྟརཾ [ནཱནྟརཾ (སཱི. པཱི.)] པཊིཝཏྟབྦཾ, པེསྶེན [པེསེན (ཀ.)] མནུཛཱདྷིཔ’’.

༧༨.

‘‘དྷམྨེན ¶ ཀིར ནེསཱདོ, པཎྜིཏོ ཨཎྜཛོ ཨིཏི;

ན ཧེཝ ཨཀཏཏྟསྶ, ནཡོ ཨེཏཱདིསོ སིཡཱ.

༧༩.

‘‘ཨེཝཾ ཨགྒཔཀཏིམཱ, ཨེཝཾ ཨུཏྟམསཏྟཝོ;

ཡཱཝཏཏྠི མཡཱ དིཊྛཱ, ནཱཉྙཾ པསྶཱམི ཨེདིསཾ.

༨༠.

‘‘ཏུཊྛོསྨི ཝོ པཀཏིཡཱ, ཝཱཀྱེན མདྷུརེན ཙ;

ཨེསོ ཙཱཔི མམཙྪནྡོ, ཙིརཾ པསྶེཡྻ ཝོ ཨུབྷོ’’.

༨༡.

‘‘ཡཾ ཀིཙྩཾ [ཡཾཀིཉྩི (པཱི.)] པརམེ མིཏྟེ, ཀཏམསྨཱསུ [རསྨཱསུ (སཱི. པཱི.)] ཏཾ ཏཡཱ;

པཏྟཱ ནིསྶཾསཡཾ ཏྱཱམྷཱ [ཏྱམྷཱ (པཱི.)], བྷཏྟིརསྨཱསུ ཡཱ ཏཝ.

༨༢.

‘‘ཨདུཉྩ ནཱུན སུམཧཱ, ཉཱཏིསངྒྷསྶ མནྟརཾ;

ཨདསྶནེན ཨསྨཱཀཾ [ཨམྷཱཀཾ (སཱི. པཱི.)], དུཀྑཾ བཧཱུསུ པཀྑིསུ.

༨༣.

‘‘ཏེསཾ སོཀཝིགྷཱཏཱཡ, ཏཡཱ ཨནུམཏཱ མཡཾ;

ཏཾ པདཀྑིཎཏོ ཀཏྭཱ, ཉཱཏིཾ [ཉཱཏཱི (སཱི. སྱཱ. པཱི.)] པསྶེམུརིནྡམ [པསྶེམརིནྡམ (སཱི. པཱི.)].

༨༤.

‘‘ཨདྡྷཱཧཾ ཝིཔུལཾ པཱིཏིཾ, བྷཝཏཾ ཝིནྡཱམི དསྶནཱ;

ཨེསོ ཙཱཔི མཧཱ ཨཏྠོ, ཉཱཏིཝིསྶཱསནཱ སིཡཱ’’.

༨༥.

‘‘ཨིདཾ ¶ ཝཏྭཱ དྷཏརཊྛོ [དྷཏརཊྛཱ (སཱི.)], ཧཾསརཱཛཱ ནརཱདྷིཔཾ;

ཨུཏྟམཾ ཛཝམནྭཱཡ [ཨུཏྟམཛཝམཏྟཱཡ (སཱི. པཱི.)], ཉཱཏིསངྒྷཾ ཨུཔཱགམུཾ.

༨༦.

‘‘ཏེ ¶ ཨརོགེ ཨནུཔྤཏྟེ, དིསྭཱན པརམེ དིཛེ;

ཀེཀཱཏི མཀརུཾ ཧཾསཱ, པུཐུསདྡོ ཨཛཱཡཐ.

༨༧.

‘‘ཏེ པཏཱིཏཱ པམུཏྟེན, བྷཏྟུནཱ བྷཏྟུགཱརཝཱ;

སམནྟཱ པརིཀིརིཾསུ [པརིཀརིཾསུ (སཱི. སྱཱ. པཱི.)], ཨཎྜཛཱ ལདྡྷཔཙྩཡཱ’’.

༨༨.

‘‘ཨེཝཾ ¶ མིཏྟཝཏཾ ཨཏྠཱ, སབྦེ ཧོནྟི པདཀྑིཎཱ;

ཧཾསཱ ཡཐཱ དྷཏརཊྛཱ, ཉཱཏིསངྒྷཾ ཨུཔཱགམུ’’ནྟི.

ཙཱུལ༹ [ཙུལླ (སཱི. སྱཱ. པཱི.)] ཧཾསཛཱཏཀཾ པཋམཾ.

༥༣༤. མཧཱཧཾསཛཱཏཀཾ (༢)

༨༩.

‘‘ཨེཏེ ཧཾསཱ པཀྐམནྟི, ཝཀྐངྒཱ བྷཡམེརིཏཱ;

ཧརིཏྟཙ ཧེམཝཎྞ, ཀཱམཾ སུམུཁ པཀྐམ.

༩༠.

‘‘ཨོཧཱཡ མཾ ཉཱཏིགཎཱ, ཨེཀཾ པཱསཝསཾ གཏཾ;

ཨནཔེཀྑམཱནཱ གཙྪནྟི, ཀིཾ ཨེཀོ ཨཝཧཱིཡསི.

༩༡.

‘‘པཏེཝ པཏཏཾ སེཊྛ, ནཏྠི བདྡྷེ སཧཱཡཏཱ;

མཱ ཨནཱིགྷཱཡ ཧཱཔེསི, ཀཱམཾ སུམུཁ པཀྐམ’’.

༩༢.

‘‘ནཱཧཾ དུཀྑཔརེཏོཔི [དུཀྑཔརེཏོ’’ཏི (ཛཱ. ༡.༡༥.༡༣༦) ཨཊྛཀཐཱཡོ ཨོལོཀེཏབྦཱ], དྷཏརཊྛ ཏུཝཾ [ཏཝཾ (སཱི. པཱི.)] ཛཧེ;

ཛཱིཝིཏཾ མརཎཾ ཝཱ མེ, ཏཡཱ སདྡྷིཾ བྷཝིསྶཏི.

༩༣.

‘‘ནཱཧཾ དུཀྑཔརེཏོཔི, དྷཏརཊྛ ཏུཝཾ ཛཧེ;

ན མཾ ཨནརིཡསཾཡུཏྟེ, ཀམྨེ ཡོཛེཏུམརཧསི.

༩༤.

‘‘སཀུམཱརོ སཁཱ ཏྱསྨི, སཙིཏྟེ ཙསྨི ཏེ [སམིཏེ (པཱི.), ཏྱསྨི ཏེ (ཀ.)] ཋིཏོ;

ཉཱཏོ སེནཱཔཏི ཏྱཱཧཾ, ཧཾསཱནཾ པཝརུཏྟམ.

༩༥.

‘‘ཀཐཾ ¶ ཨཧཾ ཝིཀཏྠིསྶཾ [ཝིཀཏྟིསྶཾ (པཱི.)], ཉཱཏིམཛ྄ཛྷེ ཨིཏོ གཏོ;

ཏཾ ཧིཏྭཱ པཏཏཾ སེཊྛ, ཀིཾ ཏེ ཝཀྑཱམིཏོ གཏོ;

ཨིདྷ པཱཎཾ ཙཛིསྶཱམི, ནཱནརིཡཾ [ན ཨནརིཡཾ (པཱི.)] ཀཏྟུམུསྶཧེ’’.

༩༦.

‘‘ཨེསོ ¶ ཧི དྷམྨོ སུམུཁ, ཡཾ ཏྭཾ ཨརིཡཔཐེ ཋིཏོ;

ཡོ བྷཏྟཱརཾ སཁཱརཾ མཾ, ན པརིཙྩཏྟུམུསྶཧེ.

༩༧.

‘‘ཏཉྷི མེ པེཀྑམཱནསྶ, བྷཡཾ ནཏྭེཝ ཛཱཡཏི;

ཨདྷིགཙྪསི ཏྭཾ མཡ྄ཧཾ, ཨེཝཾ བྷཱུཏསྶ ཛཱིཝིཏཾ’’.

༩༨.

‘‘ཨིཙྩེཝཾ ¶ [ཨིཙྩེཝ (སཱི. པཱི.)] མནྟཡནྟཱནཾ, ཨརིཡཱནཾ ཨརིཡཝུཏྟིནཾ;

དཎྜམཱདཱཡ ནེསཱདོ, ཨཱཔཏཱི [ཨཱཔདཱི (ཀ.)] ཏུརིཏོ བྷུསཾ.

༩༩.

‘‘ཏམཱཔཏནྟཾ དིསྭཱན, སུམུཁོ ཨཏིབྲཱུཧཡི [ཨཔརིབྲཱུཧཡི (སཱི. པཱི.)];

ཨཊྛཱསི པུརཏོ རཉྙོ, ཧཾསོ ཝིསྶཱསཡཾ བྱདྷཾ [བྱཐཾ (སཱི. སྱཱ. པཱི.)].

༡༠༠.

‘‘མཱ བྷཱཡི པཏཏཾ སེཊྛ, ན ཧི བྷཱཡནྟི ཏཱདིསཱ;

ཨཧཾ ཡོགཾ པཡུཉྫིསྶཾ, ཡུཏྟཾ དྷམྨཱུཔསཾཧིཏཾ;

ཏེན པརིཡཱཔདཱནེན [པརིཡཱདཱནེན (ཀ.)], ཁིཔྤཾ པཱསཱ པམོཀྑསི’’.

༡༠༡.

‘‘ཏསྶ ཏཾ ཝཙནཾ སུཏྭཱ, སུམུཁསྶ སུབྷཱསིཏཾ;

པཧཊྛལོམོ ནེསཱདོ, ཨཉྫལིསྶ པཎཱམཡི.

༡༠༢.

‘‘ན མེ སུཏཾ ཝཱ དིཊྛཾ ཝཱ, བྷཱསནྟོ མཱནུསིཾ དིཛོ;

ཨརིཡཾ བྲུཝཱནོ [བྲཱུཧནྟོ (སྱཱ. ཀ.)] ཝཀྐངྒོ, ཙཛནྟོ མཱནུསིཾ གིརཾ.

༡༠༣.

‘‘ཀིནྣུ ཏཱཡཾ དིཛོ ཧོཏི, མུཏྟོ བདྡྷཾ ཨུཔཱསསི;

ཨོཧཱཡ སཀུཎཱ ཡནྟི, ཀིཾ ཨེཀོ ཨཝཧཱིཡསི’’.

༡༠༤.

‘‘རཱཛཱ མེ སོ དིཛཱམིཏྟ, སེནཱཔཙྩསྶ ཀཱརཡིཾ;

ཏམཱཔདེ པརིཙྩཏྟུཾ, ནུསྶཧེ ཝིཧགཱདྷིཔཾ.

༡༠༥.

‘‘མཧཱགཎཱཡ བྷཏྟཱ མེ, མཱ ཨེཀོ བྱསནཾ ཨགཱ;

ཏཐཱ ¶ ཏཾ སམྨ ནེསཱད, བྷཏྟཱཡཾ ཨབྷིཏོ རམེ’’.

༡༠༦.

‘‘ཨརིཡཝཏྟསི ¶ ཝཀྐངྒ, ཡོ པིཎྜམཔཙཱཡསི;

ཙཛཱམི ཏེ ཏཾ བྷཏྟཱརཾ, གཙྪཐཱུབྷོ [གཙྪཏུ བྷོ (པཱི.)] ཡཐཱསུཁཾ’’.

༡༠༧.

‘‘སཙེ ཨཏྟཔྤཡོགེན, ཨོཧིཏོ ཧཾསཔཀྑིནཾ;

པཊིགཎྷཱམ ཏེ སམྨ, ཨེཏཾ ཨབྷཡདཀྑིཎཾ.

༡༠༨.

‘‘ནོ ཙེ ཨཏྟཔྤཡོགེན, ཨོཧིཏོ ཧཾསཔཀྑིནཾ;

ཨནིསྶརོ མུཉྩམམྷེ, ཐེཡྻཾ ཀཡིརཱསི ལུདྡཀ’’.

༡༠༩.

‘‘ཡསྶ ཏྭཾ བྷཏཀོ [བྷཊཀོ (ཀ.)] རཉྙོ, ཀཱམཾ ཏསྶེཝ པཱཔཡ;

ཏཏྠ སཾཡམནོ [སཾཡམཱནོ (པཱི.)] རཱཛཱ, ཡཐཱབྷིཉྙཾ ཀརིསྶཏི’’.

༡༡༠.

‘‘ཨིཙྩེཝཾ ཝུཏྟོ ནེསཱདོ, ཧེམཝཎྞེ ཧརིཏྟཙེ;

ཨུབྷོ ཧཏྠེཧི སངྒཡ྄ཧ [པགྒཡ྄ཧ (སྱཱ. ཀ.)], པཉྫརེ ཨཛ྄ཛྷཝོདཧི.

༡༡༡.

‘‘ཏེ པཉྫརགཏེ པཀྑཱི, ཨུབྷོ བྷསྶརཝཎྞིནེ;

སུམུཁཾ དྷཏརཊྛཉྩ, ལུདྡོ ཨཱདཱཡ པཀྐམི’’.

༡༡༢.

‘‘ཧརཱིཡམཱནོ ¶ དྷཏརཊྛོ, སུམུཁཾ ཨེཏདབྲཝི;

བཱལ༹ྷཾ བྷཱཡཱམི སུམུཁ, སཱམཱཡ ལཀྑཎཱུརུཡཱ;

ཨསྨཱཀཾ ཝདྷམཉྙཱཡ, ཨཐཏྟཱནཾ ཝདྷིསྶཏི.

༡༡༣.

‘‘པཱཀཧཾསཱ ཙ སུམུཁ, སུཧེམཱ ཧེམསུཏྟཙཱ;

ཀོཉྩཱི སམུདྡཏཱིརེཝ, ཀཔཎཱ ནཱུན རུཙྪཏི’’.

༡༡༤.

‘‘ཨེཝཾ མཧནྟོ ལོཀསྶ, ཨཔྤམེཡྻོ མཧཱགཎཱི;

ཨེཀིཏྠིམནུསོཙེཡྻ, ནཡིདཾ པཉྙཝཏཱམིཝ.

༡༡༥.

‘‘ཝཱཏོཝ ¶ གནྡྷམཱདེཏི, ཨུབྷཡཾ ཚེཀཔཱཔཀཾ;

བཱལོ ཨཱམཀཔཀྐཾཝ, ལོལོ ཨནྡྷོཝ ཨཱམིསཾ.

༡༡༦.

‘‘ཨཝིནིཙྪཡཉྙུ ཨཏྠེསུ, མནྡོཝ པཊིབྷཱསི [པཊིབྷཱཏི (ཀ.)] མཾ;

ཀིཙྩཱཀིཙྩཾ ན ཛཱནཱསི, སམྤཏྟོ ཀཱལཔརིཡཱཡཾ.

༡༡༧.

‘‘ཨཌྜྷུམྨཏྟོ ཨུདཱིརེསི, ཡོ སེཡྻཱ མཉྙསིཏྠིཡོ;

བཧུསཱདྷཱརཎཱ ཧེཏཱ, སོཎྜཱནཾཝ སུརཱགྷརཾ.

༡༡༨.

‘‘མཱཡཱ ¶ ཙེསཱ མརཱིཙཱི ཙ, སོཀོ རོགོ ཙུཔདྡཝོ;

ཁརཱ ཙ བནྡྷནཱ ཙེཏཱ, མཙྩུཔཱསཱ གུཧཱསཡཱ [པཙྩུཔཱསོ གུཧཱསཡོ (སཱི. པཱི.)];

ཏཱསུ ཡོ ཝིསྶསེ པོསོ, སོ ནརེསུ ནརཱདྷམོ’’.

༡༡༩.

‘‘ཡཾ ཝུདྡྷེཧི ཨུཔཉྙཱཏཾ, ཀོ ཏཾ ནིནྡིཏུམརཧཏི;

མཧཱབྷཱུཏིཏྠིཡོ ནཱམ, ལོཀསྨིཾ ཨུདཔཛྫིསུཾ.

༡༢༠.

‘‘ཁིཌྜཱ པཎིཧིཏཱ ཏྱཱསུ, རཏི ཏྱཱསུ པཏིཊྛིཏཱ;

བཱིཛཱནི ཏྱཱསུ རཱུཧནྟི, ཡདིདཾ སཏྟཱ པཛཱཡརེ;

ཏཱསུ ཀོ ནིབྦིདེ [ནིབྦིཛེ (ཀ.)] པོསོ, པཱཎམཱསཛྫ པཱཎིབྷི [པཱཎཧི (སཱི.)].

༡༢༡.

‘‘ཏྭམེཝ ནཉྙོ སུམུཁ, ཐཱིནཾ ཨཏྠེསུ ཡུཉྫསི;

ཏསྶ ཏྱཛྫ བྷཡེ ཛཱཏེ, བྷཱིཏེན ཛཱཡཏེ མཏི.

༡༢༢.

‘‘སབྦོ ཧི སཾསཡཾ པཏྟོ, བྷཡཾ བྷཱིརུ ཏིཏིཀྑཏི;

པཎྜིཏཱ ཙ མཧནྟཱནོ [མཧཏྟཱནོ (སཱི.)], ཨཏྠེ ཡུཉྫནྟི དུཡྻུཛེ.

༡༢༣.

‘‘ཨེཏདཏྠཱཡ རཱཛཱནོ, སཱུརམིཙྪནྟི མནྟིནཾ;

པཊིབཱཧཏི ཡཾ སཱུརོ, ཨཱཔདཾ ཨཏྟཔརིཡཱཡཾ.

༡༢༤.

‘‘མཱ ¶ ནོ ཨཛྫ ཝིཀནྟིཾསུ, རཉྙོ སཱུདཱ མཧཱནསེ;

ཏཐཱ ཧི ཝཎྞོ པཏྟཱནཾ, ཕལཾ ཝེལུ༹ཾཝ ཏཾ ཝདྷི.

༡༢༥.

‘‘མུཏྟོཔི ¶ ན ཨིཙྪི [ནིཙྪསི (ཀ.)] ཨུཌྜེཏུཾ [ཨོཌྜེཏུཾ (སཱི.)], སཡཾ བནྡྷཾ ཨུཔཱགམི;

སོཔཛྫ སཾསཡཾ པཏྟོ, ཨཏྠཾ གཎྷཱཧི མཱ མུཁཾ’’.

༡༢༦.

‘‘སོ ཏཾ [ཏྭཾ (སྱཱ. པཱི.)] ཡོགཾ པཡུཉྫསྶུ, ཡུཏྟཾ དྷམྨཱུཔསཾཧིཏཾ [དྷམྨོཔསཉྷིཏཾ (ཀ.)];

ཏཝ པརིཡཱཔདཱནེན, མམ པཱཎེསནཾ ཙར’’.

༡༢༧.

‘‘མཱ བྷཱཡི པཏཏཾ སེཊྛ, ན ཧི བྷཱཡནྟི ཏཱདིསཱ;

ཨཧཾ ཡོགཾ པཡུཉྫིསྶཾ, ཡུཏྟཾ དྷམྨཱུཔསཾཧིཏཾ [དྷམྨོཔསཉྷིཏཾ (ཀ.)];

མམ པརིཡཱཔདཱནེན, ཁིཔྤཾ པཱསཱ པམོཀྑསི’’.

༡༢༨.

‘‘སོ [ས (སཱི.)] ལུདྡོ ཧཾསཀཱཛེན [ཧཾསཀཱཙེན (པཱི.)], རཱཛདྭཱརཾ ཨུཔཱགམི;

པཊིཝེདེཐ མཾ རཉྙོ, དྷཏརཊྛཱཡམཱགཏོ’’.

༡༢༩.

‘‘ཏེ ¶ དིསྭཱ པུཉྙསཾཀཱསེ, ཨུབྷོ ལཀྑཎསམྨཏེ [ལཀྑཉྙཱསམྨཏེ (སཱི. པཱི.)];

ཁལུ སཾཡམནོ རཱཛཱ, ཨམཙྩེ ཨཛ྄ཛྷབྷཱསཐ.

༡༣༠.

‘‘དེཐ ལུདྡསྶ ཝཏྠཱནི, ཨནྣཾ པཱནཉྩ བྷོཛནཾ;

ཀཱམཾ ཀརོ ཧིརཉྙསྶ, ཡཱཝནྟོ ཨེས ཨིཙྪཏི’’.

༡༣༡.

‘‘དིསྭཱ ལུདྡཾ པསནྣཏྟཾ, ཀཱསིརཱཛཱ ཏདབྲཝི;

ཡདྱཱཡཾ [ཡདཱཡཾ (སཱི. སྱཱ. པཱི.)] སམྨ ཁེམཀ, པུཎྞཱ ཧཾསེཧི ཏིཊྛཏི.

༡༣༢.

‘‘ཀཐཾ རུཙིམཛ྄ཛྷགཏཾ, པཱསཧཏྠོ ཨུཔཱགམི;

ཨོཀིཎྞཾ ཉཱཏིསངྒྷེཧི, ནིམྨཛ྄ཛྷིམཾ [ནིམཛ྄ཛྷིམཾ (སཱི. པཱི. ཀ.)] ཀཐཾ གཧི’’.

༡༣༣.

‘‘ཨཛྫ མེ སཏྟམཱ རཏྟི, ཨདནཱནི [ཨཱདཱནཱནི (སྱཱ. པཱི. ཀ.)] ཨུཔཱསཏོ [ཨུཔཱགཏོ (ཀ.)];

པདམེཏསྶ ¶ ཨནྭེསཾ, ཨཔྤམཏྟོ གྷཊསྶིཏོ.

༡༣༤.

‘‘ཨཐསྶ པདམདྡཀྑིཾ, ཙརཏོ ཨདནེསནཾ;

ཏཏྠཱཧཾ ཨོདཧིཾ པཱསཾ, ཨེཝཾ ཏཾ [ཨེཝེཏཾ (སཱི. པཱི.)] དིཛམགྒཧིཾ’’.

༡༣༥.

‘‘ལུདྡ དྭེ ཨིམེ སཀུཎཱ, ཨཐ ཨེཀོཏི བྷཱསསི;

ཙིཏྟཾ ནུ ཏེ ཝིཔརིཡཏྟཾ [ཝིཔརིཡཏྠཾ (པཱི.)], ཨདུ ཀིནྣུ ཛིགཱིསསི’’ [ཛིགིཾསསི (སཱི. པཱི.)].

༡༣༦.

‘‘ཡསྶ ལོཧིཏཀཱ ཏཱལཱ, ཏཔནཱིཡནིབྷཱ སུབྷཱ;

ཨུརཾ སཾཧཙྩ ཏིཊྛནྟི, སོ མེ བནྡྷཾ ཨུཔཱགམི.

༡༣༧.

‘‘ཨཐཱཡཾ བྷསྶརོ པཀྑཱི, ཨབདྡྷོ བདྡྷམཱཏུརཾ;

ཨརིཡཾ བྲུཝཱནོ ཨཊྛཱསི, ཙཛནྟོ མཱནུསིཾ གིརཾ’’.

༡༣༨.

‘‘ཨཐ ཀིཾ [ཨཐ ཀིནྣུ (སཱི. པཱི.), ཀཐཾ ནུ (སྱཱ.)] དཱནི སུམུཁ, ཧནུཾ སཾཧཙྩ ཏིཊྛསི;

ཨདུ མེ པརིསཾ པཏྟོ, བྷཡཱ བྷཱིཏོ ན བྷཱསསི’’.

༡༣༩.

‘‘ནཱཧཾ ¶ ཀཱསིཔཏི བྷཱིཏོ, ཨོགཡ྄ཧ པརིསཾ ཏཝ;

ནཱཧཾ བྷཡཱ ན བྷཱསིསྶཾ, ཝཱཀྱཾ ཨཏྠམྷི ཏཱདིསེ’’.

༡༤༠.

‘‘ན ཏེ ཨབྷིསརཾ པསྶེ, ན རཐེ ནཔི པཏྟིཀེ;

ནཱསྶ ཙམྨཾ ཝ ཀཱིཊཾ ཝཱ, ཝམྨིཏེ ཙ དྷནུགྒཧེ.

༡༤༡.

‘‘ན ¶ ཧིརཉྙཾ སུཝཎྞཾ ཝཱ, ནགརཾ ཝཱ སུམཱཔིཏཾ;

ཨོཀིཎྞཔརིཁཾ དུགྒཾ, དལ༹ྷམཊྚཱལཀོཊྛཀཾ;

ཡཏྠ པཝིཊྛོ སུམུཁ, བྷཱཡིཏབྦཾ ན བྷཱཡསི’’.

༡༤༢.

‘‘ན མེ ཨབྷིསརེནཏྠོ, ནགརེན དྷནེན ཝཱ;

ཨཔཐེན པཐཾ ཡཱམ, ཨནྟལིཀྑེཙརཱ མཡཾ.

༡༤༣.

‘‘སུཏཱ ¶ ཙ པཎྜིཏཱ ཏྱམྷཱ, ནིཔུཎཱ ཨཏྠཙིནྟཀཱ [ཙཏྠཙིནྟཀཱ (ཀ.)];

བྷཱསེམཏྠཝཏིཾ ཝཱཙཾ, སཙྩེ ཙསྶ པཏིཊྛིཏོ.

༡༤༤.

‘‘ཀིཉྩ ཏུཡ྄ཧཾ ཨསཙྩསྶ, ཨནརིཡསྶ ཀརིསྶཏི;

མུསཱཝཱདིསྶ ལུདྡསྶ, བྷཎིཏམྤི སུབྷཱསིཏཾ’’.

༡༤༥.

‘‘ཏཾ བྲཱཧྨཎཱནཾ ཝཙནཱ, ཨིམཾ ཁེམམཀཱརཡི [ཁེམིཀཱརཡི (སཱི. པཱི.)];

ཨབྷཡཉྩ ཏཡཱ གྷུཊྛཾ, ཨིམཱཡོ དསདྷཱ དིསཱ.

༡༤༦.

‘‘ཨོགཡ྄ཧ ཏེ པོཀྑརཎིཾ, ཝིཔྤསནྣོདཀཾ སུཙིཾ;

པཧཱུཏཾ ཙཱདནཾ ཏཏྠ, ཨཧིཾསཱ ཙེཏྠ པཀྑིནཾ.

༡༤༧.

‘‘ཨིདཾ སུཏྭཱན ནིགྒྷོསཾ, ཨཱགཏམྷ ཏཝནྟིཀེ;

ཏེ ཏེ བནྡྷསྨ པཱསེན, ཨེཏཾ ཏེ བྷཱསིཏཾ མུསཱ.

༡༤༨.

‘‘མུསཱཝཱདཾ པུརཀྑཏྭཱ, ཨིཙྪཱལོབྷཉྩ པཱཔཀཾ;

ཨུབྷོ སནྡྷིམཏིཀྐམྨ, ཨསཱཏཾ ཨུཔཔཛྫཏི’’.

༡༤༩.

‘‘ནཱཔརཛ྄ཛྷཱམ སུམུཁ, ནཔི ལོབྷཱཝ མགྒཧིཾ;

སུཏཱ ཙ པཎྜིཏཱཏྱཏྠ, ནིཔུཎཱ ཨཏྠཙིནྟཀཱ.

༡༥༠.

‘‘ཨཔྤེཝཏྠཝཏིཾ ཝཱཙཾ, བྱཱཧརེཡྻུཾ [བྱཱཀརེཡྻུཾ (སཱི. པཱི.)] ཨིདྷཱགཏཱ;

ཏཐཱ ཏཾ སམྨ ནེསཱདོ, ཝུཏྟོ སུམུཁ མགྒཧི’’.

༡༥༡.

‘‘ནེཝ བྷཱིཏཱ [བྷཱུཏཱ (སྱཱ. ཀ.)] ཀཱསིཔཏི, ཨུཔནཱིཏསྨི ཛཱིཝིཏེ;

བྷཱསེམཏྠཝཏིཾ ཝཱཙཾ, སམྤཏྟཱ ཀཱལཔརིཡཱཡཾ.

༡༥༢.

‘‘ཡོ མིགེན མིགཾ ཧནྟི, པཀྑིཾ ཝཱ པན པཀྑིནཱ;

སུཏེན ཝཱ སུཏཾ ཀིཎྱཱ [ཀིཎེ (སཱི. པཱི.)], ཀིཾ ཨནརིཡཏརཾ ཏཏོ.

༡༥༣.

‘‘ཡོ ¶ ¶ ¶ ཙཱརིཡརུདཾ [ཙ ཨརིཡརུདཾ (སཱི. པཱི.)] བྷཱསེ, ཨནརིཡདྷམྨཝསྶིཏོ [ཨནརིཡདྷམྨམཝསྶིཏོ (སཱི.)];

ཨུབྷོ སོ དྷཾསཏེ ལོཀཱ, ཨིདྷ ཙེཝ པརཏྠ ཙ.

༡༥༤.

‘‘ན མཛྫེཐ ཡསཾ པཏྟོ, ན བྱཱདྷེ [བྱཐེ (སཱི. པཱི.)] པཏྟསཾསཡཾ;

ཝཱཡམེཐེཝ ཀིཙྩེསུ, སཾཝརེ ཝིཝརཱནི ཙ.

༡༥༥.

‘‘ཡེ ཝུདྡྷཱ ཨབྦྷཏིཀྐནྟཱ [ནཱབྦྷཙིཀྑནྟཱ (ཀ.)], སམྤཏྟཱ ཀཱལཔརིཡཱཡཾ;

ཨིདྷ དྷམྨཾ ཙརིཏྭཱན, ཨེཝཾཏེ [ཨེཝེཏེ (སཱི. པཱི.)] ཏིདིཝཾ གཏཱ.

༡༥༦.

‘‘ཨིདཾ སུཏྭཱ ཀཱསིཔཏི, དྷམྨམཏྟནི པཱལཡ;

དྷཏརཊྛཉྩ མུཉྩཱཧི, ཧཾསཱནཾ པཝརུཏྟམཾ’’.

༡༥༧.

‘‘ཨཱཧརནྟུདཀཾ པཛྫཾ, ཨཱསནཉྩ མཧཱརཧཾ;

པཉྫརཏོ པམོཀྑཱམི, དྷཏརཊྛཾ ཡསསྶིནཾ.

༡༥༨.

‘‘ཏཉྩ སེནཱཔཏིཾ དྷཱིརཾ, ནིཔུཎཾ ཨཏྠཙིནྟཀཾ;

ཡོ སུཁེ སུཁིཏོ རཉྙེ [རཉྙོ (སཱི. སྱཱ. པཱི. ཀ.)], དུཀྑིཏེ ཧོཏི དུཀྑིཏོ.

༡༥༩.

‘‘ཨེདིསོ ཁོ ཨརཧཏི, པིཎྜམསྣཱཏུ བྷཏྟུནོ;

ཡཐཱཡཾ སུམུཁོ རཉྙོ, པཱཎསཱདྷཱརཎོ སཁཱ’’.

༡༦༠.

‘‘པཱིཋཉྩ སབྦསོཝཎྞཾ, ཨཊྛཔཱདཾ མནོརམཾ;

མཊྛཾ ཀཱསིཀམཏྠནྣཾ [ཀཱསིཀཔཏྠིཎྞཾ (སཱི.), ཀཱསིཀཝཏྠིནཾ (སྱཱ. པཱི.)], དྷཏརཊྛོ ཨུཔཱཝིསི.

༡༦༡.

‘‘ཀོཙྪཉྩ སབྦསོཝཎྞཾ, ཝེཡྻགྒྷཔརིསིབྦིཏཾ;

སུམུཁོ ཨཛ྄ཛྷུཔཱཝེཀྑི, དྷཏརཊྛསྶནནྟརཱ [ཨནནྟརཾ (སཱི.)].

༡༦༢.

‘‘ཏེསཾ ཀཉྩནཔཏྟེཧི, པུཐཱུ ཨཱདཱཡ ཀཱསིཡོ;

ཧཾསཱནཾ ཨབྷིཧཱརེསུཾ, ཨགྒརཉྙོ པཝཱསིཏཾ’’.

༡༦༣.

‘‘དིསྭཱ ¶ ཨབྷིཧཊཾ ཨགྒཾ, ཀཱསིརཱཛེན པེསིཏཾ;

ཀུསལོ ཁཏྟདྷམྨཱནཾ, ཏཏོ པུཙྪི ཨནནྟརཱ.

༡༦༤.

‘‘ཀཙྩིནྣུ བྷོཏོ ཀུསལཾ, ཀཙྩི བྷོཏོ ཨནཱམཡཾ;

ཀཙྩི རཊྛམིདཾ ཕཱིཏཾ, དྷམྨེན མནུསཱསསི’’.

༡༦༥.

‘‘ཀུསལཉྩེཝ ¶ མེ ཧཾས, ཨཐོ ཧཾས ཨནཱམཡཾ;

ཨཐོ རཊྛམིདཾ ཕཱིཏཾ, དྷམྨེནཾ མནུསཱསཧཾ.

༡༦༦.

‘‘ཀཙྩི བྷོཏོ ཨམཙྩེསུ, དོསོ ཀོཙི ན ཝིཛྫཏི;

ཀཙྩི ཙ ཏེ ཏཝཏྠེསུ, ནཱཝཀངྑནྟི ཛཱིཝིཏཾ’’.

༡༦༧.

‘‘ཨཐོཔི མེ ཨམཙྩེསུ, དོསོ ཀོཙི ན ཝིཛྫཏི;

ཨཐོཔི ཏེ མམཏྠེསུ, ནཱཝཀངྑནྟི ཛཱིཝིཏཾ’’.

༡༦༨.

‘‘ཀཙྩི ¶ ཏེ སཱདིསཱི བྷརིཡཱ, ཨསྶཝཱ པིཡབྷཱཎིནཱི;

པུཏྟརཱུཔཡསཱུཔེཏཱ, ཏཝ ཚནྡཝསཱནུགཱ’’.

༡༦༩.

‘‘ཨཐོ མེ སཱདིསཱི བྷརིཡཱ, ཨསྶཝཱ པིཡབྷཱཎིནཱི;

པུཏྟརཱུཔཡསཱུཔེཏཱ, མམ ཚནྡཝསཱནུགཱ’’.

༡༧༠.

‘‘ཀཙྩི རཊྛཾ ཨནུཔྤཱིལ༹ཾ, ཨཀུཏོཙིཨུཔདྡཝཾ;

ཨསཱཧསེན དྷམྨེན, སམེན མནུསཱསསི’’.

༡༧༡.

‘‘ཨཐོ རཊྛཾ ཨནུཔྤཱིལ༹ཾ, ཨཀུཏོཙིཨུཔདྡཝཾ;

ཨསཱཧསེན དྷམྨེན, སམེན མནུསཱསཧཾ’’.

༡༧༢.

‘‘ཀཙྩི སནྟོ ཨཔཙིཏཱ, ཨསནྟོ པརིཝཛྫིཏཱ;

ནོ ཙེ [ཙ (སྱཱ. ཀ.)] དྷམྨཾ ནིརཾཀཏྭཱ, ཨདྷམྨམནུཝཏྟསི’’.

༡༧༣.

‘‘སནྟོ ¶ ཙ མེ ཨཔཙིཏཱ, ཨསནྟོ པརིཝཛྫིཏཱ;

དྷམྨམེཝཱནུཝཏྟཱམི, ཨདྷམྨོ མེ ནིརངྐཏོ’’.

༡༧༤.

‘‘ཀཙྩི ནཱནཱགཏཾ [ཀཙྩི ནུནཱགཏཾ (སྱཱ. ཀ.)] དཱིགྷཾ, སམཝེཀྑསི ཁཏྟིཡ;

ཀཙྩི མཏྟོ [ན མཏྟོ (སཱི.)] མདནཱིཡེ, པརལོཀཾ ན སནྟསི’’.

༡༧༥.

‘‘ནཱཧཾ ཨནཱགཏཾ [ཨཧཾ ཨནཱགཏཾ (སྱཱ.)] དཱིགྷཾ, སམཝེཀྑཱམི པཀྑིམ;

ཋིཏོ དསསུ དྷམྨེསུ, པརལོཀཾ ན སནྟསེ [སནྟསིཾ (སྱཱ.)].

༡༧༦.

‘‘དཱནཾ སཱིལཾ པརིཙྩཱགཾ, ཨཛྫཝཾ མདྡཝཾ ཏཔཾ;

ཨཀྐོདྷཾ ཨཝིཧིཾསཉྩ, ཁནྟིཉྩ [ཁནྟཱི ཙ (ཀ.)] ཨཝིརོདྷནཾ.

༡༧༧.

‘‘ཨིཙྩེཏེ ཀུསལེ དྷམྨེ, ཋིཏེ པསྶཱམི ཨཏྟནི;

ཏཏོ མེ ཛཱཡཏེ པཱིཏི, སོམནསྶཉྩནཔྤཀཾ.

༡༧༨.

‘‘སུམུཁོ ¶ ཙ ཨཙིནྟེཏྭཱ, ཝིསཛྫི [ཝིསྶཛི (སཱི. པཱི.)] ཕརུསཾ གིརཾ;

བྷཱཝདོསམནཉྙཱཡ, ཨསྨཱཀཱཡཾ ཝིཧངྒམོ.

༡༧༩.

‘‘སོ ཀུདྡྷོ ཕརུསཾ ཝཱཙཾ, ནིཙྪཱརེསི ཨཡོནིསོ;

ཡཱནསྨཱསུ [ཡཱནསྨཱསུ (སཱི. སྱཱ པཱི.)] ན ཝིཛྫནྟི, ནཡིདཾ [ན ཨིདཾ (སཱི. པཱི.)] པཉྙཝཏཱམིཝ’’.

༡༨༠.

‘‘ཨཏྠི མེ ཏཾ ཨཏིསཱརཾ, ཝེགེན མནུཛཱདྷིཔ;

དྷཏརཊྛེ ཙ བདྡྷསྨིཾ, དུཀྑཾ མེ ཝིཔུལཾ ཨཧུ.

༡༨༡.

‘‘ཏྭཾ ནོ པིཏཱཝ པུཏྟཱནཾ, བྷཱུཏཱནཾ དྷརཎཱིརིཝ;

ཨསྨཱཀཾ ཨདྷིཔནྣཱནཾ, ཁམསྶུ རཱཛཀུཉྫར’’.

༡༨༢.

‘‘ཨེཏཾ [ཨེཝཾ (སྱཱ. ཀ.)] ཏེ ཨནུམོདཱམ, ཡཾ བྷཱཝཾ ན ནིགཱུཧསི;

ཁིལཾ པབྷིནྡསི པཀྑི, ཨུཛུཀོསི ཝིཧངྒམ’’.

༡༨༣.

‘‘ཡཾ ¶ ¶ ཀིཉྩི རཏནཾ ཨཏྠི, ཀཱསིརཱཛ ནིཝེསནེ;

རཛཏཾ ཛཱཏརཱུཔཉྩ, མུཏྟཱ ཝེལུ༹རིཡཱ བཧཱུ.

༡༨༤.

‘‘མཎཡོ སངྑམུཏྟཉྩ, ཝཏྠཀཾ ཧརིཙནྡནཾ;

ཨཛིནཾ དནྟབྷཎྜཉྩ, ལོཧཾ ཀཱལཱ༹ཡསཾ བཧུཾ;

ཨེཏཾ དདཱམི ཝོ ཝིཏྟཾ, ཨིསྶརིཡཾ [ཨིསྶེརཾ (སཱི.), ཨིསྶརཾ (སྱཱ. པཱི. ཀ.)] ཝིསྶཛཱམི ཝོ’’.

༡༨༥.

‘‘ཨདྡྷཱ ཨཔཙིཏཱ ཏྱམྷཱ, སཀྐཏཱ ཙ རཐེསབྷ;

དྷམྨེསུ ཝཏྟམཱནཱནཾ, ཏྭཾ ནོ ཨཱཙརིཡོ བྷཝ.

༡༨༦.

‘‘ཨཱཙརིཡ སམནུཉྙཱཏཱ, ཏཡཱ ཨནུམཏཱ མཡཾ;

ཏཾ པདཀྑིཎཏོ ཀཏྭཱ, ཉཱཏིཾ [ཉཱཏཱི (སཱི. སྱཱ. པཱི.)] པསྶེམུརིནྡམ’’ [པསྶེམརིནྡམ (སཱི. པཱི.)].

༡༨༧.

‘‘སབྦརཏྟིཾ ཙིནྟཡིཏྭཱ, མནྟཡིཏྭཱ ཡཐཱཏཐཾ;

ཀཱསིརཱཛཱ ཨནུཉྙཱསི, ཧཾསཱནཾ པཝརུཏྟམཾ’’.

༡༨༨.

‘‘ཏཏོ རཏྱཱ ཝིཝསཱནེ, སཱུརིཡུགྒམནཾ [སུརིཡསྶུགྒམནཾ (སཱི. སྱཱ.), སུརིཡུགྒམནཾ (པཱི.)] པཏི;

པེཀྑཏོ ཀཱསིརཱཛསྶ, བྷཝནཱ ཏེ [བྷཝནཏོ (སྱཱ. ཀ.)] ཝིགཱཧིསུཾ’’.

༡༨༩.

‘‘ཏེ ཨརོགེ ཨནུཔྤཏྟེ, དིསྭཱན པརམེ དིཛེ;

ཀེཀཱཏི མཀརུཾ ཧཾསཱ, པུཐུསདྡོ ཨཛཱཡཐ.

༡༩༠.

‘‘ཏེ ¶ པཏཱིཏཱ པམུཏྟེན, བྷཏྟུནཱ བྷཏྟུགཱརཝཱ;

སམནྟཱ པརིཀིརིཾསུ, ཨཎྜཛཱ ལདྡྷཔཙྩཡཱ’’.

༡༩༡.

‘‘ཨེཝཾ མིཏྟཝཏཾ ཨཏྠཱ, སབྦེ ཧོནྟི པདཀྑིཎཱ;

ཧཾསཱ ཡཐཱ དྷཏརཊྛཱ, ཉཱཏིསངྒྷཾ ཨུཔཱགམུ’’ནྟི.

མཧཱཧཾསཛཱཏཀཾ དུཏིཡཾ.

༥༣༥. སུདྷཱབྷོཛནཛཱཏཀཾ (༣)

༡༩༢.

‘‘ནེཝ ¶ ཀིཎཱམི ནཔི ཝིཀྐིཎཱམི, ན ཙཱཔི མེ སནྣིཙཡོ ཙ ཨཏྠི [ཨིདྷཏྠི (སྱཱ.)];

སུཀིཙྪརཱུཔཾ ཝཏིདཾ པརིཏྟཾ, པཏྠོདནོ ནཱལམཡཾ དུཝིནྣཾ’’.

༡༩༣.

‘‘ཨཔྤམྷཱ ཨཔྤཀཾ དཛྫཱ, ཨནུམཛ྄ཛྷཏོ མཛ྄ཛྷཀཾ;

བཧུམྷཱ བཧུཀཾ དཛྫཱ, ཨདཱནཾ ནུཔཔཛྫཏི [ན ཨུཔཔཛྫཏི (སཱི. པཱི.)].

༡༩༤.

‘‘ཏཾ ཏཾ ཝདཱམི ཀོསིཡ, དེཧི དཱནཱནི བྷུཉྫ ཙ;

ཨརིཡམགྒཾ སམཱརཱུཧ [ཨརིཡཾ མགྒཾ སམཱརུཧ (སཱི. པཱི.)], ནེཀཱསཱི ལབྷཏེ སུཁཾ’’.

༡༩༥.

‘‘མོགྷཉྩསྶ ¶ ཧུཏཾ ཧོཏི, མོགྷཉྩཱཔི སམཱིཧིཏཾ;

ཨཏིཐིསྨིཾ ཡོ ནིསིནྣསྨིཾ, ཨེཀོ བྷུཉྫཏི བྷོཛནཾ.

༡༩༦.

‘‘ཏཾ ཏཾ ཝདཱམི ཀོསིཡ, དེཧི དཱནཱནི བྷུཉྫ ཙ;

ཨརིཡམགྒཾ སམཱརཱུཧ, ནེཀཱསཱི ལབྷཏེ སུཁཾ’’.

༡༩༧.

‘‘སཙྩཉྩསྶ ཧུཏཾ ཧོཏི, སཙྩཉྩཱཔི སམཱིཧིཏཾ;

ཨཏིཐིསྨིཾ ཡོ ནིསིནྣསྨིཾ, ནེཀོ བྷུཉྫཏི བྷོཛནཾ.

༡༩༨.

‘‘ཏཾ ཏཾ ཝདཱམི ཀོསིཡ, དེཧི དཱནཱནི བྷུཉྫ ཙ;

ཨརིཡམགྒཾ སམཱརཱུཧ, ནེཀཱསཱི ལབྷཏེ སུཁཾ’’.

༡༩༩.

‘‘སརཉྩ ཛུཧཏི པོསོ, བཧུཀཱཡ གཡཱཡ ཙ;

དོཎེ ཏིམྦརུཏིཏྠསྨིཾ, སཱིགྷསོཏེ མཧཱཝཧེ.

༢༠༠.

‘‘ཨཏྲ ཙསྶ ཧུཏཾ ཧོཏི, ཨཏྲ ཙསྶ སམཱིཧིཏཾ;

ཨཏིཐིསྨིཾ ¶ ཡོ ནིསིནྣསྨིཾ, ནེཀོ བྷུཉྫཏི བྷོཛནཾ.

༢༠༡.

‘‘ཏཾ ¶ ཏཾ ཝདཱམི ཀོསིཡ, དེཧི དཱནཱནི བྷུཉྫ ཙ;

ཨརིཡམགྒཾ སམཱརཱུཧ, ནེཀཱསཱི ལབྷཏེ སུཁཾ’’.

༢༠༢.

‘‘བལི༹སཉྷི སོ ནིགིལཏི [ནིགྒིལཏི (སཱི. པཱི.)], དཱིགྷསུཏྟཾ སབནྡྷནཾ;

ཨཏིཐིསྨིཾ ཡོ ནིསིནྣསྨིཾ, ཨེཀོ བྷུཉྫཏི བྷོཛནཾ.

༢༠༣.

‘‘ཏཾ ཏཾ ཝདཱམི ཀོསིཡ, དེཧི དཱནཱནི བྷུཉྫ ཙ;

ཨརིཡམགྒཾ སམཱརཱུཧ, ནེཀཱསཱི ལབྷཏེ སུཁཾ’’.

༢༠༤.

‘‘ཨུལཱ༹རཝཎྞཱ ཝཏ བྲཱཧྨཎཱ ཨིམེ, ཨཡཉྩ ཝོ སུནཁོ ཀིསྶ ཧེཏུ;

ཨུཙྩཱཝཙཾ ཝཎྞནིབྷཾ ཝིཀུབྦཏི, ཨཀྑཱཐ ནོ བྲཱཧྨཎཱ ཀེ ནུ ཏུམྷེ’’.

༢༠༥.

‘‘ཙནྡོ ཙ སཱུརིཡོ ཙ [སཱུརིཡོ ཙ (ཀ.)] ཨུབྷོ ཨིདྷཱགཏཱ, ཨཡཾ པན མཱཏལི དེཝསཱརཐི;

སཀྐོཧམསྨི ཏིདསཱནམིནྡོ, ཨེསོ ཙ ཁོ པཉྩསིཁོཏི ཝུཙྩཏི.

༢༠༦.

‘‘པཱཎིསྶརཱ མུདིངྒཱ ཙ [མུཏིངྒཱ ཙ (སཱི. སྱཱ. པཱི.)], མུརཛཱལམྦརཱནི ཙ;

སུཏྟམེནཾ པབོདྷེནྟི, པཊིབུདྡྷོ ཙ ནནྡཏི’’.

༢༠༧.

‘‘ཡེ ཀེཙིམེ མཙྪརིནོ ཀདརིཡཱ, པརིབྷཱསཀཱ སམཎབྲཱཧྨཎཱནཾ;

ཨིདྷེཝ ནིཀྑིཔྤ སརཱིརདེཧཾ, ཀཱཡསྶ ¶ བྷེདཱ ནིརཡཾ ཝཛནྟི’’.

༢༠༨.

‘‘ཡེ ཀེཙིམེ སུགྒཏིམཱསམཱནཱ [སུགྒཏིམཱསསཱནཱ (སཱི. པཱི.), སུགྒཏཱསིསམཱནཱ (ཀ.)], དྷམྨེ ཋིཏཱ སཾཡམེ སཾཝིབྷཱགེ;

ཨིདྷེཝ ནིཀྑིཔྤ སརཱིརདེཧཾ, ཀཱཡསྶ བྷེདཱ སུགཏིཾ ཝཛནྟི’’.

༢༠༩.

‘‘ཏྭཾ ¶ ནོསི ཉཱཏི པུརིམཱསུ ཛཱཏིསུ, སོ མཙྪརཱི རོསཀོ [ཀོསིཡོ (སྱཱ. ཀ.)] པཱཔདྷམྨོ;

ཏཝེཝ ཨཏྠཱཡ ཨིདྷཱགཏམྷཱ, མཱ པཱཔདྷམྨོ ནིརཡཾ གམིཏྠ’’ [ཨཔཏྠ (ཀ. སཱི. སྱཱ. པཱི.)].

༢༡༠.

‘‘ཨདྡྷཱ ¶ ཧི མཾ ཝོ ཧིཏཀཱམཱ, ཡཾ མཾ སམནུསཱསཐ;

སོཧཾ ཏཐཱ ཀརིསྶཱམི, སབྦཾ ཝུཏྟཾ ཧིཏེསིབྷི.

༢༡༡.

‘‘ཨེསཱཧམཛྫེཝ ཨུཔཱརམཱམི, ན ཙཱཔིཧཾ [ན ཙཱཔཧཾ (སཱི. པཱི.)] ཀིཉྩི ཀརེཡྻ པཱཔཾ;

ན ཙཱཔི མེ ཀིཉྩི ཨདེཡྻམཏྠི, ན ཙཱཔིདཏྭཱ ཨུདཀཾ པིཝཱམི [ཨུདཀམྤཧཾ པིབེ (སཱི.)].

༢༡༢.

‘‘ཨེཝཉྩ མེ དདཏོ སབྦཀཱལཾ [སབྦཀཱལེ (ཀ.)], བྷོགཱ ཨིམེ ཝཱསཝ ཁཱིཡིསྶནྟི;

ཏཏོ ཨཧཾ པབྦཛིསྶཱམི སཀྐ, ཧིཏྭཱན ཀཱམཱནི ཡཐོདྷིཀཱནི’’.

༢༡༣.

‘‘ནགུཏྟམེ གིརིཝརེ གནྡྷམཱདནེ, མོདནྟི ¶ ཏཱ དེཝཝརཱབྷིཔཱལིཏཱ;

ཨཐཱགམཱ ཨིསིཝརོ སབྦལོཀགཱུ, སུཔུཔྥིཏཾ དུམཝརསཱཁམཱདིཡ.

༢༡༤.

‘‘སུཙིཾ སུགནྡྷཾ ཏིདསེཧི སཀྐཏཾ, པུཔྥུཏྟམཾ ཨམརཝརེཧི སེཝིཏཾ;

ཨལདྡྷ མཙྩེཧི ཝ དཱནཝེཧི ཝཱ, ཨཉྙཏྲ དེཝེཧི ཏདཱརཧཾ ཧིདཾ [ཧིཏཾ (སྱཱ.)].

༢༡༥.

‘‘ཏཏོ ཙཏསྶོ ཀནཀཏྟཙཱུཔམཱ, ཨུཊྛཱཡ ནཱརིཡོ པམདཱདྷིཔཱ མུནིཾ;

ཨཱསཱ ཙ སདྡྷཱ ཙ སིརཱི ཏཏོ ཧིརཱི, ཨིཙྩབྲཝུཾ ནཱརདདེཝ བྲཱཧྨཎཾ.

༢༡༦.

‘‘སཙེ ¶ ཨནུདྡིཊྛཾ ཏཡཱ མཧཱམུནི, པུཔྥཾ ཨིམཾ པཱརིཚཏྟསྶ བྲཧྨེ;

དདཱཧི ནོ སབྦཱ གཏི ཏེ ཨིཛ྄ཛྷཏུ, ཏུཝམྤི ནོ ཧོཧི ཡཐེཝ ཝཱསཝོ.

༢༡༧.

‘‘ཏཾ ཡཱཙམཱནཱབྷིསམེཀྑ ནཱརདོ, ཨིཙྩབྲཝཱི སཾཀལཧཾ ཨུདཱིརཡི;

ན མཡ྄ཧམཏྠཏྠི ཨིམེཧི ཀོཙི ནཾ, ཡཱཡེཝ ཝོ སེཡྻསི སཱ པིལ༹ནྡྷཐ’’ [པིལ༹ཡ྄ཧཐ (སཱི. པཱི.)].

༢༡༨.

‘‘ཏྭཾ ནོཏྟམེཝཱབྷིསམེཀྑ ནཱརད, ཡསྶིཙྪསི ¶ ཏསྶཱ ཨནུཔྤཝེཙྪསུ;

ཡསྶཱ ཧི ནོ ནཱརད ཏྭཾ པདསྶསི, སཱཡེཝ ནོ ཧེཧིཏི སེཊྛསམྨཏཱ’’.

༢༡༩.

‘‘ཨཀལླམེཏཾ ཝཙནཾ སུགཏྟེ, ཀོ བྲཱཧྨཎོ སཾཀལཧཾ ཨུདཱིརཡེ;

གནྟྭཱན བྷཱུཏཱདྷིཔམེཝ པུཙྪཐ, སཙེ ན ཛཱནཱཐ ཨིདྷུཏྟམཱདྷམཾ’’.

༢༢༠.

‘‘ཏཱ ནཱརདེན པརམཔྤཀོཔིཏཱ, ཨུདཱིརིཏཱ ཝཎྞམདེན མཏྟཱ;

སཀཱསེ [སཀཱསཾ (ཀ.)] གནྟྭཱན སཧསྶཙཀྑུནོ, པུཙྪིཾསུ བྷཱུཏཱདྷིཔཾ ཀཱ ནུ སེཡྻསི’’.

༢༢༡.

‘‘ཏཱ དིསྭཱ ཨཱཡཏྟམནཱ པུརིནྡདོ, ཨིཙྩབྲཝཱི དེཝཝརོ ཀཏཉྫལཱི;

སབྦཱཝ ཝོ ཧོཐ སུགཏྟེ སཱདིསཱི, ཀོ ནེཝ བྷདྡེ ཀལཧཾ ཨུདཱིརཡི’’.

༢༢༢.

‘‘ཡོ ¶ སབྦལོཀཙྩརིཏོ [སབྦལོཀཾ ཙརཀོ (སཱི. སྱཱ. པཱི.)] མཧཱམུནི, དྷམྨེ ཋིཏོ ནཱརདོ [ནཱརད (སྱཱ.)] སཙྩནིཀྐམོ;

སོ ནོབྲཝི [བྲཝཱི (སཱི. སྱཱ. པཱི.)] གིརིཝརེ གནྡྷམཱདནེ, གནྟྭཱན བྷཱུཏཱདྷིཔམེཝ པུཙྪཐ;

སཙེ ན ཛཱནཱཐ ཨིདྷུཏྟམཱདྷམཾ’’.

༢༢༣.

‘‘ཨསུ ¶ [ཨསཱུ (སྱཱ.)] བྲཧཱརཉྙཙརོ མཧཱམུནི, ནཱདཏྭཱ བྷཏྟཾ ཝརགཏྟེ བྷུཉྫཏི;

ཝིཙེཡྻ དཱནཱནི དདཱཏི ཀོསིཡོ, ཡསྶཱ ཧི སོ དསྶཏི སཱཝ སེཡྻསི’’.

༢༢༤.

‘‘ཨསཱུ ¶ ཧི ཡོ སམྨཏི དཀྑིཎཾ དིསཾ, གངྒཱཡ ཏཱིརེ ཧིམཝནྟཔསྶནི [ཧིམཝནྟཔསྨནི (སཱི. པཱི. ཀ.)];

ས ཀོསིཡོ དུལླབྷཔཱནབྷོཛནོ, ཏསྶ སུདྷཾ པཱཔཡ དེཝསཱརཐི’’.

༢༢༥.

‘‘ས [སོ (སྱཱ.)] མཱཏལཱི དེཝཝརེན པེསིཏོ, སཧསྶཡུཏྟཾ ཨབྷིརུཡ྄ཧ སནྡནཾ;

སུཁིཔྤམེཝ [ས ཁིཔྤམེཝ (སཱི. པཱི.)] ཨུཔགམྨ ཨསྶམཾ, ཨདིསྶམཱནོ མུནིནོ སུདྷཾ ཨདཱ’’.

༢༢༦.

‘‘ཨུདགྒིཧུཏྟཾ ཨུཔཏིཊྛཏོ ཧི མེ, པབྷངྐརཾ ལོཀཏམོནུདུཏྟམཾ;

སབྦཱནི བྷཱུཏཱནི ཨདྷིཙྩ [ཨཏིཙྩ (སཱི. པཱི.)] ཝཱསཝོ, ཀོ ནེཝ མེ པཱཎིསུ ཀིཾ སུདྷོདཧི.

༢༢༧.

‘‘སངྑཱུཔམཾ སེཏམཏུལྱདསྶནཾ, སུཙིཾ སུགནྡྷཾ པིཡརཱུཔམབྦྷུཏཾ;

ཨདིཊྛཔུབྦཾ མམ ཛཱཏུ ཙཀྑུབྷི [ཛཱཏཙཀྑུཧི (སཱི. པཱི.)], ཀཱ དེཝཏཱ པཱཎིསུ ཀིཾ སུདྷོདཧི’’.

༢༢༨.

‘‘ཨཧཾ ¶ ¶ མཧིནྡེན མཧེསི པེསིཏོ, སུདྷཱབྷིཧཱསིཾ ཏུརིཏོ མཧཱམུནི;

ཛཱནཱསི མཾ མཱཏལི དེཝསཱརཐི, བྷུཉྫསྶུ བྷཏྟུཏྟམ མཱབྷིཝཱརཡི [མཱ ཝིཙཱརཡི (སཱི. པཱི.)].

༢༢༩.

‘‘བྷུཏྟཱ ཙ སཱ དྭཱདས ཧནྟི པཱཔཀེ, ཁུདཾ པིཔཱསཾ ཨརཏིཾ དརཀླམཾ [དརཐཾ ཀིལཾ (སྱཱ.), དརཐཀྑམཾ (ཀ.)];

ཀོདྷཱུཔནཱཧཉྩ ཝིཝཱདཔེསུཎཾ, སཱིཏུཎྷཏནྡིཉྩ རསུཏྟམཾ ཨིདཾ’’.

༢༣༠.

‘‘ན ཀཔྤཏཱི མཱཏལི མཡ྄ཧ བྷུཉྫིཏུཾ, པུབྦེ ཨདཏྭཱ ཨིཏི མེ ཝཏུཏྟམཾ;

ན ཙཱཔི ཨེཀཱསྣམརཱིཡཔཱུཛིཏཾ [ཨེཀཱསནཾ ཨརིཡཔཱུཛིཏཾ (སཱི. པཱི.)], ཨསཾཝིབྷཱགཱི ཙ སུཁཾ ན ཝིནྡཏི’’.

༢༣༡.

‘‘ཐཱིགྷཱཏཀཱ ཡེ ཙིམེ པཱརདཱརིཀཱ, མིཏྟདྡུནོ ཡེ ཙ སཔནྟི སུབྦཏེ;

སབྦེ ཙ ཏེ མཙྪརིཔཉྩམཱདྷམཱ, ཏསྨཱ ཨདཏྭཱ ཨུདཀམྤི ནཱསྣིཡེ [ནཱསྨིཡེ (སཱི. པཱི.)].

༢༣༢.

‘‘སོ ཧིཏྠིཡཱ ཝཱ པུརིསསྶ ཝཱ པན, དསྶཱམི དཱནཾ ཝིདུསམྤཝཎྞིཏཾ;

སདྡྷཱ ཝདཉྙཱུ ཨིདྷ ཝཱིཏམཙྪརཱ, བྷཝནྟི ¶ ཧེཏེ སུཙིསཙྩསམྨཏཱ’’ [སམྨསམྨཏཱ (སཱི.)].

༢༣༣.

‘‘ཨཏོ མཏཱ [མུཏཱ (སཱི. པཱི.)] དེཝཝརེན པེསིཏཱ, ཀཉྙཱ ཙཏསྶོ ཀནཀཏྟཙཱུཔམཱ;

ཨཱསཱ ཙ སདྡྷཱ ཙ སིརཱི ཏཏོ ཧིརཱི [སིརཱི ཧིརཱི ཏཏོ (པཱི.)], ཏཾ ཨསྶམཾ ཨཱགམུ [ཨཱགམུཾ (སཱི. པཱི. ཀ.)] ཡཏྠ ཀོསིཡོ.

༢༣༤.

‘‘ཏཱ ¶ དིསྭཱ སབྦོ པརམཔྤམོདིཏོ [སབྦཱ པརམཔྤམོདིཏཱ (སྱཱ.)], སུབྷེན ཝཎྞེན སིཁཱརིཝགྒིནོ;

ཀཉྙཱ ཙཏསྶོ ཙཏུརོ ཙཏུདྡིསཱ, ཨིཙྩབྲཝཱི མཱཏལིནོ ཙ སམྨུཁཱ.

༢༣༥.

‘‘པུརིམཾ དིསཾ ཀཱ ཏྭཾ པབྷཱསི དེཝཏེ, ཨལངྐཏཱ ཏཱརཝརཱཝ ཨོསདྷཱི;

པུཙྪཱམི ཏཾ ཀཉྩནཝེལླིཝིགྒཧེ, ཨཱཙིཀྑ མེ ཏྭཾ ཀཏམཱསི དེཝཏཱ.

༢༣༦.

‘‘སིརཱཧ དེཝཱིམནུཛེབྷི [མནུཛེསུ (སཱི. སྱཱ. པཱི.)] པཱུཛིཏཱ, ཨཔཱཔསཏྟཱུཔནིསེཝིནཱི སདཱ;

སུདྷཱཝིཝཱདེན ཏཝནྟིམཱགཏཱ, ཏཾ ¶ མཾ སུདྷཱཡ ཝརཔཉྙ བྷཱཛཡ.

༢༣༧.

‘‘ཡསྶཱཧམིཙྪཱམི སུདྷཾ [སུཁཾ (པཱི.)] མཧཱམུནི, སོ [ས (སཱི. པཱི.)] སབྦཀཱམེཧི ནརོ པམོདཏི;

སིརཱིཏི མཾ ཛཱནཧི ཛཱུཧཏུཏྟམ, ཏཾ མཾ སུདྷཱཡ ཝརཔཉྙ བྷཱཛཡ’’.

༢༣༨.

‘‘སིཔྤེན ཝིཛྫཱཙརཎེན བུདྡྷིཡཱ, ནརཱ ཨུཔེཏཱ པགུཎཱ སཀམྨུནཱ [སཀམྨནཱ (སཱི. པཱི.)];

ཏཡཱ ཝིཧཱིནཱ ན ལབྷནྟི ཀིཉྩནཾ [ཀིཉྩིནཾ (ཀ.)], ཏཡིདཾ ན སཱདྷུ ཡདིདཾ ཏཡཱ ཀཏཾ.

༢༣༩.

‘‘པསྶཱམི ¶ པོསཾ ཨལསཾ མཧགྒྷསཾ, སུདུཀྐུལཱིནམྤི ཨརཱུཔིམཾ ནརཾ;

ཏཡཱནུགུཏྟོ སིརི ཛཱཏིམཱམཔི [ཛཱཏིམཾ ཨཔི (སཱི.)], པེསེཏི དཱསཾ ཝིཡ བྷོགཝཱ སུཁཱི.

༢༤༠.

‘‘ཏཾ ཏཾ ཨསཙྩཾ ཨཝིབྷཛྫསེཝིནིཾ, ཛཱནཱམི མཱུལ༹ྷཾ ཝིདུརཱནུཔཱཏིནིཾ;

ན ཏཱདིསཱི ཨརཧཏི ཨཱསནཱུདཀཾ, ཀུཏོ སུདྷཱ གཙྪ ན མཡ྄ཧ རུཙྩསི’’.

༢༤༡.

‘‘ཀཱ ¶ སུཀྐདཱཋཱ པཊིམུཀྐཀུཎྜལཱ, ཙིཏྟངྒདཱ ཀམྦུཝིམཊྛདྷཱརིནཱི;

ཨོསིཏྟཝཎྞཾ པརིདཡ྄ཧ སོབྷསི, ཀུསགྒིརཏྟཾ ཨཔིལ༹ཡ྄ཧ མཉྫརིཾ.

༢༤༢.

‘‘མིགཱིཝ བྷནྟཱ སརཙཱཔདྷཱརིནཱ, ཝིརཱདྷིཏཱ མནྡམིཝ ཨུདིཀྑསི;

ཀོ ཏེ དུཏཱིཡོ ཨིདྷ མནྡལོཙནེ, ན ¶ བྷཱཡསི ཨེཀིཀཱ ཀཱནནེ ཝནེ’’.

༢༤༣.

‘‘ན མེ དུཏཱིཡོ ཨིདྷ མཏྠི ཀོསིཡ, མསཀྐསཱརཔྤབྷཝམྷི དེཝཏཱ;

ཨཱསཱ སུདྷཱསཱཡ ཏཝནྟིམཱགཏཱ, ཏཾ མཾ སུདྷཱཡ ཝརཔཉྙ བྷཱཛཡ’’.

༢༤༤.

‘‘ཨཱསཱཡ ཡནྟི ཝཱཎིཛཱ དྷནེསིནོ, ནཱཝཾ སམཱརུཡ྄ཧ པརེནྟི ཨཎྞཝེ;

ཏེ ཏཏྠ སཱིདནྟི ཨཐོཔི ཨེཀདཱ, ཛཱིནཱདྷནཱ ཨེནྟི ཝིནཊྛཔཱབྷཏཱ.

༢༤༥.

‘‘ཨཱསཱཡ ཁེཏྟཱནི ཀསནྟི ཀསྶཀཱ, ཝཔནྟི བཱིཛཱནི ཀརོནྟུཔཱཡསོ;

ཨཱིཏཱིནིཔཱཏེན ཨཝུཊྛིཏཱཡ [ཨཝུཊྛིཀཱཡ (སཱི. པཱི.)] ཝཱ, ན ཀིཉྩི ཝིནྡནྟི ཏཏོ ཕལཱགམཾ.

༢༤༦.

‘‘ཨཐཏྟཀཱརཱནི ཀརོནྟི བྷཏྟུསུ, ཨཱསཾ པུརཀྑཏྭཱ ནརཱ སུཁེསིནོ;

ཏེ བྷཏྟུརཏྠཱ ཨཏིགཱལ༹ྷིཏཱ པུན, དིསཱ པནསྶནྟི ཨལདྡྷ ཀིཉྩནཾ.

༢༤༧.

‘‘ཧིཏྭཱན [ཛཧིཏྭ (སཱི. སྱཱ. པཱི.)] དྷཉྙཉྩ དྷནཉྩ ཉཱཏཀེ, ཨཱསཱཡ སགྒཱདྷིམནཱ སུཁེསིནོ;

ཏཔནྟི ¶ ལཱུཁམྤི ཏཔཾ ཙིརནྟརཾ, ཀུམགྒམཱརུཡ྄ཧ [ཀུམྨགྒམཱརུཡ྄ཧ (སཱི. སྱཱ. པཱི.)] པརེནྟི དུགྒཏིཾ.

༢༤༨.

‘‘ཨཱསཱ ¶ ཝིསཾཝཱདིཀསམྨཏཱ ཨིམེ, ཨཱསེ སུདྷཱསཾ [སུདྷཱཡ (སྱཱ པཱི. ཀ.)] ཝིནཡསྶུ ཨཏྟནི;

ན ཏཱདིསཱི ཨརཧཏི ཨཱསནཱུདཀཾ, ཀུཏོ སུདྷཱ གཙྪ ན མཡ྄ཧ རུཙྩསི’’.

༢༤༩.

‘‘དདྡལླམཱནཱ ཡསསཱ ཡསསྶིནཱི, ཛིགྷཉྙནཱམཝ྄ཧཡནཾ དིསཾ པཏི;

པུཙྪཱམི ཏཾ ཀཉྩནཝེལླིཝིགྒཧེ, ཨཱཙིཀྑ མེ ཏྭཾ ཀཏམཱསི དེཝཏཱ’’.

༢༥༠.

‘‘སདྡྷཱཧ དེཝཱིམནུཛེཧི [དེཝཱིམནུཛེསུ (སཱི. སྱཱ. པཱི.)] པཱུཛིཏཱ, ཨཔཱཔསཏྟཱུཔནིསེཝིནཱི སདཱ;

སུདྷཱཝིཝཱདེན ཏཝནྟིམཱགཏཱ, ཏཾ མཾ སུདྷཱཡ ཝརཔཉྙ བྷཱཛཡ’’.

༢༥༡.

‘‘དཱནཾ དམཾ ཙཱགམཐོཔི སཾཡམཾ, ཨཱདཱཡ སདྡྷཱཡ ཀརོནྟི ཧེཀདཱ;

ཐེཡྻཾ མུསཱ ཀཱུཊམཐོཔི པེསུཎཾ, ཀརོནྟི ཧེཀེ པུན ཝིཙྩུཏཱ ཏཡཱ.

༢༥༢.

‘‘བྷརིཡཱསུ པོསོ སདིསཱིསུ པེཀྑཝཱ [པེཁཝཱ (པཱི.)], སཱིལཱུཔཔནྣཱསུ པཏིབྦཏཱསུཔི;

ཝིནེཏྭཱན ¶ [ཝིནེཏྭཱ (སཱི. སྱཱ. པཱི.)] ཚནྡཾ ཀུལིཏྠིཡཱསུཔི [ཀུལདྷཱིཏིཡཱསུཔི (སཱི. པཱི.)], ཀརོཏི སདྡྷཾ པུན [པན (སཱི. པཱི.)] ཀུམྦྷདཱསིཡཱ.

༢༥༣.

‘‘ཏྭམེཝ སདྡྷེ པརདཱརསེཝིནཱི, པཱཔཾ ཀརོསི ཀུསལམྤི རིཉྩསི;

ན ཏཱདིསཱི ཨརཧཏི ཨཱསནཱུདཀཾ, ཀུཏོ སུདྷཱ གཙྪ ན མཡ྄ཧ རུཙྩསི’’.

༢༥༤.

‘‘ཛིགྷཉྙརཏྟིཾ ¶ ཨརུཎསྨིམཱུཧཏེ, ཡཱ དིསྶཏི ཨུཏྟམརཱུཔཝཎྞིནཱི;

ཏཐཱུཔམཱ མཾ པཊིབྷཱསི དེཝཏེ, ཨཱཙིཀྑ མེ ཏྭཾ ཀཏམཱསི ཨཙྪརཱ.

༢༥༥.

‘‘ཀཱལཱ ¶ ནིདཱགྷེརིཝ ཨགྒིཛཱརིཝ [ཨགྒཛཱཏིཝ (སཱི.), ཨགྒིཛཱཏིཝ (པཱི.)], ཨནིལེརིཏཱ ལོཧིཏཔཏྟམཱལིནཱི;

ཀཱ ཏིཊྛསི མནྡམིགཱཝལོཀཡཾ [མནྡམིཝཱཝལོཀཡཾ (སཱི. པཱི.)], བྷཱསེསམཱནཱཝ གིརཾ ན མུཉྩསི’’.

༢༥༦.

‘‘ཧིརཱཧ དེཝཱིམནུཛེཧི པཱུཛིཏཱ, ཨཔཱཔསཏྟཱུཔནིསེཝིནཱི སདཱ;

སུདྷཱཝིཝཱདེན ཏཝནྟིམཱགཏཱ, སཱཧཾ ན སཀྐོམི སུདྷམྤི ཡཱཙིཏུཾ;

ཀོཔཱིནརཱུཔཱ ཝིཡ ཡཱཙནིཏྠིཡཱ’’.

༢༥༧.

‘‘དྷམྨེན ཉཱཡེན སུགཏྟེ ལཙྪསི, ཨེསོ ¶ ཧི དྷམྨོ ན ཧི ཡཱཙནཱ སུདྷཱ;

ཏཾ ཏཾ ཨཡཱཙནྟིམཧཾ ནིམནྟཡེ, སུདྷཱཡ ཡཉྩིཙྪསི ཏམྤི དམྨི ཏེ.

༢༥༨.

‘‘སཱ ཏྭཾ མཡཱ ཨཛྫ སཀམྷི ཨསྶམེ, ནིམནྟིཏཱ ཀཉྩནཝེལླིཝིགྒཧེ;

ཏུཝཉྷི མེ སབྦརསེཧི པཱུཛིཡཱ, ཏཾ པཱུཛཡིཏྭཱན སུདྷམྤི ཨསྣིཡེ’’.

༢༥༩.

‘‘སཱ ཀོསིཡེནཱནུམཏཱ ཛུཏཱིམཏཱ, ཨདྡྷཱ ཧིརི རམྨཾ པཱཝིསི ཡསྶམཾ;

ཨུདཀཝནྟཾ [ཨུདཉྙཝནྟཾ (སཱི. པཱི.)] ཕལམརིཡཔཱུཛིཏཾ, ཨཔཱཔསཏྟཱུཔནིསེཝིཏཾ སདཱ.

༢༦༠.

‘‘རུཀྑགྒཧཱནཱ བཧུཀེཏྠ པུཔྥིཏཱ, ཨམྦཱ པིཡཱལཱ པནསཱ ཙ ཀིཾསུཀཱ;

སོབྷཉྫནཱ ལོདྡམཐོཔི པདྨཀཱ, ཀེཀཱ ཙ བྷངྒཱ ཏིལཀཱ སུཔུཔྥིཏཱ.

༢༦༡.

‘‘སཱལཱ ¶ ཀརེརཱི བཧུཀེཏྠ ཛམྦུཡོ, ཨསྶཏྠནིགྲོདྷམདྷུཀཝེཏསཱ [ཝེདིསཱ (ཀ.)];

ཨུདྡཱལཀཱ པཱཊལི སིནྡུཝཱརཀཱ [སིནྡུཝཱརིཏཱ (བཧཱུསུ)], མནུཉྙགནྡྷཱ མུཙལིནྡཀེཏཀཱ.

༢༦༢.

‘‘ཧརེཎུཀཱ ཝེལུ༹ཀཱ ཀེཎུ [ཝེཎུ (སཱི. པཱི.)] ཏིནྡུཀཱ, སཱམཱཀནཱིཝཱརམཐོཔི ¶ ཙཱིནཀཱ;

མོཙཱ ཀདལཱི བཧུཀེཏྠ སཱལིཡོ, པཝཱིཧཡོ ཨཱབྷཱུཛིནོ ཙ [ཨཱབྷུཛིནོཔི (སཱི. སྱཱ.)] ཏཎྜུལཱ.

༢༦༣.

‘‘ཏསྶེཝུཏྟརཔསྶེན [ཏསྶ ཙ ཨུཏྟརེ པསྶེ (སཱི. པཱི.), ཏསྶ ཙ ཨུཏྟརཔསྶེན (སྱཱ.)], ཛཱཏཱ པོཀྑརཎཱི སིཝཱ;

ཨཀཀྐསཱ ཨཔབྦྷཱརཱ, སཱདྷུ ཨཔྤཊིགནྡྷིཀཱ.

༢༦༤.

‘‘ཏཏྠ མཙྪཱ སནྣིརཏཱ, ཁེམིནོ བཧུབྷོཛནཱ;

སིངྒཱུ སཝངྐཱ སཾཀུལཱ [སཀུལཱ (སཱི. སྱཱ. པཱི.)], སཏཝངྐཱ ཙ རོཧིཏཱ;

ཨཱལི༹གགྒརཀཱཀིཎྞཱ, པཱཋཱིནཱ ཀཱཀམཙྪཀཱ.

༢༦༥.

‘‘ཏཏྠ པཀྑཱི སནྣིརཏཱ, ཁེམིནོ བཧུབྷོཛནཱ;

ཧཾསཱ ཀོཉྩཱ མཡཱུརཱ ཙ, ཙཀྐཝཱཀཱ ཙ ཀུཀྐུཧཱ;

ཀུཎཱལཀཱ བཧཱུ ཙིཏྲཱ, སིཁཎྜཱི ཛཱིཝཛཱིཝཀཱ.

༢༦༦.

‘‘ཏཏྠ པཱནཱཡ མཱཡནྟི, ནཱནཱ མིགགཎཱ བཧཱུ;

སཱིཧཱ བྱགྒྷཱ ཝརཱཧཱ ཙ, ཨཙྪཀོཀཏརཙྪཡོ.

༢༦༧.

‘‘པལཱསཱདཱ ¶ གཝཛཱ ཙ, མཧིཾསཱ [མཧིསཱ (སཱི. སྱཱ. པཱི.)] རོཧིཏཱ རུརཱུ;

ཨེཎེཡྻཱ ཙ ཝརཱཧཱ ཙ, གཎིནོ ནཱིཀསཱུཀརཱ;

ཀདལིམིགཱ བཧུཀེཏྠ, བིལཱ༹རཱ སསཀཎྞིཀཱ [སསཀཎྞཀཱ (སཱི.)].

༢༦༨.

‘‘ཚམཱགིརཱི པུཔྥཝིཙིཏྲསནྠཏཱ, དིཛཱབྷིགྷུཊྛཱ དིཛསངྒྷསེཝིཏཱ’’.

༢༦༩.

‘‘སཱ ¶ སུཏྟཙཱ ནཱིལདུམཱབྷིལམྦིཏཱ, ཝིཛྫུ མཧཱམེགྷརིཝཱནུཔཛྫཐ;

ཏསྶཱ ¶ སུསམྦནྡྷསིརཾ ཀུསཱམཡཾ, སུཙིཾ སུགནྡྷཾ ཨཛིནཱུཔསེཝིཏཾ;

ཨཏྲིཙྩ [ཨཏྲིཙྪ (སཱི. སྱཱ. པཱི.)] ཀོཙྪཾ ཧིརིམེཏདབྲཝི, ‘ནིསཱིད ཀལྱཱཎི སུཁཡིདམཱསནཾ’.

༢༧༠.

‘‘ཏསྶཱ ཏདཱ ཀོཙྪགཏཱཡ ཀོསིཡོ, ཡདིཙྪམཱནཱཡ ཛཊཱཛིནནྡྷརོ [ཛཊཱཛུཏིནྡྷརོ (སྱཱ. ཀ.)];

ནཝེཧི པཏྟེཧི སཡཾ སཧཱུདཀཾ, སུདྷཱབྷིཧཱསཱི ཏུརིཏོ མཧཱམུནི.

༢༧༡.

‘‘སཱ ཏཾ པཊིགྒཡ྄ཧ ཨུབྷོཧི པཱཎིབྷི, ཨིཙྩབྲཝི ཨཏྟམནཱ ཛཊཱདྷརཾ;

‘ཧནྡཱཧཾ ཨེཏརཧི པཱུཛིཏཱ ཏཡཱ, གཙྪེཡྻཾ བྲཧྨེ ཏིདིཝཾ ཛིཏཱཝིནཱི’.

༢༧༢.

‘‘སཱ ཀོསིཡེནཱནུམཏཱ ཛུཏཱིམཏཱ, ཨུདཱིརིཏཱ [ཨུདིརཡི (ཀ.)] ཝཎྞམདེན མཏྟཱ;

སཀཱསེ གནྟྭཱན སཧསྶཙཀྑུནོ, ཨཡཾ སུདྷཱ ཝཱསཝ དེཧི མེ ཛཡཾ.

༢༧༣.

‘‘ཏམེན [ཏམེནཾ (སྱཱ. ཀ.)] སཀྐོཔི ཏདཱ ཨཔཱུཛཡི, སཧིནྡདེཝཱ [སཧིནྡཱ ཙ དེཝཱ (སཱི. པཱི.)] སུརཀཉྙམུཏྟམཾ;

སཱ པཉྫལཱི དེཝམནུསྶཔཱུཛིཏཱ, ནཝམྷི ཀོཙྪམྷི ཡདཱ ཨུཔཱཝིསི’’.

༢༧༤.

‘‘ཏམེཝ ¶ སཾསཱི [ཏམེཝ ཨསཾསཱི (སྱཱ.)] པུནདེཝ མཱཏལིཾ, སཧསྶནེཏྟོ ཏིདསཱནམིནྡོ;

གནྟྭཱན ཝཱཀྱཾ མམ བྲཱུཧི ཀོསིཡཾ, ཨཱསཱཡ སདྡྷཱ [སདྡྷ (པཱི.)] སིརིཡཱ ཙ ཀོསིཡ;

ཧིརཱི སུདྷཾ ཀེན མལཏྠ ཧེཏུནཱ.

༢༧༥.

‘‘ཏཾ ¶ སུ ཝཏྠཾ ཨུདཏཱརཡཱི རཐཾ, དདྡལླམཱནཾ ཨུཔཀཱརིཡསཱདིསཾ [ཨུཔཀིརིཡསཱདིསཾ (སཱི. སྱཱ. པཱི.)].

ཛམྦོནདཱིསཾ ཏཔནེཡྻསནྣིབྷཾ [སནྟིཀཾ (སཱི.པཱི.)], ཨལངྐཏཾ ཀཉྩནཙིཏྟསནྣིབྷཾ.

༢༧༦.

‘‘སུཝཎྞཙནྡེཏྠ བཧཱུ ནིཔཱཏིཏཱ, ཧཏྠཱི གཝསྶཱ ཀིཀིབྱགྒྷདཱིཔིཡོ [ཀིམྤུརིསབྱགྒྷདཱིཔིཡོ (ཀ.)];

ཨེཎེཡྻཀཱ ལངྒྷམཡེཏྠ པཀྑིནོ [པཀྑིཡོ (སཱི. པཱི.)], མིགེཏྠ ཝེལུ༹རིཡམཡཱ ཡུདྷཱ ཡུཏཱ.

༢༧༧.

‘‘ཏཏྠསྶརཱཛཧརཡོ ཨཡོཛཡུཾ, དསསཏཱནི སུསུནཱགསཱདིསེ;

ཨལངྐཏེ ཀཉྩནཛཱལུརཙྪདེ, ཨཱཝེལི༹ནེ སདྡགམེ ཨསངྒིཏེ.

༢༧༨.

‘‘ཏཾ ཡཱནསེཊྛཾ ཨབྷིརུཡ྄ཧ མཱཏལི, དིསཱ ཨིམཱཡོ [དས དིསཱ ཨིམཱ (སཱི. སྱཱ. པཱི.)] ཨབྷིནཱདཡིཏྠ;

ནབྷཉྩ སེལཉྩ ཝནཔྤཏིནིཉྩ [ཝནསྤཏཱིནི ཙ (སཱི. པཱི.), ཝནཔྤཏིཉྩ (སྱཱ. ཀ.)], སསཱགརཾ ¶ པབྱདྷཡིཏྠ [པབྱཱཐཡིཏྠ (སཱི. པཱི.)] མེདིནིཾ.

༢༧༩.

‘‘ས ཁིཔྤམེཝ ཨུཔགམྨ ཨསྶམཾ, པཱཝཱརམེཀཾསཀཏོ ཀཏཉྫལཱི;

བཧུསྶུཏཾ ཝུདྡྷཾ ཝིནཱིཏཝནྟཾ, ཨིཙྩབྲཝཱི མཱཏལི དེཝབྲཱཧྨཎཾ.

༢༨༠.

‘‘ཨིནྡསྶ ཝཱཀྱཾ ནིསཱམེཧི ཀོསིཡ, དཱུཏོ ཨཧཾ པུཙྪཏི ཏཾ པུརིནྡདོ;

ཨཱསཱཡ སདྡྷཱ སིརིཡཱ ཙ ཀོསིཡ, ཧིརཱི སུདྷཾ ཀེན མལཏྠ ཧེཏུནཱ’’.

༢༨༡.

‘‘ཨནྡྷཱ ¶ ¶ སིརཱི མཾ པཊིབྷཱཏི མཱཏལི, སདྡྷཱ ཨནིཙྩཱ པན དེཝསཱརཐི;

ཨཱསཱ ཝིསཾཝཱདིཀསམྨཏཱ ཧི མེ, ཧིརཱི ཙ ཨརིཡམྷི གུཎེ པཏིཊྛིཏཱ’’.

༢༨༢.

‘‘ཀུམཱརིཡོ ཡཱཙིམཱ གོཏྟརཀྑིཏཱ, ཛིཎྞཱ ཙ ཡཱ ཡཱ ཙ སབྷཏྟུཨིཏྠིཡོ;

ཏཱ ཚནྡརཱགཾ པུརིསེསུ ཨུགྒཏཾ, ཧིརིཡཱ ནིཝཱརེནྟི སཙིཏྟམཏྟནོ.

༢༨༣.

‘‘སངྒཱམསཱིསེ སརསཏྟིསཾཡུཏེ, པརཱཛིཏཱནཾ པཏཏཾ པལཱཡིནཾ;

ཧིརིཡཱ ནིཝཏྟནྟི ཛཧིཏྭ [ཛཧིཏྭཱན (སྱཱ. ཀ.)] ཛཱིཝིཏཾ, ཏེ ¶ སམྤཊིཙྪནྟི པུནཱ ཧིརཱིམནཱ.

༢༨༤.

‘‘ཝེལཱ ཡཐཱ སཱགརཝེགཝཱརིནཱི, ཧིརཱཡ ཧི པཱཔཛནཾ ནིཝཱརིནཱི;

ཏཾ སབྦལོཀེ ཧིརིམརིཡཔཱུཛིཏཾ, ཨིནྡསྶ ཏཾ ཝེདཡ དེཝསཱརཐི’’.

༢༨༥.

‘‘ཀོ ཏེ ཨིམཾ ཀོསིཡ དིཊྛིམོདཧི, བྲཧྨཱ མཧིནྡོ ཨཐ ཝཱ པཛཱཔཏི;

ཧིརཱཡ དེཝེསུ ཧི སེཊྛསམྨཏཱ, དྷཱིཏཱ མཧིནྡསྶ མཧེསི ཛཱཡཐ’’.

༢༨༦.

‘‘ཧནྡེཧི དཱནི ཏིདིཝཾ ཨཔཀྐམ [སམཀྐམ (སཱི. པཱི.)], རཐཾ སམཱརུཡ྄ཧ མམཱཡིཏཾ ཨིམཾ [ཨིདཾ (སྱཱ. ཀ.)];

ཨིནྡོ ཙ ཏཾ ཨིནྡསགོཏྟ ཀངྑཏི, ཨཛྫེཝ ཏྭཾ ཨིནྡསཧབྱཏཾ ཝཛ’’.

༢༨༧.

‘‘ཨེཝཾ ཝིསུཛ྄ཛྷནྟི [སམིཛ྄ཛྷནྟི (སཱི. པཱི.)] ཨཔཱཔཀམྨིནོ, ཨཐོ སུཙིཎྞསྶ ཕལཾ ན ནསྶཏི;

ཡེ ཀེཙི མདྡཀྑུ སུདྷཱཡ བྷོཛནཾ, སབྦེཝ ཏེ ཨིནྡསཧབྱཏཾ གཏཱ’’.

༢༨༨.

‘‘ཧིརཱི ¶ ཨུཔྤལཝཎྞཱསི, ཀོསིཡོ དཱནཔཏི བྷིཀྑུ;

ཨནུརུདྡྷོ པཉྩསིཁོ, ཨཱནནྡོ ཨཱསི མཱཏལི.

༢༨༩.

‘‘སཱུརིཡོ ཀསྶཔོ བྷིཀྑུ, མོགྒལླཱནོསི ཙནྡིམཱ;

ནཱརདོ ¶ སཱརིཔུཏྟོསི, སམྦུདྡྷོ ཨཱསི ཝཱསཝོ’’ཏི.

སུདྷཱབྷོཛནཛཱཏཀཾ ཏཏིཡཾ.

༥༣༦. ཀུཎཱལཛཱཏཀཾ (༤)

ཨེཝམཀྑཱཡཏི, ཨེཝམནུསཱུཡཏི [སུཡྻཏི (ཀ.)]. སབྦོསདྷདྷརཎིདྷརེ ནེཀཔུཔྥམཱལྱཝིཏཏེ གཛ-གཝཛ མཧིཾས-རུརུ-ཙམར-པསད-ཁགྒ-གོཀཎྞ-སཱིཧ-བྱགྒྷ-དཱིཔི-ཨཙྪ-ཀོཀ-ཏརཙྪ-ཨུདྡཱར-ཀདལིམིག- བིལཱ༹ར-སས-ཀཎྞིཀཱནུཙརིཏེཨཱཀིཎྞནེལམཎྜལམཧཱཝརཱཧནཱགཀུལཀརེཎུ [ཀཎེརུ (སཱི. པཱི.)] -སངྒྷཱདྷིཝུཊྛེ [ཝུཏྠེ (སཱི. པཱི.)] ཨིསྶམིག- སཱཁམིག-སརབྷམིག-ཨེཎཱིམིག-ཝཱཏམིག-པསདམིག-པུརིསཱལུ [པུརིསལླུ (སཱི. པཱི.)] -ཀིམྤུརིས-ཡཀྑ-རཀྑསནིསེཝིཏེ ཨམཛྫཝམཉྫརཱིདྷར-པཧཊྛ [བྲཧཊྛ (སཱི. པཱི.)] -པུཔྥཕུསིཏགྒཱ [པུཔྥིཏགྒ (སཱི. པཱི.)] ནེཀཔཱདཔགཎཝིཏཏེཀུརར-ཙཀོར-ཝཱརཎ-མཡཱུར-པརབྷཏ- ཛཱིཝཉྫཱིཝཀ-ཙེལཱཝཀཱ-བྷིངྐཱར-ཀརཝཱིཀམཏྟཝིཧངྒགཎ-སཏཏ [ཝིཧངྒསཏ (སཱི. པཱི.)] སམྤགྷུཊྛེཨཉྫན-མནོསིལཱ-ཧརིཏཱལ- ཧིངྒུལཀཧེམ-རཛཏཀནཀཱནེཀདྷཱཏུསཏཝིནདྡྷཔཊིམཎྜིཏཔྤདེསེ ¶ ཨེཝརཱུཔེ ཁལུ, བྷོ, རམྨེ ཝནསཎྜེ ཀུཎཱལོ ནཱམ སཀུཎོ པཊིཝསཏི ཨཏིཝིཡ ཙིཏྟོ ཨཏིཝིཡ ཙིཏྟཔཏྟཙྪདནོ.

ཏསྶེཝ ཁལུ, བྷོ, ཀུཎཱལསྶ སཀུཎསྶ ཨཌྜྷུཌྜྷཱནི ཨིཏྠིསཧསྶཱནི པརིཙཱརིཀཱ དིཛཀཉྙཱཡོ. ཨཐ ཁལུ, བྷོ, དྭེ དིཛཀཉྙཱཡོ ཀཊྛཾ མུཁེན ཌཾསིཏྭཱ [ཌསིཏྭཱ (སཱི. པཱི.) ཨེཝམུཔརིཔི] ཏཾ ཀུཎཱལཾ སཀུཎཾ མཛ྄ཛྷེ ནིསཱིདཱཔེཏྭཱ ཨུཌྜེནྟི [ཌེནྟི (སཱི. པཱི.) ཨེཝམུཔརིཔི] – ‘‘མཱ ནཾ ཀུཎཱལཾ སཀུཎཾ ཨདྡྷཱནཔརིཡཱཡཔཐེ ཀིལམཐོ ཨུབྦཱཧེཏྠཱ’’ཏི [ཨུབྦཱཧེཐཱཏི (སྱཱ. ཀ.)].

པཉྩསཏཱ [པཉྩསཏ (པཱི.)] དིཛཀཉྙཱཡོ ཧེཊྛཏོ ཧེཊྛཏོ ཨུཌྜེནྟི – [ཌེནྟི (སཱི. པཱི.) ཨེཝམུཔརིཔི] ‘‘སཙཱཡཾ ཀུཎཱལོ ¶ སཀུཎོ ཨཱསནཱ པརིཔཏིསྶཏི, མཡཾ ཏཾ པཀྑེཧི པཊིགྒཧེསྶཱམཱཏི.

པཉྩསཏཱ དིཛཀཉྙཱཡོ ཨུཔརཱུཔརི ཨུཌྜེནྟི – [ཌེནྟི (སཱི. པཱི.) ཨེཝམུཔརིཔི] ‘‘མཱ ནཾ ཀུཎཱལཾ སཀུཎཾ ཨཱཏཔོ པརིཏཱཔེསཱི’’ཏི [པརིཀཱཔཱིཏི (སཱི. པཱི.)].

པཉྩསཏཱ ¶ པཉྩསཏཱ [སཱི. པཱི. པོཏྠཀེསུ ‘‘པཉྩསཏཱ’’ཏི སཀིདེཝ ཨཱགཏཾ] དིཛཀཉྙཱཡོ ཨུབྷཏོཔསྶེན ཨུཌྜེནྟི – [ཌེནྟི (སཱི. པཱི.) ཨེཝམུཔརིཔི] ‘‘མཱ ནཾ ཀུཎཱལཾ སཀུཎཾ སཱིཏཾ ཝཱ ཨུཎྷཾ ཝཱ ཏིཎཾ ཝཱ རཛོ ཝཱ ཝཱཏོ ཝཱ ཨུསྶཱཝོ ཝཱ ཨུཔཔྥུསཱི’’ཏི.

པཉྩསཏཱ དིཛཀཉྙཱཡོ པུརཏོ པུརཏོ ཨུཌྜེནྟི – ‘‘མཱ ནཾ ཀུཎཱལཾ སཀུཎཾ གོཔཱལཀཱ ཝཱ པསུཔཱལཀཱ ཝཱ ཏིཎཧཱརཀཱ ཝཱ ཀཊྛཧཱརཀཱ ཝཱ ཝནཀམྨིཀཱ ཝཱ ཀཊྛེན ཝཱ ཀཋལེན ཝཱ [ཀཐལཱཡ ཝཱ (ཀ.)] པཱཎིནཱ ཝཱ ( ) [(པཱསཱཎེན ཝཱ) (སྱཱ.)] ལེཌྜུནཱ ཝཱ དཎྜེན ཝཱ སཏྠེན ཝཱ སཀྑརཱཧི ཝཱ [སཀྑརཱཡ ཝཱ (སཱི.)] པཧཱརཾ ཨདཾསུ. མཱཡཾ ཀུཎཱལོ སཀུཎོ གཙྪེཧི ཝཱ ལཏཱཧི ཝཱ རུཀྑེཧི ཝཱ སཱཁཱཧི ཝཱ [ཨིདཾ པདདྭཡཾ སཱི. པཱི. པོཏྠཀེསུ ནཏྠི] ཐམྦྷེཧི ཝཱ པཱསཱཎེཧི ཝཱ བལཝནྟེཧི ཝཱ པཀྑཱིཧི སངྒམེསཱི’’ཏི [སངྒཱམེསཱིཏི (སཱི. པཱི.)].

པཉྩསཏཱ དིཛཀཉྙཱཡོ པཙྪཏོ པཙྪཏོ ཨུཌྜེནྟི སཎྷཱཧི སཁིལཱཧི མཉྫཱུཧི མདྷུརཱཧི ཝཱཙཱཧི སམུདཱཙརནྟིཡོ – ‘‘མཱཡཾ ཀུཎཱལོ སཀུཎོ ཨཱསནེ པརིཡུཀྐཎྛཱི’’ཏི.

པཉྩསཏཱ དིཛཀཉྙཱཡོ དིསོདིསཾ ཨུཌྜེནྟི ཨནེཀརུཀྑཝིཝིདྷཝིཀཏིཕལམཱཧརནྟིཡོ – ‘‘མཱཡཾ ཀུཎཱལོ སཀུཎོ ཁུདཱཡ པརིཀིལམིཏྠཱ’’ཏི.

ཨཐ ཁལུ, བྷོ, ཏཱ [ནཏྠི སཱི. པཱི. པོཏྠཀེསུ] དིཛཀཉྙཱཡོ ཏཾ ཀུཎཱལཾ སཀུཎཾ ཨཱརཱམེནེཝ ཨཱརཱམཾ ཨུཡྻཱནེནེཝ ཨུཡྻཱནཾ ¶ ནདཱིཏིཏྠེནེཝ ནདཱིཏིཏྠཾ པབྦཏསིཁརེནེཝ པབྦཏསིཁརཾ ཨམྦཝནེནེཝ ཨམྦཝནཾ ཛམྦུཝནེནེཝ ཛམྦུཝནཾ ལབུཛཝནེནེཝ ལབུཛཝནཾ ནཱལི༹ཀེརསཉྩཱརིཡེནེཝ [སཉྫཱདིཡེནེཝ (པཱི.)] ནཱལི༹ཀེརསཉྩཱརིཡཾ ཁིཔྤམེཝ ཨབྷིསམྦྷོནྟི ¶ རཏིཏྠཱཡ [རཏཏྠཱཡ (སཱི. པཱི.)].

ཨཐ ཁལུ, བྷོ, ཀུཎཱལོ སཀུཎོ ཏཱཧི དིཛཀཉྙཱཧི དིཝསཾ པརིབྱཱུལ༹ྷོ ཨེཝཾ ཨཔསཱདེཏི – ‘‘ནསྶཐ ཏུམྷེ ཝསལིཡོ, ཝིནསྶཐ ཏུམྷེ ཝསལིཡོ, ཙོརིཡོ དྷུཏྟིཡོ ཨསཏིཡོ ལཧུཙིཏྟཱཡོ ཀཏསྶ ཨཔྤཊིཀཱརིཀཱཡོ ཨནིལོ ཝིཡ ཡེནཀཱམཾགམཱཡོ’’ཏི.

ཏསྶེཝ ཁལུ, བྷོ, ཧིམཝཏོ པབྦཏརཱཛསྶ པུརཏྠིམདིསཱབྷཱགེ སུསུཁུམསུནིཔུཎགིརིཔྤབྷཝ [པྤབྷཝཱ (སཱི. པཱི.)] – ཧརིཏུཔཡནྟིཡོ.

ཨུཔྤལ ¶ པདུམ ཀུམུད ནལི༹ན སཏཔཏྟ སོགནྡྷིཀ མནྡཱལཀ [མནྡཱལཝ (སཱི. པཱི.), མནྡཱརཝ (ཀ.)] སམྤཏིཝིརཱུལ༹ྷསུཙིགནྡྷ མནུཉྙམཱཝཀཔྤདེསེ [པཱཝཀཔྤདེསེ (སཱི. པཱི.)].

ཀུརཝཀ-མུཙལིནྡ-ཀེཏཀ-ཝེདིས-ཝཉྫུལ [ཝེཏསམཉྫུལ (སཱི.)] -པུནྣཱགབཀུལ-ཏིལཀ-པིཡཀ-ཧསནསཱལ-སལ༹ལཙམྤཀ ཨསོཀ-ནཱགརུཀྑ-ཏིརཱིཊི-བྷུཛཔཏྟ-ལོདྡ-ཙནྡནོགྷཝནེཀཱལཱ༹གརུ-པདྨཀ-པིཡངྒུ-དེཝདཱརུཀཙོཙགཧནེ ཀཀུདྷཀུཊཛཨངྐོལ-ཀཙྩིཀཱར [ཀཙྪིཀཱར (ཀ.)] -ཀཎིཀཱར-ཀཎྞིཀཱར-ཀནཝེར-ཀོརཎྜཀ-ཀོཝིལཱ༹ར-ཀིཾསུཀ-ཡོདྷིཀ ཝནམལླིཀ [ནཝམལླིཀ (སཱི. པཱི.)] -མནངྒཎ-མནཝཛྫ-བྷཎྜི-སུརུཙིར-བྷགིནིམཱལཱམལྱདྷརེ ཛཱཏིསུམནམདྷུགནྡྷིཀ- [མདྷུཀབནྡྷུཀ (ཀ.)] དྷནུཏཀྐཱརི [དྷནུཀཱརི (སཱི.), དྷནུཀཱརིཀ (པཱི.)] ཏཱལཱིས-ཏགརམུསཱིརཀོཊྛ-ཀཙྪཝིཏཏེ ཨཏིམུཏྟཀསཾཀུསུམིཏལཏཱཝིཏཏཔཊིམཎྜིཏཔྤདེསེ ཧཾས-པིལཝ-ཀཱདམྦ-ཀཱརཎྜཝཱབྷིནདིཏེ ཝིཛྫཱདྷར-སིདྡྷ [སིནྡྷཝ (སཱི. པཱི.)] -སམཎ-ཏཱཔསགཎཱདྷིཝུཊྛེ ཝརདེཝ-ཡཀྑ-རཀྑས-དཱནཝ-གནྡྷབྦ-ཀིནྣརམཧོརགཱནུཙིཎྞཔྤདེསེ ཨེཝརཱུཔེ ཁལུ, བྷོ, རམྨེ ཝནསཎྜེ པུཎྞམུཁོ ནཱམ ཕུསྶཀོཀིལོ པཊིཝསཏི ཨཏིཝིཡ མདྷུརགིརོ ཝིལཱསིཏནཡནོ མཏྟཀྑོ [སཝིལཱསིཏནཡནམཏྟཀྑོ (ཀ.)].

ཏསྶེཝ ཁལུ, བྷོ, པུཎྞམུཁསྶ ཕུསྶཀོཀིལསྶ ཨཌྜྷུཌྜྷཱནི ཨིཏྠིསཏཱནི པརིཙཱརིཀཱ དིཛཀཉྙཱཡོ. ཨཐ ཁལུ, བྷོ, དྭེ དིཛཀཉྙཱཡོ ཀཊྛཾ མུཁེན ཌཾསིཏྭཱ ཏཾ པུཎྞམུཁཾ ཕུསྶཀོཀིལཾ མཛ྄ཛྷེ ནིསཱིདཱཔེཏྭཱ ཨུཌྜེནྟི ¶ – ‘‘མཱ ནཾ པུཎྞམུཁཾ ཕུསྶཀོཀིལཾ ཨདྡྷཱནཔརིཡཱཡཔཐེ ཀིལམཐོ ཨུབྦཱཧེཏྠཱ’’ཏི.

པཉྙཱས ¶ དིཛཀཉྙཱཡོ ཧེཊྛཏོ ཧེཊྛཏོ ཨུཌྜེནྟི – ‘‘སཙཱཡཾ པུཎྞམུཁོ ཕུསྶཀོཀིལོ ཨཱསནཱ པརིཔཏིསྶཏི, མཡཾ ཏཾ པཀྑེཧི པཊིགྒཧེསྶཱམཱ’’ཏི.

པཉྙཱས དིཛཀཉྙཱཡོ ཨུཔརཱུཔརི ཨུཌྜེནྟི – ‘‘མཱ ནཾ པུཎྞམུཁཾ ཕུསྶཀོཀིལཾ ཨཱཏཔོ པརིཏཱཔེསཱི’’ཏི.

པཉྙཱས པཉྙཱས དིཛཀཉྙཱཡོ ཨུབྷཏོཔསྶེན ཨུཌྜེནྟི – ‘‘མཱ ནཾ པུཎྞམུཁཾ ཕུསྶཀོཀིལཾ སཱིཏཾ ཝཱ ཨུཎྷཾ ཝཱ ཏིཎཾ ཝཱ རཛོ ཝཱ ཝཱཏོ ཝཱ ཨུསྶཱཝོ ཝཱ ཨུཔཔྥུསཱི’’ཏི.

པཉྙཱས ¶ དིཛཀཉྙཱཡོ པུརཏོ པུརཏོ ཨུཌྜེནྟི – ‘‘མཱ ནཾ པུཎྞམུཁཾ ཕུསྶཀོཀིལཾ གོཔཱལཀཱ ཝཱ པསུཔཱལཀཱ ཝཱ ཏིཎཧཱརཀཱ ཝཱ ཀཊྛཧཱརཀཱ ཝཱ ཝནཀམྨིཀཱ ཝཱ ཀཊྛེན ཝཱ ཀཐལཱཡ ཝཱ པཱཎིནཱ ཝཱ ལེཌྜུནཱ ཝཱ དཎྜེན ཝཱ སཏྠེན ཝཱ སཀྑརཱཧི ཝཱ པཧཱརཾ ཨདཾསུ. མཱཡཾ པུཎྞམུཁོ ཕུསྶཀོཀིལོ གཙྪེཧི ཝཱ ལཏཱཧི ཝཱ རུཀྑེཧི ཝཱ སཱཁཱཧི ཝཱ ཐམྦྷེཧི ཝཱ པཱསཱཎེཧི ཝཱ བལཝནྟེཧི ཝཱ པཀྑཱིཧི སངྒཱམེསཱི’’ཏི.

པཉྙཱས དིཛཀཉྙཱཡོ པཙྪཏོ པཙྪཏོ ཨུཌྜེནྟི སཎྷཱཧི སཁིལཱཧི མཉྫཱུཧི མདྷུརཱཧི ཝཱཙཱཧི སམུདཱཙརནྟིཡོ – ‘‘མཱཡཾ པུཎྞམུཁོ ཕུསྶཀོཀིལོ ཨཱསནེ པརིཡུཀྐཎྛཱི’’ཏི.

པཉྙཱས དིཛཀཉྙཱཡོ དིསོདིསཾ ཨུཌྜེནྟི ཨནེཀརུཀྑཝིཝིདྷཝིཀཏིཕལམཱཧརནྟིཡོ – ‘‘མཱཡཾ པུཎྞམུཁོ ཕུསྶཀོཀིལོ ཁུདཱཡ པརིཀིལམིཏྠཱ’’ཏི.

ཨཐ ཁལུ, བྷོ, ཏཱ དིཛཀཉྙཱཡོ ཏཾ པུཎྞམུཁཾ ཕུསྶཀོཀིལཾ ¶ ཨཱརཱམེནེཝ ཨཱརཱམཾ ཨུཡྻཱནེནེཝ ཨུཡྻཱནཾ ནདཱིཏིཏྠེནེཝ ནདཱིཏིཏྠཾ པབྦཏསིཁརེནེཝ པབྦཏསིཁརཾ ཨམྦཝནེནེཝ ཨམྦཝནཾ ཛམྦུཝནེནེཝ ཛམྦུཝནཾ ལབུཛཝནེནེཝ ལབུཛཝནཾ ནཱལི༹ཀེརསཉྩཱརིཡེནེཝ ནཱལི༹ཀེརསཉྩཱརིཡཾ ཁིཔྤམེཝ ཨབྷིསམྦྷོནྟི རཏིཏྠཱཡ.

ཨཐ ཁལུ, བྷོ, པུཎྞམུཁོ ཕུསྶཀོཀིལོ ཏཱཧི དིཛཀཉྙཱཧི དིཝསཾ པརིབྱཱུལ༹ྷོ ཨེཝཾ པསཾསཏི – ‘‘སཱདྷུ, སཱདྷུ, བྷགིནིཡོ, ཨེཏཾ ཁོ, བྷགིནིཡོ, ཏུམྷཱཀཾ པཏིརཱུཔཾ ཀུལདྷཱིཏཱནཾ, ཡཾ ཏུམྷེ བྷཏྟཱརཾ པརིཙརེཡྻཱཐཱ’’ཏི.

ཨཐ ¶ ཁལུ, བྷོ, པུཎྞམུཁོ ཕུསྶཀོཀིལོ ཡེན ཀུཎཱལོ སཀུཎོ ཏེནུཔསངྐམི. ཨདྡསཾསུ ཁོ ཀུཎཱལསྶ སཀུཎསྶ པརིཙཱརིཀཱ དིཛཀཉྙཱཡོ ཏཾ པུཎྞམུཁཾ ཕུསྶཀོཀིལཾ དཱུརཏོཝ ཨཱགཙྪནྟཾ; དིསྭཱན ཡེན པུཎྞམུཁོ ཕུསྶཀོཀིལོ ཏེནུཔསངྐམིཾསུ; ཨུཔསངྐམིཏྭཱ ཏཾ པུཎྞམུཁཾ ཕུསྶཀོཀིལཾ ཨེཏདཝོཙུཾ – ‘‘ཨཡཾ, སམྨ པུཎྞམུཁ, ཀུཎཱལོ སཀུཎོ ཨཏིཝིཡ ཕརུསོ ཨཏིཝིཡ ཕརུསཝཱཙོ, ཨཔྤེཝནཱམ ཏཝམྤི ཨཱགམྨ པིཡཝཱཙཾ ལབྷེཡྻཱམཱ’’ཏི. ‘‘ཨཔྤེཝནཱམ, བྷགིནིཡོ’’ཏི ཝཏྭཱ ཡེན ཀུཎཱལོ སཀུཎོ ཏེནུཔསངྐམི; ཨུཔསངྐམིཏྭཱ ཀུཎཱལེན ¶ སཀུཎེན སདྡྷིཾ པཊིསམྨོདིཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ པུཎྞམུཁོ ཕུསྶཀོཀིལོ ཏཾ ཀུཎཱལཾ སཀུཎཾ ཨེཏདཝོཙ – ‘‘ཀིསྶ ཏྭཾ, སམྨ ཀུཎཱལ, ཨིཏྠཱིནཾ སུཛཱཏཱནཾ ཀུལདྷཱིཏཱནཾ སམྨཱཔཊིཔནྣཱནཾ མིཙྪཱཔཊིཔནྣོ’སི [པཊིཔནྣོ (སཱི. པཱི.)]? ཨམནཱཔབྷཱཎཱིནམྤི ཀིར, སམྨ ཀུཎཱལ, ཨིཏྠཱིནཾ མནཱཔབྷཱཎིནཱ བྷཝིཏབྦཾ, ཀིམངྒ པན མནཱཔབྷཱཎཱིན’’ནྟི!

ཨེཝཾ ཝུཏྟེ, ཀུཎཱལོ སཀུཎོ ཏཾ པུཎྞམུཁཾ ཕུསྶཀོཀིལཾ ཨེཝཾ ཨཔསཱདེསི – ‘‘ནསྶ ཏྭཾ, སམྨ ཛམྨ ཝསལ, ཝིནསྶ ཏྭཾ, སམྨ ཛམྨ ཝསལ, ཀོ ནུ ཏཡཱ ཝིཡཏྟོ ཛཱཡཱཛིནེནཱ’’ཏི. ཨེཝཾ ཨཔསཱདིཏོ ཙ པན པུཎྞམུཁོ ཕུསྶཀོཀིལོ ཏཏོཡེཝ [ཏཏོ ཧེཝ (སཱི. པཱི.)] པཊིནིཝཏྟི.

ཨཐ ཁལུ, བྷོ, པུཎྞམུཁསྶ ཕུསྶཀོཀིལསྶ ཨཔརེན སམཡེན ནཙིརསྶེཝ [ཨཙིརསྶེཝ ཨཙྩཡེན (ཀ.)] ཁརོ ཨཱབཱདྷོ ཨུཔྤཛྫི ལོཧིཏཔཀྑནྡིཀཱ. བཱལ༹ྷཱ ཝེདནཱ ཝཏྟནྟི མཱརཎནྟིཀཱ [མརཎནྟིཀཱ (སྱཱ.)]. ཨཐ ཁལུ, བྷོ, པུཎྞམུཁསྶ ཕུསྶཀོཀིལསྶ པརིཙཱརིཀཱནཾ དིཛཀཉྙཱནཾ ཨེཏདཧོསི – ‘‘ཨཱབཱདྷིཀོ ཁོ ཨཡཾ པུཎྞམུཁོ ཕུསྶཀོཀིལོ, ཨཔྤེཝནཱམ ཨིམམྷཱ ཨཱབཱདྷཱ ཝུཊྛཧེཡྻཱ’’ཏི ཨེཀཾ ཨདུཏིཡཾ ཨོཧཱཡ ཡེན ཀུཎཱལོ སཀུཎོ ཏེནུཔསངྐམིཾསུ. ཨདྡསཱ ཁོ ཀུཎཱལོ སཀུཎོ ཏཱ དིཛཀཉྙཱཡོ དཱུརཏོཝ ཨཱགཙྪནྟིཡོ, དིསྭཱན ཏཱ དིཛཀཉྙཱཡོ ཨེཏདཝོཙ – ‘‘ཀཧཾ པན ཏུམྷཾ ཝསལིཡོ བྷཏྟཱ’’ཏི? ‘‘ཨཱབཱདྷིཀོ ཁོ, སམྨ ཀུཎཱལ, པུཎྞམུཁོ ཕུསྶཀོཀིལོ ཨཔྤེཝནཱམ ཏམྷཱ ཨཱབཱདྷཱ ཝུཊྛཧེཡྻཱ’’ཏི. ཨེཝཾ ཝུཏྟེ, ཀུཎཱལོ སཀུཎོ ཏཱ དིཛཀཉྙཱཡོ ཨེཝཾ ཨཔསཱདེསི – ‘‘ནསྶཐ ཏུམྷེ ཝསལིཡོ, ཝིནསྶཐ ཏུམྷེ ཝསལིཡོ, ཙོརིཡོ དྷུཏྟིཡོ ཨསཏིཡོ ལཧུཙིཏྟཱཡོ ཀཏསྶ ཨཔྤཊིཀཱརིཀཱཡོ ཨནིལོ ཝིཡ ཡེནཀཱམཾགམཱཡོ’’ཏི; ཝཏྭཱ ཡེན པུཎྞམུཁོ ཕུསྶཀོཀིལོ ཏེནུཔསངྐམི; ཨུཔསངྐམིཏྭཱ ཏཾ ¶ པུཎྞམུཁཾ ཕུསྶཀོཀིལཾ ཨེཏདཝོཙ – ‘‘ཧཾ, སམྨ, པུཎྞམུཁཱ’’ཏི. ‘‘ཧཾ, སམྨ, ཀུཎཱལཱ’’ཏི.

ཨཐ ཁལུ, བྷོ ཀུཎཱལོ སཀུཎོ ཏཾ པུཎྞམུཁཾ ཕུསྶཀོཀིལཾ པཀྑེཧི ཙ མུཁཏུཎྜཀེན ¶ ཙ པརིགྒཧེཏྭཱ ཝུཊྛཱཔེཏྭཱ ནཱནཱབྷེསཛྫཱནི པཱཡཱཔེསི. ཨཐ ཁལུ, བྷོ, པུཎྞམུཁསྶ ཕུསྶཀོཀིལསྶ སོ ཨཱབཱདྷོ པཊིཔྤསྶམྦྷཱིཏི. ཨཐ ཁལུ, བྷོ, ཀུཎཱལོ སཀུཎོ ཏཾ པུཎྞམུཁཾ ¶ ཕུསྶཀོཀིལཾ གིལཱནཝུཊྛིཏཾ [གིལཱནཱཝུཊྛིཏཾ (སཱི. སྱཱ. པཱི.)] ཨཙིརཝུཊྛིཏཾ གེལཉྙཱ ཨེཏདཝོཙ –

‘‘དིཊྛཱ མཡཱ, སམྨ པུཎྞམུཁ, ཀཎྷཱ དྭེཔིཏིཀཱ པཉྩཔཏིཀཱཡ ཚཊྛེ པུརིསེ ཙིཏྟཾ པཊིབནྡྷནྟིཡཱ, ཡདིདཾ ཀབནྡྷེ [ཀཝནྡྷེ (སཱི. པཱི.)] པཱིཋསཔྤིམྷཱིཏི. བྷཝཏི ཙ པནུཏྟརེཏྠ [པུནུཏྟཙེཏྠ (ཀ.) ཨེཝམུཔརིཔི] ཝཱཀྱཾ –

༢༩༠.

‘‘ཨཐཛྫུནོ ནཀུལོ བྷཱིམསེནོ [བྷིམྨསེནོ (སཱི. སྱཱ. པཱི.)], ཡུདྷིཊྛིལོ སཧདེཝོ [སཱིཧདེཝོ (ཀ.)] ཙ རཱཛཱ;

ཨེཏེ པཏཱི པཉྩ མཏྟིཙྩ ནཱརཱི, ཨཀཱསི ཁུཛྫཝཱམནཀེན [ཁུཛྫཝཱམནེན (པཱི.)] པཱཔ’’ནྟི.

‘‘དིཊྛཱ མཡཱ, སམྨ པུཎྞམུཁ, སཙྩཏཔཱཔཱི [སཙྩཏཔཱཝཱི (སཱི. པཱི.), པཉྩཏཔཱཝཱི (སྱཱ.)] ནཱམ སམཎཱི སུསཱནམཛ྄ཛྷེ ཝསནྟཱི ཙཏུཏྠབྷཏྟཾ པརིཎཱམཡམཱནཱ སུརཱདྷུཏྟཀེན [ཏུལཱཔུཏྟཀེན (སཱི. པཱི.), སཱ སུརཱདྷུཏྟཀེན (ཀ.)] པཱཔམཀཱསི.

‘‘དིཊྛཱ མཡཱ, སམྨ པུཎྞམུཁ, ཀཱཀཝཏཱི [ཀཱཀཱཏཱི (སཱི.), ཀཱཀཱཏི (པཱི.)] ནཱམ དེཝཱི སམུདྡམཛ྄ཛྷེ ཝསནྟཱི བྷརིཡཱ ཝེནཏེཡྻསྶ ནཊཀུཝེརེན པཱཔམཀཱསི.

དིཊྛཱ མཡཱ, སམྨ པུཎྞམུཁ, ཀུརུངྒདེཝཱི [ཀུརངྒཝཱི (སཱི. པཱི.)] ནཱམ ལོམསུདྡརཱི [ལོམསུནྡརཱི (སཱི. སྱཱ. པཱི.)] ཨེལི༹ཀཀུམཱརཾ [ཨེལ༹མཱརཀཾ (སཱི.), ཨེལ༹ཀཀུམཱརཾ (སྱཱ.), ཨེལ༹ཀམཱརཾ (པཱི.)] ཀཱམཡམཱནཱ ཚལ༹ངྒཀུམཱརདྷནནྟེཝཱསིནཱ པཱཔམཀཱསི.

ཨེཝཉྷེཏཾ ¶ མཡཱ ཉཱཏཾ, བྲཧྨདཏྟསྶ མཱཏརཾ [མཱཏུཀཱ (སྱཱ.)] ཨོཧཱཡ ཀོསལརཱཛཾ པཉྩཱལཙཎྜེན པཱཔམཀཱསི.

༢༩༡.

‘‘ཨེཏཱ ཙ ཨཉྙཱ ཙ ཨཀཾསུ པཱཔཾ, ཏསྨཱཧམིཏྠཱིནཾ ན ཝིསྶསེ ནཔྤསཾསེ;

མཧཱི ཡཐཱ ཛགཏི སམཱནརཏྟཱ, ཝསུནྡྷརཱ ཨིཏརཱིཏརཱཔཏིཊྛཱ [ཨིཏརཱིཏརཱནཾ པཏིཊྛཱ (སྱཱ.), ཨིཏྟརཱིཏརཔྤཏིཊྛཱ (?)];

སབྦསཧཱ ཨཕནྡནཱ ཨཀུཔྤཱ, ཏཐིཏྠིཡོ ཏཱཡོ ན ཝིསྶསེ ནརོ.

༢༩༢.

‘‘སཱིཧོ ¶ ཡཐཱ ལོཧིཏམཾསབྷོཛནོ, ཝཱལ༹མིགོ པཉྩཱཝུདྷོ [པཉྩཧཏྠོ (སཱི. པཱི.)] སུརུདྡྷོ;

པསཡ྄ཧཁཱདཱི པརཧིཾསནེ རཏོ, ཏཐིཏྠིཡོ ཏཱཡོ ན ཝིསྶསེ ནརོ.

‘‘ན ཁལུ [ན ཁལུ བྷོ (སྱཱ. ཀ.)], སམྨ པུཎྞམུཁ, ཝེསིཡོ ནཱརིཡོ གམནིཡོ, ན ཧེཏཱ བནྡྷཀིཡོ ནཱམ, ཝདྷིཀཱཡོ ནཱམ ཨེཏཱཡོ, ཡདིདཾ ཝེསིཡོ ནཱརིཡོ གམནིཡོ’’ཏི.

‘‘ཙོརོ ¶ [ཙོརཱ (སཱི. སྱཱ. པཱི.)] ཝིཡ ཝེཎིཀཏཱ, མདིརཱཝ [མདིརཱ ཝིཡ (སཱི. སྱཱ.), མདིརིཝ (པཱི.)] དིདྡྷཱ [དིཊྛཱ (ཀ.), ཝིསདུཊྛཱ (སྱཱ.)] ཝཱཎིཛོ [ཝཱཎིཛཱ (པཱི.)] ཝིཡ ཝཱཙཱསནྠུཏིཡོ, ཨིསྶསིངྒྷམིཝ ཝིཔརིཝཏྟཱཡོ [པརིཝཏྟཱཡོ (པཱི.), ཝིཔརིཝཏྟཱརོ (ཀ.)], ཨུརགཱམིཝ དུཛིཝ྄ཧཱཡོ, སོབྦྷམིཝ པཊིཙྪནྣཱ, པཱཏཱལམིཝ དུཔྤཱུརཱ རཀྑསཱི ཝིཡ དུཏྟོསཱ, ཡམོཝེཀནྟཧཱརིཡོ, སིཁཱིརིཝ སབྦབྷཀྑཱ, ནདཱིརིཝ སབྦཝཱཧཱི, ཨནིལོ ཝིཡ ཡེནཀཱམཾཙརཱ, ནེརུ ཝིཡ ཨཝིསེསཀརཱ, ཝིསརུཀྑོ ཝིཡ ནིཙྩཕལིཏཱཡོ’’ཏི. བྷཝཏི ཙ པནུཏྟརེཏྠ ཝཱཀྱཾ –

༢༩༣.

‘‘ཡཐཱ ¶ ཙོརོ ཡཐཱ དིདྡྷོ, ཝཱཎིཛོཝ ཝིཀཏྠནཱི;

ཨིསྶསིངྒྷམིཝ པརིཝཏྟཱ [མིཝཱཝཊྚོ (སཱི.), མིཝཱཝཏྟཱ (པཱི.)], དུཛིཝ྄ཧཱ [དུཛྫིཝ྄ཧ (པཱི.)] ཨུརགོ ཝིཡ.

༢༩༤.

‘‘སོབྦྷམིཝ པཊིཙྪནྣཱ, པཱཏཱལམིཝ དུཔྤུརཱ;

རཀྑསཱི ཝིཡ དུཏྟོསཱ, ཡམོཝེཀནྟཧཱརིཡོ.

༢༩༥.

[ཡཐཱ སིཁཱི ནདཱིཝཱཧོ, ཨནིལོ ཀཱམཙཱརཝཱ;§ནེརཱུཝ ཨཝིསེསཱ ཙ, ཝིསརུཀྑོ ཝིཡ ནིཙྩཕལཱ;§ནཱསཡནྟི གྷརེ བྷོགཾ, རཏནཱནནྟཀརིཏྠི ཡོཏི; (སཱི. སྱཱ.)]

‘‘ཡཐཱ སིཁཱི ནདཱི ཝཱཏོ, ནེརུནཱཝ སམཱགཏཱ.

ཝིསརུཀྑོ ཝིཡ ནིཙྩཕལཱ, ནཱསཡནྟི གྷརེ བྷོགཾ;

རཏནནྟཀརིཏྠིཡོ’’ཏི [ཡཐཱ སིཁཱི ནདཱིཝཱཧོ, ཨནིལོ ཀཱམཙཱརཝཱ;§ནེརཱུཝ ཨཝིསེསཱ ཙ, ཝིསརུཀྑོ ཝིཡ ནིཙྩཕལཱ;§ནཱསཡནྟི གྷརེ བྷོགཾ, རཏནཱནནྟཀརིཏྠི ཡོཏི; (སཱི. སྱཱ.)].

‘‘ཙཏྟཱརིམཱནི, སམྨ པུཎྞམུཁ, ཡཱནི (ཝཏྠཱུནི ཀིཙྩེ ཛཱཏེ ཨནཏྠཙརཱནི བྷཝནྟི; ཏཱནི) [( ) སཱི. སྱཱ. པོཏྠཀེསུ ན དིསྶཏི] པརཀུལེ ན ཝཱསེཏབྦཱནི – གོཎཾ དྷེནུཾ ཡཱནཾ བྷརིཡཱ. ཙཏྟཱརི ཨེཏཱནི པཎྜིཏོ དྷནཱནི [ཡཱནི (སཱི. སྱཱ. པཱི.)] གྷརཱ ན ཝིཔྤཝཱསཡེ.

༢༩༦.

‘གོཎཾ ¶ དྷེནུཉྩ ཡཱནཉྩ, བྷརིཡཾ ཉཱཏིཀུལེ ན ཝཱསཡེ;

བྷཉྫནྟི རཐཾ ཨཡཱནཀཱ, ཨཏིཝཱཧེན ཧནནྟི པུངྒཝཾ;

དོཧེན ཧནནྟི ཝཙྪཀཾ, བྷརིཡཱ ཉཱཏིཀུལེ པདུསྶཏཱི’’’ཏི.

‘‘ཚ ཨིམཱནི, སམྨ པུཎྞམུཁ, ཡཱནི (ཝཏྠཱུནི) [( ) སཱི. པཱི. པོཏྠཀེསུ ནུ དིསྶཏི] ཀིཙྩེ ཛཱཏེ ཨནཏྠཙརཱནི བྷཝནྟི –

༢༩༧.

‘ཨགུཎཾ དྷནུ ཉཱཏིཀུལེ ཙ བྷརིཡཱ, པཱརཾ ནཱཝཱ ཨཀྑབྷགྒཉྩ ཡཱནཾ;

དཱུརེ ¶ མིཏྟོ པཱཔསཧཱཡཀོ ཙ, ཀིཙྩེ ཛཱཏེ ཨནཏྠཙརཱནི བྷཝ’’’ནྟི.

‘‘ཨཊྛཧི ཁལུ, སམྨ པུཎྞམུཁ, ཋཱནེཧི ཨིཏྠཱི སཱམིཀཾ ཨཝཛཱནཱཏི. དལིདྡཏཱ, ཨཱཏུརཏཱ, ཛིཎྞཏཱ, སུརཱསོཎྜཏཱ, མུདྡྷཏཱ, པམཏྟཏཱ, སབྦཀིཙྩེསུ ཨནུཝཏྟནཏཱ, སབྦདྷནཨནུཔྤདཱནེན ¶ – ཨིམེཧི ཁལུ, སམྨ པུཎྞམུཁ, ཨཊྛཧི ཋཱནེཧི ཨིཏྠཱི སཱམིཀཾ ཨཝཛཱནཱཏི. བྷཝཏི ཙ པནུཏྟརེཏྠ ཝཱཀྱཾ –

༢༩༨.

‘དལིདྡཾ ཨཱཏུརཉྩཱཔི, ཛིཎྞཀཾ སུརསོཎྜཀཾ;

པམཏྟཾ མུདྡྷཔཏྟཉྩ, སབྦཀིཙྩེསུ [རཏྟཾ ཀིཙྩེསུ (སཱི. པཱི.)] ཧཱཔནཾ;

སབྦཀཱམཔྤདཱནེན [སབྦཀཱམཔཎིདྷཱནེན (སྱཱ)], ཨཝཛཱནཱཏི [ཨཝཛཱནནྟི (སཱི. པཱི.)] སཱམིཀ’’’ནྟི.

‘‘ནཝཧི ཁལུ, སམྨ པུཎྞམུཁ, ཋཱནེཧི ཨིཏྠཱི པདོསམཱཧརཏི. ཨཱརཱམགམནསཱིལཱ ཙ ཧོཏི, ཨུཡྻཱནགམནསཱིལཱ ཙ ཧོཏི, ནདཱིཏིཏྠགམནསཱིལཱ ཙ ཧོཏི, ཉཱཏིཀུལགམནསཱིལཱ ཙ ཧོཏི, པརཀུལགམནསཱིལཱ ཙ ཧོཏི, ཨཱདཱསདུསྶམཎྜནཱནུཡོགམནུཡུཏྟསཱིལཱ ཙ ཧོཏི, མཛྫཔཱཡིནཱི ཙ ཧོཏི, ནིལློཀནསཱིལཱ ཙ ཧོཏི, སདྭཱརཋཱཡིནཱི [པདྭཱརཊྛཱཡིནཱི (སཱི. སྱཱ. པཱི.)] ཙ ཧོཏི – ཨིམེཧི ཁལུ, སམྨ པུཎྞམུཁ, ནཝཧི ཋཱནེཧི ཨིཏྠཱི པདོསམཱཧརཏཱིཏི. བྷཝཏི ཙ པནུཏྟརེཏྠ ཝཱཀྱཾ –

༢༩༩.

‘ཨཱརཱམསཱིལཱ ཙ [ཨཱརཱམསཱིལཱ (སཱི. པཱི.)] ཨུཡྻཱནཾ, ནདཱི ཉཱཏི པརཀུལཾ;

ཨཱདཱསདུསྶམཎྜནམནུཡུཏྟཱ, ཡཱ ¶ ཙིཏྠཱི མཛྫཔཱཡིནཱི.

༣༠༠.

‘ཡཱ ¶ ཙ ནིལློཀནསཱིལཱ, ཡཱ ཙ སདྭཱརཋཱཡིནཱི;

ནཝཧེཏེཧི ཋཱནེཧི, པདོསམཱཧརནྟི ཨིཏྠིཡོ’’’ཏི.

‘‘ཙཏྟཱལཱིསཱཡ [ཙཏྟཱལཱིསཱཡི (པཱི. ཀ.)] ཁལུ, སམྨ པུཎྞམུཁ, ཋཱནེཧི ཨིཏྠཱི པུརིསཾ ཨཙྩཱཙརཏི [ཨཙྩཱཝདཏི (སཱི. སྱཱ. པཱི.)]. ཝིཛམྦྷཏི, ཝིནམཏི, ཝིལསཏི, ཝིལཛྫཏི, ནཁེན ནཁཾ གྷཊྚེཏི, པཱདེན པཱདཾ ཨཀྐམཏི, ཀཊྛེན པཐཝིཾ ཝིལིཁཏི [ལིཁཏི (སཱི. པཱི.)], དཱརཀཾ ཨུལླངྒྷཏི ཨུལླངྒྷཱཔེཏི [དཱརཀཾ ཨུལླངྒྷེཏི ཨོལངྒྷེཏི (སཱི. པཱི.)], ཀཱིལ༹ཏི ཀཱིལཱ༹པེཏི, ཙུམྦཏི ཙུམྦཱཔེཏི, བྷུཉྫཏི བྷུཉྫཱཔེཏི, དདཱཏི, ཡཱཙཏི, ཀཏམནུཀརོཏི, ཨུཙྩཾ བྷཱསཏི, ནཱིཙཾ བྷཱསཏི, ཨཝིཙྩཾ བྷཱསཏི, ཝིཝིཙྩཾ བྷཱསཏི, ནཙྩེན གཱིཏེན ཝཱདིཏེན རོདནེན [རོདིཏེན (སཱི. པཱི.)] ཝིལསིཏེན ཝིབྷཱུསིཏེན ཛགྒྷཏི, པེཀྑཏི, ཀཊིཾ ཙཱལེཏི, གུཡ྄ཧབྷཎྜཀཾ སཉྩཱལེཏི, ཨཱུརུཾ ཝིཝརཏི, ཨཱུརུཾ པིདཧཏི, ཐནཾ དསྶེཏི, ཀཙྪཾ དསྶེཏི, ནཱབྷིཾ དསྶེཏི, ཨཀྑིཾ ནིཁནཏི, བྷམུཀཾ ཨུཀྑིཔཏི, ཨོཊྛཾ ཨུཔལིཁཏི [ཨོཊྛཾ པལིཁཏི ཛིཝ྄ཧཾ པལིཁཏི (སཱི. པཱི.)], ཛིཝ྄ཧཾ ནིལླཱལེཏི, དུསྶཾ མུཉྩཏི, དུསྶཾ པཊིབནྡྷཏི, སིརསཾ མུཉྩཏི, སིརསཾ བནྡྷཏི – ཨིམེཧི ཁལུ, སམྨ པུཎྞམུཁ, ཙཏྟཱལཱིསཱཡ ཋཱནེཧི ཨིཏྠཱི པུརིསཾ ཨཙྩཱཙརཏི.

‘‘པཉྩཝཱིསཱཡ [པཉྩཝཱིསཱཧི (པཱི. ཀ.)] ཁལུ, སམྨ པུཎྞམུཁ, ཋཱནེཧི ཨིཏྠཱི པདུཊྛཱ ཝེདིཏབྦཱ བྷཝཏི. སཱམིཀསྶ པཝཱསཾ ཝཎྞེཏི, པཝུཊྛཾ ན ¶ སརཏི, ཨཱགཏཾ ནཱབྷིནནྡཏི, ཨཝཎྞཾ ཏསྶ བྷཎཏི, ཝཎྞཾ ¶ ཏསྶ ན བྷཎཏི, ཨནཏྠཾ ཏསྶ ཙརཏི, ཨཏྠཾ ཏསྶ ན ཙརཏི, ཨཀིཙྩཾ ཏསྶ ཀརོཏི, ཀིཙྩཾ ཏསྶ ན ཀརོཏི, པརིདཧིཏྭཱ སཡཏི, པརམྨུཁཱི ནིཔཛྫཏི, པརིཝཏྟཀཛཱཏཱ ཁོ པན ཧོཏི ཀུངྐུམིཡཛཱཏཱ, དཱིགྷཾ ཨསྶསཏི, དུཀྑཾ ཝེདཡཏི, ཨུཙྩཱརཔསྶཱཝཾ ཨབྷིཎྷཾ གཙྪཏི, ཝིལོམམཱཙརཏི, པརཔུརིསསདྡཾ སུཏྭཱ ཀཎྞསོཏཾ ཝིཝརམོདཧཏི [ཝིཝརཏི ཀམོདཧཏི (པཱི.)], ནིཧཏབྷོགཱ ཁོ པན ཧོཏི, པཊིཝིསྶཀེཧི སནྠཝཾ ཀརོཏི, ནིཀྑནྟཔཱདཱ ཁོ པན ཧོཏི, ཝིསིཁཱནུཙཱརིནཱི ཨཏིཙཱརིནཱི ཁོ པན ཧོཏི, ནིཙྩཾ [ནཏྠི སཱི. སྱཱ. པཱི. པོཏྠཀེསུ] སཱམིཀེ ཨགཱརཝཱ པདུཊྛམནསངྐཔྤཱ, ཨབྷིཎྷཾ དྭཱརེ ཏིཊྛཏི, ཀཙྪཱནི ཨངྒཱནི ཐནཱནི དསྶེཏི, དིསོདིསཾ གནྟྭཱ པེཀྑཏི – ཨིམེཧི ཁལུ, སམྨ པུཎྞམུཁ, པཉྩཝཱིསཱཡ [པཉྩཝཱིསཱཧི (ཀ.)] ཋཱནེཧི ཨིཏྠཱི པདུཊྛཱ ཝེདིཏབྦཱ བྷཝཏི. བྷཝཏི ཙ པནུཏྟརེཏྠ ཝཱཀྱཾ –

༣༠༡.

‘པཝཱསཾ ¶ ཏསྶ ཝཎྞེཏི, གཏཾ ཏསྶ ན སོཙཏི [པཝཱས’མསྶ ཝཎྞེཏི གཏིཾ ནཱནུསོཙཏི (སཱི. པཱི.)];

དིསྭཱན པཏིམཱགཏཾ [དིསྭཱཔཏིཾ ཨཱགཏཾ (སཱི. པཱི.)] ནཱབྷིནནྡཏི;

བྷཏྟཱརཝཎྞཾ ན ཀདཱཙི བྷཱསཏི, ཨེཏེ པདུཊྛཱཡ བྷཝནྟི ལཀྑཎཱ.

༣༠༢.

‘ཨནཏྠཾ ཏསྶ ཙརཏི ཨསཉྙཏཱ, ཨཏྠཉྩ ཧཱཔེཏི ཨཀིཙྩཀཱརིནཱི;

པརིདཧིཏྭཱ ¶ སཡཏི པརམྨུཁཱི, ཨེཏེ པདུཊྛཱཡ བྷཝནྟི ལཀྑཎཱ.

༣༠༣.

‘པརིཝཏྟཛཱཏཱ ཙ [པརཱཝཏྟཀཛཱཏཱ ཙ (སཱི.)] བྷཝཏི ཀུངྐུམཱི, དཱིགྷཉྩ ཨསྶསཏི དུཀྑཝེདིནཱི;

ཨུཙྩཱརཔསྶཱཝམབྷིཎྷཾ གཙྪཏི, ཨེཏེ པདུཊྛཱཡ བྷཝནྟི ལཀྑཎཱ.

༣༠༤.

‘‘ཝིལོམམཱཙརཏི ཨཀིཙྩཀཱརིནཱི, སདྡཾ ནིསཱམེཏི པརསྶ བྷཱསཏོ;

ནིཧཏབྷོགཱ ཙ ཀརོཏི སནྠཝཾ, ཨེཏེ པདུཊྛཱཡ བྷཝནྟི ལཀྑཎཱ.

༣༠༥.

‘ཀིཙྪེན ལདྡྷཾ ཀསིརཱབྷཏཾ [ཀསིརེནཱབྷཏཾ (སཱི.)] དྷནཾ, ཝིཏྟཾ ཝིནཱསེཏི དུཀྑེན སམྦྷཏཾ;

པཊིཝིསྶཀེཧི ཙ ཀརོཏི སནྠཝཾ, ཨེཏེ པདུཊྛཱཡ བྷཝནྟི ལཀྑཎཱ.

༣༠༦.

‘ནིཀྑནྟཔཱདཱ ཝིསིཁཱནུཙཱརིནཱི, ནིཙྩཉྩ སཱམིམྷི [ནིཙྩཾ སསཱམིམྷི (པཱི. ཀ.)] པདུཊྛམཱནསཱ;

ཨཏིཙཱརིནཱི ཧོཏི ཨཔེཏགཱརཝཱ [ཏཐེཝ’གཱརཝཱ (སཱི. པཱི.)], ཨེཏེ པདུཊྛཱཡ བྷཝནྟི ལཀྑཎཱ.

༣༠༧.

‘ཨབྷིཀྑཎཾ ¶ ཏིཊྛཏི དྭཱརམཱུལེ, ཐནཱནི ཀཙྪཱནི ཙ དསྶཡནྟཱི;

དིསོདིསཾ ¶ པེཀྑཏི བྷནྟཙིཏྟཱ, ཨེཏེ པདུཊྛཱཡ བྷཝནྟི ལཀྑཎཱ.

༣༠༨.

‘སབྦཱ ནདཱི ཝངྐགཏཱི [ཝངྐནདཱི (ཀ.)], སབྦེ ཀཊྛམཡཱ ཝནཱ;

སབྦིཏྠིཡོ ཀརེ པཱཔཾ, ལབྷམཱནེ ནིཝཱཏཀེ.

༣༠༩.

‘སཙེ ལབྷེཐ ཁཎཾ ཝཱ རཧོ ཝཱ, ནིཝཱཏཀཾ ཝཱཔི ལབྷེཐ ཏཱདིསཾ;

སབྦཱཝ ཨིཏྠཱི ཀཡིརུཾ ནུ [ཀརེཡྻུ ནོ (སཱི.), ཀརེཡྻུཾ ནོ (པཱི.)] པཱཔཾ, ཨཉྙཾ ཨལཏྠ [ཨལདྡྷཱ (སྱཱ. པཱི. ཀ.)] པཱིཋསཔྤིནཱཔི སདྡྷིཾ.

༣༡༠.

‘‘ནརཱནམཱརཱམཀརཱསུ ¶ ནཱརིསུ, ཨནེཀཙིཏྟཱསུ ཨནིགྒཧཱསུ ཙ;

སབྦཏྠ ནཱཔཱིཏིཀརཱཔི [སབྦ’ཏྟནཱ’པཱིཏིཀཱརཱཔི (སཱི. སྱཱ.)] ཙེ སིཡཱ [སིཡུཾ (སྱཱ.)], ན ཝིསྶསེ ཏིཏྠསམཱ ཧི ནཱརིཡོ’’ཏི.

༣༡༡.

‘ཡཾ ཝེ [ཡཉྩ (སྱཱ. ཀ.)] དིསྭཱ ཀཎྜརཱིཀིནྣརཱནཾ [ཀིནྣརཀིནྣརཱིནཾ (སྱཱ.), ཀིནྣརཱིཀིནྣརཱནཾ (ཀ.)], སབྦིཏྠིཡོ ན རམནྟི ཨགཱརེ;

ཏཾ ཏཱདིསཾ མཙྩཾ ཙཛིཏྭཱ བྷརིཡཱ, ཨཉྙཾ དིསྭཱ པུརིསཾ པཱིཋསཔྤིཾ.

༣༡༢.

‘བཀསྶ ཙ བཱཝརིཀསྶ [པཱཝཱརིཀསྶ (སཱི.), བཱཝརིཡསྶ (སྱཱ.)] རཉྙོ, ཨཙྩནྟཀཱམཱནུགཏསྶ བྷརིཡཱ;

ཨཝཱཙརཱི [ཨཙྩཱཙརི (སྱཱ.), ཨནཱཙརི (ཀ.)] པཊྛཝསཱནུགསྶ [བདྡྷཝསཱནུགསྶ (སཱི. སྱཱ.), པཏྟཝསཱནུགཏསྶ (ཀ.)], ཀཾ ཝཱཔི ཨིཏྠཱི ནཱཏིཙརེ ཏདཉྙཾ.

༣༡༣.

‘པིངྒིཡཱནཱི ¶ ¶ སབྦལོཀིསྶརསྶ, རཉྙོ པིཡཱ བྲཧྨདཏྟསྶ བྷརིཡཱ;

ཨཝཱཙརཱི པཊྛཝསཱནུགསྶ, ཏཾ ཝཱཔི སཱ ནཱཛ྄ཛྷགཱ ཀཱམཀཱམིནཱི.

༣༡༤.

‘ལུདྡྷཱནཾ [ཁུདྡཱནཾ (སཱི. སྱཱ. པཱི.)] ལཧུཙིཏྟཱནཾ, ཨཀཏཉྙཱུན དུབྦྷིནཾ;

ནཱདེཝསཏྟོ པུརིསོ, ཐཱིནཾ སདྡྷཱཏུམརཧཏི.

༣༡༥.

‘ན ཏཱ པཛཱནནྟི ཀཏཾ ན ཀིཙྩཾ, ན མཱཏརཾ པིཏརཾ བྷཱཏརཾ ཝཱ;

ཨནརིཡཱ སམཏིཀྐནྟདྷམྨཱ, སསྶེཝ ཙིཏྟསྶ ཝསཾ ཝཛནྟི.

༣༡༦.

‘ཙིརཱནུཝུཊྛམྤི [ཙིརཱནུཝུཏྠམྤི (སཱི. པཱི.)] པིཡཾ མནཱཔཾ, ཨནུཀམྤཀཾ པཱཎསམམྤི བྷཏྟུཾ [སནྟཾ (སཱི. སྱཱ. པཱི.)];

ཨཱཝཱསུ ཀིཙྩེསུ ཙ ནཾ ཛཧནྟི, ཏསྨཱཧམིཏྠཱིནཾ ན ཝིསྶསཱམི.

༣༡༧.

‘ཐཱིནཉྷི ཙིཏྟཾ ཡཐཱ ཝཱནརསྶ, ཀནྣཔྤཀནྣཾ ཡཐཱ རུཀྑཚཱཡཱ;

ཙལཱཙལཾ ཧདཡམིཏྠིཡཱནཾ, ཙཀྐསྶ ནེམི ཝིཡ པརིཝཏྟཏི.

༣༡༨.

‘ཡདཱ ཏཱ པསྶནྟི སམེཀྑམཱནཱ, ཨཱདེཡྻརཱུཔཾ པུརིསསྶ ཝིཏྟཾ;

སཎྷཱཧི ¶ ཝཱཙཱཧི ནཡནྟི མེནཾ, ཀམྦོཛཀཱ ཛལཛེནེཝ ཨསྶཾ.

༣༡༩.

‘ཡདཱ ན པསྶནྟི སམེཀྑམཱནཱ, ཨཱདེཡྻརཱུཔཾ པུརིསསྶ ཝིཏྟཾ;

སམནྟཏོ ནཾ པརིཝཛྫཡནྟི, ཏིཎྞོ ནདཱིཔཱརགཏོཝ ཀུལླཾ.

༣༢༠.

‘སིལེསཱུཔམཱཾ ¶ སིཁིརིཝ སབྦབྷཀྑཱ, ཏིཀྑམཱཡཱ ནདཱིརིཝ སཱིགྷསོཏཱ;

སེཝནྟི ཧེཏཱ པིཡམཔྤིཡཉྩ, ནཱཝཱ ཡཐཱ ཨོརཀཱུལཾ [ཨོརཀུལཾ (སཱི.) ཨེཝམུཔརིཔི] པརཉྩ.

༣༢༡.

‘ན ཏཱ ཨེཀསྶ ན དྭིནྣཾ, ཨཱཔཎོཝ པསཱརིཏོ;

ཡོ ཏཱ མཡ྄ཧནྟི མཉྙེཡྻ, ཝཱཏཾ ཛཱལེན བཱདྷཡེ [བནྡྷཡེ (སྱཱ. ཀ.)].

༣༢༢.

‘ཡཐཱ ནདཱི ཙ པནྠོ ཙ, པཱནཱགཱརཾ སབྷཱ པཔཱ;

ཨེཝཾ ལོཀིཏྠིཡོ ནཱམ, ཝེལཱ ཏཱསཾ ན ཝིཛྫཏི [ཀེསུཙི པོཏྠཀེསུ ཨིམིསྶཱ གཱཐཱཡ པུབྦདྡྷཱཔརདྡྷཾ ཝིཔརིཡཱཡེན དིསྶཏི].

༣༢༣.

‘གྷཏཱསནསམཱ ཨེཏཱ, ཀཎྷསཔྤསིརཱུཔམཱ;

གཱཝོ བཧིཏིཎསྶེཝ, ཨོམསནྟི ཝརཾ ཝརཾ.

༣༢༤.

‘གྷཏཱསནཾ ཀུཉྫརཾ ཀཎྷསཔྤཾ, མུདྡྷཱབྷིསིཏྟཾ པམདཱ ཙ སབྦཱ;

ཨེཏེ ནརོ [ཨེཏེན སོ (པཱི.)] ནིཙྩཡཏོ [ནིཙྩཡཏྟོ (སཱི. པཱི.)] བྷཛེཐ, ཏེསཾ ཧཝེ དུབྦིདུ སབྦབྷཱཝོ [སཙྩབྷཱཝོ (སྱཱ.)].

༣༢༥.

‘ནཙྩནྟཝཎྞཱ ¶ ¶ ན བཧཱུནཾ ཀནྟཱ, ན དཀྑིཎཱ པམདཱ སེཝིཏབྦཱ;

ན པརསྶ བྷརིཡཱ ན དྷནསྶ ཧེཏུ, ཨེཏིཏྠིཡོ པཉྩ ན སེཝིཏབྦཱ’’’.

ཨཐ ཁལུ, བྷོ, ཨཱནནྡོ གིཛ྄ཛྷརཱཛཱ ཀུཎཱལསྶ སཀུཎསྶ ཨཱདིམཛ྄ཛྷཀཐཱཔརིཡོསཱནཾ [ཨཱདིམཛ྄ཛྷགཱཐཱཔརིཡོསཱནཾ (སྱཱ. ཀ.)] ཝིདིཏྭཱ ཏཱཡཾ ཝེལཱཡཾ ཨིམཱ གཱཐཱཡོ ཨབྷཱསི –

༣༢༦.

‘‘པུཎྞམྤི ཙེམཾ པཐཝིཾ དྷནེན, དཛྫིཏྠིཡཱ པུརིསོ སམྨཏཱཡ;

ལདྡྷཱ ཁཎཾ ཨཏིམཉྙེཡྻ ཏམྤི, ཏཱསཾ ཝསཾ ཨསཏཱིནཾ ན གཙྪེ.

༣༢༧.

‘‘ཨུཊྛཱཧཀཾ ¶ ཙེཔི ཨལཱིནཝུཏྟིཾ, ཀོམཱརབྷཏྟཱརཾ པིཡཾ མནཱཔཾ;

ཨཱཝཱསུ ཀིཙྩེསུ ཙ ནཾ ཛཧནྟི, ཏསྨཱཧམིཏྠཱིནཾ [ཏསྨཱ ཧི ཨིཏྠཱིནཾ (སཱི. པཱི.)] ན ཝིསྶསཱམི.

༣༢༨.

‘‘ན ཝིསྶསེ ཨིཙྪཏི མནྟི པོསོ, ན ཝིསྶསེ རོདཏི མེ སཀཱསེ;

སེཝནྟི ཧེཏཱ པིཡམཔྤིཡཉྩ, ནཱཝཱ ཡཐཱ ཨོརཀཱུལཾ པརཉྩ.

༣༢༩.

‘‘ན ཝིསྶསེ སཱཁཔུརཱཎསནྠཏཾ, ན ¶ ཝིསྶསེ མིཏྟཔུརཱཎཙོརཾ;

ན ཝིསྶསེ རཱཛཱནཾ སཁཱ [རཱཛཱ སཁཱ (སཱི. པཱི.)] མམནྟི, ན ཝིསྶསེ ཨིཏྠི དསནྣ མཱཏརཾ.

༣༣༠.

‘‘ན ཝིསྶསེ རཱམཀརཱསུ ནཱརིསུ, ཨཙྩནྟསཱིལཱསུ ཨསཉྙཏཱསུ;

ཨཙྩནྟཔེམཱནུགཏསྶ བྷརིཡཱ, ན ཝིསྶསེ ཏིཏྠསམཱ ཧི ནཱརིཡོ.

༣༣༡.

‘‘ཧནེཡྻུཾ ཚིནྡེཡྻུཾ ཚེདཱཔེཡྻུམྤི [ཧནེཡྻུ ཚིནྡེཡྻུཾཔི ཚདཡེཡྻུཾ (སཱི. པཱི.), ཧནེཡྻུཾཔི ཚིནྡེཡྻུཾཔི ཚེདཱཔེཡྻུཾཔི (སྱཱ.)], ཀཎྛེཔི [ཀཎྛམྤི (སཱི. སྱཱ.)] ཚེཏྭཱ རུདྷིརཾ པིཝེཡྻུཾ;

མཱ དཱིནཀཱམཱསུ ཨསཉྙཏཱསུ, བྷཱཝཾ ཀརེ གངྒཏིཏྠཱུཔམཱསུ.

༣༣༢.

‘‘མུསཱ ཏཱསཾ ཡཐཱ སཙྩཾ, སཙྩཾ ཏཱསཾ ཡཐཱ མུསཱ;

གཱཝོ བཧིཏིཎསྶེཝ, ཨོམསནྟི ཝརཾ ཝརཾ.

༣༣༣.

‘‘གཏེནེཏཱ པལོབྷེནྟི, པེཀྑིཏེན མྷིཏེན ཙ;

ཨཐོཔི དུནྣིཝཏྠེན, མཉྫུནཱ བྷཎིཏེན ཙ.

༣༣༤.

‘‘ཙོརིཡོ ཀཐིནཱ [ཀཋིནཱ (སཱི. སྱཱ. པཱི.)] ཧེཏཱ, ཝཱལཱ༹ ཙ ལཔསཀྑརཱ;

ན ཏཱ ཀིཉྩི ན ཛཱནནྟི, ཡཾ མནུསྶེསུ ཝཉྩནཾ.

༣༣༥.

‘‘ཨསཱ ¶ ལོཀིཏྠིཡོ ནཱམ, ཝེལཱ ཏཱསཾ ན ཝིཛྫཏི;

སཱརཏྟཱ ཙ པགབྦྷཱ ཙ, སིཁཱི སབྦགྷསོ ཡཐཱ.

༣༣༦.

‘‘ནཏྠིཏྠཱིནཾ ¶ པིཡོ ནཱམ, ཨཔྤིཡོཔི ན ཝིཛྫཏི;

སེཝནྟི ཧེཏཱ པིཡམཔྤིཡཉྩ, ནཱཝཱ ཡཐཱ ཨོརཀཱུལཾ པརཉྩ.

༣༣༧.

‘‘ནཏྠིཏྠཱིནཾ པིཡོ ནཱམ, ཨཔྤིཡོཔི ན ཝིཛྫཏི;

དྷནཏྟཱ [དྷནཏྠཱ (སྱཱ.)] པཊིཝལླནྟི, ལཏཱཝ དུམནིསྶིཏཱ.

༣༣༨.

‘‘ཧཏྠིབནྡྷཾ ¶ ཨསྶབནྡྷཾ, གོཔུརིསཉྩ མཎྜལཾ [ཙཎྜལཾ (སཱི. སྱཱ. པཱི.)];

ཚཝཌཱཧཀཾ པུཔྥཚཌྜཀཾ, སདྷནམནུཔཏནྟི ནཱརིཡོ.

༣༣༩.

‘‘ཀུལཔུཏྟམྤི ཛཧནྟི ཨཀིཉྩནཾ, ཚཝཀསམསདིསམྤི [ཚཝཀསམཾ (སྱཱ. པཱི.)];

ཨནུགཙྪནྟི [གཙྪནྟི (པཱི.)] ཨནུཔཏནྟི, དྷནཧེཏུ ཧི ནཱརིཡོ’’ཏི [དྷནཧེཏུ ཙ ནཱརིཡོ (སྱཱ.), དྷནཧེཏུ ནཱརིཡོ (པཱི.)].

ཨཐ ཁལུ, བྷོ, ནཱརདོ དེཝབྲཱཧྨཎོ ཨཱནནྡསྶ གིཛ྄ཛྷརཱཛསྶ ཨཱདིམཛ྄ཛྷཀཐཱཔརིཡོསཱནཾ ཝིདིཏྭཱ ཏཱཡཾ ཝེལཱཡཾ ཨིམཱ གཱཐཱཡོ ཨབྷཱསི –

༣༤༠.

‘‘ཙཏྟཱརོམེ ན པཱུརེནྟི, ཏེ མེ སུཎཱཐ བྷཱསཏོ;

སམུདྡོ བྲཱཧྨཎོ རཱཛཱ, ཨིཏྠཱི ཙཱཔི དིཛམྤཏི.

༣༤༡.

‘‘སརིཏཱ སཱགརཾ ཡནྟི, ཡཱ ཀཱཙི པཐཝིསྶིཏཱ;

ཏཱ སམུདྡཾ ན པཱུརེནྟི, ཨཱུནཏྟཱ ཧི ན པཱུརཏི.

༣༤༢.

‘‘བྲཱཧྨཎོ ཙ ཨདྷཱིཡཱན, ཝེདམཀྑཱནཔཉྩམཾ;

བྷིཡྻོཔི སུཏམིཙྪེཡྻ, ཨཱུནཏྟཱ ཧི ན པཱུརཏི.

༣༤༣.

‘‘རཱཛཱ ཙ པཐཝིཾ སབྦཾ, སསམུདྡཾ སཔབྦཏཾ;

ཨཛ྄ཛྷཱཝསཾ ཝིཛིནིཏྭཱ, ཨནནྟརཏནོཙིཏཾ;

པཱརཾ ¶ སམུདྡཾ པཏྠེཏི, ཨཱུནཏྟཱ ཧི ན པཱུརཏི.

༣༤༤.

‘‘ཨེཀམེཀཱཡ ཨིཏྠིཡཱ, ཨཊྛཊྛ པཏིནོ སིཡཱ;

སཱུརཱ ཙ བལཝནྟོ ཙ, སབྦཀཱམརསཱཧརཱ;

ཀརེཡྻ ནཝམེ ཚནྡཾ, ཨཱུནཏྟཱ ཧི ན པཱུརཏི.

༣༤༥.

‘‘སབྦིཏྠིཡོ ¶ སིཁིརིཝ སབྦབྷཀྑཱ, སབྦིཏྠིཡོ ནདཱིརིཝ སབྦཝཱཧཱི;

སབྦིཏྠིཡོ ཀཎྚཀཱནཾཝ སཱཁཱ, སབྦིཏྠིཡོ དྷནཧེཏུ ཝཛནྟི.

༣༤༦.

‘‘ཝཱཏཉྩ ཛཱལེན ནརོ པརཱམསེ, ཨོསིཉྩཡེ [ཨོསཉྩིཡཱ (སཱི. པཱི.)] སཱགརམེཀཔཱཎིནཱ;

སཀེན ཧཏྠེན ཀརེཡྻ གྷོསཾ [སཀེན ཀཱལེན ཧནེཡྻ གྷོསནཾ (པཱི.)], ཡོ སབྦབྷཱཝཾ པམདཱསུ ཨོསཛེ.

༣༤༧.

‘‘ཙོརཱིནཾ བཧུབུདྡྷཱིནཾ, ཡཱསུ སཙྩཾ སུདུལླབྷཾ;

ཐཱིནཾ བྷཱཝོ དུརཱཛཱནོ, མཙྪསྶེཝོདཀེ གཏཾ.

༣༤༨.

‘‘ཨནལཱ མུདུསམྦྷཱསཱ, དུཔྤཱུརཱ ཏཱ ནདཱིསམཱ;

སཱིདནྟི ནཾ ཝིདིཏྭཱན, ཨཱརཀཱ པརིཝཛྫཡེ.

༣༤༩.

‘‘ཨཱཝཊྚནཱི མཧཱམཱཡཱ, བྲཧྨཙརིཡཝིཀོཔནཱ;

སཱིདནྟི ནཾ ཝིདིཏྭཱན, ཨཱརཀཱ པརིཝཛྫཡེ.

༣༥༠.

‘‘ཡཾ ¶ ཨེཏཱ [ཡཉྩེཏཱ (སྱཱ.)] ཨུཔསེཝནྟི, ཚནྡསཱ ཝཱ དྷནེན ཝཱ;

ཛཱཏཝེདོཝ སཎྛཱནཾ, ཁིཔྤཾ ཨནུདཧནྟི ན’’ནྟི.

ཨཐ ¶ ཁལུ, བྷོ, ཀུཎཱལོ སཀུཎོ ནཱརདསྶ དེཝབྲཱཧྨཎསྶ ཨཱདིམཛ྄ཛྷཀཐཱཔརིཡོསཱནཾ ཝིདིཏྭཱ ཏཱཡཾ ཝེལཱཡཾ ཨིམཱ གཱཐཱཡོ ཨབྷཱསི –

༣༥༡.

‘‘སལླཔེ ནིསིཏཁགྒཔཱཎིནཱ, པཎྜིཏོ ཨཔི པིསཱཙདོསིནཱ;

ཨུགྒཏེཛམུརགམྤི ཨཱསིདེ, ཨེཀོ ཨེཀཱཡ པམདཱཡ ནཱལཔེ [ཨེཀོ ཨེཀཔམདཾ ཧི ནཱལཔེ (པཱི.) ཨེཀོ ཨེཀཔམཱདཱཡ ནཱལཔེ (?)].

༣༥༢.

‘‘ལོཀཙིཏྟམཐནཱ ཧི ནཱརིཡོ, ནཙྩགཱིཏབྷཎིཏམྷིཏཱཝུདྷཱ;

བཱདྷཡནྟི ཨནུཔཊྛིཏསྶཏིཾ [ཨནུཔཊྛིཏཱསཏཱི (པཱི.)], དཱིཔེ རཀྑསིགཎོཝ [དཱིཔརཀྑསིགཎཱཝ (སཱི.)] ཝཱཎིཛེ.

༣༥༣.

‘‘ནཏྠི ¶ ཏཱསཾ ཝིནཡོ ན སཾཝརོ, མཛྫམཾསནིརཏཱ [མཛྫམཾསཱབྷིརཏཱ (ཀ.)] ཨསཉྙཏཱ;

ཏཱ གིལནྟི པུརིསསྶ པཱབྷཏཾ, སཱགརེཝ མཀརཾ ཏིམིངྒལོ [ཏིམིངྒིལོ (སཱི. པཱི.)].

༣༥༤.

‘‘པཉྩཀཱམགུཎསཱཏགོཙརཱ, ཨུདྡྷཏཱ ཨནིཡཏཱ ཨསཉྙཏཱ;

ཨོསརནྟི པམདཱ པམཱདིནཾ, ལོཎཏོཡཝཏིཡཾཝ ཨཱཔཀཱ.

༣༥༥.

‘‘ཡཾ ནརཾ ཨུཔལཔེནྟི [ཨུཔརམནྟི (སཱི. པཱི.), པལཱཔེནྟི (ཀ.)] ནཱརིཡོ, ཚནྡསཱ ཝ ¶ རཏིཡཱ དྷནེན ཝཱ;

ཛཱཏཝེདསདིསམྤི ཏཱདིསཾ, རཱགདོསཝདྷིཡོ [རཱགདོསཝཏིཡོ (སཱི. པཱི.)] དཧནྟི ནཾ.

༣༥༦.

‘‘ཨཌྜྷཾ ཉཏྭཱ པུརིསཾ མཧདྡྷནཾ, ཨོསརནྟི སདྷནཱ སཧཏྟནཱ;

རཏྟཙིཏྟམཏིཝེཋཡནྟི ནཾ, སཱལ མཱལུཝལཏཱཝ ཀཱནནེ.

༣༥༧.

‘‘ཏཱ ཨུཔེནྟི ཝིཝིདྷེན ཚནྡསཱ, ཙིཏྲབིམྦམུཁིཡོ ཨལངྐཏཱ;

ཨུཧསནྟི [ཨཱུཧསནྟི (སཱི. པཱི.), ཨོཧསནྟི (སྱཱ.)] པཧསནྟི ནཱརིཡོ, སམྦརོཝ [སཾཝརོཝ (སྱཱ. པཱི. ཀ.)] སཏམཱཡཀོཝིདཱ.

༣༥༨.

‘‘ཛཱཏརཱུཔམཎིམུཏྟབྷཱུསིཏཱ, སཀྐཏཱ པཏིཀུལེསུ ནཱརིཡོ;

རཀྑིཏཱ ཨཏིཙརནྟི སཱམིཀཾ, དཱནཝཾཝ ཧདཡནྟརསྶིཏཱ [ཧདཡནྟནིསྶིཏཱ (ཀ.), ཧདཡནྟརནིསྶིཏཱ (སྱཱ.)].

༣༥༩.

‘‘ཏེཛཝཱཔི ¶ ཧི ནརོ ཝིཙཀྑཎོ, སཀྐཏོ བཧུཛནསྶ པཱུཛིཏོ;

ནཱརིནཾ ཝསགཏོ ན བྷཱསཏི, རཱཧུནཱ ཨུཔཧཏོཝ ཙནྡིམཱ.

༣༦༠.

‘‘ཡཾ ཀརེཡྻ ཀུཔིཏོ དིསོ དིསཾ, དུཊྛཙིཏྟོ ¶ ཝསམཱགཏཾ ཨརིཾ [ཨརི (སཱི. པཱི.)];

ཏེན བྷིཡྻོ བྱསནཾ ནིགཙྪཏི, ནཱརིནཾ ཝསགཏོ ཨཔེཀྑཝཱ.

༣༦༡.

‘‘ཀེསལཱུནནཁཚིནྣཏཛྫིཏཱ, པཱདཔཱཎིཀསདཎྜཏཱལི༹ཏཱ;

ཧཱིནམེཝུཔགཏཱ ཧི ནཱརིཡོ, ཏཱ རམནྟི ཀུཎཔེཝ མཀྑིཀཱ.

༣༦༢.

‘‘ཏཱ ཀུལེསུ ཝིསིཁནྟརེསུ ཝཱ, རཱཛདྷཱནིནིགམེསུ ཝཱ པུན [ཝཱ པན (སྱཱ.)];

ཨོཌྜིཏཾ ནམུཙིཔཱསཝཱཀརཾ [ཝཱགུརཾ (སྱཱ.)], ཙཀྑུམཱ པརིཝཛྫེ སུཁཏྠིཀོ.

༣༦༣.

‘‘ཨོསྶཛིཏྭ ¶ ཀུསལཾ ཏཔོགུཎཾ, ཡོ ཨནརིཡཙརིཏཱནི མཱཙརི;

དེཝཏཱཧི ནིརཡཾ ནིམིསྶཏི, ཚེདགཱམིམཎིཡཾཝ ཝཱཎིཛོ.

༣༦༤.

‘‘སོ ཨིདྷ གརཧིཏོ པརཏྠ ཙ, དུམྨཏཱི ཨུཔཧཏོ [ཨུཔགཏོ (སཱི. པཱི.)] སཀམྨུནཱ;

གཙྪཏཱི ཨནིཡཏོ གལཱ༹གལ༹ཾ, དུཊྛགདྲབྷརཐོཝ ཨུཔྤཐེ.

༣༦༥.

‘‘སོ ཨུཔེཏི ནིརཡཾ པཏཱཔནཾ, སཏྟིསིམྦལིཝནཉྩ ¶ ཨཱཡསཾ;

ཨཱཝསིཏྭཱ ཏིརཙྪཱནཡོནིཡཾ, པེཏརཱཛཝིསཡཾ ན མུཉྩཏི [མུཙྩཏི (ཀ.)].

༣༦༦.

‘‘དིབྱཁིཌྜརཏིཡོཾ ¶ ཙ ནནྡནེ, ཙཀྐཝཏྟིཙརིཏཉྩ མཱནུསེ;

ནཱསཡནྟི པམདཱ པམཱདིནཾ, དུགྒཏིཉྩ པཊིཔཱདཡནྟི ནཾ.

༣༦༧.

‘‘དིབྱཁིཌྜརཏིཡོ ན དུལླབྷཱ, ཙཀྐཝཏྟིཙརིཏཉྩ མཱནུསེ;

སོཎྞབྱམྷནིལཡཱ [སུཝཎྞབྱམྷནིལཡཱ (སྱཱ. ཀ.), སོཝཎྞབྱམྷནིལཡཱ (པཱི.)] ཙ ཨཙྪརཱ, ཡེ ཙརནྟི པམདཱཧནཏྠིཀཱ.

༣༦༨.

‘‘ཀཱམདྷཱཏུསམཏིཀྐམཱ གཏི, རཱུཔདྷཱཏུཡཱ བྷཱཝོ [རཱུཔདྷཱཏུཡཱ བྷཝོ (སཱི.), རཱུཔདྷཱཏུསམྦྷཝོ (སྱཱ.)] ན དུལླབྷོ;

ཝཱིཏརཱགཝིསཡཱུཔཔཏྟིཡཱ, ཡེ ཙརནྟི པམདཱཧནཏྠིཀཱ.

༣༦༩.

‘‘སབྦདུཀྑསམཏིཀྐམཾ སིཝཾ, ཨཙྩནྟམཙལིཏཾ ཨསངྑཏཾ;

ནིབྦུཏེཧི སུཙིཧཱི ན དུལླབྷཾ, ཡེ ཙརནྟི པམདཱཧནཏྠིཀཱ’’ཏི.

༣༧༠.

‘‘ཀུཎཱལོཧཾ ཏདཱ ཨཱསིཾ, ཨུདཱཡཱི ཕུསྶཀོཀིལོ;

ཨཱནནྡོ ¶ གིཛ྄ཛྷརཱཛཱསི, སཱརིཔུཏྟོ ཙ ནཱརདོ;

པརིསཱ བུདྡྷཔརིསཱ, ཨེཝཾ དྷཱརེཐ ཛཱཏཀ’’ནྟི.

ཀུཎཱལཛཱཏཀཾ ཙཏུཏྠཾ.

༥༣༧. མཧཱསུཏསོམཛཱཏཀཾ (༥)

༣༧༡.

‘‘ཀསྨཱ ཏུཝཾ རསཀ ཨེདིསཱནི, ཀརོསི ཀམྨཱནི སུདཱརུཎཱནི;

ཧནཱསི ཨིཏྠཱི པུརིསེ ཙ མཱུལ༹ྷོ, མཾསསྶ ཧེཏུ ཨདུ [ཨཱདུ (སཱི. སྱཱ.)] དྷནསྶ ཀཱརཎཱ’’.

༣༧༢.

‘‘ནཾ ¶ ཨཏྟཧེཏཱུ ན དྷནསྶ ཀཱརཎཱ, ན པུཏྟདཱརསྶ སཧཱཡཉཱཏིནཾ;

བྷཏྟཱ ཙ མེ བྷགཝཱ བྷཱུམིཔཱལོ, སོ ཁཱདཏི མཾསཾ བྷདནྟེདིསཾ’’.

༣༧༣.

‘‘སཙེ ཏུཝཾ བྷཏྟུརཏྠེ པཡུཏྟོ, ཀརོསི ཀམྨཱནི སུདཱརུཎཱནི;

པཱཏོཝ ཨནྟེཔུརཾ པཱཔུཎིཏྭཱ, ལཔེཡྻཱསི མེ རཱཛིནོ སམྨུཁེ ཏཾ’’.

༣༧༤.

‘‘ཏཐཱ ཀརིསྶཱམི ཨཧཾ བྷདནྟེ, ཡཐཱ ཏུཝཾ [ཡམེཝ ཏྭཾ (སཱི.)] བྷཱསསི ཀཱལ༹ཧཏྠི;

པཱཏོཝ ཨནྟེཔུརཾ པཱཔུཎིཏྭཱ, ཝཀྑཱམི ¶ ཏེ རཱཛིནོ སམྨུཁེ ཏཾ’’.

༣༧༥.

ཏཏོ ¶ རཏྱཱ ཝིཝསཱནེ [ཝིཝསནེ (སཱི. སྱཱ. པཱི.)], སཱུརིཡུགྒམནཾ པཏི;

ཀཱལོ༹ རསཀམཱདཱཡ, རཱཛཱནཾ ཨུཔསངྐམི;

ཨུཔསངྐམྨ [ཨུཔསངྐམིཏྭཱ (སཱི. སྱཱ. པཱི.)] རཱཛཱནཾ, ཨིདཾ ཝཙནམབྲཝི.

༣༧༦.

‘‘སཙྩཾ ཀིར མཧཱརཱཛ, རསཀོ པེསིཏོ ཏཡཱ;

ཧནཏི ཨིཏྠིཔུརིསེ, ཏུཝཾ མཾསཱནི ཁཱདསི’’.

༣༧༧.

‘‘ཨེཝམེཝ ཏཐཱ ཀཱལ༹, རསཀོ པེསིཏོ མཡཱ;

མམ ཨཏྠཾ ཀརོནྟསྶ, ཀིམེཏཾ པརིབྷཱསསི’’.

༣༧༨.

‘‘ཨཱནནྡོ སབྦམཙྪཱནཾ, ཁཱདིཏྭཱ རསགིདྡྷིམཱ;

པརིཀྑཱིཎཱཡ པརིསཱཡ, ཨཏྟཱནཾ ཁཱདིཡཱ མཏོ.

༣༧༩.

‘‘ཨེཝཾ པམཏྟོ རསགཱརཝེ རཏྟོ [རཏོ (སཱི. སྱཱ. པཱི.)], བཱལོ ཡདཱི ཨཱཡཏི ནཱཝབུཛ྄ཛྷཏི;

ཝིདྷམྨ པུཏྟེ ཙཛི [ཙཛིཏྭཱ (ཀ.)] ཉཱཏཀེ ཙ, པརིཝཏྟིཡ ཨཏྟཱནཉྙེཝ [ཨཏྟཱནམེཝ (སཱི. པཱི.)] ཁཱདཏི.

༣༨༠.

‘‘ཨིདཾ ¶ ཏེ སུཏྭཱན ཝིགེཏུ [ཝིཧེཏུ (སཱི. པཱི.)] ཚནྡོ, མཱ བྷཀྑཡཱི [མཱ བྷཀྑསཱི (སཱི. པཱི.)] རཱཛ མནུསྶམཾསཾ;

མཱ ཏྭཾ ཨིམཾ ཀེཝལཾ ཝཱརིཛོཝ, དྭིཔདཱདྷིཔ [དིཔདཱདིཔ (སཱི. པཱི.) ཨེཝམུཔརིཔི] སུཉྙམཀཱསི རཊྛཾ’’.

༣༨༡.

‘‘སུཛཱཏོ ནཱམ ནཱམེན, ཨོརསོ ཏསྶ ཨཏྲཛོ [ཏསྶ ཨོརས ཨཏྲཛོ (སཱི.), ཏསྶ ཨཏྲཛ ཨོརསོ (པཱི.)];

ཛམྦུཔེསིམལདྡྷཱན, མཏོ སོ ཏསྶ སངྑཡེ.

༣༨༢.

‘‘ཨེཝམེཝ ¶ ཨཧཾ ཀཱལ༹, བྷུཏྭཱ བྷཀྑཾ རསུཏྟམཾ;

ཨལདྡྷཱ མཱནུསཾ མཾསཾ, མཉྙེ ཧིསྶཱམི [ཧེསྶཱམི (སཱི. སྱཱ.), ཧསྶཱམི (པཱི.)] ཛཱིཝིཏཾ’’.

༣༨༣.

‘‘མཱཎཝ ཨབྷིརཱུཔོསི, ཀུལེ ཛཱཏོསི སོཏྠིཡེ;

ན ཏྭཾ ཨརཧསི ཏཱཏ, ཨབྷཀྑཾ བྷཀྑཡེཏཝེ’’.

༣༨༤.

‘‘རསཱནཾ ཨཉྙཏརཾ ཨེཏཾ, ཀསྨཱ [ཡསྨཱ (སཱི. པཱི.)] མཾ ཏྭཾ ནིཝཱརཡེ;

སོཧཾ ཏཏྠ གམིསྶཱམི, ཡཏྠ ལཙྪཱམི ཨེདིསཾ.

༣༨༥.

‘‘སོཝཱཧཾ ནིཔྤཏིསྶཱམི, ན ཏེ ཝཙྪཱམི སནྟིཀེ;

ཡསྶ མེ དསྶནེན ཏྭཾ, ནཱབྷིནནྡསི བྲཱཧྨཎ’’.

༣༨༦.

‘‘ཨདྡྷཱ ཨཉྙེཔི དཱཡཱདེ, པུཏྟེ ལཙྪཱམ མཱཎཝ;

ཏྭཉྩ ཛམྨ ཝིནསྶསྶུ, ཡཏྠ པཏྟཾ ན ཏཾ སུཎེ’’.

༣༨༧.

‘‘ཨེཝམེཝ ཏུཝཾ རཱཛ, དྭིཔདིནྡ སུཎོཧི མེ;

པབྦཱཛེསྶནྟི ཏཾ རཊྛཱ, སོཎྜཾ མཱཎཝཀཾ ཡཐཱ’’.

༣༨༨.

‘‘སུཛཱཏོ ནཱམ ནཱམེན, བྷཱཝིཏཏྟཱན སཱཝཀོ;

ཨཙྪརཾ ཀཱམཡནྟོཝ, ན སོ བྷུཉྫི ན སོ པིཝི.

༣༨༩.

‘‘ཀུསགྒེནུདཀམཱདཱཡ ¶ [ཀུསགྒེ ཨུདཀམཱདཱཡ (སཱི. པཱི.)], སམུདྡེ ཨུདཀཾ མིནེ;

ཨེཝཾ མཱནུསཀཱ ཀཱམཱ, དིབྦཀཱམཱན སནྟིཀེ.

༣༩༠.

‘‘ཨེཝམེཝ ཨཧཾ ཀཱལ༹, བྷུཏྭཱ བྷཀྑཾ རསུཏྟམཾ;

ཨལདྡྷཱ མཱནུསཾ མཾསཾ, མཉྙེ ཧིསྶཱམི ཛཱིཝིཏཾ’’.

༣༩༡.

‘‘ཡཐཱཔི ¶ ཏེ དྷཏརཊྛཱ, ཧཾསཱ ཝེཧཱཡསངྒམཱ;

ཨབྷུཏྟཔརིབྷོགེན [ཨཝུཏྟིཔརིབྷོགེན (སཱི. པཱི.), ཨཡུཏྟཔརིབྷོགེན (སྱཱ.)], སབྦེ ཨབྦྷཏྠཏཾ གཏཱ.

༣༩༢.

‘‘ཨེཝམེཝ ¶ ཏུཝཾ རཱཛ, དྭིཔདིནྡ སུཎོཧི མེ;

ཨབྷཀྑཾ རཱཛ བྷཀྑེསི, ཏསྨཱ པབྦཱཛཡནྟི ཏཾ’’.

༣༩༣.

‘‘ཏིཊྛཱཧཱིཏི མཡཱ ཝུཏྟོ, སོ ཏྭཾ གཙྪསི པམྨུཁོ [པཱམུཁོ (ཀ.)];

ཨཊྛིཏོ ཏྭཾ ཋིཏོམྷཱིཏི, ལཔསི བྲཧྨཙཱརིནི;

ཨིདཾ ཏེ སམཎཱཡུཏྟཾ, ཨསིཉྩ མེ མཉྙསི ཀངྐཔཏྟཾ’’ [ཀངྑཔཏྟཾ (སྱཱ. ཀ.)].

༣༩༤.

‘‘ཋིཏོཧམསྨཱི སདྷམྨེསུ རཱཛ, ན ནཱམགོཏྟཾ པརིཝཏྟཡཱམི;

ཙོརཉྩ ལོཀེ ཨཋིཏཾ ཝདནྟི, ཨཱཔཱཡིཀཾ ནེརཡིཀཾ ཨིཏོ ཙུཏཾ.

༣༩༥.

‘‘སཙེ ཏྭཾ སདྡཧསི [སཙེཔི སཧསི (སཱི. པཱི.)] རཱཛ, སུཏཾ གཎྷཱཧི ཁཏྟིཡ [ཁཏྟིཡཾ (སྱཱ.)];

ཏེན ཡཉྙཾ ཡཛིཏྭཱན, ཨེཝཾ སགྒཾ གམིསྶསི’’.

༣༩༦.

‘‘ཀིསྨིཾ ནུ རཊྛེ ཏཝ ཛཱཏིབྷཱུམི [ཛཱཏབྷཱུམི (སཱི.)], ཨཐ ཀེན ཨཏྠེན ཨིདྷཱནུཔཏྟོ;

ཨཀྑཱཧི མེ བྲཱཧྨཎ ཨེཏམཏྠཾ, ཀིམིཙྪསཱི དེམི ཏཡཛྫ པཏྠིཏཾ’’.

༣༩༧.

‘‘གཱཐཱ ཙཏསྶོ དྷརཎཱིམཧིསྶར, སུགམྦྷིརཏྠཱ ཝརསཱགརཱུཔམཱ;

ཏཝེཝ ཨཏྠཱཡ ཨིདྷཱགཏོསྨི, སུཎོཧི གཱཐཱ པརམཏྠསཾཧིཏཱ’’.

༣༩༨.

‘‘ན ཝེ རུདནྟི མཏིམནྟོ སཔཉྙཱ, བཧུསྶུཏཱ ¶ ཡེ བཧུཊྛཱནཙིནྟིནོ;

དཱིཔཉྷི ཨེཏཾ པརམཾ ནརཱནཾ, ཡཾ པཎྜིཏཱ སོཀནུདཱ བྷཝནྟི.

༣༩༩.

‘‘ཨཏྟཱནཾ ¶ ཉཱཏཱི ཨུདཱཧུ [ཨུད (སཱི. པཱི.)] པུཏྟདཱརཾ, དྷཉྙཾ དྷནཾ རཛཏཾ ཛཱཏརཱུཔཾ;

ཀིམེཝ ཏྭཾ [ཀིམོ ནུ ཏྭཾ (སཱི. པཱི.)] སུཏསོམཱནུཏཔྤེ, ཀོརབྱསེཊྛ ཝཙནཾ སུཎོམ ཏེཏཾ’.

༤༠༠.

‘‘ནེཝཱཧམཏྟཱནམནུཏྠུནཱམི, ན པུཏྟདཱརཾ ན དྷནཾ ན རཊྛཾ;

སཏཉྩ དྷམྨོ ཙརིཏོ པུརཱཎོ, ཏཾ སངྐརཾ [སངྒརཾ (སཱི. སྱཱ. པཱི.) ཨེཝམུཔརིཔི] བྲཱཧྨཎསྶཱནུཏཔྤེ.

༤༠༡.

‘‘ཀཏོ མཡཱ སངྐརོ བྲཱཧྨཎེན, རཊྛེ སཀེ ཨིསྶརིཡེ ཋིཏེན;

ཏཾ སངྐརཾ བྲཱཧྨཎསཔྤདཱཡ, སཙྩཱནུརཀྑཱི པུནརཱཝཛིསྶཾ’’.

༤༠༢.

‘‘ནེཝཱཧམེཏཾ ཨབྷིསདྡཧཱམི, སུཁཱི ནརོ མཙྩུམུཁཱ པམུཏྟོ;

ཨམིཏྟཧཏྠཾ པུནརཱཝཛེཡྻ, ཀོརབྱསེཊྛ ན ཧི མཾ ཨུཔེསི.

༤༠༣.

‘‘མུཏྟོ ¶ ཏུཝཾ པོརིསཱདསྶ ཧཏྠཱ, གནྟྭཱ ¶ སཀཾ མནྡིརཾ ཀཱམཀཱམཱི;

མདྷུརཾ པིཡཾ ཛཱིཝིཏཾ ལདྡྷ རཱཛ, ཀུཏོ ཏུཝཾ ཨེཧིསི མེ སཀཱསཾ’’.

༤༠༤.

‘‘མཏཾ ཝརེཡྻ པརིསུདྡྷསཱིལོ, ན ཛཱིཝིཏཾ [ན ཧི ཛཱིཝིཏཾ (སཱི.)] གརཧིཏོ པཱཔདྷམྨོ;

ན ཧི ཏཾ ནརཾ ཏཱཡཏི [ཏཱཡཏེ (སཱི. སྱཱ. པཱི. ཀ.)] དུགྒཏཱིཧི, ཡསྶཱཔི ཧེཏུ ཨལིཀཾ བྷཎེཡྻ.

༤༠༥.

‘‘སཙེཔི ཝཱཏོ གིརིམཱཝཧེཡྻ, ཙནྡོ ཙ སཱུརིཡོ ཙ ཚམཱ པཏེཡྻུཾ;

སབྦཱ ཙ ནཛྫོ པཊིསོཏཾ ཝཛེཡྻུཾ, ན ཏྭེཝཧཾ རཱཛ མུསཱ བྷཎེཡྻཾ.

༤༠༦.

[ཨཡཾ གཱཐཱ སཱི. པཱི. པོཏྠཀེསུ ན དིསྶཏི] ‘‘ནབྷཾ ¶ ཕལེཡྻ ཨུདདྷཱིཔི སུསྶེ, སཾཝཊྚཡེ བྷཱུཏདྷརཱ ཝསུནྡྷརཱ;

སིལུཙྩཡོ མེརུ སམཱུལམུཔྤཏེ, ན ཏྭེཝཧཾ རཱཛ མུསཱ བྷཎེཡྻཾ’’ [ཨཡཾ གཱཐཱ སཱི. པཱི. པོཏྠཀེསུ ན དིསྶཏི].

༤༠༧.

‘‘ཨསིཉྩ སཏྟིཉྩ པརཱམསཱམི, སཔཐམྤི ཏེ སམྨ ཨཧཾ ཀརོམི;

ཏཡཱ པམུཏྟོ ཨནཎོ བྷཝིཏྭཱ, སཙྩཱནུརཀྑཱི པུནརཱཝཛིསྶཾ’’.

༤༠༨.

‘‘ཡོ ཏེ ཀཏོ སངྐརོ བྲཱཧྨཎེན, རཊྛེ སཀེ ཨིསྶརིཡེ ཋིཏེན;

ཏཾ སངྐརཾ བྲཱཧྨཎསཔྤདཱཡ, སཙྩཱནུརཀྑཱི པུནརཱཝཛསྶུ’’.

༤༠༩.

‘‘ཡོ མེ ཀཏོ སངྐརོ བྲཱཧྨཎེན, རཊྛེ ¶ སཀེ ཨིསྶརིཡེ ཋིཏེན;

ཏཾ སངྐརཾ བྲཱཧྨཎསཔྤདཱཡ, སཙྩཱནུརཀྑཱི པུནརཱཝཛིསྶཾ’’.

༤༡༠.

‘‘མུཏྟོ ཙ སོ པོརིསཱདསྶ ཧཏྠཱ, གནྟྭཱན ཏཾ བྲཱཧྨཎཾ ཨེཏདཝོཙ;

སུཎོམ [སུཎོམི (སཱི. སྱཱ.)] གཱཐཱཡོ སཏཱརཧཱཡོ, ཡཱ མེ སུཏཱ ཨསྶུ ཧིཏཱཡ བྲཧྨེ’’.

༤༡༡.

‘‘སཀིདེཝ སུཏསོམ, སབྦྷི ཧོཏི [ཧོཏུ (པཱི.)] སམཱགམོ;

སཱ ནཾ སངྒཏི པཱལེཏི, ནཱསབྦྷི བཧུསངྒམོ.

༤༡༢.

‘‘སབྦྷིརེཝ སམཱསེཐ, སབྦྷི ཀུབྦེཐ སནྠཝཾ;

སཏཾ སདྡྷམྨམཉྙཱཡ, སེཡྻོ ཧོཏི ན པཱཔིཡོ.

༤༡༣.

‘‘ཛཱིརནྟི ཝེ རཱཛརཐཱ སུཙིཏྟཱ, ཨཐོ སརཱིརམྤི ཛརཾ ཨུཔེཏི;

སཏཉྩ དྷམྨོ ན ཛརཾ ཨུཔེཏི, སནྟོ ཧཝེ སབྦྷི པཝེདཡནྟི.

༤༡༤.

‘‘ནབྷཉྩཾ ¶ དཱུརེ པཐཝཱི ཙ དཱུརེ, པཱརཾ ¶ སམུདྡསྶ ཏདཱཧུ དཱུརེ;

ཏཏོ ཧཝེ དཱུརཏརཾ ཝདནྟི, སཏཉྩ དྷམྨོ [དྷམྨཾ (སཱི. པཱི.)] ཨསཏཉྩ རཱཛ’’.

༤༡༥.

‘‘སཧསྶིཡཱ [སཧསྶིཡོ (སཱི. པཱི.)] ཨིམཱ གཱཐཱ, ནཧིམཱ [ན ཨིམཱ, (སཱི. པཱི.) ནཡིམཱ (སྱཱ.)] གཱཐཱ སཏཱརཧཱ;

ཙཏྟཱརི ཏྭཾ སཧསྶཱནི, ཁིཔྤཾ གཎྷཱཧི བྲཱཧྨཎ’’.

༤༡༦.

‘‘ཨཱསཱིཏིཡཱ ནཱཝུཏིཡཱ [ཨསཱིཏིཡཱ ནཝུཏིཡཱ (པཱི.)] ཙ གཱཐཱ, སཏཱརཧཱ ཙཱཔི བྷཝེཡྻ [བྷཝེཡྻུ (སཱི. སྱཱ. པཱི.)] གཱཐཱ;

པཙྩཏྟམེཝ སུཏསོམ ཛཱནཧི, སཧསྶིཡཱ ནཱམ ཀཱ ཨཏྠི [སཧསྶིཡོ ནཱམ ཨིདྷཏྠི (སཱི.)] གཱཐཱ’’.

༤༡༧.

‘‘ཨིཙྪཱམི ཝོཧཾ སུཏཝུདྡྷིམཏྟནོ, སནྟོཏི མཾ [སནྟོ མམཾ (སྱཱ.), སནྟོ ཙ མཾ (སཱི. པཱི. ཀ.)] སཔྤུརིསཱ བྷཛེཡྻུཾ;

ཨཧཾ སཝནྟཱིཧི མཧོདདྷཱིཝ, ན ཧི ཏཱཏ ཏཔྤཱམི སུབྷཱསིཏེན.

༤༡༨.

‘‘ཨགྒི ¶ ཡཐཱ ཏིཎཀཊྛཾ དཧནྟོ, ན ཏཔྤཏཱི སཱགརོཝ [སཱགརོ ཝཱ (སཱི. པཱི.)] ནདཱིཧི;

ཨེཝམྤི ཏེ པཎྜིཏཱ རཱཛསེཊྛ, སུཏྭཱ ན ཏཔྤནྟི སུབྷཱསིཏེན.

༤༡༩.

‘‘སཀསྶ དཱསསྶ ཡདཱ སུཎོམི, གཱཐཾ ཨཧཾ ཨཏྠཝཏིཾ [གཱཐཱ ཨཧཾ ཨཏྠཝཏཱི (སཱི. པཱི.)] ཛནིནྡ;

ཏམེཝ སཀྐཙྩ ནིསཱམཡཱམི, ན ¶ ཧི ཏཱཏ དྷམྨེསུ མམཏྠི ཏིཏྟི’’.

༤༢༠.

‘‘ཨིདཾ ¶ ཏེ རཊྛཾ སདྷནཾ སཡོགྒཾ, སཀཱཡུརཾ སབྦཀཱམཱུཔཔནྣཾ;

ཀིཾ ཀཱམཧེཏུ པརིབྷཱསསིམཾ [བྷཱསསེ མཾ (སཱི. སྱཱ. པཱི.)], གཙྪཱམཧཾ པོརིསཱདསྶ ཉཏྟེ’’ [པོརིསཱདསྶ ཀནྟེ (སཱི. པཱི.), པོརིསཱདསྶུཔནྟེ (ཀ.)].

༤༢༡.

‘‘ཨཏྟཱནུརཀྑཱཡ བྷཝནྟི ཧེཏེ, ཧཏྠཱརོཧཱ རཐིཀཱ པཏྟིཀཱ ཙ;

ཨསྶཱརུཧཱ [ཨསྶཱརོཧཱ (སྱཱ. པཱི.)] ཡེ ཙ དྷནུགྒཧཱསེ, སེནཾ པཡུཉྫཱམ ཧནཱམ སཏྟུཾ’’.

༤༢༢.

‘‘སུདུཀྐརཾ པོརིསཱདོ ཨཀཱསི, ཛཱིཝཾ གཧེཏྭཱན ཨཝསྶཛཱི མཾ;

ཏཾ ཏཱདིསཾ པུབྦཀིཙྩཾ སརནྟོ, དུབྦྷེ ཨཧཾ ཏསྶ ཀཐཾ ཛནིནྡ’’.

༤༢༣.

‘‘ཝནྡིཏྭཱ སོ པིཏརཾ མཱཏརཉྩ, ཨནུསཱསེཏྭཱ ནེགམཉྩ བལཉྩ;

སཙྩཝཱདཱི སཙྩཱནུརཀྑམཱནོ, ཨགམཱསི སོ ཡཏྠ པོརིསཱདོ’’.

༤༢༤.

‘‘ཀཏོ མཡཱ སངྐརོ བྲཱཧྨཎེན, རཊྛེ སཀེ ཨིསྶརིཡེ ཋིཏེན;

ཏཾ སངྐརཾ བྲཱཧྨཎསཔྤདཱཡ, སཙྩཱནུརཀྑཱི ¶ པུནརཱགཏོསྨི;

ཡཛསྶུ ཡཉྙཾ ཁཱད མཾ པོརིསཱད’’.

༤༢༥.

‘‘ན ཧཱཡཏེ ཁཱདིཏཾ [ཁཱདིཏུཾ (སཱི. སྱཱ. པཱི.)] མཡ྄ཧཾ པཙྪཱ, ཙིཏཀཱ ཨཡཾ ཏཱཝ སདྷཱུམིཀཱཝ [སདྷཱུམཀཱ ཙ (སྱཱ.)];

ནིདྡྷཱུམཀེ པཙིཏཾ སཱདྷུཔཀྐཾ, སུཎོམ [སུཎོམི (སཱི.), སུཎཱམ (པཱི.)] གཱཐཱཡོ སཏཱརཧཱཡོ’’.

༤༢༦.

‘‘ཨདྷམྨིཀོ ¶ ཏྭཾ པོརིསཱདཀཱསི [པོརིསཱདམཀཱསི (ཀ.)], རཊྛཱ ཙ བྷཊྛོ ཨུདརསྶ ཧེཏུ;

དྷམྨཉྩིམཱ ཨབྷིཝདནྟི གཱཐཱ, དྷམྨོ ཙ ཨདྷམྨོ ཙ ཀུཧིཾ སམེཏི.

༤༢༧.

‘‘ཨདྷམྨིཀསྶ ལུདྡསྶ, ནིཙྩཾ ལོཧིཏཔཱཎིནོ;

ནཏྠི སཙྩཾ ཀུཏོ དྷམྨོ, ཀིཾ སུཏེན ཀརིསྶསི’’.

༤༢༨.

‘‘ཡོ མཾསཧེཏུ མིགཝཾ ཙརེཡྻ, ཡོ ཝཱ ཧནེ པུརིསམཏྟཧེཏུ;

ཨུབྷོཔི ཏེ པེཙྩ སམཱ བྷཝནྟི, ཀསྨཱ ནོ [ཀསྨཱ ནུ (ཀ.)] ཨདྷམྨིཀཾ བྲཱུསི མཾ ཏྭཾ’’.

༤༢༩.

‘‘པཉྩ པཉྩནཁཱ བྷཀྑཱ, ཁཏྟིཡེན པཛཱནཏཱ;

ཨབྷཀྑཾ རཱཛ བྷཀྑེསི, ཏསྨཱ ཨདྷམྨིཀོ ཏུཝཾ’’.

༤༣༠.

‘‘མུཏྟོ ཏུཝཾ པོརིསཱདསྶ ཧཏྠཱ, གནྟྭཱ སཀཾ མནྡིརཾ ཀཱམཀཱམཱི;

ཨམིཏྟཧཏྠཾ ¶ པུནརཱགཏོསི, ན ཁཏྟདྷམྨེ ཀུསལོསི རཱཛ’’.

༤༣༡.

‘‘ཡེ ¶ ཁཏྟདྷམྨེ ཀུསལཱ བྷཝནྟི, པཱཡེན ཏེ ནེརཡིཀཱ བྷཝནྟི;

ཏསྨཱ ཨཧཾ ཁཏྟདྷམྨཾ པཧཱཡ, སཙྩཱནུརཀྑཱི པུནརཱགཏོསྨི;

ཡཛསྶུ ཡཉྙཾ ཁཱད མཾ པོརིསཱད’’.

༤༣༢.

‘‘པཱསཱདཝཱསཱ པཐཝཱིགཝསྶཱ, ཀཱམིཏྠིཡོ ཀཱསིཀཙནྡནཉྩ;

སབྦཾ ཏཧིཾ ལབྷསི [ལབྦྷཏི (པཱི.)] སཱམིཏཱཡ, སཙྩེན ཀིཾ པསྶསི ཨཱནིསཾསཾ’’.

༤༣༣.

‘‘ཡེ ¶ ཀེཙིམེ ཨཏྠི རསཱ པཐབྱཱ, སཙྩཾ ཏེསཾ སཱདྷུཏརཾ རསཱནཾ;

སཙྩེ ཋིཏཱ སམཎབྲཱཧྨཎཱ ཙ, ཏརནྟི ཛཱཏིམརཎསྶ པཱརཾ’’.

༤༣༤.

‘‘མུཏྟོ ཏུཝཾ པོརིསཱདསྶ ཧཏྠཱ, གནྟྭཱ སཀཾ མནྡིརཾ ཀཱམཀཱམཱི;

ཨམིཏྟཧཏྠཾ པུནརཱགཏོསི, ན ཧི ནཱུན ཏེ མརཎབྷཡཾ ཛནིནྡ;

ཨལཱིནཙིཏྟོ ཨསི [ཙ’སི (སཱི. སྱཱ. པཱི.)] སཙྩཝཱདཱི’’.

༤༣༥.

‘‘ཀཏཱ ¶ མེ ཀལྱཱཎཱ ཨནེཀརཱུཔཱ, ཡཉྙཱ ཡིཊྛཱ ཡེ ཝིཔུལཱ པསཏྠཱ;

ཝིསོདྷིཏོ པརལོཀསྶ མགྒོ, དྷམྨེ ཋིཏོ ཀོ མརཎསྶ བྷཱཡེ.

༤༣༦.

‘‘ཀཏཱ མེ ཀལྱཱཎཱ ཨནེཀརཱུཔཱ, ཡཉྙཱ ཡིཊྛཱ ཡེ ཝིཔུལཱ པསཏྠཱ;

ཨནཱནུཏཔྤཾ པརལོཀཾ གམིསྶཾ, ཡཛསྶུ ཡཉྙཾ ཨད [ཁཱད (སཱི. སྱཱ. པཱི.)] མཾ པོརིསཱད.

༤༣༧.

‘‘པིཏཱ ཙ མཱཏཱ ཙ ཨུཔཊྛིཏཱ མེ, དྷམྨེན མེ ཨིསྶརིཡཾ པསཏྠཾ;

ཝིསོདྷིཏོ པརལོཀསྶ མགྒོ, དྷམྨེ ཋིཏོ ཀོ མརཎསྶ བྷཱཡེ.

༤༣༨.

‘‘པིཏཱ ཙ མཱཏཱ ཙ ཨུཔཊྛིཏཱ མེ, དྷམྨེན མེ ཨིསྶརིཡཾ པསཏྠཾ;

ཨནཱནུཏཔྤཾ པརལོཀཾ གམིསྶཾ, ཡཛསྶུ ཡཉྙཾ ཨད མཾ པོརིསཱད.

༤༣༩.

‘‘ཉཱཏཱིསུ ¶ མིཏྟེསུ ཀཏཱ མེ ཀཱརཱ [ཀཏཱུཔཀཱརོ (སྱཱ. ཀ.)], དྷམྨེན མེ ཨིསྶརིཡཾ པསཏྠཾ;

ཝིསོདྷིཏོ པརལོཀསྶ མགྒོ, དྷམྨེ ཋིཏོ ཀོ མརཎསྶ བྷཱཡེ.

༤༤༠.

‘‘ཉཱཏཱིསུཾ ¶ མིཏྟེསུ ཀཏཱ མེ ཀཱརཱ, དྷམྨེན མེ ཨིསྶརིཡཾ པསཏྠཾ;

ཨནཱནུཏཔྤཾ པརལོཀཾ གམིསྶཾ, ཡཛསྶུ ཡཉྙཾ ཨད མཾ པོརིསཱད.

༤༤༡.

‘‘དིནྣཾ མེ དཱནཾ བཧུདྷཱ བཧཱུནཾ, སནྟཔྤིཏཱ སམཎབྲཱཧྨཎཱ ཙ;

ཝིསོདྷིཏོ པརལོཀསྶ མགྒོ, དྷམྨེ ཋིཏོ ཀོ མརཎསྶ བྷཱཡེ.

༤༤༢.

‘‘དིནྣཾ མེ དཱནཾ བཧུདྷཱ བཧཱུནཾ, སནྟཔྤིཏཱ སམཎབྲཱཧྨཎཱ ཙ;

ཨནཱནུཏཔྤཾ པརལོཀཾ གམིསྶཾ, ཡཛསྶུ ཡཉྙཾ ཨད མཾ པོརིསཱད’’.

༤༤༣.

‘‘ཝིསཾ པཛཱནཾ པུརིསོ ཨདེཡྻ, ཨཱསཱིཝིསཾ ཛལིཏམུགྒཏེཛཾ;

མུདྡྷཱཔི ཏསྶ ཝིཕལེཡྻ [ཝིཔཏེཡྻ (སཱི. པཱི.)] སཏྟདྷཱ, ཡོ ཏཱདིསཾ སཙྩཝཱདིཾ ཨདེཡྻ’’.

༤༤༤.

‘‘སུཏྭཱ དྷམྨཾ ཝིཛཱནནྟི, ནརཱ ཀལྱཱཎཔཱཔཀཾ;

ཨཔི གཱཐཱ སུཎིཏྭཱན, དྷམྨེ མེ རམཏེ [རམཏཱི (སཱི. པཱི.)] མནོ’’.

༤༤༥.

‘‘སཀིདེཝ ¶ མཧཱརཱཛ [སུཏསོམ (སཱི. པཱི.)], སབྦྷི ཧོཏི སམཱགམོ;

སཱ ནཾ སངྒཏི པཱལེཏི, ནཱསབྦྷི བཧུསངྒམོ.

༤༤༦.

‘‘སབྦྷིརེཝ ¶ སམཱསེཐ, སབྦྷི ཀུབྦེཐ སནྠཝཾ;

སཏཾ སདྡྷམྨམཉྙཱཡ, སེཡྻོ ཧོཏི ན པཱཔིཡོ.

༤༤༧.

‘‘ཛཱིརནྟི ཝེ རཱཛརཐཱ སུཙིཏྟཱ, ཨཐོ སརཱིརམྤི ཛརཾ ཨུཔེཏི;

སཏཉྩ དྷམྨོ ན ཛརཾ ཨུཔེཏི, སནྟོ ཧཝེ སབྦྷི པཝེདཡནྟི.

༤༤༨.

‘‘ནབྷཉྩཾ ¶ དཱུརེ པཐཝཱི ཙ དཱུརེ, པཱརཾ སམུདྡསྶ ཏདཱཧུ དཱུརེ;

ཏཏོ ཧཝེ དཱུརཏརཾ ཝདནྟི, སཏཉྩ དྷམྨོ [དྷམྨཾ (སཱི. པཱི.)] ཨསཏཉྩ རཱཛ’’.

༤༤༩.

‘‘གཱཐཱ ཨིམཱ ཨཏྠཝཏཱི སུབྱཉྫནཱ, སུབྷཱསིཏཱ ཏུཡ྄ཧ ཛནིནྡ སུཏྭཱ;

ཨཱནནྡི ཝིཏྟོ སུམནོ པཏཱིཏོ, ཙཏྟཱརི ཏེ སམྨ ཝརེ དདཱམི’’.

༤༥༠.

‘‘ཡོ ནཏྟནོ མརཎཾ བུཛ྄ཛྷསི ཏུཝཾ [བུཛ྄ཛྷསེ ཏྭཾ (སཱི. པཱི.), བུཛ྄ཛྷསེ ཏུཝཾ (སྱཱ.)], ཧིཏཱཧིཏཾ ཝིནིཔཱཏཉྩ སགྒཾ;

གིདྡྷོ རསེ དུཙྩརིཏེ ནིཝིཊྛོ, ཀིཾ ཏྭཾ ཝརཾ དསྶསི པཱཔདྷམྨ.

༤༥༡.

‘‘ཨཧཉྩ ཏཾ དེཧི ཝརནྟི ཝཛྫཾ, ཏྭཉྩཱཔི དཏྭཱན ཨཝཱཀརེཡྻ;

སནྡིཊྛིཀཾ ¶ ཀལཧམིམཾ ཝིཝཱདཾ, ཀོ པཎྜིཏོ ཛཱནམུཔབྦཛེཡྻ’’.

༤༥༢.

‘‘ན ཏཾ ཝརཾ ཨརཧཏི ཛནྟུ དཱཏུཾ, ཡཾ ཝཱཔི དཏྭཱན ཨཝཱཀརེཡྻ;

ཝརསྶུ སམྨ ཨཝིཀམྤམཱནོ, པཱཎཾ ཙཛིཏྭཱནཔི དསྶམེཝ’’.

༤༥༣.

‘‘ཨརིཡསྶ ཨརིཡེན སམེཏི སཁྱཾ [སཀྑི (སཱི. སྱཱ. པཱི.)], པཉྙསྶ པཉྙཱཎཝཏཱ སམེཏི;

པསྶེཡྻ ཏཾ ཝསྶསཏཾ ཨརོགཾ [ཨཱརོགྱཾ (ཀ.)], ཨེཏཾ ཝརཱནཾ པཋམཾ ཝརཱམི’’.

༤༥༤.

‘‘ཨརིཡསྶ ཨརིཡེན སམེཏི སཁྱཾ, པཉྙསྶ པཉྙཱཎཝཏཱ སམེཏི;

པསྶཱསི མཾ ཝསྶསཏཾ ཨརོགཾ, ཨེཏཾ ཝརཱནཾ པཋམཾ དདཱམི’’.

༤༥༥.

‘‘ཡེ ¶ ཁཏྟིཡཱསེ ཨིདྷ བྷཱུམིཔཱལཱ, མུདྡྷཱབྷིསིཏྟཱ ཀཏནཱམདྷེཡྻཱ;

ན ཏཱདིསེ བྷཱུམིཔཏཱི ཨདེསི, ཨེཏཾ ཝརཱནཾ དུཏིཡཾ ཝརཱམི’’.

༤༥༦.

‘‘ཡེ ཁཏྟིཡཱསེ ཨིདྷ བྷཱུམིཔཱལཱ, མུདྡྷཱབྷིསིཏྟཱ ཀཏནཱམདྷེཡྻཱ;

ན ¶ ཏཱདིསེ བྷཱུམིཔཏཱི ཨདེམི, ཨེཏཾ ཝརཱནཾ དུཏིཡཾ དདཱམི’’.

༤༥༧.

‘‘པརོསཏཾ ཁཏྟིཡཱ ཏེ གཧིཏཱ, ཏལཱཝུཏཱ ཨསྶུམུཁཱ རུདནྟཱ;

སཀེ ཏེ རཊྛེ པཊིཔཱདཡཱཧི, ཨེཏཾ ཝརཱནཾ ཏཏིཡཾ ཝརཱམི’’.

༤༥༨.

‘‘པརོསཏཾ ཁཏྟིཡཱ མེ གཧིཏཱ, ཏལཱཝུཏཱ ཨསྶུམུཁཱ རུདནྟཱ;

སཀེ ཏེ རཊྛེ པཊིཔཱདཡཱམི [སཀེན རཊྛེན པཊིཔཱདཡཱམི ཏེ (སཱི.)], ཨེཏཾ ཝརཱནཾ ཏཏིཡཾ དདཱམི’’.

༤༥༩.

‘‘ཚིདྡཾ ཏེ རཊྛཾ བྱཐིཏཱ [བྱཐིཏཾ (སཱི.), བྱཱདྷིཏཾ (པཱི.)] བྷཡཱ ཧི, པུཐཱུ ནརཱ ལེཎམནུཔྤཝིཊྛཱ;

མནུསྶམཾསཾ ཝིརམེཧི [ཝིརམཱཧི (སྱཱ.)] རཱཛ, ཨེཏཾ ཝརཱནཾ ཙཏུཏྠཾ ཝརཱམི’’.

༤༦༠.

‘‘ཨདྡྷཱ ¶ ཧི སོ བྷཀྑོ མམ [མམཾ (སཱི. སྱཱ. པཱི.)] མནཱཔོ, ཨེཏསྶ ཧེཏུམྷི [ཧེཏུམྤི (པཱི.)] ཝནཾ པཝིཊྛོ;

སོཧཾ ཀཐཾ ཨེཏྟོ ཨུཔཱརམེཡྻཾ, ཨཉྙཾ ཝརཱནཾ ཙཏུཏྠཾ ཝརསྶུ’’.

༤༦༡.

‘‘ནཾ ¶ ཝེ པིཡཾ མེཏི ཛནིནྡ ཏཱདིསོ, ཨཏྟཾ ནིརཾཀཙྩ [ནིརཾཀཏྭཱ (སཱི. སྱཱ. པཱི.)] པིཡཱནི སེཝཏི;

ཨཏྟཱཝ ¶ སེཡྻོ པརམཱ ཙ [པརམཱཝ (བཧཱུསུ) ཛཱ. ༡.༦.༨༡ སཾསནྡེཏབྦཾ] སེཡྻོ, ལབྦྷཱ པིཡཱ ཨོཙིཏཏྠེན [ཨོཙིཏཏྟེན (ཀ.)] པཙྪཱ’’.

༤༦༢.

‘‘པིཡཾ མེ མཱནུསཾ མཾསཾ, སུཏསོམ ཝིཛཱནཧི;

ནམྷི སཀྐཱ [ནམྷི སཀྐོ (སཱི. པཱི.)] ནིཝཱརེཏུཾ, ཨཉྙཾ [ཨཉྙཾ ཏུཝཾ (སཱི. སྱཱ. པཱི.)] ཝརཾ སམྨ ཝརསྶུ’’.

༤༦༣.

‘‘ཡོ ཝེ པིཡཾ མེཏི པིཡཱནུརཀྑཱི [པིཡཱནུཀངྑཱི (སཱི. པཱི.)], ཨཏྟཾ ནིརཾཀཙྩ པིཡཱནི སེཝཏི;

སོཎྜོཝ པིཏྭཱ ཝིསམིསྶཔཱནཾ [པཱིཏྭན ཝིསསྶ ཐཱལཾ (སཱི. པཱི.), པིཏྭཱ ཝིསམིསྶཐཱལཾ (སྱཱ. ཀ.)], ཏེནེཝ སོ ཧོཏི དུཀྑཱི པརཏྠ.

༤༦༤.

‘‘ཡོ ཙཱིདྷ སངྑཱཡ པིཡཱནི ཧིཏྭཱ, ཀིཙྪེནཔི སེཝཏི ཨརིཡདྷམྨེ [ཨརིཡདྷམྨཾ (སཱི. པཱི.)];

དུཀྑིཏོཝ པིཏྭཱན ཡཐོསདྷཱནི, ཏེནེཝ སོ ཧོཏི སུཁཱི པརཏྠ’’.

༤༦༥.

‘‘ཨོཧཱཡཧཾ པིཏརཾ མཱཏརཉྩ, མནཱཔིཡེ ཀཱམགུཎེ ཙ [ཀཱམགུཎེཔི (སྱཱ. ཀ.)] པཉྩ;

ཨེཏསྶ ཧེཏུམྷི ཝནཾ པཝིཊྛོ, ཏཾ ཏེ ཝརཾ ཀིནྟི མཧཾ དདཱམི’’.

༤༦༦.

‘‘ན པཎྜིཏཱ དིགུཎམཱཧུ ཝཱཀྱཾ, སཙྩཔྤཊིཉྙཱཝ བྷཝནྟི སནྟོ;

ཝརསྶུ སམྨ ཨིཏི མཾ ཨཝོཙ, ཨིཙྩབྲཝཱི ཏྭཾ ན ཧི ཏེ སམེཏི’’.

༤༦༧.

‘‘ཨཔུཉྙལཱབྷཾ ¶ ཨཡསཾ ཨཀིཏྟིཾ, པཱཔཾ བཧུཾ དུཙྩརིཏཾ ཀིལེསཾ;

མནུསྶམཾསསྶ ཀཏེ [བྷཝོ (སྱཱ. ཀ.)] ཨུཔཱགཱ, ཏཾ ཏེ ཝརཾ ཀིནྟི མཧཾ དདེཡྻཾ.

༤༦༨.

‘‘ནཾ ¶ ཏཾ ཝརཾ ཨརཧཏི ཛནྟུ དཱཏུཾ, ཡཾ ཝཱཔི དཏྭཱན ཨཝཱཀརེཡྻ;

ཝརསྶུ སམྨ ཨཝིཀམྤམཱནོ, པཱཎཾ ཙཛིཏྭཱནཔི དསྶམེཝ’’.

༤༦༩.

‘‘པཱཎཾ ཙཛནྟི སནྟོ ནཱཔི དྷམྨཾ, སཙྩཔྤཊིཉྙཱཝ བྷཝནྟི སནྟོ;

དཏྭཱ ཝརཾ ཁིཔྤམཝཱཀརོཧི, ཨེཏེན སམྤཛྫ སུརཱཛསེཊྛ.

༤༧༠.

‘‘ཙཛེ དྷནཾ [དྷནཾ ཙཛེ (སཱི.)] ཨངྒཝརསྶ ཧེཏུ [ཡོ པན ཨངྒཧེཏུ (སཱི. པཱི.)], ཨངྒཾ ཙཛེ ཛཱིཝིཏཾ རཀྑམཱནོ;

ཨངྒཾ དྷནཾ ཛཱིཝིཏཉྩཱཔི སབྦཾ, ཙཛེ ནརོ དྷམྨམནུསྶརནྟོ’’.

༤༧༡.

‘‘ཡསྨཱ ཧི དྷམྨཾ པུརིསོ ཝིཛཉྙཱ, ཡེ ཙསྶ ཀངྑཾ ཝིནཡནྟི སནྟོ;

ཏཾ ཧིསྶ དཱིཔཉྩ པརཱཡཎཉྩ, ན ¶ ཏེན མིཏྟིཾ ཛིརཡེཐ [ཛརཡེཐ (སཱི. པཱི.)] པཉྙོ.

༤༧༢.

‘‘ཨདྡྷཱ ཧི སོ བྷཀྑོ མམ མནཱཔོ, ཨེཏསྶ ཧེཏུམྷི ཝནཾ པཝིཊྛོ;

སཙེ ཙ མཾ ཡཱཙསི ཨེཏམཏྠཾ, ཨེཏམྤི ཏེ སམྨ ཝརཾ དདཱམི.

༤༧༣.

‘‘སཏྠཱ ཙ མེ ཧོསི སཁཱ ཙ མེསི, ཝཙནམྤི ཏེ སམྨ ཨཧཾ ཨཀཱསིཾ;

ཏུཝམྤི [ཏྭཾཔི (སྱཱ. ཀ.)] མེ སམྨ ཀརོཧི ཝཱཀྱཾ, ཨུབྷོཔི གནྟྭཱན པམོཙཡཱམ’’.

༤༧༤.

‘‘སཏྠཱ ཙ ཏེ ཧོམི སཁཱ ཙ ཏྱམྷི, ཝཙནམྤི མེ སམྨ ཏུཝཾ ཨཀཱསི;

ཨཧམྤི ཏེ སམྨ ཀརོམི ཝཱཀྱཾ, ཨུབྷོཔི གནྟྭཱན པམོཙཡཱམ’’.

༤༧༥.

‘‘ཀམྨཱསཔཱདེནཾ ¶ ¶ ཝིཧེཋིཏཏྠ [ཝིཧེཋིཏམྷཱ (སྱཱ. ཀ.)], ཏལཱཝུཏཱ ཨསྶུམུཁཱ རུདནྟཱ;

ན ཛཱཏུ དུབྦྷེཐ ཨིམསྶ རཉྙོ, སཙྩཔྤཊིཉྙཾ ¶ མེ པཊིསྶུཎཱཐ’’.

༤༧༦.

‘‘ཀམྨཱསཔཱདེན ཝིཧེཋིཏམྷཱ, ཏལཱཝུཏཱ ཨསྶུམུཁཱ རུདནྟཱ;

ན ཛཱཏུ དུབྦྷེམ ཨིམསྶ རཉྙོ, སཙྩཔྤཊིཉྙཾ ཏེ པཊིསྶུཎཱམ’’.

༤༧༧.

‘‘ཡཐཱ པིཏཱ ཝཱ ཨཐ ཝཱཔི མཱཏཱ, ཨནུཀམྤཀཱ ཨཏྠཀཱམཱ པཛཱནཾ;

ཨེཝམེཝ ཝོ [ཨེཝམེཝ (སཱི.), ཨེཝམྤི ཝོ (སྱཱ.)] ཧོཏུ ཨཡཉྩ རཱཛཱ, ཏུམྷེ ཙ ཝོ ཧོཐ ཡཐེཝ པུཏྟཱ’’.

༤༧༨.

‘‘ཡཐཱ པིཏཱ ཝཱ ཨཐ ཝཱཔི མཱཏཱ, ཨནུཀམྤཀཱ ཨཏྠཀཱམཱ པཛཱནཾ;

ཨེཝམེཝ ནོ ཧོཏུ [ཨེཝམྤི ནོ (སྱཱ.)] ཨཡཉྩ རཱཛཱ, མཡམྤི ཧེསྶཱམ ཡཐེཝ [ཏཐེཝ (པཱི.)] པུཏྟཱ’’.

༤༧༩.

‘‘ཙཏུཔྤདཾ སཀུཎཉྩཱཔི མཾསཾ, སཱུདེཧི རནྡྷཾ སུཀཏཾ སུནིཊྛིཏཾ;

སུདྷཾཝ ཨིནྡོ པརིབྷུཉྫིཡཱན, ཧིཏྭཱ ཀཐེཀོ རམསཱི ཨརཉྙེ.

༤༨༠.

‘‘ཏཱ ཁཏྟིཡཱ ཝལླིཝིལཱཀམཛ྄ཛྷཱ, ཨལངྐཏཱ སམྤརིཝཱརཡིཏྭཱ;

ཨིནྡཾཝ དེཝེསུ པམོདཡིཾསུ, ཧིཏྭཱ ¶ ཀཐེཀོ རམསཱི ཨརཉྙེ.

༤༨༡.

‘‘ཏམྦཱུཔདྷཱནེ བཧུགོཎཀམྷི, སུབྷམྷི [སུཙིམྷི (སཱི. པཱི.)] སབྦསྶཡནམྷི སངྒེ [སཉྙཏེ (སཱི. པཱི.), ལངྒཏེ (སྱཱ.)];

སེཡྻསྶ [སཡནསྶ (སཱི. སྱཱ. པཱི. ཀ.)] མཛ྄ཛྷམྷི སུཁཾ སཡིཏྭཱ, ཧིཏྭཱ ཀཐེཀོ རམསཱི ཨརཉྙེ.

༤༨༢.

‘‘པཱཎིསྶརཾ ¶ ཀུམྦྷཐཱུཎཾ ནིསཱིཐེ, ཨཐོཔི ཝེ ནིཔྤུརིསམྤི ཏཱུརིཡཾ;

བཧུཾ སུགཱིཏཉྩ སུཝཱདིཏཉྩ, ཧིཏྭཱ ཀཐེཀོ རམསཱི ཨརཉྙེ.

༤༨༣.

‘‘ཨུཡྻཱནསམྤནྣཾ པཧཱུཏམཱལྱཾ, མིགཱཛིནཱུཔེཏཔུརཾ [མིགཱཙིརཱུཔེཏཔུརཾ (སཱི. པཱི.)] སུརམྨཾ;

ཧཡེཧི ནཱགེཧི རཐེཧུཔེཏཾ, ཧིཏྭཱ ཀཐེཀོ རམསཱི ཨརཉྙེ’’.

༤༨༤.

‘‘ཀཱལ༹པཀྑེ ཡཐཱ ཙནྡོ, ཧཱཡཏེཝ སུཝེ སུཝེ;

ཀཱལ༹པཀྑཱུཔམོ རཱཛ, ཨསཏཾ ཧོཏི སམཱགམོ.

༤༨༥.

‘‘ཡཐཱཧཾ [ཡཐཱ (སཱི.)] རསཀམཱགམྨ, སཱུདཾ ཀཱཔུརིསཱདྷམཾ [སཱུདཀཾ པུརིསཱདྷམཾ (སཱི. པཱི.)];

ཨཀཱསིཾ པཱཔཀཾ ཀམྨཾ, ཡེན གཙྪཱམི དུགྒཏིཾ.

༤༨༦.

‘‘སུཀྐཔཀྑེ ཡཐཱ ཙནྡོ, ཝཌྜྷཏེཝ སུཝེ སུཝེ;

སུཀྐཔཀྑཱུཔམོ རཱཛ, སཏཾ ཧོཏི སམཱགམོ.

༤༨༧.

‘‘ཡཐཱཧཾ ཏུཝམཱགམྨ, སུཏསོམ ཝིཛཱནཧི;

ཀཱཧཱམི ཀུསལཾ ཀམྨཾ, ཡེན གཙྪཱམི སུགྒཏིཾ.

༤༨༨.

‘‘ཐལེ ཡཐཱ ཝཱརི ཛནིནྡ ཝུཊྛཾ [ཝཊྚཾ (སཱི. པཱི.)], ཨནདྡྷནེཡྻཾ ན ཙིརཊྛིཏཱིཀཾ;

ཨེཝམྤི ¶ ཧོཏི ཨསཏཾ སམཱགམོ, ཨནདྡྷནེཡྻོ ཨུདཀཾ ཐལེཝ.

༤༨༩.

‘‘སརེ ཡཐཱ ཝཱརི ཛནིནྡ ཝུཊྛཾ, ཙིརཊྛིཏཱིཀཾ ནརཝཱིརསེཊྛ [ནརཝིརིཡསེཊྛ (སཱི. པཱི.)];

ཨེཝམྤི ཝེ [ཨེཝམྤི མེ (སྱཱ.), ཨེཝམྤི ཙེ (པཱི. ཀ.)] ཧོཏི སཏཾ སམཱགམོ, ཙིརཊྛིཏཱིཀོ [ཙིརཊྛིཏིཀཾ (ཀ.)] ཨུདཀཾ སརེཝ.

༤༩༠.

‘‘ཨབྱཱཡིཀོ ¶ ¶ ཧོཏི སཏཾ སམཱགམོ, ཡཱཝམྤི ཏིཊྛེཡྻ ཏཐེཝ ཧོཏི;

ཁིཔྤཉྷི ཝེཏི ཨསཏཾ སམཱགམོ, ཏསྨཱ སཏཾ དྷམྨོ ཨསབྦྷི ཨཱརཀཱ’’.

༤༩༡.

‘‘ན སོ རཱཛཱ ཡོ [རཱཛཱ ན སོ ཡོ (ཀ.)] ཨཛེཡྻཾ ཛིནཱཏི, ན སོ སཁཱ ཡོ སཁཱརཾ ཛིནཱཏི;

ན སཱ བྷརིཡཱ ཡཱ པཏིནོ ན ཝིབྷེཏི, ན ཏེ པུཏྟཱ [པུཏྟཱ ན ཏེ (ཀ.)] ཡེ ན བྷརནྟི ཛིཎྞཾ.

༤༩༢.

‘‘ན སཱ སབྷཱ ཡཏྠ ན སནྟི སནྟོ, ན ཏེ སནྟོ [སནྟོ ན ཏེ (ཀ.)] ཡེ ན བྷཎནྟི དྷམྨཾ;

རཱགཉྩ དོསཉྩ པཧཱཡ མོཧཾ, དྷམྨཾ བྷཎནྟཱཝ བྷཝནྟི སནྟོ.

༤༩༣.

‘‘ནཱབྷཱསམཱནཾ ཛཱནནྟི, མིསྶཾ བཱལེཧི པཎྜིཏཾ;

བྷཱསམཱནཉྩ ཛཱནནྟི, དེསེནྟཾ ཨམཏཾ པདཾ.

༤༩༤.

‘‘བྷཱསཡེ ¶ ཛོཏཡེ དྷམྨཾ, པགྒཎྷེ ཨིསིནཾ དྷཛཾ;

སུབྷཱསིཏདྡྷཛཱ ཨིསཡོ, དྷམྨོ ཧི ཨིསིནཾ དྷཛོ’’ཏི.

མཧཱསུཏསོམཛཱཏཀཾ པཉྩམཾ.

ཨསཱིཏིནིཔཱཏཾ ནིཊྛིཏཾ.

ཏསྶུདྡཱནཾ –

སུམུཁོ པན ཧཾསཝརོ ཙ མཧཱ, སུདྷབྷོཛནིཀོ ཙ པརོ པཝརོ;

སཀུཎཱལདིཛཱདྷིཔཏིཝ྄ཧཡནོ, སུཏསོམཝརུཏྟམསཝ྄ཧཡནོཏི.

༢༢. མཧཱནིཔཱཏོ

༥༣༨. མཱུགཔཀྑཛཱཏཀཾ (༡)

༡.

‘‘མཱ ¶ ¶ ¶ པཎྜིཙྩཡཾ [པཎྜིཏིཡཾ (སཱི.), པཎྜིཙྩིཡཾ (པཱི.)] ཝིབྷཱཝཡ, བཱལམཏོ བྷཝ སབྦཔཱཎིནཾ;

སབྦོ ཏཾ ཛནོ ཨོཙིནཱཡཏུ, ཨེཝཾ ཏཝ ཨཏྠོ བྷཝིསྶཏི’’.

༢.

‘‘ཀརོམི ཏེ ཏཾ ཝཙནཾ, ཡཾ མཾ བྷཎསི དེཝཏེ;

ཨཏྠཀཱམཱསི མེ ཨམྨ, ཧིཏཀཱམཱསི དེཝཏེ’’.

༣.

‘‘ཀིཾ ནུ སནྟརམཱནོཝ, ཀཱསུཾ ཁཎསི སཱརཐི;

པུཊྛོ མེ སམྨ ཨཀྑཱཧི, ཀིཾ ཀཱསུཡཱ ཀརིསྶསི’’.

༤.

‘‘རཉྙོ མཱུགོ ཙ པཀྑོ ཙ, པུཏྟོ ཛཱཏོ ཨཙེཏསོ;

སོམྷི རཉྙཱ སམཛ྄ཛྷིཊྛོ, པུཏྟཾ མེ ནིཁཎཾ ཝནེ’’.

༥.

‘‘ན བདྷིརོ ན མཱུགོསྨི, ན པཀྑོ ན ཙ ཝཱིཀལོ [ནཔི པངྒུལོ (སཱི. པཱི.), ན ཙ པིངྒལོ (སྱཱ.)];

ཨདྷམྨཾ སཱརཐི ཀཡིརཱ, མཾ ཙེ ཏྭཾ ནིཁཎཾ ཝནེ’’.

༦.

‘‘ཨཱུརཱུ བཱཧུཾ [བཱཧཱུ (སཱི. ཀ.)] ཙ མེ པསྶ, བྷཱསིཏཉྩ སུཎོཧི མེ;

ཨདྷམྨཾ སཱརཐི ཀཡིརཱ, མཾ ཙེ ཏྭཾ ནིཁཎཾ ཝནེ’’.