མཱུལ > སུཏྟཔིཊཀ > ཁུདྡཀནིཀཱཡ

ཀཱམཾ ཀཱམཡམཱནསྶཱཏི ཀཱམཱཏི ཨུདྡཱནཏོ དྭེ ཀཱམཱ – ཝཏྠུཀཱམཱ ཙ ཀིལེསཀཱམཱ ཙ. ཀཏམེ ཝཏྠུཀཱམཱ? མནཱཔིཀཱ རཱུཔཱ མནཱཔིཀཱ སདྡཱ མནཱཔིཀཱ གནྡྷཱ མནཱཔིཀཱ རསཱ མནཱཔིཀཱ ཕོཊྛབྦཱ; ཨཏྠརཎཱ པཱཝུརཎཱ [པཱཔུརཎཱ (སཱི. སྱཱ.)] དཱསིདཱསཱ ཨཛེལ༹ཀཱ ཀུཀྐུཊསཱུཀརཱ ཧཏྠིགཝཱསྶཝལ༹ཝཱ ཁེཏྟཾ ཝཏྠུ ཧིརཉྙཾ སུཝཎྞཾ གཱམནིགམརཱཛདྷཱནིཡོ རཊྛཉྩ ཛནཔདོ ཙ ཀོསོ ཙ ཀོཊྛཱགཱརཉྩ, ཡཾ ཀིཉྩི རཛནཱིཡཾ ཝཏྠུ – ཝཏྠུཀཱམཱ.

ཨཔི ¶ ཙ ཨཏཱིཏཱ ཀཱམཱ ཨནཱགཏཱ ཀཱམཱ པཙྩུཔྤནྣཱ ཀཱམཱ; ཨཛ྄ཛྷཏྟཱ ཀཱམཱ བཧིདྡྷཱ ཀཱམཱ ཨཛ྄ཛྷཏྟབཧིདྡྷཱ ཀཱམཱ; ཧཱིནཱ ཀཱམཱ མཛ྄ཛྷིམཱ ཀཱམཱ པཎཱིཏཱ ཀཱམཱ; ཨཱཔཱཡིཀཱ ཀཱམཱ མཱནུསིཀཱ ཀཱམཱ དིབྦཱ ཀཱམཱ པཙྩུཔཊྛིཏཱ ཀཱམཱ; ནིམྨིཏཱ ཀཱམཱ ཨནིམྨིཏཱ ཀཱམཱ པརནིམྨིཏཱ ཀཱམཱ; པརིགྒཧིཏཱ ཀཱམཱ, ཨཔརིགྒཧིཏཱ ¶ ཀཱམཱ, མམཱཡིཏཱ ¶ ཀཱམཱ, ཨམམཱཡིཏཱ ཀཱམཱ; སབྦེཔི ཀཱམཱཝཙརཱ དྷམྨཱ, སབྦེཔི རཱུཔཱཝཙརཱ དྷམྨཱ, སབྦེཔི ཨརཱུཔཱཝཙརཱ ¶ དྷམྨཱ, ཏཎྷཱཝཏྠུཀཱ ཏཎྷཱརམྨཎཱ ཀཱམནཱིཡཊྛེན རཛནཱིཡཊྛེན མདནཱིཡཊྛེན ཀཱམཱ – ཨིམེ ཝུཙྩནྟི ཝཏྠུཀཱམཱ.

ཀཏམེ ཀིལེསཀཱམཱ? ཚནྡོ ཀཱམོ རཱགོ ཀཱམོ ཚནྡརཱགོ ཀཱམོ; སངྐཔྤོ ཀཱམོ རཱགོ ཀཱམོ སངྐཔྤརཱགོ ཀཱམོ; ཡོ ཀཱམེསུ ཀཱམཙྪནྡོ ཀཱམརཱགོ ཀཱམནནྡཱི ཀཱམཏཎྷཱ ཀཱམསྣེཧོ ཀཱམཔརིལཱ༹ཧོ ཀཱམམུཙྪཱ ཀཱམཛ྄ཛྷོསཱནཾ ཀཱམོགྷོ ཀཱམཡོགོ ཀཱམུཔཱདཱནཾ ཀཱམཙྪནྡནཱིཝརཎཾ.

‘‘ཨདྡསཾ ཀཱམ ཏེ མཱུལཾ, སངྐཔྤཱ ཀཱམ ཛཱཡསི;

ན ཏཾ སངྐཔྤཡིསྶཱམི, ཨེཝཾ ཀཱམ ན ཧོཧིསཱི’’ཏི [ན ཧེཧིསཱིཏི (སྱཱ.)]. –

ཨིམེ ཝུཙྩནྟི ཀིལེསཀཱམཱ. ཀཱམཡམཱནསྶཱཏི ཀཱམཡམཱནསྶ ཨིཙྪམཱནསྶ སཱདིཡམཱནསྶ པཏྠཡམཱནསྶ པིཧཡམཱནསྶ ཨབྷིཛཔྤམཱནསྶཱཏི – ཀཱམཾ ཀཱམཡམཱནསྶ.

ཏསྶ ཙེ ཏཾ སམིཛ྄ཛྷཏཱིཏི. ཏསྶ ཙེཏི ཏསྶ ཁཏྟིཡསྶ ཝཱ བྲཱཧྨཎསྶ ཝཱ ཝེསྶསྶ ཝཱ སུདྡསྶ ཝཱ གཧཊྛསྶ ཝཱ པབྦཛིཏསྶ ཝཱ དེཝསྶ ཝཱ མནུསྶསྶ ཝཱ. ཏནྟི ཝཏྠུཀཱམཱ ཝུཙྩནྟི – མནཱཔིཀཱ རཱུཔཱ མནཱཔིཀཱ སདྡཱ མནཱཔིཀཱ གནྡྷཱ མནཱཔིཀཱ རསཱ མནཱཔིཀཱ ཕོཊྛབྦཱ. སམིཛ྄ཛྷཏཱིཏི ཨིཛ྄ཛྷཏི སམིཛ྄ཛྷཏི ལབྷཏི པཊིལབྷཏི ཨདྷིགཙྪཏི ཝིནྡཏཱིཏི – ཏསྶ ཙེ ཏཾ སམིཛ྄ཛྷཏི.

ཨདྡྷཱ ¶ པཱིཏིམནོ ཧོཏཱིཏི. ཨདྡྷཱཏི ཨེཀཾསཝཙནཾ ནིསྶཾསཡཝཙནཾ ནིཀྐངྑཱཝཙནཾ ཨདྭེཛ྄ཛྷཝཙནཾ ཨདྭེལ༹ྷཀཝཙནཾ ནིཡོགཝཙནཾ ཨཔཎྞཀཝཙནཾ ཨཝཏྠཱཔནཝཙནམེཏཾ ¶ – ཨདྡྷཱཏི. པཱིཏཱིཏི ཡཱ པཉྩཀཱམགུཎཔཊིསཉྙུཏྟཱ པཱིཏི པཱམུཛྫཾ ཨཱམོདནཱ པམོདནཱ ཧཱསོ པཧཱསོ ཝིཏྟི ཏུཊྛི ཨོདགྱཾ ཨཏྟམནཏཱ ཨབྷིཕརཎཏཱ ཙིཏྟསྶ. མནོཏི ཡཾ ཙིཏྟཾ མནོ མཱནསཾ ཧདཡཾ པཎྜརཾ མནོ མནཱཡཏནཾ མནིནྡྲིཡཾ ཝིཉྙཱཎཾ ཝིཉྙཱཎཀྑནྡྷོ ཏཛྫཱ མནོཝིཉྙཱཎདྷཱཏུ, ཨཡཾ ¶ ཝུཙྩཏི མནོ. ཨཡཾ མནོ ཨིམཱཡ པཱིཏིཡཱ སཧགཏོ ཧོཏི སཧཛཱཏོ སཾསཊྛོ སམྤཡུཏྟོ ཨེཀུཔྤཱདོ ཨེཀནིརོདྷོ ཨེཀཝཏྠུཀོ ཨེཀཱརམྨཎོ. པཱིཏིམནོ ཧོཏཱིཏི པཱིཏིམནོ ཧོཏི ཏུཊྛམནོ ཧཊྛམནོ པཧཊྛམནོ ¶ ཨཏྟམནོ ཨུདགྒམནོ མུདིཏམནོ པམོདིཏམནོ ཧོཏཱིཏི – ཨདྡྷཱ པཱིཏིམནོ ཧོཏི.

ལདྡྷཱ མཙྩོ ཡདིཙྪཏཱིཏི. ལདྡྷཱཏི ལབྷིཏྭཱ པཊིལབྷིཏྭཱ ཨདྷིགནྟྭཱ ཝིནྡིཏྭཱ. མཙྩོཏི སཏྟོ ནརོ མཱནཝོ པོསོ པུགྒལོ ཛཱིཝོ ཛཱགུ [ཛཱཏུ (སྱཱ.), ཛགུ (ཀ.)] ཛནྟུ ཨིནྡགུ [ཧིནྡགཱུ (སཱི. སྱཱ.)] མནུཛོ. ཡདིཙྪཏཱིཏི ཡཾ ཨིཙྪཏི ཡཾ སཱདིཡཏི ཡཾ པཏྠེཏི ཡཾ པིཧེཏི ཡཾ ཨབྷིཛཔྤཏི, རཱུཔཾ ཝཱ སདྡཾ ཝཱ གནྡྷཾ ཝཱ རསཾ ཝཱ ཕོཊྛབྦཾ ཝཱཏི, ལདྡྷཱ མཙྩོ ཡདིཙྪཏི.

‘‘ཀཱམཾ ཀཱམཡམཱནསྶ, ཏསྶ ཙེ ཏཾ སམིཛ྄ཛྷཏི;

ཨདྡྷཱ པཱིཏིམནོ ཧོཏི, ལདྡྷཱ མཙྩོ ཡདིཙྪཏཱི’’ཏི.

ཏསྶ ¶ ཙེ ཀཱམཡཱནསྶ, ཚནྡཛཱཏསྶ ཛནྟུནོ;

ཏེ ཀཱམཱ པརིཧཱཡནྟི, སལླཝིདྡྷོཝ རུཔྤཏི.

ཏསྶ ¶ ཙེ ཀཱམཡཱནསྶཱཏི. ཏསྶ ཙེཏི ཏསྶ ཁཏྟིཡསྶ ཝཱ བྲཱཧྨཎསྶ ཝཱ ཝེསྶསྶ ཝཱ སུདྡསྶ ཝཱ གཧཊྛསྶ ཝཱ པབྦཛིཏསྶ ཝཱ དེཝསྶ ཝཱ མནུསྶསྶ ཝཱ. ཀཱམཡཱནསྶཱཏི ཀཱམེ ཨིཙྪམཱནསྶ སཱདིཡམཱནསྶ པཏྠཡམཱནསྶ པིཧཡམཱནསྶ ཨབྷིཛཔྤམཱནསྶ. ཨཐ ཝཱ ཀཱམཏཎྷཱཡ ཡཱཡཏི ནིཡྻཏི ཝུཡ྄ཧཏི སཾཧརཱིཡཏི. ཡཐཱ ཧཏྠིཡཱནེན ཝཱ ཨསྶཡཱནེན ཝཱ གོཡཱནེན ཝཱ ཨཛཡཱནེན ཝཱ མེཎྜཡཱནེན ཝཱ ཨོཊྛཡཱནེན ཝཱ ཁརཡཱནེན ཝཱ ཡཱཡཏི ནིཡྻཏི ཝུཡ྄ཧཏི སཾཧརཱིཡཏི; ཨེཝམེཝཾ ཀཱམཏཎྷཱཡ ཡཱཡཏི ནིཡྻཏི ཝུཡ྄ཧཏི སཾཧརཱིཡཏཱིཏི – ཏསྶ ཙེ ཀཱམཡཱནསྶ.

ཚནྡཛཱཏསྶ ཛནྟུནོཏི. ཚནྡོཏི ཡོ ཀཱམེསུ ཀཱམཙྪནྡོ ཀཱམརཱགོ ཀཱམནནྡཱི ཀཱམཏཎྷཱ ཀཱམསྣེཧོ ཀཱམཔརིལཱ༹ཧོ ཀཱམམུཙྪཱ ཀཱམཛ྄ཛྷོསཱནཾ ཀཱམོགྷོ ཀཱམཡོགོ ཀཱམུཔཱདཱནཾ ཀཱམཙྪནྡནཱིཝརཎཾ, ཏསྶ སོ ཀཱམཙྪནྡོ ཛཱཏོ ཧོཏི སཉྫཱཏོ ནིབྦཏྟོ ཨབྷིནིབྦཏྟོ པཱཏུབྷཱུཏོ. ཛནྟུནོཏི སཏྟསྶ ནརསྶ མཱནཝསྶ པོསསྶ པུགྒལསྶ ཛཱིཝསྶ ཛཱགུསྶ ཛནྟུསྶ ཨིནྡགུསྶ མནུཛསྶཱཏི – ཚནྡཛཱཏསྶ ཛནྟུནོ.

ཏེ ¶ ཀཱམཱ པརིཧཱཡནྟཱིཏི – ཏེ ཝཱ ཀཱམཱ པརིཧཱཡནྟི, སོ ¶ ཝཱ ཀཱམེཧི པརིཧཱཡཏི. ཀཐཾ ཏེ ཀཱམཱ པརིཧཱཡནྟི? ཏསྶ ཏིཊྛནྟསྶེཝ ¶ ཏེ བྷོགེ རཱཛཱནོ ཝཱ ཧརནྟི, ཙོརཱ ཝཱ ཧརནྟི, ཨགྒི ཝཱ དཧཏི, ཨུདཀཾ ཝཱ ཝཧཏི, ཨཔྤིཡཱ ཝཱ དཱཡཱདཱ ཧརནྟི, ནིཧིཏཾ ཝཱ ནཱདྷིགཙྪཏི, དུཔྤཡུཏྟཱ ཝཱ ཀམྨནྟཱ བྷིཛྫནྟི, ཀུལེ ཝཱ ¶ ཀུལངྒཱརོ ཨུཔྤཛྫཏི, ཡོ ཏེ བྷོགེ ཝིཀིརཏི ཝིདྷམཏི [ཝིདྷམེཏི (སྱཱ.)] ཝིདྡྷཾསེཏི ཨནིཙྩཏཱཡེཝ ཨཊྛམཱི. ཨེཝཾ ཏེ ཀཱམཱ ཧཱཡནྟི པརིཧཱཡནྟི པརིདྷཾསེནྟི པརིཔཏནྟི ཨནྟརདྷཱཡནྟི ཝིཔྤལུཛྫནྟི. ཀཐཾ སོ ཀཱམེཧི པརིཧཱཡཏི? ཏིཊྛནྟེཝ ཏེ བྷོགེ སོ ཙཝཏི མརཏི ཝིཔྤལུཛྫཏི. ཨེཝཾ སོ ཀཱམེཧི ཧཱཡཏི པརིཧཱཡཏི པརིདྷཾསེཏི པརིཔཏཏི ཨནྟརདྷཱཡཏི ཝིཔྤལུཛྫཏི.

ཙོརཱ ཧརནྟི རཱཛཱནོ, ཨགྒི དཧཏི ནསྶཏི;

ཨཐ ཨནྟེན ཛཧཏི [ཨཐོ ཨནྟེན ཧེཏི (སྱཱ.), ཨསཧནྟེན དཧཏི (ཀ.)], སརཱིརཾ སཔརིགྒཧཾ;

ཨེཏདཉྙཱཡ མེདྷཱཝཱི, བྷུཉྫེཐ ཙ དདེཐ ཙ.

དཏྭཱ ཙ བྷུཏྭཱ ཙ ཡཐཱནུབྷཱཝཾ, ཨནིནྡིཏོ སགྒམུཔེཏི ཋཱནནྟི, ཏེ ཀཱམཱ པརིཧཱཡནྟི.

སལླཝིདྡྷོཝ རུཔྤཏཱིཏི. ཡཐཱ ཨཡོམཡེན ཝཱ སལླེན ཝིདྡྷོ, ཨཊྛིམཡེན ཝཱ སལླེན དནྟམཡེན ཝཱ སལླེན ཝིསཱཎམཡེན ཝཱ ¶ སལླེན ཀཊྛམཡེན ཝཱ སལླེན ཝིདྡྷོ རུཔྤཏི ཀུཔྤཏི གྷཊྚཱིཡཏི པཱིལཱི༹ཡཏི, བྱཱདྷིཏོ དོམནསྶིཏོ ཧོཏི, ཨེཝམེཝ ཝཏྠུཀཱམཱནཾ ཝིཔརིཎཱམཉྙཐཱབྷཱཝཱ ཨུཔྤཛྫནྟི སོཀཔརིདེཝདུཀྑདོམནསྶུཔཱཡཱསཱ. སོ ཀཱམསལླེན ཙ སོཀསལླེན ཙ ཝིདྡྷོ, རུཔྤཏི ཀུཔྤཏི གྷཊྚཱིཡཏི པཱིལཱི༹ཡཏི བྱཱདྷིཏོ དོམནསྶིཏོ ཧོཏཱིཏི – སལླཝིདྡྷོཝ རུཔྤཏི.

‘‘ཏསྶ ཙེ ཀཱམཡཱནསྶ, ཚནྡཛཱཏསྶ ཛནྟུནོ;

ཏེ ཀཱམཱ པརིཧཱཡནྟི, སལླཝིདྡྷོཝ རུཔྤཏཱི’’ཏི.

ཡོ ¶ ཀཱམེ པརིཝཛྫེཏི, སཔྤསྶེཝ པདཱ སིརོ;

སོམཾ ཝིསཏྟིཀཾ ལོཀེ, སཏོ སམཏིཝཏྟཏི.

ཡོ ¶ ཀཱམེ པརིཝཛྫེཏཱིཏི. ཡོཏི ཡོ ཡཱདིསོ ཡཐཱཡུཏྟོ ཡཐཱཝིཧིཏོ ཡཐཱཔཀཱརོ ཡཾཋཱནཔྤཏྟོ ཡཾདྷམྨསམནྣཱགཏོ ཁཏྟིཡོ ཝཱ བྲཱཧྨཎོ ཝཱ ཝེསྶོ ཝཱ སུདྡོ ཝཱ གཧཊྛོ ཝཱ པབྦཛིཏོ ¶ ཝཱ དེཝོ ཝཱ མནུསྶོ ཝཱ. ཀཱམེ པརིཝཛྫེཏཱིཏི. ཀཱམཱཏི ཨུདྡཱནཏོ དྭེ ཀཱམཱ – ཝཏྠུཀཱམཱ ཙ ཀིལེསཀཱམཱ ཙ…པེ… ཨིམེ ཝུཙྩནྟི ཝཏྠུཀཱམཱ…པེ… ཨིམེ ཝུཙྩནྟི ཀིལེསཀཱམཱ. ཀཱམེ པརིཝཛྫེཏཱིཏི དྭཱིཧི ཀཱརཎེཧི ཀཱམེ པརིཝཛྫེཏི – ཝིཀྑམྦྷནཏོ ཝཱ སམུཙྪེདཏོ ཝཱ. ཀཐཾ ཝིཀྑམྦྷནཏོ ཀཱམེ པརིཝཛྫེཏི? ‘‘ཨཊྛིཀངྐལཱུཔམཱ ཀཱམཱ ཨཔྤསྶཱདཊྛེནཱ’’ཏི པསྶནྟོ ཝིཀྑམྦྷནཏོ ཀཱམེ པརིཝཛྫེཏི, ‘‘མཾསཔེསཱུཔམཱ ¶ ཀཱམཱ བཧུསཱདྷཱརཎཊྛེནཱ’’ཏི པསྶནྟོ ཝིཀྑམྦྷནཏོ ཀཱམེ པརིཝཛྫེཏི, ‘‘ཏིཎུཀྐཱུཔམཱ ཀཱམཱ ཨནུདཧནཊྛེནཱ’’ཏི པསྶནྟོ ཝིཀྑམྦྷནཏོ ཀཱམེ པརིཝཛྫེཏི, ‘‘ཨངྒཱརཀཱསཱུཔམཱ ཀཱམཱ མཧཱཔརིལཱ༹ཧཊྛེནཱ’’ཏི པསྶནྟོ ཝིཀྑམྦྷནཏོ ཀཱམེ པརིཝཛྫེཏི, ‘‘སུཔིནཀཱུཔམཱ ཀཱམཱ ཨིཏྟརཔཙྩུཔཊྛཱནཊྛེནཱ’’ཏི པསྶནྟོ ཝིཀྑམྦྷནཏོ ཀཱམེ པརིཝཛྫེཏི, ‘‘ཡཱཙིཏཀཱུཔམཱ ཀཱམཱ ཏཱཝཀཱལིཀཊྛེནཱ’’ཏི པསྶནྟོ ཝིཀྑམྦྷནཏོ ཀཱམེ པརིཝཛྫེཏི, ‘‘རུཀྑཕལཱུཔམཱ ཀཱམཱ སམྦྷཉྫནཔརིབྷཉྫནཊྛེནཱ’’ཏི པསྶནྟོ ཝིཀྑམྦྷནཏོ ཀཱམེ པརིཝཛྫེཏི, ‘‘ཨསིསཱུནཱུཔམཱ ཀཱམཱ ཨདྷིཀུཊྚནཊྛེནཱ’’ཏི [ཨདྷིཀནྟནཊྛེནཱཏི (སྱཱ.)] པསྶནྟོ ཝིཀྑམྦྷནཏོ ཀཱམེ པརིཝཛྫེཏི, ‘‘སཏྟིསཱུལཱུཔམཱ ཀཱམཱ ཝིནིཝིཛ྄ཛྷནཊྛེནཱ’’ཏི པསྶནྟོ ཝིཀྑམྦྷནཏོ ཀཱམེ པརིཝཛྫེཏི, ‘‘སཔྤསིརཱུཔམཱ ཀཱམཱ སཔྤཊིབྷཡཊྛེནཱ’’ཏི ¶ པསྶནྟོ ཝིཀྑམྦྷནཏོ ཀཱམེ པརིཝཛྫེཏི, ‘‘ཨགྒིཀྑནྡྷཱུཔམཱ ཀཱམཱ མཧཱབྷིཏཱཔནཊྛེནཱ’’ཏི པསྶནྟོ ཝིཀྑམྦྷནཏོ ཀཱམེ པརིཝཛྫེཏི.

བུདྡྷཱནུསྶཏིཾ བྷཱཝེནྟོཔི ཝིཀྑམྦྷནཏོ ཀཱམེ པརིཝཛྫེཏི, དྷམྨཱནུསྶཏིཾ བྷཱཝེནྟོཔི…པེ… སངྒྷཱནུསྶཏིཾ བྷཱཝེནྟོཔི… སཱིལཱནུསྶཏིཾ བྷཱཝེནྟོཔི… ཙཱགཱནུསྶཏིཾ བྷཱཝེནྟོཔི… དེཝཏཱནུསྶཏིཾ བྷཱཝེནྟོཔི… ཨཱནཱཔཱནསྶཏིཾ [ཨཱནཱཔཱནསཏིཾ (སཱི.)] བྷཱཝེནྟོཔི… མརཎསྶཏིཾ བྷཱཝེནྟོཔི… ཀཱཡགཏཱསཏིཾ བྷཱཝེནྟོཔི… ཨུཔསམཱནུསྶཏིཾ བྷཱཝེནྟོཔི ཝིཀྑམྦྷནཏོ ཀཱམེ པརིཝཛྫེཏི.

པཋམཾ ཛྷཱནཾ བྷཱཝེནྟོཔི ཝིཀྑམྦྷནཏོ ཀཱམེ ¶ པརིཝཛྫེཏི, དུཏིཡཾ ཛྷཱནཾ བྷཱཝེནྟོཔི…པེ… ཏཏིཡཾ ཛྷཱནཾ བྷཱཝེནྟོཔི… ཙཏུཏྠཾ ཛྷཱནཾ བྷཱཝེནྟོཔི… ཨཱཀཱསཱནཉྩཱཡཏནསམཱཔཏྟིཾ བྷཱཝེནྟོཔི… ཝིཉྙཱཎཉྩཱཡཏནསམཱཔཏྟིཾ བྷཱཝེནྟོཔི… ཨཱཀིཉྩཉྙཱཡཏནསམཱཔཏྟིཾ བྷཱཝེནྟོཔི ¶ … ནེཝསཉྙཱནཱསཉྙཱཡཏནསམཱཔཏྟིཾ བྷཱཝེནྟོཔི ཝིཀྑམྦྷནཏོ ཀཱམེ པརིཝཛྫེཏི. ཨེཝཾ ཝིཀྑམྦྷནཏོ ཀཱམེ པརིཝཛྫེཏི.

ཀཐཾ ¶ སམུཙྪེདཏོ ཀཱམེ པརིཝཛྫེཏི? སོཏཱཔཏྟིམགྒཾ བྷཱཝེནྟོཔི ཨཔཱཡགམནཱིཡེ ཀཱམེ སམུཙྪེདཏོ པརིཝཛྫེཏི, སཀདཱགཱམིམགྒཾ བྷཱཝེནྟོཔི ཨོལཱ༹རིཀེ ཀཱམེ སམུཙྪེདཏོ པརིཝཛྫེཏི, ཨནཱགཱམིམགྒཾ བྷཱཝེནྟོཔི ཨནུསཧགཏེ ཀཱམེ སམུཙྪེདཏོ པརིཝཛྫེཏི, ཨརཧཏྟམགྒཾ བྷཱཝེནྟོཔི སབྦེན སབྦཾ སབྦཐཱ སབྦཾ ཨསེསཾ ནིསྶེསཾ སམུཙྪེདཏོ ཀཱམེ པརིཝཛྫེཏི. ཨེཝཾ སམུཙྪེདཏོ ཀཱམེ པརིཝཛྫེཏཱིཏི – ཡོ ཀཱམེ པརིཝཛྫེཏི.

སཔྤསྶེཝ པདཱ སིརོཏི. སཔྤོ ཝུཙྩཏི ཨཧི. ཀེནཊྛེན སཔྤོ? སཾསཔྤནྟོ གཙྪཏཱིཏི སཔྤོ; བྷུཛནྟོ ¶ གཙྪཏཱིཏི བྷུཛགོ; ཨུརེན གཙྪཏཱིཏི ཨུརགོ; པནྣསིརོ གཙྪཏཱིཏི པནྣགོ; སིརེན སུཔཏཱིཏི [སཔྤཏཱིཏི (ཀ.)] སརཱིསཔོ [སིརིཾསཔོ (སཱི.)]; བིལེ སཡཏཱིཏི བིལཱསཡོ; གུཧཱཡཾ སཡཏཱིཏི གུཧཱསཡོ; དཱཋཱ ཏསྶ ཨཱཝུདྷོཏི དཱཋཱཝུདྷོ; ཝིསཾ ཏསྶ གྷོརནྟི གྷོརཝིསོ; ཛིཝ྄ཧཱ ཏསྶ དུཝིདྷཱཏི དྭིཛིཝ྄ཧོ; དྭཱིཧི ཛིཝ྄ཧཱཧི ¶ རསཾ སཱཡཏཱིཏི དྭིརསཉྙཱུ. ཡཐཱ པུརིསོ ཛཱིཝིཏུཀཱམོ ཨམརིཏུཀཱམོ སུཁཀཱམོ དུཀྑཔཊིཀྐཱུལོ པཱདེན སཔྤསིརཾ ཝཛྫེཡྻ ཝིཝཛྫེཡྻ པརིཝཛྫེཡྻ ཨབྷིནིཝཛྫེཡྻ; ཨེཝམེཝ སུཁཀཱམོ དུཀྑཔཊིཀྐཱུལོ ཀཱམེ ཝཛྫེཡྻ ཝིཝཛྫེཡྻ པརིཝཛྫེཡྻ ཨབྷིནིཝཛྫེཡྻཱཏི – སཔྤསྶེཝ པདཱ སིརོ.

སོམཾ ཝིསཏྟིཀཾ ལོཀེ, སཏོ སམཏིཝཏྟཏཱིཏི. སོཏི ཡོ ཀཱམེ པརིཝཛྫེཏི. ཝིསཏྟིཀཱ ཝུཙྩཏི ཏཎྷཱ. ཡོ རཱགོ སཱརཱགོ ཨནུནཡོ ཨནུརོདྷོ ནནྡཱི ནནྡིརཱགོ, ཙིཏྟསྶ སཱརཱགོ ཨིཙྪཱ མུཙྪཱ ཨཛ྄ཛྷོསཱནཾ གེདྷོ པལིགེདྷོ [པལི༹གེདྷོ (སཱི.)] སངྒོ པངྐོ, ཨེཛཱ མཱཡཱ ཛནིཀཱ སཉྫནནཱི སིབྦིནཱི ཛཱལིནཱི སརིཏཱ ཝིསཏྟིཀཱ, སུཏྟཾ ཝིསཏཱ ཨཱཡཱུཧིནཱི [ཨཱཡཱུཧནཱི (སཱི. སྱཱ.)] དུཏིཡཱ པཎིདྷི བྷཝནེཏྟི, ཝནཾ ཝནཐོ སནྡྷཝོ སྣེཧོ ཨཔེཀྑཱ པཊིབནྡྷུ, ཨཱསཱ ཨཱསཱིསནཱ ཨཱསཱིསིཏཏྟཾ, རཱུཔཱསཱ སདྡཱསཱ གནྡྷཱསཱ རསཱསཱ ཕོཊྛབྦཱསཱ, ལཱབྷཱསཱ ཛནཱསཱ པུཏྟཱསཱ ཛཱིཝིཏཱསཱ, ཛཔྤཱ པཛཔྤཱ ཨབྷིཛཔྤཱ ཛཔྤནཱ ཛཔྤིཏཏྟཾ ལོལུཔྤཾ ལོལུཔྤཱཡནཱ ལོལུཔྤཱཡིཏཏྟཾ པུཙྪཉྫིཀཏཱ སཱདྷུཀམྱཏཱ, ཨདྷམྨརཱགོ ཝིསམལོབྷོ ནིཀནྟི ¶ ནིཀཱམནཱ པཏྠནཱ པིཧནཱ སམྤཏྠནཱ, ཀཱམཏཎྷཱ བྷཝཏཎྷཱ ¶ ཝིབྷཝཏཎྷཱ, རཱུཔཏཎྷཱ ཨརཱུཔཏཎྷཱ ནིརོདྷཏཎྷཱ, རཱུཔཏཎྷཱ སདྡཏཎྷཱ གནྡྷཏཎྷཱ རསཏཎྷཱ ཕོཊྛབྦཏཎྷཱ དྷམྨཏཎྷཱ ¶ , ཨོགྷོ ཡོགོ གནྠོ ཨུཔཱདཱནཾ ཨཱཝརཎཾ ནཱིཝརཎཾ ཚདནཾ བནྡྷནཾ, ཨུཔཀྐིལེསོ ཨནུསཡོ པརིཡུཊྛཱནཾ ལཏཱ ཝེཝིཙྪཾ, དུཀྑམཱུལཾ དུཀྑནིདཱནཾ དུཀྑཔྤབྷཝོ མཱརཔཱསོ མཱརབལི༹སཾ མཱརཝིསཡོ, ཏཎྷཱནདཱི ཏཎྷཱཛཱལཾ ཏཎྷཱགདྡུལཾ ཏཎྷཱསམུདྡོ ཨབྷིཛ྄ཛྷཱ ལོབྷོ ཨཀུསལམཱུལཾ.

ཝིསཏྟིཀཱཏི. ཀེནཊྛེན ཝིསཏྟིཀཱ? ཝིསཏཱཏི ཝིསཏྟིཀཱ; ཝིསཱལཱཏི ཝིསཏྟིཀཱ; ཝིསཊཱཏི ¶ ཝིསཏྟིཀཱ; ཝིསཀྐཏཱིཏི ཝིསཏྟིཀཱ; ཝིསཾཧརཏཱིཏི ཝིསཏྟིཀཱ; ཝིསཾཝཱདིཀཱཏི ཝིསཏྟིཀཱ; ཝིསམཱུལཱཏི ཝིསཏྟིཀཱ; ཝིསཕལཱཏི ཝིསཏྟིཀཱ; ཝིསཔརིབྷོགོཏི ཝིསཏྟིཀཱ; ཝིསཱལཱ ཝཱ པན སཱ ཏཎྷཱ རཱུཔེ སདྡེ གནྡྷེ རསེ ཕོཊྛབྦེ, ཀུལེ གཎེ ཨཱཝཱསེ ལཱབྷེ ཡསེ, པསཾསཱཡ སུཁེ ཙཱིཝརེ པིཎྜཔཱཏེ སེནཱསནེ གིལཱནཔཙྩཡབྷེསཛྫཔརིཀྑཱརེ, ཀཱམདྷཱཏུཡཱ རཱུཔདྷཱཏུཡཱ ཨརཱུཔདྷཱཏུཡཱ, ཀཱམབྷཝེ རཱུཔབྷཝེ ཨརཱུཔབྷཝེ, སཉྙཱབྷཝེ ཨསཉྙཱབྷཝེ ནེཝསཉྙཱནཱསཉྙཱབྷཝེ, ཨེཀཝོཀཱརབྷཝེ ཙཏུཝོཀཱརབྷཝེ པཉྩཝོཀཱརབྷཝེ, ཨཏཱིཏེ ཨནཱགཏེ པཙྩུཔྤནྣེ, དིཊྛསུཏམུཏཝིཉྙཱཏབྦེསུ དྷམྨེསུ ཝིསཊཱ ཝིཏྠཏཱཏི ཝིསཏྟིཀཱ.

ལོཀེཏི ཨཔཱཡལོཀེ མནུསྶལོཀེ དེཝལོཀེ, ཁནྡྷལོཀེ དྷཱཏུལོཀེ ཨཱཡཏནལོཀེ. སཏོཏི ཙཏཱུཧི ཀཱརཎེཧི སཏོ – ཀཱཡེ ཀཱཡཱནུཔསྶནཱསཏིཔཊྛཱནཾ ¶ བྷཱཝེནྟོ སཏོ, ཝེདནཱསུ…པེ… ཙིཏྟེ… དྷམྨེསུ དྷམྨཱནུཔསྶནཱསཏིཔཊྛཱནཾ བྷཱཝེནྟོ སཏོ.

ཨཔརེཧིཔི ཙཏཱུཧི ཀཱརཎེཧི སཏོ – ཨསཏིཔརིཝཛྫནཱཡ སཏོ, སཏིཀརཎཱིཡཱནཾ དྷམྨཱནཾ ཀཏཏྟཱ སཏོ, སཏིཔརིབནྡྷཱནཾ དྷམྨཱནཾ ཧཏཏྟཱ སཏོ, སཏིནིམིཏྟཱནཾ དྷམྨཱནཾ ཨསམྨུཊྛཏྟཱ ¶ སཏོ.

ཨཔརེཧིཔི ཙཏཱུཧི ཀཱརཎེཧི སཏོ – སཏིཡཱ སམནྣཱགཏཏྟཱ སཏོ, སཏིཡཱ ཝསིཏཏྟཱ སཏོ, སཏིཡཱ པཱགུཉྙཏཱཡ སཏོ, སཏིཡཱ ཨཔཙྩོརོཧཎཏཱཡ [ཨཔཙྩོརོཔནཏཱཡ (སཱི.)] སཏོ.

ཨཔརེཧིཔི ¶ ཙཏཱུཧི ཀཱརཎེཧི སཏོ – སཏྟཏྟཱ སཏོ, སནྟཏྟཱ སཏོ, སམིཏཏྟཱ སཏོ, སནྟདྷམྨསམནྣཱགཏཏྟཱ སཏོ. བུདྡྷཱནུསྶཏིཡཱ སཏོ, དྷམྨཱནུསྶཏིཡཱ སཏོ, སངྒྷཱནུསྶཏིཡཱ སཏོ, སཱིལཱནུསྶཏིཡཱ སཏོ, ཙཱགཱནུསྶཏིཡཱ སཏོ, དེཝཏཱནུསྶཏིཡཱ སཏོ, ཨཱནཱཔཱནསྶཏིཡཱ སཏོ, མརཎསྶཏིཡཱ སཏོ, ཀཱཡགཏཱསཏིཡཱ སཏོ, ཨུཔསམཱནུསྶཏིཡཱ སཏོ. ཡཱ སཏི ཨནུསྶཏི པཊིསྶཏི སཏི སརཎཏཱ དྷཱརཎཏཱ ཨཔིལཱཔནཏཱ ཨསམྨུསྶནཏཱ སཏི སཏིནྡྲིཡཾ སཏིབལཾ སམྨཱསཏི སཏིསམྦོཛ྄ཛྷངྒོ ཨེཀཱཡནམགྒོ, ཨཡཾ ཝུཙྩཏི སཏི. ཨིམཱཡ སཏིཡཱ ཨུཔེཏོ ཧོཏི སམུཔེཏོ ཨུཔགཏོ སམུཔགཏོ ཨུཔཔནྣོ སམུཔཔནྣོ སམནྣཱགཏོ, སོ ཝུཙྩཏི སཏོ.

སོམཾ ཝིསཏྟིཀཾ ལོཀེ, སཏོ སམཏིཝཏྟཏཱིཏི. ལོཀེ ཝཱ སཱ ཝིསཏྟིཀཱ, ལོཀེ ཝཱ ཏཾ ¶ ཝིསཏྟིཀཾ སཏོ ཏརཏི ཨུཏྟརཏི པཏརཏི སམཏིཀྐམཏི ཝཱིཏིཝཏྟཏཱིཏི – སོམཾ ཝིསཏྟིཀཾ ལོཀེ, སཏོ སམཏིཝཏྟཏི.

‘‘ཡོ ཀཱམེ ¶ པརིཝཛྫེཏི, སཔྤསྶེཝ པདཱ སིརོ;

སོམཾ ཝིསཏྟིཀཾ ལོཀེ, སཏོ སམཏིཝཏྟཏཱི’’ཏི.

ཁེཏྟཾ ཝཏྠུཾ ཧིརཉྙཾ ཝཱ, གཝཱསྶཾ དཱསཔོརིསཾ;

ཐིཡོ བནྡྷཱུ པུཐུ ཀཱམེ, ཡོ ནརོ ཨནུགིཛ྄ཛྷཏི.

ཁེཏྟཾ ¶ ཝཏྠུཾ ཧིརཉྙཾ ཝཱཏི. ཁེཏྟནྟི སཱལིཀྑེཏྟཾ ཝཱིཧིཀྑེཏྟཾ མུགྒཀྑེཏྟཾ མཱསཀྑེཏྟཾ ཡཝཀྑེཏྟཾ གོདྷུམཀྑེཏྟཾ ཏིལཀྑེཏྟཾ. ཝཏྠུནྟི གྷརཝཏྠུཾ ཀོཊྛཀཝཏྠུཾ པུརེཝཏྠུཾ པཙྪཱཝཏྠུཾ ཨཱརཱམཝཏྠུཾ ཝིཧཱརཝཏྠུཾ. ཧིརཉྙནྟི ཧིརཉྙཾ ཝུཙྩཏི ཀཧཱཔཎོཏི – ཁེཏྟཾ ཝཏྠུཾ ཧིརཉྙཾ ཝཱ.

གཝཱསྶཾ དཱསཔོརིསནྟི. གཝནྟི གཝཱ [གཱཝོ (ཀ.)] ཝུཙྩནྟི. ཨསྶཱཏི པསུཀཱདཡོ ཝུཙྩནྟི. དཱསཱཏི ཙཏྟཱརོ དཱསཱ – ཨནྟོཛཱཏཀོ དཱསོ, དྷནཀྐཱིཏཀོ དཱསོ, སཱམཾ ཝཱ དཱསབྱཾ ཨུཔེཏི, ཨཀཱམཀོ ཝཱ དཱསཝིསཡཾ ཨུཔེཏི.

‘‘ཨཱམཱཡ ¶ དཱསཱཔི བྷཝནྟི ཧེཀེ, དྷནེན ཀཱིཏཱཔི བྷཝནྟི དཱསཱ;

སཱམཉྩ ཨེཀེ ཨུཔཡནྟི དཱསྱཾ, བྷཡཱཔནུཎྞཱཔི བྷཝནྟི དཱསཱ’’ཏི.

པུརིསཱཏི ཏཡོ པུརིསཱ – བྷཏཀཱ, ཀམྨཀརཱ, ཨུཔཛཱིཝིནོཏི – གཝཱསྶཾ དཱསཔོརིསཾ.

ཐིཡོ བནྡྷཱུ པུཐུ ཀཱམེཏི. ཐིཡོཏི ཨིཏྠིཔརིགྒཧོ ཝུཙྩཏི. བནྡྷཱུཏི ¶ ཙཏྟཱརོ བནྡྷཱུ – ཉཱཏིབནྡྷཝཱཔི བནྡྷུ, གོཏྟབནྡྷཝཱཔི བནྡྷུ, མནྟབནྡྷཝཱཔི བནྡྷུ, སིཔྤབནྡྷཝཱཔི བནྡྷུ. པུཐུ ཀཱམེཏི བཧཱུ ཀཱམེ. ཨེཏེ པུཐུ ཀཱམཱ མནཱཔིཀཱ རཱུཔཱ…པེ… མནཱཔིཀཱ ཕོཊྛབྦཱཏི – ཐིཡོ བནྡྷཱུ པུཐུ ཀཱམེ.

ཡོ ནརོ ཨནུགིཛ྄ཛྷཏཱིཏི. ཡོཏི ཡོ ཡཱདིསོ ཡཐཱཡུཏྟོ ཡཐཱཝིཧིཏོ ཡཐཱཔཀཱརོ ཡཾཋཱནཔྤཏྟོ ཡཾདྷམྨསམནྣཱགཏོ ཁཏྟིཡོ ཝཱ བྲཱཧྨཎོ ཝཱ ཝེསྶོ ཝཱ སུདྡོ ཝཱ གཧཊྛོ ¶ ཝཱ པབྦཛིཏོ ¶ ཝཱ དེཝོ ཝཱ མནུསྶོ ཝཱ. ནརོཏི སཏྟོ ནརོ མཱནཝོ པོསོ པུགྒལོ ཛཱིཝོ ཛཱགུ ཛནྟུ ཨིནྡགུ མནུཛོ. ཨནུགིཛ྄ཛྷཏཱིཏི ཀིལེསཀཱམེན ཝཏྠུཀཱམེསུ གིཛ྄ཛྷཏི ཨནུགིཛ྄ཛྷཏི པལིགིཛ྄ཛྷཏི པལིབཛ྄ཛྷཏཱིཏི – ཡོ ནརོ ཨནུགིཛ྄ཛྷཏི.

‘‘ཁེཏྟཾ ཝཏྠུཾ ཧིརཉྙཾ ཝཱ, གཝཱསྶཾ དཱསཔོརིསཾ;

ཐིཡོ བནྡྷཱུ པུཐུ ཀཱམེ, ཡོ ནརོ ཨནུགིཛ྄ཛྷཏཱི’’ཏི.

ཨབལཱ ནཾ བལཱིཡནྟི, མདྡནྟེ ནཾ པརིསྶཡཱ;

ཏཏོ ནཾ དུཀྑམནྭེཏི, ནཱཝཾ བྷིནྣམིཝོདཀཾ.

ཨབལཱ ནཾ བལཱིཡནྟཱིཏི. ཨབལཱཏི ཨབལཱ ཀིལེསཱ དུབྦལཱ ཨཔྤབལཱ ཨཔྤཐཱམཀཱ ཧཱིནཱ ནིཧཱིནཱ ( ) [(པརིཧཱིནཱ) (སཱི. སྱཱ.)] ཨོམཀཱ ལཱམཀཱ ཚཏུཀྐཱ པརིཏྟཱ. ཏེ ཀིལེསཱ ཏཾ པུགྒལཾ སཧནྟི པརིསཧནྟི ཨབྷིབྷཝནྟི ཨཛ྄ཛྷོཏྠརནྟི པརིཡཱདིཡནྟི མདྡནྟཱིཏི, ཨེཝམྤི ཨབལཱ ནཾ བལཱིཡནྟི. ཨཐ ཝཱ, ཨབལཾ པུགྒལཾ དུབྦལཾ ཨཔྤབལཾ ཨཔྤཐཱམཀཾ ཧཱིནཾ ¶ ནིཧཱིནཾ ཨོམཀཾ ལཱམཀཾ ཚཏུཀྐཾ པརིཏྟཾ, ཡསྶ ནཏྠི སདྡྷཱབལཾ ཝཱིརིཡབལཾ སཏིབལཾ སམཱདྷིབལཾ པཉྙཱབལཾ ཧིརིབལཾ ཨོཏྟཔྤབལཾ ¶ . ཏེ ཀིལེསཱ ཏཾ པུགྒལཾ སཧནྟི པརིསཧནྟི ཨབྷིབྷཝནྟི ཨཛ྄ཛྷོཏྠརནྟི པརིཡཱདིཡནྟི མདྡནྟཱིཏི – ཨེཝམྤི ཨབལཱ ནཾ བལཱིཡནྟཱིཏི.

མདྡནྟེ ནཾ པརིསྶཡཱཏི. དྭེ པརིསྶཡཱ – པཱཀཊཔརིསྶཡཱ ཙ པཊིཙྪནྣཔརིསྶཡཱ ཙ. ཀཏམེ པཱཀཊཔརིསྶཡཱ? སཱིཧཱ བྱགྒྷཱ དཱིཔཱི ཨཙྪཱ ཏརཙྪཱ ཀོཀཱ མཧིཾསཱ [མཧིསཱ (སཱི. སྱཱ.)] ཧཏྠཱི ཨཧིཝིཙྪིཀཱ སཏཔདཱི, ཙོརཱ ¶ ཝཱ ཨསྶུ མཱནཝཱ ཝཱ ཀཏཀམྨཱ ཝཱ ཨཀཏཀམྨཱ ཝཱ, ཙཀྑུརོགོ སོཏརོགོ གྷཱནརོགོ ཛིཝ྄ཧཱརོགོ ཀཱཡརོགོ སཱིསརོགོ ཀཎྞརོགོ མུཁརོགོ དནྟརོགོ, ཀཱསོ སཱསོ པིནཱསོ ཌཱཧོ ཛརོ, ཀུཙྪིརོགོ མུཙྪཱ པཀྑནྡིཀཱ སཱུལཱ ཝིསཱུཙིཀཱ, ཀུཊྛཾ གཎྜོ ཀིལཱསོ སོསོ ཨཔམཱརོ, དདྡུ ཀཎྜུ ཀཙྪུ རཁསཱ [རཀྑསཱ (ཀ.)] ཝིཏཙྪིཀཱ ལོཧིཏཔིཏྟཾ, མདྷུམེཧོ ཨཾསཱ པིལ༹ཀཱ བྷགནྡལཱ, པིཏྟསམུཊྛཱནཱ ཨཱབཱདྷཱ སེམྷསམུཊྛཱནཱ ཨཱབཱདྷཱ ཝཱཏསམུཊྛཱནཱ ཨཱབཱདྷཱ སནྣིཔཱཏིཀཱ ཨཱབཱདྷཱ ཨུཏུཔརིཎཱམཛཱ ཨཱབཱདྷཱ ཝིསམཔརིཧཱརཛཱ ཨཱབཱདྷཱ, ཨོཔཀྐམིཀཱ ཨཱབཱདྷཱ ཀམྨཝིཔཱཀཛཱ ཨཱབཱདྷཱ, སཱིཏཾ ཨུཎྷཾ ཛིགྷཙྪཱ པིཔཱསཱ ཨུཙྩཱརོ པསྶཱཝོ ཌཾསམཀསཝཱཏཱཏཔསརཱིསཔསམྥསྶཱ ཨིཏི ཝཱ – ཨིམེ ཝུཙྩནྟི པཱཀཊཔརིསྶཡཱ.

ཀཏམེ ¶ པཊིཙྪནྣཔརིསྶཡཱ? ཀཱཡདུཙྩརིཏཾ ཝཙཱིདུཙྩརིཏཾ མནོདུཙྩརིཏཾ ¶ , ཀཱམཙྪནྡནཱིཝརཎཾ བྱཱཔཱདནཱིཝརཎཾ ཐིནམིདྡྷནཱིཝརཎཾ ཨུདྡྷཙྩཀུཀྐུཙྩནཱིཝརཎཾ ཝིཙིཀིཙྪཱནཱིཝརཎཾ, རཱགོ དོསོ མོཧོ ཀོདྷོ ཨུཔནཱཧོ མཀྑོ པལཱ༹སོ ཨིསྶཱ མཙྪརིཡཾ, མཱཡཱ སཱཋེཡྻཾ ཐམྦྷོ སཱརམྦྷོ མཱནོ ཨཏིམཱནོ མདོ པམཱདོ, སབྦེ ཀིལེསཱ སབྦེ དུཙྩརིཏཱ སབྦེ དརཐཱ སབྦེ པརིལཱ༹ཧཱ སབྦེ སནྟཱཔཱ སབྦཱཀུསལཱབྷིསངྑཱརཱ – ཨིམེ ཝུཙྩནྟི པཊིཙྪནྣཔརིསྶཡཱ.

པརིསྶཡཱཏི ཀེནཊྛེན པརིསྶཡཱ? པརིསཧནྟཱིཏི པརིསྶཡཱ, པརིཧཱནཱཡ སཾཝཏྟནྟཱིཏི པརིསྶཡཱ, ཏཏྲཱསཡཱཏི པརིསྶཡཱ. ཀཐཾ པརིསཧནྟཱིཏི པརིསྶཡཱ? ཏེ པརིསྶཡཱ ཏཾ པུགྒལཾ སཧནྟི པརིསཧནྟི ཨབྷིབྷཝནྟི ཨཛ྄ཛྷོཏྠརནྟི པརིཡཱདིཡནྟི མདྡནྟི. ཨེཝཾ པརིསཧནྟཱིཏི པརིསྶཡཱ. ཀཐཾ པརིཧཱནཱཡ སཾཝཏྟནྟཱིཏི པརིསྶཡཱ? ཏེ པརིསྶཡཱ ཀུསལཱནཾ དྷམྨཱནཾ ཨནྟརཱཡཱཡ པརིཧཱནཱཡ སཾཝཏྟནྟི. ཀཏམེསཾ ¶ ཀུསལཱནཾ དྷམྨཱནཾ? སམྨཱཔཊིཔདཱཡ ཨནུལོམཔཊིཔདཱཡ ཨཔཙྩནཱིཀཔཊིཔདཱཡ ¶ ཨཝིརུདྡྷཔཊིཔདཱཡ ཨནྭཏྠཔཊིཔདཱཡ དྷམྨཱནུདྷམྨཔཊིཔདཱཡ, སཱིལེསུ པརིཔཱུརིཀཱརིཏཱཡ ཨིནྡྲིཡེསུ གུཏྟདྭཱརཏཱཡ བྷོཛནེ མཏྟཉྙུཏཱཡ, ཛཱགརིཡཱནུཡོགསྶ སཏིསམྤཛཉྙསྶ, ཙཏུནྣཾ སཏིཔཊྛཱནཱནཾ བྷཱཝནཱནུཡོགསྶ ཙཏུནྣཾ སམྨཔྤདྷཱནཱནཾ བྷཱཝནཱནུཡོགསྶ ཙཏུནྣཾ ཨིདྡྷིཔཱདཱནཾ བྷཱཝནཱནུཡོགསྶ, པཉྩནྣཾ ཨིནྡྲིཡཱནཾ བྷཱཝནཱནུཡོགསྶ པཉྩནྣཾ བལཱནཾ བྷཱཝནཱནུཡོགསྶ, སཏྟནྣཾ བོཛ྄ཛྷངྒཱནཾ བྷཱཝནཱནུཡོགསྶ ¶ ཨརིཡསྶ ཨཊྛངྒིཀསྶ མགྒསྶ བྷཱཝནཱནུཡོགསྶ – ཨིམེསཾ ཀུསལཱནཾ དྷམྨཱནཾ ཨནྟརཱཡཱཡ པརིཧཱནཱཡ སཾཝཏྟནྟི. ཨེཝཾ པརིཧཱནཱཡ སཾཝཏྟནྟཱིཏི – པརིསྶཡཱ.

ཀཐཾ ཏཏྲཱསཡཱཏི པརིསྶཡཱ? ཏཏྠེཏེ པཱཔཀཱ ཨཀུསལཱ དྷམྨཱ ཨུཔྤཛྫནྟི ཨཏྟབྷཱཝསནྣིསྶཡཱ. ཡཐཱ བིལེ བིལཱསཡཱ པཱཎཱ སཡནྟི, དཀེ དཀཱསཡཱ པཱཎཱ སཡནྟི, ཝནེ ཝནཱསཡཱ པཱཎཱ སཡནྟི, རུཀྑེ རུཀྑཱསཡཱ པཱཎཱ སཡནྟི, ཨེཝམེཝ ཏཏྠེཏེ པཱཔཀཱ ཨཀུསལཱ དྷམྨཱ ཨུཔྤཛྫནྟི ཨཏྟབྷཱཝསནྣིསྶཡཱ. ཨེཝམྤི ཏཏྲཱསཡཱཏི – པརིསྶཡཱ.

‘‘སཱནྟེཝཱསིཀོ, བྷིཀྑཝེ, བྷིཀྑུ སཱཙརིཡཀོ དུཀྑཾ ན ཕཱསུ ཝིཧརཏི. ཀཐཉྩ, བྷིཀྑཝེ, བྷིཀྑུ སཱནྟེཝཱསིཀོ སཱཙརིཡཀོ དུཀྑཾ ན ཕཱསུ ཝིཧརཏི? ཨིདྷ, བྷིཀྑཝེ, བྷིཀྑུནོ ཙཀྑུནཱ རཱུཔཾ དིསྭཱ ཨུཔྤཛྫནྟི ཡེ པཱཔཀཱ ཨཀུསལཱ དྷམྨཱ སརསངྐཔྤཱ སཉྙོཛནིཡཱ, ཏྱསྶ ཨནྟོ ཝསནྟི ཨནྭཱསཝནྟི པཱཔཀཱ ཨཀུསལཱ དྷམྨཱཏི – ཏསྨཱ སཱནྟེཝཱསིཀོཏི ¶ ཝུཙྩཏི. ཏེ ནཾ སམུདཱཙརནྟི. སམུདཱཙརནྟི ནཾ པཱཔཀཱ ཨཀུསལཱ དྷམྨཱཏི – ཏསྨཱ སཱཙརིཡཀོཏི ཝུཙྩཏི.

‘‘པུན ཙཔརཾ ¶ , བྷིཀྑཝེ, བྷིཀྑུནོ སོཏེན སདྡཾ སུཏྭཱ, གྷཱནེན གནྡྷཾ གྷཱཡིཏྭཱ, ཛིཝ྄ཧཱཡ རསཾ སཱཡིཏྭཱ, ཀཱཡེན ཕོཊྛབྦཾ ཕུསིཏྭཱ, མནསཱ དྷམྨཾ ཝིཉྙཱཡ ཨུཔྤཛྫནྟི ཡེ པཱཔཀཱ ཨཀུསལཱ དྷམྨཱ སརསངྐཔྤཱ སཉྙོཛནིཡཱ, ཏྱསྶ ཨནྟོ ཝསནྟི ཨནྭཱསཝནྟི པཱཔཀཱ ¶ ཨཀུསལཱ དྷམྨཱཏི – ཏསྨཱ སཱནྟེཝཱསིཀོཏི ཝུཙྩཏི. ཏེ ནཾ སམུདཱཙརནྟི. སམུདཱཙརནྟི ནཾ པཱཔཀཱ ཨཀུསལཱ དྷམྨཱཏི – ཏསྨཱ སཱཙརིཡཀོཏི ཝུཙྩཏི. ཨེཝཾ ཁོ, བྷིཀྑཝེ, བྷིཀྑུ སཱནྟེཝཱསིཀོ སཱཙརིཡཀོ དུཀྑཾ ན ཕཱསུ ཝིཧརཏཱི’’ཏི. ཨེཝམྤི ཏཏྲཱསཡཱཏི – པརིསྶཡཱ.

‘‘ཏཡོམེ, བྷིཀྑཝེ, ཨནྟརཱམལཱ – ཨནྟརཱཨམིཏྟཱ ཨནྟརཱསཔཏྟཱ ཨནྟརཱཝདྷཀཱ ཨནྟརཱཔཙྩཏྠིཀཱ. ཀཏམེ ཏཡོ? ལོབྷོ, བྷིཀྑཝེ, ཨནྟརཱམལཾ [ཨནྟརཱམལོ (སྱཱ.)] ཨནྟརཱཨམིཏྟོ ཨནྟརཱསཔཏྟོ ཨནྟརཱཝདྷཀོ ཨནྟརཱཔཙྩཏྠིཀོ. དོསོ…པེ… མོཧོ, བྷིཀྑཝེ, ཨནྟརཱམལཾ ཨནྟརཱཨམིཏྟོ ཨནྟརཱསཔཏྟོ ཨནྟརཱཝདྷཀོ ཨནྟརཱཔཙྩཏྠིཀོ. ཨིམེ ཁོ, བྷིཀྑཝེ, ཏཡོ ཨནྟརཱམལཱ – ཨནྟརཱཨམིཏྟཱ ཨནྟརཱསཔཏྟཱ ཨནྟརཱཝདྷཀཱ ཨནྟརཱཔཙྩཏྠིཀཱ.

‘‘ཨནཏྠཛནནོ ལོབྷོ, ལོབྷོ ཙིཏྟཔྤཀོཔནོ;

བྷཡམནྟརཏོ ཛཱཏཾ, ཏཾ ཛནོ ནཱཝབུཛ྄ཛྷཏི.

‘‘ལུདྡྷོ ཨཏྠཾ ན ཛཱནཱཏི, ལུདྡྷོ དྷམྨཾ ན པསྶཏི;

ཨནྡྷནྟམཾ [ཨནྡྷཏམཾ (སྱཱ. ཀ.)] ཏདཱ ཧོཏི, ཡཾ ལོབྷོ སཧཏེ ནརཾ.

‘‘ཨནཏྠཛནནོ ¶ དོསོ, དོསོ ཙིཏྟཔྤཀོཔནོ;

བྷཡམནྟརཏོ ཛཱཏཾ, ཏཾ ཛནོ ནཱཝབུཛ྄ཛྷཏི.

‘‘ཀུདྡྷོ ཨཏྠཾ ན ཛཱནཱཏི, ཀུདྡྷོ དྷམྨཾ ན པསྶཏི;

ཨནྡྷནྟམཾ ¶ ཏདཱ ཧོཏི, ཡཾ དོསོ སཧཏེ ནརཾ.

‘‘ཨནཏྠཛནནོ ¶ མོཧོ, མོཧོ ཙིཏྟཔྤཀོཔནོ;

བྷཡམནྟརཏོ ཛཱཏཾ, ཏཾ ཛནོ ནཱཝབུཛ྄ཛྷཏི.

‘‘མཱུལ༹ྷོ ཨཏྠཾ ན ཛཱནཱཏི, མཱུལ༹ྷོ དྷམྨཾ ན པསྶཏི;

ཨནྡྷནྟམཾ ཏདཱ ཧོཏི, ཡཾ མོཧོ སཧཏེ ནར’’ནྟི.

ཝུཏྟམྤི ཧེཏཾ བྷགཝཏཱ – ‘‘ཏཡོ ཁོ, མཧཱརཱཛ, པུརིསསྶ དྷམྨཱ ཨཛ྄ཛྷཏྟཾ ཨུཔྤཛྫམཱནཱ ཨུཔྤཛྫནྟི, ཨཧིཏཱཡ དུཀྑཱཡ ཨཕཱསུཝིཧཱརཱཡ. ཀཏམེ ཏཡོ? ལོབྷོ ཁོ, མཧཱརཱཛ, པུརིསསྶ དྷམྨོ ཨཛ྄ཛྷཏྟཾ ཨུཔྤཛྫམཱནོ ཨུཔྤཛྫཏི, ཨཧིཏཱཡ དུཀྑཱཡ ཨཕཱསུཝིཧཱརཱཡ. དོསོ ཁོ, མཧཱརཱཛ…པེ… མོཧོ ཁོ, མཧཱརཱཛ, པུརིསསྶ དྷམྨོ ཨཛ྄ཛྷཏྟཾ ཨུཔྤཛྫམཱནོ ཨུཔྤཛྫཏི, ཨཧིཏཱཡ དུཀྑཱཡ ཨཕཱསུཝིཧཱརཱཡ. ཨིམེ ཁོ, མཧཱརཱཛ, ཏཡོ པུརིསསྶ དྷམྨཱ ཨཛ྄ཛྷཏྟཾ ཨུཔྤཛྫམཱནཱ ཨུཔྤཛྫནྟི, ཨཧིཏཱཡ དུཀྑཱཡ ཨཕཱསུཝིཧཱརཱཡ.

‘‘ལོབྷོ ¶ དོསོ ཙ མོཧོ ཙ, པུརིསཾ པཱཔཙེཏསཾ;

ཧིཾསནྟི ཨཏྟསམྦྷཱུཏཱ, ཏཙསཱརཾཝ སམྥལ’’ནྟི.

‘‘རཱགོ ཙ དོསོ ཙ ཨིཏོནིདཱནཱ, ཨརཏི རཏི ལོམཧཾསོ ཨིཏོཛཱ;

ཨིཏོ སམུཊྛཱཡ མནོཝིཏཀྐཱ, ཀུམཱརཀཱ དྷངྐམིཝོསྶཛནྟཱི’’ཏི [དྷངྐམིཝོསྶཛྫནྟི (སྱཱ.)].

ཨེཝམྤི ཏཏྲཱསཡཱཏི – པརིསྶཡཱ. མདྡནྟེ ནཾ པརིསྶཡཱཏི. ཏེ པརིསྶཡཱ ཏཾ པུགྒལཾ སཧནྟི པརིསཧནྟི ཨབྷིབྷཝནྟི ཨཛ྄ཛྷོཏྠརནྟི པརིཡཱདིཡནྟི མདྡནྟཱིཏི – མདྡནྟེ ནཾ པརིསྶཡཱ.

ཏཏོ ¶ ནཾ དུཀྑམནྭེཏཱིཏི. ཏཏོཏི ཏཏོ ཏཏོ པརིསྶཡཏོ ཏཾ པུགྒལཾ དུཀྑཾ ཨནྭེཏི ཨནུགཙྪཏི ཨནྭཱཡིཀཾ ཧོཏི, ཛཱཏིདུཀྑཾ ཨནྭེཏི ཨནུགཙྪཏི ཨནྭཱཡིཀཾ ཧོཏི, ཛརཱདུཀྑཾ ¶ ཨནྭེཏི ཨནུགཙྪཏི ཨནྭཱཡིཀཾ ཧོཏི, བྱཱདྷིདུཀྑཾ ཨནྭེཏི ཨནུགཙྪཏི ཨནྭཱཡིཀཾ ཧོཏི, མརཎདུཀྑཾ ཨནྭེཏི ཨནུགཙྪཏི ཨནྭཱཡིཀཾ ཧོཏི, སོཀཔརིདེཝདུཀྑདོམནསྶུཔཱཡཱསདུཀྑཾ ཨནྭེཏི ཨནུགཙྪཏི ཨནྭཱཡིཀཾ ཧོཏི, ནེརཡིཀཾ དུཀྑཾ, ཏིརཙྪཱནཡོནིཀཾ དུཀྑཾ, པེཏྟིཝིསཡིཀཾ དུཀྑཾ ཨནྭེཏི ཨནུགཙྪཏི ཨནྭཱཡིཀཾ ཧོཏི, མཱནུསིཀཾ དུཀྑཾ… གབྦྷོཀྐནྟིམཱུལཀཾ དུཀྑཾ… གབྦྷེ ཋིཏིམཱུལཀཾ དུཀྑཾ… གབྦྷཱ ཝུཊྛཱནམཱུལཀཾ དུཀྑཾ… ཛཱཏསྶཱུཔནིབནྡྷཀཾ དུཀྑཾ… ཛཱཏསྶ པརཱདྷེཡྻཀཾ དུཀྑཾ… ཨཏྟཱུཔཀྐམཾ དུཀྑཾ… པརཱུཔཀྐམཾ དུཀྑཾ ཨནྭེཏི ཨནུགཙྪཏི ཨནྭཱཡིཀཾ ཧོཏི, དུཀྑདུཀྑཾ ཨནྭེཏི ཨནུགཙྪཏི ཨནྭཱཡིཀཾ ཧོཏི, སངྑཱརདུཀྑཾ… ཝིཔརིཎཱམདུཀྑཾ ¶ … ཙཀྑུརོགོ སོཏརོགོ གྷཱནརོགོ ཛིཝ྄ཧཱརོགོ ཀཱཡརོགོ སཱིསརོགོ ཀཎྞརོགོ མུཁརོགོ དནྟརོགོ, ཀཱསོ སཱསོ པིནཱསོ ཌཱཧོ ཛརོ, ཀུཙྪིརོགོ མུཙྪཱ པཀྑནྡིཀཱ སཱུལཱ ཝིསཱུཙིཀཱ, ཀུཊྛཾ གཎྜོ ཀིལཱསོ སོསོ ཨཔམཱརོ, དདྡུ ཀཎྜུ ཀཙྪུ རཁསཱ ཝིཏཙྪིཀཱ ལོཧིཏཔིཏྟཾ, མདྷུམེཧོ ཨཾསཱ པིལ༹ཀཱ བྷགནྡལཱ པིཏྟསམུཊྛཱནཱ ཨཱབཱདྷཱ སེམྷསམུཊྛཱནཱ ཨཱབཱདྷཱ ཝཱཏསམུཊྛཱནཱ ཨཱབཱདྷཱ སནྣིཔཱཏིཀཱ ཨཱབཱདྷཱ ¶ ཨུཏུཔརིཎཱམཛཱ ཨཱབཱདྷཱ ཝིསམཔརིཧཱརཛཱ ཨཱབཱདྷཱ, ཨོཔཀྐམིཀཱ ཨཱབཱདྷཱ ཀམྨཝིཔཱཀཛཱ ཨཱབཱདྷཱ, སཱིཏཾ ཨུཎྷཾ ཛིགྷཙྪཱ པིཔཱསཱ ཨུཙྩཱརོ པསྶཱཝོ ཌཾསམཀསཝཱཏཱཏཔསརཱིསཔསམྥསྶདུཀྑཾ… མཱཏུམརཎཾ དུཀྑཾ… པིཏུམརཎཾ དུཀྑཾ… བྷཱཏུམརཎཾ དུཀྑཾ… བྷགིནིམརཎཾ དུཀྑཾ… པུཏྟམརཎཾ དུཀྑཾ… དྷཱིཏུམརཎཾ དུཀྑཾ ¶ … ཉཱཏིབྱསནཾ དུཀྑཾ… བྷོགབྱསནཾ དུཀྑཾ… རོགབྱསནཾ དུཀྑཾ… སཱིལབྱསནཾ དུཀྑཾ… དིཊྛིབྱསནཾ དུཀྑཾ ཨནྭེཏི ཨནུགཙྪཏི ཨནྭཱཡིཀཾ ཧོཏཱིཏི – ཏཏོ ནཾ དུཀྑམནྭེཏི.

ནཱཝཾ བྷིནྣམིཝོདཀནྟི. ཡཐཱ བྷིནྣཾ ནཱཝཾ དཀམེསིཾ [ཨུདཀདཱཡིཏོ (སཱི.), ཨུདཀཾ ཨནྭཱཡིཀཾ (སྱཱ.)] ཏཏོ ཏཏོ ཨུདཀཾ ཨནྭེཏི ཨནུགཙྪཏི ཨནྭཱཡིཀཾ ཧོཏི, པུརཏོཔི ཨུདཀཾ ཨནྭེཏི ཨནུགཙྪཏི ཨནྭཱཡིཀཾ ཧོཏི, པཙྪཏོཔི… ཧེཊྛཏོཔི… པསྶཏོཔི ཨུདཀཾ ཨནྭེཏི ཨནུགཙྪཏི ཨནྭཱཡིཀཾ ཧོཏི; ཨེཝམེཝ ཏཏོ ཏཏོ པརིསྶཡཏོ ཏཾ པུགྒལཾ དུཀྑཾ ཨནྭེཏི ཨནུགཙྪཏི ཨནྭཱཡིཀཾ ཧོཏི, ཛཱཏིདུཀྑཾ ཨནྭེཏི ཨནུགཙྪཏི ཨནྭཱཡིཀཾ ཧོཏི…པེ… དིཊྛིབྱསནཾ དུཀྑཾ ཨནྭེཏི ཨནུགཙྪཏི ཨནྭཱཡིཀཾ ཧོཏཱིཏི – ནཱཝཾ ¶ བྷིནྣམིཝོདཀཾ.

‘‘ཨབལཱ ནཾ བལཱིཡནྟི, མདྡནྟེ ནཾ པརིསྶཡཱ;

ཏཏོ ནཾ དུཀྑམནྭེཏི, ནཱཝཾ བྷིནྣམིཝོདཀ’’ནྟི.

ཏསྨཱ ¶ ཛནྟུ སདཱ སཏོ, ཀཱམཱནི པརིཝཛྫཡེ;

ཏེ པཧཱཡ ཏརེ ཨོགྷཾ, ནཱཝཾ སིཏྭཱཝ པཱརགཱུ.

ཏསྨཱ ཛནྟུ སདཱ སཏོཏི. ཏསྨཱཏི ཏསྨཱ ཏཾཀཱརཎཱ ཏཾཧེཏུ ཏཔྤཙྩཡཱ ཏཾནིདཱནཱ ཨེཏཾ ཨཱདཱིནཝཾ སམྤསྶམཱནོ ཀཱམེསཱུཏི – ཏསྨཱ. ཛནྟཱུཏི སཏྟོ ནརོ མཱནཝོ པོསོ པུགྒལོ ཛཱིཝོ ཛཱགུ ཛནྟུ ཨིནྡགུ མནུཛོ. སདཱཏི སདཱ སབྦདཱ སབྦཀཱལཾ ནིཙྩཀཱལཾ དྷུཝཀཱལཾ སཏཏཾ སམིཏཾ ཨབྦོཀིཎྞཾ པོངྑཱནུཔོངྑཾ ཨུདཀཱུམིཀཛཱཏཾ ཨཝཱིཙི སནྟཏི སཧིཏཾ ཕསྶིཏཾ [ཕུསིཏཾ (སཱི. སྱཱ.)], པུརེབྷཏྟཾ པཙྪཱབྷཏྟཾ ¶ པུརིམཡཱམཾ མཛ྄ཛྷིམཡཱམཾ པཙྪིམཡཱམཾ, ཀཱལེ༹ ཛུཎྷེ ཝསྶེ ཧེམནྟེ གིམྷེ, པུརིམེ ཝཡོཁནྡྷེ མཛ྄ཛྷིམེ ཝཡོཁནྡྷེ པཙྪིམེ ཝཡོཁནྡྷེ. སཏོཏི ཙཏཱུཧི ཀཱརཎེཧི སཏོ – ཀཱཡེ ཀཱཡཱནུཔསྶནཱསཏིཔཊྛཱནཾ བྷཱཝེནྟོ སཏོ, ཝེདནཱསུ… ཙིཏྟེ… དྷམྨེསུ དྷམྨཱནུཔསྶནཱསཏིཔཊྛཱནཾ བྷཱཝེནྟོ སཏོ. ཨཔརེཧི ཙཏཱུཧི ¶ ཀཱརཎེཧི སཏོ…པེ… སོ ཝུཙྩཏི སཏོཏི – ཏསྨཱ ཛནྟུ སདཱ སཏོ.

ཀཱམཱནི པརིཝཛྫཡེཏི. ཀཱམཱཏི ཨུདྡཱནཏོ དྭེ ཀཱམཱ – ཝཏྠུཀཱམཱ ཙ ཀིལེསཀཱམཱ ཙ…པེ… ཨིམེ ཝུཙྩནྟི ཝཏྠུཀཱམཱ…པེ… ཨིམེ ¶ ཝུཙྩནྟི ཀིལེསཀཱམཱ. ཀཱམཱནི པརིཝཛྫཡེཏི དྭཱིཧི ཀཱརཎེཧི ཀཱམེ པརིཝཛྫེཡྻ – ཝིཀྑམྦྷནཏོ ཝཱ སམུཙྪེདཏོ ཝཱ. ཀཐཾ ཝིཀྑམྦྷནཏོ ཀཱམེ པརིཝཛྫེཡྻ? ‘‘ཨཊྛིཀངྐལཱུཔམཱ ཀཱམཱ ཨཔྤསྶཱདཊྛེནཱ’’ཏི པསྶནྟོ ཝིཀྑམྦྷནཏོ ཀཱམེ པརིཝཛྫེཡྻ, ‘‘མཾསཔེསཱུཔམཱ ཀཱམཱ བཧུསཱདྷཱརཎཊྛེནཱ’’ཏི པསྶནྟོ ཝིཀྑམྦྷནཏོ ཀཱམེ པརིཝཛྫེཡྻ, ‘‘ཏིཎུཀྐཱུཔམཱ ཀཱམཱ ཨནུདཧནཊྛེནཱ’’ཏི པསྶནྟོ ཝིཀྑམྦྷནཏོ ཀཱམེ པརིཝཛྫེཡྻ…པེ… ནེཝསཉྙཱནཱསཉྙཱཡཏནསམཱཔཏྟིཾ བྷཱཝེནྟོ ཝིཀྑམྦྷནཏོ ཀཱམེ པརིཝཛྫེཡྻ. ཨེཝཾ ཝིཀྑམྦྷནཏོ ཀཱམེ པརིཝཛྫེཡྻ…པེ… ཨེཝཾ སམུཙྪེདཏོ ཀཱམེ པརིཝཛྫེཡྻཱཏི – ཀཱམཱནི པརིཝཛྫཡེ.

ཏེ པཧཱཡ ཏརེ ཨོགྷནྟི. ཏེཏི ཝཏྠུཀཱམེ པརིཛཱནིཏྭཱ ཀིལེསཀཱམེ པཧཱཡ པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམིཏྭཱ; ཀཱམཙྪནྡནཱིཝརཎཾ པཧཱཡ པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམིཏྭཱ; བྱཱཔཱདནཱིཝརཎཾ…པེ… ཐིནམིདྡྷནཱིཝརཎཾ… ཨུདྡྷཙྩཀུཀྐུཙྩནཱིཝརཎཾ… ཝིཙིཀིཙྪཱནཱིཝརཎཾ པཧཱཡ པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམིཏྭཱ ཀཱམོགྷཾ བྷཝོགྷཾ དིཊྛོགྷཾ ཨཝིཛྫོགྷཾ ཏརེཡྻ ཨུཏྟརེཡྻ པཏརེཡྻ སམཏིཀྐམེཡྻ ཝཱིཏིཝཏྟེཡྻཱཏི – ཏེ པཧཱཡ ཏརེ ཨོགྷཾ.

ནཱཝཾ ¶ ¶ སིཏྭཱཝ པཱརགཱུཏི. ཡཐཱ གརུཀཾ ནཱཝཾ བྷཱརིཀཾ ཨུདཀཾ སིཏྭཱ [སིཉྩིཏྭཱ (སཱི. སྱཱ.)] ཨོསིཉྩིཏྭཱ ཚཌྜེཏྭཱ ལཧུཀཱཡ ནཱཝཱཡ ཁིཔྤཾ ལཧུཾ ཨཔྤཀསིརེནེཝ ¶ པཱརཾ གཙྪེཡྻ; ཨེཝམེཝ ཝཏྠུཀཱམེ པརིཛཱནིཏྭཱ ཀིལེསཀཱམེ པཧཱཡ པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམིཏྭཱ; ཀཱམཙྪནྡནཱིཝརཎཾ… བྱཱཔཱདནཱིཝརཎཾ… ཐིནམིདྡྷནཱིཝརཎཾ… ཨུདྡྷཙྩཀུཀྐུཙྩནཱིཝརཎཾ… ཝིཙིཀིཙྪཱནཱིཝརཎཾ པཧཱཡ པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམིཏྭཱ ཁིཔྤཾ ལཧུཾ ཨཔྤཀསིརེནེཝ པཱརཾ གཙྪེཡྻ. པཱརཾ ཝུཙྩཏི ཨམཏཾ ནིབྦཱནཾ. ཡོ སོ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཀྑཡོ ཝིརཱགོ ནིརོདྷོ ནིབྦཱནཾ ¶ . པཱརཾ གཙྪེཡྻཱཏི – པཱརཾ ཨདྷིགཙྪེཡྻ, པཱརཾ ཕུསེཡྻ, པཱརཾ སཙྪིཀརེཡྻ. པཱརགཱུཏི ཡོཔི པཱརཾ གནྟུཀཱམོ སོཔི པཱརགཱུ; ཡོཔི པཱརཾ གཙྪཏི སོཔི པཱརགཱུ; ཡོཔི པཱརཾ གཏོ, སོཔི པཱརགཱུ.

ཏིཎྞོ པཱརངྒཏོ ཐལེ ཏིཊྛཏི བྲཱཧྨཎོཏི. བྲཱཧྨཎོཏི ཁོ, བྷིཀྑཝེ, ཨརཧཏོ ཨེཏཾ ཨདྷིཝཙནཾ. སོ ཨབྷིཉྙཱཔཱརགཱུ པརིཉྙཱཔཱརགཱུ པཧཱནཔཱརགཱུ བྷཱཝནཱཔཱརགཱུ སཙྪིཀིརིཡཱཔཱརགཱུ སམཱཔཏྟིཔཱརགཱུ. ཨབྷིཉྙཱཔཱརགཱུ སབྦདྷམྨཱནཾ, པརིཉྙཱཔཱརགཱུ སབྦདུཀྑཱནཾ, པཧཱནཔཱརགཱུ སབྦཀིལེསཱནཾ, བྷཱཝནཱཔཱརགཱུ ཙཏུནྣཾ ཨརིཡམགྒཱནཾ, སཙྪིཀིརིཡཱཔཱརགཱུ ནིརོདྷསྶ, སམཱཔཏྟིཔཱརགཱུ སབྦསམཱཔཏྟཱིནཾ. སོ ཝསིཔྤཏྟོ པཱརམིཔྤཏྟོ ཨརིཡསྨིཾ སཱིལསྨིཾ, ཝསིཔྤཏྟོ པཱརམིཔྤཏྟོ ཨརིཡསྨིཾ སམཱདྷིསྨིཾ, ཝསིཔྤཏྟོ པཱརམིཔྤཏྟོ ཨརིཡཱཡ པཉྙཱཡ, ཝསིཔྤཏྟོ པཱརམིཔྤཏྟོ ཨརིཡཱཡ ཝིམུཏྟིཡཱ. སོ པཱརཾ གཏོ པཱརཔྤཏྟོ ཨནྟགཏོ ཨནྟཔྤཏྟོ ཀོཊིགཏོ ¶ ཀོཊིཔྤཏྟོ པརིཡནྟགཏོ པརིཡནྟཔྤཏྟོ ཝོསཱནགཏོ ཝོསཱནཔྤཏྟོ ཏཱཎགཏོ ཏཱཎཔྤཏྟོ ལེཎགཏོ ལེཎཔྤཏྟོ སརཎགཏོ སརཎཔྤཏྟོ ཨབྷཡགཏོ ཨབྷཡཔྤཏྟོ ཨཙྩུཏགཏོ ཨཙྩུཏཔྤཏྟོ ཨམཏགཏོ ཨམཏཔྤཏྟོ ནིབྦཱནགཏོ ནིབྦཱནཔྤཏྟོ. སོ ཝུཊྛཝཱསོ ཙིཎྞཙརཎོ གཏདྡྷོ གཏདིསོ གཏཀོཊིཀོ པཱལིཏབྲཧྨཙརིཡོ ཨུཏྟམདིཊྛིཔྤཏྟོ བྷཱཝིཏམགྒོ པཧཱིནཀིལེསོ ¶ པཊིཝིདྡྷཱཀུཔྤོ སཙྪིཀཏནིརོདྷོ, དུཀྑཾ ཏསྶ པརིཉྙཱཏཾ, སམུདཡོ པཧཱིནོ, མགྒོ བྷཱཝིཏོ, ནིརོདྷོ སཙྪིཀཏོ, ཨབྷིཉྙེཡྻཾ ཨབྷིཉྙཱཏཾ, པརིཉྙེཡྻཾ པརིཉྙཱཏཾ, པཧཱཏབྦཾ པཧཱིནཾ, བྷཱཝེཏབྦཾ བྷཱཝིཏཾ, སཙྪིཀཱཏབྦཾ སཙྪིཀཏཾ.

སོ ཨུཀྑིཏྟཔལིགྷོ སཾཀིཎྞཔརིཀྑོ ཨབྦུལ༹ྷེསིཀོ ནིརགྒལོ༹ ཨརིཡོ པནྣདྡྷཛོ པནྣབྷཱརོ ཝིསཉྙུཏྟོ པཉྩངྒཝིཔྤཧཱིནོ ཚལ༹ངྒསམནྣཱགཏོ ཨེཀཱརཀྑོ ཙཏུརཱཔསྶེནོ པནུཎྞཔཙྩེཀསཙྩོ སམཝཡསཊྛེསནོ ཨནཱཝིལསངྐཔྤོ པསྶདྡྷཀཱཡསངྑཱརོ སུཝིམུཏྟཙིཏྟོ སུཝིམུཏྟཔཉྙོ ཀེཝལཱི ཝུསིཏཝཱ ཨུཏྟམཔུརིསོ པརམཔུརིསོ པརམཔཏྟིཔྤཏྟོ. སོ ནེཝཱཙིནཏི [ནེཝ ཨཱཙིནཱཏི (སཱི. སྱཱ.)] ནཱཔཙིནཏི ¶ , ཨཔཙིནིཏྭཱ ཋིཏོ. ནེཝ པཛཧཏི ན ཨུཔཱདིཡཏི, པཛཧིཏྭཱ ཋིཏོ. ནེཝ སཾསིབྦཏི [ནེཝ སིནེཏི (སཱི.), ནེཝ ཝིསཱིནེཏི (སྱཱ.)] ན ཨུསྶིནེཏི, ཝིསིནིཏྭཱ ¶ ཋིཏོ. ནེཝ ཝིདྷཱུཔེཏི ན སནྡྷཱུཔེཏི, ཝིདྷཱུཔེཏྭཱ ཋིཏོ. ཨསེཀྑེན སཱིལཀྑནྡྷེན སམནྣཱགཏཏྟཱ ཋིཏོ. ཨསེཀྑེན སམཱདྷིཀྑནྡྷེན… ཨསེཀྑེན པཉྙཱཀྑནྡྷེན… ཨསེཀྑེན ཝིམུཏྟིཀྑནྡྷེན… ཨསེཀྑེན ཝིམུཏྟིཉཱཎདསྶནཀྑནྡྷེན སམནྣཱགཏཏྟཱ ¶ ཋིཏོ. སཙྩཾ སམྤཊིཔཱདིཡིཏྭཱ ཋིཏོ. ཨེཛཾ སམཏིཀྐམིཏྭཱ ཋིཏོ. ཀིལེསགྒིཾ པརིཡཱདིཡིཏྭཱ ཋིཏོ, ཨཔརིགམནཏཱཡ ཋིཏོ, ཀཊཾ སམཱདཱཡ ཋིཏོ, མུཏྟིཔཊིསེཝནཏཱཡ ཋིཏོ, མེཏྟཱཡ པཱརིསུདྡྷིཡཱ ཋིཏོ, ཀརུཎཱཡ… མུདིཏཱཡ… ཨུཔེཀྑཱཡ པཱརིསུདྡྷིཡཱ ཋིཏོ, ཨཙྩནྟཔཱརིསུདྡྷིཡཱ ཋིཏོ, ཨཀམྨཡཏཱཡ [ཨཏམྨཡཏཱཡ (སཱི.), ཨཀམྨཉྙཏཱཡ (སྱཱ.)] པཱརིསུདྡྷིཡཱ ཋིཏོ, ཝིམུཏྟཏྟཱ ཋིཏོ, སནྟུསྶིཏཏྟཱ ཋིཏོ, ཁནྡྷཔརིཡནྟེ ཋིཏོ, དྷཱཏུཔརིཡནྟེ ཋིཏོ, ཨཱཡཏནཔརིཡནྟེ ཋིཏོ, གཏིཔརིཡནྟེ ཋིཏོ, ཨུཔཔཏྟིཔརིཡནྟེ ཋིཏོ, པཊིསནྡྷིཔརིཡནྟེ ཋིཏོ, (བྷཝཔརིཡནྟེ ཋིཏོ, སཾསཱརཔརིཡནྟེ ཋིཏོ ¶ ཝཊྚཔརིཡནྟེ ཋིཏོ, ཨནྟིམེ བྷཝེ ཋིཏོ,) [( ) ནཏྠི སཱིཧལ༹པོཏྠཀེ] ཨནྟིམེ སམུསྶཡེ ཋིཏོ, ཨནྟིམདེཧདྷརོ ཨརཧཱ.

‘‘ཏསྶཱཡཾ པཙྪིམཀོ བྷཝོ, ཙརིམོཡཾ སམུསྶཡོ;

ཛཱཏིམརཎསཾསཱརོ, ནཏྠི ཏསྶ པུནབྦྷཝོ’’ཏི.

ནཱཝཾ སིཏྭཱཝ པཱརགཱུཏི. ཏེནཱཧ བྷགཝཱ –

‘‘ཏསྨཱ ཛནྟུ སདཱ སཏོ, ཀཱམཱནི པརིཝཛྫཡེ;

ཏེ པཧཱཡ ཏརེ ཨོགྷཾ, ནཱཝཾ སིཏྭཱཝ པཱརགཱུ’’ཏི.

ཨཐ ¶ གུཧཊྛཀསུཏྟནིདྡེསཾ ཝཀྑཏི –

སཏྟོ ¶ ¶ གུཧཱཡཾ བཧུནཱབྷིཚནྣོ, ཏིཊྛཾ ནརོ མོཧནསྨིཾ པགཱལ༹ྷོ;

དཱུརེ ཝིཝེཀཱ ཧི ཏཐཱཝིདྷོ སོ, ཀཱམཱ ཧི ལོཀེ ན ཧི སུཔྤཧཱཡཱ.

སཏྟོ གུཧཱཡཾ བཧུནཱབྷིཚནྣོཏི. སཏྟོཏི ཧི ཁོ ཝུཏྟཾ, ཨཔི ཙ གུཧཱ ཏཱཝ ཝཏྟབྦཱ. གུཧཱ ཝུཙྩཏི ཀཱཡོ. ཀཱཡོཏི ཝཱ གུཧཱཏི ཝཱ དེཧོཏི ¶ ཝཱ སནྡེཧོཏི ཝཱ ནཱཝཱཏི ཝཱ རཐོཏི ཝཱ དྷཛོཏི ཝཱ ཝམྨིཀོཏི ཝཱ ནགརནྟི ཝཱ ནིཌྜནྟི ཝཱ ཀུཊཱིཏི ཝཱ གཎྜོཏི ཝཱ ཀུམྦྷོཏི ཝཱ ནཱགོཏི ཝཱ ཀཱཡསྶེཏཾ ཨདྷིཝཙནཾ. སཏྟོ གུཧཱཡནྟི གུཧཱཡཾ སཏྟོ ཝིསཏྟོ ཨཱསཏྟོ ལགྒོ ལགྒིཏོ པལིབུདྡྷོ. ཡཐཱ བྷིཏྟིཁིལེ ཝཱ ནཱགདནྟེ ཝཱ གཎྜཾ སཏྟཾ ཝིསཏྟཾ ཨཱསཏྟཾ ལགྒཾ ལགྒིཏཾ པལིབུདྡྷཾ; ཨེཝམེཝ གུཧཱཡཾ སཏྟོ ཝིསཏྟོ ཨཱསཏྟོ ལགྒོ ལགྒིཏོ པལིབུདྡྷོ. ཝུཏྟཉྷེཏཾ བྷགཝཏཱ –

‘‘རཱུཔེ ཁོ, རཱདྷ, ཡོ ཚནྡོ ཡོ རཱགོ ཡཱ ནནྡཱི ཡཱ ཏཎྷཱ ཡེ ཨུཔཡཱུཔཱདཱནཱ ཙེཏསོ ¶ ཨདྷིཊྛཱནཱབྷིནིཝེསཱནུསཡཱ, ཏཏྲ སཏྟོ ཏཏྲ ཝིསཏྟོ; ཏསྨཱ སཏྟོཏི ཝུཙྩཏི. ཝེདནཱཡ ཁོ, རཱདྷ…པེ… སཉྙཱཡ ཁོ, རཱདྷ… སངྑཱརེསུ ཁོ, རཱདྷ… ཝིཉྙཱཎེ ཁོ, རཱདྷ, ཡོ ཚནྡོ ཡོ རཱགོ ཡཱ ནནྡཱི ཡཱ ཏཎྷཱ ཡེ ཨུཔཡཱུཔཱདཱནཱ ཙེཏསོ ཨདྷིཊྛཱནཱབྷིནིཝེསཱནུསཡཱ, ཏཏྲ སཏྟོ ཏཏྲ ཝིསཏྟོ; ཏསྨཱ སཏྟོཏི ཝུཙྩཏི. སཏྟོཏི ལགྒནཱདྷིཝཙན’’ནྟི – སཏྟོ གུཧཱཡཾ. བཧུནཱབྷིཚནྣོཏི བཧུཀེཧི ཀིལེསེཧི ཚནྣོ, རཱགེན ཚནྣོ དོསེན ཚནྣོ མོཧེན ཚནྣོ ¶ ཀོདྷེན ཚནྣོ ཨུཔནཱཧེན ཚནྣོ མཀྑེན ཚནྣོ པལཱ༹སེན ཚནྣོ ཨིསྶཱཡ ཚནྣོ མཙྪརིཡེན ཚནྣོ མཱཡཱཡ ཚནྣོ སཱཋེཡྻེན ཚནྣོ ཐམྦྷེན ཚནྣོ སཱརམྦྷེན ཚནྣོ མཱནེན ཚནྣོ ཨཏིམཱནེན ཚནྣོ མདེན ཚནྣོ པམཱདེན ཚནྣོ. སབྦཀིལེསེཧི སབྦདུཙྩརིཏེཧི སབྦདརཐེཧི སབྦཔརིལཱ༹ཧེཧི སབྦསནྟཱཔེཧི སབྦཱཀུསལཱབྷིསངྑཱརེཧི ཚནྣོ ཝིཚནྣོ ཨུཙྪནྣོ ཨཱཝུཏོ ནིཝུཏོ ཨོཝུཏོ [ཨོཕུཏོ (སྱཱ.)] པིཧིཏོ པཊིཙྪནྣོ པཊིཀུཛྫིཏོཏི – སཏྟོ གུཧཱཡཾ བཧུནཱབྷིཚནྣོ.

ཏིཊྛཾ ¶ ནརོ མོཧནསྨིཾ པགཱལ༹ྷོཏི ཏིཊྛནྟོ ནརོ རཏྟོ རཱགཝསེན ཏིཊྛཏི, དུཊྛོ དོསཝསེན ཏིཊྛཏི, མཱུལ༹ྷོ མོཧཝསེན ཏིཊྛཏི, ཝིནིབདྡྷོ མཱནཝསེན ཏིཊྛཏི, པརཱམཊྛོ དིཊྛིཝསེན ཏིཊྛཏི, ཝིཀྑེཔགཏོ ཨུདྡྷཙྩཝསེན ཏིཊྛཏི, ཨནིཊྛངྒཏོ ཝིཙིཀིཙྪཱཝསེན ཏིཊྛཏི, ཐཱམགཏོ ཨནུསཡཝསེན ཏིཊྛཏི. ཨེཝམྤི ཏིཊྛཾ ནརོ.

ཝུཏྟཉྷེཏཾ བྷགཝཏཱ – ‘‘སནྟི, བྷིཀྑཝེ, ཙཀྑུཝིཉྙེཡྻཱ རཱུཔཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ, ཏཉྩེ བྷིཀྑུ ཨབྷིནནྡཏི ཨབྷིཝདཏི ¶ ཨཛ྄ཛྷོསཱཡ ཏིཊྛཏི. སནྟི, བྷིཀྑཝེ, སོཏཝིཉྙེཡྻཱ སདྡཱ…པེ… གྷཱནཝིཉྙེཡྻཱ ¶ གནྡྷཱ… ཛིཝ྄ཧཱཝིཉྙེཡྻཱ རསཱ… ཀཱཡཝིཉྙེཡྻཱ ཕོཊྛབྦཱ… མནོཝིཉྙེཡྻཱ དྷམྨཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ, ཏཉྩེ བྷིཀྑུ ཨབྷིནནྡཏི ཨབྷིཝདཏི ཨཛ྄ཛྷོསཱཡ ཏིཊྛཏཱི’’ཏི. ཨེཝམྤི ཏིཊྛཾ ནརོ.

ཝུཏྟཉྷེཏཾ ¶ བྷགཝཏཱ – ‘‘རཱུཔཱུཔཡཾ ཝཱ, བྷིཀྑཝེ, ཝིཉྙཱཎཾ ཏིཊྛམཱནཾ ཏིཊྛཏི, རཱུཔཱརམྨཎཾ རཱུཔཔཏིཊྛཾ ནནྡཱུཔསེཙནཾ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫཏི. ཝེདནཱུཔཡཾ ཝཱ, བྷིཀྑཝེ…པེ… སཉྙཱུཔཡཾ… སངྑཱརཱུཔཡཾ ཝཱ, བྷིཀྑཝེ, ཝིཉྙཱཎཾ ཏིཊྛམཱནཾ ཏིཊྛཏི, སངྑཱརཱརམྨཎཾ སངྑཱརཔཏིཊྛཾ ནནྡཱུཔསེཙནཾ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫཏཱི’’ཏི. ཨེཝམྤི ཏིཊྛཾ ནརོ.

ཝུཏྟམྤི ཧེཏཾ བྷགཝཏཱ – ‘‘ཀབལཱི༹ཀཱརེ ཙེ, བྷིཀྑཝེ, ཨཱཧཱརེ ཨཏྠི རཱགོ ཨཏྠི ནནྡཱི ཨཏྠི ཏཎྷཱ, པཏིཊྛིཏཾ ཏཏྠ ཝིཉྙཱཎཾ ཝིརཱུལ༹ྷཾ. ཡཏྠ པཏིཊྛིཏཾ ཝིཉྙཱཎཾ ཝིརཱུལ༹ྷཾ, ཨཏྠི ཏཏྠ ནཱམརཱུཔསྶཱཝཀྐནྟི. ཡཏྠ ཨཏྠི ནཱམརཱུཔསྶཱཝཀྐནྟི, ཨཏྠི ཏཏྠ སངྑཱརཱནཾ ཝུདྡྷི. ཡཏྠ ཨཏྠི སངྑཱརཱནཾ ཝུདྡྷི, ཨཏྠི ཏཏྠ ཨཱཡཏིཾ པུནབྦྷཝཱབྷིནིབྦཏྟི. ཡཏྠ ཨཏྠི ཨཱཡཏིཾ པུནབྦྷཝཱབྷིནིབྦཏྟི, ཨཏྠི ཏཏྠ ཨཱཡཏིཾ ཛཱཏིཛརཱམརཎཾ. ཡཏྠ ཨཏྠི ཨཱཡཏིཾ ཛཱཏིཛརཱམརཎཾ, སསོཀཾ ཏཾ, བྷིཀྑཝེ, སརཛཾ སཨུཔཱཡཱསནྟི ཝདཱམཱི’’ཏི. ཨེཝམྤི ཏིཊྛཾ ནརོ.

‘‘ཕསྶེ ཙེ, བྷིཀྑཝེ, ཨཱཧཱརེ…པེ… མནོསཉྩེཏནཱཡ ཙེ, བྷིཀྑཝེ, ཨཱཧཱརེ… ཝིཉྙཱཎེ ཙེ, བྷིཀྑཝེ, ཨཱཧཱརེ ཨཏྠི རཱགོ ཨཏྠི ནནྡཱི ཨཏྠི ཏཎྷཱ ¶ , པཏིཊྛིཏཾ ཏཏྠ ཝིཉྙཱཎཾ ཝིརཱུལ༹ྷཾ. ཡཏྠ པཏིཊྛིཏཾ ཝིཉྙཱཎཾ ཝིརཱུལ༹ྷཾ, ཨཏྠི ཏཏྠ ནཱམརཱུཔསྶཱཝཀྐནྟི. ཡཏྠ ཨཏྠི ནཱམརཱུཔསྶཱཝཀྐནྟི, ཨཏྠི ཏཏྠ སངྑཱརཱནཾ ཝུདྡྷི. ཡཏྠ ཨཏྠི སངྑཱརཱནཾ ཝུདྡྷི, ཨཏྠི ཏཏྠ ¶ ཨཱཡཏིཾ པུནབྦྷཝཱབྷིནིབྦཏྟི. ཡཏྠ ཨཏྠི ཨཱཡཏིཾ པུནབྦྷཝཱབྷིནིབྦཏྟི ¶ , ཨཏྠི ཏཏྠ ཨཱཡཏིཾ ཛཱཏིཛརཱམརཎཾ. ཡཏྠ ཨཏྠི ཨཱཡཏིཾ ཛཱཏིཛརཱམརཎཾ, སསོཀཾ ཏཾ, བྷིཀྑཝེ, སརཛཾ སཨུཔཱཡཱསནྟི ཝདཱམཱི’’ཏི. ཨེཝམྤི ཏིཊྛཾ ནརོ.

མོཧནསྨིཾ པགཱལ༹ྷོཏི. མོཧནཱ ཝུཙྩནྟི པཉྩ ཀཱམགུཎཱ. ཙཀྑུཝིཉྙེཡྻཱ རཱུཔཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ; སོཏཝིཉྙེཡྻཱ སདྡཱ… གྷཱནཝིཉྙེཡྻཱ གནྡྷཱ… ཛིཝ྄ཧཱཝིཉྙེཡྻཱ རསཱ… ཀཱཡཝིཉྙེཡྻཱ ཕོཊྛབྦཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ. ཀིཾ ཀཱརཎཱ མོཧནཱ ཝུཙྩནྟི པཉྩ ཀཱམགུཎཱ? ཡེབྷུཡྻེན དེཝམནུསྶཱ ¶ པཉྩསུ ཀཱམགུཎེསུ མུཡ྄ཧནྟི སམྨུཡ྄ཧནྟི སམྤམུཡ྄ཧནྟི, མཱུལ༹ྷཱ སམྨཱུལ༹ྷཱ སམྤམཱུལ༹ྷཱ ཨཝིཛྫཱཡ ཨནྡྷཱིཀཏཱ ཨཱཝུཏཱ ནིཝུཏཱ ཨོཝུཏཱ པིཧིཏཱ པཊིཙྪནྣཱ པཊིཀུཛྫིཏཱ, ཏཾ ཀཱརཎཱ མོཧནཱ ཝུཙྩནྟི པཉྩ ཀཱམགུཎཱ. མོཧནསྨིཾ པགཱལ༹ྷོཏི མོཧནསྨིཾ པགཱལ༹ྷོ ཨོགཱལ༹ྷོ ཨཛ྄ཛྷོགཱལ༹ྷོ ནིམུགྒོཏི – ཏིཊྛཾ ནརོ མོཧནསྨིཾ པགཱལ༹ྷོ.

དཱུརེ ཝིཝེཀཱ ཧི ཏཐཱཝིདྷོ སོཏི. ཝིཝེཀཱཏི ཏཡོ ཝིཝེཀཱ – ཀཱཡཝིཝེཀོ, ཙིཏྟཝིཝེཀོ, ཨུཔདྷིཝིཝེཀོ. ཀཏམོ ཀཱཡཝིཝེཀོ? ཨིདྷ བྷིཀྑུ ཝིཝིཏྟཾ སེནཱསནཾ བྷཛཏི ཨརཉྙཾ རུཀྑམཱུལཾ པབྦཏཾ ཀནྡརཾ གིརིགུཧཾ སུསཱནཾ ཝནཔཏྠཾ ཨབྦྷོཀཱསཾ པལཱལཔུཉྫཾ. ཀཱཡེན ཝིཝིཏྟོ ཝིཧརཏི. སོ ཨེཀོ གཙྪཏི, ཨེཀོ ཏིཊྛཏི, ཨེཀོ ནིསཱིདཏི, ཨེཀོ སེཡྻཾ ཀཔྤེཏི, ཨེཀོ གཱམཾ པིཎྜཱཡ ¶ པཝིསཏི, ཨེཀོ པཊིཀྐམཏི, ཨེཀོ རཧོ ནིསཱིདཏི, ཨེཀོ ཙངྐམཾ ཨདྷིཊྛཱཏི, ཨེཀོ ཙརཏི ཝིཧརཏི ཨིརིཡཏི ཝཏྟཏི པཱལེཏི ཡཔེཏི ཡཱཔེཏི. ཨཡཾ ཀཱཡཝིཝེཀོ.

ཀཏམོ ¶ ཙིཏྟཝིཝེཀོ? པཋམཾ ཛྷཱནཾ སམཱཔནྣསྶ ནཱིཝརཎེཧི ཙིཏྟཾ ཝིཝིཏྟཾ ཧོཏི. དུཏིཡཾ ཛྷཱནཾ སམཱཔནྣསྶ ཝིཏཀྐཝིཙཱརེཧི ཙིཏྟཾ ཝིཝིཏྟཾ ཧོཏི. ཏཏིཡཾ ཛྷཱནཾ སམཱཔནྣསྶ པཱིཏིཡཱ ཙིཏྟཾ ཝིཝིཏྟཾ ཧོཏི. ཙཏུཏྠཾ ཛྷཱནཾ སམཱཔནྣསྶ སུཁདུཀྑེཧི ཙིཏྟཾ ཝིཝིཏྟཾ ཧོཏི. ཨཱཀཱསཱནཉྩཱཡཏནཾ སམཱཔནྣསྶ རཱུཔསཉྙཱཡ པཊིགྷསཉྙཱཡ ནཱནཏྟསཉྙཱཡ ཙིཏྟཾ ཝིཝིཏྟཾ ཧོཏི. ཝིཉྙཱཎཉྩཱཡཏནཾ སམཱཔནྣསྶ ཨཱཀཱསཱནཉྩཱཡཏནསཉྙཱཡ ཙིཏྟཾ ཝིཝིཏྟཾ ཧོཏི. ཨཱཀིཉྩཉྙཱཡཏནཾ སམཱཔནྣསྶ ཝིཉྙཱཎཉྩཱཡཏནསཉྙཱཡ ཙིཏྟཾ ཝིཝིཏྟཾ ཧོཏི. ནེཝསཉྙཱནཱསཉྙཱཡཏནཾ སམཱཔནྣསྶ ཨཱཀིཉྩཉྙཱཡཏནསཉྙཱཡ ཙིཏྟཾ ཝིཝིཏྟཾ ཧོཏི. སོཏཱཔནྣསྶ སཀྐཱཡདིཊྛིཡཱ ཝིཙིཀིཙྪཱཡ སཱིལབྦཏཔརཱམཱསཱ དིཊྛཱནུསཡཱ ཝིཙིཀིཙྪཱནུསཡཱ, ཏདེཀཊྛེཧི ཙ ཀིལེསེཧི ཙིཏྟཾ ཝིཝིཏྟཾ ཧོཏི. སཀདཱགཱམིསྶ ཨོལཱ༹རིཀཱ ཀཱམརཱགསཉྙོཛནཱ པཊིགྷསཉྙོཛནཱ ཨོལཱ༹རིཀཱ ཀཱམརཱགཱནུསཡཱ པཊིགྷཱནུསཡཱ, ཏདེཀཊྛེཧི ¶ ཙ ཀིལེསེཧི ཙིཏྟཾ ཝིཝིཏྟཾ ཧོཏི. ཨནཱགཱམིསྶ ཨནུསཧགཏཱ ཀཱམརཱགསཉྙོཛནཱ པཊིགྷསཉྙོཛནཱ ཨནུསཧགཏཱ ཀཱམརཱགཱནུསཡཱ པཊིགྷཱནུསཡཱ, ཏདེཀཊྛེཧི ཙ ཀིལེསེཧི ཙིཏྟཾ ཝིཝིཏྟཾ ཧོཏི. ཨརཧཏོ རཱུཔཱརཱུཔརཱགཱ མཱནཱ ཨུདྡྷཙྩཱ ཨཝིཛྫཱཡ མཱནཱནུསཡཱ བྷཝརཱགཱནུསཡཱ ཨཝིཛྫཱནུསཡཱ ¶ , ཏདེཀཊྛེཧི ¶ ཙ ཀིལེསེཧི བཧིདྡྷཱ ཙ སབྦནིམིཏྟེཧི ཙིཏྟཾ ཝིཝིཏྟཾ ཧོཏི. ཨཡཾ ཙིཏྟཝིཝེཀོ.

ཀཏམོ ཨུཔདྷིཝིཝེཀོ? ཨུཔདྷི ཝུཙྩནྟི ཀིལེསཱ ཙ ཁནྡྷཱ ཙ ཨབྷིསངྑཱརཱ ཙ. ཨུཔདྷིཝིཝེཀོ ཝུཙྩཏི ཨམཏཾ ནིབྦཱནཾ. ཡོ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཀྑཡོ ཝིརཱགོ ནིརོདྷོ ནིབྦཱནཾ. ཨཡཾ ཨུཔདྷིཝིཝེཀོ. ཀཱཡཝིཝེཀོ ཙ ཝིཝེཀཊྛཀཱཡཱནཾ [ཝཱུཔཀཊྛཀཱཡཱནཾ (སྱཱ.)] ནེཀྑམྨཱབྷིརཏཱནཾ, ཙིཏྟཝིཝེཀོ ཙ པརིསུདྡྷཙིཏྟཱནཾ པརམཝོདཱནཔྤཏྟཱནཾ, ཨུཔདྷིཝིཝེཀོ ཙ ནིརཱུཔདྷཱིནཾ པུགྒལཱནཾ ཝིསངྑཱརགཏཱནཾ.

དཱུརེ ¶ ཝིཝེཀཱ ཧཱིཏི. ཡོ སོ ཨེཝཾ གུཧཱཡཾ སཏྟོ, ཨེཝཾ བཧུཀེཧི ཀིལེསེཧི ཚནྣོ, ཨེཝཾ མོཧནསྨིཾ པགཱལ༹ྷོ, སོ ཀཱཡཝིཝེཀཱཔི དཱུརེ, ཙིཏྟཝིཝེཀཱཔི དཱུརེ, ཨུཔདྷིཝིཝེཀཱཔི དཱུརེ ཝིདཱུརེ སུཝིདཱུརེ ན སནྟིཀེ ན སཱམནྟཱ ཨནཱསནྣེ ཝིཝེཀཊྛེ [ཝཝཀཊྛེ (སཱི.), ཨནུཔཀཊྛེ (སྱཱ.)]. ཏཐཱཝིདྷོཏི ཏཱདིསོ ཏསྶཎྛིཏོ ཏཔྤཀཱརོ ཏཔྤཊིབྷཱགོ ཡོ སོ མོཧནསྨིཾ པགཱལ༹ྷོཏི – དཱུརེ ཝིཝེཀཱ ཧི ཏཐཱཝིདྷོ སོ.

ཀཱམཱ ཧི ལོཀེ ན ཧི སུཔྤཧཱཡཱཏི. ཀཱམཱཏི ཨུདྡཱནཏོ དྭེ ཀཱམཱ – ཝཏྠུཀཱམཱ ཙ ཀིལེསཀཱམཱ ཙ. ཀཏམེ ཝཏྠུཀཱམཱ? མནཱཔིཀཱ རཱུཔཱ མནཱཔིཀཱ སདྡཱ མནཱཔིཀཱ གནྡྷཱ མནཱཔིཀཱ རསཱ མནཱཔིཀཱ ཕོཊྛབྦཱ, ཨཏྠརཎཱ པཱཝུརཎཱ དཱསིདཱསཱ ཨཛེལ༹ཀཱ ཀུཀྐུཊསཱུཀརཱ ཧཏྠིགཝཱསྶཝལ༹ཝཱ, ཁེཏྟཾ ཝཏྠུ ཧིརཉྙཾ ¶ སུཝཎྞཾ, གཱམནིགམརཱཛདྷཱནིཡོ རཊྛཉྩ ཛནཔདོ ཙ ཀོསོ ཙ ཀོཊྛཱགཱརཉྩ, ཡཾ ཀིཉྩི རཛནཱིཡཾ ཝཏྠུ – ཝཏྠུཀཱམཱ. ཨཔི ཙ ཨཏཱིཏཱ ཀཱམཱ ཨནཱགཏཱ ཀཱམཱ པཙྩུཔྤནྣཱ ཀཱམཱ, ཨཛ྄ཛྷཏྟཱ ཀཱམཱ བཧིདྡྷཱ ཀཱམཱ ཨཛ྄ཛྷཏྟབཧིདྡྷཱ ཀཱམཱ, ཧཱིནཱ ཀཱམཱ མཛ྄ཛྷིམཱ ཀཱམཱ པཎཱིཏཱ ཀཱམཱ, ཨཱཔཱཡིཀཱ ཀཱམཱ མཱནུསིཀཱ ཀཱམཱ དིབྦཱ ཀཱམཱ པཙྩུཔཊྛིཏཱ ཀཱམཱ, ནིམྨིཏཱ ཀཱམཱ ཨནིམྨིཏཱ ཀཱམཱ པརནིམྨིཏཱ ཀཱམཱ, པརིགྒཧིཏཱ ཀཱམཱ ཨཔརིགྒཧིཏཱ ཀཱམཱ, མམཱཡིཏཱ ཀཱམཱ ཨམམཱཡིཏཱ ཀཱམཱ, སབྦེཔི ཀཱམཱཝཙརཱ དྷམྨཱ, སབྦེཔི རཱུཔཱཝཙརཱ དྷམྨཱ, སབྦེཔི ཨརཱུཔཱཝཙརཱ དྷམྨཱ, ཏཎྷཱཝཏྠུཀཱ ཏཎྷཱརམྨཎཱ ཀཱམནཱིཡཊྛེན རཛནཱིཡཊྛེན མདནཱིཡཊྛེན ཀཱམཱ. ཨིམེ ཝུཙྩནྟི ཝཏྠུཀཱམཱ.

ཀཏམེ ¶ ¶ ཀིལེསཀཱམཱ? ཚནྡོ ཀཱམོ རཱགོ ཀཱམོ ཚནྡརཱགོ ཀཱམོ, སངྐཔྤོ ཀཱམོ རཱགོ ཀཱམོ སངྐཔྤརཱགོ ཀཱམོ, ཡོ ཀཱམེསུ ཀཱམཙྪནྡོ ཀཱམརཱགོ ཀཱམནནྡཱི ཀཱམཏཎྷཱ ཀཱམསྣེཧོ ཀཱམཔརིལཱ༹ཧོ ཀཱམམུཙྪཱ ཀཱམཛ྄ཛྷོསཱནཾ ཀཱམོགྷོ ཀཱམཡོགོ ཀཱམུཔཱདཱནཾ ཀཱམཙྪནྡནཱིཝརཎཾ.

‘‘ཨདྡསཾ ཀཱམ ཏེ མཱུལཾ, སངྐཔྤཱ ཀཱམ ཛཱཡསི;

ན ཏཾ སངྐཔྤཡིསྶཱམི, ཨེཝཾ ཀཱམ ན ཧོཧིསཱི’’ཏི. –

ཨིམེ ཝུཙྩནྟི ཀིལེསཀཱམཱ. ལོཀེཏི ¶ ཨཔཱཡལོཀེ མནུསྶལོཀེ དེཝལོཀེ, ཁནྡྷལོཀེ དྷཱཏུལོཀེ ཨཱཡཏནལོཀེ. ཀཱམཱ ཧི ལོཀེ ན ¶ ཧི སུཔྤཧཱཡཱཏི. ཀཱམཱ ཧི ལོཀེ དུཔྤཧཱཡཱ དུཙྩཛྫཱ དུཔྤརིཙྩཛྫཱ དུནྣིམྨདཡཱ དུནྣིཝེཋཡཱ དུབྦིནིཝེཋཡཱ དུཏྟརཱ དུཔྤཏརཱ དུསྶམཏིཀྐམཱ དུབྦིནིཝཏྟཱཏི – ཀཱམཱ ཧི ལོཀེ ན ཧི སུཔྤཧཱཡཱ.

‘‘སཏྟོ གུཧཱཡཾ བཧུནཱབྷིཚནྣོ, ཏིཊྛཾ ནརོ མོཧནསྨིཾ པགཱལ༹ྷོ;

དཱུརེ ཝིཝེཀཱ ཧི ཏཐཱཝིདྷོ སོ, ཀཱམཱ ཧི ལོཀེ ན ཧི སུཔྤཧཱཡཱ’’ཏི.

ཨིཙྪཱནིདཱནཱ བྷཝསཱཏབདྡྷཱ, ཏེ དུཔྤམུཉྩཱ ན ཧི ཨཉྙམོཀྑཱ;

པཙྪཱ པུརེ ཝཱཔི ཨཔེཀྑམཱནཱ, ཨིམེ ཝ ཀཱམེ པུརིམེ ཝ ཛཔྤཾ.

ཨིཙྪཱནིདཱནཱ བྷཝསཱཏབདྡྷཱཏི. ཨིཙྪཱ ཝུཙྩཏི ཏཎྷཱ. ཡོ རཱགོ སཱརཱགོ ཨནུནཡོ ཨནུརོདྷོ ནནྡཱི ནནྡིརཱགོ, ཙིཏྟསྶ སཱརཱགོ ཨིཙྪཱ མུཙྪཱ ཨཛ྄ཛྷོསཱནཾ གེདྷོ པལིགེདྷོ སངྒོ པངྐོ, ཨེཛཱ མཱཡཱ ཛནིཀཱ སཉྫནནཱི སིབྦིནཱི ཛཱལིནཱི སརིཏཱ ཝིསཏྟིཀཱ, སུཏྟཾ ཝིསཊཱ ཨཱཡཱུཧིནཱི དུཏིཡཱ པཎིདྷི བྷཝནེཏྟི, ཝནཾ ཝནཐོ སནྡྷཝོ སྣེཧོ ཨཔེཀྑཱ པཊིབནྡྷུ, ཨཱསཱ ཨཱསཱིསནཱ ཨཱསཱིསིཏཏྟཾ, རཱུཔཱསཱ སདྡཱསཱ གནྡྷཱསཱ རསཱསཱ ཕོཊྛབྦཱསཱ, ལཱབྷཱསཱ དྷནཱསཱ པུཏྟཱསཱ ཛཱིཝིཏཱསཱ ¶ , ཛཔྤཱ པཛཔྤཱ ཨབྷིཛཔྤཱ ¶ ཛཔྤནཱ ཛཔྤིཏཏྟཾ ལོལུཔྤཾ ལོལུཔྤཱཡནཱ ལོལུཔྤཱཡིཏཏྟཾ པུཙྪཉྪིཀཏཱ སཱདྷུཀམྱཏཱ, ཨདྷམྨརཱགོ ཝིསམལོབྷོ ¶ ནིཀནྟི ནིཀཱམནཱ པཏྠནཱ པིཧནཱ སམྤཏྠནཱ, ཀཱམཏཎྷཱ བྷཝཏཎྷཱ ཝིབྷཝཏཎྷཱ, རཱུཔཏཎྷཱ ཨརཱུཔཏཎྷཱ ནིརོདྷཏཎྷཱ, རཱུཔཏཎྷཱ སདྡཏཎྷཱ གནྡྷཏཎྷཱ རསཏཎྷཱ ཕོཊྛབྦཏཎྷཱ དྷམྨཏཎྷཱ, ཨོགྷོ ཡོགོ གནྠོ ཨུཔཱདཱནཾ ཨཱཝརཎཾ ནཱིཝརཎཾ ཚདནཾ བནྡྷནཾ, ཨུཔཀྐིལེསོ ཨནུསཡོ པརིཡུཊྛཱནཾ ལཏཱ ཝེཝིཙྪཾ ¶ , དུཀྑམཱུལཾ དུཀྑནིདཱནཾ དུཀྑཔྤབྷཝོ མཱརཔཱསོ མཱརབལི༹སཾ མཱརཝིསཡོ, ཏཎྷཱནདཱི ཏཎྷཱཛཱལཾ ཏཎྷཱགདྡུལཾ ཏཎྷཱསམུདྡོ ཨབྷིཛ྄ཛྷཱ ལོབྷོ ཨཀུསལམཱུལཾ. ཨིཙྪཱནིདཱནཱཏི ཨིཙྪཱནིདཱནཀཱ ཨིཙྪཱཧེཏུཀཱ ཨིཙྪཱཔཙྩཡཱ ཨིཙྪཱཀཱརཎཱ ཨིཙྪཱཔབྷཝཱཏི – ཨིཙྪཱནིདཱནཱ.

བྷཝསཱཏབདྡྷཱཏི. ཨེཀཾ བྷཝསཱཏཾ – སུཁཱ ཝེདནཱ. དྭེ བྷཝསཱཏཱནི – སུཁཱ ཙ ཝེདནཱ ཨིཊྛཉྩ ཝཏྠུ. ཏཱིཎི བྷཝསཱཏཱནི – ཡོབྦཉྙཾ, ཨཱརོགྱཾ, ཛཱིཝིཏཾ. ཙཏྟཱརི བྷཝསཱཏཱནི – ལཱབྷོ, ཡསོ, པསཾསཱ, སུཁཾ. པཉྩ བྷཝསཱཏཱནི – མནཱཔིཀཱ རཱུཔཱ, མནཱཔིཀཱ སདྡཱ, མནཱཔིཀཱ གནྡྷཱ, མནཱཔིཀཱ རསཱ, མནཱཔིཀཱ ཕོཊྛབྦཱ. ཚ བྷཝསཱཏཱནི – ཙཀྑུསམྤདཱ, སོཏསམྤདཱ, གྷཱནསམྤདཱ, ཛིཝ྄ཧཱསམྤདཱ, ཀཱཡསམྤདཱ, མནོསམྤདཱ. བྷཝསཱཏབདྡྷཱ, སུཁཱཡ ཝེདནཱཡ སཱཏབདྡྷཱ, ཨིཊྛསྨིཾ ཝཏྠུསྨིཾ བདྡྷཱ, ཡོབྦཉྙེ བདྡྷཱ, ཨཱརོགྱེ བདྡྷཱ, ཛཱིཝིཏེ བདྡྷཱ, ལཱབྷེ བདྡྷཱ, ཡསེ བདྡྷཱ, པསཾསཱཡཾ བདྡྷཱ, སུཁེ བདྡྷཱ ¶ , མནཱཔིཀེསུ རཱུཔེསུ བདྡྷཱ, སདྡེསུ… གནྡྷེསུ… རསེསུ… མནཱཔིཀེསུ ཕོཊྛབྦེསུ བདྡྷཱ, ཙཀྑུསམྤདཱཡ བདྡྷཱ, སོཏགྷཱནཛིཝ྄ཧཱཀཱཡམནོསམྤདཱཡ བདྡྷཱ, ཝིབདྡྷཱ ཨཱབདྡྷཱ ལགྒཱ ལགྒིཏཱ པལིབདྡྷཱཏི – ཨིཙྪཱནིདཱནཱ བྷཝསཱཏབདྡྷཱ.

ཏེ ¶ དུཔྤམུཉྩཱ ན ཧི ཨཉྙམོཀྑཱཏི ཏེ ཝཱ བྷཝསཱཏཝཏྠཱུ དུཔྤམུཉྩཱ, སཏྟཱ ཝཱ ཨེཏྟོ དུམྨོཙཡཱ. ཀཐཾ ཏེ བྷཝསཱཏཝཏྠཱུ དུཔྤམུཉྩཱ? སུཁཱ ཝེདནཱ དུཔྤམུཉྩཱ, ཨིཊྛཾ ཝཏྠུ དུཔྤམུཉྩཾ, ཡོབྦཉྙཾ དུཔྤམུཉྩཾ, ཨཱརོགྱཾ དུཔྤམུཉྩཾ, ཛཱིཝིཏཾ དུཔྤམུཉྩཾ, ལཱབྷོ དུཔྤམུཉྩོ, ཡསོ དུཔྤམུཉྩོ, པསཾསཱ དུཔྤམུཉྩཱ, སུཁཾ དུཔྤམུཉྩཾ, མནཱཔིཀཱ རཱུཔཱ དུཔྤམུཉྩཱ, མནཱཔིཀཱ སདྡཱ… གནྡྷཱ… རསཱ… ཕོཊྛབྦཱ དུཔྤམུཉྩཱ, ཙཀྑུསམྤདཱ དུཔྤམུཉྩཱ, སོཏགྷཱནཛིཝ྄ཧཱཀཱཡམནོསམྤདཱ དུཔྤམུཉྩཱ དུམྨོཙཡཱ དུཔྤམོཙཡཱ དུནྣིཝེཋཡཱ དུབྦིནིཝེཋཡཱ ¶ , དུཏྟརཱ དུཔྤཏརཱ དུསྶམཏིཀྐམཱ དུབྦིནིཝཏྟཱ. ཨེཝཾ ཏེ བྷཝསཱཏཝཏྠཱུ དུཔྤམུཉྩཱ.

ཀཐཾ སཏྟཱ ཨེཏྟོ དུམྨོཙཡཱ? སུཁཱཡ ཝེདནཱཡ སཏྟཱ དུམྨོཙཡཱ, ཨིཊྛསྨཱ ཝཏྠུསྨཱ དུམྨོཙཡཱ, ཡོབྦཉྙཱ དུམྨོཙཡཱ, ཨཱརོགྱཱ དུམྨོཙཡཱ, ཛཱིཝིཏཱ དུམྨོཙཡཱ, ལཱབྷཱ དུམྨོཙཡཱ, ཡསཱ དུམྨོཙཡཱ, པསཾསཱཡ དུམྨོཙཡཱ, སུཁཱ དུམྨོཙཡཱ ¶ , མནཱཔིཀེཧི རཱུཔེཧི དུམྨོཙཡཱ, མནཱཔིཀེཧི སདྡེཧི… གནྡྷེཧི… རསེཧི… ཕོཊྛབྦེཧི དུམྨོཙཡཱ, ཙཀྑུསམྤདཱཡ དུམྨོཙཡཱ, སོཏགྷཱནཛིཝ྄ཧཱཀཱཡམནོསམྤདཱཡ དུམྨོཙཡཱ དུརུདྡྷརཱ [དུདྡྷརཱ (ཀ.)], དུསྶམུདྡྷརཱ དུབྦུཊྛཱཔཡཱ དུསྶམུཊྛཱཔཡཱ དུནྣིཝེཋཡཱ དུབྦིནིཝེཋཡཱ དུཏྟརཱ དུཔྤཏརཱ དུསྶམཏིཀྐམཱ དུབྦིནིཝཏྟཱ. ཨེཝཾ སཏྟཱ ཨེཏྟོ དུམྨོཙཡཱཏི – ཏེ དུཔྤམུཉྩཱ.

ན ¶ ¶ ཧི ཨཉྙམོཀྑཱཏི ཏེ ཨཏྟནཱ པལིཔཔལིཔནྣཱ ན སཀྐོནྟི པརཾ པལིཔཔལིཔནྣཾ ཨུདྡྷརིཏུཾ. ཝུཏྟཉྷེཏཾ བྷགཝཏཱ – ‘‘སོ ཝཏ, ཙུནྡ, ཨཏྟནཱ པལིཔཔལིཔནྣོ པརཾ པལིཔཔལིཔནྣཾ ཨུདྡྷརིསྶཏཱིཏི ནེཏཾ ཋཱནཾ ཝིཛྫཏི. སོ ཝཏ, ཙུནྡ, ཨཏྟནཱ ཨདནྟོ ཨཝིནཱིཏོ ཨཔརིནིབྦུཏོ པརཾ དམེསྶཏི ཝིནེསྶཏི པརིནིབྦཱཔེསྶཏཱིཏི ནེཏཾ ཋཱནཾ ཝིཛྫཏཱི’’ཏི. ཨེཝམྤི ན ཧི ཨཉྙམོཀྑཱ.

ཨཐ ཝཱ ནཏྠཉྙོ ཀོཙི མོཙེཏཱ. ཏེ ཡདི མུཉྩེཡྻུཾ, སཀེན ཐཱམེན སཀེན བལེན སཀེན ཝཱིརིཡེན སཀེན པརཀྐམེན སཀེན པུརིསཐཱམེན སཀེན པུརིསབལེན སཀེན པུརིསཝཱིརིཡེན སཀེན པུརིསཔརཀྐམེན ཨཏྟནཱ སམྨཱཔཊིཔདཾ ཨནུལོམཔཊིཔདཾ ཨཔཙྩནཱིཀཔཊིཔདཾ ཨནྭཏྠཔཊིཔདཾ དྷམྨཱནུདྷམྨཔཊིཔདཾ པཊིཔཛྫམཱནཱ མུཉྩེཡྻུནྟི. ཨེཝམྤི ན ཧི ཨཉྙམོཀྑཱ.

‘‘ནཱཧཾ སཧིསྶཱམི པམོཙནཱཡ, ཀཐཾཀཐིཾ དྷོཏཀ ཀིཉྩི ལོཀེ;

དྷམྨཉྩ ¶ སེཊྛཾ ཨབྷིཛཱནམཱནོ, ཨེཝཾ ཏུཝཾ ཨོགྷམིམཾ ཏརེསཱི’’ཏི.

‘‘ཨཏྟནཱཝ ¶ ཀཏཾ པཱཔཾ, ཨཏྟནཱ སཾཀིལིསྶཏི;

ཨཏྟནཱ ཨཀཏཾ པཱཔཾ, ཨཏྟནཱཝ ཝིསུཛ྄ཛྷཏི;

སུདྡྷཱི ཨསུདྡྷི པཙྩཏྟཾ, ནཱཉྙོ ཨཉྙཾ ཝིསོདྷཡེ’’ཏི.

ཝུཏྟམྤི ¶ ཧེཏཾ བྷགཝཏཱ – ‘‘ཨེཝམེཝ ཁོ, བྲཱཧྨཎ, ཏིཊྛཏེཝ ནིབྦཱནཾ, ཏིཊྛཏི ནིབྦཱནགཱམིམགྒོ, ཏིཊྛཱམཧཾ སམཱདཔེཏཱ. ཨཐ ཙ པན མམ སཱཝཀཱ མཡཱ ཨེཝཾ ཨོཝདིཡམཱནཱ ཨེཝཾ ཨནུསཱསིཡམཱནཱ ཨཔྤེཀཙྩེ ཨཙྩནྟནིཊྛཾ ནིབྦཱནཾ ཨཱརཱདྷེནྟི, ཨེཀཙྩེ ནཱརཱདྷེནྟི. ཨེཏྠ ཀྱཱཧཾ, བྲཱཧྨཎ, ཀརོམི? མགྒཀྑཱཡཱི, བྲཱཧྨཎ, ཏཐཱགཏོ. མགྒཾ བུདྡྷོ ཨཱཙིཀྑཏི ¶ . ཨཏྟནཱ པཊིཔཛྫམཱནཱ མུཉྩེཡྻུ’’ནྟི. ཨེཝམྤི ན ཧི ཨཉྙམོཀྑཱཏི – ཏེ དུཔྤམུཉྩཱ ན ཧི ཨཉྙམོཀྑཱ.

པཙྪཱ པུརེ ཝཱཔི ཨཔེཀྑམཱནཱཏི. པཙྪཱ ཝུཙྩཏི ཨནཱགཏཾ, པུརེ ཝུཙྩཏི ཨཏཱིཏཾ. ཨཔི ཙ ཨཏཱིཏཾ ཨུཔཱདཱཡ ཨནཱགཏཉྩ པཙྩུཔྤནྣཉྩ པཙྪཱ, ཨནཱགཏཾ ཨུཔཱདཱཡ ཨཏཱིཏཉྩ པཙྩུཔྤནྣཉྩ པུརེ. ཀཐཾ པུརེ ཨཔེཀྑཾ ཀརོཏི? ‘‘ཨེཝཾརཱུཔོ ཨཧོསིཾ ཨཏཱིཏམདྡྷཱན’’ནྟི ཏཏྠ ནནྡིཾ སམནྣཱནེཏི. ‘‘ཨེཝཾཝེདནོ ཨཧོསིཾ… ཨེཝཾསཉྙོ ཨཧོསིཾ… ཨེཝཾསངྑཱརོ ¶ ཨཧོསིཾ… ཨེཝཾཝིཉྙཱཎོ ཨཧོསིཾ ཨཏཱིཏམདྡྷཱན’’ནྟི ཏཏྠ ནནྡིཾ སམནྣཱནེཏི. ཨེཝམྤི པུརེ ཨཔེཀྑཾ ཀརོཏི.

ཨཐ ཝཱ ‘‘ཨིཏི མེ ཙཀྑུ ཨཧོསི ཨཏཱིཏམདྡྷཱནཾ, ཨིཏི རཱུཔཱ’’ཏི – ཏཏྠ ཚནྡརཱགཔཊིབདྡྷཾ ཧོཏི ཝིཉྙཱཎཾ. ཚནྡརཱགཔཊིབདྡྷཏྟཱ ཝིཉྙཱཎསྶ ཏདབྷིནནྡཏི. ཏདབྷིནནྡནྟོ ཨེཝམྤི པུརེ ཨཔེཀྑཾ ཀརོཏི. ‘‘ཨིཏི མེ སོཏཾ ཨཧོསི ཨཏཱིཏམདྡྷཱནཾ, ཨིཏི སདྡཱ’’ཏི…པེ… ‘‘ཨིཏི མེ གྷཱནཾ ཨཧོསི ཨཏཱིཏམདྡྷཱནཾ, ཨིཏི གནྡྷཱ’’ཏི… ‘‘ཨིཏི མེ ཛིཝ྄ཧཱ ཨཧོསི ཨཏཱིཏམདྡྷཱནཾ, ཨིཏི རསཱ’’ཏི… ‘‘ཨིཏི མེ ཀཱཡོ ཨཧོསི ཨཏཱིཏམདྡྷཱནཾ, ཨིཏི ཕོཊྛབྦཱ’’ཏི… ‘‘ཨིཏི མེ མནོ ཨཧོསི ཨཏཱིཏམདྡྷཱནཾ, ཨིཏི དྷམྨཱ’’ཏི – ཏཏྠ ཚནྡརཱགཔཊིབདྡྷཾ ཧོཏི ཝིཉྙཱཎཾ. ཚནྡརཱགཔཊིབདྡྷཏྟཱ ཝིཉྙཱཎསྶ ཏདབྷིནནྡཏི. ཏདབྷིནནྡནྟོ ཨེཝམྤི པུརེ ཨཔེཀྑཾ ཀརོཏི.

ཨཐ ¶ ¶ ཝཱ ཡཱནིསྶ ཏཱནི པུབྦེ མཱཏུགཱམེན སདྡྷིཾ ཧསིཏལཔིཏཀཱིལི༹ཏཱནི ཏདསྶཱདེཏི ཏཾ ནིཀཱམེཏི, ཏེན ཙ ཝིཏྟིཾ ཨཱཔཛྫཏི. ཨེཝམྤི པུརེ ཨཔེཀྑཾ ཀརོཏི.

ཀཐཾ པཙྪཱ ཨཔེཀྑཾ ཀརོཏི? ‘‘ཨེཝཾརཱུཔོ སིཡཾ ཨནཱགཏམདྡྷཱན’’ནྟི ཏཏྠ ནནྡིཾ སམནྣཱནེཏི. ‘‘ཨེཝཾཝེདནོ སིཡཾ… ཨེཝཾསཉྙོ སིཡཾ… ཨེཝཾསངྑཱརོ སིཡཾ… ཨེཝཾཝིཉྙཱཎོ སིཡཾ ཨནཱགཏམདྡྷཱན’’ནྟི ཏཏྠ ནནྡིཾ སམནྣཱནེཏི. ཨེཝམྤི པཙྪཱ ཨཔེཀྑཾ ཀརོཏི.

ཨཐ ཝཱ ‘‘ཨིཏི མེ ཙཀྑུ སིཡཱ ཨནཱགཏམདྡྷཱནཾ, ཨིཏི རཱུཔཱ’’ཏི – ཨཔྤཊིལདྡྷསྶ པཊིལཱབྷཱཡ ཙིཏྟཾ པཎིདཧཏི. ཙེཏསོ པཎིདྷཱནཔཙྩཡཱ ཏདབྷིནནྡཏི. ཏདབྷིནནྡནྟོ ཨེཝམྤི པཙྪཱ ཨཔེཀྑཾ ཀརོཏི. ‘‘ཨིཏི ¶ མེ སོཏཾ སིཡཱ ཨནཱགཏམདྡྷཱནཾ, ཨིཏི སདྡཱ’’ཏི… ‘‘ཨིཏི མེ གྷཱནཾ སིཡཱ ཨནཱགཏམདྡྷཱནཾ, ཨིཏི གནྡྷཱ’’ཏི… ‘‘ཨིཏི མེ ཛིཝ྄ཧཱ སིཡཱ ཨནཱགཏམདྡྷཱནཾ, ཨིཏི ¶ རསཱ’’ཏི… ‘‘ཨིཏི མེ ཀཱཡོ སིཡཱ ཨནཱགཏམདྡྷཱནཾ, ཨིཏི ཕོཊྛབྦཱ’’ཏི… ‘‘ཨིཏི མེ མནོ སིཡཱ ཨནཱགཏམདྡྷཱནཾ, ཨིཏི དྷམྨཱ’’ཏི – ཨཔྤཊིལདྡྷསྶ པཊིལཱབྷཱཡ ཙིཏྟཾ པཎིདཧཏི. ཙེཏསོ པཎིདྷཱནཔཙྩཡཱ ཏདབྷིནནྡཏི. ཏདབྷིནནྡནྟོ ཨེཝམྤི པཙྪཱ ཨཔེཀྑཾ ཀརོཏི.

ཨཐ ཝཱ ‘‘ཨིམིནཱཧཾ སཱིལེན ཝཱ ཝཏེན ཝཱ ཏཔེན ཝཱ བྲཧྨཙརིཡེན ཝཱ དེཝོ ཝཱ བྷཝིསྶཱམི དེཝཉྙཏརོ ཝཱ’’ཏི – ཨཔྤཊིལདྡྷསྶ པཊིལཱབྷཱཡ ཙིཏྟཾ པཎིདཧཏི. ཙེཏསོ པཎིདྷཱནཔཙྩཡཱ ཏདབྷིནནྡཏི. ཏདབྷིནནྡནྟོ ཨེཝམྤི པཙྪཱ ཨཔེཀྑཾ ཀརོཏཱིཏི – པཙྪཱ པུརེ ཝཱཔི ཨཔེཀྑམཱནཱ.

ཨིམེ ཝ ཀཱམེ པུརིམེ ཝ ཛཔྤནྟི. ཨིམེ ཝ ཀཱམེཏི པཙྩུཔྤནྣེ ¶ པཉྩ ཀཱམགུཎེ ཨིཙྪནྟཱ སཱདིཡནྟཱ པཏྠཡནྟཱ པིཧཡནྟཱ ཨབྷིཛཔྤནྟཱ. པུརིམེ ཝ ཛཔྤནྟི ཨཏཱིཏེ པཉྩ ཀཱམགུཎེ ཛཔྤནྟཱ པཛཔྤནྟཱ ཨབྷིཛཔྤནྟཱཏི – ཨིམེ ཝ ཀཱམེ པུརིམེ ཝ ཛཔྤཾ.

‘‘ཨིཙྪཱནིདཱནཱ བྷཝསཱཏབདྡྷཱ, ཏེ དུཔྤམུཉྩཱ ན ཧི ཨཉྙམོཀྑཱ;

པཙྪཱ པུརེ ཝཱཔི ཨཔེཀྑམཱནཱ, ཨིམེ ཝ ཀཱམེ པུརིམེ ཝ ཛཔྤ’’ནྟི.

ཀཱམེསུ ¶ ¶ གིདྡྷཱ པསུཏཱ པམཱུལ༹ྷཱ, ཨཝདཱནིཡཱ ཏེ ཝིསམེ ནིཝིཊྛཱ;

དུཀྑཱུཔནཱིཏཱ པརིདེཝཡནྟི, ཀིཾསཱུ བྷཝིསྶཱམ ཨིཏོ ཙུཏཱསེ.

ཀཱམེསུ གིདྡྷཱ པསུཏཱ པམཱུལ༹ྷཱཏི. ཀཱམཱཏི ཨུདྡཱནཏོ དྭེ ཀཱམཱ – ཝཏྠུཀཱམཱ ཙ ཀིལེསཀཱམཱ ཙ…པེ… ཨིམེ ཝུཙྩནྟི ཝཏྠུཀཱམཱ…པེ… ཨིམེ ཝུཙྩནྟི ཀིལེསཀཱམཱ. གེདྷོ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཀིལེསཀཱམེན ཝཏྠུཀཱམེསུ རཏྟཱ གིདྡྷཱ གདྷིཏཱ མུཙྪིཏཱ ཨཛ྄ཛྷོསནྣཱ [ཨཛ྄ཛྷོཔནྣཱ (སཱི. སྱཱ.)] ལགྒཱ ལགྒིཏཱ པལིབུདྡྷཱཏི – ཀཱམེསུ གིདྡྷཱ.

པསུཏཱཏི ཡེཔི ཀཱམེ ཨེསནྟི གཝེསནྟི པརིཡེསནྟི, ཏཙྩརིཏཱ ཏབྦཧུལཱ ཏགྒརུཀཱ, ཏནྣིནྣཱ ཏཔྤོཎཱ ཏཔྤབྦྷཱརཱ ཏདདྷིམུཏྟཱ ཏདདྷིཔཏེཡྻཱ, ཏེཔི ཀཱམཔསུཏཱ. ཡེཔི ཏཎྷཱཝསེན རཱུཔེ ཨེསནྟི གཝེསནྟི པརིཡེསནྟི… སདྡེ… གནྡྷེ… རསེ… ཕོཊྛབྦེ…པེ… པརིཡེསནྟི ཏཙྩརིཏཱ ཏབྦཧུལཱ ཏགྒརུཀཱ, ཏནྣིནྣཱ ཏཔྤོཎཱ ཏཔྤབྦྷཱརཱ ཏདདྷིམུཏྟཱ ཏདདྷིཔཏེཡྻཱ, ཏེཔི ཀཱམཔསུཏཱ ¶ . ཡེཔི ཏཎྷཱཝསེན རཱུཔེ པཊིལབྷནྟི… སདྡེ… གནྡྷེ ¶ … རསེ… ཕོཊྛབྦེ པཊིལབྷནྟི ཏཙྩརིཏཱ ཏབྦཧུལཱ ཏགྒརུཀཱ, ཏནྣིནྣཱ ཏཔྤོཎཱ ཏཔྤབྦྷཱརཱ ཏདདྷིམུཏྟཱ ཏདདྷིཔཏེཡྻཱ, ཏེཔི ཀཱམཔསུཏཱ. ཡེཔི ཏཎྷཱཝསེན རཱུཔེ པརིབྷུཉྫནྟི ¶ … སདྡེ… གནྡྷེ… རསེ… ཕོཊྛབྦེ པརིབྷུཉྫནྟི ཏཙྩརིཏཱ ཏབྦཧུལཱ ཏགྒརུཀཱ, ཏནྣིནྣཱ ཏཔྤོཎཱ ཏཔྤབྦྷཱརཱ ཏདདྷིམུཏྟཱ ཏདདྷིཔཏེཡྻཱ, ཏེཔི ཀཱམཔསུཏཱ. ཡཐཱ ཀལཧཀཱརཀོ ཀལཧཔསུཏོ, ཀམྨཀཱརཀོ ཀམྨཔསུཏོ, གོཙརེ ཙརནྟོ གོཙརཔསུཏོ, ཛྷཱཡཱི ཛྷཱནཔསུཏོ; ཨེཝམེཝ ཡེཔི ཀཱམེ ཨེསནྟི གཝེསཏི པརིཡེསནྟི, ཏཙྩརིཏཱ ཏབྦཧུལཱ ཏགྒརུཀཱ ཏནྣིནྣཱ ཏཔྤོཎཱ ཏཔྤབྦྷཱརཱ ཏདདྷིམུཏྟཱ ཏདདྷིཔཏེཡྻཱ, ཏེཔི ཀཱམཔསུཏཱ. ཡེཔི ཏཎྷཱཝསེན རཱུཔེ ཨེསནྟི གཝེསནྟི པརིཡེསནྟི… སདྡེ… གནྡྷེ… རསེ… ཕོཊྛབྦེ…པེ… པརིཡེསནྟི ཏཙྩརིཏཱ ཏབྦཧུལཱ ཏགྒརུཀཱ ཏནྣིནྣཱ ཏཔྤོཎཱ ཏཔྤབྦྷཱརཱ ཏདདྷིམུཏྟཱ ཏདདྷིཔཏེཡྻཱ, ཏེཔི ཀཱམཔསུཏཱ. ཡེཔི ཏཎྷཱཝསེན རཱུཔེ པཊིལབྷནྟི… སདྡེ… གནྡྷེ… རསེ… ཕོཊྛབྦེ པཊིལབྷནྟི ཏཙྩརིཏཱ ཏབྦཧུལཱ ཏགྒརུཀཱ, ཏནྣིནྣཱ ¶ ཏཔྤོཎཱ ཏཔྤབྦྷཱརཱ ཏདདྷིམུཏྟཱ ཏདདྷིཔཏེཡྻཱ, ཏེཔི ཀཱམཔསུཏཱ. ཡེཔི ཏཎྷཱཝསེན རཱུཔེ པརིབྷུཉྫནྟི… སདྡེ… གནྡྷེ… རསེ… ཕོཊྛབྦེ པརིབྷུཉྫནྟི ཏཙྩརིཏཱ ཏབྦཧུལཱ ཏགྒརུཀཱ, ཏནྣིནྣཱ ཏཔྤོཎཱ ཏཔྤབྦྷཱརཱ ཏདདྷིམུཏྟཱ ཏདདྷིཔཏེཡྻཱ, ཏེཔི ཀཱམཔསུཏཱ.

པམཱུལ༹ྷཱཏི ཡེབྷུཡྻེན དེཝམནུསྶཱ པཉྩསུ ཀཱམགུཎེསུ མུཡ྄ཧནྟི སམྨུཡ྄ཧནྟི སམྤམུཡ྄ཧནྟི མཱུལ༹ྷཱ སམྨཱུལ༹ྷཱ སམྤམཱུལ༹ྷཱ ཨཝིཛྫཱཡ ཨནྡྷཱིཀཏཱ ཨཱཝུཏཱ ¶ ནིཝུཏཱ ཨོཝུཏཱ པིཧིཏཱ པཊིཙྪནྣཱ པཊིཀུཛྫིཏཱཏི – ཀཱམེསུ གིདྡྷཱ པསུཏཱ པམཱུལ༹ྷཱ.

ཨཝདཱནིཡཱ ཏེ ཝིསམེ ནིཝིཊྛཱཏི. ཨཝདཱནིཡཱཏི ཨཝགཙྪནྟཱིཏིཔི ཨཝདཱནིཡཱ, མཙྪརིནོཔི ཝུཙྩནྟི ཨཝདཱནིཡཱ, བུདྡྷཱནཾ སཱཝཀཱནཾ ཝཙནཾ བྱཔྤཐཾ ¶ དེསནཾ ཨནུསིཊྛིཾ ནཱདིཡནྟཱིཏི – ཨཝདཱནིཡཱ. ཀཐཾ ཨཝགཙྪནྟཱིཏི ཨཝདཱནིཡཱ? ནིརཡཾ གཙྪནྟི, ཏིརཙྪཱནཡོནིཾ གཙྪནྟི, པེཏྟིཝིསཡཾ གཙྪནྟཱིཏི, ཨེཝཾ ཨཱགཙྪནྟཱིཏི – ཨཝདཱནིཡཱ. ཀཐཾ མཙྪརིནོ ཝུཙྩནྟི ཨཝདཱནིཡཱ? པཉྩ མཙྪརིཡཱནི – ཨཱཝཱསམཙྪརིཡཾ, ཀུལམཙྪརིཡཾ, ལཱབྷམཙྪརིཡཾ, ཝཎྞམཙྪརིཡཾ, དྷམྨམཙྪརིཡཾ. ཡཾ ཨེཝརཱུཔཾ མཙྪརིཡཾ མཙྪརཱཡནཱ མཙྪརཱཡིཏཏྟཾ ཝེཝིཙྪཾ ཀདརིཡཾ ཀཊུཀཉྩུཀཏཱ ཨགྒཧིཏཏྟཾ ཙིཏྟསྶ, ཨིདཾ ཝུཙྩཏི མཙྪརིཡཾ. ཨཔི ཙ, ཁནྡྷམཙྪརིཡམྤི མཙྪརིཡཾ, དྷཱཏུམཙྪརིཡམྤི མཙྪརིཡཾ, ཨཱཡཏནམཙྪརིཡམྤི མཙྪརིཡཾ གཱཧོ. ཨིདཾ ཝུཙྩཏི མཙྪརིཡཾ. ཨིམིནཱ མཙྪརིཡེན ཨཝདཉྙུཏཱཡ སམནྣཱགཏཱ ཛནཱ པམཏྟཱ. ཨེཝཾ མཙྪརིནོ ཝུཙྩནྟི ཨཝདཱནིཡཱ. ཀཐཾ བུདྡྷཱནཾ སཱཝཀཱནཾ ཝཙནཾ བྱཔྤཐཾ དེསནཾ ཨནུསིཊྛིཾ ནཱདིཡནྟཱིཏི – ཨཝདཱནིཡཱ? བུདྡྷཱནཾ སཱཝཀཱནཾ ཝཙནཾ བྱཔྤཐཾ དེསནཾ ཨནུསིཊྛིཾ ¶ ན ཨཱདིཡནྟི ན སུསྶུསནྟི, ན སོཏཾ ཨོདཧནྟི, ན ཨཉྙཱ ¶ ཙིཏྟཾ ཨུཔཊྛཔེནྟི, ཨནསྶཝཱ ཨཝཙནཀརཱ པཊིལོམཝུཏྟིནོ, ཨཉྙེནེཝ མུཁཾ ཀརོནྟི. ཨེཝཾ བུདྡྷཱནཾ སཱཝཀཱནཾ [བུདྡྷཱནཾ བུདྡྷསཱཝཀཱནཾ (སཱི. སྱཱ.)] ཝཙནཾ བྱཔྤཐཾ དེསནཾ ཨནུསིཊྛིཾ ནཱདིཡནྟཱིཏི ཨཝདཱནིཡཱཏི – ཨཝདཱནིཡཱ.

ཏེ ཝིསམེ ནིཝིཊྛཱཏི ཝིསམེ ཀཱཡཀམྨེ ནིཝིཊྛཱ, ཝིསམེ ཝཙཱིཀམྨེ ནིཝིཊྛཱ, ཝིསམེ མནོཀམྨེ ནིཝིཊྛཱ, ཝིསམེ པཱཎཱཏིཔཱཏེ ནིཝིཊྛཱ, ཝིསམེ ཨདིནྣཱདཱནེ ནིཝིཊྛཱ, ཝིསམེ ཀཱམེསུམིཙྪཱཙཱརེ ནིཝིཊྛཱ, ཝིསམེ མུསཱཝཱདེ ནིཝིཊྛཱ, ཝིསམཱཡ པིསུཎཱཡ ཝཱཙཱཡ ནིཝིཊྛཱ ¶ , ཝིསམཱཡ ཕརུསཱཡ ཝཱཙཱཡ… ཝིསམེ སམྥཔྤལཱཔེ… ཝིསམཱཡ ཨབྷིཛ྄ཛྷཱཡ ནིཝིཊྛཱ, ཝིསམེ བྱཱཔཱདེ… ཝིསམཱཡ མིཙྪཱདིཊྛིཡཱ ནིཝིཊྛཱ, ཝིསམེསུ སངྑཱརེསུ ནིཝིཊྛཱ, ཝིསམེསུ པཉྩསུ ཀཱམགུཎེསུ ནིཝིཊྛཱ, ཝིསམེསུ པཉྩསུ ནཱིཝརཎེསུ ནིཝིཊྛཱ ཝིནིཝིཊྛཱ ¶ པཏིཊྛིཏཱ ཨལླཱིནཱ ཨུཔགཏཱ ཨཛ྄ཛྷོསིཏཱ ཨདྷིམུཏྟཱ ལགྒཱ ལགྒིཏཱ པལིབུདྡྷཱཏི – ཨཝདཱནིཡཱ ཏེ ཝིསམེ ནིཝིཊྛཱ.

དུཀྑཱུཔནཱིཏཱ པརིདེཝཡནྟཱིཏི. དུཀྑཱུཔནཱིཏཱཏི དུཀྑཔྤཏྟཱ དུཀྑསམྤཏྟཱ དུཀྑཱུཔགཏཱ, མཱརཔྤཏྟཱ མཱརསམྤཏྟཱ མཱརཱུཔགཏཱ, མརཎཔྤཏྟཱ མརཎསམྤཏྟཱ མརཎཱུཔགཏཱ. པརིདེཝཡནྟཱིཏི ལཔནྟི ལཱལཔནྟི [སལླཔནྟི (སཱི.)], སོཙནྟི ཀིལམནྟི པརིདེཝནྟི ཨུརཏྟཱལི༹ཾ ཀནྡནྟི སམྨོཧཾ ཨཱཔཛྫནྟཱིཏི – དུཀྑཱུཔནཱིཏཱ པརིདེཝཡནྟི.

ཀིཾསཱུ ¶ བྷཝིསྶཱམ ཨིཏོ ཙུཏཱསེཏི ཨིཏོ ཙུཏཱ ཀིཾ བྷཝིསྶཱམ? ནེརཡིཀཱ བྷཝིསྶཱམ, ཏིརཙྪཱནཡོནིཀཱ བྷཝིསྶཱམ, པེཏྟིཝིསཡིཀཱ བྷཝིསྶཱམ, མནུསྶཱ བྷཝིསྶཱམ, དེཝཱ བྷཝིསྶཱམ, རཱུཔཱི བྷཝིསྶཱམ, ཨརཱུཔཱི བྷཝིསྶཱམ, སཉྙཱི བྷཝིསྶཱམ, ཨསཉྙཱི བྷཝིསྶཱམ, ནེཝསཉྙཱིནཱསཉྙཱི བྷཝིསྶཱམ, ‘‘བྷཝིསྶཱམ ནུ ཁོ མཡཾ ཨནཱགཏམདྡྷཱནཾ, ནནུ ཁོ བྷཝིསྶཱམ ཨནཱགཏམདྡྷཱནཾ, ཀིཾ ནུ ཁོ བྷཝིསྶཱམ ཨནཱགཏམདྡྷཱནཾ, ཀཐཾ ནུ ཁོ བྷཝིསྶཱམ ཨནཱགཏམདྡྷཱནཾ, ཀིཾ ཧུཏྭཱ ཀིཾ བྷཝིསྶཱམ ནུ ཁོ མཡཾ ཨནཱགཏམདྡྷཱན’’ནྟི སཾསཡཔཀྑནྡཱ ཝིམཏིཔཀྑནྡཱ དྭེལ༹ྷཀཛཱཏཱ ལཔནྟི ལཱལཔནྟི, སོཙནྟི ཀིལམནྟི པརིདེཝནྟི ཨུརཏྟཱལི༹ཾ ཀནྡནྟི སམྨོཧཾ ཨཱཔཛྫནྟཱིཏི – ཀིཾསཱུ བྷཝིསྶཱམ ཨིཏོ ཙུཏཱསེ.

‘‘ཀཱམེསུ ¶ གིདྡྷཱ པསུཏཱ པམཱུལ༹ྷཱ, ཨཝདཱནིཡཱ ཏེ ཝིསམེ ནིཝིཊྛཱ;

དུཀྑཱུཔནཱིཏཱ པརིདེཝཡནྟི, ཀིཾསཱུ བྷཝིསྶཱམ ཨིཏོ ཙུཏཱསེ’’ཏི.

ཏསྨཱ ¶ ཧི སིཀྑེཐ ཨིདྷེཝ ཛནྟུ, ཡཾ ཀིཉྩི ཛཉྙཱ ཝིསམནྟི ལོཀེ;

ན ཏསྶ ཧེཏཱུ ཝིསམཾ ཙརེཡྻ, ཨཔྤཉྷིདཾ ཛཱིཝིཏམཱཧུ དྷཱིརཱ.

ཏསྨཱ ཧི སིཀྑེཐ ཨིདྷེཝ ཛནྟཱུཏི. ཏསྨཱཏི ཏཾཀཱརཎཱ ¶ ཏཾཧེཏུ ཏཔྤཙྩཡཱ ཏནྣིདཱནཱ, ཨེཏམཱདཱིནཝཾ སམྤསྶམཱནོ ཀཱམེསཱུཏི – ཏསྨཱ. སིཀྑེཐཱཏི ཏིསྶོ སིཀྑཱ – ཨདྷིསཱིལསིཀྑཱ, ཨདྷིཙིཏྟསིཀྑཱ, ཨདྷིཔཉྙཱསིཀྑཱ.

ཀཏམཱ ཨདྷིསཱིལསིཀྑཱ? ཨིདྷ བྷིཀྑུ སཱིལཝཱ ཧོཏི, པཱཏིམོཀྑསཾཝརསཾཝུཏོ ¶ ཝིཧརཏི ཨཱཙཱརགོཙརསམྤནྣོ, ཨཎུམཏྟེསུ ཝཛྫེསུ བྷཡདསྶཱཝཱི, སམཱདཱཡ སིཀྑཏི སིཀྑཱཔདེསུ. ཁུདྡཀོ སཱིལཀྑནྡྷོ, མཧནྟོ སཱིལཀྑནྡྷོ, སཱིལཾ པཏིཊྛཱ ཨཱདི ཙརཎཾ སཾཡམོ སཾཝརོ མོཀྑཾ པཱམོཀྑཾ ཀུསལཱནཾ དྷམྨཱནཾ སམཱཔཏྟིཡཱ – ཨཡཾ ཨདྷིསཱིལསིཀྑཱ.

ཀཏམཱ ཨདྷིཙིཏྟསིཀྑཱ? ཨིདྷ བྷིཀྑུ ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཏི. ཝིཏཀྐཝིཙཱརཱནཾ ཝཱུཔསམཱ ཨཛ྄ཛྷཏྟཾ སམྤསཱདནཾ ཙེཏསོ ཨེཀོདིབྷཱཝཾ ཨཝིཏཀྐཾ ཨཝིཙཱརཾ སམཱདྷིཛཾ པཱིཏིསུཁཾ དུཏིཡཾ ཛྷཱནཾ ཨུཔསམྤཛྫ ཝིཧརཏི. པཱིཏིཡཱ ཙ ཝིརཱགཱ ཨུཔེཀྑཀོ ཙ ཝིཧརཏི སཏོ ཙ སམྤཛཱནོ སུཁཉྩ ཀཱཡེན པཊིསཾཝེདེཏི, ཡཾ ཏཾ ཨརིཡཱ ཨཱཙིཀྑནྟི – ‘ཨུཔེཀྑཀོ སཏིམཱ སུཁཝིཧཱརཱི’ཏི ཏཏིཡཾ ཛྷཱནཾ ཨུཔསམྤཛྫ ཝིཧརཏི. སུཁསྶ ཙ པཧཱནཱ དུཀྑསྶ ཙ པཧཱནཱ པུབྦེཝ སོམནསྶདོམནསྶཱནཾ ཨཏྠངྒམཱ ཨདུཀྑམསུཁཾ ཨུཔེཀྑཱསཏིཔཱརིསུདྡྷིཾ ཙཏུཏྠཾ ཛྷཱནཾ ཨུཔསམྤཛྫ ཝིཧརཏི – ཨཡཾ ཨདྷིཙིཏྟསིཀྑཱ.

ཀཏམཱ ¶ ཨདྷིཔཉྙཱསིཀྑཱ? ཨིདྷ བྷིཀྑུ པཉྙཝཱ ཧོཏི ཨུདཡཏྠགཱམིནིཡཱ པཉྙཱཡ སམནྣཱགཏོ, ཨརིཡཱཡ ནིབྦེདྷིཀཱཡ སམྨཱདུཀྑཀྑཡགཱམིནིཡཱ ¶ . སོ ‘‘ཨིདཾ དུཀྑ’’ནྟི ཡཐཱབྷཱུཏཾ པཛཱནཱཏི, ‘‘ཨཡཾ དུཀྑསམུདཡོ’’ཏི ཡཐཱབྷཱུཏཾ པཛཱནཱཏི, ‘‘ཨཡཾ དུཀྑནིརོདྷོ’’ཏི ཡཐཱབྷཱུཏཾ པཛཱནཱཏི, ‘‘ཨཡཾ དུཀྑནིརོདྷགཱམིནཱི པཊིཔདཱ’’ཏི ཡཐཱབྷཱུཏཾ པཛཱནཱཏི. ‘‘ཨིམེ ཨཱསཝཱ’’ཏི ཡཐཱབྷཱུཏཾ པཛཱནཱཏི, ‘‘ཨཡཾ ཨཱསཝསམུདཡོ’’ཏི ཡཐཱབྷཱུཏཾ པཛཱནཱཏི, ‘‘ཨཡཾ ཨཱསཝནིརོདྷོ’’ཏི ཡཐཱབྷཱུཏཾ པཛཱནཱཏི, ‘‘ཨཡཾ ཨཱསཝནིརོདྷགཱམིནཱི པཊིཔདཱ’’ཏི ཡཐཱབྷཱུཏཾ པཛཱནཱཏི – ཨཡཾ ཨདྷིཔཉྙཱསིཀྑཱ.

ཨིམཱ ཏིསྶོ སིཀྑཱཡོ ཨཱཝཛྫནྟོ སིཀྑེཡྻ, ཛཱནནྟོ སིཀྑེཡྻ, པསྶནྟོ སིཀྑེཡྻ ¶ , པཙྩཝེཀྑནྟོ སིཀྑེཡྻ, ཙིཏྟཾ ཨདྷིཊྛཧནྟོ སིཀྑེཡྻ, སདྡྷཱཡ ཨདྷིམུཙྩནྟོ སིཀྑེཡྻ, ཝཱིརིཡཾ པགྒཎྷནྟོ སིཀྑེཡྻ, སཏིཾ ཨུཔཊྛཔེནྟོ སིཀྑེཡྻ, ཙིཏྟཾ སམཱདཧནྟོ སིཀྑེཡྻ, པཉྙཱཡ པཛཱནནྟོ སིཀྑེཡྻ, ཨབྷིཉྙེཡྻཾ ཨབྷིཛཱནནྟོ སིཀྑེཡྻ, པརིཉྙེཡྻཾ པརིཛཱནནྟོ སིཀྑེཡྻ, པཧཱཏབྦཾ པཛཧནྟོ སིཀྑེཡྻ, བྷཱཝེཏབྦཾ བྷཱཝེནྟོ སིཀྑེཡྻ ¶ , སཙྪིཀཱཏབྦཾ སཙྪིཀརོནྟོ སིཀྑེཡྻ ཨཱཙརེཡྻ སམཱཙརེཡྻ སམཱདཱཡ ཝཏྟེཡྻ.

ཨིདྷཱཏི ཨིམིསྶཱ དིཊྛིཡཱ ཨིམིསྶཱ ཁནྟིཡཱ ཨིམིསྶཱ རུཙིཡཱ ཨིམསྨིཾ ཨཱདཱཡེ ཨིམསྨིཾ དྷམྨེ ཨིམསྨིཾ ཝིནཡེ ཨིམསྨིཾ དྷམྨཝིནཡེ ཨིམསྨིཾ པཱཝཙནེ ཨིམསྨིཾ བྲཧྨཙརིཡེ ཨིམསྨིཾ སཏྠུསཱསནེ ཨིམསྨིཾ ཨཏྟབྷཱཝེ ཨིམསྨིཾ མནུསྶལོཀེ – ཏེན ཝུཙྩཏི ཨིདྷཱཏི. ཛནྟཱུཏི སཏྟོ ནརོ…པེ… མནུཛོཏི – ཏསྨཱ ཧི སིཀྑེཐ ཨིདྷེཝ ཛནྟུ.

ཡཾ ཀིཉྩི ཛཉྙཱ ཝིསམནྟི ལོཀེཏི. ཡཾ ཀིཉྩཱིཏི སབྦེན སབྦཾ ¶ སབྦཐཱ སབྦཾ ཨསེསཾ ནིསྶེསཾ པརིཡཱདིཡནཝཙནམེཏཾ ¶ [པརིདཱཡཝཙནམེཏཾ (སྱཱ.)] – ཡཾ ཀིཉྩཱིཏི. ཝིསམནྟི ཛཉྙཱཏི ཝིསམཾ ཀཱཡཀམྨཾ ཝིསམནྟི ཛཱནེཡྻ, ཝིསམཾ ཝཙཱིཀམྨཾ ཝིསམནྟི ཛཱནེཡྻ, ཝིསམཾ མནོཀམྨཾ ཝིསམནྟི ཛཱནེཡྻ, ཝིསམཾ པཱཎཱཏིཔཱཏཾ ཝིསམོཏི ཛཱནེཡྻ, ཝིསམཾ ཨདིནྣཱདཱནཾ ཝིསམནྟི ཛཱནེཡྻ, ཝིསམཾ ཀཱམེསུམིཙྪཱཙཱརཾ ཝིསམོཏི ཛཱནེཡྻ, ཝིསམཾ མུསཱཝཱདཾ ཝིསམོཏི ཛཱནེཡྻ, ཝིསམཾ པིསུཎཾ ཝཱཙཾ ཝིསམཱཏི ཛཱནེཡྻ, ཝིསམཾ ཕརུསཾ ཝཱཙཾ ཝིསམཱཏི ཛཱནེཡྻ, ཝིསམཾ སམྥཔྤལཱཔཾ ཝིསམོཏི ཛཱནེཡྻ, ཝིསམཾ ཨབྷིཛ྄ཛྷཾ ཝིསམཱཏི ཛཱནེཡྻ, ཝིསམཾ བྱཱཔཱདཾ ཝིསམོཏི ཛཱནེཡྻ, ཝིསམཾ མིཙྪཱདིཊྛིཾ ཝིསམཱཏི ཛཱནེཡྻ, ཝིསམེ སངྑཱརེ ཝིསམཱཏི ཛཱནེཡྻ, ཝིསམེ པཉྩ ཀཱམགུཎེ ཝིསམཱཏི ཛཱནེཡྻ, ཝིསམེ པཉྩ ནཱིཝརཎེ ཝིསམཱཏི ཛཱནེཡྻ ཨཱཛཱནེཡྻ ཝིཛཱནེཡྻ པཊིཝིཛཱནེཡྻ པཊིཝིཛ྄ཛྷེཡྻ. ལོཀེཏི ཨཔཱཡལོཀེ…པེ… ཨཱཡཏནལོཀེཏི – ཡཾ ཀིཉྩི ཛཉྙཱ ཝིསམནྟི ལོཀེ.

ན ཏསྶ ཧེཏཱུ ཝིསམཾ ཙརེཡྻཱཏི. ཝིསམསྶ ཀཱཡཀམྨསྶ ཧེཏུ ཝིསམཾ ན ཙརེཡྻ, ཝིསམསྶ ཝཙཱིཀམྨསྶ ཧེཏུ ཝིསམཾ ན ཙརེཡྻ, ཝིསམསྶ མནོཀམྨསྶ ཧེཏུ ཝིསམཾ ན ཙརེཡྻ, ཝིསམསྶ པཱཎཱཏིཔཱཏསྶ ཧེཏུ ཝིསམཾ ན ཙརེཡྻ, ཝིསམསྶ ཨདིནྣཱདཱནསྶ ཧེཏུ ཝིསམཾ ན ཙརེཡྻ, ཝིསམསྶ ཀཱམེསུམིཙྪཱཙཱརསྶ ཧེཏུ ཝིསམཾ ¶ ན ཙརེཡྻ, ཝིསམསྶ མུསཱཝཱདསྶ ཧེཏུ ཝིསམཾ ན ཙརེཡྻ, ཝིསམཱཡ པིསུཎཱཡ ཝཱཙཱཡ ཧེཏུ ཝིསམཾ ན ཙརེཡྻ, ཝིསམཱཡ ཕརུསཱཡ ཝཱཙཱཡ ཧེཏུ ཝིསམཾ ན ཙརེཡྻ, ཝིསམསྶ སམྥཔྤལཱཔསྶ ཧེཏུ ཝིསམཾ ན ཙརེཡྻ, ཝིསམཱཡ ཨབྷིཛ྄ཛྷཱཡ ¶ ཧེཏུ ཝིསམཾ ན ཙརེཡྻ, ཝིསམསྶ བྱཱཔཱདསྶ ཧེཏུ ཝིསམཾ ¶ ན ཙརེཡྻ, ཝིསམཱཡ མིཙྪཱདིཊྛིཡཱ ཧེཏུ ཝིསམཾ ན ཙརེཡྻ, ཝིསམཱནཾ སངྑཱརཱནཾ ཧེཏུ ཝིསམཾ ན ཙརེཡྻ, ཝིསམཱནཾ ¶ པཉྩནྣཾ ཀཱམགུཎཱནཾ ཧེཏུ ཝིསམཾ ན ཙརེཡྻ, ཝིསམཱནཾ པཉྩནྣཾ ནཱིཝརཎཱནཾ ཧེཏུ ཝིསམཾ ན ཙརེཡྻ, ཝིསམཱཡ ཙེཏནཱཡ ཧེཏུ ཝིསམཾ ན ཙརེཡྻ, ཝིསམཱཡ པཏྠནཱཡ ཧེཏུ ཝིསམཾ ན ཙརེཡྻ, ཝིསམཱཡ པཎིདྷིཡཱ ཧེཏུ ཝིསམཾ ན ཙརེཡྻ ན ཨཱཙརེཡྻ ན སམཱཙརེཡྻ ན སམཱདཱཡ ཝཏྟེཡྻཱཏི – ན ཏསྶ ཧེཏཱུ ཝིསམཾ ཙརེཡྻ.

ཨཔྤཉྷིདཾ ཛཱིཝིཏམཱཧུ དྷཱིརཱཏི. ཛཱིཝིཏནྟི ཨཱཡུ ཋིཏི ཡཔནཱ ཡཱཔནཱ ཨིརིཡནཱ ཝཏྟནཱ པཱལནཱ ཛཱིཝིཏཾ ཛཱིཝིཏིནྡྲིཡཾ. ཨཔི ཙ, དྭཱིཧི ཀཱརཎེཧི ཨཔྤཀཾ ཛཱིཝིཏཾ – ཋིཏིཔརིཏྟཏཱཡ ཝཱ ཨཔྤཀཾ ཛཱིཝིཏཾ, སརསཔརིཏྟཏཱཡ ཝཱ ཨཔྤཀཾ ཛཱིཝིཏཾ. ཀཐཾ ཋིཏིཔརིཏྟཏཱཡ ཨཔྤཀཾ ཛཱིཝིཏཾ? ཨཏཱིཏེ ཙིཏྟཀྑཎེ ཛཱིཝིཏྠ, ན ཛཱིཝཏི ན ཛཱིཝིསྶཏི; ཨནཱགཏེ ཙིཏྟཀྑཎེ ཛཱིཝིསྶཏི, ན ཛཱིཝཏི ན ཛཱིཝིཏྠ; པཙྩུཔྤནྣེ ཙིཏྟཀྑཎེ ཛཱིཝཏི, ན ཛཱིཝིཏྠ ན ཛཱིཝིསྶཏི.

‘‘ཛཱིཝིཏཾ ཨཏྟབྷཱཝོ ཙ, སུཁདུཀྑཱ ཙ ཀེཝལཱ;

ཨེཀཙིཏྟསམཱཡུཏྟཱ, ལཧུསོ ཝཏྟཏེ ཁཎོ.

‘‘ཙུལླཱསཱིཏིསཧསྶཱནི ¶ , ཀཔྤཱ ཏིཊྛནྟི ཡེ མརཱུ;

ནཏྭེཝ ཏེཔི ཛཱིཝནྟི, དྭཱིཧི ཙིཏྟེཧི སཾཡུཏཱ.

‘‘ཡེ ནིརུདྡྷཱ མརནྟསྶ, ཏིཊྛམཱནསྶ ཝཱ ཨིདྷ;

སབྦེཔི སདིསཱ ཁནྡྷཱ, གཏཱ ཨཔྤཊིསནྡྷིཀཱ.

‘‘ཨནནྟརཱ ཙ ཡེ བྷགྒཱ [བྷངྒཱ (སཱི. སྱཱ.)], ཡེ ཙ བྷགྒཱ ཨནཱགཏཱ;

ཏདནྟརེ ནིརུདྡྷཱནཾ, ཝེསམཾ ནཏྠི ལཀྑཎེ.

‘‘ཨནིབྦཏྟེན ན ཛཱཏོ, པཙྩུཔྤནྣེན ཛཱིཝཏི;

ཙིཏྟབྷགྒཱ མཏོ ལོཀོ, པཉྙཏྟི པརམཏྠིཡཱ.

‘‘ཡཐཱ ནིནྣཱ པཝཏྟནྟི, ཚནྡེན པརིཎཱམིཏཱ;

ཨཙྪིནྣདྷཱརཱ ཝཏྟནྟི, སལཱ༹ཡཏནཔཙྩཡཱ.

‘‘ཨནིདྷཱནགཏཱ ¶ ¶ བྷགྒཱ, པུཉྫོ ནཏྠི ཨནཱགཏེ;

ནིབྦཏྟཱ ཡེ ཙ [ནིབྦཏྟཱཡེཝ (སབྦཏྠ)] ཏིཊྛནྟི, ཨཱརགྒེ སཱསཔཱུཔམཱ.

‘‘ནིབྦཏྟཱནཉྩ ¶ དྷམྨཱནཾ, བྷངྒོ ནེསཾ པུརཀྑཏོ;

པལོཀདྷམྨཱ ཏིཊྛནྟི, པུརཱཎེཧི ཨམིསྶིཏཱ.

‘‘ཨདསྶནཏོ ཨཱཡནྟི, བྷངྒཱ གཙྪནྟི དསྶནཾ;

ཝིཛྫུཔྤཱདོཝ ཨཱཀཱསེ, ཨུཔྤཛྫནྟི ཝཡནྟི ཙཱ’’ཏི.

ཨེཝཾ ཋིཏིཔརིཏྟཏཱཡ ཨཔྤཀཾ ཛཱིཝིཏཾ.

ཀཐཾ སརསཔརིཏྟཏཱཡ ཨཔྤཀཾ ཛཱིཝིཏཾ? ཨསྶཱསཱུཔནིབནྡྷཾ ཛཱིཝིཏཾ, པསྶཱསཱུཔནིབནྡྷཾ ཛཱིཝིཏཾ, ཨསྶཱསཔསྶཱསཱུཔནིབནྡྷཾ ཛཱིཝིཏཾ, མཧཱབྷཱུཏཱུཔནིབནྡྷཾ ¶ ཛཱིཝིཏཾ, ཀབལཱི༹ཀཱརཱཧཱརཱུཔནིབནྡྷཾ ཛཱིཝིཏཾ, ཨུསྨཱུཔནིབནྡྷཾ ཛཱིཝིཏཾ, ཝིཉྙཱཎཱུཔནིབནྡྷཾ ཛཱིཝིཏཾ. མཱུལམྤི ཨིམེསཾ དུབྦལཾ, པུབྦཧེཏཱུཔི ཨིམེསཾ དུབྦལཱ. ཡེ པཙྩཡཱ ཏེཔི དུབྦལཱ, ཡེཔི པབྷཱཝིཀཱ ཏེཔི དུབྦལཱ. སཧབྷཱུམི ཨིམེསཾ དུབྦལཱ, སམྤཡོགཱཔི ཨིམེསཾ དུབྦལཱ, སཧཛཱཔི ཨིམེསཾ དུབྦལཱ, ཡཱཔི པཡོཛིཀཱ སཱཔི དུབྦལཱ, ཨཉྙམཉྙཾ ཨིམེ ནིཙྩདུབྦལཱ, ཨཉྙམཉྙཾ ཨནཝཊྛིཏཱ ཨིམེ. ཨཉྙམཉྙཾ པརིཔཱཏཡནྟི ཨིམེ, ཨཉྙམཉྙསྶ ཧི ནཏྠི ཏཱཡིཏཱ, ན ཙཱཔི ཋཔེནྟི ཨཉྙམཉྙཾ ཨིམེ. ཡོཔི ནིབྦཏྟཀོ སོ ན ཝིཛྫཏི.

‘‘ན ཙ ཀེནཙི ཀོཙི ཧཱཡཏི, གནྡྷབྦཱ ཙ ཨིམེ ཧི སབྦསོ;

པུརིམེཧི པབྷཱཝིཀཱ ཨིམེ, ཡེཔི པབྷཱཝིཀཱ ཏེ པུརེ མཏཱ;

པུརིམཱཔི ཙ པཙྪིམཱཔི ¶ ཙ, ཨཉྙམཉྙཾ ན ཀདཱཙི མདྡསཾསཱུ’’ཏི.

ཨེཝཾ སརསཔརིཏྟཏཱཡ ཨཔྤཀཾ ཛཱིཝིཏཾ.

ཨཔི ཙ ཙཱཏུམཧཱརཱཛིཀཱནཾ དེཝཱནཾ ཛཱིཝིཏཾ ཨུཔཱདཱཡ མནུསྶཱནཾ ཨཔྤཀཾ ཛཱིཝིཏཾ པརིཏྟཀཾ ཛཱིཝིཏཾ ཐོཀཾ [ཐོཀཀཾ (ཀ.)] ཛཱིཝིཏཾ ཁཎིཀཾ ཛཱིཝིཏཾ ལཧུཀཾ ཛཱིཝིཏཾ ཨིཏྟརཾ ཛཱིཝིཏཾ ཨནདྡྷནཱིཡཾ ཛཱིཝིཏཾ ནཙིརཊྛིཏིཀཾ ¶ ཛཱིཝིཏཾ. ཏཱཝཏིཾསཱནཾ དེཝཱནཾ…པེ… ཡཱམཱནཾ དེཝཱནཾ… ཏུསིཏཱནཾ དེཝཱནཾ… ནིམྨཱནརཏཱིནཾ དེཝཱནཾ… པརནིམྨིཏཝསཝཏྟཱིནཾ དེཝཱནཾ… བྲཧྨཀཱཡིཀཱནཾ དེཝཱནཾ ཛཱིཝིཏཾ ¶ ཨུཔཱདཱཡ མནུསྶཱནཾ ཨཔྤཀཾ ཛཱིཝིཏཾ པརིཏྟཀཾ ཛཱིཝིཏཾ ཐོཀཾ ཛཱིཝིཏཾ ཁཎིཀཾ ཛཱིཝིཏཾ ལཧུཀཾ ཛཱིཝིཏཾ ཨིཏྟརཾ ཛཱིཝིཏཾ ཨནདྡྷནཱིཡཾ ཛཱིཝིཏཾ ནཙིརཊྛིཏིཀཾ ཛཱིཝིཏཾ.

‘‘ཨཔྤམིདཾ ¶ , བྷིཀྑཝེ, མནུསྶཱནཾ ཨཱཡུ. གམནིཡོ སམྤརཱཡོ མནྟཱཡ བོདྡྷབྦཾ, ཀཏྟབྦཾ ཀུསལཾ, ཙརིཏབྦཾ བྲཧྨཙརིཡཾ, ནཏྠི ཛཱཏསྶ ཨམརཎཾ. ཡོ, བྷིཀྑཝེ, ཙིརཾ ཛཱིཝཏི སོ ཝསྶསཏཾ ཨཔྤཾ ཝཱ བྷིཡྻོ’’.

‘‘ཨཔྤམཱཡུ མནུསྶཱནཾ, ཧཱིལེ༹ཡྻ ནཾ སུཔོརིསོ;

ཙརེཡྻཱདིཏྟསཱིསོཝ ནཏྠི མཙྩུསྶནཱགམོ.

‘‘ཨཙྩཡནྟི ཨཧོརཏྟཱ, ཛཱིཝིཏཾ ཨུཔརུཛ྄ཛྷཏི;

ཨཱཡུ ཁིཡྻཏི མཙྩཱནཾ, ཀུནྣདཱིནཾཝ ཨོདཀ’’ནྟི.

ཨཔྤཉྷིདཾ ཛཱིཝིཏམཱཧུ དྷཱིརཱཏི. དྷཱིརཱཏི དྷཱིརཱ, དྷིཏིམཱཏི དྷཱིརཱ, དྷིཏིསམྤནྣཱཏི དྷཱིརཱ, དྷཱིཀཏཔཱཔཱཏི དྷཱིརཱ. དྷཱི ཝུཙྩཏི པཉྙཱ. ཡཱ པཉྙཱ པཛཱནནཱ ཝིཙཡོ པཝིཙཡོ དྷམྨཝིཙཡོ ¶ སལླཀྑཎཱ ཨུཔལཀྑཎཱ པཙྩུཔལཀྑཎཱ པཎྜིཙྩཾ ཀོསལླཾ ནེཔུཉྙཾ ཝེབྷབྱཱ ཙིནྟཱ ཨུཔཔརིཀྑཱ བྷཱུརི མེདྷཱ པརིཎཱཡིཀཱ ཝིཔསྶནཱ སམྤཛཉྙཾ པཏོདོ པཉྙཱ པཉྙིནྡྲིཡཾ པཉྙཱབལཾ པཉྙཱསཏྠཾ པཉྙཱཔཱསཱདོ པཉྙཱཨཱལོཀོ པཉྙཱཨོབྷཱསོ པཉྙཱཔཛྫོཏོ པཉྙཱརཏནཾ ཨམོཧོ དྷམྨཝིཙཡོ སམྨཱདིཊྛི, ཏཱཡ པཉྙཱཡ སམནྣཱགཏཏྟཱ དྷཱིརཱ. ཨཔི ཙ ཁནྡྷདྷཱིརཱ དྷཱཏུདྷཱིརཱ ཨཱཡཏནདྷཱིརཱ, པཊིཙྩསམུཔྤཱདདྷཱིརཱ སཏིཔཊྛཱནདྷཱིརཱ སམྨཔྤདྷཱནདྷཱིརཱ ཨིདྡྷིཔཱདདྷཱིརཱ, ཨིནྡྲིཡདྷཱིརཱ བལདྷཱིརཱ བོཛ྄ཛྷངྒདྷཱིརཱ མགྒདྷཱིརཱ ཕལདྷཱིརཱ ནིབྦཱནདྷཱིརཱ. ཏེ དྷཱིརཱ ཨེཝམཱཧཾསུ – ‘‘མནུསྶཱནཾ ཨཔྤཀཾ ཛཱིཝིཏཾ, པརིཏྟཀཾ ཛཱིཝིཏཾ ¶ , ཐོཀཾ ཛཱིཝིཏཾ, ཁཎིཀཾ ཛཱིཝིཏཾ, ལཧུཀཾ ཛཱིཝིཏཾ, ཨིཏྟརཾ ཛཱིཝིཏཾ, ཨནདྡྷནཱིཡཾ ཛཱིཝིཏཾ, ནཙིརཊྛིཏིཀཾ ཛཱིཝིཏ’’ནྟི. ཨེཝམཱཧཾསུ ཨེཝཾ ཀཐེནྟི ཨེཝཾ བྷཎནྟི ཨེཝཾ དཱིཔཡནྟི ཨེཝཾ ཝོཧརནྟཱིཏི – ཨཔྤཉྷིདཾ ཛཱིཝིཏམཱཧུ དྷཱིརཱ.

‘‘ཏསྨཱ ཧི སིཀྑེཐ ཨིདྷེཝ ཛནྟུ, ཡཾ ཀིཉྩི ཛཉྙཱ ཝིསམནྟི ལོཀེ;

ན ཏསྶ ཧེཏཱུ ཝིསམཾ ཙརེཡྻ, ཨཔྤཉྷིདཾ ཛཱིཝིཏམཱཧུ དྷཱིརཱ’’ཏི.

པསྶཱམི ¶ ལོཀེ པརིཕནྡམཱནཾ, པཛཾ ཨིམཾ ཏཎྷགཏཾ བྷཝེསུ;

ཧཱིནཱ ནརཱ མཙྩུམུཁེ ལཔནྟི, ཨཝཱིཏཏཎྷཱསེ བྷཝཱབྷཝེསུ.

པསྶཱམི ¶ ལོཀེ པརིཕནྡམཱནནྟི. པསྶཱམཱིཏི མཾསཙཀྑུནཱཔི པསྶཱམི, དིབྦཙཀྑུནཱཔི པསྶཱམི, པཉྙཱཙཀྑུནཱཔི པསྶཱམི, བུདྡྷཙཀྑུནཱཔི པསྶཱམི, སམནྟཙཀྑུནཱཔི པསྶཱམི དཀྑཱམི ཨོལོཀེམི ནིཛ྄ཛྷཱཡཱམི ཨུཔཔརིཀྑཱམི. ལོཀེཏི ཨཔཱཡལོཀེ མནུསྶལོཀེ དེཝལོཀེ ཁནྡྷལོཀེ ¶ དྷཱཏུལོཀེ ཨཱཡཏནལོཀེ.

པརིཕནྡམཱནནྟི ཏཎྷཱཕནྡནཱཡ ཕནྡམཱནཾ, དིཊྛིཕནྡནཱཡ ཕནྡམཱནཾ, ཀིལེསཕནྡནཱཡ ཕནྡམཱནཾ, པཡོགཕནྡནཱཡ ཕནྡམཱནཾ, ཝིཔཱཀཕནྡནཱཡ ཕནྡམཱནཾ, དུཙྩརིཏཕནྡནཱཡ ཕནྡམཱནཾ, རཏྟཾ རཱགེན ཕནྡམཱནཾ, དུཊྛཾ ¶ དོསེན ཕནྡམཱནཾ, མཱུལ༹ྷཾ མོཧེན ཕནྡམཱནཾ, ཝིནིབདྡྷཾ མཱནེན ཕནྡམཱནཾ, པརཱམཊྛཾ དིཊྛིཡཱ ཕནྡམཱནཾ, ཝིཀྑེཔགཏཾ ཨུདྡྷཙྩེན ཕནྡམཱནཾ, ཨནིཊྛངྒཏཾ ཝིཙིཀིཙྪཱཡ ཕནྡམཱནཾ, ཐཱམགཏཾ ཨནུསཡེཧི ཕནྡམཱནཾ, ལཱབྷེན ཕནྡམཱནཾ, ཨལཱབྷེན ཕནྡམཱནཾ, ཡསེན ཕནྡམཱནཾ, ཨཡསེན ཕནྡམཱནཾ, པསཾསཱཡ ཕནྡམཱནཾ, ནིནྡཱཡ ཕནྡམཱནཾ, སུཁེན ཕནྡམཱནཾ, དུཀྑེན ཕནྡམཱནཾ, ཛཱཏིཡཱ ཕནྡམཱནཾ, ཛརཱཡ ཕནྡམཱནཾ, བྱཱདྷིནཱ ཕནྡམཱནཾ, མརཎེན ཕནྡམཱནཾ, སོཀཔརིདེཝདུཀྑདོམནསྶུཔཱཡཱསེཧི ཕནྡམཱནཾ, ནེརཡིཀེན དུཀྑེན ཕནྡམཱནཾ, ཏིརཙྪཱནཡོནིཀེན དུཀྑེན ཕནྡམཱནཾ, པེཏྟིཝིསཡིཀེན དུཀྑེན ཕནྡམཱནཾ, མཱནུསིཀེན དུཀྑེན ཕནྡམཱནཾ, གབྦྷོཀྐནྟིམཱུལཀེན དུཀྑེན ཕནྡམཱནཾ, གབྦྷེ ཋིཏིམཱུལཀེན དུཀྑེན ཕནྡམཱནཾ, གབྦྷཱ ཝུཊྛཱནམཱུལཀེན དུཀྑེན ཕནྡམཱནཾ, ཛཱཏསྶཱུཔནིབནྡྷཀེན དུཀྑེན ཕནྡམཱནཾ, ཛཱཏསྶ པརཱདྷེཡྻཀེན དུཀྑེན ཕནྡམཱནཾ, ཨཏྟཱུཔཀྐམེན དུཀྑེན ཕནྡམཱནཾ, པརཱུཔཀྐམེན དུཀྑེན ཕནྡམཱནཾ, དུཀྑདུཀྑེན ཕནྡམཱནཾ, སངྑཱརདུཀྑེན ཕནྡམཱནཾ, ཝིཔརིཎཱམདུཀྑེན ཕནྡམཱནཾ, ཙཀྑུརོགེན དུཀྑེན ཕནྡམཱནཾ, སོཏརོགེན དུཀྑེན ཕནྡམཱནཾ, གྷཱནརོགེན ¶ དུཀྑེན…པེ… ཛིཝ྄ཧཱརོགེན… ཀཱཡརོགེན… སཱིསརོགེན… ཀཎྞརོགེན… མུཁརོགེན… དནྟརོགེན… ཀཱསེན… སཱསེན… པིནཱསེན… དཱཧེན… ཛརེན… ཀུཙྪིརོགེན… མུཙྪཱཡ… པཀྑནྡིཀཱཡ… སཱུལཱཡ ¶ … ཝིསུཙིཀཱཡ… ཀུཊྛེན… གཎྜེན… ཀིལཱསེན… སོསེན… ཨཔམཱརེན… དདྡུཡཱ… ཀཎྜུཡཱ… ཀཙྪུཡཱ… རཁསཱཡ… ཝིཏཙྪིཀཱཡ… ལོཧིཏེན… པིཏྟེན… མདྷུམེཧེན… ཨཾསཱཡ… པིལ༹ཀཱཡ… བྷགནྡལེན [བྷགནྡལཱཡ (སྱཱ.)] … པིཏྟསམུཊྛཱནེན ཨཱབཱདྷེན… སེམྷསམུཊྛཱནེན ཨཱབཱདྷེན… ཝཱཏསམུཊྛཱནེན ཨཱབཱདྷེན… སནྣིཔཱཏིཀེན ཨཱབཱདྷེན… ཨུཏུཔརིཎཱམཛེན ཨཱབཱདྷེན… ཝིསམཔརིཧཱརཛེན ཨཱབཱདྷེན… ཨོཔཀྐམིཀེན ཨཱབཱདྷེན ¶ … ཀམྨཝིཔཱཀཛེན ཨཱབཱདྷེན… སཱིཏེན… ཨུཎྷེན… ཛིགྷཙྪཱཡ… པིཔཱསཱཡ ¶ … ཨུཙྩཱརེན… པསྶཱཝེན… ཌཾསམཀསཝཱཏཱཏཔསརཱིསཔསམྥསྶེན དུཀྑེན… མཱཏུམརཎེན དུཀྑེན… པིཏུམརཎེན དུཀྑེན… བྷཱཏུམརཎེན དུཀྑེན… བྷགིནིམརཎེན དུཀྑེན… པུཏྟམརཎེན དུཀྑེན… དྷཱིཏུམརཎེན དུཀྑེན… ཉཱཏིབྱསནེན… བྷོགབྱསནེན… རོགབྱསནེན… སཱིལབྱསནེན… དིཊྛིབྱསནེན དུཀྑེན ཕནྡམཱནཾ སམྥནྡམཱནཾ ཝིཔྥནྡམཱནཾ ཝེདྷམཱནཾ པཝེདྷམཱནཾ སམྤཝེདྷམཱནཾ པསྶཱམི དཀྑཱམི ཨོལོཀེམི ནིཛ྄ཛྷཱཡཱམི ཨུཔཔརིཀྑཱམཱིཏི – པསྶཱམི ལོཀེ པརིཕནྡམཱནཾ.

པཛཾ ཨིམཾ ཏཎྷགཏཾ བྷཝེསཱུཏི. པཛཱཏི སཏྟཱདྷིཝཙནཾ. ཏཎྷཱཏི རཱུཔཏཎྷཱ, སདྡཏཎྷཱ, གནྡྷཏཎྷཱ, རསཏཎྷཱ, ཕོཊྛབྦཏཎྷཱ, དྷམྨཏཎྷཱ. ཏཎྷགཏནྟི ཏཎྷཱགཏཾ ཏཎྷཱནུགཏཾ ཏཎྷཱཡཱནུསཊཾ ཏཎྷཱཡཱསནྣཾ ཏཎྷཱཡ པཱཏིཏཾ ཨབྷིབྷཱུཏཾ པརིཡཱདིནྣཙིཏྟཾ ¶ ¶ . བྷཝེསཱུཏི ཀཱམབྷཝེ རཱུཔབྷཝེ ཨརཱུཔབྷཝེཏི – པཛཾ ཨིམཾ ཏཎྷགཏཾ བྷཝེསུ.

ཧཱིནཱ ནརཱ མཙྩུམུཁེ ལཔནྟཱིཏི. ཧཱིནཱ ནརཱཏི ཧཱིནཱ ནརཱ ཧཱིནེན ཀཱཡཀམྨེན སམནྣཱགཏཱཏི ཧཱིནཱ ནརཱ, ཧཱིནེན ཝཙཱིཀམྨེན སམནྣཱགཏཱཏི ཧཱིནཱ ནརཱ, ཧཱིནེན མནོཀམྨེན སམནྣཱགཏཱཏི ཧཱིནཱ ནརཱ, ཧཱིནེན པཱཎཱཏིཔཱཏེན སམནྣཱགཏཱཏི ཧཱིནཱ ནརཱ, ཧཱིནེན ཨདིནྣཱདཱནེན…པེ… ཧཱིནེན ཀཱམེསུམིཙྪཱཙཱརེན… ཧཱིནེན མུསཱཝཱདེན… ཧཱིནཱཡ པིསུཎཱཡ ཝཱཙཱཡ… ཧཱིནཱཡ ཕརུསཱཡ ཝཱཙཱཡ… ཧཱིནེན སམྥཔྤལཱཔེན… ཧཱིནཱཡ ཨབྷིཛ྄ཛྷཱཡ… ཧཱིནེན བྱཱཔཱདེན… ཧཱིནཱཡ མིཙྪཱདིཊྛིཡཱ… ཧཱིནེཧི སངྑཱརེཧི… ཧཱིནེཧི པཉྩཧི ཀཱམགུཎེཧི ནཱིཝརཎེཧི… ཧཱིནཱཡ ཙེཏནཱཡ… ཧཱིནཱཡ པཏྠནཱཡ… ཧཱིནཱཡ པཎིདྷིཡཱ སམནྣཱགཏཱཏི ཧཱིནཱ ནརཱ ཧཱིནཱ ནིཧཱིནཱ ཨོཧཱིནཱ ཨོམཀཱ ལཱམཀཱ ཚཏུཀྐཱ པརིཏྟཱཏི – ཧཱིནཱ ནརཱ. མཙྩུམུཁེ ལཔནྟཱིཏི. མཙྩུམུཁེཏི མཱརམུཁེ མརཎམུཁེ, མཙྩུཔྤཏྟཱ མཙྩུསམྤཏྟཱ མཙྩཱུཔཱགཏཱ, མཱརཔྤཏྟཱ མཱརསམྤཏྟཱ མཱརཱུཔཱགཏཱ, མརཎཔྤཏྟཱ མརཎསམྤཏྟཱ མརཎཱུཔཱགཏཱ ལཔནྟི ལཱལཔནྟི སོཙནྟི ཀིལམནྟི པརིདེཝནྟི ཨུརཏྟཱལི༹ཾ ཀནྡནྟི སམྨོཧཾ ཨཱཔཛྫནྟཱིཏི – ཧཱིནཱ ནརཱ མཙྩུམུཁེ ལཔནྟི.

ཨཝཱིཏཏཎྷཱསེ བྷཝཱབྷཝེསཱུཏི. ཏཎྷཱཏི རཱུཔཏཎྷཱ…པེ… དྷམྨཏཎྷཱ. བྷཝཱབྷཝེསཱུཏི བྷཝཱབྷཝེ ཀམྨབྷཝེ པུནབྦྷཝེ ཀཱམབྷཝེ ¶ , ཀམྨབྷཝེ ཀཱམབྷཝེ པུནབྦྷཝེ རཱུཔབྷཝེ, ཀམྨབྷཝེ རཱུཔབྷཝེ པུནབྦྷཝེ ཨརཱུཔབྷཝེ, ཀམྨབྷཝེ ¶ ཨརཱུཔབྷཝེ པུནབྦྷཝེ པུནཔྤུནབྦྷཝེ, པུནཔྤུནགཏིཡཱ པུནཔྤུནཨུཔཔཏྟིཡཱ ¶ པུནཔྤུནཔཊིསནྡྷིཡཱ པུནཔྤུནཨཏྟབྷཱཝཱབྷིནིབྦཏྟིཡཱ, ཨཝཱིཏཏཎྷཱ ཨཝིགཏཏཎྷཱ ¶ ཨཙཏྟཏཎྷཱ ཨཝནྟཏཎྷཱ. ཨམུཏྟཏཎྷཱ ཨཔྤཧཱིནཏཎྷཱ ཨཔྤཊིནིསྶཊྛཏཎྷཱཏི – ཨཝཱིཏཏཎྷཱསེ བྷཝཱབྷཝེསུ.

‘‘པསྶཱམི ལོཀེ པརིཕནྡམཱནཾ, པཛཾ ཨིམཾ ཏཎྷགཏཾ བྷཝེསུ;

ཧཱིནཱ ནརཱ མཙྩུམུཁེ ལཔནྟི, ཨཝཱིཏཏཎྷཱསེ བྷཝཱབྷཝེསཱུ’’ཏི.

མམཱཡིཏེ པསྶཐ ཕནྡམཱནེ, མཙྪེཝ [མཙྪོཝ (སཱི.)] ཨཔྤོདཀེ ཁཱིཎསོཏེ;

ཨེཏམྤི དིསྭཱ ཨམམོ ཙརེཡྻ, བྷཝེསུ ཨཱསཏྟིམཀུབྦམཱནོ.

མམཱཡིཏེ པསྶཐ ཕནྡམཱནེཏི. མམཏྟཱཏི དྭེ མམཏྟཱ – ཏཎྷཱམམཏྟཉྩ དིཊྛིམམཏྟཉྩ. ཀཏམཾ ཏཎྷཱམམཏྟཾ? ཡཱཝཏཱ ཏཎྷཱསངྑཱཏེན སཱིམཀཏཾ མརིཡཱདིཀཏཾ ཨོདྷིཀཏཾ པརིཡནྟཀཏཾ པརིགྒཧིཏཾ མམཱཡིཏཾ. ཨིདཾ མམཾ, ཨེཏཾ མམཾ, ཨེཏྟཀཾ མམཾ, ཨེཏྟཱཝཏཱ མམཾ, མམ རཱུཔཱ སདྡཱ གནྡྷཱ ¶ རསཱ ཕོཊྛབྦཱ, ཨཏྠརཎཱ པཱཝུརཎཱ དཱསིདཱསཱ ཨཛེལ༹ཀཱ ཀུཀྐུཊསཱུཀརཱ ཧཏྠིགཝཱསྶཝལ༹ཝཱ ཁེཏྟཾ ཝཏྠུ ཧིརཉྙཾ སུཝཎྞཾ གཱམནིགམརཱཛདྷཱནིཡོ རཊྛཉྩ ཛནཔདོ ཙ ཀོསོ ཙ ཀོཊྛཱགཱརཉྩ, ཀེཝལམྤི མཧཱཔཐཝིཾ ཏཎྷཱཝསེན མམཱཡཏི. ཡཱཝཏཱ ཨཊྛསཏཾ ཏཎྷཱཝིཙརིཏཾ, ཨིདཾ ཏཎྷཱམམཏྟཾ.

ཀཏམཾ དིཊྛིམམཏྟཾ? ཝཱིསཏིཝཏྠུཀཱ སཀྐཱཡདིཊྛི, དསཝཏྠུཀཱ མིཙྪཱདིཊྛི, དསཝཏྠུཀཱ ཨནྟགྒཱཧིཀཱ དིཊྛི; ཡཱ ཨེཝརཱུཔཱ དིཊྛི དིཊྛིགཏཾ དིཊྛིགཧནཾ ¶ དིཊྛིཀནྟཱརོ དིཊྛིཝིསཱུཀཱཡིཀཾ དིཊྛིཝིཔྥནྡིཀཾ དིཊྛིསཉྙོཛནཾ གཱཧོ པཊིགྒཱཧོ ཨབྷིནིཝེསོ པརཱམཱསོ ཀུམྨགྒོ མིཙྪཱཔཐོ མིཙྪཏྟཾ ཏིཏྠཱཡཏནཾ ཝིཔརིཡེསགྒཱཧོ ཝིཔརཱིཏགྒཱཧོ ཝིཔལླཱསགྒཱཧོ མིཙྪཱགཱཧོ ‘‘ཨཡཱཐཱཝཀསྨིཾ ཡཱཐཱཝཀ’’ནྟི གཱཧོ. ཡཱཝཏཱ དྭཱསཊྛིདིཊྛིགཏཱནི, ཨིདཾ དིཊྛིམམཏྟཾ. མམཱཡིཏེ པསྶཐ ཕནྡམཱནེཏི མམཱཡིཏཾ ཝཏྠུཾ ཨཙྪེདསཾཀིནོཔི ཕནྡནྟི, ཨཙྪིནྡནྟེཔི ཕནྡནྟི, ཨཙྪིནྣེཔི ཕནྡནྟི, མམཱཡིཏཾ ཝཏྠུཾ ཝིཔརིཎཱམསཾཀིནོཔི ཕནྡནྟི, ཝིཔརིཎཱམནྟེཔི ཕནྡནྟི, ཝིཔརིཎཏེཔི ཕནྡནྟི པཕནྡནྟི སམྥནྡནྟི ཝིཔྥནྡནྟི ཝེདྷནྟི [ཝེདྷེནྟི (སྱཱ.)] པཝེདྷནྟི སམྤཝེདྷནྟི. ཨེཝཾ ཕནྡམཱནེ པཕནྡམཱནེ སམྥནྡམཱནེ ཝིཔྥནྡམཱནེ ཝེདྷམཱནེ པཝེདྷམཱནེ སམྤཝེདྷམཱནེ པསྶཐ ¶ དཀྑཐ ཨོལོཀེཐ ནིཛ྄ཛྷཱཡཐ ཨུཔཔརིཀྑཐཱཏི – མམཱཡིཏེ པསྶཐ ཕནྡམཱནེ.

མཙྪེཝ ¶ ཨཔྤོདཀེ ཁཱིཎསོཏེཏི. ཡཐཱ མཙྪཱ ཨཔྤོདཀེ པརིཏྟོདཀེ ¶ ཨུདཀཔརིཡཱདཱནེ ཀཱཀེཧི ཝཱ ཀུལལེཧི ཝཱ བལཱཀཱཧི ཝཱ པརིཔཱཏིཡམཱནཱ ཨུཀྑིཔིཡམཱནཱ ཁཛྫམཱནཱ ཕནྡནྟི པཕནྡནྟི སམྥནྡནྟི ཝིཔྥནྡནྟི ཝེདྷནྟི པཝེདྷནྟི སམྤཝེདྷནྟི; ཨེཝམེཝ པཛཱ མམཱཡིཏཾ ཝཏྠུཾ ཨཙྪེདསཾཀིནོཔི ཕནྡནྟི, ཨཙྪིནྡནྟེཔི ཕནྡནྟི, ཨཙྪིནྣེཔི ཕནྡནྟི, མམཱཡིཏཾ ཝཏྠུཾ ཝིཔརིཎཱམསཾཀིནོཔི ཕནྡནྟི, ཝིཔརིཎཱམནྟེཔི ཕནྡནྟི, ཝིཔརིཎཏེཔི ཕནྡནྟི པཕནྡནྟི སམྥནྡནྟི ཝིཔྥནྡནྟི ཝེདྷནྟི པཝེདྷནྟི སམྤཝེདྷནྟཱིཏི – མཙྪེཝ ཨཔྤོདཀེ ཁཱིཎསོཏེ.

ཨེཏམྤི དིསྭཱ ཨམམོ ཙརེཡྻཱཏི. ཨེཏཾ ཨཱདཱིནཝཾ དིསྭཱ པསྶིཏྭཱ ཏུལཡིཏྭཱ ཏཱིརཡིཏྭཱ [ཏིརཡིཏྭཱ (ཀ.)] ཝིབྷཱཝཡིཏྭཱ ཝིབྷཱུཏཾ ཀཏྭཱ མམཏྟེསཱུཏི ¶ – ཨེཏམྤི དིསྭཱ. ཨམམོ ཙརེཡྻཱཏི མམཏྟཱཏི དྭེ མམཏྟཱ – ཏཎྷཱམམཏྟཉྩ དིཊྛིམམཏྟཉྩ…པེ… ཨིདཾ ཏཎྷཱམམཏྟཾ…པེ… ཨིདཾ དིཊྛིམམཏྟཾ. ཏཎྷཱམམཏྟཾ པཧཱཡ དིཊྛིམམཏྟཾ པཊིནིསྶཛྫིཏྭཱ ཙཀྑུཾ ཨམམཱཡནྟོ སོཏཾ ཨམམཱཡནྟོ གྷཱནཾ ཨམམཱཡནྟོ ཛིཝ྄ཧཾ ཨམམཱཡནྟོ ཀཱཡཾ ཨམམཱཡནྟོ མནཾ ཨམམཱཡནྟོ རཱུཔེ… སདྡེ… གནྡྷེ… རསེ… ཕོཊྛབྦེ… དྷམྨེ… ཀུལཾ… གཎཾ… ཨཱཝཱསཾ… ལཱབྷཾ… ཡསཾ… པསཾསཾ… སུཁཾ… ཙཱིཝརཾ… པིཎྜཔཱཏཾ… སེནཱསནཾ… གིལཱནཔཙྩཡབྷེསཛྫཔརིཀྑཱརཾ… ཀཱམདྷཱཏུཾ… རཱུཔདྷཱཏུཾ… ཨརཱུཔདྷཱཏུཾ… ཀཱམབྷཝཾ… རཱུཔབྷཝཾ… ཨརཱུཔབྷཝཾ… སཉྙཱབྷཝཾ… ཨསཉྙཱབྷཝཾ… ནེཝསཉྙཱནཱསཉྙཱབྷཝཾ… ཨེཀཝོཀཱརབྷཝཾ… ཙཏུཝོཀཱརབྷཝཾ… པཉྩཝོཀཱརབྷཝཾ… ཨཏཱིཏཾ… ཨནཱགཏཾ… པཙྩུཔྤནྣཾ… དིཊྛསུཏམུཏཝིཉྙཱཏབྦེ དྷམྨེ ཨམམཱཡནྟོ ཨགཎྷནྟོ ཨཔརཱམསནྟོ ཨནབྷིནིཝིསནྟོ ཙརེཡྻ ¶ ཝིཧརེཡྻ ཨིརིཡེཡྻ ཝཏྟེཡྻ པཱལེཡྻ ཡཔེཡྻ ཡཱཔེཡྻཱཏི – ཨེཏམྤི དིསྭཱ ཨམམོ ཙརེཡྻ.

བྷཝེསུ ཨཱསཏྟིམཀུབྦམཱནོཏི. བྷཝེསཱུཏི ཀཱམབྷཝེ རཱུཔབྷཝེ ཨརཱུཔབྷཝེ. ཨཱསཏྟི ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. བྷཝེསུ ཨཱསཏྟིམཀུབྦམཱནོཏི. བྷཝེསུ ཨཱསཏྟིཾ ཨཀུབྦམཱནོ, ཚནྡཾ པེམཾ རཱགཾ ཁནྟིཾ ཨཀུབྦམཱནོ ཨཛནཡམཱནོ ཨསཉྫནཡམཱནོ ཨནིབྦཏྟཡམཱནོ ཨནབྷིནིབྦཏྟཡམཱནོཏི – བྷཝེསུ ཨཱསཏྟིམཀུབྦམཱནོ.

‘‘མམཱཡིཏེ ¶ པསྶཐ ཕནྡམཱནེ, མཙྪེཝ ཨཔྤོདཀེ ཁཱིཎསོཏེ;

ཨེཏམྤི དིསྭཱ ཨམམོ ཙརེཡྻ, བྷཝེསུ ཨཱསཏྟིམཀུབྦམཱནོ’’ཏི.

ཨུབྷོསུ ¶ ཨནྟེསུ ཝིནེཡྻ ཚནྡཾ, ཕསྶཾ པརིཉྙཱཡ ཨནཱནུགིདྡྷོ;

ཡདཏྟགརཧཱི ཏདཀུབྦམཱནོ, ན ལིམྤཏཱི [ན ལིཔྤཏི (སཱི.)] དིཊྛསུཏེསུ དྷཱིརོ.

ཨུབྷོསུ ¶ ཨནྟེསུ ཝིནེཡྻ ཚནྡནྟི. ཨནྟཱཏི ཕསྶོ ཨེཀོ ཨནྟོ ཕསྶསམུདཡོ དུཏིཡོ ཨནྟོ, ཨཏཱིཏོ ཨེཀོ ཨནྟོ ཨནཱགཏོ དུཏིཡོ ཨནྟོ, སུཁཱ ཝེདནཱ ཨེཀོ ཨནྟོ དུཀྑཱ ¶ ཝེདནཱ དུཏིཡོ ཨནྟོ, ནཱམཾ ཨེཀོ ཨནྟོ རཱུཔཾ དུཏིཡོ ཨནྟོ, ཚ ཨཛ྄ཛྷཏྟིཀཱནི ཨཱཡཏནཱནི ཨེཀོ ཨནྟོ ཚ བཱཧིརཱནི ཨཱཡཏནཱནི དུཏིཡོ ཨནྟོ, སཀྐཱཡོ ཨེཀོ ཨནྟོ སཀྐཱཡསམུདཡོ དུཏིཡོ ཨནྟོ. ཚནྡོཏི ཡོ ཀཱམེསུ ཀཱམཙྪནྡོ ཀཱམརཱགོ ཀཱམནནྡཱི ཀཱམཏཎྷཱ ཀཱམསྣེཧོ ཀཱམཔརིལཱ༹ཧོ ཀཱམམུཙྪཱ ཀཱམཛ྄ཛྷོསཱནཾ ཀཱམོགྷོ ཀཱམཡོགོ ཀཱམུཔཱདཱནཾ ཀཱམཙྪནྡནཱིཝརཎཾ. ཨུབྷོསུ ཨནྟེསུ ཝིནེཡྻ ཚནྡནྟི ཨུབྷོསུ ཨནྟེསུ ཚནྡཾ ཝིནེཡྻ པཊིཝིནེཡྻ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻཱཏི – ཨུབྷོསུ ཨནྟེསུ ཝིནེཡྻ ཚནྡཾ.

ཕསྶཾ པརིཉྙཱཡ ཨནཱནུགིདྡྷོཏི. ཕསྶོཏི ཙཀྑུསམྥསྶོ སོཏསམྥསྶོ གྷཱནསམྥསྶོ ཛིཝ྄ཧཱསམྥསྶོ ཀཱཡསམྥསྶོ མནོསམྥསྶོ, ཨདྷིཝཙནསམྥསྶོ, པཊིགྷསམྥསྶོ, སུཁཝེདནཱིཡོ སམྥསྶོ དུཀྑཝེདནཱིཡོ སམྥསྶོ ཨདུཀྑམསུཁཝེདནཱིཡོ སམྥསྶོ, ཀུསལོ ཕསྶོ ཨཀུསལོ ཕསྶོ ཨབྱཱཀཏོ ཕསྶོ, ཀཱམཱཝཙརོ ཕསྶོ རཱུཔཱཝཙརོ ཕསྶོ ཨརཱུཔཱཝཙརོ ཕསྶོ, སུཉྙཏོ ཕསྶོ ཨནིམིཏྟོ ཕསྶོ ཨཔྤཎིཧིཏོ ཕསྶོ, ལོཀིཡོ ཕསྶོ ལོཀུཏྟརོ ཕསྶོ, ཨཏཱིཏོ ཕསྶོ ཨནཱགཏོ ཕསྶོ པཙྩུཔྤནྣོ ¶ ཕསྶོ, ཡོ ཨེཝརཱུཔོ ཕསྶོ ཕུསནཱ སམྥུསནཱ སམྥུསིཏཏྟཾ – ཨཡཾ ཝུཙྩཏི ཕསྶོ.

ཕསྶཾ པརིཉྙཱཡཱཏི ཕསྶཾ ཏཱིཧི པརིཉྙཱཧི པརིཛཱནིཏྭཱ – ཉཱཏཔརིཉྙཱཡ, ཏཱིརཎཔརིཉྙཱཡ [ཏིརཎཔརིཉྙཱཡ (སྱཱ.)], པཧཱནཔརིཉྙཱཡ. ཀཏམཱ ¶ ཉཱཏཔརིཉྙཱ? ཕསྶཾ ཛཱནཱཏི – ཨཡཾ ཙཀྑུསམྥསྶོ, ཨཡཾ སོཏསམྥསྶོ, ཨཡཾ གྷཱནསམྥསྶོ, ཨཡཾ ཛིཝ྄ཧཱསམྥསྶོ, ཨཡཾ ཀཱཡསམྥསྶོ, ཨཡཾ མནོསམྥསྶོ, ཨཡཾ ཨདྷིཝཙནསམྥསྶོ, ཨཡཾ པཊིགྷསམྥསྶོ, ཨཡཾ སུཁཝེདནཱིཡོ ཕསྶོ, ཨཡཾ དུཀྑཝེདནཱིཡོ ཕསྶོ, ཨཡཾ ཨདུཀྑམསུཁཝེདནཱིཡོ ཕསྶོ, ཨཡཾ ཀུསལོ ཕསྶོ, ཨཡཾ ཨཀུསལོ ཕསྶོ, ཨཡཾ ཨབྱཱཀཏོ ཕསྶོ, ཨཡཾ ཀཱམཱཝཙརོ ཕསྶོ, ཨཡཾ རཱུཔཱཝཙརོ ཕསྶོ, ཨཡཾ ¶ ཨརཱུཔཱཝཙརོ ཕསྶོ, ཨཡཾ སུཉྙཏོ ཕསྶོ, ཨཡཾ ཨནིམིཏྟོ ཕསྶོ, ཨཡཾ ཨཔྤཎིཧིཏོ ཕསྶོ, ཨཡཾ ལོཀིཡོ ཕསྶོ, ཨཡཾ ལོཀུཏྟརོ ཕསྶོ ¶ , ཨཡཾ ཨཏཱིཏོ ཕསྶོ, ཨཡཾ ཨནཱགཏོ ཕསྶོ, ཨཡཾ པཙྩུཔྤནྣོ ཕསྶོཏི ཛཱནཱཏི པསྶཏི – ཨཡཾ ཉཱཏཔརིཉྙཱ.

ཀཏམཱ ཏཱིརཎཔརིཉྙཱ? ཨེཝཾ ཉཱཏཾ ཀཏྭཱ ཕསྶཾ ཏཱིརེཏི. ཨནིཙྩཏོ དུཀྑཏོ རོགཏོ གཎྜཏོ སལླཏོ ཨགྷཏོ ཨཱབཱདྷཏོ པརཏོ པལོཀཏོ ཨཱིཏིཏོ ཨུཔདྡཝཏོ བྷཡཏོ ཨུཔསགྒཏོ ཙལཏོ པབྷངྒུཏོ ཨདྷུཝཏོ ཨཏཱཎཏོ ཨལེཎཏོ ཨསརཎཏོ རིཏྟཏོ ཏུཙྪཏོ སུཉྙཏོ ཨནཏྟཏོ ཨཱདཱིནཝཏོ ཝིཔརིཎཱམདྷམྨཏོ ཨསཱརཀཏོ ཨགྷམཱུལཏོ ཝདྷཀཏོ ཝིབྷཝཏོ སཱསཝཏོ སངྑཏཏོ མཱརཱམིསཏོ ཛཱཏིཛརཱབྱཱདྷིམརཎདྷམྨཏོ སོཀཔརིདེཝདུཀྑདོམནསྶུཔཱཡཱསདྷམྨཏོ སཾཀིལེསདྷམྨཏོ སམུདཡཏོ ཨཏྠངྒམཏོ ཨསྶཱདཏོ ཨཱདཱིནཝཏོ ནིསྶརཎཏོ ཏཱིརེཏི – ཨཡཾ ཏཱིརཎཔརིཉྙཱ.

ཀཏམཱ ¶ པཧཱནཔརིཉྙཱ? ཨེཝཾ ཏཱིརཡིཏྭཱ ཕསྶེ ཚནྡརཱགཾ པཛཧཏི ཝིནོདེཏི བྱནྟིཾ ཀརོཏི ཨནབྷཱཝཾ གམེཏི. ཝུཏྟཉྷེཏཾ བྷགཝཏཱ – ‘‘ཡོ, བྷིཀྑཝེ, ཕསྶེསུ ཚནྡརཱགོ ཏཾ པཛཧཐ. ཨེཝཾ སོ ཕསྶོ པཧཱིནོ བྷཝིསྶཏི ཨུཙྪིནྣམཱུལོ ཏཱལཱཝཏྠུཀཏོ ཨནབྷཱཝཾ ཀཏོ ཨཱཡཏིཾ ¶ ཨནུཔྤཱདདྷམྨོ’’ཏི – ཨཡཾ པཧཱནཔརིཉྙཱ. ཕསྶཾ པརིཉྙཱཡཱཏི. ཕསྶཾ ཨིམཱཧི ཏཱིཧི པརིཉྙཱཧི པརིཛཱནིཏྭཱ. ཨནཱནུགིདྡྷོཏི. གེདྷོཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཡསྶེསོ གེདྷོ པཧཱིནོ སམུཙྪིནྣོ ཝཱུཔསནྟོ པཊིཔསྶདྡྷོ ཨབྷབྦུཔྤཏྟིཀོ ཉཱཎགྒིནཱ དཌྜྷོ, སོ ཝུཙྩཏི ཨགིདྡྷོ. སོ རཱུཔེ ཨགིདྡྷོ སདྡེ ཨགིདྡྷོ གནྡྷེ ཨགིདྡྷོ རསེ ཨགིདྡྷོ ཕོཊྛབྦེ ཨགིདྡྷོ ཀུལེ… གཎེ… ཨཱཝཱསེ… ལཱབྷེ… ཡསེ… པསཾསཱཡ… སུཁེ… ཙཱིཝརེ… པིཎྜཔཱཏེ… སེནཱསནེ… གིལཱནཔཙྩཡབྷེསཛྫཔརིཀྑཱརེ ཨགིདྡྷོ ¶ ཀཱམདྷཱཏུཡཱ… རཱུཔདྷཱཏུཡཱ… ཨརཱུཔདྷཱཏུཡཱ… ཀཱམབྷཝེ… རཱུཔབྷཝེ… ཨརཱུཔབྷཝེ… སཉྙཱབྷཝེ… ཨསཉྙཱབྷཝེ… ནེཝསཉྙཱནཱསཉྙཱབྷཝེ… ཨེཀཝོཀཱརབྷཝེ… ཙཏུཝོཀཱརབྷཝེ… པཉྩཝོཀཱརབྷཝེ… ཨཏཱིཏེ… ཨནཱགཏེ… པཙྩུཔྤནྣེ… དིཊྛསུཏམུཏཝིཉྙཱཏབྦེསུ དྷམྨེསུ ཨགིདྡྷོ ཨགདྷིཏོ ཨམུཙྪིཏོ ཨནཛ྄ཛྷཱཔནྣོ ཝཱིཏགེདྷོ ཝིགཏགེདྷོ ཙཏྟགེདྷོ ཝནྟགེདྷོ མུཏྟགེདྷོ པཧཱིནགེདྷོ པཊིནིསྶཊྛགེདྷོ ཝཱིཏརཱགོ ཝིགཏརཱགོ ཙཏྟརཱགོ ཝནྟརཱགོ མུཏྟརཱགོ པཧཱིནརཱགོ པཊིནིསྶཊྛརཱགོ ནིཙྪཱཏོ ནིབྦུཏོ སཱིཏིབྷཱུཏོ སུཁཔཊིསཾཝེདཱི བྲཧྨབྷཱུཏེན ཨཏྟནཱ ཝིཧརཏཱིཏི ¶ – ཕསྶཾ པརིཉྙཱཡ ཨནཱནུགིདྡྷོ.

ཡདཏྟགརཧཱི ཏདཀུབྦམཱནོཏི. ཡདནྟི ཡཾ. ཨཏྟགརཧཱིཏི དྭཱིཧི ཀཱརཎེཧི ཨཏྟཱནཾ གརཧཏི – ཀཏཏྟཱ ཙ ཨཀཏཏྟཱ ཙ. ཀཐཾ ཀཏཏྟཱ ཙ ཨཀཏཏྟཱ ཙ ཨཏྟཱནཾ གརཧཏི? ཀཏཾ མེ ¶ ཀཱཡདུཙྩརིཏཾ, ཨཀཏཾ མེ ཀཱཡསུཙརིཏནྟི – ཨཏྟཱནཾ གརཧཏི. ཀཏཾ མེ ཝཙཱིདུཙྩརིཏཾ, ཨཀཏཾ མེ ཝཙཱིསུཙརིཏནྟི – ཨཏྟཱནཾ གརཧཏི. ཀཏཾ མེ མནོདུཙྩརིཏཾ, ཨཀཏཾ མེ མནོསུཙརིཏནྟི – ཨཏྟཱནཾ གརཧཏི. ཀཏོ མེ པཱཎཱཏིཔཱཏོ, ཨཀཏཱ མེ པཱཎཱཏིཔཱཏཱ ཝེརམཎཱིཏི – ཨཏྟཱནཾ གརཧཏི. ཀཏཾ མེ ཨདིནྣཱདཱནཾ, ཨཀཏཱ མེ ཨདིནྣཱདཱནཱ ཝེརམཎཱིཏི – ཨཏྟཱནཾ གརཧཏི. ཀཏོ མེ ཀཱམེསུམིཙྪཱཙཱརོ, ཨཀཏཱ མེ ཀཱམེསུམིཙྪཱཙཱརཱ ཝེརམཎཱིཏི – ཨཏྟཱནཾ གརཧཏི. ཀཏོ མེ མུསཱཝཱདོ, ཨཀཏཱ མེ མུསཱཝཱདཱ ཝེརམཎཱིཏི – ཨཏྟཱནཾ གརཧཏི. ཀཏཱ མེ པིསུཎཱ ཝཱཙཱ, ཨཀཏཱ མེ པིསུཎཱཡ ཝཱཙཱཡ ཝེརམཎཱིཏི – ཨཏྟཱནཾ གརཧཏི. ཀཏཱ མེ ཕརུསཱ ཝཱཙཱ, ཨཀཏཱ མེ ཕརུསཱཡ ཝཱཙཱཡ ཝེརམཎཱིཏི – ཨཏྟཱནཾ གརཧཏི. ཀཏོ མེ སམྥཔྤལཱཔོ, ཨཀཏཱ མེ སམྥཔྤལཱཔཱ ཝེརམཎཱིཏི – ཨཏྟཱནཾ ¶ གརཧཏི. ཀཏཱ མེ ཨབྷིཛ྄ཛྷཱ, ཨཀཏཱ མེ ཨནབྷིཛ྄ཛྷཱཏི – ཨཏྟཱནཾ གརཧཏི. ཀཏོ མེ བྱཱཔཱདོ, ཨཀཏོ མེ ཨབྱཱཔཱདོཏི – ཨཏྟཱནཾ གརཧཏི. ཀཏཱ མེ མིཙྪཱདིཊྛི, ཨཀཏཱ མེ སམྨཱདིཊྛཱིཏི – ཨཏྟཱནཾ ¶ གརཧཏི. ཨེཝཾ ཀཏཏྟཱ ཙ ཨཀཏཏྟཱ ཙ ཨཏྟཱནཾ གརཧཏི. ཨཐ ཝཱ, སཱིལེསུམྷི ན པརིཔཱུརཀཱརཱིཏི – ཨཏྟཱནཾ གརཧཏི. ཨིནྡྲིཡེསུམྷི ¶ ཨགུཏྟདྭཱརོཏི – ཨཏྟཱནཾ གརཧཏི. བྷོཛནེམྷི [བྷོཛནེ (སྱཱ.)] ཨམཏྟཉྙཱུཏི – ཨཏྟཱནཾ གརཧཏི. ཛཱགརིཡཾ ཨནནུཡུཏྟོཏི – ཨཏྟཱནཾ གརཧཏི. སཏིསམྤཛཉྙེན ཨསམནྣཱགཏོཏི – ཨཏྟཱནཾ གརཧཏི. ཨབྷཱཝིཏཱ མེ ཙཏྟཱརོ སཏིཔཊྛཱནཱཏི – ཨཏྟཱནཾ གརཧཏི. ཨབྷཱཝིཏཱ མེ ཙཏྟཱརོ སམྨཔྤདྷཱནཱཏི – ཨཏྟཱནཾ གརཧཏི. ཨབྷཱཝིཏཱ མེ ཙཏྟཱརོ ཨིདྡྷིཔཱདཱཏི – ཨཏྟཱནཾ གརཧཏི. ཨབྷཱཝིཏཱནི མེ པཉྩིནྡྲིཡཱནཱིཏི – ཨཏྟཱནཾ གརཧཏི. ཨབྷཱཝིཏཱནི མེ པཉྩ བལཱནཱིཏི – ཨཏྟཱནཾ གརཧཏི. ཨབྷཱཝིཏཱ མེ སཏྟ བོཛ྄ཛྷངྒཱཏི – ཨཏྟཱནཾ གརཧཏི. ཨབྷཱཝིཏོ མེ ཨརིཡོ ཨཊྛངྒིཀོ མགྒོཏི – ཨཏྟཱནཾ གརཧཏི. དུཀྑཾ མེ ཨཔརིཉྙཱཏནྟི – ཨཏྟཱནཾ གརཧཏི. སམུདཡོ མེ ཨཔྤཧཱིནོཏི – ཨཏྟཱནཾ གརཧཏི. མགྒོ མེ ཨབྷཱཝིཏོཏི – ཨཏྟཱནཾ གརཧཏི. ནིརོདྷོ མེ ཨསཙྪིཀཏོཏི – ཨཏྟཱནཾ གརཧཏི. ཨེཝཾ ཀཏཏྟཱ ཙ ཨཀཏཏྟཱ ཙ ཨཏྟཱནཾ གརཧཏི. ཨེཝཾ ཨཏྟགརཧིཏཾ ཀམྨཾ ཨཀུབྦམཱནོ ཨཛནཡམཱནོ ཨསཉྫནཡམཱནོ ཨནིབྦཏྟཡམཱནོ ཨནབྷིནིབྦཏྟཡམཱནོཏི – ཡདཏྟགརཧཱི ཏདཀུབྦམཱནོ. ན ལིམྤཏཱི དིཊྛསུཏེསུ དྷཱིརོཏི. ལེཔོཏི དྭེ ལེཔཱ – ཏཎྷཱལེཔོ ཙ དིཊྛིལེཔོ ཙ…པེ… ཨཡཾ ཏཎྷཱལེཔོ…པེ… ཨཡཾ དིཊྛིལེཔོ. དྷཱིརོཏི པཎྜིཏོ པཉྙཝཱ བུདྡྷིམཱ ཉཱཎཱི ¶ ཝིབྷཱཝཱི མེདྷཱཝཱི. དྷཱིརོ ཏཎྷཱལེཔཾ པཧཱཡ དིཊྛིལེཔཾ པཊིནིསྶཛྫིཏྭཱ དིཊྛེ ན ལིམྤཏི, སུཏེ ན ལིམྤཏི, མུཏེ ན ལིམྤཏི, ཝིཉྙཱཏེ ན ལིམྤཏི, ན པལིམྤཏི [ན སཾལིམྤཏི (སྱཱ.)], ན ཨུཔལིམྤཏི. ཨལིཏྟོ ཨཔལིཏྟོ [ཨསཾལིཏྟོ (སྱཱ.)] ཨནུཔལིཏྟོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏཱིཏི – ན ལིམྤཏཱི དིཊྛསུཏེསུ དྷཱིརོཏི.

‘‘ཨུབྷོསུ ཨནྟེསུ ཝིནེཡྻ ཚནྡཾ, ཕསྶཾ པརིཉྙཱཡ ཨནཱནུགིདྡྷོ;

ཡདཏྟགརཧཱི ཏདཀུབྦམཱནོ, ན ལིམྤཏཱི དིཊྛསུཏེསུ དྷཱིརོ’’ཏི.

སཉྙཾ ¶ ¶ པརིཉྙཱ ཝིཏརེཡྻ ཨོགྷཾ, པརིགྒཧེསུ མུནི ནོཔལིཏྟོ;

ཨབྦཱུལ༹ྷསལློ ཙརམཔྤམཏྟོ, ནཱསཱིསཏཱི ལོཀམིམཾ པརཉྩ.

སཉྙཾ པརིཉྙཱ ཝིཏརེཡྻ ཨོགྷནྟི. སཉྙཱཏི ཀཱམསཉྙཱ བྱཱཔཱདསཉྙཱ ཝིཧིཾསཱསཉྙཱ ནེཀྑམྨསཉྙཱ ཨབྱཱཔཱདསཉྙཱ ཨཝིཧིཾསཱསཉྙཱ རཱུཔསཉྙཱ སདྡསཉྙཱ གནྡྷསཉྙཱ རསསཉྙཱ ཕོཊྛབྦསཉྙཱ དྷམྨསཉྙཱ – ཡཱ ཨེཝརཱུཔཱ སཉྙཱ སཉྫཱནནཱ སཉྫཱནིཏཏྟཾ – ཨཡཾ ཝུཙྩཏི སཉྙཱ. སཉྙཾ པརིཉྙཱཏི སཉྙཾ ཏཱིཧི པརིཉྙཱཧི པརིཛཱནིཏྭཱ – ཉཱཏཔརིཉྙཱཡ, ཏཱིརཎཔརིཉྙཱཡ, པཧཱནཔརིཉྙཱཡ.

ཀཏམཱ ¶ ཉཱཏཔརིཉྙཱ? སཉྙཾ ཛཱནཱཏི – ཨཡཾ ཀཱམསཉྙཱ, ཨཡཾ བྱཱཔཱདསཉྙཱ, ཨཡཾ ཝིཧིཾསཱསཉྙཱ, ཨཡཾ ནེཀྑམྨསཉྙཱ, ཨཡཾ ཨབྱཱཔཱདསཉྙཱ, ཨཡཾ ཨཝིཧིཾསཱསཉྙཱ, ཨཡཾ རཱུཔསཉྙཱ, ཨཡཾ སདྡསཉྙཱ, ཨཡཾ གནྡྷསཉྙཱ, ཨཡཾ རསསཉྙཱ, ཨཡཾ ཕོཊྛབྦསཉྙཱ, ཨཡཾ དྷམྨསཉྙཱཏི ཛཱནཱཏི པསྶཏི – ཨཡཾ ཉཱཏཔརིཉྙཱ.

ཀཏམཱ ཏཱིརཎཔརིཉྙཱ? ཨེཝཾ ཉཱཏཾ ཀཏྭཱ སཉྙཾ ཏཱིརེཏི. ཨནིཙྩཏོ དུཀྑཏོ རོགཏོ གཎྜཏོ སལླཏོ ཨགྷཏོ ཨཱབཱདྷཏོ པརཏོ པལོཀཏོ ཨཱིཏིཏོ ཨུཔདྡཝཏོ བྷཡཏོ ཨུཔསགྒཏོ ཙལཏོ པབྷངྒུཏོ…པེ… སམུདཡཏོ ཨཏྠངྒམཏོ ཨསྶཱདཏོ ཨཱདཱིནཝཏོ ནིསྶརཎཏོ ཏཱིརེཏི – ཨཡཾ ཏཱིརཎཔརིཉྙཱ.

ཀཏམཱ པཧཱནཔརིཉྙཱ? ཨེཝཾ ཏཱིརཡིཏྭཱ སཉྙཱཡ ཚནྡརཱགཾ པཛཧཏི ཝིནོདེཏི ཨནབྷཱཝཾ གམེཏི. ཝུཏྟམྤི ཧེཏཾ བྷགཝཏཱ – ‘‘ཡོ, བྷིཀྑཝེ, སཉྙཱཡ ཚནྡརཱགོ, ཏཾ པཛཧཐ. ཨེཝཾ སཱ སཉྙཱ པཧཱིནཱ བྷཝིསྶཏི ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾ ཀཏཱ ཨཱཡཏིཾ ཨནུཔྤཱདདྷམྨཱ’’ཏི – ཨཡཾ པཧཱནཔརིཉྙཱ. སཉྙཾ པརིཉྙཱཏི སཉྙཾ ཨིམཱཧི ཏཱིཧི པརིཉྙཱཧི པརིཛཱནིཏྭཱ. ཝིཏརེཡྻ ¶ ཨོགྷནྟི ཀཱམོགྷཾ བྷཝོགྷཾ དིཊྛོགྷཾ ཨཝིཛྫོགྷཾ ཏརེཡྻ ཨུཏྟརེཡྻ པཏརེཡྻ སམཏིཀྐམེཡྻ ཝཱིཏིཝཏྟེཡྻཱཏི – སཉྙཾ པརིཉྙཱ ཝིཏརེཡྻ ཨོགྷཾ.

པརིགྒཧེསུ ¶ མུནི ནོཔལིཏྟོཏི. པརིགྒཧཱཏི དྭེ པརིགྒཧཱ – ཏཎྷཱཔརིགྒཧོ ¶ ཙ དིཊྛིཔརིགྒཧོ ཙ…པེ… ཨཡཾ ཏཎྷཱཔརིགྒཧོ…པེ… ཨཡཾ དིཊྛིཔརིགྒཧོ. མུནཱིཏི. མོནཾ ཝུཙྩཏི ཉཱཎཾ. ཡཱ པཉྙཱ པཛཱནནཱ…པེ… ཨམོཧོ ¶ དྷམྨཝིཙཡོ སམྨཱདིཊྛི, ཏེན ཉཱཎེན སམནྣཱགཏོ མུནི མོནཔྤཏྟོཏི. ཏཱིཎི མོནེཡྻཱནི – ཀཱཡམོནེཡྻཾ, ཝཙཱིམོནེཡྻཾ, མནོམོནེཡྻཾ.

ཀཏམཾ ཀཱཡམོནེཡྻཾ? ཏིཝིདྷཀཱཡདུཙྩརིཏཱནཾ པཧཱནཾ ཀཱཡམོནེཡྻཾ, ཏིཝིདྷཾ ཀཱཡསུཙརིཏཾ ཀཱཡམོནེཡྻཾ, ཀཱཡཱརམྨཎེ ཉཱཎཾ ཀཱཡམོནེཡྻཾ, ཀཱཡཔརིཉྙཱ ཀཱཡམོནེཡྻཾ, པརིཉྙཱསཧགཏོ མགྒོ ཀཱཡམོནེཡྻཾ, ཀཱཡེ ཚནྡརཱགསྶ པཧཱནཾ ཀཱཡམོནེཡྻཾ, ཀཱཡསངྑཱརནིརོདྷོ ཙཏུཏྠཛ྄ཛྷཱནསམཱཔཏྟི ཀཱཡམོནེཡྻཾ – ཨིདཾ ཀཱཡམོནེཡྻཾ.

ཀཏམཾ ཝཙཱིམོནེཡྻཾ? ཙཏུབྦིདྷཝཙཱིདུཙྩརིཏཱནཾ པཧཱནཾ ཝཙཱིམོནེཡྻཾ, ཙཏུབྦིདྷཾ ཝཙཱིསུཙརིཏཾ ཝཙཱིམོནེཡྻཾ, ཝཱཙཱརམྨཎེ ཉཱཎཾ ཝཙཱིམོནེཡྻཾ, ཝཱཙཱཔརིཉྙཱ ཝཙཱིམོནེཡྻཾ, པརིཉྙཱསཧགཏོ མགྒོ ཝཙཱིམོནེཡྻཾ, ཝཱཙཱཡ ཚནྡརཱགསྶ པཧཱནཾ ཝཙཱིམོནེཡྻཾ, ཝཙཱིསངྑཱརནིརོདྷོ དུཏིཡཛ྄ཛྷཱནསམཱཔཏྟི ཝཙཱིམོནེཡྻཾ – ཨིདཾ ཝཙཱིམོནེཡྻཾ.

ཀཏམཾ མནོམོནེཡྻཾ? ཏིཝིདྷམནོདུཙྩརིཏཱནཾ པཧཱནཾ མནོམོནེཡྻཾ, ཏིཝིདྷཾ མནོསུཙརིཏཾ མནོམོནེཡྻཾ, ཙིཏྟཱརམྨཎེ ཉཱཎཾ མནོམོནེཡྻཾ, ཙིཏྟཔརིཉྙཱ མནོམོནེཡྻཾ, པརིཉྙཱསཧགཏོ ¶ མགྒོ མནོམོནེཡྻཾ, ཙིཏྟེ ཚནྡརཱགསྶ པཧཱནཾ མནོམོནེཡྻཾ, ཙིཏྟསངྑཱརནིརོདྷོ སཉྙཱཝེདཡིཏནིརོདྷཾ ¶ མནོམོནེཡྻཾ – ཨིདཾ མནོམོནེཡྻཾ.

‘‘ཀཱཡམུནིཾ ཝཱཙཱམུནིཾ, མནོམུནིམནཱསཝཾ;

མུནིཾ མོནེཡྻསམྤནྣཾ, ཨཱཧུ སབྦཔྤཧཱཡིནཾ.

‘‘ཀཱཡམུནིཾ ཝཱཙཱམུནིཾ, མནོམུནིམནཱསཝཾ;

མུནིཾ མོནེཡྻསམྤནྣཾ, ཨཱཧུ ནིནྷཱཏཔཱཔཀ’’ནྟི [ནིཾནྷཱཏཔཱཔཀནྟི (སྱཱ.)].

ཨིམེཧི ཏཱིཧི མོནེཡྻེཧི དྷམྨེཧི སམནྣཱགཏཱ ཚ མུནིནོ [ཚ མུནཡོ (སྱཱ.)] – ཨགཱརམུནིནོ, ཨནགཱརམུནིནོ, སེཁམུནིནོ, ཨསེཁམུནིནོ, པཙྩེཀམུནིནོ, མུནིམུནིནོཏི. ཀཏམེ ཨགཱརམུནིནོ? ཡེ ཏེ ཨགཱརིཀཱ དིཊྛཔདཱ ཝིཉྙཱཏསཱསནཱ – ཨིམེ ཨགཱརམུནིནོ. ཀཏམེ ཨནགཱརམུནིནོ ¶ ? ཡེ ཏེ པབྦཛིཏཱ དིཊྛཔདཱ ཝིཉྙཱཏསཱསནཱ – ཨིམེ ཨནགཱརམུནིནོ. སཏྟ སེཁཱ སེཁམུནིནོ. ཨརཧནྟོ ཨསེཁམུནིནོ. པཙྩེཀབུདྡྷཱ པཙྩེཀམུནིནོ. མུནིམུནིནོ ཝུཙྩནྟི ཏཐཱགཏཱ ཨརཧནྟོ སམྨཱསམྦུདྡྷཱ.

‘‘ན ¶ མོནེན མུནི ཧོཏི, མཱུལ༹ྷརཱུཔོ ཨཝིདྡསུ;

ཡོ ཙ ཏུལཾཝ པགྒཡ྄ཧ, ཝརམཱདཱཡ པཎྜིཏོ.

‘‘པཱཔཱནི པརིཝཛྫེཏི, ས མུནི ཏེན སོ མུནི;

ཡོ མུནཱཏི ཨུབྷོ ལོཀེ, མུནི ཏེན པཝུཙྩཏི.

‘‘ཨསཏཉྩ སཏཉྩ ཉཏྭཱ དྷམྨཾ, ཨཛ྄ཛྷཏྟཾ བཧིདྡྷཱ ཙ སབྦལོཀེ;

དེཝམནུསྶེཧི ¶ པཱུཛིཏོ ཡོ, སངྒཛཱལམཏིཙྩ སོ མུནཱི’’ཏི.

ལེཔཱཏི དྭེ ལེཔཱ – ཏཎྷཱལེཔོ ཙ དིཊྛིལེཔོ ཙ…པེ… ཨཡཾ ཏཎྷཱལེཔོ…པེ… ཨཡཾ དིཊྛིལེཔོ. མུནི ཏཎྷཱལེཔཾ པཧཱཡ དིཊྛིལེཔཾ པཊིནིསྶཛྫིཏྭཱ པརིགྒཧེསུ ¶ ན ལིམྤཏི ན པལིམྤཏི ན ཨུཔལིམྤཏི. ཨལིཏྟོ ཨཔལིཏྟོ ཨནུཔལིཏྟོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏཱིཏི – པརིགྒཧེསུ མུནི ནོཔལིཏྟོ.

ཨབྦཱུལ༹ྷསལློ ཙརམཔྤམཏྟོཏི. སལླནྟི སཏྟ སལླཱནི – རཱགསལླཾ, དོསསལླཾ, མོཧསལླཾ, མཱནསལླཾ, དིཊྛིསལླཾ, སོཀསལླཾ, ཀཐཾཀཐཱསལླཾ [དུཙྩརིཏསལླཾ (སཱི.)]. ཡསྶེཏེ སལླཱ པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱ, སོ ཝུཙྩཏི ཨབྦཱུལ༹ྷསལློ ཨབྦཧིཏསལློ ཨུདྡྷཏསལློ སམུདྡྷཏསལློ ཨུཔྤཱཊིཏསལློ སམུཔྤཱཊིཏསལློ ཙཏྟསལློ ཝནྟསལློ མུཏྟསལློ པཧཱིནསལློ པཊིནིསྶཊྛསལློ ནིཙྪཱཏོ ནིབྦུཏོ སཱིཏིབྷཱུཏོ སུཁཔཊིསཾཝེདཱི བྲཧྨབྷཱུཏེན ཨཏྟནཱ ཝིཧརཏཱིཏི – ཨབྦཱུལ༹ྷསལློ.

ཙརནྟི ཙརནྟོ ཝིཧརནྟོ ཨིརིཡནྟོ ཝཏྟནྟོ པཱལེནྟོ ཡཔེནྟོ ཡཱཔེནྟོ. ཨཔྤམཏྟོཏི སཀྐཙྩཀཱརཱི སཱཏཙྩཀཱརཱི ཨཊྛིཏཀཱརཱི ཨནོལཱིནཝུཏྟིཀོ ཨནིཀྑིཏྟཙྪནྡོ ཨནིཀྑིཏྟདྷུརོ ཀུསལེསུ དྷམྨེསུ. ‘‘ཀཐཱཧཾ ཨཔརིཔཱུརཾ ཝཱ སཱིལཀྑནྡྷཾ པརིཔཱུརེཡྻཾ, པརིཔཱུརཾ ཝཱ སཱིལཀྑནྡྷཾ ཏཏྠ ¶ ཏཏྠ པཉྙཱཡ ཨནུགྒཎྷེཡྻ’’ནྟི ཡོ ཏཏྠ ཚནྡོ ཙ ཝཱཡཱམོ ཙ ཨུསྶཱཧོ ཙ ཨུསྶོལ༹ྷཱི ཙ ཨཔྤཊིཝཱནི ཙ སཏི ཙ སམྤཛཉྙཉྩ ཨཱཏཔྤཾ པདྷཱནཾ ཨདྷིཊྛཱནཾ ཨནུཡོགོ ཨཔྤམཱདོ ཀུསལེསུ ¶ དྷམྨེསུ. ‘‘ཀཐཱཧཾ ཨཔརིཔཱུརཾ ཝཱ སམཱདྷིཀྑནྡྷཾ པརིཔཱུརེཡྻཾ, པརིཔཱུརཾ ཝཱ སམཱདྷིཀྑནྡྷཾ ཏཏྠ ཏཏྠ པཉྙཱཡ ¶ ཨནུགྒཎྷེཡྻ’’ནྟི…པེ… ཀུསལེསུ དྷམྨེསུ. ‘‘ཀཐཱཧཾ ཨཔརིཔཱུརཾ ཝཱ པཉྙཱཀྑནྡྷཾ ¶ པརིཔཱུརེཡྻཾ… ཝིམུཏྟིཀྑནྡྷཾ… ཝིམུཏྟིཉཱཎདསྶནཀྑནྡྷཾ པརིཔཱུརེཡྻཾ, པརིཔཱུརཾ ཝཱ ཝིམུཏྟིཉཱཎདསྶནཀྑནྡྷཾ ཏཏྠ ཏཏྠ པཉྙཱཡ ཨནུགྒཎྷེཡྻ’’ནྟི ཡོ ཏཏྠ ཚནྡོ ཙ ཝཱཡཱམོ ཙ ཨུསྶཱཧོ ཙ ཨུསྶོལ༹ྷཱི ཙ ཨཔྤཊིཝཱནི ཙ སཏི ཙ སམྤཛཉྙཉྩ ཨཱཏཔྤཾ པདྷཱནཾ ཨདྷིཊྛཱནཾ ཨནུཡོགོ ཨཔྤམཱདོ ཀུསལེསུ དྷམྨེསུ. ‘‘ཀཐཱཧཾ ཨཔརིཉྙཱཏཾ ཝཱ དུཀྑཾ པརིཛཱནེཡྻཾ, ཨཔྤཧཱིནེ ཝཱ ཀིལེསེ པཛཧེཡྻཾ, ཨབྷཱཝིཏཾ ཝཱ མགྒཾ བྷཱཝེཡྻཾ, ཨསཙྪིཀཏཾ ཝཱ ནིརོདྷཾ སཙྪིཀརེཡྻ’’ནྟི ཡོ ཏཏྠ ཚནྡོ ཙ ཝཱཡཱམོ ཙ ཨུསྶཱཧོ ཙ ཨུསྶོལ༹ྷཱི ཙ ཨཔྤཊིཝཱནི ཙ སཏི ཙ སམྤཛཉྙཉྩ ཨཱཏཔྤཾ པདྷཱནཾ ཨདྷིཊྛཱནཾ ཨནུཡོགོ ཨཔྤམཱདོ ཀུསལེསུ དྷམྨེསཱུཏི – ཨབྦཱུལ༹ྷསལློ ཙརམཔྤམཏྟོ.

ནཱསཱིསཏཱི ལོཀམིམཾ པརཉྩཱཏི ཨིམཾ ལོཀཾ ནཱསཱིསཏི སཀཏྟབྷཱཝཾ, པརལོཀཾ ནཱསཱིསཏི པརཏྟབྷཱཝཾ; ཨིམཾ ལོཀཾ ནཱསཱིསཏི སཀརཱུཔཝེདནཱསཉྙཱསངྑཱརཝིཉྙཱཎཾ, པརཾ ལོཀཾ ནཱསཱིསཏི པརརཱུཔཝེདནཱསཉྙཱསངྑཱརཝིཉྙཱཎཾ; ཨིམཾ ལོཀཾ ནཱསཱིསཏི ཚ ཨཛ྄ཛྷཏྟིཀཱནི ཨཱཡཏནཱནི, པརཾ ¶ ལོཀཾ ནཱསཱིསཏི ཚ བཱཧིརཱནི ཨཱཡཏནཱནི; ཨིམཾ ལོཀཾ ནཱསཱིསཏི མནུསྶལོཀཾ, པརཾ ལོཀཾ ནཱསཱིསཏི དེཝལོཀཾ. ཨིམཾ ལོཀཾ ནཱསཱིསཏི ཀཱམདྷཱཏུཾ, པརཾ ལོཀཾ ནཱསཱིསཏི རཱུཔདྷཱཏུཾ ཨརཱུཔདྷཱཏུཾ; ཨིམཾ ལོཀཾ ནཱསཱིསཏི ཀཱམདྷཱཏུཾ རཱུཔདྷཱཏུཾ, པརཾ ལོཀཾ ནཱསཱིསཏི ཨརཱུཔདྷཱཏུཾ. པུན གཏིཾ ཝཱ ཨུཔཔཏྟིཾ ཝཱ པཊིསནྡྷིཾ ཝཱ བྷཝཾ ཝཱ སཾསཱརཾ ཝཱ ཝཊྚཾ ཝཱ ནཱསཱིསཏི ན ཨིཙྪཏི ན སཱདིཡཏི ན པཏྠེཏི ན པིཧེཏི ནཱཏིཛཔྤཏཱིཏི – ནཱསཱིསཏཱི ལོཀམིམཾ པརཉྩཱཏི.

‘‘སཉྙཾ ¶ པརིཉྙཱ ཝིཏརེཡྻ ཨོགྷཾ, པརིགྒཧེསུ མུནི ནོཔལིཏྟོ;

ཨབྦཱུལ༹ྷསལློ ཙརམཔྤམཏྟོ, ནཱསཱིསཏཱི ལོཀམིམཾ པརཉྩཱ’’ཏི.

ཨཐ ¶ ¶ དུཊྛཊྛཀསུཏྟནིདྡེསཾ ཝཀྑཏི –

ཝདནྟི ¶ ¶ ཝེ དུཊྛམནཱཔི ཨེཀེ, ཨཐོཔི [ཨཉྙེཔི ཏེ (སཱི.), ཨཉྙེཔི (སྱཱ.)] ཝེ སཙྩམནཱ ཝདནྟི;

ཝཱདཉྩ ཛཱཏཾ མུནི ནོ ཨུཔེཏི, ཏསྨཱ མུནཱི ནཏྠི ཁིལོ ཀུཧིཉྩི.

ཝདནྟི ཝེ དུཊྛམནཱཔི ཨེཀེཏི ཏེ ཏིཏྠིཡཱ དུཊྛམནཱ ཝིརུདྡྷམནཱ པཊིཝིརུདྡྷམནཱ ཨཱཧཏམནཱ པཙྩཱཧཏམནཱ ཨཱགྷཱཏིཏམནཱ པཙྩཱགྷཱཏིཏམནཱ ཝདནྟི ཨུཔཝདནྟི བྷགཝནྟཉྩ བྷིཀྑུསངྒྷཉྩ ཨབྷཱུཏེནཱཏི – ཝདནྟི ཝེ དུཊྛམནཱཔི ཨེཀེ.

ཨཐོཔི ཝེ སཙྩམནཱ ཝདནྟཱིཏི ཡེ ཏེསཾ ཏིཏྠིཡཱནཾ སདྡཧནྟཱ ཨོཀཔྤེནྟཱ ཨདྷིམུཙྩནྟཱ སཙྩམནཱ སཙྩསཉྙིནོ བྷཱུཏམནཱ བྷཱུཏསཉྙིནོ ཏཐམནཱ ཏཐསཉྙིནོ ཡཱཐཱཝམནཱ ཡཱཐཱཝསཉྙིནོ ཨཝིཔརཱིཏམནཱ ཨཝིཔརཱིཏསཉྙིནོ ཝདནྟི ཨུཔཝདནྟི བྷགཝནྟཉྩ བྷིཀྑུསངྒྷཉྩ ཨབྷཱུཏེནཱཏི – ཨཐོཔི ཝེ སཙྩམནཱ ཝདནྟི.

ཝཱདཉྩ ཛཱཏཾ མུནི ནོ ཨུཔེཏཱིཏི. སོ ཝཱདོ ཛཱཏོ ཧོཏི སཉྫཱཏོ ནིབྦཏྟོ ཨབྷིནིབྦཏྟོ པཱཏུབྷཱུཏོ པརཏོགྷོསོ ཨཀྐོསོ ཨུཔཝཱདོ བྷགཝཏོ ཙ བྷིཀྑུསངྒྷསྶ ཙ ཨབྷཱུཏེནཱཏི – ཝཱདཉྩ ཛཱཏཾ. མུནི ནོ ཨུཔེཏཱིཏི. མུནཱིཏི. མོནཾ ཝུཙྩཏི ཉཱཎཾ. ཡཱ པཉྙཱ པཛཱནནཱ ཨམོཧོ དྷམྨཝིཙཡོ སམྨཱདིཊྛི, ཏེན ¶ ཉཱཎེན ¶ སམནྣཱགཏོ མུནི མོནཔྤཏྟོ…པེ… སངྒཛཱལམཏིཙྩ སོ མུནི. ཡོ ཝཱདཾ ཨུཔེཏི སོ དྭཱིཧི ཀཱརཎེཧི ཝཱདཾ ཨུཔེཏི – ཀཱརཀོ ཀཱརཀཏཱཡ ཝཱདཾ ཨུཔེཏི, ཨཐ ཝཱ ཝུཙྩམཱནོ ཨུཔཝདིཡམཱནོ ཀུཔྤཏི བྱཱཔཛྫཏི པཏིཊྛིཡཏི ཀོཔཉྩ དོསཉྩ ཨཔྤཙྩཡཉྩ པཱཏུཀརོཏི. ཨཀཱརཀོམྷཱིཏི ཡོ ཝཱདཾ ཨུཔེཏི སོ ཨིམེཧི དྭཱིཧི ཀཱརཎེཧི ཝཱདཾ ཨུཔེཏི. མུནི དྭཱིཧི ཀཱརཎེཧི ཝཱདཾ ན ཨུཔེཏི – ཨཀཱརཀོ མུནི ཨཀཱརཀཏཱཡ ཝཱདཾ ན ཨུཔེཏི, ཨཐ ཝཱ ཝུཙྩམཱནོ ཨུཔཝདིཡམཱནོ ན ཀུཔྤཏི ན བྱཱཔཛྫཏི ན པཏིཊྛིཡཏི ན ཀོཔཉྩ དོསཉྩ ཨཔྤཙྩཡཉྩ པཱཏུཀརོཏི. ཨཀཱརཀོམྷཱིཏི ¶ མུནི ཨིམེཧི དྭཱིཧི ཀཱརཎེཧི ཝཱདཾ ན ཨུཔེཏི ན ཨུཔགཙྪཏི ¶ ན གཎྷཱཏི ན པརཱམསཏི ན ཨབྷིནིཝིསཏཱིཏི – ཝཱདཉྩ ཛཱཏཾ མུནི ནོ ཨུཔེཏི.

ཏསྨཱ མུནཱི ནཏྠི ཁིལོ ཀུཧིཉྩཱིཏི. ཏསྨཱཏི ཏསྨཱ ཏཾཀཱརཎཱ ཏཾཧེཏུ ཏཔྤཙྩཡཱ ཏཾནིདཱནཾ མུནིནོ ཨཱཧཏཙིཏྟཏཱ ཁིལཛཱཏཏཱཔི ནཏྠི. པཉྩཔི ཙེཏོཁིལཱ ནཏྠི, ཏཡོཔི ཁིལཱ ནཏྠི. རཱགཁིལོ དོསཁིལོ མོཧཁིལོ ནཏྠི ན སནྟི ན སཾཝིཛྫཏི ནུཔལབྦྷཏི, པཧཱིནོ སམུཙྪིནྣོ ཝཱུཔསནྟོ པཊིཔསྶདྡྷོ ཨབྷབྦུཔྤཏྟིཀོ ཉཱཎགྒིནཱ དཌྜྷོ. ཀུཧིཉྩཱིཏི ཀུཧིཉྩི ཀིམྷིཙི ཀཏྠཙི ཨཛ྄ཛྷཏྟཾ ཝཱ བཧིདྡྷཱ ཝཱ ཨཛ྄ཛྷཏྟབཧིདྡྷཱ ཝཱཏི – ཏསྨཱ མུནཱི ནཏྠི ཁིལོ ཀུཧིཉྩཱིཏི.

‘‘ཝདནྟི ¶ ཝེ དུཊྛམནཱཔི ཨེཀེ, ཨཐོཔི ཝེ སཙྩམནཱ ཝདནྟི;

ཝཱདཉྩ ཛཱཏཾ མུནི ནོ ཨུཔེཏི, ཏསྨཱ མུནཱི ནཏྠི ཁིལོ ཀུཧིཉྩཱི’’ཏི.

སཀཉྷི དིཊྛིཾ ཀཐམཙྩཡེཡྻ, ཚནྡཱནུནཱིཏོ རུཙིཡཱ ནིཝིཊྛོ;

སཡཾ སམཏྟཱནི པཀུབྦམཱནོ, ཡཐཱ ཧི ཛཱནེཡྻ ཏཐཱ ཝདེཡྻ.

སཀཉྷི ¶ དིཊྛིཾ ཀཐམཙྩཡེཡྻཱཏི. ཡཾ ཏེ ཏིཏྠིཡཱ སུནྡརིཔརིབྦཱཛིཀཾ ཧནྟྭཱ སམཎཱནཾ སཀྱཔུཏྟིཡཱནཾ ཨཝཎྞཾ པཀཱསཡིཏྭཱ ‘‘ཨེཝཾ ཨེཏཾ ལཱབྷཾ ཡསསཀྐཱརཾ སམྨཱནཾ པཙྩཱཧརིསྶཱམཱ’’ཏི ཏེ ཨེཝཾདིཊྛིཀཱ ཨེཝཾཁནྟིཀཱ ཨེཝཾརུཙིཀཱ ཨེཝཾལདྡྷིཀཱ ཨེཝཾཨཛ྄ཛྷཱསཡཱ ཨེཝཾཨདྷིཔྤཱཡཱ, ཏེ ནཱསཀྑིཾསུ སཀཾ དིཊྛིཾ སཀཾ ཁནྟིཾ སཀཾ རུཙིཾ སཀཾ ལདྡྷིཾ སཀཾ ཨཛ྄ཛྷཱསཡཾ སཀཾ ཨདྷིཔྤཱཡཾ ཨཏིཀྐམིཏུཾ; ཨཐ ཁོ སྭེཝ ཨཡསོ ཏེ པཙྩཱགཏོཏི, ཨེཝམྤི – སཀཉྷི དིཊྛིཾ ཀཐམཙྩཡེཡྻ. ཨཐ ཝཱ ‘‘སསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི ཡོ སོ ཨེཝཾཝཱདོ, སོ སཀཾ དིཊྛིཾ སཀཾ ཁནྟིཾ སཀཾ རུཙིཾ སཀཾ ལདྡྷིཾ སཀཾ ཨཛ྄ཛྷཱསཡཾ སཀཾ ཨདྷིཔྤཱཡཾ ཀཐཾ ཨཙྩཡེཡྻ ཨཏིཀྐམེཡྻ སམཏིཀྐམེཡྻ ཝཱིཏིཝཏྟེཡྻ? ཏཾ ཀིསྶ ཧེཏུ? ཏསྶ སཱ དིཊྛི ཏཐཱ སམཏྟཱ སམཱདིནྣཱ གཧིཏཱ པརཱམཊྛཱ ཨབྷིནིཝིཊྛཱ ཨཛ྄ཛྷོསིཏཱ ཨདྷིམུཏྟཱཏི. ཨེཝམྤི ¶ – སཀཉྷི དིཊྛིཾ ཀཐམཙྩཡེཡྻ? ‘‘ཨསསྶཏོ ལོཀོ…པེ… ཨནྟཝཱ ལོཀོ… ཨནནྟཝཱ ལོཀོ… ཏཾ ཛཱིཝཾ ཏཾ སརཱིརཾ… ཨཉྙཾ ¶ ཛཱིཝཾ ཨཉྙཾ སརཱིརཾ… ཧོཏི ཏཐཱགཏོ པརཾ མརཎཱ… ན ཧོཏི ཏཐཱགཏོ པརཾ མརཎཱ… ཧོཏི ཙ ན ཙ ཧོཏི ཏཐཱགཏོ པརཾ མརཎཱ… ནེཝ ཧོཏི ན ན ཧོཏི ཏཐཱགཏོ པརཾ ¶ མརཎཱ, ཨིདམེཝ སཙྩཾ མོགྷམཉྙ’’ནྟི ཡོ སོ ཨེཝཾ ཝཱདོ, སོ སཀཾ དིཊྛིཾ སཀཾ ཁནྟིཾ སཀཾ རུཙིཾ སཀཾ ལདྡྷིཾ སཀཾ ཨཛ྄ཛྷཱསཡཾ སཀཾ ཨདྷིཔྤཱཡཾ ཀཐཾ ཨཙྩཡེཡྻ ཨཏིཀྐམེཡྻ སམཏིཀྐམེཡྻ ཝཱིཏིཝཏྟེཡྻ? ཏཾ ཀིསྶ ཧེཏུ? ཏསྶ སཱ དིཊྛི ཏཐཱ སམཏྟཱ སམཱདིནྣཱ གཧིཏཱ པརཱམཊྛཱ ཨབྷིནིཝིཊྛཱ ཨཛ྄ཛྷོསིཏཱ ཨདྷིམུཏྟཱཏི. ཨེཝམྤི – སཀཉྷི དིཊྛིཾ ཀཐམཙྩཡེཡྻ.

ཚནྡཱནུནཱིཏོ རུཙིཡཱ ནིཝིཊྛོཏི. ཚནྡཱནུནཱིཏོཏི སཀཱཡ དིཊྛིཡཱ སཀཱཡ ཁནྟིཡཱ སཀཱཡ རུཙིཡཱ སཀཱཡ ལདྡྷིཡཱ ཡཱཡཏི ནིཡྻཏི ཝུཡ྄ཧཏི སཾཧརཱིཡཏི. ཡཐཱ ཧཏྠིཡཱནེན ཝཱ ཨསྶཡཱནེན ཝཱ ¶ རཐཡཱནེན ཝཱ གོཡཱནེན ཝཱ ཨཛཡཱནེན ཝཱ མེཎྜཡཱནེན ཝཱ ཨོཊྛཡཱནེན ཝཱ ཁརཡཱནེན ཝཱ ཡཱཡཏི ནིཡྻཏི ཝུཡ྄ཧཏི སཾཧརཱིཡཏི, ཨེཝམེཝ སཀཱཡ དིཊྛིཡཱ སཀཱཡ ཁནྟིཡཱ སཀཱཡ རུཙིཡཱ སཀཱཡ ལདྡྷིཡཱ ཡཱཡཏི ནིཡྻཏི ཝུཡ྄ཧཏི སཾཧརཱིཡཏཱིཏི – ཚནྡཱནུནཱིཏོ. རུཙིཡཱ ནིཝིཊྛོཏི སཀཱཡ དིཊྛིཡཱ སཀཱཡ རུཙིཡཱ སཀཱཡ ལདྡྷིཡཱ ནིཝིཊྛོ པཏིཊྛིཏོ ཨལླཱིནོ ཨུཔགཏོ ཨཛ྄ཛྷོསིཏོ ཨདྷིམུཏྟོཏི ¶ – ཚནྡཱནུནཱིཏོ རུཙིཡཱ ནིཝིཊྛོ.

སཡཾ སམཏྟཱནི པཀུབྦམཱནོཏི. སཡཾ སམཏྟཾ ཀརོཏི པརིཔུཎྞཾ ཀརོཏི ཨནོམཾ ཀརོཏི ཨགྒཾ སེཊྛཾ ཝིསིཊྛཾ པཱམོཀྑཾ ཨུཏྟམཾ པཝརཾ ཀརོཏི. ‘‘ཨཡཾ སཏྠཱ སབྦཉྙཱུ’’ཏི སཡཾ སམཏྟཾ ཀརོཏི པརིཔུཎྞཾ ཀརོཏི ཨནོམཾ ཀརོཏི ཨགྒཾ སེཊྛཾ ཝིསིཊྛཾ པཱམོཀྑཾ ཨུཏྟམཾ པཝརཾ ཀརོཏི. ‘‘ཨཡཾ དྷམྨོ སྭཱཀྑཱཏོ…པེ… ཨཡཾ གཎོ སུཔྤཊིཔནྣོ… ཨཡཾ དིཊྛི བྷདྡིཀཱ… ཨཡཾ པཊིཔདཱ སུཔཉྙཏྟཱ… ཨཡཾ མགྒོ ནིཡྻཱནིཀོ’’ཏི སཡཾ སམཏྟཾ ཀརོཏི པརིཔུཎྞཾ ཀརོཏི ཨནོམཾ ཀརོཏི ཨགྒཾ སེཊྛཾ ཝིསིཊྛཾ པཱམོཀྑཾ ཨུཏྟམཾ པཝརཾ ཀརོཏི ཛནེཏི སཉྫནེཏི ནིབྦཏྟེཏི ཨབྷིནིབྦཏྟེཏཱིཏི – སཡཾ སམཏྟཱནི པཀུབྦམཱནོ.

ཡཐཱ ཧི ཛཱནེཡྻ ཏཐཱ ཝདེཡྻཱཏི ཡཐཱ ཛཱནེཡྻ, ཏཐཱ ཝདེཡྻ ཀཐེཡྻ བྷཎེཡྻ དཱིཔཡེཡྻ ཝོཧརེཡྻ. ‘‘སསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི ཡཐཱ ཛཱནེཡྻ, ཏཐཱ ཝདེཡྻ ཀཐེཡྻ བྷཎེཡྻ དཱིཔཡེཡྻ ཝོཧརེཡྻ. ‘‘ཨསསྶཏོ ལོཀོ…པེ… ནེཝ ཧོཏི ¶ ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི ཡཐཱ ཛཱནེཡྻ, ཏཐཱ ཝདེཡྻ ཀཐེཡྻ བྷཎེཡྻ དཱིཔཡེཡྻ ཝོཧརེཡྻཱཏི – ཡཐཱ ཧི ཛཱནེཡྻ ཏཐཱ ཝདེཡྻ.

‘‘སཀཉྷི ¶ དིཊྛིཾ ཀཐམཙྩཡེཡྻ, ཚནྡཱནུནཱིཏོ རུཙིཡཱ ནིཝིཊྛོ;

སཡཾ ¶ སམཏྟཱནི པཀུབྦམཱནོ, ཡཐཱ ཧི ཛཱནེཡྻ ཏཐཱ ཝདེཡྻཱ’’ཏི.

ཡོ ཨཏྟནོ སཱིལཝཏཱནི ཛནྟུ, ཨནཱནུཔུཊྛོཝ [ཨནཱནུཔུཊྛོ ཙ (སྱཱ.)] པརེས པཱཝ པཱཝཱ (སཱི. སྱཱ.) ;

ཨནརིཡདྷམྨཾ ཀུསལཱ ཏམཱཧུ, ཡོ ཨཱཏུམཱནཾ སཡམེཝ པཱཝ [པཱཝཱ (སཱི. སྱཱ.)] .

ཡོ ཨཏྟནོ སཱིལཝཏཱནི ཛནྟཱུཏི. ཡོཏི ཡོ ཡཱདིསོ ཡཐཱཡུཏྟོ ཡཐཱཝིཧིཏོ ཡཐཱཔཀཱརོ ཡཾཋཱནཔྤཏྟོ ཡཾདྷམྨསམནྣཱགཏོ ཁཏྟིཡོ ཝཱ བྲཱཧྨཎོ ཝཱ ཝེསྶོ ཝཱ སུདྡོ ཝཱ གཧཊྛོ ཝཱ པབྦཛིཏོ ཝཱ དེཝོ ཝཱ མནུསྶོ ཝཱ. སཱིལཝཏཱནཱིཏི ཨཏྠི སཱིལཉྩེཝ ཝཏཉྩ [ཝཏྟཉྩ (སྱཱ.), ཨེཝམུཔརིཔི], ཨཏྠི ཝཏཾ ན སཱིལཾ. ཀཏམཾ སཱིལཉྩེཝ ཝཏཉྩ? ཨིདྷ བྷིཀྑུ སཱིལཝཱ ཧོཏི, པཱཏིམོཀྑསཾཝརསཾཝུཏོ ཝིཧརཏི ཨཱཙཱརགོཙརསམྤནྣོ ཨཎུམཏྟེསུ ཝཛྫེསུ བྷཡདསྶཱཝཱི, སམཱདཱཡ སིཀྑཏི སིཀྑཱཔདེསུ. ཡོ ཏཏྠ སཾཡམོ སཾཝརོ ཨཝཱིཏིཀྐམོ, ཨིདཾ སཱིལཾ. ཡཾ སམཱདཱནཾ ཏཾ ཝཏཾ. སཾཝརཊྛེན སཱིལཾ; སམཱདཱནཊྛེན ཝཏཾ – ཨིདཾ ཝུཙྩཏི སཱིལཉྩེཝ ཝཏཉྩ. ཀཏམཾ ཝཏཾ, ན སཱིལཾ? ཨཊྛ དྷུཏངྒཱནི – ཨཱརཉྙིཀངྒཾ, པིཎྜཔཱཏིཀངྒཾ, པཾསུཀཱུལིཀངྒཾ, ཏེཙཱིཝརིཀངྒཾ, སཔདཱནཙཱརིཀངྒཾ, ཁལུཔཙྪཱབྷཏྟིཀངྒཾ, ནེསཛྫིཀངྒཾ, ཡཐཱསནྠཏིཀངྒཾ – ཨིདཾ ཝུཙྩཏི ཝཏཾ, ན སཱིལཾ ¶ . ཝཱིརིཡསམཱདཱནམྤི ཝུཙྩཏི ཝཏཾ, ན སཱིལཾ. ‘‘ཀཱམཾ ཏཙོ ཙ ནྷཱརུ [ནཧཱརུ (སཱི. སྱཱ.)] ཙ ཨཊྛི ཙ ཨཝསིསྶཏུ [ཨཝསུསྶཏུ (སྱཱ.)], སརཱིརེ ཨུཔསྶུསྶཏུ མཾསལོཧིཏཾ. ཡཾ ཏཾ པུརིསཐཱམེན པུརིསབལེན པུརིསཝཱིརིཡེན པུརིསཔརཀྐམེན པཏྟབྦཾ ¶ , ན ཏཾ ཨཔཱཔུཎིཏྭཱ ཝཱིརིཡསྶ སཎྛཱནཾ བྷཝིསྶཏཱི’’ཏི – ཙིཏྟཾ པགྒཎྷཱཏི པདཧཏི. ཨེཝརཱུཔཾ ཝཱིརིཡསམཱདཱནཾ – ཨིདཾ ཝུཙྩཏི ཝཏཾ, ན སཱིལཾ.

‘‘ནཱསིསྶཾ ¶ ན པིཝིསྶཱམི, ཝིཧཱརཏོ ན ནིཀྑམེ;

ནཔི པསྶཾ ནིཔཱཏེསྶཾ, ཏཎྷཱསལླེ ཨནཱུཧཏེ’’ཏི.

ཙིཏྟཾ པགྒཎྷཱཏི པདཧཏི. ཨེཝརཱུཔམྤི ཝཱིརིཡསམཱདཱནཾ ཝུཙྩཏི ཝཏཾ, ན སཱིལཾ. ‘‘ན ཏཱཝཱཧཾ ཨིམཾ པལླངྐཾ བྷིནྡིསྶཱམི ཡཱཝ མེ ན ཨནུཔཱདཱཡ ཨཱསཝེཧི ཙིཏྟཾ ཝིམུཙྩིསྶཏཱི’’ཏི – ཙིཏྟཾ པགྒཎྷཱཏི པདཧཏི. ཨེཝརཱུཔམྤི ཝཱིརིཡསམཱདཱནཾ ཝུཙྩཏི ཝཏཾ, ན སཱིལཾ. ‘‘ན ཏཱཝཱཧཾ ཨིམམྷཱ ཨཱསནཱ ཝུཊྛཧིསྶཱམི, ཙངྐམཱ ཨོརོཧིསྶཱམི, ཝིཧཱརཱ ནིཀྑམིསྶཱམི, ཨཌྜྷཡོགཱ ནིཀྑམིསྶཱམི, པཱསཱདཱ ནིཀྑམིསྶཱམི, ཧམྨིཡཱ ནིཀྑམིསྶཱམི, གུཧཱཡ ནིཀྑམིསྶཱམི, ལེཎཱ ནིཀྑམིསྶཱམི, ཀུཊིཡཱ ནིཀྑམིསྶཱམི, ཀཱུཊཱགཱརཱ ¶ ནིཀྑམིསྶཱམི, ཨཊྚཱ ནིཀྑམིསྶཱམི, མཱལཱ༹ ནིཀྑམིསྶཱམི, ཨུདྡཎྜཱ [ཨུཊྚཎྜཱ (ཀ.)] ནིཀྑམིསྶཱམི ཨུཔཊྛཱནསཱལཱཡ ནིཀྑམིསྶཱམི མཎྜཔཱ ནིཀྑམིསྶཱམི, རུཀྑམཱུལཱ ནིཀྑམིསྶཱམི ཡཱཝ མེ ན ཨནུཔཱདཱཡ ཨཱསཝེཧི ཙིཏྟཾ ཝིམུཙྩིསྶཏཱི’’ཏི – ཙིཏྟཾ པགྒཎྷཱཏི པདཧཏི. ཨེཝརཱུཔམྤི ཝཱིརིཡསམཱདཱནཾ ཝུཙྩཏི ཝཏཾ, ན སཱིལཾ. ‘‘ཨིམསྨིཉྙེཝ པུབྦཎྷསམཡཾ ཨརིཡདྷམྨཾ ¶ ཨཱཧརིསྶཱམི སམཱཧརིསྶཱམི ཨདྷིགཙྪིསྶཱམི ཕསྶཡིསྶཱམི སཙྪིཀརིསྶཱམཱི’’ཏི – ཙིཏྟཾ པགྒཎྷཱཏི པདཧཏི. ཨེཝརཱུཔམྤི ཝཱིརིཡསམཱདཱནཾ ཝུཙྩཏི ཝཏཾ, ན སཱིལཾ. ‘‘ཨིམསྨིཉྙེཝ མཛ྄ཛྷནྷིཀསམཡཾ, སཱཡནྷསམཡཾ, པུརེབྷཏྟཾ, པཙྪཱབྷཏྟཾ, པུརིམཾ ཡཱམཾ, མཛ྄ཛྷིམཾ ཡཱམཾ, པཙྪིམཾ ཡཱམཾ, ཀཱལེ༹, ཛུཎྷེ, ཝསྶེ, ཧེམནྟེ, གིམྷེ, པུརིམེ ཝཡོཁནྡྷེ, མཛ྄ཛྷིམེ ཝཡོཁནྡྷེ, པཙྪིམེ ཝཡོཁནྡྷེ ཨརིཡདྷམྨཾ ཨཱཧརིསྶཱམི ¶ སམཱཧརིསྶཱམི ཨདྷིགཙྪིསྶཱམི ཕསྶཡིསྶཱམི སཙྪིཀརིསྶཱམཱི’’ཏི – ཙིཏྟཾ པགྒཎྷཱཏི པདཧཏི. ཨེཝརཱུཔམྤི ཝཱིརིཡསམཱདཱནཾ ཝུཙྩཏི ཝཏཾ, ན སཱིལཾ. ཛནྟཱུཏི སཏྟོ ནརོ མཱནཝོ [མཱཎཝོ (ཀ.)] པོསོ པུགྒལོ ཛཱིཝོ ཛཱགུ ཛནྟུ ཨིནྡགུ མནུཛོཏི – ཡོ ཨཏྟནོ སཱིལཝཏཱནི ཛནྟུ.

ཨནཱནུཔུཊྛོཝ པརེས པཱཝཱཏི. པརེསནྟི པརེསཾ ཁཏྟིཡཱནཾ བྲཱཧྨཎཱནཾ ཝེསྶཱནཾ སུདྡཱནཾ གཧཊྛཱནཾ པབྦཛིཏཱནཾ དེཝཱནཾ མནུསྶཱནཾ. ཨནཱནུཔུཊྛོཏི ཨཔུཊྛོ ཨཔུཙྪིཏོ ཨཡཱཙིཏོ ཨནཛ྄ཛྷེསིཏོ ཨཔསཱདིཏོ. པཱཝཱཏི ཨཏྟནོ སཱིལཾ ཝཱ ཝཏཾ ཝཱ སཱིལབྦཏཾ ཝཱ པཱཝདཏི. ཨཧམསྨི སཱིལསམྤནྣོཏི ཝཱ, ཝཏསམྤནྣོཏི ཝཱ, སཱིལབྦཏསམྤནྣོཏི ཝཱ ཛཱཏིཡཱ ཝཱ གོཏྟེན ཝཱ ཀོལཔུཏྟིཡེན ཝཱ ཝཎྞཔོཀྑརཏཱཡ ཝཱ དྷནེན ཝཱ ཨཛ྄ཛྷེནེན ཝཱ ཀམྨཱཡཏནེན ཝཱ སིཔྤཱཡཏནེན ¶ ཝཱ ཝིཛྫཱཊྛཱནེན [ཝིཛྫཊྛཱནེན (སྱཱ.)] ཝཱ སུཏེན ཝཱ པཊིབྷཱནེན [པཊིབྷཱཎེན (སཱི. སྱཱ. ཀ.)] ཝཱ ཨཉྙཏརཉྙཏརེན ཝཱ ཝཏྠུནཱ, ཨུཙྩཱ ཀུལཱ པབྦཛིཏོཏི ཝཱ, མཧཱཀུལཱ པབྦཛིཏོཏི ཝཱ, མཧཱབྷོགཀུལཱ པབྦཛིཏོཏི ¶ ཝཱ, ཨུལཱ༹རབྷོགཀུལཱ པབྦཛིཏོཏི ཝཱ, ཉཱཏོ ཡསསྶཱི སགཧཊྛཔབྦཛིཏཱནནྟི ཝཱ, ལཱབྷིམྷི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱན’’ནྟི ཝཱ, སུཏྟནྟིཀོཏི ཝཱ, ཝིནཡདྷརོཏི ཝཱ, དྷམྨཀཐིཀོཏི ཝཱ, ཨཱརཉྙིཀོཏི ཝཱ, པིཎྜཔཱཏིཀོཏི ཝཱ, པཾསུཀཱུལིཀོཏི ཝཱ, ཏེཙཱིཝརིཀོཏི ཝཱ, སཔདཱནཙཱརིཀོཏི ཝཱ, ཁལུཔཙྪཱབྷཏྟིཀོཏི ཝཱ, ནེསཛྫིཀོཏི ཝཱ, ཡཐཱསནྠཏིཀོཏི ཝཱ, པཋམསྶ ཛྷཱནསྶ ལཱབྷཱིཏི ཝཱ, དུཏིཡསྶ ཛྷཱནསྶ ལཱབྷཱིཏི ཝཱ, ཏཏིཡསྶ ཛྷཱནསྶ ལཱབྷཱིཏི ཝཱ, ཙཏུཏྠསྶ ཛྷཱནསྶ ལཱབྷཱིཏི ཝཱ, ཨཱཀཱསཱནཉྩཱཡཏནསམཱཔཏྟིཡཱ ལཱབྷཱིཏི ཝཱ, ཝིཉྙཱཎཉྩཱཡཏནསམཱཔཏྟིཡཱ ལཱབྷཱིཏི ཝཱ, ཨཱཀིཉྩཉྙཱཡཏནསམཱཔཏྟིཡཱ ལཱབྷཱིཏི ཝཱ, ནེཝསཉྙཱནཱསཉྙཱཡཏནསམཱཔཏྟིཡཱ ལཱབྷཱིཏི ཝཱ པཱཝདཏི ཀཐེཏི བྷཎཏི དཱིཔཡཏི ཝོཧརཏཱིཏི – ཨནཱནུཔུཊྛོཝ པརེསཾ པཱཝ.

ཨནརིཡདྷམྨཾ ¶ ¶ ཀུསལཱ ཏམཱཧཱུཏི. ཀུསལཱཏི ཡེ ཏེ ཁནྡྷཀུསལཱ དྷཱཏུཀུསལཱ ཨཱཡཏནཀུསལཱ པཊིཙྩསམུཔྤཱདཀུསལཱ སཏིཔཊྛཱནཀུསལཱ སམྨཔྤདྷཱནཀུསལཱ ཨིདྡྷིཔཱདཀུསལཱ ཨིནྡྲིཡཀུསལཱ བལཀུསལཱ བོཛ྄ཛྷངྒཀུསལཱ མགྒཀུསལཱ ཕལཀུསལཱ ནིབྦཱནཀུསལཱ, ཏེ ཀུསལཱ ཨེཝམཱཧཾསུ – ‘‘ཨནརིཡཱནཾ ཨེསོ དྷམྨོ, ནེསོ དྷམྨོ ཨརིཡཱནཾ; བཱལཱནཾ ཨེསོ དྷམྨོ, ནེསོ དྷམྨོ པཎྜིཏཱནཾ; ཨསཔྤུརིསཱནཾ ཨེསོ དྷམྨོ, ནེསོ དྷམྨོ སཔྤུརིསཱན’’ནྟི. ཨེཝམཱཧཾསུ ཨེཝཾ ཀཐེནྟི ཨེཝཾ བྷཎནྟི ཨེཝཾ དཱིཔཡནྟི ཨེཝཾ ཝོཧརནྟཱིཏི – ཨནརིཡདྷམྨཾ ཀུསལཱ ཏམཱཧུ.

ཡོ ¶ ཨཱཏུམཱནཾ སཡམེཝ པཱཝཱཏི. ཨཱཏུམཱ ཝུཙྩཏི ཨཏྟཱ. སཡམེཝ པཱཝཱཏི སཡམེཝ ཨཏྟཱནཾ པཱཝདཏི – ‘‘ཨཧམསྨི སཱིལསམྤནྣོཏི ཝཱ, ཝཏསམྤནྣོཏི ཝཱ, སཱིལབྦཏསམྤནྣོཏི ཝཱ, ཛཱཏིཡཱ ཝཱ གོཏྟེན ཝཱ ཀོལཔུཏྟིཡེན ཝཱ ཝཎྞཔོཀྑརཏཱཡ ཝཱ དྷནེན ཝཱ ཨཛ྄ཛྷེནེན ཝཱ ཀམྨཱཡཏནེན ཝཱ སིཔྤཱཡཏནེན ཝཱ ཝིཛྫཱཊྛཱནེན ཝཱ སུཏེན ཝཱ པཊིབྷཱནེན ཝཱ ཨཉྙཏརཉྙཏརེན ཝཱ ཝཏྠུནཱ, ཨུཙྩཱ ཀུལཱ པབྦཛིཏོཏི ¶ ཝཱ, མཧཱཀུལཱ པབྦཛིཏོཏི ཝཱ, མཧཱབྷོགཀུལཱ པབྦཛིཏོཏི ཝཱ, ཨུལཱ༹རབྷོགཀུལཱ པབྦཛིཏོཏི ཝཱ, ཉཱཏོ ཡསསྶཱི སགཧཊྛཔབྦཛིཏཱནནྟི ཝཱ, ལཱབྷིམྷི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནནྟི ཝཱ, སུཏྟནྟིཀོཏི ཝཱ, ཝིནཡདྷརོཏི ཝཱ, དྷམྨཀཐིཀོཏི ཝཱ, ཨཱརཉྙིཀོཏི ཝཱ, པིཎྜཔཱཏིཀོཏི ཝཱ, པཾསུཀཱུལིཀོཏི ཝཱ, ཏེཙཱིཝརིཀོཏི ཝཱ, སཔདཱནཙཱརིཀོཏི ཝཱ, ཁལུཔཙྪཱབྷཏྟིཀོཏི ཝཱ, ནེསཛྫིཀོཏི ཝཱ, ཡཐཱསནྠཏིཀོཏི ཝཱ, པཋམསྶ ཛྷཱནསྶ ལཱབྷཱིཏི ཝཱ, དུཏིཡསྶ ཛྷཱནསྶ ལཱབྷཱིཏི ཝཱ, ཏཏིཡསྶ ཛྷཱནསྶ ལཱབྷཱིཏི ཝཱ, ཙཏུཏྠསྶ ཛྷཱནསྶ ལཱབྷཱིཏི ཝཱ, ཨཱཀཱསཱནཉྩཱཡཏནསམཱཔཏྟིཡཱ ལཱབྷཱིཏི ཝཱ, ཝིཉྙཱཎཉྩཱཡཏནསམཱཔཏྟིཡཱ ལཱབྷཱིཏི ཝཱ,

ཝིབྷཝཉྩ བྷཝཉྩ ཝིཔྤཧཱཡ, ཝུསིཏཝཱ ཁཱིཎཔུནབྦྷཝོ ས བྷིཀྑཱུ’’ཏི.

ཨཱཀིཉྩཉྙཱཡཏནསམཱཔཏྟིཡཱ ¶ ལཱབྷཱིཏི ཝཱ, ནེཝསཉྙཱནཱསཉྙཱཡཏནསམཱཔཏྟིཡཱ ལཱབྷཱིཏི ཝཱ’’ པཱཝདཏི ཀཐེཏི བྷཎཏི དཱིཔཡཏི ཝོཧརཏཱིཏི – ཡོ ཨཱཏུམཱནཾ སཡམེཝ པཱཝཱཏི.

‘‘ཡོ ¶ ཨཏྟནོ སཱིལཝཏཱནི ཛནྟུ, ཨནཱནུཔུཊྛོཝ པརེས པཱཝ;

ཨནརིཡདྷམྨཾ ཀུསལཱ ཏམཱཧུ, ཡོ ཨཱཏུམཱནཾ སཡམེཝ པཱཝཱ’’ཏི.

སནྟོ ཙ བྷིཀྑུ ཨབྷིནིབྦུཏཏྟོ, ཨིཏིཧནྟི སཱིལེསུ ཨཀཏྠམཱནོ;

ཏམརིཡདྷམྨཾ ཀུསལཱ ཝདནྟི, ཡསྶུསྶདཱ ནཏྠི ཀུཧིཉྩི ལོཀེ.

སནྟོ ¶ ཙ བྷིཀྑུ ཨབྷིནིབྦུཏཏྟོཏི. སནྟོཏི རཱགསྶ སམིཏཏྟཱ སནྟོ, དོསསྶ སམིཏཏྟཱ སནྟོ, མོཧསྶ སམིཏཏྟཱ སནྟོ, ཀོདྷསྶ…པེ… ཨུཔནཱཧསྶ… མཀྑསྶ… པལཱ༹སསྶ [པལཱསསྶ (སཱི. ཀ.)] … ཨིསྶཱཡ… མཙྪརིཡསྶ… མཱཡཱཡ… སཱཋེཡྻསྶ… ཐམྦྷསྶ… སཱརམྦྷསྶ… མཱནསྶ… ཨཏིམཱནསྶ… མདསྶ… པམཱདསྶ… སབྦཀིལེསཱནཾ… སབྦདུཙྩརིཏཱནཾ… སབྦདརཐཱནཾ… སབྦཔརིལཱ༹ཧཱནཾ… སབྦསནྟཱཔཱནཾ… སབྦཱཀུསལཱབྷིསངྑཱརཱནཾ སནྟཏྟཱ སམིཏཏྟཱ ཝཱུཔསམིཏཏྟཱ ཝིཛ྄ཛྷཱཏཏྟཱ ནིབྦུཏཏྟཱ ཝིགཏཏྟཱ པཊིཔསྶདྡྷཏྟཱ སནྟོ ཨུཔསནྟོ ¶ ཝཱུཔསནྟོ ནིབྦུཏོ པཊིཔསྶདྡྷོཏི – སནྟོ. བྷིཀྑཱུཏི སཏྟནྣཾ དྷམྨཱནཾ བྷིནྣཏྟཱ བྷིཀྑུ – སཀྐཱཡདིཊྛི བྷིནྣཱ ཧོཏི, ཝིཙིཀིཙྪཱ བྷིནྣཱ ཧོཏི, སཱིལབྦཏཔརཱམཱསོ བྷིནྣོ ཧོཏི, རཱགོ བྷིནྣོ ཧོཏི, དོསོ བྷིནྣོ ཧོཏི, མོཧོ བྷིནྣོ ཧོཏི, མཱནོ བྷིནྣོ ཧོཏི ¶ . བྷིནྣཱསྶ ཧོནྟི པཱཔཀཱ ཨཀུསལཱ དྷམྨཱ སཾཀིལེསིཀཱ པོནོབྷཝིཀཱ [པོནོབྦྷཝིཀཱ (སྱཱ. ཀ.)] སདརཱ དུཀྑཝིཔཱཀཱ ཨཱཡཏིཾ ཛཱཏིཛརཱམརཎིཡཱ.

‘‘པཛྫེན ¶ ཀཏེན ཨཏྟནཱ, [སབྷིཡཱཏི བྷགཝཱ]

ཝིབྷཝཉྩ [ཝིབྷཝཾ (སཱི. ཀ.) སུ. ནི. ༥༡༩] བྷཝཉྩ ཝིཔྤཧཱཡ,

ཝུསིཏཝཱ ཁཱིཎཔུནབྦྷཝོ ས བྷིཀྑཱུ’’ཏི.

སནྟོ ཙ བྷིཀྑུ ཨབྷིནིབྦུཏཏྟོཏི རཱགསྶ ནིབྦཱཔིཏཏྟཱ ཨབྷིནིབྦུཏཏྟོ, དོསསྶ ནིབྦཱཔིཏཏྟཱ ཨབྷིནིབྦུཏཏྟོ, མོཧསྶ ནིབྦཱཔིཏཏྟཱ ཨབྷིནིབྦུཏཏྟོ, ཀོདྷསྶ…པེ… ཨུཔནཱཧསྶ… མཀྑསྶ… པལཱ༹སསྶ… ཨིསྶཱཡ… མཙྪརིཡསྶ… མཱཡཱཡ… སཱཋེཡྻསྶ… ཐམྦྷསྶ… སཱརམྦྷསྶ… མཱནསྶ… ཨཏིམཱནསྶ… མདསྶ… པམཱདསྶ… སབྦཀིལེསཱནཾ… སབྦདུཙྩརིཏཱནཾ… སབྦདརཐཱནཾ… སབྦཔརིལཱ༹ཧཱནཾ… སབྦསནྟཱཔཱནཾ… སབྦཱཀུསལཱབྷིསངྑཱརཱནཾ ནིབྦཱཔིཏཏྟཱ ཨབྷིནིབྦུཏཏྟོཏི – སནྟོ ཙ བྷིཀྑུ ཨབྷིནིབྦུཏཏྟོ.

ཨིཏིཧནྟི སཱིལེསུ ཨཀཏྠམཱནོཏི. ཨིཏིཧནྟི པདསནྡྷི པདསཾསགྒོ པདཔཱརིཔཱུརཱི ཨཀྑརསམཝཱཡོ བྱཉྫནསིལིཊྛཏཱ པདཱནུཔུབྦཏཱཔེཏཾ [པདཱནུཔུབྦཏཱ མེཏཾ (སྱཱ. ཀ.)] – ཨིཏིཧནྟི. སཱིལེསུ ཨཀཏྠམཱནོཏི. ཨིདྷེཀཙྩོ ཀཏྠཱི ཧོཏི ཝིཀཏྠཱི. སོ ཀཏྠཏི ཝིཀཏྠཏི. ཨཧམསྨི སཱིལསམྤནྣོཏི ཝཱ, ཝཏསམྤནྣོཏི ཝཱ, སཱིལབྦཏསམྤནྣོཏི ཝཱ, ཛཱཏིཡཱ ཝཱ གོཏྟེན ཝཱ ཀོལཔུཏྟིཡེན ཝཱ ཝཎྞཔོཀྑརཏཱཡ ཝཱ…པེ… ནེཝསཉྙཱནཱསཉྙཱཡཏནསམཱཔཏྟིཡཱ ལཱབྷཱིཏི ཝཱ ཀཏྠཏི ཝིཀཏྠཏི. ཨེཝཾ ¶ ན ཀཏྠཏི ན ཝིཀཏྠཏི. ཀཏྠནཱ ཨཱརཏོ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏཱིཏི – ཨིཏིཧནྟི སཱིལེསུ ཨཀཏྠམཱནོ.

ཏམརིཡདྷམྨཾ ¶ ¶ ཀུསལཱ ཝདནྟཱིཏི. ཀུསལཱཏི ཡེ ཏེ ཁནྡྷཀུསལཱ དྷཱཏུཀུསལཱ ཨཱཡཏནཀུསལཱ པཊིཙྩསམུཔྤཱདཀུསལཱ ¶ སཏིཔཊྛཱནཀུསལཱ སམྨཔྤདྷཱནཀུསལཱ ཨིདྡྷིཔཱདཀུསལཱ ཨིནྡྲིཡཀུསལཱ བལཀུསལཱ བོཛ྄ཛྷངྒཀུསལཱ མགྒཀུསལཱ ཕལཀུསལཱ ནིབྦཱནཀུསལཱ, ཏེ ཀུསལཱ ཨེཝཾ ཝདནྟི – ‘‘ཨརིཡཱནཾ ཨེསོ དྷམྨོ, ནེསོ དྷམྨོ ཨནརིཡཱནཾ; པཎྜིཏཱནཾ ཨེསོ དྷམྨོ, ནེསོ དྷམྨོ བཱལཱནཾ; སཔྤུརིསཱནཾ ཨེསོ དྷམྨོ, ནེསོ དྷམྨོ ཨསཔྤུརིསཱན’’ནྟི. ཨེཝཾ ཝདནྟི, ཨརིཡཱནཾ ཨེཝཾ ཀཐེནྟི ཨེཝཾ བྷཎནྟི ཨེཝཾ དཱིཔཡནྟི ཨེཝཾ ཝོཧརནྟཱིཏི – ཏམརིཡདྷམྨཾ ཀུསལཱ ཝདནྟི.

ཡསྶུསྶདཱ ནཏྠི ཀུཧིཉྩི ལོཀེཏི. ཡསྶཱཏི ཨརཧཏོ ཁཱིཎཱསཝསྶ. ཨུསྶདཱཏི སཏྟུསྶདཱ – རཱགུསྶདོ, དོསུསྶདོ, མོཧུསྶདོ, མཱནུསྶདོ, དིཊྛུསྶདོ, ཀིལེསུསྶདོ, ཀམྨུསྶདོ. ཡསྶིམེ [ཏསྶིམེ (སཱི. སྱཱ.)] ཨུསྶདཱ ནཏྠི ན སནྟི ན ཝིཛྫནྟི ནུཔལབྦྷནྟི, པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱ. ཀུཧིཉྩཱིཏི ཀུཧིཉྩི ཀིམྷིཙི ཀཏྠཙི ཨཛ྄ཛྷཏྟཾ ཝཱ བཧིདྡྷཱ ཝཱ ཨཛ྄ཛྷཏྟབཧིདྡྷཱ ཝཱ. ལོཀེཏི ཨཔཱཡལོཀེ མནུསྶལོཀེ དེཝལོཀེ ཁནྡྷལོཀེ དྷཱཏུལོཀེ ཨཱཡཏནལོཀེཏི – ཡསྶུསྶདཱ ནཏྠི ཀུཧིཉྩི ¶ ལོཀེ.

‘‘སནྟོ ཙ བྷིཀྑུ ཨབྷིནིབྦུཏཏྟོ, ཨིཏིཧནྟི སཱིལེསུ ཨཀཏྠམཱནོ;

ཏམརིཡདྷམྨཾ ཀུསལཱ ཝདནྟི, ཡསྶུསྶདཱ ནཏྠི ཀུཧིཉྩི ལོཀེ’’ཏི.

པཀཔྤིཏཱ སངྑཏཱ ཡསྶ དྷམྨཱ, པུརཀྑཏཱ [པུརེཀྑཏཱ (སཱི. ཀ.)] སནྟི ཨཝཱིཝདཱཏཱ;

ཡདཏྟནི པསྶཏི ཨཱནིསཾསཾ, ཏཾ ནིསྶིཏོ ཀུཔྤཔཊིཙྩསནྟིཾ.

པཀཔྤིཏཱ སངྑཏཱ ཡསྶ དྷམྨཱཏི. པཀཔྤནཱཏི དྭེ པཀཔྤནཱ – ཏཎྷཱཔཀཔྤནཱ ཙ དིཊྛིཔཀཔྤནཱ ཙ…པེ… ཨཡཾ ཏཎྷཱཔཀཔྤནཱ…པེ… ཨཡཾ དིཊྛིཔཀཔྤནཱ. སངྑཏཱཏི སངྑཏཱ ཨབྷིསངྑཏཱ ¶ སཎྛཔིཏཱཏིཔི – སངྑཏཱ. ཨཐ ཝཱ ཨནིཙྩཱ སངྑཏཱ པཊིཙྩསམུཔྤནྣཱ ཁཡདྷམྨཱ ཝཡདྷམྨཱ ཝིརཱགདྷམྨཱ ནིརོདྷདྷམྨཱཏིཔི – སངྑཏཱ ¶ . ཡསྶཱཏི དིཊྛིགཏིཀསྶ. དྷམྨཱ ཝུཙྩནྟི དྭཱསཊྛི དིཊྛིགཏཱནཱིཏི – པཀཔྤིཏཱ སངྑཏཱ ཡསྶ དྷམྨཱ.

པུརཀྑཏཱ སནྟི ཨཝཱིཝདཱཏཱཏི. པུརཀྑཏཱཏི དྭེ པུརེཀྑཱརཱ – ཏཎྷཱཔུརེཀྑཱརོ ཙ དིཊྛིཔུརེཀྑཱརོ ཙ…པེ… ཨཡཾ ཏཎྷཱཔུརེཀྑཱརོ…པེ… ཨཡཾ དིཊྛིཔུརེཀྑཱརོ. ཏསྶ ཏཎྷཱཔུརེཀྑཱརོ ¶ ཨཔྤཧཱིནོ, དིཊྛིཔུརེཀྑཱརོ ཨཔྤཊིནིསྶཊྛོ. ཏསྶ ཏཎྷཱཔུརེཀྑཱརསྶ ¶ ཨཔྤཧཱིནཏྟཱ, དིཊྛིཔུརེཀྑཱརསྶ ཨཔྤཊིནིསྶཊྛཏྟཱ སོ ཏཎྷཾ ཝཱ དིཊྛིཾ ཝཱ པུརཏོ ཀཏྭཱ ཙརཏི ཏཎྷཱདྷཛོ ཏཎྷཱཀེཏུ ཏཎྷཱདྷིཔཏེཡྻོ, དིཊྛིདྷཛོ དིཊྛིཀེཏུ དིཊྛཱདྷིཔཏེཡྻོ, ཏཎྷཱཡ ཝཱ དིཊྛིཡཱ ཝཱ པརིཝཱརིཏོ ཙརཏཱིཏི – པུརཀྑཏཱ. སནྟཱིཏི སནྟི སཾཝིཛྫནྟི ཨཏྠི ཨུཔལབྦྷནྟི. ཨཝཱིཝདཱཏཱཏི ཨཝེཝདཱཏཱ ཨཝོདཱཏཱ ཨཔརིསུདྡྷཱ སཾཀིལིཊྛཱ སཾཀིལེསིཀཱཏི – པུརཀྑཏཱ སནྟི ཨཝཱིཝདཱཏཱ.

ཡདཏྟནི པསྶཏི ཨཱནིསཾསནྟི. ཡདཏྟནཱིཏི ཡཾ ཨཏྟནི. ཨཏྟཱ ཝུཙྩཏི དིཊྛིགཏཾ. ཨཏྟནོ དིཊྛིཡཱ དྭེ ཨཱནིསཾསེ པསྶཏི – དིཊྛདྷམྨིཀཉྩ ཨཱནིསཾསཾ, སམྤརཱཡིཀཉྩ ཨཱནིསཾསཾ. ཀཏམོ དིཊྛིཡཱ དིཊྛདྷམྨིཀོ ཨཱནིསཾསོ? ཡཾདིཊྛིཀོ སཏྠཱ ཧོཏི, ཏཾདིཊྛིཀཱ སཱཝཀཱ ཧོནྟི. ཏཾདིཊྛིཀཾ སཏྠཱརཾ སཱཝཀཱ སཀྐརོནྟི གརུཾ ཀརོནྟི [གརུཀརོནྟི (སཱི. སྱཱ.)] མཱནེནྟི པཱུཛེནྟི ཨཔཙིཏིཾ ཀརོནྟི. ལབྷཏི ཙ ཏཏོནིདཱནཾ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཾ – ཨཡཾ དིཊྛིཡཱ དིཊྛདྷམྨིཀོ ཨཱནིསཾསོ. ཀཏམོ དིཊྛིཡཱ སམྤརཱཡིཀོ ཨཱནིསཾསོ? ཨཡཾ དིཊྛི ཨལཾ ནཱགཏྟཱཡ ཝཱ སུཔཎྞཏྟཱཡ ཝཱ ཡཀྑཏྟཱཡ ཝཱ ཨསུརཏྟཱཡ ཝཱ གནྡྷབྦཏྟཱཡ ཝཱ མཧཱརཱཛཏྟཱཡ ཝཱ ཨིནྡཏྟཱཡ ཝཱ བྲཧྨཏྟཱཡ ཝཱ དེཝཏྟཱཡ ཝཱ. ཨཡཾ དིཊྛི ¶ སུདྡྷིཡཱ ཝིསུདྡྷིཡཱ པརིསུདྡྷིཡཱ, མུཏྟིཡཱ ཝིམུཏྟིཡཱ པརིམུཏྟིཡཱ. ཨིམཱཡ དིཊྛིཡཱ སུཛ྄ཛྷནྟི ཝིསུཛ྄ཛྷནྟི པརིསུཛ྄ཛྷནྟི ¶ མུཙྩནྟི ཝིམུཙྩནྟི པརིམུཙྩནྟི. ཨིམཱཡ དིཊྛིཡཱ སུཛ྄ཛྷིསྶཱམི ཝིསུཛ྄ཛྷིསྶཱམི པརིསུཛ྄ཛྷིསྶཱམི, མུཙྩིསྶཱམི ཝིམུཙྩིསྶཱམི པརིམུཙྩིསྶཱམཱིཏི ཨཱཡཏིཾ ཕལཔཱཊིཀངྑཱི ཧོཏི – ཨཡཾ དིཊྛིཡཱ སམྤརཱཡིཀོ ཨཱནིསཾསོ. ཨཏྟནོ དིཊྛིཡཱ ཨིམེ དྭེ ཨཱནིསཾསེ པསྶཏི དཀྑཏི ཨོལོཀེཏི ནིཛ྄ཛྷཱཡཏི ཨུཔཔརིཀྑཏཱིཏི – ཡདཏྟནི པསྶཏི ཨཱནིསཾསཾ.

ཏཾ ¶ ནིསྶིཏོ ཀུཔྤཔཊིཙྩསནྟིནྟི. ཏིསྶོ སནྟིཡོ – ཨཙྩནྟསནྟི, ཏདངྒསནྟི, སམྨུཏིསནྟི. ཀཏམཱ ཨཙྩནྟསནྟི? ཨཙྩནྟསནྟི ཝུཙྩཏི ཨམཏཾ ནིབྦཱནཾ. ཡོ སོ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཀྑཡོ ཝིརཱགོ ནིརོདྷོ ནིབྦཱནཾ. ཨཡཾ ཨཙྩནྟསནྟི. ཀཏམཱ ཏདངྒསནྟི? པཋམཾ ཛྷཱནཾ སམཱཔནྣསྶ ནཱིཝརཎཱ སནྟཱ ཧོནྟི; དུཏིཡཾ ཛྷཱནཾ སམཱཔནྣསྶ ཝིཏཀྐཝིཙཱརཱ སནྟཱ ཧོནྟི; ཏཏིཡཾ ཛྷཱནཾ སམཱཔནྣསྶ པཱིཏི སནྟཱ ཧོཏི; ཙཏུཏྠཾ ཛྷཱནཾ སམཱཔནྣསྶ སུཁདུཀྑཱ སནྟཱ ཧོནྟི; ཨཱཀཱསཱནཉྩཱཡཏནཾ སམཱཔནྣསྶ རཱུཔསཉྙཱ པཊིགྷསཉྙཱ ནཱནཏྟསཉྙཱ སནྟཱ ཧོཏི; ཝིཉྙཱཎཉྩཱཡཏནཾ སམཱཔནྣསྶ ཨཱཀཱསཱནཉྩཱཡཏནསཉྙཱ སནྟཱ ཧོཏི; ཨཱཀིཉྩཉྙཱཡཏནཾ སམཱཔནྣསྶ ཝིཉྙཱཎཉྩཱཡཏནསཉྙཱ ¶ སནྟཱ ཧོཏི; ནེཝསཉྙཱནཱསཉྙཱཡཏནཾ སམཱཔནྣསྶ ཨཱཀིཉྩཉྙཱཡཏནསཉྙཱ སནྟཱ ཧོཏི. ཨཡཾ ཏདངྒསནྟི. ཀཏམཱ ¶ སམྨུཏིསནྟི? སམྨུཏིསནྟིཡོ ཝུཙྩནྟི དྭཱསཊྛི དིཊྛིགཏཱནི དིཊྛིསནྟིཡོ. ཨཔི ཙ སམྨུཏིསནྟི ཨིམསྨིཾ ཨཏྠེ ཨདྷིཔྤེཏཱ སནྟཱིཏི. ཏཾ ¶ ནིསྶིཏོ ཀུཔྤཔཊིཙྩསནྟིནྟི. ཀུཔྤསནྟིཾ པཀུཔྤསནྟིཾ ཨེརིཏསནྟིཾ སམེརིཏསནྟིཾ ཙལིཏསནྟིཾ གྷཊྚིཏསནྟིཾ ཀཔྤིཏསནྟིཾ པཀཔྤིཏསནྟིཾ ཨནིཙྩཾ སངྑཏཾ པཊིཙྩསམུཔྤནྣཾ ཁཡདྷམྨཾ ཝཡདྷམྨཾ ཝིརཱགདྷམྨཾ ནིརོདྷདྷམྨཾ, སནྟིཾ ནིསྶིཏོ ཨསིཏོ ཨལླཱིནོ ཨུཔགཏོ ཨཛ྄ཛྷོསིཏོ ཨདྷིམུཏྟོཏི – ཏཾ ནིསྶིཏོ ཀུཔྤཔཊིཙྩསནྟིཾ.

‘‘པཀཔྤིཏཱ སངྑཏཱ ཡསྶ དྷམྨཱ, པུརཀྑཏཱ སནྟི ཨཝཱིཝདཱཏཱ;

ཡདཏྟནི པསྶཏི ཨཱནིསཾསཾ, ཏཾ ནིསྶིཏོ ཀུཔྤཔཊིཙྩསནྟི’’ནྟི.

དིཊྛཱིནིཝེསཱ ན ཧི སྭཱཏིཝཏྟཱ, དྷམྨེསུ ནིཙྪེཡྻ སམུགྒཧཱིཏཾ;

ཏསྨཱ ནརོ ཏེསུ ནིཝེསནེསུ, ནིརསྶཏཱི ཨཱདིཡཏཱི ཙ དྷམྨཾ.

དིཊྛཱིནིཝེསཱ ན ཧི སྭཱཏིཝཏྟཱཏི. དིཊྛཱིནིཝེསཱཏི ‘‘སསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི ཨབྷིནིཝེསཔརཱམཱསོ དིཊྛིནིཝེསནཾ. ‘‘ཨསསྶཏོ ལོཀོ…པེ… ཨནྟཝཱ ལོཀོ… ཨནནྟཝཱ ལོཀོ ¶ … ཏཾ ཛཱིཝཾ ཏཾ སརཱིརཾ… ཨཉྙཾ ཛཱིཝཾ ཨཉྙཾ སརཱིརཾ… ཧོཏི ཏཐཱགཏོ པརཾ ¶ མརཎཱ… ན ཧོཏི ཏཐཱགཏོ པརཾ མརཎཱ… ཧོཏི ཙ ན ཙ ཧོཏི ཏཐཱགཏོ པརཾ མརཎཱ… ནེཝ ཧོཏི ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི ཨབྷིནིཝེསཔརཱམཱསོ དིཊྛིནིཝེསནནྟི. དིཊྛཱིནིཝེསཱ ན ཧི སྭཱཏིཝཏྟཱཏི དིཊྛིནིཝེསཱ ན ཧི སྭཱཏིཝཏྟཱ ¶ དུརཏིཝཏྟཱ དུཏྟརཱ དུཔྤཏརཱ དུསྶམཏིཀྐམཱ དུབྦིནིཝཏྟཱཏི – [དུབྦཱིཏིཝཏྟཱཏི (སཱི. སྱཱ. ཀ.)] དིཊྛཱིནིཝེསཱ ན ཧི སྭཱཏིཝཏྟཱ.

དྷམྨེསུ ནིཙྪེཡྻ སམུགྒཧཱིཏནྟི. དྷམྨེསཱུཏི དྭཱསཊྛི དིཊྛིགཏེསུ. ནིཙྪེཡྻཱཏི ནིཙྪིནིཏྭཱ ཝིནིཙྪིནིཏྭཱ ཝིཙིནིཏྭཱ པཝིཙིནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ. སམུགྒཧཱིཏནྟི ནིཝེསནེསུ ཨོདྷིགྒཱཧོ བིལགྒཱཧོ ཝརགྒཱཧོ ཀོཊྛཱསགྒཱཧོ ཨུཙྩཡགྒཱཧོ སམུཙྩཡགྒཱཧོ. ཨིདཾ སཙྩཾ ཏཙྪཾ ཏཐཾ བྷཱུཏཾ ཡཱཐཱཝཾ ཨཝིཔརཱིཏཾ གཧིཏཾ པརཱམཊྛཾ ཨབྷིནིཝིཊྛཾ ཨཛ྄ཛྷོསིཏཾ ཨདྷིམུཏྟནྟི – དྷམྨེསུ ནིཙྪེཡྻ སམུགྒཧཱིཏཾ.

ཏསྨཱ ¶ ནརོ ཏེསུ ནིཝེསནེསཱུཏི. ཏསྨཱཏི ཏསྨཱ ཏཾཀཱརཎཱ ཏཾཧེཏུ ཏཔྤཙྩཡཱ ཏཾནིདཱནཾ. ནརོཏི སཏྟོ ནརོ མཱནཝོ པོསོ པུགྒལོ ཛཱིཝོ ཛཱགུ ཛནྟུ ཨིནྡགུ མནུཛོ. ཏེསུ ནིཝེསནེསཱུཏི ཏེསུ དིཊྛིནིཝེསནེསཱུཏི – ཏསྨཱ ནརོ ཏེསུ ནིཝེསནེསུ.

ནིརསྶཏཱི ཨཱདིཡཏཱི ཙ དྷམྨནྟི. ནིརསྶཏཱིཏི དྭཱིཧི ཀཱརཎེཧི ནིརསྶཏི – པརཝིཙྪིནྡནཱཡ ཝཱ ནིརསྶཏི, ཨནབྷིསམྦྷུཎནྟོ ཝཱ ནིརསྶཏི. ཀཐཾ པརཝིཙྪིནྡནཱཡ ནིརསྶཏི? པརོ ཝིཙྪིནྡེཏི – སོ སཏྠཱ ན སབྦཉྙཱུ, དྷམྨོ ན སྭཱཀྑཱཏོ, གཎོ ན སུཔྤཊིཔནྣོ, དིཊྛི ¶ ན བྷདྡིཀཱ, པཊིཔདཱ ན སུཔཉྙཏྟཱ, མགྒོ ན ནིཡྻཱནིཀོ, ནཏྠེཏྠ སུདྡྷི ཝཱ ཝིསུདྡྷི ཝཱ པརིསུདྡྷི ཝཱ མུཏྟི ཝཱ ཝིམུཏྟི ཝཱ པརིམུཏྟི ཝཱ, ནཏྠེཏྠ སུཛ྄ཛྷནྟི ཝཱ ཝིསུཛ྄ཛྷནྟི ཝཱ པརིསུཛ྄ཛྷནྟི ཝཱ མུཙྩནྟི ཝཱ ཝིམུཙྩནྟི ཝཱ པརིམུཙྩནྟི ཝཱ, ཧཱིནཱ ནིཧཱིནཱ ཨོམཀཱ ལཱམཀཱ ཚཏུཀྐཱ [ཛཏུཀྐཱ (སཱི. སྱཱ.)] པརིཏྟཱཏི – ཨེཝཾ པརོ ཝིཙྪིནྡེཏི. ཨེཝཾ ཝིཙྪིནྡིཡམཱནོ སཏྠཱརཾ ནིརསྶཏི ¶ , དྷམྨཀྑཱནཾ ནིརསྶཏི, གཎཾ ནིརསྶཏི, དིཊྛིཾ ནིརསྶཏི, པཊིཔདཾ ནིརསྶཏི, མགྒཾ ནིརསྶཏི. ཨེཝཾ པརཝིཙྪིནྡནཱཡ ནིརསྶཏི. ཀཐཾ ཨནབྷིསམྦྷུཎནྟོ ནིརསྶཏི? སཱིལཾ ཨནབྷིསམྦྷུཎནྟོ སཱིལཾ ནིརསྶཏི, ཝཏཾ ཨནབྷིསམྦྷུཎནྟོ ཝཏཾ ནིརསྶཏི, སཱིལབྦཏཾ ¶ ཨནབྷིསམྦྷུཎནྟོ སཱིལབྦཏཾ ནིརསྶཏི. ཨེཝཾ ཨནབྷིསམྦྷུཎནྟོ ནིརསྶཏི. ཨཱདིཡཏཱི ཙ དྷམྨནྟི. སཏྠཱརཾ གཎྷཱཏི, དྷམྨཀྑཱནཾ གཎྷཱཏི, གཎཾ གཎྷཱཏི, དིཊྛིཾ གཎྷཱཏི, པཊིཔདཾ གཎྷཱཏི, མགྒཾ གཎྷཱཏི པརཱམསཏི ཨབྷིནིཝིསཏཱིཏི – ནིརསྶཏཱི ཨཱདིཡཏཱི ཙ དྷམྨཾ.

‘‘དིཊྛཱིནིཝེསཱ ན ཧི སྭཱཏིཝཏྟཱ, དྷམྨེསུ ནིཙྪེཡྻ སམུགྒཧཱིཏཾ;

ཏསྨཱ ནརོ ཏེསུ ནིཝེསནེསུ, ནིརསྶཏཱི ཨཱདིཡཏཱི ཙ དྷམྨ’’ནྟི.

དྷོནསྶ ཧི ནཏྠི ཀུཧིཉྩི ལོཀེ, པཀཔྤིཏཱ དིཊྛི བྷཝཱབྷཝེསུ;

མཱཡཉྩ ¶ མཱནཉྩ པཧཱཡ དྷོནོ, ས ཀེན གཙྪེཡྻ ཨནཱུཔཡོ སོ.

དྷོནསྶ ཧི ནཏྠི ཀུཧིཉྩི ལོཀེ པཀཔྤིཏཱ དིཊྛི བྷཝཱབྷཝེསཱུཏི. དྷོནོཏི. དྷོནཱ ཝུཙྩཏི པཉྙཱ – ཡཱ པཉྙཱ པཛཱནནཱ ཝིཙཡོ པཝིཙཡོ དྷམྨཝིཙཡོ སལླཀྑཎཱ ཨུཔལཀྑཎཱ པཙྩུཔལཀྑཎཱ པཎྜིཙྩཾ ཀོསལླཾ ནེཔུཉྙཾ ཝེབྷབྱཱ ཙིནྟཱ ཨུཔཔརིཀྑཱ བྷཱུརི མེདྷཱ པརིཎཱཡིཀཱ ཝིཔསྶནཱ སམྤཛཉྙཾ པཏོདོ པཉྙཱ པཉྙིནྡྲིཡཾ པཉྙཱབལཾ པཉྙཱསཏྠཾ པཉྙཱཔཱསཱདོ ¶ པཉྙཱཨཱལོཀོ པཉྙཱཨོབྷཱསོ པཉྙཱཔཛྫོཏོ པཉྙཱརཏནཾ ཨམོཧོ དྷམྨཝིཙཡོ སམྨཱདིཊྛི. ཀིཾཀཱརཎཱ དྷོནཱ ཝུཙྩཏི པཉྙཱ? ཏཱཡ པཉྙཱཡ ཀཱཡདུཙྩརིཏཾ ¶ དྷུཏཉྩ དྷོཏཉྩ སནྡྷོཏཉྩ ནིདྡྷོཏཉྩ; ཝཙཱིདུཙྩརིཏཾ… མནོདུཙྩརིཏཾ དྷུཏཉྩ དྷོཏཉྩ སནྡྷོཏཉྩ ནིདྡྷོཏཉྩ; རཱགོ དྷུཏོ ཙ དྷོཏོ ཙ སནྡྷོཏོ ཙ ནིདྡྷོཏོ ཙ; དོསོ…པེ… མོཧོ… ཀོདྷོ… ཨུཔནཱཧོ… མཀྑོ… པལཱ༹སོ དྷུཏོ ཙ དྷོཏོ ཙ སནྡྷོཏོ ཙ ནིདྡྷོཏོ ཙ; ཨིསྶཱ དྷུཏཱ ཙ དྷོཏཱ ཙ སནྡྷོཏཱ ཙ ནིདྡྷོཏཱ ཙ; མཙྪརིཡཾ དྷུཏཉྩ དྷོཏཉྩ སནྡྷོཏཉྩ ནིདྡྷོཏཉྩ; མཱཡཱ དྷུཏཱ ཙ དྷོཏཱ ཙ སནྡྷོཏཱ ཙ ནིདྡྷོཏཱ ཙ; སཱཋེཡྻཾ དྷུཏཉྩ དྷོཏཉྩ སནྡྷོཏཉྩ ནིདྡྷོཏཉྩ; ཐམྦྷོ དྷུཏོ ཙ དྷོཏོ ཙ སནྡྷོཏོ ཙ ནིདྡྷོཏོ ཙ; སཱརམྦྷོ… མཱནོ… ཨཏིམཱནོ… མདོ… པམཱདོ དྷུཏོ ཙ དྷོཏོ ཙ སནྡྷོཏོ ཙ ནིདྡྷོཏོ ཙ; སབྦེ ཀིལེསཱ, སབྦེ དུཙྩརིཏཱ, སབྦེ དརཐཱ, སབྦེ པརིལཱ༹ཧཱ, སབྦེ སནྟཱཔཱ, སབྦཱཀུསལཱབྷིསངྑཱརཱ ¶ དྷུཏཱ ཙ དྷོཏཱ ཙ སནྡྷོཏཱ ཙ ནིདྡྷོཏཱ ཙ. ཏཾཀཱརཎཱ དྷོནཱ ཝུཙྩཏི པཉྙཱ.

ཨཐ ཝཱ སམྨཱདིཊྛིཡཱ མིཙྪཱདིཊྛི དྷུཏཱ ཙ དྷོཏཱ ¶ ཙ སནྡྷོཏཱ ཙ ནིདྡྷོཏཱ ཙ; སམྨཱསངྐཔྤེན མིཙྪཱསངྐཔྤོ དྷུཏོ ཙ དྷོཏོ ཙ སནྡྷོཏོ ཙ ནིདྡྷོཏོ ཙ; སམྨཱཝཱཙཱཡ མིཙྪཱཝཱཙཱ དྷུཏཱ ཙ དྷོཏཱ ཙ…པེ… སམྨཱཀམྨནྟེན མིཙྪཱཀམྨནྟོ དྷུཏོ ཙ… སམྨཱཨཱཛཱིཝེན མིཙྪཱཨཱཛཱིཝོ དྷུཏོ ཙ… སམྨཱཝཱཡཱམེན མིཙྪཱཝཱཡཱམོ དྷུཏོ ཙ… སམྨཱསཏིཡཱ མིཙྪཱསཏི དྷུཏཱ ཙ… སམྨཱསམཱདྷིནཱ མིཙྪཱསམཱདྷི དྷུཏོ ཙ དྷོཏོ ཙ སནྡྷོཏོ ཙ ནིདྡྷོཏོ ཙ; སམྨཱཉཱཎེན མིཙྪཱཉཱཎཾ དྷུཏཾ ཙ… སམྨཱཝིམུཏྟིཡཱ མིཙྪཱཝིམུཏྟི དྷུཏཱ ཙ དྷོཏཱ ཙ སནྡྷོཏཱ ཙ ནིདྡྷོཏཱ ཙ.

ཨཐ ཝཱ ཨརིཡེན ཨཊྛངྒིཀེན མགྒེན སབྦེ ཀིལེསཱ, སབྦེ དུཙྩརིཏཱ, སབྦེ དརཐཱ, སབྦེ པརིལཱ༹ཧཱ, སབྦེ སནྟཱཔཱ, སབྦཱཀུསལཱབྷིསངྑཱརཱ དྷུཏཱ ཙ དྷོཏཱ ཙ སནྡྷོཏཱ ཙ ནིདྡྷོཏཱ ཙ. ཨརཧཱ ཨིམེཧི དྷོནེཡྻེཧི དྷམྨེཧི ཨུཔེཏོ སམུཔེཏོ ཨུཔགཏོ སམུཔགཏོ ཨུཔཔནྣོ སམུཔཔནྣོ སམནྣཱགཏོ; ཏསྨཱ ཨརཧཱ དྷོནོ. སོ དྷུཏརཱགོ དྷུཏཔཱཔོ དྷུཏཀིལེསོ དྷུཏཔརིལཱ༹ཧོཏི – དྷོནོ. ཀུཧིཉྩཱིཏི ཀུཧིཉྩི ཀིམྷིཙི ཀཏྠཙི ཨཛ྄ཛྷཏྟཾ ཝཱ བཧིདྡྷཱ ཝཱ ཨཛ྄ཛྷཏྟབཧིདྡྷཱ ཝཱ. ལོཀེཏི ཨཔཱཡལོཀེ…པེ… ཨཱཡཏནལོཀེ.

པཀཔྤིཏཱཏི ¶ དྭེ པཀཔྤནཱ – ཏཎྷཱཔཀཔྤནཱ ¶ ཙ དིཊྛིཔཀཔྤནཱ ཙ…པེ… ཨཡཾ ཏཎྷཱཔཀཔྤནཱ…པེ… ཨཡཾ དིཊྛིཔཀཔྤནཱ. བྷཝཱབྷཝེསཱུཏི བྷཝཱབྷཝེ ཀམྨབྷཝེ པུནབྦྷཝེ ཀཱམབྷཝེ, ཀམྨབྷཝེ ཀཱམབྷཝེ པུནབྦྷཝེ རཱུཔབྷཝེ, ཀམྨབྷཝེ རཱུཔབྷཝེ པུནབྦྷཝེ ཨརཱུཔབྷཝེ, ཀམྨབྷཝེ ཨརཱུཔབྷཝེ པུནབྦྷཝེ ¶ པུནཔྤུནབྷཝེ པུནཔྤུནགཏིཡཱ པུནཔྤུནཨུཔཔཏྟིཡཱ པུནཔྤུནཔཊིསནྡྷིཡཱ པུནཔྤུནཨཏྟབྷཱཝཱབྷིནིབྦཏྟིཡཱ. དྷོནསྶ ཧི ནཏྠི ཀུཧིཉྩི ལོཀེ པཀཔྤིཏཱ དིཊྛི བྷཝཱབྷཝེསཱུཏི དྷོནསྶ ཀུཧིཉྩི ལོཀེ བྷཝཱབྷཝེསུ ཙ ཀཔྤིཏཱ པཀཔྤིཏཱ ཨབྷིསངྑཏཱ སཎྛཔིཏཱ དིཊྛི ནཏྠི ན སནྟི ན སཾཝིཛྫཏི ནུཔལབྦྷཏི, པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱཏི – དྷོནསྶ ཧི ནཏྠི ཀུཧིཉྩི ལོཀེ པཀཔྤིཏཱ དིཊྛི བྷཝཱབྷཝེསུ.

མཱཡཉྩ མཱནཉྩ པཧཱཡ དྷོནོཏི. མཱཡཱ ཝུཙྩཏི ཝཉྩནིཀཱ ཙརིཡཱ. ཨིདྷེཀཙྩོ ཀཱཡེན དུཙྩརིཏཾ ཙརིཏྭཱ, ཝཱཙཱཡ དུཙྩརིཏཾ ཙརིཏྭཱ, མནསཱ དུཙྩརིཏཾ ¶ ཙརིཏྭཱ ཏསྶ པཊིཙྪཱདནཧེཏུ པཱཔིཀཾ ཨིཙྪཾ པཎིདཧཏི – ‘‘མཱ མཾ ཛཉྙཱ’’ཏི ཨིཙྪཏི, ‘‘མཱ མཾ ཛཉྙཱ’’ཏི སངྐཔྤེཏི, ‘‘མཱ མཾ ཛཉྙཱ’’ཏི ཝཱཙཾ བྷཱསཏི, ‘‘མཱ མཾ ཛཉྙཱ’’ཏི ཀཱཡེན པརཀྐམཏི. ཡཱ ཨེཝརཱུཔཱ མཱཡཱ མཱཡཱཝིཏཱ ཨཙྩསརཱ ཝཉྩནཱ ནིཀཏི ནིཀིརཎཱ པརིཧརཎཱ གཱུཧནཱ པརིགཱུཧནཱ ཚཱདནཱ པརིཙྪཱདནཱ ཨནུཏྟཱནིཀམྨཾ ཨནཱཝིཀམྨཾ ཝོཙྪཱདནཱ པཱཔཀིརིཡཱ, ཨཡཾ ཝུཙྩཏི མཱཡཱ.

མཱནོཏི ཨེཀཝིདྷེན མཱནོ – ཡཱ ཙིཏྟསྶ ཨུནྣཏི [ཨུཎྞཏི (སྱཱ. ཀ.)]. དུཝིདྷེན མཱནོ – ཨཏྟུཀྐཾསནམཱནོ, པརཝམྦྷནམཱནོ. ཏིཝིདྷེན མཱནོ – ‘‘སེཡྻོཧམསྨཱི’’ཏི མཱནོ, ‘‘སདིསོཧམསྨཱི’’ཏི ¶ མཱནོ, ‘‘ཧཱིནོཧམསྨཱི’’ཏི མཱནོ. ཙཏུབྦིདྷེན ¶ མཱནོ – ལཱབྷེན མཱནཾ ཛནེཏི, ཡསེན མཱནཾ ཛནེཏི, པསཾསཱཡ མཱནཾ ཛནེཏི, སུཁེན མཱནཾ ཛནེཏི. པཉྩཝིདྷེན མཱནོ – ‘‘ལཱབྷིམྷི མནཱཔིཀཱནཾ རཱུཔཱན’’ནྟི མཱནཾ ཛནེཏི, ‘‘ལཱབྷིམྷི མནཱཔིཀཱནཾ སདྡཱནཾ…པེ… གནྡྷཱནཾ… རསཱནཾ… ཕོཊྛབྦཱན’’ནྟི མཱནཾ ཛནེཏི. ཚབྦིདྷེན མཱནོ – ཙཀྑུསམྤདཱཡ མཱནཾ ཛནེཏི, སོཏསམྤདཱཡ… གྷཱནསམྤདཱཡ… ཛིཝ྄ཧཱསམྤདཱཡ… ཀཱཡསམྤདཱཡ… མནོསམྤདཱཡ མཱནཾ ཛནེཏི. སཏྟཝིདྷེན མཱནོ – མཱནོ, ཨཏིམཱནོ, མཱནཱཏིམཱནོ, ཨོམཱནོ, ཨདྷིམཱནོ, ཨསྨིམཱནོ, མིཙྪཱམཱནོ. ཨཊྛཝིདྷེན མཱནོ – ལཱབྷེན མཱནཾ ཛནེཏི, ཨལཱབྷེན ཨོམཱནཾ ཛནེཏི, ཡསེན མཱནཾ ཛནེཏི, ཨཡསེན ཨོམཱནཾ ཛནེཏི, པསཾསཱཡ མཱནཾ ཛནེཏི, ནིནྡཱཡ ཨོམཱནཾ ཛནེཏི, སུཁེན མཱནཾ ཛནེཏི, དུཀྑེན ཨོམཱནཾ ཛནེཏི. ནཝཝིདྷེན མཱནོ – སེཡྻསྶ སེཡྻོཧམསྨཱིཏི མཱནོ, སེཡྻསྶ སདིསོཧམསྨཱིཏི མཱནོ, སེཡྻསྶ ཧཱིནོཧམསྨཱིཏི མཱནོ ¶ , སདིསསྶ སེཡྻོཧམསྨཱིཏི མཱནོ, སདིསསྶ སདིསོཧམསྨཱིཏི མཱནོ, སདིསསྶ ཧཱིནོཧམསྨཱིཏི མཱནོ, ཧཱིནསྶ སེཡྻོཧམསྨཱིཏི མཱནོ, ཧཱིནསྶ སདིསོཧམསྨཱིཏི མཱནོ, ཧཱིནསྶ ཧཱིནོཧམསྨཱིཏི མཱནོ. དསཝིདྷེན མཱནོ – ཨིདྷེཀཙྩོ མཱནཾ ཛནེཏི ཛཱཏིཡཱ ཝཱ གོཏྟེན ཝཱ ཀོལཔུཏྟིཡེན ཝཱ ཝཎྞཔོཀྑརཏཱཡ ཝཱ དྷནེན ཝཱ ཨཛ྄ཛྷེནེན ཝཱ ཀམྨཱཡཏནེན ཝཱ སིཔྤཱཡཏནེན ཝཱ ཝིཛྫཱཊྛཱནེན ཝཱ སུཏེན ཝཱ པཊིབྷཱནེན ཝཱ ཨཉྙཏརཉྙཏརེན ཝཱ ཝཏྠུནཱ. ཡོ ¶ ཨེཝརཱུཔོ མཱནོ མཉྙནཱ མཉྙིཏཏྟཾ ཨུནྣཏི ཨུནྣཱམོ [ཨུཎྞམོ (སྱཱ. ཀ.)] དྷཛོ སམྤགྒཱཧོ ¶ ཀེཏུཀམྱཏཱ ཙིཏྟསྶ – ཨཡཾ ཝུཙྩཏི མཱནོ. མཱཡཉྩ མཱནཉྩ པཧཱཡ དྷོནོཏི. དྷོནོ མཱཡཉྩ མཱནཉྩ པཧཱཡ པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམེཏྭཱཏི – མཱཡཉྩ མཱནཉྩ པཧཱཡ དྷོནོ.

ས ཀེན གཙྪེཡྻ ཨནཱུཔཡོ སོཏི. ཨུཔཡཱཏི དྭེ ཨུཔཡཱ – ཏཎྷཱུཔཡོ ཙ དིཊྛཱུཔཡོ ཙ…པེ… ཨཡཾ ཏཎྷཱུཔཡོ…པེ… ཨཡཾ དིཊྛཱུཔཡོ. ཏསྶ ཏཎྷཱུཔཡོ པཧཱིནོ ¶ , དིཊྛཱུཔཡོ པཊིནིསྶཊྛོ. ཏཎྷཱུཔཡསྶ པཧཱིནཏྟཱ, དིཊྛཱུཔཡསྶ པཊིནིསྶཊྛཏྟཱ ཨནཱུཔཡོ པུགྒལོ ཀེན རཱགེན གཙྪེཡྻ, ཀེན དོསེན གཙྪེཡྻ, ཀེན མོཧེན གཙྪེཡྻ, ཀེན མཱནེན གཙྪེཡྻ, ཀཱཡ དིཊྛིཡཱ གཙྪེཡྻ, ཀེན ཨུདྡྷཙྩེན གཙྪེཡྻ, ཀཱཡ ཝིཙིཀིཙྪཱཡ གཙྪེཡྻ, ཀེཧི ཨནུསཡེཧི གཙྪེཡྻ – རཏྟོཏི ཝཱ དུཊྛོཏི ཝཱ མཱུལ༹ྷོཏི ཝཱ ཝིནིབདྡྷོཏི ཝཱ པརཱམཊྛོཏི ཝཱ ཝིཀྑེཔགཏོཏི ཝཱ ཨནིཊྛངྒཏོཏི ཝཱ ཐཱམགཏོཏི ཝཱ. ཏེ ཨབྷིསངྑཱརཱ པཧཱིནཱ. ཨབྷིསངྑཱརཱནཾ པཧཱིནཏྟཱ གཏིཡོ ཀེན གཙྪེཡྻ – ནེརཡིཀོཏི ཝཱ ཏིརཙྪཱནཡོནིཀོཏི ཝཱ པེཏྟིཝིསཡིཀོཏི ཝཱ མནུསྶོཏི ཝཱ དེཝོཏི ཝཱ རཱུཔཱིཏི ཝཱ ཨརཱུཔཱིཏི ཝཱ སཉྙཱིཏི ཝཱ ཨསཉྙཱིཏི ཝཱ ནེཝསཉྙཱིནཱསཉྙཱིཏི ཝཱ. སོ ཧེཏུ ནཏྠི པཙྩཡོ ནཏྠི ཀཱརཎཾ ནཏྠི, ཡེན གཙྪེཡྻཱཏི – ས ཀེན གཙྪེཡྻ ཨནཱུཔཡོ སོ.

‘‘དྷོནསྶ ¶ ཧི ནཏྠི ཀུཧིཉྩི ལོཀེ, པཀཔྤིཏཱ དིཊྛི བྷཝཱབྷཝེསུ;

མཱཡཉྩ མཱནཉྩ པཧཱཡ དྷོནོ, ས ཀེན གཙྪེཡྻ ཨནཱུཔཡོ སོ’’ཏི.

ཨུཔཡོ ཧི དྷམྨེསུ ཨུཔེཏི ཝཱདཾ, ཨནཱུཔཡཾ ཀེན ཀཐཾ ཝདེཡྻ;

ཨཏྟཱ ནིརཏྟཱ ན ཧི ཏསྶ ཨཏྠི, ཨདྷོསི སོ དིཊྛིམིདྷེཝ སབྦཾ.

ཨུཔཡོ ¶ ཧི དྷམྨེསུ ཨུཔེཏི ཝཱདནྟི. ཨུཔཡཱཏི དྭེ ཨུཔཡཱ – ཏཎྷཱུཔཡོ ཙ དིཊྛཱུཔཡོ ཙ…པེ… ཨཡཾ ཏཎྷཱུཔཡོ…པེ… ཨཡཾ དིཊྛཱུཔཡོ. ཏསྶ ཏཎྷཱུཔཡོ ཨཔྤཧཱིནོ, དིཊྛཱུཔཡོ ཨཔྤཊིནིསྶཊྛོ. ཏཎྷཱུཔཡསྶ ཨཔྤཧཱིནཏྟཱ ¶ , དིཊྛཱུཔཡསྶ ཨཔྤཊིནིསྶཊྛཏྟཱ དྷམྨེསུ ཝཱདཾ ཨུཔེཏི – རཏྟོཏི ཝཱ དུཊྛོཏི ཝཱ མཱུལ༹ྷོཏི ཝཱ ཝིནིབདྡྷོཏི ཝཱ པརཱམཊྛོཏི ཝཱ ཝིཀྑེཔགཏོཏི ཝཱ ཨནིཊྛངྒཏོཏི ¶ ཝཱ ཐཱམགཏོཏི ཝཱ. ཏེ ཨབྷིསངྑཱརཱ ཨཔྤཧཱིནཱ. ཨབྷིསངྑཱརཱནཾ ཨཔྤཧཱིནཏྟཱ གཏིཡཱ ཝཱདཾ ཨུཔེཏི. ནེརཡིཀོཏི ཝཱ ཏིརཙྪཱནཡོནིཀོཏི ཝཱ པེཏྟིཝིསཡིཀོཏི ཝཱ མནུསྶོཏི ཝཱ དེཝོཏི ཝཱ རཱུཔཱིཏི ཝཱ ཨརཱུཔཱིཏི ཝཱ སཉྙཱིཏི ཝཱ ཨསཉྙཱིཏི ཝཱ ནེཝསཉྙཱིནཱསཉྙཱིཏི ཝཱ ཝཱདཾ ཨུཔེཏི ཨུཔགཙྪཏི གཎྷཱཏི པརཱམསཏི ཨབྷིནིཝིསཏཱིཏི – ཨུཔཡོ ཧི དྷམྨེསུ ཨུཔེཏི ཝཱདཾ.

ཨནཱུཔཡཾ ¶ ཀེན ཀཐཾ ཝདེཡྻཱཏི. ཨུཔཡཱཏི དྭེ ཨུཔཡཱ – ཏཎྷཱུཔཡོ ཙ དིཊྛཱུཔཡོ ཙ…པེ… ཨཡཾ ཏཎྷཱུཔཡོ…པེ… ཨཡཾ དིཊྛཱུཔཡོ. ཏསྶ ཏཎྷཱུཔཡོ པཧཱིནོ, དིཊྛཱུཔཡོ པཊིནིསྶཊྛོ. ཏཎྷཱུཔཡསྶ པཧཱིནཏྟཱ, དིཊྛཱུཔཡསྶ པཊིནིསྶཊྛཏྟཱ ཨནཱུཔཡཾ པུགྒལཾ ཀེན རཱགེན ཝདེཡྻ, ཀེན དོསེན ཝདེཡྻ, ཀེན མོཧེན ཝདེཡྻ, ཀེན མཱནེན ཝདེཡྻ, ཀཱཡ དིཊྛིཡཱ ཝདེཡྻ, ཀེན ཨུདྡྷཙྩེན ཝདེཡྻ, ཀཱཡ ཝིཙིཀིཙྪཱཡ ཝདེཡྻ, ཀེཧི ཨནུསཡེཧི ཝདེཡྻ – རཏྟོཏི ཝཱ དུཊྛོཏི ཝཱ མཱུལ༹ྷོཏི ཝཱ ཝིནིབདྡྷོཏི ཝཱ པརཱམཊྛོཏི ཝཱ ཝིཀྑེཔགཏོཏི ཝཱ ཨནིཊྛངྒཏོཏི ཝཱ ཐཱམགཏོཏི ཝཱ. ཏེ ཨབྷིསངྑཱརཱ པཧཱིནཱ. ཨབྷིསངྑཱརཱནཾ པཧཱིནཏྟཱ གཏིཡོ ཀེན ཝདེཡྻ – ནེརཡིཀོཏི ཝཱ…པེ… ནེཝསཉྙཱིནཱསཉྙཱིཏི ཝཱ. སོ ཧེཏུ ནཏྠི, པཙྩཡོ ནཏྠི, ཀཱརཎཾ ནཏྠི, ཡེན ཝདེཡྻ ཀཐེཡྻ བྷཎེཡྻ དཱིཔཡེཡྻ ཝོཧརེཡྻཱཏི – ཨནཱུཔཡཾ ཀེན ཀཐཾ ཝདེཡྻ.

ཨཏྟཱ ནིརཏྟཱ ན ཧི ཏསྶ ཨཏྠཱིཏི. ཨཏྟཱཏི ཨཏྟཱནུདིཊྛི ནཏྠི. ནིརཏྟཱཏི ཨུཙྪེདདིཊྛི ནཏྠི. ཨཏྟཱཏི གཧིཏཾ ནཏྠི. ནིརཏྟཱཏི མུཉྩིཏབྦཾ ནཏྠི. ཡསྶཏྠི གཧིཏཾ, ཏསྶཏྠི མུཉྩིཏབྦཾ; ཡསྶཏྠི མུཉྩིཏབྦཾ, ཏསྶཏྠི གཧིཏཾ. གཧཎཾ མུཉྩནཱ སམཏིཀྐནྟོ ཨརཧཱ བུདྡྷིཔརིཧཱནིཝཱིཏིཝཏྟོ. སོ ཝུཊྛཝཱསོ ཙིཎྞཙརཎོ གཏདྡྷོ གཏདིསོ ཛཱཏིམརཎསཾསཱརོ, ནཏྠི ཏསྶ པུནབྦྷཝོཏི – ཨཏྟཱ ནིརཏྟཱ ན ཧི ཏསྶ ཨཏྠི.

ཨདྷོསི ¶ སོ དིཊྛིམིདྷེཝ སབྦནྟི ཏསྶ དྭཱསཊྛི དིཊྛིགཏཱནི ¶ པཧཱིནཱནི སམུཙྪིནྣཱནི ཝཱུཔསནྟཱནི པཊིཔསྶདྡྷཱནི ཨབྷབྦུཔྤཏྟིཀཱནི ཉཱཎགྒིནཱ དཌྜྷཱནི. སོ སབྦདིཊྛིགཏཾ ཨིདྷེཝ ཨདྷོསི ¶ དྷུནི སནྡྷུནི ནིདྡྷུནི པཛཧི ཝིནོདེསི བྱནྟིཾ ¶ ཨཀཱསི ཨནབྷཱཝཾ གམེསཱིཏི – ཨདྷོསི སོ དིཊྛིམིདྷེཝ སབྦཾ.

‘‘ཨུཔཡོ ཧི དྷམྨེསུ ཨུཔེཏི ཝཱདཾ, ཨནཱུཔཡཾ ཀེན ཀཐཾ ཝདེཡྻ;

ཨཏྟཱ ནིརཏྟཱ ན ཧི ཏསྶ ཨཏྠི, ཨདྷོསི སོ དིཊྛིམིདྷེཝ སབྦ’’ནྟི.

ཨཐ ¶ སུདྡྷཊྛཀསུཏྟནིདྡེསཾ ཝཀྑཏི –

པསྶཱམི ¶ ¶ སུདྡྷཾ པརམཾ ཨརོགཾ, དིཊྛེན སཾསུདྡྷི ནརསྶ ཧོཏི;

ཨེཝཱབྷིཛཱནཾ པརམནྟི ཉཏྭཱ, སུདྡྷཱནུཔསྶཱིཏི པཙྩེཏི ཉཱཎཾ.

པསྶཱམི སུདྡྷཾ པརམཾ ཨརོགནྟི. པསྶཱམི སུདྡྷནྟི པསྶཱམི སུདྡྷཾ, དཀྑཱམི སུདྡྷཾ, ཨོལོཀེམི སུདྡྷཾ, ནིཛ྄ཛྷཱཡཱམི སུདྡྷཾ, ཨུཔཔརིཀྑཱམི སུདྡྷཾ. པརམཾ ཨརོགནྟི པརམཾ ཨཱརོགྱཔྤཏྟཾ ཏཱཎཔྤཏྟཾ ལེཎཔྤཏྟཾ སརཎཔྤཏྟཾ ཨབྷཡཔྤཏྟཾ ཨཙྩུཏཔྤཏྟཾ ཨམཏཔྤཏྟཾ ནིབྦཱནཔྤཏྟནྟི – པསྶཱམི སུདྡྷཾ པརམཾ ཨརོགཾ.

དིཊྛེན སཾསུདྡྷི ནརསྶ ཧོཏཱིཏི. ཙཀྑུཝིཉྙཱཎཾ [ཙཀྑུཝིཉྙཱཎེན (སཱི. སྱཱ.)] རཱུཔདསྶནེན ནརསྶ སུདྡྷི ཝིསུདྡྷི པརིསུདྡྷི, མུཏྟི ཝིམུཏྟི པརིམུཏྟི ཧོཏི, ནརོ སུཛ྄ཛྷཏི ཝིསུཛ྄ཛྷཏི པརིསུཛ྄ཛྷཏི, མུཙྩཏི ཝིམུཙྩཏི པརིམུཙྩཏཱིཏི – དིཊྛེན སཾསུདྡྷི ནརསྶ ཧོཏི.

ཨེཝཱབྷིཛཱནཾ པརམནྟི ཉཏྭཱཏི. ཨེཝཾ ཨབྷིཛཱནནྟོ ཨཱཛཱནནྟོ ཝིཛཱནནྟོ པཊིཝིཛཱནནྟོ པཊིཝིཛ྄ཛྷནྟོ. ‘‘ཨིདཾ པརམཾ ཨགྒཾ སེཊྛཾ ཝིསིཊྛཾ པཱམོཀྑཾ ཨུཏྟམཾ པཝར’’ནྟི ཉཏྭཱ ཛཱནིཏྭཱ ཏུལཡིཏྭཱ ¶ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱཏི – ཨེཝཱབྷིཛཱནཾ པརམནྟི ཉཏྭཱ.

སུདྡྷཱནུཔསྶཱིཏི ¶ ¶ པཙྩེཏི ཉཱཎནྟི. ཡོ སུདྡྷཾ པསྶཏི, སོ སུདྡྷཱནུཔསྶཱི, པཙྩེཏི ཉཱཎནྟི ཙཀྑུཝིཉྙཱཎཾ རཱུཔདསྶནེན ཉཱཎནྟི པཙྩེཏི, མགྒོཏི པཙྩེཏི, པཐོཏི པཙྩེཏི, ནིཡྻཱནནྟི པཙྩེཏཱིཏི – སུདྡྷཱནུཔསྶཱི པཙྩེཏི ཉཱཎཾ.

‘‘པསྶཱམི སུདྡྷཾ པརམཾ ཨརོགཾ, དིཊྛེན སཾསུདྡྷི ནརསྶ ཧོཏི;

ཨེཝཱབྷིཛཱནཾ པརམནྟི ཉཏྭཱ, སུདྡྷཱནུཔསྶཱིཏི པཙྩེཏི ཉཱཎ’’ནྟི.

དིཊྛེན ཙེ སུདྡྷི ནརསྶ ཧོཏི, ཉཱཎེན ཝཱ སོ པཛཧཱཏི དུཀྑཾ;

ཨཉྙེན སོ སུཛ྄ཛྷཏི སོཔདྷཱིཀོ, དིཊྛཱི ཧི ནཾ པཱཝ ཏཐཱ ཝདཱནཾ.

དིཊྛེན ཙེ སུདྡྷི ནརསྶ ཧོཏཱིཏི. ཙཀྑུཝིཉྙཱཎཾ རཱུཔདསྶནེན ཙེ ནརསྶ སུདྡྷི ཝིསུདྡྷི པརིསུདྡྷི, མུཏྟི ཝིམུཏྟི པརིམུཏྟི ཧོཏི, ནརོ སུཛ྄ཛྷཏི ཝིསུཛ྄ཛྷཏི པརིསུཛ྄ཛྷཏི, མུཙྩཏི ཝིམུཙྩཏི པརིམུཙྩཏཱིཏི – དིཊྛེན ཙེ སུདྡྷི ནརསྶ ཧོཏི.

ཉཱཎེན ཝཱ སོ པཛཧཱཏི དུཀྑནྟི ཙཀྑུཝིཉྙཱཎཾ རཱུཔདསྶནེན ཙེ ནརོ ཛཱཏིདུཀྑཾ པཛཧཏི, ཛརཱདུཀྑཾ པཛཧཏི, བྱཱདྷིདུཀྑཾ ¶ པཛཧཏི, མརཎདུཀྑཾ པཛཧཏི, སོཀཔརིདེཝདུཀྑདོམནསྶུཔཱཡཱསདུཀྑཾ པཛཧཏཱིཏི – ཉཱཎེན ཝཱ སོ པཛཧཱཏི དུཀྑཾ.

ཨཉྙེན སོ སུཛ྄ཛྷཏི སོཔདྷཱིཀོཏི. ཨཉྙེན ཨསུདྡྷིམགྒེན མིཙྪཱཔཊིཔདཱཡ ཨནིཡྻཱནིཀཔཐེན ཨཉྙཏྲ སཏིཔཊྛཱནེཧི ཨཉྙཏྲ སམྨཔྤདྷཱནེཧི ཨཉྙཏྲ ཨིདྡྷིཔཱདེཧི ཨཉྙཏྲ ཨིནྡྲིཡེཧི ཨཉྙཏྲ བལེཧི ཨཉྙཏྲ བོཛ྄ཛྷངྒེཧི ཨཉྙཏྲ ཨརིཡཱ ཨཊྛངྒིཀཱ མགྒཱ ནརོ སུཛ྄ཛྷཏི ཝིསུཛ྄ཛྷཏི པརིསུཛ྄ཛྷཏི ¶ , མུཙྩཏི ཝིམུཙྩཏི པརིམུཙྩཏི. སོཔདྷཱིཀོཏི སརཱགོ སདོསོ སམོཧོ སམཱནོ སཏཎྷོ སདིཊྛི སཀིལེསོ སཨུཔཱདཱནོཏི – ཨཉྙེན སོ སུཛ྄ཛྷཏི སོཔདྷཱིཀོ.

དིཊྛཱི ཧི ནཾ པཱཝ ཏཐཱ ཝདཱནནྟི. སཱཝ དིཊྛི ཏཾ པུགྒལཾ པཱཝདཏི – ཨིཏི ཝཱཡཾ པུགྒལོ མིཙྪཱདིཊྛིཀོ ཝིཔརཱིཏདསྶནོ. ཏཐཱ ཝདཱནནྟི ཏཐཱ ཝདནྟཾ ཀཐེནྟཾ བྷཎནྟཾ དཱིཔཡནྟཾ ཝོཧརནྟཾ. ‘‘སསྶཏོ ལོཀོ ¶ , ཨིདམེཝ སཙྩཾ མོགྷམཉྙ’’ནྟི ཏཐཱ ཝདནྟཾ ཀཐེནྟཾ བྷཎནྟཾ དཱིཔཡནྟཾ ཝོཧརནྟཾ. ‘‘ཨསསྶཏོ ལོཀོ…པེ… ཨནྟཝཱ ལོཀོ… ཨནནྟཝཱ ལོཀོ… ཏཾ ཛཱིཝཾ ཏཾ སརཱིརཾ… ཨཉྙཾ ཛཱིཝཾ ཨཉྙཾ སརཱིརཾ… ཧོཏི ཏཐཱགཏོ པརཾ མརཎཱ… ན ཧོཏི ཏཐཱགཏོ པརཾ མརཎཱ… ཧོཏི ཙ ན ཙ ཧོཏི ཏཐཱགཏོ པརཾ མརཎཱ… ནེཝ ཧོཏི ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི ཏཐཱ ཝདནྟཾ ཀཐེནྟཾ བྷཎནྟཾ དཱིཔཡནྟཾ ཝོཧརནྟནྟི – དིཊྛཱི ཧི ནཾ པཱཝ ཏཐཱ ཝདཱནཾ ¶ .

‘‘དིཊྛེན ཙེ སུདྡྷི ནརསྶ ཧོཏི, ཉཱཎེན ཝཱ སོ པཛཧཱཏི དུཀྑཾ;

ཨཉྙེན སོ སུཛ྄ཛྷཏི སོཔདྷཱིཀོ, དིཊྛཱི ཧི ནཾ པཱཝ ཏཐཱ ཝདཱན’’ནྟི.

ན བྲཱཧྨཎོ ཨཉྙཏོ སུདྡྷིམཱཧ, དིཊྛེ སུཏེ སཱིལཝཏེ མུཏེ ཝཱ;

པུཉྙེ ཙ པཱཔེ ཙ ཨནཱུཔལིཏྟོ, ཨཏྟཉྫཧོ ནཡིདྷ པཀུབྦམཱནོ.

ན བྲཱཧྨཎོ ཨཉྙཏོ སུདྡྷིམཱཧ དིཊྛེ སུཏེ སཱིལཝཏེ མུཏེ ཝཱཏི. ནཱཏི པཊིཀྑེཔོ. བྲཱཧྨཎོཏི སཏྟནྣཾ དྷམྨཱནཾ བཱཧིཏཏྟཱ བྲཱཧྨཎོ – སཀྐཱཡདིཊྛི བཱཧིཏཱ ཧོཏི, ཝིཙིཀིཙྪཱ བཱཧིཏཱ ཧོཏི, སཱིལབྦཏཔརཱམཱསོ བཱཧིཏོ ཧོཏི ¶ , རཱགོ བཱཧིཏོ ཧོཏི, དོསོ བཱཧིཏོ ཧོཏི, མོཧོ བཱཧིཏོ ཧོཏི, མཱནོ བཱཧིཏོ ཧོཏི. བཱཧིཏཱསྶ ཧོནྟི པཱཔཀཱ ཨཀུསལཱ དྷམྨཱ སཾཀིལེསིཀཱ པོནོབྷཝིཀཱ སདརཱ དུཀྑཝིཔཱཀཱ ཨཱཡཏིཾ ཛཱཏིཛརཱམརཎིཡཱ.

བཱཧིཏྭཱ སབྦཔཱཔཀཱནི, [སབྷིཡཱཏི བྷགཝཱ]

སཾསཱརམཏིཙྩ ཀེཝལཱི སོ, ཨསིཏོ [ཨནིསྶིཏོ (སྱཱ.)] ཏཱདི པཝུཙྩཏེ ས བྲཧྨཱ.

ན ¶ ¶ བྲཱཧྨཎོ ཨཉྙཏོ སུདྡྷིམཱཧཱཏི. བྲཱཧྨཎོ ཨཉྙེན ཨསུདྡྷིམགྒེན མིཙྪཱཔཊིཔདཱཡ ཨནིཡྻཱནིཀཔཐེན ཨཉྙཏྲ སཏིཔཊྛཱནེཧི ཨཉྙཏྲ སམྨཔྤདྷཱནེཧི ཨཉྙཏྲ ཨིདྡྷིཔཱདེཧི ཨཉྙཏྲ ཨིནྡྲིཡེཧི ཨཉྙཏྲ བལེཧི ཨཉྙཏྲ བོཛ྄ཛྷངྒེཧི ཨཉྙཏྲ ཨརིཡེན ཨཊྛངྒིཀེན མགྒེན སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ, ནཱཧ ན ཀཐེཏི ན བྷཎཏི ན དཱིཔཡཏི ན ཝོཧརཏཱིཏི – ན བྲཱཧྨཎོ ཨཉྙཏོ སུདྡྷིམཱཧ.

དིཊྛེ སུཏེ སཱིལཝཏེ མུཏེ ཝཱཏི. སནྟེཀེ སམཎབྲཱཧྨཎཱ དིཊྛིསུདྡྷིཀཱ. ཏེ ཨེཀཙྩཱནཾ རཱུཔཱནཾ དསྶནཾ མངྒལཾ པཙྩེནྟི, ཨེཀཙྩཱནཾ རཱུཔཱནཾ དསྶནཾ ཨམངྒལཾ པཙྩེནྟི. ཀཏམེསཾ རཱུཔཱནཾ དསྶནཾ མངྒལཾ པཙྩེནྟི? ཏེ ཀཱལཏོ ཝུཊྛཧིཏྭཱ ཨབྷིམངྒལགཏཱནི རཱུཔཱནི པསྶནྟི – ཙཱཊཀསཀུཎཾ [ཝཱཏསཀུཎཾ (སྱཱ.), ཙཱཔསཀུཎཾ (ཀ.)] པསྶནྟི, ཕུསྶཝེལུ༹ཝལཊྛིཾ པསྶནྟི, གབྦྷིནིཏྠིཾ པསྶནྟི, ཀུམཱརཀཾ ཁནྡྷེ ཨཱརོཔེཏྭཱ གཙྪནྟཾ པསྶནྟི, པུཎྞགྷཊཾ པསྶནྟི, རོཧིཏམཙྪཾ པསྶནྟི, ཨཱཛཉྙཾ པསྶནྟི, ཨཱཛཉྙརཐཾ པསྶནྟི, ཨུསབྷཾ ¶ པསྶནྟི, གོཀཔིལཾ པསྶནྟི. ཨེཝརཱུཔཱནཾ རཱུཔཱནཾ དསྶནཾ མངྒལཾ པཙྩེནྟི. ཀཏམེསཾ རཱུཔཱནཾ དསྶནཾ ཨམངྒལཾ པཙྩེནྟི? པལཱལཔུཉྫཾ པསྶནྟི, ཏཀྐགྷཊཾ ¶ པསྶནྟི, རིཏྟགྷཊཾ པསྶནྟི, ནཊཾ པསྶནྟི, ནགྒསམཎཀཾ པསྶནྟི, ཁརཾ པསྶནྟི, ཁརཡཱནཾ པསྶནྟི, ཨེཀཡུཏྟཡཱནཾ པསྶནྟི ¶ , ཀཱཎཾ པསྶནྟི, ཀུཎིཾ པསྶནྟི, ཁཉྫཾ པསྶནྟི, པཀྑཧཏཾ [པཀྑཔཱདཾ (ཀ.)] པསྶནྟི, ཛིཎྞཀཾ པསྶནྟི, བྱཱདྷིཀཾ [བྱཱདྷིཏཾ (སཱི.)] པསྶནྟི. ཨེཝརཱུཔཱནཾ རཱུཔཱནཾ དསྶནཾ ཨམངྒལཾ པཙྩེནྟི. ཨིམེ ཏེ སམཎབྲཱཧྨཎཱ དིཊྛིསུདྡྷིཀཱ. ཏེ དིཊྛེན སུདྡྷིཾ ཝིསུདྡྷིཾ པརིསུདྡྷིཾ མུཏྟིཾ ཝིམུཏྟིཾ པརིམུཏྟིཾ པཙྩེནྟི.

སནྟེཀེ སམཎབྲཱཧྨཎཱ སུཏསུདྡྷིཀཱ. ཏེ ཨེཀཙྩཱནཾ སདྡཱནཾ སཝནཾ མངྒལཾ པཙྩེནྟི, ཨེཀཙྩཱནཾ སདྡཱནཾ སཝནཾ ཨམངྒལཾ པཙྩེནྟི. ཀཏམེསཾ སདྡཱནཾ སཝནཾ མངྒལཾ པཙྩེནྟི? ཏེ ཀཱལཏོ ཝུཊྛཧིཏྭཱ ཨབྷིམངྒལགཏཱནི སདྡཱནི སུཎནྟི – ཝཌྜྷཱཏི ཝཱ ཝཌྜྷམཱནཱཏི ཝཱ པུཎྞཱཏི ཝཱ ཕུསྶཱཏི ཝཱ ཨསོཀཱཏི ཝཱ སུམནཱཏི ཝཱ སུནཀྑཏྟཱཏི ཝཱ སུམངྒལཱཏི ཝཱ སིརཱིཏི ཝཱ སིརཱིཝཌྜྷཱཏི ཝཱ. ཨེཝརཱུཔཱནཾ སདྡཱནཾ སཝནཾ མངྒལཾ པཙྩེནྟི. ཀཏམེསཾ སདྡཱནཾ སཝནཾ ཨམངྒལཾ པཙྩེནྟི? ཀཱཎོཏི ཝཱ ཀུཎཱིཏི ཝཱ ཁཉྫོཏི ཝཱ པཀྑཧཏོཏི ཝཱ ཛིཎྞཀོཏི ཝཱ བྱཱདྷིཀོཏི ཝཱ མཏོཏི ཝཱ ཚིནྡནྟི ཝཱ བྷིནྡནྟི ཝཱ དཌྜྷནྟི ཝཱ ནཊྛནྟི ཝཱ ནཏྠཱིཏི ཝཱ. ཨེཝརཱུཔཱནཾ སདྡཱནཾ སཝནཾ ¶ ཨམངྒལཾ པཙྩེནྟི. ཨིམེ ཏེ སམཎབྲཱཧྨཎཱ སུཏསུདྡྷིཀཱ. ཏེ སུཏེན སུདྡྷིཾ ཝིསུདྡྷིཾ པརིསུདྡྷིཾ མུཏྟིཾ ཝིམུཏྟིཾ པརིམུཏྟིཾ པཙྩེནྟི.

སནྟེཀེ ¶ སམཎབྲཱཧྨཎཱ སཱིལསུདྡྷིཀཱ. ཏེ སཱིལམཏྟེན སཾཡམམཏྟེན སཾཝརམཏྟེན ཨཝཱིཏིཀྐམམཏྟེན སུདྡྷིཾ ¶ ཝིསུདྡྷིཾ པརིསུདྡྷིཾ མུཏྟིཾ ཝིམུཏྟིཾ པརིམུཏྟིཾ པཙྩེནྟི. སམཎོམུཎྜིཀཱཔུཏྟོ [སམཎོ མཎྜིཀཱཔུཏྟོ (སཱི.), སམཎམུཎྜིཀཱཔུཏྟོ (སྱཱ.)] ཨེཝམཱཧ – ‘‘ཙཏཱུཧི ཁོ ཨཧཾ, གཧཔཏི [ཐཔཏི (སཱི. སྱཱ.) ཨེཝམུཔརིཔི], དྷམྨེཧི སམནྣཱགཏཾ པུརིསཔུགྒལཾ པཉྙཱཔེམི སམྤནྣཀུསལཾ པརམཀུསལཾ ཨུཏྟམཔཏྟིཔྤཏྟཾ སམཎཾ ཨཡོཛྫཾ. ཀཏམེཧི ཙཏཱུཧི? ཨིདྷ, གཧཔཏི, ན ཀཱཡེན པཱཔཀཾ ཀམྨཾ ཀརོཏི, ན པཱཔཀཾ ཝཱཙཾ བྷཱསཏི, ན པཱཔཀཾ སངྐཔྤཾ སངྐཔྤཏི, ན པཱཔཀཾ ཨཱཛཱིཝཾ ཨཱཛཱིཝཏི. ཨིམེཧི ཁོ ཨཧཾ, གཧཔཏི, ཙཏཱུཧི དྷམྨེཧི སམནྣཱགཏཾ པུརིསཔུགྒལཾ པཉྙཱཔེམི སམྤནྣཀུསལཾ པརམཀུསལཾ ཨུཏྟམཔཏྟིཔྤཏྟཾ སམཎཾ ཨཡོཛྫཾ’’. ཨེཝམེཝ སནྟེཀེ སམཎབྲཱཧྨཎཱ སཱིལསུདྡྷིཀཱ, ཏེ སཱིལམཏྟེན སཾཡམམཏྟེན སཾཝརམཏྟེན ཨཝཱིཏིཀྐམམཏྟེན སུདྡྷིཾ ཝིསུདྡྷིཾ པརིསུདྡྷིཾ མུཏྟིཾ ཝིམུཏྟིཾ པརིམུཏྟིཾ པཙྩེནྟི.

སནྟེཀེ སམཎབྲཱཧྨཎཱ ཝཏསུདྡྷིཀཱ. ཏེ ཧཏྠིཝཏིཀཱ ཝཱ ཧོནྟི, ཨསྶཝཏིཀཱ ཝཱ ཧོནྟི, གོཝཏིཀཱ ཝཱ ཧོནྟི, ཀུཀྐུརཝཏིཀཱ ཝཱ ཧོནྟི, ཀཱཀཝཏིཀཱ ཝཱ ཧོནྟི, ཝཱསུདེཝཝཏིཀཱ ཝཱ ཧོནྟི, བལདེཝཝཏིཀཱ ཝཱ ཧོནྟི, པུཎྞབྷདྡཝཏིཀཱ ཝཱ ཧོནྟི, མཎིབྷདྡཝཏིཀཱ ཝཱ ཧོནྟི, ཨགྒིཝཏིཀཱ ཝཱ ཧོནྟི, ནཱགཝཏིཀཱ ཝཱ ཧོནྟི, སུཔཎྞཝཏིཀཱ ¶ ཝཱ ཧོནྟི, ཡཀྑཝཏིཀཱ ཝཱ ཧོནྟི, ཨསུརཝཏིཀཱ ཝཱ ཧོནྟི, གནྡྷབྦཝཏིཀཱ ཝཱ ཧོནྟི, མཧཱརཱཛཝཏིཀཱ ཝཱ ཧོནྟི, ཙནྡཝཏིཀཱ ཝཱ ཧོནྟི, སཱུརིཡཝཏིཀཱ ཝཱ ¶ ཧོནྟི, ཨིནྡཝཏིཀཱ ཝཱ ཧོནྟི, བྲཧྨཝཏིཀཱ ཝཱ ཧོནྟི, དེཝཝཏིཀཱ ཝཱ ཧོནྟི, དིསཱཝཏིཀཱ ཝཱ ཧོནྟི. ཨིམེ ཏེ སམཎབྲཱཧྨཎཱ ཝཏསུདྡྷིཀཱ. ཏེ ཝཏེན སུདྡྷིཾ ཝིསུདྡྷིཾ པརིསུདྡྷིཾ མུཏྟིཾ ཝིམུཏྟིཾ པརིམུཏྟིཾ པཙྩེནྟི.

སནྟེཀེ སམཎབྲཱཧྨཎཱ མུཏསུདྡྷིཀཱ. ཏེ ཀཱལཏོ ཨུཊྛཧིཏྭཱ པཐཝིཾ ཨཱམསནྟི, ཧརིཏཾ ཨཱམསནྟི, གོམཡཾ ¶ ཨཱམསནྟི, ཀཙྪཔཾ ཨཱམསནྟི, ཕཱལཾ ཨཀྐམནྟི, ཏིལཝཱཧཾ ཨཱམསནྟི, ཕུསྶཏིལཾ ཁཱདནྟི, ཕུསྶཏེལཾ ¶ མཀྑེནྟི, ཕུསྶདནྟཀཊྛཾ ཁཱདནྟི, ཕུསྶམཏྟིཀཱཡ ནྷཱཡནྟི, ཕུསྶསཱཊཀཾ ནིཝཱསེནྟི, ཕུསྶཝེཋནཾ ཝེཋེནྟི. ཨིམེ ཏེ སམཎབྲཱཧྨཎཱ མུཏསུདྡྷིཀཱ. ཏེ མུཏེན སུདྡྷིཾ ཝིསུདྡྷིཾ པརིསུདྡྷིཾ མུཏྟིཾ ཝིམུཏྟིཾ པརིམུཏྟིཾ པཙྩེནྟི. ན བྲཱཧྨཎོ ཨཉྙཏོ སུདྡྷིམཱཧ.

དིཊྛེ སུཏེ སཱིལཝཏེ མུཏེ ཝཱཏི. བྲཱཧྨཎོ དིཊྛསུདྡྷིཡཱཔི སུདྡྷིཾ ནཱཧ, སུཏསུདྡྷིཡཱཔི སུདྡྷིཾ ནཱཧ, སཱིལསུདྡྷིཡཱཔི སུདྡྷིཾ ནཱཧ, ཝཏསུདྡྷིཡཱཔི སུདྡྷིཾ ནཱཧ, མུཏསུདྡྷིཡཱཔི སུདྡྷིཾ ནཱཧ ན ཀཐེཏི ན བྷཎཏི ན དཱིཔཡཏི ན ཝོཧརཏཱིཏི – ན བྲཱཧྨཎོ ཨཉྙཏོ སུདྡྷིམཱཧ དིཊྛེ སུཏེ སཱིལཝཏེ མུཏེ ཝཱ.

པུཉྙེ ཙ པཱཔེ ཙ ཨནཱུཔལིཏྟོཏི. པུཉྙཾ ཝུཙྩཏི ཡཾ ཀིཉྩི ཏེདྷཱཏུཀཾ ཀུསལཱབྷིསངྑཱརཾ, ཨཔུཉྙཾ ཝུཙྩཏི སབྦཾ ཨཀུསལཾ. ཡཏོ པུཉྙཱབྷིསངྑཱརོ ཙ ཨཔུཉྙཱབྷིསངྑཱརོ ཙ ཨཱནེཉྫཱབྷིསངྑཱརོ ¶ ཙ པཧཱིནཱ ཧོནྟི ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ; ཨེཏྟཱཝཏཱ པུཉྙེ ཙ པཱཔེ ཙ ན ལིམྤཏི ན པལིམྤཏི ན ཨུཔལིམྤཏི ཨལིཏྟོ ཨཔལིཏྟོ ཨནཱུཔལིཏྟོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏཱིཏི – པུཉྙེ ཙ པཱཔེ ཙ ཨནཱུཔལིཏྟོ.

ཨཏྟཉྫཧོ ནཡིདྷ པཀུབྦམཱནོཏི. ཨཏྟཉྫཧོཏི ཨཏྟདིཊྛིཛཧོ. ཨཏྟཉྫཧོཏི གཱཧཾ ཛཧོ [གཱཧཛཧོ (སཱི. སྱཱ.), ཨཏྟགཱཧཾ ཛཧོ (ཀ.)]. ཨཏྟཉྫཧོཏི ཏཎྷཱཝསེན དིཊྛིཝསེན གཧིཏཾ པརཱམཊྛཾ ཨབྷིནིཝིཊྛཾ ཨཛ྄ཛྷོསིཏཾ ¶ ཨདྷིམུཏྟཾ, སབྦཾ ཏཾ ཙཏྟཾ ཧོཏི ཝནྟཾ མུཏྟཾ པཧཱིནཾ པཊིནིསྶཊྛཾ. ནཡིདྷ པཀུབྦམཱནོཏི པུཉྙཱབྷིསངྑཱརཾ ཝཱ ཨཔུཉྙཱབྷིསངྑཱརཾ ཝཱ ཨཱནེཉྫཱབྷིསངྑཱརཾ ཝཱ ཨཔཀུབྦམཱནོ ཨཛནཡམཱནོ ཨསཉྫནཡམཱནོ ཨནིབྦཏྟཡམཱནོ ཨནབྷིནིབྦཏྟཡམཱནོཏི – ཨཏྟཉྫཧོ ནཡིདྷ པཀུབྦམཱནོ.

‘‘ན བྲཱཧྨཎོ ཨཉྙཏོ སུདྡྷིམཱཧ, དིཊྛེ སུཏེ སཱིལཝཏེ མུཏེ ཝཱ;

པུཉྙེ ཙ པཱཔེ ཙ ཨནཱུཔལིཏྟོ, ཨཏྟཉྫཧོ ནཡིདྷ པཀུབྦམཱནོ’’ཏི.

པུརིམཾ ¶ པཧཱཡ ཨཔརཾ སིཏཱསེ, ཨེཛཱནུགཱ ཏེ ན ཏརནྟི སངྒཾ;

ཏེ ¶ ཨུགྒཧཱཡནྟི ནིརསྶཛནྟི, ཀཔཱིཝ སཱཁཾ པམུཉྩཾ [པམུཁཾ (སཱི. སྱཱ.)] གཧཱཡ.

པུརིམཾ པཧཱཡ ཨཔརཾ སིཏཱསེཏི. པུརིམཾ སཏྠཱརཾ པཧཱཡ པརཾ སཏྠཱརཾ ནིསྶིཏཱ; པུརིམཾ དྷམྨཀྑཱནཾ པཧཱཡ ཨཔརཾ དྷམྨཀྑཱནཾ ནིསྶིཏཱ; པུརིམཾ གཎཾ པཧཱཡ ཨཔརཾ གཎཾ ནིསྶིཏཱ; པུརིམཾ དིཊྛིཾ པཧཱཡ ཨཔརཾ དིཊྛིཾ ནིསྶིཏཱ; པུརིམཾ པཊིཔདཾ པཧཱཡ ཨཔརཾ པཊིཔདཾ ནིསྶིཏཱ; པུརིམཾ མགྒཾ པཧཱཡ ཨཔརཾ མགྒཾ ནིསྶིཏཱ སནྣིསྶིཏཱ ཨལླཱིནཱ ཨུཔགཏཱ ཨཛ྄ཛྷོསིཏཱ ཨདྷིམུཏྟཱཏི – པུརིམཾ པཧཱཡ ཨཔརཾ སིཏཱསེ.

ཨེཛཱནུགཱ ཏེ ན ཏརནྟི སངྒནྟི. ཨེཛཱ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཨེཛཱནུགཱཏི ཨེཛཱནུགཱ ཨེཛཱནུགཏཱ ཨེཛཱནུསཊཱ ཨེཛཱཡ པནྣཱ པཏིཏཱ ཨབྷིབྷཱུཏཱ པརིཡཱདིནྣཙིཏྟཱ. ཏེ ན ཏརནྟི སངྒནྟི རཱགསངྒཾ དོསསངྒཾ མོཧསངྒཾ མཱནསངྒཾ དིཊྛིསངྒཾ ཀིལེསསངྒཾ དུཙྩརིཏསངྒཾ ན ཏརནྟི ན ཨུཏྟརནྟི ན པཏརནྟི ན སམཏིཀྐམནྟི ན ཝཱིཏིཝཏྟནྟཱིཏི – ཨེཛཱནུགཱ ཏེ ན ཏརནྟི སངྒཾ.

ཏེ ཨུགྒཧཱཡནྟི ནིརསྶཛནྟཱིཏི སཏྠཱརཾ གཎྷནྟི, ཏཾ མུཉྩིཏྭཱ ཨཉྙཾ སཏྠཱརཾ གཎྷནྟི; དྷམྨཀྑཱནཾ གཎྷནྟི ¶ , ཏཾ མུཉྩིཏྭཱ ཨཉྙཾ དྷམྨཀྑཱནཾ གཎྷནྟི; གཎཾ གཎྷནྟི, ཏཾ མུཉྩིཏྭཱ ཨཉྙཾ གཎཾ གཎྷནྟི; དིཊྛིཾ གཎྷནྟི, ཏཾ མུཉྩིཏྭཱ ཨཉྙཾ ¶ དིཊྛིཾ གཎྷནྟི; པཊིཔདཾ གཎྷནྟི, ཏཾ མུཉྩིཏྭཱ ཨཉྙཾ པཊིཔདཾ གཎྷནྟི; མགྒཾ གཎྷནྟི, ཏཾ མུཉྩིཏྭཱ ཨཉྙཾ མགྒཾ གཎྷནྟི; གཎྷནྟི ཙ མུཉྩནྟི ཙ ཨཱདིཡནྟི ཙ ནིརསྶཛནྟི ཙཱཏི – ཏེ ཨུགྒཧཱཡནྟི ནིརསྶཛནྟི.

ཀཔཱིཝ སཱཁཾ པམུཉྩཾ གཧཱཡཱཏི. ཡཐཱ མཀྐཊོ ཨརཉྙེ པཝནེ ཙརམཱནོ སཱཁཾ གཎྷཱཏི, ཏཾ མུཉྩིཏྭཱ ཨཉྙཾ སཱཁཾ གཎྷཱཏི. ཨེཝམེཝ པུཐུསམཎབྲཱཧྨཎཱ པུཐུདིཊྛིགཏཱནི གཎྷནྟི ཙ མུཉྩནྟི ཙ ཨཱདིཡནྟི ཙ ནིརསྶཛནྟི ཙཱཏི – ཀཔཱིཝ སཱཁཾ པམུཉྩཾ གཧཱཡ.

‘‘པུརིམཾ པཧཱཡ ཨཔརཾ སིཏཱསེ, ཨེཛཱནུགཱ ཏེ ན ཏརནྟི སངྒཾ;

ཏེ ཨུགྒཧཱཡནྟི ནིརསྶཛནྟི, ཀཔཱིཝ སཱཁཾ པམུཉྩཾ གཧཱཡཱ’’ཏི.

སཡཾ ¶ སམཱདཱཡ ཝཏཱནི ཛནྟུ, ཨུཙྩཱཝཙཾ གཙྪཏི སཉྙསཏྟོ;

ཝིདྭཱ ཙ ཝེདེཧི སམེཙྩ དྷམྨཾ, ན ཨུཙྩཱཝཙཾ གཙྪཏི བྷཱུརིཔཉྙོ.

སཡཾ སམཱདཱཡ ཝཏཱནི ཛནྟཱུཏི. སཡཾ སམཱདཱཡཱཏི སཱམཾ སམཱདཱཡ ¶ . ཝཏཱནཱིཏི ཧཏྠིཝཏཾ ཝཱ ཨསྶཝཏཾ ཝཱ གོཝཏཾ ཝཱ ཀུཀྐཱུརཝཏཾ ཝཱ ཀཱཀཝཏཾ ཝཱ ཝཱསུདེཝཝཏཾ ཝཱ བལདེཝཝཏཾ ཝཱ པུཎྞབྷདྡཝཏཾ ཝཱ མཎིབྷདྡཝཏཾ ཝཱ ཨགྒིཝཏཾ ཝཱ ནཱགཝཏཾ ཝཱ སུཔཎྞཝཏཾ ཝཱ ཡཀྑཝཏཾ ཝཱ ཨསུརཝཏཾ ཝཱ…པེ… དིསཱཝཏཾ ཝཱ ཨཱདཱཡ སམཱདཱཡ ཨཱདིཡིཏྭཱ སམཱདིཡིཏྭཱ གཎྷིཏྭཱ པརཱམསིཏྭཱ ཨབྷིནིཝིསིཏྭཱ. ཛནྟཱུཏི སཏྟོ ནརོ ¶ …པེ… མནུཛོཏི – སཡཾ སམཱདཱཡ ཝཏཱནི ཛནྟུ.

ཨུཙྩཱཝཙཾ གཙྪཏི སཉྙསཏྟོཏི སཏྠཱརཏོ སཏྠཱརཾ གཙྪཏི; དྷམྨཀྑཱནཏོ དྷམྨཀྑཱནཾ གཙྪཏི; གཎཏོ གཎཾ གཙྪཏི; དིཊྛིཡཱ དིཊྛིཾ གཙྪཏི; པཊིཔདཱཡ པཊིཔདཾ གཙྪཏི; མགྒཏོ མགྒཾ གཙྪཏི. སཉྙསཏྟོཏི ཀཱམསཉྙཱཡ བྱཱཔཱདསཉྙཱཡ ཝིཧིཾསཱསཉྙཱཡ དིཊྛིསཉྙཱཡ སཏྟོ ཝིསཏྟོ ཨཱསཏྟོ ལགྒོ ལགྒིཏོ པལིབུདྡྷོ. ཡཐཱ བྷིཏྟིཁིལེ ཝཱ ནཱགདནྟེ ཝཱ བྷཎྜཾ སཏྟཾ ཝིསཏྟཾ ཨཱསཏྟཾ ལགྒཾ ལགྒིཏཾ པལིབུདྡྷཾ, ཨེཝམེཝ ཀཱམསཉྙཱཡ བྱཱཔཱདསཉྙཱཡ ཝིཧིཾསཱསཉྙཱཡ དིཊྛིསཉྙཱཡ སཏྟོ ཝིསཏྟོ ཨཱསཏྟོ ལགྒོ ལགྒིཏོ པལིབུདྡྷོཏི – ཨུཙྩཱཝཙཾ གཙྪཏི སཉྙསཏྟོ.

ཝིདྭཱ ཙ ཝེདེཧི སམེཙྩ དྷམྨནྟི. ཝིདྭཱཏི ཝིདྭཱ ཝིཛྫཱགཏོ ཉཱཎཱི ཝིབྷཱཝཱི མེདྷཱཝཱི. ཝེདེཧཱིཏི ཝེདཱ ཝུཙྩནྟི ཙཏཱུསུ མགྒེསུ ཉཱཎཾ པཉྙཱ པཉྙིནྡྲིཡཾ པཉྙཱབལཾ དྷམྨཝིཙཡསམྦོཛ྄ཛྷངྒོ ཝཱིམཾསཱ ཝིཔསྶནཱ སམྨཱདིཊྛི. ཏེཧི ཝེདེཧི ¶ ཛཱཏིཛརཱམརཎསྶ ཨནྟགཏོ ཨནྟཔྤཏྟོ, ཀོཊིགཏོ ཀོཊིཔྤཏྟོ, པརིཡནྟགཏོ པརིཡནྟཔྤཏྟོ, ཝོསཱནགཏོ ཝོསཱནཔྤཏྟོ, ཏཱཎགཏོ ཏཱཎཔྤཏྟོ, ལེཎགཏོ ལེཎཔྤཏྟོ, སརཎགཏོ སརཎཔྤཏྟོ, ཨབྷཡགཏོ ཨབྷཡཔྤཏྟོ, ཨཙྩུཏགཏོ ཨཙྩུཏཔྤཏྟོ, ཨམཏགཏོ ཨམཏཔྤཏྟོ, ནིབྦཱནགཏོ ནིབྦཱནཔྤཏྟོ. ཝེདཱནཾ ཝཱ ཨནྟགཏོཏི ཝེདགཱུ, ཝེདེཧི ཝཱ ཨནྟགཏོཏི ཝེདགཱུ, སཏྟནྣཾ ཝཱ དྷམྨཱནཾ ཝིདིཏཏྟཱ ཝེདགཱུ. སཀྐཱཡདིཊྛི ཝིདིཏཱ ཧོཏི, ཝིཙིཀིཙྪཱ ཝིདིཏཱ ཧོཏི, སཱིལབྦཏཔརཱམཱསོ ཝིདིཏོ ¶ ¶ ཧོཏི, རཱགོ ཝིདིཏོ ཧོཏི, དོསོ ཝིདིཏོ ཧོཏི, མོཧོ ཝིདིཏོ ཧོཏི, མཱནོ ཝིདིཏོ ཧོཏི, ཝིདིཏཱསྶ ཧོནྟི པཱཔཀཱ ཨཀུསལཱ དྷམྨཱ སཾཀིལེསིཀཱ པོནོབྷཝིཀཱ སདརཱ དུཀྑཝིཔཱཀཱ ཨཱཡཏིཾ ཛཱཏིཛརཱམརཎིཡཱ.

ཝེདཱནི ཝིཙེཡྻ ཀེཝལཱནི, [སབྷིཡཱཏི བྷགཝཱ]

སམཎཱནཾ ཡཱནཱིདྷཏྠི [ཡཱནིཔཏྠི (སཱི. སྱཱ.) སུ. ནི. ༥༣༤] བྲཱཧྨཎཱནཾ;

སབྦཝེདནཱསུ ཝཱིཏརཱགོ, སབྦཾ ཝེདམཏིཙྩ ཝེདགཱུ སོཏི.

ཝིདྭཱ ¶ ཙ ཝེདེཧི སམེཙྩ དྷམྨནྟི. སམེཙྩ ཨབྷིསམེཙྩ དྷམྨཾ. སབྦེ སངྑཱརཱ ཨནིཙྩཱཏི སམེཙྩ ཨབྷིསམེཙྩ དྷམྨཾ; སབྦེ སངྑཱརཱ དུཀྑཱཏི སམེཙྩ ཨབྷིསམེཙྩ དྷམྨཾ; སབྦེ དྷམྨཱ ཨནཏྟཱཏི སམེཙྩ ཨབྷིསམེཙྩ དྷམྨཾ; ཨཝིཛྫཱཔཙྩཡཱ སངྑཱརཱཏི སམེཙྩ ཨབྷིསམེཙྩ དྷམྨཾ; སངྑཱརཔཙྩཡཱ ཝིཉྙཱཎནྟི སམེཙྩ ཨབྷིསམེཙྩ དྷམྨཾ; ཝིཉྙཱཎཔཙྩཡཱ ¶ ནཱམརཱུཔནྟི…པེ… ནཱམརཱུཔཔཙྩཡཱ སལཱ༹ཡཏནནྟི… སལཱ༹ཡཏནཔཙྩཡཱ ཕསྶོཏི… ཕསྶཔཙྩཡཱ ཝེདནཱཏི… ཝེདནཱཔཙྩཡཱ ཏཎྷཱཏི… ཏཎྷཱཔཙྩཡཱ ཨུཔཱདཱནནྟི… ཨུཔཱདཱནཔཙྩཡཱ བྷཝོཏི… བྷཝཔཙྩཡཱ ཛཱཏཱིཏི… ཛཱཏིཔཙྩཡཱ ཛརཱམརཎནྟི སམེཙྩ ཨབྷིསམེཙྩ དྷམྨཾ; ཨཝིཛྫཱནིརོདྷཱ སངྑཱརནིརོདྷོཏི སམེཙྩ ཨབྷིསམེཙྩ དྷམྨཾ; སངྑཱརནིརོདྷཱ ཝིཉྙཱཎནིརོདྷོཏི སམེཙྩ ཨབྷིསམེཙྩ དྷམྨཾ; ཝིཉྙཱཎནིརོདྷཱ ནཱམརཱུཔནིརོདྷོཏི… ནཱམརཱུཔནིརོདྷཱ སལཱ༹ཡཏནནིརོདྷོཏི… སལཱ༹ཡཏནནིརོདྷཱ ཕསྶནིརོདྷོཏི… ཕསྶནིརོདྷཱ ཝེདནཱནིརོདྷོཏི… ཝེདནཱནིརོདྷཱ ཏཎྷཱནིརོདྷོཏི… ཏཎྷཱནིརོདྷཱ ཨུཔཱདཱནནིརོདྷོཏི… ཨུཔཱདཱནནིརོདྷཱ བྷཝནིརོདྷོཏི… བྷཝནིརོདྷཱ ཛཱཏིནིརོདྷོཏི… ཛཱཏིནིརོདྷཱ ཛརཱམརཎནིརོདྷོཏི སམེཙྩ ཨབྷིསམེཙྩ དྷམྨཾ; ཨིདཾ དུཀྑནྟི སམེཙྩ ཨབྷིསམེཙྩ དྷམྨཾ; ཨཡཾ དུཀྑསམུདཡོཏི… ཨཡཾ དུཀྑནིརོདྷོཏི… ཨཡཾ དུཀྑནིརོདྷགཱམིནཱི པཊིཔདཱཏི སམེཙྩ ཨབྷིསམེཙྩ དྷམྨཾ; ཨིམེ ཨཱསཝཱཏི སམེཙྩ ཨབྷིསམེཙྩ དྷམྨཾ; ཨཡཾ ཨཱསཝསམུདཡོཏི… ཨཡཾ ཨཱསཝནིརོདྷོཏི… ཨཡཾ ཨཱསཝནིརོདྷགཱམིནཱི པཊིཔདཱཏི སམེཙྩ ཨབྷིསམེཙྩ དྷམྨཾ; ཨིམེ དྷམྨཱ ཨབྷིཉྙེཡྻཱཏི སམེཙྩ ཨབྷིསམེཙྩ དྷམྨཾ; ཨིམེ དྷམྨཱ པརིཉྙེཡྻཱཏི… ཨིམེ དྷམྨཱ པཧཱཏབྦཱཏི… ཨིམེ དྷམྨཱ བྷཱཝེཏབྦཱཏི ¶ … ཨིམེ དྷམྨཱ སཙྪིཀཱཏབྦཱཏི སམེཙྩ ཨབྷིསམེཙྩ དྷམྨཾ. ཚནྣཾ ཕསྶཱཡཏནཱནཾ སམུདཡཉྩ ཨཏྠངྒམཉྩ ཨསྶཱདཉྩ ཨཱདཱིནཝཉྩ ནིསྶརཎཉྩ སམེཙྩ ¶ ཨབྷིསམེཙྩ དྷམྨཾ. པཉྩནྣཾ ཨུཔཱདཱནཀྑནྡྷཱནཾ སམུདཡཉྩ ཨཏྠངྒམཉྩ ཨསྶཱདཉྩ ཨཱདཱིནཝཉྩ ནིསྶརཎཉྩ སམེཙྩ ཨབྷིསམེཙྩ ¶ དྷམྨཾ. ཙཏུནྣཾ མཧཱབྷཱུཏཱནཾ སམུདཡཉྩ ཨཏྠངྒམཉྩ ཨསྶཱདཉྩ ཨཱདཱིནཝཉྩ ནིསྶརཎཉྩ སམེཙྩ ཨབྷིསམེཙྩ དྷམྨཾ. ཡཾ ཀིཉྩི སམུདཡདྷམྨཾ ¶ སབྦཾ ཏཾ ནིརོདྷདྷམྨནྟི སམེཙྩ ཨབྷིསམེཙྩ དྷམྨནྟི – ཝིདྭཱ ཙ ཝེདེཧི སམེཙྩ དྷམྨཾ.

ན ཨུཙྩཱཝཙཾ གཙྪཏི བྷཱུརིཔཉྙོཏི ན སཏྠཱརཏོ སཏྠཱརཾ གཙྪཏི, ན དྷམྨཀྑཱནཏོ དྷམྨཀྑཱནཾ གཙྪཏི, ན གཎཏོ གཎཾ གཙྪཏི, ན དིཊྛིཡཱ དིཊྛིཾ གཙྪཏི, ན པཊིཔདཱཡ པཊིཔདཾ གཙྪཏི, ན མགྒཏོ མགྒཾ གཙྪཏི. བྷཱུརིཔཉྙོཏི བྷཱུརིཔཉྙོ མཧཱཔཉྙོ པུཐུཔཉྙོ ཧཱསཔཉྙོ ཛཝནཔཉྙོ ཏིཀྑཔཉྙོ ནིབྦེདྷིཀཔཉྙོ. བྷཱུརི ཝུཙྩཏི པཐཝཱི. ཏཱཡ པཐཝིསམཱཡ པཉྙཱཡ ཝིཔུལཱཡ ཝིཏྠཏཱཡ སམནྣཱགཏོཏི – ན ཨུཙྩཱཝཙཾ གཙྪཏི བྷཱུརིཔཉྙོ.

‘‘སཡཾ སམཱདཱཡ ཝཏཱནི ཛནྟུ, ཨུཙྩཱཝཙཾ གཙྪཏི སཉྙསཏྟོ;

ཝིདྭཱ ཙ ཝེདེཧི སམེཙྩ དྷམྨཾ, ན ཨུཙྩཱཝཙཾ གཙྪཏི བྷཱུརིཔཉྙོ’’ཏི.

ས སབྦདྷམྨེསུ ཝིསེནིབྷཱུཏོ, ཡཾ ཀིཉྩི དིཊྛཾ ཝ སུཏཾ མུཏཾ ཝཱ;

ཏམེཝ ¶ དསྶིཾ ཝིཝཊཾ ཙརནྟཾ, ཀེནཱིདྷ ལོཀསྨི ཝིཀཔྤཡེཡྻ.

ས སབྦདྷམྨེསུ ཝིསེནིབྷཱུཏོ ཡཾ ཀིཉྩི དིཊྛཾ ཝ སུཏཾ མུཏཾ ཝཱཏི. སེནཱ ཝུཙྩཏི མཱརསེནཱ. ཀཱཡདུཙྩརིཏཾ མཱརསེནཱ, ཝཙཱིདུཙྩརིཏཾ མཱརསེནཱ, མནོདུཙྩརིཏཾ མཱརསེནཱ, རཱགོ མཱརསེནཱ, དོསོ མཱརསེནཱ, མོཧོ མཱརསེནཱ, ཀོདྷོ མཱརསེནཱ, ཨུཔནཱཧོ…པེ… སབྦཱཀུསལཱབྷིསངྑཱརཱ མཱརསེནཱ.

‘‘ཀཱམཱ ¶ ཏེ པཋམཱ སེནཱ, དུཏིཡཱ ཨརཏི ཝུཙྩཏི;

ཏཏིཡཱ ཁུཔྤིཔཱསཱ ཏེ, ཙཏུཏྠཱི ཏཎྷཱ ཝུཙྩཏི.

‘‘པཉྩམཱི ¶ ཐིནམིདྡྷཾ ཏེ, ཚཊྛཱ བྷཱིརཱུ པཝུཙྩཏི;

སཏྟམཱི ཝིཙིཀིཙྪཱ ཏེ, མཀྑོ ཐམྦྷོ ཏེ ཨཊྛམོ.

‘‘ལཱབྷོ སིལོཀོ སཀྐཱརོ, མིཙྪཱལདྡྷོ ཙ ཡོ ཡསོ;

ཡོ ཙཏྟཱནཾ སམུཀྐཾསེ, པརེ ཙ ཨཝཛཱནཏི.

‘‘ཨེསཱ ¶ ནམུཙི ཏེ སེནཱ, ཀཎྷསྶཱབྷིཔྤཧཱརིནཱི;

ན ནཾ ཨསུརོ ཛིནཱཏི, ཛེཏྭཱཝ ལབྷཏེ སུཁ’’ནྟི.

ཡཏོ ཙཏཱུཧི ཨརིཡམགྒེཧི སབྦཱ ཙ མཱརསེནཱ སབྦེ ཙ པཊིསེནིཀརཱ ཀིལེསཱ ཛིཏཱ ཙ པརཱཛིཏཱ ཙ བྷགྒཱ ཝིཔྤལུགྒཱ པརམྨུཁཱ, སོ ཝུཙྩཏི ཝིསེནིབྷཱུཏོ. སོ དིཊྛེ ཝིསེནིབྷཱུཏོ, སུཏེ ཝིསེནིབྷཱུཏོ, མུཏེ ཝིསེནིབྷཱུཏོ, ཝིཉྙཱཏེ ཝིསེནིབྷཱུཏོཏི – ས སབྦདྷམྨེསུ ཝིསེནིབྷཱུཏོ ཡཾ ཀིཉྩི དིཊྛཾ ཝ སུཏཾ མུཏཾ ཝཱ.

ཏམེཝ ¶ དསྶིཾ ཝིཝཊཾ ཙརནྟནྟི. ཏམེཝ སུདྡྷདསྶིཾ ཝིསུདྡྷདསྶིཾ པརིསུདྡྷདསྶིཾ ཝོདཱཏདསྶིཾ པརིཡོདཱཏདསྶིཾ. ཨཐ ཝཱ, སུདྡྷདསྶནཾ ཝིསུདྡྷདསྶནཾ པརིསུདྡྷདསྶནཾ ཝོདཱཏདསྶནཾ པརིཡོདཱཏདསྶནཾ. ཝིཝཊནྟི ཏཎྷཱཚདནཾ དིཊྛིཚདནཾ ཀིལེསཚདནཾ དུཙྩརིཏཚདནཾ ཨཝིཛྫཱཚདནཾ. ཏཱནི ཚདནཱནི ཝིཝཊཱནི ཧོནྟི ཝིདྡྷཾསིཏཱནི ཨུགྒྷཱཊིཏཱནི སམུགྒྷཱཊིཏཱནི པཧཱིནཱནི སམུཙྪིནྣཱནི ཝཱུཔསནྟཱནི པཊིཔསྶདྡྷཱནི ཨབྷབྦུཔྤཏྟིཀཱནི ཉཱཎགྒིནཱ དཌྜྷཱནི. ཙརནྟནྟི ཙརནྟཾ ཝིཙརནྟཾ ཝིཧརནྟཾ ཨིརིཡནྟཾ ཝཏྟེནྟཾ པཱལེནྟཾ ཡཔེནྟཾ ཡཱཔེནྟནྟི – ཏམེཝ དསྶིཾ ཝིཝཊཾ ཙརནྟཾ.

ཀེནཱིདྷ ¶ ལོཀསྨི ཝིཀཔྤཡེཡྻཱཏི. ཀཔྤཱཏི དྭེ ཀཔྤཱ – ཏཎྷཱཀཔྤོ ཙ དིཊྛིཀཔྤོ ཙ…པེ… ཨཡཾ ཏཎྷཱཀཔྤོ…པེ… ཨཡཾ དིཊྛིཀཔྤོ. ཏསྶ ཏཎྷཱཀཔྤོ པཧཱིནོ, དིཊྛིཀཔྤོ པཊིནིསྶཊྛོ. ཏཎྷཱཀཔྤསྶ པཧཱིནཏྟཱ དིཊྛིཀཔྤསྶ པཊིནིསྶཊྛཏྟཱ ཀེན རཱགེན ཀཔྤེཡྻ, ཀེན དོསེན ཀཔྤེཡྻ, ཀེན མོཧེན ཀཔྤེཡྻ, ཀེན མཱནེན ཀཔྤེཡྻ, ཀཱཡ དིཊྛིཡཱ ཀཔྤེཡྻ, ཀེན ཨུདྡྷཙྩེན ཀཔྤེཡྻ, ཀཱཡ ཝིཙིཀིཙྪཱཡ ཀཔྤེཡྻ, ཀེཧི ཨནུསཡེཧི ཀཔྤེཡྻ – རཏྟོཏི ཝཱ དུཊྛོཏི ཝཱ མཱུལ༹ྷོཏི ཝཱ ཝིནིབདྡྷོཏི ཝཱ པརཱམཊྛོཏི ཝཱ ཝིཀྑེཔགཏོཏི ཝཱ ཨནིཊྛངྒཏོཏི ཝཱ ཐཱམགཏོཏི ཝཱ. ཏེ ཨབྷིསངྑཱརཱ པཧཱིནཱ. ཨབྷིསངྑཱརཱནཾ པཧཱིནཏྟཱ ¶ གཏིཡོ ཀེན ཀཔྤེཡྻ – ནེརཡིཀོཏི ཝཱ ཏིརཙྪཱནཡོནིཀོཏི ¶ ཝཱ པེཏྟིཝིསཡིཀོཏི ཝཱ མནུསྶོཏི ཝཱ དེཝོཏི ཝཱ རཱུཔཱིཏི ཝཱ ཨརཱུཔཱིཏི ཝཱ སཉྙཱིཏི ཝཱ ཨསཉྙཱིཏི ཝཱ ནེཝསཉྙཱིནཱསཉྙཱིཏི ཝཱ. སོ ཧེཏུ ནཏྠི, པཙྩཡོ ནཏྠི, ཀཱརཎཾ ནཏྠི, ཡེན ཀཔྤེཡྻ ཝིཀཔྤེཡྻ ཝིཀཔྤཾ ཨཱཔཛྫེཡྻ. ལོཀསྨིནྟི ཨཔཱཡལོཀེ མནུསྶལོཀེ དེཝལོཀེ ཁནྡྷལོཀེ དྷཱཏུལོཀེ ཨཱཡཏནལོཀེཏི – ཀེནཱིདྷ ལོཀསྨིཾ ཝིཀཔྤཡེཡྻ.

‘‘ས སབྦདྷམྨེསུ ཝིསེནིབྷཱུཏོ, ཡཾ ཀིཉྩི དིཊྛཾ ཝ སུཏཾ མུཏཾ ཝཱ;

ཏམེཝ དསྶིཾ ཝིཝཊཾ ཙརནྟཾ, ཀེནཱིདྷ ལོཀསྨི ཝིཀཔྤཡེཡྻཱ’’ཏི.

ན ཀཔྤཡནྟི ན པུརེཀྑརོནྟི, ཨཙྩནྟསུདྡྷཱིཏི ན ཏེ ཝདནྟི;

ཨཱདཱནགནྠཾ གཐིཏཾ ཝིསཛྫ, ཨཱསཾ ན ཀུབྦནྟི ཀུཧིཉྩི ལོཀེ.

ན ཀཔྤཡནྟི ན པུརེཀྑརོནྟཱིཏི. ཀཔྤཱཏི དྭེ ཀཔྤཱ – ཏཎྷཱཀཔྤོ ཙ དིཊྛིཀཔྤོ ཙ…པེ… ཨཡཾ ཏཎྷཱཀཔྤོ…པེ… ཨཡཾ དིཊྛིཀཔྤོ. ཏེསཾ ཏཎྷཱཀཔྤོ པཧཱིནོ, དིཊྛིཀཔྤོ པཊིནིསྶཊྛོ. ཏཎྷཱཀཔྤསྶ པཧཱིནཏྟཱ, དིཊྛིཀཔྤསྶ པཊིནིསྶཊྛཏྟཱ ཏཎྷཱཀཔྤཾ ཝཱ དིཊྛིཀཔྤཾ ¶ ཝཱ ན ཀཔྤེནྟི ན ཛནེནྟི ན སཉྫནེནྟི ན ནིབྦཏྟེནྟི ནཱབྷིནིབྦཏྟེནྟཱིཏི – ན ཀཔྤཡནྟི ¶ . ན པུརེཀྑརོནྟཱིཏི. པུརེཀྑཱརཱཏི དྭེ པུརེཀྑཱརཱ – ཏཎྷཱཔུརེཀྑཱརོ ཙ དིཊྛིཔུརེཀྑཱརོ ཙ…པེ… ཨཡཾ ཏཎྷཱཔུརེཀྑཱརོ…པེ… ཨཡཾ དིཊྛིཔུརེཀྑཱརོ. ཏེསཾ ཏཎྷཱཔུརེཀྑཱརོ པཧཱིནོ, དིཊྛིཔུརེཀྑཱརོ པཊིནིསྶཊྛོ. ཏཎྷཱཔུརེཀྑཱརསྶ པཧཱིནཏྟཱ, དིཊྛིཔུརེཀྑཱརསྶ པཊིནིསྶཊྛཏྟཱ ན ཏཎྷཾ ཝཱ ན དིཊྛིཾ ཝཱ པུརཏོ ཀཏྭཱ ཙརནྟི, ན ཏཎྷཱདྷཛཱ ན ཏཎྷཱཀེཏཱུ ན ཏཎྷཱདྷིཔཏེཡྻཱ, ན དིཊྛིདྷཛཱ ན དིཊྛིཀེཏཱུ ན དིཊྛཱདྷིཔཏེཡྻཱ, ན ཏཎྷཱཡ ཝཱ ན དིཊྛིཡཱ ཝཱ པརིཝཱརིཏཱ ཙརནྟཱིཏི – ན ཀཔྤཡནྟི ན པུརེཀྑརོནྟི.

ཨཙྩནྟསུདྡྷཱིཏི ན ཏེ ཝདནྟཱིཏི ཨཙྩནྟསུདྡྷིཾ སཾསཱརསུདྡྷིཾ ཨཀིརིཡདིཊྛིཾ སསྶཏཝཱདཾ ན ཝདནྟི ན ཀཐེནྟི ན བྷཎནྟི ན དཱིཔཡནྟི ན ཝོཧརནྟཱིཏི – ཨཙྩནྟསུདྡྷཱིཏི ན ཏེ ཝདནྟི.

ཨཱདཱནགནྠཾ ¶ གཐིཏཾ ཝིསཛྫཱཏི. གནྠཱཏི ཙཏྟཱརོ གནྠཱ – ཨབྷིཛ྄ཛྷཱ ཀཱཡགནྠོ, བྱཱཔཱདོ ཀཱཡགནྠོ, སཱིལབྦཏཔརཱམཱསོ ཀཱཡགནྠོ, ཨིདཾསཙྩཱབྷིནིཝེསོ ཀཱཡགནྠོ. ཨཏྟནོ དིཊྛིཡཱ རཱགོ ཨབྷིཛ྄ཛྷཱ ཀཱཡགནྠོ; པརཝཱདེསུ ཨཱགྷཱཏོ ཨཔྤཙྩཡོ བྱཱཔཱདོ ཀཱཡགནྠོ; ཨཏྟནོ སཱིལཾ ཝཱ ཝཏཾ ཝཱ སཱིལཝཏཾ ཝཱ པརཱམསནྟཱིཏི སཱིལབྦཏཔརཱམཱསོ ཀཱཡགནྠོ, ཨཏྟནོ དིཊྛི ཨིདཾསཙྩཱབྷིནིཝེསོ ཀཱཡགནྠོ. ཀིཾཀཱརཎཱ ཝུཙྩཏི ཨཱདཱནགནྠོ? ཏེཧི གནྠེཧི རཱུཔཾ ཨཱདིཡནྟི ཨུཔཱདིཡནྟི གཎྷནྟི པརཱམསནྟི ཨབྷིནིཝིསནྟི; ཝེདནཾ…པེ… སཉྙཾ… སངྑཱརེ… ཝིཉྙཱཎཾ… གཏིཾ ¶ … ཨུཔཔཏྟིཾ… པཊིསནྡྷིཾ… བྷཝཾ… སཾསཱརཝཊྚཾ ཨཱདིཡནྟི ཨུཔཱདིཡནྟི གཎྷནྟི པརཱམསནྟི ཨབྷིནིཝིསནྟི. ཏཾཀཱརཎཱ ཝུཙྩཏི ཨཱདཱནགནྠོ. ཝིསཛྫཱཏི ¶ གནྠེ ཝོསཛྫིཏྭཱ ཝཱ – ཝིསཛྫ. ཨཐ ཝཱ གནྠེ གདྷིཏེ ¶ གནྠིཏེ བནྡྷེ ཝིབནྡྷེ ཨཱབནྡྷེ ལགྒེ ལགྒིཏེ པལིབུདྡྷེ བནྡྷནེ པོཊཡིཏྭཱ – [ཕོཊཡིཏྭཱ (སྱཱ.)] ཝིསཛྫ. ཡཐཱ ཝཡ྄ཧཾ ཝཱ རཐཾ ཝཱ སཀཊཾ ཝཱ སནྡམཱནིཀཾ ཝཱ སཛྫཾ ཝིསཛྫཾ ཀརོནྟི ཝིཀོཔེནྟི; ཨེཝམེཝ གནྠེ ཝོསཛྫིཏྭཱ – ཝིསཛྫ. ཨཐ ཝཱ གནྠེ གདྷིཏེ གནྠིཏེ བནྡྷེ ཝིབནྡྷེ ཨཱབནྡྷེ ལགྒེ ལགྒིཏེ པལིབུདྡྷེ བནྡྷནེ པོཊཡིཏྭཱ ཝིསཛྫཱཏི – ཨཱདཱནགནྠཾ གཐིཏཾ ཝིསཛྫ.

ཨཱསཾ ན ཀུབྦནྟི ཀུཧིཉྩི ལོཀེཏི. ཨཱསཱ ཝུཙྩཏི ཏཎྷཱ ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཨཱསཾ ན ཀུབྦནྟཱིཏི ཨཱསཾ ན ཀུབྦནྟི ན ཛནེནྟི ན སཉྫནེནྟི ན ནིབྦཏྟེནྟི ན ཨབྷིནིབྦཏྟེནྟི. ཀུཧིཉྩཱིཏི ཀུཧིཉྩི ཀིམྷིཙི ཀཏྠཙི ཨཛ྄ཛྷཏྟཾ ཝཱ བཧིདྡྷཱ ཝཱ ཨཛ྄ཛྷཏྟབཧིདྡྷཱ ཝཱ. ལོཀེཏི ཨཔཱཡལོཀེ…པེ… ཨཱཡཏནལོཀེཏི – ཨཱསཾ ན ཀུབྦནྟི ཀུཧིཉྩི ལོཀེ.

‘‘ན ཀཔྤཡནྟི ན པུརེཀྑརོནྟི, ཨཙྩནྟསུདྡྷཱིཏི ན ཏེ ཝདནྟི;

ཨཱདཱནགནྠཾ གཐིཏཾ ཝིསཛྫ, ཨཱསཾ ན ཀུབྦནྟི ཀུཧིཉྩི ལོཀེ’’ཏི.

སཱིམཱཏིགོ ¶ བྲཱཧྨཎོ ཏསྶ ནཏྠི, ཉཏྭཱ ཙ དིསྭཱ ཙ སམུགྒཧཱིཏཾ;

ན རཱགརཱགཱི ན ཝིརཱགརཏྟོ, ཏསྶཱིདྷ ནཏྠི པརམུགྒཧཱིཏཾ.

སཱིམཱཏིགོ ¶ བྲཱཧྨཎོ ཏསྶ ནཏྠི, ཉཏྭཱ ཙ དིསྭཱ ཙ སམུགྒཧཱིཏནྟི. སཱིམཱཏི ཙཏསྶོ སཱིམཱཡོ – སཀྐཱཡདིཊྛི, ཝིཙིཀིཙྪཱ, སཱིལབྦཏཔརཱམཱསོ, དིཊྛཱནུསཡོ, ཝིཙིཀིཙྪཱནུསཡོ, ཏདེཀཊྛཱ ཙ ཀིལེསཱ – ཨཡཾ པཋམཱ སཱིམཱ. ཨོལཱ༹རིཀཾ ཀཱམརཱགསཉྙོཛནཾ, པཊིགྷསཉྙོཛནཾ, ཨོལཱ༹རིཀོ ཀཱམརཱགཱནུསཡོ, པཊིགྷཱནུསཡོ, ཏདེཀཊྛཱ ཙ ཀིལེསཱ – ཨཡཾ དུཏིཡཱ སཱིམཱ. ཨནུསཧགཏཾ ཀཱམརཱགསཉྙོཛནཾ, པཊིགྷསཉྙོཛནཾ, ཨནུསཧགཏོ ཀཱམརཱགཱནུསཡོ, པཊིགྷཱནུསཡོ, ཏདེཀཊྛཱ ཙ ཀིལེསཱ – ཨཡཾ ཏཏིཡཱ སཱིམཱ. རཱུཔརཱགོ ¶ ཨརཱུཔརཱགོ མཱནོ ཨུདྡྷཙྩཾ ཨཝིཛྫཱ, མཱནཱནུསཡོ བྷཝརཱགཱནུསཡོ ཨཝིཛྫཱནུསཡོ, ཏདེཀཊྛཱ ཙ ཀིལེསཱ – ཨཡཾ ཙཏུཏྠཱ སཱིམཱ. ཡཏོ ཙ ཙཏཱུཧི ཨརིཡམགྒེཧི ཨིམཱ ཙཏསྶོ སཱིམཱཡོ ཨཏིཀྐནྟོ ཧོཏི སམཏིཀྐནྟོ ཝཱིཏིཝཏྟོ, སོ ཝུཙྩཏི སཱིམཱཏིགོ. བྲཱཧྨཎོཏི སཏྟནྣཾ དྷམྨཱནཾ བཱཧིཏཏྟཱ བྲཱཧྨཎོ – སཀྐཱཡདིཊྛི བཱཧིཏཱ ཧོཏི, ཝིཙིཀིཙྪཱ བཱཧིཏཱ ཧོཏི ¶ , སཱིལབྦཏཔརཱམཱསོ བཱཧིཏོ ཧོཏི…པེ… ཨསིཏོ ཏཱདི པཝུཙྩཏེ ས བྲཧྨཱ. ཏསྶཱཏི ཨརཧཏོ ཁཱིཎཱསཝསྶ.

ཉཏྭཱཏི པརཙིཏྟཉཱཎེན ཝཱ ཉཏྭཱ པུབྦེནིཝཱསཱནུསྶཏིཉཱཎེན ཝཱ ཉཏྭཱ. དིསྭཱཏི མཾསཙཀྑུནཱ ཝཱ དིསྭཱ དིབྦཙཀྑུནཱ ཝཱ དིསྭཱ. སཱིམཱཏིགོ བྲཱཧྨཎོ ཏསྶ ནཏྠི, ཉཏྭཱ ¶ ཙ དིསྭཱ ཙ སམུགྒཧཱིཏནྟི. ཏསྶ ཨིདཾ པརམཾ ཨགྒཾ སེཊྛཾ ཝིསིཊྛཾ [ཝིསེཊྛཾ (སཱི. སྱཱ.)] པཱམོཀྑཾ ཨུཏྟམཾ པཝརནྟི གཧིཏཾ པརཱམཊྛཾ ཨབྷིནིཝིཊྛཾ ཨཛ྄ཛྷོསིཏཾ ཨདྷིམུཏྟཾ ནཏྠི ན སནྟི ན སཾཝིཛྫཏི ནུཔལབྦྷཏི, པཧཱིནཾ སམུཙྪིནྣཾ ཝཱུཔསནྟཾ པཊིཔསྶདྡྷཾ ཨབྷབྦུཔྤཏྟིཀཾ ཉཱཎགྒིནཱ དཌྜྷནྟི – སཱིམཱཏིགོ བྲཱཧྨཎོ ཏསྶ ནཏྠི ཉཏྭཱ ཙ དིསྭཱ ཙ སམུགྒཧཱིཏཾ.

ན རཱགརཱགཱི ན ཝིརཱགརཏྟོཏི. རཱགརཏྟཱ ཝུཙྩནྟི ཡེ པཉྩསུ ཀཱམགུཎེསུ རཏྟཱ གིདྡྷཱ གདྷིཏཱ མུཙྪིཏཱ ཨཛ྄ཛྷོསནྣཱ ལགྒཱ ལགྒིཏཱ པལིབུདྡྷཱ. ཝིརཱགརཏྟཱ ཝུཙྩནྟི ཡེ རཱུཔཱཝཙརཨརཱུཔཱཝཙརསམཱཔཏྟཱིསུ རཏྟཱ གིདྡྷཱ གདྷིཏཱ མུཙྪིཏཱ ཨཛ྄ཛྷོསནྣཱ ལགྒཱ ལགྒིཏཱ པལིབུདྡྷཱ. ན རཱགརཱགཱི ན ཝིརཱགརཏྟོཏི ཡཏོ ཀཱམརཱགོ ཙ རཱུཔརཱགོ ཙ ཨརཱུཔརཱགོ ཙ པཧཱིནཱ ཧོནྟི ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ [ཨནབྷཱཝཀཏཱ (སཱི.), ཨནབྷཱཝཾགཏཱ (སྱཱ.)] ཨཱཡཏིཾ ཨནུཔྤཱདདྷམྨཱ. ཨེཏྟཱཝཏཱ ན རཱགརཱགཱི ན ཝིརཱགརཏྟོ.

ཏསྶཱིདྷ ¶ ནཏྠི པརམུགྒཧཱིཏནྟི. ཏསྶཱཏི ཨརཧཏོ ཁཱིཎཱསཝསྶ. ཏསྶ ཨིདཾ པརམཾ ཨགྒཾ སེཊྛཾ ཝིསིཊྛཾ པཱམོཀྑཾ ཨུཏྟམཾ པཝརནྟི གཧིཏཾ པརཱམཊྛཾ ¶ ཨབྷིནིཝིཊྛཾ ཨཛ྄ཛྷོསིཏཾ ཨདྷིམུཏྟཾ ནཏྠི ན སནྟི ན སཾཝིཛྫཏི ནུཔལབྦྷཏི, པཧཱིནཾ སམུཙྪིནྣཾ ཝཱུཔསནྟཾ པཊིཔསྶདྡྷཾ ཨབྷབྦུཔྤཏྟིཀཾ ཉཱཎགྒིནཱ དཌྜྷནྟི – ཏསྶཱིདྷ ནཏྠི པརམུགྒཧཱིཏཾ.

‘‘སཱིམཱཏིགོ ¶ བྲཱཧྨཎོ ཏསྶ ནཏྠི, ཉཏྭཱ ཙ དིསྭཱ ཙ སམུགྒཧཱིཏཾ;

ན རཱགརཱགཱི ན ཝིརཱགརཏྟོ, ཏསྶཱིདྷ ནཏྠི པརམུགྒཧཱིཏ’’ནྟི.

ཨཐ ¶ པརམཊྛཀསུཏྟནིདྡེསཾ ཝཀྑཏི –

པརམནྟི ¶ ¶ དིཊྛཱིསུ པརིབྦསཱནོ, ཡདུཏྟརིཾ ཀུརུཏེ ཛནྟུ ལོཀེ;

ཧཱིནཱཏི ཨཉྙེ ཏཏོ སབྦམཱཧ, ཏསྨཱ ཝིཝཱདཱནི ཨཝཱིཏིཝཏྟོ.

པརམནྟི དིཊྛཱིསུ པརིབྦསཱནོཏི. སནྟེཀེ སམཎབྲཱཧྨཎཱ དིཊྛིགཏིཀཱ. ཏེ དྭཱསཊྛིཡཱ དིཊྛིགཏཱནཾ ཨཉྙཏརཉྙཏརཾ དིཊྛིགཏཾ ‘‘ཨིདཾ པརམཾ ཨགྒཾ སེཊྛཾ ཝིསིཊྛཾ པཱམོཀྑཾ ཨུཏྟམཾ པཝར’’ནྟི གཧེཏྭཱ ཨུགྒཧེཏྭཱ གཎྷིཏྭཱ པརཱམསིཏྭཱ ཨབྷིནིཝིསིཏྭཱ སཀཱཡ སཀཱཡ དིཊྛིཡཱ ཝསནྟི པཝསནྟི ཨཱཝསནྟི པརིཝསནྟི. ཡཐཱ ཨཱགཱརིཀཱ ཝཱ གྷརེསུ ཝསནྟི, སཱཔཏྟིཀཱ ཝཱ ཨཱཔཏྟཱིསུ ཝསནྟི, སཀིལེསཱ ཝཱ ཀིལེསེསུ ཝསནྟི; ཨེཝམེཝ སནྟེཀེ སམཎབྲཱཧྨཎཱ དིཊྛིགཏིཀཱ. ཏེ དྭཱསཊྛིཡཱ དིཊྛིགཏཱནཾ ཨཉྙཏརཉྙཏརཾ དིཊྛིགཏཾ ‘‘ཨིདཾ པརམཾ ཨགྒཾ སེཊྛཾ ཝིསིཊྛཾ པཱམོཀྑཾ ཨུཏྟམཾ པཝར’’ནྟི གཧེཏྭཱ ཨུགྒཧེཏྭཱ གཎྷིཏྭཱ པརཱམསིཏྭཱ ཨབྷིནིཝིསིཏྭཱ སཀཱཡ སཀཱཡ དིཊྛིཡཱ ཝསནྟི པཝསནྟི [སཾཝསནྟི (སྱཱ.) ནཏྠི སཱིཧལ༹པོཏྠཀེ] ཨཱཝསནྟི པརིཝསནྟཱིཏི – པརམནྟི དིཊྛཱིསུ པརིབྦསཱནོ.

ཡདུཏྟརིཾ ¶ ཀུརུཏེ ཛནྟུ ལོཀེཏི. ཡདནྟི ཡཾ. ཨུཏྟརིཾ ཀུརུཏེཏི ཨུཏྟརིཾ ཀརོཏི, ཨགྒཾ སེཊྛཾ ཝིསིཊྛཾ པཱམོཀྑཾ ¶ ཨུཏྟམཾ པཝརཾ ¶ ཀརོཏི ‘‘ཨཡཾ སཏྠཱ སབྦཉྙཱུ’’ཏི ཨུཏྟརིཾ ཀརོཏི, ཨགྒཾ སེཊྛཾ ཝིསིཊྛཾ པཱམོཀྑཾ ཨུཏྟམཾ པཝརཾ ཀརོཏི. ‘‘ཨཡཾ དྷམྨོ སྭཱཀྑཱཏོ…, ཨཡཾ གཎོ སུཔྤཊིཔནྣོ…, ཨཡཾ དིཊྛི བྷདྡིཀཱ…, ཨཡཾ པཊིཔདཱ སུཔཉྙཏྟཱ…, ཨཡཾ མགྒོ ནིཡྻཱནིཀོ’’ཏི ཨུཏྟརིཾ ཀརོཏི, ཨགྒཾ སེཊྛཾ ཝིསིཊྛཾ པཱམོཀྑཾ ཨུཏྟམཾ པཝརཾ ཀརོཏི ནིབྦཏྟེཏི ཨབྷིནིབྦཏྟེཏི. ཛནྟཱུཏི སཏྟོ ནརོ…པེ… མནུཛོ. ལོཀེཏི ཨཔཱཡལོཀེ…པེ… ཨཱཡཏནལོཀེཏི – ཡདུཏྟརིཾ ཀུརུཏེ ཛནྟུ ལོཀེ.

ཧཱིནཱཏི ཨཉྙེ ཏཏོ སབྦམཱཧཱཏི ཨཏྟནོ སཏྠཱརཾ དྷམྨཀྑཱནཾ གཎཾ དིཊྛིཾ པཊིཔདཾ མགྒཾ ཋཔེཏྭཱ ¶ སབྦེ པརཔྤཝཱདེ ཁིཔཏི ཨུཀྑིཔཏི པརིཀྑིཔཏི. ‘‘སོ སཏྠཱ ན སབྦཉྙཱུ, དྷམྨོ ན སྭཱཀྑཱཏོ, གཎོ ན སུཔྤཊིཔནྣོ, དིཊྛི ན བྷདྡིཀཱ, པཊིཔདཱ ན སུཔཉྙཏྟཱ, མགྒོ ན ནིཡྻཱནིཀོ, ནཏྠེཏྠ སུདྡྷི ཝཱ ཝིསུདྡྷི ཝཱ པརིསུདྡྷི ཝཱ མུཏྟི ཝཱ ཝིམུཏྟི ཝཱ པརིམུཏྟི ཝཱ, ནཏྠེཏྠ སུཛ྄ཛྷནྟི ཝཱ ཝིསུཛ྄ཛྷནྟི ཝཱ པརིསུཛ྄ཛྷནྟི ཝཱ མུཙྩནྟི ཝཱ ཝིམུཙྩནྟི ཝཱ པརིམུཙྩནྟི ཝཱ, ཧཱིནཱ ནིཧཱིནཱ ཨོམཀཱ ལཱམཀཱ ཚཏུཀྐཱ པརིཏྟཱ’’ཏི ཨེཝམཱཧ ཨེཝཾ ཀཐེཏི ཨེཝཾ བྷཎཏི ཨེཝཾ དཱིཔཡཏི ཨེཝཾ ཝོཧརཏཱིཏི – ཧཱིནཱཏི ཨཉྙེ ཏཏོ སབྦམཱཧ.

ཏསྨཱ ཝིཝཱདཱནི ཨཝཱིཏིཝཏྟོཏི. ཏསྨཱཏི ཏཾཀཱརཎཱ ཏཾཧེཏུ ཏཔྤཙྩཡཱ ཏཾནིདཱནཱ. ཝིཝཱདཱནཱིཏི དིཊྛིཀལཧཱནི དིཊྛིབྷཎྜནཱནི དིཊྛིཝིགྒཧཱནི དིཊྛིཝིཝཱདཱནི དིཊྛིམེདྷགཱནི ཙ. ཨཝཱིཏིཝཏྟོཏི ཨནཏིཀྐནྟོ ཨསམཏིཀྐནྟོ ཨཝཱིཏིཝཏྟོཏི – ཏསྨཱ ¶ ཝིཝཱདཱནི ཨཝཱིཏིཝཏྟོ.

‘‘པརམནྟི དིཊྛཱིསུ པརིབྦསཱནོ, ཡདུཏྟརིཾ ཀུརུཏེ ཛནྟུ ལོཀེ;

ཧཱིནཱཏི ཨཉྙེ ཏཏོ སབྦམཱཧ, ཏསྨཱ ཝིཝཱདཱནི ཨཝཱིཏིཝཏྟོ’’ཏི.

ཡདཏྟནཱི ¶ པསྶཏི ཨཱནིསཾསཾ, དིཊྛེ སུཏེ སཱིལཝཏེ མུཏེ ཝཱ;

ཏདེཝ སོ ཏཏྠ སམུགྒཧཱཡ, ནིཧཱིནཏོ པསྶཏི སབྦམཉྙཾ.

ཡདཏྟནཱི ¶ པསྶཏི ཨཱནིསཾསཾ, དིཊྛེ སུཏེ སཱིལཝཏེ མུཏེ ཝཱཏི. ཡདཏྟནཱིཏི ཡཾ ཨཏྟནི. ཨཏྟཱ ཝུཙྩཏི དིཊྛིགཏཾ. ཨཏྟནོ དིཊྛིཡཱ དྭེ ཨཱནིསཾསེ པསྶཏི – དིཊྛདྷམྨིཀཉྩ ཨཱནིསཾསཾ, སམྤརཱཡིཀཉྩ ཨཱནིསཾསཾ. ཀཏམོ དིཊྛིཡཱ དིཊྛདྷམྨིཀོ ཨཱནིསཾསོ? ཡཾདིཊྛིཀོ སཏྠཱ ཧོཏི, ཏཾདིཊྛིཀཱ སཱཝཀཱ ཧོནྟི. ཏཾདིཊྛིཀཾ སཏྠཱརཾ སཱཝཀཱ སཀྐརོནྟི གརུཾ ཀརོནྟི མཱནེནྟི པཱུཛེནྟི, ལབྷཏི ཙ ཏཏོནིདཱནཾ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཾ. ཨཡཾ དིཊྛིཡཱ དིཊྛདྷམྨིཀོ ཨཱནིསཾསོ. ཀཏམོ དིཊྛིཡཱ སམྤརཱཡིཀོ ཨཱནིསཾསོ? ཨཡཾ དིཊྛི ཨལཾ ནཱགཏྟཱཡ ཝཱ སུཔཎྞཏྟཱཡ ཝཱ ཡཀྑཏྟཱཡ ཝཱ ཨསུརཏྟཱཡ ཝཱ གནྡྷབྦཏྟཱཡ ¶ ཝཱ མཧཱརཱཛཏྟཱཡ ཝཱ ཨིནྡཏྟཱཡ ཝཱ བྲཧྨཏྟཱཡ ཝཱ དེཝཏྟཱཡ ཝཱ; ཨཡཾ དིཊྛི ཨལཾ སུདྡྷིཡཱ ཝིསུདྡྷིཡཱ པརིསུདྡྷིཡཱ མུཏྟིཡཱ ཝིམུཏྟིཡཱ པརིམུཏྟིཡཱ; ཨིམཱཡ དིཊྛིཡཱ སུཛ྄ཛྷནྟི ཝིསུཛ྄ཛྷནྟི པརིསུཛ྄ཛྷནྟི མུཙྩནྟི ཝིམུཙྩནྟི པརིམུཙྩནྟི; ཨིམཱཡ དིཊྛིཡཱ སུཛ྄ཛྷིསྶཱམི ཝིསུཛ྄ཛྷིསྶཱམི པརིསུཛ྄ཛྷིསྶཱམི མུཙྩིསྶཱམི ཝིམུཙྩིསྶཱམི པརིམུཙྩིསྶཱམི ཨཱཡཏིཾ ¶ ཕལཔཱཊིཀངྑཱི ཧོཏི. ཨཡཾ དིཊྛིཡཱ སམྤརཱཡིཀོ ཨཱནིསཾསོ. ཨཏྟནོ དིཊྛིཡཱ ཨིམེ དྭེ ཨཱནིསཾསེ པསྶཏི, དིཊྛསུདྡྷིཡཱཔི དྭེ ཨཱནིསཾསེ པསྶཏི, སུཏསུདྡྷིཡཱཔི དྭེ ཨཱནིསཾསེ པསྶཏི, སཱིལསུདྡྷིཡཱཔི དྭེ ཨཱནིསཾསེ པསྶཏི, ཝཏསུདྡྷིཡཱཔི དྭེ ཨཱནིསཾསེ པསྶཏི, མུཏསུདྡྷིཡཱཔི དྭེ ཨཱནིསཾསེ པསྶཏི – དིཊྛདྷམྨིཀཉྩ ཨཱནིསཾསཾ སམྤརཱཡིཀཉྩ ཨཱནིསཾསཾ. ཀཏམོ མུཏསུདྡྷིཡཱ དིཊྛདྷམྨིཀོ ཨཱནིསཾསོ? ཡཾདིཊྛིཀོ སཏྠཱ ཧོཏི ཏཾདིཊྛིཀཱ སཱཝཀཱ ཧོནྟི…པེ… ཨཡཾ མུཏསུདྡྷིཡཱ དིཊྛདྷམྨིཀོ ཨཱནིསཾསོ. ཀཏམོ ¶ མུཏསུདྡྷིཡཱ སམྤརཱཡིཀོ ཨཱནིསཾསོ? ཨཡཾ དིཊྛི ཨལཾ ནཱགཏྟཱཡ ཝཱ…པེ… ཨཡཾ མུཏསུདྡྷིཡཱ སམྤརཱཡིཀོ ཨཱནིསཾསོ. མུཏསུདྡྷིཡཱཔི ཨིམེ དྭེ ཨཱནིསཾསེ པསྶཏི དཀྑཏི ཨོལོཀེཏི ནིཛ྄ཛྷཱཡཏི ཨུཔཔརིཀྑཏཱིཏི – ཡདཏྟནཱི པསྶཏི ཨཱནིསཾསཾ དིཊྛེ སུཏེ སཱིལཝཏེ མུཏེ ཝཱ.

ཏདེཝ སོ ཏཏྠ སམུགྒཧཱཡཱཏི. ཏདེཝཱཏི ཏཾ དིཊྛིགཏཾ. ཏཏྠཱཏི ¶ སཀཱཡ དིཊྛིཡཱ སཀཱཡ ཁནྟིཡཱ སཀཱཡ རུཙིཡཱ སཀཱཡ ལདྡྷིཡཱ. སམུགྒཧཱཡཱཏི ཨིདཾ པརམཾ ཨགྒཾ སེཊྛཾ ཝིསིཊྛཾ པཱམོཀྑཾ ཨུཏྟམཾ པཝརནྟི གཧེཏྭཱ ཨུགྒཧེཏྭཱ གཎྷིཏྭཱ པརཱམསིཏྭཱ ཨབྷིནིཝིསིཏྭཱཏི – ཏདེཝ སོ ཏཏྠ སམུགྒཧཱཡ.

ནིཧཱིནཏོ ¶ པསྶཏི སབྦམཉྙནྟི. ཨཉྙཾ སཏྠཱརཾ དྷམྨཀྑཱནཾ གཎཾ དིཊྛིཾ པཊིཔདཾ མགྒཾ ཧཱིནཏོ ནིཧཱིནཏོ ཨོམཀཏོ ལཱམཀཏོ ཚཏུཀྐཏོ པརིཏྟཏོ དིསྶཏི པསྶཏི དཀྑཏི ཨོལོཀེཏི ནིཛ྄ཛྷཱཡཏི ཨུཔཔརིཀྑཏཱིཏི – ནིཧཱིནཏོ པསྶཏི སབྦམཉྙཾ.

‘‘ཡདཏྟནཱི པསྶཏི ཨཱནིསཾསཾ, དིཊྛེ སུཏེ སཱིལཝཏེ མུཏེ ཝཱ;

ཏདེཝ སོ ཏཏྠ སམུགྒཧཱཡ, ནིཧཱིནཏོ པསྶཏི སབྦམཉྙ’’ནྟི.

ཏཾ ཝཱཔི [ཙཱཔི (སཱི.)] གནྠཾ ཀུསལཱ ཝདནྟི, ཡཾ ནིསྶིཏོ པསྶཏི ཧཱིནམཉྙཾ;

ཏསྨཱ ཧི དིཊྛཾ ཝ སུཏཾ མུཏཾ ཝཱ, སཱིལབྦཏཾ བྷིཀྑུ ན ནིསྶཡེཡྻ.

ཏཾ ཝཱཔི གནྠཾ ཀུསལཱ ཝདནྟཱིཏི. ཀུསལཱཏི ཡེ ཏེ ཁནྡྷཀུསལཱ དྷཱཏུཀུསལཱ ཨཱཡཏནཀུསལཱ པཊིཙྩསམུཔྤཱདཀུསལཱ སཏིཔཊྛཱནཀུསལཱ སམྨཔྤདྷཱནཀུསལཱ ཨིདྡྷིཔཱདཀུསལཱ ཨིནྡྲིཡཀུསལཱ བལཀུསལཱ བོཛ྄ཛྷངྒཀུསལཱ མགྒཀུསལཱ ཕལཀུསལཱ ནིབྦཱནཀུསལཱ, ཏེ ཀུསལཱ ¶ ཨེཝཾ ཝདནྟི – ‘‘གནྠོ ཨེསོ, ལགྒནཾ ཨེཏཾ, བནྡྷནཾ ཨེཏཾ, པལིབོདྷོ ¶ ཨེསོ’’ཏི. ཨེཝཾ ཝདནྟི ཨེཝཾ ¶ ཀཐེནྟི ཨེཝཾ བྷཎནྟི ཨེཝཾ དཱིཔཡནྟི ཨེཝཾ ཝོཧརནྟཱིཏི – ཏཾ ཝཱཔི གནྠཾ ཀུསལཱ ཝདནྟི.

ཡཾ ནིསྶིཏོ པསྶཏི ཧཱིནམཉྙནྟི. ཡཾ ནིསྶིཏོཏི ཡཾ སཏྠཱརཾ དྷམྨཀྑཱནཾ གཎཾ དིཊྛིཾ པཊིཔདཾ མགྒཾ ནིསྶིཏོ སནྣིསྶིཏོ ཨལླཱིནོ ཨུཔགཏོ ཨཛ྄ཛྷོསིཏོ ཨདྷིམུཏྟོ. པསྶཏི ཧཱིནམཉྙནྟི ཨཉྙཾ སཏྠཱརཾ དྷམྨཀྑཱནཾ གཎཾ དིཊྛིཾ པཊིཔདཾ མགྒཾ ཧཱིནཏོ ནིཧཱིནཏོ ཨོམཀཏོ ལཱམཀཏོ ཚཏུཀྐཏོ པརིཏྟཏོ དིསྶཏི པསྶཏི དཀྑཏི ཨོལོཀེཏི ནིཛ྄ཛྷཱཡཏི ཨུཔནིཛ྄ཛྷཱཡཏི ཨུཔཔརིཀྑཏཱིཏི – ཡཾ ནིསྶིཏོ པསྶཏི ཧཱིནམཉྙཾ.

ཏསྨཱ ཧི དིཊྛཾ ཝ སུཏཾ མུཏཾ ཝཱ, སཱིལབྦཏཾ བྷིཀྑུ ན ནིསྶཡེཡྻཱཏི. ཏསྨཱཏི ཏསྨཱ ཏཾཀཱརཎཱ ཏཾཧེཏུ ཏཔྤཙྩཡཱ ཏཾནིདཱནཱ དིཊྛཾ ཝཱ དིཊྛསུདྡྷིཾ ཝཱ སུཏཾ ཝཱ སུཏསུདྡྷིཾ ཝཱ མུཏཾ ཝཱ མུཏསུདྡྷིཾ ཝཱ སཱིལཾ ཝཱ ¶ སཱིལསུདྡྷིཾ ཝཱ ཝཏཾ ཝཱ ཝཏསུདྡྷིཾ ཝཱ ན ནིསྶཡེཡྻ ན གཎྷེཡྻ ན པརཱམསེཡྻ ནཱབྷིནིཝེསེཡྻཱཏི – ཏསྨཱ ཧི དིཊྛཾ ཝ སུཏཾ མུཏཾ ཝཱ སཱིལབྦཏཾ བྷིཀྑུ ན ནིསྶཡེཡྻ.

‘‘ཏཾ ཝཱཔི གནྠཾ ཀུསལཱ ཝདནྟི, ཡཾ ནིསྶིཏོ པསྶཏི ཧཱིནམཉྙཾ;

ཏསྨཱ ཧི དིཊྛཾ ཝ སུཏཾ མུཏཾ ཝཱ, སཱིལབྦཏཾ བྷིཀྑུ ན ནིསྶཡེཡྻཱ’’ཏི.

དིཊྛིམྤི ¶ ལོཀསྨིཾ ན ཀཔྤཡེཡྻ, ཉཱཎེན ཝཱ སཱིལཝཏེན ཝཱཔི;

སམོཏི ཨཏྟཱནམནཱུཔནེཡྻ, ཧཱིནོ ན མཉྙེཐ ཝིསེསི ཝཱཔི.

དིཊྛིམྤི ལོཀསྨིཾ ན ཀཔྤཡེཡྻ, ཉཱཎེན ཝཱ སཱིལཝཏེན ཝཱཔཱིཏི. ཨཊྛསམཱཔཏྟིཉཱཎེན ཝཱ པཉྩཱབྷིཉྙཱཉཱཎེན ཝཱ མིཙྪཱཉཱཎེན ཝཱ, སཱིལེན ཝཱ ཝཏེན ཝཱ སཱིལབྦཏེན ཝཱ ¶ , དིཊྛིཾ ན ཀཔྤཡེཡྻ ན ཛནེཡྻ ན སཉྫནེཡྻ ན ནིབྦཏྟེཡྻ ན ཨབྷིནིབྦཏྟེཡྻ. ལོཀསྨིནྟི ཨཔཱཡལོཀེ…པེ… ཨཱཡཏནལོཀེཏི – དིཊྛིམྤི ལོཀསྨིཾ ན ཀཔྤཡེཡྻ ཉཱཎེན ཝཱ སཱིལཝཏེན ཝཱཔི.

སམོཏི ཨཏྟཱནམནཱུཔནེཡྻཱཏི. སདིསོཧམསྨཱིཏི ཨཏྟཱནཾ ན ཨུཔནེཡྻ ཛཱཏིཡཱ ཝཱ གོཏྟེན ཝཱ ཀོལཔུཏྟིཡེན ཝཱ ཝཎྞཔོཀྑརཏཱཡ ཝཱ དྷནེན ཝཱ ཨཛ྄ཛྷེནེན ཝཱ ཀམྨཱཡཏནེན ཝཱ ¶ སིཔྤཱཡཏནེན ཝཱ ཝིཛྫཱཊྛཱནེན ཝཱ སུཏེན ཝཱ པཊིབྷཱནེན ཝཱ ཨཉྙཏརཉྙཏརེན ཝཱ ཝཏྠུནཱཏི – སམོཏི ཨཏྟཱནམནཱུཔནེཡྻ.

ཧཱིནོ ན མཉྙེཐ ཝིསེསི ཝཱཔཱིཏི. ཧཱིནོཧམསྨཱིཏི ཨཏྟཱནཾ ན ཨུཔནེཡྻ ཛཱཏིཡཱ ཝཱ གོཏྟེན ཝཱ…པེ… ཨཉྙཏརཉྙཏརེན ཝཱ ཝཏྠུནཱ. སེཡྻོཧམསྨཱིཏི ཨཏྟཱནཾ ན ཨུཔནེཡྻ ཛཱཏིཡཱ ཝཱ གོཏྟེན ཝཱ…པེ… ཨཉྙཏརཉྙཏརེན ཝཱ ཝཏྠུནཱཏི – ཧཱིནོ ན མཉྙེཐ ¶ ཝིསེསི ཝཱཔི.

‘‘དིཊྛིམྤི ¶ ལོཀསྨིཾ ན ཀཔྤཡེཡྻ, ཉཱཎེན ཝཱ སཱིལཝཏེན ཝཱཔི;

སམོཏི ཨཏྟཱནམནཱུཔནེཡྻ, ཧཱིནོ ན མཉྙེཐ ཝིསེསི ཝཱཔཱི’’ཏི.

ཨཏྟཾ པཧཱཡ ཨནུཔཱདིཡཱནོ, ཉཱཎེནཔི སོ ནིསྶཡཾ ནོ ཀརོཏི;

ས ཝེ ཝིཡཏྟེསུ ན ཝགྒསཱརཱི, དིཊྛིམྤི སོ ན པཙྩེཏི ཀིཉྩི.

ཨཏྟཾ པཧཱཡ ཨནུཔཱདིཡཱནོཏི. ཨཏྟཾ པཧཱཡཱཏི ཨཏྟདིཊྛིཾ པཧཱཡ. ཨཏྟཾ པཧཱཡཱཏི གཱཧཾ [ཨཏྟགཱཧཾ (སཱི. ཀ.)] པཧཱཡ. ཨཏྟཾ པཧཱཡཱཏི ཏཎྷཱཝསེན དིཊྛིཝསེན གཧིཏཾ པརཱམཊྛཾ ཨབྷིནིཝིཊྛཾ ཨཛ྄ཛྷོསིཏཾ ཨདྷིམུཏྟཾ པཧཱཡ པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམེཏྭཱཏི – ཨཏྟཾ ¶ པཧཱཡ. ཨནུཔཱདིཡཱནོཏི ཙཏཱུཧི ཨུཔཱདཱནེཧི ཨནུཔཱདིཡམཱནོ ཨགཎྷམཱནོ ཨཔརཱམཱསམཱནོ ཨནབྷིནིཝིསམཱནོཏི – ཨཏྟཾ པཧཱཡ ཨནུཔཱདིཡཱནོ.

ཉཱཎེནཔི སོ ནིསྶཡཾ ནོ ཀརོཏཱིཏི ཨཊྛསམཱཔཏྟིཉཱཎེན ཝཱ པཉྩཱབྷིཉྙཱཉཱཎེན ཝཱ མིཙྪཱཉཱཎེན ཝཱ ཏཎྷཱནིསྶཡཾ ཝཱ དིཊྛིནིསྶཡཾ ཝཱ ན ཀརོཏི ན ཛནེཏི ན སཉྫནེཏི ན ནིབྦཏྟེཏི ན ཨབྷིནིབྦཏྟེཏཱིཏི – ཉཱཎེནཔི སོ ནིསྶཡཾ ནོ ཀརོཏི.

ས ¶ ཝེ ཝིཡཏྟེསུ ན ཝགྒསཱརཱིཏི ས ཝེ ཝིཡཏྟེསུ བྷིནྣེསུ དྭེཛ྄ཛྷཱཔནྣེསུ དྭེལ༹ྷཀཛཱཏེསུ ནཱནཱདིཊྛིཀེསུ ནཱནཱཁནྟིཀེསུ ནཱནཱརུཙིཀེསུ ནཱནཱལདྡྷིཀེསུ ནཱནཱདིཊྛིནིསྶཡཾ ནིསྶིཏེསུ ཚནྡཱགཏིཾ གཙྪནྟེསུ དོསཱགཏིཾ གཙྪནྟེསུ མོཧཱགཏིཾ གཙྪནྟེསུ བྷཡཱགཏིཾ གཙྪནྟེསུ ན ཚནྡཱགཏིཾ གཙྪཏི ན དོསཱགཏིཾ གཙྪཏི ན མོཧཱགཏིཾ གཙྪཏི ན བྷཡཱགཏིཾ གཙྪཏི ན རཱགཝསེན གཙྪཏི ན དོསཝསེན གཙྪཏི ན མོཧཝསེན གཙྪཏི ན མཱནཝསེན གཙྪཏི ན དིཊྛིཝསེན ¶ གཙྪཏི ན ཨུདྡྷཙྩཝསེན གཙྪཏི ན ཝིཙིཀིཙྪཱཝསེན གཙྪཏི ན ཨནུསཡཝསེན གཙྪཏི ན ཝགྒེཧི དྷམྨེཧི ཡཱཡཏི ནིཡྻཏི ཝུཡ྄ཧཏི སཾཧརཱིཡཏཱིཏི – ས ཝེ ཝིཡཏྟེསུ ན ཝགྒསཱརཱི.

དིཊྛིམྤི ¶ སོ ན པཙྩེཏི ཀིཉྩཱིཏི. ཏསྶ དྭཱསཊྛི དིཊྛིགཏཱནི པཧཱིནཱནི སམུཙྪིནྣཱནི ཝཱུཔསནྟཱནི པཊིཔསྶདྡྷཱནི ཨབྷབྦུཔྤཏྟིཀཱནི ཉཱཎགྒིནཱ དཌྜྷཱནི. སོ ཀིཉྩི དིཊྛིགཏཾ ན པཙྩེཏི ན པཙྩཱགཙྪཏཱིཏི – དིཊྛིམྤི སོ ན པཙྩེཏི ཀིཉྩི.

‘‘ཨཏྟཾ པཧཱཡ ཨནུཔཱདིཡཱནོ, ཉཱཎེནཔི སོ ནིསྶཡཾ ནོ ཀརོཏི;

ས ཝེ ཝིཡཏྟེསུ ན ཝགྒསཱརཱི, དིཊྛིམྤི སོ ན པཙྩེཏི ཀིཉྩཱི’’ཏི.

ཡསྶཱུབྷཡནྟེ ¶ པཎིདྷཱིདྷ ནཏྠི, བྷཝཱབྷཝཱཡ ཨིདྷ ཝཱ ཧུརཾ ཝཱ;

ནིཝེསནཱ ¶ ཏསྶ ན སནྟི ཀེཙི, དྷམྨེསུ ནིཙྪེཡྻ སམུགྒཧཱིཏཾ.

ཡསྶཱུབྷཡནྟེ པཎིདྷཱིདྷ ནཏྠི, བྷཝཱབྷཝཱཡ ཨིདྷ ཝཱ ཧུརཾ ཝཱཏི ཡསྶཱཏི ཨརཧཏོ ཁཱིཎཱསཝསྶ. ཨནྟོཏི [ཨནྟཱཏི (སྱཱ.)] ཕསྶོ ཨེཀོ ཨནྟོ, ཕསྶསམུདཡོ དུཏིཡོ ཨནྟོ; ཨཏཱིཏོ ཨེཀོ ཨནྟོ, ཨནཱགཏོ དུཏིཡོ ཨནྟོ; སུཁཱ ཝེདནཱ ཨེཀོ ཨནྟོ, དུཀྑཱ ཝེདནཱ དུཏིཡོ ཨནྟོ; ནཱམཾ ཨེཀོ ཨནྟོ, རཱུཔཾ དུཏིཡོ ཨནྟོ; ཚ ཨཛ྄ཛྷཏྟིཀཱནི ཨཱཡཏནཱནི ཨེཀོ ཨནྟོ, ཚ བཱཧིརཱནི ཨཱཡཏནཱནི དུཏིཡོ ཨནྟོ; སཀྐཱཡོ ཨེཀོ ཨནྟོ, སཀྐཱཡསམུདཡོ དུཏིཡོ ཨནྟོ. པཎིདྷི ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ.

བྷཝཱབྷཝཱཡཱཏི བྷཝཱབྷཝཱཡ ཀམྨབྷཝཱཡ པུནབྦྷཝཱཡ ཀཱམབྷཝཱཡ, ཀམྨབྷཝཱཡ ཀཱམབྷཝཱཡ པུནབྦྷཝཱཡ རཱུཔབྷཝཱཡ, ཀམྨབྷཝཱཡ རཱུཔབྷཝཱཡ པུནབྦྷཝཱཡ ཨརཱུཔབྷཝཱཡ, ཀམྨབྷཝཱཡ ཨརཱུཔབྷཝཱཡ པུནབྦྷཝཱཡ པུནཔྤུནབྷཝཱཡ པུནཔྤུནགཏིཡཱ པུནཔྤུནཨུཔཔཏྟིཡཱ པུནཔྤུནཔཊིསནྡྷིཡཱ པུནཔྤུནཨཏྟབྷཱཝཱབྷིནིབྦཏྟིཡཱ. ཨིདྷཱཏི སཀཏྟབྷཱཝོ, ཧུརཱཏི པརཏྟབྷཱཝོ; ཨིདྷཱཏི སཀརཱུཔཝེདནཱསཉྙཱསངྑཱརཝིཉྙཱཎཾ, ཧུརཱཏི པརརཱུཔཝེདནཱསཉྙཱསངྑཱརཝིཉྙཱཎཾ; ཨིདྷཱཏི ཚ ཨཛ྄ཛྷཏྟིཀཱནི ཨཱཡཏནཱནི, ཧུརཱཏི ཚ བཱཧིརཱནི ཨཱཡཏནཱནི; ཨིདྷཱཏི མནུསྶལོཀོ, ཧུརཱཏི དེཝལོཀོ ¶ ; ཨིདྷཱཏི ཀཱམདྷཱཏུ, ཧུརཱཏི རཱུཔདྷཱཏུ ཨརཱུཔདྷཱཏུ; ཨིདྷཱཏི ཀཱམདྷཱཏུ ¶ རཱུཔདྷཱཏུ. ཧུརཱཏི ཨརཱུཔདྷཱཏུ. ཡསྶཱུབྷཡནྟེ པཎིདྷཱིདྷ ནཏྠི བྷཝཱབྷཝཱཡ ཨིདྷ ཝཱ ཧུརཾ ཝཱཏི. ཡསྶ ཨུབྷོ ཨནྟེ ¶ ཙ བྷཝཱབྷཝཱཡ ཙ ཨིདྷ ཧུརཉྩ པཎིདྷི ཏཎྷཱ ནཏྠི ན སནྟི ན སཾཝིཛྫནྟི ནུཔལབྦྷནྟི, པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ¶ ཨབྷབྦུཔྤཏྟིཀཱ ཉཱཎགྒིནཱ དཌྜྷཱཏི – ཡསྶཱུབྷཡནྟེ པཎིདྷཱིདྷ ནཏྠི བྷཝཱབྷཝཱཡ ཨིདྷ ཝཱ ཧུརཾ ཝཱ.

ནིཝེསནཱ ཏསྶ ན སནྟི ཀེཙཱིཏི. ནིཝེསནཱཏི དྭེ ནིཝེསནཱ – ཏཎྷཱནིཝེསནཱ ཙ དིཊྛིནིཝེསནཱ ཙ…པེ… ཨཡཾ ཏཎྷཱནིཝེསནཱ…པེ… ཨཡཾ དིཊྛིནིཝེསནཱ. ཏསྶཱཏི ཨརཧཏོ ཁཱིཎཱསཝསྶ. ནིཝེསནཱ ཏསྶ ན སནྟི ཀེཙཱིཏི ནིཝེསནཱ ཏསྶ ན སནྟི ཀེཙི ནཏྠི ན སནྟི ན སཾཝིཛྫནྟི ནུཔལབྦྷནྟི, པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱཏི – ནིཝེསནཱ ཏསྶ ན སནྟི ཀེཙི.

དྷམྨེསུ ནིཙྪེཡྻ སམུགྒཧཱིཏནྟི. དྷམྨེསཱུཏི དྭཱསཊྛིཡཱ དིཊྛིགཏེསུ. ནིཙྪེཡྻཱཏི ནིཙྪིནིཏྭཱ ཝིནིཙྪིནིཏྭཱ ཝིཙིནིཏྭཱ པཝིཙིནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ. སམུགྒཧཱིཏནྟི ཨོདྷིགྒཱཧོ བིལགྒཱཧོ ཝརགྒཱཧོ ཀོཊྛཱསགྒཱཧོ ཨུཙྩཡགྒཱཧོ སམུཙྩཡགྒཱཧོ, ‘‘ཨིདཾ སཙྩཾ ཏཙྪཾ ཏཐཾ བྷཱུཏཾ ཡཱཐཱཝཾ ཨཝིཔརཱིཏ’’ནྟི གཧིཏཾ པརཱམཊྛཾ ཨབྷིནིཝིཊྛཾ ཨཛ྄ཛྷོསིཏཾ ཨདྷིམུཏྟཾ ནཏྠི ན སནྟི ན སཾཝིཛྫནྟི ནུཔལབྦྷནྟི, པཧཱིནཾ སམུཙྪིནྣཾ ཝཱུཔསནྟཾ པཊིཔསྶདྡྷཾ ཨབྷབྦུཔྤཏྟིཀཾ ཉཱཎགྒིནཱ དཌྜྷནྟི – དྷམྨེསུ ནིཙྪེཡྻ སམུགྒཧཱིཏཾ.

‘‘ཡསྶཱུབྷཡནྟེ ¶ པཎིདྷཱིདྷ ནཏྠི, བྷཝཱབྷཝཱཡ ཨིདྷ ཝཱ ཧུརཾ ཝཱ;

ནིཝེསནཱ ཏསྶ ན སནྟི ཀེཙི, དྷམྨེསུ ནིཙྪེཡྻ སམུགྒཧཱིཏ’’ནྟི.

ཏསྶཱིདྷ དིཊྛེ ཝ སུཏེ མུཏེ ཝཱ, པཀཔྤིཏཱ ནཏྠི ཨཎཱུཔི སཉྙཱ;

ཏཾ བྲཱཧྨཎཾ དིཊྛིམནཱདིཡཱནཾ, ཀེནཱིདྷ ལོཀསྨིཾ ཝིཀཔྤཡེཡྻ.

ཏསྶཱིདྷ ¶ དིཊྛེ ཝ སུཏེ མུཏེ ཝཱ, པཀཔྤིཏཱ ནཏྠི ཨཎཱུཔི སཉྙཱཏི. ཏསྶཱཏི ཨརཧཏོ ཁཱིཎཱསཝསྶ. ཏསྶ དིཊྛེ ཝཱ ¶ དིཊྛསུདྡྷིཡཱ ཝཱ སུཏེ ཝཱ སུཏསུདྡྷིཡཱ ཝཱ མུཏེ ཝཱ མུཏསུདྡྷིཡཱ ཝཱ སཉྙཱཔུབྦངྒམཏཱ སཉྙཱཝིཀཔྤཡེཡྻཏཱ སཉྙཱཝིགྒཧེན སཉྙཱཡ ཨུཊྛཔིཏཱ སམུཊྛཔིཏཱ ཀཔྤིཏཱ པཀཔྤིཏཱ སངྑཏཱ ཨབྷིསངྑཏཱ སཎྛཔིཏཱ, དིཊྛི ནཏྠི ན སནྟི ན སཾཝིཛྫནྟི ¶ ནུཔལབྦྷནྟི, པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱཏི – ཏསྶཱིདྷ དིཊྛེ ཝ སུཏེ མུཏེ ཝཱ པཀཔྤིཏཱ ནཏྠི ཨཎཱུཔི སཉྙཱ.

ཏཾ བྲཱཧྨཎཾ དིཊྛིམནཱདིཡཱནནྟི. བྲཱཧྨཎོཏི སཏྟནྣཾ དྷམྨཱནཾ བཱཧིཏཏྟཱ བྲཱཧྨཎོ – སཀྐཱཡདིཊྛི བཱཧིཏཱ ཧོཏི…པེ… ཨསིཏོ ཏཱདི པཝུཙྩཏེ ས བྲཧྨཱ. ཏཾ བྲཱཧྨཎཾ དིཊྛིམནཱདིཡཱནནྟི. ཏཾ བྲཱཧྨཎཾ ¶ དིཊྛིམནཱདིཡནྟཾ ཨགཎྷནྟཾ ཨཔརཱམསནྟཾ ཨནབྷིནིཝེསནྟནྟི – ཏཾ བྲཱཧྨཎཾ དིཊྛིམནཱདིཡཱནཾ.

ཀེནཱིདྷ ལོཀསྨིཾ ཝིཀཔྤཡེཡྻཱཏི. ཀཔྤཱཏི དྭེ ཀཔྤཱ – ཏཎྷཱཀཔྤོ ཙ དིཊྛིཀཔྤོ ཙ…པེ… ཨཡཾ ཏཎྷཱཀཔྤོ…པེ… ཨཡཾ དིཊྛིཀཔྤོ. ཏསྶ ཏཎྷཱཀཔྤོ པཧཱིནོ, དིཊྛིཀཔྤོ པཊིནིསྶཊྛོ. ཏཎྷཱཀཔྤསྶ པཧཱིནཏྟཱ, དིཊྛིཀཔྤསྶ པཊིནིསྶཊྛཏྟཱ ཀེན རཱགེན ཀཔྤེཡྻ ཀེན དོསེན ཀཔྤེཡྻ ཀེན མོཧེན ཀཔྤེཡྻ ཀེན མཱནེན ཀཔྤེཡྻ ཀཱཡ དིཊྛིཡཱ ཀཔྤེཡྻ ཀེན ཨུདྡྷཙྩེན ཀཔྤེཡྻ ཀཱཡ ཝིཙིཀིཙྪཱཡ ཀཔྤེཡྻ ཀེཧི ཨནུསཡེཧི ཀཔྤེཡྻ – རཏྟོཏི ཝཱ དུཊྛོཏི ཝཱ མཱུལ༹ྷོཏི ཝཱ ཝིནིབདྡྷོཏི ཝཱ པརཱམཊྛོཏི ཝཱ ཝིཀྑེཔགཏོཏི ཝཱ ཨནིཊྛངྒཏོཏི ཝཱ ཐཱམགཏོཏི ཝཱ. ཏེ ཨབྷིསངྑཱརཱ པཧཱིནཱ. ཨབྷིསངྑཱརཱནཾ པཧཱིནཏྟཱ གཏིཡོ ཀེན ཀཔྤེཡྻ – ནེརཡིཀོཏི ཝཱ ཏིརཙྪཱནཡོནིཀོཏི ཝཱ པེཏྟིཝིསཡིཀོཏི ¶ ཝཱ མནུསྶོཏི ཝཱ དེཝོཏི ཝཱ རཱུཔཱིཏི ཝཱ ཨརཱུཔཱིཏི ཝཱ སཉྙཱིཏི ཝཱ ཨསཉྙཱིཏི ཝཱ ནེཝསཉྙཱིནཱསཉྙཱིཏི ཝཱ. སོ ཧེཏུ ནཏྠི པཙྩཡོ ནཏྠི ཀཱརཎཾ ནཏྠི, ཡེན ཀཔྤེཡྻ ཝིཀཔྤེཡྻ ཝིཀཔྤཾ ཨཱཔཛྫེཡྻ. ལོཀསྨིནྟི ཨཔཱཡལོཀེ…པེ… ཨཱཡཏནལོཀེཏི – ཀེནཱིདྷ ལོཀསྨིཾ ཝིཀཔྤཡེཡྻ.

‘‘ཏསྶཱིདྷ ¶ དིཊྛེ ཝ སུཏེ མུཏེ ཝཱ, པཀཔྤིཏཱ ནཏྠི ཨཎཱུཔི སཉྙཱ;

ཏཾ བྲཱཧྨཎཾ དིཊྛིམནཱདིཡཱནཾ, ཀེནཱིདྷ ལོཀསྨིཾ ཝིཀཔྤཡེཡྻཱ’’ཏི.

ན ¶ ཀཔྤཡནྟི ན པུརེཀྑརོནྟི, དྷམྨཱཔི ཏེསཾ ན པཊིཙྪིཏཱསེ;

ན བྲཱཧྨཎོ སཱིལཝཏེན ནེཡྻོ, པཱརངྒཏོ ན པཙྩེཏི ཏཱདཱི.

ན ཀཔྤཡནྟི ན པུརེཀྑརོནྟཱིཏི. ཀཔྤཱཏི དྭེ ཀཔྤཱ – ཏཎྷཱཀཔྤོ ཙ དིཊྛིཀཔྤོ ཙ. ཀཏམོ ཏཎྷཱཀཔྤོ? ཡཱཝཏཱ ཏཎྷཱསངྑཱཏེན སཱིམཀཏཾ མརིཡཱདིཀཏཾ ཨོདྷིཀཏཾ པརིཡནྟཀཏཾ པརིགྒཧིཏཾ ¶ མམཱཡིཏཾ – ‘‘ཨིདཾ མམཾ, ཨེཏཾ མམཾ, ཨེཏྟཀཾ མམཾ, ཨེཏྟཱཝཏཱ མམཾ, མམ རཱུཔཱ སདྡཱ གནྡྷཱ རསཱ ཕོཊྛབྦཱ, ཨཏྠརཎཱ པཱཝུརཎཱ དཱསིདཱསཱ [དཱསཱིདཱསཱ (སྱཱ. ཀ.)] ཨཛེལ༹ཀཱ ཀུཀྐུཊསཱུཀརཱ ཧཏྠིགཝཱསྶཝལ༹ཝཱ ཁེཏྟཾ ཝཏྠུ ཧིརཉྙཾ སུཝཎྞཾ གཱམནིགམརཱཛདྷཱནིཡོ རཊྛཉྩ ཛནཔདོ ཙ ཀོསོ ཙ ཀོཊྛཱགཱརཉྩ, ཀེཝལམྤི མཧཱཔཐཝིཾ ཏཎྷཱཝསེན མམཱཡཏི, ཡཱཝཏཱ ཨཊྛསཏཏཎྷཱཝིཙརིཏཾ – ཨཡཾ ཏཎྷཱཀཔྤོ. ཀཏམོ དིཊྛིཀཔྤོ? ཝཱིསཏིཝཏྠུཀཱ སཀྐཱཡདིཊྛི, དསཝཏྠུཀཱ ¶ མིཙྪཱདིཊྛི, དསཝཏྠུཀཱ ཨནྟགྒཱཧིཀཱདིཊྛི, ཡཱ ཨེཝརཱུཔཱ དིཊྛི དིཊྛིགཏཾ ¶ དིཊྛིགཧནཾ དིཊྛིཀནྟཱརཾ དིཊྛིཝིསཱུཀཱཡིཀཾ དིཊྛིཝིཔྥནྡིཏཾ དིཊྛིསཉྙོཛནཾ གཱཧོ པཊིགྒཱཧོ ཨབྷིནིཝེསོ པརཱམཱསོ ཀུམྨགྒོ མིཙྪཱཔཐོ མིཙྪཏྟཾ ཏིཏྠཱཡཏནཾ ཝིཔརིཡཱསགྒཱཧོ [ཝིཔརིཡེསགྒཱཧོ (སཱི. སྱཱ. ཀ.)] ཝིཔརཱིཏགྒཱཧོ ཝིཔལླཱསགྒཱཧོ མིཙྪཱགཱཧོ, ཨཡཱཐཱཝཀསྨིཾ ཡཱཐཱཝཀནྟི གཱཧོ, ཡཱཝཏཱ དྭཱསཊྛི དིཊྛིགཏཱནི – ཨཡཾ དིཊྛིཀཔྤོ. ཏེསཾ ཏཎྷཱཀཔྤོ པཧཱིནོ, དིཊྛིཀཔྤོ པཊིནིསྶཊྛོ. ཏཎྷཱཀཔྤསྶ པཧཱིནཏྟཱ, དིཊྛིཀཔྤསྶ པཊིནིསྶཊྛཏྟཱ ཏཎྷཱཀཔྤཾ ཝཱ དིཊྛིཀཔྤཾ ཝཱ ན ཀཔྤེནྟི ན ཛནེནྟི ན སཉྫནེནྟི ན ནིབྦཏྟེནྟི ན ཨབྷིནིབྦཏྟེནྟཱིཏི – ན ཀཔྤཡནྟི.

ན པུརེཀྑརོནྟཱིཏི. པུརེཀྑཱརཱཏི དྭེ པུརེཀྑཱརཱ – ཏཎྷཱཔུརེཀྑཱརོ ཙ དིཊྛིཔུརེཀྑཱརོ ཙ…པེ… ཨཡཾ ཏཎྷཱཔུརེཀྑཱརོ…པེ… ཨཡཾ དིཊྛིཔུརེཀྑཱརོ. ཏེསཾ ཏཎྷཱཔུརེཀྑཱརོ པཧཱིནོ, དིཊྛིཔུརེཀྑཱརོ པཊིནིསྶཊྛོ. ཏཎྷཱཔུརེཀྑཱརསྶ པཧཱིནཏྟཱ, དིཊྛིཔུརེཀྑཱརསྶ པཊིནིསྶཊྛཏྟཱ ན ཏཎྷཾ ཝཱ ན དིཊྛིཾ ཝཱ པུརཏོ ཀཏྭཱ ཙརནྟི ན ཏཎྷཱདྷཛཱ ན ཏཎྷཱཀེཏཱུ ན ཏཎྷཱདྷིཔཏེཡྻཱ ན དིཊྛིདྷཛཱ ན དིཊྛིཀེཏཱུ ན དིཊྛཱདྷིཔཏེཡྻཱ. ན ཏཎྷཱཡ ཝཱ ན དིཊྛིཡཱ ཝཱ པརིཝཱརེཏྭཱ ཙརནྟཱིཏི – ན ཀཔྤཡནྟི ན པུརེཀྑརོནྟི.

དྷམྨཱཔི ¶ ཏེསཾ ན པཊིཙྪིཏཱསེཏི. དྷམྨཱ ཝུཙྩནྟི དྭཱསཊྛི དིཊྛིགཏཱནི. ཏེསནྟི ཏེསཾ ཨརཧནྟཱནཾ ཁཱིཎཱསཝཱནཾ. ན པཊིཙྪིཏཱསེཏི ¶ ‘‘སསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི ན པཊིཙྪིཏཱསེ. ‘‘ཨསསྶཏོ ལོཀོ… ཨནྟཝཱ ལོཀོ… ཨནནྟཝཱ ལོཀོ… ཏཾ ཛཱིཝཾ ཏཾ སརཱིརཾ… ཨཉྙཾ ཛཱིཝཾ ཨཉྙཾ སརཱིརཾ… ཧོཏི ཏཐཱགཏོ པརཾ མརཎཱ… ན ཧོཏི ཏཐཱགཏོ པརཾ མརཎཱ… ཧོཏི ཙ ན ཙ ཧོཏི ཏཐཱགཏོ པརཾ མརཎཱ… ནེཝ ཧོཏི ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི ན པཊིཙྪིཏཱསེཏི – དྷམྨཱཔི ཏེསཾ ན པཊིཙྪིཏཱསེ.

ན བྲཱཧྨཎོ སཱིལཝཏེན ནེཡྻོཏི. ནཱཏི པཊིཀྑེཔོ. བྲཱཧྨཎོཏི སཏྟནྣཾ དྷམྨཱནཾ བཱཧིཏཏྟཱ བྲཱཧྨཎོ – སཀྐཱཡདིཊྛི བཱཧིཏཱ ཧོཏི…པེ… ¶ ཨསིཏོ ཏཱདི ཝུཙྩཏེ ས བྲཧྨཱ ¶ . ན བྲཱཧྨཎོ སཱིལཝཏེན ནེཡྻོཏི. བྲཱཧྨཎོ སཱིལེན ཝཱ ཝཏེན ཝཱ སཱིལབྦཏེན ཝཱ ན ཡཱཡཏི ན ནིཡྻཏི ན ཝུཡ྄ཧཏི ན སཾཧརཱིཡཏཱིཏི – ན བྲཱཧྨཎོ སཱིལཝཏེན ནེཡྻོ.

པཱརངྒཏོ ན པཙྩེཏི ཏཱདཱིཏི. པཱརཾ ཝུཙྩཏི ཨམཏཾ ནིབྦཱནཾ. ཡོ སོ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཀྑཡོ ཝིརཱགོ ནིརོདྷོ ནིབྦཱནཾ. སོ པཱརངྒཏོ པཱརཔྤཏྟོ ཨནྟགཏོ ཨནྟཔྤཏྟོ ཀོཊིགཏོ ཀོཊིཔྤཏྟོ [ཝིཏྠཱརོ] ཛཱཏིམརཎསཾསཱརོ, ནཏྠི ཏསྶ པུནབྦྷཝོཏི – པཱརངྒཏོ. ན པཙྩེཏཱིཏི སོཏཱཔཏྟིམགྒེན ཡེ ཀིལེསཱ པཧཱིནཱ, ཏེ ཀིལེསེ ན པུནེཏི ན པཙྩེཏི ན པཙྩཱགཙྪཏི. སཀདཱགཱམིམགྒེན ཡེ ཀིལེསཱ པཧཱིནཱ, ཏེ ཀིལེསེ ན པུནེཏི ན པཙྩེཏི ན པཙྩཱགཙྪཏི. ཨནཱགཱམིམགྒེན ཡེ ཀིལེསཱ པཧཱིནཱ, ཏེ ཀིལེསེ ན པུནེཏི ན པཙྩེཏི ན པཙྩཱགཙྪཏི. ཨརཧཏྟམགྒེན ཡེ ཀིལེསཱ པཧཱིནཱ, ཏེ ཀིལེསེ ན པུནེཏི ན པཙྩེཏི ན པཙྩཱགཙྪཏཱིཏི ¶ – པཱརངྒཏོ ན པཙྩེཏི. ཏཱདཱིཏི ཨརཧཱ པཉྩཧཱཀཱརེཧི ཏཱདཱི – ཨིཊྛཱནིཊྛེ ཏཱདཱི, ཙཏྟཱཝཱིཏི ཏཱདཱི, ཏིཎྞཱཝཱིཏི ཏཱདཱི, མུཏྟཱཝཱིཏི ཏཱདཱི, ཏཾནིདྡེསཱ ཏཱདཱི.

ཀཐཾ ཨརཧཱ ཨིཊྛཱནིཊྛེ ཏཱདཱི? ཨརཧཱ ལཱབྷེཔི ཏཱདཱི, ཨལཱབྷེཔི ཏཱདཱི, ཡསེཔི ཏཱདཱི, ཨཡསེཔི ཏཱདཱི, པསཾསཱཡཔི ཏཱདཱི, ནིནྡཱཡཔི ཏཱདཱི, སུཁེཔི ཏཱདཱི, དུཀྑེཔི ཏཱདཱི. ཨེཀཙྩེ བཱཧཾ [ཨངྒཾ (སཱི.)] གནྡྷེན ལིམྤེཡྻུཾ, ཨེཀཙྩེ ¶ བཱཧཾ [ཨངྒཾ (སཱི.)] ཝཱསིཡཱ ཏཙྪེཡྻུཾ – ཨམུསྨིཾ ནཏྠི རཱགོ, ཨམུསྨིཾ ནཏྠི པཊིགྷཾ, ཨནུནཡཔཊིགྷཝིཔྤཧཱིནོ ཨུགྒྷཱཏིནིགྷཱཏིཝཱིཏིཝཏྟོ ཨནུརོདྷཝིརོདྷསམཏིཀྐནྟོ. ཨེཝཾ ཨརཧཱ ཨིཊྛཱནིཊྛེ ཏཱདཱི.

ཀཐཾ ཨརཧཱ ཙཏྟཱཝཱིཏི ཏཱདཱི? ཨརཧཏོ རཱགོ ཙཏྟོ ཝནྟོ ¶ མུཏྟོ པཧཱིནོ པཊིནིསྶཊྛོ. དོསོ…པེ… མོཧོ… ཀོདྷོ… ཨུཔནཱཧོ… མཀྑོ… པལཱ༹སོ… ཨིསྶཱ… མཙྪརིཡཾ… མཱཡཱ… སཱཋེཡྻཾ… ཐམྦྷོ… སཱརམྦྷོ… མཱནོ… ཨཏིམཱནོ… མདོ… པམཱདོ… སབྦེ ཀིལེསཱ… སབྦེ དུཙྩརིཏཱ… སབྦེ དརཐཱ… སབྦེ པརིལཱ༹ཧཱ… སབྦེ སནྟཱཔཱ… སབྦཱཀུསལཱབྷིསངྑཱརཱ ཙཏྟཱ ཝནྟཱ མུཏྟཱ པཧཱིནཱ པཊིནིསྶཊྛཱ. ཨེཝཾ ཨརཧཱ ཙཏྟཱཝཱིཏི ཏཱདཱི.

ཀཐཾ ཨརཧཱ ཏིཎྞཱཝཱིཏི ཏཱདཱི? ཨརཧཱ ཀཱམོགྷཾ ཏིཎྞོ བྷཝོགྷཾ ཏིཎྞོ དིཊྛོགྷཾ ཏིཎྞོ ཨཝིཛྫོགྷཾ ཏིཎྞོ སབྦཾ སཾསཱརཔཐཾ ཏིཎྞོ ཨུཏྟིཎྞོ ནིཏྟིཎྞོ ཨཏིཀྐནྟོ སམཏིཀྐནྟོ ¶ ཝཱིཏིཝཏྟོ ¶ . སོ ཝུཊྛཝཱསོ ཙིཎྞཙརཎོ ཛཱཏིམརཎསཾསཱརོ, ནཏྠི ཏསྶ པུནབྦྷཝོཏི. ཨེཝཾ ཨརཧཱ ཏིཎྞཱཝཱིཏི ཏཱདཱི.

ཀཐཾ ཨརཧཱ མུཏྟཱཝཱིཏི ཏཱདཱི? ཨརཧཏོ རཱགཱ ཙིཏྟཾ མུཏྟཾ ཝིམུཏྟཾ སུཝིམུཏྟཾ, དོསཱ ཙིཏྟཾ མུཏྟཾ ཝིམུཏྟཾ སུཝིམུཏྟཾ, མོཧཱ ཙིཏྟཾ མུཏྟཾ ཝིམུཏྟཾ སུཝིམུཏྟཾ, ཀོདྷཱ…པེ… ཨུཔནཱཧཱ… མཀྑཱ… པལཱ༹སཱ… ཨིསྶཱཡ… མཙྪརིཡཱ… མཱཡཱཡ… སཱཋེཡྻཱ… ཐམྦྷཱ… སཱརམྦྷཱ… མཱནཱ… ཨཏིམཱནཱ… མདཱ… པམཱདཱ… སབྦཀིལེསེཧི… སབྦདུཙྩརིཏེཧི… སབྦདརཐེཧི… སབྦཔརིལཱ༹ཧེཧི… སབྦསནྟཱཔེཧི… སབྦཱཀུསལཱབྷིསངྑཱརེཧི ཙིཏྟཾ མུཏྟཾ ཝིམུཏྟཾ སུཝིམུཏྟཾ. ཨེཝཾ ཨརཧཱ མུཏྟཱཝཱིཏི ཏཱདཱི.

ཀཐཾ ཨརཧཱ ཏཾནིདྡེསཱ ཏཱདཱི? ཨརཧཱ སཱིལེ སཏི སཱིལཝཱཏི ཏཾནིདྡེསཱ ཏཱདཱི; སདྡྷཱཡ སཏི སདྡྷོཏི ཏཾནིདྡེསཱ ཏཱདཱི; ཝཱིརིཡེ སཏི ཝཱིརིཡཝཱཏི ཏཾནིདྡེསཱ ཏཱདཱི; སཏིཡཱ སཏི སཏིམཱཏི ཏཾནིདྡེསཱ ཏཱདཱི; སམཱདྷིམྷི སཏི སམཱཧིཏོཏི ཏཾནིདྡེསཱ ཏཱདཱི; པཉྙཱཡ སཏི པཉྙཝཱཏི ཏཾནིདྡེསཱ ཏཱདཱི; ཝིཛྫཱཡ སཏི ཏེཝིཛྫོཏི ཏཾནིདྡེསཱ ཏཱདཱི; ཨབྷིཉྙཱཡ སཏི ཚལ༹བྷིཉྙོཏི ཏཾནིདྡེསཱ ཏཱདཱི. ཨེཝཾ ཨརཧཱ ཏཾནིདྡེསཱ ¶ ཏཱདཱིཏི – པཱརངྒཏོ ན པཙྩེཏི ཏཱདཱི.

‘‘ན ¶ ཀཔྤཡནྟི ན པུརེཀྑརོནྟི, དྷམྨཱཔི ཏེསཾ ན པཊིཙྪིཏཱསེ;

ན ¶ བྲཱཧྨཎོ སཱིལཝཏེན ནེཡྻོ, པཱརངྒཏོ ན པཙྩེཏི ཏཱདཱི’’ཏི.

ཨཔྤཾ ¶ ¶ ཝཏ ཛཱིཝིཏཾ ཨིདཾ, ཨོརཾ ཝསྶསཏཱཔི མིཡྻཏི [མཱིཡཏི (སཱི.)] ;

ཡོ ཙེཔི ཨཏིཙྩ ཛཱིཝཏི, ཨཐ ཁོ སོ ཛརསཱཔི མིཡྻཏི.

ཨཔྤཾ ཝཏ ཛཱིཝིཏཾ ཨིདནྟི. ཛཱིཝིཏནྟི ཨཱཡུ ཋིཏི ཡཔནཱ ཡཱཔནཱ ཨིརིཡནཱ ཝཏྟནཱ པཱལནཱ ཛཱིཝིཏཾ ཛཱིཝིཏིནྡྲིཡཾ. ཨཔི ཙ, དྭཱིཧི ཀཱརཎེཧི ཨཔྤཀཾ ཛཱིཝིཏཾ ཐོཀཾ ཛཱིཝིཏཾ – ཋིཏིཔརིཏྟཏཱཡ ཝཱ ཨཔྤཀཾ ཛཱིཝིཏཾ, སརསཔརིཏྟཏཱཡ ཝཱ ཨཔྤཀཾ ཛཱིཝིཏཾ. ཀཐཾ ཋིཏིཔརིཏྟཏཱཡ ཝཱ ཨཔྤཀཾ ཛཱིཝིཏཾ? ཨཏཱིཏེ ཙིཏྟཀྑཎེ ཛཱིཝིཏྠ, ན ཛཱིཝཏི ན ཛཱིཝིསྶཏི; ཨནཱགཏེ ཙིཏྟཀྑཎེ ཛཱིཝིསྶཏི, ན ཛཱིཝཏི ན ཛཱིཝིཏྠ; པཙྩུཔྤནྣེ ཙིཏྟཀྑཎེ ཛཱིཝཏི, ན ཛཱིཝིཏྠ ན ཛཱིཝིསྶཏི.

‘‘ཛཱིཝིཏཾ ཨཏྟབྷཱཝོ ཙ, སུཁདུཀྑཱ ཙ ཀེཝལཱ;

ཨེཀཙིཏྟསམཱཡུཏྟཱ, ལཧུསོ ཝཏྟཏེ ཁཎོ.

‘‘ཙུལླཱསཱིཏིསཧསྶཱནི, ཀཔྤཱ ཏིཊྛནྟི ཡེ མརཱུ;

ན ཏྭེཝ ཏེཔི ཛཱིཝནྟི, དྭཱིཧི ཙིཏྟེཧི སཾཡུཏཱ [སམོཧིཏཱ (སཱི. སྱཱ. ཀ.)].

‘‘ཡེ ¶ ནིརུདྡྷཱ མརནྟསྶ, ཏིཊྛམཱནསྶ ཝཱ ཨིདྷ;

སབྦེཔི སདིསཱ ཁནྡྷཱ, གཏཱ ཨཔྤཊིསནྡྷིཀཱ.

‘‘ཨནནྟརཱ ¶ ཙ ཡེ བྷགྒཱ, ཡེ ཙ བྷགྒཱ ཨནཱགཏཱ;

ཏདནྟརེ ནིརུདྡྷཱནཾ, ཝེསམཾ ནཏྠི ལཀྑཎེ.

‘‘ཨནིབྦཏྟེན ¶ ན ཛཱཏོ, པཙྩུཔྤནྣེན ཛཱིཝཏི;

ཙིཏྟབྷགྒཱ མཏོ ལོཀོ, པཉྙཏྟི པརམཏྠིཡཱ.

‘‘ཡཐཱ ¶ ནིནྣཱ པཝཏྟནྟི, ཚནྡེན པརིཎཱམིཏཱ;

ཨཙྪིནྣདྷཱརཱ ཝཏྟནྟི, སལཱ༹ཡཏནཔཙྩཡཱ.

‘‘ཨནིདྷཱནགཏཱ བྷགྒཱ, པུཉྫོ ནཏྠི ཨནཱགཏེ;

ནིབྦཏྟཱ ཡེ ཙ ཏིཊྛནྟི, ཨཱརགྒེ སཱསཔཱུཔམཱ.

‘‘ནིབྦཏྟཱནཉྩ དྷམྨཱནཾ, བྷངྒོ ནེསཾ པུརཀྑཏོ;

པལོཀདྷམྨཱ ཏིཊྛནྟི, པུརཱཎེཧི ཨམིསྶིཏཱ.

‘‘ཨདསྶནཏོ ཨཱཡནྟི, བྷངྒཱ གཙྪནྟི དསྶནཾ;

ཝིཛྫུཔྤཱདོཝ ཨཱཀཱསེ, ཨུཔྤཛྫནྟི ཝཡནྟི ཙཱ’’ཏི.

ཨེཝཾ ཋིཏིཔརིཏྟཏཱཡ ཨཔྤཀཾ ཛཱིཝིཏཾ.

ཀཐཾ སརསཔརིཏྟཏཱཡ ཨཔྤཀཾ ཛཱིཝིཏཾ? ཨསྶཱསཱུཔནིབདྡྷཾ [ཨསྶཱསཱུཔནིབནྡྷཾ (ཀ.)] ཛཱིཝིཏཾ, པསྶཱསཱུཔནིབདྡྷཾ ཛཱིཝིཏཾ, ཨསྶཱསཔསྶཱསཱུཔནིབདྡྷཾ ཛཱིཝིཏཾ, མཧཱབྷཱུཏཱུཔནིབདྡྷཾ ཛཱིཝིཏཾ, ཀབལཱི༹ཀཱརཱཧཱརཱུཔནིབདྡྷཾ ཛཱིཝིཏཾ, ཨུསྨཱུཔནིབདྡྷཾ ཛཱིཝིཏཾ, ཝིཉྙཱཎཱུཔནིབདྡྷཾ ཛཱིཝིཏཾ. མཱུལམྤི ཨིམེསཾ དུབྦལཾ, པུབྦཧེཏཱུཔི ཨིམེསཾ དུབྦལཱ, ཡེ པཙྩཡཱ ཏེཔི དུབྦལཱ, ཡེཔི པབྷཱཝིཀཱ ཏེཔི དུབྦལཱ, སཧབྷཱུཔི ཨིམེསཾ དུབྦལཱ, སམྤཡོགཱཔི ཨིམེསཾ དུབྦལཱ, སཧཛཱཔི ཨིམེསཾ དུབྦལཱ, ཡཱཔི ¶ པཡོཛིཀཱ སཱཔི དུབྦལཱ. ཨཉྙམཉྙཾ ཨིམེ ནིཙྩདུབྦལཱ, ཨཉྙམཉྙཾ ¶ ཨནཝཊྛིཏཱ ཨིམེ. ཨཉྙམཉྙཾ པརིཔཱཏཡནྟི ཨིམེ, ཨཉྙམཉྙསྶ ཧི ནཏྠི ཏཱཡིཏཱ, ན ཙཱཔི ཋཔེནྟི ཨཉྙམཉྙཾ ཨིམེ. ཡོཔི ནིབྦཏྟཀོ སོ ན ཝིཛྫཏི.

‘‘ན ཙ ཀེནཙི ཀོཙི ཧཱཡཏི, གནྡྷབྦཱ ཙ ཨིམེ ཧི སབྦསོ;

པུརིམེཧི པབྷཱཝིཀཱ ཨིམེ, ཡེཔི པབྷཱཝིཀཱ ཏེ པུརེ མཏཱ;

པུརིམཱཔི ཙ པཙྪིམཱཔི ཙ, ཨཉྙམཉྙཾ ན ཀདཱཙི མདྡསཾསཱུ’’ཏི.

ཨེཝཾ ¶ སརསཔརིཏྟཏཱཡ ཨཔྤཀཾ ཛཱིཝིཏཾ.

ཨཔི ཙ, ཙཱཏུམཧཱརཱཛིཀཱནཾ [ཙཱཏུམྨཧཱརཱཛིཀཱནཾ (སཱི. སྱཱ.)] དེཝཱནཾ ཛཱིཝིཏཾ ཨུཔཱདཱཡ མནུསྶཱནཾ ཨཔྤཀཾ ཛཱིཝིཏཾ པརིཏྟཾ ཛཱིཝིཏཾ ཐོཀཾ ཛཱིཝིཏཾ ཁཎིཀཾ ཛཱིཝིཏཾ ལཧུཀཾ ཛཱིཝིཏཾ ཨིཏྟརཾ ཛཱིཝིཏཾ ¶ ཨནདྡྷནཱིཡཾ ཛཱིཝིཏཾ ནཙིརཊྛིཏིཀཾ ཛཱིཝིཏཾ. ཏཱཝཏིཾསཱནཾ དེཝཱནཾ…པེ… ཡཱམཱནཾ དེཝཱནཾ… ཏུསིཏཱནཾ དེཝཱནཾ… ནིམྨཱནརཏཱིནཾ དེཝཱནཾ… པརནིམྨིཏཝསཝཏྟཱིནཾ དེཝཱནཾ… བྲཧྨཀཱཡིཀཱནཾ དེཝཱནཾ ཛཱིཝིཏཾ ཨུཔཱདཱཡ མནུསྶཱནཾ ཨཔྤཀཾ ཛཱིཝིཏཾ པརིཏྟཾ ཛཱིཝིཏཾ ཐོཀཾ ཛཱིཝིཏཾ ཁཎིཀཾ ཛཱིཝིཏཾ ལཧུཀཾ ཛཱིཝིཏཾ ཨིཏྟརཾ ཛཱིཝིཏཾ ཨནདྡྷནཱིཡཾ ཛཱིཝིཏཾ ནཙིརཊྛིཏིཀཾ ཛཱིཝིཏཾ. ཝུཏྟཉྷེཏཾ བྷགཝཏཱ – ‘‘ཨཔྤམིདཾ, བྷིཀྑཝེ, མནུསྶཱནཾ ཨཱཡུ, གམནིཡོ སམྤརཱཡོ, མནྟཱཡ བོདྡྷབྦཾ, ཀཏྟབྦཾ ཀུསལཾ, ཙརིཏབྦཾ བྲཧྨཙརིཡཾ, ནཏྠི ཛཱཏསྶ ཨམརཎཾ. ཡོ, བྷིཀྑཝེ, ཙིརཾ ཛཱིཝཏི, སོ ཝསྶསཏཾ ཨཔྤཾ ཝཱ བྷིཡྻོ.

‘‘ཨཔྤམཱཡུ མནུསྶཱནཾ, ཧཱིལེ༹ཡྻ ནཾ སུཔོརིསོ;

ཙརེཡྻཱདིཏྟསཱིསོཝ ནཏྠི མཙྩུསྶནཱགམོ.

‘‘ཨཙྩཡནྟི ¶ ཨཧོརཏྟཱ, ཛཱིཝིཏཾ ཨུཔརུཛ྄ཛྷཏི;

ཨཱཡུ ཁིཡྻཏི མཙྩཱནཾ, ཀུནྣདཱིནཾཝ ཨོདཀ’’ནྟི.

ཨོརཾ ཝསྶསཏཱཔི མིཡྻཏཱིཏི. ཀལལཀཱལེཔི ཙཝཏི མརཏི ཨནྟརདྷཱཡཏི ཝིཔྤལུཛྫཏི, ཨབྦུདཀཱལེཔི ཙཝཏི མརཏི ཨནྟརདྷཱཡཏི ཝིཔྤལུཛྫཏི, པེསིཀཱལེཔི ཙཝཏི མརཏི ཨནྟརདྷཱཡཏི ཝིཔྤལུཛྫཏི, གྷནཀཱལེཔི ཙཝཏི མརཏི ཨནྟརདྷཱཡཏི ཝིཔྤལུཛྫཏི, པསཱཁཀཱལེཔི ཙཝཏི མརཏི ཨནྟརདྷཱཡཏི ཝིཔྤལུཛྫཏི, ཛཱཏམཏྟོཔི ཙཝཏི མརཏི ཨནྟརདྷཱཡཏི ཝིཔྤལུཛྫཏི, སཱུཏིགྷརེཔི [པསཱུཏིགྷརེ (སྱཱ.), སཱུཏིཀགྷརེ (ཀ.)] ཙཝཏི མརཏི ཨནྟརདྷཱཡཏི ཝིཔྤལུཛྫཏི, ཨདྡྷམཱསིཀོཔི ཙཝཏི མརཏི ཨནྟརདྷཱཡཏི ཝིཔྤལུཛྫཏི, མཱསིཀོཔི ཙཝཏི མརཏི ཨནྟརདྷཱཡཏི ཝིཔྤལུཛྫཏི, དྭེམཱསིཀོཔི…པེ… ཏེམཱསིཀོཔི… ཙཏུམཱསིཀོཔི… པཉྩམཱསིཀོཔི ཙཝཏི མརཏི ཨནྟརདྷཱཡཏི ཝིཔྤལུཛྫཏི, ཚམཱསིཀོཔི… སཏྟམཱསིཀོཔི… ཨཊྛམཱསིཀོཔི… ནཝམཱསིཀོཔི… དསམཱསིཀོཔི… སཾཝཙྪརིཀོཔི ཙཝཏི མརཏི ཨནྟརདྷཱཡཏི ཝིཔྤལུཛྫཏི, དྭེཝསྶིཀོཔི… ཏིཝསྶིཀོཔི… ཙཏུཝསྶིཀོཔི… པཉྩཝསྶིཀོཔི ¶ … ཚཝསྶིཀོཔི… སཏྟཝསྶིཀོཔི… ཨཊྛཝསྶིཀོཔི… ནཝཝསྶིཀོཔི… དསཝསྶིཀོཔི… ཝཱིསཏིཝསྶིཀོཔི… ཏིཾསཝསྶིཀོཔི… ཙཏྟཱརཱིསཝསྶིཀོཔི… པཉྙཱསཝསྶིཀོཔི… སཊྛིཝསྶིཀོཔི… སཏྟཏིཝསྶིཀོཔི… ཨསཱིཏིཝསྶིཀོཔི… ནཝུཏིཝསྶིཀོཔི ཙཝཏི མརཏི ཨནྟརདྷཱཡཏི ཝིཔྤལུཛྫཏཱིཏི – ཨོརཾ ཝསྶསཏཱཔི མིཡྻཏི.

ཡོ ¶ ¶ ཙེཔི ཨཏིཙྩ ཛཱིཝཏཱིཏི. ཡོ ཝསྶསཏཾ ཨཏིཀྐམིཏྭཱ ཛཱིཝཏི སོ ཨེཀཾ ཝཱ ཝསྶཾ ཛཱིཝཏི, དྭེ ཝཱ ཝསྶཱནི ཛཱིཝཏི, ཏཱིཎི ཝཱ ཝསྶཱནི ཛཱིཝཏི, ཙཏྟཱརི ཝཱ ཝསྶཱནི ཛཱིཝཏི, པཉྩ ཝཱ ཝསྶཱནི ཛཱིཝཏི…པེ… དས ཝཱ ཝསྶཱནི ཛཱིཝཏི, ཝཱིསཏི ཝཱ ཝསྶཱནི ཛཱིཝཏི, ཏིཾསཾ ཝཱ ཝསྶཱནི ཛཱིཝཏི, ཙཏྟཱརཱིསཾ ཝཱ ཝསྶཱནི ཛཱིཝཏཱིཏི – ཡོ ཙེཔི ཨཏིཙྩ ཛཱིཝཏི. ཨཐ ཁོ སོ ཛརསཱཔི མིཡྻཏཱིཏི. ཡདཱ ཛིཎྞོ ཧོཏི ཝུདྡྷོ མཧལླཀོ ཨདྡྷགཏོ ཝཡོཨནུཔྤཏྟོ ཁཎྜདནྟོ ¶ པལིཏཀེསོ ཝིལཱུནཾ ཁལིཏསིརོ [ཁལིཏཾ སིརོ (སཱི.)] ཝལིནཾ ཏིལཀཱཧཏགཏྟོ ཝངྐོ བྷོགྒོ དཎྜཔརཱཡནོ, སོ ཛརཱཡཔི ཙཝཏི མརཏི ཨནྟརདྷཱཡཏི ཝིཔྤལུཛྫཏི, ནཏྠི མརཎམྷཱ མོཀྑོ.

‘‘ཕལཱནམིཝ པཀྐཱནཾ, པཱཏོ པཏནཏོ [པཔཏཏོ (སཱི.)] བྷཡཾ;

ཨེཝཾ ཛཱཏཱན མཙྩཱནཾ, ནིཙྩཾ མརཎཏོ བྷཡཾ.

‘‘ཡཐཱཔི ཀུམྦྷཀཱརསྶ, ཀཏཱ མཏྟིཀབྷཱཛནཱ;

སབྦེ བྷེདནཔརིཡནྟཱ, ཨེཝཾ མཙྩཱན ཛཱིཝིཏཾ.

‘‘དཧརཱ ཙ མཧནྟཱ ཙ, ཡེ བཱལཱ ཡེ ཙ པཎྜིཏཱ;

སབྦེ མཙྩུཝསཾ ཡནྟི, སབྦེ མཙྩུཔརཱཡནཱ.

‘‘ཏེསཾ མཙྩུཔརེཏཱནཾ, གཙྪཏཾ པརལོཀཏོ;

ན པིཏཱ ཏཱཡཏེ པུཏྟཾ, ཉཱཏཱི ཝཱ པན ཉཱཏཀེ.

‘‘པེཀྑཏཉྙེཝ ཉཱཏཱིནཾ, པསྶ ལཱལཔྤཏཾ པུཐུ;

ཨེཀམེཀོཝ ¶ མཙྩཱནཾ, གོཝཛ྄ཛྷོ ཝིཡ ནིཡྻཏི;

ཨེཝམབྦྷཱཧཏོ ལོཀོ, མཙྩུནཱ ཙ ཛརཱཡ ཙཱ’’ཏི.

‘‘ཨཔྤཾ ཝཏ ཛཱིཝིཏཾ ཨིདཾ, ཨོརཾ ཝསྶསཏཱཔི མིཡྻཏི;

ཡོ ཙེཔི ཨཏིཙྩ ཛཱིཝཏི, ཨཐ ཁོ སོ ཛརསཱཔི མིཡྻཏཱི’’ཏི.

སོཙནྟི ¶ ཛནཱ མམཱཡིཏེ, ན ཧི སནྟི ནིཙྩཱ པརིགྒཧཱ;

ཝིནཱབྷཱཝཾ སནྟམེཝིདཾ, ཨིཏི དིསྭཱ ནཱགཱརམཱཝསེ.

སོཙནྟི ཛནཱ མམཱཡིཏེཏི. ཛནཱཏི ཁཏྟིཡཱ ཙ བྲཱཧྨཎཱ ཙ ཝེསྶཱ ཙ སུདྡཱ ཙ གཧཊྛཱ ཙ པབྦཛིཏཱ ཙ དེཝཱ ཙ མནུསྶཱ ¶ ཙ. མམཏྟཱཏི དྭེ མམཏྟཱ – ཏཎྷཱམམཏྟཉྩ དིཊྛིམམཏྟཉྩ…པེ… ཨིདཾ ཏཎྷཱམམཏྟཾ…པེ… ཨིདཾ དིཊྛིམམཏྟཾ. མམཱཡིཏཾ ཝཏྠུཾ ཨཙྪེདསངྐིནོཔི སོཙནྟི, ཨཙྪིཛྫནྟེཔི སོཙནྟི, ཨཙྪིནྣེཔི སོཙནྟི. མམཱཡིཏཾ ཝཏྠུཾ ཝིཔརིཎཱམསངྐིནོཔི སོཙནྟི, ཝིཔརིཎཱམནྟེཔི སོཙནྟི, ཝིཔརིཎཏེཔི སོཙནྟི ཀིལམནྟི པརིདེཝནྟི ཨུརཏྟཱལི༹ཾ ཀནྡནྟི སམྨོཧཾ ཨཱཔཛྫནྟཱིཏི – སོཙནྟི ཛནཱ མམཱཡིཏེ.

ན ¶ ཧི སནྟི ནིཙྩཱ པརིགྒཧཱཏི. དྭེ པརིགྒཧཱ – ཏཎྷཱཔརིགྒཧོ ཙ དིཊྛིཔརིགྒཧོ ཙ…པེ… ཨཡཾ ཏཎྷཱཔརིགྒཧོ…པེ… ཨཡཾ དིཊྛིཔརིགྒཧོ. ཏཎྷཱཔརིགྒཧོ ཨནིཙྩོ སངྑཏོ པཊིཙྩསམུཔྤནྣོ ཁཡདྷམྨོ ཝཡདྷམྨོ ཝིརཱགདྷམྨོ ནིརོདྷདྷམྨོ ཝིཔརིཎཱམདྷམྨོ. དིཊྛིཔརིགྒཧོཔི ཨནིཙྩོ སངྑཏོ པཊིཙྩསམུཔྤནྣོ ཁཡདྷམྨོ ཝཡདྷམྨོ ཝིརཱགདྷམྨོ ནིརོདྷདྷམྨོ ཝིཔརིཎཱམདྷམྨོ. ཝུཏྟཉྷེཏཾ བྷགཝཏཱ – ‘‘པསྶཐ ནོ ཏུམྷེ, བྷིཀྑཝེ, ཏཾ པརིགྒཧཾ ཡྭཱཡཾ པརིགྒཧོ ནིཙྩོ དྷུཝོ སསྶཏོ ཨཝིཔརིཎཱམདྷམྨོ སསྶཏིསམཾ ཏཐེཝ ཋསྶཏཱི’’ཏི? ‘‘ནོ ཧེཏཾ, བྷནྟེ’’. ‘‘སཱདྷུ, བྷིཀྑཝེ! ཨཧམྤི ཁོ ཨེཏཾ, བྷིཀྑཝེ, པརིགྒཧཾ ན སམནུཔསྶཱམི, ཡྭཱཡཾ པརིགྒཧོ ནིཙྩོ དྷུཝོ སསྶཏོ ཨཝིཔརིཎཱམདྷམྨོ སསྶཏིསམཾ ཏཐེཝ ཋསྶཏཱི’’ཏི. པརིགྒཧཱ ནིཙྩཱ དྷུཝཱ སསྶཏཱ ཨཝིཔརིཎཱམདྷམྨཱ ནཏྠི ན སནྟི ན སཾཝིཛྫནྟི ན ལབྦྷནྟཱིཏི – ན ཧི སནྟི ནིཙྩཱ པརིགྒཧཱ.

ཝིནཱབྷཱཝཾ སནྟམེཝིདནྟི. ནཱནཱབྷཱཝེ ཝིནཱབྷཱཝེ ཨཉྙཐཱབྷཱཝེ སནྟེ སཾཝིཛྫམཱནེ ཨུཔལབྦྷིཡམཱནེ. ཝུཏྟཉྷེཏཾ བྷགཝཏཱ – ‘‘ཨལཾ, ཨཱནནྡ! མཱ སོཙི མཱ པརིདེཝི. ནནུ ཨེཏཾ, ཨཱནནྡ, མཡཱ པཊིཀཙྩེཝ [པཊིགཙྩེཝ (སཱི.)] ཨཀྑཱཏཾ ¶ – ‘སབྦེཧེཝ པིཡེཧི མནཱཔེཧི ནཱནཱབྷཱཝོ ཝིནཱབྷཱཝོ ¶ ཨཉྙཐཱབྷཱཝོ. ཏཾ ཀུཏེཏྠ, ཨཱནནྡ, ལབྦྷཱ – ཡཾ ཏཾ ཛཱཏཾ ¶ བྷཱུཏཾ ¶ སངྑཏཾ པལོཀདྷམྨཾ ཏཾ ཝཏ མཱ པལུཛྫཱི’ཏི! ནེཏཾ ཋཱནཾ ཝིཛྫཏི. པུརིམཱནཾ པུརིམཱནཾ ཁནྡྷཱནཾ དྷཱཏཱུནཾ ཨཱཡཏནཱནཾ ཝིཔརིཎཱམཉྙཐཱབྷཱཝཱ པཙྪིམཱ པཙྪིམཱ ཁནྡྷཱ ཙ དྷཱཏུཡོ ཙ ཨཱཡཏནཱནི ཙ པཝཏྟནྟཱི’’ཏི – ཝིནཱབྷཱཝཾ སནྟམེཝིདཾ.

ཨིཏི དིསྭཱ ནཱགཱརམཱཝསེཏི. ཨིཏཱིཏི པདསནྡྷི པདསཾསགྒོ པདཔཱརིཔཱུརཱི ཨཀྑརསམཝཱཡོ བྱཉྫནསིལིཊྛཏཱ པདཱནུཔུབྦཏཱཔེཏཾ. ཨིཏཱིཏི ཨིཏི དིསྭཱ པསྶིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ མམཏྟེསཱུཏི – ཨིཏི དིསྭཱ. ནཱགཱརམཱཝསེཏི སབྦཾ གྷརཱཝཱསཔལིབོདྷཾ ཚིནྡིཏྭཱ པུཏྟདཱརཔལིབོདྷཾ ཚིནྡིཏྭཱ ཉཱཏིཔལིབོདྷཾ ཚིནྡིཏྭཱ མིཏྟཱམཙྩཔལིབོདྷཾ ཚིནྡིཏྭཱ སནྣིདྷིཔལིབོདྷཾ ཚིནྡིཏྭཱ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛིཏྭཱ ཨཀིཉྩནབྷཱཝཾ ཨུཔགནྟྭཱ ཨེཀོ ཙརེཡྻ ཝིཧརེཡྻ ཨིརིཡེཡྻ ཝཏྟེཡྻ པཱལེཡྻ ཡཔེཡྻ ཡཱཔེཡྻཱཏི – ཨིཏི དིསྭཱ ནཱགཱརམཱཝསེ.

‘‘སོཙནྟི ཛནཱ མམཱཡིཏེ, ན ཧི སནྟི ནིཙྩཱ པརིགྒཧཱ;

ཝིནཱབྷཱཝཾ སནྟམེཝིདཾ, ཨིཏི དིསྭཱ ནཱགཱརམཱཝསེ’’ཏི.

མརཎེནཔི ཏཾ པཧཱིཡཏི [པཧིཡྻཏི (ཀ.)] ཡཾ པུརིསོ མམིདནྟི མཉྙཏི;

ཨེཏམྤི ¶ ཝིདིཏྭཱན [ཨེཏཾ དིསྭཱན (སཱི. ཀ.)] པཎྜིཏོ, ན མམཏྟཱཡ ནམེཐ མཱམཀོ.

མརཎེནཔི ཏཾ པཧཱིཡཏཱིཏི. མརཎནྟི ཡཱ ཏེསཾ ཏེསཾ སཏྟཱནཾ ཏམྷཱ ཏམྷཱ སཏྟནིཀཱཡཱ ཙུཏི ཙཝནཏཱ བྷེདོ ¶ ཨནྟརདྷཱནཾ མཙྩུམརཎཾ ཀཱལཾཀིརིཡཱ ཁནྡྷཱནཾ བྷེདོ ཀལེ༹ཝརསྶ ནིཀྑེཔོ ཛཱིཝིཏིནྡྲིཡསྶུཔཙྪེདོ. ཏནྟི རཱུཔགཏཾ ཝེདནཱགཏཾ སཉྙཱགཏཾ སངྑཱརགཏཾ ཝིཉྙཱཎགཏཾ. པཧཱིཡཏཱིཏི པཧཱིཡཏི ཛཧཱིཡཏི ཝིཛཧཱིཡཏི ཨནྟརདྷཱཡཏི ཝིཔྤལུཛྫཏི. བྷཱསིཏམྤི ཧེཏཾ –

‘‘པུབྦེཝ ¶ མཙྩཾ ཝིཛཧནྟི བྷོགཱ, མཙྩོཝ ནེ པུབྦཏརཾ ཛཧཱཏི;

ཨསསྶཏཱ བྷོགིནོ ཀཱམཀཱམཱི, ཏསྨཱ ན སོཙཱམཧཾ སོཀཀཱལེ.

‘‘ཨུདེཏི ཨཱཔཱུརཏི ཝེཏི ཙནྡོ, ཨཏྟཾ གམེཏྭཱན པལེཏི སཱུརིཡོ;

ཝིདིཏཱ མཡཱ སཏྟུཀ ལོཀདྷམྨཱ, ཏསྨཱ ན སོཙཱམཧཾ སོཀཀཱལེ’’ཏི.

མརཎེནཔི ¶ ཏཾ པཧཱིཡཏི. ཡཾ པུརིསོ མམིདནྟི མཉྙཏཱིཏི. ཡནྟི རཱུཔགཏཾ ཝེདནཱགཏཾ སཉྙཱགཏཾ སངྑཱརགཏཾ ཝིཉྙཱཎགཏཾ. པུརིསོཏི སངྑཱ སམཉྙཱ པཉྙཏྟི ཝོཧཱརོ [ལོཀཝོཧཱརོ (སྱཱ.)] ནཱམཾ ནཱམཀམྨཾ ནཱམདྷེཡྻཾ ནིརུཏྟི ¶ བྱཉྫནཾ ཨབྷིལཱཔོ. མམིདནྟི མཉྙཏཱིཏི ཏཎྷཱམཉྙནཱཡ མཉྙཏི, དིཊྛིམཉྙནཱཡ མཉྙཏི, མཱནམཉྙནཱཡ མཉྙཏི, ཀིལེསམཉྙནཱཡ མཉྙཏི, དུཙྩརིཏམཉྙནཱཡ མཉྙཏི, པཡོགམཉྙནཱཡ མཉྙཏི, ཝིཔཱཀམཉྙནཱཡ མཉྙཏཱིཏི – ཡཾ པུརིསོ མམིདནྟི མཉྙཏི.

ཨེཏམྤི ཝིདིཏྭཱན པཎྜིཏོཏི. ཨེཏཾ ཨཱདཱིནཝཾ ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ མམཏྟེསཱུཏི, ཨེཏམྤི ཝིདིཏྭཱ པཎྜིཏོ དྷཱིརོ པཎྜིཏོ པཉྙཝཱ བུདྡྷིམཱ ཉཱཎཱི ཝིབྷཱཝཱི མེདྷཱཝཱིཏི – ཨེཏམྤི ཝིདིཏྭཱན པཎྜིཏོ.

ན མམཏྟཱཡ ནམེཐ མཱམཀོཏི. མམཏྟཱཏི དྭེ མམཏྟཱ ¶ – ཏཎྷཱམམཏྟཉྩ དིཊྛིམམཏྟཉྩ…པེ… ཨིདཾ ཏཎྷཱམམཏྟཾ…པེ… ཨིདཾ དིཊྛིམམཏྟཾ. མཱམཀོཏི བུདྡྷམཱམཀོ དྷམྨམཱམཀོ སངྒྷམཱམཀོ. སོ བྷགཝནྟཾ མམཱཡཏི, བྷགཝཱ ཏཾ པུགྒལཾ པརིགྒཎྷཱཏི. ཝུཏྟཉྷེཏཾ བྷགཝཏཱ – ‘‘ཡེ ཏེ, བྷིཀྑཝེ, བྷིཀྑཱུ ཀུཧཱ ཐདྡྷཱ [བདྡྷཱ (ཀ.) ཨིཏིཝུ. ༡༠༨] ལཔཱ སིངྒཱི ཨུནྣལཱ༹ ཨསམཱཧིཏཱ, ན མེ ཏེ, བྷིཀྑཝེ, བྷིཀྑཱུ མཱམཀཱ; ཨཔགཏཱ ཙ ཏེ, བྷིཀྑཝེ, བྷིཀྑཱུ ཨིམསྨཱ དྷམྨཝིནཡཱ. ན ཙ ཏེ ཨིམསྨིཾ དྷམྨཝིནཡེ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫནྟི. ཡེ ཙ ཁོ ཏེ, བྷིཀྑཝེ, བྷིཀྑཱུ ནིཀྐུཧཱ ནིལླཔཱ དྷཱིརཱ ཨཏྠདྡྷཱ སུསམཱཧིཏཱ, ཏེ ཁོ མེ, བྷིཀྑཝེ, བྷིཀྑཱུ མཱམཀཱ; ཨནཔགཏཱ ཙ ཏེ, བྷིཀྑཝེ, བྷིཀྑཱུ ཨིམསྨཱ དྷམྨཝིནཡཱ. ཏེ ཙ ཨིམསྨིཾ དྷམྨཝིནཡེ ཝུདྡྷིཾ ཝིརཱུལ༹ྷིཾ ¶ ཝེཔུལླཾ ཨཱཔཛྫནྟི’’.

‘‘ཀུཧཱ ¶ ཐདྡྷཱ ལཔཱ སིངྒཱི, ཨུནྣལཱ༹ ཨསམཱཧིཏཱ;

ན ཏེ དྷམྨེ ཝིརཱུཧནྟི, སམྨཱསམྦུདྡྷདེསིཏེ.

‘‘ནིཀྐུཧཱ ནིལླཔཱ དྷཱིརཱ, ཨཏྠདྡྷཱ སུསམཱཧིཏཱ;

ཏེ ཝེ དྷམྨེ ཝིརཱུཧནྟི, སམྨཱསམྦུདྡྷདེསིཏེ’’.

ན མམཏྟཱཡ ནམེཐ མཱམཀོཏི. མཱམཀོ ཏཎྷཱམམཏྟཾ པཧཱཡ དིཊྛིམམཏྟཾ པཊིནིསྶཛྫིཏྭཱ མམཏྟཱཡ ན ནམེཡྻ ན ཨོནམེཡྻ, ན ཏཾནིནྣོ ཨསྶ ན ཏཔྤོཎོ ན ཏཔྤབྦྷཱརོ ན ཏདདྷིམུཏྟོ ན ཏདདྷིཔཏེཡྻོཏི – ན མམཏྟཱཡ ནམེཐ མཱམཀོ.

‘‘མརཎེནཔི ཏཾ པཧཱིཡཏི, ཡཾ པུརིསོ མམིདནྟི མཉྙཏི;

ཨེཏམྤི ཝིདིཏྭཱན པཎྜིཏོ, ན མམཏྟཱཡ ནམེཐ མཱམཀོ’’ཏི.

སུཔིནེན ¶ ཡཐཱཔི སངྒཏཾ, པཊིབུདྡྷོ པུརིསོ ན པསྶཏི;

ཨེཝམྤི པིཡཱཡིཏཾ ཛནཾ, པེཏཾ ཀཱལངྐཏཾ [ཀཱལཀཏཾ (སཱི. སྱཱ.)] ན པསྶཏི.

སུཔིནེན ཡཐཱཔི སངྒཏནྟི. སངྒཏཾ སམཱགཏཾ སམཱཧིཏཾ སནྣིཔཏིཏནྟི – སུཔིནེན ཡཐཱཔི སངྒཏཾ. པཊིབུདྡྷོ ¶ པུརིསོ ན པསྶཏཱིཏི ཡཐཱ པུརིསོ སུཔིནགཏོ ཙནྡཾ པསྶཏི, སཱུརིཡཾ པསྶཏི, མཧཱསམུདྡཾ པསྶཏི, སིནེརུཾ པབྦཏརཱཛཱནཾ པསྶཏི, ཧཏྠིཾ པསྶཏི, ཨསྶཾ པསྶཏི, རཐཾ པསྶཏི, པཏྟིཾ པསྶཏི, སེནཱབྱཱུཧཾ པསྶཏི, ཨཱརཱམརཱམཎེཡྻཀཾ པསྶཏི, ཝནརཱམཎེཡྻཀཾ…པེ… བྷཱུམིརཱམཎེཡྻཀཾ… པོཀྑརཎཱིརཱམཎེཡྻཀཾ པསྶཏི; པཊིབུདྡྷོ ན ཀིཉྩི པསྶཏཱིཏི – པཊིབུདྡྷོ པུརིསོ ན པསྶཏི.

ཨེཝམྤི པིཡཱཡིཏཾ ཛནནྟི. ཨེཝནྟི ཨོཔམྨསམྤཊིཔཱདནཾ. པིཡཱཡིཏཾ ཛནནྟི མམཱཡིཏཾ ཛནཾ མཱཏརཾ ཝཱ པིཏརཾ ཝཱ བྷཱཏརཾ ཝཱ བྷགིནིཾ ཝཱ པུཏྟཾ ཝཱ དྷཱིཏརཾ ཝཱ མིཏྟཾ ཝཱ ཨམཙྩཾ ཝཱ ཉཱཏིཾ ཝཱ སཱལོཧིཏཾ ཝཱཏི – ཨེཝམྤི པིཡཱཡིཏཾ ཛནཾ.

པེཏཾ ¶ ཀཱལངྐཏཾ ན པསྶཏཱིཏི. པེཏོ ཝུཙྩཏི མཏོ. ཀཱལངྐཏཾ ན པསྶཏི ན དཀྑཏི ནཱདྷིགཙྪཏི ན ཝིནྡཏི ན པཊིལབྷཏཱིཏི – པེཏཾ ཀཱལངྐཏཾ ན པསྶཏི.

‘‘སུཔིནེན ཡཐཱཔི སངྒཏཾ, པཊིབུདྡྷོ པུརིསོ ན པསྶཏི;

ཨེཝམྤི པིཡཱཡིཏཾ ཛནཾ, པེཏཾ ཀཱལངྐཏཾ ན པསྶཏཱི’’ཏི.

དིཊྛཱཔི ¶ སུཏཱཔི ཏེ ཛནཱ, ཡེསཾ ནཱམམིདཾ པཝུཙྩཏི;

ནཱམཾཡེཝཱཝསིསྶཏི ¶ , [ནཱམམེཝཱ’ཝསིསྶཏི (སཱི. སྱཱ.)] ཨཀྑེཡྻཾ པེཏསྶ ཛནྟུནོ.

དིཊྛཱཔི སུཏཱཔི ཏེ ཛནཱཏི. དིཊྛཱཏི ཡེ ཙཀྑུཝིཉྙཱཎཱབྷིསམྦྷཱུཏཱ. སུཏཱཏི ཡེ སོཏཝིཉྙཱཎཱབྷིསམྦྷཱུཏཱ ¶ . ཏེ ཛནཱཏི ཁཏྟིཡཱ ཙ བྲཱཧྨཎཱ ཙ ཝེསྶཱ ཙ སུདྡཱ ཙ གཧཊྛཱ ཙ པབྦཛིཏཱ ཙ དེཝཱ ཙ མནུསྶཱ ཙཱཏི – དིཊྛཱཔི སུཏཱཔི ཏེ ཛནཱ.

ཡེསཾ ནཱམམིདཾ པཝུཙྩཏཱིཏི. ཡེསནྟི ཡེསཾ ཁཏྟིཡཱནཾ བྲཱཧྨཎཱནཾ ཝེསྶཱནཾ སུདྡཱནཾ གཧཊྛཱནཾ པབྦཛིཏཱནཾ དེཝཱནཾ མནུསྶཱནཾ. ནཱམནྟི སངྑཱ སམཉྙཱ པཉྙཏྟི ཝོཧཱརོ ནཱམཾ ནཱམཀམྨཾ ནཱམདྷེཡྻཾ ནིརུཏྟི བྱཉྫནཾ ཨབྷིལཱཔོ. པཝུཙྩཏཱིཏི ཝུཙྩཏི པཝུཙྩཏི ཀཐཱིཡཏི བྷཎཱིཡཏི དཱིཔཱིཡཏི ཝོཧརཱིཡཏཱིཏི – ཡེསཾ ནཱམམིདཾ པཝུཙྩཏི.

ནཱམཾཡེཝཱཝསིསྶཏི ཨཀྑེཡྻནྟི. རཱུཔགཏཾ ཝེདནཱགཏཾ སཉྙཱགཏཾ སངྑཱརགཏཾ ཝིཉྙཱཎགཏཾ པཧཱིཡཏི ཛཧཱིཡཏི ཝིཛཧཱིཡཏི ཨནྟརདྷཱཡཏི ཝིཔྤལུཛྫཏི, ནཱམཾཡེཝཱཝསིསྶཏི. ཨཀྑེཡྻནྟི. ཨཀྑཱཏུཾ ཀཐེཏུཾ བྷཎིཏུཾ དཱིཔཡིཏུཾ ཝོཧརིཏུནྟི – ནཱམཾ ཨེཝཱཝསིསྶཏི ཨཀྑེཡྻཾ. པེཏསྶ ཛནྟུནོཏི. པེཏསྶཱཏི མཏསྶ ཀཱལངྐཏསྶ. ཛནྟུནོཏི སཏྟསྶ ནརསྶ མཱནཝསྶ པོསསྶ པུགྒལསྶ ཛཱིཝསྶ ཛཱགུསྶ ཛནྟུསྶ ཨིནྡགུསྶ མནུཛསྶཱཏི – པེཏསྶ ཛནྟུནོ.

‘‘དིཊྛཱཔི ¶ ¶ སུཏཱཔི ཏེ ཛནཱ, ཡེསཾ ནཱམམིདཾ པཝུཙྩཏི;

ནཱམཾཡེཝཱཝསིསྶཏི, ཨཀྑེཡྻཾ པེཏསྶ ཛནྟུནོ’’ཏི.

སོཀཔྤརིདེཝམཙྪརཾ ¶ , ན པཛཧནྟི གིདྡྷཱ མམཱཡིཏེ;

ཏསྨཱ མུནཡོ པརིགྒཧཾ, ཧིཏྭཱ ཨཙརིཾསུ ཁེམདསྶིནོ.

སོཀཔྤརིདེཝམཙྪརཾ ན པཛཧནྟི གིདྡྷཱ མམཱཡིཏེཏི. སོཀོཏི ཉཱཏིབྱསནེན ཝཱ ཕུཊྛསྶ བྷོགབྱསནེན ཝཱ ཕུཊྛསྶ རོགབྱསནེན ཝཱ ཕུཊྛསྶ སཱིལབྱསནེན ཝཱ ཕུཊྛསྶ དིཊྛིབྱསནེན ཝཱ ཕུཊྛསྶ ཨཉྙཏརཉྙཏརེན བྱསནེན སམནྣཱགཏསྶ ཨཉྙཏརཉྙཏརེན དུཀྑདྷམྨེན ཕུཊྛསྶ སོཀོ སོཙནཱ སོཙིཏཏྟཾ ཨནྟོསོཀོ ཨནྟོཔརིསོཀོ ཨནྟོདཱཧོ ཨནྟོཔརིདཱཧོ [ཨནྟོཌཱཧོ ཨནྟོཔརིཌཱཧོ (སྱཱ.)] ཙེཏསོ པརིཛ྄ཛྷཱཡནཱ དོམནསྶཾ སོཀསལླཾ. པརིདེཝོཏི ཉཱཏིབྱསནེན ཝཱ ཕུཊྛསྶ…པེ… དིཊྛིབྱསནེན ཝཱ ཕུཊྛསྶ ཨཉྙཏརཉྙཏརེན བྱསནེན སམནྣཱགཏསྶ ཨཉྙཏརཉྙཏརེན དུཀྑདྷམྨེན ཕུཊྛསྶ ཨཱདེཝོ པརིདེཝོ ཨཱདེཝནཱ པརིདེཝནཱ ཨཱདེཝིཏཏྟཾ པརིདེཝིཏཏྟཾ ཝཱཙཱ པལཱཔོ ཝིཔྤལཱཔོ ལཱལཔྤོ ལཱལཔྤཱཡནཱ ལཱལཔྤཱཡིཏཏྟཾ. མཙྪརིཡནྟི པཉྩ མཙྪརིཡཱནི – ཨཱཝཱསམཙྪརིཡཾ ¶ , ཀུལམཙྪརིཡཾ, ལཱབྷམཙྪརིཡཾ, ཝཎྞམཙྪརིཡཾ ¶ , དྷམྨམཙྪརིཡཾ. ཡཾ ཨེཝརཱུཔཾ མཙྪརིཡཾ མཙྪརཱཡནཱ མཙྪརཱཡིཏཏྟཾ ཝེཝིཙྪཾ ཀདརིཡཾ ཀཊུཀཉྩུཀཏཱ ཨགྒཧིཏཏྟཾ ཙིཏྟསྶ – ཨིདཾ ཝུཙྩཏི མཙྪརིཡཾ. ཨཔི ཙ ཁནྡྷམཙྪརིཡམྤི མཙྪརིཡཾ, དྷཱཏུམཙྪརིཡམྤི མཙྪརིཡཾ, ཨཱཡཏནམཙྪརིཡམྤི མཙྪརིཡཾ གཱཧོ – ཨིདཾ ཝུཙྩཏི མཙྪརིཡཾ. གེདྷོ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. མམཏྟཱཏི དྭེ མམཏྟཱ – ཏཎྷཱམམཏྟཉྩ དིཊྛིམམཏྟཉྩ ¶ …པེ… ཨིདཾ ཏཎྷཱམམཏྟཾ…པེ… ཨིདཾ དིཊྛིམམཏྟཾ. མམཱཡིཏཾ ཝཏྠུཾ ཨཙྪེདསངྐིནོཔི སོཙནྟི, ཨཙྪིཛྫནྟེཔི སོཙནྟི, ཨཙྪིནྣེཔི སོཙནྟི, མམཱཡིཏཾ ཝཏྠུཾ ཝིཔརིཎཱམསངྐིནོཔི སོཙནྟི, ཝིཔརིཎཱམནྟེཔི སོཙནྟི, ཝིཔརིཎཏེཔི སོཙནྟི, མམཱཡིཏཾ ཝཏྠུཾ ཨཙྪེདསངྐིནོཔི པརིདེཝནྟི, ཨཙྪིཛྫནྟེཔི ¶ པརིདེཝནྟི, ཨཙྪིནྣེཔི པརིདེཝནྟི. མམཱཡིཏཾ ཝཏྠུཾ ཝིཔརིཎཱམསངྐིནོཔི པརིདེཝནྟི, ཝིཔརིཎཱམནྟེཔི པརིདེཝནྟི, ཝིཔརིཎཏེཔི པརིདེཝནྟི. མམཱཡིཏཾ ཝཏྠུཾ རཀྑནྟི གོཔེནྟི པརིགྒཎྷནྟི མམཱཡནྟི མཙྪརཱཡནྟི; མམཱཡིཏསྨིཾ ཝཏྠུསྨིཾ སོཀཾ ན ཛཧནྟི, པརིདེཝཾ ན ཛཧནྟི, མཙྪརིཡཾ ན ཛཧནྟི, གེདྷཾ ན ཛཧནྟི ནཔྤཛཧནྟི ན ཝིནོདེནྟི ན བྱནྟིཾ ཀརོནྟི ན ཨནབྷཱཝཾ གམེནྟཱིཏི – སོཀཔྤརིདེཝམཙྪརཾ ནཔྤཛཧནྟི གིདྡྷཱ མམཱཡིཏེ.

ཏསྨཱ མུནཡོ པརིགྒཧཾ, ཧིཏྭཱ ཨཙརིཾསུ ཁེམདསྶིནོཏི. ཏསྨཱཏི ཏསྨཱ ཏཾཀཱརཎཱ ཏཾཧེཏུ ཏཔྤཙྩཡཱ ཏཾནིདཱནཱ ཨེཏཾ ཨཱདཱིནཝཾ ¶ སམྤསྶམཱནཱ མམཏྟེསཱུཏི – ཏསྨཱ. མུནཡོཏི མོནཾ ཝུཙྩཏི ཉཱཎཾ. ཡཱ པཉྙཱ པཛཱནནཱ…པེ… ཨམོཧོ དྷམྨཝིཙཡོ སམྨཱདིཊྛི. ཏེན ཉཱཎེན སམནྣཱགཏཱ མུནཡོ མོནཔྤཏྟཱ. ཏཱིཎི མོནེཡྻཱནི – ཀཱཡམོནེཡྻཾ, ཝཙཱིམོནེཡྻཾ, མནོམོནེཡྻཾ…པེ… སངྒཛཱལམཏིཙྩ སོ མུནི. པརིགྒཧོཏི དྭེ པརིགྒཧཱ – ཏཎྷཱཔརིགྒཧོ ཙ དིཊྛིཔརིགྒཧོ ཙ…པེ… ཨཡཾ ཏཎྷཱཔརིགྒཧོ…པེ… ཨཡཾ དིཊྛིཔརིགྒཧོ. མུནཡོ ཏཎྷཱཔརིགྒཧཾ པརིཙྩཛིཏྭཱ དིཊྛིཔརིགྒཧཾ པཊིནིསྶཛྫིཏྭཱ ཙཛིཏྭཱ པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམེཏྭཱ ཨཙརིཾསུ ཝིཧརིཾསུ ཨིརིཡིཾསུ ཝཏྟིཾསུ པཱལིཾསུ ཡཔིཾསུ ཡཱཔིཾསུ. ཁེམདསྶིནོཏི ¶ ཁེམཾ ཝུཙྩཏི ཨམཏཾ ནིབྦཱནཾ. ཡོ སོ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཀྑཡོ ཝིརཱགོ ནིརོདྷོ ནིབྦཱནཾ. ཁེམདསྶིནོཏི ཁེམདསྶིནོ ཏཱཎདསྶིནོ ལེཎདསྶིནོ སརཎདསྶིནོ ཨབྷཡདསྶིནོ ཨཙྩུཏདསྶིནོ ཨམཏདསྶིནོ ནིབྦཱནདསྶིནོཏི – ཏསྨཱ མུནཡོ པརིགྒཧཾ ཧིཏྭཱ ཨཙརིཾསུ ཁེམདསྶིནོ.

‘‘སོཀཔྤརིདེཝམཙྪརཾ, ན ཛཧནྟི གིདྡྷཱ མམཱཡིཏེ;

ཏསྨཱ མུནཡོ པརིགྒཧཾ, ཧིཏྭཱ ཨཙརིཾསུ ཁེམདསྶིནོ’’ཏི.

པཏིལཱིནཙརསྶ བྷིཀྑུནོ, བྷཛམཱནསྶ ཝིཝིཏྟམཱསནཾ;

སཱམགྒིཡམཱཧུ ¶ ཏསྶ ཏཾ, ཡོ ཨཏྟཱནཾ བྷཝནེ ན དསྶཡེ.

པཏིལཱིནཙརསྶ ¶ བྷིཀྑུནོཏི. པཏིལཱིནཙརཱ ཝུཙྩནྟི སཏྟ སེཀྑཱ [སེཁཱ (སཱི. སྱཱ.)]. ཨརཧཱ པཏིལཱིནོ. ཀིཾཀཱརཎཱ པཏིལཱིནཙརཱ ཝུཙྩནྟི སཏྟ སེཀྑཱ? ཏེ ཏཏོ ཏཏོ ཙིཏྟཾ པཏིལཱིནེནྟཱ པཏིཀུཊེནྟཱ པཏིཝཊྚེནྟཱ སནྣིརུདྡྷནྟཱ [སནྣིརུམྦྷེནྟཱ (སཱི.)] སནྣིགྒཎྷནྟཱ སནྣིཝཱརེནྟཱ རཀྑནྟཱ གོཔེནྟཱ ཙརནྟི ཝིཙརནྟི ཝིཧརནྟི ཨིརིཡནྟི ཝཏྟེནྟི པཱལེནྟི ཡཔེནྟི ཡཱཔེནྟི, ཙཀྑུདྭཱརེ ཙིཏྟཾ པཏིལཱིནེནྟཱ པཏིཀུཊེནྟཱ པཏིཝཊྚེནྟཱ སནྣིརུདྡྷནྟཱ སནྣིགྒཎྷནྟཱ སནྣིཝཱརེནྟཱ རཀྑནྟཱ གོཔེནྟཱ ཙརནྟི ཝིཙརནྟི ཝིཧརནྟི ཨིརིཡནྟི ཝཏྟེནྟི པཱལེནྟི ཡཔེནྟི ཡཱཔེནྟི, སོཏདྭཱརེ ཙིཏྟཾ…པེ… གྷཱནདྭཱརེ ཙིཏྟཾ… ཛིཝ྄ཧཱདྭཱརེ ཙིཏྟཾ… ཀཱཡདྭཱརེ ཙིཏྟཾ… མནོདྭཱརེ ཙིཏྟཾ པཏིལཱིནེནྟཱ པཏིཀུཊེནྟཱ པཏིཝཊྚེནྟཱ སནྣིརུདྡྷནྟཱ སནྣིགྒཎྷནྟཱ སནྣིཝཱརེནྟཱ རཀྑནྟཱ གོཔེནྟཱ ¶ ཙརནྟི ཝིཙརནྟི ཝིཧརནྟི ཨིརིཡནྟི ཝཏྟེནྟི པཱལེནྟི ཡཔེནྟི ཡཱཔེནྟི. ཡཐཱ ཀུཀྐུཊཔཏྟཾ ཝཱ ནྷཱརུདདྡུལཾ ཝཱ ཨགྒིམྷི པཀྑིཏྟཾ པཏིལཱིཡཏི པཏིཀུཊཏི པཏིཝཊྚཏི ན སམྤསཱརིཡཏི; ཨེཝམེཝ ཏཏོ ཏཏོ ཙིཏྟཾ པཏིལཱིནེནྟཱ པཏིཀུཊེནྟཱ པཏིཝཊྚེནྟཱ སནྣིརུདྡྷནྟཱ སནྣིགྒཎྷནྟཱ སནྣིཝཱརེནྟཱ རཀྑནྟཱ གོཔེནྟཱ ཙརནྟི ཝིཙརནྟི ཝིཧརནྟི ཨིརིཡནྟི ཝཏྟེནྟི པཱལེནྟི ཡཔེནྟི ཡཱཔེནྟི, ཙཀྑུདྭཱརེ ཙིཏྟཾ…པེ… སོཏདྭཱརེ ཙིཏྟཾ… གྷཱནདྭཱརེ ¶ ཙིཏྟཾ… ཛིཝ྄ཧཱདྭཱརེ ཙིཏྟཾ… ཀཱཡདྭཱརེ ཙིཏྟཾ… མནོདྭཱརེ ཙིཏྟཾ པཏིལཱིནེནྟཱ པཏིཀུཊེནྟཱ པཏིཝཊྚེནྟཱ སནྣིརུདྡྷནྟཱ སནྣིགྒཎྷནྟཱ སནྣིཝཱརེནྟཱ རཀྑནྟཱ གོཔེནྟཱ ཙརནྟི ཝིཙརནྟི ཝིཧརནྟི ཨིརིཡནྟི ཝཏྟེནྟི པཱལེནྟི ཡཔེནྟི ཡཱཔེནྟི. ཏཾཀཱརཎཱ པཏིལཱིནཙརཱ ཝུཙྩནྟི སཏྟ སེཀྑཱ. བྷིཀྑུནོཏི པུཐུཛྫནཀལྱཱཎཀསྶ ཝཱ བྷིཀྑུནོ སེཀྑསྶ ཝཱ བྷིཀྑུནོཏི – པཏིལཱིནཙརསྶ བྷིཀྑུནོ.

བྷཛམཱནསྶ ཝིཝིཏྟམཱསནནྟི ཨཱསནཾ ཝུཙྩཏི ཡཏྠ ནིསཱིདནྟི – མཉྩོ པཱིཋཾ བྷིསི ཏཊྚིཀཱ ཙམྨཁཎྜོ ཏིཎསནྠཱརོ པཎྞསནྠཱརོ པལཱལསནྠཱརོ. ཏཾ ཨཱསནཾ ཨསཔྤཱཡརཱུཔདསྶནེན རིཏྟཾ ཝིཝིཏྟཾ པཝིཝིཏྟཾ, ཨསཔྤཱཡསདྡསྶཝནེན རིཏྟཾ ཝིཝིཏྟཾ པཝིཝིཏྟཾ, ཨསཔྤཱཡགནྡྷགྷཱཡནེན… ཨསཔྤཱཡརསསཱཡནེན… ཨསཔྤཱཡཕོཊྛབྦཕུསནེན… ཨསཔྤཱཡེཧི པཉྩཧི ཀཱམགུཎེཧི ¶ རིཏྟཾ ཝིཝིཏྟཾ པཝིཝིཏྟཾ. ཏཾ ཝིཝིཏྟཾ ཨཱསནཾ བྷཛཏོ སམྦྷཛཏོ སེཝཏོ ནིསེཝཏོ སཾསེཝཏོ པཊིསེཝཏོཏི – བྷཛམཱནསྶ ཝིཝིཏྟམཱསནཾ.

སཱམགྒིཡམཱཧུ ¶ ཏསྶ ཏཾ, ཡོ ཨཏྟཱནཾ བྷཝནེ ན དསྶཡེཏི. སཱམགྒིཡོཏི ཏིསྶོ སཱམགྒིཡོ – གཎསཱམགྒཱི, དྷམྨསཱམགྒཱི, ཨནབྷིནིབྦཏྟིསཱམགྒཱི. ཀཏམཱ གཎསཱམགྒཱི? བཧུ ཙེཔི བྷིཀྑཱུ སམགྒཱ སམྨོདམཱནཱ ¶ ཨཝིཝདམཱནཱ ཁཱིརོདཀཱིབྷཱུཏཱ ཨཉྙམཉྙཾ པིཡཙཀྑཱུཧི སམྤསྶནྟཱ ཝིཧརནྟི – ཨཡཾ ¶ གཎསཱམགྒཱི. ཀཏམཱ དྷམྨསཱམགྒཱི? ཙཏྟཱརོ སཏིཔཊྛཱནཱ, ཙཏྟཱརོ སམྨཔྤདྷཱནཱ, ཙཏྟཱརོ ཨིདྡྷིཔཱདཱ, པཉྩིནྡྲིཡཱནི, པཉྩ བལཱནི, སཏྟ བོཛ྄ཛྷངྒཱ, ཨརིཡོ ཨཊྛངྒིཀོ མགྒོ. ཏེ ཨེཀཏོ པཀྑནྡནྟི པསཱིདནྟི སམྤཏིཊྛནྟི ཝིམུཙྩནྟི; ན ཏེསཾ དྷམྨཱནཾ ཝིཝཱདོ པཝིཝཱདོ ཨཏྠི – ཨཡཾ དྷམྨསཱམགྒཱི. ཀཏམཱ ཨནབྷིནིབྦཏྟིསཱམགྒཱི? བཧུ ཙེཔི བྷིཀྑཱུ ཨནུཔཱདིསེསཱཡ ནིབྦཱནདྷཱཏུཡཱ པརིནིབྦཱཡནྟི; ན ཏེསཾ ནིབྦཱནདྷཱཏུཡཱ [ཏེན (སཱི.)] ཨཱུནཏྟཾ ཝཱ པུཎྞཏྟཾ ཝཱ པཉྙཱཡཏི – ཨཡཾ ཨནབྷིནིབྦཏྟིསཱམགྒཱི. བྷཝནེཏི ནེརཡིཀཱནཾ ནིརཡོ བྷཝནཾ, ཏིརཙྪཱནཡོནིཀཱནཾ ཏིརཙྪཱནཡོནི བྷཝནཾ, པེཏྟིཝིསཡིཀཱནཾ པེཏྟིཝིསཡོ བྷཝནཾ, མནུསྶཱནཾ མནུསྶལོཀོ བྷཝནཾ, དེཝཱནཾ དེཝལོཀོ བྷཝནནྟི. སཱམགྒིཡམཱཧུ ཏསྶ ཏཾ, ཡོ ཨཏྟཱནཾ བྷཝནེ ན དསྶཡེཏི. ཏསྶེསཱ སཱམགྒཱི ཨེཏཾ ཚནྣཾ ཨེཏཾ པཏིརཱུཔཾ ཨེཏཾ ཨནུཙྪཝིཀཾ ཨེཏཾ ཨནུལོམཾ, ཡོ ཨེཝཾ པཊིཙྪནྣེ ནིརཡེ ཨཏྟཱནཾ ན དསྶེཡྻ, ཏིརཙྪཱནཡོནིཡཾ ཨཏྟཱནཾ ན དསྶེཡྻ, པེཏྟིཝིསཡེ ཨཏྟཱནཾ ན དསྶེཡྻ, མནུསྶལོཀེ ཨཏྟཱནཾ ན དསྶེཡྻ, དེཝལོཀེ ཨཏྟཱནཾ ན དསྶེཡྻཱཏི ཨེཝམཱཧཾསུ ཨེཝཾ ཀཐེནྟི ཨེཝཾ བྷཎནྟི ཨེཝཾ དཱིཔཡནྟི ཨེཝཾ ཝོཧརནྟཱིཏི – སཱམགྒིཡམཱཧུ ཏསྶ ཏཾ, ཡོ ཨཏྟཱནཾ བྷཝནེ ན དསྶཡེ.

‘‘པཏིལཱིནཙརསྶ ¶ བྷིཀྑུནོ, བྷཛམཱནསྶ ཝིཝིཏྟམཱསནཾ;

སཱམགྒིཡམཱཧུ ཏསྶ ཏཾ, ཡོ ཨཏྟཱནཾ བྷཝནེ ན དསྶཡེ’’ཏི.

སབྦཏྠ ¶ མུནཱི ཨནིསྶིཏོ, ན པིཡཾ ཀུབྦཏི ནོཔི ཨཔྤིཡཾ;

ཏསྨིཾ པརིདེཝམཙྪརཾ, པཎྞེ ཝཱརི ཡཐཱ ན ལིམྤཏི.

སབྦཏྠ ¶ མུནཱི ཨནིསྶིཏོཏི. སབྦཾ ཝུཙྩཏི དྭཱདསཱཡཏནཱནི – ཙཀྑུཉྩེཝ རཱུཔཱ ཙ, སོཏཉྩ སདྡཱ ཙ, གྷཱནཉྩ གནྡྷཱ ཙ, ཛིཝ྄ཧཱ ཙ རསཱ ཙ, ཀཱཡོ ཙ ཕོཊྛབྦཱ ཙ, མནོ ཙ དྷམྨཱ ཙ. མུནཱིཏི. མོནཾ ཝུཙྩཏི ཉཱཎཾ…པེ… སངྒཛཱལམཏིཙྩ སོ མུནི. ཨནིསྶིཏོཏི ¶ . དྭེ ནིསྶཡཱ – ཏཎྷཱནིསྶཡོ ཙ དིཊྛིནིསྶཡོ ཙ…པེ… ཨཡཾ ཏཎྷཱནིསྶཡོ…པེ… ཨཡཾ དིཊྛིནིསྶཡོ. མུནི ཏཎྷཱནིསྶཡཾ པཧཱཡ དིཊྛིནིསྶཡཾ པཊིནིསྶཛྫིཏྭཱ ཙཀྑུཾ ཨནིསྶིཏོ སོཏཾ ཨནིསྶིཏོ གྷཱནཾ ཨནིསྶིཏོ ཛིཝ྄ཧཾ ཨནིསྶིཏོ ཀཱཡཾ ཨནིསྶིཏོ མནཾ ཨནིསྶིཏོ རཱུཔེ… སདྡེ… གནྡྷེ… རསེ… ཕོཊྛབྦེ… དྷམྨེ… ཀུལཾ… གཎཾ… ཨཱཝཱསཾ… ལཱབྷཾ… ཡསཾ… པསཾསཾ… སུཁཾ… ཙཱིཝརཾ… པིཎྜཔཱཏཾ… སེནཱསནཾ… གིལཱནཔཙྩཡབྷེསཛྫཔརིཀྑཱརཾ… ཀཱམདྷཱཏུཾ… རཱུཔདྷཱཏུཾ… ཨརཱུཔདྷཱཏུཾ… ཀཱམབྷཝཾ… རཱུཔབྷཝཾ… ཨརཱུཔབྷཝཾ… སཉྙཱབྷཝཾ… ཨསཉྙཱབྷཝཾ ¶ … ནེཝསཉྙཱནཱསཉྙཱབྷཝཾ… ཨེཀཝོཀཱརབྷཝཾ… ཙཏུཝོཀཱརབྷཝཾ… པཉྩཝོཀཱརབྷཝཾ… ཨཏཱིཏཾ… ཨནཱགཏཾ… པཙྩུཔྤནྣཾ… དིཊྛཾ… སུཏཾ… མུཏཾ… ཝིཉྙཱཏཾ… སབྦེ དྷམྨེ ཨནིསྶིཏོ ཨནལླཱིནོ ཨནུཔགཏོ ཨནཛ྄ཛྷོསིཏོ ཨནདྷིམུཏྟོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏཱིཏི – སབྦཏྠ མུནི ཨནིསྶིཏོ.

ན པིཡཾ ཀུབྦཏི ནོཔི ཨཔྤིཡནྟི. པིཡཱཏི དྭེ པིཡཱ – སཏྟཱ ཝཱ སངྑཱརཱ ཝཱ. ཀཏམེ སཏྟཱ པིཡཱ? ཨིདྷ ཡསྶ ཏེ ཧོནྟི ཨཏྠཀཱམཱ ཧིཏཀཱམཱ ཕཱསུཀཱམཱ ཡོགཀྑེམཀཱམཱ མཱཏཱ ཝཱ པིཏཱ ཝཱ བྷཱཏཱ ¶ ཝཱ བྷགིནཱི ཝཱ པུཏྟཱ ཝཱ དྷཱིཏརཱ ཝཱ མིཏྟཱ ཝཱ ཨམཙྩཱ ཝཱ ཉཱཏཱི ཝཱ སཱལོཧིཏཱ ཝཱ – ཨིམེ སཏྟཱ པིཡཱ. ཀཏམེ སངྑཱརཱ པིཡཱ? མནཱཔིཀཱ རཱུཔཱ མནཱཔིཀཱ སདྡཱ མནཱཔིཀཱ གནྡྷཱ མནཱཔིཀཱ རསཱ མནཱཔིཀཱ ཕོཊྛབྦཱ – ཨིམེ སངྑཱརཱ པིཡཱ. ཨཔྤིཡཱཏི དྭེ ཨཔྤིཡཱ – སཏྟཱ ཝཱ སངྑཱརཱ ཝཱ. ཀཏམེ སཏྟཱ ཨཔྤིཡཱ? ཨིདྷ ཡསྶ ཏེ ཧོནྟི ཨནཏྠཀཱམཱ ཨཧིཏཀཱམཱ ཨཕཱསུཀཱམཱ ཨཡོགཀྑེམཀཱམཱ ཛཱིཝིཏཱ ཝོརོཔེཏུཀཱམཱ – ཨིམེ སཏྟཱ ཨཔྤིཡཱ. ཀཏམེ སངྑཱརཱ ཨཔྤིཡཱ? ཨམནཱཔིཀཱ རཱུཔཱ ཨམནཱཔིཀཱ སདྡཱ ཨམནཱཔིཀཱ གནྡྷཱ ཨམནཱཔིཀཱ རསཱ ཨམནཱཔིཀཱ ཕོཊྛབྦཱ – ཨིམེ སངྑཱརཱ ¶ ཨཔྤིཡཱ. ན པིཡཾ ཀུབྦཏི ནོཔི ཨཔྤིཡནྟི. ‘‘ཨཡཾ མེ སཏྟོ པིཡོ, ཨིམེ ཙ སངྑཱརཱ མནཱཔཱ’’ཏི རཱགཝསེན པིཡཾ ན ཀརོཏི; ‘‘ཨཡཾ མེ སཏྟོ ཨཔྤིཡོ, ཨིམེ ཙ སངྑཱརཱ ཨམནཱཔཱ’’ཏི པཊིགྷཝསེན ¶ ཨཔྤིཡཾ ན ཀརོཏི ན ཛནེཏི ན སཉྫནེཏི ན ནིབྦཏྟེཏི ནཱབྷིནིབྦཏྟེཏཱིཏི – ན པིཡཾ ཀུབྦཏི ནོཔི ཨཔྤིཡཾ.

ཏསྨིཾ པརིདེཝམཙྪརཾ པཎྞེ ཝཱརི ཡཐཱ ན ལིམྤཏཱིཏི. ཏསྨིནྟི ཏསྨིཾ པུགྒལེ ཨརཧནྟེ ཁཱིཎཱསཝེ. པརིདེཝོཏི ཉཱཏིབྱསནེན ཝཱ ཕུཊྛསྶ བྷོགབྱསནེན ཝཱ ཕུཊྛསྶ རོགབྱསནེན ཝཱ ཕུཊྛསྶ སཱིལབྱསནེན ཝཱ ཕུཊྛསྶ དིཊྛིབྱསནེན ཝཱ ཕུཊྛསྶ ཨཉྙཏརཉྙཏརེན བྱསནེན སམནྣཱགཏསྶ ཨཉྙཏརཉྙཏརེན དུཀྑདྷམྨེན ཕུཊྛསྶ ཨཱདེཝོ པརིདེཝོ ཨཱདེཝནཱ པརིདེཝནཱ ཨཱདེཝིཏཏྟཾ ¶ པརིདེཝིཏཏྟཾ ཝཱཙཱ པལཱཔོ ཝིཔྤལཱཔོ ལཱལཔྤོ ལཱལཔྤཱཡནཱ ལཱལཔྤཱཡིཏཏྟཾ. མཙྪརིཡནྟི པཉྩ མཙྪརིཡཱནི – ཨཱཝཱསམཙྪརིཡཾ, ཀུལམཙྪརིཡཾ, ལཱབྷམཙྪརིཡཾ, ཝཎྞམཙྪརིཡཾ, དྷམྨམཙྪརིཡཾ. ཡཾ ཨེཝརཱུཔཾ མཙྪརིཡཾ མཙྪརཱཡནཱ མཙྪརཱཡིཏཏྟཾ ཝེཝིཙྪཾ ཀདརིཡཾ ཀཊུཀཉྩུཀཏཱ ཨགྒཧིཏཏྟཾ ཙིཏྟསྶ – ཨིདཾ ཝུཙྩཏི མཙྪརིཡཾ. ཨཔི ཙ ཁནྡྷམཙྪརིཡམྤི མཙྪརིཡཾ, དྷཱཏུམཙྪརིཡམྤི ¶ མཙྪརིཡཾ, ཨཱཡཏནམཙྪརིཡམྤི མཙྪརིཡཾ གཱཧོ – ཨིདཾ ཝུཙྩཏི མཙྪརིཡཾ.

པཎྞེ ཝཱརི ཡཐཱ ན ལིམྤཏཱིཏི. པཎྞཾ ཝུཙྩཏི པདུམཔཏྟཾ. ཝཱརི ཝུཙྩཏི ཨུདཀཾ. ཡཐཱ ¶ ཝཱརི པདུམཔཏྟཾ ན ལིམྤཏི ན པལིམྤཏི ན ཨུཔལིམྤཏི ཨལིཏྟཾ ཨཔལིཏྟཾ ཨནུཔལིཏྟཾ, ཨེཝམེཝ ཏསྨིཾ པུགྒལེ ཨརཧནྟེ ཁཱིཎཱསཝེ པརིདེཝོ མཙྪརིཡཉྩ ན ལིམྤཏི ན པལིམྤཏི ན ཨུཔལིམྤཏི ཨལིཏྟཱ ཨཔལིཏྟཱ ཨནུཔལིཏྟཱ. སོ ཙ པུགྒལོ ཨརཧནྟོ ཏེཧི ཀིལེསེཧི ན ལིམྤཏི ན པལིམྤཏི ན ཨུཔལིམྤཏི ཨལིཏྟོ ཨཔལིཏྟོ ཨནུཔལིཏྟོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏཱིཏི – ཏསྨིཾ པརིདེཝམཙྪརཾ པཎྞེ ཝཱརི ཡཐཱ ན ལིམྤཏི.

‘‘སབྦཏྠ མུནཱི ཨནིསྶིཏོ, ན པིཡཾ ཀུབྦཏི ནོཔི ཨཔྤིཡཾ;

ཏསྨིཾ པརིདེཝམཙྪརཾ, པཎྞེ ཝཱརི ཡཐཱ ན ལིམྤཏཱི’’ཏི.

ཨུདབིནྡུ ཡཐཱཔི པོཀྑརེ, པདུམེ ཝཱརི ཡཐཱ ན ལིམྤཏི;

ཨེཝཾ མུནི ནོཔལིམྤཏི, ཡདིདཾ དིཊྛསུཏམུཏེསུ [དིཊྛསུཏེ མུཏེསུ (སཱི.), དིཊྛསུཏཾ མུཏེསུ (སྱཱ. ཀ.)] ཝཱ.

ཨུདབིནྡུ ཡཐཱཔི པོཀྑརེཏི. ཨུདབིནྡུ ཝུཙྩཏི ཨུདཀཐེཝོ. པོཀྑརཾ ཝུཙྩཏི པདུམཔཏྟཾ. ཡཐཱ ཨུདབིནྡུ པདུམཔཏྟེ ན ལིམྤཏི ན པལིམྤཏི ན ཨུཔལིམྤཏི ¶ ཨལིཏྟཾ ཨཔལིཏྟཾ ཨནུཔལིཏྟནྟི – ཨུདབིནྡུ ཡཐཱཔི པོཀྑརེ. པདུམེ ¶ ཝཱརི ཡཐཱ ན ལིམྤཏཱིཏི. པདུམཾ ཝུཙྩཏི པདུམཔུཔྥཾ. ཝཱརི ཝུཙྩཏི ཨུདཀཾ. ཡཐཱ ཝཱརི པདུམཔུཔྥཾ ན ལིམྤཏི ན པལིམྤཏི ན ཨུཔལིམྤཏི ཨལིཏྟཾ ཨཔལིཏྟཾ ཨནུཔལིཏྟནྟི – པདུམེ ཝཱརི ཡཐཱ ན ལིམྤཏི.

ཨེཝཾ ¶ མུནི ནོཔལིམྤཏི, ཡདིདཾ དིཊྛསུཏམུཏེསུ ཝཱཏི. ཨེཝནྟི ཨོཔམྨསམྤཊིཔཱདནཾ. མུནཱིཏི. མོནཾ ཝུཙྩཏི ཉཱཎཾ…པེ… སངྒཛཱལམཏིཙྩ སོ མུནི. ལེཔཱཏི དྭེ ལེཔཱ – ཏཎྷཱལེཔོ ¶ ཙ དིཊྛིལེཔོ ཙ…པེ… ཨཡཾ ཏཎྷཱལེཔོ…པེ… ཨཡཾ དིཊྛིལེཔོ. མུནི ཏཎྷཱལེཔཾ པཧཱཡ དིཊྛིལེཔཾ པཊིནིསྶཛྫིཏྭཱ དིཊྛེ ན ལིམྤཏི, སུཏེ ན ལིམྤཏི, མུཏེ ན ལིམྤཏི, ཝིཉྙཱཏེ ན ལིམྤཏི ན པལིམྤཏི ན ཨུཔལིམྤཏི ཨལིཏྟོ ཨཔལིཏྟོ ཨནུཔལིཏྟོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏཱིཏི – ཨེཝཾ མུནི ནོཔལིམྤཏི, ཡདིདཾ དིཊྛསུཏམུཏེསུ ཝཱ.

‘‘ཨུདབིནྡུ ཡཐཱཔི པོཀྑརེ, པདུམེ ཝཱརི ཡཐཱ ན ལིམྤཏི;

ཨེཝཾ མུནི ནོཔལིམྤཏི, ཡདིདཾ དིཊྛསུཏམུཏེསུ ཝཱ’’ཏི.

དྷོནོ ན ཧི ཏེན མཉྙཏི, ཡདིདཾ དིཊྛསུཏམུཏེསུ ཝཱ;

ནཱཉྙེན ¶ ཝིསུདྡྷིམིཙྪཏི, ན ཧི སོ རཛྫཏི ནོ ཝིརཛྫཏི.

དྷོནོ ན ཧི ཏེན མཉྙཏི, ཡདིདཾ དིཊྛསུཏམུཏེསུ ཝཱཏི. དྷོནོཏི དྷོནཱ ཝུཙྩཏི པཉྙཱ. ཡཱ པཉྙཱ པཛཱནནཱ…པེ… ཨམོཧོ དྷམྨཝིཙཡོ སམྨཱདིཊྛི. ཀིཾཀཱརཎཱ དྷོནཱ ཝུཙྩཏི པཉྙཱ? ཏཱཡ པཉྙཱཡ ཀཱཡདུཙྩརིཏཾ དྷུཏཉྩ དྷོཏ ཙ སནྡྷོཏཉྩ ནིདྡྷོཏཉྩ, ཝཙཱིདུཙྩརིཏཾ…པེ… མནོདུཙྩརིཏཾ དྷུཏཉྩ དྷོཏཉྩ སནྡྷོཏཉྩ ནིདྡྷོཏཉྩ, རཱགོ དྷུཏོ ཙ དྷོཏོ ཙ སནྡྷོཏོ ཙ ནིདྡྷོཏོ ཙ, དོསོ… མོཧོ… ཀོདྷོ… ཨུཔནཱཧོ… མཀྑོ… པལཱ༹སོ… ཨིསྶཱ… མཙྪརིཡཾ… མཱཡཱ… སཱཋེཡྻཾ… ཐམྦྷོ… སཱརམྦྷོ… མཱནོ… ཨཏིམཱནོ… མདོ… པམཱདོ… སབྦེ ཀིལེསཱ… སབྦེ དུཙྩརིཏཱ… སབྦེ དརཐཱ… སབྦེ པརིལཱ༹ཧཱ… སབྦེ ¶ སནྟཱཔཱ… སབྦཱཀུསལཱབྷིསངྑཱརཱ དྷུཏཱ ཙ དྷོཏཱ ཙ སནྡྷོཏཱ ཙ ནིདྡྷོཏཱ ཙ. ཏཾཀཱརཎཱ དྷོནཱ ཝུཙྩཏི པཉྙཱ.

ཨཐ ¶ ཝཱ སམྨཱདིཊྛིཡཱ མིཙྪཱདིཊྛི དྷུཏཱ ཙ དྷོཏཱ ཙ སནྡྷོཏཱ ཙ ནིདྡྷོཏཱ ཙ, སམྨཱསངྐཔྤེན མིཙྪཱསངྐཔྤོ དྷུཏོ ཙ དྷོཏོ ཙ སནྡྷོཏོ ཙ ནིདྡྷོཏོ ཙ, སམྨཱཝཱཙཱཡ མིཙྪཱཝཱཙཱ དྷུཏཱ ཙ… སམྨཱཀམྨནྟེན མིཙྪཱཀམྨནྟོ དྷུཏོ ཙ… སམྨཱཨཱཛཱིཝེན མིཙྪཱཨཱཛཱིཝོ དྷུཏོ ཙ… སམྨཱཝཱཡཱམེན མིཙྪཱཝཱཡཱམོ དྷུཏོ ཙ… སམྨཱསཏིཡཱ མིཙྪཱསཏི ¶ དྷུཏཱ ཙ… སམྨཱསམཱདྷིནཱ མིཙྪཱསམཱདྷི དྷུཏོ ཙ… སམྨཱཉཱཎེན མིཙྪཱཉཱཎཾ དྷུཏཉྩ… སམྨཱཝིམུཏྟིཡཱ མིཙྪཱཝིམུཏྟི དྷུཏཱ ཙ དྷོཏཱ ཙ སནྡྷོཏཱ ཙ ནིདྡྷོཏཱ ཙ.

ཨཐ ¶ ཝཱ ཨརིཡེན ཨཊྛངྒིཀེན མགྒེན སབྦེ ཀིལེསཱ… སབྦེ དུཙྩརིཏཱ… སབྦེ དརཐཱ… སབྦེ པརིལཱ༹ཧཱ… སབྦེ སནྟཱཔཱ… སབྦཱཀུསལཱབྷིསངྑཱརཱ དྷུཏཱ ཙ དྷོཏཱ ཙ སནྡྷོཏཱ ཙ ནིདྡྷོཏཱ ཙ. ཨརཧཱ ཨིམེཧི དྷོནེཧི དྷམྨེཧི ཨུཔེཏོ སམུཔེཏོ ཨུཔགཏོ སམུཔགཏོ ཨུཔཔནྣོ སམུཔཔནྣོ སམནྣཱགཏོ. ཏསྨཱ ཨརཧཱ དྷོནོ. སོ དྷུཏརཱགོ དྷུཏཔཱཔོ དྷུཏཀིལེསོ དྷུཏཔརིལཱ༹ཧོཏི – དྷོནོ.

དྷོནོ ན ཧི ཏེན མཉྙཏི, ཡདིདཾ དིཊྛསུཏམུཏེསུ ཝཱཏི. དྷོནོ དིཊྛཾ ན མཉྙཏི, དིཊྛསྨིཾ ན མཉྙཏི, དིཊྛཏོ ན མཉྙཏི, དིཊྛཱ མེཏི ན མཉྙཏི; སུཏཾ ན མཉྙཏི, སུཏསྨིཾ ན མཉྙཏི, སུཏཏོ ན མཉྙཏི, སུཏཾ མེཏི ན མཉྙཏི; མུཏཾ ན མཉྙཏི, མུཏསྨིཾ ན མཉྙཏི, མུཏཏོ ན མཉྙཏི, མུཏཾ མེཏི ན མཉྙཏི; ཝིཉྙཱཏཾ ན མཉྙཏི, ཝིཉྙཱཏསྨིཾ ན མཉྙཏི, ཝིཉྙཱཏཏོ ན མཉྙཏི, ཝིཉྙཱཏཾ མེཏི ན མཉྙཏི. ཝུཏྟམྤི ཧེཏཾ བྷགཝཏཱ – ‘‘ཨསྨཱིཏི, བྷིཀྑཝེ, མཉྙིཏམེཏཾ, ཨཡམཧམསྨཱིཏི མཉྙིཏམེཏཾ, བྷཝིསྶནྟི མཉྙིཏམེཏཾ, ན བྷཝིསྶནྟི མཉྙིཏམེཏཾ, རཱུཔཱི བྷཝིསྶནྟི མཉྙིཏམེཏཾ, ཨརཱུཔཱི བྷཝིསྶནྟི ¶ མཉྙིཏམེཏཾ, སཉྙཱི བྷཝིསྶནྟི ¶ མཉྙིཏམེཏཾ, ཨསཉྙཱི བྷཝིསྶནྟི མཉྙིཏམེཏཾ, ནེཝསཉྙཱིནཱསཉྙཱི བྷཝིསྶནྟི མཉྙིཏམེཏཾ. མཉྙིཏཾ [མཉྙིཏཾ ཧི (སཱི.)], བྷིཀྑཝེ, རོགོ, མཉྙིཏཾ གཎྜོ, མཉྙིཏཾ སལླཾ, མཉྙིཏཾ ཨུཔདྡཝོ. ཏསྨཱཏིཧ, བྷིཀྑཝེ, ཨམཉྙམཱནེན ཙེཏསཱ ཝིཧརིསྶཱམཱཏི, ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི – དྷོནོ ན ཧི ཏེན མཉྙཏི ཡདིདཾ དིཊྛསུཏམུཏེསུ ཝཱ.

ནཱཉྙེན ¶ ཝིསུདྡྷིམིཙྪཏཱིཏི. དྷོནོ ཨཉྙེན ཨསུདྡྷིམགྒེན མིཙྪཱཔཊིཔདཱཡ ཨནིཡྻཱནིཀཔཐེན ཨཉྙཏྲ སཏིཔཊྛཱནེཧི ཨཉྙཏྲ སམྨཔྤདྷཱནེཧི ཨཉྙཏྲ ཨིདྡྷིཔཱདེཧི ཨཉྙཏྲ ཨིནྡྲིཡེཧི ཨཉྙཏྲ བལེཧི ཨཉྙཏྲ བོཛ྄ཛྷངྒེཧི ཨཉྙཏྲ ཨརིཡཱ ཨཊྛངྒིཀཱ མགྒཱ སུདྡྷིཾ ཝིསུདྡྷིཾ པརིསུདྡྷིཾ མུཏྟིཾ ཝིམུཏྟིཾ པརིམུཏྟིཾ ན ཨིཙྪཏི ན སཱདིཡཏི ན པཏྠེཏི ན པིཧེཏི ནཱབྷིཛཔྤཏཱིཏི – ནཱཉྙེན ཝིསུདྡྷིམིཙྪཏི.

ན ཧི སོ རཛྫཏི ནོ ཝིརཛྫཏཱིཏི. སབྦེ བཱལཔུཐུཛྫནཱ རཛྫནྟི, པུཐུཛྫནཀལྱཱཎཀཾ ཨུཔཱདཱཡ སཏྟ སེཀྑཱ ཝིརཛྫནྟི; ཨརཧཱ ནེཝ རཛྫཏི ནོ ཝིརཛྫཏི. ཝིརཏྟོ སོ ཁཡཱ རཱགསྶ ཝཱིཏརཱགཏྟཱ, ཁཡཱ དོསསྶ ཝཱིཏདོསཏྟཱ, ཁཡཱ མོཧསྶ ཝཱིཏམོཧཏྟཱ. སོ ཝུཊྛཝཱསོ ཙིཎྞཙརཎོ…པེ… ཛཱཏིཛརཱམརཎསཾསཱརོ, ནཏྠི ཏསྶ པུནབྦྷཝོཏི – ན ཧི སོ རཛྫཏི ནོ ཝིརཛྫཏི.

‘‘དྷོནོ ¶ ན ཧི ཏེན མཉྙཏི, ཡདིདཾ དིཊྛསུཏམུཏེསུ ཝཱ;

ནཱཉྙེན ཝིསུདྡྷིམིཙྪཏི, ན ཧི སོ རཛྫཏི ནོ ཝིརཛྫཏཱི’’ཏི.

ཨཐ ¶ ཏིསྶམེཏྟེཡྻསུཏྟནིདྡེསཾ ཝཀྑཏི –

མེཐུནམནུཡུཏྟསྶ ¶ ¶ , [ཨིཙྩཱཡསྨཱ ཏིསྶོ མེཏྟེཡྻོ]

སུཏྭཱན ཏཝ སཱསནཾ, ཝིཝེཀེ སིཀྑིསྶཱམསེ.

མེཐུནམནུཡུཏྟསྶཱཏི. མེཐུནདྷམྨོ ནཱམ ཡོ སོ ཨསདྡྷམྨོ གཱམདྷམྨོ ཝསལདྷམྨོ དུཊྛུལློ ཨོདཀནྟིཀོ རཧསྶོ དྭཡཾདྭཡསམཱཔཏྟི. ཀིཾཀཱརཎཱ ཝུཙྩཏི མེཐུནདྷམྨོ? ཨུབྷིནྣཾ རཏྟཱནཾ སཱརཏྟཱནཾ ཨཝསྶུཏཱནཾ པརིཡུཊྛིཏཱནཾ པརིཡཱདིནྣཙིཏྟཱནཾ ཨུབྷིནྣཾ སདིསཱནཾ དྷམྨོཏི – ཏཾཀཱརཎཱ ཝུཙྩཏི མེཐུནདྷམྨོ. ཡཐཱ ཨུབྷོ ཀལཧཀཱརཀཱ མེཐུནཀཱཏི ¶ ཝུཙྩནྟི, ཨུབྷོ བྷཎྜནཀཱརཀཱ མེཐུནཀཱཏི ཝུཙྩནྟི, ཨུབྷོ བྷསྶཀཱརཀཱ མེཐུནཀཱཏི ཝུཙྩནྟི, ཨུབྷོ ཝིཝཱདཀཱརཀཱ མེཐུནཀཱཏི ཝུཙྩནྟི, ཨུབྷོ ཨདྷིཀརཎཀཱརཀཱ མེཐུནཀཱཏི ཝུཙྩནྟི, ཨུབྷོ ཝཱདིནོ མེཐུནཀཱཏི ཝུཙྩནྟི, ཨུབྷོ སལླཱཔཀཱ མེཐུནཀཱཏི ཝུཙྩནྟི; ཨེཝམེཝཾ ཨུབྷིནྣཾ རཏྟཱནཾ སཱརཏྟཱནཾ ཨཝསྶུཏཱནཾ པརིཡུཊྛིཏཱནཾ པརིཡཱདིནྣཙིཏྟཱནཾ ཨུབྷིནྣཾ སདིསཱནཾ དྷམྨོཏི – ཏཾཀཱརཎཱ ཝུཙྩཏི མེཐུནདྷམྨོ.

མེཐུནམནུཡུཏྟསྶཱཏི. མེཐུནདྷམྨེ ཡུཏྟསྶ པཡུཏྟསྶ ཨཱཡུཏྟསྶ སམཱཡུཏྟསྶ ཏཙྩརིཏསྶ ཏབྦཧུལསྶ ཏགྒརུཀསྶ ཏནྣིནྣསྶ ཏཔྤོཎསྶ ཏཔྤབྦྷཱརསྶ ཏདདྷིམུཏྟསྶ ཏདདྷིཔཏེཡྻསྶཱཏི ¶ – མེཐུནམནུཡུཏྟསྶ.

ཨིཙྩཱཡསྨཱ ཏིསྶོ མེཏྟེཡྻོཏི. ཨིཙྩཱཏི པདསནྡྷི པདསཾསགྒོ པདཔཱརིཔཱུརཱི ཨཀྑརསམཝཱཡོ བྱཉྫནསིལིཊྛཏཱ ¶ པདཱནུཔུབྦཏཱཔེཏཾ – ཨིཙྩཱཏི. ཨཱཡསྨཱཏི པིཡཝཙནཾ གརུཝཙནཾ སགཱརཝཝཙནཾ སཔྤཏིསྶཝཙནམེཏཾ – ཨཱཡསྨཱཏི. ཏིསྶོཏི ཏསྶ ཐེརསྶ ནཱམཾ སངྑཱ སམཉྙཱ པཉྙཏྟི ཝོཧཱརོ ནཱམཾ ནཱམཀམྨཾ ནཱམདྷེཡྻཾ ནིརུཏྟི བྱཉྫནཾ ཨབྷིལཱཔོ. མེཏྟེཡྻོཏི ¶ ཏསྶ ཐེརསྶ གོཏྟཾ སངྑཱ སམཉྙཱ པཉྙཏྟི ཝོཧཱརོཏི – ཨིཙྩཱཡསྨཱ ཏིསྶོ མེཏྟེཡྻོ.

ཝིགྷཱཏཾ བྲཱུཧི མཱརིསཱཏི. ཝིགྷཱཏནྟི ཝིགྷཱཏཾ ཨུཔགྷཱཏཾ པཱིལ༹ནཾ གྷཊྚནཾ ཨུཔདྡཝཾ ཨུཔསགྒཾ བྲཱུཧི ཨཱཙིཀྑ དེསེཧི པཉྙཔེཧི པཊྛཔེཧི ཝིཝར ཝིབྷཛ ཨུཏྟཱནཱིཀརོཧི [ཨུཏྟཱནིཾ ཀརོཧི (ཀ.)] པཀཱསེཧི. མཱརིསཱཏི པིཡཝཙནཾ གརུཝཙནཾ སགཱརཝཝཙནཾ སཔྤཏིསྶཝཙནམེཏཾ མཱརིསཱཏི – ཝིགྷཱཏཾ བྲཱུཧི མཱརིས.

སུཏྭཱན ཏཝ སཱསནནྟི. ཏུཡ྄ཧཾ ཝཙནཾ བྱཔྤཐཾ དེསནཾ ཨནུསཱསནཾ ཨནུསིཊྛིཾ སུཏྭཱ སུཎིཏྭཱ ཨུགྒཧེཏྭཱ ཨུཔདྷཱརཡིཏྭཱ ཨུཔལཀྑཡིཏྭཱཏི – སུཏྭཱན ཏཝ སཱསནཾ.

ཝིཝེཀེ སིཀྑིསྶཱམསེཏི. ཝིཝེཀོཏི ཏཡོ ཝིཝེཀཱ – ཀཱཡཝིཝེཀོ, ཙིཏྟཝིཝེཀོ, ཨུཔདྷིཝིཝེཀོ. ཀཏམོ ཀཱཡཝིཝེཀོ? ཨིདྷ བྷིཀྑུ ཝིཝིཏྟཾ སེནཱསནཾ བྷཛཏི ཨརཉྙཾ རུཀྑམཱུལཾ པབྦཏཾ ཀནྡརཾ གིརིགུཧཾ སུསཱནཾ ཝནཔཏྠཾ ཨབྦྷོཀཱསཾ པལཱསཔུཉྫཾ ¶ , ཀཱཡེན ཝིཝིཏྟོ ཝིཧརཏི. སོ ཨེཀོ གཙྪཏི, ཨེཀོ ཏིཊྛཏི, ཨེཀོ ནིསཱིདཏི, ཨེཀོ སེཡྻཾ ཀཔྤེཏི, ཨེཀོ གཱམཾ པིཎྜཱཡ པཝིསཏི, ཨེཀོ པཊིཀྐམཏི, ཨེཀོ རཧོ ནིསཱིདཏི ¶ , ཨེཀོ ཙངྐམཾ ཨདྷིཊྛཱཏི, ཨེཀོ ཙརཏི, ཨེཀོ ཝིཧརཏི ཨིརིཡཏི ཝཏྟཏི པཱལེཏི ཡཔེཏི ཡཱཔེཏི – ཨཡཾ ཀཱཡཝིཝེཀོ.

ཀཏམོ ཙིཏྟཝིཝེཀོ? པཋམཾ ཛྷཱནཾ སམཱཔནྣསྶ ནཱིཝརཎེཧི ཙིཏྟཾ ཝིཝིཏྟཾ ཧོཏི, དུཏིཡཾ ཛྷཱནཾ སམཱཔནྣསྶ ཝིཏཀྐཝིཙཱརེཧི ཙིཏྟཾ ཝིཝིཏྟཾ ཧོཏི, ཏཏིཡཾ ཛྷཱནཾ སམཱཔནྣསྶ པཱིཏིཡཱ ཙིཏྟཾ ཝིཝིཏྟཾ ཧོཏི, ཙཏུཏྠཾ ཛྷཱནཾ སམཱཔནྣསྶ སུཁདུཀྑེཧི ཙིཏྟཾ ཝིཝིཏྟཾ ཧོཏི, ཨཱཀཱསཱནཉྩཱཡཏནཾ སམཱཔནྣསྶ རཱུཔསཉྙཱཡ པཊིགྷསཉྙཱཡ ནཱནཏྟསཉྙཱཡ ཙིཏྟཾ ཝིཝིཏྟཾ ཧོཏི, ཝིཉྙཱཎཉྩཱཡཏནཾ ¶ སམཱཔནྣསྶ ཨཱཀཱསཱནཉྩཱཡཏནསཉྙཱཡ ཙིཏྟཾ ཝིཝིཏྟཾ ཧོཏི, ཨཱཀིཉྩཉྙཱཡཏནཾ སམཱཔནྣསྶ ཝིཉྙཱཎཉྩཱཡཏནསཉྙཱཡ ཙིཏྟཾ ཝིཝིཏྟཾ ཧོཏི, ནེཝསཉྙཱནཱསཉྙཱཡཏནཾ སམཱཔནྣསྶ ཨཱཀིཉྩཉྙཱཡཏནསཉྙཱཡ ཙིཏྟཾ ཝིཝིཏྟཾ ཧོཏི, སོཏཱཔནྣསྶ སཀྐཱཡདིཊྛིཡཱ ཝིཙིཀིཙྪཱཡ སཱིལབྦཏཔརཱམཱསཱ དིཊྛཱནུསཡཱ ཝིཙིཀིཙྪཱནུསཡཱ ཏདེཀཊྛེཧི ཙ ཀིལེསེཧི ཙིཏྟཾ ཝིཝིཏྟཾ ཧོཏི, སཀདཱགཱམིསྶ ཨོལཱ༹རིཀཱ ཀཱམརཱགསཉྙོཛནཱ པཊིགྷསཉྙོཛནཱ ཨོལཱ༹རིཀཱ ཀཱམརཱགཱནུསཡཱ པཊིགྷཱནུསཡཱ ཏདེཀཊྛེཧི ཙ ཀིལེསེཧི ཙིཏྟཾ ཝིཝིཏྟཾ ཧོཏི, ཨནཱགཱམིསྶ ཨནུསཧགཏཱ ཀཱམརཱགསཉྙོཛནཱ པཊིགྷསཉྙོཛནཱ ¶ ཨནུསཧགཏཱ ཀཱམརཱགཱནུསཡཱ ¶ པཊིགྷཱནུསཡཱ ཏདེཀཊྛེཧི ཙ ཀིལེསེཧི ཙིཏྟཾ ཝིཝིཏྟཾ ཧོཏི, ཨརཧཏོ རཱུཔརཱགཱ ཨརཱུཔརཱགཱ མཱནཱ ཨུདྡྷཙྩཱ ཨཝིཛྫཱཡ མཱནཱནུསཡཱ བྷཝརཱགཱནུསཡཱ ཨཝིཛྫཱནུསཡཱ ཏདེཀཊྛེཧི ཙ ཀིལེསེཧི བཧིདྡྷཱ ཙ སབྦནིམིཏྟེཧི ཙིཏྟཾ ཝིཝིཏྟཾ ཧོཏི – ཨཡཾ ཙིཏྟཝིཝེཀོ.

ཀཏམོ ཨུཔདྷིཝིཝེཀོ? ཨུཔདྷི ཝུཙྩནྟི ཀིལེསཱ ཙ ཁནྡྷཱ ཙ ཨབྷིསངྑཱརཱ ཙ. ཨུཔདྷིཝིཝེཀོ ཝུཙྩཏི ཨམཏཾ ནིབྦཱནཾ. ཡོ སོ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཀྑཡོ ཝིརཱགོ ནིརོདྷོ ནིབྦཱནཾ – ཨཡཾ ཨུཔདྷིཝིཝེཀོ. ཀཱཡཝིཝེཀོ ཙ ཝིཝེཀཊྛཀཱཡཱནཾ ནེཀྑམྨཱབྷིརཏཱནཾ; ཙིཏྟཝིཝེཀོ ཙ པརིསུདྡྷཙིཏྟཱནཾ པརམཝོདཱནཔཏྟཱནཾ; ཨུཔདྷིཝིཝེཀོ ཙ ནིརཱུཔདྷཱིནཾ པུགྒལཱནཾ ཝིསངྑཱརགཏཱནཾ. ཝིཝེཀེ སིཀྑིསྶཱམསེཏི. སོ ཐེརོ པཀཏིཡཱ སིཀྑིཏསིཀྑོ. ཨཔི ཙ དྷམྨདེསནཾ ཨུཔཱདཱཡ དྷམྨདེསནཾ སཱཝེནྟོ [ཡཱཙནྟོ (སཱི. སྱཱ.)] ཨེཝམཱཧ – ཝིཝེཀེ སིཀྑིསྶཱམསེཏི.

‘‘མེཐུནམནུཡུཏྟསྶ ¶ , [ཨིཙྩཱཡསྨཱ ཏིསྶོ མེཏྟེཡྻོ]

སུཏྭཱན ཏཝ སཱསནཾ, ཝིཝེཀེ སིཀྑིསྶཱམསེ’’ཏི.

མེཐུནམནུཡུཏྟསྶ ¶ ¶ , [མེཏྟེཡྻཱཏི བྷགཝཱ]

མིཙྪཱ ཙ པཊིཔཛྫཏི, ཨེཏཾ ཏསྨིཾ ཨནཱརིཡཾ.

མེཐུནམནུཡུཏྟསྶཱཏི. མེཐུནདྷམྨོ ནཱམ ཡོ སོ ཨསདྡྷམྨོ གཱམདྷམྨོ ཝསལདྷམྨོ དུཊྛུལློ ཨོདཀནྟིཀོ རཧསྶོ དྭཡཾདྭཡསམཱཔཏྟི. ཀིཾཀཱརཎཱ ཝུཙྩཏི མེཐུནདྷམྨོ? ཨུབྷིནྣཾ རཏྟཱནཾ སཱརཏྟཱནཾ ཨཝསྶུཏཱནཾ པརིཡུཊྛིཏཱནཾ པརིཡཱདིནྣཙིཏྟཱནཾ ཨུབྷིནྣཾ སདིསཱནཾ དྷམྨོཏི – ཏཾཀཱརཎཱ ཝུཙྩཏི མེཐུནདྷམྨོ. ཡཐཱ ཨུབྷོ ཀལཧཀཱརཀཱ མེཐུནཀཱཏི ཝུཙྩནྟི, ཨུབྷོ བྷཎྜནཀཱརཀཱ མེཐུནཀཱཏི ཝུཙྩནྟི, ཨུབྷོ བྷསྶཀཱརཀཱ མེཐུནཀཱཏི ཝུཙྩནྟི, ཨུབྷོ ཝིཝཱདཀཱརཀཱ མེཐུནཀཱཏི ཝུཙྩནྟི, ཨུབྷོ ཨདྷིཀརཎཀཱརཀཱ མེཐུནཀཱཏི ཝུཙྩནྟི, ཨུབྷོ ཝཱདིནོ མེཐུནཀཱཏི ཝུཙྩནྟི, ཨུབྷོ སལླཱཔཀཱ མེཐུནཀཱཏི ཝུཙྩནྟི; ཨེཝམེཝཾ ཨུབྷིནྣཾ རཏྟཱནཾ སཱརཏྟཱནཾ ཨཝསྶུཏཱནཾ ¶ པརིཡུཊྛིཏཱནཾ པརིཡཱདིནྣཙིཏྟཱནཾ ཨུབྷིནྣཾ སདིསཱནཾ དྷམྨོཏི – ཏཾཀཱརཎཱ ཝུཙྩཏི མེཐུནདྷམྨོ.

མེཐུནམནུཡུཏྟསྶཱཏི. མེཐུནདྷམྨེ ཡུཏྟསྶ པཡུཏྟསྶ ཨཱཡུཏྟསྶ སམཱཡུཏྟསྶ ཏཙྩརིཏསྶ ཏབྦཧུལསྶ ཏགྒརུཀསྶ ཏནྣིནྣསྶ ཏཔྤོཎསྶ ཏཔྤབྦྷཱརསྶ ཏདདྷིམུཏྟསྶ ཏདདྷིཔཏེཡྻསྶཱཏི – མེཐུནམནུཡུཏྟསྶ.

མེཏྟེཡྻཱཏི བྷགཝཱ ཏཾ ཐེརཾ གོཏྟེན ཨཱལཔཏི. བྷགཝཱཏི གཱརཝཱདྷིཝཙནཾ. ཨཔི ཙ བྷགྒརཱགོཏི བྷགཝཱ, བྷགྒདོསོཏི ¶ བྷགཝཱ, བྷགྒམོཧོཏི བྷགཝཱ, བྷགྒམཱནོཏི བྷགཝཱ, བྷགྒདིཊྛཱིཏི བྷགཝཱ, བྷགྒཀཎྜཀོཏི [བྷགྒཀཎྜཀོཏི (སཱི. སྱཱ.)] བྷགཝཱ, བྷགྒཀིལེསོཏི བྷགཝཱ, བྷཛི ཝིབྷཛི པཝིབྷཛི དྷམྨརཏནནྟི བྷགཝཱ, བྷཝཱནཾ ཨནྟཀརོཏི བྷགཝཱ, བྷཱཝིཏཀཱཡོ བྷཱཝིཏསཱིལོ བྷཱཝིཏཙིཏྟོ བྷཱཝིཏཔཉྙོཏི བྷགཝཱ, བྷཛི ཝཱ བྷགཝཱ ཨརཉྙཝནཔཏྠཱནི [ཨརཉྙེ ཝནཔཏྠཱནི (སཱི.)] པནྟཱནི སེནཱསནཱནི ཨཔྤསདྡཱནི ཨཔྤནིགྒྷོསཱནི ཝིཛནཝཱཏཱནི ¶ མནུསྶརཱཧསྶེཡྻཀཱནི [མནུསྶརཱཧསེཡྻཀཱནི (སཱི. སྱཱ.)] པཊིསལླཱནསཱརུཔྤཱནཱིཏི བྷགཝཱ, བྷཱགཱི ཝཱ བྷགཝཱ ¶ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནནྟི བྷགཝཱ, བྷཱགཱི ཝཱ བྷགཝཱ ཨཏྠརསསྶ དྷམྨརསསྶ ཝིམུཏྟིརསསྶ ཨདྷིསཱིལསྶ ཨདྷིཙིཏྟསྶ ཨདྷིཔཉྙཱཡཱཏི བྷགཝཱ, བྷཱགཱི ཝཱ བྷགཝཱ ཙཏུནྣཾ ཛྷཱནཱནཾ ཙཏུནྣཾ ཨཔྤམཉྙཱནཾ ཙཏུནྣཾ ཨརཱུཔསམཱཔཏྟཱིནནྟི བྷགཝཱ, བྷཱགཱི ཝཱ བྷགཝཱ ཨཊྛནྣཾ ཝིམོཀྑཱནཾ ཨཊྛནྣཾ ཨབྷིབྷཱཡཏནཱནཾ ནཝནྣཾ ཨནུཔུབྦཝིཧཱརསམཱཔཏྟཱིནནྟི བྷགཝཱ, བྷཱགཱི ཝཱ བྷགཝཱ དསནྣཾ སཉྙཱབྷཱཝནཱནཾ དསནྣཾ ཀསིཎསམཱཔཏྟཱིནཾ ཨཱནཱཔཱནསྶཏིསམཱདྷིསྶ ཨསུབྷསམཱཔཏྟིཡཱཏི བྷགཝཱ, བྷཱགཱི ཝཱ བྷགཝཱ ཙཏུནྣཾ སཏིཔཊྛཱནཱནཾ ཙཏུནྣཾ སམྨཔྤདྷཱནཱནཾ ཙཏུནྣཾ ཨིདྡྷིཔཱདཱནཾ པཉྩནྣཾ ཨིནྡྲིཡཱནཾ པཉྩནྣཾ བལཱནཾ སཏྟནྣཾ བོཛ྄ཛྷངྒཱནཾ ཨརིཡསྶ ཨཊྛངྒིཀསྶ མགྒསྶཱཏི བྷགཝཱ, བྷཱགཱི ཝཱ བྷགཝཱ དསནྣཾ ཏཐཱགཏབལཱནཾ ཙཏུནྣཾ ཝེསཱརཛྫཱནཾ ཙཏུནྣཾ པཊིསམྦྷིདཱནཾ ཚནྣཾ ཨབྷིཉྙཱནཾ [ཨབྷིཉྙཱཎཱནཾ (སཱི.)] ཚནྣཾ བུདྡྷདྷམྨཱནནྟི བྷགཝཱ. བྷགཝཱཏི ནེཏཾ ནཱམཾ མཱཏརཱ ¶ ཀཏཾ, ན པིཏརཱ ཀཏཾ, ན བྷཱཏརཱ ཀཏཾ, ན བྷགིནིཡཱ ཀཏཾ, ན མིཏྟཱམཙྩེཧི ཀཏཾ, ན ཉཱཏིསཱལོཧིཏེཧི ཀཏཾ ན སམཎབྲཱཧྨཎེཧི ཀཏཾ, ན དེཝཏཱཧི ཀཏཾ. ཝིམོཀྑནྟིཀམེཏཾ བུདྡྷཱནཾ བྷགཝནྟཱནཾ བོདྷིཡཱ མཱུལེ སཧ སབྦཉྙུཏཉྙཱཎསྶ པཊིལཱབྷཱ སཙྪིཀཱ པཉྙཏྟི ཡདིདཾ བྷགཝཱཏི – མེཏྟེཡྻཱཏི བྷགཝཱ.

མུསྶཏེ ཝཱཔི སཱསནནྟི. དྭཱིཧི ཀཱརཎེཧི སཱསནཾ མུསྶཏི – པརིཡཏྟིསཱསནམྤི མུསྶཏི, པཊིཔཏྟིསཱསནམྤི མུསྶཏི. ཀཏམཾ པརིཡཏྟིསཱསནཾ? ཡཾ ཏསྶ པརིཡཱཔུཊཾ – སུཏྟཾ གེཡྻཾ ¶ ཝེཡྻཱཀརཎཾ གཱཐཱ ཨུདཱནཾ ཨིཏིཝུཏྟཀཾ ཛཱཏཀཾ ཨབྦྷུཏདྷམྨཾ ཝེདལླཾ – ཨིདཾ པརིཡཏྟིསཱསནཾ. ཏམྤི མུསྶཏི སམྨུསྶཏི པམུསྶཏི སམྤམུསྶཏི པརིབཱཧིརོ ཧོཏཱིཏི – ཨེཝམྤི མུསྶཏེ ཝཱཔི སཱསནཾ.

ཀཏམཾ པཊིཔཏྟིསཱསནཾ? སམྨཱཔཊིཔདཱ ཨནུལོམཔཊིཔདཱ ¶ ཨཔཙྩནཱིཀཔཊིཔདཱ ཨནྭཏྠཔཊིཔདཱ དྷམྨཱནུདྷམྨཔཊིཔདཱ སཱིལེསུ པརིཔཱུརཀཱརིཏཱ ཨིནྡྲིཡེསུ གུཏྟདྭཱརཏཱ བྷོཛནེ མཏྟཉྙུཏཱ ཛཱགརིཡཱནུཡོགོ སཏིསམྤཛཉྙཾ ཙཏྟཱརོ སཏིཔཊྛཱནཱ ཙཏྟཱརོ སམྨཔྤདྷཱནཱ ཙཏྟཱརོ ཨིདྡྷིཔཱདཱ པཉྩིནྡྲིཡཱནི པཉྩ བལཱནི སཏྟ བོཛ྄ཛྷངྒཱ ཨརིཡོ ཨཊྛངྒིཀོ མགྒོ – ཨིདཾ པཊིཔཏྟིསཱསནཾ. ཏམྤི མུསྶཏི སམྨུསྶཏི པམུསྶཏི སམྤམུསྶཏི པརིབཱཧིརོ ཧོཏཱིཏི. ཨེཝམྤི མུསྶཏེ ཝཱཔི སཱསནཾ.

མིཙྪཱ ¶ ཙ པཊིཔཛྫཏཱིཏི. པཱཎམྤི ཧནཏི, ཨདིནྣམྤི ཨཱདིཡཏི ¶ , སནྡྷིམྤི ཚིནྡཏི, ནིལློཔམྤི ཧརཏི, ཨེཀཱགཱརིཀམྤི ཀརོཏི, པརིཔནྠེཔི ཏིཊྛཏི, པརདཱརམྤི གཙྪཏི, མུསཱཔི བྷཎཏཱིཏི – མིཙྪཱ ཙ པཊིཔཛྫཏི.

ཨེཏཾ ཏསྨིཾ ཨནཱརིཡནྟི. ཨེཏཾ ཏསྨིཾ པུགྒལེ ཨནརིཡདྷམྨོ བཱལདྷམྨོ མཱུལ༹ྷདྷམྨོ ཨཉྙཱཎདྷམྨོ ཨམརཱཝིཀྑེཔདྷམྨོ, ཡདིདཾ མིཙྪཱཔཊིཔདཱཏི – ཨེཏཾ ཏསྨིཾ ཨནཱརིཡཾ.

‘‘མེཐུནམནུཡུཏྟསྶ, [མེཏྟེཡྻཱཏི བྷགཝཱ]

མིཙྪཱ ཙ པཊིཔཛྫཏི, ཨེཏཾ ཏསྨིཾ ཨནཱརིཡ’’ནྟི.

ཨེཀོ པུབྦེ ཙརིཏྭཱན, མེཐུནཾ ཡོ ནིསེཝཏི;

ཡཱནཾ བྷནྟཾཝ ཏཾ ལོཀེ, ཧཱིནམཱཧུ པུཐུཛྫནཾ.

ཨེཀོ པུབྦེ ཙརིཏྭཱནཱཏི. དྭཱིཧི ཀཱརཎེཧི ཨེཀོ པུབྦེ ཙརིཏྭཱན – པབྦཛྫཱསངྑཱཏེན ཝཱ གཎཱཝཝསྶགྒཊྛེན ཝཱ. ཀཐཾ པབྦཛྫཱསངྑཱཏེན ཨེཀོ པུབྦེ ཙརིཏྭཱན? སབྦཾ གྷརཱཝཱསཔལིབོདྷཾ ཚིནྡིཏྭཱ པུཏྟདཱརཔལིབོདྷཾ ཚིནྡིཏྭཱ ཉཱཏིཔལིབོདྷཾ ཚིནྡིཏྭཱ མིཏྟཱམཙྩཔལིབོདྷཾ ཚིནྡིཏྭཱ སནྣིདྷིཔལིབོདྷཾ ཚིནྡིཏྭཱ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ¶ ཨཙྪཱདེཏྭཱ ཨགཱརསྨཱ ཨནགཱརིཡཾ ¶ པབྦཛིཏྭཱ ཨཀིཉྩནབྷཱཝཾ ཨུཔགནྟྭཱ ཨེཀོ ¶ ཙརཏི ཝིཧརཏི ཨིརིཡཏི ཝཏྟཏི པཱལེཏི ཡཔེཏི ཡཱཔེཏི. ཨེཝཾ པབྦཛྫཱསངྑཱཏེན ཨེཀོ པུབྦེ ཙརིཏྭཱན.

ཀཐཾ གཎཱཝཝསྶགྒཊྛེན ཨེཀོ པུབྦེ ཙརིཏྭཱན? སོ ཨེཝཾ པབྦཛིཏོ སམཱནོ ཨེཀོ ཨརཉྙཝནཔཏྠཱནི པནྟཱནི སེནཱསནཱནི པཊིསེཝཏི ཨཔྤསདྡཱནི ཨཔྤནིགྒྷོསཱནི ཝིཛནཝཱཏཱནི མནུསྶརཱཧསྶེཡྻཀཱནི པཊིསལླཱནསཱརུཔྤཱནི. སོ ཨེཀོ གཙྪཏི, ཨེཀོ ཏིཊྛཏི, ཨེཀོ ནིསཱིདཏི, ཨེཀོ སེཡྻཾ ཀཔྤེཏི, ཨེཀོ གཱམཾ པིཎྜཱཡ པཝིསཏི, ཨེཀོ པཊིཀྐམཏི, ཨེཀོ རཧོ ནིསཱིདཏི, ཨེཀོ ཙངྐམཾ ཨདྷིཊྛཱཏི, ཨེཀོ ཙརཏི ཝིཧརཏི ཨིརིཡཏི ཝཏྟཏི པཱལེཏི ཡཔེཏི ཡཱཔེཏི. ཨེཝཾ གཎཱཝཝསྶགྒཊྛེན ཨེཀོ པུབྦེ ཙརིཏྭཱན.

མེཐུནཾ ཡོ ནིསེཝཏཱིཏི. མེཐུནདྷམྨོ ནཱམ ཡོ སོ ཨསདྡྷམྨོ…པེ… ཏཾཀཱརཎཱ ཝུཙྩཏི མེཐུནདྷམྨོ. མེཐུནཾ ཡོ ནིསེཝཏཱིཏི ¶ . ཡོ ཨཔརེན སམཡེན བུདྡྷཾ དྷམྨཾ སངྒྷཾ སིཀྑཾ པཙྩཀྑཱཡ ཧཱིནཱཡཱཝཏྟིཏྭཱ མེཐུནཾ དྷམྨཾ སེཝཏི ནིསེཝཏི སཾསེཝཏི པཊིསེཝཏཱིཏི – མེཐུནཾ ཡོ ནིསེཝཏི.

ཡཱནཾ བྷནྟཾཝ ཏཾ ལོཀེཏི. ཡཱནནྟི ཧཏྠིཡཱནཾ ཨསྶཡཱནཾ གོཡཱནཾ ཨཛཡཱནཾ མེཎྜཡཱནཾ ཨོཊྛཡཱནཾ ཁརཡཱནཾ བྷནྟཾ ཨདནྟཾ ཨཀཱརིཏཾ ཨཝིནཱིཏཾ ཨུཔྤཐཾ གཎྷཱཏི, ཝིསམཾ ཁཱཎུམྤི པཱསཱཎམྤི ཨབྷིརུཧཏི, ཡཱནམྤི ཨཱརོཧནཀམྤི བྷཉྫཏི, པཔཱཏེཔི པཔཏཏི. ཡཐཱ ཏཾ བྷནྟཾ ¶ ཡཱནཾ ཨདནྟཾ ཨཀཱརིཏཾ ཨཝིནཱིཏཾ ཨུཔྤཐཾ གཎྷཱཏི; ཨེཝམེཝཾ སོ ཝིབྦྷནྟཀོ བྷནྟཡཱནཔཊིབྷཱགོ ཨུཔྤཐཾ གཎྷཱཏི, མིཙྪཱདིཊྛིཾ གཎྷཱཏི…པེ… མིཙྪཱསམཱདྷིཾ གཎྷཱཏི. ཡཐཱ ཏཾ བྷནྟཾ ཡཱནཾ ཨདནྟཾ ཨཀཱརིཏཾ ཨཝིནཱིཏཾ ཝིསམཾ ཁཱཎུམྤི པཱསཱཎམྤི ཨབྷིརུཧཏི; ཨེཝམེཝཾ སོ ཝིབྦྷནྟཀོ བྷནྟཡཱནཔཊིབྷཱགོ ཝིསམཾ ཀཱཡཀམྨཾ ཨབྷིརུཧཏི, ཝིསམཾ ཝཙཱིཀམྨཾ ཨབྷིརུཧཏི, ཝིསམཾ མནོཀམྨཾ ཨབྷིརུཧཏི, ཝིསམཾ པཱཎཱཏིཔཱཏཾ ཨབྷིརུཧཏི, ཝིསམཾ ཨདིནྣཱདཱནཾ ཨབྷིརུཧཏི, ཝིསམཾ ཀཱམེསུམིཙྪཱཙཱརཾ ཨབྷིརུཧཏི, ཝིསམཾ མུསཱཝཱདཾ ཨབྷིརུཧཏི, ཝིསམཾ པིསུཎཝཱཙཾ ཨབྷིརུཧཏི, ཝིསམཾ ཕརུསཝཱཙཾ ཨབྷིརུཧཏི, ཝིསམཾ སམྥཔྤལཱཔཾ ཨབྷིརུཧཏི ¶ , ཝིསམཾ ཨབྷིཛ྄ཛྷཾ ཨབྷིརུཧཏི, ཝིསམཾ བྱཱཔཱདཾ ཨབྷིརུཧཏི, ཝིསམཾ མིཙྪཱདིཊྛིཾ ཨབྷིརུཧཏི, ཝིསམེ སངྑཱརེ ཨབྷིརུཧཏི, ཝིསམེ པཉྩ ཀཱམགུཎེ ཨབྷིརུཧཏི, ཝིསམེ ནཱིཝརཎེ ཨབྷིརུཧཏི. ཡཐཱ ཏཾ བྷནྟཾ ཡཱནཾ ཨདནྟཾ ཨཀཱརིཏཾ ཨཝིནཱིཏཾ ཡཱནམྤི ཨཱརོཧནཀམྤི བྷཉྫཏི; ཨེཝམེཝཾ སོ ཝིབྦྷནྟཀོ བྷནྟཡཱནཔཊིབྷཱགོ ནིརཡེ ཨཏྟཱནཾ བྷཉྫཏི ¶ , ཏིརཙྪཱནཡོནིཡཾ ཨཏྟཱནཾ བྷཉྫཏི, པེཏྟིཝིསཡེ ཨཏྟཱནཾ བྷཉྫཏི, མནུསྶལོཀེ ཨཏྟཱནཾ བྷཉྫཏི, དེཝལོཀེ ཨཏྟཱནཾ བྷཉྫཏི. ཡཐཱ ཏཾ བྷནྟཾ ཡཱནཾ ཨདནྟཾ ཨཀཱརིཏཾ ཨཝིནཱིཏཾ པཔཱཏེ པཔཏཏི; ཨེཝམེཝཾ སོ ཝིབྦྷནྟཀོ བྷནྟཡཱནཔཊིབྷཱགོ ཛཱཏིཔཔཱཏམྤི པཔཏཏི, ཛརཱཔཔཱཏམྤི པཔཏཏི, བྱཱདྷིཔཔཱཏམྤི པཔཏཏི, མརཎཔཔཱཏམྤི པཔཏཏི, སོཀཔརིདེཝདུཀྑདོམནསྶུཔཱཡཱསཔཔཱཏམྤི པཔཏཏི. ལོཀེཏི ཨཔཱཡལོཀེ མནུསྶལོཀེཏི ¶ – ཡཱནཾ བྷནྟཾཝ ཏཾ ལོཀེ.

ཧཱིནམཱཧུ པུཐུཛྫནནྟི. པུཐུཛྫནཱཏི ཀེནཊྛེན པུཐུཛྫནཱ? པུཐུ ཀིལེསེ ཛནེནྟཱིཏི པུཐུཛྫནཱ, པུཐུ ཨཝིཧཏསཀྐཱཡདིཊྛིཀཱཏི པུཐུཛྫནཱ, པུཐུ སཏྠཱརཱནཾ མུཁུལློཀིཀཱཏི པུཐུཛྫནཱ, པུཐུ སབྦགཏཱིཧི ཨཝུཊྛིཏཱཏི པུཐུཛྫནཱ ¶ , པུཐུ ནཱནཱབྷིསངྑཱརེ [ནཱནཱབྷིསངྑཱརེཧི (སྱཱ.)] ཨབྷིསངྑརོནྟཱིཏི པུཐུཛྫནཱ, པུཐུ ནཱནཱཨོགྷེཧི ཝུཡ྄ཧནྟཱིཏི པུཐུཛྫནཱ, པུཐུ ནཱནཱསནྟཱཔེཧི སནྟཔནྟཱིཏི པུཐུཛྫནཱ, པུཐུ ནཱནཱཔརིལཱ༹ཧེཧི པརིདཡ྄ཧནྟཱིཏི པུཐུཛྫནཱ, པུཐུ པཉྩསུ ཀཱམགུཎེསུ རཏྟཱ གིདྡྷཱ གདྷིཏཱ མུཙྪིཏཱ ཨཛ྄ཛྷོསནྣཱ [ཨཛ྄ཛྷོཔནྣཱ (སཱི. སྱཱ.)] ལགྒཱ ལགྒིཏཱ པལིབུདྡྷཱཏི པུཐུཛྫནཱ, པུཐུ པཉྩཧི ནཱིཝརཎེཧི ཨཱཝུཏཱ ནིཝུཏཱ ཨོཝུཏཱ པིཧིཏཱ པཊིཙྪནྣཱ པཊིཀུཛྫིཏཱཏི པུཐུཛྫནཱ. ཧཱིནམཱཧུ པུཐུཛྫནནྟི. པུཐུཛྫནཾ ཧཱིནཾ ནིཧཱིནཾ ཨོམཀཾ ལཱམཀཾ ¶ ཚཏུཀྐཾ པརིཏྟནྟི ཨེཝམཱཧཾསུ ཨེཝཾ ཀཐེནྟི ཨེཝཾ བྷཎནྟི ཨེཝཾ དཱིཔཡནྟི ཨེཝཾ ཝོཧརནྟཱིཏི – ཧཱིནམཱཧུ པུཐུཛྫནཾ.

‘‘ཨེཀོ པུབྦེ ཙརིཏྭཱན, མེཐུནཾ ཡོ ནིསེཝཏི;

ཡཱནཾ བྷནྟཾཝ ཏཾ ལོཀེ, ཧཱིནམཱཧུ པུཐུཛྫན’’ནྟི.

ཡསོ ཀིཏྟི ཙ ཡཱ པུབྦེ, ཧཱཡཏེ ཝཱཔི ཏསྶ སཱ;

ཨེཏམྤི དིསྭཱ སིཀྑེཐ, མེཐུནཾ ཝིཔྤཧཱཏཝེ.

ཡསོ ཀིཏྟི ཙ ཡཱ པུབྦེ, ཧཱཡཏེ ཝཱཔི ཏསྶ སཱཏི. ཀཏམོ ཡསོ? ཨིདྷེཀཙྩོ པུབྦེ སམཎབྷཱཝེ སཀྐཏོ ཧོཏི གརུཀཏོ ¶ མཱནིཏོ པཱུཛིཏོ ཨཔཙིཏོ ལཱབྷཱི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནཾ – ཨཡཾ ཡསོ. ཀཏམཱ ཀིཏྟི? ཨིདྷེཀཙྩོ པུབྦེ སམཎབྷཱཝེ ཀིཏྟིཝཎྞགཏོ ཧོཏི པཎྜིཏོ ཝིཡཏྟོ མེདྷཱཝཱི བཧུསྶུཏོ ཙིཏྟཀཐཱི ཀལྱཱཎཔཊིབྷཱནོ – སུཏྟནྟིཀོཏི ཝཱ ཝིནཡདྷརོཏི ཝཱ དྷམྨཀཐིཀོཏི ཝཱ ཨཱརཉྙིཀོཏི ཝཱ པིཎྜཔཱཏིཀོཏི ཝཱ པཾསུཀཱུལིཀོཏི ཝཱ ཏེཙཱིཝརིཀོཏི ཝཱ སཔདཱནཙཱརིཀོཏི ཝཱ ཁལུཔཙྪཱབྷཏྟིཀོཏི ¶ ཝཱ ནེསཛྫིཀོཏི ཝཱ ཡཐཱསནྠཏིཀོཏི ཝཱ པཋམསྶ ཛྷཱནསྶ ལཱབྷཱིཏི ཝཱ དུཏིཡསྶ ཛྷཱནསྶ ལཱབྷཱིཏི ཝཱ ཏཏིཡསྶ ཛྷཱནསྶ ལཱབྷཱིཏི ཝཱ ཙཏུཏྠསྶ ཛྷཱནསྶ ལཱབྷཱིཏི ཝཱ ཨཱཀཱསཱནཉྩཱཡཏནསམཱཔཏྟིཡཱ ལཱབྷཱིཏི ཝཱ ཝིཉྙཱཎཉྩཱཡཏནསམཱཔཏྟིཡཱ ལཱབྷཱིཏི ཝཱ ཨཱཀིཉྩཉྙཱཡཏནསམཱཔཏྟིཡཱ ལཱབྷཱིཏི ཝཱ ནེཝསཉྙཱནཱསཉྙཱཡཏནསམཱཔཏྟིཡཱ ལཱབྷཱིཏི ཝཱ, ཨཡཾ ཀིཏྟཱིཏི – ཡསོ ཀིཏྟི ཙ ཡཱ པུབྦེ.

ཧཱཡཏེ ¶ ཝཱཔི ཏསྶ སཱཏི. ཏསྶ ཨཔརེན སམཡེན བུདྡྷཾ དྷམྨཾ སངྒྷཾ སིཀྑཾ པཙྩཀྑཱཡ ཧཱིནཱཡཱཝཏྟསྶ སོ ཙ ཡསོ སཱ ཙ ཀིཏྟི ཧཱཡཏི པརིཧཱཡཏི ¶ པརིདྷཾསཏི པརིཔཏཏི ཨནྟརདྷཱཡཏི ཝིཔྤལུཛྫཏཱིཏི – ཡསོ ཀིཏྟི ཙ ཡཱ པུབྦེ ཧཱཡཏེ ཝཱཔི ཏསྶ སཱ.

ཨེཏམྤི དིསྭཱ སིཀྑེཐ མེཐུནཾ ཝིཔྤཧཱཏཝེཏི. ཨེཏནྟི པུབྦེ སམཎབྷཱཝེ ཡསོ ཀིཏྟི ཙ, ཨཔརབྷཱགེ བུདྡྷཾ དྷམྨཾ སངྒྷཾ སིཀྑཾ པཙྩཀྑཱཡ ཧཱིནཱཡཱཝཏྟསྶ ཨཡསོ ཙ ཨཀིཏྟི ཙ; ཨེཏཾ སམྤཏྟིཾ ¶ ཝིཔཏྟིཾ. དིསྭཱཏི པསྶིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱཏི – ཨེཏམྤི དིསྭཱ. སིཀྑེཐཱཏི ཏིསྶོ སིཀྑཱ – ཨདྷིསཱིལསིཀྑཱ, ཨདྷིཙིཏྟསིཀྑཱ, ཨདྷིཔཉྙཱསིཀྑཱ. ཀཏམཱ ཨདྷིསཱིལསིཀྑཱ? ཨིདྷ བྷིཀྑུ སཱིལཝཱ ཧོཏི, པཱཏིམོཀྑསཾཝརསཾཝུཏོ ཝིཧརཏི ཨཱཙཱརགོཙརསམྤནྣོ ཨཎུམཏྟེསུ ཝཛྫེསུ བྷཡདསྶཱཝཱི, སམཱདཱཡ སིཀྑཏི སིཀྑཱཔདེསུ. ཁུདྡཀོ སཱིལཀྑནྡྷོ, མཧནྟོ སཱིལཀྑནྡྷོ. སཱིལཾ པཏིཊྛཱ ཨཱདི ཙརཎཾ སཾཡམོ སཾཝརོ མུཁཾ པམུཁཾ ཀུསལཱནཾ དྷམྨཱནཾ སམཱཔཏྟིཡཱ – ཨཡཾ ཨདྷིསཱིལསིཀྑཱ.

ཀཏམཱ ཨདྷིཙིཏྟསིཀྑཱ? ཨིདྷ བྷིཀྑུ ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཏི…པེ… དུཏིཡཾ ཛྷཱནཾ… ཏཏིཡཾ ཛྷཱནཾ… ཙཏུཏྠཾ ཛྷཱནཾ ཨུཔསམྤཛྫ ཝིཧརཏི – ཨཡཾ ཨདྷིཙིཏྟསིཀྑཱ.

ཀཏམཱ ཨདྷིཔཉྙཱསིཀྑཱ? ཨིདྷ བྷིཀྑུ པཉྙཝཱ ཧོཏི ཨུདཡཏྠགཱམིནིཡཱ པཉྙཱཡ སམནྣཱགཏོ ཨརིཡཱཡ ནིབྦེདྷིཀཱཡ སམྨཱ དུཀྑཀྑཡགཱམིནིཡཱ. སོ ཨིདཾ དུཀྑནྟི ཡཐཱབྷཱུཏཾ པཛཱནཱཏི, ཨཡཾ དུཀྑསམུདཡོཏི ཡཐཱབྷཱུཏཾ པཛཱནཱཏི, ཨཡཾ དུཀྑནིརོདྷོཏི ཡཐཱབྷཱུཏཾ པཛཱནཱཏི, ཨཡཾ དུཀྑནིརོདྷགཱམིནཱི པཊིཔདཱཏི ཡཐཱབྷཱུཏཾ པཛཱནཱཏི, ཨིམེ ཨཱསཝཱཏི ཡཐཱབྷཱུཏཾ པཛཱནཱཏི, ཨཡཾ ཨཱསཝསམུདཡོཏི ཡཐཱབྷཱུཏཾ པཛཱནཱཏི, ཨཡཾ ཨཱསཝནིརོདྷོཏི ཡཐཱབྷཱུཏཾ པཛཱནཱཏི ¶ , ཨཡཾ ཨཱསཝནིརོདྷགཱམིནཱི ¶ པཊིཔདཱཏི ཡཐཱབྷཱུཏཾ པཛཱནཱཏི – ཨཡཾ ཨདྷིཔཉྙཱསིཀྑཱ. མེཐུནདྷམྨོ ¶ ནཱམ ཡོ སོ ཨསདྡྷམྨོ…པེ… ཏཾཀཱརཎཱ ཝུཙྩཏི མེཐུནདྷམྨོ.

ཨེཏམྤི ¶ དིསྭཱ སིཀྑེཐ, མེཐུནཾ ཝིཔྤཧཱཏཝེཏི. མེཐུནདྷམྨསྶ པཧཱནཱཡ ཝཱུཔསམཱཡ པཊིནིསྶགྒཱཡ པཊིཔསྶདྡྷིཡཱ ཨདྷིསཱིལམྤི སིཀྑེཡྻ, ཨདྷིཙིཏྟམྤི སིཀྑེཡྻ, ཨདྷིཔཉྙམྤི སིཀྑེཡྻ. ཨིམཱ ཏིསྶོ སིཀྑཱཡོ ཨཱཝཛྫནྟོ སིཀྑེཡྻ, ཛཱནནྟོ སིཀྑེཡྻ, པསྶནྟོ སིཀྑེཡྻ, པཙྩཝེཀྑནྟོ སིཀྑེཡྻ, ཙིཏྟཾ ཨདྷིཊྛཧནྟོ སིཀྑེཡྻ, སདྡྷཱཡ ཨདྷིམུཙྩནྟོ སིཀྑེཡྻ, ཝཱིརིཡཾ པགྒཎྷནྟོ སིཀྑེཡྻ, སཏིཾ ཨུཔཊྛཔེནྟོ སིཀྑེཡྻ, ཙིཏྟཾ སམཱདཧནྟོ སིཀྑེཡྻ, པཉྙཱཡ པཛཱནནྟོ སིཀྑེཡྻ, ཨབྷིཉྙེཡྻཾ ཨབྷིཛཱནནྟོ སིཀྑེཡྻ, པརིཉྙེཡྻཾ པརིཛཱནནྟོ སིཀྑེཡྻ, པཧཱཏབྦཾ པཛཧནྟོ སིཀྑེཡྻ, བྷཱཝེཏབྦཾ བྷཱཝེནྟོ སིཀྑེཡྻ, སཙྪིཀཱཏབྦཾ སཙྪིཀརོནྟོ སིཀྑེཡྻ ཨཱཙརེཡྻ སམཱཙརེཡྻ སམཱདཱཡ ཝཏྟེཡྻཱཏི – ཨེཏམྤི དིསྭཱ སིཀྑེཐ, མེཐུནཾ ཝིཔྤཧཱཏཝེ.

‘‘ཡསོ ཀིཏྟི ཙ ཡཱ པུབྦེ, ཧཱཡཏེ ཝཱཔི ཏསྶ སཱ;

ཨེཏམྤི དིསྭཱ སིཀྑེཐ, མེཐུནཾ ཝིཔྤཧཱཏཝེ’’ཏི.

སངྐཔྤེཧི པརེཏོ སོ, ཀཔཎོ ཝིཡ ཛྷཱཡཏི;

སུཏྭཱ པརེསཾ ནིགྒྷོསཾ, མངྐུ ཧོཏི ཏཐཱཝིདྷོ.

སངྐཔྤེཧི ¶ པརེཏོ སོ, ཀཔཎོ ཝིཡ ཛྷཱཡཏཱིཏི. ཀཱམསངྐཔྤེན བྱཱཔཱདསངྐཔྤེན ཝིཧིཾསཱསངྐཔྤེན དིཊྛིསངྐཔྤེན ཕུཊྛོ པརེཏོ སམོཧིཏོ སམནྣཱགཏོ པིཧིཏོ ཀཔཎོ ཝིཡ མནྡོ ཝིཡ མོམཱུཧོ ཝིཡ ཛྷཱཡཏི པཛ྄ཛྷཱཡཏི ནིཛ྄ཛྷཱཡཏི ཨཔཛ྄ཛྷཱཡཏི [ཨཝཛ྄ཛྷཱཡཏི (སྱཱ.)]. ཡཐཱ ཨུལཱུཀོ རུཀྑསཱཁཱཡཾ མཱུསིཀཾ མགཡམཱནོ ཛྷཱཡཏི པཛ྄ཛྷཱཡཏི ནིཛ྄ཛྷཱཡཏི ཨཔཛ྄ཛྷཱཡཏི, ཡཐཱ ཀོཏྠུ ནདཱིཏཱིརེ མཙྪེ མགཡམཱནོ ཛྷཱཡཏི པཛ྄ཛྷཱཡཏི ནིཛ྄ཛྷཱཡཏི ཨཔཛ྄ཛྷཱཡཏི, ཡཐཱ ¶ བིལཱ༹རོ སནྡྷིསམལསངྐཊིརེ མཱུསིཀཾ མགཡམཱནོ ཛྷཱཡཏི པཛ྄ཛྷཱཡཏི ནིཛ྄ཛྷཱཡཏི ཨཔཛ྄ཛྷཱཡཏི, ཡཐཱ གདྲབྷོ ཝཧཙྪིནྣོ སནྡྷིསམལསངྐཊིརེ ཛྷཱཡཏི པཛ྄ཛྷཱཡཏི ནིཛ྄ཛྷཱཡཏི ཨཔཛ྄ཛྷཱཡཏི; ཨེཝམེཝཾ སོ ཝིབྦྷནྟཀོ ཀཱམསངྐཔྤེན བྱཱཔཱདསངྐཔྤེན ཝིཧིཾསཱསངྐཔྤེན དིཊྛིསངྐཔྤེན ཕུཊྛོ པརེཏོ སམོཧིཏོ ¶ སམནྣཱགཏོ པིཧིཏོ ཀཔཎོ ཝིཡ མནྡོ ཝིཡ མོམཱུཧོ ཝིཡ ཛྷཱཡཏི པཛ྄ཛྷཱཡཏི ནིཛ྄ཛྷཱཡཏི ཨཔཛ྄ཛྷཱཡཏཱིཏི – སངྐཔྤེཧི པརེཏོ སོ ཀཔཎོ ཝིཡ ཛྷཱཡཏི.

སུཏྭཱ ¶ པརེསཾ ནིགྒྷོསཾ, མངྐུ ཧོཏི ཏཐཱཝིདྷོཏི. པརེསནྟི ཨུཔཛ྄ཛྷཱཡཱ ཝཱ ཨཱཙརིཡཱ ཝཱ སམཱནུཔཛ྄ཛྷཱཡཀཱ ཝཱ སམཱནཱཙརིཡཀཱ ཝཱ མིཏྟཱ ཝཱ སནྡིཊྛཱ ཝཱ སམྦྷཏྟཱ ཝཱ སཧཱཡཱ ཝཱ ཙོདེནྟི – ‘‘ཏསྶ ཏེ, ཨཱཝུསོ, ཨལཱབྷཱ, ཏསྶ ཏེ དུལླདྡྷཾ, ཡཾ ཏྭཾ ཨེཝརཱུཔཾ ཨུལཱ༹རཾ སཏྠཱརཾ ལབྷིཏྭཱ ཨེཝཾ སྭཱཀྑཱཏེ དྷམྨཝིནཡེ པབྦཛིཏྭཱ ཨེཝརཱུཔཾ ཨརིཡགཎཾ ལབྷིཏྭཱ ཧཱིནསྶ མེཐུནདྷམྨསྶ ཀཱརཎཱ བུདྡྷཾ ¶ དྷམྨཾ སངྒྷཾ སིཀྑཾ པཙྩཀྑཱཡ ཧཱིནཱཡཱཝཏྟོསི. སདྡྷཱཔི ནཱམ ཏེ ནཱཧོསི ཀུསལེསུ དྷམྨེསུ, ཧིརཱིཔི ནཱམ ཏེ ནཱཧོསི ཀུསལེསུ དྷམྨེསུ, ཨོཏྟཔྤམྤི ནཱམ ཏེ ནཱཧོསི ཀུསལེསུ དྷམྨེསུ, ཝཱིརིཡམྤི ནཱམ ཏེ ནཱཧོསི ཀུསལེསུ དྷམྨེསུ, སཏིཔི ནཱམ ཏེ ནཱཧོསི ཀུསལེསུ དྷམྨེསུ, པཉྙཱཔི ནཱམ ཏེ ནཱཧོསི ཀུསལེསུ དྷམྨེསཱུ’’ཏི. ཏེསཾ ཝཙནཾ བྱཔྤཐཾ དེསནཾ ཨནུསཱསནཾ ཨནུསིཊྛིཾ སུཏྭཱ སུཎིཏྭཱ ཨུགྒཧེཏྭཱ ཨུཔདྷཱརཡིཏྭཱ ཨུཔལཀྑཡིཏྭཱ མངྐུ ཧོཏི, པཱིལི༹ཏོ གྷཊྚིཏོ བྱཱདྷིཏོ དོམནསྶིཏོ ཧོཏི. ཏཐཱཝིདྷོཏི ¶ ཏཐཱཝིདྷོ ཏཱདིསོ ཏསྶཎྛིཏོ ཏཔྤཀཱརོ ཏཔྤཊིབྷཱགོ. ཡོ སོ ཝིབྦྷནྟཀོཏི – སུཏྭཱ པརེསཾ ནིགྒྷོསཾ མངྐུ ཧོཏི ཏཐཱཝིདྷོ.

‘‘སངྐཔྤེཧི པརེཏོ སོ, ཀཔཎོ ཝིཡ ཛྷཱཡཏི;

སུཏྭཱ པརེསཾ ནིགྒྷོསཾ, མངྐུ ཧོཏི ཏཐཱཝིདྷོ’’ཏི.

ཨཐ སཏྠཱནི ཀུརུཏེ, པརཝཱདེཧི ཙོདིཏོ;

ཨེས ཁྭསྶ མཧཱགེདྷོ, མོསཝཛྫཾ པགཱཧཏི [སཾགཱཧཏི (ཀ.)] .

ཨཐ སཏྠཱནི ཀུརུཏེ, པརཝཱདེཧི ཙོདིཏོཏི. ཨཐཱཏི པདསནྡྷི པདསཾསགྒོ པདཔཱརིཔཱུརཱི ཨཀྑརསམཝཱཡོ བྱཉྫནསིལིཊྛཏཱ པདཱནུཔུབྦཏཱཔེཏཾ – ཨཐཱཏི. སཏྠཱནཱིཏི ཏཱིཎི སཏྠཱནི – ཀཱཡསཏྠཾ, ཝཙཱིསཏྠཾ, མནོསཏྠཾ. ཏིཝིདྷཾ ཀཱཡདུཙྩརིཏཾ ཀཱཡསཏྠཾ, ཙཏུབྦིདྷཾ ཝཙཱིདུཙྩརིཏཾ ཝཙཱིསཏྠཾ, ཏིཝིདྷཾ མནོདུཙྩརིཏཾ མནོསཏྠཾ. པརཝཱདེཧི ཙོདིཏོཏི. ཨུཔཛ྄ཛྷཱཡེཧི ཝཱ ཨཱཙརིཡེཧི ཝཱ སམཱནུཔཛ྄ཛྷཱཡཀེཧི ཝཱ སམཱནཱཙརིཡཀེཧི ¶ ཝཱ མིཏྟེཧི ཝཱ སནྡིཊྛེཧི ཝཱ སམྦྷཏྟེཧི ཝཱ སཧཱཡེཧི ཝཱ ཙོདིཏོ སམྤཛཱནམུསཱ བྷཱསཏི. ‘‘ཨབྷིརཏོ ཨཧཾ, བྷནྟེ, ཨཧོསིཾ པབྦཛྫཱཡ. མཱཏཱ མེ པོསེཏབྦཱ, ཏེནམྷི ཝིབྦྷནྟོ’’ཏི བྷཎཏི ¶ . ‘‘པིཏཱ མེ པོསེཏབྦོ ¶ , ཏེནམྷི ཝིབྦྷནྟོ’’ཏི བྷཎཏི. ‘‘བྷཱཏཱ མེ པོསེཏབྦོ… བྷགིནཱི མེ པོསེཏབྦཱ… པུཏྟོ མེ པོསེཏབྦོ… དྷཱིཏཱ མེ པོསེཏབྦཱ… མིཏྟཱ མེ པོསེཏབྦཱ… ཨམཙྩཱ མེ པོསེཏབྦཱ… ཉཱཏཀཱ མེ པོསེཏབྦཱ… སཱལོཧིཏཱ མེ པོསེཏབྦཱ, ཏེནམྷི ཝིབྦྷནྟོ’’ཏི བྷཎཏི. ཝཙཱིསཏྠཾ ཀརོཏི སངྐརོཏི ཛནེཏི སཉྫནེཏི ནིབྦཏྟེཏི ཨབྷིནིབྦཏྟེཏཱིཏི – ཨཐ སཏྠཱནི ཀུརུཏེ, པརཝཱདེཧི ཙོདིཏོ.

ཨེས ཁྭསྶ མཧཱགེདྷོཏི. ཨེསོ ཏསྶ མཧཱགེདྷོ ¶ མཧཱཝནཾ མཧཱགཧནཾ མཧཱཀནྟཱརོ མཧཱཝིསམོ མཧཱཀུཊིལོ མཧཱཔངྐོ མཧཱཔལིཔོ མཧཱཔལིབོདྷོ མཧཱབནྡྷནཾ, ཡདིདཾ སམྤཛཱནམུསཱཝཱདོཏི – ཨེས ཁྭསྶ མཧཱགེདྷོ.

མོསཝཛྫཾ པགཱཧཏཱིཏི. མོསཝཛྫཾ ཝུཙྩཏི མུསཱཝཱདོ. ཨིདྷེཀཙྩོ སབྷགྒཏོ ཝཱ པརིསགྒཏོ ཝཱ ཉཱཏིམཛ྄ཛྷགཏོ ཝཱ པཱུགམཛ྄ཛྷགཏོ ཝཱ རཱཛཀུལམཛ྄ཛྷགཏོ ཝཱ ཨབྷིནཱིཏོ སཀྑིཔུཊྛོ – ‘‘ཨེཧམྦྷོ པུརིས, ཡཾ ཛཱནཱསི ཏཾ ཝདེཧཱི’’ཏི, སོ ཨཛཱནཾ ཝཱ ཨཱཧ – ‘‘ཛཱནཱམཱི’’ཏི, ‘‘ཛཱནཾ’’ ཝཱ ཨཱཧ – ‘‘ན ཛཱནཱམཱི’’ཏི, ཨཔསྶཾ ཝཱ ཨཱཧ – ‘‘པསྶཱམཱི’’ཏི, པསྶཾ ཝཱ ཨཱཧ – ‘‘ན པསྶཱམཱི’’ཏི. ཨིཏི ཨཏྟཧེཏུ ཝཱ པརཧེཏུ ¶ ཝཱ ཨཱམིསཀིཉྩིཀྑཧེཏུ ཝཱ སམྤཛཱནམུསཱ བྷཱསཏི – ཨིདཾ ཝུཙྩཏི མོསཝཛྫཾ.

ཨཔི ཙ ཏཱིཧཱཀཱརེཧི མུསཱཝཱདོ ཧོཏི. པུབྦེཝསྶ ཧོཏི – ‘‘མུསཱ བྷཎིསྶ’’ནྟི, བྷཎནྟསྶ ཧོཏི – ‘‘མུསཱ བྷཎཱམཱི’’ཏི, བྷཎིཏསྶ ཧོཏི – ‘‘མུསཱ མཡཱ བྷཎིཏ’’ནྟི. ཨིམེཧི ཏཱིཧཱཀཱརེཧི མུསཱཝཱདོ ཧོཏི. ཨཔི ཙ ཙཏཱུཧཱཀཱརེཧི མུསཱཝཱདོ ཧོཏི. པུབྦེཝསྶ ཧོཏི – ‘‘མུསཱ བྷཎིསྶ’’ནྟི, བྷཎནྟསྶ ཧོཏི – ‘‘མུསཱ བྷཎཱམཱི’’ཏི, བྷཎིཏསྶ ཧོཏི – ‘‘མུསཱ མཡཱ བྷཎིཏ’’ནྟི, ཝིནིདྷཱཡ དིཊྛིཾ. ཨིམེཧི ཙཏཱུཧཱཀཱརེཧི མུསཱཝཱདོ ཧོཏི. ཨཔི ཙ པཉྩཧཱཀཱརེཧི… ཚཧཱཀཱརེཧི… སཏྟཧཱཀཱརེཧི… ཨཊྛཧཱཀཱརེཧི མུསཱཝཱདོ ཧོཏི. པུབྦེཝསྶ ཧོཏི – ‘‘མུསཱ བྷཎིསྶ’’ནྟི, བྷཎནྟསྶ ཧོཏི – ‘‘མུསཱ བྷཎཱམཱི’’ཏི, བྷཎིཏསྶ ཧོཏི – ‘‘མུསཱ མཡཱ བྷཎིཏ’’ནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ སཉྙཾ, ཝིནིདྷཱཡ བྷཱཝཾ. ཨིམེཧི ཨཊྛཧཱཀཱརེཧི མུསཱཝཱདོ ཧོཏི. མོསཝཛྫཾ པགཱཧཏཱིཏི. མོསཝཛྫཾ ¶ པགཱཧཏི ཨོགཱཧཏི ཨཛ྄ཛྷོགཱཧཏི པཝིསཏཱིཏི – མོསཝཛྫཾ པགཱཧཏི.

‘‘ཨཐ ¶ སཏྠཱནི ཀུརུཏེ, པརཝཱདེཧི ཙོདིཏོ;

ཨེས ཁྭསྶ མཧཱགེདྷོ, མོསཝཛྫཾ པགཱཧཏཱི’’ཏི.

པཎྜིཏོཏི སམཉྙཱཏོ, ཨེཀཙྩརིཡཾ [ཨེཀཙརིཡཾ (སཱི. སྱཱ.)] ཨདྷིཊྛིཏོ;

ས ཙཱཔི མེཐུནེ ཡུཏྟོ, མནྡོཝ པརིཀིསྶཏི.

པཎྜིཏོཏི སམཉྙཱཏོཏི. ཨིདྷེཀཙྩོ པུབྦེ སམཎབྷཱཝེ ཀིཏྟི ཝཎྞགཏོ ཧོཏི – ‘‘པཎྜིཏོ ཝིཡཏྟོ མེདྷཱཝཱི བཧུསྶུཏོ ཙིཏྟཀཐཱི ཀལྱཱཎཔཊིབྷཱནོ སུཏྟནྟིཀོཏི ཝཱ ཝིནཡདྷརོཏི ཝཱ དྷམྨཀཐིཀོཏི ཝཱ…པེ… ནེཝསཉྙཱནཱསཉྙཱཡཏནསམཱཔཏྟིཡཱ ལཱབྷཱི’’ཏི ཝཱ ¶ . ཨེཝཾ ཉཱཏོ ཧོཏི པཉྙཱཏོ སམཉྙཱཏོ ཧོཏཱིཏི – པཎྜིཏོཏི སམཉྙཱཏོ.

ཨེཀཙྩརིཡཾ ཨདྷིཊྛིཏོཏི. དྭཱིཧི ཀཱརཎེཧི ཨེཀཙྩརིཡཾ ཨདྷིཊྛིཏོ – པབྦཛྫཱསངྑཱཏེན ཝཱ གཎཱཝཝསྶགྒཊྛེན ཝཱ. ཀཐཾ པབྦཛྫཱསངྑཱཏེན ཨེཀཙྩརིཡཾ ཨདྷིཊྛིཏོ? སབྦཾ གྷརཱཝཱསཔལིབོདྷཾ ཚིནྡིཏྭཱ…པེ… ཨེཝཾ པབྦཛྫཱསངྑཱཏེན ཨེཀཙྩརིཡཾ ཨདྷིཊྛིཏོ. ཀཐཾ གཎཱཝཝསྶགྒཊྛེན ཨེཀཙྩརིཡཾ ཨདྷིཊྛིཏོ? སོ ཨེཝཾ པབྦཛིཏོ སམཱནོ ཨེཀོ ཨརཉྙཝནཔཏྠཱནི པནྟཱནི…པེ… ཨེཝཾ གཎཱཝཝསྶགྒཊྛེན ཨེཀཙྩརིཡཾ ཨདྷིཊྛིཏོཏི – ཨེཀཙྩརིཡཾ ཨདྷིཊྛིཏོ.

ས ཙཱཔི མེཐུནེ ཡུཏྟོཏི. མེཐུནདྷམྨོ ནཱམ ཡོ སོ ཨསདྡྷམྨོ གཱམདྷམྨོ…པེ… ཏཾཀཱརཎཱ ཝུཙྩཏི མེཐུནདྷམྨོ. ས ཙཱཔི མེཐུནེ ཡུཏྟོཏི. སོ ཨཔརེན སམཡེན བུདྡྷཾ དྷམྨཾ སངྒྷཾ སིཀྑཾ པཙྩཀྑཱཡ ཧཱིནཱཡཱཝཏྟིཏྭཱ མེཐུནདྷམྨེ ཡུཏྟོ [ཡུཏྟོ སཾཡུཏྟོ (སཱི.)] པཡུཏྟོ ཨཱཡུཏྟོ སམཱཡུཏྟོཏི – ས ཙཱཔི མེཐུནེ ཡུཏྟོ.

མནྡོཝ པརིཀིསྶཏཱིཏི. ཀཔཎོ ཝིཡ མནྡོ ཝིཡ མོམཱུཧོ ཝིཡ ཀིསྶཏི ¶ པརིཀིསྶཏི པརིཀིལིསྶཏི. པཱཎམྤི ཧནཏི, ཨདིནྣམྤི ཨཱདིཡཏི, སནྡྷིམྤི ཚིནྡཏི, ནིལློཔམྤི ཧརཏི, ཨེཀཱགཱརིཀམྤི ཀརོཏི, པརིཔནྠེཔི ཏིཊྛཏི, པརདཱརམྤི གཙྪཏི, མུསཱཔི བྷཎཏི. ཨེཝམྤི ཀིསྶཏི པརིཀིསྶཏི པརིཀིལིསྶཏི. ཏམེནཾ རཱཛཱནོ གཧེཏྭཱ ཝིཝིདྷཱ ཀམྨཀཱརཎཱ ཀཱརེནྟི ¶ – ཀསཱཧིཔི ཏཱལེ༹ནྟི, ཝེཏྟེཧིཔི ཏཱལེ༹ནྟི, ཨདྡྷདཎྜཀེཧིཔི ¶ ཏཱལེ༹ནྟི, ཧཏྠམྤི ཚིནྡནྟི, པཱདམྤི ཚིནྡནྟི, ཧཏྠཔཱདམྤི ཚིནྡནྟི, ཀཎྞམྤི ཚིནྡནྟི, ནཱསམྤི ཚིནྡནྟི ¶ , ཀཎྞནཱསམྤི ཚིནྡནྟི, བིལངྒཐཱལིཀམྤི ཀརོནྟི, སངྑམུཎྜིཀམྤི ཀརོནྟི, རཱཧུམུཁམྤི ཀརོནྟི, ཛོཏིམཱལིཀམྤི ཀརོནྟི, ཧཏྠཔཛྫོཏིཀམྤི ཀརོནྟི, ཨེརཀཝཏྟིཀམྤི ཀརོནྟི, ཙིརཀཝཱསིཀམྤི ཀརོནྟི, ཨེཎེཡྻཀམྤི ཀརོནྟི, བལི༹སམཾསིཀམྤི ཀརོནྟི, ཀཧཱཔཎིཀམྤི ཀརོནྟི, ཁཱརཱཔཏཙྪིཀམྤི [ཁཱརཱཔཊིཙྪཀམྤི (ཀ.)] ཀརོནྟི, པལིགྷཔརིཝཏྟིཀམྤི ཀརོནྟི, པལཱལཔཱིཋཀམྤི ཀརོནྟི, ཏཏྟེནཔི ཏེལེན ཨོསིཉྩནྟི, སུནཁེཧིཔི ཁཱདཱཔེནྟི, ཛཱིཝནྟམྤི སཱུལེ ཨུཏྟཱསེནྟི, ཨསིནཱཔི སཱིསཾ ཚིནྡནྟི. ཨེཝམྤི ཀིསྶཏི པརིཀིསྶཏི པརིཀིལིསྶཏི.

ཨཐ ཝཱ ཀཱམཏཎྷཱཡ ཨབྷིབྷཱུཏོ པརིཡཱདིནྣཙིཏྟོ བྷོགེ པརིཡེསནྟོ ནཱཝཱཡ མཧཱསམུདྡཾ པཀྑནྡཏི, སཱིཏསྶ པུརཀྑཏོ ཨུཎྷསྶ པུརཀྑཏོ ཌཾསམཀསཝཱཏཱཏཔསརཱིསཔསམྥསྶེཧི པཱིལི༹ཡམཱནོ ཁུཔྤིཔཱསཱཡ མིཡྻམཱནོ ཏིགུམྦཾ གཙྪཏི, ཏཀྐོལཾ གཙྪཏི, ཏཀྐསཱིལཾ གཙྪཏི, ཀཱལམུཁཾ གཙྪཏི, པུརཔཱུརཾ གཙྪཏི, ཝེསུངྒཾ གཙྪཏི, ཝེརཱཔཐཾ གཙྪཏི, ཛཝཾ གཙྪཏི, ཏཱམལིཾ [ཀམལིཾ (སྱཱ.), ཏཾམལིཾ (ཀ.)] གཙྪཏི, ཝངྒཾ གཙྪཏི, ཨེལ༹བནྡྷནཾ གཙྪཏི, སུཝཎྞཀཱུཊཾ ¶ གཙྪཏི, སུཝཎྞབྷཱུམིཾ གཙྪཏི, ཏམྦཔཱཎིཾ གཙྪཏི, སུཔྤཱདཀཾ གཙྪཏི, བྷཱརུཀཙྪཾ གཙྪཏི, སུརཊྛཾ གཙྪཏི, བྷངྒལོཀཾ གཙྪཏི, བྷངྒཎཾ གཙྪཏི, སརམཏཾ གཎཾ གཙྪཏི, ཡོནཾ གཙྪཏི ¶ , པརམཡོནཾ [པཱིནཾ (སྱཱ.)] གཙྪཏི, ཝིནཀཾ [ནཝཀཾ (སཱི.)] གཙྪཏི, མཱུལཔདཾ གཙྪཏི, མརུཀནྟཱརཾ གཙྪཏི, ཛཎྞུཔཐཾ གཙྪཏི, ཨཛཔཐཾ གཙྪཏི, མེཎྜཔཐཾ གཙྪཏི, སངྐུཔཐཾ གཙྪཏི, ཚཏྟཔཐཾ གཙྪཏི, ཝཾསཔཐཾ གཙྪཏི, སཀུཎཔཐཾ གཙྪཏི, མཱུསིཀཔཐཾ གཙྪཏི, དརིཔཐཾ གཙྪཏི, ཝེཏྟཱཙཱརཾ གཙྪཏི. ཨེཝམྤི ཀིསྶཏི པརིཀིསྶཏི པརིཀིལིསྶཏི.

གཝེསནྟོ ན ཝིནྡཏི, ཨལཱབྷམཱུལཀམྤི དུཀྑཾ དོམནསྶཾ པཊིསཾཝེདེཏི. ཨེཝམྤི ཀིསྶཏི པརིཀིསྶཏི པརིཀིལིསྶཏི.

གཝེསནྟོ ཝིནྡཏི, ལདྡྷཱཔི ཨཱརཀྑམཱུལཀམྤི དུཀྑཾ དོམནསྶཾ པཊིསཾཝེདེཏི – ‘‘ཀིནྟི མེ བྷོགེ ནེཝ རཱཛཱནོ ཧརེཡྻུཾ, ན ཙོརཱ ཧརེཡྻུཾ, ན ཨགྒཱི དཧེཡྻུཾ, ན ཨུདཀཾ ཝཧེཡྻ, ན ཨཔིཡཱ དཱཡཱདཱ ཧརེཡྻུ’’ནྟི. ཏསྶ ཨེཝཾ ཨཱརཀྑཏོ གོཔཡཏོ ཏེ བྷོགཱ ཝིཔྤལུཛྫནྟི. སོ ཝིཔྤཡོགམཱུལཀམྤི ¶ དུཀྑཾ དོམནསྶཾ པཊིསཾཝེདེཏི. ཨེཝམྤི ཀིསྶཏི པརིཀིསྶཏི པརིཀིལིསྶཏཱིཏི ¶ – ས ཙཱཔི མེཐུནེ ཡུཏྟོ, མནྡོཝ པརིཀིསྶཏི.

‘‘པཎྜིཏོཏི སམཉྙཱཏོ, ཨེཀཙྩརིཡཾ ཨདྷིཊྛིཏོ;

ས ཙཱཔི མེཐུནེ ཡུཏྟོ, མནྡོཝ པརིཀིསྶཏཱི’’ཏི.

ཨེཏམཱདཱིནཝཾ ཉཏྭཱ, མུནིཾ པུབྦཱཔརེ ཨིདྷ;

ཨེཀཙྩརིཡཾ དལ༹ྷཾ ཀཡིརཱ, ན ནིསེཝེཐ མེཐུནཾ.

ཨེཏམཱདཱིནཝཾ ཉཏྭཱ, མུནི པུབྦཱཔརེ ཨིདྷཱཏི. ཨེཏནྟི པུབྦེ སམཎབྷཱཝེ ཡསོ ཙ ཀིཏྟི ཙ, ཨཔརབྷཱགེ བུདྡྷཾ དྷམྨཾ སངྒྷཾ ¶ སིཀྑཾ པཙྩཀྑཱཡ ཧཱིནཱཡཱཝཏྟསྶ ཨཡསོ ཙ ཨཀིཏྟི ཙ; ཨེཏཾ སམྤཏྟིཾ ཝིཔཏྟིཉྩ. ཉཏྭཱཏི ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ. མུནཱིཏི. མོནཾ ཝུཙྩཏི ཉཱཎཾ. ཡཱ པཉྙཱ པཛཱནནཱ…པེ… སངྒཛཱལམཏིཙྩ སོ མུནི. ཨིདྷཱཏི ཨིམིསྶཱ དིཊྛིཡཱ ཨིམིསྶཱ ཁནྟིཡཱ ཨིམིསྶཱ རུཙིཡཱ ཨིམསྨིཾ ཨཱདཱཡེ ཨིམསྨིཾ དྷམྨེ ཨིམསྨིཾ ཝིནཡེ ཨིམསྨིཾ དྷམྨཝིནཡེ ཨིམསྨིཾ པཱཝཙནེ ཨིམསྨིཾ བྲཧྨཙརིཡེ ཨིམསྨིཾ སཏྠུསཱསནེ ཨིམསྨིཾ ཨཏྟབྷཱཝེ ཨིམསྨིཾ མནུསྶལོཀེཏི – ཨེཏམཱདཱིནཝཾ ཉཏྭཱ མུནི པུབྦཱཔརེ ཨིདྷ.

ཨེཀཙྩརིཡཾ དལ༹ྷཾ ཀཡིརཱཏི. དྭཱིཧི ཀཱརཎེཧི ཨེཀཙྩརིཡཾ དལ༹ཧཾ ཀརེཡྻ – པབྦཛྫཱསངྑཱཏེན ཝཱ གཎཱཝཝསྶགྒཊྛེན ཝཱ. ཀཐཾ པབྦཛྫཱསངྑཱཏེན ཨེཀཙྩརིཡཾ དལ༹ྷཾ ཀརེཡྻ? སབྦཾ གྷརཱཝཱསཔལིབོདྷཾ ཚིནྡིཏྭཱ པུཏྟདཱརཔལིབོདྷཾ ཚིནྡིཏྭཱ ཉཱཏིཔལིབོདྷཾ ཚིནྡིཏྭཱ མིཏྟཱམཙྩཔལིབོདྷཾ ཚིནྡིཏྭཱ སནྣིདྷིཔལིབོདྷཾ ཚིནྡིཏྭཱ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛིཏྭཱ ཨཀིཉྩནབྷཱཝཾ ཨུཔགནྟྭཱ ཨེཀོ ཙརེཡྻ ཝིཧརེཡྻ ཨིརིཡེཡྻ ཝཏྟེཡྻ པཱལེཡྻ ¶ ཡཔེཡྻ ཡཱཔེཡྻ. ཨེཝཾ པབྦཛྫཱསངྑཱཏེན ཨེཀཙྩརིཡཾ དལ༹ྷཾ ཀརེཡྻ.

ཀཐཾ གཎཱཝཝསྶགྒཊྛེན ཨེཀཙྩརིཡཾ དལ༹ྷཾ ཀརེཡྻ? སོ ཨེཝཾ པབྦཛིཏོ སམཱནོ ཨེཀོ ཨརཉྙཝནཔཏྠཱནི པནྟཱནི སེནཱསནཱནི པཊིསེཝེཡྻ ཨཔྤསདྡཱནི ཨཔྤནིགྒྷོསཱནི ཝིཛནཝཱཏཱནི མནུསྶརཱཧསྶེཡྻཀཱནི ¶ པཊིསལླཱནསཱརུཔྤཱནི. སོ ཨེཀོ གཙྪེཡྻ, ཨེཀོ ཏིཊྛེཡྻ, ཨེཀོ ནིསཱིདེཡྻ, ཨེཀོ སེཡྻཾ ཀཔྤེཡྻ, ཨེཀོ གཱམཾ པིཎྜཱཡ པཝིསེཡྻ, ཨེཀོ ¶ པཊིཀྐམེཡྻ, ཨེཀོ རཧོ ནིསཱིདེཡྻ, ཨེཀོ ཙངྐམཾ ཨདྷིཊྛེཡྻ, ཨེཀོ ཙརེཡྻ ཝིཧརེཡྻ ཨིརིཡེཡྻ ཝཏྟེཡྻ པཱལེཡྻ ཡཔེཡྻ ཡཱཔེཡྻ. ཨེཝཾ གཎཱཝཝསྶགྒཊྛེན ཨེཀཙྩརིཡཾ དལ༹ྷཾ ཀརེཡྻཱཏི – ཨེཀཙྩརིཡཾ ¶ དལ༹ྷཾ ཀརེཡྻ, ཐིརཾ ཀརེཡྻ, དལ༹ྷཾ སམཱདཱནོ ཨསྶ, ཨཝཊྛིཏསམཱདཱནོ ཨསྶ ཀུསལེསུ དྷམྨེསཱུཏི – ཨེཀཙྩརིཡཾ དལ༹ྷཾ ཀཡིརཱ.

ན ནིསེཝེཐ མེཐུནནྟི. མེཐུནདྷམྨོ ནཱམ ཡོ སོ ཨསདྡྷམྨོ གཱམདྷམྨོ…པེ… ཏཾཀཱརཎཱ ཝུཙྩཏི མེཐུནདྷམྨོ. མེཐུནདྷམྨཾ ན སེཝེཡྻ ན ནིསེཝེཡྻ ན སཾསེཝེཡྻ ན པཊིསེཝེཡྻ ན ཙརེཡྻ ན སམཱཙརེཡྻ ན སམཱདཱཡ ཝཏྟེཡྻཱཏི – ན ནིསེཝེཐ མེཐུནཾ.

‘‘ཨེཏམཱདཱིནཝཾ ཉཏྭཱ, མུནི པུབྦཱཔརེ ཨིདྷ;

ཨེཀཙྩརིཡཾ དལ༹ྷཾ ཀཡིརཱ, ན ནིསེཝེཐ མེཐུན’’ནྟི.

ཝིཝེཀཉྙེཝ སིཀྑེཐ, ཨེཏཾ ཨརིཡཱནམུཏྟམཾ;

ན ཏེན སེཊྛོ མཉྙེཐ, ས ཝེ ནིབྦཱནསནྟིཀེ.

ཝིཝེཀཉྙེཝ སིཀྑེཐཱཏི. ཝིཝེཀོཏི ཏཡོ ཝིཝེཀཱ – ཀཱཡཝིཝེཀོ, ཙིཏྟཝིཝེཀོ, ཨུཔདྷིཝིཝེཀོ. ཀཏམོ ¶ ཀཱཡཝིཝེཀོ…པེ… ཨཡཾ ཨུཔདྷིཝིཝེཀོ. ཀཱཡཝིཝེཀོ ཙ ཝིཝེཀཊྛཀཱཡཱནཾ ནེཀྑམྨཱབྷིརཏཱནཾ. ཙིཏྟཝིཝེཀོ ཙ པརིསུདྡྷཙིཏྟཱནཾ པརམཝོདཱནཔྤཏྟཱནཾ. ཨུཔདྷིཝིཝེཀོ ཙ ¶ ནིརཱུཔདྷཱིནཾ པུགྒལཱནཾ ཝིསངྑཱརགཏཱནཾ. སིཀྑཱཏི ཏིསྶོ སིཀྑཱ – ཨདྷིསཱིལསིཀྑཱ, ཨདྷིཙིཏྟསིཀྑཱ, ཨདྷིཔཉྙཱསིཀྑཱ…པེ… ཨཡཾ ཨདྷིཔཉྙཱསིཀྑཱ. ཝིཝེཀཉྙེཝ སིཀྑེཐཱཏི ཝིཝེཀཉྙེཝ སིཀྑེཡྻ ཨཱཙརེཡྻ སམཱཙརེཡྻ སམཱདཱཡ ཝཏྟེཡྻཱཏི – ཝིཝེཀཉྙེཝ སིཀྑེཐ.

ཨེཏཾ ཨརིཡཱནམུཏྟམནྟི. ཨརིཡཱ ཝུཙྩནྟི བུདྡྷཱ ཙ བུདྡྷསཱཝཀཱ ཙ པཙྩེཀབུདྡྷཱ ཙ. ཨརིཡཱནཾ ཨེཏཾ ཨགྒཾ སེཊྛཾ ཝིསིཊྛཾ པཱམོཀྑཾ ཨུཏྟམཾ པཝརཾ ཡདིདཾ ཝིཝེཀཙརིཡཱཏི – ཨེཏཾ ཨརིཡཱནམུཏྟམཾ.

ན ཏེན སེཊྛོ མཉྙེཐཱཏི. ཀཱཡཝིཝེཀཙརིཡཱཡ ཨུནྣཏིཾ ན ཀརེཡྻ, ཨུནྣམཾ ན ཀརེཡྻ, མཱནཾ ན ཀརེཡྻ, ཐཱམཾ ན ཀརེཡྻ, ཐམྦྷཾ ན ཀརེཡྻ, ན ཏེན མཱནཾ ཛནེཡྻ, ན ཏེན ཐདྡྷོ ཨསྶ པཏྠདྡྷོ པགྒཧིཏསིརོཏི – ཏེན སེཊྛོ ན མཉྙེཐ.

ས ¶ ¶ ཝེ ནིབྦཱནསནྟིཀེཏི. སོ ནིབྦཱནསྶ སནྟིཀེ སཱམནྟཱ ཨཱསནྣེ ཨཝིདཱུརེ ཨུཔཀཊྛེཏི – ས ཝེ ནིབྦཱནསནྟིཀེ.

‘‘ཝིཝེཀཉྙེཝ སིཀྑེཐ, ཨེཏཾ ཨརིཡཱནམུཏྟམཾ;

ན ཏེན སེཊྛོ མཉྙེཐ, ས ཝེ ནིབྦཱནསནྟིཀེ’’ཏི.

རིཏྟསྶ མུནིནོ ཙརཏོ, ཀཱམེསུ ཨནཔེཀྑིནོ;

ཨོགྷཏིཎྞསྶ པིཧཡནྟི, ཀཱམེསུ གདྷིཏཱ པཛཱ.

རིཏྟསྶ མུནིནོ ཙརཏོཏི. རིཏྟསྶ ཝིཝིཏྟསྶ ¶ པཝིཝིཏྟསྶ ¶ , ཀཱཡདུཙྩརིཏེན རིཏྟསྶ ཝིཝིཏྟསྶ པཝིཝིཏྟསྶ. ཝཙཱིདུཙྩརིཏེན…པེ… མནོདུཙྩརིཏེན… རཱགེན… དོསེན… མོཧེན… ཀོདྷེན… ཨུཔནཱཧེན… མཀྑེན… པལཱ༹སེན… ཨིསྶཱཡ… མཙྪརིཡེན… མཱཡཱཡ… སཱཋེཡྻེན… ཐམྦྷེན… སཱརམྦྷེན… མཱནེན… ཨཏིམཱནེན… མདེན… པམཱདེན… སབྦཀིལེསེཧི… སབྦདུཙྩརིཏེཧི… སབྦདརཐེཧི… སབྦཔརིལཱ༹ཧེཧི… སབྦསནྟཱཔེཧི… སབྦཱཀུསལཱབྷིསངྑཱརེཧི རིཏྟསྶ ཝིཝིཏྟསྶ པཝིཝིཏྟསྶ. མུནིནོཏི. མོནཾ ཝུཙྩཏི ཉཱཎཾ…པེ… སངྒཛཱལམཏིཙྩ སོ མུནི. ཙརཏོཏི ཙརཏོ ཝིཧརཏོ ཨིརིཡཏོ ཝཏྟཏོ པཱལཡཏོ ཡཔཡཏོ ཡཱཔཡཏོཏི – རིཏྟསྶ མུནིནོ ཙརཏོ.

ཀཱམེསུ ཨནཔེཀྑིནོཏི. ཀཱམཱཏི ཨུདྡཱནཏོ དྭེ ཀཱམཱ – ཝཏྠུཀཱམཱ ཙ ཀིལེསཀཱམཱ ཙ…པེ… ཨིམེ ཝུཙྩནྟི ཝཏྠུཀཱམཱ…པེ… ཨིམེ ཝུཙྩནྟི ཀིལེསཀཱམཱ. ཝཏྠུཀཱམེ པརིཛཱནིཏྭཱ ཀིལེསཀཱམེ པཧཱཡ པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམེཏྭཱ ཀཱམེསུ ཨནཔེཀྑམཱནོ ཙཏྟཀཱམོ ཝནྟཀཱམོ མུཏྟཀཱམོ པཧཱིནཀཱམོ པཊིནིསྶཊྛཀཱམོ, ཝཱིཏརཱགོ ཙཏྟརཱགོ ཝནྟརཱགོ མུཏྟརཱགོ པཧཱིནརཱགོ པཊིནིསྶཊྛརཱགོ ནིཙྪཱཏོ ནིབྦུཏོ སཱིཏིབྷཱུཏོ [སཱིཏཱིབྷཱུཏོ (སཱི.)] སུཁཔྤཊིསཾཝེདཱི བྲཧྨབྷཱུཏེན ཨཏྟནཱ ཝིཧརཏཱིཏི – ཀཱམེསུ ཨནཔེཀྑིནོ.

ཨོགྷཏིཎྞསྶ པིཧཡནྟི, ཀཱམེསུ གདྷིཏཱ པཛཱཏི. པཛཱཏི སཏྟཱདྷིཝཙནཾ ¶ པཛཱ ཀཱམེསུ རཏྟཱ གིདྡྷཱ གདྷིཏཱ མུཙྪིཏཱ ཨཛ྄ཛྷོསནྣཱ ལགྒཱ ལགྒིཏཱ པལིབུདྡྷཱ. ཏེ ཀཱམོགྷཾ ཏིཎྞསྶ བྷཝོགྷཾ ཏིཎྞསྶ དིཊྛོགྷཾ ཏིཎྞསྶ ཨཝིཛྫོགྷཾ ཏིཎྞསྶ སབྦསངྑཱརཔཐཾ ཏིཎྞསྶ ཨུཏྟིཎྞསྶ ནིཏྟིཎྞསྶ ཨཏིཀྐནྟསྶ སམཏིཀྐནྟསྶ ཝཱིཏིཝཏྟསྶ པཱརཾ གཏསྶ པཱརཾ པཏྟསྶ ¶ ¶ ཨནྟཾ གཏསྶ ¶ ཨནྟཾ པཏྟསྶ ཀོཊིཾ གཏསྶ ཀོཊིཾ པཏྟསྶ པརིཡནྟཾ གཏསྶ པརིཡནྟཾ པཏྟསྶ ཝོསཱནཾ གཏསྶ ཝོསཱནཾ པཏྟསྶ ཏཱཎཾ གཏསྶ ཏཱཎཾ པཏྟསྶ ལེཎཾ གཏསྶ ལེཎཾ པཏྟསྶ སརཎཾ གཏསྶ སརཎཾ པཏྟསྶ ཨབྷཡཾ གཏསྶ ཨབྷཡཾ པཏྟསྶ ཨཙྩུཏཾ གཏསྶ ཨཙྩུཏཾ པཏྟསྶ ཨམཏཾ གཏསྶ ཨམཏཾ པཏྟསྶ ནིབྦཱནཾ གཏསྶ ནིབྦཱནཾ པཏྟསྶ ཨིཙྪནྟི སཱདིཡནྟི པཏྠཡནྟི པིཧཡནྟི ཨབྷིཛཔྤནྟི. ཡཐཱ ཨིཎཱཡིཀཱ ཨཱནཎྱཾ [ཨཱཎཎྱཾ (ཨཊྛ.)] པཏྠེནྟི པིཧཡནྟི, ཡཐཱ ཨཱབཱདྷིཀཱ ཨཱརོགྱཾ པཏྠེནྟི པིཧཡནྟི, ཡཐཱ བནྡྷནབདྡྷཱ བནྡྷནམོཀྑཾ པཏྠེནྟི པིཧཡནྟི, ཡཐཱ དཱསཱ བྷུཛིསྶཾ པཏྠེནྟི པིཧཡནྟི, ཡཐཱ ཀནྟཱརདྡྷཱནཔཀྑནྡཱ [ཀནྟཱརདྡྷཱནཔཀྑནྟཱ (སཱི.), ཀནྟཱརདྡྷཱནཔཀྑནྣཱ (སྱཱ.)] ཁེམནྟབྷཱུམིཾ པཏྠེནྟི པིཧཡནྟི; ཨེཝམེཝཾ པཛཱ ཀཱམེསུ རཏྟཱ གིདྡྷཱ གདྷིཏཱ མུཙྪིཏཱ ཨཛ྄ཛྷོསནྣཱ ལགྒཱ ལགྒིཏཱ པལིབུདྡྷཱ ཏེ ཀཱམོགྷཾ ཏིཎྞསྶ བྷཝོགྷཾ ཏིཎྞསྶ…པེ… ནིབྦཱནཾ གཏསྶ ནིབྦཱནཾ པཏྟསྶ ཨིཙྪནྟི སཱདིཡནྟི པཏྠཡནྟི པིཧཡནྟི ཨབྷིཛཔྤནྟཱིཏི – ཨོགྷཏིཎྞསྶ པིཧཡནྟི, ཀཱམེསུ གདྷིཏཱ པཛཱ.

‘‘རིཏྟསྶ ¶ མུནིནོ ཙརཏོ, ཀཱམེསུ ཨནཔེཀྑིནོ;

ཨོགྷཏིཎྞསྶ པིཧཡནྟི, ཀཱམེསུ གདྷིཏཱ པཛཱ’’ཏི.

ཏིསྶམེཏྟེཡྻསུཏྟནིདྡེསོ སཏྟམོ.

ཨིདྷེཝ ¶ ¶ སུདྡྷིཾ ཨིཏི ཝཱདཡནྟི, ནཱཉྙེསུ དྷམྨེསུ ཝིསུདྡྷིམཱཧུ;

ཡཾ ནིསྶིཏཱ ཏཏྠ སུབྷཾ ཝདཱནཱ, པཙྩེཀསཙྩེསུ པུཐཱུ ནིཝིཊྛཱ.

ཨིདྷེཝ སུདྡྷིཾ ཨིཏི ཝཱདཡནྟཱིཏི. ཨིདྷེཝ སུདྡྷིཾ ཝིསུདྡྷིཾ པརིསུདྡྷིཾ མུཏྟིཾ ཝིམུཏྟིཾ པརིམུཏྟིཾ ཝདནྟི ཀཐེནྟི བྷཎནྟི དཱིཔཡནྟི ཝོཧརནྟི. ‘‘སསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི སུདྡྷིཾ ཝིསུདྡྷིཾ པརིསུདྡྷིཾ མུཏྟིཾ ཝིམུཏྟིཾ པརིམུཏྟིཾ ཝདནྟི ཀཐེནྟི བྷཎནྟི དཱིཔཡནྟི ཝོཧརནྟི. ‘‘ཨསསྶཏོ ལོཀོ ¶ … ཨནྟཝཱ ལོཀོ… ཨནནྟཝཱ ལོཀོ… ཏཾ ཛཱིཝཾ ཏཾ སརཱིརཾ… ཨཉྙཾ ཛཱིཝཾ ཨཉྙཾ སརཱིརཾ… ཧོཏི ཏཐཱགཏོ པརཾ མརཎཱ… ན ཧོཏི ཏཐཱགཏོ པརཾ མརཎཱ… ཧོཏི ཙ ན ཙ ཧོཏི ཏཐཱགཏོ པརཾ མརཎཱ… ནེཝ ཧོཏི ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི སུདྡྷིཾ ཝིསུདྡྷིཾ པརིསུདྡྷིཾ མུཏྟིཾ ཝིམུཏྟིཾ པརིམུཏྟིཾ ཝདནྟི ཀཐེནྟི བྷཎནྟི དཱིཔཡནྟི ཝོཧརནྟཱིཏི – ཨིདྷེཝ སུདྡྷིཾ ཨིཏི ཝཱདཡནྟི.

ནཱཉྙེསུ དྷམྨེསུ ཝིསུདྡྷིམཱཧཱུཏི. ཨཏྟནོ སཏྠཱརཾ དྷམྨཀྑཱནཾ གཎཾ དིཊྛིཾ པཊིཔདཾ མགྒཾ ཋཔེཏྭཱ སབྦེ པརཝཱདེ ཁིཔནྟི ཨུཀྑིཔནྟི པརིཀྑིཔནྟི. ‘‘སོ སཏྠཱ ན སབྦཉྙཱུ, དྷམྨོ ན སྭཱཀྑཱཏོ ¶ , གཎོ ན སུཔྤཊིཔནྣོ, དིཊྛི ན བྷདྡིཀཱ, པཊིཔདཱ ན སུཔཉྙཏྟཱ ¶ , མགྒོ ན ནིཡྻཱནིཀོ, ནཏྠེཏྠ སུདྡྷི ཝཱ ཝིསུདྡྷི ཝཱ པརིསུདྡྷི ཝཱ མུཏྟི ཝཱ ཝིམུཏྟི ཝཱ པརིམུཏྟི ཝཱ, ན ཏཏྠ སུཛ྄ཛྷནྟི ཝཱ ཝིསུཛ྄ཛྷནྟི ཝཱ པརིསུཛ྄ཛྷནྟི ཝཱ མུཙྩནྟི ཝཱ ཝིམུཙྩནྟི ཝཱ པརིམུཙྩནྟི ཝཱ, ཧཱིནཱ ནིཧཱིནཱ ཨོམཀཱ ལཱམཀཱ ཚཏུཀྐཱ པརིཏྟཱ’’ཏི – ཨེཝམཱཧཾསུ ཨེཝཾ ཝདནྟི ཨེཝཾ ཀཐེནྟི ཨེཝཾ བྷཎནྟི ཨེཝཾ དཱིཔཡནྟི ཨེཝཾ ཝོཧརནྟཱིཏི – ནཱཉྙེསུ དྷམྨེསུ ཝིསུདྡྷིམཱཧུ.

ཡཾ ནིསྶིཏཱ ཏཏྠ སུབྷཾ ཝདཱནཱཏི. ཡཾ ནིསྶིཏཱཏི ཡཾ སཏྠཱརཾ དྷམྨཀྑཱནཾ གཎཾ དིཊྛིཾ པཊིཔདཾ ¶ མགྒཾ ནིསྶིཏཱ ཨཱནིསྶིཏཱ [པཏིཊྛིཏཱ (སཱི.), སནྣིསྶིཏཱ (སྱཱ.)] ཨལླཱིནཱ ཨུཔགཏཱ ཨཛ྄ཛྷོསིཏཱ ཨདྷིམུཏྟཱ. ཏཏྠཱཏི སཀཱཡ དིཊྛིཡཱ སཀཱཡ ཁནྟིཡཱ སཀཱཡ རུཙིཡཱ སཀཱཡ ལདྡྷིཡཱ. སུབྷཾ ཝདཱནཱཏི སུབྷཝཱདཱ སོབྷནཝཱདཱ པཎྜིཏཝཱདཱ ཐིརཝཱདཱ [དྷཱིརཝཱདཱ (སྱཱ.)] ཉཱཡཝཱདཱ ཧེཏུཝཱདཱ ལཀྑཎཝཱདཱ ཀཱརཎཝཱདཱ ཋཱནཝཱདཱ སཀཱཡ ལདྡྷིཡཱཏི – ཡཾ ནིསྶིཏཱ ཏཏྠ སུབྷཾ ཝདཱནཱ.

པཙྩེཀསཙྩེསུ པུཐཱུ ནིཝིཊྛཱཏི. པུཐཱུ སམཎབྲཱཧྨཎཱ པུཐཱུ པཙྩེཀསཙྩེསུ ནིཝིཊྛཱ པཏིཊྛིཏཱ ཨལླཱིནཱ ཨུཔགཏཱ ཨཛ྄ཛྷོསིཏཱ ཨདྷིམུཏྟཱ. ‘‘སསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི ནིཝིཊྛཱ པཏིཊྛིཏཱ ཨལླཱིནཱ ཨུཔགཏཱ ཨཛ྄ཛྷོསིཏཱ ཨདྷིམུཏྟཱ. ‘‘ཨསསྶཏོ ལོཀོ…པེ… ནེཝ ཧོཏི ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི ནིཝིཊྛཱ པཏིཊྛིཏཱ ཨལླཱིནཱ ཨུཔགཏཱ ཨཛ྄ཛྷོསིཏཱ ཨདྷིམུཏྟཱཏི ¶ – པཙྩེཀསཙྩེསུ པུཐཱུ ནིཝིཊྛཱ.

‘‘ཨིདྷེཝ ¶ སུདྡྷིཾ ཨིཏི ཝཱདཡནྟི, ནཱཉྙེསུ དྷམྨེསུ ཝིསུདྡྷིམཱཧུ;

ཡཾ ནིསྶིཏཱ ཏཏྠ སུབྷཾ ཝདཱནཱ, པཙྩེཀསཙྩེསུ པུཐཱུ ནིཝིཊྛཱ’’ཏི.

ཏེ ¶ ཝཱདཀཱམཱ པརིསཾ ཝིགཡ྄ཧ, བཱལཾ དཧནྟཱི མིཐུ ཨཉྙམཉྙཾ;

ཝདནྟི ཏེ ཨཉྙསིཏཱ ཀཐོཛྫཾ, པསཾསཀཱམཱ ཀུསལཱཝདཱནཱ.

ཏེ ཝཱདཀཱམཱ པརིསཾ ཝིགཡ྄ཧཱཏི. ཏེ ཝཱདཀཱམཱཏི ཏེ ཝཱདཀཱམཱ ཝཱདཏྠིཀཱ ཝཱདཱདྷིཔྤཱཡཱ ཝཱདཔུརེཀྑཱརཱ ཝཱདཔརིཡེསནཾ ཙརནྟཱ. པརིསཾ ཝིགཡ྄ཧཱཏི ཁཏྟིཡཔརིསཾ བྲཱཧྨཎཔརིསཾ གཧཔཏིཔརིསཾ སམཎཔརིསཾ ཝིགཡ྄ཧ ཨོགཡ྄ཧ ཨཛ྄ཛྷོགཱཧེཏྭཱ པཝིསིཏྭཱཏི – ཏེ ཝཱདཀཱམཱ པརིསཾ ཝིགཡ྄ཧ.

བཱལཾ དཧནྟཱི མིཐུ ཨཉྙམཉྙནྟི. མིཐཱུཏི དྭེ ཛནཱ དྭེ ཀལཧཀཱརཀཱ དྭེ བྷཎྜནཀཱརཀཱ དྭེ བྷསྶཀཱརཀཱ དྭེ ཝིཝཱདཀཱརཀཱ དྭེ ཨདྷིཀརཎཀཱརཀཱ དྭེ ཝཱདིནོ དྭེ སལླཱཔཀཱ; ཏེ ཨཉྙམཉྙཾ བཱལཏོ ཧཱིནཏོ ནིཧཱིནཏོ ཨོམཀཏོ ལཱམཀཏོ ཚཏུཀྐཏོ པརིཏྟཏོ དཧནྟི པསྶནྟི དཀྑནྟི ཨོལོཀེནྟི ནིཛ྄ཛྷཱཡནྟི ཨུཔཔརིཀྑནྟཱིཏི – བཱལཾ དཧནྟཱི མིཐུ ཨཉྙམཉྙཾ.

ཝདནྟི ¶ ¶ ཏེ ཨཉྙསིཏཱ ཀཐོཛྫནྟི. ཨཉྙཾ སཏྠཱརཾ དྷམྨཀྑཱནཾ གཎཾ དིཊྛིཾ པཊིཔདཾ མགྒཾ ནིསྶིཏཱ ཨཱནིསྶིཏཱ ཨལླཱིནཱ ཨུཔགཏཱ ཨཛ྄ཛྷོསིཏཱ ཨདྷིམུཏྟཱ. ཀཐོཛྫཾ ཝུཙྩཏི ཀལཧོ བྷཎྜནཾ ཝིགྒཧོ ཝིཝཱདོ མེདྷགཾ. ཨཐ ཝཱ ཀཐོཛྫནྟི ཨནོཛཝནྟཱི ནིསཱཀཐཱ ཀཐོཛྫཾ ཝདནྟི, ཀལཧཾ ཝདནྟི, བྷཎྜནཾ ཝདནྟི, ཝིགྒཧཾ ཝདནྟི, ཝིཝཱདཾ ཝདནྟི, མེདྷགཾ ཝདནྟི ཀཐེནྟི བྷཎནྟི དཱིཔཡནྟི ཝོཧརནྟཱིཏི – ཝདནྟི ཏེ ཨཉྙསིཏཱ ཀཐོཛྫཾ.

པསཾསཀཱམཱ ཀུསལཱཝདཱནཱཏི. པསཾསཀཱམཱཏི པསཾསཀཱམཱ པསཾསཏྠིཀཱ པསཾསཱདྷིཔྤཱཡཱ པསཾསཔུརེཀྑཱརཱ པསཾསཔརིཡེསནཾ ཙརནྟཱ. ཀུསལཱཝདཱནཱཏི ¶ ཀུསལཝཱདཱ པཎྜིཏཝཱདཱ ཐིརཝཱདཱ ཉཱཡཝཱདཱ ཧེཏུཝཱདཱ ལཀྑཎཝཱདཱ ཀཱརཎཝཱདཱ ཋཱནཝཱདཱ སཀཱཡ ལདྡྷིཡཱཏི – པསཾསཀཱམཱ ཀུསལཱཝདཱནཱ.

‘‘ཏེ ¶ ཝཱདཀཱམཱ པརིསཾ ཝིགཡ྄ཧ, བཱལཾ དཧནྟཱི མིཐུ ཨཉྙམཉྙཾ;

ཝདནྟི ཏེ ཨཉྙསིཏཱ ཀཐོཛྫཾ, པསཾསཀཱམཱ ཀུསལཱཝདཱནཱ’’ཏི.

ཡུཏྟོ ཀཐཱཡཾ པརིསཱཡ མཛ྄ཛྷེ, པསཾསམིཙྪཾ ཝིནིགྷཱཏི ཧོཏི;

ཨཔཱཧཏསྨིཾ པན མངྐུ ཧོཏི, ནིནྡཱཡ སོ ཀུཔྤཏི རནྡྷམེསཱི.

ཡུཏྟོ ¶ ཀཐཱཡཾ པརིསཱཡ མཛ྄ཛྷེཏི. ཁཏྟིཡཔརིསཱཡ ཝཱ བྲཱཧྨཎཔརིསཱཡ ཝཱ གཧཔཏིཔརིསཱཡ ཝཱ སམཎཔརིསཱཡ ཝཱ མཛ྄ཛྷེ ཨཏྟནོ ཀཐཱཡཾ ཡུཏྟོ པཡུཏྟོ ཨཱཡུཏྟོ སམཱཡུཏྟོ སམྤཡུཏྟོ ཀཐེཏུནྟི – ཡུཏྟོ ཀཐཱཡཾ པརིསཱཡ མཛ྄ཛྷེ.

པསཾསམིཙྪཾ ཝིནིགྷཱཏི ཧོཏཱིཏི. པསཾསམིཙྪནྟི པསཾསཾ ཐོམནཾ ཀིཏྟིཾ ཝཎྞཧཱརིཡཾ ཨིཙྪནྟོ སཱདིཡནྟོ པཏྠཡནྟོ པིཧཡནྟོ ཨབྷིཛཔྤནྟོ. ཝིནིགྷཱཏི ཧོཏཱིཏི པུབྦེཝ སལླཱཔཱ ཀཐཾཀཐཱི ཝིནིགྷཱཏཱི ཧོཏི. ‘‘ཛཡོ ནུ ཁོ མེ བྷཝིསྶཏི, པརཱཛཡོ ནུ ཁོ མེ བྷཝིསྶཏི, ཀཐཾ ནིགྒཧཾ ཀརིསྶཱམི, ཀཐཾ པཊིཀམྨཾ ཀརིསྶཱམི, ཀཐཾ ཝིསེསཾ ཀརིསྶཱམི, ཀཐཾ པཊིཝིསེསཾ ཀརིསྶཱམི, ཀཐཾ ཨཱཝེཋིཡཾ [ཨཱཝེདྷིཡཾ (སྱཱ.)] ཀརིསྶཱམི, ཀཐཾ ནིབྦེཋིཡཾ [ནིབྦེདྷིཡཾ (སྱཱ. ཀ.)] ཀརིསྶཱམི, ཀཐཾ ཚེདཾ ཀརིསྶཱམི, ཀཐཾ མཎྜལཾ ཀརིསྶཱམཱི’’ཏི, ཨེཝཾ པུབྦེཝ སལླཱཔཱ ཀཐཾཀཐཱི ཝིནིགྷཱཏི ཧོཏཱིཏི – པསཾསམིཙྪཾ ཝིནིགྷཱཏི ཧོཏི.

ཨཔཱཧཏསྨིཾ ¶ པན མངྐུ ཧོཏཱིཏི. ཡེ ཏེ པཉྷཝཱིམཾསཀཱ ¶ པརིསཱ པཱརིསཛྫཱ པཱསཱརིཀཱ [པཱསནིཀཱ (སྱཱ.)], ཏེ ཨཔཧརནྟི. ‘‘ཨཏྠཱཔགཏཾ བྷཎིཏ’’ནྟི ཨཏྠཏོ ཨཔཧརནྟི, ‘‘བྱཉྫནཱཔགཏཾ བྷཎིཏ’’ནྟི བྱཉྫནཏོ ཨཔཧརནྟི, ‘‘ཨཏྠབྱཉྫནཱཔགཏཾ བྷཎིཏ’’ནྟི ཨཏྠབྱཉྫནཏོ ཨཔཧརནྟི, ‘‘ཨཏྠོ ཏེ དུནྣཱིཏོ, བྱཉྫནཾ ཏེ དུརོཔིཏཾ, ཨཏྠབྱཉྫནཾ ཏེ དུནྣཱིཏཾ དུརོཔིཏཾ, ནིགྒཧོ ཏེ ཨཀཏོ, པཊིཀམྨཾ ཏེ དུཀྐཊཾ, ཝིསེསོ ཏེ ཨཀཏོ, པཊིཝིསེསོ ཏེ དུཀྐཊོ, ཨཱཝེཋིཡཱ ཏེ ཨཀཏཱ, ནིབྦེཋིཡཱ ཏེ དུཀྐཊཱ ¶ , ཚེདོ ཏེ ཨཀཏོ, མཎྜལཾ ཏེ དུཀྐཊཾ ཝིསམཀཐཾ དུཀྐཐིཏཾ དུབྦྷཎིཏཾ དུལླཔིཏཾ དུརུཏྟཾ དུབྦྷཱསིཏ’’ནྟི ཨཔཧརནྟི. ཨཔཱཧཏསྨིཾ པན མངྐུ ཧོཏཱིཏི ¶ . ཨཔཱཧཏསྨིཾ མངྐུ ཧོཏི པཱིལི༹ཏོ གྷཊྚིཏོ བྱཱདྷིཏོ དོམནསྶིཏོ ཧོཏཱིཏི – ཨཔཱཧཏསྨིཾ པན མངྐུ ཧོཏི.

ནིནྡཱཡ སོ ཀུཔྤཏི རནྡྷམེསཱིཏི. ནིནྡཱཡ གརཧཱཡ ཨཀིཏྟིཡཱ ཨཝཎྞཧཱརིཀཱཡ ཀུཔྤཏི བྱཱཔཛྫཏི པཏིཊྛཱིཡཏི, ཀོཔཉྩ དོསཉྩ ཨཔྤཙྩཡཉྩ པཱཏུཀརོཏཱིཏི – ནིནྡཱཡ སོ ཀུཔྤཏི. རནྡྷམེསཱིཏི ཝིརནྡྷམེསཱི ཨཔརདྡྷམེསཱི ཁལིཏམེསཱི གལི༹ཏམེསཱི ཝིཝརམེསཱིཏི – ནིནྡཱཡ སོ ཀུཔྤཏི རནྡྷམེསཱི.

‘‘ཡུཏྟོ ཀཐཱཡཾ པརིསཱཡ མཛ྄ཛྷེ, པསཾསམིཙྪཾ ཝིནིགྷཱཏི ཧོཏི;

ཨཔཱཧཏསྨིཾ པན མངྐུ ཧོཏི, ནིནྡཱཡ སོ ཀུཔྤཏི རནྡྷམེསཱི’’ཏི.

ཡམསྶ ¶ ཝཱདཾ པརིཧཱིནམཱཧུ, ཨཔཱཧཏཾ པཉྷཝིམཾསཀཱསེ [པཉྷཝིམཾསཀཱ ཡེ (སྱཱ.)] ;

པརིདེཝཏི སོཙཏི ཧཱིནཝཱདོ, ཨུཔཙྩགཱ མནྟི ཨནུཏྠུནཱཏི.

ཡམསྶ ཝཱདཾ པརིཧཱིནམཱཧཱུཏི ཡཾ ཏསྶ ཝཱདཾ ཧཱིནཾ ནིཧཱིནཾ པརིཧཱིནཾ པརིཧཱཔིཏཾ ན པརིཔཱུརིཏཾ, ཨེཝམཱཧཾསུ ཨེཝཾ ཀཐེནྟི ཨེཝཾ བྷཎནྟི ཨེཝཾ ¶ དཱིཔཡནྟི ཨེཝཾ ཝོཧརནྟཱིཏི – ཡམསྶ ཝཱདཾ པརིཧཱིནམཱཧུ.

ཨཔཱཧཏཾ པཉྷཝིམཾསཀཱསེཏི. ཡེ ཏེ པཉྷཝཱིམཾསཀཱ པརིསཱ པཱརིསཛྫཱ པཱསཱརིཀཱ, ཏེ ཨཔཧརནྟི. ‘‘ཨཏྠཱཔགཏཾ བྷཎིཏ’’ནྟི ཨཏྠཏོ ཨཔཧརནྟི, ‘‘བྱཉྫནཱཔགཏཾ བྷཎིཏ’’ནྟི བྱཉྫནཏོ ཨཔཧརནྟི, ‘‘ཨཏྠབྱཉྫནཱཔགཏཾ བྷཎིཏ’’ནྟི ཨཏྠབྱཉྫནཏོ ཨཔཧརནྟི, ‘‘ཨཏྠོ ཏེ དུནྣཱིཏོ, བྱཉྫནཾ ཏེ དུརོཔིཏཾ, ཨཏྠབྱཉྫནཾ ཏེ དུནྣཱིཏཾ དུརོཔིཏཾ, ནིགྒཧོ ཏེ ཨཀཏོ, པཊིཀམྨཾ ¶ ཏེ དུཀྐཊཾ, ཝིསེསོ ཏེ ཨཀཏོ, པཊིཝིསེསོ ཏེ དུཀྐཊོ, ཨཱཝེཋིཡཱ ཏེ ཨཀཏཱ, ནིབྦེཋིཡཱ ཏེ དུཀྐཊཱ, ཚེདོ ཏེ ཨཀཏོ, མཎྜལཾ ཏེ དུཀྐཊཾ ཝིསམཀཐཾ དུཀྐཐིཏཾ དུབྦྷཎིཏཾ དུལླཔིཏཾ དུརུཏྟཾ དུབྦྷཱསིཏ’’ནྟི, ཨཔཧརནྟཱིཏི – ཨཔཱཧཏཾ པཉྷཝིམཾསཀཱསེ.

པརིདེཝཏི ¶ སོཙཏི ཧཱིནཝཱདོཏི. པརིདེཝཏཱིཏི ‘‘ཨཉྙཾ མཡཱ ཨཱཝཛྫིཏཾ ཨཉྙཾ ཙིནྟིཏཾ ཨཉྙཾ ཨུཔདྷཱརིཏཾ, ཨཉྙཾ ཨུཔལཀྑིཏཾ སོ མཧཱཔཀྑོ མཧཱཔརིསོ མཧཱཔརིཝཱརོ; པརིསཱ ཙཱཡཾ ཝགྒཱ, ན སམགྒཱ; སམགྒཱཡ པརིསཱཡ ཧེཏུ ཀཐཱསལླཱཔོ པུན བྷཉྫིསྶཱམཱི’’ཏི, ཡཱ ཨེཝརཱུཔཱ [ཡོ ཨེཝརཱུཔོ (སྱཱ.)] ཝཱཙཱ པལཱཔོ ཝིཔྤལཱཔོ ལཱལཔྤོ ལཱལཔྤཱཡནཱ ལཱལཔྤཱཡིཏཏྟནྟི – པརིདེཝཏི. སོཙཏཱིཏི ‘‘ཏསྶ ཛཡོ’’ཏི སོཙཏི ‘‘མཡ྄ཧཾ པརཱཛཡོ’’ཏི སོཙཏི, ‘‘ཏསྶ ལཱབྷོ’’ཏི སོཙཏི, ‘‘མཡ྄ཧཾ ཨལཱབྷོ’’ཏི སོཙཏི, ‘‘ཏསྶ ཡསོ’’ཏི སོཙཏི, ‘‘མཡ྄ཧཾ ཨཡསོ’’ཏི སོཙཏི, ‘‘ཏསྶ པསཾསཱ’’ཏི སོཙཏི, ‘‘མཡ྄ཧཾ ནིནྡཱ’’ཏི སོཙཏི, ‘‘ཏསྶ སུཁ’’ནྟི སོཙཏི, ‘‘མཡ྄ཧཾ དུཀྑ’’ནྟི སོཙཏི, ‘‘སོ ¶ སཀྐཏོ གརུཀཏོ མཱནིཏོ པཱུཛིཏོ ཨཔཙིཏོ ལཱབྷཱི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནཾ, ཨཧམསྨི ཨསཀྐཏོ ཨགརུཀཏོ ཨམཱནིཏོ ¶ ཨཔཱུཛིཏོ ཨནཔཙིཏོ ན ལཱབྷཱི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱན’’ནྟི སོཙཏི ཀིལམཏི པརིདེཝཏི ཨུརཏྟཱལི༹ཾ ཀནྡཏི སམྨོཧཾ ཨཱཔཛྫཏཱིཏི – པརིདེཝཏི སོཙཏི. ཧཱིནཝཱདོཏི ཧཱིནཝཱདོ ནིཧཱིནཝཱདོ པརིཧཱིནཝཱདོ པརིཧཱཔིཏཝཱདོ ན པརིཔཱུརཝཱདོཏི – པརིདེཝཏི སོཙཏི ཧཱིནཝཱདོ.

ཨུཔཙྩགཱ མནྟི ཨནུཏྠུནཱཏཱིཏི. སོ མཾ ཝཱདེན ཝཱདཾ ཨཙྩགཱ ཨུཔཙྩགཱ ཨཏིཀྐནྟོ སམཏིཀྐནྟོ ཝཱིཏིཝཏྟོཏི. ཨེཝམྤི ཨུཔཙྩགཱ མནྟི. ཨཐ ཝཱ མཾ ཝཱདེན ཝཱདཾ ཨབྷིབྷཝིཏྭཱ ཨཛ྄ཛྷོཏྠརིཏྭཱ པརིཡཱདིཡིཏྭཱ མདྡཡིཏྭཱ ཙརཏི ཝིཧརཏི ཨིརིཡཏི ཝཏྟཏི པཱལེཏི ཡཔེཏི ཡཱཔེཏཱིཏི. ཨེཝམྤི ཨུཔཙྩགཱ མནྟི. ཨནུཏྠུནཱ ཝུཙྩཏི ཝཱཙཱ པལཱཔོ ཝིཔྤལཱཔོ ལཱལཔྤོ ལཱལཔྤཱཡནཱ ལཱལཔྤཱཡིཏཏྟནྟི – ཨུཔཙྩགཱ མནྟི ཨནུཏྠུནཱཏི.

‘‘ཡམསྶ ཝཱདཾ པརིཧཱིནམཱཧུ, ཨཔཱཧཏཾ པཉྷཝིམཾསཀཱསེ;

པརིདེཝཏི སོཙཏི ཧཱིནཝཱདོ, ཨུཔཙྩགཱ མནྟི ཨནུཏྠུནཱཏཱི’’ཏི.

ཨེཏེ ¶ ཝིཝཱདཱ སམཎེསུ ཛཱཏཱ, ཨེཏེསུ ཨུགྒྷཱཏིནིགྷཱཏི ཧོཏི;

ཨེཏམྤི ¶ དིསྭཱ ཝིརམེ ཀཐོཛྫཾ, ན ཧཉྙདཏྠཏྠི པསཾསལཱབྷཱ.

ཨེཏེ ¶ ཝིཝཱདཱ སམཎེསུ ཛཱཏཱཏི. སམཎཱཏི ཡེ ཀེཙི ཨིཏོ བཧིདྡྷཱ པརིབྦཛཱུཔགཏཱ པརིབྦཛསམཱཔནྣཱ. ཨེཏེ དིཊྛིཀལཧཱ དིཊྛིབྷཎྜནཱ དིཊྛིཝིགྒཧཱ དིཊྛིཝིཝཱདཱ དིཊྛིམེདྷགཱ སམཎེསུ ཛཱཏཱ སཉྫཱཏཱ ནིབྦཏྟཱ ཨབྷིནིབྦཏྟཱ པཱཏུབྷཱུཏཱཏི – ཨེཏེ ཝིཝཱདཱ སམཎེསུ ཛཱཏཱ.

ཨེཏེསུ ཨུགྒྷཱཏིནིགྷཱཏི ཧོཏཱིཏི. ཛཡཔརཱཛཡོ ཧོཏི, ལཱབྷཱལཱབྷོ ཧོཏི, ཡསཱཡསོ ཧོཏི, ནིནྡཱཔསཾསཱ ཧོཏི, སུཁདུཀྑཾ ¶ ཧོཏི, སོམནསྶདོམནསྶཾ ཧོཏི, ཨིཊྛཱནིཊྛཾ ཧོཏི, ཨནུནཡཔཊིགྷཾ ཧོཏི, ཨུགྒྷཱཏིཏནིགྒྷཱཏིཏཾ ཧོཏི, ཨནུརོདྷཝིརོདྷོ ཧོཏི, ཛཡེན ཙིཏྟཾ ཨུགྒྷཱཏིཏཾ ཧོཏི པརཱཛཡེན ཙིཏྟཾ ནིགྒྷཱཏིཏཾ ཧོཏི, ལཱབྷེན ཙིཏྟཾ ཨུགྒྷཱཏིཏཾ ཧོཏི ཨལཱབྷེན ཙིཏྟཾ ནིགྒྷཱཏིཏཾ ཧོཏི, ཡསེན ཙིཏྟཾ ཨུགྒྷཱཏིཏཾ ཧོཏི ཨཡསེན ཙིཏྟཾ ནིགྒྷཱཏིཏཾ ཧོཏི, པསཾསཱཡ ཙིཏྟཾ ཨུགྒྷཱཏིཏཾ ཧོཏི ནིནྡཱཡ ཙིཏྟཾ ནིགྒྷཱཏིཏཾ ཧོཏི, སུཁེན ཙིཏྟཾ ཨུགྒྷཱཏིཏཾ ཧོཏི དུཀྑེན ཙིཏྟཾ ནིགྒྷཱཏིཏཾ ཧོཏི, སོམནསྶེན ཙིཏྟཾ ཨུགྒྷཱཏིཏཾ ཧོཏི དོམནསྶེན ཙིཏྟཾ ནིགྒྷཱཏིཏཾ ཧོཏི, ཨུནྣཏིཡཱ [ཨུཎྞཏིཡཱ (སྱཱ. ཀ.)] ཙིཏྟཾ ཨུགྒྷཱཏིཏཾ ཧོཏི ཨོནཏིཡཱ [ཨོཎཏིཡཱ (སྱཱ. ཀ.)] ཙིཏྟཾ ནིགྒྷཱཏིཏཾ ཧོཏཱིཏི – ཨེཏེསུ ཨུགྒྷཱཏིནིགྷཱཏི ཧོཏི.

ཨེཏམྤི དིསྭཱ ཝིརམེ ཀཐོཛྫནྟི. ཨེཏམྤི དིསྭཱཏི ཨེཏཾ ¶ ཨཱདཱིནཝཾ དིསྭཱ པསྶིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ དིཊྛིཀལཧེསུ དིཊྛིབྷཎྜནེསུ དིཊྛིཝིགྒཧེསུ དིཊྛིཝིཝཱདེསུ དིཊྛིམེདྷགེསཱུཏི – ཨེཏམྤི དིསྭཱ ཝིརམེ ཀཐོཛྫནྟི. ཀཐོཛྫཾ ཝུཙྩཏི ཀལཧོ བྷཎྜནཾ ཝིགྒཧོ ཝིཝཱདོ མེདྷགཾ. ཨཐ ཝཱ ཀཐོཛྫནྟི ཨནོཛཝནྟཱི ནིསཱཀཐཱ ཀཐོཛྫཾ ན ཀརེཡྻ, ཀལཧཾ ན ཀརེཡྻ, བྷཎྜནཾ ན ཀརེཡྻ, ཝིགྒཧཾ ན ཀརེཡྻ, ཝིཝཱདཾ ན ཀརེཡྻ, མེདྷགཾ ན ཀརེཡྻ, ཀལཧབྷཎྜནཝིགྒཧཝིཝཱདམེདྷགཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, ཀལཧབྷཎྜནཝིགྒཧཝིཝཱདམེདྷགཱ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ¶ ནིསྶཊོ ཝིཔྤཡུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – ཨེཏམྤི དིསྭཱ ཝིརམེ ཀཐོཛྫཾ.

ན ཧཉྙདཏྠཏྠི པསཾསལཱབྷཱཏི. པསཾསལཱབྷཱ ཨཉྙོ ཨཏྠོ ནཏྠི ཨཏྟཏྠོ ཝཱ པརཏྠོ ཝཱ ཨུབྷཡཏྠོ ཝཱ དིཊྛདྷམྨིཀོ ཝཱ ཨཏྠོ, སམྤརཱཡིཀོ ཝཱ ཨཏྠོ, ཨུཏྟཱནོ ཝཱ ཨཏྠོ ¶ , གམྦྷཱིརོ ཝཱ ཨཏྠོ, གཱུལ༹ྷོ ཝཱ ཨཏྠོ, པཊིཙྪནྣོ ཝཱ ཨཏྠོ, ནེཡྻོ ཝཱ ཨཏྠོ, ནཱིཏོ ཝཱ ཨཏྠོ, ཨནཝཛྫོ ཝཱ ཨཏྠོ, ནིཀྐིལེསོ ཝཱ ཨཏྠོ, ཝོདཱནོ ཝཱ ཨཏྠོ, པརམཏྠོ ཝཱ ཨཏྠོ ནཏྠི ན སནྟི ན སཾཝིཛྫནྟི ནུཔལབྦྷནྟཱིཏི – ན ཧཉྙདཏྠཏྠི པསཾསལཱབྷཱ.

‘‘ཨེཏེ ཝིཝཱདཱ སམཎེསུ ཛཱཏཱ, ཨེཏེསུ ཨུགྒྷཱཏིནིགྷཱཏི ཧོཏི;

ཨེཏམྤི ¶ དིསྭཱ ཝིརམེ ཀཐོཛྫཾ, ན ཧཉྙདཏྠཏྠི པསཾསལཱབྷཱ’’ཏི.

པསཾསིཏོ ཝཱ པན ཏཏྠ ཧོཏི, ཨཀྑཱཡ ཝཱདཾ པརིསཱཡ མཛ྄ཛྷེ;

སོ [སོ ཏཾ (སཱི.)] ཧསྶཏཱི ཨུནྣམཏཱི [ཨུཎྞམཏཱི (སྱཱ. ཀ.)] ཙ ཏེན, པཔྤུཡྻ ཏམཏྠཾ ཡཐཱ མནོ ཨཧུ.

པསཾསིཏོ ཝཱ པན ཏཏྠ ཧོཏཱིཏི. ཏཏྠཱཏི སཀཱཡ དིཊྛིཡཱ སཀཱཡ ཁནྟིཡཱ སཀཱཡ རུཙིཡཱ སཀཱཡ ལདྡྷིཡཱ པསཾསིཏོ ཐོམིཏོ ཀིཏྟིཏོ ཝཎྞིཏོ ཧོཏཱིཏི – པསཾསིཏོ ཝཱ པན ཏཏྠ ཧོཏི.

ཨཀྑཱཡ ཝཱདཾ པརིསཱཡ མཛ྄ཛྷེཏི. ཁཏྟིཡཔརིསཱཡ ཝཱ བྲཱཧྨཎཔརིསཱཡ ཝཱ གཧཔཏིཔརིསཱཡ ཝཱ སམཎཔརིསཱཡ ཝཱ མཛ྄ཛྷེ ཨཏྟནོ ཝཱདཾ ཨཀྑཱཡ ཨཱཙིཀྑིཏྭཱ ཨནུཝཱདཾ ཨཀྑཱཡ ཨཱཙིཀྑིཏྭཱ ཐམྦྷཡིཏྭཱ བྲཱུཧཡིཏྭཱ དཱིཔཡིཏྭཱ ཛོཏཡིཏྭཱ ཝོཧརིཏྭཱ པརིགྒཎྷིཏྭཱཏི – ཨཀྑཱཡ ཝཱདཾ པརིསཱཡ མཛ྄ཛྷེ.

སོ ཧསྶཏཱི ཨུནྣམཏཱི ཙ ཏེནཱཏི. སོ ཏེན ཛཡཏྠེན ཏུཊྛོ ཧོཏི ཧཊྛོ པཧཊྛོ ཨཏྟམནོ པརིཔུཎྞསངྐཔྤོ. ཨཐ ཝཱ དནྟཝིདཾསཀཾ ཧསམཱནོ. སོ ཧསྶཏཱི ཨུནྣམཏཱི ཙ ཏེནཱཏི སོ ཏེན ཛཡཏྠེན ¶ ཨུནྣཏོ ཧོཏི ཨུནྣམོ ¶ དྷཛོ སམྤགྒཱཧོ ཀེཏུཀམྱཏཱ ཙིཏྟསྶཱཏི – སོ ཧསྶཏཱི ཨུནྣམཏཱི ཙ ཏེན.

པཔྤུཡྻ ¶ ཏམཏྠཾ ཡཐཱ མནོ ཨཧཱུཏི. ཏཾ ཛཡཏྠཾ པཔྤུཡྻ པཱཔུཎིཏྭཱ ཨདྷིགནྟྭཱ ཝིནྡིཏྭཱ པཊིལབྷིཏྭཱ. ཡཐཱ མནོ ཨཧཱུཏི ཡཐཱ མནོ ཨཧུ, ཡཐཱ ཙིཏྟོ ཨཧུ, ཡཐཱ སངྐཔྤོ ཨཧུ, ཡཐཱ ཝིཉྙཱཎོ ཨཧཱུཏི – པཔྤུཡྻ ཏམཏྠཾ ཡཐཱ མནོ ཨཧུ.

‘‘པསཾསིཏོ ཝཱ པན ཏཏྠ ཧོཏི, ཨཀྑཱཡ ཝཱདཾ པརིསཱཡ མཛ྄ཛྷེ;

སོ ཧསྶཏཱི ཨུནྣམཏཱི ཙ ཏེན, པཔྤུཡྻ ཏམཏྠཾ ཡཐཱ མནོ ཨཧཱུ’’ཏི.

ཡཱ ¶ ཨུནྣཏཱི སཱསྶ ཝིགྷཱཏབྷཱུམི, མཱནཱཏིམཱནཾ ཝདཏེ པནེསོ;

ཨེཏམྤི དིསྭཱ ན ཝིཝཱདཡེཐ, ན ཧི ཏེན སུདྡྷིཾ ཀུསལཱ ཝདནྟི.

ཡཱ ཨུནྣཏཱི སཱསྶ ཝིགྷཱཏབྷཱུམཱིཏི. ཡཱ ཨུནྣཏི ཨུནྣམོ དྷཛོ སམྤགྒཱཧོ ཀེཏུཀམྱཏཱ ཙིཏྟསྶཱཏི – ཡཱ ཨུནྣཏི. སཱསྶ ཝིགྷཱཏབྷཱུམཱིཏི སཱ ཏསྶ ཝིགྷཱཏབྷཱུམི ཨུཔགྷཱཏབྷཱུམི པཱིལ༹ནབྷཱུམི གྷཊྚནབྷཱུམི ཨུཔདྡཝབྷཱུམི ཨུཔསགྒབྷཱུམཱིཏི – ཡཱ ཨུནྣཏཱི སཱསྶ ཝིགྷཱཏབྷཱུམི.

མཱནཱཏིམཱནཾ ཝདཏེ པནེསོཏི. སོ པུགྒལོ མཱནཉྩ ཝདཏི ཨཏིམཱནཉྩ ཝདཏཱིཏི – མཱནཱཏིམཱནཾ ཝདཏེ པནེསོ.

ཨེཏམྤི དིསྭཱ ན ཝིཝཱདཡེཐཱཏི. ཨེཏཾ ཨཱདཱིནཝཾ དིསྭཱ པསྶིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ དིཊྛིཀལཧེསུ དིཊྛིབྷཎྜནེསུ ¶ དིཊྛིཝིགྒཧེསུ དིཊྛིཝིཝཱདེསུ དིཊྛིམེདྷགེསཱུཏི – ཨེཏམྤི དིསྭཱ. ན ཝིཝཱདཡེཐཱཏི ¶ ན ཀལཧཾ ཀརེཡྻ ན བྷཎྜནཾ ཀརེཡྻ ན ཝིགྒཧཾ ཀརེཡྻ ན ཝིཝཱདཾ ཀརེཡྻ, ན མེདྷགཾ ཀརེཡྻ, ཀལཧབྷཎྜནཝིགྒཧཝིཝཱདམེདྷགཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, ཀལཧབྷཎྜནཝིགྒཧཝིཝཱདམེདྷགཱ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤཡུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – ཨེཏམྤི དིསྭཱ ན ཝིཝཱདཡེཐ.

ན ¶ ཧི ཏེན སུདྡྷིཾ ཀུསལཱ ཝདནྟཱིཏི. ཀུསལཱཏི ཡེ ཏེ ཁནྡྷཀུསལཱ དྷཱཏུཀུསལཱ ཨཱཡཏནཀུསལཱ པཊིཙྩསམུཔྤཱདཀུསལཱ སཏིཔཊྛཱནཀུསལཱ སམྨཔྤདྷཱནཀུསལཱ ཨིདྡྷིཔཱདཀུསལཱ ཨིནྡྲིཡཀུསལཱ བལཀུསལཱ བོཛ྄ཛྷངྒཀུསལཱ མགྒཀུསལཱ ཕལཀུསལཱ ནིབྦཱནཀུསལཱ, ཏེ ཀུསལཱ དིཊྛིཀལཧེན དིཊྛིབྷཎྜནེན དིཊྛིཝིགྒཧེན དིཊྛིཝིཝཱདེན དིཊྛིམེདྷགེན སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ ན ཝདནྟི ན ཀཐེནྟི ན བྷཎནྟི ན དཱིཔཡནྟི ན ཝོཧརནྟཱིཏི – ན ཧི ཏེན སུདྡྷིཾ ཀུསལཱ ཝདནྟི.

‘‘ཡཱ ཨུནྣཏཱི སཱསྶ ཝིགྷཱཏབྷཱུམི, མཱནཱཏིམཱནཾ ཝདཏེ པནེསོ;

ཨེཏམྤི དིསྭཱ ན ཝིཝཱདཡེཐ, ན ཧི ཏེན སུདྡྷིཾ ཀུསལཱ ཝདནྟཱི’’ཏི.

སཱུརོ ¶ ¶ ཡཐཱ རཱཛཁཱདཱཡ པུཊྛོ, ཨབྷིགཛྫམེཏི པཊིསཱུརམིཙྪཾ;

ཡེནེཝ སོ ཏེན པལེཧི སཱུར, པུབྦེཝ ནཏྠི ཡདིདཾ ཡུདྷཱཡ.

སཱུརོ ཡཐཱ རཱཛཁཱདཱཡ པུཊྛོཏི. སཱུརོཏི སཱུརོ ཝཱིརོ ཝིཀྐནྟོ ཨབྷཱིརཱུ ཨཚམྦྷཱི ཨནུཏྲཱསཱི ཨཔལཱཡཱི. རཱཛཁཱདཱཡ པུཊྛོཏི རཱཛཁཱདནཱིཡེན རཱཛབྷོཛནཱིཡེན པུཊྛོ པོསིཏོ ¶ ཨཔཱདིཏོ ཝཌྜྷིཏོཏི – སཱུརོ ཡཐཱ རཱཛཁཱདཱཡ པུཊྛོ.

ཨབྷིགཛྫམེཏི པཊིསཱུརམིཙྪནྟི. སོ གཛྫནྟོ ཨུགྒཛྫནྟོ ཨབྷིགཛྫནྟོ ཨེཏི ཨུཔེཏི ཨུཔགཙྪཏི པཊིསཱུརཾ པཊིཔུརིསཾ པཊིསཏྟུཾ པཊིམལླཾ ཨིཙྪནྟོ སཱདིཡནྟོ པཏྠཡནྟོ པིཧཡནྟོ ཨབྷིཛཔྤནྟོཏི – ཨབྷིགཛྫམེཏི པཊིསཱུརམིཙྪཾ.

ཡེནེཝ སོ ཏེན པལེཧི སཱུརཱཏི. ཡེནེཝ སོ དིཊྛིགཏིཀོ ཏེན པལེཧི, ཏེན ཝཛ, ཏེན གཙྪ, ཏེན ཨཏིཀྐམ, སོ ཏུཡ྄ཧཾ པཊིསཱུརོ པཊིཔུརིསོ པཊིསཏྟུ པཊིམལློཏི – ཡེནེཝ སོ ཏེན པལེཧི སཱུར.

པུབྦེཝ ནཏྠི ཡདིདཾ ཡུདྷཱཡཱཏི. པུབྦེཝ བོདྷིཡཱ མཱུལེ ཡེ པཊིསེནིཀརཱ ཀིལེསཱ པཊིལོམཀརཱ པཊིཀཎྜཀཀརཱ པཊིཔཀྑཀརཱ ཏེ ནཏྠི ན ¶ སནྟི ན སཾཝིཛྫནྟི ནུཔལབྦྷནྟི, པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱ. ཡདིདཾ ¶ ཡུདྷཱཡཱཏི ཡདིདཾ ཡུདྡྷཏྠཱཡ ཀལཧཏྠཱཡ བྷཎྜནཏྠཱཡ ཝིགྒཧཏྠཱཡ ཝིཝཱདཏྠཱཡ མེདྷགཏྠཱཡཱཏི – པུབྦེཝ ནཏྠི ཡདིདཾ ཡུདྷཱཡ.

‘‘སཱུརོ ཡཐཱ རཱཛཁཱདཱཡ པུཊྛོ, ཨབྷིགཛྫམེཏི པཊིསཱུརམིཙྪཾ;

ཡེནེཝ སོ ཏེན པལེཧི སཱུར, པུབྦེཝ ནཏྠི ཡདིདཾ ཡུདྷཱཡཱ’’ཏི.

ཡེ དིཊྛིམུགྒཡ྄ཧ ཝིཝཱདཡནྟི, ཨིདམེཝ སཙྩནྟི ཙ ཝཱདཡནྟི;

ཏེ ཏྭཾ ཝདསྶཱུ ན ཧི ཏེདྷ ཨཏྠི, ཝཱདམྷི ཛཱཏེ པཊིསེནིཀཏྟཱ.

ཡེ ¶ དིཊྛིམུགྒཡ྄ཧ ཝིཝཱདཡནྟཱིཏི ཡེ དྭཱསཊྛིདིཊྛིགཏཱནཾ ཨཉྙཏརཉྙཏརཾ དིཊྛིགཏཾ གཧེཏྭཱ གཎྷིཏྭཱ ཨུགྒཎྷིཏྭཱ པརཱམསིཏྭཱ ཨབྷིནིཝིསིཏྭཱ ཝིཝཱདཡནྟི ཀལཧཾ ཀརོནྟི བྷཎྜནཾ ཀརོནྟི ¶ ‘ཝིགྒཧཾ ཀརོནྟི ཝིཝཱདཾ ཀརོནྟི, མེདྷགཾ ཀརོནྟི – ‘‘ན ཏྭཾ ཨིམཾ དྷམྨཝིནཡཾ ཨཱཛཱནཱསི, ཨཧཾ ཨིམཾ དྷམྨཝིནཡཾ ཨཱཛཱནཱམི, ཀིཾ ཏྭཾ ཨིམཾ དྷམྨཝིནཡཾ ཨཱཛཱནིསྶསི, མིཙྪཱཔཊིཔནྣོ ཏྭམསི, ཨཧམསྨི སམྨཱཔཊིཔནྣོ, སཧིཏཾ མེ, ཨསཧིཏཾ ཏེ, པུརེ ཝཙནཱིཡཾ པཙྪཱ ཨཝཙ, པཙྪཱ ཝཙནཱིཡཾ པུརེ ཨཝཙ, ཨདྷིཙིཎྞཾ ཏེ ཝིཔརཱཝཏྟཾ, ཨཱརོཔིཏོ ཏེ ཝཱདོ, ནིགྒཧིཏོ ཏྭམསི, ཙར ཝཱདཔྤམོཀྑཱཡ, ནིབྦེཋེཧི ཝཱ སཙེ ¶ པཧོསཱི’’ཏི – ཡེ དིཊྛིམུགྒཡ྄ཧ ཝིཝཱདཡནྟི.

ཨིདམེཝ སཙྩནྟི ཙ ཝཱདཡནྟཱིཏི. ‘‘སསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི ཝཱདཡནྟི ཀཐེནྟི བྷཎནྟི དཱིཔཡནྟི ཝོཧརནྟི. ‘‘ཨསསྶཏོ ལོཀོ…པེ… ནེཝ ཧོཏི ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི ཝཱདཡནྟི ཀཐེནྟི བྷཎནྟི དཱིཔཡནྟི ཝོཧརནྟཱིཏི – ཨིདམེཝ སཙྩནྟི ཙ ཝཱདཡནྟི.

ཏེ ཏྭཾ ཝདསྶཱུ ན ཧི ཏེདྷ ཨཏྠི, ཝཱདམྷི ཛཱཏེ པཊིསེནིཀཏྟཱཏི. ཏེ ཏྭཾ དིཊྛིགཏིཀེ ཝདསྶུ ཝཱདེན ཝཱདཾ, ནིགྒཧེན ནིགྒཧཾ, པཊིཀམྨེན པཊིཀམྨཾ, ཝིསེསེན ཝིསེསཾ, པཊིཝིསེསེན པཊིཝིསེསཾ, ཨཱཝེཋིཡཱཡ ཨཱཝེཋིཡཾ, ནིབྦེཋིཡཱཡ ནིབྦེཋིཡཾ, ཚེདེན ཚེདཾ, མཎྜལེན མཎྜལཾ, ཏེ ¶ ཏུཡ྄ཧཾ པཊིསཱུརཱ པཊིཔུརིསཱ པཊིསཏྟཱུ པཊིམལླཱཏི – ཏེ ཏྭཾ ཝདསྶཱུ ན ཧི ཏེདྷ ཨཏྠི. ཝཱདམྷི ཛཱཏེ པཊིསེནིཀཏྟཱཏི. ཝཱདེ ཛཱཏེ སཉྫཱཏེ ནིབྦཏྟེ ཨབྷིནིབྦཏྟེ པཱཏུབྷཱུཏེཡེཝ པཊིསེནིཀཏྟཱ [པཊིསེནིཀཏཱ (ཀ.), ཨེཝཾ སེསེསུ ཏཱིསུ པདེསུཔི] པཊིལོམཀཏྟཱ ¶ པཊིབྷཎྜཀཏྟཱ པཊིཔཀྑཀཏྟཱ ཀལཧཾ ཀརེཡྻུཾ བྷཎྜནཾ ཀརེཡྻུཾ ཝིགྒཧཾ ཀརེཡྻུཾ ཝིཝཱདཾ ཀརེཡྻུཾ མེདྷགཾ ཀརེཡྻུཾ, ཏེ ནཏྠི ན སནྟི ན སཾཝིཛྫནྟི ནུཔལབྦྷནྟི, པཧཱིནཱ…པེ… ཉཱཎགྒིནཱ དཌྜྷཱཏི – ཏེ ཏྭཾ ཝདསྶཱུ ན ཧི ཏེདྷ ཨཏྠི ཝཱདམྷི ཛཱཏེ པཊིསེནིཀཏྟཱ.

‘‘ཡེ དིཊྛིམུགྒཡ྄ཧ ཝིཝཱདཡནྟི, ཨིདམེཝ སཙྩནྟི ཙ ཝཱདཡནྟི;

ཏེ ¶ ཏྭཾ ཝདསྶཱུ ན ཧི ཏེདྷ ཨཏྠི, ཝཱདམྷི ཛཱཏེ པཊིསེནིཀཏྟཱ’’ཏི.

ཝིསེནིཀཏྭཱ པན ཡེ ཙརནྟི, དིཊྛཱིཧི དིཊྛིཾ ཨཝིརུཛ྄ཛྷམཱནཱ;

ཏེསུ ཏྭཾ ཀིཾ ལབྷེཐ པསཱུར, ཡེསཱིདྷ ནཏྠི པརམུགྒཧཱིཏཾ.

ཝིསེནིཀཏྭཱ པན ཡེ ཙརནྟཱིཏི. སེནཱ ཝུཙྩཏི མཱརསེནཱ. ཀཱཡདུཙྩརིཏཾ མཱརསེནཱ, ཝཙཱིདུཙྩརིཏཾ ¶ མཱརསེནཱ, མནོདུཙྩརིཏཾ མཱརསེནཱ, ལོབྷོ མཱརསེནཱ, དོསོ མཱརསེནཱ, མོཧོ མཱརསེནཱ, ཀོདྷོ… ཨུཔནཱཧོ… མཀྑོ… པལཱ༹སོ… ཨིསྶཱ… མཙྪརིཡཾ… མཱཡཱ… སཱཋེཡྻཾ… ཐམྦྷོ… སཱརམྦྷོ… མཱནོ… ཨཏིམཱནོ… མདོ… པམཱདོ… སབྦེ ཀིལེསཱ… སབྦེ དུཙྩརིཏཱ… སབྦེ དརཐཱ… སབྦེ པརིལཱ༹ཧཱ… སབྦེ སནྟཱཔཱ… སབྦཱཀུསལཱབྷིསངྑཱརཱ མཱརསེནཱ.

‘‘ཀཱམཱ ཏེ པཋམཱ སེནཱ, དུཏིཡཱ ཨརཏི ཝུཙྩཏི…པེ…;

ན ནཾ ཨསུརོ ཛིནཱཏི, ཛེཏྭཱཝ ལབྷཏེ སུཁ’’ནྟི.

ཡཏོ ཙཏཱུཧི ཨརིཡམགྒེཧི སབྦཱ ཙ མཱརསེནཱ སབྦེ ཙ པཊིསེནིཀརཱ ཀིལེསཱ ཛིཏཱ ཙ པརཱཛིཏཱ ཙ བྷགྒཱ ཝིཔྤལུགྒཱ ¶ པརམྨུཁཱ, ཏེན ཝུཙྩཏི ཝིསེནིཀཏྭཱཏི. ཡེཏི ཨརཧནྟོ ཁཱིཎཱསཝཱ. ཙརནྟཱིཏི ཙརནྟི ཝིཧརནྟི ¶ ཨིརིཡནྟི ཝཏྟེནྟི པཱལེནྟི ཡཔེནྟི ཡཱཔེནྟཱིཏི – ཝིསེནིཀཏྭཱ པན ཡེ ཙརནྟི.

དིཊྛཱིཧི དིཊྛིཾ ཨཝིརུཛ྄ཛྷམཱནཱཏི. ཡེསཾ དྭཱསཊྛི དིཊྛིགཏཱནི ¶ པཧཱིནཱནི སམུཙྪིནྣཱནི ཝཱུཔསནྟཱནི པཊིཔསྶདྡྷཱནི ཨབྷབྦུཔྤཏྟིཀཱནི ཉཱཎགྒིནཱ དཌྜྷཱནི, ཏེ དིཊྛཱིཧི དིཊྛིཾ ཨཝིརུཛ྄ཛྷམཱནཱ ཨཔྤཊིཝིརུཛ྄ཛྷམཱནཱ ཨཔྤཧཱིཡམཱནཱ ཨཔྤཊིཧཉྙམཱནཱ ཨཔྤཊིཧཏམཱནཱཏི – དིཊྛཱིཧི དིཊྛིཾ ཨཝིརུཛ྄ཛྷམཱནཱ.

ཏེསུ ཏྭཾ ཀིཾ ལབྷེཐ པསཱུརཱཏི. ཏེསུ ཨརཧནྟེསུ ཁཱིཎཱསཝེསུ ཀིཾ ལབྷེཐ པཊིསཱུརཾ པཊིཔུརིསཾ པཊིསཏྟུཾ པཊིམལླནྟི – ཏེསུ ཏྭཾ ཀིཾ ལབྷེཐ པསཱུར.

ཡེསཱིདྷ ནཏྠི པརམུགྒཧཱིཏནྟི. ཡེསཾ ཨརཧནྟཱནཾ ཁཱིཎཱསཝཱནཾ ‘‘ཨིདཾ པརམཾ ཨགྒཾ སེཊྛཾ ཝིསིཊྛཾ པཱམོཀྑཾ ཨུཏྟམཾ པཝར’’ནྟི གཧིཏཾ པརཱམཊྛཾ ཨབྷིནིཝིཊྛཾ ཨཛ྄ཛྷོསིཏཾ ཨདྷིམུཏྟཾ, ནཏྠི ན སནྟི ན སཾཝིཛྫནྟི ནུཔལབྦྷནྟི, པཧཱིནཾ སམུཙྪིནྣཾ ཝཱུཔསནྟཾ པཊིཔསྶདྡྷཾ ཨབྷབྦུཔྤཏྟིཀཾ ཉཱཎགྒིནཱ དཌྜྷནྟི – ཡེསཱིདྷ ནཏྠི པརམུགྒཧཱིཏཾ.

‘‘ཝིསེནིཀཏྭཱ པན ཡེ ཙརནྟི, དིཊྛཱིཧི དིཊྛིཾ ཨཝིརུཛ྄ཛྷམཱནཱ;

ཏེསུ ཏྭཾ ཀིཾ ལབྷེཐ པསཱུར, ཡེསཱིདྷ ནཏྠི པརམུགྒཧཱིཏ’’ནྟི.

ཨཐ ¶ ཏྭཾ པཝིཏཀྐམཱགམཱ, [པཝིཏཀྐམཱགམ (སཱི.), སཝིཏཀྐམཱགམཱ (ཀ.)] མནསཱ དིཊྛིགཏཱནི ཙིནྟཡནྟོ;

དྷོནེན ཡུགཾ སམཱགམཱ, ན ཧི ཏྭཾ སཀྑསི སམྤཡཱཏཝེ.

ཨཐ ¶ ¶ ཏྭཾ པཝིཏཀྐམཱགམཱཏི. ཨཐཱཏི པདསནྡྷི པདསཾསགྒོ པདཔཱརིཔཱུརཱི ཨཀྑརསམཝཱཡོ བྱཉྫནསིལིཊྛཏཱ པདཱནུཔུབྦཏཱཔེཏཾ – ཨཐཱཏི. པཝིཏཀྐམཱགམཱཏི ཏཀྐེནྟོ ཝིཏཀྐེནྟོ སངྐཔྤེནྟོ ‘‘ཛཡོ ནུ ཁོ མེ བྷཝིསྶཏི, པརཱཛཡོ ནུ ཁོ མེ བྷཝིསྶཏི, ཀཐཾ ནིགྒཧཾ ཀརིསྶཱམི, ཀཐཾ པཊིཀམྨཾ ཀརིསྶཱམི, ཀཐཾ ཝིསེསཾ ཀརིསྶཱམི, ཀཐཾ པཊིཝིསེསཾ ཀརིསྶཱམི, ཀཐཾ ཨཱཝེཋིཡཾ ཀརིསྶཱམི, ཀཐཾ ནིབྦེཋིཡཾ ཀརིསྶཱམི ¶ , ཀཐཾ ཚེདཾ ཀརིསྶཱམི, ཀཐཾ མཎྜལཾ ཀརིསྶཱམི’’ ཨེཝཾ ཏཀྐེནྟོ ཝིཏཀྐེནྟོ སངྐཔྤེནྟོ ཨཱགཏོསི ཨུཔགཏོསི སམྤཏྟོསི མཡཱ སདྡྷིཾ སམཱགཏོསཱིཏི – ཨཐ ཏྭཾ པཝིཏཀྐམཱགམཱ.

མནསཱ དིཊྛིགཏཱནི ཙིནྟཡནྟོཏི. མནོཏི ཡཾ ཙིཏྟཾ མནོ མཱནསཾ ཧདཡཾ པཎྜརཾ, མནོ མནཱཡཏནཾ མནིནྡྲིཡཾ ཝིཉྙཱཎཾ ཝིཉྙཱཎཀྑནྡྷོ ཏཛྫཱ མནོཝིཉྙཱཎདྷཱཏུ. ཙིཏྟེན དིཊྛིཾ ཙིནྟེནྟོ ཝིཙིནྟེནྟོ ‘‘སསྶཏོ ལོཀོ’’ཏི ཝཱ, ‘‘ཨསསྶཏོ ལོཀོ’’ཏི ཝཱ…པེ… ‘‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ’’ཏི ཝཱཏི – མནསཱ དིཊྛིགཏཱནི ཙིནྟཡནྟོ.

དྷོནེན ཡུགཾ སམཱགམཱ, ན ཧི ཏྭཾ སཀྑསི སམྤཡཱཏཝེཏི. དྷོནཱ ཝུཙྩཏི པཉྙཱ. ཡཱ པཉྙཱ པཛཱནནཱ…པེ… ཨམོཧོ དྷམྨཝིཙཡོ སམྨཱདིཊྛི. ཀིཾཀཱརཎཱ དྷོནཱ ཝུཙྩཏི པཉྙཱ? ཏཱཡ པཉྙཱཡ ཀཱཡདུཙྩརིཏཾ དྷུཏཉྩ དྷོཏཉྩ སནྡྷོཏཉྩ ནིདྡྷོཏཉྩ, ཝཙཱིདུཙྩརིཏཾ…པེ… སབྦཱཀུསལཱབྷིསངྑཱརཱ དྷུཏཱ ཙ དྷོཏཱ ཙ སནྡྷོཏཱ ཙ ནིདྡྷོཏཱ ¶ ཙ. ཨཐ ཝཱ སམྨཱདིཊྛིཡཱ མིཙྪཱདིཊྛི… སམྨཱསངྐཔྤེན མིཙྪཱསངྐཔྤོ…པེ… སམྨཱཝིམུཏྟིཡཱ མིཙྪཱཝིམུཏྟི དྷུཏཱ ཙ དྷོཏཱ ཙ སནྡྷོཏཱ ཙ ནིདྡྷོཏཱ ཙ. ཨཐ ཝཱ ཨརིཡེན ཨཊྛངྒིཀེན མགྒེན སབྦེ ཀིལེསཱ… སབྦེ དུཙྩརིཏཱ… སབྦེ དརཐཱ… སབྦེ པརིལཱ༹ཧཱ… སབྦེ སནྟཱཔཱ… སབྦཱཀུསལཱབྷིསངྑཱརཱ དྷུཏཱ ཙ དྷོཏཱ ཙ སནྡྷོཏཱ ཙ ནིདྡྷོཏཱ ཙ. བྷགཝཱ ཨིམེཧི དྷོནེཡྻེཧི དྷམྨེཧི ཨུཔེཏོ སམུཔེཏོ ¶ ཨུཔགཏོ སམུཔགཏོ ཨུཔཔནྣོ སམུཔཔནྣོ སམནྣཱགཏོ, ཏསྨཱ བྷགཝཱ དྷོནོ. སོ དྷུཏརཱགོ དྷུཏཔཱཔོ དྷུཏཀིལེསོ དྷུཏཔརིལཱ༹ཧོཏི – དྷོནོཏི.

དྷོནེན ཡུགཾ སམཱགམཱ, ན ཧི ཏྭཾ སཀྑསི སམྤཡཱཏཝེཏི. པསཱུརོ པརིབྦཱཛཀོ ན པཊིབལོ དྷོནེན བུདྡྷེན བྷགཝཏཱ སདྡྷིཾ ཡུགཾ སམཱགམཾ སམཱགནྟྭཱ ཡུགགྒཱཧཾ གཎྷིཏྭཱ སཱཀཙྪེཏུཾ སལླཔིཏུཾ སཱཀཙྪཾ སམཱཔཛྫིཏུཾ. ཏཾ ཀིསྶ ཧེཏུ? པསཱུརོ པརིབྦཱཛཀོ ཧཱིནོ ནིཧཱིནོ ¶ ཨོམཀོ ལཱམཀོ ཚཏུཀྐོ པརིཏྟོ. སོ ཧི བྷགཝཱ ཨགྒོ ཙ སེཊྛོ ཙ ཝིསིཊྛོ ཙ པཱམོཀྑོ ཙ ཨུཏྟམོ ཙ པཝརོ ཙ. ཡཐཱ སསོ ན པཊིབལོ མཏྟེན མཱཏངྒེན སདྡྷིཾ ཡུགཾ སམཱགམཾ སམཱགནྟྭཱ ཡུགགྒཱཧཾ གཎྷིཏུཾ; ཡཐཱ ཀོཏྠུཀོ ན པཊིབལོ སཱིཧེན མིགརཉྙཱ སདྡྷིཾ ཡུགཾ སམཱགམཾ སམཱགནྟྭཱ ཡུགགྒཱཧཾ གཎྷིཏུཾ; ཡཐཱ ཝཙྪཀོ ཏརུཎཀོ དྷེནུཔཀོ ¶ ན པཊིབལོ ཨུསབྷེན ཙལཀཀུནཱ [བལཀྐཀུནཱ (སྱཱ.)] སདྡྷིཾ ཡུགཾ སམཱགམཾ སམཱགནྟྭཱ ཡུགགྒཱཧཾ གཎྷིཏུཾ; ཡཐཱ དྷངྐོ ན ¶ པཊིབལོ གརུལེ༹ན ཝེནཏེཡྻེན སདྡྷིཾ ཡུགཾ སམཱགམཾ སམཱགནྟྭཱ ཡུགགྒཱཧཾ གཎྷིཏུཾ; ཡཐཱ ཙཎྜཱལོ ན པཊིབལོ རཉྙཱ ཙཀྐཝཏྟིནཱ སདྡྷིཾ ཡུགཾ སམཱགམཾ སམཱགནྟྭཱ ཡུགགྒཱཧཾ གཎྷིཏུཾ; ཡཐཱ པཾསུཔིསཱཙཀོ ན པཊིབལོ ཨིནྡེན དེཝརཉྙཱ སདྡྷིཾ ཡུགཾ སམཱགམཾ སམཱགནྟྭཱ ཡུགགྒཱཧཾ གཎྷིཏུཾ; ཨེཝམེཝ པསཱུརོ པརིབྦཱཛཀོ ན པཊིབལོ དྷོནེན བུདྡྷེན བྷགཝཏཱ སདྡྷིཾ ཡུགཾ སམཱགམཾ སམཱགནྟྭཱ ཡུགགྒཱཧཾ གཎྷིཏྭཱ སཱཀཙྪེཏུཾ སལླཔིཏུཾ སཱཀཙྪཾ སམཱཔཛྫིཏུཾ. ཏཾ ཀིསྶ ཧེཏུ? པསཱུརོ པརིབྦཱཛཀོ ཧཱིནཔཉྙོ ནིཧཱིནཔཉྙོ ཨོམཀཔཉྙོ ལཱམཀཔཉྙོ ཚཏུཀྐཔཉྙོ པརིཏྟཔཉྙོ. སོ ཧི བྷགཝཱ མཧཱཔཉྙོ པུཐུཔཉྙོ ཧཱསཔཉྙོ ཛཝནཔཉྙོ ཏིཀྑཔཉྙོ ནིབྦེདྷིཀཔཉྙོ, པཉྙཱཔབྷེདཀུསལོ པབྷིནྣཉཱཎོ ཨདྷིགཏཔཊིསམྦྷིདོ, ཙཏུཝེསཱརཛྫཔྤཏྟོ དསབལདྷཱརཱི, པུརིསཱསབྷོ པུརིསསཱིཧོ པུརིསནཱགོ པུརིསཱཛཉྙོ ¶ པུརིསདྷོརཡ྄ཧོ, ཨནནྟཉཱཎོ ཨནནྟཏེཛོ ཨནནྟཡསོ ཨཌྜྷོ མཧདྡྷནོ དྷནཝཱ, ནེཏཱ ཝིནེཏཱ ཨནུནེཏཱ, པཉྙཱཔེཏཱ ནིཛ྄ཛྷཱཔེཏཱ པེཀྑེཏཱ པསཱདེཏཱ. སོ ཧི བྷགཝཱ ཨནུཔྤནྣསྶ མགྒསྶ ཨུཔྤཱདེཏཱ, ཨསཉྫཱཏསྶ མགྒསྶ སཉྫནེཏཱ, ཨནཀྑཱཏསྶ མགྒསྶ ཨཀྑཱཏཱ, མགྒཉྙཱུ མགྒཝིདཱུ མགྒཀོཝིདོ མགྒཱནུགཱ ཙ པནསྶ ཨེཏརཧི སཱཝཀཱ ཝིཧརནྟི པཙྪཱ སམནྣཱགཏཱ.

སོ ཧི བྷགཝཱ ཛཱནཾ ཛཱནཱཏི པསྶཾ པསྶཏི, ཙཀྑུབྷཱུཏོ ཉཱཎབྷཱུཏོ དྷམྨབྷཱུཏོ བྲཧྨབྷཱུཏོ, ཝཏྟཱ ¶ པཝཏྟཱ ཨཏྠསྶ ནིནྣེཏཱ ཨམཏསྶ དཱཏཱ དྷམྨསྶཱམཱི ཏཐཱགཏོ; ནཏྠི ཏསྶ བྷགཝཏོ ཨཉྙཱཏཾ ཨདིཊྛཾ ཨཝིདིཏཾ ཨསཙྪིཀཏཾ ཨཕསྶིཏཾ [ཨཕུསིཏཾ (སྱཱ.)] པཉྙཱཡ. ཨཏཱིཏཾ ཨནཱགཏཾ པཙྩུཔྤནྣཾ ཨུཔཱདཱཡ སབྦེ དྷམྨཱ སབྦཱཀཱརེན བུདྡྷསྶ བྷགཝཏོ ཉཱཎམུཁེ ཨཱཔཱཐཾ ཨཱགཙྪནྟི. ཡཾ ཀིཉྩི ནེཡྻཾ ནཱམ ཨཏྠི དྷམྨཾ ཛཱནིཏབྦཾ. ཨཏྟཏྠོ ཝཱ པརཏྠོ ཝཱ ཨུབྷཡཏྠོ ཝཱ དིཊྛདྷམྨིཀོ ཝཱ ཨཏྠོ, སམྤརཱཡིཀོ ཝཱ ཨཏྠོ, ཨུཏྟཱནོ ཝཱ ཨཏྠོ, གམྦྷཱིརོ ཝཱ ཨཏྠོ, གཱུལ༹ྷོ ཝཱ ཨཏྠོ, པཊིཙྪནྣོ ཝཱ ཨཏྠོ, ནེཡྻོ ཝཱ ཨཏྠོ, ནཱིཏོ ཝཱ ཨཏྠོ, ཨནཝཛྫོ ཝཱ ཨཏྠོ, ནིཀྐིལེསོ ཝཱ ཨཏྠོ, ཝོདཱནོ ཝཱ ཨཏྠོ, པརམཏྠོ ཝཱ ཨཏྠོ, སབྦཾ ཏཾ ཨནྟོབུདྡྷཉཱཎེ པརིཝཏྟཏི.

སབྦཾ ¶ ཀཱཡཀམྨཾ བུདྡྷསྶ བྷགཝཏོ ཉཱཎཱནུཔརིཝཏྟི, སབྦཾ ཝཙཱིཀམྨཾ ཉཱཎཱནུཔརིཝཏྟི ¶ , སབྦཾ མནོཀམྨཾ ཉཱཎཱནུཔརིཝཏྟི. ཨཏཱིཏེ བུདྡྷསྶ བྷགཝཏོ ཨཔྤཊིཧཏཾ ཉཱཎཾ, ཨནཱགཏེ ཨཔྤཊིཧཏཾ ཉཱཎཾ, པཙྩུཔྤནྣེ ཨཔྤཊིཧཏཾ ཉཱཎཾ, ཡཱཝཏཀཾ ནེཡྻཾ ཏཱཝཏཀཾ ཉཱཎཾ, ཡཱཝཏཀཾ ཉཱཎཾ ཏཱཝཏཀཾ ནེཡྻཾ, ནེཡྻཔརིཡནྟིཀཾ ཉཱཎཾ, ཉཱཎཔརིཡནྟིཀཾ ནེཡྻཾ, ནེཡྻཾ ཨཏིཀྐམིཏྭཱ ཉཱཎཾ ནཔྤཝཏྟཏི ¶ , ཉཱཎཾ ཨཏིཀྐམིཏྭཱ ནེཡྻཔཐོ ནཏྠི. ཨཉྙམཉྙཔརིཡནྟཊྛཱཡིནོ ཏེ དྷམྨཱ. ཡཐཱ དྭིནྣཾ སམུགྒཔཊལཱནཾ སམྨཱ ཕུསིཏཱནཾ ཧེཊྛིམཾ སམུགྒཔཊལཾ ཨུཔརིམཾ ནཱཏིཝཏྟཏི, ཨུཔརིམཾ སམུགྒཔཊལཾ ཧེཊྛིམཾ ནཱཏིཝཏྟཏི ¶ ཨཉྙམཉྙཔརིཡནྟཊྛཱཡིནོ; ཨེཝམེཝ བུདྡྷསྶ བྷགཝཏོ ནེཡྻཉྩ ཉཱཎཉྩ ཨཉྙམཉྙཔརིཡནྟཊྛཱཡིནོ; ཡཱཝཏཀཾ ནེཡྻཾ ཏཱཝཏཀཾ ཉཱཎཾ, ཡཱཝཏཀཾ ཉཱཎཾ ཏཱཝཏཀཾ ནེཡྻཾ, ནེཡྻཔརིཡནྟིཀཾ ཉཱཎཾ, ཉཱཎཔརིཡནྟིཀཾ ནེཡྻཾ, ནེཡྻཾ ཨཏིཀྐམིཏྭཱ ཉཱཎཾ ནཔྤཝཏྟཏི, ཉཱཎཾ ཨཏིཀྐམིཏྭཱ ནེཡྻཔཐོ ནཏྠི. ཨཉྙམཉྙཔརིཡནྟཊྛཱཡིནོ ཏེ དྷམྨཱ སབྦདྷམྨེསུ བུདྡྷསྶ བྷགཝཏོ ཉཱཎཾ པཝཏྟཏི.

སབྦེ དྷམྨཱ བུདྡྷསྶ བྷགཝཏོ ཨཱཝཛྫནཔཊིབདྡྷཱ ཨཱཀངྑཔཊིབདྡྷཱ མནསིཀཱརཔཊིབདྡྷཱ ཙིཏྟུཔྤཱདཔཊིབདྡྷཱ. སབྦསཏྟེསུ བུདྡྷསྶ བྷགཝཏོ ཉཱཎཾ པཝཏྟཏི, སབྦེསཉྩ སཏྟཱནཾ བྷགཝཱ ཨཱསཡཾ ཛཱནཱཏི ཨནུསཡཾ ཛཱནཱཏི ཙརིཏཾ ཛཱནཱཏི ཨདྷིམུཏྟིཾ ཛཱནཱཏི. ཨཔྤརཛཀྑེ མཧཱརཛཀྑེ ཏིཀྑིནྡྲིཡེ མུདིནྡྲིཡེ སྭཱཀཱརེ དྭཱཀཱརེ སུཝིཉྙཱཔཡེ དུཝིཉྙཱཔཡེ བྷབྦཱབྷབྦེ སཏྟེ པཛཱནཱཏི. སདེཝཀོ ལོཀོ སམཱརཀོ སབྲཧྨཀོ སསྶམཎབྲཱཧྨཎཱི པཛཱ སདེཝམནུསྶཱ ཨནྟོབུདྡྷཉཱཎེ པརིཝཏྟཏི.

ཡེཔི ཏེ ཁཏྟིཡཔཎྜིཏཱ བྲཱཧྨཎཔཎྜིཏཱ གཧཔཏིཔཎྜིཏཱ སམཎཔཎྜིཏཱ ནིཔུཎཱ ཀཏཔརཔྤཝཱདཱ ཝཱལཝེདྷིརཱུཔཱ. ཝོབྷིནྡནྟཱ [ཏེ བྷིནྡནྟཱ (ཀ.)] མཉྙེ ཙརནྟི པཉྙཱགཏེན དིཊྛིགཏཱནི ¶ . ཏེ པཉྷེ ཨབྷིསངྑརིཏྭཱ ཨབྷིསངྑརིཏྭཱ ཏཐཱགཏེ ཨུཔསངྐམིཏྭཱ པུཙྪནྟི གཱུལ༹ྷཱནི ཙ པཊིཙྪནྣཱནི ཙ. ཀཐིཏཱ ཝིསཛྫིཏཱཝ ཏེ པཉྷཱ བྷགཝཏཱ ཧོནྟི ནིདྡིཊྛཀཱརཎཱ ཨུཔཀྑིཏྟཀཱ ཙ. ཏེ བྷགཝཏོ ¶ སམྤཛྫནྟི. ཨཐ ཁོ བྷགཝཱཝ ཏཏྠ ཨཏིརོཙཏི ཡདིདཾ པཉྙཱཡཱཏི – དྷོནེན ཡུགཾ སམཱགམཱ, ན ཧི ཏྭཾ སཀྑསི སམྤཡཱཏཝེ.

‘‘ཨཐ ཏྭཾ པཝིཏཀྐམཱགམཱ, མནསཱ དིཊྛིགཏཱནི ཙིནྟཡནྟོ;

དྷོནེན ཡུགཾ སམཱགམཱ, ན ཧི ཏྭཾ སཀྑསི སམྤཡཱཏཝེ’’ཏི.

ཨཐ ¶ མཱགཎྜིཡསུཏྟནིདྡེསཾ ཝཀྑཏི –

དིསྭཱན ¶ ¶ ཏཎྷཾ ཨརཏིཾ རགཉྩ, ནཱཧོསི ཚནྡོ ཨཔི མེཐུནསྨིཾ;

ཀིམེཝིདཾ མུཏྟཀརཱིསཔུཎྞཾ, པཱདཱཔི ནཾ སམྥུསིཏུཾ ན ཨིཙྪེ.

དིསྭཱན ཏཎྷཾ ཨརཏིཾ རགཉྩ, ནཱཧོསི ཚནྡོ ཨཔི མེཐུནསྨིནྟི. ཏཎྷཉྩ ཨརཏིཉྩ རགཉྩ མཱརདྷཱིཏརོ དིསྭཱ པསྶིཏྭཱ མེཐུནདྷམྨེ ཚནྡོ ཝཱ རཱགོ ཝཱ པེམཾ ཝཱ ནཱཧོསཱིཏི – དིསྭཱན ཏཎྷཾ ཨརཏིཾ རགཉྩ ནཱཧོསི ཚནྡོ ཨཔི མེཐུནསྨིཾ.

ཀིམེཝིདཾ མུཏྟཀརཱིསཔུཎྞཾ, པཱདཱཔི ནཾ སམྥུསིཏུཾ ན ཨིཙྪེཏི. ཀིམེཝིདཾ སརཱིརཾ མུཏྟཔུཎྞཾ ཀརཱིསཔུཎྞཾ སེམྷཔུཎྞཾ རུཧིརཔུཎྞཾ ཨཊྛིསངྒྷཱཏནྷཱརུསམྦནྡྷཾ རུདྷིརམཾསཱཝལེཔནཾ ཙམྨཝིནདྡྷཾ ཚཝིཡཱ པཊིཙྪནྣཾ ཚིདྡཱཝཚིདྡཾ ཨུགྒྷརནྟཾ པགྒྷརནྟཾ ཀིམིསངྒྷནིསེཝིཏཾ ནཱནཱཀལིམལཔརིཔཱུརཾ པཱདེན ཨཀྐམིཏུཾ ན ཨིཙྪེཡྻ, ཀུཏོ པན སཾཝཱསོ ཝཱ སམཱགམོ ཝཱཏི – ཀིམེཝིདཾ ¶ མུཏྟཀརཱིསཔུཎྞཾ, པཱདཱཔི ནཾ སམྥུསིཏུཾ ན ཨིཙྪེ. ཨནཙྪརིཡཉྩེཏཾ མནུསྶོ དིབྦེ ཀཱམེ པཏྠཡནྟོ མཱནུསཀེ ཀཱམེ ན ཨིཙྪེཡྻ, མཱནུསཀེ ཝཱ ཀཱམེ པཏྠཡནྟོ ¶ དིབྦེ ཀཱམེ ན ཨིཙྪེཡྻ. ཡཾ ཏྭཾ ཨུབྷོཔི ན ཨིཙྪསི ན སཱདིཡསི ན པཏྠེསི ན པིཧེསི ནཱབྷིཛཔྤསི, ཀིཾ ཏེ དསྶནཾ, ཀཏམཱཡ ཏྭཾ དིཊྛིཡཱ སམནྣཱགཏོཏི པུཙྪཏཱིཏི.

‘‘དིསྭཱན ཏཎྷཾ ཨརཏིཾ རགཉྩ, ནཱཧོསི ཚནྡོ ཨཔི མེཐུནསྨིཾ;

ཀིམེཝིདཾ ¶ མུཏྟཀརཱིསཔུཎྞཾ, པཱདཱཔི ནཾ སམྥུསིཏུཾ ན ཨིཙྪེ’’ཏི.

ཨེཏཱདིསཾ ¶ ཙེ རཏནཾ ན ཨིཙྪསི, ནཱརིཾ ནརིནྡེཧི བཧཱུཧི པཏྠིཏཾ;

དིཊྛིགཏཾ སཱིལཝཏཾ ནུ ཛཱིཝིཏཾ, བྷཝཱུཔཔཏྟིཉྩ ཝདེསི ཀཱིདིསཾ.

ཨིདཾ ཝདཱམཱིཏི ན ཏསྶ ཧོཏི, [མཱགཎྜིཡཱཏི [མཱགནྡིཡཱཏི (སཱི. སྱཱ.)] བྷགཝཱ]

པསྶཉྩ དིཊྛཱིསུ ཨནུགྒཧཱཡ, ཨཛ྄ཛྷཏྟསནྟིཾ པཙིནཾ ཨདསྶཾ.

ཨིདཾ ཝདཱམཱིཏི ན ཏསྶ ཧོཏཱིཏི. ཨིདཾ ཝདཱམཱིཏི ཨིདཾ ཝདཱམི, ཨེཏཾ ཝདཱམི, ཨེཏྟཀཾ ཝདཱམི, ཨེཏྟཱཝཏཱ ཝདཱམི, ཨིདཾ དིཊྛིགཏཾ ཝདཱམི – ‘‘སསྶཏོ ལོཀོ’’ཏི ཝཱ…པེ… ‘‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ’’ཏི ཝཱ. ན ཏསྶ ཧོཏཱིཏི ན མཡ྄ཧཾ ཧོཏི, ‘‘ཨེཏྟཱཝཏཱ ཝདཱམཱི’’ཏི ན ཏསྶ ཧོཏཱིཏི – ཨིདཾ ཝདཱམཱིཏི ན ཏསྶ ཧོཏི.

མཱགཎྜིཡཱཏི ¶ བྷགཝཱ ཏཾ བྲཱཧྨཎཾ ནཱམེན ཨཱལཔཏི. བྷགཝཱཏི གཱརཝཱདྷིཝཙནཾ…པེ… སཙྪིཀཱ པཉྙཏྟི ཡདིདཾ བྷགཝཱཏི – མཱགཎྜིཡཱཏི བྷགཝཱ.

དྷམྨེསུ ནིཙྪེཡྻ སམུགྒཧཱིཏནྟི. དྷམྨེསཱུཏི དྭཱསཊྛིཡཱ དིཊྛིགཏེསུ. ནིཙྪེཡྻཱཏི ནིཙྪིནིཏྭཱ ཝིནིཙྪིནིཏྭཱ ཝིཙིནིཏྭཱ པཝིཙིནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ, ཨོདྷིགྒཱཧོ བིལགྒཱཧོ ¶ ཝརགྒཱཧོ ཀོཊྛཱསགྒཱཧོ ཨུཙྩཡགྒཱཧོ སམུཙྩཡགྒཱཧོ, ‘‘ཨིདཾ སཙྩཾ ཏཙྪཾ ཏཐཾ བྷཱུཏཾ ཡཱཐཱཝཾ ཨཝིཔརཱིཏ’’ནྟི གཧིཏཾ པརཱམཊྛཾ ཨབྷིནིཝིཊྛཾ ཨཛ྄ཛྷོསིཏཾ ¶ ཨདྷིམུཏྟཾ, ནཏྠི ན སནྟི ན སཾཝིཛྫཏི ནུཔལབྦྷཏི, པཧཱིནཾ སམུཙྪིནྣཾ ཝཱུཔསནྟཾ པཊིཔསྶདྡྷཾ ཨབྷབྦུཔྤཏྟིཀཾ ཉཱཎགྒིནཱ དཌྜྷནྟི – དྷམྨེསུ ནིཙྪེཡྻ སམུགྒཧཱིཏཾ.

པསྶཉྩ དིཊྛཱིསུ ཨནུགྒཧཱཡཱཏི. དིཊྛཱིསུ ཨཱདཱིནཝཾ པསྶནྟོ དིཊྛིཡོ ན གཎྷཱམི ན པརཱམསཱམི ནཱབྷིནིཝིསཱམི. ཨཐ ཝཱ ན གཎྷིཏབྦཱ ན པརཱམསིཏབྦཱ ནཱབྷིནིཝིསིཏབྦཱཏི. ཨེཝམྤི པསྶཉྩ དིཊྛཱིསུ ཨནུགྒཧཱཡ.

ཨཐ ཝཱ ‘‘སསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི དིཊྛིགཏམེཏཾ དིཊྛིགཧནཾ དིཊྛིཀནྟཱརོ དིཊྛིཝིསཱུཀཱཡིཀཾ དིཊྛིཝིཔྥནྡིཏཾ དིཊྛིསཉྙོཛནཾ, སདུཀྑཾ སཝིགྷཱཏཾ སཨུཔཱཡཱསཾ སཔརིལཱ༹ཧཾ, ན ནིབྦིདཱཡ ན ཝིརཱགཱཡ ན ནིརོདྷཱཡ ན ཨུཔསམཱཡ ན ཨབྷིཉྙཱཡ ན སམྦོདྷཱཡ ན ནིབྦཱནཱཡ སཾཝཏྟཏཱིཏི. དིཊྛཱིསུ ཨཱདཱིནཝཾ པསྶནྟོ དིཊྛིཡོ ན གཎྷཱམི ན པརཱམསཱམི ¶ ནཱབྷིནིཝིསཱམི. ཨཐ ཝཱ ན གཎྷིཏབྦཱ ན པརཱམསིཏབྦཱ ནཱབྷིནིཝིསིཏབྦཱཏི. ཨེཝམྤི པསྶཉྩ དིཊྛཱིསུ ཨནུགྒཧཱཡ.

ཨཐ ཝཱ ‘‘ཨསསྶཏོ ¶ ལོཀོ, ཨནྟཝཱ ལོཀོ, ཨནནྟཝཱ ལོཀོ, ཏཾ ཛཱིཝཾ ཏཾ སརཱིརཾ, ཨཉྙཾ ཛཱིཝཾ ཨཉྙཾ སརཱིརཾ, ཧོཏི ཏཐཱགཏོ པརཾ མརཎཱ, ན ཧོཏི ཏཐཱགཏོ པརཾ མརཎཱ, ཧོཏི ཙ ན ཙ ཧོཏི ཏཐཱགཏོ པརཾ མརཎཱ, ནེཝ ཧོཏི ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི དིཊྛིགཏམེཏཾ དིཊྛིགཧནཾ དིཊྛིཀནྟཱརོ ¶ དིཊྛིཝིསཱུཀཱཡིཀཾ དིཊྛིཝིཔྥནྡིཏཾ དིཊྛིསཉྙོཛནཾ, སདུཀྑཾ སཝིགྷཱཏཾ སཨུཔཱཡཱསཾ སཔརིལཱ༹ཧཾ ན ནིབྦིདཱཡ ན ཝིརཱགཱཡ ན ནིརོདྷཱཡ ན ཨུཔསམཱཡ ན ཨབྷིཉྙཱཡ ན སམྦོདྷཱཡ ན ནིབྦཱནཱཡ སཾཝཏྟཏཱིཏི. དིཊྛཱིསུ ཨཱདཱིནཝཾ པསྶནྟོ དིཊྛིཡོ ན གཎྷཱམི ན པརཱམསཱམི ནཱབྷིནིཝིསཱམི. ཨཐ ཝཱ ན གཎྷིཏབྦཱ ན པརཱམསིཏབྦཱ ནཱབྷིནིཝིསིཏབྦཱཏི. ཨེཝམྤི པསྶཉྩ དིཊྛཱིསུ ཨནུགྒཧཱཡ.

ཨཐ ཝཱ ཨིམཱ དིཊྛིཡོ ཨེཝཾགཧིཏཱ ཨེཝཾཔརཱམཊྛཱ ཨེཝཾགཏིཀཱ བྷཝིསྶནྟི ཨེཝཾཨབྷིསམྤརཱཡཱཏི. དིཊྛཱིསུ ཨཱདཱིནཝཾ པསྶནྟོ དིཊྛིཡོ ན གཎྷཱམི ན པརཱམསཱམི ནཱབྷིནིཝིསཱམི. ཨཐ ཝཱ ན གཎྷིཏབྦཱ ན པརཱམསིཏབྦཱ ནཱབྷིནིཝིསིཏབྦཱཏི. ཨེཝམྤི པསྶཉྩ དིཊྛཱིསུ ཨནུགྒཧཱཡ.

ཨཐ ཝཱ ཨིམཱ དིཊྛིཡོ ནིརཡསཾཝཏྟནིཀཱ ཏིརཙྪཱནཡོནིསཾཝཏྟནིཀཱ པེཏྟིཝིསཡསཾཝཏྟནིཀཱཏི. དིཊྛཱིསུ ཨཱདཱིནཝཾ པསྶནྟོ དིཊྛིཡོ ན གཎྷཱམི ¶ ན པརཱམསཱམི ནཱབྷིནིཝིསཱམི. ཨཐ ཝཱ ན གཎྷིཏབྦཱ ན པརཱམསིཏབྦཱ ནཱབྷིནིཝིསིཏབྦཱཏི. ཨེཝམྤི པསྶཉྩ དིཊྛཱིསུ ཨནུགྒཧཱཡ.

ཨཐ ཝཱ ཨིམཱ དིཊྛིཡོ ཨནིཙྩཱ སངྑཏཱ པཊིཙྩསམུཔྤནྣཱ ཁཡདྷམྨཱ ཝཡདྷམྨཱ ཝིརཱགདྷམྨཱ ནིརོདྷདྷམྨཱཏི. དིཊྛཱིསུ ཨཱདཱིནཝཾ པསྶནྟོ དིཊྛིཡོ ན གཎྷཱམི ན པརཱམསཱམི ནཱབྷིནིཝིསཱམི. ཨཐ ཝཱ ན གཎྷིཏབྦཱ ན པརཱམསིཏབྦཱ ནཱབྷིནིཝིསིཏབྦཱཏི. ཨེཝམྤི པསྶཉྩ དིཊྛཱིསུ ཨནུགྒཧཱཡ.

ཨཛ྄ཛྷཏྟསནྟིཾ ¶ པཙིནཾ ཨདསྶནྟི. ཨཛ྄ཛྷཏྟསནྟིཾ ཨཛ྄ཛྷཏྟཾ རཱགསྶ སནྟིཾ, དོསསྶ སནྟིཾ, མོཧསྶ སནྟིཾ, ཀོདྷསྶ… ཨུཔནཱཧསྶ… མཀྑསྶ ¶ … པལཱ༹སསྶ… ཨིསྶཱཡ… མཙྪརིཡསྶ ¶ … མཱཡཱཡ… སཱཋེཡྻསྶ… ཐམྦྷསྶ… སཱརམྦྷསྶ… མཱནསྶ… ཨཏིམཱནསྶ… མདསྶ… པམཱདསྶ… སབྦཀིལེསཱནཾ… སབྦདུཙྩརིཏཱནཾ… སབྦདརཐཱནཾ… སབྦཔརིལཱ༹ཧཱནཾ… སབྦསནྟཱཔཱནཾ… སབྦཱཀུསལཱབྷིསངྑཱརཱནཾ སནྟིཾ ཨུཔསནྟིཾ ཝཱུཔསནྟིཾ ནིབྦུཏིཾ པཊིཔསྶདྡྷིཾ སནྟིཾ. པཙིནནྟི པཙིནནྟོ ཝིཙིནནྟོ པཝིཙིནནྟོ ཏུལཡནྟོ ཏཱིརཡནྟོ ཝིབྷཱཝཡནྟོ ཝིབྷཱུཏཾ ཀརོནྟོ, ‘‘སབྦེ སངྑཱརཱ ཨནིཙྩཱ’’ཏི པཙིནནྟོ ཝིཙིནནྟོ པཝིཙིནནྟོ ཏུལཡནྟོ ཏཱིརཡནྟོ ཝིབྷཱཝཡནྟོ ཝིབྷཱུཏཾ ཀརོནྟོ, ‘‘སབྦེ སངྑཱརཱ དུཀྑཱ’’ཏི… ‘‘སབྦེ དྷམྨཱ ཨནཏྟཱ’’ཏི པཙིནནྟོ ཝིཙིནནྟོ པཝིཙིནནྟོ… ‘‘ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨ’’ནྟི པཙིནནྟོ ཝིཙིནནྟོ པཝིཙིནནྟོ ཏུལཡནྟོ ཏཱིརཡནྟོ ཝིབྷཱཝཡནྟོ ཝིབྷཱུཏཾ ཀརོནྟོ. ཨདསྶནྟི ཨདསྶཾ ཨདཀྑིཾ ཨཔསྶིཾ པཊིཝིཛ྄ཛྷིནྟི – ཨཛ྄ཛྷཏྟསནྟིཾ པཙིནཾ ཨདསྶཾ.

‘‘ཨིདཾ ཝདཱམཱིཏི ན ཏསྶ ཧོཏི, [མཱགཎྜིཡཱཏི བྷགཝཱ]

ཝིནིཙྪཡཱ ཡཱནི པཀཔྤིཏཱནི, [ཨིཏི མཱགཎྜིཡོ]

ཨཛ྄ཛྷཏྟསནྟཱིཏི ཡམེཏམཏྠཾ, ཀཐཾ ནུ དྷཱིརེཧི པཝེདིཏཾ ཏཾ.

ཝིནིཙྪཡཱ ¶ ¶ ཡཱནི པཀཔྤིཏཱནཱིཏི. ཝིནིཙྪཡཱ ཝུཙྩནྟི དྭཱསཊྛི དིཊྛིགཏཱནི དིཊྛིཝིནིཙྪཡཱ. པཀཔྤིཏཱནཱིཏི ཀཔྤིཏཱ པཀཔྤིཏཱ ཨབྷིསངྑཏཱ སཎྛཔིཏཱཏིཔི པཀཔྤིཏཱ ¶ . ཨཐ ཝཱ ཨནིཙྩཱ སངྑཏཱ པཊིཙྩསམུཔྤནྣཱ ཁཡདྷམྨཱ ཝཡདྷམྨཱ ཝིརཱགདྷམྨཱ ནིརོདྷདྷམྨཱ ཝིཔརིཎཱམདྷམྨཱཏིཔི པཀཔྤིཏཱཏི – ཝིནིཙྪཡཱ ཡཱནི པཀཔྤིཏཱནི.

ཨིཏི མཱགཎྜིཡོཏི. ཨིཏཱིཏི པདསནྡྷི པདསཾསགྒོ པདཔཱརིཔཱུརཱི ཨཀྑརསམཝཱཡོ བྱཉྫནསིལིཊྛཏཱ པདཱནུཔུབྦཏཱཔེཏཾ – ཨིཏཱིཏི. མཱགཎྜིཡོཏི ཏསྶ བྲཱཧྨཎསྶ ནཱམཾ སངྑཱ སམཉྙཱ པཉྙཏྟི ཝོཧཱརོ – ཨིཏི མཱགཎྜིཡོཏི.

ཏེ ¶ ཝེ མུནཱི བྲཱུསི ཨནུགྒཧཱཡ, ཨཛ྄ཛྷཏྟསནྟཱིཏི ཡམེཏམཏྠནྟི. ཏེ ཝེཏི དྭཱསཊྛི དིཊྛིགཏཱནི. མུནཱིཏི. མོནཾ ཝུཙྩཏི ཉཱཎཾ…པེ… སངྒཛཱལམཏིཙྩ སོ མུནཱིཏི. ཨནུགྒཧཱཡཱཏི དིཊྛཱིསུ ཨཱདཱིནཝཾ པསྶནྟོ དིཊྛིཡོ ན གཎྷཱམི ན པརཱམསཱམི ནཱབྷིནིཝིསཱམཱིཏི ཙ བྷཎསི, ཨཛ྄ཛྷཏྟསནྟཱིཏི ཙ བྷཎསི. ཡམེཏམཏྠནྟི ཡཾ པརམཏྠནྟི – ཏེ ཝེ མུནཱི བྲཱུསི ཨནུགྒཧཱཡ, ཨཛ྄ཛྷཏྟསནྟཱིཏི ཡམེཏམཏྠཾ.

ཀཐཾ ནུ དྷཱིརེཧི པཝེདིཏཾ ཏནྟི. ཀཐཾ ནཱུཏི པདཾ སཾསཡཔུཙྪཱ ཝིམཏིཔུཙྪཱ དྭེལ༹ྷཀཔུཙྪཱ ཨནེཀཾསཔུཙྪཱ, ཨེཝཾ ནུ ཁོ ནནུ ཁོ ཀིཾ ནུ ཁོ ཀཐཾ ནུ ཁོཏི – ཀཐཾ ནུ. དྷཱིརེཧཱིཏི དྷཱིརེཧི པཎྜིཏེཧི པཉྙཝནྟེཧི [པཉྙཱཝནྟེཧི (སཱི. སྱཱ.)] བུདྡྷིམནྟེཧི ཉཱཎཱིཧི ཝིབྷཱཝཱིཧི མེདྷཱཝཱིཧི. པཝེདིཏནྟི ཝེདིཏཾ པཝེདིཏཾ ཨཱཙིཀྑིཏཾ དེསིཏཾ པཉྙཱཔིཏཾ པཊྛཔིཏཾ ཝིཝཊཾ ¶ ཝིབྷཏྟཾ ཨུཏྟཱནཱིཀཏཾ པཀཱསིཏནྟི – ཀཐཾ ནུ དྷཱིརེཧི པཝེདིཏཾ ཏཾ.

‘‘ཝིནིཙྪཡཱ ¶ ཡཱནི པཀཔྤིཏཱནི, [ཨིཏི མཱགཎྜིཡོ]

ཨཛ྄ཛྷཏྟསནྟཱིཏི ཡམེཏམཏྠཾ, ཀཐཾ ནུ དྷཱིརེཧི པཝེདིཏཾ ཏ’’ནྟི.

ན དིཊྛིཡཱ ན སུཏིཡཱ ན ཉཱཎེན, [མཱགཎྜིཡཱཏི བྷགཝཱ]

ཨདིཊྛིཡཱ ཨསྶུཏིཡཱ ཨཉཱཎཱ, ཨསཱིལཏཱ ཨབྦཏཱ ནོཔི ཏེན;

ཨེཏེ ཙ ནིསྶཛྫ ཨནུགྒཧཱཡ, སནྟོ ཨནིསྶཱཡ བྷཝཾ ན ཛཔྤེ.

ན ¶ དིཊྛིཡཱ ན སུཏིཡཱ ན ཉཱཎེནཱཏི. དིཊྛེནཱཔི སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ ནཱཧ ན ཀཐེསི ན བྷཎསི ན དཱིཔཡསི ན ཝོཧརསི; སུཏེནཱཔི སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ ནཱཧ ན ཀཐེསི ན བྷཎསི ན དཱིཔཡསི ན ཝོཧརསི; དིཊྛསུཏེནཱཔི སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ ནཱཧ ན ཀཐེསི ན བྷཎསི ན དཱིཔཡསི ན ཝོཧརསི; ཉཱཎེནཱཔི སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ ནཱཧ ན ཀཐེསི ན བྷཎསི ན དཱིཔཡསི ན ཝོཧརསཱིཏི – ན དིཊྛིཡཱ ན སུཏིཡཱ ན ཉཱཎེན.

སཱིལབྦཏེནཱཔི ¶ ¶ ན སུདྡྷིམཱཧཱཏི. སཱིལེནཱཔི སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ ནཱཧ ན ཀཐེསི ན བྷཎསི ན དཱིཔཡསི ན ཝོཧརསི; ཝཏེནཱཔི སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ ནཱཧ ན ཀཐེསི ན བྷཎསི ན དཱིཔཡསི ན ཝོཧརསི; སཱིལབྦཏེནཱཔི སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ ནཱཧ ན ཀཐེསི ན བྷཎསི ན དཱིཔཡསི ན ཝོཧརསཱིཏི – སཱིལབྦཏེནཱཔི ན སུདྡྷིམཱཧ.

ཨདིཊྛིཡཱ ཨསྶུཏིཡཱ ཨཉཱཎཱ, ཨསཱིལཏཱ ཨབྦཏཱ ནོཔི ཏེནཱཏི. དིཊྛིཔི ཨིཙྪིཏབྦཱ. དསཝཏྠུཀཱ སམྨཱདིཊྛི – ཨཏྠི དིནྣཾ, ཨཏྠི ཡིཊྛཾ, ཨཏྠི ཧུཏཾ, ཨཏྠི སུཀཏདུཀྐཊཱནཾ [སུཀཊདུཀྐཊཱནཾ (སཱི.)] ཀམྨཱནཾ ཕལཾ ཝིཔཱཀོ, ཨཏྠི ཨཡཾ ལོཀོ, ཨཏྠི པརོ ལོཀོ, ཨཏྠི མཱཏཱ, ཨཏྠི པིཏཱ, ཨཏྠི སཏྟཱ ཨོཔཔཱཏིཀཱ, ཨཏྠི ལོཀེ སམཎབྲཱཧྨཎཱ སམྨགྒཏཱ [སམགྒཏཱ (ཀ.)] སམྨཱཔཊིཔནྣཱ ཡེ ཨིམཉྩ ལོཀཾ པརཉྩ ལོཀཾ སཡཾ ཨབྷིཉྙཱ སཙྪིཀཏྭཱ པཝེདེནྟཱིཏི; སཝནམྤི ཨིཙྪིཏབྦཾ – པརཏོ གྷོསོ, སུཏྟཾ, གེཡྻཾ, ཝེཡྻཱཀརཎཾ, གཱཐཱ, ཨུདཱནཾ, ཨིཏིཝུཏྟཀཾ, ཛཱཏཀཾ, ཨབྦྷུཏདྷམྨཾ, ཝེདལླཾ; ཉཱཎམྤི ཨིཙྪིཏབྦཾ – ཀམྨསྶཀཏཉཱཎཾ, སཙྩཱནུལོམིཀཉཱཎཾ [ཀམྨསྶཀཏཾ ཉཱཎཾ སཙྩཱནུལོམིཀཾ ཉཱཎཾ (སཱི. ཀ.) ཉཱཎཝིབྷངྒེཔི], ཨབྷིཉྙཱཉཱཎཾ, སམཱཔཏྟིཉཱཎཾ; སཱིལམྤི ཨིཙྪིཏབྦཾ – པཱཏིམོཀྑསཾཝརོ; ཝཏམྤི ཨིཙྪིཏབྦཾ – ཨཊྛ དྷུཏངྒཱནི – ཨཱརཉྙིཀངྒཾ, པིཎྜཔཱཏིཀངྒཾ, པཾསུཀཱུལིཀངྒཾ, ཏེཙཱིཝརིཀངྒ, སཔདཱནཙཱརིཀངྒཾ, ཁལུཔཙྪཱབྷཏྟིཀངྒཾ, ནེསཛྫིཀངྒཾ, ཡཐཱསནྠཏིཀངྒནྟི.

ཨདིཊྛིཡཱ ¶ ཨསྶུཏིཡཱ ཨཉཱཎཱ, ཨསཱིལཏཱ ཨབྦཏཱ ནོཔི ¶ ཏེནཱཏི ¶ . ནཱཔི སམྨཱདིཊྛིམཏྟེན, ནཱཔི སཝནམཏྟེན, ནཱཔི ཉཱཎམཏྟེན, ནཱཔི སཱིལམཏྟེན, ནཱཔི ཝཏམཏྟེན ཨཛ྄ཛྷཏྟསནྟིཾ པཏྟོ ཧོཏི, ནཱཔི ཝིནཱ ཨེཏེཧི དྷམྨེཧི ཨཛ྄ཛྷཏྟསནྟིཾ པཱཔུཎཱཏི. ཨཔི ཙ སམྦྷཱརཱ ཨིམེ དྷམྨཱ ཧོནྟི ཨཛ྄ཛྷཏྟསནྟིཾ པཱཔུཎིཏུཾ ཨདྷིགནྟུཾ ཕསྶིཏུཾ སཙྪིཀཱཏུནྟི – ཨདིཊྛིཡཱ ཨསྶུཏིཡཱ ཨཉཱཎཱ ཨསཱིལཏཱ ཨབྦཏཱ ནོཔི ཏེན.

ཨེཏེ ཙ ནིསྶཛྫ ཨནུགྒཧཱཡཱཏི. ཨེཏེཏི ཀཎྷཔཀྑིཀཱནཾ དྷམྨཱནཾ སམུགྒྷཱཏཏོ པཧཱནཾ ཨིཙྪིཏབྦཾ, ཏེདྷཱཏུཀེསུ ཀུསལེསུ དྷམྨེསུ ཨཏམྨཡཏཱ [ཨཀམྨཡཏཱ (སཱི. ཀ.)] ཨིཙྪིཏབྦཱ, ཡཏོ ཀཎྷཔཀྑིཡཱ དྷམྨཱ སམུགྒྷཱཏཔཧཱནེན པཧཱིནཱ ཧོནྟི ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ, ཏེདྷཱཏུཀེསུ ཙ ཀུསལེསུ དྷམྨེསུ ཨཏམྨཡཏཱ ཧོཏི, ཨེཏྟཱཝཏཱཔི ན གཎྷཱཏི ན ¶ པརཱམསཏི ནཱབྷིནིཝིསཏི. ཨཐ ཝཱ ན གཎྷིཏབྦཱ ན པརཱམསིཏབྦཱ ནཱབྷིནིཝིསིཏབྦཱཏི. ཨེཝམྤི ཨེཏེ ཙ ནིསྶཛྫ ཨནུགྒཧཱཡ. ཡཏོ ཏཎྷཱ ཙ དིཊྛི ཙ མཱནོ ཙ པཧཱིནཱ ཧོནྟི ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱཏི, ཨེཏྟཱཝཏཱཔི ན གཎྷཱཏི ན པརཱམསཏི ནཱབྷིནིཝིསཏཱིཏི. ཨེཝམྤི ཨེཏེ ཙ ནིསྶཛྫ ཨནུགྒཧཱཡ.

ཡཏོ པུཉྙཱབྷིསངྑཱརོ ཙ ཨཔུཉྙཱབྷིསངྑཱརོ ཙ ཨཱནེཉྫཱབྷིསངྑཱརོ ཙ པཧཱིནཱ ཧོནྟི ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱཏི, ཨེཏྟཱཝཏཱཔི ན གཎྷཱཏི ན པརཱམསཏི ནཱབྷིནིཝིསཏཱིཏི. ཨེཝམྤི ¶ ཨེཏེ ཙ ནིསྶཛྫ ཨནུགྒཧཱཡ.

སནྟོ ཨནིསྶཱཡ བྷཝཾ ན ཛཔྤེཏི. སནྟོཏི རཱགསྶ སམིཏཏྟཱ སནྟོ, དོསསྶ སམིཏཏྟཱ སནྟོ, མོཧསྶ སམིཏཏྟཱ སནྟོ ¶ , ཀོདྷསྶ… ཨུཔནཱཧསྶ… མཀྑསྶ… པལཱ༹སསྶ… ཨིསྶཱཡ… མཙྪརིཡསྶ… མཱཡཱཡ… སཱཋེཡྻསྶ… ཐམྦྷསྶ… སཱརམྦྷསྶ… མཱནསྶ… ཨཏིམཱནསྶ… མདསྶ… པམཱདསྶ… སབྦཀིལེསཱནཾ… སབྦདུཙྩརིཏཱནཾ… སབྦདརཐཱནཾ… སབྦཔརིལཱ༹ཧཱནཾ… སབྦསནྟཱཔཱནཾ… སབྦཱཀུསལཱབྷིསངྑཱརཱནཾ སནྟཏྟཱ སམིཏཏྟཱ ཝཱུཔསམིཏཏྟཱ ཝིཛ྄ཛྷཱཏཏྟཱ ནིབྦུཏཏྟཱ ཝིགཏཏྟཱ པཊིཔསྶདྡྷཏྟཱ སནྟོ ཨུཔསནྟོ ཝཱུཔསནྟོ ནིབྦུཏོ པཊིཔསྶདྡྷོཏི – སནྟོ.

ཨནིསྶཱཡཱཏི ¶ དྭེ ནིསྶཡཱ – ཏཎྷཱནིསྶཡོ ཙ དིཊྛིནིསྶཡོ ཙ…པེ… ཨཡཾ ཏཎྷཱནིསྶཡོ…པེ… ཨཡཾ དིཊྛིནིསྶཡོ. ཏཎྷཱནིསྶཡཾ པཧཱཡ དིཊྛིནིསྶཡཾ པཊིནིསྶཛྫིཏྭཱ ཙཀྑུཾ ཨནིསྶཱཡ, སོཏཾ ཨནིསྶཱཡ, གྷཱནཾ ཨནིསྶཱཡ, ཛིཝ྄ཧཾ ཨནིསྶཱཡ, ཀཱཡཾ ཨནིསྶཱཡ, མནཾ ཨནིསྶཱཡ, རཱུཔེ… སདྡེ… གནྡྷེ… རསེ… ཕོཊྛབྦེ… ཀུལཾ… གཎཾ… ཨཱཝཱསཾ… ལཱབྷཾ… ཡསཾ… པསཾསཾ… སུཁཾ… ཙཱིཝརཾ… པིཎྜཔཱཏཾ… སེནཱསནཾ… གིལཱནཔཙྩཡབྷེསཛྫཔརིཀྑཱརཾ… ཀཱམདྷཱཏུཾ… རཱུཔདྷཱཏུཾ… ཨརཱུཔདྷཱཏུཾ… ཀཱམབྷཝཾ… རཱུཔབྷཝཾ… ཨརཱུཔབྷཝཾ… སཉྙཱབྷཝཾ… ཨསཉྙཱབྷཝཾ… ནེཝསཉྙཱནཱསཉྙཱབྷཝཾ… ཨེཀཝོཀཱརབྷཝཾ… ཙཏུཝོཀཱརབྷཝཾ… པཉྩཝོཀཱརབྷཝཾ… ཨཏཱིཏཾ… ཨནཱགཏཾ… པཙྩུཔྤནྣཾ… དིཊྛསུཏམུཏཝིཉྙཱཏབྦེ དྷམྨེ ཨནིསྶཱཡ ཨགྒཎྷིཏྭཱ ཨཔརཱམསིཏྭཱ ཨནབྷིནིཝིསིཏྭཱཏི – སནྟོ ¶ ཨནིསྶཱཡ. བྷཝཾ ན ཛཔྤེཏི ཀཱམབྷཝཾ ན ཛཔྤེཡྻ, རཱུཔབྷཝཾ ན ཛཔྤེཡྻ, ཨརཱུཔབྷཝཾ ན ཛཔྤེཡྻ ནཔྤཛཔྤེཡྻ ན ཨབྷིཛཔྤེཡྻཱཏི – སནྟོ ཨནིསྶཱཡ བྷཝཾ ན ཛཔྤེ.

‘‘ན དིཊྛིཡཱ ན སུཏིཡཱ ན ཉཱཎེན, [མཱགཎྜིཡཱཏི བྷགཝཱ]

ཨདིཊྛིཡཱ ཨསྶུཏིཡཱ ཨཉཱཎཱ, ཨསཱིལཏཱ ཨབྦཏཱ ནོཔི ཏེན;

ཨེཏེ ཙ ནིསྶཛྫ ཨནུགྒཧཱཡ, སནྟོ ཨནིསྶཱཡ བྷཝཾ ན ཛཔྤེ’’ཏི.

ནོ ¶ ཙེ ཀིར དིཊྛིཡཱ ན སུཏིཡཱ ན ཉཱཎེན, [ཨིཏི མཱགཎྜིཡོ]

ཨདིཊྛིཡཱ ཨསྶུཏིཡཱ ཨཉཱཎཱ, ཨསཱིལཏཱ ཨབྦཏཱ ནོཔི ཏེན;

མཉྙཱམཧཾ མོམུཧམེཝ དྷམྨཾ, དིཊྛིཡཱ ཨེཀེ པཙྩེནྟི སུདྡྷིཾ.

ནོ ཙེ ཀིར དིཊྛིཡཱ ན སུཏིཡཱ ན ཉཱཎེནཱཏི. དིཊྛིཡཱཔི སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ ནཱཧ ན ཀཐེསི ན བྷཎསི ན དཱིཔཡསི ན ཝོཧརསི; སུཏེནཱཔི སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ… དིཊྛསུཏེནཱཔི སུདྡྷིཾ ཝིསུདྡྷིཾ པརིསུདྡྷིཾ ¶ , མུཏྟིཾ ཝིམུཏྟིཾ པརིམུཏྟིཾ… ཉཱཎེནཱཔི སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ ནཱཧ ན ཀཐེསི ན ¶ བྷཎསི ན དཱིཔཡསི ན ཝོཧརསཱིཏི – ནོ ཙེ ཀིར དིཊྛིཡཱ ན སུཏིཡཱ ན ཉཱཎེན.

ཨིཏི མཱགཎྜིཡོཏི ཨིཏཱིཏི པདསནྡྷི…པེ…. མཱགཎྜིཡོཏི ཏསྶ བྲཱཧྨཎསྶ ནཱམཾ…པེ… ཨིཏི མཱགཎྜིཡོ.

སཱིལབྦཏེནཱཔི ན སུདྡྷིམཱཧཱཏི. སཱིལེནཱཔི སུདྡྷིཾ ཝིསུདྡྷིཾ པརིསུདྡྷིཾ…པེ… ཝཏེནཱཔི སུདྡྷིཾ ཝིསུདྡྷིཾ པརིསུདྡྷིཾ…པེ… སཱིལབྦཏེནཱཔི སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ ནཱཧ ན ཀཐེསི ན བྷཎསི ན དཱིཔཡསི ན ཝོཧརསཱིཏི – སཱིལབྦཏེནཱཔི ན སུདྡྷིམཱཧ.

ཨདིཊྛིཡཱ ¶ ཨསྶུཏིཡཱ ཨཉཱཎཱ, ཨསཱིལཏཱ ཨབྦཏཱ ནོཔི ཏེནཱཏི. དིཊྛིཔི ཨིཙྪིཏབྦཱཏི ཨེཝཾ བྷཎསི, སཝནམྤི ཨིཙྪིཏབྦནྟི ཨེཝཾ བྷཎསི, ཉཱཎམྤི ཨིཙྪིཏབྦནྟི ཨེཝཾ བྷཎསི, ན སཀྐོསི ཨེཀཾསེན ཨནུཛཱནིཏུཾ, ནཔི སཀྐོསི ཨེཀཾསེན པཊིཀྑིཔིཏུནྟི – ཨདིཊྛིཡཱ ཨསྶུཏིཡཱ ཨཉཱཎཱ, ཨསཱིལཏཱ ཨབྦཏཱ ནོཔི ཏེན.

མཉྙཱམཧཾ ¶ མོམུཧམེཝ དྷམྨནྟི. མོམཱུཧདྷམྨོ ཨཡཾ ཏུཡ྄ཧཾ བཱལདྷམྨོ མཱུལ༹ྷདྷམྨོ ཨཉྙཱཎདྷམྨོ ཨམརཱཝིཀྑེཔདྷམྨོཏི ཨེཝཾ མཉྙཱམི ཨེཝཾ ཛཱནཱམི ཨེཝཾ ཨཱཛཱནཱམི ཨེཝཾ ཝིཛཱནཱམི ཨེཝཾ པཊིཝིཛཱནཱམི ཨེཝཾ པཊིཝིཛ྄ཛྷཱམཱིཏི – མཉྙཱམཧཾ མོམུཧམེཝ དྷམྨཾ.

དིཊྛིཡཱ ¶ ཨེཀེ པཙྩེནྟི སུདྡྷིནྟི. སུདྡྷིདིཊྛིཡཱ ཨེཀེ སམཎབྲཱཧྨཎཱ སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ པཙྩེནྟི; ‘‘སསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི དིཊྛིཡཱ ཨེཀེ སམཎབྲཱཧྨཎཱ སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ པཙྩེནྟི; ‘‘ཨསསྶཏོ ལོཀོ…པེ… ནེཝ ཧོཏི ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི དིཊྛིཡཱ ཨེཀེ སམཎབྲཱཧྨཎཱ སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ པཙྩེནྟཱིཏི – དིཊྛིཡཱ ཨེཀེ པཙྩེནྟི སུདྡྷིཾ.

‘‘ནོ ཙེ ཀིར དིཊྛིཡཱ ན སུཏིཡཱ ན ཉཱཎེན, [ཨིཏི མཱགཎྜིཡོ]

ཨདིཊྛིཡཱ ཨསྶུཏིཡཱ ཨཉཱཎཱ, ཨསཱིལཏཱ ཨབྦཏཱ ནོཔི ཏེན;

མཉྙཱམཧཾ མོམུཧམེཝ དྷམྨཾ, དིཊྛིཡཱ ཨེཀེ པཙྩེནྟི སུདྡྷི’’ནྟི.

དིཊྛིཉྩ ¶ ¶ [དིཊྛཱིསུ (སཱི. སྱཱ. ཀ.)] ནིསྶཱཡནུཔུཙྪམཱནོ, [མཱགཎྜིཡཱཏི བྷགཝཱ]

སམུགྒཧཱིཏེསུ པམོཧམཱགཱ [སམོཧམཱགཱ (ཀ.)] ;

ཨིཏོ ཙ ནཱདྡཀྑི ཨཎུམྤི སཉྙཾ, ཏསྨཱ ཏུཝཾ མོམུཧཏོ དཧཱསི.

དིཊྛིཉྩ ནིསྶཱཡནུཔུཙྪམཱནོཏི. མཱགཎྜིཡོ བྲཱཧྨཎོ དིཊྛིཾ ནིསྶཱཡ དིཊྛིཾ པུཙྪཏི, ལགྒནཾ ནིསྶཱཡ ལགྒནཾ པུཙྪཏི, བནྡྷནཾ ¶ ནིསྶཱཡ བནྡྷནཾ པུཙྪཏི, པལིབོདྷཾ ནིསྶཱཡ པལིབོདྷཾ པུཙྪཏི. ཨནུཔུཙྪམཱནོཏི པུནཔྤུནཾ པུཙྪཏཱིཏི – དིཊྛིཉྩ ནིསྶཱཡནུཔུཙྪམཱནོ.

མཱགཎྜིཡཱཏི བྷགཝཱ ཏཾ བྲཱཧྨཎཾ ནཱམེན ཨཱལཔཏི. བྷགཝཱཏི གཱརཝཱདྷིཝཙནཾ…པེ… སཙྪིཀཱ པཉྙཏྟི ཡདིདཾ བྷགཝཱཏི – མཱགཎྜིཡཱཏི བྷགཝཱ.

སམུགྒཧཱིཏེསུ པམོཧམཱགཱཏི. ཡཱ སཱ དིཊྛི ཏཡཱ གཧིཏཱ པརཱམཊྛཱ ཨབྷིནིཝིཊྛཱ ཨཛ྄ཛྷོསིཏཱ ཨདྷིམུཏྟཱ, ཏཱཡེཝ ཏྭཾ དིཊྛིཡཱ མཱུལ༹ྷོསི པམཱུལ༹ྷོསི སམྨཱུལ༹ྷོསི མོཧཾ ཨཱགཏོསི ¶ པམོཧཾ ཨཱགཏོསི སམྨོཧཾ ཨཱགཏོསི ཨནྡྷཀཱརཾ པཀྑནྡོསཱིཏི – སམུགྒཧཱིཏེསུ པམོཧམཱགཱ.

ཨིཏོ ཙ ནཱདྡཀྑི ཨཎུམྤི སཉྙནྟི. ཨིཏོ ཨཛ྄ཛྷཏྟསནྟིཏོ ཝཱ པཊིཔདཱཏོ ཝཱ དྷམྨདེསནཱཏོ ཝཱ, ཡུཏྟསཉྙཾ པཏྟསཉྙཾ ལཀྑཎསཉྙཾ ཀཱརཎསཉྙཾ ཋཱནསཉྙཾ ན པཊིལབྷཏི, ཀུཏོ ཉཱཎནྟི. ཨེཝམྤི ཨིཏོ ཙ ནཱདྡཀྑི ཨཎུམྤི སཉྙཾ. ཨཐ ཝཱ ཨནིཙྩཾ ཝཱ ཨནིཙྩསཉྙཱནུལོམཾ ཝཱ, དུཀྑཾ ཝཱ དུཀྑསཉྙཱནུལོམཾ ཝཱ, ཨནཏྟཾ ཝཱ ཨནཏྟསཉྙཱནུལོམཾ ཝཱ, སཉྙུཔྤཱདམཏྟཾ ཝཱ སཉྫཱནིཏམཏྟཾ ཝཱ ན པཊིལབྷཏི ¶ , ཀུཏོ ཉཱཎནྟི. ཨེཝམྤི ཨིཏོ ཙ ནཱདྡཀྑི ཨཎུམྤི སཉྙཾ.

ཏསྨཱ ཏུཝཾ མོམུཧཏོ དཧཱསཱིཏི. ཏསྨཱཏི ཏསྨཱ ཏཾཀཱརཎཱ ཏཾཧེཏུ ཏཔྤཙྩཡཱ ཏཾནིདཱནཱ མོམཱུཧདྷམྨཏོ བཱལདྷམྨཏོ མཱུལ༹ྷདྷམྨཏོ ¶ ཨཉྙཱཎདྷམྨཏོ ཨམརཱཝིཀྑེཔདྷམྨཏོ དཧཱསི པསྶསི དཀྑསི ཨོལོཀེསི ནིཛ྄ཛྷཱཡསི ཨུཔཔརིཀྑསཱིཏི – ཏསྨཱ ཏུཝཾ མོམུཧཏོ དཧཱསི.

‘‘དིཊྛིཉྩ ¶ ནིསྶཱཡནུཔུཙྪམཱནོ, [མཱགཎྜིཡཱཏི བྷགཝཱ]

ཨིཏོ ཙ ནཱདྡཀྑི ཨཎུམྤི སཉྙཾ, ཏསྨཱ ཏུཝཾ མོམུཧཏོ དཧཱསཱི’’ཏི.

སམོ ཝིསེསཱི ཨུད ཝཱ ནིཧཱིནོ, ཡོ མཉྙཏི སོ ཝིཝདེཐ ཏེན;

ཏཱིསུ ཝིདྷཱསུ ཨཝིཀམྤམཱནོ, སམོ ཝིསེསཱིཏི ན ཏསྶ ཧོཏི.

སམོ ཝིསེསཱི ཨུད ཝཱ ནིཧཱིནོ, ཡོ མཉྙཏི སོ ཝིཝདེཐ ཏེནཱཏི. སདིསོཧམསྨཱིཏི ཝཱ སེཡྻོཧམསྨཱིཏི ཝཱ ཧཱིནོཧམསྨཱིཏི ཝཱ ཡོ མཉྙཏི, སོ ཏེན མཱནེན ཏཱཡ དིཊྛིཡཱ ཏེན ཝཱ པུགྒལེན ཀལཧཾ ཀརེཡྻ བྷཎྜནཾ ཀརེཡྻ ཝིགྒཧཾ ཀརེཡྻ ཝིཝཱདཾ ཀརེཡྻ མེདྷགཾ ཀརེཡྻ – ‘‘ན ཏྭཾ ཨིམཾ དྷམྨཝིནཡཾ ཨཱཛཱནཱསི, ཨཧཾ ཨིམཾ དྷམྨཝིནཡཾ ཨཱཛཱནཱམི, ཀིཾ ཏྭཾ ཨིམཾ དྷམྨཝིནཡཾ ཨཱཛཱནིསྶསི, མིཙྪཱཔཊིཔནྣོ ཏྭམསི, ཨཧམསྨི སམྨཱཔཊིཔནྣོ, སཧིཏཾ མེ, ཨསཧིཏཾ ཏེ, པུརེ ཝཙནཱིཡཾ པཙྪཱ ཨཝཙ, པཙྪཱ ཝཙནཱིཡཾ པུརེ ཨཝཙ, ཨདྷིཙིཎྞཾ ཏེ ཝིཔརཱཝཏྟཾ, ཨཱརོཔིཏོ ཏེ ཝཱདོ, ནིགྒཧིཏོ ¶ ཏྭམསི, ཙར ཝཱདཔྤམོཀྑཱཡ, ནིབྦེཋེཧི ཝཱ སཙེ པཧོསཱི’’ཏི – སམོ ཝིསེསཱི ཨུད ཝཱ ནིཧཱིནོ ཡོ མཉྙཏི སོ ཝིཝདེཐ ཏེན.

ཏཱིསུ ¶ ¶ ཝིདྷཱསུ ཨཝིཀམྤམཱནོ, སམོ ཝིསེསཱིཏི ན ཏསྶ ཧོཏཱིཏི. ཡསྶེཏཱ ཏིསྶོ ཝིདྷཱ པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱ, སོ ཏཱིསུ ཝིདྷཱསུ ན ཀམྤཏི ན ཝིཀམྤཏི, ཨཝིཀམྤམཱནསྶ པུགྒལསྶ སདིསོཧམསྨཱིཏི ཝཱ སེཡྻོཧམསྨཱིཏི ཝཱ ཧཱིནོཧམསྨཱིཏི ཝཱ. ན ཏསྶ ཧོཏཱིཏི. ན མཡ྄ཧཾ ཧོཏཱིཏི ཏཱིསུ ཝིདྷཱསུ ཨཝིཀམྤམཱནོ, སམོ ཝིསེསཱིཏི – ན ཏསྶ ཧོཏི.

‘‘སམོ ཝིསེསཱི ཨུད ཝཱ ནིཧཱིནོ, ཡོ མཉྙཏི སོ ཝིཝདེཐ ཏེན;

ཏཱིསུ ཝིདྷཱསུ ཨཝིཀམྤམཱནོ, སམོ ཝིསེསཱིཏི ན ཏསྶ ཧོཏཱི’’ཏི.

སཙྩནྟི ¶ སོ བྲཱཧྨཎོ ཀིཾ ཝདེཡྻ, མུསཱཏི ཝཱ སོ ཝིཝདེཐ ཀེན;

ཡསྨིཾ སམཾ ཝིསམཾ ཝཱཔི ནཏྠི, ས ཀེན ཝཱདཾ པཊིསཾཡུཛེཡྻ.

སཙྩནྟི སོ བྲཱཧྨཎོ ཀིཾ ཝདེཡྻཱཏི. བྲཱཧྨཎོཏི སཏྟནྣཾ དྷམྨཱནཾ བཱཧིཏཏྟཱ བྲཱཧྨཎོ…པེ… ཨསིཏོ ཏཱདི པཝུཙྩཏེ ས བྲཧྨཱ. སཙྩནྟི སོ བྲཱཧྨཎོ ཀིཾ ཝདེཡྻཱཏི. ‘‘སསྶཏོ ¶ ལོཀོ, ཨིདམེཝ སཙྩཾ མོགྷམཉྙ’’ནྟི བྲཱཧྨཎོ ཀིཾ ཝདེཡྻ ཀིཾ ཀཐེཡྻ ཀིཾ བྷཎེཡྻ ཀིཾ དཱིཔཡེཡྻ ཀིཾ ཝོཧརེཡྻ; ‘‘ཨསསྶཏོ ལོཀོ…པེ… ནེཝ ཧོཏི ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི བྲཱཧྨཎོ ཀིཾ ཝདེཡྻ ཀིཾ ཀཐེཡྻ ཀིཾ བྷཎེཡྻ ཀིཾ དཱིཔཡེཡྻ ཀིཾ ཝོཧརེཡྻཱཏི – སཙྩནྟི སོ བྲཱཧྨཎོ ཀིཾ ཝདེཡྻ.

མུསཱཏི ཝཱ སོ ཝིཝདེཐ ཀེནཱཏི. བྲཱཧྨཎོ མཡ྄ཧཾཝ སཙྩཾ, ཏུཡ྄ཧཾ མུསཱཏི ཀེན མཱནེན, ཀཱཡ དིཊྛིཡཱ, ཀེན ཝཱ པུགྒལེན ཀལཧཾ ཀརེཡྻ བྷཎྜནཾ ཀརེཡྻ ཝིགྒཧཾ ¶ ཀརེཡྻ ཝིཝཱདཾ ཀརེཡྻ མེདྷགཾ ཀརེཡྻ – ‘‘ན ཏྭཾ ཨིམཾ དྷམྨཝིནཡཾ ཨཱཛཱནཱསི…པེ… ནིབྦེཋེཧི ཝཱ སཙེ པཧོསཱི’’ཏི – མུསཱཏི ཝཱ སོ ཝིཝདེཐ ཀེན.

ཡསྨིཾ སམཾ ཝིསམཾ ཝཱཔི ནཏྠཱིཏི. ཡསྨིནྟི ཡསྨིཾ པུགྒལེ ཨརཧནྟེ ཁཱིཎཱསཝེ སདིསོཧམསྨཱིཏི མཱནོ ནཏྠི, སེཡྻོཧམསྨཱིཏི མཱནོ ནཏྠི, ཧཱིནོཧམསྨཱིཏི ཨོམཱནོ ནཏྠི ན སནྟི ན སཾཝིཛྫཏི ནུཔལབྦྷཏི, པཧཱིནཾ སམུཙྪིནྣཾ ཝཱུཔསནྟཾ པཊིཔསྶདྡྷཾ ཨབྷབྦུཔྤཏྟིཀཾ ཉཱཎགྒིནཱ དཌྜྷནྟི – ཡསྨིཾ སམཾ ཝིསམཾ ཝཱཔི ནཏྠི.

ས ¶ ཀེན ཝཱདཾ པཊིསཾཡུཛེཡྻཱཏི. སོ ཀེན མཱནེན, ཀཱཡ དིཊྛིཡཱ, ཀེན ཝཱ པུགྒལེན ཝཱདཾ པཊིསཉྙོཛེཡྻ པཊིབལེཡྻ ཀལཧཾ ཀརེཡྻ བྷཎྜནཾ ཀརེཡྻ ཝིགྒཧཾ ཀརེཡྻ ཝིཝཱདཾ ཀརེཡྻ མེདྷགཾ ཀརེཡྻ – ‘‘ན ཏྭཾ ཨིམཾ དྷམྨཝིནཡཾ ཨཱཛཱནཱསི…པེ… ནིབྦེཋེཧི ཝཱ སཙེ ¶ པཧོསཱི’’ཏི – ས ཀེན ཝཱདཾ པཊིསཾཡུཛེཡྻ.

‘‘སཙྩནྟི སོ བྲཱཧྨཎོ ཀིཾ ཝདེཡྻ, མུསཱཏི ཝཱ སོ ཝིཝདེཐ ཀེན;

ཡསྨིཾ སམཾ ཝིསམཾ ཝཱཔི ནཏྠི, ས ཀེན ཝཱདཾ པཊིསཾཡུཛེཡྻཱ’’ཏི.

ཨོཀཾ ¶ པཧཱཡ ཨནིཀེཏསཱརཱི, གཱམེ ཨཀུབྦཾ མུནི སནྠཝཱནི [སནྡྷཝཱནི (ཀ.)] ;

ཀཱམེཧི རིཏྟོ ཨཔུརེཀྑརཱནོ, ཀཐཾ ན ཝིགྒཡ྄ཧ ཛནེན ཀཡིརཱ.

ཨཐ ¶ ཁོ ཧཱལིདྡཀཱནི [ཧལིདྡཀཱནཱི (སཱི.)] གཧཔཏི ཡེནཱཡསྨཱ མཧཱཀཙྩཱནོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ མཧཱཀཙྩཱནཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཧཱལིདྡཀཱནི གཧཔཏི ཨཱཡསྨནྟཾ མཧཱཀཙྩཱནཾ ཨེཏདཝོཙ – ‘‘ཝུཏྟམིདཾ བྷནྟེ, ཀཙྩཱན, བྷགཝཏཱ ཨཊྛཀཝགྒིཀེ མཱགཎྜིཡཔཉྷེ –

‘‘ཨོཀཾ པཧཱཡ ཨནིཀེཏསཱརཱི, གཱམེ ཨཀུབྦཾ མུནི སནྠཝཱནི;

ཀཱམེཧི རིཏྟོ ཨཔུརེཀྑརཱནོ, ཀཐཾ ན ཝིགྒཡ྄ཧ ཛནེན ཀཡིརཱ’’ཏི.

‘‘ཨིམསྶ ནུ ཁོ བྷནྟེ, ཀཙྩཱན, བྷགཝཏཱ སངྑིཏྟེན བྷཱསིཏསྶ ཀཐཾ ཝིཏྠཱརེན ཨཏྠོ དཊྛབྦོ’’ཏི?

‘‘རཱུཔདྷཱཏུ ཁོ, གཧཔཏི, ཝིཉྙཱཎསྶ ཨོཀོ ¶ རཱུཔདྷཱཏུ རཱགཝིནིབནྡྷཉྩ [རཱགཝིནིབདྡྷཉྩ (སཱི.)] པན ཝིཉྙཱཎཾ ཨོཀསཱརཱིཏི ཝུཙྩཏི. ཝེདནཱདྷཱཏུ ཁོ, གཧཔཏི… སཉྙཱདྷཱཏུ ཁོ, གཧཔཏི… སངྑཱརདྷཱཏུ ཁོ, གཧཔཏི, ཝིཉྙཱཎསྶ ཨོཀོ སངྑཱརདྷཱཏུ རཱགཝིནིབནྡྷཉྩ པན ཝིཉྙཱཎཾ ཨོཀསཱརཱིཏི ཝུཙྩཏི. ཨེཝཾ ཁོ, གཧཔཏི, ཨོཀསཱརཱི ཧོཏི.

‘‘ཀཐཉྩ, གཧཔཏི, ཨནོཀསཱརཱི ཧོཏི? རཱུཔདྷཱཏུཡཱ ཁོ, གཧཔཏི, ཡོ ཚནྡོ ཡོ རཱགོ ཡཱ ནནྡཱི ཡཱ ཏཎྷཱ ཡེ ཨུཔཱཡུཔཱདཱནཱ [ཨུཔཡུཔཱདཱནཱ (ཀ.)] ཙེཏསོ ཨདྷིཊྛཱནཱབྷིནིཝེསཱནུསཡཱ ཏེ ཏཐཱགཏསྶ པཧཱིནཱ ¶ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ¶ ཨཱཡཏིཾ ཨནུཔྤཱདདྷམྨཱ; ཏསྨཱ ཏཐཱགཏོ ཨནོཀསཱརཱིཏི ཝུཙྩཏི. ཝེདནཱདྷཱཏུཡཱ ཁོ, གཧཔཏི… སཉྙཱདྷཱཏུཡཱ ཁོ, གཧཔཏི… སངྑཱརདྷཱཏུཡཱ ཁོ, གཧཔཏི… ཝིཉྙཱཎདྷཱཏུཡཱ ཁོ, གཧཔཏི, ཡོ ཚནྡོ ཡོ རཱགོ ཡཱ ནནྡཱི ཡཱ ཏཎྷཱ ཡེ ཨུཔཱཡུཔཱདཱནཱ ཙེཏསོ ཨདྷིཊྛཱནཱབྷིནིཝེསཱནུསཡཱ ཏེ ¶ ཏཐཱགཏསྶ པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ; ཏསྨཱ ཏཐཱགཏོ ཨནོཀསཱརཱིཏི ཝུཙྩཏི. ཨེཝཾ ཁོ, གཧཔཏི, ཨནོཀསཱརཱི ཧོཏི.

‘‘ཀཐཉྩ, གཧཔཏི, ནིཀེཏསཱརཱི ཧོཏི? རཱུཔནིམིཏྟནིཀེཏཝིསཱརཝིནིབནྡྷཱ ཁོ, གཧཔཏི, ནིཀེཏསཱརཱིཏི ཝུཙྩཏི. སདྡནིམིཏྟ… གནྡྷནིམིཏྟ… རསནིམིཏྟ… ཕོཊྛབྦནིམིཏྟ… དྷམྨནིམིཏྟནིཀེཏཝིསཱརཝིནིབནྡྷཱ ཁོ, གཧཔཏི, ནིཀེཏསཱརཱིཏི ཝུཙྩཏི. ཨེཝཾ ཁོ, གཧཔཏི, ནིཀེཏསཱརཱི ཧོཏི.

‘‘ཀཐཉྩ, གཧཔཏི, ཨནིཀེཏསཱརཱི ཧོཏི? རཱུཔནིམིཏྟནིཀེཏཝིསཱརཝིནིབནྡྷཱ ཁོ, གཧཔཏི, ཏཐཱགཏསྶ པཧཱིནཱ ཨུཙྪིནྣམཱུལཱ ¶ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ; ཏསྨཱ ཏཐཱགཏོ ཨནིཀེཏསཱརཱིཏི ཝུཙྩཏི. སདྡནིམིཏྟ… གནྡྷནིམིཏྟ… རསནིམིཏྟ… ཕོཊྛབྦནིམིཏྟ… དྷམྨནིམིཏྟནིཀེཏཝིསཱརཝིནིབནྡྷཱ ཁོ, གཧཔཏི, ཏཐཱགཏསྶ པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ; ཏསྨཱ ཏཐཱགཏོ ཨནིཀེཏསཱརཱིཏི ཝུཙྩཏི. ཨེཝཾ ཁོ, གཧཔཏི, ཨནིཀེཏསཱརཱི ཧོཏི.

‘‘ཀཐཉྩ, གཧཔཏི, གཱམེ སནྠཝཛཱཏོ ཧོཏི? ཨིདྷ ¶ , གཧཔཏི, ཨེཀཙྩོ བྷིཀྑུ གིཧཱིཧི སཾསཊྛོ ཝིཧརཏི སཧནནྡཱི སཧསོཀཱི, སུཁིཏེསུ སུཁིཏོ, དུཀྑིཏེསུ དུཀྑིཏོ, ཨུཔྤནྣེསུ ཀིཙྩཀརཎཱིཡེསུ ཨཏྟནཱ ཝོཡོགཾ ཨཱཔཛྫཏི. ཨེཝཾ ཁོ, གཧཔཏི, གཱམེ སནྠཝཛཱཏོ ཧོཏི.

‘‘ཀཐཉྩ, གཧཔཏི, གཱམེ ན སནྠཝཛཱཏོ ཧོཏི? ཨིདྷ, གཧཔཏི, ཨེཀཙྩོ བྷིཀྑུ གིཧཱིཧི ཨསཾསཊྛོ ཝིཧརཏི ན སཧནནྡཱི ན སཧསོཀཱི, ན སུཁིཏེསུ སུཁིཏོ, ན དུཀྑིཏེསུ དུཀྑིཏོ, ཨུཔྤནྣེསུ ཀིཙྩཀརཎཱིཡེསུ ན ཨཏྟནཱ ཝོཡོགཾ ཨཱཔཛྫཏི. ཨེཝཾ ཁོ, གཧཔཏི, གཱམེ ན སནྠཝཛཱཏོ ཧོཏི.

‘‘ཀཐཉྩ, གཧཔཏི, ཀཱམེཧི ཨརིཏྟོ ཧོཏི? ཨིདྷ, གཧཔཏི, ཨེཀཙྩོ བྷིཀྑུ ཀཱམེསུ ཨཝཱིཏརཱགོ ¶ ཧོཏི ཨཝིགཏཙྪནྡོ ཨཝིགཏཔེམོ ཨཝིགཏཔིཔཱསོ ཨཝིགཏཔརིལཱ༹ཧོ ཨཝིགཏཏཎྷོ. ཨེཝཾ ཁོ, གཧཔཏི, ཀཱམེཧི ཨརིཏྟོ ཧོཏི.

‘‘ཀཐཉྩ ¶ , གཧཔཏི, ཀཱམེཧི རིཏྟོ ཧོཏི? ཨིདྷ, གཧཔཏི, ཨེཀཙྩོ བྷིཀྑུ ཀཱམེསུ ཝཱིཏརཱགོ ཧོཏི ཝིགཏཙྪནྡོ ཝིགཏཔེམོ ཝིགཏཔིཔཱསོ ཝིགཏཔརིལཱ༹ཧོ ཝིགཏཏཎྷོ. ཨེཝཾ ཁོ, གཧཔཏི, ཀཱམེཧི རིཏྟོ ཧོཏི.

‘‘ཀཐཉྩ, གཧཔཏི, པུརེཀྑརཱནོ ཧོཏི? ཨིདྷ ¶ , གཧཔཏི, ཨེཀཙྩསྶ བྷིཀྑུནོ ཨེཝཾ ཧོཏི – ‘ཨེཝཾརཱུཔོ སིཡཾ ཨནཱགཏམདྡྷཱན’ནྟི ཏཏྠ ནནྡིཾ སམནྣཱནེཏི, ‘ཨེཝཾཝེདནོ སིཡཾ… ཨེཝཾསཉྙོ སིཡཾ… ཨེཝཾསངྑཱརོ སིཡཾ… ཨེཝཾཝིཉྙཱཎོ སིཡཾ ཨནཱགཏམདྡྷཱན’ནྟི ཏཏྠ ནནྡིཾ སམནྣཱནེཏི. ཨེཝཾ ཁོ, གཧཔཏི, པུརེཀྑརཱནོ ཧོཏི.

‘‘ཀཐཉྩ ¶ , གཧཔཏི, ཨཔུརེཀྑརཱནོ ཧོཏི? ཨིདྷ, གཧཔཏི, ཨེཀཙྩསྶ བྷིཀྑུནོ ཨེཝཾ ཧོཏི – ‘ཨེཝཾརཱུཔོ སིཡཾ ཨནཱགཏམདྡྷཱན’ནྟི ན ཏཏྠ ནནྡིཾ སམནྣཱནེཏི, ‘ཨེཝཾཝེདནོ སིཡཾ… ཨེཝཾསཉྙོ སིཡཾ… ཨེཝཾསངྑཱརོ སིཡཾ… ཨེཝཾཝིཉྙཱཎོ སིཡཾ ཨནཱགཏམདྡྷཱན’ནྟི ན ཏཏྠ ནནྡིཾ སམནྣཱནེཏི. ཨེཝཾ ཁོ, གཧཔཏི, ཨཔུརེཀྑརཱནོ ཧོཏི.

‘‘ཀཐཉྩ, གཧཔཏི, ཀཐཾ ཝིགྒཡ྄ཧ ཛནེན ཀཏྟཱ ཧོཏི? ཨིདྷ, གཧཔཏི, ཨེཀཙྩོ ཨེཝརཱུཔིཾ ཀཐཾ ཀཏྟཱ ཧོཏི – ‘ན ཏྭཾ ཨིམཾ དྷམྨཝིནཡཾ ཨཱཛཱནཱསི, ཨཧཾ ཨིམཾ དྷམྨཝིནཡཾ ཨཱཛཱནཱམི, ཀིཾ ཏྭཾ ཨིམཾ དྷམྨཝིནཡཾ ཨཱཛཱནིསྶསི, མིཙྪཱཔཊིཔནྣོ ཏྭམསི, ཨཧམསྨི སམྨཱཔཊིཔནྣོ, སཧིཏཾ མེ, ཨསཧིཏཾ ཏེ, པུརེ ཝཙནཱིཡཾ པཙྪཱ ཨཝཙ, པཙྪཱ ཝཙནཱིཡཾ པུརེ ཨཝཙ, ཨདྷིཙིཎྞཾ ཏེ ཝིཔརཱཝཏྟཾ, ཨཱརོཔིཏོ ཏེ ཝཱདོ, ནིགྒཧིཏོ ཏྭམསི, ཙར ཝཱདཔྤམོཀྑཱཡ, ནིབྦེཋེཧི ཝཱ སཙེ པཧོསཱི’ཏི. ཨེཝཾ ཁོ, གཧཔཏི, ཀཐཾ ཝིགྒཡ྄ཧ ཛནེན ཀཏྟཱ ཧོཏི.

‘‘ཀཐཉྩ, གཧཔཏི, ཀཐཾ ཝིགྒཡ྄ཧ ཛནེན ན ཀཏྟཱ ཧོཏི? ཨིདྷ, གཧཔཏི, ཨེཀཙྩོ ན ཨེཝརཱུཔིཾ ཀཐཾ ཀཏྟཱ ཧོཏི – ‘ན ཏྭཾ ཨིམཾ དྷམྨཝིནཡཾ ཨཱཛཱནཱསི…པེ… ནིབྦེཋེཧི ཝཱ སཙེ པཧོསཱི’ཏི. ཨེཝཾ ཁོ, གཧཔཏི, ཝིགྒཡ྄ཧ ཛནེན ན ཀཏྟཱ ཧོཏི. ཨིཏི ཁོ, གཧཔཏི, ཡཾ ཏཾ ཝུཏྟཾ བྷགཝཏཱ ཨཊྛཀཝགྒིཀེ མཱགཎྜིཡཔཉྷེ –

‘‘ཨོཀཾ ¶ པཧཱཡ ཨནིཀེཏསཱརཱི, གཱམེ ཨཀུབྦཾ མུནི སནྠཝཱནི;

ཀཱམེཧི ¶ རིཏྟོ ཨཔུརེཀྑརཱནོ, ཀཐཾ ན ཝིགྒཡ྄ཧ ཛནེན ཀཡིརཱ’’ཏི.

‘‘ཨིམསྶ ¶ ¶ ཁོ, གཧཔཏི, བྷགཝཏཱ སངྑིཏྟེན བྷཱསིཏསྶ ཨེཝཾ ཝིཏྠཱརེན ཨཏྠོ དཊྛབྦོ’’ཏི.

‘‘ཨོཀཾ པཧཱཡ ཨནིཀེཏསཱརཱི, གཱམེ ཨཀུབྦཾ མུནི སནྠཝཱནི;

ཀཱམེཧི རིཏྟོ ཨཔུརེཀྑརཱནོ, ཀཐཾ ན ཝིགྒཡ྄ཧ ཛནེན ཀཡིརཱ’’ཏི.

ཡེཧི ཝིཝིཏྟོ ཝིཙརེཡྻ ལོཀེ, ན ཏཱནི ཨུགྒཡ྄ཧ ཝདེཡྻ ནཱགོ;

ཨེལམྦུཛཾ ཀཎྜཀཝཱརིཛཾ [ཀཎྚཀཾ ཝཱརིཛཾ (སཱི.)] ཡཐཱ, ཛལེན པངྐེན ཙནཱུཔལིཏྟཾ;

ཨེཝཾ མུནཱི སནྟིཝཱདོ ཨགིདྡྷོ, ཀཱམེ ཙ ལོཀེ ཙ ཨནཱུཔལིཏྟོ.

ཡེཧི ཝིཝིཏྟོ ཝིཙརེཡྻ ལོཀེཏི. ཡེཧཱིཏི ཡེཧི དིཊྛིགཏེཧི. ཝིཝིཏྟོཏི ཀཱཡདུཙྩརིཏེན རིཏྟོ ཝིཝིཏྟོ པཝིཝིཏྟོ, ཝཙཱིདུཙྩརིཏེན… མནོདུཙྩརིཏེན… རཱགེན…པེ… སབྦཱཀུསལཱབྷིསངྑཱརེཧི རིཏྟོ ཝིཝིཏྟོ པཝིཝིཏྟོ. ཝིཙརེཡྻཱཏི ཝིཙརེཡྻ ཝིཧརེཡྻ ཨིརིཡེཡྻ ཝཏྟེཡྻ པཱལེཡྻ ཡཔེཡྻ ཡཱཔེཡྻ. ལོཀེཏི མནུསྶལོཀེཏི – ཡེཧི ཝིཝིཏྟོ ཝིཙརེཡྻ ལོཀེ.

ན ¶ ཏཱནི ཨུགྒཡ྄ཧ ཝདེཡྻ ནཱགོཏི. ནཱགོཏི ཨཱགུཾ ན ཀརོཏཱིཏི – ནཱགོ, ན གཙྪཏཱིཏི – ནཱགོ, ནཱགཙྪཏཱིཏི – ནཱགོ. ཀཐཾ ཨཱགུཾ ན ཀརོཏཱིཏི – ནཱགོ? ཨཱགཱུ ཝུཙྩནྟི པཱཔཀཱ ཨཀུསལཱ དྷམྨཱ སཾཀིལེསིཀཱ པོནོབྷཝིཀཱ སདརཱ དུཀྑཝིཔཱཀཱ ཨཱཡཏིཾ ཛཱཏིཛརཱམརཎིཡཱ.

ཨཱགུཾ ¶ ན ཀརོཏི ཀིཉྩི ལོཀེ, [སབྷིཡཱཏི བྷགཝཱ]

སབྦཏྠ ན སཛྫཏི ཝིམུཏྟོ, ནཱགོ ཏཱདཱི པཝུཙྩཏེ ཏཐཏྟཱ.

ཀཐཾ ¶ ¶ ན གཙྪཏཱིཏི – ནཱགོ? ན ཚནྡཱགཏིཾ གཙྪཏི, ན དོསཱགཏིཾ གཙྪཏི, ན མོཧཱགཏིཾ གཙྪཏི, ན བྷཡཱགཏིཾ གཙྪཏི, ན རཱགཝསེན གཙྪཏི, ན དོསཝསེན གཙྪཏི, ན མོཧཝསེན གཙྪཏི, ན མཱནཝསེན གཙྪཏི, ན དིཊྛིཝསེན གཙྪཏི, ན ཨུདྡྷཙྩཝསེན གཙྪཏི, ན ཝིཙིཀིཙྪཱཝསེན གཙྪཏི, ནཱནུསཡཝསེན གཙྪཏི, ན ཝགྒེཧི དྷམྨེཧི ཡཱཡཏི ནཱིཡཏི ཝུཡ྄ཧཏི སཾཧརཱིཡཏི. ཨེཝཾ ན གཙྪཏཱིཏི – ནཱགོ.

ཀཐཾ ནཱགཙྪཏཱིཏི – ནཱགོ? སོཏཱཔཏྟིམགྒེན ཡེ ཀིལེསཱ པཧཱིནཱ ཏེ ཀིལེསེ ན པུནེཏི ན པཙྩེཏི ན པཙྩཱགཙྪཏི. སཀདཱགཱམིམགྒེན… ཨནཱགཱམིམགྒེན… ཨརཧཏྟམགྒེན ཡེ ཀིལེསཱ པཧཱིནཱ ཏེ ཀིལེསེ ན པུནེཏི ན པཙྩེཏི ན པཙྩཱགཙྪཏི. ཨེཝཾ ནཱགཙྪཏཱིཏི – ནཱགོ.

ན ¶ ཏཱནི ཨུགྒཡ྄ཧ ཝདེཡྻ ནཱགོཏི. ནཱགོ ན ཏཱནི དིཊྛིགཏཱནི གཧེཏྭཱ ཨུགྒཧེཏྭཱ གཎྷིཏྭཱ པརཱམསིཏྭཱ ཨབྷིནིཝིསིཏྭཱ ཝདེཡྻ ཀཐེཡྻ བྷཎེཡྻ དཱིཔཡེཡྻ ཝོཧརེཡྻ; ‘‘སསྶཏོ ལོཀོ…པེ… ནེཝ ཧོཏི ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི ཝདེཡྻ ཀཐེཡྻ བྷཎེཡྻ དཱིཔཡེཡྻ ཝོཧརེཡྻཱཏི – ན ཏཱནི ཨུགྒཡ྄ཧ ཝདེཡྻ ནཱགོ.

ཨེལམྦུཛཾ ཀཎྜཀཝཱརིཛཾ ཡཐཱ, ཛལེན པངྐེན ཙནཱུཔལིཏྟནྟི. ཨེལཾ ཝུཙྩཏི ཨུདཀཾ, ཨམྦུཛཾ ཝུཙྩཏི པདུམཾ, ཀཎྜཀོ ཝུཙྩཏི ¶ ཁརདཎྜོ, ཝཱརི ཝུཙྩཏི ཨུདཀཾ, ཝཱརིཛཾ ཝུཙྩཏི པདུམཾ ཝཱརིསམྦྷཝཾ, ཛལཾ ཝུཙྩཏི ཨུདཀཾ, པངྐོ ཝུཙྩཏི ཀདྡམོ. ཡཐཱ པདུམཾ ཝཱརིཛཾ ཝཱརིསམྦྷཝཾ ཛལེན ཙ པངྐེན ཙ ན ལིམྤཏི ན པལིམྤཏི ན ཨུཔལིམྤཏི, ཨལིཏྟཾ ཨསཾལིཏྟཾ ཨནུཔལིཏྟནྟི – ཨེལམྦུཛཾ ཀཎྜཀཝཱརིཛཾ ཡཐཱ ཛལེན པངྐེན ཙནཱུཔལིཏྟཾ.

ཨེཝཾ མུནཱི སནྟིཝཱདོ ཨགིདྡྷོ, ཀཱམེ ཙ ལོཀེ ཙ ཨནཱུཔལིཏྟོཏི. ཨེཝནྟི ཨོཔམྨསཾཔཊིཔཱདནཾ. མུནཱིཏི. མོནཾ ཝུཙྩཏི ཉཱཎཾ…པེ… སངྒཛཱལམཏིཙྩ སོ མུནི. སནྟིཝཱདོཏི སནྟིཝཱདོ མུནི ཏཱཎཝཱདོ ལེཎཝཱདོ སརཎཝཱདོ ཨབྷཡཝཱདོ ཨཙྩུཏཝཱདོ ཨམཏཝཱདོ ནིབྦཱནཝཱདོཏི – ཨེཝཾ མུནི སནྟིཝཱདོ. ཨགིདྡྷོཏི. གེདྷོ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ¶ ཨཀུསལམཱུལཾ. ཡསྶེསོ གེདྷོ པཧཱིནོ སམུཙྪིནྣོ ཝཱུཔསནྟོ པཊིཔསྶདྡྷོ ཨབྷབྦུཔྤཏྟིཀོ ཉཱཎགྒིནཱ དཌྜྷོ སོ ཝུཙྩཏི ཨགིདྡྷོ. སོ རཱུཔེ ཨགིདྡྷོ, སདྡེ… གནྡྷེ… རསེ… ཕོཊྛབྦེ… ཀུལེ… གཎེ… ཨཱཝཱསེ… ལཱབྷེ… ཡསེ… པསཾསཱཡ… སུཁེ… ཙཱིཝརེ… པིཎྜཔཱཏེ ¶ … སེནཱསནེ… གིལཱནཔཙྩཡབྷེསཛྫཔརིཀྑཱརེ… ཀཱམདྷཱཏུཡཱ ¶ … རཱུཔདྷཱཏུཡཱ… ཨརཱུཔདྷཱཏུཡཱ… ཀཱམབྷཝེ… རཱུཔབྷཝེ… ཨརཱུཔབྷཝེ… སཉྙཱབྷཝེ… ཨསཉྙཱབྷཝེ… ནེཝསཉྙཱནཱསཉྙཱབྷཝེ… ཨེཀཝོཀཱརབྷཝེ… ཙཏུཝོཀཱརབྷཝེ… པཉྩཝོཀཱརབྷཝེ… ཨཏཱིཏེ… ཨནཱགཏེ… པཙྩུཔྤནྣེ… དིཊྛ-སུཏ-མུཏ-ཝིཉྙཱཏབྦེསུ དྷམྨེསུ ཨགིདྡྷོ ཨགདྷིཏོ ཨམུཙྪིཏོ ཨནཛ྄ཛྷོསནྣོ [ཨནཛ྄ཛྷཱཔནྣོ (སཱི.), ཨནཛ྄ཛྷོཔནྣོ (སྱཱ.)], ཝཱིཏགེདྷོ ཝིགཏགེདྷོ ཙཏྟགེདྷོ ཝནྟགེདྷོ མུཏྟགེདྷོ པཧཱིནགེདྷོ པཊིནིསྶཊྛགེདྷོ, ཝཱིཏརཱགོ ཝིགཏརཱགོ ཙཏྟརཱགོ ཝནྟརཱགོ མུཏྟརཱགོ ¶ པཧཱིནརཱགོ པཊིནིསྶཊྛརཱགོ, ནིཙྪཱཏོ ནིབྦུཏོ སཱིཏིབྷཱུཏོ སུཁཔྤཊིསཾཝེདཱི བྲཧྨབྷཱུཏེན ཨཏྟནཱ ཝིཧརཏཱིཏི – ཨེཝཾ མུནི སནྟིཝཱདོ ཨགིདྡྷོ.

ཀཱམེ ཙ ལོཀེ ཙ ཨནཱུཔལིཏྟོཏི. ཀཱམཱཏི ཨུདཱནཏོ དྭེ ཀཱམཱ – ཝཏྠུཀཱམཱ ཙ ཀིལེསཀཱམཱ ཙ…པེ… ཨིམེ ཝུཙྩནྟི ཝཏྠུཀཱམཱ…པེ… ཨིམེ ཝུཙྩནྟི ཀིལེསཀཱམཱ. ལོཀེཏི ཨཔཱཡལོཀེ མནུསྶལོཀེ དེཝལོཀེ ཁནྡྷལོཀེ དྷཱཏུལོཀེ ཨཱཡཏནལོཀེ. ལེཔཱཏི དྭེ ལེཔཱ – ཏཎྷཱལེཔོ ཙ དིཊྛིལེཔོ ཙ…པེ… ཨཡཾ ཏཎྷཱལེཔོ…པེ… ཨཡཾ དིཊྛིལེཔོ. མུནི ཏཎྷཱལེཔཾ པཧཱཡ དིཊྛིལེཔཾ པཊིནིསྶཛྫིཏྭཱ ཀཱམེ ཙ ལོཀེ ཙ ན ལིམྤཏི ན པལིམྤཏི ན ཨུཔལིམྤཏི, ཨལིཏྟོ ཨཔལིཏྟོ ཨནུཔལིཏྟོ ¶ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏཱིཏི – ཨེཝཾ མུནཱི སནྟིཝཱདོ ཨགིདྡྷོ, ཀཱམེ ཙ ལོཀེ ཙ ཨནཱུཔལིཏྟོ.

‘‘ཡེཧི ཝིཝིཏྟོ ཝིཙརེཡྻ ལོཀེ, ན ཏཱནི ཨུགྒཡ྄ཧ ཝདེཡྻ ནཱགོ;

ཨེལམྦུཛཾ ཀཎྜཀཝཱརིཛཾ ཡཐཱ, ཛལེན པངྐེན ཙནཱུཔལིཏྟཾ;

ཨེཝཾ མུནཱི སནྟིཝཱདོ ཨགིདྡྷོ, ཀཱམེ ཙ ལོཀེ ཙ ཨནཱུཔལིཏྟོ’’ཏི.

ན ཝེདགཱུ དིཊྛིཡཱ [དིཊྛིཡཱཡཀོ (ཀ. ཨཊྛ.) སུ. ནི. ༨༥༢] ན མུཏིཡཱ, ས མཱནམེཏི ན ཧི ཏམྨཡོ སོ;

ན ཀམྨུནཱ ནོཔི སུཏེན ནེཡྻོ, ཨནཱུཔནཱིཏོ ས ནིཝེསནེསུ.

ན ¶ ཝེདགཱུ དིཊྛིཡཱ ན མུཏིཡཱ, ས མཱནམེཏཱིཏི. ནཱཏི པཊིཀྑེཔོ. ཝེདགཱུཏི. ཝེདོ ཝུཙྩཏི ཙཏཱུསུ མགྒེསུ ཉཱཎཾ ¶ , པཉྙཱ པཉྙིནྡྲིཡཾ པཉྙཱབལཾ དྷམྨཝིཙཡསམྦོཛ྄ཛྷངྒོ ཝཱིམཾསཱ ཝིཔསྶནཱ སམྨཱདིཊྛི. ཏེཧི ཝེདེཧི ཛཱཏིཛརཱམརཎསྶ ཨནྟགཏོ ཨནྟཔྤཏྟོ, ཀོཊིགཏོ ཀོཊིཔྤཏྟོ, པརིཡནྟགཏོ པརིཡནྟཔྤཏྟོ, ཝོསཱནགཏོ ཝོསཱནཔྤཏྟོ, ཏཱཎགཏོ ཏཱཎཔྤཏྟོ, ལེཎགཏོ ལེཎཔྤཏྟོ, སརཎགཏོ སརཎཔྤཏྟོ, ཨབྷཡགཏོ ཨབྷཡཔྤཏྟོ, ཨཙྩུཏགཏོ ¶ ཨཙྩུཏཔྤཏྟོ ¶ , ཨམཏགཏོ ཨམཏཔྤཏྟོ, ནིབྦཱནགཏོ ནིབྦཱནཔྤཏྟོ, ཝེདཱནཾ ཝཱ ཨནྟཾ གཏོཏི ཝེདགཱུ, ཝེདེཧི ཝཱ ཨནྟཾ གཏོཏི ཝེདགཱུ, སཏྟནྣཾ ཝཱ དྷམྨཱནཾ ཝིདིཏཏྟཱ ཝེདགཱུ, སཀྐཱཡདིཊྛི ཝིདིཏཱ ཧོཏི, ཝིཙིཀིཙྪཱ ཝིདིཏཱ ཧོཏི, སཱིལབྦཏཔརཱམཱསོ ཝིདིཏོ ཧོཏི, རཱགོ ཝིདིཏོ ཧོཏི, དོསོ ཝིདིཏོ ཧོཏི, མོཧོ ཝིདིཏོ ཧོཏི, མཱནོ ཝིདིཏོ ཧོཏི, ཝིདིཏཱསྶ ཧོནྟི པཱཔཀཱ ཨཀུསལཱ དྷམྨཱ སཾཀིལེསིཀཱ པོནོབྷཝིཀཱ སདརཱ དུཀྑཝིཔཱཀཱ ཨཱཡཏིཾ ཛཱཏིཛརཱམརཎིཡཱ.

ཝེདཱནི ཝིཙེཡྻ ཀེཝལཱནི, [སབྷིཡཱཏི བྷགཝཱ]

སབྦཝེདནཱསུ ཝཱིཏརཱགོ, སབྦཾ ཝེདམཏིཙྩ ཝེདགཱུ སོཏི.

ན དིཊྛིཡཱཏི ཏསྶ དྭཱསཊྛི དིཊྛིགཏཱནི པཧཱིནཱནི སམུཙྪིནྣཱནི ཝཱུཔསནྟཱནི པཊིཔསྶདྡྷཱནི ཨབྷབྦུཔྤཏྟིཀཱནི ཉཱཎགྒིནཱ དཌྜྷཱནི. སོ དིཊྛིཡཱ ན ཡཱཡཏི ན ནཱིཡཏི ན ཝུཡ྄ཧཏི ན སཾཧརཱིཡཏི, ནཔི ཏཾ དིཊྛིགཏཾ སཱརཏོ པཙྩེཏི ན པཙྩཱགཙྪཏཱིཏི – ན ཝེདགཱུ དིཊྛིཡཱ. ན མུཏིཡཱཏི མུཏརཱུཔེན ཝཱ པརཏོ གྷོསེན ཝཱ མཧཱཛནསམྨུཏིཡཱ ཝཱ མཱནཾ ནེཏི ¶ ན ཨུཔེཏི ན ཨུཔགཙྪཏི ན གཎྷཱཏི ན པརཱམསཏི ནཱབྷིནིཝིསཏཱིཏི – ན ཝེདགཱུ དིཊྛིཡཱ ན མུཏིཡཱ ས མཱནམེཏི.

ན ཧི ཏམྨཡོ སོཏི ན ཏཎྷཱཝསེན དིཊྛིཝསེན ¶ ཏམྨཡོ ཧོཏི ཏཔྤརམོ ཏཔྤརཱཡནོ. ཡཏོ ཏཎྷཱ ཙ དིཊྛི ཙ མཱནོ ཙསྶ པཧཱིནཱ ཧོནྟི ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ ཨེཏྟཱཝཏཱ ན ཏམྨཡོ ཧོཏི ན ཏཔྤརམོ ན ཏཔྤརཱཡནོཏི – ས མཱནམེཏི ན ཧི ཏམྨཡོ སོ.

ན ¶ ཀམྨུནཱ ནོཔི སུཏེན ནེཡྻོཏི. ན ཀམྨུནཱཏི པུཉྙཱབྷིསངྑཱརེན ཝཱ ཨཔུཉྙཱབྷིསངྑཱརེན ཝཱ ཨཱནེཉྫཱབྷིསངྑཱརེན ཝཱ ན ཡཱཡཏི ན ནཱིཡཏི ན ཝུཡ྄ཧཏི ན སཾཧརཱིཡཏཱིཏི – ན ཀམྨུནཱ. ནོཔི སུཏེན ནེཡྻོཏི སུཏསུདྡྷིཡཱ ཝཱ པརཏོ གྷོསེན ཝཱ མཧཱཛནསམྨུཏིཡཱ ཝཱ ན ཡཱཡཏི ན ནཱིཡཏི ན ཝུཡ྄ཧཏི ན སཾཧརཱིཡཏཱིཏི – ན ཀམྨུནཱ ནོཔི སུཏེན ནེཡྻོ.

ཨནཱུཔནཱིཏོ ས ནིཝེསནེསཱུཏི. ཨུཔཡཱཏི དྭེ ཨུཔཡཱ – ཏཎྷཱུཔཡོ ཙ དིཊྛཱུཔཡོ ཙ…པེ… ཨཡཾ ¶ ཏཎྷཱུཔཡོ…པེ… ཨཡཾ དིཊྛཱུཔཡོ. ཏསྶ ཏཎྷཱུཔཡོ པཧཱིནོ, དིཊྛཱུཔཡོ པཊིནིསྶཊྛོ. ཏཎྷཱུཔཡསྶ པཧཱིནཏྟཱ, དིཊྛཱུཔཡསྶ པཊིནིསྶཊྛཏྟཱ སོ ནིཝེསནེསུ ཨནཱུཔནཱིཏོ ཨནུཔལིཏྟོ ཨནུཔགཏོ ཨནཛ྄ཛྷོསིཏོ ཨནདྷིམུཏྟོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏཱིཏི – ཨནཱུཔནཱིཏོ ས ནིཝེསནེསུ.

‘‘ན ཝེདགཱུ དིཊྛིཡཱ ན མུཏིཡཱ, ས མཱནམེཏི ན ཧི ཏམྨཡོ སོ;

ན ཀམྨུནཱ ནོཔི སུཏེན ནེཡྻོ, ཨནཱུཔནཱིཏོ ས ནིཝེསནེསཱུ’’ཏི.

སཉྙཱཝིརཏྟསྶ ¶ ན སནྟི གནྠཱ, པཉྙཱཝིམུཏྟསྶ ན སནྟི མོཧཱ;

སཉྙཉྩ དིཊྛིཉྩ ཡེ ཨགྒཧེསུཾ, ཏེ གྷཊྚམཱནཱ [གྷཊྚཡནྟཱ (སྱཱ.) སུ. ནི. ༨༥༣] ཝིཙརནྟི ལོཀེ.

སཉྙཱཝིརཏྟསྶ ན སནྟི གནྠཱཏི. ཡོ སམཐཔུབྦངྒམཾ ཨརིཡམགྒཾ བྷཱཝེཏི ཏསྶ ཨཱདིཏོ ཨུཔཱདཱཡ གནྠཱ ཝིཀྑམྦྷིཏཱ ཧོནྟི, ཨརཧཏྟེ པཏྟེ ཨརཧཏོ གནྠཱ ཙ མོཧཱ ཙ ནཱིཝརཎཱ ཙ ཀཱམསཉྙཱ བྱཱཔཱདསཉྙཱ ཝིཧིཾསཱསཉྙཱ དིཊྛིསཉྙཱ ཙ པཧཱིནཱ ཧོནྟི ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱཏི – སཉྙཱཝིརཏྟསྶ ན སནྟི གནྠཱ.

པཉྙཱཝིམུཏྟསྶ ན སནྟི མོཧཱཏི. ཡོ ཝིཔསྶནཱཔུབྦངྒམཾ ཨརིཡམགྒཾ བྷཱཝེཏི, ཏསྶ ཨཱདིཏོ ཨུཔཱདཱཡ མོཧཱ ཝིཀྑམྦྷིཏཱ ཧོནྟི, ཨརཧཏྟེ ¶ པཏྟེ ཨརཧཏོ མོཧཱ ཙ གནྠཱ ཙ ནཱིཝརཎཱ ཙ ཀཱམསཉྙཱ བྱཱཔཱདསཉྙཱ ཝིཧིཾསཱསཉྙཱ དིཊྛིསཉྙཱ ཙ པཧཱིནཱ ཧོནྟི ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱཏི – པཉྙཱཝིམུཏྟསྶ ན སནྟི མོཧཱ.

སཉྙཉྩ དིཊྛིཉྩ ཡེ ཨགྒཧེསུཾ, ཏེ གྷཊྚམཱནཱ ཝིཙརནྟི ལོཀེཏི. ཡེ སཉྙཾ གཎྷནྟི ཀཱམསཉྙཾ བྱཱཔཱདསཉྙཾ ཝིཧིཾསཱསཉྙཾ ཏེ སཉྙཱཝསེན གྷཊྚེནྟི སངྒྷཊྚེནྟི. རཱཛཱནོཔི རཱཛཱུཧི ཝིཝདནྟི, ཁཏྟིཡཱཔི ཁཏྟིཡེཧི ¶ ཝིཝདནྟི, བྲཱཧྨཎཱཔི བྲཱཧྨཎེཧི ¶ ཝིཝདནྟི, གཧཔཏཱིཔི གཧཔཏཱིཧི ཝིཝདནྟི, མཱཏཱཔི པུཏྟེན ཝིཝདཏི, པུཏྟོཔི མཱཏརཱ ཝིཝདཏི, པིཏཱཔི པུཏྟེན ཝིཝདཏི, པུཏྟོཔི པིཏརཱ ཝིཝདཏི, བྷཱཏཱཔི བྷཱཏརཱ ཝིཝདཏི, བྷགིནཱིཔི བྷགིནིཡཱ ཝིཝདཏི, བྷཱཏཱཔི བྷགིནིཡཱ ཝིཝདཏི, བྷགིནཱིཔི བྷཱཏརཱ ཝིཝདཏི, སཧཱཡོཔི སཧཱཡེན ཝིཝདཏི ¶ . ཏེ ཏཏྠ ཀལཧཝིགྒཧཝིཝཱདམཱཔནྣཱ ཨཉྙམཉྙཾ པཱཎཱིཧིཔི ཨུཔཀྐམནྟི, ལེཌྜཱུཧིཔི [ལེཊྚཱུཧིཔི (ཀ.)] ཨུཔཀྐམནྟི, དཎྜེཧིཔི ཨུཔཀྐམནྟི, སཏྠེཧིཔི ཨུཔཀྐམནྟི. ཏེ ཏཏྠ མརཎམྤི ནིགཙྪནྟི མརཎམཏྟམྤི དུཀྑཾ. ཡེ དིཊྛིཾ གཎྷནྟི ‘‘སསྶཏོ ལོཀོ’’ཏི ཝཱ…པེ… ‘‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ’’ཏི ཝཱ ཏེ དིཊྛིཝསེན གྷཊྚེནྟི སངྒྷཊྚེནྟི, སཏྠཱརཏོ སཏྠཱརཾ གྷཊྚེནྟི, དྷམྨཀྑཱནཏོ དྷམྨཀྑཱནཾ གྷཊྚེནྟི, གཎཏོ གཎཾ གྷཊྚེནྟི, དིཊྛིཡཱ དིཊྛིཾ གྷཊྚེནྟི, པཊིཔདཱཡ པཊིཔདཾ གྷཊྚེནྟི, མགྒཏོ མགྒཾ གྷཊྚེནྟི.

ཨཐ ཝཱ ཏེ ཝིཝདནྟི, ཀལཧཾ ཀརོནྟི, བྷཎྜནཾ ཀརོནྟི, ཝིགྒཧཾ ཀརོནྟི, ཝིཝཱདཾ ཀརོནྟི, མེདྷགཾ ཀརོནྟི – ‘‘ན ཏྭཾ ཨིམཾ དྷམྨཝིནཡཾ ཨཱཛཱནཱསི…པེ… ནིབྦེཋེཧི ཝཱ སཙེ པཧོསཱི’’ཏི. ཏེསཾ ཨབྷིསངྑཱརཱ ཨཔྤཧཱིནཱ; ཨབྷིསངྑཱརཱནཾ ཨཔྤཧཱིནཏྟཱ གཏིཡཱ གྷཊྚེནྟི, ནིརཡེ གྷཊྚེནྟི, ཏིརཙྪཱནཡོནིཡཱ གྷཊྚེནྟི, པེཏྟིཝིསཡེ གྷཊྚེནྟི, མནུསྶལོཀེ གྷཊྚེནྟི, དེཝལོཀེ གྷཊྚེནྟི, གཏིཡཱ གཏིཾ… ཨུཔཔཏྟིཡཱ ཨུཔཔཏྟིཾ… པཊིསནྡྷིཡཱ པཊིསནྡྷིཾ… བྷཝེན བྷཝཾ… སཾསཱརེན སཾསཱརཾ… ཝཊྚེན ¶ ཝཊྚཾ གྷཊྚེནྟི སངྒྷཊྚེནྟི ཝདནྟི ཝིཙརནྟི ཝིཧརནྟི ཨིརིཡནྟི ཝཏྟེནྟི པཱལེནྟི ཡཔེནྟི ཡཱཔེནྟི. ལོཀེཏི ཨཔཱཡལོཀེ…པེ… ཨཱཡཏནལོཀེཏི – སཉྙཉྩ ¶ དིཊྛིཉྩ ཡེ ཨགྒཧེསུཾ ཏེ གྷཊྚམཱནཱ ཝིཙརནྟི ལོཀེ.

‘‘སཉྙཱཝིརཏྟསྶ ¶ ན སནྟི གནྠཱ, པཉྙཱཝིམུཏྟསྶ ན སནྟི མོཧཱ;

སཉྙཉྩ དིཊྛིཉྩ ཡེ ཨགྒཧེསུཾ, ཏེ གྷཊྚམཱནཱ ཝིཙརནྟི ལོཀེ’’ཏི.

ཨཐ ¶ པུརཱབྷེདསུཏྟནིདྡེསཾ ཝཀྑཏི –

ཀཐཾདསྶཱི ¶ ¶ ཀཐཾསཱིལོ, ཨུཔསནྟོཏི ཝུཙྩཏི;

ཏཾ མེ གོཏམ པབྲཱུཧི, པུཙྪིཏོ ཨུཏྟམཾ ནརཾ.

ཀཐཾདསྶཱི ཀཐཾསཱིལོ, ཨུཔསནྟོཏི ཝུཙྩཏཱིཏི. ཀཐཾདསྶཱིཏི ཀཱིདིསེན དསྶནེན སམནྣཱགཏོ, ཀིཾསཎྛིཏེན, ཀིཾཔཀཱརེན, ཀིཾཔཊིབྷཱགེནཱཏི – ཀཐཾདསྶཱི. ཀཐཾསཱིལོཏི ཀཱིདིསེན སཱིལེན སམནྣཱགཏོ, ཀིཾསཎྛིཏེན, ཀིཾཔཀཱརེན, ཀིཾཔཊིབྷཱགེནཱཏི – ཀཐཾདསྶཱི ཀཐཾསཱིལོ. ཨུཔསནྟོཏི ཝུཙྩཏཱིཏི སནྟོ ཨུཔསནྟོ ཝཱུཔསནྟོ ནིབྦུཏོ པཊིཔསྶདྡྷོཏི ཝུཙྩཏི པཝུཙྩཏི ཀཐཱིཡཏི བྷཎཱིཡཏི དཱིཔཱིཡཏི ཝོཧརཱིཡཏི. ཀཐཾདསྶཱིཏི ཨདྷིཔཉྙཾ པུཙྪཏི, ཀཐཾསཱིལོཏི ཨདྷིསཱིལཾ པུཙྪཏི, ཨུཔསནྟོཏི ཨདྷིཙིཏྟཾ པུཙྪཏཱིཏི – ཀཐཾདསྶཱི ཀཐཾསཱིལོ ཨུཔསནྟོཏི ཝུཙྩཏི.

ཏཾ མེ གོཏམ པབྲཱུཧཱིཏི. ཏནྟི ཡཾ པུཙྪཱམི, ཡཾ ཡཱཙཱམི, ཡཾ ཨཛ྄ཛྷེསཱམི, ཡཾ པསཱདེམི. གོཏམཱཏི སོ ནིམྨིཏོ བུདྡྷཾ བྷགཝནྟཾ གོཏྟེན ཨཱལཔཏི. པབྲཱུཧཱིཏི ¶ བྲཱུཧི ཨཱཙིཀྑ དེསེཧི པཉྙཔེཧི པཊྛཔེཧི ཝིཝར ཝིབྷཛ ཨུཏྟཱནཱིཀརོཧི པཀཱསེཧཱིཏི – ཏཾ མེ གོཏམ པབྲཱུཧི.

པུཙྪིཏོ ཨུཏྟམཾ ནརནྟི. པུཙྪིཏོཏི པུཊྛོ པུཙྪིཏོ ཡཱཙིཏོ ཨཛ྄ཛྷེསིཏོ པསཱདིཏོ. ཨུཏྟམཾ ནརནྟི ཨགྒཾ སེཊྛཾ ཝིསིཊྛཾ པཱམོཀྑཾ ཨུཏྟམཾ པཝརཾ ནརནྟི – པུཙྪིཏོ ཨུཏྟམཾ ནརཾ.

‘‘ཀཐཾདསྶཱི ཀཐཾསཱིལོ, ཨུཔསནྟོཏི ཝུཙྩཏི;

ཏཾ མེ གོཏམ པབྲཱུཧི, པུཙྪིཏོ ཨུཏྟམཾ ནར’’ནྟི.

ཝཱིཏཏཎྷོ ¶ ¶ པུརཱབྷེདཱ, [ཨིཏི བྷགཝཱ]

ཝཱིཏཏཎྷོ པུརཱབྷེདཱཏི. པུརཱ ཀཱཡསྶ བྷེདཱ, པུརཱ ཨཏྟབྷཱཝསྶ བྷེདཱ, པུརཱ ཀལེ༹ཝརསྶ ནིཀྑེཔཱ, པུརཱ ཛཱིཝིཏིནྡྲིཡསྶ ཨུཔཙྪེདཱ ཝཱིཏཏཎྷོ ཝིགཏཏཎྷོ ཙཏྟཏཎྷོ ཝནྟཏཎྷོ མུཏྟཏཎྷོ པཧཱིནཏཎྷོ པཊིནིསྶཊྛཏཎྷོ, ཝཱིཏརཱགོ ཝིགཏརཱགོ ཙཏྟརཱགོ ཝནྟརཱགོ མུཏྟརཱགོ པཧཱིནརཱགོ པཊིནིསྶཊྛརཱགོ, ནིཙྪཱཏོ ནིབྦུཏོ སཱིཏིབྷཱུཏོ སུཁཔྤཊིསཾཝེདཱི བྲཧྨབྷཱུཏེན ཨཏྟནཱ ཝིཧརཏི.

བྷགཝཱཏི གཱརཝཱདྷིཝཙནཾ. ཨཔི ཙ བྷགྒརཱགོཏི བྷགཝཱ, བྷགྒདོསོཏི བྷགཝཱ, བྷགྒམོཧོཏི བྷགཝཱ, བྷགྒམཱནོཏི བྷགཝཱ, བྷགྒདིཊྛཱིཏི བྷགཝཱ, བྷགྒཏཎྷོཏི བྷགཝཱ, བྷགྒཀིལེསོཏི བྷགཝཱ, བྷཛི ཝིབྷཛི པཝིབྷཛི དྷམྨརཏནནྟི བྷགཝཱ, བྷཝཱནཾ ཨནྟཀརོཏི བྷགཝཱ, བྷཱཝིཏཀཱཡོ བྷཱཝིཏསཱིལོ བྷཱཝིཏཙིཏྟོ བྷཱཝིཏཔཉྙོཏི བྷགཝཱ, བྷཛི ཝཱ བྷགཝཱ ཨརཉྙཝནཔཏྠཱནི ¶ པནྟཱནི སེནཱསནཱནི ཨཔྤསདྡཱནི ཨཔྤནིགྒྷོསཱནི ཝིཛནཝཱཏཱནི མནུསྶརཱཧསྶེཡྻཀཱནི ¶ པཊིསལླཱནསཱརུཔྤཱནཱིཏི བྷགཝཱ, བྷཱགཱི ཝཱ བྷགཝཱ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནནྟི བྷགཝཱ, བྷཱགཱི ཝཱ བྷགཝཱ ཨཏྠརསསྶ དྷམྨརསསྶ ཝིམུཏྟིརསསྶ ཨདྷིསཱིལསྶ ཨདྷིཙིཏྟསྶ ཨདྷིཔཉྙཱཡཱཏི བྷགཝཱ, བྷཱགཱི ཝཱ བྷགཝཱ ཙཏུནྣཾ ཛྷཱནཱནཾ ཙཏུནྣཾ ཨཔྤམཉྙཱནཾ ཙཏུནྣཾ ཨརཱུཔསམཱཔཏྟཱིནནྟི བྷགཝཱ, བྷཱགཱི ཝཱ བྷགཝཱ ཨཊྛནྣཾ ཝིམོཀྑཱནཾ ཨཊྛནྣཾ ཨབྷིབྷཱཡཏནཱནཾ ནཝནྣཾ ཨནུཔུབྦཝིཧཱརསམཱཔཏྟཱིནནྟི བྷགཝཱ, བྷཱགཱི ཝཱ བྷགཝཱ དསནྣཾ པཉྙཱབྷཱཝནཱནཾ དསནྣཾ ཀསིཎསམཱཔཏྟཱིནཾ ཨཱནཱཔཱནསྶཏིསམཱདྷིསྶ ཨསུབྷསམཱཔཏྟིཡཱཏི བྷགཝཱ, བྷཱགཱི ཝཱ བྷགཝཱ ཙཏུནྣཾ སཏིཔཊྛཱནཱནཾ ཙཏུནྣཾ སམྨཔྤདྷཱནཱནཾ ཙཏུནྣཾ ཨིདྡྷིཔཱདཱནཾ པཉྩནྣཾ ཨིནྡྲིཡཱནཾ པཉྩནྣཾ བལཱནཾ སཏྟནྣཾ བོཛ྄ཛྷངྒཱནཾ ཨརིཡསྶ ཨཊྛངྒིཀསྶ མགྒསྶཱཏི བྷགཝཱ, བྷཱགཱི ཝཱ བྷགཝཱ དསནྣཾ ཏཐཱགཏབལཱནཾ ཙཏུནྣཾ ཝེསཱརཛྫཱནཾ ཙཏུནྣཾ པཊིསམྦྷིདཱནཾ ཚནྣཾ ཨབྷིཉྙཱནཾ ཚནྣཾ བུདྡྷདྷམྨཱནནྟི བྷགཝཱ. བྷགཝཱཏི ནེཏཾ ནཱམཾ མཱཏརཱ ཀཏཾ, ན པིཏརཱ ཀཏཾ, ན བྷཱཏརཱ ཀཏཾ, ན བྷགིནིཡཱ ཀཏཾ, ན མིཏྟཱམཙྩེཧི ཀཏཾ, ན ཉཱཏིསཱལོཧིཏེཧི ཀཏཾ ¶ , ན སམཎབྲཱཧྨཎེཧི ཀཏཾ, ན དེཝཏཱཧི ཀཏཾ; ཝིམོཀྑནྟིཀམེཏཾ བུདྡྷཱནཾ བྷགཝནྟཱནཾ བོདྷིཡཱ མཱུལེ སཧ སབྦཉྙུཏཉཱཎསྶ པཊིལཱབྷཱ སཙྪིཀཱ པཉྙཏྟི ཡདིདཾ བྷགཝཱཏི – ཝཱིཏཏཎྷོ པུརཱབྷེདཱཏི བྷགཝཱ.

པུབྦམནྟམནིསྶིཏོཏི ¶ ¶ པུབྦནྟོ ཝུཙྩཏི ཨཏཱིཏོ ཨདྡྷཱ. ཨཏཱིཏཾ ཨདྡྷཱནཾ ཨཱརབྦྷ ཏཎྷཱ པཧཱིནཱ, དིཊྛི པཊིནིསྶཊྛཱ ཏཎྷཱཡ པཧཱིནཏྟཱ, དིཊྛིཡཱ པཊིནིསྶཊྛཏྟཱ. ཨེཝམྤི པུབྦམནྟམནིསྶིཏོ. ཨཐ ཝཱ ‘‘ཨེཝཾརཱུཔོ ཨཧོསིཾ ཨཏཱིཏམདྡྷཱན’’ནྟི ཏཏྠ ནནྡིཾ ན སམནྣཱནེཏི, ‘‘ཨེཝཾཝེདནོ ཨཧོསིཾ… ཨེཝཾསཉྙོ ཨཧོསིཾ… ཨེཝཾསངྑཱརོ ¶ ཨཧོསིཾ… ཨེཝཾཝིཉྙཱཎོ ཨཧོསིཾ ཨཏཱིཏམདྡྷཱན’’ནྟི ཏཏྠ ནནྡིཾ ན སམནྣཱནེཏི. ཨེཝམྤི པུབྦམནྟམནིསྶིཏོ. ཨཐ ཝཱ ‘‘ཨིཏི མེ ཙཀྑུ [ཙཀྑུཾ (སཱི. ཀ.)] ཨཧོསི ཨཏཱིཏམདྡྷཱནཾ – ཨིཏི རཱུཔཱ’’ཏི ཏཏྠ ན ཚནྡརཱགཔཊིབདྡྷཾ ཧོཏི ཝིཉྙཱཎཾ, ན ཚནྡརཱགཔཊིབདྡྷཏྟཱ ཝིཉྙཱཎསྶ ན ཏདབྷིནནྡཏི; ན ཏདབྷིནནྡནྟོ. ཨེཝམྤི པུབྦམནྟམནིསྶིཏོ. ‘‘ཨིཏི མེ སོཏཾ ཨཧོསི ཨཏཱིཏམདྡྷཱནཾ – ཨིཏི སདྡཱ’’ཏི, ‘‘ཨིཏི མེ གྷཱནཾ ཨཧོསི ཨཏཱིཏམདྡྷཱནཾ – ཨིཏི གནྡྷཱ’’ཏི, ‘‘ཨིཏི མེ ཛིཝ྄ཧཱ ཨཧོསི ཨཏཱིཏམདྡྷཱནཾ – ཨིཏི རསཱ’’ཏི, ‘‘ཨིཏི མེ ཀཱཡོ ཨཧོསི ཨཏཱིཏམདྡྷཱནཾ – ཨིཏི ཕོཊྛབྦཱ’’ཏི, ‘‘ཨིཏི མེ མནོ ཨཧོསི ཨཏཱིཏམདྡྷཱནཾ – ཨིཏི དྷམྨཱ’’ཏི ཏཏྠ ན ཚནྡརཱགཔཊིབདྡྷཾ ཧོཏི ཝིཉྙཱཎཾ, ན ཚནྡརཱགཔཊིབདྡྷཏྟཱ ཝིཉྙཱཎསྶ ན ཏདབྷིནནྡཏི; ན ཏདབྷིནནྡནྟོ. ཨེཝམྤི པུབྦམནྟམནིསྶིཏོ. ཨཐ ཝཱ ཡཱནི ཏཱནི པུབྦེ མཱཏུགཱམེན སདྡྷིཾ ཧསིཏལཔིཏཀཱིལི༹ཏཱནི ན ཏདསྶཱདེཏི, ན ཏཾ ནིཀཱམེཏི, ན ཙ ཏེན ཝིཏྟིཾ ཨཱཔཛྫཏི. ཨེཝམྤི པུབྦམནྟམནིསྶིཏོ.

ཝེམཛ྄ཛྷེ ནུཔསངྑེཡྻོཏི. ཝེམཛ྄ཛྷཾ ཝུཙྩཏི པཙྩུཔྤནྣོ ཨདྡྷཱ. པཙྩུཔྤནྣཾ ཨདྡྷཱནཾ ཨཱརབྦྷ ཏཎྷཱ པཧཱིནཱ, དིཊྛི པཊིནིསྶཊྛཱ ¶ . ཏཎྷཱཡ པཧཱིནཏྟཱ, དིཊྛིཡཱ པཊིནིསྶཊྛཏྟཱ རཏྟོཏི ནུཔསངྑེཡྻོ, དུཊྛོཏི ནུཔསངྑེཡྻོ, མཱུལ༹ྷོཏི ནུཔསངྑེཡྻོ, ཝིནིབདྡྷོཏི ནུཔསངྑེཡྻོ, པརཱམཊྛོཏི ནུཔསངྑེཡྻོ, ཝིཀྑེཔགཏོཏི ནུཔསངྑེཡྻོ, ཨནིཊྛངྒཏོཏི ནུཔསངྑེཡྻོ, ཐཱམགཏོཏི ནུཔསངྑེཡྻོ; ཏེ ཨབྷིསངྑཱརཱ པཧཱིནཱ; ཨབྷིསངྑཱརཱནཾ པཧཱིནཏྟཱ གཏིཡཱ ནུཔསངྑེཡྻོ, ནེརཡིཀོཏི ཝཱ ཏིརཙྪཱནཡོནིཀོཏི ཝཱ པེཏྟིཝིསཡིཀོཏི ཝཱ མནུསྶོཏི ཝཱ ¶ དེཝོཏི ཝཱ རཱུཔཱིཏི ¶ ཝཱ ཨརཱུཔཱིཏི ཝཱ སཉྙཱིཏི ཝཱ ཨསཉྙཱིཏི ཝཱ ནེཝསཉྙཱིནཱསཉྙཱིཏི ཝཱ. སོ ཧེཏུ ནཏྠི པཙྩཡོ ནཏྠི ཀཱརཎཾ ནཏྠི ཡེན སངྑཾ གཙྪེཡྻཱཏི – ཝེམཛ྄ཛྷེ ནུཔསངྑེཡྻོ.

ཏསྶ ནཏྠི པུརཀྑཏནྟི. ཏསྶཱཏི ཨརཧཏོ ཁཱིཎཱསཝསྶ. པུརེཀྑཱརཱཏི དྭེ པུརེཀྑཱརཱ – ཏཎྷཱཔུརེཀྑཱརོ ཙ དིཊྛིཔུརེཀྑཱརོ ཙ…པེ… ཨཡཾ ཏཎྷཱཔུརེཀྑཱརོ…པེ… ཨཡཾ དིཊྛིཔུརེཀྑཱརོ. ཏསྶ ཏཎྷཱཔུརེཀྑཱརོ པཧཱིནོ, དིཊྛིཔུརེཀྑཱརོ པཊིནིསྶཊྛོ. ཏཎྷཱཔུརེཀྑཱརསྶ པཧཱིནཏྟཱ, དིཊྛིཔུརེཀྑཱརསྶ པཊིནིསྶཊྛཏྟཱ ན ཏཎྷཾ ཝཱ དིཊྛིཾ ཝཱ པུརཏོ ཀཏྭཱ ཙརཏི, ན ཏཎྷཱདྷཛོ ན ཏཎྷཱཀེཏུ ན ཏཎྷཱདྷིཔཏེཡྻོ, ན དིཊྛིདྷཛོ ན དིཊྛིཀེཏུ ན དིཊྛཱདྷིཔཏེཡྻོ, ན ཏཎྷཱཡ ¶ ཝཱ དིཊྛིཡཱ ཝཱ པརིཝཱརིཏོ ཙརཏི. ཨེཝམྤི ཏསྶ ནཏྠི པུརཀྑཏཾ. ཨཐ ཝཱ ‘‘ཨེཝཾརཱུཔོ སིཡཾ ཨནཱགཏམདྡྷཱན’’ནྟི ཏཏྠ ནནྡིཾ ན སམནྣཱནེཏི, ‘‘ཨེཝཾཝེདནོ ¶ སིཡཾ… ཨེཝཾསཉྙོ སིཡཾ… ཨེཝཾསངྑཱརོ སིཡཾ… ཨེཝཾཝིཉྙཱཎོ སིཡཾ ཨནཱགཏམདྡྷཱན’’ནྟི ཏཏྠ ནནྡིཾ ན སམནྣཱནེཏི. ཨེཝམྤི ཏསྶ ནཏྠི པུརཀྑཏཾ. ཨཐ ཝཱ ‘‘ཨིཏི མེ ཙཀྑུ སིཡཱ ཨནཱགཏམདྡྷཱནཾ – ཨིཏི རཱུཔཱ’’ཏི ཨཔྤཊིལདྡྷསྶ པཊིལཱབྷཱཡ ཙིཏྟཾ ན པཎིདཧཏི, ཙེཏསོ ཨཔྤཎིདྷཱནཔྤཙྩཡཱ ན ཏདབྷིནནྡཏི; ན ཏདབྷིནནྡནྟོ. ཨེཝམྤི ཏསྶ ནཏྠི པུརཀྑཏཾ. ‘‘ཨིཏི མེ སོཏཾ སིཡཱ ཨནཱགཏམདྡྷཱནཾ – ཨིཏི སདྡཱ’’ཏི, ‘‘ཨིཏི མེ གྷཱནཾ སིཡཱ ཨནཱགཏམདྡྷཱནཾ – ཨིཏི གནྡྷཱ’’ཏི, ‘‘ཨིཏི མེ ཛིཝ྄ཧཱ སིཡཱ ཨནཱགཏམདྡྷཱནཾ – ཨིཏི རསཱ’’ཏི, ‘‘ཨིཏི མེ ཀཱཡོ སིཡཱ ཨནཱགཏམདྡྷཱནཾ – ཨིཏི ཕོཊྛབྦཱ’’ཏི, ‘‘ཨིཏི མེ མནོ སིཡཱ ཨནཱགཏམདྡྷཱནཾ – ཨིཏི དྷམྨཱ’’ཏི ཨཔྤཊིལདྡྷསྶ པཊིལཱབྷཱཡ ཙིཏྟཾ ན པཎིདཧཏི, ཙེཏསོ ཨཔྤཎིདྷཱནཔྤཙྩཡཱ ན ཏདབྷིནནྡཏི; ན ཏདབྷིནནྡནྟོ. ཨེཝམྤི ཏསྶ ནཏྠི པུརཀྑཏཾ. ཨཐ ཝཱ ‘‘ཨིམིནཱཧཾ ¶ སཱིལེན ཝཱ ཝཏེན ཝཱ ཏཔེན ཝཱ བྲཧྨཙརིཡེན ཝཱ དེཝོ ཝཱ བྷཝིསྶཱམི དེཝཉྙཏརོ’’ཏི ཝཱ ཨཔྤཊིལདྡྷསྶ པཊིལཱབྷཱཡ ཙིཏྟཾ ན པཎིདཧཏི, ཙེཏསོ ཨཔྤཎིདྷཱནཔྤཙྩཡཱ ན ཏདབྷིནནྡཏི; ན ཏདབྷིནནྡཏོ. ཨེཝམྤི ཏསྶ ནཏྠི པུརཀྑཏཾ.

‘‘ཝཱིཏཏཎྷོ པུརཱབྷེདཱ, [ཨིཏི བྷགཝཱ]

ཨཀྐོདྷནོ ¶ ¶ ཨསནྟཱསཱི, ཨཝིཀཏྠཱི ཨཀུཀྐུཙོ;

མནྟབྷཱཎཱི ཨནུདྡྷཏོ, ས ཝེ ཝཱཙཱཡཏོ མུནི.

ཨཀྐོདྷནོ ཨསནྟཱསཱིཏི. ཨཀྐོདྷནོཏི ཡཉྷི ཁོ ཝུཏྟཾ. ཨཔི ཙ ཀོདྷོ ཏཱཝ ཝཏྟབྦོ. དསཧཱཀཱརེཧི ཀོདྷོ ཛཱཡཏི – ‘‘ཨནཏྠཾ མེ ཨཙརཱི’’ཏི ཀོདྷོ ཛཱཡཏི, ‘‘ཨནཏྠཾ མེ ཙརཏཱི’’ཏི ཀོདྷོ ཛཱཡཏི, ‘‘ཨནཏྠཾ མེ ཙརིསྶཏཱི’’ཏི ཀོདྷོ ཛཱཡཏི, ‘‘པིཡསྶ མེ མནཱཔསྶ ཨནཏྠཾ ཨཙརི… ཨནཏྠཾ ཙརཏི… ཨནཏྠཾ ཙརིསྶཏཱི’’ཏི ཀོདྷོ ཛཱཡཏི, ‘‘ཨཔྤིཡསྶ མེ ཨམནཱཔསྶ ཨཏྠཾ ཨཙརི… ཨཏྠཾ ཙརཏི… ཨཏྠཾ ཙརིསྶཏཱི’’ཏི ཀོདྷོ ཛཱཡཏི, ཨཊྛཱནེ ཝཱ པན ཀོདྷོ ཛཱཡཏི. ཡོ ཨེཝརཱུཔོ ཙིཏྟསྶ ཨཱགྷཱཏོ པཊིགྷཱཏོ, པཊིགྷཾ པཊིཝིརོདྷོ, ཀོཔོ པཀོཔོ སམྤཀོཔོ, དོསོ པདོསོ སམྤདོསོ, ཙིཏྟསྶ བྱཱཔཏྟི མནོཔདོསོ ¶ , ཀོདྷོ ཀུཛ྄ཛྷནཱ ཀུཛ྄ཛྷིཏཏྟཾ, དོསོ དུསྶནཱ དུསྶིཏཏྟཾ, བྱཱཔཏྟི བྱཱཔཛྫནཱ བྱཱཔཛྫིཏཏྟཾ, ཝིརོདྷོ པཊིཝིརོདྷོ ཙཎྜིཀྐཾ, ཨསུརོཔོ [ཨསྶུརོཔོ (སཱི. ཀ.)] ཨནཏྟམནཏཱ ཙིཏྟསྶ – ཨཡཾ ཝུཙྩཏི ཀོདྷོ.

ཨཔི ¶ ཙ ཀོདྷསྶ ཨདྷིམཏྟཔརིཏྟཏཱ ཝེདིཏབྦཱ. ཨཏྠི ཀཉྩི [ཀིཉྩི (ཀ.)] ཀཱལཾ ཀོདྷོ ཙིཏྟཱཝིལཀརཎམཏྟོ ཧོཏི, ན ཙ ཏཱཝ མུཁཀུལཱནཝིཀུལཱནོ ཧོཏི; ཨཏྠི ཀཉྩི ཀཱལཾ ཀོདྷོ མུཁཀུལཱནཝིཀུལཱནམཏྟོ ཧོཏི, ན ཙ ཏཱཝ ཧནུསཉྩོཔནོ ཧོཏི; ཨཏྠི ཀཉྩི ཀཱལཾ ཀོདྷོ ཧནུསཉྩོཔནམཏྟོ ཧོཏི, ན ཙ ཏཱཝ ཕརུསཝཱཙཾ ནིཙྪཱརཎོ [ཕརུསཝཱཙནིཙྪཱརཎོ (སྱཱ.)] ཧོཏི; ཨཏྠི ཀཉྩི ཀཱལཾ ཀོདྷོ ཕརུསཝཱཙཾ ནིཙྪཱརཎམཏྟོ ཧོཏི, ན ཙ ཏཱཝ དིསཱཝིདིསཱནུཝིལོཀནོ ¶ ཧོཏི; ཨཏྠི ཀཉྩི ཀཱལཾ ཀོདྷོ དིསཱཝིདིསཱནུཝིལོཀནམཏྟོ ཧོཏི, ན ཙ ཏཱཝ དཎྜསཏྠཔརཱམསནོ ཧོཏི; ཨཏྠི ཀཉྩི ཀཱལཾ ཀོདྷོ དཎྜསཏྠཔརཱམསནམཏྟོ ཧོཏི, ན ཙ ཏཱཝ དཎྜསཏྠཨབྦྷུཀྐིརཎོ ཧོཏི; ཨཏྠི ཀཉྩི ཀཱལཾ ཀོདྷོ དཎྜསཏྠཨབྦྷུཀྐིརཎམཏྟོ ཧོཏི, ན ཙ ཏཱཝ དཎྜསཏྠཨབྷིནིཔཱཏནོ ཧོཏི; ཨཏྠི ཀཉྩི ཀཱལཾ ཀོདྷོ ¶ དཎྜསཏྠཨབྷིནིཔཱཏམཏྟོ ཧོཏི, ན ཙ ཏཱཝ ཚིནྣཝིཙྪིནྣཀརཎོ ཧོཏི; ཨཏྠི ཀཉྩི ཀཱལཾ ཀོདྷོ ཚིནྣཝིཙྪིནྣཀརཎམཏྟོ ཧོཏི, ན ཙ ཏཱཝ སམྦྷཉྫནཔལིབྷཉྫནོ ཧོཏི; ཨཏྠི ཀཉྩི ཀཱལཾ ཀོདྷོ སམྦྷཉྫནཔལིབྷཉྫནམཏྟོ ཧོཏི, ན ཙ ཏཱཝ ཨངྒམངྒཨཔཀཌྜྷནོ ཧོཏི; ཨཏྠི ཀཉྩི ཀཱལཾ ཀོདྷོ ཨངྒམངྒཨཔཀཌྜྷནམཏྟོ ཧོཏི, ན ཙ ཏཱཝ ཛཱིཝིཏཱཝོརོཔནོ [ཛཱིཝིཏཔནཱསནོ (སྱཱ.)] ཧོཏི; ཨཏྠི ཀཉྩི ཀཱལཾ ཀོདྷོ ཛཱིཝིཏཱཝོརོཔནམཏྟོ ཧོཏི, ན ཙ ཏཱཝ སབྦཙཱགཔརིཙྩཱགཱཡ སཎྛིཏོ ཧོཏི. ཡཏོ ཀོདྷོ པརཔུགྒལཾ གྷཱཊེཏྭཱ ཨཏྟཱནཾ གྷཱཊེཏི, ཨེཏྟཱཝཏཱ ཀོདྷོ པརམུསྶདགཏོ པརམཝེཔུལླཔྤཏྟོ ཧོཏི. ཡསྶ སོ ཀོདྷོ པཧཱིནོ སམུཙྪིནྣོ ཝཱུཔསནྟོ པཊིཔསྶདྡྷོ ¶ ཨབྷབྦུཔྤཏྟིཀོ ཉཱཎགྒིནཱ དཌྜྷོ, སོ ཝུཙྩཏི ཨཀྐོདྷནོ. ཀོདྷསྶ པཧཱིནཏྟཱ ཨཀྐོདྷནོ, ཀོདྷཝཏྠུསྶ པརིཉྙཱཏཏྟཱ ཨཀྐོདྷནོ, ཀོདྷཧེཏུསྶ ཨུཔཙྪིནྣཏྟཱ ཨཀྐོདྷནོཏི – ཨཀྐོདྷནོ.

ཨསནྟཱསཱིཏི ཨིདྷེཀཙྩོ ཏཱསཱི ཧོཏི ཨུཏྟཱསཱི པརིཏྟཱསཱི, སོ ¶ ཏསཏི ན ཨུཏྟསཏི པརིཏྟསཏི བྷཱཡཏི སནྟཱསཾ ཨཱཔཛྫཏི. ཀུལཾ ཝཱ ན ལབྷཱམི, གཎཾ ཝཱ ན ལབྷཱམི, ཨཱཝཱསཾ ཝཱ ན ལབྷཱམི, ལཱབྷཾ ཝཱ ན ལབྷཱམི, ཡསཾ ཝཱ ན ལབྷཱམི, པསཾསཾ ཝཱ ན ལབྷཱམི, སུཁཾ ཝཱ ན ལབྷཱམི, ཙཱིཝརཾ ཝཱ ན ལབྷཱམི, པིཎྜཔཱཏཾ ཝཱ ན ལབྷཱམི, སེནཱསནཾ ཝཱ ན ལབྷཱམི, གིལཱནཔཙྩཡབྷེསཛྫཔརིཀྑཱརཾ ཝཱ ན ལབྷཱམི, གིལཱནུཔཊྛཱཀཾ ཝཱ ན ལབྷཱམི, ཨཔྤཉྙཱཏོམྷཱིཏི ཏསཏི ཨུཏྟསཏི པརིཏྟསཏི བྷཱཡཏི སནྟཱསཾ ཨཱཔཛྫཏི.

ཨིདྷ ¶ བྷིཀྑུ ཨསནྟཱསཱི ཧོཏི ཨནུཏྟཱསཱི ཨཔརིཏྟཱསཱི; སོ ན ཏསཏི ན ཨུཏྟསཏི ན པརིཏྟསཏི ན བྷཱཡཏི ན སནྟཱསཾ ཨཱཔཛྫཏི. ཀུལཾ ཝཱ ན ལབྷཱམི, གཎཾ ཝཱ ན ལབྷཱམི, ཨཱཝཱསཾ ཝཱ ན ལབྷཱམི, ལཱབྷཾ ཝཱ ན ལབྷཱམི, ཡསཾ ཝཱ ན ལབྷཱམི, པསཾསཾ ཝཱ ན ལབྷཱམི, སུཁཾ ཝཱ ན ལབྷཱམི, ཙཱིཝརཾ ཝཱ ན ལབྷཱམི, པིཎྜཔཱཏཾ ཝཱ ན ལབྷཱམི, སེནཱསནཾ ཝཱ ན ལབྷཱམི, གིལཱནཔཙྩཡབྷེསཛྫཔརིཀྑཱརཾ ཝཱ ན ལབྷཱམི, གིལཱནུཔཊྛཱཀཾ ཝཱ ན ལབྷཱམི, ཨཔྤཉྙཱཏོམྷཱིཏི ན ཏསཏི ན ཨུཏྟསཏི ན པརིཏྟསཏི ན བྷཱཡཏི ན སནྟཱསཾ ཨཱཔཛྫཏཱིཏི – ཨཀྐོདྷནོ ཨསནྟཱསཱི.

ཨཝིཀཏྠཱི ཨཀུཀྐུཙོཏི. ཨིདྷེཀཙྩོ ཀཏྠཱི ཧོཏི ཝིཀཏྠཱི, སོ ཀཏྠཏི ཝིཀཏྠཏི – ཨཧམསྨི སཱིལསམྤནྣོཏི ཝཱ ཝཏསམྤནྣོཏི ཝཱ སཱིལབྦཏསམྤནྣོཏི ཝཱ ཛཱཏིཡཱ ཝཱ གོཏྟེན ཝཱ ཀོལཔུཏྟིཡེན ཝཱ ཝཎྞཔོཀྑརཏཱཡ ¶ ཝཱ དྷནེན ཝཱ ཨཛ྄ཛྷེནེན ཝཱ ཀམྨཱཡཏནེན ཝཱ སིཔྤཱཡཏནེན ཝཱ ཝིཛྫཱཊྛཱནེན ཝཱ སུཏེན ཝཱ ¶ པཊིབྷཱནེན ཝཱ ཨཉྙཏརཉྙཏརེན ཝཱ ཝཏྠུནཱ. ཨུཙྩཱ ཀུལཱ ¶ པབྦཛིཏོཏི ཝཱ མཧཱཀུལཱ པབྦཛིཏོཏི ཝཱ, མཧཱབྷོགཀུལཱ པབྦཛིཏོཏི ཝཱ ཨུལཱ༹རབྷོགཀུལཱ པབྦཛིཏོཏི ཝཱ, ཉཱཏོ ཡསསྶཱི གཧཊྛཔབྦཛིཏཱནནྟི ཝཱ, ལཱབྷིམྷི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནནྟི ཝཱ, སུཏྟནྟིཀོཏི ཝཱ ཝིནཡདྷརོཏི ཝཱ དྷམྨཀཐིཀོཏི ཝཱ, ཨཱརཉྙིཀོཏི ཝཱ པིཎྜཔཱཏིཀོཏི ཝཱ པཾསུཀཱུལིཀོཏི ཝཱ ཏེཙཱིཝརིཀོཏི ཝཱ, སཔདཱནཙཱརིཀོཏི ཝཱ ཁལུཔཙྪཱབྷཏྟིཀོཏི ཝཱ ནེསཛྫིཀོཏི ཝཱ ཡཐཱསནྠཏིཀོཏི ཝཱ, པཋམསྶ ཛྷཱནསྶ ལཱབྷཱིཏི ཝཱ དུཏིཡསྶ ཛྷཱནསྶ ལཱབྷཱིཏི ཝཱ ཏཏིཡསྶ ཛྷཱནསྶ ལཱབྷཱིཏི ཝཱ ཙཏུཏྠསྶ ཛྷཱནསྶ ལཱབྷཱིཏི ཝཱ, ཨཱཀཱསཱནཉྩཱཡཏནསམཱཔཏྟིཡཱ… ཝིཉྙཱཎཉྩཱཡཏནསམཱཔཏྟིཡཱ… ཨཱཀིཉྩཉྙཱཡཏནསམཱཔཏྟིཡཱ… ནེཝསཉྙཱནཱསཉྙཱཡཏནསམཱཔཏྟིཡཱ ལཱབྷཱིཏི ཝཱ ཀཏྠཏི ཝིཀཏྠཏི. ཨེཝཾ ན ཀཏྠཏི ན ཝིཀཏྠཏི, ཀཏྠནཱ ཝིཀཏྠནཱ ཨཱརཏོ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏཱིཏི – ཨཝིཀཏྠཱི.

ཨཀུཀྐུཙོཏི. ཀུཀྐུཙྩནྟི ཧཏྠཀུཀྐུཙྩམྤི ཀུཀྐུཙྩཾ, པཱདཀུཀྐུཙྩམྤི ཀུཀྐུཙྩཾ, ཧཏྠཔཱདཀུཀྐུཙྩམྤི ཀུཀྐུཙྩཾ, ཨཀཔྤིཡེ ཀཔྤིཡསཉྙིཏཱ ཀཔྤིཡེ ཨཀཔྤིཡསཉྙིཏཱ, ཝིཀཱལེ ཀཱལསཉྙིཏཱ ཀཱལེ ཝིཀཱལསཉྙིཏཱ, ཨཝཛྫེ ཝཛྫསཉྙིཏཱ ཝཛྫེ ཨཝཛྫསཉྙིཏཱ; ཡཾ ཨེཝརཱུཔཾ ཀུཀྐུཙྩཾ ཀུཀྐུཙྩཱཡནཱ ཀུཀྐུཙྩཱཡིཏཏྟཾ ཙེཏསོ ཝིཔྤཊིསཱརོ མནོཝིལེཁོ – ཨིདཾ ཝུཙྩཏི ཀུཀྐུཙྩཾ.

ཨཔི ¶ ¶ ཙ དྭཱིཧི ཀཱརཎེཧི ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ ཀཏཏྟཱ ཙ ཨཀཏཏྟཱ ཙ. ཀཐཾ ཀཏཏྟཱ ཙ ཨཀཏཏྟཱ ཙ ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ? ‘‘ཀཏཾ མེ ཀཱཡདུཙྩརིཏཾ, ཨཀཏཾ མེ ཀཱཡསུཙརིཏ’’ནྟིཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ; ‘‘ཀཏཾ མེ ཝཙཱིདུཙྩརིཏཾ, ཨཀཏཾ མེ ཝཙཱིསུཙརིཏཾ… ཀཏཾ མེ མནོདུཙྩརིཏཾ, ཨཀཏཾ མེ མནོསུཙརིཏ’’ནྟི – ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ; ‘‘ཀཏོ མེ པཱཎཱཏིཔཱཏོ, ཨཀཏཱ མེ པཱཎཱཏིཔཱཏཱ ཝེརམཎཱི’’ཏི – ཨུཔྤཛྫཏི ཀུཀྐུཙྩཾ ¶ ཙེཏསོ ཝིཔྤཊིསཱརོ མནོཝིལེཁོ; ‘‘ཀཏཾ མེ ཨདིནྣཱདཱནཾ ¶ , ཨཀཏཱ མེ ཨདིནྣཱདཱནཱ ཝེརམཎཱི’’ཏི – ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ; ‘‘ཀཏོ མེ ཀཱམེསུམིཙྪཱཙཱརོ, ཨཀཏཱ མེ ཀཱམེསུམིཙྪཱཙཱརཱ ཝེརམཎཱི’’ཏི – ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ; ‘‘ཀཏོ མེ མུསཱཝཱདོ, ཨཀཏཱ མེ མུསཱཝཱདཱ ཝེརམཎཱི’’ཏི… ‘‘ཀཏཱ མེ པིསུཎཱ ཝཱཙཱ, ཨཀཏཱ མེ པིསུཎཱཡ ཝཱཙཱཡ ཝེརམཎཱི’’ཏི… ‘‘ཀཏཱ མེ ཕརུསཱ ཝཱཙཱ, ཨཀཏཱ མེ ཕརུསཱཡ ཝཱཙཱཡ ཝེརམཎཱི’’ཏི… ‘‘ཀཏོ མེ སམྥཔྤལཱཔོ, ཨཀཏཱ མེ སམྥཔྤལཱཔཱ ཝེརམཎཱི’’ཏི… ‘‘ཀཏཱ མེ ཨབྷིཛ྄ཛྷཱ, ཨཀཏཱ མེ ཨནབྷིཛ྄ཛྷཱ’’ཏི… ‘‘ཀཏོ མེ བྱཱཔཱདོ, ཨཀཏོ མེ ཨབྱཱཔཱདོ’’ཏི… ‘‘ཀཏཱ མེ མིཙྪཱདིཊྛི, ཨཀཏཱ མེ སམྨཱདིཊྛཱི’’ཏི – ཨུཔྤཛྫཏི ཀུཀྐུཙྩཾ ཙེཏསོ ¶ ཝིཔྤཊིསཱརོ མནོཝིལེཁོ. ཨེཝཾ ཀཏཏྟཱ ཙ ཨཀཏཏྟཱ ཙ ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ.

ཨཐ ཝཱ ‘‘སཱིལེསུམྷི ན པརིཔཱུརཀཱརཱི’’ཏི – ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ; ‘‘ཨིནྡྲིཡེསུམྷི ཨགུཏྟདྭཱརོ’’ཏི… ‘‘བྷོཛནེ ཨམཏྟཉྙུམྷཱི’’ཏི… ‘‘ཛཱགརིཡཾ ཨནནུཡུཏྟོམྷཱི’’ཏི… ‘‘ན སཏིསམྤཛཉྙེན སམནྣཱགཏོམྷཱི’’ཏི… ‘‘ཨབྷཱཝིཏཱ མེ ཙཏྟཱརོ སཏིཔཊྛཱནཱ’’ཏི… ‘‘ཨབྷཱཝིཏཱ མེ ཙཏྟཱརོ སམྨཔྤདྷཱནཱ’’ཏི… ‘‘ཨབྷཱཝིཏཱ མེ ཙཏྟཱརོ ཨིདྡྷིཔཱདཱ’’ཏི… ‘‘ཨབྷཱཝིཏཱནི མེ པཉྩིནྡྲིཡཱནཱི’’ཏི… ‘‘ཨབྷཱཝིཏཱནི མེ པཉྩ བལཱནཱི’’ཏི… ‘‘ཨབྷཱཝིཏཱ མེ སཏྟ བོཛ྄ཛྷངྒཱ’’ཏི… ‘‘ཨབྷཱཝིཏོ མེ ཨརིཡོ ཨཊྛངྒིཀོ མགྒོ’’ཏི… ‘‘དུཀྑཾ མེ ཨཔརིཉྙཱཏ’’ནྟི… ‘‘སམུདཡོ མེ ཨཔྤཧཱིནོ’’ཏི… ‘‘མགྒོ མེ ཨབྷཱཝིཏོ’’ཏི… ‘‘ནིརོདྷོ མེ ཨསཙྪིཀཏོ’’ཏི – ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ. ཡསྶེཏཾ ཀུཀྐུཙྩཾ པཧཱིནཾ སམུཙྪིནྣཾ ཝཱུཔསནྟཾ པཊིཔསྶདྡྷཾ ཨབྷབྦུཔྤཏྟིཀཾ ཉཱཎགྒིནཱ དཌྜྷཾ, སོ ཝུཙྩཏི ཨཀུཀྐུཙྩོཏི – ཨཝིཀཏྠཱི ཨཀུཀྐུཙོ.

མནྟབྷཱཎཱི ཨནུདྡྷཏོཏི. མནྟཱ ཝུཙྩཏི པཉྙཱ. ཡཱ པཉྙཱ པཛཱནནཱ…པེ… ཨམོཧོ དྷམྨཝིཙཡོ སམྨཱདིཊྛི. མནྟཱཡ པརིགྒཧེཏྭཱ པརིགྒཧེཏྭཱ ཝཱཙཾ བྷཱསཏི བཧུམྤི ཀཐེནྟོ བཧུམྤི ¶ བྷཎནྟོ བཧུམྤི དཱིཔཡནྟོ བཧུམྤི ཝོཧརནྟོ. དུཀྐཐིཏཾ དུབྦྷཎིཏཾ ¶ དུལླཔིཏཾ དུརུཏྟཾ དུབྦྷཱསིཏཾ ཝཱཙཾ ན བྷཱསཏཱིཏི – མནྟབྷཱཎཱི. ཨནུདྡྷཏོཏི. ཏཏྠ ཀཏམཾ ¶ ཨུདྡྷཙྩཾ? ཡཾ ཙིཏྟསྶ ཨུདྡྷཙྩཾ ¶ ཨཝཱུཔསམོ ཙེཏསོ ཝིཀྑེཔོ བྷནྟཏྟཾ ཙིཏྟསྶ – ཨིདཾ ཝུཙྩཏི ཨུདྡྷཙྩཾ. ཡསྶེཏཾ ཨུདྡྷཙྩཾ པཧཱིནཾ སམུཙྪིནྣཾ ཝཱུཔསནྟཾ པཊིཔསྶདྡྷཾ ཨབྷབྦུཔྤཏྟིཀཾ ཉཱཎགྒིནཱ དཌྜྷཾ, སོ ཝུཙྩཏི ཨནུདྡྷཏོཏི – མནྟབྷཱཎཱི ཨནུདྡྷཏོ.

ས ཝེ ཝཱཙཱཡཏོ མུནཱིཏི. ཨིདྷ བྷིཀྑུ མུསཱཝཱདཾ པཧཱཡ མུསཱཝཱདཱ པཊིཝིརཏོ ཧོཏི སཙྩཝཱདཱི སཙྩསནྡྷོ ཐེཏོ པཙྩཡིཀོ ཨཝིསཾཝཱདཀོ ལོཀསྶ. པིསུཎཾ ཝཱཙཾ པཧཱཡ པིསུཎཱཡ ཝཱཙཱཡ པཊིཝིརཏོ ཧོཏི – ཨིཏོ སུཏྭཱ ན ཨམུཏྲ ཨཀྑཱཏཱ ཨིམེསཾ བྷེདཱཡ, ཨམུཏྲ ཝཱ སུཏྭཱ ན ཨིམེསཾ ཨཀྑཱཏཱ ཨམཱུསཾ བྷེདཱཡ. ཨིཏི བྷིནྣཱནཾ ཝཱ སནྡྷཱཏཱ, སཧིཏཱནཾ ཝཱ ཨནུཔྤདཱཏཱ, སམགྒཱརཱམོ སམགྒརཏོ སམགྒནནྡཱི སམགྒཀརཎིཾ ཝཱཙཾ བྷཱསིཏཱ ཧོཏི. ཕརུསཾ ཝཱཙཾ པཧཱཡ ཕརུསཱཡ ཝཱཙཱཡ པཊིཝིརཏོ ཧོཏི – ཡཱ སཱ ཝཱཙཱ ནེལཱ ཀཎྞསུཁཱ པེམནཱིཡཱ ཧདཡངྒམཱ པོརཱི བཧུཛནཀནྟཱ བཧུཛནམནཱཔཱ ཏཐཱརཱུཔིཾ ཝཱཙཾ བྷཱསིཏཱ ཧོཏི. སམྥཔྤལཱཔཾ པཧཱཡ སམྥཔྤལཱཔཱ པཊིཝིརཏོ ཧོཏི – ཀཱལཝཱདཱི བྷཱུཏཝཱདཱི ཨཏྠཝཱདཱི དྷམྨཝཱདཱི ཝིནཡཝཱདཱི ནིདྷཱནཝཏིཾ ཝཱཙཾ བྷཱསིཏཱ ཧོཏི ཀཱལེན སཱཔདེསཾ པརིཡནྟཝཏིཾ ཨཏྠསཾཧིཏཾ. ཙཏཱུཧི ཝཙཱིསུཙརིཏེཧི སམནྣཱགཏོ ཙཏུདྡོསཱཔགཏཾ ཝཱཙཾ བྷཱསཏི, བཱཏྟིཾསཱཡ ཏིརཙྪཱནཀཐཱཡ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏི.

དས ཀཐཱཝཏྠཱུནི ཀཐེསི, སེཡྻཐིདཾ – ཨཔྤིཙྪཀཐཾ ཀཐེཏི, སནྟུཊྛཱིཀཐཾ ¶ ཀཐེཏི, པཝིཝེཀཀཐཾ… ཨསཾསགྒཀཐཾ… ཝཱིརིཡཱརམྦྷཀཐཾ… སཱིལཀཐཾ… སམཱདྷིཀཐཾ… པཉྙཱཀཐཾ… ཝིམུཏྟིཀཐཾ ¶ … ཝིམུཏྟིཉཱཎདསྶནཀཐཾ… སཏིཔཊྛཱནཀཐཾ… སམྨཔྤདྷཱནཀཐཾ… ཨིདྡྷིཔཱདཀཐཾ… ཨིནྡྲིཡཀཐཾ… བལཀཐཾ… བོཛ྄ཛྷངྒཀཐཾ… མགྒཀཐཾ… ཕལཀཐཾ… ནིབྦཱནཀཐཾ ཀཐེཏི. ཝཱཙཱཡཏོཏི ཡཏྟོ པརིཡཏྟོ གུཏྟོ གོཔིཏོ རཀྑིཏོ ཝཱུཔསནྟོ. མུནཱིཏི. མོནཾ ཝུཙྩཏི ཉཱཎཾ. ཡཱ པཉྙཱ པཛཱནནཱ…པེ… ཨམོཧོ དྷམྨཝིཙཡོ སམྨཱདིཊྛི…པེ… སངྒཛཱལམཏིཙྩ སོ མུནཱིཏི – ས ཝེ ཝཱཙཱཡཏོ མུནི.

‘‘ཨཀྐོདྷནོ ཨསནྟཱསཱི, ཨཝིཀཏྠཱི ཨཀུཀྐུཙོ;

མནྟབྷཱཎཱི ཨནུདྡྷཏོ, ས ཝེ ཝཱཙཱཡཏོ མུནཱི’’ཏི.

ནིརཱསཏྟི ¶ ¶ ཨནཱགཏེ, ཨཏཱིཏཾ ནཱནུསོཙཏི;

ཝིཝེཀདསྶཱི ཕསྶེསུ, དིཊྛཱིསུ ཙ ན ནཱིཡཏི.

ནིརཱསཏྟི ཨནཱགཏེཏི. ཨཱསཏྟི ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཡསྶེསཱ ཨཱསཏྟི ཏཎྷཱ པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱཏི. ཨེཝམྤི ནིརཱསཏྟི ཨནཱགཏེ. ཨཐ ཝཱ ‘‘ཨེཝཾརཱུཔོ སིཡཾ ཨནཱགཏམདྡྷཱན’’ནྟི ཏཏྠ ནནྡིཾ ན སམནྣཱནེཏི, ‘‘ཨེཝཾཝེདནོ སིཡཾ… ཨེཝཾསཉྙོ སིཡཾ… ཨེཝཾསངྑཱརོ སིཡཾ… ཨེཝཾཝིཉྙཱཎོ སིཡཾ ཨནཱགཏམདྡྷཱན’’ནྟི ཏཏྠ ནནྡིཾ ན སམནྣཱནེཏི. ཨེཝམྤི ནིརཱསཏྟི ཨནཱགཏེ. ཨཐ ཝཱ ‘‘ཨིཏི མེ ཙཀྑུ སིཡཱ ཨནཱགཏམདྡྷཱནཾ – ཨིཏི རཱུཔཱ’’ཏི ཨཔྤཊིལདྡྷསྶ པཊིལཱབྷཱཡ ཙིཏྟཾ ན པཎིདཧཏི ¶ , ཙེཏསོ ཨཔྤཎིདྷཱནཔྤཙྩཡཱ ན ཏདབྷིནནྡཏི; ན ཏདབྷིནནྡནྟོ. ཨེཝམྤི ནིརཱསཏྟི ཨནཱགཏེ. ‘‘ཨིཏི མེ སོཏཾ སིཡཱ ཨནཱགཏམདྡྷཱནཾ – ཨིཏི སདྡཱ’’ཏི…པེ… ‘‘ཨིཏི མེ མནོ སིཡཱ ཨནཱགཏམདྡྷཱནཾ – ཨིཏི དྷམྨཱ’’ཏི ཨཔྤཊིལདྡྷསྶ པཊིལཱབྷཱཡ ཙིཏྟཾ ན པཎིདཧཏི, ཙེཏསོ ཨཔྤཎིདྷཱནཔྤཙྩཡཱ ¶ ན ཏདབྷིནནྡཏི; ན ཏདབྷིནནྡནྟོ. ཨེཝམྤི ནིརཱསཏྟི ཨནཱགཏེ. ཨཐ ཝཱ ‘‘ཨིམིནཱཧཾ སཱིལེན ཝཱ ཝཏེན ཝཱ ཏཔེན ཝཱ བྲཧྨཙརིཡེན ཝཱ དེཝོ ཝཱ བྷཝིསྶཱམི དེཝཉྙཏརོ ཝཱ’’ཏི ཨཔྤཊིལདྡྷསྶ པཊིལཱབྷཱཡ ཙིཏྟཾ ན པཎིདཧཏི, ཙེཏསོ ཨཔྤཎིདྷཱནཔྤཙྩཡཱ ན ཏདབྷིནནྡཏི; ན ཏདབྷིནནྡནྟོ. ཨེཝམྤི ནིརཱསཏྟི ཨནཱགཏེ.

ཨཏཱིཏཾ ནཱནུསོཙཏཱིཏི. ཝིཔརིཎཏཾ ཝཱ ཝཏྠུཾ ན སོཙཏི, ཝིཔརིཎཏསྨིཾ ཝཱ ཝཏྠུསྨིཾ ན སོཙཏི, ‘‘ཙཀྑུ མེ ཝིཔརིཎཏ’’ནྟི ན སོཙཏི, ‘‘སོཏཾ མེ… གྷཱནཾ མེ… ཛིཝ྄ཧཱ མེ… ཀཱཡོ མེ… རཱུཔཱ མེ… སདྡཱ མེ… གནྡྷཱ མེ… རསཱ མེ… ཕོཊྛབྦཱ མེ… ཀུལཾ མེ… གཎོ མེ… ཨཱཝཱསོ མེ… ལཱབྷོ མེ… ཡསོ མེ… པསཾསཱ མེ… སུཁཾ མེ… ཙཱིཝརཾ མེ… པིཎྜཔཱཏོ མེ… སེནཱསནཾ མེ… གིལཱནཔཙྩཡབྷེསཛྫཔརིཀྑཱརོ མེ… མཱཏཱ མེ… པིཏཱ མེ… བྷཱཏཱ མེ… བྷགིནཱི མེ… པུཏྟོ མེ… དྷཱིཏཱ མེ… མིཏྟཱ མེ… ཨམཙྩཱ མེ… ཉཱཏཀཱ མེ… སཱལོཧིཏཱ མེ ཝིཔརིཎཏཱ’’ཏི ན སོཙཏི ན ཀིལམཏི ན པརིདེཝཏི ན ཨུརཏྟཱལི༹ཾ ཀནྡཏི ན སམྨོཧཾ ཨཱཔཛྫཏཱིཏི – ཨཏཱིཏཾ ནཱནུསོཙཏི.

ཝིཝེཀདསྶཱི ¶ ¶ ཕསྶེསཱུཏི. ཙཀྑུསམྥསྶོ སོཏསམྥསྶོ གྷཱནསམྥསྶོ ཛིཝ྄ཧཱསམྥསྶོ ཀཱཡསམྥསྶོ མནོསམྥསྶོ, ཨདྷིཝཙནསམྥསྶོ པཊིགྷསམྥསྶོ, སུཁཝེདནཱིཡོ ཕསྶོ དུཀྑཝེདནཱིཡོ ཕསྶོ ཨདུཀྑམསུཁཝེདནཱིཡོ ཕསྶོ, ཀུསལོ ཕསྶོ ཨཀུསལོ ཕསྶོ ཨབྱཱཀཏོ ¶ ཕསྶོ, ཀཱམཱཝཙརོ ཕསྶོ རཱུཔཱཝཙརོ ཕསྶོ ཨརཱུཔཱཝཙརོ ཕསྶོ, སུཉྙཏོ ཕསྶོ ཨནིམིཏྟོ ཕསྶོ ཨཔྤཎིཧིཏོ ཕསྶོ, ལོཀིཡོ ཕསྶོ ལོཀུཏྟརོ ཕསྶོ, ཨཏཱིཏོ ཕསྶོ ཨནཱགཏོ ཕསྶོ པཙྩུཔྤནྣོ ཕསྶོ; ཡོ ཨེཝརཱུཔོ ཕསྶོ ཕུསནཱ སམྥུསནཱ སམྥུསིཏཏྟཾ – ཨཡཾ ཝུཙྩཏི ཕསྶོ.

ཝིཝེཀདསྶཱི ཕསྶེསཱུཏི. ཙཀྑུསམྥསྶཾ ཝིཝིཏྟཾ པསྶཏི ཨཏྟེན ཝཱ ཨཏྟནིཡེན ཝཱ ནིཙྩེན ཝཱ དྷུཝེན ཝཱ སསྶཏེན ཝཱ ཨཝིཔརིཎཱམདྷམྨེན ཝཱ, སོཏསམྥསྶཾ ཝིཝིཏྟཾ ¶ པསྶཏི… གྷཱནསམྥསྶཾ ཝིཝིཏྟཾ པསྶཏི… ཛིཝ྄ཧཱསམྥསྶཾ ཝིཝིཏྟཾ པསྶཏི… ཀཱཡསམྥསྶཾ ཝིཝིཏྟཾ པསྶཏི… མནོསམྥསྶཾ ཝིཝིཏྟཾ པསྶཏི… ཨདྷིཝཙནསམྥསྶཾ ཝིཝིཏྟཾ པསྶཏི… པཊིགྷསམྥསྶཾ ཝིཝིཏྟཾ པསྶཏི… སུཁཝེདནཱིཡཾ ཕསྶཾ… དུཀྑཝེདནཱིཡཾ ཕསྶཾ… ཨདུཀྑམསུཁཝེདནཱིཡཾ ཕསྶཾ… ཀུསལཾ ཕསྶཾ… ཨཀུསལཾ ཕསྶཾ… ཨབྱཱཀཏཾ ཕསྶཾ… ཀཱམཱཝཙརཾ ཕསྶཾ… རཱུཔཱཝཙརཾ ཕསྶཾ… ཨརཱུཔཱཝཙརཾ ཕསྶཾ… ལོཀིཡཾ ཕསྶཾ ཝིཝིཏྟཾ པསྶཏི ཨཏྟེན ཝཱ ཨཏྟནིཡེན ཝཱ ནིཙྩེན ཝཱ དྷུཝེན ཝཱ སསྶཏེན ཝཱ ཨཝིཔརིཎཱམདྷམྨེན ཝཱ.

ཨཐ ཝཱ ཨཏཱིཏཾ ཕསྶཾ ཨནཱགཏེཧི ཙ པཙྩུཔྤནྣེཧི ཙ ཕསྶེཧི ¶ ཝིཝིཏྟཾ པསྶཏི, ཨནཱགཏཾ ཕསྶཾ ཨཏཱིཏེཧི ཙ པཙྩུཔྤནྣེཧི ཙ ཕསྶེཧི ཝིཝིཏྟཾ པསྶཏི, པཙྩུཔྤནྣཾ ཕསྶཾ ཨཏཱིཏེཧི ཙ ཨནཱགཏེཧི ཙ ཕསྶེཧི ཝིཝིཏྟཾ པསྶཏི. ཨཐ ཝཱ ཡེ ཏེ ཕསྶཱ ཨརིཡཱ ཨནཱསཝཱ ལོཀུཏྟརཱ སུཉྙཏཔཊིསཉྙུཏྟཱ, ཏེ ཕསྶེ ཝིཝིཏྟེ པསྶཏི རཱགེན དོསེན མོཧེན ཀོདྷེན ཨུཔནཱཧེན མཀྑེན པལཱ༹སེན ཨིསྶཱཡ མཙྪརིཡེན མཱཡཱཡ སཱཋེཡྻེན ཐམྦྷེན སཱརམྦྷེན མཱནེན ཨཏིམཱནེན མདེན པམཱདེན སབྦཀིལེསེཧི སབྦདུཙྩརིཏེཧི སབྦདརཐེཧི སབྦཔརིལཱ༹ཧེཧི སབྦསནྟཱཔེཧི སབྦཱཀུསལཱབྷིསངྑཱརེཧི ཝིཝིཏྟེ པསྶཏཱིཏི – ཝིཝེཀདསྶཱི ཕསྶེསུ.

དིཊྛཱིསུ ཙ ན ནཱིཡཏཱིཏི. ཏསྶ དྭཱསཊྛི དིཊྛིགཏཱནི པཧཱིནཱནི སམུཙྪིནྣཱནི ཝཱུཔསནྟཱནི པཊིཔསྶདྡྷཱནི ཨབྷབྦུཔྤཏྟིཀཱནི ཉཱཎགྒིནཱ དཌྜྷཱནི. སོ དིཊྛིཡཱ ན ¶ ཡཱཡཏི ན ནཱིཡཏི ན ཝུཡ྄ཧཏི ན སཾཧརཱིཡཏི; ནཔི ཏཾ དིཊྛིགཏཾ སཱརཏོ པཙྩེཏི ན པཙྩཱགཙྪཏཱིཏི – དིཊྛཱིསུ ཙ ན ནཱིཡཏི.

‘‘ནིརཱསཏྟི ¶ ཨནཱགཏེ, ཨཏཱིཏཾ ནཱནུསོཙཏི;

ཝིཝེཀདསྶཱི ཕསྶེསུ, དིཊྛཱིསུ ཙ ན ནཱིཡཏཱི’’ཏི.

པཏིལཱིནོ ཨཀུཧཀོ, ཨཔིཧཱལུ ཨམཙྪརཱི;

ཨཔྤགབྦྷོ ཨཛེགུཙྪོ, པེསུཎེཡྻེ ཙ ནོ ཡུཏོ.

པཏིལཱིནོ ཨཀུཧཀོཏི. པཏིལཱིནོཏི རཱགསྶ པཧཱིནཏྟཱ པཏིལཱིནོ, དོསསྶ པཧཱིནཏྟཱ པཏིལཱིནོ, མོཧསྶ པཧཱིནཏྟཱ པཏིལཱིནོ, ཀོདྷསྶ… ཨུཔནཱཧསྶ ¶ … མཀྑསྶ… པལཱ༹སསྶ… ཨིསྶཱཡ… མཙྪརིཡསྶ…པེ… སབྦཱཀུསལཱབྷིསངྑཱརཱནཾ པཧཱིནཏྟཱ པཏིལཱིནོ. ཝུཏྟཉྷེཏཾ བྷགཝཏཱ – ‘‘ཀཐཉྩ, བྷིཀྑཝེ, བྷིཀྑུ པཏིལཱིནོ ཧོཏི? ཨིམསྶ, བྷིཀྑཝེ, བྷིཀྑུནོ ཨསྨིམཱནོ པཧཱིནོ ཧོཏི ཨུཙྪིནྣམཱུལོ ཏཱལཱཝཏྠུཀཏོ ཨནབྷཱཝཾཀཏོ ཨཱཡཏིཾ ཨནུཔྤཱདདྷམྨོ. ཨེཝཾ ཁོ, བྷིཀྑཝེ, བྷིཀྑུ པཏིལཱིནོ ཧོཏཱི’’ཏི – པཏིལཱིནོ.

ཨཀུཧཀོཏི ཏཱིཎི ཀུཧནཝཏྠཱུནི – པཙྩཡཔཊིསེཝནསངྑཱཏཾ ཀུཧནཝཏྠུ, ཨིརིཡཱཔཐསངྑཱཏཾ ཀུཧནཝཏྠུ, སཱམནྟཛཔྤནསངྑཱཏཾ ཀུཧནཝཏྠུ.

ཀཏམཾ པཙྩཡཔཊིསེཝནསངྑཱཏཾ ཀུཧནཝཏྠུ? ཨིདྷ གཧཔཏིཀཱ བྷིཀྑུཾ ནིམནྟེནྟི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརེཧི. སོ པཱཔིཙྪོ ཨིཙྪཱཔཀཏོ ཨཏྠིཀོ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནཾ བྷིཡྻོཀམྱཏཾ ཨུཔཱདཱཡ ཙཱིཝརཾ པཙྩཀྑཱཏི, པིཎྜཔཱཏཾ པཙྩཀྑཱཏི, སེནཱསནཾ པཙྩཀྑཱཏི, གིལཱནཔཙྩཡབྷེསཛྫཔརིཀྑཱརཾ པཙྩཀྑཱཏི. སོ ཨེཝམཱཧ – ‘‘ཀིཾ སམཎསྶ མཧགྒྷེན ཙཱིཝརེན! ཨེཏཾ སཱརུཔྤཾ ཡཾ སམཎོ སུསཱནཱ ཝཱ སངྐཱརཀཱུཊཱ ཝཱ པཱཔཎིཀཱ ཝཱ ནནྟཀཱནི ཨུཙྩིནིཏྭཱ སངྒྷཱཊིཾ ཀཏྭཱ དྷཱརེཡྻ. ཀིཾ སམཎསྶ མཧགྒྷེན པིཎྜཔཱཏེན ¶ ! ཨེཏཾ སཱརུཔྤཾ ཡཾ སམཎོ ཨུཉྪཱཙརིཡཱཡ པིཎྜིཡཱལོཔེན ཛཱིཝིཀཾ ཀཔྤེཡྻ. ཀིཾ སམཎསྶ མཧགྒྷེན སེནཱསནེན! ཨེཏཾ སཱརུཔྤཾ ཡཾ སམཎོ རུཀྑམཱུལིཀོ ཝཱ ཨསྶ སོསཱནིཀོ ཝཱ ཨབྦྷོཀཱསིཀོ ¶ ཝཱ. ཀིཾ སམཎསྶ མཧགྒྷེན གིལཱནཔཙྩཡབྷེསཛྫཔརིཀྑཱརེན! ཨེཏཾ སཱརུཔྤཾ ཡཾ སམཎོ པཱུཏིམུཏྟེན ཝཱ ཧརིཏཀཱིཁཎྜེན ཝཱ ཨོསདྷཾ ཀརེཡྻཱ’’ཏི. ཏདུཔཱདཱཡ ལཱུཁཾ ཙཱིཝརཾ དྷཱརེཏི, ལཱུཁཾ པིཎྜཔཱཏཾ པརིབྷུཉྫཏི, ལཱུཁཾ སེནཱསནཾ པཊིསེཝཏི ¶ , ལཱུཁཾ གིལཱནཔཙྩཡབྷེསཛྫཔརིཀྑཱརཾ པཊིསེཝཏི. ཏམེནཾ གཧཔཏིཀཱ ཨེཝཾ ཛཱནནྟི – ‘‘ཨཡཾ སམཎོ ཨཔྤིཙྪོ སནྟུཊྛོ པཝིཝིཏྟོ ཨསཾསཊྛོ ཨཱརདྡྷཝཱིརིཡོ ¶ དྷུཏཝཱདོ’’ཏི བྷིཡྻོ བྷིཡྻོ ནིམནྟེནྟི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརེཧི. སོ ཨེཝམཱཧ – ‘‘ཏིཎྞཾ སམྨུཁཱིབྷཱཝཱ སདྡྷོ ཀུལཔུཏྟོ བཧུཾ པུཉྙཾ པསཝཏི. སདྡྷཱཡ སམྨུཁཱིབྷཱཝཱ སདྡྷོ ཀུལཔུཏྟོ བཧུཾ པུཉྙཾ པསཝཏི, དེཡྻདྷམྨསྶ སམྨུཁཱིབྷཱཝཱ སདྡྷོ ཀུལཔུཏྟོ བཧུཾ པུཉྙཾ པསཝཏི, དཀྑིཎེཡྻཱནཾ སམྨུཁཱིབྷཱཝཱ སདྡྷོ ཀུལཔུཏྟོ བཧུཾ པུཉྙཾ པསཝཏི. ‘ཏུམྷཱཀཉྩེཝཱཡཾ སདྡྷཱ ཨཏྠི, དེཡྻདྷམྨོ ཙ སཾཝིཛྫཏི, ཨཧཉྩ པཊིགྒཱཧཀོ. སཙེཧཾ ན པཊིགྒཧེསྶཱམི, ཨེཝཾ ཏུམྷེ པུཉྙེན པརིབཱཧིརཱ བྷཝིསྶནྟི. ན མཡ྄ཧཾ ཨིམིནཱ ཨཏྠོ. ཨཔི ཙ ཏུམྷཱཀཾཡེཝ ཨནུཀམྤཱཡ པཊིགྒཎྷཱམཱི’’’ཏི. ཏདུཔཱདཱཡ བཧུམྤི ཙཱིཝརཾ པཊིགྒཎྷཱཏི, བཧུམྤི པིཎྜཔཱཏཾ པཊིགྒཎྷཱཏི, བཧུམྤི གིལཱནཔཙྩཡབྷེསཛྫཔརིཀྑཱརཾ པཊིགྒཎྷཱཏི. ཡཱ ཨེཝརཱུཔཱ བྷཱཀུཊིཀཱ བྷཱཀུཊིཡཾ ཀུཧནཱ ཀུཧཱཡནཱ ཀུཧིཏཏྟཾ – ཨིདཾ པཙྩཡཔཊིསེཝནསངྑཱཏཾ ཀུཧནཝཏྠུ.

ཀཏམཾ ¶ ཨིརིཡཱཔཐསངྑཱཏཾ ཀུཧནཝཏྠུ? ཨིདྷེཀཙྩོ པཱཔིཙྪོ ཨིཙྪཱཔཀཏོ སམྦྷཱཝནཱདྷིཔྤཱཡོ, ‘‘ཨེཝཾ མཾ ཛནོ སམྦྷཱཝེསྶཏཱི’’ཏི, གམནཾ སཎྛཔེཏི ཋཱནཾ སཎྛཔེཏི ¶ ནིསཛྫཾ སཎྛཔེཏི སཡནཾ སཎྛཔེཏི, པཎིདྷཱཡ གཙྪཏི པཎིདྷཱཡ ཏིཊྛཏི པཎིདྷཱཡ ནིསཱིདཏི པཎིདྷཱཡ སེཡྻཾ ཀཔྤེཏི, སམཱཧིཏོ ཝིཡ གཙྪཏི སམཱཧིཏོ ཝིཡ ཏིཊྛཏི སམཱཧིཏོ ཝིཡ ནིསཱིདཏི སམཱཧིཏོ ཝིཡ སེཡྻཾ ཀཔྤེཏི, ཨཱཔཱཐཀཛ྄ཛྷཱཡཱིཝ ཧོཏི. ཡཱ ཨེཝརཱུཔཱ ཨིརིཡཱཔཐསྶ ཋཔནཱ ཨཱཋཔནཱ [ཨཊྛཔནཱ (སཱི.)] སཎྛཔནཱ བྷཱཀུཊིཀཱ བྷཱཀུཊིཡཾ ཀུཧནཱ ཀུཧཱཡནཱ ཀུཧིཏཏྟཾ – ཨིདཾ ཨིརིཡཱཔཐསངྑཱཏཾ ཀུཧནཝཏྠུ.

ཀཏམཾ སཱམནྟཛཔྤནསངྑཱཏཾ ཀུཧནཝཏྠུ? ཨིདྷེཀཙྩོ པཱཔིཙྪོ ཨིཙྪཱཔཀཏོ སམྦྷཱཝནཱདྷིཔྤཱཡོ, ‘‘ཨེཝཾ མཾ ཛནོ སམྦྷཱཝེསྶཏཱི’’ཏི, ཨརིཡདྷམྨསནྣིསྶིཏཾ ཝཱཙཾ བྷཱསཏི. ‘‘ཡོ ཨེཝརཱུཔཾ ཙཱིཝརཾ དྷཱརེཏི སོ སམཎོ མཧེསཀྑོ’’ཏི བྷཎཏི; ‘‘ཡོ ཨེཝརཱུཔཾ པཏྟཾ དྷཱརེཏི… ལོཧཐཱལཀཾ དྷཱརེཏི… དྷམྨཀརཎཾ དྷཱརེཏི… པརིསཱཝནཾ དྷཱརེཏི… ཀུཉྩིཀཾ དྷཱརེཏི… ཨུཔཱཧནཾ དྷཱརེཏི… ཀཱཡབནྡྷནཾ དྷཱརེཏི… ཨཱཡོགཾ དྷཱརེཏི སོ སམཎོ ¶ མཧེསཀྑོ’’ཏི བྷཎཏི; ‘‘ཡསྶ ཨེཝརཱུཔོ ཨུཔཛ྄ཛྷཱཡོ སོ སམཎོ མཧེསཀྑོ’’ཏི བྷཎཏི; ‘‘ཡསྶ ཨེཝརཱུཔོ ཨཱཙརིཡོ… ཨེཝརཱུཔཱ སམཱནུཔཛ྄ཛྷཱཡཀཱ… སམཱནཱཙརིཡཀཱ… མིཏྟཱ… སནྡིཊྛཱ… སམྦྷཏྟཱ… སཧཱཡཱ སོ སམཎོ མཧེསཀྑོ’’ཏི བྷཎཏི; ‘‘ཡོ ཨེཝརཱུཔེ ཝིཧཱརེ ཝསཏི སོ སམཎོ མཧེསཀྑོ’’ཏི བྷཎཏི; ‘‘ཡོ ཨེཝརཱུཔེ ¶ ཨཌྜྷཡོགེ ཝསཏི… པཱསཱདེ ཝསཏི… ཧམྨིཡེ ཝསཏི… གུཧཱཡཾ ཝསཏི… ལེཎེ ཝསཏི… ཀུཊིཡཱ ཝསཏི… ཀཱུཊཱགཱརེ ཝསཏི… ཨཊྚེ ཝསཏི ¶ … མཱལེ༹ ཝསཏི… ཨུདྡཎྜེ ཝསཏི… ཨུཔཊྛཱནསཱལཱཡཾ ཝསཏི… མཎྜཔེ ཝསཏི… རུཀྑམཱུལེ ཝསཏི, སོ སམཎོ མཧེསཀྑོ’’ཏི བྷཎཏི.

ཨཐ ཝཱ ཀོརཛིཀཀོརཛིཀོ [ཀོརཉྫིཀཀོརཉྫིཀོ (སཱི.)] བྷཱཀུཊིཀབྷཱཀུཊིཀོ ཀུཧཀཀུཧཀོ ལཔཀལཔཀོ མུཁསམྦྷཱཝིཀོ, ‘‘ཨཡཾ སམཎོ ཨིམཱསཾ ཨེཝརཱུཔཱནཾ སནྟཱནཾ ཝིཧཱརསམཱཔཏྟཱིནཾ ལཱབྷཱི’’ཏི ཏཱདིསཾ གམྦྷཱིརཾ གཱུལ༹ྷཾ ནིཔུཎཾ པཊིཙྪནྣཾ ལོཀུཏྟརཾ སུཉྙཏཱཔཊིསཾཡུཏྟཾ ¶ ཀཐཾ ཀཐེསི. ཡཱ ཨེཝརཱུཔཱ བྷཱཀུཊིཀཱ བྷཱཀུཊིཡཾ ཀུཧནཱ ཀུཧཱཡནཱ ཀུཧིཏཏྟཾ – ཨིདཾ སཱམནྟཛཔྤནསངྑཱཏཾ ཀུཧནཝཏྠུ. ཡསྶིམཱནི ཏཱིཎི ཀུཧནཝཏྠཱུནི པཧཱིནཱནི སམུཙྪིནྣཱནི ཝཱུཔསནྟཱནི པཊིཔསྶདྡྷཱནི ཨབྷབྦུཔྤཏྟིཀཱནི ཉཱཎགྒིནཱ དཌྜྷཱནི, སོ ཝུཙྩཏི ཨཀུཧཀོཏི – པཏིལཱིནོ ཨཀུཧཀོ.

ཨཔིཧཱལུ ཨམཙྪརཱིཏི. པིཧཱ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཡསྶེསཱ པིཧཱ ཏཎྷཱ པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱ, སོ ཝུཙྩཏི ཨཔིཧཱལུ. སོ རཱུཔེ ན པིཧེཏི, སདྡེ… གནྡྷེ… རསེ… ཕོཊྛབྦེ… ཀུལཾ… གཎཾ… ཨཱཝཱསཾ… ལཱབྷཾ… ཡསཾ… པསཾསཾ… སུཁཾ… ཙཱིཝརཾ… པིཎྜཔཱཏཾ… སེནཱསནཾ… གིལཱནཔཙྩཡབྷེསཛྫཔརིཀྑཱརཾ… ཀཱམདྷཱཏུཾ… རཱུཔདྷཱཏུཾ… ཨརཱུཔདྷཱཏུཾ… ཀཱམབྷཝཾ… རཱུཔབྷཝཾ… ཨརཱུཔབྷཝཾ… སཉྙཱབྷཝཾ… ཨསཉྙཱབྷཝཾ ¶ … ནེཝསཉྙཱནཱསཉྙཱབྷཝཾ… ཨེཀཝོཀཱརབྷཝཾ… ཙཏུཝོཀཱརབྷཝཾ… པཉྩཝོཀཱརབྷཝཾ… ཨཏཱིཏཾ… ཨནཱགཏཾ… པཙྩུཔྤནྣཾ… དིཊྛསུཏམུཏཝིཉྙཱཏབྦེ དྷམྨེ ན པིཧེཏི ན ཨིཙྪཏི ན སཱདིཡཏི ན པཏྠེཏི ནཱབྷིཛཔྤཏཱིཏི – ཨཔིཧཱལུ. ཨམཙྪརཱིཏི པཉྩ མཙྪརིཡཱནི – ཨཱཝཱསམཙྪརིཡཾ, ཀུལམཙྪརིཡཾ, ལཱབྷམཙྪརིཡཾ, ཝཎྞམཙྪརིཡཾ, དྷམྨམཙྪརིཡཾ. ཡཾ ཨེཝརཱུཔཾ མཙྪརཾ མཙྪརཱཡནཱ མཙྪརཱཡིཏཏྟཾ ཝེཝིཙྪཾ ཀདརིཡཾ ཀཊུཀཉྩུཀཏཱ ¶ ཨགྒཧིཏཏྟཾ ཙིཏྟསྶ – ཨིདཾ ཝུཙྩཏི མཙྪརིཡཾ. ཨཔི ཙ ཁནྡྷམཙྪརིཡམྤི མཙྪརིཡཾ, དྷཱཏུམཙྪརིཡམྤི མཙྪརིཡཾ, ཨཱཡཏནམཙྪརིཡམྤི མཙྪརིཡཾ གཱཧོ – ཨིདཾ ཝུཙྩཏི མཙྪརིཡཾ. ཡསྶེཏཾ མཙྪརིཡཾ པཧཱིནཾ སམུཙྪིནྣཾ ཝཱུཔསནྟཾ པཊིཔསྶདྡྷཾ ཨབྷབྦུཔྤཏྟིཀཾ ཉཱཎགྒིནཱ དཌྜྷཾ, སོ ཝུཙྩཏི ཨམཙྪརཱིཏི – ཨཔིཧཱལུ ཨམཙྪརཱི.

ཨཔྤགབྦྷོ ¶ ཨཛེགུཙྪོཏི. པཱགབྦྷིཡནྟི ཏཱིཎི པཱགབྦྷིཡཱནི – ཀཱཡིཀཾ པཱགབྦྷིཡཾ, ཝཱཙསིཀཾ པཱགབྦྷིཡཾ, ཙེཏསིཀཾ པཱགབྦྷིཡཾ. ཀཏམཾ ཀཱཡིཀཾ པཱགབྦྷིཡཾ? ཨིདྷེཀཙྩོ སངྒྷགཏོཔི ཀཱཡིཀཾ པཱགབྦྷིཡཾ དསྶེཏི, གཎགཏོཔི ཀཱཡིཀཾ པཱགབྦྷིཡཾ དསྶེཏི, བྷོཛནསཱལཱཡམྤི ¶ ཀཱཡིཀཾ པཱགབྦྷིཡཾ དསྶེཏི, ཛནྟཱགྷརེཔི ཀཱཡིཀཾ པཱགབྦྷིཡཾ དསྶེཏི, ཨུདཀཏིཏྠེཔི ཀཱཡིཀཾ པཱགབྦྷིཡཾ དསྶེཏི, ཨནྟརགྷརཾ པཝིསནྟོཔི ཀཱཡིཀཾ པཱགབྦྷིཡཾ དསྶེཏི, ཨནྟརགྷརཾ པཝིཊྛོཔི ཀཱཡིཀཾ པཱགབྦྷིཡཾ དསྶེཏི.

ཀཐཾ སངྒྷགཏོ ཀཱཡིཀཾ པཱགབྦྷིཡཾ དསྶེཏི? ཨིདྷེཀཙྩོ སངྒྷགཏོ ཨཙིཏྟཱིཀཱརཀཏོ ¶ [ཨཙིཏྟིཀཱརཀཏོ (སྱཱ. ཀ.)] ཐེརེ བྷིཀྑཱུ གྷཊྚཡནྟོཔི ཏིཊྛཏི, གྷཊྚཡནྟོཔི ནིསཱིདཏི, པུརཏོཔི ཏིཊྛཏི, པུརཏོཔི ནིསཱིདཏི, ཨུཙྩེཔི ཨཱསནེ ནིསཱིདཏི, སསཱིསཾ པཱརུཔིཏྭཱཔི ནིསཱིདཏི, ཋིཏཀོཔི བྷཎཏི, བཱཧཱཝིཀྑེཔཀོཔི བྷཎཏི. ཨེཝཾ སངྒྷགཏོ ཀཱཡིཀཾ པཱགབྦྷིཡཾ དསྶེཏི.

ཀཐཾ གཎགཏོ ཀཱཡིཀཾ པཱགབྦྷིཡཾ དསྶེཏི? ཨིདྷེཀཙྩོ གཎགཏོ ཨཙིཏྟཱིཀཱརཀཏོ ཐེརཱནཾ བྷིཀྑཱུནཾ ཨནུཔཱཧནཱནཾ ཙངྐམནྟཱནཾ སཨུཔཱཧནོ ཙངྐམཏི, ནཱིཙེ ཙངྐམེ ཙངྐམནྟཱནཾ ཨུཙྩེ ཙངྐམེ ཙངྐམཏི, ཚམཱཡ ཙངྐམནྟཱནཾ ཙངྐམེ ཙངྐམཏི, གྷཊྚཡནྟོཔི ཏིཊྛཏི, གྷཊྚཡནྟོཔི ནིསཱིདཏི, པུརཏོཔི ཏིཊྛཏི, པུརཏོཔི ནིསཱིདཏི, ཨུཙྩེཔི ཨཱསནེ ནིསཱིདཏི, སསཱིསཾ པཱརུཔིཏྭཱ ནིསཱིདཏི, ཋིཏཀོཔི བྷཎཏི, བཱཧཱཝིཀྑེཔཀོཔི བྷཎཏི. ཨེཝཾ གཎགཏོ ཀཱཡིཀཾ པཱགབྦྷིཡཾ དསྶེཏི.

ཀཐཾ བྷོཛནསཱལཱཡཾ ཀཱཡིཀཾ པཱགབྦྷིཡཾ དསྶེཏི? ཨིདྷེཀཙྩོ བྷོཛནསཱལཱཡཾ ཨཙིཏྟཱིཀཱརཀཏོ ཐེརེ བྷིཀྑཱུ ཨནུཔཁཛྫ ནིསཱིདཏི, ནཝེཔི བྷིཀྑཱུ ཨཱསནེན པཊིབཱཧཏི, གྷཊྚཡནྟོཔི ཏིཊྛཏི, གྷཊྚཡནྟོཔི ནིསཱིདཏི, པུརཏོཔི ཏིཊྛཏི, པུརཏོཔི ནིསཱིདཏི, ཨུཙྩེཔི ཨཱསནེ ནིསཱིདཏི, སསཱིསཾ པཱརུཔིཏྭཱཔི ནིསཱིདཏི, ཋིཏཀོཔི བྷཎཏི, བཱཧཱཝིཀྑེཔཀོཔི ¶ བྷཎཏི. ཨེཝཾ བྷོཛནསཱལཱཡཾ ཀཱཡིཀཾ པཱགབྦྷིཡཾ དསྶེཏི.

ཀཐཾ ¶ ཛནྟཱགྷརེ ཀཱཡིཀཾ པཱགབྦྷིཡཾ དསྶེཏི? ཨིདྷེཀཙྩོ ཛནྟཱགྷརེ ཨཙིཏྟཱིཀཱརཀཏོ ཐེརེ བྷིཀྑཱུ གྷཊྚཡནྟོཔི ཏིཊྛཏི, གྷཊྚཡནྟོཔི ནིསཱིདཏི, པུརཏོཔི ཏིཊྛཏི, པུརཏོཔི ནིསཱིདཏི, ཨུཙྩེཔི ཨཱསནེ ནིསཱིདཏི ¶ , ཨནཱཔུཙྪམྤི ཨནཛ྄ཛྷིཊྛོཔི ཀཊྛཾ པཀྑིཔཏི, དྭཱརམྤི པིདཧཏི, བཱཧཱཝིཀྑེཔཀོཔི བྷཎཏི. ཨེཝཾ ཛནྟཱགྷརེ ཀཱཡིཀཾ པཱགབྦྷིཡཾ དསྶེཏི.

ཀཐཾ ཨུདཀཏིཏྠེ ཀཱཡིཀཾ པཱགབྦྷིཡཾ དསྶེཏི? ཨིདྷེཀཙྩོ ཨུདཀཏིཏྠེ ཨཙིཏྟཱིཀཱརཀཏོ ཐེརེ བྷིཀྑཱུ གྷཊྚཡནྟོཔི ཨོཏརཏི, པུརཏོཔི ཨོཏརཏི, གྷཊྚཡནྟོཔི ནྷཱཡཏི [ནཧཱཡཏི (སཱི.)], པུརཏོཔི ནྷཱཡཏི ¶ , ཨུཔརིཏོཔི ནྷཱཡཏི, གྷཊྚཡནྟོཔི ཨུཏྟརཏི, པུརཏོཔི ཨུཏྟརཏི, ཨུཔརིཏོཔི ཨུཏྟརཏི. ཨེཝཾ ཨུདཀཏིཏྠེ ཀཱཡིཀཾ པཱགབྦྷིཡཾ དསྶེཏི.

ཀཐཾ ཨནྟརགྷརཾ པཝིསནྟོ ཀཱཡིཀཾ པཱགབྦྷིཡཾ དསྶེཏི? ཨིདྷེཀཙྩོ ཨནྟརགྷརཾ པཝིསནྟོ ཨཙིཏྟཱིཀཱརཀཏོ ཐེརེ བྷིཀྑཱུ གྷཊྚཡནྟོཔི གཙྪཏི, པུརཏོཔི གཙྪཏི, ཝོཀྐམྨཱཔི ཐེརཱནཾ བྷིཀྑཱུནཾ པུརཏོ པུརཏོ གཙྪཏི. ཨེཝཾ ཨནྟརགྷརཾ པཝིསནྟོ ཀཱཡིཀཾ པཱགབྦྷིཡཾ དསྶེཏི.

ཀཐཾ ཨནྟརགྷརཾ པཝིཊྛོ ཀཱཡིཀཾ པཱགབྦྷིཡཾ དསྶེཏི? ཨིདྷེཀཙྩོ ཨནྟརགྷརཾ པཝིཊྛོ, ‘‘ན པཝིས [པཝིསཐ (སཱི.) ཨེཝམཉྙེསུ པདདྭཡེསུཔི], བྷནྟེ’’ཏི ཝུཙྩམཱནོ པཝིསཏི, ‘‘ན ཏིཊྛ, བྷནྟེ’’ཏི ཝུཙྩམཱནོ ཏིཊྛཏི, ‘‘ན ནིསཱིད, བྷནྟེ’’ཏི ཝུཙྩམཱནོ ནིསཱིདཏི, ཨནོཀཱསམྤི པཝིསཏི, ཨནོཀཱསེཔི ཏིཊྛཏི, ཨནོཀཱསེཔི ནིསཱིདཏི, ཡཱནིཔི ཏཱནི ཧོནྟི ཀུལཱནཾ ཨོཝརཀཱནི གཱུལ༹ྷཱནི ཙ པཊིཙྪནྣཱནི ཙ. ཡཏྠ ཀུལིཏྠིཡོ ཀུལདྷཱིཏརོ ཀུལསུཎྷཱཡོ ཀུལཀུམཱརིཡོ ནིསཱིདནྟི, ཏཏྠཔི སཧསཱ པཝིསཏི ཀུམཱརཀསྶཔི སིརཾ པརཱམསཏི. ཨེཝཾ ཨནྟརགྷརཾ པཝིཊྛོ ཀཱཡིཀཾ པཱགབྦྷིཡཾ དསྶེཏི – ཨིདཾ ཀཱཡིཀཾ པཱགབྦྷིཡཾ དསྶེཏི.

ཀཏམཾ ¶ ཝཱཙསིཀཾ པཱགབྦྷིཡཾ དསྶེཏི? ཨིདྷེཀཙྩོ སངྒྷགཏོཔི ཝཱཙསིཀཾ པཱགབྦྷིཡཾ ¶ དསྶེཏི, གཎགཏོཔི ཝཱཙསིཀཾ པཱགབྦྷིཡཾ དསྶེཏི, ཨནྟརགྷརཾ པཝིཊྛོཔི ཝཱཙསིཀཾ པཱགབྦྷིཡཾ དསྶེཏི.

ཀཐཾ ¶ སངྒྷགཏོ ཝཱཙསིཀཾ པཱགབྦྷིཡཾ དསྶེཏི? ཨིདྷེཀཙྩོ སངྒྷགཏོ ཨཙིཏྟཱིཀཱརཀཏོ ཐེརེ བྷིཀྑཱུ ཨནཱཔུཙྪཾ ཝཱ ཨནཛ྄ཛྷིཊྛོ ཝཱ ཨཱརཱམགཏཱནཾ བྷིཀྑཱུནཾ དྷམྨཾ བྷཎཏི, པཉྷཾ ཝིསཛྫེཏི, པཱཏིམོཀྑཾ ཨུདྡིསཏི, ཋིཏཀོཔི བྷཎཏི, བཱཧཱཝིཀྑེཔཀོཔི བྷཎཏི. ཨེཝཾ སངྒྷགཏོ ཝཱཙསིཀཾ པཱགབྦྷིཡཾ དསྶེཏི.

ཀཐཾ གཎགཏོ ཝཱཙསིཀཾ པཱགབྦྷིཡཾ དསྶེཏི? ཨིདྷེཀཙྩོ གཎགཏོ ཨཙིཏྟཱིཀཱརཀཏོ ཐེརེ བྷིཀྑཱུ ཨནཱཔུཙྪཾ ཝཱ ཨནཛ྄ཛྷིཊྛོ ཝཱ ཨཱརཱམགཏཱནཾ བྷིཀྑཱུནཾ དྷམྨཾ བྷཎཏི, པཉྷཾ ཝིསཛྫེཏི, ཋིཏཀོཔི བྷཎཏི, བཱཧཱཝིཀྑེཔཀོཔི བྷཎཏི. ཨཱརཱམགཏཱནཾ བྷིཀྑུནཱིནཾ ཨུཔཱསཀཱནཾ ཨུཔཱསིཀཱནཾ དྷམྨཾ བྷཎཏི, པཉྷཾ ཝིསཛྫེཏི, ཋིཏཀོཔི བྷཎཏི, བཱཧཱཝིཀྑེཔཀོཔི བྷཎཏི. ཨེཝཾ གཎགཏོ ཝཱཙསིཀཾ པཱགབྦྷིཡཾ དསྶེཏི.

ཀཐཾ ¶ ཨནྟརགྷརཾ པཝིཊྛོ ཝཱཙསིཀཾ པཱགབྦྷིཡཾ དསྶེཏི? ཨིདྷེཀཙྩོ ཨནྟརགྷརཾ པཝིཊྛོ ཨིཏྠིཾ ཝཱ ཀུམཱརིཾ ཝཱ ཨེཝམཱཧ – ‘‘ཨིཏྠཾནཱམེ ཨིཏྠཾགོཏྟེ ཀིཾ ཨཏྠི? ཡཱགུ ཨཏྠི, བྷཏྟཾ ཨཏྠི, ཁཱདནཱིཡཾ ཨཏྠི. ཀིཾ པིཝིསྶཱམ, ཀིཾ བྷུཉྫིསྶཱམ, ཀིཾ ཁཱདིསྶཱམ? ཀིཾ ཝཱ ཨཏྠི, ཀིཾ ཝཱ མེ དསྶཐཱ’’ཏི ཝིཔྤལཔཏི, ཡཱ ཨེཝརཱུཔཱ ཝཱཙཱ པལཱཔོ ཝིཔྤལཱཔོ ལཱལཔྤོ ལཱལཔྤནཱ ལཱལཔྤིཏཏྟཾ. ཨེཝཾ ཨནྟརགྷརཾ པཝིཊྛོ ཝཱཙསིཀཾ པཱགབྦྷིཡཾ དསྶེཏི – ཨིདཾ ཝཱཙསིཀཾ པཱགབྦྷིཡཾ.

ཀཏམཾ ¶ ཙེཏསིཀཾ པཱགབྦྷིཡཾ? ཨིདྷེཀཙྩོ ན ཨུཙྩཱ ཀུལཱ པབྦཛིཏོ སམཱནོ ཨུཙྩཱ ཀུལཱ པབྦཛིཏེན སདྡྷིཾ སདིསཾ ཨཏྟཱནཾ དཧཏི ཙིཏྟེན, ན མཧཱཀུལཱ པབྦཛིཏོ སམཱནོ མཧཱཀུལཱ པབྦཛིཏེན སདྡྷིཾ སདིསཾ ཨཏྟཱནཾ དཧཏི ཙིཏྟེན, ན མཧཱབྷོགཀུལཱ པབྦཛིཏོ སམཱནོ མཧཱབྷོགཀུལཱ པབྦཛིཏེན སདྡྷིཾ སདིསཾ ཨཏྟཱནཾ དཧཏི ¶ ཙིཏྟེན, ན ཨུལཱ༹རབྷོགཀུལཱ པབྦཛིཏོ སམཱནོ… ན སུཏྟནྟིཀོ སམཱནོ སུཏྟནྟིཀེན སདྡྷིཾ སདིསཾ ཨཏྟཱནཾ དཧཏི ཙིཏྟེན, ན ཝིནཡདྷརོ སམཱནོ… ན དྷམྨཀཐིཀོ སམཱནོ… ན ཨཱརཉྙིཀོ སམཱནོ… ན པིཎྜཔཱཏིཀོ སམཱནོ… ན པཾསུཀཱུལིཀོ སམཱནོ… ན ཏེཙཱིཝརིཀོ སམཱནོ… ན སཔདཱནཙཱརིཀོ སམཱནོ… ན ཁལུཔཙྪཱབྷཏྟིཀོ སམཱནོ… ན ནེསཛྫིཀོ སམཱནོ… ན ཡཐཱསནྠཏིཀོ སམཱནོ… ན པཋམསྶ ཛྷཱནསྶ ལཱབྷཱི སམཱནོ པཋམསྶ ཛྷཱནསྶ ལཱབྷིནཱ སདྡྷིཾ སདིསཾ ཨཏྟཱནཾ དཧཏི ཙིཏྟེན…པེ… ན ནེཝསཉྙཱནཱསཉྙཱཡཏནསམཱཔཏྟིཡཱ ལཱབྷཱི ¶ སམཱནོ ནེཝསཉྙཱནཱསཉྙཱཡཏནསམཱཔཏྟིཡཱ ལཱབྷིནཱ སདྡྷིཾ སདིསཾ ཨཏྟཱནཾ དཧཏི ཙིཏྟེན – ཨིདཾ ཙེཏསིཀཾ པཱགབྦྷིཡཾ. ཡསྶིམཱནི ཏཱིཎི པཱགབྦྷིཡཱནི པཧཱིནཱནི སམུཙྪིནྣཱནི ཝཱུཔསནྟཱནི པཊིཔསྶདྡྷཱནི ཨབྷབྦུཔྤཏྟིཀཱནི ཉཱཎགྒིནཱ དཌྜྷཱནི, སོ ཝུཙྩཏི ཨཔྤགབྦྷོཏི – ཨཔྤགབྦྷོ.

ཨཛེགུཙྪོཏི ¶ . ཨཏྠི པུགྒལོ ཛེགུཙྪོ, ཨཏྠི ཨཛེགུཙྪོ. ཀཏམོ ཙ པུགྒལོ ཛེགུཙྪོ? ཨིདྷེཀཙྩོ པུགྒལོ དུསྶཱིལོ ཧོཏི པཱཔདྷམྨོ ཨསུཙིསངྐསྶརསམཱཙཱརོ པཊིཙྪནྣཀམྨནྟོ ཨསྶམཎོ སམཎཔཊིཉྙོ ཨབྲཧྨཙཱརཱི བྲཧྨཙཱརིཔཊིཉྙོ ཨནྟོཔཱུཏི ཨཝསྶུཏོ ཀསམྦུཛཱཏོ – ཨཡཾ ཝུཙྩཏི པུགྒལོ ཛེགུཙྪོ. ཨཐ ཝཱ ཀོདྷནོ ཧོཏི ཨུཔཱཡཱསབཧུལོ, ཨཔྤམྤི ཝུཏྟོ སམཱནོ ཨབྷིསཛྫཏི ཀུཔྤཏི བྱཱཔཛྫཏི པཏིཊྛཱིཡཏི, ཀོཔཉྩ དོསཉྩ ཨཔྤཙྩཡཉྩ པཱཏུཀརོཏི – ཨཡཾ ཝུཙྩཏི པུགྒལོ ཛེགུཙྪོ. ཨཐ ཝཱ ཀོདྷནོ ཧོཏི ཨུཔནཱཧཱི, མཀྑཱི ཧོཏི པལཱ༹སཱི, ཨིསྶུཀཱི ཧོཏི མཙྪརཱི, སཋོ ཧོཏི མཱཡཱཝཱི ¶ , ཐདྡྷོ ཧོཏི ཨཏིམཱནཱི, པཱཔིཙྪོ ཧོཏི མིཙྪཱདིཊྛི [མིཙྪཱདིཊྛཱི (སཱི.)], སནྡིཊྛིཔརཱམཱསཱི ཧོཏི ཨཱདཱནགྒཱཧཱི དུཔྤཊིནིསྶགྒཱི – ཨཡཾ ཝུཙྩཏི པུགྒལོ ཛེགུཙྪོ.

ཀཏམོ ཙ པུགྒལོ ཨཛེགུཙྪོ? ཨིདྷ བྷིཀྑུ སཱིལཝཱ ཧོཏི པཱཏིམོཀྑསཾཝརསཾཝུཏོ ཝིཧརཏི ཨཱཙཱརགོཙརསམྤནྣོ ¶ ཨཎུམཏྟེསུ ཝཛྫེསུ བྷཡདསྶཱཝཱི, སམཱདཱཡ སིཀྑཏི སིཀྑཱཔདེསུ – ཨཡཾ ཝུཙྩཏི པུགྒལོ ཨཛེགུཙྪོ. ཨཐ ཝཱ ཨཀྐོདྷནོ ཧོཏི ཨནུཔཱཡཱསབཧུལོ, བཧུམྤི ཝུཏྟོ སམཱནོ ན ཨབྷིསཛྫཏི ན ཀུཔྤཏི ན བྱཱཔཛྫཏི ན པཏིཊྛཱིཡཏི, ན ཀོཔཉྩ དོསཉྩ ཨཔྤཙྩཡཉྩ པཱཏུཀརོཏི – ཨཡཾ ཝུཙྩཏི པུགྒལོ ཨཛེགུཙྪོ. ཨཐ ཝཱ ཨཀྐོདྷནོ ཧོཏི ཨནུཔནཱཧཱི, ཨམཀྑཱི ཧོཏི ཨཔལཱ༹སཱི, ཨནིསྶུཀཱི ཧོཏི ཨམཙྪརཱི, ཨསཋོ ཧོཏི ཨམཱཡཱཝཱི, ཨཐདྡྷོ ཧོཏི ཨནཏིམཱནཱི ¶ , ན པཱཔིཙྪོ ཧོཏི ན མིཙྪཱདིཊྛི, ཨསནྡིཊྛིཔརཱམཱསཱི ཧོཏི ཨནཱདཱནགྒཱཧཱི སུཔྤཊིནིསྶགྒཱི – ཨཡཾ ཝུཙྩཏི པུགྒལོ ཨཛེགུཙྪོ. སབྦེ བཱལཔུཐུཛྫནཱ ཛེགུཙྪཱ, པུཐུཛྫནཀལྱཱཎཀཾ ཨུཔཱདཱཡ ཨཊྛ ཨརིཡཔུགྒལཱ ཨཛེགུཙྪཱཏི – ཨཔྤགབྦྷོ ཨཛེགུཙྪོ.

པེསུཎེཡྻེ ཙ ནོ ཡུཏོཏི. པེསུཉྙནྟི ཨིདྷེཀཙྩོ པིསུཎཝཱཙོ ཧོཏི, ཨིཏོ སུཏྭཱ ཨམུཏྲ ཨཀྑཱཏཱ ཨིམེསཾ བྷེདཱཡ, ཨམུཏྲ ཝཱ སུཏྭཱ ¶ ཨིམེསཾ ཨཀྑཱཏཱ ཨམཱུསཾ བྷེདཱཡ. ཨིཏི སམགྒཱནཾ ཝཱ བྷེཏྟཱ [བྷེདོ (ཀ.)], བྷིནྣཱནཾ ཝཱ ཨནུཔྤདཱཏཱ, ཝགྒཱརཱམོ, ཝགྒརཏོ, ཝགྒནནྡཱི, ཝགྒཀརཎིཾ ཝཱཙཾ བྷཱསིཏཱ ཧོཏི – ཨིདཾ ཝུཙྩཏི པེསུཉྙཾ.

ཨཔི ཙ དྭཱིཧི ཀཱརཎེཧི པེསུཉྙཾ ཨུཔསཾཧརཏི – པིཡཀམྱཏཱཡ ཝཱ, བྷེདཱདྷིཔྤཱཡེན [བྷེདཱདྷིཔྤཱཡོ (བཧཱུསུ)] ཝཱ. ཀཐཾ པིཡཀམྱཏཱཡ པེསུཉྙཾ ཨུཔསཾཧརཏི? ཨིམསྶ པིཡོ བྷཝིསྶཱམི, མནཱཔོ བྷཝིསྶཱམི, ཝིསྶཱསིཀོ བྷཝིསྶཱམི, ཨབྦྷནྟརིཀོ བྷཝིསྶཱམི, སུཧདཡོ བྷཝིསྶཱམཱིཏི. ཨེཝཾ པིཡཀམྱཏཱཡ པེསུཉྙཾ ཨུཔསཾཧརཏི. ཀཐཾ བྷེདཱདྷིཔྤཱཡེན པེསུཉྙཾ ཨུཔསཾཧརཏི? ‘‘ཀཐཾ ཨིམེ ནཱནཱ ཨསྶུ ཝིནཱ ཨསྶུ ཝགྒཱ ཨསྶུ དྭེདྷཱ ཨསྶུ དྭེཛ྄ཛྷཱ ཨསྶུ དྭེ པཀྑཱ ཨསྶུ བྷིཛྫེཡྻུཾ ན སམཱགཙྪེཡྻུཾ དུཀྑཾ ན ཕཱསུ [ཨཕཱསུཾ (སཱི.)] ཝིཧརེཡྻུ’’ནྟི. ཨེཝཾ ¶ བྷེདཱདྷིཔྤཱཡེན པེསུཉྙཾ ཨུཔསཾཧརཏི. ཡསྶེཏཾ པེསུཉྙཾ པཧཱིནཾ སམུཙྪིནྣཾ ཝཱུཔསནྟཾ པཊིཔསྶདྡྷཾ ཨབྷབྦུཔྤཏྟིཀཾ ཉཱཎགྒིནཱ དཌྜྷཾ, སོ པེསུཉྙེ ནོ ཡུཏོ ན ཡུཏྟོ ན ¶ པཡུཏྟོ ན སམྨཱཡུཏྟོཏི – པེསུཎེཡྻེ ཙ ནོ ཡུཏོ.

‘‘པཏིལཱིནོ ཨཀུཧཀོ, ཨཔིཧཱལུ ཨམཙྪརཱི;

ཨཔྤགབྦྷོ ཨཛེགུཙྪོ, པེསུཎེཡྻེ ཙ ནོ ཡུཏོ’’ཏི.

སཱཏིཡེསུ ཨནསྶཱཝཱི, ཨཏིམཱནེ ཙ ནོ ཡུཏོ;

སཎྷོ ཙ པཊིབྷཱནཝཱ, ན སདྡྷོ ན ཝིརཛྫཏི.

སཱཏིཡེསུ ཨནསྶཱཝཱིཏི. སཱཏིཡཱ ཝུཙྩནྟི པཉྩ ཀཱམགུཎཱ. ཀིཾཀཱརཎཱ སཱཏིཡཱ ཝུཙྩནྟི པཉྩ ཀཱམགུཎཱ? ཡེབྷུཡྻེན དེཝམནུསྶཱ པཉྩ ཀཱམགུཎེ ཨིཙྪནྟི སཱཏིཡནྟི པཏྠཡནྟི པིཧཡནྟི ཨབྷིཛཔྤནྟི, ཏཾཀཱརཎཱ སཱཏིཡཱ ཝུཙྩནྟི པཉྩ ཀཱམགུཎཱ. ཡེསཾ ཨེསཱ སཱཏིཡཱ ཏཎྷཱ ཨཔྤཧཱིནཱ ཏེསཾ ཙཀྑུཏོ རཱུཔཏཎྷཱ སཝཏི ཨཱསཝཏི [པསཝཏི (སྱཱ.)] སནྡཏི པཝཏྟཏི, སོཏཏོ སདྡཏཎྷཱ… གྷཱནཏོ གནྡྷཏཎྷཱ… ཛིཝ྄ཧཱཏོ རསཏཎྷཱ… ཀཱཡཏོ ཕོཊྛབྦཏཎྷཱ… མནཏོ དྷམྨཏཎྷཱ སཝཏི ཨཱསཝཏི སནྡཏི པཝཏྟཏི. ཡེསཾ ཨེསཱ སཱཏིཡཱ ཏཎྷཱ པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱ ཏེསཾ ཙཀྑུཏོ རཱུཔཏཎྷཱ ན སཝཏི ནཱསཝཏི [ན པསཝཏི (སྱཱ.)] ན སནྡཏི ན པཝཏྟཏི ¶ , སོཏཏོ སདྡཏཎྷཱ…པེ… མནཏོ དྷམྨཏཎྷཱ ན སཝཏི ནཱསཝཏི ན སནྡཏི ན པཝཏྟཏཱིཏི – སཱཏིཡེསུ ཨནསྶཱཝཱི.

ཨཏིམཱནེ ཙ ནོ ཡུཏོཏི. ཀཏམོ ཨཏིམཱནོ? ཨིདྷེཀཙྩོ པརཾ ¶ ཨཏིམཉྙཏི ཛཱཏིཡཱ ཝཱ གོཏྟེན ཝཱ…པེ… ཨཉྙཏརཉྙཏརེན ཝཱ ཝཏྠུནཱ. ཡོ ཨེཝརཱུཔོ མཱནོ མཉྙནཱ མཉྙིཏཏྟཾ ཨུནྣཏི ཨུནྣམོ དྷཛོ སམྤགྒཱཧོ ཀེཏུཀམྱཏཱ ¶ ཙིཏྟསྶ – ཨཡཾ ཝུཙྩཏི ཨཏིམཱནོ. ཡསྶེསོ ཨཏིམཱནོ པཧཱིནོ སམུཙྪིནྣོ ཝཱུཔསནྟོ པཊིཔསྶདྡྷོ ཨབྷབྦུཔྤཏྟིཀོ ཉཱཎགྒིནཱ དཌྜྷོ, སོ ཨཏིམཱནེ ཙ ནོ ཡུཏོ ན ཡུཏྟོ ནཔྤཡུཏྟོ ན སམྨཱཡུཏྟོཏི – ཨཏིམཱནེ ཙ ནོ ཡུཏོ.

སཎྷོ ཙ པཊིབྷཱནཝཱཏི. སཎྷོཏི སཎྷེན ཀཱཡཀམྨེན སམནྣཱགཏོཏི སཎྷོ, སཎྷེན ཝཙཱིཀམྨེན… སཎྷེན མནོཀམྨེན སམནྣཱགཏོཏི སཎྷོ, སཎྷེཧི སཏིཔཊྛཱནེཧི སམནྣཱགཏོཏི སཎྷོ, སཎྷེཧི སམྨཔྤདྷཱནེཧི… སཎྷེཧི ཨིདྡྷིཔཱདེཧི… སཎྷེཧི ཨིནྡྲིཡེཧི… སཎྷེཧི བལེཧི… སཎྷེཧི བོཛ྄ཛྷངྒེཧི སམནྣཱགཏོཏི སཎྷོ, སཎྷེན ཨརིཡེན ཨཊྛངྒིཀེན མགྒེན སམནྣཱགཏོཏི – སཎྷོ.

པཊིབྷཱནཝཱཏི ¶ ཏཡོ པཊིབྷཱནཝནྟོ – པརིཡཏྟིཔཊིབྷཱནཝཱ, པརིཔུཙྪཱཔཊིབྷཱནཝཱ, ཨདྷིགམཔཊིབྷཱནཝཱ. ཀཏམོ པརིཡཏྟིཔཊིབྷཱནཝཱ? ཨིདྷེཀཙྩསྶ པཀཏིཡཱ པརིཡཱཔུཊཾ ཧོཏི – སུཏྟཾ གེཡྻཾ ཝེཡྻཱཀརཎཾ གཱཐཱ ཨུདཱནཾ ཨིཏིཝུཏྟཀཾ ཛཱཏཀཾ ཨབྦྷུཏདྷམྨཾ ཝེདལླཾ, ཏསྶ པརིཡཏྟིཾ ནིསྶཱཡ པཊིབྷཱཡཏི – ཨཡཾ པརིཡཏྟིཔཊིབྷཱནཝཱ. ཀཏམོ ¶ པརིཔུཙྪཱཔཊིབྷཱནཝཱ? ཨིདྷེཀཙྩོ པརིཔུཙྪིཏཱ [པརིཔུཙྪིཏཾ (སཱི.), པརིཔུཙྪཀོ (སྱཱ.)] ཧོཏི ཨཏྟཏྠེ ཙ ཉཱཡཏྠེ ཙ ལཀྑཎེ ཙ ཀཱརཎེ ཙ ཋཱནཱཋཱནེ ཙ, ཏསྶ ཏཾ པརིཔུཙྪཾ ནིསྶཱཡ པཊིབྷཱཡཏི – ཨཡཾ པརིཔུཙྪཱཔཊིབྷཱནཝཱ. ཀཏམོ ཨདྷིགམཔཊིབྷཱནཝཱ? ཨིདྷེཀཙྩསྶ ཨདྷིགཏཱ ཧོནྟི ཙཏྟཱརོ སཏིཔཊྛཱནཱ ཙཏྟཱརོ སམྨཔྤདྷཱནཱ ཙཏྟཱརོ ཨིདྡྷིཔཱདཱ པཉྩིནྡྲིཡཱནི པཉྩ བལཱནི སཏྟ བོཛ྄ཛྷངྒཱ ཨརིཡོ ཨཊྛངྒིཀོ མགྒོ ཙཏྟཱརོ ཨརིཡམགྒཱ ཙཏྟཱརི སཱམཉྙཕལཱནི ཙཏསྶོ པཊིསམྦྷིདཱཡོ ཚ ཨབྷིཉྙཱཡོ, ཏསྶ ཨཏྠོ ཉཱཏོ དྷམྨོ ཉཱཏོ ནིརུཏྟི ཉཱཏཱ, ཨཏྠེ ཉཱཏེ ཨཏྠོ པཊིབྷཱཡཏི ¶ , དྷམྨེ ཉཱཏེ དྷམྨོ པཊིབྷཱཡཏི, ནིརུཏྟིཡཱ ཉཱཏཱཡ ནིརུཏྟི པཊིབྷཱཡཏི; ཨིམེསུ ཏཱིསུ ¶ ཉཱཎེསུ ཉཱཎཾ པཊིབྷཱནཔཊིསམྦྷིདཱ. ཨིམཱཡ པཊིབྷཱནཔཊིསམྦྷིདཱཡ ཨུཔེཏོ སམུཔེཏོ ཨུཔགཏོ སམུཔགཏོ ཨུཔཔནྣོ སམུཔཔནྣོ སམནྣཱགཏོ སོ ཝུཙྩཏི པཊིབྷཱནཝཱ. ཡསྶ པརིཡཏྟི ནཏྠི, པརིཔུཙྪཱ ནཏྠི, ཨདྷིགམོ ནཏྠི, ཀིཾ ཏསྶ པཊིབྷཱཡིསྶཏཱིཏི – སཎྷོ ཙ པཊིབྷཱནཝཱ.

ན སདྡྷོ ན ཝིརཛྫཏཱིཏི. ན སདྡྷོཏི སཱམཾ སཡཾ ཨབྷིཉྙཱཏཾ ཨཏྟཔཙྩཀྑཾ དྷམྨཾ ན ཀསྶཙི སདྡཧཏི ཨཉྙསྶ སམཎསྶ ཝཱ བྲཱཧྨཎསྶ ཝཱ དེཝསྶ ཝཱ མཱརསྶ ཝཱ བྲཧྨུནོ ཝཱ. ‘‘སབྦེ སངྑཱརཱ ཨནིཙྩཱ’’ཏི སཱམཾ སཡཾ ཨབྷིཉྙཱཏཾ…པེ… ¶ ‘‘སབྦེ སངྑཱརཱ དུཀྑཱ’’ཏི… ‘‘སབྦེ དྷམྨཱ ཨནཏྟཱ’’ཏི… ‘‘ཨཝིཛྫཱཔཙྩཡཱ སངྑཱརཱ’’ཏི…པེ… ‘‘ཛཱཏིཔཙྩཡཱ ཛརཱམརཎ’’ནྟི… ‘‘ཨཝིཛྫཱནིརོདྷཱ སངྑཱརནིརོདྷོ’’ཏི…པེ… ‘‘ཛཱཏིནིརོདྷཱ ཛརཱམརཎནིརོདྷོ’’ཏི… ‘‘ཨིདཾ དུཀྑ’’ནྟི…པེ… ‘‘ཨཡཾ དུཀྑནིརོདྷགཱམིནཱི པཊིཔདཱ’’ཏི… ‘‘ཨིམེ ཨཱསཝཱ’’ཏི…པེ… ‘‘ཨཡཾ ཨཱསཝནིརོདྷགཱམིནཱི པཊིཔདཱ’’ཏི… ‘‘ཨིམེ དྷམྨཱ ཨབྷིཉྙེཡྻཱ’’ཏི…པེ… ‘‘ཨིམེ དྷམྨཱ སཙྪིཀཱཏབྦཱ’’ཏི སཱམཾ སཡཾ ཨབྷིཉྙཱཏཾ…པེ… ཚནྣཾ ཕསྶཱཡཏནཱནཾ སམུདཡཉྩ ཨཏྠངྒམཉྩ ཨསྶཱདཉྩ ཨཱདཱིནཝཉྩ ནིསྶརཎཉྩ, པཉྩནྣཾ ཨུཔཱདཱནཀྑནྡྷཱནཾ སམུདཡཉྩ…པེ… ཙཏུནྣཾ མཧཱབྷཱུཏཱནཾ སམུདཡཉྩ ཨཏྠངྒམཉྩ ཨསྶཱདཉྩ ཨཱདཱིནཝཉྩ ནིསྶརཎཉྩ སཱམཾ སཡཾ ཨབྷིཉྙཱཏཾ…པེ… ‘‘ཡཾ ཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨ’’ནྟི སཱམཾ སཡཾ ཨབྷིཉྙཱཏཾ ཨཏྟཔཙྩཀྑཾ དྷམྨཾ ན ཀསྶཙི སདྡཧཏི ཨཉྙསྶ སམཎསྶ ¶ ཝཱ བྲཱཧྨཎསྶ ཝཱ དེཝསྶ ཝཱ མཱརསྶ ཝཱ བྲཧྨུནོ ཝཱ [བྲཧྨུནོ ཝཱ…པེ… (སཱི. ཀ.)].

ཝུཏྟཉྷེཏཾ བྷགཝཏཱ – ‘‘སདྡཧསི ཏྭཾ, སཱརིཔུཏྟ, སདྡྷིནྡྲིཡཾ བྷཱཝིཏཾ བཧུལཱིཀཏཾ ཨམཏོགདྷཾ ¶ ཧོཏི ཨམཏཔརཱཡནཾ ཨམཏཔརིཡོསཱནཾ; ཝཱིརིཡིནྡྲིཡཾ… སཏིནྡྲིཡཾ… སམཱདྷིནྡྲིཡཾ… པཉྙིནྡྲིཡཾ བྷཱཝིཏཾ བཧུལཱིཀཏཾ ཨམཏོགདྷཾ ཧོཏི ཨམཏཔརཱཡནཾ ཨམཏཔརིཡོསཱན’’ནྟི?

‘‘ན ཁྭཱཧཾ ཨེཏྠ, བྷནྟེ, བྷགཝཏོ སདྡྷཱཡ གཙྪཱམི སདྡྷིནྡྲིཡཾ… ཝཱིརིཡིནྡྲིཡཾ… སཏིནྡྲིཡཾ… སམཱདྷིནྡྲིཡཾ… པཉྙིནྡྲིཡཾ བྷཱཝིཏཾ བཧུལཱིཀཏཾ ཨམཏོགདྷཾ ཧོཏི ཨམཏཔརཱཡནཾ ཨམཏཔརིཡོསཱནཾ. ཡེསཾ ནཱུནེཏཾ, བྷནྟེ ¶ , ཨཉྙཱཏཾ ཨསྶ ཨདིཊྛཾ ཨཝིདིཏཾ ཨསཙྪིཀཏཾ ཨཕསྶིཏཾ པཉྙཱཡ, ཏེ ཏཏྠ པརེསཾ སདྡྷཱཡ གཙྪེཡྻུཾ སདྡྷིནྡྲིཡཾ བྷཱཝིཏཾ བཧུལཱིཀཏཾ ཨམཏོགདྷཾ ཧོཏི ཨམཏཔརཱཡནཾ ཨམཏཔརིཡོསཱནཾ. ཝཱིརིཡིནྡྲིཡཾ… སཏིནྡྲིཡཾ… སམཱདྷིནྡྲིཡཾ ¶ … པཉྙིནྡྲིཡཾ བྷཱཝིཏཾ བཧུལཱིཀཏཾ ཨམཏོགདྷཾ ཧོཏི ཨམཏཔརཱཡནཾ ཨམཏཔརིཡོསཱནཾ. ཡེསཉྩ ཁོ ཨེཏཾ, བྷནྟེ, ཉཱཏཾ དིཊྛཾ ཝིདིཏཾ སཙྪིཀཏཾ ཕསྶིཏཾ པཉྙཱཡ, ནིཀྐངྑཱ ཏེ ཏཏྠ ནིབྦིཙིཀིཙྪཱ. སདྡྷིནྡྲིཡཾ… ཝཱིརིཡིནྡྲིཡཾ… སཏིནྡྲིཡཾ… སམཱདྷིནྡྲིཡཾ… པཉྙིནྡྲིཡཾ བྷཱཝིཏཾ བཧུལཱིཀཏཾ ཨམཏོགདྷཾ ཧོཏི ཨམཏཔརཱཡནཾ ཨམཏཔརིཡོསཱནཾ. མཡ྄ཧཉྩ ཁོ, ཨེཏཾ བྷནྟེ, ཉཱཏཾ དིཊྛཾ ཝིདིཏཾ སཙྪིཀཏཾ ཕསྶིཏཾ པཉྙཱཡ, ནིཀྐངྑོཧཾ ཏཏྠ ནིབྦིཙིཀིཙྪོ. སདྡྷིནྡྲིཡཾ… ཝཱིརིཡིནྡྲིཡཾ… སཏིནྡྲིཡཾ… སམཱདྷིནྡྲིཡཾ… པཉྙིནྡྲིཡཾ བྷཱཝིཏཾ བཧུལཱིཀཏཾ ཨམཏོགདྷཾ ཧོཏི ཨམཏཔརཱཡནཾ ཨམཏཔརིཡོསཱན’’ནྟི.

‘‘སཱདྷུ སཱདྷུ, སཱརིཔུཏྟ! ཡེསཉྷེཏཾ, སཱརིཔུཏྟ, ཨཉྙཱཏཾ ཨསྶ ཨདིཊྛཾ ཨཝིདིཏཾ ཨསཙྪིཀཏཾ ཨཕསྶིཏཾ པཉྙཱཡ, ཏེ ཏཏྠ པརེསཾ སདྡྷཱཡ གཙྪེཡྻུཾ སདྡྷིནྡྲིཡཾ…པེ… པཉྙིནྡྲིཡཾ ¶ བྷཱཝིཏཾ བཧུལཱིཀཏཾ ཨམཏོགདྷཾ ཧོཏི ཨམཏཔརཱཡནཾ ཨམཏཔརིཡོསཱནནྟི.

‘‘ཨསྶདྡྷོ ཨཀཏཉྙཱུ ཙ, སནྡྷིཙྪེདོ ཙ ཡོ ནརོ;

ཧཏཱཝཀཱསོ ཝནྟཱསོ, ས ཝེ ཨུཏྟམཔོརིསོ’’ཏི.

ན སདྡྷོ ན ཝིརཛྫཏཱིཏི. སབྦེ བཱལཔུཐུཛྫནཱ རཛྫནྟི, པུཐུཛྫནཀལྱཱཎཀཾ ཨུཔཱདཱཡ སཏྟ སེཀྑཱ ཝིརཛྫནྟི. ཨརཧཱ ནེཝ རཛྫཏི ནོ ཝིརཛྫཏི, ཝིརཏྟོ སོ ཁཡཱ རཱགསྶ ཝཱིཏརཱགཏྟཱ ཁཡཱ དོསསྶ ཝཱིཏདོསཏྟཱ, ཁཡཱ མོཧསྶ ཝཱིཏམོཧཏྟཱ. སོ ཝུཊྛཝཱསོ ཙིཎྞཙརཎོ…པེ… ཛཱཏིམརཎསཾསཱརོ ནཏྠི ¶ ཏསྶ པུནབྦྷཝོཏི – ན སདྡྷོ ན ཝིརཛྫཏི.

‘‘སཱཏིཡེསུ ཨནསྶཱཝཱི, ཨཏིམཱནེ ཙ ནོ ཡུཏོ;

སཎྷོ ཙ པཊིབྷཱནཝཱ, ན སདྡྷོ ན ཝིརཛྫཏཱི’’ཏི.

ལཱབྷཀམྱཱ ན སིཀྑཏི, ཨལཱབྷེ ཙ ན ཀུཔྤཏི;

ཨཝིརུདྡྷོ ཙ ཏཎྷཱཡ, རསེསུ [རསེ ཙ (སཱི. སྱཱ.)] ནཱནུགིཛ྄ཛྷཏི.

ལཱབྷཀམྱཱ ན སིཀྑཏི, ཨལཱབྷེ ཙ ན ཀུཔྤཏཱིཏི. ཀཐཾ ལཱབྷཀམྱཱ སིཀྑཏི? ཨིདྷ, བྷིཀྑཝེ, བྷིཀྑུ བྷིཀྑུཾ པསྶཏི ལཱབྷིཾ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནཾ. ཏསྶ ཨེཝཾ ཧོཏི – ‘‘ཀེན ནུ ¶ ཁོ ཨཡམཱཡསྨཱ ལཱབྷཱི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱན’’ནྟི? ཏསྶ ཨེཝཾ ཧོཏི – ‘‘ཨཡཾ ཁོ ཨཱཡསྨཱ སུཏྟནྟིཀོ, ཏེནཱཡམཱཡསྨཱ ལཱབྷཱི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱན’’ནྟི. སོ ལཱབྷཧེཏུ ལཱབྷཔཙྩཡཱ ལཱབྷཀཱརཎཱ ལཱབྷཱབྷིནིབྦཏྟིཡཱ ལཱབྷཾ པརིཔཱཙེནྟོ སུཏྟནྟཾ པརིཡཱཔུཎཱཏི. ཨེཝམྤི ལཱབྷཀམྱཱ སིཀྑཏི.

ཨཐ ཝཱ ¶ བྷིཀྑུ བྷིཀྑུཾ པསྶཏི ལཱབྷིཾ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནཾ. ཏསྶ ཨེཝཾ ཧོཏི – ‘‘ཀེན ནུ ཁོ ཨཡམཱཡསྨཱ ལཱབྷཱི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱན’’ནྟི? ཏསྶ ཨེཝཾ ཧོཏི – ‘‘ཨཡཾ ཁོ ཨཱཡསྨཱ ཝིནཡདྷརོ…པེ… དྷམྨཀཐིཀོ… ཨཱབྷིདྷམྨིཀོ, ཏེནཱཡམཱཡསྨཱ ལཱབྷཱི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱན’’ནྟི. སོ ལཱབྷཧེཏུ ལཱབྷཔཙྩཡཱ ལཱབྷཀཱརཎཱ ¶ ལཱབྷཱབྷིནིབྦཏྟིཡཱ ལཱབྷཾ པརིཔཱཙེནྟོ ཨབྷིདྷམྨཾ པརིཡཱཔུཎཱཏི. ཨེཝམྤི ལཱབྷཀམྱཱ སིཀྑཏི.

ཨཐ ཝཱ བྷིཀྑུ བྷིཀྑུཾ པསྶཏི ལཱབྷིཾ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནཾ. ཏསྶ ཨེཝཾ ཧོཏི – ‘‘ཀེན ནུ ཁོ ཨཡམཱཡསྨཱ ལཱབྷཱི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱན’’ནྟི? ཏསྶ ཨེཝཾ ཧོཏི – ‘‘ཨཡཾ ཁོ ཨཱཡསྨཱ ཨཱརཉྙིཀོ… པིཎྜཔཱཏིཀོ… པཾསུཀཱུལིཀོ… ཏེཙཱིཝརིཀོ… སཔདཱནཙཱརིཀོ… ཁལུཔཙྪཱབྷཏྟིཀོ… ནེསཛྫིཀོ… ཡཐཱསནྠཏིཀོ, ཏེནཱཡམཱཡསྨཱ ལཱབྷཱི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱན’’ནྟི. སོ ལཱབྷཧེཏུ ལཱབྷཔཙྩཡཱ ལཱབྷཀཱརཎཱ ¶ ལཱབྷཱབྷིནིབྦཏྟིཡཱ ལཱབྷཾ པརིཔཱཙེནྟོ ཨཱརཉྙིཀོ ཧོཏི…པེ… ཡཐཱསནྠཏིཀོ ཧོཏི. ཨེཝམྤི ལཱབྷཀམྱཱ སིཀྑཏི.

ཀཐཾ ན ལཱབྷཀམྱཱ སིཀྑཏི? ཨིདྷ བྷིཀྑུ ན ལཱབྷཧེཏུ, ན ལཱབྷཔཙྩཡཱ, ན ལཱབྷཀཱརཎཱ, ན ལཱབྷཱབྷིནིབྦཏྟིཡཱ, ན ལཱབྷཾ པརིཔཱཙེནྟོ, ཡཱཝདེཝ ཨཏྟདམཏྠཱཡ ཨཏྟསམཏྠཱཡ ཨཏྟཔརིནིབྦཱཔནཏྠཱཡ སུཏྟནྟཾ པརིཡཱཔུཎཱཏི, ཝིནཡཾ པརིཡཱཔུཎཱཏི, ཨབྷིདྷམྨཾ པརིཡཱཔུཎཱཏི. ཨེཝམྤི ན ལཱབྷཀམྱཱ སིཀྑཏི.

ཨཐ ¶ ཝཱ བྷིཀྑུ ན ལཱབྷཧེཏུ, ན ལཱབྷཔཙྩཡཱ, ན ལཱབྷཀཱརཎཱ, ན ལཱབྷཱབྷིནིབྦཏྟིཡཱ, ན ལཱབྷཾ པརིཔཱཙེནྟོ, ཡཱཝདེཝ ཨཔྤིཙྪཉྙེཝ [ཨཔྤིཙྪཾཡེཝ (སཱི.)] ནིསྶཱཡ སནྟུཊྛིཉྙེཝ ནིསྶཱཡ སལླེཁཉྙེཝ ནིསྶཱཡ པཝིཝེཀཉྙེཝ ནིསྶཱཡ ཨིདམཏྠིཏཉྙེཝ [ཨིདམཏྠིཀཏཉྙེཝ (སཱི.)] ནིསྶཱཡ ཨཱརཉྙིཀོ ཧོཏི, པིཎྜཔཱཏིཀོ ཧོཏི, པཾསུཀཱུལིཀོ ཧོཏི, ཏེཙཱིཝརིཀོ ཧོཏི ¶ , སཔདཱནཙཱརིཀོ ཧོཏི, ཁལུཔཙྪཱབྷཏྟིཀོ ཧོཏི, ནེསཛྫིཀོ ཧོཏི, ཡཐཱསནྠཏིཀོ ཧོཏི. ཨེཝམྤི ན ལཱབྷཀམྱཱ སིཀྑཏཱིཏི – ལཱབྷཀམྱཱ ན སིཀྑཏི.

ཨལཱབྷེ ¶ ཙ ན ཀུཔྤཏཱིཏི. ཀཐཾ ཨལཱབྷེ ཀུཔྤཏི? ཨིདྷེཀཙྩོ ‘‘ཀུལཾ ཝཱ ན ལབྷཱམི, གཎཾ ཝཱ ན ལབྷཱམི, ཨཱཝཱསཾ ཝཱ ན ལབྷཱམི, ལཱབྷཾ ཝཱ ན ལབྷཱམི, ཡསཾ ཝཱ ན ལབྷཱམི, པསཾསཾ ཝཱ ན ལབྷཱམི, སུཁཾ ཝཱ ན ལབྷཱམི, ཙཱིཝརཾ ཝཱ ན ལབྷཱམི, པིཎྜཔཱཏཾ ཝཱ ན ལབྷཱམི, སེནཱསནཾ ཝཱ ན ལབྷཱམི, གིལཱནཔཙྩཡབྷེསཛྫཔརིཀྑཱརཾ ཝཱ ན ལབྷཱམི, གིལཱནུཔཊྛཱཀཾ ཝཱ ན ལབྷཱམི, ཨཔྤཉྙཱཏོམྷཱི’’ཏི ཀུཔྤཏི བྱཱཔཛྫཏི པཏིཊྛཱིཡཏི, ཀོཔཉྩ དོསཉྩ ཨཔྤཙྩཡཉྩ པཱཏུཀརོཏི. ཨེཝཾ ཨལཱབྷེ ཀུཔྤཏི.

ཀཐཾ ཨལཱབྷེ ན ཀུཔྤཏི? ཨིདྷ བྷིཀྑུ ‘‘ཀུལཾ ཝཱ ན ལབྷཱམི གཎཾ ཝཱ ན ལབྷཱམི…པེ… ཨཔྤཉྙཱཏོམྷཱི’’ཏི ན ཀུཔྤཏི ན བྱཱཔཛྫཏི ན པཏིཊྛཱིཡཏི, ན ཀོཔཉྩ དོསཉྩ ཨཔྤཙྩཡཉྩ པཱཏུཀརོཏི. ཨེཝཾ ཨལཱབྷེ ན ཀུཔྤཏཱིཏི – ལཱབྷཀམྱཱ ན སིཀྑཏི ཨལཱབྷེ ཙ ན ཀུཔྤཏི.

ཨཝིརུདྡྷོ ¶ ཙ ཏཎྷཱཡ, རསེསུ ནཱནུགིཛ྄ཛྷཏཱིཏི. ཝིརུདྡྷོཏི ཡོ ཙིཏྟསྶ ཨཱགྷཱཏོ པཊིགྷཱཏོ, པཊིགྷཾ པཊིཝིརོདྷོ, ཀོཔོ པཀོཔོ སམྤཀོཔོ, དོསོ པདོསོ སམྤདོསོ, ཙིཏྟསྶ བྱཱཔཏྟི མནོཔདོསོ, ཀོདྷོ ཀུཛ྄ཛྷནཱ ཀུཛ྄ཛྷིཏཏྟཾ, དོསོ དུསྶནཱ དུསྶིཏཏྟཾ, བྱཱཔཏྟི བྱཱཔཛྫནཱ ¶ བྱཱཔཛྫིཏཏྟཾ ཝིརོདྷོ པཊིཝིརོདྷོ, ཙཎྜིཀྐཾ, ཨསུརོཔོ, ཨནཏྟམནཏཱ ཙིཏྟསྶ – ཨཡཾ ཝུཙྩཏི ཝིརོདྷོ. ཡསྶེསོ ཝིརོདྷོ པཧཱིནོ སམུཙྪིནྣོ ཝཱུཔསནྟོ པཊིཔསྶདྡྷོ ཨབྷབྦུཔྤཏྟིཀོ ཉཱཎགྒིནཱ དཌྜྷོ, སོ ཝུཙྩཏི ཨཝིརུདྡྷོ. ཏཎྷཱཏི ¶ རཱུཔཏཎྷཱ སདྡཏཎྷཱ གནྡྷཏཎྷཱ རསཏཎྷཱ ཕོཊྛབྦཏཎྷཱ དྷམྨཏཎྷཱ. རསོཏི མཱུལརསོ ཁནྡྷརསོ ཏཙརསོ པཏྟརསོ པུཔྥརསོ ཕལརསོ, ཨམྦིལཾ ¶ མདྷུརཾ ཏིཏྟཀཾ ཀཊུཀཾ ལོཎིཀཾ ཁཱརིཀཾ ལམྦིཀཾ [ལཔིལཾ (སཱི.), ལམྦིལཾ (སྱཱ.), ལབིལཾ (ཀ.), ཨཱཡཏནཝིབྷངྒེ] ཀསཱཝོ སཱདུ ཨསཱདུ སཱིཏཾ ཨུཎྷཾ. སནྟེཀེ སམཎབྲཱཧྨཎཱ རསགིདྡྷཱ. ཏེ ཛིཝ྄ཧགྒེན རསགྒཱནི པརིཡེསནྟཱ ཨཱཧིཎྜནྟི, ཏེ ཨམྦིལཾ ལབྷིཏྭཱ ཨནམྦིལཾ པརིཡེསནྟི, ཨནམྦིལཾ ལབྷིཏྭཱ ཨམྦིལཾ པརིཡེསནྟི; མདྷུརཾ ལབྷིཏྭཱ ཨམདྷུརཾ པརིཡེསནྟི, ཨམདྷུརཾ ལབྷིཏྭཱ མདྷུརཾ པརིཡེསནྟི; ཏིཏྟཀཾ ལབྷིཏྭཱ ཨཏིཏྟཀཾ པརིཡེསནྟི, ཨཏིཏྟཀཾ ལབྷིཏྭཱ ཏིཏྟཀཾ པརིཡེསནྟི; ཀཊུཀཾ ལབྷིཏྭཱ ཨཀཊུཀཾ པརིཡེསནྟི, ཨཀཊུཀཾ ལབྷིཏྭཱ ཀཊུཀཾ པརིཡེསནྟི; ལོཎིཀཾ ལབྷིཏྭཱ ཨལོཎིཀཾ པརིཡེསནྟི, ཨལོཎིཀཾ ལབྷིཏྭཱ ལོཎིཀཾ པརིཡེསནྟི; ཁཱརིཀཾ ལབྷིཏྭཱ ཨཁཱརིཀཾ པརིཡེསནྟི, ཨཁཱརིཀཾ ལབྷིཏྭཱ ཁཱརིཀཾ པརིཡེསནྟི; ལམྦིཀཾ ལབྷིཏྭཱ ཀསཱཝཾ པརིཡེསནྟི ¶ , ཀསཱཝཾ ལབྷིཏྭཱ ལམྦིཀཾ པརིཡེསནྟི; སཱདུཾ ལབྷིཏྭཱ ཨསཱདུཾ པརིཡེསནྟི, ཨསཱདུཾ ལབྷིཏྭཱ སཱདུཾ པརིཡེསནྟི; སཱིཏཾ ལབྷིཏྭཱ ཨུཎྷཾ པརིཡེསནྟི, ཨུཎྷཾ ལབྷིཏྭཱ སཱིཏཾ པརིཡེསནྟི. ཏེ ཡཾ ཡཾ ལབྷིཏྭཱ ཏེན ཏེན ན སནྟུསྶནྟི ཨཔརཱཔརཾ པརིཡེསནྟི, མནཱཔིཀེསུ རསེསུ རཏྟཱ གིདྡྷཱ གདྷིཏཱ མུཙྪིཏཱ ཨཛ྄ཛྷོསནྣཱ ལགྒཱ ལགྒིཏཱ པལིབུདྡྷཱ. ཡསྶེསཱ རསཏཎྷཱ པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱ, སོ པཊིསངྑཱ ཡོནིསོ ཨཱཧཱརཾ ཨཱཧཱརེཏི – ‘‘ནེཝ དཝཱཡ ན མདཱཡ ན མཎྜནཱཡ ན ཝིབྷཱུསནཱཡ, ཡཱཝདེཝ ཨིམསྶ ཀཱཡསྶ ཋིཏིཡཱ ཡཱཔནཱཡ ཝིཧིཾསཱུཔརཏིཡཱ བྲཧྨཙརིཡཱནུགྒཧཱཡ. ཨིཏི པུརཱཎཉྩ ཝེདནཾ པཊིཧངྑཱམི, ནཝཉྩ ཝེདནཾ ན ཨུཔྤཱདེསྶཱམི, ཡཱཏྲཱ ཙ མེ བྷཝིསྶཏི ཨནཝཛྫཏཱ ཙ ཕཱསུཝིཧཱརོ ཙཱ’’ཏི.

ཡཐཱ ¶ ཝནཾ ཨཱལིམྤེཡྻ ཡཱཝདེཝ རོཔནཏྠཱཡ, ཡཐཱ ཝཱ པན ཨཀྑཾ ཨབྦྷཉྫེཡྻ ཡཱཝདེཝ བྷཱརསྶ ནིཏྠརཎཏྠཱཡ, ཡཐཱ ཝཱ པན པུཏྟམཾསཾ ཨཱཧཱརཾ ཨཱཧརེཡྻ ཡཱཝདེཝ ཀནྟཱརསྶ ནིཏྠརཎཏྠཱཡ; ཨེཝམེཝ བྷིཀྑུ པཊིསངྑཱ ཡོནིསོ ཨཱཧཱརཾ ཨཱཧཱརེཏི – ‘‘ནེཝ དཝཱཡ…པེ… ཕཱསུཝིཧཱརོ ཙཱ’’ཏི. རསཏཎྷཾ པཛཧཏི ཝིནོདེཏི བྱནྟིཾ ཀརོཏི ཨནབྷཱཝཾ ¶ གམེཏི, རསཏཎྷཱཡ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏཱིཏི – ཨཝིརུདྡྷོ ཙ ཏཎྷཱཡ རསེསུ ནཱནུགིཛ྄ཛྷཏི.

‘‘ལཱབྷཀམྱཱ ¶ ན སིཀྑཏི, ཨལཱབྷེ ཙ ན ཀུཔྤཏི;

ཨཝིརུདྡྷོ ཙ ཏཎྷཱཡ, རསེསུ ནཱནུགིཛ྄ཛྷཏཱི’’ཏི.

ཨུཔེཀྑཀོ སདཱ སཏོ, ན ལོཀེ མཉྙཏེ སམཾ;

ན ཝིསེསཱི ན ནཱིཙེཡྻོ, ཏསྶ ནོ སནྟི ཨུསྶདཱ.

ཨུཔེཀྑཀོ སདཱ སཏོཏི. ཨུཔེཀྑཀོཏི ཚལ༹ངྒུཔེཀྑཱཡ སམནྣཱགཏོ. ཙཀྑུནཱ རཱུཔཾ དིསྭཱ ནེཝ སུམནོ ཧོཏི ན དུམྨནོ, ཨུཔེཀྑཀོ ཝིཧརཏི སཏོ སམྤཛཱནོ. སོཏེན སདྡཾ སུཏྭཱ…པེ… མནསཱ དྷམྨཾ ཝིཉྙཱཡ ནེཝ སུམནོ ཧོཏི ན དུམྨནོ, ཨུཔེཀྑཀོ ཝིཧརཏི སཏོ སམྤཛཱནོ. ཙཀྑུནཱ རཱུཔཾ དིསྭཱ མནཱཔཾ ནཱབྷིགིཛ྄ཛྷཏི ནཱབྷིཧཾསཏི [ནཱབྷིཧསཏི (སཱི. སྱཱ.)] ན རཱགཾ ཛནེཏི, ཏསྶ ཋིཏོཝ ཀཱཡོ ཧོཏི, ཋིཏཾ ཙིཏྟཾ ཨཛ྄ཛྷཏྟཾ སུསཎྛིཏཾ སུཝིམུཏྟཾ. ཙཀྑུནཱ ¶ ཁོ པནེཝ རཱུཔཾ དིསྭཱ ཨམནཱཔཾ ན མངྐུ ཧོཏི ཨཔྤཏིཊྛིཏཙིཏྟོ [ཨཔྤཏིཊྛཱིན ཙིཏྟོ (སྱཱ.), ཨཔྤཏིཊྛནཙིཏྟོ (ཀ.)] ཨལཱིནམནསོ [ཨཱདིནམནསོ (སྱཱ.)] ཨབྱཱཔནྣཙེཏསོ, ཏསྶ ཋིཏོཝ ཀཱཡོ ཧོཏི, ཋིཏཾ ཙིཏྟཾ ཨཛ྄ཛྷཏྟཾ སུསཎྛིཏཾ སུཝིམུཏྟཾ. སོཏེན སདྡཾ སུཏྭཱ… གྷཱནེན གནྡྷཾ གྷཱཡིཏྭཱ… ཛིཝ྄ཧཱཡ རསཾ སཱཡིཏྭཱ… ཀཱཡེན ཕོཊྛབྦཾ ཕུསིཏྭཱ… མནསཱ དྷམྨཾ ཝིཉྙཱཡ མནཱཔཾ ནཱབྷིགིཛ྄ཛྷཏི ནཱབྷིཧཾསཏི ན ¶ རཱགཾ ཛནེཏི, ཏསྶ ཋིཏོཝ ཀཱཡོ ཧོཏི, ཋིཏཾ ཙིཏྟཾ ཨཛ྄ཛྷཏྟཾ སུསཎྛིཏཾ སུཝིམུཏྟཾ. མནསཱ ཁོ པནེཝ དྷམྨཾ ཝིཉྙཱཡ ཨམནཱཔཾ ན མངྐུ ཧོཏི ཨཔྤཏིཊྛིཏཙིཏྟོ ཨལཱིནམནསོ ཨབྱཱཔནྣཙེཏསོ, ཏསྶ ཋིཏོཝ ཀཱཡོ ཧོཏི, ཋིཏཾ ཙིཏྟཾ ཨཛ྄ཛྷཏྟཾ སུསཎྛིཏཾ སུཝིམུཏྟཾ.

ཙཀྑུནཱ རཱུཔཾ དིསྭཱ མནཱཔཱམནཱཔེསུ རཱུཔེསུ ཏསྶ ཋིཏོཝ ཀཱཡོ ཧོཏི, ཋིཏཾ ཙིཏྟཾ ཨཛ྄ཛྷཏྟཾ སུསཎྛིཏཾ སུཝིམུཏྟཾ. སོཏེན སདྡཾ སུཏྭཱ…པེ… མནསཱ དྷམྨཾ ཝིཉྙཱཡ མནཱཔཱམནཱཔེསུ དྷམྨེསུ ཏསྶ ཋིཏོཝ ཀཱཡོ ཧོཏི, ཋིཏཾ ཙིཏྟཾ ཨཛ྄ཛྷཏྟཾ སུསཎྛིཏཾ སུཝིམུཏྟཾ.

ཙཀྑུནཱ རཱུཔཾ དིསྭཱ རཛནཱིཡེ ན རཛྫཏི, དུསྶནཱིཡེ [དོསནཱིཡེ (བཧཱུསུ)] ན དུསྶཏི, མོཧནཱིཡེ ན མུཡ྄ཧཏི, ཀོཔནཱིཡེ ན ཀུཔྤཏི, མདནཱིཡེ ན མཛྫཏི, ཀིལེསནཱིཡེ ན ཀིལིསྶཏི. སོཏེན སདྡཾ སུཏྭཱ…པེ… མནསཱ དྷམྨཾ ཝིཉྙཱཡ རཛནཱིཡེ ན རཛྫཏི དུསྶནཱིཡེ ན དུསྶཏི, མོཧནཱིཡེ ན མུཡ྄ཧཏི, ཀོཔནཱིཡེ ན ཀུཔྤཏི, མདནཱིཡེ ན མཛྫཏི, ཀིལེསནཱིཡེ ན ཀིལིསྶཏི. དིཊྛེ ¶ དིཊྛམཏྟོ, སུཏེ སུཏམཏྟོ, མུཏེ མུཏམཏྟོ, ཝིཉྙཱཏེ ཝིཉྙཱཏམཏྟོ. དིཊྛེ ན ¶ ལིམྤཏི, སུཏེ ན ལིམྤཏི, མུཏེ ན ལིམྤཏི, ཝིཉྙཱཏེ ན ལིམྤཏི. དིཊྛེ ཨནཱུཔཡོ ཨནཔཱཡོ ཨནིསྶིཏོ ཨཔྤཊིབདྡྷོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏི. སུཏེ… མུཏེ… ཝིཉྙཱཏེ ¶ ཨནཱུཔཡོ ཨནཔཱཡོ ཨནིསྶིཏོ ཨཔྤཊིབདྡྷོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏི.

སཾཝིཛྫཏི ཨརཧཏོ ཙཀྑུ, པསྶཏི ཨརཧཱ ཙཀྑུནཱ རཱུཔཾ. ཚནྡརཱགོ ¶ ཨརཧཏོ ནཏྠི, སུཝིམུཏྟཙིཏྟོ ཨརཧཱ. སཾཝིཛྫཏི ཨརཧཏོ སོཏཾ, སུཎཱཏི ཨརཧཱ སོཏེན སདྡཾ. ཚནྡརཱགོ ཨརཧཏོ ནཏྠི, སུཝིམུཏྟཙིཏྟོ ཨརཧཱ. སཾཝིཛྫཏི ཨརཧཏོ གྷཱནཾ, གྷཱཡཏི ཨརཧཱ གྷཱནེན གནྡྷཾ. ཚནྡརཱགོ ཨརཧཏོ ནཏྠི, སུཝིམུཏྟཙིཏྟོ ཨརཧཱ. སཾཝིཛྫཏི ཨརཧཏོ ཛིཝ྄ཧཱ, སཱཡཏི ཨརཧཱ ཛིཝ྄ཧཱཡ རསཾ…པེ… སཾཝིཛྫཏི ཨརཧཏོ ཀཱཡོ, ཕུསཏི ཨརཧཱ ཀཱཡེན ཕོཊྛབྦཾ…པེ… སཾཝིཛྫཏི ཨརཧཏོ མནོ, ཝིཛཱནཱཏི ཨརཧཱ མནསཱ དྷམྨཾ. ཚནྡརཱགོ ཨརཧཏོ ནཏྠི སུཝིམུཏྟཙིཏྟོ ཨརཧཱ.

ཙཀྑུ རཱུཔཱརཱམཾ རཱུཔརཏཾ རཱུཔསམྨུདིཏཾ, ཏཾ ཨརཧཏོ དནྟཾ གུཏྟཾ རཀྑིཏཾ སཾཝུཏཾ, ཏསྶ ཙ སཾཝརཱཡ དྷམྨཾ དེསེཏི. སོཏཾ སདྡཱརཱམཾ…པེ… གྷཱནཾ གནྡྷཱརཱམཾ… ཛིཝ྄ཧཱ རསཱརཱམཱ རསརཏཱ རསསམྨུདིཏཱ, སཱ ཨརཧཏོ དནྟཱ གུཏྟཱ རཀྑིཏཱ སཾཝུཏཱ, ཏསྶཱ ཙ སཾཝརཱཡ དྷམྨཾ དེསེཏི. ཀཱཡོ ཕོཊྛབྦཱརཱམོ…པེ… མནོ དྷམྨཱརཱམོ དྷམྨརཏོ དྷམྨསམྨུདིཏོ, སོ ཨརཧཏོ དནྟོ གུཏྟོ རཀྑིཏོ སཾཝུཏོ, ཏསྶ ཙ སཾཝརཱཡ དྷམྨཾ དེསེཏི.

‘‘དནྟཾ ནཡནྟི སམིཏིཾ, དནྟཾ རཱཛཱབྷིརཱུཧཏི;

དནྟོ སེཊྛོ མནུསྶེསུ, ཡོཏིཝཱཀྱཾ ཏིཏིཀྑཏི.

‘‘ཝརམསྶཏརཱ ¶ དནྟཱ, ཨཱཛཱནཱིཡཱ ཙ [ཨཱཛཱནིཡཱཝ (སྱཱ.)] སིནྡྷཝཱ;

ཀུཉྫརཱ ཙ མཧཱནཱགཱ, ཨཏྟདནྟོ ཏཏོ ཝརཾ.

‘‘ན ཧི ཨེཏེཧི ཡཱནེཧི, གཙྪེཡྻ ཨགཏཾ དིསཾ;

ཡཐཱཏྟནཱ སུདནྟེན, དནྟོ དནྟེན གཙྪཏི.

‘‘ཝིདྷཱསུ ¶ ན ཝིཀམྤནྟི, ཝིཔྤམུཏྟཱ པུནབྦྷཝཱ;

དནྟབྷཱུམིམནུཔྤཏྟཱ, ཏེ ལོཀེ ཝིཛིཏཱཝིནོ.

‘‘ཡསྶིནྡྲིཡཱནི ¶ ¶ བྷཱཝིཏཱནི [ཝིབྷཱཝིཏཱནི (སཱི.)], ཨཛ྄ཛྷཏྟཾ བཧིདྡྷཱ ཙ [ཨཛ྄ཛྷཏྟབཧིདྡྷཱ ཙ (སཱི.), ཨཛ྄ཛྷཏྟཉྩ བཧིདྡྷཱ ཙ (སྱཱ. ཀ.) སུ. ནི. ༥༢༡] སབྦལོཀེ;

ནིབྦིཛ྄ཛྷ ཨིམཾ [ནིབྦིཛ྄ཛྷིམཾ (སྱཱ.), ནིབྦིཛྫ ཨིམཾ (ཀ.)] པརཉྩ ལོཀཾ, ཀཱལཾ ཀངྑཏི བྷཱཝིཏོ ས དནྟོ’’ཏི.

ཨུཔེཀྑཀོ སདཱཏི. སདཱ སབྦདཱ སབྦཀཱལཾ ནིཙྩཀཱལཾ དྷུཝཀཱལཾ…པེ… པཙྪིམེ ཝཡོཁནྡྷེ. སཏོཏི ཙཏཱུཧི ཀཱརཎེཧི སཏོ – ཀཱཡེ ཀཱཡཱནུཔསྶནཱསཏིཔཊྛཱནཾ བྷཱཝེནྟོ སཏོ, ཝེདནཱསུ… ཙིཏྟེ… དྷམྨེསུ དྷམྨཱནུཔསྶནཱསཏིཔཊྛཱནཾ བྷཱཝེནྟོ སཏོ…པེ… སོ ཝུཙྩཏི སཏོཏི – ཨུཔེཀྑཀོ སདཱ སཏོ.

ན ལོཀེ མཉྙཏེ སམནྟི. ‘‘སདིསོཧམསྨཱི’’ཏི མཱནཾ ན ཛནེཏི ཛཱཏིཡཱ ཝཱ གོཏྟེན ཝཱ…པེ… ཨཉྙཏརཉྙཏརེན ཝཱ ཝཏྠུནཱཏི – ན ལོཀེ མཉྙཏེ སམཾ.

ན ཝིསེསཱི ན ནཱིཙེཡྻོཏི. ‘‘སེཡྻོཧམསྨཱི’’ཏི ཨཏིམཱནཾ ན ཛནེཏི ཛཱཏིཡཱ ཝཱ གོཏྟེན ཝཱ…པེ… ཨཉྙཏརཉྙཏརེན ཝཱ ཝཏྠུནཱ ¶ . ‘‘ཧཱིནོཧམསྨཱི’’ཏི ཨོམཱནཾ ན ཛནེཏི ཛཱཏིཡཱ ཝཱ གོཏྟེན ཝཱ…པེ… ཨཉྙཏརཉྙཏརེན ཝཱ ཝཏྠུནཱཏི – ན ཝིསེསཱི ན ནཱིཙེཡྻོ.

ཏསྶ ནོ སནྟི ཨུསྶདཱཏི. ཏསྶཱཏི ཨརཧཏོ ཁཱིཎཱསཝསྶ. ཨུསྶདཱཏི སཏྟུསྶདཱ – རཱགུསྶདོ དོསུསྶདོ མོཧུསྶདོ མཱནུསྶདོ དིཊྛུསྶདོ ཀིལེསུསྶདོ ཀམྨུསྶདོ. ཏསྶིམེ ཨུསྶདཱ ནཏྠི ན སནྟི ན སཾཝིཛྫནྟི ནུཔལབྦྷནྟི, པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱཏི – ཏསྶ ནོ སནྟི ཨུསྶདཱ.

‘‘ཨུཔེཀྑཀོ སདཱ སཏོ, ན ལོཀེ མཉྙཏེ སམཾ;

ན ཝིསེསཱི ན ནཱིཙེཡྻོ, ཏསྶ ནོ སནྟི ཨུསྶདཱ’’ཏི.

ཡསྶ ¶ ནིསྶཡཏཱ [ནིསྶཡནཱ (ཀ.)] ནཏྠི, ཉཏྭཱ དྷམྨཾ ཨནིསྶིཏོ;

བྷཝཱཡ ཝིབྷཝཱཡ ཝཱ, ཏཎྷཱ ཡསྶ ན ཝིཛྫཏི.

ཡསྶ ¶ ནིསྶཡཏཱ ནཏྠཱིཏི. ཡསྶཱཏི ཨརཧཏོ ཁཱིཎཱསཝསྶ. ནིསྶཡཱཏི དྭེ ནིསྶཡཱ – ཏཎྷཱནིསྶཡོ ཙ དིཊྛིནིསྶཡོ ཙ…པེ… ཨཡཾ ཏཎྷཱནིསྶཡོ…པེ… ཨཡཾ དིཊྛིནིསྶཡོ ¶ . ཏསྶ ཏཎྷཱནིསྶཡོ པཧཱིནོ, དིཊྛིནིསྶཡོ པཊིནིསྶཊྛོ; ཏཎྷཱནིསྶཡསྶ པཧཱིནཏྟཱ དིཊྛིནིསྶཡསྶ པཊིནིསྶཊྛཏྟཱ ནིསྶཡཏཱ ཡསྶ ནཏྠི ན སནྟི ན སཾཝིཛྫཏི ནུཔལབྦྷཏི, པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱཏི – ཡསྶ ནིསྶཡཏཱ ནཏྠི.

ཉཏྭཱ ¶ དྷམྨཾ ཨནིསྶིཏོཏི. ཉཏྭཱཏི ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ, ‘‘སབྦེ སངྑཱརཱ ཨནིཙྩཱ’’ཏི ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ, ‘‘སབྦེ སངྑཱརཱ དུཀྑཱ’’ཏི… ‘‘སབྦེ དྷམྨཱ ཨནཏྟཱ’’ཏི…པེ… ‘‘ཡཾ ཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨ’’ནྟི ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ. ཨནིསྶིཏོཏི དྭེ ནིསྶཡཱ – ཏཎྷཱནིསྶཡོ ཙ དིཊྛིནིསྶཡོ ཙ…པེ… ཨཡཾ ཏཎྷཱནིསྶཡོ…པེ… ཨཡཾ དིཊྛིནིསྶཡོ. ཏཎྷཱནིསྶཡཾ པཧཱཡ དིཊྛིནིསྶཡཾ པཊིནིསྶཛྫིཏྭཱ ཙཀྑུཾ ཨནིསྶིཏོ, སོཏཾ ཨནིསྶིཏོ, གྷཱནཾ ཨནིསྶིཏོ, ཛིཝ྄ཧཾ ཨནིསྶིཏོ, ཀཱཡཾ ཨནིསྶིཏོ, མནཾ ཨནིསྶིཏོ, རཱུཔེ… སདྡེ… གནྡྷེ… རསེ… ཕོཊྛབྦེ… ཀུལཾ… གཎཾ… ཨཱཝཱསཾ…པེ… དིཊྛསུཏམུཏཝིཉྙཱཏབྦེ དྷམྨེ ཨནིསྶིཏོ ཨནལླཱིནོ ཨནུཔགཏོ ཨནཛ྄ཛྷོསིཏོ ཨནདྷིམུཏྟོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏཱིཏི – ཉཏྭཱ དྷམྨཾ ཨནིསྶིཏོ.

བྷཝཱཡ ཝིབྷཝཱཡ ཝཱ, ཏཎྷཱ ཡསྶ ན ཝིཛྫཏཱིཏི. ཏཎྷཱཏི རཱུཔཏཎྷཱ སདྡཏཎྷཱ གནྡྷཏཎྷཱ རསཏཎྷཱ ཕོཊྛབྦཏཎྷཱ དྷམྨཏཎྷཱ. ཡསྶཱཏི ཨརཧཏོ ཁཱིཎཱསཝསྶ. བྷཝཱཡཱཏི བྷཝདིཊྛིཡཱ, ཝིབྷཝཱཡཱཏི ཝིབྷཝདིཊྛིཡཱ; བྷཝཱཡཱཏི སསྶཏདིཊྛིཡཱ, ཝིབྷཝཱཡཱཏི ཨུཙྪེདདིཊྛིཡཱ; བྷཝཱཡཱཏི པུནཔྤུནབྷཝཱཡ པུནཔྤུནགཏིཡཱ པུནཔྤུནཨུཔཔཏྟིཡཱ པུནཔྤུནཔཊིསནྡྷིཡཱ ¶ པུནཔྤུནཨཏྟབྷཱཝཱབྷིནིབྦཏྟིཡཱ ¶ . ཏཎྷཱ ཡསྶ ནཏྠི ན སནྟི ¶ ན སཾཝིཛྫཏི ནུཔལབྦྷཏི, པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱཏི – བྷཝཱཡ ཝིབྷཝཱཡ ཝཱ ཏཎྷཱ ཡསྶ ན ཝིཛྫཏི.

‘‘ཡསྶ ནིསྶཡཏཱ ནཏྠི, ཉཏྭཱ དྷམྨཾ ཨནིསྶིཏོ;

བྷཝཱཡ ཝིབྷཝཱཡ ཝཱ, ཏཎྷཱ ཡསྶ ན ཝིཛྫཏཱི’’ཏི.

ཏཾ ¶ བྲཱུམི ཨུཔསནྟོཏི, ཀཱམེསུ ཨནཔེཀྑིནཾ;

གནྠཱ ཏསྶ ན ཝིཛྫནྟི, ཨཏརཱི སོ ཝིསཏྟིཀཾ.

ཏཾ བྲཱུམི ཨུཔསནྟོཏི. ཨུཔསནྟོ ཝཱུཔསནྟོ ནིབྦུཏོ པཊིཔསྶདྡྷོཏི. ཏཾ བྲཱུམི ཏཾ ཀཐེམི ཏཾ བྷཎཱམི ཏཾ དཱིཔཡཱམི ཏཾ ཝོཧརཱམཱིཏི – ཏཾ བྲཱུམི ཨུཔསནྟོཏི.

ཀཱམེསུ ཨནཔེཀྑིནནྟི. ཀཱམཱཏི ཨུདྡཱནཏོ དྭེ ཀཱམཱ – ཝཏྠུཀཱམཱ ཙ ཀིལེསཀཱམཱ ཙ…པེ… ཨིམེ ཝུཙྩནྟི ཝཏྠུཀཱམཱ…པེ… ཨིམེ ཝུཙྩནྟི ཀིལེསཀཱམཱ. ཝཏྠུཀཱམེ པརིཛཱནིཏྭཱ, ཀིལེསཀཱམེ པཧཱཡ པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམེཏྭཱ ཀཱམེསུ ཨནཔེཀྑིནོ ཝཱིཏཀཱམོ ཙཏྟཀཱམོ ཝནྟཀཱམོ མུཏྟཀཱམོ པཧཱིནཀཱམོ པཊིནིསྶཊྛཀཱམོ, ཀཱམེསུ ཝཱིཏརཱགོ ཝིགཏརཱགོ ཙཏྟརཱགོ ཝནྟརཱགོ མུཏྟརཱགོ པཧཱིནརཱགོ པཊིནིསྶཊྛརཱགོ ནིཙྪཱཏོ ནིབྦུཏོ སཱིཏིབྷཱུཏོ སུཁཔྤཊིསཾཝེདཱི བྲཧྨབྷཱུཏེན ཨཏྟནཱ ཝིཧརཏཱིཏི – ཀཱམེསུ ཨནཔེཀྑིནཾ.

གནྠཱ ¶ ཏསྶ ན ཝིཛྫནྟཱིཏི. གནྠཱཏི ཙཏྟཱརོ གནྠཱ – ཨབྷིཛ྄ཛྷཱ ཀཱཡགནྠོ, བྱཱཔཱདོ ཀཱཡགནྠོ, སཱིལབྦཏཔརཱམཱསོ ཀཱཡགནྠོ, ཨིདཾསཙྩཱབྷིནིཝེསོ ཀཱཡགནྠོ. ཨཏྟནོ ¶ དིཊྛིཡཱ རཱགོ ཨབྷིཛ྄ཛྷཱ ཀཱཡགནྠོ, པརཝཱདེསུ ཨཱགྷཱཏོ ཨཔྤཙྩཡོ བྱཱཔཱདོ ཀཱཡགནྠོ, ཨཏྟནོ སཱིལཾ ཝཱ ཝཏཾ ཝཱ སཱིལབྦཏཾ ཝཱ པརཱམཱསོ སཱིལབྦཏཔརཱམཱསོ ཀཱཡགནྠོ, ཨཏྟནོ དིཊྛི ཨིདཾསཙྩཱབྷིནིཝེསོ ཀཱཡགནྠོ. ཏསྶཱཏི ཨརཧཏོ ཁཱིཎཱསཝསྶ. གནྠཱ ཏསྶ ན ཝིཛྫནྟཱིཏི. གནྠཱ ཏསྶ ནཏྠི ན སནྟི ན སཾཝིཛྫནྟི ནུཔལབྦྷནྟི, པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱཏི – གནྠཱ ཏསྶ ན ཝིཛྫནྟི.

ཨཏརཱི སོ ཝིསཏྟིཀནྟི. ཝིསཏྟིཀཱ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཝིསཏྟིཀཱཏི ཀེནཊྛེན ཝིསཏྟིཀཱ ¶ ? ཝིསཏཱཏི ཝིསཏྟིཀཱ, ཝིསཱལཱཏི ཝིསཏྟིཀཱ, ཝིསཊཱཏི ཝིསཏྟིཀཱ, ཝིསམཱཏི ཝིསཏྟིཀཱ, ཝིསཀྐཏཱིཏི ཝིསཏྟིཀཱ, ཝིསཾཧརཏཱིཏི ཝིསཏྟིཀཱ, ཝིསཾཝཱདིཀཱཏི ཝིསཏྟིཀཱ, ཝིསམཱུལཱཏི ཝིསཏྟིཀཱ, ཝིསཕལཱཏི ཝིསཏྟིཀཱ, ཝིསཔརིབྷོགཱཏི ཝིསཏྟིཀཱ, ཝིསཱལཱ ཝཱ པན སཱ ཏཎྷཱ རཱུཔེ… སདྡེ… གནྡྷེ… རསེ… ཕོཊྛབྦེ… ཀུལེ… གཎེ… ཨཱཝཱསེ…པེ… དིཊྛསུཏམུཏཝིཉྙཱཏབྦེསུ དྷམྨེསུ ཝིསཏཾ ཝིཏྠཏཱཏི ཝིསཏྟིཀཱ. ཨཏརཱི སོ ཝིསཏྟིཀནྟི. སོ ཨིམཾ ཝིསཏྟིཀཾ ཏཎྷཾ ཨཏརི ཨུཏྟརི པཏརི སམཏིཀྐམི ཝཱིཏིཝཏྟཱིཏི – ཨཏརཱི ¶ སོ ཝིསཏྟིཀཾ.

‘‘ཏཾ བྲཱུམི ཨུཔསནྟོཏི, ཀཱམེསུ ཨནཔེཀྑིནཾ;

གནྠཱ ཏསྶ ན ཝིཛྫནྟི, ཨཏརཱི སོ ཝིསཏྟིཀ’’ནྟི.

ན ཏསྶ པུཏྟཱ པསཝོ, ཁེཏྟཾ ཝཏྠུཉྩ ཝིཛྫཏི;

ཨཏྟཱ ཝཱཔི ནིརཏྟཱ ཝཱ, ན ཏསྨིཾ ཨུཔལབྦྷཏི.

ན ཏསྶ པུཏྟཱ པསཝོ, ཁེཏྟཾ ཝཏྠུཉྩ ཝིཛྫཏཱིཏི. ནཱཏི པཊིཀྑེཔོ. ཏསྶཱཏི ཨརཧཏོ ཁཱིཎཱསཝསྶ. པུཏྟཱཏི ཙཏྟཱརོ པུཏྟཱ – ཨཏྟཛོ པུཏྟོ, ཁེཏྟཛོ པུཏྟོ, དིནྣཀོ པུཏྟོ ¶ , ཨནྟེཝཱསིཀོ པུཏྟོ. པསཝོཏི. ཨཛེལ༹ཀཱ ཀུཀྐུཊསཱུཀརཱ ཧཏྠིགཱཝཱསྶཝལ༹ཝཱ. ཁེཏྟནྟི སཱལིཁེཏྟཾ ཝཱིཧིཁེཏྟཾ མུགྒཁེཏྟཾ མཱསཁེཏྟཾ ཡཝཁེཏྟཾ གོདྷུམཁེཏྟཾ ཏིལཁེཏྟཾ. ཝཏྠུནྟི གྷརཝཏྠུཾ ཀོཊྛཝཏྠུཾ པུརེཝཏྠུཾ པཙྪཱཝཏྠུཾ ཨཱརཱམཝཏྠུཾ ཝིཧཱརཝཏྠུཾ. ན ཏསྶ པུཏྟཱ པསཝོ, ཁེཏྟཾ ཝཏྠུཉྩ ཝིཛྫཏཱིཏི. ཏསྶ པུཏྟཔརིགྒཧོ ཝཱ པསུཔརིགྒཧོ ཝཱ ཁེཏྟཔརིགྒཧོ ཝཱ ཝཏྠུཔརིགྒཧོ ཝཱ ནཏྠི ན སནྟི ན སཾཝིཛྫནྟི ནུཔལབྦྷནྟི, པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱཏི – ན ཏསྶ པུཏྟཱ པསཝོ, ཁེཏྟཾ ཝཏྠུཉྩ ཝིཛྫཏི.

ཨཏྟཱ ཝཱཔི ནིརཏྟཱ ཝཱ, ན ཏསྨིཾ ཨུཔལབྦྷཏཱིཏི. ཨཏྟཱཏི ཨཏྟདིཊྛི, ནིརཏྟཱཏི ཨུཙྪེདདིཊྛི; ཨཏྟཱཏི གཧིཏཾ ནཏྠི, ནིརཏྟཱཏི མུཉྩིཏབྦཾ ནཏྠི. ཡསྶ ནཏྠི གཧིཏཾ ཏསྶ ནཏྠི ¶ མུཉྩིཏབྦཾ. ཡསྶ ནཏྠི མུཉྩིཏབྦཾ ཏསྶ ནཏྠི གཧིཏཾ. གཱཧམུཉྩནསམཏིཀྐནྟོ ཨརཧཱ ཝུདྡྷིཔརིཧཱནིཝཱིཏིཝཏྟོ. སོ ཝུཊྛཝཱསོ ཙིཎྞཙརཎོ…པེ… ཛཱཏིམརཎསཾསཱརོ ནཏྠི ཏསྶ པུནབྦྷཝོཏི – ཨཏྟཱ ཝཱཔི ནིརཏྟཱ ཝཱ, ན ཏསྨིཾ ཨུཔལབྦྷཏི.

‘‘ན ¶ ཏསྶ པུཏྟཱ པསཝོ, ཁེཏྟཾ ཝཏྠུཉྩ ཝིཛྫཏི;

ཨཏྟཱ ཝཱཔི ནིརཏྟཱ ཝཱ, ན ཏསྨིཾ ཨུཔལབྦྷཏཱི’’ཏི.

ཡེན ནཾ ཝཛྫུཾ པུཐུཛྫནཱ, ཨཐོ སམཎབྲཱཧྨཎཱ;

ཏཾ ཏསྶ ཨཔུརཀྑཏཾ, ཏསྨཱ ཝཱདེསུ ནེཛཏི.

ཡེན ནཾ ཝཛྫུཾ པུཐུཛྫནཱ, ཨཐོ སམཎབྲཱཧྨཎཱཏི. པུཐུཛྫནཱཏི པུཐུ ཀིལེསེ ཛནེནྟཱིཏི ¶ པུཐུཛྫནཱ ¶ , པུཐུ ཨཝིཧཏསཀྐཱཡདིཊྛིཀཱཏི པུཐུཛྫནཱ, པུཐུ སཏྠཱརཱནཾ མུཁུལློཀིཀཱཏི [མུཁུལློཀཀཱཏི (སཱི.)] པུཐུཛྫནཱ, པུཐུ སབྦགཏཱིཧི ཨཝུཊྛིཏཱཏི པུཐུཛྫནཱ, པུཐུ ནཱནཱབྷིསངྑཱརེ ཨབྷིསངྑརོནྟཱིཏི པུཐུཛྫནཱ, པུཐུ ནཱནཱཨོགྷེཧི ཝུཡ྄ཧནྟཱིཏི པུཐུཛྫནཱ, པུཐུ ནཱནཱསནྟཱཔེཧི སནྟཔྤེནྟཱིཏི པུཐུཛྫནཱ, པུཐུ ནཱནཱཔརིལཱ༹ཧེཧི པརིཌཡ྄ཧནྟཱིཏི པུཐུཛྫནཱ, པུཐུ པཉྩསུ ཀཱམགུཎེསུ རཏྟཱ གིདྡྷཱ གདྷིཏཱ མུཙྪིཏཱ ཨཛ྄ཛྷོསནྣཱ ལགྒཱ ལགྒིཏཱ པལིབུདྡྷཱཏི པུཐུཛྫནཱ, པུཐུ པཉྩཧི ནཱིཝརཎེཧི ཨཱཝུཏཱ ནིཝུཏཱ ཨོཝུཏཱ པིཧིཏཱ པཊིཙྪནྣཱ པཊིཀུཛྫིཏཱཏི – པུཐུཛྫནཱ. སམཎཱཏི ཡེ ཀེཙི ཨིཏོ བཧིདྡྷཱ པརིབྦཛཱུཔགཏཱ པརིབྦཛསམཱཔནྣཱ. བྲཱཧྨཎཱཏི ཡེ ཀེཙི བྷོཝཱདིཀཱ. ཡེན ནཾ ཝཛྫུཾ པུཐུཛྫནཱ, ཨཐོ སམཎབྲཱཧྨཎཱཏི ¶ . པུཐུཛྫནཱ ཡེན ཏཾ རཱགེན ཝདེཡྻུཾ, ཡེན དོསེན ཝདེཡྻུཾ, ཡེན མོཧེན ཝདེཡྻུཾ, ཡེན མཱནེན ཝདེཡྻུཾ, ཡཱཡ དིཊྛིཡཱ ཝདེཡྻུཾ, ཡེན ཨུདྡྷཙྩེན ཝདེཡྻུཾ, ཡཱཡ ཝིཙིཀིཙྪཱཡ ཝདེཡྻུཾ, ཡེཧི ཨནུསཡེཧི ཝདེཡྻུཾ, རཏྟོཏི ཝཱ དུཊྛོཏི ཝཱ མཱུལ༹ྷོཏི ཝཱ ཝིནིབདྡྷོཏི ཝཱ པརཱམཊྛོཏི ཝཱ ཝིཀྑེཔགཏོཏི ཝཱ ཨནིཊྛངྒཏོཏི ཝཱ ཐཱམགཏོཏི ཝཱ ཏེ ཨབྷིསངྑཱརཱ པཧཱིནཱ; ཨབྷིསངྑཱརཱནཾ པཧཱིནཏྟཱ གཏིཡཱ [གཏིཡོ (སྱཱ.)] ཡེན ཏཾ ཝདེཡྻུཾ – ནེརཡིཀོཏི ཝཱ ཏིརཙྪཱནཡོནིཀོཏི ཝཱ པེཏྟིཝིསཡིཀོཏི ཝཱ མནུསྶོཏི ཝཱ དེཝོཏི ཝཱ རཱུཔཱིཏི ཝཱ ཨརཱུཔཱིཏི ཝཱ སཉྙཱིཏི ཝཱ ཨསཉྙཱིཏི ཝཱ ནེཝསཉྙཱིནཱསཉྙཱིཏི ཝཱ. སོ ཧེཏུ ནཏྠི པཙྩཡོ ནཏྠི ཀཱརཎཾ ནཏྠི ཡེན ནཾ ཝདེཡྻུཾ ཀཐེཡྻུཾ བྷཎེཡྻུཾ དཱིཔཡེཡྻུཾ ཝོཧརེཡྻུནྟི – ཡེན ནཾ ཝཛྫུཾ པུཐུཛྫནཱ, ཨཐོ སམཎབྲཱཧྨཎཱ.

ཏཾ ཏསྶ ཨཔུརཀྑཏནྟི. ཏསྶཱཏི ཨརཧཏོ ཁཱིཎཱསཝསྶ. པུརེཀྑཱརཱཏི དྭེ པུརེཀྑཱརཱ – ཏཎྷཱཔུརེཀྑཱརོ ཙ ¶ དིཊྛིཔུརེཀྑཱརོ ཙ…པེ… ཨཡཾ ¶ ཏཎྷཱཔུརེཀྑཱརོ…པེ… ཨཡཾ དིཊྛིཔུརེཀྑཱརོ. ཏསྶ ཏཎྷཱཔུརེཀྑཱརོ པཧཱིནོ, དིཊྛིཔུརེཀྑཱརོ པཊིནིསྶཊྛོ; ཏཎྷཱཔུརེཀྑཱརསྶ པཧཱིནཏྟཱ, དིཊྛིཔུརེཀྑཱརསྶ པཊིནིསྶཊྛཏྟཱ ན ཏཎྷཾ ཝཱ དིཊྛིཾ ཝཱ པུརཏོ ཀཏྭཱ ཙརཏི, ན ཏཎྷཱདྷཛོ ན ཏཎྷཱཀེཏུ ན ཏཎྷཱདྷིཔཏེཡྻོ, ན དིཊྛིདྷཛོ ན དིཊྛིཀེཏུ ན དིཊྛཱདྷིཔཏེཡྻོ, ན ཏཎྷཱཡ ཝཱ ན དིཊྛིཡཱ ཝཱ པརིཝཱརིཏོ ¶ ཙརཏཱིཏི – ཏཾ ཏསྶ ཨཔུརཀྑཏཾ.

ཏསྨཱ ཝཱདེསུ ནེཛཏཱིཏི. ཏསྨཱཏི ཏསྨཱ ཏཾཀཱརཎཱ ཏཾཧེཏུ ཏཔྤཙྩཡཱ ཏཾནིདཱནཱ ཝཱདེསུ ཨུཔཝཱདེསུ ནིནྡཱཡ གརཧཱཡ ཨཀིཏྟིཡཱ ཨཝཎྞཧཱརིཀཱཡ ནེཛཏི ན ཨིཉྫཏི ན ཙལཏི ན ཝེདྷཏི ནཔྤཝེདྷཏི ན སམྤཝེདྷཏཱིཏི – ཏསྨཱ ཝཱདེསུ ནེཛཏི.

‘‘ཡེན ནཾ ཝཛྫུཾ པུཐུཛྫནཱ, ཨཐོ སམཎབྲཱཧྨཎཱ;

ཏཾ ཏསྶ ཨཔུརཀྑཏཾ, ཏསྨཱ ཝཱདེསུ ནེཛཏཱི’’ཏི.

ཝཱིཏགེདྷོ ཨམཙྪརཱི, ན ཨུསྶེསུ ཝདཏེ མུནི;

ན སམེསུ ན ཨོམེསུ, ཀཔྤཾ ནེཏི ཨཀཔྤིཡོ.

ཝཱིཏགེདྷོ ཨམཙྪརཱིཏི. གེདྷོ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཡསྶེསོ གེདྷོ པཧཱིནོ སམུཙྪིནྣོ ཝཱུཔསནྟོ པཊིཔསྶདྡྷོ ཨབྷབྦུཔྤཏྟིཀོ ཉཱཎགྒིནཱ དཌྜྷོ, སོ ཝུཙྩཏི ཝཱིཏགེདྷོ. སོ རཱུཔེ ཨགིདྡྷོ…པེ… དིཊྛསུཏམུཏཝིཉྙཱཏབྦེསུ དྷམྨེསུ ཨགིདྡྷོ ཨགདྷིཏོ ཨམུཙྪིཏོ ཨནཛ྄ཛྷོསིཏོ, ཝཱིཏགེདྷོ ཝིགཏགེདྷོ ཙཏྟགེདྷོ ཝནྟགེདྷོ མུཏྟགེདྷོ པཧཱིནགེདྷོ པཊིནིསྶཊྛགེདྷོ ནིཙྪཱཏོ…པེ… བྲཧྨབྷཱུཏེན ཨཏྟནཱ ཝིཧརཏཱིཏི – ཝཱིཏགེདྷོ. ཨམཙྪརཱིཏི ¶ མཙྪརིཡནྟི པཉྩ མཙྪརིཡཱནི – ཨཱཝཱསམཙྪརིཡཾ, ཀུལམཙྪརིཡཾ, ལཱབྷམཙྪརིཡཾ, ཝཎྞམཙྪརིཡཾ, དྷམྨམཙྪརིཡཾ. ཡཾ ཨེཝརཱུཔཾ…པེ… གཱཧོ – ཨིདཾ ཝུཙྩཏི མཙྪརིཡཾ. ཡསྶེཏཾ མཙྪརིཡཾ པཧཱིནཾ སམུཙྪིནྣཾ ཝཱུཔསནྟཾ པཊིཔསྶདྡྷཾ ཨབྷབྦུཔྤཏྟིཀཾ ¶ ཉཱཎགྒིནཱ དཌྜྷཾ, སོ ཝུཙྩཏི ཨམཙྪརཱིཏི – ཝཱིཏགེདྷོ ཨམཙྪརཱི.

ན ཨུསྶེསུ ཝདཏེ མུནི, ན སམེསུ ན ཨོམེསཱུཏི. མུནཱིཏི. མོནཾ ཝུཙྩཏི ཉཱཎཾ…པེ… སངྒཛཱལམཏིཙྩ སོ མུནི. ‘‘སེཡྻོཧམསྨཱི’’ཏི ཝཱ, ‘‘སདིསོཧམསྨཱི’’ཏི ཝཱ, ‘‘ཧཱིནོཧམསྨཱི’’ཏི ཝཱ ན ཝདཏི ན ཀཐེཏི ན བྷཎཏི ན དཱིཔཡཏི ན ཝོཧརཏཱིཏི – ན ཨུསྶེསུ ཝདཏེ མུནི, ན ¶ སམེསུ ན ཨོམེསུ.

ཀཔྤཾ ནེཏི ཨཀཔྤིཡོཏི. ཀཔྤཱཏི དྭེ ཀཔྤཱ – ཏཎྷཱཀཔྤོ ཙ དིཊྛིཀཔྤོ ཙ…པེ… ཨཡཾ ཏཎྷཱཀཔྤོ…པེ… ཨཡཾ དིཊྛིཀཔྤོ. ཏསྶ ཏཎྷཱཀཔྤོ པཧཱིནོ, དིཊྛིཀཔྤོ པཊིནིསྶཊྛོ; ཏཎྷཱཀཔྤསྶ པཧཱིནཏྟཱ, དིཊྛིཀཔྤསྶ པཊིནིསྶཊྛཏྟཱ ཏཎྷཱཀཔྤཾ ཝཱ དིཊྛིཀཔྤཾ ཝཱ ནེཏི ན ཨུཔེཏི ན ཨུཔགཙྪཏི ན གཎྷཱཏི ན པརཱམསཏི ནཱབྷིནིཝིསཏཱིཏི – ཀཔྤཾ ནེཏི. ཨཀཔྤིཡོཏི. ཀཔྤཱཏི དྭེ ཀཔྤཱ – ཏཎྷཱཀཔྤོ ཙ དིཊྛིཀཔྤོ ཙ…པེ… ཨཡཾ ཏཎྷཱཀཔྤོ…པེ… ཨཡཾ དིཊྛིཀཔྤོ. ཏསྶ ཏཎྷཱཀཔྤོ པཧཱིནོ, དིཊྛིཀཔྤོ པཊིནིསྶཊྛོ; ཏསྶ ¶ ཏཎྷཱཀཔྤསྶ པཧཱིནཏྟཱ, དིཊྛིཀཔྤསྶ པཊིནིསྶཊྛཏྟཱ ཏཎྷཱཀཔྤཾ ཝཱ དིཊྛིཀཔྤཾ ཝཱ ན ཀཔྤེཏི ན ཛནེཏི ན སཉྫནེཏི ན ནིབྦཏྟེཏི ནཱབྷིནིབྦཏྟེཏཱིཏི – ཀཔྤཾ ནེཏི ཨཀཔྤིཡོ.

‘‘ཝཱིཏགེདྷོ ¶ ཨམཙྪརཱི, ན ཨུསྶེསུ ཝདཏེ མུནི;

ན སམེསུ ན ཨོམེསུ, ཀཔྤཾ ནེཏི ཨཀཔྤིཡོ’’ཏི.

ཡསྶ ལོཀེ སཀཾ ནཏྠི, ཨསཏཱ ཙ ན སོཙཏི;

དྷམྨེསུ ཙ ན གཙྪཏི, ས ཝེ སནྟོཏི ཝུཙྩཏི.

ཡསྶ ¶ ལོཀེ སཀཾ ནཏྠཱིཏི. ཡསྶཱཏི ཨརཧཏོ ཁཱིཎཱསཝསྶ. ལོཀེ སཀཾ ནཏྠཱིཏི. ཏསྶ མཡ྄ཧཾ ཝཱ ཨིདཾ པརེསཾ ཝཱ ཨིདནྟི ཀིཉྩི རཱུཔགཏཾ ཝེདནཱགཏཾ སཉྙཱགཏཾ སངྑཱརགཏཾ ཝིཉྙཱཎགཏཾ, གཧིཏཾ པརཱམཊྛཾ ཨབྷིནིཝིཊྛཾ ཨཛ྄ཛྷོསིཏཾ ཨདྷིམུཏྟཾ, ནཏྠི ན སནྟི…པེ… ཉཱཎགྒིནཱ དཌྜྷནྟི – ཡསྶ ལོཀེ སཀཾ ནཏྠི. ཨསཏཱ ཙ ན སོཙཏཱིཏི. ཝིཔརིཎཏཾ ཝཱ ཝཏྠུཾ ན སོཙཏི, ཝིཔརིཎཏསྨིཾ ཝཱ ཝཏྠུསྨིཾ ན སོཙཏི. ཙཀྑུ མེ ཝིཔརིཎཏནྟི ན སོཙཏི. སོཏཾ མེ… གྷཱནཾ མེ… ཛིཝ྄ཧཱ མེ… ཀཱཡོ མེ… མནོ མེ… རཱུཔཱ མེ… སདྡཱ མེ… གནྡྷཱ མེ… རསཱ མེ… ཕོཊྛབྦཱ མེ… ཀུལཾ མེ… གཎོ མེ… ཨཱཝཱསོ མེ… ལཱབྷོ མེ… ཡསོ མེ… པསཾསཱ མེ… སུཁཾ མེ… ཙཱིཝརཾ མེ… པིཎྜཔཱཏོ མེ… སེནཱསནཾ མེ… གིལཱནཔཙྩཡབྷེསཛྫཔརིཀྑཱརོ མེ… མཱཏཱ མེ… པིཏཱ མེ… བྷཱཏཱ མེ… བྷགིནཱི མེ… པུཏྟོ མེ… དྷཱིཏཱ མེ… མིཏྟཱ མེ… ཨམཙྩཱ མེ… ཉཱཏཀཱ མེ… སཱལོཧིཏཱ མེ ཝིཔརིཎཏཱཏི ན སོཙཏི ན ཀིལམཏི ན པརིདེཝཏི ན ཨུརཏྟཱལི༹ཾ ཀནྡཏི ན སམྨོཧཾ ཨཱཔཛྫཏཱིཏི. ཨེཝམྤི, ཨསཏཱ ཙ ན སོཙཏི.

ཨཐ ཝཱ ཨསནྟཱཡ [ཨསཏཱཡ (སཱི.), ཨསཱཏཱཡ (སྱཱ.)] དུཀྑཱཡ ཝེདནཱཡ ཕུཊྛོ པརེཏོ སམོཧིཏོ སམནྣཱགཏོ ན ¶ སོཙཏི ན ཀིལམཏི ན པརིདེཝཏི ན ཨུརཏྟཱལི༹ཾ ¶ ཀནྡཏི ན སམྨོཧཾ ཨཱཔཛྫཏི. ཙཀྑུརོགེན ཕུཊྛོ པརེཏོ སམོཧིཏོ སམནྣཱགཏོ ན སོཙཏི ན ཀིལམཏི ན པརིདེཝཏི ན ཨུརཏྟཱལི༹ཾ ཀནྡཏི ན སམྨོཧཾ ཨཱཔཛྫཏི, སོཏརོགེན… གྷཱནརོགེན… ཛིཝ྄ཧཱརོགེན… ཀཱཡརོགེན… སཱིསརོགེན… ཀཎྞརོགེན… མུཁརོགེན… དནྟརོགེན… ཀཱསེན… སཱསེན… པིནཱསེན… ཌཱཧེན… ཛརེན… ཀུཙྪིརོགེན… མུཙྪཱཡ… པཀྑནྡིཀཱཡ… སཱུལེན… ཝིསཱུཙིཀཱཡ… ཀུཊྛེན… གཎྜེན… ཀིལཱསེན… སོསེན… ཨཔམཱརེན… དདྡུཡཱ… ཀཎྜུཡཱ… ཀཙྪུཡཱ… རཁསཱཡ ¶ … ཝིཏཙྪིཀཱཡ… ལོཧིཏེན… པིཏྟེན… མདྷུམེཧེན… ཨཾསཱཡ… པིལ༹ཀཱཡ… བྷགནྡལེན [བྷགནྡལཱཡ (སཱི. སྱཱ.)] … པིཏྟསམུཊྛཱནེན ཨཱབཱདྷེན… སེམྷསམུཊྛཱནེན ཨཱབཱདྷེན… ཝཱཏསམུཊྛཱནེན ¶ ཨཱབཱདྷེན… སནྣིཔཱཏིཀེན ཨཱབཱདྷེན… ཨུཏུཔརིཎཱམཛེན ཨཱབཱདྷེན… ཝིསམཔརིཧཱརཛེན ཨཱབཱདྷེན… ཨོཔཀྐམིཀེན ཨཱབཱདྷེན… ཀམྨཝིཔཱཀཛེན ཨཱབཱདྷེན… སཱིཏེན… ཨུཎྷེན… ཛིགྷཙྪཱཡ… པིཔཱསཱཡ… ཌཾསམཀསཝཱཏཱཏཔསརཱིསཔསམྥསྶེཧི ཕུཊྛོ པརེཏོ སམོཧིཏོ སམནྣཱགཏོ ན སོཙཏི ན ཀིལམཏི ན པརིདེཝཏི ན ཨུརཏྟཱལི༹ཾ ཀནྡཏི ན སམྨོཧཾ ཨཱཔཛྫཏཱིཏི. ཨེཝམྤི, ཨསཏཱ ཙ ན སོཙཏི.

ཨཐ ཝཱ ཨསནྟེ ཨསཾཝིཛྫམཱནེ ཨནུཔལབྦྷམཱནེ [ཨནུཔལབྦྷིཡམཱནེ (སྱཱ. ཀ.)] – ‘‘ཨཧོ ཝཏ མེ ཏཾ ནཏྠི, སིཡཱ ཝཏ མེ ཏཾ, ཏཾ ཝཏཱཧཾ ན ཙ ལབྷཱམཱི’’ཏི ན སོཙཏི ན ཀིལམཏི ན པརིདེཝཏི ན ཨུརཏྟཱལི༹ཾ ཀནྡཏི ན སམྨོཧཾ ཨཱཔཛྫཏཱིཏི. ཨེཝམྤི ཨསཏཱ ཙ ན སོཙཏི. དྷམྨེསུ ¶ ཙ ན གཙྪཏཱིཏི ན ཚནྡཱགཏིཾ གཙྪཏི, ན དོསཱགཏིཾ གཙྪཏི, ན མོཧཱགཏིཾ གཙྪཏི, ན བྷཡཱགཏིཾ གཙྪཏི, ན རཱགཝསེན གཙྪཏི, ན དོསཝསེན གཙྪཏི, ན མོཧཝསེན གཙྪཏི, ན མཱནཝསེན གཙྪཏི, ན དིཊྛིཝསེན གཙྪཏི, ན ཨུདྡྷཙྩཝསེན གཙྪཏི, ན ཝིཙིཀིཙྪཱཝསེན གཙྪཏི, ན ཨནུསཡཝསེན གཙྪཏི ན ཙ ཝགྒེཧི དྷམྨེཧི ཡཱཡཏི ནཱིཡཏི ཝུཡ྄ཧཏི སཾཧརཱིཡཏཱིཏི – དྷམྨེསུ ཙ ན གཙྪཏི.

ས ཝེ སནྟོཏི ཝུཙྩཏཱིཏི. སོ སནྟོ ཨུཔསནྟོ ཝཱུཔསནྟོ ནིབྦུཏོ པཊིཔསྶདྡྷོཏི ཝུཙྩཏི པཝུཙྩཏི ཀཐཱིཡཏི བྷཎཱིཡཏི དཱིཔཱིཡཏི ¶ ཝོཧརཱིཡཏཱིཏི – ས ཝེ སནྟོཏི ཝུཙྩཏི.

‘‘ཡསྶ ¶ ལོཀེ སཀཾ ནཏྠི, ཨསཏཱ ཙ ན སོཙཏི;

དྷམྨེསུ ཙ ན གཙྪཏི, ས ཝེ སནྟོཏི ཝུཙྩཏཱི’’ཏི.

ཨཐ ¶ ཀལཧཝིཝཱདསུཏྟནིདྡེསཾ ཝཀྑཏི –

ཀུཏོཔཧཱུཏཱ ¶ ¶ ཀལཧཱ ཝིཝཱདཱ, པརིདེཝསོཀཱ སཧམཙྪརཱ ཙ;

མཱནཱཏིམཱནཱ སཧཔེསུཎཱ ཙ, ཀུཏོཔཧཱུཏཱ ཏེ ཏདིངྒྷ བྲཱུཧི.

ཀུཏོཔཧཱུཏཱ ཀལཧཱ ཝིཝཱདཱཏི. ཀལཧོཏི ཨེཀེན ཨཱཀཱརེན ཀལཧོ; ཝིཝཱདོཏིཔི ཏཉྙེཝ. ཡོ ཀལཧོ སོ ཝིཝཱདོ, ཡོ ཝིཝཱདོ སོ ཀལཧོ. ཨཐ ཝཱ ཨཔརེན ཨཱཀཱརེན ཝིཝཱདོ ཝུཙྩཏི ཀལཧསྶ པུབྦབྷཱགོ ཝིཝཱདོ. རཱཛཱནོཔི རཱཛཱུཧི ཝིཝདནྟི, ཁཏྟིཡཱཔི ཁཏྟིཡེཧི ཝིཝདནྟི, བྲཱཧྨཎཱཔི བྲཱཧྨཎེཧི ཝིཝདནྟི, གཧཔཏཱིཔི གཧཔཏཱིཧི ཝིཝདནྟི, མཱཏཱཔི པུཏྟེན ཝིཝདཏི, པུཏྟོཔི མཱཏརཱ ཝིཝདཏི, པིཏཱཔི པུཏྟེན ཝིཝདཏི, པུཏྟོཔི པིཏརཱ ཝིཝདཏི, བྷཱཏཱཔི བྷཱཏརཱ ཝིཝདཏི, བྷཱཏཱཔི བྷགིནིཡཱ ཝིཝདཏི, བྷགིནཱིཔི བྷཱཏརཱ ཝིཝདཏི, སཧཱཡོཔི སཧཱཡེན ཝིཝདཏི – ཨཡཾ ཝིཝཱདོ. ཀཏམོ ཀལཧོ? ཨཱགཱརིཀཱ དཎྜཔསུཏཱ ཀཱཡེན ཝཱཙཱཡ ཀལཧཾ ཀརོནྟི, པབྦཛིཏཱ ཨཱཔཏྟིཾ ཨཱཔཛྫནྟཱ ཀཱཡེན ཝཱཙཱཡ ཀལཧཾ ཀརོནྟི – ཨཡཾ ཀལཧོ.

ཀུཏོཔཧཱུཏཱ ¶ ཀལཧཱ ཝིཝཱདཱཏི. ཀལཧཱ ཙ ཝིཝཱདཱ ཙ ཀུཏོཔཧཱུཏཱ ཀུཏོཛཱཏཱ ཀུཏོསཉྫཱཏཱ ཀུཏོནིབྦཏྟཱ ཀུཏོཨབྷིནིབྦཏྟཱ ཀུཏོཔཱཏུབྷཱུཏཱ, ཀིཾནིདཱནཱ ཀིཾསམུདཡཱ ཀིཾཛཱཏིཀཱ ཀིཾཔབྷཝཱཏི ཀལཧསྶ ཙ ཝིཝཱདསྶ ཙ མཱུལཾ པུཙྪཏི, ཧེཏུཾ པུཙྪཏི ¶ , ནིདཱནཾ པུཙྪཏི, སམྦྷཝཾ པུཙྪཏི, པབྷཝཾ པུཙྪཏི, སམུཊྛཱནཾ པུཙྪཏི, ཨཱཧཱརཾ པུཙྪཏི, ཨཱརམྨཎཾ པུཙྪཏི, པཙྩཡཾ པུཙྪཏི, སམུདཡཾ པུཙྪཏི པཔུཙྪཏི ¶ ཡཱཙཏི ཨཛ྄ཛྷེསཏི [ཨཛ྄ཛྷོསཏི (སཱི.)] པསཱདེཏཱིཏི – ཀུཏོཔཧཱུཏཱ ཀལཧཱ ཝིཝཱདཱ.

པརིདེཝསོཀཱ སཧམཙྪརཱ ཙཱཏི. པརིདེཝོཏི ཉཱཏིབྱསནེན ཝཱ ཕུཊྛསྶ, བྷོགབྱསནེན ཝཱ ཕུཊྛསྶ, རོགབྱསནེན ཝཱ ཕུཊྛསྶ, སཱིལབྱསནེན ཝཱ ཕུཊྛསྶ, དིཊྛིབྱསནེན ཝཱ ཕུཊྛསྶ, ཨཉྙཏརཉྙཏརེན ¶ ཝཱ བྱསནེན སམནྣཱགཏསྶ, ཨཉྙཏརཉྙཏརེན ཝཱ དུཀྑདྷམྨེན ཕུཊྛསྶ, ཨཱདེཝོ པརིདེཝོ, ཨཱདེཝནཱ པརིདེཝནཱ, ཨཱདེཝིཏཏྟཾ པརིདེཝིཏཏྟཾ, ཝཱཙཱ པལཱཔོ ཝིཔྤལཱཔོ ལཱལཔྤོ ལཱལཔྤཱཡནཱ ལཱལཔྤཱཡིཏཏྟཾ. སོཀོཏི ཉཱཏིབྱསནེན ཝཱ ཕུཊྛསྶ, བྷོགརོགསཱིལདིཊྛིབྱསནེན ཝཱ ཕུཊྛསྶ, ཨཉྙཏརཉྙཏརེན ཝཱ བྱསནེན སམནྣཱགཏསྶ, ཨཉྙཏརཉྙཏརེན ཝཱ དུཀྑདྷམྨེན ཕུཊྛསྶ, སོཀོ སོཙནཱ སོཙིཏཏྟཾ, ཨནྟོསོཀོ ཨནྟོཔརིསོཀོ, ཨནྟོཌཱཧོ ཨནྟོཔརིཌཱཧོ, ཙེཏསོ པརིཛ྄ཛྷཱཡནཱ དོམནསྶཾ སོཀསལླཾ. མཙྪརནྟི པཉྩ མཙྪརིཡཱནི – ཨཱཝཱསམཙྪརིཡཾ, ཀུལམཙྪརིཡཾ, ལཱབྷམཙྪརིཡཾ, ཝཎྞམཙྪརིཡཾ, དྷམྨམཙྪརིཡཾ. ཡཾ ཨེཝརཱུཔཾ མཙྪརིཡཾ མཙྪརཱཡནཾ མཙྪརཱཡིཏཏྟཾ ཝེཝིཙྪཾ ཀདརིཡཾ ཀཊུཀཉྩུཀཏཱ ཨགྒཧིཏཏྟཾ ཙིཏྟསྶ – ཨིདཾ ཝུཙྩཏི མཙྪརིཡཾ. ཨཔི ཙ, ཁནྡྷམཙྪརིཡམྤི མཙྪརིཡཾ ¶ , དྷཱཏུམཙྪརིཡམྤི མཙྪརིཡཾ, ཨཱཡཏནམཙྪརིཡམྤི ¶ མཙྪརིཡཾ གཱཧོ. ཨིདཾ ཝུཙྩཏི མཙྪརིཡནྟི – པརིདེཝསོཀཱ སཧམཙྪརཱ ཙ.

མཱནཱཏིམཱནཱ སཧཔེསུཎཱ ཙཱཏི. མཱནོཏི ཨིདྷེཀཙྩོ མཱནཾ ཛནེཏི ཛཱཏིཡཱ ཝཱ གོཏྟེན ཝཱ ཀོལཔུཏྟིཡེན ཝཱ ཝཎྞཔོཀྑརཏཱཡ ཝཱ དྷནེན ཝཱ ཨཛ྄ཛྷེནེན ཝཱ ཀམྨཱཡཏནེན ཝཱ སིཔྤཱཡཏནེན ཝཱ ཝིཛྫཱཊྛཱནེན ཝཱ སུཏེན ཝཱ པཊིབྷཱནེན ཝཱ ཨཉྙཏརཉྙཏརེན ཝཱ ཝཏྠུནཱ. ཨཏིམཱནོཏི ཨིདྷེཀཙྩོ པརཾ ཨཏིམཉྙཏི ཛཱཏིཡཱ ཝཱ གོཏྟེན ཝཱ…པེ… ཨཉྙཏརཉྙཏརེན ཝཱ ཝཏྠུནཱ. པེསུཉྙནྟི ཨིདྷེཀཙྩོ པིསུཎཝཱཙོ ཧོཏི – ཨིཏོ སུཏྭཱ ཨམུཏྲ ཨཀྑཱཏཱ ཨིམེསཾ བྷེདཱཡ, ཨམུཏྲ ཝཱ སུཏྭཱ ཨིམེསཾ ཨཀྑཱཏཱ ཨམཱུསཾ བྷེདཱཡ. ཨིཏི སམགྒཱནཾ ཝཱ བྷེཏྟཱ, བྷིནྣཱནཾ ཝཱ ཨནུཔྤདཱཏཱ, ཝགྒཱརཱམོ ཝགྒརཏོ ཝགྒནནྡཱི ཝགྒཀརཎིཾ ཝཱཙཾ བྷཱསིཏཱ ཧོཏི – ཨིདཾ ཝུཙྩཏི པེསུཉྙཾ. ཨཔི ཙ དྭཱིཧི ཀཱརཎེཧི པེསུཉྙཾ ཨུཔསཾཧརཏི – པིཡཀམྱཏཱཡ ཝཱ བྷེདཱདྷིཔྤཱཡེན ཝཱ. ཀཐཾ པིཡཀམྱཏཱཡ པེསུཉྙཾ ཨུཔསཾཧརཏི? ཨིམསྶ པིཡོ ¶ བྷཝིསྶཱམི, མནཱཔོ བྷཝིསྶཱམི, ཝིསྶཱསིཀོ བྷཝིསྶཱམི, ཨབྦྷནྟརིཀོ བྷཝིསྶཱམི, སུཧདཡོ བྷཝིསྶཱམཱིཏི – ཨེཝཾ པིཡཀམྱཏཱཡ པེསུཉྙཾ ཨུཔསཾཧརཏི. ཀཐཾ བྷེདཱདྷིཔྤཱཡེན པེསུཉྙཾ ཨུཔསཾཧརཏི? ཀཐཾ ཨིམེ ནཱནཱ ཨསྶུ, ཝིནཱ ཨསྶུ, ཝགྒཱ ཨསྶུ, དྭིདྷཱ ཨསྶུ, དྭེཛ྄ཛྷཱ ཨསྶུ, དྭེ པཀྑཱ ཨསྶུ, བྷིཛྫེཡྻུཾ ན སམཱགཙྪེཡྻུཾ, དུཀྑཾ ན ཕཱསུ ¶ ཝིཧརེཡྻུནྟི – ཨེཝཾ བྷེདཱདྷིཔྤཱཡེན པེསུཉྙཾ ཨུཔསཾཧརཏཱིཏི – མཱནཱཏིམཱནཱ སཧཔེསུཎཱ ཙ.

ཀུཏོཔཧཱུཏཱ ཏེ ཏདིངྒྷ བྲཱུཧཱིཏི. ཀལཧོ ཙ ཝིཝཱདོ ཙ པརིདེཝོ ཙ སོཀོ ཙ མཙྪརིཡཉྩ མཱནོ ཙ ཨཏིམཱནོ ཙ ¶ པེསུཉྙཉྩཱཏི – ཨིམེ ཨཊྛ ཀིལེསཱ ཀུཏོཔཧཱུཏཱ ཀུཏོཛཱཏཱ ཀུཏོསཉྫཱཏཱ ཀུཏོནིབྦཏྟཱ ཀུཏོཨབྷིནིབྦཏྟཱ ཀུཏོཔཱཏུབྷཱུཏཱ, ཀིཾནིདཱནཱ ཀིཾསམུདཡཱ ¶ ཀིཾཛཱཏིཀཱ ཀིཾཔབྷཝཱཏི. ཨིམེསཾ ཨཊྛནྣཾ ཀིལེསཱནཾ མཱུལཾ པུཙྪཏི, ཧེཏུཾ པུཙྪཏི, ནིདཱནཾ པུཙྪཏི, སམྦྷཝཾ པུཙྪཏི, པབྷཝཾ པུཙྪཏི, སམུཊྛཱནཾ པུཙྪཏི, ཨཱཧཱརཾ པུཙྪཏི, ཨཱརམྨཎཾ པུཙྪཏི, པཙྩཡཾ པུཙྪཏི, སམུདཡཾ པུཙྪཏི པཔུཙྪཏི ཡཱཙཏི ཨཛ྄ཛྷེསཏི པསཱདེཏཱིཏི – ཀུཏོཔཧཱུཏཱ ཏེ ཏདིངྒྷཾ བྲཱུཧཱིཏི. ཨིངྒྷ བྲཱུཧི ཨཱཙིཀྑ དེསེཧི པཉྙཔེཧི པཊྛཔེཧི ཝིཝར ཝིབྷཛ ཨུཏྟཱནཱིཀརོཧི པཀཱསེཧཱིཏི – ཀུཏོཔཧཱུཏཱ ཏེ ཏདིངྒྷ བྲཱུཧི.

‘‘ཀུཏོཔཧཱུཏཱ ཀལཧཱ ཝིཝཱདཱ, པརིདེཝསོཀཱ སཧམཙྪརཱ ཙ;

མཱནཱཏིམཱནཱ སཧཔེསུཎཱ ཙ, ཀུཏོཔཧཱུཏཱ ཏེ ཏདིངྒྷ བྲཱུཧཱི’’ཏི.

པིཡཔྤཧཱུཏཱ ཀལཧཱ ཝིཝཱདཱ, པརིདེཝསོཀཱ སཧམཙྪརཱ ཙ;

མཱནཱཏིམཱནཱ སཧཔེསུཎཱ ཙ, མཙྪེརཡུཏྟཱ ¶ ཀལཧཱ ཝིཝཱདཱ;

པིཡཔྤཧཱུཏཱ ཀལཧཱ ཝིཝཱདཱ, པརིདེཝསོཀཱ སཧམཙྪརཱ ཙཱཏི. པིཡཱཏི དྭེ པིཡཱ – སཏྟཱ ཝཱ སངྑཱརཱ ཝཱ. ཀཏམེ སཏྟཱ པིཡཱ? ཨིདྷ ཡསྶ ¶ ཏེ ཧོནྟི ཨཏྠཀཱམཱ ཧིཏཀཱམཱ ཕཱསུཀཱམཱ ཡོགཀྑེམཀཱམཱ མཱཏཱ ཝཱ པིཏཱ ཝཱ བྷཱཏཱ ཝཱ བྷགིནཱི ཝཱ པུཏྟོ ཝཱ དྷཱིཏཱ ཝཱ མིཏྟཱ ཝཱ ཨམཙྩཱ ཝཱ ཉཱཏཱི ཝཱ སཱལོཧིཏཱ ཝཱ – ཨིམེ སཏྟཱ པིཡཱ. ཀཏམེ སངྑཱརཱ པིཡཱ? མནཱཔིཀཱ རཱུཔཱ མནཱཔིཀཱ སདྡཱ མནཱཔིཀཱ གནྡྷཱ མནཱཔིཀཱ རསཱ མནཱཔིཀཱ ཕོཊྛབྦཱ – ཨིམེ སངྑཱརཱ པིཡཱ.

པིཡཾ ཝཏྠུཾ ¶ ཨཙྪེདསངྐིནོཔི ཀལཧཾ ཀརོནྟི, ཨཙྪིཛྫནྟེཔི ཀལཧཾ ཀརོནྟི, ཨཙྪིནྣེཔི ཀལཧཾ ཀརོནྟི. པིཡཾ ཝཏྠུཾ ཝིཔརིཎཱམསངྐིནོཔི ཀལཧཾ ཀརོནྟི, ཝིཔརིཎཱམནྟེཔི ཀལཧཾ ཀརོནྟི, ཝིཔརིཎཏེཔི ཀལཧཾ ཀརོནྟི. པིཡཾ ཝཏྠུཾ ཨཙྪེདསངྐིནོཔི ཝིཝདནྟི, ཨཙྪིཛྫནྟེཔི ཝིཝདནྟི, ཨཙྪིནྣེཔི ཝིཝདནྟི. པིཡཾ ཝཏྠུཾ ཝིཔརིཎཱམསངྐིནོཔི ཝིཝདནྟི, ཝིཔརིཎཱམནྟེཔི ཝིཝདནྟི, ཝིཔརིཎཏེཔི ཝིཝདནྟི. པིཡཾ ཝཏྠུཾ ཨཙྪེདསངྐིནོཔི པརིདེཝནྟི, ཨཙྪིཛྫནྟེཔི པརིདེཝནྟི, ཨཙྪིནྣེཔི པརིདེཝནྟི. པིཡཾ ཝཏྠུཾ ཝིཔརིཎཱམསངྐིནོཔི པརིདེཝནྟི, ཝིཔརིཎཱམནྟེཔི པརིདེཝནྟི, ཝིཔརིཎཏེཔི པརིདེཝནྟི. པིཡཾ ཝཏྠུཾ ཨཙྪེདསངྐིནོཔི སོཙནྟི, ཨཙྪིཛྫནྟེཔི སོཙནྟི, ཨཙྪིནྣེཔི སོཙནྟི. པིཡཾ ཝཏྠུཾ ཝིཔརིཎཱམསངྐིནོཔི ¶ སོཙནྟི ¶ , ཝིཔརིཎཱམནྟེཔི སོཙནྟི, ཝིཔརིཎཏེཔི སོཙནྟི. པིཡཾ ཝཏྠུཾ རཀྑནྟི གོཔེནྟི པརིགྒཎྷནྟི མམཱཡནྟི མཙྪརཱཡནྟི.

མཱནཱཏིམཱནཱ སཧཔེསུཎཱ ཙཱཏི. པིཡཾ ཝཏྠུཾ ནིསྶཱཡ མཱནཾ ཛནེནྟི, པིཡཾ ཝཏྠུཾ ནིསྶཱཡ ཨཏིམཱནཾ ཛནེནྟི. ཀཐཾ པིཡཾ ཝཏྠུཾ ནིསྶཱཡ མཱནཾ ཛནེནྟི? མཡཾ ལཱབྷིནོ མནཱཔིཀཱནཾ རཱུཔཱནཾ སདྡཱནཾ གནྡྷཱནཾ རསཱནཾ ཕོཊྛབྦཱནནྟི. ཨེཝཾ པིཡཾ ཝཏྠུཾ ནིསྶཱཡ མཱནཾ ཛནེནྟི. ཀཐཾ པིཡཾ ཝཏྠུཾ ནིསྶཱཡ ཨཏིམཱནཾ ཛནེནྟི? མཡཾ ལཱབྷིནོ མནཱཔིཀཱནཾ རཱུཔཱནཾ སདྡཱནཾ གནྡྷཱནཾ རསཱནཾ ཕོཊྛབྦཱནཾ, ཨིམེ པནཉྙེ ན ལཱབྷིནོ མནཱཔིཀཱནཾ རཱུཔཱནཾ སདྡཱནཾ གནྡྷཱནཾ རསཱནཾ ཕོཊྛབྦཱནནྟི. ཨེཝཾ པིཡཾ ཝཏྠུཾ ནིསྶཱཡ ཨཏིམཱནཾ ཛནེནྟི. པེསུཉྙནྟི ཨིདྷེཀཙྩོ པིསུཎཝཱཙོ ཧོཏི, ཨིཏོ སུཏྭཱ ཨམུཏྲ ཨཀྑཱཏཱ ཨིམེསཾ བྷེདཱཡ…པེ… ཨེཝཾ བྷེདཱདྷིཔྤཱཡེན པེསུཉྙཾ ཨུཔསཾཧརཏཱིཏི…པེ… མཱནཱཏིམཱནཱ སཧཔེསུཎཱ ཙ.

མཙྪེརཡུཏྟཱ ¶ ཀལཧཱ ཝིཝཱདཱཏི. ཀལཧོ ཙ ཝིཝཱདོ ཙ པརིདེཝོ ཙ སོཀོ ཙ མཱནོ ཙ ཨཏིམཱནོ ཙ པེསུཉྙཉྩཱཏི – ཨིམེ སཏྟ ཀིལེསཱ མཙྪརིཡེ ཡུཏྟཱ པཡུཏྟཱ ཨཱཡུཏྟཱ སམཱཡུཏྟཱཏི – མཙྪེརཡུཏྟཱ ཀལཧཱ ཝིཝཱདཱ.

ཝིཝཱདཛཱཏེསུ ¶ ཙ པེསུཎཱནཱིཏི. ཝིཝཱདེ ཛཱཏེ སཉྫཱཏེ ནིབྦཏྟེ ཨབྷིནིབྦཏྟེ པཱཏུབྷཱུཏེ པེསུཉྙཾ ཨུཔསཾཧརནྟི; ཨིཏོ སུཏྭཱ ¶ ཨམུཏྲ ཨཀྑཱཡནྟི ཨིམེསཾ བྷེདཱཡ, ཨམུཏྲ ཝཱ སུཏྭཱ ཨིམེསཾ ཨཀྑཱཡནྟི ཨམཱུསཾ བྷེདཱཡ. ཨིཏི སམགྒཱནཾ ཝཱ བྷེཏྟཱརོ, བྷིནྣཱནཾ ཝཱ ཨནུཔྤདཱཏཱརོ, ཝགྒཱརཱམཱ ཝགྒརཏཱ ཝགྒནནྡཱི ཝགྒཀརཎིཾ ཝཱཙཾ བྷཱསིཏཱརོ ཧོནྟི – ཨིདཾ ཝུཙྩཏི པེསུཉྙཾ. ཨཔི ཙ དྭཱིཧི ཀཱརཎེཧི པེསུཉྙཾ ཨུཔསཾཧརནྟི – པིཡཀམྱཏཱཡ ཝཱ བྷེདཱདྷིཔྤཱཡེན ཝཱ. ཀཐཾ པིཡཀམྱཏཱཡ པེསུཉྙཾ ཨུཔསཾཧརནྟི? ཨིམསྶ པིཡཱ བྷཝིསྶཱམ, མནཱཔཱ བྷཝིསྶཱམ, ཝིསྶཱསིཀཱ བྷཝིསྶཱམ, ཨབྦྷནྟརིཀཱ བྷཝིསྶཱམ, སུཧདཡཱ བྷཝིསྶཱམཱཏི. ཨེཝཾ པིཡཀམྱཏཱཡ པེསུཉྙཾ ཨུཔསཾཧརནྟི. ཀཐཾ བྷེདཱདྷིཔྤཱཡེན པེསུཉྙཾ ཨུཔསཾཧརནྟི? ‘‘ཀཐཾ ཨིམེ ནཱནཱ ཨསྶུ, ཝིནཱ ཨསྶུ, ཝགྒཱ ཨསྶུ, དྭེདྷཱ ཨསྶུ, དྭེཛ྄ཛྷཱ ཨསྶུ, དྭེ པཀྑཱ ཨསྶུ, བྷིཛྫེཡྻུཾ ན སམཱགཙྪེཡྻུཾ, དུཀྑཾ ན ཕཱསུ ཝིཧརེཡྻུ’’ནྟི – ཨེཝཾ བྷེདཱདྷིཔྤཱཡེན པེསུཉྙཾ ཨུཔསཾཧརནྟཱིཏི – ཝིཝཱདཛཱཏེསུ ཙ པེསུཎཱནི.

‘‘པིཡཔྤཧཱུཏཱ ཀལཧཱ ཝིཝཱདཱ, པརིདེཝསོཀཱ སཧམཙྪརཱ ཙ;

མཱནཱཏིམཱནཱ སཧཔེསུཎཱ ཙ, མཙྪེརཡུཏྟཱ ཀལཧཱ ཝིཝཱདཱ;

པིཡཱ ¶ ¶ སུ ལོཀསྨིཾ ཀུཏོནིདཱནཱ, ཡེ ཙཱཔི ལོབྷཱ ཝིཙརནྟི ལོཀེ;

ཨཱསཱ ཙ ནིཊྛཱ ཙ ཀུཏོནིདཱནཱ, ཡེ སམྤརཱཡཱཡ ནརསྶ ཧོནྟི.

པིཡཱ སུ ལོཀསྨིཾ ཀུཏོནིདཱནཱཏི. པིཡཱ ཀུཏོནིདཱནཱ ཀུཏོཛཱཏཱ ཀུཏོསཉྫཱཏཱ ཀུཏོནིབྦཏྟཱ ཀུཏོཨབྷིནིབྦཏྟཱ ཀུཏོཔཱཏུབྷཱུཏཱ, ཀིཾནིདཱནཱ ཀིཾསམུདཡཱ ཀིཾཛཱཏིཀཱ ཀིཾཔབྷཝཱཏི པིཡཱནཾ མཱུལཾ པུཙྪཏི…པེ… སམུདཡཾ པུཙྪཏི པཔུཙྪཏི ཡཱཙཏི ཨཛ྄ཛྷེསཏི པསཱདེཏཱིཏི – པིཡཱ སུ ལོཀསྨིཾ ཀུཏོནིདཱནཱ.

ཡེ ཙཱཔི ལོབྷཱ ཝིཙརནྟི ལོཀེཏི. ཡེ ཙཱཔཱིཏི ཁཏྟིཡཱ ཙ བྲཱཧྨཎཱ ཙ ཝེསྶཱ ཙ སུདྡཱ ཙ གཧཊྛཱ ཙ པབྦཛིཏཱ ཙ དེཝཱ ཙ མནུསྶཱ ¶ ཙ. ལོབྷཱཏི ཡོ ལོབྷོ ལུབྦྷནཱ ལུབྦྷིཏཏྟཾ སཱརཱགོ སཱརཛྫནཱ སཱརཛྫིཏཏྟཾ ཨབྷིཛ྄ཛྷཱ ལོབྷོ ཨཀུསལམཱུལཾ. ཝིཙརནྟཱིཏི ཝིཙརནྟི ཝིཧརནྟི ཨིརིཡནྟི ཝཏྟནྟི པཱལེནྟི ཡཔེནྟི ཡཱཔེནྟི. ལོཀེཏི ཨཔཱཡལོཀེ མནུསྶལོཀེ དེཝལོཀེ ཁནྡྷལོཀེ དྷཱཏུལོཀེ ཨཱཡཏནལོཀེཏི – ཡེ ཙཱཔི ལོབྷཱ ཝིཙརནྟི ལོཀེ.

ཨཱསཱ ཙ ནིཊྛཱ ཙ ཀུཏོནིདཱནཱཏི. ཨཱསཱ ཙ ནིཊྛཱ ཙ ཀུཏོནིདཱནཱ ཀུཏོཛཱཏཱ ཀུཏོསཉྫཱཏཱ ཀུཏོནིབྦཏྟཱ ཀུཏོཨབྷིནིབྦཏྟཱ ཀུཏོཔཱཏུབྷཱུཏཱ, ཀིཾནིདཱནཱ ཀིཾསམུདཡཱ ཀིཾཛཱཏིཀཱ ཀིཾཔབྷཝཱཏི ཨཱསཱཡ ¶ ཙ ནིཊྛཱཡ ཙ མཱུལཾ པུཙྪཏི…པེ… སམུདཡཾ པུཙྪཏི པཔུཙྪཏི ཡཱཙཏི ཨཛ྄ཛྷེསཏི པསཱདེཏཱིཏི – ཨཱསཱ ཙ ནིཊྛཱ ཙ ཀུཏོནིདཱནཱ. ཡེ སམྤརཱཡཱཡ ནརསྶ ཧོནྟཱིཏི. ཡེ ནརསྶ པརཱཡནཱ ཧོནྟི དཱིཔཱ ཧོནྟི ཏཱཎཱ ཧོནྟི ལེཎཱ ཧོནྟི སརཎཱ ཧོནྟི ནིཊྛཱ པརཱཡནཱ ཧོནྟཱིཏི – ཡེ སམྤརཱཡཱཡ ནརསྶ ཧོནྟི.

‘‘པིཡཱ ¶ སུ ལོཀསྨིཾ ཀུཏོནིདཱནཱ, ཡེ ཙཱཔི ལོབྷཱ ཝིཙརནྟི ལོཀེ;

ཨཱསཱ ཙ ནིཊྛཱ ཙ ཀུཏོནིདཱནཱ, ཡེ སམྤརཱཡཱཡ ནརསྶ ཧོནྟཱི’’ཏི.

ཚནྡཱནིདཱནཱནི ¶ པིཡཱནི ལོཀེ, ཡེ ཙཱཔི [ཡེ ཝཱཔི (སྱཱ.)] ལོབྷཱ ཝིཙརནྟི ལོཀེ;

ཨཱསཱ ཙ ནིཊྛཱ ཙ ཨིཏོནིདཱནཱ, ཡེ སམྤརཱཡཱཡ ནརསྶ ཧོནྟི.

ཚནྡཱནིདཱནཱནི པིཡཱནི ལོཀེཏི. ཚནྡོཏི ཡོ ཀཱམེསུ ཀཱམཙྪནྡོ ཀཱམརཱགོ ཀཱམནནྡཱི ཀཱམཏཎྷཱ ཀཱམསྣེཧོ ཀཱམཔརིལཱ༹ཧོ ཀཱམམུཙྪཱ ཀཱམཛ྄ཛྷོསཱནཾ ཀཱམོགྷོ ཀཱམཡོགོ ཀཱམུཔཱདཱནཾ ཀཱམཙྪནྡནཱིཝརཎཾ. ཨཔི ཙ པཉྩ ཚནྡཱ – པརིཡེསནཙྪནྡོ, པཊིལཱབྷཙྪནྡོ, པརིབྷོགཙྪནྡོ, སནྣིདྷིཙྪནྡོ, ཝིསཛྫནཙྪནྡོ. ཀཏམོ ¶ པརིཡེསནཙྪནྡོ? ཨིདྷེཀཙྩོ ཨཛ྄ཛྷོསིཏོཡེཝ ཨཏྠིཀོ ཚནྡཛཱཏོ རཱུཔེ པརིཡེསཏི, སདྡེ… གནྡྷེ… རསེ… ཕོཊྛབྦེ པརིཡེསཏི – ཨཡཾ ¶ པརིཡེསནཙྪནྡོ. ཀཏམོ པཊིལཱབྷཙྪནྡོ? ཨིདྷེཀཙྩོ ཨཛ྄ཛྷོསིཏོཡེཝ ཨཏྠིཀོ ཚནྡཛཱཏོ རཱུཔེ པཊིལབྷཏི, སདྡེ… གནྡྷེ… རསེ… ཕོཊྛབྦེ པཊིལབྷཏི – ཨཡཾ པཊིལཱབྷཙྪནྡོ. ཀཏམོ པརིབྷོགཙྪནྡོ? ཨིདྷེཀཙྩོ ཨཛ྄ཛྷོསིཏོཡེཝ ཨཏྠིཀོ ཚནྡཛཱཏོ རཱུཔེ པརིབྷུཉྫཏི, སདྡེ… གནྡྷེ… རསེ… ཕོཊྛབྦེ པརིབྷུཉྫཏི – ཨཡཾ པརིབྷོགཙྪནྡོ. ཀཏམོ སནྣིདྷིཙྪནྡོ? ཨིདྷེཀཙྩོ ཨཛ྄ཛྷོསིཏོཡེཝ ཨཏྠིཀོ ཚནྡཛཱཏོ དྷནསནྣིཙཡཾ ཀརོཏི ‘‘ཨཱཔདཱསུ བྷཝིསྶཏཱི’’ཏི – ཨཡཾ སནྣིདྷིཙྪནྡོ. ཀཏམོ ཝིསཛྫནཙྪནྡོ? ཨིདྷེཀཙྩོ ཨཛ྄ཛྷོསིཏོཡེཝ ཨཏྠིཀོ ཚནྡཛཱཏོ དྷནཾ ཝིསཛྫེཏི ཧཏྠཱརོཧཱནཾ ཨསྶཱརོཧཱནཾ རཐིཀཱནཾ དྷནུགྒཧཱནཾ པཏྟིཀཱནཾ ‘‘ཨིམེ མཾ རཀྑིསྶནྟི གོཔིསྶནྟི སམྤརིཝཱརིསྶནྟཱི’’ཏི – ཨཡཾ ཝིསཛྫནཙྪནྡོ. པིཡཱནཱིཏི ¶ དྭེ པིཡཱ – སཏྟཱ ཝཱ སངྑཱརཱ ཝཱ…པེ… ཨིམེ སཏྟཱ པིཡཱ…པེ… ཨིམེ སངྑཱརཱ པིཡཱ. ཚནྡཱནིདཱནཱནི པིཡཱནི ལོཀེཏི. པིཡཱ ཚནྡནིདཱནཱ ཚནྡསམུདཡཱ ཚནྡཛཱཏིཀཱ ཚནྡཔབྷཝཱཏི – ཚནྡཱནིདཱནཱནི པིཡཱནི ལོཀེ.

ཡེ ¶ ཙཱཔི ལོབྷཱ ཝིཙརནྟི ལོཀེཏི. ཡེ ཙཱཔཱིཏི ཁཏྟིཡཱ ཙ བྲཱཧྨཎཱ ཙ ཝེསྶཱ ཙ སུདྡཱ ཙ གཧཊྛཱ ཙ པབྦཛིཏཱ ཙ དེཝཱ ཙ མནུསྶཱ ཙ. ལོབྷཱཏི ཡོ ལོབྷོ ལུབྦྷནཱ ལུབྦྷིཏཏྟཾ སཱརཱགོ སཱརཛྫནཱ སཱརཛྫིཏཏྟཾ ཨབྷིཛ྄ཛྷཱ ལོབྷོ ཨཀུསལམཱུལཾ. ཝིཙརནྟཱིཏི ཝིཙརནྟི ཝིཧརནྟི ཨིརིཡནྟི ཝཏྟནྟི པཱལེནྟི ཡཔེནྟི ཡཱཔེནྟི. ལོཀེཏི ཨཔཱཡལོཀེ…པེ… ཨཱཡཏནལོཀེཏི – ཡེ ཙཱཔི ལོབྷཱ ཝིཙརནྟི ལོཀེ.

ཨཱསཱ ཙ ནིཊྛཱ ཙ ཨིཏོནིདཱནཱཏི. ཨཱསཱ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ནིཊྛཱཏི ཨིདྷེཀཙྩོ རཱུཔེ པརིཡེསནྟོ རཱུཔཾ པཊིལབྷཏི, རཱུཔནིཊྛོ ཧོཏི, སདྡེ… གནྡྷེ… རསེ… ཕོཊྛབྦེ… ཀུལཾ… གཎཾ… ཨཱཝཱསཾ… ལཱབྷཾ… ཡསཾ… པསཾསཾ… སུཁཾ… ཙཱིཝརཾ… པིཎྜཔཱཏཾ… སེནཱསནཾ… གིལཱནཔཙྩཡབྷེསཛྫཔརིཀྑཱརཾ ¶ … སུཏྟནྟཾ… ཝིནཡཾ… ཨབྷིདྷམྨཾ… ཨཱརཉྙིཀངྒཾ… པིཎྜཔཱཏིཀངྒཾ… པཾསུཀཱུལིཀངྒཾ… ཏེཙཱིཝརིཀངྒཾ… སཔདཱནཙཱརིཀངྒཾ… ཁལུཔཙྪཱབྷཏྟིཀངྒཾ… ནེསཛྫིཀངྒཾ… ཡཐཱསནྠཏིཀངྒཾ… པཋམཾ ཛྷཱནཾ… དུཏིཡཾ ཛྷཱནཾ… ཏཏིཡཾ ཛྷཱནཾ… ཙཏུཏྠཾ ཛྷཱནཾ… ཨཱཀཱསཱནཉྩཱཡཏནསམཱཔཏྟིཾ… ཝིཉྙཱཎཉྩཱཡཏནསམཱཔཏྟིཾ… ཨཱཀིཉྩཉྙཱཡཏནསམཱཔཏྟིཾ ¶ … ནེཝསཉྙཱནཱསཉྙཱཡཏནསམཱཔཏྟིཾ པརིཡེསནྟོ ནེཝསཉྙཱནཱསཉྙཱཡཏནསམཱཔཏྟིཾ པཊིལབྷཏི, ནེཝསཉྙཱནཱསཉྙཱཡཏནསམཱཔཏྟིནིཊྛོ ཧོཏི.

‘‘ཨཱསཱཡ ¶ ཀསཏེ ཁེཏྟཾ, བཱིཛཾ ཨཱསཱཡ ཝཔྤཏི;

ཨཱསཱཡ ཝཱཎིཛཱ ཡནྟི, སམུདྡཾ དྷནཧཱརཀཱ;

ཡཱཡ ཨཱསཱཡ ཏིཊྛཱམི, སཱ མེ ཨཱསཱ སམིཛ྄ཛྷཏཱི’’ཏི.

ཨཱསཱཡ སམིདྡྷི ཝུཙྩཏེ ནིཊྛཱ. ཨཱསཱ ¶ ཙ ནིཊྛཱ ཙ ཨིཏོནིདཱནཱཏི. ཨཱསཱ ཙ ནིཊྛཱ ཙ ཨིཏོ ཚནྡནིདཱནཱ ཚནྡསམུདཡཱ ཚནྡཛཱཏིཀཱ ཚནྡཔབྷཝཱཏི – ཨཱསཱ ཙ ནིཊྛཱ ཙ ཨིཏོནིདཱནཱ.

ཡེ སམྤརཱཡཱཡ ནརསྶ ཧོནྟཱིཏི. ཡེ ནརསྶ པརཱཡནཱ ཧོནྟི དཱིཔཱ ཧོནྟི ཏཱཎཱ ཧོནྟི ལེཎཱ ཧོནྟི སརཎཱ ཧོནྟི ནིཊྛཱ པརཱཡནཱ ཧོནྟཱིཏི – ཡེ སམྤརཱཡཱཡ ནརསྶ ཧོནྟི.

‘‘ཚནྡཱནིདཱནཱནི པིཡཱནི ལོཀེ, ཡེ ཙཱཔི ལོབྷཱ ཝིཙརནྟི ལོཀེ;

ཨཱསཱ ཙ ནིཊྛཱ ཙ ཨིཏོནིདཱནཱ, ཡེ སམྤརཱཡཱཡ ནརསྶ ཧོནྟཱི’’ཏི.

ཚནྡོ ནུ ལོཀསྨིཾ ཀུཏོནིདཱནོ, ཝིནིཙྪཡཱ ཙཱཔི [ཝཱཔི (སཱི. སྱཱ.)] ཀུཏོཔཧཱུཏཱ;

ཀོདྷོ མོསཝཛྫཉྩ ཀཐཾཀཐཱ ཙ, ཡེ ཙཱཔི དྷམྨཱ སམཎེན ཝུཏྟཱ.

ཚནྡོ ནུ ལོཀསྨིཾ ཀུཏོནིདཱནོཏི. ཚནྡོ ཀུཏོནིདཱནོ ཀུཏོཛཱཏོ ¶ ཀུཏོསཉྫཱཏོ ཀུཏོནིབྦཏྟོ ཀུཏོཨབྷིནིབྦཏྟོ ཀུཏོཔཱཏུབྷཱུཏོ, ཀིཾནིདཱནོ ཀིཾསམུདཡོ ཀིཾཛཱཏིཀོ ཀིཾཔབྷཝོཏི ཚནྡསྶ མཱུལཾ པུཙྪཏི…པེ… སམུདཡཾ པུཙྪཏི པཔུཙྪཏི ཡཱཙཏི ཨཛ྄ཛྷེསཏི པསཱདེཏཱིཏི – ཚནྡོ ནུ ལོཀསྨིཾ ཀུཏོནིདཱནོ.

ཝིནིཙྪཡཱ ¶ ཙཱཔི ཀུཏོཔཧཱུཏཱཏི. ཝིནིཙྪཡཱ ཀུཏོཔཧཱུཏཱ ཀུཏོཛཱཏཱ ཀུཏོསཉྫཱཏཱ ཀུཏོནིབྦཏྟཱ ཀུཏོཨབྷིནིབྦཏྟཱ ཀུཏོཔཱཏུབྷཱུཏཱ ¶ , ཀིཾནིདཱནཱ ཀིཾསམུདཡཱ ཀིཾཛཱཏིཀཱ ཀིཾཔབྷཝཱཏི ཝིནིཙྪཡཱནཾ མཱུལཾ པུཙྪཏི…པེ… སམུདཡཾ པུཙྪཏི པཔུཙྪཏི ཡཱཙཏི ཨཛ྄ཛྷེསཏི པསཱདེཏཱིཏི – ཝིནིཙྪཡཱ ཙཱཔི ཀུཏོཔཧཱུཏཱ.

ཀོདྷོ མོསཝཛྫཉྩ ཀཐཾཀཐཱ ཙཱཏི. ཀོདྷོཏི ཡོ ཨེཝརཱུཔོ ཙིཏྟསྶ ཨཱགྷཱཏོ པཊིགྷཱཏོ, པཊིགྷཾ པཊིཝིརོདྷོ, ཀོཔོ པཀོཔོ སམྤཀོཔོ, དོསོ པདོསོ སམྤདོསོ, ཙིཏྟསྶ བྱཱཔཏྟི ¶ མནོཔདོསོ, ཀོདྷོ ཀུཛ྄ཛྷནཱ ཀུཛ྄ཛྷིཏཏྟཾ, དོསོ དུསྶནཱ དུསྶིཏཏྟཾ, བྱཱཔཏྟི བྱཱཔཛྫནཱ བྱཱཔཛྫིཏཏྟཾ, ཝིརོདྷོ པཊིཝིརོདྷོ, ཙཎྜིཀྐཾ ཨསུརོཔོ ཨནཏྟམནཏཱ ཙིཏྟསྶ. མོསཝཛྫཾ ཝུཙྩཏི མུསཱཝཱདོ. ཀཐཾཀཐཱ ཝུཙྩཏི ཝིཙིཀིཙྪཱཏི – ཀོདྷོ མོསཝཛྫཉྩ ཀཐཾཀཐཱ ཙ.

ཡེ ཙཱཔི དྷམྨཱ སམཎེན ཝུཏྟཱཏི. ཡེ ཙཱཔཱིཏི ཡེ ཀོདྷེན ཙ མོསཝཛྫེན ཙ ཀཐཾཀཐཱཡ ཙ སཧགཏཱ སཧཛཱཏཱ སཾསཊྛཱ སམྤཡུཏྟཱ, ཨེཀུཔྤཱདཱ ཨེཀནིརོདྷཱ ཨེཀཝཏྠུཀཱ ཨེཀཱརམྨཎཱ – ཨིམེ ཝུཙྩནྟི ཡེ ཙཱཔི དྷམྨཱ. ཨཐ ཝཱ ཡེ ཏེ ཀིལེསཱ ¶ ཨཉྙཛཱཏིཀཱ ཨཉྙཝིཧིཏཀཱ – ཨིམེ ཝུཙྩནྟི ཡེ ཙཱཔི དྷམྨཱ. སམཎེན ཝུཏྟཱཏི སམཎེན སམིཏཔཱཔེན བྲཱཧྨཎེན བཱཧིཏཔཱཔདྷམྨེན བྷིཀྑུནཱ བྷིནྣཀིལེསམཱུལེན སབྦཱཀུསལམཱུལབནྡྷནཱ པམུཏྟེན ཝུཏྟཱ པཝུཏྟཱ ཨཱཙིཀྑིཏཱ དེསིཏཱ པཉྙཔིཏཱ པཊྛཔིཏཱ ཝིཝཊཱ ཝིབྷཏྟཱ ཨུཏྟཱནཱིཀཏཱ པཀཱསིཏཱཏི – ཡེ ཙཱཔི དྷམྨཱ སམཎེན ཝུཏྟཱ.

‘‘ཚནྡོ ནུ ལོཀསྨིཾ ཀུཏོནིདཱནོ, ཝིནིཙྪཏཱ ཙཱཔི ཀུཏོཔཧཱུཏཱ;

ཀོདྷོ མོསཝཛྫཉྩ ཀཐཾཀཐཱ ཙ, ཡེ ཙཱཔི དྷམྨཱ སམཎེན ཝུཏྟཱ’’ཏི.

སཱཏཾ ཨསཱཏནྟི ཡམཱཧུ ལོཀེ, ཏམཱུཔནིསྶཱཡ པཧོཏི ཚནྡོ;

རཱུཔེསུ དིསྭཱ ཝིབྷཝཾ བྷཝཉྩ, ཝིནིཙྪཡཾ ཀུབྦཏི [ཀཱུརུཏེ (སྱཱ.)] ཛནྟུ ལོཀེ.

སཱཏཾ ཨསཱཏནྟི ཡམཱཧུ ལོཀེཏི. སཱཏནྟི སུཁཱ ཙ ཝེདནཱ, ཨིཊྛཉྩ ཝཏྠུ [ཝཏྠུཾ (སཱི. ཀ.)]. ཨསཱཏནྟི དུཀྑཱ ཙ ཝེདནཱ, ཨནིཊྛཉྩ ཝཏྠུ. ཡམཱཧུ ལོཀེཏི ¶ ཡཾ ཨཱཧཾསུ ཡཾ ཀཐེནྟི ཡཾ བྷཎནྟི ཡཾ དཱིཔེནྟི ཡཾ ཝོཧརནྟཱིཏི – སཱཏཾ ཨསཱཏནྟི ཡམཱཧུ ལོཀེ.

ཏམཱུཔནིསྶཱཡ ¶ ¶ པཧོཏི ཚནྡོཏི. སཱཏཱསཱཏཾ ནིསྶཱཡ, སུཁདུཀྑཾ ནིསྶཱཡ, སོམནསྶདོམནསྶཾ ནིསྶཱཡ, ཨིཊྛཱནིཊྛཾ ནིསྶཱཡ, ཨནུནཡཔཊིགྷཾ ¶ ནིསྶཱཡ ཚནྡོ པཧོཏི པབྷཝཏི ཛཱཡཏི སཉྫཱཡཏི ནིབྦཏྟཏི ཨབྷིནིབྦཏྟཏཱིཏི – ཏམཱུཔནིསྶཱཡ པཧོཏི ཚནྡོ.

རཱུཔེསུ དིསྭཱ ཝིབྷཝཾ བྷཝཉྩཱཏི. རཱུཔེསཱུཏི ཙཏྟཱརོ ཙ མཧཱབྷཱུཏཱ ཙཏུནྣཉྩ མཧཱབྷཱུཏཱནཾ ཨུཔཱདཱཡ རཱུཔཾ. ཀཏམོ རཱུཔཱནཾ བྷཝོ? ཡོ རཱུཔཱནཾ བྷཝོ ཛཱཏི སཉྫཱཏི ནིབྦཏྟི ཨབྷིནིབྦཏྟི པཱཏུབྷཱཝོ – ཨཡཾ རཱུཔཱནཾ བྷཝོ. ཀཏམོ རཱུཔཱནཾ ཝིབྷཝོ? ཡོ རཱུཔཱནཾ ཁཡོ ཝཡོ བྷེདོ པརིབྷེདོ ཨནིཙྩཏཱ ཨནྟརདྷཱནཾ – ཨཡཾ རཱུཔཱནཾ ཝིབྷཝོ. རཱུཔེསུ དིསྭཱ ཝིབྷཝཾ བྷཝཉྩཱཏི རཱུཔེསུ བྷཝཉྩ ཝིབྷཝཉྩ དིསྭཱ པསྶིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱཏི – རཱུཔེསུ དིསྭཱ ཝིབྷཝཾ བྷཝཉྩ.

ཝིནིཙྪཡཾ ཀུབྦཏི ཛནྟུ ལོཀེཏི. ཝིནིཙྪཡཱཏི དྭེ ཝིནིཙྪཡཱ – ཏཎྷཱཝིནིཙྪཡོ ཙ, དིཊྛིཝིནིཙྪཡོ ཙ. ཀཐཾ ཏཎྷཱཝིནིཙྪཡཾ ཀརོཏི? ཨིདྷེཀཙྩསྶ ཨནུཔྤནྣཱ ཙེཝ བྷོགཱ ན ཨུཔྤཛྫནྟི, ཨུཔྤནྣཱ ཙ བྷོགཱ པརིཀྑཡཾ གཙྪནྟི. ཏསྶ ཨེཝཾ ཧོཏི – ‘‘ཀེན ནུ ཁོ མེ ཨུཔཱཡེན ཨནུཔྤནྣཱ ཙེཝ བྷོགཱ ན ཨུཔྤཛྫནྟི, ཨུཔྤནྣཱ ཙ བྷོགཱ པརིཀྑཡཾ གཙྪནྟཱི’’ཏི. ཏསྶ པན ཨེཝཾ ཧོཏི ‘‘སུརཱམེརཡམཛྫཔྤམཱདཊྛཱནཱནུཡོགཾ ཨནུཡུཏྟསྶ མེ ཨནུཔྤནྣཱ ཙེཝ བྷོགཱ ན ཨུཔྤཛྫནྟི, ཨུཔྤནྣཱ ཙ བྷོགཱ པརིཀྑཡཾ གཙྪནྟི; ཝིཀཱལཝིསིཁཱཙརིཡཱནུཡོགཾ ཨནུཡུཏྟསྶ མེ ཨནུཔྤནྣཱ ¶ ཙེཝ བྷོགཱ ན ཨུཔྤཛྫནྟི, ཨུཔྤནྣཱ ཙ བྷོགཱ པརིཀྑཡཾ གཙྪནྟི; སམཛྫཱབྷིཙརཎཾ ཨནུཡུཏྟསྶ མེ… ཛུཏཔྤམཱདཊྛཱནཱནུཡོགཾ ཨནུཡུཏྟསྶ མེ… པཱཔམིཏྟཱནུཡོགཾ ཨནུཡུཏྟསྶ མེ ཨནུཔྤནྣཱ ཙེཝ བྷོགཱ ན ཨུཔྤཛྫནྟི, ཨུཔྤནྣཱ ཙ བྷོགཱ པརིཀྑཡཾ གཙྪནྟི; ཨཱལསྱཱནུཡོགཾ ¶ ཨནུཡུཏྟསྶ མེ ཨནུཔྤནྣཱ ཙེཝ བྷོགཱ ན ཨུཔྤཛྫནྟི, ཨུཔྤནྣཱ ཙ བྷོགཱ པརིཀྑཡཾ གཙྪནྟཱི’’ཏི ཨེཝཾ ཉཱཎཾ ཀཏྭཱ ཚ བྷོགཱནཾ ཨཔཱཡམུཁཱནི ན སེཝཏི, ཚ བྷོགཱནཾ ཨཱཡམུཁཱནི སེཝཏི. ཨེཝམྤི ཏཎྷཱཝིནིཙྪཡཾ ཀརོཏི.

ཨཐ ¶ ཝཱ ཀསིཡཱ ཝཱ ཝཎིཛྫཱཡ ཝཱ གོརཀྑེན ཝཱ ཨིསྶཏྠེན [ཨིསྶཏྟེན (ཀ. སཱི. ཀ.) ཨིསུ + སཏྠ] ཝཱ རཱཛཔོརིསེན ཝཱ སིཔྤཉྙཏརེན ཝཱ པཊིཔཛྫཏི. ཨེཝམྤི ཏཎྷཱཝིནིཙྪཡཾ ཀརོཏི. ཀཐཾ དིཊྛིཝིནིཙྪཡཾ ཀརོཏི? ཙཀྑུསྨིཾ ཨུཔྤནྣེ ཛཱནཱཏི – ‘‘ཨཏྟཱ མེ ཨུཔྤནྣོ’’ཏི, ཙཀྑུསྨིཾ ཨནྟརཧིཏེ ཛཱནཱཏི – ‘‘ཨཏྟཱ མེ ཨནྟརཧིཏོ ཝིགཏོ མེ ཨཏྟཱ’’ཏི. ཨེཝམྤི དིཊྛིཝིནིཙྪཡཾ ཀརོཏི. སོཏསྨིཾ… གྷཱནསྨིཾ… ཛིཝ྄ཧཱཡ… ཀཱཡསྨིཾ… རཱུཔསྨིཾ… སདྡསྨིཾ… གནྡྷསྨིཾ… རསསྨིཾ… ཕོཊྛབྦསྨིཾ ཨུཔྤནྣེ ཛཱནཱཏི – ‘‘ཨཏྟཱ མེ ཨུཔྤནྣོ’’ཏི, ཕོཊྛབྦསྨིཾ ཨནྟརཧིཏེ ཛཱནཱཏི – ‘‘ཨཏྟཱ ¶ མེ ཨནྟརཧིཏོ ཝིགཏོ མེ ཨཏྟཱ’’ཏི. ཨེཝམྤི དིཊྛིཝིནིཙྪཡཾ ཀརོཏི ཛནེཏི སཉྫནེཏི ནིབྦཏྟེཏི ཨབྷིནིབྦཏྟེཏི. ཛནྟཱུཏི སཏྟོ ནརོ མཱནཝོ…པེ… མནུཛོ. ལོཀེཏི ཨཔཱཡལོཀེ ¶ …པེ… ཨཱཡཏནལོཀེཏི – ཝིནིཙྪཡཾ ཀུབྦཏི ཛནྟུ ལོཀེ.

‘‘སཱཏཾ ཨསཱཏནྟི ཡམཱཧུ ལོཀེ, ཏམཱུཔནིསྶཱཡ པཧོཏི ཚནྡོ;

རཱུཔེསུ དིསྭཱ ཝིབྷཝཾ བྷཝཉྩ, ཝིནིཙྪཡཾ ཀུབྦཏི ཛནྟུ ལོཀེ’’ཏི.

ཀོདྷོ མོསཝཛྫཉྩ ཀཐཾཀཐཱ ཙ, ཨེཏེཔི དྷམྨཱ དྭཡམེཝ སནྟེ;

ཀཐཾཀཐཱི ཉཱཎཔཐཱཡ སིཀྑེ, ཉཏྭཱ པཝུཏྟཱ སམཎེན དྷམྨཱ.

ཀོདྷོ མོསཝཛྫཉྩ ཀཐཾཀཐཱ ཙཱཏི. ཀོདྷོཏི ཡོ ཨེཝརཱུཔོ ཙིཏྟསྶ ཨཱགྷཱཏོ པཊིགྷཱཏོ…པེ… མོསཝཛྫཾ ཝུཙྩཏི ¶ མུསཱཝཱདོ. ཀཐཾཀཐཱ ཝུཙྩཏི ཝིཙིཀིཙྪཱ. ཨིཊྛཾ ཝཏྠུཾ ནིསྶཱཡཔི ཀོདྷོ ཛཱཡཏི, ཨནིཊྛཾ ཝཏྠུཾ ནིསྶཱཡཔི ཀོདྷོ ཛཱཡཏི. ཨིཊྛཾ ཝཏྠུཾ ནིསྶཱཡཔི མུསཱཝཱདོ ཨུཔྤཛྫཏི, ཨནིཊྛཾ ཝཏྠུཾ ནིསྶཱཡཔི མུསཱཝཱདོ ཨུཔྤཛྫཏི. ཨིཊྛཾ ཝཏྠུཾ ནིསྶཱཡཔི ཀཐཾཀཐཱ ཨུཔྤཛྫཏི, ཨནིཊྛཾ ཝཏྠུཾ ནིསྶཱཡཔི ཀཐཾཀཐཱ ཨུཔྤཛྫཏི.

ཀཐཾ ཨནིཊྛཾ ཝཏྠུཾ ནིསྶཱཡ ཀོདྷོ ཛཱཡཏི? པཀཏིཡཱ ཨནིཊྛཾ ཝཏྠུཾ ནིསྶཱཡ ཀོདྷོ ཛཱཡཏི. ཨནཏྠཾ མེ ཨཙརཱིཏི ཀོདྷོ ཛཱཡཏི, ཨནཏྠཾ མེ ཙརཏཱིཏི ཀོདྷོ ཛཱཡཏི, ཨནཏྠཾ མེ ཙརིསྶཏཱིཏི ¶ ཀོདྷོ ཛཱཡཏི; པིཡསྶ མེ མནཱཔསྶ ཨནཏྠཾ ཨཙརི ¶ … ཨནཏྠཾ ཙརཏི… ཨནཏྠཾ ཙརིསྶཏཱིཏི ཀོདྷོ ཛཱཡཏི; ཨཔྤིཡསྶ མེ ཨམནཱཔསྶ ཨཏྠཾ ཨཙརི… ཨཏྠཾ ཙརཏི… ཨཏྠཾ ཙརིསྶཏཱིཏི ཀོདྷོ ཛཱཡཏི. ཨེཝཾ ཨནིཊྛཾ ཝཏྠུཾ ནིསྶཱཡ ཀོདྷོ ཛཱཡཏི.

ཀཐཾ ཨིཊྛཾ ཝཏྠུཾ ནིསྶཱཡ ཀོདྷོ ཛཱཡཏི? ཨིཊྛཾ ཝཏྠུཾ ཨཙྪེདསངྐིནོཔི ཀོདྷོ ཛཱཡཏི, ཨཙྪིཛྫནྟེཔི ཀོདྷོ ཛཱཡཏི, ཨཙྪིནྣེཔི ཀོདྷོ ཛཱཡཏི. ཨིཊྛཾ ཝཏྠུཾ ཝིཔརིཎཱམསངྐིནོཔི ཀོདྷོ ཛཱཡཏི, ཝིཔརིཎཱམནྟེཔི ཀོདྷོ ཛཱཡཏི, ཝིཔརིཎཏེཔི ཀོདྷོ ཛཱཡཏི. ཨེཝཾ ཨིཊྛཾ ཝཏྠུཾ ནིསྶཱཡ ཀོདྷོ ཛཱཡཏི.

ཀཐཾ ཨནིཊྛཾ ཝཏྠུཾ ནིསྶཱཡ མུསཱཝཱདོ ཨུཔྤཛྫཏི? ཨིདྷེཀཙྩོ ཨནྡུབནྡྷནེན [ཨདྡུབནྡྷནེན (སྱཱ. ཀ.)] ཝཱ བདྡྷོ [བནྡྷོ (སྱཱ. ཀ.)]; ཏསྶ བནྡྷནསྶ མོཀྑཏྠཱཡ སམྤཛཱནམུསཱ བྷཱསཏི… རཛྫུབནྡྷནེན ཝཱ བདྡྷོ… སངྑལིཀབནྡྷནེན ¶ ཝཱ བདྡྷོ… ཝེཏྟབནྡྷནེན ཝཱ བདྡྷོ… ལཏཱབནྡྷནེན ཝཱ བདྡྷོ… པཀྑེཔབནྡྷནེན ཝཱ བདྡྷོ… པརིཀྑེཔབནྡྷནེན ཝཱ བདྡྷོ… གཱམནིགམནགརརཊྛབནྡྷནེན ཝཱ བདྡྷོ… ཛནཔདབནྡྷནེན ཝཱ བདྡྷོ; ཏསྶ བནྡྷནསྶ མོཀྑཏྠཱཡ སམྤཛཱནམུསཱ བྷཱསཏི ¶ . ཨེཝཾ ཨནིཊྛཾ ཝཏྠུཾ ནིསྶཱཡ མུསཱཝཱདོ ཨུཔྤཛྫཏཱིཏི.

ཀཐཾ ཨིཊྛཾ ཝཏྠུཾ ནིསྶཱཡ མུསཱཝཱདོ ཨུཔྤཛྫཏི? ཨིདྷེཀཙྩོ མནཱཔིཀཱནཾ [མནཱཔཱནཾ (སཱི.)] རཱུཔཱནཾ ཧེཏུ སམྤཛཱནམུསཱ བྷཱསཏི… མནཱཔིཀཱནཾ སདྡཱནཾ… གནྡྷཱནཾ… རསཱནཾ… ཕོཊྛབྦཱནཾ ཧེཏུ… ཙཱིཝརཧེཏུ… པིཎྜཔཱཏཧེཏུ… སེནཱསནཧེཏུ… གིལཱནཔཙྩཡབྷེསཛྫཔརིཀྑཱརཧེཏུ སམྤཛཱནམུསཱ བྷཱསཏི. ཨེཝཾ ཨིཊྛཾ ཝཏྠུཾ ནིསྶཱཡ མུསཱཝཱདོ ཨུཔྤཛྫཏི.

ཀཐཾ ¶ ཨནིཊྛཾ ཝཏྠུཾ ནིསྶཱཡ ཀཐཾཀཐཱ ཨུཔྤཛྫཏི? ‘‘མུཙྩིསྶཱམི [མུཉྩིསྶཱམི (སཱི.)] ནུ ཁོ ཙཀྑུརོགཏོ, ན ནུ ཁོ མུཙྩིསྶཱམི ཙཀྑུརོགཏོ. མུཙྩིསྶཱམི ནུ ཁོ སོཏརོགཏོ… གྷཱནརོགཏོ… ཛིཝ྄ཧཱརོགཏོ… ཀཱཡརོགཏོ… སཱིསརོགཏོ… ཀཎྞརོགཏོ… མུཁརོགཏོ… མུཙྩིསྶཱམི ནུ ཁོ དནྟརོགཏོ, ན ནུ ཁོ མུཙྩིསྶཱམི དནྟརོགཏོ’’ཏི. ཨེཝཾ ཨནིཊྛཾ ཝཏྠུཾ ནིསྶཱཡ ཀཐཾཀཐཱ ཨུཔྤཛྫཏི.

ཀཐཾ ¶ ཨིཊྛཾ ཝཏྠུཾ ནིསྶཱཡ ཀཐཾཀཐཱ ཨུཔྤཛྫཏི? ‘‘ལབྷིསྶཱམི ནུ ཁོ མནཱཔིཀེ [མནཱཔིཡེ (སཱི. ཀ.)] རཱུཔེ, ན ནུ ཁོ ལབྷིསྶཱམི མནཱཔིཀེ རཱུཔེ. ལབྷིསྶཱམི ནུ ཁོ མནཱཔིཀེ སདྡེ… གནྡྷེ… རསེ… ཕོཊྛབྦེ… ཀུལཾ… གཎཾ… ཨཱཝཱསཾ… ལཱབྷཾ… ཡསཾ… པསཾསཾ… སུཁཾ… ཙཱིཝརཾ… པིཎྜཔཱཏཾ… སེནཱསནཾ… གིལཱནཔཙྩཡབྷེསཛྫཔརིཀྑཱར’’ནྟི. ཨེཝཾ ཨིཊྛཾ ཝཏྠུཾ ནིསྶཱཡ ཀཐཾཀཐཱ ཨུཔྤཛྫཏཱིཏི – ཀོདྷོ མོསཝཛྫཉྩ ཀཐཾཀཐཱ ཙ.

ཨེཏེཔི དྷམྨཱ དྭཡམེཝ སནྟེཏི. སཱཏཱསཱཏེ སནྟེ, སུཁདུཀྑེ སནྟེ, སོམནསྶདོམནསྶེ སནྟེ, ཨིཊྛཱནིཊྛེ སནྟེ, ཨནུནཡཔཊིགྷེ སནྟེ སཾཝིཛྫམཱནེ ཨཏྠི ཨུཔལབྦྷམཱནེཏི – ཨེཏེཔི དྷམྨཱ དྭཡམེཝ སནྟེ.

ཀཐཾཀཐཱི ཉཱཎཔཐཱཡ སིཀྑེཏི. ཉཱཎམྤི ཉཱཎཔཐོ, ཉཱཎསྶ ཨཱརམྨཎམྤི ཉཱཎཔཐོ, ཉཱཎསཧབྷུནོཔི དྷམྨཱ ཉཱཎཔཐོ. ཡཐཱ ཨརིཡམགྒོ ཨརིཡཔཐོ, དེཝམགྒོ དེཝཔཐོ, བྲཧྨམགྒོ བྲཧྨཔཐོ; ཨེཝམེཝ ཉཱཎམྤི ཉཱཎཔཐོ, ཉཱཎསྶ ཨཱརམྨཎམྤི ¶ ཉཱཎཔཐོ, ཉཱཎསཧབྷུནོཔི དྷམྨཱ ཉཱཎཔཐོ.

སིཀྑེཏི ¶ ¶ ཏིསྶོ སིཀྑཱ – ཨདྷིསཱིལསིཀྑཱ, ཨདྷིཙིཏྟསིཀྑཱ, ཨདྷིཔཉྙཱསིཀྑཱ. ཀཏམཱ ཨདྷིསཱིལསིཀྑཱ? ཨིདྷ བྷིཀྑུ སཱིལཝཱ ཧོཏི, པཱཏིམོཀྑསཾཝརསཾཝུཏོ ཝིཧརཏི ཨཱཙཱརགོཙརསམྤནྣོ, ཨཎུམཏྟེསུ ཝཛྫེསུ བྷཡདསྶཱཝཱི, སམཱདཱཡ སིཀྑཏི སིཀྑཱཔདེསུ, ཁུདྡཀོ སཱིལཀྑནྡྷོ… མཧནྟོ སཱིལཀྑནྡྷོ… སཱིལཾ པཏིཊྛཱ ཨཱདི ཙརཎཾ སཾཡམོ སཾཝརོ མུཁཾ པམུཁཾ ཀུསལཱནཾ དྷམྨཱནཾ སམཱཔཏྟིཡཱ – ཨཡཾ ཨདྷིསཱིལསིཀྑཱ. ཀཏམཱ ཨདྷིཙིཏྟསིཀྑཱ? ཨིདྷ བྷིཀྑུ ཝིཝིཙྩེཝ ཀཱམེཧི…པེ… ཙཏུཏྠཾ ཛྷཱནཾ ཨུཔསམྤཛྫ ཝིཧརཏི – ཨཡཾ ཨདྷིཙིཏྟསིཀྑཱ. ཀཏམཱ ཨདྷིཔཉྙཱསིཀྑཱ? ཨིདྷ བྷིཀྑུ པཉྙཝཱ ཧོཏི, ཨུདཡཏྠགཱམིནིཡཱ པཉྙཱཡ སམནྣཱགཏོ ཨརིཡཱཡ ནིབྦེདྷིཀཱཡ སམྨཱདུཀྑཀྑཡགཱམིནིཡཱ. སོ ‘‘ཨིདཾ དུཀྑ’’ནྟི ཡཐཱབྷཱུཏཾ པཛཱནཱཏི…པེ… ‘‘ཨཡཾ དུཀྑནིརོདྷགཱམིནཱི པཊིཔདཱ’’ཏི ཡཐཱབྷཱུཏཾ པཛཱནཱཏི, ‘‘ཨིམེ ཨཱསཝཱ’’ཏི ཡཐཱབྷཱུཏཾ པཛཱནཱཏི…པེ… ‘‘ཨཡཾ ཨཱསཝནིརོདྷགཱམིནཱི པཊིཔདཱ’’ཏི ཡཐཱབྷཱུཏཾ པཛཱནཱཏི – ཨཡཾ ཨདྷིཔཉྙཱསིཀྑཱ.

ཀཐཾཀཐཱི ¶ ཉཱཎཔཐཱཡ སིཀྑེཏི. ཀཐཾཀཐཱི པུགྒལོ སཀངྑོ སཝིལེཁོ སདྭེལ༹ྷཀོ སཝིཙིཀིཙྪོ, ཉཱཎཱདྷིགམཱཡ ཉཱཎཕུསནཱཡ ཉཱཎསཙྪིཀིརིཡཱཡ ཨདྷིསཱིལམྤི སིཀྑེཡྻ, ཨདྷིཙིཏྟམྤི སིཀྑེཡྻ, ཨདྷིཔཉྙམྤི སིཀྑེཡྻ; ཨིམཱ ཏིསྶོ སིཀྑཱཡོ ཨཱཝཛྫནྟོ སིཀྑེཡྻ, ཛཱནནྟོ སིཀྑེཡྻ, པསྶནྟོ སིཀྑེཡྻ, པཙྩཝེཀྑནྟོ སིཀྑེཡྻ, ཙིཏྟཾ ཨདྷིཊྛཧནྟོ ¶ སིཀྑེཡྻ, སདྡྷཱཡ ཨདྷིམུཙྩནྟོ སིཀྑེཡྻ, ཝཱིརིཡཾ པགྒཎྷནྟོ སིཀྑེཡྻ, སཏིཾ ཨུཔཊྛཧནྟོ སིཀྑེཡྻ, ཙིཏྟཾ སམཱདཧནྟོ སིཀྑེཡྻ, པཉྙཱཡ པཛཱནནྟོ སིཀྑེཡྻ, ཨབྷིཉྙེཡྻཾ ཨབྷིཛཱནནྟོ སིཀྑེཡྻ, པརིཉྙེཡྻཾ པརིཛཱནནྟོ སིཀྑེཡྻ, པཧཱཏབྦཾ པཛཧནྟོ སིཀྑེཡྻ, བྷཱཝེཏབྦཾ བྷཱཝེནྟོ སིཀྑེཡྻ, སཙྪིཀཱཏབྦཾ སཙྪིཀརོནྟོ སིཀྑེཡྻ ¶ ཨཱཙརེཡྻ སམཱཙརེཡྻ སམཱདཱཡ ཝཏྟེཡྻཱཏི – ཀཐཾཀཐཱི ཉཱཎཔཐཱཡ སིཀྑེ.

ཉཏྭཱ པཝུཏྟཱ སམཎེན དྷམྨཱཏི. ཉཏྭཱཏི ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ ཝུཏྟཱ པཝུཏྟཱ ཨཱཙིཀྑིཏཱ དེསིཏཱ པཉྙཔིཏཱ པཊྛཔིཏཱ ཝིཝཊཱ ཝིབྷཏྟཱ ཨུཏྟཱནཱིཀཏཱ [ཨུཏྟཱནིཾ ཀཏཱ (ཀ.)] པཀཱསིཏཱ. ‘‘སབྦེ སངྑཱརཱ ཨནིཙྩཱ’’ཏི ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ ཝུཏྟཱ པཝུཏྟཱ ཨཱཙིཀྑིཏཱ དེསིཏཱ པཉྙཔིཏཱ པཊྛཔིཏཱ ཝིཝཊཱ ཝིབྷཏྟཱ ཨུཏྟཱནཱིཀཏཱ པཀཱསིཏཱ, ‘‘སབྦེ སངྑཱརཱ དུཀྑཱ’’ཏི… ‘‘སབྦེ དྷམྨཱ ཨནཏྟཱ’’ཏི… ‘‘ཨཝིཛྫཱཔཙྩཡཱ སངྑཱརཱ’’ཏི…པེ… ‘‘ཛཱཏིཔཙྩཡཱ ཛརཱམརཎ’’ནྟི… ‘‘ཨཝིཛྫཱནིརོདྷཱ སངྑཱརནིརོདྷོ’’ཏི…པེ… ‘‘ཛཱཏིནིརོདྷཱ ཛརཱམརཎནིརོདྷོ’’ཏི… ‘‘ཨིདཾ དུཀྑ’’ནྟི…པེ… ‘‘ཨཡཾ དུཀྑནིརོདྷགཱམིནཱི པཊིཔདཱ’’ཏི… ‘‘ཨིམེ ཨཱསཝཱ’’ཏི…པེ… ‘‘ཨཡཾ ¶ ཨཱསཝནིརོདྷགཱམིནཱི པཊིཔདཱ’’ཏི… ‘‘ཨིམེ དྷམྨཱ ཨབྷིཉྙེཡྻཱ’’ཏི… ‘‘ཨིམེ དྷམྨཱ པརིཉྙེཡྻཱ’’ཏི… ‘‘ཨིམེ དྷམྨཱ པཧཱཏབྦཱ’’ཏི… ‘‘ཨིམེ དྷམྨཱ བྷཱཝེཏབྦཱ’’ཏི… ‘‘ཨིམེ ¶ དྷམྨཱ སཙྪིཀཱཏབྦཱ’’ཏི… ཚནྣཾ ཕསྶཱཡཏནཱནཾ སམུདཡཉྩ ཨཏྠངྒམཉྩ ཨསྶཱདཉྩ ཨཱདཱིནཝཉྩ ནིསྶརཎཉྩ… པཉྩནྣཾ ཨུཔཱདཱནཀྑནྡྷཱནཾ… ཙཏུནྣཾ མཧཱབྷཱུཏཱནཾ… ‘‘ཡཾ ཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨ’’ནྟི ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ ཝུཏྟཱ པཝུཏྟཱ ཨཱཙིཀྑིཏཱ དེསིཏཱ པཉྙཔིཏཱ པཊྛཔིཏཱ ཝིཝཊཱ ཝིབྷཏྟཱ ཨུཏྟཱནཱིཀཏཱ པཀཱསིཏཱ.

ཝུཏྟཉྷེཏཾ ¶ བྷགཝཏཱ – ‘‘ཨབྷིཉྙཱཡཱཧཾ, བྷིཀྑཝེ, དྷམྨཾ དེསེམི, ནོ ཨནབྷིཉྙཱཡ. སནིདཱནཱཧཾ, བྷིཀྑཝེ, དྷམྨཾ དེསེམི, ནོ ཨནིདཱནཾ. སཔྤཱཊིཧཱརིཡཱཧཾ, བྷིཀྑཝེ, དྷམྨཾ དེསེམི, ནོ ཨཔྤཱཊིཧཱརིཡཾ. ཏསྶ མཡ྄ཧཾ, བྷིཀྑཝེ, ཨབྷིཉྙཱཡ དྷམྨཾ དེསཡཏོ, ནོ ཨནབྷིཉྙཱཡ, སནིདཱནཾ དྷམྨཾ དེསཡཏོ, ནོ ཨནིདཱནཾ, སཔྤཱཊིཧཱརིཡཾ དྷམྨཾ ¶ དེསཡཏོ, ནོ ཨཔྤཱཊིཧཱརིཡཾ, ཀརཎཱིཡོ ཨོཝཱདོ, ཀརཎཱིཡཱ ཨནུསཱསནཱི. ཨལཉྩ པན, བྷིཀྑཝེ, ཝོ ཏུཊྛིཡཱ ཨལཾ པཱམོཛྫཱཡ ཨལཾ སོམནསྶཱཡ སམྨཱསམྦུདྡྷོ བྷགཝཱ, སྭཱཀྑཱཏོ དྷམྨོ, སུཔྤཊིཔནྣོ སངྒྷོཏི. ཨིམསྨིཉྩ པན ཝེཡྻཱཀརཎསྨིཾ བྷཉྙམཱནེ དསསཧསྶཱི ལོཀདྷཱཏུ ཨཀམྤིཏྠཱ’’ཏི – ཉཏྭཱ པཝུཏྟཱ སམཎེན དྷམྨཱ.

‘‘ཀོདྷོ མོསཝཛྫཉྩ ཀཐཾཀཐཱ ཙ, ཨེཏེཔི དྷམྨཱ དྭཡམེཝ སནྟེ;

ཀཐཾཀཐཱི ཉཱཎཔཐཱཡ སིཀྑེ, ཉཏྭཱ པཝུཏྟཱ སམཎེན དྷམྨཱ’’ཏི.

སཱཏཾ ¶ ཨསཱཏཉྩ ཀུཏོནིདཱནཱ, ཀིསྨིཾ ཨསནྟེ ན བྷཝནྟི ཧེཏེ;

ཝིབྷཝཾ བྷཝཉྩཱཔི ཡམེཏམཏྠཾ, ཨེཏཾ མེ པབྲཱུཧི ཡཏོནིདཱནཾ.

སཱཏཾ ཨསཱཏཉྩ ཀུཏོནིདཱནཱཏི. སཱཏཱ ཨསཱཏཱ ཀུཏོནིདཱནཱ ཀུཏོཛཱཏཱ ཀུཏོསཉྫཱཏཱ ཀུཏོནིབྦཏྟཱ ཀུཏོཨབྷིནིབྦཏྟཱ ཀུཏོཔཱཏུབྷཱུཏཱ, ཀིཾནིདཱནཱ ཀིཾསམུདཡཱ ཀིཾཛཱཏིཀཱ ཀིཾཔབྷཝཱཏི སཱཏཱསཱཏཱནཾ མཱུལཾ པུཙྪཏི…པེ… སམུདཡཾ པུཙྪཏི པཔུཙྪཏི ཡཱཙཏི ཨཛ྄ཛྷེསཏི པསཱདེཏཱིཏི – སཱཏཾ ཨསཱཏཉྩ ཀུཏོནིདཱནཱ.

ཀིསྨིཾ ཨསནྟེ ན བྷཝནྟི ཧེཏེཏི. ཀིསྨིཾ ཨསནྟེ ཨསཾཝིཛྫམཱནེ ནཏྠི ཨནུཔལབྦྷམཱནེ ¶ སཱཏཱསཱཏཱ ན བྷཝནྟི ནཔྤབྷཝནྟི ན ཛཱཡནྟི ན སཉྫཱཡནྟི ན ནིབྦཏྟནྟི ན ཨབྷིནིབྦཏྟནྟཱིཏི – ཀིསྨིཾ ཨསནྟེ ན བྷཝནྟི ཧེཏེ.

ཝིབྷཝཾ བྷཝཉྩཱཔི ཡམེཏམཏྠནྟི. ཀཏམོ སཱཏཱསཱཏཱནཾ བྷཝོ? ཡོ སཱཏཱསཱཏཱནཾ བྷཝོ པབྷཝོ ཛཱཏི སཉྫཱཏི ནིབྦཏྟི ཨབྷིནིབྦཏྟི པཱཏུབྷཱཝོ – ཨཡཾ སཱཏཱསཱཏཱནཾ བྷཝོ. ཀཏམོ ¶ སཱཏཱསཱཏཱནཾ ཝིབྷཝོ? ཡོ སཱཏཱསཱཏཱནཾ ཁཡོ ཝཡོ བྷེདོ པརིབྷེདོ ཨནིཙྩཏཱ ¶ ཨནྟརདྷཱནཾ – ཨཡཾ སཱཏཱསཱཏཱནཾ ཝིབྷཝོ. ཡམེཏམཏྠནྟི ཡཾ པརམཏྠནྟི – ཝིབྷཝཾ བྷཝཉྩཱཔི ཡམེཏམཏྠཾ.

ཨེཏཾ མེ པབྲཱུཧི ཡཏོནིདཱནནྟི. ཨེཏནྟི ཡཾ པུཙྪཱམི ཡཾ ¶ ཡཱཙཱམི ཡཾ ཨཛ྄ཛྷེསཱམི ཡཾ པསཱདེམི. པབྲཱུཧཱིཏི བྲཱུཧི ཝདེཧི ཨཱཙིཀྑ དེསེཧི པཉྙཔེཧི པཊྛཔེཧི ཝིཝར ཝིབྷཛ ཨུཏྟཱནཱིཀརོཧི པཀཱསེཧཱིཏི – ཨེཏཾ མེ པབྲཱུཧི. ཡཏོནིདཱནནྟི ཡཾནིདཱནཾ ཡཾསམུདཡཾ ཡཾཛཱཏིཀཾ ཡཾཔབྷཝནྟི – ཨེཏཾ མེ པབྲཱུཧི ཡཏོནིདཱནཾ.

‘‘སཱཏཾ ཨསཱཏཉྩ ཀུཏོནིདཱནཱ, ཀིསྨིཾ ཨསནྟེ ན བྷཝནྟི ཧེཏེ;

ཝིབྷཝཾ བྷཝཉྩཱཔི ཡམེཏམཏྠཾ, ཨེཏཾ མེ པབྲཱུཧི ཡཏོནིདཱན’’ནྟི.

ཕསྶནིདཱནཾ སཱཏཾ ཨསཱཏཾ, ཕསྶེ ཨསནྟེ ན བྷཝནྟི ཧེཏེ;

ཝིབྷཝཾ བྷཝཉྩཱཔི ཡམེཏམཏྠཾ, ཨེཏཾ ཏེ པབྲཱུམི ཨིཏོནིདཱནཾ.

ཕསྶནིདཱནཾ སཱཏཾ ཨསཱཏནྟི. སུཁཝེདནཱིཡཾ ཕསྶཾ པཊིཙྩ ཨུཔྤཛྫཏི སུཁཱ ཝེདནཱ. ཡཱ ཏསྶེཝ སུཁཝེདནཱིཡསྶ ཕསྶསྶ ནིརོདྷཱ, ཡཾ ཏཛྫཾ ཝེདཡིཏཾ སུཁཝེདནཱིཡཾ ཕསྶཾ པཊིཙྩ ཨུཔྤནྣཱ སུཁཱ ཝེདནཱ སཱ ནིརུཛ྄ཛྷཏི, སཱ ཝཱུཔསམྨཏི. དུཀྑཝེདནཱིཡཾ ཕསྶཾ པཊིཙྩ ཨུཔྤཛྫཏི དུཀྑཱ ཝེདནཱ. ཡཱ ཏསྶེཝ དུཀྑཝེདནཱིཡསྶ ཕསྶསྶ ནིརོདྷཱ, ཡཾ ཏཛྫཾ ཝེདཡིཏཾ དུཀྑཝེདནཱིཡཾ ¶ ཕསྶཾ པཊིཙྩ ཨུཔྤནྣཱ དུཀྑཱ ཝེདནཱ སཱ ནིརུཛ྄ཛྷཏི, སཱ ཝཱུཔསམྨཏི. ཨདུཀྑམསུཁཝེདནཱིཡཾ ཕསྶཾ པཊིཙྩ ཨུཔྤཛྫཏི ཨདུཀྑམསུཁཱ ཝེདནཱ. ཡཱ ཏསྶེཝ ཨདུཀྑམསུཁཝེདནཱིཡསྶ ¶ ཕསྶསྶ ནིརོདྷཱ, ཡཾ ཏཛྫཾ ཝེདཡིཏཾ ཨདུཀྑམསུཁཝེདནཱིཡཾ ཕསྶཾ པཊིཙྩ ཨུཔྤནྣཱ ཨདུཀྑམསུཁཱ ཝེདནཱ སཱ ནིརུཛ྄ཛྷཏི, ཝཱུཔསམྨཏི. ཕསྶནིདཱནཾ སཱཏཾ ཨསཱཏནྟི ¶ . སཱཏཱསཱཏཱ ཕསྶནིདཱནཱ ཕསྶསམུདཡཱ ཕསྶཛཱཏིཀཱ ཕསྶཔྤབྷཝཱཏི – ཕསྶནིདཱནཾ སཱཏཾ ཨསཱཏཾ.

ཕསྶེ ཨསནྟེ ན བྷཝནྟི ཧེཏེཏི. ཕསྶེ ཨསནྟེ ཨསཾཝིཛྫམཱནེ ནཏྠི ཨནུཔལབྦྷམཱནེ སཱཏཱསཱཏཱ ན བྷཝནྟི ནཔྤབྷཝནྟི ན ཛཱཡནྟི ན སཉྫཱཡནྟི ན ནིབྦཏྟནྟི ནཱབྷིནིབྦཏྟནྟི ན པཱཏུབྷཝནྟཱིཏི – ཕསྶེ ཨསནྟེ ན བྷཝནྟི ཧེཏེ.

ཝིབྷཝཾ ¶ བྷཝཉྩཱཔི ཡམེཏམཏྠནྟི. བྷཝདིཊྛིཔི ཕསྶནིདཱནཱ, ཝིབྷཝདིཊྛིཔི ཕསྶནིདཱནཱ. ཡམེཏམཏྠནྟི ཡཾ པརམཏྠནྟི – ཝིབྷཝཾ བྷཝཉྩཱཔི ཡམེཏམཏྠཾ.

ཨེཏཾ ཏེ པབྲཱུམི ཨིཏོནིདཱནནྟི. ཨེཏནྟི ཡཾ པུཙྪསི ཡཾ ཡཱཙསི ཡཾ ཨཛ྄ཛྷེསསི ཡཾ པསཱདེསི. པབྲཱུམཱིཏི བྲཱུམི ཨཱཙིཀྑཱམི དེསེམི པཉྙཔེམི པཊྛཔེམི ཝིཝརཱམི ཝིབྷཛཱམི ཨུཏྟཱནཱིཀརོམི པཀཱསེམཱིཏི – ཨེཏཾ ཏེ པབྲཱུམི. ཨིཏོནིདཱནནྟི ཨིཏོ ཕསྶནིདཱནཾ ཕསྶསམུདཡཾ ཕསྶཛཱཏིཀཾ ཕསྶཔྤབྷཝནྟི – ཨེཏཾ ཏེ པབྲཱུམི ཨིཏོནིདཱནཾ.

‘‘ཕསྶནིདཱནཾ སཱཏཾ ཨསཱཏཾ, ཕསྶེ ཨསནྟེ ན བྷཝནྟི ཧེཏེ;

ཝིབྷཝཾ ¶ བྷཝཉྩཱཔི ཡམེཏམཏྠཾ, ཨེཏཾ ཏེ པབྲཱུམི ཨིཏོནིདཱན’’ནྟི.

ཕསྶོ ¶ ནུ ལོཀསྨིཾ ཀུཏོནིདཱནོ, པརིགྒཧཱ ཙཱཔི [ཝཱཔི (སཱི. སྱཱ.)] ཀུཏོཔཧཱུཏཱ;

ཀིསྨིཾ ཨསནྟེ ན མམཏྟམཏྠི, ཀིསྨིཾ ཝིབྷཱུཏེ ན ཕུསནྟི ཕསྶཱ.

ཕསྶོ ནུ ལོཀསྨིཾ ཀུཏོནིདཱནོཏི. ཕསྶོ ཀུཏོནིདཱནོ ཀུཏོཛཱཏོ ཀུཏོསཉྫཱཏོ ཀུཏོནིབྦཏྟོ ཀུཏོཨབྷིནིབྦཏྟོ ཀུཏོཔཱཏུབྷཱུཏོ, ཀིཾནིདཱནོ ཀིཾསམུདཡོ ཀིཾཛཱཏིཀོ ཀིཾཔབྷཝོཏི ཕསྶསྶ མཱུལཾ པུཙྪཏི ཧེཏུཾ པུཙྪཏི…པེ… སམུདཡཾ པུཙྪཏི པཔུཙྪཏི ཡཱཙཏི ཨཛ྄ཛྷེསཏི པསཱདེཏཱིཏི – ཕསྶོ ནུ ལོཀསྨིཾ ཀུཏོནིདཱནོ.

པརིགྒཧཱ ཙཱཔི ཀུཏོཔཧཱུཏཱཏི པརིགྒཧཱ ཀུཏོཔཧཱུཏཱ ཀུཏོཛཱཏཱ ཀུཏོསཉྫཱཏཱ ཀུཏོནིབྦཏྟཱ ཀུཏོཨབྷིནིབྦཏྟཱ ཀུཏོཔཱཏུབྷཱུཏཱ, ཀིཾནིདཱནཱ ཀིཾསམུདཡཱ ཀིཾཛཱཏིཀཱ ཀིཾཔབྷཝཱཏི ¶ པརིགྒཧཱནཾ མཱུལཾ པུཙྪཏི ཧེཏུཾ པུཙྪཏི…པེ… སམུདཡཾ པུཙྪཏི པཔུཙྪཏི ཡཱཙཏི ཨཛ྄ཛྷེསཏི པསཱདེཏཱིཏི – པརིགྒཧཱ ཙཱཔི ཀུཏོཔཧཱུཏཱ.

ཀིསྨིཾ ¶ ཨསནྟེ ན མམཏྟམཏྠཱིཏི. ཀིསྨིཾ ཨསནྟེ ཨསཾཝིཛྫམཱནེ ནཏྠི ཨནུཔལབྦྷམཱནེ མམཏྟཱ ནཏྠི ན སནྟི ན སཾཝིཛྫནྟི ནུཔལབྦྷནྟི, པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱཏི – ཀིསྨིཾ ཨསནྟེ ན མམཏྟམཏྠི.

ཀིསྨིཾ ¶ ཝིབྷཱུཏེ ན ཕུསནྟི ཕསྶཱཏི. ཀིསྨིཾ ཝིབྷཱུཏེ ཝིབྷཝིཏེ ཨཏིཀྐནྟེ སམཏིཀྐནྟེ ཝཱིཏིཝཏྟེ ཕསྶཱ ན ཕུསནྟཱིཏི – ཀིསྨིཾ ཝིབྷཱུཏེ ན ཕུསནྟི ཕསྶཱ.

‘‘ཕསྶོ ནུ ལོཀསྨིཾ ཀུཏོནིདཱནོ, པརིགྒཧཱ ཙཱཔི ཀུཏོཔཧཱུཏཱ;

ཀིསྨིཾ ཨསནྟེ ན མམཏྟམཏྠི, ཀིསྨིཾ ཝིབྷཱུཏེ ན ཕུསནྟི ཕསྶཱ’’ཏི.

ནཱམཉྩ རཱུཔཉྩ པཊིཙྩ ཕསྶོ, ཨིཙྪཱནིདཱནཱནི པརིགྒཧཱནི;

ཨིཙྪཱཡསནྟྱཱ ན མམཏྟམཏྠི, རཱུཔེ ཝིབྷཱུཏེ ན ཕུསནྟི ཕསྶཱ.

ནཱམཉྩ ¶ རཱུཔཉྩ པཊིཙྩ ཕསྶོཏི. ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎཾ, ཏིཎྞཾ སངྒཏི ཕསྶོ. ཙཀྑུ ཙ [ཙཀྑུཉྩ (བཧཱུསུ)] རཱུཔཱ ཙ རཱུཔསྨིཾ ཙཀྑུསམྥསྶཾ ཋཔེཏྭཱ སམྤཡུཏྟཀཱ དྷམྨཱ ནཱམསྨིཾ. ཨེཝམྤི ནཱམཉྩ རཱུཔཉྩ པཊིཙྩ ཕསྶོ. སོཏཉྩ པཊིཙྩ སདྡེ ཙ ཨུཔྤཛྫཏི སོཏཝིཉྙཱཎཾ, ཏིཎྞཾ སངྒཏི ཕསྶོ. སོཏཉྩ སདྡཱ ཙ རཱུཔསྨིཾ སོཏསམྥསྶཾ ཋཔེཏྭཱ སམྤཡུཏྟཀཱ དྷམྨཱ ནཱམསྨིཾ. ཨེཝམྤི ནཱམཉྩ རཱུཔཉྩ པཊིཙྩ ཕསྶོ. གྷཱནཉྩ པཊིཙྩ གནྡྷེ ཙ ཨུཔྤཛྫཏི གྷཱནཝིཉྙཱཎཾ, ཏིཎྞཾ སངྒཏི ཕསྶོ. གྷཱནཉྩ གནྡྷཱ ཙ རཱུཔསྨིཾ གྷཱནསམྥསྶཾ ཋཔེཏྭཱ སམྤཡུཏྟཀཱ ¶ དྷམྨཱ ནཱམསྨིཾ. ཨེཝམྤི ནཱམཉྩ རཱུཔཉྩ པཊིཙྩ ཕསྶོ. ཛིཝ྄ཧཉྩ པཊིཙྩ རསེ ཙ ཨུཔྤཛྫཏི ཛིཝ྄ཧཱཝིཉྙཱཎཾ, ཏིཎྞཾ སངྒཏི ཕསྶོ. ཛིཝ྄ཧཱ ཙ རསཱ ཙ རཱུཔསྨིཾ ཛིཝ྄ཧཱསམྥསྶཾ ཋཔེཏྭཱ སམྤཡུཏྟཀཱ དྷམྨཱ ནཱམསྨིཾ. ཨེཝམྤི ནཱམཉྩ རཱུཔཉྩ པཊིཙྩ ཕསྶོ. ཀཱཡཉྩ པཊིཙྩ ཕོཊྛབྦེ ཙ ཨུཔྤཛྫཏི ཀཱཡཝིཉྙཱཎཾ, ཏིཎྞཾ སངྒཏི ཕསྶོ. ཀཱཡོ ཙ ཕོཊྛབྦཱ ཙ རཱུཔསྨིཾ ཀཱཡསམྥསྶཾ ཋཔེཏྭཱ སམྤཡུཏྟཀཱ དྷམྨཱ ནཱམསྨིཾ. ཨེཝམྤི ནཱམཉྩ རཱུཔཉྩ པཊིཙྩ ཕསྶོ. མནཉྩ པཊིཙྩ དྷམྨེ ཙ ཨུཔྤཛྫཏི མནོཝིཉྙཱཎཾ, ཏིཎྞཾ སངྒཏི ཕསྶོ. ཝཏྠུ ¶ རཱུཔཾ རཱུཔསྨིཾ, དྷམྨཱ རཱུཔིནོ རཱུཔསྨིཾ ¶ མནོསམྥསྶཾ ཋཔེཏྭཱ སམྤཡུཏྟཀཱ དྷམྨཱ ནཱམསྨིཾ. ཨེཝམྤི ནཱམཉྩ རཱུཔཉྩ པཊིཙྩ ཕསྶོ.

ཨིཙྪཱནིདཱནཱནི པརིགྒཧཱནཱིཏི. ཨིཙྪཱ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. པརིགྒཧཱཏི དྭེ པརིགྒཧཱ – ཏཎྷཱཔརིགྒཧོ ཙ དིཊྛིཔརིགྒཧོ ཙ…པེ… ཨཡཾ ཏཎྷཱཔརིགྒཧོ…པེ… ཨཡཾ དིཊྛིཔརིགྒཧོ. ཨིཙྪཱནིདཱནཱནི པརིགྒཧཱནཱིཏི. པརིགྒཧཱ ཨིཙྪཱནིདཱནཱ ཨིཙྪཱཧེཏུཀཱ ཨིཙྪཱཔཙྩཡཱ ཨིཙྪཱཀཱརཎཱ ཨིཙྪཱཔབྷཝཱཏི – ཨིཙྪཱནིདཱནཱནི པརིགྒཧཱནི.

ཨིཙྪཱཡསནྟྱཱ ན མམཏྟམཏྠཱིཏི. ཨིཙྪཱ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. མམཏྟཱཏི དྭེ མམཏྟཱ – ཏཎྷཱམམཏྟཉྩ དིཊྛིམམཏྟཉྩ ¶ …པེ… ཨིདཾ ཏཎྷཱམམཏྟཾ ¶ …པེ… ཨིདཾ དིཊྛིམམཏྟཾ. ཨིཙྪཱཡསནྟྱཱ ན མམཏྟམཏྠཱིཏི. ཨིཙྪཱཡ ཨསནྟྱཱ ཨསཾཝིཛྫམཱནཱཡ ནཏྠི ཨནུཔལབྦྷམཱནཱཡ མམཏྟཱ ནཏྠི ན སནྟི ན སཾཝིཛྫནྟི ནུཔལབྦྷནྟི, པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱཏི – ཨིཙྪཱཡསནྟྱཱ ན མམཏྟམཏྠི.

རཱུཔེ ཝིབྷཱུཏེ ན ཕུསནྟི ཕསྶཱཏི. རཱུཔེཏི ཙཏྟཱརོ ཙ མཧཱབྷཱུཏཱ ཙཏུནྣཉྩ མཧཱབྷཱུཏཱནཾ ཨུཔཱདཱཡ རཱུཔཾ. རཱུཔེ ཝིབྷཱུཏེཏི ཙཏཱུཧཱཀཱརེཧི [ཙཏཱུཧི ཀཱརཎེཧི (སྱཱ.)] རཱུཔཾ ཝིབྷཱུཏཾ ཧོཏི – ཉཱཏཝིབྷཱུཏེན [ཉཱཎཝིབྷཱུཏེན (སཱི.), ཏདཊྛཀཐཱཡཾ པན ཉཱཏཝཱིཏིཝཏྟེནཱཏི དིསྶཏི], ཏཱིརཎཝིབྷཱུཏེན, པཧཱནཝིབྷཱུཏེན, སམཏིཀྐམཝིབྷཱུཏེན. ཀཐཾ ཉཱཏཝིབྷཱུཏེན རཱུཔཾ ཝིབྷཱུཏཾ ཧོཏི? རཱུཔཾ ཛཱནཱཏི – ‘‘ཡཾ ཀིཉྩི རཱུཔཾ སབྦཾ རཱུཔཾ ཙཏྟཱརི ཙ མཧཱབྷཱུཏཱནི ཙཏུནྣཉྩ མཧཱབྷཱུཏཱནཾ ཨུཔཱདཱཡ རཱུཔ’’ནྟི ཛཱནཱཏི པསྶཏི. ཨེཝཾ ཉཱཏཝིབྷཱུཏེན རཱུཔཾ ཝིབྷཱུཏཾ ཧོཏི.

ཀཐཾ ཏཱིརཎཝིབྷཱུཏེན རཱུཔཾ ཝིབྷཱུཏཾ ཧོཏི? ཨེཝཾ ཉཱཏཾ ཀཏྭཱ རཱུཔཾ ཏཱིརེཏི, ཨནིཙྩཏོ དུཀྑཏོ རོགཏོ གཎྜཏོ སལླཏོ ཨགྷཏོ ཨཱབཱདྷཏོ པརཏོ པལོཀཏོ ཨཱིཏིཏོ ཨུཔདྡཝཏོ བྷཡཏོ ཨུཔསགྒཏོ ཙལཏོ པབྷངྒུཏོ ཨདྷུཝཏོ ཨཏཱཎཏོ ཨལེཎཏོ ཨསརཎཏོ རིཏྟཏོ ཏུཙྪཏོ སུཉྙཏོ ཨནཏྟཏོ ཨཱདཱིནཝཏོ ཝིཔརིཎཱམདྷམྨཏོ ཨསཱརཀཏོ ཨགྷམཱུལཏོ ཝདྷཀཏོ ¶ ཝིབྷཝཏོ སཱསཝཏོ སངྑཏཏོ མཱརཱམིསཏོ ཛཱཏིདྷམྨཏོ ཛརཱདྷམྨཏོ བྱཱདྷིདྷམྨཏོ མརཎདྷམྨཏོ, སོཀཔརིདེཝདུཀྑདོམནསྶུཔཱཡཱསདྷམྨཏོ སཾཀིལེསིཀདྷམྨཏོ སམུདཡཏོ ཨཏྠངྒམཏོ, ཨསྶཱདཏོ ¶ ཨཱདཱིནཝཏོ ནིསྶརཎཏོ ཏཱིརེཏི. ཨེཝཾ ཏཱིརཎཝིབྷཱུཏེན རཱུཔཾ ཝིབྷཱུཏཾ ཧོཏི.

ཀཐཾ ¶ ¶ པཧཱནཝིབྷཱུཏེན རཱུཔཾ ཝིབྷཱུཏཾ ཧོཏི? ཨེཝཾ ཏཱིརཡིཏྭཱ རཱུཔེ ཚནྡརཱགཾ པཛཧཏི ཝིནོདེཏི བྱནྟིཾ ཀརོཏི ཨནབྷཱཝཾ གམེཏི. ཝུཏྟཉྷེཏཾ བྷགཝཏཱ – ‘‘ཡོ, བྷིཀྑཝེ, རཱུཔེ ཚནྡརཱགོ ཏཾ པཛཧཐ. ཨེཝཾ ཏཾ རཱུཔཾ པཧཱིནཾ བྷཝིསྶཏི ཨུཙྪིནྣམཱུལཾ ཏཱལཱཝཏྠུཀཏཾ ཨནབྷཱཝཾཀཏཾ ཨཱཡཏིཾ ཨནུཔྤཱདདྷམྨ’’ནྟི. ཨེཝཾ པཧཱནཝིབྷཱུཏེན རཱུཔཾ ཝིབྷཱུཏཾ ཧོཏི.

ཀཐཾ སམཏིཀྐམཝིབྷཱུཏེན རཱུཔཾ ཝིབྷཱུཏཾ ཧོཏི. ཙཏསྶོ ཨརཱུཔསམཱཔཏྟིཡོ པཊིལདྡྷསྶ རཱུཔཱ ཝིབྷཱུཏཱ ཧོནྟི ཝིབྷཱཝིཏཱ ཨཏིཀྐནྟཱ སམཏིཀྐནྟཱ ཝཱིཏིཝཏྟཱ. ཨེཝཾ སམཏིཀྐམཝིབྷཱུཏེན རཱུཔཾ ཝིབྷཱུཏཾ ཧོཏི. ཨིམེཧི ཙཏཱུཧི ཀཱརཎེཧི རཱུཔཾ ཝིབྷཱུཏཾ ཧོཏི.

རཱུཔེ ཝིབྷཱུཏེ ན ཕུསནྟི ཕསྶཱཏི. རཱུཔེ ཝིབྷཱུཏེ ཝིབྷཱཝིཏེ ཨཏིཀྐནྟེ སམཏིཀྐནྟེ ཝཱིཏིཝཏྟེ པཉྩ ཕསྶཱ ན ཕུསནྟི – ཙཀྑུསམྥསྶོ, སོཏསམྥསྶོ, གྷཱནསམྥསྶོ, ཛིཝ྄ཧཱསམྥསྶོ, ཀཱཡསམྥསྶོཏི – རཱུཔེ ཝིབྷཱུཏེ ན ཕུསནྟི ཕསྶཱ.

‘‘ནཱམཉྩ རཱུཔཉྩ པཊིཙྩ ཕསྶོ, ཨིཙྪཱནིདཱནཱནི པརིགྒཧཱནི;

ཨིཙྪཱཡསནྟྱཱ ན མམཏྟམཏྠི, རཱུཔེ ཝིབྷཱུཏེ ན ཕུསནྟི ཕསྶཱ’’ཏི.

ཀཐཾ ¶ སམེཏསྶ ཝིབྷོཏི རཱུཔཾ, སུཁཾ དུཁཉྩཱཔི [དུཀྑཾ ཝཱཔི (སྱཱ.)] ཀཐཾ ཝིབྷོཏི;

ཨེཏཾ མེ པབྲཱུཧི ཡཐཱ ཝིབྷོཏི, ཏཾ ཛཱནིཡཱམཱཏི [ཛཱནིསྶཱམཱཏི (སཱི. ཀ.)] མེ མནོ ཨཧུ.

ཀཐཾ སམེཏསྶ ཝིབྷོཏི རཱུཔནྟི. ཀཐཾ སམེཏསྶཱཏི ཀཐཾ སམེཏསྶ ཀཐཾ པཊིཔནྣསྶ ཀཐཾ ཨིརིཡནྟསྶ ཀཐཾ ཝཏྟེནྟསྶ ཀཐཾ པཱལེནྟསྶ ཀཐཾ ཡཔེནྟསྶ ¶ ཀཐཾ ཡཱཔེནྟསྶ རཱུཔཾ ཝིབྷོཏི ཝིབྷཱཝཱིཡཏི ཨཏིཀྐམཱིཡཏི ¶ སམཏིཀྐམཱིཡཏི [ཝིབྷཱཝིཡྻཏི ཨཏིཀྐམིཡྻཏི སམཏིཀྐམིཡྻཏི (བཧཱུསུ)] ཝཱིཏིཝཏྟཱིཡཏཱིཏི – ཀཐཾ སམེཏསྶ ཝིབྷོཏི རཱུཔཾ.

སུཁཾ དུཁཉྩཱཔི ཀཐཾ ཝིབྷོཏཱིཏི སུཁཉྩ དུཀྑཉྩ ཀཐཾ ཝིབྷོཏི ཝིབྷཱཝཱིཡཏི ཨཏིཀྐམཱིཡཏི སམཏིཀྐམཱིཡཏི ཝཱིཏིཝཏྟཱིཡཏཱིཏི – སུཁཾ དུཁཉྩཱཔི ཀཐཾ ཝིབྷོཏི.

ཨེཏཾ མེ པབྲཱུཧི ཡཐཱ ཝིབྷོཏཱིཏི. ཨེཏནྟི ཡཾ པུཙྪཱམི ཡཾ ཡཱཙཱམི ཡཾ ཨཛ྄ཛྷེསཱམི ཡཾ པསཱདེམཱིཏི – ཨེཏཾ. མེ པབྲཱུཧཱིཏི མེ པབྲཱུཧི ཨཱཙིཀྑ དེསེཧི པཉྙཔེཧི པཊྛཔེཧི ཝིཝར ཝིབྷཛ ¶ ཨུཏྟཱནཱིཀརོཧི པཀཱསེཧཱིཏི – ཨེཏཾ མེ པབྲཱུཧི. ཡཐཱ ཝིབྷོཏཱིཏི ཡཐཱ ཝིབྷོཏི ཝིབྷཱཝཱིཡཏི ཨཏིཀྐམཱིཡཏི སམཏིཀྐམཱིཡཏི ཝཱིཏིཝཏྟཱིཡཏཱིཏི – ཨེཏཾ མེ པབྲཱུཧི ཡཐཱ ཝིབྷོཏི.

ཏཾ ཛཱནིཡཱམཱཏི མེ མནོ ཨཧཱུཏི. ཏཾ ཛཱནིཡཱམཱཏི ཏཾ ཛཱནེཡྻཱམ ཨཱཛཱནེཡྻཱམ ཝིཛཱནེཡྻཱམ པཊིཝིཛཱནེཡྻཱམ པཊིཝིཛ྄ཛྷེཡྻཱམཱཏི – ཏཾ ཛཱནིཡཱམ. ཨིཏི མེ མནོ ཨཧཱུཏི ཨིཏི མེ མནོ ཨཧུ, ཨིཏི མེ ཙིཏྟཾ ཨཧུ ¶ , ཨིཏི མེ སངྐཔྤོ ཨཧུ, ཨིཏི མེ ཝིཉྙཱཎཾ ཨཧཱུཏི – ཏཾ ཛཱནིཡཱམ ཨིཏི མེ མནོ ཨཧུ.

‘‘ཀཐཾ སམེཏསྶ ཝིབྷོཏི རཱུཔཾ, སུཁཾ དུཁཉྩཱཔི ཀཐཾ ཝིབྷོཏི;

ཨེཏཾ མེ པབྲཱུཧི ཡཐཱ ཝིབྷོཏི, ཏཾ ཛཱནིཡཱམཱཏི མེ མནོ ཨཧཱུ’’ཏི.

ན སཉྙསཉྙཱི ན ཝིསཉྙསཉྙཱི, ནོཔི ཨསཉྙཱི ན ཝིབྷཱུཏསཉྙཱི;

ཨེཝཾ སམེཏསྶ ཝིབྷོཏི རཱུཔཾ, སཉྙཱནིདཱནཱ ཧི པཔཉྩསངྑཱ.

ན སཉྙསཉྙཱི ན ཝིསཉྙསཉྙཱིཏི. སཉྙསཉྙིནོ ཝུཙྩནྟི ཡེ པཀཏིསཉྙཱཡ ཋིཏཱ, ནཔི སོ པཀཏིསཉྙཱཡ ཋིཏོ. ཝིསཉྙསཉྙིནོ ཝུཙྩནྟི ཨུམྨཏྟཀཱ ཡེ ཙ ཁིཏྟཙིཏྟཱ ¶ [ཨུཀྑིཏྟཙིཏྟཱ (སྱཱ.)], ནཔི སོ ཨུམྨཏྟཀོ, ནོཔི ཁིཏྟཙིཏྟོཏི – ན སཉྙསཉྙཱི ན ཝིསཉྙསཉྙཱི.

ནོཔི ¶ ཨསཉྙཱི ན ཝིབྷཱུཏསཉྙཱིཏི. ཨསཉྙིནོ ཝུཙྩནྟི ནིརོདྷསམཱཔནྣཱ ཡེ ཙ ཨསཉྙསཏྟཱ, ནཔི སོ ནིརོདྷསམཱཔནྣོ, ནཔི ཨསཉྙསཏྟོ. ཝིབྷཱུཏསཉྙིནོ ཝུཙྩནྟི ཡེ ཙཏུནྣཾ ཨརཱུཔསམཱཔཏྟཱིནཾ ལཱབྷིནོ, ནཔི སོ ཙཏུནྣཾ ཨརཱུཔསམཱཔཏྟཱིནཾ ལཱབྷཱིཏི – ནོཔི ཨསཉྙཱི ན ཝིབྷཱུཏསཉྙཱི.

ཨེཝཾ ¶ སམེཏསྶ ཝིབྷོཏི རཱུཔནྟི. ཨིདྷ བྷིཀྑུ སུཁསྶ ཙ པཧཱནཱ…པེ… ཙཏུཏྠཾ ཛྷཱནཾ ཨུཔསམྤཛྫ ཝིཧརཏི. སོ ཨེཝཾ སམཱཧིཏེ ཙིཏྟེ པརིསུདྡྷེ པརིཡོདཱཏེ ཨནངྒཎེ ཝིགཏཱུཔཀྐིལེསེ མུདུབྷཱུཏེ ཀམྨནིཡེ ཋིཏེ ཨཱནེཉྫཔྤཏྟེ ཨཱཀཱསཱནཉྩཱཡཏནསམཱཔཏྟིཔཊིལཱབྷཏྠཱཡ ཙིཏྟཾ ཨབྷིནཱིཧརཏི ཨབྷིནིནྣཱམེཏི ཨཱརུཔྤམགྒསམངྒཱིཏི. ཨེཝཾ སམེཏསྶ ཨེཝཾ པཊིཔནྣསྶ ཨེཝཾ ཨིརིཡནྟསྶ ཨེཝཾ ཝཏྟེནྟསྶ ཨེཝཾ པཱལེནྟསྶ ཨེཝཾ ཡཔེནྟསྶ ཨེཝཾ ཡཱཔེནྟསྶ རཱུཔཾ ¶ ཝིབྷོཏི ཝིབྷཱཝཱིཡཏི ཨཏིཀྐམཱིཡཏི སམཏིཀྐམཱིཡཏི ཝཱིཏིཝཏྟཱིཡཏཱིཏི – ཨེཝཾ སམེཏསྶ ཝིབྷོཏི རཱུཔཾ.

སཉྙཱནིདཱནཱ ཧི པཔཉྩསངྑཱཏི. པཔཉྩཱཡེཝ པཔཉྩསངྑཱ ཏཎྷཱཔཔཉྩསངྑཱ, དིཊྛིཔཔཉྩསངྑཱ, མཱནཔཔཉྩསངྑཱ སཉྙཱནིདཱནཱ སཉྙཱསམུདཡཱ སཉྙཱཛཱཏིཀཱ སཉྙཱཔབྷཝཱཏི – སཉྙཱནིདཱནཱ ཧི པཔཉྩསངྑཱ.

‘‘ན སཉྙསཉྙཱི ན ཝིསཉྙསཉྙཱི, ནོཔི ཨསཉྙཱི ན ཝིབྷཱུཏསཉྙཱི;

ཨེཝཾ སམེཏསྶ ཝིབྷོཏི རཱུཔཾ, སཉྙཱནིདཱནཱ ཧི པཔཉྩསངྑཱ’’ཏི.

ཡཾ ¶ ཏཾ ཨཔུཙྪིམྷ ཨཀིཏྟཡཱི ནོ, ཨཉྙཾ ཏཾ པུཙྪཱམ ཏདིངྒྷ བྲཱུཧི;

ཨེཏྟཱཝཏགྒཾ ¶ ནུ ཝདནྟི ཧེཀེ, ཡཀྑསྶ སུདྡྷིཾ ཨིདྷ པཎྜིཏཱསེ;

ཡཾ ཏཾ ཨཔུཙྪིམྷ ཨཀིཏྟཡཱི ནོཏི. ཡཾ ཏཾ ཨཔུཙྪིམྷ ཨཡཱཙིམྷ ཨཛ྄ཛྷེསིམྷ པསཱདཡིམྷ. ཨཀིཏྟཡཱི ནོཏི ཀིཏྟིཏཾ པཀིཏྟིཏཾ ཨཱཙིཀྑིཏཾ དེསིཏཾ པཉྙཔིཏཾ པཊྛཔིཏཾ ཝིཝཊཾ ཝིབྷཏྟཾ ཨུཏྟཱནཱིཀཏཾ པཀཱསིཏནྟི – ཡཾ ཏཾ ཨཔུཙྪིམྷ ཨཀིཏྟཡཱི ནོ.

ཨཉྙཾ ཏཾ པུཙྪཱམ ཏདིངྒྷ བྲཱུཧཱིཏི. ཨཉྙཾ ཏཾ པུཙྪཱམ, ཨཉྙཾ ཏཾ ཡཱཙཱམ, ཨཉྙཾ ཏཾ ཨཛ྄ཛྷེསཱམ, ཨཉྙཾ ཏཾ པསཱདེམ, ཨུཏྟརིཾ ཏཾ པུཙྪཱམ. ཏདིངྒྷ བྲཱུཧཱིཏི ཨིངྒྷ ¶ བྲཱུཧི ཨཱཙིཀྑ དེསེཧི པཉྙཔེཧི པཊྛཔེཧི ཝིཝར ཝིབྷཛ ཨུཏྟཱནཱིཀརོཧི པཀཱསེཧཱིཏི – ཨཉྙཾ ཏཾ པུཙྪཱམ ཏདིངྒྷ བྲཱུཧི.

ཨེཏྟཱཝཏགྒཾ ནུ ཝདནྟི ཧེཀེ ཡཀྑསྶ སུདྡྷིཾ ཨིདྷ པཎྜིཏཱསེཏི. ཨེཀེ སམཎབྲཱཧྨཎཱ ཨེཏཱ ཨརཱུཔསམཱཔཏྟིཡོ ཨགྒཾ སེཊྛཾ ཝིསིཊྛཾ པཱམོཀྑཾ ཨུཏྟམཾ པཝརཾ ཝདནྟི ཀཐེནྟི བྷཎནྟི དཱིཔཡནྟི ཝོཧརནྟི. ཡཀྑསྶཱཏི སཏྟསྶ ནརསྶ མཱནཝསྶ པོསསྶ པུགྒལསྶ ཛཱིཝསྶ ཛཱགུསྶ ཛནྟུསྶ ཨིནྡགུསྶ མནུཛསྶ. སུདྡྷིནྟི སུདྡྷིཾ ཝིསུདྡྷིཾ པརིསུདྡྷིཾ མུཏྟིཾ ཝིམུཏྟིཾ པརིམུཏྟིཾ. ཨིདྷ པཎྜིཏཱསེཏི ཨིདྷ པཎྜིཏཝཱདཱ ཐིརཝཱདཱ ཉཱཡཝཱདཱ ཧེཏུཝཱདཱ ལཀྑཎཝཱདཱ ཀཱརཎཝཱདཱ ¶ ཋཱནཝཱདཱ སཀཱཡ ལདྡྷིཡཱཏི – ཨེཏྟཱཝཏགྒཾ ནུ ¶ ཝདནྟི ཧེཀེ ཡཀྑསྶ སུདྡྷིཾ ཨིདྷ པཎྜིཏཱསེ.

ཨུདཱཧུ ཨཉྙམྤི ཝདནྟི ཨེཏྟོཏི. ཨུདཱཧུ ཨེཀེ སམཎབྲཱཧྨཎཱ ཨེཏཱ ཨརཱུཔསམཱཔཏྟིཡོ ཨཏིཀྐམིཏྭཱ སམཏིཀྐམིཏྭཱ ¶ ཝཱིཏིཝཏྟེཏྭཱ ཨེཏྟོ ཨརཱུཔསམཱཔཏྟིཏོ ཨཉྙཾ ཨུཏྟརིཾ ཡཀྑསྶ སུདྡྷིཾ ཝིསུདྡྷིཾ པརིསུདྡྷིཾ མུཏྟིཾ ཝིམུཏྟིཾ པརིམུཏྟིཾ ཝདནྟི ཀཐེནྟི བྷཎནྟི དཱིཔཡནྟི ཝོཧརནྟཱིཏི – ཨུདཱཧུ ཨཉྙམྤི ཝདནྟི ཨེཏྟོ.

‘‘ཡཾ ཏཾ ཨཔུཙྪིམྷ ཨཀིཏྟཡཱི ནོ, ཨཉྙཾ ཏཾ པུཙྪཱམ ཏདིངྒྷ བྲཱུཧི;

ཨེཏྟཱཝཏགྒཾ ནུ ཝདནྟི ཧེཀེ, ཡཀྑསྶ སུདྡྷིཾ ཨིདྷ པཎྜིཏཱསེ;

ཨུདཱཧུ ཨཉྙམྤི ཝདནྟི ཨེཏྟོ’’ཏི.

ཨེཏྟཱཝཏགྒམྤི ཝདནྟི ཧེཀེ, ཡཀྑསྶ སུདྡྷིཾ ཨིདྷ པཎྜིཏཱསེ;

ཏེསཾ པནེཀེ སམཡཾ ཝདནྟི, ཨནུཔཱདིསེསེ ཀུསལཱཝདཱནཱ.

ཨེཏྟཱཝཏགྒམྤི ཝདནྟི ཧེཀེ, ཡཀྑསྶ སུདྡྷིཾ ཨིདྷ པཎྜིཏཱསེཏི. སནྟེཀེ སམཎབྲཱཧྨཎཱ སསྶཏཝཱདཱ, ཨེཏཱ ཨརཱུཔསམཱཔཏྟིཡོ ཨགྒཾ སེཊྛཾ ཝིསིཊྛཾ པཱམོཀྑཾ ཨུཏྟམཾ པཝརཾ ཝདནྟི ཀཐེནྟི བྷཎནྟི དཱིཔཡནྟི ཝོཧརནྟི. ཡཀྑསྶཱཏི སཏྟསྶ ནརསྶ མཱནཝསྶ པོསསྶ པུགྒལསྶ ཛཱིཝསྶ ཛཱགུསྶ ཛནྟུསྶ ཨིནྡགུསྶ ¶ མནུཛསྶ. སུདྡྷིནྟི སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ. ཨིདྷ པཎྜིཏཱསེཏི ཨིདྷ པཎྜིཏཝཱདཱ ཐིརཝཱདཱ ཉཱཡཝཱདཱ ཧེཏུཝཱདཱ ¶ ལཀྑཎཝཱདཱ ཀཱརཎཝཱདཱ ཋཱནཝཱདཱ སཀཱཡ ལདྡྷིཡཱཏི – ཨེཏྟཱཝཏགྒམྤི ཝདནྟི ཧེཀེ ཡཀྑསྶ སུདྡྷིཾ ཨིདྷ པཎྜིཏཱསེ.

ཏེསཾ པནེཀེ སམཡཾ ཝདནྟི, ཨནུཔཱདིསེསེ ཀུསལཱཝདཱནཱཏི ཏེསཾཡེཝ སམཎབྲཱཧྨཎཱནཾ ཨེཀེ སམཎབྲཱཧྨཎཱ ཨུཙྪེདཝཱདཱ བྷཝཏཛྫིཏཱ ཝིབྷཝཾ ཨབྷིནནྡནྟི, ཏེ སཏྟསྶ སམཾ ཨུཔསམཾ ཝཱུཔསམཾ ནིརོདྷཾ པཊིཔསྶདྡྷིནྟི ཝདནྟི, ཡཏོ ཀིཾ, བྷོ, ཨཡཾ ཨཏྟཱ ཀཱཡསྶ བྷེདཱ ཨུཙྪིཛྫཏི ཝིནསྶཏི ན ཧོཏི པརཾ མརཎཱ, ཨེཏྟཱཝཏཱ ཨནུཔཱདིསེསོཏི. ཀུསལཱཝདཱནཱཏི ཀུསལཝཱདཱ ¶ པཎྜིཏཝཱདཱ ཐིརཝཱདཱ ཉཱཡཝཱདཱ ཧེཏུཝཱདཱ ལཀྑཎཝཱདཱ ཀཱརཎཝཱདཱ ཋཱནཝཱདཱ སཀཱཡ ལདྡྷིཡཱཏི – ཏེསཾ པནེཀེ སམཡཾ ཝདནྟི ཨནུཔཱདིསེསེ ཀུསལཱཝདཱནཱ.

‘‘ཨེཏྟཱཝཏགྒམྤི ཝདནྟི ཧེཀེ, ཡཀྑསྶ སུདྡྷིཾ ཨིདྷ པཎྜིཏཱསེ;

ཏེསཾ པནེཀེ སམཡཾ ཝདནྟི, ཨནུཔཱདིསེསེ ཀུསལཱཝདཱནཱ’’ཏི.

ཨེཏེ ཙ ཉཏྭཱ ཨུཔནིསྶིཏཱཏི, ཉཏྭཱ མུནཱི ནིསྶཡེ སོ ཝཱིམཾསཱི;

ཉཏྭཱ ¶ ཝིམུཏྟོ ན ཝིཝཱདམེཏི, བྷཝཱབྷཝཱཡ ན སམེཏི དྷཱིརོ.

ཨེཏེ ཙ ཉཏྭཱ ཨུཔནིསྶིཏཱཏི. ཨེཏེཏི དིཊྛིགཏིཀེ. ཨུཔནིསྶིཏཱཏི སསྶཏདིཊྛིནིསྶིཏཱཏི ཉཏྭཱ, ཨུཙྪེདདིཊྛིནིསྶིཏཱཏི ཉཏྭཱ, སསྶཏུཙྪེདདིཊྛིནིསྶིཏཱཏི ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱཏི – ཨེཏེ ཙ ཉཏྭཱ ཨུཔནིསྶིཏཱཏི.

ཉཏྭཱ མུནཱི ནིསྶཡེ སོ ཝཱིམཾསཱིཏི. མུནཱིཏི. མོནཾ ཝུཙྩཏི ཉཱཎཾ…པེ… སངྒཛཱལམཏིཙྩ སོ མུནི. མུནི སསྶཏདིཊྛིནིསྶིཏཱཏི ཉཏྭཱ, ཨུཙྪེདདིཊྛིནིསྶིཏཱཏི ཉཏྭཱ, སསྶཏུཙྪེདདིཊྛིནིསྶིཏཱཏི ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ. སོ ཝཱིམཾསཱིཏི པཎྜིཏོ པཉྙཝཱ བུདྡྷིམཱ ཉཱཎཱི ཝིབྷཱཝཱི མེདྷཱཝཱིཏི ཉཏྭཱ མུནི ནིསྶཡེ སོ ཝཱིམཾསཱི. ཉཏྭཱ ཝིམུཏྟོ ན ཝིཝཱདམེཏཱིཏི ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ ¶ . ཝིམུཏྟོཏི མུཏྟོ ཝིམུཏྟོ པརིམུཏྟོ སུཝིམུཏྟོ ཨཙྩནྟཨནུཔཱདཱཝིམོཀྑེན. ‘‘སབྦེ སངྑཱརཱ ཨནིཙྩཱ’’ཏི ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ མུཏྟོ ཝིམུཏྟོ པརིམུཏྟོ སུཝིམུཏྟོ ཨཙྩནྟཨནུཔཱདཱཝིམོཀྑེན. ‘‘སབྦེ སངྑཱརཱ དུཀྑཱ’’ཏི… ‘‘སབྦེ དྷམྨཱ ཨནཏྟཱ’’ཏི…པེ… ‘‘ཡཾ ཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨ’’ནྟི ¶ ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ མུཏྟོ ཝིམུཏྟོ པརིམུཏྟོ ¶ སུཝིམུཏྟོ ཨཙྩནྟཨནུཔཱདཱཝིམོཀྑེནཱཏི – ཉཏྭཱ ཝིམུཏྟོ. ན ཝིཝཱདམེཏཱིཏི ན ཀལཧཾ ཀརོཏི, ན བྷཎྜནཾ ཀརོཏི, ན ཝིགྒཧཾ ཀརོཏི, ན ཝིཝཱདཾ ཀརོཏི, ན མེདྷགཾ ཀརོཏི. ཝུཏྟཉྷེཏཾ བྷགཝཏཱ – ‘‘ཨེཝཾ ཝིམུཏྟཙིཏྟོ ཁོ, ཨགྒིཝེསྶན, བྷིཀྑུ ན ཀེནཙི སཾཝདཏི, ན ཀེནཙི ཝིཝདཏི, ཡཉྩ ལོཀེ ཝུཏྟཾ ཏེན ཙ ཝོཧརཏི ཨཔརཱམས’’ནྟི – ཉཏྭཱ ཝིམུཏྟོ ན ཝིཝཱདམེཏི.

བྷཝཱབྷཝཱཡ ན སམེཏི དྷཱིརོཏི. བྷཝཱབྷཝཱཡཱཏི བྷཝཱཡ ཀམྨབྷཝཱཡ པུནབྦྷཝཱཡ ཀཱམབྷཝཱཡ ¶ , ཀམྨབྷཝཱཡ ཀཱམབྷཝཱཡ པུནབྦྷཝཱཡ རཱུཔབྷཝཱཡ, ཀམྨབྷཝཱཡ རཱུཔབྷཝཱཡ པུནབྦྷཝཱཡ ཨརཱུཔབྷཝཱཡ, ཀམྨབྷཝཱཡ ཨརཱུཔབྷཝཱཡ པུནབྦྷཝཱཡ པུནཔྤུནབྦྷཝཱཡ པུནཔྤུནགཏིཡཱ པུནཔྤུནཨུཔཔཏྟིཡཱ པུནཔྤུནཔཊིསནྡྷིཡཱ པུནཔྤུནཨཏྟབྷཱཝཱཡ པུནཔྤུནཱབྷིནིབྦཏྟིཡཱ ན སམེཏི ན སམཱགཙྪཏི ན གཎྷཱཏི ན པརཱམསཏི ནཱབྷིནིཝིསཏི. དྷཱིརོཏི དྷཱིརོ པཎྜིཏོ པཉྙཝཱ བུདྡྷིམཱ ཉཱཎཱི ཝིབྷཱཝཱི མེདྷཱཝཱིཏི – བྷཝཱབྷཝཱཡ ན སམེཏི དྷཱིརོ.

‘‘ཨེཏེ ཙ ཉཏྭཱ ཨུཔནིསྶིཏཱཏི, ཉཏྭཱ མུནཱི ནིསྶཡེ སོ ཝཱིམཾསཱི;

ཉཏྭཱ ཝིམུཏྟོ ན ཝིཝཱདམེཏི, བྷཝཱབྷཝཱཡ ན སམེཏི དྷཱིརོ’’ཏི.

ཀལཧཝིཝཱདསུཏྟནིདྡེསོ ཨེཀཱདསམོ.

ཨཐ ¶ ཙཱུལ༹ཝིཡཱུཧསུཏྟནིདྡེསཾ ཝཀྑཏི –

སཀཾ ¶ ¶ སཀཾ དིཊྛིཔརིབྦསཱནཱ, ཝིགྒཡ྄ཧ ནཱནཱ ཀུསལཱ ཝདནྟི;

ཡོ ཨེཝཾ ཛཱནཱཏི [ཨེཝཾ པཛཱནཱཏི (སཱི.)] ས ཝེདི དྷམྨཾ, ཨིདཾ པཊིཀྐོསམཀེཝལཱི སོ.

སཀཾ ¶ སཀཾ དིཊྛིཔརིབྦསཱནཱཏི. སནྟེཀེ སམཎབྲཱཧྨཎཱ དིཊྛིགཏིཀཱ; ཏེ དྭཱསཊྛིཡཱ དིཊྛིགཏཱནཾ ཨཉྙཏརཉྙཏརཾ དིཊྛིགཏཾ གཧེཏྭཱ ཨུགྒཧེཏྭཱ གཎྷིཏྭཱ པརཱམསིཏྭཱ ཨབྷིནིཝིསིཏྭཱ སཀཱཡ སཀཱཡ དིཊྛིཡཱ ཝསནྟི སཾཝསནྟི ཨཱཝསནྟི པརིཝསནྟི. ཡཐཱ ཨགཱརིཀཱ གྷརེསུ ཝསནྟི, སཱཔཏྟིཀཱ ཝཱ ཨཱཔཏྟཱིསུ ཝསནྟི, སཀིལེསཱ ཝཱ ཀིལེསེསུ ཝསནྟི; ཨེཝམེཝ སནྟེཀེ སམཎབྲཱཧྨཎཱ དིཊྛིགཏིཀཱ, ཏེ དྭཱསཊྛིཡཱ དིཊྛིགཏཱནཾ ཨཉྙཏརཉྙཏརཾ དིཊྛིགཏཾ གཧེཏྭཱ ཨུགྒཧེཏྭཱ གཎྷིཏྭཱ པརཱམསིཏྭཱ ཨབྷིནིཝིསིཏྭཱ སཀཱཡ སཀཱཡ དིཊྛིཡཱ ཝསནྟི སཾཝསནྟི ཨཱཝསནྟི པརིཝསནྟཱིཏི – སཀཾ སཀཾ དིཊྛིཔརིབྦསཱནཱ.

ཝིགྒཡ྄ཧ ནཱནཱ ཀུསལཱ ཝདནྟཱིཏི. ཝིགྒཡ྄ཧཱཏི གཧེཏྭཱ ཨུགྒཧེཏྭཱ གཎྷིཏྭཱ པརཱམསིཏྭཱ ཨབྷིནིཝིསིཏྭཱ ནཱནཱ ཝདནྟི ཝིཝིདྷཾ ཝདནྟི ཨཉྙོཉྙཾ ཝདནྟི པུཐུ [པུཐུཾ (སཱི.)] ཝདནྟི, ན ཨེཀཾ ཝདནྟི ཀཐེནྟི བྷཎནྟི དཱིཔཡནྟི ཝོཧརནྟི. ཀུསལཱཏི ཀུསལཝཱདཱ ¶ པཎྜིཏཝཱདཱ ཐིརཝཱདཱ ཉཱཡཝཱདཱ ཧེཏུཝཱདཱ ལཀྑཎཝཱདཱ ¶ ཀཱརཎཝཱདཱ ཋཱནཝཱདཱ སཀཱཡ ལདྡྷིཡཱཏི – ཝིགྒཡ྄ཧ ནཱནཱ ཀུསལཱ ཝདནྟི.

ཡོ ཨེཝཾ ཛཱནཱཏི ས ཝེདི དྷམྨནྟི. ཡོ ཨིམཾ [ཨིདཾ (སཱི. ཀ.)] དྷམྨཾ དིཊྛིཾ པཊིཔདཾ མགྒཾ ཛཱནཱཏི སོ དྷམྨཾ ཝེདི ཨཉྙཱསི ཨཔསྶི པཊིཝིཛ྄ཛྷཱིཏི – ཡོ ཨེཝཾ ཛཱནཱཏི ས ཝེདི དྷམྨཾ.

ཨིདཾ པཊིཀྐོསམཀེཝལཱི སོཏི. ཡོ ཨིམཾ དྷམྨཾ དིཊྛིཾ པཊིཔདཾ མགྒཾ པཊིཀྐོསཏི, ཨཀེཝལཱི ¶ སོ ཨསམཏྟོ སོ ཨཔརིཔུཎྞོ སོ ཧཱིནོ ནིཧཱིནོ ཨོམཀོ ལཱམཀོ ཚཏུཀྐོ པརིཏྟོཏི – ཨིདཾ པཊིཀྐོསམཀེཝལཱི སོ.

‘‘སཀཾ སཀཾ དིཊྛིཔརིབྦསཱནཱ, ཝིགྒཡ྄ཧ ནཱནཱ ཀུསལཱ ཝདནྟི;

ཡོ ཨེཝཾ ཛཱནཱཏི ས ཝེདི དྷམྨཾ, ཨིདཾ པཊིཀྐོསམཀེཝལཱི སོ’’ཏི.

ཨེཝམྤི ཝིགྒཡ྄ཧ ཝིཝཱདཡནྟི, བཱལོ པརོ ཨཀྐུསལོཏི ཙཱཧུ;

སཙྩོ ནུ ཝཱདོ ཀཏམོ ཨིམེསཾ, སབྦེཝ ཧཱིམེ ཀུསལཱཝདཱནཱ.

ཨེཝམྤི ¶ ཝིགྒཡ྄ཧ ཝིཝཱདཡནྟཱིཏི. ཨེཝཾ གཧེཏྭཱ ཨུགྒཧེཏྭཱ གཎྷིཏྭཱ པརཱམསིཏྭཱ ཨབྷིནིཝིསིཏྭཱ ཝིཝཱདཡནྟི, ཀལཧཾ ཀརོནྟི, བྷཎྜནཾ ¶ ཀརོནྟི, ཝིགྒཧཾ ཀརོནྟི, ཝིཝཱདཾ ཀརོནྟི, མེདྷགཾ ཀརོནྟི – ‘‘ན ཏྭཾ ཨིམཾ དྷམྨཝིནཡཾ ཨཱཛཱནཱསི…པེ… ནིབྦེཋེཧི ཝཱ སཙེ པཧོསཱི’’ཏི – ཨེཝམྤི ཝིགྒཡ྄ཧ ཝིཝཱདཡནྟི.

བཱལོ པརོ ཨཀྐུསལོཏི ཙཱཧཱུཏི. པརོ བཱལོ ཧཱིནོ ནིཧཱིནོ ཨོམཀོ ལཱམཀོ ཚཏུཀྐོ པརིཏྟོ ཨཀུསལོ ཨཝིདྭཱ ཨཝིཛྫཱགཏོ ཨཉྙཱཎཱི ཨཝིབྷཱཝཱི དུཔྤཉྙོཏི, ཨེཝམཱཧཾསུ ཨེཝཾ ཀཐེནྟི ¶ ཨེཝཾ བྷཎནྟི ཨེཝཾ དཱིཔཡནྟི ཨེཝཾ ཝོཧརནྟཱིཏི – བཱལོ པརོ ཨཀྐུསལོཏི ཙཱཧུ.

སཙྩོ ནུ ཝཱདོ ཀཏམོ ཨིམེསནྟི. ཨིམེསཾ སམཎབྲཱཧྨཎཱནཾ ཝཱདོ ཀཏམོ སཙྩོ ཏཙྪོ ཏཐོ བྷཱུཏོ ཡཱཐཱཝོ ཨཝིཔརཱིཏོཏི – སཙྩོ ནུ ཝཱདོ ཀཏམོ ཨིམེསཾ.

སབྦེཝ ཧཱིམེ ཀུསལཱཝདཱནཱཏི. སབྦེཝིམེ སམཎབྲཱཧྨཎཱ ཀུསལཝཱདཱ པཎྜིཏཝཱདཱ ཐིརཝཱདཱ ཉཱཡཝཱདཱ ཧེཏུཝཱདཱ ལཀྑཎཝཱདཱ ཀཱརཎཝཱདཱ ཋཱནཝཱདཱ སཀཱཡ ལདྡྷིཡཱཏི – སབྦེཝ ཧཱིམེ ཀུསལཱཝདཱནཱ.

‘‘ཨེཝམྤི ཝིགྒཡ྄ཧ ཝིཝཱདཡནྟི, བཱལོ པརོ ཨཀྐུསལོཏི ཙཱཧུ;

སཙྩོ ནུ ཝཱདོ ཀཏམོ ཨིམེསཾ, སབྦེཝ ཧཱིམེ ཀུསལཱཝདཱནཱ’’ཏི.

པརསྶ ¶ ཙེ དྷམྨམནཱནུཛཱནཾ, བཱལོམཀོ ཧོཏི ནིཧཱིནཔཉྙོ;

སབྦེཝ ¶ བཱལཱ སུནིཧཱིནཔཉྙཱ, སབྦེཝིམེ དིཊྛིཔརིབྦསཱནཱ.

པརསྶ ཙེ དྷམྨམནཱནུཛཱནནྟི. པརསྶ དྷམྨཾ དིཊྛིཾ པཊིཔདཾ མགྒཾ ཨནཱནུཛཱནནྟོ ཨནཱནུཔསྶནྟོ ཨནཱནུམནནྟོ ཨནཱནུམཉྙནྟོ ཨནཱནུམོདནྟོཏི – པརསྶ ཙེ དྷམྨམནཱནུཛཱནཾ.

བཱལོམཀོ ¶ ཧོཏི ནིཧཱིནཔཉྙོཏི. པརོ བཱལོ ཧོཏི ཧཱིནོ ནིཧཱིནོ ཨོམཀོ ལཱམཀོ ཚཏུཀྐོ པརིཏྟོ, ཧཱིནཔཉྙོ ནིཧཱིནཔཉྙོ ཨོམཀཔཉྙོ ལཱམཀཔཉྙོ ཚཏུཀྐཔཉྙོ པརིཏྟཔཉྙོཏི – བཱལོམཀོ ཧོཏི ནིཧཱིནཔཉྙོ.

སབྦེཝ བཱལཱ སུནིཧཱིནཔཉྙཱཏི. སབྦེཝིམེ སམཎབྲཱཧྨཎཱ བཱལཱ ཧཱིནཱ ནིཧཱིནཱ ཨོམཀཱ ལཱམཀཱ ཚཏུཀྐཱ པརིཏྟཱ, སབྦེཝ ཧཱིནཔཉྙཱ ནིཧཱིནཔཉྙཱ ཨོམཀཔཉྙཱ ¶ ལཱམཀཔཉྙཱ ཚཏུཀྐཔཉྙཱ པརིཏྟཔཉྙཱཏི – སབྦེཝ བཱལཱ སུནིཧཱིནཔཉྙཱ.

སབྦེཝིམེ དིཊྛིཔརིབྦསཱནཱཏི. སབྦེཝིམེ སམཎབྲཱཧྨཎཱ དིཊྛིགཏིཀཱ; ཏེ དྭཱསཊྛིཡཱ དིཊྛིགཏཱནཾ ཨཉྙཏརཉྙཏརཾ དིཊྛིགཏཾ གཧེཏྭཱ ¶ ཨུགྒཧེཏྭཱ གཎྷིཏྭཱ པརཱམསིཏྭཱ ཨབྷིནིཝིསིཏྭཱ སཀཱཡ སཀཱཡ དིཊྛིཡཱ ཝསནྟི སཾཝསནྟི ཨཱཝསནྟི པརིཝསནྟི. ཡཐཱ ཨགཱརིཀཱ ཝཱ གྷརེསུ ཝསནྟི, སཱཔཏྟིཀཱ ཝཱ ཨཱཔཏྟཱིསུ ཝསནྟི, སཀིལེསཱ ཝཱ ཀིལེསེསུ ཝསནྟི; ཨེཝམེཝ སབྦེཝིམེ སམཎབྲཱཧྨཎཱ དིཊྛིགཏིཀཱ…པེ… པརིཝསནྟཱིཏི – སབྦེཝིམེ དིཊྛིཔརིབྦསཱནཱ.

‘‘པརསྶ ཙེ དྷམྨམནཱནུཛཱནཾ, བཱལོམཀོ ཧོཏི ནིཧཱིནཔཉྙོ;

སབྦེཝ བཱལཱ སུནིཧཱིནཔཉྙཱ, སབྦེཝིམེ དིཊྛིཔརིབྦསཱནཱ’’ཏི.

སནྡིཊྛིཡཱ ཙེཝ ནཝཱིཝདཱཏཱ, [ཙེཝནཝེཝདཱཏཱ (སཱི.), ཙེ པན ཝིཝདཱཏཱ (སྱཱ.)] སཾསུདྡྷཔཉྙཱ ཀུསལཱ མུཏཱིམཱ;

ན ཏེསཾ ཀོཙི པརིཧཱིནཔཉྙོ, དིཊྛཱི ཧི ཏེསམྤི ཏཐཱ སམཏྟཱ.

སནྡིཊྛིཡཱ ཙེཝ ནཝཱིཝདཱཏཱཏི. སཀཱཡ དིཊྛིཡཱ སཀཱཡ ཁནྟིཡཱ སཀཱཡ རུཙིཡཱ སཀཱཡ ¶ ལདྡྷིཡཱ ཨནཝཱིཝདཱཏཱ ཨཝོདཱཏཱ ཨཔརིཡོདཱཏཱ སཾཀིལིཊྛཱ སཾཀིལེསིཀཱཏི – སནྡིཊྛིཡཱ ཙེཝ ནཝཱིཝདཱཏཱ.

སཾསུདྡྷཔཉྙཱ ¶ ཀུསལཱ མུཏཱིམཱཏི. སུདྡྷཔཉྙཱ ཝིསུདྡྷཔཉྙཱ པརིསུདྡྷཔཉྙཱ ཝོདཱཏཔཉྙཱ པརིཡོདཱཏཔཉྙཱ. ཨཐ ཝཱ སུདྡྷདསྶནཱ ཝིསུདྡྷདསྶནཱ པརིསུདྡྷདསྶནཱ ¶ ཝོདཱཏདསྶནཱ པརིཡོདཱཏདསྶནཱཏི – སཾསུདྡྷཔཉྙཱ. ཀུསལཱཏི ཀུསལཱ པཎྜིཏཱ པཉྙཝནྟོ ཨིདྡྷིམནྟོ ཉཱཎིནོ ཝིབྷཱཝིནོ མེདྷཱཝིནོཏི – སཾསུདྡྷཔཉྙཱ ཀུསལཱ. མུཏཱིམཱཏི མུཏིམཱ པཎྜིཏཱ པཉྙཝནྟོ ཨིདྡྷིམནྟོ ཉཱཎིནོ ¶ ཝིབྷཱཝིནོ མེདྷཱཝིནོཏི – སཾསུདྡྷཔཉྙཱ ཀུསལཱ མུཏཱིམཱ.

ཏེསཾ ན ཀོཙི པརིཧཱིནཔཉྙོཏི. ཏེསཾ སམཎབྲཱཧྨཎཱནཾ ན ཀོཙི ཧཱིནཔཉྙོ ནིཧཱིནཔཉྙོ ཨོམཀཔཉྙོ ལཱམཀཔཉྙོ ཚཏུཀྐཔཉྙོ པརིཏྟཔཉྙོ ཨཏྠི. སབྦེཝ སེཊྛཔཉྙཱ ཝིསིཊྛཔཉྙཱ པཱམོཀྑཔཉྙཱ ཨུཏྟམཔཉྙཱ པཝརཔཉྙཱཏི – ཏེསཾ ན ཀོཙི པརིཧཱིནཔཉྙོ.

དིཊྛཱི ཧི ཏེསམྤི ཏཐཱ སམཏྟཱཏི. ཏེསཾ སམཎབྲཱཧྨཎཱནཾ དིཊྛི ཏཐཱ སམཏྟཱ སམཱདིནྣཱ གཧིཏཱ པརཱམཊྛཱ ཨབྷིནིཝིཊྛཱ ཨཛ྄ཛྷོསིཏཱ ཨདྷིམུཏྟཱཏི – དིཊྛཱི ཧི ཏེསམྤི ཏཐཱ སམཏྟཱ.

‘‘སནྡིཊྛིཡཱ ཙེཝ ནཝཱིཝདཱཏཱ, སཾསུདྡྷཔཉྙཱ ཀུསལཱ མུཏཱིམཱ;

ཏེསཾ ན ཀོཙི པརིཧཱིནཔཉྙོ, དིཊྛཱི ཧི ཏེསམྤི ཏཐཱ སམཏྟཱ’’ཏི.

ན ཝཱཧམེཏཾ ཏཐིཡནྟི [ཏཐིཝནྟི (སྱཱ.)] བྲཱུམི, ཡམཱཧུ བཱལཱ མིཐུ ཨཉྙམཉྙཾ;

སཀཾ སཀཾ དིཊྛིམཀཾསུ སཙྩཾ, ཏསྨཱ ཧི བཱལོཏི པརཾ དཧནྟི.

ན ¶ ཝཱཧམེཏཾ ཏཐིཡནྟི བྲཱུམཱིཏི. ནཱཏི པཊིཀྑེཔོ. ཨེཏནྟི ‘‘དྭཱསཊྛིདིཊྛིགཏཱནི ནཱཧཾ ཨེཏཾ ཏཙྪཾ ཏཐཾ བྷཱུཏཾ ཡཱཐཱཝཾ ཨཝིཔརཱིཏ’’ནྟི ¶ བྲཱུམི ཨཱཙིཀྑཱམི དེསེམི པཉྙཔེམི པཊྛཔེམི ཝིཝརཱམི ཝིབྷཛཱམི ཨུཏྟཱནཱིཀརོམི པཀཱསེམཱིཏི – ན ཝཱཧམེཏཾ ཏཐིཡནྟི བྲཱུམི.

ཡམཱཧུ བཱལཱ མིཐུ ཨཉྙམཉྙནྟི. མིཐཱུཏི དྭེ ཛནཱ, དྭེ ཀལཧཀཱརཀཱ, དྭེ བྷཎྜནཀཱརཀཱ, དྭེ བྷསྶཀཱརཀཱ, དྭེ ཝིཝཱདཀཱརཀཱ, དྭེ ཨདྷིཀརཎཀཱརཀཱ, དྭེ ཝཱདིནོ, དྭེ སལླཔཀཱ; ཏེ ཨཉྙམཉྙཾ བཱལོ [བཱལཏོ (སཱི. ཀ.) ཨེཝམཉྙེསུ ཚཔྤདེསུཔི ཏོཔཙྩཡནྟཝསེན] ཧཱིནོ ནིཧཱིནོ ཨོམཀོ ལཱམཀོ ཚཏུཀྐོ པརིཏྟོཏི, ཨེཝམཱཧཾསུ ¶ ¶ ཨེཝཾ ཀཐེནྟི ཨེཝཾ བྷཎནྟི ཨེཝཾ དཱིཔཡནྟི ཨེཝཾ ཝོཧརནྟཱིཏི – ཡམཱཧུ བཱལཱ མིཐུ ཨཉྙམཉྙཾ.

སཀཾ སཀཾ དིཊྛིམཀཾསུ སཙྩནྟི. ‘‘སསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི – སཀཾ སཀཾ དིཊྛིམཀཾསུ སཙྩཾ. ‘‘ཨསསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི…པེ… ‘‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི – སཀཾ སཀཾ དིཊྛིམཀཾསུ སཙྩཾ.

ཏསྨཱ ཧི བཱལོཏི པརཾ དཧནྟཱིཏི. ཏསྨཱཏི ཏསྨཱ ཏཾཀཱརཎཱ ཏཾཧེཏུ ཏཔྤཙྩཡཱ ཏཾནིདཱནཱ པརཾ བཱལོ ཧཱིནོ ནིཧཱིནོ ཨོམཀོ ལཱམཀོ ཚཏུཀྐོ པརིཏྟོཏི དཧནྟི པསྶནྟི དཀྑནྟི ཨོལོཀེནྟི ནིཛ྄ཛྷཱཡནྟི ཨུཔཔརིཀྑནྟཱིཏི – ཏསྨཱ ཧི བཱལོཏི པརཾ དཧནྟི.

‘‘ན ཝཱཧམེཏཾ ཏཐིཡནྟི བྲཱུམི, ཡམཱཧུ བཱལཱ མིཐུ ཨཉྙམཉྙཾ;

སཀཾ ¶ སཀཾ དིཊྛིམཀཾསུ སཙྩཾ, ཏསྨཱ ཧི བཱལོཏི པརཾ དཧནྟཱི’’ཏི.

ཡམཱཧུ ¶ སཙྩཾ ཏཐིཡནྟི ཨེཀེ, ཏམཱཧུ ཨཉྙེཔི [ཨཉྙེ (སཱི. ཀ.)] ཏུཙྪཾ མུསཱཏི;

ཨེཝམྤི ཝིགྒཡ྄ཧ ཝིཝཱདཡནྟི, ཀསྨཱ ན ཨེཀཾ སམཎཱ ཝདནྟི.

ཡམཱཧུ སཙྩཾ ཏཐིཡནྟི ཨེཀེཏི. ཡཾ དྷམྨཾ དིཊྛིཾ པཊིཔདཾ མགྒཾ ཨེཀེ སམཎབྲཱཧྨཎཱ ‘‘ཨིདཾ སཙྩཾ ཏཙྪཾ ཏཐཾ བྷཱུཏཾ ཡཱཐཱཝཾ ཨཝིཔརཱིཏ’’ནྟི, ཨེཝམཱཧཾསུ ཨེཝཾ ཀཐེནྟི ཨེཝཾ བྷཎནྟི ཨེཝཾ དཱིཔཡནྟི ཨེཝཾ ཝོཧརནྟཱིཏི – ཡམཱཧུ སཙྩཾ ཏཐིཡནྟི ཨེཀེ.

ཏམཱཧུ ཨཉྙེཔི ཏུཙྪཾ མུསཱཏཱིཏི. ཏམེཝ དྷམྨཾ དིཊྛིཾ པཊིཔདཾ མགྒཾ ཨེཀེ སམཎབྲཱཧྨཎཱ ‘‘ཏུཙྪཾ ཨེཏཾ, མུསཱ ཨེཏཾ, ཨབྷཱུཏཾ ཨེཏཾ, ཨལིཀཾ ཨེཏཾ, ཨཡཱཐཱཝཾ ཨེཏ’’ནྟི, ཨེཝམཱཧཾསུ ཨེཝཾ ཀཐེནྟི ཨེཝཾ བྷཎནྟི ཨེཝཾ དཱིཔཡནྟི ཨེཝཾ ཝོཧརནྟཱིཏི – ཏམཱཧུ ཨཉྙེཔི ཏུཙྪཾ མུསཱཏི.

ཨེཝམྤི ¶ ཝིགྒཡ྄ཧ ཝིཝཱདཡནྟཱིཏི. ཨེཝཾ གཧེཏྭཱ ཨུགྒཧེཏྭཱ གཎྷིཏྭཱ པརཱམསིཏྭཱ ཨབྷིནིཝིསིཏྭཱ ཝིཝཱདཡནྟི, ཀལཧཾ ཀརོནྟི, བྷཎྜནཾ ཀརོནྟི, ཝིགྒཧཾ ཀརོནྟི, ཝིཝཱདཾ ཀརོནྟི ¶ , མེདྷགཾ ཀརོནྟི – ‘‘ན ཏྭཾ ཨིམཾ དྷམྨཝིནཡཾ ཨཱཛཱནཱསི…པེ… ནིབྦེཋེཧི ཝཱ སཙེ པཧོསཱི’’ཏི – ཨེཝམྤི ཝིགྒཡ྄ཧ ཝིཝཱདཡནྟི.

ཀསྨཱ ¶ ན ཨེཀཾ སམཎཱ ཝདནྟཱིཏི. ཀསྨཱཏི ཀསྨཱ ཀིཾཀཱརཎཱ ཀིཾཧེཏུ ཀིཾཔཙྩཡཱ ཀིཾནིདཱནཱ ཀིཾསམུདཡཱ ཀིཾཛཱཏིཀཱ ཀིཾཔབྷཝཱ ན ཨེཀཾ ཝདནྟི ནཱནཱ ཝདནྟི ཝིཝིདྷཾ ཝདནྟི ཨཉྙོཉྙཾ [ཨཉྙོཉྙེ (ཀ.)] ཝདནྟི པུཐུ ཝདནྟི ཀཐེནྟི བྷཎནྟི དཱིཔཡནྟི ཝོཧརནྟཱིཏི – ཀསྨཱ ན ཨེཀཾ སམཎཱ ཝདནྟི.

‘‘ཡམཱཧུ ¶ སཙྩཾ ཏཐིཡནྟི ཨེཀེ, ཏམཱཧུ ཨཉྙེཔི ཏུཙྪཾ མུསཱཏི;

ཨེཝམྤི ཝིགྒཡ྄ཧ ཝིཝཱདཡནྟི, ཀསྨཱ ན ཨེཀཾ སམཎཱ ཝདནྟཱི’’ཏི.

ཨེཀཉྷི སཙྩཾ ན དུཏཱིཡམཏྠི, ཡསྨིཾ པཛཱ ནོ ཝིཝདེ པཛཱནཾ;

ནཱནཱ ཏེ སཙྩཱནི སཡཾ ཐུནནྟི, ཏསྨཱ ན ཨེཀཾ སམཎཱ ཝདནྟི.

ཨེཀཉྷི སཙྩཾ ན དུཏཱིཡམཏྠཱིཏི. ཨེཀཾ སཙྩཾ ཝུཙྩཏི དུཀྑནིརོདྷོ ནིབྦཱནཾ. ཡོ སོ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཀྑཡོ ཝིརཱགོ ནིརོདྷོ ནིབྦཱནཾ. ཨཐ ཝཱ ཨེཀཾ སཙྩཾ ཝུཙྩཏི – མགྒསཙྩཾ, ནིཡྻཱནསཙྩཾ, དུཀྑནིརོདྷགཱམིནཱི པཊིཔདཱ, ཨརིཡོ ཨཊྛངྒིཀོ མགྒོ, སེཡྻཐིདཾ – སམྨཱདིཊྛི, སམྨཱསངྐཔྤོ, སམྨཱཝཱཙཱ, སམྨཱཀམྨནྟོ, སམྨཱཨཱཛཱིཝོ, སམྨཱཝཱཡཱམོ, སམྨཱསཏི, སམྨཱསམཱདྷཱིཏི – ཨེཀཉྷི སཙྩཾ ན དུཏཱིཡམཏྠི.

ཡསྨིཾ ¶ པཛཱ ནོ ཝིཝདེ པཛཱནནྟི. ཡསྨིནྟི ཡསྨིཾ སཙྩེ. པཛཱཏི སཏྟཱདྷིཝཙནཾ. པཛཱནནྟི [པཛཱནཾ (སཱི. ཀ.), པཛཱ (སྱཱ.)] ཡཾ སཙྩཾ པཛཱནནྟཱ ཨཱཛཱནནྟཱ ཝིཛཱནནྟཱ པཊིཝིཛཱནནྟཱ པཊིཝིཛ྄ཛྷནྟཱ ན ཀལཧཾ ཀརེཡྻུཾ, ན བྷཎྜནཾ ཀརེཡྻུཾ, ན ཝིགྒཧཾ ཀརེཡྻུཾ, ན ཝིཝཱདཾ ཀརེཡྻུཾ, ན མེདྷགཾ ཀརེཡྻུཾ, ཀལཧཾ བྷཎྜནཾ ཝིགྒཧཾ ཝིཝཱདཾ མེདྷགཾ པཛཧེཡྻུཾ, ཝིནོདེཡྻུཾ, བྱནྟིཾ ཀརེཡྻུཾ [བྱནྟཱིཀརེཡྻུཾ (སཱི. སྱཱ.)], ཨནབྷཱཝཾ གམེཡྻུནྟི – ཡསྨིཾ པཛཱ ནོ ཝིཝདེ པཛཱནཾ.

ནཱནཱ ¶ ཏེ སཙྩཱནི སཡཾ ཐུནནྟཱིཏི. ནཱནཱ ཏེ སཙྩཱནི སཡཾ ཐུནནྟི ཝདནྟི ཀཐེནྟི བྷཎནྟི དཱིཔཡནྟི ཝོཧརནྟི. ‘‘སསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི ¶ སཡཾ ཐུནནྟི ཝདནྟི ཀཐེནྟི བྷཎནྟི དཱིཔཡནྟི ཝོཧརནྟི. ‘‘ཨསསྶཏོ ལོཀོ…པེ… ནེཝ ཧོཏི ན ན ཧོཏི ¶ ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི སཡཾ ཐུནནྟི ཝདནྟི ཀཐེནྟི བྷཎནྟི དཱིཔཡནྟི ཝོཧརནྟཱིཏི – ནཱནཱ ཏེ སཙྩཱནི སཡཾ ཐུནནྟི.

ཏསྨཱ ན ཨེཀཾ སམཎཱ ཝདནྟཱིཏི. ཏསྨཱཏི ཏསྨཱ ཏཾཀཱརཎཱ ཏཾཧེཏུ ཏཔྤཙྩཡཱ ཏཾནིདཱནཱ ན ཨེཀཾ ཝདནྟི ནཱནཱ ཝདནྟི ཝིཝིདྷཾ ཝདནྟི ཨཉྙོཉྙཾ ཝདནྟི པུཐུ ཝདནྟི ཀཐེནྟི བྷཎནྟི དཱིཔཡནྟི ཝོཧརནྟཱིཏི – ཏསྨཱ ན ཨེཀཾ སམཎཱ ཝདནྟི.

‘‘ཨེཀཉྷི སཙྩཾ ན དུཏཱིཡམཏྠི, ཡསྨིཾ པཛཱ ནོ ཝིཝདེ པཛཱནཾ;

ནཱནཱ ¶ ཏེ སཙྩཱནི སཡཾ ཐུནནྟི, ཏསྨཱ ན ཨེཀཾ སམཎཱ ཝདནྟཱི’’ཏི.

ཀསྨཱ ནུ སཙྩཱནི ཝདནྟི ནཱནཱ, པཝཱདིཡཱསེ ཀུསལཱཝདཱནཱ;

སཙྩཱནི སུཏཱནི བཧཱུནི ནཱནཱ, ཨུདཱཧུ ཏེ ཏཀྐམནུསྶརནྟི.

ཀསྨཱ ནུ སཙྩཱནི ཝདནྟི ནཱནཱཏི. ཀསྨཱཏི ཀསྨཱ ཀིཾཀཱརཎཱ ཀིཾཧེཏུ ཀིཾཔཙྩཡཱ ཀིཾནིདཱནཱ སཙྩཱནི ནཱནཱ [ནཱནཱནི (ཀ.)] ཝདནྟི, ཝིཝིདྷཱནི ཝདནྟི, ཨཉྙོཉྙཱནི ཝདནྟི, པུཐཱུནི ཝདནྟི ཀཐེནྟི བྷཎནྟི དཱིཔཡནྟི ཝོཧརནྟཱིཏི – ཀསྨཱ ནུ སཙྩཱནི ཝདནྟི ནཱནཱ.

པཝཱདིཡཱསེ ཀུསལཱཝདཱནཱཏི. པཝཱདིཡཱསེཏི ཝིཔྤཝདནྟཱིཏིཔི པཝཱདིཡཱསེ. ཨཐ ཝཱ སཀཾ སཀཾ དིཊྛིགཏཾ པཝདནྟི ཀཐེནྟི བྷཎནྟི དཱིཔཡནྟི ཝོཧརནྟི. ‘‘སསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི པཝདནྟི ཀཐེནྟི བྷཎནྟི དཱིཔཡནྟི ཝོཧརནྟི. ‘‘ཨསསྶཏོ ལོཀོ…པེ… ནེཝ ཧོཏི ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི པཝདནྟི ཀཐེནྟི བྷཎནྟི དཱིཔཡནྟི ཝོཧརནྟི. ཀུསལཱཝདཱནཱཏི ¶ ¶ ཀུསལཝཱདཱ པཎྜིཏཝཱདཱ ཐིརཝཱདཱ ཉཱཡཝཱདཱ ཧེཏུཝཱདཱ ལཀྑཎཝཱདཱ ཀཱརཎཝཱདཱ ཋཱནཝཱདཱ སཀཱཡ ལདྡྷིཡཱཏི – པཝཱདིཡཱསེ ཀུསལཱཝདཱནཱ.

སཙྩཱནི སུཏཱནི བཧཱུནི ནཱནཱཏི སཙྩཱནི སུཏཱནི བཧུཀཱནི ནཱནཱནི ¶ ཝིཝིདྷཱནི ཨཉྙོཉྙཱནི པུཐཱུནཱིཏི – སཙྩཱནི སུཏཱནི བཧཱུནི ནཱནཱ.

ཨུདཱཧུ ཏེ ཏཀྐམནུསྶརནྟཱིཏི ཨུདཱཧུ ཏཀྐེན སངྐཔྤེན ཡཱཡནྟི ནཱིཡནྟི ཝུཡ྄ཧནྟི སཾཧརཱིཡནྟཱིཏི ¶ . ཨེཝམྤི ཨུདཱཧུ ཏེ ཏཀྐམནུསྶརནྟི. ཨཐ ཝཱ ཏཀྐཔརིཡཱཧཏཾ ཝཱིམཾསཱནུཙརིཏཾ སཡཾ པཊིབྷཱནཾ ཝདནྟི ཀཐེནྟི བྷཎནྟི དཱིཔཡནྟི ཝོཧརནྟཱིཏི. ཨེཝམྤི ཨུདཱཧུ ཏེ ཏཀྐམནུསྶརནྟི.

‘‘ཀསྨཱ ནུ སཙྩཱནི ཝདནྟི ནཱནཱ, པཝཱདིཡཱསེ ཀུསལཱཝདཱནཱ;

སཙྩཱནི སུཏཱནི བཧཱུནི ནཱནཱ, ཨུདཱཧུ ཏེ ཏཀྐམནུསྶརནྟཱི’’ཏི.

ན ཧེཝ སཙྩཱནི བཧཱུནི ནཱནཱ, ཨཉྙཏྲ སཉྙཱཡ ནིཙྩཱནི ལོཀེ;

ཏཀྐཉྩ དིཊྛཱིསུ པཀཔྤཡིཏྭཱ, སཙྩཾ མུསཱཏི དྭཡདྷམྨམཱཧུ.

ན ཧེཝ སཙྩཱནི བཧཱུནི ནཱནཱཏི ན ཧེཝ སཙྩཱནི བཧུཀཱནི ནཱནཱནི ཝིཝིདྷཱནི ཨཉྙོཉྙཱནི པུཐཱུནཱིཏི – ན ཧེཝ སཙྩཱནི བཧཱུནི ནཱནཱ.

ཨཉྙཏྲ སཉྙཱཡ ནིཙྩཱནི ལོཀེཏི ཨཉྙཏྲ སཉྙཱཡ ནིཙྩགྒཱཧཱ ཨེཀཉྙེཝ སཙྩཾ ལོཀེ ཀཐཱིཡཏི བྷཎཱིཡཏི དཱིཔཱིཡཏི ཝོཧརཱིཡཏི – དུཀྑནིརོདྷོ ནིབྦཱནཾ. ཡོ སོ སབྦསངྑཱརསམཐོ སབྦཱུཔདྷིཔཊིནིསྶགྒོ ¶ ཏཎྷཀྑཡོ ཝིརཱགོ ནིརོདྷོ ནིབྦཱནཾ. ཨཐ ཝཱ ཨེཀཾ སཙྩཾ ཝུཙྩཏི མགྒསཙྩཾ, ནིཡྻཱནསཙྩཾ, དུཀྑནིརོདྷགཱམིནཱི པཊིཔདཱ, ཨརིཡོ ཨཊྛངྒིཀོ མགྒོ, སེཡྻཐིདཾ – སམྨཱདིཊྛི ¶ …པེ… སམྨཱསམཱདྷཱིཏི – ཨཉྙཏྲ སཉྙཱཡ ནིཙྩཱནི ལོཀེ.

ཏཀྐཉྩ དིཊྛཱིསུ པཀཔྤཡིཏྭཱ, སཙྩཾ མུསཱཏི དྭཡདྷམྨམཱཧཱུཏི. ཏཀྐཾ ཝིཏཀྐཾ སངྐཔྤཾ ཏཀྐཡིཏྭཱ ཝིཏཀྐཡིཏྭཱ སངྐཔྤཡིཏྭཱ དིཊྛིགཏཱནི ཛནེནྟི སཉྫནེནྟི ¶ ནིབྦཏྟེནྟི ཨབྷིནིབྦཏྟེནྟི. དིཊྛིགཏཱནི ཛནེཏྭཱ སཉྫནེཏྭཱ ནིབྦཏྟེཏྭཱ ཨབྷིནིབྦཏྟེཏྭཱ ‘‘མཡ྄ཧཾ སཙྩཾ ཏུཡ྄ཧཾ མུསཱ’’ཏི, ཨེཝམཱཧཾསུ ཨེཝཾ ཀཐེནྟི ཨེཝཾ བྷཎནྟི ཨེཝཾ དཱིཔཡནྟི ཨེཝཾ ཝོཧརནྟཱིཏི – ཏཀྐཉྩ དིཊྛཱིསུ པཀཔྤཡིཏྭཱ སཙྩཾ མུསཱཏི དྭཡདྷམྨམཱཧུ.

‘‘ན ཧེཝ སཙྩཱནི བཧཱུནི ནཱནཱ, ཨཉྙཏྲ སཉྙཱཡ ནིཙྩཱནི ལོཀེ;

ཏཀྐཉྩ དིཊྛཱིསུ པཀཔྤཡིཏྭཱ, སཙྩཾ མུསཱཏི དྭཡདྷམྨམཱཧཱུ’’ཏི.

དིཊྛེ ¶ སུཏེ སཱིལཝཏེ མུཏེ ཝཱ, ཨེཏེ ཙ [ཨེཏེསུ (སཱི.)] ནིསྶཱཡ ཝིམཱནདསྶཱི;

ཝིནིཙྪཡེ ཋཏྭཱ པཧསྶམཱནོ, བཱལོ པརོ ཨཀྐུསལོཏི ཙཱཧ.

དིཊྛེ ¶ སུཏེ སཱིལཝཏེ མུཏེ ཝཱ, ཨེཏེ ཙ ནིསྶཱཡ ཝིམཱནདསྶཱིཏི. དིཊྛཾ ཝཱ དིཊྛསུདྡྷིཾ ཝཱ, སུཏཾ ཝཱ སུཏསུདྡྷིཾ ཝཱ, སཱིལཾ ཝཱ སཱིལསུདྡྷིཾ ཝཱ, ཝཏཾ ཝཱ ཝཏསུདྡྷིཾ ཝཱ, མུཏཾ ཝཱ མུཏསུདྡྷིཾ ཝཱ ནིསྶཱཡ ཨུཔནིསྶཱཡ གཎྷིཏྭཱ པརཱམསིཏྭཱ ཨབྷིནིཝིསིཏྭཱཏི – དིཊྛེ སུཏེ སཱིལཝཏེ མུཏེ ཝཱ. ཨེཏེ ཙ ནིསྶཱཡ ཝིམཱནདསྶཱིཏི. ན སམྨཱནེཏཱིཏིཔི ཝིམཱནདསྶཱི. ཨཐ ཝཱ དོམནསྶཾ ཛནེཏཱིཏིཔི ཝིམཱནདསྶཱིཏི – དིཊྛེ སུཏེ སཱིལཝཏེ མུཏེ ཝཱ ཨེཏེ ཙ ནིསྶཱཡ ཝིམཱནདསྶཱི.

ཝིནིཙྪཡེ ཋཏྭཱ པཧསྶམཱནོཏི. ཝིནིཙྪཡཱ ཝུཙྩནྟི ¶ དྭཱསཊྛི དིཊྛིགཏཱནི. དིཊྛིཝིནིཙྪཡེ ཝིནིཙྪཡདིཊྛིཡཱ ཋཏྭཱ པཏིཊྛཧིཏྭཱ གཎྷིཏྭཱ པརཱམསིཏྭཱ ཨབྷིནིཝིསིཏྭཱཏི – ཝིནིཙྪཡེ ཋཏྭཱ. པཧསྶམཱནོཏི ཏུཊྛོ ཧོཏི ཧཊྛོ པཧཊྛོ ཨཏྟམནོ པརིཔུཎྞསངྐཔྤོ. ཨཐ ཝཱ དནྟཝིདཾསཀཾ པཧསྶམཱནོཏི – ཝིནིཙྪཡེ ཋཏྭཱ པཧསྶམཱནོ.

བཱལོ པརོ ཨཀྐུསལོཏི ཙཱཧཱཏི. པརོ བཱལོ ཧཱིནོ ནིཧཱིནོ ཨོམཀོ ལཱམཀོ ཚཏུཀྐོ པརིཏྟོ ཨཀུསལོ ཨཝིདྭཱ ཨཝིཛྫཱགཏོ ཨཉྙཱཎཱི ཨཝིབྷཱཝཱི ཨམེདྷཱཝཱི དུཔྤཉྙོཏི, ཨེཝམཱཧ ཨེཝཾ ཀཐེཏི ཨེཝཾ བྷཎཏི ཨེཝཾ དཱིཔཡཏི ཨེཝཾ ཝོཧརཏཱིཏི – བཱལོ པརོ ཨཀྐུསལོཏི ཙཱཧ.

‘‘དིཊྛེ ¶ ¶ སུཏེ སཱིལཝཏེ མུཏེ ཝཱ, ཨེཏེ ཙ ནིསྶཱཡ ཝིམཱནདསྶཱི;

ཝིནིཙྪཡེ ཋཏྭཱ པཧསྶམཱནོ, བཱལོ པརོ ཨཀྐུསལོཏི ཙཱཧཱ’’ཏི.

ཡེནེཝ བཱལོཏི པརཾ དཧཱཏི, ཏེནཱཏུམཱནཾ ཀུསལོཏི ཙཱཧ;

སཡམཏྟནཱ སོ ཀུསལཱཝདཱནོ, ཨཉྙཾ ཝིམཱནེཏི ཏདེཝ པཱཝ.

ཡེནེཝ བཱལོཏི པརཾ དཧཱཏཱིཏི. ཡེནེཝ ཧེཏུནཱ ཡེན པཙྩཡེན ཡེན ཀཱརཎེན ཡེན པབྷཝེན པརཾ བཱལཏོ ཧཱིནཏོ ནིཧཱིནཏོ ཨོམཀཏོ ལཱམཀཏོ ཚཏུཀྐཏོ པརིཏྟཏོ དཧཏི པསྶཏི དཀྑཏི ཨོལོཀེཏི ནིཛ྄ཛྷཱཡཏི ཨུཔཔརིཀྑཏཱིཏི – ཡེནེཝ བཱལོཏི པརཾ དཧཱཏི.

ཏེནཱཏུམཱནཾ ¶ ཀུསལོཏི ཙཱཧཱཏི. ཨཱཏུམཱནོ ཝུཙྩཏི ཨཏྟཱ. སོཔི ཏེནེཝ ཧེཏུནཱ ཏེན པཙྩཡེན ཏེན ཀཱརཎེན ཏེན པབྷཝེན ཨཏྟཱནཾ ཨཧམསྨི ཀུསལོ པཎྜིཏོ ¶ པཉྙཝཱ བུདྡྷིམཱ ཉཱཎཱི ཝིབྷཱཝཱི མེདྷཱཝཱིཏི – ཏེནཱཏུམཱནཾ ཀུསལོཏི ཙཱཧ.

སཡམཏྟནཱ སོ ཀུསལཱཝདཱནོཏི. སཡམེཝ ཨཏྟཱནཾ ཀུསལཝཱདོ པཎྜིཏཝཱདོ ཐིརཝཱདོ ཉཱཡཝཱདོ ཧེཏུཝཱདོ ལཀྑཎཝཱདོ ཀཱརཎཝཱདོ ཋཱནཝཱདོ སཀཱཡ ལདྡྷིཡཱཏི – སཡམཏྟནཱ སོ ཀུསལཱཝདཱནོ.

ཨཉྙཾ ¶ ཝིམཱནེཏི ཏདེཝ པཱཝཱཏི. ན སམྨཱནེཏཱིཏིཔི ཨཉྙཾ ཝིམཱནེཏི. ཨཐ ཝཱ དོམནསྶཾ ཛནེཏཱིཏིཔི ཨཉྙཾ ཝིམཱནེཏི. ཏདེཝ པཱཝཱཏི ཏདེཝ ཏཾ དིཊྛིགཏཾ པཱཝདཏི ‘‘ཨིཏིཔཱཡཾ པུགྒལོ མིཙྪཱདིཊྛིཀོ ཝིཔརཱིཏདསྶནོ’’ཏི – ཨཉྙཾ ཝིམཱནེཏི ཏདེཝ པཱཝད.

‘‘ཡེནེཝ བཱལོཏི པརཾ དཧཱཏི, ཏེནཱཏུམཱནཾ ཀུསལོཏི ཙཱཧ;

སཡམཏྟནཱ སོ ཀུསལཱཝདཱནོ, ཨཉྙཾ ཝིམཱནེཏི ཏདེཝ པཱཝཱ’’ཏི.

ཨཏིསཱརདིཊྛིཡཱ ¶ སོ སམཏྟོ, མཱནེན མཏྟོ པརིཔུཎྞམཱནཱི;

སཡམེཝ སཱམཾ མནསཱབྷིསིཏྟོ, དིཊྛཱི ཧི སཱ ཏསྶ ཏཐཱ སམཏྟཱ.

ཨཏིསཱརདིཊྛིཡཱ སོ སམཏྟོཏི. ཨཏིསཱརདིཊྛིཡོ ཝུཙྩནྟི དྭཱསཊྛི དིཊྛིགཏཱནི. ཀིཾཀཱརཎཱ ཨཏིསཱརདིཊྛིཡོ ཝུཙྩནྟི དྭཱསཊྛི དིཊྛིགཏཱནི? སབྦཱ ཏཱ དིཊྛིཡོ ཀཱརཎཱཏིཀྐནྟཱ ལཀྑཎཱཏིཀྐནྟཱ ཋཱནཱཏིཀྐནྟཱ, ཏཾཀཱརཎཱ ཨཏིསཱརདིཊྛིཡོ ཝུཙྩནྟི དྭཱསཊྛི དིཊྛིགཏཱནི. སབྦཱཔི ¶ དིཊྛིཡོ ཨཏིསཱརདིཊྛིཡོ [སབྦེཔི ཏིཏྠིཡཱ ཨཏིསཱརདིཊྛིཡཱ (སྱཱ.)]. ཀིཾཀཱརཎཱ སབྦཱཔི དིཊྛིཡོ ཝུཙྩནྟི ཨཏིསཱརདིཊྛིཡོ? ཏེ [ཏཱ (ཀ.)] ཨཉྙམཉྙཾ ཨཏིཀྐམིཏྭཱ སམཏིཀྐམིཏྭཱ ཝཱིཏིཝཏྟིཏྭཱ དིཊྛིགཏཱནི ཛནེནྟི སཉྫནེནྟི ¶ ནིབྦཏྟེནྟི ཨབྷིནིབྦཏྟེནྟི, ཏཾཀཱརཎཱ སབྦཱཔི དིཊྛིཡོ ཝུཙྩནྟི ཨཏིསཱརདིཊྛིཡོ. ཨཏིསཱརདིཊྛིཡཱ སོ སམཏྟོཏི. ཨཏིསཱརདིཊྛིཡཱ སམཏྟོ པརིཔུཎྞོ ཨནོམོཏི – ཨཏིསཱརདིཊྛིཡཱ སོ སམཏྟོ.

མཱནེན མཏྟོ པརིཔུཎྞམཱནཱིཏི. སཀཱཡ དིཊྛིཡཱ དིཊྛིམཱནེན མཏྟོ པམཏྟོ ཨུམྨཏྟོ ཨཏིམཏྟོཏི ¶ – མཱནེན མཏྟོ. པརིཔུཎྞམཱནཱིཏི པརིཔུཎྞམཱནཱི སམཏྟམཱནཱི ཨནོམམཱནཱིཏི – མཱནེན མཏྟོ པརིཔུཎྞམཱནཱི.

སཡམེཝ སཱམཾ མནསཱབྷིསིཏྟོཏི. སཡམེཝ ཨཏྟཱནཾ ཙིཏྟེན ཨབྷིསིཉྩཏི ‘‘ཨཧམསྨི ཀུསལོ པཎྜིཏོ པཉྙཝཱ བུདྡྷིམཱ ཉཱཎཱི ཝིབྷཱཝཱི མེདྷཱཝཱི’’ཏི – སཡམེཝ སཱམཾ མནསཱབྷིསིཏྟོ.

དིཊྛཱི ཧི སཱ ཏསྶ ཏཐཱ སམཏྟཱཏི. ཏསྶ སཱ དིཊྛི ཏཐཱ སམཏྟཱ སམཱདིནྣཱ གཧིཏཱ པརཱམཊྛཱ ཨབྷིནིཝིཊྛཱ ཨཛ྄ཛྷོསིཏཱ ཨདྷིམུཏྟཱཏི – དིཊྛཱི ཧི སཱ ཏསྶ ཏཐཱ སམཏྟཱ.

‘‘ཨཏིསཱརདིཊྛིཡཱ སོ སམཏྟོ, མཱནེན མཏྟོ པརིཔུཎྞམཱནཱི;

སཡམེཝ སཱམཾ མནསཱབྷིསིཏྟོ, དིཊྛཱི ཧི སཱ ཏསྶ ཏཐཱ སམཏྟཱ’’ཏི.

པརསྶ ¶ ཙེ ཧི ཝཙསཱ ནིཧཱིནོ, ཏུམོ སཧཱ ཧོཏི ནིཧཱིནཔཉྙོ;

ཨཐ ¶ ཙེ སཡཾ ཝེདགཱུ ཧོཏི དྷཱིརོ, ན ཀོཙི བཱལོ སམཎེསུ ཨཏྠི.

པརསྶ ¶ ཙེ ཧི ཝཙསཱ ནིཧཱིནོཏི པརསྶ ཙེ ཝཱཙཱཡ ཝཙནེན ནིནྡིཏཀཱརཎཱ གརཧིཏཀཱརཎཱ ཨུཔཝདིཏཀཱརཎཱ པརོ བཱལོ ཧོཏི ཧཱིནོ ནིཧཱིནོ ཨོམཀོ ལཱམཀོ ཚཏུཀྐོ པརིཏྟོཏི – པརསྶ ཙེ ཧི ཝཙསཱ ནིཧཱིནོ. ཏུམོ སཧཱ ཧོཏི ནིཧཱིནཔཉྙོཏི. སོཔི ཏེནེཝ སཧཱ ཧོཏི ཧཱིནཔཉྙོ ནིཧཱིནཔཉྙོ ཨོམཀཔཉྙོ ལཱམཀཔཉྙོ ཚཏུཀྐཔཉྙོ པརིཏྟཔཉྙོཏི – ཏུམོ སཧཱ ཧོཏི ནིཧཱིནཔཉྙོ.

ཨཐ ཙེ སཡཾ ཝེདགཱུ ཧོཏི དྷཱིརོཏི ཨཐ ཙེ སཡཾ ཝེདགཱུ ཧོཏི དྷཱིརོ པཎྜིཏོ པཉྙཝཱ བུདྡྷིམཱ ཉཱཎཱི ཝིབྷཱཝཱི མེདྷཱཝཱིཏི – ཨཐ ཙེ སཡཾ ཝེདགཱུ ཧོཏི དྷཱིརོ.

ན ཀོཙི བཱལོ སམཎེསུ ཨཏྠཱིཏི. སམཎེསུ ན ཀོཙི བཱལོ ཧཱིནོ ནིཧཱིནོ ཨོམཀོ ལཱམཀོ ཚཏུཀྐོ པརིཏྟོ ཨཏྠི, སབྦེཝ སེཊྛཔཉྙཱ [ཨགྒཔཉྙཱ སེཊྛཔཉྙཱ (སྱཱ.)] ཝིསིཊྛཔཉྙཱ པཱམོཀྑཔཉྙཱ ཨུཏྟམཔཉྙཱ པཝརཔཉྙཱཏི – ན ཀོཙི བཱལོ སམཎེསུ ཨཏྠི.

‘‘པརསྶ ཙེ ཧི ཝཙསཱ ནིཧཱིནོ, ཏུམོ སཧཱ ཧོཏི ནིཧཱིནཔཉྙོ;

ཨཐ ཙེ སཡཾ ཝེདགཱུ ཧོཏི དྷཱིརོ, ན ཀོཙི བཱལོ སམཎེསུ ཨཏྠཱི’’ཏི.

ཨཉྙཾ ¶ ཨིཏོ ཡཱབྷིཝདནྟི དྷམྨཾ, ཨཔརདྡྷཱ སུདྡྷིམཀེཝལཱི ཏེ;

ཨེཝམྤི ཏིཏྠྱཱ པུཐུསོ ཝདནྟི, སནྡིཊྛིརཱགེན ཧི ཏེབྷིརཏྟཱ.

ཨཉྙཾ ཨིཏོ ཡཱབྷིཝདནྟི དྷམྨཾ, ཨཔརདྡྷཱ སུདྡྷིམཀེཝལཱི ཏེཏི. ཨིཏོ ཨཉྙཾ དྷམྨཾ དིཊྛིཾ པཊིཔདཾ མགྒཾ ¶ ཡེ ཨབྷིཝདནྟི, ཏེ སུདྡྷིམགྒཾ ཝིསུདྡྷིམགྒཾ པརིསུདྡྷིམགྒཾ ཝོདཱཏམགྒཾ པརིཡོདཱཏམགྒཾ ཝིརདྡྷཱ ཨཔརདྡྷཱ ཁལིཏཱ གལིཏཱ ཨཉྙཱཡ ཨཔརདྡྷཱ ¶ ཨཀེཝལཱི ཏེ, ཨསམཏྟཱ ཏེ, ཨཔརིཔུཎྞཱ ཏེ, ཧཱིནཱ ནིཧཱིནཱ ཨོམཀཱ ལཱམཀཱ ཚཏུཀྐཱ པརིཏྟཱཏི – ཨཉྙཾ ཨིཏོ ཡཱབྷིཝདནྟི དྷམྨཾ, ཨཔརདྡྷཱ སུདྡྷིམཀེཝལཱི ཏེ.

ཨེཝམྤི ཏིཏྠྱཱ པུཐུསོ ཝདནྟཱིཏི. ཏིཏྠཾ ཝུཙྩཏི དིཊྛིགཏཾ. ཏིཏྠིཡཱ ཝུཙྩནྟི དིཊྛིགཏིཀཱ. པུཐུདིཊྛིཡཱ པུཐུདིཊྛིགཏཱནི ཝདནྟི ཀཐེནྟི བྷཎནྟི དཱིཔཡནྟི ཝོཧརནྟཱིཏི – ཨེཝམྤི ཏིཏྠྱཱ པུཐུསོ ཝདནྟི.

སནྡིཊྛིརཱགེན ཧི ཏེབྷིརཏྟཱཏི. སཀཱཡ དིཊྛིཡཱ དིཊྛིརཱགེན རཏྟཱ ཨབྷིརཏྟཱཏི – སནྡིཊྛིརཱགེན ཧི ཏེབྷིརཏྟཱ.

‘‘ཨཉྙཾ ཨིཏོ ཡཱབྷིཝདནྟི དྷམྨཾ, ཨཔརདྡྷཱ སུདྡྷིམཀེཝལཱི ཏེ;

ཨེཝམྤི ¶ ཏིཏྠྱཱ པུཐུསོ ཝདནྟི, སནྡིཊྛིརཱགེན ཧི ཏེབྷིརཏྟཱ’’ཏི.

ཨིདྷེཝ སུདྡྷིཾ ཨིཏི ཝཱདཡནྟི, ནཱཉྙེསུ དྷམྨེསུ ཝིསུདྡྷིམཱཧུ;

ཨེཝམྤི ཏིཏྠྱཱ པུཐུསོ ནིཝིཊྛཱ, སཀཱཡནེ ཏཏྠ དལ༹ྷཾ ཝདཱནཱ.

ཨིདྷེཝ སུདྡྷིཾ ཨིཏི ཝཱདཡནྟཱིཏི. ཨིདྷ སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ ཝདནྟི ཀཐེནྟི བྷཎནྟི དཱིཔཡནྟི ཝོཧརནྟི. ‘‘སསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི ཨིདྷ སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ ཝདནྟི ཀཐེནྟི བྷཎནྟི ¶ དཱིཔཡནྟི ཝོཧརནྟི. ‘‘ཨསསྶཏོ ལོཀོ…པེ… ནེཝ ཧོཏི ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི ཨིདྷ སུདྡྷིཾ ཝིསུདྡྷིཾ པརིསུདྡྷིཾ མུཏྟིཾ ཝིམུཏྟིཾ པརིམུཏྟིཾ ཝདནྟི ཀཐེནྟི བྷཎནྟི ¶ དཱིཔཡནྟི ཝོཧརནྟཱིཏི – ཨིདྷེཝ སུདྡྷིཾ ཨིཏི ཝཱདཡནྟི.

ནཱཉྙེསུ དྷམྨེསུ ཝིསུདྡྷིམཱཧཱུཏི. ཨཏྟནོ སཏྠཱརཾ དྷམྨཀྑཱནཾ གཎཾ དིཊྛིཾ པཊིཔདཾ མགྒཾ ཋཔེཏྭཱ སབྦེ པརཝཱདེ ཁིཔནྟི ཨུཀྑིཔནྟི པརིཀྑིཔནྟི. ‘‘སོ སཏྠཱ ན སབྦཉྙཱུ, དྷམྨོ ན སྭཱཀྑཱཏོ, གཎོ ན སུཔྤཊིཔནྣོ, དིཊྛི ན བྷདྡིཀཱ, པཊིཔདཱ ན སུཔཉྙཏྟཱ, མགྒོ ན ནིཡྻཱནིཀོ, ནཏྠེཏྠ སུདྡྷི ཝཱ ཝིསུདྡྷི ཝཱ པརིསུདྡྷི ཝཱ, མུཏྟི ཝཱ ཝིམུཏྟི ཝཱ པརིམུཏྟི ཝཱ, ནཏྠེཏྠ ¶ སུཛ྄ཛྷནྟི ཝཱ ཝིསུཛ྄ཛྷནྟི ཝཱ པརིསུཛ྄ཛྷནྟི ཝཱ, མུཙྩནྟི ཝཱ ཝིམུཙྩནྟི ཝཱ པརིམུཙྩནྟི ཝཱ ཧཱིནཱ ¶ ནིཧཱིནཱ ཨོམཀཱ ལཱམཀཱ ཚཏུཀྐཱ པརིཏྟཱ’’ཏི, ཨེཝམཱཧཾསུ ཨེཝཾ ཀཐེནྟི ཨེཝཾ བྷཎནྟི ཨེཝཾ དཱིཔཡནྟི ཨེཝཾ ཝོཧརནྟཱིཏི – ནཱཉྙེསུ དྷམྨེསུ ཝིསུདྡྷིམཱཧུ.

ཨེཝམྤི ཏིཏྠྱཱ པུཐུསོ ནིཝིཊྛཱཏི. ཏིཏྠཾ ཝུཙྩཏི དིཊྛིགཏཾ. ཏིཏྠིཡཱ ཝུཙྩནྟི དིཊྛིགཏིཀཱ. པུཐུདིཊྛིཡཱ [པུཐུཏིཏྠིཡཱ (སཱི. ཀ.) པུརིམགཱཐཱཡ པཱཋབྷེདོ ནཏྠི] པུཐུདིཊྛིགཏེསུ ནིཝིཊྛཱ པཏིཊྛིཏཱ ཨལླཱིནཱ ཨུཔགཏཱ ཨཛ྄ཛྷོསིཏཱ ཨདྷིམུཏྟཱཏི – ཨེཝམྤི ཏིཏྠྱཱ པུཐུསོ ནིཝིཊྛཱ.

སཀཱཡནེ ཏཏྠ དལ༹ྷཾ ཝདཱནཱཏི. དྷམྨོ སཀཱཡནཾ, དིཊྛི སཀཱཡནཾ, པཊིཔདཱ སཀཱཡནཾ, མགྒོ སཀཱཡནཾ, སཀཱཡནེ དལ༹ྷཝཱདཱ ཐིརཝཱདཱ བལིཀཝཱདཱ ཨཝཊྛིཏཝཱདཱཏི – སཀཱཡནེ ཏཏྠ དལ༹ྷཾ ཝདཱནཱ.

‘‘ཨིདྷེཝ སུདྡྷིཾ ཨིཏི ཝཱདཡནྟི, ནཱཉྙེསུ དྷམྨེསུ ཝིསུདྡྷིམཱཧུ;

ཨེཝམྤི ཏིཏྠྱཱ པུཐུསོ ནིཝིཊྛཱ, སཀཱཡནེ ཏཏྠ དལ༹ྷཾ ཝདཱནཱ’’ཏི.

སཀཱཡནེ ཝཱཔི དལ༹ྷཾ ཝདཱནོ, ཀམེཏྠ [ཀཾ ཏཏྠ (སཱི. ཀ.)] བཱལོཏི པརཾ དཧེཡྻ;

སཡཾཝ [སཡམེཝ (སྱཱ.)] སོ མེདྷགམཱཝཧེཡྻ, པརཾ ཝདཾ བཱལམསུདྡྷིདྷམྨཾ.

སཀཱཡནེ ¶ ¶ ཝཱཔི དལ༹ྷཾ ཝདཱནོཏི. དྷམྨོ སཀཱཡནཾ, དིཊྛི སཀཱཡནཾ, པཊིཔདཱ སཀཱཡནཾ, མགྒོ སཀཱཡནཾ, སཀཱཡནེ དལ༹ྷཝཱདོ ཐིརཝཱདོ བལིཀཝཱདོ ཨཝཊྛིཏཝཱདོཏི – སཀཱཡནེ ཝཱཔི དལ༹ྷཾ ཝདཱནོ.

ཀམེཏྠ ¶ བཱལོཏི པརཾ དཧེཡྻཱཏི. ཨེཏྠཱཏི སཀཱཡ དིཊྛིཡཱ སཀཱཡ ཁནྟིཡཱ སཀཱཡ རུཙིཡཱ སཀཱཡ ལདྡྷིཡཱ པརཾ བཱལཏོ ཧཱིནཏོ ནིཧཱིནཏོ ཨོམཀཏོ ལཱམཀཏོ ཚཏུཀྐཏོ པརིཏྟཏོ ཀཾ དཧེཡྻ ཀཾ པསྶེཡྻ ཀཾ དཀྑེཡྻ ཀཾ ཨོལོཀེཡྻ ཀཾ ནིཛ྄ཛྷཱཡེཡྻ ཀཾ ཨུཔཔརིཀྑེཡྻཱཏི – ཀམེཏྠ བཱལོཏི པརཾ དཧེཡྻ.

སཡཾཝ ¶ སོ མེདྷགམཱཝཧེཡྻ, པརཾ ཝདཾ བཱལམསུདྡྷིདྷམྨནྟི. པརོ བཱལོ ཧཱིནོ ནིཧཱིནོ ཨོམཀོ ལཱམཀོ ཚཏུཀྐོ པརིཏྟོ ཨསུདྡྷིདྷམྨོ ཨཝིསུདྡྷིདྷམྨོ ཨཔརིསུདྡྷིདྷམྨོ ཨཝོདཱཏདྷམྨོཏི – ཨེཝཾ ཝདནྟོ ཨེཝཾ ཀཐེནྟོ ཨེཝཾ བྷཎནྟོ ཨེཝཾ དཱིཔཡནྟོ ཨེཝཾ ཝོཧརནྟོ སཡམེཝ ཀལཧཾ བྷཎྜནཾ ཝིགྒཧཾ ཝིཝཱདཾ མེདྷགཾ ཨཱཝཧེཡྻ སམཱཝཧེཡྻ ཨཱཧརེཡྻ སམཱཧརེཡྻ ཨཱཀཌྜྷེཡྻ སམཱཀཌྜྷེཡྻ གཎྷེཡྻ པརཱམསེཡྻ ཨབྷིནིཝིསེཡྻཱཏི – སཡཾཝ སོ མེདྷགམཱཝཧེཡྻ པརཾ ཝདཾ བཱལམསུདྡྷིདྷམྨཾ.

‘‘སཀཱཡནེ ཝཱཔི དལ༹ྷཾ ཝདཱནོ, ཀམེཏྠ བཱལོཏི པརཾ དཧེཡྻ;

སཡཾཝ ¶ སོ མེདྷགམཱཝཧེཡྻ, པརཾ ཝདཾ བཱལམསུདྡྷིདྷམྨ’’ནྟི.

ཝིནིཙྪཡེ ཋཏྭཱ སཡཾ པམཱཡ, ཨུདྡྷཾས [ཨུདྡྷཾ སོ (སྱཱ.)] ལོཀསྨིཾ ཝིཝཱདམེཏི;

ཧིཏྭཱན སབྦཱནི ཝིནིཙྪཡཱནི, ན མེདྷགཾ ཀུབྦཏི ཛནྟུ ལོཀེ.

ཝིནིཙྪཡེ ¶ ཋཏྭཱ སཡཾ པམཱཡཱཏི. ཝིནིཙྪཡཱ ཝུཙྩནྟི དྭཱསཊྛི དིཊྛིགཏཱནི. ཝིནིཙྪཡདིཊྛིཡཱ ཋཏྭཱ པཏིཊྛཧིཏྭཱ གཎྷིཏྭཱ པརཱམསིཏྭཱ ཨབྷིནིཝིསིཏྭཱ ཝིནིཙྪཡེ ཋཏྭཱ. སཡཾ པམཱཡཱཏི སཡཾ པམཱཡ པམིནིཏྭཱ. ‘‘ཨཡཾ སཏྠཱ སབྦཉྙཱུ’’ཏི སཡཾ པམཱཡ པམིནིཏྭཱ, ‘‘ཨཡཾ དྷམྨོ སྭཱཀྑཱཏོ… ཨཡཾ གཎོ སུཔྤཊིཔནྣོ… ཨཡཾ དིཊྛི བྷདྡིཀཱ… ཨཡཾ པཊིཔདཱ སུཔཉྙཏྟཱ… ཨཡཾ མགྒོ ནིཡྻཱནིཀོ’’ཏི སཡཾ པམཱཡ པམིནིཏྭཱཏི – ཝིནིཙྪཡེ ཋཏྭཱ སཡཾ པམཱཡ.

ཨུདྡྷཾས ལོཀསྨིཾ ཝིཝཱདམེཏཱིཏི. ཨུདྡྷཾསོ ཝུཙྩཏི ཨནཱགཏཾ. ཨཏྟནོ ཝཱདཾ ཨུདྡྷཾ ཋཔེཏྭཱ སཡམེཝ ཀལཧཾ བྷཎྜནཾ ཝིགྒཧཾ ཝིཝཱདཾ མེདྷགཾ ཨེཏི ཨུཔེཏི ཨུཔགཙྪཏི གཎྷཱཏི པརཱམསཏི ཨབྷིནིཝིསཏཱིཏི. ཨེཝམྤི ཨུདྡྷཾས ལོཀསྨིཾ ཝིཝཱདམེཏི. ཨཐ ཝཱ ཨཉྙེན ཨུདྡྷཾ ཝཱདེན སདྡྷིཾ ཀལཧཾ ཀརོཏི བྷཎྜནཾ ཀརོཏི ཝིགྒཧཾ ཀརོཏི ཝིཝཱདཾ ཀརོཏི མེདྷགཾ ཀརོཏི – ‘‘ན ཏྭཾ ¶ ཨིམཾ དྷམྨཝིནཡཾ ཨཱཛཱནཱསི…པེ… ནིབྦེཋེཧི ཝཱ སཙེ པཧོསཱི’’ཏི. ཨེཝམྤི ཨུདྡྷཾས ལོཀསྨིཾ ཝིཝཱདམེཏི.

ཧིཏྭཱན ¶ ¶ སབྦཱནི ཝིནིཙྪཡཱནཱིཏི. ཝིནིཙྪཡཱ ཝུཙྩནྟི དྭཱསཊྛི དིཊྛིགཏཱནི. དིཊྛིཝིནིཙྪཡཱ སབྦེ ཝིནིཙྪཡེ [སབྦཱ ཝིནིཙྪིཏདིཊྛིཡོ (སྱཱ.), སབྦཱ ཝིནིཙྪཡདིཊྛིཡོ (ཀ.)] ཧིཏྭཱ ཙཛིཏྭཱ པརིཙྩཛིཏྭཱ ཛཧིཏྭཱ པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམེཏྭཱཏི – ཧིཏྭཱན སབྦཱནི ཝིནིཙྪཡཱནི.

ན མེདྷགཾ ཀུབྦཏི ཛནྟུ ལོཀེཏི. ན ཀལཧཾ ཀརོཏི, ན བྷཎྜནཾ ཀརོཏི, ན ཝིགྒཧཾ ཀརོཏི, ན ཝིཝཱདཾ ཀརོཏི, ན མེདྷགཾ ཀརོཏི. ཝུཏྟཉྷེཏཾ བྷགཝཏཱ – ‘‘ཨེཝཾ ཝིམུཏྟཙིཏྟོ ཁོ, ཨགྒིཝེསྶན, བྷིཀྑུ ན ཀེནཙི སཾཝདཏི, ན ཀེནཙི ཝིཝདཏི, ཡཉྩ ལོཀེ ཝུཏྟཾ ཏེན ཙ ཝོཧརཏི ཨཔརཱམས’’ནྟི. ཛནྟཱུཏི སཏྟོ ནརོ མཱནཝོ པོསོ ¶ པུགྒལོ ཛཱིཝོ ཛཱགུ ཛནྟུ ཨིནྡགུ མནུཛོ. ལོཀེཏི ཨཔཱཡལོཀེ…པེ… ཨཱཡཏནལོཀེཏི – ན མེདྷགཾ ཀུབྦཏི ཛནྟུ ལོཀེཏི.

‘‘ཝིནིཙྪཡེ ཋཏྭཱ སཡཾ པམཱཡ, ཨུདྡྷཾས ལོཀསྨིཾ ཝིཝཱདམེཏི;

ཧིཏྭཱན སབྦཱནི ཝིནིཙྪཡཱནི, ན མེདྷགཾ ཀུབྦཏི ཛནྟུ ལོཀེ’’ཏི.

ཙཱུལ༹ཝིཡཱུཧསུཏྟནིདྡེསོ དྭཱདསམོ.

ཨཐ ¶ མཧཱཝིཡཱུཧསུཏྟནིདྡེསཾ ཝཀྑཏི –

ཡེ ¶ ¶ ཀེཙིམེ དིཊྛིཔརིབྦསཱནཱ, ཨིདམེཝ སཙྩནྟི ཙ ཝཱདཡནྟི [སཙྩནྟི པཝཱདཡནྟི (སྱཱ.)] ;

སབྦེཝ ཏེ ནིནྡམནྭཱནཡནྟི, ཨཐོ པསཾསམྤི ལབྷནྟི ཏཏྠ.

ཡེ ཀེཙིམེ དིཊྛིཔརིབྦསཱནཱཏི. ཡེ ཀེཙཱིཏི སབྦེན སབྦཾ སབྦཐཱ སབྦཾ ཨསེསཾ ནིསྶེསཾ པརིཡཱདིཡནཝཙནམེཏཾ – ཡེ ཀེཙཱིཏི. དིཊྛིཔརིབྦསཱནཱཏི. སནྟེཀེ སམཎབྲཱཧྨཎཱ དིཊྛིགཏིཀཱ; ཏེ དྭཱསཊྛིཡཱ དིཊྛིགཏཱནཾ ཨཉྙཏརཉྙཏརཾ དིཊྛིགཏཾ གཧེཏྭཱ ཨུགྒཧེཏྭཱ གཎྷིཏྭཱ པརཱམསིཏྭཱ ¶ ཨབྷིནིཝིསིཏྭཱ སཀཱཡ སཀཱཡ དིཊྛིཡཱ ཝསནྟི སཾཝསནྟི ཨཱཝསནྟི པརིཝསནྟི. ཡཐཱ ཨགཱརིཀཱ ཝཱ གྷརེསུ ཝསནྟི, སཱཔཏྟིཀཱ ཝཱ ཨཱཔཏྟཱིསུ ཝསནྟི, སཀིལེསཱ ཝཱ ཀིལེསེསུ ཝསནྟི; ཨེཝམེཝ སནྟེཀེ…པེ… པརིཝསནྟཱིཏི – ཡེ ཀེཙིམེ དིཊྛིཔརིབྦསཱནཱ.

ཨིདམེཝ སཙྩནྟི ཙ ཝཱདཡནྟཱིཏི. ‘‘སསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི ཝདནྟི ཀཐེནྟི བྷཎནྟི དཱིཔཡནྟི ཝོཧརནྟི. ‘‘ཨསསྶཏོ ལོཀོ…པེ… ནེཝ ཧོཏི ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ ¶ མོགྷམཉྙ’’ནྟི ཝདནྟི ཀཐེནྟི བྷཎནྟི དཱིཔཡནྟི ¶ ཝོཧརནྟཱིཏི – ཨིདམེཝ སཙྩནྟི ཙ ཝཱདཡནྟི.

སབྦེཝ ཏེ ནིནྡམནྭཱནཡནྟཱིཏི. སབྦེཝ ཏེ སམཎབྲཱཧྨཎཱ ནིནྡམེཝ ཨནྭེནྟི, གརཧམེཝ ཨནྭེནྟི, ཨཀིཏྟིམེཝ ཨནྭེནྟི; སབྦེ ནིནྡིཏཱཡེཝ ཧོནྟི, གརཧིཏཱཡེཝ ཧོནྟི, ཨཀིཏྟིཏཱཡེཝ ཧོནྟཱིཏི – སབྦེཝ ཏེ ནིནྡམནྭཱནཡནྟི.

ཨཐོ པསཾསམྤི ལབྷནྟི ཏཏྠཱཏི. ཏཏྠ སཀཱཡ དིཊྛིཡཱ སཀཱཡ ཁནྟིཡཱ སཀཱཡ རུཙིཡཱ སཀཱཡ ལདྡྷིཡཱ པསཾསཾ ཐོམནཾ ཀིཏྟིཾ ཝཎྞཧཱརིཀཾ ལབྷནྟི པཊིལབྷནྟི ཨུཔགཙྪནྟི ཝིནྡནྟཱིཏི – ཨཐོ པསཾསམྤི ལབྷནྟི ཏཏྠ.

‘‘ཡེ ཀེཙིམེ དིཊྛིཔརིབྦསཱནཱ, ཨིདམེཝ སཙྩནྟི ཙ ཝཱདཡནྟི;

སབྦེཝ ཏེ ནིནྡམནྭཱནཡནྟི, ཨཐོ པསཾསམྤི ལབྷནྟི ཏཏྠཱ’’ཏི.

ཨཔྤཉྷི ཨེཏཾ ན ཨལཾ སམཱཡ, དུཝེ ཝིཝཱདསྶ ཕལཱནི བྲཱུམི;

ཨེཏམྤི དིསྭཱ ན ཝིཝཱདཡེཐ, ཁེམཱབྷིཔསྶཾ ཨཝིཝཱདབྷཱུམིཾ.

ཨཔྤཉྷི ཨེཏཾ ན ཨལཾ སམཱཡཱཏི. ཨཔྤཉྷི ཨེཏནྟི ཨཔྤཀཾ ཨེཏཾ, ཨོམཀཾ ཨེཏཾ, ཐོཀཀཾ ཨེཏཾ, ལཱམཀཾ ཨེཏཾ, ཚཏུཀྐཾ ཨེཏཾ, པརིཏྟཀཾ ཨེཏནྟི – ཨཔྤཉྷི ཨེཏཾ. ན ཨལཾ སམཱཡཱཏི ནཱལཾ རཱགསྶ ¶ སམཱཡ, དོསསྶ སམཱཡ, མོཧསྶ སམཱཡ ¶ , ཀོདྷསྶ… ཨུཔནཱཧསྶ… མཀྑསྶ… པལཱ༹སསྶ… ཨིསྶཱཡ… མཙྪརིཡསྶ… མཱཡཱཡ… སཱཋེཡྻསྶ… ཐམྦྷསྶ… སཱརམྦྷསྶ… མཱནསྶ… ཨཏིམཱནསྶ… མདསྶ… པམཱདསྶ… སབྦཀིལེསཱནཾ… སབྦདུཙྩརིཏཱནཾ… སབྦདརཐཱནཾ ¶ … སབྦཔརིལཱ༹ཧཱནཾ… སབྦསནྟཱཔཱནཾ… སབྦཱཀུསལཱབྷིསངྑཱརཱནཾ སམཱཡ ཨུཔསམཱཡ ཝཱུཔསམཱཡ ནིབྦཱནཱཡ པཊིནིསྶགྒཱཡ པཊིཔསྶདྡྷིཡཱཏི – ཨཔྤཉྷི ཨེཏཾ ན ཨལཾ སམཱཡ.

དུཝེ ཝིཝཱདསྶ ཕལཱནི བྲཱུམཱིཏི. དིཊྛིཀལཧསྶ དིཊྛིབྷཎྜནསྶ དིཊྛིཝིགྒཧསྶ དིཊྛིཝིཝཱདསྶ དིཊྛིམེདྷགསྶ དྭེ ཕལཱནི ཧོནྟི – ཛཡཔརཱཛཡོ ཧོཏི, ལཱབྷཱལཱབྷོ ཧོཏི, ཡསཱཡསོ ཧོཏི, ནིནྡཱཔསཾསོ ཧོཏི, སུཁདུཀྑཾ ཧོཏི, སོམནསྶདོམནསྶཾ ཧོཏི, ཨིཊྛཱནིཊྛཾ ཧོཏི, ཨནུནཡཔཊིགྷཾ ཧོཏི, ཨུགྒྷཱཏིནིགྒྷཱཏི ཧོཏི, ཨནུརོདྷཝིརོདྷོ ཧོཏི. ཨཐ ཝཱ ཏཾ ཀམྨཾ ནིརཡསཾཝཏྟནིཀཾ, ཏིརཙྪཱནཡོནིསཾཝཏྟནིཀཾ, པེཏྟིཝིསཡསཾཝཏྟནིཀནྟི བྲཱུམི ཨཱཙིཀྑཱམི དེསེམི པཉྙཔེམི པཊྛཔེམི ཝིཝརཱམི ཝིབྷཛཱམི ཨུཏྟཱནཱིཀརོམི པཀཱསེམཱིཏི – དུཝེ ཝིཝཱདསྶ ཕལཱནི བྲཱུམི.

ཨེཏམྤི དིསྭཱ ན ཝིཝཱདཡེཐཱཏི. ཨེཏམྤི དིསྭཱཏི ཨེཏཾ ཨཱདཱིནཝཾ དིསྭཱ པསྶིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ དིཊྛིཀལཧེསུ དིཊྛིབྷཎྜནེསུ དིཊྛིཝིགྒཧེསུ དིཊྛིཝིཝཱདེསུ དིཊྛིམེདྷགེསཱུཏི – ཨེཏམྤི དིསྭཱ. ན ཝིཝཱདཡེཐཱཏི ན ཀལཧཾ ¶ ཀརེཡྻ, ན བྷཎྜནཾ ཀརེཡྻ, ན ཝིགྒཧཾ ཀརེཡྻ, ན ཝིཝཱདཾ ཀརེཡྻ, ན མེདྷགཾ ཀརེཡྻ, ཀལཧཾ བྷཎྜནཾ ཝིགྒཧཾ ཝིཝཱདཾ མེདྷགཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, ཀལཧཱ བྷཎྜནཱ ཝིགྒཧཱ ¶ ཝིཝཱདཱ མེདྷགཱ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – ཨེཏམྤི དིསྭཱ ན ཝིཝཱདཡེཐ.

ཁེམཱབྷིཔསྶཾ ¶ ཨཝིཝཱདབྷཱུམིནྟི. ཨཝིཝཱདབྷཱུམིཾ ཝུཙྩཏི ཨམཏཾ ནིབྦཱནཾ. ཡོ སོ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཀྑཡོ ཝིརཱགོ ནིརོདྷོ ནིབྦཱནཾ. ཨེཏཾ ཨཝིཝཱདབྷཱུམིཾ ཁེམཏོ ཏཱཎཏོ ལེཎཏོ སརཎཏོ ཨབྷཡཏོ ཨཙྩུཏཏོ ཨམཏཏོ ནིབྦཱནཏོ པསྶནྟོ དཀྑནྟོ ཨོལོཀེནྟོ ནིཛ྄ཛྷཱཡནྟོ ཨུཔཔརིཀྑནྟོཏི – ཁེམཱབྷིཔསྶཾ ཨཝིཝཱདབྷཱུམིཾ.

‘‘ཨཔྤཉྷི ¶ ཨེཏཾ ན ཨལཾ སམཱཡ, དུཝེ ཝིཝཱདསྶ ཕལཱནི བྲཱུམི;

ཨེཏམྤི དིསྭཱ ན ཝིཝཱདཡེཐ, ཁེམཱབྷིཔསྶཾ ཨཝིཝཱདབྷཱུམི’’ནྟི.

ཡཱ ཀཱཙིམཱ སམྨུཏིཡོ པུཐུཛྫཱ, སབྦཱཝ ཨེཏཱ ན ཨུཔེཏི ཝིདྭཱ;

ཨནཱུཔཡོ སོ ཨུཔཡཾ ཀིམེཡྻ, དིཊྛེ སུཏེ ཁནྟིམཀུབྦམཱནོ.

ཡཱ ¶ ཀཱཙིམཱ སམྨུཏིཡོ པུཐུཛྫཱཏི. ཡཱ ཀཱཙཱིཏི སབྦེན སབྦཾ སབྦཐཱ སབྦཾ ཨསེསཾ ནིསྶེསཾ པརིཡཱདིཡནཝཙནམེཏཾ – ཡཱ ཀཱཙཱིཏི. སམྨུཏིཡོཏི. སམྨུཏིཡོ ཝུཙྩནྟི དྭཱསཊྛི དིཊྛིགཏཱནི དིཊྛིསམྨུཏིཡོ. པུཐུཛྫཱཏི པུཐུཛྫནེཧི ཛནིཏཱ སམྨུཏིཡོཏི པུཐུཛྫཱ, པུཐུ ནཱནཱཛནེཧི ཛནིཏཱ ཝཱ སམྨུཏིཡོཏི པུཐུཛྫཱཏི – ཡཱ ཀཱཙིམཱ སམྨུཏིཡོ པུཐུཛྫཱ.

སབྦཱཝ ཨེཏཱ ན ཨུཔེཏི ཝིདྭཱཏི. ཝིདྭཱ ཝིཛྫཱགཏོ ཉཱཎཱི ཝིབྷཱཝཱི མེདྷཱཝཱི. སབྦཱཝ ཨེཏཱ དིཊྛིསམྨུཏིཡོ ནེཏི ན ཨུཔེཏི ན ཨུཔགཙྪཏི ན གཎྷཱཏི ན པརཱམསཏི ནཱབྷིནིཝིསཏཱིཏི – སབྦཱཝ ཨེཏཱ ན ཨུཔེཏི ཝིདྭཱ.

ཨནཱུཔཡོ སོ ཨུཔཡཾ ཀིམེཡྻཱཏི. ཨུཔཡོཏི དྭེ ཨུཔཡཱ – ཏཎྷཱུཔཡོ ཙ དིཊྛཱུཔཡོ ཙ…པེ… ཨཡཾ ཏཎྷཱུཔཡོ…པེ… ཨཡཾ དིཊྛཱུཔཡོ. ཏསྶ ཏཎྷཱུཔཡོ པཧཱིནོ, དིཊྛཱུཔཡོ པཊིནིསྶཊྛོ; ཏཎྷཱུཔཡསྶ པཧཱིནཏྟཱ, དིཊྛཱུཔཡསྶ པཊིནིསྶཊྛཏྟཱ ཨནཱུཔཡོ པུགྒལོ ཀིཾ རཱུཔཾ ཨུཔེཡྻ ཨུཔགཙྪེཡྻ གཎྷེཡྻ པརཱམསེཡྻ ཨབྷིནིཝིསེཡྻ ¶ ཨཏྟཱ མེཏི. ཀིཾ ཝེདནཾ… ཀིཾ སཉྙཾ… ཀིཾ སངྑཱརེ… ཀིཾ ཝིཉྙཱཎཾ… ཀིཾ གཏིཾ… ཀིཾ ཨུཔཔཏྟིཾ… ཀིཾ པཊིསནྡྷིཾ… ཀིཾ བྷཝཾ ¶ … ཀིཾ སཾསཱརཾ… ཀིཾ ཝཊྚཾ ཨུཔེཡྻ ཨུཔགཙྪེཡྻ གཎྷེཡྻ པརཱམསེཡྻ ཨབྷིནིཝེསེཡྻཱཏི – ཨནཱུཔཡོ སོ ཨུཔཡཾ ཀིམེཡྻ.

དིཊྛེ སུཏེ ཁནྟིམཀུབྦམཱནོཏི. དིཊྛེ ཝཱ དིཊྛསུདྡྷིཡཱ ཝཱ སུཏེ ཝཱ སུཏསུདྡྷིཡཱ ཝཱ མུཏེ ཝཱ མུཏསུདྡྷིཡཱ ཝཱ ཁནྟིཾ ¶ ཨཀུབྦམཱནོ ཚནྡཾ ཨཀུབྦམཱནོ པེམཾ ཨཀུབྦམཱནོ རཱགཾ ཨཀུབྦམཱནོ ཨཛནཡམཱནོ ཨསཉྫནཡམཱནོ ཨནིབྦཏྟཡམཱནོ ཨནབྷིནིབྦཏྟཡམཱནོཏི – དིཊྛེ སུཏེ ཁནྟིམཀུབྦམཱནོ.

‘‘ཡཱ ¶ ཀཱཙིམཱ སམྨུཏིཡོ པུཐུཛྫཱ, སབྦཱཝ ཨེཏཱ ན ཨུཔེཏི ཝིདྭཱ;

ཨནཱུཔཡོ སོ ཨུཔཡཾ ཀིམེཡྻ, དིཊྛེ སུཏེ ཁནྟིམཀུབྦམཱནོ’’ཏི.

སཱིལུཏྟམཱ སཉྙམེནཱཧུ སུདྡྷིཾ, ཝཏཾ སམཱདཱཡ ཨུཔཊྛིཏཱསེ;

ཨིདྷེཝ སིཀྑེམ ཨཐསྶ སུདྡྷིཾ, བྷཝཱུཔནཱིཏཱ ཀུསལཱཝདཱནཱ.

སཱིལུཏྟམཱ སཉྙམེནཱཧུ སུདྡྷིནྟི. སནྟེཀེ སམཎབྲཱཧྨཎཱ སཱིལུཏྟམཝཱདཱ; ཏེ སཱིལམཏྟེན སཉྙམམཏྟེན སཾཝརམཏྟེན ཨཝཱིཏིཀྐམམཏྟེན སུདྡྷིཾ ཝིསུདྡྷིཾ པརིཝིསུདྡྷིཾ, མུཏྟིཾ ཝིམུཏྟིཾ པརིཝིམུཏྟིཾ ཨཱཧུ [ཨཱཧཾསུ (སཱི. ཀ.)] ཝདནྟི ཀཐེནྟི བྷཎནྟི དཱིཔཡནྟི ཝོཧརནྟི.

སམཎམུཎྜིཀཱཔུཏྟོ ཨེཝམཱཧ – ‘‘ཙཏཱུཧི ཁོ ཨཧཾ, གཧཔཏི, དྷམྨེཧི སམནྣཱགཏཾ པུརིསཔུགྒལཾ པཉྙཔེམི སམྤནྣཀུསལཾ པརམཀུསལཾ ཨུཏྟམཔཏྟིཔཏྟཾ ¶ སམཎཾ ཨཡོཛ྄ཛྷཾ. ཀཏམེཧི ཙཏཱུཧི? ཨིདྷ, གཧཔཏི, ན ཀཱཡེན པཱཔཀམྨཾ ཀརོཏི, ན པཱཔིཀཾ [པཱཔཀཾ (སཱི.)] ཝཱཙཾ བྷཱསཏི, ན པཱཔཀཾ སངྐཔྤཾ སངྐཔྤེཏི, ན པཱཔཀཾ ཨཱཛཱིཝཾ ཨཱཛཱིཝཏི. ཨིམེཧི ཁོ ཨཧཾ, གཧཔཏི ¶ , ཙཏཱུཧི དྷམྨེཧི སམནྣཱགཏཾ པུརིསཔུགྒལཾ པཉྙཔེམི སམྤནྣཀུསལཾ པརམཀུསལཾ ཨུཏྟམཔཏྟིཔཏྟཾ སམཎཾ ཨཡོཛ྄ཛྷཾ; ཨེཝམེཝ སནྟེཀེ སམཎབྲཱཧྨཎཱ སཱིལུཏྟམཝཱདཱ; ཏེ སཱིལམཏྟེན སཉྙམམཏྟེན སཾཝརམཏྟེན ཨཝཱིཏིཀྐམམཏྟེན སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ ཨཱཧུ ཝདནྟི ཀཐེནྟི བྷཎནྟི དཱིཔཡནྟི ཝོཧརནྟཱི’’ཏི – སཱིལུཏྟམཱ སཉྙམེནཱཧུ སུདྡྷིཾ.

ཝཏཾ སམཱདཱཡ ཨུཔཊྛིཏཱསེཏི. ཝཏནྟི ཧཏྠིཝཏཾ ཝཱ ཨསྶཝཏཾ ཝཱ གོཝཏཾ ཝཱ ཀུཀྐུརཝཏཾ ཝཱ ཀཱཀཝཏཾ ཝཱ ཝཱསུདེཝཝཏཾ ཝཱ བལདེཝཝཏཾ ཝཱ པུཎྞབྷདྡཝཏཾ ཝཱ མཎིབྷདྡཝཏཾ ཝཱ ཨགྒིཝཏཾ ¶ ཝཱ ནཱགཝཏཾ ཝཱ སུཔཎྞཝཏཾ ཝཱ ཡཀྑཝཏཾ ཝཱ ཨསུརཝཏཾ ཝཱ གནྡྷབྦཝཏཾ ཝཱ མཧཱརཱཛཝཏཾ ཝཱ ཙནྡཝཏཾ ཝཱ སཱུརིཡཝཏཾ ཝཱ ཨིནྡཝཏཾ ཝཱ བྲཧྨཝཏཾ ཝཱ དེཝཝཏཾ ཝཱ དིསཱཝཏཾ ཝཱ ཨཱདཱཡ སམཱདཱཡ ཨཱདིཡིཏྭཱ སམཱདིཡིཏྭཱ གཎྷིཏྭཱ པརཱམསིཏྭཱ ཨབྷིནིཝིསིཏྭཱ ¶ ཨུཔཊྛིཏཱ པཙྩུཔཊྛིཏཱ ཨལླཱིནཱ ཨུཔགཏཱ ཨཛ྄ཛྷོསིཏཱ ཨདྷིམུཏྟཱཏི – ཝཏཾ སམཱདཱཡ ཨུཔཊྛིཏཱསེ.

ཨིདྷེཝ སིཀྑེམ ཨཐསྶ སུདྡྷིནྟི. ཨིདྷཱཏི སཀཱཡ དིཊྛིཡཱ སཀཱཡ ཁནྟིཡཱ སཀཱཡ རུཙིཡཱ སཀཱཡ ལདྡྷིཡཱ. སིཀྑེམཱཏི སིཀྑེམ ཨཱཙརེམ སམཱཙརེམ སམཱདཱཡ ཝཏྟེམཱཏི – ཨིདྷེཝ སིཀྑེམ. ཨཐསྶ སུདྡྷིནྟི ཨཐསྶ སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིནྟི – ཨིདྷེཝ སིཀྑེམ ཨཐསྶ སུདྡྷིཾ.

བྷཝཱུཔནཱིཏཱ ¶ ཀུསལཱཝདཱནཱཏི. བྷཝཱུཔནཱིཏཱཏི བྷཝཱུཔནཱིཏཱ བྷཝཱུཔགཏཱ བྷཝཛ྄ཛྷོསིཏཱ བྷཝཱདྷིམུཏྟཱཏི – བྷཝཱུཔནཱིཏཱ ¶ . ཀུསལཱཝདཱནཱཏི ཀུསལཝཱདཱ པཎྜིཏཝཱདཱ ཐིརཝཱདཱ ཉཱཡཝཱདཱ ཧེཏུཝཱདཱ ལཀྑཎཝཱདཱ ཀཱརཎཝཱདཱ ཋཱནཝཱདཱ སཀཱཡ ལདྡྷིཡཱཏི – བྷཝཱུཔནཱིཏཱ ཀུསལཱཝདཱནཱ.

‘‘སཱིལུཏྟམཱ སཉྙམེནཱཧུ སུདྡྷིཾ, ཝཏཾ སམཱདཱཡ ཨུཔཊྛིཏཱསེ;

ཨིདྷེཝ སིཀྑེམ ཨཐསྶ སུདྡྷིཾ, བྷཝཱུཔནཱིཏཱ ཀུསལཱཝདཱནཱ’’ཏི.

སཙེ ཙུཏོ སཱིལཝཏཏོ ཧོཏི, པཝེདྷཏཱི [ས ཝེདྷཏཱི (སཱི སྱཱ.)] ཀམྨཝིརཱདྷཡིཏྭཱ;

པཛཔྤཏཱི [ས ཛཔྤཏཱི (སཱི. སྱཱ.)] པཏྠཡཏཱི ཙ སུདྡྷིཾ, སཏྠཱཝ ཧཱིནོ པཝསཾ གྷརམྷཱ.

སཙེ ཙུཏོ སཱིལཝཏཏོ ཧོཏཱིཏི. དྭཱིཧི ཀཱརཎེཧི སཱིལཝཏཏོ ཙཝཏི – པརཝིཙྪིནྡནཱཡ ཝཱ ཙཝཏི, ཨནབྷིསམྦྷུཎནྟོ ཝཱ ཙཝཏི. ཀཐཾ པརཝིཙྪིནྡནཱཡ ཙཝཏི? པརོ ཝིཙྪིནྡཏི སོ སཏྠཱ ན སབྦཉྙཱུ, དྷམྨོ ན སྭཱཀྑཱཏོ, གཎོ ན སུཔྤཊིཔནྣོ, དིཊྛི ན བྷདྡིཀཱ, པཊིཔདཱ ན སུཔཉྙཏྟཱ, མགྒོ ན ནིཡྻཱནིཀོ, ནཏྠེཏྠ སུདྡྷི ཝཱ ཝིསུདྡྷི ཝཱ པརིསུདྡྷི ཝཱ, མུཏྟི ཝཱ ཝིམུཏྟི ཝཱ པརིམུཏྟི ¶ ཝཱ, ནཏྠེཏྠ སུཛ྄ཛྷནྟི ཝཱ ཝིསུཛ྄ཛྷནྟི ཝཱ པརིསུཛ྄ཛྷནྟི ཝཱ, མུཙྩནྟི ཝཱ ཝིམུཙྩནྟི ཝཱ, པརིམུཙྩནྟི ཝཱ, ཧཱིནཱ ནིཧཱིནཱ ཨོམཀཱ ལཱམཀཱ ཚཏུཀྐཱ པརིཏྟཱཏི. ཨེཝཾ པརོ ཝིཙྪིནྡཏི. ཨེཝཾ ཝིཙྪིནྡིཡམཱནོ སཏྠཱརཱ ཙཝཏི, དྷམྨཀྑཱནཱ ¶ ཙཝཏི, གཎཱ ཙཝཏི, དིཊྛིཡཱ ཙཝཏི, པཊིཔདཱཡ ཙཝཏི, མགྒཏོ ཙཝཏི. ཨེཝཾ པརིཝིཙྪིནྡནཱཡ ¶ ཙཝཏི. ཀཐཾ ¶ ཨནབྷིསམྦྷུཎནྟོ ཙཝཏི? སཱིལཾ ཨནབྷིསམྦྷུཎནྟོ སཱིལཏོ ཙཝཏི, ཝཏཾ ཨནབྷིསམྦྷུཎནྟོ ཝཏཏོ ཙཝཏི, སཱིལབྦཏཾ ཨནབྷིསམྦྷུཎནྟོ སཱིལབྦཏཏོ ཙཝཏི. ཨེཝཾ ཨནབྷིསམྦྷུཎནྟོ ཙཝཏཱིཏི – སཙེ ཙུཏོ སཱིལཝཏཏོ ཧོཏི.

པཝེདྷཏི ཀམྨཝིརཱདྷཡིཏྭཱཏི. པཝེདྷཏཱིཏི སཱིལཾ ཝཱ ཝཏཾ ཝཱ སཱིལབྦཏཾ ཝཱ ‘‘ཝིརདྡྷཾ མཡཱ, ཨཔརདྡྷཾ མཡཱ, ཁལིཏཾ མཡཱ, གལིཏཾ མཡཱ, ཨཉྙཱཡ ཨཔརདྡྷོ ཨཧ’’ནྟི ཝེདྷཏི པཝེདྷཏི སམྤཝེདྷཏཱིཏི – པཝེདྷཏི. ཀམྨཝིརཱདྷཡིཏྭཱཏི པུཉྙཱབྷིསངྑཱརཾ ཝཱ ཨཔུཉྙཱབྷིསངྑཱརཾ ཝཱ ཨཱནེཉྫཱབྷིསངྑཱརཾ ཝཱ ‘‘ཝིརདྡྷཾ མཡཱ, ཨཔརདྡྷཾ མཡཱ, ཁལིཏཾ མཡཱ, གལིཏཾ མཡཱ, ཨཉྙཱཡ ཨཔརདྡྷོ ཨཧ’’ནྟི ཝེདྷཏི པཝེདྷཏི སམྤཝེདྷཏཱིཏི – པཝེདྷཏི ཀམྨཝིརཱདྷཡིཏྭཱ.

པཛཔྤཏཱི པཏྠཡཏཱི ཙ སུདྡྷིནྟི. པཛཔྤཏཱིཏི སཱིལཾ ཝཱ ཛཔྤཏི, ཝཏཾ ཝཱ ཛཔྤཏི, སཱིལབྦཏཾ ཝཱ ཛཔྤཏི པཛཔྤཏི ཨབྷིཛཔྤཏཱིཏི – པཛཔྤཏི. པཏྠཡཏཱི ཙ སུདྡྷིནྟི སཱིལསུདྡྷིཾ ཝཱ པཏྠེཏི, ཝཏསུདྡྷིཾ ཝཱ པཏྠེཏི, སཱིལབྦཏསུདྡྷིཾ ཝཱ པཏྠེཏི པིཧེཏི ཨབྷིཛཔྤཏཱིཏི ¶ – པཛཔྤཏཱི པཏྠཡཏཱི ཙ སུདྡྷིཾ.

སཏྠཱཝ ཧཱིནོ པཝསཾ གྷརམྷཱཏི. ཡཐཱ པུརིསོ གྷརཏོ ནིཀྑནྟོ སཏྠེན པཝསཾ ཝསནྟོ སཏྠཱ ཨོཧཱིནོ, ཏཾ ཝཱ སཏྠཾ ཨནུབནྡྷཏི སཀཾ ཝཱ གྷརཾ པཙྩཱགཙྪཏི; ཨེཝམེཝ སོ དིཊྛིགཏིཀོ ཏཾ ཝཱ སཏྠཱརཾ གཎྷཱཏི ཨཉྙཾ ཝཱ སཏྠཱརཾ གཎྷཱཏི, ཏཾ ཝཱ དྷམྨཀྑཱནཾ གཎྷཱཏི ཨཉྙཾ ཝཱ དྷམྨཀྑཱནཾ གཎྷཱཏི, ཏཾ ཝཱ གཎཾ གཎྷཱཏི ཨཉྙཾ ཝཱ གཎཾ གཎྷཱཏི, ཏཾ ཝཱ དིཊྛིཾ གཎྷཱཏི ཨཉྙཾ ཝཱ དིཊྛིཾ གཎྷཱཏི, ཏཾ ཝཱ པཊིཔདཾ གཎྷཱཏི ཨཉྙཾ ཝཱ པཊིཔདཾ གཎྷཱཏི, ཏཾ ཝཱ མགྒཾ གཎྷཱཏི ཨཉྙཾ ཝཱ མགྒཾ གཎྷཱཏི པརཱམསཏི ཨབྷིནིཝིསཏཱིཏི ¶ – སཏྠཱཝ ཧཱིནོ པཝསཾ གྷརམྷཱ.

‘‘སཙེ ཙུཏོ སཱིལཝཏཏོ ཧོཏི, པཝེདྷཏཱི ཀམྨཝིརཱདྷཡིཏྭཱ;

པཛཔྤཏཱི པཏྠཡཏཱི ཙ སུདྡྷིཾ, སཏྠཱཝ ཧཱིནོ པཝསཾ གྷརམྷཱ’’ཏི.

སཱིལབྦཏཾ ¶ ཝཱཔི པཧཱཡ སབྦཾ, ཀམྨཉྩ སཱཝཛྫནཝཛྫམེཏཾ;

སུདྡྷིཾ ཨསུདྡྷིནྟི ཨཔཏྠཡཱནོ, ཝིརཏོ ཙརེ སནྟིམནུགྒཧཱཡ.

སཱིལབྦཏཾ ¶ ཝཱཔི པཧཱཡ སབྦནྟི. སབྦཱ སཱིལསུདྡྷིཡོ པཧཱཡ ¶ པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམེཏྭཱ, སབྦཱ ཝཏསུདྡྷིཡོ པཧཱཡ པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམེཏྭཱ, སབྦཱ སཱིལབྦཏསུདྡྷིཡོ པཧཱཡ པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམེཏྭཱཏི – སཱིལབྦཏཾ ཝཱཔི པཧཱཡ སབྦཾ.

ཀམྨཉྩ སཱཝཛྫནཝཛྫམེཏནྟི. སཱཝཛྫཀམྨཾ ཝུཙྩཏི – ཀཎྷཾ ཀཎྷཝིཔཱཀཾ. ཨནཝཛྫཀམྨཾ ཝུཙྩཏི – སུཀྐཾ སུཀྐཝིཔཱཀཾ. སཱཝཛྫཉྩ ཀམྨཾ ཨནཝཛྫཉྩ ཀམྨཾ པཧཱཡ པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམེཏྭཱཏི – ཀམྨཉྩ སཱཝཛྫནཝཛྫམེཏཾ.

སུདྡྷིཾ ཨསུདྡྷིནྟི ཨཔཏྠཡཱནོཏི. ཨསུདྡྷིནྟི ཨསུདྡྷིཾ པཏྠེནྟི, ཨཀུསལེ དྷམྨེ པཏྠེནྟི. སུདྡྷིནྟི སུདྡྷིཾ པཏྠེནྟི, པཉྩ ཀཱམགུཎེ པཏྠེནྟི; ཨསུདྡྷིཾ པཏྠེནྟི, ཨཀུསལེ དྷམྨེ པཏྠེནྟི, པཉྩ ཀཱམགུཎེ པཏྠེནྟི; སུདྡྷིཾ པཏྠེནྟི, དྭཱསཊྛི དིཊྛིགཏཱནི པཏྠེནྟི, ཨསུདྡྷིཾ པཏྠེནྟི, ཨཀུསལེ དྷམྨེ པཏྠེནྟི, པཉྩ ཀཱམགུཎེ པཏྠེནྟི, དྭཱསཊྛི དིཊྛིགཏཱནི པཏྠེནྟི; སུདྡྷིཾ པཏྠེནྟི, ཏེདྷཱཏུཀེ ཀུསལེ དྷམྨེ པཏྠེནྟི, ཨསུདྡྷིཾ པཏྠེནྟི, ཨཀུསལེ དྷམྨེ པཏྠེནྟི, པཉྩ ཀཱམགུཎེ པཏྠེནྟི, དྭཱསཊྛི དིཊྛིགཏཱནི པཏྠེནྟི, ཏེདྷཱཏུཀེ ཀུསལེ ¶ དྷམྨེ པཏྠེནྟི; སུདྡྷིཾ པཏྠེནྟི, པུཐུཛྫནཀལྱཱཎཀཱ [ཀལྱཱཎཔུཐུཛྫནཱ (སྱཱ.) ཨེཝམཱིདིསེསུ ཋཱནེསུ] ནིཡཱམཱཝཀྐནྟིཾ [ནིཡཱམཱཝཏྟནྟིཾ (ཀ.)] པཏྠེནྟི. སེཀྑཱ ཨགྒདྷམྨཾ ¶ ཨརཧཏྟཾ པཏྠེནྟི. ཨརཧཏྟེ པཏྟེ ཨརཧཱ ནེཝ ཨཀུསལེ དྷམྨེ པཏྠེཏི, ནཔི པཉྩ ཀཱམགུཎེ པཏྠེཏི, ནཔི དྭཱསཊྛི དིཊྛིགཏཱནི པཏྠེཏི, ནཔི ཏེདྷཱཏུཀེ ཀུསལེ དྷམྨེ པཏྠེཏི, ནཔི ནིཡཱམཱཝཀྐནྟིཾ པཏྠེཏི, ནཔི ཨགྒདྷམྨཾ ཨརཧཏྟཾ པཏྠེཏི. པཏྠནཱ སམཏིཀྐནྟོ ཨརཧཱ ཝུདྡྷིཔཱརིཧཱནིཝཱིཏིཝཏྟོ [ཝུདྡྷིཔཱརིཧཱནིཾ ཝཱིཏིཝཏྟོ (སཱི.)]. སོ ཝུཊྛཝཱསོ ཙིཎྞཙརཎོ…པེ… ཛཱཏིཛརཱམརཎསཾསཱརོ ནཏྠི ཏསྶ པུནབྦྷཝོཏི – སུདྡྷིཾ ཨསུདྡྷིནྟི ཨཔཏྠཡཱནོ.

ཝིརཏོ ¶ ཙརེ སནྟིམནུགྒཧཱཡཱཏི. ཝིརཏོཏི སུདྡྷིཨསུདྡྷིཡཱ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ, ཝིམརིཡཱདིཀཏེན ཙེཏསཱ ཝིཧརཏཱིཏི – ཝིརཏོ. ཙརེཏི ཙརེཡྻ ཝིཙརེཡྻ ཝིཧརེཡྻ ཨིརིཡེཡྻ ཝཏྟེཡྻ པཱལེཡྻ ཡཔེཡྻ ཡཱཔེཡྻཱཏི – ཝིརཏོ ཙརེ. སནྟིམནུགྒཧཱཡཱཏི སནྟིཡོ ཝུཙྩནྟི དྭཱསཊྛི དིཊྛིགཏཱནི དིཊྛིསནྟིཡོ ཨགཎྷནྟོ ཨཔརཱམསནྟོ ཨནབྷིནིཝིསནྟོཏི – ཝིརཏོ ཙརེ སནྟིམནུགྒཧཱཡ.

‘‘སཱིལབྦཏཾ ཝཱཔི པཧཱཡ སབྦཾ, ཀམྨཉྩ སཱཝཛྫནཝཛྫམེཏཾ;

སུདྡྷིཾ ཨསུདྡྷིནྟི ཨཔཏྠཡཱནོ, ཝིརཏོ ཙརེ སནྟིམནུགྒཧཱཡཱ’’ཏི.

ཏམཱུཔནིསྶཱཡ ¶ ¶ ཛིགུཙྪིཏཾ ཝཱ, ཨཐ ཝཱཔི དིཊྛཾ ཝ སུཏཾ མུཏཾ ཝཱ;

ཨུདྡྷཾསརཱ སུདྡྷིམནུཏྠུནནྟི, ཨཝཱིཏཏཎྷཱསེ བྷཝཱབྷཝེསུ.

ཏམཱུཔནིསྶཱཡ ཛིགུཙྪིཏཾ ཝཱཏི. སནྟེཀེ སམཎབྲཱཧྨཎཱ ཏཔོཛིགུཙྪཝཱདཱ ཏཔོཛིགུཙྪསཱརཱ ཏཔོཛིགུཙྪནིསྶིཏཱ ཨཱནིསྶིཏཱ ཨལླཱིནཱ ཨུཔགཏཱ ཨཛ྄ཛྷོསིཏཱ ཨདྷིམུཏྟཱཏི – ཏམཱུཔནིསྶཱཡ ཛིགུཙྪིཏཾ ཝཱ.

ཨཐ ཝཱཔི དིཊྛཾ ཝ སུཏཾ མུཏཾ ཝཱཏི. དིཊྛཾ ཝཱ དིཊྛསུདྡྷིཾ ཝཱ སུཏཾ ཝཱ སུཏསུདྡྷིཾ ཝཱ མུཏཾ ཝཱ མུཏསུདྡྷིཾ ཝཱ ནིསྶཱཡ ཨུཔནིསྶཱཡ གཎྷིཏྭཱ པརཱམསིཏྭཱ ཨབྷིནིཝིསིཏྭཱཏི – ཨཐ ཝཱཔི དིཊྛཾ ཝ སུཏཾ མུཏཾ ཝཱ.

ཨུདྡྷཾསརཱ སུདྡྷིམནུཏྠུནནྟཱིཏི. སནྟེཀེ སམཎབྲཱཧྨཎཱ ཨུདྡྷཾསརཱཝཱདཱ. ཀཏམེ ཏེ སམཎབྲཱཧྨཎཱ ཨུདྡྷཾསརཱཝཱདཱ? ཡེ ཏེ སམཎབྲཱཧྨཎཱ ཨཙྩནྟསུདྡྷིཀཱ, སཾསཱརསུདྡྷིཀཱ, ཨཀིརིཡདིཊྛིཀཱ, སསྶཏཝཱདཱ – ཨིམེ ཏེ སམཎབྲཱཧྨཎཱ ཨུདྡྷཾསརཱཝཱདཱ. ཏེ སཾསཱརེ སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ ཐུནནྟི ཝདནྟི ཀཐེནྟི བྷཎནྟི དཱིཔཡནྟི ཝོཧརནྟཱིཏི – ཨུདྡྷཾསརཱ སུདྡྷིམནུཏྠུནནྟི.

ཨཝཱིཏཏཎྷཱསེ བྷཝཱབྷཝེསཱུཏི. ཏཎྷཱཏི རཱུཔཏཎྷཱ སདྡཏཎྷཱ གནྡྷཏཎྷཱ རསཏཎྷཱ ཕོཊྛབྦཏཎྷཱ དྷམྨཏཎྷཱ. བྷཝཱབྷཝེསཱུཏི བྷཝཱབྷཝེ ཀམྨབྷཝེ པུནབྦྷཝེ ཀཱམབྷཝེ, ཀམྨབྷཝེ ཀཱམབྷཝེ པུནབྦྷཝེ རཱུཔབྷཝེ ¶ , ཀམྨབྷཝེ རཱུཔབྷཝེ པུནབྦྷཝེ ཨརཱུཔབྷཝེ, ཀམྨབྷཝེ ཨརཱུཔབྷཝེ པུནབྦྷཝེ པུནཔྤུནབྦྷཝེ པུནཔྤུནགཏིཡཱ པུནཔྤུནཨུཔཔཏྟིཡཱ པུནཔྤུནཔཊིསནྡྷིཡཱ པུནཔྤུནཨཏྟབྷཱཝཱབྷིནིབྦཏྟིཡཱ ¶ ཨཝཱིཏཏཎྷཱ ཨཝིགཏཏཎྷཱ ཨཙཏྟཏཎྷཱ ཨཝནྟཏཎྷཱ ཨམུཏྟཏཎྷཱ ཨཔྤཧཱིནཏཎྷཱ ཨཔྤཊིནིསྶཊྛཏཎྷཱཏི – ཨཝཱིཏཏཎྷཱསེ བྷཝཱབྷཝེསུ.

‘‘ཏམཱུཔནིསྶཱཡ ¶ ཛིགུཙྪིཏཾ ཝཱ, ཨཐ ཝཱཔི དིཊྛཾ ཝ སུཏཾ མུཏཾ ཝཱ;

ཨུདྡྷཾསརཱ སུདྡྷིམནུཏྠུནནྟི, ཨཝཱིཏཏཎྷཱསེ བྷཝཱབྷཝེསཱུ’’ཏི.

པཏྠཡམཱནསྶ ཧི ཛཔྤིཏཱནི, པཝེདྷིཏཾ ཝཱཔི པཀཔྤིཏེསུ;

ཙུཏཱུཔཔཱཏོ ཨིདྷ ཡསྶ ནཏྠི, ས ཀེན ཝེདྷེཡྻ ཀུཧིཾ ཝ ཛཔྤེ.

པཏྠཡམཱནསྶ ཧི ཛཔྤིཏཱནཱིཏི. པཏྠནཱ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. པཏྠཡམཱནསྶཱཏི པཏྠཡམཱནསྶ ཨིཙྪམཱནསྶ སཱདིཡམཱནསྶ པིཧཡམཱནསྶ ཨབྷིཛཔྤཡམཱནསྶཱཏི – པཏྠཡམཱནསྶ ཧི. ཛཔྤིཏཱནཱིཏི. ཛཔྤནཱ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལནྟི – པཏྠཡམཱནསྶ ཧི ཛཔྤིཏཱནི.

པཝེདྷིཏཾ ཝཱཔི པཀཔྤིཏེསཱུཏི. པཀཔྤནཱཏི དྭེ པཀཔྤནཱ – ཏཎྷཱཔཀཔྤནཱ ཙ དིཊྛིཔཀཔྤནཱ ཙ…པེ… ཨཡཾ ཏཎྷཱཔཀཔྤནཱ…པེ… ཨཡཾ དིཊྛིཔཀཔྤནཱ. པཝེདྷིཏཾ ཝཱཔི པཀཔྤིཏེསཱུཏི. པཀཔྤིཏཾ ཝཏྠུཾ ཨཙྪེདསངྐིནོཔི ཝེདྷེནྟི, ཨཙྪིཛྫནྟེཔི ¶ ཝེདྷེནྟི, ཨཙྪིནྣེཔི ཝེདྷེནྟི; པཀཔྤིཏཾ ཝཏྠུཾ ཝིཔརིཎཱམསངྐིནོཔི ཝེདྷེནྟི, ཝིཔརིཎམནྟེཔི ཝེདྷེནྟི, ཝིཔརིཎཏེཔི ཝེདྷེནྟི པཝེདྷེནྟི སམྤཝེདྷེནྟཱིཏི – པཝེདྷིཏཾ ཝཱཔི པཀཔྤིཏེསུ.

ཙུཏཱུཔཔཱཏོ ཨིདྷ ཡསྶ ནཏྠཱིཏི. ཡསྶཱཏི ཨརཧཏོ ཁཱིཎཱསཝསྶ. ཡསྶ གམནཾ ཨཱགམནཾ གམནཱགམནཾ ཀཱལཾགཏི བྷཝཱབྷཝོ ཙུཏི ཙ ཨུཔཔཏྟི ཙ ནིབྦཏྟི ཙ བྷེདོ ཙ ཛཱཏི ཙ ཛརཱམརཎཉྩ ནཏྠི ན སནྟི ན སཾཝིཛྫནྟི ནུཔལབྦྷནྟི, པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ¶ ཉཱཎགྒིནཱ དཌྜྷཱཏི – ཙུཏཱུཔཔཱཏོ ཨིདྷ ཡསྶ ནཏྠི.

ས ¶ ཀེན ཝེདྷེཡྻ ཀུཧིཾ ཝ ཛཔྤེཏི. སོ ཀེན རཱགེན ཝེདྷེཡྻ, ཀེན དོསེན ཝེདྷེཡྻ, ཀེན མོཧེན ཝེདྷེཡྻ, ཀེན མཱནེན ཝེདྷེཡྻ, ཀཱཡ དིཊྛིཡཱ ཝེདྷེཡྻ, ཀེན ཨུདྡྷཙྩེན ཝེདྷེཡྻ, ཀཱཡ ཝིཙིཀིཙྪཱཡ ཝེདྷེཡྻ, ཀེཧི ཨནུསཡེཧི ཝེདྷེཡྻ – རཏྟོཏི ཝཱ དུཊྛོཏི ཝཱ མཱུལ༹ྷོཏི ཝཱ ཝིནིབདྡྷོཏི ཝཱ པརཱམཊྛོཏི ཝཱ ཝིཀྑེཔགཏོཏི ཝཱ ཨནིཊྛངྒཏོཏི ཝཱ ཐཱམགཏོཏི ཝཱ. ཏེ ཨབྷིསངྑཱརཱ པཧཱིནཱ; ཨབྷིསངྑཱརཱནཾ པཧཱིནཏྟཱ གཏིཡཱ ཀེན ཝེདྷེཡྻ – ནེརཡིཀོཏི ཝཱ ཏིརཙྪཱནཡོནིཀོཏི ཝཱ པེཏྟིཝིསཡིཀོཏི ཝཱ མནུསྶོཏི ཝཱ དེཝོཏི ཝཱ རཱུཔཱིཏི ཝཱ ཨརཱུཔཱིཏི ¶ ཝཱ སཉྙཱིཏི ཝཱ ཨསཉྙཱིཏི ཝཱ ནེཝསཉྙཱིནཱསཉྙཱིཏི ཝཱ, སོ ཧེཏུ ནཏྠི པཙྩཡོ ནཏྠི ཀཱརཎཾ ནཏྠི ཡེན ཝེདྷེཡྻ པཝེདྷེཡྻ སམྤཝེདྷེཡྻཱཏི ¶ – ས ཀེན ཝེདྷེཡྻ. ཀུཧིཾཝ ཛཔྤེཏི ཀུཧིཾ ཝཱ ཛཔྤེཡྻ ཀིམྷི ཛཔྤེཡྻ, ཀཏྠ ཛཔྤེཡྻ པཛཔྤེཡྻ ཨབྷིཛཔྤེཡྻཱཏི – ས ཀེན ཝེདྷེཡྻ ཀུཧིཾ ཝ ཛཔྤེ.

‘‘པཏྠཡམཱནསྶ ཧི ཛཔྤིཏཱནི, པཝེདྷིཏཾ ཝཱཔི པཀཔྤིཏེསུ;

ཙུཏཱུཔཔཱཏོ ཨིདྷ ཡསྶ ནཏྠི, ས ཀེན ཝེདྷེཡྻ ཀུཧིཾ ཝ ཛཔྤེ’’ཏི.

ཡམཱཧུ དྷམྨཾ པརམནྟི ཨེཀེ, ཏམེཝ ཧཱིནནྟི པནཱཧུ ཨཉྙེ;

སཙྩོ ནུ ཝཱདོ ཀཏམོ ཨིམེསཾ, སབྦེཝ ཧཱིམེ ཀུསལཱཝདཱནཱ.

ཡམཱཧུ དྷམྨཾ པརམནྟི ཨེཀེཏི. ཡཾ དྷམྨཾ དིཊྛིཾ པཊིཔདཾ མགྒཾ ཨེཀེ སམཎབྲཱཧྨཎཱ ‘‘ཨིདཾ པརམཾ ཨགྒཾ སེཊྛཾ ཝིསིཊྛཾ པཱམོཀྑཾ ཨུཏྟམཾ པཝར’’ནྟི ¶ , ཨེཝམཱཧཾསུ ཨེཝཾ ཀཐེནྟི ཨེཝཾ བྷཎནྟི ཨེཝཾ དཱིཔཡནྟི ཨེཝཾ ཝོཧརནྟཱིཏི – ཡམཱཧུ དྷམྨཾ པརམནྟི ཨེཀེ.

ཏམེཝ ཧཱིནནྟི པནཱཧུ ཨཉྙེཏི ཏམེཝ དྷམྨཾ དིཊྛིཾ པཊིཔདཾ མགྒཾ ཨེཀེ སམཎབྲཱཧྨཎཱ ‘‘ཧཱིནཾ ཨེཏཾ, ནིཧཱིནཾ ཨེཏཾ, ཨོམཀཾ ཨེཏཾ, ལཱམཀཾ ཨེཏཾ, ཚཏུཀྐཾ ཨེཏཾ, པརིཏྟཀཾ ཨེཏ’’ནྟི, ཨེཝམཱཧཾསུ ཨེཝཾ ཀཐེནྟི ཨེཝཾ བྷཎནྟི ཨེཝཾ དཱིཔཡནྟི ཨེཝཾ ཝོཧརནྟཱིཏི – ཏམེཝ ཧཱིནནྟི པནཱཧུ ཨཉྙེ.

སཙྩོ ¶ ¶ ནུ ཝཱདོ ཀཏམོ ཨིམེསནྟི. ཨིམེསཾ སམཎབྲཱཧྨཎཱནཾ ཝཱདོ ཀཏམོ སཙྩོ ཏཙྪོ ཏཐོ བྷཱུཏོ ཡཱཐཱཝོ ཨཝིཔརཱིཏོཏི – སཙྩོ ནུ ཝཱདོ ཀཏམོ ཨིམེསཾ.

‘‘ཡམཱཧུ དྷམྨཾ པརམནྟི ཨེཀེ, ཏམེཝ ཧཱིནནྟི པནཱཧུ ཨཉྙེ;

སཙྩོ ནུ ཝཱདོ ཀཏམོ ཨིམེསཾ, སབྦེཝ ཧཱིམེ ཀུསལཱཝདཱནཱ’’ཏི.

སཀཉྷི དྷམྨཾ པརིཔུཎྞམཱཧུ, ཨཉྙསྶ དྷམྨཾ པན ཧཱིནམཱཧུ;

ཨེཝམྤི ཝིགྒཡ྄ཧ ཝིཝཱདཡནྟི, སཀཾ སཀཾ སམྨུཏིམཱཧུ སཙྩཾ.

སཀཉྷི དྷམྨཾ པརིཔུཎྞམཱཧཱུཏི སཀཾ དྷམྨཾ དིཊྛིཾ པཊིཔདཾ མགྒཾ ཨེཀེ སམཎབྲཱཧྨཎཱ ‘‘ཨིདཾ སམཏྟཾ པརིཔུཎྞཾ ཨནོམ’’ནྟི, ཨེཝམཱཧཾསུ…པེ… ཨེཝཾ ཝོཧརནྟཱིཏི – སཀཉྷི དྷམྨཾ པརིཔུཎྞམཱཧུ.

ཨཉྙསྶ ¶ དྷམྨཾ པན ཧཱིནམཱཧཱུཏི. ཨཉྙསྶ དྷམྨཾ དིཊྛིཾ པཊིཔདཾ ¶ མགྒཾ ཨེཀེ སམཎབྲཱཧྨཎཱ ‘‘ཧཱིནཾ ཨེཏཾ, ནིཧཱིནཾ ཨེཏཾ, ཨོམཀཾ ཨེཏཾ, ལཱམཀཾ ཨེཏཾ, ཚཏུཀྐཾ ཨེཏཾ, པརིཏྟཀཾ ཨེཏ’’ནྟི, ཨེཝམཱཧཾསུ ཨེཝཾ ཀཐེནྟི ཨེཝཾ བྷཎནྟི ཨེཝཾ དཱིཔཡནྟི ཨེཝཾ ཝོཧརནྟཱིཏི – ཨཉྙསྶ དྷམྨཾ པན ཧཱིནམཱཧུ.

ཨེཝམྤི ཝིགྒཡ྄ཧ ཝིཝཱདཡནྟཱིཏི ཨེཝཾ གཧེཏྭཱ ཨུགྒཧེཏྭཱ གཎྷིཏྭཱ པརཱམསིཏྭཱ ཨབྷིནིཝིསིཏྭཱ ཝིཝཱདཡནྟི, ཀལཧཾ ཀརོནྟི, བྷཎྜནཾ ཀརོནྟི, ཝིགྒཧཾ ཀརོནྟི, ཝིཝཱདཾ ཀརོནྟི, མེདྷགཾ ཀརོནྟི – ‘‘ན ཏྭཾ ཨིམཾ དྷམྨཝིནཡཾ ཨཱཛཱནཱསི…པེ… ནིབྦེཋེཧི ཝཱ སཙེ པཧོསཱི’’ཏི – ཨེཝམྤི ཝིགྒཡ྄ཧ ཝིཝཱདཡནྟི.

སཀཾ སཀཾ སམྨུཏིམཱཧུ སཙྩནྟི. ‘‘སསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི – སཀཾ སཀཾ སམྨུཏིམཱཧུ སཙྩཾ. ‘‘ཨསསྶཏོ ལོཀོ ¶ …པེ… ནེཝ ཧོཏི ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི – སཀཾ སཀཾ སམྨུཏིམཱཧུ སཙྩཾ.

‘‘སཀཉྷི དྷམྨཾ པརིཔུཎྞམཱཧུ, ཨཉྙསྶ དྷམྨཾ པན ཧཱིནམཱཧུ;

ཨེཝམྤི ཝིགྒཡ྄ཧ ཝིཝཱདཡནྟི, སཀཾ སཀཾ སམྨུཏིམཱཧུ སཙྩ’’ནྟི.

པརསྶ ¶ ཙེ ཝམྦྷཡིཏེན ཧཱིནོ, ན ཀོཙི དྷམྨེསུ ཝིསེསི ཨསྶ;

པུཐཱུ ཧི ཨཉྙསྶ ཝདནྟི དྷམྨཾ, ནིཧཱིནཏོ སམྷི དལ༹ྷཾ ཝདཱནཱ.

པརསྶ ¶ ཙེ ཝམྦྷཡིཏེན ཧཱིནོཏི པརསྶ ཙེ ཝམྦྷཡིཏཀཱརཎཱ ནིནྡིཏཀཱརཎཱ གརཧིཏཀཱརཎཱ ཨུཔཝདིཏཀཱརཎཱ པརོ བཱལོ ཧོཏི ཧཱིནོ ནིཧཱིནོ ཨོམཀོ ལཱམཀོ ཚཏུཀྐོ པརིཏྟོཏི – པརསྶ ཙེ ཝམྦྷཡིཏེན ཧཱིནོ.

ན ཀོཙི དྷམྨེསུ ཝིསེསི ཨསྶཱཏི. དྷམྨེསུ ན ཀོཙི ཨགྒོ སེཊྛོ ཝིསིཊྛོ པཱམོཀྑོ ཨུཏྟམོ པཝརོ ཨསྶཱཏི – ན ཀོཙི དྷམྨེསུ ཝིསེསི ཨསྶ.

པུཐཱུ ¶ ཧི ཨཉྙསྶ ཝདནྟི དྷམྨཾ, ནིཧཱིནཏོཏི. བཧུཀཱཔི བཧཱུནཾ དྷམྨཾ ཝདནྟི ཨུཔཝདནྟི ནིནྡནྟི གརཧནྟི ཧཱིནཏོ ནིཧཱིནཏོ ཨོམཀཏོ ལཱམཀཏོ ཚཏུཀྐཏོ པརིཏྟཏོ, བཧུཀཱཔི ཨེཀསྶ དྷམྨཾ ཝདནྟི ཨུཔཝདནྟི ནིནྡནྟི གརཧནྟི ཧཱིནཏོ ནིཧཱིནཏོ ཨོམཀཏོ ལཱམཀཏོ ཚཏུཀྐཏོ པརིཏྟཏོ, ཨེཀོཔི བཧཱུནཾ དྷམྨཾ ཝདཏི ཨུཔཝདཏི ནིནྡཏི གརཧཏི ཧཱིནཏོ ནིཧཱིནཏོ ཨོམཀཏོ ལཱམཀཏོ ཚཏུཀྐཏོ པརིཏྟཏོ, ཨེཀོཔི ཨེཀསྶ དྷམྨཾ ཝདཏི ཨུཔཝདཏི ནིནྡཏི གརཧཏི ཧཱིནཏོ ནིཧཱིནཏོ ཨོམཀཏོ ལཱམཀཏོ ཚཏུཀྐཏོ པརིཏྟཏོཏི – པུཐཱུ ཧི ཨཉྙསྶ ཝདནྟི དྷམྨཾ.

ནིཧཱིནཏོ སམྷི དལ༹ྷཾ ཝདཱནཱཏི. དྷམྨོ སཀཱཡནཾ, དིཊྛི སཀཱཡནཾ, པཊིཔདཱ སཀཱཡནཾ, མགྒོ སཀཱཡནཾ, སཀཱཡནེ དལ༹ྷཝཱདཱ ཐིརཝཱདཱ བལིཀཝཱདཱ ¶ ཨཊྛིཏཝཱདཱཏི – ནིཧཱིནཏོ སམྷི དལ༹ྷཾ ཝདཱནཱ.

‘‘པརསྶ ¶ ཙེ ཝམྦྷཡིཏེན ཧཱིནོ, ན ཀོཙི དྷམྨེསུ ཝིསེསི ཨསྶ;

པུཐཱུ ཧི ཨཉྙསྶ ཝདནྟི དྷམྨཾ, ནིཧཱིནཏོ སམྷི དལ༹ྷཾ ཝདཱནཱ’’ཏི.

སདྡྷམྨཔཱུཛཱཔི [སདྡྷམྨཔཱུཛཱ ཙ (སཱི. སྱཱ.)] པནཱ ཏཐེཝ, ཡཐཱ པསཾསནྟི སཀཱཡནཱནི;

སབྦེཝ ཝཱདཱ [སབྦེ པཝཱདཱ (སྱཱ.)] ཏཐིཡཱ [ཏཐི ཝཱ (བཧཱུསུ)] བྷཝེཡྻུཾ, སུདྡྷཱི ཧི ནེསཾ པཙྩཏྟམེཝ.

སདྡྷམྨཔཱུཛཱཔི པནཱ ཏཐེཝཱཏི. ཀཏམཱ སདྡྷམྨཔཱུཛཱ? སཀཾ སཏྠཱརཾ སཀྐརོཏི གརུཾ ཀརོཏི ¶ མཱནེཏི པཱུཛེཏི ‘‘ཨཡཾ སཏྠཱ སབྦཉྙཱུ’’ཏི – ཨཡཾ སདྡྷམྨཔཱུཛཱ. སཀཾ དྷམྨཀྑཱནཾ སཀཾ གཎཾ སཀཾ དིཊྛིཾ སཀཾ པཊིཔདཾ སཀཾ མགྒཾ སཀྐརོཏི གརུཾ ཀརོཏི མཱནེཏི པཱུཛེཏི ‘‘ཨཡཾ མགྒོ ནིཡྻཱནིཀོ’’ཏི – ཨཡཾ སདྡྷམྨཔཱུཛཱ ¶ . སདྡྷམྨཔཱུཛཱཔི པནཱ ཏཐེཝཱཏི སདྡྷམྨཔཱུཛཱ ཏཐཱ ཏཙྪཱ བྷཱུཏཱ ཡཱཐཱཝཱ ཨཝིཔརཱིཏཱཏི – སདྡྷམྨཔཱུཛཱཔི པནཱ ཏཐེཝ.

ཡཐཱ པསཾསནྟི སཀཱཡནཱནཱིཏི. དྷམྨོ སཀཱཡནཾ དིཊྛི སཀཱཡནཾ པཊིཔདཱ སཀཱཡནཾ མགྒོ སཀཱཡནཾ, སཀཱཡནཱནི པསཾསནྟི ཐོམེནྟི ཀིཏྟེནྟི ཝཎྞེནྟཱིཏི – ཡཐཱ པསཾསནྟི སཀཱཡནཱནི.

སབྦེཝ ཝཱདཱ ཏཐིཡཱ བྷཝེཡྻུནྟི སབྦེཝ ཝཱདཱ ཏཐཱ ཏཙྪཱ བྷཱུཏཱ ཡཱཐཱཝཱ ཨཝིཔརཱིཏཱ བྷཝེཡྻུནྟི – སབྦེཝ ཝཱདཱ ཏཐིཡཱ བྷཝེཡྻུཾ.

སུདྡྷཱི ¶ ཧི ནེསཾ པཙྩཏྟམེཝཱཏི. པཙྩཏྟམེཝ ཏེསཾ སམཎབྲཱཧྨཎཱནཾ སུདྡྷི ཝིསུདྡྷི པརིསུདྡྷི, མུཏྟི ཝིམུཏྟི པརིམུཏྟཱིཏི – སུདྡྷཱི ཧི ནེསཾ པཙྩཏྟམེཝ.

‘‘སདྡྷམྨཔཱུཛཱཔི པནཱ ཏཐེཝ, ཡཐཱ པསཾསནྟི སཀཱཡནཱནི;

སབྦེཝ ཝཱདཱ ཏཐིཡཱ བྷཝེཡྻུཾ, སུདྡྷཱི ཧི ནེསཾ པཙྩཏྟམེཝཱ’’ཏི.

ན ¶ བྲཱཧྨཎསྶ པརནེཡྻམཏྠི, དྷམྨེསུ ནིཙྪེཡྻ སམུགྒཧཱིཏཾ;

ཏསྨཱ ཝིཝཱདཱནི ཨུཔཱཏིཝཏྟོ, ན ཧི སེཊྛཏོ པསྶཏི དྷམྨམཉྙཾ.

ན བྲཱཧྨཎསྶ པརནེཡྻམཏྠཱིཏི. ནཱཏི པཊིཀྑེཔོ. བྲཱཧྨཎོཏི སཏྟནྣཾ དྷམྨཱནཾ བཱཧིཏཏྟཱ བྲཱཧྨཎོ…པེ… ཨསིཏོ ཏཱདི པཝུཙྩཏེ ས བྲཧྨཱ. ན བྲཱཧྨཎསྶ པརནེཡྻམཏྠཱིཏི བྲཱཧྨཎསྶ པརནེཡྻཏཱ ནཏྠི, བྲཱཧྨཎོ ན པརནེཡྻོ, ན པརཔཏྟིཡོ, ན པརཔཙྩཡོ, ན པརཔཊིབདྡྷགཱུ [པརཔཊིབནྡྷགཱུ (ཀ.)] ཛཱནཱཏི པསྶཏི ཨསམྨཱུལ༹ྷོ སམྤཛཱནོ པཊིསྶཏོ. ‘‘སབྦེ སངྑཱརཱ ཨནིཙྩཱ’’ཏི བྲཱཧྨཎསྶ པརནེཡྻཏཱ ནཏྠི, བྲཱཧྨཎོ ན པརནེཡྻོ, ན པརཔཏྟིཡོ, ན པརཔཙྩཡོ, ན པརཔཊིབདྡྷགཱུ ཛཱནཱཏི ¶ པསྶཏི ཨསམྨཱུལ༹ྷོ སམྤཛཱནོ པཊིསྶཏོ. ‘‘སབྦེ སངྑཱརཱ དུཀྑཱ’’ཏི…པེ… ‘‘ཡཾ ¶ ཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨ’’ནྟི བྲཱཧྨཎསྶ པརནེཡྻཏཱ ནཏྠི, བྲཱཧྨཎོ ན པརནེཡྻོ ¶ , ན པརཔཏྟིཡོ, ན པརཔཙྩཡོ, ན པརཔཊིབདྡྷགཱུ ཛཱནཱཏི པསྶཏི ཨསམྨཱུལ༹ྷོ སམྤཛཱནོ པཊིསྶཏོཏི – ན བྲཱཧྨཎསྶ པརནེཡྻམཏྠི.

དྷམྨེསུ ནིཙྪེཡྻ སམུགྒཧཱིཏནྟི. དྷམྨེསཱུཏི དྭཱསཊྛིཡཱ དིཊྛིགཏེསུ. ནིཙྪེཡྻཱཏི ནིཙྪིནིཏྭཱ ཝིནིཙྪིནིཏྭཱ ཝིཙིནིཏྭཱ པཝིཙིནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ. ཨོདྷིགྒཱཧོ བིལགྒཱཧོ ཝརགྒཱཧོ ཀོཊྛཱསགྒཱཧོ ཨུཙྩཡགྒཱཧོ སམུཙྩཡགྒཱཧོ ‘‘ཨིདཾ སཙྩཾ ཏཐཾ བྷཱུཏཾ ཡཱཐཱཝཾ ཨཝིཔརཱིཏ’’ནྟི གཧིཏཾ པརཱམཊྛཾ ཨབྷིནིཝིཊྛཾ ཨཛ྄ཛྷོསིཏཾ ཨདྷིམུཏྟཾ ནཏྠི ན སནྟི ན སཾཝིཛྫཏི ནུཔལབྦྷཏི, པཧཱིནཾ སམུཙྪིནྣཾ ཝཱུཔསནྟཾ པཊིཔསྶདྡྷཾ ཨབྷབྦུཔྤཏྟིཀཾ ཉཱཎགྒིནཱ དཌྜྷནྟི – དྷམྨེསུ ནིཙྪེཡྻ སམུགྒཧཱིཏཾ.

ཏསྨཱ ཝིཝཱདཱནི ཨུཔཱཏིཝཏྟོཏི. ཏསྨཱཏི ཏསྨཱ ཏཾཀཱརཎཱ ཏཾཧེཏུ ཏཔྤཙྩཡཱ ཏཾནིདཱནཱ དིཊྛིཀལཧཱནི དིཊྛིབྷཎྜནཱནི དིཊྛིཝིགྒཧཱནི དིཊྛིཝིཝཱདཱནི དིཊྛིམེདྷགཱནི ཨུཔཱཏིཝཏྟོ ཨཏིཀྐནྟོ སམཏིཀྐནྟོ ཝཱིཏིཝཏྟོཏི – ཏསྨཱ ཝིཝཱདཱནི ཨུཔཱཏིཝཏྟོ.

ན ཧི སེཊྛཏོ པསྶཏི དྷམྨམཉྙནྟི. ཨཉྙཾ སཏྠཱརཾ དྷམྨཀྑཱནཾ གཎཾ དིཊྛིཾ པཊིཔདཾ མགྒཾ ཨཉྙཏྲ སཏིཔཊྛཱནེཧི, ཨཉྙཏྲ སམྨཔྤདྷཱནེཧི, ཨཉྙཏྲ ཨིདྡྷིཔཱདེཧི ¶ , ཨཉྙཏྲ ཨིནྡྲིཡེཧི, ཨཉྙཏྲ བལེཧི, ཨཉྙཏྲ བོཛ྄ཛྷངྒེཧི, ཨཉྙཏྲ ཨརིཡཱ ¶ ཨཊྛངྒིཀཱ མགྒཱ, ཨགྒཾ སེཊྛཾ ཝིསིཊྛཾ པཱམོཀྑཾ ཨུཏྟམཾ པཝརཾ དྷམྨཾ ན པསྶཏི ན དཀྑཏི ན ཨོལོཀེཏི ན ནིཛ྄ཛྷཱཡཏི ¶ ན ཨུཔཔརིཀྑཏཱིཏི – ན ཧི སེཊྛཏོ པསྶཏི དྷམྨམཉྙཾ.

‘‘ན བྲཱཧྨཎསྶ པརནེཡྻམཏྠི, དྷམྨེསུ ནིཙྪེཡྻ སམུགྒཧཱིཏཾ;

ཏསྨཱ ཝིཝཱདཱནི ཨུཔཱཏིཝཏྟོ, ན ཧི སེཊྛཏོ པསྶཏི དྷམྨམཉྙ’’ནྟི.

ཛཱནཱམི པསྶཱམི ཏཐེཝ ཨེཏཾ, དིཊྛིཡཱ ཨེཀེ པཙྩེནྟི སུདྡྷིཾ;

ཨདཀྑི ཙེ ཀིཉྷི ཏུམསྶ ཏེན, ཨཏིསིཏྭཱ ཨཉྙེན ཝདནྟི སུདྡྷིཾ.

ཛཱནཱམི པསྶཱམི ཏཐེཝ ཨེཏནྟི. ཛཱནཱམཱིཏི པརཙིཏྟཉཱཎེན [པརཙིཏྟཝིཛཱནནཉཱཎེན (སཱི.) ཨཊྛཀཐཱ ཨོལོཀེཏབྦཱ] ཝཱ ཛཱནཱམི, པུབྦེནིཝཱསཱནུསྶཏིཉཱཎེན ཝཱ ཛཱནཱམི. པསྶཱམཱིཏི མཾསཙཀྑུནཱ ཝཱ པསྶཱམི, དིབྦེན ཙཀྑུནཱ ¶ ཝཱ པསྶཱམི. ཏཐེཝ ཨེཏནྟི ཨེཏཾ ཏཐཾ ཏཙྪཾ བྷཱུཏཾ ཡཱཐཱཝཾ ཨཝིཔརཱིཏནྟི – ཛཱནཱམི པསྶཱམི ཏཐེཝ ཨེཏཾ.

དིཊྛིཡཱ ཨེཀེ པཙྩེནྟི སུདྡྷིནྟི. དིཊྛིཡཱ ཨེཀེ སམཎབྲཱཧྨཎཱ སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ པཙྩེནྟི. ‘‘སསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི དིཊྛིཡཱ ཨེཀེ སམཎབྲཱཧྨཎཱ སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ ¶ པཙྩེནྟི. ‘‘ཨསསྶཏོ ལོཀོ…པེ… ནེཝ ཧོཏི ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི དིཊྛིཡཱ ཨེཀེ སམཎབྲཱཧྨཎཱ སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ པཙྩེནྟཱིཏི – དིཊྛིཡཱ ཨེཀེ པཙྩེནྟི སུདྡྷིཾ.

ཨདཀྑི ཙེ ཀིཉྷི ཏུམསྶ ཏེནཱཏི. ཨདཀྑཱིཏི པརཙིཏྟཉཱཎེན ཝཱ ཨདཀྑི, པུབྦེནིཝཱསཱནུསྶཏིཉཱཎེན ཝཱ ཨདཀྑི, མཾསཙཀྑུནཱ ཝཱ ཨདཀྑི, དིབྦེན ཙཀྑུནཱ ཝཱ ཨདཀྑཱིཏི – ཨདཀྑི ཙེ. ཀིཉྷི ཏུམསྶ ཏེནཱཏི. ཏསྶ ཏེན དསྶནེན ཀིཾ ཀཏཾ? ན དུཀྑཔརིཉྙཱ ཨཏྠི, ན སམུདཡསྶ པཧཱནཾ ཨཏྠི, ན མགྒབྷཱཝནཱ ཨཏྠི, ན ¶ ཕལསཙྪིཀིརིཡཱ ཨཏྠི, ན རཱགསྶ སམུཙྪེདཔཧཱནཾ ཨཏྠི, ན དོསསྶ སམུཙྪེདཔཧཱནཾ ཨཏྠི, ན མོཧསྶ སམུཙྪེདཔཧཱནཾ ཨཏྠི ¶ , ན ཀིལེསཱནཾ སམུཙྪེདཔཧཱནཾ ཨཏྠི, ན སཾསཱརཝཊྚསྶ ཨུཔཙྪེདོ ཨཏྠཱིཏི – ཨདཀྑི ཙེ ཀིཉྷི ཏུམསྶ ཏེན.

ཨཏིསིཏྭཱ ཨཉྙེན ཝདནྟི སུདྡྷིནྟི ཏེ ཏིཏྠིཡཱ སུདྡྷིམགྒཾ ཝིསུདྡྷིམགྒཾ པརིསུདྡྷིམགྒཾ ཝོདཱཏམགྒཾ པརིཝོདཱཏམགྒཾ ཨཏིཀྐམིཏྭཱ སམཏིཀྐམིཏྭཱ ཝཱིཏིཝཏྟིཏྭཱ ཨཉྙཏྲ སཏིཔཊྛཱནེཧི, ཨཉྙཏྲ སམྨཔྤདྷཱནེཧི, ཨཉྙཏྲ ཨིདྡྷིཔཱདེཧི, ཨཉྙཏྲ ཨིནྡྲིཡེཧི, ཨཉྙཏྲ བལེཧི ཨཉྙཏྲ བོཛ྄ཛྷངྒེཧི, ཨཉྙཏྲ ཨརིཡཱ ཨཊྛངྒིཀཱ མགྒཱ སུདྡྷིཾ ཝིསུདྡྷིཾ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ ཝདནྟི ཀཐེནྟི བྷཎནྟི དཱིཔཡནྟི ཝོཧརནྟཱིཏི. ཨེཝམྤི ཨཏིསིཏྭཱ ཨཉྙེན ¶ ཝདནྟི སུདྡྷིཾ.

ཨཐ ཝཱ བུདྡྷཱ ཙ བུདྡྷསཱཝཀཱ ཙ པཙྩེཀབུདྡྷཱ ཙ ཏེསཾ ཏིཏྠིཡཱནཾ ཨསུདྡྷིམགྒཾ ཨཝིསུདྡྷིམགྒཾ ཨཔརིསུདྡྷིམགྒཾ ཨཝོདཱཏམགྒཾ ཨཔརིཝོདཱཏམགྒཾ ཨཏིཀྐམིཏྭཱ སམཏིཀྐམིཏྭཱ ཝཱིཏིཝཏྟིཏྭཱ ཙཏཱུཧི སཏིཔཊྛཱནེཧི ཙཏཱུཧི སམྨཔྤདྷཱནེཧི ཙཏཱུཧི ཨིདྡྷིཔཱདེཧི པཉྩཧི ཨིནྡྲིཡེཧི པཉྩཧི བལེཧི སཏྟཧི བོཛ྄ཛྷངྒེཧི ཨརིཡེན ཨཊྛངྒིཀེན མགྒེན སུདྡྷིཾ ཝིསུདྡྷིཾ ¶ པརིསུདྡྷིཾ, མུཏྟིཾ ཝིམུཏྟིཾ པརིམུཏྟིཾ ཝདནྟི ཀཐེནྟི བྷཎནྟི དཱིཔཡནྟི ཝོཧརནྟཱིཏི – ཨེཝམྤི ཨཏིསིཏྭཱ ཨཉྙེན ཝདནྟི སུདྡྷིཾ.

‘‘ཛཱནཱམི པསྶཱམི ཏཐེཝ ཨེཏཾ, དིཊྛིཡཱ ཨེཀེ པཙྩེནྟི སུདྡྷིཾ;

ཨདཀྑི ཙེ ཀིཉྷི ཏུམསྶ ཏེན, ཨཏིསིཏྭཱ ཨཉྙེན ཝདནྟི སུདྡྷི’’ནྟི.

པསྶཾ ནརོ དཀྑཏི ནཱམརཱུཔཾ, དིསྭཱན ཝཱ ཉཱཡཏི [ཉསྶཏི (སཱི. སྱཱ.)] ཏཱནིམེཝ;

ཀཱམཾ བཧུཾ པསྶཏུ ཨཔྤཀཾ ཝཱ, ན ཧི ཏེན སུདྡྷིཾ ཀུསལཱ ཝདནྟི.

པསྶཾ ¶ ནརོ དཀྑཏི ནཱམརཱུཔནྟི པསྶཾ ནརོ དཀྑཏི པརཙིཏྟཉཱཎེན ཝཱ པསྶནྟོ, པུབྦེནིཝཱསཱནུསྶཏིཉཱཎེན ཝཱ པསྶནྟོ, མཾསཙཀྑུནཱ ཝཱ པསྶནྟོ, དིབྦེན ཙཀྑུནཱ ཝཱ པསྶནྟོ ནཱམརཱུཔཾཡེཝ དཀྑཏི ནིཙྩཏོ སུཁཏོ ཨཏྟཏོ, ན ཏེསཾ དྷམྨཱནཾ སམུདཡཾ ཝཱ ¶ ཨཏྠངྒམཾ ཝཱ ཨསྶཱདཾ ཝཱ ཨཱདཱིནཝཾ ཝཱ ནིསྶརཎཾ ཝཱ དཀྑཏཱིཏི – པསྶཾ ནརོ དཀྑཏི ནཱམརཱུཔཾ.

དིསྭཱན ¶ ཝཱ ཉཱཡཏི ཏཱནིམེཝཱཏི. དིསྭཱཏི པརཙིཏྟཉཱཎེན ཝཱ དིསྭཱ, པུབྦེནིཝཱསཱནུསྶཏིཉཱཎེན ཝཱ དིསྭཱ, མཾསཙཀྑུནཱ ཝཱ དིསྭཱ, དིབྦེན ཙཀྑུནཱ ཝཱ དིསྭཱ, ནཱམརཱུཔཾཡེཝ དིསྭཱ ཉཱཡཏི ནིཙྩཏོ སུཁཏོ ཨཏྟཏོ, ན ཏེསཾ དྷམྨཱནཾ སམུདཡཾ ཝཱ ཨཏྠངྒམཾ ཝཱ ཨསྶཱདཾ ཝཱ ཨཱདཱིནཝཾ ཝཱ ནིསྶརཎཾ ཝཱ ཉཱཡཏཱིཏི – དིསྭཱན ཝཱ ཉཱཡཏི ཏཱནིམེཝ.

ཀཱམཾ བཧུཾ པསྶཏུ ཨཔྤཀཾ ཝཱཏི. ཀཱམཾ བཧུཀཾ ཝཱ པསྶནྟོ ནཱམརཱུཔཾ ཨཔྤཀཾ ཝཱ ནིཙྩཏོ སུཁཏོ ཨཏྟཏོཏི – ཀཱམཾ བཧུཾ པསྶཏུ ཨཔྤཀཾ ཝཱ.

ན ཧི ཏེན སུདྡྷིཾ ཀུསལཱ ཝདནྟཱིཏི. ཀུསལཱཏི ཡེ ཏེ ཁནྡྷཀུསལཱ དྷཱཏུཀུསལཱ ཨཱཡཏནཀུསལཱ པཊིཙྩསམུཔྤཱདཀུསལཱ སཏིཔཊྛཱནཀུསལཱ སམྨཔྤདྷཱནཀུསལཱ ཨིདྡྷིཔཱདཀུསལཱ ཨིནྡྲིཡཀུསལཱ བལཀུསལཱ བོཛ྄ཛྷངྒཀུསལཱ མགྒཀུསལཱ ཕལཀུསལཱ ནིབྦཱནཀུསལཱ, ཏེ ཀུསལཱ པརཙིཏྟཉཱཎེན ཝཱ པུབྦེནིཝཱསཱནུསྶཏིཉཱཎེན ཝཱ མཾསཙཀྑུནཱ ཝཱ དིབྦེན ཙཀྑུནཱ ཝཱ ནཱམརཱུཔདསྶནེན ¶ སུདྡྷིཾ ཝིསུདྡྷིཾ པརིསུདྡྷིཾ མུཏྟིཾ ཝིམུཏྟིཾ པརིམུཏྟིཾ ན ཝདནྟི ན ཀཐེནྟི ན བྷཎནྟི ན དཱིཔཡནྟི ན ཝོཧརནྟཱིཏི – ན ཧི ཏེན སུདྡྷིཾ ཀུསལཱ ཝདནྟི.

‘‘པསྶཾ ¶ ནརོ དཀྑཏི ནཱམརཱུཔཾ, དིསྭཱན ཝཱ ཉཱཡཏི ཏཱནིམེཝ;

ཀཱམཾ བཧུཾ པསྶཏུ ཨཔྤཀཾ ཝཱ, ན ཧི ཏེན སུདྡྷིཾ ཀུསལཱ ཝདནྟཱི’’ཏི.

ནིཝིསྶཝཱདཱི ¶ ན ཧི སུབྦིནཱཡོ, པཀཔྤིཏཱ དིཊྛིཔུརེཀྑརཱནོ;

ཡཾ ནིསྶིཏོ ཏཏྠ སུབྷཾ ཝདཱནོ, སུདྡྷིཾ ཝདོ ཏཏྠ ཏཐདྡསཱ སོ.

ནིཝིསྶཝཱདཱི ན ཧི སུབྦིནཱཡོཏི. ‘‘སསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི ནིཝིསྶཝཱདཱི, ‘‘ཨསསྶཏོ ལོཀོ…པེ… ནེཝ ཧོཏི ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི – ནིཝིསྶཝཱདཱི. ན ཧི སུབྦིནཱཡོཏི. ནིཝིསྶཝཱདཱི དུབྦིནཡོ དུཔྤཉྙཱཔཡོ [དུཔྤཉྙཱཔིཡོ (སཱི.) ཨེཝམཱིདིསེསུ ཋཱནེསུ] དུནྣིཛ྄ཛྷཱཔཡོ ¶ དུཔྤེཀྑཱཔཡོ དུཔྤསཱདཡོཏི – ནིཝིསྶཝཱདཱི ན ཧི སུབྦིནཱཡོ.

པཀཔྤིཏཱ དིཊྛིཔུརེཀྑརཱནོཏི. ཀཔྤིཏཱ པཀཔྤིཏཱ ཨབྷིསངྑཏཱ སཎྛཔིཏཱ དིཊྛིཾ པུརེཀྑཏོ ཀཏྭཱ ཙརཏི. དིཊྛིདྷཛོ དིཊྛིཀེཏུ དིཊྛཱདྷིཔཏེཡྻོ དིཊྛིཡཱ པརིཝཱརིཏོ ཙརཏཱིཏི – པཀཔྤིཏཱ དིཊྛིཔུརེཀྑརཱནོ.

ཡཾ ནིསྶིཏོ ཏཏྠ སུབྷཾ ཝདཱནོཏི. ཡཾ ནིསྶིཏོཏི ཡཾ སཏྠཱརཾ དྷམྨཀྑཱནཾ གཎཾ དིཊྛིཾ པཊིཔདཾ མགྒཾ ནིསྶིཏོ ཨཱནིསྶིཏོ ཨལླཱིནོ ¶ ཨུཔགཏོ ཨཛ྄ཛྷོསིཏོ ཨདྷིམུཏྟོཏི – ཡཾ ནིསྶིཏོ. ཏཏྠཱཏི སཀཱཡ དིཊྛིཡཱ སཀཱཡ ཁནྟིཡཱ སཀཱཡ རུཙིཡཱ སཀཱཡ ལདྡྷིཡཱ. སུབྷཾ ཝདཱནོཏི སུབྷཝཱདོ སོབྷནཝཱདོ པཎྜིཏཝཱདོ ཐིརཝཱདོ ཉཱཡཝཱདོ ཧེཏུཝཱདོ ལཀྑཎཝཱདོ ཀཱརཎཝཱདོ ཋཱནཝཱདོ སཀཱཡ ལདྡྷིཡཱཏི – ཡཾ ནིསྶིཏོ ཏཏྠ སུབྷཾ ཝདཱནོ.

སུདྡྷིཾ ཝདོ ཏཏྠ ཏཐདྡསཱ སོཏི. སུདྡྷིཝཱདོ ¶ ཝིསུདྡྷིཝཱདོ པརིསུདྡྷིཝཱདོ ཝོདཱཏཝཱདོ པརིཝོདཱཏཝཱདོ. ཨཐ ཝཱ སུདྡྷིདསྶནོ ཝིསུདྡྷིདསྶནོ པརིསུདྡྷིདསྶནོ ཝོདཱཏདསྶནོ པརིཝོདཱཏདསྶནོཏི – སུདྡྷིཾ ཝཱདོ. ཏཏྠཱཏི སཀཱཡ དིཊྛིཡཱ སཀཱཡ ཁནྟིཡཱ སཀཱཡ རུཙིཡཱ ¶ སཀཱཡ ལདྡྷིཡཱ ཏཐཾ ཏཙྪཾ བྷཱུཏཾ ཡཱཐཱཝཾ ཨཝིཔརཱིཏནྟི ཨདྡསྶ ཨདཀྑི ཨཔསྶི པཊིཝིཛ྄ཛྷཱིཏི – སུདྡྷིཾ ཝཱདོ ཏཏྠ ཏཐདྡསཱ སོ.

‘‘ནིཝིསྶཝཱདཱི ན ཧི སུབྦིནཱཡོ, པཀཔྤིཏཱ དིཊྛིཔུརེཀྑརཱནོ;

ཡཾ ནིསྶིཏོ ཏཏྠ སུབྷཾ ཝདཱནོ, སུདྡྷིཾ ཝདོ ཏཏྠ ཏཐདྡསཱ སོ’’ཏི.

ན བྲཱཧྨཎོ ཀཔྤམུཔེཏི སངྑཱ, ན དིཊྛིསཱརཱི ནཔི ཉཱཎབནྡྷུ;

ཉཏྭཱ ཙ སོ སམྨུཏིཡོ པུཐུཛྫཱ, ཨུཔེཀྑཏཱི ཨུགྒཧཎནྟི མཉྙེ.

ན ¶ བྲཱཧྨཎོ ཀཔྤམུཔེཏི སངྑཱཏི. ནཱཏི པཊིཀྑེཔོ. བྲཱཧྨཎོཏི སཏྟནྣཾ དྷམྨཱནཾ བཱཧིཏཏྟཱ བྲཱཧྨཎོ…པེ… ཨསིཏོ ཏཱདི པཝུཙྩཏེ ས བྲཧྨཱ. ཀཔྤཱཏི དྭེ ཀཔྤཱ – ཏཎྷཱཀཔྤོ ཙ དིཊྛིཀཔྤོ ཙ…པེ… ཨཡཾ ཏཎྷཱཀཔྤོ…པེ… ཨཡཾ དིཊྛིཀཔྤོ. སངྑཱ ཝུཙྩཏི ཉཱཎཾ. ཡཱ པཉྙཱ པཛཱནནཱ…པེ… ཨམོཧོ ¶ དྷམྨཝིཙཡོ སམྨཱདིཊྛི. ན བྲཱཧྨཎོ ཀཔྤམུཔེཏི སངྑཱཏི. བྲཱཧྨཎོ སངྑཱཡ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ. ‘‘སབྦེ སངྑཱརཱ ཨནིཙྩཱ… སབྦེ སངྑཱརཱ དུཀྑཱ…པེ… ཡཾ ཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨ’’ནྟི སངྑཱཡ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ ཏཎྷཱཀཔྤཾ ཝཱ དིཊྛིཀཔྤཾ ¶ ཝཱ ནེཏི ན ཨུཔེཏི ན ཨུཔགཙྪཏི ན གཎྷཱཏི ན པརཱམསཏི ནཱབྷིནིཝིསཏཱིཏི – ན བྲཱཧྨཎོ ཀཔྤམུཔེཏི སངྑཱ.

ན དིཊྛིསཱརཱི ནཔི ཉཱཎབནྡྷཱུཏི. ཏསྶ དྭཱསཊྛི དིཊྛིགཏཱནི པཧཱིནཱནི སམུཙྪིནྣཱནི ཝཱུཔསནྟཱནི པཊིཔསྶདྡྷཱནི ཨབྷབྦུཔྤཏྟིཀཱནི ཉཱཎགྒིནཱ དཌྜྷཱནི. སོ དིཊྛིཡཱ ན ཡཱཡཏི ན ནཱིཡཏི ན ཝུཡ྄ཧཏི ན སཾཧརཱིཡཏི ནཔི ཏཾ དིཊྛིགཏཾ སཱརཏོ པཙྩེཏི ན པཙྩཱགཙྪཏཱིཏི – ན དིཊྛིསཱརཱི. ནཔི ཉཱཎབནྡྷཱུཏི ཨཊྛསམཱཔཏྟིཉཱཎེན ཝཱ པཉྩཱབྷིཉྙཱཉཱཎེན ཝཱ ཏཎྷཱབནྡྷུཾ ཝཱ དིཊྛིབནྡྷུཾ ཝཱ ན ཀརོཏི ན ཛནེཏི ན སཉྫནེཏི ན ནིབྦཏྟེཏི ¶ ནཱབྷིནིབྦཏྟེཏཱིཏི – ན དིཊྛིསཱརཱི ནཔི ཉཱཎབནྡྷུ.

ཉཏྭཱ ཙ སོ སམྨུཏིཡོ པུཐུཛྫཱཏི. ཉཏྭཱཏི ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ. ‘‘སབྦེ སངྑཱརཱ ཨནིཙྩཱ’’ཏི ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ, ‘‘སབྦེ སངྑཱརཱ དུཀྑཱ’’ཏི…པེ… ‘‘ཡཾ ཀིཉྩི སམུདཡདྷམྨཾ ¶ སབྦཾ ཏཾ ནིརོདྷདྷམྨ’’ནྟི ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱཏི – ཉཏྭཱ ཙ སོ. སམྨུཏིཡོ ཝུཙྩནྟི དྭཱསཊྛི དིཊྛིགཏཱནི དིཊྛིསམྨུཏིཡོ. པུཐུཛྫཱཏི པུཐུཛྫནེཧི ཛནིཏཱ ཝཱ ཏཱ སམྨུཏིཡོཏི – པུཐུཛྫཱ. པུཐུ ནཱནཱཛནེཧི ཛནིཏཱ ཝཱ སམྨུཏིཡོཏི པུཐུཛྫཱཏི – ཉཏྭཱ ཙ སོ སམྨུཏིཡོ པུཐུཛྫཱ.

ཨུཔེཀྑཏཱི ཨུགྒཧཎནྟི མཉྙེཏི. ཨཉྙེ ཏཎྷཱཝསེན དིཊྛིཝསེན གཎྷནྟི པརཱམསནྟི ཨབྷིནིཝིསནྟི. ཨརཧཱ ཨུཔེཀྑཏི ན གཎྷཱཏི ན པརཱམསཏི ནཱབྷིནིཝིསཏཱིཏི – ཨུཔེཀྑཏཱི ཨུགྒཧཎནྟི མཉྙེ.

‘‘ན བྲཱཧྨཎོ ཀཔྤམུཔེཏི སངྑཱ, ན དིཊྛིསཱརཱི ནཔི ཉཱཎབནྡྷུ;

ཉཏྭཱ ཙ སོ སམྨུཏིཡོ པུཐུཛྫཱ, ཨུཔེཀྑཏཱི ཨུགྒཧཎནྟི མཉྙེ’’ཏི.

ཝིསྶཛྫ ¶ ¶ གནྠཱནི མུནཱིདྷ ལོཀེ, ཝིཝཱདཛཱཏེསུ ན ཝགྒསཱརཱི;

སནྟོ ¶ ཨསནྟེསུ ཨུཔེཀྑཀོ སོ, ཨནུགྒཧོ ཨུགྒཧཎནྟི མཉྙེ.

ཝིསྶཛྫ གནྠཱནི མུནཱིདྷ ལོཀེཏི. གནྠཱཏི ཙཏྟཱརོ གནྠཱ – ཨབྷིཛ྄ཛྷཱ ཀཱཡགནྠོ, བྱཱཔཱདོ ཀཱཡགནྠོ, སཱིལབྦཏཔརཱམཱསོ ཀཱཡགནྠོ, ཨིདཾསཙྩཱབྷིནིཝེསོ ཀཱཡགནྠོ. ཨཏྟནོ དིཊྛིཡཱ རཱགོ ཨབྷིཛ྄ཛྷཱ ཀཱཡགནྠོ, པརཝཱདེསུ ཨཱགྷཱཏོ ཨཔྤཙྩཡོ བྱཱཔཱདོ ཀཱཡགནྠོ, ཨཏྟནོ སཱིལཾ ཝཱ ཝཏཾ ཝཱ སཱིལབྦཏཾ ཝཱ པརཱམསཏི སཱིལབྦཏཔརཱམཱསོ ཀཱཡགནྠོ, ཨཏྟནོ དིཊྛིཾ ཨབྷིནིཝེསོ ཀཱཡགནྠོ ཨིདཾསཙྩཱབྷིནིཝེསོ ཀཱཡགནྠོ. ཝིསྶཛྫཱཏི གནྠེ ཝོསྶཛྫིཏྭཱ ཝིསྶཛྫ. ཨཐ ཝཱ གནྠེ གདྷིཏེ གནྠིཏེ [གཐིཏེ གཎྛིཏེ (བཧཱུསུ) སུདྡྷཊྛཀསུཏྟེ སཏྟམགཱཐཱཝཎྞནཱ ཨོལོཀེཏབྦཱ] བནྡྷེ ཝིབནྡྷེ ཨཱབནྡྷེ [བདྡྷེ ཝིབདྡྷེ ཨཱབདྡྷེ (སཱི.)] ལགྒེ ལགྒིཏེ པལིབུདྡྷེ བནྡྷནེ ཕོཊཡིཏྭཱ ཝིསྶཛྫ. ཡཐཱ ཝཡ྄ཧཾ ཝཱ རཐཾ ཝཱ སཀཊཾ ཝཱ སནྡམཱནིཀཾ ཝཱ སཛྫཾ ཝིསྶཛྫཾ ཀརོནྟི ཝིཀོཔེནྟི; ཨེཝམེཝ གནྠེ ཝོསྶཛྫིཏྭཱ ཝིསྶཛྫ. ཨཐ ཝཱ གནྠེ གཐིཏེ གཎྛིཏེ བནྡྷེ ཝིབནྡྷེ ཨཱབནྡྷེ ལགྒེ ལགྒིཏེ པལིབུདྡྷེ བནྡྷནེ ཕོཊཡིཏྭཱ ཝིསྶཛྫ. མུནཱིཏི. མོནཾ ཝུཙྩཏི ཉཱཎཾ…པེ… སངྒཛཱལམཏིཙྩ སོ མུནི. ཨིདྷཱཏི ཨིམིསྶཱ དིཊྛིཡཱ…པེ… ཨིམསྨིཾ མནུསྶལོཀེཏི – ཝིསྶཛྫ གནྠཱནི མུནཱིདྷ ལོཀེ.

ཝིཝཱདཛཱཏེསུ ན ཝགྒསཱརཱིཏི. ཝིཝཱདཛཱཏེསུ སཉྫཱཏེསུ ནིབྦཏྟེསུ ཨབྷིནིབྦཏྟེསུ པཱཏུབྷཱུཏེསུ [ཝིཝཱདེ ཛཱཏེ སཉྫཱཏེ ནིབྦཏྟེ ཨབྷིནིབྦཏྟེ པཱཏུབྷཱུཏེ (སཱི. ཀ.)] ཚནྡཱགཏིཾ གཙྪནྟེསུ དོསཱགཏིཾ ¶ གཙྪནྟེསུ ¶ བྷཡཱགཏིཾ གཙྪནྟེསུ མོཧཱགཏིཾ གཙྪནྟེསུ ¶ ན ཚནྡཱགཏིཾ གཙྪཏི, ན དོསཱགཏིཾ གཙྪཏི, ན བྷཡཱགཏིཾ གཙྪཏི, ན མོཧཱགཏིཾ གཙྪཏི, ན རཱགཝསེན གཙྪཏི, ན དོསཝསེན གཙྪཏི, ན མོཧཝསེན གཙྪཏི, ན མཱནཝསེན གཙྪཏི, ན དིཊྛིཝསེན གཙྪཏི, ན ཨུདྡྷཙྩཝསེན གཙྪཏི, ན ཝིཙིཀིཙྪཱཝསེན གཙྪཏི, ན ཨནུསཡཝསེན གཙྪཏི, ན ཝགྒེཧི དྷམྨེཧི ཡཱཡཏི ནཱིཡཏི ཝུཡ྄ཧཏི སཾཧརཱིཡཏཱིཏི – ཝིཝཱདཛཱཏེསུ ན ཝགྒསཱརཱི.

སནྟོ ཨསནྟེསུ ཨུཔེཀྑཀོ སོཏི. སནྟོཏི རཱགསྶ སནྟཏྟཱ སནྟོ, དོསསྶ སནྟཏྟཱ སནྟོ, མོཧསྶ སནྟཏྟཱ སནྟོ…པེ… སབྦཱཀུསལཱབྷིསངྑཱརཱནཾ སནྟཏྟཱ སམིཏཏྟཱ ཝཱུཔསམིཏཏྟཱ ཝིཛ྄ཛྷཱཏཏྟཱ ནིབྦུཏཏྟཱ ¶ ཝིགཏཏྟཱ པཊིཔསྶདྡྷཏྟཱ སནྟོ ཨུཔསནྟོ ཝཱུཔསནྟོ ནིབྦུཏོ པཊིཔསྶདྡྷོཏི – སནྟོ. ཨསནྟེསཱུཏི ཨསནྟེསུ ཨནུཔསནྟེསུ ཨཝཱུཔསནྟེསུ ཨནིབྦུཏེསུ ཨཔྤཊིཔསྶདྡྷེསཱུཏི – སནྟོ ཨསནྟེསུ. ཨུཔེཀྑཀོ སོཏི ཨརཧཱ ཚལ༹ངྒུཔེཀྑཱཡ སམནྣཱགཏོ ཙཀྑུནཱ རཱུཔཾ དིསྭཱ ནེཝ སུམནོ ཧོཏི ན དུམྨནོ ཨུཔེཀྑཀོ ཝིཧརཏི སཏོ སམྤཛཱནོ. སོཏེན སདྡཾ སུཏྭཱ…པེ… ཀཱལཾ ཀངྑཏི བྷཱཝིཏོ སནྟོཏི – སནྟོ ཨསནྟེསུ ཨུཔེཀྑཀོ སོ.

ཨནུགྒཧོ ཨུགྒཧཎནྟི མཉྙེཏི. ཨཉྙེ ཏཎྷཱཝསེན དིཊྛིཝསེན གཎྷནྟེ པརཱམསནྟེ ཨབྷིནིཝིསནྟེ. ཨརཧཱ ཨུཔེཀྑཏི ན ¶ གཎྷཱཏི ན པརཱམསཏི ནཱབྷིནིཝིསཏཱིཏི – ཨནུགྒཧོ ཨུགྒཧཎནྟི མཉྙེ.

‘‘ཝིསྶཛྫ གནྠཱནི མུནཱིདྷ ལོཀེ, ཝིཝཱདཛཱཏེསུ ན ཝགྒསཱརཱི;

སནྟོ ཨསནྟེསུ ཨུཔེཀྑཀོ སོ, ཨནུགྒཧོ ཨུགྒཧཎནྟི མཉྙེ’’ཏི.

པུབྦཱསཝེ ཧིཏྭཱ ནཝེ ཨཀུབྦཾ, ན ཚནྡགཱུ ནོཔི ནིཝིསྶཝཱདཱི;

ས ཝིཔྤམུཏྟོ དིཊྛིགཏེཧི དྷཱིརོ, ན ལིམྤཏི ལོཀེ ཨནཏྟགརཧཱི.

པུབྦཱསཝེ ¶ ཧིཏྭཱ ནཝེ ཨཀུབྦནྟི. པུབྦཱསཝཱ ཝུཙྩནྟི ཨཏཱིཏཱ རཱུཔཝེདནཱསཉྙཱསངྑཱརཝིཉྙཱཎཱ. ཨཏཱིཏེ སངྑཱརེ ཨཱརབྦྷ ཡེ ཀིལེསཱ ཨུཔྤཛྫེཡྻུཾ ཏེ ཀིལེསེ ཧིཏྭཱ ཙཛིཏྭཱ པརིཙྩཛིཏྭཱ པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམེཏྭཱཏི – པུབྦཱསཝེ ཧིཏྭཱ. ནཝེ ཨཀུབྦནྟི ནཝཱ ཝུཙྩནྟི པཙྩུཔྤནྣཱ རཱུཔཝེདནཱསཉྙཱསངྑཱརཝིཉྙཱཎཱ. པཙྩུཔྤནྣེ ¶ སངྑཱརེ ཨཱརབྦྷ ཚནྡཾ [ཁནྟིཾ (ཀ.)] ཨཀུབྦམཱནོ པེམཾ ཨཀུབྦམཱནོ རཱགཾ ཨཀུབྦམཱནོ ཨཛནཡམཱནོ ཨསཉྫནཡམཱནོ ཨནིབྦཏྟཡམཱནོ ཨནབྷིནིབྦཏྟཡམཱནོཏི – པུབྦཱསཝེ ཧིཏྭཱ ནཝེ ཨཀུབྦཾ.

ན ཚནྡགཱུ ནོཔི ནིཝིསྶཝཱདཱིཏི. ན ཚནྡཱགཏིཾ གཙྪཏི ¶ , ན དོསཱགཏིཾ གཙྪཏི, ན མོཧཱགཏིཾ གཙྪཏི, ན བྷཡཱགཏིཾ གཙྪཏི, ན རཱགཝསེན གཙྪཏི ¶ , ན དོསཝསེན གཙྪཏི, ན མོཧཝསེན གཙྪཏི, ན མཱནཝསེན གཙྪཏི, ན དིཊྛིཝསེན གཙྪཏི, ན ཨུདྡྷཙྩཝསེན གཙྪཏི, ན ཝིཙིཀིཙྪཱཝསེན གཙྪཏི, ན ཨནུསཡཝསེན གཙྪཏི, ན ཝགྒེཧི དྷམྨེཧི ཡཱཡཏི ནཱིཡཏི ཝུཡ྄ཧཏི ན སཾཧརཱིཡཏཱིཏི – ན ཚནྡགཱུ. ནོཔི ནིཝིསྶཝཱདཱིཏི ‘‘སསྶཏོ ལོཀོ, ཨིདམེཝ སཙྩཾ མོགྷམཉྙ’’ནྟི ན ནིཝིསྶཝཱདཱི…པེ… ‘‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ, ཨིདམེཝ སཙྩཾ མོགྷམཉྙ’’ནྟི ན ནིཝིསྶཝཱདཱིཏི – ན ཚནྡགཱུ ནོཔི ནིཝིསྶཝཱདཱི.

ས ཝིཔྤམུཏྟོ དིཊྛིགཏེཧི དྷཱིརོཏི ཏསྶ དྭཱསཊྛི དིཊྛིགཏཱནི པཧཱིནཱནི སམུཙྪིནྣཱནི ཝཱུཔསནྟཱནི པཊིཔསྶདྡྷཱནི ཨབྷབྦུཔྤཏྟིཀཱནི ཉཱཎགྒིནཱ དཌྜྷཱནི. སོ དིཊྛིགཏེཧི ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏི. དྷཱིརོཏི དྷཱིརོ པཎྜིཏོ པཉྙཝཱ བུདྡྷིམཱ ཉཱཎཱི ཝིབྷཱཝཱི མེདྷཱཝཱིཏི – ས ཝིཔྤམུཏྟོ དིཊྛིགཏེཧི དྷཱིརོ.

ན ལིམྤཏི ལོཀེ ཨནཏྟགརཧཱིཏི. ལེཔཱཏི དྭེ ལེཔཱ – ཏཎྷཱལེཔོ ཙ དིཊྛིལེཔོ ཙ…པེ… ཨཡཾ ཏཎྷཱལེཔོ ¶ …པེ… ཨཡཾ དིཊྛིལེཔོ. ཏསྶ ཏཎྷཱལེཔོ པཧཱིནོ, དིཊྛིལེཔོ པཊིནིསྶཊྛོ; ཏསྶ ཏཎྷཱལེཔསྶ པཧཱིནཏྟཱ, དིཊྛིལེཔསྶ པཊིནིསྶཊྛཏྟཱ ཨཔཱཡལོཀེ ན ལིམྤཏི, མནུསྶལོཀེ ན ལིམྤཏི, དེཝལོཀེ ན ¶ ལིམྤཏི, ཁནྡྷལོཀེ ན ལིམྤཏི, དྷཱཏུལོཀེ ན ལིམྤཏི, ཨཱཡཏནལོཀེ ན ལིམྤཏི ན པལིམྤཏི ན ཨུཔལིམྤཏི, ཨལིཏྟོ ཨཔལིཏྟོ ཨནུཔལིཏྟོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏཱིཏི – ན ལིམྤཏི ལོཀེ.

ཨནཏྟགརཧཱིཏི དྭཱིཧི ཀཱརཎེཧི ཨཏྟཱནཾ གརཧཏི – ཀཏཏྟཱ ཙ ཨཀཏཏྟཱ ཙ. ཀཐཾ ཀཏཏྟཱ ཙ ཨཀཏཏྟཱ ཙ ཨཏྟཱནཾ གརཧཏི? ‘‘ཀཏཾ མེ ཀཱཡདུཙྩརིཏཾ, ཨཀཏཾ མེ ཀཱཡསུཙརིཏ’’ནྟི ཨཏྟཱནཾ གརཧཏི. ‘‘ཀཏཾ མེ ཝཙཱིདུཙྩརིཏཾ…པེ… ཀཏཾ མེ མནོདུཙྩརིཏཾ ¶ … ཀཏོ མེ པཱཎཱཏིཔཱཏོ…པེ… ཀཏཱ མེ མིཙྪཱདིཊྛི, ཨཀཏཱ མེ སམྨཱདིཊྛཱི’’ཏི ཨཏྟཱནཾ གརཧཏི. ཨེཝཾ ཀཏཏྟཱ ཙ ཨཀཏཏྟཱ ཙ ཨཏྟཱནཾ གརཧཏི.

ཨཐ ཝཱ ‘‘སཱིལེསུམྷི ན པརིཔཱུརཀཱརཱི’’ཏི ཨཏྟཱནཾ གརཧཏི. ‘‘ཨིནྡྲིཡེསུམྷི ཨགུཏྟདྭཱརོ’’ཏི… ‘‘བྷོཛནེམྷི ཨམཏྟཉྙཱུ’’ཏི… ‘‘ཛཱགརིཡམྷི ཨནནུཡུཏྟོ’’ཏི… ‘‘ན སཏིསམྤཛཉྙེནཱམྷི སམནྣཱགཏོ’’ཏི… ‘‘ཨབྷཱཝིཏཱ མེ ¶ ཙཏྟཱརོ སཏིཔཊྛཱནཱ’’ཏི… ‘‘ཨབྷཱཝིཏཱ མེ ཙཏྟཱརོ སམྨཔྤདྷཱནཱ’’ཏི… ‘‘ཨབྷཱཝིཏཱ མེ ཙཏྟཱརོ ཨིདྡྷིཔཱདཱ’’ཏི… ‘‘ཨབྷཱཝིཏཱནི མེ པཉྩིནྡྲིཡཱནཱི’’ཏི… ‘‘ཨབྷཱཝིཏཱནི མེ པཉྩ བལཱནཱི’’ཏི… ‘‘ཨབྷཱཝིཏཱ མེ སཏྟ བོཛ྄ཛྷངྒཱ’’ཏི… ‘‘ཨབྷཱཝིཏོ མེ ཨརིཡོ ཨཊྛངྒིཀོ མགྒོ’’ཏི… ‘‘དུཀྑཾ མེ ཨཔརིཉྙཱཏ’’ནྟི… ‘‘དུཀྑསམུདཡོ མེ ཨཔྤཧཱིནོ’’ཏི… ‘‘མགྒོ མེ ཨབྷཱཝིཏོ’’ཏི… ‘‘ནིརོདྷོ མེ ཨསཙྪིཀཏོ’’ཏི ཨཏྟཱནཾ གརཧཏི. ཨེཝཾ ཀཏཏྟཱ ཙ ཨཀཏཏྟཱ ཙ ཨཏྟཱནཾ གརཧཏི. ཨེཝཾ ཨཏྟགརཧཱི. ཏཡིདཾ ཀམྨཾ ཨཀུབྦམཱནོ ཨཛནཡམཱནོ ཨསཉྫནཡམཱནོ ¶ ¶ ཨནིབྦཏྟཡམཱནོ ཨནབྷིནིབྦཏྟཡམཱནོ ཨནཏྟགརཧཱིཏི – ན ལིམྤཏི ལོཀེ ཨནཏྟགརཧཱི.

‘‘པུབྦཱསཝེ ཧིཏྭཱ ནཝེ ཨཀུབྦཾ, ན ཚནྡགཱུ ནོཔི ནིཝིསྶཝཱདཱི;

ས ཝིཔྤམུཏྟོ དིཊྛིགཏེཧི དྷཱིརོ, ན ལིམྤཏི ལོཀེ ཨནཏྟགརཧཱི’’ཏི.

ས སབྦདྷམྨེསུ ཝིསེནིབྷཱུཏོ, ཡཾ ཀིཉྩི དིཊྛཾ ཝ སུཏཾ མུཏཾ ཝཱ;

ས པནྣབྷཱརོ མུནི ཝིཔྤམུཏྟོ, ན ཀཔྤིཡོ ནཱུཔརཏོ ན པཏྠིཡོ.[ཨིཏི བྷགཝཱ]

ས སབྦདྷམྨེསུ ཝིསེནིབྷཱུཏོ ཡཾ ཀིཉྩི དིཊྛཾ ཝ སུཏཾ མུཏཾ ཝཱཏི. སེནཱ ཝུཙྩཏི མཱརསེནཱ. ཀཱཡདུཙྩརིཏཾ མཱརསེནཱ, ཝཙཱིདུཙྩརིཏཾ མཱརསེནཱ, མནོདུཙྩརིཏཾ མཱརསེནཱ, རཱགོ… དོསོ… མོཧོ… ཀོདྷོ… ཨུཔནཱཧོ… མཀྑོ… པལཱ༹སོ… ཨིསྶཱ… མཙྪརིཡཾ… མཱཡཱ… སཱཋེཡྻཾ… ཐམྦྷོ… སཱརམྦྷོ… མཱནོ… ཨཏིམཱནོ… མདོ… པམཱདོ… སབྦེ ཀིལེསཱ… སབྦེ དུཙྩརིཏཱ… སབྦེ དརཐཱ… སབྦེ པརིལཱ༹ཧཱ… སབྦེ སནྟཱཔཱ… སབྦཱཀུསལཱབྷིསངྑཱརཱ མཱརསེནཱ.

‘‘ཀཱམཱ ཏེ པཋམཱ སེནཱ, དུཏིཡཱ ཨརཏི ཝུཙྩཏི…པེ… ¶ ¶ ;

ན ནཾ ཨསུརོ ཛིནཱཏི, ཛེཏྭཱཝ ལབྷཏེ སུཁ’’ནྟི.

ཡཏོ ཙཏཱུཧི ཨརིཡམགྒེཧི སབྦཱ ཙ མཱརསེནཱ སབྦེ ཙ པཊིསེནིཀརཱ ཀིལེསཱ ཛིཏཱ ཙ པརཱཛིཏཱ ཙ བྷགྒཱ ཝིཔྤལུགྒཱ པརམྨུཁཱ – སོ ཝུཙྩཏི ཝིསེནིབྷཱུཏོ. སོ དིཊྛེ ཝིསེནིབྷཱུཏོ, སུཏེ… མུཏེ ¶ … ཝིཉྙཱཏེ ཝིསེནིབྷཱུཏོཏི – ས སབྦདྷམྨེསུ ཝིསེནིབྷཱུཏོ, ཡཾ ཀིཉྩི དིཊྛཾ ཝ སུཏཾ མུཏཾ ཝཱ.

ས པནྣབྷཱརོ མུནི ཝིཔྤམུཏྟོཏི. བྷཱརཱཏི ཏཡོ བྷཱརཱ – ཁནྡྷབྷཱརོ, ཀིལེསབྷཱརོ, ཨབྷིསངྑཱརབྷཱརོ. ཀཏམོ ཁནྡྷབྷཱརོ? པཊིསནྡྷིཡཱ རཱུཔཾ ཝེདནཱ སཉྙཱ སངྑཱརཱ ཝིཉྙཱཎཾ – ཨཡཾ ཁནྡྷབྷཱརོ. ཀཏམོ ཀིལེསབྷཱརོ? རཱགོ དོསོ མོཧོ…པེ… སབྦཱཀུསལཱབྷིསངྑཱརཱ – ཨཡཾ ཀིལེསབྷཱརོ. ཀཏམོ ཨབྷིསངྑཱརབྷཱརོ? པུཉྙཱབྷིསངྑཱརོ ཨཔུཉྙཱབྷིསངྑཱརོ ཨཱནེཉྫཱབྷིསངྑཱརོ – ཨཡཾ ཨབྷིསངྑཱརབྷཱརོ. ཡཏོ ཁནྡྷབྷཱརོ ཙ ཀིལེསབྷཱརོ ཙ ཨབྷིསངྑཱརབྷཱརོ ཙ པཧཱིནཱ ཧོནྟི ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ, སོ ཝུཙྩཏི པནྣབྷཱརོ པཏིཏབྷཱརོ ཨོརོཔིཏབྷཱརོ སམོརོཔིཏབྷཱརོ ནིཀྑིཏྟབྷཱརོ པཊིཔསྶདྡྷབྷཱརོ.

མུནཱིཏི ¶ མོནཾ ཝུཙྩཏི ཉཱཎཾ. ཡཱ པཉྙཱ པཛཱནནཱ ཝིཙཡོ པཝིཙཡོ དྷམྨཝིཙཡོ སལླཀྑཎཱ ཨུཔལཀྑཎཱ པཙྩུཔལཀྑཎཱ, པཎྜིཙྩཾ ཀོསལླཾ ནེཔུཉྙཾ ཝེབྷབྱཱ ཙིནྟཱ ཨུཔཔརིཀྑཱ བྷཱུརི མེདྷཱ པརིནཱཡིཀཱ ཝིཔསྶནཱ སམྤཛཉྙཾ པཏོདོ པཉྙཱ པཉྙིནྡྲིཡཾ པཉྙཱབལཾ པཉྙཱསཏྠཾ པཉྙཱཔཱསཱདོ པཉྙཱཨཱལོཀོ པཉྙཱཨོབྷཱསོ པཉྙཱཔཛྫོཏོ པཉྙཱརཏནཾ ¶ ཨམོཧོ དྷམྨཝིཙཡོ སམྨཱདིཊྛི. ཏེན ཉཱཎེན སམནྣཱགཏོ མུནི མོནཔྤཏྟོ.

ཏཱིཎི མོནེཡྻཱནི – ཀཱཡམོནེཡྻཾ, ཝཙཱིམོནེཡྻཾ, མནོམོནེཡྻཾ. ཀཏམཾ ཀཱཡམོནེཡྻཾ? ཏིཝིདྷཱནཾ ཀཱཡདུཙྩརིཏཱནཾ [ཏིཝིདྷཀཱཡདུཙྩརིཏཱནཾ (ཀ.) མཧཱནི. ༡༤] པཧཱནཾ ཀཱཡམོནེཡྻཾ, ཏིཝིདྷཾ ཀཱཡསུཙརིཏཾ ཀཱཡམོནེཡྻཾ, ཀཱཡཱརམྨཎེ ཉཱཎཾ ཀཱཡམོནེཡྻཾ, ཀཱཡཔརིཉྙཱ ཀཱཡམོནེཡྻཾ, པརིཉྙཱསཧགཏོ མགྒོ ཀཱཡམོནེཡྻཾ, ཀཱཡེ ཚནྡརཱགསྶ པཧཱནཾ ཀཱཡམོནེཡྻཾ, ཀཱཡསངྑཱརནིརོདྷོ ཙཏུཏྠཛ྄ཛྷཱནསམཱཔཏྟི ཀཱཡམོནེཡྻཾ – ཨིདཾ ཀཱཡམོནེཡྻཾ.

ཀཏམཾ ¶ ཝཙཱིམོནེཡྻཾ? ཙཏུབྦིདྷཱནཾ ཝཙཱིདུཙྩརིཏཱནཾ པཧཱནཾ ཝཙཱིམོནེཡྻཾ, ཙཏུབྦིདྷཾ ཝཙཱིསུཙརིཏཾ ཝཙཱིམོནེཡྻཾ, ཝཱཙཱརམྨཎེ ཉཱཎཾ ཝཙཱིམོནེཡྻཾ, ཝཱཙཱཔརིཉྙཱ ཝཙཱིམོནེཡྻཾ, པརིཉྙཱསཧགཏོ མགྒོ ཝཙཱིམོནེཡྻཾ, ཝཱཙཱཡ ཚནྡརཱགསྶ པཧཱནཾ ཝཙཱིམོནེཡྻཾ, ཝཙཱིསངྑཱརནིརོདྷོ དུཏིཡཛ྄ཛྷཱནསམཱཔཏྟི ཝཙཱིམོནེཡྻཾ – ཨིདཾ ཝཙཱིམོནེཡྻཾ.

ཀཏམཾ ¶ མནོམོནེཡྻཾ? ཏིཝིདྷཱནཾ མནོདུཙྩརིཏཱནཾ པཧཱནཾ མནོམོནེཡྻཾ, ཏིཝིདྷཾ མནོསུཙརིཏཾ མནོམོནེཡྻཾ, ཙིཏྟཱརམྨཎེ ¶ ཉཱཎཾ མནོམོནེཡྻཾ, ཙིཏྟཔརིཉྙཱ མནོམོནེཡྻཾ, པརིཉྙཱསཧགཏོ མགྒོ མནོམོནེཡྻཾ, ཙིཏྟེ ཚནྡརཱགསྶ པཧཱནཾ མནོམོནེཡྻཾ, ཙིཏྟསངྑཱརནིརོདྷོ སཉྙཱཝེདཡིཏནིརོདྷསམཱཔཏྟི མནོམོནེཡྻཾ – ཨིདཾ མནོམོནེཡྻཾ.

‘‘ཀཱཡམུནིཾ ཝཱཙཱམུནིཾ, མནོམུནིམནཱསཝཾ;

མུནིཾ མོནེཡྻསམྤནྣཾ, ཨཱཧུ སབྦཔྤཧཱཡིནཾ.

‘‘ཀཱཡམུནིཾ ཝཱཙཱམུནིཾ, མནོམུནིམནཱསཝཾ;

མུནིཾ མོནེཡྻསམྤནྣཾ, ཨཱཧུ ནིནྷཱཏཔཱཔཀ’’ནྟི [ནིནཧཱཏཔཱཔཀནྟི (སཱི.)].

ཨིམེཧི ¶ ཏཱིཧི མོནེཡྻེཧི དྷམྨེཧི སམནྣཱགཏཱ ཚ མུནིནོ [མུནཡོ (སཱི. སྱཱ. ཀ.)] – ཨགཱརམུནིནོ, ཨནགཱརམུནིནོ, སེཁམུནིནོ, ཨསེཁམུནིནོ, པཙྩེཀམུནིནོ, མུནིམུནིནོཏི [མུནིམུནིནོ (སཱི. སྱཱ. ཀ.) མཧཱནི. ༡༤]. ཀཏམེ ཨགཱརམུནིནོ? ཡེ ཏེ ཨགཱརིཀཱ དིཊྛཔདཱ ཝིཉྙཱཏསཱསནཱ – ཨིམེ ཨགཱརམུནིནོ. ཀཏམེ ཨནགཱརམུནིནོ? ཡེ ཏེ པབྦཛིཏཱ དིཊྛཔདཱ ཝིཉྙཱཏསཱསནཱ – ཨིམེ ཨནགཱརམུནིནོ. སཏྟ སེཁཱ སེཁམུནིནོ, ཨརཧནྟོ ཨསེཁམུནིནོ. པཙྩེཀབུདྡྷཱ པཙྩེཀམུནིནོ. མུནིམུནིནོ ཝུཙྩནྟི ཏཐཱགཏཱ ཨརཧནྟོ སམྨཱསམྦུདྡྷཱ.

‘‘ན མོནེན མུནི ཧོཏི, མཱུལ༹ྷརཱུཔོ ཨཝིདྡསུ;

ཡོ ཙ ཏུལཾཝ པགྒཡ྄ཧ, ཝརམཱདཱཡ པཎྜིཏོ.

‘‘པཱཔཱནི ¶ པརིཝཛྫེཏི, ས མུནི ཏེན སོ མུནི;

ཡོ མུནཱཏི ཨུབྷོ ལོཀེ, མུནི ཏེན པཝུཙྩཏི.

‘‘ཨསཏཉྩ ¶ སཏཉྩ ཉཏྭཱ དྷམྨཾ, ཨཛ྄ཛྷཏྟཾ བཧིདྡྷཱ ཙ སབྦལོཀེ;

དེཝམནུསྶེཧི པཱུཛིཏོ ཡོ, སངྒཛཱལམཏིཙྩ སོ མུནི’’.

ཝིཔྤམུཏྟོཏི མུནིནོ རཱགཱ ཙིཏྟཾ མུཏྟཾ ཝིམུཏྟཾ སུཝིམུཏྟཾ; དོསཱ ཙིཏྟཾ… མོཧཱ ཙིཏྟཾ མུཏྟཾ ཝིམུཏྟཾ སུཝིམུཏྟཾ…པེ… སབྦཱཀུསལཱབྷིསངྑཱརེཧི ཙིཏྟཾ མུཏྟཾ ཝིམུཏྟཾ སུཝིམུཏྟནྟི – ས པནྣབྷཱརོ མུནི ཝིཔྤམུཏྟོ.

ན ཀཔྤིཡོ ནཱུཔརཏོ ན པཏྠིཡོཏི བྷགཝཱཏི. ཀཔྤཱཏི དྭེ ཀཔྤཱ – ཏཎྷཱཀཔྤོ ཙ དིཊྛིཀཔྤོ ཙ…པེ… ཨཡཾ ཏཎྷཱཀཔྤོ…པེ… ཨཡཾ དིཊྛིཀཔྤོ. ཏསྶ ཏཎྷཱཀཔྤོ པཧཱིནོ, དིཊྛིཀཔྤོ པཊིནིསྶཊྛོ; ཏཎྷཱཀཔྤསྶ པཧཱིནཏྟཱ ¶ དིཊྛིཀཔྤསྶ པཊིནིསྶཊྛཏྟཱ ཏཎྷཱཀཔྤཾ ¶ ཝཱ དིཊྛིཀཔྤཾ ཝཱ ན ཀཔྤེཏི ན ཛནེཏི ན སཉྫནེཏི ན ནིབྦཏྟེཏི ནཱབྷིནིབྦཏྟེཏཱིཏི – ན ཀཔྤིཡོ. ནཱུཔརཏོཏི. སབྦེ བཱལཔུཐུཛྫནཱ རཛྫནྟི, པུཐུཛྫནཀལྱཱཎཀཾ ཨུཔཱདཱཡ སཏྟ སེཁཱ ཨཔྤཏྟསྶ པཏྟིཡཱ ཨནདྷིགཏསྶ ཨདྷིགམཱཡ ཨསཙྪིཀཏསྶ སཙྪིཀིརིཡཱཡ ཨཱརམནྟི ཝིརམནྟི པཊིཝིརམནྟི, ཨརཧཱ ཨཱརཏོ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ¶ ཝིམརིཡཱདིཀཏེན ཙེཏསཱ ཝིཧརཏཱིཏི – ན ཀཔྤིཡོ ནཱུཔརཏོ. ན པཏྠིཡོཏི. པཏྠནཱ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཡསྶེསཱ པཏྠནཱ ཏཎྷཱ པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱ, སོ ཝུཙྩཏི ན པཏྠིཡོ.

བྷགཝཱཏི གཱརཝཱདྷིཝཙནཾ. ཨཔི ཙ བྷགྒརཱགོཏི བྷགཝཱ, བྷགྒདོསོཏི བྷགཝཱ, བྷགྒམོཧོཏི བྷགཝཱ, བྷགྒམཱནོཏི བྷགཝཱ, བྷགྒདིཊྛཱིཏི བྷགཝཱ, བྷགྒཀཎྜཀོཏི བྷགཝཱ, བྷགྒཀིལེསོཏི བྷགཝཱ, བྷཛི ཝིབྷཛི པཝིབྷཛི དྷམྨརཏནནྟི བྷགཝཱ, བྷཝཱནཾ ཨནྟཀརོཏི བྷགཝཱ, བྷཱཝིཏཀཱཡོ བྷཱཝིཏསཱིལོ བྷཱཝིཏཙིཏྟོ བྷཱཝིཏཔཉྙོཏི བྷགཝཱ; བྷཱགཱི ཝཱ བྷགཝཱ ཨརཉྙཝནཔཏྠཱནི པནྟཱནི སེནཱསནཱནི ཨཔྤསདྡཱནི ཨཔྤནིགྒྷོསཱནི ཝིཛནཝཱཏཱནི མནུསྶརཱཧསྶེཡྻཀཱནི པཊིསལླཱནསཱརུཔྤཱནཱིཏི བྷགཝཱ, བྷཱགཱི ཝཱ བྷགཝཱ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནནྟི བྷགཝཱ, བྷཱགཱི ཝཱ བྷགཝཱ ཨཏྠརསསྶ དྷམྨརསསྶ ཝིམུཏྟིརསསྶ ཨདྷིསཱིལསྶ ཨདྷིཙིཏྟསྶ ཨདྷིཔཉྙཱཡཱཏི བྷགཝཱ, བྷཱགཱི ཝཱ བྷགཝཱ ཙཏུནྣཾ ཛྷཱནཱནཾ ཙཏུནྣཾ ཨཔྤམཉྙཱནཾ ཙཏུནྣཾ ཨརཱུཔསམཱཔཏྟཱིནནྟི བྷགཝཱ, བྷཱགཱི ཝཱ བྷགཝཱ ཨཊྛནྣཾ ཝིམོཀྑཱནཾ ཨཊྛནྣཾ ཨབྷིབྷཱཡཏནཱནཾ ནཝནྣཾ ཨནུཔུབྦཝིཧཱརསམཱཔཏྟཱིནནྟི བྷགཝཱ, བྷཱགཱི ཝཱ བྷགཝཱ ¶ དསནྣཾ སཉྙཱབྷཱཝནཱནཾ དསནྣཾ ཀསིཎསམཱཔཏྟཱིནཾ ཨཱནཱཔཱནསྶཏིསམཱདྷིསྶ ཨསུབྷསམཱཔཏྟིཡཱཏི ¶ བྷགཝཱ, བྷཱགཱི ཝཱ བྷགཝཱ ¶ ཙཏུནྣཾ སཏིཔཊྛཱནཱནཾ ཙཏུནྣཾ སམྨཔྤདྷཱནཱནཾ ཙཏུནྣཾ ཨིདྡྷིཔཱདཱནཾ པཉྩནྣཾ ཨིནྡྲིཡཱནཾ པཉྩནྣཾ བལཱནཾ སཏྟནྣཾ བོཛ྄ཛྷངྒཱནཾ ཨརིཡསྶ ཨཊྛངྒིཀསྶ མགྒསྶཱཏི བྷགཝཱ, བྷཱགཱི ཝཱ བྷགཝཱ དསནྣཾ ཏཐཱགཏབལཱནཾ ཙཏུནྣཾ ཝེསཱརཛྫཱནཾ ཙཏུནྣཾ པཊིསམྦྷིདཱནཾ ཚནྣཾ ཨབྷིཉྙཱནཾ ཚནྣཾ བུདྡྷདྷམྨཱནནྟི བྷགཝཱ, བྷགཝཱཏི ནེཏཾ ནཱམཾ མཱཏརཱ ཀཏཾ ན པིཏརཱ ཀཏཾ ན བྷཱཏརཱ ཀཏཾ ན བྷགིནིཡཱ ཀཏཾ ན མིཏྟཱམཙྩེཧི ཀཏཾ ན ཉཱཏིསཱལོཧིཏེཧི ¶ ཀཏཾ ན སམཎབྲཱཧྨཎེཧི ཀཏཾ ན དེཝཏཱཧི ཀཏཾ; ཝིམོཀྑནྟིཀམེཏཾ བུདྡྷཱནཾ བྷགཝནྟཱནཾ བོདྷིཡཱ མཱུལེ སཧ སབྦཉྙུཏཉྙཱཎསྶ པཊིལཱབྷཱ སཙྪིཀཱ པཉྙཏྟི ཡདིདཾ བྷགཝཱཏི – ན ཀཔྤིཡོ ནཱུཔརཏོ ན པཏྠིཡོ ཨིཏི བྷགཝཱ.

‘‘ས སབྦདྷམྨེསུ ཝིསེནིབྷཱུཏོ, ཡཾ ཀིཉྩི དིཊྛཾ ཝ སུཏཾ མུཏཾ ཝཱ;

ས པནྣབྷཱརོ མུནི ཝིཔྤམུཏྟོ, ན ཀཔྤིཡོ ནཱུཔརཏོ ན པཏྠིཡོ’’.[ཨིཏི བྷགཝཱཏི]

མཧཱཝིཡཱུཧསུཏྟནིདྡེསོ ཏེརསམོ.

ཨཐ ¶ ཏུཝཊྚཀསུཏྟནིདྡེསཾ ཝཀྑཏི –

པུཙྪཱམི ¶ ¶ ཏཾ ཨཱདིཙྩབནྡྷུ, [ཨཱདིཙྩབནྡྷཱུ (སཱི. སྱཱ.)] ཝིཝེཀཾ སནྟིཔདཉྩ མཧེསི [མཧེསིཾ (སཱི. སྱཱ.)] ;

ཀཐཾ དིསྭཱ ནིབྦཱཏི བྷིཀྑུ, ཨནུཔཱདིཡཱནོ ལོཀསྨིཾ ཀིཉྩི.

པུཙྪཱམི ཏཾ ཨཱདིཙྩབནྡྷཱུཏི. པུཙྪཱཏི ཏིསྶོ པུཙྪཱ – ཨདིཊྛཛོཏནཱ པུཙྪཱ, དིཊྛསཾསནྡནཱ པུཙྪཱ, ཝིམཏིཙྪེདནཱ པུཙྪཱ. ཀཏམཱ ཨདིཊྛཛོཏནཱ པུཙྪཱ? པཀཏིཡཱ ལཀྑཎཾ ཨཉྙཱཏཾ ཧོཏི ཨདིཊྛཾ ཨཏུལིཏཾ ཨཏཱིརིཏཾ ཨཝིབྷཱུཏཾ ཨཝིབྷཱཝིཏཾ, ཏསྶ ཉཱཎཱཡ དསྶནཱཡ ཏུལནཱཡ ཏཱིརཎཱཡ ཝིབྷཱཝནཱཡ པཉྷཾ པུཙྪཏི – ཨཡཾ ཨདིཊྛཛོཏནཱ པུཙྪཱ. ཀཏམཱ དིཊྛསཾསནྡནཱ པུཙྪཱ? པཀཏིཡཱ ལཀྑཎཾ ཉཱཏཾ ཧོཏི དིཊྛཾ ཏུལིཏཾ ཏཱིརིཏཾ ཝིབྷཱུཏཾ ཝིབྷཱཝིཏཾ, ཨཉྙེཧི པཎྜིཏེཧི སདྡྷིཾ སཾསནྡནཏྠཱཡ པཉྷཾ པུཙྪཏི – ཨཡཾ དིཊྛསཾསནྡནཱ པུཙྪཱ. ཀཏམཱ ཝིམཏིཙྪེདནཱ པུཙྪཱ? པཀཏིཡཱ སཾསཡཔཀྑནྡོ [སཾསཡཔཀྑནྣོ (སཱི. སྱཱ.)] ཧོཏི ཝིམཏིཔཀྑནྡོ དྭེལ༹ྷཀཛཱཏོ, ‘‘ཨེཝཾ ནུ ཁོ, ན ནུ ཁོ, ཀིཾ ནུ ཁོ, ཀཐཾ ནུ ཁོ’’ཏི སོ ཝིམཏིཙྪེདནཏྠཱཡ པཉྷཾ པུཙྪཏི – ཨཡཾ ཝིམཏིཙྪེདནཱ པུཙྪཱ. ཨིམཱ ཏིསྶོ པུཙྪཱ.

ཨཔརཱཔི ¶ ཏིསྶོ པུཙྪཱ – མནུསྶཔུཙྪཱ, ཨམནུསྶཔུཙྪཱ, ནིམྨིཏཔུཙྪཱ. ཀཏམཱ ¶ ¶ མནུསྶཔུཙྪཱ? མནུསྶཱ བུདྡྷཾ བྷགཝནྟཾ ཨུཔསངྐམིཏྭཱ པཉྷཾ པུཙྪནྟི, བྷིཀྑཱུ པུཙྪནྟི, བྷིཀྑུནིཡོ པུཙྪནྟི, ཨུཔཱསཀཱ པུཙྪནྟི, ཨུཔཱསིཀཱཡོ པུཙྪནྟི, རཱཛཱནོ པུཙྪནྟི, ཁཏྟིཡཱ པུཙྪནྟི, བྲཱཧྨཎཱ པུཙྪནྟི, ཝེསྶཱ པུཙྪནྟི, སུདྡཱ པུཙྪནྟི, གཧཊྛཱ པུཙྪནྟི, པབྦཛིཏཱ པུཙྪནྟི – ཨཡཾ མནུསྶཔུཙྪཱ. ཀཏམཱ ཨམནུསྶཔུཙྪཱ? ཨམནུསྶཱ བུདྡྷཾ བྷགཝནྟཾ ཨུཔསངྐམིཏྭཱ པཉྷཾ པུཙྪནྟི, ནཱགཱ པུཙྪནྟི, སུཔཎྞཱ པུཙྪནྟི, ཡཀྑཱ པུཙྪནྟི, ཨསུརཱ པུཙྪནྟི, གནྡྷབྦཱ པུཙྪནྟི, མཧཱརཱཛཱནོ པུཙྪནྟི, ཨིནྡཱ པུཙྪནྟི, བྲཧྨཱནོ པུཙྪནྟི, དེཝཏཱཡོ པུཙྪནྟི – ཨཡཾ ཨམནུསྶཔུཙྪཱ. ཀཏམཱ ནིམྨིཏཔུཙྪཱ? ཡཾ བྷགཝཱ རཱུཔཾ ཨབྷིནིམྨིནཱཏི མནོམཡཾ སབྦངྒཔཙྩངྒཾ ཨཧཱིནིནྡྲིཡཾ ཏཾ སོ ནིམྨིཏོ བུདྡྷཾ བྷགཝནྟཾ ཨུཔསངྐམིཏྭཱ ¶ པཉྷཾ པུཙྪཏི, བྷགཝཱ ཏསྶ [ནཏྠི སཱི. སྱཱ. པོཏྠཀེསུ] ཝིསཛྫེཏི – ཨཡཾ ནིམྨིཏཔུཙྪཱ. ཨིམཱ ཏིསྶོ པུཙྪཱ.

ཨཔརཱཔི ¶ ཏིསྶོ པུཙྪཱ – ཨཏྟཏྠཔུཙྪཱ, པརཏྠཔུཙྪཱ, ཨུབྷཡཏྠཔུཙྪཱ. ཨཔརཱཔི ཏིསྶོ པུཙྪཱ – དིཊྛདྷམྨིཀཏྠཔུཙྪཱ, སམྤརཱཡིཀཏྠཔུཙྪཱ, པརམཏྠཔུཙྪཱ. ཨཔརཱཔི ཏིསྶོ པུཙྪཱ – ཨནཝཛྫཏྠཔུཙྪཱ, ནིཀྐིལེསཏྠཔུཙྪཱ [ནིཀྑེཔཏྠཔུཙྪཱ (སཱི. ཀ.)], ཝོདཱནཏྠཔུཙྪཱ. ཨཔརཱཔི ཏིསྶོ པུཙྪཱ – ཨཏཱིཏཔུཙྪཱ, ཨནཱགཏཔུཙྪཱ, པཙྩུཔྤནྣཔུཙྪཱ. ཨཔརཱཔི ཏིསྶོ པུཙྪཱ – ཨཛ྄ཛྷཏྟཔུཙྪཱ, བཧིདྡྷཱཔུཙྪཱ, ཨཛ྄ཛྷཏྟབཧིདྡྷཱཔུཙྪཱ. ཨཔརཱཔི ཏིསྶོ པུཙྪཱ – ཀུསལཔུཙྪཱ, ཨཀུསལཔུཙྪཱ, ཨབྱཱཀཏཔུཙྪཱ. ཨཔརཱཔི ཏིསྶོ པུཙྪཱ – ཁནྡྷཔུཙྪཱ, དྷཱཏུཔུཙྪཱ, ཨཱཡཏནཔུཙྪཱ. ཨཔརཱཔི ཏིསྶོ པུཙྪཱ – སཏིཔཊྛཱནཔུཙྪཱ, སམྨཔྤདྷཱནཔུཙྪཱ, ཨིདྡྷིཔཱདཔུཙྪཱ. ཨཔརཱཔི ¶ ཏིསྶོ པུཙྪཱ – ཨིནྡྲིཡཔུཙྪཱ, བལཔུཙྪཱ, བོཛ྄ཛྷངྒཔུཙྪཱ. ཨཔརཱཔི ཏིསྶོ པུཙྪཱ – མགྒཔུཙྪཱ, ཕལཔུཙྪཱ, ནིབྦཱནཔུཙྪཱ.

པུཙྪཱམི ཏནྟི པུཙྪཱམི ཏཾ ཡཱཙཱམི ཏཾ ཨཛ྄ཛྷེསཱམི ཏཾ པསཱདེམི ཏཾ, ‘‘ཀཐཡསྶུ མེ’’ཏི – པུཙྪཱམི ཏཾ. ཨཱདིཙྩབནྡྷཱུཏི. ཨཱདིཙྩོ ཝུཙྩཏི སཱུརིཡོ [སུརིཡོ (སཱི. སྱཱ.)]. སཱུརིཡོ གོཏམོ གོཏྟེན, བྷགཝཱཔི གོཏམོ གོཏྟེན, བྷགཝཱ སཱུརིཡསྶ གོཏྟཉཱཏཀོ གོཏྟབནྡྷུ; ཏསྨཱ བུདྡྷོ ཨཱདིཙྩབནྡྷཱུཏི – པུཙྪཱམི ཏཾ ཨཱདིཙྩབནྡྷུ.

ཝིཝེཀཾ སནྟིཔདཉྩ མཧེསཱིཏི. ཝིཝེཀཱཏི ཏཡོ ཝིཝེཀཱ – ཀཱཡཝིཝེཀོ ¶ , ཙིཏྟཝིཝེཀོ, ཨུཔདྷིཝིཝེཀོ. ཀཏམོ ཀཱཡཝིཝེཀོ? ཨིདྷ ¶ བྷིཀྑུ ཝིཝིཏྟཾ སེནཱསནཾ བྷཛཏི ཨརཉྙཾ རུཀྑམཱུལཾ པབྦཏཾ ཀནྡརཾ གིརིགུཧཾ སུསཱནཾ ཝནཔཏྠཾ ཨབྦྷོཀཱསཾ པལཱལཔུཉྫཾ ཀཱཡེན ཝིཝིཏྟེན ཝིཧརཏི. སོ ཨེཀོ གཙྪཏི, ཨེཀོ ཏིཊྛཏི, ཨེཀོ ནིསཱིདཏི, ཨེཀོ སེཡྻཾ ཀཔྤེཏི, ཨེཀོ གཱམཾ པིཎྜཱཡ པཝིསཏི, ཨེཀོ པཊིཀྐམཏི, ཨེཀོ རཧོ ནིསཱིདཏི, ཨེཀོ ཙངྐམཾ ཨདྷིཊྛཱཏི, ཨེཀོ ཙརཏི ཝིཧརཏི ཨིརིཡཏི ཝཏྟཏི པཱལེཏི ཡཔེཏི ཡཱཔེཏི – ཨཡཾ ཀཱཡཝིཝེཀོ.

ཀཏམོ ཙིཏྟཝིཝེཀོ? པཋམཾ ཛྷཱནཾ སམཱཔནྣསྶ ནཱིཝརཎེཧི ཙིཏྟཾ ཝིཝིཏྟཾ ཧོཏི, དུཏིཡཾ ཛྷཱནཾ སམཱཔནྣསྶ ཝིཏཀྐཝིཙཱརེཧི ཙིཏྟཾ ཝིཝིཏྟཾ ཧོཏི, ཏཏིཡཾ ཛྷཱནཾ སམཱཔནྣསྶ པཱིཏིཡཱ ཙིཏྟཾ ཝིཝིཏྟཾ ཧོཏི, ཙཏུཏྠཾ ཛྷཱནཾ སམཱཔནྣསྶ སུཁདུཀྑེཧི ཙིཏྟཾ ཝིཝིཏྟཾ ཧོཏི, ཨཱཀཱསཱནཉྩཱཡཏནཾ སམཱཔནྣསྶ རཱུཔསཉྙཱཡ པཊིགྷསཉྙཱཡ ནཱནཏྟསཉྙཱཡ ཙིཏྟཾ ཝིཝིཏྟཾ ཧོཏི, ཝིཉྙཱཎཉྩཱཡཏནཾ སམཱཔནྣསྶ ཨཱཀཱསཱནཉྩཱཡཏནསཉྙཱཡ ཙིཏྟཾ ཝིཝིཏྟཾ ཧོཏི, ཨཱཀིཉྩཉྙཱཡཏནཾ ¶ སམཱཔནྣསྶ ཝིཉྙཱཎཉྩཱཡཏནསཉྙཱཡ ཙིཏྟཾ ཝིཝིཏྟཾ ཧོཏི ¶ , ནེཝསཉྙཱནཱསཉྙཱཡཏནཾ སམཱཔནྣསྶ ཨཱཀིཉྩཉྙཱཡཏནསཉྙཱཡ ཙིཏྟཾ ཝིཝིཏྟཾ ཧོཏི. སོཏཱཔནྣསྶ སཀྐཱཡདིཊྛིཡཱ ཝིཙིཀིཙྪཱཡ སཱིལབྦཏཔརཱམཱསཱ དིཊྛཱནུསཡཱ ཝིཙིཀིཙྪཱནུསཡཱ, ཏདེཀཊྛེཧི ཙ ཀིལེསེཧི ཙིཏྟཾ ཝིཝིཏྟཾ ཧོཏི. སཀདཱགཱམིསྶ ཨོལཱ༹རིཀཱ ཀཱམརཱགསཉྙོཛནཱ ¶ པཊིགྷསཉྙོཛནཱ ཨོལཱ༹རིཀཱ ཀཱམརཱགཱནུསཡཱ པཊིགྷཱནུསཡཱ, ཏདེཀཊྛེཧི ཙ ཀིལེསེཧི ཙིཏྟཾ ཝིཝིཏྟཾ ཧོཏི. ཨནཱགཱམིསྶ ཨནུསཧགཏཱ ཀཱམརཱགསཉྙོཛནཱ པཊིགྷསཉྙོཛནཱ ཨནུསཧགཏཱ ཀཱམརཱགཱནུསཡཱ པཊིགྷཱནུསཡཱ, ཏདེཀཊྛེཧི ཙ ཀིལེསེཧི ཙིཏྟཾ ཝིཝིཏྟཾ ཧོཏི. ཨརཧཏོ རཱུཔརཱགཱ ཨརཱུཔརཱགཱ མཱནཱ ཨུདྡྷཙྩཱ ཨཝིཛྫཱཡ མཱནཱནུསཡཱ བྷཝརཱགཱནུསཡཱ ཨཝིཛྫཱནུསཡཱ, ཏདེཀཊྛེཧི ཙ ཀིལེསེཧི བཧིདྡྷཱ ཙ སབྦནིམིཏྟེཧི ཙིཏྟཾ ཝིཝིཏྟཾ ཧོཏི – ཨཡཾ ཙིཏྟཝིཝེཀོ.

ཀཏམོ ཨུཔདྷིཝིཝེཀོ? ཨུཔདྷི ཝུཙྩཏི ཀིལེསཱ ཙ ཁནྡྷཱ ཙ ཨབྷིསངྑཱརཱ ཙ. ཨུཔདྷིཝིཝེཀོ ཝུཙྩཏི ཨམཏཾ ནིབྦཱནཾ. ཡོ སོ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཀྑཡོ ཝིརཱགོ ནིརོདྷོ ནིབྦཱནཾ – ཨཡཾ ཨུཔདྷིཝིཝེཀོ. ཀཱཡཝིཝེཀོ ཙ ཝིཝེཀཊྛཀཱཡཱནཾ [ཝཱུཔཀཊྛཀཱཡཱནཾ (སཱི.)] ནེཀྑམྨཱབྷིརཏཱནཾ, ཙིཏྟཝིཝེཀོ ཙ པརིསུདྡྷཙིཏྟཱནཾ པརམཝོདཱནཔཏྟཱནཾ, ཨུཔདྷིཝིཝེཀོ ཙ ¶ ནིརུཔདྷཱིནཾ པུགྒལཱནཾ ཝིསངྑཱརགཏཱནཾ. སནྟཱིཏི ཨེཀེན ཨཱཀཱརེན སནྟིཔི སནྟིཔདམྤི ཏཾཡེཝ ཨམཏཾ ནིབྦཱནཾ, ཡོ སོ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཀྑཡོ ཝིརཱགོ ནིརོདྷོ ནིབྦཱནཾ. ཝུཏྟཉྷེཏཾ བྷགཝཏཱ – ‘‘སནྟམེཏཾ པདཾ, པཎཱིཏམེཏཾ པདཾ, ཡདིདཾ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཀྑཡོ ཝིརཱགོ ནིརོདྷོ ནིབྦཱན’’ནྟི. ཨཐ ཨཔརེན ¶ ཨཱཀཱརེན ཡེ དྷམྨཱ སནྟཱདྷིགམཱཡ ¶ སནྟིཕུསནཱཡ སནྟིསཙྪིཀིརིཡཱཡ སཾཝཏྟནྟི, སེཡྻཐིདཾ – ཙཏྟཱརོ སཏིཔཊྛཱནཱ, ཙཏྟཱརོ སམྨཔྤདྷཱནཱ, ཙཏྟཱརོ ཨིདྡྷིཔཱདཱ, པཉྩིནྡྲིཡཱནི, པཉྩ བལཱནི, སཏྟ བོཛ྄ཛྷངྒཱ, ཨརིཡོ ཨཊྛངྒིཀོ མགྒོ – ཨིམེ ཝུཙྩནྟི སནྟིཔདཾ ཏཱཎཔདཾ ལེཎཔདཾ སརཎཔདཾ ཨབྷཡཔདཾ ཨཙྩུཏཔདཾ ཨམཏཔདཾ ནིབྦཱནཔདཾ.

མཧེསཱིཏི མཧེསི བྷགཝཱ. མཧནྟཾ སཱིལཀྑནྡྷཾ ཨེསཱི གཝེསཱི པརིཡེསཱིཏི མཧེསི, མཧནྟཾ སམཱདྷིཀྑནྡྷཾ…པེ… མཧནྟཾ པཉྙཱཀྑནྡྷཾ… མཧནྟཾ ཝིམུཏྟིཀྑནྡྷཾ… མཧནྟཾ ཝིམུཏྟིཉཱཎདསྶནཀྑནྡྷཾ ཨེསཱི གཝེསཱི པརིཡེསཱིཏི མཧེསི; མཧཏོ ཏམོཀཱཡསྶ པདཱལནཾ, མཧཏོ ཝིཔལླཱསསྶ བྷེདནཾ, མཧཏོ ཏཎྷཱསལླསྶ ཨབྦཧནཾ [ཨབྦཱུཧནཾ (སཱི. སྱཱ.), ཨབྦྷུཧནཾ (ཀ.)], མཧཏོ དིཊྛིསངྒྷཱཏསྶ ཝིནིཝེཋནཾ, མཧཏོ མཱནདྷཛསྶ པཔཱཏནཾ [པཝཱཧནཾ (སྱཱ.)], མཧཏོ ཨབྷིསངྑཱརསྶ ཝཱུཔསམཾ, མཧཏོ ཨོགྷསྶ ནིཏྠརཎཾ, མཧཏོ བྷཱརསྶ ནིཀྑེཔནཾ, མཧཏོ སཾསཱརཝཊྚསྶ ཨུཔཙྪེདཾ, མཧཏོ སནྟཱཔསྶ ནིབྦཱཔནཾ ¶ , མཧཏོ པརིལཱ༹ཧསྶ པཊིཔསྶདྡྷིཾ, མཧཏོ དྷམྨདྷཛསྶ ཨུསྶཱཔནཾ ཨེསཱི གཝེསཱི པརིཡེསཱིཏི མཧེསི, མཧནྟེ སཏིཔཊྛཱནེ མཧནྟེ སམྨཔྤདྷཱནེ མཧནྟེ ཨིདྡྷིཔཱདེ མཧནྟཱནི ཨིནྡྲིཡཱནི མཧནྟཱནི བལཱནི མཧནྟེ བོཛ྄ཛྷངྒེ མཧནྟཾ ཨརིཡཾ ཨཊྛངྒིཀཾ མགྒཾ མཧནྟཾ པརམཏྠཾ ཨམཏཾ ནིབྦཱནཾ ཨེསཱི གཝེསཱི པརིཡེསཱིཏི མཧེསི; མཧེསཀྑེཧི ཝཱ སཏྟེཧི ཨེསིཏོ གཝེསིཏོ པརིཡེསིཏོ ཀཧཾ ¶ བུདྡྷོ ཀཧཾ བྷགཝཱ ཀཧཾ དེཝདེཝོ ཀཧཾ ནརཱསབྷོཏི མཧེསཱིཏི – ཝིཝེཀཾ སནྟིཔདཉྩ མཧེསི.

ཀཐཾ དིསྭཱ ནིབྦཱཏི བྷིཀྑཱུཏི. ཀཐཾ དིསྭཱ པསྶིཏྭཱ ཏུལཡིཏྭཱ ¶ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ ཨཏྟནོ རཱགཾ ནིབྦཱཔེཏི, དོསཾ ནིབྦཱཔེཏི, མོཧཾ ནིབྦཱཔེཏི, ཀོདྷཾ…པེ… ཨུཔནཱཧཾ… མཀྑཾ… པལཱ༹སཾ… ཨིསྶཾ… མཙྪརིཡཾ… མཱཡཾ… སཱཋེཡྻཾ… ཐམྦྷཾ… སཱརམྦྷཾ… མཱནཾ… ཨཏིམཱནཾ… མདཾ… པམཱདཾ… སབྦེ ཀིལེསེ… སབྦེ དུཙྩརིཏེ… སབྦེ དརཐེ… སབྦེ པརིལཱ༹ཧེ… སབྦེ སནྟཱཔེ ¶ … སབྦཱཀུསལཱབྷིསངྑཱརེ ནིབྦཱཔེཏི སམེཏི ཨུཔསམེཏི ཝཱུཔསམེཏི པཊིཔསྶམྦྷེཏི. བྷིཀྑཱུཏི པུཐུཛྫནཀལྱཱཎཀོ ཝཱ བྷིཀྑུ སེཁོ ཝཱ བྷིཀྑཱུཏི – ཀཐཾ དིསྭཱ ནིབྦཱཏི བྷིཀྑུ.

ཨནུཔཱདིཡཱནོ ལོཀསྨིཾ ཀིཉྩཱིཏི. ཙཏཱུཧི ཨུཔཱདཱནེཧི ཨནུཔཱདིཡམཱནོ ཨགཎྷཡམཱནོ ཨཔརཱམསམཱནོ ཨནབྷིནིཝིསམཱནོ. ལོཀསྨིནྟི ཨཔཱཡལོཀེ མནུསྶལོཀེ དེཝལོཀེ, ཁནྡྷལོཀེ དྷཱཏུལོཀེ ཨཱཡཏནལོཀེ. ཀིཉྩཱིཏི ཀིཉྩི རཱུཔགཏཾ ཝེདནཱགཏཾ སཉྙཱགཏཾ སངྑཱརགཏཾ ཝིཉྙཱཎགཏནྟི – ཨནུཔཱདིཡཱནོ ལོཀསྨིཾ ཀིཉྩི.

‘‘པུཙྪཱམི ཏཾ ཨཱདིཙྩབནྡྷུ, ཝིཝེཀཾ སནྟིཔདཉྩ མཧེསི;

ཀཐཾ དིསྭཱ ནིབྦཱཏི བྷིཀྑུ, ཨནུཔཱདིཡཱནོ ལོཀསྨིཾ ཀིཉྩཱི’’ཏི.

མཱུལཾ ¶ པཔཉྩསངྑཱཡ, [ཨིཏི བྷགཝཱ]

མནྟཱ ཨསྨཱིཏི སབྦམུཔརུནྡྷེ [སབྦམུཔརུདྡྷེ (སྱཱ.)] ;

ཡཱ ཀཱཙི ཏཎྷཱ ཨཛ྄ཛྷཏྟཾ, ཏཱསཾ ཝིནཡཱ སདཱ སཏོ སིཀྑེ.

མཱུལཾ པཔཉྩསངྑཱཡ, [ཨིཏི བྷགཝཱ] མནྟཱ ཨསྨཱིཏི སབྦམུཔརུནྡྷེཏི. པཔཉྩཱཡེཝ པཔཉྩསངྑཱ. ཏཎྷཱཔཔཉྩསངྑཱ དིཊྛིཔཔཉྩསངྑཱ. ཀཏམཾ ཏཎྷཱཔཔཉྩསྶ མཱུལཾ? ཨཝིཛྫཱམཱུལཾ, ཨཡོནིསོམནསིཀཱརོ ¶ མཱུལཾ, ཨསྨིམཱནོ མཱུལཾ, ཨཧིརིཀཾ མཱུལཾ ¶ , ཨནོཏྟཔྤཾ མཱུལཾ, ཨུདྡྷཙྩཾ མཱུལཾ – ཨིདཾ ཏཎྷཱཔཔཉྩསྶ མཱུལཾ. ཀཏམཾ དིཊྛིཔཔཉྩསྶ མཱུལཾ? ཨཝིཛྫཱམཱུལཾ, ཨཡོནིསོམནསིཀཱརོ མཱུལཾ, ཨསྨིམཱནོ མཱུལཾ, ཨཧིརིཀཾ མཱུལཾ, ཨནོཏྟཔྤཾ མཱུལཾ, ཨུདྡྷཙྩཾ མཱུལཾ – ཨིདཾ དིཊྛིཔཔཉྩསྶ མཱུལཾ.

བྷགཝཱཏི གཱརཝཱདྷིཝཙནཾ. ཨཔི ཙ བྷགྒརཱགོཏི བྷགཝཱ, བྷགྒདོསོཏི བྷགཝཱ, བྷགྒམོཧོཏི བྷགཝཱ, བྷགྒམཱནོཏི བྷགཝཱ, བྷགྒདིཊྛཱིཏི བྷགཝཱ, བྷགྒཀཎྜཀོཏི བྷགཝཱ, བྷགྒཀིལེསོཏི བྷགཝཱ, བྷཛི ཝིབྷཛི པཝིབྷཛི དྷམྨརཏནནྟི བྷགཝཱ, བྷཝཱནཾ ཨནྟཀརོཏི བྷགཝཱ, བྷཱཝིཏཀཱཡོ བྷཱཝིཏསཱིལོ བྷཱཝིཏཙིཏྟོ བྷཱཝིཏཔཉྙོཏི བྷགཝཱ; བྷཱགཱི ཝཱ བྷགཝཱ ¶ ཨརཉྙཝནཔཏྠཱནི ¶ པནྟཱནི སེནཱསནཱནི ཨཔྤསདྡཱནི ཨཔྤནིགྒྷོསཱནི ཝིཛནཝཱཏཱནི མནུསྶརཱཧསྶེཡྻཀཱནི པཊིསལླཱནསཱརུཔྤཱནཱིཏི བྷགཝཱ, བྷཱགཱི ཝཱ བྷགཝཱ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནནྟི བྷགཝཱ, བྷཱགཱི ཝཱ བྷགཝཱ ཨཏྠརསསྶ དྷམྨརསསྶ ཝིམུཏྟིརསསྶ ཨདྷིསཱིལསྶ ཨདྷིཙིཏྟསྶ ཨདྷིཔཉྙཱཡཱཏི བྷགཝཱ, བྷཱགཱི ཝཱ བྷགཝཱ ཙཏུནྣཾ ཛྷཱནཱནཾ ཙཏུནྣཾ ཨཔྤམཉྙཱནཾ ཙཏུནྣཾ ཨརཱུཔསམཱཔཏྟཱིནནྟི བྷགཝཱ, བྷཱགཱི ཝཱ བྷགཝཱ ཨཊྛནྣཾ ཝིམོཀྑཱནཾ ཨཊྛནྣཾ ཨབྷིབྷཱཡཏནཱནཾ ནཝནྣཾ ཨནུཔུབྦཝིཧཱརསམཱཔཏྟཱིནནྟི བྷགཝཱ, བྷཱགཱི ཝཱ བྷགཝཱ དསནྣཾ སཉྙཱབྷཱཝནཱནཾ དསནྣཾ ཀསིཎསམཱཔཏྟཱིནཾ ཨཱནཱཔཱནསྶཏིསམཱདྷིསྶ ཨསུབྷསམཱཔཏྟིཡཱཏི བྷགཝཱ, བྷཱགཱི ཝཱ བྷགཝཱ ཙཏུནྣཾ སཏིཔཊྛཱནཱནཾ ཙཏུནྣཾ སམྨཔྤདྷཱནཱནཾ ཙཏུནྣཾ ཨིདྡྷིཔཱདཱནཾ པཉྩནྣཾ ཨིནྡྲིཡཱནཾ པཉྩནྣཾ བལཱནཾ སཏྟནྣཾ བོཛ྄ཛྷངྒཱནཾ ཨརིཡསྶ ཨཊྛངྒིཀསྶ མགྒསྶཱཏི བྷགཝཱ, བྷཱགཱི ཝཱ བྷགཝཱ དསནྣཾ ཏཐཱགཏབལཱནཾ ཙཏུནྣཾ ཝེསཱརཛྫཱནཾ ཙཏུནྣཾ པཊིསམྦྷིདཱནཾ ཚནྣཾ ཨབྷིཉྙཱནཾ ཚནྣཾ བུདྡྷདྷམྨཱནནྟི ¶ བྷགཝཱ, བྷགཝཱཏི ནེཏཾ ནཱམཾ མཱཏརཱ ཀཏཾ ན པིཏརཱ ཀཏཾ ན བྷཱཏརཱ ཀཏཾ ན བྷགིནིཡཱ ཀཏཾ ན མིཏྟཱམཙྩེཧི ཀཏཾ ན ཉཱཏིསཱལོཧིཏེཧི ཀཏཾ ན སམཎབྲཱཧྨཎེཧི ཀཏཾ ན དེཝཏཱཧི ཀཏཾ; ཝིམོཀྑནྟིཀམེཏཾ བུདྡྷཱནཾ བྷགཝནྟཱནཾ བོདྷིཡཱ མཱུལེ སཧ སབྦཉྙུཏཉཱཎསྶ པཊིལཱབྷཱ སཙྪིཀཱ པཉྙཏྟི ཡདིདཾ བྷགཝཱཏི – མཱུལཾ པཔཉྩསངྑཱཡ ཨིཏི བྷགཝཱ.

མནྟཱ ཨསྨཱིཏི སབྦམུཔརུནྡྷེཏི. མནྟཱ ཝུཙྩཏི པཉྙཱ. ཡཱ པཉྙཱ ¶ པཛཱནནཱ…པེ… ཨམོཧོ དྷམྨཝིཙཡོ སམྨཱདིཊྛི. ཨསྨཱིཏི རཱུཔེ ཨསྨཱིཏི མཱནོ ཨསྨཱིཏི ཚནྡོ ཨསྨཱིཏི ཨནུསཡོ; ཝེདནཱཡ… སཉྙཱཡ… སངྑཱརེསུ… ཝིཉྙཱཎེ ཨསྨཱིཏི མཱནོ ཨསྨཱིཏི ཚནྡོ ཨསྨཱིཏི ཨནུསཡོཏི. མཱུལཾ པཔཉྩསངྑཱཡ ཨིཏི བྷགཝཱ. མནྟཱ ཨསྨཱིཏི སབྦམུཔརུནྡྷེཏི. པཔཉྩསངྑཱཡ མཱུལཉྩ ཨསྨིམཱནཉྩ མནྟཱཡ སབྦཾ རུནྡྷེཡྻ ཨུཔརུནྡྷེཡྻ ནིརོདྷེཡྻ ཝཱུཔསམེཡྻ ཨཏྠངྒམེཡྻ ¶ པཊིཔསྶམྦྷེཡྻཱཏི – མཱུལཾ པཔཉྩསངྑཱཡ ཨིཏི བྷགཝཱ, མནྟཱ ཨསྨཱིཏི སབྦམུཔརུནྡྷེ.

ཡཱ ཀཱཙི ཏཎྷཱ ཨཛ྄ཛྷཏྟནྟི. ཡཱ ཀཱཙཱིཏི སབྦེན སབྦཾ སབྦཐཱ སབྦཾ ཨསེསཾ ནིསྶེསཾ པརིཡཱདིཡནཝཙནམེཏཾ – ཡཱ ཀཱཙཱིཏི. ཏཎྷཱཏི རཱུཔཏཎྷཱ…པེ… དྷམྨཏཎྷཱ. ཨཛ྄ཛྷཏྟནྟི ཨཛ྄ཛྷཏྟསམུཊྛཱནཱ ཝཱ [ཨཛ྄ཛྷཏྟཾ སམུཊྛཱཏི (སྱཱ.)] སཱ ཏཎྷཱཏི – ཨཛ྄ཛྷཏྟཾ ¶ . ཨཐ ཝཱ ཨཛ྄ཛྷཏྟིཀཾ ཝུཙྩཏི ཙིཏྟཾ. ཡཾ ཙིཏྟཾ མནོ མཱནསཾ ཧདཡཾ པཎྜརཾ མནོ མནཱཡཏནཾ མནིནྡྲིཡཾ ཝིཉྙཱཎཾ ཝིཉྙཱཎཀྑནྡྷོ ཏཛྫཱ མནོཝིཉྙཱཎདྷཱཏུ. ཙིཏྟེན སཱ ཏཎྷཱ སཧགཏཱ སཧཛཱཏཱ སཾསཊྛཱ སམྤཡུཏྟཱ ཨེཀུཔྤཱདཱ ཨེཀནིརོདྷཱ ཨེཀཝཏྠུཀཱ ཨེཀཱརམྨཎཱཏིཔི ཨཛ྄ཛྷཏྟནྟི – ཡཱ ཀཱཙི ཏཎྷཱ ཨཛ྄ཛྷཏྟཾ.

ཏཱསཾ ཝིནཡཱ སདཱ སཏོ སིཀྑེཏི. སདཱཏི སདཱ སབྦདཱ ¶ སབྦཀཱལཾ ནིཙྩཀཱལཾ དྷུཝཀཱལཾ, སཏཏཾ སམིཏཾ ཨབྦོཀིཎྞཾ པོངྑཱནུཔོངྑཾ ཨུདཀཱུམིགཛཱཏཾ ཨཝཱིཙིསནྟཏིསཧིཏཾ ཕུསིཏཾ, པུརེབྷཏྟཾ པཙྪཱབྷཏྟཾ ¶ , པུརིམཾ ཡཱམཾ མཛ྄ཛྷིམཾ ཡཱམཾ པཙྪིམཾ ཡཱམཾ, ཀཱལེ༹ ཛུཎྷེ, ཝསྶེ ཧེམནྟེ གིམྷེ, པུརིམེ ཝཡོཁནྡྷེ མཛ྄ཛྷིམེ ཝཡོཁནྡྷེ པཙྪིམེ ཝཡོཁནྡྷེ. སཏོཏི ཙཏཱུཧི ཀཱརཎེཧི སཏོ – ཀཱཡེ ཀཱཡཱནུཔསྶནཱསཏིཔཊྛཱནཾ བྷཱཝེནྟོ སཏོ, ཝེདནཱསུ…པེ… ཙིཏྟེ…པེ… དྷམྨེསུ དྷམྨཱནུཔསྶནཱསཏིཔཊྛཱནཾ བྷཱཝེནྟོ སཏོ. ཨཔརེཧིཔི ཙཏཱུཧི ཀཱརཎེཧི སཏོ – ཨསཏི པརིཝཛྫནཱཡ སཏོ, སཏིཀརཎཱིཡཱནཾ དྷམྨཱནཾ ཀཏཏྟཱ སཏོ, སཏིཔཊིཔཀྑཱནཾ དྷམྨཱནཾ ཧཏཏྟཱ སཏོ, སཏིནིམིཏྟཱནཾ ཨསམྨུཊྛཏྟཱ སཏོ. ཨཔརེཧིཔི ཙཏཱུཧི ཀཱརཎེཧི སཏོ – སཏིཡཱ སམནྣཱགཏཏྟཱ སཏོ, སཏིཡཱ ཝསིཏཏྟཱ སཏོ, སཏིཡཱ པཱགུཉྙཏཱཡ སཏོ, སཏིཡཱ ཨཔཙྩོརོཧནཏཱཡ སཏོ. ཨཔརེཧིཔི ཙཏཱུཧི ཀཱརཎེཧི སཏོ – སཏྟཏྟཱ སཏོ, སནྟཏྟཱ སཏོ, སམིཏཏྟཱ སཏོ, སནྟདྷམྨསམནྣཱགཏཏྟཱ སཏོ. བུདྡྷཱནུསྶཏིཡཱ སཏོ, དྷམྨཱནུསྶཏིཡཱ སཏོ, སངྒྷཱནུསྶཏིཡཱ སཏོ, སཱིལཱནུསྶཏིཡཱ སཏོ, ཙཱགཱནུསྶཏིཡཱ སཏོ, དེཝཏཱནུསྶཏིཡཱ སཏོ, ཨཱནཱཔཱནསྶཏིཡཱ སཏོ, མརཎསྶཏིཡཱ སཏོ, ཀཱཡགཏཱསཏིཡཱ སཏོ, ཨུཔསམཱནུསྶཏིཡཱ སཏོ. ཡཱ སཏི ཨནུསྶཏི པཊིསྶཏི, སཏི སརཎཏཱ དྷཱརཎཏཱ ཨཔིལཱཔནཏཱ ཨསམྨུསྶནཏཱ, སཏི སཏིནྡྲིཡཾ སཏིབལཾ སམྨཱསཏི སཏིསམྦོཛ྄ཛྷངྒོ ཨེཀཱཡནམགྒོ – ཨཡཾ ཝུཙྩཏི སཏི. ཨིམཱཡ སཏིཡཱ ཨུཔེཏོ སམུཔེཏོ, ཨུཔགཏོ སམུཔགཏོ, ཨུཔཔནྣོ སམུཔཔནྣོ, སམནྣཱགཏོ སོ ཝུཙྩཏི སཏོ.

སིཀྑེཏི ¶ ཏིསྶོ སིཀྑཱ – ཨདྷིསཱིལསིཀྑཱ, ཨདྷིཙིཏྟསིཀྑཱ, ཨདྷིཔཉྙཱསིཀྑཱ. ཀཏམཱ ¶ ཨདྷིསཱིལསིཀྑཱ? ཨིདྷ བྷིཀྑུ སཱིལཝཱ ཧོཏི, པཱཏིམོཀྑསཾཝརསཾཝུཏོ ཝིཧརཏི ཨཱཙཱརགོཙརསམྤནྣོ, ཨཎུམཏྟེསུ ཝཛྫེསུ ¶ བྷཡདསྶཱཝཱི, སམཱདཱཡ སིཀྑཏི སིཀྑཱཔདེསུ, ཁུདྡཀོ སཱིལཀྑནྡྷོ… མཧནྟོ ¶ སཱིལཀྑནྡྷོ, སཱིལཾ པཏིཊྛཱ ཨཱདི ཙརཎཾ སཾཡམོ སཾཝརོ མུཁཾ པམུཁཾ ཀུསལཱནཾ དྷམྨཱནཾ སམཱཔཏྟིཡཱ – ཨཡཾ ཨདྷིསཱིལསིཀྑཱ.

ཀཏམཱ ཨདྷིཙིཏྟསིཀྑཱ? ཨིདྷ བྷིཀྑུ ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཏི. ཝིཏཀྐཝིཙཱརཱནཾ ཝཱུཔསམཱ ཨཛ྄ཛྷཏྟཾ སམྤསཱདནཾ ཙེཏསོ ཨེཀོདིབྷཱཝཾ ཨཝིཏཀྐཾ ཨཝིཙཱརཾ སམཱདྷིཛཾ པཱིཏིསུཁཾ དུཏིཡཾ ཛྷཱནཾ ཨུཔསམྤཛྫ ཝིཧརཏི. པཱིཏིཡཱ ཙ ཝིརཱགཱ ཨུཔེཀྑཀོ ཙ ཝིཧརཏི སཏོ ཙ སམྤཛཱནོ སུཁཉྩ ཀཱཡེན པཊིསཾཝེདེཏི, ཡཾ ཏཾ ཨརིཡཱ ཨཱཙིཀྑནྟི ‘‘ཨུཔེཀྑཀོ སཏིམཱ སུཁཝིཧཱརཱི’’ཏི ཏཏིཡཾ ཛྷཱནཾ ཨུཔསམྤཛྫ ཝིཧརཏི. སུཁསྶ ཙ པཧཱནཱ དུཀྑསྶ ཙ པཧཱནཱ པུབྦེཝ སོམནསྶདོམནསྶཱནཾ ཨཏྠངྒམཱ ཨདུཀྑམསུཁཾ ཨུཔེཀྑཱསཏིཔཱརིསུདྡྷིཾ ཙཏུཏྠཾ ཛྷཱནཾ ཨུཔསམྤཛྫ ཝིཧརཏི – ཨཡཾ ཨདྷིཙིཏྟསིཀྑཱ.

ཀཏམཱ ཨདྷིཔཉྙཱསིཀྑཱ? ཨིདྷ བྷིཀྑུ པཉྙཝཱ ཧོཏི, ཨུདཡཏྠགཱམིནིཡཱ པཉྙཱཡ སམནྣཱགཏོ ཨརིཡཱཡ ནིབྦེདྷིཀཱཡ སམྨཱདུཀྑཀྑཡགཱམིནིཡཱ. སོ ཨིདཾ དུཀྑནྟི ཡཐཱབྷཱུཏཾ པཛཱནཱཏི, ཨཡཾ དུཀྑསམུདཡོཏི ཡཐཱབྷཱུཏཾ པཛཱནཱཏི, ཨཡཾ དུཀྑནིརོདྷོཏི ཡཐཱབྷཱུཏཾ པཛཱནཱཏི ¶ , ཨཡཾ དུཀྑནིརོདྷགཱམིནཱི པཊིཔདཱཏི ཡཐཱབྷཱུཏཾ པཛཱནཱཏི, ཨིམེ ཨཱསཝཱཏི ཡཐཱབྷཱུཏཾ པཛཱནཱཏི, ཨཡཾ ཨཱསཝསམུདཡོཏི ཡཐཱབྷཱུཏཾ པཛཱནཱཏི, ཨཡཾ ཨཱསཝནིརོདྷོཏི ཡཐཱབྷཱུཏཾ པཛཱནཱཏི, ཨཡཾ ཨཱསཝནིརོདྷགཱམིནཱི པཊིཔདཱཏི ཡཐཱབྷཱུཏཾ པཛཱནཱཏི – ཨཡཾ ཨདྷིཔཉྙཱསིཀྑཱ.

ཏཱསཾ ཝིནཡཱ སདཱ སཏོ སིཀྑེཏི. ཏཱསཾ ཏཎྷཱནཾ ཝིནཡཱཡ པཊིཝིནཡཱཡ པཧཱནཱཡ ཝཱུཔསམཱཡ པཊིནིསྶགྒཱཡ པཊིཔསྶདྡྷིཡཱ ཨདྷིསཱིལམྤི སིཀྑེཡྻ, ཨདྷིཙིཏྟམྤི སིཀྑེཡྻ, ཨདྷིཔཉྙམྤི སིཀྑེཡྻ; ཨིམཱ ཏིསྶོ སིཀྑཱཡོ ཨཱཝཛྫནྟོ སིཀྑེཡྻ, པཛཱནནྟོ སིཀྑེཡྻ, པསྶནྟོ ¶ སིཀྑེཡྻ, པཙྩཝེཀྑནྟོ སིཀྑེཡྻ, ཙིཏྟཾ ཨདྷིཊྛཧནྟོ སིཀྑེཡྻ, སདྡྷཱཡ ཨདྷིམུཙྩནྟོ སིཀྑེཡྻ, ཝཱིརིཡཾ པགྒཎྷནྟོ སིཀྑེཡྻ, སཏིཾ ཨུཔཊྛཔེནྟོ སིཀྑེཡྻ, ཙིཏྟཾ སམཱདཧནྟོ སིཀྑེཡྻ, པཉྙཱཡ པཛཱནནྟོ སིཀྑེཡྻ, ཨབྷིཉྙེཡྻཾ ཨབྷིཛཱནནྟོ སིཀྑེཡྻ, པརིཉྙེཡྻཾ པརིཛཱནནྟོ སིཀྑེཡྻ, པཧཱཏབྦཾ པཛཧནྟོ སིཀྑེཡྻ, བྷཱཝེཏབྦཾ བྷཱཝེནྟོ སིཀྑེཡྻ, སཙྪིཀཱཏབྦཾ ¶ སཙྪིཀརོནྟོ སིཀྑེཡྻ ཨཱཙརེཡྻ སམཱཙརེཡྻ སམཱདཱཡ ཝཏྟེཡྻཱཏི – ཏཱསཾ ཝིནཡཱ སདཱ སཏོ སིཀྑེ.

ཡཱ ཀཱཙི ཏཎྷཱ ཨཛ྄ཛྷཏྟཾ, ཏཱསཾ ཝིནཡཱ སདཱ སཏོ སིཀྑེ’’ཏི.

ཡཾ ¶ ཀིཉྩི དྷམྨམབྷིཛཉྙཱ, ཨཛ྄ཛྷཏྟཾ ཨཐ ཝཱཔི བཧིདྡྷཱ;

ན ཏེན ཐཱམཾ ཀུབྦེཐ, ན ཧི སཱ ནིབྦུཏི སཏཾ ཝུཏྟཱ.

ཡཾ ཀིཉྩི དྷམྨམབྷིཛཉྙཱ ཨཛ྄ཛྷཏྟནྟི. ཡཾ ཀིཉྩི ཨཏྟནོ གུཎཾ ཛཱནེཡྻ ཀུསལེ ཝཱ དྷམྨེ ཨབྱཱཀཏེ ཝཱ དྷམྨེ. ཀཏམེ ཨཏྟནོ གུཎཱ? ཨུཙྩཱ ཀུལཱ པབྦཛིཏོ ཝཱ ཨསྶཾ [ཨསྶ (སྱཱ.)], མཧཱབྷོགཀུལཱ པབྦཛིཏོ ཝཱ ཨསྶཾ, ཨུལཱ༹རབྷོགཀུལཱ པབྦཛིཏོ ཝཱ ཨསྶཾ, ཉཱཏོ ཡསསྶཱི སགཧཊྛཔབྦཛིཏཱནནྟི ཝཱ ཨསྶཾ, ལཱབྷིམྷི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནནྟི ཝཱ ཨསྶཾ, སུཏྟནྟིཀོ ཝཱ ཨསྶཾ, ཝིནཡདྷརོ ཝཱ ཨསྶཾ, དྷམྨཀཐིཀོ ཝཱ ཨསྶཾ, ཨཱརཉྙིཀོ ཝཱ ཨསྶཾ, པིཎྜཔཱཏིཀོ ཝཱ ཨསྶཾ, པཾསུཀཱུལིཀོ ཝཱ ཨསྶཾ, ཏེཙཱིཝརིཀོ ཝཱ ཨསྶཾ, སཔདཱནཙཱརིཀོ ཝཱ ཨསྶཾ, ཁལུཔཙྪཱབྷཏྟིཀོ ཝཱ ཨསྶཾ, ནེསཛྫིཀོ ཝཱ ཨསྶཾ, ཡཐཱསནྠཏིཀོ ཝཱ ཨསྶཾ, པཋམསྶ ཛྷཱནསྶ ལཱབྷཱིཏི ཝཱ ཨསྶཾ, དུཏིཡསྶ ཛྷཱནསྶ ལཱབྷཱིཏི ཝཱ ཨསྶཾ, ཏཏིཡསྶ ཛྷཱནསྶ ¶ ལཱབྷཱིཏི ཝཱ ཨསྶཾ, ཙཏུཏྠསྶ ཛྷཱནསྶ ལཱབྷཱིཏི ཝཱ ཨསྶཾ, ཨཱཀཱསཱནཉྩཱཡཏནསམཱཔཏྟིཡཱ ལཱབྷཱིཏི ཝཱ ཨསྶཾ, ཝིཉྙཱཎཉྩཱཡཏནསམཱཔཏྟིཡཱ… ཨཱཀིཉྩཉྙཱཡཏནསམཱཔཏྟིཡཱ… ནེཝསཉྙཱནཱསཉྙཱཡཏནསམཱཔཏྟིཡཱ ལཱབྷཱིཏི ཝཱ ཨསྶཾ – ཨིམེ ཝུཙྩནྟི ཨཏྟནོ གུཎཱ ¶ . ཡཾ ཀིཉྩི ཨཏྟནོ གུཎཾ ཛཱནེཡྻ ཨཱཛཱནེཡྻ ཝིཛཱནེཡྻ པཊིཝིཛཱནེཡྻ པཊིཝིཛ྄ཛྷེཡྻཱཏི – ཡཾ ཀིཉྩི དྷམྨམབྷིཛཉྙཱ ཨཛ྄ཛྷཏྟཾ. ཨཐ ཝཱཔི བཧིདྡྷཱཏི. ཨུཔཛ྄ཛྷཱཡསྶ ཝཱ ཨཱཙརིཡསྶ ཝཱ ཏེ གུཎཱ ཨསྶཱུཏི [ཨསྶཱུཏི ཨཛ྄ཛྷཏྟཾ (བཧཱུསུ)] – ཨཐ ཝཱཔི བཧིདྡྷཱ.

ན ¶ ཏེན ཐཱམཾ ཀུབྦེཐཱཏི. ཨཏྟནོ ཝཱ གུཎེན པརེསཾ ཝཱ གུཎེན ཐཱམཾ ན ཀརེཡྻ, ཐམྦྷཾ ན ཀརེཡྻ, མཱནཾ ན ཀརེཡྻ, ཨུནྣཏིཾ ན ཀརེཡྻ, ཨུནྣམཾ ན ཀརེཡྻ, ན ཏེན མཱནཾ ཛནེཡྻ, ན ཏེན ཐདྡྷོ ཨསྶ པཏྠདྡྷོ པགྒཧིཏསིརོཏི – ན ཏེན ཐཱམཾ ཀུབྦེཐ.

ན ཧི སཱ ནིབྦུཏི སཏཾ ཝུཏྟཱཏི. སཏཱནཾ སནྟཱནཾ སཔྤུརིསཱནཾ བུདྡྷཱནཾ བུདྡྷསཱཝཀཱནཾ པཙྩེཀབུདྡྷཱནཾ སཱ ནིབྦུཏཱིཏི ན ཝུཏྟཱ ན པཝུཏྟཱ ན ཨཱཙིཀྑིཏཱ ན དེསིཏཱ ན པཉྙཔིཏཱ ¶ ན པཊྛཔིཏཱ ན ཝིཝཊཱ ན ཝིབྷཏྟཱ ན ཨུཏྟཱནཱིཀཏཱ ནཔྤཀཱསིཏཱཏི – ན ཧི སཱ ནིབྦུཏི སཏཾ ཝུཏྟཱ.

‘‘ཡཾ ཀིཉྩི དྷམྨམབྷིཛཉྙཱ, ཨཛ྄ཛྷཏྟཾ ཨཐ ཝཱཔི བཧིདྡྷཱ;

ན ཏེན ཐཱམཾ ཀུབྦེཐ, ན ཧི སཱ ནིབྦུཏི སཏཾ ཝུཏྟཱ’’ཏི.

སེཡྻོ ན ཏེན མཉྙེཡྻ, ནཱིཙེཡྻོ ཨཐ ཝཱཔི སརིཀྑོ;

ཕུཊྛོ ¶ ཨནེཀརཱུཔེཧི, ནཱཏུམཱནཾ ཝིཀཔྤཡཾ ཏིཊྛེ.

སེཡྻོ ན ཏེན མཉྙེཡྻཱཏི. ‘‘སེཡྻོཧམསྨཱི’’ཏི ཨཏིམཱནཾ ན ཛནེཡྻ ཛཱཏིཡཱ ཝཱ གོཏྟེན ཝཱ ཀོལཔུཏྟིཡེན ཝཱ ཝཎྞཔོཀྑརཏཱཡ ¶ ཝཱ དྷནེན ཝཱ ཨཛ྄ཛྷེནེན ཝཱ ཀམྨཱཡཏནེན ཝཱ སིཔྤཱཡཏནེན ཝཱ ཝིཛྫཱཊྛཱནེན ཝཱ སུཏེན ཝཱ པཊིབྷཱནེན ཝཱ ཨཉྙཏརཉྙཏརེན ཝཱ ཝཏྠུནཱཏི – སེཡྻོ ན ཏེན མཉྙེཡྻ.

ནཱིཙེཡྻོ ཨཐ ཝཱཔི སརིཀྑོཏི. ‘‘ཧཱིནོཧམསྨཱི’’ཏི ཨོམཱནཾ ན ཛནེཡྻ ཛཱཏིཡཱ ཝཱ གོཏྟེན ཝཱ…པེ… ཨཉྙཏརཉྙཏརེན ཝཱ ཝཏྠུནཱ. ‘‘སདིསོཧམསྨཱི’’ཏི མཱནཾ ན ཛནེཡྻ ཛཱཏིཡཱ ཝཱ གོཏྟེན ཝཱ ཀོལཔུཏྟིཡེན ཝཱ ཝཎྞཔོཀྑརཏཱཡ ཝཱ དྷནེན ཝཱ ཨཛ྄ཛྷེནེན ཝཱ ཀམྨཱཡཏནེན ཝཱ སིཔྤཱཡཏནེན ཝཱ ཝིཛྫཱཊྛཱནེན ཝཱ སུཏེན ཝཱ པཊིབྷཱནེན ཝཱ ཨཉྙཏརཉྙཏརེན ཝཱ ཝཏྠུནཱཏི – ནཱིཙེཡྻོ ཨཐ ཝཱཔི སརིཀྑོ.

ཕུཊྛོ ཨནེཀརཱུཔེཧཱིཏི. ཨནེཀཝིདྷེཧི ཨཱཀཱརེཧི ཕུཊྛོ པརེཏོ སམོཧིཏོ སམནྣཱགཏོཏི – ཕུཊྛོ ཨནེཀརཱུཔེཧི.

ནཱཏུམཱནཾ ¶ ཝིཀཔྤཡཾ ཏིཊྛེཏི. ཨཱཏུམཱ ཝུཙྩཏི ཨཏྟཱ. ཨཏྟཱནཾ ཀཔྤེནྟོ ཝིཀཔྤེནྟོ ཝིཀཔྤཾ ཨཱཔཛྫནྟོ ན ཏིཊྛེཡྻཱཏི – ནཱཏུམཱནཾ ཝིཀཔྤཡཾ ཏིཊྛེ.

‘‘སེཡྻོ ¶ ན ཏེན མཉྙེཡྻ, ནཱིཙེཡྻོ ཨཐ ཝཱཔི སརིཀྑོ;

ཕུཊྛོ ཨནེཀརཱུཔེཧི, ནཱཏུམཱནཾ ཝིཀཔྤཡཾ ཏིཊྛེ’’ཏི.

ཨཛ྄ཛྷཏྟམེཝུཔསམེ ¶ , ན ཨཉྙཏོ བྷིཀྑུ སནྟིམེསེཡྻ;

ཨཛ྄ཛྷཏྟཾ ཨུཔསནྟསྶ, ནཏྠི ཨཏྟཱ [ཨཏྟཾ (སྱཱ.)] ཀུཏོ ནིརཏྟཱ [ནིརཏྟཾ (སྱཱ.)] ཝཱ.

ཨཛ྄ཛྷཏྟམེཝུཔསམེཏི. ཨཛ྄ཛྷཏྟཾ རཱགཾ སམེཡྻ, དོསཾ སམེཡྻ, མོཧཾ སམེཡྻ, ཀོདྷཾ…པེ… ཨུཔནཱཧཾ… མཀྑཾ… པལཱ༹སཾ… ཨིསྶཾ… མཙྪརིཡཾ… མཱཡཾ… སཱཋེཡྻཾ… ཐམྦྷཾ… སཱརམྦྷཾ ¶ … མཱནཾ… ཨཏིམཱནཾ… མདཾ… པམཱདཾ… སབྦེ ཀིལེསེ… སབྦེ དུཙྩརིཏེ… སབྦེ དརཐེ… སབྦེ པརིལཱ༹ཧེ… སབྦེ སནྟཱཔེ… སབྦཱཀུསལཱབྷིསངྑཱརེ སམེཡྻ ཨུཔསམེཡྻ ཝཱུཔསམེཡྻ ནིབྦཱཔེཡྻ པཊིཔསྶམྦྷེཡྻཱཏི – ཨཛ྄ཛྷཏྟམེཝུཔསམེ.

ན ཨཉྙཏོ བྷིཀྑུ སནྟིམེསེཡྻཱཏི. ཨཉྙཏོ ཨསུདྡྷིམགྒེན, མིཙྪཱཔཊིཔདཱཡ, ཨནིཡྻཱནཔཏེན, ཨཉྙཏྲ སཏིཔཊྛཱནེཧི, ཨཉྙཏྲ སམྨཔྤདྷཱནེཧི, ཨཉྙཏྲ ཨིདྡྷིཔཱདེཧི, ཨཉྙཏྲ ཨིནྡྲིཡེཧི, ཨཉྙཏྲ བལེཧི, ཨཉྙཏྲ བོཛ྄ཛྷངྒེཧི, ཨཉྙཏྲ ཨརིཡཱ ཨཊྛངྒིཀཱ མགྒཱ སནྟིཾ ཨུཔསནྟིཾ ཝཱུཔསནྟིཾ ནིབྦུཏིཾ པཊིཔསྶདྡྷིཾ ན ཨེསེཡྻ ན གཝེསེཡྻ ན པརིཡེསེཡྻཱཏི – ན ཨཉྙཏོ བྷིཀྑུ སནྟིམེསེཡྻ.

ཨཛ྄ཛྷཏྟཾ ¶ ཨུཔསནྟསྶཱཏི. ཨཛ྄ཛྷཏྟཾ རཱགཾ སནྟསྶ, དོསཾ སནྟསྶ, མོཧཾ སནྟསྶ…པེ… སབྦཱཀུསལཱབྷིསངྑཱརེ སནྟསྶ ཨུཔསནྟསྶ ཝཱུཔསནྟསྶ ནིབྦུཏསྶ པཊིཔསྶདྡྷིཡཱཏི – ཨཛ྄ཛྷཏྟཾ ཨུཔསནྟསྶ.

ནཏྠི ཨཏྟཱ ཀུཏོ ནིརཏྟཱ ཝཱཏི. ནཏྠཱིཏི པཊིཀྑེཔོ. ཨཏྟཱཏི ཨཏྟདིཊྛི ནཏྠི; ནིརཏྟཱཏི ཨུཙྪེདདིཊྛི ནཏྠི. ཨཏྟཱཏི གཧིཏཾ ནཏྠི; ནིརཏྟཱཏི མུཉྩིཏབྦཾ ནཏྠི. ཡསྶཏྠི གཧིཏཾ, ཏསྶཏྠི མུཉྩིཏབྦཾ. ཏསྶ གཧིཏཾ གཱཧཾ ¶ མུཉྩནཾ སམཏིཀྐནྟོ ཨརཧཱ ཝུདྡྷིཔཱརིཧཱནིཝཱིཏིཝཏྟོ. སོ ཝུཊྛཝཱསོ ཙིཎྞཙརཎོ…པེ… ཛཱཏིམརཎསཾསཱརོ, ནཏྠི ཏསྶ པུནབྦྷཝོཏི – ནཏྠི ཨཏྟཱ ཀུཏོ ནིརཏྟཱ ཝཱ.

‘‘ཨཛ྄ཛྷཏྟམེཝུཔསམེ, ན ཨཉྙཏོ བྷིཀྑུ སནྟིམེསེཡྻ;

ཨཛ྄ཛྷཏྟཾ ཨུཔསནྟསྶ, ནཏྠི ཨཏྟཱ ཀུཏོ ནིརཏྟཱ ཝཱ’’ཏི.

མཛ྄ཛྷེ ¶ ¶ ཡཐཱ སམུདྡསྶ, ཨཱུམི ནོ ཛཱཡཏཱི ཋིཏོ ཧོཏི;

ཨེཝཾ ཋིཏོ ཨནེཛསྶ, ཨུསྶདཾ བྷིཀྑུ ན ཀརེཡྻ [ཀརེ (སཱི.)] ཀུཧིཉྩི.

མཛ྄ཛྷེ ཡཐཱ སམུདྡསྶ, ཨཱུམི ནོ ཛཱཡཏཱི ཋིཏོ ཧོཏཱིཏི. སམུདྡོ ཙཏུརཱསཱིཏིཡོཛནསཧསྶཱནི ཨུབྦེདྷེན གམྦྷཱིརོ. ཧེཊྛཱ ཙཏྟཱརཱིསཡོཛནསཧསྶཱནི ¶ ཨུདཀཾ མཙྪཀཙྪཔེཧི ཀམྤཏི. ཨུཔརི ཙཏྟཱརཱིསཡོཛནསཧསྶཱནི ཨུདཀཾ ཝཱཏེཧི ཀམྤཏི. མཛ྄ཛྷེ ཙཏྟཱརཱིསཡོཛནསཧསྶཱནི ཨུདཀཾ ན ཀམྤཏི ན ཝིཀམྤཏི ན ཙལཏི ན ཝེདྷཏི ནཔྤཝེདྷཏི ན སམྤཝེདྷཏི. ཨནེརིཏོ ཨགྷཊྚིཏོ ཨཙལིཏོ ཨལུལི༹ཏོ ཨབྷནྟོ ཝཱུཔསནྟོ ཏཏྲ ཨཱུམི ནོ ཛཱཡཏི, ཋིཏོ ཧོཏི སམུདྡོཏི. ཨེཝམྤི མཛ྄ཛྷེ ཡཐཱ སམུདྡསྶ ཨཱུམི ནོ ཛཱཡཏཱི ཋིཏོ ཧོཏི.

ཨཐ ཝཱ སཏྟནྣཾ པབྦཏཱནཾ ཨནྟརིཀཱསུ སཏྟསཱིདནྟརཱ མཧཱསམུདྡཱ. [སཱིདནྟརསམུདྡོ (སྱཱ.)] ཏཏྲ ཨུདཀཾ ན ཀམྤཏི ན ཝིཀམྤཏི ན ཙལཏི ན ཝེདྷཏི ནཔྤཝེདྷཏི ན སམྤཝེདྷཏི. ཨནེརིཏོ ཨགྷཊྚིཏོ ཨཙལིཏོ ཨལུལི༹ཏོ ཨབྷནྟོ ཝཱུཔསནྟོ ཏཏྲ ཨཱུམི ནོ ཛཱཡཏི, ཋིཏོ ཧོཏི སམུདྡོཏི. ཨེཝམྤི མཛ྄ཛྷེ ཡཐཱ སམུདྡསྶ ཨཱུམི ནོ ཛཱཡཏཱི ཋིཏོ ཧོཏི.

ཨེཝཾ ཋིཏོ ཨནེཛསྶཱཏི. ཨེཝནྟི ཨོཔམྨསམྤཊིཔཱདནཾ. ཋིཏོཏི ལཱབྷེཔི ན ཀམྤཏི, ཨལཱབྷེཔི ན ཀམྤཏི, ཡསེཔི ན ཀམྤཏི, ཨཡསེཔི ན ཀམྤཏི, པསཾསཱཡཔི ན ཀམྤཏི, ནིནྡཱཡཔི ན ཀམྤཏི, སུཁེཔི ན ཀམྤཏི, དུཀྑེཔི ན ཀམྤཏི ན ཝིཀམྤཏི ན ཙལཏི ན ཝེདྷཏི ནཔྤཝེདྷཏི ན སམྤཝེདྷཏཱིཏི – ཨེཝཾ ཋིཏོ. ཨནེཛསྶཱཏི ཨེཛཱ ཝུཙྩཏི ཏཎྷཱ. ཡོ རཱགོ ¶ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཡསྶེསཱ ཨེཛཱ ཏཎྷཱ པཧཱིནཱ ཨུཙྪིནྣཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱ, སོ ཝུཙྩཏི ཨནེཛོ. ཨེཛཱཡ པཧཱིནཏྟཱ ཨནེཛོ ¶ ; སོ ལཱབྷེཔི ན ཨིཉྫཏི, ཨལཱབྷེཔི ན ཨིཉྫཏི, ཡསེཔི ན ཨིཉྫཏི, ཨཡསེཔི ¶ ན ཨིཉྫཏི, པསཾསཱཡཔི ན ཨིཉྫཏི, ནིནྡཱཡཔི ན ཨིཉྫཏི, སུཁེཔི ན ཨིཉྫཏི, དུཀྑེཔི ན ཨིཉྫཏི, ན ཙལཏི ན ཝེདྷཏི ནཔྤཝེདྷཏི ན སམྤཝེདྷཏཱིཏི – ཨེཝཾ ཋིཏོ ཨནེཛསྶ.

ཨུསྶདཾ བྷིཀྑུ ན ཀརེཡྻ ཀུཧིཉྩཱིཏི. ཨུསྶདཱཏི སཏྟུསྶདཱ – རཱགུསྶདཾ [རཱགུསྶདོ (སྱཱ.)], དོསུསྶདཾ, མོཧུསྶདཾ, མཱནུསྶདཾ, དིཊྛུསྶདཾ, ཀིལེསུསྶདཾ, ཀམྨུསྶདཾ ན ཀརེཡྻ ན ཛནེཡྻ ན སཉྫནེཡྻ ན ¶ ནིབྦཏྟེཡྻ ནཱབྷིནིབྦཏྟེཡྻ. ཀུཧིཉྩཱིཏི ཀུཧིཉྩི ཀིསྨིཉྩི ཀཏྠཙི ཨཛ྄ཛྷཏྟཾ ཝཱ བཧིདྡྷཱ ཝཱ ཨཛ྄ཛྷཏྟབཧིདྡྷཱ ཝཱཏི – ཨུསྶདཾ བྷིཀྑུ ན ཀརེཡྻ ཀུཧིཉྩི.

‘‘མཛ྄ཛྷེ ཡཐཱ སམུདྡསྶ, ཨཱུམི ནོ ཛཱཡཏཱི ཋིཏོ ཧོཏི;

ཨེཝཾ ཋིཏོ ཨནེཛསྶ, ཨུསྶདཾ བྷིཀྑུ ན ཀརེཡྻ ཀུཧིཉྩཱི’’ཏི.

ཨཀིཏྟཡཱི ཝིཝཊཙཀྑུ, སཀྑིདྷམྨཾ པརིསྶཡཝིནཡཾ;

པཊིཔདཾ ཝདེཧི བྷདྡནྟེ, པཱཏིམོཀྑཾ ཨཐ ཝཱཔི སམཱདྷིཾ.

ཨཀིཏྟཡཱི ཝིཝཊཙཀྑཱུཏི. ཨཀིཏྟཡཱིཏི ཀིཏྟིཏཾ ཨཱཙིཀྑིཏཾ དེསིཏཾ པཉྙཔིཏཾ པཊྛཔིཏཾ ཝིཝཊཾ ཝིབྷཏྟཾ ཨུཏྟཱནཱིཀཏཾ པཀཱསིཏནྟི ¶ – ཨཀིཏྟཡི [ཨཀིཏྟཡཱིཏི ཨཀིཏྟཡི པརིཀིཏྟཡི ཨཱཙིཀྑི དེསེསི པཉྙཔེསི པཊྛཔེསི ཝིཝརི ཝིབྷཛི ཨུཏྟཱནིམཀཱསི པཀཱསེསཱིཏི ཨཀིཏྟཡི (སྱཱ.)]. ཝིཝཊཙཀྑཱུཏི བྷགཝཱ པཉྩཧི ཙཀྑཱུཧི ཝིཝཊཙཀྑུ – མཾསཙཀྑུནཱཔི ཝིཝཊཙཀྑུ, དིབྦེན ཙཀྑུནཱཔི ཝིཝཊཙཀྑུ, པཉྙཱཙཀྑུནཱཔི ཝིཝཊཙཀྑུ, བུདྡྷཙཀྑུནཱཔི ཝིཝཊཙཀྑུ, སམནྟཙཀྑུནཱཔི ཝིཝཊཙཀྑུ.

ཀཐཾ བྷགཝཱ མཾསཙཀྑུནཱཔི ཝིཝཊཙཀྑུ? མཾསཙཀྑུམྷིཔི བྷགཝཏོ པཉྩ ཝཎྞཱ སཾཝིཛྫནྟི – ནཱིལོ ཙ ཝཎྞོ, པཱིཏཀོ ཙ ཝཎྞོ, ལོཧིཏཀོ ཙ ¶ ཝཎྞོ, ཀཎྷོ ཙ ཝཎྞོ, ཨོདཱཏོ ¶ ཙ ཝཎྞོ. ཨཀྑིལོམཱནི ཙ བྷགཝཏོ ཡཏྠ ཙ ཨཀྑིལོམཱནི པཏིཊྛིཏཱནི ཏཾ ནཱིལཾ ཧོཏི སུནཱིལཾ པཱསཱདིཀཾ དསྶནེཡྻཾ ཨུམཱཔུཔྥསམཱནཾ [ཨུམྨཱཔུཔྥསམཱནཾ (སཱི. ཀ.), ཨུམྨཱརཔུཔྥསམཱནཾ (སྱཱ.)]. ཏསྶ པརཏོ པཱིཏཀཾ ཧོཏི སུཔཱིཏཀཾ སུཝཎྞཝཎྞཾ པཱསཱདིཀཾ དསྶནེཡྻཾ ཀཎིཀཱརཔུཔྥསམཱནཾ. ཨུབྷཡཏོ ཙ ཨཀྑིཀཱུཊཱནི བྷགཝཏོ ལོཧིཏཀཱནི ཧོནྟི སུལོཧིཏཀཱནི པཱསཱདིཀཱནི དསྶནེཡྻཱནི ཨིནྡགོཔཀསམཱནཱནི. མཛ྄ཛྷེ ཀཎྷཾ ཧོཏི སུཀཎྷཾ ཨལཱུཁཾ སིནིདྡྷཾ པཱསཱདིཀཾ དསྶནེཡྻཾ ཨདྡཱརིཊྛཀསམཱནཾ [ཨལཱ༹རིཊྛཀསམཱནཾ (སྱཱ.)]. ཏསྶ པརཏོ ཨོདཱཏཾ ཧོཏི སུཨོདཱཏཾ སེཏཾ པཎྜརཾ པཱསཱདིཀཾ དསྶནེཡྻཾ ཨོསདྷིཏཱརཀསམཱནཾ. ཏེན བྷགཝཱ པཱཀཏིཀེན མཾསཙཀྑུནཱ ཨཏྟབྷཱཝཔརིཡཱཔནྣེན པུརིམསུཙརིཏཀམྨཱབྷིནིབྦཏྟེན སམནྟཱ ཡོཛནཾ པསྶཏི དིཝཱ ཙེཝ རཏྟིཉྩ. ཡདཱ ཧིཔི ཙཏུརངྒསམནྣཱགཏོ ཨནྡྷཀཱརོ ཧོཏི. སཱུརིཡོ ཝཱ ཨཏྠངྒཏོ ཧོཏི. ཀཱལ༹པཀྑོ ཙ ཨུཔོསཐོ ཧོཏི. ཏིབྦོ ཙ ཝནསཎྜོ ཧོཏི. མཧཱ ཙ ཀཱལ༹མེགྷོ [ཨཀཱལམེགྷོ (སྱཱ.)] ཨབྦྷུཊྛིཏོ ཧོཏི. ཨེཝརཱུཔེཔི ཙཏུརངྒསམནྣཱགཏེ ཨནྡྷཀཱརེ སམནྟཱ ཡོཛནཾ ¶ པསྶཏི. ནཏྠི སོ ཀུཊྚོ [ཀུཌྜོ (སཱི.)] ཝཱ ཀཝཱཊཾ ཝཱ པཱཀཱརོ ཝཱ པབྦཏོ ཝཱ གཙྪོ ཝཱ ལཏཱ ཝཱ ཨཱཝརཎཾ རཱུཔཱནཾ དསྶནཱཡ. ཨེཀཉྩེ ཏིལཕལཾ ནིམིཏྟཾ ¶ ཀཏྭཱ ཏིལཝཱཧེ པཀྑིཔེཡྻ. ཏཉྙེཝ ཏིལཕལཾ ཨུདྡྷརེཡྻ. ཨེཝཾ པརིསུདྡྷཾ བྷགཝཏོ པཱཀཏིཀཾ མཾསཙཀྑུ. ཨེཝཾ བྷགཝཱ མཾསཙཀྑུནཱཔི ཝིཝཊཙཀྑུ.

ཀཐཾ བྷགཝཱ དིབྦེན ཙཀྑུནཱཔི ཝིཝཊཙཀྑུ? བྷགཝཱ དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶཏི ཙཝམཱནེ ཨུཔཔཛྫམཱནེ ཧཱིནེ པཎཱིཏེ སུཝཎྞེ དུབྦཎྞེ སུགཏེ དུགྒཏེ. ཡཐཱཀམྨཱུཔགེ སཏྟེ པཛཱནཱཏི – ‘‘ཨིམེ ཝཏ བྷོནྟོ སཏྟཱ ཀཱཡདུཙྩརིཏེན སམནྣཱགཏཱ ཝཙཱིདུཙྩརིཏེན སམནྣཱགཏཱ མནོདུཙྩརིཏེན སམནྣཱགཏཱ ཨརིཡཱནཾ ཨུཔཝཱདཀཱ མིཙྪཱདིཊྛིཀཱ མིཙྪཱདིཊྛིཀམྨསམཱདཱནཱ ¶ , ཏེ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔནྣཱ. ཨིམེ ཝཱ པན བྷོནྟོ སཏྟཱ ཀཱཡསུཙརིཏེན སམནྣཱགཏཱ ཝཙཱིསུཙརིཏེན སམནྣཱགཏཱ མནོསུཙརིཏེན སམནྣཱགཏཱ ཨརིཡཱནཾ ཨནུཔཝཱདཀཱ སམྨཱདིཊྛིཀཱ སམྨཱདིཊྛིཀམྨསམཱདཱནཱ, ཏེ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔནྣཱ’’ཏི ¶ . ཨིཏི དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶཏི ཙཝམཱནེ ཨུཔཔཛྫམཱནེ ཧཱིནེ པཎཱིཏེ སུཝཎྞེ དུབྦཎྞེ སུགཏེ དུགྒཏེ; ཡཐཱཀམྨཱུཔགེ སཏྟེ པཛཱནཱཏི. ཨཱཀངྑམཱནོ ཙ བྷགཝཱ ཨེཀམྤི ལོཀདྷཱཏུཾ པསྶེཡྻ, དྭེཔི ལོཀདྷཱཏུཡོ པསྶེཡྻ, ཏིསྶོཔི ལོཀདྷཱཏུཡོ ¶ པསྶེཡྻ, ཙཏསྶོཔི ལོཀདྷཱཏུཡོ པསྶེཡྻ, པཉྩཔི ལོཀདྷཱཏུཡོ པསྶེཡྻ, དསཔི ལོཀདྷཱཏུཡོ པསྶེཡྻ, ཝཱིསམྤི ལོཀདྷཱཏུཡོ པསྶེཡྻ, ཏིཾསམྤི ལོཀདྷཱཏུཡོ པསྶེཡྻ, ཙཏྟཱལཱིསམྤི ལོཀདྷཱཏུཡོ པསྶེཡྻ, པཉྙཱསམྤི ལོཀདྷཱཏུཡོ པསྶེཡྻ, སཏམྤི ལོཀདྷཱཏུཡོ པསྶེཡྻ, སཧསྶིམྤི ཙཱུལ༹ནིཀཾ ལོཀདྷཱཏུཾ པསྶེཡྻ, དྭིསཧསྶིམྤི མཛ྄ཛྷིམིཀཾ ལོཀདྷཱཏུཾ པསྶེཡྻ, ཏིསཧསྶིམྤི ལོཀདྷཱཏུཾ པསྶེཡྻ, མཧཱསཧསྶིམྤི [ཏིསཧསྶིཾ མཧཱསཧསྶིམྤི (སཱི. ཀ.)] ལོཀདྷཱཏུཾ པསྶེཡྻ. ཡཱཝཏཀཾ ཝཱ པན ཨཱཀངྑེཡྻ ཏཱཝཏཀཾ པསྶེཡྻ. ཨེཝཾ པརིསུདྡྷཾ བྷགཝཏོ དིབྦཙཀྑུ. ཨེཝཾ བྷགཝཱ དིབྦེན ཙཀྑུནཱཔི ཝིཝཊཙཀྑུ.

ཀཐཾ བྷགཝཱ པཉྙཱཙཀྑུནཱཔི ཝིཝཊཙཀྑུ? བྷགཝཱ མཧཱཔཉྙོ པུཐུཔཉྙོ ཧཱསཔཉྙོ ཛཝནཔཉྙོ ཏིཀྑཔཉྙོ ནིབྦེདྷིཀཔཉྙོ པཉྙཱཔབྷེདཀུསལོ པབྷིནྣཉཱཎོ ཨདྷིགཏཔཊིསམྦྷིདོ ཙཏུཝེསཱརཛྫཔྤཏྟོ དསབལདྷཱརཱི པུརིསཱསབྷོ པུརིསསཱིཧོ པུརིསནཱགོ པུརིསཱཛཉྙོ པུརིསདྷོརཡ྄ཧོ ཨནནྟཉཱཎོ ཨནནྟཏེཛོ ཨནནྟཡསོ ཨཌྜྷོ མཧདྡྷནོ དྷནཝཱ ནེཏཱ ཝིནེཏཱ ཨནུནེཏཱ པཉྙཱཔེཏཱ ཨནིཛ྄ཛྷཱཔེཏཱ པེཀྑེཏཱ པསཱདེཏཱ. སོ ཧི བྷགཝཱ ཨནུཔྤནྣསྶ མགྒསྶ ཨུཔྤཱདེཏཱ, ཨསཉྫཱཏསྶ མགྒསྶ སཉྫནེཏཱ, ཨནཀྑཱཏསྶ མགྒསྶ ཨཀྑཱཏཱ, མགྒཉྙཱུ མགྒཝིདཱུ མགྒཀོཝིདོ མགྒཱནུགཱ ཙ པན ཨེཏརཧི སཱཝཀཱ ཝིཧརནྟི པཙྪཱ སམནྣཱགཏཱ.

སོ ¶ ཧི བྷགཝཱ ཛཱནཾ ཛཱནཱཏི ¶ པསྶཾ པསྶཏི, ཙཀྑུབྷཱུཏོ ཉཱཎབྷཱུཏོ ¶ དྷམྨབྷཱུཏོ བྲཧྨབྷཱུཏོ ཝཏྟཱ པཝཏྟཱ ཨཏྠསྶ ནིནྣེཏཱ ཨམཏསྶ དཱཏཱ དྷམྨསྶཱམཱི ཏཐཱགཏོ. ནཏྠི ཏསྶ བྷགཝཏོ ཨཉྙཱཏཾ ཨདིཊྛཾ ཨཝིདིཏཾ ཨསཙྪིཀཏཾ ཨཕསྶིཏཾ པཉྙཱཡ. ཨཏཱིཏཾ ཨནཱགཏཾ པཙྩུཔྤནྣཾ [ཨཏཱིཏཱནཱགཏཔཙྩུཔྤནྣཾ (སྱཱ.) མཧཱནི. ༦༩] ཨུཔཱདཱཡ སབྦེ དྷམྨཱ སབྦཱཀཱརེན བུདྡྷསྶ བྷགཝཏོ ཉཱཎམུཁེ ཨཱཔཱཐཾ ཨཱགཙྪནྟི. ཡཾ ཀིཉྩི ནེཡྻཾ ནཱམ ཨཏྠི ཛཱནིཏབྦཾ [ཨཏྠི དྷམྨཾ ཛཱནིཏབྦཾ (སཱི. ཀ.)] ཨཏྟཏྠོ ཝཱ པརཏྠོ ཝཱ ཨུབྷཡཏྠོ ཝཱ དིཊྛདྷམྨིཀོ ཝཱ ཨཏྠོ ¶ སམྤརཱཡིཀོ ཝཱ ཨཏྠོ ཨུཏྟཱནོ ཝཱ ཨཏྠོ གམྦྷཱིརོ ཝཱ ཨཏྠོ གཱུལ༹ྷོ ཝཱ ཨཏྠོ པཊིཙྪནྣོ ཝཱ ཨཏྠོ ནེཡྻོ ཝཱ ཨཏྠོ ནཱིཏོ ཝཱ ཨཏྠོ ཨནཝཛྫོ ཝཱ ཨཏྠོ ནིཀྐིལེསོ ཝཱ ཨཏྠོ ཝོདཱནོ ཝཱ ཨཏྠོ པརམཏྠོ ཝཱ ཨཏྠོ, སབྦཾ ཏཾ [པརམཏྠོ ཝཱ, སབྦནྟཾ (སྱཱ.)] ཨནྟོབུདྡྷཉཱཎེ པརིཝཏྟཏི.

སབྦཾ ཀཱཡཀམྨཾ བུདྡྷསྶ བྷགཝཏོ ཉཱཎཱནུཔརིཝཏྟི སབྦཾ ཝཙཱིཀམྨཾ… སབྦཾ མནོཀམྨཾ… ཨཏཱིཏེ བུདྡྷསྶ བྷགཝཏོ ཨཔྤཊིཧཏཾ ཉཱཎཾ, ཨནཱགཏེ པཙྩུཔྤནྣེ ཨཔྤཊིཧཏཾ ཉཱཎཾ. ཡཱཝཏཀཾ ནེཡྻཾ ཏཱཝཏཀཾ ཉཱཎཾ, ཡཱཝཏཀཾ ཉཱཎཾ ཏཱཝཏཀཾ ནེཡྻཾ; ནེཡྻཔརིཡནྟིཀཾ ཉཱཎཾ ཉཱཎཔརིཡནྟིཀཾ ནེཡྻཾ, ནེཡྻཾ ཨཏིཀྐམིཏྭཱ ཉཱཎཾ ནཔྤཝཏྟཏི, ཉཱཎཾ ཨཏིཀྐམིཏྭཱ ནེཡྻཔཐོ ནཏྠི. ཨཉྙམཉྙཔརིཡནྟཊྛཱཡིནོ ཏེ དྷམྨཱ. ཡཐཱ དྭིནྣཾ སམུགྒཔཊལཱནཾ སམྨཱཕུསིཏཱནཾ ཧེཊྛིམཾ སམུགྒཔཊལཾ ཨུཔརིམཾ ནཱཏིཝཏྟཏི, ཨུཔརིམཾ སམུགྒཔཊལཾ ཧེཊྛིམཾ ནཱཏིཝཏྟཏི, ཨཉྙམཉྙཔརིཡནྟཊྛཱཡིནོ; ཨེཝམེཝ བུདྡྷསྶ ¶ བྷགཝཏོ ནེཡྻཉྩ ཉཱཎཉྩ ཨཉྙམཉྙཔརིཡནྟཊྛཱཡིནོ. ཡཱཝཏཀཾ ནེཡྻཾ ཏཱཝཏཀཾ ¶ ཉཱཎཾ, ཡཱཝཏཀཾ ཉཱཎཾ ཏཱཝཏཀཾ ནེཡྻཾ; ནེཡྻཔརིཡནྟིཀཾ ཉཱཎཾ ཉཱཎཔརིཡནྟིཀཾ ནེཡྻཾ. ནེཡྻཾ ཨཏིཀྐམིཏྭཱ ཉཱཎཾ ནཔྤཝཏྟཏི, ཉཱཎཾ ཨཏིཀྐམིཏྭཱ ནེཡྻཔཐོ ནཏྠི. ཨཉྙམཉྙཔརིཡནྟཊྛཱཡིནོ ཏེ དྷམྨཱ.

སབྦདྷམྨེསུ བུདྡྷསྶ བྷགཝཏོ ཉཱཎཾ པཝཏྟཏི. སབྦེ དྷམྨཱ བུདྡྷསྶ བྷགཝཏོ ཨཱཝཛྫནཔཊིབདྡྷཱ ཨཱཀངྑཔཊིབདྡྷཱ མནསིཀཱརཔཊིབདྡྷཱ ཙིཏྟུཔྤཱདཔཊིབདྡྷཱ. སབྦསཏྟེསུ བུདྡྷསྶ བྷགཝཏོ ཉཱཎཾ པཝཏྟཏི. སབྦེསཾ སཏྟཱནཾ བྷགཝཱ ཨཱསཡཾ ཛཱནཱཏི, ཨནུསཡཾ ཛཱནཱཏི, ཙརིཏཾ ཛཱནཱཏི, ཨདྷིམུཏྟིཾ ཛཱནཱཏི, ཨཔྤརཛཀྑེ མཧཱརཛཀྑེ ཏིཀྑིནྡྲིཡེ མུདིནྡྲིཡེ སྭཱཀཱརེ དྭཱཀཱརེ སུཝིཉྙཱཔཡེ དུཝིཉྙཱཔཡེ བྷབྦཱབྷབྦེ སཏྟེ པཛཱནཱཏི. སདེཝཀོ ལོཀོ སམཱརཀོ སབྲཧྨཀོ སསྶམཎབྲཱཧྨཎཱི པཛཱ སདེཝམནུསྶཱ ཨནྟོབུདྡྷཉཱཎེ པརིཝཏྟཏི [པརིཝཏྟནྟི (ཀ.) པསཱུརསུཏྟནིདྡེསེ ཨཝསཱནེཔི].

ཡཐཱ ཡེ ཀེཙི མཙྪཀཙྪཔཱ ཨནྟམསོ ཏིམིཏིམིངྒལཾ ཨུཔཱདཱཡ ཨནྟོམཧཱསམུདྡེ པརིཝཏྟནྟི; ཨེཝམེཝ སདེཝཀོ ལོཀོ སམཱརཀོ སབྲཧྨཀོ སསྶམཎབྲཱཧྨཎཱི པཛཱ སདེཝམནུསྶཱ ¶ ཨནྟོབུདྡྷཉཱཎེ པརིཝཏྟཏི [པརིཝཏྟནྟི (ཀ.) པསཱུརསུཏྟནིདྡེསེ ཨཝསཱནེཔི]. ཡཐཱ ཡེ ཀེཙི པཀྑཱི ཨནྟམསོ གརུལ༹ཾ ཝེནཏེཡྻཾ ཨུཔཱདཱཡ ཨཱཀཱསསྶ པདེསེ པརིཝཏྟནྟི; ཨེཝམེཝ ཡེཔི ཏེ ¶ སཱརིཔུཏྟསམཱ པཉྙཱཡ ཏེཔི བུདྡྷཉཱཎསྶ པདེསེ པརིཝཏྟནྟི; བུདྡྷཉཱཎཾ དེཝམནུསྶཱནཾ པཉྙཾ ཕརིཏྭཱ ཨབྷིབྷཝིཏྭཱ ཏིཊྛཏི. ཡེཔི ཏེ ཁཏྟིཡཔཎྜིཏཱ བྲཱཧྨཎཔཎྜིཏཱ ¶ གཧཔཏིཔཎྜིཏཱ སམཎཔཎྜིཏཱ ནིཔུཎཱ ཀཏཔརཔྤཝཱདཱ ཝཱལཝེདྷིརཱུཔཱ ཝོབྷིནྡནྟཱ མཉྙེ ཙརནྟི པཉྙཱགཏེན དིཊྛིགཏཱནི, ཏེ པཉྷཾ ཨབྷིསངྑརིཏྭཱ ཨབྷིསངྑརིཏྭཱ ཏཐཱགཏཾ ཨུཔསངྐམིཏྭཱ པུཙྪནྟི གཱུལ༹ྷཱནི ཙ པཊིཙྪནྣཱནི ཙ. ཀཐིཏཱ ཝིསཛྫིཏཱ ཙ ཏེ པཉྷཱ བྷགཝཏཱ ཧོནྟི ནིདྡིཊྛཀཱརཎཱ. ཨུཔཀྑིཏྟཀཱ ཙ ¶ ཏེ བྷགཝཏོ སམྤཛྫནྟི. ཨཐ ཁོ བྷགཝཱ ཏཏྠ ཨཏིརོཙཏི ཡདིདཾ པཉྙཱཡཱཏི. ཨེཝཾ བྷགཝཱ པཉྙཱཙཀྑུནཱཔི ཝིཝཊཙཀྑུ.

ཀཐཾ བྷགཝཱ བུདྡྷཙཀྑུནཱཔི ཝིཝཊཙཀྑུ? བྷགཝཱ བུདྡྷཙཀྑུནཱ ལོཀཾ ཝོལོཀེནྟོ ཨདྡས སཏྟེ ཨཔྤརཛཀྑེ མཧཱརཛཀྑེ ཏིཀྑིནྡྲིཡེ མུདིནྡྲིཡེ སྭཱཀཱརེ དྭཱཀཱརེ སུཝིཉྙཱཔཡེ དུཝིཉྙཱཔཡེ ཨཔྤེཀཙྩེ པརལོཀཝཛྫབྷཡདསྶཱཝིནོ ཝིཧརནྟེ, ཨཔྤེཀཙྩེ ན པརལོཀཝཛྫབྷཡདསྶཱཝིནོ ཝིཧརནྟེ. སེཡྻཐཱཔི ནཱམ ཨུཔྤལིནིཡཾ ཝཱ པདུམིནིཡཾ ཝཱ པུཎྜརཱིཀིནིཡཾ ཝཱ ཨཔྤེཀཙྩཱནི ཨུཔྤལཱནི ཝཱ པདུམཱནི ཝཱ པུཎྜརཱིཀཱནི ཝཱ ཨུདཀེ ཛཱཏཱནི ཨུདཀེ སཾཝཌྜྷཱནི ཨུདཀཱ ཨནུགྒཏཱནི ཨནྟོནིམུགྒཔོསཱིནི, ཨཔྤེཀཙྩཱནི ཨུཔྤལཱནི ཝཱ པདུམཱནི ཝཱ པུཎྜརཱིཀཱནི ཝཱ ཨུདཀེ ཛཱཏཱནི ཨུདཀེ སཾཝཌྜྷཱནི སམོདཀཾ ཋིཏཱནི, ཨཔྤེཀཙྩཱནི ཨུཔྤལཱནི ཝཱ པདུམཱནི ཝཱ པུཎྜརཱིཀཱནི ཝཱ ཨུདཀེ ཛཱཏཱནི ཨུདཀེ སཾཝཌྜྷཱནི ཨུདཀཱ ཨཙྩུགྒམྨ ཏིཊྛནྟི ཨནུཔལིཏྟཱནི ཨུདཀེན; ཨེཝམེཝ བྷགཝཱ བུདྡྷཙཀྑུནཱ ལོཀཾ ཝོལོཀེནྟོ ཨདྡས སཏྟེ ཨཔྤརཛཀྑེ མཧཱརཛཀྑེ ཏིཀྑིནྡྲིཡེ མུདིནྡྲིཡེ སྭཱཀཱརེ དྭཱཀཱརེ སུཝིཉྙཱཔཡེ དུཝིཉྙཱཔཡེ ཨཔྤེཀཙྩེ པརལོཀཝཛྫབྷཡདསྶཱཝིནོ ¶ ཝིཧརནྟེ, ཨཔྤེཀཙྩེ ན པརལོཀཝཛྫབྷཡདསྶཱཝིནོ ཝིཧརནྟེ. ཛཱནཱཏི བྷགཝཱ – ‘‘ཨཡཾ པུགྒལོ རཱགཙརིཏོ, ཨཡཾ དོསཙརིཏོ, ཨཡཾ མོཧཙརིཏོ, ཨཡཾ ཝིཏཀྐཙརིཏོ, ཨཡཾ སདྡྷཱཙརིཏོ, ཨཡཾ ཉཱཎཙརིཏོ’’ཏི. རཱགཙརིཏསྶ བྷགཝཱ པུགྒལསྶ ཨསུབྷཀཐཾ ཀཐེཏི; དོསཙརིཏསྶ བྷགཝཱ པུགྒལསྶ མེཏྟཱབྷཱཝནཾ ཨཱཙིཀྑཏི; མོཧཙརིཏསྶ བྷགཝཱ པུགྒལསྶ ཨུདྡེསེ པརིཔུཙྪཱཡ ཀཱལེན དྷམྨསྶཝནེ ཀཱལེན དྷམྨསཱཀཙྪཱཡ གརུསཾཝཱསེ ནིཝེསེཏི; ཝིཏཀྐཙརིཏསྶ བྷགཝཱ པུགྒལསྶ ཨཱནཱཔཱནསྶཏིཾ ཨཱཙིཀྑཏི; སདྡྷཱཙརིཏསྶ བྷགཝཱ པུགྒལསྶ པསཱདནཱིཡཾ ནིམིཏྟཾ ཨཱཙིཀྑཏི བུདྡྷསུབོདྷིཾ ¶ ¶ [བུདྡྷསུབུདྡྷཏཾ (ཀ.)] དྷམྨསུདྷམྨཏཾ སངྒྷསུཔྤཊིཔཏྟིཾ སཱིལཱནི ཙ; ཨཏྟནོ ཉཱཎཙརིཏསྶ བྷགཝཱ པུགྒལསྶ ཨཱཙིཀྑཏི ཝིཔསྶནཱནིམིཏྟཾ ཨནིཙྩཱཀཱརཾ དུཀྑཱཀཱརཾ ཨནཏྟཱཀཱརཾ.

‘‘སེལེ ¶ ཡཐཱ པབྦཏམུདྡྷནིཊྛིཏོ, ཡཐཱཔི པསྶེ ཛནཏཾ སམནྟཏོ;

ཏཐཱུཔམཾ དྷམྨམཡཾ སུམེདྷ, པཱསཱདམཱརུཡ྄ཧ སམནྟཙཀྑུ;

སོཀཱཝཏིཎྞཾ ཛནཏམཔེཏསོཀོ, ཨཝེཀྑསྶུ ཛཱཏིཛརཱབྷིབྷཱུཏ’’ནྟི.

ཨེཝཾ བྷགཝཱ བུདྡྷཙཀྑུནཱཔི ཝིཝཊཙཀྑུ.

ཀཐཾ བྷགཝཱ སམནྟཙཀྑུནཱཔི ཝིཝཊཙཀྑུ? སམནྟཙཀྑུ ཝུཙྩཏི སབྦཉྙུཏཉཱཎཾ. བྷགཝཱ སབྦཉྙུཏཉཱཎེན ཨུཔེཏོ སམུཔེཏོ ཨུཔགཏོ ¶ སམུཔགཏོ ཨུཔཔནྣོ སམུཔཔནྣོ སམནྣཱགཏོ.

‘‘ན ཏསྶ ཨདིཊྛམིདྷཏྠི ཀིཉྩི, ཨཐོ ཨཝིཉྙཱཏམཛཱནིཏབྦཾ;

སབྦཾ ཨབྷིཉྙཱསི ཡདཏྠི ནེཡྻཾ, ཏཐཱགཏོ ཏེན སམནྟཙཀྑཱུ’’ཏི.

ཨེཝཾ བྷགཝཱ སམནྟཙཀྑུནཱཔི ཝིཝཊཙཀྑཱུཏི – ཨཀིཏྟཡི ཝིཝཊཙཀྑུ.

སཀྑིདྷམྨཾ པརིསྶཡཝིནཡནྟི. སཀྑིདྷམྨནྟི ན ཨིཏིཧིཏིཧཾ, ན ཨིཏིཀིརཱཡ, ན པརམྤརཱཡ, ན པིཊཀསམྤདཱཡ, ན ཏཀྐཧེཏུ, ན ནཡཧེཏུ, ན ཨཱཀཱརཔརིཝིཏཀྐེན, ན དིཊྛིནིཛ྄ཛྷཱནཀྑནྟིཡཱ སཱམཾ སཡམབྷིཉྙཱཏཾ ཨཏྟཔཙྩཀྑཾ དྷམྨནྟི – སཀྑིདྷམྨཾ. པརིསྶཡཝིནཡནྟི. པརིསྶཡཱཏི དྭེ པརིསྶཡཱ – པཱཀཊཔརིསྶཡཱ ཙ པཊིཙྪནྣཔརིསྶཡཱ ཙ. ཀཏམེ པཱཀཊཔརིསྶཡཱ? སཱིཧཱ བྱགྒྷཱ དཱིཔཱི ཨཙྪཱ ཏརཙྪཱ ¶ ཀོཀཱ མཧིཾསཱ [གོམཧིསཱ (སྱཱ.) མཧཱནི. ༥] ཧཏྠཱི ཨཧི ཝིཙྪིཀཱ སཏཔདཱི, ཙོརཱ ཝཱ ཨསྶུ མཱནཝཱ ཝཱ ཀཏཀམྨཱ ཝཱ ཨཀཏཀམྨཱ ཝཱ, ཙཀྑུརོགོ སོཏརོགོ གྷཱནརོགོ ཛིཝ྄ཧཱརོགོ ཀཱཡརོགོ སཱིསརོགོ ཀཎྞརོགོ མུཁརོགོ དནྟརོགོ ཀཱསོ སཱསོ པིནཱསོ ཌཱཧོ [ཌཧོ (སཱི. སྱཱ.) མཧཱནི. ༥] ཛརོ ཀུཙྪིརོགོ མུཙྪཱ པཀྑནྡིཀཱ སཱུལཱ ཝིསཱུཙིཀཱ ཀུཊྛཾ གཎྜོ ཀིལཱསོ སོསོ ཨཔམཱརོ ¶ དདྡུ ཀཎྜུ ཀཙྪུ རཁསཱ ཝིཏཙྪིཀཱ ལོཧིཏཔིཏྟཾ [ལོཧིཏཾ པིཏྟཾ (སྱཱ. ཀ.)] མདྷུམེཧོ ཨཾསཱ པིལ༹ཀཱ བྷགནྡལཱ, པིཏྟསམུཊྛཱནཱ ཨཱབཱདྷཱ སེམྷསམུཊྛཱནཱ ཨཱབཱདྷཱ ¶ ཝཱཏསམུཊྛཱནཱ ཨཱབཱདྷཱ སནྣིཔཱཏིཀཱ ཨཱབཱདྷཱ ཨུཏུཔརིཎཱམཛཱ ཨཱབཱདྷཱ ཝིསམཔརིཧཱརཛཱ ཨཱབཱདྷཱ ཨོཔཀྐམིཀཱ ཨཱབཱདྷཱ ཀམྨཝིཔཱཀཛཱ ཨཱབཱདྷཱ, སཱིཏཾ ཨུཎྷཾ ཛིགྷཙྪཱ པིཔཱསཱ ཨུཙྩཱརོ པསྶཱཝོ ཌཾསམཀསཝཱཏཱཏཔསརཱིསཔསམྥསྶཱ ཨིཏི ཝཱ – ཨིམེ ཝུཙྩནྟི པཱཀཊཔརིསྶཡཱ.

ཀཏམེ པཊིཙྪནྣཔརིསྶཡཱ? ཀཱཡདུཙྩརིཏཾ ཝཙཱིདུཙྩརིཏཾ མནོདུཙྩརིཏཾ ཀཱམཙྪནྡནཱིཝརཎཾ ¶ བྱཱཔཱདནཱིཝརཎཾ ཐིནམིདྡྷནཱིཝརཎཾ ཨུདྡྷཙྩཀུཀྐུཙྩནཱིཝརཎཾ ཝིཙིཀིཙྪཱནཱིཝརཎཾ རཱགོ དོསོ མོཧོ ཀོདྷོ ཨུཔནཱཧོ མཀྑོ པལཱ༹སོ ཨིསྶཱ མཙྪརིཡཾ མཱཡཱ སཱཋེཡྻཾ ཐམྦྷོ སཱརམྦྷོ མཱནོ ཨཏིམཱནོ མདོ པམཱདོ, སབྦེ ཀིལེསཱ སབྦེ དུཙྩརིཏཱ སབྦེ དརཐཱ སབྦེ པརིལཱ༹ཧཱ སབྦེ སནྟཱཔཱ སབྦཱཀུསལཱབྷིསངྑཱརཱ – ཨིམེ ཝུཙྩནྟི པཊིཙྪནྣཔརིསྶཡཱ.

ཀཐཾ པརིཧཱནཱཡ སཾཝཏྟནྟཱིཏི པརིསྶཡཱ? ཏེ པརིསྶཡཱ ཀུསལཱནཾ དྷམྨཱནཾ ཨནྟརཱཡཱཡ པརིཧཱནཱཡ སཾཝཏྟནྟི. ཀཏམེསཾ ཀུསལཱནཾ དྷམྨཱནཾ? སམྨཱཔཊིཔདཱཡ ཨནུལོམཔཊིཔདཱཡ ཨཔཙྩནཱིཀཔཊིཔདཱཡ ¶ ¶ ཨཝིརུདྡྷཔཊིཔདཱཡ ཨནྭཏྠཔཊིཔདཱཡ དྷམྨཱནུདྷམྨཔཊིཔདཱཡ སཱིལེསུ པརིཔཱུརཀཱརིཏཱཡ ཨིནྡྲིཡེསུ གུཏྟདྭཱརཏཱཡ བྷོཛནེ མཏྟཉྙུཏཱཡ ཛཱགརིཡཱནུཡོགསྶ སཏིསམྤཛཉྙསྶ ཙཏུནྣཾ སཏིཔཊྛཱནཱནཾ བྷཱཝནཱནུཡོགསྶ ཙཏུནྣཾ སམྨཔྤདྷཱནཱནཾ ཙཏུནྣཾ ཨིདྡྷིཔཱདཱནཾ པཉྩནྣཾ ཨིནྡྲིཡཱནཾ པཉྩནྣཾ བལཱནཾ སཏྟནྣཾ བོཛ྄ཛྷངྒཱནཾ ཨརིཡསྶ ཨཊྛངྒིཀསྶ མགྒསྶ བྷཱཝནཱནུཡོགསྶ – ཨིམེསཾ ཀུསལཱནཾ དྷམྨཱནཾ ཨནྟརཱཡཱཡ པརིཧཱནཱཡ སཾཝཏྟནྟི. ཨེཝམྤི པརིཧཱནཱཡ སཾཝཏྟནྟཱིཏི – པརིསྶཡཱ.

ཀཐཾ ¶ ཏཏྲཱསཡཱཏི པརིསྶཡཱ? ཏཏྠེཏེ པཱཔཀཱ ཨཀུསལཱ དྷམྨཱ ཨུཔྤཛྫནྟི ཨཏྟབྷཱཝསནྣིསྶཡཱ. ཡཐཱ བིལེ བིལཱསཡཱ པཱཎཱ སཡནྟི, དཀེ དཀཱསཡཱ པཱཎཱ སཡནྟི, ཝནེ ཝནཱསཡཱ པཱཎཱ སཡནྟི, རུཀྑེ རུཀྑཱསཡཱ པཱཎཱ སཡནྟི; ཨེཝམེཝ ཏཏྠེཏེ པཱཔཀཱ ཨཀུསལཱ དྷམྨཱ ཨུཔྤཛྫནྟི ཨཏྟབྷཱཝསནྣིསྶཡཱཏི. ཨེཝམྤི ཏཏྲཱསཡཱཏི – པརིསྶཡཱ.

ཝུཏྟཉྷེཏཾ བྷགཝཏཱ – ‘‘སཱནྟེཝཱསིཀོ, བྷིཀྑཝེ, བྷིཀྑུ སཱཙརིཡཀོ དུཀྑཾ ན ཕཱསུ ཝིཧརཏི. ཀཐཉྩ, བྷིཀྑཝེ, བྷིཀྑུ སཱནྟེཝཱསིཀོ སཱཙརིཡཀོ དུཀྑཾ ན ཕཱསུ ཝིཧརཏི? ཨིདྷ, བྷིཀྑཝེ, བྷིཀྑུནོ ཙཀྑུནཱ རཱུཔཾ དིསྭཱ ཨུཔྤཛྫནྟི པཱཔཀཱ ཨཀུསལཱ དྷམྨཱ སརསངྐཔྤཱ སཉྙོཛནིཡཱ, ཏྱསྶ ཨནྟོ ཝསནྟི ཨནྭཱསྶཝནྟི པཱཔཀཱ ཨཀུསལཱ དྷམྨཱཏི. ཏསྨཱ ¶ སཱནྟེཝཱསིཀོཏི ཝུཙྩཏི. ཏེ ནཾ སམུདཱཙརནྟི, སམུདཱཙརནྟི [སམུདཱཙཱརེནྟི (སཱི.)] ནཾ པཱཔཀཱ ¶ ཨཀུསལཱ དྷམྨཱཏི. ཏསྨཱ སཱཙརིཡཀོཏི ཝུཙྩཏི.

‘‘པུན ཙཔརཾ, བྷིཀྑཝེ, བྷིཀྑུནོ སོཏེན སདྡཾ སུཏྭཱ…པེ… གྷཱནེན གནྡྷཾ གྷཱཡིཏྭཱ… ཛིཝ྄ཧཱཡ རསཾ སཱཡིཏྭཱ… ཀཱཡེན ཕོཊྛབྦཾ ཕུསིཏྭཱ ¶ … མནསཱ དྷམྨཾ ཝིཉྙཱཡ ཨུཔྤཛྫནྟི པཱཔཀཱ ཨཀུསལཱ དྷམྨཱ སརསངྐཔྤཱ སཉྙོཛནིཡཱ, ཏྱསྶ ཨནྟོ ཝསནྟི ཨནྭཱསྶཝནྟི པཱཔཀཱ ཨཀུསལཱ དྷམྨཱཏི. ཏསྨཱ སཱནྟེཝཱསིཀོཏི ཝུཙྩཏི. ཏེ ནཾ སམུདཱཙརནྟི, སམུདཱཙརནྟི ནཾ པཱཔཀཱ ཨཀུསལཱ དྷམྨཱཏི. ཏསྨཱ སཱཙརིཡཀོཏི ཝུཙྩཏི. ཨེཝཾ ཁོ, བྷིཀྑཝེ, བྷིཀྑུ སཱནྟེཝཱསིཀོ སཱཙརིཡཀོ དུཀྑཾ ན ཕཱསུ ཝིཧརཏཱི’’ཏི. ཨེཝམྤི ཏཏྲཱསཡཱཏི – པརིསྶཡཱ.

ཝུཏྟཉྷེཏཾ བྷགཝཏཱ – ‘‘ཏཡོམེ, བྷིཀྑཝེ, ཨནྟརཱམལཱ ཨནྟརཱཨམིཏྟཱ ཨནྟརཱསཔཏྟཱ ཨནྟརཱཝདྷཀཱ ཨནྟརཱཔཙྩཏྠིཀཱ. ཀཏམེ ཏཡོ? ལོབྷོ, བྷིཀྑཝེ, ཨནྟརཱམལོ [ཨནྟརཱམལཾ (སཱི. ཀ.) ཨིཏིཝུ. ༨༨] ཨནྟརཱཨམིཏྟོ ཨནྟརཱསཔཏྟོ ཨནྟརཱཝདྷཀོ ཨནྟརཱཔཙྩཏྠིཀོ; དོསོ, བྷིཀྑཝེ…པེ… མོཧོ, བྷིཀྑཝེ, ཨནྟརཱམལོ ཨནྟརཱཨམིཏྟོ ཨནྟརཱསཔཏྟོ ཨནྟརཱཝདྷཀོ ཨནྟརཱཔཙྩཏྠིཀོ. ཨིམེ ཁོ, བྷིཀྑཝེ, ཏཡོ ཨནྟརཱམལཱ ཨནྟརཱཨམིཏྟཱ ཨནྟརཱསཔཏྟཱ ཨནྟརཱཝདྷཀཱ ཨནྟརཱཔཙྩཏྠིཀཱ’’ཏི.

‘‘ཨནཏྠཛནནོ ¶ ལོབྷོ, ལོབྷོ ཙིཏྟཔྤཀོཔནོ;

བྷཡམནྟརཏོ ཛཱཏཾ, ཏཾ ཛནོ ནཱཝབུཛ྄ཛྷཏི.

‘‘ལུདྡྷོ ¶ ཨཏྠཾ ན ཛཱནཱཏི, ལུདྡྷོ དྷམྨཾ ན པསྶཏི;

ཨནྡྷནྟམཾ [ཨནྡྷཏམཾ (སྱཱ.) ཨིཏིཝུ. ༨༨] ཏདཱ ཧོཏི, ཡཾ ལོབྷོ སཧཏེ ནརཾ.

‘‘ཨནཏྠཛནནོ དོསོ, དོསོ ཙིཏྟཔྤཀོཔནོ;

བྷཡམནྟརཏོ ཛཱཏཾ, ཏཾ ཛནོ ནཱཝབུཛ྄ཛྷཏི.

‘‘ཀུདྡྷོ ཨཏྠཾ ན ཛཱནཱཏི, ཀུདྡྷོ དྷམྨཾ ན པསྶཏི;

ཨནྡྷནྟམཾ ཏདཱ ཧོཏི, ཡཾ དོསོ སཧཏེ ནརཾ.

‘‘ཨནཏྠཛནནོ ¶ ¶ མོཧོ, མོཧོ ཙིཏྟཔྤཀོཔནོ;

བྷཡམནྟརཏོ ཛཱཏཾ, ཏཾ ཛནོ ནཱཝབུཛ྄ཛྷཏི.

‘‘མཱུལ༹ྷོ ཨཏྠཾ ན ཛཱནཱཏི, མཱུལ༹ྷོ དྷམྨཾ ན པསྶཏི;

ཨནྡྷནྟམཾ ཏདཱ ཧོཏི, ཡཾ མོཧོ སཧཏེ ནར’’ནྟི.

ཝུཏྟཉྷེཏཾ བྷགཝཏཱ – ‘‘ཏཡོ ཁོ, མཧཱརཱཛ, པུརིསསྶ དྷམྨཱ ཨཛ྄ཛྷཏྟཾ ཨུཔྤཛྫམཱནཱ ཨུཔྤཛྫནྟི ཨཧིཏཱཡ དུཀྑཱཡ ཨཕཱསུཝིཧཱརཱཡ. ཀཏམེ ཏཡོ? ལོབྷོ ཁོ, མཧཱརཱཛ, པུརིསསྶ དྷམྨོ ཨཛ྄ཛྷཏྟཾ ཨུཔྤཛྫམཱནོ ཨུཔྤཛྫཏི ཨཧིཏཱཡ དུཀྑཱཡ ཨཕཱསུཝིཧཱརཱཡ; དོསོ ཁོ, མཧཱརཱཛ…པེ… མོཧོ ཁོ, མཧཱརཱཛ, པུརིསསྶ དྷམྨོ ཨཛ྄ཛྷཏྟཾ ཨུཔྤཛྫམཱནོ ཨུཔྤཛྫཏི ཨཧིཏཱཡ དུཀྑཱཡ ཨཕཱསུཝིཧཱརཱཡ. ཨིམེ ཁོ, མཧཱརཱཛ, ཏཡོ པུརིསསྶ དྷམྨཱ ཨཛ྄ཛྷཏྟཾ ཨུཔྤཛྫམཱནཱ ཨུཔྤཛྫནྟི ཨཧིཏཱཡ དུཀྑཱཡ ཨཕཱསུཝིཧཱརཱཡ.

‘‘ལོབྷོ ¶ དོསོ ཙ མོཧོ ཙ, པུརིསཾ པཱཔཙེཏསཾ;

ཧིཾསནྟི ཨཏྟསམྦྷཱུཏཱ, ཏཙསཱརཾཝ སམྥལ’’ནྟི.

‘‘རཱགོ ཙ དོསོ ཙ ཨིཏོ ནིདཱནཱ, ཨརཏཱི རཏཱི ལོམཧཾསོ ཨིཏོཛཱ;

ཨིཏོ སམུཊྛཱཡ མནོཝིཏཀྐཱ, ཀུམཱརཀཱ དྷངྐམིཝོསྶཛནྟཱི’’ཏི.

པརིསྶཡཝིནཡནྟི ¶ པརིསྶཡཝིནཡཾ པརིསྶཡཔྤཧཱནཾ པརིསྶཡཝཱུཔསམཾ པརིསྶཡཔཊིནིསྶགྒཾ པརིསྶཡཔཊིཔསྶདྡྷིཾ ཨམཏཾ ནིབྦཱནནྟི – སཀྑིདྷམྨཾ པརིསྶཡཝིནཡཾ.

པཊིཔདཾ ཝདེཧི བྷདྡནྟེཏི. པཊིཔདཾ ཝདེཧི – སམྨཱཔཊིཔདཾ ཨནུལོམཔཊིཔདཾ ཨཔཙྩནཱིཀཔཊིཔདཾ ¶ ཨཝིརུདྡྷཔཊིཔདཾ ཨནྭཏྠཔཊིཔདཾ དྷམྨཱནུདྷམྨཔཊིཔདཾ སཱིལེསུ པརིཔཱུརཀཱརིཏཾ ཨིནྡྲིཡེསུ གུཏྟདྭཱརཏཾ བྷོཛནེ མཏྟཉྙུཏཾ ཛཱགརིཡཱནུཡོགཾ སཏིསམྤཛཉྙཾ ཙཏྟཱརོ སཏིཔཊྛཱནེ ཙཏྟཱརོ སམྨཔྤདྷཱནེ ཙཏྟཱརོ ཨིདྡྷིཔཱདེ པཉྩིནྡྲིཡཱནི པཉྩ བལཱནི སཏྟ བོཛ྄ཛྷངྒེ ཨརིཡཾ ཨཊྛངྒིཀཾ མགྒཾ ནིབྦཱནཉྩ ནིབྦཱནགཱམིནིཉྩ པཊིཔདཾ ཝདེཧི ཨཱཙིཀྑ དེསེཧི པཉྙཔེཧི པཊྛཔེཧི ཝིཝར ཝིབྷཛ ཨུཏྟཱནཱིཀརོཧི པཀཱསེཧཱིཏི – པཊིཔདཾ ཝདེཧི. བྷདྡནྟེཏི སོ ནིམྨིཏོ ¶ བུདྡྷཾ བྷགཝནྟཾ ཨཱལཔཏི. ཨཐ ཝཱ ཡཾ ཏྭཾ དྷམྨཾ ཨཱཙིཀྑསི དེསེསི པཉྙཔེསི པཊྛཔེསི ཝིཝརི ཝིབྷཛི ཨུཏྟཱནཱིཨཀཱསི པཀཱསེསི སབྦཾ ཏཾ སུནྡརཾ བྷདྡཀཾ ཀལྱཱཎཾ ཨནཝཛྫཾ སེཝིཏབྦནྟི – པཊིཔདཾ ཝདེཧི བྷདྡནྟེ.

པཱཏིམོཀྑཾ ཨཐ ཝཱཔི སམཱདྷིནྟི. པཱཏིམོཀྑནྟི སཱིལཾ པཏིཊྛཱ ཨཱདི ཙརཎཾ སཾཡམོ སཾཝརོ མུཁཾ པམུཁཾ ཀུསལཱནཾ དྷམྨཱནཾ སམཱཔཏྟིཡཱ. ཨཐ ཝཱཔི སམཱདྷིནྟི ཡཱ ཙིཏྟསྶ ཋིཏི སཎྛིཏི ཨཝཊྛིཏི ཨཝིསཱཧཱརོ ཨཝིཀྑེཔོ ཨཝིསཱཧཏམཱནསཏཱ སམཐོ སམཱདྷིནྡྲིཡཾ སམཱདྷིབལཾ སམྨཱསམཱདྷཱིཏི – པཱཏིམོཀྑཾ ཨཐ ཝཱཔི སམཱདྷིཾ.

‘‘ཨཀིཏྟཡཱི ཝིཝཊཙཀྑུ, སཀྑིདྷམྨཾ པརིསྶཡཝིནཡཾ;

པཊིཔདཾ ཝདེཧི བྷདྡནྟེ, པཱཏིམོཀྑཾ ཨཐ ཝཱཔི སམཱདྷི’’ནྟི.

ཙཀྑཱུཧི ¶ ནེཝ ལོལསྶ, གཱམཀཐཱཡ ཨཱཝརཡེ སོཏཾ;

རསེ ཙ ནཱནུགིཛ྄ཛྷེཡྻ, ན ཙ མམཱཡེཐ ཀིཉྩི ལོཀསྨིཾ.

ཙཀྑཱུཧི ¶ ནེཝ ལོལསྶཱཏི. ཀཐཾ ཙཀྑུལོལོཏི? ཨིདྷེཀཙྩོ ཙཀྑུལོལིཡེན སམནྣཱགཏོ ཧོཏི – ‘‘ཨདིཊྛཾ དཀྑིཏབྦཾ ¶ , དིཊྛཾ སམཏིཀྐམིཏབྦ’’ནྟི ཨཱརཱམེན ཨཱརཱམཾ ཨུཡྻཱནེན ཨུཡྻཱནཾ གཱམེན གཱམཾ ནིགམེན ནིགམཾ ནགརེན ནགརཾ རཊྛེན རཊྛཾ ཛནཔདེན ཛནཔདཾ དཱིགྷཙཱརིཀཾ ཨནཝཊྛིཏཙཱརིཀཾ [ཨནཝཏྠིཏཙཱརིཀཾ (སཱི. སྱཱ.)] ཨནུཡུཏྟོ ཙ ཧོཏི རཱུཔསྶ དསྶནཱཡ. ཨེཝམྤི ཙཀྑུལོལོ ཧོཏི.

ཨཐ ཝཱ བྷིཀྑུ ཨནྟརགྷརཾ པཝིཊྛོ ཝཱིཐིཾ པཊིཔནྣོ ཨསཾཝུཏོ གཙྪཏི ཧཏྠིཾ ཨོལོཀེནྟོ, ཨསྶཾ ཨོལོཀེནྟོ, རཐཾ ཨོལོཀེནྟོ, པཏྟིཾ ཨོལོཀེནྟོ, ཨིཏྠིཡོ ཨོལོཀེནྟོ, པུརིསེ ཨོལོཀེནྟོ, ཀུམཱརཀེ ཨོལོཀེནྟོ, ཀུམཱརིཀཱཡོ ཨོལོཀེནྟོ, ཨནྟརཱཔཎཾ ཨོལོཀེནྟོ ¶ , གྷརམུཁཱནི ཨོལོཀེནྟོ, ཨུདྡྷཾ ཨོལོཀེནྟོ, ཨདྷོ ཨོལོཀེནྟོ, དིསཱཝིདིསཾ ཝིཔེཀྑམཱནོ གཙྪཏི. ཨེཝམྤི ཙཀྑུལོལོ ཧོཏི.

ཨཐ ཝཱ བྷིཀྑུ ཙཀྑུནཱ རཱུཔཾ དིསྭཱ ནིམིཏྟགྒཱཧཱི ཧོཏི ཨནུབྱཉྫནགྒཱཧཱི. ཡཏྭཱདྷིཀརཎམེནཾ ཙཀྑུནྡྲིཡཾ ཨསཾཝུཏཾ ཝིཧརནྟཾ ཨབྷིཛ྄ཛྷཱདོམནསྶཱ པཱཔཀཱ ཨཀུསལཱ དྷམྨཱ ཨནྭཱསྶཝེཡྻུཾ, ཏསྶ སཾཝརཱཡ ན པཊིཔཛྫཏི, ན རཀྑཏི ཙཀྑུནྡྲིཡཾ, ཙཀྑུནྡྲིཡེ ན སཾཝརཾ ཨཱཔཛྫཏི. ཨེཝམྤི ཙཀྑུལོལོ ཧོཏི.

ཡཐཱ ཝཱ པནེཀེ བྷོནྟོ སམཎབྲཱཧྨཎཱ སདྡྷཱདེཡྻཱནི བྷོཛནཱནི བྷུཉྫིཏྭཱ ཏེ ཨེཝརཱུཔཾ ཝིསཱུཀདསྶནཾ ཨནུཡུཏྟཱ ཝིཧརནྟི, སེཡྻཐིདཾ – ནཙྩཾ གཱིཏཾ ཝཱདིཏཾ པེཀྑཾ ཨཀྑཱནཾ པཱཎིསྶརཾ ཝེཏཱལ༹ཾ ཀུམྦྷཐཱུཎཾ [ཀུམྦྷཐཱུནཾ (སཱི. སྱཱ. ཀ.)] སོབྷནཀཾ [སོབྷནགརཀཾ (སཱི. སྱཱ.)] ཙཎྜཱལཾ ཝཾསཾ དྷོཝནཾ ཧཏྠིཡུདྡྷཾ ཨསྶཡུདྡྷཾ མཧིཾསཡུདྡྷཾ [མཧིསཡུདྡྷཾ (སཱི. སྱཱ.)] ཨུསབྷཡུདྡྷཾ ཨཛཡུདྡྷཾ མེཎྜཡུདྡྷཾ ཀུཀྐུཊཡུདྡྷཾ ཝཊྚཀཡུདྡྷཾ དཎྜཡུདྡྷཾ མུཊྛིཡུདྡྷཾ ནིབྦུདྡྷཾ ཨུཡྻོདྷིཀཾ ¶ བལགྒཾ སེནཱབྱཱུཧཾ ཨནཱིཀདསྶནཾ ཨིཏི ཝཱ ¶ . ཨེཝམྤི ཙཀྑུལོལོ ཧོཏི.

ཀཐཾ ¶ ན ཙཀྑུལོལོ ཧོཏི? ཨིདྷ བྷིཀྑུ ཨནྟརགྷརཾ པཝིཊྛོ ཝཱིཐིཾ པཊིཔནྣོ སཾཝུཏོ གཙྪཏི ན ཧཏྠིཾ ཨོལོཀེནྟོ, ན ཨསྶཾ ཨོལོཀེནྟོ, ན རཐཾ ཨོལོཀེནྟོ, ན པཏྟིཾ ཨོལོཀེནྟོ, ན ཨིཏྠིཡོ ཨོལོཀེནྟོ, ན པུརིསེ ཨོལོཀེནྟོ, ན ཀུམཱརཀེ ཨོལོཀེནྟོ, ན ཀུམཱརིཀཱཡོ ཨོལོཀེནྟོ, ན ཨནྟརཱཔཎཾ ཨོལོཀེནྟོ, ན གྷརམུཁཱནི ཨོལོཀེནྟོ, ན ཨུདྡྷཾ ཨོལོཀེནྟོ, ན ཨདྷོ ཨོལོཀེནྟོ, ན དིསཱཝིདིསཱཝིཔེཀྑམཱནོ གཙྪཏི. ཨེཝམྤི ན ཙཀྑུལོལོ ཧོཏི.

ཨཐ ཝཱ བྷིཀྑུ ཙཀྑུནཱ རཱུཔཾ དིསྭཱ ན ནིམིཏྟགྒཱཧཱི ཧོཏི ནཱནུབྱཉྫནགྒཱཧཱི. ཡཏྭཱདྷིཀརཎམེནཾ ཙཀྑུནྡྲིཡཾ ཨསཾཝུཏཾ ཝིཧརནྟཾ ཨབྷིཛ྄ཛྷཱདོམནསྶཱ པཱཔཀཱ ཨཀུསལཱ དྷམྨཱ ཨནྭཱསྶཝེཡྻུཾ, ཏསྶ སཾཝརཱཡ པཊིཔཛྫཏི, རཀྑཏི ཙཀྑུནྡྲིཡཾ, ཙཀྑུནྡྲིཡེ སཾཝརཾ ཨཱཔཛྫཏི. ཨེཝམྤི ན ཙཀྑུལོལོ ཧོཏི.

ཡཐཱ ཝཱ པནེཀེ བྷོནྟོ སམཎབྲཱཧྨཎཱ སདྡྷཱདེཡྻཱནི བྷོཛནཱནི བྷུཉྫིཏྭཱ ཏེ ཨེཝརཱུཔཾ ཝིསཱུཀདསྶནཾ ཨནནུཡུཏྟཱ ཝིཧརནྟི, སེཡྻཐིདཾ – ནཙྩཾ གཱིཏཾ ཝཱདིཏཾ པེཀྑཾ ཨཀྑཱནཾ…པེ… ཨནཱིཀདསྶནཾ ཨིཏི ཝཱ. ཨེཝརཱུཔཱ ཝིསཱུཀདསྶནཱ པཊིཝིརཏོ ཧོཏི. ཨེཝམྤི ན ཙཀྑུལོལོ ཧོཏི.

ཙཀྑཱུཧི ¶ ནེཝ ལོལསྶཱཏི. ཙཀྑུལོལིཡཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, ཙཀྑུལོལིཡཱ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ¶ ཝིཧརེཡྻཱཏི – ཙཀྑཱུཧི ནེཝ ལོལསྶ.

གཱམཀཐཱཡ ཨཱཝརཡེ སོཏནྟི. གཱམཀཐཱ ཝུཙྩཏི བཱཏྟིཾས ཏིརཙྪཱནཀཐཱ, སེཡྻཐིདཾ – རཱཛཀཐཱ ཙོརཀཐཱ མཧཱམཏྟཀཐཱ སེནཱཀཐཱ བྷཡཀཐཱ ཡུདྡྷཀཐཱ ཨནྣཀཐཱ པཱནཀཐཱ ཝཏྠཀཐཱ ཡཱནཀཐཱ སཡནཀཐཱ མཱལཱཀཐཱ གནྡྷཀཐཱ ཉཱཏིཀཐཱ གཱམཀཐཱ ནིགམཀཐཱ ¶ ནགརཀཐཱ ཛནཔདཀཐཱ ཨིཏྠིཀཐཱ [ཨིཏྠིཀཐཱ པུརིསཀཐཱ (བཧཱུསུ)] སཱུརཀཐཱ ཝིསིཁཱཀཐཱ ཀུམྦྷཊྛཱནཀཐཱ པུབྦཔེཏཀཐཱ ནཱནཏྟཀཐཱ ལོཀཀྑཱཡིཀཱ སམུདྡཀྑཱཡིཀཱ ཨིཏིབྷཝཱབྷཝཀཐཱ ཨིཏི ཝཱ. གཱམཀཐཱཡ ཨཱཝརཡེ སོཏནྟི ¶ . གཱམཀཐཱཡ སོཏཾ ཨཱཝརེཡྻ ནིཝཱརེཡྻ སཾཝརེཡྻ རཀྑེཡྻ གོཔེཡྻ པིདཧེཡྻ པཙྪིནྡེཡྻཱཏི – གཱམཀཐཱཡ ཨཱཝརཡེ སོཏཾ.

རསེ ཙ ནཱནུགིཛ྄ཛྷེཡྻཱཏི. རསེ ཙཱཏི མཱུལརསོ ཁནྡྷརསོ ཏཙརསོ པཏྟརསོ པུཔྥརསོ ཕལརསོ ཨམྦིལཾ མདྷུརཾ ཏིཏྟཀཾ ཀཊུཀཾ ལོཎིཀཾ ཁཱརིཀཾ ལམྦིཀཾ ཀསཱཝོ སཱདུ ཨསཱདུ སཱིཏཾ ཨུཎྷཾ. སནྟེཀེ སམཎབྲཱཧྨཎཱ རསགིདྡྷཱ; ཏེ ཛིཝ྄ཧགྒེན རསགྒཱནི པརིཡེསནྟཱ ཨཱཧིཎྜནྟི, ཏེ ཨམྦིལཾ ལབྷིཏྭཱ ཨནམྦིལཾ པརིཡེསནྟི, ཨནམྦིལཾ ལབྷིཏྭཱ ཨམྦིལཾ པརིཡེསནྟི…པེ… སཱིཏཾ ལབྷིཏྭཱ ཨུཎྷཾ པརིཡེསནྟི, ཨུཎྷཾ ལབྷིཏྭཱ སཱིཏཾ པརིཡེསནྟི. ཏེ ཡཾ ཡཾ ལབྷིཏྭཱ ཏེན ཏེན ན ཏུསྶནྟི, ཨཔརཱཔརཾ པརིཡེསནྟི, མནཱཔིཀེསུ རསེསུ རཏྟཱ གིདྡྷཱ གདྷིཏཱ མུཙྪིཏཱ ཨཛ྄ཛྷོསནྣཱ ལགྒཱ ལགྒིཏཱ པལིབུདྡྷཱ. ཡསྶེསཱ རསཏཎྷཱ པཧཱིནཱ སམུཙྪིནྣཱ…པེ… ཉཱཎགྒིནཱ ¶ དཌྜྷཱ, སོ པཊིསངྑཱ ཡོནིསོ ཨཱཧཱརཾ ཨཱཧཱརེཏི ནེཝ དཝཱཡ…པེ… ཨནཝཛྫཏཱ ཙ ཕཱསུཝིཧཱརོ ཙཱཏི.

ཡཐཱ ཝཎཾ ཨཱལིམྤེཡྻ ཡཱཝདེཝ ཨཱརུཧཎཏྠཱཡ [ཨཱརུཧནཏྠཱཡ (ཀ.) པུརཱབྷེདསུཏྟནིདྡེསེ སཏྟམགཱཐཱཝཎྞནཱཡཾ], ཡཐཱ ཝཱ པན ཨཀྑཾ ཨབྦྷཉྫེཡྻ ཡཱཝདེཝ བྷཱརསྶ ནིཏྠརཎཏྠཱཡ, ཡཐཱ ཝཱ པུཏྟམཾསཾ ཨཱཧཱརཾ ཨཱཧཱརེཡྻ ཡཱཝདེཝ ཀནྟཱརསྶ ནིཏྠརཎཏྠཱཡ; ཨེཝམེཝཾ བྷིཀྑུ པཊིསངྑཱ ཡོནིསོ ཨཱཧཱརཾ ¶ ཨཱཧཱརེཏི ནེཝ དཝཱཡ…པེ… ཨནཝཛྫཏཱ ཙ ཕཱསུཝིཧཱརོ ཙཱཏི རསཏཎྷཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, རསཏཎྷཱཡ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – རསེ ཙ ནཱནུགིཛ྄ཛྷེཡྻ.

ན ཙ མམཱཡེཐ ཀིཉྩི ལོཀསྨིནྟི. མམཏྟཱཏི དྭེ མམཏྟཱ – ཏཎྷཱམམཏྟཉྩ དིཊྛིམམཏྟཉྩ ¶ …པེ… ཨིདཾ ཏཎྷཱམམཏྟཾ…པེ… ཨིདཾ དིཊྛིམམཏྟཾ. ཏཎྷཱམམཏྟཾ པཧཱཡ དིཊྛིམམཏྟཾ པཊིནིསྶཛྫིཏྭཱ ཙཀྑུཾ ན མམཱཡེཡྻ ན གཎྷེཡྻ ན པརཱམསེཡྻ ནཱབྷིནིཝིསེཡྻ; སོཏཾ… གྷཱནཾ… ཛིཝ྄ཧཾ… ཀཱཡཾ… རཱུཔེ… སདྡེ… གནྡྷེ… རསེ… ཕོཊྛབྦེ… ཀུལཾ… གཎཾ… ཨཱཝཱསཾ… ལཱབྷཾ… ཡསཾ… པསཾསཾ… སུཁཾ… ཙཱིཝརཾ… པིཎྜཔཱཏཾ… སེནཱསནཾ… གིལཱནཔཙྩཡབྷེསཛྫཔརིཀྑཱརཾ… ཀཱམདྷཱཏུཾ… རཱུཔདྷཱཏུཾ… ཨརཱུཔདྷཱཏུཾ… ཀཱམབྷཝཾ… རཱུཔབྷཝཾ… ཨརཱུཔབྷཝཾ… སཉྙཱབྷཝཾ… ཨསཉྙཱབྷཝཾ… ནེཝསཉྙཱནཱསཉྙཱབྷཝཾ ¶ … ཨེཀཝོཀཱརབྷཝཾ… ཙཏུཝོཀཱརབྷཝཾ… པཉྩཝོཀཱརབྷཝཾ ¶ … ཨཏཱིཏཾ… ཨནཱགཏཾ… པཙྩུཔྤནྣཾ… དིཊྛསུཏམུཏཝིཉྙཱཏབྦེ དྷམྨེ ན མམཱཡེཡྻ ན གཎྷེཡྻ ན པརཱམསེཡྻ ནཱབྷིནིཝིསེཡྻ. ཀིཉྩཱིཏི ཀིཉྩི རཱུཔགཏཾ ཝེདནཱགཏཾ སཉྙཱགཏཾ སངྑཱརགཏཾ ཝིཉྙཱཎགཏཾ. ལོཀསྨིནྟི ཨཔཱཡལོཀེ…པེ… ཨཱཡཏནལོཀེཏི – ན ཙ མམཱཡེཐ ཀིཉྩི ལོཀསྨིཾ.

‘‘ཙཀྑཱུཧི ནེཝ ལོལསྶ, གཱམཀཐཱཡ ཨཱཝརཡེ སོཏཾ;

རསེ ཙ ནཱནུགིཛ྄ཛྷེཡྻ, ན ཙ མམཱཡེཐ ཀིཉྩི ལོཀསྨི’’ནྟི.

ཕསྶེན ཡདཱ ཕུཊྛསྶ, པརིདེཝཾ བྷིཀྑུ ན ཀརེཡྻ ཀུཧིཉྩི;

བྷཝཉྩ ནཱབྷིཛཔྤེཡྻ, བྷེརཝེསུ ཙ ན སམྤཝེདྷེཡྻ.

ཕསྶེན ¶ ཡདཱ ཕུཊྛསྶཱཏི. ཕསྶོཏི རོགཕསྶོ. རོགཕསྶེན ཕུཊྛོ པརེཏོ སམོཧིཏོ སམནྣཱགཏོ ཨསྶ; ཙཀྑུརོགེན ཕུཊྛོ པརེཏོ སམོཧིཏོ སམནྣཱགཏོ ཨསྶ, སོཏརོགེན…པེ… གྷཱནརོགེན… ཛིཝ྄ཧཱརོགེན… ཀཱཡརོགེན… སཱིསརོགེན… ཀཎྞརོགེན… མུཁརོགེན… དནྟརོགེན… ཀཱསེན… སཱསེན… པིནཱསེན… ཌཱཧེན… ཛརེན… ཀུཙྪིརོགེན… མུཙྪཱཡ… པཀྑནྡིཀཱཡ… སཱུལཱཡ… ཝིསཱུཙིཀཱཡ… ཀུཊྛེན… གཎྜེན… ཀིལཱསེན… སོསེན… ཨཔམཱརེན… དདྡུཡཱ… ཀཎྜུཡཱ ¶ … ཀཙྪུཡཱ… རཁསཱཡ… ཝིཏཙྪིཀཱཡ… ལོཧིཏེན… པིཏྟེན… མདྷུམེཧེན… ཨཾསཱཡ… པིལ༹ཀཱཡ… བྷགནྡལེན… པིཏྟསམུཊྛཱནེན ཨཱབཱདྷེན… སེམྷསམུཊྛཱནེན ཨཱབཱདྷེན… ཝཱཏསམུཊྛཱནེན ཨཱབཱདྷེན… སནྣིཔཱཏིཀེན ཨཱབཱདྷེན… ཨུཏུཔརིཎཱམཛེན ཨཱབཱདྷེན… ཝིསམཔརིཧཱརཛེན ཨཱབཱདྷེན… ཨོཔཀྐམིཀེན ཨཱབཱདྷེན… ཀམྨཝིཔཱཀཛེན ཨཱབཱདྷེན… སཱིཏེན… ཨུཎྷེན… ཛིགྷཙྪཱཡ… པིཔཱསཱཡ… ཨུཙྩཱརེན… པསྶཱཝེན… ཌཾསམཀསཝཱཏཱཏཔསརཱིསཔསམྥསྶེཧི ཕུཊྛོ པརེཏོ སམོཧིཏོ སམནྣཱགཏོ ཨསྶཱཏི – ཕསྶེན ཡདཱ ཕུཊྛསྶ.

པརིདེཝཾ ¶ བྷིཀྑུ ན ཀརེཡྻ ཀུཧིཉྩཱིཏི. ཨཱདེཝཾ པརིདེཝཾ ཨཱདེཝནཾ པརིདེཝནཾ ཨཱདེཝིཏཏྟཾ པརིདེཝིཏཏྟཾ ཝཱཙཱ པལཱཔཾ ཝིཔྤལཱཔཾ ལཱལཔྤཾ ལཱལཔྤཱཡནཾ ལཱལཔྤཱཡིཏཏྟཾ ན ཀརེཡྻ ན ཛནེཡྻ ན སཉྫནེཡྻ ན ¶ ནིབྦཏྟེཡྻ ནཱབྷིནིབྦཏྟེཡྻ. ཀུཧིཉྩཱིཏི ཀུཧིཉྩི ཀིམྷིཙི ཀཏྠཙི ཨཛ྄ཛྷཏྟཾ ཝཱ བཧིདྡྷཱ ཝཱ ཨཛ྄ཛྷཏྟབཧིདྡྷཱ ཝཱཏི – པརིདེཝཾ བྷིཀྑུ ན ཀརེཡྻ ཀུཧིཉྩི.

བྷཝཉྩ ནཱབྷིཛཔྤེཡྻཱཏི. ཀཱམབྷཝཾ ན ཛཔྤེཡྻ, རཱུཔབྷཝཾ ན ཛཔྤེཡྻ, ཨརཱུཔབྷཝཾ ན ཛཔྤེཡྻ ན པཛཔྤེཡྻ ནཱབྷིཛཔྤེཡྻཱཏི – བྷཝཉྩ ནཱབྷིཛཔྤེཡྻ.

བྷེརཝེསུ ཙ ན སམྤཝེདྷེཡྻཱཏི. བྷེརཝཱཏི ཨེཀེནཱཀཱརེན བྷཡམྤི བྷེརཝམྤི ཏཉྙེཝ. ཝུཏྟཉྷེཏཾ ¶ བྷགཝཏཱ – ‘‘ཨེཏཾ ནཱུན ཏཾ བྷཡཾ བྷེརཝཾ ན ཛཧེ ཨཱགཙྪཏཱི’’ཏི. བཧིདྡྷཱརམྨཎཾ ཝུཏྟཾ སཱིཧཱ བྱགྒྷཱ ¶ དཱིཔཱི ཨཙྪཱ ཏརཙྪཱ ཀོཀཱ མཧིཾསཱ ཨསྶཱ ཧཏྠཱི ཨཧི ཝིཙྪིཀཱ སཏཔདཱི, ཙོརཱ ཝཱ ཨསྶུ མཱནཝཱ ཝཱ ཀཏཀམྨཱ ཝཱ ཨཀཏཀམྨཱ ཝཱ. ཨཐཱཔརེན ཨཱཀཱརེན བྷཡཾ ཝུཙྩཏི ཨཛ྄ཛྷཏྟིཀཾ ཙིཏྟསམུཊྛཱནཾ བྷཡཾ བྷཡཱནཀཾ ཚམྦྷིཏཏྟཾ ལོམཧཾསོ ཙེཏསོ ཨུབྦེགོ ཨུཏྲཱསོ, ཛཱཏིབྷཡཾ ཛརཱབྷཡཾ བྱཱདྷིབྷཡཾ མརཎབྷཡཾ རཱཛབྷཡཾ ཙོརབྷཡཾ ཨགྒིབྷཡཾ ཨུདཀབྷཡཾ ཨཏྟཱནུཝཱདབྷཡཾ པརཱནུཝཱདབྷཡཾ དཎྜབྷཡཾ དུགྒཏིབྷཡཾ ཨཱུམིབྷཡཾ ཀུམྦྷཱིལབྷཡཾ ཨཱཝཊྚབྷཡཾ སུསུཀཱབྷཡཾ [སུཾསུཀཱབྷཡཾ (སྱཱ.)] ཨཱཛཱིཝིཀབྷཡཾ ཨསིལོཀབྷཡཾ པརིསཱཡ སཱརཛྫབྷཡཾ མདནབྷཡཾ དུགྒཏིབྷཡཾ བྷཡཾ བྷཡཱནཀཾ ཚམྦྷིཏཏྟཾ ལོམཧཾསོ ཙེཏསོ ཨུབྦེགོ ཨུཏྲཱསོ. བྷེརཝེསུ ཙ ན སམྤཝེདྷེཡྻཱཏི བྷེརཝེ པསྶིཏྭཱ ཝཱ སུཎིཏྭཱ ཝཱ ན ཝེདྷེཡྻ ན པཝེདྷེཡྻ ན སམྤཝེདྷེཡྻ ན ཏསེཡྻ ན ཨུཏྟསེཡྻ ན པརིཏསེཡྻ ན བྷཱཡེཡྻ ན སནྟཱསཾ ཨཱཔཛྫེཡྻ, ཨབྷཱིརཱུ ཨསྶ ཨཚམྦྷཱི ཨནུཏྲཱསཱི ཨཔལཱཡཱི, པཧཱིནབྷཡབྷེརཝོ ཝིགཏལོམཧཾསོ ཝིཧརེཡྻཱཏི – བྷེརཝེསུ ཙ ན སམྤཝེདྷེཡྻ.

‘‘ཕསྶེན ཡདཱ ཕུཊྛསྶ, པརིདེཝཾ བྷིཀྑུ ན ཀརེཡྻ ཀུཧིཉྩི;

བྷཝཉྩ ནཱབྷིཛཔྤེཡྻ, བྷེརཝེསུ ཙ ན སམྤཝེདྷེཡྻཱ’’ཏི.

ཨནྣཱནམཐོ པཱནཱནཾ, ཁཱདནཱིཡཱནམཐོཔི ཝཏྠཱནཾ;

ལདྡྷཱ ¶ ན སནྣིདྷིཾ ཀཡིརཱ, ན ཙ པརིཏྟསེ ཏཱནི ཨལབྷམཱནོ.

ཨནྣཱནམཐོ ¶ ¶ པཱནཱནཾ, ཁཱདནཱིཡཱནམཐོཔི ཝཏྠཱནནྟི. ཨནྣཱནནྟི ཨོདནོ ཀུམྨཱསོ སཏྟུ མཙྪོ མཾསཾ. པཱནཱནནྟི ཨཊྛ པཱནཱནི – ཨམྦཔཱནཾ, ཛམྦུཔཱནཾ, ཙོཙཔཱནཾ, མོཙཔཱནཾ, མདྷུཔཱནཾ ¶ , མུདྡིཀཔཱནཾ, སཱལུཀཔཱནཾ, ཕཱརུསཀཔཱནཾ. ཨཔརཱནིཔི ཨཊྛ པཱནཱནི – ཀོསམྦཔཱནཾ, ཀོལཔཱནཾ, བདརཔཱནཾ, གྷཏཔཱནཾ, ཏེལཔཱནཾ, པཡོཔཱནཾ, ཡཱགུཔཱནཾ, རསཔཱནཾ. ཁཱདནཱིཡཱནནྟི པིཊྛཁཛྫཀཾ, པཱུཝཁཛྫཀཾ, མཱུལཁཛྫཀཾ, ཏཙཁཛྫཀཾ, པཏྟཁཛྫཀཾ, པུཔྥཁཛྫཀཾ, ཕལཁཛྫཀཾ. ཝཏྠཱནནྟི ཚ ཙཱིཝརཱནི – ཁོམཾ, ཀཔྤཱསིཀཾ, ཀོསེཡྻཾ, ཀམྦལཾ, སཱཎཾ, བྷངྒནྟི – ཨནྣཱནམཐོ པཱནཱནཾ ཁཱདནཱིཡཱནམཐོཔི ཝཏྠཱནཾ.

ལདྡྷཱ ན སནྣིདྷིཾ ཀཡིརཱཏི. ལདྡྷཱཏི ལདྡྷཱ ལབྷིཏྭཱ ཨདྷིགནྟྭཱ ཝིནྡིཏྭཱ པཊིལབྷིཏྭཱ ན ཀུཧནཱཡ, ན ལཔནཱཡ, ན ནེམིཏྟིཀཏཱཡ, ན ནིཔྤེསིཀཏཱཡ, ན ལཱབྷེན ལཱབྷཾ ནིཛིགཱིསནཏཱཡ [ནིཛིགིཾསནཏཱཡ (སཱི. སྱཱ.)], ན ཀཊྛདཱནེན, ན ཝེལུ༹དཱནེན, ན པཏྟདཱནེན, ན པུཔྥདཱནེན, ན ཕལདཱནེན, ན སིནཱནདཱནེན, ན ཙུཎྞདཱནེན, ན མཏྟིཀཱདཱནེན, ན དནྟཀཊྛདཱནེན, ན མུཁོདཀདཱནེན, ན ཙཱཊུཀམྱཏཱཡ, ན མུགྒསཱུཔྱཏཱཡ [ན མུགྒསུཔྤཏཱཡ (སཱི.), ན མུགྒསཱུཔཏཱཡ (སྱཱ.)], ན པཱརིབྷཊཡཡཏཱཡ, ན པཱིཋམདྡིཀཏཱཡ [པིཊྛིམཾསིཀཏཱཡ (སཱི.), པིཊྛིམདྡིཀཏཱཡ (ཀ.)], ན ཝཏྠུཝིཛྫཱཡ, ན ཏིརཙྪཱནཝིཛྫཱཡ, ན ཨངྒཝིཛྫཱཡ, ན ནཀྑཏྟཝིཛྫཱཡ, ན དཱུཏགམནེན, ན པཧིཎགམནེན, ན ཛངྒྷཔེསནིཡེན, ན ཝེཛྫཀམྨེན, ན ནཝཀམྨེན, ན པིཎྜཔཊིཔིཎྜཀེན, ན ¶ དཱནཱནུཔྤདཱནེན དྷམྨེན སམེན ལདྡྷཱ ལབྷིཏྭཱ ཨདྷིགནྟྭཱ ཝིནྡིཏྭཱ པཊིལབྷིཏྭཱཏི – ལདྡྷཱ. ན སནྣིདྷིཾ ཀཡིརཱཏི ཨནྣསནྣིདྷིཾ པཱནསནྣིདྷིཾ ཝཏྠསནྣིདྷིཾ ཡཱནསནྣིདྷིཾ སཡནསནྣིདྷིཾ གནྡྷསནྣིདྷིཾ ཨཱམིསསནྣིདྷིཾ ན ཀརེཡྻ ན ཛནེཡྻ ན སཉྫནེཡྻ ན ནིབྦཏྟེཡྻ ནཱབྷིནིབྦཏྟེཡྻཱཏི – ལདྡྷཱ ན སནྣིདྷིཾ ཀཡིརཱ.

ན ཙ པརིཏྟསེ ཏཱནི ཨལབྷམཱནོཏི. ཨནྣཾ ཝཱ ན ལབྷཱམི ¶ , པཱནཾ ཝཱ ན ལབྷཱམི, ཝཏྠཾ ཝཱ ན ལབྷཱམི, ཀུལཾ ཝཱ ན ལབྷཱམི, གཎཾ ཝཱ ན ལབྷཱམི, ཨཱཝཱསཾ ཝཱ ན ལབྷཱམི, ལཱབྷཾ ཝཱ ན ལབྷཱམི, ཡསཾ ཝཱ ན ལབྷཱམི, པསཾསཾ ཝཱ ན ལབྷཱམི, སུཁཾ ཝཱ ན ལབྷཱམི, ཙཱིཝརཾ ཝཱ ན ལབྷཱམི, པིཎྜཔཱཏཾ ཝཱ ན ལབྷཱམི, སེནཱསནཾ ཝཱ ན ལབྷཱམི, གིལཱནཔཙྩཡབྷེསཛྫཔརིཀྑཱརཾ ཝཱ ན ལབྷཱམི, གིལཱནུཔཊྛཱཀཾ ཝཱ ན ལབྷཱམི, ‘‘ཨཔྤཉྙཱཏོམྷཱི’’ཏི ན ཏསེཡྻ ན ཨུཏྟསེཡྻ ན པརིཏྟསེཡྻ ན བྷཱཡེཡྻ ན སནྟཱསཾ ཨཱཔཛྫེཡྻ ¶ , ཨབྷཱིརཱུ ཨསྶ ཨཚམྦྷཱི ཨནུཏྲཱསཱི ཨཔལཱཡཱི, པཧཱིནབྷཡབྷེརཝོ ཝིགཏལོམཧཾསོ ཝིཧརེཡྻཱཏི – ན ཙ པརིཏྟསེ ཏཱནི ཨལབྷམཱནོ.

‘‘ཨནྣཱནམཐོ པཱནཱནཾ, ཁཱདནཱིཡཱནམཐོཔི ཝཏྠཱནཾ;

ལདྡྷཱ ན སནྣིདྷིཾ ཀཡིརཱ, ན ཙ པརིཏྟསེ ཏཱནི ཨལབྷམཱནོ’’ཏི.

ཛྷཱཡཱི ¶ ¶ ན པཱདལོལསྶ, ཝིརམེ ཀུཀྐུཙྩཱ ནཔྤམཛྫེཡྻ;

ཨཐཱསནེསུ སཡནེསུ, ཨཔྤསདྡེསུ བྷིཀྑུ ཝིཧརེཡྻ.

ཛྷཱཡཱི ན པཱདལོལསྶཱཏི. ཛྷཱཡཱིཏི པཋམེནཔི ཛྷཱནེན ཛྷཱཡཱི, དུཏིཡེནཔི ཛྷཱནེན ཛྷཱཡཱི, ཏཏིཡེནཔི ཛྷཱནེན ཛྷཱཡཱི, ཙཏུཏྠེནཔི ཛྷཱནེན ཛྷཱཡཱི, སཝིཏཀྐསཝིཙཱརེནཔི ཛྷཱནེན ཛྷཱཡཱི, ཨཝིཏཀྐཝིཙཱརམཏྟེནཔི ཛྷཱནེན ཛྷཱཡཱི, ཨཝིཏཀྐཨཝིཙཱརེནཔི ཛྷཱནེན ཛྷཱཡཱི, སཔྤཱིཏིཀེནཔི ཛྷཱནེན ཛྷཱཡཱི, ནིཔྤཱིཏིཀེནཔི ཛྷཱནེན ཛྷཱཡཱི, པཱིཏིསཧགཏེནཔི ཛྷཱནེན ཛྷཱཡཱི, སཱཏསཧགཏེནཔི ཛྷཱནེན ཛྷཱཡཱི, སུཁསཧགཏེནཔི ཛྷཱནེན ཛྷཱཡཱི, ཨུཔེཀྑཱསཧགཏེནཔི ཛྷཱནེན ཛྷཱཡཱི, སུཉྙཏེནཔི ཛྷཱནེན ཛྷཱཡཱི, ཨནིམིཏྟེནཔི ཛྷཱནེན ཛྷཱཡཱི, ཨཔྤཎིཧིཏེནཔི ཛྷཱནེན ཛྷཱཡཱི, ལོཀིཡེནཔི ཛྷཱནེན ཛྷཱཡཱི, ལོཀུཏྟརེནཔི ཛྷཱནེན ཛྷཱཡཱི, ཛྷཱནརཏོ ཨེཀཏྟམནུཡུཏྟོ པརམཏྠགརུཀོཏི [སདཏྠགརུཀོཏི (སཱི. སྱཱ.)] – ཛྷཱཡཱི.

ན ¶ པཱདལོལསྶཱཏི. ཀཐཾ པཱདལོལོ ཧོཏི? ཨིདྷེཀཙྩོ པཱདལོལིཡེན སམནྣཱགཏོ ཧོཏི ཨཱརཱམེན ཨཱརཱམཾ ཨུཡྻཱནེན ཨུཡྻཱནཾ གཱམེན གཱམཾ ནིགམེན ནིགམཾ ནགརེན ནགརཾ རཊྛེན རཊྛཾ ཛནཔདེན ཛནཔདཾ དཱིགྷཙཱརིཀཾ ཨནཝཊྛིཏཙཱརིཀཾ ཨནུཡུཏྟོ ཝིཧརཏི. ཨེཝམྤི པཱདལོལོ ཧོཏི.

ཨཐ ཝཱ བྷིཀྑུ ཨནྟོཔིསངྒྷཱརཱམེ པཱདལོལིཡེན སམནྣཱགཏོ ཧོཏི. ན ཨཏྠཧེཏུ ན ཀཱརཎཧེཏུ ཨུདྡྷཏོ ཨཝཱུཔསནྟཙིཏྟོ ¶ པརིཝེཎཏོ པརིཝེཎཾ གཙྪཏི ཝིཧཱརཏོ ཝིཧཱརཾ གཙྪཏི ཨཌྜྷཡོགཏོ ¶ ཨཌྜྷཡོགཾ གཙྪཏི པཱསཱདཏོ པཱསཱདཾ གཙྪཏི ཧམྨིཡཏོ ཧམྨིཡཾ གཙྪཏི གུཧཱཡ གུཧཾ གཙྪཏི ལེཎཏོ ལེཎཾ གཙྪཏི ཀུཊིཏོ ཀུཊིཾ གཙྪཏི ཀཱུཊཱགཱརཏོ ཀཱུཊཱགཱརཾ གཙྪཏི ཨཊྚཏོ ཨཊྚཾ གཙྪཏི མཱལ༹ཏོ མཱལ༹ཾ གཙྪཏི ཨུདྡཎྜཏོ ཨུདྡཎྜཾ གཙྪཏི ཨུཔཊྛཱནསཱལཏོ ཨུཔཊྛཱནསཱལཾ གཙྪཏི མཎྜལམཱལ༹ཏོ མཎྜལམཱལ༹ཾ གཙྪཏི རུཀྑམཱུལཏོ རུཀྑམཱུལཾ གཙྪཏི. ཡཏྠ ཝཱ པན བྷིཀྑཱུ ནིསཱིདནྟི ཏཧིཾ གཙྪཏི, ཏཏྠ ཨེཀསྶ ཝཱ དུཏིཡོ ཧོཏི, དྭིནྣཾ ཝཱ ཏཏིཡོ ཧོཏི, ཏིཎྞཾ ཝཱ ཙཏུཏྠོ ཧོཏི. ཏཏྠ བཧུཾ སམྥཔྤལཱཔཾ པལཔཏི, སེཡྻཐིདཾ – རཱཛཀཐཾ ཙོརཀཐཾ མཧཱམཏྟཀཐཾ སེནཱཀཐཾ བྷཡཀཐཾ ཡུདྡྷཀཐཾ ཨནྣཀཐཾ པཱནཀཐཾ ཝཏྠཀཐཾ ཡཱནཀཐཾ སཡནཀཐཾ མཱལཱཀཐཾ གནྡྷཀཐཾ ཉཱཏིཀཐཾ གཱམཀཐཾ ནིགམཀཐཾ ནགརཀཐཾ ཛནཔདཀཐཾ ཨིཏྠིཀཐཾ སཱུརཀཐཾ ཝིསིཁཱཀཐཾ ཀུམྦྷཊྛཱནཀཐཾ པུབྦཔེཏཀཐཾ ནཱནཏྟཀཐཾ ལོཀཀྑཱཡིཀཾ སམུདྡཀྑཱཡིཀཾ ཨིཏི བྷཝཱབྷཝཀཐཾ ཨིཏི ཝཱ. ཨེཝམྤི པཱདལོལོ ཧོཏི.

ན ¶ པཱདལོལསྶཱཏི. པཱདལོལིཡཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, པཱདལོལིཡཱ ཨཱརཏོ ཨསྶ ཝིརཏོ པཊིཝིརཏོ ¶ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻ ཙརེཡྻ ཝིཙརེཡྻ ཨིརིཡེཡྻ ཝཏྟེཡྻ པཱལེཡྻ ཡཔེཡྻ ཡཱཔེཡྻ, པཊིསལླཱནཱརཱམོ ཨསྶ པཊིསལླཱནརཏོ ཨཛ྄ཛྷཏྟཾ ཙེཏོསམཐམནུཡུཏྟོ ¶ ཨནིརཱཀཏཛ྄ཛྷཱནོ ཝིཔསྶནཱ སམནྣཱགཏོ བྲཱུཧེཏཱ སུཉྙཱགཱརཱནཾ ཛྷཱཡཱི ཛྷཱནརཏོ ཨེཀཏྟམནུཡུཏྟོ པརམཏྠགརུཀོཏི – ཛྷཱཡཱི ན པཱདལོལསྶ.

ཝིརམེ ཀུཀྐུཙྩཱ ནཔྤམཛྫེཡྻཱཏི. ཀུཀྐུཙྩནྟི ཧཏྠཀུཀྐུཙྩམྤི ཀུཀྐུཙྩཾ, པཱདཀུཀྐུཙྩམྤི ཀུཀྐུཙྩཾ, ཧཏྠཔཱདཀུཀྐུཙྩམྤི ཀུཀྐུཙྩཾ, ཨཀཔྤིཡེ ཀཔྤིཡསཉྙིཏཱ, ཀཔྤིཡེ ཨཀཔྤིཡསཉྙིཏཱ, ཨཝཛྫེ ཝཛྫསཉྙིཏཱ, ཝཛྫེ ཨཝཛྫསཉྙིཏཱ, ཡཾ ཨེཝརཱུཔཾ ཀུཀྐུཙྩཾ ཀུཀྐུཙྩཱཡནཱ ཀུཀྐུཙྩཱཡིཏཏྟཾ ཙེཏསོ ཝིཔྤཊིསཱརོ མནོཝིལེཁོ – ཨིདཾ ཝུཙྩཏི ཀུཀྐུཙྩཾ.

ཨཔི ཙ དྭཱིཧི ཀཱརཎེཧི ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ – ཀཏཏྟཱ ཙ ཨཀཏཏྟཱ ཙ. ཀཐཾ ཀཏཏྟཱ ཙ ཨཀཏཏྟཱ ཙ ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ? ‘‘ཀཏཾ མེ ཀཱཡདུཙྩརིཏཾ, ཨཀཏཾ མེ ཀཱཡསུཙརིཏ’’ནྟི ཨུཔྤཛྫཏི ཀུཀྐུཙྩཾ ཙེཏསོ ¶ ཝིཔྤཊིསཱརོ མནོཝིལེཁོ, ‘‘ཀཏཾ མེ ཝཙཱིདུཙྩརིཏཾ, ཨཀཏཾ མེ ཝཙཱིསུཙརིཏ’’ནྟི ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ, ‘‘ཀཏཾ མེ མནོདུཙྩརིཏཾ, ཨཀཏཾ མེ མནོསུཙརིཏནྟི…པེ… ‘‘ཀཏོ མེ པཱཎཱཏིཔཱཏོ, ཨཀཏཱ མེ པཱཎཱཏིཔཱཏཱ ཝེརམཎཱི’’ཏི ཨུཔྤཛྫཏི ཀུཀྐུཙྩཾ…པེ… མནོཝིལེཁོ, ‘‘ཀཏཾ མེ ཨདིནྣཱདཱནཾ… ཀཏོ མེ ཀཱམེསུམིཙྪཱཙཱརོ… ཀཏོ མེ མུསཱཝཱདོ… ཀཏཱ མེ པིསུཎཝཱཙཱ… ཀཏཱ མེ ཕརུསཝཱཙཱ… ཀཏོ མེ སམྥཔྤལཱཔོ… ཀཏཱ མེ ཨབྷིཛ྄ཛྷཱ… ཀཏོ མེ བྱཱཔཱདོ… ཀཏཱ མེ མིཙྪཱདིཊྛི, ཨཀཏཱ མེ སམྨཱདིཊྛཱི’’ཏི ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ ¶ . ཨེཝཾ ཀཏཏྟཱ ཙ ཨཀཏཏྟཱ ཙ ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ.

ཨཐ ཝཱ ‘‘སཱིལེསུམྷི ¶ ན པརིཔཱུརཀཱརཱི’’ཏི ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ, ‘‘ཨིནྡྲིཡེསུམྷི ཨགུཏྟདྭཱརོ’’ཏི…པེ… ‘‘བྷོཛནེ ཨམཏྟཉྙུམྷཱི’’ཏི… ‘‘ཛཱགརིཡཾ ཨནནུཡུཏྟོམྷཱི’’ཏི… ‘‘ན སཏིསམྤཛཉྙེན སམནྣཱགཏོམྷཱི’’ཏི… ‘‘ཨབྷཱཝིཏཱ མེ ཙཏྟཱརོ སཏིཔཊྛཱནཱ’’ཏི… ‘‘ཨབྷཱཝིཏཱ མེ ཙཏྟཱརོ སམྨཔྤདྷཱནཱ’’ཏི… ‘‘ཨབྷཱཝིཏཱ མེ ཙཏྟཱརོ ¶ ཨིདྡྷིཔཱདཱ’’ཏི… ‘‘ཨབྷཱཝིཏཱནི མེ པཉྩིནྡྲིཡཱནཱི’’ཏི… ‘‘ཨབྷཱཝིཏཱནི མེ པཉྩ བལཱནཱི’’ཏི… ‘‘ཨབྷཱཝིཏཱ མེ སཏྟ བོཛ྄ཛྷངྒཱ’’ཏི… ‘‘ཨབྷཱཝིཏོ མེ ཨརིཡོ ཨཊྛངྒིཀོ མགྒོ’’ཏི… ‘‘དུཀྑཾ མེ ཨཔརིཉྙཱཏ’’ནྟི… ‘‘སམུདཡོ མེ ཨཔྤཧཱིནོ’’ཏི… ‘‘མགྒོ མེ ཨབྷཱཝིཏོ’’ཏི… ‘‘ནིརོདྷོ མེ ཨསཙྪིཀཏོ’’ཏི ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ. ཝིརམེ ཀུཀྐུཙྩཱཏི ཀུཀྐུཙྩཱ ཨཱརམེཡྻ ཝིརམེཡྻ པཊིཝིརམེཡྻ ཀུཀྐུཙྩཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ. ཀུཀྐུཙྩཱ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – ཝིརམེ ཀུཀྐུཙྩཱ.

ནཔྤམཛྫེཡྻཱཏི སཀྐཙྩཀཱརཱི ཨསྶ སཱཏཙྩཀཱརཱི ཨཊྛིཏཀཱརཱི ཨནོལཱིནཝུཏྟིཀོ ཨནིཀྑིཏྟཙྪནྡོ ཨནིཀྑིཏྟདྷུརོ ཨཔྤམཱདོ ཀུསལེསུ དྷམྨེསུ. ‘‘ཀདཱཧཾ ཨཔརིཔཱུརཾ ཝཱ སཱིལཀྑནྡྷཾ པརིཔཱུརེཡྻཾ, པརིཔཱུརཾ ཝཱ སཱིལཀྑནྡྷཾ ཏཏྠ ཏཏྠ པཉྙཱཡ ཨནུགྒཎྷེཡྻ’’ནྟི? ཡོ ཏཏྠ ཚནྡོ ཙ ཝཱཡཱམོ ཙ ཨུསྶཱཧོ ཙ ཨུསྶོལ༹ྷཱི ཙ ཐཱམོ ཙ ཨཔྤཊིཝཱནཱི ཙ སཏི ¶ ཙ སམྤཛཉྙཉྩ ཨཱཏཔྤཾ པདྷཱནཾ ཨདྷིཊྛཱནཾ ཨནུཡོགོ ཨཔྤམཱདོ ཀུསལེསུ དྷམྨེསུ ¶ . ‘‘ཀདཱཧཾ ཨཔརིཔཱུརཾ ཝཱ སམཱདྷིཀྑནྡྷཾ…པེ… པཉྙཱཀྑནྡྷཾ… ཝིམུཏྟིཀྑནྡྷཾ… ཝིམུཏྟིཉཱཎདསྶནཀྑནྡྷཾ… ཀདཱཧཾ ཨཔརིཉྙཱཏཾ ཝཱ དུཀྑཾ པརིཛཱནེཡྻཾ, ཨཔྤཧཱིནེ ཝཱ ཀིལེསེ པཛཧེཡྻཾ, ཨབྷཱཝིཏཾ ཝཱ མགྒཾ བྷཱཝེཡྻཾ, ཨསཙྪིཀཏཾ ཝཱ ནིརོདྷཾ སཙྪིཀརེཡྻ’’ནྟི? ཡོ ཏཏྠ ཚནྡོ ཙ ཝཱཡཱམོ ཙ ཨུསྶཱཧོ ཙ ཨུསྶོལ༹ྷཱི ཙ ཐཱམོ ཙ ཨཔྤཊིཝཱནཱི ཙ སཏི ཙ སམྤཛཉྙཉྩ ཨཱཏཔྤཾ ¶ པདྷཱནཾ ཨདྷིཊྛཱནཾ ཨནུཡོགོ ཨཔྤམཱདོ ཀུསལེསུ དྷམྨེསཱུཏི – ཝིརམེ ཀུཀྐུཙྩཱ ནཔྤམཛྫེཡྻ.

ཨཐཱསནེསུ སཡནེསུ, ཨཔྤསདྡེསུ བྷིཀྑུ ཝིཧརེཡྻཱཏི. ཨཐཱཏི པདསནྡྷི…པེ… ཨཱསནཾ ཝུཙྩཏི ཡཏྠ ནིསཱིདཏི – མཉྩོ པཱིཋཾ བྷིསི ཏཊྚིཀཱ ཙམྨཁཎྜོ ཏིཎསནྠཱརོ པཎྞསནྠཱརོ པལཱལསནྠཱརོ. སཡནཾ ཝུཙྩཏི སེནཱསནཾ ཝིཧཱརོ ཨཌྜྷཡོགོ པཱསཱདོ ཧམྨིཡཾ གུཧཱཏི – ཨཐཱསནེསུ སཡནེསུ.

ཨཔྤསདྡེསུ བྷིཀྑུ ཝིཧརེཡྻཱཏི. ཨཔྤསདྡེསུ ཨཔྤནིགྒྷོསེསུ ཝིཛནཝཱཏེསུ མནུསྶརཱཧསྶེཡྻཀེསུ པཊིསལླཱནསཱརུཔྤེསུ སེནཱསནེསུ ཙརེཡྻ ཝིཙརེཡྻ ཝིཧརེཡྻ ཨིརིཡེཡྻ ཝཏྟེཡྻ པཱལེཡྻ ཡཔེཡྻ ཡཱཔེཡྻཱཏི – ཨཐཱསནེསུ སཡནེསུ ཨཔྤསདྡེསུ བྷིཀྑུ ཝིཧརེཡྻ.

‘‘ཛྷཱཡཱི ན པཱདལོལསྶ, ཝིརམེ ཀུཀྐུཙྩཱ ནཔྤམཛྫེཡྻ;

ཨཐཱསནེསུ ¶ སཡནེསུ, ཨཔྤསདྡེསུ བྷིཀྑུ ཝིཧརེཡྻཱ’’ཏི.

ནིདྡཾ ན བཧུལཱིཀརེཡྻ, ཛཱགརིཡཾ བྷཛེཡྻ ཨཱཏཱཔཱི;

ཏནྡིཾ མཱཡཾ ཧསྶཾ ཁིཌྜཾ, མེཐུནཾ ཝིཔྤཛཧེ སཝིབྷཱུསཾ.

ནིདྡཾ ན བཧུལཱིཀརེཡྻཱཏི. རཏྟིནྡིཝཾ ཚཀོཊྛཱསཾ ཀཱརེཏྭཱ པཉྩཀོཊྛཱསཾ པཊིཔཛྫེཡྻ ཨེཀཀོཊྛཱསཾ ནིཔྤཛྫེཡྻཱཏི – ནིདྡཾ ན བཧུལཱིཀརེཡྻ.

ཛཱགརིཡཾ བྷཛེཡྻ ཨཱཏཱཔཱིཏི. ཨིདྷ བྷིཀྑུ དིཝསཾ ཙངྐམེན ནིསཛྫཱཡ ཨཱཝརཎཱིཡེཧི དྷམྨེཧི ཙིཏྟཾ པརིསོདྷེཡྻ, རཏྟིཡཱ པཋམཾ ཡཱམཾ ཙངྐམེན ནིསཛྫཱཡ ཨཱཝརཎཱིཡེཧི དྷམྨེཧི ཙིཏྟཾ པརིསོདྷེཡྻ, རཏྟིཡཱ མཛ྄ཛྷིམཾ ¶ ཡཱམཾ ¶ དཀྑིཎེན པསྶེན སཱིཧསེཡྻཾ ཀཔྤེཡྻ པཱདེཔཱདཾ ཨཙྩཱདྷཱཡ སཏོ སམྤཛཱནོ ཨུཊྛཱནསཉྙཾ མནསིཀརིཏྭཱ, རཏྟིཡཱ པཙྪིམཾ ཡཱམཾ པཙྩུཊྛཱཡ ཙངྐམེན ནིསཛྫཱཡ ཨཱཝརཎཱིཡེཧི དྷམྨེཧི ཙིཏྟཾ པརིསོདྷེཡྻ.

ཛཱགརིཡཾ བྷཛེཡྻཱཏི ཛཱགརིཡཾ བྷཛེཡྻ སམྦྷཛེཡྻ སེཝེཡྻ ནིསེཝེཡྻ སཾསེཝེཡྻ པཊིསེཝེཡྻཱཏི – ཛཱགརིཡཾ བྷཛེཡྻ.

ཨཱཏཱཔཱིཏི. ཨཱཏཔྤཾ ཝུཙྩཏི ཝཱིརིཡཾ [ཝིརིཡཾ (སཱི. སྱཱ.)]. ཡོ ཙེཏསིཀོ ཝཱིརིཡཱརམྦྷོ ནིཀྐམོ པརཀྐམོ ཨུཡྻཱམོ ཝཱཡཱམོ ཨུསྶཱཧོ ཨུསྶོལ༹ྷཱི ཐཱམོ ཋིཏི ཨསིཐིལཔརཀྐམཏཱ ཨནིཀྑིཏྟཙྪནྡཏཱ ཨནིཀྑིཏྟདྷུརཏཱ དྷུརསམྤགྒཧོ ཝཱིརིཡཾ ¶ ཝཱིརིཡིནྡྲིཡཾ ཝཱིརིཡབལཾ སམྨཱཝཱཡཱམོ. ཨིམིནཱ ཨཱཏཱཔེན ཨུཔེཏོ སམུཔེཏོ ཨུཔགཏོ སམུཔགཏོ ཨུཔཔནྣོ སམུཔཔནྣོ སམནྣཱགཏོ སོ ཝུཙྩཏི ཨཱཏཱཔཱིཏི – ཛཱགརིཡཾ བྷཛེཡྻ ཨཱཏཱཔཱི.

ཏནྡིཾ མཱཡཾ ཧསྶཾ ཁིཌྜཾ, མེཐུནཾ ཝིཔྤཛཧེ སཝིབྷཱུསནྟི. ཏནྡཱིཏི [ཏནྡིནྟི (སཱི.)] ཏནྡཱི ཏནྡིཡནཱ ཏནྡིཡིཏཏྟཾ [ནཏྠི ཨཏྟདཎྜསུཏྟནིདྡེསེ ཁུདྡཀཝཏྠུཝིབྷངྒེཔི] ཏནྡིམནཀཏཱ ཨཱལསྱཾ ཨཱལསྱཱཡནཱ ཨཱལསྱཱཡིཏཏྟཾ. མཱཡཱ ཝུཙྩཏི ཝཉྩནིཀཱ ཙརིཡཱ. ཨིདྷེཀཙྩོ ཀཱཡེན དུཙྩརིཏཾ ཙརིཏྭཱ…པེ… ཝཱཙཱཡ མནསཱ དུཙྩརིཏཾ ཙརིཏྭཱ ཏསྶ པཊིཙྪཱདནཧེཏུ པཱཔིཀཾ ཨིཙྪཾ པཎིདཧཏི. མཱ མཾ ཛཉྙཱཏི [ཛཉྙཱུཏི (ཀ.)] ཨིཙྪཏི, མཱ མཾ ཛཉྙཱཏི སངྐཔྤེཏི, མཱ མཾ ཛཉྙཱཏི ཝཱཙཾ བྷཱསཏི, མཱ མཾ ཛཉྙཱཏི ཀཱཡེན པརཀྐམཏི. ཡཱ ཨེཝརཱུཔཱ ¶ མཱཡཱཝིཏཱ ཨཙྩསརཱ ཝཉྩནཱ ནིཀཏི ནིཀིརཎཱ པརིཧརཎཱ གཱུཧནཱ པརིགཱུཧནཱ ཚཱདནཱ པརིཙྪཱདནཱ [པཊིཙྪཱདནཱ (སཱི. ཀ.) མཧཱནིདྡེསེ] ཨནུཏྟཱནཱིཀམྨཾ ཨནཱཝིཀམྨཾ ཝོཙྪཱདནཱ པཱཔཀིརིཡཱ – ཨཡཾ ཝུཙྩཏི མཱཡཱ. ཧསྶནྟི ཨིདྷེཀཙྩོ ཨཏིཝེལཾ དནྟཝིདཾསཀཾ ཧསཏི. ཝུཏྟཉྷེཏཾ བྷགཝཏཱ – ‘‘ཀུམཱརཀམིདཾ, བྷིཀྑཝེ ¶ , ཨརིཡསྶ ཝིནཡེ ཡདིདཾ ཨཏིཝེལཾ དནྟཝིདཾསཀཾ ཧསིཏ’’ནྟི.

ཁིཌྜཱཏི དྭེ ཁིཌྜཱ – ཀཱཡིཀཱ ཙ ཁིཌྜཱ ཝཱཙསིཀཱ ཙ ཁིཌྜཱ. ཀཏམཱ ཀཱཡིཀཱ ཁིཌྜཱ? ཧཏྠཱིཧིཔི ཀཱིལ༹ནྟི, ཨསྶེཧིཔི ཀཱིལ༹ནྟི, རཐེཧིཔི ཀཱིལ༹ནྟི, དྷནཱུཧིཔི ཀཱིལ༹ནྟི, ཨཊྛཔདེཧིཔི ཀཱིལ༹ནྟི, དསཔདེཧིཔི ཀཱིལ༹ནྟི, ཨཱཀཱསེཔི ཀཱིལ༹ནྟི, པརིཧཱརཔཐེཔི ཀཱིལ༹ནྟི, སནྟིཀཱཡཔི ཀཱིལ༹ནྟི ¶ , ཁལིཀཱཡཔི ཀཱིལ༹ནྟི, གྷཊིཀཱཡཔི ཀཱིལ༹ནྟི, སལཱཀཧཏྠེནཔི ཀཱིལ༹ནྟི, ཨཀྑེནཔི ཀཱིལ༹ནྟི, པངྐཙཱིརེནཔི ཀཱིལ༹ནྟི ¶ , ཝངྐཀེནཔི ཀཱིལ༹ནྟི, མོཀྑཙིཀཱཡཔི ཀཱིལ༹ནྟི, ཙིངྒུལཀེནཔི ཀཱིལ༹ནྟི, པཏྟཱལ༹ྷཀེནཔི ཀཱིལ༹ནྟི, རཐཀེནཔི ཀཱིལ༹ནྟི, དྷནུཀེནཔི ཀཱིལ༹ནྟི, ཨཀྑརིཀཱཡཔི ཀཱིལ༹ནྟི, མནེསིཀཱཡཔི ཀཱིལ༹ནྟི, ཡཐཱཝཛྫེནཔི ཀཱིལ༹ནྟི – ཨཡཾ ཀཱཡིཀཱ ཁིཌྜཱ. ཀཏམཱ ཝཱཙསིཀཱ ཁིཌྜཱ? མུཁབྷེརིཀཾ [མུཁབྷེརིཡཾ (སྱཱ.)] མུཁཱལམྦརཾ མུཁཌིཎྜིམཀཾ [མུཁདེཎྜིམཀཾ (སཱི. སྱཱ.)] མུཁཝལིམཀཾ མུཁབྷེརུལ༹ཀཾ [མུཁབྷེརུལཀཾ (སཱི.)] མུཁདདྡརིཀཾ ནཱཊཀཾ ལཱཔཾ གཱིཏཾ དཝཀམྨཾ – ཨཡཾ ཝཱཙསིཀཱ ཁིཌྜཱ.

མེཐུནདྷམྨོ ནཱམ ཡོ སོ ཨསདྡྷམྨོ གཱམདྷམྨོ ཝསལདྷམྨོ དུཊྛུལློ ཨོདཀནྟིཀོ རཧསྶོ དྭཡཾདྭཡསམཱཔཏྟི. ཀིཾཀཱརཎཱ ཝུཙྩཏི མེཐུནདྷམྨོ? ཨུབྷིནྣཾ རཏྟཱནཾ སཱརཏྟཱནཾ ཨཝསྶུཏཱནཾ པརིཡུཊྛིཏཱནཾ པརིཡཱདིནྣཙིཏྟཱནཾ ཨུབྷིནྣཾ སདིསཱནཾ དྷམྨོཏི, ཏཾཀཱརཎཱ ཝུཙྩཏི མེཐུནདྷམྨོ. ཡཐཱ ཨུབྷོ ཀལཧཀཱརཀཱ མེཐུནཀཱཏི ཝུཙྩནྟི, ཨུབྷོ བྷཎྜནཀཱརཀཱ…པེ… ཨུབྷོ བྷསྶཀཱརཀཱ… ཨུབྷོ ཨདྷིཀརཎཀཱརཀཱ… ཨུབྷོ ཝིཝཱདཀཱརཀཱ… ཨུབྷོ ཝཱདིནོ… ཨུབྷོ སལླཱཔཀཱ མེཐུནཀཱཏི ཝུཙྩནྟི ¶ ; ཨེཝམེཝ ཨུབྷིནྣཾ རཏྟཱནཾ སཱརཏྟཱནཾ ཨཝསྶུཏཱནཾ པརིཡུཊྛིཏཱནཾ པརིཡཱདིནྣཙིཏྟཱནཾ ཨུབྷིནྣཾ སདིསཱནཾ དྷམྨོཏི, ཏཾཀཱརཎཱ ཝུཙྩཏི མེཐུནདྷམྨོ.

ཝིབྷཱུསཱཏི དྭེ ཝིབྷཱུསཱ – ཨཏྠི ཨགཱརིཡསྶ ཝིབྷཱུསཱ, ཨཏྠི པབྦཛིཏསྶ ཝིབྷཱུསཱ. ཀཏམཱ ཨགཱརིཡསྶ ཝིབྷཱུསཱ? ཀེསཱ ཙ མསྶུ ཙ མཱལཱ ཙ གནྡྷཱ ¶ ཙ ཝིལེཔནཱ ཙ ཨཱབྷརཎཱ ཙ པིལནྡྷནཱ ཙ ཝཏྠཉྩ སཡནཱསནཉྩ ཝེཋནཉྩ ཨུཙྪཱདནཾ པརིམདྡནཾ ནྷཱཔནཾ སམྦཱཧནཾ ཨཱདཱསཾ ཨཉྫནཾ མཱལཱཝིལེཔནཾ མུཁཙུཎྞཀཾ མུཁལེཔཾ ཧཏྠབནྡྷཾ སིཁཱབནྡྷཾ [ཝསིཀྑཱབནྡྷཾ (སྱཱ.)] དཎྜནཱལི༹ཡཾ ཁགྒཾ ཚཏྟཾ ཙིཏྲཱ ཨུཔཱཧནཱ ཨུཎྷཱིསཾ མཎིཾ ཝཱལ༹བཱིཛནིཾ ཨོདཱཏཱནི ཝཏྠཱནི དཱིགྷདསཱནི ཨིཏི ཝཱ – ཨཡཾ ཨགཱརིཡསྶ ཝིབྷཱུསཱ. ཀཏམཱ པབྦཛིཏསྶ ཝིབྷཱུསཱ? ཙཱིཝརམཎྜནཱ ¶ པཏྟམཎྜནཱ སེནཱསནམཎྜནཱ ཨིམསྶ ཝཱ པཱུཏིཀཱཡསྶ བཱཧིརཱནཾ ཝཱ པརིཀྑཱརཱནཾ མཎྜནཱ ཝིབྷཱུསནཱ ཀེལ༹ནཱ པརིཀེལ༹ནཱ གེདྷིཏཏཱ གེདྷིཏཏྟཾ ཙཔལཏཱ ཙཱཔལྱཾ – ཨཡཾ པབྦཛིཏསྶ ཝིབྷཱུསཱ.

ཏནྡིཾ མཱཡཾ ཧསྶཾ ཁིཌྜཾ, མེཐུནཾ ཝིཔྤཛཧེ སཝིབྷཱུསནྟི. ཏནྡིཉྩ མཱཡཉྩ ཧསྶཉྩ ཁིཌྜཉྩ མེཐུནདྷམྨཉྩ སཝིབྷཱུསཾ སཔརིཝཱརཾ སཔརིབྷཎྜཾ སཔརིཀྑཱརཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻཱཏི – ཏནྡིཾ མཱཡཾ ཧསྶཾ ཁིཌྜཾ, མེཐུནཾ ཝིཔྤཛཧེ སཝིབྷཱུསཾ.

‘‘ནིདྡཾ ¶ ན བཧུལཱིཀརེཡྻ, ཛཱགརིཡཾ བྷཛེཡྻ ཨཱཏཱཔཱི;

ཏནྡིཾ མཱཡཾ ཧསྶཾ ཁིཌྜཾ, མེཐུནཾ ཝིཔྤཛཧེ སཝིབྷཱུས’’ནྟི.

ཨཱཐབྦཎཾ ¶ སུཔིནཾ ལཀྑཎཾ, ནོ ཝིདཧེ ཨཐོཔི ནཀྑཏྟཾ;

ཝིརུཏཉྩ ¶ གབྦྷཀརཎཾ, ཏིཀིཙྪཾ མཱམཀོ ན སེཝེཡྻ.

ཨཱཐབྦཎཾ སུཔིནཾ ལཀྑཎཾ, ནོ ཝིདཧེ ཨཐོཔི ནཀྑཏྟནྟི. ཨཱཐབྦཎིཀཱ ཨཱཐབྦཎཾ པཡོཛེནྟི, ནགརེ ཝཱ རུདྡྷེ [རུནྡྷེ (ཀ.)] སངྒཱམེ ཝཱ པཙྩུཔཊྛིཏེ པརསེནཔཙྩཏྠིཀེསུ པཙྩཱམིཏྟེསུ ཨཱིཏིཾ ཨུཔྤཱདེནྟི, ཨུཔདྡཝཾ ཨུཔྤཱདེནྟི, རོགཾ ཨུཔྤཱདེནྟི, པཛྫརཀཾ ཀརོནྟི, སཱུལཾ ཀརོནྟི, ཝིསཱུཙིཀཾ ཀརོནྟི, པཀྑནྡིཀཾ ཀརོནྟི. ཨེཝཾ ཨཱཐབྦཎིཀཱ ཨཱཐབྦཎཾ པཡོཛེནྟི.

སུཔིནཔཱཋཀཱ སུཔིནཾ ཨཱདིསནྟི, ཡོ པུབྦཎྷསམཡཾ སུཔིནཾ པསྶཏི, ཨེཝཾ ཝིཔཱཀོ ཧོཏི. ཡོ མཛ྄ཛྷནྷིཀསམཡཾ [མཛ྄ཛྷནྟིཀསམཡཾ (བཧཱུསུ)] སུཔིནཾ པསྶཏི, ཨེཝཾ ཝིཔཱཀོ ཧོཏི. ཡོ སཱཡནྷསམཡཾ སུཔིནཾ པསྶཏི, ཨེཝཾ ཝིཔཱཀོ ཧོཏི. ཡོ པུརིམེ ཡཱམེ…པེ… ཡོ མཛ྄ཛྷིམེ ཡཱམེ… ཡོ པཙྪིམེ ཡཱམེ… ཡོ དཀྑིཎེན པསྶེན ནིཔནྣོ… ཡོ ཝཱམེན པསྶེན ནིཔནྣོ… ཡོ ཨུཏྟཱནཾ ནིཔནྣོ… ཡོ ཨཝཀུཛྫ ནིཔནྣོ… ཡོ ཙནྡཾ པསྶཏི… ཡོ སཱུརིཡཾ པསྶཏི… ཡོ མཧཱསམུདྡཾ པསྶཏི… ཡོ སིནེརུཾ པབྦཏརཱཛཱནཾ པསྶཏི… ཡོ ཧཏྠིཾ པསྶཏི… ཡོ ཨསྶཾ པསྶཏི… ཡོ རཐཾ པསྶཏི… ཡོ པཏྟིཾ པསྶཏི… ཡོ སེནཱབྱཱུཧཾ པསྶཏི… ཡོ ཨཱརཱམརཱམཎེཡྻཀཾ པསྶཏི… ཡོ ཝནརཱམཎེཡྻཀཾ པསྶཏི… ཡོ བྷཱུམིརཱམཎེཡྻཀཾ པསྶཏི… ཡོ པོཀྑརཎཱིརཱམཎེཡྻཀཾ [པོཀྑརཎིརཱམཎེཡྻཀཾ (སྱཱ.)] པསྶཏི, ཨེཝཾ ཝིཔཱཀོ ཧོཏཱིཏི. ཨེཝཾ སུཔིནཔཱཋཀཱ སུཔིནཾ ཨཱདིསནྟི.

ལཀྑཎཔཱཋཀཱ ¶ ལཀྑཎཾ ཨཱདིསནྟི – མཎིལཀྑཎཾ དཎྜལཀྑཎཾ ¶ ཝཏྠལཀྑཎཾ ཨསིལཀྑཎཾ ཨུསུལཀྑཎཾ དྷནུལཀྑཎཾ ཨཱཝུདྷལཀྑཎཾ ཨིཏྠིལཀྑཎཾ པུརིསལཀྑཎཾ ཀུམཱརིཀཱལཀྑཎཾ ཀུམཱརལཀྑཎཾ དཱསིལཀྑཎཾ དཱསལཀྑཎཾ ཧཏྠིལཀྑཎཾ ཨསྶལཀྑཎཾ མཧིཾསལཀྑཎཾ ཨུསབྷལཀྑཎཾ གོཎལཀྑཎཾ ¶ ཨཛལཀྑཎཾ མེཎྜལཀྑཎཾ ¶ ཀུཀྐུཊལཀྑཎཾ ཝཊྚལཀྑཎཾ གོདྷཱལཀྑཎཾ ཀཎྞིཀཱལཀྑཎཾ ཀཙྪཔལཀྑཎཾ མིགལཀྑཎཾ ཨིཏི ཝཱཏི. ཨེཝཾ ལཀྑཎཔཱཋཀཱ ལཀྑཎཾ ཨཱདིསནྟི.

ནཀྑཏྟཔཱཋཀཱ ནཀྑཏྟཾ ཨཱདིསནྟི. ཨཊྛཝཱིསཏི ནཀྑཏྟཱནི. ཨིམིནཱ ནཀྑཏྟེན གྷརཔྤཝེསོ ཀཏྟབྦོ, ཨིམིནཱ ནཀྑཏྟེན མཀུཊཾ བནྡྷིཏབྦཾ, ཨིམིནཱ ནཀྑཏྟེན ཝཱརེཡྻཾ ཀཱརེཏབྦཾ, ཨིམིནཱ ནཀྑཏྟེན བཱིཛནཱིཧཱརོ [བཱིཛནིཧཱརོ (སྱཱ. ཀ.)] ཀཏྟབྦོ, ཨིམིནཱ ནཀྑཏྟེན སཾཝཱསོ [གྷརཝཱསོ (སྱཱ.)] གནྟབྦོཏི. ཨེཝཾ ནཀྑཏྟཔཱཋཀཱ ནཀྑཏྟཾ ཨཱདིསནྟི.

ཨཱཐབྦཎཾ སུཔིནཾ ལཀྑཎཾ, ནོ ཝིདཧེ ཨཐོཔི ནཀྑཏྟནྟི. ཨཱཐབྦཎཉྩ སུཔིནཉྩ ལཀྑཎཉྩ ནཀྑཏྟཉྩ ནོ ཝིདཧེཡྻ ན ཙརེཡྻ ན སམཱཙརེཡྻ ན སམཱདཱཡ ཝཏྟེཡྻ. ཨཐ ཝཱ ན གཎྷེཡྻ ན ཨུགྒཎྷེཡྻ ན དྷཱརེཡྻ ན ཨུཔདྷཱརེཡྻ ན ཨུཔལཀྑེཡྻ ནཔྤཡོཛེཡྻཱཏི – ཨཱཐབྦཎཾ སུཔིནཾ ལཀྑཎཾ, ནོ ཝིདཧེ ཨཐོཔི ནཀྑཏྟཾ.

ཝིརུཏཉྩ གབྦྷཀརཎཾ, ཏིཀིཙྪཾ མཱམཀོ ན སེཝེཡྻཱཏི. ཝིརུཏཾ ཝུཙྩཏི མིགཝཱཀྐཾ. མིགཝཱཀྐཔཱཋཀཱ [མིགཙཀྐཾ. མིགཙཀྐཔཱཋཀཱ (སྱཱ.)] མིགཝཱཀྐཾ ཨཱདིསནྟི – སཀུནྟཱནཾ ཝཱ ཙཏུཔྤདཱནཾ ཝཱ རུཏཾ [རུདཾ (སྱཱ.)] ཝསྶིཏཾ ཛཱནནྟཱིཏི. ཨེཝཾ མིགཝཱཀྐཔཱཋཀཱ མིགཝཱཀྐཾ ཨཱདིསནྟི. གབྦྷཀརཎཱིཡཱ གབྦྷཾ སཎྛཱཔེནྟི. དྭཱིཧི ¶ ཀཱརཎེཧི གབྦྷོ ན སཎྛཱཏི – པཱཎཀེཧི ཝཱ ཝཱཏཀུཔྤེཧི ཝཱ. པཱཎཀཱནཾ ཝཱ ཝཱཏཀུཔྤཱནཾ ཝཱ པཊིགྷཱཏཱཡ ཨོསདྷཾ དེནྟཱིཏི. ཨེཝཾ གབྦྷཀརཎཱིཡཱ གབྦྷཾ སཎྛཱཔེནྟི. ཏིཀིཙྪཱཏི པཉྩ ཏིཀིཙྪཱ – སཱལཱཀིཡཾ, སལླཀཏྟིཡཾ, ཀཱཡཏིཀིཙྪཾ, བྷཱུཏིཡཾ, ཀོམཱརབྷཙྩཾ. མཱམཀོཏི བུདྡྷམཱམཀོ དྷམྨམཱམཀོ སངྒྷམཱམཀོ, སོ ཝཱ བྷགཝནྟཾ མམཱཡཏི བྷགཝཱ ཝཱ ཏཾ པུགྒལཾ པརིགྒཎྷཱཏི. ཝུཏྟཉྷེཏཾ ¶ བྷགཝཏཱ – ‘‘ཡེ ཏེ, བྷིཀྑཝེ, བྷིཀྑཱུ ཀུཧཱ ཐདྡྷཱ ལཔཱ སིངྒཱི ཨུནྣལཱ༹ ཨསམཱཧིཏཱ ན མེ ཏེ, བྷིཀྑཝེ, བྷིཀྑཱུ མཱམཀཱ, ཨཔགཏཱ ཙ ཏེ, བྷིཀྑཝེ, བྷིཀྑཱུ ཨིམསྨཱ དྷམྨཝིནཡཱ, ན ཙ ཏེ བྷིཀྑཱུ ཨིམསྨིཾ དྷམྨཝིནཡེ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫནྟི. ཡེ ཙ ཁོ, བྷིཀྑཝེ, བྷིཀྑཱུ ནིཀྐུཧཱ ནིལླཔཱ དྷཱིརཱ ཨཏྠདྡྷཱ སུསམཱཧིཏཱ ཏེ ཁོ མེ, བྷིཀྑཝེ, བྷིཀྑཱུ མཱམཀཱ ན ཙ ཨཔགཏཱ ཏེ ¶ , བྷིཀྑཝེ, བྷིཀྑཱུ ཨིམསྨཱ དྷམྨཝིནཡཱ, ཏེ ཙ བྷིཀྑཱུ ཨིམསྨིཾ དྷམྨཝིནཡེ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫནྟི’’.

‘‘ཀུཧཱ ¶ ཐདྡྷཱ ལཔཱ སིངྒཱི, ཨུནྣལཱ༹ ཨསམཱཧིཏཱ;

ན ཏེ དྷམྨེ ཝིརཱུཧནྟི, སམྨཱསམྦུདྡྷདེསིཏེ.

‘‘ནིཀྐུཧཱ ནིལླཔཱ དྷཱིརཱ, ཨཏྠདྡྷཱ སུསམཱཧིཏཱ;

ཏེ ཝེ དྷམྨེ ཝིརཱུཧནྟི, སམྨཱསམྦུདྡྷདེསིཏེ’’.

ཝིརུཏཉྩ གབྦྷཀརཎཾ, ཏིཀིཙྪཾ མཱམཀོ ན སེཝེཡྻཱཏི. ཝིརུཏཉྩ གབྦྷཀརཎཉྩ ཏིཀིཙྪཉྩ མཱམཀོ ན སེཝེཡྻ ན ནིསེཝེཡྻ ན སཾསེཝེཡྻ ནཔྤཊིསེཝེཡྻ ན ཙརེཡྻ ན སམཱཙརེཡྻ ན སམཱདཱཡ ཝཏྟེཡྻ. ཨཐ ¶ ཝཱ ན གཎྷེཡྻ ན ཨུགྒཎྷེཡྻ ན དྷཱརེཡྻ ན ཨུཔདྷཱརེཡྻ ན ཨུཔལཀྑེཡྻ ནཔྤཡོཛེཡྻཱཏི – ཝིརུཏཉྩ གབྦྷཀརཎཾ ཏིཀིཙྪཾ མཱམཀོ ན སེཝེཡྻ.

‘‘ཨཱཐབྦཎཾ སུཔིནཾ ལཀྑཎཾ, ནོ ཝིདཧེ ཨཐོཔི ནཀྑཏྟཾ;

ཝིརུཏཉྩ གབྦྷཀརཎཾ, ཏིཀིཙྪཾ མཱམཀོ ན སེཝེཡྻཱ’’ཏི.

ནིནྡཱཡ ¶ ནཔྤཝེདྷེཡྻ, ན ཨུནྣམེཡྻ པསཾསིཏོ བྷིཀྑུ;

ལོབྷཾ སཧ མཙྪརིཡེན, ཀོདྷཾ པེསུཎིཡཉྩ པནུདེཡྻ.

ནིནྡཱཡ ནཔྤཝེདྷེཡྻཱཏི. ཨིདྷེཀཙྩེ བྷིཀྑཱུ ནིནྡནྟི ཛཱཏིཡཱ ཝཱ གོཏྟེན ཝཱ ཀོལཔུཏྟིཡེན ཝཱ ཝཎྞཔོཀྑརཏཱཡ ཝཱ དྷནེན ཝཱ ཨཛ྄ཛྷེནེན ཝཱ ཀམྨཱཡཏནེན ཝཱ སིཔྤཱཡཏནེན ཝཱ ཝིཛྫཱཊྛཱནེན ཝཱ སུཏེན ཝཱ པཊིབྷཱནེན ཝཱ ཨཉྙཏརཉྙཏརེན ཝཱ ཝཏྠུནཱ ནིནྡནྟི གརཧནྟི ཨུཔཝདནྟི, ནིནྡིཏོ གརཧིཏོ ཨུཔཝདིཏོ ནིནྡཱཡ གརཧཱཡ ཨུཔཝཱདེན ཨཀིཏྟིཡཱ ཨཝཎྞཧཱརིཀཱཡ ན ཝེདྷེཡྻ ནཔྤཝེདྷེཡྻ ན སམྤཝེདྷེཡྻ ན ཏསེཡྻ ན ཨུཏྟསེཡྻ ན པརིཏསེཡྻ ན བྷཱཡེཡྻ ན སནྟཱསཾ ཨཱཔཛྫེཡྻ, ཨབྷཱིརཱུ ཨསྶ ཨཚམྦྷཱི ཨནུཏྲཱསཱི ཨཔལཱཡཱི, པཧཱིནབྷཡབྷེརཝོ ཝིགཏལོམཧཾསོ ཝིཧརེཡྻཱཏི ¶ – ནིནྡཱཡ ནཔྤཝེདྷེཡྻ.

ན ¶ ཨུནྣམེཡྻ པསཾསིཏོ བྷིཀྑཱུཏི. ཨིདྷེཀཙྩེ བྷིཀྑཱུ པསཾསནྟི ཛཱཏིཡཱ ཝཱ གོཏྟེན ཝཱ ཀོལཔུཏྟིཡེན ཝཱ ཝཎྞཔོཀྑརཏཱཡ ཝཱ དྷནེན ཝཱ ཨཛ྄ཛྷེནེན ཝཱ ཀམྨཱཡཏནེན ཝཱ སིཔྤཱཡཏནེན ཝཱ ཝིཛྫཱཊྛཱནེན ཝཱ ¶ སུཏེན ཝཱ པཊིབྷཱནེན ཝཱ ཨཉྙཏརཉྙཏརེན ཝཱ ཝཏྠུནཱ པསཾསནྟི ཐོམེནྟི ཀིཏྟེནྟི ཝཎྞེནྟི, པསཾསིཏོ ཐོམིཏོ ཀིཏྟིཏོ ཝཎྞིཏོ པསཾསཱཡ ཐོམནེན ཀིཏྟིཡཱ ཝཎྞཧཱརིཀཱཡ ཨུནྣཏིཾ ན ཀརེཡྻ ཨུནྣམཾ ན ཀརེཡྻ མཱནཾ ན ཀརེཡྻ ཐམྦྷཾ ན ཀརེཡྻ, ན ཏེན མཱནཾ ཛནེཡྻ ན ཏེན ཐདྡྷོ ཨསྶ པཏྠདྡྷོ པགྒཧིཏསིརོཏི – ན ཨུནྣམེཡྻ པསཾསིཏོ བྷིཀྑུ.

ལོབྷཾ སཧ མཙྪརིཡེན, ཀོདྷཾ པེསུཎིཡཉྩ པནུདེཡྻཱཏི. ལོབྷོཏི ཡོ ལོབྷོ ལུབྦྷནཱ ལུབྦྷིཏཏྟཾ སཱརཱགོ སཱརཛྫནཱ སཱརཛྫིཏཏྟཾ ཨབྷིཛ྄ཛྷཱ ལོབྷོ ཨཀུསལམཱུལཾ. མཙྪརིཡནྟི པཉྩ མཙྪརིཡཱནི – ཨཱཝཱསམཙྪརིཡཾ…པེ… གཱཧོ ཝུཙྩཏི མཙྪརིཡཾ. ཀོདྷོཏི ཡོ ཙིཏྟསྶ ཨཱགྷཱཏོ པཊིགྷཱཏོ པཊིགྷཾ པཊིཝིརོདྷོ, ཀོཔོ པཀོཔོ སམྤཀོཔོ, དོསོ པདོསོ སམྤདོསོ, ཙིཏྟསྶ བྱཱཔཏྟི མནོཔདོསོ, ཀོདྷོ ཀུཛ྄ཛྷནཱ ཀུཛ྄ཛྷིཏཏྟཾ, དོསོ དུསྶནཱ དུསྶིཏཏྟཾ, བྱཱཔཏྟིཾ བྱཱཔཛྫནཱ བྱཱཔཛྫིཏཏྟཾ, ཝིརོདྷོ ¶ པཊིཝིརོདྷོ ཙཎྜིཀྐཾ ཨསུརོཔོ ཨནཏྟམནཏཱ ཙིཏྟསྶ. པེསུཉྙནྟི ཨིདྷེཀཙྩོ པིསུཎཝཱཙོ ཧོཏི ཨིཏོ སུཏྭཱ ཨམུཏྲ ཨཀྑཱཏཱ ཨིམེསཾ བྷེདཱཡ, ཨམུཏྲ ཝཱ སུཏྭཱ ཨིམེསཾ ཨཀྑཱཏཱ ཨམཱུསཾ བྷེདཱཡ. ཨིཏི སམགྒཱནཾ ཝཱ བྷེཏྟཱ བྷིནྣཱནཾ ཝཱ ཨནུཔྤདཱཏཱ, ཝགྒཱརཱམོ ཝགྒརཏོ ཝགྒནནྡཱི ཝགྒཀརཎིཾ ¶ ཝཱཙཾ བྷཱསིཏཱ ཧོཏི – ཨིདཾ ཝུཙྩཏི པེསུཉྙཾ.

ཨཔི ཙ དྭཱིཧི ཀཱརཎེཧི པེསུཉྙཾ ཨུཔསཾཧརཏི – པིཡཀམྱཏཱཡ ཝཱ བྷེདཱདྷིཔྤཱཡེན ཝཱ. ཀཐཾ པིཡཀམྱཏཱཡ པེསུཉྙཾ ཨུཔསཾཧརཏི? ཨིམསྶ པིཡོ བྷཝིསྶཱམི མནཱཔོ བྷཝིསྶཱམི ཝིསྶཱསིཀོ བྷཝིསྶཱམི ཨབྦྷནྟརིཀོ བྷཝིསྶཱམི སུཧདཡོ བྷཝིསྶཱམཱིཏི. ཨེཝཾ པིཡཀམྱཏཱཡ པེསུཉྙཾ ཨུཔསཾཧརཏི. ཀཐཾ བྷེདཱདྷིཔྤཱཡེན པེསུཉྙཾ ཨུཔསཾཧརཏི? ཀཐཾ ཨིམེ ནཱནཱ ཨསྶུ ཝིནཱ ཨསྶུ ཝགྒཱ ཨསྶུ དྭེདྷཱ ཨསྶུ དྭེཛ྄ཛྷཱ ཨསྶུ དྭེ པཀྑཱ ཨསྶུ བྷིཛ྄ཛྷེཡྻུཾ ན སམཱགཙྪེཡྻུཾ དུཀྑཾ ན ཕཱསུ ཝིཧརེཡྻུནྟི. ཨེཝཾ བྷེདཱདྷིཔྤཱཡེན པེསུཉྙཾ ཨུཔསཾཧརཏི. ལོབྷཾ སཧ མཙྪརིཡེན, ཀོདྷཾ པེསུཎིཡཉྩ པནུདེཡྻཱཏི. ལོབྷཉྩ མཙྪརིཡཉྩ ཀོདྷཉྩ པེསུཉྙཉྩ ནུདེཡྻ པནུདེཡྻ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻཱཏི – ལོབྷཾ སཧ མཙྪརིཡེན, ཀོདྷཾ པེསུཎིཡཉྩ པནུདེཡྻ.

‘‘ནིནྡཱཡ ¶ ནཔྤཝེདྷེཡྻ, ན ཨུནྣམེཡྻ པསཾསིཏོ བྷིཀྑུ;

ལོབྷཾ སཧ མཙྪརིཡེན, ཀོདྷཾ པེསུཎིཡཉྩ པནུདེཡྻཱ’’ཏི.

ཀཡཝིཀྐཡེ ན ཏིཊྛེཡྻ, ཨུཔཝཱདཾ བྷིཀྑུ ན ཀརེཡྻ ཀུཧིཉྩི;

གཱམེ ཙ ནཱབྷིསཛྫེཡྻ, ལཱབྷཀམྱཱ ཛནཾ ན ལཔཡེཡྻ.

ཀཡཝིཀྐཡེ ¶ ¶ ན ཏིཊྛེཡྻཱཏི. ཡེ ཀཡཝིཀྐཡཱ ཝིནཡེ པཊིཀྑིཏྟཱ ན ཏེ ཨིམསྨིཾ ཨཏྠེ ཨདྷིཔྤེཏཱ. ཀཐཾ ཀཡཝིཀྐཡེ ཏིཊྛཏི? པཉྩནྣཾ སདྡྷིཾ པཏྟཾ ཝཱ ཙཱིཝརཾ ཝཱ ཨཉྙཾ ཝཱ ཀིཉྩི པརིཀྑཱརཾ ཝཉྩནིཡཾ ཝཱ ཀརོནྟོ ཨུདཡཾ ཝཱ པཏྠཡནྟོ པརིཝཏྟེཏི. ཨེཝཾ ཀཡཝིཀྐཡེ ཏིཊྛཏི. ཀཐཾ ཀཡཝིཀྐཡེ ན ཏིཊྛཏི? པཉྩནྣཾ སདྡྷིཾ པཏྟཾ ཝཱ ཙཱིཝརཾ ཝཱ ཨཉྙཾ ཝཱ ཀིཉྩི པརིཀྑཱརཾ ན ཝཉྩནིཡཾ ཝཱ ཀརོནྟོ ན ཨུདཡཾ ཝཱ པཏྠཡནྟོ པརིཝཏྟེཏི. ཨེཝཾ ཀཡཝིཀྐཡེ ན ཏིཊྛཏི. ཀཡཝིཀྐཡེ ན ཏིཊྛེཡྻཱཏི. ཀཡཝིཀྐཡེ ན ཏིཊྛེཡྻ ན སནྟིཊྛེཡྻ, ཀཡཝིཀྐཡཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, ཀཡཝིཀྐཡཱ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – ཀཡཝིཀྐཡེ ན ཏིཊྛེཡྻ.

ཨུཔཝཱདཾ བྷིཀྑུ ན ཀརེཡྻ ཀུཧིཉྩཱིཏི. ཀཏམེ ཨུཔཝཱདཀརཱཏི ཀིལེསཱ? སནྟེཀེ སམཎབྲཱཧྨཎཱ ཨིདྡྷིམནྟོ དིབྦཙཀྑུཀཱ པརཙིཏྟཝིདུནོ, ཏེ དཱུརཏོཔི པསྶནྟི ཨཱསནྣཱཔི ན དིསྶནྟི ཙེཏསཱཔི ཙིཏྟཾ པཛཱནནྟི, དེཝཏཱཔི ཁོ སནྟི ཨིདྡྷིམནྟིནིཡོ དིབྦཙཀྑུཀཱ པརཙིཏྟཝིདུནིཡོ, ཏཱ དཱུརཏོཔི པསྶནྟི, ཨཱསནྣཱཔི ན དིསྶནྟི ཙེཏསཱཔི ཙིཏྟཾ པཛཱནནྟི. ཏེ ཨོལཱ༹རིཀེཧི ཝཱ ཀིལེསེཧི མཛ྄ཛྷིམེཧི ཝཱ ཀིལེསེཧི སུཁུམེཧི ཝཱ ཀིལེསེཧི ཨུཔཝདེཡྻུཾ. ཀཏམེ ཨོལཱ༹རིཀཱ ཀིལེསཱ? ཀཱཡདུཙྩརིཏཾ ཝཙཱིདུཙྩརིཏཾ མནོདུཙྩརིཏཾ – ཨིམེ ¶ ཝུཙྩནྟི ཨོལཱ༹རིཀཱ ཀིལེསཱ. ཀཏམེ མཛ྄ཛྷིམཱ ཀིལེསཱ? ཀཱམཝིཏཀྐོ བྱཱཔཱདཝིཏཀྐོ ཝིཧིཾསཱཝིཏཀྐོ – ཨིམེ ཝུཙྩནྟི མཛ྄ཛྷིམཱ ཀིལེསཱ. ཀཏམེ སུཁུམཱ ཀིལེསཱ? ཉཱཏིཝིཏཀྐོ, ཛནཔདཝིཏཀྐོ, ཨཔརཝིཏཀྐོ, པརཱནུདཡཏཱ པཊིསཉྙུཏྟོ ཝིཏཀྐོ ¶ , ལཱབྷསཀྐཱརསིལོཀཔཊིསཉྙུཏྟོ ཝིཏཀྐོ, ཨནཝཉྙཏྟིཔཊིསཉྙུཏྟོ ཝིཏཀྐོ – ཨིམེ ཝུཙྩནྟི སུཁུམཱ ཀིལེསཱ. ཏེ ཨོལཱ༹རིཀེཧི ཝཱ ཀིལེསེཧི མཛ྄ཛྷིམེཧི ཝཱ ཀིལེསེཧི སུཁུམེཧི ཝཱ ཀིལེསེཧི ན ཨུཔཝདེཡྻ ཨུཔཝཱདཾ ན ཀརེཡྻ ཨུཔཝཱདཀརེ ཀིལེསེ ན ཀརེཡྻ ན ཛནེཡྻ ན སཉྫནེཡྻ ན ནིབྦཏྟེཡྻ ནཱབྷིནིབྦཏྟེཡྻ, ཨུཔཝཱདཀརེ ཀིལེསེ པཛཧེཡྻ ཝིནོདེཡྻ ¶ ¶ བྱནྟིཾ ཀརེཡྻ ཨནབྷཱཝཾ གམེཡྻ, ཨུཔཝཱདཀརེཧི ཀིལེསེཧི ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻ. ཀུཧིཉྩཱིཏི ཀུཧིཉྩི ཀིམྷིཙི ཀཏྠཙི ཨཛ྄ཛྷཏྟཾ ཝཱ བཧིདྡྷཱ ཝཱ ཨཛ྄ཛྷཏྟབཧིདྡྷཱ ཝཱཏི – ཨུཔཝཱདཾ བྷིཀྑུ ན ཀརེཡྻ ཀུཧིཉྩི.

གཱམེ ཙ ནཱབྷིསཛྫེཡྻཱཏི. ཀཐཾ གཱམེ སཛྫཏི? ཨིདྷ བྷིཀྑུ གཱམེ གིཧཱིཧི སཾསཊྛོ ཝིཧརཏི སཧནནྡཱི སཧསོཀཱི སུཁིཏེསུ སུཁིཏོ དུཀྑིཏེསུ དུཀྑིཏོ, ཨུཔྤནྣེསུ ཀིཙྩཀརཎཱིཡེསུ ཨཏྟནཱ ཝོཡོགཾ ཨཱཔཛྫཏི. ཨེཝམྤི གཱམེ སཛྫཏི.

ཨཐ ཝཱ བྷིཀྑུ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ གཱམཾ ཝཱ ནིགམཾ ཝཱ པིཎྜཱཡ པཝིསཏི ཨརཀྑིཏེནེཝ ཀཱཡེན ཨརཀྑིཏཱཡ ཝཱཙཱཡ ཨརཀྑིཏེན ཙིཏྟེན ཨནུཔཊྛིཏཱཡ ¶ སཏིཡཱ ཨསཾཝུཏེཧི ཨིནྡྲིཡེཧི. སོ ཏཏྲ ཏཏྲ སཛྫཏི ཏཏྲ ཏཏྲ གཎྷཱཏི ཏཏྲ ཏཏྲ བཛ྄ཛྷཏི ཏཏྲ ཏཏྲ ཨནཡབྱསནཾ ཨཱཔཛྫཏི. ཨེཝམྤི གཱམེ སཛྫཏི.

ཀཐཾ གཱམེ ན སཛྫཏི? ཨིདྷ བྷིཀྑུ གཱམེ གིཧཱིཧི ཨསཾསཊྛོ ཝིཧརཏི ན སཧནནྡཱི ན སཧསོཀཱི ན སུཁིཏེསུ སུཁིཏོ ན དུཀྑིཏེསུ དུཀྑིཏོ, ཨུཔྤནྣེསུ ཀིཙྩཀརཎཱིཡེསུ ན ཨཏྟནཱ ཝོཡོགཾ ཨཱཔཛྫཏི. ཨེཝམྤི གཱམེ ན སཛྫཏི.

ཨཐ ཝཱ བྷིཀྑུ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ གཱམཾ ཝཱ ནིགམཾ ཝཱ པིཎྜཱཡ པཝིསཏི རཀྑིཏེནེཝ ཀཱཡེན རཀྑིཏཱཡ ཝཱཙཱཡ རཀྑིཏེན ཙིཏྟེན ཨུཔཊྛིཏཱཡ སཏིཡཱ སཾཝུཏེཧི ཨིནྡྲིཡེཧི. སོ ཏཏྲ ཏཏྲ ན སཛྫཏི ཏཏྲ ཏཏྲ ན གཎྷཱཏི ཏཏྲ ཏཏྲ ན བཛ྄ཛྷཏི ཏཏྲ ཏཏྲ ན ཨནཡབྱསནཾ ཨཱཔཛྫཏི. ཨེཝམྤི གཱམེ ན སཛྫཏི. གཱམེ ཙ ནཱབྷིསཛྫེཡྻཱཏི གཱམེ ན སཛྫེཡྻ ན གཎྷེཡྻ ན བཛ྄ཛྷེཡྻ ན པལིབཛ྄ཛྷེཡྻ, ཨགིདྡྷོ ¶ ཨསྶ ཨགདྷིཏོ ཨམུཙྪིཏོ ཨནཛ྄ཛྷོསནྣོ ཝཱིཏགེདྷོ ཝིགཏགེདྷོ ཙཏྟགེདྷོ…པེ… བྲཧྨབྷཱུཏེན ཨཏྟནཱ ཝིཧརེཡྻཱཏི – གཱམེ ཙ ནཱབྷིསཛྫེཡྻ.

ལཱབྷཀམྱཱ ཛནཾ ན ལཔཡེཡྻཱཏི. ཀཏམཱ ལཔནཱ? ལཱབྷསཀྐཱརསིལོཀསནྣིསྶིཏསྶ པཱཔིཙྪསྶ ཨིཙྪཱཔཀཏསྶ ཨཱམིསཙཀྑུཀསྶ ¶ ལོཀདྷམྨགརུཀསྶ ཡཱ པརེསཾ ཨཱལཔནཱ ལཔནཱ སལླཔནཱ ཨུལླཔནཱ སམུལླཔནཱ ཨུནྣཧནཱ སམུནྣཧནཱ ཨུཀྐཱཙནཱ སམུཀྐཱཙནཱ [ཨུཀྐཱཔནཱ སམུཀྐཱཔནཱ (སྱཱ.)] ཨནུཔིཡབྷཱཎིཏཱ ¶ ཙཱཏུཀམྱཏཱ མུགྒསཱུཔྱཏཱ པཱརིབྷཊཡཏཱ པརཔིཊྛིམཾསིཀཏཱ [པིཊྛིམཾསིཀཏཱ (ཀ.) ཝིསུདྡྷིམགྒེ སཱིལནིདྡེསཝཎྞནཱ ཨོལོཀེཏབྦཱ], ཡཱ ¶ ཏཏྠ སཎྷཝཱཙཏཱ སཁིལཝཱཙཏཱ སིཐིལཝཱཙཏཱ [མེཏྟཝཱཙཀཏཱ (སྱཱ.)] ཨཕརུསཝཱཙཏཱ – ཨཡཾ ཝུཙྩཏི ལཔནཱ.

ཨཔི ཙ དྭཱིཧི ཀཱརཎེཧི ཛནཾ ལཔཏི – ཨཏྟཱནཾ ཝཱ ནཱིཙཾ ཋཔེནྟོ པརཾ ཨུཙྩཾ ཋཔེནྟོ ཛནཾ ལཔཏི, ཨཏྟཱནཾ ཝཱ ཨུཙྩཾ ཋཔེནྟོ པརཾ ནཱིཙཾ ཋཔེནྟོ ཛནཾ ལཔཏི. ཀཐཾ ཨཏྟཱནཾ ནཱིཙཾ ཋཔེནྟོ པརཾ ཨུཙྩཾ ཋཔེནྟོ ཛནཾ ལཔཏི? ‘‘ཏུམྷེ མེ བཧཱུཔཀཱརཱ, ཨཧཾ ཏུམྷེ ནིསྶཱཡ ལབྷཱམི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཾ, ཡེཔི མེ ཨཉྙེ དཱཏུཾ ཝཱ ཀཱཏུཾ ཝཱ མཉྙནྟི, ཏུམྷེ ནིསྶཱཡ ཏུམྷེ སམྤསྶནྟཱ ཡམྤི མེ པུརཱཎཾ མཱཏཱཔེཏྟིཀཾ ནཱམདྷེཡྻཾ ཏམྤི མེ ཨནྟརཧིཏཾ. ཏུམྷེཧི ཨཧཾ ཉཱཡཱམི ཨསུཀསྶ ཀུལཱུཔཀོ ཨསུཀཱཡ ཀུལཱུཔཀོ’’ཏི. ཨེཝཾ ཨཏྟཱནཾ ནཱིཙཾ ཋཔེནྟོ པརཾ ཨུཙྩཾ ཋཔེནྟོ ཛནཾ ལཔཏི.

ཀཐཾ ཨཏྟཱནཾ ཨུཙྩཾ ཋཔེནྟོ པརཾ ནཱིཙཾ ཋཔེནྟོ ཛནཾ ལཔཏི? ‘‘ཨཧཾ ཏུམྷཱཀཾ བཧཱུཔཀཱརོ, ཏུམྷེ མཾ ཨཱགམྨ བུདྡྷཾ སརཎཾ གཏཱ, དྷམྨཾ སརཎཾ གཏཱ, སངྒྷཾ སརཎཾ གཏཱ, པཱཎཱཏིཔཱཏཱ པཊིཝིརཏཱ, ཨདིནྣཱདཱནཱ པཊིཝིརཏཱ, ཀཱམེསུམིཙྪཱཙཱརཱ པཊིཝིརཏཱ, མུསཱཝཱདཱ པཊིཝིརཏཱ, སུརཱམེརཡམཛྫཔྤམཱདཊྛཱནཱ པཊིཝིརཏཱ. ཨཧཾ ཏུམྷཱཀཾ ཨུདྡེསཾ དེམི, པརིཔུཙྪཾ དེམི, ཨུཔོསཐཾ ཨཱཙིཀྑཱམི, ནཝཀམྨཾ ཨདྷིཊྛཱམི. ཨཐ པན ཏུམྷེ མཾ ཨུཛ྄ཛྷིཏྭཱ ཨཉྙེ སཀྐརོཐ གརུཾ ཀརོཐ མཱནེཐ པཱུཛེཐཱ’’ཏི. ཨེཝཾ ཨཏྟཱནཾ ཨུཙྩཾ ཋཔེནྟོ པརཾ ནཱིཙཾ ཋཔེནྟོ ¶ ཛནཾ ལཔཏི.

ལཱབྷཀམྱཱ ¶ ¶ ཛནཾ ན ལཔཡེཡྻཱཏི. ལཱབྷཧེཏུ ལཱབྷཔཙྩཡཱ ལཱབྷཀཱརཎཱ ལཱབྷཱབྷིནིབྦཏྟིཡཱ ལཱབྷཾ པརིཔཱཙེནྟོ ཛནཾ ན ལཔཡེཡྻ, ལཔནཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, ལཔནཱ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – ལཱབྷཀམྱཱ ཛནཾ ན ལཔཡེཡྻ.

‘‘ཀཡཝིཀྐཡེ ན ཏིཊྛེཡྻ, ཨུཔཝཱདཾ བྷིཀྑུ ན ཀརེཡྻ ཀུཧིཉྩི;

གཱམེ ཙ ནཱབྷིསཛྫེཡྻ, ལཱབྷཀམྱཱ ཛནཾ ན ལཔཡེཡྻཱ’’ཏི.

ན ཙ ཀཏྠིཀོ [ཀཏྠིཏཱ (སྱཱ. ཀ.)] སིཡཱ བྷིཀྑུ, ན ཙ ཝཱཙཾ པཡུཏྟཾ བྷཱསེཡྻ;

པཱགབྦྷིཡཾ ན སིཀྑེཡྻ, ཀཐཾ ཝིགྒཱཧིཀཾ ན ཀཐཡེཡྻ.

ན ¶ ཙ ཀཏྠིཀོ སིཡཱ བྷིཀྑཱུཏི. ཨིདྷེཀཙྩོ ཀཏྠཱི ཧོཏི ཝིཀཏྠཱི. སོ ཀཏྠཏི ཝིཀཏྠཏི ཨཧམསྨི སཱིལསམྤནྣོཏི ཝཱ ཝཏསམྤནྣོཏི ཝཱ སཱིལབྦཏསམྤནྣོཏི ཝཱ ཛཱཏིཡཱ ཝཱ གོཏྟེན ཝཱ ཀོལཔུཏྟིཡེན ཝཱ ཝཎྞཔོཀྑརཏཱཡ ཝཱ དྷནེན ཝཱ ཨཛ྄ཛྷེནེན ཝཱ ཀམྨཱཡཏནེན ཝཱ སིཔྤཱཡཏནེན ཝཱ ཝིཛྫཱཊྛཱནེན ཝཱ སུཏེན ཝཱ པཊིབྷཱནེན ཝཱ ཨཉྙཏརཉྙཏརེན ཝཱ ཝཏྠུནཱ. ཨུཙྩཱ ཀུལཱ པབྦཛིཏོཏི ¶ ཝཱ མཧཱབྷོགཀུལཱ པབྦཛིཏོཏི ཝཱ ཨུལཱ༹རབྷོགཀུལཱ པབྦཛིཏོཏི ཝཱ སུཏྟནྟིཀོཏི ཝཱ ཝིནཡདྷརོཏི ཝཱ དྷམྨཀཐིཀོཏི ཝཱ ཨཱརཉྙིཀོཏི ཝཱ…པེ… ནེཝསཉྙཱནཱསཉྙཱཡཏནསམཱཔཏྟིཡཱ ལཱབྷཱིཏི ཝཱ ཀཏྠཏི ཝིཀཏྠཏི. ཨེཝཾ ན ཀཏྠེཡྻ ན ཝིཀཏྠེཡྻ, ཀཏྠཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, ཀཏྠནཱ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – ན ཙ ཀཏྠིཀོ སིཡཱ བྷིཀྑུ.

ན ¶ ཙ ཝཱཙཾ པཡུཏྟཾ བྷཱསེཡྻཱཏི. ཀཏམཱ པཡུཏྟཝཱཙཱ? ཨིདྷེཀཙྩོ ¶ ཙཱིཝརཔཡུཏྟཾ ཝཱཙཾ བྷཱསཏི, པིཎྜཔཱཏཔཡུཏྟཾ ཝཱཙཾ བྷཱསཏི, སེནཱསནཔཡུཏྟཾ ཝཱཙཾ བྷཱསཏི, གིལཱནཔཙྩཡབྷེསཛྫཔརིཀྑཱརཔཡུཏྟཾ ཝཱཙཾ བྷཱསཏི – ཨཡམྤི ཝུཙྩཏི པཡུཏྟཝཱཙཱ.

ཨཐ ཝཱ ཙཱིཝརཧེཏུ པིཎྜཔཱཏཧེཏུ སེནཱསནཧེཏུ གིལཱནཔཙྩཡབྷེསཛྫཔརིཀྑཱརཧེཏུ སཙྩམྤི བྷཎཏི མུསཱཔི བྷཎཏི, པིསུཎམྤི བྷཎཏི ཨཔིསུཎམྤི བྷཎཏི, ཕརུསམྤི བྷཎཏི ཨཕརུསམྤི བྷཎཏི, སམྥཔྤལཱཔམྤི བྷཎཏི ཨསམྥཔྤལཱཔམྤི བྷཎཏི, མནྟཱཔི ཝཱཙཾ བྷཱསཏི – ཨཡམྤི ཝུཙྩཏི པཡུཏྟཝཱཙཱ. ཨཐ ཝཱ པསནྣཙིཏྟོ པརེསཾ དྷམྨཾ དེསེཏི – ‘‘ཨཧོ ཝཏ མེ དྷམྨཾ སུཎེཡྻུཾ, སུཏྭཱཝ དྷམྨཾ པསཱིདེཡྻུཾ, པསནྣཱ ཙ མེ པསནྣཱཀཱརཾ ཀརེཡྻུ’’ནྟི – ཨཡཾ ཝུཙྩཏི པཡུཏྟཝཱཙཱ. ན ཙ ཝཱཙཾ པཡུཏྟཾ བྷཱསེཡྻཱཏི. ཨནྟམསོ དྷམྨདེསནཾ ཝཱཙཾ ཨུཔཱདཱཡ པཡུཏྟཝཱཙཾ ན བྷཱསེཡྻ ¶ ན ཀཐེཡྻ ན བྷཎེཡྻ ན དཱིཔེཡྻ ན ཝོཧརེཡྻ, པཡུཏྟཾ ཝཱཙཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, པཡུཏྟཝཱཙཱཡ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – ན ཙ ཝཱཙཾ པཡུཏྟཾ བྷཱསེཡྻ.

པཱགབྦྷིཡཾ ན སིཀྑེཡྻཱཏི. པཱགབྦྷིཡནྟི ཏཱིཎི པཱགབྦྷིཡཱནི – ཀཱཡིཀཾ པཱགབྦྷིཡཾ, ཝཱཙསིཀཾ པཱགབྦྷིཡཾ, ཙེཏསིཀཾ པཱགབྦྷིཡཾ. ཀཏམཾ ཀཱཡིཀཾ པཱགབྦྷིཡཾ? ཨིདྷེཀཙྩོ སངྒྷགཏོཔི ཀཱཡིཀཾ པཱགབྦྷིཡཾ དསྶེཏི, གཎགཏོཔི ཀཱཡིཀཾ པཱགབྦྷིཡཾ དསྶེཏི, བྷོཛནསཱལཱཡཔི ཀཱཡིཀཾ པཱགབྦྷིཡཾ དསྶེཏི, ཛནྟཱགྷརེཔི ཀཱཡིཀཾ པཱགབྦྷིཡཾ དསྶེཏི, ཨུདཀཏིཏྠེཔི ¶ ཀཱཡིཀཾ པཱགབྦྷིཡཾ དསྶེཏི, ཨནྟརགྷརཾ པཝིསནྟོཔི ཀཱཡིཀཾ པཱགབྦྷིཡཾ དསྶེཏི, ཨནྟརགྷརཾ པཝིཊྛོཔི ཀཱཡིཀཾ པཱགབྦྷིཡཾ དསྶེཏི.

ཀཐཾ སངྒྷགཏོ ཀཱཡིཀཾ པཱགབྦྷིཡཾ དསྶེཏི? ཨིདྷེཀཙྩོ སངྒྷགཏོ ཨཙིཏྟཱིཀཱརཀཏོ ཐེརེ བྷིཀྑཱུ གྷཊྚཡནྟོཔི ཏིཊྛཏི, གྷཊྚཡནྟོཔི ནིསཱིདཏི, པུརཏོཔི ཏིཊྛཏི, པུརཏོཔི ནིསཱིདཏི, ཨུཙྩེཔི ཨཱསནེ ནིསཱིདཏི, སསཱིསཾ པཱརུཔིཏྭཱ ནིསཱིདཏི ¶ , ཋིཏཀོཔི བྷཎཏི, བཱཧཱཝིཀྑེཔཀོཔི བྷཎཏི. ཨེཝཾ སངྒྷགཏོ ཀཱཡིཀཾ པཱགབྦྷིཡཾ དསྶེཏི.

ཀཐཾ ¶ གཎགཏོ ཀཱཡིཀཾ པཱགབྦྷིཡཾ དསྶེཏི? ཨིདྷེཀཙྩོ གཎགཏོ ཨཙིཏྟཱིཀཱརཀཏོ ཐེརཱནཾ བྷིཀྑཱུནཾ ཨནུཔཱཧནཱནཾ ཙངྐམནྟཱནཾ སཨུཔཱཧནོ ཙངྐམཏི ¶ , ནཱིཙེ ཙངྐམེ ཙངྐམནྟཱནཾ ཨུཙྩེ ཙངྐམེ ཙངྐམཏི, ཚམཱཡ ཙངྐམནྟཱནཾ ཙངྐམེ ཙངྐམཏི, གྷཊྚཡནྟོཔི ཏིཊྛཏི, གྷཊྚཡནྟོཔི ནིསཱིདཏི, པུརཏོཔི ཏིཊྛཏི, པུརཏོཔི ནིསཱིདཏི, ཨུཙྩེཔི ཨཱསནེ ནིསཱིདཏི, སསཱིསཾ པཱརུཔིཏྭཱཔི ནིསཱིདཏི, ཋིཏོཔི བྷཎཏི, བཱཧཱཝིཀྑེཔཀོཔི བྷཎཏི. ཨེཝཾ གཎགཏོ ཀཱཡིཀཾ པཱགབྦྷིཡཾ དསྶེཏི.

ཀཐཾ བྷོཛནསཱལཱཡ ཀཱཡིཀཾ པཱགབྦྷིཡཾ དསྶེཏི? ཨིདྷེཀཙྩོ བྷོཛནསཱལཱཡ ཨཙིཏྟཱིཀཱརཀཏོ ཐེརེ བྷིཀྑཱུ ཨནུཔཁཛྫ ནིསཱིདཏི, ནཝེཔི བྷིཀྑཱུ ཨཱསནེན པཊིབཱཧཏི, གྷཊྚཡནྟོཔི ཏིཊྛཏི, གྷཊྚཡནྟོཔི ནིསཱིདཏི, པུརཏོཔི ཏིཊྛཏི, པུརཏོཔི ནིསཱིདཏི, ཨུཙྩེཔི ཨཱསནེ ནིསཱིདཏི, སསཱིསཾ པཱརུཔིཏྭཱ ནིསཱིདཏི, ཋིཏཀོཔི བྷཎཏི, བཱཧཱཝིཀྑེཔཀོཔི བྷཎཏི. ཨེཝཾ བྷོཛནསཱལཱཡ ཀཱཡིཀཾ པཱགབྦྷིཡཾ དསྶེཏི.

ཀཐཾ ཛནྟཱགྷརེ ཀཱཡིཀཾ པཱགབྦྷིཡཾ དསྶེཏི? ཨིདྷེཀཙྩོ ཛནྟཱགྷརེ ཨཙིཏྟཱིཀཱརཀཏོ ཐེརེ བྷིཀྑཱུ གྷཊྚཡནྟོཔི ཏིཊྛཏི, གྷཊྚཡནྟོཔི ནིསཱིདཏི, པུརཏོཔི ཏིཊྛཏི, པུརཏོཔི ནིསཱིདཏི, ཨུཙྩེཔི ཨཱསནེ ནིསཱིདཏི, ཨནཱཔུཙྪཱཔི ཀཊྛཾ པཀྑིཔཏི, ཨནཱཔུཙྪཱཔི དྭཱརཾ པིདཧཏི. ཨེཝཾ ཛནྟཱགྷརེ ཀཱཡིཀཾ པཱགབྦྷིཡཾ དསྶེཏི.

ཀཐཾ ཨུདཀཏིཏྠེ ཀཱཡིཀཾ པཱགབྦྷིཡཾ དསྶེཏི? ཨིདྷེཀཙྩོ ཨུདཀཏིཏྠེ ཨཙིཏྟཱིཀཱརཀཏོ ཐེརེ བྷིཀྑཱུ གྷཊྚཡནྟོཔི ཨོཏརཏི, པུརཏོཔི ཨོཏརཏི, གྷཊྚཡནྟོཔི ནྷཱཡཏི, པུརཏོཔི ནྷཱཡཏི, ཨུཔརིཏོཔི ནྷཱཡཏི, གྷཊྚཡནྟོཔི ཨུཏྟརཏི, པུརཏོཔི ཨུཏྟརཏི ¶ . ཨེཝཾ ཨུདཀཏིཏྠེ ཀཱཡིཀཾ པཱགབྦྷིཡཾ དསྶེཏི.

ཀཐཾ ¶ ཨནྟརགྷརཾ པཝིསནྟོ ཀཱཡིཀཾ པཱགབྦྷིཡཾ དསྶེཏི? ཨིདྷེཀཙྩོ ཨནྟརགྷརཾ པཝིསནྟོ ཨཙིཏྟཱིཀཱརཀཏོ ཐེརེ བྷིཀྑཱུ གྷཊྚཡནྟོཔི གཙྪཏི, པུརཏོཔི གཙྪཏི, ཝོཀྐམྨཔི ཐེརཱནཾ བྷིཀྑཱུནཾ པུརཏོ གཙྪཏི ¶ . ཨེཝཾ ཨནྟརགྷརཾ པཝིསནྟོ ཀཱཡིཀཾ པཱགབྦྷིཡཾ དསྶེཏི.

ཀཐཾ ཨནྟརགྷརཾ པཝིཊྛོ ཀཱཡིཀཾ པཱགབྦྷིཡཾ དསྶེཏི? ཨིདྷེཀཙྩོ ཨནྟརགྷརཾ པཝིཊྛོ ‘‘ན པཝིས, བྷནྟེ’’ཏི ཝུཙྩམཱནོ པཝིསཏི, ‘‘ན ཏིཊྛ, བྷནྟེ’’ཏི ཝུཙྩམཱནོ ¶ ཏིཊྛཏི, ‘‘ན ནིསཱིད, བྷནྟེ’’ཏི ཝུཙྩམཱནོ ནིསཱིདཏི, ཨནོཀཱསམྤི པཝིསཏི, ཨནོཀཱསེཔི ཏིཊྛཏི, ཨནོཀཱསེཔི ནིསཱིདཏི, ཡཱནིཔི ཏཱནི ཧོནྟི ཀུལཱནཾ ཨོཝརཀཱནི གཱུལ༹ྷཱནི ཙ པཊིཙྪནྣཱནི ཙ, ཡཏྠ ཀུལིཏྠིཡོ ཀུལདྷཱིཏརོ ཀུལསུཎྷཱཡོ ཀུལཀུམཱརིཡོ ནིསཱིདནྟི ཏཏྠཔི སཧསཱ པཝིསཏི, ཀུམཱརཀསྶ སཱིསམྤི པརཱམསཏི. ཨེཝཾ ཨནྟརགྷརཾ པཝིཊྛོ ཀཱཡིཀཾ པཱགབྦྷིཡཾ དསྶེཏི – ཨིདཾ ཀཱཡིཀཾ པཱགབྦྷིཡཾ.

ཀཏམཾ ཝཱཙསིཀཾ པཱགབྦྷིཡཾ? ཨིདྷེཀཙྩོ སངྒྷགཏོཔི ཝཱཙསིཀཾ པཱགབྦྷིཡཾ དསྶེཏི, གཎགཏོཔི ཝཱཙསིཀཾ པཱགབྦྷིཡཾ དསྶེཏི, ཨནྟརགྷརཾ པཝིཊྛོཔི ཝཱཙསིཀཾ པཱགབྦྷིཡཾ དསྶེཏི. ཀཐཾ སངྒྷགཏོ ཝཱཙསིཀཾ པཱགབྦྷིཡཾ དསྶེཏི? ཨིདྷེཀཙྩོ སངྒྷགཏོ ཨཙིཏྟཱིཀཱརཀཏོ ཐེརེ བྷིཀྑཱུ ཨནཱཔུཙྪཾ ཝཱ ཨནཛ྄ཛྷིཊྛོ ཝཱ ཨཱརཱམགཏཱནཾ བྷིཀྑཱུནཾ དྷམྨཾ བྷཎཏི, པཉྷཾ ཝིསཛྫེཏི, པཱཏིམོཀྑཾ ཨུདྡིསཏི ¶ , ཋིཏཀོཔི བྷཎཏི, བཱཧཱཝིཀྑེཔཀོཔི བྷཎཏི. ཨེཝཾ སངྒྷགཏོ ཝཱཙསིཀཾ པཱགབྦྷིཡཾ དསྶེཏི.

ཀཐཾ གཎགཏོ ཝཱཙསིཀཾ པཱགབྦྷིཡཾ དསྶེཏི? ཨིདྷེཀཙྩོ གཎགཏོ ཨཙིཏྟཱིཀཱརཀཏོ ཐེརེ བྷིཀྑཱུ ཨནཱཔུཙྪཾ ཝཱ ཨནཛ྄ཛྷིཊྛོ ཝཱ ཨཱརཱམགཏཱནཾ བྷིཀྑཱུནཾ དྷམྨཾ བྷཎཏི, པཉྷཾ ཝིསཛྫེཏི, ཋིཏཀོཔི བྷཎཏི, བཱཧཱཝིཀྑེཔཀོཔི བྷཎཏི; ཨཱརཱམགཏཱནཾ བྷིཀྑུནཱིནཾ ཨུཔཱསཀཱནཾ ཨུཔཱསིཀཱནཾ དྷམྨཾ བྷཎཏི, པཉྷཾ ཝིསཛྫེཏི, ཋིཏཀོཔི བྷཎཏི, བཱཧཱཝིཀྑེཔཀོཔི བྷཎཏི. ཨེཝཾ གཎགཏོ ཝཱཙསིཀཾ པཱགབྦྷིཡཾ དསྶེཏི.

ཀཐཾ ཨནྟརགྷརཾ པཝིཊྛོ ཝཱཙསིཀཾ པཱགབྦྷིཡཾ དསྶེཏི? ཨིདྷེཀཙྩོ ཨནྟརགྷརཾ པཝིཊྛོ ཨིཏྠིཾ ཝཱ ཀུམཱརིཾ ཝཱ ཨེཝམཱཧ – ‘‘ཨིཏྠནྣཱམེ ཨིཏྠཾགོཏྟེ ཀིཾ ཨཏྠི? ཡཱགུ ཨཏྠི, བྷཏྟཾ ཨཏྠི, ཁཱདནཱིཡཾ ཨཏྠི? ཀིཾ པིཝིསྶཱམ ¶ , ཀིཾ བྷུཉྫིསྶཱམ, ཀིཾ ཁཱདིསྶཱམ, ཀིཾ ཝཱ ཨཏྠི, ཀིཾ ¶ ཝཱ མེ དསྶཐཱ’’ཏི ཝིཔྤལཔཏི. ཨེཝཾ ཨནྟརགྷརཾ པཝིཊྛོ ཝཱཙསིཀཾ པཱགབྦྷིཡཾ དསྶེཏི – ཨིདཾ ཝཱཙསིཀཾ པཱགབྦྷིཡཾ.

ཀཏམཾ ཙེཏསིཀཾ པཱགབྦྷིཡཾ? ཨིདྷེཀཙྩོ ན ཨུཙྩཱ ཀུལཱ པབྦཛིཏོ སམཱནོ ཨུཙྩཱ ཀུལཱ པབྦཛིཏེན སདྡྷིཾ སདིསཾ ཨཏྟཱནཾ ཀརོཏི ཙིཏྟེན, ན མཧཱབྷོགཀུལཱ པབྦཛིཏོ སམཱནོ མཧཱབྷོགཀུལཱ པབྦཛིཏེན སདྡྷིཾ སདིསཾ ཨཏྟཱནཾ ཀརོཏི ཙིཏྟེན, ན ཨུལཱ༹རབྷོགཀུལཱ པབྦཛིཏོ ¶ སམཱནོ ཨུལཱ༹རབྷོགཀུལཱ པབྦཛིཏེན སདྡྷིཾ སདིསཾ ཨཏྟཱནཾ ཀརོཏི ཙིཏྟེན, ན སུཏྟནྟིཀོ ¶ སམཱནོ སུཏྟནྟིཀེན སདྡྷིཾ སདིསཾ ཨཏྟཱནཾ ཀརོཏི ཙིཏྟེན, ན ཝིནཡདྷརོ སམཱནོ ཝིནཡདྷརེན… ན དྷམྨཀཐིཀོ སམཱནོ དྷམྨཀཐིཀེན… ན ཨཱརཉྙིཀོ སམཱནོ ཨཱརཉྙཀེན… ན པིཎྜཔཱཏིཀོ སམཱནོ པིཎྜཔཱཏིཀེན… ན པཾསུཀཱུལིཀོ སམཱནོ པཾསུཀཱུལིཀེན… ན ཏེཙཱིཝརིཀོ སམཱནོ ཏེཙཱིཝརཀེན… ན སཔདཱནཙཱརིཀོ སམཱནོ སཔདཱནཙཱརིཀེན… ན ཁལུཔཙྪཱབྷཏྟིཀོ སམཱནོ ཁལུཔཙྪཱབྷཏྟིཀེན… ན ནེསཛྫིཀོ སམཱནོ ནེསཉྙིཀེན… ན ཡཐཱསནྠཏིཀོ སམཱནོ ཡཐཱསནྠཏིཀེན སདྡྷིཾ སདིསཾ ཨཏྟཱནཾ ཀརོཏི ཙིཏྟེན, ན པཋམསྶ ཛྷཱནསྶ ལཱབྷཱི སམཱནོ པཋམསྶ ཛྷཱནསྶ ལཱབྷིནཱ སདྡྷིཾ སདིསཾ ཨཏྟཱནཾ ཀརོཏི ཙིཏྟེན, ན དུཏིཡསྶ ཛྷཱནསྶ ལཱབྷཱི སམཱནོ དུཏིཡསྶ… ན ཏཏིཡསྶ ཛྷཱནསྶ ལཱབྷཱི སམཱནོ ཏཏིཡསྶ… ན ཙཏུཏྠསྶ ཛྷཱནསྶ ལཱབྷཱི སམཱནོ ལཱབྷཱི སམཱནོ ཙཏུཏྠསྶ… ན ཨཱཀཱསཱནཉྩཱཡཏནསམཱཔཏྟིཡཱ ལཱབྷཱི སམཱནོ ཨཱཀཱསནཉྩཱཡཏནསམཱཔཏྟིཡཱ… ན ཝིཉྙཱཎཉྩཱཡཏནསམཱཔཏྟིཡཱ ལཱབྷཱི སམཱནོ ཝིཉྙཱཎཉྩཱཡཏན སམཱཔཏྟིཡཱ… ན ཨཱཀིཉྩཉྙཱཡཏནསམཱཔཏྟིཡཱ ལཱབྷཱི སམཱནོ ཨཱཀིཉྩཉྙཱཡཏན སམཱཔཏྟིཡཱ… ན ནེཝསཉྙཱནཱསཉྙཱཡཏནསམཱཔཏྟིཡཱ ལཱབྷཱི སམཱནོ ནེཝསཉྙཱནཱསཉྙཱཡཏནསམཱཔཏྟིཡཱ ལཱབྷིནཱ སདྡྷིཾ སདིསཾ ཨཏྟཱནཾ ཀརོཏི ཙིཏྟེན – ཨིདཾ ཙེཏསིཀཾ པཱགབྦྷིཡཾ. ན སིཀྑེཡྻཱཏི པཱགབྦྷིཡཾ ན སིཀྑེཡྻ ན ཙརེཡྻ ན ཨཱཙརེཡྻ ན སམཱཙརེཡྻ ན སམཱདཱཡ ཝཏྟེཡྻ, པཱགབྦྷིཡཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, པཱགབྦྷིཡཱ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – པཱགབྦྷིཡཾ ན སིཀྑེཡྻ.

ཀཐཾ ¶ ¶ ཝིགྒཱཧིཀཾ ན ཀཐཡེཡྻཱཏི. ཀཏམཱ ཝིགྒཱཧིཀཱ ཀཐཱ? ཨིདྷེཀཙྩོ ཨེཝརཱུཔིཾ ཀཐཾ ཀཏྟཱ ཧོཏི – ‘‘ན ཏྭཾ ཨིམཾ དྷམྨཝིནཡཾ ཨཱཛཱནཱསི…པེ… ནིབྦེཋེཧི ཝཱ སཙེ པཧོསཱི’’ཏི. ཝུཏྟཉྷེཏཾ བྷགཝཏཱ – ‘‘ཝིགྒཱཧིཀཱཡ ཁོ, མོགྒལླཱན, ཀཐཱཡ སཏི ཀཐཱབཱཧུལླཾ པཱཊིཀངྑཾ, ཀཐཱབཱཧུལླེ སཏི ཨུདྡྷཙྩཾ, ཨུདྡྷཏསྶ ཨསཾཝརོ, ཨསཾཝུཏསྶ ཨཱརཱ ཙིཏྟཾ ¶ སམཱདྷིམྷཱ’’ཏི. ཀཐཾ ཝིགྒཱཧིཀཾ ན ཀཐཡེཡྻཱཏི. ཝིགྒཱཧིཀཾ ཀཐཾ ན ཀཐེཡྻ ན བྷཎེཡྻ ན དཱིཔེཡྻ ན ཝོཧརེཡྻ, ཝིགྒཱཧིཀཾ ཀཐཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, ཝིགྒཱཧིཀཀཐཱཡ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – ཀཐཾ ཝིགྒཱཧིཀཾ ན ཀཐཡེཡྻ.

‘‘ན ¶ ཙ ཀཏྠིཀོ སིཡཱ བྷིཀྑུ, ན ཙ ཝཱཙཾ པཡུཏྟཾ བྷཱསེཡྻ;

པཱགབྦྷིཡཾ ན སིཀྑེཡྻ, ཀཐཾ ཝིགྒཱཧིཀཾ ན ཀཐཡེཡྻཱ’’ཏི.

མོསཝཛྫེ ན ནིཡྻེཐ, སམྤཛཱནོ སཋཱནི ན ཀཡིརཱ;

ཨཐ ཛཱིཝིཏེན པཉྙཱཡ, སཱིལབྦཏེན ནཱཉྙམཏིམཉྙེ.

མོསཝཛྫེ ན ནིཡྻེཐཱཏི. མོསཝཛྫཾ ཝུཙྩཏི མུསཱཝཱདོ. ཨིདྷེཀཙྩོ ¶ སབྷགྒཏོ [སབྷཱགགྒཏོ (སཱི. ཀ.)] ཝཱ པརིསགྒཏོ [པརིསགཏོ (སཱི. ཀ.)] ཝཱ…པེ… ཨཱམིསཀིཉྩིཀྑཧེཏུ ཝཱ སམྤཛཱནམུསཱ བྷཱསིཏཱ ཧོཏི – ཨིདཾ ཝུཙྩཏི མོསཝཛྫཾ. ཨཔི ཙ ཏཱིཧཱཀཱརེཧི མུསཱཝཱདོ ཧོཏི – པུབྦེཝསྶ ཧོཏི ‘‘མུསཱ བྷཎིསྶ’’ནྟི, བྷཎནྟསྶ ཧོཏི ‘‘མུསཱ བྷཎཱམཱི’’ཏི, བྷཎིཏསྶ ཧོཏི ‘‘མུསཱ མཡཱ བྷཎིཏ’’ནྟི, ཨིམེཧི ཏཱིཧཱཀཱརེཧི མུསཱཝཱདོ ཧོཏི. ཨཔི ཙ ཙཏཱུཧཱཀཱརེཧི… པཉྩཧཱཀཱརེཧི… ཚཧཱཀཱརེཧི… སཏྟཧཱཀཱརེཧི… ཨཊྛཧཱཀཱརེཧི… མུསཱཝཱདོ ཧོཏི – པུབྦེཝསྶ ཧོཏི ‘‘མུསཱ བྷཎིསྶ’’ནྟི, བྷཎནྟསྶ ཧོཏི ‘‘མུསཱ བྷཎཱམཱི’’ཏི, བྷཎིཏསྶ ཧོཏི ‘‘མུསཱ མཡཱ ¶ བྷཎིཏ’’ནྟི ཝིནིདྷཱཡ དིཊྛིཾ ཝིནིདྷཱཡ ཁནྟིཾ ཝིནིདྷཱཡ རུཙིཾ ཝིནིདྷཱཡ སཉྙཾ ཝིནིདྷཱཡ བྷཱཝཾ – ཨིམེཧི ཨཊྛཧཱཀཱརེཧི མུསཱཝཱདོ ཧོཏི. མོསཝཛྫེ ན ནིཡྻེཐཱཏི. མོསཝཛྫེ ན ཡཱཡེཡྻ ན ནིཡྻཱཡེཡྻ ན ཝཧེཡྻ [ན ཝུཡ྄ཧེཡྻ (སཱི. ཀ.), ནཏྠི སྱཱ. པོཏྠཀེ] ན སཾཧརེཡྻ, མོསཝཛྫཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, མོསཝཛྫཱ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – མོསཝཛྫེ ན ནིཡྻེཐ.

སམྤཛཱནོ སཋཱནི ན ཀཡིརཱཏི. ཀཏམཾ སཱཋེཡྻཾ? ཨིདྷེཀཙྩོ སཋོ ཧོཏི པརིསཋོ, ཡཾ ཏཏྠ སཋཾ སཋཏཱ སཱཋེཡྻཾ ཀཀྐརཏཱ ཀཀྐརིཡཾ པརིཀྑཏྟཏཱ པཱརིཀྑཏྟིཡཾ – ཨིདཾ ཝུཙྩཏི སཱཋེཡྻཾ. སམྤཛཱནོ སཋཱནི ན ཀཡིརཱཏི. སམྤཛཱནོ ཧུཏྭཱ སཱཋེཡྻཾ ན ཀརེཡྻ ན ཛནེཡྻ ན སཉྫནེཡྻ ན ནིབྦཏྟེཡྻ ནཱབྷིནིབྦཏྟེཡྻ, སཱཋེཡྻཾ ¶ པཛཧེཡྻ ཝིནོདེཡྻ བྱནྟིཾ ཀརེཡྻ ¶ ཨནབྷཱཝཾ གམེཡྻ, སཱཋེཡྻཱ ཨཱརཏོ ཨསྶ ¶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – སམྤཛཱནོ སཋཱནི ན ཀཡིརཱ.

ཨཐ ཛཱིཝིཏེན པཉྙཱཡ, སཱིལབྦཏེན ནཱཉྙམཏིམཉྙེཏི. ཨཐཱཏི པདསནྡྷི…པེ… པདཱནུཔུབྦཏཱཔེཏཾ – ཨཐཱཏི. ཨིདྷེཀཙྩོ ལཱུཁཛཱིཝིཏཾ ཛཱིཝནྟོ པརཾ པཎཱིཏཛཱིཝིཏཾ ཛཱིཝནྟཾ ཨཏིམཉྙཏི – ‘‘ཀིཾ པནཱཡཾ བཧུལཱཛཱིཝོ སབྦཾ སཾབྷཀྑེཏི, སེཡྻཐིདཾ – མཱུལབཱིཛཾ ཁནྡྷབཱིཛཾ ཕལུ༹བཱིཛཾ ཨགྒབཱིཛཾ བཱིཛབཱིཛམེཝ པཉྩམཾ ཨསནིཝིཙཀྐདནྟཀཱུཊསམཎཔྤདྷཱནེནཱ’’ཏི [ཨསནཱིཝ ཙཀྐཾ དནྟཀཱུཊཾ སམཎཔྤདྷཱནེནཱཏི (སཱི.)]. སོ ཏཱཡ ལཱུཁཛཱིཝིཏཱཡ པརཾ པཎཱིཏཛཱིཝིཏཾ ཛཱིཝནྟཾ ཨཏིམཉྙཏི.

ཨིདྷེཀཙྩོ པཎཱིཏཛཱིཝིཏཾ ཛཱིཝནྟོ པརཾ ལཱུཁཛཱིཝིཏཾ ཛཱིཝནྟཾ ཨཏིམཉྙཏི – ‘‘ཀིཾ པནཱཡཾ ཨཔྤཔུཉྙོ ཨཔྤེསཀྑོ ན ལཱབྷཱི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱན’’ནྟི. སོ ཏཱཡ པཎཱིཏཛཱིཝིཏཱཡ ¶ པརཾ ལཱུཁཛཱིཝིཏཾ ཛཱིཝནྟཾ ཨཏིམཉྙཏི. ཨིདྷེཀཙྩོ པཉྙཱསམྤནྣོ ཧོཏི. སོ པུཊྛོ པཉྷཾ ཝིསཛྫེཏི. ཏསྶ ཨེཝཾ ཧོཏི – ‘‘ཨཧམསྨི པཉྙཱསམྤནྣོ, ཨིམེ པནཉྙེ ན པཉྙཱསམྤནྣཱ’’ཏི. སོ ཏཱཡ པཉྙཱསམྤདཱཡ པརཾ ཨཏིམཉྙཏི. ཨིདྷེཀཙྩོ སཱིལསམྤནྣོ ཧོཏི, པཱཏིམོཀྑསཾཝརསཾཝུཏོ ཝིཧརཏི ཨཱཙཱརགོཙརསམྤནྣོ, ཨཎུམཏྟེསུ ཝཛྫེསུ བྷཡདསྶཱཝཱི, སམཱདཱཡ སིཀྑཏི སིཀྑཱཔདེསུ. ཏསྶ ཨེཝཾ ཧོཏི – ‘‘ཨཧམསྨི སཱིལསམྤནྣོ, ཨིམེ པནཉྙེ ¶ བྷིཀྑཱུ དུསྶཱིལཱ པཱཔདྷམྨཱ’’ཏི. སོ ཏཱཡ སཱིལསམྤདཱཡ པརཾ ཨཏིམཉྙཏི. ཨིདྷེཀཙྩོ ཝཏསམྤནྣོ ཧོཏི ཨཱརཉྙིཀོ ཝཱ པིཎྜཔཱཏིཀོ ཝཱ པཾསུཀཱུལིཀོ ཝཱ ཏེཙཱིཝརིཀོ ཝཱ སཔདཱནཙཱརིཀོ ཝཱ ཁལུཔཙྪཱབྷཏྟིཀོ ཝཱ ནེསཛྫིཀོ ཝཱ ཡཐཱསནྠཏིཀོ ཝཱ. ཏསྶ ཨེཝཾ ཧོཏི – ‘‘ཨཧམསྨི ཝཏ སམྤནྣོ, ཨིམེ པནཉྙེ ན ཝཏསམྤནྣཱ’’ཏི. སོ ཏཱཡ ཝཏསམྤདཱཡ པརཾ ཨཏིམཉྙཏི. ཨཐ ཛཱིཝིཏེན པཉྙཱཡ, སཱིལབྦཏེན ནཱཉྙམཏིམཉྙེཏི. ལཱུཁཛཱིཝིཏཱཡ ཝཱ པཎཱིཏཛཱིཝིཏཱཡ ཝཱ པཉྙཱསམྤདཱཡ ཝཱ སཱིལསམྤདཱཡ ཝཱ ཝཏསམྤདཱཡ ཝཱ པརཾ ནཱཏིམཉྙེཡྻ, ནཱཝཛཱནེཡྻ, ན ཏེན མཱནཾ ཛནེཡྻ, ན ཏེན ཐདྡྷོ ཨསྶ, པཏྠདྡྷོ པགྒཧིཏསིརོཏི – ཨཐ ཛཱིཝིཏེན པཉྙཱཡ སཱིལབྦཏེན ནཱཉྙམཏིམཉྙེ.

‘‘མོསཝཛྫེ ན ནིཡྻེཐ, སམྤཛཱནོ སཋཱནི ན ཀཡིརཱ;

ཨཐ ཛཱིཝིཏེན པཉྙཱཡ, སཱིལབྦཏེན ནཱཉྙམཏིམཉྙེ’’ཏི.

སུཏྭཱ ¶ ¶ རུསིཏོ [དཱུསིཏོ (སཱི. སྱཱ.)] བཧུཾ ཝཱཙཾ, སམཎཱནཾ ཝཱ པུཐུཛནཱནཾ [པུཐུཝཙནཱནཾ (སཱི. སྱཱ.)] ;

ཕརུསེན ནེ ན པཊིཝཛྫཱ, ན ཧི སནྟོ པཊིསེནིཾ ཀརོནྟི [པཊིསེནི ཀརོཏི (སྱཱ.)] .

སུཏྭཱ ¶ ¶ རུསིཏོ བཧུཾ ཝཱཙཾ, སམཎཱནཾ པུཐུཛནཱནནྟི. རུསིཏོཏི དཱུསིཏོ ཁུཾསིཏོ གྷཊྚིཏོ ཝམྦྷིཏོ གརཧིཏོ ཨུཔཝདིཏོ. སམཎཱནནྟི ཡེ ཀེཙི ཨིཏོ བཧིདྡྷཱ པརིབྦཛཱུཔགཏཱ པརིབྦཛསམཱཔནྣཱ. པུཐུཛནཱནནྟི ཁཏྟིཡཱ ཙ བྲཱཧྨཎཱ ཙ ཝེསྶཱ ཙ སུདྡཱ ཙ གཧཊྛཱ ཙ པབྦཛིཏཱ ཙ དེཝཱ ཙ མནུསྶཱ ཙ, ཏེ བཧུཀཱཧི ཝཱཙཱཧི ཨནིཊྛཱཧི ཨཀནྟཱཧི ཨམནཱཔཱཧི ཨཀྐོསེཡྻུཾ པརིབྷཱསེཡྻུཾ རོསེཡྻུཾ ཝིརོསེཡྻུཾ ཧིཾསེཡྻུཾ ཝིཧིཾསེཡྻུཾ ཧེཋེཡྻུཾ ཝིཧེཋེཡྻུཾ གྷཱཏེཡྻུཾ ཨུཔགྷཱཏེཡྻུཾ ཨུཔགྷཱཏཾ ཀརེཡྻུཾ ཏེསཾ བཧུཾ ཝཱཙཾ ཨནིཊྛཾ ཨཀནྟཾ ཨམནཱཔཾ སུཏྭཱ སུཎིཏྭཱ ཨུགྒཧིཏྭཱ ཨུཔདྷཱརཡིཏྭཱ ཨུཔལཀྑཡིཏྭཱཏི – སུཏྭཱ རུསིཏོ བཧུཾ ཝཱཙཾ, སམཎཱནཾ ཝཱ པུཐུཛནཱནཾ.

ཕརུསེན ནེ ན པཊིཝཛྫཱཏི. ཕརུསེནཱཏི ཕརུསེན ཀཀྑལེ༹ན ན པཊིཝཛྫཱ ནཔྤཊིབྷཎེཡྻ, ཨཀྐོསནྟཾ ན པཙྩཀྐོསེཡྻ, རོསནྟཾ ནཔྤཊིརོསེཡྻ, བྷཎྜནཾ ནཔྤཊིབྷཎྜེཡྻ ན ཀལཧཾ ཀརེཡྻ ན བྷཎྜནཾ ཀརེཡྻ ན ཝིགྒཧཾ ཀརེཡྻ ན ཝིཝཱདཾ ཀརེཡྻ ན མེདྷགཾ ཀརེཡྻ, ཀལཧབྷཎྜནཝིགྒཧཝིཝཱདམེདྷགཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, ཀལཧབྷཎྜནཝིགྒཧཝིཝཱདམེདྷགཱ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – ཕརུསེན ནེ ན པཊིཝཛྫཱ.

ན ཧི སནྟོ པཊིསེནིཾ ཀརོནྟཱིཏི. སནྟོཏི རཱགསྶ སནྟཏྟཱ སནྟོ, དོསསྶ… མོཧསྶ… ཀོདྷསྶ… ཨུཔནཱཧསྶ…པེ… སབྦཱཀུསལཱབྷིསངྑཱརཱནཾ ¶ སནྟཏྟཱ སམིཏཏྟཱ ཝཱུཔསམིཏཏྟཱ ཝིཛ྄ཛྷཱཏཏྟཱ ནིབྦུཏཏྟཱ ཝིགཏཏྟཱ པཊིཔསྶདྡྷཏྟཱ སནྟོ ཨུཔསནྟོ ཝཱུཔསནྟོ ནིབྦུཏོ པཊིཔསྶདྡྷོཏི – སནྟོ. ན ཧི སནྟོ པཊིསེནིཾ ཀརོནྟཱིཏི. སནྟོ པཊིསེནིཾ པཊིམལླཾ པཊིཀཎྚཀཾ [པཊིབནྡྷནཾ (སཱི.)] པཊིཔཀྑཾ ན ཀརོནྟི ན ཛནེནྟི ¶ ན སཉྫནེནྟི ¶ ན ནིབྦཏྟེནྟི ནཱབྷིནིབྦཏྟེནྟཱིཏི – ན ཧི སནྟོ པཊིསེནིཾ ཀརོནྟི.

‘‘སུཏྭཱ རུསིཏོ བཧུཾ ཝཱཙཾ, སམཎཱནཾ ཝཱ པུཐུཛནཱནཾ;

ཕརུསེན ནེ ན པཊིཝཛྫཱ, ན ཧི སནྟོ པཊིསེནིཾ ཀརོནྟཱི’’ཏི.

ཨེཏཉྩ ¶ དྷམྨམཉྙཱཡ, ཝིཙིནཾ བྷིཀྑུ སདཱ སཏོ སིཀྑེ;

སནྟཱིཏི ནིབྦུཏིཾ ཉཏྭཱ, སཱསནེ གོཏམསྶ ནཔྤམཛྫེཡྻ.

ཨེཏཉྩ དྷམྨམཉྙཱཡཱཏི. ཨེཏནྟི ཨཱཙིཀྑིཏཾ དེསིཏཾ པཉྙཔིཏཾ པཊྛཔིཏཾ ཝིཝཊཾ ཝིབྷཏྟཾ ཨུཏྟཱནཱིཀཏཾ པཀཱསིཏཾ དྷམྨཾ ཨཉྙཱཡ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱཏི. ཨེཝམྤི ཨེཏཉྩ དྷམྨམཉྙཱཡ. ཨཐ ཝཱ སམཉྩ ཝིསམཉྩ པཐཉྩ ཝིཔཐཉྩ སཱཝཛྫཉྩ ཨནཝཛྫཉྩ ཧཱིནཉྩ པཎཱིཏཉྩ ཀཎྷཉྩ སུཀྐཉྩ ཝིཉྙཱུགརཧིཏཉྩ ཝིཉྙཱུཔསཏྠཉྩ དྷམྨཾ ཨཉྙཱཡ ཛཱནིཏྭཱ ¶ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱཏི. ཨེཝམྤི ཨེཏཉྩ དྷམྨམཉྙཱཡ. ཨཐ ཝཱ སམྨཱཔཊིཔདཾ ཨནུལོམཔཊིཔདཾ ཨཔཙྩནཱིཀཔཊིཔདཾ ཨཝིརུདྡྷཔཊིཔདཾ ཨནྭཏྠཔཊིཔདཾ དྷམྨཱནུདྷམྨཔཊིཔདཾ སཱིལེསུ པརིཔཱུརཀཱརིཏཾ ཨིནྡྲིཡེསུ གུཏྟདྭཱརཏཾ བྷོཛནེ མཏྟཉྙུཏཾ ཛཱགརིཡཱནུཡོགཾ སཏིསམྤཛཉྙཾ, ཙཏྟཱརོ སཏིཔཊྛཱནེ ཙཏྟཱརོ སམྨཔྤདྷཱནེ ཙཏྟཱརོ ཨིདྡྷིཔཱདེ པཉྩིནྡྲིཡཱནི པཉྩ བལཱནི སཏྟ བོཛ྄ཛྷངྒེ ཨརིཡཾ ཨཊྛངྒིཀཾ མགྒཾ, ནིབྦཱནཉྩ ནིབྦཱནགཱམིནིཉྩ པཊིཔདཾ དྷམྨཾ ཨཉྙཱཡ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱཏི. ཨེཝམྤི ཏཉྩ དྷམྨམཉྙཱཡ.

ཝིཙིནཾ བྷིཀྑུ སདཱ སཏོ སིཀྑེཏི. ཝིཙིནནྟི ཝིཙིནནྟོ པཝིཙིནནྟོ ཏུལཡནྟོ ཏཱིརཡནྟོ ཝིབྷཱཝཡནྟོ ཝིབྷཱུཏཾ ཀརོནྟོ. ‘‘སབྦེ སངྑཱརཱ ཨནིཙྩཱ’’ཏི…པེ… ‘‘ཡཾ ཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨ’’ནྟི ཝིཙིནནྟོ ¶ པཝིཙིནནྟོ ཏུལཡནྟོ ཏཱིརཡནྟོ ཝིབྷཱཝཡནྟོ ཝིབྷཱུཏཾ ཀརོནྟོཏི – ཝིཙིནཾ བྷིཀྑུ. སདཱཏི སདཱ སབྦདཱ སབྦཀཱལཾ…པེ… པཙྪིམེ ཝཡོཁནྡྷེ. སཏོཏི ཙཏཱུཧི ཀཱརཎེཧི སཏོ – ཀཱཡེ ཀཱཡཱནུཔསྶནཱསཏིཔཊྛཱནཾ བྷཱཝེནྟོ སཏོ…པེ… སོ ཝུཙྩཏི སཏོ. སིཀྑེཏི ¶ ཏིསྶོ སིཀྑཱཡོ – ཨདྷིསཱིལསིཀྑཱ, ཨདྷིཙིཏྟསིཀྑཱ, ཨདྷིཔཉྙཱསིཀྑཱ…པེ… ཨཡཾ ཨདྷིཔཉྙཱསིཀྑཱ. ཨིམཱ ཏིསྶོ སིཀྑཱཡོ ཨཱཝཛྫནྟོ སིཀྑེཡྻ…པེ… སིཀྑེཡྻ ཨཱཙརེཡྻ སམཱཙརེཡྻ སམཱདཱཡ ཝཏྟེཡྻཱཏི – ཝིཙིནཾ བྷིཀྑུ སདཱ སཏོ སིཀྑེ.

སནྟཱིཏི ¶ ནིབྦུཏིཾ ཉཏྭཱཏི. རཱགསྶ ནིབྦུཏིཾ སནྟཱིཏི ཉཏྭཱ, དོསསྶ… མོཧསྶ…པེ… སབྦཱཀུསལཱབྷིསངྑཱརཱནཾ ནིབྦུཏིཾ སནྟཱིཏི ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱཏི – སནྟཱིཏི ནིབྦུཏིཾ ཉཏྭཱ.

སཱསནེ གོཏམསྶ ནཔྤམཛྫེཡྻཱཏི. གོཏམསྶ སཱསནེ བུདྡྷསཱསནེ ཛིནསཱསནེ ཏཐཱགཏསཱསནེ ¶ དེཝསཱསནེ ཨརཧནྟསཱསནེ. ནཔྤམཛྫེཡྻཱཏི སཀྐཙྩཀཱརཱི ཨསྶ སཱཏཙྩཀཱརཱི ཨཊྛིཏཀཱརཱི ཨནོལཱིནཝུཏྟིཀོ ཨནིཀྑིཏྟཙྪནྡོ ཨནིཀྑིཏྟདྷུརོ ཀུསལེསུ དྷམྨེསུ. ‘‘ཀདཱཧཾ ཨཔརིཔཱུརཾ ཝཱ སཱིལཀྑནྡྷཾ པརིཔཱུརེཡྻཾ…པེ… ཨཔརིཔཱུརཾ ཝཱ སམཱདྷིཀྑནྡྷཾ… པཉྙཱཀྑནྡྷཾ… ཝིམུཏྟིཀྑནྡྷཾ… ཝིམུཏྟིཉཱཎདསྶནཀྑནྡྷཾ? ཀདཱཧཾ ཨཔརིཉྙཱཏཾ ཝཱ དུཀྑཾ པརིཛཱནེཡྻཾ, ཨཔྤཧཱིནེ ཝཱ ཀིལེསེ པཛཧེཡྻཾ, ཨབྷཱཝིཏཾ ཝཱ མགྒཾ བྷཱཝེཡྻཾ, ཨསཙྪིཀཏཾ ཝཱ ནིརོདྷཾ སཙྪིཀརེཡྻ’’ནྟི? ཡོ ཏཏྠ ཚནྡོ ཙ ཝཱཡཱམོ ཙ ཨུསྶཱཧོ ཙ ཨུསྶོལ༹ྷཱི ཙ ཐཱམོ ཙ ཨཔྤཊིཝཱནཱི ཙ སཏི ཙ སམྤཛཉྙཉྩ ཨཱཏཔྤཾ པདྷཱནཾ ཨདྷིཊྛཱནཾ ཨནུཡོགོ ཨཔྤམཱདོ ཀུསལེསུ དྷམྨེསཱུཏི – སཱསནེ གོཏམསྶ ནཔྤམཛྫེཡྻ.

‘‘ཨེཏཉྩ དྷམྨམཉྙཱཡ, ཝིཙིནཾ བྷིཀྑུ སདཱ སཏོ སིཀྑེ;

སནྟཱིཏི ནིབྦུཏིཾ ཉཏྭཱ, སཱསནེ གོཏམསྶ ནཔྤམཛྫེཡྻཱ’’ཏི.

ཨབྷིབྷཱུ ¶ ¶ ཧི སོ ཨནབྷིབྷཱུཏོ, སཀྑིདྷམྨམནཱིཏིཧམདྡསི;

ཏསྨཱ ཧི ཏསྶ བྷགཝཏོ སཱསནེ, ཨཔྤམཏྟོ སདཱ ནམསྶམནུསིཀྑེ.[ཨིཏི བྷགཝཱ]

ཨབྷིབྷཱུ ¶ ཧི སོ ཨནབྷིབྷཱུཏོཏི. ཨབྷིབྷཱུཏི རཱུཔཱབྷིབྷཱུ [ཨབྷིབྷཱུཏརཱུཔཱ (སྱཱ.) ཨེཝམཉྙེསུ པཉྩཔདེསུཔི] སདྡཱབྷིབྷཱུ གནྡྷཱབྷིབྷཱུ རསཱབྷིབྷཱུ ཕོཊྛབྦཱབྷིབྷཱུ དྷམྨཱབྷིབྷཱུ, ཨནབྷིབྷཱུཏོ ཀེཧིཙི ཀིལེསེཧི, ཨབྷིབྷོསི ནེ པཱཔཀེ [ཨབྷིབྷཱུ ཧི ནེ ཧཱིནེ པཱཔཀེ (སཱི. ཀ.), ཨབྷིབྷཱུ ཧི པཱཔཀེ (སྱཱ.)] ཨཀུསལེ དྷམྨེ སཾཀིལེསིཀེ པོནོབྷཝིཀེ སདརེ དུཀྑཝིཔཱཀེ ཨཱཡཏིཾ ཛཱཏིཛརཱམརཎིཡེཏི – ཨབྷིབྷཱུ ཧི སོ ཨནབྷིབྷཱུཏོ.

སཀྑིདྷམྨམནཱིཏིཧམདྡསཱིཏི. སཀྑིདྷམྨནྟི ན ཨིཏིཧིཏིཧཾ ན ཨིཏིཀིརིཡཱཡ ན པརམྤརཱཡ ན པིཊཀསམྤདཱཡ ན ཏཀྐཧེཏུ ན ནཡཧེཏུ ན ཨཱཀཱརཔརིཝིཏཀྐེན ན དིཊྛིནིཛ྄ཛྷཱནཀྑནྟིཡཱ སཱམཾ སཡམབྷིཉྙཱཏཾ ཨཏྟཔཙྩཀྑདྷམྨཾ ཨདྡསི ཨདྡཀྑི ཨཔསྶི པཊིཝིཛ྄ཛྷཱིཏི – སཀྑིདྷམྨམནཱིཏིཧམདྡསི.

ཏསྨཱ ཧི ཏསྶ བྷགཝཏོ སཱསནེཏི. ཏསྨཱཏི ཏསྨཱ ཏཾཀཱརཎཱ ཏཾཧེཏུ ཏཔྤཙྩཡཱ ཏཾནིདཱནཱ. ཏསྶ བྷགཝཏོ སཱསནེཏི. ཏསྶ བྷགཝཏོ སཱསནེ གོཏམསཱསནེ བུདྡྷསཱསནེ ཛིནསཱསནེ ཏཐཱགཏསཱསནེ དེཝསཱསནེ ཨརཧནྟསཱསནེཏི – ཏསྨཱ ཏསྶ བྷགཝཏོ སཱསནེ.

ཨཔྤམཏྟོ ¶ ¶ སདཱ ནམསྶམནུསིཀྑེ (ཨིཏི བྷགཝཱ)ཏི. ཨཔྤམཏྟོཏི སཀྐཙྩཀཱརཱི…པེ… ཨཔྤམཱདོ ཀུསལེསུ དྷམྨེསུ. སདཱཏི སདཱ སབྦཀཱལཾ…པེ… པཙྪིམེ ཝཡོཁནྡྷེ. ནམསྶནྟི ཀཱཡེན ཝཱ ནམསྶམཱནོ ཝཱཙཱཡ ཝཱ ནམསྶམཱནོ ཙིཏྟེན ཝཱ ནམསྶམཱནོ ཨནྭཏྠཔཊིཔཏྟིཡཱ ཝཱ ནམསྶམཱནོ དྷམྨཱནུདྷམྨཔཊིཔཏྟིཡཱ ¶ ཝཱ ནམསྶམཱནོ སཀྐུརུམཱནོ གརུཀུརུམཱནོ [སཀྐཱརམཱནོ གརུཀཱརམཱནོ (སྱཱ.)] མཱནཡམཱནོ པཱུཛཡམཱནོ ཨཔཙཡམཱནོ. ཨནུསིཀྑེཏི ཏིསྶོ སིཀྑཱཡོ – ཨདྷིསཱིལསིཀྑཱ, ཨདྷིཙིཏྟསིཀྑཱ, ཨདྷིཔཉྙཱསིཀྑཱ…པེ… ཨཡཾ ཨདྷིཔཉྙཱསིཀྑཱ. ཨིམཱ ཏིསྶོ སིཀྑཱཡོ ཨཱཝཛྫནྟོ སིཀྑེཡྻ…པེ… སཙྪིཀཱཏབྦཾ སཙྪིཀརོནྟོ སིཀྑེཡྻ ཙརེཡྻ ཨཱཙརེཡྻ སམཱཙརེཡྻ སམཱདཱཡ ཝཏྟེཡྻ. བྷགཝཱཏི གཱརཝཱདྷིཝཙནཾ…པེ… སཙྪིཀཱ པཉྙཏྟི ཡདིདཾ བྷགཝཱཏི – ཨཔྤམཏྟོ སདཱ ནམསྶམནུསིཀྑེ. (ཨིཏི བྷགཝཱ).

‘‘ཨབྷིབྷཱུ ¶ ཧི སོ ཨནབྷིབྷཱུཏོ, སཀྑིདྷམྨམནཱིཏིཧམདྡསི;

ཏསྨཱ ཧི ཏསྶ བྷགཝཏོ སཱསནེ, ཨཔྤམཏྟོ སདཱ ནམསྶམནུསིཀྑེ’’. [ཨིཏི བྷགཝཱཏི]

ཏུཝཊྚཀསུཏྟནིདྡེསོ [ཏུཝཊཀསུཏྟནིདྡེསོ (སཱི. སྱཱ.) སུཏྟནིཔཱཏེཔི] ཙུདྡསམོ.

ཨཐ ¶ ཨཏྟདཎྜསུཏྟནིདྡེསཾ ཝཀྑཏི –

ཨཏྟདཎྜཱ ¶ ¶ བྷཡཾ ཛཱཏཾ, ཛནཾ པསྶཐ མེདྷགཾ;

སཾཝེགཾ ཀིཏྟཡིསྶཱམི, ཡཐཱ སཾཝིཛིཏཾ མཡཱ.

ཨཏྟདཎྜཱ བྷཡཾ ཛཱཏནྟི. དཎྜཱཏི ཏཡོ དཎྜཱ – ཀཱཡདཎྜོ, ཝཙཱིདཎྜོ, མནོདཎྜོ. ཏིཝིདྷཾ ཀཱཡདུཙྩརིཏཾ ཀཱཡདཎྜོ, ཙཏུབྦིདྷཾ ཝཙཱིདུཙྩརིཏཾ ཝཙཱིདཎྜོ, ཏིཝིདྷཾ མནོདུཙྩརིཏཾ མནོདཎྜོ. བྷཡནྟི དྭེ བྷཡཱནི – དིཊྛདྷམྨིཀཉྩ བྷཡཾ སམྤརཱཡིཀཉྩ བྷཡཾ. ཀཏམཾ དིཊྛདྷམྨིཀཾ བྷཡཾ? ཨིདྷེཀཙྩོ ཀཱཡེན དུཙྩརིཏཾ ཙརཏི, ཝཱཙཱཡ དུཙྩརིཏཾ ཙརཏི, མནསཱ དུཙྩརིཏཾ ཙརཏི, པཱཎམྤི ཧནཏི, ཨདིནྣམྤི ཨཱདིཡཏི, སནྡྷིམྤི ཚིནྡཏི, ནིལློཔམྤི ཧརཏི, ཨེཀཱགཱརིཀམྤི ཀརོཏི, པརིཔནྠེཔི ཏིཊྛཏི, པརདཱརམྤི གཙྪཏི, མུསཱཔི བྷཎཏི. ཏམེནཾ གཧེཏྭཱ རཉྙོ དསྶེནྟི – ‘‘ཨཡཾ, དེཝ, ཙོརོ ཨཱགུཙཱརཱི. ཨིམསྶ ཡཾ ཨིཙྪསི ཏཾ དཎྜཾ པཎེཧཱི’’ཏི. ཏམེནཾ རཱཛཱ པརིབྷཱསཏི. སོ པརིབྷཱསཔཙྩཡཱ བྷཡམྤི ཨུཔྤཱདེཏི, དུཀྑཾ དོམནསྶཾ [དུཀྑདོམནསྶཾ (སྱཱ.)] པཊིསཾཝེདེཏི. ཨེཏཾ བྷཡཾ དུཀྑཾ དོམནསྶཾ ཀུཏོ ཏསྶ? ཨཏྟདཎྜཏོ ཛཱཏཾ སཉྫཱཏཾ ནིབྦཏྟཾ ཨབྷིནིབྦཏྟཾ པཱཏུབྷཱུཏཾ.

ཨེཏྟཀེནཔི རཱཛཱ ན ཏུསྶཏི. ཏམེནཾ རཱཛཱ བནྡྷཱཔེཏི ཨནྡུབནྡྷནེན ¶ ཝཱ རཛྫུབནྡྷནེན ཝཱ སངྑལིཀབནྡྷནེན ཝཱ ཝེཏྟབནྡྷནེན ཝཱ ལཏཱབནྡྷནེན ཝཱ པཀྑེཔབནྡྷནེན ཝཱ [པེཀྑབནྡྷནེན ཝཱ (སྱཱ.)] པརིཀྑེཔབནྡྷནེན ཝཱ ¶ གཱམབནྡྷནེན ཝཱ ནིགམབནྡྷནེན ཝཱ ནགརབནྡྷནེན ཝཱ རཊྛབནྡྷནེན ཝཱ ཛནཔདབནྡྷནེན ཝཱ ཨནྟམསོ སཝཙནཱིཡམྤི ཀརོཏི – ‘‘ན ཏེ ལབྦྷཱ ཨིཏོ པཀྐམིཏུ’’ནྟི. སོ བནྡྷནཔཙྩཡཱཔི དུཀྑཾ དོམནསྶཾ ¶ པཊིསཾཝེདེཏི. ཨེཏཾ བྷཡཾ དུཀྑཾ དོམནསྶཾ ཀུཏོ ཏསྶ? ཨཏྟདཎྜཏོ ཛཱཏཾ སཉྫཱཏཾ ནིབྦཏྟཾ ཨབྷིནིབྦཏྟཾ པཱཏུབྷཱུཏཾ.

ཨེཏྟཀེནཔི རཱཛཱ ན ཏུསྶཏི. རཱཛཱ ཏསྶ དྷནཾ ཨཱཧརཱཔེཏི – སཏཾ ཝཱ སཧསྶཾ ཝཱ སཏསཧསྶཾ ¶ ཝཱ. སོ དྷནཛཱནིཔཙྩཡཱཔི དུཀྑཾ དོམནསྶཾ པཊིསཾཝེདེཏི. ཨེཏཾ བྷཡཾ དུཀྑཾ དོམནསྶཾ ཀུཏོ ཏསྶ? ཨཏྟདཎྜཏོ ཛཱཏཾ སཉྫཱཏཾ ནིབྦཏྟཾ ཨབྷིནིབྦཏྟཾ པཱཏུབྷཱུཏཾ.

ཨེཏྟཀེནཔི རཱཛཱ ན ཏུསྶཏི. ཏམེནཾ རཱཛཱ ཝིཝིདྷཱ ཀམྨཀཱརཎཱ ཀཱརཱཔེཏི – ཀསཱཧིཔི ཏཱལེ༹ཏི, ཝེཏྟེཧིཔི ཏཱལེ༹ཏི, ཨཌྜྷདཎྜཀེཧིཔི ཏཱལེ༹ཏི, ཧཏྠམྤི ཚིནྡཏི, པཱདམྤི ཚིནྡཏི, ཧཏྠཔཱདམྤི ཚིནྡཏི, ཀཎྞམྤི ཚིནྡཏི, ནཱསམྤི ཚིནྡཏི, ཀཎྞནཱསམྤི ཚིནྡཏི, བིལངྒཐཱལིཀམྤི ཀརོཏི, སངྑམུཎྜིཀམྤི ཀརོཏི, རཱཧུམུཁམྤི ཀརོཏི, ཛོཏིམཱལིཀམྤི ཀརོཏི, ཧཏྠཔཛྫོཏིཀམྤི ཀརོཏི, ཨེརཀཔཏྟིཀམྤི ཀརོཏི, ཙཱིརཀཝཱསིཀམྤི ཀརོཏི, ཨེཎེཡྻཀམྤི ཀརོཏི, བལི༹སམཾསིཀམྤི ཀརོཏི, ཀཧཱཔཎིཀམྤི ཀརོཏི, ཁཱརཱཔཏཙྪིཀམྤི ཀརོཏི, པལིགྷཔརིཝཏྟཀམྤི ཀརོཏི, པལཱལཔཱིཋཀམྤི ཀརོཏི, ཏཏྟེནཔི ཏེལེན ཨོསིཉྩཏི, སུནཁེཧིཔི ཁཱདཱཔེཏི, ཛཱིཝནྟམྤི སཱུལེ ཨུཏྟཱསེཏི, ཨསིནཱཔི སཱིསཾ ཚིནྡཏི. སོ ཀམྨཀཱརཎཔཙྩཡཱཔི དུཀྑཾ དོམནསྶཾ པཊིསཾཝེདེཏི. ཨེཏཾ བྷཡཾ དུཀྑཾ ¶ དོམནསྶཾ ཀུཏོ ཏསྶ? ཨཏྟདཎྜཏོ ཛཱཏཾ སཉྫཱཏཾ ནིབྦཏྟཾ ཨབྷིནིབྦཏྟཾ པཱཏུབྷཱུཏཾ. རཱཛཱ ཨིམེསཾ ཙཏུནྣཾ དཎྜཱནཾ ཨིསྶརོ.

སོ སཀེན ཀམྨེན ཀཱཡསྶ བྷེདཱ པརཾ ¶ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫཏི. ཏམེནཾ ནིརཡཔཱལཱ པཉྩཝིདྷབནྡྷནཾ ནཱམ ཀམྨཀཱརཎཾ ཀཱརེནྟི – ཏཏྟཾ ཨཡོཁིལཾ ཧཏྠེ གམེནྟི, ཏཏྟཾ ཨཡོཁིལཾ དུཏིཡེ ཧཏྠེ གམེནྟི, ཏཏྟཾ ཨཡོཁིལཾ པཱདེ གམེནྟི, ཏཏྟཾ ཨཡོཁིལཾ དུཏིཡེ པཱདེ གམེནྟི, ཏཏྟཾ ཨཡོཁིལཾ མཛ྄ཛྷེ ཨུརསྨིཾ གམེནྟི. སོ ཏཏྠ དུཀྑཱ ཏིབྦཱ [ཏིཔྤཱ (སྱཱ.)] ཀཊུཀཱ ཝེདནཱ ཝེདེཏི; ན ཙ ཏཱཝ ཀཱལཾཀརོཏི ཡཱཝ ན ཏཾ པཱཔཀམྨཾ བྱནྟཱིཧོཏི. ཨེཏཾ བྷཡཾ དུཀྑཾ དོམནསྶཾ ཀུཏོ ཏསྶ? ཨཏྟདཎྜཏོ ཛཱཏཾ སཉྫཱཏཾ ནིབྦཏྟཾ ཨབྷིནིབྦཏྟཾ པཱཏུབྷཱུཏཾ.

ཏམེནཾ ¶ ནིརཡཔཱལཱ སཾཝེསེཏྭཱ [སཾཝེསིཏྭཱ (སྱཱ.) མ. ནི. ༣.༢༦༧] ཀུཋཱརཱིཧི [ཀུདྷཱརཱིཧི (སྱཱ. ཀ.)] ཏཙྪེནྟི. སོ ཏཏྠ དུཀྑཱ ཏིབྦཱ ཀཊུཀཱ ཝེདནཱ ཝེདེཏི; ན ཙ ཏཱཝ ཀཱལཾཀརོཏི ཡཱཝ ན ཏཾ པཱཔཀམྨཾ བྱནྟཱིཧོཏི. ཏམེནཾ ནིརཡཔཱལཱ ཨུདྡྷཾཔཱདཾ [ཨུདྡྷཔཱདཾ (སཱི.)] ཨདྷོསིརཾ གཧེཏྭཱ ཝཱསཱིཧི ཏཙྪེནྟི. ཏམེནཾ ནིརཡཔཱལཱ རཐེ ཡོཛེཏྭཱ ཨཱདིཏྟཱཡ པཐཝིཡཱ སམྤཛྫལིཏཱཡ སཛོཏིབྷཱུཏཱཡ སཱརེནྟིཔི པཙྩཱསཱརེནྟིཔི [ཧཱརེནྟིཔི པཙྩཱཧཱརེནྟིཔི (སཱི. ཀ.)] …པེ… ཏམེནཾ ནིརཡཔཱལཱ མཧནྟཾ ཨངྒཱརཔབྦཏཾ ཨཱདིཏྟཾ སམྤཛྫལིཏཾ སཛོཏིབྷཱུཏཾ ཨཱརོཔེནྟིཔི ཨོརོཔེནྟིཔི…པེ… ཏམེནཾ ནིརཡཔཱལཱ ཨུདྡྷཾཔཱདཾ ¶ ཨདྷོསིརཾ གཧེཏྭཱ ཏཏྟཱཡ ལོཧཀུམྦྷིཡཱ པཀྑིཔནྟི ཨཱདིཏྟཱཡ སམྤཛྫལིཏཱཡ སཛོཏིབྷཱུཏཱཡ. སོ ཏཏྠ ཕེཎུདྡེཧཀཾ པཙྩཏི. སོ ཏཏྠ ¶ ཕེཎུདྡེཧཀཾ པཙྩམཱནོ སཀིམྤི ཨུདྡྷཾ གཙྪཏི, སཀིམྤི ཨདྷོ གཙྪཏི, སཀིམྤི ཏིརིཡཾ གཙྪཏི. སོ ཏཏྠ དུཀྑཱ ཏིབྦཱ ཀཊུཀཱ ཝེདནཱ ཝེདེཏི; ན ཙ ཏཱཝ ཀཱལཾཀརོཏི ཡཱཝ ན ཏཾ པཱཔཀམྨཾ བྱནྟཱིཧོཏི. ཨེཏཾ བྷཡཾ དུཀྑཾ དོམནསྶཾ ཀུཏོ ཏསྶ? ཨཏྟདཎྜཏོ ཛཱཏཾ སཉྫཱཏཾ ནིབྦཏྟཾ ཨབྷིནིབྦཏྟཾ པཱཏུབྷཱུཏཾ. ཏམེནཾ ནིརཡཔཱལཱ མཧཱནིརཡེ པཀྑིཔནྟི. སོ ཁོ པན མཧཱནིརཡོ –

‘‘ཙཏུཀྐཎྞོ ¶ ཙཏུདྭཱརོ, ཝིབྷཏྟོ བྷཱགསོ མིཏོ;

ཨཡོཔཱཀཱརཔརིཡནྟོ [… པརིཡཏྟོ (སྱཱ. ཀ.)], ཨཡསཱ པཊིཀུཛྫིཏོ.

‘‘ཏསྶ ཨཡོམཡཱ བྷཱུམི, ཛལིཏཱ ཏེཛསཱ ཡུཏཱ;

སམནྟཱ ཡོཛནསཏཾ, ཕརིཏྭཱ ཏིཊྛཏི སབྦདཱ.

‘‘ཀདརིཡཱཏཔནཱ གྷོརཱ, ཨཙྩིམནྟོ དུརཱསདཱ;

ལོམཧཾསནརཱུཔཱ ཙ, བྷིསྨཱ པཊིབྷཡཱ དུཁཱ.

‘‘པུརཏྠིམཱཡ བྷིཏྟིཡཱ, ཨཙྩིཀྑནྡྷོ སམུཊྛིཏོ;

དཧནྟོ པཱཔཀམྨནྟེ, པཙྪིམཱཡ པཊིཧཉྙཏི.

‘‘པཙྪིམཱཡ ཙ བྷིཏྟིཡཱ, ཨཙྩིཀྑནྡྷོ སམུཊྛིཏོ;

དཧནྟོ པཱཔཀམྨནྟེ, པུརཏྠིམཱཡ པཊིཧཉྙཏི.

‘‘ཨུཏྟརཱཡ ¶ ཙ བྷིཏྟིཡཱ, ཨཙྩིཀྑནྡྷོ སམུཊྛིཏོ;

དཧནྟོ པཱཔཀམྨནྟེ, དཀྑིཎཱཡ པཊིཧཉྙཏི.

‘‘དཀྑིཎཱཡ ¶ ཙ བྷིཏྟིཡཱ, ཨཙྩིཀྑནྡྷོ སམུཊྛིཏོ;

དཧནྟོ པཱཔཀམྨནྟེ, ཨུཏྟརཱཡ པཊིཧཉྙཏི.

‘‘ཧེཊྛཏོ ཙ སམུཊྛཱཡ, ཨཙྩིཀྑནྡྷོ བྷཡཱནཀོ;

དཧནྟོ པཱཔཀམྨནྟེ, ཚདནསྨིཾ པཊིཧཉྙཏི.

‘‘ཚདནམྷཱ ¶ སམུཊྛཱཡ, ཨཙྩིཀྑནྡྷོ བྷཡཱནཀོ;

དཧནྟོ པཱཔཀམྨནྟེ, བྷཱུམིཡཾ པཊིཧཉྙཏི.

‘‘ཨཡོཀཔཱལམཱདིཏྟཾ, སནྟཏྟཾ ཛལིཏཾ ཡཐཱ;

ཨེཝཾ ཨཝཱིཙིནིརཡོ, ཧེཊྛཱ ཨུཔརི པསྶཏོ.

‘‘ཏཏྠ སཏྟཱ མཧཱལུདྡཱ, མཧཱཀིབྦིསཀཱརིནོ;

ཨཙྩནྟཔཱཔཀམྨནྟཱ, པཙྩནྟི ན ཙ མིཡྻརེ [མཱིཡརེ (སཱི.)].

‘‘ཛཱཏཝེདསམོ ཀཱཡོ, ཏེསཾ ནིརཡཝཱསིནཾ;

པསྶ ཀམྨཱནཾ དལ༹ྷཏྟཾ, ན བྷསྨཱ ཧོཏི ནཔཱི མསི.

‘‘པུརཏྠིམེནཔི དྷཱཝནྟི, ཏཏོ དྷཱཝནྟི པཙྪིམཾ;

ཨུཏྟརེནཔི དྷཱཝནྟི, ཏཏོ དྷཱཝནྟི དཀྑིཎཾ.

‘‘ཡཾ ཡཾ དིསཾ པདྷཱཝནྟི [དིསམྤི དྷཱཝནྟི (སྱཱ.)], ཏཾ ཏཾ དྭཱརཾ པིདྷཱིཡཏི [པིཐཱིཡཏི (སཱི. སྱཱ.)];

ཨབྷིནིཀྑམིཏཱསཱ ཏེ, སཏྟཱ མོཀྑགཝེསིནོ.

‘‘ན ཏེ ཏཏོ ནིཀྑམིཏུཾ, ལབྷནྟི ཀམྨཔཙྩཡཱ;

ཏེསཉྩ པཱཔཀམྨནྟཾ, ཨཝིཔཀྐཾ ཀཏཾ བཧུ’’ནྟི.

ཨེཏཾ ¶ བྷཡཾ དུཀྑཾ དོམནསྶཾ ཀུཏོ ཏསྶ? ཨཏྟདཎྜཏོ ཛཱཏཾ སཉྫཱཏཾ ནིབྦཏྟཾ ཨབྷིནིབྦཏྟཾ པཱཏུབྷཱུཏཾ. ཡཱནི ¶ ཙ ནེརཡིཀཱནི དུཀྑཱནི ཡཱནི ཙ ཏིརཙྪཱནཡོནིཀཱནི དུཀྑཱནི ཡཱནི ཙ པེཏྟིཝིསཡིཀཱནི དུཀྑཱནི ཡཱནི ཙ མཱནུསིཀཱནི དུཀྑཱནི; ཏཱནི ཀུཏོ ཛཱཏཱནི ཀུཏོ སཉྫཱཏཱནི ཀུཏོ ནིབྦཏྟཱནི ཀུཏོ ཨབྷིནིབྦཏྟཱནི ཀུཏོ པཱཏུབྷཱུཏཱནི? ཨཏྟདཎྜཏོ ཛཱཏཱནི སཉྫཱཏཱནི ནིབྦཏྟཱནི ཨབྷིནིབྦཏྟཱནི པཱཏུབྷཱུཏཱནཱིཏི – ཨཏྟདཎྜཱ བྷཡཾ ཛཱཏཾ.

ཛནཾ པསྶཐ མེདྷགནྟི. ཛནནྟི ཁཏྟིཡཱ ཙ བྲཱཧྨཎཱ ཙ ཝེསྶཱ ཙ སུདྡཱ ཙ གཧཊྛཱ ཙ པབྦཛིཏཱ ཙ དེཝཱ ཙ མནུསྶཱ ཙ མེདྷགཾ ཛནཾ ཀལཧཾ ཛནཾ ཝིརུདྡྷཾ ཛནཾ པཊིཝིརུདྡྷཾ ཛནཾ ¶ ཨཱཧཏཾ ཛནཾ པཙྩཱཧཏཾ ཛནཾ ཨཱགྷཱཏིཏཾ ཛནཾ པཙྩཱགྷཱཏིཏཾ ¶ ཛནཾ པསྶཐ དཀྑཐ ཨོལོཀེཐ ནིཛ྄ཛྷཱཡེཐ ཨུཔཔརིཀྑཐཱཏི – ཛནཾ པསྶཐ མེདྷགཾ.

སཾཝེགཾ ཀིཏྟཡིསྶཱམཱིཏི. སཾཝེགཾ ཨུབྦེགཾ ཨུཏྲཱསཾ བྷཡཾ པཱིལ༹ནཾ གྷཊྚནཾ ཨུཔདྡཝཾ ཨུཔསགྒཾ. ཀིཏྟཡིསྶཱམཱིཏི པཀིཏྟཡིསྶཱམི ཨཱཙིཀྑིསྶཱམི དེསེསྶཱམི པཉྙཔེསྶཱམི པཊྛཔེསྶཱམི ཝིཝརིསྶཱམི ཝིབྷཛིསྶཱམི ཨུཏྟཱནཱིཀརིསྶཱམི པཀཱསིསྶཱམཱིཏི – སཾཝེགཾ ཀིཏྟཡིསྶཱམི.

ཡཐཱ སཾཝིཛིཏཾ མཡཱཏི. ཡཐཱ མཡཱ ཨཏྟནཱཡེཝ ཨཏྟཱནཾ སཾཝེཛིཏོ ཨུབྦེཛིཏོ སཾཝེགམཱཔཱདིཏོཏི – ཡཐཱ སཾཝིཛིཏཾ མཡཱ.

‘‘ཨཏྟདཎྜཱ བྷཡཾ ཛཱཏཾ, ཛནཾ པསྶཐ མེདྷགཾ;

སཾཝེགཾ ཀིཏྟཡིསྶཱམི, ཡཐཱ སཾཝིཛིཏཾ མཡཱ’’ཏི.

ཕནྡམཱནཾ ¶ པཛཾ དིསྭཱ, མཙྪེ ཨཔྤོདཀེ ཡཐཱ;

ཨཉྙམཉྙེཧི བྱཱརུདྡྷེ, དིསྭཱ མཾ བྷཡམཱཝིསི.

ཕནྡམཱནཾ པཛཾ དིསྭཱཏི. པཛཱཏི སཏྟཱདྷིཝཙནཾ. པཛཾ ཏཎྷཱཕནྡནཱཡ ཕནྡམཱནཾ དིཊྛིཕནྡནཱཡ ཕནྡམཱནཾ ¶ ཀིལེསཕནྡནཱཡ ཕནྡམཱནཾ དུཙྩརིཏཕནྡནཱཡ ཕནྡམཱནཾ པཡོགཕནྡནཱཡ ཕནྡམཱནཾ ཝིཔཱཀཕནྡནཱཡ ཕནྡམཱནཾ རཏྟཾ རཱགེན ཕནྡམཱནཾ དུཊྛཾ དོསེན ཕནྡམཱནཾ མཱུལ༹ྷཾ མོཧེན ཕནྡམཱནཾ ཝིནིབདྡྷཾ མཱནེན ཕནྡམཱནཾ པརཱམཊྛཾ དིཊྛིཡཱ ཕནྡམཱནཾ ཝིཀྑེཔགཏཾ ཨུདྡྷཙྩེན ཕནྡམཱནཾ ཨནིཊྛངྒཏཾ ཝིཙིཀིཙྪཱཡ ཕནྡམཱནཾ ཐཱམགཏཾ ཨནུསཡེཧི ཕནྡམཱནཾ ལཱབྷེན ཕནྡམཱནཾ ཨལཱབྷེན ཕནྡམཱནཾ ཡསེན ཕནྡམཱནཾ ཨཡསེན ཕནྡམཱནཾ པསཾསཱཡ ཕནྡམཱནཾ ནིནྡཱཡ ཕནྡམཱནཾ སུཁེན ཕནྡམཱནཾ དུཀྑེན ཕནྡམཱནཾ ཛཱཏིཡཱ ཕནྡམཱནཾ ཛརཱཡ ཕནྡམཱནཾ བྱཱདྷིནཱ ཕནྡམཱནཾ མརཎེན ཕནྡམཱནཾ སོཀཔརིདེཝདུཀྑདོམནསྶུཔཱཡཱསེཧི ཕནྡམཱནཾ ནེརཡིཀེན དུཀྑེན ཕནྡམཱནཾ ཏིརཙྪཱནཡོནིཀེན དུཀྑེན ཕནྡམཱནཾ པེཏྟིཝིསཡིཀེན དུཀྑེན ཕནྡམཱནཾ མཱནུསིཀེན དུཀྑེན ཕནྡམཱནཾ གབྦྷོཀྐནྟིམཱུལཀེན དུཀྑེན… གབྦྷཊྛིཏིམཱུལཀེན [གབྦྷེཋིཏཱིམཱུལཀེན (ཀ.) མཧཱནི. ༡༡] དུཀྑེན… གབྦྷཱཝུཊྛཱནམཱུལཀེན དུཀྑེན… ཛཱཏསྶཱུཔནིབནྡྷཀེན དུཀྑེན… ཛཱཏསྶ པརཱདྷེཡྻཀེན དུཀྑེན… ཨཏྟཱུཔཀྐམེན དུཀྑེན… པརཱུཔཀྐམེན དུཀྑེན… དུཀྑདུཀྑེན… སངྑཱརདུཀྑེན… ཝིཔརིཎཱམདུཀྑེན… ཙཀྑུརོགེན དུཀྑེན… སོཏརོགེན ¶ … གྷཱནརོགེན… ཛིཝ྄ཧཱརོགེན ¶ … ཀཱཡརོགེན… སཱིསརོགེན ¶ … ཀཎྞརོགེན… མུཁརོགེན… དནྟརོགེན… ཀཱསེན… སཱསེན… པིནཱསེན… ཌཱཧེན… ཛརེན… ཀུཙྪིརོགེན… མུཙྪཱཡ… པཀྑནྡིཀཱཡ… སཱུལཱཡ… ཝིསཱུཙིཀཱཡ… ཀུཊྛེན… གཎྜེན… ཀིལཱསེན… སོསེན… ཨཔམཱརེན… དདྡུཡཱ… ཀཎྜུཡཱ… ཀཙྪུཡཱ… རཁསཱཡ… ཝིཏཙྪིཀཱཡ… ལོཧིཏེན… པིཏྟེན… མདྷུམེཧེན… ཨཾསཱཡ… པཱིལ༹ཀཱཡ… བྷགནྡལེན… པིཏྟསམུཊྛཱནེན ཨཱབཱདྷེན… སེམྷསམུཊྛཱནེན ཨཱབཱདྷེན… ཝཱཏསམུཊྛཱནེན ཨཱབཱདྷེན… སནྣིཔཱཏིཀེན ཨཱབཱདྷེན… ཨུཏུཔརིཎཱམཛེན ཨཱབཱདྷེན… ཝིསམཔརིཧཱརཛེན ཨཱབཱདྷེན ¶ … ཨོཔཀྐམིཀེན ཨཱབཱདྷེན… ཀམྨཝིཔཱཀཛེན ཨཱབཱདྷེན… སཱིཏེན… ཨུཎྷེན… ཛིགྷཙྪཱཡ… པིཔཱསཱཡ… ཨུཙྩཱརེན… པསྶཱཝེན… ཌཾསམཀསཝཱཏཱཏཔསརཱིསཔསམྥསྶེན དུཀྑེན… མཱཏུམརཎེན དུཀྑེན… པིཏུམརཎེན དུཀྑེན… བྷཱཏུམརཎེན དུཀྑེན… བྷགིནིམརཎེན དུཀྑེན… པུཏྟམརཎེན དུཀྑེན… དྷཱིཏུམརཎེན དུཀྑེན… ཉཱཏིམརཎེན དུཀྑེན… བྷོགབྱསནེན དུཀྑེན… རོགབྱསནེན དུཀྑེན… སཱིལབྱསནེན དུཀྑེན… དིཊྛིབྱསནེན དུཀྑེན ཕནྡམཱནཾ སམྥནྡམཱནཾ ཝིཔྥནྡམཱནཾ ཝེདྷམཱནཾ པཝེདྷམཱནཾ སམྤཝེདྷམཱནཾ. དིསྭཱཏི དིསྭཱ པསྶིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱཏི – ཕནྡམཱནཾ པཛཾ དིསྭཱ.

མཙྪེ ཨཔྤོདཀེ ཡཐཱཏི ཡཐཱ མཙྪཱ ཨཔྤོདཀེ ཨུདཀཔརིཡཱདཱནེ ཀཱཀེཧི ཝཱ ཀུལལེཧི ཝཱ བལཱཀཱཧི ཝཱ ¶ པརིཔཱཏིཡམཱནཱ ཨུཀྑིཔིཡམཱནཱ ཁཛྫམཱནཱ ཕནྡནྟི སམྥནྡནྟི ཝིཔྥནྡནྟི ཝེདྷནྟི པཝེདྷནྟི སམྤཝེདྷནྟི; ཨེཝམེཝ པཛཱ ཏཎྷཱཕནྡནཱཡ ཕནྡནྟི…པེ… དིཊྛིབྱསནེན དུཀྑེན ཕནྡནྟི སམྥནྡནྟི ཝིཔྥནྡནྟི ཝེདྷནྟི པཝེདྷནྟི སམྤཝེདྷནྟཱིཏི – མཙྪེ ཨཔྤོདཀེ ཡཐཱ.

ཨཉྙམཉྙེཧི བྱཱརུདྡྷེཏི ཨཉྙམཉྙཾ སཏྟཱ ཝིརུདྡྷཱ པཊིཝིརུདྡྷཱ ཨཱཧཏཱ པཙྩཱཧཏཱ ཨཱགྷཱཏིཏཱ པཙྩཱགྷཱཏིཏཱ. རཱཛཱནོཔི རཱཛཱུཧི ཝིཝདནྟི, ཁཏྟིཡཱཔི ཁཏྟིཡེཧི ཝིཝདནྟི, བྲཱཧྨཎཱཔི བྲཱཧྨཎེཧི ཝིཝདནྟི, གཧཔཏཱིཔི གཧཔཏཱིཧི ཝིཝདནྟི, མཱཏཱཔི པུཏྟེན ཝིཝདཏི, པུཏྟོཔི མཱཏརཱ ཝིཝདཏི, པིཏཱཔི པུཏྟེན ཝིཝདཏི, པུཏྟོཔི པིཏརཱ ཝིཝདཏི, བྷཱཏཱཔི བྷཱཏརཱ ཝིཝདཏི, བྷགིནཱིཔི བྷགིནིཡཱ ཝིཝདཏི, བྷཱཏཱཔི བྷགིནིཡཱ ཝིཝདཏི, བྷགིནིཔི བྷཱཏརཱ ཝིཝདཏི, སཧཱཡོཔི སཧཱཡེན ཝིཝདཏི; ཏེ ཏཏྠ ཀལཧཝིགྒཧཝིཝཱདཱཔནྣཱ ཨཉྙམཉྙཾ པཱཎཱིཧིཔི ཨུཔཀྐམནྟི, ལེཌྜཱུཧིཔི ཨུཔཀྐམནྟི, དཎྜེཧིཔི ཨུཔཀྐམནྟི, སཏྠེཧིཔི ཨུཔཀྐམནྟི, ཏེ ཏཏྠ མརཎམྤི ནིགཙྪནྟི མརཎམཏྟམྤི དུཀྑནྟི – ཨཉྙམཉྙེཧི བྱཱརུདྡྷེ.

དིསྭཱ ¶ ¶ ¶ མཾ བྷཡམཱཝིསཱིཏི. དིསྭཱཏི དིསྭཱ པསྶིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ བྷཡཾ པཱིལ༹ནཾ གྷཊྚནཾ ཨུཔདྡཝོ ཨུཔསགྒོ ཨཱཝིསཱིཏི [ཨཱཝཱིསཱིཏི (སཱི.), ཨཱཝིསཏཱིཏི (སྱཱ.)] – དིསྭཱ མཾ བྷཡམཱཝིསི.

‘‘ཕནྡམཱནཾ ¶ པཛཾ དིསྭཱ, མཙྪེ ཨཔྤོདཀེ ཡཐཱ;

ཨཉྙམཉྙེཧི བྱཱརུདྡྷེ, དིསྭཱ མཾ བྷཡམཱཝིསཱི’’ཏི.

སམནྟམསཱརོ ལོཀོ, དིསཱ སབྦཱ སམེརིཏཱ;

ཨིཙྪཾ བྷཝནམཏྟནོ, ནཱདྡསཱསིཾ ཨནོསིཏཾ.

སམནྟམསཱརོ ལོཀོཏི. ལོཀོཏི ནིརཡལོཀོ ཏིརཙྪཱནཡོནིལོཀོ པེཏྟིཝིསཡལོཀོ མནུསྶལོཀོ དེཝལོཀོ, ཁནྡྷལོཀོ དྷཱཏུལོཀོ ཨཱཡཏནལོཀོ, ཨཡཾ ལོཀོ པརོ ལོཀོ, བྲཧྨལོཀོ དེཝལོཀོ – ཨཡཾ ཝུཙྩཏི ལོཀོ. ནིརཡལོཀོ ཨསཱརོ ནིསྶཱརོ སཱརཱཔགཏོ ནིཙྩསཱརསཱརེན ཝཱ སུཁསཱརསཱརེན ཝཱ ཨཏྟསཱརསཱརེན ཝཱ ནིཙྩེན ཝཱ དྷུཝེན ཝཱ སསྶཏེན ཝཱ ཨཝིཔརིཎཱམདྷམྨེན ཝཱ. ཏིརཙྪཱནཡོནིལོཀོ…པེ… པེཏྟིཝིསཡལོཀོ… མནུསྶལོཀོ… དེཝལོཀོ… ཁནྡྷལོཀོ… དྷཱཏུལོཀོ… ཨཱཡཏནལོཀོ… ཨཡཾ ལོཀོ… པརོ ལོཀོ… བྲཧྨལོཀོ… དེཝལོཀོ ཨསཱརོ ནིསྶཱརོ སཱརཱཔགཏོ ནིཙྩསཱརསཱརེན ཝཱ སུཁསཱརསཱརེན ཝཱ ཨཏྟསཱརསཱརེན ཝཱ ནིཙྩེན ཝཱ དྷུཝེན ཝཱ སསྶཏེན ཝཱ ཨཝིཔརིཎཱམདྷམྨེན ཝཱ.

ཡཐཱ པན ནལོ༹ ཨསཱརོ ནིསྶཱརོ སཱརཱཔགཏོ, ཡཐཱ ཨེརཎྜོ ཨསཱརོ ནིསྶཱརོ སཱརཱཔགཏོ, ཡཐཱ ཨུདུམྦརོ ཨསཱརོ ནིསྶཱརོ སཱརཱཔགཏོ, ཡཐཱ སེཏཀཙྪོ ¶ ཨསཱརོ ནིསྶཱརོ སཱརཱཔགཏོ, ཡཐཱ པཱརིབྷདྡཀོ ཨསཱརོ ནིསྶཱརོ སཱརཱཔགཏོ, ཡཐཱ ཕེཎཔིཎྜོ ཨསཱརོ ནིསྶཱརོ སཱརཱཔགཏོ, ཡཐཱ ཨུདཀཔུབྦུལ༹ཾ [བུབྦུལཀཾ (སཱི.), པུབྦུལ༹ཀཾ (སྱཱ.)] ཨསཱརཾ ནིསྶཱརཾ སཱརཱཔགཏཾ ¶ , ཡཐཱ མརཱིཙི ཨསཱརཱ ནིསྶཱརཱ སཱརཱཔགཏཱ, ཡཐཱ ཀདལིཀྑནྡྷོ ཨསཱརོ ནིསྶཱརོ སཱརཱཔགཏོ, ཡཐཱ མཱཡཱ ཨསཱརཱ ནིསྶཱརཱ སཱརཱཔགཏཱ; ཨེཝམེཝ ནིརཡལོཀོ ཨསཱརོ ནིསྶཱརོ སཱརཱཔགཏོ ནིཙྩསཱརསཱརེན ¶ ཝཱ སུཁསཱརསཱརེན ཝཱ ཨཏྟསཱརསཱརེན ཝཱ ནིཙྩེན ཝཱ དྷུཝེན ཝཱ སསྶཏེན ཝཱ ཨཝིཔརིཎཱམདྷམྨེན ཝཱ.

ཏིརཙྪཱནཡོནིལོཀོ… པེཏྟིཝིསཡལོཀོ… མནུསྶལོཀོ… དེཝལོཀོ ཨསཱརོ ནིསྶཱརོ སཱརཱཔགཏོ ¶ ནིཙྩསཱརསཱརེན ཝཱ སུཁསཱརསཱརེན ཝཱ ཨཏྟསཱརསཱརེན ཝཱ ནིཙྩེན ཝཱ དྷུཝེན ཝཱ སསྶཏེན ཝཱ ཨཝིཔརིཎཱམདྷམྨེན ཝཱ. ཁནྡྷལོཀོ… དྷཱཏུལོཀོ… ཨཱཡཏནལོཀོ… ཨཡཾ ལོཀོ… པརོ ལོཀོ… བྲཧྨལོཀོ… དེཝལོཀོ ཨསཱརོ ནིསྶཱརོ སཱརཱཔགཏོ ནིཙྩསཱརསཱརེན ཝཱ སུཁསཱརསཱརེན ཝཱ ཨཏྟསཱརསཱརེན ཝཱ ནིཙྩེན ཝཱ དྷུཝེན ཝཱ སསྶཏེན ཝཱ ཨཝིཔརིཎཱམདྷམྨེན ཝཱཏི – སམནྟམསཱརོ ལོཀོ.

དིསཱ སབྦཱ སམེརིཏཱཏི. ཡེ པུརཏྠིམཱཡ དིསཱཡ སངྑཱརཱ, ཏེཔི ཨེརིཏཱ སམེརིཏཱ ཙལིཏཱ གྷཊྚིཏཱ ཨནིཙྩཏཱཡ ཛཱཏིཡཱ ཨནུགཏཱ ཛརཱཡ ཨནུསཊཱ བྱཱདྷིནཱ ཨབྷིབྷཱུཏཱ མརཎེན ཨབྦྷཱཧཏཱ དུཀྑེ པཏིཊྛིཏཱ ཨཏཱཎཱ ཨལེཎཱ ཨསརཎཱ ཨསརཎཱིབྷཱུཏཱ. ཡེ པཙྪིམཱཡ དིསཱཡ སངྑཱརཱ…པེ… ཡེ ཨུཏྟརཱཡ དིསཱཡ སངྑཱརཱ… ཡེ དཀྑིཎཱཡ དིསཱཡ སངྑཱརཱ… ཡེ པུརཏྠིམཱཡ ཨནུདིསཱཡ སངྑཱརཱ… ཡེ པཙྪིམཱཡ ཨནུདིསཱཡ སངྑཱརཱ… ཡེ ཨུཏྟརཱཡ ཨནུདིསཱཡ སངྑཱརཱ… ཡེ དཀྑིཎཱཡ ཨནུདིསཱཡ སངྑཱརཱ… ཡེ ཧེཊྛིམཱཡ དིསཱཡ སངྑཱརཱ… ཡེ ཨུཔརིམཱཡ དིསཱཡ སངྑཱརཱ… ཡེ དསསུ དིསཱསུ སངྑཱརཱ, ཏེཔི ཨེརིཏཱ སམེརིཏཱ ཙལིཏཱ གྷཊྚིཏཱ ཨནིཙྩཏཱཡ ཛཱཏིཡཱ ཨནུགཏཱ ཛརཱཡ ཨནུསཊཱ བྱཱདྷིནཱ ཨབྷིབྷཱུཏཱ མརཎེན ¶ ཨབྦྷཱཧཏཱ དུཀྑེ པཏིཊྛིཏཱ ཨཏཱཎཱ ཨལེཎཱ ཨསརཎཱ ཨསརཎཱིབྷཱུཏཱ. བྷཱསིཏམྤི ཙེཏཾ –

‘‘ཀིཉྩཱཔི ¶ ཙེཏཾ ཛལཏཱི ཝིམཱནཾ, ཨོབྷཱསཡཾ ཨུཏྟརིཡཾ དིསཱཡ;

རཱུཔེ རཎཾ དིསྭཱ སདཱ པཝེདྷིཏཾ, ཏསྨཱ ན རཱུཔེ རམཏཱི སུམེདྷོ.

‘‘མཙྩུནཱབྦྷཱཧཏོ ལོཀོ, ཛརཱཡ པརིཝཱརིཏོ;

ཏཎྷཱསལླེན ཨོཏིཎྞོ, ཨིཙྪཱདྷཱུམཱཡིཏོ [ཨིཙྪཱདྷུམཱཡིཀོ (སྱཱ.)] སདཱ.

‘‘སབྦོ ཨཱདཱིཔིཏོ ¶ ལོཀོ, སབྦོ ལོཀོ པདྷཱུཔིཏོ;

སབྦོ པཛྫལིཏོ ལོཀོ, སབྦོ ལོཀོ པཀམྤིཏོ’’ཏི.

ཨིཙྪཾ བྷཝནམཏྟནོཏི. ཨཏྟནོ བྷཝནཾ ཏཱཎཾ ལེཎཾ སརཎཾ གཏིཾ པརཱཡནཾ ཨིཙྪནྟོ སཱདིཡནྟོ པཏྠཡནྟོ པིཧཡནྟོ ཨབྷིཛཔྤནྟོཏི – ཨིཙྪཾ བྷཝནམཏྟནོ. ནཱདྡསཱསིཾ ཨནོསིཏནྟི. ཨཛ྄ཛྷོསིཏཾཡེཝ ཨདྡསཾ, ཨནཛ྄ཛྷོསིཏཾ ནཱདྡསཾ, སབྦཾ ཡོབྦཉྙཾ ཛརཱཡ ཨོསིཏཾ, སབྦཾ ¶ ཨཱརོགྱཾ བྱཱདྷིནཱ ཨོསིཏཾ, སབྦཾ ཛཱིཝིཏཾ མརཎེན ཨོསིཏཾ, སབྦཾ ལཱབྷཾ ཨལཱབྷེན ཨོསིཏཾ, སབྦཾ ཡསཾ ཨཡསེན ཨོསིཏཾ, སབྦཾ པསཾསཾ ནིནྡཱཡ ཨོསིཏཾ, སབྦཾ སུཁཾ དུཀྑེན ཨོསིཏཾ.

‘‘ལཱབྷོ ¶ ཨལཱབྷོ ཡསོ ཨཡསོ ཙ, ནིནྡཱ པསཾསཱ ཙ སུཁཾ དུཁཉྩ;

ཨེཏེ ཨནིཙྩཱ མནུཛེསུ དྷམྨཱ, ཨསསྶཏཱ ཝིཔརིཎཱམདྷམྨཱ’’ཏི.

‘‘སམནྟམསཱརོ ལོཀོ, དིསཱ སབྦཱ སམེརིཏཱ;

ཨིཙྪཾ བྷཝནམཏྟནོ, ནཱདྡསཱསིཾ ཨནོསིཏ’’ནྟི.

ཨོསཱནེ ¶ ཏྭེཝ བྱཱརུདྡྷེ, དིསྭཱ མེ ཨརཏཱི ཨཧུ;

ཨཐེཏྠ སལླམདྡཀྑིཾ, དུདྡསཾ ཧདཡསྶིཏཾ.

ཨོསཱནེ ཏྭེཝ བྱཱརུདྡྷེཏི. ཨོསཱནེ ཏྭེཝཱཏི སབྦཾ ཡོབྦཉྙཾ ཛརཱ ཨོསཱཔེཏི, སབྦཾ ཨཱརོགྱཾ བྱཱདྷི ཨོསཱཔེཏི, སབྦཾ ཛཱིཝིཏཾ མརཎཾ ཨོསཱཔེཏི, སབྦཾ ལཱབྷཾ ཨལཱབྷོ ཨོསཱཔེཏི, སབྦཾ ཡསཾ ཨཡསོ ཨོསཱཔེཏི, སབྦཾ པསཾསཾ ནིནྡཱ ཨོསཱཔེཏི, སབྦཾ སུཁཾ དུཀྑཾ ཨོསཱཔེཏཱིཏི – ཨོསཱནེ ཏྭེཝ. བྱཱརུདྡྷེཏི ཡོབྦཉྙཀཱམཱ སཏྟཱ ཛརཱཡ པཊིཝིརུདྡྷཱ, ཨཱརོགྱཀཱམཱ སཏྟཱ བྱཱདྷིནཱ པཊིཝིརུདྡྷཱ, ཛཱིཝིཏུཀཱམཱ སཏྟཱ མརཎེན པཊིཝིརུདྡྷཱ, ལཱབྷཀཱམཱ སཏྟཱ ཨལཱབྷེན པཊིཝིརུདྡྷཱ, ཡསཀཱམཱ སཏྟཱ ཨཡསེན པཊིཝིརུདྡྷཱ, པསཾསཀཱམཱ སཏྟཱ ནིནྡཱཡ པཊིཝིརུདྡྷཱ, སུཁཀཱམཱ སཏྟཱ དུཀྑེན པཊིཝིརུདྡྷཱ ཨཱཧཏཱ པཙྩཱཧཏཱ ཨཱགྷཱཏིཏཱ པཙྩཱགྷཱཏིཏཱཏི – ཨོསཱནེ ཏྭེཝ བྱཱརུདྡྷེ.

དིསྭཱ ¶ ¶ མེ ཨརཏཱི ཨཧཱུཏི. དིསྭཱཏི དིསྭཱ པསྶིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱཏི – དིསྭཱ. མེ ཨརཏཱིཏི ཡཱ ཨརཏི ཡཱ ཨནབྷིརཏི ཡཱ ཨནབྷིརམནཱ ཡཱ ཨུཀྐཎྛིཏཱ ཡཱ པརིཏསིཏཱ ཨཧཱུཏི – དིསྭཱ མེ ཨརཏཱི ཨཧུ.

ཨཐེཏྠ སལླམདྡཀྑིནྟི. ཨཐཱཏི པདསནྡྷི…པེ… པདཱནུཔུབྦཏཱཔེཏཾ – ཨཐཱཏི. ཨེཏྠཱཏི ¶ སཏྟེསུ. སལླནྟི སཏྟ སལླཱནི – རཱགསལླཾ, དོསསལླཾ, མོཧསལླཾ, མཱནསལླཾ, དིཊྛིསལླཾ, སོཀསལླཾ, ཀཐཾཀཐཱསལླཾ. ཨདྡཀྑིནྟི ཨདྡསཾ ཨདཀྑིཾ ཨཔསྶིཾ པཊིཝིཛ྄ཛྷིནྟི – ཨཐེཏྠ སལླམདྡཀྑིཾ.

དུདྡསཾ ཧདཡསྶིཏནྟི. དུདྡསནྟི དུདྡསཾ དུདྡཀྑཾ དུཔྤསྶཾ དུབྦུཛ྄ཛྷཾ དུརནུབུཛ྄ཛྷཾ དུཔྤཊིཝིཛ྄ཛྷནྟི – དུདྡསཾ. ཧདཡསྶིཏནྟི ཧདཡཾ ཝུཙྩཏི ཙིཏྟཾ. ཡཾ ཙིཏྟཾ མནོ མཱནསཾ ཧདཡཾ པཎྜརཾ མནོ མནཱཡཏནཾ མནིནྡྲིཡཾ ཝིཉྙཱཎཾ ཝིཉྙཱཎཀྑནྡྷོ ཏཛྫཱ མནོཝིཉྙཱཎདྷཱཏུ. ཧདཡསྶིཏནྟི ཧདཡནིསྶིཏཾ ཙིཏྟསིཏཾ ཙིཏྟནིསྶིཏཾ ཙིཏྟེན སཧགཏཾ སཧཛཱཏཾ སཾསཊྛཾ སམྤཡུཏྟཾ ཨེཀུཔྤཱདཾ ཨེཀནིརོདྷཾ ཨེཀཝཏྠུཀཾ ¶ ཨེཀཱརམྨཎནྟི – དུདྡསཾ ཧདཡསྶིཏཾ.

‘‘ཨོསཱནེ ཏྭེཝ བྱཱརུདྡྷེ, དིསྭཱ མེ ཨརཏཱི ཨཧུ;

ཨཐེཏྠ སལླམདྡཀྑིཾ, དུདྡསཾ ཧདཡསྶིཏ’’ནྟི.

ཡེན སལླེན ཨོཏིཎྞོ, དིསཱ སབྦཱ ཝིདྷཱཝཏི;

ཏམེཝ སལླམབྦུཡ྄ཧ, ན དྷཱཝཏི ན སཱིདཏི.

ཡེན ¶ སལླེན ཨོཏིཎྞོ, དིསཱ སབྦཱ ཝིདྷཱཝཏཱིཏི. སལླནྟི. སཏྟ སལླཱནི – རཱགསལླཾ, དོསསལླཾ, མོཧསལླཾ, མཱནསལླཾ, དིཊྛིསལླཾ, སོཀསལླཾ, ཀཐཾཀཐཱསལླཾ. ཀཏམཾ རཱགསལླཾ? ཡོ རཱགོ སཱརཱགོ ཨནུནཡོ ཨནུརོདྷོ ནནྡིརཱགོ ཙིཏྟསྶ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ – ཨིདཾ རཱགསལླཾ.

ཀཏམཾ དོསསལླཾ? ‘‘ཨནཏྠཾ མེ ཨཙརཱི’’ཏི ཨཱགྷཱཏོ ཛཱཡཏི ‘‘ཨནཏྠཾ མེ ཙརཏཱི’’ཏི ཨཱགྷཱཏོ ཛཱཡཏི, ‘‘ཨནཏྠཾ མེ ཙརིསྶཏཱི’’ཏི ཨཱགྷཱཏོ ཛཱཡཏི…པེ… ཙཎྜིཀྐཾ ཨསུརོཔོ ཨནཏྟམནཏཱ ཙིཏྟསྶ – ཨིདཾ དོསསལླཾ.

ཀཏམཾ མོཧསལླཾ? དུཀྑེ ཨཉྙཱཎཾ…པེ… དུཀྑནིརོདྷགཱམིནིཡཱ པཊིཔདཱཡ ཨཉྙཱཎཾ, པུབྦནྟེ ཨཉྙཱཎཾ, ཨཔརནྟེ ཨཉྙཱཎཾ, པུབྦནྟཱཔརནྟེ ཨཉྙཱཎཾ ¶ , ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཨཉྙཱཎཾ. ཡཾ ཨེཝརཱུཔཾ ཨདསྶནཾ ཨནབྷིསམཡོ ཨནནུབོདྷོ ཨསམྦོདྷོ ཨཔྤཊིཝེདྷོ ཨསངྒཱཧཎཱ ཨཔརིཡོགཱཧཎཱ [ཨསངྒཱཧཏཱ ཨཔརིཡོགཱཧཏཱ (སྱཱ.), ཨསངྒཱཧནཱ ཨཔརིཡོགཱཧནཱ (ཀ.)] ཨསམཔེཀྑནཱ ཨཔཙྩཝེཀྑནཱ ཨཔཙྩཀྑཀམྨཾ ¶ དུམྨེཛ྄ཛྷཾ བཱལྱཾ མོཧོ པམོཧོ སམྨོཧོ ཨཝིཛྫཱ ཨཝིཛྫོགྷོ ཨཝིཛྫཱཡོགོ ཨཝིཛྫཱནུསཡོ ཨཝིཛྫཱཔརིཡུཊྛཱནཾ ཨཝིཛྫཱལངྒཱི མོཧོ ཨཀུསལམཱུལཾ – ཨིདཾ མོཧསལླཾ.

ཀཏམཾ མཱནསལླཾ? ‘‘སེཡྻོཧམསྨཱི’’ཏི མཱནོ, ‘‘སདིསོཧམསྨཱི’’ཏི མཱནོ, ‘‘ཧཱིནོཧམསྨཱི’’ཏི མཱནོ. ཡོ ཨེཝརཱུཔོ མཱནོ མཉྙནཱ མཉྙིཏཏྟཾ ¶ ཨུནྣཏི ཨུནྣམོ དྷཛོ སམྤགྒཱཧོ ཀེཏུཀམྱཏཱ ཙིཏྟསྶ – ཨིདཾ མཱནསལླཾ.

ཀཏམཾ དིཊྛིསལླཾ? ཝཱིསཏིཝཏྠུཀཱ སཀྐཱཡདིཊྛི, དསཝཏྠུཀཱ ¶ མིཙྪཱདིཊྛི, དསཝཏྠུཀཱ ཨནྟགྒཱཧིཀཱ དིཊྛི. ཡཱ ཨེཝརཱུཔཱ དིཊྛི དིཊྛིགཏཾ དིཊྛིགཧནཾ དིཊྛིཀནྟཱརོ དིཊྛིཝིསཱུཀཱཡིཀཾ དིཊྛིཝིཔྥནྡིཏཾ དིཊྛིསཉྙོཛནཾ གཱཧོ པཊིགྒཱཧོ ཨབྷིནིཝེསོ པརཱམཱསོ ཀུམྨགྒོ [ཀུམགྒོ (ཀ.) མཧཱནི. ༣༨] མིཙྪཱཔཐོ མིཙྪཏྟཾ ཏིཏྠཱཡཏནཾ ཝིཔརིཡཱསགྒཱཧོ ཝིཔརཱིཏགྒཱཧོ ཝིཔལླཱསགྒཱཧོ མིཙྪཱགཱཧོ ཨཡཱཐཱཝཀསྨིཾ ‘‘ཡཱཐཱཝཀ’’ནྟི གཱཧོ ཡཱཝཏཱ དྭཱསཊྛི དིཊྛིགཏཱནི – ཨིདཾ དིཊྛིསལླཾ.

ཀཏམཾ སོཀསལླཾ? ཉཱཏིབྱསནེན ཝཱ ཕུཊྛསྶ རོགབྱསནེན ཝཱ ཕུཊྛསྶ བྷོགབྱསནེན ཝཱ ཕུཊྛསྶ སཱིལབྱསནེན ཝཱ ཕུཊྛསྶ དིཊྛིབྱསནེན ཝཱ ཕུཊྛསྶ ཨཉྙཏརཉྙཏརེན བྱསནེན སམནྣཱགཏསྶ ཨཉྙཏརཉྙཏརེན དུཀྑདྷམྨེན ཕུཊྛསྶ སོཀོ སོཙནཱ སོཙིཏཏྟཾ ཨནྟོསོཀོ ཨནྟོཔརིསོཀོ ཨནྟོཌཱཧོ ཨནྟོཔརིཌཱཧོ ཙེཏསོ པརིཛ྄ཛྷཱཡནཱ དོམནསྶཾ – ཨིདཾ སོཀསལླཾ.

ཀཏམཾ ཀཐཾཀཐཱསལླཾ? དུཀྑེ ཀངྑཱ, དུཀྑསམུདཡེ ཀངྑཱ, དུཀྑནིརོདྷེ ཀངྑཱ, དུཀྑནིརོདྷགཱམིནིཡཱ པཊིཔདཱཡ ཀངྑཱ, པུབྦནྟེ ཀངྑཱ, ཨཔརནྟེ ཀངྑཱ, པུབྦནྟཱཔརནྟེ ཀངྑཱ, ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཀངྑཱ. ཡཱ ཨེཝརཱུཔཱ ཀངྑཱ ཀངྑཱཡནཱ ཀངྑཱཡིཏཏྟཾ ཝིམཏི ཝིཙིཀིཙྪཱ དྭེལ༹ྷཀཾ དྭེདྷཱཔཐོ སཾསཡོ ཨནེཀཾསགྒཱཧོ ¶ ཨཱསཔྤནཱ པརིསཔྤནཱ ཨཔརིཡོགཱཧཎཱ ཚམྦྷིཏཏྟཾ ཙིཏྟསྶ མནོཝིལེཁོ – ཨིདཾ ཀཐཾཀཐཱསལླཾ.

ཡེན ¶ སལླེན ཨོཏིཎྞོ, དིསཱ སབྦཱ ཝིདྷཱཝཏཱིཏི. རཱགསལླེན ཨོཏིཎྞོ ཝིདྡྷོ ཕུཊྛོ པརེཏོ སམོཧིཏོ སམནྣཱགཏོ ཀཱཡེན དུཙྩརིཏཾ ཙརཏི, ཝཱཙཱཡ དུཙྩརིཏཾ ཙརཏི, མནསཱ དུཙྩརིཏཾ ཙརཏི, པཱཎམྤི ཧནཏི, ཨདིནྣམྤི ཨཱདིཡཏི, སནྡྷིམྤི ཚིནྡཏི, ནིལློཔམྤི ཧརཏི, ཨེཀཱགཱརིཀམྤི ཀརོཏི, པརིཔནྠེཔི ཏིཊྛཏི, པརདཱརམྤི གཙྪཏི, མུསཱཔི བྷཎཏི; ཨེཝམྤི རཱགསལླེན ཨོཏིཎྞོ ཝིདྡྷོ ཕུཊྛོ པརེཏོ སམོཧིཏོ སམནྣཱགཏོ དྷཱཝཏི ཝིདྷཱཝཏི ¶ སནྡྷཱཝཏི སཾསརཏི. ཨཐ ཝཱ རཱགསལླེན ཨོཏིཎྞོ ཝིདྡྷོ ཕུཊྛོ པརེཏོ སམོཧིཏོ སམནྣཱགཏོ བྷོགེ པརིཡེསནྟོ ནཱཝཱཡ མཧཱསམུདྡཾ པཀྑནྡཏི. སཱིཏསྶ ¶ པུརཀྑཏོ ཨུཎྷསྶ པུརཀྑཏོ ཌཾསམཀསཝཱཏཱཏཔསརཱིསཔསམྥསྶེཧི པཱིལི༹ཡམཱནོ [རིསྶམཱནོ (སཱི. སྱཱ.)] ཁུཔྤིཔཱསཱཡ མིཡྻམཱནོ ཏིགུམྦཾ གཙྪཏི, ཏཀྐོལཾ གཙྪཏི, ཏཀྐསཱིལཾ གཙྪཏི, ཀཱལ༹མུཁཾ གཙྪཏི, པུརཔཱུརཾ གཙྪཏི, ཝེསུངྒཾ གཙྪཏི, ཝེརཱཔཐཾ གཙྪཏི, ཛཝཾ གཙྪཏི, ཏཱམལིཾ གཙྪཏི, ཝངྐཾ གཙྪཏི, ཨེལ༹བནྡྷནཾ གཙྪཏི, སུཝཎྞཀཱུཊཾ གཙྪཏི, སུཝཎྞབྷཱུམིཾ གཙྪཏི, ཏམྦཔཎྞིཾ གཙྪཏི, སུཔྤཱདཀཾ [སུཔྤཱརཀཾ (སཱི. ཀ.), སུཔྤཱརཾ (སྱཱ.)] གཙྪཏི, བྷཱརུཀཙྪཾ གཙྪཏི, སུརཊྛཾ གཙྪཏི, བྷངྒལོཀཾ [ཨངྒལོཀཾ (སཱི.), ཨངྒཎེཀཾ (སྱཱ.)] གཙྪཏི, བྷངྒཎཾ [གངྒཎཾ (སཱི. སྱཱ.)] གཙྪཏི, པརམབྷངྒཎཾ གཙྪཏི, ཡོནཾ གཙྪཏི, པརམཡོནཾ གཙྪཏི, ཝིནཀཾ གཙྪཏི, མཱུལཔདཾ གཙྪཏི, མརུཀནྟཱརཾ གཙྪཏི, ཛཎྞུཔཐཾ གཙྪཏི, ཨཛཔཐཾ གཙྪཏི ¶ , མེཎྜཔཐཾ གཙྪཏི, སངྐུཔཐཾ གཙྪཏི, ཚཏྟཔཐཾ གཙྪཏི, ཝཾསཔཐཾ གཙྪཏི, སཀུཎཔཐཾ གཙྪཏི, མཱུསིཀཔཐཾ གཙྪཏི, དརིཔཐཾ གཙྪཏི, ཝེཏྟཱཙཱརཾ གཙྪཏི; པརིཡེསནྟོ ན ལབྷཏི, ཨལཱབྷམཱུལཀམྤི དུཀྑཾ དོམནསྶཾ པཊིསཾཝེདེཏི, པརིཡེསནྟོ ལབྷཏི, ལདྡྷཱ ཨཱརཀྑམཱུལཀམྤི དུཀྑཾ དོམནསྶཾ པཊིསཾཝེདེཏི ‘‘ཀིནྟི མེ བྷོགེ ནེཝ རཱཛཱནོ ཧརེཡྻུཾ ན ཙོརཱ ཧརེཡྻུཾ ན ཨགྒི དཧེཡྻ ན ཨུདཀཾ ཝཧེཡྻ ན ཨཔྤིཡཱ དཱཡཱདཱ ཧརེཡྻུ’’ནྟི. ཏསྶ ཨེཝཾ ཨཱརཀྑཏོ གོཔཡཏོ ཏེ བྷོགཱ ཝིཔྤལུཛྫནྟི ¶ , སོ ཝིཔྤཡོགམཱུལཀམྤི དུཀྑཾ དོམནསྶཾ པཊིསཾཝེདེཏི. ཨེཝམྤི རཱགསལླེན ཨོཏིཎྞོ ཝིདྡྷོ ཕུཊྛོ པརེཏོ སམོཧིཏོ སམནྣཱགཏོ དྷཱཝཏི ཝིདྷཱཝཏི སནྡྷཱཝཏི སཾསརཏི.

དོསསལླེན…པེ… མོཧསལླེན… མཱནསལླེན ཨོཏིཎྞོ ཝིདྡྷོ ཕུཊྛོ པརེཏོ སམོཧིཏོ སམནྣཱགཏོ ཀཱཡེན དུཙྩརིཏཾ ཙརཏི, ཝཱཙཱཡ ¶ དུཙྩརིཏཾ ཙརཏི, མནསཱ དུཙྩརིཏཾ ཙརཏི, པཱཎམྤི ཧནཏི, ཨདིནྣམྤི ཨཱདིཡཏི, སནྡྷིམྤི ཚིནྡཏི, ནིལློཔམྤི ཧརཏི, ཨེཀཱགཱརིཀམྤི ཀརོཏི, པརིཔནྠེཔི ཏིཊྛཏི, པརདཱརམྤི གཙྪཏི, མུསཱཔི བྷཎཏི. ཨེཝཾ མཱནསལླེན ཨོཏིཎྞོ ཝིདྡྷོ ཕུཊྛོ པརེཏོ སམོཧིཏོ སམནྣཱགཏོ དྷཱཝཏི ཝིདྷཱཝཏི སནྡྷཱཝཏི སཾསརཏི.

དིཊྛིསལླེན ཨོཏིཎྞོ ཝིདྡྷོ ཕུཊྛོ པརེཏོ སམོཧིཏོ སམནྣཱགཏོ ཨཙེལཀོ ཧོཏི མུཏྟཱཙཱརོ ཧཏྠཱཔལེཁནོ [ཧཏྠཱཝལེཁནོ (སྱཱ.)], ན ཨེཧིབྷདནྟིཀོ ¶ , ན ཏིཊྛབྷདནྟིཀོ; ནཱབྷིཧཊཾ, ན ཨུདྡིསྶཀཏཾ, ན ནིམནྟནཾ སཱདིཡཏི, སོ ན ཀུམྦྷིམུཁཱ པཊིགྒཎྷཱཏི, ན ཀལོ༹པིམུཁཱ [ཁལོ༹པིམུཁཱ (སཱི.)] པཊིགྒཎྷཱཏི, ན ཨེལ༹ཀམནྟརཾ, ན དཎྜམནྟརཾ, ན མུསལམནྟརཾ, ན དྭིནྣཾ བྷུཉྫམཱནཱནཾ, ན གབྦྷིནིཡཱ, ན པཱཡམཱནཱཡ, ན པུརིསནྟརགཏཱཡ, ན སཾཀིཏྟཱིསུ, ན ཡཏྠ སཱ ཨུཔཊྛིཏོ ཧོཏི, ན ཡཏྠ མཀྑིཀཱ སཎྜསཎྜཙཱརིནཱི. ན མཙྪཾ ན མཾསཾ ན སུརཾ ན མེརཡཾ ན ཐུསོདཀཾ པིཝཏི. སོ ¶ ཨེཀཱགཱརིཀོ ཝཱ ཧོཏི ཨེཀཱལོཔིཀོ, དྭཱགཱརིཀོ ཝཱ ཧོཏི དྭཱལོཔིཀོ…པེ… སཏྟཱགཱརིཀོ ཝཱ ཧོཏི སཏྟཱལོཔིཀོ. ཨེཀིསྶཱཔི བྷཏྟིཡཱ ཡཱཔེཏི, དྭཱིཧིཔི བྷཏྟཱིཧི ཡཱཔེཏི…པེ… སཏྟཧིཔི བྷཏྟཱིཧི ཡཱཔེཏི. ཨེཀཱཧིཀམྤི ཨཱཧཱརཾ ཨཱཧཱརེཏི, དྭཱིཧིཀམྤི ཨཱཧཱརཾ ཨཱཧཱརེཏི…པེ… སཏྟཱཧིཀམྤི ཨཱཧཱརཾ ཨཱཧཱརེཏི. ཨིཏི ཨེཝརཱུཔཾ ཨཌྜྷམཱསིཀམྤི པརིཡཱཡབྷཏྟབྷོཛནཱནུཡོགམནུཡུཏྟོ ཝིཧརཏི. ཨེཝམྤི དིཊྛིསལླེན ཨོཏིཎྞོ ཝིདྡྷོ ཕུཊྛོ པརེཏོ སམོཧིཏོ སམནྣཱགཏོ དྷཱཝཏི ཝིདྷཱཝཏི སནྡྷཱཝཏི སཾསརཏི.

ཨཐ ཝཱ དིཊྛིསལླེན ཨོཏིཎྞོ ཝིདྡྷོ ཕུཊྛོ པརེཏོ སམོཧིཏོ སམནྣཱགཏོ སོ སཱཀབྷཀྑོ ཝཱ ཧོཏི, སཱམཱཀབྷཀྑོ ཝཱ ཧོཏི, ནཱིཝཱརབྷཀྑོ ཝཱ ཧོཏི, དདྡུལབྷཀྑོ ཝཱ ཧོཏི, ཧཊབྷཀྑོ ཝཱ ཧོཏི, ཀཎབྷཀྑོ ཝཱ ཧོཏི, ཨཱཙཱམབྷཀྑོ ཝཱ ¶ ཧོཏི, པིཉྙཱཀབྷཀྑོ ཝཱ ཧོཏི, ཏིལབྷཀྑོ ཝཱ ཧོཏི, ཏིཎབྷཀྑོ ཝཱ ཧོཏི, གོམཡབྷཀྑོ ཝཱ ཧོཏི, ཝནམཱུལཕལཱཧཱརོ ཡཱཔེཏི པཝཏྟཕལབྷོཛནོ. སོ སཱཎཱནིཔི དྷཱརེཏི, མསཱཎཱནིཔི ¶ དྷཱརེཏི, ཚཝདུསྶཱནིཔི དྷཱརེཏི, པཾསུཀཱུལཱནིཔི དྷཱརེཏི, ཏིརཱིཊཱནིཔི དྷཱརེཏི, ཨཛིནཱནིཔི དྷཱརེཏི, ཨཛིནཀྑིཔམྤི དྷཱརེཏི, ཀུསཙཱིརམྤི དྷཱརེཏི, ཝཱཀཙཱིརམྤི ¶ དྷཱརེཏི, ཕལཀཙཱིརམྤི དྷཱརེཏི, ཀེསཀམྦལམྤི དྷཱརེཏི, ཨུལཱུཀཔཀྑམྤི དྷཱརེཏི, ཀེསམསྶུལོཙཀོཔི ཧོཏི, ཀེསམསྶུལོཙནཱནུཡོགམནུཡུཏྟོ ཝིཧརཏི. ཨུབྦྷཊྛཀོཔི ཧོཏི ཨཱསནཔཊིཀྑིཏྟོ, ཨུཀྐུཊིཀོཔི ཧོཏི ཨུཀྐུཊིཀཔྤདྷཱནམནུཡུཏྟོ, ཀཎྚཀཱཔསྶཡིཀོ ཧོཏི, ཀཎྚཀཱཔསྶཡེ སེཡྻཾ ཀཔྤེཏི, ཕལཀསེཡྻམྤི ཀཔྤེཏི, ཐཎྜིལསེཡྻམྤི ཀཔྤེཏི, ཨེཀཱཔསྶཡིཀོ ཧོཏི རཛོཛལླདྷརོ, ཨབྦྷོཀཱསིཀོཔི ཧོཏི ཡཐཱསནྠཏིཀོ, ཝེཀཊིཀོཔི ཧོཏི ཝིཀཊབྷོཛནཱནུཡོགམནུཡུཏྟོ, ཨཔཱནཀོཔི ཧོཏི ཨཔཱནཀཏྟམནུཡུཏྟོ, སཱཡཏཏིཡཀམྤི ཨུདཀོརོཧནཱནུཡོགམནུཡུཏྟོ ཝིཧརཏི. ཨིཏི ཨེཝརཱུཔཾ ཨནེཀཝིཧིཏཾ ཀཱཡསྶ ཨཱཏཱཔནཔརིཏཱཔནཱནུཡོགམནུཡུཏྟོ ཝིཧརཏི. ཨེཝམྤི དིཊྛིསལླེན ཨོཏིཎྞོ ཝིདྡྷོ ཕུཊྛོ པརེཏོ སམོཧིཏོ སམནྣཱགཏོ དྷཱཝཏི ཝིདྷཱཝཏི སནྡྷཱཝཏི སཾསརཏི.

སོཀསལླེན ཨོཏིཎྞོ ཝིདྡྷོ ཕུཊྛོ པརེཏོ སམོཧིཏོ སམནྣཱགཏོ སོཙཏི ཀིལམཏི པརིདེཝཏི ཨུརཏྟཱལི༹ཾ ཀནྡཏི སམྨོཧཾ ཨཱཔཛྫཏི. ཝུཏྟཉྷེཏཾ བྷགཝཏཱ –

‘‘བྷཱུཏཔུབྦཾ, བྲཱཧྨཎ, ཨིམིསྶཱཡེཝ སཱཝཏྠིཡཱ ཨཉྙཏརིསྶཱ ཨིཏྠིཡཱ མཱཏཱ ཀཱལམཀཱསི. སཱ ཏསྶཱ ཀཱལཾ ཀིརིཡཱཡ ཨུམྨཏྟིཀཱ ཁིཏྟཙིཏྟཱ རཐིཡཱཡ རཐིཡཾ, སིངྒྷཱཊཀེན ¶ སིངྒྷཱཊཀཾ ཨུཔསངྐམིཏྭཱ ཨེཝམཱཧ – ‘ཨཔི མེ མཱཏརཾ ཨདྡསྶཐ, ཨཔི མེ མཱཏརཾ ཨདྡསྶཐཱ’ཏི ¶ .

‘‘བྷཱུཏཔུབྦཾ, བྲཱཧྨཎ, ཨིམིསྶཱཡེཝ སཱཝཏྠིཡཱ ཨཉྙཏརིསྶཱ ¶ ཨིཏྠིཡཱ པིཏཱ ཀཱལམཀཱསི… བྷཱཏཱ ཀཱལམཀཱསི… བྷགིནཱི ཀཱལམཀཱསི… པུཏྟོ ཀཱལམཀཱསི… དྷཱིཏཱ ཀཱལམཀཱསི… སཱམིཀོ ཀཱལམཀཱསི. སཱ ཏསྶ ཀཱལཾ ཀིརིཡཱཡ ཨུམྨཏྟིཀཱ ཁིཏྟཙིཏྟཱ རཐིཡཱཡ རཐིཡཾ, སིངྒྷཱཊཀེན སིངྒྷཱཊཀཾ ཨུཔསངྐམིཏྭཱ ཨེཝམཱཧ – ‘ཨཔི མེ སཱམིཀཾ ཨདྡསྶཐ, ཨཔི མེ སཱམིཀཾ ཨདྡསྶཐཱ’ཏི.

‘‘བྷཱུཏཔུབྦཾ, བྲཱཧྨཎ, ཨིམིསྶཱཡེཝ སཱཝཏྠིཡཱ ཨཉྙཏརསྶ པུརིསསྶ མཱཏཱ ཀཱལམཀཱསི. སོ ཏསྶཱ ཀཱལཾ ཀིརིཡཱཡ ཨུམྨཏྟཀོ ཁིཏྟཙིཏྟོ རཐིཡཱཡ རཐིཡཾ, སིངྒྷཱཊཀེན སིངྒྷཱཊཀཾ ཨུཔསངྐམིཏྭཱ ཨེཝམཱཧ – ‘ཨཔི མེ མཱཏརཾ ཨདྡསྶཐ, ཨཔི མེ མཱཏརཾ ཨདྡསྶཐཱ’ཏི.

‘‘བྷཱུཏཔུབྦཾ ¶ , བྲཱཧྨཎ, ཨིམིསྶཱཡེཝ སཱཝཏྠིཡཱ ཨཉྙཏརསྶ པུརིསསྶ པིཏཱ ཀཱལམཀཱསི… བྷཱཏཱ ཀཱལམཀཱསི… བྷགིནཱི ཀཱལམཀཱསི… པུཏྟོ ཀཱལམཀཱསི… དྷཱིཏཱ ཀཱལམཀཱསི… པཛཱཔཏི ཀཱལམཀཱསི. སོ ཏསྶཱ ཀཱལཾ ཀིརིཡཱཡ ཨུམྨཏྟཀོ ཁིཏྟཙིཏྟོ རཐིཡཱཡ རཐིཡཾ, སིངྒྷཱཊཀེན སིངྒྷཱཊཀཾ ཨུཔསངྐམིཏྭཱ ཨེཝམཱཧ – ‘ཨཔི མེ པཛཱཔཏིཾ ཨདྡསྶཐ, ཨཔི མེ པཛཱཔཏིཾ ཨདྡསྶཐཱ’ཏི.

‘‘བྷཱུཏཔུབྦཾ, བྲཱཧྨཎ, ཨིམིསྶཱཡེཝ སཱཝཏྠིཡཱ ཨཉྙཏརཱ ཨིཏྠཱི ཉཱཏིཀུལཾ ཨགམཱསི. ཏསྶཱ ཏེ ཉཱཏཀཱ སཱམིཀཾ ཨཙྪིནྡིཏྭཱ ཨཉྙསྶ དཱཏུཀཱམཱ, སཱ ཙ ནཾ ན ཨིཙྪཏི. ཨཐ ཁོ སཱ ཨིཏྠཱི སཱམིཀཾ ཨེཏདཝོཙ – ‘ཨིམེ, ཨཡྻཔུཏྟ, ཉཱཏཀཱ ཏཝ ཨཙྪིནྡིཏྭཱ ཨཉྙསྶ དཱཏུཀཱམཱ, ཨུབྷོ མཡཾ ¶ མརིསྶཱམཱ’ཏི. ཨཐ ཁོ སོ པུརིསོ ཏཾ ཨིཏྠིཾ དྭིདྷཱ ཚེཏྭཱ ཨཏྟཱནཾ ཨོཔཱཏེཏི – ‘ཨུབྷོ པེཙྩ བྷཝིསྶཱམཱ’’’ཏི. ཨེཝཾ སོཀསལླེན ཨོཏིཎྞོ ཝིདྡྷོ ཕུཊྛོ པརེཏོ སམོཧིཏོ སམནྣཱགཏོ དྷཱཝཏི ཝིདྷཱཝཏི སནྡྷཱཝཏི སཾསརཏི.

ཀཐཾཀཐཱསལླེན ཨོཏིཎྞོ ཝིདྡྷོ ཕུཊྛོ པརེཏོ སམོཧིཏོ སམནྣཱགཏོ སཾསཡཔཀྑནྡོ ཧོཏི ཝིམཏིཔཀྑནྡོ དྭེལ༹ྷཀཛཱཏོ – ‘‘ཨཧོསིཾ ནུ ཁོ ཨཧཾ ཨཏཱིཏམདྡྷཱནཾ, ནནུ ཁོ ཨཧོསིཾ ཨཏཱིཏམདྡྷཱནཾ, ཀིཾ ནུ ཁོ ཨཧོསིཾ ཨཏཱིཏམདྡྷཱནཾ, ཀཐཾ ནུ ཁོ ཨཧོསིཾ ཨཏཱིཏམདྡྷཱནཾ ¶ , ཀིཾ ཧུཏྭཱ ཀིཾ ཨཧོསིཾ ནུ ཁོ ཨཏཱིཏམདྡྷཱནཾ, བྷཝིསྶཱམི ནུ ཁོ ཨཧཾ ཨནཱགཏམདྡྷཱནཾ, ནནུ ¶ ཁོ བྷཝིསྶཱམི ཨནཱགཏམདྡྷཱནཾ, ཀིཾ ནུ ཁོ བྷཝིསྶཱམི ཨནཱགཏམདྡྷཱནཾ, ཀཐཾ ནུ ཁོ བྷཝིསྶཱམི ཨནཱགཏམདྡྷཱནཾ, ཀིཾ ཧུཏྭཱ ཀིཾ བྷཝིསྶཱམི ནུ ཁོ ཨནཱགཏམདྡྷཱནཾ, ཨེཏརཧི ཝཱ པཙྩུཔྤནྣཾ ཨདྡྷཱནཾ ཨཛ྄ཛྷཏྟཾ ཀཐཾཀཐཱི ཧོཏི, ཨཧཾ ནུ ཁོསྨི, ནོ ནུ ཁོསྨི, ཀིཾ ནུ ཁོསྨི ཀཐཾ ནུ ཁོསྨི, ཨཡཾ ནུ ཁོ སཏྟོ ཀུཏོ ཨཱགཏོ, སོ ཀུཧིཾ གཱམཱི བྷཝིསྶཏཱི’’ཏི. ཨེཝཾ ཀཐཾཀཐཱསལླེན ཨོཏིཎྞོ ཝིདྡྷོ ཕུཊྛོ པརེཏོ སམོཧིཏོ སམནྣཱགཏོ དྷཱཝཏི ཝིདྷཱཝཏི སནྡྷཱཝཏི སཾསརཏི.

ཏེ སལླེ ཨབྷིསངྑརོཏི; ཏེ སལླེ ཨབྷིསངྑརོནྟོ སལླཱབྷིསངྑཱརཝསེན པུརཏྠིམཾ དིསཾ དྷཱཝཏི, པཙྪིམཾ དིསཾ དྷཱཝཏི, ཨུཏྟརཾ དིསཾ དྷཱཝཏི, དཀྑིཎཾ དིསཾ དྷཱཝཏི. ཏེ སལླཱབྷིསངྑཱརཱ ཨཔྤཧཱིནཱ; སལླཱབྷིསངྑཱརཱནཾ ཨཔྤཧཱིནཏྟཱ གཏིཡཱ དྷཱཝཏི, ནིརཡེ དྷཱཝཏི ¶ , ཏིརཙྪཱནཡོནིཡཱ དྷཱཝཏི, པེཏྟིཝིསཡེ དྷཱཝཏི, མནུསྶལོཀེ དྷཱཝཏི, དེཝལོཀེ དྷཱཝཏི, གཏིཡཱ ¶ གཏིཾ, ཨུཔཔཏྟིཡཱ ཨུཔཔཏྟིཾ, པཊིསནྡྷིཡཱ པཊིསནྡྷིཾ, བྷཝེན བྷཝཾ, སཾསཱརེན སཾསཱརཾ, ཝཊྚེན ཝཊྚཾ དྷཱཝཏི ཝིདྷཱཝཏི སནྡྷཱཝཏི སཾསརཏཱིཏི – ཡེན སལླེན ཨོཏིཎྞོ དིསཱ སབྦཱ ཝིདྷཱཝཏི.

ཏམེཝ སལླམབྦུཡ྄ཧ, ན དྷཱཝཏི ན སཱིདཏཱིཏི. ཏམེཝ རཱགསལླཾ དོསསལླཾ མོཧསལླཾ མཱནསལླཾ དིཊྛིསལླཾ སོཀསལླཾ ཀཐཾཀཐཱསལླཾ ཨབྦུཡ྄ཧ ཨབྦུཧིཏྭཱ ཨུདྡྷརིཏྭཱ སམུདྡྷརིཏྭཱ ཨུཔྤཱཊཡིཏྭཱ སམུཔྤཱཊཡིཏྭཱ [ཨུཔྤཱདཡིཏྭཱ སམུཔྤཱདཡིཏྭཱ (སྱཱ. ཀ.)] པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམེཏྭཱ ནེཝ པུརཏྠིམཾ དིསཾ དྷཱཝཏི ན པཙྪིམཾ དིསཾ དྷཱཝཏི ན ཨུཏྟརཾ དིསཾ དྷཱཝཏི ན དཀྑིཎཾ དིསཾ དྷཱཝཏི. ཏེ སལླཱབྷིསངྑཱརཱ པཧཱིནཱ; སལླཱབྷིསངྑཱརཱནཾ པཧཱིནཏྟཱ གཏིཡཱ ན དྷཱཝཏི, ནིརཡེ ན དྷཱཝཏི, ཏིརཙྪཱནཡོནིཡཱ ན དྷཱཝཏི, པེཏྟིཝིསཡེ ན དྷཱཝཏི, མནུསྶལོཀེ ན དྷཱཝཏི, དེཝལོཀེ ན དྷཱཝཏི, ན གཏིཡཱ གཏིཾ, ན ཨུཔཔཏྟིཡཱ ཨུཔཔཏྟིཾ, ན པཊིསནྡྷིཡཱ པཊིསནྡྷིཾ, ན བྷཝེན བྷཝཾ, ན སཾསཱརེན སཾསཱརཾ, ན ཝཊྚེན ཝཊྚཾ དྷཱཝཏི ཝིདྷཱཝཏི སནྡྷཱཝཏི སཾསརཏཱིཏི – ཏམེཝ སལླམབྦུཡ྄ཧ ན དྷཱཝཏི. ན སཱིདཏཱིཏི ¶ ཀཱམོགྷེ ན སཱིདཏི, བྷཝོགྷེ ན སཱིདཏི, དིཊྛོགྷེ ན སཱིདཏི, ཨཝིཛྫོགྷེ ན སཱིདཏི, ན སཾསཱིདཏི ན ཨོསཱིདཏི ན ཨཝསཱིདཏི ན གཙྪཏི ན ཨཝགཙྪཏཱིཏི – ཏམེཝ སལླམབྦུཡ྄ཧ, ན དྷཱཝཏི ན སཱིདཏི.

‘‘ཡེན སལླེན ཨོཏིཎྞོ, དིསཱ སབྦཱ ཝིདྷཱཝཏི;

ཏམེཝ སལླམབྦུཡ྄ཧ, ན དྷཱཝཏི ན སཱིདཏཱི’’ཏི.

ཏཏྠ ¶ སིཀྑཱནུགཱིཡནྟི, ཡཱནི ལོཀེ གདྷིཏཱནི;

ན ཏེསུ པསུཏོ སིཡཱ, ནིབྦིཛ྄ཛྷ སབྦསོ ཀཱམེ;

ཏཏྠ སིཀྑཱནུགཱིཡནྟི, ཡཱནི ལོཀེ གདྷིཏཱནཱིཏི. སིཀྑཱཏི ཧཏྠིསིཀྑཱ ཨསྶསིཀྑཱ རཐསིཀྑཱ དྷནུསིཀྑཱ སཱལཱཀིཡཾ སལླཀཏྟིཡཾ ཀཱཡཏིཀིཙྪཾ བྷཱུཏིཡཾ ཀོམཱརབྷཙྩཾ [ཀོམཱརཏིཀིཙྪཾ (སྱཱ.), ཀོམཱརསཙྩཾ (ཀ.)]. ཨནུགཱིཡནྟཱིཏི གཱིཡནྟི ནིགྒཱིཡནྟི ཀཐཱིཡནྟི བྷཎཱིཡནྟི དཱིཔཱིཡནྟི ཝོཧརཱིཡནྟི. ཨཐ ཝཱ གཱིཡནྟི གཎྷཱིཡནྟི ཨུགྒཎྷཱིཡནྟི ¶ དྷཱརཱིཡནྟི ཨུཔདྷཱརཱིཡནྟི ཨུཔལཀྑཱིཡནྟི གདྷིཏཔཊིལཱབྷཱཡ. གདྷིཏཱ ཝུཙྩནྟི པཉྩ ཀཱམགུཎཱ – ཙཀྑུཝིཉྙེཡྻཱ རཱུཔཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཉྷིཏཱ རཛནཱིཡཱ, སོཏཝིཉྙེཡྻཱ སདྡཱ…པེ… གྷཱནཝིཉྙེཡྻཱ གནྡྷཱ… ཛིཝ྄ཧཱཝིཉྙེཡྻཱ རསཱ… ཀཱཡཝིཉྙེཡྻཱ ཕོཊྛབྦཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཉྷིཏཱ རཛནཱིཡཱ. ཀིཾཀཱརཎཱ གདྷིཏཱ ཝུཙྩནྟི པཉྩ ཀཱམགུཎཱ? ཡེབྷུཡྻེན དེཝམནུསྶཱ པཉྩ ཀཱམགུཎེ ཨིཙྪནྟི སཱདིཡནྟི པཏྠཡནྟི པིཧཡནྟི ཨབྷིཛཔྤནྟི ཏཾཀཱརཎཱ གདྷིཏཱ ཝུཙྩནྟི པཉྩ ཀཱམགུཎཱ. ལོཀེཏི མནུསྶལོཀེཏི – ཏཏྠ སིཀྑཱནུགཱིཡནྟི, ཡཱནི ལོཀེ གདྷིཏཱནི.

ན ཏེསུ པསུཏོ སིཡཱཏི. ཏཱསུ ཝཱ སིཀྑཱསུ ཏེསུ ཝཱ པཉྩསུ ཀཱམགུཎེསུ ན པསུཏོ སིཡཱ, ན ཏནྣིནྣོ ཨསྶ, ན ཏཔྤོཎོ, ན ཏཔྤབྦྷཱརོ, ན ཏདདྷིམུཏྟོ, ན ཏདདྷིཔཏེཡྻོཏི – ན ཏེསུ པསུཏོ སིཡཱ.

ནིབྦིཛ྄ཛྷ ¶ སབྦསོ ཀཱམེཏི. ནིབྦིཛ྄ཛྷཱཏི པཊིཝིཛ྄ཛྷིཏྭཱ. ‘‘སབྦེ སངྑཱརཱ ཨནིཙྩཱ’’ཏི པཊིཝིཛ྄ཛྷིཏྭཱ, ‘‘སབྦེ སངྑཱརཱ དུཀྑཱ’’ཏི པཊིཝིཛ྄ཛྷིཏྭཱ…པེ… ‘‘ཡཾ ཀིཉྩི སམུདཡདྷམྨཾ སབྦཾ ¶ ཏཾ ནིརོདྷདྷམྨ’’ནྟི པཊིཝིཛ྄ཛྷིཏྭཱ. སབྦསོཏི སབྦེན སབྦཾ སབྦཐཱ སབྦཾ ཨསེསཾ ནིསྶེསཾ པརིཡཱདིཡནཝཙནམེཏཾ – སབྦསོཏི. ཀཱམཱཏི ཨུདྡཱནཏོ དྭེ ཀཱམཱ – ཝཏྠུཀཱམཱ ཙ ཀིལེསཀཱམཱ ཙ…པེ… ཨིམེ ཝུཙྩནྟི ཝཏྠུཀཱམཱ…པེ… ཨིམེ ཝུཙྩནྟི ཀིལེསཀཱམཱཏི – ནིབྦིཛ྄ཛྷ སབྦསོ ཀཱམེ.

སིཀྑེ ནིབྦཱནམཏྟནོཏི. སིཀྑཱཏི ཏིསྶོ སིཀྑཱ – ཨདྷིསཱིལསིཀྑཱ, ཨདྷིཙིཏྟསིཀྑཱ, ཨདྷིཔཉྙཱསིཀྑཱ…པེ… ཨཡཾ ཨདྷིཔཉྙཱསིཀྑཱ. ནིབྦཱནམཏྟནོཏི ཨཏྟནོ རཱགསྶ ནིབྦཱཔནཱཡ དོསསྶ ནིབྦཱཔནཱཡ མོཧསྶ ནིབྦཱཔནཱཡ…པེ… སབྦཱཀུསལཱབྷིསངྑཱརཱནཾ ¶ སམཱཡ ཨུཔསམཱཡ ཝཱུཔསམཱཡ ནིབྦཱཔནཱཡ པཊིནིསྶགྒཱཡ པཊིཔསྶདྡྷིཡཱ ཨདྷིསཱིལམྤི སིཀྑེཡྻ ཨདྷིཙིཏྟམྤི སིཀྑེཡྻ ཨདྷིཔཉྙམྤི སིཀྑེཡྻ, ཨིམཱ ཏིསྶོ སིཀྑཱཡོ ཨཱཝཛྫནྟོ སིཀྑེཡྻ ཛཱནནྟོ སིཀྑེཡྻ…པེ… སཙྪིཀཱཏབྦཾ སཙྪིཀརོནྟོ སིཀྑེཡྻ ཨཱཙརེཡྻ སམཱཙརེཡྻ སམཱདཱཡ ཝཏྟེཡྻཱཏི – སིཀྑེ ནིབྦཱནམཏྟནོ.

‘‘ཏཏྠ ¶ སིཀྑཱནུགཱིཡནྟི, ཡཱནི ལོཀེ གདྷིཏཱནི;

ན ཏེསུ པསུཏོ སིཡཱ, ནིབྦིཛ྄ཛྷ སབྦསོ ཀཱམེ;

སཙྩོ ¶ སིཡཱ ཨཔྤགབྦྷོ, ཨམཱཡོ རིཏྟཔེསུཎོ;

ཨཀྐོདྷནོ ལོབྷཔཱཔཾ, ཝེཝིཙྪཾ ཝིཏརེ མུནི.

སཙྩོ སིཡཱ ཨཔྤགབྦྷོཏི. སཙྩོ སིཡཱཏི སཙྩཝཱཙཱཡ སམནྣཱགཏོ སིཡཱ, སམྨཱདིཊྛིཡཱ སམནྣཱགཏོ སིཡཱ, ཨརིཡེན ཨཊྛངྒིཀེན མགྒེན སམནྣཱགཏོ སིཡཱཏི – སཙྩོ སིཡཱ. ཨཔྤགབྦྷོཏི ཏཱིཎི པཱགབྦྷིཡཱནི – ཀཱཡིཀཾ པཱགབྦྷིཡཾ, ཝཱཙསིཀཾ པཱགབྦྷིཡཾ, ཙེཏསིཀཾ པཱགབྦྷིཡཾ…པེ… ཨིདཾ ཙེཏསིཀཾ པཱགབྦྷིཡཾ. ཡསྶིམཱནི ཏཱིཎི པཱགབྦྷིཡཱནི པཧཱིནཱནི སམུཙྪིནྣཱནི ཝཱུཔསནྟཱནི པཊིཔསྶདྡྷཱནི ¶ ཨབྷབྦུཔྤཏྟིཀཱནི ཉཱཎགྒིནཱ དཌྜྷཱནི, སོ ཝུཙྩཏི ཨཔྤགབྦྷོཏི – སཙྩོ སིཡཱ ཨཔྤགབྦྷོ.

ཨམཱཡོ རིཏྟཔེསུཎོཏི. མཱཡཱ ཝུཙྩཏི ཝཉྩནིཀཱ ཙརིཡཱ. ཨིདྷེཀཙྩོ ཀཱཡེན དུཙྩརིཏཾ ཙརིཏྭཱ ཝཱཙཱཡ དུཙྩརིཏཾ ཙརིཏྭཱ མནསཱ དུཙྩརིཏཾ ཙརིཏྭཱ ཏསྶ པཊིཙྪཱདནཧེཏུ པཱཔིཀཾ ཨིཙྪཾ པཎིདཧཏི, མཱ མཾ ཛཉྙཱཏི ཨིཙྪཏི, མཱ མཾ ཛཉྙཱཏི སངྐཔྤེཏི, མཱ མཾ ཛཉྙཱཏི ཝཱཙཾ བྷཱསཏི, མཱ མཾ ཛཉྙཱཏི ཀཱཡེན པརཀྐམཏི. ཡཱ ཨེཝརཱུཔཱ མཱཡཱ མཱཡཱཝིཏཱ ཨཙྩསརཱ ཝཉྩནཱ ནིཀཏི ནིཀིརཎཱ པརིཧརཎཱ གཱུཧནཱ པརིགཱུཧནཱ ཚཱདནཱ པརིཙྪཱདནཱ ཨནུཏྟཱནཱིཀམྨཾ ཨནཱཝིཀམྨཾ ཝོཙྪཱདནཱ པཱཔཀིརིཡཱ – ཨཡཾ ཝུཙྩཏི མཱཡཱ. ཡསྶེསཱ མཱཡཱ པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱ, སོ ཝུཙྩཏི ¶ ཨམཱཡོ. རིཏྟཔེསུཎོཏི པེསུཉྙནྟི ཨིདྷེཀཙྩོ པིསུཎཝཱཙོ ཧོཏི…པེ… ཨེཝཾ བྷེདཱདྷིཔྤཱཡེན པེསུཉྙཾ ཨུཔསཾཧརཏི. ཡསྶེཏཾ པེསུཉྙཾ པཧཱིནཾ སམུཙྪིནྣཾ ཝཱུཔསནྟཾ པཊིཔསྶདྡྷཾ ཨབྷབྦུཔྤཏྟིཀཾ ཉཱཎགྒིནཱ ¶ དཌྜྷཾ, སོ ཝུཙྩཏི རིཏྟཔེསུཎོ ཝིཝིཏྟཔེསུཎོ པཝིཝིཏྟཔེསུཎོཏི – ཨམཱཡོ རིཏྟཔེསུཎོ.

ཨཀྐོདྷནོ ལོབྷཔཱཔཾ, ཝེཝིཙྪཾ ཝིཏརེ མུནཱིཏི. ཨཀྐོདྷནོཏི ཧི ཁོ ཝུཏྟཾ, ཨཔི ཙ ཀོདྷོ ཏཱཝ ཝཏྟབྦོ. དསཧཱཀཱརེཧི ཀོདྷོ ¶ ཛཱཡཏི. ‘‘ཨནཏྠཾ མེ ཨཙརཱི’’ཏི ཀོདྷོ ཛཱཡཏི…པེ… ཡསྶེསོ ཀོདྷོ པཧཱིནོ སམུཙྪིནྣོ ཝཱུཔསནྟོ པཊིཔསྶདྡྷོ ཨབྷབྦུཔྤཏྟིཀོ ཉཱཎགྒིནཱ དཌྜྷོ, སོ ཝུཙྩཏི ཨཀྐོདྷནོ. ཀོདྷསྶ པཧཱིནཏྟཱ ཨཀྐོདྷནོ, ཀོདྷཝཏྠུསྶ པརིཉྙཱཏཏྟཱ ཨཀྐོདྷནོ, ཀོདྷཧེཏུསྶ ཨུཔཙྪིནྣཏྟཱ ཨཀྐོདྷནོ. ལོབྷོཏི ཡོ ལོབྷོ ལུབྦྷནཱ ལུབྦྷིཏཏྟཾ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཝེཝིཙྪཾ ཝུཙྩཏི པཉྩ མཙྪརིཡཱནི – ཨཱཝཱསམཙྪརིཡཾ…པེ… གཱཧོ ཝུཙྩཏི མཙྪརིཡཾ. མུནཱིཏི. མོནཾ ཝུཙྩཏི ཉཱཎཾ…པེ… སངྒཛཱལམཏིཙྩ སོ མུནི. ཨཀྐོདྷནོ ལོབྷཔཱཔཾ, ཝེཝིཙྪཾ ཝིཏརེ མུནཱིཏི. མུནི ལོབྷཔཱཔཉྩ ཝེཝིཙྪཉྩ ཨཏརི ཨུཏྟརི པཏརི སམཏིཀྐམི ཝཱིཏིཝཏྟཡཱིཏི ¶ [ཝཱིཏིཝཏྟཱིཏི (ཀ.)] – ཨཀྐོདྷནོ ལོབྷཔཱཔཾ, ཝེཝིཙྪཾ ཝིཏརེ མུནི.

‘‘སཙྩོ སིཡཱ ཨཔྤགབྦྷོ, ཨམཱཡོ རིཏྟཔེསུཎོ;

ཨཀྐོདྷནོ ལོབྷཔཱཔཾ, ཝེཝིཙྪཾ ཝིཏརེ མུནཱི’’ཏི.

ནིདྡཾ ¶ ཏནྡིཾ སཧེ ཐཱིནཾ, པམཱདེན ན སཾཝསེ;

ཨཏིམཱནེ ན ཏིཊྛེཡྻ, ནིབྦཱནམནསོ ནརོ.

ནིདྡཾ ཏནྡིཾ སཧེ ཐཱིནནྟི. ནིདྡཱཏི ཡཱ ཀཱཡསྶ ཨཀལྱཏཱ ཨཀམྨཉྙཏཱ ཨོནཱཧོ པརིཡོནཱཧོ ཨནྟོསམོརོདྷོ མིདྡྷཾ སུཔྤཾ པཙལཱཡིཀཱ སུཔྤཾ སུཔྤནཱ སུཔྤིཏཏྟཾ. ཏནྡིནྟི ཡཱ ཏནྡཱི [ཏནྡི (སཱི. སྱཱ. ཀ.)] ཏནྡིཡནཱ ཏནྡིཡིཏཏྟཾ ཏནྡིམནཀཏཱ ཨཱལསྱཾ ཨཱལསྱཱཡཏཱ ཨཱལསྱཱཡིཏཏྟཾ. ཐཱིནནྟི ཡཱ ཙིཏྟསྶ ཨཀལྱཏཱ ཨཀམྨཉྙཏཱ ཨོལཱིཡནཱ སལླཱིཡནཱ ལཱིནཾ ལཱིཡནཱ ལཱིཡིཏཏྟཾ, ཐིནཾ ཐིཡནཱ ཐིཡིཏཏྟཾ ཙིཏྟསྶ. ནིདྡཾ ཏནྡིཾ སཧེ ཐཱིནནྟི. ནིདྡཉྩ ཏནྡིཉྩ ཐིནཉྩ སཧེ སཧེཡྻ པརིསཧེཡྻ ཨབྷིབྷཝེཡྻ ཨཛ྄ཛྷོཏྠརེཡྻ པརིཡཱདིཡེཡྻ མདྡེཡྻཱཏི – ནིདྡཾ ཏནྡིཾ སཧེ ཐཱིནཾ.

པམཱདེན ན སཾཝསེཏི. པམཱདོ ཝཏྟབྦོ ཀཱཡདུཙྩརིཏེ ཝཱ ཝཙཱིདུཙྩརིཏེ ཝཱ མནོདུཙྩརིཏེ ཝཱ པཉྩསུ ཝཱ ཀཱམགུཎེསུ. ཙིཏྟསྶ ཝོསགྒོ ཝོསགྒཱནུཔྤཱདནཾ [ཝོསྶགྒོ ཝོསྶགྒཱནུཔྤཱདནཾ (བཧཱུསུ)] ཝཱ ཀུསལཱནཾ ཝཱ ¶ དྷམྨཱནཾ བྷཱཝནཱཡ ཨསཀྐཙྩཀིརིཡཏཱ ཨསཱཏཙྩཀིརིཡཏཱ ཨནཊྛིཏཀིརིཡཏཱ ཨོལཱིནཝུཏྟིཏཱ ནིཀྑིཏྟཙྪནྡཏཱ ནིཀྑིཏྟདྷུརཏཱ ཨནཱསེཝནཱ ཨབྷཱཝནཱ ཨབཧུལཱིཀམྨཾ ཨནདྷིཊྛཱནཾ ཨནནུཡོགོ པམཱདོ. ཡོ ཨེཝརཱུཔོ པམཱདོ པམཛྫནཱ པམཛྫིཏཏྟཾ ¶ – ཨཡཾ ཝུཙྩཏི པམཱདོ. པམཱདེན ན སཾཝསེཏི པམཱདེན ན ཝསེཡྻ ན སཾཝསེཡྻ ན ཨཱཝསེཡྻ ན པརིཝསེཡྻ, པམཱདཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, པམཱདཱ ཨཱརཏོ ཨསྶ ¶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – པམཱདེན ན སཾཝསེ.

ཨཏིམཱནེ ¶ ན ཏིཊྛེཡྻཱཏི. ཨཏིམཱནོཏི ཨིདྷེཀཙྩོ པརཾ ཨཏིམཉྙཏི ཛཱཏིཡཱ ཝཱ གོཏྟེན ཝཱ…པེ… ཨཉྙཏརཉྙཏརེན ཝཱ ཝཏྠུནཱ. ཡོ ཨེཝརཱུཔོ མཱནོ མཉྙནཱ མཉྙིཏཏྟཾ ཨུནྣཏི ཨུནྣམོ དྷཛོ སམྤགྒཱཧོ ཀེཏུཀམྱཏཱ ཙིཏྟསྶ – ཨཡཾ ཝུཙྩཏི ཨཏིམཱནོ. ཨཏིམཱནེ ན ཏིཊྛེཡྻཱཏི. ཨཏིམཱནེ ན ཏིཊྛེཡྻ ན སཾཏིཊྛེཡྻ, ཨཏིམཱནཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, ཨཏིམཱནཱ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – ཨཏིམཱནེ ན ཏིཊྛེཡྻ.

ནིབྦཱནམནསོ ནརོཏི. ཨིདྷེཀཙྩོ དཱནཾ དེནྟོ སཱིལཾ སམཱདིཡནྟོ ཨུཔོསཐཀམྨཾ ཀརོནྟོ པཱནཱིཡཾ པརིབྷོཛནཱིཡཾ ཨུཔཊྛཔེནྟོ པརིཝེཎཾ སམྨཛྫནྟོ ཙེཏིཡཾ ཝནྡནྟོ ཙེཏིཡེ གནྡྷམཱལཾ ཨཱརོཔེནྟོ ཙེཏིཡཾ པདཀྑིཎཾ ཀརོནྟོ ཡཾ ཀིཉྩི ཏེདྷཱཏུཀཾ ཀུསལཱབྷིསངྑཱརཾ ཨབྷིསངྑརོནྟོ ན གཏིཧེཏུ ན ཨུཔཔཏྟིཧེཏུ ན པཊིསནྡྷིཧེཏུ ན བྷཝཧེཏུ ན སཾསཱརཧེཏུ ན ཝཊྚཧེཏུ, སབྦཾ ཏཾ ཝིསཾཡོགཱདྷིཔྤཱཡོ ནིབྦཱནནིནྣོ ནིབྦཱནཔོཎོ ནིབྦཱནཔབྦྷཱརོ ཨབྷིསངྑརོཏཱིཏི. ཨེཝམྤི ནིབྦཱནམནསོ ནརོ. ཨཐ ཝཱ སབྦསངྑཱརདྷཱཏུཡཱ ཙིཏྟཾ པཊིཝཱཔེཏྭཱ [པཊིཝཱསེཏྭཱ (ཀ.)] ཨམཏཱཡ དྷཱཏུཡཱ ཙིཏྟཾ ཨུཔསཾཧརཏི – ‘‘ཨེཏཾ སནྟཾ ¶ ཨེཏཾ པཎཱིཏཾ ཡདིདཾ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཀྑཡོ ཝིརཱགོ ནིརོདྷོ ནིབྦཱན’’ནྟི. ཨེཝམྤི ནིབྦཱནམནསོ ནརོ.

‘‘ན པཎྜིཏཱ ཨུཔདྷིསུཁསྶ ཧེཏུ, དདནྟི དཱནཱནི པུནབྦྷཝཱཡ;

ཀཱམཉྩ ཏེ ཨུཔདྷིཔརིཀྑཡཱཡ, དདནྟི དཱནཾ ཨཔུནབྦྷཝཱཡ.

‘‘ན ¶ པཎྜིཏཱ ཨུཔདྷིསུཁསྶ ཧེཏུ, བྷཱཝེནྟི ཛྷཱནཱནི པུནབྦྷཝཱཡ;

ཀཱམཉྩ ཏེ ཨུཔདྷིཔརིཀྑཡཱཡ, བྷཱཝེནྟི ཛྷཱནཾ ཨཔུནབྦྷཝཱཡ.

‘‘ཏེ ¶ ¶ ནིབྦུཏྟིཾ ཨཱསིསམཱནསཱ [ཨཱསིཾསམཱནཱ (སཱི.), ཨབྷིམཱནཱ (སྱཱ.)] དདནྟི, ཏནྣིནྣཙིཏྟཱ [ཏནྣིནྣཱ ཏཉྩིཏྟཱ (ཀ.)] ཏདདྷིམུཏྟཱ;

ནཛྫོ ཡཐཱ སཱགརམཛ྄ཛྷུཔེཏཱ [སཱགརམཛ྄ཛྷགཏཱ (སྱཱ.)], བྷཝནྟི ནིབྦཱནཔརཱཡནཱ ཏེ’’ཏི.

‘‘ནིདྡཾ ཏནྡི སཧེ ཐཱིནཾ, པམཱདེན ན སཾཝསེ;

ཨཏིམཱནེ ན ཏིཊྛེཡྻ, ནིབྦཱནམནསོ ནརོ’’ཏི.

མོསཝཛྫེ ན ནིཡྻེཐ, [ནཱིཡེཐ (ཀ.)] རཱུཔེ སྣེཧཾ ན ཀུབྦཡེ;

མཱནཉྩ པརིཛཱནེཡྻ, སཱཧསཱ ཝིརཏོ ཙརེ.

མོསཝཛྫེ ¶ ན ནིཡྻེཐཱཏི. མོསཝཛྫཾ ཝུཙྩཏི མུསཱཝཱདོ. ཨིདྷེཀཙྩོ སབྷགྒཏོ ཝཱ པརིསགྒཏོ ཝཱ ཉཱཏིམཛ྄ཛྷགཏོ ཝཱ པཱུགམཛ྄ཛྷགཏོ ཝཱ རཱཛཀུལམཛ྄ཛྷགཏོ ཝཱ ཨབྷིནཱིཏོ སཀྑིཔུཊྛོ – ‘‘ཨེཧམྦྷོ པུརིས, ཡཾ ཛཱནཱསི ཏཾ ཝདེཧཱི’’ཏི, སོ ཨཛཱནཾ ཝཱ ཨཱཧ – ‘‘ཛཱནཱམཱི’’ཏི, ཛཱནཾ ཝཱ ཨཱཧ – ‘‘ན ཛཱནཱམཱི’’ཏི, ཨཔསྶཾ ཝཱ ཨཱཧ – ‘‘པསྶཱམཱི’’ཏི, པསྶཾ ཝཱ ཨཱཧ – ‘‘ན པསྶཱམཱི’’ཏི. ཨིཏི ཨཏྟཧེཏུ ཝཱ པརཧེཏུ ཝཱ ཨཱམིསཀིཉྩིཀྑཧེཏུ ཝཱ སམྤཛཱནམུསཱ བྷཱསིཏཱ ཧོཏི – ཨིདཾ ཝུཙྩཏི མོསཝཛྫཾ. ཨཔི ཙ ཏཱིཧཱཀཱརེཧི…པེ… ཙཏཱུཧཱཀཱརེཧི… པཉྩཧཱཀཱརེཧི… ཚཧཱཀཱརེཧི… སཏྟཧཱཀཱརེཧི… ཨཊྛཧཱཀཱརེཧི…པེ… ཨིམེཧི ཨཊྛཧཱཀཱརེཧི མུསཱཝཱདོ ཧོཏི. མོསཝཛྫེ ན ནིཡྻེཐཱཏི. མོསཝཛྫེ ན ཡཱཡེཡྻ ན ནིཡྻཱཡེཡྻ ན ཝཧེཡྻ ན སཾཧརེཡྻ, མོསཝཛྫཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, མོསཝཛྫཱ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – མོསཝཛྫེ ན ནིཡྻེཐ.

རཱུཔེ ¶ སྣེཧཾ ན ཀུབྦཡེཏི. རཱུཔནྟི ཙཏྟཱརོ ཙ མཧཱབྷཱུཏཱ ¶ , ཙཏུནྣཉྩ མཧཱབྷཱུཏཱནཾ ཨུཔཱདཱཡ རཱུཔཾ. རཱུཔེ སྣེཧཾ ན ཀུབྦཡེཏི. རཱུཔེ སྣེཧཾ ན ཀརེཡྻ ཚནྡཾ ན ཀརེཡྻ པེམཾ ན ཀརེཡྻ རཱགཾ ན ཀརེཡྻ ན ཛནེཡྻ ན སཉྫནེཡྻ ན ནིབྦཏྟེཡྻ ནཱབྷིནིབྦཏྟེཡྻཱཏི – རཱུཔེ སྣེཧཾ ན ཀུབྦཡེ.

མཱནཉྩ ¶ པརིཛཱནེཡྻཱཏི. མཱནོཏི ཨེཀཝིདྷེན མཱནོ – ཡཱ ཙིཏྟསྶ ¶ ཨུནྣཏི. དུཝིདྷེན མཱནོ – ཨཏྟུཀྐཾསནམཱནོ, པརཝམྦྷནམཱནོ. ཏིཝིདྷེན མཱནོ – ‘‘སེཡྻོཧམསྨཱི’’ཏི མཱནོ, ‘‘སདིསོཧམསྨཱི’’ཏི མཱནོ, ‘‘ཧཱིནོཧམསྨཱི’’ཏི མཱནོ. ཙཏུཝིདྷེན མཱནོ – ལཱབྷེན མཱནཾ ཛནེཏི, ཡསེན མཱནཾ ཛནེཏི, པསཾསཱཡ མཱནཾ ཛནེཏི, སུཁེན མཱནཾ ཛནེཏི. པཉྩཝིདྷེན མཱནོ – ‘‘ལཱབྷིམྷི མནཱཔིཀཱནཾ རཱུཔཱན’’ནྟི མཱནཾ ཛནེཏི, ‘‘ལཱབྷིམྷི མནཱཔིཀཱནཾ སདྡཱནཾ…པེ… གནྡྷཱནཾ… རསཱནཾ… ཕོཊྛབྦཱན’’ནྟི མཱནཾ ཛནེཏི. ཚབྦིདྷེན མཱནོ – ཙཀྑུསམྤདཱཡ མཱནཾ ཛནེཏི, སོཏསམྤདཱཡ…པེ… གྷཱནསམྤདཱཡ… ཛིཝ྄ཧཱསམྤདཱཡ… ཀཱཡསམྤདཱཡ… མནོསམྤདཱཡ མཱནཾ ཛནེཏི. སཏྟཝིདྷེན མཱནོ – ཨཏིམཱནོ, མཱནཱཏིམཱནོ, ཨོམཱནོ, སདིསམཱནོ, ཨདྷིམཱནོ, ཨསྨིམཱནོ, མིཙྪཱམཱནོ. ཨཊྛཝིདྷེན མཱནོ – ལཱབྷེན མཱནཾ ཛནེཏི, ཨལཱབྷེན ཨོམཱནཾ ཛནེཏི, ཡསེན མཱནཾ ཛནེཏི, ཨཡསེན ཨོམཱནཾ ཛནེཏི, པསཾསཱཡ མཱནཾ ཛནེཏི, ནིནྡཱཡ ཨོམཱནཾ ཛནེཏི, སུཁེན མཱནཾ ཛནེཏི, དུཀྑེན ཨོམཱནཾ ཛནེཏི. ནཝཝིདྷེན མཱནོ – སེཡྻསྶ ‘‘སེཡྻོཧམསྨཱི’’ཏི མཱནོ, སེཡྻསྶ ‘‘སདིསོཧམསྨཱི’’ཏི མཱནོ, སེཡྻསྶ ‘‘ཧཱིནོཧམསྨཱི’’ཏི མཱནོ, སདིསསྶ ‘‘སེཡྻོཧམསྨཱི’’ཏི མཱནོ, སདིསསྶ ‘‘སདིསོཧམསྨཱི’’ཏི མཱནོ, སདིསསྶ ‘‘ཧཱིནོཧམསྨཱི’’ཏི མཱནོ, ཧཱིནསྶ ‘‘སེཡྻོཧམསྨཱི’’ཏི མཱནོ, ཧཱིནསྶ ‘‘སདིསོཧམསྨཱི’’ཏི མཱནོ, ཧཱིནསྶ ‘‘ཧཱིནོཧམསྨཱི’’ཏི མཱནོ. དསཝིདྷེན མཱནོ – ཨིདྷེཀཙྩོ མཱནཾ ཛནེཏི ཛཱཏིཡཱ ཝཱ གོཏྟེན ཝཱ…པེ… ཨཉྙཏརཉྙཏརེན ཝཱ ཝཏྠུནཱ. ཡོ ¶ ཨེཝརཱུཔོ མཱནོ མཉྙནཱ མཉྙིཏཏྟཾ ཨུནྣཏི ཨུནྣམོ དྷཛོ སམྤགྒཱཧོ ཀེཏུཀམྱཏཱ ཙིཏྟསྶ – ཨཡཾ ཝུཙྩཏི མཱནོ.

མཱནཉྩ པརིཛཱནེཡྻཱཏི. མཱནཾ ཏཱིཧི པརིཉྙཱཧི པརིཛཱནེཡྻ – ཉཱཏཔརིཉྙཱཡ, ཏཱིརཎཔརིཉྙཱཡ, པཧཱནཔརིཉྙཱཡ. ཀཏམཱ ¶ ཉཱཏཔརིཉྙཱ? མཱནཾ ཛཱནཱཏི ཨཡཾ ཨེཀཝིདྷེན མཱནོ – ཡཱ ཙིཏྟསྶ ཨུནྣཏི. ཨཡཾ དུཝིདྷེན མཱནོ – ཨཏྟུཀྐཾསནམཱནོ པརཝམྦྷནམཱནོ…པེ… ཨཡཾ དསཝིདྷེན མཱནོ ¶ – ཨིདྷེཀཙྩོ མཱནཾ ཛནེཏི ཛཱཏིཡཱ ཝཱ གོཏྟེན ཝཱ…པེ… ཨཉྙཏརཉྙཏརེན ཝཱ ཝཏྠུནཱཏི ཛཱནཱཏི པསྶཏི – ཨཡཾ ཉཱཏཔརིཉྙཱ.

ཀཏམཱ ཏཱིརཎཔརིཉྙཱ? ཨེཏཾ ཉཱཏཾ ཀཏྭཱ མཱནཾ ཏཱིརེཏི ཨནིཙྩཏོ དུཀྑཏོ…པེ… ནིསྶརཎཏོ ཏཱིརེཏི – ཨཡཾ ཏཱིརཎཔརིཉྙཱ.

ཀཏམཱ པཧཱནཔརིཉྙཱ? ཨེཝཾ ཏཱིརཡིཏྭཱ མཱནཾ པཛཧཏི ཝིནོདེཏི བྱནྟིཾ ཀརོཏི ཨནབྷཱཝཾ ¶ གམེཏི – ཨཡཾ པཧཱནཔརིཉྙཱ. མཱནཉྩ པརིཛཱནེཡྻཱཏི མཱནཾ ཨིམཱཧི ཏཱིཧི པརིཉྙཱཧི པརིཛཱནེཡྻཱཏི – མཱནཉྩ པརིཛཱནེཡྻ.

སཱཧསཱ ཝིརཏོ ཙརེཏི. ཀཏམཱ སཱཧསཱ ཙརིཡཱ? རཏྟསྶ རཱགཙརིཡཱ སཱཧསཱ ཙརིཡཱ, དུཊྛསྶ དོསཙརིཡཱ སཱཧསཱ ཙརིཡཱ, མཱུལ༹ྷསྶ མོཧཙརིཡཱ སཱཧསཱ ཙརིཡཱ, ཝིནིབདྡྷསྶ མཱནཙརིཡཱ སཱཧསཱ ཙརིཡཱ, པརཱམཊྛསྶ དིཊྛིཙརིཡཱ སཱཧསཱ ཙརིཡཱ, ཝིཀྑེཔགཏསྶ ཨུདྡྷཙྩཙརིཡཱ སཱཧསཱ ཙརིཡཱ, ཨནིཊྛངྒཏསྶ ཝིཙིཀིཙྪཱཙརིཡཱ སཱཧསཱ ཙརིཡཱ, ཐཱམགཏསྶ ཨནུསཡཙརིཡཱ སཱཧསཱ ཙརིཡཱ – ཨཡཾ སཱཧསཱ ཙརིཡཱ. སཱཧསཱ ཝིརཏོ ¶ ཙརེཏི སཱཧསཱ ཙརིཡཱཡ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻ ཙརེཡྻ ཝིཙརེཡྻ ཨིརིཡེཡྻ ཝཏྟེཡྻ པཱལེཡྻ ཡཔེཡྻ ཡཱཔེཡྻཱཏི – སཱཧསཱ ཝིརཏོ ཙརེ.

‘‘མོསཝཛྫེ ན ནིཡྻེཐ, རཱུཔེ སྣེཧཾ ན ཀུབྦཡེ;

མཱནཉྩ པརིཛཱནེཡྻ, སཱཧསཱ ཝིརཏོ ཙརེ’’ཏི.

པུརཱཎཾ ནཱབྷིནནྡེཡྻ, ནཝེ ཁནྟིཾ ན ཀུབྦཡེ [ཁནྟིམཀུབྦཡེ (བཧཱུསུ)] ;

ཧཱིཡམཱནེ ན སོཙེཡྻ, ཨཱཀཱསཾ [ཨཱཀསྶཾ (སྱཱ.)] ན སིཏོ སིཡཱ.

པུརཱཎཾ ¶ ནཱབྷིནནྡེཡྻཱཏི. པུརཱཎཾ ཝུཙྩཏི ཨཏཱིཏཱ རཱུཔཝེདནཱསཉྙཱསངྑཱརཝིཉྙཱཎཱ. ཨཏཱིཏེ སངྑཱརེ ཏཎྷཱཝསེན དིཊྛིཝསེན ནཱབྷིནནྡེཡྻ ནཱབྷིཝདེཡྻ ན ཨཛ྄ཛྷོསེཡྻ, ཨབྷིནནྡནཾ ཨབྷིཝདནཾ ཨཛ྄ཛྷོསཱནཾ གཱཧཾ པརཱམཱསཾ ¶ ཨབྷིནིཝེསཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻཱཏི – པུརཱཎཾ ནཱབྷིནནྡེཡྻ.

ནཝེ ཁནྟིཾ ན ཀུབྦཡེཏི. ནཝཱ ཝུཙྩཏི པཙྩུཔྤནྣཱ རཱུཔཝེདནཱསཉྙཱསངྑཱརཝིཉྙཱཎཱ. པཙྩུཔྤནྣེ སངྑཱརེ ཏཎྷཱཝསེན དིཊྛིཝསེན ཁནྟིཾ ན ཀརེཡྻ ཚནྡཾ ན ཀརེཡྻ པེམཾ ན ཀརེཡྻ རཱགཾ ན ཀརེཡྻ ན ཛནེཡྻ ན སཉྫནེཡྻ ན ནིབྦཏྟེཡྻ ནཱབྷིནིབྦཏྟེཡྻཱཏི – ནཝེ ཁནྟིཾ ན ཀུབྦཡེ.

ཧཱིཡམཱནེ ¶ ན སོཙེཡྻཱཏི. ཧཱིཡམཱནེ ཧཱཡམཱནེ པརིཧཱཡམཱནེ ¶ ཝེམཱནེ ཝིགཙྪམཱནེ ཨནྟརདྷཱཡམཱནེ ན སོཙེཡྻ ན ཀིལམེཡྻ ན པརཱམསེཡྻ ན པརིདེཝེཡྻ ན ཨུརཏྟཱལི༹ཾ ཀནྡེཡྻ ན སམྨོཧཾ ཨཱཔཛྫེཡྻ. ཙཀྑུསྨིཾ ཧཱིཡམཱནེ ཧཱཡམཱནེ པརིཧཱཡམཱནེ ཝེམཱནེ ཝིགཙྪམཱནེ ཨནྟརདྷཱཡམཱནེ, སོཏསྨིཾ…པེ… གྷཱནསྨིཾ… ཛིཝ྄ཧཱཡ… ཀཱཡསྨིཾ… རཱུཔསྨིཾ… སདྡསྨིཾ… གནྡྷསྨིཾ… རསསྨིཾ… ཕོཊྛབྦསྨིཾ… ཀུལསྨིཾ… གཎསྨིཾ… ཨཱཝཱསསྨིཾ… ལཱབྷསྨིཾ… ཡསསྨིཾ… པསཾསཱཡ… སུཁསྨིཾ… ཙཱིཝརསྨིཾ… པིཎྜཔཱཏསྨིཾ… སེནཱསནསྨིཾ… གིལཱནཔཙྩཡབྷེསཛྫཔརིཀྑཱརསྨིཾ ཧཱིཡམཱནེ ཧཱཡམཱནེ པརིཧཱཡམཱནེ ཝེམཱནེ ཝིགཙྪམཱནེ ཨནྟརདྷཱཡམཱནེ ན སོཙེཡྻ ན ཀིལམེཡྻ ན པརཱམསེཡྻ ན པརིདེཝེཡྻ ན ཨུརཏྟཱལི༹ཾ ཀནྡེཡྻ ན སམྨོཧཾ ཨཱཔཛྫེཡྻཱཏི – ཧཱིཡམཱནེ ན སོཙེཡྻ.

ཨཱཀཱསཾ ན སིཏོ སིཡཱཏི. ཨཱཀཱསཾ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཀིཾཀཱརཎཱ ཨཱཀཱསཾ ཝུཙྩཏི ཏཎྷཱ? ཡཱཡ ཏཎྷཱཡ རཱུཔཾ ཨཱཀསྶཏི སམཱཀསྶཏི གཎྷཱཏི པརཱམསཏི ཨབྷིནིཝིསཏི, ཝེདནཾ…པེ… སཉྙཾ… སངྑཱརེ… ཝིཉྙཱཎཾ… གཏིཾ… ཨུཔཔཏྟིཾ… པཊིསནྡྷིཾ… བྷཝཾ… སཾསཱརཾ… ཝཊྚཾ ཨཱཀསྶཏི སམཱཀསྶཏི གཎྷཱཏི པརཱམསཏི ཨབྷིནིཝིསཏི; ཏཾཀཱརཎཱ ཨཱཀཱསཾ ཝུཙྩཏི ཏཎྷཱ. ཨཱཀཱསཾ ན སིཏོ སིཡཱཏི. ཏཎྷཱནིསྶིཏོ ན སིཡཱ. ཏཎྷཾ ¶ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, ཏཎྷཱཡ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ¶ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – ཨཱཀཱསཾ ན སིཏོ སིཡཱ.

‘‘པུརཱཎཾ ནཱབྷིནནྡེཡྻ, ནཝེ ཁནྟིཾ ན ཀུབྦཡེ;

ཧཱིཡམཱནེ ན སོཙེཡྻ, ཨཱཀཱསཾ ན སིཏོ སིཡཱ’’ཏི.

གེདྷཾ ¶ བྲཱུམི མཧོགྷོཏི, ཨཱཛཝཾ [ཨཱཙམཾ (སྱཱ. ཀ.)] བྲཱུམི ཛཔྤནཾ;

ཨཱརམྨཎཾ པཀམྤནཾ, [པཀཔྤནཾ (སྱཱ. ཀ.)] ཀཱམཔངྐོ དུརཙྩཡོ.

གེདྷཾ བྲཱུམི མཧོགྷོཏཱིཏི. གེདྷོ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. མཧོགྷོ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. གེདྷཾ བྲཱུམི མཧོགྷོཏཱིཏི. གེདྷཾ ‘‘མཧོགྷོ’’ཏི བྲཱུམི ཨཱཙིཀྑཱམི དེསེམི པཉྙཔེམི པཊྛཔེམི ཝིཝརཱམི ཝིབྷཛཱམི ཨུཏྟཱནཱིཀརོམི པཀཱསེམཱིཏི – གེདྷཾ བྲཱུམི མཧོགྷོཏི.

ཨཱཛཝཾ ¶ བྲཱུམི ཛཔྤནནྟི. ཨཱཛཝཱ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཛཔྤནཱཔི ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཨཱཛཝཾ བྲཱུམི ཛཔྤནནྟི ཨཱཛཝཾ ‘‘ཛཔྤནཱ’’ཏི བྲཱུམི ཨཱཙིཀྑཱམི…པེ… ཨུཏྟཱནཱིཀརོམི པཀཱསེམཱིཏི – ཨཱཛཝཾ བྲཱུམི ཛཔྤནཾ.

ཨཱརམྨཎཾ པཀམྤནནྟི. ཨཱརམྨཎམྤི ཝུཙྩཏི ཏཎྷཱ. ཡོ ¶ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. པཀམྤནཱཔི ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལནྟི – ཨཱརམྨཎཾ པཀམྤནཾ.

ཀཱམཔངྐོ དུརཙྩཡོཏི. ཀཱམཔངྐོ ཀཱམཀདྡམོ ཀཱམཀིལེསོ ཀཱམཔལིཔོ ཀཱམཔལིབོདྷོ [ཀཱམཔལིརོདྷོ (སཱི. ཀ.)] དུརཙྩཡོ དུརཏིཝཏྟོ དུཏྟརོ དུཔྤཏརོ དུསྶམཏིཀྐམོ དུབྦཱིཏིཝཏྟོཏི – ཀཱམཔངྐོ དུརཙྩཡོ.

‘‘གེདྷཾ ¶ བྲཱུམི མཧོགྷོཏི, ཨཱཛཝཾ བྲཱུམི ཛཔྤནཾ;

ཨཱརམྨཎཾ པཀམྤནཾ, ཀཱམཔངྐོ དུརཙྩཡོ’’ཏི.

སཙྩཱ ཨཝོཀྐམཾ མུནི, ཐལེ ཏིཊྛཏི བྲཱཧྨཎོ;

སབྦཾ སོ པཊིནིསྶཛྫ, ས ཝེ སནྟོཏི ཝུཙྩཏི.

སཙྩཱ ཨཝོཀྐམཾ མུནཱིཏི. སཙྩཝཱཙཱཡ ཨཝོཀྐམནྟོ, སམྨཱདིཊྛིཡཱ ཨཝོཀྐམནྟོ, ཨརིཡཱ ཨཊྛངྒིཀཱ མགྒཱ ཨཝོཀྐམནྟོ. མུནཱིཏི. མོནཾ ཝུཙྩཏི ཉཱཎཾ…པེ… སངྒཛཱལམཏིཙྩ སོ མུནཱིཏི – སཙྩཱ ཨཝོཀྐམཾ མུནི.

ཐལེ ¶ ཏིཊྛཏི བྲཱཧྨཎོཏི. ཐལཾ ཝུཙྩཏི ཨམཏཾ ནིབྦཱནཾ. ཡོ སོ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཀྑཡོ ཝིརཱགོ ནིརོདྷོ ནིབྦཱནཾ. བྲཱཧྨཎོཏི སཏྟནྣཾ དྷམྨཱནཾ བཱཧིཏཏྟཱ བྲཱཧྨཎོ…པེ… ཨསིཏོ ཏཱདི པཝུཙྩཏེ ས བྲཧྨཱ. ཐལེ ཏིཊྛཏི བྲཱཧྨཎོཏི. ཐལེ ཏིཊྛཏི དཱིཔེ ཏིཊྛཏི ཏཱཎེ ¶ ཏིཊྛཏི ལེཎེ ཏིཊྛཏི སརཎེ ཏིཊྛཏི ཨབྷཡེ ཏིཊྛཏི ཨཙྩུཏེ ཏིཊྛཏི ཨམཏེ ཏིཊྛཏི ནིབྦཱནེ ཏིཊྛཏཱིཏི – ཐལེ ཏིཊྛཏི བྲཱཧྨཎོ.

སབྦཾ སོ པཊིནིསྶཛྫཱཏི. སབྦཾ ཝུཙྩཏི དྭཱདསཱཡཏནཱནི – ཙཀྑུ ཙེཝ རཱུཔཱ ཙ ¶ …པེ… མནོ ཙེཝ དྷམྨཱ ཙ. ཡཏོ ཨཛ྄ཛྷཏྟིཀབཱཧིརེསུ ཨཱཡཏནེསུ ཚནྡརཱགོ པཧཱིནོ ཧོཏི ཨུཙྪིནྣམཱུལོ ཏཱལཱཝཏྠུཀཏོ ཨནབྷཱཝཾཀཏོ ཨཱཡཏིཾ ཨནུཔྤཱདདྷམྨོ, ཨེཏྟཱཝཏཱཔི སབྦཾ ཙཏྟཾ ཧོཏི ཝནྟཾ མུཏྟཾ པཧཱིནཾ པཊིནིསྶཊྛཾ. ཡཏོ ཏཎྷཱ ཙ དིཊྛི ཙ མཱནོ ཙ པཧཱིནཱ ཧོནྟི ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ, ཨེཏྟཱཝཏཱཔི སབྦཾ ཙཏྟཾ ཧོཏི ཝནྟཾ མུཏྟཾ པཧཱིནཾ པཊིནིསྶཊྛཾ. ཡཏོ པུཉྙཱབྷིསངྑཱརོ ཙ ཨཔུཉྙཱབྷིསངྑཱརོ ཙ ཨཱནེཉྫཱབྷིསངྑཱརོ ཙ པཧཱིནཱ ཧོནྟི ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ ¶ , ཨེཏྟཱཝཏཱཔི སབྦཾ ཙཏྟཾ ཧོཏི ཝནྟཾ མུཏྟཾ པཧཱིནཾ པཊིནིསྶཊྛནྟི – སབྦཾ སོ པཊིནིསྶཛྫ.

ས ཝེ སནྟོཏི ཝུཙྩཏཱིཏི. སོ སནྟོ ཨུཔསནྟོ ཝཱུཔསནྟོ ནིབྦུཏོ པཊིཔསྶདྡྷོཏི ཝུཙྩཏི ཀཐཱིཡཏི བྷཎཱིཡཏི དཱིཔཱིཡཏི ཝོཧརཱིཡཏཱིཏི – ས ཝེ སནྟོཏི ཝུཙྩཏི.

‘‘སཙྩཱ ཨཝོཀྐམཾ མུནི, ཐལེ ཏིཊྛཏི བྲཱཧྨཎོ;

སབྦཾ སོ པཊིནིསྶཛྫ, ས ཝེ སནྟོཏི ཝུཙྩཏཱི’’ཏི.

ས ¶ ཝེ ཝིདྭཱ [ཝིདྡྷཱ (སྱཱ.)] ས ཝེདགཱུ, ཉཏྭཱ དྷམྨཾ ཨནིསྶིཏོ;

སམྨཱ སོ ལོཀེ ཨིརིཡཱནོ, ན པིཧེཏཱིདྷ ཀསྶཙི.

ས ཝེ ཝིདྭཱ ས ཝེདགཱུཏི. ཝིདྭཱཏི ཝིདྭཱ ཝིཛྫཱགཏོ ཉཱཎཱི ཝིབྷཱཝཱི མེདྷཱཝཱི. ཝེདགཱུཏི. ཝེདཱ ཝུཙྩནྟི ཙཏཱུསུ མགྒེསུ ཉཱཎཾ…པེ… སབྦཝེདནཱསུ ཝཱིཏརཱགོ སབྦཝེདམཏིཙྩ ཝེདགཱུ སོཏི – ས ཝེ ཝིདྭཱ ས ཝེདགཱུ.

ཉཏྭཱ ¶ དྷམྨཾ ཨནིསྶིཏོཏི. ཉཏྭཱཏི ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ. ‘‘སབྦེ སངྑཱརཱ ཨནིཙྩཱ’’ཏི ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ, ‘‘སབྦེ སངྑཱརཱ དུཀྑཱ’’ཏི…པེ… ‘‘ཡཾ ཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨ’’ནྟི ཉཏྭཱ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ. ཨནིསྶིཏོཏི དྭེ ནིསྶཡཱ – ཏཎྷཱནིསྶཡོ ཙ དིཊྛིནིསྶཡོ ཙ…པེ… ཨཡཾ ཏཎྷཱནིསྶཡོ…པེ… ཨཡཾ དིཊྛིནིསྶཡོ. ཏཎྷཱནིསྶཡཾ པཧཱཡ དིཊྛིནིསྶཡཾ པཊིནིསྶཛྫིཏྭཱ ཙཀྑུཾ ཨནིསྶིཏོ… སོཏཾ ཨནིསྶིཏོ… གྷཱནཾ ཨནིསྶིཏོ…པེ… དིཊྛསུཏམུཏཝིཉྙཱཏབྦེ ¶ དྷམྨེ ཨནིསྶིཏོ ཨནལླཱིནོ ཨནུཔགཏོ ཨནཛ྄ཛྷོསིཏོ ཨནདྷིམུཏྟོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏཱིཏི – ཉཏྭཱ དྷམྨཾ ཨནིསྶིཏོ.

སམྨཱ སོ ལོཀེ ཨིརིཡཱནོཏི. ཡཏོ ཨཛ྄ཛྷཏྟིཀབཱཧིརེསུ ཨཱཡཏནེསུ ཚནྡརཱགོ པཧཱིནོ ཧོཏི ཨུཙྪིནྣམཱུལོ ཏཱལཱཝཏྠུཀཏོ ཨནབྷཱཝཾཀཏོ ¶ ཨཱཡཏིཾ ཨནུཔྤཱདདྷམྨོ, ཨེཏྟཱཝཏཱཔི སམྨཱ ¶ སོ ལོཀེ ཙརཏི ཝིཧརཏི ཨིརིཡཏི ཝཏྟཏི པཱལེཏི ཡཔེཏི ཡཱཔེཏི…པེ… ཡཏོ པུཉྙཱབྷིསངྑཱརོ ཙ ཨཔུཉྙཱབྷིསངྑཱརོ ཙ ཨཱནེཉྫཱབྷིསངྑཱརོ ཙ པཧཱིནཱ ཧོནྟི ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ, ཨེཏྟཱཝཏཱཔི སམྨཱ སོ ལོཀེ ཙརཏི ཝིཧརཏི ཨིརིཡཏི ཝཏྟཏི པཱལེཏི ཡཔེཏི ཡཱཔེཏཱིཏི – སམྨཱ སོ ལོཀེ ཨིརིཡཱནོ.

ན པིཧེཏཱིདྷ ཀསྶཙཱིཏི. པིཧཱ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཡསྶེསཱ པིཧཱ ཏཎྷཱ པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱ, སོ ཀསྶཙི ན པིཧེཏི ཁཏྟིཡསྶ ཝཱ བྲཱཧྨཎསྶ ཝཱ ཝེསྶསྶ ཝཱ སུདྡསྶ ཝཱ གཧཊྛསྶ ཝཱ པབྦཛིཏསྶ ཝཱ དེཝསྶ ཝཱ མནུསྶསྶ ཝཱཏི – ན པིཧེཏཱིདྷ ཀསྶཙི.

‘‘ས ཝེ ཝིདྭཱ ས ཝེདགཱུ, ཉཏྭཱ དྷམྨཾ ཨནིསྶིཏོ;

སམྨཱ སོ ལོཀེ ཨིརིཡཱནོ, ན པིཧེཏཱིདྷ ཀསྶཙཱི’’ཏི.

ཡོདྷ ཀཱམེ ཨཙྩཏརི, སངྒཾ ལོཀེ དུརཙྩཡཾ;

ན སོ སོཙཏི ནཱཛ྄ཛྷེཏི, ཚིནྣསོཏོ ཨབནྡྷནོ.

ཡོདྷ ¶ ཀཱམེ ཨཙྩཏརི, སངྒཾ ལོཀེ དུརཙྩཡནྟི. ཡོཏི ཡོ ཡཱདིསོ ཡཐཱཡུཏྟོ ཡཐཱཝིཧིཏོ ཡཐཱཔཀཱརོ ཡཾ ཋཱནཔྤཏྟོ ཡཾ ¶ དྷམྨསམནྣཱགཏོ ཁཏྟིཡོ ཝཱ བྲཱཧྨཎོ ཝཱ ཝེསྶོ ཝཱ སུདྡོ ཝཱ གཧཊྛོ ཝཱ པབྦཛིཏོ ཝཱ དེཝོ ཝཱ མནུསྶོ ཝཱ. ཀཱམཱཏི ཨུདྡཱནཏོ དྭེ ཀཱམཱ – ཝཏྠུཀཱམཱ ཙ ཀིལེསཀཱམཱ ཙ…པེ… ཨིམེ ཝུཙྩནྟི ཝཏྠུཀཱམཱ…པེ… ཨིམེ ཝུཙྩནྟི ཀིལེསཀཱམཱ. སངྒཱཏི སཏྟ སངྒཱ – རཱགསངྒོ, དོསསངྒོ, མོཧསངྒོ, མཱནསངྒོ, དིཊྛིསངྒོ, ཀིལེསསངྒོ, དུཙྩརིཏསངྒོ. ལོཀེཏི ཨཔཱཡལོཀེ མནུསྶལོཀེ དེཝལོཀེ ཁནྡྷལོཀེ དྷཱཏུལོཀེ ¶ ཨཱཡཏནལོཀེ. སངྒཾ ལོཀེ དུརཙྩཡནྟི. ཡོ ཀཱམེ ཙ སངྒེ ཙ ལོཀེ དུརཙྩཡེ དུརཏིཝཏྟེ དུཏྟརེ དུཔྤཏརེ དུསྶམཏིཀྐམེ དུབྦཱིཏིཝཏྟེ ཨཏརི ཨུཏྟརི པཏརི སམཏིཀྐམི ཝཱིཏིཝཏྟཡཱིཏི – ཡོདྷ ཀཱམེ ཨཙྩཏརི, སངྒཾ ལོཀེ དུརཙྩཡཾ.

ན ¶ སོ སོཙཏི ནཱཛ྄ཛྷེཏཱིཏི. ཝིཔརིཎཏཾ ཝཱ ཝཏྠུཾ ན སོཙཏི, ཝིཔརིཎཏསྨིཾ ཝཱ ཝཏྠུསྨིཾ ན སོཙཏི. ‘‘ཙཀྑུ མེ ཝིཔརིཎཏ’’ནྟི ན སོཙཏི…པེ… སོཏཾ མེ… གྷཱནཾ མེ… ཛིཝ྄ཧཱ མེ… ཀཱཡོ མེ… རཱུཔཱ མེ… སདྡཱ མེ… གནྡྷཱ མེ… རསཱ མེ… ཕོཊྛབྦཱ མེ… ཀུལཾ མེ… གཎོ མེ… ཨཱཝཱསོ མེ… ལཱབྷོ མེ… ཡསོ མེ… པསཾསཱ མེ… སུཁཾ མེ… ཙཱིཝརཾ མེ… པིཎྜཔཱཏོ མེ… སེནཱསནཾ མེ… གིལཱནཔཙྩཡབྷེསཛྫཔརིཀྑཱརཱ མེ… མཱཏཱ མེ… པིཏཱ མེ… བྷཱཏཱ མེ… བྷགིནཱི མེ… པུཏྟོ མེ… དྷཱིཏཱ མེ… མིཏྟཱ མེ… ཨམཙྩཱ མེ… ཉཱཏཱི མེ… ‘‘སཱལོཧིཏཱ མེ ཝིཔརིཎཏཱ’’ཏི ན སོཙཏི ན ཀིལམཏི ན པརིདེཝཏི ན ཨུརཏྟཱལི༹ཾ ཀནྡཏི ན ¶ སམྨོཧཾ ཨཱཔཛྫཏཱིཏི – ན སོཙཏི. ནཱཛ྄ཛྷེཏཱིཏི ནཛ྄ཛྷེཏི ན ཨཛ྄ཛྷེཏི ན ཨུཔནིཛ྄ཛྷཱཡཏི ན ནིཛ྄ཛྷཱཡཏི ན པཛ྄ཛྷཱཡཏི. ཨཐ ཝཱ ན ཛཱཡཏི ན ཛིཡྻཏི ན མིཡྻཏི ན ཙཝཏི ན ཨུཔཔཛྫཏཱིཏི – ནཱཛ྄ཛྷེཏཱིཏི – ན སོ སོཙཏི ནཱཛ྄ཛྷེཏི.

ཚིནྣསོཏོ ཨབནྡྷནོཏི. སོཏཾ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཡསྶེསཱ སོཏཱ ཏཎྷཱ པཧཱིནཱ སམུཙྪིནྣཱ…པེ… ཉཱཎགྒིནཱ དཌྜྷཱ, སོ ཝུཙྩཏི ཚིནྣསོཏོ. ཨབནྡྷནོཏི རཱགབནྡྷནཾ དོསབནྡྷནཾ མོཧབནྡྷནཾ མཱནབནྡྷནཾ དིཊྛིབནྡྷནཾ ཀིལེསབནྡྷནཾ དུཙྩརིཏབནྡྷནཾ, ཡསྶེཏེ བནྡྷནཱ པཧཱིནཱ སམུཙྪིནྣཱ…པེ… ཉཱཎགྒིནཱ ¶ དཌྜྷཱ, སོ ཝུཙྩཏི ཨབནྡྷནོཏི – ཚིནྣསོཏོ ཨབནྡྷནོ.

‘‘ཡོདྷ ཀཱམེ ཨཙྩཏརི, སངྒཾ ལོཀེ དུརཙྩཡཾ;

ན སོ སོཙཏི ནཱཛ྄ཛྷེཏི, ཚིནྣསོཏོ ཨབནྡྷནོ’’ཏི.

ཡཾ པུབྦེ ཏཾ ཝིསོསེཧི, པཙྪཱ ཏེ མཱཧུ ཀིཉྩནཾ;

མཛ྄ཛྷེ ཙེ ནོ གཧེསྶསི, ཨུཔསནྟོ ཙརིསྶསི.

ཡཾ ¶ ¶ པུབྦེ ཏཾ ཝིསོསེཧཱིཏི. ཨཏཱིཏེ སངྑཱརེ ཨཱརབྦྷ ཡེ ཀིལེསཱ ཨུཔྤཛྫེཡྻུཾ ཏེ ཀིལེསེ སོསེཧི ཝིསོསེཧི སུཀྑཱཔེཧི ཝིསུཀྑཱཔེཧི ཨབཱིཛཾ ཀརོཧི པཛཧ ཝིནོདེཧི བྱནྟིཾ ཀརོཧི ཨནབྷཱཝཾ གམེཧཱིཏི. ཨེཝམྤི ཡཾ པུབྦེ ཏཾ ¶ ཝིསོསེཧི. ཨཐ ཝཱ ཡེ ཨཏཱིཏཱ ཀམྨཱབྷིསངྑཱརཱ ཨཝིཔཀྐཝིཔཱཀཱ ཏེ ཀམྨཱབྷིསངྑཱརེ སོསེཧི ཝིསོསེཧི སུཀྑཱཔེཧི ཝིསུཀྑཱཔེཧི ཨབཱིཛཾ ཀརོཧི པཛཧ ཝིནོདེཧི བྱནྟིཾ ཀརོཧི ཨནབྷཱཝཾ གམེཧཱིཏི. ཨེཝམྤི ཡཾ པུབྦེ ཏཾ ཝིསོསེཧི.

པཙྪཱ ཏེ མཱཧུ ཀིཉྩནནྟི. པཙྪཱ ཝུཙྩཏི ཨནཱགཏཾ. ཨནཱགཏེ སངྑཱརེ ཨཱརབྦྷ ཡཱནི ཨུཔྤཛྫེཡྻུཾ རཱགཀིཉྩནཾ དོསཀིཉྩནཾ མོཧཀིཉྩནཾ མཱནཀིཉྩནཾ དིཊྛིཀིཉྩནཾ ཀིལེསཀིཉྩནཾ དུཙྩརིཏཀིཉྩནཾ, ཨིམཱནི ཀིཉྩནཱནི [ཨིམེ ཀིཉྩནཱ (ཀ.) པསྶ དཱི. ནི. ༣.༣༠༥] ཏུཡ྄ཧཾ མཱ ཨཧུ མཱ ཨཀཱསི མཱ ཛནེསི མཱ སཉྫནེསི མཱ ནིབྦཏྟེསི མཱ ཨབྷིནིབྦཏྟེསི པཛཧ ཝིནོདེཧི བྱནྟིཾ ཀརོཧི ཨནབྷཱཝཾ གམེཧཱིཏི – པཙྪཱ ཏེ མཱཧུ ཀིཉྩནཾ.

མཛ྄ཛྷེ ཙེ ནོ གཧེསྶསཱིཏི. མཛ྄ཛྷཾ ཝུཙྩཏི པཙྩུཔྤནྣཱ རཱུཔཝེདནཱསཉྙཱསངྑཱརཝིཉྙཱཎཱ. པཙྩུཔྤནྣེ སངྑཱརེ ཏཎྷཱཝསེན དིཊྛིཝསེན ན གཧེསྶསི ན ཨུགྒཧེསྶསི ན གཎྷིསྶསི ན པརཱམསིསྶསི ནཱབྷིནནྡིསྶསི ནཱབྷིཙརིསྶསི ན ཨཛ྄ཛྷོསིསྶསི, ཨབྷིནནྡནཾ ཨབྷིཝདནཾ ཨཛ྄ཛྷོསཱནཾ གཱཧཾ པརཱམཱསཾ ཨབྷིནིཝེསཾ པཛཧིསྶསི ཝིནོདེསྶསི བྱནྟིཾ ཀརིསྶསི ཨནབྷཱཝཾ གམེསྶསཱིཏི – མཛ྄ཛྷེ ཙེ ནོ གཧེསྶསི.

ཨུཔསནྟོ ཙརིསྶསཱིཏི. རཱགསྶ སནྟཏྟཱ སམིཏཏྟཱ ཨུཔསམིཏཏྟཱ, དོསསྶ སནྟཏྟཱ སམིཏཏྟཱ ཨུཔསམིཏཏྟཱ…པེ… སབྦཱཀུསལཱབྷིསངྑཱརཱནཾ སནྟཏྟཱ སམིཏཏྟཱ ཨུཔསམིཏཏྟཱ ཝཱུཔསམིཏཏྟཱ ཝིཛ྄ཛྷཱཏཏྟཱ ནིབྦུཏཏྟཱ ཝིགཏཏྟཱ པཊིཔསྶདྡྷཏྟཱ ¶ སནྟོ ཨུཔསནྟོ ཝཱུཔསནྟོ ནིབྦུཏོ པཊིཔསྶདྡྷོ ¶ ཙརིསྶསི ཝིཧརིསྶསི ཨིརིཡིསྶསི ཝཏྟིསྶསི པཱལིསྶསི ¶ ཡཔིསྶསི ཡཱཔིསྶསཱིཏི – ཨུཔསནྟོ ཙརིསྶསི.

‘‘ཡཾ པུབྦེ ཏཾ ཝིསོསེཧི, པཙྪཱ ཏེ མཱཧུ ཀིཉྩནཾ;

མཛ྄ཛྷེ ཙེ ནོ གཧེསྶསི, ཨུཔསནྟོ ཙརིསྶསཱི’’ཏི.

སབྦསོ ¶ ནཱམརཱུཔསྨིཾ, ཡསྶ ནཏྠི མམཱཡིཏཾ;

ཨསཏཱ ཙ ན སོཙཏི, ས ཝེ ལོཀེ ན ཛཱིཡཏི.

སབྦསོ ནཱམརཱུཔསྨིཾ, ཡསྶ ནཏྠི མམཱཡིཏནྟི. སབྦསོཏི སབྦེན སབྦཾ སབྦཐཱ སབྦཾ ཨསེསཾ ནིསྶེསཾ པརིཡཱདིཡནཝཙནམེཏཾ – སབྦསོཏི. ནཱམནྟི ཙཏྟཱརོ ཨརཱུཔིནོ ཁནྡྷཱ. རཱུཔནྟི ཙཏྟཱརོ ཙ མཧཱབྷཱུཏཱ, ཙཏུནྣཉྩ མཧཱབྷཱུཏཱནཾ ཨུཔཱདཱཡ རཱུཔཾ. ཡསྶཱཏི ཨརཧཏོ ཁཱིཎཱསཝསྶ. མམཱཡིཏནྟི དྭེ མམཏྟཱ – ཏཎྷཱམམཏྟཉྩ དིཊྛིམམཏྟཉྩ…པེ… ཨིདཾ ཏཎྷཱམམཏྟཾ…པེ… ཨིདཾ དིཊྛིམམཏྟཾ. སབྦསོ ནཱམརཱུཔསྨིཾ, ཡསྶ ནཏྠི མམཱཡིཏནྟི སབྦསོ ནཱམརཱུཔསྨིཾ མམཏྟཱ ཡསྶ ནཏྠི ན སནྟི ན སཾཝིཛྫནྟི ནུཔལབྦྷནྟི, པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱཏི – སབྦསོ ནཱམརཱུཔསྨིཾ, ཡསྶ ནཏྠི མམཱཡིཏཾ.

ཨསཏཱ ཙ ན སོཙཏཱིཏི. ཝིཔརིཎཏཾ ཝཱ ཝཏྠུཾ ན སོཙཏི, ཝིཔརིཎཏསྨིཾ ཝཱ ཝཏྠུསྨིཾ ན སོཙཏི. ‘‘ཙཀྑུ མེ ཝིཔརིཎཏ’’ནྟི ན སོཙཏི, སོཏཾ མེ… གྷཱནཾ མེ… ཛིཝ྄ཧཱ མེ… ཀཱཡོ མེ… རཱུཔཱ མེ… སདྡཱ ¶ མེ… གནྡྷཱ མེ… རསཱ མེ… ཕོཊྛབྦཱ མེ… ཀུལཾ མེ… གཎོ མེ… ཨཱཝཱསོ མེ… ལཱབྷོ མེ…པེ… ‘‘སཱལོཧིཏཱ མེ ཝིཔརིཎཏཱ’’ཏི ན སོཙཏི ན ཀིལམཏི ན པརིདེཝཏི ན ཨུརཏྟཱལི༹ཾ ཀནྡཏི ན སམྨོཧཾ ཨཱཔཛྫཏཱིཏི. ཨེཝམྤི ཨསཏཱ ཙ ན སོཙཏི.

ཨཐ ཝཱ ཨསཏཱཡ དུཀྑཱཡ ཝེདནཱཡ ཕུཊྛོ པརེཏོ སམོཧིཏོ སམནྣཱགཏོ ན སོཙཏི ན ཀིལམཏི ན པརིདེཝཏི ན ཨུརཏྟཱལི༹ཾ ཀནྡཏི ན སམྨོཧཾ ཨཱཔཛྫཏཱིཏི. ཨེཝམྤི ཨསཏཱ ཙ ན སོཙཏི. ཨཐ ཝཱ ཙཀྑུརོགེན ཕུཊྛོ པརེཏོ…པེ… ཌཾསམཀསཝཱཏཱཏཔསརཱིསཔསམྥསྶེན ཕུཊྛོ པརེཏོ སམོཧིཏོ སམནྣཱགཏོ ན སོཙཏི ན ¶ ཀིལམཏི ན པརིདེཝཏི ན ཨུརཏྟཱལི༹ཾ ཀནྡཏི ན སམྨོཧཾ ཨཱཔཛྫཏཱིཏི. ཨེཝམྤི ཨསཏཱ ཙ ན སོཙཏི. ཨཐ ཝཱ ཨསནྟེ ཨསཾཝིཛྫམཱནེ ཨནུཔལབྦྷམཱནེ ‘‘ཨཧུ ཝཏ མེ, ཏཾ ཝཏ མེ ནཏྠི ¶ , སིཡཱ ཝཏ མེ, ཏཾ ཝཏཱཧཾ ན ལབྷཱམཱི’’ཏི ན སོཙཏི ན ཀིལམཏི ན པརིདེཝཏི ན ཨུརཏྟཱལི༹ཾ ཀནྡཏི ན སམྨོཧཾ ཨཱཔཛྫཏཱིཏི. ཨེཝམྤི ཨསཏཱ ཙ ན སོཙཏི.

ས ཝེ ལོཀེ ན ཛཱིཡཏཱིཏི. ཡསྶ ‘‘མཡ྄ཧཾ ཝཱ ཨིདཾ པརེསཾ ཝཱ ཨིད’’ནྟི ཀིཉྩི རཱུཔགཏཾ ¶ ཝེདནཱགཏཾ སཉྙཱགཏཾ སངྑཱརགཏཾ ཝིཉྙཱཎགཏཾ གཧིཏཾ པརཱམཊྛཾ ཨབྷིནིཝིཊྛཾ ཨཛ྄ཛྷོསིཏཾ ཨདྷིམུཏྟཾ ཨཏྠི, ཏསྶ ཛཱནི ཨཏྠི.

‘‘ཛཱིནོ [ཛིཎྞེ (སཱི.), ཛིནྣོ (སྱཱ.)] རཐསྶཾ [རཐསྶེ (སཱི.) པཉྩཀནིཔཱཏེ (ཨཱདིམྷི) མཎིཀུཎྜལཛཱཏཀཊྛཀཐཱ ཨོལོཀེཏབྦཱ] མཎིཀུཎྜལེ ཙ, པུཏྟེ ཙ དཱརེ ཙ ཏཐེཝ ཛཱིནོ;

སབྦེསུ ¶ བྷོགེསུ ཨསེཝིཏེསུ, ཀསྨཱ ན སནྟཔྤསི སོཀཀཱལེ.

‘‘པུབྦེཝ མཙྩཾ ཝིཛཧནྟི བྷོགཱ, མཙྩོ དྷནེ པུབྦཏརཾ ཛཧཱསི;

ཨསསྶཏཱ [ཨསསྶཀཱ (སཱི.), ཨསྶཀཱ (སྱཱ.)] བྷཱཝིནོ ཀཱམཀཱམཱི, ཏསྨཱ ན སོཙཱམཧཾ སོཀཀཱལེ.

‘‘ཨུདེཏི ཨཱཔཱུརཏི ཝེཏི ཙནྡོ, ཨནྡྷཾ ཏཔེཏྭཱན [ཨཏྠཾ གམིཏྭཱན (བཧཱུསུ)] པལེཏི སཱུརིཡོ;

ཝིདིཏཱ མཡཱ སཏྟུཀ ལོཀདྷམྨཱ, ཏསྨཱ ན སོཙཱམཧཾ སོཀཀཱལེ’’ཏི.

ཡསྶ ‘‘མཡ྄ཧཾ ཝཱ ཨིདཾ པརེསཾ ཝཱ ཨིད’’ནྟི ཀིཉྩི རཱུཔགཏཾ ཝེདནཱགཏཾ སཉྙཱགཏཾ སངྑཱརགཏཾ ཝིཉྙཱཎགཏཾ གཧིཏཾ པརཱམཊྛཾ ཨབྷིནིཝིཊྛཾ ཨཛ྄ཛྷོསིཏཾ ཨདྷིམུཏྟཾ ནཏྠི, ཏསྶ ཛཱནི ནཏྠི. བྷཱསིཏམྤི ཧེཏཾ – ‘‘‘ནནྡསི, སམཎཱ’ཏི. ‘ཀིཾ ལདྡྷཱ, ཨཱཝུསོ’ཏི? ‘ཏེན ཧི, སམཎ, སོཙསཱི’ཏི. ‘ཀིཾ ཛཱིཡིཏྠ, ཨཱཝུསོ’ཏི? ‘ཏེན ཧི, སམཎ, ནེཝ ནནྡསི ན སོཙསཱི’ཏི. ‘ཨེཝམཱཝུསོ’’’ཏི.

‘‘ཙིརསྶཾ ¶ ¶ ཝཏ པསྶཱམ, བྲཱཧྨཎཾ པརིནིབྦུཏཾ;

ཨནནྡིཾ ཨནཱིགྷཾ བྷིཀྑུཾ, ཏིཎྞཾ ལོཀེ ཝིསཏྟིཀ’’ནྟི.

ས ཝེ ལོཀེ ན ཛཱིཡཏི. ཏེནཱཧ བྷགཝཱ –

‘‘སབྦསོ ¶ ནཱམརཱུཔསྨིཾ, ཡསྶ ནཏྠི མམཱཡིཏཾ;

ཨསཏཱ ཙ ན སོཙཏི, ས ཝེ ལོཀེ ན ཛཱིཡཏཱི’’ཏི.

ཡསྶ ནཏྠི ཨིདཾ མེཏི, པརེསཾ ཝཱཔི ཀིཉྩནཾ;

མམཏྟཾ སོ ཨསཾཝིནྡཾ, ནཏྠི མེཏི ན སོཙཏི.

ཡསྶ ¶ ནཏྠི ཨིདཾ མེཏི, པརེསཾ ཝཱཔི ཀིཉྩནནྟི. ཡསྶཱཏི ཨརཧཏོ ཁཱིཎཱསཝསྶ. ཡསྶ ‘‘མཡ྄ཧཾ ཝཱ ཨིདཾ པརེསཾ ཝཱ ཨིད’’ནྟི ཀིཉྩི རཱུཔགཏཾ ཝེདནཱགཏཾ སཉྙཱགཏཾ སངྑཱརགཏཾ ཝིཉྙཱཎགཏཾ གཧིཏཾ པརཱམཊྛཾ ཨབྷིནིཝིཊྛཾ ཨཛ྄ཛྷོསིཏཾ ཨདྷིམུཏྟཾ ནཏྠི ན སནྟི ན སཾཝིཛྫཏི ནུཔལབྦྷཏི, པཧཱིནཾ སམུཙྪིནྣཾ ཝཱུཔསནྟཾ པཊིཔསྶདྡྷཾ ཨབྷབྦུཔྤཏྟིཀཾ ཉཱཎགྒིནཱ དཌྜྷནྟི. ཨེཝམྤི ཡསྶ ནཏྠི ཨིདཾ མེཏི, པརེསཾ ཝཱཔི ཀིཉྩནཾ.

ཝུཏྟཉྷེཏཾ བྷགཝཏཱ – ‘‘ནཱཡཾ, བྷིཀྑཝེ, ཀཱཡོ ཏུམྷཱཀཾ, ནཔི ཨཉྙེསཾ. པུརཱཎམིདཾ, བྷིཀྑཝེ, ཀམྨཾ ཨབྷིསངྑཏཾ ཨབྷིསཉྩེཏཡིཏཾ ཝེདནཱིཡཾ དཊྛབྦཾ. ཏཏྲ, བྷིཀྑཝེ, སུཏཝཱ ཨརིཡསཱཝཀོ པཊིཙྩསམུཔྤཱདཾཡེཝ སཱདྷུཀཾ ཡོནིསོ མནསིཀརོཏི – ‘ཨིཏི ཨིམསྨིཾ སཏི ཨིདཾ ཧོཏི ཨིམསྶུཔྤཱདཱ ཨིདཾ ཨུཔྤཛྫཏི, ཨིམསྨིཾ ཨསཏི ཨིདཾ ན ཧོཏི ཨིམསྶ ནིརོདྷཱ ཨིདཾ ནིརུཛ྄ཛྷཏི, ཡདིདཾ ཨཝིཛྫཱཔཙྩཡཱ སངྑཱརཱ, སངྑཱརཔཙྩཡཱ ཝིཉྙཱཎཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ཨཝིཛྫཱཡཏྭེཝ ཨསེསཝིརཱགནིརོདྷཱ སངྑཱརནིརོདྷོ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’’ཏི. ཨེཝམྤི ཡསྶ ནཏྠི ཨིདཾ མེཏི, པརེསཾ ཝཱཔི ཀིཉྩནཾ.

‘‘སུཉྙཏོ ¶ ལོཀཾ ཨཝེཀྑསྶུ, མོགྷརཱཛ སདཱ སཏོ;

ཨཏྟཱནུདིཊྛིཾ ཨཱུཧཙྩ [ཨུཧཙྩ (ཀ.) སུ. ནི. ༡༡༢༥], ཨེཝཾ མཙྩུཏརོ སིཡཱ;

ཨེཝཾ ལོཀཾ ཨཝེཀྑནྟཾ, མཙྩུརཱཛཱ ན པསྶཏཱི’’ཏི.

ཨེཝམྤི ཡསྶ ནཏྠི ཨིདཾ མེཏི, པརེསཾ ཝཱཔི ཀིཉྩནཾ.

ཝུཏྟམྤི ¶ ཧེཏཾ བྷགཝཏཱ – ‘‘ཡཾ, བྷིཀྑཝེ, ན ཏུམྷཱཀཾ, ཏཾ པཛཧཐ. ཏཾ ཝོ པཧཱིནཾ དཱིགྷརཏྟཾ ཧིཏཱཡ སུཁཱཡ བྷཝིསྶཏི. ཀིཉྩ, བྷིཀྑཝེ, ན ཏུམྷཱཀཾ? རཱུཔཾ, བྷིཀྑཝེ, ན ཏུམྷཱཀཾ, ཏཾ པཛཧཐ. ཏཾ ཝོ པཧཱིནཾ དཱིགྷརཏྟཾ ཧིཏཱཡ སུཁཱཡ བྷཝིསྶཏི. ཝེདནཱ… སཉྙཱ… སངྑཱརཱ… ཝིཉྙཱཎཾ ན ཏུམྷཱཀཾ, ཏཾ པཛཧཐ. ཏཾ ཝོ པཧཱིནཾ དཱིགྷརཏྟཾ ཧིཏཱཡ སུཁཱཡ བྷཝིསྶཏི. ཏཾ ཀིཾ མཉྙཐ, བྷིཀྑཝེ, ཡཾ ཨིམསྨིཾ ཛེཏཝནེ ཏིཎཀཊྛསཱཁཱཔལཱསཾ, ཏཾ ཛནོ ཧརེཡྻ ཝཱ ཌཧེཡྻ [དཧེཡྻ (སཱི. ཀ.) སཾ. ནི. ༣.༣༣] ཝཱ ཡཐཱཔཙྩཡཾ ཝཱ ཀརེཡྻ, ཨཔི ནུ ཏུམྷཱཀཾ ཨེཝམསྶ – ‘ཨམྷེ ཛནོ ཧརཏི ཝཱ ཌཧཏི ཝཱ ཡཐཱཔཙྩཡཾ ཝཱ ཀརོཏཱི’’ཏི? ‘‘ནོ ཧེཏཾ, བྷནྟེ’’. ‘‘ཏཾ ཀིསྶ ཧེཏུ’’? ‘‘ན ཧི ནོ ཨེཏཾ, བྷནྟེ, ཨཏྟཱ ཝཱ ཨཏྟནིཡཾ ཝཱ’’ཏི. ‘‘ཨེཝམེཝ ཁོ, བྷིཀྑཝེ, ཡཾ ¶ ན ཏུམྷཱཀཾ, ཏཾ པཛཧཐ. ཏཾ ཝོ པཧཱིནཾ དཱིགྷརཏྟཾ ཧིཏཱཡ སུཁཱཡ བྷཝིསྶཏི. ཀིཉྩ, བྷིཀྑཝེ, ན ཏུམྷཱཀཾ? རཱུཔཾ, བྷིཀྑཝེ, ན ཏུམྷཱཀཾ, ཏཾ པཛཧཐ. ཏཾ ཝོ པཧཱིནཾ དཱིགྷརཏྟཾ ཧིཏཱཡ སུཁཱཡ བྷཝིསྶཏི. ཝེདནཱ… སཉྙཱ… སངྑཱརཱ… ཝིཉྙཱཎཾ ན ཏུམྷཱཀཾ, ཏཾ པཛཧཐ. ཏཾ ཝོ པཧཱིནཾ དཱིགྷརཏྟཾ ཧིཏཱཡ སུཁཱཡ ¶ བྷཝིསྶཏཱི’’ཏི. ཨེཝམྤི ཡསྶ ནཏྠི ཨིདཾ མེཏི, པརེསཾ ཝཱཔི ཀིཉྩནཾ. བྷཱསིཏམྤི ཧེཏཾ –

‘‘སུདྡྷདྷམྨསམུཔྤཱདཾ, སུདྡྷསངྑཱརསནྟཏིཾ;

པསྶནྟསྶ ཡཐཱབྷཱུཏཾ, ན བྷཡཾ ཧོཏི གཱམཎི.

‘‘ཏིཎཀཊྛསམཾ ལོཀཾ, ཡདཱ པཉྙཱཡ པསྶཏི;

ནཱཉྙཾ པཏྠཡཏེ ཀིཉྩི, ཨཉྙཏྲ ཨཔྤཊིསནྡྷིཡཱ’’ཏི [པཊིསནྡྷིཡཱཏི (སཱི.)].

ཨེཝམྤི ཡསྶ ནཏྠི ཨིདཾ མེཏི, པརེསཾ ཝཱཔི ཀིཉྩནཾ. ཝཛིརཱ ¶ བྷིཀྑུནཱི མཱརཾ པཱཔིམནྟཾ ཨེཏདཝོཙ –

‘‘ཀཾ ནུ སཏྟོཏི པཙྩེསི, མཱར དིཊྛིགཏཾ ནུ ཏེ;

སུདྡྷསངྑཱརཔུཉྫོཡཾ, ནཡིདྷ སཏྟུཔལབྦྷཏི.

‘‘ཡཐཱ ཧི [ཡཐཱཔི (བཧཱུསུ) སཾ. ནི. ༡.༡༧༡] ཨངྒསམྦྷཱརཱ, ཧོཏི སདྡོ རཐོ ཨིཏི;

ཨེཝཾ ཁནྡྷེསུ སནྟེསུ, ཧོཏི སཏྟོཏི སམྨུཏི [སམྨཏི (སྱཱ.)].

‘‘དུཀྑམེཝ ཧི སམྦྷོཏི, དུཀྑཾ ཏིཊྛཏི ཝེཏི ཙ;

ནཱཉྙཏྲ དུཀྑཱ སམྦྷོཏི, ནཱཉྙཾ དུཀྑཱ ནིརུཛ྄ཛྷཏཱི’’ཏི.

ཨེཝམྤི ¶ ཡསྶ ནཏྠི ཨིདཾ མེཏི, པརེསཾ ཝཱཔི ཀིཉྩནཾ. ཝུཏྟཾཉྷེཏཾ བྷགཝཏཱ

‘‘ཨེཝམེཝ ཁོ, བྷིཀྑཝེ, བྷིཀྑུ རཱུཔཾ སམནྣེསཏི ཡཱཝཏཱ རཱུཔསྶ གཏི, ཝེདནཾ… སཉྙཾ… སངྑཱརེ… ཝིཉྙཱཎཾ སམནྣེསཏི ཡཱཝཏཱ ཝིཉྙཱཎསྶ གཏི. ཏསྶ རཱུཔཾ སམནྣེསཏོ ཡཱཝཏཱ རཱུཔསྶ གཏི, ཝེདནཾ… སཉྙཾ… སངྑཱརེ… ཝིཉྙཱཎཾ སམནྣེསཏོ ཡཱཝཏཱ ཝིཉྙཱཎསྶ གཏི ¶ , ཡམྤིསྶ ཏཾ ཧོཏི ‘ཨཧ’ནྟི ཝཱ ‘མམ’ནྟི ཝཱ, ‘ཨསྨཱི’ཏི ¶ ཝཱ, ཏམྤི ཏསྶ ན ཧོཏཱི’’ཏི. ཨེཝམྤི ཡསྶ ནཏྠི ཨིདཾ མེཏི, པརེསཾ ཝཱཔི ཀིཉྩནཾ.

ཨཱཡསྨཱ, ཨཱནནྡོ, བྷགཝནྟཾ ཨེཏདཝོཙ – ‘‘‘སུཉྙོ ལོཀོ, སུཉྙོ ལོཀོ’ཏི, བྷནྟེ, ཝུཙྩཏི. ཀིཏྟཱཝཏཱ ནུ ཁོ, བྷནྟེ, སུཉྙོ ལོཀོཏི ཝུཙྩཏཱི’’ཏི? ‘‘ཡསྨཱ ཁོ, ཨཱནནྡ, སུཉྙཾ ཨཏྟེན ཝཱ ཨཏྟནིཡེན ཝཱ, ཏསྨཱ སུཉྙོ ལོཀོཏི ཝུཙྩཏི. ཀིཉྩཱནནྡ, སུཉྙཾ ཨཏྟེན ཝཱ ཨཏྟནིཡེན ཝཱ? ཙཀྑུ ཁོ, ཨཱནནྡ, སུཉྙཾ ཨཏྟེན ཝཱ ཨཏྟནིཡེན ཝཱ. རཱུཔཱ སུཉྙཱ, ཙཀྑུཝིཉྙཱཎཾ སུཉྙཾ, ཙཀྑུསམྥསྶོ སུཉྙོ, ཡདིདཾ ཙཀྑུསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི སུཉྙཾ… སོཏཾ སུཉྙཾ… སདྡཱ སུཉྙཱ… གྷཱནཾ སུཉྙཾ… གནྡྷཱ སུཉྙཱ… ཛིཝ྄ཧཱ སུཉྙཱ… རསཱ སུཉྙཱ… ཀཱཡོ སུཉྙོ… ཕོཊྛབྦཱ སུཉྙཱ… མནོ སུཉྙོ… དྷམྨཱ སུཉྙཱ… མནོཝིཉྙཱཎཾ སུཉྙཾ… མནོསམྥསྶོ སུཉྙོ, ཡདིདཾ མནོསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ¶ ཝཱ ཏམྤི སུཉྙཾ ཨཏྟེན ཝཱ ཨཏྟནིཡེན ཝཱ. ཡསྨཱ ཁོ, ཨཱནནྡ, སུཉྙཾ ཨཏྟེན ཝཱ ཨཏྟནིཡེན ཝཱ, ཏསྨཱ སུཉྙོ ལོཀོཏི ཝུཙྩཏཱི’’ཏི. ཨེཝམྤི ཡསྶ ནཏྠི ཨིདཾ མེཏི, པརེསཾ ཝཱཔི ཀིཉྩནཾ.

མམཏྟཾ སོ ཨསཾཝིནྡནྟི. མམཏྟཱཏི དྭེ མམཏྟཱ – ཏཎྷཱམམཏྟཉྩ དིཊྛིམམཏྟཉྩ…པེ… ཨིདཾ ཏཎྷཱམམཏྟཾ…པེ… ཨིདཾ ¶ དིཊྛིམམཏྟཾ. ཏཎྷཱམམཏྟཾ པཧཱཡ དིཊྛིམམཏྟཾ པཊིནིསྶཛྫིཏྭཱ མམཏྟཾ ཨཝིནྡནྟོ ཨསཾཝིནྡནྟོ ཨནདྷིགཙྪནྟོ ཨཔྤཊིལབྷནྟོཏི – མམཏྟཾ སོ ཨསཾཝིནྡཾ.

ནཏྠི མེཏི ན སོཙཏཱིཏི. ཝིཔརིཎཏཾ ཝཱ ཝཏྠུཾ ན སོཙཏི, ཝིཔརིཎཏསྨིཾ ཝཱ ཝཏྠུསྨིཾ ན སོཙཏི. ‘‘ཙཀྑུ མེ ཝིཔརིཎཏ’’ནྟི ན སོཙཏི, ‘‘སོཏཾ མེ…པེ… སཱལོཧིཏཱ མེ ཝིཔརིཎཏཱ’’ཏི ན སོཙཏི ན ཀིལམཏི ན པརིདེཝཏི ན ཨུརཏྟཱལི༹ཾ ཀནྡཏི ན སམྨོཧཾ ཨཱཔཛྫཏཱིཏི – ནཏྠི མེཏི ན སོཙཏི.

‘‘ཡསྶ ¶ ནཏྠི ཨིདཾ མེཏི, པརེསཾ ཝཱཔི ཀིཉྩནཾ;

མམཏྟཾ སོ ཨསཾཝིནྡཾ, ནཏྠི མེཏི ན སོཙཏཱི’’ཏི.

ཨནིཊྛུརཱི ¶ ཨནནུགིདྡྷོ, ཨནེཛོ སབྦདྷཱི སམོ;

ཏམཱནིསཾསཾ པབྲཱུམི, པུཙྪིཏོ ཨཝིཀམྤིནཾ.

ཨནིཊྛུརཱི ཨནནུགིདྡྷོ ཨནེཛོ སབྦདྷཱི སམོཏི. ཀཏམཾ ནིཊྛུརིཡཾ? ཨིདྷེཀཙྩོ ནིཊྛུརིཡོ ཧོཏི, པརལཱབྷསཀྐཱརགརུཀཱརམཱནནཝནྡནཔཱུཛནཱསུ ཨིསྶཏི ཨུསཱུཡཏི [ཨུསྶུཡྻཏི (སྱཱ.), ཨུསྶཱུཡཏི (ཀ.)] ཨིསྶཾ བནྡྷཏི. ཡཾ ཨེཝརཱུཔཾ ནིཊྛུརིཡཾ ནིཊྛུརིཡཀམྨཾ ཨིསྶཱ ཨིསྶཱཡནཱ ཨིསྶཱཡིཏཏྟཾ ཨུསཱུཡཱ ཨུསཱུཡནཱ ཨུསཱུཡིཏཏྟཾ – ཨིདཾ ཝུཙྩཏི ནིཊྛུརིཡཾ. ཡསྶེཏཾ ནིཊྛུརིཡཾ པཧཱིནཾ སམུཙྪིནྣཾ…པེ… ཉཱཎགྒིནཱ དཌྜྷཾ, སོ ཝུཙྩཏི ཨནིཊྛུརཱིཏི. ཨནནུགིདྡྷོཏི. གེདྷོ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཡསྶེསོ ¶ གེདྷོ པཧཱིནོ སམུཙྪིནྣོ…པེ… ¶ ཉཱཎགྒིནཱ དཌྜྷོ, སོ ཝུཙྩཏི ཨནནུགིདྡྷོ. སོ རཱུཔེ ཨགིདྡྷོ སདྡེ…པེ… དིཊྛསུཏམུཏཝིཉྙཱཏབྦེསུ དྷམྨེསུ ཨགིདྡྷོ ཨགདྷིཏོ ཨམུཙྪིཏོ ཨནཛ྄ཛྷོསནྣོ, ཝཱིཏགེདྷོ ཝིགཏགེདྷོ ཙཏྟགེདྷོ ཝནྟགེདྷོ མུཏྟགེདྷོ པཧཱིནགེདྷོ པཊིནིསྶཊྛགེདྷོ, ཝཱིཏརཱགོ ཝིགཏརཱགོ ཙཏྟརཱགོ ཝནྟརཱགོ མུཏྟརཱགོ པཧཱིནརཱགོ པཊིནིསྶཊྛརཱགོ, ནིཙྪཱཏོ ནིབྦུཏོ སཱིཏིབྷཱུཏོ སུཁཔྤཊིསཾཝེདཱི བྲཧྨབྷཱུཏེན ཨཏྟནཱ ཝིཧརཏཱིཏི – ཨནིཊྛུརཱི ཨནནུགིདྡྷོ.

ཨནེཛོ སབྦདྷཱི སམོཏི. ཨེཛཱ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཡསྶེསཱ ཨེཛཱ ཏཎྷཱ པཧཱིནཱ སམུཙྪིནྣཱ…པེ… ཉཱཎགྒིནཱ དཌྜྷཱ, སོ ཝུཙྩཏི ཨནེཛོ. ཨེཛཱཡ པཧཱིནཏྟཱ ཨནེཛོ. སོ ལཱབྷེཔི ན ཨིཉྫཏི, ཨལཱབྷེཔི ན ཨིཉྫཏི, ཡསེཔི ན ཨིཉྫཏི, ཨཡསེཔི ན ཨིཉྫཏི, པསཾསཱཡཔི ན ཨིཉྫཏི, ནིནྡཱཡཔི ན ཨིཉྫཏི, སུཁེཔི ན ཨིཉྫཏི, དུཀྑེཔི ན ཨིཉྫཏི, ན ཙལཏི ན ཝེདྷཏི ནཔྤཝེདྷཏི ན སམྤཝེདྷཏཱིཏི – ཨནེཛོ. སབྦདྷཱི སམོཏི སབྦཾ ཝུཙྩཏི དྭཱདསཱཡཏནཱནི. ཙཀྑུ ཙེཝ རཱུཔཱ ཙ…པེ… མནོ ཙེཝ དྷམྨཱ ཙ. ཡཏོ ཨཛ྄ཛྷཏྟིཀབཱཧིརེསུ ཨཱཡཏནེསུ ཚནྡརཱགོ པཧཱིནོ ཧོཏི ཨུཙྪིནྣམཱུལོ ཏཱལཱཝཏྠུཀཏོ ཨནབྷཱཝཾཀཏོ ཨཱཡཏིཾ ཨནུཔྤཱདདྷམྨོ, སོ ཝུཙྩཏི སབྦདྷི སམོ. སོ སབྦཏྠ ཏཱདི སབྦཏྠ མཛ྄ཛྷཏྟོ སབྦཏྠ ཨུཔེཀྑཀོཏི – ཨནེཛོ སབྦདྷཱི སམོ.

ཏམཱནིསཾསཾ ¶ ¶ པབྲཱུམི, པུཙྪིཏོ ཨཝིཀམྤིནནྟི. ཨཝིཀམྤིནཾ པུགྒལཾ པུཊྛོ པུཙྪིཏོ ཡཱཙིཏོ ཨཛ྄ཛྷེསིཏོ པསཱདིཏོ ཨིམེ ཙཏྟཱརོ ཨཱནིསཾསེ པབྲཱུམི. ཡོ སོ ཨནིཊྛུརཱི ཨནནུགིདྡྷོ ཨནེཛོ སབྦདྷི སམོཏི བྲཱུམི ཨཱཙིཀྑཱམི…པེ… པཀཱསེམཱིཏི – ཏམཱནིསཾསཾ པབྲཱུམི པུཙྪིཏོ ཨཝིཀམྤིནཾ.

‘‘ཨནིཊྛུརཱི ཨནནུགིདྡྷོ, ཨནེཛོ སབྦདྷཱི སམོ;

ཏམཱནིསཾསཾ པབྲཱུམི, པུཙྪིཏོ ཨཝིཀམྤིན’’ནྟི.

ཨནེཛསྶ ¶ ཝིཛཱནཏོ, ནཏྠི ཀཱཙི ནིསངྑཏི [ནིསངྑིཏི (བཧཱུསུ)] ;

ཝིརཏོ སོ ཝིཡཱརབྦྷཱ, [ཝིཡཱརམྦྷཱ (བཧཱུསུ)] ཁེམཾ པསྶཏི སབྦདྷི.

ཨནེཛསྶ ཝིཛཱནཏོཏི. ཨེཛཱ ཝུཙྩཏི ཏཎྷཱ. ཡོ རཱགོ སཱརཱགོ…པེ… ཨབྷིཛ྄ཛྷཱ ལོབྷོ ཨཀུསལམཱུལཾ. ཡསྶེསཱ ཨེཛཱ ཏཎྷཱ པཧཱིནཱ སམུཙྪིནྣཱ…པེ… ཉཱཎགྒིནཱ དཌྜྷཱ, སོ ཝུཙྩཏི ཨནེཛོ. ཨེཛཱཡ པཧཱིནཏྟཱ ཨནེཛོ. སོ ལཱབྷེཔི ན ཨིཉྫཏི, ཨལཱབྷེཔི ན ཨིཉྫཏི, ཡསེཔི ན ཨིཉྫཏི, ཨཡསེཔི ན ཨིཉྫཏི, པསཾསཱཡཔི ན ཨིཉྫཏི, ནིནྡཱཡཔི ན ཨིཉྫཏི, སུཁེཔི ན ཨིཉྫཏི, དུཀྑེཔི ན ཨིཉྫཏི ན ཙལཏི ན ཝེདྷཏི ནཔྤཝེདྷཏི ན སམྤཝེདྷཏཱིཏི – ཨནེཛསྶ. ཝིཛཱནཏོཏི ཛཱནཏོ ཨཱཛཱནཏོ ཝིཛཱནཏོ པཊིཝིཛཱནཏོ པཊིཝིཛ྄ཛྷཏོ. ‘‘སབྦེ སངྑཱརཱ ཨནིཙྩཱ’’ཏི ཛཱནཏོ ཨཱཛཱནཏོ ཝིཛཱནཏོ པཊིཝིཛཱནཏོ པཊིཝིཛ྄ཛྷཏོ, ‘‘སབྦེ སངྑཱརཱ དུཀྑཱ’’ཏི…པེ… ‘‘ཡཾ ཀིཉྩི སམུདཡདྷམྨཾ སབྦཾ ¶ ཏཾ ནིརོདྷདྷམྨ’’ནྟི ཛཱནཏོ ཨཱཛཱནཏོ ཝིཛཱནཏོ པཊིཝིཛཱནཏོ པཊིཝིཛ྄ཛྷཏོཏི – ཨནེཛསྶ ཝིཛཱནཏོ.

ནཏྠི ཀཱཙི ནིསངྑཏཱིཏི. ནིསངྑཏིཡོཝུཙྩནྟི པུཉྙཱབྷིསངྑཱརོ ཨཔུཉྙཱབྷིསངྑཱརོ ཨཱནེཉྫཱབྷིསངྑཱརོ. ཡཏོ པུཉྙཱབྷིསངྑཱརོ ཙ ཨཔུཉྙཱབྷིསངྑཱརོ ཙ ཨཱནེཉྫཱབྷིསངྑཱརོ ཙ པཧཱིནཱ ཧོནྟི ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ, ཨེཏྟཱཝཏཱ ནིསངྑཏིཡོ ནཏྠི ན སནྟི ན སཾཝིཛྫནྟི ནུཔལབྦྷནྟི, པཧཱིནཱ སམུཙྪིནྣཱ ཝཱུཔསནྟཱ པཊིཔསྶདྡྷཱ ཨབྷབྦུཔྤཏྟིཀཱ ཉཱཎགྒིནཱ དཌྜྷཱཏི – ནཏྠི ཀཱཙི ནིསངྑཏི.

ཝིརཏོ སོ ཝིཡཱརབྦྷཱཏི. ཝིཡཱརབྦྷོ ཝུཙྩཏི པུཉྙཱབྷིསངྑཱརོ ཨཔུཉྙཱབྷིསངྑཱརོ ཨཱནེཉྫཱབྷིསངྑཱརོ. ཡཏོ པུཉྙཱབྷིསངྑཱརོ ཙ ཨཔུཉྙཱབྷིསངྑཱརོ ¶ ཙ ཨཱནེཉྫཱབྷིསངྑཱརོ ¶ ཙ པཧཱིནཱ ཧོནྟི ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ, ཨེཏྟཱཝཏཱ ཨཱརབྦྷཱ ཝིཡཱརབྦྷཱ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏཱིཏི – ཝིརཏོ སོ ཝིཡཱརབྦྷཱ.

ཁེམཾ ¶ པསྶཏི སབྦདྷཱིཏི. བྷཡཀརོ རཱགོ བྷཡཀརོ དོསོ བྷཡཀརོ མོཧོ…པེ… བྷཡཀརཱ ཀིལེསཱ. བྷཡཀརསྶ རཱགསྶ པཧཱིནཏྟཱ…པེ… བྷཡཀརཱནཾ ཀིལེསཱནཾ པཧཱིནཏྟཱ སབྦཏྠ ཁེམཾ པསྶཏི སབྦཏྠ ཨབྷཡཾ པསྶཏི སབྦཏྠ ཨནཱིཏིཀཾ པསྶཏི སབྦཏྠ ¶ ཨནུཔདྡཝཾ པསྶཏི སབྦཏྠ ཨནུཔསགྒཾ པསྶཏི སབྦཏྠ ཨནུཔསཊྛཏྟཾ [པསྶདྡྷཾ (སྱཱ.)] པསྶཏཱིཏི – ཁེམཾ པསྶཏི སབྦདྷི.

‘‘ཨནེཛསྶ ཝིཛཱནཏོ, ནཏྠི ཀཱཙི ནིསངྑཏི;

ཝིརཏོ སོ ཝིཡཱརབྦྷཱ, ཁེམཾ པསྶཏི སབྦདྷཱི’’ཏི.

ན སམེསུ ན ཨོམེསུ, ན ཨུསྶེསུ ཝདཏེ མུནི;

སནྟོ སོ ཝཱིཏམཙྪརོ, [ཝཱིཏམཙྪེརོ (སཱི.)] ནཱདེཏི ན ནིརསྶཏི. [ཨིཏི བྷགཝཱ]

ན སམེསུ ན ཨོམེསུ, ན ཨུསྶེསུ ཝདཏེ མུནཱིཏི. མུནཱིཏི. མོནཾ ཝུཙྩཏི ཉཱཎཾ…པེ… སངྒཛཱལམཏིཙྩ སོ མུནི. ‘‘སེཡྻོཧམསྨཱི’’ཏི ཝཱ ‘‘སདིསོཧམསྨཱི’’ཏི ཝཱ ‘‘ཧཱིནོཧམསྨཱི’’ཏི ཝཱ ན ཝདཏི ན ཀཐེཏི ན བྷཎཏི ན དཱིཔཡཏི ན ཝོཧརཏཱིཏི – ན སམེསུ ན ཨོམེསུ, ན ཨུསྶེསུ ཝདཏེ མུནི.

སནྟོ སོ ཝཱིཏམཙྪརོཏི. སནྟོཏི རཱགསྶ སནྟཏྟཱ སམིཏཏྟཱ སནྟོ, དོསསྶ…པེ… མོཧསྶ… སབྦཱཀུསལཱབྷིསངྑཱརཱནཾ སནྟཏྟཱ སམིཏཏྟཱ ཝཱུཔསམིཏཏྟཱ ཝིཛ྄ཛྷཱཏཏྟཱ ནིབྦུཏཏྟཱ ཝིགཏཏྟཱ ¶ པཊིཔསྶདྡྷཏྟཱ སནྟོ ཨུཔསནྟོ ཝཱུཔསནྟོ ནིབྦུཏོ པཊིཔསྶདྡྷོཏི – སནྟོ. སོ ཝཱིཏམཙྪརོཏི. པཉྩ མཙྪརིཡཱནི ཨཱཝཱསམཙྪརིཡཾ…པེ… གཱཧོ ཝུཙྩཏི མཙྪརིཡཾ. ཡསྶེཏཾ མཙྪརིཡཾ པཧཱིནཾ སམུཙྪིནྣཾ…པེ… ཉཱཎགྒིནཱ དཌྜྷཾ, སོ ཝུཙྩཏི ཝཱིཏམཙྪརོ ཝིགཏམཙྪརོ ཙཏྟམཙྪརོ ཝནྟམཙྪརོ མུཏྟམཙྪརོ པཧཱིནམཙྪརོ པཊིནིསྶཊྛམཙྪརོཏི – སནྟོ སོ ཝཱིཏམཙྪརོ.

ནཱདེཏི ¶ ¶ ན ནིརསྶཏི, ཨིཏི བྷགཝཱཏི. ནཱདེཏཱིཏི རཱུཔཾ ནཱདིཡཏི ན ཨུཔཱདིཡཏི ན གཎྷཱཏི ན པརཱམསཏི ནཱབྷིནིཝིསཏི, ཝེདནཾ… སཉྙཾ… སངྑཱརེ… ཝིཉྙཱཎཾ… གཏིཾ… ཨུཔཔཏྟིཾ… པཊིསནྡྷིཾ… བྷཝཾ… སཾསཱརཾ… ཝཊྚཾ ནཱདིཡཏི ན ཨུཔཱདིཡཏི ན གཎྷཱཏི ན པརཱམསཏི ནཱབྷིནིཝིསཏཱིཏི – ནཱདེཏི. ན ནིརསྶཏཱིཏི རཱུཔཾ ན པཛཧཏི ན ཝིནོདེཏི ན བྱནྟིཾ ཀརོཏི ན ཨནབྷཱཝཾ གམེཏི, ཝེདནཾ… སཉྙཾ… སངྑཱརེ… ཝིཉྙཱཎཾ… གཏིཾ… ཨུཔཔཏྟིཾ ¶ … པཊིསནྡྷིཾ… བྷཝཾ… སཾསཱརཾ… ཝཊྚཾ ན པཛཧཏི ན ཝིནོདེཏི ན བྱནྟིཾ ཀརོཏི ན ཨནབྷཱཝཾ གམེཏི. བྷགཝཱཏི གཱརཝཱདྷིཝཙནཾ…པེ… སཙྪིཀཱ པཉྙཏྟི ཡདིདཾ བྷགཝཱཏི.

‘‘ན སམེསུ ན ཨོམེསུ, ན ཨུསྶེསུ ཝདཏེ མུནི;

སནྟོ སོ ཝཱིཏམཙྪརོ, ནཱདེཏི ན ནིརསྶཏི’’. [ཨིཏི བྷགཝཱ]

ཨཐ ¶ སཱརིཔུཏྟསུཏྟནིདྡེསཾ ཝཀྑཏི –

ན ¶ ¶ མེ དིཊྛོ ཨིཏོ པུབྦེ, [ཨིཙྩཱཡསྨཱ སཱརིཔུཏྟོ]

ཨེཝཾ ཝགྒུཝདོ སཏྠཱ, ཏུསིཏཱ གཎིམཱགཏོ.

ན མེ དིཊྛོ ཨིཏོ པུབྦེཏི. ཨིཏོ པུབྦེ མེ མཡཱ ན དིཊྛཔུབྦོ སོ བྷགཝཱ ཨིམིནཱ ཙཀྑུནཱ ཨིམིནཱ ཨཏྟབྷཱཝེན. ཡདཱ བྷགཝཱ ཏཱཝཏིཾསབྷཝནེ པཱརིཙྪཏྟཀམཱུལེ པཎྜུཀམྦལསིལཱཡཾ ཝསྶཾཝུཏྠོ [ཝསྶཾཝུཊྛོ (སྱཱ.)] དེཝགཎཔརིཝུཏོ མཛ྄ཛྷེ མཎིམཡེན སོཔཱཎེན སངྐསྶནགརཾ ཨོཏིཎྞོ ཨིམཾ དསྶནཾ པུབྦེ ན དིཊྛོཏི – ན མེ དིཊྛོ ཨིཏོ པུབྦེ.

ཨིཙྩཱཡསྨཱ སཱརིཔུཏྟོཏི. ཨིཙྩཱཏི པདསནྡྷི པདསཾསགྒོ པདཔཱརིཔཱུརཱི ཨཀྑརསམཝཱཡོ བྱཉྫནསིལིཊྛཏཱ པདཱནུཔུབྦཏཱཔེཏཾ – ཨིཙྩཱཏི. ཨཱཡསྨཱཏི པིཡཝཙནཾ གརུཝཙནཾ སགཱརཝསཔྤཏིསྶཝཙནམེཏཾ – ཨཱཡསྨཱཏི. སཱརིཔུཏྟོཏི ¶ ཏསྶ ཐེརསྶ ནཱམཾ སངྑཱ སམཉྙཱ པཉྙཏྟི ཝོཧཱརོ ནཱམཾ ནཱམཀམྨཾ ནཱམདྷེཡྻཾ ནིརུཏྟི བྱཉྫནཾ ཨབྷིལཱཔོཏི – ཨིཙྩཱཡསྨཱ སཱརིཔུཏྟོ.

ན སུཏོ ཨུད ཀསྶཙཱིཏི. ནཱཏི པཊིཀྑེཔོ. ཨུདཱཏི པདསནྡྷི ¶ པདསཾསགྒོ པདཔཱརིཔཱུརཱི ཨཀྑརསམཝཱཡོ བྱཉྫནསིལིཊྛཏཱ པདཱནུཔུབྦཏཱཔེཏཾ – ཨུདཱཏི. ཀསྶཙཱིཏི ཁཏྟིཡསྶ ཝཱ བྲཱཧྨཎསྶ ཝཱ ཝེསྶསྶ ཝཱ སུདྡསྶ ཝཱ གཧཊྛསྶ ཝཱ པབྦཛིཏསྶ ཝཱ དེཝསྶ ཝཱ མནུསྶསྶ ཝཱཏི – ན སུཏོ ཨུད ཀསྶཙི.

ཨེཝཾ ¶ ཝགྒུཝདོ སཏྠཱཏི. ཨེཝཾ ཝགྒུཝདོ མདྷུརཝདོ པེམནཱིཡཝདོ ཧདཡངྒམཝདོ ཀརཝཱིཀརུཏམཉྫུགྷོསོ [ཀརཝིཀརུདམཉྫུསྶརོ (སྱཱ.)]. ཨཊྛངྒསམནྣཱགཏོ ཁོ པན ཏསྶ བྷགཝཏོ མུཁཏོ གྷོསོ ནིཙྪརཏི ¶ – ཝིསཊྛོ ཙ ཝིཉྙེཡྻོ ཙ མཉྫུ ཙ སཝནཱིཡོ ཙ བིནྡུ ཙ ཨཝིསཱརཱི ཙ གམྦྷཱིརོ ཙ ནིནྣཱདི ཙ. ཡཐཱ པརིསཾ ཁོ པན སོ བྷགཝཱ སརེན ཝིཉྙཱཔེཏི, ན ཨསྶ བཧིདྡྷཱ པརིསཱཡ གྷོསོ ནིཙྪརཏི, བྲཧྨསྶརོ ཁོ པན སོ བྷགཝཱ ཀརཝཱིཀབྷཱཎཱིཏི – ཨེཝཾ ཝགྒུཝདོ.

སཏྠཱཏི སཏྠཱ བྷགཝཱ སཏྠཝཱཧོ. ཡཐཱ སཏྠཝཱཧོ སཏྟེ ཀནྟཱརཾ ཏཱརེཏི, ཙོརཀནྟཱརཾ ཏཱརེཏི, ཝཱལ༹ཀནྟཱརཾ ཏཱརེཏི, དུབྦྷིཀྑཀནྟཱརཾ ཏཱརེཏི, ནིརུདཀཀནྟཱརཾ ཏཱརེཏི ཨུཏྟཱརེཏི ནིཏྟཱརེཏི པཏཱརེཏི ཁེམནྟབྷཱུམིཾ སམྤཱཔེཏི; ཨེཝམེཝ བྷགཝཱ སཏྠཝཱཧོ སཏྟེ ཀནྟཱརཾ ཏཱརེཏི, ཛཱཏིཀནྟཱརཾ ཏཱརེཏི, ཛརཱཀནྟཱརཾ ཏཱརེཏི, བྱཱདྷིཀནྟཱརཾ…པེ… མརཎཀནྟཱརཾ… སོཀཔརིདེཝདུཀྑདོམནསྶུཔཱཡཱསཀནྟཱརཾ ཏཱརེཏི རཱགཀནྟཱརཾ ཏཱརེཏི དོསཀནྟཱརཾ… མོཧཀནྟཱརཾ… མཱནཀནྟཱརཾ… དིཊྛིཀནྟཱརཾ… ཀིལེསཀནྟཱརཾ… དུཙྩརིཏཀནྟཱརཾ ཏཱརེཏི, རཱགགཧནཾ ཏཱརེཏི, དོསགཧནཾ… མོཧགཧནཾ… མཱནགཧནཾ… དིཊྛིགཧནཾ… ཀིལེསགཧནཾ… དུཙྩརིཏགཧནཾ ཏཱརེཏི ཨུཏྟཱརེཏི ནིཏྟཱརེཏི པཏཱརེཏི ཁེམནྟཾ ཨམཏཾ ནིབྦཱནཾ སམྤཱཔེཏཱིཏི ¶ . ཨེཝམྤི བྷགཝཱ སཏྠཝཱཧོ.

ཨཐ ཝཱ བྷགཝཱ ནེཏཱ ཝིནེཏཱ ཨནུནེཏཱ པཉྙཔེཏཱ ནིཛ྄ཛྷཱཔེཏཱ པེཀྑེཏཱ པསཱདེཏཱཏི. ཨེཝམྤི བྷགཝཱ སཏྠཝཱཧོ.

ཨཐ ¶ ཝཱ བྷགཝཱ ཨནུཔྤནྣསྶ མགྒསྶ ཨུཔྤཱདེཏཱ, ཨསཉྫཱཏསྶ མགྒསྶ སཉྫནེཏཱ, ཨནཀྑཱཏསྶ མགྒསྶ ཨཀྑཱཏཱ, མགྒཉྙཱུ མགྒཝིདཱུ མགྒཀོཝིདོ མགྒཱནུགཱ ཙ པན ཨེཏརཧི སཱཝཀཱ ཝིཧརནྟི པཙྪཱ སམནྣཱགཏཱཏི. ཨེཝམྤི བྷགཝཱ སཏྠཝཱཧོཏི – ཨེཝཾ ཝགྒུཝདོ སཏྠཱ.

ཏུསིཏཱ གཎིམཱགཏོཏི. བྷགཝཱ ཏུསིཏཀཱཡཱ ཙཝིཏྭཱ སཏོ སམྤཛཱནོ མཱཏུཀུཙྪིཾ ཨོཀྐནྟོཏི. ཨེཝམྤི ཏུསིཏཱ གཎིམཱགཏོ.

ཨཐ ཝཱ ¶ དེཝཱ ཝུཙྩནྟི ཏུསིཏཱ. ཏེ ཏུཊྛཱ སནྟུཊྛཱ ཨཏྟམནཱ པམུདིཏཱ པཱིཏིསོམནསྶཛཱཏཱ དེཝལོཀཏོ གཎིཾ ཨཱགཏོཏི. ཨེཝམྤི ཏུསིཏཱ གཎིམཱགཏོ. ཨཐ ཝཱ ཨརཧནྟོ ཝུཙྩནྟི ཏུསིཏཱ. ཏེ ཏུཊྛཱ སནྟུཊྛཱ ཨཏྟམནཱ པརིཔུཎྞསངྐཔྤཱ ཨརཧནྟཱནཾ གཎིཾ ཨཱགཏོཏི. ཨེཝམྤི ཏུསིཏཱ གཎིམཱགཏོ. གཎཱིཏི གཎཱི བྷགཝཱ. གཎཱཙརིཡོཏི གཎཱི, གཎསྶ ¶ སཏྠཱཏི གཎཱི, གཎཾ པརིཧརཏཱིཏི གཎཱི, གཎཾ ཨོཝདཏཱིཏི གཎཱི, གཎམནུསཱསཏཱིཏི གཎཱི, ཝིསཱརདོ གཎཾ ཨུཔསངྐམཏཱིཏི གཎཱི, གཎསྶ [གཎོསྶ (སཱི.)] སུསྶཱུསཏི སོཏཾ ཨོདཧཏི ཨཉྙཱ ཙིཏྟཾ ཨུཔཊྛཔེཏཱིཏི གཎཱི, གཎཾ ཨཀུསལཱ ཝུཊྛཱཔེཏྭཱ ཀུསལེ པཏིཊྛཱཔེཏཱིཏི གཎཱི, བྷིཀྑུགཎསྶ གཎཱི, བྷིཀྑུནིགཎསྶ གཎཱི, ཨུཔཱསཀགཎསྶ གཎཱི, ཨུཔཱསིཀཱགཎསྶ གཎཱི ¶ , རཱཛགཎསྶ གཎཱི, ཁཏྟིཡགཎསྶ… བྲཱཧྨཎགཎསྶ… ཝེསྶགཎསྶ… སུདྡགཎསྶ… དེཝགཎསྶ… བྲཧྨགཎསྶ གཎཱི, སངྒྷཱི གཎཱི གཎཱཙརིཡོ. ཨཱགཏོཏི ཨུཔགཏོ སམུཔགཏོ སམུཔཔནྣོ [སམྤཏྟོ (སྱཱ. ཀ.)] སངྐསྶནགརནྟི – ཏུསིཏཱ གཎིམཱགཏོ.

‘‘ན མེ དིཊྛོ ཨིཏོ པུབྦེ, [ཨིཙྩཱཡསྨཱ སཱརིཔུཏྟོ]

ཨེཝཾ ཝགྒུཝདོ སཏྠཱ, ཏུསིཏཱ གཎིམཱགཏོ’’ཏི.

སདེཝཀསྶ ལོཀསྶ, ཡཐཱ དིསྶཏི ཙཀྑུམཱ;

སབྦཾ ཏམཾ ཝིནོདེཏྭཱ, ཨེཀོཝ རཏིམཛ྄ཛྷགཱ.

སདེཝཀསྶ ¶ ལོཀསྶཱཏི སདེཝཀསྶ ལོཀསྶ སམཱརཀསྶ སབྲཧྨཀསྶ སསྶམཎབྲཱཧྨཎིཡཱ པཛཱཡ སདེཝམནུསྶཱཡཱཏི – སདེཝཀསྶ ལོཀསྶ.

ཡཐཱ དིསྶཏི ཙཀྑུམཱཏི ཡཐཱ བྷགཝནྟཾ ཏཱཝཏིཾསབྷཝནེ པཱརིཙྪཏྟཀམཱུལེ པཎྜུཀམྦལསིལཱཡཾ ནིསིནྣཾ དྷམྨཾ དེསེནྟཾ དེཝཏཱ པསྶནྟི ཏཐཱ མནུསྶཱ པསྶནྟི ¶ . ཡཐཱ མནུསྶཱ པསྶནྟི ཏཐཱ དེཝཏཱ པསྶནྟི. ཡཐཱ དེཝཱནཾ དིསྶཏི ཏཐཱ མནུསྶཱནཾ དིསྶཏི. ཡཐཱ མནུསྶཱནཾ དིསྶཏི ཏཐཱ དེཝཱནཾ དིསྶཏཱིཏི. ཨེཝམྤི ¶ ཡཐཱ དིསྶཏི ཙཀྑུམཱ. ཡཐཱ ཝཱ པནེཀེ བྷོནྟོ སམཎབྲཱཧྨཎཱ ཨདནྟཱ དནྟཝཎྞེན དིསྶནྟི, ཨསནྟཱ སནྟཝཎྞེན དིསྶནྟི, ཨནུཔསནྟཱ ཨུཔསནྟཝཎྞེན དིསྶནྟི, ཨནིབྦུཏཱ ནིབྦུཏཝཎྞེན དིསྶནྟི.

‘‘པཏིརཱུཔཀོ མཏྟིཀཱཀུཎྜལོཝ, ལོཧཌྜྷམཱསོཝ [ལོཧམཱསོཝ (སྱཱ.)] སུཝཎྞཚནྣོ;

ཙརནྟི ལོཀེ པརིཝཱརཚནྣཱ, ཨནྟོ ཨསུདྡྷཱ བཧི སོབྷམཱནཱ’’ཏི [ཨཡཾ གཱཐཱ སཾ. ནི. ༡.༡༢༢ དིསྶཏི].

ན བྷགཝཱ ཨེཝཾ དིསྶཏི. བྷགཝཱ བྷཱུཏེན ཏཙྪེན ཏཐེན ཡཱཐཱཝེན ཨཝིཔརཱིཏེན སབྷཱཝེན དནྟོ ¶ དནྟཝཎྞེན དིསྶཏི, སནྟོ སནྟཝཎྞེན དིསྶཏི, ཨུཔསནྟོ ཨུཔསནྟཝཎྞེན དིསྶཏི, ནིབྦུཏོ ནིབྦུཏཝཎྞེན དིསྶཏི, ཨཀཔྤིཏཨིརིཡཱཔཐཱ ཙ བུདྡྷཱ བྷགཝནྟོ པཎིདྷིསམྤནྣཱཏི. ཨེཝམྤི ཡཐཱ དིསྶཏི ཙཀྑུམཱ.

ཨཐ ཝཱ བྷགཝཱ ཝིསུདྡྷསདྡོ གཏཀིཏྟིསདྡསིལོཀོ [བྷཊཀིཏྟིསདྡསིལོཀོ (སྱཱ.)] ནཱགབྷཝནེ ཙ སུཔཎྞབྷཝནེ ཙ ཡཀྑབྷཝནེ ཙ ཨསུརབྷཝནེ ཙ གནྡྷབྦབྷཝནེ ཙ མཧཱརཱཛབྷཝནེ ཙ ཨིནྡབྷཝནེ ཙ བྲཧྨབྷཝནེ ཙ དེཝབྷཝནེ ཙ ཨེདིསོ ཙ ཏཱདིསོ ཙ ཏཏོ ཙ བྷིཡྻོཏི. ཨེཝམྤི ཡཐཱ དིསྶཏི ཙཀྑུམཱ.

ཨཐ ཝཱ བྷགཝཱ དསཧི བལེཧི སམནྣཱགཏོ, ཙཏཱུཧི ཝེསཱརཛྫེཧི, ཙཏཱུཧི པཊིསམྦྷིདཱཧི, ཚཧི ཨབྷིཉྙཱཧི, ཚཧི བུདྡྷདྷམྨེཧི, ཏེཛེན ཙ བལེན ཙ གུཎེན ཙ ཝཱིརིཡེན ཙ པཉྙཱཡ ཙ དིསྶཏི ཉཱཡཏི པཉྙཱཡཏི.

‘‘དཱུརེ ¶ ¶ སནྟོ པཀཱསེནྟི, ཧིམཝནྟོཝ པབྦཏོ;

ཨསནྟེཏྠ ན དིསྶནྟི, རཏྟིཾ ཁིཏྟཱ [རཏྟིཁིཏྟཱ (སཱི.) དྷ. པ. ༣༠༤] ཡཐཱ སརཱ’’ཏི.

ཙཀྑུམཱཏི བྷགཝཱ པཉྩཧི ཙཀྑཱུཧི ཙཀྑུམཱ – མཾསཙཀྑུནཱཔི ཙཀྑུམཱ, དིབྦཙཀྑུནཱཔི ཙཀྑུམཱ, པཉྙཱཙཀྑུནཱཔི ཙཀྑུམཱ, བུདྡྷཙཀྑུནཱཔི ཙཀྑུམཱ, སམནྟཙཀྑུནཱཔི ཙཀྑུམཱ.

ཀཐཾ ¶ བྷགཝཱ མཾསཙཀྑུནཱཔི ཙཀྑུམཱ? མཾསཙཀྑུམྷི བྷགཝཏོ པཉྩ ཝཎྞཱ སཾཝིཛྫནྟི – ནཱིལོ ཙ ཝཎྞོ, པཱིཏཀོ ཙ ཝཎྞོ, ལོཧིཏཀོ ཙ ཝཎྞོ, ཀཎྷོ ཙ ཝཎྞོ, ཨོདཱཏོ ཙ ཝཎྞོ. ཨཀྑིལོམཱནི ཙ བྷགཝཏོ. ཡཏྠ ཙ ཨཀྑིལོམཱནི པཏིཊྛིཏཱནི ཏཾ ནཱིལཾ ཧོཏི སུནཱིལཾ པཱསཱདིཀཾ དསྶནེཡྻཾ ཨུམཱཔུཔྥསམཱནཾ. ཏསྶ པརཏོ པཱིཏཀཾ ཧོཏི སུཔཱིཏཀཾ སུཝཎྞཝཎྞཾ པཱསཱདིཀཾ དསྶནེཡྻཾ ཀཎིཀཱརཔུཔྥསམཱནཾ. ཨུབྷཏོ ཨཀྑིཀཱུཊཱནི བྷགཝཏོ ལོཧིཏཀཱནི ཧོནྟི སུལོཧིཏཀཱནི པཱསཱདིཀཱནི དསྶནེཡྻཱནི ཨིནྡགོཔཀསམཱནཱནི. མཛ྄ཛྷེ ཀཎྷཾ ཧོཏི སུཀཎྷཾ ཨལཱུཁཾ སུདྡྷཾ པཱསཱདིཀཾ དསྶནེཡྻཾ ཨདྡཱརིཊྛཀསམཱནཾ. ཏསྶ པརཏོ ཨོདཱཏཾ ཧོཏི སུཨོདཱཏཾ སེཏཾ པཎྜརཾ པཱསཱདིཀཾ དསྶནེཡྻཾ ཨོསདྷིཏཱརཀསམཱནཾ ¶ . ཏེན བྷགཝཱ པཱཀཏིཀེན མཾསཙཀྑུནཱ ཨཏྟབྷཱཝཔརིཡཱཔནྣེན པུརིམསུཙརིཏཀམྨཱབྷིནིབྦཏྟེན སམནྟཱ ཡོཛནཾ པསྶཏི དིཝཱ ཙེཝ རཏྟིཉྩ. ཡདཱཔི ཙཏུརངྒསམནྣཱགཏོ ཨནྡྷཀཱརོ ཧོཏི སཱུརིཡོ ཙ ཨཏྠངྒཏོ ཧོཏི ¶ ; ཀཱལ༹པཀྑོ ཙ ཨུཔོསཐོ ཧོཏི, ཏིབྦོ ཙ ཝནསཎྜོ ཧོཏི, མཧཱ ཙ ཀཱལ༹མེགྷོ ཨབྦྷུཊྛིཏོ ཧོཏི. ཨེཝརཱུཔེཔི ཙཏུརངྒསམནྣཱགཏེ ཨནྡྷཀཱརེ སམནྟཱ ཡོཛནཾ པསྶཏི. ནཏྠི སོ ཀུཊྚོ ཝཱ ཀཝཱཊཾ ཝཱ པཱཀཱརོ ཝཱ པབྦཏོ ཝཱ གཙྪོ ཝཱ ལཏཱ ཝཱ ཨཱཝརཎཾ རཱུཔཱནཾ དསྶནཱཡ. ཨེཀཉྩེ ཏིལཕལཾ ནིམིཏྟཾ ཀཏྭཱ ཏིལཝཱཧེ པཀྑིཔེཡྻ, ཏཉྙེཝ ཏིལཕལཾ ཨུདྡྷརེཡྻ. ཨེཝཾ པརིསུདྡྷཾ བྷགཝཏོ པཱཀཏིཀམཾསཙཀྑུ. ཨེཝཾ བྷགཝཱ མཾསཙཀྑུནཱཔི ཙཀྑུམཱ.

ཀཐཾ བྷགཝཱ དིབྦེན ཙཀྑུནཱཔི ཙཀྑུམཱ? བྷགཝཱ དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶཏི ཙཝམཱནེ ཨུཔཔཛྫམཱནེ ཧཱིནེ ¶ པཎཱིཏེ སུཝཎྞེ དུབྦཎྞེ སུགཏེ དུགྒཏེ; ཡཐཱཀམྨཱུཔགེ སཏྟེ པཛཱནཱཏི ¶ – ‘‘ཨིམེ ཝཏ བྷོནྟོ སཏྟཱ ཀཱཡདུཙྩརིཏེན སམནྣཱགཏཱ ཝཙཱིདུཙྩརིཏེན སམནྣཱགཏཱ མནོདུཙྩརིཏེན སམནྣཱགཏཱ ཨརིཡཱནཾ ཨུཔཝཱདཀཱ མིཙྪཱདིཊྛིཀཱ མིཙྪཱདིཊྛིཀམྨསམཱདཱནཱ, ཏེ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔནྣཱ; ཨིམེ ཝཱ པན བྷོནྟོ སཏྟཱ ཀཱཡསུཙརིཏེན སམནྣཱགཏཱ ཝཙཱིསུཙརིཏེན སམནྣཱགཏཱ མནོསུཙརིཏེན སམནྣཱགཏཱ ཨརིཡཱནཾ ཨནུཔཝཱདཀཱ སམྨཱདིཊྛིཀཱ སམྨཱདིཊྛིཀམྨསམཱདཱནཱ, ཏེ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔནྣཱ’’ཏི. ཨིཏི དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶཏི ཙཝམཱནེ ཨུཔཔཛྫམཱནེ ཧཱིནེ པཎཱིཏེ སུཝཎྞེ དུབྦཎྞེ ¶ སུགཏེ དུགྒཏེ; ཡཐཱཀམྨཱུཔགེ སཏྟེ པཛཱནཱཏི. ཨཱཀངྑམཱནོ ཙ བྷགཝཱ ཨེཀམྤི ལོཀདྷཱཏུཾ པསྶེཡྻ, དྭེཔི ལོཀདྷཱཏུཡོ པསྶེཡྻ, ཏིསྶོཔི ལོཀདྷཱཏུཡོ པསྶེཡྻ, ཙཏསྶོཔི ལོཀདྷཱཏུཡོ པསྶེཡྻ, པཉྩཔི ལོཀདྷཱཏུཡོ པསྶེཡྻ, དསཔི ལོཀདྷཱཏུཡོ པསྶེཡྻ, ཝཱིསམྤི [ཝཱིསཏིམྤི (སཱི.)] ལོཀདྷཱཏུཡོ པསྶེཡྻ, ཏིཾསམྤི ལོཀདྷཱཏུཡོ པསྶེཡྻ, ཙཏྟཱལཱིསམྤི ལོཀདྷཱཏུཡོ པསྶེཡྻ, པཉྙཱསམྤི ལོཀདྷཱཏུཡོ པསྶེཡྻ, སཏམྤི ལོཀདྷཱཏུཾ པསྶེཡྻ, སཧསྶིམྤི ཙཱུལ༹ནིཀཾ ལོཀདྷཱཏུཾ པསྶེཡྻ, དྭིསཧསྶིམྤི མཛ྄ཛྷིམིཀཾ ལོཀདྷཱཏུཾ པསྶེཡྻ, ཏིསཧསྶིམྤི ལོཀདྷཱཏུཾ པསྶེཡྻ, མཧཱསཧསྶིམྤི ལོཀདྷཱཏུཾ པསྶེཡྻ, ཡཱཝཏཀཾ པན ཨཱཀངྑེཡྻ ཏཱཝཏཀཾ པསྶེཡྻ. ཨེཝཾ པརིསུདྡྷཾ བྷགཝཏོ དིབྦཙཀྑུ. ཨེཝཾ བྷགཝཱ དིབྦེན ཙཀྑུནཱཔི ཙཀྑུམཱ.

ཀཐཾ བྷགཝཱ པཉྙཱཙཀྑུནཱཔི ཙཀྑུམཱ? བྷགཝཱ མཧཱཔཉྙོ པུཐུཔཉྙོ ཧཱསཔཉྙོ ཛཝནཔཉྙོ ཏིཀྑཔཉྙོ ནིབྦེདྷིཀཔཉྙོ པཉྙཱཔབྷེདཀུསལོ པབྷིནྣཉཱཎོ ཨདྷིགཏཔཊིསམྦྷིདོ ཙཏུཝེསཱརཛྫཔྤཏྟོ ¶ དསབལདྷཱརཱི པུརིསཱསབྷོ པུརིསསཱིཧོ པུརིསནཱགོ པུརིསཱཛཉྙོ པུརིསདྷོརཡ྄ཧོ ¶ ཨནནྟཉཱཎོ ཨནནྟཏེཛོ ཨནནྟཡསོ ཨཌྜྷོ མཧདྡྷནོ དྷནཝཱ ནེཏཱ ཝིནེཏཱ ཨནུནེཏཱ པཉྙཔེཏཱ ནིཛ྄ཛྷཱཔེཏཱ པེཀྑེཏཱ པསཱདེཏཱ. སོ ཧི བྷགཝཱ ཨནུཔྤནྣསྶ མགྒསྶ ཨུཔྤཱདེཏཱ, ཨསཉྫཱཏསྶ མགྒསྶ སཉྫནེཏཱ, ཨནཀྑཱཏསྶ མགྒསྶ ཨཀྑཱཏཱ, མགྒཉྙཱུ ¶ མགྒཝིདཱུ མགྒཀོཝིདོ མགྒཱནུགཱ ཙ པན ཨེཏརཧི ¶ སཱཝཀཱ ཝིཧརནྟི པཙྪཱ སམནྣཱགཏཱ.

སོ ཧི བྷགཝཱ ཛཱནཾ ཛཱནཱཏི, པསྶཾ པསྶཏི, ཙཀྑུབྷཱུཏོ ཉཱཎབྷཱུཏོ དྷམྨབྷཱུཏོ བྲཧྨབྷཱུཏོ ཝཏྟཱ པཝཏྟཱ ཨཏྠསྶ ནིནྣེཏཱ ཨམཏསྶ དཱཏཱ དྷམྨསྶཱམཱི ཏཐཱགཏོ. ནཏྠི ཏསྶ བྷགཝཏོ ཨཉྙཱཏཾ ཨདིཊྛཾ ཨཝིདིཏཾ ཨསཙྪིཀཏཾ ཨཕསྶིཏཾ པཉྙཱཡ. ཨཏཱིཏཾ ཨནཱགཏཾ པཙྩུཔྤནྣཾ ཨུཔཱདཱཡ སབྦེ དྷམྨཱ སབྦཱཀཱརེན བུདྡྷསྶ བྷགཝཏོ ཉཱཎམུཁེ ཨཱཔཱཐཾ ཨཱགཙྪནྟི. ཡཾ ཀིཉྩི ནེཡྻཾ ནཱམ ཨཏྠི ཛཱནིཏབྦཾ [ཨཏྠི དྷམྨཾ ཛཱནིཏབྦཾ (ཀ.) མཧཱནི. ༡༥༦] ཨཏྟཏྠོ ཝཱ, པརཏྠོ ཝཱ, ཨུབྷཡཏྠོ ཝཱ, དིཊྛདྷམྨིཀོ ཝཱ ཨཏྠོ, སམྤརཱཡིཀོ ཝཱ ཨཏྠོ, ཨུཏྟཱནོ ཝཱ ཨཏྠོ, གམྦྷཱིརོ ཝཱ ཨཏྠོ, གཱུལ༹ྷོ ཝཱ ཨཏྠོ, པཊིཙྪནྣོ ཝཱ ཨཏྠོ, ནེཡྻོ ཝཱ ཨཏྠོ, ནཱིཏོ ཝཱ ཨཏྠོ, ཨནཝཛྫོ ཝཱ ཨཏྠོ, ནིཀྐིལེསོ ཝཱ ཨཏྠོ, ཝོདཱནོ ཝཱ ཨཏྠོ, པརམཏྠོ ཝཱ ཨཏྠོ, སབྦཾ ཏཾ ཨནྟོབུདྡྷཉཱཎེ པརིཝཏྟཏི.

ཨཏཱིཏེ བུདྡྷསྶ བྷགཝཏོ ཨཔྤཊིཧཏཾ ཉཱཎཾ, ཨནཱགཏེ ཨཔྤཊིཧཏཾ ཉཱཎཾ, པཙྩུཔྤནྣེ ཨཔྤཊིཧཏཾ ཉཱཎཾ. སབྦཾ ཀཱཡཀམྨཾ བུདྡྷསྶ བྷགཝཏོ ཉཱཎཱནུཔརིཝཏྟི. སབྦཾ ཝཙཱིཀམྨཾ… སབྦཾ མནོཀམྨཾ བུདྡྷསྶ བྷགཝཏོ ཉཱཎཱནུཔརིཝཏྟི. ཡཱཝཏཀཾ ནེཡྻཾ ཏཱཝཏཀཾ ཉཱཎཾ, ཡཱཝཏཀཾ ཉཱཎཾ ཏཱཝཏཀཾ ནེཡྻཾ; ནེཡྻཔརིཡནྟིཀཾ ཉཱཎཾ, ཉཱཎཔརིཡནྟིཀཾ ནེཡྻཾ; ནེཡྻཾ ཨཏིཀྐམིཏྭཱ ཉཱཎཾ ནཔྤཝཏྟཏི, ཉཱཎཾ ཨཏིཀྐམིཏྭཱ ནེཡྻཔཐོ ནཏྠི; ཨཉྙམཉྙཔརིཡནྟཊྛཱཡིནོ ཏེ དྷམྨཱ. ཡཐཱ དྭིནྣཾ སམུགྒཔཊལཱནཾ སམྨཱཕུསིཏཱནཾ ¶ ཧེཊྛིམཾ སམུགྒཔཊལཾ ཨུཔརིམཾ ནཱཏིཝཏྟཏི, ཨུཔརིམཾ སམུགྒཔཊལཾ ཧེཊྛིམཾ ནཱཏིཝཏྟཏི, ཨཉྙམཉྙཔརིཡནྟཊྛཱཡིནོ; ཨེཝམེཝཾ བུདྡྷསྶ བྷགཝཏོ ནེཡྻཉྩ ཉཱཎཉྩ ཨཉྙམཉྙཔརིཡནྟཊྛཱཡིནོ ¶ . ཡཱཝཏཀཾ ནེཡྻཾ ཏཱཝཏཀཾ ཉཱཎཾ, ཡཱཝཏཀཾ ཉཱཎཾ ཏཱཝཏཀཾ ནེཡྻཾ, ནེཡྻཔརིཡནྟིཀཾ ཉཱཎཾ, ཉཱཎཔརིཡནྟིཀཾ ནེཡྻཾ; ནེཡྻཾ ཨཏིཀྐམིཏྭཱ ཉཱཎཾ ན པཝཏྟཏི, ཉཱཎཾ ཨཏིཀྐམིཏྭཱ ནེཡྻཔཐོ ནཏྠི; ཨཉྙམཉྙཔརིཡནྟཊྛཱཡིནོ ཏེ དྷམྨཱ.

སབྦདྷམྨེསུ བུདྡྷསྶ བྷགཝཏོ ཉཱཎཾ པཝཏྟཏི. སབྦེ དྷམྨཱ བུདྡྷསྶ བྷགཝཏོ ཨཱཝཛྫནཔཊིབདྡྷཱ ཨཱཀངྑཔཊིབདྡྷཱ མནསིཀཱརཔཊིབདྡྷཱ ཙིཏྟུཔྤཱདཔཊིབདྡྷཱ. སབྦསཏྟེསུ བུདྡྷསྶ ¶ བྷགཝཏོ ཉཱཎཾ པཝཏྟཏི. སབྦེསཾ སཏྟཱནཾ ¶ བྷགཝཱ ཨཱསཡཾ ཛཱནཱཏི, ཨནུསཡཾ ཛཱནཱཏི, ཙརིཏཾ ཛཱནཱཏི, ཨདྷིམུཏྟིཾ ཛཱནཱཏི, ཨཔྤརཛཀྑེ མཧཱརཛཀྑེ ཏིཀྑིནྡྲིཡེ མུདིནྡྲིཡེ སྭཱཀཱརེ དྭཱཀཱརེ སུཝིཉྙཱཔཡེ དུཝིཉྙཱཔཡེ བྷབྦཱབྷབྦེ སཏྟེ པཛཱནཱཏི. སདེཝཀོ ལོཀོ སམཱརཀོ སབྲཧྨཀོ སསྶམཎབྲཱཧྨཎཱི པཛཱ སདེཝམནུསྶཱ ཨནྟོབུདྡྷཉཱཎེ པརིཝཏྟཏི.

ཡཐཱ ཡེ ཀེཙི མཙྪཀཙྪཔཱ ཨནྟམསོ ཏིམིཏིམིངྒལཾ ཨུཔཱདཱཡ ཨནྟོམཧཱསམུདྡེ པརིཝཏྟནྟི; ཨེཝམེཝ སདེཝཀོ ལོཀོ སམཱརཀོ སབྲཧྨཀོ སསྶམཎབྲཱཧྨཎཱི པཛཱ སདེཝམནུསྶཱ ཨནྟོབུདྡྷཉཱཎེ པརིཝཏྟཏི. ཡཐཱ ཡེ ཀེཙི པཀྑཱི ཨནྟམསོ གརུལ༹ཾ ཝེནཏེཡྻཾ ཨུཔཱདཱཡ ཨཱཀཱསསྶ པདེསེ པརིཝཏྟནྟི; ཨེཝམེཝ ཡེཔི ཏེ སཱརིཔུཏྟསམཱ ¶ པཉྙཱཡ ཏེཔི བུདྡྷཉཱཎསྶ པདེསེ པརིཝཏྟནྟི; བུདྡྷཉཱཎཾ དེཝམནུསྶཱནཾ པཉྙཾ ཕརིཏྭཱ ཨབྷིབྷཝིཏྭཱ ཏིཊྛཏི. ཡེཔི ཏེ ཁཏྟིཡཔཎྜིཏཱ བྲཱཧྨཎཔཎྜིཏཱ གཧཔཏིཔཎྜིཏཱ སམཎཔཎྜིཏཱ ནིཔུཎཱ ཀཏཔརཔྤཝཱདཱ ཝཱལཝེདྷིརཱུཔཱ ཝོབྷིནྡནྟཱ མཉྙེ ཙརནྟི པཉྙཱགཏེན དིཊྛིགཏཱནི, ཏེ པཉྷེ ཨབྷིསངྑརིཏྭཱ ཨབྷིསངྑརིཏྭཱ ཏཐཱགཏཾ ཨུཔསངྐམིཏྭཱ པུཙྪནྟི གཱུལ༹ྷཱནི ཙ པཊིཙྪནྣཱནི ཙ. ཀཐིཏཱ ཝིསཛྫིཏཱཝ ཏེ པཉྷཱ བྷགཝཏཱ ཧོནྟི ནིདྡིཊྛཀཱརཎཱ ཨུཔཀྑིཏྟཀཱ ཙ. ཏེ བྷགཝཏོ སམྤཛྫནྟི. ཨཐ ཁོ བྷགཝཱཝ ཏཏྠ ཨཏིརོཙཏི ¶ , ཡདིདཾ པཉྙཱཡཱཏི. ཨེཝཾ བྷགཝཱ པཉྙཱཙཀྑུནཱཔི ཙཀྑུམཱ.

ཀཐཾ བྷགཝཱ བུདྡྷཙཀྑུནཱཔི ཙཀྑུམཱ? བྷགཝཱ བུདྡྷཙཀྑུནཱ ལོཀཾ ཝོལོཀེནྟོ [ཨོལོཀེནྟོ (སཱི.)] ཨདྡས སཏྟེ ཨཔྤརཛཀྑེ མཧཱརཛཀྑེ ཏིཀྑིནྡྲིཡེ མུདིནྡྲིཡེ སྭཱཀཱརེ དྭཱཀཱརེ སུཝིཉྙཱཔཡེ དུཝིཉྙཱཔཡེ ཨཔྤེཀཙྩེ པརལོཀཝཛྫབྷཡདསྶཱཝིནོ ཝིཧརནྟེ ཨཔྤེཀཙྩེ ནཔརལོཀཝཛྫབྷཡདསྶཱཝིནོ ཝིཧརནྟེ. སེཡྻཐཱཔི ནཱམ ཨུཔྤལིནིཡཾ ཝཱ པདུམིནིཡཾ ཝཱ པུཎྜརཱིཀིནིཡཾ ཝཱ ཨཔྤེཀཙྩཱནི ཨུཔྤལཱནི ཝཱ པདུམཱནི ཝཱ པུཎྜརཱིཀཱནི ཝཱ ཨུདཀེ ཛཱཏཱནི ཨུདཀེ སཾཝཌྜྷཱནི ཨུདཀཱནུགྒཏཱནི ཨནྟོནིམུགྒཔོསཱིནི, ཨཔྤེཀཙྩཱནི ཨུཔྤལཱནི ཝཱ པདུམཱནི ཝཱ པུཎྜརཱིཀཱནི ཝཱ ཨུདཀེ ཛཱཏཱནི ཨུདཀེ སཾཝཌྜྷཱནི སམོདཀཾ ཋིཏཱནི, ཨཔྤེཀཙྩཱནི ཨུཔྤལཱནི ཝཱ པདུམཱནི ཝཱ པུཎྜརཱིཀཱནི ཝཱ ཨུདཀེ ཛཱཏཱནི ཨུདཀེ སཾཝཌྜྷཱནི ཨུདཀཾ ཨཙྩུགྒམྨ ཏིཊྛནྟི ཨནུཔལིཏྟཱནི ¶ ཨུདཀེན; ཨེཝམེཝཾ བྷགཝཱ བུདྡྷཙཀྑུནཱ ལོཀཾ ཝོལོཀེནྟོ ¶ ཨདྡས སཏྟེ ཨཔྤརཛཀྑེ མཧཱརཛཀྑེ ཏིཀྑིནྡྲིཡེ མུདིནྡྲིཡེ སྭཱཀཱརེ དྭཱཀཱརེ སུཝིཉྙཱཔཡེ དུཝིཉྙཱཔཡེ ཨཔྤེཀཙྩེ པརལོཀཝཛྫབྷཡདསྶཱཝིནོ ཝིཧརནྟེ ཨཔྤེཀཙྩེ ནཔརལོཀཝཛྫབྷཡདསྶཱཝིནོ ཝིཧརནྟེ. ཛཱནཱཏི བྷགཝཱ – ‘‘ཨཡཾ པུགྒལོ རཱགཙརིཏོ, ཨཡཾ དོསཙརིཏོ, ཨཡཾ མོཧཙརིཏོ, ཨཡཾ ཝིཏཀྐཙརིཏོ, ཨཡཾ སདྡྷཱཙརིཏོ, ཨཡཾ ཉཱཎཙརིཏོ’’ཏི. རཱགཙརིཏསྶ བྷགཝཱ ¶ པུགྒལསྶ ཨསུབྷཀཐཾ ཀཐེཏི; དོསཙརིཏསྶ བྷགཝཱ པུགྒལསྶ མེཏྟཱབྷཱཝནཾ ཨཱཙིཀྑཏི; མོཧཙརིཏསྶ བྷགཝཱ པུགྒལསྶ ཨུདྡེསེ པརིཔུཙྪཱཡ ཀཱལེན དྷམྨསྶཝནེ ཀཱལེན དྷམྨསཱཀཙྪཱཡ གརུསཾཝཱསེ ནིཝེསེཏི; ཝིཏཀྐཙརིཏསྶ བྷགཝཱ པུགྒལསྶ ཨཱནཱཔཱནསྶཏིཾ ཨཱཙིཀྑཏི; སདྡྷཱཙརིཏསྶ བྷགཝཱ པུགྒལསྶ པསཱདནཱིཡཾ ནིམིཏྟཾ ཨཱཙིཀྑཏི བུདྡྷསུབོདྷིཾ དྷམྨསུདྷམྨཏཾ སངྒྷསུཔྤཊིཔཏྟིཾ སཱིལཱནི ཙ ཨཏྟནོ; ཉཱཎཙརིཏསྶ བྷགཝཱ པུགྒལསྶ ཝིཔསྶནཱནིམིཏྟཾ ཨཱཙིཀྑཏི ཨནིཙྩཱཀཱརཾ དུཀྑཱཀཱརཾ ཨནཏྟཱཀཱརཾ.

‘‘སེལེ ཡཐཱ པབྦཏམུདྡྷནིཊྛིཏོ, ཡཐཱཔི པསྶེ ཛནཏཾ སམནྟཏོ;

ཏཐཱུཔམཾ དྷམྨམཡཾ སུམེདྷ, པཱསཱདམཱརུཡ྄ཧ ¶ སམནྟཙཀྑུ;

སོཀཱཝཏིཎྞཾ ཛནཏམཔེཏསོཀོ, ཨཝེཀྑསྶུ ཛཱཏིཛརཱབྷིབྷཱུཏ’’ནྟི.

ཨེཝཾ བྷགཝཱ བུདྡྷཙཀྑུནཱཔི ཙཀྑུམཱ.

ཀཐཾ ¶ བྷགཝཱ སམནྟཙཀྑུནཱཔི ཙཀྑུམཱ? སམནྟཙཀྑུ ཝུཙྩཏི སབྦཉྙུཏཉཱཎཾ. བྷགཝཱ སབྦཉྙུཏཉཱཎེན ཨུཔེཏོ སམུཔེཏོ ཨུཔགཏོ སམུཔགཏོ ཨུཔཔནྣོ སམུཔཔནྣོ སམནྣཱགཏོ.

‘‘ན ཏསྶ ཨདིཊྛམིདྷཏྠི ཀིཉྩི, ཨཐོ ཨཝིཉྙཱཏམཛཱནིཏབྦཾ;

སབྦཾ ཨབྷིཉྙཱསི ཡདཏྠི ནེཡྻཾ, ཏཐཱགཏོ ཏེན སམནྟཙཀྑཱུ’’ཏི.

ཨེཝཾ བྷགཝཱ སམནྟཙཀྑུནཱཔི ཙཀྑུམཱཏི – ཡཐཱ དིསྶཏི ཙཀྑུམཱ.

སབྦཾ ¶ ཏམཾ ཝིནོདེཏྭཱཏི སབྦཾ རཱགཏམཾ དོསཏམཾ མོཧཏམཾ མཱནཏམཾ དིཊྛིཏམཾ ཀིལེསཏམཾ དུཙྩརིཏཏམཾ ཨནྡྷཀརཎཾ ཨཙཀྑུཀརཎཾ ཨཉྙཱཎཀརཎཾ པཉྙཱནིརོདྷིཀཾ ཝིགྷཱཏཔཀྑིཀཾ ཨནིབྦཱནསཾཝཏྟནིཀཾ ནུདིཏྭཱ པནུདིཏྭཱ ཛཧིཏྭཱ པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམེཏྭཱཏི – སབྦཾ ཏམཾ ཝིནོདེཏྭཱ.

ཨེཀོཝ རཏིམཛ྄ཛྷགཱཏི. ཨེཀོཏི བྷགཝཱ པབྦཛྫཱསངྑཱཏེན ཨེཀོ, ཨདུཏིཡཊྛེན ཨེཀོ, ཏཎྷཱཡ པཧཱནཊྛེན ཨེཀོ, ཨེཀནྟཝཱིཏརཱགོཏི ཨེཀོ, ཨེཀནྟཝཱིཏདོསོཏི ཨེཀོ, ཨེཀནྟཝཱིཏམོཧོཏི ¶ ཨེཀོ, ཨེཀནྟནིཀྐིལེསོཏི ཨེཀོ, ཨེཀཱཡནམགྒཾ གཏོཏི ཨེཀོ, ཨནུཏྟརཾ སམྨཱསམྦོདྷིཾ ཨབྷིསམྦུདྡྷོཏི ཨེཀོ.

ཀཐཾ བྷགཝཱ པབྦཛྫཱསངྑཱཏེན ཨེཀོ? བྷགཝཱ དཧརོཝ སམཱནོ སུསུ ཀཱལ༹ཀེསོ བྷདྲེན [བྷདྡེན (སྱཱ.)] ཡོབྦནེན སམནྣཱགཏོ པཋམེན ཝཡསཱ ¶ ཨཀཱམཀཱནཾ མཱཏཱཔིཏཱུནཾ ཨསྶུམུཁཱནཾ རུདནྟཱནཾ ཝིལཔནྟཱནཾ ཉཱཏིསངྒྷཾ པཧཱཡ སབྦཾ གྷརཱཝཱསཔལིབོདྷཾ ཚིནྡིཏྭཱ པུཏྟདཱརཔལིབོདྷཾ ཚིནྡིཏྭཱ ཉཱཏིཔལིབོདྷཾ ཚིནྡིཏྭཱ མིཏྟཱམཙྩཔལིབོདྷཾ ཚིནྡིཏྭཱ སནྣིདྷིཔལིབོདྷཾ ཚིནྡིཏྭཱ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛིཏྭཱ ཨཀིཉྩནབྷཱཝཾ ཨུཔགནྟྭཱ ¶ ཨེཀོ ཙརཏི ཝིཧརཏི ཨིརིཡཏི ཝཏྟཏི པཱལེཏི ཡཔེཏི ཡཱཔེཏི – ཨེཝཾ བྷགཝཱ པབྦཛྫཱསངྑཱཏེན ཨེཀོ.

ཀཐཾ བྷགཝཱ ཨདུཏིཡཊྛེན ཨེཀོ? སོ ཨེཝཾ པབྦཛིཏོ སམཱནོ ཨེཀོ ཨརཉྙཝནཔཏྠཱནི པནྟཱནི སེནཱསནཱནི པཊིསེཝཏི ཨཔྤསདྡཱནི ཨཔྤནིགྒྷོསཱནི ཝིཛནཝཱཏཱནི མནུསྶརཱཧསྶེཡྻཀཱནི པཊིསལླཱནསཱརུཔྤཱནི. སོ ཨེཀོ ཙརཏི, ཨེཀོ གཙྪཏི, ཨེཀོ ཏིཊྛཏི, ཨེཀོ ནིསཱིདཏི, ཨེཀོ སེཡྻཾ ཀཔྤེཏི, ཨེཀོ གཱམཾ པིཎྜཱཡ པཝིསཏི, ཨེཀོ པཊིཀྐམཏི, ཨེཀོ རཧོ ནིསཱིདཏི, ཨེཀོ ཙངྐམཾ ཨདྷིཊྛཱཏི, ཨེཀོ ཙརཏི ཝིཧརཏི ཨིརིཡཏི ཝཏྟཏི པཱལེཏི ཡཔེཏི ཡཱཔེཏི – ཨེཝཾ བྷགཝཱ ཨདུཏིཡཊྛེན ཨེཀོ.

ཀཐཾ བྷགཝཱ ཏཎྷཱཡ པཧཱནཊྛེན ཨེཀོ? སོ ཨེཝཾ ཨེཀོ ཨདུཏིཡོ ཨཔྤམཏྟོ ཨཱཏཱཔཱི པཧིཏཏྟོ ཝིཧརནྟོ ནཛྫཱ ནེརཉྫརཱཡ ¶ ཏཱིརེ བོདྷིརུཀྑམཱུལེ མཧཱཔདྷཱནཾ པདཧནྟོ མཱརཾ སསེནཾ ཀཎྷཾ ནམུཙིཾ པམཏྟབནྡྷུཾ ཝིདྷམིཏྭཱ ཏཎྷཱཛཱལིནིཾ ཝིསརིཏཾ ཝིསཏྟིཀཾ པཛཧསི ཝིནོདེསི བྱནྟིཾ ཨཀཱསི ཨནབྷཱཝཾ གམེསི.

‘‘ཏཎྷཱདུཏིཡོ ¶ པུརིསོ, དཱིགྷམདྡྷཱནསཾསརཾ;

ཨིཏྠབྷཱཝཉྙཐཱབྷཱཝཾ [ཨིཏྠཾ བྷཱཝཉྙཐཱབྷཱཝཾ (ཀ.) ཨིཏིཝུ. ༡༥, ༡༠༥], སཾསཱརཾ ནཱཏིཝཏྟཏི.

‘‘ཨེཏམཱདཱིནཝཾ ཉཏྭཱ, ཏཎྷཾ དུཀྑསྶ སམྦྷཝཾ;

ཝཱིཏཏཎྷོ ཨནཱདཱནོ, སཏོ བྷིཀྑུ པརིབྦཛེ’’ཏི.

ཨེཝཾ བྷགཝཱ ཏཎྷཱཡ པཧཱནཊྛེན ཨེཀོ.

ཀཐཾ ¶ བྷགཝཱ ཨེཀནྟཝཱིཏརཱགོཏི ཨེཀོ? རཱགསྶ པཧཱིནཏྟཱ ཨེཀནྟཝཱིཏརཱགོཏི ཨེཀོ, དོསསྶ པཧཱིནཏྟཱ ཨེཀནྟཝཱིཏདོསོཏི ཨེཀོ, མོཧསྶ པཧཱིནཏྟཱ ཨེཀནྟཝཱིཏམོཧོཏི ཨེཀོ, ཀིལེསཱནཾ པཧཱིནཏྟཱ ཨེཀནྟནིཀྐིལེསོཏི ཨེཀོ.

ཀཐཾ བྷགཝཱ ཨེཀཱཡནམགྒཾ གཏོཏི ཨེཀོ? ཨེཀཱཡནམགྒོ ཝུཙྩཏི ཙཏྟཱརོ སཏིཔཊྛཱནཱ ཙཏྟཱརོ སམྨཔྤདྷཱནཱ ¶ ཙཏྟཱརོ ཨིདྡྷིཔཱདཱ པཉྩིནྡྲིཡཱནི པཉྩ བལཱནི སཏྟ བོཛ྄ཛྷངྒཱ ཨརིཡོ ཨཊྛངྒིཀོ མགྒོ.

‘‘ཨེཀཱཡནཾ ཛཱཏིཁཡནྟདསྶཱི, མགྒཾ པཛཱནཱཏི ཧིཏཱནུཀམྤཱི;

ཨེཏེན མགྒེན ཏརིཾསུ [ཨཏརིཾསུ (སྱཱ.)] པུབྦེ, ཏརིསྶནྟི ཡེ ཙ ཏརནྟི ཨོགྷ’’ནྟི.

ཨེཝཾ བྷགཝཱ ཨེཀཱཡནམགྒཾ གཏོཏི ཨེཀོ.

ཀཐཾ བྷགཝཱ ཨེཀོ ཨནུཏྟརཾ སམྨཱསམྦོདྷིཾ ཨབྷིསམྦུདྡྷོཏི ཨེཀོ? བོདྷི ཝུཙྩཏི ཙཏཱུསུ མགྒེསུ ཉཱཎཾ པཉྙིནྡྲིཡཾ ¶ པཉྙཱབལཾ དྷམྨཝིཙཡསམྦོཛ྄ཛྷངྒོ ཝཱིམཾསཱ ཝིཔསྶནཱ སམྨཱདིཊྛི. བྷགཝཱ ཏེན བོདྷིཉཱཎེན ‘‘སབྦེ སངྑཱརཱ ཨནིཙྩཱ’’ཏི བུཛ྄ཛྷི, ‘‘སབྦེ སངྑཱརཱ དུཀྑཱ’’ཏི བུཛ྄ཛྷི, ‘‘སབྦེ དྷམྨཱ ཨནཏྟཱ’’ཏི བུཛ྄ཛྷི, ‘‘ཨཝིཛྫཱཔཙྩཡཱ སངྑཱརཱ’’ཏི བུཛ྄ཛྷི…པེ… ‘‘ཛཱཏིཔཙྩཡཱ ཛརཱམརཎ’’ནྟི བུཛ྄ཛྷི; ‘‘ཨཝིཛྫཱནིརོདྷཱ སངྑཱརནིརོདྷོ’’ཏི བུཛ྄ཛྷི…པེ… ‘‘ཛཱཏིནིརོདྷཱ ཛརཱམརཎནིརོདྷོ’’ཏི བུཛ྄ཛྷི; ‘‘ཨིདཾ དུཀྑ’’ནྟི བུཛ྄ཛྷི, ‘‘ཨཡཾ དུཀྑསམུདཡོ’’ཏི བུཛ྄ཛྷི, ‘‘ཨཡཾ དུཀྑནིརོདྷོ’’ཏི བུཛ྄ཛྷི, ‘‘ཨཡཾ དུཀྑནིརོདྷགཱམིནཱི ¶ པཊིཔདཱ’’ཏི བུཛ྄ཛྷི; ‘‘ཨིམེ ཨཱསཝཱ’’ཏི བུཛ྄ཛྷི…པེ… ‘‘ཨཡཾ ཨཱསཝནིརོདྷགཱམིནཱི པཊིཔདཱ’’ཏི བུཛ྄ཛྷི; ‘‘ཨིམེ དྷམྨཱ པརིཉྙེཡྻཱ’’ཏི བུཛ྄ཛྷི… པཧཱཏབྦཱཏི… བྷཱཝེཏབྦཱཏི… སཙྪིཀཱཏབྦཱཏི བུཛ྄ཛྷི, ཚནྣཾ ཕསྶཱཡཏནཱནཾ སམུདཡཉྩ ཨཏྠངྒམཉྩ ཨསྶཱདཉྩ ཨཱདཱིནཝཉྩ ནིསྶརཎཉྩ བུཛ྄ཛྷི, པཉྩནྣཾ ཨུཔཱདཱནཀྑནྡྷཱནཾ སམུདཡཉྩ ཨཏྠངྒམཉྩ ཨསྶཱདཉྩ ཨཱདཱིནཝཉྩ ནིསྶརཎཉྩ བུཛ྄ཛྷི, ཙཏུནྣཾ མཧཱབྷཱུཏཱནཾ སམུདཡཉྩ ཨཏྠངྒམཉྩ ཨསྶཱདཉྩ ཨཱདཱིནཝཉྩ ནིསྶརཎཉྩ བུཛ྄ཛྷི, ‘‘ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨ’’ནྟི བུཛ྄ཛྷི.

ཨཐ ཝཱ ཡཾ ¶ ཀིཉྩི བུཛ྄ཛྷིཏབྦཾ ཨནུབུཛ྄ཛྷིཏབྦཾ པཊིབུཛ྄ཛྷིཏབྦཾ སམྦུཛ྄ཛྷིཏབྦཾ ཨདྷིགནྟབྦཾ ཕསྶིཏབྦཾ སཙྪིཀཱཏབྦཾ, སབྦཾ ཏཾ ཏེན བོདྷིཉཱཎེན བུཛ྄ཛྷི ཨནུབུཛ྄ཛྷི པཊིབུཛ྄ཛྷི ¶ སམྦུཛ྄ཛྷི སམྨཱབུཛ྄ཛྷི ཨདྷིགཙྪི ཕསྶེསི ¶ སཙྪཱཀཱསི. ཨེཝཾ བྷགཝཱ ཨེཀོ ཨནུཏྟརཾ སམྨཱསམྦོདྷིཾ ཨབྷིསམྦུདྡྷོཏི ཨེཀོ.

རཏིམཛ྄ཛྷགཱཏི. རཏིནྟི ནེཀྑམྨརཏིཾ ཝིཝེཀརཏིཾ ཨུཔསམརཏིཾ སམྦོདྷིརཏིཾ ཨཛ྄ཛྷགཱ སམཛ྄ཛྷགཱ ཨདྷིགཙྪི ཕསྶེསི སཙྪཱཀཱསཱིཏི – ཨེཀོཝ རཏིམཛ྄ཛྷགཱ.

‘‘སདེཝཀསྶ ལོཀསྶ, ཡཐཱ དིསྶཏི ཙཀྑུམཱ;

སབྦཾ ཏམཾ ཝིནོདེཏྭཱ, ཨེཀོཝ རཏིམཛ྄ཛྷགཱ’’ཏི.

ཏཾ བུདྡྷཾ ཨསིཏཾ ཏཱདིཾ, ཨཀུཧཾ གཎིམཱགཏཾ;

བཧཱུནམིདྷ བདྡྷཱནཾ, ཨཏྠི པཉྷེན ཨཱགམཾ.

ཏཾ བུདྡྷཾ ཨསིཏཾ ཏཱདིནྟི. བུདྡྷོཏི ཡོ སོ བྷགཝཱ སཡམྦྷཱུ ཨནཱཙརིཡཀོ པུབྦེ ཨནནུསྶུཏེསུ དྷམྨེསུ སཱམཾ སཙྩཱནི ཨབྷིསམྦུཛ྄ཛྷི, ཏཏྠ ཙ སབྦཉྙུཏཾ པཱཔུཎི [པཏྟོ (སྱཱ.)], བལེསུ ཙ ཝསཱིབྷཱཝཾ པཱཔུཎི. བུདྡྷོཏི ཀེནཊྛེན བུདྡྷོ? བུཛ྄ཛྷིཏཱ སཙྩཱནཱིཏི བུདྡྷོ, བོདྷེཏཱ པཛཱཡཱཏི བུདྡྷོ, སབྦཉྙུཏཱཡ བུདྡྷོ, སབྦདསྶཱཝིཏཱཡ བུདྡྷོ, ཨནཉྙནེཡྻཏཱཡ བུདྡྷོ, ཝིསཝིཏཱཡ བུདྡྷོ, ཁཱིཎཱསཝསངྑཱཏེན བུདྡྷོ, ནིརུཔཀྐིལེསསངྑཱཏེན བུདྡྷོ, ཨེཀནྟཝཱིཏརཱགོཏི བུདྡྷོ, ཨེཀནྟཝཱིཏདོསོཏི བུདྡྷོ, ཨེཀནྟཝཱིཏམོཧོཏི བུདྡྷོ, ཨེཀནྟནིཀྐིལེསོཏི བུདྡྷོ, ཨེཀཱཡནམགྒཾ གཏོཏི བུདྡྷོ, ཨེཀོ ཨནུཏྟརཾ སམྨཱསམྦོདྷིཾ ཨབྷིསམྦུདྡྷོཏི བུདྡྷོ, ཨབུདྡྷིཝིཧཏཏྟཱ ¶ བུདྡྷིཔཊིལཱབྷཏྟཱ བུདྡྷོ. བུདྡྷོཏི ནེཏཾ ¶ མཱཏརཱ ཀཏཾ ན པིཏརཱ ཀཏཾ, ན བྷཱཏརཱ ཀཏཾ, ན བྷགིནིཡཱ ཀཏཾ, ན མིཏྟཱམཙྩེཧི ཀཏཾ, ན ཉཱཏིསཱལོཧིཏེཧི ¶ ཀཏཾ, ན སམཎབྲཱཧྨཎེཧི ཀཏཾ, ན དེཝཏཱཧི ཀཏཾ. ཝིམོཀྑནྟིཀམེཏཾ བུདྡྷཱནཾ བྷགཝནྟཱནཾ བོདྷིཡཱ མཱུལེ སཧ སབྦཉྙུཏཉཱཎསྶ པཊིལཱབྷཱ སཙྪིཀཱ པཉྙཏྟི, ཡདིདཾ བུདྡྷོཏི – ཏཾ བུདྡྷཾ. ཨསིཏནྟི དྭེ ནིསྶཡཱ – ཏཎྷཱནིསྶཡོ ཙ དིཊྛིནིསྶཡོ ཙ. ཀཏམོ ཏཎྷཱནིསྶཡོ? ཡཱཝ ཏཎྷཱསངྑཱཏེན སཱིམཀཏཾ ཨོདྷིཀཏཾ [པརིཡཱདིཀཏཾ (སྱཱ.)] པརིཡནྟཀཏཾ པརིགྒཧིཏཾ མམཱཡིཏཾ – ཨིདཾ མམ, ཨེཏཾ མམ, ཨེཏྟཀཾ མམ, ཨེཏྟཱཝཏཱ མམ, མམ རཱུཔཱ སདྡཱ གནྡྷཱ རསཱ ཕོཊྛབྦཱ, ཨཏྠརཎཱ པཱཝུརཎཱ དཱསིདཱསཱ ཨཛེལ༹ཀཱ ཀུཀྐུཊསཱུཀརཱ ཧཏྠིགཝཱསྶཝལ༹ཝཱ, ཁེཏྟཾ ཝཏྠུཾ ཧིརཉྙཾ སུཝཎྞཾ, གཱམནིགམརཱཛདྷཱནིཡོ རཊྛཉྩ ཛནཔདོ ཙ ཀོསོ ཙ ཀོཊྛཱགཱརཉྩ, ཀེཝལམྤི མཧཱཔཐཝིཾ ཏཎྷཱཝསེན མམཱཡཏི, ཡཱཝཏཱ ཨཊྛསཏཾ ཏཎྷཱཝིཙརིཏཾ – ཨཡཾ ཏཎྷཱནིསྶཡོ.

ཀཏམོ ¶ དིཊྛིནིསྶཡོ? ཝཱིསཏིཝཏྠུཀཱ སཀྐཱཡདིཊྛི, དསཝཏྠུཀཱ མིཙྪཱདིཊྛི, དསཝཏྠུཀཱ ཨནྟགྒཱཧིཀཱ དིཊྛི. ཡཱ ཨེཝརཱུཔཱ དིཊྛི དིཊྛིགཏཾ དིཊྛིགཧནཾ དིཊྛིཀནྟཱརོ དིཊྛིཝིསཱུཀཱཡིཀཾ དིཊྛིཝིཔྥནྡིཏཾ དིཊྛིསཉྙོཛནཾ གཱཧོ པཊིགྒཱཧོ ཨབྷིནིཝེསོ པརཱམཱསོ ཀུམྨགྒོ མིཙྪཱཔཐོ མིཙྪཏྟཾ ཏིཏྠཱཡཏནཾ ཝིཔརིཡཱསགྒཱཧོ ཝིཔརཱིཏགྒཱཧོ ཝིཔལླཱསགྒཱཧོ ¶ མིཙྪཱགཱཧོ ‘‘ཨཡཱཐཱཝཀསྨིཾ ཡཱཐཱཝཀ’’ནྟི གཱཧོ ཡཱཝཏཱ དྭཱསཊྛི དིཊྛིགཏཱནི – ཨཡཾ དིཊྛིནིསྶཡོ.

བུདྡྷསྶ བྷགཝཏོ ཏཎྷཱནིསྶཡོ པཧཱིནོ, དིཊྛིནིསྶཡོ པཊིནིསྶཊྛོ; ཏཎྷཱནིསྶཡསྶ པཧཱིནཏྟཱ དིཊྛིནིསྶཡསྶ པཊིནིསྶཊྛཏྟཱ བྷགཝཱ ཙཀྑུཾ ཨསིཏོ, སོཏཾ… གྷཱནཾ… ཛིཝ྄ཧཾ… ཀཱཡཾ… མནཾ ཨསིཏོ, རཱུཔེ… སདྡེ… གནྡྷེ… རསེ… ཕོཊྛབྦེ… ཀུལཾ… གཎཾ… ཨཱཝཱསཾ… ལཱབྷཾ… ཡསཾ… པསཾསཾ… སུཁཾ… ཙཱིཝརཾ… པིཎྜཔཱཏཾ… སེནཱསནཾ… གིལཱནཔཙྩཡབྷེསཛྫཔརིཀྑཱརཾ… ཀཱམདྷཱཏུཾ… རཱུཔདྷཱཏུཾ… ཨརཱུཔདྷཱཏུཾ ¶ … ཀཱམབྷཝཾ… རཱུཔབྷཝཾ… ཨརཱུཔབྷཝཾ… སཉྙཱབྷཝཾ… ཨསཉྙཱབྷཝཾ… ནེཝསཉྙཱནཱསཉྙཱབྷཝཾ… ཨེཀཝོཀཱརབྷཝཾ… ཙཏུཝོཀཱརབྷཝཾ… པཉྩཝོཀཱརབྷཝཾ… ཨཏཱིཏཾ… ཨནཱགཏཾ… པཙྩུཔྤནྣཾ… དིཊྛསུཏམུཏཝིཉྙཱཏབྦེ དྷམྨེ ཨསིཏོ ཨནིསྶིཏོ ཨནལླཱིནོ ཨནུཔགཏོ ཨནཛ྄ཛྷོསིཏོ ཨནདྷིམུཏྟོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏཱིཏི – ཏཾ བུདྡྷཾ ཨསིཏཾ.

ཏཱདིནྟི ¶ བྷགཝཱ པཉྩཧཱཀཱརེཧི ཏཱདཱི – ཨིཊྛཱནིཊྛེ ཏཱདཱི, ཙཏྟཱཝཱིཏི ཏཱདཱི, ཏིཎྞཱཝཱིཏི ཏཱདཱི, མུཏྟཱཝཱིཏི ཏཱདཱི, ཏཾནིདྡེསཱ ཏཱདཱི.

ཀཐཾ བྷགཝཱ ཨིཊྛཱནིཊྛེ ཏཱདཱི? བྷགཝཱ ལཱབྷེཔི ཏཱདཱི, ཨལཱབྷེཔི ཏཱདཱི, ཡསེཔི ཏཱདཱི, ཨཡསེཔི ཏཱདཱི, པསཾསཱཡཔི ཏཱདཱི ནིནྡཱཡཔི ཏཱདཱི, སུཁེཔི ཏཱདཱི, དུཀྑེཔི ཏཱདཱི; ཨེཀཙྩེ བཱཧཾ གནྡྷེན ལིམྤེཡྻུཾ, ཨེཀཙྩེ བཱཧཾ ཝཱསིཡཱ ཏཙྪེཡྻུཾ, ཨམུཀསྨིཾ ནཏྠི རཱགོ ¶ , ཨམུཀསྨིཾ ནཏྠི པཊིགྷཾ, ཨནུནཡཔཊིགྷཝིཔྤཧཱིནོ ཨུགྒྷཱཏིནིགྒྷཱཏིཝཱིཏིཝཏྟོ ཨནུརོདྷཝིརོདྷཾ སམཏིཀྐནྟོ. ཨེཝཾ བྷགཝཱ ཨིཊྛཱནིཊྛེ ཏཱདཱི.

ཀཐཾ བྷགཝཱ ཙཏྟཱཝཱིཏི ཏཱདཱི? བྷགཝཏཱ [བྷགཝཏོ (སྱཱ.)] རཱགོ ཙཏྟོ ཝནྟོ མུཏྟོ པཧཱིནོ པཊིནིསྶཊྛོ, དོསོ…པེ… མོཧོ… ཀོདྷོ… ཨུཔནཱཧོ… མཀྑོ… པལཱ༹སོ… ཨིསྶཱ… མཙྪརིཡཾ… མཱཡཱ… སཱཋེཡྻཾ… ཐམྦྷོ… སཱརམྦྷོ… མཱནོ… ཨཏིམཱནོ… མདོ… པམཱདོ… སབྦེ ཀིལེསཱ… སབྦེ དུཙྩརིཏཱ… སབྦེ དརཐཱ… སབྦེ པརིལཱ༹ཧཱ… སབྦེ སནྟཱཔཱ ¶ … སབྦཱཀུསལཱབྷིསངྑཱརཱ ཙཏྟཱ ཝནྟཱ མུཏྟཱ པཧཱིནཱ པཊིནིསྶཊྛཱ. ཨེཝཾ བྷགཝཱ ཙཏྟཱཝཱིཏི ཏཱདཱི.

ཀཐཾ བྷགཝཱ ཏིཎྞཱཝཱིཏི ཏཱདཱི? བྷགཝཱ ཀཱམོགྷཾ ཏིཎྞོ, བྷཝོགྷཾ ཏིཎྞོ, དིཊྛོགྷཾ ཏིཎྞོ, ཨཝིཛྫོགྷཾ ཏིཎྞོ, སབྦཾ སཾསཱརཔཐཾ ཏིཎྞོ ཨུཏྟིཎྞོ ནིཏྟིཎྞོ ཨཏིཀྐནྟོ སམཏིཀྐནྟོ ཝཱིཏིཝཏྟོ. སོ ཝུཊྛཝཱསོ ཙིཎྞཙརཎོ གཏདྡྷོ གཏདིསོ གཏཀོཊིཡོ པཱལིཏབྲཧྨཙརིཡོ ཨུཏྟམདིཊྛིཔྤཏྟོ བྷཱཝིཏམགྒོ པཧཱིནཀིལེསོ པཊིཝིདྡྷཱཀུཔྤོ སཙྪིཀཏནིརོདྷོ. དུཀྑཾ ཏསྶ པརིཉྙཱཏཾ, སམུདཡོ པཧཱིནོ, མགྒོ བྷཱཝིཏོ, ནིརོདྷོ སཙྪིཀཏོ, ཨབྷིཉྙེཡྻཾ ཨབྷིཉྙཱཏཾ ¶ , པརིཉྙེཡྻཾ པརིཉྙཱཏཾ, པཧཱཏབྦཾ པཧཱིནཾ, བྷཱཝེཏབྦཾ བྷཱཝིཏཾ, སཙྪིཀཱཏབྦཾ སཙྪིཀཏཾ. སོ ཨུཀྑིཏྟཔལི༹གྷོ [ཨུཀྑིཏྟཔལིགྷོ (སྱཱ. ཀ.) མཧཱནི. ༦] སཾཀིཎྞཔརིཀྑོ ཨབྦཱུལ༹ྷེསིཀོ ནིརགྒལོ༹ ཨརིཡོ པནྣདྡྷཛོ པནྣབྷཱརོ ཝིསཉྙུཏྟོ པཉྩངྒཝིཔྤཧཱིནོ ¶ ཚལ༹ངྒསམནྣཱགཏོ ཨེཀཱརཀྑོ ཙཏུརཱཔསྶེནོ པནུཎྞཔཙྩེཀསཙྩོ སམཝཡསཊྛེསནོ ཨནཱཝིལསངྐཔྤོ པསྶདྡྷཀཱཡསངྑཱརོ སུཝིམུཏྟཙིཏྟོ སུཝིམུཏྟཔཉྙོ ཀེཝལཱི ཝུསིཏཝཱ ཨུཏྟམཔུརིསོ པརམཔུརིསོ པརམཔཏྟིཔྤཏྟོ. སོ ནེཝཱཙིནཏི, ནཱཔཙིནཏི; ཨཔཙིནིཏྭཱ ཋིཏོ ¶ ནེཝ པཛཧཏི, ན ཨུཔཱདིཡཏི; པཛཧིཏྭཱ ཋིཏོ ནེཝ སཾསིབྦཏི, ན ཨུསིནེཏི; ཝིསིནེཏྭཱ ཋིཏོ ནེཝ ཝིདྷཱུཔེཏི, ན སནྡྷཱུཔེཏི; ཝིདྷཱུཔེཏྭཱ ཋིཏོ, ཨསེཁེན སཱིལཀྑནྡྷེན སམནྣཱགཏཏྟཱ ཋིཏོ, ཨསེཁེན སམཱདྷིཀྑནྡྷེན སམནྣཱགཏཏྟཱ ཋིཏོ, ཨསེཁེན པཉྙཱཀྑནྡྷེན སམནྣཱགཏཏྟཱ ཋིཏོ, ཨསེཁེན ཝིམུཏྟིཀྑནྡྷེན སམནྣཱགཏཏྟཱ ཋིཏོ, ཨསེཁེན ཝིམུཏྟིཉཱཎདསྶནཀྑནྡྷེན སམནྣཱགཏཏྟཱ ཋིཏོ, སཙྩཾ སམྤཊིཔཱདིཡིཏྭཱ ཋིཏོ, ཨེཛཾ སམཏིཀྐམིཏྭཱ ཋིཏོ, ཀིལེསགྒིཾ པརིཡཱདིཡིཏྭཱ ཋིཏོ, ཨཔརིགམནཏཱཡ ཋིཏོ, ཀཊཾ སམཱདཱཡ ཋིཏོ, མུཏྟཔཊིསེཝནཏཱཡ ཋིཏོ, མེཏྟཱཡ པཱརིསུདྡྷིཡཱ ཋིཏོ, ཀརུཎཱཡ པཱརིསུདྡྷིཡཱ ཋིཏོ, མུདིཏཱཡ པཱརིསུདྡྷིཡཱ ཋིཏོ, ཨུཔེཀྑཱཡ པཱརིསུདྡྷིཡཱ ཋིཏོ, ཨཙྩནྟཔཱརིསུདྡྷིཡཱ ཋིཏོ, ཨཏམྨཡཏཱཡ པཱརིསུདྡྷིཡཱ ཋིཏོ, ཝིམུཏྟཏྟཱ ཋིཏོ, སནྟུསིཏཏྟཱ ཋིཏོ, ཁནྡྷཔརིཡནྟེ ཋིཏོ, དྷཱཏུཔརིཡནྟེ ཋིཏོ, ཨཱཡཏནཔརིཡནྟེ ཋིཏོ, གཏིཔརིཡནྟེ ཋིཏོ, ཨུཔཔཏྟིཔརིཡནྟེ ཋིཏོ, པཊིསནྡྷིཔརིཡནྟེ ཋིཏོ, བྷཝཔརིཡནྟེ ཋིཏོ, སཾསཱརཔརིཡནྟེ ཋིཏོ, ཝཊྚཔརིཡནྟེ ཋིཏོ, ཨནྟིམེ བྷཝེ ཋིཏོ, ཨནྟིམེ སམུསྶཡེ ཋིཏོ, ཨནྟིམདེཧདྷརོ བྷགཝཱ.

‘‘ཏསྶཱཡཾ ¶ པཙྪིམཀོ བྷཝོ, ཙརིམོཡཾ སམུསྶཡོ;

ཛཱཏིམརཎསཾསཱརོ, ནཏྠི ཏསྶ པུནབྦྷཝོ’’ཏི.

ཀཐཾ ¶ བྷགཝཱ མུཏྟཱཝཱིཏི ཏཱདཱི? བྷགཝཏོ རཱགཱ ཙིཏྟཾ མུཏྟཾ ཝིམུཏྟཾ སུཝིམུཏྟཾ, དོསཱ ཙིཏྟཾ… མོཧཱ ཙིཏྟཾ… ཀོདྷཱ… ཨུཔནཱཧཱ… མཀྑཱ… པལཱ༹སཱ… ཨིསྶཱཡ… མཙྪརིཡཱ… མཱཡཱཡ… སཱཋེཡྻཱ… ཐམྦྷཱ… སཱརམྦྷཱ… མཱནཱ… ཨཏིམཱནཱ… མདཱ… པམཱདཱ… སབྦཀིལེསེཧི… སབྦདུཙྩརིཏེཧི… སབྦདརཐེཧི… སབྦཔརིལཱ༹ཧེཧི… སབྦསནྟཱཔེཧི… སབྦཱཀུསལཱབྷིསངྑཱརེཧི ཙིཏྟཾ མུཏྟཾ ཝིམུཏྟཾ སུཝིམུཏྟཾ. ཨེཝཾ བྷགཝཱ མུཏྟཱཝཱིཏི ཏཱདཱི.

ཀཐཾ བྷགཝཱ ཏཾནིདྡེསཱ ཏཱདཱི? བྷགཝཱ སཱིལེ སཏི སཱིལཝཱཏི ཏཾནིདྡེསཱ ཏཱདཱི, སདྡྷཱཡ སཏི སདྡྷོཏི ཏཾནིདྡེསཱ ཏཱདཱི, ཝཱིརིཡེ སཏི ཝཱིརིཡཝཱཏི ཏཾནིདྡེསཱ ཏཱདཱི, སཏིཡཱ སཏི སཏིམཱཏི ཏཾནིདྡེསཱ ཏཱདཱི, སམཱདྷིསྨིཾ སཏི སམཱཧིཏོཏི ཏཾནིདྡེསཱ ཏཱདཱི, པཉྙཱཡ སཏི པཉྙཝཱཏི ཏཾནིདྡེསཱ ཏཱདཱི, ཝིཛྫཱཡ སཏི ཏེཝིཛྫོཏི ཏཾནིདྡེསཱ ཏཱདཱི, ཨབྷིཉྙཱཡ ¶ སཏི ཚལ༹བྷིཉྙོཏི ཏཾནིདྡེསཱ ཏཱདཱི, དསབལེ སཏི དསབལོཏི ཏཾནིདྡེསཱ ཏཱདཱི. ཨེཝཾ བྷགཝཱ ཏཾནིདྡེསཱ ཏཱདཱིཏི – ཏཾ བུདྡྷཾ ཨསིཏཾ ཏཱདིཾ.

ཨཀུཧཾ གཎིམཱགཏནྟི. ཨཀུཧོཏི ཏཱིཎི ཀུཧནཝཏྠཱུནི – པཙྩཡཔཊིསེཝནསངྑཱཏཾ ¶ ཀུཧནཝཏྠུ, ཨིརིཡཱཔཐསངྑཱཏཾ ཀུཧནཝཏྠུ, སཱམནྟཛཔྤནསངྑཱཏཾ ཀུཧནཝཏྠུ.

ཀཏམཾ པཙྩཡཔཊིསེཝནསངྑཱཏཾ ཀུཧནཝཏྠུ? ཨིདྷ གཧཔཏིཀཱ བྷིཀྑུཾ ནིམནྟེནྟི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརེཧི. སོ པཱཔིཙྪོ ཨིཙྪཱཔཀཏོ ཨཏྠིཀོ [ཨཏིཏྟིཀོ (སཱི.), ཨིཏྠིཀོ (སྱཱ.), པུརཱབྷེདསུཏྟནིདྡེསེ པཱཋནཱནཏྟཾ ནཏྠི] ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནཾ བྷིཡྻོཀམྱཏཾ ཨུཔཱདཱཡ ཙཱིཝརཾ པཙྩཀྑཱཏི, པིཎྜཔཱཏཾ པཙྩཀྑཱཏི, སེནཱསནཾ པཙྩཀྑཱཏི, གིལཱནཔཙྩཡབྷེསཛྫཔརིཀྑཱརཾ པཙྩཀྑཱཏི. སོ ཨེཝམཱཧ – ‘‘ཀིཾ སམཎསྶ མཧགྒྷེན ཙཱིཝརེན! ཨེཏཾ སཱརུཔྤཾ, ཡཾ སམཎོ སུསཱནཱ ཝཱ སངྐཱརཀཱུཊཱ ཝཱ པཱཔཎིཀཱ ཝཱ ནནྟཀཱནི ཨུཙྩིནིཏྭཱ སངྒྷཱཊིཾ ཀརིཏྭཱ དྷཱརེཡྻ. ཀིཾ སམཎསྶ མཧགྒྷེན པིཎྜཔཱཏེན! ཨེཏཾ སཱརུཔྤཾ, ཡཾ སམཎོ ཨུཉྪཱཙརིཡཱཡ པིཎྜིཡཱལོཔེན ཛཱིཝིཏཾ ཀཔྤེཡྻ ¶ . ཀིཾ སམཎསྶ མཧགྒྷེན སེནཱསནེན! ཨེཏཾ སཱརུཔྤཾ, ཡཾ སམཎོ རུཀྑམཱུལིཀོ ཝཱ ཨསྶ སོསཱནིཀོ ཝཱ ཨབྦྷོཀཱསིཀོ ཝཱ. ཀིཾ སམཎསྶ མཧགྒྷེན གིལཱནཔཙྩཡབྷེསཛྫཔརིཀྑཱརེན! ཨེཏཾ སཱརུཔྤཾ, ཡཾ སམཎོ པཱུཏིམུཏྟེན ཧརིཏཀཱིཁཎྜེན ཨོསདྷཾ ཀརེཡྻཱ’’ཏི ཏདུཔཱདཱཡ ལཱུཁཾ ཙཱིཝརཾ དྷཱརེཏི, ལཱུཁཾ པིཎྜཔཱཏཾ པརིབྷུཉྫཏི, ལཱུཁཾ སེནཱསནཾ པཊིསེཝཏི, ལཱུཁཾ གིལཱནཔཙྩཡབྷེསཛྫཔརིཀྑཱརཾ པཊིསེཝཏི. ཏམེནཾ ¶ གཧཔཏིཀཱ ཨེཝཾ ཛཱནནྟི – ‘‘ཨཡཾ སམཎོ ཨཔྤིཙྪོ སནྟུཊྛོ པཝིཝིཏྟོ ཨསཾསཊྛོ ཨཱརདྡྷཝཱིརིཡོ དྷུཏཝཱདོ’’ཏི བྷིཡྻོ བྷིཡྻོ ནིམནྟེནྟི ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརེཧི ¶ . སོ ཨེཝམཱཧ – ‘‘ཏིཎྞཾ སམྨུཁཱིབྷཱཝཱ སདྡྷོ ཀུལཔུཏྟོ བཧུཾ པུཉྙཾ པསཝཏི, སདྡྷཱཡ སམྨུཁཱིབྷཱཝཱ སདྡྷོ ཀུལཔུཏྟོ བཧུཾ པུཉྙཾ པསཝཏི, དེཡྻདྷམྨསྶ སམྨུཁཱིབྷཱཝཱ སདྡྷོ ཀུལཔུཏྟོ བཧུཾ པུཉྙཾ པསཝཏི, དཀྑིཎེཡྻཱནཾ སམྨུཁཱིབྷཱཝཱ སདྡྷོ ཀུལཔུཏྟོ བཧུཾ པུཉྙཾ པསཝཏི. ཏུམྷཱཀཉྩེཝཱཡཾ སདྡྷཱ ཨཏྠི, དེཡྻདྷམྨོ ཙ སཾཝིཛྫཏི, ཨཧཉྩ པཊིགྒཱཧཀོ. སཙེ ཨཧཾ ན པཊིགྒཧེསྶཱམི ¶ , ཨེཝཾ ཏུམྷེ པུཉྙེན པརིབཱཧིརཱ [པཊིབཱཧིརཱ (ཀ.)] བྷཝིསྶཐ, ན མཡ྄ཧཾ ཨིམིནཱ ཨཏྠོ, ཨཔི ཙ ཏུམྷཱཀཾཡེཝ ཨནུཀམྤཱཡ པཊིགྒཎྷཱམཱི’’ཏི. ཏདུཔཱདཱཡ བཧུམྤི ཙཱིཝརཾ པཊིགྒཎྷཱཏི [པཊིགཎྷཏི (སཱི.)], བཧུམྤི པིཎྜཔཱཏཾ པཊིགྒཎྷཱཏི, བཧུམྤི སེནཱསནཾ པཊིགྒཎྷཱཏི, བཧུམྤི གིལཱནཔཙྩཡབྷེསཛྫཔརིཀྑཱརཾ པཊིགྒཎྷཱཏི. ཡཱ ཨེཝརཱུཔཱ བྷཱཀུཊིཀཱ བྷཱཀུཊིཡཾ ཀུཧནཱ ཀུཧཱཡནཱ ཀུཧིཏཏྟཾ – ཨིདཾ པཙྩཡཔཊིསེཝནསངྑཱཏཾ ཀུཧནཝཏྠུ.

ཀཏམཾ ཨིརིཡཱཔཐསངྑཱཏཾ ཀུཧནཝཏྠུ? ཨིདྷེཀཙྩོ པཱཔིཙྪོ ཨིཙྪཱཔཀཏོ སམྦྷཱཝནཱདྷིཔྤཱཡོ, ‘‘ཨེཝཾ མཾ ཛནོ སམྦྷཱཝེསྶཏཱི’’ཏི གམནཾ སཎྛཔེཏི, ཋཱནཾ སཎྛཔེཏི, ནིསཛྫཾ སཎྛཔེཏི, སཡནཾ སཎྛཔེཏི, པཎིདྷཱཡ གཙྪཏི, པཎིདྷཱཡ ཏིཊྛཏི, པཎིདྷཱཡ ནིསཱིདཏི, པཎིདྷཱཡ སེཡྻཾ ཀཔྤེཏི, སམཱཧིཏོ ཝིཡ གཙྪཏི, སམཱཧིཏོ ¶ ཝིཡ ཏིཊྛཏི, སམཱཧིཏོ ཝིཡ ནིསཱིདཏི, སམཱཧིཏོ ཝིཡ སེཡྻཾ ཀཔྤེཏི, ཨཱཔཱཐཀཛ྄ཛྷཱཡཱིཝ ཧོཏི. ཡཱ ཨེཝརཱུཔཱ ཨིརིཡཱཔཐསྶ ཨཱཋཔནཱ ཋཔནཱ ¶ སཎྛཔནཱ བྷཱཀུཊིཀཱ བྷཱཀུཊིཡཾ ཀུཧནཱ ཀུཧཱཡནཱ ཀུཧིཏཏྟཾ – ཨིདཾ ཨིརིཡཱཔཐསངྑཱཏཾ ཀུཧནཝཏྠུ.

ཀཏམཾ སཱམནྟཛཔྤནསངྑཱཏཾ ཀུཧནཝཏྠུ? ཨིདྷེཀཙྩོ པཱཔིཙྪོ ཨིཙྪཱཔཀཏོ སམྦྷཱཝནཱདྷིཔྤཱཡོ ‘‘ཨེཝཾ མཾ ཛནོ སམྦྷཱཝེསྶཏཱི’’ཏི, ཨརིཡདྷམྨསནྣིསྶིཏཾ ཝཱཙཾ བྷཱསཏི. ‘‘ཡོ ཨེཝརཱུཔཾ ཙཱིཝརཾ དྷཱརེཏི སོ སམཎོ མཧེསཀྑོ’’ཏི བྷཎཏི; ‘‘ཡོ ཨེཝརཱུཔཾ པཏྟཾ དྷཱརེཏི… ལོཧཐཱལཀཾ དྷཱརེཏི… དྷམྨཀརཎཾ [དྷམྨཀརཀཾ (སཱི. སྱཱ.) ཨབྷིདྷཱནཔྤདཱིཔིཀཱབྷིནཝནིསྶཡཾ ཨོལོཀེཏབྦཾ] དྷཱརེཏི… པརིསྶཱཝནཾ དྷཱརེཏི… ཀུཉྩིཀཾ དྷཱརེཏི… ཨུཔཱཧནཾ དྷཱརེཏི… ཀཱཡབནྡྷནཾ དྷཱརེཏི… ཨཱཡོགཾ དྷཱརེཏི, སོ སམཎོ མཧེསཀྑོ’’ཏི བྷཎཏི; ‘‘ཡསྶ ཨེཝརཱུཔོ ཨུཔཛ྄ཛྷཱཡོ སོ སམཎོ མཧེསཀྑོ’’ཏི བྷཎཏི; ‘‘ཡསྶ ཨེཝརཱུཔོ ཨཱཙརིཡོ… ཨེཝརཱུཔཱ སམཱནུཔཛ྄ཛྷཱཡཀཱ… སམཱནཱཙརིཡཀཱ… མིཏྟཱ… སནྡིཊྛཱ… སམྦྷཏྟཱ… སཧཱཡཱ, སོ སམཎོ མཧེསཀྑོ’’ཏི བྷཎཏི; ‘‘ཡོ ཨེཝརཱུཔེ ཝིཧཱརེ ཝསཏི, སོ སམཎོ མཧེསཀྑོ’’ཏི བྷཎཏི; ‘‘ཡོ ཨེཝརཱུཔེ ཨཌྜྷཡོགེ ཝསཏི… པཱསཱདེ ཝསཏི… ཧམྨིཡེ ཝསཏི… གུཧཱཡཾ ཝསཏི… ལེཎེ ཝསཏི… ཀུཊིཡཱ ཝསཏི… ཀཱུཊཱགཱརེ ཝསཏི… ཨཊྚེ ཝསཏི ¶ … མཱལེ༹ ཝསཏི… ཨུདྡཎྜེ ཝསཏི… ཨུཔཊྛཱནསཱལཱཡཾ ཝསཏི… མཎྜཔེ ¶ ཝསཏི… རུཀྑམཱུལེ ཝསཏི, སོ སམཎོ མཧེསཀྑོ’’ཏི བྷཎཏི.

ཨཐ ཝཱ ཀོརཛིཀཀོརཛིཀོ, བྷཱཀུཊིཀབྷཱཀུཊིཀོ, ཀུཧཀཀུཧཀོ, ལཔཀལཔཀོ, མུཁསམྦྷཱཝིཏོ ‘‘ཨཡཾ སམཎོ ཨིམཱསཾ ཨེཝརཱུཔཱནཾ ཝིཧཱརསམཱཔཏྟཱིནཾ ལཱབྷཱི’’ཏི. ཏཱདིསཾ གམྦྷཱིརཾ གཱུལ༹ྷཾ ནིཔུཎཾ པཊིཙྪནྣཾ ལོཀུཏྟརཾ སུཉྙཏཱཔཊིསཉྙུཏྟཾ ཀཐཾ ¶ ཀཐེཏི. ཡཱ ཨེཝརཱུཔཱ བྷཱཀུཊིཀཱ བྷཱཀུཊིཡཾ ཀུཧནཱ ཀུཧཱཡནཱ ཀུཧིཏཏྟཾ – ཨིདཾ སཱམནྟཛཔྤནསངྑཱཏཾ ཀུཧནཝཏྠུ. བུདྡྷསྶ བྷགཝཏོ ཨིམཱནི ཏཱིཎི ཀུཧནཝཏྠཱུནི པཧཱིནཱནི སམུཙྪིནྣཱནི ཝཱུཔསནྟཱནི པཊིཔསྶདྡྷཱནི ཨབྷབྦུཔྤཏྟིཀཱནི ¶ ཉཱཎགྒིནཱ དཌྜྷཱནི. ཏསྨཱ བུདྡྷོ ཨཀུཧོཏི – ཨཀུཧཾ.

གཎིམཱགཏནྟི. གཎཱིཏི གཎཱི བྷགཝཱ. གཎཱཙརིཡོཏི གཎཱི, གཎསྶ སཏྠཱཏི གཎཱི, གཎཾ པརིཧརཏཱིཏི གཎཱི, གཎཾ ཨོཝདཏཱིཏི གཎཱི, གཎཾ ཨནུསཱསཏཱིཏི གཎཱི, ཝིསཱརདོ གཎཾ ཨུཔསངྐམཏཱིཏི གཎཱི, གཎསྶ སུསྶཱུསཏི སོཏཾ ཨོདཧཏི ཨཉྙཱ ཙིཏྟཾ ཨུཔཊྛཔེཏཱིཏི གཎཱི, གཎཾ ཨཀུསལཱ ཝུཊྛཱཔེཏྭཱ ཀུསལེ པཏིཊྛཱཔེཏཱིཏི གཎཱི, བྷིཀྑུགཎསྶ གཎཱི, བྷིཀྑུནཱིགཎསྶ གཎཱི, ཨུཔཱསཀགཎསྶ གཎཱི, ཨུཔཱསིཀཱགཎསྶ གཎཱི, རཱཛགཎསྶ གཎཱི, ཁཏྟིཡགཎསྶ གཎཱི, བྲཱཧྨཎགཎསྶ གཎཱི, ཝེསྶགཎསྶ གཎཱི, སུདྡགཎསྶ གཎཱི, བྲཧྨགཎསྶ གཎཱི, དེཝགཎསྶ གཎཱི, སངྒྷིཾ [སཾགྷགཎསྶ གཎཱི (སཱི.)] གཎིཾ གཎཱཙརིཡཾ. ཨཱགཏནྟི ཨུཔགཏཾ སམུཔགཏཾ སམུཔཔནྣཾ [སམྤཏྟཾ (བཧཱུསུ)] སངྐསྶནགརནྟི – ཨཀུཧཾ གཎིམཱགཏཾ.

བཧཱུནམིདྷ བདྡྷཱནནྟི. བཧཱུནཾ ཁཏྟིཡཱནཾ བྲཱཧྨཎཱནཾ ཝེསྶཱནཾ སུདྡཱནཾ གཧཊྛཱནཾ པབྦཛིཏཱནཾ དེཝཱནཾ མནུསྶཱནཾ. བདྡྷཱནནྟི བདྡྷཱནཾ བདྡྷཙརཱནཾ པརིཙཱརཀཱནཾ སིསྶཱནནྟི – བཧཱུནམིདྷ བདྡྷཱནཾ.

ཨཏྠི ¶ པཉྷེན ཨཱགམནྟི. པཉྷེན ཨཏྠིཀོ ཨཱགཏོམྷི [ཨཏྠིཀཱམྷ ཨཱགཏཱ (སཱི. ཀ.) ཨེཝམཱིདིསེསུ དྭཱིསུ པདེསུཔི བཧུཝཙནེན], པཉྷཾ པུཙྪིཏུཀཱམོ ཨཱགཏོམྷི, པཉྷཾ སོཏུཀཱམོ ཨཱགཏོམྷཱིཏི. ཨེཝམྤི ཨཏྠི པཉྷེན ཨཱགམཾ. ཨཐ ཝཱ པཉྷཏྠིཀཱནཾ པཉྷཾ པུཙྪིཏུཀཱམཱནཾ པཉྷཾ སོཏུཀཱམཱནཾ ཨཱགམནཾ ཨབྷིཀྐམནཾ ཨུཔསངྐམནཾ པཡིརུཔཱསནཾ [པཡིརུཔཱསནཱ (སྱཱ. ཀ.)] སིཡཱ ཨཏྠཱིཏི. ཨེཝམྤི ཨཏྠི པཉྷེན ཨཱགམཾ. ཨཐ ཝཱ པཉྷཱགམོ ཏུཡ྄ཧཾ ཨཏྠི, ཏྭམྤི པཧུ ¶ [ཨིམཱནི ཏཱིཎི པདཱནི ནཏྠི སྱཱ. པོཏྠཀེ], ཏྭམསི ཨལམཏྠོ མཡཱ པུཙྪིཏཾ ཀཐེཏུཾ ཝིསཛྫེཏུཾ ‘‘ཝཧསྶེཏཾ བྷཱར’’ནྟི. ཨེཝམྤི ཨཏྠི པཉྷེན ཨཱགམཾ.

‘‘ཏཾ ¶ བུདྡྷཾ ཨསིཏཾ ཏཱདིཾ, ཨཀུཧཾ གཎིམཱགཏཾ;

བཧཱུནམིདྷ བདྡྷཱནཾ, ཨཏྠི པཉྷེན ཨཱགམ’’ནྟི.

བྷིཀྑུནོ ཝིཛིགུཙྪཏོ, བྷཛཏོ རིཏྟམཱསནཾ;

རུཀྑམཱུལཾ སུསཱནཾ ཝཱ, པབྦཏཱནཾ གུཧཱསུ ཝཱ.

བྷིཀྑུནོ ཝིཛིགུཙྪཏོཏི. བྷིཀྑུནོཏི པུཐུཛྫནཀལྱཱཎསྶ ཝཱ བྷིཀྑུནོ སེཀྑསྶ ཝཱ བྷིཀྑུནོ. ཝིཛིགུཙྪཏོཏི ཛཱཏིཡཱ ཝིཛིགུཙྪཏོ, ཛརཱཡ… བྱཱདྷིནཱ… མརཎེན… སོཀེཧི… པརིདེཝེཧི… དུཀྑེཧི… དོམནསྶེཧི… ཨུཔཱཡཱསེཧི ཝིཛིགུཙྪཏོ, ནེརཡིཀེན དུཀྑེན… ཏིརཙྪཱནཡོནིཀེན དུཀྑེན… པེཏྟིཝིསཡིཀེན དུཀྑེན… མཱནུསིཀེན [མཱནུསཀེན (སཱི. སྱཱ.) མཧཱནི. ༡༧༡] དུཀྑེན… གབྦྷོཀྐནྟིམཱུལཀེན དུཀྑེན… གབྦྷཊྛིཏིམཱུལཀེན དུཀྑེན… གབྦྷཝུཊྛཱནམཱུལཀེན དུཀྑེན… ཛཱཏསྶཱུཔནིབནྡྷཀེན དུཀྑེན… ཛཱཏསྶ པརཱདྷེཡྻཀེན དུཀྑེན… ཨཏྟཱུཔཀྐམེན དུཀྑེན… པརཱུཔཀྐམེན དུཀྑེན… དུཀྑདུཀྑེན… སངྑཱརདུཀྑེན ¶ … ཝིཔརིཎཱམདུཀྑེན… ཙཀྑུརོགེན དུཀྑེན… སོཏརོགེན དུཀྑེན… གྷཱནརོགེན དུཀྑེན… ཛིཝ྄ཧཱརོགེན དུཀྑེན… ཀཱཡརོགེན དུཀྑེན… སཱིསརོགེན དུཀྑེན… ཀཎྞརོགེན དུཀྑེན… མུཁརོགེན དུཀྑེན… དནྟརོགེན དུཀྑེན… ཀཱསེན… སཱསེན… པིནཱསེན… ཌཱཧེན… ཛརེན… ཀུཙྪིརོགེན… མུཙྪཱཡ… པཀྑནྡིཀཱཡ… སཱུལཱཡ… ཝིསཱུཙིཀཱཡ… ཀུཊྛེན… གཎྜེན… ཀིལཱསེན… སོསེན… ཨཔམཱརེན… དདྡུཡཱ… ཀཎྜུཡཱ… ཀཙྪུཡཱ… རཁསཱཡ… ཝིཏཙྪིཀཱཡ… ལོཧིཏེན… པིཏྟེན… མདྷུམེཧེན… ཨཾསཱཡ… པིལ༹ཀཱཡ… བྷགནྡལེན… པིཏྟསམུཊྛཱནེན ཨཱབཱདྷེན… སེམྷསམུཊྛཱནེན ཨཱབཱདྷེན… ཝཱཏསམུཊྛཱནེན ཨཱབཱདྷེན… སནྣིཔཱཏིཀེན ཨཱབཱདྷེན… ཨུཏུཔརིཎཱམཛེན ཨཱབཱདྷེན… ཝིསམཔརིཧཱརཛེན ཨཱབཱདྷེན… ཨོཔཀྐམིཀེན ཨཱབཱདྷེན… ཀམྨཝིཔཱཀཛེན ཨཱབཱདྷེན… སཱིཏེན… ཨུཎྷེན… ཛིགྷཙྪཱཡ… པིཔཱསཱཡ… ཨུཙྩཱརེན ¶ … པསྶཱཝེན… ཌཾསམཀསཝཱཏཱཏཔསརཱིསཔསམྥསྶེན དུཀྑེན… མཱཏུམརཎེན དུཀྑེན… པིཏུམརཎེན དུཀྑེན… བྷཱཏུམརཎེན… བྷགིནིམརཎེན… པུཏྟམརཎེན ¶ … དྷཱིཏུམརཎེན… ཉཱཏིབྱསནེན… བྷོགབྱསནེན… རོགབྱསནེན… སཱིལབྱསནེན… དིཊྛིབྱསནེན དུཀྑེན ཝིཛིགུཙྪཏོ ཨཊྚཱིཡཏོ ཧརཱཡཏོ ཛིགུཙྪཏོཏི – བྷིཀྑུནོ ཝིཛིགུཙྪཏོ.

བྷཛཏོ རིཏྟམཱསནནྟི. ཨཱསནཾ ཝུཙྩཏི ཡཏྠ ནིསཱིདཏི – མཉྩོ པཱིཋཾ བྷིསི ཏཊྚིཀཱ ཙམྨཁཎྜོ ཏིཎསནྠཱརོ པཎྞསནྠཱརོ པལཱལསནྠཱརོ [པལཱསསནྠཱརོ (སཱི. སྱཱ.)]. ཏཾ ཨཱསནཾ ཨསཔྤཱཡརཱུཔདསྶནེན རིཏྟཾ ཝིཝིཏྟཾ པཝིཝིཏྟཾ ¶ , ཨསཔྤཱཡསདྡསྶཝནེན རིཏྟཾ ཝིཝིཏྟཾ པཝིཝིཏྟཾ, ཨསཔྤཱཡེཧི པཉྩཧི ཀཱམགུཎེཧི རིཏྟཾ ཝིཝིཏྟཾ ¶ པཝིཝིཏྟཾ. ཏཾ པཝིཝིཏྟཾ ཨཱསནཾ བྷཛཏོ སམྦྷཛཏོ སེཝཏོ ནིསེཝཏོ སཾསེཝཏོ པཊིསེཝཏོཏི – བྷཛཏོ རིཏྟམཱསནཾ.

རུཀྑམཱུལཾ སུསཱནཾ ཝཱཏི. རུཀྑམཱུལཾཡེཝ རུཀྑམཱུལཾ, སུསཱནཾཡེཝ སུསཱནནྟི – རུཀྑམཱུལཾ སུསཱནཾ ཝཱ. པབྦཏཱནཾ གུཧཱསུ ཝཱཏི. པབྦཏཱཡེཝ པབྦཏཱ, ཀནྡརཱཡེཝ ཀནྡརཱ, གིརིགུཧཱཡེཝ གིརིགུཧཱ. པབྦཏནྟརིཀཱཡོ ཝུཙྩནྟི པབྦཏཔབྦྷཱརཱཏི – པབྦཏཱནཾ གུཧཱསུ ཝཱ.

‘‘བྷིཀྑུནོ ཝིཛིགུཙྪཏོ, བྷཛཏོ རིཏྟམཱསནཾ;

རུཀྑམཱུལཾ སུསཱནཾ ཝཱ, པབྦཏཱནཾ གུཧཱསུ ཝཱ’’ཏི.

ཨུཙྩཱཝཙེསུ སཡནེསུ, ཀིཝནྟོ [གཱིཝནྟོ (སྱཱ.) མོགྒལླཱནབྱཱཀརཎཾ ཨོལོཀེཏབྦཾ] ཏཏྠ བྷེརཝཱ;

ཡེ ཧི བྷིཀྑུ ན ཝེདྷེཡྻ, ནིགྒྷོསེ སཡནཱསནེ.

ཨུཙྩཱཝཙེསུ ¶ སཡནེསཱུཏི. ཨུཙྩཱཝཙེསཱུཏི ཨུཙྩཱཝཙེསུ ཧཱིནཔྤཎཱིཏེསུ ཚེཀཔཱཔཀེསུ. སཡནཾ ཝུཙྩཏི སེནཱསནཾ ཝིཧཱརོ ཨཌྜྷཡོགོ པཱསཱདོ ཧམྨིཡཾ གུཧཱཏི – ཨུཙྩཱཝཙེསུ སཡནེསུ. ཀིཝནྟོ ཏཏྠ བྷེརཝཱཏི. ཀིཝནྟོཏི ཀིཝནྟོ [ཀུཝནྟོ (སཱི.), གཱིཝནྟོ (སྱཱ.)] ཀཱུཛནྟོ ནདནྟོ སདྡཾ ཀརོནྟོ. ཨཐ ཝཱ ཀིཝནྟོཏི ཀཏི ཀིཏྟཀཱ ཀཱིཝཏཀཱ ཀཱིཝབཧུཀཱ ཏེ. བྷེརཝཱཏི སཱིཧཱ བྱགྒྷཱ དཱིཔཱི ཨཙྪཱ ཏརཙྪཱ ཀོཀཱ མཧིཾསཱ ¶ ཧཏྠཱི ཨཧི ཝིཙྪིཀཱ སཏཔདཱི, ཙོརཱ ཝཱ ཨསྶུ མཱནཝཱ ཝཱ ཀཏཀམྨཱ ཝཱ ཨཀཏཀམྨཱ ཝཱཏི – ཀིཝནྟོ ཏཏྠ བྷེརཝཱ.

ཡེ ཧི བྷིཀྑུ ན ཝེདྷེཡྻཱཏི. ཡེ ཧཱིཏི ཡེ ཧི བྷེརཝེ པསྶིཏྭཱ ཝཱ སུཎིཏྭཱ ཝཱ ན ཝེདྷེཡྻ ནཔྤཝེདྷེཡྻ ན སམྤཝེདྷེཡྻ ན ཏསེཡྻ ན ཨུཏྟསེཡྻ ¶ ན པརིཏྟསེཡྻ ན བྷཱཡེཡྻ ན སནྟཱསཾ ཨཱཔཛྫེཡྻ, ཨབྷཱིརཱུ ཨསྶ ཨཙྪམྦྷཱི ཨནུཏྲཱསཱི ཨཔལཱཡཱི, པཧཱིནབྷཡབྷེརཝོ ཝིགཏལོམཧཾསོ ཝིཧརེཡྻཱཏི – ཡེ ཧི བྷིཀྑུ ན ཝེདྷེཡྻ.

ནིགྒྷོསེ སཡནཱསནེཏི. ཨཔྤསདྡེ ཨཔྤནིགྒྷོསེ ཝིཛནཝཱཏེ མནུསྶརཱཧསྶེཡྻཀེ པཊིསལླཱནསཱརུཔྤེ སེནཱསནེཏི – ནིགྒྷོསེ སཡནཱསནེ.

‘‘ཨུཙྩཱཝཙེསུ སཡནེསུ, ཀིཝནྟོ ཏཏྠ བྷེརཝཱ;

ཡེ ཧི བྷིཀྑུ ན ཝེདྷེཡྻ, ནིགྒྷོསེ སཡནཱསནེ’’ཏི.

ཀཏི པརིསྶཡཱ ལོཀེ, གཙྪཏོ ཨགཏཾ དིསཾ;

ཡེ བྷིཀྑུ ཨབྷིསམྦྷཝེ, པནྟམྷི སཡནཱསནེ.

ཀཏི པརིསྶཡཱ ལོཀེཏི. ཀཏཱིཏི ཀཏི ཀིཏྟཀཱ ཀཱིཝཏཀཱ ཀཱིཝབཧུཀཱ. པརིསྶཡཱཏི དྭེ པརིསྶཡཱ – པཱཀཊཔརིསྶཡཱ ཙ པཊིཙྪནྣཔརིསྶཡཱ ཙ. ཀཏམེ པཱཀཊཔརིསྶཡཱ? སཱིཧཱ བྱགྒྷཱ དཱིཔཱི ཨཙྪཱ ཏརཙྪཱ ཀོཀཱ མཧིཾསཱ ཧཏྠཱི ཨཧི ཝིཙྪིཀཱ སཏཔདཱི, ཙོརཱ ཝཱ ཨསྶུ མཱནཝཱ ¶ ཝཱ ཀཏཀམྨཱ ཝཱ ཨཀཏཀམྨཱ ¶ ཝཱ, ཙཀྑུརོགོ སོཏརོགོ གྷཱནརོགོ ཛིཝ྄ཧཱརོགོ ཀཱཡརོགོ སཱིསརོགོ ཀཎྞརོགོ མུཁརོགོ དནྟརོགོ ཀཱསོ སཱསོ པིནཱསོ ཌཱཧོ ཛརོ ཀུཙྪིརོགོ མུཙྪཱ པཀྑནྡིཀཱ སཱུལཱ ཝིསཱུཙིཀཱ ཀུཊྛཾ གཎྜོ ཀིལཱསོ སོསོ ཨཔམཱརོ དདྡུ ཀཎྜུ ཀཙྪུ རཁསཱ ཝིཏཙྪིཀཱ ལོཧིཏཾ པིཏྟཾ མདྷུམེཧོ ཨཾསཱ པིལ༹ཀཱ བྷགནྡལཱ, པིཏྟསམུཊྛཱནཱ ཨཱབཱདྷཱ…པེ… སཱིཏཾ ཨུཎྷཾ ཛིགྷཙྪཱ པིཔཱསཱ ཨུཙྩཱརོ པསྶཱཝོ ཌཾསམཀསཝཱཏཱཏཔསརཱིསཔསམྥསྶཱ – ཨིམེ ཝུཙྩནྟི པཱཀཊཔརིསྶཡཱ.

ཀཏམེ པཊིཙྪནྣཔརིསྶཡཱ? ཀཱཡདུཙྩརིཏཾ ཝཙཱིདུཙྩརིཏཾ མནོདུཙྩརིཏཾ ཀཱམཙྪནྡནཱིཝརཎཾ བྱཱཔཱདནཱིཝརཎཾ ཐིནམིདྡྷནཱིཝརཎཾ ཨུདྡྷཙྩཀུཀྐུཙྩནཱིཝརཎཾ ཝིཙིཀིཙྪཱནཱིཝརཎཾ རཱགོ དོསོ མོཧོ ཀོདྷོ ཨུཔནཱཧོ མཀྑོ པལཱ༹སོ ཨིསྶཱ མཙྪརིཡཾ མཱཡཱ སཱཋེཡྻཾ ཐམྦྷོ སཱརམྦྷོ མཱནོ ཨཏིམཱནོ མདོ པམཱདོ, སབྦེ ཀིལེསཱ སབྦེ དུཙྩརིཏཱ སབྦེ དརཐཱ སབྦེ པརིལཱ༹ཧཱ སབྦེ སནྟཱཔཱ སབྦཱཀུསལཱབྷིསངྑཱརཱ – ཨིམེ ཝུཙྩནྟི པཊིཙྪནྣཔརིསྶཡཱ.

པརིསྶཡཱཏི ¶ ཀེནཊྛེན པརིསྶཡཱ? པརིསཧནྟཱིཏི པརིསྶཡཱ, པརིཧཱནཱཡ སཾཝཏྟནྟཱིཏི པརིསྶཡཱ, ཏཏྲཱསཡཱཏི པརིསྶཡཱ.

ཀཐཾ ¶ པརིསཧནྟཱིཏི པརིསྶཡཱ? ཏེ པརིསྶཡཱ ཏཾ པུགྒལཾ སཧནྟི པརིསཧནྟི ཨབྷིབྷཝནྟི ཨཛ྄ཛྷོཏྠརནྟི པརིཡཱདིཡནྟི མདྡནྟི. ཨེཝཾ པརིསཧནྟཱིཏི – པརིསྶཡཱ.

ཀཐཾ ¶ པརིཧཱནཱཡ སཾཝཏྟནྟཱིཏི པརིསྶཡཱ? ཏེ པརིསྶཡཱ ཀུསལཱནཾ དྷམྨཱནཾ ཨནྟརཱཡཱཡ པརིཧཱནཱཡ སཾཝཏྟནྟི. ཀཏམེསཾ ཀུསལཱནཾ དྷམྨཱནཾ? སམྨཱཔཊིཔདཱཡ ཨནུལོམཔཊིཔདཱཡ ཨཔཙྩནཱིཀཔཊིཔདཱཡ ཨཝིརུདྡྷཔཊིཔདཱཡ ཨནྭཏྠཔཊིཔདཱཡ དྷམྨཱནུདྷམྨཔཊིཔདཱཡ སཱིལེསུ པརིཔཱུརཀཱརིཏཱཡ ཨིནྡྲིཡེསུ གུཏྟདྭཱརཏཱཡ བྷོཛནེ མཏྟཉྙུཏཱཡ ¶ ཛཱགརིཡཱནུཡོགསྶ སཏིསམྤཛཉྙསྶ ཙཏུནྣཾ སཏིཔཊྛཱནཱནཾ བྷཱཝནཱནུཡོགསྶ ཙཏུནྣཾ སམྨཔྤདྷཱནཱནཾ ཙཏུནྣཾ ཨིདྡྷིཔཱདཱནཾ པཉྩནྣཾ ཨིནྡྲིཡཱནཾ པཉྩནྣཾ བལཱནཾ སཏྟནྣཾ བོཛ྄ཛྷངྒཱནཾ ཨརིཡསྶ ཨཊྛངྒིཀསྶ མགྒསྶ བྷཱཝནཱནུཡོགསྶ – ཨིམེསཾ ཀུསལཱནཾ དྷམྨཱནཾ ཨནྟརཱཡཱཡ པརིཧཱནཱཡ སཾཝཏྟནྟི. ཨེཝཾ པརིཧཱནཱཡ སཾཝཏྟནྟཱིཏི – པརིསྶཡཱ.

ཀཐཾ ཏཏྲཱསཡཱཏི པརིསྶཡཱ? ཏཏྠེཏེ པཱཔཀཱ ཨཀུསལཱ དྷམྨཱ ཨུཔྤཛྫནྟི ཨཏྟབྷཱཝསནྣིསྶཡཱ. ཡཐཱ བིལེ བིལཱསཡཱ པཱཎཱ སཡནྟི, དཀེ དཀཱསཡཱ པཱཎཱ སཡནྟི, ཝནེ ཝནཱསཡཱ པཱཎཱ སཡནྟི, རུཀྑེ རུཀྑཱསཡཱ པཱཎཱ སཡནྟི; ཨེཝམེཝ ཏཏྠེཏེ པཱཔཀཱ ཨཀུསལཱ དྷམྨཱ ཨུཔྤཛྫནྟི ཨཏྟབྷཱཝསནྣིསྶཡཱཏི. ཨེཝམྤི ཏཏྲཱསཡཱཏི – པརིསྶཡཱ.

‘‘སཱནྟེཝཱསིཀོ, བྷིཀྑཝེ, བྷིཀྑུ སཱཙརིཡཀོ དུཀྑཾ ན ཕཱསུ ཝིཧརཏི. ཀཐཉྩ, བྷིཀྑཝེ, བྷིཀྑུ སཱནྟེཝཱསིཀོ སཱཙརིཡཀོ དུཀྑཾ ན ཕཱསུ ཝིཧརཏི? ཨིདྷ, བྷིཀྑཝེ, བྷིཀྑུནོ ཙཀྑུནཱ རཱུཔཾ དིསྭཱ ཨུཔྤཛྫནྟི པཱཔཀཱ ཨཀུསལཱ དྷམྨཱ སརསངྐཔྤཱ སཉྙོཛནིཡཱ, ཏྱསྶ ཨནྟོ ཝསནྟི ཨནྭཱསྶཝནྟི པཱཔཀཱ ཨཀུསལཱ དྷམྨཱཏི. ཏསྨཱ སཱནྟེཝཱསིཀོཏི ཝུཙྩཏི. ཏེ ནཾ སམུདཱཙརནྟི, སམུདཱཙརནྟི ནཾ པཱཔཀཱ ཨཀུསལཱ དྷམྨཱཏི. ཏསྨཱ སཱཙརིཡཀོཏི ཝུཙྩཏི.

‘‘པུན ཙཔརཾ, བྷིཀྑཝེ, བྷིཀྑུནོ སོཏེན སདྡཾ སུཏྭཱ…པེ… གྷཱནེན གནྡྷཾ གྷཱཡིཏྭཱ… ཛིཝ྄ཧཱཡ རསཾ སཱཡིཏྭཱ… ཀཱཡེན ཕོཊྛབྦཾ ཕུསིཏྭཱ… མནསཱ དྷམྨཾ ¶ ཝིཉྙཱཡ ཨུཔྤཛྫནྟི པཱཔཀཱ ཨཀུསལཱ དྷམྨཱ སརསངྐཔྤཱ སཉྙོཛནིཡཱ, ཏྱསྶ ཨནྟོ ཝསནྟི ཨནྭཱསྶཝནྟི པཱཔཀཱ ཨཀུསལཱ དྷམྨཱཏི. ཏསྨཱ སཱནྟེཝཱསིཀོཏི ཝུཙྩཏི. ཏེ ནཾ སམུདཱཙརནྟི, སམུདཱཙརནྟི ནཾ པཱཔཀཱ ཨཀུསལཱ དྷམྨཱཏི. ཏསྨཱ སཱཙརིཡཀོཏི ཝུཙྩཏི. ཨེཝཾ ཁོ, བྷིཀྑཝེ, བྷིཀྑུ སཱནྟེཝཱསིཀོ སཱཙརིཡཀོ དུཀྑཾ ན ཕཱསུ ཝིཧརཏཱི’’ཏི. ཨེཝམྤི ཏཏྲཱསཡཱཏི – པརིསྶཡཱ.

‘‘ཏཡོམེ, བྷིཀྑཝེ, ཨནྟརཱམལཱ ¶ ཨནྟརཱཨམིཏྟཱ ཨནྟརཱསཔཏྟཱ ཨནྟརཱཝདྷཀཱ ཨནྟརཱཔཙྩཏྠིཀཱ. ཀཏམེ ཏཡོ? ལོབྷོ, བྷིཀྑཝེ, ཨནྟརཱམལོ ཨནྟརཱཨམིཏྟོ ཨནྟརཱསཔཏྟོ ཨནྟརཱཝདྷཀོ ཨནྟརཱཔཙྩཏྠིཀོ, དོསོ, བྷིཀྑཝེ…པེ… མོཧོ ¶ , བྷིཀྑཝེ, ཨནྟརཱམལོ ཨནྟརཱཨམིཏྟོ ཨནྟརཱསཔཏྟོ ཨནྟརཱཝདྷཀོ ཨནྟརཱཔཙྩཏྠིཀོ. ཨིམེ ཁོ, བྷིཀྑཝེ, ཏཡོ ཨནྟརཱམལཱ ཨནྟརཱཨམིཏྟཱ ཨནྟརཱསཔཏྟཱ ཨནྟརཱཝདྷཀཱ ཨནྟརཱཔཙྩཏྠིཀཱ’’.

‘‘ཨནཏྠཛནནོ ལོབྷོ, ལོབྷོ ཙིཏྟཔྤཀོཔནོ;

བྷཡམནྟརཏོ ཛཱཏཾ, ཏཾ ཛནོ ནཱཝབུཛ྄ཛྷཏི.

‘‘ལུདྡྷོ ཨཏྠཾ ན ཛཱནཱཏི, ལུདྡྷོ དྷམྨཾ ན པསྶཏི;

ཨནྡྷནྟམཾ [ཨནྡྷཏམཾ (སྱཱ. ཀ.) མཧཱནི. ༡༥༦; ཨིཏིཝུ. ༨༨] ཏདཱ ཧོཏི, ཡཾ ལོབྷོ སཧཏེ ནརཾ.

‘‘ཨནཏྠཛནནོ དོསོ, དོསོ ཙིཏྟཔྤཀོཔནོ;

བྷཡམནྟརཏོ ཛཱཏཾ, ཏཾ ཛནོ ནཱཝབུཛ྄ཛྷཏི.

‘‘ཀུདྡྷོ ཨཏྠཾ ན ཛཱནཱཏི, ཀུདྡྷོ དྷམྨཾ ན པསྶཏི;

ཨནྡྷནྟམཾ ཏདཱ ཧོཏི, ཡཾ དོསོ སཧཏེ ནརཾ.

‘‘ཨནཏྠཛནནོ མོཧོ, མོཧོ ཙིཏྟཔྤཀོཔནོ;

བྷཡམནྟརཏོ ཛཱཏཾ, ཏཾ ཛནོ ནཱཝབུཛ྄ཛྷཏི.

‘‘མཱུལ༹ྷོ ཨཏྠཾ ན ཛཱནཱཏི, མཱུལ༹ྷོ དྷམྨཾ ན པསྶཏི;

ཨནྡྷནྟམཾ ཏདཱ ཧོཏི, ཡཾ མོཧོ སཧཏེ ནར’’ནྟི.

ཨེཝམྤི ཏཏྲཱསཡཱཏི – པརིསྶཡཱ. ཝུཏྟཉྷེཏཾ བྷགཝཏཱ –

‘‘ཏཡོ ཁོ, མཧཱརཱཛ, པུརིསསྶ དྷམྨཱ ཨཛ྄ཛྷཏྟཾ ཨུཔྤཛྫམཱནཱ ཨུཔྤཛྫནྟི ཨཧིཏཱཡ དུཀྑཱཡ ཨཕཱསུཝིཧཱརཱཡ. ཀཏམེ ཏཡོ ¶ ? ལོབྷོ ཁོ, མཧཱརཱཛ, པུརིསསྶ དྷམྨོ ཨཛ྄ཛྷཏྟཾ ཨུཔྤཛྫམཱནོ ཨུཔྤཛྫཏི ཨཧིཏཱཡ དུཀྑཱཡ ཨཕཱསུཝིཧཱརཱཡ; དོསོ ཁོ ¶ , མཧཱརཱཛ…པེ… མོཧོ ¶ ཁོ, མཧཱརཱཛ, པུརིསསྶ དྷམྨོ ཨཛ྄ཛྷཏྟཾ ཨུཔྤཛྫམཱནོ ཨུཔྤཛྫཏི ཨཧིཏཱཡ དུཀྑཱཡ ¶ ཨཕཱསུཝིཧཱརཱཡ. ཨིམེ ཁོ, མཧཱརཱཛ, ཏཡོ པུརིསསྶ དྷམྨཱ ཨཛ྄ཛྷཏྟཾ ཨུཔྤཛྫམཱནཱ ཨུཔྤཛྫནྟི ཨཧིཏཱཡ དུཀྑཱཡ ཨཕཱསུཝིཧཱརཱཡཱ’’ཏི.

‘‘ལོབྷོ དོསོ ཙ མོཧོ ཙ, པུརིསཾ པཱཔཙེཏསཾ;

ཧིཾསནྟི ཨཏྟསམྦྷཱུཏཱ, ཏཙསཱརཾཝ སམྥལ’’ནྟི.

‘‘རཱགོ ཙ དོསོ ཙ ཨིཏོནིདཱནཱ, ཨརཏཱི རཏཱི ལོམཧཾསོ ཨིཏོཛཱ;

ཨིཏོ སམུཊྛཱཡ མནོཝིཏཀྐཱ, ཀུམཱརཀཱ དྷངྐམིཝོསྶཛནྟཱི’’ཏི.

ཨེཝམྤི ཏཏྲཱསཡཱཏི – པརིསྶཡཱ. ལོཀེཏི མནུསྶལོཀེཏི – ཀཏི པརིསྶཡཱ ལོཀེ.

གཙྪཏོ ཨགཏཾ དིསནྟི. ཨགཏཱ དིསཱ ཝུཙྩཏི ཨམཏཾ ནིབྦཱནཾ. ཡོ སོ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཀྑཡོ ཝིརཱགོ ནིརོདྷོ ནིབྦཱནཾ. ཨགཏཔུབྦཱ སཱ དིསཱ ན སཱ དིསཱ གཏཔུབྦཱ ཨིམིནཱ དཱིགྷེན ཨདྡྷུནཱ.

‘‘སམཏིཏྟིཀཾ ཨནཝསེསཾ, ཏེལཔཏྟཾ ཡཐཱ པརིཧརེཡྻ;

ཨེཝཾ སཙིཏྟམནུརཀྑེ, པཏྠཡཱནོ [པཏྠཡམཱནོ (སྱཱ.)] དིསཾ ཨགཏཔུབྦཾ’’.

ཨགཏཔུབྦཾ དིསཾ ཝཛཏོ ¶ གཙྪཏོ ཨབྷིཀྐམཏོཏི – གཙྪཏོ ཨགཏཾ དིསཾ.

ཡེ བྷིཀྑུ ཨབྷིསམྦྷཝེཏི. ཡེཏི ཡེ པརིསྶཡེ ཨབྷིསམྦྷཝེཡྻ ཨབྷིབྷཝེཡྻ ཨཛ྄ཛྷོཏྠརེཡྻ པརིཡཱདིཡེཡྻ མདྡེཡྻཱཏི – ཡེ བྷིཀྑུ ཨབྷིསམྦྷཝེ.

པནྟམྷི ¶ སཡནཱསནེཏི. ཨནྟེ པནྟེ པརིཡནྟེ སེལནྟེ ཝཱ ཝནནྟེ ཝཱ ནདནྟེ ཝཱ ཨུདཀནྟེ ཝཱ ཡཏྠ ན ཀསཱིཡཏི ན ཝཔཱིཡཏི, ཛནནྟཾ ཨཏིཀྐམིཏྭཱ མནུསྶཱནཾ ཨནུཔཙཱརེ སེནཱསནེཏི – པནྟམྷི སཡནཱསནེ.

‘‘ཀཏི ¶ པརིསྶཡཱ ལོཀེ, གཙྪཏོ ཨགཏཾ དིསཾ;

ཡེ བྷིཀྑུ ཨབྷིསམྦྷཝེ, པནྟམྷི སཡནཱསནེ’’ཏི.

ཀྱཱསྶ བྱཔྤཐཡོ ཨསྶུ, ཀྱཱསྶསྶུ ཨིདྷ གོཙརཱ;

ཀཱནི སཱིལབྦཏཱནཱསྶུ, པཧིཏཏྟསྶ བྷིཀྑུནོ.

ཀྱཱསྶ བྱཔྤཐཡོ ཨསྶཱུཏི. ཀཱིདིསེན བྱཔྤཐེན སམནྣཱགཏོ ཨསྶ ཀིཾསཎྛིཏེན ཀིཾཔཀཱརེན ཀིཾཔཊིབྷཱགེནཱཏི ཝཙཱིཔཱརིསུདྡྷིཾ པུཙྪཏི. ཀཏམཱ ཝཙཱིཔཱརིསུདྡྷི? ཨིདྷ བྷིཀྑུ མུསཱཝཱདཾ པཧཱཡ མུསཱཝཱདཱ པཊིཝིརཏོ ཧོཏི སཙྩཝཱདཱི སཙྩསནྡྷོ ཐེཏོ པཙྩཡིཀོ ཨཝིསཾཝཱདཀོ ལོཀསྶ. པིསུཎཾ ཝཱཙཾ པཧཱཡ པིསུཎཱཡ ཝཱཙཱཡ པཊིཝིརཏོ ཧོཏི, ཨིཏོ སུཏྭཱ ན ཨམུཏྲ ཨཀྑཱཏཱ ཨིམེསཾ བྷེདཱཡ, ཨམུཏྲ ཝཱ སུཏྭཱ ན ཨིམེསཾ ཨཀྑཱཏཱ ཨམཱུསཾ བྷེདཱཡ, ཨིཏི བྷིནྣཱནཾ ཝཱ སནྡྷཱཏཱ, སཧིཏཱནཾ ¶ ཝཱ ཨནུཔྤདཱཏཱ སམགྒཱརཱམོ སམགྒརཏོ སམགྒནནྡཱི སམགྒཀརཎིཾ ཝཱཙཾ བྷཱསིཏཱ ཧོཏི. ཕརུསཾ ཝཱཙཾ པཧཱཡ ཕརུསཱཡ ཝཱཙཱཡ པཊིཝིརཏོ ཧོཏི; ཡཱ སཱ ཝཱཙཱ ནེལཱ ཀཎྞསུཁཱ པེམནཱིཡཱ ཧདཡངྒམཱ པོརཱི བཧུཛནཀནྟཱ བཧུཛནམནཱཔཱ ཏཐཱརཱུཔིཾ ཝཱཙཾ བྷཱསིཏཱ ཧོཏི. སམྥཔྤལཱཔཾ པཧཱཡ སམྥཔྤལཱཔཱ པཊིཝིརཏོ ཧོཏི ཀཱལཝཱདཱི བྷཱུཏཝཱདཱི ཨཏྠཝཱདཱི དྷམྨཝཱདཱི ཝིནཡཝཱདཱི, ནིདྷཱནཝཏིཾ ཝཱཙཾ བྷཱསིཏཱ ཧོཏི ཀཱལེན སཱཔདེསཾ པརིཡནྟཝཏིཾ ཨཏྠསཾཧིཏཾ. ཙཏཱུཧི ཝཙཱིསུཙརིཏེཧི སམནྣཱགཏོ ཙཏུདོསཱཔགཏཾ ཝཱཙཾ བྷཱསཏི, བཱཏྟིཾསཱཡ ཏིརཙྪཱནཀཐཱཡ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརཏི. དས ཀཐཱཝཏྠཱུནི ཀཐེཏི, སེཡྻཐིདཾ – ཨཔྤིཙྪཀཐཾ སནྟུཊྛིཀཐཾ པཝིཝེཀཀཐཾ ཨསཾསགྒཀཐཾ ཝཱིརིཡཱརམྦྷཀཐཾ སཱིལཀཐཾ སམཱདྷིཀཐཾ པཉྙཱཀཐཾ ཝིམུཏྟིཀཐཾ ཝིམུཏྟིཉཱཎདསྶནཀཐཾ སཏིཔཊྛཱནཀཐཾ སམྨཔྤདྷཱནཀཐཾ ཨིདྡྷིཔཱདཀཐཾ ཨིནྡྲིཡཀཐཾ བལཀཐཾ བོཛ྄ཛྷངྒཀཐཾ མགྒཀཐཾ ཕལཀཐཾ ¶ ནིབྦཱནཀཐཾ ཀཐེཏི ¶ . ཝཱཙཱཡ ཡཏོ ཡཏྟོ པཊིཡཏྟོ གུཏྟོ གོཔིཏོ རཀྑིཏོ སཾཝུཏོ – ཨཡཾ ཝཙཱིཔཱརིསུདྡྷི. ཨེདིསཱཡ ཝཙཱིཔཱརིསུདྡྷིཡཱ སམནྣཱགཏོ ཨསྶཱཏི – ཀྱཱསྶ བྱཔྤཐཡོ ཨསྶུ.

ཀྱཱསྶསྶུ ཨིདྷ གོཙརཱཏི. ཀཱིདིསེན གོཙརེན སམནྣཱགཏོ ཨསྶ ཀིཾསཎྛིཏེན ཀིཾཔཀཱརེན ཀིཾཔཊིབྷཱགེནཱཏི གོཙརཾ པུཙྪཏི. ཨཏྠི གོཙརོ, ཨཏྠི ཨགོཙརོ.

ཀཏམོ ¶ ཨགོཙརོ? ཨིདྷེཀཙྩོ ཝེསིཡཱགོཙརོ ཝཱ ཧོཏི, ཝིདྷཝཱགོཙརོ ཝཱ ཧོཏི, ཐུལླཀུམཱརཱིགོཙརོ ¶ [ཐཱུལཀུམཱརཱིགོཙརོ (སྱཱ. ཀ.)] ཝཱ ཧོཏི, པཎྜཀགོཙརོ ཝཱ ཧོཏི, བྷིཀྑུནཱིགོཙརོ ཝཱ ཧོཏི, པཱནཱགཱརགོཙརོ ཝཱ ཧོཏི, སཾསཊྛོ ཝིཧརཏི རཱཛཱུཧི རཱཛམཧཱམཏྟེཧི ཏིཏྠིཡེཧི ཏིཏྠིཡསཱཝཀེཧི ཨནནུལོམིཀེན སཾསགྒེན. ཡཱནི ཝཱ པན ཏཱནི ཀུལཱནི ཨསྶདྡྷཱནི ཨཔྤསནྣཱནི ཨནོཔཱནབྷཱུཏཱནི ཨཀྐོསཀཔརིབྷཱསཀཱནི ཨནཏྠཀཱམཱནི ཨཧིཏཀཱམཱནི ཨཕཱསུཀཱམཱནི ཨཡོགཀྑེམཀཱམཱནི བྷིཀྑཱུནཾ བྷིཀྑུནཱིནཾ ཨུཔཱསཀཱནཾ ཨུཔཱསིཀཱནཾ, ཏཐཱརཱུཔཱནི ཀུལཱནི སེཝཏི བྷཛཏི པཡིརུཔཱསཏི – ཨཡཾ ཝུཙྩཏི ཨགོཙརོ.

ཨཐ ཝཱ ཨནྟརགྷརཾ པཝིཊྛོ ཝཱིཐིཾ པཊིཔནྣོ ཨསཾཝུཏོ གཙྪཏི, ཧཏྠིཾ ཨོལོཀེནྟོ, ཨསྶཾ ཨོལོཀེནྟོ, རཐཾ ཨོལོཀེནྟོ, པཏྟིཾ ཨོལོཀེནྟོ, ཨིཏྠིཡོ ཨོལོཀེནྟོ, པུརིསེ ཨོལོཀེནྟོ, ཀུམཱརིཀཱཡོ ཨོལོཀེནྟོ, ཀུམཱརཀེ ཨོལོཀེནྟོ, ཨནྟརཱཔཎཾ ཨོལོཀེནྟོ, གྷརམུཁཱནི ཨོལོཀེནྟོ, ཨུདྡྷཾ ཨོལོཀེནྟོ [ཨུལློཀེནྟོ (སཱི. ཀ.) མཧཱནི. ༡༥༧ ནཏྠི པཱཋནཱནཏྟཾ], ཨདྷོ ཨོལོཀེནྟོ, དིསཱཝིདིསཾ ཝིཔེཀྑམཱནོ གཙྪཏི – ཨཡམྤི ཝུཙྩཏི ཨགོཙརོ.

ཨཐ ཝཱ ཙཀྑུནཱ རཱུཔཾ དིསྭཱ ནིམིཏྟགྒཱཧཱི ཧོཏི ཨནུབྱཉྫནགྒཱཧཱི. ཡཏྭཱདྷིཀརཎམེནཾ…པེ… མནིནྡྲིཡཾ ཨསཾཝུཏཾ ཝིཧརནྟཾ ཨབྷིཛ྄ཛྷཱ དོམནསྶཱ པཱཔཀཱ ཨཀུསལཱ དྷམྨཱ ཨནྭཱསྶཝེཡྻུཾ, ཏསྶ ན སཾཝརཱཡ པཊིཔཛྫཏི, ན རཀྑཏི མནིནྡྲིཡཾ མནིནྡྲིཡེ ན སཾཝརཾ ཨཱཔཛྫཏི – ཨཡམྤི ཝུཙྩཏི ཨགོཙརོ.

ཡཐཱ ¶ ཝཱ པནེཀེ བྷོནྟོ སམཎབྲཱཧྨཎཱ སདྡྷཱདེཡྻཱནི བྷོཛནཱནི བྷུཉྫིཏྭཱ ཏེ ཨེཝརཱུཔཾ ¶ ཝིསཱུཀདསྶནཾ ཨནུཡུཏྟཱ ཝིཧརནྟི, སེཡྻཐིདཾ – ནཙྩཾ གཱིཏཾ ཝཱདིཏཾ པེཀྑཾ ཨཀྑཱནཾ པཱཎིསྶརཾ ཝེཏཱལ༹ཾ ཀུམྦྷཐཱུཎཾ སོབྷནཀཾ ཙཎྜཱལཾ ¶ ཝཾསཾ དྷོཝནཾ ཧཏྠིཡུདྡྷཾ ཨསྶཡུདྡྷཾ མཧིཾསཡུདྡྷཾ ཨུསབྷཡུདྡྷཾ ཨཛཡུདྡྷཾ མེཎྜཡུདྡྷཾ ཀུཀྐུཊཡུདྡྷཾ ཝཊྚཀཡུདྡྷཾ དཎྜཡུདྡྷཾ མུཊྛིཡུདྡྷཾ ནིབྦུདྡྷཾ ཨུཡྻོདྷིཀཾ བལགྒཾ སེནཱབྱཱུཧཾ ཨནཱིཀདསྶནཾ ཨིཏི ཝཱ ཨིཏི, ཨེཝརཱུཔཾ ཝིསཱུཀདསྶནཾ ཨནུཡུཏྟོ ཧོཏི – ཨཡམྤི ཝུཙྩཏི ཨགོཙརོ.

པཉྩཔི ཀཱམགུཎཱ ཨགོཙརཱ. ཝུཏྟཉྷེཏཾ བྷགཝཏཱ – ‘‘མཱ, བྷིཀྑཝེ, ཨགོཙརེ ཙརཐ པརཝིསཡེ. ཨགོཙརེ, བྷིཀྑཝེ, ཙརཏཾ པརཝིསཡེ ལཙྪཏི མཱརོ ཨོཏཱརཾ, ལཙྪཏི མཱརོ ཨཱརམྨཎཾ. ཀོ ཙ, བྷིཀྑཝེ, བྷིཀྑུནོ ཨགོཙརོ པརཝིསཡོ? ཡདིདཾ པཉྩ ཀཱམགུཎཱ. ཀཏམེ པཉྩ? ཙཀྑུཝིཉྙེཡྻཱ རཱུཔཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ, སོཏཝིཉྙེཡྻཱ སདྡཱ… གྷཱནཝིཉྙེཡྻཱ གནྡྷཱ… ཛིཝ྄ཧཱཝིཉྙེཡྻཱ རསཱ… ཀཱཡཝིཉྙེཡྻཱ ཕོཊྛབྦཱ ¶ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ. ཨཡཾ ཝུཙྩཏི, བྷིཀྑཝེ, བྷིཀྑུནོ ཨགོཙརོ པརཝིསཡོ’’ – ཨཡམྤི ཝུཙྩཏི ཨགོཙརོ.

ཀཏམོ གོཙརོ? ཨིདྷ བྷིཀྑུ ན ཝེསིཡཱགོཙརོ ཧོཏི, ན ཝིདྷཝཱགོཙརོ ཧོཏི, ན ཐུལླཀུམཱརཱིགོཙརོ ཧོཏི, ན པཎྜཀགོཙརོ ཧོཏི, ན བྷིཀྑུནཱིགོཙརོ ཧོཏི, ན པཱནཱགཱརགོཙརོ ཧོཏི, ཨསཾསཊྛོ ཝིཧརཏི རཱཛཱུཧི རཱཛམཧཱམཏྟེཧི ཏིཏྠིཡེཧི ཏིཏྠིཡསཱཝཀེཧི ཨནནུལོམིཀེན ¶ སཾསགྒེན. ཡཱནི ཝཱ པན ཏཱནི ཀུལཱནི སདྡྷཱནི པསནྣཱནི ཨོཔཱནབྷཱུཏཱནི ཀཱསཱཝཔཛྫོཏཱནི ཨིསིཝཱཏཔཊིཝཱཏཱནི ཨཏྠཀཱམཱནི ཧིཏཀཱམཱནི ཕཱསུཀཱམཱནི ཡོགཀྑེམཀཱམཱནི བྷིཀྑཱུནཾ བྷིཀྑུནཱིནཾ ཨུཔཱསཀཱནཾ ཨུཔཱསིཀཱནཾ, ཏཐཱརཱུཔཱནི ཀུལཱནི སེཝཏི བྷཛཏི པཡིརུཔཱསཏི – ཨཡམྤི ཝུཙྩཏི གོཙརོ.

ཨཐ ཝཱ བྷིཀྑུ ཨནྟརགྷརཾ པཝིཊྛོ ཝཱིཐིཾ པཊིཔནྣོ སཾཝུཏོ གཙྪཏི, ན ཧཏྠིཾ ཨོལོཀེནྟོ, ན ཨསྶཾ ཨོལོཀེནྟོ, ན རཐཾ ཨོལོཀེནྟོ, ན པཏྟིཾ ཨོལོཀེནྟོ…པེ… ན དིསཱཝིདིསཾ ཝིཔེཀྑམཱནོ གཙྪཏི – ཨཡམྤི ཝུཙྩཏི གོཙརོ.

ཨཐ ¶ ཝཱ བྷིཀྑུ ཙཀྑུནཱ རཱུཔཾ ¶ དིསྭཱ ན ནིམིཏྟགྒཱཧཱི ཧོཏི…པེ… མནིནྡྲིཡེ སཾཝརཾ ཨཱཔཛྫཏི – ཨཡམྤི ཝུཙྩཏི གོཙརོ.

ཡཐཱ ཝཱ པནེཀེ བྷོནྟོ སམཎབྲཱཧྨཎཱ སདྡྷཱདེཡྻཱནི བྷོཛནཱནི བྷུཉྫིཏྭཱ ཏེ ཨེཝརཱུཔཾ ཝིསཱུཀདསྶནཾ ཨནནུཡུཏྟཱ ཝིཧརནྟི, སེཡྻཐིདཾ – ནཙྩཾ གཱིཏཾ ཝཱདིཏཾ…པེ… ཨནཱིཀདསྶནཾ ཨིཏི ཝཱ ཨིཏི, ཨེཝརཱུཔཱ ཝིསཱུཀདསྶནཱ པཊིཝིརཏོ ཧོཏི – ཨཡམྤི ཝུཙྩཏི གོཙརོ.

ཙཏྟཱརོཔི སཏིཔཊྛཱནཱ གོཙརོ. ཝུཏྟཉྷེཏཾ བྷགཝཏཱ – ‘‘གོཙརེ, བྷིཀྑཝེ, ཙརཐ སཀེ པེཏྟིཀེ ཝིསཡེ. གོཙརེ, བྷིཀྑཝེ, ཙརཏཾ སཀེ པེཏྟིཀེ ཝིསཡེ ན ལཙྪཏི མཱརོ ཨོཏཱརཾ, ན ལཙྪཏི མཱརོ ཨཱརམྨཎཾ. ཀོ ཙ, བྷིཀྑཝེ, བྷིཀྑུནོ གོཙརོ སཀོ པེཏྟིཀོ ཝིསཡོ? ཡདིདཾ ཙཏྟཱརོ སཏིཔཊྛཱནཱ. ཀཏམེ ཙཏྟཱརོ? ཨིདྷ, བྷིཀྑཝེ, བྷིཀྑུ ཀཱཡེ ཀཱཡཱནུཔསྶཱི ཝིཧརཏི, ཝེདནཱསུ…པེ. ¶ … ཙིཏྟེ…པེ… དྷམྨེསུ དྷམྨཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱདོམནསྶཾ. ཨཡཾ ཝུཙྩཏི, བྷིཀྑཝེ, བྷིཀྑུནོ གོཙརོ སཀོ པེཏྟིཀོ ཝིསཡོ – ཨཡམྤི ཝུཙྩཏི གོཙརོ. ཨེདིསེན གོཙརེན སམནྣཱགཏོ ཨསྶཱ’’ཏི – ཀྱཱསྶསྶུ ཨིདྷ གོཙརཱ.

ཀཱནི ¶ སཱིལབྦཏཱནཱསྶཱུཏི. ཀཱིདིསེན སཱིལབྦཏེན སམནྣཱགཏོ ཨསྶ ཀིཾསཎྛིཏེན ཀིཾཔཀཱརེན ཀིཾཔཊིབྷཱགེནཱཏི སཱིལབྦཏཔཱརིསུདྡྷིཾ པུཙྪཏི. ཀཏམཱ སཱིལབྦཏཔཱརིསུདྡྷི? ཨཏྠི སཱིལཉྩེཝ ཝཏཉྩ, ཨཏྠི ཝཏཾ ན སཱིལཾ. ཀཏམཾ སཱིལཉྩེཝ ཝཏཉྩ? ཨིདྷ བྷིཀྑུ སཱིལཝཱ ཧོཏི, པཱཏིམོཀྑསཾཝརསཾཝུཏོ ཝིཧརཏི ཨཱཙཱརགོཙརསམྤནྣོ, ཨཎུམཏྟེསུ ཝཛྫེསུ བྷཡདསྶཱཝཱི, སམཱདཱཡ སིཀྑཏི སིཀྑཱཔདེསུ. ཡོ ཏཏྠ སཉྙམོ སཾཝརོ ཨཝཱིཏིཀྐམོ – ཨིདཾ སཱིལཾ. ཡཾ སམཱདཱནཾ – ཏཾ ཝཏཾ ¶ . སཾཝརཊྛེན སཱིལཾ, སམཱདཱནཊྛེན ཝཏཾ – ཨིདཾ ཝུཙྩཏི སཱིལཉྩེཝ ཝཏཉྩ.

ཀཏམཾ ཝཏཾ ན སཱིལཾ? ཨཊྛ དྷུཏངྒཱནི – ཨཱརཉྙིཀངྒཾ, པིཎྜཔཱཏིཀངྒཾ, པཾསུཀཱུལིཀངྒཾ, ཏེཙཱིཝརིཀངྒཾ, སཔདཱནཙཱརིཀངྒཾ, ཁལུཔཙྪཱབྷཏྟིཀངྒཾ, ནེསཛྫིཀངྒཾ, ཡཐཱསནྠཏིཀངྒཾ – ཨིདཾ ཝུཙྩཏི ཝཏཾ ན སཱིལཾ. ཝཱིརིཡསམཱདཱནམྤི ཝུཙྩཏི ཝཏཾ ན སཱིལཾ. ཀཱམཾ ཏཙོ ཙ ནྷཱརུ ཙ ¶ ཨཊྛི ཙ ཨཝསིསྶཏུ, སརཱིརེ ཨུཔསུསྶཏུ མཾསལོཧིཏཾ, ཡཾ ཏཾ པུརིསཐཱམེན པུརིསབལེན པུརིསཝཱིརིཡེན པུརིསཔརཀྐམེན པཏྟབྦཾ ན ཏཾ ཨཔཱཔུཎིཏྭཱ ཝཱིརིཡསྶ སཎྛཱནཾ བྷཝིསྶཏཱིཏི ¶ – ཙིཏྟཾ པགྒཎྷཱཏི པདཧཏི. ཨེཝརཱུཔམྤི ཝཱིརིཡསམཱདཱནཾ ཝུཙྩཏི ཝཏཾ ན སཱིལཾ.

‘‘ནཱསིསྶཾ ན པིཝིསྶཱམི, ཝིཧཱརཏོ ན ནིཀྑམེ [ན ནིཀྑམིཾ (སྱཱ.) མཧཱནི. ༡༧];

ནཔི པསྶཾ ནིཔཱཏེསྶཾ, ཏཎྷཱསལླེ ཨནཱུཧཏེ’’ཏི.

ཙིཏྟཾ པགྒཎྷཱཏི པདཧཏི. ཨེཝརཱུཔམྤི ཝཱིརིཡསམཱདཱནཾ ཝུཙྩཏི ཝཏཾ ན སཱིལཾ. ན ཏཱཝཱཧཾ ཨིམཾ པལླངྐཾ བྷིནྡིསྶཱམི ཡཱཝ མེ ན ཨནུཔཱདཱཡ ཨཱསཝེཧི ཙིཏྟཾ ཝིམུཙྩིསྶཏཱིཏི – ཙིཏྟཾ པགྒཎྷཱཏི པདཧཏི. ཨེཝརཱུཔམྤི ཝཱིརིཡསམཱདཱནཾ ཝུཙྩཏི ཝཏཾ, ན སཱིལཾ. ན ཏཱཝཱཧཾ ཨིམམྷཱ ཨཱསནཱ ཝུཊྛཧིསྶཱམི… ན ཏཱཝཱཧཾ ཨིམམྷཱ ཙངྐམཱ ཨོརོཧིསྶཱམི… ཝིཧཱརཱ ནིཀྑམིསྶཱམི… ཨཌྜྷཡོགཱ ནིཀྑམིསྶཱམི… པཱསཱདཱ ནིཀྑམིསྶཱམི… ཧམྨིཡཱ… གུཧཱཡ… ལེཎཱ… ཀུཊིཡཱ… ཀཱུཊཱགཱརཱ… ཨཊྚཱ… མཱལཱ༹… ཨུདྡཎྜཱ… ཨུཔཊྛཱནསཱལཱཡ… མཎྜཔཱ… རུཀྑམཱུལཱ ནིཀྑམིསྶཱམི ཡཱཝ མེ ན ཨནུཔཱདཱཡ ཨཱསཝེཧི ཙིཏྟཾ ཝིམུཙྩིསྶཏཱིཏི – ཙིཏྟཾ པགྒཎྷཱཏི པདཧཏི. ཨེཝརཱུཔམྤི ཝཱིརིཡསམཱདཱནཾ ཝུཙྩཏི ཝཏཾ, ན སཱིལཾ. ཨིམསྨིཉྙེཝ པུབྦཎྷསམཡཾ ཨརིཡདྷམྨཾ ཨཱཧརིསྶཱམི སམཱཧརིསྶཱམི ཨདྷིགཙྪིསྶཱམི ¶ ཕསྶཡིསྶཱམི སཙྪིཀརིསྶཱམཱིཏི – ཙིཏྟཾ པགྒཎྷཱཏི ¶ པདཧཏི. ཨེཝརཱུཔམྤི ཝཱིརིཡསམཱདཱནཾ ཝུཙྩཏི ཝཏཾ, ན སཱིལཾ. ཨིམསྨིཉྙེཝ མཛ྄ཛྷནྷིཀསམཡཾ… སཱཡནྷསམཡཾ ¶ … པུརེབྷཏྟཾ… པཙྪཱབྷཏྟཾ… པུརིམཡཱམཾ… མཛ྄ཛྷིམཡཱམཾ… པཙྪིམཡཱམཾ… ཀཱལེ༹… ཛུཎྷེ… ཝསྶེ… ཧེམནྟེ… གིམྷེ… པུརིམེ ཝཡོཁནྡྷེ… མཛ྄ཛྷིམེ ཝཡོཁནྡྷེ… པཙྪིམེ ཝཡོཁནྡྷེ ཨརིཡདྷམྨཾ ཨཱཧརིསྶཱམི སམཱཧརིསྶཱམི ཨདྷིགཙྪིསྶཱམི ཕསྶཡིསྶཱམི སཙྪིཀརིསྶཱམཱིཏི – ཙིཏྟཾ པགྒཎྷཱཏི པདཧཏི. ཨེཝརཱུཔམྤི ཝཱིརིཡསམཱདཱནཾ ཝུཙྩཏི ཝཏཾ, ན སཱིལཾ – ཨཡཾ སཱིལབྦཏཔཱརིསུདྡྷི. ཨེདིསཱཡ [ཀཱིདིསཱཡ (སཱི.), ཨཱིདིསཱཡ (སྱཱ.)] སཱིལབྦཏཔཱརིསུདྡྷིཡཱ སམནྣཱགཏོ ཨསྶཱཏི – ཀཱནི སཱིལབྦཏཱནཱསྶུ.

པཧིཏཏྟསྶ བྷིཀྑུནོཏི. པཧིཏཏྟསྶཱཏི ཨཱརདྡྷཝཱིརིཡསྶ ཐཱམགཏསྶ དལ༹ྷཔརཀྐམསྶ ཨནིཀྑིཏྟཙྪནྡསྶ ཨནིཀྑིཏྟདྷུརསྶ ཀུསལེསུ དྷམྨེསུ. ཨཐ ཝཱ པེསིཏཏྟསྶ ཡསྶཏྠཱཡ པེསིཏོ ཨཏྟཏྠེ ཙ ཉཱཡེ ཙ ལཀྑཎེ ཙ ཀཱརཎེ ཙ ཋཱནཱཋཱནེ ཙ. ‘‘སབྦེ སངྑཱརཱ ཨནིཙྩཱ’’ཏི པེསིཏཏྟསྶ, ‘‘སབྦེ སངྑཱརཱ དུཀྑཱ’’ཏི པེསིཏཏྟསྶ, ‘‘སབྦེ དྷམྨཱ ཨནཏྟཱ’’ཏི པེསིཏཏྟསྶ, ‘‘ཨཝིཛྫཱཔཙྩཡཱ སངྑཱརཱ’’ཏི པེསིཏཏྟསྶ ¶ …པེ… ‘‘ཛཱཏིཔཙྩཡཱ ཛརཱམརཎ’’ནྟི པེསིཏཏྟསྶ, ‘‘ཨཝིཛྫཱནིརོདྷཱ སངྑཱརནིརོདྷོ’’ཏི པེསིཏཏྟསྶ…པེ… ‘‘ཛཱཏིནིརོདྷཱ ཛརཱམརཎནིརོདྷོ’’ཏི པེསིཏཏྟསྶ, ‘‘ཨིདཾ དུཀྑ’’ནྟི པེསིཏཏྟསྶ…པེ… ‘‘ཨཡཾ དུཀྑནིརོདྷགཱམིནཱི པཊིཔདཱ’’ཏི པེསིཏཏྟསྶ, ‘‘ཨིམེ ཨཱསཝཱ’’ཏི པེསིཏཏྟསྶ…པེ… ‘‘ཨཡཾ ཨཱསཝནིརོདྷགཱམིནཱི པཊིཔདཱ’’ཏི པེསིཏཏྟསྶ, ‘‘ཨིམེ ¶ དྷམྨཱ ཨབྷིཉྙེཡྻཱ’’ཏི པེསིཏཏྟསྶ…པེ… ‘‘ཨིམེ དྷམྨཱ སཙྪིཀཱཏབྦཱ’’ཏི པེསིཏཏྟསྶ, ཚནྣཾ ཕསྶཱཡཏནཱནཾ སམུདཡཉྩ ཨཏྠངྒམཉྩ ཨསྶཱདཉྩ ཨཱདཱིནཝཉྩ ནིསྶརཎཉྩ པེསིཏཏྟསྶ, པཉྩནྣཾ ཨུཔཱདཱནཀྑནྡྷཱནཾ… ཙཏུནྣཾ མཧཱབྷཱུཏཱནཾ སམུདཡཉྩ ཨཏྠངྒམཉྩ ཨསྶཱདཉྩ ཨཱདཱིནཝཉྩ ནིསྶརཎཉྩ པེསིཏཏྟསྶ, ‘‘ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨ’’ནྟི ¶ པེསིཏཏྟསྶ. བྷིཀྑུནོཏི པུཐུཛྫནཀལྱཱཎཀསྶ ཝཱ བྷིཀྑུནོ སེཀྑསྶ ཝཱ བྷིཀྑུནོཏི – པཧིཏཏྟསྶ བྷིཀྑུནོ.

‘‘ཀྱཱསྶ བྱཔྤཐཡོ ཨསྶུ, ཀྱཱསྶསྶུ ཨིདྷ གོཙརཱ;

ཀཱནི སཱིལབྦཏཱནཱསྶུ, པཧིཏཏྟསྶ བྷིཀྑུནོ’’ཏི.

ཀཾ སོ སིཀྑཾ སམཱདཱཡ, ཨེཀོདི ནིཔཀོ སཏོ;

ཀམྨཱརོ རཛཏསྶེཝ, ནིདྡྷམེ མལམཏྟནོ.

ཀཾ ¶ སོ སིཀྑཾ སམཱདཱཡཱཏི ཀཾ སོ སིཀྑཾ ཨཱདཱཡ སམཱདཱཡ ཨཱདིཡིཏྭཱ སམཱདིཡིཏྭཱ གཎྷིཏྭཱ པརཱམསིཏྭཱ ཨབྷིནིཝིསིཏྭཱཏི – ཀཾ སོ སིཀྑཾ སམཱདཱཡ.

ཨེཀོདི ནིཔཀོ སཏོཏི. ཨེཀོདཱིཏི ཨེཀགྒཙིཏྟོ ཨཝིཀྑིཏྟཙིཏྟོ ཨཝིསཱཧཊམཱནསོ སམཐོ སམཱདྷིནྡྲིཡཾ སམཱདྷིབལཾ…པེ… སམྨཱསམཱདྷི. ནིཔཀོཏི ནིཔཀོ པཎྜིཏོ པཉྙཝཱ བུདྡྷིམཱ ཉཱཎཱི ཝིབྷཱཝཱི མེདྷཱཝཱི. སཏོཏི ཙཏཱུཧི ཀཱརཎེཧི སཏོ – ཀཱཡེ ཀཱཡཱནུཔསྶནཱསཏིཔཊྛཱནཾ བྷཱཝེནྟོ སཏོ, ཝེདནཱསུ…པེ… ཙིཏྟེ…པེ… དྷམྨེསུ དྷམྨཱནུཔསྶནཱསཏིཔཊྛཱནཾ བྷཱཝེནྟོ སཏོ. སོ ཝུཙྩཏི སཏོཏི – སཏོ. ཀཾ སོ ¶ སིཀྑཾ སམཱདཱཡཱཏི ཨདྷིསཱིལསིཀྑཾ པུཙྪཏི. ཨེཀོདཱིཏི ཨདྷིཙིཏྟསིཀྑཾ པུཙྪཏི. ནིཔཀོཏི ཨདྷིཔཉྙཱསིཀྑཾ པུཙྪཏི. སཏོཏི པཱརིསུདྡྷིཾ པུཙྪཏཱིཏི – ཀཾ སོ སིཀྑཾ སམཱདཱཡ, ཨེཀོདི ནིཔཀོ སཏོ.

ཀམྨཱརོ ¶ རཛཏསྶེཝ, ནིདྡྷམེ མལམཏྟནོཏི. ཀམྨཱརོ ཝུཙྩཏི སུཝཎྞཀཱརོ, རཛཏཾ ཝུཙྩཏི ཛཱཏརཱུཔཾ. ཡཐཱ སུཝཎྞཀཱརོ ཛཱཏརཱུཔསྶ ཨོལཱ༹རིཀམྤི མལཾ དྷམཏི སནྡྷམཏི ནིདྡྷམཏི, མཛ྄ཛྷིམཀམྤི མལཾ དྷམཏི སནྡྷམཏི ནིདྡྷམཏི, སུཁུམཀམྤི མལཾ དྷམཏི སནྡྷམཏི ནིདྡྷམཏི; ཨེཝམེཝ བྷིཀྑུ ཨཏྟནོ ཨོལཱ༹རིཀེཔི ཀིལེསེ དྷམཏི སནྡྷམཏི ནིདྡྷམཏི པཛཧཏི ཝིནོདེཏི བྱནྟིཾ ཀརོཏི ཨནབྷཱཝཾ གམེཏི, མཛ྄ཛྷིམཀེཔི ཀིལེསེ… སུཁུམཀེཔི ཀིལེསེ དྷམཏི ¶ སནྡྷམཏི ནིདྡྷམཏི པཛཧཏི ཝིནོདེཏི བྱནྟིཾ ཀརོཏི ཨནབྷཱཝཾ གམེཏི.

ཨཐ ཝཱ བྷིཀྑུ ཨཏྟནོ རཱགམལཾ དོསམལཾ མོཧམལཾ མཱནམལཾ དིཊྛིམལཾ ཀིལེསམལཾ དུཙྩརིཏམལཾ ཨནྡྷཀརཎཾ ཨཙཀྑུཀརཎཾ ཨཉྙཱཎཀརཎཾ པཉྙཱནིརོདྷིཀཾ ཝིགྷཱཏཔཀྑིཀཾ ཨནིབྦཱནསཾཝཏྟནིཀཾ དྷམཏི སནྡྷམཏི ནིདྡྷམཏི པཛཧཏི ཝིནོདེཏི བྱནྟིཾ ཀརོཏི ཨནབྷཱཝཾ གམེཏི.

ཨཐ ཝཱ སམྨཱདིཊྛིཡཱ མིཙྪཱདིཊྛིཾ དྷམཏི སནྡྷམཏི ནིདྡྷམཏི པཛཧཏི ཝིནོདེཏི བྱནྟིཾ ཀརོཏི ཨནབྷཱཝཾ གམེཏི. སམྨཱསངྐཔྤེན མིཙྪཱསངྐཔྤཾ…པེ… སམྨཱཝཱཙཱཡ མིཙྪཱཝཱཙཾ… སམྨཱཀམྨནྟེན མིཙྪཱཀམྨནྟཾ… སམྨཱཨཱཛཱིཝེན ¶ མིཙྪཱཨཱཛཱིཝཾ… སམྨཱཝཱཡཱམེན མིཙྪཱཝཱཡཱམཾ… སམྨཱསཏིཡཱ མིཙྪཱསཏིཾ… སམྨཱསམཱདྷིནཱ མིཙྪཱསམཱདྷིཾ… སམྨཱཉཱཎེན མིཙྪཱཉཱཎཾ… སམྨཱཝིམུཏྟིཡཱ མིཙྪཱཝིམུཏྟིཾ དྷམཏི སནྡྷམཏི ནིདྡྷམཏི པཛཧཏི ཝིནོདེཏི བྱནྟིཾ ཀརོཏི ཨནབྷཱཝཾ གམེཏི.

ཨཐ ¶ ཝཱ ཨརིཡེན ཨཊྛངྒིཀེན མགྒེན སབྦེ ཀིལེསེ སབྦེ དུཙྩརིཏེ སབྦེ དརཐེ སབྦེ པརིལཱ༹ཧེ སབྦེ སནྟཱཔེ སབྦཱཀུསལཱབྷིསངྑཱརེ དྷམཏི སནྡྷམཏི ནིདྡྷམཏི པཛཧཏི ཝིནོདེཏི བྱནྟིཾ ཀརོཏི ཨནབྷཱཝཾ གམེཏཱིཏི – ཀམྨཱརོ རཛཏསྶེཝ ནིདྡྷམེ མལམཏྟནོ.

‘‘ཀཾ སོ སིཀྑཾ སམཱདཱཡ, ཨེཀོདི ནིཔཀོ སཏོ;

ཀམྨཱརོ རཛཏསྶེཝ, ནིདྡྷམེ མལམཏྟནོ’’ཏི.

ཝིཛིགུཙྪམཱནསྶ ཡདིདཾ ཕཱསུ, [སཱརིཔུཏྟཱཏི བྷགཝཱ]

སམྦོདྷིཀཱམསྶ ཡཐཱནུདྷམྨཾ, ཏཾ ཏེ པཝཀྑཱམི ཡཐཱ པཛཱནཾ.

ཝིཛིགུཙྪམཱནསྶ ¶ ཡདིདཾ ཕཱསཱུཏི. ཝིཛིགུཙྪམཱནསྶཱཏི ཛཱཏིཡཱ ཝིཛིགུཙྪམཱནསྶ, ཛརཱཡ… བྱཱདྷིནཱ… མརཎེན… སོཀེཧི ¶ … པརིདེཝེཧི… དུཀྑེཧི… དོམནསྶེཧི… ཨུཔཱཡཱསེཧི…པེ… དིཊྛིབྱསནེན དུཀྑེན ཝིཛིགུཙྪམཱནསྶ ཨཊྚཱིཡམཱནསྶ [ཨཊྚིཡམཱནསྶ (སྱཱ. ཀ.)] ཧརཱཡམཱནསྶཱཏི – ཝིཛིགུཙྪམཱནསྶ. ཡདིདཾ ཕཱསཱུཏི ཡཾ ཕཱསུཝིཧཱརཾ ཏཾ ཀཐཡིསྶཱམི. ཀཏམོ ཕཱསུཝིཧཱརོ? སམྨཱཔཊིཔདཱ ཨནུལོམཔཊིཔདཱ ཨཔཙྩནཱིཀཔཊིཔདཱ ¶ ཨཝིརུདྡྷཔཊིཔདཱ ཨནྭཏྠཔཊིཔདཱ དྷམྨཱནུདྷམྨཔཊིཔདཱ སཱིལེསུ པརིཔཱུརཀཱརིཏཱ ཨིནྡྲིཡེསུ གུཏྟདྭཱརཏཱ བྷོཛནེ མཏྟཉྙུཏཱ ཛཱགརིཡཱནུཡོགོ སཏིསམྤཛཉྙཾ ཙཏྟཱརོ སཏིཔཊྛཱནཱ ཙཏྟཱརོ སམྨཔྤདྷཱནཱ ཙཏྟཱརོ ཨིདྡྷིཔཱདཱ པཉྩིནྡྲིཡཱནི པཉྩ བལཱནི སཏྟ བོཛ྄ཛྷངྒཱ ཨརིཡོ ཨཊྛངྒིཀོ མགྒོ ནིབྦཱནཉྩ ནིབྦཱནགཱམིནཱི ཙ པཊིཔདཱ – ཨཡཾ ཕཱསུཝིཧཱརོཏི – ཝིཛིགུཙྪམཱནསྶ ཡདིདཾ ཕཱསུ.

སཱརིཔུཏྟཱཏི བྷགཝཱཏི. ཏཾ ཐེརཾ ནཱམེནཱལཔཏི. བྷགཝཱཏི གཱརཝཱདྷིཝཙནཾ. ཨཔི ཙ བྷགྒརཱགོཏི བྷགཝཱ, བྷགྒདོསོཏི བྷགཝཱ, བྷགྒམོཧོཏི བྷགཝཱ, བྷགྒམཱནོཏི བྷགཝཱ, བྷགྒདིཊྛཱིཏི བྷགཝཱ, བྷགྒཀཎྜཀོཏི བྷགཝཱ, བྷགྒཀིལེསོཏི བྷགཝཱ, བྷཛི ཝིབྷཛི པཝིབྷཛི [པཊིབྷཛི (སཱི. སྱཱ.) མཧཱནི. ༥༠ ནཏྠི པཱཋནཱནཏྟཾ] དྷམྨརཏནནྟི བྷགཝཱ, བྷཝཱནཾ ཨནྟཀརོཏི བྷགཝཱ, བྷཱཝིཏཀཱཡོ བྷཱཝིཏསཱིལོ བྷཱཝིཏཙིཏྟོ བྷཱཝིཏཔཉྙོཏི བྷགཝཱ; བྷཛི ཝཱ བྷགཝཱ ཨརཉྙཝནཔཏྠཱནི པནྟཱནི སེནཱསནཱནི ཨཔྤསདྡཱནི ཨཔྤནིགྒྷོསཱནི ཝིཛནཝཱཏཱནི མནུསྶརཱཧསྶེཡྻཀཱནི པཊིསལླཱནསཱརུཔྤཱནཱིཏི བྷགཝཱ, བྷཱགཱི ཝཱ བྷགཝཱ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནནྟི བྷགཝཱ, བྷཱགཱི ཝཱ བྷགཝཱ ཨཏྠརསསྶ དྷམྨརསསྶ ཝིམུཏྟིརསསྶ ཨདྷིསཱིལསྶ ¶ ཨདྷིཙིཏྟསྶ ཨདྷིཔཉྙཱཡཱཏི བྷགཝཱ, བྷཱགཱི ཝཱ བྷགཝཱ ཙཏུནྣཾ ཛྷཱནཱནཾ ཙཏུནྣཾ ཨཔྤམཉྙཱནཾ ཙཏུནྣཾ ཨཱརུཔྤསམཱཔཏྟཱིནནྟི བྷགཝཱ, བྷཱགཱི ཝཱ བྷགཝཱ ཨཊྛནྣཾ ཝིམོཀྑཱནཾ ཨཊྛནྣཾ ཨབྷིཉྙཱཡཏནཱནཾ ནཝནྣཾ ཨནུཔུབྦཝིཧཱརསམཱཔཏྟཱིནནྟི ¶ བྷགཝཱ, བྷཱགཱི ཝཱ བྷགཝཱ དསནྣཾ སཉྙཱབྷཱཝནཱནཾ དསནྣཾ ཀསིཎསམཱཔཏྟཱིནཾ ཨཱནཱཔཱནསྶཏིསམཱདྷིསྶ ཨསུབྷསམཱཔཏྟིཡཱཏི ¶ བྷགཝཱ, བྷཱགཱི ཝཱ བྷགཝཱ ཙཏུནྣཾ སཏིཔཊྛཱནཱནཾ ཙཏུནྣཾ སམྨཔྤདྷཱནཱནཾ ཙཏུནྣཾ ཨིདྡྷིཔཱདཱནཾ པཉྩནྣཾ ཨིནྡྲིཡཱནཾ པཉྩནྣཾ བལཱནཾ སཏྟནྣཾ བོཛ྄ཛྷངྒཱནཾ ཨརིཡསྶ ཨཊྛངྒིཀསྶ མགྒསྶཱཏི བྷགཝཱ, བྷཱགཱི ཝཱ བྷགཝཱ དསནྣཾ ཏཐཱགཏབལཱནཾ ཙཏུནྣཾ ཝེསཱརཛྫཱནཾ ཙཏུནྣཾ པཊིསམྦྷིདཱནཾ ཚནྣཾ ཨབྷིཉྙཱནཾ ཚནྣཾ བུདྡྷདྷམྨཱནནྟི བྷགཝཱ ¶ ; བྷགཝཱཏི ནེཏཾ ནཱམཾ མཱཏརཱ ཀཏཾ, ན པིཏརཱ ཀཏཾ, ན བྷཱཏརཱ ཀཏཾ, ན བྷགིནིཡཱ ཀཏཾ, ན མིཏྟཱམཙྩེཧི ཀཏཾ, ན ཉཱཏིསཱལོཧིཏེཧི ཀཏཾ, ན སམཎབྲཱཧྨཎེཧི ཀཏཾ, ན དེཝཏཱཧི ཀཏཾ; ཝིམོཀྑནྟིཀམེཏཾ བུདྡྷཱནཾ བྷགཝནྟཱནཾ བོདྷིཡཱ མཱུལེ སཧ སབྦཉྙུཏཉཱཎསྶ པཊིལཱབྷཱ སཙྪིཀཱ པཉྙཏྟི ཡདིདཾ བྷགཝཱཏི – སཱརིཔུཏྟཱཏི བྷགཝཱ.

རིཏྟཱསནཾ སཡནཾ སེཝཏོ ཝེཏི. ཨཱསནཾ ཝུཙྩཏི ཡཏྠ ནིསཱིདཏི – མཉྩོ པཱིཋཾ བྷིསི ཏཊྚིཀཱ ཙམྨཁཎྜོ ཏིཎསནྠཱརོ པཎྞསནྠཱརོ པལཱལསནྠཱརོ. སཡནཾ ཝུཙྩཏི སེནཱསནཾ ཝིཧཱརོ ཨཌྜྷཡོགོ པཱསཱདོ ཧམྨིཡཾ གུཧཱ. ཏཾ སཡནཱསནཾ ཨསཔྤཱཡརཱུཔདསྶནེན རིཏྟཾ ཝིཝིཏྟཾ པཝིཝིཏྟཾ, ཨསཔྤཱཡསདྡསྶཝནེན…པེ… ཨསཔྤཱཡེཧི པཉྩཧི ཀཱམགུཎེཧི རིཏྟཾ ཝིཝིཏྟཾ པཝིཝིཏྟཾ. ཏཾ སཡནཱསནཾ སེཝཏོ ནིསེཝཏོ སཾསེཝཏོ པཊིསེཝཏོཏི – རིཏྟཱསནཾ སཡནཾ སེཝཏོ ཝེ.

སམྦོདྷིཀཱམསྶ ¶ ཡཐཱནུདྷམྨནྟི. སམྦོདྷི ཝུཙྩཏི ཙཏཱུསུ མགྒེསུ ཉཱཎཾ པཉྙཱ པཉྙིནྡྲིཡཾ པཉྙཱབལཾ…པེ… དྷམྨཝིཙཡསམྦོཛ྄ཛྷངྒོ ཝཱིམཾསཱ ཝིཔསྶནཱ སམྨཱདིཊྛི. ཏཾ སམྦོདྷིཾ བུཛ྄ཛྷིཏུཀཱམསྶ ཨནུབུཛ྄ཛྷིཏུཀཱམསྶ པཊིབུཛ྄ཛྷིཏུཀཱམསྶ སམྦུཛ྄ཛྷིཏུཀཱམསྶ ཨདྷིགནྟུཀཱམསྶ ཕསྶིཏུཀཱམསྶ སཙྪིཀཱཏུཀཱམསྶཱཏི – སམྦོདྷིཀཱམསྶ.

ཡཐཱནུདྷམྨནྟི ཀཏམེ བོདྷིཡཱ ཨནུདྷམྨཱ? སམྨཱཔཊིཔདཱ ཨནུལོམཔཊིཔདཱ ཨཔཙྩནཱིཀཔཊིཔདཱ ཨཝིརུདྡྷཔཊིཔདཱ ཨནྭཏྠཔཊིཔདཱ དྷམྨཱནུདྷམྨཔཊིཔདཱ སཱིལེསུ པརིཔཱུརཀཱརིཏཱ ¶ ཨིནྡྲིཡེསུ གུཏྟདྭཱརཏཱ བྷོཛནེ མཏྟཉྙུཏཱ ཛཱགརིཡཱནུཡོགོ སཏིསམྤཛཉྙཾ – ཨིམེ ཝུཙྩནྟི བོདྷིཡཱ ཨནུདྷམྨཱ. ཨཐ ཝཱ ཙཏུནྣཾ མགྒཱནཾ པུབྦབྷཱགེ ཝིཔསྶནཱ – ཨིམེ ཝུཙྩནྟི བོདྷིཡཱ ཨནུདྷམྨཱཏི – སམྦོདྷིཀཱམསྶ ཡཐཱནུདྷམྨཾ.

ཏཾ ¶ ཏེ པཝཀྑཱམི ཡཐཱ པཛཱནནྟི. ཏནྟི བོདྷིཡཱ ཨནུདྷམྨཾ. པཝཀྑཱམཱིཏི པཝཀྑཱམི ཨཱཙིཀྑིསྶཱམི དེསེསྶཱམི པཉྙཔེསྶཱམི པཋཔེསྶཱམི ཝིཝརིསྶཱམི ཝིབྷཛིསྶཱམི ཨུཏྟཱནཱིཀརིསྶཱམི པཀཱསིསྶཱམི. ཡཐཱ པཛཱནནྟི ཡཐཱ པཛཱནཾ ཡཐཱ པཛཱནནྟོ ཨཱཛཱནནྟོ ཝིཛཱནནྟོ པཊིཝིཛཱནནྟོ པཊིཝིཛ྄ཛྷནྟོ ན ཨིཏིཧིཏིཧཾ ན ཨིཏིཀིརཱཡ ན པརམྤརཱཡ ན པིཊཀསམྤདཱཡ ན ཏཀྐཧེཏུ ན ནཡཧེཏུ ན ཨཱཀཱརཔརིཝིཏཀྐེན ན དིཊྛིནིཛ྄ཛྷཱནཀྑནྟིཡཱ སཱམཾ སཡམབྷིཉྙཱཏཾ ཨཏྟཔཙྩཀྑཾ དྷམྨཾ, ཏཾ ཀཐཡིསྶཱམཱིཏི – ཏཾ ཏེ པཝཀྑཱམི ཡཐཱ པཛཱནཾ.

‘‘ཝིཛིགུཙྪམཱནསྶ ¶ ¶ ཡདིདཾ ཕཱསུ, [སཱརིཔུཏྟཱཏི བྷགཝཱ]

སམྦོདྷིཀཱམསྶ ཡཐཱནུདྷམྨཾ, ཏཾ ཏེ པཝཀྑཱམི ཡཐཱ པཛཱན’’ནྟི.

པཉྩནྣཾ དྷཱིརོ བྷཡཱནཾ ན བྷཱཡེ, བྷིཀྑུ སཏོ སཔརིཡནྟཙཱརཱི;

ཌཾསཱདྷིཔཱཏཱནཾ སརཱིསཔཱནཾ [སིརིཾསཔཱནཾ (སཱི. ཀ.)], མནུསྶཕསྶཱནཾ ཙཏུཔྤདཱནཾ.

པཉྩནྣཾ དྷཱིརོ བྷཡཱནཾ ན བྷཱཡེཏི. དྷཱིརོཏི དྷཱིརོ པཎྜིཏོ པཉྙཝཱ བུདྡྷིམཱ ཉཱཎཱི ཝིབྷཱཝཱི མེདྷཱཝཱི. དྷཱིརོ པཉྩནྣཾ བྷཡཱནཾ ན བྷཱཡེཡྻ ན ཏསེཡྻ ན སནྟསེཡྻ ན ཨུཏྟསེཡྻ ན པརིཏྟསེཡྻ ན སནྟཱསཾ ཨཱཔཛྫེཡྻ ¶ , ཨབྷཱིརཱུ ཨསྶ ཨཙྪམྦྷཱི ཨནུཏྲཱསཱི ཨཔལཱཡཱི པཧཱིནབྷཡབྷེརཝོ ཝིགཏལོམཧཾསོ ཝིཧརེཡྻཱཏི – པཉྩནྣཾ དྷཱིརོ བྷཡཱནཾ ན བྷཱཡེ.

བྷིཀྑུ སཏོ སཔརིཡནྟཙཱརཱིཏི. བྷིཀྑཱུཏི པུཐུཛྫནཀལྱཱཎཀོ ཝཱ བྷིཀྑུ སེཀྑོ ཝཱ བྷིཀྑུ. སཏོཏི ཙཏཱུཧི ཀཱརཎེཧི སཏོ – ཀཱཡེ ཀཱཡཱནུཔསྶནཱསཏིཔཊྛཱནཾ བྷཱཝེནྟོ སཏོ, ཝེདནཱསུ…པེ… ཙིཏྟེ… དྷམྨེསུ དྷམྨཱནུཔསྶནཱསཏིཔཊྛཱནཾ བྷཱཝེནྟོ སཏོ – སོ ཝུཙྩཏི སཏོ. སཔརིཡནྟཙཱརཱིཏི ཙཏྟཱརོ པརིཡནྟཱ – སཱིལསཾཝརཔརིཡནྟོ, ཨིནྡྲིཡསཾཝརཔརིཡནྟོ, བྷོཛནེ མཏྟཉྙུཏཱཔརིཡནྟོ, ཛཱགརིཡཱནུཡོགཔརིཡནྟོ.

ཀཏམོ ¶ སཱིལསཾཝརཔརིཡནྟོ? ཨིདྷ བྷིཀྑུ སཱིལཝཱ ཧོཏི, པཱཏིམོཀྑསཾཝརསཾཝུཏོ ཝིཧརཏི ཨཱཙཱརགོཙརསམྤནྣོ, ཨཎུམཏྟེསུ ཝཛྫེསུ བྷཡདསྶཱཝཱི, སམཱདཱཡ སིཀྑཏི སིཀྑཱཔདེསུ ¶ . ཨནྟོཔཱུཏིབྷཱཝཾ པཙྩཝེཀྑམཱནོ ཨནྟོ སཱིལསཾཝརཔརིཡནྟེ ཙརཏི, མརིཡཱདཾ ན བྷིནྡཏི – ཨཡཾ སཱིལསཾཝརཔརིཡནྟོ.

ཀཏམོ ཨིནྡྲིཡསཾཝརཔརིཡནྟོ? ཨིདྷ བྷིཀྑུ ཙཀྑུནཱ རཱུཔཾ དིསྭཱ ན ནིམིཏྟགྒཱཧཱི ཧོཏི ནཱནུབྱཉྫནགྒཱཧཱི. ཡཏྭཱདྷིཀརཎམེནཾ…པེ… ཙཀྑུནྡྲིཡེ སཾཝརཾ ¶ ཨཱཔཛྫཏི. སོཏེན སདྡཾ སུཏྭཱ… གྷཱནེན གནྡྷཾ གྷཱཡིཏྭཱ… ཛིཝ྄ཧཱཡ རསཾ སཱཡིཏྭཱ… ཀཱཡེན ཕོཊྛབྦཾ ཕུསིཏྭཱ… མནསཱ དྷམྨཾ ཝིཉྙཱཡ ན ནིམིཏྟགྒཱཧཱི ཧོཏི ནཱནུབྱཉྫནགྒཱཧཱི. ཡཏྭཱདྷིཀརཎམེནཾ མནིནྡྲིཡཾ སུསཾཝུཏཾ ཝིཧརནྟཾ ཨབྷིཛ྄ཛྷཱདོམནསྶཱ པཱཔཀཱ ཨཀུསལཱ དྷམྨཱ ནཱནྭཱསྶཝེཡྻུཾ, ཏསྶ སཾཝརཱཡ པཊིཔཛྫཏི, རཀྑཏི མནིནྡྲིཡཾ, མནིནྡྲིཡེ སཾཝརཾ ཨཱཔཛྫཏི. ཨཱདིཏྟཔརིཡཱཡཾ པཙྩཝེཀྑམཱནོ ཨནྟོ ཨིནྡྲིཡསཾཝརཔརིཡནྟེ ཙརཏི, མརིཡཱདཾ ན བྷིནྡཏི – ཨཡཾ ཨིནྡྲིཡསཾཝརཔརིཡནྟོ.

ཀཏམོ བྷོཛནེ མཏྟཉྙུཏཱཔརིཡནྟོ? ཨིདྷ བྷིཀྑུ པཊིསངྑཱ ¶ ཡོནིསོ ཨཱཧཱརཾ ཨཱཧཱརེཏི ནེཝ དཝཱཡ ན མདཱཡ ན མཎྜནཱཡ ན ¶ ཝིབྷཱུསནཱཡ, ཡཱཝདེཝ ཨིམསྶ ཀཱཡསྶ ཋིཏིཡཱ ཡཱཔནཱཡ ཝིཧིཾསཱུཔརཏིཡཱ བྲཧྨཙརིཡཱནུགྒཧཱཡ. ཨིཏི པུརཱཎཉྩ ཝེདནཾ པཊིཧངྑཱམི ནཝཉྩ ཝེདནཾ ན ཨུཔྤཱདེསྶཱམི, ཡཱཏྲཱ ཙ མེ བྷཝིསྶཏི ཨནཝཛྫཏཱ ཙ ཕཱསུཝིཧཱརོ ཙཱཏི. ཨཀྑབྦྷཉྫནཝཎཔཊིཙྪཱདནཔུཏྟམཾསཱུཔམཾ པཙྩཝེཀྑམཱནོ ཨནྟོ བྷོཛནེ མཏྟཉྙུཏཱཔརིཡནྟེ ཙརཏི, མརིཡཱདཾ ན བྷིནྡཏི – ཨཡཾ བྷོཛནེ མཏྟཉྙུཏཱཔརིཡནྟོ.

ཀཏམོ ཛཱགརིཡཱནུཡོགཔརིཡནྟོ? ཨིདྷ བྷིཀྑུ དིཝསཾ ཙངྐམེན ནིསཛྫཱཡ ཨཱཝརཎཱིཡེཧི དྷམྨེཧི ཙིཏྟཾ པརིསོདྷེཏི, རཏྟིཡཱ པཋམཾ ཡཱམཾ ཙངྐམེན ནིསཛྫཱཡ ཨཱཝརཎཱིཡེཧི དྷམྨེཧི ཙིཏྟཾ པརིསོདྷེཏི, རཏྟིཡཱ མཛ྄ཛྷིམཾ ཡཱམཾ དཀྑིཎེན པསྶེན སཱིཧསེཡྻཾ ཀཔྤེཏི པཱདེ པཱདཾ ཨཙྩཱདྷཱཡ སཏོ སམྤཛཱནོ ཨུཊྛཱནསཉྙཾ མནསི ཀརིཏྭཱ, རཏྟིཡཱ པཙྪིམཾ ཡཱམཾ པཙྩུཊྛཱཡ ཙངྐམེན ནིསཛྫཱཡ ཨཱཝརཎཱིཡེཧི དྷམྨེཧི ཙིཏྟཾ པརིསོདྷེཏི. བྷདྡེཀརཏྟཝིཧཱརཾ [བྷདྡེཀརཏྟིཝིཧཱརཾ (སཱི. ཀ.)] པཙྩཝེཀྑམཱནོ ཨནྟོ ཛཱགརིཡཱནུཡོགཔརིཡནྟེ ཙརཏི, མརིཡཱདཾ ན བྷིནྡཏི – ཨཡཾ ཛཱགརིཡཱནུཡོགཔརིཡནྟོཏི – བྷིཀྑུ སཏོ སཔརིཡནྟཙཱརཱི.

ཌཾསཱདྷིཔཱཏཱནཾ སརཱིསཔཱནནྟི. ཌཾསཱ ཝུཙྩནྟི པིངྒལམཀྑིཀཱཡོ. ཨདྷིཔཱཏཀཱ ཝུཙྩནྟི སབྦཱཔི མཀྑིཀཱཡོ. ཀིཾཀཱརཎཱ ཨདྷིཔཱཏཀཱ ཝུཙྩནྟི སབྦཱཔི མཀྑིཀཱཡོ? ཏཱ ཨུཔྤཏིཏྭཱ ¶ ཨུཔྤཏིཏྭཱ ཁཱདནྟི; ཏཾཀཱརཎཱ ཨདྷིཔཱཏཀཱ ཝུཙྩནྟི སབྦཱཔི མཀྑིཀཱཡོ. སརཱིསཔཱ ཝུཙྩནྟི ཨཧཱིཏི – ཌཾསཱདྷིཔཱཏཱནཾ སརཱིསཔཱནཾ.

མནུསྶཕསྶཱནཾ ¶ ¶ ཙཏུཔྤདཱནནྟི. མནུསྶཕསྶཱ ཝུཙྩནྟི ཙོརཱ ཝཱ ཨསྶུ མཱནཝཱ ཝཱ ཀཏཀམྨཱ ཝཱ ཨཀཏཀམྨཱ ཝཱ. ཏེ བྷིཀྑུཾ པཉྷཾ ཝཱ པུཙྪེཡྻུཾ ཝཱདཾ ཝཱ ཨཱརོཔེཡྻུཾ ཨཀྐོསེཡྻུཾ པརིབྷཱསེཡྻུཾ རོསེཡྻུཾ ཝིརོསེཡྻུཾ ཧིཾསེཡྻུཾ ཝིཧིཾསེཡྻུཾ ཧེཋེཡྻུཾ ཝིཧེཋེཡྻུཾ གྷཱཏེཡྻུཾ ཨུཔགྷཱཏེཡྻུཾ ཨུཔགྷཱཏཾ ཝཱ ཀརེཡྻུཾ. ཡོ ཀོཙི མནུསྶཏོ ཨུཔགྷཱཏོ – མནུསྶཕསྶོ. ཙཏུཔྤདཱནནྟི སཱིཧཱ བྱགྒྷཱ ¶ དཱིཔི ཨཙྪཱ ཏརཙྪཱ ཀོཀཱ མཧིཾསཱ ཧཏྠཱི. ཏེ བྷིཀྑུཾ མདྡེཡྻུཾ ཁཱདེཡྻུཾ ཧིཾསེཡྻུཾ ཝིཧིཾསེཡྻུཾ ཧེཋེཡྻུཾ ཝིཧེཋེཡྻུཾ གྷཱཏེཡྻུཾ ཨུཔགྷཱཏེཡྻུཾ ཨུཔགྷཱཏཾ ཝཱ ཀརེཡྻུཾ. ཙཏུཔྤདཏོ ཨུཔགྷཱཏོ ཡཾ ཀིཉྩི ཙཏུཔྤདབྷཡནྟི – མནུསྶཕསྶཱནཾ ཙཏུཔྤདཱནཾ.

‘‘པཉྩནྣཾ དྷཱིརོ བྷཡཱནཾ ན བྷཱཡེ, བྷིཀྑུ སཏོ སཔརིཡནྟཙཱརཱི;

ཌཾསཱདྷིཔཱཏཱནཾ སརཱིསཔཱནཾ, མནུསྶཕསྶཱནཾ ཙཏུཔྤདཱན’’ནྟི.

པརདྷམྨིཀཱནམྤི ན སནྟསེཡྻ, དིསྭཱཔི ཏེསཾ བཧུབྷེརཝཱནི;

ཨཐཱཔརཱནི ཨབྷིསམྦྷཝེཡྻ, པརིསྶཡཱནི ཀུསལཱནུཨེསཱི.

པརདྷམྨིཀཱནམྤི ན སནྟསེཡྻ, དིསྭཱཔི ཏེསཾ བཧུབྷེརཝཱནཱིཏི. པརདྷམྨིཀཱ ཝུཙྩནྟི སཏྟ སཧདྷམྨིཀེ ཋཔེཏྭཱ ཡེ ཀེཙི བུདྡྷེ དྷམྨེ སངྒྷེ ཨཔྤསནྣཱ ¶ . ཏེ བྷིཀྑུཾ པཉྷཾ ཝཱ པུཙྪེཡྻུཾ ཝཱདཾ ཝཱ ཨཱརོཔེཡྻུཾ ཨཀྐོསེཡྻུཾ པརིབྷཱསེཡྻུཾ རོསེཡྻུཾ ཝིརོསེཡྻུཾ ཧིཾསེཡྻུཾ ཝིཧིཾསེཡྻུཾ ཧེཋེཡྻུཾ ཝིཧེཋེཡྻུཾ གྷཱཏེཡྻུཾ ཨུཔགྷཱཏེཡྻུཾ ཨུཔགྷཱཏཾ ཝཱ ཀརེཡྻུཾ. ཏེསཾ བཧུབྷེརཝེ པསྶིཏྭཱ ཝཱ སུཎིཏྭཱ ཝཱ ན ཝེདྷེཡྻ ན པཝེདྷེཡྻ ན སམྤཝེདྷེཡྻ ན ཏསེཡྻ ན སནྟསེཡྻ ན ཨུཏྟསེཡྻ ན པརིཏྟསེཡྻ ན བྷཱཡེཡྻ ན སནྟཱསཾ ཨཱཔཛྫེཡྻ, ཨབྷཱིརཱུ ཨསྶ ཨཙྪམྦྷཱི ཨནུཏྲཱསཱི ཨཔལཱཡཱི པཧཱིནབྷཡབྷེརཝོ ཝིགཏལོམཧཾསོ ཝིཧརེཡྻཱཏི – པརདྷམྨིཀཱནམྤི ན སནྟསེཡྻ དིསྭཱཔི ཏེསཾ བཧུབྷེརཝཱནི.

ཨཐཱཔརཱནི ཨབྷིསམྦྷཝེཡྻ, པརིསྶཡཱནི ཀུསལཱནུཨེསཱིཏི. ཨཐཱཔརཱནིཔི ཨཏྠི ཨབྷིསམྦྷོཏབྦཱནི ཨབྷིབྷཝིཏབྦཱནི ཨཛ྄ཛྷོཏྠརིཏབྦཱནི པརིཡཱདིཡིཏབྦཱནི ¶ མདྡིཏབྦཱནི. པརིསྶཡཱཏི ¶ དྭེ པརིསྶཡཱ – པཱཀཊཔརིསྶཡཱ ཙ པཊིཙྪནྣཔརིསྶཡཱ ཙ…པེ… ཨེཝམྤི ཏཏྲཱསཡཱཏི ¶ – པརིསྶཡཱ. ཀུསལཱནུཨེསཱིཏི སམྨཱཔཊིཔདཾ ཨནུལོམཔཊིཔདཾ ཨཔཙྩནཱིཀཔཊིཔདཾ ཨཝིརུདྡྷཔཊིཔདཾ ཨནྭཏྠཔཊིཔདཾ…པེ… ཨརིཡཾ ཨཊྛངྒིཀཾ མགྒཾ ནིབྦཱནཉྩ ནིབྦཱནགཱམིནིཉྩ པཊིཔདཾ ཨེསནྟེན གཝེསནྟེན པརིཡེསནྟེན པརིསྶཡཱ ཨབྷིསམྦྷོཏབྦཱ ཨབྷིབྷཝིཏབྦཱ ཨཛ྄ཛྷོཏྠརིཏབྦཱ པརིཡཱདིཡིཏབྦཱ མདྡིཏབྦཱཏི – ཨཐཱཔརཱནི ཨབྷིསམྦྷཝེཡྻ པརིསྶཡཱནི ཀུསལཱནུཨེསཱི.

‘‘པརདྷམྨིཀཱནམྤི ¶ ན སནྟསེཡྻ, དིསྭཱཔི ཏེསཾ བཧུབྷེརཝཱནི;

ཨཐཱཔརཱནི ཨབྷིསམྦྷཝེཡྻ, པརིསྶཡཱནི ཀུསལཱནུཨེསཱི’’ཏི.

ཨཱཏངྐཕསྶེན ཁུདཱཡ ཕུཊྛོ, སཱིཏཾ ཨཐུཎྷཾ [ཨཏུཎྷཾ (སཱི. ཀ.)] ཨདྷིཝཱསཡེཡྻ;

སོ ཏེཧི ཕུཊྛོ བཧུདྷཱ ཨནོཀོ, ཝཱིརིཡཔརཀྐམཾ དལ༹ྷཾ ཀརེཡྻ.

ཨཱཏངྐཕསྶེན ཁུདཱཡ ཕུཊྛོཏི. ཨཱཏངྐཕསྶོ ཝུཙྩཏི རོགཕསྶོ. རོགཕསྶེན ཕུཊྛོ པརེཏོ སམོཧིཏོ སམནྣཱགཏོ ཨསྶ; ཙཀྑུརོགེན ཕུཊྛོ པརེཏོ སམོཧིཏོ སམནྣཱགཏོ ཨསྶ, སོཏརོགེན… གྷཱནརོགེན… ཛིཝ྄ཧཱརོགེན… ཀཱཡརོགེན…པེ… ཌཾསམཀསཝཱཏཱཏཔསརཱིསཔསམྥསྶེན ཕུཊྛོ པརེཏོ སམོཧིཏོ སམནྣཱགཏོ ཨསྶ. ཁུདཱ ཝུཙྩཏི ཚཱཏཀོ. ཚཱཏཀེན ཕུཊྛོ པརེཏོ སམོཧིཏོ སམནྣཱགཏོ ཨསྶཱཏི – ཨཱཏངྐཕསྶེན ཁུདཱཡ ཕུཊྛོ.

སཱིཏཾ ཨཐུཎྷཾ ཨདྷིཝཱསཡེཡྻཱཏི. སཱིཏནྟི དྭཱིཧི ཀཱརཎེཧི སཱིཏཾ ཧོཏི – ཨབྦྷནྟརདྷཱཏུཔྤཀོཔཝསེན [ཨབྦྷནྟརདྷཱཏུསངྐོཔཝསེན (སྱཱ.)] ཝཱ སཱིཏཾ ཧོཏི, བཧིདྡྷཱ ཨུཏུཝསེན ཝཱ སཱིཏཾ ཧོཏི. ཨུཎྷནྟི དྭཱིཧི ཀཱརཎེཧི ཨུཎྷཾ ཧོཏི – ཨབྦྷནྟརདྷཱཏུཔྤཀོཔཝསེན ཝཱ ཨུཎྷཾ ཧོཏི, བཧིདྡྷཱ ཨུཏུཝསེན ཝཱ ཨུཎྷཾ ཧོཏཱིཏི – སཱིཏཾ ཨཐུཎྷཾ ¶ . ཨདྷིཝཱསཡེཡྻཱཏི ཁམོ ཨསྶ ¶ སཱིཏསྶ ཨུཎྷསྶ ཛིགྷཙྪཱཡ པིཔཱསཱཡ ཌཾསམཀསཝཱཏཱཏཔསརཱིསཔསམྥསྶཱནཾ དུརུཏྟཱནཾ ¶ དུརཱགཏཱནཾ ཝཙནཔཐཱནཾ ཨུཔྤནྣཱནཾ སཱརཱིརིཀཱནཾ ཝེདནཱནཾ དུཀྑཱནཾ ཏིབྦཱནཾ [ཏིཔྤཱནཾ (སཱི. སྱཱ.)] ཁརཱནཾ ཀཊུཀཱནཾ ཨསཱཏཱནཾ ཨམནཱཔཱནཾ པཱཎཧརཱནཾ ཨདྷིཝཱསཀཛཱཏིཀོ ཨསྶཱཏི – སཱིཏཾ ཨཐུཎྷཾ ཨདྷིཝཱསཡེཡྻ.

སོ ཏེཧི ཕུཊྛོ བཧུདྷཱ ཨནོཀོཏི. སོ ཏེཧཱིཏི ཨཱཏངྐཕསྶེན ཙ ཁུདཱཡ ཙ སཱིཏེན ཙ ཨུཎྷེན ཙ ཕུཊྛོ པརེཏོ སམོཧིཏོ སམནྣཱགཏོ ཨསྶཱཏི – སོ ཏེཧི ཕུཊྛོ. བཧུདྷཱཏི ཨནེཀཝིདྷེཧི ཨཱཀཱརེཧི ཕུཊྛོ པརེཏོ སམོཧིཏོ སམནྣཱགཏོ ཨསྶཱཏི – སོ ཏེཧི ཕུཊྛོ བཧུདྷཱ ¶ . ཨནོཀོཏི ཨབྷིསངྑཱརསཧགཏཝིཉྙཱཎསྶ ཨོཀཱསཾ ན ཀརོཏཱིཏིཔི – ཨནོཀོ. ཨཐ ཝཱ ཀཱཡདུཙྩརིཏསྶ ཝཙཱིདུཙྩརིཏསྶ མནོདུཙྩརིཏསྶ ཨོཀཱསཾ ན ཀརོཏཱིཏིཔི – ཨནོཀོཏི – སོ ཏེཧི ཕུཊྛོ བཧུདྷཱ ཨནོཀོ.

ཝཱིརིཡཔརཀྐམཾ དལ༹ྷཾ ཀརེཡྻཱཏི. ཝཱིརིཡཔརཀྐམོ ཝུཙྩཏི ཡོ ཙེཏསིཀོ ཝཱིརིཡཱརམྦྷོ ནིཀྐམོ པརཀྐམོ ཨུཡྻཱམོ ཝཱཡཱམོ ཨུསྶཱཧོ ཨུསྶོལ༹ྷཱི ཨཔྤཊིཝཱནཱི ཐཱམོ དྷིཏི ཨསིཐིལཔརཀྐམཏཱ ཨནིཀྑིཏྟཙྪནྡཏཱ ཨནིཀྑིཏྟདྷུརཏཱ དྷུརསམྤགྒཱཧོ ཝཱིརིཡཾ ཝཱིརིཡིནྡྲིཡཾ ཝཱིརིཡབལཾ སམྨཱཝཱཡཱམོ. ཝཱིརིཡཔརཀྐམཾ དལ༹ྷཾ ཀརེཡྻཱཏི. ཝཱིརིཡཾ པརཀྐམཾ དལ༹ྷཾ ཀརེཡྻ ཐིརཾ ཀརེཡྻ, དལ༹ྷསམཱདཱནོ ཨསྶ ཨཝཏྠིཏསམཱདཱནོཏི – ཝཱིརིཡཔརཀྐམཾ དལ༹ྷཾ ཀརེཡྻ.

‘‘ཨཱཏངྐཕསྶེན ¶ ཁུདཱཡ ཕུཊྛོ, སཱིཏཾ ཨཐུཎྷཾ ཨདྷིཝཱསཡེཡྻ;

སོ ཏེཧི ཕུཊྛོ བཧུདྷཱ ཨནོཀོ, ཝཱིརིཡཔརཀྐམཾ དལ༹ྷཾ ཀརེཡྻཱ’’ཏི.

ཐེཡྻཾ ན ཀཱརེ ན མུསཱ བྷཎེཡྻ, མེཏྟཱཡ ཕསྶེ ཏསཐཱཝརཱནི;

ཡདཱཝིལཏྟཾ མནསོ ཝིཛཉྙཱ, ཀཎྷསྶ པཀྑོཏི ཝིནོདཡེཡྻ.

ཐེཡྻཾ ¶ ན ཀཱརེ ན མུསཱ བྷཎེཡྻཱཏི. ཐེཡྻཾ ན ཀཱརེཏི ཨིདྷ བྷིཀྑུ ཨདིནྣཱདཱནཾ པཧཱཡ ཨདིནྣཱདཱནཱ པཊིཝིརཏོ ཨསྶ དིནྣཱདཱཡཱི དིནྣཔཱཊིཀངྑཱི, ཨཐེནེན ¶ སུཙིབྷཱུཏེན ཨཏྟནཱ ཝིཧརེཡྻཱཏི – ཐེཡྻཾ ན ཀཱརེ. ན མུསཱ བྷཎེཡྻཱཏི ཨིདྷ བྷིཀྑུ མུསཱཝཱདཾ པཧཱཡ མུསཱཝཱདཱ པཊིཝིརཏོ ཨསྶ སཙྩཝཱདཱི སཙྩསནྡྷོ ཐེཏོ པཙྩཡིཀོ ཨཝིསཾཝཱདཀོ ལོཀསྶཱཏི – ཐེཡྻཾ ན ཀཱརེ ན མུསཱ བྷཎེཡྻ.

མེཏྟཱཡ ཕསྶེ ཏསཐཱཝརཱནཱིཏི. མེཏྟཱཏི ཡཱ སཏྟེསུ མེཏྟི མེཏྟཱཡནཱ མེཏྟཱཡིཏཏྟཾ ཨནུདཡཱ ཨནུདཡནཱ ཨནུདཡིཏཏྟཾ [ཨནུདྡཡཱ (སཱི.) ཨེཝམཱིདིསེསུ དྭཱིསུ པདེསུཔི དྭིབྷཱཝཝསེན. ཨནུདཱ ཨནུདཱཡནཱ ཨནུདཱཡིཏཏྟཾ (སྱཱ. ཀ.)] ཧིཏེསིཏཱ ཨནུཀམྤཱ ཨབྱཱཔཱདོ ཨབྱཱཔཛྫོ [ཨབྱཱཔཛ྄ཛྷོ (སྱཱ. ཀ.)] ཨདོསོ ཀུསལམཱུལཾ. ཏསཱཏི ཡེསཾ ཏསིཏཱ ཏཎྷཱ ཨཔྤཧཱིནཱ, ཡེསཉྩ བྷཡབྷེརཝཱ ཨཔྤཧཱིནཱ. ཀིཾཀཱརཎཱ ཝུཙྩནྟི ཏསཱ? ཏེ ཏསནྟི ཨུཏྟསནྟི པརིཏསནྟི ¶ བྷཱཡནྟི སནྟཱསཾ ཨཱཔཛྫནྟི; ཏཾཀཱརཎཱ ཝུཙྩནྟི ཏསཱ. ཐཱཝརཱཏི ཡེསཾ ཏསིཏཱ ཏཎྷཱ པཧཱིནཱ, ཡེསཉྩ བྷཡབྷེརཝཱ པཧཱིནཱ. ཀིཾཀཱརཎཱ ཝུཙྩནྟི ཐཱཝརཱ? ཏེ ན ཏསནྟི ན ཨུཏྟསནྟི ན པརིཏསནྟི ན བྷཱཡནྟི སནྟཱསཾ ན ཨཱཔཛྫནྟི; ཏཾཀཱརཎཱ ཝུཙྩནྟི ཐཱཝརཱ. མེཏྟཱཡ ཕསྶེ ཏསཐཱཝརཱནཱིཏི. ཏསེ ¶ ཙ ཐཱཝརེ ཙ མེཏྟཱཡ ཕསྶེཡྻ ཕརེཡྻ, མེཏྟཱསཧགཏེན ཙེཏསཱ ཝིཔུལེན མཧགྒཏེན ཨཔྤམཱཎེན ཨཝེརེན ཨབྱཱཔཛྫེན ཕརིཏྭཱ ཝིཧརེཡྻཱཏི – མེཏྟཱཡ ཕསྶེ ཏསཐཱཝརཱནི.

ཡདཱཝིལཏྟཾ མནསོ ཝིཛཉྙཱཏི. ཡདཱཏི ཡདཱ. མནསོཏི ཡཾ ཙིཏྟཾ མནོ མཱནསཾ ཧདཡཾ པཎྜརཾ མནོ མནཱཡཏནཾ མནིནྡྲིཡཾ ཝིཉྙཱཎཾ ཝིཉྙཱཎཀྑནྡྷོ ཏཛྫཱ མནོཝིཉྙཱཎདྷཱཏུ. ཀཱཡདུཙྩརིཏེན ཙིཏྟཾ ཨཱཝིལཾ ཧོཏི ལུལི༹ཏཾ ཨེརིཏཾ གྷཊྚིཏཾ ཙལིཏཾ བྷནྟཾ ཨཝཱུཔསནྟཾ. ཝཙཱིདུཙྩརིཏེན…པེ… མནོདུཙྩརིཏེན… རཱགེན… དོསེན… མོཧེན… ཀོདྷེན… ཨུཔནཱཧེན… མཀྑེན… པལཱ༹སེན… ཨིསྶཱཡ… མཙྪརིཡེན… མཱཡཱཡ… སཱཋེཡྻེན… ཐམྦྷེན… སཱརམྦྷེན… མཱནེན… ཨཏིམཱནེན… མདེན… པམཱདེན… སབྦཀིལེསེཧི… སབྦདུཙྩརིཏེཧི… སབྦདརཐེཧི… སབྦཔརིལཱ༹ཧེཧི… སབྦསནྟཱཔེཧི… སབྦཱཀུསལཱབྷིསངྑཱརེཧི ཙིཏྟཾ ཨཱཝིལཾ ཧོཏི ལུལི༹ཏཾ ཨེརིཏཾ གྷཊྚིཏཾ ¶ ཙལིཏཾ བྷནྟཾ ཨཝཱུཔསནྟཾ. ཡདཱཝིལཏྟཾ མནསོ ཝིཛཉྙཱཏི. ཙིཏྟསྶ ¶ ཨཱཝིལབྷཱཝཾ ཛཱནེཡྻ ཨཱཛཱནེཡྻ ཝིཛཱནེཡྻ པཊིཝིཛཱནེཡྻ པཊིཝིཛ྄ཛྷེཡྻཱཏི – ཡདཱཝིལཏྟཾ མནསོ ཝིཛཉྙཱ.

ཀཎྷསྶ ¶ པཀྑོཏི ཝིནོདཡེཡྻཱཏི. ཀཎྷོཏི ཡོ སོ མཱརོ ཀཎྷོ ཨདྷིཔཏི ཨནྟགུ ནམུཙི པམཏྟབནྡྷུ. ཀཎྷསྶ པཀྑོ མཱརཔཀྑོ མཱརཔཱསོ མཱརབལི༹སཾ མཱརཱམིསཾ མཱརཝིསཡོ མཱརནིཝཱསོ མཱརགོཙརོ མཱརབནྡྷནནྟི པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻཱཏི. ཨེཝམྤི ཀཎྷསྶ པཀྑོཏི ཝིནོདཡེཡྻ. ཨཐ ཝཱ ཀཎྷསྶ པཀྑོ མཱརཔཀྑོ ཨཀུསལཔཀྑོ དུཀྑུདྡཡོ དུཀྑཝིཔཱཀོ ནིརཡསཾཝཏྟནིཀོ ཏིརཙྪཱནཡོནིསཾཝཏྟནིཀོ པེཏྟིཝིསཡསཾཝཏྟནིཀོཏི པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻཱཏི. ཨེཝམྤི ཀཎྷསྶ པཀྑོཏི ཝིནོདཡེཡྻ.

‘‘ཐེཡྻཾ ན ཀཱརེ ན མུསཱ བྷཎེཡྻ, མེཏྟཱཡ ཕསྶེ ཏསཐཱཝརཱནི;

ཡདཱཝིལཏྟཾ མནསོ ཝིཛཉྙཱ, ཀཎྷསྶ པཀྑོཏི ཝིནོདཡེཡྻཱ’’ཏི.

ཀོདྷཱཏིམཱནསྶ ཝསཾ ན གཙྪེ, མཱུལམྤི ཏེསཾ པལིཁཉྙ ཏིཊྛེ;

ཨཐཔྤིཡཾ ཝཱ པན ཨཔྤིཡཾ ཝཱ, ཨདྡྷཱ བྷཝནྟོ ཨབྷིསམྦྷཝེཡྻ.

ཀོདྷཱཏིམཱནསྶ ཝསཾ ན གཙྪེཏི. ཀོདྷོཏི ཡོ ཙིཏྟསྶ ཨཱགྷཱཏོ ¶ པཊིགྷཱཏོ…པེ… ཙཎྜིཀྐཾ ¶ ཨསུརོཔོ ཨནཏྟམནཏཱ ཙིཏྟསྶ. ཨཏིམཱནོཏི ཨིདྷེཀཙྩོ པརཾ ཨཏིམཉྙཏི ཛཱཏིཡཱ ཝཱ གོཏྟེན ཝཱ…པེ… ཨཉྙཏརཉྙཏརེན ཝཱ ཝཏྠུནཱ. ཀོདྷཱཏིམཱནསྶ ཝསཾ ན གཙྪེཏི. ཀོདྷསྶ ཙ ཨཏིམཱནསྶ ཙ ཝསཾ ན གཙྪེཡྻ, ཀོདྷཉྩ ཨཏིམཱནཉྩ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻཱཏི – ཀོདྷཱཏིམཱནསྶ ཝསཾ ན གཙྪེ.

མཱུལམྤི ¶ ཏེསཾ པལིཁཉྙ ཏིཊྛེཏི. ཀཏམཾ ཀོདྷསྶ མཱུལཾ? ཨཝིཛྫཱ མཱུལཾ, ཨཡོནིསོ མནསིཀཱརོ མཱུལཾ, ཨསྨིམཱནོ མཱུལཾ, ཨཧིརིཀཾ མཱུལཾ, ཨནོཏྟཔྤཾ མཱུལཾ, ཨུདྡྷཙྩཾ མཱུལཾ – ཨིདཾ ཀོདྷསྶ མཱུལཾ. ཀཏམཾ ཨཏིམཱནསྶ མཱུལཾ? ཨཝིཛྫཱ མཱུལཾ, ཨཡོནིསོ མནསིཀཱརོ མཱུལཾ, ཨསྨིམཱནོ མཱུལཾ, ཨཧིརིཀཾ མཱུལཾ ¶ , ཨནོཏྟཔྤཾ མཱུལཾ, ཨུདྡྷཙྩཾ མཱུལཾ – ཨིདཾ ཨཏིམཱནསྶ མཱུལཾ. མཱུལམྤི ཏེསཾ པལིཁཉྙ ཏིཊྛེཏི. ཀོདྷསྶ ཙ ཨཏིམཱནསྶ ཙ མཱུལཾ པལིཁཎིཏྭཱ ཨུདྡྷརིཏྭཱ སམུདྡྷརིཏྭཱ ཨུཔྤཱཊཡིཏྭཱ སམུཔྤཱཊཡིཏྭཱ པཛཧིཏྭཱ ཝིནོདེཏྭཱ བྱནྟིཾ ཀརིཏྭཱ ཨནབྷཱཝཾ གམེཏྭཱ ཏིཊྛེཡྻ སནྟིཊྛེཡྻཱཏི – མཱུལམྤི ཏེསཾ པལིཁཉྙ ཏིཊྛེ.

ཨཐཔྤིཡཾ ཝཱ པན ཨཔྤིཡཾ ཝཱ, ཨདྡྷཱ བྷཝནྟོ ཨབྷིསམྦྷཝ྄ैཡྻཱཏི. ཨཐཱཏི པདསནྡྷི པདསཾསགྒོ པདཔཱརིཔཱུརཱི ཨཀྑརསམཝཱཡོ བྱཉྫནསིལིཊྛཏཱ པདཱནུཔུབྦཏཱཔེཏཾ – ཨཐཱཏི. པིཡཱཏི དྭེ པིཡཱ – སཏྟཱ ཝཱ སངྑཱརཱ ཝཱ. ཀཏམེ སཏྟཱ པིཡཱ? ཨིདྷ ཡཱསྶ [ཡསྶ (སྱཱ.) སུཏྟམཱལཱ ཨོལོཀེཏབྦཱ] ཏེ ཧོནྟི ཨཏྠཀཱམཱ ཧིཏཀཱམཱ ཕཱསུཀཱམཱ ཡོགཀྑེམཀཱམཱ མཱཏཱ ¶ ཝཱ པིཏཱ ཝཱ བྷཱཏཱ ཝཱ བྷགིནཱི ཝཱ པུཏྟཱ ཝཱ དྷཱིཏཱ ཝཱ མིཏྟཱ ཝཱ ཨམཙྩཱ ཝཱ ཉཱཏཱི ཝཱ སཱལོཧིཏཱ ཝཱ – ཨིམེ སཏྟཱ པིཡཱ. ཀཏམེ སངྑཱརཱ པིཡཱ? མནཱཔིཀཱ རཱུཔཱ མནཱཔིཀཱ སདྡཱ… གནྡྷཱ… རསཱ… ཕོཊྛབྦཱ – ཨིམེ སངྑཱརཱ པིཡཱ. ཨཔྤིཡཱཏི དྭེ ཨཔྤིཡཱ – སཏྟཱ ཝཱ སངྑཱརཱ ཝཱ. ཀཏམེ སཏྟཱ ཨཔྤིཡཱ? ཨིདྷ ཡཱསྶ ཏེ ཧོནྟི ཨནཏྠཀཱམཱ ཨཧིཏཀཱམཱ ཨཕཱསུཀཱམཱ ཨཡོགཀྑེམཀཱམཱ ཛཱིཝིཏཱ ཝོརོཔེཏུཀཱམཱ – ཨིམེ སཏྟཱ ཨཔྤིཡཱ. ཀཏམེ སངྑཱརཱ ཨཔྤིཡཱ? ཨམནཱཔིཀཱ རཱུཔཱ ཨམནཱཔིཀཱ སདྡཱ, གནྡྷཱ… རསཱ… ཕོཊྛབྦཱ – ཨིམེ སངྑཱརཱ ཨཔྤིཡཱ. ཨདྡྷཱཏི ཨེཀཾསཝཙནཾ ནིསྶཾསཡཝཙནཾ ནིཀྐངྑཝཙནཾ ཨདྭེཛ྄ཛྷཝཙནཾ ཨདྭེལ༹ྷཀཝཙནཾ ནིཡྻཱནིཀཝཙནཾ ཨཔཎྞཀཝཙནཾ ཨཝཏྠཱཔནཝཙནམེཏཾ – ཨདྡྷཱཏི. ཨཐཔྤིཡཾ ཝཱ པན ཨཔྤིཡཾ ཝཱ, ཨདྡྷཱ བྷཝནྟོ ཨབྷིསམྦྷཝེཡྻཱཏི. པིཡཱཔྤིཡཾ སཱཏཱསཱཏཾ སུཁདུཀྑཾ ¶ སོམནསྶདོམནསྶཾ ཨིཊྛཱནིཊྛཾ ཨབྷིསམྦྷཝནྟོ ཝཱ ཨབྷིབྷཝེཡྻ ཨདྷིབྷཝནྟོ ཝཱ ཨབྷིསམྦྷཝེཡྻཱཏི – ཨཐཔྤིཡཾ ཝཱ པན ཨཔྤིཡཾ ཝཱ ཨདྡྷཱ བྷཝནྟོ ཨབྷིསམྦྷཝེཡྻ.

‘‘ཀོདྷཱཏིམཱནསྶ ཝསཾ ན གཙྪེ, མཱུལམྤི ཏེསཾ པལིཁཉྙ ཏིཊྛེ;

ཨཐཔྤིཡཾ ཝཱ པན ཨཔྤིཡཾ ཝཱ, ཨདྡྷཱ བྷཝནྟོ ཨབྷིསམྦྷཝེཡྻཱ’’ཏི.

པཉྙཾ ¶ ¶ པུརཀྑཏྭཱ ཀལྱཱཎཔཱིཏི, ཝིཀྑམྦྷཡེ ཏཱནི པརིསྶཡཱནི;

ཨརཏིཾ སཧེཐ སཡནམྷི པནྟེ, ཙཏུརོ སཧེཐ པརིདེཝདྷམྨེ.

པཉྙཾ པུརཀྑཏྭཱ ཀལྱཱཎཔཱིཏཱིཏི. པཉྙཱཏི ཡཱ པཉྙཱ པཛཱནནཱ ཝིཙཡོ པཝིཙཡོ དྷམྨཝིཙཡོ…པེ… ཨམོཧོ སམྨཱདིཊྛི. པཉྙཾ པུརཀྑཏྭཱཏི ཨིདྷེཀཙྩོ པཉྙཾ པུརཏོ ཀཏྭཱ ཙརཏི པཉྙཱདྷཛོ པཉྙཱཀེཏུ པཉྙཱདྷིཔཏེཡྻོ ཝིཙཡབཧུལོ པཝིཙཡབཧུལོ པེཀྑཱཡནབཧུལོ [ཨོཀྑཱཡནབཧུལོ (བཧཱུསུ)] སམྤེཀྑཱཡནབཧུལོ [སམོཀྑཱཡནབཧུལོ (སཱི. སྱཱ.)] ཝིབྷཱུཏཝིཧཱརཱི ཏཙྩརིཏོ ཏབྦཧུལོ ཏགྒརུཀོ ཏནྣིནྣོ ཏཔྤོཎོ ཏཔྤབྦྷཱརོ ཏདདྷིམུཏྟོ ཏདདྷིཔཏེཡྻོཏི. ཨེཝམྤི པཉྙཾ པུརཀྑཏྭཱ.

ཨཐ ཝཱ གཙྪནྟོ ཝཱ ‘‘གཙྪཱམཱི’’ཏི པཛཱནཱཏི, ཋིཏོ ཝཱ ‘‘ཋིཏོམྷཱི’’ཏི པཛཱནཱཏི, ནིསིནྣོ ཝཱ ‘‘ནིསིནྣོམྷཱི’’ཏི པཛཱནཱཏི, སཡཱནོ ཝཱ ‘‘སཡཱནོམྷཱི’’ཏི པཛཱནཱཏི, ཡཐཱ ཡཐཱ ཝཱ པནསྶ ཀཱཡོ པཎིཧིཏོ ཧོཏི ཏཐཱ ཏཐཱ ནཾ པཛཱནཱཏཱིཏི. ཨེཝམྤི པཉྙཾ པུརཀྑཏྭཱ.

ཨཐ ཝཱ ཨབྷིཀྐནྟེ པཊིཀྐནྟེ སམྤཛཱནཀཱརཱི ཧོཏི, ཨཱལོཀིཏེ ཝིལོཀིཏེ སམྤཛཱནཀཱརཱི ཧོཏི, སམིཉྫིཏེ པསཱརིཏེ སམྤཛཱནཀཱརཱི ཧོཏི, སངྒྷཱཊིཔཏྟཙཱིཝརདྷཱརཎེ སམྤཛཱནཀཱརཱི ཧོཏི, ཨསིཏེ པཱིཏེ ཁཱཡིཏེ སཱཡིཏེ སམྤཛཱནཀཱརཱི ཧོཏི, ཨུཙྩཱརཔསྶཱཝཀམྨེ སམྤཛཱནཀཱརཱི ཧོཏི, གཏེ ཋིཏེ ནིསིནྣེ སུཏྟེ ཛཱགརིཏེ བྷཱསིཏེ ཏུཎྷིབྷཱཝེ སམྤཛཱནཀཱརཱི ¶ ཧོཏཱིཏི. ཨེཝམྤི པཉྙཾ པུརཀྑཏྭཱ.

ཀལྱཱཎཔཱིཏཱིཏི བུདྡྷཱནུསྶཏིཝསེན ཨུཔྤཛྫཏི པཱིཏི པཱམོཛྫཾ [པཱམུཛྫཾ (སྱཱ.)] – ཀལྱཱཎཔཱིཏཱིཏི. དྷམྨཱནུསྶཏི སངྒྷཱནུསྶཏི སཱིལཱནུསྶཏི ཙཱགཱནུསྶཏི དེཝཏཱནུསྶཏི ¶ ཨཱནཱཔཱནསྶཏི མརཎསྶཏི ཀཱཡགཏཱསཏིཝསེན ཨུཔསམཱནུསྶཏིཝསེན ཨུཔྤཛྫཏི པཱིཏི པཱམོཛྫཾ – ཀལྱཱཎཔཱིཏཱིཏི – པཉྙཾ པུརཀྑཏྭཱ ཀལྱཱཎཔཱིཏི.

ཝིཀྑམྦྷཡེ ཏཱནི པརིསྶཡཱནཱིཏི. པརིསྶཡཱཏི དྭེ པརིསྶཡཱ – པཱཀཊཔརིསྶཡཱ ཙ པཊིཙྪནྣཔརིསྶཡཱ ¶ ཙ…པེ… ཨིམེ ཝུཙྩནྟི པཱཀཊཔརིསྶཡཱ…པེ… ཨིམེ ¶ ཝུཙྩནྟི པཊིཙྪནྣཔརིསྶཡཱ…པེ… ཨེཝམྤི ཏཏྲཱསཡཱཏི – པརིསྶཡཱ. ཝིཀྑམྦྷཡེ ཏཱནི པརིསྶཡཱནཱིཏི. ཏཱནི པརིསྶཡཱནི ཝིཀྑམྦྷེཡྻ ཨབྷིབྷཝེཡྻ ཨཛ྄ཛྷོཏྠརེཡྻ པརིཡཱདིཡེཡྻ མདྡེཡྻཱཏི – ཝིཀྑམྦྷཡེ ཏཱནི པརིསྶཡཱནི.

ཨརཏིཾ སཧེཐ སཡནམྷི པནྟེཏི. ཨརཏཱིཏི ཡཱ ཨརཏི ཨརཏིཏཱ ཨནབྷིརཏི ཨནབྷིརམཎཱ [ཨནབྷིརམནཱ (བཧཱུསུ) ཝིབྷ. ༨༥༦] ཨུཀྐཎྛིཏཱ པརིཏསྶིཏཱ. སཡནམྷི པནྟེཏི པནྟེསུ ཝཱ སེནཱསནེསུ ཨཉྙཏརཉྙཏརེསུ ཝཱ ཨདྷིཀུསལེསུ དྷམྨེསུ ཨརཏིཾ སཧེཡྻ ཨབྷིབྷཝེཡྻ ཨཛ྄ཛྷོཏྠརེཡྻ པརིཡཱདིཡེཡྻ མདྡེཡྻཱཏི – ཨརཏིཾ སཧེཐ སཡནམྷི པནྟེ.

ཙཏུརོ སཧེཐ པརིདེཝདྷམྨེཏི. ཙཏྟཱརོ པརིདེཝནཱིཡེ དྷམྨེ སཧེཡྻ པརིསཧེཡྻ ཨབྷིབྷཝེཡྻ ཨཛ྄ཛྷོཏྠརེཡྻ པརིཡཱདིཡེཡྻ མདྡེཡྻཱཏི – ཙཏུརོ སཧེཐ པརིདེཝདྷམྨེ.

‘‘པཉྙཾ ¶ པུརཀྑཏྭཱ ཀལྱཱཎཔཱིཏི, ཝིཀྑམྦྷཡེ ཏཱནི པརིསྶཡཱནི;

ཨརཏིཾ སཧེཐ སཡནམྷི པནྟེ, ཙཏུརོ སཧེཐ པརིདེཝདྷམྨེ’’ཏི.

ཀིཾསཱུ ཨསིསྶཾ ཀུཝ ཝཱ [ཀུཧིཾ ཝཱ (སཱི.), ཀུཝཾ ཝཱ (སྱཱ.), ཀུཐ ཝཱ (ཀ.)] ཨསིསྶཾ, དུཀྑཾ ཝཏ སེཏྠ ཀུཝཛྫ སེསྶཾ;

ཨེཏེ ཝིཏཀྐེ པརིདེཝནེཡྻེ, ཝིནཡེཐ སེཁོ ཨནིཀེཏཙཱརཱི [ཨནིཀེཏསཱརཱི (སྱཱ.)] .

ཀིཾསཱུ ¶ ཨསིསྶཾ ཀུཝ ཝཱ ཨསིསྶནྟི. ཀིཾསཱུ ཨསིསྶཱམཱིཏི ཀིཾ བྷུཉྫིསྶཱམི ཨོདནཾ ཝཱ ཀུམྨཱསཾ ཝཱ སཏྟུཾ ཝཱ མཙྪཾ ཝཱ མཾསཾ ཝཱཏི – ཀིཾསཱུ ཨསིསྶཾ. ཀུཝ ཝཱ ཨསིསྶནྟི ཀཏྠ བྷུཉྫིསྶཱམི ཁཏྟིཡཀུལེ ཝཱ བྲཱཧྨཎཀུལེ ཝཱ ཝེསྶཀུལེ ཝཱ སུདྡཀུལེ ཝཱཏི – ཀིཾསཱུ ཨསིསྶཾ ཀུཝ ཝཱ ཨསིསྶཾ.

དུཀྑཾ ཝཏ སེཏྠ ཀུཝཛྫ སེསྶནྟི ཨིམཾ རཏྟིཾ དུཀྑཾ སཡིཏྠ ཕལཀེ ཝཱ ཏཊྚིཀཱཡ ཝཱ ཙམྨཁཎྜེ ཝཱ ཏིཎསནྠཱརེ ཝཱ པཎྞསནྠཱརེ ཝཱ པལཱལསནྠཱརེ ཝཱ. ཨཱགཱམིརཏྟིཾ [ཨཱགམནརཏྟིཾ (སྱཱ.)] ཀཏྠ སུཁཾ སཡིསྶཱམི མཉྩེ ཝཱ པཱིཋེ ཝཱ བྷིསིཡཱ ¶ ཝཱ བིམྦོཧནེ ཝཱ ཝིཧཱརེ ཝཱ ཨཌྜྷཡོགེ ཝཱ པཱསཱདེ ཝཱ ཧམྨིཡེ ཝཱ གུཧཱཡ ཝཱཏི – དུཀྑཾ ཝཏ སེཏྠ ཀུཝཛྫ སེསྶཾ.

ཨེཏེ ¶ ཝིཏཀྐེ པརིདེཝནེཡྻེཏི. ཨེཏེ ཝིཏཀྐེཏི དྭེ པིཎྜཔཱཏཔཊིསཉྙུཏྟེ ¶ ཝིཏཀྐེ, དྭེ སེནཱསནཔཊིསཉྙུཏྟེ ཝིཏཀྐེ. པརིདེཝནེཡྻེཏི ཨཱདེཝནེཡྻེ པརིདེཝནེཡྻེཏི – ཨེཏེ ཝིཏཀྐེ པརིདེཝནེཡྻེ.

ཝིནཡེཐ སེཁོ ཨནིཀེཏཙཱརཱིཏི. སེཁོཏི ཀིཾཀཱརཎཱ ཝུཙྩཏི སེཁོ? སིཀྑཏཱིཏི – སེཁོ. ཀིཉྩ སིཀྑཏི? ཨདྷིསཱིལམྤི སིཀྑཏི, ཨདྷིཙིཏྟམྤི སིཀྑཏི, ཨདྷིཔཉྙམྤི སིཀྑཏི. ཀཏམཱ ཨདྷིསཱིལསིཀྑཱ…པེ… ཨཡཾ ཨདྷིཔཉྙཱསིཀྑཱ. ཨིམཱ ཏིསྶོ སིཀྑཱཡོ ཨཱཝཛྫནྟོ སིཀྑཏི, ཛཱནནྟོ པསྶནྟོ པཙྩཝེཀྑནྟོ ཙིཏྟཾ ཨདྷིཊྛཧནྟོ སིཀྑཏི, སདྡྷཱཡ ཨདྷིམུཙྩནྟོ སིཀྑཏི, ཝཱིརིཡཾ པགྒཎྷནྟོ, སཏིཾ ཨུཔཊྛཔེནྟོ, ཙིཏྟཾ སམཱདཧནྟོ, པཉྙཱཡ པཛཱནནྟོ ¶ སིཀྑཏི, ཨབྷིཉྙེཡྻཾ ཨབྷིཛཱནནྟོ སིཀྑཏི, པརིཉྙེཡྻཾ པརིཛཱནནྟོ, པཧཱཏབྦཾ པཛཧནྟོ, བྷཱཝེཏབྦཾ བྷཱཝེནྟོ, སཙྪིཀཱཏབྦཾ སཙྪིཀརོནྟོ སིཀྑཏི ཨཱཙརཏི སམཱཙརཏི སམཱདཱཡ སིཀྑཏི. ཏཾཀཱརཎཱ ཝུཙྩཏི – སེཁོ. ཝིནཡཱཡ པཊིཝིནཡཱཡ པཧཱནཱཡ ཝཱུཔསམཱཡ པཊིནིསྶགྒཱཡ པཊིཔསྶདྡྷིཡཱ ཨདྷིསཱིལམྤི སིཀྑེཡྻ, ཨདྷིཙིཏྟམྤི སིཀྑེཡྻ, ཨདྷིཔཉྙམྤི སིཀྑེཡྻ. ཨིམཱ ཏིསྶོ སིཀྑཱཡོ ཨཱཝཛྫནྟོ སིཀྑེཡྻ ཛཱནནྟོ…པེ… སཙྪིཀཱཏབྦཾ སཙྪིཀརོནྟོ སིཀྑེཡྻ ཨཱཙརེཡྻ སམཱཙརེཡྻ སམཱདཱཡ ཝཏྟེཡྻཱཏི – ཝིནཡེཐ སེཁོ.

ཨནིཀེཏཙཱརཱིཏི ¶ . ཀཐཾ ནིཀེཏཙཱརཱི ཧོཏི? ཨིདྷེཀཙྩོ ཀུལཔལིབོདྷེན སམནྣཱགཏོ ཧོཏི, གཎཔལིབོདྷེན… ཨཱཝཱསཔལིབོདྷེན… ཙཱིཝརཔལིབོདྷེན… པིཎྜཔཱཏཔལིབོདྷེན… སེནཱསནཔལིབོདྷེན… གིལཱནཔཙྩཡབྷེསཛྫཔརིཀྑཱརཔལིབོདྷེན སམནྣཱགཏོ ཧོཏི. ཨེཝཾ ནིཀེཏཙཱརཱི ཧོཏི. ཀཐཾ ཨནིཀེཏཙཱརཱི ཧོཏི? ཨིདྷ བྷིཀྑུ ན ཀུལཔལིབོདྷེན སམནྣཱགཏོ ཧོཏི, ན གཎཔལིབོདྷེན… ན ཨཱཝཱསཔལིབོདྷེན… ན ཙཱིཝརཔལིབོདྷེན… ན པིཎྜཔཱཏཔལིབོདྷེན… ན སེནཱསནཔལིབོདྷེན… ན གིལཱནཔཙྩཡབྷེསཛྫཔརིཀྑཱརཔལིབོདྷེན སམནྣཱགཏོ ཧོཏི. ཨེཝཾ ཨནིཀེཏཙཱརཱི ཧོཏི.

‘‘མགདྷཾ ¶ གཏཱ ཀོསལཾ གཏཱ, ཨེཀཙྩིཡཱ པན ཝཛྫིབྷཱུམིཡཱ;

མིགཱ ཝིཡ ཨསངྒྷཙཱརིནོ [མཱགདྷཱ ཝིསངྒྷཙཱརིནོ (སྱཱ.)], ཨནིཀེཏཱ ཝིཧརནྟི བྷིཀྑཝོ.

‘‘སཱདྷུ ¶ ཙརིཏཀཾ སཱདྷུ སུཙརིཏཾ, སཱདྷུ སདཱ ཨནིཀེཏཝིཧཱརོ;

ཨཏྠཔུཙྪནཾ པདཀྑིཎཾ ཀམྨཾ, ཨེཏཾ སཱམཉྙཾ ཨཀིཉྩནསྶཱ’’ཏི.

ཝིནཡེཐ ¶ སེཁོ ཨནིཀེཏཙཱརཱི. ཏེནཱཧ བྷགཝཱ –

‘‘ཀིཾསཱུ ཨསིསྶཾ ཀུཝ ཝཱ ཨསིསྶཾ, དུཀྑཾ ཝཏ སེཏྠ ཀུཝཛྫ སེསྶཾ;

ཨེཏེ ¶ ཝིཏཀྐེ པརིདེཝནེཡྻེ, ཝིནཡེཐ སེཁོ ཨནིཀེཏཙཱརཱི’’ཏི.

ཨནྣཉྩ ལདྡྷཱ ཝསནཉྩ ཀཱལེ, མཏྟཾ ས ཛཉྙཱ [མཏྟཾ སོ ཛཉྙཱ (སྱཱ.)] ཨིདྷ ཏོསནཏྠཾ;

སོ ཏེསུ གུཏྟོ ཡཏཙཱརི གཱམེ, རུསིཏོཔི [དཱུསིཏོཔི (ཀ.)] ཝཱཙཾ ཕརུསཾ ན ཝཛྫཱ.

ཨནྣཉྩ ལདྡྷཱ ཝསནཉྩ ཀཱལེཏི. ཨནྣནྟི ཨོདནོ ཀུམྨཱསོ སཏྟུ མཙྪོ མཾསཾ. ཝསནནྟི ཚ ཙཱིཝརཱནི – ཁོམཾ, ཀཔྤཱསིཀཾ, ཀོསེཡྻཾ, ཀམྦལཾ, སཱཎཾ, བྷངྒཾ. ཨནྣཉྩ ལདྡྷཱ ཝསནཉྩ ཀཱལེཏི. ཙཱིཝརཾ ལབྷིཏྭཱ པིཎྜཔཱཏཾ ལབྷིཏྭཱ ན ཀུཧནཱཡ, ན ལཔནཱཡ, ན ནེམིཏྟིཀཏཱཡ, ན ནིཔྤེསིཀཏཱཡ, ན ལཱབྷེན ལཱབྷཾ ནིཛིགཱིསནཏཱཡ, ན དཱརུདཱནེན, ན ཝེལུ༹དཱནེན, ན པཏྟདཱནེན, ན པུཔྥདཱནེན, ན ཕལདཱནེན, ན སིནཱནདཱནེན, ན ཙུཎྞདཱནེན, ན མཏྟིཀཱདཱནེན, ན དནྟཀཊྛདཱནེན, ན མུཁོདཀདཱནེན, ན ཙཱཏུཀམྱཏཱཡ, ན མུགྒསཱུཔྱཏཱཡ, ན པཱརིབྷཊྱཏཱཡ, ན པཱིཋམདྡིཀཏཱཡ, ན ཝཏྠུཝིཛྫཱཡ, ན ཏིརཙྪཱནཝིཛྫཱཡ, ན ཨངྒཝིཛྫཱཡ, ན ནཀྑཏྟཝིཛྫཱཡ, ན དཱུཏགམནེན, ན པཧིཎགམནེན, ན ཛངྒྷཔེསནིཀེན, ན ཝེཛྫཀམྨེན, ན པིཎྜཔཊིཔིཎྜཀེན, ན དཱནཱནུཔྤདཱནེན དྷམྨེན སམེན ལདྡྷཱ ¶ ལབྷིཏྭཱ ཨདྷིགནྟྭཱ ཝིནྡིཏྭཱ པཊིལབྷིཏྭཱཏི – ཨནྣཉྩ ལདྡྷཱ ཝསནཉྩ ཀཱལེ.

མཏྟཾ ¶ ས ཛཉྙཱ ཨིདྷ ཏོསནཏྠནྟི. མཏྟཾ ས ཛཉྙཱཏི ¶ དྭཱིཧི ཀཱརཎེཧི མཏྟཾ ཛཱནེཡྻ – པཊིགྒཧཎཏོ ཝཱ པརིབྷོགཏོ ཝཱ. ཀཐཾ པཊིགྒཧཎཏོ མཏྟཾ ཛཱནཱཏི? ཐོཀེཔི དིཡྻམཱནེ ཀུལཱནུདཡཱཡ [ཀུལཱནུདྡཡཱཡ (སཱི. ཀ.)] ཀུལཱནུརཀྑཱཡ ཀུལཱནུཀམྤཱཡ པཊིགྒཎྷཱཏི, བཧུཀེཔི དིཡྻམཱནེ ཀཱཡཔརིཧཱརིཀཾ ཙཱིཝརཾ པཊིགྒཎྷཱཏི ཀུཙྪིཔརིཧཱརིཀཾ པིཎྜཔཱཏཾ པཊིགྒཎྷཱཏི. ཨེཝཾ པཊིགྒཧཎཏོ མཏྟཾ ཛཱནཱཏི. ཀཐཾ པརིབྷོགཏོ མཏྟཾ ཛཱནཱཏི?

པཊིསངྑཱ ¶ ཡོནིསོ ཙཱིཝརཾ པཊིསེཝཏི ཡཱཝདེཝ སཱིཏསྶ པཊིགྷཱཏཱཡ ཨུཎྷསྶ པཊིགྷཱཏཱཡ ཌཾསམཀསཝཱཏཱཏཔསརཱིསཔསམྥསྶཱནཾ པཊིགྷཱཏཱཡ, ཡཱཝདེཝ ཧིརིཀོཔཱིནཔཊིཙྪཱདནཏྠཾ.

པཊིསངྑཱ ཡོནིསོ པིཎྜཔཱཏཾ པཊིསེཝཏི ནེཝ དཝཱཡ ན མདཱཡ ན མཎྜནཱཡ ན ཝིབྷཱུསནཱཡ, ཡཱཝདེཝ ཨིམསྶ ཀཱཡསྶ ཋིཏིཡཱ ཡཱཔནཱཡ ཝིཧིཾསཱུཔརཏིཡཱ བྲཧྨཙརིཡཱནུགྒཧཱཡ. ཨིཏི པུརཱཎཉྩ ཝེདནཾ པཊིཧངྑཱམི ནཝཉྩ ཝེདནཾ ན ཨུཔྤཱདེསྶཱམི, ཡཱཏྲཱ ཙ མེ བྷཝིསྶཏི ཨནཝཛྫཏཱ ཙ ཕཱསུཝིཧཱརོ ཙ.

པཊིསངྑཱ ཡོནིསོ སེནཱསནཾ པཊིསེཝཏི ཡཱཝདེཝ སཱིཏསྶ པཊིགྷཱཏཱཡ ཨུཎྷསྶ པཊིགྷཱཏཱཡ ཌཾསམཀསཝཱཏཱཏཔསརཱིསཔསམྥསྶཱནཾ པཊིགྷཱཏཱཡ, ཡཱཝདེཝ ཨུཏུཔརིསྶཡཝིནོདནཔཊིསལླཱནཱརཱམཏྠཾ.

པཊིསངྑཱ ཡོནིསོ གིལཱནཔཙྩཡབྷེསཛྫཔརིཀྑཱརཾ པཊིསེཝཏི ཡཱཝདེཝ ཨུཔྤནྣཱནཾ ཝེཡྻཱབྱཱདྷིཀཱནཾ [ཝེཡྻཱབཱདྷིཀཱནཾ (སཱི. སྱཱ.)] ཝེདནཱནཾ པཊིགྷཱཏཱཡ ཨབྱཱཔཛྫཔརམཏཱཡ.

ཨེཝཾ པརིབྷོགཏོ མཏྟཾ ཛཱནཱཏི. མཏྟཾ ¶ ས ཛཉྙཱཏི. ཨིམེཧི དྭཱིཧི ཀཱརཎེཧི མཏྟཾ ཛཱནེཡྻ ཨཱཛཱནེཡྻ པཊིཝིཛཱནེཡྻ པཊིཝིཛ྄ཛྷེཡྻཱཏི – མཏྟཾ ས ཛཉྙཱ.

ཨིདྷ ཏོསནཏྠནྟི. ཨིདྷ བྷིཀྑུ སནྟུཊྛོ ཧོཏི ཨིཏརཱིཏརེན ཙཱིཝརེན ཨིཏརཱིཏརཙཱིཝརསནྟུཊྛིཡཱ ཙ ཝཎྞཝཱདཱི, ན ཙ ཙཱིཝརཧེཏུ ཨནེསནཾ ཨཔྤཏིརཱུཔཾ ཨཱཔཛྫཏི; ཨལདྡྷཱ ཙ ཙཱིཝརཾ ན པརིཏསྶཏི, ལདྡྷཱ ¶ ཙ ཙཱིཝརཾ ཨགདྷིཏོ ཨམུཙྪིཏོ ཨནཛ྄ཛྷཱཔནྣོ, ཨཱདཱིནཝདསྶཱཝཱི ནིསྶརཎཔཉྙོ པརིབྷུཉྫཏི; ཏཱཡ ¶ ཙ པན ཨིཏརཱིཏརཙཱིཝརསནྟུཊྛིཡཱ ནེཝཏྟཱནུཀྐཾསེཏི, ན པརཾ ཝམྦྷེཏི. ཡོ ཧི ཏཏྠ དཀྑོ ཨནལསོ སམྤཛཱནོ པཊིསྶཏོ – ཨཡཾ ཝུཙྩཏི བྷིཀྑུ པོརཱཎེ ཨགྒཉྙེ ཨརིཡཝཾསེ ཋིཏོ.

པུན ཙཔརཾ བྷིཀྑུ སནྟུཊྛོ ཧོཏི ཨིཏརཱིཏརེན པིཎྜཔཱཏེན ཨིཏརཱིཏརཔིཎྜཔཱཏསནྟུཊྛིཡཱ ཙ ཝཎྞཝཱདཱི, ན ཙ པིཎྜཔཱཏཧེཏུ ཨནེསནཾ ཨཔྤཏིརཱུཔཾ ཨཱཔཛྫཏི, ཨལདྡྷཱ ཙ པིཎྜཔཱཏཾ ན པརིཏསྶཏི, ལདྡྷཱ ཙ པིཎྜཔཱཏཾ ཨགདྷིཏོ ཨམུཙྪིཏོ ཨནཛ྄ཛྷཱཔནྣོ, ཨཱདཱིནཝདསྶཱཝཱི ནིསྶརཎཔཉྙོ པརིབྷུཉྫཏི; ཏཱཡ ཙ པན ཨིཏརཱིཏརཔིཎྜཔཱཏསནྟུཊྛིཡཱ ནེཝཏྟཱནུཀྐཾསེཏི, ན པརཾ ¶ ཝམྦྷེཏི. ཡོ ཧི ཏཏྠ དཀྑོ ཨནལསོ སམྤཛཱནོ པཊིསྶཏོ – ཨཡཾ ཝུཙྩཏི བྷིཀྑུ པོརཱཎེ ཨགྒཉྙེ ཨརིཡཝཾསེ ཋིཏོ.

པུན ཙཔརཾ བྷིཀྑུ སནྟུཊྛོ ཧོཏི ཨིཏརཱིཏརེན སེནཱསནེན ཨིཏརཱིཏརསེནཱསནསནྟུཊྛིཡཱ ཙ ཝཎྞཝཱདཱི, ན ཙ སེནཱསནཧེཏུ ཨནེསནཾ ཨཔྤཏིརཱུཔཾ ཨཱཔཛྫཏི ¶ , ཨལདྡྷཱ ཙ སེནཱསནཾ ན པརིཏསྶཏི, ལདྡྷཱ ཙ སེནཱསནཾ ཨགདྷིཏོ ཨམུཙྪིཏོ ཨནཛ྄ཛྷཱཔནྣོ, ཨཱདཱིནཝདསྶཱཝཱི ནིསྶརཎཔཉྙོ པརིབྷུཉྫཏི; ཏཱཡ ཙ པན ཨིཏརཱིཏརསེནཱསནསནྟུཊྛིཡཱ ནེཝཏྟཱནུཀྐཾསེཏི, ན པརཾ ཝམྦྷེཏི. ཡོ ཧི ཏཏྠ དཀྑོ ཨནལསོ སམྤཛཱནོ པཊིསྶཏོ – ཨཡཾ ཝུཙྩཏི བྷིཀྑུ པོརཱཎེ ཨགྒཉྙེ ཨརིཡཝཾསེ ཋིཏོ.

པུན ཙཔརཾ བྷིཀྑུ སནྟུཊྛོ ཧོཏི ཨིཏརཱིཏརེན གིལཱནཔཙྩཡབྷེསཛྫཔརིཀྑཱརེན, ཨིཏརཱིཏརགིལཱནཔཙྩཡབྷེསཛྫཔརིཀྑཱརསནྟུཊྛིཡཱ ཙ ཝཎྞཝཱདཱི, ན ཙ གིལཱནཔཙྩཡབྷེསཛྫཔརིཀྑཱརཧེཏུ ཨནེསནཾ ཨཔྤཏིརཱུཔཾ ཨཱཔཛྫཏི, ཨལདྡྷཱ ཙ གིལཱནཔཙྩཡབྷེསཛྫཔརིཀྑཱརཾ ན པརིཏསྶཏི, ལདྡྷཱ ཙ གིལཱནཔཙྩཡབྷེསཛྫཔརིཀྑཱརཾ ཨགདྷིཏོ ཨམུཙྪིཏོ ཨནཛ྄ཛྷཱཔནྣོ, ཨཱདཱིནཝདསྶཱཝཱི ནིསྶརཎཔཉྙོ པརིབྷུཉྫཏི; ཏཱཡ ཙ པན ཨིཏརཱིཏརགིལཱནཔཙྩཡབྷེསཛྫཔརིཀྑཱརསནྟུཊྛིཡཱ ནེཝཏྟཱནུཀྐཾསེཏི, ན པརཾ ཝམྦྷེཏི. ཡོ ཧི ཏཏྠ དཀྑོ ཨནལསོ སམྤཛཱནོ པཊིསྶཏོ – ཨཡཾ ཝུཙྩཏི བྷིཀྑུ པོརཱཎེ ཨགྒཉྙེ ཨརིཡཝཾསེ ཋིཏོཏི – མཏྟཾ ས ཛཉྙཱ ཨིདྷ ཏོསནཏྠཾ.

སོ ¶ ¶ ཏེསུ གུཏྟོ ཡཏཙཱརི གཱམེཏི. སོ ཏེསུ གུཏྟོཏི ཙཱིཝརེ པིཎྜཔཱཏེ སེནཱསནེ གིལཱནཔཙྩཡབྷེསཛྫཔརིཀྑཱརེ གུཏྟོ གོཔིཏོ རཀྑིཏོ སཾཝུཏོཏི. ཨེཝམྤི སོ ཏེསུ གུཏྟོ. ཨཐ ཝཱ ཨཱཡཏནེསུ གུཏྟོ གོཔིཏོ རཀྑིཏོ སཾཝུཏོཏི. ཨེཝམྤི སོ ཏེསུ གུཏྟོ.

ཡཏཙཱརི གཱམེཏི གཱམེ ཡཏོ ཡཏྟོ པཊིཡཏྟོ གུཏྟོ གོཔིཏོ ¶ རཀྑིཏོ སཾཝུཏོཏི – སོ ཏེསུ གུཏྟོ ཡཏཙཱརི གཱམེ.

རུསིཏོཔི ཝཱཙཾ ཕརུསཾ ན ཝཛྫཱཏི. དཱུསིཏོ ཁུཾསིཏོ ཝམྦྷིཏོ གྷཊྚིཏོ གརཧིཏོ ཨུཔཝདིཏོ ཕརུསེན ཀཀྑལེ༹ན ནཔྤཊིཝཛྫཱ ནཔྤཊིབྷཎེཡྻ, ཨཀྐོསནྟཾ ན པཙྩཀྐོསེཡྻ, རོསནྟཾ ནཔྤཊིརོསེཡྻ, བྷཎྜནྟཾ ན པཊིབྷཎྜེཡྻ, ན ཀལཧཾ ཀརེཡྻ, ན བྷཎྜནཾ ཀརེཡྻ, ན ཝིགྒཧཾ ཀརེཡྻ, ན ཝིཝཱདཾ ཀརེཡྻ, ན མེདྷགཾ ཀརེཡྻ, ཀལཧཾ བྷཎྜནཾ ཝིགྒཧཾ ཝིཝཱདཾ མེདྷགཾ པཛཧེཡྻ ¶ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, ཀལཧབྷཎྜནཝིགྒཧཝིཝཱདམེདྷགཱ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ཙེཏསཱ ཝིཧརེཡྻཱཏི – རུསིཏོཔི ཝཱཙཾ ཕརུསཾ ན ཝཛྫཱ.

‘‘ཨནྣཉྩ ལདྡྷཱ ཝསནཉྩ ཀཱལེ, མཏྟཾ ས ཛཉྙཱ ཨིདྷ ཏོསནཏྠཾ;

སོ ཏེསུ གུཏྟོ ཡཏཙཱརི གཱམེ, རུསིཏོཔི ཝཱཙཾ ཕརུསཾ ན ཝཛྫཱ’’ཏི.

ཨོཀྑིཏྟཙཀྑུ ན ཙ པཱདལོལོ, ཛྷཱནཱནུཡུཏྟོ བཧུཛཱགརསྶ;

ཨུཔེཀྑམཱརབྦྷ སམཱཧིཏཏྟོ, ཏཀྐཱསཡཾ ཀུཀྐུཙྩཉྩུཔཙྪིནྡེ [ཀུཀྐུཙྩིཡཱུཔཙྪིནྡེ (སྱཱ.)] .

ཨོཀྑིཏྟཙཀྑུ ན ཙ པཱདལོལོཏི. ཀཐཾ ཁིཏྟཙཀྑུ ཧོཏི ¶ ? ཨིདྷེཀཙྩོ བྷིཀྑུ ཙཀྑུལོལོ, ཙཀྑུལོལིཡེན སམནྣཱགཏོ ཧོཏི, ‘‘ཨདིཊྛཾ དཀྑིཏབྦཾ, དིཊྛཾ སམཏིཀྐམིཏབྦ’’ནྟི ཨཱརཱམེན ཨཱརཱམཾ ཨུཡྻཱནེན ཨུཡྻཱནཾ གཱམེན ¶ གཱམཾ ནིགམེན ནིགམཾ ནགརེན ནགརཾ རཊྛེན རཊྛཾ ཛནཔདེན ཛནཔདཾ དཱིགྷཙཱརིཀཾ ¶ ཨནཝཊྛིཏཙཱརིཀཾ ཨནུཡུཏྟོ ཙ ཧོཏི རཱུཔདསྶནཱཡ. ཨེཝམྤི ཁིཏྟཙཀྑུ ཧོཏི.

ཨཐ ཝཱ བྷིཀྑུ ཨནྟརགྷརཾ པཝིཊྛོ ཝཱིཐིཾ པཊིཔནྣོ ཨསཾཝུཏོ གཙྪཏི ཧཏྠིཾ ཨོལོཀེནྟོ, ཨསྶཾ ཨོལོཀེནྟོ, རཐཾ ཨོལོཀེནྟོ, པཏྟིཾ ཨོལོཀེནྟོ, ཨིཏྠིཡོ ཨོལོཀེནྟོ, པུརིསེ ཨོལོཀེནྟོ, ཀུམཱརཀེ ཨོལོཀེནྟོ, ཀུམཱརིཀཱཡོ ཨོལོཀེནྟོ, ཨནྟརཱཔཎཾ ཨོལོཀེནྟོ, གྷརམུཁཱནི ཨོལོཀེནྟོ, ཨུདྡྷཾ ཨོལོཀེནྟོ, ཨདྷོ ཨོལོཀེནྟོ, དིསཱཝིདིསཾ ཝིཔེཀྑམཱནོ [པེཀྑམཱནོ (བཧཱུསུ)] གཙྪཏི. ཨེཝམྤི ཁིཏྟཙཀྑུ ཧོཏི.

ཨཐ ཝཱ བྷིཀྑུ ཙཀྑུནཱ རཱུཔཾ དིསྭཱ ནིམིཏྟགྒཱཧཱི ཧོཏི ཨནུབྱཉྫནགྒཱཧཱི. ཡཏྭཱདྷིཀརཎམེནཾ ཙཀྑུནྡྲིཡཾ ཨསཾཝུཏཾ ཝིཧརནྟཾ ཨབྷིཛ྄ཛྷཱདོམནསྶཱ པཱཔཀཱ ཨཀུསལཱ དྷམྨཱ ཨནྭཱསྶཝེཡྻུཾ, ཏསྶ སཾཝརཱཡ ནཔྤཊིཔཛྫཏི, ན རཀྑཏི ཙཀྑུནྡྲིཡཾ, ཙཀྑུནྡྲིཡེ ན སཾཝརཾ ཨཱཔཛྫཏི. ཨེཝམྤི ཁིཏྟཙཀྑུ ཧོཏི.

ཡཐཱ ཝཱ པནེཀེ བྷོནྟོ སམཎབྲཱཧྨཎཱ སདྡྷཱདེཡྻཱནི བྷོཛནཱནི བྷུཉྫིཏྭཱ ཏེ ཨེཝརཱུཔཾ ཝིསཱུཀདསྶནཾ ཨནུཡུཏྟཱ ཝིཧརནྟི, སེཡྻཐིདཾ – ནཙྩཾ གཱིཏཾ ཝཱདིཏཾ པེཀྑཾ ཨཀྑཱནཾ པཱཎིསྶརཾ ¶ ཝེཏཱལ༹ཾ ཀུམྦྷཐཱུཎཾ སོབྷནཀཾ ཙཎྜཱལཾ ཝཾསཾ དྷོཝནཾ ཧཏྠིཡུདྡྷཾ ཨསྶཡུདྡྷཾ མཧིཾསཡུདྡྷཾ ཨུསབྷཡུདྡྷཾ ཨཛཡུདྡྷཾ མེཎྜཡུདྡྷཾ ཀུཀྐུཊཡུདྡྷཾ ཝཊྚཀཡུདྡྷཾ དཎྜཡུདྡྷཾ ¶ མུཊྛིཡུདྡྷཾ ནིབྦུདྡྷཾ ཨུཡྻོདྷིཀཾ བལགྒཾ སེནཱབྱཱུཧཾ ཨནཱིཀདསྶནཾ ཨིཏི ཝཱ. ཨེཝམྤི ཁིཏྟཙཀྑུ ཧོཏི.

ཀཐཾ ན ཁིཏྟཙཀྑུ ཧོཏི? ཨིདྷེཀཙྩོ བྷིཀྑུ ན ཙཀྑུལོལོ ན ཙཀྑུལོལིཡེན སམནྣཱགཏོ ཧོཏི ‘‘ཨདིཊྛཾ དཀྑིཏབྦཾ དིཊྛཾ སམཏིཀྐམིཏབྦ’’ནྟི ན ཨཱརཱམེན ཨཱརཱམཾ ན ཨུཡྻཱནེན ཨུཡྻཱནཾ ན གཱམེན གཱམཾ ན ནིགམེན ནིགམཾ ན ནགརེན ནགརཾ ན རཊྛེན རཊྛཾ ན ཛནཔདེན ཛནཔདཾ དཱིགྷཙཱརིཀཾ ཨནཝཊྛིཏཙཱརིཀཾ ཨནནུཡུཏྟོ ཙ ཧོཏི རཱུཔདསྶནཱཡ ¶ . ཨེཝམྤི ན ཁིཏྟཙཀྑུ ཧོཏི.

ཨཐ ཝཱ བྷིཀྑུ ཨནྟརགྷརཾ པཝིཊྛོ ཝཱིཐིཾ པཊིཔནྣོ སཾཝུཏོ གཙྪཏི ན ཧཏྠིཾ ཨོལོཀེནྟོ…པེ… ན དིསཱཝིདིསཾ ཝིཔེཀྑམཱནོ གཙྪཏི. ཨེཝམྤི ན ཁིཏྟཙཀྑུ ཧོཏི.

ཨཐ ¶ ཝཱ བྷིཀྑུ ཙཀྑུནཱ རཱུཔཾ དིསྭཱ ན ནིམིཏྟགྒཱཧཱི ཧོཏི…པེ… ཙཀྑུནྡྲིཡེ སཾཝརཾ ཨཱཔཛྫཏི. ཨེཝམྤི ན ཁིཏྟཙཀྑུ ཧོཏི.

ཡཐཱ ཝཱ པནེཀེ བྷོནྟོ སམཎབྲཱཧྨཎཱ སདྡྷཱདེཡྻཱནི བྷོཛནཱནི བྷུཉྫིཏྭཱ…པེ… ཨནཱིཀདསྶནཾ ཨིཏི ཝཱ. ཨེཝརཱུཔཱ ཝིསཱུཀདསྶནཱནུཡོགཱ པཊིཝིརཏོ ཧོཏི. ཨེཝམྤི ན ཁིཏྟཙཀྑུ ཧོཏཱིཏི – ཨོཀྑིཏྟཙཀྑུ.

ན ཙ པཱདལོལོཏི. ཀཐཾ པཱདལོལོ ཧོཏི? ཨིདྷེཀཙྩོ བྷིཀྑུ པཱདལོལོ པཱདལོལིཡེན སམནྣཱགཏོ ཧོཏི, ཨཱརཱམེན ཨཱརཱམཾ…པེ… དཱིགྷཙཱརིཀཾ ཨནཝཊྛིཏཙཱརིཀཾ ཨནུཡུཏྟོ ཧོཏི རཱུཔདསྶནཱཡ. ཨེཝམྤི པཱདལོལོ ཧོཏི.

ཨཐ ཝཱ བྷིཀྑུ ཨནྟོཔི སངྒྷཱརཱམེ པཱདལོལོ པཱདལོལིཡེན སམནྣཱགཏོ ཧོཏི, ན ཨཏྠཧེཏུ ན ཀཱརཎཧེཏུ ཨུདྡྷཏོ ¶ ཨཝཱུཔསནྟཙིཏྟོ པརིཝེཎཏོ པརིཝེཎཾ གཙྪཏི. ཝིཧཱརཏོ…པེ… ཨིཏི བྷཝཱབྷཝཀཐཾ ཀཐེཏི. ཨེཝམྤི པཱདལོལོ ཧོཏི.

ན ཙ པཱདལོལོཏི. པཱདལོལིཡཾ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻ, པཱདལོལིཡཱ ཨཱརཏོ ཨསྶ ཝིརཏོ པཊིཝིརཏོ ནིཀྑནྟོ ནིསྶཊོ ཝིཔྤམུཏྟོ ཝིསཉྙུཏྟོ ཝིམརིཡཱདིཀཏེན ¶ ཙེཏསཱ ཝིཧརེཡྻ, པཊིསལླཱནཱརཱམོ ཨསྶ པཊིསལླཱནརཏོ ཨཛ྄ཛྷཏྟཾ ཙེཏོསམཐམནུཡུཏྟོ ཨནིརཱཀཏཛ྄ཛྷཱནོ ཝིཔསྶནཱཡ སམནྣཱགཏོ བྲཱུཧེཏཱ སུཉྙཱགཱརཾ ཛྷཱཡཱི ཛྷཱནརཏོ ཨེཀཏྟམནུཡུཏྟོ སདཏྠགརུཀོཏི – ཨོཀྑིཏྟཙཀྑུ ན ཙ པཱདལོལོ.

ཛྷཱནཱནུཡུཏྟོ བཧུཛཱགརསྶཱཏི. ཛྷཱནཱནུཡུཏྟོཏི དྭཱིཧི ཀཱརཎེཧི ཛྷཱནཱནུཡུཏྟོ – ཨནུཔྤནྣསྶ ཝཱ པཋམསྶ ཛྷཱནསྶ ཨུཔྤཱདཱཡ ཡུཏྟོ པཡུཏྟོ ཨཱཡུཏྟོ སམཱཡུཏྟོ, ཨནུཔྤནྣསྶ ཝཱ དུཏིཡསྶ ཛྷཱནསྶ… ཏཏིཡསྶ ཛྷཱནསྶ… ཙཏུཏྠསྶ ཛྷཱནསྶ ཨུཔྤཱདཱཡ ཡུཏྟོ པཡུཏྟོ ཨཱཡུཏྟོ སམཱཡུཏྟོཏི. ཨེཝམྤི ཛྷཱནཱནུཡུཏྟོ. ཨཐ ཝཱ ཨུཔྤནྣཾ ཝཱ པཋམཾ ཛྷཱནཾ ཨཱསེཝཏི བྷཱཝེཏི བཧུལཱིཀརོཏི [བཧུལིཾ ཀརོཏི (ཀ.)], ཨུཔྤནྣཾ ཝཱ དུཏིཡཾ ¶ ཛྷཱནཾ ¶ … ཏཏིཡཾ ཛྷཱནཾ… ཙཏུཏྠཾ ཛྷཱནཾ ཨཱསེཝཏི བྷཱཝེཏི བཧུལཱིཀརོཏཱིཏི. ཨེཝམྤི ཛྷཱནཱནུཡུཏྟོ.

བཧུཛཱགརསྶཱཏི ཨིདྷ བྷིཀྑུ དིཝསཾ ཙངྐམེན ནིསཛྫཱཡ ཨཱཝརཎཱིཡེཧི དྷམྨེཧི ཙིཏྟཾ པརིསོདྷེཏི, རཏྟིཡཱ པཋམཾ ཡཱམཾ ཙངྐམེན ནིསཛྫཱཡ ཨཱཝརཎཱིཡེཧི དྷམྨེཧི ཙིཏྟཾ པརིསོདྷེཏི, རཏྟིཡཱ མཛ྄ཛྷིམཾ ¶ ཡཱམཾ དཀྑིཎེན པསྶེན སཱིཧསེཡྻཾ ཀཔྤེཏི པཱདེ པཱདཾ ཨཙྩཱདྷཱཡ སཏོ སམྤཛཱནོ ཨུཊྛཱནསཉྙཾ མནསི ཀཏྭཱ, རཏྟིཡཱ པཙྪིམཾ ཡཱམཾ པཙྩུཊྛཱཡ ཙངྐམེན ནིསཛྫཱཡ ཨཱཝརཎཱིཡེཧི དྷམྨེཧི ཙིཏྟཾ པརིསོདྷེཏཱིཏི – ཛྷཱནཱནུཡུཏྟོ བཧུཛཱགརསྶ.

ཨུཔེཀྑམཱརབྦྷ སམཱཧིཏཏྟོཏི. ཨུཔེཀྑཱཏི ཡཱ ཙཏུཏྠེ ཛྷཱནེ ཨུཔེཀྑཱ ཨུཔེཀྑནཱ ཨཛ྄ཛྷུཔེཀྑནཱ ཙིཏྟསམཏཱ ཙིཏྟཔྤསྶདྡྷཏཱ མཛ྄ཛྷཏྟཏཱ ཙིཏྟསྶ. སམཱཧིཏཏྟོཏི ཡཱ ཙིཏྟསྶ ཋིཏི སཎྛིཏི ཨཝཊྛིཏི ཨཝིསཱཧཱརོ ཨཝིཀྑེཔོ ཨཝིསཱཧཊམཱནསཏཱ སམཐོ སམཱདྷིནྡྲིཡཾ སམཱདྷིབལཾ སམྨཱསམཱདྷི. ཨུཔེཀྑམཱརབྦྷ སམཱཧིཏཏྟོཏི. ཙཏུཏྠེ ཛྷཱནེ ཨུཔེཀྑཾ ཨཱརབྦྷ ཨེཀགྒཙིཏྟོ ཨཝིཀྑིཏྟཙིཏྟོ ཨཝིསཱཧཊམཱནསོཏི – ཨུཔེཀྑམཱརབྦྷ སམཱཧིཏཏྟོ.

ཏཀྐཱསཡཾ ཀུཀྐུཙྩཉྩུཔཙྪིནྡེཏི. ཏཀྐཱཏི ནཝ ཝིཏཀྐཱ – ཀཱམཝིཏཀྐོ, བྱཱཔཱདཝིཏཀྐོ, ཝིཧིཾསཱཝིཏཀྐོ, ཉཱཏིཝིཏཀྐོ, ཛནཔདཝིཏཀྐོ, ཨམརཝིཏཀྐོ, པརཱནུདཡཏཱཔཊིསཉྙུཏྟོ ཝིཏཀྐོ, ལཱབྷསཀྐཱརསིལོཀཔཊིསཉྙུཏྟོ ཝིཏཀྐོ, ཨནཝཉྙཏྟིཔཊིསཉྙུཏྟོ ཝིཏཀྐོ – ཨིམེ ཝུཙྩནྟི ནཝ ཝིཏཀྐཱ. ཀཱམཝིཏཀྐཱནཾ ཀཱམསཉྙཱསཡོ, བྱཱཔཱདཝིཏཀྐཱནཾ བྱཱཔཱདསཉྙཱསཡོ, ཝིཧིཾསཱཝིཏཀྐཱནཾ ཝིཧིཾསཱསཉྙཱསཡོ. ཨཐ ཝཱ ཏཀྐཱནཾ ཝིཏཀྐཱནཾ སངྐཔྤཱནཾ ཨཝིཛྫཱསཡོ, ཨཡོནིསོ མནསིཀཱརོ ཨཱསཡོ, ཨསྨིམཱནོ ཨཱསཡོ, ཨནོཏྟཔྤཾ ཨཱསཡོ, ཨུདྡྷཙྩཾ ཨཱསཡོ.

ཀུཀྐུཙྩནྟི ¶ ཧཏྠཀུཀྐུཙྩམྤི ཀུཀྐུཙྩཾ པཱདཀུཀྐུཙྩམྤི ¶ ཀུཀྐུཙྩཾ ཧཏྠཔཱདཀུཀྐུཙྩམྤི ཀུཀྐུཙྩཾ, ཨཀཔྤིཡེ ཀཔྤིཡསཉྙིཏཱ ཀཔྤིཡེ ཨཀཔྤིཡསཉྙིཏཱ, ཨཝཛྫེ ཝཛྫསཉྙིཏཱ, ཝཛྫེ ཨཝཛྫསཉྙིཏཱ. ཡཾ ཨེཝརཱུཔཾ ཀུཀྐུཙྩཾ ཀུཀྐུཙྩཱཡནཱ ཀུཀྐུཙྩཱཡིཏཏྟཾ ¶ ཙེཏསོ ཝིཔྤཊིསཱརོ མནོཝིལེཁོ – ཨིདཾ ཝུཙྩཏི ཀུཀྐུཙྩཾ.

ཨཔི ¶ ཙ དྭཱིཧི ཀཱརཎེཧི ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ – ཀཏཏྟཱ ཙ ཨཀཏཏྟཱ ཙ. ཀཐཾ ཀཏཏྟཱ ཙ ཨཀཏཏྟཱ ཙ ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ? ‘‘ཀཏཾ མེ ཀཱཡདུཙྩརིཏཾ, ཨཀཏཾ མེ ཀཱཡསུཙརིཏ’’ནྟི ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ. ‘‘ཀཏཾ མེ ཝཙཱིདུཙྩརིཏཾ… ཀཏཾ མེ མནོདུཙྩརིཏཾ… ཀཏོ མེ པཱཎཱཏིཔཱཏོ, ཨཀཏཱ མེ པཱཎཱཏིཔཱཏཱ ཝེརམཎཱི’’ཏི ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ. ‘‘ཀཏཾ མེ ཨདིནྣཱདཱནཾ… ཀཏོ མེ ཀཱམེསུམིཙྪཱཙཱརོ… ཀཏོ མེ མུསཱཝཱདོ… ཀཏཱ མེ པིསུཎཝཱཙཱ… ཀཏཱ མེ ཕརུསཝཱཙཱ… ཀཏོ མེ སམྥཔྤལཱཔོ… ཀཏཱ མེ ཨབྷིཛ྄ཛྷཱ… ཀཏོ མེ བྱཱཔཱདོ… ཀཏཱ མེ མིཙྪཱདིཊྛི, ཨཀཏཱ མེ སམྨཱདིཊྛཱི’’ཏི ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ. ཨེཝཾ ཀཏཏྟཱ ཙ ཨཀཏཏྟཱ ཙ ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ.

ཨཐ ཝཱ ‘‘སཱིལེསུམྷི ན པརིཔཱུརཀཱརཱི’’ཏི ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ; ‘‘ཨིནྡྲིཡེསུམྷི ཨགུཏྟདྭཱརོ’’ཏི… ‘‘བྷོཛནེ ཨམཏྟཉྙཱུམྷཱི’’ཏི… ‘‘ཛཱགརིཡཾ ¶ ཨནནུཡུཏྟོམྷཱི’’ཏི… ‘‘ན སཏིསམྤཛཉྙེན སམནྣཱགཏོམྷཱི’’ཏི… ‘‘ཨབྷཱཝིཏཱ མེ ཙཏྟཱརོ སཏིཔཊྛཱནཱ’’ཏི… ‘‘ཨབྷཱཝིཏཱ མེ ཙཏྟཱརོ སམྨཔྤདྷཱནཱ’’ཏི… ‘‘ཨབྷཱཝིཏཱ མེ ཙཏྟཱརོ ཨིདྡྷིཔཱདཱ’’ཏི… ‘‘ཨབྷཱཝིཏཱནི མེ པཉྩིནྡྲིཡཱནཱི’’ཏི… ‘‘ཨབྷཱཝིཏཱནི མེ པཉྩ བལཱནཱི’’ཏི… ‘‘ཨབྷཱཝིཏཱ མེ སཏྟ བོཛ྄ཛྷངྒཱ’’ཏི… ‘‘ཨབྷཱཝིཏོ མེ ཨརིཡོ ཨཊྛངྒིཀོ མགྒོ’’ཏི… ‘‘དུཀྑཾ མེ ཨཔརིཉྙཱཏ’’ནྟི… ‘‘དུཀྑསམུདཡོ མེ ཨཔྤཧཱིནོ’’ཏི… ‘‘མགྒོ མེ ཨབྷཱཝིཏོ’’ཏི… ‘‘ནིརོདྷོ མེ ཨསཙྪིཀཏོ’’ཏི ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོ. ཏཀྐཱསཡཾ ཀུཀྐུཙྩཉྩུཔཙྪིནྡེཏི. ཏཀྐཉྩ ཏཀྐཱསཡཉྩ ཀུཀྐུཙྩཉྩ ཨུཔཙྪིནྡེཡྻ ཚིནྡེཡྻ ཨུཙྪིནྡེཡྻ སམུཙྪིནྡེཡྻ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻཱཏི – ཏཀྐཱསཡཾ ཀུཀྐུཙྩཉྩུཔཙྪིནྡེ.

‘‘ཨོཀྑིཏྟཙཀྑུ ན ཙ པཱདལོལོ, ཛྷཱནཱནུཡུཏྟོ བཧུཛཱགརསྶ;

ཨུཔེཀྑམཱརབྦྷ སམཱཧིཏཏྟོ, ཏཀྐཱསཡཾ ཀུཀྐུཙྩཉྩུཔཙྪིནྡེ’’ཏི.

ཙུདིཏོ ¶ ¶ ཝཙཱིབྷི སཏིམཱབྷིནནྡེ, སབྲཧྨཙཱརཱིསུ ཁིལཾ པབྷིནྡེ;

ཝཱཙཾ པམུཉྩེ ཀུསལཾ ནཱཏིཝེལཾ, ཛནཝཱདདྷམྨཱཡ ན ཙེཏཡེཡྻ.

ཙུདིཏོ ཝཙཱིབྷི སཏིམཱབྷིནནྡེཏི. ཙུདིཏོཏི ཨུཔཛ྄ཛྷཱཡཱ ཝཱ ¶ ཨཱཙརིཡཱ ཝཱ སམཱནུཔཛ྄ཛྷཱཡཀཱ ཝཱ སམཱནཱཙརིཡཀཱ ཝཱ མིཏྟཱ ཝཱ སནྡིཊྛཱ ཝཱ སམྦྷཏྟཱ ཝཱ སཧཱཡཱ ཝཱ ཙོདེནྟི – ‘‘ཨིདཾ ཏེ, ཨཱཝུསོ, ཨཡུཏྟཾ, ཨིདཾ ཏེ ཨཔྤཏྟཾ, ཨིདཾ ཏེ ཨསཱརུཔྤཾ, ཨིདཾ ཏེ ཨསཱིལཊྛ’’ནྟི. སཏིཾ ཨུཔཊྛཔེཏྭཱ ཏཾ ཙོདནཾ ནནྡེཡྻ ཨབྷིནནྡེཡྻ མོདེཡྻ ཨནུམོདེཡྻ ཨིཙྪེཡྻ སཱདིཡེཡྻ པཏྠཡེཡྻ པིཧཡེཡྻ ཨབྷིཛཔྤེཡྻ. ཡཐཱ ཨིཏྠཱི ཝཱ པུརིསོ ཝཱ དཧརོ ཡུཝཱ མཎྜནཛཱཏིཀོ སཱིསཾནྷཱཏོ ཨུཔྤལམཱལཾ ཝཱ ཝསྶིཀམཱལཾ ཝཱ ཨདྷིམུཏྟཀམཱལཾ ཝཱ ལབྷིཏྭཱ ཨུབྷོཧི ཧཏྠེཧི པཊིགྒཧེཏྭཱ ཨུཏྟམངྒེ སིརསྨིཾ པཏིཊྛཱཔེཏྭཱ ནནྡེཡྻ ཨབྷིནནྡེཡྻ མོདེཡྻ ཨནུམོདེཡྻ ཨིཙྪེཡྻ སཱདིཡེཡྻ པཏྠཡེཡྻ པིཧཡེཡྻ ཨབྷིཛཔྤེཡྻ; ཨེཝམེཝ སཏིཾ ཨུཔཊྛཔེཏྭཱ ཏཾ ཙོདནཾ ནནྡེཡྻ ཨབྷིནནྡེཡྻ མོདེཡྻ ཨནུམོདེཡྻ ཨིཙྪེཡྻ སཱདིཡེཡྻ པཏྠཡེཡྻ པིཧཡེཡྻ ཨབྷིཛཔྤེཡྻ.

‘‘ནིདྷཱིནཾཝ [ནིདྷིནཾཝ (ཀ.) དྷ. པ. ༧༦] པཝཏྟཱརཾ, ཡཾ པསྶེ ཝཛྫདསྶིནཾ;

ནིགྒཡ྄ཧཝཱདིཾ མེདྷཱཝིཾ, ཏཱདིསཾ པཎྜིཏཾ བྷཛེ.

‘‘ཏཱདིསཾ བྷཛམཱནསྶ, སེཡྻོ ཧོཏི ན པཱཔིཡོ;

ཨོཝདེཡྻཱནུསཱསེཡྻ, ཨསབྦྷཱ ཙ ནིཝཱརཡེ;

སཏཉྷི སོ པིཡོ ཧོཏི, ཨསཏཾ ཧོཏི ཨཔྤིཡོ’’ཏི.

ཙུདིཏོ ཝཙཱིབྷི སཏིམཱབྷིནནྡེ, སབྲཧྨཙཱརཱིསུ ཁིལཾ པབྷིནྡེཏི. སབྲཧྨཙཱརཱིཏི ཨེཀཀམྨཾ ཨེཀུདྡེསོ ¶ སམསིཀྑཏཱ. སབྲཧྨཙཱརཱིསུ ཁིལཾ པབྷིནྡེཏི. སབྲཧྨཙཱརཱིསུ ཨཱཧཏཙིཏྟཏཾ ཁིལཛཱཏཏཾ པབྷིནྡེཡྻ ¶ , པཉྩཔི ཙེཏོཁིལེ བྷིནྡེཡྻ, ཏཡོཔི ཙེཏོཁིལེ བྷིནྡེཡྻ, རཱགཁིལཾ དོསཁིལཾ མོཧཁིལཾ བྷིནྡེཡྻ པབྷིནྡེཡྻ སམྦྷིནྡེཡྻཱཏི – སབྲཧྨཙཱརཱིསུ ཁིལཾ པབྷིནྡེ.

ཝཱཙཾ ¶ ¶ པམུཉྩེ ཀུསལཾ ནཱཏིཝེལནྟི. ཉཱཎསམུཊྛིཏཾ ཝཱཙཾ མུཉྩེཡྻ, ཨཏྠཱུཔསཾཧིཏཾ དྷམྨཱུཔསཾཧིཏཾ ཀཱལེན སཱཔདེསཾ པརིཡནྟཝཏིཾ ཝཱཙཾ མུཉྩེཡྻ པམུཉྩེཡྻཱཏི – ཝཱཙཾ པམུཉྩེ ཀུསལཾ. ནཱཏིཝེལནྟི. ཝེལཱཏི དྭེ ཝེལཱ – ཀཱལཝེལཱ ཙ སཱིལཝེལཱ ཙ. ཀཏམཱ ཀཱལཝེལཱ? ཀཱལཱཏིཀྐནྟཾ ཝཱཙཾ ན བྷཱསེཡྻ, ཝེལཱཏིཀྐནྟཾ ཝཱཙཾ ན བྷཱསེཡྻ, ཀཱལཝེལཱཏིཀྐནྟཾ ཝཱཙཾ ན བྷཱསེཡྻ, ཀཱལཾ ཨསམྤཏྟཾ ཝཱཙཾ ན བྷཱསེཡྻ, ཝེལཾ ཨསམྤཏྟཾ ཝཱཙཾ ན བྷཱསེཡྻ, ཀཱལཝེལཾ ཨསམྤཏྟཾ ཝཱཙཾ ན བྷཱསེཡྻ.

‘‘ཡོ ཝེ [ཙ (སྱཱ.)] ཀཱལེ ཨསམྤཏྟེ, ཨཏིཝེལཉྩ བྷཱསཏི;

ཨེཝཾ སོ ནིཧཏོ སེཏི, ཀོཀིལཱཡེཝ [ཀོཀིལིཡཱཝ (སྱཱ.)] ཨཏྲཛོ’’ཏི.

ཨཡཾ ཀཱལཝེལཱ. ཀཏམཱ སཱིལཝེལཱ? རཏྟོ ཝཱཙཾ ན བྷཱསེཡྻ, དུཊྛོ ཝཱཙཾ ན བྷཱསེཡྻ, མཱུལ༹ྷོ ཝཱཙཾ ན བྷཱསེཡྻ, མུསཱཝཱདཾ ན བྷཱསེཡྻ, པིསུཎཝཱཙཾ ན བྷཱསེཡྻ, ཕརུསཝཱཙཾ ན བྷཱསེཡྻ, སམྥཔྤལཱཔཾ ན བྷཱསེཡྻ ན ཀཐེཡྻ ན བྷཎེཡྻ ན དཱིཔཡེཡྻ ན ཝོཧརེཡྻ. ཨཡཾ སཱིལཝེལཱཏི ¶ – ཝཱཙཾ པམུཉྩེ ཀུསལཾ ནཱཏིཝེལཾ.

ཛནཝཱདདྷམྨཱཡ ན ཙེཏཡེཡྻཱཏི. ཛནཱཏི ཁཏྟིཡཱ ཙ བྲཱཧྨཎཱ ཙ ཝེསྶཱ ཙ སུདྡཱ ཙ གཧཊྛཱ ཙ པབྦཛིཏཱ ཙ དེཝཱ ¶ ཙ མནུསྶཱ ཙ. ཛནསྶ ཝཱདཱཡ ཨུཔཝཱདཱཡ ནིནྡཱཡ གརཧཱཡ ཨཀིཏྟིཡཱ ཨཝཎྞཧཱརིཀཱཡ སཱིལཝིཔཏྟིཡཱ ཝཱ ཨཱཙཱརཝིཔཏྟིཡཱ ཝཱ དིཊྛིཝིཔཏྟིཡཱ ཝཱ ཨཱཛཱིཝཝིཔཏྟིཡཱ ཝཱ ན ཙེཏཡེཡྻ ཙེཏནཾ ན ཨུཔྤཱདེཡྻ ཙིཏྟཾ ན ཨུཔྤཱདེཡྻ སངྐཔྤཾ ན ཨུཔྤཱདེཡྻ མནསིཀཱརཾ ན ཨུཔྤཱདེཡྻཱཏི – ཛནཝཱདདྷམྨཱཡ ན ཙེཏཡེཡྻ.

‘‘ཙུདིཏོ ཝཙཱིབྷི སཏིམཱབྷིནནྡེ, སབྲཧྨཙཱརཱིསུ ཁིལཾ པབྷིནྡེ;

ཝཱཙཾ པམུཉྩེ ཀུསལཾ ནཱཏིཝེལཾ, ཛནཝཱདདྷམྨཱཡ ན ཙེཏཡེཡྻཱ’’ཏི.

ཨཐཱཔརཾ པཉྩ རཛཱནི ལོཀེ, ཡེསཾ སཏཱིམཱ ཝིནཡཱཡ སིཀྑེ;

རཱུཔེསུ སདྡེསུ ཨཐོ རསེསུ, གནྡྷེསུ ཕསྶེསུ སཧེཐ རཱགཾ.

ཨཐཱཔརཾ ¶ ¶ པཉྩ རཛཱནི ལོཀེཏི. ཨཐཱཏི པདསནྡྷི པདསཾསགྒོ པདཔཱརིཔཱུརཱི ཨཀྑརསམཝཱཡོ བྱཉྫནསིལིཊྛཏཱ པདཱནུཔུབྦཏཱཔེཏཾ – ཨཐཱཏི. པཉྩ རཛཱནཱིཏི རཱུཔརཛོ, སདྡརཛོ, གནྡྷརཛོ, རསརཛོ, ཕོཊྛབྦརཛོ.

‘‘རཱགོ ¶ རཛོ ན ཙ པན རེཎུ ཝུཙྩཏི, རཱགསྶེཏཾ ཨདྷིཝཙནཾ རཛོཏི;

ཨེཏཾ རཛཾ ཝིཔྤཛཧིཏྭཱ [པཊིཝིནོདིཏྭཱ (ཀ.)] པཎྜིཏཱ, ཝིཧརནྟི ཏེ ཝིགཏརཛསྶ སཱསནེ.

‘‘དོསོ རཛོ ན ཙ པན རེཎུ ཝུཙྩཏི…པེ…;

‘‘མོཧོ རཛོ ན ཙ པན རེཎུ ཝུཙྩཏི…པེ…;

ལོཀེཏི ¶ ཨཔཱཡལོཀེ མནུསྶལོཀེ དེཝལོཀེ ཁནྡྷལོཀེ དྷཱཏུལོཀེ ཨཱཡཏནལོཀེཏི – ཨཐཱཔརཾ པཉྩ རཛཱནི ལོཀེ.

ཡེསཾ སཏཱིམཱ ཝིནཡཱཡ སིཀྑེཏི. ཡེསནྟི རཱུཔརཱགསྶ སདྡརཱགསྶ གནྡྷརཱགསྶ རསརཱགསྶ ཕོཊྛབྦརཱགསྶ. སཏཱིམཱཏི ཡཱ སཏི ཨནུསྶཏི པཊིསྶཏི སཏི སརཎཏཱ དྷཱརཎཏཱ ཨཔིལཱཔནཏཱ ཨསམྨུསྶནཏཱ སཏིནྡྲིཡཾ སཏིབལཾ སམྨཱསཏི སཏིསམྦོཛ྄ཛྷངྒོ ཨེཀཱཡནམགྒོ – ཨཡཾ ཝུཙྩཏི སཏི. ཨིམཱཡ སཏིཡཱ ཨུཔེཏོ སམུཔེཏོ ཨུཔགཏོ སམུཔགཏོ ཨུཔཔནྣོ སམུཔཔནྣོ སམནྣཱགཏོ. སོ ཝུཙྩཏི སཏིམཱ ¶ . སིཀྑེཏི ཏིསྶོ སིཀྑཱ – ཨདྷིསཱིལསིཀྑཱ, ཨདྷིཙིཏྟསིཀྑཱ, ཨདྷིཔཉྙཱསིཀྑཱ. ཀཏམཱ ཨདྷིསཱིལསིཀྑཱ…པེ… ཨཡཾ ཨདྷིཔཉྙཱསིཀྑཱ. ཡེསཾ སཏཱིམཱ ཝིནཡཱཡ སིཀྑེཏི. སཏིམཱ པུགྒལོ ཡེསཾ རཱུཔརཱགསྶ སདྡརཱགསྶ གནྡྷརཱགསྶ རསརཱགསྶ ཕོཊྛབྦརཱགསྶ ཝིནཡཱཡ པཊིཝིནཡཱཡ པཧཱནཱཡ ཝཱུཔསམཱཡ པཊིནིསྶགྒཱཡ པཊིཔསྶདྡྷིཡཱ ཨདྷིསཱིལམྤི སིཀྑེཡྻ ཨདྷིཙིཏྟམྤི སིཀྑེཡྻ ཨདྷིཔཉྙམྤི སིཀྑེཡྻ, ཨིམཱ ཏིསྶོ སིཀྑཱཡོ ཨཱཝཛྫནྟོ སིཀྑེཡྻ, ཛཱནནྟོ སིཀྑེཡྻ…པེ… སཙྪིཀཱཏབྦཾ སཙྪིཀརོནྟོ སིཀྑེཡྻ ཨཱཙརེཡྻ སམཱཙརེཡྻ སམཱདཱཡ ཝཏྟེཡྻཱཏི – ཡེསཾ སཏཱིམཱ ཝིནཡཱཡ སིཀྑེ.

རཱུཔེསུ ¶ ¶ སདྡེསུ ཨཐོ རསེསུ, གནྡྷེསུ ཕསྶེསུ སཧེཐ རཱགནྟི. རཱུཔེསུ སདྡེསུ གནྡྷེསུ རསེསུ ཕོཊྛབྦེསུ རཱགཾ སཧེཡྻ པརིསཧེཡྻ ཨབྷིབྷཝེཡྻ ཨཛ྄ཛྷོཏྠརེཡྻ པརིཡཱདིཡེཡྻ མདྡེཡྻཱཏི – རཱུཔེསུ སདྡེསུ ཨཐོ རསེསུ གནྡྷེསུ ཕསྶེསུ སཧེཐ རཱགཾ.

‘‘ཨཐཱཔརཾ པཉྩ རཛཱནི ལོཀེ, ཡེསཾ སཏཱིམཱ ཝིནཡཱཡ སིཀྑེ;

རཱུཔེསུ སདྡེསུ ཨཐོ རསེསུ, གནྡྷེསུ ཕསྶེསུ སཧེཐ རཱག’’ནྟི.

ཨེཏེསུ དྷམྨེསུ ཝིནེཡྻ ཚནྡཾ, བྷིཀྑུ སཏིམཱ སུཝིམུཏྟཙིཏྟོ;

ཀཱལེ ¶ ¶ སོ སམྨཱ དྷམྨཾ པརིཝཱིམཾསམཱནོ, ཨེཀོདིབྷཱུཏོ ཝིཧནེ ཏམཾ སོ. [ཨིཏི བྷགཝཱ]

ཨེཏེསུ དྷམྨེསུ ཝིནེཡྻ ཚནྡནྟི. ཨེཏེསཱུཏི རཱུཔེསུ སདྡེསུ གནྡྷེསུ རསེསུ ཕོཊྛབྦེསུ. ཚནྡོཏི ཡོ ཀཱམེསུ ཀཱམཙྪནྡོ ཀཱམརཱགོ ཀཱམནནྡཱི ཀཱམཏཎྷཱ ཀཱམསྣེཧོ ཀཱམཔརིལཱ༹ཧོ ཀཱམམུཙྪཱ ཀཱམཛ྄ཛྷོསཱནཾ ཀཱམོགྷོ ཀཱམཡོགོ ཀཱམུཔཱདཱནཾ…པེ… ཀཱམཙྪནྡནཱིཝརཎཾ. ཨེཏེསུ དྷམྨེསུ ཝིནེཡྻ ཚནྡནྟི. ཨེཏེསུ དྷམྨེསུ ཚནྡཾ ཝིནེཡྻ པཊིཝིནེཡྻ པཛཧེཡྻ ཝིནོདེཡྻ བྱནྟིཾ ཀརེཡྻ ཨནབྷཱཝཾ གམེཡྻཱཏི – ཨེཏེསུ དྷམྨེསུ ཝིནེཡྻ ཚནྡཾ.

བྷིཀྑུ སཏིམཱ སུཝིམུཏྟཙིཏྟོཏི. བྷིཀྑཱུཏི པུཐུཛྫནཀལྱཱཎཀོ ཝཱ བྷིཀྑུ, སེཁོ ཝཱ བྷིཀྑུ. སཏིམཱཏི ཡཱ སཏི ཨནུསྶཏི…པེ… སམྨཱསཏི སཏིསམྦོཛ྄ཛྷངྒོ ཨེཀཱཡནམགྒོ – ཨཡཾ ཝུཙྩཏི སཏི. ཨིམཱཡ སཏིཡཱ ཨུཔེཏོ སམུཔེཏོ…པེ… སོ ཝུཙྩཏི སཏིམཱ.

བྷིཀྑུ སཏིམཱ སུཝིམུཏྟཙིཏྟོཏི. པཋམཾ ཛྷཱནཾ སམཱཔནྣསྶ ནཱིཝརཎེཧི ཙིཏྟཾ མུཏྟཾ ཝིམུཏྟཾ སུཝིམུཏྟཾ, དུཏིཡཾ ཛྷཱནཾ སམཱཔནྣསྶ ཝིཏཀྐཝིཙཱརེཧི ཙིཏྟཾ མུཏྟཾ ཝིམུཏྟཾ སུཝིམུཏྟཾ, ཏཏིཡཾ ཛྷཱནཾ སམཱཔནྣསྶ པཱིཏིཡཱ ཙ ཙིཏྟཾ མུཏྟཾ ཝིམུཏྟཾ སུཝིམུཏྟཾ, ཙཏུཏྠཾ ཛྷཱནཾ སམཱཔནྣསྶ སུཁདུཀྑེཧི ཙིཏྟཾ མུཏྟཾ ཝིམུཏྟཾ སུཝིམུཏྟཾ; ཨཱཀཱསཱནཉྩཱཡཏནཾ སམཱཔནྣསྶ རཱུཔསཉྙཱཡ པཊིགྷསཉྙཱཡ ནཱནཏྟསཉྙཱཡ ཙིཏྟཾ མུཏྟཾ ཝིམུཏྟཾ སུཝིམུཏྟཾ, ཝིཉྙཱཎཉྩཱཡཏནཾ སམཱཔནྣསྶ ¶ ཨཱཀཱསཱནཉྩཱཡཏནསཉྙཱཡ ¶ ཙིཏྟཾ… ཨཱཀིཉྩཉྙཱཡཏནཾ སམཱཔནྣསྶ ཝིཉྙཱཎཉྩཱཡཏནསཉྙཱཡ ཙིཏྟཾ… ནེཝསཉྙཱནཱསཉྙཱཡཏནཾ སམཱཔནྣསྶ ཨཱཀིཉྩཉྙཱཡཏནསཉྙཱཡ ཙིཏྟཾ མུཏྟཾ ཝིམུཏྟཾ སུཝིམུཏྟཾ; སོཏཱཔནྣསྶ སཀྐཱཡདིཊྛིཡཱ ཝིཙིཀིཙྪཱཡ སཱིལབྦཏཔརཱམཱསཱ ¶ དིཊྛཱནུསཡཱ ཝིཙིཀིཙྪཱནུསཡཱ ཏདེཀཊྛེཧི ཙ ཀིལེསེཧི ཙིཏྟཾ མུཏྟཾ ཝིམུཏྟཾ སུཝིམུཏྟཾ, སཀདཱགཱམིསྶ ཨོལཱ༹རིཀཱ ཀཱམརཱགཱནུསཡཱ པཊིགྷཱནུསཡཱ ཏདེཀཊྛེཧི ཙ ཀིལེསེཧི ཙིཏྟཾ མུཏྟཾ ཝིམུཏྟཾ སུཝིམུཏྟཾ ¶ , ཨནཱགཱམིསྶ ཨནུསཧགཏཱ ཀཱམརཱགསཉྙོཛནཱ པཊིགྷསཉྙོཛནཱ ཨནུསཧགཏཱ ཀཱམརཱགཱནུསཡཱ པཊིགྷཱནུསཡཱ ཏདེཀཊྛེཧི ཙ ཀིལེསེཧི ཙིཏྟཾ མུཏྟཾ ཝིམུཏྟཾ སུཝིམུཏྟཾ, ཨརཧཏོ རཱུཔརཱགཱ ཨརཱུཔརཱགཱ མཱནཱ ཨུདྡྷཙྩཱ ཨཝིཛྫཱཡ མཱནཱནུསཡཱ བྷཝརཱགཱནུསཡཱ ཨཝིཛྫཱནུསཡཱ ཏདེཀཊྛེཧི ཙ ཀིལེསེཧི བཧིདྡྷཱ ཙ སབྦནིམིཏྟེཧི ཙིཏྟཾ མུཏྟཾ ཝིམུཏྟཾ སུཝིམུཏྟནྟི – བྷིཀྑུ སཏིམཱ སུཝིམུཏྟཙིཏྟོ.

ཀཱལེན སོ སམྨཱ དྷམྨཾ པརིཝཱིམཾསམཱནོཏི. ཀཱལེནཱཏི ཨུདྡྷཏེ ཙིཏྟེ སམཐསྶ [སམཱདྷིསྶ (སཱི.)] ཀཱལོ, སམཱཧིཏེ ཙིཏྟེ ཝིཔསྶནཱཡ ཀཱལོ.

‘‘ཀཱལེ པགྒཎྷཏི ཙིཏྟཾ, ནིགྒཎྷཏི པུནཱཔརེ [ཨཐཱཔརེ (སྱཱ.)];

སམྤཧཾསཏི ཀཱལེན, ཀཱལེ ཙིཏྟཾ སམཱདཧེ.

‘‘ཨཛ྄ཛྷུཔེཀྑཏི ཀཱལེན, སོ ཡོགཱི ཀཱལཀོཝིདོ;

ཀིམྷི ཀཱལམྷི པགྒཱཧོ, ཀིམྷི ཀཱལེ ཝིནིགྒཧོ.

‘‘ཀིམྷི ¶ པཧཾསནཱཀཱལོ, སམཐཀཱལོ ཙ ཀཱིདིསོ;

ཨུཔེཀྑཱཀཱལཾ ཙིཏྟསྶ, ཀཐཾ དསྶེཏི ཡོགིནོ.

‘‘ལཱིནེ ཙིཏྟམྷི པགྒཱཧོ, ཨུདྡྷཏསྨིཾ ཝིནིགྒཧོ;

ནིརསྶཱདགཏཾ ཙིཏྟཾ, སམྤཧཾསེཡྻ ཏཱཝདེ.

‘‘སམྤཧཊྛཾ ཡདཱ ཙིཏྟཾ, ཨལཱིནཾ བྷཝཏིནུདྡྷཏཾ;

སམཐསྶ ཙ སོ [སམཐནིམིཏྟསྶ སོ (སཱི. ཀ.)] ཀཱལོ, ཨཛ྄ཛྷཏྟཾ རམཡེ མནོ.

‘‘ཨེཏེན མེཝུཔཱཡེན, ཡདཱ ཧོཏི སམཱཧིཏཾ;

སམཱཧིཏཙིཏྟམཉྙཱཡ, ཨཛ྄ཛྷུཔེཀྑེཡྻ ཏཱཝདེ.

‘‘ཨེཝཾ ¶ ¶ ཀཱལཝིདཱུ དྷཱིརོ, ཀཱལཉྙཱུ ཀཱལཀོཝིདོ;

ཀཱལེན ཀཱལཾ ཙིཏྟསྶ, ནིམིཏྟམུཔལཀྑཡེ’’ཏི.

ཀཱལེན སོ སམྨཱ དྷམྨཾ པརིཝཱིམཾསམཱནོཏི. ‘‘སབྦེ སངྑཱརཱ ཨནིཙྩཱ’’ཏི སམྨཱ དྷམྨཾ པརིཝཱིམཾསམཱནོ, ‘‘སབྦེ སངྑཱརཱ ¶ དུཀྑཱ’’ཏི སམྨཱ དྷམྨཾ པརིཝཱིམཾསམཱནོ, ‘‘སབྦེ དྷམྨཱ ཨནཏྟཱ’’ཏི སམྨཱ དྷམྨཾ པརིཝཱིམཾསམཱནོ…པེ… ‘‘ཡཾ ཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨ’’ནྟི – སམྨཱ དྷམྨཾ པརིཝཱིམཾསམཱནོ.

ཨེཀོདིབྷཱུཏོ ཝིཧནེ ཏམཾ སོ, ཨིཏི བྷགཝཱཏི. ཨེཀོདཱིཏི ཨེཀགྒཙིཏྟོ ཨཝིཀྑིཏྟཙིཏྟོ ཨཝིསཱཧཊམཱནསོ སམཐོ སམཱདྷིནྡྲིཡཾ སམཱདྷིབལཾ སམྨཱསམཱདྷཱིཏི – ཨེཀོདིབྷཱུཏོ. ཝིཧནེ ཏམཾ སོཏི རཱགཏམཾ དོསཏམཾ མོཧཏམཾ དིཊྛིཏམཾ མཱནཏམཾ ཀིལེསཏམཾ དུཙྩརིཏཏམཾ ཨནྡྷཀརཎཾ ཨཙཀྑུཀརཎཾ ཨཉྙཱཎཀརཎཾ པཉྙཱནིརོདྷིཀཾ ཝིགྷཱཏཔཀྑིཀཾ ཨནིབྦཱནསཾཝཏྟནིཀཾ ཧནེཡྻ ཝིཧནེཡྻ པཛཧེཡྻ ཝིནོདེཡྻ ¶ བྱནྟིཾ ཀརེཡྻ ཨནབྷཱཝཾ གམེཡྻ.

བྷགཝཱཏི གཱརཝཱདྷིཝཙནཾ. ཨཔི ཙ བྷགྒརཱགོཏི བྷགཝཱ, བྷགྒདོསོཏི བྷགཝཱ, བྷགྒམོཧོཏི བྷགཝཱ, བྷགྒམཱནོཏི བྷགཝཱ, བྷགྒདིཊྛཱིཏི བྷགཝཱ, བྷགྒཀཎྜཀོཏི བྷགཝཱ, བྷགྒཀིལེསོཏི བྷགཝཱ, བྷཛི ཝིབྷཛི པཝིབྷཛི དྷམྨརཏནནྟི བྷགཝཱ, བྷཝཱནཾ ཨནྟཀརོཏི བྷགཝཱ, བྷཱཝིཏཀཱཡོ བྷཱཝིཏསཱིལོ བྷཱཝིཏཙིཏྟོ བྷཱཝིཏཔཉྙོཏི བྷགཝཱ, བྷཛི ཝཱ བྷགཝཱ ཨརཉྙཝནཔཏྠཱནི པནྟཱནི སེནཱསནཱནི ཨཔྤསདྡཱནི ཨཔྤནིགྒྷོསཱནི ཝིཛནཝཱཏཱནི མནུསྶརཱཧསྶེཡྻཀཱནི པཊིསལླཱནསཱརུཔྤཱནཱིཏི བྷགཝཱ, བྷཱགཱི ཝཱ བྷགཝཱ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནནྟི བྷགཝཱ, བྷཱགཱི ཝཱ བྷགཝཱ ཨཏྠརསསྶ དྷམྨརསསྶ ཝིམུཏྟིརསསྶ ཨདྷིསཱིལསྶ ཨདྷིཙིཏྟསྶ ཨདྷིཔཉྙཱཡཱཏི བྷགཝཱ, བྷཱགཱི ཝཱ བྷགཝཱ ཙཏུནྣཾ ཛྷཱནཱནཾ ཙཏུནྣཾ ཨཔྤམཉྙཱནཾ ཙཏུནྣཾ ཨརཱུཔསམཱཔཏྟཱིནནྟི བྷགཝཱ, བྷཱགཱི ཝཱ བྷགཝཱ ཨཊྛནྣཾ ཝིམོཀྑཱནཾ ཨཊྛནྣཾ ཨབྷིབྷཱཡཏནཱནཾ ནཝནྣཾ ཨནུཔུབྦཝིཧཱརསམཱཔཏྟཱིནནྟི བྷགཝཱ, བྷཱགཱི ཝཱ བྷགཝཱ དསནྣཾ སཉྙཱབྷཱཝནཱནཾ དསནྣཾ ཀསིཎསམཱཔཏྟཱིནཾ ཨཱནཱཔཱནསྶཏིསམཱདྷིསྶ ཨསུབྷསམཱཔཏྟིཡཱཏི བྷགཝཱ, བྷཱགཱི ཝཱ བྷགཝཱ ཙཏུནྣཾ སཏིཔཊྛཱནཱནཾ ཙཏུནྣཾ སམྨཔྤདྷཱནཱནཾ ¶ ཙཏུནྣཾ ཨིདྡྷིཔཱདཱནཾ པཉྩནྣཾ ཨིནྡྲིཡཱནཾ པཉྩནྣཾ བལཱནཾ སཏྟནྣཾ བོཛ྄ཛྷངྒཱནཾ ཨརིཡསྶ ཨཊྛངྒིཀསྶ མགྒསྶཱཏི བྷགཝཱ, བྷཱགཱི ཝཱ བྷགཝཱ དསནྣཾ ཏཐཱགཏབལཱནཾ ཙཏུནྣཾ ¶ ཝེསཱརཛྫཱནཾ ཙཏུནྣཾ པཊིསམྦྷིདཱནཾ ཚནྣཾ ཨབྷིཉྙཱནཾ ཚནྣཾ བུདྡྷདྷམྨཱནནྟི བྷགཝཱ ¶ , བྷགཝཱཏི ནེཏཾ ནཱམཾ མཱཏརཱ ཀཏཾ ན པིཏརཱ ཀཏཾ ན བྷཱཏརཱ ཀཏཾ ན བྷགིནིཡཱ ཀཏཾ ན མིཏྟཱམཙྩེཧི ཀཏཾ ན ¶ ཉཱཏིསཱལོཧིཏེཧི ཀཏཾ ན སམཎབྲཱཧྨཎེཧི ཀཏཾ ན དེཝཏཱཧི ཀཏཾ; ཝིམོཀྑནྟིཀམེཏཾ བུདྡྷཱནཾ བྷགཝནྟཱནཾ བོདྷིཡཱ མཱུལེ སཧ སབྦཉྙུཏཉཱཎསྶ པཊིལཱབྷཱ སཙྪིཀཱ པཉྙཏྟི ཡདིདཾ བྷགཝཱཏི – ཨེཀོདིབྷཱུཏོ ཝིཧནེ ཏམཾ སོ ཨིཏི བྷགཝཱ.

‘‘ཨེཏེསུ དྷམྨེསུ ཝིནེཡྻ ཚནྡཾ, བྷིཀྑུ སཏིམཱ སུཝིམུཏྟཙིཏྟོ;

ཀཱལེན སོ སམྨཱ དྷམྨཾ པརིཝཱིམཾསམཱནོ, ཨེཀོདིབྷཱུཏོ ཝིཧནེ ཏམཾ སོ’’. [ཨིཏི བྷགཝཱཏི]

སཱརིཔུཏྟསུཏྟནིདྡེསོ སོལ༹སམོ.

ཨཊྛཀཝགྒམྷི སོལ༹ས སུཏྟནིདྡེསཱ སམཏྟཱ.