📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

ཁུདྡཀནིཀཱཡེ

པཊིསམྦྷིདཱམགྒཔཱལི༹

༡. མཧཱཝགྒོ

མཱཏིཀཱ

༡. སོཏཱཝདྷཱནེ ¶ ¶ ¶ ¶ པཉྙཱ སུཏམཡེ ཉཱཎཾ.

༢. སུཏྭཱན སཾཝརེ པཉྙཱ སཱིལམཡེ ཉཱཎཾ.

༣. སཾཝརིཏྭཱ སམཱདཧནེ པཉྙཱ སམཱདྷིབྷཱཝནཱམཡེ ཉཱཎཾ.

༤. པཙྩཡཔརིགྒཧེ པཉྙཱ དྷམྨཊྛིཏིཉཱཎཾ.

༥. ཨཏཱིཏཱནཱགཏཔཙྩུཔྤནྣཱནཾ དྷམྨཱནཾ སངྑིཔིཏྭཱ ཝཝཏྠཱནེ པཉྙཱ སམྨསནེ ཉཱཎཾ.

༦. པཙྩུཔྤནྣཱནཾ དྷམྨཱནཾ ཝིཔརིཎཱམཱནུཔསྶནེ པཉྙཱ ཨུདཡབྦཡཱནུཔསྶནེ ཉཱཎཾ.

༧. ཨཱརམྨཎཾ པཊིསངྑཱ བྷངྒཱནུཔསྶནེ པཉྙཱ ཝིཔསྶནེ ཉཱཎཾ.

༨. བྷཡཏུཔཊྛཱནེ པཉྙཱ ཨཱདཱིནཝེ ཉཱཎཾ.

༩. མུཉྩིཏུཀམྱཏཱཔཊིསངྑཱསནྟིཊྛནཱ ¶ པཉྙཱ སངྑཱརུཔེཀྑཱསུ ཉཱཎཾ.

༡༠. བཧིདྡྷཱ ཝུཊྛཱནཝིཝཊྚནེ པཉྙཱ གོཏྲབྷུཉཱཎཾ.

༡༡. དུབྷཏོ ཝུཊྛཱནཝིཝཊྚནེ པཉྙཱ མགྒེ ཉཱཎཾ.

༡༢. པཡོགཔྤཊིཔྤསྶདྡྷི པཉྙཱ ཕལེ ཉཱཎཾ ¶ .

༡༣. ཚིནྣཝཊུམཱནུཔསྶནེ ¶ [ཚིནྣམནུཔསྶནེ (སྱཱ.), ཚིནྣཝཊྚམནུཔསྶནེ (སཱི. ཨཊྛ.)] པཉྙཱ ཝིམུཏྟིཉཱཎཾ.

༡༤. ཏདཱ སམུདཱགཏེ [སམུཔཱགཏེ (སྱཱ.)] དྷམྨེ པསྶནེ པཉྙཱ པཙྩཝེཀྑཎེ ཉཱཎཾ.

༡༥. ཨཛ྄ཛྷཏྟཝཝཏྠཱནེ པཉྙཱ ཝཏྠུནཱནཏྟེ ཉཱཎཾ.

༡༦. བཧིདྡྷཱཝཝཏྠཱནེ པཉྙཱ གོཙརནཱནཏྟེ ཉཱཎཾ.

༡༧. ཙརིཡཱཝཝཏྠཱནེ པཉྙཱ ཙརིཡཱནཱནཏྟེ ཉཱཎཾ.

༡༨. ཙཏུདྷམྨཝཝཏྠཱནེ པཉྙཱ བྷཱུམིནཱནཏྟེ ཉཱཎཾ.

༡༩. ནཝདྷམྨཝཝཏྠཱནེ པཉྙཱ དྷམྨནཱནཏྟེ ཉཱཎཾ.

༢༠. ཨབྷིཉྙཱཔཉྙཱ ཉཱཏཊྛེ ཉཱཎཾ.

༢༡. པརིཉྙཱཔཉྙཱ ཏཱིརཎཊྛེ ཉཱཎཾ.

༢༢. པཧཱནེ པཉྙཱ པརིཙྩཱགཊྛེ ཉཱཎཾ.

༢༣. བྷཱཝནཱཔཉྙཱ ཨེཀརསཊྛེ ཉཱཎཾ.

༢༤. སཙྪིཀིརིཡཱཔཉྙཱ ཕསྶནཊྛེ [ཕུསནཊྛེ (ཀ.)] ཉཱཎཾ.

༢༥. ཨཏྠནཱནཏྟེ པཉྙཱ ཨཏྠཔཊིསམྦྷིདེ ¶ ཉཱཎཾ.

༢༦. དྷམྨནཱནཏྟེ པཉྙཱ དྷམྨཔཊིསམྦྷིདེ ཉཱཎཾ.

༢༧. ནིརུཏྟིནཱནཏྟེ པཉྙཱ ནིརུཏྟིཔཊིསམྦྷིདེ ཉཱཎཾ.

༢༨. པཊིབྷཱནནཱནཏྟེ པཉྙཱ [པཊིབྷཱཎནཱནཏྟེ (སྱཱ.)] པཊིབྷཱནཔཊིསམྦྷིདེ ཉཱཎཾ.

༢༩. ཝིཧཱརནཱནཏྟེ པཉྙཱ ཝིཧཱརཊྛེ ཉཱཎཾ.

༣༠. སམཱཔཏྟིནཱནཏྟེ པཉྙཱ སམཱཔཏྟཊྛེ ཉཱཎཾ.

༣༡. ཝིཧཱརསམཱཔཏྟིནཱནཏྟེ པཉྙཱ ཝིཧཱརསམཱཔཏྟཊྛེ ཉཱཎཾ.

༣༢. ཨཝིཀྑེཔཔརིསུདྡྷཏྟཱ ཨཱསཝསམུཙྪེདེ པཉྙཱ ཨཱནནྟརིཀསམཱདྷིམྷི ཉཱཎཾ.

༣༣. དསྶནཱདྷིཔཏེཡྻཾ སནྟོ ཙ ཝིཧཱརཱདྷིགམོ པཎཱིཏཱདྷིམུཏྟཏཱ པཉྙཱ ཨརཎཝིཧཱརེ ཉཱཎཾ.

༣༤. དྭཱིཧི ¶ བལེཧི སམནྣཱགཏཏྟཱ ཏཡོ ཙ སངྑཱརཱནཾ པཊིཔྤསྶདྡྷིཡཱ སོལ༹སཧི ཉཱཎཙརིཡཱཧི ནཝཧི སམཱདྷིཙརིཡཱཧི ཝསིབྷཱཝཏཱ པཉྙཱ ནིརོདྷསམཱཔཏྟིཡཱ ཉཱཎཾ.

༣༥. སམྤཛཱནསྶ པཝཏྟཔརིཡཱདཱནེ ¶ པཉྙཱ པརིནིབྦཱནེ ཉཱཎཾ.

༣༦. སབྦདྷམྨཱནཾ སམྨཱ སམུཙྪེདེ ནིརོདྷེ ཙ ཨནུཔཊྛཱནཏཱ པཉྙཱ སམསཱིསཊྛེ ཉཱཎཾ.

༣༧. པུཐུནཱནཏྟཏེཛཔརིཡཱདཱནེ ¶ པཉྙཱ སལླེཁཊྛེ ཉཱཎཾ.

༣༨. ཨསལླཱིནཏྟཔཧིཏཏྟཔགྒཧཊྛེ པཉྙཱ ཝཱིརིཡཱརམྦྷེ ཉཱཎཾ.

༣༩. ནཱནཱདྷམྨཔྤཀཱསནཏཱ པཉྙཱ ཨཏྠསནྡསྶནེ ཉཱཎཾ.

༤༠. སབྦདྷམྨཱནཾ ཨེཀསངྒཧཏཱནཱནཏྟེཀཏྟཔཊིཝེདྷེ པཉྙཱ དསྶནཝིསུདྡྷིཉཱཎཾ.

༤༡. ཝིདིཏཏྟཱ པཉྙཱ ཁནྟིཉཱཎཾ.

༤༢. ཕུཊྛཏྟཱ པཉྙཱ པརིཡོགཱཧཎེ [པརིཡོགཱཧནེ (སྱཱ.)] ཉཱཎཾ.

༤༣. སམོདཧནེ པཉྙཱ པདེསཝིཧཱརེ ཉཱཎཾ.

༤༤. ཨདྷིཔཏཏྟཱ པཉྙཱ སཉྙཱཝིཝཊྚེ ཉཱཎཾ.

༤༥. ནཱནཏྟེ པཉྙཱ ཙེཏོཝིཝཊྚེ ཉཱཎཾ.

༤༦. ཨདྷིཊྛཱནེ པཉྙཱ ཙིཏྟཝིཝཊྚེ ཉཱཎཾ.

༤༧. སུཉྙཏེ པཉྙཱ ཉཱཎཝིཝཊྚེ ཉཱཎཾ.

༤༨. ཝོསགྒེ [ཝོསྶགྒེ (བཧཱུསུ)] པཉྙཱ ཝིམོཀྑཝིཝཊྚེ ཉཱཎཾ.

༤༩. ཏཐཊྛེ པཉྙཱ སཙྩཝིཝཊྚེ ཉཱཎཾ.

༥༠. ཀཱཡམྤི ཙིཏྟམྤི ཨེཀཝཝཏྠཱནཏཱ སུཁསཉྙཉྩ ལཧུསཉྙཉྩ ཨདྷིཊྛཱནཝསེན ཨིཛ྄ཛྷནཊྛེ པཉྙཱ ཨིདྡྷིཝིདྷེ ཉཱཎཾ.

༥༡. ཝིཏཀྐཝིཔྥཱརཝསེན ནཱནཏྟེཀཏྟསདྡནིམིཏྟཱནཾ པརིཡོགཱཧཎེ པཉྙཱ སོཏདྷཱཏུཝིསུདྡྷིཉཱཎཾ.

༥༢. ཏིཎྞནྣཾ ¶ ཙིཏྟཱནཾ ཝིཔྥཱརཏྟཱ ཨིནྡྲིཡཱནཾ པསཱདཝསེན ནཱནཏྟེཀཏྟཝིཉྙཱཎཙརིཡཱ པརིཡོགཱཧཎེ པཉྙཱ ཙེཏོཔརིཡཉཱཎཾ.

༥༣. པཙྩཡཔྤཝཏྟཱནཾ དྷམྨཱནཾ ནཱནཏྟེཀཏྟཀམྨཝིཔྥཱརཝསེན པརིཡོགཱཧཎེ པཉྙཱ པུབྦེནིཝཱསཱནུསྶཏིཉཱཎཾ.

༥༤. ཨོབྷཱསཝསེན ནཱནཏྟེཀཏྟརཱུཔནིམིཏྟཱནཾ དསྶནཊྛེ པཉྙཱ དིབྦཙཀྑུཉཱཎཾ.

༥༥. ཙཏུསཊྛིཡཱ ཨཱཀཱརེཧི ཏིཎྞནྣཾ ཨིནྡྲིཡཱནཾ ཝསཱིབྷཱཝཏཱ ¶ པཉྙཱ ཨཱསཝཱནཾ ཁཡེ ཉཱཎཾ.

༥༦. པརིཉྙཊྛེ པཉྙཱ དུཀྑེ ཉཱཎཾ.

༥༧. པཧཱནཊྛེ པཉྙཱ སམུདཡེ ¶ ཉཱཎཾ.

༥༨. སཙྪིཀིརིཡཊྛེ པཉྙཱ ནིརོདྷེ ཉཱཎཾ.

༥༩. བྷཱཝནཊྛེ པཉྙཱ མགྒེ ཉཱཎཾ.

༦༠. དུཀྑེ ཉཱཎཾ.

༦༡. དུཀྑསམུདཡེ ཉཱཎཾ.

༦༢. དུཀྑནིརོདྷེ ¶ ཉཱཎཾ.

༦༣. དུཀྑནིརོདྷགཱམིནིཡཱ པཊིཔདཱཡ ཉཱཎཾ.

༦༤. ཨཏྠཔཊིསམྦྷིདེ ཉཱཎཾ.

༦༥. དྷམྨཔཊིསམྦྷིདེ ཉཱཎཾ.

༦༦. ནིརུཏྟིཔཊིསམྦྷིདེ ཉཱཎཾ.

༦༧. པཊིབྷཱནཔཊིསམྦྷིདེ ཉཱཎཾ.

༦༨. ཨིནྡྲིཡཔརོཔརིཡཏྟེ ཉཱཎཾ.

༦༩. སཏྟཱནཾ ཨཱསཡཱནུསཡེ ཉཱཎཾ.

༧༠. ཡམཀཔཱཊིཧཱིརེ ཉཱཎཾ.

༧༡. མཧཱཀརུཎཱསམཱཔཏྟིཡཱ ཉཱཎཾ.

༧༢. སབྦཉྙུཏཉཱཎཾ.

༧༣. ཨནཱཝརཎཉཱཎཾ ¶ .

ཨིམཱནི ཏེསཏྟཏི ཉཱཎཱནི. ཨིམེསཾ ཏེསཏྟཏིཡཱ ཉཱཎཱནཾ སཏྟསཊྛི ཉཱཎཱནི སཱཝཀསཱདྷཱརཎཱནི; ཚ ཉཱཎཱནི ཨསཱདྷཱརཎཱནི སཱཝཀེཧི.

མཱཏིཀཱ ནིཊྛིཏཱ.

༡. ཉཱཎཀཐཱ

༡. སུཏམཡཉཱཎནིདྡེསོ

༡. ཀཐཾ ¶ ¶ ¶ སོཏཱཝདྷཱནེ པཉྙཱ སུཏམཡེ ཉཱཎཾ?

‘‘ཨིམེ དྷམྨཱ ཨབྷིཉྙེཡྻཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ.

‘‘ཨིམེ དྷམྨཱ པརིཉྙེཡྻཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ.

‘‘ཨིམེ དྷམྨཱ པཧཱཏབྦཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ.

‘‘ཨིམེ དྷམྨཱ བྷཱཝེཏབྦཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ.

‘‘ཨིམེ དྷམྨཱ སཙྪིཀཱཏབྦཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ.

‘‘ཨིམེ དྷམྨཱ ཧཱནབྷཱགིཡཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ.

‘‘ཨིམེ དྷམྨཱ ཋིཏིབྷཱགིཡཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ.

‘‘ཨིམེ དྷམྨཱ ཝིསེསབྷཱགིཡཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ.

‘‘ཨིམེ དྷམྨཱ ནིབྦེདྷབྷཱགིཡཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ.

‘‘སབྦེ ¶ སངྑཱརཱ ཨནིཙྩཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ.

‘‘སབྦེ སངྑཱརཱ དུཀྑཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ.

‘‘སབྦེ དྷམྨཱ ཨནཏྟཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ.

‘‘ཨིདཾ དུཀྑཾ ཨརིཡསཙྩ’’ནྟི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ.

‘‘ཨིདཾ དུཀྑསམུདཡཾ ¶ [དུཀྑསམུདཡོ (སྱཱ.)] ཨརིཡསཙྩ’’ནྟི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ.

‘‘ཨིདཾ དུཀྑནིརོདྷཾ [དུཀྑནིརོདྷོ (སྱཱ.) ཨཊྛཀཐཱ ཨོལོཀེཏབྦཱ] ཨརིཡསཙྩ’’ནྟི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ.

‘‘ཨིདཾ དུཀྑནིརོདྷགཱམིནཱི པཊིཔདཱ ཨརིཡསཙྩ’’ནྟི ¶ སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ.

༢. ཀཐཾ ¶ ‘‘ཨིམེ དྷམྨཱ ཨབྷིཉྙེཡྻཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ?

ཨེཀོ དྷམྨོ ཨབྷིཉྙེཡྻོ – སབྦེ སཏྟཱ ཨཱཧཱརཊྛིཏིཀཱ. དྭེ དྷམྨཱ ཨབྷིཉྙེཡྻཱ – དྭེ དྷཱཏུཡོ. ཏཡོ དྷམྨཱ ཨབྷིཉྙེཡྻཱ – ཏིསྶོ དྷཱཏུཡོ. ཙཏྟཱརོ དྷམྨཱ ཨབྷིཉྙེཡྻཱ – ཙཏྟཱརི ཨརིཡསཙྩཱནི. པཉྩ དྷམྨཱ ཨབྷིཉྙེཡྻཱ – པཉྩ ཝིམུཏྟཱཡཏནཱནི. ཚ དྷམྨཱ ཨབྷིཉྙེཡྻཱ – ཚ ཨནུཏྟརིཡཱནི. སཏྟ དྷམྨཱ ཨབྷིཉྙེཡྻཱ – སཏྟ ནིདྡསཝཏྠཱུནི. ཨཊྛ དྷམྨཱ ཨབྷིཉྙེཡྻཱ – ཨཊྛ ཨབྷིབྷཱཡཏནཱནི. ནཝ དྷམྨཱ ཨབྷིཉྙེཡྻཱ – ནཝ ཨནུཔུབྦཝིཧཱརཱ. དས དྷམྨཱ ཨབྷིཉྙེཡྻཱ – དས ནིཛྫརཝཏྠཱུནི.

༣. ‘‘སབྦཾ, བྷིཀྑཝེ, ཨབྷིཉྙེཡྻཾ. ཀིཉྩ, བྷིཀྑཝེ, སབྦཾ ཨབྷིཉྙེཡྻཾ? ཙཀྑུ [ཙཀྑུཾ (སྱཱ. ཀ.)], བྷིཀྑཝེ, ཨབྷིཉྙེཡྻཾ; རཱུཔཱ ཨབྷིཉྙེཡྻཱ; ཙཀྑུཝིཉྙཱཎཾ ཨབྷིཉྙེཡྻཾ; ཙཀྑུསམྥསྶོ ཨབྷིཉྙེཡྻོ; ཡམྤིདཾ [ཡམིདཾ (ཀ.) སཾ. ནི. ༤.༥༢ པསྶིཏབྦོ] ཙཀྑུསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ, ཏམྤི ཨབྷིཉྙེཡྻཾ. སོཏཾ ཨབྷིཉྙེཡྻཾ; སདྡཱ ¶ ཨབྷིཉྙེཡྻཱ…པེ… གྷཱནཾ ཨབྷིཉྙེཡྻཾ; གནྡྷཱ ཨབྷིཉྙེཡྻཱ… ཛིཝ྄ཧཱ ཨབྷིཉྙེཡྻཱ; རསཱ ཨབྷིཉྙེཡྻཱ… ཀཱཡོ ཨབྷིཉྙེཡྻོ; ཕོཊྛབྦཱ ཨབྷིཉྙེཡྻཱ… མནོ ¶ ཨབྷིཉྙེཡྻོ; དྷམྨཱ ཨབྷིཉྙེཡྻཱ; མནོཝིཉྙཱཎཾ ཨབྷིཉྙེཡྻཾ, མནོསམྥསྶོ ཨབྷིཉྙེཡྻོ; ཡམྤིདཾ མནོསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ, ཏམྤི ཨབྷིཉྙེཡྻཾ.’’

རཱུཔཾ ཨབྷིཉྙེཡྻཾ; ཝེདནཱ ཨབྷིཉྙེཡྻཱ; སཉྙཱ ཨབྷིཉྙེཡྻཱ; སངྑཱརཱ ཨབྷིཉྙེཡྻཱ; ཝིཉྙཱཎཾ ཨབྷིཉྙེཡྻཾ.

ཙཀྑུ ཨབྷིཉྙེཡྻཾ; སོཏཾ ཨབྷིཉྙེཡྻཾ; གྷཱནཾ ཨབྷིཉྙེཡྻཾ; ཛིཝ྄ཧཱ ཨབྷིཉྙེཡྻཱ; ཀཱཡོ ཨབྷིཉྙེཡྻོ; མནོ ཨབྷིཉྙེཡྻོ. རཱུཔཱ ཨབྷིཉྙེཡྻཱ; སདྡཱ ཨབྷིཉྙེཡྻཱ; གནྡྷཱ ཨབྷིཉྙེཡྻཱ; རསཱ ཨབྷིཉྙེཡྻཱ; ཕོཊྛབྦཱ ཨབྷིཉྙེཡྻཱ; དྷམྨཱ ཨབྷིཉྙེཡྻཱ. ཙཀྑུཝིཉྙཱཎཾ ཨབྷིཉྙེཡྻཾ; སོཏཝིཉྙཱཎཾ ཨབྷིཉྙེཡྻཾ; གྷཱནཝིཉྙཱཎཾ ཨབྷིཉྙེཡྻཾ; ཛིཝ྄ཧཱཝིཉྙཱཎཾ ཨབྷིཉྙེཡྻཾ; ཀཱཡཝིཉྙཱཎཾ ཨབྷིཉྙེཡྻཾ; མནོཝིཉྙཱཎཾ ཨབྷིཉྙེཡྻཾ. ཙཀྑུསམྥསྶོ ཨབྷིཉྙེཡྻོ ¶ ; སོཏསམྥསྶོ ཨབྷིཉྙེཡྻོ; གྷཱནསམྥསྶོ ཨབྷིཉྙེཡྻོ; ཛིཝ྄ཧཱསམྥསྶོ ཨབྷིཉྙེཡྻོ; ཀཱཡསམྥསྶོ ཨབྷིཉྙེཡྻོ; མནོསམྥསྶོ ཨབྷིཉྙེཡྻོ; ཙཀྑུསམྥསྶཛཱ ཝེདནཱ ཨབྷིཉྙེཡྻཱ; སོཏསམྥསྶཛཱ ཝེདནཱ ཨབྷིཉྙེཡྻཱ; གྷཱནསམྥསྶཛཱ ཝེདནཱ ཨབྷིཉྙེཡྻཱ ¶ ; ཛིཝ྄ཧཱསམྥསྶཛཱ ཝེདནཱ ཨབྷིཉྙེཡྻཱ; ཀཱཡསམྥསྶཛཱ ཝེདནཱ ཨབྷིཉྙེཡྻཱ; མནོསམྥསྶཛཱ ཝེདནཱ ཨབྷིཉྙེཡྻཱ. རཱུཔསཉྙཱ ཨབྷིཉྙེཡྻཱ; སདྡསཉྙཱ ཨབྷིཉྙེཡྻཱ; གནྡྷསཉྙཱ ཨབྷིཉྙེཡྻཱ ¶ ; རསསཉྙཱ ཨབྷིཉྙེཡྻཱ; ཕོཊྛབྦསཉྙཱ ཨབྷིཉྙེཡྻཱ; དྷམྨསཉྙཱ ཨབྷིཉྙེཡྻཱ. རཱུཔསཉྩེཏནཱ ཨབྷིཉྙེཡྻཱ; སདྡསཉྩེཏནཱ ཨབྷིཉྙེཡྻཱ; གནྡྷསཉྩེཏནཱ ཨབྷིཉྙེཡྻཱ; རསསཉྩེཏནཱ ཨབྷིཉྙེཡྻཱ; ཕོཊྛབྦསཉྩེཏནཱ ཨབྷིཉྙེཡྻཱ; དྷམྨསཉྩེཏནཱ ཨབྷིཉྙེཡྻཱ. རཱུཔཏཎྷཱ ཨབྷིཉྙེཡྻཱ; སདྡཏཎྷཱ ཨབྷིཉྙེཡྻཱ; གནྡྷཏཎྷཱ ཨབྷིཉྙེཡྻཱ; རསཏཎྷཱ ཨབྷིཉྙེཡྻཱ; ཕོཊྛབྦཏཎྷཱ ཨབྷིཉྙེཡྻཱ; དྷམྨཏཎྷཱ ཨབྷིཉྙེཡྻཱ. རཱུཔཝིཏཀྐོ ཨབྷིཉྙེཡྻོ; སདྡཝིཏཀྐོ ཨབྷིཉྙེཡྻོ; གནྡྷཝིཏཀྐོ ཨབྷིཉྙེཡྻོ; རསཝིཏཀྐོ ཨབྷིཉྙེཡྻོ; ཕོཊྛབྦཝིཏཀྐོ ཨབྷིཉྙེཡྻོ; དྷམྨཝིཏཀྐོ ཨབྷིཉྙེཡྻོ. རཱུཔཝིཙཱརོ ཨབྷིཉྙེཡྻོ; སདྡཝིཙཱརོ ཨབྷིཉྙེཡྻོ ¶ ; གནྡྷཝིཙཱརོ ཨབྷིཉྙེཡྻོ; རསཝིཙཱརོ ཨབྷིཉྙེཡྻོ; ཕོཊྛབྦཝིཙཱརོ ཨབྷིཉྙེཡྻོ; དྷམྨཝིཙཱརོ ཨབྷིཉྙེཡྻོ.

༤. པཐཝཱིདྷཱཏུ ཨབྷིཉྙེཡྻཱ; ཨཱཔོདྷཱཏུ ཨབྷིཉྙེཡྻཱ; ཏེཛོདྷཱཏུ ཨབྷིཉྙེཡྻཱ; ཝཱཡོདྷཱཏུ ཨབྷིཉྙེཡྻཱ; ཨཱཀཱསདྷཱཏུ ཨབྷིཉྙེཡྻཱ; ཝིཉྙཱཎདྷཱཏུ ཨབྷིཉྙེཡྻཱ.

པཐཝཱིཀསིཎཾ ཨབྷིཉྙེཡྻཾ; ཨཱཔོཀསིཎཾ ཨབྷིཉྙེཡྻཾ; ཏེཛོཀསིཎཾ ཨབྷིཉྙེཡྻཾ; ཝཱཡོཀསིཎཾ ཨབྷིཉྙེཡྻཾ; ནཱིལཀསིཎཾ ཨབྷིཉྙེཡྻཾ; པཱིཏཀསིཎཾ ཨབྷིཉྙེཡྻཾ; ལོཧིཏཀསིཎཾ ཨབྷིཉྙེཡྻཾ; ཨོདཱཏཀསིཎཾ ཨབྷིཉྙེཡྻཾ; ཨཱཀཱསཀསིཎཾ ཨབྷིཉྙེཡྻཾ; ཝིཉྙཱཎཀསིཎཾ ཨབྷིཉྙེཡྻཾ.

ཀེསཱ ¶ ཨབྷིཉྙེཡྻཱ; ལོམཱ ཨབྷིཉྙེཡྻཱ; ནཁཱ ཨབྷིཉྙེཡྻཱ; དནྟཱ ཨབྷིཉྙེཡྻཱ; ཏཙོ ཨབྷིཉྙེཡྻོ, མཾསཾ ཨབྷིཉྙེཡྻཾ; ནྷཱརཱུ [ནཧཱརཱུ (སྱཱ.)] ཨབྷིཉྙེཡྻཱ; ཨཊྛཱི ཨབྷིཉྙེཡྻཱ; ཨཊྛིམིཉྫཱ ཨབྷིཉྙེཡྻཱ [ཨཊྛིམཉྫཾ ཨབྷིཉྙེཡྻཾ (སྱཱ. ཀ.)]; ཝཀྐཾ ཨབྷིཉྙེཡྻཾ; ཧདཡཾ ཨབྷིཉྙེཡྻཾ; ཡཀནཾ ཨབྷིཉྙེཡྻཾ; ཀིལོམཀཾ ཨབྷིཉྙེཡྻཾ; པིཧཀཾ ཨབྷིཉྙེཡྻཾ; པཔྥཱསཾ ཨབྷིཉྙེཡྻཾ; ཨནྟཾ ¶ ཨབྷིཉྙེཡྻཾ ཨནྟགུཎཾ ཨབྷིཉྙེཡྻཾ; ཨུདརིཡཾ ཨབྷིཉྙེཡྻཾ; ཀརཱིསཾ ཨབྷིཉྙེཡྻཾ; པིཏྟཾ ཨབྷིཉྙེཡྻཾ; སེམྷཾ ཨབྷིཉྙེཡྻཾ; པུབྦོ ཨབྷིཉྙེཡྻོ; ལོཧིཏཾ ཨབྷིཉྙེཡྻཾ; སེདོ ཨབྷིཉྙེཡྻོ; མེདོ ཨབྷིཉྙེཡྻོ; ཨསྶུ ཨབྷིཉྙེཡྻཾ; ཝསཱ ཨབྷིཉྙེཡྻཱ; ཁེལོ༹ ཨབྷིཉྙེཡྻོ; སིངྒྷཱཎིཀཱ ཨབྷིཉྙེཡྻཱ; ལསིཀཱ ཨབྷིཉྙེཡྻཱ; མུཏྟཾ ཨབྷིཉྙེཡྻཾ; མཏྠལུངྒཾ ཨབྷིཉྙེཡྻཾ.

ཙཀྑཱཡཏནཾ ཨབྷིཉྙེཡྻཾ; རཱུཔཱཡཏནཾ ཨབྷིཉྙེཡྻཾ. སོཏཱཡཏནཾ ཨབྷིཉྙེཡྻཾ; སདྡཱཡཏནཾ ཨབྷིཉྙེཡྻཾ ¶ . གྷཱནཱཡཏནཾ ཨབྷིཉྙེཡྻཾ; གནྡྷཱཡཏནཾ ཨབྷིཉྙེཡྻཾ. ཛིཝ྄ཧཱཡཏནཾ ཨབྷིཉྙེཡྻཾ; རསཱཡཏནཾ ཨབྷིཉྙེཡྻཾ. ཀཱཡཱཡཏནཾ ཨབྷིཉྙེཡྻཾ; ཕོཊྛབྦཱཡཏནཾ ཨབྷིཉྙེཡྻཾ. མནཱཡཏནཾ ཨབྷིཉྙེཡྻཾ; དྷམྨཱཡཏནཾ ཨབྷིཉྙེཡྻཾ.

ཙཀྑུདྷཱཏུ ཨབྷིཉྙེཡྻཱ; རཱུཔདྷཱཏུ ཨབྷིཉྙེཡྻཱ; ཙཀྑུཝིཉྙཱཎདྷཱཏུ ཨབྷིཉྙེཡྻཱ. སོཏདྷཱཏུ ཨབྷིཉྙེཡྻཱ; སདྡདྷཱཏུ ཨབྷིཉྙེཡྻཱ; སོཏཝིཉྙཱཎདྷཱཏུ ཨབྷིཉྙེཡྻཱ. གྷཱནདྷཱཏུ ཨབྷིཉྙེཡྻཱ; གནྡྷདྷཱཏུ ཨབྷིཉྙེཡྻཱ; གྷཱནཝིཉྙཱཎདྷཱཏུ ཨབྷིཉྙེཡྻཱ. ཛིཝ྄ཧཱདྷཱཏུ ཨབྷིཉྙེཡྻཱ ¶ ; རསདྷཱཏུ ¶ ཨབྷིཉྙེཡྻཱ; ཛིཝ྄ཧཱཝིཉྙཱཎདྷཱཏུ ཨབྷིཉྙེཡྻཱ. ཀཱཡདྷཱཏུ ཨབྷིཉྙེཡྻཱ; ཕོཊྛབྦདྷཱཏུ ཨབྷིཉྙེཡྻཱ; ཀཱཡཝིཉྙཱཎདྷཱཏུ ཨབྷིཉྙེཡྻཱ. མནོདྷཱཏུ ཨབྷིཉྙེཡྻཱ; དྷམྨདྷཱཏུ ཨབྷིཉྙེཡྻཱ; མནོཝིཉྙཱཎདྷཱཏུ ཨབྷིཉྙེཡྻཱ.

ཙཀྑུནྡྲིཡཾ ཨབྷིཉྙེཡྻཾ; སོཏིནྡྲིཡཾ ཨབྷིཉྙེཡྻཾ; གྷཱནིནྡྲིཡཾ ཨབྷིཉྙེཡྻཾ; ཛིཝ྄ཧིནྡྲིཡཾ ཨབྷིཉྙེཡྻཾ; ཀཱཡིནྡྲིཡཾ ཨབྷིཉྙེཡྻཾ; མནིནྡྲིཡཾ ཨབྷིཉྙེཡྻཾ; ཛཱིཝིཏིནྡྲིཡཾ ཨབྷིཉྙེཡྻཾ; ཨིཏྠིནྡྲིཡཾ ཨབྷིཉྙེཡྻཾ; པུརིསིནྡྲིཡཾ ཨབྷིཉྙེཡྻཾ; སུཁིནྡྲིཡཾ ཨབྷིཉྙེཡྻཾ; དུཀྑིནྡྲིཡཾ ཨབྷིཉྙེཡྻཾ; སོམནསྶིནྡྲིཡཾ ཨབྷིཉྙེཡྻཾ; དོམནསྶིནྡྲིཡཾ ཨབྷིཉྙེཡྻཾ; ཨུཔེཀྑིནྡྲིཡཾ ཨབྷིཉྙེཡྻཾ; སདྡྷིནྡྲིཡཾ ཨབྷིཉྙེཡྻཾ; ཝཱིརིཡིནྡྲིཡཾ [ཝིརིཡིནྡྲིཡཾ (སྱཱ.)] ཨབྷིཉྙེཡྻཾ; སཏིནྡྲིཡཾ ཨབྷིཉྙེཡྻཾ; སམཱདྷིནྡྲིཡཾ ཨབྷིཉྙེཡྻཾ; པཉྙིནྡྲིཡཾ ཨབྷིཉྙེཡྻཾ; ཨནཉྙཱཏཉྙསྶཱམཱིཏིནྡྲིཡཾ ཨབྷིཉྙེཡྻཾ; ཨཉྙིནྡྲིཡཾ ཨབྷིཉྙེཡྻཾ; ཨཉྙཱཏཱཝིནྡྲིཡཾ ཨབྷིཉྙེཡྻཾ.

༥. ཀཱམདྷཱཏུ ཨབྷིཉྙེཡྻཱ; རཱུཔདྷཱཏུ ཨབྷིཉྙེཡྻཱ; ཨརཱུཔདྷཱཏུ ཨབྷིཉྙེཡྻཱ. ཀཱམབྷཝོ ཨབྷིཉྙེཡྻོ; རཱུཔབྷཝོ ཨབྷིཉྙེཡྻོ ¶ ; ཨརཱུཔབྷཝོ ཨབྷིཉྙེཡྻོ. སཉྙཱབྷཝོ ཨབྷིཉྙེཡྻོ; ཨསཉྙཱབྷཝོ ཨབྷིཉྙེཡྻོ; ནེཝསཉྙཱནཱསཉྙཱབྷཝོ ཨབྷིཉྙེཡྻོ. ཨེཀཝོཀཱརབྷཝོ ཨབྷིཉྙེཡྻོ; ཙཏུཝོཀཱརབྷཝོ ཨབྷིཉྙེཡྻོ; པཉྩཝོཀཱརབྷཝོ ཨབྷིཉྙེཡྻོ.

༦. པཋམཾ ཛྷཱནཾ [པཋམཛ྄ཛྷཱནཾ (སྱཱ.) ཨེཝམཱིདིསེསུ ཋཱནེསུ] ཨབྷིཉྙེཡྻཾ; དུཏིཡཾ ཛྷཱནཾ ཨབྷིཉྙེཡྻཾ; ཏཏིཡཾ ¶ ཛྷཱནཾ ཨབྷིཉྙེཡྻཾ; ཙཏུཏྠཾ ཛྷཱནཾ ཨབྷིཉྙེཡྻཾ. མེཏྟཱཙེཏོཝིམུཏྟི ཨབྷིཉྙེཡྻཱ; ཀརུཎཱཙེཏོཝིམུཏྟི ཨབྷིཉྙེཡྻཱ; མུདིཏཱཙེཏོཝིམུཏྟི ཨབྷིཉྙེཡྻཱ; ཨུཔེཀྑཱཙེཏོཝིམུཏྟི ཨབྷིཉྙེཡྻཱ. ཨཱཀཱསཱནཉྩཱཡཏནསམཱཔཏྟི ཨབྷིཉྙེཡྻཱ; ཝིཉྙཱཎཉྩཱཡཏནསམཱཔཏྟི ཨབྷིཉྙེཡྻཱ; ཨཱཀིཉྩཉྙཱཡཏནསམཱཔཏྟི ཨབྷིཉྙེཡྻཱ; ནེཝསཉྙཱནཱསཉྙཱཡཏནསམཱཔཏྟི ཨབྷིཉྙེཡྻཱ.

ཨཝིཛྫཱ ¶ ཨབྷིཉྙེཡྻཱ; སངྑཱརཱ ཨབྷིཉྙེཡྻཱ; ཝིཉྙཱཎཾ ཨབྷིཉྙེཡྻཾ; ནཱམརཱུཔཾ ཨབྷིཉྙེཡྻཾ; སལཱ༹ཡཏནཾ ཨབྷིཉྙེཡྻཾ; ཕསྶོ ཨབྷིཉྙེཡྻོ; ཝེདནཱ ཨབྷིཉྙེཡྻཱ; ཏཎྷཱ ཨབྷིཉྙེཡྻཱ; ཨུཔཱདཱནཾ ཨབྷིཉྙེཡྻཾ; བྷཝོ ཨབྷིཉྙེཡྻོ; ཛཱཏི ཨབྷིཉྙེཡྻཱ; ཛརཱམརཎཾ ཨབྷིཉྙེཡྻཾ.

༧. དུཀྑཾ ¶ ཨབྷིཉྙེཡྻཾ; དུཀྑསམུདཡོ ཨབྷིཉྙེཡྻོ; དུཀྑནིརོདྷོ ཨབྷིཉྙེཡྻོ; དུཀྑནིརོདྷགཱམིནཱི པཊིཔདཱ ཨབྷིཉྙེཡྻཱ. རཱུཔཾ ཨབྷིཉྙེཡྻཾ; རཱུཔསམུདཡོ ཨབྷིཉྙེཡྻོ; རཱུཔནིརོདྷོ ཨབྷིཉྙེཡྻོ; རཱུཔནིརོདྷགཱམིནཱི པཊིཔདཱ ཨབྷིཉྙེཡྻཱ. ཝེདནཱ ཨབྷིཉྙེཡྻཱ…པེ… སཉྙཱ ཨབྷིཉྙེཡྻཱ…པེ… སངྑཱརཱ ཨབྷིཉྙེཡྻཱ…པེ… ཝིཉྙཱཎཾ ཨབྷིཉྙེཡྻཾ. ཙཀྑུ ཨབྷིཉྙེཡྻཾ…པེ… ཛརཱམརཎཾ ཨབྷིཉྙེཡྻཾ; ཛརཱམརཎསམུདཡོ ཨབྷིཉྙེཡྻོ; ཛརཱམརཎནིརོདྷོ ཨབྷིཉྙེཡྻོ; ཛརཱམརཎནིརོདྷགཱམིནཱི པཊིཔདཱ ཨབྷིཉྙེཡྻཱ.

དུཀྑསྶ པརིཉྙཊྛོ ཨབྷིཉྙེཡྻོ; དུཀྑསམུདཡསྶ པཧཱནཊྛོ ¶ ཨབྷིཉྙེཡྻོ; དུཀྑནིརོདྷསྶ སཙྪིཀིརིཡཊྛོ ཨབྷིཉྙེཡྻོ; དུཀྑནིརོདྷགཱམིནིཡཱ པཊིཔདཱཡ བྷཱཝནཊྛོ ཨབྷིཉྙེཡྻོ. རཱུཔསྶ པརིཉྙཊྛོ ཨབྷིཉྙེཡྻོ; རཱུཔསམུདཡསྶ པཧཱནཊྛོ ཨབྷིཉྙེཡྻོ; རཱུཔནིརོདྷསྶ སཙྪིཀིརིཡཊྛོ ཨབྷིཉྙེཡྻོ; རཱུཔནིརོདྷགཱམིནིཡཱ པཊིཔདཱཡ བྷཱཝནཊྛོ ཨབྷིཉྙེཡྻོ. ཝེདནཱཡ…པེ… སཉྙཱཡ… སངྑཱརཱནཾ… ཝིཉྙཱཎསྶ… ཙཀྑུསྶ…པེ… ཛརཱམརཎསྶ ¶ པརིཉྙཊྛོ ཨབྷིཉྙེཡྻོ; ཛརཱམརཎསམུདཡསྶ པཧཱནཊྛོ ཨབྷིཉྙེཡྻོ; ཛརཱམརཎནིརོདྷསྶ སཙྪིཀིརིཡཊྛོ ཨབྷིཉྙེཡྻོ; ཛརཱམརཎནིརོདྷགཱམིནིཡཱ པཊིཔདཱཡ བྷཱཝནཊྛོ ཨབྷིཉྙེཡྻོ.

དུཀྑསྶ པརིཉྙཱཔཊིཝེདྷཊྛོ ཨབྷིཉྙེཡྻོ; དུཀྑསམུདཡསྶ པཧཱནཔཊིཝེདྷཊྛོ ཨབྷིཉྙེཡྻོ; དུཀྑནིརོདྷསྶ སཙྪིཀིརིཡཱཔཊིཝེདྷཊྛོ ཨབྷིཉྙེཡྻོ; དུཀྑནིརོདྷགཱམིནིཡཱ པཊིཔདཱཡ བྷཱཝནཱཔཊིཝེདྷཊྛོ ཨབྷིཉྙེཡྻོ. རཱུཔསྶ པརིཉྙཱཔཊིཝེདྷཊྛོ ཨབྷིཉྙེཡྻོ; རཱུཔསམུདཡསྶ པཧཱནཔཊིཝེདྷཊྛོ ཨབྷིཉྙེཡྻོ; རཱུཔནིརོདྷསྶ སཙྪིཀིརིཡཱཔཊིཝེདྷཊྛོ ཨབྷིཉྙེཡྻོ; རཱུཔནིརོདྷགཱམིནིཡཱ པཊིཔདཱཡ བྷཱཝནཱཔཊིཝེདྷཊྛོ ཨབྷིཉྙེཡྻོ. ཝེདནཱཡ…པེ… སཉྙཱཡ… སངྑཱརཱནཾ… ཝིཉྙཱཎསྶ… ཙཀྑུསྶ…པེ… ཛརཱམརཎསྶ པརིཉྙཱཔཊིཝེདྷཊྛོ ཨབྷིཉྙེཡྻོ; ཛརཱམརཎསམུདཡསྶ པཧཱནཔཊིཝེདྷཊྛོ ཨབྷིཉྙེཡྻོ; ཛརཱམརཎནིརོདྷསྶ སཙྪིཀིརིཡཱཔཊིཝེདྷཊྛོ ཨབྷིཉྙེཡྻོ; ཛརཱམརཎནིརོདྷགཱམིནིཡཱ པཊིཔདཱཡ བྷཱཝནཱཔཊིཝེདྷཊྛོ ཨབྷིཉྙེཡྻོ.

༨. དུཀྑཾ ¶ ¶ ཨབྷིཉྙེཡྻཾ; དུཀྑསམུདཡོ ཨབྷིཉྙེཡྻོ; དུཀྑནིརོདྷོ ཨབྷིཉྙེཡྻོ; དུཀྑསྶ སམུདཡནིརོདྷོ ཨབྷིཉྙེཡྻོ; དུཀྑསྶ ཚནྡརཱགནིརོདྷོ ཨབྷིཉྙེཡྻོ; དུཀྑསྶ ཨསྶཱདོ ཨབྷིཉྙེཡྻོ; དུཀྑསྶ ཨཱདཱིནཝོ ¶ ཨབྷིཉྙེཡྻོ; དུཀྑསྶ ནིསྶརཎཾ ཨབྷིཉྙེཡྻཾ. རཱུཔཾ ཨབྷིཉྙེཡྻཾ; རཱུཔསམུདཡོ ཨབྷིཉྙེཡྻོ; རཱུཔནིརོདྷོ ཨབྷིཉྙེཡྻོ; རཱུཔསྶ སམུདཡནིརོདྷོ ཨབྷིཉྙེཡྻོ; རཱུཔསྶ ཚནྡརཱགནིརོདྷོ ཨབྷིཉྙེཡྻོ; རཱུཔསྶ ཨསྶཱདོ ཨབྷིཉྙེཡྻོ; རཱུཔསྶ ཨཱདཱིནཝོ ཨབྷིཉྙེཡྻོ; རཱུཔསྶ ནིསྶརཎཾ ཨབྷིཉྙེཡྻཾ. ཝེདནཱ ཨབྷིཉྙེཡྻཱ…པེ… སཉྙཱ ཨབྷིཉྙེཡྻཱ… སངྑཱརཱ ཨབྷིཉྙེཡྻཱ… ཝིཉྙཱཎཾ ཨབྷིཉྙེཡྻཾ… ཙཀྑུ ཨབྷིཉྙེཡྻཾ…པེ… ཛརཱམརཎཾ ཨབྷིཉྙེཡྻཾ; ཛརཱམརཎསམུདཡོ ཨབྷིཉྙེཡྻོ; ཛརཱམརཎནིརོདྷོ ཨབྷིཉྙེཡྻོ; ཛརཱམརཎསྶ སམུདཡནིརོདྷོ ཨབྷིཉྙེཡྻོ; ཛརཱམརཎསྶ ཚནྡརཱགནིརོདྷོ ཨབྷིཉྙེཡྻོ; ཛརཱམརཎསྶ ཨསྶཱདོ ཨབྷིཉྙེཡྻོ; ཛརཱམརཎསྶ ཨཱདཱིནཝོ ཨབྷིཉྙེཡྻོ; ཛརཱམརཎསྶ ནིསྶརཎཾ ཨབྷིཉྙེཡྻཾ.

དུཀྑཾ ཨབྷིཉྙེཡྻཾ; དུཀྑསམུདཡོ ཨབྷིཉྙེཡྻོ ¶ ; དུཀྑནིརོདྷོ ཨབྷིཉྙེཡྻོ; དུཀྑནིརོདྷགཱམིནཱི པཊིཔདཱ ཨབྷིཉྙེཡྻཱ; དུཀྑསྶ ཨསྶཱདོ ཨབྷིཉྙེཡྻོ; དུཀྑསྶ ཨཱདཱིནཝོ ཨབྷིཉྙེཡྻོ; དུཀྑསྶ ནིསྶརཎཾ ཨབྷིཉྙེཡྻཾ. རཱུཔཾ ཨབྷིཉྙེཡྻཾ; རཱུཔསམུདཡོ ཨབྷིཉྙེཡྻོ; རཱུཔནིརོདྷོ ཨབྷིཉྙེཡྻོ; རཱུཔནིརོདྷགཱམིནཱི པཊིཔདཱ ཨབྷིཉྙེཡྻཱ; རཱུཔསྶ ¶ ཨསྶཱདོ ཨབྷིཉྙེཡྻོ; རཱུཔསྶ ཨཱདཱིནཝོ ཨབྷིཉྙེཡྻོ; རཱུཔསྶ ནིསྶརཎཾ ཨབྷིཉྙེཡྻཾ. ཝེདནཱ ཨབྷིཉྙེཡྻཱ…པེ… སཉྙཱ ཨབྷིཉྙེཡྻཱ… སངྑཱརཱ ཨབྷིཉྙེཡྻཱ… ཝིཉྙཱཎཾ ཨབྷིཉྙེཡྻཾ… ཙཀྑུ ཨབྷིཉྙེཡྻཾ…པེ… ཛརཱམརཎཾ ཨབྷིཉྙེཡྻཾ; ཛརཱམརཎསམུདཡོ ཨབྷིཉྙེཡྻོ; ཛརཱམརཎནིརོདྷོ ཨབྷིཉྙེཡྻོ; ཛརཱམརཎནིརོདྷགཱམིནཱི པཊིཔདཱ ཨབྷིཉྙེཡྻཱ; ཛརཱམརཎསྶ ཨསྶཱདོ ཨབྷིཉྙེཡྻོ; ཛརཱམརཎསྶ ཨཱདཱིནཝོ ཨབྷིཉྙེཡྻོ; ཛརཱམརཎསྶ ནིསྶརཎཾ ཨབྷིཉྙེཡྻཾ.

༩. ཨནིཙྩཱནུཔསྶནཱ ཨབྷིཉྙེཡྻཱ; དུཀྑཱནུཔསྶནཱ ཨབྷིཉྙེཡྻཱ; ཨནཏྟཱནུཔསྶནཱ ཨབྷིཉྙེཡྻཱ; ནིབྦིདཱནུཔསྶནཱ ཨབྷིཉྙེཡྻཱ; ཝིརཱགཱནུཔསྶནཱ ཨབྷིཉྙེཡྻཱ; ནིརོདྷཱནུཔསྶནཱ ཨབྷིཉྙེཡྻཱ; པཊིནིསྶགྒཱནུཔསྶནཱ ཨབྷིཉྙེཡྻཱ. རཱུཔེ ཨནིཙྩཱནུཔསྶནཱ ཨབྷིཉྙེཡྻཱ; རཱུཔེ དུཀྑཱནུཔསྶནཱ ཨབྷིཉྙེཡྻཱ; རཱུཔེ ཨནཏྟཱནུཔསྶནཱ ཨབྷིཉྙེཡྻཱ; རཱུཔེ ནིབྦིདཱནུཔསྶནཱ ཨབྷིཉྙེཡྻཱ; རཱུཔེ ཝིརཱགཱནུཔསྶནཱ ཨབྷིཉྙེཡྻཱ; རཱུཔེ ནིརོདྷཱནུཔསྶནཱ ཨབྷིཉྙེཡྻཱ; རཱུཔེ པཊིནིསྶགྒཱནུཔསྶནཱ ཨབྷིཉྙེཡྻཱ. ཝེདནཱཡ…པེ… སཉྙཱཡ… སངྑཱརེསུ… ཝིཉྙཱཎེ… ཙཀྑུསྨིཾ…པེ… ཛརཱམརཎེ ཨནིཙྩཱནུཔསྶནཱ ¶ ཨབྷིཉྙེཡྻཱ; ཛརཱམརཎེ དུཀྑཱནུཔསྶནཱ ཨབྷིཉྙེཡྻཱ; ¶ ཛརཱམརཎེ ཨནཏྟཱནུཔསྶནཱ ཨབྷིཉྙེཡྻཱ; ཛརཱམརཎེ ནིབྦིདཱནུཔསྶནཱ ཨབྷིཉྙེཡྻཱ; ཛརཱམརཎེ ཝིརཱགཱནུཔསྶནཱ ཨབྷིཉྙེཡྻཱ ¶ ; ཛརཱམརཎེ ནིརོདྷཱནུཔསྶནཱ ཨབྷིཉྙེཡྻཱ; ཛརཱམརཎེ པཊིནིསྶགྒཱནུཔསྶནཱ ཨབྷིཉྙེཡྻཱ.

༡༠. ཨུཔྤཱདོ ཨབྷིཉྙེཡྻོ; པཝཏྟཾ ཨབྷིཉྙེཡྻཾ; ནིམིཏྟཾ ཨབྷིཉྙེཡྻཾ; ཨཱཡཱུཧནཱ [ཨཱཡུཧནཱ (སྱཱ.) ཨེཝམུཔརིཔི] ཨབྷིཉྙེཡྻཱ; པཊིསནྡྷི ཨབྷིཉྙེཡྻཱ; གཏི ཨབྷིཉྙེཡྻཱ; ནིབྦཏྟི ཨབྷིཉྙེཡྻཱ; ཨུཔཔཏྟི ཨབྷིཉྙེཡྻཱ; ཛཱཏི ཨབྷིཉྙེཡྻཱ; ཛརཱ ཨབྷིཉྙེཡྻཱ; བྱཱདྷི ཨབྷིཉྙེཡྻོ ¶ , མརཎཾ ཨབྷིཉྙེཡྻཾ; སོཀོ ཨབྷིཉྙེཡྻོ; པརིདེཝོ ཨབྷིཉྙེཡྻོ; ཨུཔཱཡཱསོ ཨབྷིཉྙེཡྻོ.

ཨནུཔྤཱདོ ཨབྷིཉྙེཡྻོ; ཨཔྤཝཏྟཾ ཨབྷིཉྙེཡྻཾ; ཨནིམིཏྟཾ ཨབྷིཉྙེཡྻཾ; ཨནཱཡཱུཧནཱ [ཨནཱཡུཧནཱ (སྱཱ.) ཨེཝམུཔརིཔི] ཨབྷིཉྙེཡྻཱ; ཨཔྤཊིསནྡྷི ཨབྷིཉྙེཡྻཱ; ཨགཏི ཨབྷིཉྙེཡྻཱ; ཨནིབྦཏྟི ཨབྷིཉྙེཡྻཱ; ཨནུཔཔཏྟི ཨབྷིཉྙེཡྻཱ; ཨཛཱཏི ཨབྷིཉྙེཡྻཱ; ཨཛརཱ ཨབྷིཉྙེཡྻཱ; ཨབྱཱདྷི ཨབྷིཉྙེཡྻོ; ཨམཏཾ ཨབྷིཉྙེཡྻཾ; ཨསོཀོ ཨབྷིཉྙེཡྻོ; ཨཔརིདེཝོ ཨབྷིཉྙེཡྻོ; ཨནུཔཱཡཱསོ ཨབྷིཉྙེཡྻོ.

ཨུཔྤཱདོ ཨབྷིཉྙེཡྻོ; ཨནུཔྤཱདོ ཨབྷིཉྙེཡྻོ; པཝཏྟཾ ཨབྷིཉྙེཡྻཾ; ཨཔྤཝཏྟཾ ཨབྷིཉྙེཡྻཾ. ནིམིཏྟཾ ཨབྷིཉྙེཡྻཾ; ཨནིམིཏྟཾ ཨབྷིཉྙེཡྻཾ. ཨཱཡཱུཧནཱ ཨབྷིཉྙེཡྻཱ; ཨནཱཡཱུཧནཱ ཨབྷིཉྙེཡྻཱ. པཊིསནྡྷི ཨབྷིཉྙེཡྻཱ; ཨཔྤཊིསནྡྷི ཨབྷིཉྙེཡྻཱ. གཏི ཨབྷིཉྙེཡྻཱ; ཨགཏི ཨབྷིཉྙེཡྻཱ. ནིབྦཏྟི ཨབྷིཉྙེཡྻཱ; ཨནིབྦཏྟི ཨབྷིཉྙེཡྻཱ. ཨུཔཔཏྟི ཨབྷིཉྙེཡྻཱ; ཨནུཔཔཏྟི ཨབྷིཉྙེཡྻཱ ¶ . ཛཱཏི ཨབྷིཉྙེཡྻཱ; ཨཛཱཏི ཨབྷིཉྙེཡྻཱ. ཛརཱ ཨབྷིཉྙེཡྻཱ; ཨཛརཱ ཨབྷིཉྙེཡྻཱ. བྱཱདྷི ཨབྷིཉྙེཡྻོ; ཨབྱཱདྷི ཨབྷིཉྙེཡྻོ. མརཎཾ ཨབྷིཉྙེཡྻཾ; ཨམཏཾ ཨབྷིཉྙེཡྻཾ. སོཀོ ཨབྷིཉྙེཡྻོ; ཨསོཀོ ཨབྷིཉྙེཡྻོ. པརིདེཝོ ཨབྷིཉྙེཡྻོ; ཨཔརིདེཝོ ཨབྷིཉྙེཡྻོ. ཨུཔཱཡཱསོ ཨབྷིཉྙེཡྻོ; ཨནུཔཱཡཱསོ ཨབྷིཉྙེཡྻོ.

ཨུཔྤཱདོ དུཀྑནྟི ཨབྷིཉྙེཡྻཾ. པཝཏྟཾ དུཀྑནྟི ཨབྷིཉྙེཡྻཾ. ནིམིཏྟཾ དུཀྑནྟི ཨབྷིཉྙེཡྻཾ. ཨཱཡཱུཧནཱ དུཀྑནྟི ཨབྷིཉྙེཡྻཾ. པཊིསནྡྷི དུཀྑནྟི ཨབྷིཉྙེཡྻཾ. གཏི ¶ དུཀྑནྟི ཨབྷིཉྙེཡྻཾ. ནིབྦཏྟི དུཀྑནྟི ཨབྷིཉྙེཡྻཾ. ཨུཔཔཏྟི དུཀྑནྟི ཨབྷིཉྙེཡྻཾ. ཛཱཏི དུཀྑནྟི ཨབྷིཉྙེཡྻཾ. ཛརཱ དུཀྑནྟི ཨབྷིཉྙེཡྻཾ. བྱཱདྷི དུཀྑནྟི ཨབྷིཉྙེཡྻཾ. མརཎཾ དུཀྑནྟི ཨབྷིཉྙེཡྻཾ. སོཀོ དུཀྑནྟི ཨབྷིཉྙེཡྻཾ. པརིདེཝོ དུཀྑནྟི ཨབྷིཉྙེཡྻཾ. ཨུཔཱཡཱསོ དུཀྑནྟི ཨབྷིཉྙེཡྻཾ.

ཨནུཔྤཱདོ ¶ སུཁནྟི ཨབྷིཉྙེཡྻཾ. ཨཔྤཝཏྟཾ སུཁནྟི ཨབྷིཉྙེཡྻཾ. ཨནིམིཏྟཾ སུཁནྟི ཨབྷིཉྙེཡྻཾ. ཨནཱཡཱུཧནཱ སུཁནྟི ཨབྷིཉྙེཡྻཾ. ཨཔྤཊིསནྡྷི སུཁནྟི ཨབྷིཉྙེཡྻཾ. ཨགཏི སུཁནྟི ཨབྷིཉྙེཡྻཾ. ཨནིབྦཏྟི སུཁནྟི ཨབྷིཉྙེཡྻཾ. ཨནུཔཔཏྟི སུཁནྟི ཨབྷིཉྙེཡྻཾ. ཨཛཱཏི སུཁནྟི ཨབྷིཉྙེཡྻཾ. ཨཛརཱ ¶ སུཁནྟི ཨབྷིཉྙེཡྻཾ. ཨབྱཱདྷི སུཁནྟི ཨབྷིཉྙེཡྻཾ. ཨམཏཾ སུཁནྟི ཨབྷིཉྙེཡྻཾ. ཨསོཀོ ¶ སུཁནྟི ཨབྷིཉྙེཡྻཾ. ཨཔརིདེཝོ སུཁནྟི ཨབྷིཉྙེཡྻཾ. ཨནུཔཱཡཱསོ སུཁནྟི ཨབྷིཉྙེཡྻཾ.

ཨུཔྤཱདོ དུཀྑཾ, ཨནུཔྤཱདོ སུཁནྟི ཨབྷིཉྙེཡྻཾ. པཝཏྟཾ དུཀྑཾ, ཨཔྤཝཏྟཾ སུཁནྟི ཨབྷིཉྙེཡྻཾ. ནིམིཏྟཾ དུཀྑཾ, ཨནིམིཏྟཾ སུཁནྟི ཨབྷིཉྙེཡྻཾ. ཨཱཡཱུཧནཱ དུཀྑཾ, ཨནཱཡཱུཧནཱ སུཁནྟི ཨབྷིཉྙེཡྻཾ. པཊིསནྡྷི དུཀྑཾ, ཨཔྤཊིསནྡྷི སུཁནྟི ཨབྷིཉྙེཡྻཾ. གཏི དུཀྑཾ, ཨགཏི སུཁནྟི ཨབྷིཉྙེཡྻཾ. ནིབྦཏྟི དུཀྑཾ, ཨནིབྦཏྟི སུཁནྟི ཨབྷིཉྙེཡྻཾ. ཨུཔཔཏྟི དུཀྑཾ, ཨནུཔཔཏྟི སུཁནྟི ཨབྷིཉྙེཡྻཾ. ཛཱཏི དུཀྑཾ, ཨཛཱཏི སུཁནྟི ཨབྷིཉྙེཡྻཾ. ཛརཱ དུཀྑཾ, ཨཛརཱ སུཁནྟི ཨབྷིཉྙེཡྻཾ. བྱཱདྷི དུཀྑཾ, ཨབྱཱདྷི སུཁནྟི ཨབྷིཉྙེཡྻཾ. མརཎཾ དུཀྑཾ, ཨམཏཾ སུཁནྟི ཨབྷིཉྙེཡྻཾ. སོཀོ དུཀྑཾ, ཨསོཀོ སུཁནྟི ཨབྷིཉྙེཡྻཾ. པརིདེཝོ དུཀྑཾ, ཨཔརིདེཝོ སུཁནྟི ཨབྷིཉྙེཡྻཾ. ཨུཔཱཡཱསོ དུཀྑཾ, ཨནུཔཱཡཱསོ སུཁནྟི ཨབྷིཉྙེཡྻཾ.

ཨུཔྤཱདོ བྷཡནྟི ཨབྷིཉྙེཡྻཾ. པཝཏྟཾ བྷཡནྟི ཨབྷིཉྙེཡྻཾ. ནིམིཏྟཾ བྷཡནྟི ཨབྷིཉྙེཡྻཾ. ཨཱཡཱུཧནཱ བྷཡནྟི ཨབྷིཉྙེཡྻཾ. པཊིསནྡྷི བྷཡནྟི ཨབྷིཉྙེཡྻཾ. གཏི བྷཡནྟི ཨབྷིཉྙེཡྻཾ. ནིབྦཏྟི བྷཡནྟི ཨབྷིཉྙེཡྻཾ. ཨུཔཔཏྟི བྷཡནྟི ཨབྷིཉྙེཡྻཾ. ཛཱཏི བྷཡནྟི ཨབྷིཉྙེཡྻཾ. ཛརཱ བྷཡནྟི ཨབྷིཉྙེཡྻཾ. བྱཱདྷི བྷཡནྟི ཨབྷིཉྙེཡྻཾ. མརཎཾ བྷཡནྟི ཨབྷིཉྙེཡྻཾ. སོཀོ བྷཡནྟི ཨབྷིཉྙེཡྻཾ. པརིདེཝོ བྷཡནྟི ཨབྷིཉྙེཡྻཾ. ཨུཔཱཡཱསོ བྷཡནྟི ཨབྷིཉྙེཡྻཾ.

ཨནུཔྤཱདོ ¶ ཁེམནྟི ཨབྷིཉྙེཡྻཾ. ཨཔྤཝཏྟཾ ཁེམནྟི ཨབྷིཉྙེཡྻཾ. ཨནིམིཏྟཾ ཁེམནྟི ཨབྷིཉྙེཡྻཾ. ཨནཱཡཱུཧནཱ ཁེམནྟི ཨབྷིཉྙེཡྻཾ. ཨཔྤཊིསནྡྷི ཁེམནྟི ¶ ཨབྷིཉྙེཡྻཾ. ཨགཏི ཁེམནྟི ཨབྷིཉྙེཡྻཾ. ཨནིབྦཏྟི ཁེམནྟི ཨབྷིཉྙེཡྻཾ. ཨནུཔཔཏྟི ཁེམནྟི ཨབྷིཉྙེཡྻཾ. ཨཛཱཏི ཁེམནྟི ཨབྷིཉྙེཡྻཾ ¶ . ཨཛརཱ ཁེམནྟི ཨབྷིཉྙེཡྻཾ. ཨབྱཱདྷི ཁེམནྟི ཨབྷིཉྙེཡྻཾ. ཨམཏཾ ཁེམནྟི ཨབྷིཉྙེཡྻཾ. ཨསོཀོ ཁེམནྟི ཨབྷིཉྙེཡྻཾ. ཨཔརིདེཝོ ཁེམནྟི ཨབྷིཉྙེཡྻཾ. ཨནུཔཱཡཱསོ ཁེམནྟི ཨབྷིཉྙེཡྻཾ.

ཨུཔྤཱདོ ¶ བྷཡཾ, ཨནུཔྤཱདོ ཁེམནྟི ཨབྷིཉྙེཡྻཾ. པཝཏྟཾ བྷཡཾ, ཨཔྤཝཏྟཾ ཁེམནྟི ཨབྷིཉྙེཡྻཾ. ནིམིཏྟཾ བྷཡཾ, ཨནིམིཏྟཾ ཁེམནྟི ཨབྷིཉྙེཡྻཾ. ཨཱཡཱུཧནཱ བྷཡཾ, ཨནཱཡཱུཧནཱ ཁེམནྟི ཨབྷིཉྙེཡྻཾ. པཊིསནྡྷི བྷཡཾ, ཨཔྤཊིསནྡྷི ཁེམནྟི ཨབྷིཉྙེཡྻཾ. གཏི བྷཡཾ, ཨགཏི ཁེམནྟི ཨབྷིཉྙེཡྻཾ. ནིབྦཏྟི བྷཡཾ, ཨནིབྦཏྟི ཁེམནྟི ཨབྷིཉྙེཡྻཾ. ཨུཔཔཏྟི བྷཡཾ, ཨནུཔཔཏྟི ཁེམནྟི ཨབྷིཉྙེཡྻཾ. ཛཱཏི བྷཡཾ, ཨཛཱཏི ཁེམནྟི ཨབྷིཉྙེཡྻཾ. ཛརཱ བྷཡཾ, ཨཛརཱ ཁེམནྟི ཨབྷིཉྙེཡྻཾ. བྱཱདྷི བྷཡཾ, ཨབྱཱདྷི ཁེམནྟི ཨབྷིཉྙེཡྻཾ. མརཎཾ བྷཡཾ, ཨམཏཾ ཁེམནྟི ཨབྷིཉྙེཡྻཾ. སོཀོ བྷཡཾ, ཨསོཀོ ཁེམནྟི ཨབྷིཉྙེཡྻཾ. པརིདེཝོ བྷཡཾ, ཨཔརིདེཝོ ཁེམནྟི ཨབྷིཉྙེཡྻཾ. ཨུཔཱཡཱསོ བྷཡཾ, ཨནུཔཱཡཱསོ ཁེམནྟི ཨབྷིཉྙེཡྻཾ.

ཨུཔྤཱདོ སཱམིསནྟི ཨབྷིཉྙེཡྻཾ. པཝཏྟཾ སཱམིསནྟི ཨབྷིཉྙེཡྻཾ ¶ . ནིམིཏྟཾ སཱམིསནྟི ཨབྷིཉྙེཡྻཾ. ཨཱཡཱུཧནཱ སཱམིསནྟི ཨབྷིཉྙེཡྻཾ. པཊིསནྡྷི སཱམིསནྟི ཨབྷིཉྙེཡྻཾ. གཏི སཱམིསནྟི ཨབྷིཉྙེཡྻཾ. ནིབྦཏྟི སཱམིསནྟི ཨབྷིཉྙེཡྻཾ. ཨུཔཔཏྟི སཱམིསནྟི ཨབྷིཉྙེཡྻཾ. ཛཱཏི སཱམིསནྟི ཨབྷིཉྙེཡྻཾ. ཛརཱ སཱམིསནྟི ཨབྷིཉྙེཡྻཾ. བྱཱདྷི སཱམིསནྟི ཨབྷིཉྙེཡྻཾ. མརཎཾ སཱམིསནྟི ཨབྷིཉྙེཡྻཾ. སོཀོ སཱམིསནྟི ཨབྷིཉྙེཡྻཾ. པརིདེཝོ སཱམིསནྟི ཨབྷིཉྙེཡྻཾ. ཨུཔཱཡཱསོ སཱམིསནྟི ཨབྷིཉྙེཡྻཾ.

ཨནུཔྤཱདོ ནིརཱམིསནྟི ཨབྷིཉྙེཡྻཾ. ཨཔྤཝཏྟཾ ནིརཱམིསནྟི ཨབྷིཉྙེཡྻཾ. ཨནིམིཏྟཾ ནིརཱམིསནྟི ཨབྷིཉྙེཡྻཾ. ཨནཱཡཱུཧནཱ ནིརཱམིསནྟི ཨབྷིཉྙེཡྻཾ. ཨཔྤཊིསནྡྷི ནིརཱམིསནྟི ཨབྷིཉྙེཡྻཾ. ཨགཏི ནིརཱམིསནྟི ཨབྷིཉྙེཡྻཾ. ཨནིབྦཏྟི ནིརཱམིསནྟི ཨབྷིཉྙེཡྻཾ. ཨནུཔཔཏྟི ནིརཱམིསནྟི ཨབྷིཉྙེཡྻཾ. ཨཛཱཏི ནིརཱམིསནྟི ཨབྷིཉྙེཡྻཾ. ཨཛརཱ ནིརཱམིསནྟི ཨབྷིཉྙེཡྻཾ. ཨབྱཱདྷི ནིརཱམིསནྟི ཨབྷིཉྙེཡྻཾ. ཨམཏཾ ནིརཱམིསནྟི ¶ ཨབྷིཉྙེཡྻཾ. ཨསོཀོ ནིརཱམིསནྟི ཨབྷིཉྙེཡྻཾ. ཨཔརིདེཝོ ནིརཱམིསནྟི ཨབྷིཉྙེཡྻཾ. ཨནུཔཱཡཱསོ ནིརཱམིསནྟི ཨབྷིཉྙེཡྻཾ.

ཨུཔྤཱདོ ¶ སཱམིསཾ, ཨནུཔྤཱདོ ནིརཱམིསནྟི ཨབྷིཉྙེཡྻཾ. པཝཏྟཾ སཱམིསཾ, ཨཔྤཝཏྟཾ ནིརཱམིསནྟི ཨབྷིཉྙེཡྻཾ. ནིམིཏྟཾ སཱམིསཾ, ཨནིམིཏྟཾ ནིརཱམིསནྟི ཨབྷིཉྙེཡྻཾ. ཨཱཡཱུཧནཱ སཱམིསཾ, ཨནཱཡཱུཧནཱ ནིརཱམིསནྟི ཨབྷིཉྙེཡྻཾ. པཊིསནྡྷི སཱམིསཾ, ཨཔྤཊིསནྡྷི ནིརཱམིསནྟི ཨབྷིཉྙེཡྻཾ ¶ . གཏི སཱམིསཾ, ཨགཏི ནིརཱམིསནྟི ཨབྷིཉྙེཡྻཾ. ནིབྦཏྟི སཱམིསཾ, ཨནིབྦཏྟི ནིརཱམིསནྟི ཨབྷིཉྙེཡྻཾ. ཨུཔཔཏྟི སཱམིསཾ, ཨནུཔཔཏྟི ནིརཱམིསནྟི ཨབྷིཉྙེཡྻཾ. ཛཱཏི སཱམིསཾ, ཨཛཱཏི ནིརཱམིསནྟི ཨབྷིཉྙེཡྻཾ. ཛརཱ སཱམིསཾ, ཨཛརཱ ནིརཱམིསནྟི ¶ ཨབྷིཉྙེཡྻཾ. བྱཱདྷི སཱམིསཾ, ཨབྱཱདྷི ནིརཱམིསནྟི ཨབྷིཉྙེཡྻཾ. མརཎཾ སཱམིསཾ, ཨམཏཾ ནིརཱམིསནྟི ཨབྷིཉྙེཡྻཾ. སོཀོ སཱམིསཾ, ཨསོཀོ ནིརཱམིསནྟི ཨབྷིཉྙེཡྻཾ. པརིདེཝོ སཱམིསཾ, ཨཔརིདེཝོ ནིརཱམིསནྟི ཨབྷིཉྙེཡྻཾ. ཨུཔཱཡཱསོ སཱམིསཾ, ཨནུཔཱཡཱསོ ནིརཱམིསནྟི ཨབྷིཉྙེཡྻཾ.

ཨུཔྤཱདོ སངྑཱརཱཏི ཨབྷིཉྙེཡྻཾ. པཝཏྟཾ སངྑཱརཱཏི ཨབྷིཉྙེཡྻཾ. ནིམིཏྟཾ སངྑཱརཱཏི ཨབྷིཉྙེཡྻཾ. ཨཱཡཱུཧནཱ སངྑཱརཱཏི ཨབྷིཉྙེཡྻཾ. པཊིསནྡྷི སངྑཱརཱཏི ཨབྷིཉྙེཡྻཾ. གཏི སངྑཱརཱཏི ཨབྷིཉྙེཡྻཾ. ནིབྦཏྟི སངྑཱརཱཏི ཨབྷིཉྙེཡྻཾ. ཨུཔཔཏྟི སངྑཱརཱཏི ཨབྷིཉྙེཡྻཾ. ཛཱཏི སངྑཱརཱཏི ཨབྷིཉྙེཡྻཾ. ཛརཱ སངྑཱརཱཏི ཨབྷིཉྙེཡྻཾ. བྱཱདྷི སངྑཱརཱཏི ཨབྷིཉྙེཡྻཾ. མརཎཾ སངྑཱརཱཏི ཨབྷིཉྙེཡྻཾ. སོཀོ སངྑཱརཱཏི ཨབྷིཉྙེཡྻཾ. པརིདེཝོ སངྑཱརཱཏི ཨབྷིཉྙེཡྻཾ. ཨུཔཱཡཱསོ སངྑཱརཱཏི ཨབྷིཉྙེཡྻཾ.

ཨནུཔྤཱདོ ནིབྦཱནནྟི ཨབྷིཉྙེཡྻཾ. ཨཔྤཝཏྟཾ ནིབྦཱནནྟི ཨབྷིཉྙེཡྻཾ. ཨནིམིཏྟཾ ནིབྦཱནནྟི ཨབྷིཉྙེཡྻཾ. ཨནཱཡཱུཧནཱ ནིབྦཱནནྟི ཨབྷིཉྙེཡྻཾ. ཨཔྤཊིསནྡྷི ནིབྦཱནནྟི ཨབྷིཉྙེཡྻཾ. ཨགཏི ནིབྦཱནནྟི ཨབྷིཉྙེཡྻཾ. ཨནིབྦཏྟི ནིབྦཱནནྟི ཨབྷིཉྙེཡྻཾ. ཨནུཔཔཏྟི ¶ ནིབྦཱནནྟི ཨབྷིཉྙེཡྻཾ. ཨཛཱཏི ནིབྦཱནནྟི ཨབྷིཉྙེཡྻཾ. ཨཛརཾ ནིབྦཱནནྟི ཨབྷིཉྙེཡྻཾ. ཨབྱཱདྷི ནིབྦཱནནྟི ཨབྷིཉྙེཡྻཾ. ཨམཏཾ ནིབྦཱནནྟི ཨབྷིཉྙེཡྻཾ ¶ . ཨསོཀོ ནིབྦཱནནྟི ཨབྷིཉྙེཡྻཾ. ཨཔརིདེཝོ ནིབྦཱནནྟི ཨབྷིཉྙེཡྻཾ. ཨནུཔཱཡཱསོ ནིབྦཱནནྟི ཨབྷིཉྙེཡྻཾ.

ཨུཔྤཱདོ སངྑཱརཱ, ཨནུཔྤཱདོ ནིབྦཱནནྟི ཨབྷིཉྙེཡྻཾ. པཝཏྟཾ སངྑཱརཱ, ཨཔྤཝཏྟཾ ནིབྦཱནནྟི ཨབྷིཉྙེཡྻཾ. ནིམིཏྟཾ སངྑཱརཱ, ཨནིམིཏྟཾ ནིབྦཱནནྟི ཨབྷིཉྙེཡྻཾ. ཨཱཡཱུཧནཱ སངྑཱརཱ, ཨནཱཡཱུཧནཱ ནིབྦཱནནྟི ཨབྷིཉྙེཡྻཾ. པཊིསནྡྷི སངྑཱརཱ, ཨཔྤཊིསནྡྷི ནིབྦཱནནྟི ཨབྷིཉྙེཡྻཾ. གཏི སངྑཱརཱ, ཨགཏི ནིབྦཱནནྟི ཨབྷིཉྙེཡྻཾ. ནིབྦཏྟི སངྑཱརཱ, ཨནིབྦཏྟི ནིབྦཱནནྟི ཨབྷིཉྙེཡྻཾ. ཨུཔཔཏྟི སངྑཱརཱ, ཨནུཔཔཏྟི ནིབྦཱནནྟི ཨབྷིཉྙེཡྻཾ. ཛཱཏི སངྑཱརཱ, ཨཛཱཏི ནིབྦཱནནྟི ཨབྷིཉྙེཡྻཾ. ཛརཱ སངྑཱརཱ, ཨཛརཱ ནིབྦཱནནྟི ¶ ཨབྷིཉྙེཡྻཾ. བྱཱདྷི སངྑཱརཱ, ཨབྱཱདྷི ནིབྦཱན’’ནྟི ཨབྷིཉྙེཡྻཾ. མརཎཾ སངྑཱརཱ, ཨམཏཾ ནིབྦཱནནྟི ཨབྷིཉྙེཡྻཾ. སོཀོ སངྑཱརཱ, ཨསོཀོ ནིབྦཱནནྟི ཨབྷིཉྙེཡྻཾ. པརིདེཝོ སངྑཱརཱ, ཨཔརིདེཝོ ནིབྦཱནནྟི ཨབྷིཉྙེཡྻཾ. ཨུཔཱཡཱསོ སངྑཱརཱ, ཨནུཔཱཡཱསོ ནིབྦཱནནྟི ཨབྷིཉྙེཡྻཾ.

པཋམབྷཱཎཝཱརོ.

༡༡. པརིགྒཧཊྛོ ¶ ཨབྷིཉྙེཡྻོ; པརིཝཱརཊྛོ ཨབྷིཉྙེཡྻོ; པརིཔཱུརཊྛོ [པརིཔཱུརཎཊྛོ (ཀ.), པརིཔཱུརིཊྛོ (སཱི. ཨཊྛ.)] ཨབྷིཉྙེཡྻོ; ཨེཀགྒཊྛོ ཨབྷིཉྙེཡྻོ; ཨཝིཀྑེཔཊྛོ ཨབྷིཉྙེཡྻོ ¶ ; པགྒཧཊྛོ ཨབྷིཉྙེཡྻོ; ཨཝིསཱརཊྛོ ཨབྷིཉྙེཡྻོ; ཨནཱཝིལཊྛོ ཨབྷིཉྙེཡྻོ; ཨནིཉྫནཊྛོ ཨབྷིཉྙེཡྻོ; ཨེཀཏྟུཔཊྛཱནཝསེན ཙིཏྟསྶ ཋིཏཊྛོ ཨབྷིཉྙེཡྻོ; ཨཱརམྨཎཊྛོ ཨབྷིཉྙེཡྻོ; གོཙརཊྛོ ཨབྷིཉྙེཡྻོ; པཧཱནཊྛོ ཨབྷིཉྙེཡྻོ; པརིཙྩཱགཊྛོ ཨབྷིཉྙེཡྻོ; ཝུཊྛཱནཊྛོ ཨབྷིཉྙེཡྻོ; ཝིཝཊྚནཊྛོ [ནིཝཏྟནཊྛོ (ཀ.)] ཨབྷིཉྙེཡྻོ; སནྟཊྛོ ཨབྷིཉྙེཡྻོ; པཎཱིཏཊྛོ ཨབྷིཉྙེཡྻོ; ཝིམུཏྟཊྛོ ཨབྷིཉྙེཡྻོ; ཨནཱསཝཊྛོ ཨབྷིཉྙེཡྻོ; ཏརཎཊྛོ ཨབྷིཉྙེཡྻོ; ཨནིམིཏྟཊྛོ ཨབྷིཉྙེཡྻོ; ཨཔྤཎིཧིཏཊྛོ ཨབྷིཉྙེཡྻོ; སུཉྙཏཊྛོ ཨབྷིཉྙེཡྻོ; ཨེཀརསཊྛོ ཨབྷིཉྙེཡྻོ ¶ ; ཨནཏིཝཏྟནཊྛོ ཨབྷིཉྙེཡྻོ; ཡུགནདྡྷཊྛོ [ཡུགནནྡྷནཊྛོ (ཀ.)] ཨབྷིཉྙེཡྻོ; ནིཡྻཱནཊྛོ ཨབྷིཉྙེཡྻོ; ཧེཏུཊྛོ [ཧེཏཊྛོ (སྱཱ.)] ཨབྷིཉྙེཡྻོ; དསྶནཊྛོ ཨབྷིཉྙེཡྻོ; ཨཱདྷིཔཏེཡྻཊྛོ ཨབྷིཉྙེཡྻོ.

༡༢. སམཐསྶ ཨཝིཀྑེཔཊྛོ ཨབྷིཉྙེཡྻོ; ཝིཔསྶནཱཡ ཨནུཔསྶནཊྛོ ཨབྷིཉྙེཡྻོ; སམཐཝིཔསྶནཱནཾ ཨེཀརསཊྛོ ཨབྷིཉྙེཡྻོ; ཡུགནདྡྷསྶ ཨནཏིཝཏྟནཊྛོ ཨབྷིཉྙེཡྻོ; སིཀྑཱཡ སམཱདཱནཊྛོ ཨབྷིཉྙེཡྻོ; ཨཱརམྨཎསྶ གོཙརཊྛོ ཨབྷིཉྙེཡྻོ; ལཱིནསྶ ཙིཏྟསྶ པགྒཧཊྛོ ཨབྷིཉྙེཡྻོ; ཨུདྡྷཏསྶ ཙིཏྟསྶ ནིགྒཧཊྛོ ཨབྷིཉྙེཡྻོ; ཨུབྷོཝིསུདྡྷཱནཾ ཨཛ྄ཛྷུཔེཀྑནཊྛོ ཨབྷིཉྙེཡྻོ; ཝིསེསཱདྷིགམཊྛོ ཨབྷིཉྙེཡྻོ; ཨུཏྟརི པཊིཝེདྷཊྛོ ཨབྷིཉྙེཡྻོ; སཙྩཱབྷིསམཡཊྛོ ཨབྷིཉྙེཡྻོ; ནིརོདྷེ པཏིཊྛཱཔཀཊྛོ ཨབྷིཉྙེཡྻོ ¶ .

སདྡྷིནྡྲིཡསྶ ¶ ཨདྷིམོཀྑཊྛོ ཨབྷིཉྙེཡྻོ; ཝཱིརིཡིནྡྲིཡསྶ པགྒཧཊྛོ ཨབྷིཉྙེཡྻོ; སཏིནྡྲིཡསྶ ཨུཔཊྛཱནཊྛོ ཨབྷིཉྙེཡྻོ; སམཱདྷིནྡྲིཡསྶ ཨཝིཀྑེཔཊྛོ ཨབྷིཉྙེཡྻོ; པཉྙིནྡྲིཡསྶ དསྶནཊྛོ ཨབྷིཉྙེཡྻོ.

སདྡྷཱབལསྶ ཨསྶདྡྷིཡེ ཨཀམྤིཡཊྛོ ཨབྷིཉྙེཡྻོ; ཝཱིརིཡབལསྶ ཀོསཛྫེ ཨཀམྤིཡཊྛོ ཨབྷིཉྙེཡྻོ; སཏིབལསྶ པམཱདེ ཨཀམྤིཡཊྛོ ཨབྷིཉྙེཡྻོ; སམཱདྷིབལསྶ ཨུདྡྷཙྩེ ཨཀམྤིཡཊྛོ ཨབྷིཉྙེཡྻོ; པཉྙཱབལསྶ ཨཝིཛྫཱཡ ཨཀམྤིཡཊྛོ ཨབྷིཉྙེཡྻོ.

སཏིསམྦོཛ྄ཛྷངྒསྶ ཨུཔཊྛཱནཊྛོ ཨབྷིཉྙེཡྻོ; དྷམྨཝིཙཡསམྦོཛ྄ཛྷངྒསྶ པཝིཙཡཊྛོ ཨབྷིཉྙེཡྻོ; ཝཱིརིཡསམྦོཛ྄ཛྷངྒསྶ པགྒཧཊྛོ ཨབྷིཉྙེཡྻོ; པཱིཏིསམྦོཛ྄ཛྷངྒསྶ ཕརཎཊྛོ ཨབྷིཉྙེཡྻོ; པསྶདྡྷིསམྦོཛ྄ཛྷངྒསྶ ཨུཔསམཊྛོ ཨབྷིཉྙེཡྻོ; སམཱདྷིསམྦོཛ྄ཛྷངྒསྶ ཨཝིཀྑེཔཊྛོ ཨབྷིཉྙེཡྻོ; ཨུཔེཀྑཱསམྦོཛ྄ཛྷངྒསྶ པཊིསངྑཱནཊྛོ ཨབྷིཉྙེཡྻོ.

སམྨཱདིཊྛིཡཱ ¶ དསྶནཊྛོ ཨབྷིཉྙེཡྻོ; སམྨཱསངྐཔྤསྶ ཨབྷིནིརོཔནཊྛོ ཨབྷིཉྙེཡྻོ; སམྨཱཝཱཙཱཡ པརིགྒཧཊྛོ ཨབྷིཉྙེཡྻོ; སམྨཱཀམྨནྟསྶ སམུཊྛཱནཊྛོ ཨབྷིཉྙེཡྻོ; སམྨཱཨཱཛཱིཝསྶ ¶ ཝོདཱནཊྛོ ཨབྷིཉྙེཡྻོ ¶ ; སམྨཱཝཱཡཱམསྶ པགྒཧཊྛོ ཨབྷིཉྙེཡྻོ; སམྨཱསཏིཡཱ ཨུཔཊྛཱནཊྛོ ཨབྷིཉྙེཡྻོ; སམྨཱསམཱདྷིསྶ ཨཝིཀྑེཔཊྛོ ཨབྷིཉྙེཡྻོ.

༡༣. ཨིནྡྲིཡཱནཾ ཨཱདྷིཔཏེཡྻཊྛོ ཨབྷིཉྙེཡྻོ; བལཱནཾ ཨཀམྤིཡཊྛོ ཨབྷིཉྙེཡྻོ; བོཛ྄ཛྷངྒཱནཾ ནིཡྻཱནཊྛོ ཨབྷིཉྙེཡྻོ; མགྒསྶ ཧེཏུཊྛོ ཨབྷིཉྙེཡྻོ; སཏིཔཊྛཱནཱནཾ ཨུཔཊྛཱནཊྛོ ཨབྷིཉྙེཡྻོ; སམྨཔྤདྷཱནཱནཾ པདཧནཊྛོ ཨབྷིཉྙེཡྻོ; ཨིདྡྷིཔཱདཱནཾ ཨིཛ྄ཛྷནཊྛོ ཨབྷིཉྙེཡྻོ; སཙྩཱནཾ ཏཐཊྛོ ཨབྷིཉྙེཡྻོ; པཡོགཱནཾ [མགྒཱནཾ (སབྦཏྠ) ཨཊྛཀཐཱ པསྶིཏབྦཱ] པཊིཔྤསྶདྡྷཊྛོ ཨབྷིཉྙེཡྻོ; ཕལཱནཾ སཙྪིཀིརིཡཊྛོ ཨབྷིཉྙེཡྻོ.

ཝིཏཀྐསྶ ཨབྷིནིརོཔནཊྛོ ཨབྷིཉྙེཡྻོ; ཝིཙཱརསྶ ཨུཔཝིཙཱརཊྛོ ཨབྷིཉྙེཡྻོ; པཱིཏིཡཱ ཕརཎཊྛོ ཨབྷིཉྙེཡྻོ; སུཁསྶ ཨབྷིསནྡནཊྛོ ཨབྷིཉྙེཡྻོ. ཙིཏྟསྶ ཨེཀགྒཊྛོ ཨབྷིཉྙེཡྻོ. ཨཱཝཛྫནཊྛོ ཨབྷིཉྙེཡྻོ; ཝིཛཱནནཊྛོ ཨབྷིཉྙེཡྻོ; པཛཱནནཊྛོ ཨབྷིཉྙེཡྻོ; སཉྫཱནནཊྛོ ཨབྷིཉྙེཡྻོ; ཨེཀོདཊྛོ ཨབྷིཉྙེཡྻོ ¶ . ཨབྷིཉྙཱཡ ཉཱཏཊྛོ ཨབྷིཉྙེཡྻོ; པརིཉྙཱཡ ཏཱིརཎཊྛོ ཨབྷིཉྙེཡྻོ; པཧཱནསྶ པརིཙྩཱགཊྛོ ཨབྷིཉྙེཡྻོ; བྷཱཝནཱཡ ཨེཀརསཊྛོ ཨབྷིཉྙེཡྻོ; སཙྪིཀིརིཡཱཡ ཕསྶནཊྛོ ཨབྷིཉྙེཡྻོ; ཁནྡྷཱནཾ ཁནྡྷཊྛོ ཨབྷིཉྙེཡྻོ; དྷཱཏཱུནཾ དྷཱཏུཊྛོ [དྷཱཏཊྛོ (སྱཱ.)] ཨབྷིཉྙེཡྻོ; ཨཱཡཏནཱནཾ ཨཱཡཏནཊྛོ ཨབྷིཉྙེཡྻོ; སངྑཏཱནཾ སངྑཏཊྛོ ¶ ཨབྷིཉྙེཡྻོ; ཨསངྑཏསྶ ཨསངྑཏཊྛོ ཨབྷིཉྙེཡྻོ.

༡༤. ཙིཏྟཊྛོ ཨབྷིཉྙེཡྻོ; ཙིཏྟཱནནྟརིཡཊྛོ ཨབྷིཉྙེཡྻོ; ཙིཏྟསྶ ཝུཊྛཱནཊྛོ ཨབྷིཉྙེཡྻོ; ཙིཏྟསྶ ཝིཝཊྚནཊྛོ ཨབྷིཉྙེཡྻོ; ཙིཏྟསྶ ཧེཏུཊྛོ ཨབྷིཉྙེཡྻོ; ཙིཏྟསྶ པཙྩཡཊྛོ ཨབྷིཉྙེཡྻོ; ཙིཏྟསྶ ཝཏྠུཊྛོ [ཝཏྠཊྛོ (སྱཱ.)] ཨབྷིཉྙེཡྻོ; ཙིཏྟསྶ བྷཱུམཊྛོ [བྷུམྨཊྛོ (སྱཱ. སཱི. ཨཊྛ.) (ཨེཀཏྟེ ཨུཔནིབནྡྷནཊྛོ ཨབྷིཉྙེཡྻོ) (ཀ.) ཨཊྛཀཐཱ པསྶིཏབྦཱ] ཨབྷིཉྙེཡྻོ; ཙིཏྟསྶ ཨཱརམྨཎཊྛོ ཨབྷིཉྙེཡྻོ; ཙིཏྟསྶ གོཙརཊྛོ ཨབྷིཉྙེཡྻོ; ཙིཏྟསྶ ཙརིཡཊྛོ ཨབྷིཉྙེཡྻོ; ཙིཏྟསྶ གཏཊྛོ ཨབྷིཉྙེཡྻོ; ཙིཏྟསྶ ཨབྷིནཱིཧཱརཊྛོ ཨབྷིཉྙེཡྻོ; ཙིཏྟསྶ ནིཡྻཱནཊྛོ ཨབྷིཉྙེཡྻོ; ཙིཏྟསྶ ནིསྶརཎཊྛོ ཨབྷིཉྙེཡྻོ.

༡༥. ཨེཀཏྟེ ཨཱཝཛྫནཊྛོ ཨབྷིཉྙེཡྻོ; ཨེཀཏྟེ ཝིཛཱནནཊྛོ ཨབྷིཉྙེཡྻོ ¶ ; ཨེཀཏྟེ པཛཱནནཊྛོ ཨབྷིཉྙེཡྻོ; ཨེཀཏྟེ སཉྫཱནནཊྛོ ཨབྷིཉྙེཡྻོ; ཨེཀཏྟེ ཨེཀདཊྛོ ཨབྷིཉྙེཡྻོ; ཨེཀཏྟེ ཨུཔནིབནྡྷཊྛོ ཨབྷིཉྙེཡྻོ; ཨེཀཏྟེ པཀྑནྡནཊྛོ ཨབྷིཉྙེཡྻོ; ཨེཀཏྟེ པསཱིདནཊྛོ ཨབྷིཉྙེཡྻོ ¶ ; ཨེཀཏྟེ སནྟིཊྛནཊྛོ ཨབྷིཉྙེཡྻོ; ཨེཀཏྟེ ཝིམུཙྩནཊྛོ ཨབྷིཉྙེཡྻོ; ཨེཀཏྟེ ‘‘ཨེཏཾ སནྟ’’ནྟི པསྶནཊྛོ ཨབྷིཉྙེཡྻོ; ཨེཀཏྟེ ཡཱནཱིཀཏཊྛོ ཨབྷིཉྙེཡྻོ; ཨེཀཏྟེ ཝཏྠུཀཏཊྛོ ཨབྷིཉྙེཡྻོ; ཨེཀཏྟེ ཨནུཊྛིཏཊྛོ ཨབྷིཉྙེཡྻོ; ཨེཀཏྟེ པརིཙིཏཊྛོ ཨབྷིཉྙེཡྻོ; ཨེཀཏྟེ སུསམཱརདྡྷཊྛོ ཨབྷིཉྙེཡྻོ ¶ ; ཨེཀཏྟེ པརིགྒཧཊྛོ ཨབྷིཉྙེཡྻོ; ཨེཀཏྟེ པརིཝཱརཊྛོ ཨབྷིཉྙེཡྻོ; ཨེཀཏྟེ པརིཔཱུརཊྛོ ཨབྷིཉྙེཡྻོ; ཨེཀཏྟེ སམོདྷཱནཊྛོ ཨབྷིཉྙེཡྻོ; ཨེཀཏྟེ ཨདྷིཊྛཱནཊྛོ ཨབྷིཉྙེཡྻོ; ཨེཀཏྟེ ཨཱསེཝནཊྛོ ཨབྷིཉྙེཡྻོ; ཨེཀཏྟེ བྷཱཝནཊྛོ ཨབྷིཉྙེཡྻོ; ཨེཀཏྟེ བཧུལཱིཀམྨཊྛོ ཨབྷིཉྙེཡྻོ; ཨེཀཏྟེ སུསམུགྒཏཊྛོ ཨབྷིཉྙེཡྻོ; ཨེཀཏྟེ སུཝིམུཏྟཊྛོ ཨབྷིཉྙེཡྻོ ¶ ; ཨེཀཏྟེ བུཛ྄ཛྷནཊྛོ ཨབྷིཉྙེཡྻོ; ཨེཀཏྟེ ཨནུབུཛ྄ཛྷནཊྛོ ཨབྷིཉྙེཡྻོ; ཨེཀཏྟེ པཊིབུཛ྄ཛྷནཊྛོ ཨབྷིཉྙེཡྻོ; ཨེཀཏྟེ སམྦུཛ྄ཛྷནཊྛོ ཨབྷིཉྙེཡྻོ; ཨེཀཏྟེ བོདྷནཊྛོ ཨབྷིཉྙེཡྻོ; ཨེཀཏྟེ ཨནུབོདྷནཊྛོ ཨབྷིཉྙེཡྻོ; ཨེཀཏྟེ པཊིབོདྷནཊྛོ ཨབྷིཉྙེཡྻོ; ཨེཀཏྟེ སམྦོདྷནཊྛོ ཨབྷིཉྙེཡྻོ; ཨེཀཏྟེ བོདྷིཔཀྑིཡཊྛོ ཨབྷིཉྙེཡྻོ; ཨེཀཏྟེ ཨནུབོདྷིཔཀྑིཡཊྛོ ཨབྷིཉྙེཡྻོ; ཨེཀཏྟེ པཊིབོདྷིཔཀྑིཡཊྛོ ཨབྷིཉྙེཡྻོ; ཨེཀཏྟེ སམྦོདྷིཔཀྑིཡཊྛོ ཨབྷིཉྙེཡྻོ; ཨེཀཏྟེ ཛོཏནཊྛོ ཨབྷིཉྙེཡྻོ; ཨེཀཏྟེ ཨུཛྫོཏནཊྛོ ཨབྷིཉྙེཡྻོ; ཨེཀཏྟེ ཨནུཛོཏནཊྛོ ཨབྷིཉྙེཡྻོ; ཨེཀཏྟེ པཊིཛོཏནཊྛོ ཨབྷིཉྙེཡྻོ; ཨེཀཏྟེ སཉྫོཏནཊྛོ ཨབྷིཉྙེཡྻོ.

༡༦. པཏཱཔནཊྛོ [པཀཱསནཊྛོ (ཀ.)] ཨབྷིཉྙེཡྻོ; ཝིརོཙནཊྛོ ཨབྷིཉྙེཡྻོ; ཀིལེསཱནཾ སནྟཱཔནཊྛོ ཨབྷིཉྙེཡྻོ; ཨམལཊྛོ ཨབྷིཉྙེཡྻོ; ཝིམལཊྛོ ཨབྷིཉྙེཡྻོ; ནིམྨལཊྛོ ཨབྷིཉྙེཡྻོ; སམཊྛོ ཨབྷིཉྙེཡྻོ; སམཡཊྛོ ཨབྷིཉྙེཡྻོ; ཝིཝེཀཊྛོ ཨབྷིཉྙེཡྻོ; ཝིཝེཀཙརིཡཊྛོ ¶ ཨབྷིཉྙེཡྻོ; ཝིརཱགཊྛོ ཨབྷིཉྙེཡྻོ; ཝིརཱགཙརིཡཊྛོ ཨབྷིཉྙེཡྻོ; ནིརོདྷཊྛོ ¶ ཨབྷིཉྙེཡྻོ; ནིརོདྷཙརིཡཊྛོ ཨབྷིཉྙེཡྻོ; ཝོསགྒཊྛོ [ཝོསྶགྒཊྛོ (སྱཱ. ཀ.)] ཨབྷིཉྙེཡྻོ; ཝོསགྒཙརིཡཊྛོ ཨབྷིཉྙེཡྻོ; ཝིམུཏྟཊྛོ ཨབྷིཉྙེཡྻོ; ཝིམུཏྟིཙརིཡཊྛོ ཨབྷིཉྙེཡྻོ.

ཚནྡཊྛོ ཨབྷིཉྙེཡྻོ; ཚནྡསྶ མཱུལཊྛོ ཨབྷིཉྙེཡྻོ; ཚནྡསྶ པཱདཊྛོ ཨབྷིཉྙེཡྻོ; ཚནྡསྶ པདྷཱནཊྛོ ཨབྷིཉྙེཡྻོ; ཚནྡསྶ ཨིཛ྄ཛྷནཊྛོ ཨབྷིཉྙེཡྻོ; ཚནྡསྶ ཨདྷིམོཀྑཊྛོ ཨབྷིཉྙེཡྻོ; ཚནྡསྶ པགྒཧཊྛོ ཨབྷིཉྙེཡྻོ; ཚནྡསྶ ཨུཔཊྛཱནཊྛོ ཨབྷིཉྙེཡྻོ; ཚནྡསྶ ཨཝིཀྑེཔཊྛོ ཨབྷིཉྙེཡྻོ; ཚནྡསྶ དསྶནཊྛོ ཨབྷིཉྙེཡྻོ.

ཝཱིརིཡཊྛོ ཨབྷིཉྙེཡྻོ; ཝཱིརིཡསྶ མཱུལཊྛོ ཨབྷིཉྙེཡྻོ; ཝཱིརིཡསྶ པཱདཊྛོ ཨབྷིཉྙེཡྻོ; ཝཱིརིཡསྶ པདྷཱནཊྛོ ཨབྷིཉྙེཡྻོ; ཝཱིརིཡསྶ ཨིཛ྄ཛྷནཊྛོ ཨབྷིཉྙེཡྻོ; ཝཱིརིཡསྶ ¶ ཨདྷིམོཀྑཊྛོ ཨབྷིཉྙེཡྻོ; ཝཱིརིཡསྶ པགྒཧཊྛོ ཨབྷིཉྙེཡྻོ; ཝཱིརིཡསྶ ཨུཔཊྛཱནཊྛོ ཨབྷིཉྙེཡྻོ; ཝཱིརིཡསྶ ཨཝིཀྑེཔཊྛོ ཨབྷིཉྙེཡྻོ; ཝཱིརིཡསྶ དསྶནཊྛོ ཨབྷིཉྙེཡྻོ.

ཙིཏྟཊྛོ ¶ ཨབྷིཉྙེཡྻོ; ཙིཏྟསྶ མཱུལཊྛོ ཨབྷིཉྙེཡྻོ; ཙིཏྟསྶ པཱདཊྛོ ཨབྷིཉྙེཡྻོ; ཙིཏྟསྶ པདྷཱནཊྛོ ཨབྷིཉྙེཡྻོ; ཙིཏྟསྶ ཨིཛ྄ཛྷནཊྛོ ཨབྷིཉྙེཡྻོ; ཙིཏྟསྶ ཨདྷིམོཀྑཊྛོ ¶ ཨབྷིཉྙེཡྻོ; ཙིཏྟསྶ པགྒཧཊྛོ ཨབྷིཉྙེཡྻོ; ཙིཏྟསྶ ཨུཔཊྛཱནཊྛོ ཨབྷིཉྙེཡྻོ; ཙིཏྟསྶ ཨཝིཀྑེཔཊྛོ ཨབྷིཉྙེཡྻོ; ཙིཏྟསྶ དསྶནཊྛོ ཨབྷིཉྙེཡྻོ.

ཝཱིམཾསཊྛོ ཨབྷིཉྙེཡྻོ; ཝཱིམཾསཱཡ མཱུལཊྛོ ཨབྷིཉྙེཡྻོ; ཝཱིམཾསཱཡ པཱདཊྛོ ཨབྷིཉྙེཡྻོ; ཝཱིམཾསཱཡ པདྷཱནཊྛོ ཨབྷིཉྙེཡྻོ; ཝཱིམཾསཱཡ ཨིཛ྄ཛྷནཊྛོ ཨབྷིཉྙེཡྻོ; ཝཱིམཾསཱཡ ཨདྷིམོཀྑཊྛོ ཨབྷིཉྙེཡྻོ; ཝཱིམཾསཱཡ པགྒཧཊྛོ ཨབྷིཉྙེཡྻོ; ཝཱིམཾསཱཡ ཨུཔཊྛཱནཊྛོ ཨབྷིཉྙེཡྻོ; ཝཱིམཾསཱཡ ཨཝིཀྑེཔཊྛོ ཨབྷིཉྙེཡྻོ; ཝཱིམཾསཱཡ དསྶནཊྛོ ཨབྷིཉྙེཡྻོ.

༡༧. དུཀྑཊྛོ ཨབྷིཉྙེཡྻོ; དུཀྑསྶ པཱིལ༹ནཊྛོ ཨབྷིཉྙེཡྻོ; དུཀྑསྶ སངྑཏཊྛོ ཨབྷིཉྙེཡྻོ; དུཀྑསྶ སནྟཱཔཊྛོ ཨབྷིཉྙེཡྻོ; དུཀྑསྶ ཝིཔརིཎཱམཊྛོ ཨབྷིཉྙེཡྻོ. སམུདཡཊྛོ ཨབྷིཉྙེཡྻོ; སམུདཡསྶ ཨཱཡཱུཧནཊྛོ [ཨཱཡུཧནཊྛོ (སྱཱ.)] ཨབྷིཉྙེཡྻོ; སམུདཡསྶ ནིདཱནཊྛོ ཨབྷིཉྙེཡྻོ; སམུདཡསྶ སཉྙོགཊྛོ ཨབྷིཉྙེཡྻོ; སམུདཡསྶ པལིབོདྷཊྛོ ཨབྷིཉྙེཡྻོ; ནིརོདྷཊྛོ ཨབྷིཉྙེཡྻོ ¶ ; ནིརོདྷསྶ ནིསྶརཎཊྛོ ཨབྷིཉྙེཡྻོ; ནིརོདྷསྶ ཝིཝེཀཊྛོ ཨབྷིཉྙེཡྻོ; ནིརོདྷསྶ ཨསངྑཏཊྛོ ཨབྷིཉྙེཡྻོ; ནིརོདྷསྶ ཨམཏཊྛོ ཨབྷིཉྙེཡྻོ. མགྒཊྛོ ཨབྷིཉྙེཡྻོ; མགྒསྶ ནིཡྻཱནཊྛོ ཨབྷིཉྙེཡྻོ; མགྒསྶ ཧེཏུཊྛོ ཨབྷིཉྙེཡྻོ; མགྒསྶ དསྶནཊྛོ ཨབྷིཉྙེཡྻོ; མགྒསྶ ཨཱདྷིཔཏེཡྻཊྛོ ཨབྷིཉྙེཡྻོ.

ཏཐཊྛོ ¶ ཨབྷིཉྙེཡྻོ; ཨནཏྟཊྛོ ཨབྷིཉྙེཡྻོ; སཙྩཊྛོ ཨབྷིཉྙེཡྻོ; པཊིཝེདྷཊྛོ ཨབྷིཉྙེཡྻོ; ཨབྷིཛཱནནཊྛོ ཨབྷིཉྙེཡྻོ; པརིཛཱནནཊྛོ ཨབྷིཉྙེཡྻོ; དྷམྨཊྛོ ཨབྷིཉྙེཡྻོ; དྷཱཏུཊྛོ ཨབྷིཉྙེཡྻོ; ཉཱཏཊྛོ ཨབྷིཉྙེཡྻོ; སཙྪིཀིརིཡཊྛོ ཨབྷིཉྙེཡྻོ; ཕསྶནཊྛོ ཨབྷིཉྙེཡྻོ; ཨབྷིསམཡཊྛོ ཨབྷིཉྙེཡྻོ.

༡༨. ནེཀྑམྨཾ ཨབྷིཉྙེཡྻཾ; ཨབྱཱཔཱདོ ཨབྷིཉྙེཡྻོ; ཨཱལོཀསཉྙཱ ཨབྷིཉྙེཡྻཱ; ཨཝིཀྑེཔོ ¶ ཨབྷིཉྙེཡྻོ; དྷམྨཝཝཏྠཱནཾ ཨབྷིཉྙེཡྻཾ; ཉཱཎཾ ཨབྷིཉྙེཡྻཾ; པཱམོཛྫཾ [པཱམུཛྫཾ (སྱཱ.)] ཨབྷིཉྙེཡྻཾ.

པཋམཾ ¶ ཛྷཱནཾ ཨབྷིཉྙེཡྻཾ; དུཏིཡཾ ཛྷཱནཾ ཨབྷིཉྙེཡྻཾ; ཏཏིཡཾ ཛྷཱནཾ ཨབྷིཉྙེཡྻཾ; ཙཏུཏྠཾ ཛྷཱནཾ ཨབྷིཉྙེཡྻཾ. ཨཱཀཱསཱནཉྩཱཡཏནསམཱཔཏྟི ཨབྷིཉྙེཡྻཱ; ཝིཉྙཱཎཉྩཱཡཏནསམཱཔཏྟི ཨབྷིཉྙེཡྻཱ; ཨཱཀིཉྩཉྙཱཡཏནསམཱཔཏྟི ཨབྷིཉྙེཡྻཱ; ནེཝསཉྙཱནཱསཉྙཱཡཏནསམཱཔཏྟི ཨབྷིཉྙེཡྻཱ.

ཨནིཙྩཱནུཔསྶནཱ ཨབྷིཉྙེཡྻཱ; དུཀྑཱནུཔསྶནཱ ཨབྷིཉྙེཡྻཱ; ཨནཏྟཱནུཔསྶནཱ ཨབྷིཉྙེཡྻཱ; ནིབྦིདཱནུཔསྶནཱ ཨབྷིཉྙེཡྻཱ; ཝིརཱགཱནུཔསྶནཱ ཨབྷིཉྙེཡྻཱ; ནིརོདྷཱནུཔསྶནཱ ཨབྷིཉྙེཡྻཱ; པཊིནིསྶགྒཱནུཔསྶནཱ ཨབྷིཉྙེཡྻཱ; ཁཡཱནུཔསྶནཱ ཨབྷིཉྙེཡྻཱ; ཝཡཱནུཔསྶནཱ ཨབྷིཉྙེཡྻཱ; ཝིཔརིཎཱམཱནུཔསྶནཱ ཨབྷིཉྙེཡྻཱ; ཨནིམིཏྟཱནུཔསྶནཱ ཨབྷིཉྙེཡྻཱ; ཨཔྤཎིཧིཏཱནུཔསྶནཱ ¶ ཨབྷིཉྙེཡྻཱ; སུཉྙཏཱནུཔསྶནཱ ཨབྷིཉྙེཡྻཱ; ཨདྷིཔཉྙཱདྷམྨཝིཔསྶནཱ ཨབྷིཉྙེཡྻཱ; ཡཐཱབྷཱུཏཉཱཎདསྶནཾ ཨབྷིཉྙེཡྻཾ; ཨཱདཱིནཝཱནུཔསྶནཱ ཨབྷིཉྙེཡྻཱ; པཊིསངྑཱནུཔསྶནཱ ཨབྷིཉྙེཡྻཱ; ཝིཝཊྚནཱནུཔསྶནཱ ཨབྷིཉྙེཡྻཱ.

༡༩. སོཏཱཔཏྟིམགྒོ ཨབྷིཉྙེཡྻོ; སོཏཱཔཏྟིཕལསམཱཔཏྟི ཨབྷིཉྙེཡྻཱ; སཀདཱགཱམིམགྒོ ཨབྷིཉྙེཡྻོ; སཀདཱགཱམིཕལསམཱཔཏྟི ཨབྷིཉྙེཡྻཱ; ཨནཱགཱམིམགྒོ ཨབྷིཉྙེཡྻོ ¶ ; ཨནཱགཱམིཕལསམཱཔཏྟི ཨབྷིཉྙེཡྻཱ; ཨརཧཏྟམགྒོ ཨབྷིཉྙེཡྻོ; ཨརཧཏྟཕལསམཱཔཏྟི ཨབྷིཉྙེཡྻཱ.

ཨདྷིམོཀྑཊྛེན སདྡྷིནྡྲིཡཾ ཨབྷིཉྙེཡྻཾ; པགྒཧཊྛེན ཝཱིརིཡིནྡྲིཡཾ ཨབྷིཉྙེཡྻཾ; ཨུཔཊྛཱནཊྛེན སཏིནྡྲིཡཾ ཨབྷིཉྙེཡྻཾ; ཨཝིཀྑེཔཊྛེན སམཱདྷིནྡྲིཡཾ ཨབྷིཉྙེཡྻཾ; དསྶནཊྛེན པཉྙིནྡྲིཡཾ ཨབྷིཉྙེཡྻཾ; ཨསྶདྡྷིཡེ ཨཀམྤིཡཊྛེན སདྡྷཱབལཾ ཨབྷིཉྙེཡྻཾ; ཀོསཛྫེ ཨཀམྤིཡཊྛེན ཝཱིརིཡབལཾ ཨབྷིཉྙེཡྻཾ; པམཱདེ ཨཀམྤིཡཊྛེན སཏིབལཾ ཨབྷིཉྙེཡྻཾ; ཨུདྡྷཙྩེ ཨཀམྤིཡཊྛེན སམཱདྷིབལཾ ཨབྷིཉྙེཡྻཾ; ཨཝིཛྫཱཡ ཨཀམྤིཡཊྛེན པཉྙཱབལཾ ཨབྷིཉྙེཡྻཾ; ཨུཔཊྛཱནཊྛེན སཏིསམྦོཛ྄ཛྷངྒོ ཨབྷིཉྙེཡྻོ; པཝིཙཡཊྛེན དྷམྨཝིཙཡསམྦོཛ྄ཛྷངྒོ ཨབྷིཉྙེཡྻོ; པགྒཧཊྛེན ཝཱིརིཡསམྦོཛ྄ཛྷངྒོ ཨབྷིཉྙེཡྻོ; ཕརཎཊྛེན པཱིཏིསམྦོཛ྄ཛྷངྒོ ཨབྷིཉྙེཡྻོ ¶ ; ཨུཔསམཊྛེན པསྶདྡྷིསམྦོཛ྄ཛྷངྒོ ཨབྷིཉྙེཡྻོ; ཨཝིཀྑེཔཊྛེན སམཱདྷིསམྦོཛ྄ཛྷངྒོ ཨབྷིཉྙེཡྻོ; པཊིསངྑཱནཊྛེན ཨུཔེཀྑཱསམྦོཛ྄ཛྷངྒོ ཨབྷིཉྙེཡྻོ.

དསྶནཊྛེན ¶ ¶ སམྨཱདིཊྛི ཨབྷིཉྙེཡྻཱ; ཨབྷིནིརོཔནཊྛེན སམྨཱསངྐཔྤོ ཨབྷིཉྙེཡྻོ; པརིགྒཧཊྛེན སམྨཱཝཱཙཱ ཨབྷིཉྙེཡྻཱ; སམུཊྛཱནཊྛེན སམྨཱཀམྨནྟོ ཨབྷིཉྙེཡྻོ; ཝོདཱནཊྛེན སམྨཱཨཱཛཱིཝོ ཨབྷིཉྙེཡྻོ; པགྒཧཊྛེན སམྨཱཝཱཡཱམོ ཨབྷིཉྙེཡྻོ; ཨུཔཊྛཱནཊྛེན སམྨཱསཏི ཨབྷིཉྙེཡྻཱ; ཨཝིཀྑེཔཊྛེན སམྨཱསམཱདྷི ཨབྷིཉྙེཡྻོ.

ཨཱདྷིཔཏེཡྻཊྛེན ཨིནྡྲིཡཱ ཨབྷིཉྙེཡྻཱ; ཨཀམྤིཡཊྛེན བལཱ ཨབྷིཉྙེཡྻཱ; ནིཡྻཱནཊྛེན བོཛ྄ཛྷངྒཱ ཨབྷིཉྙེཡྻཱ; ཧེཏུཊྛེན མགྒོ ཨབྷིཉྙེཡྻོ; ཨུཔཊྛཱནཊྛེན སཏིཔཊྛཱནཱ ཨབྷིཉྙེཡྻཱ; པདཧནཊྛེན སམྨཔྤདྷཱནཱ ཨབྷིཉྙེཡྻཱ; ཨིཛ྄ཛྷནཊྛེན ཨིདྡྷིཔཱདཱ ཨབྷིཉྙེཡྻཱ; ཏཐཊྛེན སཙྩཱ ཨབྷིཉྙེཡྻཱ; ཨཝིཀྑེཔཊྛེན སམཐོ ཨབྷིཉྙེཡྻོ; ཨནུཔསྶནཊྛེན ཝིཔསྶནཱ ཨབྷིཉྙེཡྻཱ; ཨེཀརསཊྛེན སམཐཝིཔསྶནཱ ཨབྷིཉྙེཡྻཱ; ཨནཏིཝཏྟནཊྛེན ཡུགནདྡྷཾ ཨབྷིཉྙེཡྻཾ.

སཾཝརཊྛེན སཱིལཝིསུདྡྷི ཨབྷིཉྙེཡྻཱ; ཨཝིཀྑེཔཊྛེན ཙིཏྟཝིསུདྡྷི ཨབྷིཉྙེཡྻཱ; དསྶནཊྛེན དིཊྛིཝིསུདྡྷི ¶ ཨབྷིཉྙེཡྻཱ; མུཏྟཊྛེན ཝིམོཀྑོ ཨབྷིཉྙེཡྻོ; པཊིཝེདྷཊྛེན ཝིཛྫཱ ཨབྷིཉྙེཡྻཱ ¶ ; པརིཙྩཱགཊྛེན ཝིམུཏྟི ཨབྷིཉྙེཡྻཱ; སམུཙྪེདཊྛེན ཁཡེ ཉཱཎཾ ཨབྷིཉྙེཡྻཾ; པཊིཔྤསྶདྡྷཊྛེན ཨནུཔྤཱདེ ཉཱཎཾ ཨབྷིཉྙེཡྻཾ.

༢༠. ཚནྡོ མཱུལཊྛེན ཨབྷིཉྙེཡྻོ; མནསིཀཱརོ སམུཊྛཱནཊྛེན ཨབྷིཉྙེཡྻོ; ཕསྶོ སམོདྷཱནཊྛེན ཨབྷིཉྙེཡྻོ; ཝེདནཱ སམོསརཎཊྛེན ཨབྷིཉྙེཡྻཱ; སམཱདྷི པམུཁཊྛེན ཨབྷིཉྙེཡྻོ; སཏི ཨཱདྷིཔཏེཡྻཊྛེན ཨབྷིཉྙེཡྻཱ; པཉྙཱ ཏཏུཏྟརཊྛེན ཨབྷིཉྙེཡྻཱ; ཝིམུཏྟི སཱརཊྛེན ཨབྷིཉྙེཡྻཱ; ཨམཏོགདྷཾ ནིབྦཱནཾ པརིཡོསཱནཊྛེན ཨབྷིཉྙེཡྻཾ.

ཡེ ཡེ དྷམྨཱ ཨབྷིཉྙཱཏཱ ཧོནྟི ཏེ ཏེ དྷམྨཱ ཉཱཏཱ ཧོནྟི. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཨིམེ དྷམྨཱ ཨབྷིཉྙེཡྻཱཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎ’’ནྟི.

དུཏིཡབྷཱཎཝཱརོ.

༢༡. ཀཐཾ ¶ ‘‘ཨིམེ དྷམྨཱ པརིཉྙེཡྻཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ?

ཨེཀོ ¶ དྷམྨོ པརིཉྙེཡྻོ – ཕསྶོ སཱསཝོ ཨུཔཱདཱནིཡོ. དྭེ དྷམྨཱ པརིཉྙེཡྻཱ – ནཱམཉྩ རཱུཔཉྩ. ཏཡོ དྷམྨཱ པརིཉྙེཡྻཱ – ཏིསྶོ ཝེདནཱ. ཙཏྟཱརོ དྷམྨཱ པརིཉྙེཡྻཱ – ཙཏྟཱརོ ཨཱཧཱརཱ. པཉྩ དྷམྨཱ པརིཉྙེཡྻཱ – པཉྩུཔཱདཱནཀྑནྡྷཱ. ཚ དྷམྨཱ པརིཉྙེཡྻཱ – ཚ ཨཛ྄ཛྷཏྟིཀཱནི ཨཱཡཏནཱནི. སཏྟ དྷམྨཱ པརིཉྙེཡྻཱ – སཏྟ ཝིཉྙཱཎཊྛིཏིཡོ. ཨཊྛ དྷམྨཱ པརིཉྙེཡྻཱ ¶ – ཨཊྛ ལོཀདྷམྨཱ. ནཝ དྷམྨཱ པརིཉྙེཡྻཱ – ནཝ སཏྟཱཝཱསཱ. དས དྷམྨཱ པརིཉྙེཡྻཱ – དསཱཡཏནཱནི.

‘‘སབྦཾ, བྷིཀྑཝེ, པརིཉྙེཡྻཾ. ཀིཉྩ, བྷིཀྑཝེ, སབྦཾ པརིཉྙེཡྻཾ? ཙཀྑུ, བྷིཀྑཝེ, པརིཉྙེཡྻཾ; རཱུཔཱ པརིཉྙེཡྻཱ; ཙཀྑུཝིཉྙཱཎཾ པརིཉྙེཡྻཾ; ཙཀྑུསམྥསྶོ པརིཉྙེཡྻོ; ཡམྤིདཾ ཙཀྑུསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ¶ ཝཱ, ཏམྤི པརིཉྙེཡྻཾ. སོཏཾ པརིཉྙེཡྻཾ; སདྡཱ པརིཉྙེཡྻཱ…པེ… གྷཱནཾ པརིཉྙེཡྻཾ, གནྡྷཱ པརིཉྙེཡྻཱ… ཛིཝ྄ཧཱ པརིཉྙེཡྻཱ; རསཱ པརིཉྙེཡྻཱ… ཀཱཡོ པརིཉྙེཡྻོ; ཕོཊྛབྦཱ པརིཉྙེཡྻཱ…པེ… མནོ པརིཉྙེཡྻོ; དྷམྨཱ པརིཉྙེཡྻཱ… མནོཝིཉྙཱཎཾ པརིཉྙེཡྻཾ; མནོསམྥསྶོ པརིཉྙེཡྻོ; ཡམྤིདཾ མནོསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ, ཏམྤི པརིཉྙེཡྻཾ.’’ རཱུཔཾ པརིཉྙེཡྻཾ…པེ… ཝེདནཱ པརིཉྙེཡྻཱ… སཉྙཱ པརིཉྙེཡྻཱ… སངྑཱརཱ པརིཉྙེཡྻཱ… ཝིཉྙཱཎཾ པརིཉྙེཡྻཾ… ཙཀྑུ པརིཉྙེཡྻཾ…པེ… ཛརཱམརཎཾ པརིཉྙེཡྻཾ… ཨམཏོགདྷཾ ནིབྦཱནཾ པརིཡོསཱནཊྛེན པརིཉྙེཡྻཾ. ཡེསཾ ཡེསཾ དྷམྨཱནཾ པཊིལཱབྷཏྠཱཡ ཝཱཡམནྟསྶ ཏེ ཏེ དྷམྨཱ པཊིལདྡྷཱ ཧོནྟི, ཨེཝཾ ཏེ དྷམྨཱ པརིཉྙཱཏཱ ཙེཝ ཧོནྟི ཏཱིརིཏཱ ཙ.

༢༢. ནེཀྑམྨཾ པཊིལཱབྷཏྠཱཡ ཝཱཡམནྟསྶ ནེཀྑམྨཾ པཊིལདྡྷཾ ¶ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ཨབྱཱཔཱདཾ པཊིལཱབྷཏྠཱཡ ཝཱཡམནྟསྶ ཨབྱཱཔཱདོ པཊིལདྡྷོ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ཨཱལོཀསཉྙཾ པཊིལཱབྷཏྠཱཡ ཝཱཡམནྟསྶ ཨཱལོཀསཉྙཱ པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ཨཝིཀྑེཔཾ པཊིལཱབྷཏྠཱཡ ཝཱཡམནྟསྶ ཨཝིཀྑེཔོ པཊིལདྡྷོ ཧོཏི. ཨེཝཾ སོ དྷམྨོ ¶ པརིཉྙཱཏོ ཙེཝ ཧོཏི ཏཱིརིཏོ ཙ. དྷམྨཝཝཏྠཱནཾ པཊིལཱབྷཏྠཱཡ ཝཱཡམནྟསྶ དྷམྨཝཝཏྠཱནཾ པཊིལདྡྷཾ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ཉཱཎཾ པཊིལཱབྷཏྠཱཡ ཝཱཡམནྟསྶ ཉཱཎཾ པཊིལདྡྷཾ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. པཱམོཛྫཾ པཊིལཱབྷཏྠཱཡ ཝཱཡམནྟསྶ པཱམོཛྫཾ པཊིལདྡྷཾ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ.

པཋམཾ ཛྷཱནཾ ¶ ¶ པཊིལཱབྷཏྠཱཡ ཝཱཡམནྟསྶ པཋམཾ ཛྷཱནཾ པཊིལདྡྷཾ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. དུཏིཡཾ ཛྷཱནཾ…པེ… ཏཏིཡཾ ཛྷཱནཾ… ཙཏུཏྠཾ ཛྷཱནཾ པཊིལཱབྷཏྠཱཡ ཝཱཡམནྟསྶ ཙཏུཏྠཾ ཛྷཱནཾ པཊིལདྡྷཾ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ཨཱཀཱསཱནཉྩཱཡཏནསམཱཔཏྟིཾ པཊིལཱབྷཏྠཱཡ ཝཱཡམནྟསྶ ཨཱཀཱསཱནཉྩཱཡཏནསམཱཔཏྟི པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ཝིཉྙཱཎཉྩཱཡཏནསམཱཔཏྟིཾ ¶ པཊིལཱབྷཏྠཱཡ ཝཱཡམནྟསྶ ཝིཉྙཱཎཉྩཱཡཏནསམཱཔཏྟི པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ཨཱཀིཉྩཉྙཱཡཏནསམཱཔཏྟིཾ པཊིལཱབྷཏྠཱཡ ཝཱཡམནྟསྶ ཨཱཀིཉྩཉྙཱཡཏནསམཱཔཏྟི པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ནེཝསཉྙཱནཱསཉྙཱཡཏནསམཱཔཏྟིཾ པཊིལཱབྷཏྠཱཡ ཝཱཡམནྟསྶ ནེཝསཉྙཱནཱསཉྙཱཡཏནསམཱཔཏྟི པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ.

ཨནིཙྩཱནུཔསྶནཾ པཊིལཱབྷཏྠཱཡ ཝཱཡམནྟསྶ ཨནིཙྩཱནུཔསྶནཱ པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. དུཀྑཱནུཔསྶནཾ པཊིལཱབྷཏྠཱཡ ཝཱཡམནྟསྶ དུཀྑཱནུཔསྶནཱ པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ཨནཏྟཱནུཔསྶནཾ པཊིལཱབྷཏྠཱཡ ཝཱཡམནྟསྶ ཨནཏྟཱནུཔསྶནཱ པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ནིབྦིདཱནུཔསྶནཾ པཊིལཱབྷཏྠཱཡ ཝཱཡམནྟསྶ ནིབྦིདཱནུཔསྶནཱ པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ཝིརཱགཱནུཔསྶནཾ པཊིལཱབྷཏྠཱཡ ཝཱཡམནྟསྶ ཝིརཱགཱནུཔསྶནཱ པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ནིརོདྷཱནུཔསྶནཾ ¶ པཊིལཱབྷཏྠཱཡ ཝཱཡམནྟསྶ ནིརོདྷཱནུཔསྶནཱ པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ¶ ཧོཏི ཏཱིརིཏོ ཙ. པཊིནིསྶགྒཱནུཔསྶནཾ པཊིལཱབྷཏྠཱཡ ཝཱཡམནྟསྶ པཊིནིསྶགྒཱནུཔསྶནཱ ¶ པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ཁཡཱནུཔསྶནཾ པཊིལཱབྷཏྠཱཡ ཝཱཡམནྟསྶ ཁཡཱནུཔསྶནཱ པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ཝཡཱནུཔསྶནཾ པཊིལཱབྷཏྠཱཡ ཝཱཡམནྟསྶ ཝཡཱནུཔསྶནཱ པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ཝིཔརིཎཱམཱནུཔསྶནཾ པཊིལཱབྷཏྠཱཡ ཝཱཡམནྟསྶ ཝིཔརིཎཱམཱནུཔསྶནཱ པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ཨནིམིཏྟཱནུཔསྶནཾ པཊིལཱབྷཏྠཱཡ ཝཱཡམནྟསྶ ཨནིམིཏྟཱནུཔསྶནཱ པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ཨཔྤཎིཧིཏཱནུཔསྶནཾ པཊིལཱབྷཏྠཱཡ ཝཱཡམནྟསྶ ཨཔྤཎིཧིཏཱནུཔསྶནཱ པཊིལདྡྷཱ ཧོཏི ¶ . ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. སུཉྙཏཱནུཔསྶནཾ པཊིལཱབྷཏྠཱཡ ཝཱཡམནྟསྶ སུཉྙཏཱནུཔསྶནཱ པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ.

ཨདྷིཔཉྙཱདྷམྨཝིཔསྶནཾ པཊིལཱབྷཏྠཱཡ ཝཱཡམནྟསྶ ཨདྷིཔཉྙཱདྷམྨཝིཔསྶནཱ པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ཡཐཱབྷཱུཏཉཱཎདསྶནཾ པཊིལཱབྷཏྠཱཡ ཝཱཡམནྟསྶ ཡཐཱབྷཱུཏཉཱཎདསྶནཾ པཊིལདྡྷཾ ཧོཏི. ཨེཝཾ སོ དྷམྨོ པརིཉྙཱཏོ ¶ ཙེཝ ཧོཏི ཏཱིརིཏོ ཙ. ཨཱདཱིནཝཱནུཔསྶནཾ པཊིལཱབྷཏྠཱཡ ཝཱཡམནྟསྶ ཨཱདཱིནཝཱནུཔསྶནཱ པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. པཊིསངྑཱནུཔསྶནཾ པཊིལཱབྷཏྠཱཡ ཝཱཡམནྟསྶ པཊིསངྑཱནུཔསྶནཱ པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ཝིཝཊྚནཱནུཔསྶནཾ པཊིལཱབྷཏྠཱཡ ཝཱཡམནྟསྶ ཝིཝཊྚནཱནུཔསྶནཱ པཊིལདྡྷཱ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ.

སོཏཱཔཏྟིམགྒཾ པཊིལཱབྷཏྠཱཡ ཝཱཡམནྟསྶ སོཏཱཔཏྟིམགྒོ པཊིལདྡྷོ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. སཀདཱགཱམིམགྒཾ ¶ པཊིལཱབྷཏྠཱཡ ཝཱཡམནྟསྶ སཀདཱགཱམིམགྒོ པཊིལདྡྷོ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ཨནཱགཱམིམགྒཾ ¶ པཊིལཱབྷཏྠཱཡ ཝཱཡམནྟསྶ ཨནཱགཱམིམགྒོ པཊིལདྡྷོ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ. ཨརཧཏྟམགྒཾ པཊིལཱབྷཏྠཱཡ ཝཱཡམནྟསྶ ཨརཧཏྟམགྒོ པཊིལདྡྷོ ཧོཏི. ཨེཝཾ སོ དྷམྨོ པརིཉྙཱཏོ ཙེཝ ཧོཏི ཏཱིརིཏོ ཙ.

ཡེསཾ ཡེསཾ དྷམྨཱནཾ པཊིལཱབྷཏྠཱཡ ཝཱཡམནྟསྶ ཏེ ཏེ དྷམྨཱ པཊིལདྡྷཱ ཧོནྟི. ཨེཝཾ ཏེ དྷམྨཱ པརིཉྙཱཏཱ ཙེཝ ཧོནྟི ཏཱིརིཏཱ ཙ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཨིམེ དྷམྨཱ པརིཉྙེཡྻཱཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎ’’ནྟི.

༢༣. ཀཐཾ ¶ ‘‘ཨིམེ དྷམྨཱ པཧཱཏབྦཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ?

ཨེཀོ དྷམྨོ པཧཱཏབྦོ – ཨསྨིམཱནོ. དྭེ དྷམྨཱ པཧཱཏབྦཱ – ཨཝིཛྫཱ ཙ བྷཝཏཎྷཱ ཙ. ཏཡོ དྷམྨཱ པཧཱཏབྦཱ – ཏིསྶོ ཏཎྷཱ. ཙཏྟཱརོ དྷམྨཱ པཧཱཏབྦཱ – ཙཏྟཱརོ ཨོགྷཱ. པཉྩ དྷམྨཱ པཧཱཏབྦཱ – པཉྩ ནཱིཝརཎཱནི. ཚ དྷམྨཱ པཧཱཏབྦཱ – ཚ ¶ ཏཎྷཱཀཱཡཱ. སཏྟ དྷམྨཱ པཧཱཏབྦཱ – སཏྟཱནུསཡཱ. ཨཊྛ དྷམྨཱ པཧཱཏབྦཱ – ཨཊྛ མིཙྪཏྟཱ. ནཝ དྷམྨཱ པཧཱཏབྦཱ – ནཝ ཏཎྷཱམཱུལཀཱ. དས དྷམྨཱ པཧཱཏབྦཱ – དས མིཙྪཏྟཱ.

༢༤. དྭེ པཧཱནཱནི – སམུཙྪེདཔྤཧཱནཾ, པཊིཔྤསྶདྡྷིཔྤཧཱནཾ. སམུཙྪེདཔྤཧཱནཉྩ ལོཀུཏྟརཾ ཁཡགཱམིམགྒཾ བྷཱཝཡཏོ; པཊིཔྤསྶདྡྷིཔྤཧཱནཉྩ ཕལཀྑཎེ. ཏཱིཎི པཧཱནཱནི – ཀཱམཱནམེཏཾ ནིསྶརཎཾ ཡདིདཾ ནེཀྑམྨཾ; རཱུཔཱནམེཏཾ ནིསྶརཎཾ ཡདིདཾ ཨཱརུཔྤཾ; ཡཾ ཁོ པན ཀིཉྩི བྷཱུཏཾ སངྑཏཾ པཊིཙྩསམུཔྤནྣཾ, ནིརོདྷོ ཏསྶ ནིསྶརཎཾ. ནེཀྑམྨཾ པཊིལདྡྷསྶ ཀཱམཱ པཧཱིནཱ ཙེཝ ཧོནྟི པརིཙྩཏྟཱ ཙ. ཨཱརུཔྤཾ པཊིལདྡྷསྶ རཱུཔཱ པཧཱིནཱ ཙེཝ ཧོནྟི པརིཙྩཏྟཱ ཙ. ནིརོདྷཾ པཊིལདྡྷསྶ སངྑཱརཱ པཧཱིནཱ ཙེཝ ཧོནྟི པརིཙྩཏྟཱ ཙ. ཙཏྟཱརི པཧཱནཱནི དུཀྑསཙྩཾ པརིཉྙཱཔཊིཝེདྷཾ པཊིཝིཛ྄ཛྷནྟོ པཛཧཏི; སམུདཡསཙྩཾ ¶ པཧཱནཔཊིཝེདྷཾ པཊིཝིཛ྄ཛྷནྟོ པཛཧཏི; ནིརོདྷསཙྩཾ སཙྪིཀིརིཡཱཔཊིཝེདྷཾ པཊིཝིཛ྄ཛྷནྟོ པཛཧཏི; མགྒསཙྩཾ བྷཱཝནཱཔཊིཝེདྷཾ པཊིཝིཛ྄ཛྷནྟོ ¶ པཛཧཏི. པཉྩ པཧཱནཱནི – ཝིཀྑམྦྷནཔྤཧཱནཾ, ཏདངྒཔྤཧཱནཾ, སམུཙྪེདཔྤཧཱནཾ, པཊིཔྤསྶདྡྷིཔྤཧཱནཾ, ནིསྶརཎཔྤཧཱནཾ. ཝིཀྑམྦྷནཔྤཧཱནཉྩ ནཱིཝརཎཱནཾ པཋམཾ ཛྷཱནཾ བྷཱཝཡཏོ; ཏདངྒཔྤཧཱནཉྩ དིཊྛིགཏཱནཾ ནིབྦེདྷབྷཱགིཡཾ ¶ སམཱདྷིཾ བྷཱཝཡཏོ; སམུཙྪེདཔྤཧཱནཉྩ ལོཀུཏྟརཾ ཁཡགཱམིམགྒཾ བྷཱཝཡཏོ; པཊིཔྤསྶདྡྷིཔྤཧཱནཉྩ ཕལཀྑཎེ; ནིསྶརཎཔྤཧཱནཉྩ ནིརོདྷོ ནིབྦཱནཾ.

‘‘སབྦཾ, བྷིཀྑཝེ, པཧཱཏབྦཾ. ཀིཉྩ, བྷིཀྑཝེ, སབྦཾ པཧཱཏབྦཾ? ཙཀྑུ, བྷིཀྑཝེ, པཧཱཏབྦཾ; རཱུཔཱ པཧཱཏབྦཱ; ཙཀྑུཝིཉྙཱཎཾ པཧཱཏབྦཾ; ཙཀྑུསམྥསྶོ པཧཱཏབྦོ; ཡམྤིདཾ ཙཀྑུསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ, ཏམྤི པཧཱཏབྦཾ. སོཏཾ པཧཱཏབྦཾ; སདྡཱ པཧཱཏབྦཱ…པེ… གྷཱནཾ པཧཱཏབྦཾ; གནྡྷཱ པཧཱཏབྦཱ… ཛིཝ྄ཧཱ པཧཱཏབྦཱ; རསཱ པཧཱཏབྦཱ… ཀཱཡོ པཧཱཏབྦོ; ཕོཊྛབྦཱ པཧཱཏབྦཱ… མནོ པཧཱཏབྦོ; དྷམྨཱ པཧཱཏབྦཱ… མནོཝིཉྙཱཎཾ པཧཱཏབྦཾ;… མནོསམྥསྶོ པཧཱཏབྦོ; ཡམྤིདཾ མནོསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ, ཏམྤི པཧཱཏབྦཾ.’’ རཱུཔཾ པསྶནྟོ པཛཧཏི, ཝེདནཾ པསྶནྟོ པཛཧཏི, སཉྙཾ པསྶནྟོ པཛཧཏི, སངྑཱརེ པསྶནྟོ པཛཧཏི, ཝིཉྙཱཎཾ པསྶནྟོ པཛཧཏི. ཙཀྑུཾ…པེ… ཛརཱམརཎཾ…པེ… ཨམཏོགདྷཾ ནིབྦཱནཾ པརིཡོསཱནཊྛེན ¶ པསྶནྟོ པཛཧཏི. ཡེ ཡེ དྷམྨཱ པཧཱིནཱ ཧོནྟི ཏེ ཏེ དྷམྨཱ པརིཙྩཏྟཱ ཧོནྟི. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ¶ ཝུཙྩཏི – ‘‘ཨིམེ དྷམྨཱ པཧཱཏབྦཱཏི སོཏཱཝདྷཱནཾ, ཏཾ པཛཱནནཱ པཉྙཱ སུཏམཡེ ཉཱཎ’’ནྟི.

ཏཏིཡབྷཱཎཝཱརོ.

༢༥. ཀཐཾ ¶ ‘‘ཨིམེ དྷམྨཱ བྷཱཝེཏབྦཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ?

ཨེཀོ དྷམྨོ བྷཱཝེཏབྦོ – ཀཱཡགཏཱསཏི སཱཏསཧགཏཱ. དྭེ དྷམྨཱ བྷཱཝེཏབྦཱ – སམཐོ ཙ ཝིཔསྶནཱ ཙ. ཏཡོ དྷམྨཱ བྷཱཝེཏབྦཱ – ཏཡོ སམཱདྷཱི. ཙཏྟཱརོ དྷམྨཱ བྷཱཝེཏབྦཱ – ཙཏྟཱརོ སཏིཔཊྛཱནཱ. པཉྩ དྷམྨཱ བྷཱཝེཏབྦཱ – པཉྩངྒིཀོ སམཱདྷི [སམྨཱསམཱདྷཱི (སྱཱ.)]. ཚ དྷམྨཱ བྷཱཝེཏབྦཱ – ཚ ཨནུསྶཏིཊྛཱནཱནི. སཏྟ དྷམྨཱ བྷཱཝེཏབྦཱ – སཏྟ བོཛ྄ཛྷངྒཱ. ཨཊྛ དྷམྨཱ བྷཱཝེཏབྦཱ – ཨརིཡོ ཨཊྛངྒིཀོ མགྒོ. ནཝ དྷམྨཱ བྷཱཝེཏབྦཱ – ནཝ པཱརིསུདྡྷིཔདྷཱནིཡངྒཱནི. དས དྷམྨཱ བྷཱཝེཏབྦཱ – དས ཀསིཎཱཡཏནཱནི.

༢༦. དྭེ ¶ བྷཱཝནཱ – ལོཀིཡཱ ཙ བྷཱཝནཱ, ལོཀུཏྟརཱ ཙ བྷཱཝནཱ. ཏིསྶོ བྷཱཝནཱ – རཱུཔཱཝཙརཀུསལཱནཾ དྷམྨཱནཾ བྷཱཝནཱ, ཨརཱུཔཱཝཙརཀུསལཱནཾ དྷམྨཱནཾ བྷཱཝནཱ, ཨཔརིཡཱཔནྣཀུསལཱནཾ དྷམྨཱནཾ བྷཱཝནཱ. རཱུཔཱཝཙརཀུསལཱནཾ དྷམྨཱནཾ བྷཱཝནཱ ཨཏྠི ཧཱིནཱ, ཨཏྠི མཛ྄ཛྷིམཱ, ཨཏྠི པཎཱིཏཱ. ཨརཱུཔཱཝཙརཀུསལཱནཾ དྷམྨཱནཾ བྷཱཝནཱ ཨཏྠི ཧཱིནཱ ¶ , ཨཏྠི མཛ྄ཛྷིམཱ, ཨཏྠི པཎཱིཏཱ. ཨཔརིཡཱཔནྣཀུསལཱནཾ དྷམྨཱནཾ བྷཱཝནཱ པཎཱིཏཱ.

༢༧. ཙཏསྶོ བྷཱཝནཱ – དུཀྑསཙྩཾ པརིཉྙཱཔཊིཝེདྷཾ པཊིཝིཛ྄ཛྷནྟོ བྷཱཝེཏི, སམུདཡསཙྩཾ པཧཱནཔྤཊིཝེདྷཾ པཊིཝིཛ྄ཛྷནྟོ བྷཱཝེཏི, ནིརོདྷསཙྩཾ སཙྪིཀིརིཡཱཔཊིཝེདྷཾ པཊིཝིཛ྄ཛྷནྟོ བྷཱཝེཏི, མགྒསཙྩཾ བྷཱཝནཱཔཊིཝེདྷཾ པཊིཝིཛ྄ཛྷནྟོ བྷཱཝེཏི. ཨིམཱ ཙཏསྶོ བྷཱཝནཱ.

ཨཔརཱཔི ཙཏསྶོ བྷཱཝནཱ – ཨེསནཱབྷཱཝནཱ, པཊིལཱབྷཱབྷཱཝནཱ, ཨེཀརསཱབྷཱཝནཱ, ཨཱསེཝནཱབྷཱཝནཱ. ཀཏམཱ ཨེསནཱབྷཱཝནཱ? སབྦེསཾ སམཱདྷིཾ སམཱཔཛྫནྟཱནཾ ཏཏྠ ཛཱཏཱ དྷམྨཱ ཨེཀརསཱ ཧོནྟཱིཏི – ཨཡཾ ཨེསནཱབྷཱཝནཱ. ཀཏམཱ པཊིལཱབྷཱབྷཱཝནཱ? སབྦེསཾ སམཱདྷིཾ སམཱཔནྣཱནཾ ཏཏྠ ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཨཡཾ པཊིལཱབྷཱབྷཱཝནཱ. ཀཏམཱ ཨེཀརསཱབྷཱཝནཱ? ཨདྷིམོཀྑཊྛེན སདྡྷིནྡྲིཡཾ བྷཱཝཡཏོ སདྡྷིནྡྲིཡསྶ ཝསེན ཙཏྟཱརི ཨིནྡྲིཡཱནི ཨེཀརསཱ ཧོནྟཱིཏི – ཨིནྡྲིཡཱནཾ ཨེཀརསཊྛེན བྷཱཝནཱ. པགྒཧཊྛེན ཝཱིརིཡིནྡྲིཡཾ བྷཱཝཡཏོ ¶ ཝཱིརིཡིནྡྲིཡསྶ ཝསེན ཙཏྟཱརི ཨིནྡྲིཡཱནི ཨེཀརསཱ ཧོནྟཱིཏི – ཨིནྡྲིཡཱནཾ ཨེཀརསཊྛེན བྷཱཝནཱ ¶ . ཨུཔཊྛཱནཊྛེན སཏིནྡྲིཡཾ བྷཱཝཡཏོ སཏིནྡྲིཡསྶ ཝསེན ཙཏྟཱརི ཨིནྡྲིཡཱནི ཨེཀརསཱ ཧོནྟཱིཏི – ཨིནྡྲིཡཱནཾ ཨེཀརསཊྛེན བྷཱཝནཱ. ཨཝིཀྑེཔཊྛེན སམཱདྷིནྡྲིཡཾ བྷཱཝཡཏོ སམཱདྷིནྡྲིཡསྶ ཝསེན ཙཏྟཱརི ཨིནྡྲིཡཱནི ཨེཀརསཱ ཧོནྟཱིཏི – ཨིནྡྲིཡཱནཾ ཨེཀརསཊྛེན བྷཱཝནཱ. དསྶནཊྛེན པཉྙིནྡྲིཡཾ བྷཱཝཡཏོ པཉྙིནྡྲིཡསྶ ¶ ཝསེན ཙཏྟཱརི ཨིནྡྲིཡཱནི ཨེཀརསཱ ཧོནྟཱིཏི – ཨིནྡྲིཡཱནཾ ཨེཀརསཊྛེན བྷཱཝནཱ.

ཨསྶདྡྷིཡེ ཨཀམྤིཡཊྛེན སདྡྷཱབལཾ བྷཱཝཡཏོ སདྡྷཱབལསྶ ཝསེན ཙཏྟཱརི བལཱནི ཨེཀརསཱ ཧོནྟཱིཏི – བལཱནཾ ཨེཀརསཊྛེན བྷཱཝནཱ. ཀོསཛྫེ ཨཀམྤིཡཊྛེན ཝཱིརིཡབལཾ བྷཱཝཡཏོ ཝཱིརིཡབལསྶ ཝསེན ཙཏྟཱརི ¶ བལཱནི ཨེཀརསཱ ཧོནྟཱིཏི – བལཱནཾ ཨེཀརསཊྛེན བྷཱཝནཱ. པམཱདེ ཨཀམྤིཡཊྛེན སཏིབལཾ བྷཱཝཡཏོ སཏིབལསྶ ཝསེན ཙཏྟཱརི བལཱནི ཨེཀརསཱ ཧོནྟཱིཏི – བལཱནཾ ཨེཀརསཊྛེན བྷཱཝནཱ. ཨུདྡྷཙྩེ ཨཀམྤིཡཊྛེན སམཱདྷིབལཾ བྷཱཝཡཏོ སམཱདྷིབལསྶ ཝསེན ཙཏྟཱརི བལཱནི ཨེཀརསཱ ཧོནྟཱིཏི – བལཱནཾ ཨེཀརསཊྛེན བྷཱཝནཱ. ཨཝིཛྫཱཡ ཨཀམྤིཡཊྛེན པཉྙཱབལཾ བྷཱཝཡཏོ པཉྙཱབལསྶ ཝསེན ཙཏྟཱརི བལཱནི ཨེཀརསཱ ཧོནྟཱིཏི – བལཱནཾ ཨེཀརསཊྛེན བྷཱཝནཱ.

ཨུཔཊྛཱནཊྛེན སཏིསམྦོཛ྄ཛྷངྒཾ བྷཱཝཡཏོ སཏིསམྦོཛ྄ཛྷངྒསྶ ཝསེན ཚ བོཛ྄ཛྷངྒཱ ཨེཀརསཱ ཧོནྟཱིཏི – བོཛ྄ཛྷངྒཱནཾ ཨེཀརསཊྛེན བྷཱཝནཱ. པཝིཙཡཊྛེན དྷམྨཝིཙཡསམྦོཛ྄ཛྷངྒཾ བྷཱཝཡཏོ དྷམྨཝིཙཡསམྦོཛ྄ཛྷངྒསྶ ཝསེན ཚ བོཛ྄ཛྷངྒཱ ཨེཀརསཱ ཧོནྟཱིཏི – བོཛ྄ཛྷངྒཱནཾ ཨེཀརསཊྛེན བྷཱཝནཱ. པགྒཧཊྛེན ཝཱིརིཡསམྦོཛ྄ཛྷངྒཾ བྷཱཝཡཏོ ཝཱིརིཡསམྦོཛ྄ཛྷངྒསྶ ཝསེན ཚ བོཛ྄ཛྷངྒཱ ཨེཀརསཱ ཧོནྟཱིཏི – བོཛ྄ཛྷངྒཱནཾ ཨེཀརསཊྛེན བྷཱཝནཱ. ཕརཎཊྛེན པཱིཏིསམྦོཛ྄ཛྷངྒཾ བྷཱཝཡཏོ པཱིཏིསམྦོཛ྄ཛྷངྒསྶ ཝསེན ཚ བོཛ྄ཛྷངྒཱ ཨེཀརསཱ ཧོནྟཱིཏི – བོཛ྄ཛྷངྒཱནཾ ཨེཀརསཊྛེན བྷཱཝནཱ. ཨུཔསམཊྛེན ¶ པསྶདྡྷིསམྦོཛ྄ཛྷངྒཾ བྷཱཝཡཏོ པསྶདྡྷིསམྦོཛ྄ཛྷངྒསྶ ཝསེན ཚ བོཛ྄ཛྷངྒཱ ཨེཀརསཱ ཧོནྟཱིཏི – བོཛ྄ཛྷངྒཱནཾ ཨེཀརསཊྛེན བྷཱཝནཱ. ཨཝིཀྑེཔཊྛེན སམཱདྷིསམྦོཛ྄ཛྷངྒཾ བྷཱཝཡཏོ སམཱདྷིསམྦོཛ྄ཛྷངྒསྶ ཝསེན ཚ བོཛ྄ཛྷངྒཱ ཨེཀརསཱ ཧོནྟཱིཏི – བོཛ྄ཛྷངྒཱནཾ ¶ ཨེཀརསཊྛེན བྷཱཝནཱ. པཊིསངྑཱནཊྛེན ཨུཔེཀྑཱསམྦོཛ྄ཛྷངྒཾ བྷཱཝཡཏོ ཨུཔེཀྑཱསམྦོཛ྄ཛྷངྒསྶ ཝསེན ཚ བོཛ྄ཛྷངྒཱ ཨེཀརསཱ ཧོནྟཱིཏི – བོཛ྄ཛྷངྒཱནཾ ཨེཀརསཊྛེན བྷཱཝནཱ.

དསྶནཊྛེན སམྨཱདིཊྛིཾ བྷཱཝཡཏོ སམྨཱདིཊྛིཡཱ ཝསེན སཏྟ མགྒངྒཱ ཨེཀརསཱ ཧོནྟཱིཏི – མགྒངྒཱནཾ ཨེཀརསཊྛེན བྷཱཝནཱ. ཨབྷིནིརོཔནཊྛེན སམྨཱསངྐཔྤཾ བྷཱཝཡཏོ སམྨཱསངྐཔྤསྶ ཝསེན སཏྟ ¶ མགྒངྒཱ ཨེཀརསཱ ཧོནྟཱིཏི – མགྒངྒཱནཾ ཨེཀརསཊྛེན བྷཱཝནཱ. པརིགྒཧཊྛེན སམྨཱཝཱཙཾ བྷཱཝཡཏོ སམྨཱཝཱཙཱཡ ཝསེན སཏྟ མགྒངྒཱ ཨེཀརསཱ ཧོནྟཱིཏི – མགྒངྒཱནཾ ཨེཀརསཊྛེན བྷཱཝནཱ. སམུཊྛཱནཊྛེན སམྨཱཀམྨནྟཾ བྷཱཝཡཏོ སམྨཱཀམྨནྟསྶ ཝསེན སཏྟ མགྒངྒཱ ཨེཀརསཱ ཧོནྟཱིཏི – མགྒངྒཱནཾ ཨེཀརསཊྛེན བྷཱཝནཱ. ཝོདཱནཊྛེན སམྨཱཨཱཛཱིཝཾ བྷཱཝཡཏོ སམྨཱཨཱཛཱིཝསྶ ཝསེན སཏྟ མགྒངྒཱ ཨེཀརསཱ ཧོནྟཱིཏི – མགྒངྒཱནཾ ཨེཀརསཊྛེན བྷཱཝནཱ ¶ . པགྒཧཊྛེན སམྨཱཝཱཡཱམཾ བྷཱཝཡཏོ སམྨཱཝཱཡཱམསྶ ཝསེན སཏྟ མགྒངྒཱ ཨེཀརསཱ ཧོནྟཱིཏི – མགྒངྒཱནཾ ཨེཀརསཊྛེན བྷཱཝནཱ. ཨུཔཊྛཱནཊྛེན སམྨཱསཏིཾ བྷཱཝཡཏོ སམྨཱསཏིཡཱ ཝསེན སཏྟ མགྒངྒཱ ཨེཀརསཱ ཧོནྟཱིཏི – མགྒངྒཱནཾ ¶ ཨེཀརསཊྛེན བྷཱཝནཱ. ཨཝིཀྑེཔཊྛེན སམྨཱསམཱདྷིཾ བྷཱཝཡཏོ སམྨཱསམཱདྷིསྶ ཝསེན སཏྟ མགྒངྒཱ ཨེཀརསཱ ཧོནྟཱིཏི – མགྒངྒཱནཾ ཨེཀརསཊྛེན བྷཱཝནཱ. ཨཡཾ ཨེཀརསཱབྷཱཝནཱ.

ཀཏམཱ ཨཱསེཝནཱབྷཱཝནཱ? ཨིདྷ བྷིཀྑུ པུབྦཎྷསམཡཾ ཨཱསེཝཏི, མཛ྄ཛྷནྷིཀསམཡམྤི [མཛ྄ཛྷནྟིཀསམཡམྤི (སྱཱ. ཀ.)] ཨཱསེཝཏི, སཱཡནྷསམཡམྤི ཨཱསེཝཏི, པུརེབྷཏྟམྤི ཨཱསེཝཏི, པཙྪཱབྷཏྟམྤི ཨཱསེཝཏི, པུརིམེཔི ཡཱམེ ཨཱསེཝཏི, མཛ྄ཛྷིམེཔི ཡཱམེ ཨཱསེཝཏི, པཙྪིམེཔི ཡཱམེ ཨཱསེཝཏི, རཏྟིམྤི ཨཱསེཝཏི, དིཝཱཔི ཨཱསེཝཏི, རཏྟིནྡིཝཱཔི [རཏྟིདིཝཱཔི (ཀ.)] ཨཱསེཝཏི, ཀཱལེ༹པི ཨཱསེཝཏི, ཛུཎྷེཔི ཨཱསེཝཏི, ཝསྶེཔི ཨཱསེཝཏི, ཧེམནྟེཔི ཨཱསེཝཏི, གིམྷེཔི ཨཱསེཝཏི, པུརིམེཔི ཝཡོཁནྡྷེ ཨཱསེཝཏི, མཛ྄ཛྷིམེཔི ཝཡོཁནྡྷེ ཨཱསེཝཏི, པཙྪིམེཔི ཝཡོཁནྡྷེ ཨཱསེཝཏི – ཨཡཾ ཨཱསེཝནཱབྷཱཝནཱ. ཨིམཱ ཙཏསྶོ བྷཱཝནཱ.

༢༨. ཨཔརཱཔི ཙཏསྶོ བྷཱཝནཱ – ཏཏྠ ཛཱཏཱནཾ དྷམྨཱནཾ ¶ ཨནཏིཝཏྟནཊྛེན བྷཱཝནཱ, ཨིནྡྲིཡཱནཾ ཨེཀརསཊྛེན བྷཱཝནཱ, ཏདུཔགཝཱིརིཡཝཱཧནཊྛེན བྷཱཝནཱ, ཨཱསེཝནཊྛེན བྷཱཝནཱ. ཀཐཾ ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ? ཀཱམཙྪནྡཾ པཛཧཏོ ནེཀྑམྨཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. བྱཱཔཱདཾ པཛཧཏོ ཨབྱཱཔཱདཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. ཐིནམིདྡྷཾ ¶ [ཐཱིནམིདྡྷཾ (སྱཱ. སཱི. ཨཊྛ.)] པཛཧཏོ ཨཱལོཀསཉྙཱཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. ཨུདྡྷཙྩཾ པཛཧཏོ ཨཝིཀྑེཔཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. ཝིཙིཀིཙྪཾ པཛཧཏོ དྷམྨཝཝཏྠཱནཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. ཨཝིཛྫཾ པཛཧཏོ ཉཱཎཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ ¶ . ཨརཏིཾ པཛཧཏོ པཱམོཛྫཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི ¶ – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. ནཱིཝརཎེ པཛཧཏོ པཋམཛ྄ཛྷཱནཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. ཝིཏཀྐཝིཙཱརེ པཛཧཏོ དུཏིཡཛ྄ཛྷཱནཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. པཱིཏིཾ པཛཧཏོ ཏཏིཡཛ྄ཛྷཱནཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. སུཁདུཀྑེ པཛཧཏོ ཙཏུཏྠཛ྄ཛྷཱནཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ.

རཱུཔསཉྙཾ པཊིགྷསཉྙཾ ནཱནཏྟསཉྙཾ པཛཧཏོ ཨཱཀཱསཱནཉྩཱཡཏནསམཱཔཏྟིཝསེན ཛཱཏཱ དྷམྨཱ ཨཉྙམཉྙཾ ¶ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ ¶ . ཨཱཀཱསཱནཉྩཱཡཏནསཉྙཾ པཛཧཏོ ཝིཉྙཱཎཉྩཱཡཏནསམཱཔཏྟིཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. ཝིཉྙཱཎཉྩཱཡཏནསཉྙཾ པཛཧཏོ ཨཱཀིཉྩཉྙཱཡཏནསམཱཔཏྟིཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. ཨཱཀིཉྩཉྙཱཡཏནསཉྙཾ པཛཧཏོ ནེཝསཉྙཱནཱསཉྙཱཡཏནསམཱཔཏྟིཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ.

ནིཙྩསཉྙཾ པཛཧཏོ ཨནིཙྩཱནུཔསྶནཱཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. སུཁསཉྙཾ པཛཧཏོ དུཀྑཱནུཔསྶནཱཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. ཨཏྟསཉྙཾ པཛཧཏོ ཨནཏྟཱནུཔསྶནཱཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. ནནྡིཾ པཛཧཏོ ནིབྦིདཱནུཔསྶནཱཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. རཱགཾ པཛཧཏོ ཝིརཱགཱནུཔསྶནཱཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན ¶ བྷཱཝནཱ. སམུདཡཾ པཛཧཏོ ནིརོདྷཱནུཔསྶནཱཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ ¶ . ཨཱདཱནཾ པཛཧཏོ པཊིནིསྶགྒཱནུཔསྶནཱཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. གྷནསཉྙཾ པཛཧཏོ ཁཡཱནུཔསྶནཱཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. ཨཱཡཱུཧནཾ པཛཧཏོ ཝཡཱནུཔསྶནཱཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི ¶ – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. དྷུཝསཉྙཾ པཛཧཏོ ཝིཔརིཎཱམཱནུཔསྶནཱཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. ནིམིཏྟཾ པཛཧཏོ ཨནིམིཏྟཱནུཔསྶནཱཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ¶ ཨནཏིཝཏྟནཊྛེན བྷཱཝནཱ. པཎིདྷིཾ པཛཧཏོ ཨཔྤཎིཧིཏཱནུཔསྶནཱཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. ཨབྷིནིཝེསཾ པཛཧཏོ སུཉྙཏཱནུཔསྶནཱཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. སཱརཱདཱནཱབྷིནིཝེསཾ པཛཧཏོ ཨདྷིཔཉྙཱ དྷམྨཝིཔསྶནཱཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. སམྨོཧཱབྷིནིཝེསཾ པཛཧཏོ ཡཐཱབྷཱུཏཉཱཎདསྶནཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. ཨཱལཡཱབྷིནིཝེསཾ པཛཧཏོ ཨཱདཱིནཝཱནུཔསྶནཱཝསེན ¶ ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. ཨཔྤཊིསངྑཾ པཛཧཏོ པཊིསངྑཱནུཔསྶནཱཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. སཉྙོགཱབྷིནིཝེསཾ པཛཧཏོ ཝིཝཊྚནཱནུཔསྶནཱཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ.

དིཊྛེཀཊྛེ ཀིལེསེ པཛཧཏོ སོཏཱཔཏྟིམགྒཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. ཨོལཱ༹རིཀེ ཀིལེསེ པཛཧཏོ སཀདཱགཱམིམགྒཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. ཨནུསཧགཏེ ཀིལེསེ པཛཧཏོ ཨནཱགཱམིམགྒཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. སབྦཀིལེསེ པཛཧཏོ ཨརཧཏྟམགྒཝསེན ཛཱཏཱ དྷམྨཱ ཨཉྙམཉྙཾ ནཱཏིཝཏྟནྟཱིཏི ¶ – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ. ཨེཝཾ ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ.

ཀཐཾ ཨིནྡྲིཡཱནཾ ཨེཀརསཊྛེན བྷཱཝནཱ? ཀཱམཙྪནྡཾ པཛཧཏོ ནེཀྑམྨཝསེན པཉྩིནྡྲིཡཱནི ཨེཀརསཱ ཧོནྟཱིཏི – ཨིནྡྲིཡཱནཾ ཨེཀརསཊྛེན བྷཱཝནཱ. བྱཱཔཱདཾ པཛཧཏོ ཨབྱཱཔཱདཝསེན པཉྩིནྡྲིཡཱནི ཨེཀརསཱ ཧོནྟཱིཏི – ཨིནྡྲིཡཱནཾ ཨེཀརསཊྛེན བྷཱཝནཱ…པེ… ¶ སབྦཀིལེསེ ¶ པཛཧཏོ ཨརཧཏྟམགྒཝསེན པཉྩིནྡྲིཡཱནི ཨེཀརསཱ ཧོནྟཱིཏི – ཨིནྡྲིཡཱནཾ ཨེཀརསཊྛེན བྷཱཝནཱ. ཨེཝཾ ཨིནྡྲིཡཱནཾ ཨེཀརསཊྛེན བྷཱཝནཱ.

ཀཐཾ ¶ ཏདུཔགཝཱིརིཡཝཱཧནཊྛེན བྷཱཝནཱ? ཀཱམཙྪནྡཾ པཛཧཏོ ནེཀྑམྨཝསེན ཝཱིརིཡཾ ཝཱཧེཏཱིཏི – ཏདུཔགཝཱིརིཡཝཱཧནཊྛེན བྷཱཝནཱ. བྱཱཔཱདཾ པཛཧཏོ ཨབྱཱཔཱདཝསེན ཝཱིརིཡཾ ཝཱཧེཏཱིཏི – ཏདུཔགཝཱིརིཡཝཱཧནཊྛེན བྷཱཝནཱ…པེ… སབྦཀིལེསེ པཛཧཏོ ཨརཧཏྟམགྒཝསེན ཝཱིརིཡཾ ཝཱཧེཏཱིཏི – ཏདུཔགཝཱིརིཡཝཱཧནཊྛེན བྷཱཝནཱ. ཨེཝཾ ཏདུཔགཝཱིརིཡཝཱཧནཊྛེན བྷཱཝནཱ.

ཀཐཾ ཨཱསེཝནཊྛེན བྷཱཝནཱ? ཀཱམཙྪནྡཾ པཛཧནྟོ ནེཀྑམྨཾ ཨཱསེཝཏཱིཏི – ཨཱསེཝནཊྛེན བྷཱཝནཱ. བྱཱཔཱདཾ པཛཧནྟོ ཨབྱཱཔཱདཾ ཨཱསེཝཏཱིཏི – ཨཱསེཝནཊྛེན བྷཱཝནཱ…པེ… སབྦཀིལེསེ པཛཧནྟོ ཨརཧཏྟམགྒཾ ཨཱསེཝཏཱིཏི – ཨཱསེཝནཊྛེན བྷཱཝནཱ. ཨེཝཾ ཨཱསེཝནཊྛེན བྷཱཝནཱ.

ཨིམཱ ཙཏསྶོ བྷཱཝནཱ རཱུཔཾ པསྶནྟོ བྷཱཝེཏི, ཝེདནཾ པསྶནྟོ བྷཱཝེཏི, སཉྙཾ པསྶནྟོ བྷཱཝེཏི, སངྑཱརེ པསྶནྟོ བྷཱཝེཏི, ཝིཉྙཱཎཾ པསྶནྟོ བྷཱཝེཏི, ཙཀྑུཾ…པེ… ཛརཱམརཎཾ…པེ… ཨམཏོགདྷཾ ནིབྦཱནཾ པརིཡོསཱནཊྛེན པསྶནྟོ བྷཱཝེཏི. ཡེ ཡེ དྷམྨཱ བྷཱཝིཏཱ ཧོནྟི ཏེ ཏེ དྷམྨཱ ཨེཀརསཱ ཧོནྟི. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཨིམེ དྷམྨཱ བྷཱཝེཏབྦཱཏི སོཏཱཝདྷཱནཾ, ཏཾཔཛཱནནཱ པཉྙཱ ¶ སུཏམཡེ ཉཱཎ’’ནྟི.

ཙཏུཏྠབྷཱཎཝཱརོ.

༢༩. ཀཐཾ ¶ ‘‘ཨིམེ དྷམྨཱ སཙྪིཀཱཏབྦཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ?

ཨེཀོ དྷམྨོ སཙྪིཀཱཏབྦོ – ཨཀུཔྤཱ ཙེཏོཝིམུཏྟི. དྭེ དྷམྨཱ སཙྪིཀཱཏབྦཱ – ཝིཛྫཱ ཙ ཝིམུཏྟི ཙ. ཏཡོ དྷམྨཱ སཙྪིཀཱཏབྦཱ – ཏིསྶོ ཝིཛྫཱ. ཙཏྟཱརོ དྷམྨཱ སཙྪིཀཱཏབྦཱ – ཙཏྟཱརི སཱམཉྙཕལཱནི. པཉྩ དྷམྨཱ སཙྪིཀཱཏབྦཱ – པཉྩ དྷམྨཀྑནྡྷཱ. ཚ དྷམྨཱ སཙྪིཀཱཏབྦཱ – ཚ ¶ ཨབྷིཉྙཱ. སཏྟ དྷམྨཱ སཙྪིཀཱཏབྦཱ – སཏྟ ཁཱིཎཱསཝབལཱནི. ཨཊྛ དྷམྨཱ སཙྪིཀཱཏབྦཱ – ཨཊྛ ཝིམོཀྑཱ. ནཝ དྷམྨཱ སཙྪིཀཱཏབྦཱ – ནཝ ཨནུཔུབྦནིརོདྷཱ. དས དྷམྨཱ སཙྪིཀཱཏབྦཱ – དས ཨསེཀྑཱ དྷམྨཱ.

‘‘སབྦཾ, བྷིཀྑཝེ, སཙྪིཀཱཏབྦཾ. ཀིཉྩ, བྷིཀྑཝེ, སབྦཾ སཙྪིཀཱཏབྦཾ? ཙཀྑུ, བྷིཀྑཝེ, སཙྪིཀཱཏབྦཾ; རཱུཔཱ སཙྪིཀཱཏབྦཱ; ཙཀྑུཝིཉྙཱཎཾ སཙྪིཀཱཏབྦཾ; ཙཀྑུསམྥསྶོ སཙྪིཀཱཏབྦོ ¶ ; ཡམྤིདཾ ཙཀྑུསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ, ཏམྤི སཙྪིཀཱཏབྦཾ. སོཏཾ སཙྪིཀཱཏབྦཾ; སདྡཱ སཙྪིཀཱཏབྦཱ…པེ… གྷཱནཾ སཙྪིཀཱཏབྦཾ; གནྡྷཱ སཙྪིཀཱཏབྦཱ… ཛིཝ྄ཧཱ སཙྪིཀཱཏབྦཱ; རསཱ སཙྪིཀཱཏབྦཱ… ཀཱཡོ སཙྪིཀཱཏབྦོ; ཕོཊྛབྦཱ སཙྪིཀཱཏབྦཱ… མནོ སཙྪིཀཱཏབྦོ; དྷམྨཱ སཙྪིཀཱཏབྦཱ; མནོཝིཉྙཱཎཾ སཙྪིཀཱཏབྦཾ; མནོསམྥསྶོ སཙྪིཀཱཏབྦོ ¶ ; ཡམྤིདཾ མནོསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ, ཏམྤི སཙྪིཀཱཏབྦཾ’’. རཱུཔཾ པསྶནྟོ སཙྪིཀརོཏི, ཝེདནཾ པསྶནྟོ སཙྪིཀརོཏི, སཉྙཾ པསྶནྟོ སཙྪིཀརོཏི, སངྑཱརེ པསྶནྟོ སཙྪིཀརོཏི, ཝིཉྙཱཎཾ པསྶནྟོ སཙྪིཀརོཏི. ཙཀྑུཾ…པེ… ཛརཱམརཎཾ…པེ… ཨམཏོགདྷཾ ནིབྦཱནཾ པརིཡོསཱནཊྛེན པསྶནྟོ སཙྪིཀརོཏི. ཡེ ཡེ དྷམྨཱ སཙྪིཀཏཱ ཧོནྟི ཏེ ཏེ དྷམྨཱ ཕསྶིཏཱ [ཕུསིཏཱ (སྱཱ.)] ཧོནྟི. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཨིམེ དྷམྨཱ སཙྪིཀཱཏབྦཱཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎ’’ནྟི.

༣༠. ཀཐཾ ‘‘ཨིམེ དྷམྨཱ ཧཱནབྷཱགིཡཱ, ཨིམེ དྷམྨཱ ཋིཏིབྷཱགིཡཱ, ཨིམེ དྷམྨཱ ཝིསེསབྷཱགིཡཱ, ཨིམེ དྷམྨཱ ནིབྦེདྷབྷཱགིཡཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ?

པཋམསྶ ¶ ཛྷཱནསྶ ལཱབྷིཾ ཀཱམསཧགཏཱ སཉྙཱམནསིཀཱརཱ སམུདཱཙརནྟི – ཧཱནབྷཱགིཡོ དྷམྨོ. ཏདནུདྷམྨཏཱ སཏི སནྟིཊྛཏི – ཋིཏིབྷཱགིཡོ དྷམྨོ. ཨཝིཏཀྐསཧགཏཱ སཉྙཱམནསིཀཱརཱ སམུདཱཙརནྟི – ཝིསེསབྷཱགིཡོ དྷམྨོ. ནིབྦིདཱསཧགཏཱ སཉྙཱམནསིཀཱརཱ སམུདཱཙརནྟི ¶ ཝིརཱགཱུཔསཾཧིཏཱ – ནིབྦེདྷབྷཱགིཡོ དྷམྨོ.

དུཏིཡསྶ ཛྷཱནསྶ ལཱབྷིཾ ཝིཏཀྐསཧགཏཱ སཉྙཱམནསིཀཱརཱ སམུདཱཙརནྟི – ཧཱནབྷཱགིཡོ དྷམྨོ. ཏདནུདྷམྨཏཱ སཏི སནྟིཊྛཏི – ཋིཏིབྷཱགིཡོ དྷམྨོ. ཨུཔེཀྑཱསུཁསཧགཏཱ སཉྙཱམནསིཀཱརཱ སམུདཱཙརནྟི – ཝིསེསབྷཱགིཡོ ¶ དྷམྨོ. ནིབྦིདཱསཧགཏཱ སཉྙཱམནསིཀཱརཱ སམུདཱཙརནྟི ཝིརཱགཱུཔསཾཧིཏཱ – ནིབྦེདྷབྷཱགིཡོ དྷམྨོ.

ཏཏིཡསྶ ཛྷཱནསྶ ལཱབྷིཾ པཱིཏིསུཁསཧགཏཱ སཉྙཱམནསིཀཱརཱ སམུདཱཙརནྟི – ཧཱནབྷཱགིཡོ དྷམྨོ. ཏདནུདྷམྨཏཱ སཏི སནྟིཊྛཏི – ཋིཏིབྷཱགིཡོ དྷམྨོ. ཨདུཀྑམསུཁསཧགཏཱ སཉྙཱམནསིཀཱརཱ སམུདཱཙརནྟི – ཝིསེསབྷཱགིཡོ དྷམྨོ. ནིབྦིདཱསཧགཏཱ སཉྙཱམནསིཀཱརཱ སམུདཱཙརནྟི ཝིརཱགཱུཔསཾཧིཏཱ – ནིབྦེདྷབྷཱགིཡོ དྷམྨོ.

ཙཏུཏྠསྶ ¶ ཛྷཱནསྶ ལཱབྷིཾ ཨུཔེཀྑཱསཧགཏཱ སཉྙཱམནསིཀཱརཱ སམུདཱཙརནྟི – ཧཱནབྷཱགིཡོ དྷམྨོ. ཏདནུདྷམྨཏཱ སཏི སནྟིཊྛཏི – ཋིཏིབྷཱགིཡོ དྷམྨོ. ཨཱཀཱསཱནཉྩཱཡཏནསཧགཏཱ སཉྙཱམནསིཀཱརཱ སམུདཱཙརནྟི – ཝིསེསབྷཱགིཡོ དྷམྨོ. ནིབྦིདཱསཧགཏཱ སཉྙཱམནསིཀཱརཱ སམུདཱཙརནྟི ཝིརཱགཱུཔསཾཧིཏཱ – ནིབྦེདྷབྷཱགིཡོ དྷམྨོ.

ཨཱཀཱསཱནཉྩཱཡཏནསྶ ལཱབྷིཾ རཱུཔསཧགཏཱ སཉྙཱམནསིཀཱརཱ སམུདཱཙརནྟི – ཧཱནབྷཱགིཡོ དྷམྨོ. ཏདནུདྷམྨཏཱ སཏི སནྟིཊྛཏི – ཋིཏིབྷཱགིཡོ དྷམྨོ. ཝིཉྙཱཎཉྩཱཡཏནསཧགཏཱ སཉྙཱམནསིཀཱརཱ སམུདཱཙརནྟི – ཝིསེསབྷཱགིཡོ དྷམྨོ. ནིབྦིདཱསཧགཏཱ སཉྙཱམནསིཀཱརཱ སམུདཱཙརནྟི ཝིརཱགཱུཔསཾཧིཏཱ – ནིབྦེདྷབྷཱགིཡོ དྷམྨོ.

ཝིཉྙཱཎཉྩཱཡཏནསྶ ལཱབྷིཾ ཨཱཀཱསཱནཉྩཱཡཏནསཧགཏཱ སཉྙཱམནསིཀཱརཱ སམུདཱཙརནྟི – ཧཱནབྷཱགིཡོ དྷམྨོ. ཏདནུདྷམྨཏཱ སཏི སནྟིཊྛཏི – ཋིཏིབྷཱགིཡོ དྷམྨོ. ཨཱཀིཉྩཉྙཱཡཏནསཧགཏཱ སཉྙཱམནསིཀཱརཱ སམུདཱཙརནྟི – ཝིསེསབྷཱགིཡོ དྷམྨོ. ནིབྦིདཱསཧགཏཱ སཉྙཱམནསིཀཱརཱ ¶ སམུདཱཙརནྟི ཝིརཱགཱུཔསཾཧིཏཱ – ནིབྦེདྷབྷཱགིཡོ དྷམྨོ.

ཨཱཀིཉྩཉྙཱཡཏནསྶ ¶ ལཱབྷིཾ ཝིཉྙཱཎཉྩཱཡཏནསཧགཏཱ སཉྙཱམནསིཀཱརཱ སམུདཱཙརནྟི – ཧཱནབྷཱགིཡོ དྷམྨོ. ཏདནུདྷམྨཏཱ སཏི སནྟིཊྛཏི – ཋིཏིབྷཱགིཡོ དྷམྨོ. ནེཝསཉྙཱནཱསཉྙཱཡཏནསཧགཏཱ སཉྙཱམནསིཀཱརཱ སམུདཱཙརནྟི – ཝིསེསབྷཱགིཡོ དྷམྨོ. ནིབྦིདཱསཧགཏཱ སཉྙཱམནསིཀཱརཱ སམུདཱཙརནྟི ཝིརཱགཱུཔསཾཧིཏཱ – ནིབྦེདྷབྷཱགིཡོ ¶ དྷམྨོ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཨིམེ དྷམྨཱ ཧཱནབྷཱགིཡཱ, ཨིམེ དྷམྨཱ ཋིཏིབྷཱགིཡཱ, ཨིམེ དྷམྨཱ ཝིསེསབྷཱགིཡཱ, ཨིམེ དྷམྨཱ ནིབྦེདྷབྷཱགིཡཱཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ’’.

༣༡. ཀཐཾ ‘‘སབྦེ སངྑཱརཱ ཨནིཙྩཱ, སབྦེ སངྑཱརཱ དུཀྑཱ, སབྦེ དྷམྨཱ ཨནཏྟཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ? ‘‘རཱུཔཾ ཨནིཙྩཾ ཁཡཊྛེན, དུཀྑཾ བྷཡཊྛེན, ཨནཏྟཱ ཨསཱརཀཊྛེནཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ. ‘‘ཝེདནཱ…པེ… སཉྙཱ… སངྑཱརཱ… ཝིཉྙཱཎཾ… ཙཀྑུ…པེ… ཛརཱམརཎཾ ཨནིཙྩཾ ཁཡཊྛེན, དུཀྑཾ བྷཡཊྛེན, ཨནཏྟཱ ཨསཱརཀཊྛེནཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘སབྦེ སངྑཱརཱ ཨནིཙྩཱ, སབྦེ སངྑཱརཱ དུཀྑཱ, སབྦེ དྷམྨཱ ཨནཏྟཱ’’ཏི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ.

༣༢. ཀཐཾ ¶ ¶ ‘‘ཨིདཾ དུཀྑཾ ཨརིཡསཙྩཾ, ཨིདཾ དུཀྑསམུདཡཾ ཨརིཡསཙྩཾ, ཨིདཾ དུཀྑནིརོདྷཾ ཨརིཡསཙྩཾ, ཨིདཾ དུཀྑནིརོདྷགཱམིནཱི པཊིཔདཱ ཨརིཡསཙྩ’’ནྟི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ?

༣༣. ཏཏྠ ཀཏམཾ དུཀྑཾ ཨརིཡསཙྩཾ? ཛཱཏིཔི དུཀྑཱ, ཛརཱཔི དུཀྑཱ, མརཎམྤི དུཀྑཾ, སོཀཔརིདེཝདུཀྑདོམནསྶུཔཱཡཱསཱཔི དུཀྑཱ, ཨཔྤིཡེཧི སམྤཡོགོ དུཀྑོ, པིཡེཧི ཝིཔྤཡོགོ དུཀྑོ, ཡམྤིཙྪཾ ན ལབྷཏི ཏམྤི དུཀྑཾ; སངྑིཏྟེན པཉྩུཔཱདཱནཀྑནྡྷཱ [པཉྩུཔཱདཱནཀྑནྡྷཱཔི (ཀ.) སཏིཔཊྛཱནསུཏྟེ སཙྩཝིབྷངྒེ ཙ པསྶིཏབྦཾ] དུཀྑཱ.

ཏཏྠ ཀཏམཱ ཛཱཏི? ཡཱ ཏེསཾ ཏེསཾ སཏྟཱནཾ ཏམྷི ཏམྷི སཏྟནིཀཱཡེ ཛཱཏི སཉྫཱཏི ཨོཀྐནྟི ཨབྷིནིབྦཏྟི ཁནྡྷཱནཾ པཱཏུབྷཱཝོ ཨཱཡཏནཱནཾ པཊིལཱབྷོ – ཨཡཾ ཝུཙྩཏི ཛཱཏི.

ཏཏྠ ¶ ཀཏམཱ ཛརཱ ཡཱ ཏེསཾ ཏེསཾ སཏྟཱནཾ ཏམྷི ཏམྷི སཏྟནིཀཱཡེ ཛརཱ ཛཱིརཎཏཱ ཁཎྜིཙྩཾ པཱལིཙྩཾ ཝལིཏྟཙཏཱ ཨཱཡུནོ སཾཧཱནི ཨིནྡྲིཡཱནཾ པརིཔཱཀོ – ཨཡཾ ཝུཙྩཏི ཛརཱ.

ཏཏྠ ¶ ཀཏམཾ མརཎཾ? ཡཱ ཏེསཾ ཏེསཾ སཏྟཱནཾ ཏམྷཱ ཏམྷཱ སཏྟནིཀཱཡཱ ཙུཏི ཙཝནཏཱ བྷེདོ ཨནྟརདྷཱནཾ མཙྩུ མརཎཾ ཀཱལཀིརིཡཱ [ཀཱལཾཀིརིཡཱ (ཀ.)] ཁནྡྷཱནཾ བྷེདོ ཀལེ༹ཝརསྶ ནིཀྑེཔོ ཛཱིཝིཏིནྡྲིཡསྶུཔཙྪེདོ – ཨིདཾ ཝུཙྩཏི མརཎཾ.

ཏཏྠ ཀཏམོ སོཀོ? ཉཱཏིབྱསནེན [ཡོ ཉཱཏིབྱསནེན (སྱཱ.) པསྶ སཙྩཝིབྷངྒེ] ཝཱ ཕུཊྛསྶ, བྷོགབྱསནེན ཝཱ ཕུཊྛསྶ, རོགབྱསནེན ཝཱ ཕུཊྛསྶ, སཱིལབྱསནེན ཝཱ ཕུཊྛསྶ, དིཊྛིབྱསནེན ཝཱ ཕུཊྛསྶ, ཨཉྙཏརཉྙཏརེན བྱསནེན ¶ སམནྣཱགཏསྶ, ཨཉྙཏརཉྙཏརེན དུཀྑདྷམྨེན ཕུཊྛསྶ སོཀོ སོཙནཱ སོཙིཏཏྟཾ ཨནྟོསོཀོ ཨནྟོཔརིསོཀོ ཙེཏསོ པརིཛ྄ཛྷཱཡནཱ དོམནསྶཾ སོཀསལླཾ – ཨཡཾ ཝུཙྩཏི སོཀོ.

ཏཏྠ ཀཏམོ པརིདེཝོ? ཉཱཏིབྱསནེན ཝཱ ཕུཊྛསྶ, བྷོགབྱསནེན ཝཱ ཕུཊྛསྶ, རོགབྱསནེན ཝཱ ཕུཊྛསྶ, སཱིལབྱསནེན ཝཱ ཕུཊྛསྶ, དིཊྛིབྱསནེན ཝཱ ཕུཊྛསྶ, ཨཉྙཏརཉྙཏརེན བྱསནེན སམནྣཱགཏསྶ, ཨཉྙཏརཉྙཏརེན དུཀྑདྷམྨེན ཕུཊྛསྶ ཨཱདེཝོ པརིདེཝོ ཨཱདེཝནཱ, པརིདེཝནཱ ཨཱདེཝིཏཏྟཾ པརིདེཝིཏཏྟཾ ཝཱཙཱ པལཱཔོ ཝིཔྤལཱཔོ ལཱལཔྤོ ལཱལཔྤནཱ ལཱལཔྤིཏཏྟཾ – ཨཡཾ ཝུཙྩཏི པརིདེཝོ.

ཏཏྠ ¶ ཀཏམཾ དུཀྑཾ? ཡཾ ཀཱཡིཀཾ ཨསཱཏཾ ཀཱཡིཀཾ དུཀྑཾ ཀཱཡསམྥསྶཛཾ ཨསཱཏཾ དུཀྑཾ ཝེདཡིཏཾ, ཀཱཡསམྥསྶཛཱ ཨསཱཏཱ དུཀྑཱ ཝེདནཱ – ཨིདཾ ཝུཙྩཏི དུཀྑཾ.

ཏཏྠ ཀཏམཾ དོམནསྶཾ? ཡཾ ཙེཏསིཀཾ ཨསཱཏཾ ཙེཏསིཀཾ དུཀྑཾ, ཙེཏོསམྥསྶཛཾ ཨསཱཏཾ ཝེདཡིཏཾ, ཙེཏོསམྥསྶཛཱ ཨསཱཏཱ དུཀྑཱ ཝེདནཱ – ཨིདཾ ཝུཙྩཏི དོམནསྶཾ.

ཏཏྠ ཀཏམོ ཨུཔཱཡཱསོ? ཉཱཏིབྱསནེན ཝཱ ཕུཊྛསྶ, བྷོགབྱསནེན ཝཱ ཕུཊྛསྶ, རོགབྱསནེན ཝཱ ཕུཊྛསྶ, སཱིལབྱསནེན ཝཱ ཕུཊྛསྶ, དིཊྛིབྱསནེན ཝཱ ཕུཊྛསྶ, ཨཉྙཏརཉྙཏརེན བྱསནེན སམནྣཱགཏསྶ, ཨཉྙཏརཉྙཏརེན ¶ དུཀྑདྷམྨེན ཕུཊྛསྶ ཨཱཡཱསོ ¶ ཨུཔཱཡཱསོ ཨཱཡཱསནཱ ཨུཔཱཡཱསནཱ ཨཱཡཱསིཏཏྟཾ ཨུཔཱཡཱསིཏཏྟཾ – ཨཡཾ ཝུཙྩཏི ཨུཔཱཡཱསོ.

ཏཏྠ ཀཏམོ ཨཔྤིཡེཧི སམྤཡོགོ དུཀྑོ? ཨིདྷ ཡསྶ ¶ ཏེ ཧོནྟི ཨནིཊྛཱ ཨཀནྟཱ ཨམནཱཔཱ རཱུཔཱ སདྡཱ གནྡྷཱ རསཱ ཕོཊྛབྦཱ, ཡེ ཝཱ པནསྶ ཏེ ཧོནྟི ཨནཏྠཀཱམཱ ཨཧིཏཀཱམཱ ཨཕཱསུཀཱམཱ ཨཡོགཀྑེམཀཱམཱ, ཡཱ ཏེཧི སདྡྷིཾ སངྒཏི སམཱགམོ སམོདྷཱནཾ མིསྶཱིབྷཱཝོ – ཨཡཾ ཝུཙྩཏི ཨཔྤིཡེཧི སམྤཡོགོ དུཀྑོ.

ཏཏྠ ཀཏམོ པིཡེཧི ཝིཔྤཡོགོ དུཀྑོ? ཨིདྷ ཡསྶ ཏེ ཧོནྟི ཨིཊྛཱ ཀནྟཱ མནཱཔཱ རཱུཔཱ སདྡཱ གནྡྷཱ རསཱ ཕོཊྛབྦཱ, ཡེ ཝཱ པནསྶ ཏེ ཧོནྟི ཨཏྠཀཱམཱ ཧིཏཀཱམཱ ཕཱསུཀཱམཱ ཡོགཀྑེམཀཱམཱ མཱཏཱ ཝཱ པིཏཱ ཝཱ བྷཱཏཱ ཝཱ བྷགིནཱི ཝཱ མིཏྟཱ ཝཱ ཨམཙྩཱ ཝཱ ཉཱཏཱི ཝཱ སཱལོཧིཏཱ ཝཱ, ཡཱ ཏེཧི སདྡྷིཾ ཨསངྒཏི ཨསམཱགམོ ཨསམོདྷཱནཾ ཨམིསྶཱིབྷཱཝོ – ཨཡཾ ཝུཙྩཏི པིཡེཧི ཝིཔྤཡོགོ དུཀྑོ.

ཏཏྠ ཀཏམཾ ཡམྤིཙྪཾ ན ལབྷཏི ཏམྤི དུཀྑཾ? ཛཱཏིདྷམྨཱནཾ སཏྟཱནཾ ཨེཝཾ ཨིཙྪཱ ཨུཔྤཛྫཏི – ‘‘ཨཧོ ཝཏ མཡཾ ན ཛཱཏིདྷམྨཱ ཨསྶཱམ, ན ཙ ཝཏ ནོ ཛཱཏི ཨཱགཙྪེཡྻཱ’’ཏི. ན ཁོ པནེཏཾ ཨིཙྪཱཡ པཏྟབྦཾ – ཨིདམྤི ཡམྤིཙྪཾ ན ལབྷཏི ཏམྤི དུཀྑཾ. ཛརཱདྷམྨཱནཾ སཏྟཱནཾ…པེ… བྱཱདྷིདྷམྨཱནཾ སཏྟཱནཾ… མརཎདྷམྨཱནཾ སཏྟཱནཾ… སོཀཔརིདེཝདུཀྑདོམནསྶུཔཱཡཱསདྷམྨཱནཾ སཏྟཱནཾ ཨེཝཾ ཨིཙྪཱ ཨུཔྤཛྫཏི ¶ – ‘‘ཨཧོ ཝཏ མཡཾ ན སོཀཔརིདེཝདུཀྑདོམནསྶུཔཱཡཱསདྷམྨཱ ཨསྶཱམ, ན ཙ ཝཏ ནོ སོཀཔརིདེཝདུཀྑདོམནསྶུཔཱཡཱསཱ ཨཱགཙྪེཡྻུ’’ནྟི. ན ཁོ པནེཏཾ ཨིཙྪཱཡ པཏྟབྦཾ – ཨིདམྤི ཡམྤིཙྪཾ ན ལབྷཏི ཏམྤི དུཀྑཾ.

ཏཏྠ ¶ ཀཏམེ སངྑིཏྟེན པཉྩུཔཱདཱནཀྑནྡྷཱ དུཀྑཱ? སེཡྻཐིདཾ [སེཡྻཐཱིདཾ (སྱཱ. སཱི. ཨཊྛ.)] – རཱུཔུཔཱདཱནཀྑནྡྷོ, [རཱུཔཱུཔཱདཱནཀྑནྡྷོ (སྱཱ.) ཨེཝམུཔརིཔི], ཝེདནུཔཱདཱནཀྑནྡྷོ སཉྙུཔཱདཱནཀྑནྡྷོ, སངྑཱརུཔཱདཱནཀྑནྡྷོ, ཝིཉྙཱཎུཔཱདཱནཀྑནྡྷོ – ཨིམེ ཝུཙྩནྟི སངྑིཏྟེན པཉྩུཔཱདཱནཀྑནྡྷཱ དུཀྑཱ. ཨིདཾ ཝུཙྩཏི དུཀྑཾ ཨརིཡསཙྩཾ.

༣༤. ཏཏྠ ¶ ཀཏམཾ དུཀྑསམུདཡཾ ཨརིཡསཙྩཾ? ཡཱཡཾ ཏཎྷཱ པོནོབྷཝིཀཱ [པོནོབྦྷཝིཀཱ (སྱཱ.)] ནནྡིརཱགསཧགཏཱ ཏཏྲཏཏྲཱབྷིནནྡིནཱི, སེཡྻཐིདཾ – ཀཱམཏཎྷཱ བྷཝཏཎྷཱ ཝིབྷཝཏཎྷཱ ¶ , སཱ ཁོ པནེསཱ ཏཎྷཱ ཀཏྠ ཨུཔྤཛྫམཱནཱ ཨུཔྤཛྫཏི, ཀཏྠ ནིཝིསམཱནཱ ནིཝིསཏི? ཡཾ ལོཀེ པིཡརཱུཔཾ སཱཏརཱུཔཾ, ཨེཏྠེསཱ ཏཎྷཱ ཨུཔྤཛྫམཱནཱ ཨུཔྤཛྫཏི, ཨེཏྠ ནིཝིསམཱནཱ ནིཝིསཏི. ཀིཉྩ ལོཀེ པིཡརཱུཔཾ སཱཏརཱུཔཾ? ཙཀྑུ ལོཀེ པིཡརཱུཔཾ སཱཏརཱུཔཾ, ཨེཏྠེསཱ ཏཎྷཱ ཨུཔྤཛྫམཱནཱ ཨུཔྤཛྫཏི, ཨེཏྠ ནིཝིསམཱནཱ ནིཝིསཏི. སོཏཾ ལོཀེ…པེ… གྷཱནཾ ལོཀེ… ཛིཝ྄ཧཱ ལོཀེ… ཀཱཡོ ལོཀེ… མནོ ལོཀེ པིཡརཱུཔཾ སཱཏརཱུཔཾ, ཨེཏྠེསཱ ཏཎྷཱ ཨུཔྤཛྫམཱནཱ ཨུཔྤཛྫཏི, ཨེཏྠ ནིཝིསམཱནཱ ནིཝིསཏི. རཱུཔཱ ལོཀེ པིཡརཱུཔཾ སཱཏརཱུཔཾ, ཨེཏྠེསཱ ཏཎྷཱ ¶ ཨུཔྤཛྫམཱནཱ ཨུཔྤཛྫཏི, ཨེཏྠ ནིཝིསམཱནཱ ནིཝིསཏི. སདྡཱ ལོཀེ པིཡརཱུཔཾ སཱཏརཱུཔཾ…པེ… དྷམྨཱ ལོཀེ… ཙཀྑུཝིཉྙཱཎཾ ལོཀེ…པེ… མནོཝིཉྙཱཎཾ ལོཀེ… ཙཀྑུསམྥསྶོ ལོཀེ…པེ… མནོསམྥསྶོ ལོཀེ… ཙཀྑུསམྥསྶཛཱ ཝེདནཱ ལོཀེ…པེ… མནོསམྥསྶཛཱ ཝེདནཱ ལོཀེ… རཱུཔསཉྙཱ ལོཀེ…པེ… དྷམྨསཉྙཱ ལོཀེ… རཱུཔསཉྩེཏནཱ ལོཀེ…པེ… དྷམྨསཉྩེཏནཱ ལོཀེ… རཱུཔཏཎྷཱ ལོཀེ…པེ… དྷམྨཏཎྷཱ ལོཀེ… རཱུཔཝིཏཀྐོ ལོཀེ…པེ… དྷམྨཝིཏཀྐོ ལོཀེ… རཱུཔཝིཙཱརོ ལོཀེ…པེ… དྷམྨཝིཙཱརོ ལོཀེ པིཡརཱུཔཾ སཱཏརཱུཔཾ, ཨེཏྠེསཱ ཏཎྷཱ ཨུཔྤཛྫམཱནཱ ཨུཔྤཛྫཏི, ཨེཏྠ ནིཝིསམཱནཱ ནིཝིསཏི. ཨིདཾ ཝུཙྩཏི དུཀྑསམུདཡཾ ཨརིཡསཙྩཾ.

༣༥. ཏཏྠ ཀཏམཾ དུཀྑནིརོདྷཾ ཨརིཡསཙྩཾ? ཡོ ཏསྶཱཡེཝ ཏཎྷཱཡ ཨསེསཝིརཱགནིརོདྷོ ཙཱགོ པཊིནིསྶགྒོ མུཏྟི ཨནཱལཡོ, སཱ ཁོ པནེསཱ ཏཎྷཱ ཀཏྠ པཧཱིཡམཱནཱ པཧཱིཡཏི, ཀཏྠ ནིརུཛ྄ཛྷམཱནཱ ནིརུཛ྄ཛྷཏི? ཡཾ ལོཀེ པིཡརཱུཔཾ སཱཏརཱུཔཾ, ཨེཏྠེསཱ ཏཎྷཱ པཧཱིཡམཱནཱ པཧཱིཡཏི, ཨེཏྠ ནིརུཛ྄ཛྷམཱནཱ ནིརུཛ྄ཛྷཏི. ཀིཉྩ ལོཀེ པིཡརཱུཔཾ སཱཏརཱུཔཾ? ཙཀྑུལོཀེ པིཡརཱུཔཾ སཱཏརཱུཔཾ, ཨེཏྠེསཱ ཏཎྷཱ པཧཱིཡམཱནཱ པཧཱིཡཏི, ཨེཏྠ ནིརུཛ྄ཛྷམཱནཱ ནིརུཛ྄ཛྷཏི…པེ… དྷམྨཝིཙཱརོ ལོཀེ པིཡརཱུཔཾ སཱཏརཱུཔཾ, ཨེཏྠེསཱ ཏཎྷཱ པཧཱིཡམཱནཱ པཧཱིཡཏི, ཨེཏྠ ནིརུཛ྄ཛྷམཱནཱ ནིརུཛ྄ཛྷཏི. ཨིདཾ ཝུཙྩཏི དུཀྑནིརོདྷཾ ཨརིཡསཙྩཾ.

༣༦. ཏཏྠ ¶ ཀཏམཾ དུཀྑནིརོདྷགཱམིནཱི པཊིཔདཱ ཨརིཡསཙྩཾ? ཨཡམེཝ ཨརིཡོ ¶ ཨཊྛངྒིཀོ ¶ མགྒོ, སེཡྻཐིདཾ – སམྨཱདིཊྛི སམྨཱསངྐཔྤོ སམྨཱཝཱཙཱ སམྨཱཀམྨནྟོ ¶ སམྨཱཨཱཛཱིཝོ སམྨཱཝཱཡཱམོ སམྨཱསཏི སམྨཱསམཱདྷི. ཏཏྠ ཀཏམཱ སམྨཱདིཊྛི? དུཀྑེ ཉཱཎཾ, དུཀྑསམུདཡེ ཉཱཎཾ, དུཀྑནིརོདྷེ ཉཱཎཾ, དུཀྑནིརོདྷགཱམིནིཡཱ པཊིཔདཱཡ ཉཱཎཾ – ཨཡཾ ཝུཙྩཏི སམྨཱདིཊྛི.

ཏཏྠ ཀཏམོ སམྨཱསངྐཔྤོ? ནེཀྑམྨསངྐཔྤོ, ཨབྱཱཔཱདསངྐཔྤོ, ཨཝིཧིཾསཱསངྐཔྤོ – ཨཡཾ ཝུཙྩཏི སམྨཱསངྐཔྤོ.

ཏཏྠ ཀཏམཱ སམྨཱཝཱཙཱ? མུསཱཝཱདཱ ཝེརམཎཱི [ཝེརམཎི (ཀ.)], པིསུཎཱཡ ཝཱཙཱཡ ཝེརམཎཱི, ཕརུསཱཡ ཝཱཙཱཡ ཝེརམཎཱི, སམྥཔྤལཱཔཱ ཝེརམཎཱི – ཨཡཾ ཝུཙྩཏི སམྨཱཝཱཙཱ.

ཏཏྠ ཀཏམོ སམྨཱཀམྨནྟོ? པཱཎཱཏིཔཱཏཱ ཝེརམཎཱི, ཨདིནྣཱདཱནཱ ཝེརམཎཱི, ཀཱམེསུམིཙྪཱཙཱརཱ ཝེརམཎཱི – ཨཡཾ ཝུཙྩཏི སམྨཱཀམྨནྟོ.

ཏཏྠ ཀཏམོ སམྨཱཨཱཛཱིཝོ? ཨིདྷ ཨརིཡསཱཝཀོ མིཙྪཱཨཱཛཱིཝཾ པཧཱཡ སམྨཱཨཱཛཱིཝེན ཛཱིཝིཀཾ [ཛཱིཝིཏཾ (ཀ.)] ཀཔྤེཏི – ཨཡཾ ཝུཙྩཏི སམྨཱཨཱཛཱིཝོ.

ཏཏྠ ཀཏམོ སམྨཱཝཱཡཱམོ? ཨིདྷ བྷིཀྑུ ཨནུཔྤནྣཱནཾ པཱཔཀཱནཾ ཨཀུསལཱནཾ དྷམྨཱནཾ ཨནུཔྤཱདཱཡ ཚནྡཾ ཛནེཏི ཝཱཡམཏི ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི, ཨུཔྤནྣཱནཾ པཱཔཀཱནཾ ཨཀུསལཱནཾ དྷམྨཱནཾ པཧཱནཱཡ…པེ… ཨནུཔྤནྣཱནཾ ཀུསལཱནཾ དྷམྨཱནཾ ཨུཔྤཱདཱཡ ¶ …པེ… ཨུཔྤནྣཱནཾ ཀུསལཱནཾ དྷམྨཱནཾ ཋིཏིཡཱ ཨསམྨོསཱཡ བྷིཡྻོབྷཱཝཱཡ ཝེཔུལླཱཡ བྷཱཝནཱཡ པཱརིཔཱུརིཡཱ ཚནྡཾ ཛནེཏི ཝཱཡམཏི ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི – ཨཡཾ ཝུཙྩཏི སམྨཱཝཱཡཱམོ.

ཏཏྠ ཀཏམཱ སམྨཱསཏི? ཨིདྷ བྷིཀྑུ ཀཱཡེ ཀཱཡཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱདོམནསྶཾ. ཝེདནཱསུ…པེ… ཙིཏྟེ…པེ… དྷམྨེསུ དྷམྨཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱདོམནསྶཾ – ཨཡཾ ཝུཙྩཏི སམྨཱསཏི.

ཏཏྠ ཀཏམོ སམྨཱསམཱདྷི? ཨིདྷ བྷིཀྑུ ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི ¶ སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ¶ ཝིཧརཏི. ཝིཏཀྐཝིཙཱརཱནཾ ཝཱུཔསམཱ ཨཛ྄ཛྷཏྟཾ སམྤསཱདནཾ ཙེཏསོ ཨེཀོདིབྷཱཝཾ ཨཝིཏཀྐཾ ཨཝིཙཱརཾ སམཱདྷིཛཾ ¶ པཱིཏིསུཁཾ དུཏིཡཾ ཛྷཱནཾ ཨུཔསམྤཛྫ ཝིཧརཏི. པཱིཏིཡཱ ཙ ཝིརཱགཱ ཨུཔེཀྑཀོ ཙ ཝིཧརཏི སཏོ ཙ སམྤཛཱནོ སུཁཉྩ ཀཱཡེན པཊིསཾཝེདེཏི, ཡཾ ཏཾ ཨརིཡཱ ཨཱཙིཀྑནྟི – ‘‘ཨུཔེཀྑཀོ སཏིམཱ སུཁཝིཧཱརཱི’’ཏི ཏཏིཡཾ ཛྷཱནཾ ཨུཔསམྤཛྫ ཝིཧརཏི. སུཁསྶ ཙ པཧཱནཱ དུཀྑསྶ ཙ པཧཱནཱ པུབྦེཝ སོམནསྶདོམནསྶཱནཾ ཨཏྠངྒམཱ ཨདུཀྑམསུཁཾ ཨུཔེཀྑཱསཏིཔཱརིསུདྡྷིཾ ཙཏུཏྠཾ ཛྷཱནཾ ཨུཔསམྤཛྫ ཝིཧརཏི. ཨཡཾ ཝུཙྩཏི སམྨཱསམཱདྷི. ཨིདཾ ཝུཙྩཏི དུཀྑནིརོདྷགཱམིནཱི པཊིཔདཱ ཨརིཡསཙྩཾ. ཏཾ ཉཱཏཊྛེན ཉཱཎཾ, པཛཱནནཊྛེན ¶ པཉྙཱ. ཏེན ཝུཙྩཏི – ‘‘ཨིདཾ དུཀྑཾ ཨརིཡསཙྩཾ, ཨིདཾ དུཀྑསམུདཡཾ ཨརིཡསཙྩཾ, ཨིདཾ དུཀྑནིརོདྷཾ ཨརིཡསཙྩཾ, ཨིདཾ དུཀྑནིརོདྷགཱམིནཱི པཊིཔདཱ ཨརིཡསཙྩ’’ནྟི སོཏཱཝདྷཱནཾ, ཏཾཔཛཱནནཱ པཉྙཱ སུཏམཡེ ཉཱཎཾ. ཨེཝཾ སོཏཱཝདྷཱནེ པཉྙཱ སུཏམཡེ ཉཱཎཾ.

སུཏམཡཉཱཎནིདྡེསོ པཋམོ.

༢. སཱིལམཡཉཱཎནིདྡེསོ

༣༧. ཀཐཾ སུཏྭཱན སཾཝརེ པཉྙཱ སཱིལམཡེ ཉཱཎཾ? པཉྩ སཱིལཱནི – པརིཡནྟཔཱརིསུདྡྷིསཱིལཾ, ཨཔརིཡནྟཔཱརིསུདྡྷིསཱིལཾ, པརིཔུཎྞཔཱརིསུདྡྷིསཱིལཾ, ཨཔརཱམཊྛཔཱརིསུདྡྷིསཱིལཾ, པཊིཔྤསྶདྡྷིཔཱརིསུདྡྷིསཱིལནྟི.

ཏཏྠ ཀཏམཾ པརིཡནྟཔཱརིསུདྡྷིསཱིལཾ? ཨནུཔསམྤནྣཱནཾ པརིཡནྟསིཀྑཱཔདཱནཾ – ཨིདཾ པརིཡནྟཔཱརིསུདྡྷིསཱིལཾ. ཀཏམཾ ཨཔརིཡནྟཔཱརིསུདྡྷིསཱིལཾ? ཨུཔསམྤནྣཱནཾ ཨཔརིཡནྟསིཀྑཱཔདཱནཾ – ཨིདཾ ཨཔརིཡནྟཔཱརིསུདྡྷིསཱིལཾ. ཀཏམཾ པརིཔུཎྞཔཱརིསུདྡྷིསཱིལཾ? པུཐུཛྫནཀལྱཱཎཀཱནཾ ཀུསལདྷམྨེ ཡུཏྟཱནཾ སེཀྑཔརིཡནྟེ [སེཁཔརིཡནྟེ (ཀ.)] པརིཔཱུརཀཱརཱིནཾ ཀཱཡེ ཙ ཛཱིཝིཏེ ཙ ཨནཔེཀྑཱནཾ པརིཙྩཏྟཛཱིཝིཏཱནཾ – ཨིདཾ པརིཔུཎྞཔཱརིསུདྡྷིསཱིལཾ. ཀཏམཾ ཨཔརཱམཊྛཔཱརིསུདྡྷིསཱིལཾ? སཏྟནྣཾ སེཀྑཱནཾ – ཨིདཾ ཨཔརཱམཊྛཔཱརིསུདྡྷིསཱིལཾ. ཀཏམཾ ¶ པཊིཔྤསྶདྡྷིཔཱརིསུདྡྷིསཱིལཾ? ཏཐཱགཏསཱཝཀཱནཾ ཁཱིཎཱསཝཱནཾ པཙྩེཀབུདྡྷཱནཾ ཏཐཱགཏཱནཾ ཨརཧནྟཱནཾ སམྨཱསམྦུདྡྷཱནཾ – ཨིདཾ པཊིཔྤསྶདྡྷིཔཱརིསུདྡྷིསཱིལཾ.

༣༨. ཨཏྠི ¶ ¶ ¶ སཱིལཾ པརིཡནྟཾ, ཨཏྠི སཱིལཾ ཨཔརིཡནྟཾ. ཏཏྠ ཀཏམཾ ཏཾ སཱིལཾ པརིཡནྟཾ? ཨཏྠི སཱིལཾ ལཱབྷཔརིཡནྟཾ, ཨཏྠི སཱིལཾ ཡསཔརིཡནྟཾ, ཨཏྠི སཱིལཾ ཉཱཏིཔརིཡནྟཾ, ཨཏྠི སཱིལཾ ཨངྒཔརིཡནྟཾ, ཨཏྠི སཱིལཾ ཛཱིཝིཏཔརིཡནྟཾ.

ཀཏམཾ ཏཾ སཱིལཾ ལཱབྷཔརིཡནྟཾ? ཨིདྷེཀཙྩོ ལཱབྷཧེཏུ ལཱབྷཔཙྩཡཱ ལཱབྷཀཱརཎཱ ཡཐཱསམཱདིནྣཾ [ཡཐཱསམཱདིཎྞཾ (ཀ.)] སིཀྑཱཔདཾ ཝཱིཏིཀྐམཏི – ཨིདཾ ཏཾ སཱིལཾ ལཱབྷཔརིཡནྟཾ. ཀཏམཾ ཏཾ སཱིལཾ ཡསཔརིཡནྟཾ? ཨིདྷེཀཙྩོ ཡསཧེཏུ ཡསཔཙྩཡཱ ཡསཀཱརཎཱ ཡཐཱསམཱདིནྣཾ སིཀྑཱཔདཾ ཝཱིཏིཀྐམཏི – ཨིདཾ ཏཾ སཱིལཾ ཡསཔརིཡནྟཾ. ཀཏམཾ ཏཾ སཱིལཾ ཉཱཏིཔརིཡནྟཾ? ཨིདྷེཀཙྩོ ཉཱཏིཧེཏུ ཉཱཏིཔཙྩཡཱ ཉཱཏིཀཱརཎཱ ཡཐཱསམཱདིནྣཾ སིཀྑཱཔདཾ ཝཱིཏིཀྐམཏི – ཨིདཾ ཏཾ སཱིལཾ ཉཱཏིཔརིཡནྟཾ. ཀཏམཾ ཏཾ སཱིལཾ ཨངྒཔརིཡནྟཾ? ཨིདྷེཀཙྩོ ཨངྒཧེཏུ ཨངྒཔཙྩཡཱ ཨངྒཀཱརཎཱ ཡཐཱསམཱདིནྣཾ སིཀྑཱཔདཾ ཝཱིཏིཀྐམཏི – ཨིདཾ ཏཾ སཱིལཾ ཨངྒཔརིཡནྟཾ. ཀཏམཾ ཏཾ སཱིལཾ ཛཱིཝིཏཔརིཡནྟཾ? ཨིདྷེཀཙྩོ ཛཱིཝིཏཧེཏུ ཛཱིཝིཏཔཙྩཡཱ ཛཱིཝིཏཀཱརཎཱ ཡཐཱསམཱདིནྣཾ སིཀྑཱཔདཾ ཝཱིཏིཀྐམཏི – ཨིདཾ ཏཾ སཱིལཾ ཛཱིཝིཏཔརིཡནྟཾ. ཨེཝརཱུཔཱནི སཱིལཱནི ཁཎྜཱནི ཚིདྡཱནི སབལཱནི ཀམྨཱསཱནི ན བྷུཛིསྶཱནི ན ཝིཉྙུཔྤསཏྠཱནི [ན ཝིཉྙཱུཔསཏྠཱནི (ཀ.)] པརཱམཊྛཱནི ཨསམཱདྷིསཾཝཏྟནིཀཱནི ¶ [ན སམཱདྷིསཾཝཏྟནིཀཱནི (ཀ.)] ན ཨཝིཔྤཊིསཱརཝཏྠུཀཱནི ན པཱམོཛྫཝཏྠུཀཱནི ན པཱིཏིཝཏྠུཀཱནི ན པསྶདྡྷིཝཏྠུཀཱནི ན སུཁཝཏྠུཀཱནི ན སམཱདྷིཝཏྠུཀཱནི ན ཡཐཱབྷཱུཏཉཱཎདསྶནཝཏྠུཀཱནི ན ཨེཀནྟནིབྦིདཱཡ ན ཝིརཱགཱཡ ན ནིརོདྷཱཡ ན ཨུཔསམཱཡ ན ཨབྷིཉྙཱཡ ན སམྦོདྷཱཡ ན ནིབྦཱནཱཡ སཾཝཏྟནྟི – ཨིདཾ ཏཾ སཱིལཾ པརིཡནྟཾ.

ཀཏམཾ ཏཾ སཱིལཾ ཨཔརིཡནྟཾ? ཨཏྠི སཱིལཾ ན ལཱབྷཔརིཡནྟཾ ¶ , ཨཏྠི སཱིལཾ ན ཡསཔརིཡནྟཾ, ཨཏྠི སཱིལཾ ན ཉཱཏིཔརིཡནྟཾ, ཨཏྠི སཱིལཾ ན ཨངྒཔརིཡནྟཾ, ཨཏྠི སཱིལཾ ན ཛཱིཝིཏཔརིཡནྟཾ.

ཀཏམཾ ཏཾ སཱིལཾ ན ལཱབྷཔརིཡནྟཾ? ཨིདྷེཀཙྩོ ལཱབྷཧེཏུ ལཱབྷཔཙྩཡཱ ལཱབྷཀཱརཎཱ ཡཐཱསམཱདིནྣཾ སིཀྑཱཔདཾ ཝཱིཏིཀྐམཱཡ ཙིཏྟམྤི ན ཨུཔྤཱདེཏི, ཀིཾ སོ ཝཱིཏིཀྐམིསྶཏི! ཨིདཾ ཏཾ སཱིལཾ ན ལཱབྷཔརིཡནྟཾ. ཀཏམཾ ཏཾ སཱིལཾ ན ཡསཔརིཡནྟཾ? ཨིདྷེཀཙྩོ ཡསཧེཏུ ཡསཔཙྩཡཱ ཡསཀཱརཎཱ ཡཐཱསམཱདིནྣཾ སིཀྑཱཔདཾ ཝཱིཏིཀྐམཱཡ ཙིཏྟམྤི ན ཨུཔྤཱདེཏི ¶ , ཀིཾ སོ ཝཱིཏིཀྐམིསྶཏི! ཨིདཾ ཏཾ སཱིལཾ ན ཡསཔརིཡནྟཾ. ཀཏམཾ ཏཾ སཱིལཾ ན ཉཱཏིཔརིཡནྟཾ? ཨིདྷེཀཙྩོ ཉཱཏིཧེཏུ ཉཱཏིཔཙྩཡཱ ཉཱཏིཀཱརཎཱ ཡཐཱསམཱདིནྣཾ སིཀྑཱཔདཾ ཝཱིཏིཀྐམཱཡ ཙིཏྟམྤི ན ཨུཔྤཱདེཏི, ཀིཾ སོ ཝཱིཏིཀྐམིསྶཏི! ཨིདཾ ཏཾ སཱིལཾ ན ཉཱཏིཔརིཡནྟཾ. ཀཏམཾ ཏཾ ¶ སཱིལཾ ན ཨངྒཔརིཡནྟཾ? ཨིདྷེཀཙྩོ ཨངྒཧེཏུ ཨངྒཔཙྩཡཱ ཨངྒཀཱརཎཱ ཡཐཱསམཱདིནྣཾ སིཀྑཱཔདཾ ཝཱིཏིཀྐམཱཡ ཙིཏྟམྤི ན ཨུཔྤཱདེཏི, ཀིཾ སོ ཝཱིཏིཀྐམིསྶཏི! ཨིདཾ ཏཾ སཱིལཾ ན ཨངྒཔརིཡནྟཾ. ཀཏམཾ ¶ ཏཾ སཱིལཾ ན ཛཱིཝིཏཔརིཡནྟཾ? ཨིདྷེཀཙྩོ ཛཱིཝིཏཧེཏུ ཛཱིཝིཏཔཙྩཡཱ ཛཱིཝིཏཀཱརཎཱ ཡཐཱསམཱདིནྣཾ སིཀྑཱཔདཾ ཝཱིཏིཀྐམཱཡ ཙིཏྟམྤི ན ཨུཔྤཱདེཏི, ཀིཾ སོ ཝཱིཏིཀྐམིསྶཏི! ཨིདཾ ཏཾ སཱིལཾ ན ཛཱིཝིཏཔརིཡནྟཾ. ཨེཝརཱུཔཱནི སཱིལཱནི ཨཁཎྜཱནི ཨཙྪིདྡཱནི ཨསབལཱནི ཨཀམྨཱསཱནི བྷུཛིསྶཱནི ཝིཉྙུཔྤསཏྠཱནི ཨཔརཱམཊྛཱནི སམཱདྷིསཾཝཏྟནིཀཱནི ཨཝིཔྤཊིསཱརཝཏྠུཀཱནི པཱམོཛྫཝཏྠུཀཱནི པཱིཏིཝཏྠུཀཱནི པསྶདྡྷིཝཏྠུཀཱནི སུཁཝཏྠུཀཱནི སམཱདྷིཝཏྠུཀཱནི ཡཐཱབྷཱུཏཉཱཎདསྶནཝཏྠུཀཱནི ཨེཀནྟནིབྦིདཱཡ ཝིརཱགཱཡ ནིརོདྷཱཡ ཨུཔསམཱཡ ཨབྷིཉྙཱཡ སམྦོདྷཱཡ ནིབྦཱནཱཡ སཾཝཏྟནྟི – ཨིདཾ ཏཾ སཱིལཾ ཨཔརིཡནྟཾ.

༣༩. ཀིཾ སཱིལཾ? ཀཏི སཱིལཱནི? ཀིཾ སམུཊྛཱནཾ སཱིལཾ? ཀཏི དྷམྨསམོདྷཱནཾ སཱིལཾ?

ཀིཾ སཱིལནྟི ཙེཏནཱ སཱིལཾ, ཙེཏསིཀཾ སཱིལཾ, སཾཝརོ སཱིལཾ, ཨཝཱིཏིཀྐམོ སཱིལཾ. ཀཏི སཱིལཱནཱིཏི ཏཱིཎི སཱིལཱནི – ཀུསལསཱིལཾ, ཨཀུསལསཱིལཾ, ཨབྱཱཀཏསཱིལཾ.ཀིཾ སམུཊྛཱནཾ སཱིལནྟི ཀུསལཙིཏྟསམུཊྛཱནཾ ཀུསལསཱིལཾ ¶ , ཨཀུསལཙིཏྟསམུཊྛཱནཾ ཨཀུསལསཱིལཾ, ཨབྱཱཀཏཙིཏྟསམུཊྛཱནཾ ཨབྱཱཀཏསཱིལཾ. ཀཏི དྷམྨསམོདྷཱནཾ སཱིལནྟི སཾཝརསམོདྷཱནཾ སཱིལཾ, ཨཝཱིཏིཀྐམསམོདྷཱནཾ སཱིལཾ, ཏཐཱབྷཱཝེ ཛཱཏཙེཏནཱསམོདྷཱནཾ སཱིལཾ.

༤༠. པཱཎཱཏིཔཱཏཾ སཾཝརཊྛེན སཱིལཾ, ཨཝཱིཏིཀྐམཊྛེན སཱིལཾ. ཨདིནྣཱདཱནཾ སཾཝརཊྛེན སཱིལཾ, ཨཝཱིཏིཀྐམཊྛེན སཱིལཾ. ཀཱམེསུམིཙྪཱཙཱརཾ སཾཝརཊྛེན སཱིལཾ, ཨཝཱིཏིཀྐམཊྛེན ¶ སཱིལཾ. མུསཱཝཱདཾ སཾཝརཊྛེན སཱིལཾ, ཨཝཱིཏིཀྐམཊྛེན སཱིལཾ. པིསུཎཾ ཝཱཙཾ [པིསུཎཱཝཱཙཾ (སྱཱ. ཀ.) དཱི. ནི. ༡.༩ པསྶིཏབྦཱ] སཾཝརཊྛེན སཱིལཾ, ཨཝཱིཏིཀྐམཊྛེན སཱིལཾ. ཕརུསཾ ཝཱཙཾ [ཕརུསཝཱཙཾ (སྱཱ. ཀ.)] སཾཝརཊྛེན སཱིལཾ, ཨཝཱིཏིཀྐམཊྛེན སཱིལཾ. སམྥཔྤལཱཔཾ སཾཝརཊྛེན སཱིལཾ, ཨཝཱིཏིཀྐམཊྛེན སཱིལཾ ¶ . ཨབྷིཛ྄ཛྷཾ སཾཝརཊྛེན སཱིལཾ, ཨཝཱིཏིཀྐམཊྛེན སཱིལཾ. བྱཱཔཱདཾ སཾཝརཊྛེན སཱིལཾ, ཨཝཱིཏིཀྐམཊྛེན སཱིལཾ. མིཙྪཱདིཊྛིཾ སཾཝརཊྛེན སཱིལཾ, ཨཝཱིཏིཀྐམཊྛེན སཱིལཾ.

༤༡. ནེཀྑམྨེན ཀཱམཙྪནྡཾ སཾཝརཊྛེན སཱིལཾ, ཨཝཱིཏིཀྐམཊྛེན སཱིལཾ. ཨབྱཱཔཱདེན བྱཱཔཱདཾ སཾཝརཊྛེན སཱིལཾ, ཨཝཱིཏིཀྐམཊྛེན སཱིལཾ. ཨཱལོཀསཉྙཱཡ ཐིནམིདྡྷཾ…པེ… ཨཝིཀྑེཔཊྛེན ¶ ཨུདྡྷཙྩཾ… དྷམྨཝཝཏྠཱནེན ཝིཙིཀིཙྪཾ… ཉཱཎེན ཨཝིཛྫཾ… པཱམོཛྫེན ཨརཏིཾ….

པཋམེན ཛྷཱནེན [པཋམཛ྄ཛྷཱནེན (སྱཱ.) ཨེཝམཱིདིསེསུ ཋཱནེསུ] ནཱིཝརཎེ…པེ… དུཏིཡེན ཛྷཱནེན ཝིཏཀྐཝིཙཱརེ… ཏཏིཡེན ཛྷཱནེན པཱིཏིཾ… ཙཏུཏྠེན ཛྷཱནེན སུཁདུཀྑཾ… ཨཱཀཱསཱནཉྩཱཡཏནསམཱཔཏྟིཡཱ རཱུཔསཉྙཾ པཊིགྷསཉྙཾ ནཱནཏྟསཉྙཾ… ཝིཉྙཱཎཉྩཱཡཏནསམཱཔཏྟིཡཱ ཨཱཀཱསཱནཉྩཱཡཏནསཉྙཾ… ཨཱཀིཉྩཉྙཱཡཏནསམཱཔཏྟིཡཱ ཝིཉྙཱཎཉྩཱཡཏནསཉྙཾ… ནེཝསཉྙཱནཱསཉྙཱཡཏནསམཱཔཏྟིཡཱ ཨཱཀིཉྩཉྙཱཡཏནསཉྙཾ.

ཨནིཙྩཱནུཔསྶནཱཡ ནིཙྩསཉྙཾ…པེ… དུཀྑཱནུཔསྶནཱཡ སུཁསཉྙཾ… ཨནཏྟཱ ཨནུཔསྶནཱཡ ཨཏྟསཉྙཾ… ནིབྦིདཱནུཔསྶནཱཡ ནནྡིཾ… ཝིརཱགཱནུཔསྶནཱཡ རཱགཾ… ནིརོདྷཱ ཨནུཔསྶནཱཡ སམུདཡཾ… པཊིནིསྶགྒཱནུཔསྶནཱཡ ཨཱདཱནཾ… ཁཡཱནུཔསྶནཱཡ གྷནསཉྙཾ… ཝཡཱནུཔསྶནཱཡ ཨཱཡཱུཧནཾ.. ཝིཔརིཎཱམཱནུཔསྶནཱཡ དྷུཝསཉྙཾ… ཨནིམིཏྟཱནུཔསྶནཱཡ ¶ ནིམིཏྟཾ…. ཨཔྤཎིཧིཏཱནུཔསྶནཱཡ པཎིདྷིཾ… སུཉྙཏཱནུཔསྶནཱཡ ཨབྷིནིཝེསཾ… ཨདྷིཔཉྙཱདྷམྨཝིཔསྶནཱཡ སཱརཱདཱནཱབྷིནིཝེསཾ… ཡཐཱབྷཱུཏཉཱཎདསྶནེན སམྨོཧཱབྷིནིཝེསཾ… ཨཱདཱིནཝཱནུཔསྶནཱཡ ཨཱལཡཱབྷིནིཝེསཾ… པཊིསངྑཱནུཔསྶནཱཡ ཨཔྤཊིསངྑཾ… ཝིཝཊྚནཱནུཔསྶནཱཡ ¶ སཉྙོགཱབྷིནིཝེསཾ….

སོཏཱཔཏྟིམགྒེན དིཊྛེཀཊྛེ ཀིལེསེ…པེ… སཀདཱགཱམིམགྒེན ཨོལཱ༹རིཀེ ཀིལེསེ… ཨནཱགཱམིམགྒེན ཨཎུསཧགཏེ ཀིལེསེ… ཨརཧཏྟམགྒེན སབྦཀིལེསེ སཾཝརཊྛེན སཱིལཾ, ཨཝཱིཏིཀྐམཊྛེན སཱིལཾ.

པཉྩ སཱིལཱནི – པཱཎཱཏིཔཱཏསྶ པཧཱནཾ སཱིལཾ, ཝེརམཎཱི སཱིལཾ, ཙེཏནཱ སཱིལཾ, སཾཝརོ སཱིལཾ, ཨཝཱིཏིཀྐམོ སཱིལཾ. ཨེཝརཱུཔཱནི སཱིལཱནི ཙིཏྟསྶ ཨཝིཔྤཊིསཱརཱཡ སཾཝཏྟནྟི, པཱམོཛྫཱཡ སཾཝཏྟནྟི, པཱིཏིཡཱ སཾཝཏྟནྟི, པསྶདྡྷིཡཱ ¶ སཾཝཏྟནྟི, སོམནསྶཱཡ སཾཝཏྟནྟི, ཨཱསེཝནཱཡ སཾཝཏྟནྟི, བྷཱཝནཱཡ སཾཝཏྟནྟི, བཧུལཱིཀམྨཱཡ སཾཝཏྟནྟི, ཨལངྐཱརཱཡ སཾཝཏྟནྟི, པརིཀྑཱརཱཡ སཾཝཏྟནྟི, པརིཝཱརཱཡ སཾཝཏྟནྟི, པཱརིཔཱུརིཡཱ སཾཝཏྟནྟི, ཨེཀནྟནིབྦིདཱཡ ཝིརཱགཱཡ ནིརོདྷཱཡ ཨུཔསམཱཡ ཨབྷིཉྙཱཡ སམྦོདྷཱཡ ནིབྦཱནཱཡ སཾཝཏྟནྟི.

ཨེཝརཱུཔཱནཾ སཱིལཱནཾ སཾཝརཔཱརིསུདྡྷི ཨདྷིསཱིལཾ, སཾཝརཔཱརིསུདྡྷིཡཱ ཋིཏཾ ཙིཏྟཾ ན ཝིཀྑེཔཾ ¶ གཙྪཏི, ཨཝིཀྑེཔཔཱརིསུདྡྷི ཨདྷིཙིཏྟཾ སཾཝརཔཱརིསུདྡྷིཾ སམྨཱ པསྶཏི, ཨཝིཀྑེཔཔཱརིསུདྡྷིཾ སམྨཱ པསྶཏི. དསྶནཔཱརིསུདྡྷི ཨདྷིཔཉྙཱ. ཡོ ཏཏྠ སཾཝརཊྛོ, ཨཡཾ ཨདྷིསཱིལསིཀྑཱ ¶ . ཡོ ཏཏྠ ཨཝིཀྑེཔཊྛོ, ཨཡཾ ཨདྷིཙིཏྟསིཀྑཱ. ཡོ ཏཏྠ དསྶནཊྛོ, ཨཡཾ ཨདྷིཔཉྙཱསིཀྑཱ.

ཨིམཱ ཏིསྶོ སིཀྑཱཡོ ཨཱཝཛྫནྟོ སིཀྑཏི, ཛཱནནྟོ སིཀྑཏི, པསྶནྟོ སིཀྑཏི, པཙྩཝེཀྑནྟོ སིཀྑཏི, ཙིཏྟཾ ཨདྷིཊྛཧནྟོ སིཀྑཏི, སདྡྷཱཡ ཨདྷིམུཙྩནྟོ སིཀྑཏི, ཝཱིརིཡཾ པགྒཎྷནྟོ སིཀྑཏི, སཏིཾ ཨུཔཊྛཔེནྟོ སིཀྑཏི, ཙིཏྟཾ སམཱདཧནྟོ སིཀྑཏི, པཉྙཱཡ པཛཱནནྟོ སིཀྑཏི, ཨབྷིཉྙེཡྻཾ ཨབྷིཛཱནནྟོ སིཀྑཏི, པརིཉྙེཡྻཾ པརིཛཱནནྟོ སིཀྑཏི, པཧཱཏབྦཾ པཛཧནྟོ སིཀྑཏི, སཙྪིཀཱཏབྦཾ སཙྪིཀརོནྟོ སིཀྑཏི, བྷཱཝེཏབྦཾ བྷཱཝེནྟོ སིཀྑཏི.

པཉྩ སཱིལཱནི – ཨདིནྣཱདཱནསྶ…པེ… ཀཱམེསུམིཙྪཱཙཱརསྶ… མུསཱཝཱདསྶ… པིསུཎཱཡ ཝཱཙཱཡ… ཕརུསཱཡ ཝཱཙཱཡ… སམྥཔྤལཱཔསྶ… ཨབྷིཛ྄ཛྷཱཡ… བྱཱཔཱདསྶ… མིཙྪཱདིཊྛིཡཱ… བྷཱཝེཏབྦཾ བྷཱཝེནྟོ སིཀྑནྟི.

ནེཀྑམྨེན ཀཱམཙྪནྡསྶ…པེ… ཨབྱཱཔཱདེན བྱཱཔཱདསྶ… ཨཱལོཀསཉྙཱཡ ཐིནམིདྡྷསྶ… ཨཝིཀྑེཔེན ཨུདྡྷཙྩསྶ… ¶ … དྷམྨཝཝཏྠཱནེན ཝིཙིཀིཙྪཱཡ… ཉཱཎེན ཨཝིཛྫཱཡ… པཱམོཛྫེན ཨརཏིཡཱ… བྷཱཝེཏབྦཾ བྷཱཝེནྟོ སིཀྑཏི.

པཋམེན ཛྷཱནེན ནཱིཝརཎཱནཾ…པེ… དུཏིཡེན ཛྷཱནེན ཝིཏཀྐཝིཙཱརཱནཾ… ཏཏིཡེན ཛྷཱནེན པཱིཏིཡཱ… ཙཏུཏྠེན ཛྷཱནེན སུཁདུཀྑཱནཾ… ཨཱཀཱསཱནཉྩཱཡཏནསམཱཔཏྟིཡཱ རཱུཔསཉྙཱཡ པཊིགྷསཉྙཱཡ ནཱནཏྟསཉྙཱཡ… ཝིཉྙཱཎཉྩཱཡཏནསམཱཔཏྟིཡཱ ཨཱཀཱསཱནཉྩཱཡཏནསཉྙཱཡ… ཨཱཀིཉྩཉྙཱཡཏནསམཱཔཏྟིཡཱ ཝིཉྙཱཎཉྩཱཡཏནསཉྙཱཡ… ནེཝསཉྙཱནཱསཉྙཱཡཏནསམཱཔཏྟིཡཱ ¶ ཨཱཀིཉྩཉྙཱཡཏནསཉྙཱཡ… བྷཱཝེཏབྦཾ བྷཱཝེནྟོ སིཀྑཏི.

ཨནིཙྩཱནུཔསྶནཱཡ ¶ ནིཙྩསཉྙཱཡ…པེ… དུཀྑཱནུཔསྶནཱཡ སུཁསཉྙཱཡ… ཨནཏྟཱནུཔསྶནཱཡ ཨཏྟསཉྙཱཡ… ནིབྦིདཱནུཔསྶནཱཡ ནནྡིཡཱ… ཝིརཱགཱནུཔསྶནཱཡ རཱགསྶ… ནིརོདྷཱནུཔསྶནཱཡ སམུདཡསྶ… པཊིནིསྶགྒཱནུཔསྶནཱཡ ཨཱདཱནསྶ… ཁཡཱནུཔསྶནཱཡ ¶ གྷནསཉྙཱཡ… ཝཡཱནུཔསྶནཱཡ ཨཱཡཱུཧནསྶ… ཝིཔརིཎཱམཱནུཔསྶནཱཡ དྷུཝསཉྙཱཡ… ཨནིམིཏྟཱནུཔསྶནཱཡ ནིམིཏྟསྶ… ཨཔྤཎིཧིཏཱནུཔསྶནཱཡ པཎིདྷིཡཱ… སུཉྙཏཱནུཔསྶནཱཡ ཨབྷིནིཝེསསྶ… ཨདྷིཔཉྙཱདྷམྨཝིཔསྶནཱཡ སཱརཱགཱབྷིནིཝེསསྶ… ཡཐཱབྷཱུཏཉཱཎདསྶནེན སམྨོཧཱབྷིནིཝེསསྶ… ཨཱདཱིནཝཱནུཔསྶནཱཡ ཨཱལཡཱབྷིནིཝེསསྶ… པཊིསངྑཱནུཔསྶནཱཡ ཨཔྤཊིསངྑཱཡ… ཝིཝཊྚནཱནུཔསྶནཱཡ སཉྙོགཱབྷིནིཝེསསྶ བྷཱཝེཏབྦཾ བྷཱཝེནྟོ སིཀྑཏི.

སོཏཱཔཏྟིམགྒེན དིཊྛེཀཊྛཱནཾ ཀིལེསཱནཾ…པེ… སཀདཱགཱམིམགྒེན ཨོལཱ༹རིཀཱནཾ ཀིལེསཱནཾ… ཨནཱགཱམིམགྒེན ཨནུསཧགཏཱནཾ ཀིལེསཱནཾ… ཨརཧཏྟམགྒེན སབྦཀིལེསཱནཾ པཧཱནཾ སཱིལཾ, ཝེརམཎཱི སཱིལཾ, ཙེཏནཱ སཱིལཾ, སཾཝརོ སཱིལཾ, ཨཝཱིཏིཀྐམོ སཱིལཾ. ཨེཝརཱུཔཱནི སཱིལཱནི ཙིཏྟསྶ ཨཝིཔྤཊིསཱརཱཡ སཾཝཏྟནྟི, པཱམོཛྫཱཡ སཾཝཏྟནྟི, པཱིཏིཡཱ སཾཝཏྟནྟི, པསྶདྡྷིཡཱ སཾཝཏྟནྟི, སོམནསྶཱཡ སཾཝཏྟནྟི, ཨཱསེཝནཱཡ སཾཝཏྟནྟི, བྷཱཝནཱཡ སཾཝཏྟནྟི, བཧུལཱིཀམྨཱཡ སཾཝཏྟནྟི, ཨལངྐཱརཱཡ སཾཝཏྟནྟི, པརིཀྑཱརཱཡ སཾཝཏྟནྟི, པརིཝཱརཱཡ སཾཝཏྟནྟི, པཱརིཔཱུརིཡཱ སཾཝཏྟནྟི, ཨེཀནྟནིབྦིདཱཡ ཝིརཱགཱཡ ནིརོདྷཱཡ ¶ ཨུཔསམཱཡ ཨབྷིཉྙཱཡ སམྦོདྷཱཡ ནིབྦཱནཱཡ སཾཝཏྟནྟི.

༤༢. ཨེཝརཱུཔཱནཾ སཱིལཱནཾ སཾཝརཔཱརིསུདྡྷི ཨདྷིསཱིལཾ. སཾཝརཔཱརིསུདྡྷིཡཱ ཋིཏཾ ཙིཏྟཾ ཨཝིཀྑེཔཾ གཙྪཏི, ཨཝིཀྑེཔཔཱརིསུདྡྷི ཨདྷིཙིཏྟཾ. སཾཝརཔཱརིསུདྡྷིཾ སམྨཱ པསྶཏི, ཨཝིཀྑེཔཔཱརིསུདྡྷིཾ སམྨཱ པསྶཏི. དསྶནཔཱརིསུདྡྷི ཨདྷིཔཉྙཱ. ཡོ ཏཏྠ སཾཝརཊྛོ, ཨཡཾ ¶ ཨདྷིསཱིལསིཀྑཱ. ཡོ ཏཏྠ ཨཝིཀྑེཔཊྛོ, ཨཡཾ ཨདྷིཙིཏྟསིཀྑཱ. ཡོ ཏཏྠ དསྶནཊྛོ, ཨཡཾ ཨདྷིཔཉྙཱསིཀྑཱ. ཨིམཱ ཏིསྶོ སིཀྑཱཡོ ཨཱཝཛྫནྟོ སིཀྑཏི, ཛཱནནྟོ སིཀྑཏི, པསྶནྟོ སིཀྑཏི, པཙྩཝེཀྑནྟོ སིཀྑཏི, ཙིཏྟཾ ཨདྷིཊྛཧནྟོ སིཀྑཏི, སདྡྷཱཡ ཨདྷིམུཙྩནྟོ སིཀྑཏི, ཝཱིརིཡཾ པགྒཎྷནྟོ སིཀྑཏི, སཏིཾ ཨུཔཊྛཔེནྟོ སིཀྑཏི, ཙིཏྟཾ སམཱདཧནྟོ སིཀྑཏི, པཉྙཱཡ པཛཱནནྟོ སིཀྑཏི, ཨབྷིཉྙེཡྻཾ ཨབྷིཛཱནནྟོ སིཀྑཏི, པརིཉྙེཡྻཾ པརིཛཱནནྟོ སིཀྑཏི པཧཱཏབྦཾ པཛཧནྟོ སིཀྑཏི, སཙྪིཀཱཏབྦཾ སཙྪིཀརོནྟོ སིཀྑཏི, བྷཱཝེཏབྦཾ ¶ བྷཱཝེནྟོ སིཀྑཏི. ཏཾ ཉཱཏཊྛེན ཉཱཎཾ པཛཱནནཊྛེན པཉྙཱ. ཏེན ཝུཙྩཏི – ‘‘སུཏྭཱན སཾཝརེ པཉྙཱ སཱིལམཡེ ཉཱཎཾ’’.

སཱིལམཡཉཱཎནིདྡེསོ དུཏིཡོ.

༣. སམཱདྷིབྷཱཝནཱམཡཉཱཎནིདྡེསོ

༤༣. ཀཐཾ ¶ སཾཝརིཏྭཱ སམཱདཧནེ པཉྙཱ སམཱདྷིབྷཱཝནཱམཡེ ཉཱཎཾ? ཨེཀོ སམཱདྷི – ཙིཏྟསྶ ཨེཀགྒཏཱ. དྭེ སམཱདྷཱི – ལོཀིཡོ སམཱདྷི, ལོཀུཏྟརོ སམཱདྷི. ཏཡོ སམཱདྷཱི – སཝིཏཀྐསཝིཙཱརོ ¶ སམཱདྷི, ཨཝིཏཀྐཝིཙཱརམཏྟོ སམཱདྷི, ཨཝིཏཀྐཨཝིཙཱརོ སམཱདྷི. ཙཏྟཱརོ སམཱདྷཱི – ཧཱནབྷཱགིཡོ སམཱདྷི, ཋིཏིབྷཱགིཡོ སམཱདྷི, ཝིསེསབྷཱགིཡོ སམཱདྷི, ནིབྦེདྷབྷཱགིཡོ སམཱདྷི. པཉྩ སམཱདྷཱི – པཱིཏིཕརཎཏཱ, སུཁཕརཎཏཱ, ཙེཏོཕརཎཏཱ, ཨཱལོཀཕརཎཏཱ, པཙྩཝེཀྑཎཱནིམིཏྟཾ [པཙྩཝེཀྑནཱནིམིཏྟཾ (ཀ.)].

ཚ སམཱདྷཱི – བུདྡྷཱནུསྶཏིཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི, དྷམྨཱནུསྶཏིཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི, སངྒྷཱནུསྶཏིཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི, སཱིལཱནུསྶཏིཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི, ཙཱགཱནུསྶཏིཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི, དེཝཏཱནུསྶཏིཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི. སཏྟ སམཱདྷཱི – སམཱདྷིཀུསལཏཱ, སམཱདྷིསྶ སམཱཔཏྟིཀུསལཏཱ, སམཱདྷིསྶ ཋིཏིཀུསལཏཱ, སམཱདྷིསྶ ཝུཊྛཱནཀུསལཏཱ ¶ , སམཱདྷིསྶ ཀལླཏཱཀུསལཏཱ [ཀལླིཏཀུསལཏཱ (སྱཱ. ཀ.)], སམཱདྷིསྶ གོཙརཀུསལཏཱ, སམཱདྷིསྶ ཨབྷིནཱིཧཱརཀུསལཏཱ. ཨཊྛ སམཱདྷཱི – པཐཝཱིཀསིཎཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི, ཨཱཔོཀསིཎཝསེན…པེ… ཏེཛོཀསིཎཝསེན… ཝཱཡོཀསིཎཝསེན… ནཱིལཀསིཎཝསེན… པཱིཏཀསིཎཝསེན… ལོཧིཏཀསིཎཝསེན… ཨོདཱཏཀསིཎཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི. ནཝ སམཱདྷཱི – རཱུཔཱཝཙརོ སམཱདྷི ཨཏྠི ཧཱིནོ, ཨཏྠི མཛ྄ཛྷོམོ, ཨཏྠི པཎཱིཏོ; ཨརཱུཔཱཝཙརོ སམཱདྷི ཨཏྠི ཧཱིནོ, ཨཏྠི མཛ྄ཛྷོམོ, ཨཏྠི པཎཱིཏོ; སུཉྙཏོ སམཱདྷི, ཨནིམིཏྟོ སམཱདྷི, ཨཔྤཎིཧིཏོ ¶ སམཱདྷི. དས སམཱདྷཱི – ཨུདྡྷུམཱཏཀསཉྙཱཝསེན ཙིཏྟསྶ ¶ ཨེཀགྒཏཱ ཨཝིཀྑེཔོ སམཱདྷི, ཝིནཱིལཀསཉྙཱཝསེན…པེ… ཝིཔུབྦཀསཉྙཱཝསེན… ཝིཙྪིདྡཀསཉྙཱཝསེན… ཝིཀྑཱཡིཏཀསཉྙཱཝསེན… ཝིཀྑིཏྟཀསཉྙཱཝསེན… ཧཏཝིཀྑིཏྟཀསཉྙཱཝསེན… ལོཧིཏཀསཉྙཱཝསེན… པུལ༹ཝཀསཉྙཱཝསེན [པུལུ༹ཝཀ སཉྙཱཝསེན (ཀ.)] … ཨཊྛིཀསཉྙཱཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི. ཨིམེ པཉྩཔཉྙཱས སམཱདྷི.

༤༤. ཨཔི ཙ, པཉྩཝཱིསཏི སམཱདྷིསྶ སམཱདྷིཊྛཱ – པརིགྒཧཊྛེན སམཱདྷི, པརིཝཱརཊྛེན སམཱདྷི, པརིཔཱུརཊྛེན སམཱདྷི, ཨེཀགྒཊྛེན སམཱདྷི, ཨཝིཀྑེཔཊྛེན སམཱདྷི, ཨཝིསཱརཊྛེན སམཱདྷི, ཨནཱཝིལཊྛེན སམཱདྷི, ཨནིཉྫནཊྛེན སམཱདྷི, ཝིམུཏྟཊྛེན སམཱདྷི, ཨེཀཏྟུཔཊྛཱནཝསེན ཙིཏྟསྶ ཋིཏཏྟཱ སམཱདྷི, སམཾ ཨེསཏཱིཏི སམཱདྷི, ཝིསམཾ ནེསཏཱིཏི སམཱདྷི, སམཾ ཨེསིཏཏྟཱ སམཱདྷི, ཝིསམཾ ¶ ནེསིཏཏྟཱ སམཱདྷི, སམཾ ཨཱདིཡཏཱིཏི སམཱདྷི, ཝིསམཾ ནཱདིཡཏཱིཏི སམཱདྷི, སམཾ ཨཱདིནྣཏྟཱ སམཱདྷི, ཝིསམཾ ཨནཱདིནྣཏྟཱ སམཱདྷི, སམཾ པཊིཔཛྫཏཱིཏི སམཱདྷི, ཝིསམཾ ནཔྤཊིཔཛྫཏཱིཏི སམཱདྷི, སམཾ པཊིཔནྣཏྟཱ སམཱདྷི, ཝིསམཾ ནཔྤཊིཔནྣཏྟཱ སམཱདྷི, སམཾ ཛྷཱཡཏཱིཏི སམཱདྷི, ཝིསམཾ ཛྷཱཔེཏཱིཏི སམཱདྷི, སམཾ ཛྷཱཏཏྟཱ སམཱདྷི, ཝིསམཾ ཛྷཱཔིཏཏྟཱ སམཱདྷི, སམོ ཙ ཧིཏོ ཙ སུཁོ ཙཱཏི སམཱདྷི. ཨིམེ པཉྩཝཱིསཏི སམཱདྷིསྶ སམཱདྷིཊྛཱ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘སཾཝརིཏྭཱ སམཱདཧནེ པཉྙཱ སམཱདྷིབྷཱཝནཱམཡེ ¶ ཉཱཎཾ’’.

སམཱདྷིབྷཱཝནཱམཡཉཱཎནིདྡེསོ ཏཏིཡོ.

༤. དྷམྨཊྛིཏིཉཱཎནིདྡེསོ

༤༥. ཀཐཾ ¶ པཙྩཡཔརིགྒཧེ པཉྙཱ དྷམྨཊྛིཏིཉཱཎཾ? ཨཝིཛྫཱ སངྑཱརཱནཾ ཨུཔྤཱདཊྛིཏི ཙ པཝཏྟཊྛིཏི ཙ ནིམིཏྟཊྛིཏི ཙ ཨཱཡཱུཧནཊྛིཏི ཙ སཉྙོགཊྛིཏི ཙ པལིབོདྷཊྛིཏི ཙ སམུདཡཊྛིཏི ཙ ཧེཏུཊྛིཏི ཙ པཙྩཡཊྛིཏི ཙ. ཨིམེཧི ནཝཧཱཀཱརེཧི ཨཝིཛྫཱ པཙྩཡོ, སངྑཱརཱ པཙྩཡསམུཔྤནྣཱ. ཨུབྷོཔེཏེ དྷམྨཱ པཙྩཡསམུཔྤནྣཱཏི – པཙྩཡཔརིགྒཧེ པཉྙཱ དྷམྨཊྛིཏིཉཱཎཾ. ཨཏཱིཏམྤི ཨདྡྷཱནཾ… ཨནཱགཏམྤི ཨདྡྷཱནཾ ཨཝིཛྫཱ སངྑཱརཱནཾ ཨུཔྤཱདཊྛིཏི ཙ པཝཏྟཊྛིཏི ཙ ནིམིཏྟཊྛིཏི ཙ ཨཱཡཱུཧནཊྛིཏི ཙ སཉྙོགཊྛིཏི ཙ པལིབོདྷཊྛིཏི ཙ སམུདཡཊྛིཏི ཙ ཧེཏུཊྛིཏི ¶ ཙ པཙྩཡཊྛིཏི ཙ. ཨིམེཧི ནཝཧཱཀཱརེཧི ཨཝིཛྫཱ པཙྩཡོ, སངྑཱརཱ པཙྩཡསམུཔྤནྣཱ. ཨུབྷོཔེཏེ དྷམྨཱ པཙྩཡསམུཔྤནྣཱཏི – པཙྩཡཔརིགྒཧེ པཉྙཱ དྷམྨཊྛིཏིཉཱཎཾ.

སངྑཱརཱ ཝིཉྙཱཎསྶ…པེ… ཝིཉྙཱཎཾ ནཱམརཱུཔསྶ… ནཱམརཱུཔཾ སལཱ༹ཡཏནསྶ… སལཱ༹ཡཏནཾ ཕསྶསྶ… ཕསྶོ ཝེདནཱཡ… ཝེདནཱ ཏཎྷཱཡ… ཏཎྷཱ ཨུཔཱདཱནསྶ… ཨུཔཱདཱནཾ བྷཝསྶ… བྷཝོ ཛཱཏིཡཱ… ཛཱཏི ཛརཱམརཎསྶ ཨུཔྤཱདཊྛིཏི ཙ པཝཏྟཊྛིཏི ཙ ནིམིཏྟཊྛིཏི ཙ ཨཱཡཱུཧནཊྛིཏི ཙ སཉྙོགཊྛིཏི ཙ པལིབོདྷཊྛིཏི ཙ སམུདཡཊྛིཏི ཙ ཧེཏུཊྛིཏི ཙ པཙྩཡཊྛིཏི ཙ. ཨིམེཧི ནཝཧཱཀཱརེཧི ཛཱཏི པཙྩཡོ, ཛརཱམརཎཾ པཙྩཡསམུཔྤནྣཾ. ཨུབྷོཔེཏེ ¶ དྷམྨཱ པཙྩཡསམུཔྤནྣཱཏི – པཙྩཡཔརིགྒཧེ པཉྙཱ དྷམྨཊྛིཏིཉཱཎཾ. ཨཏཱིཏམྤི ཨདྡྷཱནཾ… ཨནཱགཏམྤི ཨདྡྷཱནཾ ཛཱཏི ཛརཱམརཎསྶ ཨུཔྤཱདཊྛིཏི ཙ པཝཏྟཊྛིཏི ཙ ནིམིཏྟཊྛིཏི ཙ ཨཱཡཱུཧནཊྛིཏི ¶ ཙ སཉྙོགཊྛིཏི ཙ པལིབོདྷཊྛིཏི ཙ སམུདཡཊྛིཏི ཙ ཧེཏུཊྛིཏི ཙ པཙྩཡཊྛིཏི ཙ. ཨིམེཧི ནཝཧཱཀཱརེཧི ཛཱཏི པཙྩཡོ, ཛརཱམརཎཾ པཙྩཡསམུཔྤནྣཾ. ཨུབྷོཔེཏེ དྷམྨཱ པཙྩཡསམུཔྤནྣཱཏི – པཙྩཡཔརིགྒཧེ པཉྙཱ དྷམྨཊྛིཏིཉཱཎཾ.

༤༦. ཨཝིཛྫཱ ཧེཏུ, སངྑཱརཱ ཧེཏུསམུཔྤནྣཱ. ཨུབྷོཔེཏེ དྷམྨཱ ཧེཏུསམུཔྤནྣཱཏི – པཙྩཡཔརིགྒཧེ པཉྙཱ དྷམྨཊྛིཏིཉཱཎཾ. ཨཏཱིཏམྤི ཨདྡྷཱནཾ… ཨནཱགཏམྤི ¶ ཨདྡྷཱནཾ ཨཝིཛྫཱ ཧེཏུ, སངྑཱརཱ ཧེཏུསམུཔྤནྣཱ. ཨུབྷོཔེཏེ དྷམྨཱ ཧེཏུསམུཔྤནྣཱཏི – པཙྩཡཔརིགྒཧེ པཉྙཱ དྷམྨཊྛིཏིཉཱཎཾ.

སངྑཱརཱ ཧེཏུ, ཝིཉྙཱཎཾ ཧེཏུསམུཔྤནྣཾ…པེ… ཝིཉྙཱཎཾ ཧེཏུ, ནཱམརཱུཔཾ ཧེཏུསམུཔྤནྣཾ… ནཱམརཱུཔཾ ཧེཏུ, སལཱ༹ཡཏནཾ ཧེཏུསམུཔྤནྣཾ… སལཱ༹ཡཏནཾ ཧེཏུ, ཕསྶོ ཧེཏུསམུཔྤནྣོ… ཕསྶོ ཧེཏུ, ཝེདནཱ ཧེཏུསམུཔྤནྣཱ… ཝེདནཱ ཧེཏུ, ཏཎྷཱ ཧེཏུསམུཔྤནྣཱ… ཏཎྷཱ ཧེཏུ, ཨུཔཱདཱནཾ ཧེཏུསམུཔྤནྣཾ… ཨུཔཱདཱནཾ ཧེཏུ, བྷཝོ ཧེཏུསམུཔྤནྣོ… བྷཝོ ཧེཏུ, ཛཱཏི ཧེཏུསམུཔྤནྣཱ… ཛཱཏི ཧེཏུ, ཛརཱམརཎཾ ཧེཏུསམུཔྤནྣཾ. ཨུབྷོཔེཏེ དྷམྨཱ ཧེཏུསམུཔྤནྣཱཏི – པཙྩཡཔརིགྒཧེ པཉྙཱ དྷམྨཊྛིཏིཉཱཎཾ. ཨཏཱིཏམྤི ཨདྡྷཱནཾ… ཨནཱགཏམྤི ཨདྡྷཱནཾ ཛཱཏི ཧེཏུ, ཛརཱམརཎཾ ¶ ཧེཏུསམུཔྤནྣཾ. ཨུབྷོཔེཏེ དྷམྨཱ ཧེཏུསམུཔྤནྣཱཏི – པཙྩཡཔརིགྒཧེ པཉྙཱ དྷམྨཊྛིཏིཉཱཎཾ.

ཨཝིཛྫཱ པཊིཙྩཱ, སངྑཱརཱ པཊིཙྩསམུཔྤནྣཱ. ཨུབྷོཔེཏེ དྷམྨཱ པཊིཙྩསམུཔྤནྣཱཏི – པཙྩཡཔརིགྒཧེ པཉྙཱ དྷམྨཊྛིཏིཉཱཎཾ. ཨཏཱིཏམྤི ཨདྡྷཱནཾ… ཨནཱགཏམྤི ཨདྡྷཱནཾ ཨཝིཛྫཱ ¶ པཊིཙྩཱ, སངྑཱརཱ པཊིཙྩསམུཔྤནྣཱ. ཨུབྷོཔེཏེ དྷམྨཱ པཊིཙྩསམུཔྤནྣཱཏི – པཙྩཡཔརིགྒཧེ པཉྙཱ དྷམྨཊྛིཏིཉཱཎཾ.

སངྑཱརཱ པཊིཙྩཱ, ཝིཉྙཱཎཾ པཊིཙྩསམུཔྤནྣཾ…པེ… ཝིཉྙཱཎཾ པཊིཙྩཱ, ནཱམརཱུཔཾ པཊིཙྩསམུཔྤནྣཾ… ནཱམརཱུཔཾ པཊིཙྩཱ, སལཱ༹ཡཏནཾ པཊིཙྩསམུཔྤནྣཾ… སལཱ༹ཡཏནཾ པཊིཙྩཱ, ཕསྶོ པཊིཙྩསམུཔྤནྣོ… ཕསྶོ པཊིཙྩཱ, ཝེདནཱ པཊིཙྩསམུཔྤནྣཱ… ཝེདནཱ པཊིཙྩཱ, ཏཎྷཱ པཊིཙྩསམུཔྤནྣཱ… ཏཎྷཱ པཊིཙྩཱ, ཨུཔཱདཱནཾ པཊིཙྩསམུཔྤནྣཾ… ཨུཔཱདཱནཾ པཊིཙྩཱ, བྷཝོ པཊིཙྩསམུཔྤནྣོ… བྷཝོ པཊིཙྩཱ, ཛཱཏི པཊིཙྩསམུཔྤནྣཱ… ཛཱཏི པཊིཙྩཱ, ཛརཱམརཎཾ པཊིཙྩསམུཔྤནྣཾ. ཨུབྷོཔེཏེ དྷམྨཱ པཊིཙྩསམུཔྤནྣཱཏི – པཙྩཡཔརིགྒཧེ པཉྙཱ དྷམྨཊྛིཏིཉཱཎཾ. ཨཏཱིཏམྤི ཨདྡྷཱནཾ… ཨནཱགཏམྤི ཨདྡྷཱནཾ ཛཱཏི པཊིཙྩཱ, ཛརཱམརཎཾ པཊིཙྩསམུཔྤནྣཾ. ཨུབྷོཔེཏེ དྷམྨཱ པཊིཙྩསམུཔྤནྣཱཏི – པཙྩཡཔརིགྒཧེ པཉྙཱ དྷམྨཊྛིཏིཉཱཎཾ.

ཨཝིཛྫཱ ¶ པཙྩཡོ, སངྑཱརཱ པཙྩཡསམུཔྤནྣཱ. ཨུབྷོཔེཏེ དྷམྨཱ པཙྩཡསམུཔྤནྣཱཏི – པཙྩཡཔརིགྒཧེ པཉྙཱ ¶ དྷམྨཊྛིཏིཉཱཎཾ ¶ . ཨཏཱིཏམྤི ཨདྡྷཱནཾ… ཨནཱགཏམྤི ཨདྡྷཱནཾ ཨཝིཛྫཱ པཙྩཡོ, སངྑཱརཱ པཙྩཡསམུཔྤནྣཱ. ཨུབྷོཔེཏེ དྷམྨཱ པཙྩཡསམུཔྤནྣཱཏི – པཙྩཡཔརིགྒཧེ པཉྙཱ དྷམྨཊྛིཏིཉཱཎཾ.

སངྑཱརཱ པཙྩཡཱ, ཝིཉྙཱཎཾ པཙྩཡསམུཔྤནྣཾ…པེ… ཝིཉྙཱཎཾ པཙྩཡོ, ནཱམརཱུཔཾ པཙྩཡསམུཔྤནྣཾ… ནཱམརཱུཔཾ པཙྩཡོ, སལཱ༹ཡཏནཾ པཙྩཡསམུཔྤནྣཾ… སལཱ༹ཡཏནཾ པཙྩཡོ, ཕསྶོ པཙྩཡསམུཔྤནྣོ… ཕསྶོ པཙྩཡོ, ཝེདནཱ པཙྩཡསམུཔྤནྣཱ… ཝེདནཱ པཙྩཡོ, ཏཎྷཱ པཙྩཡསམུཔྤནྣཱ… ཏཎྷཱ པཙྩཡོ, ཨུཔཱདཱནཾ པཙྩཡསམུཔྤནྣཾ… ཨུཔཱདཱནཾ པཙྩཡོ, བྷཝོ པཙྩཡསམུཔྤནྣོ… བྷཝོ པཙྩཡོ, ཛཱཏི པཙྩཡསམུཔྤནྣཱ… ཛཱཏི པཙྩཡོ, ཛརཱམརཎཾ པཙྩཡསམུཔྤནྣཾ. ཨུབྷོཔེཏེ དྷམྨཱ པཙྩཡསམུཔྤནྣཱཏི – པཙྩཡཔརིགྒཧེ པཉྙཱ དྷམྨཊྛིཏིཉཱཎཾ. ཨཏཱིཏམྤི ཨདྡྷཱནཾ… ཨནཱགཏམྤི ཨདྡྷཱནཾ ཛཱཏི པཙྩཡོ, ཛརཱམརཎཾ པཙྩཡསམུཔྤནྣཾ. ཨུབྷོཔེཏེ དྷམྨཱ པཙྩཡསམུཔྤནྣཱཏི – པཙྩཡཔརིགྒཧེ པཉྙཱ དྷམྨཊྛིཏིཉཱཎཾ.

༤༧. པུརིམཀམྨབྷཝསྨིཾ མོཧོ ཨཝིཛྫཱ, ཨཱཡཱུཧནཱ སངྑཱརཱ, ནིཀནྟི ཏཎྷཱ, ཨུཔགམནཾ ཨུཔཱདཱནཾ, ཙེཏནཱ བྷཝོ. ཨིམེ པཉྩ དྷམྨཱ པུརིམཀམྨབྷཝསྨིཾ ཨིདྷ པཊིསནྡྷིཡཱ པཙྩཡཱ. ཨིདྷ པཊིསནྡྷི ཝིཉྙཱཎཾ, ཨོཀྐནྟི ནཱམརཱུཔཾ, པསཱདོ ཨཱཡཏནཾ, ཕུཊྛོ ཕསྶོ, ཝེདཡིཏཾ ཝེདནཱ. ཨིམེ པཉྩ དྷམྨཱ ཨིདྷུཔཔཏྟིབྷཝསྨིཾ པུརེཀཏསྶ ཀམྨསྶ པཙྩཡཱ. ཨིདྷ པརིཔཀྐཏྟཱ ཨཱཡཏནཱནཾ ¶ མོཧོ ཨཝིཛྫཱ, ཨཱཡཱུཧནཱ སངྑཱརཱ, ནིཀནྟི ཏཎྷཱ ཨུཔགམནཾ ཨུཔཱདཱནཾ, ཙེཏནཱ ¶ བྷཝོ. ཨིམེ པཉྩ དྷམྨཱ ཨིདྷ ཀམྨབྷཝསྨིཾ ཨཱཡཏིཾ པཊིསནྡྷིཡཱ པཙྩཡཱ. ཨཱཡཏིཾ པཊིསནྡྷི ཝིཉྙཱཎཾ, ཨོཀྐནྟི ནཱམརཱུཔཾ, པསཱདོ ཨཱཡཏནཾ, ཕུཊྛོ ཕསྶོ, ཝེདཡིཏཾ ཝེདནཱ. ཨིམེ པཉྩ དྷམྨཱ ཨཱཡཏིཾ ཨུཔཔཏྟིབྷཝསྨིཾ ཨིདྷ ཀཏསྶ ཀམྨསྶ པཙྩཡཱ. ཨིཏིམེ ཙཏུསངྑེཔེ ཏཡོ ཨདྡྷེ ཏིསནྡྷིཾ ཝཱིསཏིཡཱ ཨཱཀཱརེཧི པཊིཙྩསམུཔྤཱདཾ ཛཱནཱཏི པསྶཏི ཨཉྙཱཏི པཊིཝིཛ྄ཛྷཏི. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘པཙྩཡཔརིགྒཧེ པཉྙཱ དྷམྨཊྛིཏིཉཱཎཾ’’.

དྷམྨཊྛིཏིཉཱཎནིདྡེསོ ཙཏུཏྠོ.

༥. སམྨསནཉཱཎནིདྡེསོ

༤༨. ཀཐཾ ¶ ¶ ཨཏཱིཏཱནཱགཏཔཙྩུཔྤནྣཱནཾ དྷམྨཱནཾ སངྑིཔིཏྭཱ ཝཝཏྠཱནེ པཉྙཱ སམྨསནེ ཉཱཎཾ?

ཡཾ ཀིཉྩི རཱུཔཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ སནྟིཀེ ཝཱ, སབྦཾ རཱུཔཾ ཨནིཙྩཏོ ཝཝཏྠེཏི ཨེཀཾ སམྨསནཾ, དུཀྑཏོ ཝཝཏྠེཏི ཨེཀཾ སམྨསནཾ, ཨནཏྟཏོ ཝཝཏྠེཏི ཨེཀཾ སམྨསནཾ.

ཡཱ ཀཱཙི ཝེདནཱ…པེ… ཡཱ ཀཱཙི སཉྙཱ… ཡེ ཀེཙི སངྑཱརཱ… ཡཾ ཀིཉྩི ཝིཉྙཱཎཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ སནྟིཀེ ཝཱ, སབྦཾ ཝིཉྙཱཎཾ ཨནིཙྩཏོ ཝཝཏྠེཏི ཨེཀཾ སམྨསནཾ, དུཀྑཏོ ཝཝཏྠེཏི ཨེཀཾ སམྨསནཾ, ཨནཏྟཏོ ཝཝཏྠེཏི ཨེཀཾ ¶ སམྨསནཾ.

ཙཀྑུཾ…པེ… ཛརཱམརཎཾ ཨཏཱིཏཱནཱགཏཔཙྩུཔྤནྣཾ ཨནིཙྩཏོ ཝཝཏྠེཏི ཨེཀཾ སམྨསནཾ, དུཀྑཏོ ཝཝཏྠེཏི ཨེཀཾ སམྨསནཾ, ཨནཏྟཏོ ཝཝཏྠེཏི ཨེཀཾ སམྨསནཾ.

རཱུཔཾ ཨཏཱིཏཱནཱགཏཔཙྩུཔྤནྣཾ ཨནིཙྩཾ ཁཡཊྛེན, དུཀྑཾ བྷཡཊྛེན ཨནཏྟཱ ཨསཱརཀཊྛེནཱཏི སངྑིཔིཏྭཱ ཝཝཏྠཱནེ པཉྙཱ སམྨསནེ ཉཱཎཾ. ཝེདནཱ…པེ… སཉྙཱ…པེ… སངྑཱརཱ…པེ… ཝིཉྙཱཎཾ…པེ… ཙཀྑུ…པེ… ཛརཱམརཎཾ ཨཏཱིཏཱནཱགཏཔཙྩུཔྤནྣཾ ཨནིཙྩཾ ཁཡཊྛེན, དུཀྑཾ བྷཡཊྛེན, ཨནཏྟཱ ཨསཱརཀཊྛེནཱཏི སངྑིཔིཏྭཱ ཝཝཏྠཱནེ པཉྙཱ སམྨསནེ ཉཱཎཾ.

རཱུཔཾ ¶ ཨཏཱིཏཱནཱགཏཔཙྩུཔྤནྣཾ ཨནིཙྩཾ སངྑཏཾ པཊིཙྩསམུཔྤནྣཾ ཁཡདྷམྨཾ ཝཡདྷམྨཾ ཝིརཱགདྷམྨཾ ནིརོདྷདྷམྨནྟི སངྑིཔིཏྭཱ ཝཝཏྠཱནེ པཉྙཱ སམྨསནེ ཉཱཎཾ. ཝེདནཱ…པེ… སཉྙཱ… སངྑཱརཱ… ཝིཉྙཱཎཾ… ཙཀྑུ…པེ… ཛརཱམརཎཾ ཨཏཱིཏཱནཱགཏཔཙྩུཔྤནྣཾ ཨནིཙྩཾ སངྑཏཾ པཊིཙྩསམུཔྤནྣཾ ཁཡདྷམྨཾ ཝཡདྷམྨཾ ཝིརཱགདྷམྨཾ ནིརོདྷདྷམྨནྟི སངྑིཔིཏྭཱ ཝཝཏྠཱནེ པཉྙཱ སམྨསནེ ཉཱཎཾ.

ཛཱཏིཔཙྩཡཱ ¶ ཛརཱམརཎཾ, ཨསཏི ཛཱཏིཡཱ ནཏྠི ཛརཱམརཎནྟི སངྑིཔིཏྭཱ ཝཝཏྠཱནེ པཉྙཱ སམྨསནེ ཉཱཎཾ. ཨཏཱིཏམྤི ཨདྡྷཱནཾ… ཨནཱགཏམྤི ཨདྡྷཱནཾ ཛཱཏིཔཙྩཡཱ ཛརཱམརཎཾ, ཨསཏི ¶ ཛཱཏིཡཱ ནཏྠི ཛརཱམརཎནྟི སངྑིཔིཏྭཱ ཝཝཏྠཱནེ པཉྙཱ སམྨསནེ ¶ ཉཱཎཾ. བྷཝཔཙྩཡཱ ཛཱཏི, ཨསཏི…པེ… ཨུཔཱདཱནཔཙྩཡཱ བྷཝོ, ཨསཏི…པེ… ཏཎྷཱཔཙྩཡཱ ཨུཔཱདཱནཾ, ཨསཏི…པེ… ཝེདནཱཔཙྩཡཱ ཏཎྷཱ, ཨསཏི…པེ… ཕསྶཔཙྩཡཱ ཝེདནཱ, ཨསཏི…པེ… སལཱ༹ཡཏནཔཙྩཡཱ ཕསྶོ, ཨསཏི…པེ… ནཱམརཱུཔཔཙྩཡཱ སལཱ༹ཡཏནཾ, ཨསཏི…པེ… ཝིཉྙཱཎཔཙྩཡཱ ནཱམརཱུཔཾ, ཨསཏི…པེ… སངྑཱརཔཙྩཡཱ ཝིཉྙཱཎཾ, ཨསཏི…པེ… ཨཝིཛྫཱཔཙྩཡཱ སངྑཱརཱ, ཨསཏི ཨཝིཛྫཱཡ ནཏྠི སངྑཱརཱཏི སངྑིཔིཏྭཱ ཝཝཏྠཱནེ པཉྙཱ སམྨསནེ ཉཱཎཾ. ཨཏཱིཏམྤི ཨདྡྷཱནཾ… ཨནཱགཏམྤི ཨདྡྷཱནཾ ཨཝིཛྫཱཔཙྩཡཱ སངྑཱརཱ, ཨསཏི ཨཝིཛྫཱཡ ནཏྠི སངྑཱརཱཏི སངྑིཔིཏྭཱ ཝཝཏྠཱནེ པཉྙཱ སམྨསནེ ཉཱཎཾ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཨཏཱིཏཱནཱགཏཔཙྩུཔྤནྣཱནཾ དྷམྨཱནཾ སངྑིཔིཏྭཱ ཝཝཏྠཱནེ པཉྙཱ སམྨསནེ ཉཱཎཾ’’.

སམྨསནཉཱཎནིདྡེསོ པཉྩམོ.

༦. ཨུདཡབྦཡཉཱཎནིདྡེསོ

༤༩. ཀཐཾ པཙྩུཔྤནྣཱནཾ དྷམྨཱནཾ ཝིཔརིཎཱམཱནུཔསྶནེ པཉྙཱ ཨུདཡབྦཡཱནུཔསྶནེ ཉཱཎཾ? ཛཱཏཾ རཱུཔཾ པཙྩུཔྤནྣཾ, ཏསྶ ནིབྦཏྟིལཀྑཎཾ ཨུདཡོ, ཝིཔརིཎཱམལཀྑཎཾ ཝཡོ, ཨནུཔསྶནཱ ཉཱཎཾ. ཛཱཏཱ ཝེདནཱ…པེ… ཛཱཏཱ སཉྙཱ… ཛཱཏཱ སངྑཱརཱ… ཛཱཏཾ ཝིཉྙཱཎཾ… ཛཱཏཾ ཙཀྑུ…པེ… ཛཱཏོ བྷཝོ པཙྩུཔྤནྣོ, ཏསྶ ནིབྦཏྟིལཀྑཎཾ ཨུདཡོ, ཝིཔརིཎཱམལཀྑཎཾ ཝཡོ, ཨནུཔསྶནཱ ཉཱཎཾ.

༥༠. པཉྩནྣཾ ¶ ཁནྡྷཱནཾ ཨུདཡཾ པསྶནྟོ ཀཏི ལཀྑཎཱནི པསྶཏི, ཝཡཾ པསྶནྟོ ཀཏི ལཀྑཎཱནི པསྶཏི, ཨུདཡབྦཡཾ པསྶནྟོ ཀཏི ལཀྑཎཱནི ¶ པསྶཏི? པཉྩནྣཾ ཁནྡྷཱནཾ ཨུདཡཾ པསྶནྟོ པཉྩཝཱིསཏི ལཀྑཎཱནི པསྶཏི, ཝཡཾ པསྶནྟོ པཉྩཝཱིསཏི ལཀྑཎཱནི པསྶཏི ¶ ; ཨུདཡབྦཡཾ པསྶནྟོ པཉྙཱས ལཀྑཎཱནི པསྶཏི.

རཱུཔཀྑནྡྷསྶ ཨུདཡཾ པསྶནྟོ ཀཏི ལཀྑཎཱནི པསྶཏི, ཝཡཾ པསྶནྟོ ཀཏི ལཀྑཎཱནི པསྶཏི, ཨུདཡབྦཡཾ པསྶནྟོ ཀཏི ལཀྑཎཱནི པསྶཏི? ཝེདནཱཀྑནྡྷསྶ…པེ… སཉྙཱཀྑནྡྷསྶ…པེ… སངྑཱརཀྑནྡྷསྶ…པེ… ཝིཉྙཱཎཀྑནྡྷསྶ ཨུདཡཾ ¶ པསྶནྟོ ཀཏི ལཀྑཎཱནི པསྶཏི, ཝཡཾ པསྶནྟོ ཀཏི ལཀྑཎཱནི པསྶཏི, ཨུདཡབྦཡཾ པསྶནྟོ ཀཏི ལཀྑཎཱནི པསྶཏི? རཱུཔཀྑནྡྷསྶ ཨུདཡཾ པསྶནྟོ པཉྩ ལཀྑཎཱནི པསྶཏི, ཝཡཾ པསྶནྟོ པཉྩ ལཀྑཎཱནི པསྶཏི; ཨུདཡབྦཡཾ པསྶནྟོ དས ལཀྑཎཱནི པསྶཏི. ཝེདནཱཀྑནྡྷསྶ…པེ… སཉྙཱཀྑནྡྷསྶ… སངྑཱརཀྑནྡྷསྶ… ཝིཉྙཱཎཀྑནྡྷསྶ ཨུདཡཾ པསྶནྟོ པཉྩ ལཀྑཎཱནི པསྶཏི, ཝཡཾ པསྶནྟོ པཉྩ ལཀྑཎཱནི པསྶཏི; ཨུདཡབྦཡཾ པསྶནྟོ དས ལཀྑཎཱནི པསྶཏི.

རཱུཔཀྑནྡྷསྶ ཨུདཡཾ པསྶནྟོ ཀཏམཱནི པཉྩ ལཀྑཎཱནི པསྶཏི? ཨཝིཛྫཱསམུདཡཱ རཱུཔསམུདཡོཏི – པཙྩཡསམུདཡཊྛེན རཱུཔཀྑནྡྷསྶ ¶ ཨུདཡཾ པསྶཏི. ཏཎྷཱསམུདཡཱ རཱུཔསམུདཡོཏི – པཙྩཡསམུདཡཊྛེན རཱུཔཀྑནྡྷསྶ ཨུདཡཾ པསྶཏི. ཀམྨསམུདཡཱ རཱུཔསམུདཡོཏི – པཙྩཡསམུདཡཊྛེན རཱུཔཀྑནྡྷསྶ ཨུདཡཾ པསྶཏི. ཨཱཧཱརསམུདཡཱ རཱུཔསམུདཡོཏི – པཙྩཡསམུདཡཊྛེན རཱུཔཀྑནྡྷསྶ ཨུདཡཾ པསྶཏི. ནིབྦཏྟིལཀྑཎཾ པསྶནྟོཔི རཱུཔཀྑནྡྷསྶ ཨུདཡཾ པསྶཏི. རཱུཔཀྑནྡྷསྶ ཨུདཡཾ པསྶནྟོ ཨིམཱནི པཉྩ ལཀྑཎཱནི པསྶཏི.

ཝཡཾ ¶ པསྶནྟོ ཀཏམཱནི པཉྩ ལཀྑཎཱནི པསྶཏི? ཨཝིཛྫཱནིརོདྷཱ རཱུཔནིརོདྷོཏི – པཙྩཡནིརོདྷཊྛེན རཱུཔཀྑནྡྷསྶ ཝཡཾ པསྶཏི. ཏཎྷཱནིརོདྷཱ རཱུཔནིརོདྷོཏི – པཙྩཡནིརོདྷཊྛེན རཱུཔཀྑནྡྷསྶ ཝཡཾ པསྶཏི. ཀམྨནིརོདྷཱ རཱུཔནིརོདྷོཏི – པཙྩཡནིརོདྷཊྛེན རཱུཔཀྑནྡྷསྶ ཝཡཾ པསྶཏི. ཨཱཧཱརནིརོདྷཱ རཱུཔནིརོདྷོཏི – པཙྩཡནིརོདྷཊྛེན རཱུཔཀྑནྡྷསྶ ཝཡཾ པསྶཏི ¶ . ཝིཔརིཎཱམལཀྑཎཾ པསྶནྟོཔི རཱུཔཀྑནྡྷསྶ ཝཡཾ པསྶཏི. རཱུཔཀྑནྡྷསྶ ཝཡཾ པསྶནྟོ ཨིམཱནི པཉྩ ལཀྑཎཱནི པསྶཏི. ཨུདཡབྦཡཾ པསྶནྟོ ཨིམཱནི དས ལཀྑཎཱནི པསྶཏི.

ཝེདནཱཀྑནྡྷསྶ ¶ ཨུདཡཾ པསྶནྟོ ཀཏམཱནི པཉྩ ལཀྑཎཱནི པསྶཏི? ཨཝིཛྫཱསམུདཡཱ ཝེདནཱསམུདཡོཏི – པཙྩཡསམུདཡཊྛེན ཝེདནཱཀྑནྡྷསྶ ཨུདཡཾ པསྶཏི. ཏཎྷཱསམུདཡཱ ཝེདནཱསམུདཡོཏི – པཙྩཡསམུདཡཊྛེན ཝེདནཱཀྑནྡྷསྶ ཨུདཡཾ པསྶཏི. ཀམྨསམུདཡཱ ཝེདནཱསམུདཡོཏི – པཙྩཡསམུདཡཊྛེན ཝེདནཱཀྑནྡྷསྶ ཨུདཡཾ ¶ པསྶཏི. ཕསྶསམུདཡཱ ཝེདནཱསམུདཡོཏི – པཙྩཡསམུདཡཊྛེན ཝེདནཱཀྑནྡྷསྶ ཨུདཡཾ པསྶཏི. ནིབྦཏྟིལཀྑཎཾ པསྶནྟོཔི ཝེདནཱཀྑནྡྷསྶ ཨུདཡཾ པསྶཏི. ཝེདནཱཀྑནྡྷསྶ ཨུདཡཾ པསྶནྟོ ཨིམཱནི པཉྩ ལཀྑཎཱནི པསྶཏི.

ཝཡཾ པསྶནྟོ ཀཏམཱནི པཉྩ ལཀྑཎཱནི པསྶཏི? ཨཝིཛྫཱནིརོདྷཱ ཝེདནཱནིརོདྷོཏི – པཙྩཡནིརོདྷཊྛེན ཝེདནཱཀྑནྡྷསྶ ཝཡཾ པསྶཏི. ཏཎྷཱནིརོདྷཱ ཝེདནཱནིརོདྷོཏི – པཙྩཡནིརོདྷཊྛེན ཝེདནཱཀྑནྡྷསྶ ཝཡཾ པསྶཏི. ཀམྨནིརོདྷཱ ཝེདནཱནིརོདྷོཏི – པཙྩཡནིརོདྷཊྛེན ཝེདནཱཀྑནྡྷསྶ ཝཡཾ པསྶཏི. ཕསྶནིརོདྷཱ ཝེདནཱནིརོདྷོཏི – པཙྩཡནིརོདྷཊྛེན ཝེདནཱཀྑནྡྷསྶ ཝཡཾ པསྶཏི. ཝིཔརིཎཱམལཀྑཎཾ པསྶནྟོཔི ཝེདནཱཀྑནྡྷསྶ ཝཡཾ པསྶཏི. ཝེདནཱཀྑནྡྷསྶ ཝཡཾ པསྶནྟོ ཨིམཱནི པཉྩ ལཀྑཎཱནི པསྶཏི. ཨུདཡབྦཡཾ པསྶནྟོ ཨིམཱནི དས ལཀྑཎཱནི པསྶཏི.

སཉྙཱཀྑནྡྷསྶ…པེ… སངྑཱརཀྑནྡྷསྶ…པེ… ཝིཉྙཱཎཀྑནྡྷསྶ ཨུདཡཾ པསྶནྟོ ཀཏམཱནི པཉྩ ལཀྑཎཱནི པསྶཏི? ཨཝིཛྫཱསམུདཡཱ ཝིཉྙཱཎསམུདཡོཏི – པཙྩཡསམུདཡཊྛེན ཝིཉྙཱཎཀྑནྡྷསྶ ཨུདཡཾ པསྶཏི. ཏཎྷཱསམུདཡཱ ཝིཉྙཱཎསམུདཡོཏིཔཙྩཡསམུདཡཊྛེན ཝིཉྙཱཎཀྑནྡྷསྶ ཨུདཡཾ པསྶཏི. ཀམྨསམུདཡཱ ཝིཉྙཱཎསམུདཡོཏི – པཙྩཡསམུདཡཊྛེན ཝིཉྙཱཎཀྑནྡྷསྶ ཨུདཡཾ པསྶཏི. ནཱམརཱུཔསམུདཡཱ ཝིཉྙཱཎསམུདཡོཏི – པཙྩཡསམུདཡཊྛེན ཝིཉྙཱཎཀྑནྡྷསྶ ¶ ¶ ཨུདཡཾ པསྶཏི. ནིབྦཏྟིལཀྑཎཾ པསྶནྟོཔི ཝིཉྙཱཎཀྑནྡྷསྶ ཨུདཡཾ པསྶཏི. ཝིཉྙཱཎཀྑནྡྷསྶ ཨུདཡཾ པསྶནྟོ ཨིམཱནི པཉྩ ལཀྑཎཱནི པསྶཏི.

ཝཡཾ པསྶནྟོ ཀཏམཱནི པཉྩ ལཀྑཎཱནི པསྶཏི? ཨཝིཛྫཱནིརོདྷཱ ཝིཉྙཱཎནིརོདྷོཏི – པཙྩཡནིརོདྷཊྛེན ཝིཉྙཱཎཀྑནྡྷསྶ ཝཡཾ པསྶཏི. ཏཎྷཱནིརོདྷཱ ཝིཉྙཱཎནིརོདྷོཏི – པཙྩཡནིརོདྷཊྛེན ཝིཉྙཱཎཀྑནྡྷསྶ ཝཡཾ པསྶཏི. ཀམྨནིརོདྷཱ ཝིཉྙཱཎནིརོདྷོཏི – པཙྩཡནིརོདྷཊྛེན ཝིཉྙཱཎཀྑནྡྷསྶ ཝཡཾ པསྶཏི. ནཱམརཱུཔནིརོདྷཱ ཝིཉྙཱཎནིརོདྷོཏི – པཙྩཡནིརོདྷཊྛེན ཝིཉྙཱཎཀྑནྡྷསྶ ཝཡཾ པསྶཏི. ཝིཔརིཎཱམལཀྑཎཾ པསྶནྟོཔི ཝིཉྙཱཎཀྑནྡྷསྶ ¶ ཝཡཾ པསྶཏི. ཝིཉྙཱཎཀྑནྡྷསྶ ཝཡཾ པསྶནྟོ ཨིམཱནི པཉྩ ལཀྑཎཱནི པསྶཏི. ཨུདཡབྦཡཾ པསྶནྟོ ཨིམཱནི དས ལཀྑཎཱནི པསྶཏི.

པཉྩནྣཾ ཁནྡྷཱནཾ ཨུདཡཾ པསྶནྟོ ཨིམཱནི པཉྩཝཱིསཏི ལཀྑཎཱནི པསྶཏི, ཝཡཾ པསྶནྟོ ཨིམཱནི པཉྩཝཱིསཏི ལཀྑཎཱནི པསྶཏི, ཨུདཡབྦཡཾ པསྶནྟོ ཨིམཱནི པཉྙཱས ལཀྑཎཱནི པསྶཏི. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘པཙྩུཔྤནྣཱནཾ དྷམྨཱནཾ ཝིཔརིཎཱམཱནུཔསྶནེ པཉྙཱ ཨུདཡབྦཡཱནུཔསྶནེ ཉཱཎཾ’’. རཱུཔཀྑནྡྷོ [རཱུཔཀྑནྡྷཱ (སྱཱ.)] ཨཱཧཱརསམུདཡོ ¶ . ཝེདནཱ, སཉྙཱ, སངྑཱརཱ – ཏཡོ [སངྑཱརཱཏི སེསཱ (སྱཱ.)] ཁནྡྷཱ ཕསྶསམུདཡཱ. ཝིཉྙཱཎཀྑནྡྷོ ནཱམརཱུཔསམུདཡོ.

ཨུདཡབྦཡཉཱཎནིདྡེསོ ཚཊྛོ.

༧. བྷངྒཱནུཔསྶནཱཉཱཎནིདྡེསོ

༥༡. ཀཐཾ ¶ ཨཱརམྨཎཾ པཊིསངྑཱ བྷངྒཱནུཔསྶནེ པཉྙཱ ཝིཔསྶནེ ཉཱཎཾ? རཱུཔཱརམྨཎཏཱ ཙིཏྟཾ ཨུཔྤཛྫིཏྭཱ བྷིཛྫཏི. ཏཾ ཨཱརམྨཎཾ པཊིསངྑཱ ཏསྶ ཙིཏྟསྶ བྷངྒཾ ཨནུཔསྶཏི. ཨནུཔསྶཏཱིཏི, ཀཐཾ ཨནུཔསྶཏི? ཨནིཙྩཏོ ཨནུཔསྶཏི, ནོ ནིཙྩཏོ. དུཀྑཏོ ཨནུཔསྶཏི, ནོ སུཁཏོ. ཨནཏྟཏོ ¶ ཨནུཔསྶཏི, ནོ ཨཏྟཏོ. ནིབྦིནྡཏི, ནོ ནནྡཏི, ཝིརཛྫཏི, ནོ རཛྫཏི. ནིརོདྷེཏི, ནོ སམུདེཏི. པཊིནིསྶཛྫཏི, ནོ ཨཱདིཡཏི.

༥༢. ཨནིཙྩཏོ ཨནུཔསྶནྟོ ནིཙྩསཉྙཾ པཛཧཏི. དུཀྑཏོ ཨནུཔསྶནྟོ སུཁསཉྙཾ པཛཧཏི. ཨནཏྟཏོ ཨནུཔསྶནྟོ ཨཏྟསཉྙཾ པཛཧཏི. ནིབྦིནྡནྟོ ནནྡིཾ པཛཧཏི. ཝིརཛྫནྟོ རཱགཾ པཛཧཏི. ནིརོདྷེནྟོ སམུདཡཾ པཛཧཏི. པཊིནིསྶཛྫནྟོ ཨཱདཱནཾ པཛཧཏི.

ཝེདནཱརམྨཎཏཱ…པེ… སཉྙཱརམྨཎཏཱ… སངྑཱརཱརམྨཎཏཱ… ཝིཉྙཱཎཱརམྨཎཏཱ… ཙཀྑུ…པེ… ཛརཱམརཎཱརམྨཎཏཱ ཙིཏྟཾ ཨུཔྤཛྫིཏྭཱ བྷིཛྫཏི. ཏཾ ཨཱརམྨཎཾ པཊིསངྑཱ ཏསྶ ཙིཏྟསྶ བྷངྒཾ ཨནུཔསྶཏི. ཨནུཔསྶཏཱིཏི, ཀཐཾ ཨནུཔསྶཏི? ཨནིཙྩཏོ ཨནུཔསྶཏི, ནོ ནིཙྩཏོ. དུཀྑཏོ ཨནུཔསྶཏི, ནོ ¶ སུཁཏོ. ཨནཏྟཏོ ཨནུཔསྶཏི, ནོ ཨཏྟཏོ. ནིབྦིནྡཏི, ནོ ནནྡཏི. ཝིརཛྫཏི, ནོ རཛྫཏི. ནིརོདྷེཏི, ནོ སམུདེཏི. པཊིནིསྶཛྫཏི, ནོ ཨཱདིཡཏི.

ཨནིཙྩཏོ ཨནུཔསྶནྟོ ནིཙྩསཉྙཾ པཛཧཏི. དུཀྑཏོ ཨནུཔསྶནྟོ ¶ སུཁསཉྙཾ པཛཧཏི. ཨནཏྟཏོ ཨནུཔསྶནྟོ ཨཏྟསཉྙཾ པཛཧཏི. ནིབྦིནྡནྟོ ནནྡིཾ པཛཧཏི. ཝིརཛྫནྟོ རཱགཾ པཛཧཏི. ནིརོདྷེནྟོ སམུདཡཾ པཛཧཏི. པཊིནིསྶཛྫནྟོ ཨཱདཱནཾ པཛཧཏི.

ཝཏྠུསངྐམནཱ ཙེཝ, པཉྙཱཡ ཙ ཝིཝཊྚནཱ;

ཨཱཝཛྫནཱ བལཉྩེཝ, པཊིསངྑཱ ཝིཔསྶནཱ.

ཨཱརམྨཎཨནྭཡེན ¶ , ཨུབྷོ ཨེཀཝཝཏྠནཱ [ཨེཀཝཝཏྠཱནཱ (ཀ.)];

ནིརོདྷེ ཨདྷིམུཏྟཏཱ, ཝཡལཀྑཎཝིཔསྶནཱ.

ཨཱརམྨཎཉྩ པཊིསངྑཱ, བྷངྒཉྩ ཨནུཔསྶཏི;

སུཉྙཏོ ཙ ཨུཔཊྛཱནཾ, ཨདྷིཔཉྙཱ ཝིཔསྶནཱ.

ཀུསལོ ཏཱིསུ ཨནུཔསྶནཱསུ, ཙཏསྶོ ཙ [ཙཏཱུསུ ཙ (སྱཱ.)] ཝིཔསྶནཱསུ;

ཏཡོ ཨུཔཊྛཱནེ ཀུསལཏཱ, ནཱནཱདིཊྛཱིསུ ན ཀམྤཏཱིཏི.

ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཨཱརམྨཎཾ པཊིསངྑཱ བྷངྒཱནུཔསྶནེ པཉྙཱ ཝིཔསྶནེ ཉཱཎཾ’’.

བྷངྒཱནུཔསྶནཱཉཱཎནིདྡེསོ སཏྟམོ.

༨. ཨཱདཱིནཝཉཱཎནིདྡེསོ

༥༣. ཀཐཾ ¶ བྷཡཏུཔཊྛཱནེ པཉྙཱ ཨཱདཱིནཝེ ཉཱཎཾ? ཨུཔྤཱདོ བྷཡནྟི – བྷཡཏུཔཊྛཱནེ པཉྙཱ ཨཱདཱིནཝེ ཉཱཎཾ. པཝཏྟཾ བྷཡནྟི – བྷཡཏུཔཊྛཱནེ པཉྙཱ ཨཱདཱིནཝེ ཉཱཎཾ. ནིམིཏྟཾ བྷཡནྟི…པེ… ཨཱཡཱུཧནཱ བྷཡནྟི…པེ… པཊིསནྡྷི བྷཡནྟི… གཏི བྷཡནྟི… ནིབྦཏྟི བྷཡནྟི… ཨུཔཔཏྟི བྷཡནྟི… ཛཱཏི བྷཡནྟི… ཛརཱ བྷཡནྟི… བྱཱདྷི བྷཡནྟི ¶ … མརཎཾ བྷཡནྟི… སོཀོ བྷཡནྟི… པརིདེཝོ བྷཡནྟི… ཨུཔཱཡཱསོ བྷཡནྟི – བྷཡཏུཔཊྛཱནེ པཉྙཱ ཨཱདཱིནཝེ ཉཱཎཾ.

ཨནུཔྤཱདོ ¶ ཁེམནྟི – སནྟིཔདེ ཉཱཎཾ. ཨཔྤཝཏྟཾ ཁེམནྟི – སནྟིཔདེ ཉཱཎཾ…པེ… ཨནུཔཱཡཱསོ ཁེམནྟི – སནྟིཔདེ ཉཱཎཾ.

ཨུཔྤཱདོ བྷཡཾ, ཨནུཔྤཱདོ ཁེམནྟི – སནྟིཔདེ ཉཱཎཾ. པཝཏྟཾ བྷཡཾ, ཨཔྤཝཏྟཾ ཁེམནྟི – སནྟིཔདེ ཉཱཎཾ…པེ… ཨུཔཱཡཱསོ བྷཡཾ, ཨནུཔཱཡཱསོ ཁེམནྟི – སནྟིཔདེ ཉཱཎཾ.

ཨུཔྤཱདོ ¶ དུཀྑནྟི – བྷཡཏུཔཊྛཱནེ པཉྙཱ ཨཱདཱིནཝེ ཉཱཎཾ. པཝཏྟཾ དུཀྑནྟི – བྷཡཏུཔཊྛཱནེ པཉྙཱ ཨཱདཱིནཝེ ཉཱཎཾ…པེ… ཨུཔཱཡཱསོ དུཀྑནྟི – བྷཡཏུཔཊྛཱནེ པཉྙཱ ཨཱདཱིནཝེ ཉཱཎཾ.

ཨནུཔྤཱདོ སུཁནྟི – སནྟིཔདེ ཉཱཎཾ. ཨཔྤཝཏྟཾ སུཁནྟི – སནྟིཔདེ ཉཱཎཾ…པེ… ཨནུཔཱཡཱསོ སུཁནྟི – སནྟིཔདེ ཉཱཎཾ.

ཨུཔྤཱདོ དུཀྑཾ, ཨནུཔྤཱདོ སུཁནྟི – སནྟིཔདེ ཉཱཎཾ. པཝཏྟཾ དུཀྑཾ, ཨཔྤཝཏྟཾ སུཁནྟི – སནྟིཔདེ ཉཱཎཾ…པེ… ཨུཔཱཡཱསོ དུཀྑཾ, ཨནུཔཱཡཱསོ སུཁནྟི – སནྟིཔདེ ཉཱཎཾ.

ཨུཔྤཱདོ སཱམིསནྟི – བྷཡཏུཔཊྛཱནེ པཉྙཱ ཨཱདཱིནཝེ ཉཱཎཾ. པཝཏྟཾ སཱམིསནྟི – བྷཡཏུཔཊྛཱནེ པཉྙཱ ཨཱདཱིནཝེ ཉཱཎཾ…པེ… ཨུཔཱཡཱསོ སཱམིསནྟི – བྷཡཏུཔཊྛཱནེ པཉྙཱ ཨཱདཱིནཝེ ཉཱཎཾ.

ཨནུཔྤཱདོ ནིརཱམིསནྟི – སནྟིཔདེ ཉཱཎཾ. ཨཔྤཝཏྟཾ ནིརཱམིསནྟི – སནྟིཔདེ ཉཱཎཾ…པེ… ཨནུཔཱཡཱསོ ནིརཱམིསནྟི – སནྟིཔདེ ཉཱཎཾ.

ཨུཔྤཱདོ སཱམིསཾ, ཨནུཔྤཱདོ ནིརཱམིསནྟི – སནྟིཔདེ ¶ ཉཱཎཾ. པཝཏྟཾ སཱམིསཾ, ཨཔྤཝཏྟཾ ནིརཱམིསནྟི – སནྟིཔདེ ¶ ཉཱཎཾ…པེ… ཨུཔཱཡཱསོ སཱམིསཾ, ཨནུཔཱཡཱསོ ནིརཱམིསནྟི – སནྟིཔདེ ཉཱཎཾ.

ཨུཔྤཱདོ སངྑཱརཱཏི – བྷཡཏུཔཊྛཱནེ པཉྙཱ ཨཱདཱིནཝེ ཉཱཎཾ. པཝཏྟཾ སངྑཱརཱཏི – བྷཡཏུཔཊྛཱནེ པཉྙཱ ཨཱདཱིནཝེ ཉཱཎཾ…པེ… ཨུཔཱཡཱསོ སངྑཱརཱཏི – བྷཡཏུཔཊྛཱནེ པཉྙཱ ཨཱདཱིནཝེ ཉཱཎཾ.

ཨནུཔྤཱདོ ནིབྦཱནནྟི – སནྟིཔདེ ཉཱཎཾ. ཨཔྤཝཏྟཾ ནིབྦཱནནྟི – སནྟིཔདེ ཉཱཎཾ…པེ… ཨནུཔཱཡཱསོ ནིབྦཱནནྟི – སནྟིཔདེ ཉཱཎཾ.

ཨུཔྤཱདོ ¶ སངྑཱརཱ, ཨནུཔྤཱདོ ནིབྦཱནནྟི – སནྟིཔདེ ཉཱཎཾ. པཝཏྟཾ སངྑཱརཱ, ཨཔྤཝཏྟཾ ནིབྦཱནནྟི ¶ – སནྟིཔདེ ཉཱཎཾ…པེ… ཨུཔཱཡཱསོ སངྑཱརཱ, ཨནུཔཱཡཱསོ ནིབྦཱནནྟི – སནྟིཔདེ ཉཱཎཾ.

ཨུཔྤཱདཉྩ པཝཏྟཉྩ, ནིམིཏྟཾ དུཀྑནྟི པསྶཏི;

ཨཱཡཱུཧནཾ པཊིསནྡྷིཾ, ཉཱཎཾ ཨཱདཱིནཝེ ཨིདཾ.

ཨནུཔྤཱདཾ ཨཔྤཝཏྟཾ, ཨནིམིཏྟཾ སུཁནྟི ཙ;

ཨནཱཡཱུཧནཾ ཨཔྤཊིསནྡྷིཾ, ཉཱཎཾ སནྟིཔདེ ཨིདཾ.

ཨིདཾ ཨཱདཱིནཝེ ཉཱཎཾ, པཉྩཋཱནེསུ ཛཱཡཏི;

པཉྩཋཱནེ སནྟིཔདེ, དས ཉཱཎེ པཛཱནཱཏི;

དྭིནྣཾ ཉཱཎཱནཾ ཀུསལཏཱ, ནཱནཱདིཊྛཱིསུ ན ཀམྤཏཱིཏི.

ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘བྷཡཏུཔཊྛཱནེ པཉྙཱ ཨཱདཱིནཝེ ཉཱཎཾ’’.

ཨཱདཱིནཝཉཱཎནིདྡེསོ ཨཊྛམོ.

༩. སངྑཱརུཔེཀྑཱཉཱཎནིདྡེསོ

༥༤. ཀཐཾ ¶ མུཉྩིཏུཀམྱཏཱཔཊིསངྑཱསནྟིཊྛནཱ [མུཙྩིཏུཀམྱཏཱཔཊིསངྑཱསནྟིཊྛནཱ (ཀ.)] པཉྙཱ སངྑཱརུཔེཀྑཱསུ ཉཱཎཾ? ཨུཔྤཱདཾ མུཉྩིཏུཀམྱཏཱཔཊིསངྑཱསནྟིཊྛནཱ [ཨུཔྤཱདམུཉྩིཏུཀམྱཏཱ… (སྱཱ.)] པཉྙཱ སངྑཱརུཔེཀྑཱསུ ཉཱཎཾ, པཝཏྟཾ མུཉྩིཏུཀམྱཏཱཔཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ, ནིམིཏྟཾ མུཉྩིཏུཀམྱཏཱ…པེ… ཨཱཡཱུཧནཾ མུཉྩིཏུཀམྱཏཱ… པཊིསནྡྷིཾ མུཉྩིཏུཀམྱཏཱ… གཏིཾ མུཉྩིཏུཀམྱཏཱ… ནིབྦཏྟིཾ མུཉྩིཏུཀམྱཏཱ… ཨུཔཔཏྟིཾ མུཉྩིཏུཀམྱཏཱ… ཛཱཏིཾ མུཉྩིཏུཀམྱཏཱ… ཛརཾ མུཉྩིཏུཀམྱཏཱ… བྱཱདྷིཾ མུཉྩིཏུཀམྱཏཱ… མརཎཾ མུཉྩིཏུཀམྱཏཱ… སོཀཾ མུཉྩིཏུཀམྱཏཱ… པརིདེཝཾ མུཉྩིཏུཀམྱཏཱ…པེ… ཨུཔཱཡཱསཾ མུཉྩིཏུཀམྱཏཱཔཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ.

ཨུཔྤཱདོ ¶ དུཀྑནྟི – མུཉྩིཏུཀམྱཏཱཔཊིསངྑཱསནྟིཊྛནཱ ¶ པཉྙཱ སངྑཱརུཔེཀྑཱསུ ཉཱཎཾ. པཝཏྟཾ དུཀྑནྟི – མུཉྩིཏུཀམྱཏཱཔཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ…པེ… ཨུཔཱཡཱསོ དུཀྑནྟི – མུཉྩིཏུཀམྱཏཱཔཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ.

ཨུཔྤཱདོ ¶ བྷཡནྟི – མུཉྩིཏུཀམྱཏཱཔཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ. པཝཏྟཾ བྷཡནྟི – མུཉྩིཏུཀམྱཏཱཔཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ…པེ… ཨུཔཱཡཱསོ བྷཡནྟི – མུཉྩིཏུཀམྱཏཱཔཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ.

ཨུཔྤཱདོ ¶ སཱམིསནྟི – མུཉྩིཏུཀམྱཏཱཔཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ. པཝཏྟཾ སཱམིསནྟི – མུཉྩིཏུཀམྱཏཱཔཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ…པེ… ཨུཔཱཡཱསོ སཱམིསནྟི – མུཉྩིཏུཀམྱཏཱཔཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ.

ཨུཔྤཱདོ སངྑཱརཱཏི – མུཉྩིཏུཀམྱཏཱཔཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ. པཝཏྟཾ སངྑཱརཱཏི – མུཉྩིཏུཀམྱཏཱཔཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ…པེ… ཨུཔཱཡཱསོ སངྑཱརཱཏི – མུཉྩིཏུཀམྱཏཱཔཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ.

ཨུཔྤཱདོ སངྑཱརཱ, ཏེ སངྑཱརེ ཨཛ྄ཛྷུཔེཀྑཏཱིཏི – སངྑཱརུཔེཀྑཱ. ཡེ ཙ སངྑཱརཱ ཡཱ ཙ ཨུཔེཀྑཱ ཨུབྷོཔེཏེ སངྑཱརཱ, ཏེ སངྑཱརེ ཨཛ྄ཛྷུཔེཀྑཏཱིཏི – སངྑཱརུཔེཀྑཱ. པཝཏྟཾ སངྑཱརཱ…པེ… ནིམིཏྟཾ སངྑཱརཱ… ཨཱཡཱུཧནཱ སངྑཱརཱ… པཊིསནྡྷི སངྑཱརཱ… གཏི སངྑཱརཱ… ནིབྦཏྟི སངྑཱརཱ… ཨུཔཔཏྟི སངྑཱརཱ… ཛཱཏི སངྑཱརཱ… ཛརཱ སངྑཱརཱ… བྱཱདྷི སངྑཱརཱ… མརཎཾ སངྑཱརཱ… སོཀོ སངྑཱརཱ… པརིདེཝོ སངྑཱརཱ…པེ… ཨུཔཱཡཱསོ སངྑཱརཱ, ཏེ སངྑཱརེ ཨཛ྄ཛྷུཔེཀྑཏཱིཏི – སངྑཱརུཔེཀྑཱ. ཡེ ཙ སངྑཱརཱ ཡཱ ཙ ཨུཔེཀྑཱ ཨུབྷོཔེཏེ སངྑཱརཱ, ཏེ སངྑཱརེ ཨཛ྄ཛྷུཔེཀྑཏཱིཏི – སངྑཱརུཔེཀྑཱ.

༥༥. ཀཏིཧཱཀཱརེཧི སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ཧོཏི? ཨཊྛཧཱཀཱརེཧི སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ཧོཏི. པུཐུཛྫནསྶ ¶ ཀཏིཧཱཀཱརེཧི སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ཧོཏི? སེཀྑསྶ ཀཏིཧཱཀཱརེཧི སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ཧོཏི? ཝཱིཏརཱགསྶ ཀཏིཧཱཀཱརེཧི སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ཧོཏི? པུཐུཛྫནསྶ ¶ དྭཱིཧཱཀཱརེཧི སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ཧོཏི. སེཀྑསྶ ཏཱིཧཱཀཱརེཧི སངྑཱརུཔེཀྑཱཡ ¶ ཙིཏྟསྶ ཨབྷིནཱིཧཱརོ ཧོཏི. ཝཱིཏརཱགསྶ ཏཱིཧཱཀཱརེཧི སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ཧོཏི.

པུཐུཛྫནསྶ ¶ ཀཏམེཧི དྭཱིཧཱཀཱརེཧི སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ཧོཏི? པུཐུཛྫནོ སངྑཱརུཔེཀྑཾ ཨབྷིནནྡཏི ཝཱ ཝིཔསྶཏི ཝཱ. པུཐུཛྫནསྶ ཨིམེཧི དྭཱིཧཱཀཱརེཧི སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ཧོཏི. སེཀྑསྶ ཀཏམེཧི ཏཱིཧཱཀཱརེཧི སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ཧོཏི? སེཀྑོ སངྑཱརུཔེཀྑཾ ཨབྷིནནྡཏི ཝཱ ཝིཔསྶཏི ཝཱ པཊིསངྑཱཡ ཝཱ ཕལསམཱཔཏྟིཾ སམཱཔཛྫཏི. སེཀྑསྶ ཨིམེཧི ཏཱིཧཱཀཱརེཧི སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ཧོཏི. ཝཱིཏརཱགསྶ ཀཏམེཧི ཏཱིཧཱཀཱརེཧི སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ཧོཏི? ཝཱིཏརཱགོ སངྑཱརུཔེཀྑཾ ཝིཔསྶཏི ཝཱ པཊིསངྑཱཡ ཝཱ ཕལསམཱཔཏྟིཾ སམཱཔཛྫཏི, ཏདཛ྄ཛྷུཔེཀྑིཏྭཱ སུཉྙཏཝིཧཱརེན ཝཱ ཨནིམིཏྟཝིཧཱརེན ཝཱ ཨཔྤཎིཧིཏཝིཧཱརེན ཝཱ ཝིཧརཏི. ཝཱིཏརཱགསྶ ཨིམེཧི ཏཱིཧཱཀཱརེཧི སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ཧོཏི.

༥༦. ཀཐཾ ¶ པུཐུཛྫནསྶ ཙ སེཀྑསྶ ཙ སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ཨེཀཏྟཾ ཧོཏི? པུཐུཛྫནསྶ སངྑཱརུཔེཀྑཾ ཨབྷིནནྡཏོ ཙིཏྟཾ ཀིལིསྶཏི, བྷཱཝནཱཡ པརིཔནྠོ ཧོཏི, པཊིཝེདྷསྶ ཨནྟརཱཡོ ཧོཏི, ཨཱཡཏིཾ པཊིསནྡྷིཡཱ པཙྩཡོ ཧོཏི. སེཀྑསྶཔི སངྑཱརུཔེཀྑཾ ཨབྷིནནྡཏོ ཙིཏྟཾ ཀིལིསྶཏི, བྷཱཝནཱཡ པརིཔནྠོ ཧོཏི, ཨུཏྟརིཔཊིཝེདྷསྶ ཨནྟརཱཡོ ཧོཏི, ཨཱཡཏིཾ པཊིསནྡྷིཡཱ པཙྩཡོ ཧོཏི. ཨེཝཾ པུཐུཛྫནསྶ ཙ སེཀྑསྶ ཙ སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ཨེཀཏྟཾ ཧོཏི ཨབྷིནནྡཊྛེན.

ཀཐཾ པུཐུཛྫནསྶ ཙ སེཀྑསྶ ཙ ཝཱིཏརཱགསྶ ཙ སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ཨེཀཏྟཾ ཧོཏི? པུཐུཛྫནོ སངྑཱརུཔེཀྑཾ ཨནིཙྩཏོཔི དུཀྑཏོཔི ཨནཏྟཏོཔི ཝིཔསྶཏི. སེཀྑོཔི སངྑཱརུཔེཀྑཾ ཨནིཙྩཏོཔི དུཀྑཏོཔི ཨནཏྟཏོཔི ཝིཔསྶཏི. ཝཱིཏརཱགོཔི སངྑཱརུཔེཀྑཾ ¶ ཨནིཙྩཏོཔི དུཀྑཏོཔི ཨནཏྟཏོཔི ཝིཔསྶཏི. ཨེཝཾ པུཐུཛྫནསྶ ཙ སེཀྑསྶ ཙ ཝཱིཏརཱགསྶ ཙ སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ཨེཀཏྟཾ ཧོཏི ཨནུཔསྶནཊྛེན.

ཀཐཾ པུཐུཛྫནསྶ ཙ སེཀྑསྶ ཙ ཝཱིཏརཱགསྶ ཙ སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ནཱནཏྟཾ ཧོཏི? པུཐུཛྫནསྶ སངྑཱརུཔེཀྑཱ ཀུསལཱ ཧོཏི. སེཀྑསྶཔི སངྑཱརུཔེཀྑཱ ཀུསལཱ ཧོཏི. ཝཱིཏརཱགསྶ སངྑཱརུཔེཀྑཱ ¶ ཨབྱཱཀཏཱ ཧོཏི. ཨེཝཾ པུཐུཛྫནསྶ ཙ ¶ སེཀྑསྶ ¶ ཙ ཝཱིཏརཱགསྶ ཙ སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ནཱནཏྟཾ ཧོཏི ཀུསལཱབྱཱཀཏཊྛེན.

ཀཐཾ པུཐུཛྫནསྶ ཙ སེཀྑསྶ ཙ ཝཱིཏརཱགསྶ ཙ སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ནཱནཏྟཾ ཧོཏི? པུཐུཛྫནསྶ སངྑཱརུཔེཀྑཱ ཀིཉྩིཀཱལེ སུཝིདིཏཱ ཧོཏི, ཀིཉྩིཀཱལེ ན སུཝིདིཏཱ ཧོཏི. སེཀྑསྶཔི སངྑཱརུཔེཀྑཱ ཀིཉྩིཀཱལེ སུཝིདིཏཱ ཧོཏི, ཀིཉྩིཀཱལེ ན སུཝིདིཏཱ ཧོཏི. ཝཱིཏརཱགསྶ སངྑཱརུཔེཀྑཱ ཨཙྩནྟཾ སུཝིདིཏཱ ཧོཏི. ཨེཝཾ པུཐུཛྫནསྶ ཙ སེཀྑསྶ ཙ ཝཱིཏརཱགསྶ ཙ སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ནཱནཏྟཾ ཧོཏི ཝིདིཏཊྛེན ཙ ཨཝིདིཏཊྛེན ཙ.

ཀཐཾ པུཐུཛྫནསྶ ཙ སེཀྑསྶ ཙ ཝཱིཏརཱགསྶ ཙ སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ནཱནཏྟཾ ཧོཏི? པུཐུཛྫནོ སངྑཱརུཔེཀྑཾ ཨཏིཏྟཏྟཱ ཝིཔསྶཏི. སེཀྑོཔི སངྑཱརུཔེཀྑཾ ཨཏིཏྟཏྟཱ ཝིཔསྶཏི. ཝཱིཏརཱགོ སངྑཱརུཔེཀྑཾ ཏིཏྟཏྟཱ ཝིཔསྶཏི. ཨེཝཾ པུཐུཛྫནསྶ ཙ སེཀྑསྶ ཙ ཝཱིཏརཱགསྶ ཙ སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ནཱནཏྟཾ ཧོཏི ཏིཏྟཊྛེན ཙ ཨཏིཏྟཊྛེན ཙ.

ཀཐཾ པུཐུཛྫནསྶ ཙ སེཀྑསྶ ཙ ཝཱིཏརཱགསྶ ཙ སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ནཱནཏྟཾ ཧོཏི? པུཐུཛྫནོ སངྑཱརུཔེཀྑཾ ཏིཎྞཾ སཾཡོཛནཱནཾ པཧཱནཱཡ སོཏཱཔཏྟིམགྒཾ པཊིལཱབྷཏྠཱཡ ཝིཔསྶཏི. སེཀྑོ སངྑཱརུཔེཀྑཾ ཏིཎྞཾ སཉྙོཛནཱནཾ པཧཱིནཏྟཱ ཨུཏྟརིཔཊིལཱབྷཏྠཱཡ ཝིཔསྶཏི. ཝཱིཏརཱགོ སངྑཱརུཔེཀྑཾ སབྦཀིལེསཱནཾ ¶ པཧཱིནཏྟཱ དིཊྛདྷམྨསུཁཝིཧཱརཏྠཱཡ ཝིཔསྶཏི. ཨེཝཾ པུཐུཛྫནསྶ ཙ སེཀྑསྶ ཙ ཝཱིཏརཱགསྶ ཙ སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ནཱནཏྟཾ ཧོཏི པཧཱིནཊྛེན ཙ ཨཔྤཧཱིནཊྛེན ཙ.

ཀཐཾ ¶ སེཀྑསྶ ཙ ཝཱིཏརཱགསྶ ཙ སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ནཱནཏྟཾ ཧོཏི? སེཀྑོ སངྑཱརུཔེཀྑཾ ཨབྷིནནྡཏི ཝཱ ཝིཔསྶཏི ཝཱ པཊིསངྑཱཡ ཝཱ ཕལསམཱཔཏྟིཾ སམཱཔཛྫཏི. ཝཱིཏརཱགོ སངྑཱརུཔེཀྑཾ ཝིཔསྶཏི ཝཱ པཊིསངྑཱཡ ཝཱ ཕལསམཱཔཏྟིཾ སམཱཔཛྫཏི, ཏདཛ྄ཛྷུཔེཀྑིཏྭཱ སུཉྙཏཝིཧཱརེན ཝཱ ཨནིམིཏྟཝིཧཱརེན ཝཱ ཨཔྤཎིཧིཏཝིཧཱརེན ཝཱ ཝིཧརཏི. ཨེཝཾ སེཀྑསྶ ཙ ཝཱིཏརཱགསྶ ཙ སངྑཱརུཔེཀྑཱཡ ཙིཏྟསྶ ཨབྷིནཱིཧཱརོ ནཱནཏྟཾ ཧོཏི ཝིཧཱརསམཱཔཏྟཊྛེན.

༥༧. ཀཏི ¶ ¶ སངྑཱརུཔེཀྑཱ སམཐཝསེན ཨུཔྤཛྫནྟི? ཀཏི སངྑཱརུཔེཀྑཱ ཝིཔསྶནཱཝསེན ཨུཔྤཛྫནྟི? ཨཊྛ སངྑཱརུཔེཀྑཱ སམཐཝསེན ཨུཔྤཛྫནྟི. དས སངྑཱརུཔེཀྑཱ ཝིཔསྶནཱཝསེན ཨུཔྤཛྫནྟི.

ཀཏམཱ ཨཊྛ སངྑཱརུཔེཀྑཱ སམཐཝསེན ཨུཔྤཛྫནྟི? པཋམཾ ཛྷཱནཾ པཊིལཱབྷཏྠཱཡ ནཱིཝརཎེ པཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ. དུཏིཡཾ ཛྷཱནཾ པཊིལཱབྷཏྠཱཡ ཝིཏཀྐཝིཙཱརེ པཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ. ཏཏིཡཾ ཛྷཱནཾ པཊིལཱབྷཏྠཱཡ པཱིཏིཾ པཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ ¶ . ཙཏུཏྠཾ ཛྷཱནཾ པཊིལཱབྷཏྠཱཡ སུཁདུཀྑེ པཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ. ཨཱཀཱསཱནཉྩཱཡཏནསམཱཔཏྟིཾ པཊིལཱབྷཏྠཱཡ རཱུཔསཉྙཾ པཊིགྷསཉྙཾ ནཱནཏྟསཉྙཾ པཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ. ཝིཉྙཱཎཉྩཱཡཏནསམཱཔཏྟིཾ པཊིལཱབྷཏྠཱཡ ཨཱཀཱསཱནཉྩཱཡཏནསཉྙཾ པཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ. ཨཱཀིཉྩཉྙཱཡཏནསམཱཔཏྟིཾ པཊིལཱབྷཏྠཱཡ ཝིཉྙཱཎཉྩཱཡཏནསཉྙཾ པཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ. ནེཝསཉྙཱནཱསཉྙཱཡཏནསམཱཔཏྟིཾ པཊིལཱབྷཏྠཱཡ ཨཱཀིཉྩཉྙཱཡཏནསཉྙཾ པཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ. ཨིམཱ ཨཊྛ སངྑཱརུཔེཀྑཱ སམཐཝསེན ཨུཔྤཛྫནྟི.

ཀཏམཱ དས སངྑཱརུཔེཀྑཱ ཝིཔསྶནཱཝསེན ཨུཔྤཛྫནྟི? སོཏཱཔཏྟིམགྒཾ ¶ པཊིལཱབྷཏྠཱཡ ཨུཔྤཱདཾ པཝཏྟཾ ནིམིཏྟཾ ཨཱཡཱུཧནཾ པཊིསནྡྷིཾ གཏིཾ ནིབྦཏྟིཾ ཨུཔཔཏྟིཾ ཛཱཏིཾ ཛརཾ བྱཱདྷིཾ མརཎཾ སོཀཾ པརིདེཝཾ ཨུཔཱཡཱསཾ པཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ. སོཏཱཔཏྟིཕལསམཱཔཏྟཏྠཱཡ ཨུཔྤཱདཾ པཝཏྟཾ ནིམིཏྟཾ ཨཱཡཱུཧནཾ པཊིསནྡྷིཾ…པེ… པཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ. སཀདཱགཱམིམགྒཾ པཊིལཱབྷཏྠཱཡ…པེ… སཀདཱགཱམིཕལསམཱཔཏྟཏྠཱཡ…པེ… ཨནཱགཱམིམགྒཾ པཊིལཱབྷཏྠཱཡ…པེ… ཨནཱགཱམིཕལསམཱཔཏྟཏྠཱཡ ¶ …པེ… ཨརཧཏྟམགྒཾ པཊིལཱབྷཏྠཱཡ ཨུཔྤཱདཾ པཝཏྟཾ ནིམིཏྟཾ ཨཱཡཱུཧནཾ པཊིསནྡྷིཾ གཏིཾ ནིབྦཏྟིཾ ཨུཔཔཏྟིཾ ཛཱཏིཾ ཛརཾ བྱཱདྷིཾ མརཎཾ སོཀཾ པརིདེཝཾ ཨུཔཱཡཱསཾ པཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ. ཨརཧཏྟཕལསམཱཔཏྟཏྠཱཡ…པེ… སུཉྙཏཝིཧཱརསམཱཔཏྟཏྠཱཡ…པེ… ཨནིམིཏྟཝིཧཱརསམཱཔཏྟཏྠཱཡ ཨུཔྤཱདཾ པཝཏྟཾ ནིམིཏྟཾ ཨཱཡཱུཧནཾ པཊིསནྡྷིཾ…པེ… པཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ. ཨིམཱ དས སངྑཱརུཔེཀྑཱ ཝིཔསྶནཱཝསེན ཨུཔྤཛྫནྟི.

༥༨. ཀཏི ¶ ¶ སངྑཱརུཔེཀྑཱ ཀུསལཱ, ཀཏི ཨཀུསལཱ, ཀཏི ཨབྱཱཀཏཱ? པནྣརས སངྑཱརུཔེཀྑཱ ཀུསལཱ, ཏིསྶོ སངྑཱརུཔེཀྑཱ ཨབྱཱཀཏཱ. ནཏྠི སངྑཱརུཔེཀྑཱ ཨཀུསལཱ.

པཊིསངྑཱསནྟིཊྛནཱ པཉྙཱ, ཨཊྛ ཙིཏྟསྶ གོཙརཱ;

པུཐུཛྫནསྶ དྭེ ཧོནྟི, ཏཡོ སེཀྑསྶ གོཙརཱ;

ཏཡོ ཙ ཝཱིཏརཱགསྶ, ཡེཧི ཙིཏྟཾ ཝིཝཊྚཏི.

ཨཊྛ སམཱདྷིསྶ པཙྩཡཱ, དས ཉཱཎསྶ གོཙརཱ;

ཨཊྛཱརས སངྑཱརུཔེཀྑཱ, ཏིཎྞཾ ཝིམོཀྑཱན པཙྩཡཱ.

ཨིམེ ཨཊྛཱརསཱཀཱརཱ, པཉྙཱ ཡསྶ པརིཙྩིཏཱ;

ཀུསལོ སངྑཱརུཔེཀྑཱསུ, ནཱནཱདིཊྛཱིསུ ན ཀམྤཏཱིཏི.

ཏཾ ¶ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘མུཉྩིཏུཀམྱཏཱཔཊིསངྑཱསནྟིཊྛནཱ པཉྙཱ སངྑཱརུཔེཀྑཱསུ ཉཱཎཾ’’.

སངྑཱརུཔེཀྑཱཉཱཎནིདྡེསོ ནཝམོ.

༡༠. གོཏྲབྷུཉཱཎནིདྡེསོ

༥༩. ཀཐཾ ¶ བཧིདྡྷཱ ཝུཊྛཱནཝིཝཊྚནེ པཉྙཱ གོཏྲབྷུཉཱཎཾ? ཨུཔྤཱདཾ ཨབྷིབྷུཡྻཏཱིཏི – གོཏྲབྷུ. པཝཏྟཾ ཨབྷིབྷུཡྻཏཱིཏི – གོཏྲབྷུ. ནིམིཏྟཾ ཨབྷིབྷུཡྻཏཱིཏི – གོཏྲབྷུ. ཨཱཡཱུཧནཾ ཨབྷིབྷུཡྻཏཱིཏི – གོཏྲབྷུ. པཊིསནྡྷིཾ ཨབྷིབྷུཡྻཏཱིཏི – གོཏྲབྷུ. གཏིཾ ཨབྷིབྷུཡྻཏཱིཏི – གོཏྲབྷུ. ནིབྦཏྟིཾ ཨབྷིབྷུཡྻཏཱིཏི – གོཏྲབྷུ. ཨུཔཔཏྟིཾ ཨབྷིབྷུཡྻཏཱིཏི – གོཏྲབྷུ. ཛཱཏིཾ ཨབྷིབྷུཡྻཏཱིཏི – གོཏྲབྷུ. ཛརཾ ཨབྷིབྷུཡྻཏཱིཏི – གོཏྲབྷུ. བྱཱདྷིཾ ཨབྷིབྷུཡྻཏཱིཏི – གོཏྲབྷུ. མརཎཾ ཨབྷིབྷུཡྻཏཱིཏི – གོཏྲབྷུ. སོཀཾ ཨབྷིབྷུཡྻཏཱིཏི – གོཏྲབྷུ. པརིདེཝཾ ཨབྷིབྷུཡྻཏཱིཏི – གོཏྲབྷུ. ཨུཔཱཡཱསཾ ཨབྷིབྷུཡྻཏཱིཏི – གོཏྲབྷུ. བཧིདྡྷཱ སངྑཱརནིམིཏྟཾ ཨབྷིབྷུཡྻཏཱིཏི – གོཏྲབྷུ. ཨནུཔྤཱདཾ པཀྑནྡཏཱིཏི – གོཏྲབྷུ. ཨཔྤཝཏྟཾ པཀྑནྡཏཱིཏི – གོཏྲབྷུ…པེ… ནིརོདྷཾ ནིབྦཱནཾ པཀྑནྡཏཱིཏི – གོཏྲབྷུ.

ཨུཔྤཱདཾ ¶ ཨབྷིབྷུཡྻིཏྭཱ ཨནུཔྤཱདཾ པཀྑནྡཏཱིཏི – གོཏྲབྷུ. པཝཏྟཾ ཨབྷིབྷུཡྻིཏྭཱ ཨཔྤཝཏྟཾ པཀྑནྡཏཱིཏི – གོཏྲབྷུ. ནིམིཏྟཾ ཨབྷིབྷུཡྻིཏྭཱ ཨནིམིཏྟཾ པཀྑནྡཏཱིཏི – གོཏྲབྷུ ¶ …པེ… བཧིདྡྷཱ སངྑཱརནིམིཏྟཾ ཨབྷིབྷུཡྻིཏྭཱ ནིརོདྷཾ ནིབྦཱནཾ པཀྑནྡཏཱིཏི – གོཏྲབྷུ.

ཨུཔྤཱདཱ ཝུཊྛཱཏཱིཏི – གོཏྲབྷུ. པཝཏྟཱ ཝུཊྛཱཏཱིཏི – གོཏྲབྷུ. ནིམིཏྟཱ ཝུཊྛཱཏཱིཏི – གོཏྲབྷུ. ཨཱཡཱུཧནཱ ཝུཊྛཱཏཱིཏི – གོཏྲབྷུ. པཊིསནྡྷིཡཱ ཝུཊྛཱཏཱིཏི – གོཏྲབྷུ. གཏིཡཱ ཝུཊྛཱཏཱིཏི – གོཏྲབྷུ. ནིབྦཏྟིཡཱ ¶ ཝུཊྛཱཏཱིཏི – གོཏྲབྷུ. ཨུཔཔཏྟིཡཱ ཝུཊྛཱཏཱིཏི – གོཏྲབྷུ. ཛཱཏིཡཱ ཝུཊྛཱཏཱིཏི – གོཏྲབྷུ. ཛརཱཡ ཝུཊྛཱཏཱིཏི – གོཏྲབྷུ. བྱཱདྷིམྷཱ ཝུཊྛཱཏཱིཏི – གོཏྲབྷུ. མརཎཱ ཝུཊྛཱཏཱིཏི – གོཏྲབྷུ. སོཀཱ ཝུཊྛཱཏཱིཏི – གོཏྲབྷུ. པརིདེཝཱ ཝུཊྛཱཏཱིཏི – གོཏྲབྷུ. ཨུཔཱཡཱསཱ ཝུཊྛཱཏཱིཏི – གོཏྲབྷུ. བཧིདྡྷཱ སངྑཱརནིམིཏྟཱ ཝུཊྛཱཏཱིཏི – གོཏྲབྷུ. ཨནུཔྤཱདཾ པཀྑནྡཏཱིཏི – གོཏྲབྷུ. ཨཔྤཝཏྟཾ པཀྑནྡཏཱིཏི – གོཏྲབྷུ…པེ… ནིརོདྷཾ ནིབྦཱནཾ པཀྑནྡཏཱིཏི – གོཏྲབྷུ.

ཨུཔྤཱདཱ ཝུཊྛཧིཏྭཱ [ཝུཊྛིཏྭཱ (སྱཱ. ཀ.)] ཨནུཔྤཱདཾ པཀྑནྡཏཱིཏི – གོཏྲབྷུ. པཝཏྟཱ ཝུཊྛཧིཏྭཱ ཨཔྤཝཏྟཾ པཀྑནྡཏཱིཏི – གོཏྲབྷུ. ནིམིཏྟཱ ཝུཊྛཧིཏྭཱ ཨནིམིཏྟཾ པཀྑནྡཏཱིཏི – གོཏྲབྷུ. ཨཱཡཱུཧནཱ ཝུཊྛཧིཏྭཱ ¶ ཨནཱཡཱུཧནཾ པཀྑནྡཏཱིཏི – གོཏྲབྷུ. པཊིསནྡྷིཡཱ ཝུཊྛཧིཏྭཱ ཨཔྤཊིསནྡྷིཾ པཀྑནྡཏཱིཏི – གོཏྲབྷུ. གཏིཡཱ ཝུཊྛཧིཏྭཱ ཨགཏིཾ པཀྑནྡཏཱིཏི – གོཏྲབྷུ. ནིབྦཏྟིཡཱ ཝུཊྛཧིཏྭཱ ཨནིབྦཏྟིཾ པཀྑནྡཏཱིཏི – གོཏྲབྷུ. ཨུཔཔཏྟིཡཱ ཝུཊྛཧིཏྭཱ ཨནུཔཔཏྟིཾ པཀྑནྡཏཱིཏི – གོཏྲབྷུ. ཛཱཏིཡཱ ཝུཊྛཧིཏྭཱ ཨཛཱཏིཾ པཀྑནྡཏཱིཏི – གོཏྲབྷུ. ཛརཱཡ ཝུཊྛཧིཏྭཱ ཨཛརཾ པཀྑནྡཏཱིཏི – གོཏྲབྷུ. བྱཱདྷིམྷཱ ཝུཊྛཧིཏྭཱ ཨབྱཱདྷིཾ པཀྑནྡཏཱིཏི – གོཏྲབྷུ. མརཎཱ ཝུཊྛཧིཏྭཱ ཨམཏཾ པཀྑནྡཏཱིཏི – གོཏྲབྷུ. སོཀཱ ཝུཊྛཧིཏྭཱ ཨསོཀཾ པཀྑནྡཏཱིཏི – གོཏྲབྷུ. པརིདེཝཱ ཝུཊྛཧིཏྭཱ ཨཔརིདེཝཾ པཀྑནྡཏཱིཏི – གོཏྲབྷུ. ཨུཔཱཡཱསཱ ཝུཊྛཧིཏྭཱ ཨནུཔཱཡཱསཾ པཀྑནྡཏཱིཏི – གོཏྲབྷུ. བཧིདྡྷཱ སངྑཱརནིམིཏྟཱ ཝུཊྛཧིཏྭཱ ནིརོདྷཾ ནིབྦཱནཾ པཀྑནྡཏཱིཏི – གོཏྲབྷུ.

ཨུཔྤཱདཱ ¶ ཝིཝཊྚཏཱིཏི – གོཏྲབྷུ. པཝཏྟཱ ཝིཝཊྚཏཱིཏི – གོཏྲབྷུ…པེ… བཧིདྡྷཱ སངྑཱརནིམིཏྟཱ ཝིཝཊྚཏཱིཏི – གོཏྲབྷུ. ཨནུཔྤཱདཾ པཀྑནྡཏཱིཏི – གོཏྲབྷུ. ཨཔྤཝཏྟཾ པཀྑནྡཏཱིཏི – གོཏྲབྷུ…པེ… ནིརོདྷཾ ནིབྦཱནཾ པཀྑནྡཏཱིཏི – གོཏྲབྷུ.

ཨུཔྤཱདཱ ¶ ཝིཝཊྚིཏྭཱ ཨནུཔྤཱདཾ པཀྑནྡཏཱིཏི – གོཏྲབྷུ. པཝཏྟཱ ཝིཝཊྚིཏྭཱ ཨཔྤཝཏྟཾ པཀྑནྡཏཱིཏི – གོཏྲབྷུ…པེ… བཧིདྡྷཱ སངྑཱརནིམིཏྟཱ ཝིཝཊྚིཏྭཱ ནིརོདྷཾ ནིབྦཱནཾ པཀྑནྡཏཱིཏི – གོཏྲབྷུ.

༦༠. ཀཏི ¶ གོཏྲབྷཱུ དྷམྨཱ སམཐཝསེན ཨུཔྤཛྫནྟི? ཀཏི གོཏྲབྷཱུ དྷམྨཱ ཝིཔསྶནཱཝསེན ཨུཔྤཛྫནྟི? ཨཊྛ གོཏྲབྷཱུ དྷམྨཱ སམཐཝསེན ཨུཔྤཛྫནྟི. དས གོཏྲབྷཱུ དྷམྨཱ ཝིཔསྶནཱཝསེན ཨུཔྤཛྫནྟི.

ཀཏམེ ཨཊྛ གོཏྲབྷཱུ དྷམྨཱ སམཐཝསེན ཨུཔྤཛྫནྟི? པཋམཾ ཛྷཱནཾ པཊིལཱབྷཏྠཱཡ ནཱིཝརཎེ ཨབྷིབྷུཡྻཏཱིཏི – གོཏྲབྷུ. དུཏིཡཾ ཛྷཱནཾ པཊིལཱབྷཏྠཱཡ ཝིཏཀྐཝིཙཱརེ ཨབྷིབྷུཡྻཏཱིཏི – གོཏྲབྷུ. ཏཏིཡཾ ཛྷཱནཾ པཊིལཱབྷཏྠཱཡ པཱིཏིཾ ཨབྷིབྷུཡྻཏཱིཏི – གོཏྲབྷུ. ཙཏུཏྠཾ ཛྷཱནཾ པཊིལཱབྷཏྠཱཡ སུཁདུཀྑེ ཨབྷིབྷུཡྻཏཱིཏི – གོཏྲབྷུ. ཨཱཀཱསཱནཉྩཱཡཏནསམཱཔཏྟིཾ པཊིལཱབྷཏྠཱཡ རཱུཔསཉྙཾ པཊིགྷསཉྙཾ ནཱནཏྟསཉྙཾ ཨབྷིབྷུཡྻཏཱིཏི – གོཏྲབྷུ. ཝིཉྙཱཎཉྩཱཡཏནསམཱཔཏྟིཾ པཊིལཱབྷཏྠཱཡ ཨཱཀཱསཱནཉྩཱཡཏནསཉྙཾ ཨབྷིབྷུཡྻཏཱིཏི – གོཏྲབྷུ. ཨཱཀིཉྩཉྙཱཡཏནསམཱཔཏྟིཾ པཊིལཱབྷཏྠཱཡ ཝིཉྙཱཎཉྩཱཡཏནསཉྙཾ ¶ ཨབྷིབྷུཡྻཏཱིཏི – གོཏྲབྷུ ¶ . ནེཝསཉྙཱནཱསཉྙཱཡཏནསམཱཔཏྟིཾ པཊིལཱབྷཏྠཱཡ ཨཱཀིཉྩཉྙཱཡཏནསཉྙཾ ཨབྷིབྷུཡྻཏཱིཏི – གོཏྲབྷུ. ཨིམེ ཨཊྛ གོཏྲབྷཱུ དྷམྨཱ སམཐཝསེན ཨུཔྤཛྫནྟི.

ཀཏམེ དས གོཏྲབྷཱུ དྷམྨཱ ཝིཔསྶནཱཝསེན ཨུཔྤཛྫནྟི? སོཏཱཔཏྟིམགྒཾ པཊིལཱབྷཏྠཱཡ ཨུཔྤཱདཾ པཝཏྟཾ ནིམིཏྟཾ ཨཱཡཱུཧནཾ པཊིསནྡྷིཾ གཏིཾ ནིབྦཏྟིཾ ཨུཔཔཏྟིཾ ཛཱཏིཾ ཛརཾ བྱཱདྷིཾ མརཎཾ སོཀཾ པརིདེཝཾ ཨུཔཱཡཱསཾ བཧིདྡྷཱ སངྑཱརནིམིཏྟཾ ཨབྷིབྷུཡྻཏཱིཏི – གོཏྲབྷུ. སོཏཱཔཏྟིཕལསམཱཔཏྟཏྠཱཡ ཨུཔྤཱདཾ པཝཏྟཾ ནིམིཏྟཾ ཨཱཡཱུཧནཾ པཊིསནྡྷིཾ…པེ… ཨབྷིབྷུཡྻཏཱིཏི – གོཏྲབྷུ. སཀདཱགཱམིམགྒཾ པཊིལཱབྷཏྠཱཡ…པེ… སཀདཱགཱམིཕལསམཱཔཏྟཏྠཱཡ… ཨནཱགཱམིམགྒཾ པཊིལཱབྷཏྠཱཡ… ཨནཱགཱམིཕལསམཱཔཏྟཏྠཱཡ… ཨརཧཏྟམགྒཾ པཊིལཱབྷཏྠཱཡ ཨུཔྤཱདཾ པཝཏྟཾ ནིམིཏྟཾ ཨཱཡཱུཧནཾ པཊིསནྡྷིཾ གཏིཾ ནིབྦཏྟིཾ ཨུཔཔཏྟིཾ ཛཱཏིཾ ཛརཾ བྱཱདྷིཾ མརཎཾ སོཀཾ པརིདེཝཾ ཨུཔཱཡཱསཾ བཧིདྡྷཱ སངྑཱརནིམིཏྟཾ ཨབྷིབྷུཡྻཏཱིཏི – གོཏྲབྷུ. ཨརཧཏྟཕལསམཱཔཏྟཏྠཱཡ… སུཉྙཏཝིཧཱརསམཱཔཏྟཏྠཱཡ… ཨནིམིཏྟཝིཧཱརསམཱཔཏྟཏྠཱཡ ཨུཔྤཱདཾ པཝཏྟཾ ནིམིཏྟཾ ཨཱཡཱུཧནཾ པཊིསནྡྷིཾ…པེ… ཨབྷིབྷུཡྻཏཱིཏི – གོཏྲབྷུ. ཨིམེ དས གོཏྲབྷཱུ དྷམྨཱ ཝིཔསྶནཱཝསེན ཨུཔྤཛྫནྟི.

ཀཏི ¶ གོཏྲབྷཱུ དྷམྨཱ ཀུསལཱ, ཀཏི ཨཀུསལཱ, ཀཏི ཨབྱཱཀཏཱ? པནྣརས གོཏྲབྷཱུ དྷམྨཱ ཀུསལཱ, ཏཡོ གོཏྲབྷཱུ དྷམྨཱ ཨབྱཱཀཏཱ. ནཏྠི གོཏྲབྷཱུ དྷམྨཱ ཨཀུསལཱཏི.

སཱམིསཉྩ ¶ ¶ ནིརཱམིསཾ, པཎིཧིཏཉྩ ཨཔྤཎིཧིཏཾ;

སཉྙུཏྟཉྩ ཝིསཉྙུཏྟཾ, ཝུཊྛིཏཉྩ ཨཝུཊྛིཏཾ.

ཨཊྛ སམཱདྷིསྶ པཙྩཡཱ, དས ཉཱཎསྶ གོཙརཱ;

ཨཊྛཱརས གོཏྲབྷཱུ དྷམྨཱ, ཏིཎྞཾ ཝིམོཀྑཱན པཙྩཡཱ.

ཨིམེ ཨཊྛཱརསཱཀཱརཱ, པཉྙཱ ཡསྶ པརིཙྩིཏཱ;

ཀུསལོ ཝིཝཊྚེ ཝུཊྛཱནེ, ནཱནཱདིཊྛཱིསུ ན ཀམྤཏཱིཏི.

ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘བཧིདྡྷཱ ཝུཊྛཱནཝིཝཊྚནེ པཉྙཱ གོཏྲབྷུཉཱཎཾ’’.

གོཏྲབྷུཉཱཎནིདྡེསོ དསམོ.

༡༡. མགྒཉཱཎནིདྡེསོ

༦༡. ཀཐཾ ¶ དུབྷཏོ ཝུཊྛཱནཝིཝཊྚནེ པཉྙཱ མགྒེ ཉཱཎཾ? སོཏཱཔཏྟིམགྒཀྑཎེ དསྶནཊྛེན སམྨཱདིཊྛི མིཙྪཱདིཊྛིཡཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏེན ཝུཙྩཏི – ‘‘དུབྷཏོ ཝུཊྛཱནཝིཝཊྚནེ པཉྙཱ མགྒེ ཉཱཎཾ’’. ཨབྷིནིརོཔནཊྛེན སམྨཱསངྐཔྤོ མིཙྪཱསངྐཔྤཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏེན ཝུཙྩཏི – ‘‘དུབྷཏོ ཝུཊྛཱནཝིཝཊྚནེ པཉྙཱ མགྒེ ཉཱཎཾ’’.

པརིགྒཧཊྛེན སམྨཱཝཱཙཱ མིཙྪཱཝཱཙཱཡ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏེན ཝུཙྩཏི – ‘‘དུབྷཏོ ཝུཊྛཱནཝིཝཊྚནེ པཉྙཱ མགྒེ ཉཱཎཾ’’.

སམུཊྛཱནཊྛེན ¶ སམྨཱཀམྨནྟོ ¶ མིཙྪཱཀམྨནྟཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏེན ཝུཙྩཏི – ‘‘དུབྷཏོ ཝུཊྛཱནཝིཝཊྚནེ པཉྙཱ མགྒེ ཉཱཎཾ’’.

ཝོདཱནཊྛེན སམྨཱཨཱཛཱིཝོ མིཙྪཱཨཱཛཱིཝཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏེན ཝུཙྩཏི – ‘‘དུབྷཏོ ཝུཊྛཱནཝིཝཊྚནེ པཉྙཱ མགྒེ ཉཱཎཾ’’.

པགྒཧཊྛེན ¶ སམྨཱཝཱཡཱམོ མིཙྪཱཝཱཡཱམཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏེན ཝུཙྩཏི – ‘‘དུབྷཏོ ཝུཊྛཱནཝིཝཊྚནེ པཉྙཱ མགྒེ ཉཱཎཾ’’.

ཨུཔཊྛཱནཊྛེན སམྨཱསཏི མིཙྪཱསཏིཡཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏེན ཝུཙྩཏི – ‘‘དུབྷཏོ ཝུཊྛཱནཝིཝཊྚནེ པཉྙཱ མགྒེ ཉཱཎཾ’’.

ཨཝིཀྑེཔཊྛེན སམྨཱསམཱདྷི མིཙྪཱསམཱདྷིཏོ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏེན ཝུཙྩཏི – ‘‘དུབྷཏོ ཝུཊྛཱནཝིཝཊྚནེ པཉྙཱ མགྒེ ཉཱཎཾ’’.

སཀདཱགཱམིམགྒཀྑཎེ དསྶནཊྛེན སམྨཱདིཊྛི ¶ …པེ… ཨཝིཀྑེཔཊྛེན སམྨཱསམཱདྷི ཨོལཱ༹རིཀཱ ཀཱམརཱགསཉྙོཛནཱ པཊིགྷསཉྙོཛནཱ ཨོལཱ༹རིཀཱ ཀཱམརཱགཱནུསཡཱ པཊིགྷཱནུསཡཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏེན ཝུཙྩཏི – ‘‘དུབྷཏོ ཝུཊྛཱནཝིཝཊྚནེ པཉྙཱ མགྒེ ¶ ཉཱཎཾ’’.

ཨནཱགཱམིམགྒཀྑཎེ དསྶནཊྛེན སམྨཱདིཊྛི…པེ… ཨཝིཀྑེཔཊྛེན སམྨཱསམཱདྷི ཨནུསཧགཏཱ ཀཱམརཱགསཉྙོཛནཱ པཊིགྷསཉྙོཛནཱ ཨནུསཧགཏཱ ཀཱམརཱགཱནུསཡཱ པཊིགྷཱནུསཡཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏེན ཝུཙྩཏི – ‘‘དུབྷཏོ ཝུཊྛཱནཝིཝཊྚནེ པཉྙཱ མགྒེ ཉཱཎཾ’’.

ཨརཧཏྟམགྒཀྑཎེ ¶ དསྶནཊྛེན སམྨཱདིཊྛི…པེ… ཨཝིཀྑེཔཊྛེན སམྨཱསམཱདྷི རཱུཔརཱགཱ ཨརཱུཔརཱགཱ མཱནཱ ཨུདྡྷཙྩཱ ཨཝིཛྫཱཡ མཱནཱནུསཡཱ བྷཝརཱགཱནུསཡཱ ཨཝིཛྫཱནུསཡཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏེན ཝུཙྩཏི – ‘‘དུབྷཏོ ཝུཊྛཱནཝིཝཊྚནེ པཉྙཱ མགྒེ ཉཱཎཾ’’.

༦༢.

ཨཛཱཏཾ ཛྷཱཔེཏི ཛཱཏེན, ཛྷཱནཾ ཏེན པཝུཙྩཏི;

ཛྷཱནཝིམོཀྑེ ཀུསལཏཱ, ནཱནཱདིཊྛཱིསུ ན ཀམྤཏི.

སམཱདཧིཏྭཱ ཡཐཱ ཙེ ཝིཔསྶཏི, ཝིཔསྶམཱནོ ཏཐཱ ཙེ སམཱདཧེ;

ཝིཔསྶནཱ ཙ སམཐོ ཏདཱ ཨཧུ, སམཱནབྷཱགཱ ཡུགནདྡྷཱ ཝཏྟརེ.

དུཀྑཱ ¶ སངྑཱརཱ སུཁོ, ནིརོདྷོ ཨིཏི དསྶནཾ [ནིརོདྷོཏི དསྶནཾ (སྱཱ. ཀ.)];

དུབྷཏོ ཝུཊྛིཏཱ པཉྙཱ, ཕསྶེཏི ཨམཏཾ པདཾ.

ཝིམོཀྑཙརིཡཾ ཛཱནཱཏི, ནཱནཏྟེཀཏྟཀོཝིདོ;

དྭིནྣཾ ཉཱཎཱནཾ ཀུསལཏཱ, ནཱནཱདིཊྛཱིསུ ན ཀམྤཏཱིཏི.

ཏཾ ¶ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘དུབྷཏོ ཝུཊྛཱནཝིཝཊྚནེ པཉྙཱ མགྒེ ཉཱཎཾ’’.

མགྒཉཱཎནིདྡེསོ ཨེཀཱདསམོ.

༡༢. ཕལཉཱཎནིདྡེསོ

༦༣. ཀཐཾ ¶ པཡོགཔྤཊིཔྤསྶདྡྷིཔཉྙཱ ཕལེ ཉཱཎཾ? སོཏཱཔཏྟིམགྒཀྑཎེ དསྶནཊྛེན སམྨཱདིཊྛི མིཙྪཱདིཊྛིཡཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏཾཔཡོགཔྤཊིཔྤསྶདྡྷཏྟཱ ཨུཔྤཛྫཏི སམྨཱདིཊྛི. མགྒསྶེཏཾ ཕལཾ.

ཨབྷིནིརོཔནཊྛེན སམྨཱསངྐཔྤོ མིཙྪཱསངྐཔྤཱ ཝུཊྛཱཏི ཏདནུཝཏྟཀཀིལེསེཧི ཙ ཁནྡྷེཧི ཙ ¶ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏཾཔཡོགཔྤཊིཔྤསྶདྡྷཏྟཱ ཨུཔྤཛྫཏི སམྨཱསངྐཔྤོ. མགྒསྶེཏཾ ཕལཾ.

པརིགྒཧཊྛེན སམྨཱཝཱཙཱ མིཙྪཱཝཱཙཱཡ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏཾཔཡོགཔྤཊིཔྤསྶདྡྷཏྟཱ ཨུཔྤཛྫཏི སམྨཱཝཱཙཱ. མགྒསྶེཏཾ ཕལཾ.

སམུཊྛཱནཊྛེན སམྨཱཀམྨནྟོ མིཙྪཱཀམྨནྟཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏཾཔཡོགཔྤཊིཔྤསྶདྡྷཏྟཱ ཨུཔྤཛྫཏི སམྨཱཀམྨནྟོ. མགྒསྶེཏཾ ཕལཾ.

ཝོདཱནཊྛེན སམྨཱཨཱཛཱིཝོ མིཙྪཱཨཱཛཱིཝཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏཾཔཡོགཔྤཊིཔྤསྶདྡྷཏྟཱ ཨུཔྤཛྫཏི ¶ སམྨཱཨཱཛཱིཝོ. མགྒསྶེཏཾ ཕལཾ.

པགྒཧཊྛེན ¶ སམྨཱཝཱཡཱམོ མིཙྪཱཝཱཡཱམཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏཾཔཡོགཔྤཊིཔྤསྶདྡྷཏྟཱ ཨུཔྤཛྫཏི སམྨཱཝཱཡཱམོ. མགྒསྶེཏཾ ཕལཾ.

ཨུཔཊྛཱནཊྛེན སམྨཱསཏི མིཙྪཱསཏིཡཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏཾཔཡོགཔྤཊིཔྤསྶདྡྷཏྟཱ ཨུཔྤཛྫཏི སམྨཱསཏི. མགྒསྶེཏཾ ཕལཾ.

ཨཝིཀྑེཔཊྛེན སམྨཱསམཱདྷི མིཙྪཱསམཱདྷིཏོ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏཾཔཡོགཔྤཊིཔྤསྶདྡྷཏྟཱ ¶ ཨུཔྤཛྫཏི སམྨཱསམཱདྷི. མགྒསྶེཏཾ ཕལཾ.

སཀདཱགཱམིམགྒཀྑཎེ དསྶནཊྛེན སམྨཱདིཊྛི…པེ… ཨཝིཀྑེཔཊྛེན སམྨཱསམཱདྷི ཨོལཱ༹རིཀཱ ཀཱམརཱགསཉྙོཛནཱ པཊིགྷསཉྙོཛནཱ ཨོལཱ༹རིཀཱ ཀཱམརཱགཱནུསཡཱ པཊིགྷཱནུསཡཱ ཝུཊྛཱཏི ¶ , ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏཾཔཡོགཔྤཊིཔྤསྶདྡྷཏྟཱ ཨུཔྤཛྫཏི སམྨཱསམཱདྷི. མགྒསྶེཏཾ ཕལཾ.

ཨནཱགཱམིམགྒཀྑཎེ དསྶནཊྛེན སམྨཱདིཊྛི…པེ… ཨཝིཀྑེཔཊྛེན སམྨཱསམཱདྷི ཨནུསཧགཏཱ ཀཱམརཱགསཉྙོཛནཱ པཊིགྷསཉྙོཛནཱ ཨནུསཧགཏཱ ཀཱམརཱགཱནུསཡཱ པཊིགྷཱནུསཡཱ ཝུཊྛཱཏི, ཏདནུཝཏྟཀཀིལེསེཧི ¶ ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏཾཔཡོགཔྤཊིཔྤསྶདྡྷཏྟཱ ཨུཔྤཛྫཏི སམྨཱསམཱདྷི. མགྒསྶེཏཾ ཕལཾ.

ཨརཧཏྟམགྒཀྑཎེ དསྶནཊྛེན སམྨཱདིཊྛི…པེ… ཨཝིཀྑེཔཊྛེན སམྨཱསམཱདྷི རཱུཔརཱགཱ ཨརཱུཔརཱགཱ མཱནཱ ཨུདྡྷཙྩཱ ཨཝིཛྫཱཡ མཱནཱནུསཡཱ བྷཝརཱགཱནུསཡཱ ཨཝིཛྫཱནུསཡཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཏཾཔཡོགཔྤཊིཔྤསྶདྡྷཏྟཱ ཨུཔྤཛྫཏི སམྨཱསམཱདྷི. མགྒསྶེཏཾ ཕལཾ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘པཡོགཔྤཊིཔྤསྶདྡྷིཔཉྙཱ ཕལེ ཉཱཎཾ’’.

ཕལཉཱཎནིདྡེསོ དྭཱདསམོ.

༡༣. ཝིམུཏྟིཉཱཎནིདྡེསོ

༦༤. ཀཐཾ ¶ ཚིནྣཝཊུམཱནུཔསྶནེ པཉྙཱ ཝིམུཏྟིཉཱཎཾ? སོཏཱཔཏྟིམགྒེན སཀྐཱཡདིཊྛི, ཝིཙིཀིཙྪཱ, སཱིལབྦཏཔརཱམཱསོ, དིཊྛཱནུསཡོ, ཝིཙིཀིཙྪཱནུསཡོ ཨཏྟནོ ཙིཏྟསྶ ཨུཔཀྐིལེསཱ སམྨཱ སམུཙྪིནྣཱ ཧོནྟི. ཨིམེཧི པཉྩཧི ཨུཔཀྐིལེསེཧི སཔརིཡུཊྛཱནེཧི ཙིཏྟཾ ཝིམུཏྟཾ ཧོཏི སུཝིམུཏྟཾ. ཏཾཝིམུཏྟི ¶ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཚིནྣཝཊུམཱནུཔསྶནེ པཉྙཱ ཝིམུཏྟིཉཱཎཾ’’.

སཀདཱགཱམིམགྒེན ཨོལཱ༹རིཀཾ ཀཱམརཱགསཉྙོཛནཾ, པཊིགྷསཉྙོཛནཾ, ཨོལཱ༹རིཀོ ཀཱམརཱགཱནུསཡོ, པཊིགྷཱནུསཡོ – ཨཏྟནོ ཙིཏྟསྶ ¶ ཨུཔཀྐིལེསཱ སམྨཱ སམུཙྪིནྣཱ ཧོནྟི. ཨིམེཧི ཙཏཱུཧི ཨུཔཀྐིལེསེཧི སཔརིཡུཊྛཱནེཧི ཙིཏྟཾ ཝིམུཏྟཾ ཧོཏི སུཝིམུཏྟཾ. ཏཾཝིམུཏྟི ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཚིནྣཝཊུམཱནུཔསྶནེ པཉྙཱ ཝིམུཏྟིཉཱཎཾ’’.

ཨནཱགཱམིམགྒེན ¶ ཨནུསཧགཏཾ ཀཱམརཱགསཉྙོཛནཾ, པཊིགྷསཉྙོཛནཾ, ཨནུསཧགཏོ ཀཱམརཱགཱནུསཡོ, པཊིགྷཱནུསཡོ – ཨཏྟནོ ཙིཏྟསྶ ཨུཔཀྐིལེསཱ སམྨཱ སམུཙྪིནྣཱ ཧོནྟི. ཨིམེཧི ཙཏཱུཧི ཨུཔཀྐིལེསེཧི སཔརིཡུཊྛཱནེཧི ཙིཏྟཾ ཝིམུཏྟཾ ཧོཏི སུཝིམུཏྟཾ. ཏཾཝིམུཏྟི ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཚིནྣཝཊུམཱནུཔསྶནེ པཉྙཱ ཝིམུཏྟིཉཱཎཾ’’.

ཨརཧཏྟམགྒེན རཱུཔརཱགོ, ཨརཱུཔརཱགོ, མཱནོ, ཨུདྡྷཙྩཾ, ཨཝིཛྫཱ, མཱནཱནུསཡོ, བྷཝརཱགཱནུསཡོ, ཨཝིཛྫཱནུསཡོ – ཨཏྟནོ ཙིཏྟསྶ ཨུཔཀྐིལེསཱ སམྨཱ སམུཙྪིནྣཱ ཧོནྟི. ཨིམེཧི ཨཊྛཧི ཨུཔཀྐིལེསེཧི སཔརིཡུཊྛཱནེཧི ཙིཏྟཾ ཝིམུཏྟཾ ཧོཏི སུཝིམུཏྟཾ. ཏཾཝིམུཏྟི ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཚིནྣཝཊུམཱནུཔསྶནེ པཉྙཱ ཝིམུཏྟིཉཱཎཾ’’. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཚིནྣཝཊུམཱནུཔསྶནེ པཉྙཱ ཝིམུཏྟིཉཱཎཾ’’.

ཝིམུཏྟིཉཱཎནིདྡེསོ ཏེརསམོ.

༡༤. པཙྩཝེཀྑཎཉཱཎནིདྡེསོ

༦༥. ཀཐཾ ཏདཱ སམུདཱགཏེ དྷམྨེ པསྶནེ པཉྙཱ པཙྩཝེཀྑཎེ ¶ ཉཱཎཾ? སོཏཱཔཏྟིམགྒཀྑཎེ དསྶནཊྛེན སམྨཱདིཊྛི ཏདཱ སམུདཱགཏཱ. ཨབྷིནིརོཔནཊྛེན ¶ སམྨཱསངྐཔྤོ ཏདཱ སམུདཱགཏོ. པརིགྒཧཊྛེན སམྨཱཝཱཙཱ ཏདཱ སམུདཱགཏཱ. སམུཊྛཱནཊྛེན སམྨཱཀམྨནྟོ ཏདཱ སམུདཱགཏོ. ཝོདཱནཊྛེན ¶ སམྨཱཨཱཛཱིཝོ ཏདཱ སམུདཱགཏོ. པགྒཧཊྛེན སམྨཱཝཱཡཱམོ ཏདཱ སམུདཱགཏོ. ཨུཔཊྛཱནཊྛེན སམྨཱསཏི ཏདཱ སམུདཱགཏཱ. ཨཝིཀྑེཔཊྛེན སམྨཱསམཱདྷི ཏདཱ སམུདཱགཏོ.

ཨུཔཊྛཱནཊྛེན སཏིསམྦོཛ྄ཛྷངྒོ ཏདཱ སམུདཱགཏོ. པཝིཙཡཊྛེན དྷམྨཝིཙཡསམྦོཛ྄ཛྷངྒོ ཏདཱ སམུདཱགཏོ. པགྒཧཊྛེན ཝཱིརིཡསམྦོཛ྄ཛྷངྒོ ཏདཱ སམུདཱགཏོ. ཕརཎཊྛེན པཱིཏིསམྦོཛ྄ཛྷངྒོ ཏདཱ སམུདཱགཏོ. ཨུཔསམཊྛེན པསྶདྡྷིསམྦོཛ྄ཛྷངྒོ ཏདཱ སམུདཱགཏོ. ཨཝིཀྑེཔཊྛེན སམཱདྷིསམྦོཛ྄ཛྷངྒོ ཏདཱ སམུདཱགཏོ. པཊིསངྑཱནཊྛེན ཨུཔེཀྑཱསམྦོཛ྄ཛྷངྒོ ཏདཱ སམུདཱགཏོ.

ཨསྶདྡྷིཡེ ཨཀམྤིཡཊྛེན སདྡྷཱབལཾ ཏདཱ སམུདཱགཏཾ. ཀོསཛྫེ ཨཀམྤིཡཊྛེན ཝཱིརིཡབལཾ ¶ ཏདཱ སམུདཱགཏཾ. པམཱདེ ཨཀམྤིཡཊྛེན སཏིབལཾ ཏདཱ སམུདཱགཏཾ. ཨུདྡྷཙྩེ ཨཀམྤིཡཊྛེན སམཱདྷིབལཾ ཏདཱ སམུདཱགཏཾ. ཨཝིཛྫཱཡ ཨཀམྤིཡཊྛེན པཉྙཱབལཾ ཏདཱ སམུདཱགཏཾ.

ཨདྷིམོཀྑཊྛེན སདྡྷིནྡྲིཡཾ ཏདཱ སམུདཱགཏཾ. པགྒཧཊྛེན ཝཱིརིཡིནྡྲིཡཾ ཏདཱ སམུདཱགཏཾ. ཨུཔཊྛཱནཊྛེན སཏིནྡྲིཡཾ ཏདཱ སམུདཱགཏཾ. ཨཝིཀྑེཔཊྛེན ¶ སམཱདྷིནྡྲིཡཾ ཏདཱ སམུདཱགཏཾ. དསྶནཊྛེན པཉྙིནྡྲིཡཾ ཏདཱ སམུདཱགཏཾ.

ཨཱདྷིཔཏེཡྻཊྛེན ཨིནྡྲིཡཱ ཏདཱ སམུདཱགཏཱ. ཨཀམྤིཡཊྛེན བལཱ ཏདཱ སམུདཱགཏཱ. ནིཡྻཱནཊྛེན སམྦོཛ྄ཛྷངྒཱ ཏདཱ སམུདཱགཏཱ. ཧེཏུཊྛེན མགྒོ ཏདཱ སམུདཱགཏོ. ཨུཔཊྛཱནཊྛེན སཏིཔཊྛཱནཱ ཏདཱ སམུདཱགཏཱ. པདཧནཊྛེན སམྨཔྤདྷཱནཱ ཏདཱ སམུདཱགཏཱ. ཨིཛ྄ཛྷནཊྛེན ཨིདྡྷིཔཱདཱ ཏདཱ སམུདཱགཏཱ. ཏཐཊྛེན སཙྩཱ ཏདཱ སམུདཱགཏཱ. ཨཝིཀྑེཔཊྛེན སམཐོ ཏདཱ སམུདཱགཏོ. ཨནུཔསྶནཊྛེན ཝིཔསྶནཱ ཏདཱ སམུདཱགཏཱ. ཨེཀརསཊྛེན སམཐཝིཔསྶནཱ ཏདཱ སམུདཱགཏཱ. ཨནཏིཝཏྟནཊྛེན ཡུགནདྡྷཾ ཏདཱ སམུདཱགཏཾ. སཾཝརཊྛེན སཱིལཝིསུདྡྷི ཏདཱ སམུདཱགཏཱ. ཨཝིཀྑེཔཊྛེན ཙིཏྟཝིསུདྡྷི ཏདཱ སམུདཱགཏཱ. དསྶནཊྛེན དིཊྛིཝིསུདྡྷི ཏདཱ སམུདཱགཏཱ. ཝིམུཏྟཊྛེན ཝིམོཀྑོ ཏདཱ སམུདཱགཏོ. པཊིཝེདྷཊྛེན ཝིཛྫཱ ཏདཱ སམུདཱགཏཱ. པརིཙྩཱགཊྛེན ཝིམུཏྟི ཏདཱ སམུདཱགཏཱ. སམུཙྪེདཊྛེན ཁཡེ ཉཱཎཾ ཏདཱ སམུདཱགཏཾ.

ཚནྡོ ¶ ¶ མཱུལཊྛེན ཏདཱ སམུདཱགཏོ. མནསིཀཱརོ སམུཊྛཱནཊྛེན ཏདཱ སམུདཱགཏོ. ཕསྶོ སམོདྷཱནཊྛེན ཏདཱ སམུདཱགཏོ. ཝེདནཱ སམོསརཎཊྛེན ཏདཱ སམུདཱགཏཱ. སམཱདྷི པམུཁཊྛེན ཏདཱ སམུདཱགཏོ. སཏི ཨཱདྷིཔཏེཡྻཊྛེན ཏདཱ སམུདཱགཏཱ. པཉྙཱ ཏདུཏྟརཊྛེན ཏདཱ སམུདཱགཏཱ ¶ . ཝིམུཏྟི སཱརཊྛེན ཏདཱ སམུདཱགཏཱ. ཨམཏོགདྷཾ ནིབྦཱནཾ པརིཡོསཱནཊྛེན ¶ ཏདཱ སམུདཱགཏཾ. ཝུཊྛཧིཏྭཱ པཙྩཝེཀྑཏི, ཨིམེ དྷམྨཱ ཏདཱ སམུདཱགཏཱ.

སོཏཱཔཏྟིཕལཀྑཎེ དསྶནཊྛེན སམྨཱདིཊྛི ཏདཱ སམུདཱགཏཱ. ཨབྷིནིརོཔནཊྛེན སམྨཱསངྐཔྤོ ཏདཱ སམུདཱགཏོ…པེ… པཊིཔྤསྶདྡྷཊྛེན ཨནུཔྤཱདེ ཉཱཎཾ ཏདཱ སམུདཱགཏཾ. ཚནྡོ མཱུལཊྛེན ཏདཱ སམུདཱགཏོ. མནསིཀཱརོ སམུཊྛཱནཊྛེན ཏདཱ སམུདཱགཏོ. ཕསྶོ སམོདྷཱནཊྛེན ཏདཱ སམུདཱགཏོ. ཝེདནཱ སམོསརཎཊྛེན ཏདཱ སམུདཱགཏཱ. སམཱདྷི པམུཁཊྛེན ཏདཱ སམུདཱགཏོ. སཏི ཨཱདྷིཔཏེཡྻཊྛེན ཏདཱ སམུདཱགཏཱ. པཉྙཱ ཏདུཏྟརཊྛེན ཏདཱ སམུདཱགཏཱ. ཝིམུཏྟི སཱརཊྛེན ཏདཱ སམུདཱགཏཱ. ཨམཏོགདྷཾ ནིབྦཱནཾ པརིཡོསཱནཊྛེན ཏདཱ སམུདཱགཏཾ. ཝུཊྛཧིཏྭཱ པཙྩཝེཀྑཏི, ཨིམེ དྷམྨཱ ཏདཱ སམུདཱགཏཱ.

སཀདཱགཱམིམགྒཀྑཎེ…པེ… སཀདཱགཱམིཕལཀྑཎེ…པེ… ཨནཱགཱམིམགྒཀྑཎེ…པེ… ཨནཱགཱམིཕལཀྑཎེ…པེ… ཨརཧཏྟམགྒཀྑཎེ དསྶནཊྛེན སམྨཱདིཊྛི ཏདཱ སམུདཱགཏཱ…པེ… སམུཙྪེདཊྛེན ཁཡེ ཉཱཎཾ ཏདཱ སམུདཱགཏཾ. ཚནྡོ མཱུལཊྛེན ཏདཱ སམུདཱགཏོ…པེ… ཨམཏོགདྷཾ ནིབྦཱནཾ པརིཡོསཱནཊྛེན ཏདཱ སམུདཱགཏཾ. ཝུཊྛཧིཏྭཱ པཙྩཝེཀྑཏི, ཨིམེ དྷམྨཱ ཏདཱ སམུདཱགཏཱ.

ཨརཧཏྟཕལཀྑཎེ དསྶནཊྛེན སམྨཱདིཊྛི ཏདཱ སམུདཱགཏཱ ¶ …པེ… པཊིཔྤསྶདྡྷཊྛེན ཨནུཔྤཱདེ ཉཱཎཾ ཏདཱ སམུདཱགཏཾ. ཚནྡོ མཱུལཊྛེན ཏདཱ སམུདཱགཏོ ¶ …པེ… ཨམཏོགདྷཾ ནིབྦཱནཾ པརིཡོསཱནཊྛེན ཏདཱ སམུདཱགཏཾ. ཝུཊྛཧིཏྭཱ པཙྩཝེཀྑཏི, ཨིམེ དྷམྨཱ ཏདཱ སམུདཱགཏཱ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཏདཱ སམུདཱགཏེ དྷམྨེ པསྶནེ པཉྙཱ པཙྩཝེཀྑཎེ ཉཱཎཾ’’.

པཙྩཝེཀྑཎཉཱཎནིདྡེསོ ཙུདྡསམོ.

༡༥. ཝཏྠུནཱནཏྟཉཱཎནིདྡེསོ

༦༦. ཀཐཾ ¶ ཨཛ྄ཛྷཏྟཝཝཏྠཱནེ པཉྙཱ ཝཏྠུནཱནཏྟེ ཉཱཎཾ? ཀཐཾ ཨཛ྄ཛྷཏྟདྷམྨེ ཝཝཏྠེཏི? ཙཀྑུཾ ཨཛ྄ཛྷཏྟཾ ཝཝཏྠེཏི, སོཏཾ ཨཛ྄ཛྷཏྟཾ ཝཝཏྠེཏི, གྷཱནཾ ཨཛ྄ཛྷཏྟཾ ཝཝཏྠེཏི, ཛིཝ྄ཧཾ ཨཛ྄ཛྷཏྟཾ ཝཝཏྠེཏི, ཀཱཡཾ ཨཛ྄ཛྷཏྟཾ ཝཝཏྠེཏི, མནཾ ཨཛ྄ཛྷཏྟཾ ཝཝཏྠེཏི.

ཀཐཾ ཙཀྑུཾ ཨཛ྄ཛྷཏྟཾ ཝཝཏྠེཏི? ཙཀྑུ ཨཝིཛྫཱསམྦྷཱུཏནྟི ཝཝཏྠེཏི, ཙཀྑུ ཏཎྷཱསམྦྷཱུཏནྟི ཝཝཏྠེཏི, ཙཀྑུ ཀམྨསམྦྷཱུཏནྟི ཝཝཏྠེཏི, ཙཀྑུ ཨཱཧཱརསམྦྷཱུཏནྟི ཝཝཏྠེཏི, ཙཀྑུ ཙཏུནྣཾ མཧཱབྷཱུཏཱནཾ ཨུཔཱདཱཡཱཏི ཝཝཏྠེཏི, ཙཀྑུ ཨུཔྤནྣནྟི ཝཝཏྠེཏི, ཙཀྑུ སམུདཱགཏནྟི ཝཝཏྠེཏི. ཙཀྑུ ཨཧུཏྭཱ སམྦྷཱུཏཾ, ཧུཏྭཱ ན བྷཝིསྶཏཱིཏི ཝཝཏྠེཏི. ཙཀྑུཾ ཨནྟཝནྟཏོ ཝཝཏྠེཏི, ཙཀྑུ ཨདྡྷུཝཾ ཨསསྶཏཾ ཝིཔརིཎཱམདྷམྨནྟི ཝཝཏྠེཏི, ཙཀྑུ ཨནིཙྩཾ སངྑཏཾ པཊིཙྩསམུཔྤནྣཾ ཁཡདྷམྨཾ ཝཡདྷམྨཾ ཝིརཱགདྷམྨཾ ནིརོདྷདྷམྨནྟི ཝཝཏྠེཏི ¶ . ཙཀྑུཾ ཨནིཙྩཏོ ¶ ཝཝཏྠེཏི, ནོ ནིཙྩཏོ; དུཀྑཏོ ཝཝཏྠེཏི, ནོ སུཁཏོ; ཨནཏྟཏོ ཝཝཏྠེཏི, ནོ ཨཏྟཏོ; ནིབྦིནྡཏི, ནོ ནནྡཏི; ཝིརཛྫཏི, ནོ ¶ རཛྫཏི; ནིརོདྷེཏི, ནོ སམུདེཏི; པཊིནིསྶཛྫཏི, ནོ ཨཱདིཡཏི. ཨནིཙྩཏོ ཝཝཏྠེནྟོ ནིཙྩསཉྙཾ པཛཧཏི, དུཀྑཏོ ཝཝཏྠེནྟོ སུཁསཉྙཾ པཛཧཏི, ཨནཏྟཏོ ཝཝཏྠེནྟོ ཨཏྟསཉྙཾ པཛཧཏི, ནིབྦིནྡནྟོ ནནྡིཾ པཛཧཏི, ཝིརཛྫནྟོ རཱགཾ པཛཧཏི, ནིརོདྷེནྟོ སམུདཡཾ པཛཧཏི, པཊིནིསྶཛྫནྟོ ཨཱདཱནཾ པཛཧཏི. ཨེཝཾ ཙཀྑུཾ ཨཛ྄ཛྷཏྟཾ ཝཝཏྠེཏི.

ཀཐཾ སོཏཾ ཨཛ྄ཛྷཏྟཾ ཝཝཏྠེཏི? སོཏཾ ཨཝིཛྫཱསམྦྷཱུཏནྟི ཝཝཏྠེཏི…པེ… ཨེཝཾ སོཏཾ ཨཛ྄ཛྷཏྟཾ ཝཝཏྠེཏི. ཀཐཾ གྷཱནཾ ཨཛ྄ཛྷཏྟཾ ཝཝཏྠེཏི? གྷཱནཾ ཨཝིཛྫཱསམྦྷཱུཏནྟི ཝཝཏྠེཏི…པེ… ཨེཝཾ གྷཱནཾ ཨཛ྄ཛྷཏྟཾ ཝཝཏྠེཏི. ཀཐཾ ཛིཝ྄ཧཾ ཨཛ྄ཛྷཏྟཾ ཝཝཏྠེཏི? ཛིཝ྄ཧཱ ཨཝིཛྫཱསམྦྷཱུཏཱཏི ཝཝཏྠེཏི, ཛིཝ྄ཧཱ ཏཎྷཱསམྦྷཱུཏཱཏི ཝཝཏྠེཏི, ཛིཝ྄ཧཱ ཀམྨསམྦྷཱུཏཱཏི ཝཝཏྠེཏི, ཛིཝ྄ཧཱ ཨཱཧཱརསམྦྷཱུཏཱཏི ཝཝཏྠེཏི, ཛིཝ྄ཧཱ ཙཏུནྣཾ མཧཱབྷཱུཏཱནཾ ཨུཔཱདཱཡཱཏི ཝཝཏྠེཏི, ཛིཝ྄ཧཱ ཨུཔྤནྣཱཏི ཝཝཏྠེཏི ཛིཝ྄ཧཱ སམུདཱགཏཱཏི ཝཝཏྠེཏི. ཛིཝ྄ཧཱ ཨཧུཏྭཱ སམྦྷཱུཏཱ, ཧུཏྭཱ ན བྷཝིསྶཏཱིཏི ཝཝཏྠེཏི. ཛིཝ྄ཧཾ ཨནྟཝནྟཏོ ཝཝཏྠེཏི, ཛིཝ྄ཧཱ ཨདྡྷུཝཱ ཨསསྶཏཱ ཝིཔརིཎཱམདྷམྨཱཏི ཝཝཏྠེཏི, ཛིཝ྄ཧཱ ཨནིཙྩཱ སངྑཏཱ པཊིཙྩསམུཔྤནྣཱ ཁཡདྷམྨཱ ཝཡདྷམྨཱ ཝིརཱགདྷམྨཱ ནིརོདྷདྷམྨཱཏི ¶ ཝཝཏྠེཏི. ཛིཝ྄ཧཾ ཨནིཙྩཏོ ཝཝཏྠེཏི, ནོ ¶ ནིཙྩཏོ…པེ… པཊིནིསྶཛྫཏི, ནོ ཨཱདིཡཏི. ཨནིཙྩཏོ ཝཝཏྠེནྟོ ནིཙྩསཉྙཾ པཛཧཏི…པེ… པཊིནིསྶཛྫནྟོ ཨཱདཱནཾ པཛཧཏི. ཨེཝཾ ཛིཝ྄ཧཾ ཨཛ྄ཛྷཏྟཾ ཝཝཏྠེཏི.

ཀཐཾ ཀཱཡཾ ཨཛ྄ཛྷཏྟཾ ཝཝཏྠེཏི? ཀཱཡོ ཨཝིཛྫཱསམྦྷཱུཏོཏི ཝཝཏྠེཏི, ཀཱཡོ ཏཎྷཱསམྦྷཱུཏོཏི ཝཝཏྠེཏི, ཀཱཡོ ཀམྨསམྦྷཱུཏོཏི ཝཝཏྠེཏི, ཀཱཡོ ཨཱཧཱརསམྦྷཱུཏོཏི ཝཝཏྠེཏི, ཀཱཡོ ཙཏུནྣཾ མཧཱབྷཱུཏཱནཾ ཨུཔཱདཱཡཱཏི ཝཝཏྠེཏི, ཀཱཡོ ཨུཔྤནྣོཏི ཝཝཏྠེཏི, ཀཱཡོ སམུདཱགཏོཏི ཝཝཏྠེཏི. ཀཱཡོ ཨཧུཏྭཱ སམྦྷཱུཏོ, ཧུཏྭཱ ན བྷཝིསྶཏཱིཏི ཝཝཏྠེཏི. ཀཱཡཾ ཨནྟཝནྟཏོ ཝཝཏྠེཏི, ཀཱཡོ ཨདྡྷུཝོ ཨསསྶཏོ ཝིཔརིཎཱམདྷམྨོཏི ཝཝཏྠེཏི, ཀཱཡོ ཨནིཙྩོ སངྑཏོ པཊིཙྩསམུཔྤནྣོ ཁཡདྷམྨོ ཝཡདྷམྨོ ཝིརཱགདྷམྨོ ནིརོདྷདྷམྨོཏི ཝཝཏྠེཏི. ཀཱཡཾ ཨནིཙྩཏོ ཝཝཏྠེཏི, ནོ ནིཙྩཏོ; དུཀྑཏོ ཝཝཏྠེཏི, ནོ སུཁཏོ…པེ… པཊིནིསྶཛྫཏི, ནོ ཨཱདིཡཏི. ཨནིཙྩཏོ ཝཝཏྠེནྟོ ནིཙྩསཉྙཾ པཛཧཏི, དུཀྑཏོ ཝཝཏྠེནྟོ སུཁསཉྙཾ པཛཧཏི…པེ… པཊིནིསྶཛྫནྟོ ཨཱདཱནཾ པཛཧཏི. ཨེཝཾ ཀཱཡཾ ཨཛ྄ཛྷཏྟཾ ཝཝཏྠེཏི.

ཀཐཾ ¶ མནཾ ཨཛ྄ཛྷཏྟཾ ཝཝཏྠེཏི? མནོ ཨཝིཛྫཱསམྦྷཱུཏོཏི ཝཝཏྠེཏི, མནོ ཏཎྷཱསམྦྷཱུཏོཏི ཝཝཏྠེཏི, མནོ ཀམྨསམྦྷཱུཏོཏི ཝཝཏྠེཏི, མནོ ཨཱཧཱརསམྦྷཱུཏོཏི ཝཝཏྠེཏི, མནོ ཨུཔྤནྣོཏི ཝཝཏྠེཏི ¶ , མནོ སམུདཱགཏོཏི ཝཝཏྠེཏི. མནོ ཨཧུཏྭཱ སམྦྷཱུཏོ, ཧུཏྭཱ ན བྷཝིསྶཏཱིཏི ཝཝཏྠེཏི. མནཾ ཨནྟཝནྟཏོ ཝཝཏྠེཏི, མནོ ཨདྡྷུཝོ ཨསསྶཏོ ཝིཔརིཎཱམདྷམྨོཏི ཝཝཏྠེཏི, མནོ ཨནིཙྩོ སངྑཏོ པཊིཙྩསམུཔྤནྣོ ཁཡདྷམྨོ ཝཡདྷམྨོ ཝིརཱགདྷམྨོ ནིརོདྷདྷམྨོཏི ཝཝཏྠེཏི. མནཾ ཨནིཙྩཏོ ཝཝཏྠེཏི, ནོ ནིཙྩཏོ; དུཀྑཏོ ཝཝཏྠེཏི, ནོ སུཁཏོ; ཨནཏྟཏོ ཝཝཏྠེཏི, ནོ ཨཏྟཏོ; ནིབྦིནྡཏི, ནོ ནནྡཏི; ཝིརཛྫཏི, ནོ རཛྫཏི; ནིརོདྷེཏི, ནོ སམུདེཏི; པཊིནིསྶཛྫཏི, ནོ ཨཱདིཡཏི. ཨནིཙྩཏོ ཝཝཏྠེནྟོ ནིཙྩསཉྙཾ པཛཧཏི, དུཀྑཏོ ཝཝཏྠེནྟོ སུཁསཉྙཾ པཛཧཏི, ཨནཏྟཏོ ཝཝཏྠེནྟོ ཨཏྟསཉྙཾ པཛཧཏི, ནིབྦིནྡནྟོ ནནྡིཾ པཛཧཏི, ཝིརཛྫནྟོ རཱགཾ པཛཧཏི, ནིརོདྷེནྟོ སམུདཡཾ པཛཧཏི, པཊིནིསྶཛྫནྟོ ཨཱདཱནཾ པཛཧཏི. ཨེཝཾ མནཾ ཨཛ྄ཛྷཏྟཾ ཝཝཏྠེཏི. ཨེཝཾ ཨཛ྄ཛྷཏྟདྷམྨེ ཝཝཏྠེཏི. ཏཾ ཉཱཏཊྛེན ¶ ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཨཛ྄ཛྷཏྟཝཝཏྠཱནེ པཉྙཱ ཝཏྠུནཱནཏྟེ ཉཱཎཾ’’.

ཝཏྠུནཱནཏྟཉཱཎནིདྡེསོ པནྣརསམོ.

༡༦. གོཙརནཱནཏྟཉཱཎནིདྡེསོ

༦༧. ཀཐཾ བཧིདྡྷཱ ཝཝཏྠཱནེ པཉྙཱ གོཙརནཱནཏྟེ ཉཱཎཾ? ཀཐཾ བཧིདྡྷཱ དྷམྨེ ཝཝཏྠེཏི? རཱུཔེ བཧིདྡྷཱ ཝཝཏྠེཏི, སདྡེ བཧིདྡྷཱ ཝཝཏྠེཏི, གནྡྷེ བཧིདྡྷཱ ཝཝཏྠེཏི, རསེ བཧིདྡྷཱ ཝཝཏྠེཏི, ཕོཊྛབྦེ བཧིདྡྷཱ ཝཝཏྠེཏི, དྷམྨེ བཧིདྡྷཱ ཝཝཏྠེཏི ¶ .

ཀཐཾ རཱུཔེ བཧིདྡྷཱ ཝཝཏྠེཏི? རཱུཔཱ ཨཝིཛྫཱསམྦྷཱུཏཱཏི ཝཝཏྠེཏི རཱུཔཱ ཏཎྷཱསམྦྷཱུཏཱཏི ཝཝཏྠེཏི, རཱུཔཱ ཀམྨསམྦྷཱུཏཱཏི ཝཝཏྠེཏི, རཱུཔཱ ཨཱཧཱརསམྦྷཱུཏཱཏི ཝཝཏྠེཏི, རཱུཔཱ ཙཏུནྣཾ མཧཱབྷཱུཏཱནཾ ཨུཔཱདཱཡཱཏི ཝཝཏྠེཏི, རཱུཔཱ ཨུཔྤནྣཱཏི ཝཝཏྠེཏི, རཱུཔཱ སམུདཱགཏཱཏི ཝཝཏྠེཏི. རཱུཔཱ ཨཧུཏྭཱ སམྦྷཱུཏཱ, ཧུཏྭཱ ན བྷཝིསྶནྟཱིཏི ཝཝཏྠེཏི. རཱུཔེ ཨནྟཝནྟཏོ ཝཝཏྠེཏི, རཱུཔཱ ཨདྡྷུཝཱ ཨསསྶཏཱ ཝིཔརིཎཱམདྷམྨཱཏི ཝཝཏྠེཏི ¶ . རཱུཔཱ ཨནིཙྩཱ སངྑཏཱ པཊིཙྩསམུཔྤནྣཱ ཁཡདྷམྨཱ ཝཡདྷམྨཱ ཝིརཱགདྷམྨཱ ནིརོདྷདྷམྨཱཏི ཝཝཏྠེཏི. རཱུཔེ ཨནིཙྩཏོ ཝཝཏྠེཏི, ནོ ནིཙྩཏོ; དུཀྑཏོ ཝཝཏྠེཏི, ནོ སུཁཏོ; ཨནཏྟཏོ ཝཝཏྠེཏི, ནོ ཨཏྟཏོ; ནིབྦིནྡཏི, ནོ ནནྡཏི ¶ ; ཝིརཛྫཏི, ནོ རཛྫཏི; ནིརོདྷེཏི, ནོ སམུདེཏི; པཊིནིསྶཛྫཏི, ནོ ཨཱདིཡཏི. ཨནིཙྩཏོ ཝཝཏྠེནྟོ ནིཙྩསཉྙཾ པཛཧཏི, དུཀྑཏོ ཝཝཏྠེནྟོ སུཁསཉྙཾ པཛཧཏི, ཨནཏྟཏོ ཝཝཏྠེནྟོ ཨཏྟསཉྙཾ པཛཧཏི, ནིབྦིནྡནྟོ ནནྡིཾ པཛཧཏི, ཝིརཛྫནྟོ རཱགཾ པཛཧཏི, ནིརོདྷེནྟོ སམུདཡཾ པཛཧཏི, པཊིནིསྶཛྫནྟོ ཨཱདཱནཾ པཛཧཏི. ཨེཝཾ རཱུཔེ བཧིདྡྷཱ ཝཝཏྠེཏི.

ཀཐཾ སདྡེ བཧིདྡྷཱ ཝཝཏྠེཏི? སདྡཱ ཨཝིཛྫཱསམྦྷཱུཏཱཏི ཝཝཏྠེཏི…པེ… སདྡཱ ཙཏུནྣཾ མཧཱབྷཱུཏཱནཾ ཨུཔཱདཱཡཱཏི ཝཝཏྠེཏི, སདྡཱ ཨུཔྤནྣཱཏི ཝཝཏྠེཏི, སདྡཱ སམུདཱགཏཱཏི ཝཝཏྠེཏི. སདྡཱ ¶ ཨཧུཏྭཱ སམྦྷཱུཏཱ, ཧུཏྭཱ ན བྷཝིསྶནྟཱིཏི ཝཝཏྠེཏི. སདྡེ ཨནྟཝནྟཏོ ཝཝཏྠེཏི, སདྡཱ ཨདྡྷུཝཱ ¶ ཨསསྶཏཱ ཝིཔརིཎཱམདྷམྨཱཏི ཝཝཏྠེཏི, སདྡཱ ཨནིཙྩཱ སངྑཏཱ པཊིཙྩསམུཔྤནྣཱ ཁཡདྷམྨཱ ཝཡདྷམྨཱ ཝིརཱགདྷམྨཱ ནིརོདྷདྷམྨཱཏི ཝཝཏྠེཏི. སདྡེ ཨནིཙྩཏོ ཝཝཏྠེཏི, ནོ ནིཙྩཏོ…པེ… ཨེཝཾ སདྡེ བཧིདྡྷཱ ཝཝཏྠེཏི.

ཀཐཾ གནྡྷེ བཧིདྡྷཱ ཝཝཏྠེཏི? གནྡྷཱ ཨཝིཛྫཱསམྦྷཱུཏཱཏི ཝཝཏྠེཏི, གནྡྷཱ ཏཎྷཱསམྦྷཱུཏཱཏི ཝཝཏྠེཏི…པེ… ཨེཝཾ གནྡྷེ བཧིདྡྷཱ ཝཝཏྠེཏི. ཀཐཾ རསེ བཧིདྡྷཱ ཝཝཏྠེཏི? རསཱ ཨཝིཛྫཱསམྦྷཱུཏཱཏི ཝཝཏྠེཏི, རསཱ ཏཎྷཱསམྦྷཱུཏཱཏི ཝཝཏྠེཏི…པེ… ཨེཝཾ རསེ བཧིདྡྷཱ ཝཝཏྠེཏི. ཀཐཾ ཕོཊྛབྦེ བཧིདྡྷཱ ཝཝཏྠེཏི? ཕོཊྛབྦཱ ཨཝིཛྫཱསམྦྷཱུཏཱཏི ཝཝཏྠེཏི, ཕོཊྛབྦཱ ཏཎྷཱསམྦྷཱུཏཱཏི ཝཝཏྠེཏི, ཕོཊྛབྦཱ ཀམྨསམྦྷཱུཏཱཏི ཝཝཏྠེཏི, ཕོཊྛབྦཱ ཨཱཧཱརསམྦྷཱུཏཱཏི ཝཝཏྠེཏི, ཕོཊྛབྦཱ ཨུཔྤནྣཱཏི ཝཝཏྠེཏི. ཕོཊྛབྦཱ སམུདཱགཏཱཏི ཝཝཏྠེཏི…པེ… ཨེཝཾ ཕོཊྛབྦེ བཧིདྡྷཱ ཝཝཏྠེཏི.

ཀཐཾ དྷམྨེ བཧིདྡྷཱ ཝཝཏྠེཏི? དྷམྨཱ ཨཝིཛྫཱསམྦྷཱུཏཱཏི ཝཝཏྠེཏི, དྷམྨཱ ཏཎྷཱསམྦྷཱུཏཱཏི ཝཝཏྠེཏི, དྷམྨཱ ཀམྨསམྦྷཱུཏཱཏི ཝཝཏྠེཏི, དྷམྨཱ ཨཱཧཱརསམྦྷཱུཏཱཏི ཝཝཏྠེཏི, དྷམྨཱ ཨུཔྤནྣཱཏི ཝཝཏྠེཏི, དྷམྨཱ སམུདཱགཏཱཏི ཝཝཏྠེཏི. དྷམྨཱ ཨཧུཏྭཱ སམྦྷཱུཏཱ ¶ , ཧུཏྭཱ ན བྷཝིསྶནྟཱིཏི ཝཝཏྠེཏི. དྷམྨེ ཨནྟཝནྟཏོ ཝཝཏྠེཏི, དྷམྨཱ ཨདྡྷུཝཱ ཨསསྶཏཱ ཝིཔརིཎཱམདྷམྨཱཏི ཝཝཏྠེཏི, དྷམྨཱ ཨནིཙྩཱ སངྑཏཱ པཊིཙྩསམུཔྤནྣཱ ཁཡདྷམྨཱ ཝཡདྷམྨཱ ཝིརཱགདྷམྨཱ ནིརོདྷདྷམྨཱཏི ཝཝཏྠེཏི. དྷམྨེ ཨནིཙྩཏོ ཝཝཏྠེཏི, ནོ ནིཙྩཏོ; དུཀྑཏོ ཝཝཏྠེཏི, ནོ སུཁཏོ; ཨནཏྟཏོ ཝཝཏྠེཏི, ནོ ཨཏྟཏོ; ནིབྦིནྡཏི, ནོ ནནྡཏི; ཝིརཛྫཏི, ནོ རཛྫཏི; ནིརོདྷེཏི, ནོ སམུདེཏི; པཊིནིསྶཛྫཏི, ནོ ཨཱདིཡཏི…པེ… ཨནིཙྩཏོ ཝཝཏྠེནྟོ ནིཙྩསཉྙཾ པཛཧཏི, དུཀྑཏོ ཝཝཏྠེནྟོ སུཁསཉྙཾ པཛཧཏི, ཨནཏྟཏོ ཝཝཏྠེནྟོ ¶ ཨཏྟསཉྙཾ པཛཧཏི, ནིབྦིནྡནྟོ ནནྡིཾ པཛཧཏི, ཝིརཛྫནྟོ རཱགཾ པཛཧཏི, ནིརོདྷེནྟོ སམུདཡཾ པཛཧཏི, པཊིནིསྶཛྫནྟོ ཨཱདཱནཾ པཛཧཏི. ཨེཝཾ དྷམྨེ བཧིདྡྷཱ ཝཝཏྠེཏི. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘བཧིདྡྷཱ ཝཝཏྠཱནེ པཉྙཱ གོཙརནཱནཏྟེ ཉཱཎཾ’’.

གོཙརནཱནཏྟཉཱཎནིདྡེསོ སོལ༹སམོ.

༡༧. ཙརིཡཱནཱནཏྟཉཱཎནིདྡེསོ

༦༨. ཀཐཾ ¶ ¶ ཙརིཡཱཝཝཏྠཱནེ པཉྙཱ ཙརིཡཱནཱནཏྟེ ཉཱཎཾ? ཙརིཡཱཏི ཏིསྶོ ཙརིཡཱཡོ – ཝིཉྙཱཎཙརིཡཱ, ཨཉྙཱཎཙརིཡཱ, ཉཱཎཙརིཡཱ.

ཀཏམཱ ཝིཉྙཱཎཙརིཡཱ? དསྶནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ རཱུཔེསུ, དསྶནཊྛོ ཙཀྑུཝིཉྙཱཎཾ ཝིཉྙཱཎཙརིཡཱ རཱུཔེསུ, དིཊྛཏྟཱ ཨབྷིནིརོཔནཱ ཝིཔཱཀམནོདྷཱཏུ [ཨབྷིནིརོཔནཝིཔཱཀམནོདྷཱཏུ (སྱཱ.)] ཝིཉྙཱཎཙརིཡཱ ¶ རཱུཔེསུ, ཨབྷིནིརོཔིཏཏྟཱ ཝིཔཱཀམནོཝིཉྙཱཎདྷཱཏུ ཝིཉྙཱཎཙརིཡཱ རཱུཔེསུ. སཝནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ སདྡེསུ, སཝནཏྠོ སོཏཝིཉྙཱཎཾ ཝིཉྙཱཎཙརིཡཱ སདྡེསུ, སུཏཏྟཱ ཨབྷིནིརོཔནཱ ཝིཔཱཀམནོདྷཱཏུ ཝིཉྙཱཎཙརིཡཱ སདྡེསུ, ཨབྷིནིརོཔིཏཏྟཱ ཝིཔཱཀམནོཝིཉྙཱཎདྷཱཏུ ཝིཉྙཱཎཙརིཡཱ སདྡེསུ. གྷཱཡནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ གནྡྷེསུ, གྷཱཡནཊྛོ [གྷཱཡནཏྠོ (སྱཱ. ཀ.)] གྷཱནཝིཉྙཱཎཾ ཝིཉྙཱཎཙརིཡཱ གནྡྷེསུ, གྷཱཡིཏཏྟཱ ཨབྷིནིརོཔནཱ ཝིཔཱཀམནོདྷཱཏུ ཝིཉྙཱཎཙརིཡཱ གནྡྷེསུ, ཨབྷིནིརོཔིཏཏྟཱ ཝིཔཱཀམནོཝིཉྙཱཎདྷཱཏུ ཝིཉྙཱཎཙརིཡཱ གནྡྷེསུ. སཱཡནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ རསེསུ, སཱཡནཊྛོ ཛིཝ྄ཧཱཝིཉྙཱཎཾ ཝིཉྙཱཎཙརིཡཱ རསེསུ, སཱཡིཏཏྟཱ ཨབྷིནིརོཔནཱ ཝིཔཱཀམནོདྷཱཏུ ཝིཉྙཱཎཙརིཡཱ རསེསུ, ཨབྷིནིརོཔིཏཏྟཱ ཝིཔཱཀམནོཝིཉྙཱཎདྷཱཏུ ཝིཉྙཱཎཙརིཡཱ རསེསུ. ཕུསནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ ཕོཊྛབྦེསུ, ཕུསནཊྛོ ཀཱཡཝིཉྙཱཎཾ ཝིཉྙཱཎཙརིཡཱ ཕོཊྛབྦེསུ, ཕུཊྛཏྟཱ ཨབྷིནིརོཔནཱ ཝིཔཱཀམནོདྷཱཏུ ཝིཉྙཱཎཙརིཡཱ ཕོཊྛབྦེསུ, ཨབྷིནིརོཔིཏཏྟཱ ཝིཔཱཀམནོཝིཉྙཱཎདྷཱཏུ ཝིཉྙཱཎཙརིཡཱ ཕོཊྛབྦེསུ. ཝིཛཱནནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ དྷམྨེསུ, ཝིཛཱནནཊྛོ མནོཝིཉྙཱཎཾ ཝིཉྙཱཎཙརིཡཱ དྷམྨེསུ, ཝིཉྙཱཏཏྟཱ ཨབྷིནིརོཔནཱ ¶ ཝིཔཱཀམནོདྷཱཏུ ཝིཉྙཱཎཙརིཡཱ དྷམྨེསུ, ཨབྷིནིརོཔིཏཏྟཱ ཝིཔཱཀམནོཝིཉྙཱཎདྷཱཏུ ཝིཉྙཱཎཙརིཡཱ ¶ དྷམྨེསུ.

༦༩. ཝིཉྙཱཎཙརིཡཱཏི ¶ ཀེནཊྛེན ཝིཉྙཱཎཙརིཡཱ? ནཱིརཱགཱ ཙརཏཱིཏི – ཝིཉྙཱཎཙརིཡཱ. ནིདྡོསཱ ཙརཏཱིཏི – ཝིཉྙཱཎཙརིཡཱ. ནིམྨོཧཱ ཙརཏཱིཏི – ཝིཉྙཱཎཙརིཡཱ. ནིམྨཱནཱ ཙརཏཱིཏི – ཝིཉྙཱཎཙརིཡཱ. ནིདྡིཊྛི ཙརཏཱིཏི – ཝིཉྙཱཎཙརིཡཱ ¶ ནིཨུདྡྷཙྩཱ ཙརཏཱིཏི – ཝིཉྙཱཎཙརིཡཱ. ནིབྦིཙིཀིཙྪཱ ཙརཏཱིཏི – ཝིཉྙཱཎཙརིཡཱ. ནཱནུསཡཱ ཙརཏཱིཏི – ཝིཉྙཱཎཙརིཡཱ. རཱགཝིཔྤཡུཏྟཱ ཙརཏཱིཏི – ཝིཉྙཱཎཙརིཡཱ. དོསཝིཔྤཡུཏྟཱ ཙརཏཱིཏི – ཝིཉྙཱཎཙརིཡཱ. མོཧཝིཔྤཡུཏྟཱ ཙརཏཱིཏི – ཝིཉྙཱཎཙརིཡཱ. མཱནཝིཔྤཡུཏྟཱ ཙརཏཱིཏི – ཝིཉྙཱཎཙརིཡཱ. དིཊྛིཝིཔྤཡུཏྟཱ ཙརཏཱིཏི – ཝིཉྙཱཎཙརིཡཱ. ཨུདྡྷཙྩཝིཔྤཡུཏྟཱ ཙརཏཱིཏི – ཝིཉྙཱཎཙརིཡཱ. ཝིཙིཀིཙྪཱཝིཔྤཡུཏྟཱ ཙརཏཱིཏི – ཝིཉྙཱཎཙརིཡཱ. ཨནུསཡཝིཔྤཡུཏྟཱ ཙརཏཱིཏི – ཝིཉྙཱཎཙརིཡཱ. ཀུསལེཧི ཀམྨེཧི སམྤཡུཏྟཱ ཙརཏཱིཏི – ཝིཉྙཱཎཙརིཡཱ. ཨཀུསལེཧི ཀམྨེཧི ཝིཔྤཡུཏྟཱ ཙརཏཱིཏི – ཝིཉྙཱཎཙརིཡཱ. སཱཝཛྫེཧི ཀམྨེཧི ཝིཔྤཡུཏྟཱ ཙརཏཱིཏི – ཝིཉྙཱཎཙརིཡཱ. ཨནཝཛྫེཧི ཀམྨེཧི སམྤཡུཏྟཱ ཙརཏཱིཏི – ཝིཉྙཱཎཙརིཡཱ. ཀཎྷེཧི ཀམྨེཧི ཝིཔྤཡུཏྟཱ ཙརཏཱིཏི – ཝིཉྙཱཎཙརིཡཱ. སུཀྐེཧི ཀམྨེཧི སམྤཡུཏྟཱ ཙརཏཱིཏི – ཝིཉྙཱཎཙརིཡཱ. སུཁུདྲཡེཧི ཀམྨེཧི སམྤཡུཏྟཱ ཙརཏཱིཏི – ཝིཉྙཱཎཙརིཡཱ. དུཀྑུདྲཡེཧི ཀམྨེཧི ཝིཔྤཡུཏྟཱ ཙརཏཱིཏི – ཝིཉྙཱཎཙརིཡཱ. སུཁཝིཔཱཀེཧི ཀམྨེཧི སམྤཡུཏྟཱ ¶ ཙརཏཱིཏི – ཝིཉྙཱཎཙརིཡཱ. དུཀྑཝིཔཱཀེཧི ཀམྨེཧི ཝིཔྤཡུཏྟཱ ཙརཏཱིཏི – ཝིཉྙཱཎཙརིཡཱ. ཝིཉྙཱཏེ ཙརཏཱིཏི – ཝིཉྙཱཎཙརིཡཱ. ཝིཉྙཱཎསྶ ཨེཝརཱུཔཱ ཙརིཡཱ ཧོཏཱིཏི – ཝིཉྙཱཎཙརིཡཱ. པཀཏིཔརིསུདྡྷམིདཾ ཙིཏྟཾ ནིཀྐིལེསཊྛེནཱཏི – ཝིཉྙཱཎཙརིཡཱ. ཨཡཾ ཝིཉྙཱཎཙརིཡཱ.

ཀཏམཱ ཨཉྙཱཎཙརིཡཱ? མནཱཔིཡེསུ རཱུཔེསུ རཱགསྶ ཛཝནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ; རཱགསྶ ཛཝནཱ ཨཉྙཱཎཙརིཡཱ. ཨམནཱཔིཡེསུ རཱུཔེསུ དོསསྶ ཛཝནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ; དོསསྶ ཛཝནཱ ཨཉྙཱཎཙརིཡཱ. ཏདུབྷཡེན ཨསམཔེཀྑནསྨིཾ ཝཏྠུསྨིཾ མོཧསྶ ཛཝནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ; མོཧསྶ ཛཝནཱ ཨཉྙཱཎཙརིཡཱ. ཝིནིབནྡྷསྶ མཱནསྶ ཛཝནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ; མཱནསྶ ཛཝནཱ ཨཉྙཱཎཙརིཡཱ. པརཱམཊྛཱཡ དིཊྛིཡཱ ཛཝནཏྠཱཡ ¶ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ; དིཊྛིཡཱ ཛཝནཱ ཨཉྙཱཎཙརིཡཱ. ཝིཀྑེཔགཏསྶ ཨུདྡྷཙྩསྶ ཛཝནཏྠཱཡ ཨཱཝཛྫནཀིརིཡཱབྱཱཀཏཱ ¶ ཝིཉྙཱཎཙརིཡཱ; ཨུདྡྷཙྩསྶ ཛཝནཱ ཨཉྙཱཎཙརིཡཱ. ཨནིཊྛངྒཏཱཡ ཝིཙིཀིཙྪཱཡ ཛཝནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ; ཝིཙིཀིཙྪཱཡ ཛཝནཱ ཨཉྙཱཎཙརིཡཱ. ཐཱམགཏསྶ ཨནུསཡསྶ ཛཝནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ ¶ ; ཨནུསཡསྶ ཛཝནཱ ཨཉྙཱཎཙརིཡཱ.

མནཱཔིཡེསུ ¶ སདྡེསུ…པེ… མནཱཔིཡེསུ གནྡྷེསུ…པེ… མནཱཔིཡེསུ རསེསུ…པེ… མནཱཔིཡེསུ ཕོཊྛབྦེསུ…པེ… མནཱཔིཡེསུ དྷམྨེསུ རཱགསྶ ཛཝནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ; རཱགསྶ ཛཝནཱ ཨཉྙཱཎཙརིཡཱ. ཨམནཱཔིཡེསུ དྷམྨེསུ དོསསྶ ཛཝནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ; དོསསྶ ཛཝནཱ ཨཉྙཱཎཙརིཡཱ. ཏདུབྷཡེན ཨསམཔེཀྑནསྨིཾ ཝཏྠུསྨིཾ མོཧསྶ ཛཝནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ; མོཧསྶ ཛཝནཱ ཨཉྙཱཎཙརིཡཱ. ཝིནིབནྡྷསྶ མཱནསྶ ཛཝནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ; མཱནསྶ ཛཝནཱ ཨཉྙཱཎཙརིཡཱ. པརཱམཊྛཱཡ དིཊྛིཡཱ ཛཝནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ; དིཊྛིཡཱ ཛཝནཱ ཨཉྙཱཎཙརིཡཱ. ཝིཀྑེཔགཏསྶ ཨུདྡྷཙྩསྶ ཛཝནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ; ཨུདྡྷཙྩསྶ ཛཝནཱ ཨཉྙཱཎཙརིཡཱ; ཨནིཊྛངྒཏཱཡ ཝིཙིཀིཙྪཱཡ ཛཝནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ; ཝིཙིཀིཙྪཱཡ ཛཝནཱ ཨཉྙཱཎཙརིཡཱ. ཐཱམགཏསྶ ཨནུསཡསྶ ཛཝནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ; ཨནུསཡསྶ ཛཝནཱ ཨཉྙཱཎཙརིཡཱ.

༧༠. ཨཉྙཱཎཙརིཡཱཏི ཀེནཊྛེན ཨཉྙཱཎཙརིཡཱ? སརཱགཱ ཙརཏཱིཏི – ཨཉྙཱཎཙརིཡཱ. སདོསཱ ཙརཏཱིཏི – ཨཉྙཱཎཙརིཡཱ. སམོཧཱ ཙརཏཱིཏི – ཨཉྙཱཎཙརིཡཱ. སམཱནཱ ཙརཏཱིཏི – ཨཉྙཱཎཙརིཡཱ. སདིཊྛི ཙརཏཱིཏི – ཨཉྙཱཎཙརིཡཱ. སཨུདྡྷཙྩཱ ཙརཏཱིཏི – ཨཉྙཱཎཙརིཡཱ. སཝིཙིཀིཙྪཱ ཙརཏཱིཏི – ཨཉྙཱཎཙརིཡཱ. སཱནུསཡཱ ཙརཏཱིཏི – ཨཉྙཱཎཙརིཡཱ ¶ . རཱགསམྤཡུཏྟཱ ཙརཏཱིཏི – ཨཉྙཱཎཙརིཡཱ. དོསསམྤཡུཏྟཱ ཙརཏཱིཏི – ཨཉྙཱཎཙརིཡཱ. མོཧསམྤཡུཏྟཱ ཙརཏཱིཏི – ཨཉྙཱཎཙརིཡཱ. མཱནསམྤཡུཏྟཱ ཙརཏཱིཏི – ཨཉྙཱཎཙརིཡཱ ¶ . དིཊྛིསམྤཡུཏྟཱ ཙརཏཱིཏི – ཨཉྙཱཎཙརིཡཱ. ཨུདྡྷཙྩསམྤཡུཏྟཱ ཙརཏཱིཏི – ཨཉྙཱཎཙརིཡཱ. ཝིཙིཀིཙྪཱསམྤཡུཏྟཱ ཙརཏཱིཏི – ཨཉྙཱཎཙརིཡཱ. ཨནུསཡསམྤཡུཏྟཱ ཙརཏཱིཏི – ཨཉྙཱཎཙརིཡཱ. ཀུསལེཧི ཀམྨེཧི ཝིཔྤཡུཏྟཱ ཙརཏཱིཏི – ཨཉྙཱཎཙརིཡཱ. ཨཀུསལེཧི ཀམྨེཧི སམྤཡུཏྟཱ ཙརཏཱིཏི – ཨཉྙཱཎཙརིཡཱ. སཱཝཛྫེཧི ཀམྨེཧི སམྤཡུཏྟཱ ཙརཏཱིཏི – ཨཉྙཱཎཙརིཡཱ. ཨནཝཛྫེཧི ཀམྨེཧི ཝིཔྤཡུཏྟཱ ཙརཏཱིཏི – ཨཉྙཱཎཙརིཡཱ ¶ . ཀཎྷེཧི ཀམྨེཧི སམྤཡུཏྟཱ ཙརཏཱིཏི – ཨཉྙཱཎཙརིཡཱ. སུཀྐེཧི ཀམྨེཧི ཝིཔྤཡུཏྟཱ ཙརཏཱིཏི – ཨཉྙཱཎཙརིཡཱ. སུཁུདྲཡེཧི ཀམྨེཧི ཝིཔྤཡུཏྟཱ ཙརཏཱིཏི – ཨཉྙཱཎཙརིཡཱ. དུཀྑུདྲཡེཧི ཀམྨེཧི ¶ སམྤཡུཏྟཱ ཙརཏཱིཏི – ཨཉྙཱཎཙརིཡཱ. སུཁཝིཔཱཀེཧི ཀམྨེཧི ཝིཔྤཡུཏྟཱ ཙརཏཱིཏི – ཨཉྙཱཎཙརིཡཱ. དུཀྑཝིཔཱཀེཧི ཀམྨེཧི སམྤཡུཏྟཱ ཙརཏཱིཏི – ཨཉྙཱཎཙརིཡཱ. ཨཉྙཱཏེ ཙརཏཱིཏི – ཨཉྙཱཎཙརིཡཱ. ཨཉྙཱཎསྶ ཨེཝརཱུཔཱ ཙརིཡཱ ཧོཏཱིཏི – ཨཉྙཱཎཙརིཡཱ. ཨཡཾ ཨཉྙཱཎཙརིཡཱ.

༧༡. ཀཏམཱ ཉཱཎཙརིཡཱ? ཨནིཙྩཱནུཔསྶནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ; ཨནིཙྩཱནུཔསྶནཱ ཉཱཎཙརིཡཱ. དུཀྑཱནུཔསྶནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ; དུཀྑཱནུཔསྶནཱ ཉཱཎཙརིཡཱ. ཨནཏྟཱནུཔསྶནཏྠཱཡ ཨཱཝཛྫནཀིརིཡཱབྱཱཀཏཱ ¶ ཝིཉྙཱཎཙརིཡཱ; ཨནཏྟཱནུཔསྶནཱ ཉཱཎཙརིཡཱ. ནིབྦིདཱནུཔསྶནཏྠཱཡ…པེ… ཝིརཱགཱནུཔསྶནཏྠཱཡ… ནིརོདྷཱནུཔསྶནཏྠཱཡ… པཊིནིསྶགྒཱནུཔསྶནཏྠཱཡ… ཁཡཱནུཔསྶནཏྠཱཡ… ཝཡཱནུཔསྶནཏྠཱཡ… ཝིཔརིཎཱམཱནུཔསྶནཏྠཱཡ… ཨནིམིཏྟཱནུཔསྶནཏྠཱཡ… ཨཔྤཎིཧིཏཱནུཔསྶནཏྠཱཡ… སུཉྙཏཱནུཔསྶནཏྠཱཡ… ཨདྷིཔཉྙཱདྷམྨཱནུཔསྶནཏྠཱཡ… ཡཐཱབྷཱུཏཉཱཎདསྶནཏྠཱཡ… ཨཱདཱིནཝཱནུཔསྶནཏྠཱཡ… པཊིསངྑཱནུཔསྶནཏྠཱཡ ཨཱཝཛྫནཀིརིཡཱབྱཱཀཏཱ ཝིཉྙཱཎཙརིཡཱ; པཊིསངྑཱནུཔསྶནཱ ཉཱཎཙརིཡཱ. ཝིཝཊྚནཱནུཔསྶནཱ ཉཱཎཙརིཡཱ. སོཏཱཔཏྟིམགྒོ ཉཱཎཙརིཡཱ. སོཏཱཔཏྟིཕལསམཱཔཏྟི ཉཱཎཙརིཡཱ. སཀདཱགཱམིམགྒོ ཉཱཎཙརིཡཱ. སཀདཱགཱམིཕལསམཱཔཏྟི ཉཱཎཙརིཡཱ. ཨནཱགཱམིམགྒོ ཉཱཎཙརིཡཱ. ཨནཱགཱམིཕལསམཱཔཏྟི ཉཱཎཙརིཡཱ. ཨརཧཏྟམགྒོ ཉཱཎཙརིཡཱ. ཨརཧཏྟཕལསམཱཔཏྟི ཉཱཎཙརིཡཱ.

ཉཱཎཙརིཡཱཏི ཀེནཊྛེན ཉཱཎཙརིཡཱ? ནཱིརཱགཱ ཙརཏཱིཏི – ཉཱཎཙརིཡཱ. ནིདྡོསཱ ཙརཏཱིཏི – ཉཱཎཙརིཡཱ…པེ… ནཱནུསཡཱ ¶ ཙརཏཱིཏི – ཉཱཎཙརིཡཱ. རཱགཝིཔྤཡུཏྟཱ ཙརཏཱིཏི – ཉཱཎཙརིཡཱ. དོསཝིཔྤཡུཏྟཱ ཙརཏཱིཏི – ཉཱཎཙརིཡཱ. མོཧཝིཔྤཡུཏྟཱ ཙརཏཱིཏི – ཉཱཎཙརིཡཱ. མཱནཝིཔྤཡུཏྟཱ…པེ… དིཊྛིཝིཔྤཡུཏྟཱ… ཨུདྡྷཙྩཝིཔྤཡུཏྟཱ… ཝིཙིཀིཙྪཱཝིཔྤཡུཏྟཱ… ཨནུསཡཝིཔྤཡུཏྟཱ… ཀུསལེཧི ཀམྨེཧི སམྤཡུཏྟཱ… ཨཀུསལེཧི ཀམྨེཧི ཝིཔྤཡུཏྟཱ… སཱཝཛྫེཧི ཀམྨེཧི ཝིཔྤཡུཏྟཱ… ཨནཝཛྫེཧི ཀམྨེཧི སམྤཡུཏྟཱ… ཀཎྷེཧི ཀམྨེཧི ¶ ཝིཔྤཡུཏྟཱ… སུཀྐེཧི ཀམྨེཧི སམྤཡུཏྟཱ… སུཁུདྲཡེཧི ཀམྨེཧི སམྤཡུཏྟཱ… དུཀྑུདྲཡེཧི ཀམྨེཧི ཝིཔྤཡུཏྟཱ… སུཁཝིཔཱཀེཧི ཀམྨེཧི སམྤཡུཏྟཱ ཙརཏཱིཏི – ཉཱཎཙརིཡཱ. དུཀྑཝིཔཱཀེཧི ཀམྨེཧི ཝིཔྤཡུཏྟཱ ཙརཏཱིཏི ¶ – ཉཱཎཙརིཡཱ. ཉཱཏེ ཙརཏཱིཏི – ཉཱཎཙརིཡཱ ¶ . ཉཱཎསྶ ཨེཝརཱུཔཱ ཙརིཡཱ ཧོཏཱིཏི – ཉཱཎཙརིཡཱ. ཨཡཾ ཉཱཎཙརིཡཱ. ཨཉྙཱ ཝིཉྙཱཎཙརིཡཱ, ཨཉྙཱ ཨཉྙཱཎཙརིཡཱ, ཨཉྙཱ ཉཱཎཙརིཡཱཏི. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཙརིཡཱཝཝཏྠཱནེ པཉྙཱ ཙརིཡཱནཱནཏྟེ ཉཱཎཾ’’.

ཙརིཡཱནཱནཏྟཉཱཎནིདྡེསོ སཏྟརསམོ.

༡༨. བྷཱུམིནཱནཏྟཉཱཎནིདྡེསོ

༧༢. ཀཐཾ ཙཏུདྷམྨཝཝཏྠཱནེ པཉྙཱ བྷཱུམིནཱནཏྟེ ཉཱཎཾ? ཙཏསྶོ བྷཱུམིཡོ – ཀཱམཱཝཙརཱ བྷཱུམི, རཱུཔཱཝཙརཱ བྷཱུམི, ཨརཱུཔཱཝཙརཱ བྷཱུམི, ཨཔརིཡཱཔནྣཱ བྷཱུམི. ཀཏམཱ ཀཱམཱཝཙརཱ བྷཱུམི? ཧེཊྛཏོ ཨཝཱིཙིནིརཡཾ པརིཡནྟཾ ཀརིཏྭཱ ཨུཔརིཏོ པརནིམྨིཏཝསཝཏྟཱི དེཝེ [པརནིམྨིཏཝསཝཏྟིདེཝེ (ཀ.)] ཨནྟོཀརིཏྭཱ ཡཾ ཨེཏསྨིཾ ཨནྟརེ ཨེཏྠཱཝཙརཱ ཨེཏྠ པརིཡཱཔནྣཱ ཁནྡྷདྷཱཏུཨཱཡཏནཱ རཱུཔཾ ཝེདནཱ སཉྙཱ སངྑཱརཱ ཝིཉྙཱཎཾ – ཨཡཾ ཀཱམཱཝཙརཱ བྷཱུམི.

ཀཏམཱ རཱུཔཱཝཙརཱ བྷཱུམི? ཧེཊྛཏོ ¶ བྲཧྨལོཀཾ པརིཡནྟཾ ཀརིཏྭཱ ཨུཔརིཏོ ཨཀནིཊྛེ དེཝེ ཨནྟོཀརིཏྭཱ ཡཾ ཨེཏསྨིཾ ཨནྟརེ ཨེཏྠཱཝཙརཱ ཨེཏྠ པརིཡཱཔནྣཱ སམཱཔནྣསྶ ཝཱ ཨུཔཔནྣསྶ ཝཱ ¶ དིཊྛདྷམྨསུཁཝིཧཱརིསྶ ཝཱ ཙིཏྟཙེཏསིཀཱ དྷམྨཱ – ཨཡཾ རཱུཔཱཝཙརཱ བྷཱུམི.

ཀཏམཱ ཨརཱུཔཱཝཙརཱ བྷཱུམི? ཧེཊྛཏོ ཨཱཀཱསཱནཉྩཱཡཏནཱུཔགེ དེཝེ པརིཡནྟཾ ཀརིཏྭཱ ཨུཔརིཏོ ནེཝསཉྙཱནཱསཉྙཱཡཏནཱུཔགེ དེཝེ ཨནྟོཀརིཏྭཱ ཡཾ ཨེཏསྨིཾ ཨནྟརེ ཨེཏྠཱཝཙརཱ ཨེཏྠ པརིཡཱཔནྣཱ སམཱཔནྣསྶ ཝཱ ཨུཔཔནྣསྶ ཝཱ དིཊྛདྷམྨསུཁཝིཧཱརིསྶ ཝཱ ཙིཏྟཙེཏསིཀཱ དྷམྨཱ – ཨཡཾ ཨརཱུཔཱཝཙརཱ བྷཱུམི.

ཀཏམཱ ཨཔརིཡཱཔནྣཱ བྷཱུམི? ཨཔརིཡཱཔནྣཱ མགྒཱ ཙ མགྒཕལཱནི ཙ ཨསངྑཏཱ ཙ དྷཱཏུ – ཨཡཾ ཨཔརིཡཱཔནྣཱ བྷཱུམི. ཨིམཱ ཙཏསྶོ བྷཱུམིཡོ.

ཨཔརཱཔི ཙཏསྶོ བྷཱུམིཡོ ཙཏྟཱརོ སཏིཔཊྛཱནཱ ཙཏྟཱརོ སམྨཔྤདྷཱནཱ, ཙཏྟཱརོ ཨིདྡྷིཔཱདཱ, ཙཏྟཱརི ཛྷཱནཱནི, ཙཏསྶོ ཨཔྤམཉྙཱཡོ, ཙཏསྶོ ཨརཱུཔསམཱཔཏྟིཡོ, ཙཏསྶོ པཊིསམྦྷིདཱ, ཙཏསྶོ ¶ པཊིཔདཱ, ཙཏྟཱརི ཨཱརམྨཎཱནི, ཙཏྟཱརོ ཨརིཡཝཾསཱ, ཙཏྟཱརི སངྒཧཝཏྠཱུནི ¶ , ཙཏྟཱརི ཙཀྐཱནི, ཙཏྟཱརི དྷམྨཔདཱནི – ཨིམཱ ཙཏསྶོ བྷཱུམིཡོ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཙཏུདྷམྨཝཝཏྠཱནེ པཉྙཱ བྷཱུམིནཱནཏྟེ ཉཱཎཾ’’.

བྷཱུམིནཱནཏྟཉཱཎནིདྡེསོ ཨཊྛཱརསམོ.

༡༩. དྷམྨནཱནཏྟཉཱཎནིདྡེསོ

༧༣. ཀཐཾ ནཝདྷམྨཝཝཏྠཱནེ པཉྙཱ དྷམྨནཱནཏྟེ ཉཱཎཾ? ཀཐཾ ¶ དྷམྨེ ཝཝཏྠེཏི? ཀཱམཱཝཙརེ དྷམྨེ ཀུསལཏོ ཝཝཏྠེཏི, ཨཀུསལཏོ ཝཝཏྠེཏི, ཨབྱཱཀཏཏོ ཝཝཏྠེཏི. རཱུཔཱཝཙརེ དྷམྨེ ཀུསལཏོ ཝཝཏྠེཏི, ཨབྱཱཀཏཏོ ཝཝཏྠེཏི. ཨརཱུཔཱཝཙརེ དྷམྨེ ཀུསལཏོ ཝཝཏྠེཏི, ཨབྱཱཀཏཏོ ཝཝཏྠེཏི. ཨཔརིཡཱཔནྣེ དྷམྨེ ཀུསལཏོ ཝཝཏྠེཏི, ཨབྱཱཀཏཏོ ཝཝཏྠེཏི.

ཀཐཾ ¶ ཀཱམཱཝཙརེ དྷམྨེ ཀུསལཏོ ཝཝཏྠེཏི, ཨཀུསལཏོ ཝཝཏྠེཏི, ཨབྱཱཀཏཏོ ཝཝཏྠེཏི? དས ཀུསལཀམྨཔཐེ ཀུསལཏོ ཝཝཏྠེཏི, དས ཨཀུསལཀམྨཔཐེ ཨཀུསལཏོ ཝཝཏྠེཏི, རཱུཔཉྩ ཝིཔཱཀཉྩ ཀིརིཡཉྩ ཨབྱཱཀཏཏོ ཝཝཏྠེཏི – ཨེཝཾ ཀཱམཱཝཙརེ དྷམྨེ ཀུསལཏོ ཝཝཏྠེཏི, ཨཀུསལཏོ ཝཝཏྠེཏི, ཨབྱཱཀཏཏོ ཝཝཏྠེཏི.

ཀཐཾ རཱུཔཱཝཙརེ དྷམྨེ ཀུསལཏོ ཝཝཏྠེཏི, ཨབྱཱཀཏཏོ ཝཝཏྠེཏི? ཨིདྷཊྛསྶ ཙཏྟཱརི ཛྷཱནཱནི ཀུསལཏོ ཝཝཏྠེཏི, ཏཏྲཱུཔཔནྣསྶ ཙཏྟཱརི ཛྷཱནཱནི ཨབྱཱཀཏཏོ ཝཝཏྠེཏི – ཨེཝཾ རཱུཔཱཝཙརེ དྷམྨེ ཀུསལཏོ ཝཝཏྠེཏི, ཨབྱཱཀཏཏོ ཝཝཏྠེཏི.

ཀཐཾ ཨརཱུཔཱཝཙརེ དྷམྨེ ཀུསལཏོ ཝཝཏྠེཏི, ཨབྱཱཀཏཏོ ཝཝཏྠེཏི? ཨིདྷཊྛསྶ ཙཏསྶོ ཨརཱུཔཱཝཙརསམཱཔཏྟིཡོ ཀུསལཏོ ཝཝཏྠེཏི, ཏཏྲཱུཔཔནྣསྶ ཙཏསྶོ ཨརཱུཔཱཝཙརསམཱཔཏྟིཡོ ཨབྱཱཀཏཏོ ཝཝཏྠེཏི – ཨེཝཾ ཨརཱུཔཱཝཙརེ དྷམྨེ ཀུསལཏོ ཝཝཏྠེཏི, ཨབྱཱཀཏཏོ ཝཝཏྠེཏི.

ཀཐཾ ¶ ¶ ཨཔརིཡཱཔནྣེ དྷམྨེ ཀུསལཏོ ཝཝཏྠེཏི, ཨབྱཱཀཏཏོ ཝཝཏྠེཏི? ཙཏྟཱརོ ཨརིཡམགྒེ ཀུསལཏོ ཝཝཏྠེཏི, ཙཏྟཱརི ཙ སཱམཉྙཕལཱནི ནིབྦཱནཉྩ ཨབྱཱཀཏཏོ ཝཝཏྠེཏི – ཨེཝཾ ཨཔརིཡཱཔནྣེ དྷམྨེ ཀུསལཏོ ཝཝཏྠེཏི, ཨབྱཱཀཏཏོ ཝཝཏྠེཏི. ཨེཝཾ དྷམྨེ ཝཝཏྠེཏི.

ནཝ ¶ པཱམོཛྫམཱུལཀཱ དྷམྨཱ. ཨནིཙྩཏོ མནསིཀརོཏོ པཱམོཛྫཾ ཛཱཡཏི, པམུདིཏསྶ པཱིཏི ཛཱཡཏི, པཱིཏིམནསྶ ཀཱཡོ པསྶམྦྷཏི, པསྶདྡྷཀཱཡོ སུཁཾ ཝེདེཏི, སུཁིནོ ཙིཏྟཾ སམཱདྷིཡཏི. སམཱཧིཏེ ཙིཏྟེ ཡཐཱབྷཱུཏཾ པཛཱནཱཏི པསྶཏི. ཡཐཱབྷཱུཏཾ ཛཱནཾ པསྶཾ ནིབྦིནྡཏི, ནིབྦིནྡཾ ཝིརཛྫཏི, ཝིརཱགཱ ཝིམུཙྩཏི. དུཀྑཏོ མནསིཀརོཏོ པཱམོཛྫཾ ཛཱཡཏི…པེ… ཨནཏྟཏོ མནསིཀརོཏོ པཱམོཛྫཾ ཛཱཡཏི…པེ… ཝིམུཙྩཏི.

རཱུཔཾ ཨནིཙྩཏོ མནསིཀརོཏོ པཱམོཛྫཾ ཛཱཡཏི…པེ… རཱུཔཾ དུཀྑཏོ མནསིཀརོཏོ…པེ… ཝེདནཾ… སཉྙཾ… སངྑཱརེ… ཝིཉྙཱཎཾ… ཙཀྑུཾ…པེ… ཛརཱམརཎཾ ཨནིཙྩཏོ མནསིཀརོཏོ པཱམོཛྫཾ ཛཱཡཏི…པེ… ཛརཱམརཎཾ དུཀྑཏོ མནསིཀརོཏོ པཱམོཛྫཾ ཛཱཡཏི…པེ… ཛརཱམརཎཾ ཨནཏྟཏོ ¶ མནསིཀརོཏོ པཱམོཛྫཾ ཛཱཡཏི, པམུདིཏསྶ པཱིཏི ཛཱཡཏི, པཱིཏིམནསྶ ཀཱཡོ པསྶམྦྷཏི, པསྶདྡྷཀཱཡོ སུཁཾ ཝེདེཏི, སུཁིནོ ཙིཏྟཾ སམཱདྷིཡཏི. སམཱཧིཏེ ཙིཏྟེ ཡཐཱབྷཱུཏཾ པཛཱནཱཏི པསྶཏི. ཡཐཱབྷཱུཏཾ ཛཱནཾ པསྶཾ ནིབྦིནྡཏི, ནིབྦིནྡཾ ཝིརཛྫཏི, ཝིརཱགཱ ཝིམུཙྩཏི. ཨིམེ ནཝ པཱམོཛྫམཱུལཀཱ དྷམྨཱ ¶ .

༧༤. ནཝ ཡོནིསོ མནསིཀཱརམཱུལཀཱ དྷམྨཱ. ཨནིཙྩཏོ ཡོནིསོ མནསིཀརོཏོ པཱམོཛྫཾ ཛཱཡཏི, པམུདིཏསྶ པཱིཏི ཛཱཡཏི, པཱིཏིམནསྶ ཀཱཡོ པསྶམྦྷཏི, པསྶདྡྷཀཱཡོ སུཁཾ ཝེདེཏི, སུཁིནོ ཙིཏྟཾ སམཱདྷིཡཏི. སམཱཧིཏེན ཙིཏྟེན ‘‘ཨིདཾ དུཀྑ’’ནྟི ཡཐཱབྷཱུཏཾ པཛཱནཱཏི, ‘‘ཨཡཾ དུཀྑསམུདཡོ’’ཏི ཡཐཱབྷཱུཏཾ པཛཱནཱཏི, ‘‘ཨཡཾ དུཀྑནིརོདྷོ’’ཏི ཡཐཱབྷཱུཏཾ པཛཱནཱཏི, ‘‘ཨཡཾ དུཀྑནིརོདྷགཱམིནཱི པཊིཔདཱ’’ཏི ཡཐཱབྷཱུཏཾ པཛཱནཱཏི. དུཀྑཏོ ཡོནིསོ མནསིཀརོཏོ པཱམོཛྫཾ ཛཱཡཏི, པམུདིཏསྶ པཱིཏི ཛཱཡཏི, པཱིཏིམནསྶ ཀཱཡོ པསྶམྦྷཏི, པསྶདྡྷཀཱཡོ སུཁཾ ཝེདེཏི, སུཁིནོ ཙིཏྟཾ སམཱདྷིཡཏི. སམཱཧིཏེན ཙིཏྟེན ‘‘ཨིདཾ དུཀྑ’’ནྟི ཡཐཱབྷཱུཏཾ པཛཱནཱཏི, ‘‘ཨཡཾ དུཀྑསམུདཡོ’’ཏི ཡཐཱབྷཱུཏཾ པཛཱནཱཏི, ‘‘ཨཡཾ དུཀྑནིརོདྷོ’’ཏི ཡཐཱབྷཱུཏཾ པཛཱནཱཏི, ‘‘ཨཡཾ ¶ དུཀྑནིརོདྷགཱམིནཱི པཊིཔདཱ’’ཏི ཡཐཱབྷཱུཏཾ པཛཱནཱཏི. ཨནཏྟཏོ ཡོནིསོ མནསིཀརོཏོ པཱམོཛྫཾ ཛཱཡཏི…པེ….

རཱུཔཾ ཨནིཙྩཏོ ཡོནིསོ མནསིཀརོཏོ པཱམོཛྫཾ ཛཱཡཏི…པེ… རཱུཔཾ དུཀྑཏོ ཡོནིསོ མནསིཀརོཏོ པཱམོཛྫཾ ཛཱཡཏི…པེ… རཱུཔཾ ཨནཏྟཏོ ཡོནིསོ མནསིཀརོཏོ པཱམོཛྫཾ ཛཱཡཏི…པེ… ཝེདནཾ… སཉྙཾ… སངྑཱརེ… ཝིཉྙཱཎཾ… ཙཀྑུཾ…པེ… ཛརཱམརཎཾ ཨནིཙྩཏོ ཡོནིསོ མནསིཀརོཏོ པཱམོཛྫཾ ཛཱཡཏི…པེ… ཛརཱམརཎཾ དུཀྑཏོ ཡོནིསོ མནསིཀརོཏོ པཱམོཛྫཾ ཛཱཡཏི…པེ… ཛརཱམརཎཾ ཨནཏྟཏོ ཡོནིསོ མནསིཀརོཏོ པཱམོཛྫཾ ¶ ཛཱཡཏི, པམུདིཏསྶ པཱིཏི ¶ ཛཱཡཏི, པཱིཏིམནསྶ ཀཱཡོ པསྶམྦྷཏི, པསྶདྡྷཀཱཡོ སུཁཾ ཝེདེཏི, སུཁིནོ ཙིཏྟཾ སམཱདྷིཡཏི. སམཱཧིཏེན ཙིཏྟེན ‘‘ཨིདཾ དུཀྑ’’ནྟི ཡཐཱབྷཱུཏཾ པཛཱནཱཏི, ‘‘ཨཡཾ དུཀྑསམུདཡོ’’ཏི ཡཐཱབྷཱུཏཾ པཛཱནཱཏི, ‘‘ཨཡཾ དུཀྑནིརོདྷོ’’ཏི ཡཐཱབྷཱུཏཾ པཛཱནཱཏི, ‘‘ཨཡཾ དུཀྑནིརོདྷགཱམིནཱི པཊིཔདཱ’’ཏི ¶ ཡཐཱབྷཱུཏཾ པཛཱནཱཏི. ཨིམེ ནཝ ཡོནིསོ མནསིཀཱརམཱུལཀཱ དྷམྨཱ.

ནཝ ནཱནཏྟཱ – དྷཱཏུནཱནཏྟཾ པཊིཙྩ ཨུཔྤཛྫཏི ཕསྶནཱནཏྟཾ, ཕསྶནཱནཏྟཾ པཊིཙྩ ཨུཔྤཛྫཏི ཝེདནཱནཱནཏྟཾ, ཝེདནཱནཱནཏྟཾ པཊིཙྩ ཨུཔྤཛྫཏི སཉྙཱནཱནཏྟཾ, སཉྙཱནཱནཏྟཾ པཊིཙྩ ཨུཔྤཛྫཏི སངྐཔྤནཱནཏྟཾ, སངྐཔྤནཱནཏྟཾ པཊིཙྩ ཨུཔྤཛྫཏི ཚནྡནཱནཏྟཾ, ཚནྡནཱནཏྟཾ པཊིཙྩ ཨུཔྤཛྫཏི པརིལཱ༹ཧནཱནཏྟཾ, པརིལཱ༹ཧནཱནཏྟཾ པཊིཙྩ ཨུཔྤཛྫཏི པརིཡེསནཱནཱནཏྟཾ, པརིཡེསནཱནཱནཏྟཾ པཊིཙྩ ཨུཔྤཛྫཏི ལཱབྷནཱནཏྟཾ – ཨིམེ ནཝ ནཱནཏྟཱ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ནཝདྷམྨཝཝཏྠཱནེ པཉྙཱ དྷམྨནཱནཏྟེ ཉཱཎཾ’’.

དྷམྨནཱནཏྟཉཱཎནིདྡེསོ ཨེཀཱུནཝཱིསཏིམོ.

༢༠-༢༤. ཉཱཎཔཉྩཀནིདྡེསོ

༧༥. ཀཐཾ ཨབྷིཉྙཱཔཉྙཱ ཉཱཏཊྛེ ཉཱཎཾ, པརིཉྙཱཔཉྙཱ ཏཱིརཎཊྛེ ཉཱཎཾ, པཧཱནེཔཉྙཱ པརིཙྩཱགཊྛེ ཉཱཎཾ, བྷཱཝནཱ པཉྙཱ ཨེཀརསཊྛེ ཉཱཎཾ, སཙྪིཀིརིཡཱཔཉྙཱ ཕསྶནཊྛེ ཉཱཎཾ? ཡེ ཡེ དྷམྨཱ ཨབྷིཉྙཱཏཱ ཧོནྟི, ཏེ ཏེ དྷམྨཱ ཉཱཏཱ ¶ ཧོནྟི. ཡེ ཡེ དྷམྨཱ པརིཉྙཱཏཱ ཧོནྟི, ཏེ ¶ ཏེ དྷམྨཱ ཏཱིརིཏཱ ཧོནྟི. ཡེ ཡེ དྷམྨཱ པཧཱིནཱ ཧོནྟི, ཏེ ཏེ དྷམྨཱ པརིཙྩཏྟཱ ཧོནྟི. ཡེ ཡེ དྷམྨཱ བྷཱཝིཏཱ ཧོནྟི, ཏེ ཏེ དྷམྨཱ ཨེཀརསཱ ཧོནྟི. ཡེ ཡེ དྷམྨཱ སཙྪིཀཏཱ ཧོནྟི, ཏེ ཏེ དྷམྨཱ ཕསྶིཏཱ ཧོནྟི. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཨབྷིཉྙཱ པཉྙཱ ཉཱཏཊྛེ ཉཱཎཾ, པརིཉྙཱ པཉྙཱ ཏཱིརཎཊྛེ ཉཱཎཾ, པཧཱནེ པཉྙཱ པརིཙྩཱགཊྛེ ཉཱཎཾ, བྷཱཝནཱ པཉྙཱ ཨེཀརསཊྛེ ཉཱཎཾ, སཙྪིཀིརིཡཱ པཉྙཱ ཕུསནཊྛེ ཉཱཎཾ’’.

ཉཱཎཔཉྩཀནིདྡེསོ ཙཏུཝཱིསཏིམོ.

༢༥-༢༨. པཊིསམྦྷིདཱཉཱཎནིདྡེསོ

༧༦. ཀཐཾ ¶ ¶ ཨཏྠནཱནཏྟེ པཉྙཱ ཨཏྠཔཊིསམྦྷིདེ ཉཱཎཾ, དྷམྨནཱནཏྟེ པཉྙཱ དྷམྨཔཊིསམྦྷིདེ ཉཱཎཾ, ནིརུཏྟིནཱནཏྟེ པཉྙཱ ནིརུཏྟིཔཊིསམྦྷིདེ ཉཱཎཾ, པཊིབྷཱནནཱནཏྟེ པཉྙཱ པཊིབྷཱནཔཊིསམྦྷིདེ ཉཱཎཾ? སདྡྷིནྡྲིཡཾ དྷམྨོ, ཝཱིརིཡིནྡྲིཡཾ དྷམྨོ, སཏིནྡྲིཡཾ དྷམྨོ, སམཱདྷིནྡྲིཡཾ དྷམྨོ, པཉྙིནྡྲིཡཾ དྷམྨོ. ཨཉྙོ སདྡྷིནྡྲིཡཾ དྷམྨོ, ཨཉྙོ ཝཱིརིཡིནྡྲིཡཾ དྷམྨོ, ཨཉྙོ སཏིནྡྲིཡཾ དྷམྨོ, ཨཉྙོ སམཱདྷིནྡྲིཡཾ དྷམྨོ, ཨཉྙོ པཉྙིནྡྲིཡཾ དྷམྨོ. ཡེན ཉཱཎེན ཨིམེ ནཱནཱ དྷམྨཱ ཉཱཏཱ, ཏེནེཝ ཉཱཎེན ཨིམེ ནཱནཱ དྷམྨཱ པཊིཝིདིཏཱཏི. ཏེན ཝུཙྩཏི – ‘‘དྷམྨནཱནཏྟེ པཉྙཱ དྷམྨཔཊིསམྦྷིདེ ¶ ཉཱཎཾ’’.

ཨདྷིམོཀྑཊྛོ ཨཏྠོ, པགྒཧཊྛོ ཨཏྠོ, ཨུཔཊྛཱནཊྛོ ཨཏྠོ, ཨཝིཀྑེཔཊྛོ ཨཏྠོ, དསྶནཊྛོ ཨཏྠོ. ཨཉྙོ ཨདྷིམོཀྑཊྛོ ཨཏྠོ, ཨཉྙོ པགྒཧཊྛོ ཨཏྠོ, ཨཉྙོ ཨུཔཊྛཱནཊྛོ ཨཏྠོ, ཨཉྙོ ཨཝིཀྑེཔཊྛོ ཨཏྠོ, ཨཉྙོ དསྶནཊྛོ ཨཏྠོ. ཡེན ཉཱཎེན ཨིམེ ནཱནཱ ཨཏྠཱ ཉཱཏཱ, ཏེནེཝ ཉཱཎེན ཨིམེ ནཱནཱ ཨཏྠཱ པཊིཝིདིཏཱཏི. ཏེན ཝུཙྩཏི ‘‘ཨཏྠནཱནཏྟེ པཉྙཱ ཨཏྠཔཊིསམྦྷིདེ ཉཱཎཾ’’.

པཉྩ དྷམྨེ སནྡསྶེཏུཾ བྱཉྫནནིརུཏྟཱབྷིལཱཔཱ, པཉྩ ཨཏྠེ སནྡསྶེཏུཾ བྱཉྫནནིརུཏྟཱབྷིལཱཔཱ. ཨཉྙཱ དྷམྨནིརུཏྟིཡོ, ཨཉྙཱ ཨཏྠནིརུཏྟིཡོ. ཡེན ཉཱཎེན ཨིམཱ ནཱནཱ ནིརུཏྟིཡོ ཉཱཏཱ, ཏེནེཝ ཉཱཎེན ཨིམཱ ནཱནཱ ནིརུཏྟིཡོ པཊིཝིདིཏཱཏི. ཏེན ཝུཙྩཏི – ‘‘ནིརུཏྟིནཱནཏྟེ པཉྙཱ ནིརུཏྟིཔཊིསམྦྷིདེ ཉཱཎཾ’’.

པཉྩསུ ¶ དྷམྨེསུ ཉཱཎཱནི, པཉྩསུ ཨཏྠེསུ ཉཱཎཱནི, དསསུ ནིརུཏྟཱིསུ ཉཱཎཱནི. ཨཉྙཱནི དྷམྨེསུ ཉཱཎཱནི, ཨཉྙཱནི ཨཏྠེསུ ཉཱཎཱནི, ཨཉྙཱནི ནིརུཏྟཱིསུ ཉཱཎཱནི. ཡེན ཉཱཎེན ཨིམེ ནཱནཱ ཉཱཎཱ ཉཱཏཱ, ཏེནེཝ ཉཱཎེན ཨིམེ ནཱནཱ ཉཱཎཱ པཊིཝིདིཏཱཏི. ཏེན ཝུཙྩཏི – ‘‘པཊིབྷཱནནཱནཏྟེ པཉྙཱ པཊིབྷཱནཔཊིསམྦྷིདེ ཉཱཎཾ’’.

༧༧. སདྡྷཱབལཾ ¶ དྷམྨོ, ཝཱིརིཡབལཾ དྷམྨོ, སཏིབལཾ དྷམྨོ, སམཱདྷིབལཾ དྷམྨོ, པཉྙཱབལཾ དྷམྨོ. ཨཉྙོ སདྡྷཱབལཾ དྷམྨོ, ཨཉྙོ ཝཱིརིཡབལཾ དྷམྨོ, ཨཉྙོ སཏིབལཾ དྷམྨོ, ཨཉྙོ སམཱདྷིབལཾ དྷམྨོ, ཨཉྙོ པཉྙཱབལཾ དྷམྨོ. ཡེན ཉཱཎེན ཨིམེ ནཱནཱ ¶ དྷམྨཱ ཉཱཏཱ, ཏེནེཝ ཉཱཎེན ¶ ཨིམེ ནཱནཱ དྷམྨཱ པཊིཝིདིཏཱཏི. ཏེན ཝུཙྩཏི – ‘‘དྷམྨནཱནཏྟེ པཉྙཱ དྷམྨཔཊིསམྦྷིདེ ཉཱཎཾ’’.

ཨསྶདྡྷིཡེ ཨཀམྤིཡཊྛོ ཨཏྠོ. ཀོསཛྫེ ཨཀམྤིཡཊྛོ ཨཏྠོ. པམཱདེ ཨཀམྤིཡཊྛོ ཨཏྠོ. ཨུདྡྷཙྩེ ཨཀམྤིཡཊྛོ ཨཏྠོ. ཨཝིཛྫཱཡ ཨཀམྤིཡཊྛོ ཨཏྠོ. ཨཉྙོ ཨསྶདྡྷིཡེ ཨཀམྤིཡཊྛོ ཨཏྠོ, ཨཉྙོ ཀོསཛྫེ ཨཀམྤིཡཊྛོ ཨཏྠོ, ཨཉྙོ པམཱདེ ཨཀམྤིཡཊྛོ ཨཏྠོ, ཨཉྙོ ཨུདྡྷཙྩེ ཨཀམྤིཡཊྛོ ཨཏྠོ, ཨཉྙོ ཨཝིཛྫཱཡ ཨཀམྤིཡཊྛོ ཨཏྠོ. ཡེན ཉཱཎེན ཨིམེ ནཱནཱ ཨཏྠཱ ཉཱཏཱ, ཏེནེཝ ཉཱཎེན ཨིམེ ནཱནཱ ཨཏྠཱ པཊིཝིདིཏཱཏི. ཏེན ཝུཙྩཏི – ‘‘ཨཏྠནཱནཏྟེ པཉྙཱ ཨཏྠཔཊིསམྦྷིདེ ཉཱཎཾ’’.

པཉྩ དྷམྨེ སནྡསྶེཏུཾ བྱཉྫནནིརུཏྟཱབྷིལཱཔཱ, པཉྩ ཨཏྠེ སནྡསྶེཏུཾ བྱཉྫནནིརུཏྟཱབྷིལཱཔཱ. ཨཉྙཱ དྷམྨནིརུཏྟིཡོ, ཨཉྙཱ ཨཏྠནིརུཏྟིཡོ. ཡེན ཉཱཎེན ཨིམཱ ནཱནཱ ནིརུཏྟིཡོ ཉཱཏཱ, ཏེནེཝ ཉཱཎེན ཨིམཱ ནཱནཱ ནིརུཏྟིཡོ པཊིཝིདིཏཱཏི. ཏེན ¶ ཝུཙྩཏི – ‘‘ནིརུཏྟིནཱནཏྟེ པཉྙཱ ནིརུཏྟིཔཊིསམྦྷིདེ ཉཱཎཾ’’.

པཉྩསུ [པཉྩ (?)] དྷམྨེསུ ཉཱཎཱནི, པཉྩསུ [པཉྩ (?)] ཨཏྠེསུ ཉཱཎཱནི, དསསུ [དས (?)] ནིརུཏྟཱིསུ ཉཱཎཱནི. ཨཉྙཱནི དྷམྨེསུ ཉཱཎཱནི, ཨཉྙཱནི ཨཏྠེསུ ཉཱཎཱནི, ཨཉྙཱནི ནིརུཏྟཱིསུ ཉཱཎཱནི. ཡེན ཉཱཎེན ཨིམེ ནཱནཱ ཉཱཎཱ ཉཱཏཱ, ཏེནེཝ ཉཱཎེན ཨིམེ ནཱནཱ ཉཱཎཱ པཊིཝིདིཏཱཏི. ཏེན ཝུཙྩཏི – ‘‘པཊིབྷཱནནཱནཏྟེ པཉྙཱ པཊིབྷཱནཔཊིསམྦྷིདེ ཉཱཎཾ’’.

སཏིསམྦོཛ྄ཛྷངྒོ ¶ དྷམྨོ, དྷམྨཝིཙཡསམྦོཛ྄ཛྷངྒོ དྷམྨོ, ཝཱིརིཡསམྦོཛ྄ཛྷངྒོ དྷམྨོ, པཱིཏིསམྦོཛ྄ཛྷངྒོ དྷམྨོ, པསྶདྡྷིསམྦོཛ྄ཛྷངྒོ དྷམྨོ, སམཱདྷིསམྦོཛ྄ཛྷངྒོ དྷམྨོ, ཨུཔེཀྑཱསམྦོཛ྄ཛྷངྒོ དྷམྨོ. ཨཉྙོ སཏིསམྦོཛ྄ཛྷངྒོ དྷམྨོ, ཨཉྙོ དྷམྨཝིཙཡསམྦོཛ྄ཛྷངྒོ དྷམྨོ, ཨཉྙོ ཝཱིརིཡསམྦོཛ྄ཛྷངྒོ དྷམྨོ, ཨཉྙོ པཱིཏིསམྦོཛ྄ཛྷངྒོ དྷམྨོ, ཨཉྙོ པསྶདྡྷིསམྦོཛ྄ཛྷངྒོ དྷམྨོ, ཨཉྙོ སམཱདྷིསམྦོཛ྄ཛྷངྒོ དྷམྨོ, ཨཉྙོ ཨུཔེཀྑཱསམྦོཛ྄ཛྷངྒོ དྷམྨོ. ཡེན ཉཱཎེན ཨིམེ ནཱནཱ དྷམྨཱ ཉཱཏཱ, ཏེནེཝ ཉཱཎེན ཨིམེ ནཱནཱ དྷམྨཱ པཊིཝིདིཏཱཏི. ཏེན ཝུཙྩཏི – ‘‘དྷམྨནཱནཏྟེ པཉྙཱ དྷམྨཔཊིསམྦྷིདེ ཉཱཎཾ’’.

ཨུཔཊྛཱནཊྛོ ¶ ཨཏྠོ, པཝིཙཡཊྛོ ཨཏྠོ, པགྒཧཊྛོ ཨཏྠོ, ཕརཎཊྛོ ཨཏྠོ, ཨུཔསམཊྛོ ཨཏྠོ, ཨཝིཀྑེཔཊྛོ ཨཏྠོ, པཊིསངྑཱནཊྛོ ཨཏྠོ. ཨཉྙོ ཨུཔཊྛཱནཊྛོ ཨཏྠོ, ཨཉྙོ ¶ པཝིཙཡཊྛོ ¶ ཨཏྠོ, ཨཉྙོ པགྒཧཊྛོ ཨཏྠོ, ཨཉྙོ ཕརཎཊྛོ ཨཏྠོ, ཨཉྙོ ཨུཔསམཊྛོ ཨཏྠོ, ཨཉྙོ ཨཝིཀྑེཔཊྛོ ཨཏྠོ, ཨཉྙོ པཊིསངྑཱནཊྛོ ཨཏྠོ. ཡེན ཉཱཎེན ཨིམེ ནཱནཱ ཨཏྠཱ ཉཱཏཱ, ཏེནེཝ ཉཱཎེན ཨིམེ ནཱནཱ ཨཏྠཱ པཊིཝིདིཏཱཏི. ཏེན ཝུཙྩཏི – ‘‘ཨཏྠནཱནཏྟེ པཉྙཱ ཨཏྠཔཊིསམྦྷིདེ ཉཱཎཾ’’.

སཏྟ དྷམྨེ སནྡསྶེཏུཾ བྱཉྫནནིརུཏྟཱབྷིལཱཔཱ, སཏྟ ཨཏྠེ སནྡསྶེཏུཾ བྱཉྫནནིརུཏྟཱབྷིལཱཔཱ. ཨཉྙཱ དྷམྨནིརུཏྟིཡོ, ཨཉྙཱ ཨཏྠནིརུཏྟིཡོ. ཡེན ཉཱཎེན ཨིམཱ ནཱནཱ ནིརུཏྟིཡོ ཉཱཏཱ, ཏེནེཝ ཉཱཎེན ཨིམཱ ནཱནཱ ནིརུཏྟིཡོ པཊིཝིདིཏཱཏི. ཏེན ཝུཙྩཏི – ‘‘ནིརུཏྟིནཱནཏྟེ པཉྙཱ ནིརུཏྟིཔཊིསམྦྷིདེ ཉཱཎཾ’’.

སཏྟསུ དྷམྨེསུ ཉཱཎཱནི, སཏྟསུ ཨཏྠེསུ ཉཱཎཱནི, ཙུདྡསསུ ནིརུཏྟཱིསུ ཉཱཎཱནི. ཨཉྙཱནི དྷམྨེསུ ཉཱཎཱནི, ཨཉྙཱནི ཨཏྠེསུ ཉཱཎཱནི, ཨཉྙཱནི ནིརུཏྟཱིསུ ཉཱཎཱནི. ཡེན ཉཱཎེན ཨིམེ ནཱནཱ ཉཱཎཱ ཉཱཏཱ, ཏེནེཝ ཉཱཎེན ཨིམེ ནཱནཱ ཉཱཎཱ པཊིཝིདིཏཱཏི. ཏེན ཝུཙྩཏི – ‘‘པཊིབྷཱནནཱནཏྟེ པཉྙཱ པཊིབྷཱནཔཊིསམྦྷིདེ ཉཱཎཾ’’.

སམྨཱདིཊྛི དྷམྨོ, སམྨཱསངྐཔྤོ དྷམྨོ, སམྨཱཝཱཙཱ དྷམྨོ, སམྨཱཀམྨནྟོ དྷམྨོ, སམྨཱཨཱཛཱིཝོ དྷམྨོ, སམྨཱཝཱཡཱམོ དྷམྨོ, སམྨཱསཏི དྷམྨོ, སམྨཱསམཱདྷི དྷམྨོ. ཨཉྙོ ¶ སམྨཱདིཊྛི དྷམྨོ, ཨཉྙོ སམྨཱསངྐཔྤོ ¶ དྷམྨོ, ཨཉྙོ སམྨཱཝཱཙཱ དྷམྨོ, ཨཉྙོ སམྨཱཀམྨནྟོ དྷམྨོ, ཨཉྙོ སམྨཱཨཱཛཱིཝོ དྷམྨོ, ཨཉྙོ སམྨཱཝཱཡཱམོ དྷམྨོ, ཨཉྙོ སམྨཱསཏི དྷམྨོ, ཨཉྙོ སམྨཱསམཱདྷི དྷམྨོ. ཡེན ཉཱཎེན ཨིམེ ནཱནཱ དྷམྨཱ ཉཱཏཱ, ཏེནེཝ ཉཱཎེན ཨིམེ ནཱནཱ དྷམྨཱ པཊིཝིདིཏཱཏི. ཏེན ཝུཙྩཏི – ‘‘དྷམྨནཱནཏྟེ པཉྙཱ དྷམྨཔཊིསམྦྷིདེ ཉཱཎཾ’’.

དསྶནཊྛོ ཨཏྠོ, ཨབྷིནིརོཔནཊྛོ ཨཏྠོ, པརིགྒཧཊྛོ ཨཏྠོ, སམུཊྛཱནཊྛོ ཨཏྠོ, ཝོདཱནཊྛོ ཨཏྠོ, པགྒཧཊྛོ ཨཏྠོ, ཨུཔཊྛཱནཊྛོ ཨཏྠོ, ཨཝིཀྑེཔཊྛོ ཨཏྠོ. ཨཉྙོ དསྶནཊྛོ ཨཏྠོ, ཨཉྙོ ཨབྷིནིརོཔནཊྛོ ཨཏྠོ, ཨཉྙོ པརིགྒཧཊྛོ ཨཏྠོ, ཨཉྙོ སམུཊྛཱནཊྛོ ཨཏྠོ, ཨཉྙོ ཝོདཱནཊྛོ ཨཏྠོ, ཨཉྙོ པགྒཧཊྛོ ཨཏྠོ, ཨཉྙོ ¶ ཨུཔཊྛཱནཊྛོ ཨཏྠོ, ཨཉྙོ ཨཝིཀྑེཔཊྛོ ཨཏྠོ. ཡེན ཉཱཎེན ཨིམེ ནཱནཱ ཨཏྠཱ ཉཱཏཱ ཏེནེཝ ཉཱཎེན ཨིམེ ནཱནཱ ཨཏྠཱ པཊིཝིདིཏཱཏི. ཏེན ཝུཙྩཏི – ‘‘ཨཏྠནཱནཏྟེ པཉྙཱ ཨཏྠཔཊིསམྦྷིདེ ཉཱཎཾ’’.

ཨཊྛ ¶ དྷམྨེ སནྡསྶེཏུཾ བྱཉྫནནིརུཏྟཱབྷིལཱཔཱ, ཨཊྛ ཨཏྠེ སནྡསྶེཏུཾ བྱཉྫནནིརུཏྟཱབྷིལཱཔཱ. ཨཉྙཱ དྷམྨནིརུཏྟིཡོ, ཨཉྙཱ ཨཏྠནིརུཏྟིཡོ. ཡེན ཉཱཎེན ཨིམཱ ནཱནཱ ནིརུཏྟིཡོ ཉཱཏཱ ¶ , ཏེནེཝ ཉཱཎེན ཨིམཱ ནཱནཱ ནིརུཏྟིཡོ པཊིཝིདིཏཱཏི. ཏེན ཝུཙྩཏི – ‘‘ནིརུཏྟིནཱནཏྟེ པཉྙཱ ནིརུཏྟིཔཊིསམྦྷིདེ ཉཱཎཾ’’.

ཨཊྛསུ དྷམྨེསུ ཉཱཎཱནི, ཨཊྛསུ ཨཏྠེསུ ཉཱཎཱནི སོལ༹སསུ ནིརུཏྟཱིསུ ཉཱཎཱནི. ཨཉྙཱནི དྷམྨེསུ ཉཱཎཱནི, ཨཉྙཱནི ཨཏྠེསུ ཉཱཎཱནི, ཨཉྙཱནི ནིརུཏྟཱིསུ ཉཱཎཱནི. ཡེན ཉཱཎེན ཨིམེ ནཱནཱ ཉཱཎཱ ཉཱཏཱ, ཏེནེཝ ཉཱཎེན ཨིམེ ནཱནཱ ཉཱཎཱ པཊིཝིདིཏཱཏི. ཏེན ཝུཙྩཏི – ‘‘པཊིབྷཱནནཱནཏྟེ པཉྙཱ པཊིབྷཱནཔཊིསམྦྷིདེ ཉཱཎཾ’’. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཨཏྠནཱནཏྟེ པཉྙཱ ཨཏྠཔཊིསམྦྷིདེ ཉཱཎཾ. དྷམྨནཱནཏྟེ པཉྙཱ དྷམྨཔཊིསམྦྷིདེ ཉཱཎཾ. ནིརུཏྟིནཱནཏྟེ པཉྙཱ ནིརུཏྟིཔཊིསམྦྷིདེ ཉཱཎཾ. པཊིབྷཱནནཱནཏྟེ པཉྙཱ པཊིབྷཱནཔཊིསམྦྷིདེ ཉཱཎཾ’’.

པཊིསམྦྷིདཱཉཱཎནིདྡེསོ ཨཊྛཝཱིསཏིམོ.

༢༩-༣༡. ཉཱཎཏྟཡནིདྡེསོ

༧༨. ཀཐཾ ¶ ཝིཧཱརནཱནཏྟེ པཉྙཱ ཝིཧཱརཊྛེ ཉཱཎཾ, སམཱཔཏྟིནཱནཏྟེ པཉྙཱ སམཱཔཏྟཊྛེ ཉཱཎཾ, ཝིཧཱརསམཱཔཏྟིནཱནཏྟེ པཉྙཱ ཝིཧཱརསམཱཔཏྟཊྛེ ཉཱཎཾ? ནིམིཏྟཾ བྷཡཏོ སམྤསྶམཱནོ ཨནིམིཏྟེ ཨདྷིམུཏྟཏྟཱ ཕུསྶ ཕུསྶ ཝཡཾ པསྶཏི – ཨནིམིཏྟོ ཝིཧཱརོ. པཎིདྷིཾ བྷཡཏོ སམྤསྶམཱནོ ཨཔྤཎིཧིཏེ ཨདྷིམུཏྟཏྟཱ ཕུསྶ ཕུསྶ ཝཡཾ པསྶཏི – ཨཔྤཎིཧིཏོ ཝིཧཱརོ. ཨབྷིནིཝེསཾ བྷཡཏོ སམྤསྶམཱནོ སུཉྙཏེ ཨདྷིམུཏྟཏྟཱ ¶ ཕུསྶ ཕུསྶ ཝཡཾ པསྶཏི – སུཉྙཏོ ཝིཧཱརོ.

ནིམིཏྟཾ བྷཡཏོ སམྤསྶམཱནོ ཨནིམིཏྟེ ཨདྷིམུཏྟཏྟཱ པཝཏྟཾ ཨཛ྄ཛྷུཔེཀྑིཏྭཱ ནིརོདྷཾ ནིབྦཱནཾ ཨནིམིཏྟཾ ཨཱཝཛྫིཏྭཱ སམཱཔཛྫཏི – ཨནིམིཏྟཱ སམཱཔཏྟི. པཎིདྷིཾ བྷཡཏོ སམྤསྶམཱནོ ཨཔྤཎིཧིཏེ ཨདྷིམུཏྟཏྟཱ ¶ པཝཏྟཾ ཨཛ྄ཛྷུཔེཀྑིཏྭཱ ནིརོདྷཾ ནིབྦཱནཾ ཨཔྤཎིཧིཏཾ ཨཱཝཛྫིཏྭཱ སམཱཔཛྫཏི – ཨཔྤཎིཧིཏཱ སམཱཔཏྟི. ཨབྷིནིཝེསཾ བྷཡཏོ སམྤསྶམཱནོ སུཉྙཏེ ¶ ཨདྷིམུཏྟཏྟཱ པཝཏྟཾ ཨཛ྄ཛྷུཔེཀྑིཏྭཱ ནིརོདྷཾ ནིབྦཱནཾ སུཉྙཏཾ ཨཱཝཛྫིཏྭཱ སམཱཔཛྫཏི – སུཉྙཏཱ སམཱཔཏྟི.

ནིམིཏྟཾ བྷཡཏོ སམྤསྶམཱནོ ཨནིམིཏྟེ ཨདྷིམུཏྟཏྟཱ ཕུསྶ ཕུསྶ ཝཡཾ པསྶཏི, པཝཏྟཾ ཨཛ྄ཛྷུཔེཀྑིཏྭཱ ནིརོདྷཾ ནིབྦཱནཾ ཨནིམིཏྟཾ ཨཱཝཛྫིཏྭཱ སམཱཔཛྫཏི – ཨནིམིཏྟཝིཧཱརསམཱཔཏྟི. པཎིདྷིཾ བྷཡཏོ སམྤསྶམཱནོ ཨཔྤཎིཧིཏེ ཨདྷིམུཏྟཏྟཱ ཕུསྶ ཕུསྶ ཝཡཾ པསྶཏི, པཝཏྟཾ ཨཛ྄ཛྷུཔེཀྑིཏྭཱ ནིརོདྷཾ ནིབྦཱནཾ ཨཔྤཎིཧིཏཾ ཨཱཝཛྫིཏྭཱ སམཱཔཛྫཏི – ཨཔྤཎིཧིཏཝིཧཱརསམཱཔཏྟི. ཨབྷིནིཝེསཾ བྷཡཏོ སམྤསྶམཱནོ སུཉྙཏེ ཨདྷིམུཏྟཏྟཱ ཕུསྶ ཕུསྶ ཝཡཾ པསྶཏི, པཝཏྟཾ ཨཛ྄ཛྷུཔེཀྑིཏྭཱ ནིརོདྷཾ ནིབྦཱནཾ སུཉྙཏཾ ཨཱཝཛྫིཏྭཱ སམཱཔཛྫཏི – སུཉྙཏཝིཧཱརསམཱཔཏྟི.

༧༩. རཱུཔནིམིཏྟཾ བྷཡཏོ སམྤསྶམཱནོ ཨནིམིཏྟེ ཨདྷིམུཏྟཏྟཱ ཕུསྶ ཕུསྶ ཝཡཾ པསྶཏི – ཨནིམིཏྟོ ཝིཧཱརོ. རཱུཔཔཎིདྷིཾ བྷཡཏོ ¶ སམྤསྶམཱནོ ཨཔྤཎིཧིཏེ ཨདྷིམུཏྟཏྟཱ ཕུསྶ ཕུསྶ ཝཡཾ པསྶཏི – ཨཔྤཎིཧིཏོ ཝིཧཱརོ. རཱུཔཱབྷིནིཝེསཾ བྷཡཏོ སམྤསྶམཱནོ སུཉྙཏེ ཨདྷིམུཏྟཏྟཱ ཕུསྶ ཕུསྶ ཝཡཾ པསྶཏི – སུཉྙཏོ ཝིཧཱརོ.

རཱུཔནིམིཏྟཾ བྷཡཏོ སམྤསྶམཱནོ ཨནིམིཏྟེ ཨདྷིམུཏྟཏྟཱ པཝཏྟཾ ཨཛ྄ཛྷུཔེཀྑིཏྭཱ ནིརོདྷཾ ནིབྦཱནཾ ཨནིམིཏྟཾ ཨཱཝཛྫིཏྭཱ སམཱཔཛྫཏི – ཨནིམིཏྟཱ སམཱཔཏྟི ¶ . རཱུཔཔཎིདྷིཾ བྷཡཏོ སམྤསྶམཱནོ ཨཔྤཎིཧིཏེ ཨདྷིམུཏྟཏྟཱ པཝཏྟཾ ཨཛ྄ཛྷུཔེཀྑིཏྭཱ ནིརོདྷཾ ནིབྦཱནཾ ཨཔྤཎིཧིཏཾ ཨཱཝཛྫིཏྭཱ སམཱཔཛྫཏི – ཨཔྤཎིཧིཏཱ སམཱཔཏྟི. རཱུཔཱབྷིནིཝེསཾ བྷཡཏོ སམྤསྶམཱནོ སུཉྙཏེ ཨདྷིམུཏྟཏྟཱ པཝཏྟཾ ཨཛ྄ཛྷུཔེཀྑིཏྭཱ ནིརོདྷཾ ནིབྦཱནཾ སུཉྙཏཾ ཨཱཝཛྫིཏྭཱ སམཱཔཛྫཏི – སུཉྙཏཱ སམཱཔཏྟི.

རཱུཔནིམིཏྟཾ བྷཡཏོ སམྤསྶམཱནོ ཨནིམིཏྟེ ཨདྷིམུཏྟཏྟཱ ཕུསྶ ཕུསྶ ཝཡཾ པསྶཏི, པཝཏྟཾ ཨཛ྄ཛྷུཔེཀྑིཏྭཱ ནིརོདྷཾ ནིབྦཱནཾ ཨནིམིཏྟཾ ཨཱཝཛྫིཏྭཱ སམཱཔཛྫཏི – ཨནིམིཏྟཝིཧཱརསམཱཔཏྟི. རཱུཔཔཎིདྷིཾ བྷཡཏོ སམྤསྶམཱནོ ཨཔྤཎིཧིཏེ ཨདྷིམུཏྟཏྟཱ ཕུསྶ ཕུསྶ ¶ ཝཡཾ པསྶཏི, པཝཏྟཾ ཨཛ྄ཛྷུཔེཀྑིཏྭཱ ནིརོདྷཾ ནིབྦཱནཾ ཨཔྤཎིཧིཏཾ ཨཱཝཛྫིཏྭཱ སམཱཔཛྫཏི – ཨཔྤཎིཧིཏཝིཧཱརསམཱཔཏྟི. རཱུཔཱབྷིནིཝེསཾ བྷཡཏོ སམྤསྶམཱནོ སུཉྙཏེ ཨདྷིམུཏྟཏྟཱ ཕུསྶ ཕུསྶ ཝཡཾ པསྶཏི, པཝཏྟཾ ཨཛ྄ཛྷུཔེཀྑིཏྭཱ ནིརོདྷཾ ནིབྦཱནཾ སུཉྙཏཾ ཨཱཝཛྫིཏྭཱ སམཱཔཛྫཏི – སུཉྙཏཝིཧཱརསམཱཔཏྟི.

ཝེདནཱནིམིཏྟཾ ¶ ¶ …པེ… སཉྙཱནིམིཏྟཾ… སངྑཱརནིམིཏྟཾ… ཝིཉྙཱཎནིམིཏྟཾ… ཙཀྑུནིམིཏྟཾ…པེ… ཛརཱམརཎནིམིཏྟཾ བྷཡཏོ སམྤསྶམཱནོ ཨནིམིཏྟེ ཨདྷིམུཏྟཏྟཱ ཕུསྶ ཕུསྶ ཝཡཾ པསྶཏི – ཨནིམིཏྟོ ཝིཧཱརོ. ཛརཱམརཎཔཎིདྷིཾ བྷཡཏོ སམྤསྶམཱནོ ཨཔྤཎིཧིཏེ ཨདྷིམུཏྟཏྟཱ ཕུསྶ ཕུསྶ ཝཡཾ པསྶཏི – ཨཔྤཎིཧིཏོ ཝིཧཱརོ. ཛརཱམརཎཱབྷིནིཝེསཾ བྷཡཏོ སམྤསྶམཱནོ སུཉྙཏེ ཨདྷིམུཏྟཏྟཱ ཕུསྶ ཕུསྶ ཝཡཾ པསྶཏི – སུཉྙཏོ ཝིཧཱརོ.

ཛརཱམརཎནིམིཏྟཾ བྷཡཏོ སམྤསྶམཱནོ ཨནིམིཏྟེ ཨདྷིམུཏྟཏྟཱ པཝཏྟཾ ཨཛ྄ཛྷུཔེཀྑིཏྭཱ ནིརོདྷཾ ནིབྦཱནཾ ཨནིམིཏྟཾ ཨཱཝཛྫིཏྭཱ སམཱཔཛྫཏི – ཨནིམིཏྟཱ སམཱཔཏྟི. ཛརཱམརཎཔཎིདྷིཾ བྷཡཏོ སམྤསྶམཱནོ ཨཔྤཎིཧིཏེ ཨདྷིམུཏྟཏྟཱ པཝཏྟཾ ཨཛ྄ཛྷུཔེཀྑིཏྭཱ ནིརོདྷཾ ནིབྦཱནཾ ཨཔྤཎིཧིཏཾ ཨཱཝཛྫིཏྭཱ སམཱཔཛྫཏི – ཨཔྤཎིཧིཏཱ སམཱཔཏྟི. ཛརཱམརཎཱབྷིནིཝེསཾ བྷཡཏོ སམྤསྶམཱནོ སུཉྙཏེ ཨདྷིམུཏྟཏྟཱ པཝཏྟཾ ཨཛ྄ཛྷུཔེཀྑིཏྭཱ ནིརོདྷཾ ནིབྦཱནཾ སུཉྙཏཾ ཨཱཝཛྫིཏྭཱ སམཱཔཛྫཏི – སུཉྙཏཱ སམཱཔཏྟི.

ཛརཱམརཎནིམིཏྟཾ བྷཡཏོ སམྤསྶམཱནོ ཨནིམིཏྟེ ཨདྷིམུཏྟཏྟཱ ཕུསྶ ཕུསྶ ཝཡཾ པསྶཏི, པཝཏྟཾ ཨཛ྄ཛྷུཔེཀྑིཏྭཱ ནིརོདྷཾ ནིབྦཱནཾ ཨནིམིཏྟཾ ཨཱཝཛྫིཏྭཱ སམཱཔཛྫཏི – ཨནིམིཏྟཝིཧཱརསམཱཔཏྟི. ཛརཱམརཎཔཎིདྷིཾ བྷཡཏོ ¶ སམྤསྶམཱནོ ཨཔྤཎིཧིཏེ ཨདྷིམུཏྟཏྟཱ ¶ ཕུསྶ ཕུསྶ ཝཡཾ པསྶཏི, པཝཏྟཾ ཨཛ྄ཛྷུཔེཀྑིཏྭཱ ནིརོདྷཾ ནིབྦཱནཾ ཨཔྤཎིཧིཏཾ ཨཱཝཛྫིཏྭཱ སམཱཔཛྫཏི – ཨཔྤཎིཧིཏཝིཧཱརསམཱཔཏྟི. ཛརཱམརཎཱབྷིནིཝེསཾ བྷཡཏོ སམྤསྶམཱནོ སུཉྙཏེ ཨདྷིམུཏྟཏྟཱ ཕུསྶ ཕུསྶ ཝཡཾ པསྶཏི, པཝཏྟཾ ཨཛ྄ཛྷུཔེཀྑིཏྭཱ ནིརོདྷཾ ནིབྦཱནཾ སུཉྙཏཾ ཨཱཝཛྫིཏྭཱ སམཱཔཛྫཏི – སུཉྙཏཝིཧཱརསམཱཔཏྟི. ཨཉྙོ ¶ ཨནིམིཏྟོ ཝིཧཱརོ, ཨཉྙོ ཨཔྤཎིཧིཏོ ཝིཧཱརོ, ཨཉྙོ སུཉྙཏོ ཝིཧཱརོ. ཨཉྙཱ ཨནིམིཏྟསམཱཔཏྟི, ཨཉྙཱ ཨཔྤཎིཧིཏསམཱཔཏྟི, ཨཉྙཱ སུཉྙཏསམཱཔཏྟི. ཨཉྙཱ ཨནིམིཏྟཱ ཝིཧཱརསམཱཔཏྟི, ཨཉྙཱ ཨཔྤཎིཧིཏཱ ཝིཧཱརསམཱཔཏྟི, ཨཉྙཱ སུཉྙཏཱ ཝིཧཱརསམཱཔཏྟི. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཝིཧཱརནཱནཏྟེ པཉྙཱ ཝིཧཱརཊྛེ ཉཱཎཾ, སམཱཔཏྟིནཱནཏྟེ པཉྙཱ སམཱཔཏྟཊྛེ ཉཱཎཾ, ཝིཧཱརསམཱཔཏྟིནཱནཏྟེ པཉྙཱ ཝིཧཱརསམཱཔཏྟཊྛེ ཉཱཎཾ’’.

ཉཱཎཏྟཡནིདྡེསོ ཨེཀཏིཾསཏིམོ.

༣༢. ཨཱནནྟརིཀསམཱདྷིཉཱཎནིདྡེསོ

༨༠. ཀཐཾ ¶ ཨཝིཀྑེཔཔརིསུདྡྷཏྟཱ ཨཱསཝསམུཙྪེདེ པཉྙཱ ཨཱནནྟརིཀསམཱདྷིམྷི ཉཱཎཾ? ནེཀྑམྨཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི. ཏསྶ སམཱདྷིསྶ ཝསེན ཨུཔྤཛྫཏི ཉཱཎཾ. ཏེན ཉཱཎེན ཨཱསཝཱ ཁཱིཡནྟི. ཨིཏི པཋམཾ སམཐོ, པཙྪཱ ཉཱཎཾ. ཏེན ཉཱཎེན ཨཱསཝཱནཾ ཁཡོ ཧོཏི ¶ . ཏེན ཝུཙྩཏི – ‘‘ཨཝིཀྑེཔཔརིསུདྡྷཏྟཱ ཨཱསཝསམུཙྪེདེ པཉྙཱ ཨཱནནྟརིཀསམཱདྷིམྷི ཉཱཎཾ’’.

ཨཱསཝཱཏི ཀཏམེ ཏེ ཨཱསཝཱ? ཀཱམཱསཝོ, བྷཝཱསཝོ, དིཊྛཱསཝོ, ཨཝིཛྫཱསཝོ. ཀཏྠེཏེ ཨཱསཝཱ ཁཱིཡནྟི? སོཏཱཔཏྟིམགྒེན ཨནཝསེསོ དིཊྛཱསཝོ ཁཱིཡཏི, ཨཔཱཡགམནཱིཡོ ཀཱམཱསཝོ ཁཱིཡཏི, ཨཔཱཡགམནཱིཡོ བྷཝཱསཝོ ཁཱིཡཏི, ཨཔཱཡགམནཱིཡོ ཨཝིཛྫཱསཝོ ཁཱིཡཏི. ཨེཏྠེཏེ ཨཱསཝཱ ཁཱིཡནྟི. སཀདཱགཱམིམགྒེན ཨོལཱ༹རིཀོ ཀཱམཱསཝོ ཁཱིཡཏི, ཏདེཀཊྛོ བྷཝཱསཝོ ཁཱིཡཏི, ཏདེཀཊྛོ ཨཝིཛྫཱསཝོ ཁཱིཡཏི. ཨེཏྠེཏེ ཨཱསཝཱ ཁཱིཡནྟི. ཨནཱགཱམིམགྒེན ཨནཝསེསོ ཀཱམཱསཝོ ཁཱིཡཏི, ཏདེཀཊྛོ བྷཝཱསཝོ ཁཱིཡཏི, ཏདེཀཊྛོ ¶ ཨཝིཛྫཱསཝོ ཁཱིཡཏི. ཨེཏྠེཏེ ཨཱསཝཱ ཁཱིཡནྟི. ཨརཧཏྟམགྒེན ཨནཝསེསོ བྷཝཱསཝོ ཁཱིཡཏི, ཨནཝསེསོ ཨཝིཛྫཱསཝོ ཁཱིཡཏི. ཨེཏྠེཏེ ཨཱསཝཱ ཁཱིཡནྟི.

ཨབྱཱཔཱདཝསེན ¶ …པེ… ཨཱལོཀསཉྙཱཝསེན… ཨཝིཀྑེཔཝསེན… དྷམྨཝཝཏྠཱནཝསེན… ཉཱཎཝསེན… པཱམོཛྫཝསེན… པཋམཛ྄ཛྷཱནཝསེན… དུཏིཡཛ྄ཛྷཱནཝསེན… ཏཏིཡཛ྄ཛྷཱནཝསེན… ཙཏུཏྠཛ྄ཛྷཱནཝསེན… ཨཱཀཱསཱནཉྩཱཡཏནསམཱཔཏྟིཝསེན… ཝིཉྙཱཎཉྩཱཡཏནསམཱཔཏྟིཝསེན… ཨཱཀིཉྩཉྙཱཡཏནསམཱཔཏྟིཝསེན… ནེཝསཉྙཱནཱསཉྙཱཡཏནསམཱཔཏྟིཝསེན… པཐཝཱིཀསིཎཝསེན… ཨཱཔོཀསིཎཝསེན ¶ … ཏེཛོཀསིཎཝསེན… ཝཱཡོཀསིཎཝསེན… ནཱིལཀསིཎཝསེན… པཱིཏཀསིཎཝསེན… ལོཧིཏཀསིཎཝསེན… ཨོདཱཏཀསིཎཝསེན… ཨཱཀཱསཀསིཎཝསེན… ཝིཉྙཱཎཀསིཎཝསེན… བུདྡྷཱནུསྶཏིཝསེན… དྷམྨཱནུསྶཏིཝསེན… སངྒྷཱནུསྶཏིཝསེན… སཱིལཱནུསྶཏིཝསེན… ཙཱགཱནུསྶཏིཝསེན… དེཝཏཱནུསྶཏིཝསེན… ཨཱནཱཔཱནསྶཏིཝསེན… མརཎསྶཏིཝསེན… ཀཱཡགཏཱསཏིཝསེན… ཨུཔསམཱནུསྶཏིཝསེན… ཨུདྡྷུམཱཏཀསཉྙཱཝསེན… ཝིནཱིལཀསཉྙཱཝསེན… ཝིཔུབྦཀསཉྙཱཝསེན… ཝིཙྪིདྡཀསཉྙཱཝསེན… ཝིཀྑཱཡིཏཀསཉྙཱཝསེན… ཝིཀྑིཏྟཀསཉྙཱཝསེན… ཧཏཝིཀྑིཏྟཀསཉྙཱཝསེན ¶ … ལོཧིཏཀསཉྙཱཝསེན… པུལ༹ཝཀསཉྙཱཝསེན… ཨཊྛིཀསཉྙཱཝསེན.

༨༡. དཱིགྷཾ ཨསྶཱསཝསེན…པེ… དཱིགྷཾ པསྶཱསཝསེན… རསྶཾ ཨསྶཱསཝསེན… རསྶཾ པསྶཱསཝསེན… སབྦཀཱཡཔཊིསཾཝེདཱི ཨསྶཱསཝསེན… སབྦཀཱཡཔཊིསཾཝེདཱི པསྶཱསཝསེན… པསྶམྦྷཡཾ ཀཱཡསངྑཱརཾ ཨསྶཱསཝསེན… པསྶམྦྷཡཾ ཀཱཡསངྑཱརཾ པསྶཱསཝསེན… པཱིཏིཔཊིསཾཝེདཱི ཨསྶཱསཝསེན… པཱིཏིཔཊིསཾཝེདཱི པསྶཱསཝསེན… སུཁཔཊིསཾཝེདཱི ཨསྶཱསཝསེན… སུཁཔཊིསཾཝེདཱི པསྶཱསཝསེན… ཙིཏྟསངྑཱརཔཊིསཾཝེདཱི ཨསྶཱསཝསེན… ཙིཏྟསངྑཱརཔཊིསཾཝེདཱི པསྶཱསཝསེན… པསྶམྦྷཡཾ ཙིཏྟསངྑཱརཾ ཨསྶཱསཝསེན… པསྶམྦྷཡཾ ཙིཏྟསངྑཱརཾ པསྶཱསཝསེན… ཙིཏྟཔཊིསཾཝེདཱི ཨསྶཱསཝསེན… ཙིཏྟཔཊིསཾཝེདཱི པསྶཱསཝསེན… ཨབྷིཔྤམོདཡཾ ཙིཏྟཾ ཨསྶཱསཝསེན… ཨབྷིཔྤམོདཡཾ ཙིཏྟཾ པསྶཱསཝསེན… སམཱདཧཾ ཙིཏྟཾ…པེ… ཝིམོཙཡཾ ཙིཏྟཾ… ཨནིཙྩཱནུཔསྶཱི ¶ … ཝིརཱགཱནུཔསྶཱི… ནིརོདྷཱནུཔསྶཱི… པཊིནིསྶགྒཱནུཔསྶཱི ཨསྶཱསཝསེན… པཊིནིསྶགྒཱནུཔསྶཱི པསྶཱསཝསེན ¶ ཙིཏྟསྶ ཨེཀགྒཏཱ ཨཝིཀྑེཔོ སམཱདྷི. ཏསྶ སམཱདྷིསྶ ཝསེན ཨུཔྤཛྫཏི ཉཱཎཾ, ཏེན ཉཱཎེན ཨཱསཝཱ ཁཱིཡནྟི. ཨིཏི པཋམཾ སམཐོ, པཙྪཱ ཉཱཎཾ. ཏེན ཉཱཎེན ¶ ཨཱསཝཱནཾ ཁཡོ ཧོཏི. ཏེན ཝུཙྩཏི – ‘‘ཨཝིཀྑེཔཔརིསུདྡྷཏྟཱ ཨཱསཝསམུཙྪེདེ པཉྙཱ ཨཱནནྟརིཀསམཱདྷིམྷི ཉཱཎཾ’’.

ཨཱསཝཱཏི ཀཏམེ ཏེ ཨཱསཝཱ? ཀཱམཱསཝོ, བྷཝཱསཝོ, དིཊྛཱསཝོ, ཨཝིཛྫཱསཝོ. ཀཏྠེཏེ ཨཱསཝཱ ཁཱིཡནྟི? སོཏཱཔཏྟིམགྒེན ཨནཝསེསོ དིཊྛཱསཝོ ཁཱིཡཏི, ཨཔཱཡགམནཱིཡོ ཀཱམཱསཝོ ཁཱིཡཏི, ཨཔཱཡགམནཱིཡོ བྷཝཱསཝོ ཁཱིཡཏི, ཨཔཱཡགམནཱིཡོ ཨཝིཛྫཱསཝོ ཁཱིཡཏི. ཨེཏྠེཏེ ཨཱསཝཱ ཁཱིཡནྟི. སཀདཱགཱམིམགྒེན ཨོལཱ༹རིཀོ ཀཱམཱསཝོ ཁཱིཡཏི, ཏདེཀཊྛོ བྷཝཱསཝོ ཁཱིཡཏི, ཏདེཀཊྛོ ཨཝིཛྫཱསཝོ ཁཱིཡཏི. ཨེཏྠེཏེ ཨཱསཝཱ ཁཱིཡནྟི. ཨནཱགཱམིམགྒེན ཨནཝསེསོ ཀཱམཱསཝོ ཁཱིཡཏི, ཏདེཀཊྛོ བྷཝཱསཝོ ཁཱིཡཏི, ཏདེཀཊྛོ ཨཝིཛྫཱསཝོ ཁཱིཡཏི. ཨེཏྠེཏེ ཨཱསཝཱ ཁཱིཡནྟི. ཨརཧཏྟམགྒེན ཨནཝསེསོ བྷཝཱསཝོ ཁཱིཡཏི, ཨནཝསེསོ ཨཝིཛྫཱསཝོ ཁཱིཡཏི. ཨེཏྠེཏེ ཨཱསཝཱ ཁཱིཡནྟི. ཏཾ ཉཱཏཊྛེན ཉཱཎཾ ¶ , པཛཱནནཊྛེན པཉྙཱ. ཏེན ཝུཙྩཏི – ‘‘ཨཝིཀྑེཔཔརིསུདྡྷཏྟཱ ཨཱསཝསམུཙྪེདེ པཉྙཱ ཨཱནནྟརིཀསམཱདྷིམྷི ཉཱཎཾ’’.

ཨཱནནྟརིཀསམཱདྷིཉཱཎནིདྡེསོ དྭཏྟིཾསཏིམོ.

༣༣. ཨརཎཝིཧཱརཉཱཎནིདྡེསོ

༨༢. ཀཐཾ ¶ དསྶནཱདྷིཔཏེཡྻཾ སནྟོ ཙ ཝིཧཱརཱདྷིགམོ པཎཱིཏཱདྷིམུཏྟཏཱ པཉྙཱ ཨརཎཝིཧཱརེ ཉཱཎཾ? དསྶནཱདྷིཔཏེཡྻནྟི ཨནིཙྩཱནུཔསྶནཱ དསྶནཱདྷིཔཏེཡྻཾ, དུཀྑཱནུཔསྶནཱ དསྶནཱདྷིཔཏེཡྻཾ, ཨནཏྟཱནུཔསྶནཱ དསྶནཱདྷིཔཏེཡྻཾ, རཱུཔེ ཨནིཙྩཱནུཔསྶནཱ དསྶནཱདྷིཔཏེཡྻཾ, རཱུཔེ དུཀྑཱནུཔསྶནཱ དསྶནཱདྷིཔཏེཡྻཾ, རཱུཔེ ཨནཏྟཱནུཔསྶནཱ དསྶནཱདྷིཔཏེཡྻཾ; ཝེདནཱཡ…པེ… སཉྙཱཡ… སངྑཱརེསུ… ཝིཉྙཱཎེ… ཙཀྑུསྨིཾ…པེ… ཛརཱམརཎེ ཨནིཙྩཱནུཔསྶནཱ དསྶནཱདྷིཔཏེཡྻཾ, ཛརཱམརཎེ དུཀྑཱནུཔསྶནཱ དསྶནཱདྷིཔཏེཡྻཾ, ཛརཱམརཎེ ཨནཏྟཱནུཔསྶནཱ དསྶནཱདྷིཔཏེཡྻཾ.

སནྟོ ¶ ¶ ཙ ཝིཧཱརཱདྷིགམོཏི སུཉྙཏོ ཝིཧཱརོ སནྟོ ཝིཧཱརཱདྷིགམོ. ཨནིམིཏྟོ ཝིཧཱརོ སནྟོ ཝིཧཱརཱདྷིགམོ. ཨཔྤཎིཧིཏོ ཝིཧཱརོ སནྟོ ཝིཧཱརཱདྷིགམོ.

པཎཱིཏཱདྷིམུཏྟཏཱཏི སུཉྙཏེ ཨདྷིམུཏྟཏཱ པཎཱིཏཱདྷིམུཏྟཏཱ. ཨནིམིཏྟེ ཨདྷིམུཏྟཏཱ པཎཱིཏཱདྷིམུཏྟཏཱ. ཨཔྤཎིཧིཏེ ཨདྷིམུཏྟཏཱ པཎཱིཏཱདྷིམུཏྟཏཱ.

ཨརཎཝིཧཱརོཏི པཋམཾ ཛྷཱནཾ ཨརཎཝིཧཱརོ. དུཏིཡཾ ཛྷཱནཾ ཨརཎཝིཧཱརོ. ཏཏིཡཾ ཛྷཱནཾ ཨརཎཝིཧཱརོ. ཙཏུཏྠཾ ཛྷཱནཾ ཨརཎཝིཧཱརོ. ཨཱཀཱསཱནཉྩཱཡཏནསམཱཔཏྟི ¶ ཨརཎཝིཧཱརོ…པེ… ནེཝསཉྙཱནཱསཉྙཱཡཏནསམཱཔཏྟི ཨརཎཝིཧཱརོ.

ཨརཎཝིཧཱརོཏི ཀེནཊྛེན ཨརཎཝིཧཱརོ? པཋམེན ཛྷཱནེན ནཱིཝརཎེ ཧརཏཱིཏི – ཨརཎཝིཧཱརོ. དུཏིཡེན ཛྷཱནེན ཝིཏཀྐཝིཙཱརེ ཧརཏཱིཏི – ཨརཎཝིཧཱརོ. ཏཏིཡེན ཛྷཱནེན པཱིཏིཾ ཧརཏཱིཏི – ཨརཎཝིཧཱརོ. ཙཏུཏྠེན ཛྷཱནེན སུཁདུཀྑེ ཧརཏཱིཏི – ཨརཎཝིཧཱརོ. ཨཱཀཱསཱནཉྩཱཡཏནསམཱཔཏྟིཡཱ རཱུཔསཉྙཾ པཊིགྷསཉྙཾ ནཱནཏྟསཉྙཾ ཧརཏཱིཏི – ཨརཎཝིཧཱརོ. ཝིཉྙཱཎཉྩཱཡཏནསམཱཔཏྟིཡཱ ཨཱཀཱསཱནཉྩཱཡཏནསཉྙཾ ཧརཏཱིཏི – ཨརཎཝིཧཱརོ. ཨཱཀིཉྩཉྙཱཡཏནསམཱཔཏྟིཡཱ ཝིཉྙཱཎཉྩཱཡཏནསཉྙཾ ཧརཏཱིཏི – ཨརཎཝིཧཱརོ. ནེཝསཉྙཱནཱསཉྙཱཡཏནསམཱཔཏྟིཡཱ ཨཱཀིཉྩཉྙཱཡཏནསཉྙཾ ཧརཏཱིཏི – ཨརཎཝིཧཱརོ. ཨཡཾ ཨརཎཝིཧཱརོ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི ¶ – ‘‘དསྶནཱདྷིཔཏེཡྻཾ སནྟོ ཙ ཝིཧཱརཱདྷིགམོ པཎཱིཏཱདྷིམུཏྟཏཱ པཉྙཱ ཨརཎཝིཧཱརེ ཉཱཎཾ’’.

ཨརཎཝིཧཱརཉཱཎནིདྡེསོ ཏེཏྟིཾསཏིམོ.

༣༤. ནིརོདྷསམཱཔཏྟིཉཱཎནིདྡེསོ

༨༣. ཀཐཾ དྭཱིཧི བལེཧི སམནྣཱགཏཏྟཱ ཏཡོ ཙ སངྑཱརཱནཾ པཊིཔྤསྶདྡྷིཡཱ སོལ༹སཧི ཉཱཎཙརིཡཱཧི ནཝཧི སམཱདྷིཙརིཡཱཧི ཝསིབྷཱཝཏཱ པཉྙཱ ནིརོདྷསམཱཔཏྟིཡཱ ཉཱཎཾ?

དྭཱིཧི ¶ བལེཧཱིཏི དྭེ བལཱནི – སམཐབལཾ, ཝིཔསྶནཱབལཾ. ཀཏམཾ སམཐབལཾ? ནེཀྑམྨཝསེན ཙིཏྟསྶེཀགྒཏཱ ཨཝིཀྑེཔོ ¶ སམཐབལཾ. ཨབྱཱཔཱདཝསེན ཙིཏྟསྶེཀགྒཏཱ ཨཝིཀྑེཔོ སམཐབལཾ. ཨཱལོཀསཉྙཱཝསེན ཙིཏྟསྶེཀགྒཏཱ ཨཝིཀྑེཔོ ¶ སམཐབལཾ. ཨཝིཀྑེཔཝསེན ཙིཏྟསྶེཀགྒཏཱ ཨཝིཀྑེཔོ སམཐབལཾ…པེ… པཊིནིསྶགྒཱནུཔསྶཱི ཨསྶཱསཝསེན ཙིཏྟསྶེཀགྒཏཱ ཨཝིཀྑེཔོ སམཐབལཾ. པཊིནིསྶགྒཱནུཔསྶཱི པསྶཱསཝསེན ཙིཏྟསྶེཀགྒཏཱ ཨཝིཀྑེཔོ སམཐབལཾ.

སམཐབལནྟི ཀེནཊྛེན སམཐབལཾ? པཋམེན ཛྷཱནེན ནཱིཝརཎེ ན ཀམྤཏཱིཏི – སམཐབལཾ. དུཏིཡེན ཛྷཱནེན ཝིཏཀྐཝིཙཱརེ ན ཀམྤཏཱིཏི – སམཐབལཾ. ཏཏིཡེན ཛྷཱནེན པཱིཏིཡཱ ན ཀམྤཏཱིཏི – སམཐབལཾ. ཙཏུཏྠེན ཛྷཱནེན སུཁདུཀྑེ ན ཀམྤཏཱིཏི – སམཐབལཾ. ཨཱཀཱསཱནཉྩཱཡཏནསམཱཔཏྟིཡཱ རཱུཔསཉྙཱཡ པཊིགྷསཉྙཱཡ ནཱནཏྟསཉྙཱཡ ན ཀམྤཏཱིཏི – སམཐབལཾ. ཝིཉྙཱཎཉྩཱཡཏནསམཱཔཏྟིཡཱ ཨཱཀཱསཱནཉྩཱཡཏནསཉྙཱཡ ན ཀམྤཏཱིཏི – སམཐབལཾ. ཨཱཀིཉྩཉྙཱཡཏནསམཱཔཏྟིཡཱ ཝིཉྙཱཎཉྩཱཡཏནསཉྙཱཡ ན ཀམྤཏཱིཏི – སམཐབལཾ. ནེཝསཉྙཱནཱསཉྙཱཡཏནསམཱཔཏྟིཡཱ ཨཱཀིཉྩཉྙཱཡཏནསཉྙཱཡ ན ཀམྤཏཱིཏི – སམཐབལཾ. ཨུདྡྷཙྩེ ཙ ཨུདྡྷཙྩསཧགཏཀིལེསེ ཙ ཁནྡྷེ ཙ ན ཀམྤཏི ན ཙལཏི ན ཝེདྷཏཱིཏི – སམཐབལཾ. ཨིདཾ སམཐབལཾ.

ཀཏམཾ ཝིཔསྶནཱབལཾ? ཨནིཙྩཱནུཔསྶནཱ ཝིཔསྶནཱབལཾ. དུཀྑཱནུཔསྶནཱ ཝིཔསྶནཱབལཾ. ཨནཏྟཱནུཔསྶནཱ ཝིཔསྶནཱབལཾ. ནིབྦིདཱནུཔསྶནཱ ཝིཔསྶནཱབལཾ. ཝིརཱགཱནུཔསྶནཱ ཝིཔསྶནཱབལཾ ¶ . ནིརོདྷཱནུཔསྶནཱ ཝིཔསྶནཱབལཾ. པཊིནིསྶགྒཱནུཔསྶནཱ ཝིཔསྶནཱབལཾ. རཱུཔེ ཨནིཙྩཱནུཔསྶནཱ ཝིཔསྶནཱབལཾ ¶ …པེ… རཱུཔེ པཊིནིསྶགྒཱནུཔསྶནཱ ཝིཔསྶནཱབལཾ. ཝེདནཱཡ…པེ… སཉྙཱཡ… སངྑཱརེསུ… ཝིཉྙཱཎེ… ཙཀྑུསྨིཾ…པེ… ཛརཱམརཎེ ཨནིཙྩཱནུཔསྶནཱ ཝིཔསྶནཱབལཾ…པེ… ཛརཱམརཎེ པཊིནིསྶགྒཱནུཔསྶནཱ ཝིཔསྶནཱབལཾ.

ཝིཔསྶནཱབལནྟི ཀེནཊྛེན ཝིཔསྶནཱབལཾ? ཨནིཙྩཱནུཔསྶནཱཡ ནིཙྩསཉྙཱཡ ན ཀམྤཏཱིཏི – ཝིཔསྶནཱབལཾ. དུཀྑཱནུཔསྶནཱཡ སུཁསཉྙཱཡ ན ཀམྤཏཱིཏི – ཝིཔསྶནཱབལཾ. ཨནཏྟཱནུཔསྶནཱཡ ཨཏྟསཉྙཱཡ ན ཀམྤཏཱིཏི – ཝིཔསྶནཱབལཾ. ནིབྦིདཱནུཔསྶནཱཡ ནནྡིཡཱ ན ཀམྤཏཱིཏི – ཝིཔསྶནཱབལཾ. ཝིརཱགཱནུཔསྶནཱཡ རཱགེ ན ཀམྤཏཱིཏི – ཝིཔསྶནཱབལཾ. ནིརོདྷཱནུཔསྶནཱཡ སམུདཡེ ¶ ན ཀམྤཏཱིཏི – ཝིཔསྶནཱབལཾ. པཊིནིསྶགྒཱནུཔསྶནཱཡ ཨཱདཱནེ ན ཀམྤཏཱིཏི ¶ – ཝིཔསྶནཱབལཾ. ཨཝིཛྫཱཡ ཙ ཨཝིཛྫཱ སཧགཏཀིལེསེ ཙ ཁནྡྷེ ཙ ན ཀམྤཏི ན ཙལཏི ན ཝེདྷཏཱིཏི – ཝིཔསྶནཱབལཾ. ཨིདཾ ཝིཔསྶནཱབལཾ.

ཏཡོ ཙ སངྑཱརཱནཾ པཊིཔྤསྶདྡྷིཡཱཏི ཀཏམེསཾ ཏིཎྞནྣཾ སངྑཱརཱནཾ པཊིཔྤསྶདྡྷིཡཱ? དུཏིཡཾ ཛྷཱནཾ སམཱཔནྣསྶ ཝིཏཀྐཝིཙཱརཱ ཝཙཱིསངྑཱརཱ པཊིཔྤསྶདྡྷཱ ཧོནྟི. ཙཏུཏྠཾ ཛྷཱནཾ སམཱཔནྣསྶ ཨསྶཱསཔསྶཱསཱ ཀཱཡསངྑཱརཱ པཊིཔྤསྶདྡྷཱ ཧོནྟི. སཉྙཱཝེདཡིཏནིརོདྷཾ སམཱཔནྣསྶ སཉྙཱ ཙ ཝེདནཱ ཙ ཙིཏྟསངྑཱརཱ པཊིཔྤསྶདྡྷཱ ཧོནྟི. ཨིམེསཾ ཏིཎྞནྣཾ སངྑཱརཱནཾ པཊིཔྤསྶདྡྷིཡཱ ¶ .

༨༤. སོལ༹སཧི ཉཱཎཙརིཡཱཧཱིཏི ཀཏམཱཧི སོལ༹སཧི ཉཱཎཙརིཡཱཧི? ཨནིཙྩཱནུཔསྶནཱ ཉཱཎཙརིཡཱ, དུཀྑཱནུཔསྶནཱ ཉཱཎཙརིཡཱ, ཨནཏྟཱནུཔསྶནཱ ཉཱཎཙརིཡཱ, ནིབྦིདཱནུཔསྶནཱ ཉཱཎཙརིཡཱ, ཝིརཱགཱནུཔསྶནཱ ཉཱཎཙརིཡཱ, ནིརོདྷཱནུཔསྶནཱ ཉཱཎཙརིཡཱ, པཊིནིསྶགྒཱནུཔསྶནཱ ཉཱཎཙརིཡཱ, ཝིཝཊྚནཱནུཔསྶནཱ ཉཱཎཙརིཡཱ, སོཏཱཔཏྟིམགྒོ ཉཱཎཙརིཡཱ, སོཏཱཔཏྟིཕལསམཱཔཏྟི ཉཱཎཙརིཡཱ, སཀདཱགཱམིམགྒོ ཉཱཎཙརིཡཱ, སཀདཱགཱམིཕལསམཱཔཏྟི ཉཱཎཙརིཡཱ, ཨནཱགཱམིམགྒོ ཉཱཎཙརིཡཱ, ཨནཱགཱམིཕལསམཱཔཏྟི ཉཱཎཙརིཡཱ, ཨརཧཏྟམགྒོ ཉཱཎཙརིཡཱ, ཨརཧཏྟཕལསམཱཔཏྟི ཉཱཎཙརིཡཱ – ཨིམཱཧི སོལ༹སཧི ཉཱཎཙརིཡཱཧི.

༨༥. ནཝཧི སམཱདྷིཙརིཡཱཧཱིཏི ཀཏམཱཧི ནཝཧི སམཱདྷིཙརིཡཱཧི? པཋམཾ ཛྷཱནཾ སམཱདྷིཙརིཡཱ, དུཏིཡཾ ཛྷཱནཾ སམཱདྷིཙརིཡཱ, ཏཏིཡཾ ཛྷཱནཾ སམཱདྷིཙརིཡཱ, ཙཏུཏྠཾ ཛྷཱནཾ སམཱདྷིཙརིཡཱ, ཨཱཀཱསཱནཉྩཱཡཏནསམཱཔཏྟི…པེ… ཝིཉྙཱཎཉྩཱཡཏནསམཱཔཏྟི… ཨཱཀིཉྩཉྙཱཡཏནསམཱཔཏྟི… ནེཝསཉྙཱནཱསཉྙཱཡཏནསམཱཔཏྟི སམཱདྷིཙརིཡཱ. པཋམཾ ཛྷཱནཾ པཊིལཱབྷཏྠཱཡ ¶ ཝིཏཀྐོ ཙ ཝིཙཱརོ ཙ པཱིཏི ཙ སུཁཉྩ ཙིཏྟེཀགྒཏཱ ཙ…པེ… ནེཝསཉྙཱནཱསཉྙཱཡཏནསམཱཔཏྟིཾ པཊིལཱབྷཏྠཱཡ ཝིཏཀྐོ ཙ ཝིཙཱརོ ཙ པཱིཏི ཙ སུཁཉྩ ཙིཏྟེཀགྒཏཱ ཙ – ཨིམཱཧི ནཝཧི སམཱདྷིཙརིཡཱཧི.

ཝསཱིཏི ¶ པཉྩ ཝསིཡོ. ཨཱཝཛྫནཝསཱི, སམཱཔཛྫནཝསཱི, ཨདྷིཊྛཱནཝསཱི ¶ , ཝུཊྛཱནཝསཱི, པཙྩཝེཀྑཎཱཝསཱི. པཋམཾ ཛྷཱནཾ ཡཏྠིཙྪཀཾ ཡདིཙྪཀཾ ཡཱཝཏིཙྪཀཾ ཨཱཝཛྫཏི; ཨཱཝཛྫནཱཡ དནྡྷཱཡིཏཏྟཾ ནཏྠཱིཏི – ཨཱཝཛྫནཝསཱི. པཋམཾ ཛྷཱནཾ ཡཏྠིཙྪཀཾ ཡདིཙྪཀཾ ཡཱཝཏིཙྪཀཾ སམཱཔཛྫཏི; སམཱཔཛྫནཱཡ དནྡྷཱཡིཏཏྟཾ ནཏྠཱིཏི – སམཱཔཛྫནཝསཱི. པཋམཾ ཛྷཱནཾ ཡཏྠིཙྪཀཾ ཡདིཙྪཀཾ ཡཱཝཏིཙྪཀཾ ཨདྷིཊྛཱཏི ¶ ; ཨདྷིཊྛཱནེ དནྡྷཱཡིཏཏྟཾ ནཏྠཱིཏི – ཨདྷིཊྛཱནཝསཱི. པཋམཾ ཛྷཱནཾ ཡཏྠིཙྪཀཾ ཡདིཙྪཀཾ ཡཱཝཏིཙྪཀཾ ཝུཊྛཱཏི; ཝུཊྛཱནེ དནྡྷཱཡིཏཏྟཾ ནཏྠཱིཏི – ཝུཊྛཱནཝསཱི. པཋམཾ ཛྷཱནཾ ཡཏྠིཙྪཀཾ ཡདིཙྪཀཾ ཡཱཝཏིཙྪཀཾ པཙྩཝེཀྑཏི; པཙྩཝེཀྑཎཱཡ དནྡྷཱཡིཏཏྟཾ ནཏྠཱིཏི – པཙྩཝེཀྑཎཱཝསཱི.

དུཏིཡཾ ཛྷཱནཾ…པེ… ནེཝསཉྙཱནཱསཉྙཱཡཏནསམཱཔཏྟིཾ ཡཏྠིཙྪཀཾ ཡདིཙྪཀཾ ཡཱཝཏིཙྪཀཾ ཨཱཝཛྫཏི; ཨཱཝཛྫནཱཡ དནྡྷཱཡིཏཏྟཾ ནཏྠཱིཏི – ཨཱཝཛྫནཝསཱི. ནེཝསཉྙཱནཱསཉྙཱཡཏནསམཱཔཏྟིཾ ཡཏྠིཙྪཀཾ ཡདིཙྪཀཾ ཡཱཝཏིཙྪཀཾ སམཱཔཛྫཏི…པེ… ཨདྷིཊྛཱཏི… ཝུཊྛཱཏི… པཙྩཝེཀྑཏི; པཙྩཝེཀྑཎཱཡ དནྡྷཱཡིཏཏྟཾ ནཏྠཱིཏི – པཙྩཝེཀྑཎཱཝསཱི. ཨིམཱ པཉྩ ཝསིཡོ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘དྭཱིཧི བལེཧི སམནྣཱགཏཏྟཱ ཏཡོ ཙ སངྑཱརཱནཾ པཊིཔསྶདྡྷིཡཱ སོལ༹སཧི ཉཱཎཙརིཡཱཧི ནཝཧི སམཱདྷིཙརིཡཱཧི ཝསཱིབྷཱཝཏཱ པཉྙཱ ནིརོདྷསམཱཔཏྟིཡཱ ཉཱཎཾ’’.

ནིརོདྷསམཱཔཏྟིཉཱཎནིདྡེསོ ཙཏུཏྟིཾསཏིམོ.

༣༥. པརིནིབྦཱནཉཱཎནིདྡེསོ

༨༦. ཀཐཾ ¶ སམྤཛཱནསྶ པཝཏྟཔརིཡཱདཱནེ པཉྙཱ པརིནིབྦཱནེ ཉཱཎཾ? ཨིདྷ སམྤཛཱནོ ནེཀྑམྨེན ཀཱམཙྪནྡསྶ པཝཏྟཾ པརིཡཱདིཡཏི, ཨབྱཱཔཱདེན བྱཱཔཱདསྶ པཝཏྟཾ པརིཡཱདིཡཏི, ཨཱལོཀསཉྙཱཡ ཐིནམིདྡྷསྶ པཝཏྟཾ པརིཡཱདིཡཏི, ཨཝིཀྑེཔེན ཨུདྡྷཙྩསྶ པཝཏྟཾ པརིཡཱདིཡཏི, དྷམྨཝཝཏྠཱནེན ཝིཙིཀིཙྪཱཡ…པེ… ཉཱཎེན ཨཝིཛྫཱཡ… པཱམོཛྫེན ཨརཏིཡཱ ¶ … པཋམེན ཛྷཱནེན ནཱིཝརཎཱནཾ པཝཏྟཾ པརིཡཱདིཡཏི…པེ… ཨརཧཏྟམགྒེན ¶ སབྦཀིལེསཱནཾ པཝཏྟཾ པརིཡཱདིཡཏི.

ཨཐ ཝཱ པན སམྤཛཱནསྶ ཨནུཔཱདིསེསཱཡ ནིབྦཱནདྷཱཏུཡཱ པརིནིབྦཱཡནྟསྶ ཨིདཉྩེཝ ཙཀྑུཔཝཏྟཾ པརིཡཱདིཡཏི, ཨཉྙཉྩ ཙཀྑུཔཝཏྟཾ ན ཨུཔྤཛྫཏི. ཨིདཉྩེཝ སོཏཔཝཏྟཾ…པེ… གྷཱནཔཝཏྟཾ… ཛིཝ྄ཧཱཔཝཏྟཾ… ཀཱཡཔཝཏྟཾ… མནོཔཝཏྟཾ པརིཡཱདིཡཏི, ཨཉྙཉྩ མནོཔཝཏྟཾ ན ཨུཔྤཛྫཏི. ཨིདཾ སམྤཛཱནསྶ པཝཏྟཔརིཡཱདཱནེ ¶ པཉྙཱ པརིནིབྦཱནེ ཉཱཎཾ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘སམྤཛཱནསྶ པཝཏྟཔརིཡཱདཱནེ པཉྙཱ པརིནིབྦཱནེ ཉཱཎཾ’’.

པརིནིབྦཱནཉཱཎནིདྡེསོ པཉྩཏིཾསཏིམོ.

༣༦. སམསཱིསཊྛཉཱཎནིདྡེསོ

༨༧. ཀཐཾ སབྦདྷམྨཱནཾ སམྨཱ སམུཙྪེདེ ནིརོདྷེ ཙ ཨནུཔཊྛཱནཏཱ པཉྙཱ སམསཱིསཊྛེ ཉཱཎཾ? སབྦདྷམྨཱནནྟི – པཉྩཀྑནྡྷཱ, དྭཱདསཱཡཏནཱནི, ཨཊྛཱརས དྷཱཏུཡོ ¶ , ཀུསལཱ དྷམྨཱ, ཨཀུསལཱ དྷམྨཱ, ཨབྱཱཀཏཱ དྷམྨཱ, ཀཱམཱཝཙརཱ དྷམྨཱ, རཱུཔཱཝཙརཱ དྷམྨཱ, ཨརཱུཔཱཝཙརཱ དྷམྨཱ, ཨཔརིཡཱཔནྣཱ དྷམྨཱ. སམྨཱ སམུཙྪེདེཏི ནེཀྑམྨེན ཀཱམཙྪནྡཾ སམྨཱ སམུཙྪིནྡཏི. ཨབྱཱཔཱདེན བྱཱཔཱདཾ སམྨཱ སམུཙྪིནྡཏི. ཨཱལོཀསཉྙཱཡ ཐིནམིདྡྷཾ སམྨཱ སམུཙྪིནྡཏི. ཨཝིཀྑེཔེན ཨུདྡྷཙྩཾ སམྨཱ སམུཙྪིནྡཏི. དྷམྨཝཝཏྠཱནེན ཝིཙིཀིཙྪཾ སམྨཱ སམུཙྪིནྡཏི. ཉཱཎེན ཨཝིཛྫཾ སམྨཱ སམུཙྪིནྡཏི. པཱམོཛྫེན ཨརཏིཾ སམྨཱ སམུཙྪིནྡཏི. པཋམེན ཛྷཱནེན ནཱིཝརཎེ སམྨཱ སམུཙྪིནྡཏི…པེ… ཨརཧཏྟམགྒེན སབྦཀིལེསེ སམྨཱ སམུཙྪིནྡཏི.

ནིརོདྷེཏི ནེཀྑམྨེན ཀཱམཙྪནྡཾ ནིརོདྷེཏི. ཨབྱཱཔཱདེན བྱཱཔཱདཾ ནིརོདྷེཏི. ཨཱལོཀསཉྙཱཡ ཐིནམིདྡྷཾ ནིརོདྷེཏི. ཨཝིཀྑེཔེན ཨུདྡྷཙྩཾ ནིརོདྷེཏི. དྷམྨཝཝཏྠཱནེན ཝིཙིཀིཙྪཾ ནིརོདྷེཏི. ཉཱཎེན ཨཝིཛྫཾ ནིརོདྷེཏི. པཱམོཛྫེན ཨརཏིཾ ནིརོདྷེཏི. པཋམེན ཛྷཱནེན ནཱིཝརཎེ ནིརོདྷེཏི…པེ… ཨརཧཏྟམགྒེན སབྦཀིལེསེ ནིརོདྷེཏི.

ཨནུཔཊྛཱནཏཱཏི ¶ ནེཀྑམྨཾ པཊིལདྡྷསྶ ཀཱམཙྪནྡོ ན ཨུཔཊྛཱཏི. ཨབྱཱཔཱདཾ པཊིལདྡྷསྶ བྱཱཔཱདོ ¶ ན ཨུཔཊྛཱཏི. ཨཱལོཀསཉྙཾ པཊིལདྡྷསྶ ཐིནམིདྡྷཾ ན ཨུཔཊྛཱཏི. ཨཝིཀྑེཔཾ པཊིལདྡྷསྶ ཨུདྡྷཙྩཾ ན ཨུཔཊྛཱཏི. དྷམྨཝཝཏྠཱནཾ པཊིལདྡྷསྶ ཝིཙིཀིཙྪཱ ¶ ན ཨུཔཊྛཱཏི. ཉཱཎཾ པཊིལདྡྷསྶ ཨཝིཛྫཱ ན ཨུཔཊྛཱཏི. པཱམོཛྫཾ པཊིལདྡྷསྶ ཨརཏི ན ཨུཔཊྛཱཏི. པཋམཾ ཛྷཱནཾ པཊིལདྡྷསྶ ནཱིཝརཎཱ ན ཨུཔཊྛཧནྟི…པེ… ཨརཧཏྟམགྒཾ པཊིལདྡྷསྶ སབྦཀིལེསཱ ན ཨུཔཊྛཧནྟི.

སམནྟི ཀཱམཙྪནྡསྶ པཧཱིནཏྟཱ ནེཀྑམྨཾ སམཾ. བྱཱཔཱདསྶ པཧཱིནཏྟཱ ཨབྱཱཔཱདོ སམཾ. ཐིནམིདྡྷསྶ པཧཱིནཏྟཱ ཨཱལོཀསཉྙཱ སམཾ. ཨུདྡྷཙྩསྶ ¶ པཧཱིནཏྟཱ ཨཝིཀྑེཔོ སམཾ. ཝིཙིཀིཙྪཱཡ པཧཱིནཏྟཱ དྷམྨཝཝཏྠཱནཾ སམཾ. ཨཝིཛྫཱཡ པཧཱིནཏྟཱ ཉཱཎཾ སམཾ. ཨརཏིཡཱ པཧཱིནཏྟཱ པཱམོཛྫཾ སམཾ. ནཱིཝརཎཱནཾ པཧཱིནཏྟཱ པཋམཾ ཛྷཱནཾ སམཾ…པེ… སབྦཀིལེསཱནཾ པཧཱིནཏྟཱ ཨརཧཏྟམགྒོ སམཾ.

སཱིསནྟི ཏེརས སཱིསཱནི – པལིབོདྷསཱིསཉྩ ཏཎྷཱ, ཝིནིབནྡྷནསཱིསཉྩ མཱནོ, པརཱམཱསསཱིསཉྩ དིཊྛི, ཝིཀྑེཔསཱིསཉྩ ཨུདྡྷཙྩཾ, སཾཀིལེསསཱིསཉྩ ཨཝིཛྫཱ, ཨདྷིམོཀྑསཱིསཉྩ སདྡྷཱ, པགྒཧསཱིསཉྩ ཝཱིརིཡཾ, ཨུཔཊྛཱནསཱིསཉྩ སཏི, ཨཝིཀྑེཔསཱིསཉྩ སམཱདྷི, དསྶནསཱིསཉྩ པཉྙཱ, པཝཏྟསཱིསཉྩ ཛཱིཝིཏིནྡྲིཡཾ, གོཙརསཱིསཉྩ ཝིམོཀྑོ, སངྑཱརསཱིསཉྩ ནིརོདྷོ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘སབྦདྷམྨཱནཾ སམྨཱ སམུཙྪེདེ ནིརོདྷེ ཙ ཨནུཔཊྛཱནཏཱ པཉྙཱ སམསཱིསཊྛེ ཉཱཎཾ’’.

སམསཱིསཊྛཉཱཎནིདྡེསོ ཚཏྟིཾསཏིམོ.

༣༧. སལླེཁཊྛཉཱཎནིདྡེསོ

༨༨. ཀཐཾ ¶ པུཐུནཱནཏྟེཀཏྟཏེཛཔརིཡཱདཱནེ པཉྙཱ སལླེཁཊྛེ [པུཐུནཱནཏྟེཀཏྟཏེཛཔརིཡཱདཱནེ (ཀ.)] ཉཱཎཾ? པུཐཱུཏི – རཱགོ པུཐུ, དོསོ པུཐུ, མོཧོ པུཐུ, ཀོདྷོ…པེ… ཨུཔནཱཧོ… མཀྑོ… པལཱ༹སོ… ཨིསྶཱ… མཙྪརིཡཾ… མཱཡཱ… སཱཋེཡྻཾ… ཐམྦྷོ… སཱརམྦྷོ… མཱནོ… ཨཏིམཱནོ… མདོ… པམཱདོ… སབྦེ ཀིལེསཱ… སབྦེ དུཙྩརིཏཱ… སབྦེ ཨབྷིསངྑཱརཱ… སབྦེ བྷཝགཱམིཀམྨཱ.

ནཱནཏྟེཀཏྟནྟི ¶ ¶ ཀཱམཙྪནྡོ ནཱནཏྟཾ, ནེཀྑམྨཾ ཨེཀཏྟཾ. བྱཱཔཱདོ ནཱནཏྟཾ, ཨབྱཱཔཱདོ ཨེཀཏྟཾ. ཐིནམིདྡྷཾ ནཱནཏྟཾ, ཨཱལོཀསཉྙཱ ཨེཀཏྟཾ. ཨུདྡྷཙྩཾ ནཱནཏྟཾ, ཨཝིཀྑེཔོ ཨེཀཏྟཾ. ཝིཙིཀིཙྪཱ ནཱནཏྟཾ, དྷམྨཝཝཏྠཱནཾ ཨེཀཏྟཾ. ཨཝིཛྫཱ ནཱནཏྟཾ, ཉཱཎཾ ཨེཀཏྟཾ. ཨརཏི ནཱནཏྟཾ, པཱམོཛྫཾ ཨེཀཏྟཾ. ནཱིཝརཎཱ ནཱནཏྟཾ, པཋམཾ ཛྷཱནཾ ཨེཀཏྟཾ…པེ… སབྦེ ཀིལེསཱ ནཱནཏྟཾ, ཨརཧཏྟམགྒོ ཨེཀཏྟཾ.

ཏེཛོཏི པཉྩ ཏེཛཱ – ཙརཎཏེཛོ, གུཎཏེཛོ, པཉྙཱཏེཛོ, པུཉྙཏེཛོ, དྷམྨཏེཛོ. ཙརཎཏེཛེན ཏེཛིཏཏྟཱ དུསྶཱིལྱཏེཛཾ པརིཡཱདིཡཏི. གུཎཏེཛེན ཏེཛིཏཏྟཱ ཨགུཎཏེཛཾ པརིཡཱདིཡཏི. པཉྙཱཏེཛེན ཏེཛིཏཏྟཱ དུཔྤཉྙཏེཛཾ པརིཡཱདིཡཏི. པུཉྙཏེཛེན ཏེཛིཏཏྟཱ ¶ ཨཔུཉྙཏེཛཾ པརིཡཱདིཡཏི. དྷམྨཏེཛེན ཏེཛིཏཏྟཱ ཨདྷམྨཏེཛཾ པརིཡཱདིཡཏི.

སལླེཁོཏི ཀཱམཙྪནྡོ ཨསལླེཁོ, ནེཀྑམྨཾ སལླེཁོ ¶ . བྱཱཔཱདོ ཨསལླེཁོ, ཨབྱཱཔཱདོ སལླེཁོ. ཐིནམིདྡྷཾ ཨསལླེཁོ, ཨཱལོཀསཉྙཱ སལླེཁོ. ཨུདྡྷཙྩཾ ཨསལླེཁོ, ཨཝིཀྑེཔོ སལླེཁོ. ཝིཙིཀིཙྪཱ ཨསལླེཁོ, དྷམྨཝཝཏྠཱནཾ སལླེཁོ. ཨཝིཛྫཱ ཨསལླེཁོ, ཉཱཎཾ སལླེཁོ. ཨརཏི ཨསལླེཁོ, པཱམོཛྫཾ སལླེཁོ. ནཱིཝརཎཱ ཨསལླེཁོ, པཋམཾ ཛྷཱནཾ སལླེཁོ…པེ… སབྦཀིལེསཱ ཨསལླེཁོ, ཨརཧཏྟམགྒོ སལླེཁོ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘པུཐུནཱནཏྟཏེཛཔརིཡཱདཱནེ པཉྙཱ སལླེཁཊྛེ ཉཱཎཾ’’.

སལླེཁཊྛཉཱཎནིདྡེསོ སཏྟཏིཾསཏིམོ.

༣༨. ཝཱིརིཡཱརམྦྷཉཱཎནིདྡེསོ

༨༩. ཀཐཾ ཨསལླཱིནཏྟཔཧིཏཏྟཔགྒཧཊྛེ པཉྙཱ ཝཱིརིཡཱརམྦྷེ ཉཱཎཾ? ཨནུཔྤནྣཱནཾ པཱཔཀཱནཾ ཨཀུསལཱནཾ དྷམྨཱནཾ ཨནུཔྤཱདཱཡ ཨསལླཱིནཏྟཔཧིཏཏྟཔགྒཧཊྛེ པཉྙཱ ཝཱིརིཡཱརམྦྷེ ཉཱཎཾ. ཨུཔྤནྣཱནཾ པཱཔཀཱནཾ ཨཀུསལཱནཾ དྷམྨཱནཾ པཧཱནཱཡ ཨསལླཱིནཏྟཔཧིཏཏྟཔགྒཧཊྛེ པཉྙཱ ཝཱིརིཡཱརམྦྷེ ཉཱཎཾ. ཨནུཔྤནྣཱནཾ ཀུསལཱནཾ དྷམྨཱནཾ ཨུཔྤཱདཱཡ ཨསལླཱིནཏྟཔཧིཏཏྟཔགྒཧཊྛེ པཉྙཱ ¶ ཝཱིརིཡཱརམྦྷེ ཉཱཎཾ. ཨུཔྤནྣཱནཾ ཀུསལཱནཾ དྷམྨཱནཾ ཋིཏིཡཱ ཨསམྨོསཱཡ བྷིཡྻོབྷཱཝཱཡ ཝེཔུལླཱཡ བྷཱཝནཱཡ པཱརིཔཱུརིཡཱ ཨསལླཱིནཏྟཔཧིཏཏྟཔགྒཧཊྛེ པཉྙཱ ཝཱིརིཡཱརམྦྷེ ཉཱཎཾ.

ཨནུཔྤནྣསྶ ¶ ¶ ཀཱམཙྪནྡསྶ ཨནུཔྤཱདཱཡ ཨསལླཱིནཏྟཔཧིཏཏྟཔགྒཧཊྛེ པཉྙཱ ཝཱིརིཡཱརམྦྷེ ཉཱཎཾ. ཨུཔྤནྣསྶ ཀཱམཙྪནྡསྶ པཧཱནཱཡ ཨསལླཱིནཏྟཔཧིཏཏྟཔགྒཧཊྛེ པཉྙཱ ཝཱིརིཡཱརམྦྷེ ཉཱཎཾ. ཨནུཔྤནྣསྶ ནེཀྑམྨསྶ ཨུཔྤཱདཱཡ ཨསལླཱིནཏྟཔཧིཏཏྟཔགྒཧཊྛེ པཉྙཱ ཝཱིརིཡཱརམྦྷེ ཉཱཎཾ. ཨུཔྤནྣསྶ ནེཀྑམྨསྶ ཋིཏིཡཱ ཨསམྨོསཱཡ བྷིཡྻོབྷཱཝཱཡ ཝེཔུལླཱཡ བྷཱཝནཱཡ པཱརིཔཱུརིཡཱ ཨསལླཱིནཏྟཔཧིཏཏྟཔགྒཧཊྛེ པཉྙཱ ཝཱིརིཡཱརམྦྷེ ཉཱཎཾ…པེ….

ཨནུཔྤནྣཱནཾ སབྦཀིལེསཱནཾ ཨནུཔྤཱདཱཡ ཨསལླཱིནཏྟཔཧིཏཏྟཔགྒཧཊྛེ པཉྙཱ ཝཱིརིཡཱརམྦྷེ ཉཱཎཾ. ཨུཔྤནྣཱནཾ སབྦཀིལེསཱནཾ པཧཱནཱཡ ཨསལླཱིནཏྟཔཧིཏཏྟཔགྒཧཊྛེ ¶ པཉྙཱ ཝཱིརིཡཱརམྦྷེ ཉཱཎཾ…པེ… ཨནུཔྤནྣསྶ ཨརཧཏྟམགྒསྶ ཨུཔྤཱདཱཡ ཨསལླཱིནཏྟཔཧིཏཏྟཔགྒཧཊྛེ པཉྙཱ ཝཱིརིཡཱརམྦྷེ ཉཱཎཾ. ཨུཔྤནྣསྶ ཨརཧཏྟམགྒསྶ ཋིཏིཡཱ ཨསམྨོསཱཡ བྷིཡྻོབྷཱཝཱཡ ཝེཔུལླཱཡ བྷཱཝནཱཡ པཱརིཔཱུརིཡཱ ཨསལླཱིནཏྟཔཧིཏཏྟཔགྒཧཊྛེ པཉྙཱ ཝཱིརིཡཱརམྦྷེ ཉཱཎཾ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཨསལླཱིནཏྟཔཧིཏཏྟཔགྒཧཊྛེ པཉྙཱ ཝཱིརིཡཱརམྦྷེ ཉཱཎཾ’’.

ཝཱིརིཡཱརམྦྷཉཱཎནིདྡེསོ ཨཊྛཏིཾསཏིམོ.

༣༩. ཨཏྠསནྡསྶནཉཱཎནིདྡེསོ

༩༠. ཀཐཾ ནཱནཱདྷམྨཔྤཀཱསནཏཱ པཉྙཱ ཨཏྠསནྡསྶནེ ཉཱཎཾ? ནཱནཱདྷམྨཱཏི པཉྩཀྑནྡྷཱ, དྭཱདསཱཡཏནཱནི, ཨཊྛཱརས དྷཱཏུཡོ, ཀུསལཱ དྷམྨཱ, ཨཀུསལཱ དྷམྨཱ, ཨབྱཱཀཏཱ དྷམྨཱ, ཀཱམཱཝཙརཱ ¶ དྷམྨཱ, རཱུཔཱཝཙརཱ དྷམྨཱ, ཨརཱུཔཱཝཙརཱ དྷམྨཱ, ཨཔརིཡཱཔནྣཱ དྷམྨཱ.

པཀཱསནཏཱཏི རཱུཔཾ ཨནིཙྩཏོ པཀཱསེཏི, རཱུཔཾ དུཀྑཏོ པཀཱསེཏི, རཱུཔཾ ཨནཏྟཏོ པཀཱསེཏི. ཝེདནཾ…པེ… སཉྙཾ… སངྑཱརེ… ཝིཉྙཱཎཾ… ཙཀྑུཾ…པེ… ¶ ཛརཱམརཎཾ ཨནིཙྩཏོ པཀཱསེཏི, ཛརཱམརཎཾ དུཀྑཏོ པཀཱསེཏི, ཛརཱམརཎཾ ཨནཏྟཏོ པཀཱསེཏི.

ཨཏྠསནྡསྶནེཏི ཀཱམཙྪནྡཾ པཛཧནྟོ ནེཀྑམྨཏྠཾ སནྡསྶེཏི. བྱཱཔཱདཾ པཛཧནྟོ ཨབྱཱཔཱདཏྠཾ སནྡསྶེཏི. ཐིནམིདྡྷཾ པཛཧནྟོ ཨཱལོཀསཉྙཏྠཾ སནྡསྶེཏི. ཨུདྡྷཙྩཾ པཛཧནྟོ ཨཝིཀྑེཔཏྠཾ སནྡསྶེཏི. ཝིཙིཀིཙྪཾ པཛཧནྟོ དྷམྨཝཝཏྠཱནཏྠཾ སནྡསྶེཏི. ཨཝིཛྫཾ པཛཧནྟོ ཉཱཎཏྠཾ སནྡསྶེཏི. ཨརཏིཾ པཛཧནྟོ པཱམོཛྫཏྠཾ སནྡསྶེཏི. ནཱིཝརཎེ པཛཧནྟོ པཋམཛྷཱནཏྠཾ སནྡསྶེཏི ¶ …པེ… སབྦཀིལེསེ པཛཧནྟོ ཨརཧཏྟམགྒཏྠཾ སནྡསྶེཏི. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ནཱནཱདྷམྨཔཀཱསནཏཱ པཉྙཱ ཨཏྠསནྡསྶནེ ཉཱཎཾ’’.

ཨཏྠསནྡསྶནཉཱཎནིདྡེསོ ནཝཏིཾསཏིམོ.

༤༠. དསྶནཝིསུདྡྷིཉཱཎནིདྡེསོ

༩༡. ཀཐཾ ¶ སབྦདྷམྨཱནཾ ཨེཀསངྒཧཏཱནཱནཏྟེཀཏྟཔཊིཝེདྷེ པཉྙཱ དསྶནཝིསུདྡྷིཉཱཎཾ? སབྦདྷམྨཱནནྟི པཉྩཀྑནྡྷཱ…པེ… ཨཔརིཡཱཔནྣཱ དྷམྨཱ.

ཨེཀསངྒཧཏཱཏི ¶ དྭཱདསཧི ཨཱཀཱརེཧི སབྦེ དྷམྨཱ ཨེཀསངྒཧིཏཱ. ཏཐཊྛེན, ཨནཏྟཊྛེན, སཙྩཊྛེན, པཊིཝེདྷཊྛེན, ཨབྷིཛཱནནཊྛེན, པརིཛཱནནཊྛེན, དྷམྨཊྛེན, དྷཱཏུཊྛེན, ཉཱཏཊྛེན, སཙྪིཀིརིཡཊྛེན, ཕུསནཊྛེན, ཨབྷིསམཡཊྛེན – ཨིམེཧི དྭཱདསཧི ཨཱཀཱརེཧི སབྦེ དྷམྨཱ ཨེཀསངྒཧིཏཱ.

ནཱནཏྟེཀཏྟནྟི ཀཱམཙྪནྡོ ནཱནཏྟཾ, ནེཀྑམྨཾ ཨེཀཏྟཾ…པེ… སབྦཀིལེསཱ ནཱནཏྟཾ, ཨརཧཏྟམགྒོ ཨེཀཏྟཾ.

པཊིཝེདྷེཏི དུཀྑསཙྩཾ པརིཉྙཱཔཊིཝེདྷཾ པཊིཝིཛ྄ཛྷཏི. སམུདཡསཙྩཾ པཧཱནཔཊིཝེདྷཾ པཊིཝིཛ྄ཛྷཏི. ནིརོདྷསཙྩཾ སཙྪིཀིརིཡཱཔཊིཝེདྷཾ པཊིཝིཛ྄ཛྷཏི. མགྒསཙྩཾ བྷཱཝནཱཔཊིཝེདྷཾ པཊིཝིཛ྄ཛྷཏི.

དསྶནཝིསུདྡྷཱིཏི སོཏཱཔཏྟིམགྒཀྑཎེ དསྶནཾ ཝིསུཛ྄ཛྷཏི; སོཏཱཔཏྟིཕལཀྑཎེ དསྶནཾ ཝིསུདྡྷཾ. སཀདཱགཱམིམགྒཀྑཎེ དསྶནཾ ཝིསུཛ྄ཛྷཏི; སཀདཱགཱམིཕལཀྑཎེ དསྶནཾ ཝིསུདྡྷཾ. ཨནཱགཱམིམགྒཀྑཎེ ¶ དསྶནཾ ཝིསུཛ྄ཛྷཏི; ཨནཱགཱམིཕལཀྑཎེ དསྶནཾ ཝིསུདྡྷཾ. ཨརཧཏྟམགྒཀྑཎེ དསྶནཾ ཝིསུཛ྄ཛྷཏི; ཨརཧཏྟཕལཀྑཎེ དསྶནཾ ཝིསུདྡྷཾ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘སབྦདྷམྨཱནཾ ཨེཀསངྒཧཏཱནཱནཏྟེཀཏྟཔཊིཝེདྷེ པཉྙཱ དསྶནཝིསུདྡྷིཉཱཎཾ’’.

དསྶནཝིསུདྡྷིཉཱཎནིདྡེསོ ཙཏྟཱལཱིསམོ.

༤༡. ཁནྟིཉཱཎནིདྡེསོ

༩༢. ཀཐཾ ¶ ཝིདིཏཏྟཱ པཉྙཱ ཁནྟིཉཱཎཾ? རཱུཔཾ ཨནིཙྩཏོ ཝིདིཏཾ ¶ , རཱུཔཾ དུཀྑཏོ ཝིདིཏཾ, རཱུཔཾ ཨནཏྟཏོ ཝིདིཏཾ. ཡཾ ཡཾ ཝིདིཏཾ ཏཾ ཏཾ ཁམཏཱིཏི – ཝིདིཏཏྟཱ པཉྙཱ ཁནྟིཉཱཎཾ. ཝེདནཱ…པེ… སཉྙཱ… སངྑཱརཱ… ཝིཉྙཱཎཾ… ཙཀྑུ…པེ… ཛརཱམརཎཾ ཨནིཙྩཏོ ཝིདིཏཾ, ཛརཱམརཎཾ དུཀྑཏོ ཝིདིཏཾ, ཛརཱམརཎཾ ཨནཏྟཏོ ཝིདིཏཾ. ཡཾ ཡཾ ཝིདིཏཾ ཏཾ ཏཾ ཁམཏཱིཏི – ཝིདིཏཏྟཱ པཉྙཱ ཁནྟིཉཱཎཾ. ཏཾ ¶ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཝིདིཏཏྟཱ པཉྙཱ ཁནྟིཉཱཎཾ’’.

ཁནྟིཉཱཎནིདྡེསོ ཨེཀཙཏྟཱལཱིསམོ.

༤༢. པརིཡོགཱཧཎཉཱཎནིདྡེསོ

༩༣. ཀཐཾ ཕུཊྛཏྟཱ པཉྙཱ པརིཡོགཱཧཎེ ཉཱཎཾ? རཱུཔཾ ཨནིཙྩཏོ ཕུསཏི, རཱུཔཾ དུཀྑཏོ ཕུསཏི, རཱུཔཾ ཨནཏྟཏོ ཕུསཏི. ཡཾ ཡཾ ཕུསཏི ཏཾ ཏཾ པརིཡོགཱཧཏཱིཏི – ཕུཊྛཏྟཱ པཉྙཱ པརིཡོགཱཧཎེ ཉཱཎཾ. ཝེདནཾ…པེ… སཉྙཾ… སངྑཱརེ… ཝིཉྙཱཎཾ… ཙཀྑུཾ…པེ… ཛརཱམརཎཾ ཨནིཙྩཏོ ཕུསཏི, དུཀྑཏོ ཕུསཏི, ཨནཏྟཏོ ཕུསཏི. ཡཾ ཡཾ ཕུསཏི ཏཾ ཏཾ པརིཡོགཱཧཏཱིཏི – ཕུཊྛཏྟཱ པཉྙཱ པརིཡོགཱཧཎེ ཉཱཎཾ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཕུཊྛཏྟཱ པཉྙཱ པརིཡོགཱཧཎེ ཉཱཎཾ’’.

པརིཡོགཱཧཎཉཱཎནིདྡེསོ དྭེཙཏྟཱལཱིསམོ.

༤༣. པདེསཝིཧཱརཉཱཎནིདྡེསོ

༩༤. ཀཐཾ ¶ སམོདཧནེ པཉྙཱ པདེསཝིཧཱརེ ཉཱཎཾ? མིཙྪཱདིཊྛིཔཙྩཡཱཔི ཝེདཡིཏཾ, མིཙྪཱདིཊྛིཝཱུཔསམཔཙྩཡཱཔི ཝེདཡིཏཾ. སམྨཱདིཊྛིཔཙྩཡཱཔི ¶ ཝེདཡིཏཾ, སམྨཱདིཊྛིཝཱུཔསམཔཙྩཡཱཔི ཝེདཡིཏཾ. མིཙྪཱསངྐཔྤཔཙྩཡཱཔི ཝེདཡིཏཾ, མིཙྪཱསངྐཔྤཝཱུཔསམཔཙྩཡཱཔི ཝེདཡིཏཾ. སམྨཱསངྐཔྤཔཙྩཡཱཔི ¶ ཝེདཡིཏཾ, སམྨཱསངྐཔྤཝཱུཔསམཔཙྩཡཱཔི ཝེདཡིཏཾ…པེ… མིཙྪཱཝིམུཏྟིཔཙྩཡཱཔི ཝེདཡིཏཾ, མིཙྪཱཝིམུཏྟིཝཱུཔསམཔཙྩཡཱཔི ཝེདཡིཏཾ. སམྨཱཝིམུཏྟིཔཙྩཡཱཔི ཝེདཡིཏཾ, སམྨཱཝིམུཏྟིཝཱུཔསམཔཙྩཡཱཔི ཝེདཡིཏཾ. ཚནྡཔཙྩཡཱཔི ཝེདཡིཏཾ, ཚནྡཝཱུཔསམཔཙྩཡཱཔི ཝེདཡིཏཾ. ཝིཏཀྐཔཙྩཡཱཔི ཝེདཡིཏཾ, ཝིཏཀྐཝཱུཔསམཔཙྩཡཱཔི ཝེདཡིཏཾ. སཉྙཱཔཙྩཡཱཔི ཝེདཡིཏཾ, སཉྙཱཝཱུཔསམཔཙྩཡཱཔི ཝེདཡིཏཾ.

ཚནྡོ ཙ ཨཝཱུཔསནྟོ ཧོཏི, ཝིཏཀྐོ ཙ ཨཝཱུཔསནྟོ ཧོཏི, སཉྙཱ ཙ ཨཝཱུཔསནྟཱ ཧོཏི, ཏཔྤཙྩཡཱཔི ཝེདཡིཏཾ. ཚནྡོ ཙ ཝཱུཔསནྟོ ¶ ཧོཏི, ཝིཏཀྐོ ཙ ཨཝཱུཔསནྟོ ཧོཏི, སཉྙཱ ཙ ཨཝཱུཔསནྟཱ ཧོཏི, ཏཔྤཙྩཡཱཔི ཝེདཡིཏཾ. ཚནྡོ ཙ ཝཱུཔསནྟོ ཧོཏི, ཝིཏཀྐོ ཙ ཝཱུཔསནྟོ ཧོཏི, སཉྙཱ ཙ ཨཝཱུཔསནྟཱ ཧོཏི, ཏཔྤཙྩཡཱཔི ཝེདཡིཏཾ. ཚནྡོ ཙ ཝཱུཔསནྟོ ཧོཏི, ཝིཏཀྐོ ཙ ཝཱུཔསནྟོ ཧོཏི, སཉྙཱ ཙ ཝཱུཔསནྟཱ ཧོཏི, ཏཔྤཙྩཡཱཔི ཝེདཡིཏཾ. ཨཔྤཏྟསྶ པཏྟིཡཱ ཨཏྠི ཨཱསཝཾ, ཏསྨིམྤི ཋཱནེ ཨནུཔྤཏྟེ ཏཔྤཙྩཡཱཔི ཝེདཡིཏཾ. ཏཾ ཉཱཏཊྛེན ཉཱཎཾ, པཛཱནནཊྛེན ¶ པཉྙཱ. ཏེན ཝུཙྩཏི – ‘‘སམོདཧནེ པཉྙཱ པདེསཝིཧཱརེ ཉཱཎཾ’’.

པདེསཝིཧཱརཉཱཎནིདྡེསོ ཏེཙཏྟཱལཱིསམོ.

༤༤-༤༩. ཚཝིཝཊྚཉཱཎནིདྡེསོ

༩༥. ཀཐཾ ཨདྷིཔཏཏྟཱ པཉྙཱ སཉྙཱཝིཝཊྚེ ཉཱཎཾ? ནེཀྑམྨཱདྷིཔཏཏྟཱ པཉྙཱ ཀཱམཙྪནྡཏོ སཉྙཱཡ ཝིཝཊྚཏཱིཏི – ཨདྷིཔཏཏྟཱ པཉྙཱ སཉྙཱཝིཝཊྚེ ཉཱཎཾ. ཨབྱཱཔཱདཱདྷིཔཏཏྟཱ པཉྙཱ བྱཱཔཱདཏོ སཉྙཱཡ ཝིཝཊྚཏཱིཏི – ཨདྷིཔཏཏྟཱ པཉྙཱ སཉྙཱཝིཝཊྚེ ཉཱཎཾ. ཨཱལོཀསཉྙཱདྷིཔཏཏྟཱ པཉྙཱ ¶ ཐིནམིདྡྷཏོ སཉྙཱཡ ཝིཝཊྚཏཱིཏི – ཨདྷིཔཏཏྟཱ པཉྙཱ སཉྙཱཝིཝཊྚེ ཉཱཎཾ. ཨཝིཀྑེཔཱདྷིཔཏཏྟཱ པཉྙཱ ཨུདྡྷཙྩཏོ སཉྙཱཡ ཝིཝཊྚཏཱིཏི – ཨདྷིཔཏཏྟཱ པཉྙཱ སཉྙཱཝིཝཊྚེ ཉཱཎཾ. དྷམྨཝཝཏྠཱནཱདྷིཔཏཏྟཱ པཉྙཱ ཝིཙིཀིཙྪཱཡ སཉྙཱཡ ཝིཝཊྚཏཱིཏི – ཨདྷིཔཏཏྟཱ པཉྙཱ སཉྙཱཝིཝཊྚེ ཉཱཎཾ. ཉཱཎཱདྷིཔཏཏྟཱ པཉྙཱ ཨཝིཛྫཱཡ སཉྙཱཡ ཝིཝཊྚཏཱིཏི – ཨདྷིཔཏཏྟཱ པཉྙཱ སཉྙཱཝིཝཊྚེ ཉཱཎཾ. པཱམོཛྫཱདྷིཔཏཏྟཱ པཉྙཱ ཨརཏིཡཱ སཉྙཱཡ ཝིཝཊྚཏཱིཏི – ཨདྷིཔཏཏྟཱ པཉྙཱ སཉྙཱཝིཝཊྚེ ཉཱཎཾ. པཋམཛ྄ཛྷཱནཱདྷིཔཏཏྟཱ པཉྙཱ ནཱིཝརཎེཧི སཉྙཱཡ ཝིཝཊྚཏཱིཏི – ཨདྷིཔཏཏྟཱ པཉྙཱ སཉྙཱཝིཝཊྚེ ཉཱཎཾ…པེ… ཨརཧཏྟམགྒཱདྷིཔཏཏྟཱ པཉྙཱ སབྦཀིལེསེཧི སཉྙཱཡ ཝིཝཊྚཏཱིཏི – ཨདྷིཔཏཏྟཱ པཉྙཱ སཉྙཱཝིཝཊྚེ ¶ ཉཱཎཾ ¶ . ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཨདྷིཔཏཏྟཱ པཉྙཱ སཉྙཱཝིཝཊྚེ ཉཱཎཾ’’.

༩༦. ཀཐཾ ནཱནཏྟེ པཉྙཱ ཙེཏོཝིཝཊྚེ ཉཱཎཾ? ཀཱམཙྪནྡོ ནཱནཏྟཾ, ནེཀྑམྨཾ ཨེཀཏྟཾ. ནེཀྑམྨེཀཏྟཾ ཙེཏཡཏོ ཀཱམཙྪནྡཏོ ཙིཏྟཾ ཝིཝཊྚཏཱིཏི – ནཱནཏྟེ ¶ པཉྙཱ ཙེཏོཝིཝཊྚེ ཉཱཎཾ. བྱཱཔཱདོ ནཱནཏྟཾ, ཨབྱཱཔཱདོ ཨེཀཏྟཾ. ཨབྱཱཔཱདེཀཏྟཾ ཙེཏཡཏོ བྱཱཔཱདཏོ ཙིཏྟཾ ཝིཝཊྚཏཱིཏི – ནཱནཏྟེ པཉྙཱ ཙེཏོཝིཝཊྚེ ཉཱཎཾ. ཐིནམིདྡྷཾ ནཱནཏྟཾ, ཨཱལོཀསཉྙཱ ཨེཀཏྟཾ. ཨཱལོཀསཉྙེཀཏྟཾ ཙེཏཡཏོ ཐིནམིདྡྷཏོ ཙིཏྟཾ ཝིཝཊྚཏཱིཏི – ནཱནཏྟེ པཉྙཱ ཙེཏོཝིཝཊྚེ ཉཱཎཾ…པེ… སབྦཀིལེསཱ ནཱནཏྟཾ, ཨརཧཏྟམགྒོ ཨེཀཏྟཾ. ཨརཧཏྟམགྒེཀཏྟཾ ཙེཏཡཏོ སབྦཀིལེསེཧི ཙིཏྟཾ ཝིཝཊྚཏཱིཏི – ནཱནཏྟེ པཉྙཱ ཙེཏོཝིཝཊྚེ ཉཱཎཾ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ནཱནཏྟེ པཉྙཱ ཙེཏོཝིཝཊྚེ ཉཱཎཾ’’.

༩༧. ཀཐཾ ཨདྷིཊྛཱནེ པཉྙཱ ཙིཏྟཝིཝཊྚེ ཉཱཎཾ? ཀཱམཙྪནྡཾ པཛཧནྟོ ནེཀྑམྨཝསེན ཙིཏྟཾ ཨདྷིཊྛཱཏཱིཏི – ཨདྷིཊྛཱནེ པཉྙཱ ཙིཏྟཝིཝཊྚེ ཉཱཎཾ. བྱཱཔཱདཾ ¶ པཛཧནྟོ ཨབྱཱཔཱདཝསེན ཙིཏྟཾ ཨདྷིཊྛཱཏཱིཏི – ཨདྷིཊྛཱནེ པཉྙཱ ཙིཏྟཝིཝཊྚེ ཉཱཎཾ. ཐིནམིདྡྷཾ པཛཧནྟོ ཨཱལོཀསཉྙཱཝསེན ཙིཏྟཾ ཨདྷིཊྛཱཏཱིཏི – ཨདྷིཊྛཱནེ པཉྙཱ ཙིཏྟཝིཝཊྚེ ཉཱཎཾ…པེ… སབྦཀིལེསེ པཛཧནྟོ ཨརཧཏྟམགྒཝསེན ཙིཏྟཾ ཨདྷིཊྛཱཏཱིཏི – ཨདྷིཊྛཱནེ པཉྙཱ ¶ ཙིཏྟཝིཝཊྚེ ཉཱཎཾ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཨདྷིཊྛཱནེ པཉྙཱ ཙིཏྟཝིཝཊྚེ ཉཱཎཾ’’.

༩༨. ཀཐཾ སུཉྙཏེ པཉྙཱ ཉཱཎཝིཝཊྚེ ཉཱཎཾ? ‘‘ཙཀྑུ སུཉྙཾ ཨཏྟེན ཝཱ ཨཏྟནིཡེན ཝཱ ནིཙྩེན ཝཱ དྷུཝེན ཝཱ སསྶཏེན ཝཱ ཨཝིཔརིཎཱམདྷམྨེན ཝཱ’’ཏི ཡཐཱབྷཱུཏཾ ཛཱནཏོ [པཛཱནཏོ (སྱཱ.)] པསྶཏོ ཙཀྑཱབྷིནིཝེསཏོ [ཀཱམཱབྷིནིཝེསཏོ (སྱཱ.) ཨཊྛཀཐཱ ཨོལོཀེཏབྦཱ] ཉཱཎཾ ཝིཝཊྚཏཱིཏི – སུཉྙཏེ པཉྙཱ ཉཱཎཝིཝཊྚེ ཉཱཎཾ. ‘‘སོཏཾ སུཉྙཾ…པེ… གྷཱནཾ སུཉྙཾ… ཛིཝ྄ཧཱ སུཉྙཱ… ཀཱཡོ སུཉྙོ… མནོ སུཉྙོ ཨཏྟེན ཝཱ ཨཏྟནིཡེན ཝཱ ནིཙྩེན ཝཱ དྷུཝེན ཝཱ སསྶཏེན ཝཱ ཨཝིཔརིཎཱམདྷམྨེན ཝཱ’’ཏི ཡཐཱབྷཱུཏཾ ཛཱནཏོ པསྶཏོ མནཱབྷིནིཝེསཏོ ཉཱཎཾ ཝིཝཊྚཏཱིཏི – སུཉྙཏེ པཉྙཱ ཉཱཎཝིཝཊྚེ ཉཱཎཾ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘སུཉྙཏེ པཉྙཱ ཉཱཎཝིཝཊྚེ ཉཱཎཾ’’.

༩༩. ཀཐཾ ཝོསགྒེ པཉྙཱ ཝིམོཀྑཝིཝཊྚེ ཉཱཎཾ? ནེཀྑམྨེན ཀཱམཙྪནྡཾ ཝོསཛྫཏཱིཏི – ཝོསགྒེ པཉྙཱ ཝིམོཀྑཝིཝཊྚེ ¶ ཉཱཎཾ. ཨབྱཱཔཱདེན བྱཱཔཱདཾ ཝོསཛྫཏཱིཏི – ཝོསགྒེ པཉྙཱ ཝིམོཀྑཝིཝཊྚེ ཉཱཎཾ. ཨཱལོཀསཉྙཱཡ ཐིནམིདྡྷཾ ཝོསཛྫཏཱིཏི – ཝོསགྒེ པཉྙཱ ¶ ཝིམོཀྑཝིཝཊྚེ ཉཱཎཾ ¶ . ཨཝིཀྑེཔེན ཨུདྡྷཙྩཾ ཝོསཛྫཏཱིཏི – ཝོསགྒེ པཉྙཱ ཝིམོཀྑཝིཝཊྚེ ཉཱཎཾ. དྷམྨཝཝཏྠཱནེན ཝིཙིཀིཙྪཾ ཝོསཛྫཏཱིཏི – ཝོསགྒེ པཉྙཱ ཝིམོཀྑཝིཝཊྚེ ¶ ཉཱཎཾ…པེ… ཨརཧཏྟམགྒེན སབྦཀིལེསེ ཝོསཛྫཏཱིཏི – ཝོསགྒེ པཉྙཱ ཝིམོཀྑཝིཝཊྚེ ཉཱཎཾ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཝོསགྒེ པཉྙཱ ཝིམོཀྑཝིཝཊྚེ ཉཱཎཾ’’.

༡༠༠. ཀཐཾ ཏཐཊྛེ པཉྙཱ སཙྩཝིཝཊྚེ ཉཱཎཾ? དུཀྑསྶ པཱིལ༹ནཊྛཾ སངྑཏཊྛཾ སནྟཱཔཊྛཾ ཝིཔརིཎཱམཊྛཾ པརིཛཱནནྟོ ཝིཝཊྚཏཱིཏི – ཏཐཊྛེ པཉྙཱ སཙྩཝིཝཊྚེ ཉཱཎཾ. སམུདཡསྶ ཨཱཡཱུཧནཊྛཾ ནིདཱནཊྛཾ སཉྙོགཊྛཾ པལིབོདྷཊྛཾ པཛཧནྟོ ཝིཝཊྚཏཱིཏི – ཏཐཊྛེ པཉྙཱ སཙྩཝིཝཊྚེ ཉཱཎཾ. ནིརོདྷསྶ ནིསྶརཎཊྛཾ ཝིཝེཀཊྛཾ ཨསངྑཏཊྛཾ ཨམཏཊྛཾ སཙྪིཀརོནྟོ ཝིཝཊྚཏཱིཏི – ཏཐཊྛེ པཉྙཱ སཙྩཝིཝཊྚེ ཉཱཎཾ. མགྒསྶ ནིཡྻཱནཊྛཾ ཧེཏུཊྛཾ དསྶནཊྛཾ ཨཱདྷིཔཏེཡྻཊྛཾ བྷཱཝེནྟོ ཝིཝཊྚཏཱིཏི – ཏཐཊྛེ པཉྙཱ སཙྩཝིཝཊྚེ ཉཱཎཾ.

སཉྙཱཝིཝཊྚོ, ཙེཏོཝིཝཊྚོ, ཙིཏྟཝིཝཊྚོ, ཉཱཎཝིཝཊྚོ, ཝིམོཀྑཝིཝཊྚོ ¶ , སཙྩཝིཝཊྚོ. སཉྫཱནནྟོ ཝིཝཊྚཏཱིཏི – སཉྙཱཝིཝཊྚོ. ཙེཏཡནྟོ ཝིཝཊྚཏཱིཏི – ཙེཏོཝིཝཊྚོ. ཝིཛཱནནྟོ ཝིཝཊྚཏཱིཏི – ཙིཏྟཝིཝཊྚོ. ཉཱཎཾ ཀརོནྟོ ཝིཝཊྚཏཱིཏི – ཉཱཎཝིཝཊྚོ. ཝོསཛྫནྟོ ཝིཝཊྚཏཱིཏི – ཝིམོཀྑཝིཝཊྚོ. ཏཐཊྛེ ཝིཝཊྚཏཱིཏི – སཙྩཝིཝཊྚོ.

ཡཏྠ སཉྙཱཝིཝཊྚོ, ཏཏྠ ཙེཏོཝིཝཊྚོ. ཡཏྠ ཙེཏོཝིཝཊྚོ, ཏཏྠ སཉྙཱཝིཝཊྚོ. ཡཏྠ སཉྙཱཝིཝཊྚོ ཙེཏོཝིཝཊྚོ ཏཏྠ ཙིཏྟཝིཝཊྚོ. ཡཏྠ ཙིཏྟཝིཝཊྚོ, ཏཏྠ སཉྙཱཝིཝཊྚོ ཙེཏོཝིཝཊྚོ. ཡཏྠ སཉྙཱཝིཝཊྚོ ཙེཏོཝིཝཊྚོ ཙིཏྟཝིཝཊྚོ, ཏཏྠ ཉཱཎཝིཝཊྚོ. ཡཏྠ ཉཱཎཝིཝཊྚོ, ཏཏྠ སཉྙཱཝིཝཊྚོ ཙེཏོཝིཝཊྚོ ཙིཏྟཝིཝཊྚོ. ཡཏྠ སཉྙཱཝིཝཊྚོ ཙེཏོཝིཝཊྚོ ཙིཏྟཝིཝཊྚོ ཉཱཎཝིཝཊྚོ, ཏཏྠ ཝིམོཀྑཝིཝཊྚོ. ཡཏྠ ཝིམོཀྑཝིཝཊྚོ, ཏཏྠ སཉྙཱཝིཝཊྚོ ཙེཏོཝིཝཊྚོ ཙིཏྟཝིཝཊྚོ ཉཱཎཝིཝཊྚོ. ཡཏྠ སཉྙཱཝིཝཊྚོ ཙེཏོཝིཝཊྚོ ཙིཏྟཝིཝཊྚོ ཉཱཎཝིཝཊྚོ ཝིམོཀྑཝིཝཊྚོ, ཏཏྠ སཙྩཝིཝཊྚོ. ཡཏྠ སཙྩཝིཝཊྚོ, ཏཏྠ སཉྙཱཝིཝཊྚོ ཙེཏོཝིཝཊྚོ ཙིཏྟཝིཝཊྚོ ཉཱཎཝིཝཊྚོ ཝིམོཀྑཝིཝཊྚོ. ཏཾ ཉཱཏཊྛེན ཉཱཎཾ ¶ , པཛཱནནཊྛེན པཉྙཱ. ཏེན ཝུཙྩཏི – ‘‘ཏཐཊྛེ པཉྙཱ སཙྩཝིཝཊྚེ ཉཱཎཾ’’.

ཚཝིཝཊྚཉཱཎནིདྡེསོ ནཝཙཏྟཱལཱིསམོ.

༥༠. ཨིདྡྷིཝིདྷཉཱཎནིདྡེསོ

༡༠༡. ཀཐཾ ¶ ¶ ¶ ཀཱཡམྤི ཙིཏྟམྤི ཨེཀཝཝཏྠཱནཏཱ སུཁསཉྙཉྩ ལཧུསཉྙཉྩ ཨདྷིཊྛཱནཝསེན ཨིཛ྄ཛྷནཊྛེ པཉྙཱ ཨིདྡྷིཝིདྷེ ཉཱཎཾ? ཨིདྷ བྷིཀྑུ ཚནྡསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི, ཝཱིརིཡསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི, ཙིཏྟསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི, ཝཱིམཾསཱསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི. སོ ཨིམེསུ ཙཏཱུསུ ཨིདྡྷིཔཱདེསུ ཙིཏྟཾ པརིབྷཱཝེཏི པརིདམེཏི, མུདུཾ ཀརོཏི ཀམྨནིཡཾ. སོ ཨིམེསུ ཙཏཱུསུ ཨིདྡྷིཔཱདེསུ ཙིཏྟཾ པརིབྷཱཝེཏྭཱ པརིདམེཏྭཱ མུདུཾ ཀརིཏྭཱ ཀམྨནིཡཾ ཀཱཡམྤི ཙིཏྟེ སམོདཧཏི, ཙིཏྟམྤི ཀཱཡེ སམོདཧཏི, ཀཱཡཝསེན ཙིཏྟཾ པརིཎཱམེཏི, ཙིཏྟཝསེན ཀཱཡཾ པརིཎཱམེཏི, ཀཱཡཝསེན ཙིཏྟཾ ཨདྷིཊྛཱཏི, ཙིཏྟཝསེན ཀཱཡཾ ཨདྷིཊྛཱཏི; ཀཱཡཝསེན ཙིཏྟཾ པརིཎཱམེཏྭཱ ཙིཏྟཝསེན ཀཱཡཾ པརིཎཱམེཏྭཱ ཀཱཡཝསེན ཙིཏྟཾ ཨདྷིཊྛཧིཏྭཱ ཙིཏྟཝསེན ཀཱཡཾ ཨདྷིཊྛཧིཏྭཱ སུཁསཉྙཉྩ ལཧུསཉྙཉྩ ཀཱཡེ ཨོཀྐམིཏྭཱ ཝིཧརཏི. སོ ཏཐཱབྷཱཝིཏེན ཙིཏྟེན པརིསུདྡྷེན པརིཡོདཱཏེན ཨིདྡྷིཝིདྷཉཱཎཱཡ ཙིཏྟཾ ཨབྷིནཱིཧརཏི ཨབྷིནིནྣཱམེཏི. སོ ཨནེཀཝིཧིཏཾ ཨིདྡྷིཝིདྷཾ པཙྩནུབྷོཏི.

༡༠༢. ཨེཀོཔི ཧུཏྭཱ བཧུདྷཱ ཧོཏི, བཧུདྷཱཔི ཧུཏྭཱ ཨེཀོ ཧོཏི; ཨཱཝིབྷཱཝཾ ཏིརོབྷཱཝཾ; ཏིརོཀུཊྚཾ [ཏིརོཀུཌྜཾ (སྱཱ.)] ཏིརོཔཱཀཱརཾ ཏིརོཔབྦཏཾ ཨསཛྫམཱནོ གཙྪཏི, སེཡྻཐཱཔི ཨཱཀཱསེ; པཐཝིཡཱཔི ཨུམྨུཛྫནིམུཛྫཾ ཀརོཏི, སེཡྻཐཱཔི ཨུདཀེ; ཨུདཀེཔི ཨབྷིཛྫམཱནེ གཙྪཏི, སེཡྻཐཱཔི པཐཝིཡཾ ¶ ; ཨཱཀཱསེཔི པལླངྐེན ཀམཏི [ཙངྐམཏི (སྱཱ.) དཱི. ནི. ༡.༢༣༨ པསྶིཏབྦཱ] སེཡྻཐཱཔི པཀྑཱི སཀུཎོ ཨིམེཔི ཙནྡིམསཱུརིཡེ ཨེཝཾམཧིདྡྷིཀེ ཨེཝཾམཧཱནུབྷཱཝེ པཱཎིནཱ པརཱམསཏི [པརིམསཏི (སྱཱ.)] པརིམཛྫཏི; ཡཱཝ བྲཧྨལོཀཱཔི ཀཱཡེན ཝསཾ ཝཏྟེཏི. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཀཱཡམྤི ཙིཏྟམྤི ཨེཀཝཝཏྠཱནཏཱ སུཁསཉྙཉྩ ལཧུསཉྙཉྩ ཨདྷིཊྛཱནཝསེན ཨིཛ྄ཛྷནཊྛེ པཉྙཱ ཨིདྡྷིཝིདྷེ ཉཱཎཾ’’.

ཨིདྡྷིཝིདྷཉཱཎནིདྡེསོ པཉྙཱསམོ.

༥༡. སོཏདྷཱཏུཝིསུདྡྷིཉཱཎནིདྡེསོ

༡༠༣. ཀཐཾ ¶ ¶ ཝིཏཀྐཝིཔྥཱརཝསེན ནཱནཏྟེཀཏྟསདྡནིམིཏྟཱནཾ པརིཡོགཱཧཎེ པཉྙཱ སོཏདྷཱཏུཝིསུདྡྷིཉཱཎཾ ¶ ? ཨིདྷ བྷིཀྑུ ཚནྡསམཱདྷི…པེ… ཝཱིརིཡསམཱདྷི… ཙིཏྟསམཱདྷི… ཝཱིམཾསཱསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི. སོ ཨིམེསུ ཙཏཱུསུ ཨིདྡྷིཔཱདེསུ ཙིཏྟཾ པརིབྷཱཝེཏི པརིདམེཏི, མུདུཾ ཀརོཏི ཀམྨནིཡཾ. སོ ཨིམེསུ ཙཏཱུསུ ཨིདྡྷིཔཱདེསུ ཙིཏྟཾ པརིབྷཱཝེཏྭཱ པརིདམེཏྭཱ, མུདུཾ ཀརིཏྭཱ ཀམྨནིཡཾ དཱུརེཔི སདྡཱནཾ སདྡནིམིཏྟཾ མནསི ཀརོཏི, སནྟིཀེཔི སདྡཱནཾ སདྡནིམིཏྟཾ མནསི ཀརོཏི, ཨོལཱ༹རིཀཱནམྤི སདྡཱནཾ སདྡནིམིཏྟཾ མནསི ཀརོཏི, སུཁུམཱནམྤི སདྡཱནཾ སདྡནིམིཏྟཾ མནསི ཀརོཏི, སཎྷསཎྷཱནམྤི སདྡཱནཾ སདྡནིམིཏྟཾ མནསི ཀརོཏི, པུརཏྠིམཱཡཔི དིསཱཡ སདྡཱནཾ སདྡནིམིཏྟཾ མནསི ཀརོཏི, པཙྪིམཱཡཔི དིསཱཡ སདྡཱནཾ སདྡནིམིཏྟཾ མནསི ཀརོཏི, ཨུཏྟརཱཡཔི དིསཱཡ སདྡཱནཾ ¶ སདྡནིམིཏྟཾ མནསི ཀརོཏི, དཀྑིཎཱཡཔི དིསཱཡ སདྡཱནཾ སདྡནིམིཏྟཾ མནསི ཀརོཏི, པུརཏྠིམཱཡཔི ཨནུདིསཱཡ སདྡཱནཾ སདྡནིམིཏྟཾ མནསི ཀརོཏི, པཙྪིམཱཡཔི ཨནུདིསཱཡ སདྡཱནཾ སདྡནིམིཏྟཾ མནསི ཀརོཏི, ཨུཏྟརཱཡཔི ཨནུདིསཱཡ སདྡཱནཾ སདྡནིམིཏྟཾ མནསི ཀརོཏི, དཀྑིཎཱཡཔི ཨནུདིསཱཡ སདྡཱནཾ སདྡནིམིཏྟཾ མནསི ཀརོཏི, ཧེཊྛིམཱཡཔི དིསཱཡ སདྡཱནཾ སདྡནིམིཏྟཾ མནསི ཀརོཏི, ཨུཔརིམཱཡཔི དིསཱཡ སདྡཱནཾ སདྡནིམིཏྟཾ མནསི ཀརོཏི. སོ ཏཐཱབྷཱཝིཏེན ཙིཏྟེན པརིསུདྡྷེན པརིཡོདཱཏེན སོཏདྷཱཏུཝིསུདྡྷིཉཱཎཱཡ ཙིཏྟཾ ཨབྷིནཱིཧརཏི ཨབྷིནིནྣཱམེཏི. སོ དིབྦཱཡ སོཏདྷཱཏུཡཱ ཝིསུདྡྷཱཡ ཨཏིཀྐནྟམཱནུསིཀཱཡ ཨུབྷོ སདྡེ སུཎཱཏི – དིབྦེ ཙ མཱནུསེ ཙ ཡེ དཱུརེ སནྟིཀེ ཙ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཝིཏཀྐཝིཔྥཱརཝསེན ནཱནཏྟེཀཏྟསདྡནིམིཏྟཱནཾ པརིཡོགཱཧཎེ པཉྙཱ སོཏདྷཱཏུཝིསུདྡྷིཉཱཎཾ’’.

སོཏདྷཱཏུཝིསུདྡྷིཉཱཎནིདྡེསོ ཨེཀཔཉྙཱསམོ.

༥༢. ཙེཏོཔརིཡཉཱཎནིདྡེསོ

༡༠༤. ཀཐཾ ¶ ཏིཎྞཾ ཙིཏྟཱནཾ ཝིཔྥཱརཏྟཱ ཨིནྡྲིཡཱནཾ པསཱདཝསེན ནཱནཏྟེཀཏྟཝིཉྙཱཎཙརིཡཱཔརིཡོགཱཧཎེ པཉྙཱ ཙེཏོཔརིཡཉཱཎཾ? ཨིདྷ བྷིཀྑུ ¶ ཚནྡསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི, ཝཱིརིཡསམཱདྷི…པེ… ཙིཏྟསམཱདྷི…པེ… ཝཱིམཾསཱསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི. སོ ཨིམེསུ ཙཏཱུསུ ཨིདྡྷིཔཱདེསུ ཙིཏྟཾ པརིབྷཱཝེཏི པརིདམེཏི, མུདུཾ ཀརོཏི ཀམྨནིཡཾ. སོ ¶ ཨིམེསུ ཙཏཱུསུ ཨིདྡྷིཔཱདེསུ ཙིཏྟཾ པརིབྷཱཝེཏྭཱ པརིདམེཏྭཱ, མུདུཾ ཀརིཏྭཱ ཀམྨནིཡཾ ཨེཝཾ པཛཱནཱཏི – ‘‘ཨིདཾ རཱུཔཾ སོམནསྶིནྡྲིཡསམུཊྛིཏཾ, ཨིདཾ རཱུཔཾ དོམནསྶིནྡྲིཡསམུཊྛིཏཾ, ཨིདཾ རཱུཔཾ ཨུཔེཀྑིནྡྲིཡསམུཊྛིཏ’’ནྟི ¶ . སོ ཏཐཱབྷཱཝིཏེན ཙིཏྟེན པརིསུདྡྷེན པརིཡོདཱཏེན ཙེཏོཔརིཡཉཱཎཱཡ ཙིཏྟཾ ཨབྷིནཱིཧརཏི ཨབྷིནིནྣཱམེཏི. སོ པརསཏྟཱནཾ པརཔུགྒལཱནཾ ཙེཏསཱ ཙེཏོ པརིཙྩ པཛཱནཱཏི – སརཱགཾ ཝཱ ཙིཏྟཾ ‘‘སརཱགཾ ཙིཏྟ’’ནྟི པཛཱནཱཏི, ཝཱིཏརཱགཾ ཝཱ ཙིཏྟཾ ‘‘ཝཱིཏརཱགཾ ཙིཏྟ’’ནྟི པཛཱནཱཏི, སདོསཾ ཝཱ ཙིཏྟཾ…པེ… ཝཱིཏདོསཾ ཝཱ ཙིཏྟཾ… སམོཧཾ ཝཱ ཙིཏྟཾ… ཝཱིཏམོཧཾ ཝཱ ཙིཏྟཾ… སཾཁིཏྟཾ ཝཱ ཙིཏྟཾ… ཝིཀྑིཏྟཾ ཝཱ ཙིཏྟཾ… མཧགྒཏཾ ཝཱ ཙིཏྟཾ… ཨམཧགྒཏཾ ཝཱ ཙིཏྟཾ… སཨུཏྟརཾ ཝཱ ཙིཏྟཾ… ཨནུཏྟརཾ ཝཱ ཙིཏྟཾ… སམཱཧིཏཾ ཝཱ ཙིཏྟཾ… ཨསམཱཧིཏཾ ཝཱ ཙིཏྟཾ… ཝིམུཏྟཾ ཝཱ ཙིཏྟཾ… ཨཝིམུཏྟཾ ཝཱ ཙིཏྟཾ ‘‘ཨཝིམུཏྟཾ ཙིཏྟནྟི པཛཱནཱཏི. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཏིཎྞཾ ཙིཏྟཱནཾ ཝིཔྥཱརཏྟཱ ཨིནྡྲིཡཱནཾ པསཱདཝསེན ནཱནཏྟེཀཏྟཝིཉྙཱཎཙརིཡཱཔརིཡོགཱཧཎེ པཉྙཱ ཙེཏོཔརིཡཉཱཎཾ’’.

ཙེཏོཔརིཡཉཱཎནིདྡེསོ དྭེཔཉྙཱསམོ.

༥༣. པུབྦེནིཝཱསཱནུསྶཏིཉཱཎནིདྡེསོ

༡༠༥. ཀཐཾ པཙྩཡཔཝཏྟཱནཾ དྷམྨཱནཾ ནཱནཏྟེཀཏྟཀམྨཝིཔྥཱརཝསེན ¶ པརིཡོགཱཧཎེ པཉྙཱ པུབྦེནིཝཱསཱནུསྶཏིཉཱཎཾ? ཨིདྷ བྷིཀྑུ ¶ ཚནྡསམཱདྷི…པེ… མུདུཾ ཀརིཏྭཱ ཀམྨནིཡཾ ཨེཝཾ པཛཱནཱཏི – ‘‘ཨིམསྨིཾ སཏི ཨིདཾ ཧོཏི, ཨིམསྶུཔྤཱདཱ ཨིདཾ ཨུཔྤཛྫཏི, ཡདིདཾ – ཨཝིཛྫཱཔཙྩཡཱ སངྑཱརཱ, སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱ ནཱམརཱུཔཾ, ནཱམརཱུཔཔཙྩཡཱ སལཱ༹ཡཏནཾ, སལཱ༹ཡཏནཔཙྩཡཱ ཕསྶོ, ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ, ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ སམྦྷཝནྟི; ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི’’.

སོ ¶ ཏཐཱབྷཱཝིཏེན ཙིཏྟེན པརིསུདྡྷེན པརིཡོདཱཏེན པུབྦེནིཝཱསཱནུསྶཏིཉཱཎཱཡ ཙིཏྟཾ ཨབྷིནཱིཧརཏི ཨབྷིནིནྣཱམེཏི. སོ ཨནེཀཝིཧིཏཾ པུབྦེནིཝཱསཾ ཨནུསྶརཏི, སེཡྻཐིདཾ – ཨེཀམྤི ཛཱཏིཾ དྭེཔི ཛཱཏིཡོ ཏིསྶོཔི ཛཱཏིཡོ ཙཏསྶོཔི ཛཱཏིཡོ པཉྩཔི ཛཱཏིཡོ དསཔི ཛཱཏིཡོ ཝཱིསམྤི ཛཱཏིཡོ ཏིཾསམྤི ཛཱཏིཡོ ཙཏྟཱལཱིསམྤི ཛཱཏིཡོ པཉྙཱསམྤི ཛཱཏིཡོ, ཛཱཏིསཏམྤི ཛཱཏིསཧསྶམྤི ཛཱཏིསཏསཧསྶམྤི, ཨནེཀེཔི སཾཝཊྚཀཔྤེ ཨནེཀེཔི ཝིཝཊྚཀཔྤེ ¶ ཨནེཀེཔི སཾཝཊྚཝིཝཊྚཀཔྤེ – ‘‘ཨམུཏྲཱསིཾ ཨེཝཾནཱམོ ཨེཝཾགོཏྟོ ཨེཝཾཝཎྞོ ཨེཝམཱཧཱརོ ཨེཝཾསུཁདུཀྑཔྤཊིསཾཝེདཱི ཨེཝམཱཡུཔརིཡནྟོ, སོ ཏཏོ ཙུཏོ ཨམུཏྲ ཨུདཔཱདིཾ; ཏཏྲཱཔཱསིཾ ཨེཝཾནཱམོ ཨེཝཾགོཏྟོ ཨེཝཾཝཎྞོ ཨེཝམཱཧཱརོ ཨེཝཾསུཁདུཀྑཔྤཊིསཾཝེདཱི ཨེཝམ ཨཱཡུཔརིཡནྟོ, སོ ཏཏོ ཙུཏོ ཨིདྷཱུཔཔནྣོ’’ཏི. ཨིཏི སཱཀཱརཾ སཨུདྡེསཾ ཨནེཀཝིཧིཏཾ པུབྦེནིཝཱསཾ ¶ ཨནུསྶརཏི. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘པཙྩཡཔཝཏྟཱནཾ དྷམྨཱནཾ ནཱནཏྟེཀཏྟཀམྨཝིཔྥཱརཝསེན པརིཡོགཱཧཎེ པཉྙཱ པུབྦེནིཝཱསཱནུསྶཏིཉཱཎཾ’’.

པུབྦེནིཝཱསཱནུསྶཏིཉཱཎནིདྡེསོ ཏེཔཉྙཱསམོ.

༥༤. དིབྦཙཀྑུཉཱཎནིདྡེསོ

༡༠༦. ཀཐཾ ཨོབྷཱསཝསེན ནཱནཏྟེཀཏྟརཱུཔནིམིཏྟཱནཾ དསྶནཊྛེ པཉྙཱ དིབྦཙཀྑུཉཱཎཾ? ཨིདྷ བྷིཀྑུ ཚནྡསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི, ཝཱིརིཡསམཱདྷི…པེ… ཙིཏྟསམཱདྷི…པེ… ཝཱིམཾསཱསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི. སོ ཨིམེསུ ཙཏཱུསུ ཨིདྡྷིཔཱདེསུ ཙིཏྟཾ པརིབྷཱཝེཏི པརིདམེཏི, མུདུཾ ཀརོཏི ཀམྨནིཡཾ. སོ ཨིམེསུ ཙཏཱུསུ ཨིདྡྷིཔཱདེསུ ཙིཏྟཾ པརིབྷཱཝེཏྭཱ པརིདམེཏྭཱ, མུདུཾ ཀརིཏྭཱ ¶ ཀམྨནིཡཾ ཨཱལོཀསཉྙཾ མནསི ཀརོཏི, དིཝཱསཉྙཾ ཨདྷིཊྛཱཏི – ‘‘ཡཐཱ དིཝཱ ཏཐཱ རཏྟིཾ, ཡཐཱ རཏྟིཾ ཏཐཱ དིཝཱ’’. ཨིཏི ཝིཝཊེན ཙེཏསཱ ཨཔརིཡོནདྡྷེན སཔྤབྷཱསཾ ཙིཏྟཾ བྷཱཝེཏི. སོ ཏཐཱབྷཱཝིཏེན ཙིཏྟེན པརིསུདྡྷེན པརིཡོདཱཏེན སཏྟཱནཾ ཙུཏཱུཔཔཱཏཉཱཎཱཡ ཙིཏྟཾ ཨབྷིནཱིཧརཏི ཨབྷིནིནྣཱམེཏི. སོ དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན, སཏྟེ པསྶཏི ཙཝམཱནེ ཨུཔཔཛྫམཱནེ ཧཱིནེ པཎཱིཏེ སུཝཎྞེ དུབྦཎྞེ ¶ སུགཏེ དུགྒཏེ ཡཐཱཀམྨཱུཔགེ སཏྟེ པཛཱནཱཏི – ‘‘ཨིམེ ཝཏ བྷོནྟོ སཏྟཱ ཀཱཡདུཙྩརིཏེན སམནྣཱགཏཱ, ཝཙཱིདུཙྩརིཏེན སམནྣཱགཏཱ, མནོདུཙྩརིཏེན ¶ སམནྣཱགཏཱ, ཨརིཡཱནཾ ཨུཔཝཱདཀཱ, མིཙྪཱདིཊྛིཀཱ, མིཙྪཱདིཊྛིཀམྨསམཱདཱནཱ; ཏེ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔནྣཱ. ཨིམེ ཝཱ པན བྷོནྟོ སཏྟཱ ཀཱཡསུཙརིཏེན སམནྣཱགཏཱ, ཝཙཱིསུཙརིཏེན སམནྣཱགཏཱ, མནོསུཙརིཏེན སམནྣཱགཏཱ ཨརིཡཱནཾ ཨནུཔཝཱདཀཱ, སམྨཱདིཊྛིཀཱ སམྨཱདིཊྛིཀམྨསམཱདཱནཱ; ཏེ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔནྣཱ’’ཏི. ཨིཏི དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶཏི ཙཝམཱནེ ཨུཔཔཛྫམཱནེ ཧཱིནེ པཎཱིཏེ སུཝཎྞེ དུབྦཎྞེ, སུགཏེ དུགྒཏེ ཡཐཱཀམྨཱུཔགེ སཏྟེ པཛཱནཱཏི. ཏཾ ¶ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཨོབྷཱསཝསེན ནཱནཏྟེཀཏྟརཱུཔནིམིཏྟཱནཾ དསྶནཊྛེ པཉྙཱ དིབྦཙཀྑུཉཱཎཾ’’.

དིབྦཙཀྑུཉཱཎནིདྡེསོ ཙཏུཔཉྙཱསམོ.

༥༥. ཨཱསཝཀྑཡཉཱཎནིདྡེསོ

༡༠༧. ཀཐཾ ཙཏུསཊྛིཡཱ ཨཱཀཱརེཧི ཏིཎྞནྣཾ ཨིནྡྲིཡཱནཾ ཝསིབྷཱཝཏཱ པཉྙཱ ཨཱསཝཱནཾ ཁཡེ ཉཱཎཾ? ཀཏམེསཾ ཏིཎྞནྣཾ ཨིནྡྲིཡཱནཾ? ཨནཉྙཱཏཉྙསྶཱམཱིཏིནྡྲིཡསྶ ཨཉྙིནྡྲིཡསྶ ཨཉྙཱཏཱཝིནྡྲིཡསྶ.

ཨནཉྙཱཏཉྙསྶཱམཱིཏིནྡྲིཡཾ ཀཏི ཋཱནཱནི གཙྪཏི, ཨཉྙིནྡྲིཡཾ ཀཏི ཋཱནཱནི གཙྪཏི, ཨཉྙཱཏཱཝིནྡྲིཡཾ ཀཏི ཋཱནཱནི གཙྪཏི? ཨནཉྙཱཏཉྙསྶཱམཱིཏིནྡྲིཡཾ ཨེཀཾ ཋཱནཾ གཙྪཏི – སོཏཱཔཏྟིམགྒཾ. ཨཉྙིནྡྲིཡཾ ཚ ཋཱནཱནི གཙྪཏི – སོཏཱཔཏྟིཕལཾ ¶ , སཀདཱགཱམིམགྒཾ ¶ , སཀདཱགཱམིཕལཾ, ཨནཱགཱམིམགྒཾ, ཨནཱགཱམིཕལཾ, ཨརཧཏྟམགྒཾ. ཨཉྙཱཏཱཝིནྡྲིཡཾ ཨེཀཾ ཋཱནཾ གཙྪཏི – ཨརཧཏྟཕལཾ.

སོཏཱཔཏྟིམགྒཀྑཎེ ཨནཉྙཱཏཉྙསྶཱམཱིཏིནྡྲིཡསྶ སདྡྷིནྡྲིཡཾ ཨདྷིམོཀྑཔརིཝཱརཾ ཧོཏི, ཝཱིརིཡིནྡྲིཡཾ པགྒཧཔརིཝཱརཾ ཧོཏི, སཏིནྡྲིཡཾ ཨུཔཊྛཱནཔརིཝཱརཾ ཧོཏི, སམཱདྷིནྡྲིཡཾ ཨཝིཀྑེཔཔརིཝཱརཾ ཧོཏི, པཉྙིནྡྲིཡཾ དསྶནཔརིཝཱརཾ ཧོཏི, མནིནྡྲིཡཾ ཝིཛཱནནཔརིཝཱརཾ ཧོཏི, སོམནསྶིནྡྲིཡཾ ཨབྷིསནྡནཔརིཝཱརཾ ¶ ཧོཏི, ཛཱིཝིཏིནྡྲིཡཾ པཝཏྟསནྟཏཱདྷིཔཏེཡྻཔརིཝཱརཾ ཧོཏི. སོཏཱཔཏྟིམགྒཀྑཎེ ཛཱཏཱ དྷམྨཱ ཋཔེཏྭཱ ཙིཏྟསམུཊྛཱནཾ རཱུཔཾ སབྦེཝ ཀུསལཱ ཧོནྟི, སབྦེཝ ཨནཱསཝཱ ཧོནྟི, སབྦེཝ ནིཡྻཱནིཀཱ ཧོནྟི, སབྦེཝ ཨཔཙཡགཱམིནོ ཧོནྟི, སབྦེཝ ལོཀུཏྟརཱ ཧོནྟི, སབྦེཝ ནིབྦཱནཱརམྨཎཱ ཧོནྟི. སོཏཱཔཏྟིམགྒཀྑཎེ ཨནཉྙཱཏཉྙསྶཱམཱིཏིནྡྲིཡསྶ ཨིམཱནི ཨཊྛིནྡྲིཡཱནི སཧཛཱཏཔརིཝཱརཱ ཧོནྟི, ཨཉྙམཉྙཔརིཝཱརཱ ཧོནྟི, ནིསྶཡཔརིཝཱརཱ ཧོནྟི, སམྤཡུཏྟཔརིཝཱརཱ ཧོནྟི, སཧགཏཱ ཧོནྟི, སཧཛཱཏཱ ཧོནྟི, སཾསཊྛཱ ཧོནྟི, སམྤཡུཏྟཱ ཧོནྟི. ཏེཝ ཏསྶ ཨཱཀཱརཱ ཙེཝ ཧོནྟི པརིཝཱརཱ ཙ.

སོཏཱཔཏྟིཕལཀྑཎེ ཨཉྙིནྡྲིཡསྶ སདྡྷིནྡྲིཡཾ ཨདྷིམོཀྑཔརིཝཱརཾ ཧོཏི, ཝཱིརིཡིནྡྲིཡཾ པགྒཧཔརིཝཱརཾ ¶ ཧོཏི, སཏིནྡྲིཡཾ ཨུཔཊྛཱནཔརིཝཱརཾ ཧོཏི, སམཱདྷིནྡྲིཡཾ ཨཝིཀྑེཔཔརིཝཱརཾ ཧོཏི, པཉྙིནྡྲིཡཾ ¶ དསྶནཔརིཝཱརཾ ཧོཏི, མནིནྡྲིཡཾ ཝིཛཱནནཔརིཝཱརཾ ཧོཏི, སོམནསྶིནྡྲིཡཾ ཨབྷིསནྡནཔརིཝཱརཾ ཧོཏི, ཛཱིཝིཏིནྡྲིཡཾ པཝཏྟསནྟཏཱདྷིཔཏེཡྻཔརིཝཱརཾ ཧོཏི. སོཏཱཔཏྟིཕལཀྑཎེ ཛཱཏཱ དྷམྨཱ སབྦེཝ ཨབྱཱཀཏཱ ཧོནྟི, ཋཔེཏྭཱ ཙིཏྟསམུཊྛཱནཾ རཱུཔཾ སབྦེཝ ཨནཱསཝཱ ཧོནྟི, སབྦེཝ ལོཀུཏྟརཱ ཧོནྟི, སབྦེཝ ནིབྦཱནཱརམྨཎཱ ཧོནྟི. སོཏཱཔཏྟིཕལཀྑཎེ ཨཉྙིནྡྲིཡསྶ ཨིམཱནི ཨཊྛིནྡྲིཡཱནི སཧཛཱཏཔརིཝཱརཱ ཧོནྟི, ཨཉྙམཉྙཔརིཝཱརཱ ཧོནྟི, ནིསྶཡཔརིཝཱརཱ ཧོནྟི, སམྤཡུཏྟཔརིཝཱརཱ ཧོནྟི, སཧགཏཱ ཧོནྟི, སཧཛཱཏཱ ཧོནྟི, སཾསཊྛཱ ཧོནྟི, སམྤཡུཏྟཱ ཧོནྟི. ཏེཝ ཏསྶ ཨཱཀཱརཱ ཙེཝ ཧོནྟི པརིཝཱརཱ ཙ.

སཀདཱགཱམིམགྒཀྑཎེ ¶ …པེ… སཀདཱགཱམིཕལཀྑཎེ…པེ… ཨནཱགཱམིམགྒཀྑཎེ…པེ… ཨནཱགཱམིཕལཀྑཎེ…པེ… ཨརཧཏྟམགྒཀྑཎེ ཨཉྙིནྡྲིཡསྶ སདྡྷིནྡྲིཡཾ ཨདྷིམོཀྑཔརིཝཱརཾ ཧོཏི…པེ… ཛཱིཝིཏིནྡྲིཡཾ པཝཏྟསནྟཏཱདྷིཔཏེཡྻཔརིཝཱརཾ ཧོཏི. ཨརཧཏྟམགྒཀྑཎེ ཛཱཏཱ དྷམྨཱ ཋཔེཏྭཱ ཙིཏྟསམུཊྛཱནཾ རཱུཔཾ སབྦེཝ ཀུསལཱ ཧོནྟི, སབྦེཝ ཨནཱསཝཱ ཧོནྟི, སབྦེཝ ནིཡྻཱནིཀཱ ཧོནྟི, སབྦེཝ ཨཔཙཡགཱམིནོ ཧོནྟི, སབྦེཝ ལོཀུཏྟརཱ ཧོནྟི, སབྦེཝ ནིབྦཱནཱརམྨཎཱ ཧོནྟི. ཨརཧཏྟམགྒཀྑཎེ ཨཉྙིནྡྲིཡསྶ ཨིམཱནི ཨཊྛིནྡྲིཡཱནི སཧཛཱཏཔརིཝཱརཱ ཧོནྟི, ཨཉྙམཉྙཔརིཝཱརཱ ཧོནྟི, ནིསྶཡཔརིཝཱརཱ ཧོནྟི, སམྤཡུཏྟཔརིཝཱརཱ ¶ ཧོནྟི, སཧགཏཱ ¶ ཧོནྟི, སཧཛཱཏཱ ཧོནྟི, སཾསཊྛཱ ཧོནྟི, སམྤཡུཏྟཱ ཧོནྟི. ཏེཝ ཏསྶ ཨཱཀཱརཱ ཙེཝ ཧོནྟི པརིཝཱརཱ ཙ.

ཨརཧཏྟཕལཀྑཎེ ཨཉྙཱཏཱཝིནྡྲིཡསྶ སདྡྷིནྡྲིཡཾ ཨདྷིམོཀྑཔརིཝཱརཾ ཧོཏི, ཝཱིརིཡིནྡྲིཡཾ པགྒཧཔརིཝཱརཾ ཧོཏི, སཏིནྡྲིཡཾ ཨུཔཊྛཱནཔརིཝཱརཾ ཧོཏི, སམཱདྷིནྡྲིཡཾ ཨཝིཀྑེཔཔརིཝཱརཾ ཧོཏི, པཉྙིནྡྲིཡཾ དསྶནཔརིཝཱརཾ ཧོཏི, མནིནྡྲིཡཾ ཝིཛཱནནཔརིཝཱརཾ ཧོཏི, སོམནསྶིནྡྲིཡཾ ཨབྷིསནྡནཔརིཝཱརཾ ཧོཏི, ཛཱིཝིཏིནྡྲིཡཾ པཝཏྟསནྟཏཱདྷིཔཏེཡྻཔརིཝཱརཾ ཧོཏི. ཨརཧཏྟཕལཀྑཎེ ཛཱཏཱ དྷམྨཱ སབྦེཝ ཨབྱཱཀཏཱ ཧོནྟི, ཋཔེཏྭཱ ཙིཏྟསམུཊྛཱནཾ རཱུཔཾ སབྦེཝ ཨནཱསཝཱ ཧོནྟི, སབྦེཝ ལོཀུཏྟརཱ ཧོནྟི, སབྦེཝ ནིབྦཱནཱརམྨཎཱ ཧོནྟི. ཨརཧཏྟཕལཀྑཎེ ཨཉྙཱཏཱཝིནྡྲིཡསྶ ཨིམཱནི ཨཊྛིནྡྲིཡཱནི སཧཛཱཏཔརིཝཱརཱ ཧོནྟི, ཨཉྙམཉྙཔརིཝཱརཱ ཧོནྟི, ནིསྶཡཔརིཝཱརཱ ཧོནྟི, སམྤཡུཏྟཔརིཝཱརཱ ཧོནྟི, སཧགཏཱ ཧོནྟི, སཧཛཱཏཱ ཧོནྟི, སཾསཊྛཱ ཧོནྟི, སམྤཡུཏྟཱ ཧོནྟི. ཏེཝ ཏསྶ ཨཱཀཱརཱ ཙེཝ ཧོནྟི པརིཝཱརཱ ཙ. ཨིཏི ཨིམཱནི ཨཊྛཊྛཀཱནི ཙཏུསཊྛི ཧོནྟི.

ཨཱསཝཱཏི ¶ ཀཏམེ ཏེ ཨཱསཝཱ? ཀཱམཱསཝོ, བྷཝཱསཝོ, དིཊྛཱསཝོ, ཨཝིཛྫཱསཝོ. ཀཏྠེཏེ ཨཱསཝཱ ཁཱིཡནྟི? སོཏཱཔཏྟིམགྒེན ཨནཝསེསོ དིཊྛཱསཝོ ཁཱིཡཏི, ཨཔཱཡགམནཱིཡོ ¶ ཀཱམཱསཝོ ¶ ཁཱིཡཏི, ཨཔཱཡགམནཱིཡོ བྷཝཱསཝོ ཁཱིཡཏི, ཨཔཱཡགམནཱིཡོ ཨཝིཛྫཱསཝོ ཁཱིཡཏི. ཨེཏྠེཏེ ཨཱསཝཱ ཁཱིཡནྟི. སཀདཱགཱམིམགྒེན ཨོལཱ༹རིཀོ ཀཱམཱསཝོ ཁཱིཡཏི, ཏདེཀཊྛོ བྷཝཱསཝོ ཁཱིཡཏི, ཏདེཀཊྛོ ཨཝིཛྫཱསཝོ ཁཱིཡཏི. ཨེཏྠེཏེ ཨཱསཝཱ ཁཱིཡནྟི. ཨནཱགཱམིམགྒེན ཨནཝསེསོ ཀཱམཱསཝོ ཁཱིཡཏི, ཏདེཀཊྛོ བྷཝཱསཝོ ཁཱིཡཏི, ཏདེཀཊྛོ ཨཝིཛྫཱསཝོ ཁཱིཡཏི. ཨེཏྠེཏེ ཨཱསཝཱ ཁཱིཡནྟི. ཨརཧཏྟམགྒེན ཨནཝསེསོ བྷཝཱསཝོ ཁཱིཡཏི, ཨནཝསེསོ ཨཝིཛྫཱསཝོ ཁཱིཡཏི. ཨེཏྠེཏེ ཨཱསཝཱ ཁཱིཡནྟི. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཙཏུསཊྛིཡཱ ཨཱཀཱརེཧི ཏིཎྞནྣཾ ཨིནྡྲིཡཱནཾ ཝསིབྷཱཝཏཱ པཉྙཱ ཨཱསཝཱནཾ ཁཡེ ཉཱཎཾ’’.

ཨཱསཝཀྑཡཉཱཎནིདྡེསོ པཉྩཔཉྙཱསམོ.

༥༦-༦༣. སཙྩཉཱཎཙཏུཀྐདྭཡནིདྡེསོ

༡༠༨. ཀཐཾ ¶ པརིཉྙཊྛེ པཉྙཱ དུཀྑེ ཉཱཎཾ, པཧཱནཊྛེ པཉྙཱ སམུདཡེ ཉཱཎཾ, སཙྪིཀིརིཡཊྛེ པཉྙཱ ནིརོདྷེ ཉཱཎཾ, བྷཱཝནཊྛེ པཉྙཱ མགྒེ ཉཱཎཾ? དུཀྑསྶ པཱིལ༹ནཊྛོ སངྑཏཊྛོ སནྟཱཔཊྛོ ཝིཔརིཎཱམཊྛོ པརིཉྙཱཏཊྛོ; སམུདཡསྶ ཨཱཡཱུཧནཊྛོ ནིདཱནཊྛོ སཉྙོགཊྛོ པལིབོདྷཊྛོ པཧཱནཊྛོ; ནིརོདྷསྶ ནིསྶརཎཊྛོ ཝིཝེཀཊྛོ ཨསངྑཏཊྛོ ཨམཏཊྛོ སཙྪིཀིརིཡཊྛོ; མགྒསྶ ནིཡྻཱནཊྛོ ཧེཏུཊྛོ དསྶནཊྛོ ཨཱདྷིཔཏེཡྻཊྛོ བྷཱཝནཊྛོ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘པརིཉྙཊྛེ པཉྙཱ དུཀྑེ ཉཱཎཾ, པཧཱནཊྛེ ¶ པཉྙཱ སམུདཡེ ཉཱཎཾ, སཙྪིཀིརིཡཊྛེ པཉྙཱ ནིརོདྷེ ཉཱཎཾ, བྷཱཝནཊྛེ པཉྙཱ མགྒེ ཉཱཎཾ’’.

༡༠༩. ཀཐཾ དུཀྑེ ཉཱཎཾ, དུཀྑསམུདཡེ ཉཱཎཾ, དུཀྑནིརོདྷེ ཉཱཎཾ, དུཀྑནིརོདྷགཱམིནིཡཱ པཊིཔདཱཡ ཉཱཎཾ? མགྒསམངྒིསྶ ¶ ཉཱཎཾ དུཀྑེ པེཏཾ ཉཱཎཾ, དུཀྑསམུདཡེ པེཏཾ ཉཱཎཾ, དུཀྑནིརོདྷེ པེཏཾ ཉཱཎཾ, དུཀྑནིརོདྷགཱམིནིཡཱ པཊིཔདཱཡ པེཏཾ ཉཱཎཾ.

ཏཏྠ ཀཏམཾ དུཀྑེ ཉཱཎཾ? དུཀྑཾ ཨཱརབྦྷ ཡཱ ཨུཔྤཛྫཏི པཉྙཱ པཛཱནནཱ ཝིཙཡོ པཝིཙཡོ ¶ དྷམྨཝིཙཡོ སལླཀྑཎཱ ཨུཔལཀྑཎཱ པཙྩུཔལཀྑཎཱ པཎྜིཙྩཾ ཀོསལླཾ ནེཔུཉྙཾ ཝེབྷབྱཱ ཙིནྟཱ ཨུཔཔརིཀྑཱ བྷཱུརི མེདྷཱ པརིཎཱཡིཀཱ ཝིཔསྶནཱ སམྤཛཉྙཾ པཏོདོ པཉྙཱ པཉྙིནྡྲིཡཾ པཉྙཱབལཾ པཉྙཱསཏྠཾ པཉྙཱཔཱསཱདོ པཉྙཱཨཱལོཀོ པཉྙཱཨོབྷཱསོ པཉྙཱཔཛྫོཏོ པཉྙཱརཏནཾ ཨམོཧོ དྷམྨཝིཙཡོ སམྨཱདིཊྛི – ཨིདཾ ཝུཙྩཏི དུཀྑེ ཉཱཎཾ. དུཀྑསམུདཡཾ ཨཱརབྦྷ…པེ… དུཀྑནིརོདྷཾ ཨཱརབྦྷ…པེ… དུཀྑནིརོདྷགཱམིནིཾ པཊིཔདཾ ཨཱརབྦྷ ཡཱ ཨུཔྤཛྫཏི པཉྙཱ པཛཱནནཱ…པེ… ཨམོཧོ དྷམྨཝིཙཡོ སམྨཱདིཊྛི – ཨིདཾ ཝུཙྩཏི དུཀྑནིརོདྷགཱམིནིཡཱ པཊིཔདཱཡ ཉཱཎཾ. ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘དུཀྑེ ཉཱཎཾ, དུཀྑསམུདཡེ ཉཱཎཾ ¶ , དུཀྑནིརོདྷེ ཉཱཎཾ, དུཀྑནིརོདྷགཱམིནིཡཱ པཊིཔདཱཡ ཉཱཎཾ’’.

སཙྩཉཱཎཙཏུཀྐདྭཡནིདྡེསོ ཏེསཊྛིམོ.

༦༤-༦༧. སུདྡྷིཀཔཊིསམྦྷིདཱཉཱཎནིདྡེསོ

༡༡༠. ཀཐཾ ¶ ཨཏྠཔཊིསམྦྷིདེ ཉཱཎཾ, དྷམྨཔཊིསམྦྷིདེ ཉཱཎཾ, ནིརུཏྟིཔཊིསམྦྷིདེ ཉཱཎཾ, པཊིབྷཱནཔཊིསམྦྷིདེ ཉཱཎཾ? ཨཏྠེསུ ཉཱཎཾ ཨཏྠཔཊིསམྦྷིདཱ, དྷམྨེསུ ཉཱཎཾ དྷམྨཔཊིསམྦྷིདཱ, ནིརུཏྟཱིསུ ཉཱཎཾ ནིརུཏྟིཔཊིསམྦྷིདཱ, པཊིབྷཱནེསུ ཉཱཎཾ པཊིབྷཱནཔཊིསམྦྷིདཱ. ཨཏྠནཱནཏྟེ པཉྙཱ ཨཏྠཔཊིསམྦྷིདེ ཉཱཎཾ, དྷམྨནཱནཏྟེ པཉྙཱ དྷམྨཔཊིསམྦྷིདེ ཉཱཎཾ, ནིརུཏྟིནཱནཏྟེ པཉྙཱ ནིརུཏྟིཔཊིསམྦྷིདེ ཉཱཎཾ, པཊིབྷཱནནཱནཏྟེ པཉྙཱ པཊིབྷཱནཔཊིསམྦྷིདེ ཉཱཎཾ, ཨཏྠཝཝཏྠཱནེ པཉྙཱ ཨཏྠཔཊིསམྦྷིདེ ཉཱཎཾ, དྷམྨཝཝཏྠཱནེ པཉྙཱ དྷམྨཔཊིསམྦྷིདེ ཉཱཎཾ ནིརུཏྟིཝཝཏྠཱནེ ¶ པཉྙཱ ནིརུཏྟིཔཊིསམྦྷིདེ ཉཱཎཾ, པཊིབྷཱནཝཝཏྠཱནེ པཉྙཱ པཊིབྷཱནཔཊིསམྦྷིདེ ཉཱཎཾ.

ཨཏྠསལླཀྑཎེ པཉྙཱ ཨཏྠཔཊིསམྦྷིདེ ཉཱཎཾ, དྷམྨསལླཀྑཎེ པཉྙཱ དྷམྨཔཊིསམྦྷིདེ ཉཱཎཾ, ནིརུཏྟིསལླཀྑཎེ པཉྙཱ ནིརུཏྟིཔཊིསམྦྷིདེ ཉཱཎཾ, པཊིབྷཱནསལླཀྑཎེ པཉྙཱ པཊིབྷཱནཔཊིསམྦྷིདེ ཉཱཎཾ. ཨཏྠཱུཔལཀྑཎེ པཉྙཱ ཨཏྠཔཊིསམྦྷིདེ ཉཱཎཾ, དྷམྨཱུཔལཀྑཎེ པཉྙཱ དྷམྨཔཊིསམྦྷིདེ ཉཱཎཾ, ནིརུཏྟཱུཔལཀྑཎེ པཉྙཱ ནིརུཏྟིཔཊིསམྦྷིདེ ཉཱཎཾ, པཊིབྷཱནཱུཔལཀྑཎེ པཉྙཱ པཊིབྷཱནཔཊིསམྦྷིདེ ཉཱཎཾ.

ཨཏྠཔྤབྷེདེ ¶ པཉྙཱ ཨཏྠཔཊིསམྦྷིདེ ཉཱཎཾ, དྷམྨཔྤབྷེདེ པཉྙཱ དྷམྨཔཊིསམྦྷིདེ ཉཱཎཾ, ནིརུཏྟིཔྤབྷེདེ ¶ པཉྙཱ ནིརུཏྟིཔཊིསམྦྷིདེ ཉཱཎཾ, པཊིབྷཱནཔྤབྷེདེ པཉྙཱ པཊིབྷཱནཔཊིསམྦྷིདེ ཉཱཎཾ. ཨཏྠཔྤབྷཱཝནེ པཉྙཱ ཨཏྠཔཊིསམྦྷིདེ ཉཱཎཾ, དྷམྨཔྤབྷཱཝནེ པཉྙཱ དྷམྨཔཊིསམྦྷིདེ ཉཱཎཾ, ནིརུཏྟིཔྤབྷཱཝནེ པཉྙཱ ནིརུཏྟིཔཊིསམྦྷིདེ ཉཱཎཾ, པཊིབྷཱནཔྤབྷཱཝནེ པཉྙཱ པཊིབྷཱནཔཊིསམྦྷིདེ ཉཱཎཾ.

ཨཏྠཛོཏནེ པཉྙཱ ཨཏྠཔཊིསམྦྷིདེ ཉཱཎཾ, དྷམྨཛོཏནེ པཉྙཱ དྷམྨཔཊིསམྦྷིདེ ཉཱཎཾ, ནིརུཏྟིཛོཏནེ པཉྙཱ ནིརུཏྟིཔཊིསམྦྷིདེ ཉཱཎཾ, པཊིབྷཱནཛོཏནེ པཉྙཱ པཊིབྷཱནཔཊིསམྦྷིདེ ཉཱཎཾ. ཨཏྠཝིརོཙནེ པཉྙཱ ཨཏྠཔཊིསམྦྷིདེ ཉཱཎཾ, དྷམྨཝིརོཙནེ པཉྙཱ དྷམྨཔཊིསམྦྷིདེ ཉཱཎཾ, ནིརུཏྟིཝིརོཙནེ པཉྙཱ ནིརུཏྟིཔཊིསམྦྷིདེ ཉཱཎཾ, པཊིབྷཱནཝིརོཙནེ པཉྙཱ པཊིབྷཱནཔཊིསམྦྷིདེ ཉཱཎཾ. ཨཏྠཔྤཀཱསནེ པཉྙཱ ཨཏྠཔཊིསམྦྷིདེ ཉཱཎཾ, དྷམྨཔྤཀཱསནེ པཉྙཱ དྷམྨཔཊིསམྦྷིདེ ཉཱཎཾ, ནིརུཏྟིཔྤཀཱསནེ པཉྙཱ ནིརུཏྟིཔཊིསམྦྷིདེ ཉཱཎཾ, པཊིབྷཱནཔྤཀཱསནེ པཉྙཱ པཊིབྷཱནཔཊིསམྦྷིདེ ཉཱཎཾ. ཏཾ ¶ ཉཱཏཊྛེན ཉཱཎཾ, པཛཱནནཊྛེན པཉྙཱ. ཏེན ཝུཙྩཏི – ‘‘ཨཏྠཔཊིསམྦྷིདེ ཉཱཎཾ, དྷམྨཔཊིསམྦྷིདེ ཉཱཎཾ, ནིརུཏྟིཔཊིསམྦྷིདེ ཉཱཎཾ, པཊིབྷཱནཔཊིསམྦྷིདེ ཉཱཎཾ’’.

སུདྡྷིཀཔཊིསམྦྷིདཱཉཱཎནིདྡེསོ སཏྟསཊྛིམོ.

༦༨. ཨིནྡྲིཡཔརོཔརིཡཏྟཉཱཎནིདྡེསོ

༡༡༡. ཀཏམཾ ¶ ¶ ཏཐཱགཏསྶ ཨིནྡྲིཡཔརོཔརིཡཏྟ ཉཱཎཾ? ཨིདྷ ཏཐཱགཏོ སཏྟེ པསྶཏི ཨཔྤརཛཀྑེ མཧཱརཛཀྑེ ཏིཀྑིནྡྲིཡེ མུདིནྡྲིཡེ སྭཱཀཱརེ དྭཱཀཱརེ སུཝིཉྙཱཔཡེ དུཝིཉྙཱཔཡེ ཨཔྤེཀཙྩེ པརལོཀཝཛྫབྷཡདསྶཱཝིནོ ཨཔྤེཀཙྩེ ན པརལོཀཝཛྫབྷཡདསྶཱཝིནོ.

ཨཔྤརཛཀྑེ མཧཱརཛཀྑེཏི སདྡྷོ པུགྒལོ ཨཔྤརཛཀྑོ, ཨསྶདྡྷོ པུགྒལོ མཧཱརཛཀྑོ. ཨཱརདྡྷཝཱིརིཡོ པུགྒལོ ཨཔྤརཛཀྑོ, ཀུསཱིཏོ པུགྒལོ མཧཱརཛཀྑོ. ཨུཔཊྛིཏསྶཏི པུགྒལོ ཨཔྤརཛཀྑོ, མུཊྛསྶཏི པུགྒལོ མཧཱརཛཀྑོ. སམཱཧིཏོ པུགྒལོ ཨཔྤརཛཀྑོ, ཨསམཱཧིཏོ པུགྒལོ མཧཱརཛཀྑོ. པཉྙཝཱ པུགྒལོ ཨཔྤརཛཀྑོ, དུཔྤཉྙོ པུགྒལོ མཧཱརཛཀྑོ.

ཏིཀྑིནྡྲིཡེ ¶ མུདིནྡྲིཡེཏི སདྡྷོ པུགྒལོ ཏིཀྑིནྡྲིཡོ, ཨསྶདྡྷོ པུགྒལོ མུདིནྡྲིཡོ. ཨཱརདྡྷཝཱིརིཡོ པུགྒལོ ཏིཀྑིནྡྲིཡོ, ཀུསཱིཏོ པུགྒལོ མུདིནྡྲིཡོ. ཨུཔཊྛིཏསྶཏི པུགྒལོ ཏིཀྑིནྡྲིཡོ, མུཊྛསྶཏི པུགྒལོ མུདིནྡྲིཡོ. སམཱཧིཏོ པུགྒལོ ཏིཀྑིནྡྲིཡོ, ཨསམཱཧིཏོ པུགྒལོ མུདིནྡྲིཡོ. པཉྙཝཱ པུགྒལོ ཏིཀྑིནྡྲིཡོ, དུཔྤཉྙོ པུགྒལོ མུདིནྡྲིཡོ.

སྭཱཀཱརེ དྭཱཀཱརེཏི སདྡྷོ པུགྒལོ སྭཱཀཱརོ, ཨསྶདྡྷོ པུགྒལོ དྭཱཀཱརོ. ཨཱརདྡྷཝཱིརིཡོ པུགྒལོ སྭཱཀཱརོ, ཀུསཱིཏོ པུགྒལོ དྭཱཀཱརོ. ཨུཔཊྛིཏསྶཏི པུགྒལོ སྭཱཀཱརོ, མུཊྛསྶཏི ¶ པུགྒལོ དྭཱཀཱརོ. སམཱཧིཏོ པུགྒལོ སྭཱཀཱརོ, ཨསམཱཧིཏོ པུགྒལོ དྭཱཀཱརོ. པཉྙཝཱ པུགྒལོ སྭཱཀཱརོ, དུཔྤཉྙོ པུགྒལོ དྭཱཀཱརོ.

སུཝིཉྙཱཔཡེ དུཝིཉྙཱཔཡེཏི སདྡྷོ པུགྒལོ སུཝིཉྙཱཔཡོ, ཨསྶདྡྷོ པུགྒལོ དུཝིཉྙཱཔཡོ. ཨཱརདྡྷཝཱིརིཡོ པུགྒལོ སུཝིཉྙཱཔཡོ, ཀུསཱིཏོ པུགྒལོ དུཝིཉྙཱཔཡོ. ཨུཔཊྛིཏསྶཏི པུགྒལོ སུཝིཉྙཱཔཡོ, མུཊྛསྶཏི པུགྒལོ དུཝིཉྙཱཔཡོ. སམཱཧིཏོ པུགྒལོ སུཝིཉྙཱཔཡོ ¶ ¶ , ཨསམཱཧིཏོ པུགྒལོ དུཝིཉྙཱཔཡོ. པཉྙཝཱ པུགྒལོ སུཝིཉྙཱཔཡོ, དུཔྤཉྙོ པུགྒལོ དུཝིཉྙཱཔཡོ.

ཨཔྤེཀཙྩེ པརལོཀཝཛྫབྷཡདསྶཱཝིནོ, ཨཔྤེཀཙྩེ ན པརལོཀཝཛྫབྷཡདསྶཱཝིནོཏི སདྡྷོ པུགྒལོ པརལོཀཝཛྫབྷཡདསྶཱཝཱི, ཨསྶདྡྷོ པུགྒལོ ན པརལོཀཝཛྫབྷཡདསྶཱཝཱི. ཨཱརདྡྷཝཱིརིཡོ པུགྒལོ པརལོཀཝཛྫབྷཡདསྶཱཝཱི, ཀུསཱིཏོ པུགྒལོ ན པརལོཀཝཛྫབྷཡདསྶཱཝཱི. ཨུཔཊྛིཏསྶཏི པུགྒལོ པརལོཀཝཛྫབྷཡདསྶཱཝཱི, མུཊྛསྶཏི པུགྒལོ ན པརལོཀཝཛྫབྷཡདསྶཱཝཱི. སམཱཧིཏོ པུགྒལོ པརལོཀཝཛྫབྷཡདསྶཱཝཱི, ཨསམཱཧིཏོ པུགྒལོ ན པརལོཀཝཛྫབྷཡདསྶཱཝཱི. པཉྙཝཱ པུགྒལོ པརལོཀཝཛྫབྷཡདསྶཱཝཱི, དུཔྤཉྙོ པུགྒལོ ན པརལོཀཝཛྫབྷཡདསྶཱཝཱི.

༡༡༢. ལོཀོཏི – ཁནྡྷལོཀོ, དྷཱཏུལོཀོ, ཨཱཡཏནལོཀོ, ཝིཔཏྟིབྷཝལོཀོ ¶ , ཝིཔཏྟིསམྦྷཝལོཀོ, སམྤཏྟིབྷཝལོཀོ, སམྤཏྟིསམྦྷཝལོཀོ.

ཨེཀོ ལོཀོ – སབྦེ སཏྟཱ ཨཱཧཱརཊྛིཏིཀཱ. དྭེ ལོཀཱ – ནཱམཉྩ, རཱུཔཉྩ. ཏཡོ ལོཀཱ – ཏིསྶོ ཝེདནཱ. ཙཏྟཱརོ ལོཀཱ – ཙཏྟཱརོ ཨཱཧཱརཱ. པཉྩ ལོཀཱ – པཉྩུཔཱདཱནཀྑནྡྷཱ. ཚ ལོཀཱ – ཚ ཨཛ྄ཛྷཏྟིཀཱནི ཨཱཡཏནཱནི. སཏྟ ལོཀཱ – སཏྟ ཝིཉྙཱཎཊྛིཏིཡོ ¶ . ཨཊྛ ལོཀཱ – ཨཊྛ ལོཀདྷམྨཱ. ནཝ ལོཀཱ – ནཝ སཏྟཱཝཱསཱ. དས ལོཀཱ – དསཱཡཏནཱནི. དྭཱདསལོཀཱ – དྭཱདསཱཡཏནཱནི. ཨཊྛཱརས ལོཀཱ – ཨཊྛཱརས དྷཱཏུཡོ.

ཝཛྫནྟི སབྦེ ཀིལེསཱ ཝཛྫཱ, སབྦེ དུཙྩརིཏཱ ཝཛྫཱ, སབྦེ ཨབྷིསངྑཱརཱ ཝཛྫཱ, སབྦེ བྷཝགཱམིཀམྨཱ ཝཛྫཱ. ཨིཏི ཨིམསྨིཉྩ ལོཀེ ཨིམསྨིཉྩ ཝཛྫེ ཏིབྦཱ བྷཡསཉྙཱ པཙྩུཔཊྛིཏཱ ཧོཏི, སེཡྻཐཱཔི ཨུཀྑིཏྟཱསིཀེ ཝདྷཀེ. ཨིམེཧི པཉྙཱསཱཡ ཨཱཀཱརེཧི ཨིམཱནི པཉྩིནྡྲིཡཱནི ཛཱནཱཏི པསྶཏི ཨཉྙཱཏི པཊིཝིཛ྄ཛྷཏི – ཨིདཾ ཏཐཱགཏསྶ ཨིནྡྲིཡཔརོཔརིཡཏྟེ ཉཱཎཾ.

ཨིནྡྲིཡཔརོཔརིཡཏྟཉཱཎནིདྡེསོ ཨཊྛསཊྛིམོ.

༦༩. ཨཱསཡཱནུསཡཉཱཎནིདྡེསོ

༡༡༣. ཀཏམཾ ¶ ཏཐཱགཏསྶ སཏྟཱནཾ ཨཱསཡཱནུསཡེ ཉཱཎཾ? ཨིདྷ ཏཐཱགཏོ སཏྟཱནཾ ཨཱསཡཾ ཛཱནཱཏི, ཨནུསཡཾ ཛཱནཱཏི, ཙརིཏཾ ཛཱནཱཏི ¶ , ཨདྷིམུཏྟིཾ ཛཱནཱཏི, བྷབྦཱབྷབྦེ སཏྟེ པཛཱནཱཏི. ཀཏམོ [ཀཏམོ ཙ (སྱཱ. ཀ.)] སཏྟཱནཾ ཨཱསཡོ? ‘‘སསྶཏོ ལོཀོ’’ཏི ཝཱ, ‘‘ཨསསྶཏོ ¶ ལོཀོ’’ཏི ཝཱ, ‘‘ཨནྟཝཱ ལོཀོ’’ཏི ཝཱ, ‘‘ཨནནྟཝཱ ལོཀོ’’ཏི ཝཱ, ‘‘ཏཾ ཛཱིཝཾ ཏཾ སརཱིར’’ནྟི ཝཱ, ‘‘ཨཉྙཾ ཛཱིཝཾ ཨཉྙཾ སརཱིར’’ནྟི ཝཱ, ‘‘ཧོཏི ཏཐཱགཏོ པརཾ མརཎཱ’’ཏི ཝཱ, ‘‘ན ཧོཏི ཏཐཱགཏོ པརཾ མརཎཱ’’ཏི ཝཱ, ‘‘ཧོཏི ཙ ན ཙ ཧོཏི ཏཐཱགཏོ པརཾ མརཎཱ’’ཏི ཝཱ, ‘‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ’’ཏི ཝཱ. ཨིཏི བྷཝདིཊྛིསནྣིསྶིཏཱ ཝཱ སཏྟཱ ཧོནྟི ཝིབྷཝདིཊྛིསནྣིསྶིཏཱ ཝཱ.

ཨེཏེ ཝཱ པན ཨུབྷོ ཨནྟེ ཨནུཔགམྨ ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཨནུལོམིཀཱ ཁནྟི པཊིལདྡྷཱ ཧོཏི, ཡཐཱབྷཱུཏཾ ཝཱ ཉཱཎཾ. ཀཱམཾ སེཝནྟཉྙེཝ ཛཱནཱཏི – ‘‘ཨཡཾ པུགྒལོ ཀཱམགརུཀོ ཀཱམཱསཡོ ཀཱམཱདྷིམུཏྟོ’’ཏི. ཀཱམཾ སེཝནྟཉྙེཝ ཛཱནཱཏི – ‘‘ཨཡཾ པུགྒལོ ནེཀྑམྨགརུཀོ ནེཀྑམྨཱསཡོ ནེཀྑམྨཱདྷིམུཏྟོ’’ཏི. ནེཀྑམྨཾ སེཝནྟཉྙེཝ ཛཱནཱཏི – ‘‘ཨཡཾ པུགྒལོ (ནེཀྑམྨགརུཀོ ནེཀྑམྨཱསཡོ ནེཀྑམྨཱདྷིམུཏྟོ’’ཏི. ནེཀྑམྨཾ སེཝནྟཉྙེཝ ཛཱནཱཏི – ‘‘ཨཡཾ པུགྒལོ ཀཱམགརུཀོ ཀཱམཱསཡོ ཀཱམཱདྷིམུཏྟོ’’ཏི. བྱཱཔཱདཾ སེཝནྟཉྙེཝ ¶ ཛཱནཱཏི) [( ) ཨེཏྠནྟརེ པཱཋཱ ནཏྠི སྱཱམཔོཏྠཀེ, ཨེཝམུཔརིཔི] – ‘‘ཨཡཾ པུགྒལོ བྱཱཔཱདགརུཀོ བྱཱཔཱདཱསཡོ བྱཱཔཱདཱདྷིམུཏྟོ’’ཏི. བྱཱཔཱདཾ སེཝནྟཉྙེཝ ཛཱནཱཏི – ‘‘ཨཡཾ པུགྒལོ (ཨབྱཱཔཱདགརུཀོ ཨབྱཱཔཱདཱསཡོ ཨབྱཱཔཱདཱདྷིམུཏྟོ’’ཏི. ཨབྱཱཔཱདཾ སེཝནྟཉྙེཝ ཛཱནཱཏི – ‘‘ཨཡཾ པུགྒལོ ཨབྱཱཔཱདགརུཀོ ཨབྱཱཔཱདཱསཡོ ཨབྱཱཔཱདཱདྷིམུཏྟོ’’ཏི. ཨབྱཱཔཱདཾ སེཝནྟཉྙེཝ ཛཱནཱཏི – ‘‘ཨཡཾ པུགྒལོ བྱཱཔཱདགརུཀོ བྱཱཔཱདཱསཡོ བྱཱཔཱདཱདྷིམུཏྟོ’’ཏི. ཐིནམིདྡྷཾ སེཝནྟཉྙེཝ ཛཱནཱཏི) – ‘‘ཨཡཾ པུགྒལོ ཐིནམིདྡྷགརུཀོ ཐིནམིདྡྷཱསཡོ ཐིནམིདྡྷཱདྷིམུཏྟོ’’ཏི. ཐིནམིདྡྷཾ སེཝནྟཉྙེཝ ཛཱནཱཏི – ‘‘ཨཡཾ པུགྒལོ ཨཱལོཀསཉྙཱགརུཀོ ཨཱལོཀསཉྙཱསཡོ ཨཱལོཀསཉྙཱདྷིམུཏྟོ’’ཏི. ཨཱལོཀསཉྙཾ སེཝནྟཉྙེཝ ཛཱནཱཏི – ‘‘ཨཡཾ པུགྒལོ (ཨཱལོཀསཉྙཱགརུཀོ ཨཱལོཀསཉྙཱསཡོ ཨཱལོཀསཉྙཱདྷིམུཏྟོ’’ཏི. ཨཱལོཀསཉྙཾ སེཝནྟཉྙེཝ ཛཱནཱཏི – ‘‘ཨཡཾ པུགྒལོ ཐིནམིདྡྷགརུཀོ ཐིནམིདྡྷཱསཡོ ཐིནམིདྡྷཱདྷིམུཏྟོ’’ཏི.) ཨཡཾ སཏྟཱནཾ ཨཱསཡོ.

༡༡༤. ཀཏམོ ¶ ཙ སཏྟཱནཾ ཨནུསཡོ? སཏྟཱནུསཡཱ – ཀཱམརཱགཱནུསཡོ, པཊིགྷཱནུསཡོ, མཱནཱནུསཡོ, དིཊྛཱནུསཡོ, ཝིཙིཀིཙྪཱནུསཡོ, བྷཝརཱགཱནུསཡོ ¶ , ཨཝིཛྫཱནུསཡོ. ཡཾ ལོཀེ པིཡརཱུཔཾ སཱཏརཱུཔཾ, ཨེཏྠ སཏྟཱནཾ ཀཱམརཱགཱནུསཡོ ཨནུསེཏི. ཡཾ ལོཀེ ཨཔྤིཡརཱུཔཾ ཨསཱཏརཱུཔཾ ¶ , ཨེཏྠ སཏྟཱནཾ པཊིགྷཱནུསཡོ ཨནུསེཏི. ཨིཏི ཨིམེསུ དྭཱིསུ དྷམྨེསུ ཨཝིཛྫཱ ཨནུཔཏིཏཱ, ཏདེཀཊྛོ མཱནོ ཙ དིཊྛི ཙ ཝིཙིཀིཙྪཱ ཙ དཊྛབྦཱ. ཨཡཾ སཏྟཱནཾ ཨནུསཡོ.

ཀཏམཉྩ སཏྟཱནཾ ཙརིཏཾ? པུཉྙཱབྷིསངྑཱརོ ཨཔུཉྙཱབྷིསངྑཱརོ ཨཱནེཉྫཱབྷིསངྑཱརོ པརིཏྟབྷཱུམཀོ ཝཱ མཧཱབྷཱུམཀོ ཝཱ. ཨིདཾ སཏྟཱནཾ ཙརིཏཾ.

༡༡༥. ཀཏམཱ ཙ སཏྟཱནཾ ཨདྷིམུཏྟི? སནྟི སཏྟཱ ཧཱིནཱདྷིམུཏྟིཀཱ, སནྟི སཏྟཱ པཎཱིཏཱདྷིམུཏྟིཀཱ. ཧཱིནཱདྷིམུཏྟིཀཱ སཏྟཱ ཧཱིནཱདྷིམུཏྟིཀེ སཏྟེ སེཝནྟི བྷཛནྟི པཡིརུཔཱསནྟི. པཎཱིཏཱདྷིམུཏྟིཀཱ སཏྟཱ པཎཱིཏཱདྷིམུཏྟིཀེ སཏྟེ སེཝནྟི བྷཛནྟི པཡིརུཔཱསནྟི. ཨཏཱིཏམྤི ཨདྡྷཱནཾ ཧཱིནཱདྷིམུཏྟིཀཱ སཏྟཱ ཧཱིནཱདྷིམུཏྟིཀེ སཏྟེ སེཝིཾསུ བྷཛིཾསུ པཡིརུཔཱསིཾསུ; པཎཱིཏཱདྷིམུཏྟིཀཱ སཏྟཱ པཎཱིཏཱདྷིམུཏྟིཀེ སཏྟེ སེཝིཾསུ བྷཛིཾསུ པཡིརུཔཱསིཾསུ. ཨནཱགཏམྤི ཨདྡྷཱནཾ ཧཱིནཱདྷིམུཏྟིཀཱ སཏྟཱ ཧཱིནཱདྷིམུཏྟིཀེ སཏྟེ སེཝིསྶནྟི བྷཛིསྶནྟི པཡིརུཔཱསིསྶནྟི; པཎཱིཏཱདྷིམུཏྟིཀཱ སཏྟཱ པཎཱིཏཱདྷིམུཏྟིཀེ སཏྟེ སེཝིསྶནྟི བྷཛིསྶནྟི པཡིརུཔཱསིསྶནྟི. ཨཡཾ སཏྟཱནཾ ཨདྷིམུཏྟི.

ཀཏམེ ¶ སཏྟཱ ཨབྷབྦཱ? ཡེ ཏེ སཏྟཱ ཀམྨཱཝརཎེན སམནྣཱགཏཱ, ཀིལེསཱཝརཎེན སམནྣཱགཏཱ, ཝིཔཱཀཱཝརཎེན སམནྣཱགཏཱ ¶ , ཨསྶདྡྷཱ ཨཙྪནྡིཀཱ དུཔྤཉྙཱ, ཨབྷབྦཱ ནིཡཱམཾ ཨོཀྐམིཏུཾ ཀུསལེསུ དྷམྨེསུ སམྨཏྟཾ – ཨིམེ ཏེ སཏྟཱ ཨབྷབྦཱ.

ཀཏམེ སཏྟཱ བྷབྦཱ? ཡེ ཏེ སཏྟཱ ན ཀམྨཱཝརཎེན སམནྣཱགཏཱ, ན ཀིལེསཱཝརཎེན སམནྣཱགཏཱ, ན ཝིཔཱཀཱཝརཎེན སམནྣཱགཏཱ, སདྡྷཱ ཚནྡིཀཱ པཉྙཝནྟོ, བྷབྦཱ ནིཡཱམཾ ཨོཀྐམིཏུཾ ཀུསལེསུ དྷམྨེསུ སམྨཏྟཾ – ཨིམེ ཏེ སཏྟཱ བྷབྦཱ. ཨིདཾ ཏཐཱགཏསྶ སཏྟཱནཾ ཨཱསཡཱནུསཡེ ཉཱཎཾ.

ཨཱསཡཱནུསཡཉཱཎནིདྡེསོ ནཝསཊྛིམོ.

༧༠. ཡམཀཔཱཊིཧཱིརཉཱཎནིདྡེསོ

༡༡༦. ཀཏམཾ ¶ ¶ ཏཐཱགཏསྶ ཡམཀཔཱཊིཧཱིརེ ཉཱཎཾ? ཨིདྷ ཏཐཱགཏོ ཡམཀཔཱཊིཧཱིརཾ ཀརོཏི ཨསཱདྷཱརཎཾ སཱཝཀེཧི. ཨུཔརིམཀཱཡཏོ ཨགྒིཀྑནྡྷོ པཝཏྟཏི, ཧེཊྛིམཀཱཡཏོ ཨུདཀདྷཱརཱ པཝཏྟཏི; ཧེཊྛིམཀཱཡཏོ ཨགྒིཀྑནྡྷོ པཝཏྟཏི, ཨུཔརིམཀཱཡཏོ ཨུདཀདྷཱརཱ པཝཏྟཏི; པུརཏྠིམཀཱཡཏོ ཨགྒིཀྑནྡྷོ པཝཏྟཏི, པཙྪིམཀཱཡཏོ ཨུདཀདྷཱརཱ པཝཏྟཏི; པཙྪིམཀཱཡཏོ ཨགྒིཀྑནྡྷོ པཝཏྟཏི, པུརཏྠིམཀཱཡཏོ ཨུདཀདྷཱརཱ པཝཏྟཏི; དཀྑིཎཨཀྑིཏོ ཨགྒིཀྑནྡྷོ པཝཏྟཏི, ཝཱམཨཀྑིཏོ ཨུདཀདྷཱརཱ པཝཏྟཏི; ཝཱམཨཀྑིཏོ ཨགྒིཀྑནྡྷོ པཝཏྟཏི, དཀྑིཎཨཀྑིཏོ ཨུདཀདྷཱརཱ པཝཏྟཏི; དཀྑིཎཀཎྞསོཏཏོ ཨགྒིཀྑནྡྷོ པཝཏྟཏི, ཝཱམཀཎྞསོཏཏོ ཨུདཀདྷཱརཱ པཝཏྟཏི; ཝཱམཀཎྞསོཏཏོ ཨགྒིཀྑནྡྷོ པཝཏྟཏི, དཀྑིཎཀཎྞསོཏཏོ ཨུདཀདྷཱརཱ པཝཏྟཏི; དཀྑིཎནཱསིཀཱསོཏཏོ ཨགྒིཀྑནྡྷོ ¶ པཝཏྟཏི, ཝཱམནཱསིཀཱསོཏཏོ ཨུདཀདྷཱརཱ པཝཏྟཏི; ཝཱམནཱསིཀཱསོཏཏོ ཨགྒིཀྑནྡྷོ པཝཏྟཏི, དཀྑིཎནཱསིཀཱསོཏཏོ ཨུདཀདྷཱརཱ པཝཏྟཏི; དཀྑིཎཨཾསཀཱུཊཏོ ཨགྒིཀྑནྡྷོ པཝཏྟཏི, ཝཱམཨཾསཀཱུཊཏོ ཨུདཀདྷཱརཱ པཝཏྟཏི; ཝཱམཨཾསཀཱུཊཏོ ཨགྒིཀྑནྡྷོ པཝཏྟཏི, དཀྑིཎཨཾསཀཱུཊཏོ ཨུདཀདྷཱརཱ པཝཏྟཏི; དཀྑིཎཧཏྠཏོ ཨགྒིཀྑནྡྷོ པཝཏྟཏི, ཝཱམཧཏྠཏོ ཨུདཀདྷཱརཱ པཝཏྟཏི; ཝཱམཧཏྠཏོ ཨགྒིཀྑནྡྷོ པཝཏྟཏི, དཀྑིཎཧཏྠཏོ ཨུདཀདྷཱརཱ པཝཏྟཏི; དཀྑིཎཔསྶཏོ ཨགྒིཀྑནྡྷོ པཝཏྟཏི, ཝཱམཔསྶཏོ ཨུདཀདྷཱརཱ པཝཏྟཏི; ཝཱམཔསྶཏོ ཨགྒིཀྑནྡྷོ པཝཏྟཏི, དཀྑིཎཔསྶཏོ ཨུདཀདྷཱརཱ པཝཏྟཏི; དཀྑིཎཔཱདཏོ ཨགྒིཀྑནྡྷོ པཝཏྟཏི ¶ , ཝཱམཔཱདཏོ ཨུདཀདྷཱརཱ པཝཏྟཏི; ཝཱམཔཱདཏོ ཨགྒིཀྑནྡྷོ པཝཏྟཏི, དཀྑིཎཔཱདཏོ ཨུདཀདྷཱརཱ པཝཏྟཏི; ཨངྒུལངྒུལེཧི ཨགྒིཀྑནྡྷོ པཝཏྟཏི, ཨངྒུལནྟརིཀཱཧི ཨུདཀདྷཱརཱ པཝཏྟཏི; ཨངྒུལནྟརིཀཱཧི ཨགྒིཀྑནྡྷོ པཝཏྟཏི, ཨངྒུལངྒུལེཧི ཨུདཀདྷཱརཱ པཝཏྟཏི; ཨེཀེཀལོམཏོ ཨགྒིཀྑནྡྷོ པཝཏྟཏི, ཨེཀེཀལོམཏོ ཨུདཀདྷཱརཱ པཝཏྟཏི; ལོམཀཱུཔཏོ ལོམཀཱུཔཏོ ¶ ཨགྒིཀྑནྡྷོ པཝཏྟཏི, ལོམཀཱུཔཏོ ལོམཀཱུཔཏོ ཨུདཀདྷཱརཱ པཝཏྟཏི.

ཚནྣཾ ¶ ཝཎྞཱནཾ – ནཱིལཱནཾ, པཱིཏཀཱནཾ, ལོཧིཏཀཱནཾ, ཨོདཱཏཱནཾ, མཉྫིཊྛཱནཾ [མཉྫེཊྛཱནཾ (སྱཱ. ཀ.)], པབྷསྶརཱནཾ བྷགཝཱ ཙངྐམཏི, ནིམྨིཏོ ཏིཊྛཏི ཝཱ ནིསཱིདཏི ཝཱ སེཡྻཾ ཝཱ ཀཔྤེཏི. བྷགཝཱ ཏིཊྛཏི, ནིམྨིཏོ ཙངྐམཏི ཝཱ ནིསཱིདཏི ཝཱ སེཡྻཾ ཝཱ ཀཔྤེཏི. བྷགཝཱ ¶ ནིསཱིདཏི, ནིམྨིཏོ ཙངྐམཏི ཝཱ ཏིཊྛཏི ཝཱ སེཡྻཾ ཝཱ ཀཔྤེཏི. བྷགཝཱ སེཡྻཾ ཀཔྤེཏི, ནིམྨིཏོ ཙངྐམཏི ཝཱ ཏིཊྛཏི ཝཱ ནིསཱིདཏི ཝཱ. ནིམྨིཏོ ཙངྐམཏི, བྷགཝཱ ཏིཊྛཏི ཝཱ ནིསཱིདཏི ཝཱ སེཡྻཾ ཝཱ ཀཔྤེཏི. ནིམྨིཏོ ཏིཊྛཏི, བྷགཝཱ ཙངྐམཏི ཝཱ ནིསཱིདཏི ཝཱ སེཡྻཾ ཝཱ ཀཔྤེཏི. ནིམྨིཏོ ནིསཱིདཏི, བྷགཝཱ ཙངྐམཏི ཝཱ ཏིཊྛཏི ཝཱ སེཡྻཾ ཝཱ ཀཔྤེཏི. ནིམྨིཏོ སེཡྻཾ ཀཔྤེཏི, བྷགཝཱ ཙངྐམཏི ཝཱ ཏིཊྛཏི ཝཱ ནིསཱིདཏི ཝཱ. ཨིདཾ ཏཐཱགཏསྶ ཡམཀཔཱཊིཧཱིརེ ཉཱཎཾ.

ཡམཀཔཱཊིཧཱིརཉཱཎནིདྡེསོ སཏྟཏིམོ.

༧༡. མཧཱཀརུཎཱཉཱཎནིདྡེསོ

༡༡༧. ཀཏམཾ ཏཐཱགཏསྶ མཧཱཀརུཎཱསམཱཔཏྟིཡཱ ཉཱཎཾ? བཧུཀེཧི ཨཱཀཱརེཧི པསྶནྟཱནཾ བུདྡྷཱནཾ བྷགཝནྟཱནཾ སཏྟེསུ མཧཱཀརུཎཱ ཨོཀྐམཏི. ཨཱདིཏྟོ ལོཀསནྣིཝཱསོཏི – པསྶནྟཱནཾ བུདྡྷཱནཾ བྷགཝནྟཱནཾ སཏྟེསུ མཧཱཀརུཎཱ ཨོཀྐམཏི. ཨུཡྻུཏྟོ ལོཀསནྣིཝཱསོཏི – པསྶནྟཱནཾ བུདྡྷཱནཾ བྷགཝནྟཱནཾ སཏྟེསུ མཧཱཀརུཎཱ ཨོཀྐམཏི. པཡཱཏོ ལོཀསནྣིཝཱསོཏི – པསྶནྟཱནཾ བུདྡྷཱནཾ ¶ བྷགཝནྟཱནཾ སཏྟེསུ མཧཱཀརུཎཱ ཨོཀྐམཏི. ཀུམྨགྒཔྤཊིཔནྣོ [ཀུམྨགྒཾ པཊིཔནྣོ (སྱཱ.)] ལོཀསནྣིཝཱསོཏི – པསྶནྟཱནཾ བུདྡྷཱནཾ བྷགཝནྟཱནཾ སཏྟེསུ མཧཱཀརུཎཱ ཨོཀྐམཏི. ཨུཔནཱིཡཏི ལོཀོ ཨདྡྷུཝོཏི – པསྶནྟཱནཾ བུདྡྷཱནཾ བྷགཝནྟཱནཾ སཏྟེསུ མཧཱཀརུཎཱ ཨོཀྐམཏི. ཨཏཱཎོ [ཨཏྟཱཎོ (སྱཱ.)] ལོཀོ ཨནབྷིསྶརོཏི – པསྶནྟཱནཾ བུདྡྷཱནཾ བྷགཝནྟཱནཾ སཏྟེསུ མཧཱཀརུཎཱ ཨོཀྐམཏི. ཨསྶཀོ ལོཀོ ¶ , སབྦཾ པཧཱཡ གམནཱིཡནྟི – པསྶནྟཱནཾ བུདྡྷཱནཾ བྷགཝནྟཱནཾ སཏྟེསུ མཧཱཀརུཎཱ ཨོཀྐམཏི. ཨཱུནོ ལོཀོ ཨཏཱིཏོ ཏཎྷཱདཱསོཏི – པསྶནྟཱནཾ བུདྡྷཱནཾ བྷགཝནྟཱནཾ སཏྟེསུ མཧཱཀརུཎཱ ཨོཀྐམཏི. ཨཏཱཡནོ ¶ ལོཀསནྣིཝཱསོཏི – པསྶནྟཱནཾ…པེ… ཨལེཎོ ལོཀསནྣིཝཱསོཏི – པསྶནྟཱནཾ ¶ …པེ… ཨསརཎོ ལོཀསནྣིཝཱསོཏི – པསྶནྟཱནཾ…པེ… ཨསརཎཱིབྷཱུཏོ ལོཀསནྣིཝཱསོཏི – པསྶནྟཱནཾ…པེ….

ཨུདྡྷཏོ ལོཀོ ཨཝཱུཔསནྟོཏི – པསྶནྟཱནཾ…པེ… སསལློ ལོཀསནྣིཝཱསོ, ཝིདྡྷོ པུཐུསལླེཧི; ཏསྶ ནཏྠཉྙོ ཀོཙི སལླཱནཾ ཨུདྡྷཏཱ, ཨཉྙཏྲ མཡཱཏི – པསྶནྟཱནཾ…པེ… ཨཝིཛྫནྡྷཀཱརཱཝརཎོ ལོཀསནྣིཝཱསོ ཨཎྜབྷཱུཏོ ཀིལེསཔཉྫརཔཀྑིཏྟོ; ཏསྶ ནཏྠཉྙོ ཀོཙི ཨཱལོཀཾ དསྶེཏཱ, ཨཉྙཏྲ མཡཱཏི – པསྶནྟཱནཾ…པེ… ཨཝིཛྫཱགཏོ ལོཀསནྣིཝཱསོ ཨཎྜབྷཱུཏོ པརིཡོནདྡྷོ ཏནྟཱཀུལཀཛཱཏོ [ཏནྟཱཀུལཛཱཏོ (སྱཱ.)] ཀུལཱགཎྜིཀཛཱཏོ [གུལཱ༹གུཎྛིཀཛཱཏོ (སྱཱ.), གུལཱགུཎྜིཀཛཱཏོ (ཀ. སཱི. ཨཊྛ.) དཱི. ནི. ༢.༩༥ པསྶིཏབྦཱ] མུཉྫཔབྦཛབྷཱུཏོ ཨཔཱཡཾ དུགྒཏིཾ ཝིནིཔཱཏཾ སཾསཱརཾ ནཱཏིཝཏྟཏཱིཏི – པསྶནྟཱནཾ…པེ… ཨཝིཛྫཱཝིསདོསསཾལིཏྟོ ལོཀསནྣིཝཱསོ ཀིལེསཀལལཱིབྷཱུཏོཏི – པསྶནྟཱནཾ…པེ… རཱགདོསམོཧཛཊཱཛཊིཏོ ལོཀསནྣིཝཱསོ; ཏསྶ ནཏྠཉྙོ ཀོཙི ཛཊཾ ཝིཛཊེཏཱ, ཨཉྙཏྲ མཡཱཏི – པསྶནྟཱནཾ…པེ….

ཏཎྷཱསངྒྷཱཊཔཊིམུཀྐོ ¶ ལོཀསནྣིཝཱསོཏི – པསྶནྟཱནཾ…པེ… ཏཎྷཱཛཱལེན ཨོཏྠཊོ [ཨོཏྠཏོ (ཀ.)] ལོཀསནྣིཝཱསོཏི – པསྶནྟཱནཾ…པེ… ཏཎྷཱསོཏེན ཝུཡ྄ཧཏི ལོཀསནྣིཝཱསོཏི – པསྶནྟཱནཾ…པེ… ཏཎྷཱསཉྙོཛནེན སཉྙུཏྟོ ལོཀསནྣིཝཱསོཏི – པསྶནྟཱནཾ…པེ… ཏཎྷཱནུསཡེན ཨནུསཊོ ལོཀསནྣིཝཱསོཏི – པསྶནྟཱནཾ…པེ… ཏཎྷཱསནྟཱཔེན སནྟཔྤཏི ལོཀསནྣིཝཱསོཏི – པསྶནྟཱནཾ…པེ… ཏཎྷཱཔརིལཱ༹ཧེན པརིཌཡ྄ཧཏི ¶ ལོཀསནྣིཝཱསོཏི – པསྶནྟཱནཾ…པེ….

དིཊྛིསངྒྷཱཊཔཊིམུཀྐོ ལོཀསནྣིཝཱསོཏི – པསྶནྟཱནཾ…པེ… དིཊྛིཛཱལེན ཨོཏྠཊོ ལོཀསནྣིཝཱསོཏི – པསྶནྟཱནཾ…པེ… དིཊྛིསོཏེན ཝུཡ྄ཧཏི ལོཀསནྣིཝཱསོཏི – པསྶནྟཱནཾ…པེ… དིཊྛིསཉྙོཛནེན སཉྙུཏྟོ ལོཀསནྣིཝཱསོཏི – པསྶནྟཱནཾ…པེ… དིཊྛཱནུསཡེན ཨནུསཊོ ལོཀསནྣིཝཱསོཏི – པསྶནྟཱནཾ…པེ… དིཊྛིསནྟཱཔེན སནྟཔྤཏི ལོཀསནྣིཝཱསོཏི – པསྶནྟཱནཾ…པེ… དིཊྛིཔརིལཱ༹ཧེན པརིཌཡ྄ཧཏི ལོཀསནྣིཝཱསོཏི – པསྶནྟཱནཾ…པེ….

ཛཱཏིཡཱ ¶ ཨནུགཏོ ལོཀསནྣིཝཱསོཏི – པསྶནྟཱནཾ…པེ… ཛརཱཡ ཨནུསཊོ ལོཀསནྣིཝཱསོཏི – པསྶནྟཱནཾ…པེ… བྱཱདྷིནཱ ཨབྷིབྷཱུཏོ ལོཀསནྣིཝཱསོཏི – པསྶནྟཱནཾ ¶ …པེ… མརཎེན ཨབྦྷཱཧཏོ ལོཀསནྣིཝཱསོཏི – པསྶནྟཱནཾ…པེ… དུཀྑེ པཏིཊྛིཏོ ལོཀསནྣིཝཱསོཏི – པསྶནྟཱནཾ…པེ….

ཏཎྷཱཡ ཨུཌྜིཏོ ལོཀསནྣིཝཱསོཏི – པསྶནྟཱནཾ…པེ… ཛརཱཔཱཀཱརཔརིཀྑིཏྟོ ལོཀསནྣིཝཱསོཏི – པསྶནྟཱནཾ…པེ… མཙྩུཔཱསེན པརིཀྑིཏྟོ ལོཀསནྣིཝཱསོཏི – པསྶནྟཱནཾ…པེ… མཧཱབནྡྷནབནྡྷོ ལོཀསནྣིཝཱསོ – རཱགབནྡྷནེན དོསབནྡྷནེན ¶ མོཧབནྡྷནེན མཱནབནྡྷནེན དིཊྛིབནྡྷནེན ཀིལེསབནྡྷནེན དུཙྩརིཏབནྡྷནེན; ཏསྶ ནཏྠཉྙོ ཀོཙི བནྡྷནཾ མོཙེཏཱ, ཨཉྙཏྲ མཡཱཏི – པསྶནྟཱནཾ…པེ… མཧཱསམྦཱདྷཔྤཊིཔནྣོ ལོཀསནྣིཝཱསོ; ཏསྶ ནཏྠཉྙོ ཀོཙི ཨོཀཱསཾ དསྶེཏཱ, ཨཉྙཏྲ མཡཱཏི – པསྶནྟཱནཾ… མཧཱཔལིབོདྷེན པལིབུདྡྷོ ལོཀསནྣིཝཱསོ; ཏསྶ ནཏྠཉྙོ ཀོཙི པལིབོདྷཾ ཚེཏཱ, ཨཉྙཏྲ མཡཱཏི – པསྶནྟཱནཾ…པེ… མཧཱཔཔཱཏེ པཏིཏོ ལོཀསནྣིཝཱསོ; ཏསྶ ནཏྠཉྙོ ཀོཙི པཔཱཏཱ ཨུདྡྷཏཱ, ཨཉྙཏྲ མཡཱཏི – པསྶནྟཱནཾ…པེ… མཧཱཀནྟཱརཔྤཊིཔནྣོ ལོཀསནྣིཝཱསོ; ཏསྶ ནཏྠཉྙོ ཀོཙི ཀནྟཱརཾ ཏཱརེཏཱ, ཨཉྙཏྲ མཡཱཏི – པསྶནྟཱནཾ…པེ… མཧཱསཾསཱརཔྤཊིཔནྣོ ལོཀསནྣིཝཱསོ; ཏསྶ ནཏྠཉྙོ ཀོཙི སཾསཱརཱ མོཙེཏཱ, ཨཉྙཏྲ མཡཱཏི – པསྶནྟཱནཾ…པེ… མཧཱཝིདུགྒེ སམྤརིཝཏྟཏི ལོཀསནྣིཝཱསོ; ཏསྶ ནཏྠཉྙོ ཀོཙི ཝིདུགྒཱ ཨུདྡྷཏཱ, ཨཉྙཏྲ མཡཱཏི – པསྶནྟཱནཾ…པེ… མཧཱཔལིཔེ [མཧཱཔལླེཔེ (སྱཱ.)] པལིཔནྣོ ལོཀསནྣིཝཱསོ ¶ ; ཏསྶ ནཏྠཉྙོ ཀོཙི པལིཔཱ ཨུདྡྷཏཱ, ཨཉྙཏྲ མཡཱཏི – པསྶནྟཱནཾ…པེ….

ཨབྦྷཱཧཏོ ལོཀསནྣིཝཱསོཏི – པསྶནྟཱནཾ…པེ… ཨཱདིཏྟོ ལོཀསནྣིཝཱསོ – རཱགགྒིནཱ དོསགྒིནཱ མོཧགྒིནཱ ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི; ཏསྶ ནཏྠཉྙོ ཀོཙི ནིབྦཱཔེཏཱ, ཨཉྙཏྲ མཡཱཏི – པསྶནྟཱནཾ…པེ… ཨུནྣཱིཏཀོ ལོཀསནྣིཝཱསོ ཧཉྙཏི ནིཙྩམཏཱཎོ པཏྟདཎྜོ ཏཀྐརོཏི – པསྶནྟཱནཾ…པེ… ཝཛྫབནྡྷནབདྡྷོ ལོཀསནྣིཝཱསོ ཨཱགྷཱཏནཔཙྩུཔཊྛིཏོ; ཏསྶ ནཏྠཉྙོ ཀོཙི བནྡྷནཾ མོཙེཏཱ, ཨཉྙཏྲ ¶ མཡཱཏི – པསྶནྟཱནཾ…པེ… ཨནཱཐོ ¶ ལོཀསནྣིཝཱསོ པརམཀཱརུཉྙཔྤཏྟོ; ཏསྶ ནཏྠཉྙོ ཀོཙི ཏཱཡེཏཱ, ཨཉྙཏྲ མཡཱཏི – པསྶནྟཱནཾ…པེ… དུཀྑཱབྷིཏུནྣོ [དུཀྑཱབྷིཏུཎྞོ (ཀ.)] ལོཀསནྣིཝཱསོ ཙིརརཏྟཾ པཱིལི༹ཏོཏི – པསྶནྟཱནཾ…པེ… གདྷིཏོ ལོཀསནྣིཝཱསོ ནིཙྩཾ པིཔཱསིཏོཏི – པསྶནྟཱནཾ…པེ….

ཨནྡྷོ ལོཀསནྣིཝཱསོ ཨཙཀྑུཀོཏི – པསྶནྟཱནཾ…པེ… ཧཏནེཏྟོ ལོཀསནྣིཝཱསོ ཨཔརིཎཱཡཀོཏི – པསྶནྟཱནཾ…པེ… ཝིཔཐཔཀྑནྡོ [ཝིཔཐཾ པཀྑནྟོ (སྱཱ.)] ལོཀསནྣིཝཱསོ ཨཉྫསཱཔརདྡྷོ; ཏསྶ ནཏྠཉྙོ ¶ ཀོཙི ཨརིཡཔཐཾ ཨཱནེཏཱ, ཨཉྙཏྲ མཡཱཏི – པསྶནྟཱནཾ…པེ… མཧོགྷཔཀྑནྡོ ལོཀསནྣིཝཱསོ; ཏསྶ ནཏྠཉྙོ ཀོཙི ཨོགྷཱ ཨུདྡྷཏཱ, ཨཉྙཏྲ མཡཱཏི – པསྶནྟཱནཾ…པེ….

༡༡༨. དྭཱིཧི དིཊྛིགཏེཧི པརིཡུཊྛིཏོ ལོཀསནྣིཝཱསོཏི – པསྶནྟཱནཾ…པེ… ཏཱིཧི དུཙྩརིཏེཧི ཝིཔྤཊིཔནྣོ ལོཀསནྣིཝཱསོཏི – པསྶནྟཱནཾ…པེ… ཙཏཱུཧི ཡོགེཧི ཡུཏྟོ ལོཀསནྣིཝཱསོ ཙཏུཡོགཡོཛིཏོཏི – པསྶནྟཱནཾ…པེ… ཙཏཱུཧི གནྠེཧི [གཎྛེཧི (སྱཱ.)] གནྠིཏོ ལོཀསནྣིཝཱསོཏི – པསྶནྟཱནཾ…པེ… ཙཏཱུཧི ཨུཔཱདཱནེཧི ཨུཔཱདིཡཏི ལོཀསནྣིཝཱསོཏི – པསྶནྟཱནཾ…པེ… པཉྩགཏིསམཱརུལ༹ྷོ ལོཀསནྣིཝཱསོཏི – པསྶནྟཱནཾ…པེ… པཉྩཧི ཀཱམགུཎེཧི རཛྫཏི ལོཀསནྣིཝཱསོཏི – པསྶནྟཱནཾ…པེ… པཉྩཧི ནཱིཝརཎེཧི ཨོཏྠཊོ ¶ ལོཀསནྣིཝཱསོཏི – པསྶནྟཱནཾ…པེ… ཚཧི ཝིཝཱདམཱུལེཧི ཝིཝདཏི ལོཀསནྣིཝཱསོཏི – པསྶནྟཱནཾ…པེ… ཚཧི ཏཎྷཱཀཱཡེཧི རཛྫཏི ལོཀསནྣིཝཱསོཏི – པསྶནྟཱནཾ…པེ… ཚཧི དིཊྛིགཏེཧི པརིཡུཊྛིཏོ ལོཀསནྣིཝཱསོཏི – པསྶནྟཱནཾ ¶ …པེ… སཏྟཧི ཨནུསཡེཧི ཨནུསཊོ ལོཀསནྣིཝཱསོཏི – པསྶནྟཱནཾ…པེ… སཏྟཧི སཉྙོཛནེཧི སཉྙུཏྟོ ལོཀསནྣིཝཱསོཏི – པསྶནྟཱནཾ…པེ… སཏྟཧི མཱནེཧི ཨུནྣཏོ [ཨུཎྞཏོ (སྱཱ. ཀ.)] ལོཀསནྣིཝཱསོཏི – པསྶནྟཱནཾ…པེ… ཨཊྛཧི ལོཀདྷམྨེཧི སམྤརིཝཏྟཏི ལོཀསནྣིཝཱསོཏི – པསྶནྟཱནཾ…པེ… ཨཊྛཧི མིཙྪཏྟེཧི ནིཡྻཱཏོ ལོཀསནྣིཝཱསོཏི – པསྶནྟཱནཾ…པེ… ཨཊྛཧི པུརིསདོསེཧི དུསྶཏི ལོཀསནྣིཝཱསོཏི – པསྶནྟཱནཾ…པེ… ནཝཧི ཨཱགྷཱཏཝཏྠཱུཧི ཨཱགྷཱཏིཏོ ལོཀསནྣིཝཱསོཏི – པསྶནྟཱནཾ ¶ …པེ… ནཝཝིདྷམཱནེཧི ཨུནྣཏོ ལོཀསནྣིཝཱསོཏི – པསྶནྟཱནཾ…པེ… ནཝཧི ཏཎྷཱམཱུལཀེཧི དྷམྨེཧི རཛྫཏི ལོཀསནྣིཝཱསོཏི – པསྶནྟཱནཾ…པེ… དསཧི ཀིལེསཝཏྠཱུཧི ཀིལིསྶཏི ལོཀསནྣིཝཱསོཏི – པསྶནྟཱནཾ…པེ… དསཧི ཨཱགྷཱཏཝཏྠཱུཧི ཨཱགྷཱཏིཏོ ལོཀསནྣིཝཱསོཏི – པསྶནྟཱནཾ…པེ… དསཧི ཨཀུསལཀམྨཔཐེཧི སམནྣཱགཏོ ལོཀསནྣིཝཱསོཏི – པསྶནྟཱནཾ…པེ… དསཧི སཉྙོཛནེཧི སཉྙུཏྟོ ལོཀསནྣིཝཱསོཏི – པསྶནྟཱནཾ…པེ… དསཧི མིཙྪཏྟེཧི ནིཡྻཱཏོ ལོཀསནྣིཝཱསོཏི – པསྶནྟཱནཾ…པེ… དསཝཏྠུཀཱཡ མིཙྪཱདིཊྛིཡཱ སམནྣཱགཏོ ལོཀསནྣིཝཱསོཏི – པསྶནྟཱནཾ…པེ… དསཝཏྠུཀཱཡ ཨནྟགྒཱཧིཀཱཡ དིཊྛིཡཱ སམནྣཱགཏོ ལོཀསནྣིཝཱསོཏི – པསྶནྟཱནཾ…པེ… ཨཊྛསཏཏཎྷཱཔཔཉྩསཏེཧི པཔཉྩིཏོ ལོཀསནྣིཝཱསོཏི – པསྶནྟཱནཾ བུདྡྷཱནཾ བྷགཝནྟཱནཾ ¶ སཏྟེསུ མཧཱཀརུཎཱ ཨོཀྐམཏི. དྭཱསཊྛིཡཱ དིཊྛིགཏེཧི པརིཡུཊྛིཏོ ལོཀསནྣིཝཱསོཏི – པསྶནྟཱནཾ བུདྡྷཱནཾ བྷགཝནྟཱནཾ སཏྟེསུ མཧཱཀརུཎཱ ཨོཀྐམཏི.

ཨཧཉྩམྷི ¶ ཏིཎྞོ, ལོཀོ ཙ ཨཏིཎྞོ ཨཧཾ ཙམྷི མུཏྟོ, ལོཀོ ཙ ཨམུཏྟོ; ཨཧཉྩམྷི དནྟོ, ལོཀོ ཙ ཨདནྟོ; ཨཧཾ ཙམྷི སནྟོ, ལོཀོ ¶ ཙ ཨསནྟོ; ཨཧཾ ཙམྷི ཨསྶཏྠོ, ལོཀོ ཙ ཨནསྶཏྠོ; ཨཧཾ ཙམྷི པརིནིབྦུཏོ, ལོཀོ ཙ ཨཔརིནིབྦུཏོ; པཧོམི ཁྭཱཧཾ ཏིཎྞོ ཏཱརེཏུཾ, མུཏྟོ མོཙེཏུཾ, དནྟོ དམེཏུཾ, སནྟོ སམེཏུཾ, ཨསྶཏྠོ ཨསྶཱསེཏུཾ, པརིནིབྦུཏོ པརེ ཙ པརིནིབྦཱཔེཏུནྟི – པསྶནྟཱནཾ བུདྡྷཱནཾ བྷགཝནྟཱནཾ སཏྟེསུ མཧཱཀརུཎཱ ཨོཀྐམཏི. ཨིདཾ ཏཐཱགཏསྶ མཧཱཀརུཎཱསམཱཔཏྟིཡཱ ཉཱཎཾ.

མཧཱཀརུཎཱཉཱཎནིདྡེསོ ཨེཀསཏྟཏིམོ.

༧༢-༧༣. སབྦཉྙུཏཉཱཎནིདྡེསོ

༡༡༩. ཀཏམཾ ཏཐཱགཏསྶ སབྦཉྙུཏཉྙཱཎཾ? སབྦཾ སངྑཏམསངྑཏཾ ཨནཝསེསཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ [ཨནཱཝརཎཾ ཉཱཎཾ (སྱཱ.) ཨེཝམུཔརིཔི].

༡༢༠. ཨཏཱིཏཾ ¶ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ. ཨནཱགཏཾ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ. པཙྩུཔྤནྣཾ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ.

ཙཀྑུ ཙེཝ རཱུཔཱ ཙ, ཨེཝཾ ཏཾ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ. སོཏཉྩེཝ སདྡཱ ཙ…པེ… གྷཱནཉྩེཝ གནྡྷཱ ཙ… ཛིཝ྄ཧཱ ཙེཝ རསཱ ཙ… ཀཱཡོ ཙེཝ ཕོཊྛབྦཱ ཙ… མནོ ཙེཝ ¶ དྷམྨཱ ཙ, ཨེཝཾ ཏཾ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ.

ཡཱཝཏཱ ཨནིཙྩཊྛཾ དུཀྑཊྛཾ ཨནཏྟཊྛཾ, ཏཾ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ. ཡཱཝཏཱ རཱུཔསྶ ཨནིཙྩཊྛཾ དུཀྑཊྛཾ ¶ ཨནཏྟཊྛཾ, ཏཾ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ. ཡཱཝཏཱ ཝེདནཱཡ…པེ… ཡཱཝཏཱ སཉྙཱཡ…པེ… ཡཱཝཏཱ སངྑཱརཱནཾ…པེ… ཡཱཝཏཱ ཝིཉྙཱཎསྶ ¶ …པེ… ཡཱཝཏཱ ཙཀྑུསྶ…པེ… ཛརཱམརཎསྶ ཨནིཙྩཊྛཾ དུཀྑཊྛཾ ཨནཏྟཊྛཾ, ཏཾ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ.

ཡཱཝཏཱ ཨབྷིཉྙཱཡ ཨབྷིཉྙཊྛཾ, ཏཾ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ. ཡཱཝཏཱ པརིཉྙཱཡ པརིཉྙཊྛཾ…པེ… ཡཱཝཏཱ པཧཱནསྶ [པཧཱནཱཡ (སྱཱ.)] པཧཱནཊྛཾ…པེ… ཡཱཝཏཱ བྷཱཝནཱཡ བྷཱཝནཊྛཾ…པེ… ཡཱཝཏཱ སཙྪིཀིརིཡཱཡ སཙྪིཀིརིཡཊྛཾ, ཏཾ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ.

ཡཱཝཏཱ ཁནྡྷཱནཾ ཁནྡྷཊྛཾ, ཏཾ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ. ཡཱཝཏཱ དྷཱཏཱུནཾ དྷཱཏུཊྛཾ…པེ… ཡཱཝཏཱ ཨཱཡཏནཱནཾ ཨཱཡཏནཊྛཾ…པེ… ཡཱཝཏཱ སངྑཏཱནཾ སངྑཏཊྛཾ…པེ… ཡཱཝཏཱ ཨསངྑཏསྶ ཨསངྑཏཊྛཾ, ཏཾ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ.

ཡཱཝཏཱ ¶ ཀུསལེ དྷམྨེ, སབྦཾ [སབྦེ (ཨཊྛཀཐཱ)] ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ. ཡཱཝཏཱ ཨཀུསལེ དྷམྨེ…པེ… ཡཱཝཏཱ ཨབྱཱཀཏེ དྷམྨེ… ཡཱཝཏཱ ཀཱམཱཝཙརེ དྷམྨེ… ཡཱཝཏཱ རཱུཔཱཝཙརེ ¶ དྷམྨེ… ཡཱཝཏཱ ཨརཱུཔཱཝཙརེ དྷམྨེ… ཡཱཝཏཱ ཨཔརིཡཱཔནྣེ དྷམྨེ, སབྦཾ [སབྦེ (ཨཊྛཀཐཱ)] ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ.

ཡཱཝཏཱ དུཀྑསྶ དུཀྑཊྛཾ, ཏཾ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ. ཡཱཝཏཱ སམུདཡསྶ སམུདཡཊྛཾ…པེ… ཡཱཝཏཱ ནིརོདྷསྶ ནིརོདྷཊྛཾ…པེ… ཡཱཝཏཱ མགྒསྶ མགྒཊྛཾ, ཏཾ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ.

ཡཱཝཏཱ ཨཏྠཔཊིསམྦྷིདཱཡ ཨཏྠཔཊིསམྦྷིདཊྛཾ, ཏཾ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ. ཡཱཝཏཱ དྷམྨཔཊིསམྦྷིདཱཡ དྷམྨཔཊིསམྦྷིདཊྛཾ…པེ… ཡཱཝཏཱ ནིརུཏྟིཔཊིསམྦྷིདཱཡ ནིརུཏྟིཔཊིསམྦྷིདཊྛཾ…པེ… ཡཱཝཏཱ པཊིབྷཱནཔཊིསམྦྷིདཱཡ ¶ པཊིབྷཱནཔཊིསམྦྷིདཊྛཾ, ཏཾ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ.

ཡཱཝཏཱ ¶ ཨིནྡྲིཡཔརོཔརིཡཏྟཉཱཎཾ, ཏཾ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ. ཡཱཝཏཱ སཏྟཱནཾ ཨཱསཡཱནུསཡེ ཉཱཎཾ…པེ… ཡཱཝཏཱ ཡམཀཔཱཊིཧཱིརེ ཉཱཎཾ…པེ… ཡཱཝཏཱ མཧཱཀརུཎཱསམཱཔཏྟིཡཱ ཉཱཎཾ, ཏཾ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ.

ཡཱཝཏཱ ¶ སདེཝཀསྶ ལོཀསྶ སམཱརཀསྶ སབྲཧྨཀསྶ སསྶམཎབྲཱཧྨཎིཡཱ པཛཱཡ སདེཝམནུསྶཱཡ དིཊྛཾ སུཏཾ མུཏཾ ཝིཉྙཱཏཾ པཏྟཾ པརིཡེསིཏཾ ཨནུཝིཙརིཏཾ མནསཱ, ཏཾ སབྦཾ ཛཱནཱཏཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ.

༡༢༡.

ན ཏསྶ ཨདྡིཊྛམིདྷཏྠི ཀིཉྩི, ཨཐོ ཨཝིཉྙཱཏམཛཱནིཏབྦཾ.

སབྦཾ ཨབྷིཉྙཱསི ཡདཏྠི ནེཡྻཾ, ཏཐཱགཏོ ཏེན སམནྟཙཀྑཱུཏི [མཧཱནི. ༡༥༦; ཙཱུལ༹ནི. མོགྷརཱཛམཱཎཝཔུཙྪཱནིདྡེས ༨༥].

སམནྟཙཀྑཱུཏི ཀེནཊྛེན སམནྟཙཀྑུ? ཙུདྡས བུདྡྷཉཱཎཱནི. དུཀྑེ ཉཱཎཾ བུདྡྷཉཱཎཾ, དུཀྑསམུདཡེ ཉཱཎཾ བུདྡྷཉཱཎཾ, དུཀྑནིརོདྷེ ཉཱཎཾ བུདྡྷཉཱཎཾ, དུཀྑནིརོདྷགཱམིནིཡཱ ¶ པཊིཔདཱཡ ཉཱཎཾ བུདྡྷཉཱཎཾ, ཨཏྠཔཊིསམྦྷིདེ ཉཱཎཾ བུདྡྷཉཱཎཾ, དྷམྨཔཊིསམྦྷིདེ ཉཱཎཾ བུདྡྷཉཱཎཾ, ནིརུཏྟིཔཊིསམྦྷིདེ ཉཱཎཾ བུདྡྷཉཱཎཾ, པཊིབྷཱནཔཊིསམྦྷིདེ ཉཱཎཾ བུདྡྷཉཱཎཾ, ཨིནྡྲིཡཔརོཔརིཡཏྟེ ཉཱཎཾ བུདྡྷཉཱཎཾ, སཏྟཱནཾ ཨཱསཡཱནུསཡེ ཉཱཎཾ བུདྡྷཉཱཎཾ, ཡམཀཔཱཊིཧཱིརེ ཉཱཎཾ བུདྡྷཉཱཎཾ, མཧཱཀརུཎཱསམཱཔཏྟིཡཱ ཉཱཎཾ བུདྡྷཉཱཎཾ, སབྦཉྙུཏཉྙཱཎཾ བུདྡྷཉཱཎཾ, ཨནཱཝརཎཉཱཎཾ བུདྡྷཉཱཎཾ – ཨིམཱནི ཙུདྡས བུདྡྷཉཱཎཱནི. ཨིམེསཾ ཙུདྡསནྣཾ བུདྡྷཉཱཎཱནཾ ཨཊྛ ཉཱཎཱནི སཱཝཀསཱདྷཱརཎཱནི; ཚ ཉཱཎཱནི ཨསཱདྷཱརཎཱནི སཱཝཀེཧི.

ཡཱཝཏཱ ¶ ¶ དུཀྑསྶ དུཀྑཊྛོ, སབྦོ ཉཱཏོ; ཨཉྙཱཏོ དུཀྑཊྛོ ནཏྠཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ. ཡཱཝཏཱ དུཀྑསྶ དུཀྑཊྛོ, སབྦོ ཉཱཏོ, སབྦོ དིཊྛོ, སབྦོ ཝིདིཏོ, སབྦོ སཙྪིཀཏོ, སབྦོ ཕསྶིཏོ པཉྙཱཡ; ཨཕསྶིཏོ པཉྙཱཡ དུཀྑཊྛོ ནཏྠཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ. ཡཱཝཏཱ སམུདཡསྶ སམུདཡཊྛོ…པེ… ཡཱཝཏཱ ནིརོདྷསྶ ནིརོདྷཊྛོ… ཡཱཝཏཱ མགྒསྶ མགྒཊྛོ…པེ… ཡཱཝཏཱ ཨཏྠཔཊིསམྦྷིདཱཡ ཨཏྠཔཊིསམྦྷིདཊྛོ… ཡཱཝཏཱ དྷམྨཔཊིསམྦྷིདཱཡ དྷམྨཔཊིསམྦྷིདཊྛོ… ཡཱཝཏཱ ནིརུཏྟིཔཊིསམྦྷིདཱཡ ནིརུཏྟིཔཊིསམྦྷིདཊྛོ… ཡཱཝཏཱ པཊིབྷཱནཔཊིསམྦྷིདཱཡ པཊིབྷཱནཔཊིསམྦྷིདཊྛོ, སབྦོ ཉཱཏོ, སབྦོ དིཊྛོ, སབྦོ ཝིདིཏོ ¶ , སབྦོ སཙྪིཀཏོ, སབྦོ ཕསྶིཏོ པཉྙཱཡ; ཨཕསྶིཏོ པཉྙཱཡ པཊིབྷཱནཔཊིསམྦྷིདཊྛོ ནཏྠཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ.

ཡཱཝཏཱ ཨིནྡྲིཡཔརོཔརིཡཏྟཉཱཎཾ…པེ… ཡཱཝཏཱ སཏྟཱནཾ ཨཱསཡཱནུསཡེ ཉཱཎཾ… ཡཱཝཏཱ ཡམཀཔཱཊིཧཱིརེ ཉཱཎཾ… ཡཱཝཏཱ མཧཱཀརུཎཱསམཱཔཏྟིཡཱ ཉཱཎཾ; སབྦ ཉཱཏཾ, སབྦཾ དིཊྛཾ, སབྦཾ ཝིདིཏཾ, སབྦཾ སཙྪིཀཏཾ, སབྦཾ ཕསྶིཏཾ པཉྙཱཡ; ཨཕསྶིཏཾ པཉྙཱཡ མཧཱཀརུཎཱསམཱཔཏྟིཡཱ ཉཱཎཾ ནཏྠཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ.

ཡཱཝཏཱ སདེཝཀསྶ ལོཀསྶ སམཱརཀསྶ སབྲཧྨཀསྶ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ¶ དིཊྛཾ སུཏཾ མུཏཾ ཝིཉྙཱཏཾ པཏྟཾ པརིཡེསིཏཾ ཨནུཝིཙརིཏཾ མནསཱ, སབྦཾ ཉཱཏཾ, སབྦཾ དིཊྛཾ, སབྦཾ ཝིདིཏཾ, སབྦཾ སཙྪིཀཏཾ, སབྦཾ ཕསྶིཏཾ པཉྙཱཡ; ཨཕསྶིཏཾ པཉྙཱཡ ནཏྠཱིཏི – སབྦཉྙུཏཉྙཱཎཾ. ཏཏྠ ཨཱཝརཎཾ ནཏྠཱིཏི – ཨནཱཝརཎཉཱཎཾ.

ན ¶ ཏསྶ ཨདྡིཊྛམིདྷཏྠི ཀིཉྩི, ཨཐོ ཨཝིཉྙཱཏམཛཱནིཏབྦཾ;

སབྦཾ ཨབྷིཉྙཱསི ཡདཏྠི ནེཡྻཾ, ཏཐཱགཏོ ཏེན སམནྟཙཀྑཱུཏི.

སབྦཉྙུཏཉཱཎནིདྡེསོ ཏེསཏྟཏིམོ.

ཉཱཎཀཐཱ ནིཊྛིཏཱ.

༢. དིཊྛིཀཐཱ

༡༢༢. ཀཱ ¶ ¶ དིཊྛི, ཀཏི དིཊྛིཊྛཱནཱནི, ཀཏི དིཊྛིཔརིཡུཊྛཱནཱནི, ཀཏི དིཊྛིཡོ, ཀཏི དིཊྛཱབྷིནིཝེསཱ, ཀཏམོ དིཊྛིཊྛཱནསམུགྒྷཱཏོཏི?

[༡] ཀཱ དིཊྛཱིཏི ཨབྷིནིཝེསཔརཱམཱསོ དིཊྛི. [༢] ཀཏི དིཊྛིཊྛཱནཱནཱིཏི ཨཊྛ དིཊྛིཊྛཱནཱནི. [༣] ཀཏི དིཊྛིཔརིཡུཊྛཱནཱནཱིཏི ཨཊྛཱརས དིཊྛིཔརིཡུཊྛཱནཱནི. [༤] ཀཏི དིཊྛིཡོཏི སོལ༹ས དིཊྛིཡོ. [༥] ཀཏི དིཊྛཱབྷིནིཝེསཱཏི ཏཱིཎི སཏཾ དིཊྛཱབྷིནིཝེསཱ. [༦] ཀཏམོ དིཊྛིཊྛཱནསམུགྒྷཱཏོཏི སོཏཱཔཏྟིམགྒོ དིཊྛིཊྛཱནསམུགྒྷཱཏོ ¶ .

༡༢༣. ཀཐཾ ཨབྷིནིཝེསཔརཱམཱསོ དིཊྛི? [ཀཏི ཨབྷིནིཝེསཔརཱམཱསོ དིཊྛཱིཏི (སྱཱ.)] རཱུཔཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི. ཝེདནཾ ཨེཏཾ མམ…པེ… སཉྙཾ ཨེཏཾ མམ… སངྑཱརེ ཨེཏཾ མམ… ཝིཉྙཱཎཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི. ཙཀྑུཾ ཨེཏཾ མམ…པེ… སོཏཾ ཨེཏཾ མམ… གྷཱནཾ ཨེཏཾ མམ… ཛིཝ྄ཧཾ ཨེཏཾ མམ… ཀཱཡཾ ཨེཏཾ མམ… མནཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི. རཱུཔེ [རཱུཔཾ (སྱཱ.) ཏཐཱ པཉྩསུ ཨཱརམྨཎེསུ ཨེཀཝཙནེན] ཨེཏཾ མམ…པེ… སདྡེ ཨེཏཾ མམ… གནྡྷེ ཨེཏཾ མམ… རསེ ཨེཏཾ མམ… ཕོཊྛབྦེ ཨེཏཾ མམ… དྷམྨེ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི. ཙཀྑུཝིཉྙཱཎཾ ¶ ཨེཏཾ མམ…པེ… སོཏཝིཉྙཱཎཾ ཨེཏཾ མམ… གྷཱནཝིཉྙཱཎཾ ཨེཏཾ མམ… ཛིཝ྄ཧཱཝིཉྙཱཎཾ ཨེཏཾ མམ… ཀཱཡཝིཉྙཱཎཾ ཨེཏཾ མམ… མནོཝིཉྙཱཎཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི. ཙཀྑུསམྥསྶཾ ཨེཏཾ མམ…པེ… སོཏསམྥསྶཾ ཨེཏཾ མམ… གྷཱནསམྥསྶཾ ཨེཏཾ མམ… ཛིཝ྄ཧཱསམྥསྶཾ ཨེཏཾ མམ… ཀཱཡསམྥསྶཾ ¶ ཨེཏཾ མམ… མནོསམྥསྶཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི. ཙཀྑུསམྥསྶཛཾ ཝེདནཾ…པེ… སོཏསམྥསྶཛཾ ཝེདནཾ… གྷཱནསམྥསྶཛཾ ¶ ཝེདནཾ… ཛིཝ྄ཧཱསམྥསྶཛཾ ཝེདནཾ… ཀཱཡསམྥསྶཛཾ ཝེདནཾ… མནོསམྥསྶཛཾ ¶ ཝེདནཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི.

རཱུཔསཉྙཾ ཨེཏཾ མམ…པེ… སདྡསཉྙཾ ཨེཏཾ མམ… གནྡྷསཉྙཾ ཨེཏཾ མམ… རསསཉྙཾ ཨེཏཾ མམ… ཕོཊྛབྦསཉྙཾ ཨེཏཾ མམ… དྷམྨསཉྙཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི. རཱུཔསཉྩེཏནཾ ཨེཏཾ མམ…པེ… སདྡསཉྩེཏནཾ ཨེཏཾ མམ… གནྡྷསཉྩེཏནཾ ཨེཏཾ མམ… རསསཉྩེཏནཾ ཨེཏཾ མམ… ཕོཊྛབྦསཉྩེཏནཾ ཨེཏཾ མམ… དྷམྨསཉྩེཏནཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི. རཱུཔཏཎྷཾ ཨེཏཾ མམ…པེ… སདྡཏཎྷཾ ཨེཏཾ མམ… གནྡྷཏཎྷཾ ཨེཏཾ མམ… རསཏཎྷཾ ཨེཏཾ མམ… ཕོཊྛབྦཏཎྷཾ ཨེཏཾ མམ… དྷམྨཏཎྷཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི. རཱུཔཝིཏཀྐཾ ཨེཏཾ མམ…པེ… སདྡཝིཏཀྐཾ ཨེཏཾ མམ… གནྡྷཝིཏཀྐཾ ཨེཏཾ མམ… རསཝིཏཀྐཾ ཨེཏཾ མམ… ཕོཊྛབྦཝིཏཀྐཾ ཨེཏཾ མམ… དྷམྨཝིཏཀྐཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི. རཱུཔཝིཙཱརཾ ཨེཏཾ མམ…པེ… སདྡཝིཙཱརཾ ཨེཏཾ མམ… གནྡྷཝིཙཱརཾ ཨེཏཾ མམ… རསཝིཙཱརཾ ཨེཏཾ མམ… ཕོཊྛབྦཝིཙཱརཾ ཨེཏཾ མམ… དྷམྨཝིཙཱརཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི.

པཐཝཱིདྷཱཏུཾ ཨེཏཾ མམ…པེ… ཨཱཔོདྷཱཏུཾ ཨེཏཾ མམ… ཏེཛོདྷཱཏུཾ ཨེཏཾ མམ… ཝཱཡོདྷཱཏུཾ ཨེཏཾ མམ… ཨཱཀཱསདྷཱཏུཾ ཨེཏཾ མམ… ཝིཉྙཱཎདྷཱཏུཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི. པཐཝཱིཀསིཎཾ ཨེཏཾ མམ…པེ… ཨཱཔོཀསིཎཾ… ཏེཛོཀསིཎཾ… ཝཱཡོཀསིཎཾ ¶ … ནཱིལཀསིཎཾ… པཱིཏཀསིཎཾ… ལོཧིཏཀསིཎཾ… ཨོདཱཏཀསིཎཾ… ཨཱཀཱསཀསིཎཾ… ཝིཉྙཱཎཀསིཎཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི.

ཀེསཾ ཨེཏཾ མམ…པེ… ¶ ལོམཾ ཨེཏཾ མམ… ནཁཾ ཨེཏཾ མམ… དནྟཾ ཨེཏཾ མམ… ཏཙཾ ཨེཏཾ མམ… མཾསཾ ཨེཏཾ མམ… ནྷཱརུཾ ཨེཏཾ མམ… ཨཊྛིཾ ཨེཏཾ མམ… ཨཊྛིམིཉྫཾ ཨེཏཾ མམ… ཝཀྐཾ ཨེཏཾ མམ… ཧདཡཾ ཨེཏཾ མམ… ཡཀནཾ ཨེཏཾ མམ… ཀིལོམཀཾ ཨེཏཾ མམ… པིཧཀཾ ཨེཏཾ མམ… པཔྥཱསཾ ཨེཏཾ མམ… ཨནྟཾ ཨེཏཾ མམ… ཨནྟགུཎཾ ཨེཏཾ མམ… ཨུདརིཡཾ ཨེཏཾ མམ… ཀརཱིསཾ ཨེཏཾ མམ… པིཏྟཾ ཨེཏཾ མམ… སེམྷཾ ཨེཏཾ མམ… པུབྦཾ ཨེཏཾ མམ ¶ … ལོཧིཏཾ ཨེཏཾ མམ… སེདཾ ཨེཏཾ མམ… མེདཾ ཨེཏཾ མམ… ཨསྶུཾ ཨེཏཾ མམ… ཝསཾ ཨེཏཾ མམ ¶ … ཁེལ༹ཾ ཨེཏཾ མམ… སིངྒྷཱཎིཀཾ ཨེཏཾ མམ… ལསིཀཾ ཨེཏཾ མམ… མུཏྟཾ ཨེཏཾ མམ… མཏྠལུངྒཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི.

ཙཀྑཱཡཏནཾ ཨེཏཾ མམ…པེ… རཱུཔཱཡཏནཾ ཨེཏཾ མམ… སོཏཱཡཏནཾ ཨེཏཾ མམ… སདྡཱཡཏནཾ ཨེཏཾ མམ… གྷཱནཱཡཏནཾ ཨེཏཾ མམ… གནྡྷཱཡཏནཾ ཨེཏཾ མམ… ཛིཝ྄ཧཱཡཏནཾ ཨེཏཾ མམ… རསཱཡཏནཾ ཨེཏཾ མམ… ཀཱཡཱཡཏནཾ ཨེཏཾ མམ… ཕོཊྛབྦཱཡཏནཾ ཨེཏཾ མམ… མནཱཡཏནཾ ཨེཏཾ མམ… དྷམྨཱཡཏནཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི.

ཙཀྑུདྷཱཏུཾ ཨེཏཾ མམ…པེ… རཱུཔདྷཱཏུཾ ཨེཏཾ མམ… ཙཀྑུཝིཉྙཱཎདྷཱཏུཾ ཨེཏཾ མམ… སོཏདྷཱཏུཾ ཨེཏཾ མམ… སདྡདྷཱཏུཾ ཨེཏཾ མམ… སོཏཝིཉྙཱཎདྷཱཏུཾ ཨེཏཾ མམ… གྷཱནདྷཱཏུཾ ཨེཏཾ མམ… གནྡྷདྷཱཏུཾ ཨེཏཾ མམ… གྷཱནཝིཉྙཱཎདྷཱཏུཾ ཨེཏཾ མམ… ཛིཝ྄ཧཱདྷཱཏུཾ ཨེཏཾ མམ… རསདྷཱཏུཾ ཨེཏཾ མམ… ཛིཝ྄ཧཱཝིཉྙཱཎདྷཱཏུཾ ཨེཏཾ མམ… ཀཱཡདྷཱཏུཾ ཨེཏཾ མམ… ཕོཊྛབྦདྷཱཏུཾ ཨེཏཾ མམ… ཀཱཡཝིཉྙཱཎདྷཱཏུཾ ཨེཏཾ མམ… མནོདྷཱཏུཾ ཨེཏཾ མམ… དྷམྨདྷཱཏུཾ ཨེཏཾ མམ… མནོཝིཉྙཱཎདྷཱཏུཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ ¶ དིཊྛི.

ཙཀྑུནྡྲིཡཾ ཨེཏཾ མམ…པེ… སོཏིནྡྲིཡཾ ཨེཏཾ མམ… གྷཱནིནྡྲིཡཾ ཨེཏཾ མམ… ཛིཝ྄ཧིནྡྲིཡཾ ཨེཏཾ མམ… ཀཱཡིནྡྲིཡཾ ཨེཏཾ མམ… མནིནྡྲིཡཾ ཨེཏཾ མམ… ཛཱིཝིཏིནྡྲིཡཾ ཨེཏཾ མམ… ཨིཏྠིནྡྲིཡཾ ཨེཏཾ མམ… པུརིསིནྡྲིཡཾ ཨེཏཾ མམ… སུཁིནྡྲིཡཾ ཨེཏཾ མམ… དུཀྑིནྡྲིཡཾ ཨེཏཾ མམ… སོམནསྶིནྡྲིཡཾ ཨེཏཾ མམ… དོམནསྶིནྡྲིཡཾ ཨེཏཾ མམ… ཨུཔེཀྑིནྡྲིཡཾ ཨེཏཾ མམ… སདྡྷིནྡྲིཡཾ ཨེཏཾ མམ… ཝཱིརིཡིནྡྲིཡཾ ཨེཏཾ མམ… སཏིནྡྲིཡཾ ཨེཏཾ མམ… སམཱདྷིནྡྲིཡཾ ཨེཏཾ མམ… པཉྙིནྡྲིཡཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི.

ཀཱམདྷཱཏུཾ ཨེཏཾ མམ…པེ… རཱུཔདྷཱཏུཾ ཨེཏཾ མམ… ཨརཱུཔདྷཱཏུཾ ཨེཏཾ མམ… ཀཱམབྷཝཾ ཨེཏཾ མམ… རཱུཔབྷཝཾ ཨེཏཾ མམ… ཨརཱུཔབྷཝཾ ཨེཏཾ མམ… སཉྙཱབྷཝཾ ཨེཏཾ མམ… ཨསཉྙཱབྷཝཾ ¶ ཨེཏཾ མམ… ནེཝསཉྙཱནཱསཉྙཱབྷཝཾ ཨེཏཾ མམ… ཨེཀཝོཀཱརབྷཝཾ ཨེཏཾ མམ… ཙཏུཝོཀཱརབྷཝཾ ཨེཏཾ མམ… པཉྩཝོཀཱརབྷཝཾ ཨེཏཾ མམ… པཋམཛ྄ཛྷཱནཾ ཨེཏཾ མམ… དུཏིཡཛ྄ཛྷཱནཾ ཨེཏཾ མམ… ཏཏིཡཛ྄ཛྷཱནཾ ཨེཏཾ མམ… ཙཏུཏྠཛ྄ཛྷཱནཾ ཨེཏཾ མམ… མེཏྟཾ ཙེཏོཝིམུཏྟིཾ ཨེཏཾ མམ… ཀརུཎཾ ཙེཏོཝིམུཏྟིཾ ཨེཏཾ མམ… མུདིཏཾ ཙེཏོཝིམུཏྟིཾ ཨེཏཾ མམ… ཨུཔེཀྑཾ ¶ ཙེཏོཝིམུཏྟིཾ ཨེཏཾ མམ… ཨཱཀཱསཱནཉྩཱཡཏནསམཱཔཏྟིཾ ཨེཏཾ མམ… ཝིཉྙཱཎཉྩཱཡཏནསམཱཔཏྟིཾ ¶ ཨེཏཾ མམ… ཨཱཀིཉྩཉྙཱཡཏནསམཱཔཏྟིཾ ཨེཏཾ མམ… ནེཝསཉྙཱནཱསཉྙཱཡཏནསམཱཔཏྟིཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི.

ཨཝིཛྫཾ ཨེཏཾ མམ…པེ… སངྑཱརེ ཨེཏཾ མམ… ཝིཉྙཱཎཾ ཨེཏཾ མམ… ནཱམརཱུཔཾ ཨེཏཾ མམ… སལཱ༹ཡཏནཾ ཨེཏཾ མམ… ཕསྶཾ ཨེཏཾ མམ… ཝེདནཾ ཨེཏཾ མམ… ཏཎྷཾ ཨེཏཾ མམ… ཨུཔཱདཱནཾ ཨེཏཾ མམ… བྷཝཾ ཨེཏཾ མམ ¶ … ཛཱཏིཾ ཨེཏཾ མམ… ཛརཱམརཎཾ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི – ཨབྷིནིཝེསཔརཱམཱསོ དིཊྛི. ཨེཝཾ ཨབྷིནིཝེསཔརཱམཱསོ དིཊྛི.

༡༢༤. ཀཏམཱནི ཨཊྛ དིཊྛིཊྛཱནཱནི? ཁནྡྷཱཔི དིཊྛིཊྛཱནཾ, ཨཝིཛྫཱཔི དིཊྛིཊྛཱནཾ, ཕསྶོཔི དིཊྛིཊྛཱནཾ, སཉྙཱཔི དིཊྛིཊྛཱནཾ, ཝིཏཀྐོཔི [ཝིཏཀྐཱཔི (སྱཱ.)] དིཊྛིཊྛཱནཾ, ཨཡོནིསོ མནསིཀཱརོཔི དིཊྛིཊྛཱནཾ, པཱཔམིཏྟོཔི དིཊྛིཊྛཱནཾ, པརཏོགྷོསོཔི དིཊྛིཊྛཱནཾ.

ཁནྡྷཱ ཧེཏུ ཁནྡྷཱ པཙྩཡོ དིཊྛིཊྛཱནཾ ཨུཔཱདཱཡ སམུཊྛཱནཊྛེན – ཨེཝཾ ཁནྡྷཱཔི དིཊྛིཊྛཱནཾ. ཨཝིཛྫཱ ཧེཏུ ཨཝིཛྫཱ པཙྩཡོ དིཊྛིཊྛཱནཾ ཨུཔཱདཱཡ སམུཊྛཱནཊྛེན – ཨེཝཾ ཨཝིཛྫཱཔི དིཊྛིཊྛཱནཾ. ཕསྶོ ཧེཏུ ཕསྶོ པཙྩཡོ དིཊྛིཊྛཱནཾ ཨུཔཱདཱཡ སམུཊྛཱནཊྛེན – ཨེཝཾ ཕསྶོཔི དིཊྛིཊྛཱནཾ. སཉྙཱ ཧེཏུ སཉྙཱ པཙྩཡོ དིཊྛིཊྛཱནཾ ཨུཔཱདཱཡ སམུཊྛཱནཊྛེན – ཨེཝཾ སཉྙཱཔི དིཊྛིཊྛཱནཾ. ཝིཏཀྐོ ཧེཏུ ཝིཏཀྐོ པཙྩཡོ དིཊྛིཊྛཱནཾ ཨུཔཱདཱཡ, སམུཊྛཱནཊྛེན – ཨེཝཾ ཝིཏཀྐོཔི དིཊྛིཊྛཱནཾ. ཨཡོནིསོ མནསིཀཱརོ ཧེཏུ ཨཡོནིསོ མནསིཀཱརོ པཙྩཡོ དིཊྛིཊྛཱནཾ ཨུཔཱདཱཡ སམུཊྛཱནཊྛེན – ཨེཝཾ ཨཡོནིསོ མནསིཀཱརོཔི དིཊྛིཊྛཱནཾ. པཱཔམིཏྟོ ཧེཏུ པཱཔམིཏྟོ པཙྩཡོ དིཊྛིཊྛཱནཾ ཨུཔཱདཱཡ, སམུཊྛཱནཊྛེན – ཨེཝཾ པཱཔམིཏྟོཔི དིཊྛིཊྛཱནཾ. པརཏོགྷོསོ ཧེཏུ པརཏོགྷོསོ པཙྩཡོ དིཊྛིཊྛཱནཾ ཨུཔཱདཱཡ སམུཊྛཱནཊྛེན – ཨེཝཾ པརཏོགྷོསོཔི ¶ དིཊྛིཊྛཱནཾ. ཨིམཱནི ཨཊྛ དིཊྛིཊྛཱནཱནི.

༡༢༥. ཀཏམཱནི ཨཊྛཱརས དིཊྛིཔརིཡུཊྛཱནཱནི? ཡཱ དིཊྛི དིཊྛིགཏཾ, དིཊྛིགཧནཾ, དིཊྛིཀནྟཱརཾ, དིཊྛིཝིསཱུཀཾ, དིཊྛིཝིཔྥནྡིཏཾ, དིཊྛིསཉྙོཛནཾ, དིཊྛིསལླཾ, དིཊྛིསམྦཱདྷོ, དིཊྛིཔལིབོདྷོ, དིཊྛིབནྡྷནཾ, དིཊྛིཔཔཱཏོ, དིཊྛཱནུསཡོ, དིཊྛིསནྟཱཔོ, དིཊྛིཔརིལཱ༹ཧོ ¶ , དིཊྛིགནྠོ, དིཊྛུཔཱདཱནཾ, དིཊྛཱབྷིནིཝེསོ, དིཊྛིཔརཱམཱསོ – ཨིམཱནི ཨཊྛཱརས དིཊྛིཔརིཡུཊྛཱནཱནི.

༡༢༦. ཀཏམཱ ¶ ¶ སོལ༹ས དིཊྛིཡོ? ཨསྶཱདདིཊྛི, ཨཏྟཱནུདིཊྛི, མིཙྪཱདིཊྛི, སཀྐཱཡདིཊྛི, སཀྐཱཡཝཏྠུཀཱ སསྶཏདིཊྛི, སཀྐཱཡཝཏྠུཀཱ ཨུཙྪེདདིཊྛི, ཨནྟགྒཱཧིཀཱདིཊྛི, པུབྦནྟཱནུདིཊྛི, ཨཔརནྟཱནུདིཊྛི, སཉྙོཛནིཀཱ དིཊྛི, ཨཧནྟི མཱནཝིནིབནྡྷཱ དིཊྛི, མམནྟི མཱནཝིནིབནྡྷཱ དིཊྛི, ཨཏྟཝཱདཔཊིསཾཡུཏྟཱ དིཊྛི, ལོཀཝཱདཔཊིསཾཡུཏྟཱ དིཊྛི, བྷཝདིཊྛི, ཝིབྷཝདིཊྛི – ཨིམཱ སོལ༹ས དིཊྛིཡོ.

༡༢༧. ཀཏམེ ཏཱིཎི སཏཾ དིཊྛཱབྷིནིཝེསཱ? ཨསྶཱདདིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི? ཨཏྟཱནུདིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི? མིཙྪཱདིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི? སཀྐཱཡདིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི? སཀྐཱཡཝཏྠུཀཱཡ སསྶཏདིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི? སཀྐཱཡཝཏྠུཀཱཡ ཨུཙྪེདདིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི? ཨནྟགྒཱཧིཀཱཡ དིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི? པུབྦནྟཱནུདིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི? ཨཔརནྟཱནུདིཊྛིཡཱ ¶ ཀཏིཧཱཀཱརེཧི ཨབྷིནིཝེསོ ཧོཏི? སཉྙོཛནིཀཱཡ དིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི? ཨཧནྟི མཱནཝིནིབནྡྷཱཡ དིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི? མམནྟི མཱནཝིནིབནྡྷཱཡ དིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི? ཨཏྟཝཱདཔཊིསཾཡུཏྟཱཡ དིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི? ལོཀཝཱདཔཊིསཾཡུཏྟཱཡ དིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི? བྷཝདིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི? ཝིབྷཝདིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི?

ཨསྶཱདདིཊྛིཡཱ པཉྩཏིཾསཱཡ ཨཱཀཱརེཧི ཨབྷིནིཝེསོ ཧོཏི. ཨཏྟཱནུདིཊྛིཡཱ ཝཱིསཏིཡཱ ཨཱཀཱརེཧི ཨབྷིནིཝེསོ ཧོཏི. མིཙྪཱདིཊྛིཡཱ དསཧཱཀཱརེཧི ཨབྷིནིཝེསོ ཧོཏི. སཀྐཱཡདིཊྛིཡཱ ཝཱིསཏིཡཱ ཨཱཀཱརེཧི ཨབྷིནིཝེསོ ཧོཏི. སཀྐཱཡཝཏྠུཀཱཡ སསྶཏདིཊྛིཡཱ པནྣརསཧི ཨཱཀཱརེཧི ཨབྷིནིཝེསོ ཧོཏི. སཀྐཱཡཝཏྠུཀཱཡ ཨུཙྪེདདིཊྛིཡཱ པཉྩཧཱཀཱརེཧི ཨབྷིནིཝེསོ ཧོཏི. ཨནྟགྒཱཧིཀཱཡ དིཊྛིཡཱ པཉྙཱསཱཡ ཨཱཀཱརེཧི ཨབྷིནིཝེསོ ཧོཏི ¶ . པུབྦནྟཱནུདིཊྛིཡཱ ཨཊྛཱརསཧི ཨཱཀཱརེཧི ཨབྷིནིཝེསོ ཧོཏི. ཨཔརནྟཱནུདིཊྛིཡཱ ཙཏུཙཏྟཱལཱིསཱཡ ཨཱཀཱརེཧི ཨབྷིནིཝེསོ ཧོཏི. སཉྙོཛནིཀཱཡ དིཊྛིཡཱ ཨཊྛཱརསཧི ཨཱཀཱརེཧི ཨབྷིནིཝེསོ ཧོཏི. ཨཧནྟི མཱནཝིནིབནྡྷཱཡ དིཊྛིཡཱ ཨཊྛཱརསཧི ཨཱཀཱརེཧི ཨབྷིནིཝེསོ ཧོཏི. མམནྟི མཱནཝིནིབནྡྷཱཡ དིཊྛིཡཱ ཨཊྛཱརསཧི ཨཱཀཱརེཧི ཨབྷིནིཝེསོ ཧོཏི. ཨཏྟཝཱདཔཊིསཾཡུཏྟཱཡ ¶ དིཊྛིཡཱ ཝཱིསཏིཡཱ ཨཱཀཱརེཧི ཨབྷིནིཝེསོ ཧོཏི. ལོཀཝཱདཔཊིསཾཡུཏྟཱཡ ¶ ¶ དིཊྛིཡཱ ཨཊྛཧི ཨཱཀཱརེཧི ཨབྷིནིཝེསོ ཧོཏི. བྷཝདིཊྛིཡཱ ཨེཀེན ཨཱཀཱརེན [ཨེཀཱུནཝཱིསཏིཡཱ ཨཱཀཱརེན (སྱཱ.)] ཨབྷིནིཝེསོ ཧོཏི. ཝིབྷཝདིཊྛིཡཱ ཨེཀེན ཨཱཀཱརེན ཨབྷིནིཝེསོ ཧོཏི.

༡. ཨསྶཱདདིཊྛིནིདྡེསོ

༡༢༨. ཨསྶཱདདིཊྛིཡཱ ཀཏམེཧི པཉྩཏིཾསཱཡ ཨཱཀཱརེཧི ཨབྷིནིཝེསོ ཧོཏི? ཡཾ རཱུཔཾ པཊིཙྩ ཨུཔྤཛྫཏི སུཁཾ སོམནསྶཾ, ཨཡཾ རཱུཔསྶ ཨསྶཱདོཏི – ཨབྷིནིཝེསཔརཱམཱསོ དིཊྛི. དིཊྛི ན ཨསྶཱདོ, ཨསྶཱདོ ན དིཊྛི. ཨཉྙཱ དིཊྛི, ཨཉྙོ ཨསྶཱདོ. ཡཱ ཙ དིཊྛི ཡོ ཙ ཨསྶཱདོ – ཨཡཾ ཝུཙྩཏི ཨསྶཱདདིཊྛི.

ཨསྶཱདདིཊྛི མིཙྪཱདིཊྛི དིཊྛིཝིཔཏྟི. ཏཱཡ དིཊྛིཝིཔཏྟིཡཱ སམནྣཱགཏོ པུགྒལོ དིཊྛིཝིཔནྣོ. དིཊྛིཝིཔནྣོ པུགྒལོ ན སེཝིཏབྦོ ན བྷཛིཏབྦོ ན པཡིརུཔཱསིཏབྦོ. ཏཾ ཀིསྶ ཧེཏུ? དིཊྛི ཧིསྶ པཱཔིཀཱ. ཡོ དིཊྛིཡཱ རཱགོ [ཡཱ དིཊྛི ཡོ རཱགོ (སྱཱ.)], སོ ན དིཊྛི. དིཊྛི ན རཱགོ. ཨཉྙཱ དིཊྛི, ཨཉྙོ རཱགོ. ཡཱ ཙ དིཊྛི ཡོ ཙ རཱགོ – ཨཡཾ ཝུཙྩཏི དིཊྛིརཱགོ. ཏཱཡ ཙ དིཊྛིཡཱ ཏེན ཙ རཱགེན སམནྣཱགཏོ པུགྒལོ དིཊྛིརཱགརཏྟོ. དིཊྛིརཱགརཏྟེ པུགྒལེ དིནྣཾ དཱནཾ ན མཧཔྥལཾ ཧོཏི ན མཧཱནིསཾསཾ. ཏཾ ཀིསྶ ཧེཏུ? དིཊྛི ཧིསྶ པཱཔིཀཱ ཨསྶཱདདིཊྛི མིཙྪཱདིཊྛི.

མིཙྪཱདིཊྛིཀསྶ པུརིསཔུགྒལསྶ དྭེཝ གཏིཡོ – ནིརཡོ ཝཱ ཏིརཙྪཱནཡོནི ཝཱ. མིཙྪཱདིཊྛིཀསྶ པུརིསཔུགྒལསྶ ཡཉྩེཝ ¶ ཀཱཡཀམྨཾ ཡཐཱདིཊྛི སམཏྟཾ སམཱདིནྣཾ, ཡཉྩ ཝཙཱིཀམྨཾ…པེ… ཡཉྩ མནོཀམྨཾ ཡཐཱདིཊྛི སམཏྟཾ སམཱདིནྣཾ, ཡཱ ཙ ཙེཏནཱ ཡཱ ཙ པཏྠནཱ ཡོ ཙ པཎིདྷི ཡེ ཙ སངྑཱརཱ, སབྦེ ¶ ཏེ དྷམྨཱ ཨནིཊྛཱཡ ཨཀནྟཱཡ ཨམནཱཔཱཡ ཨཧིཏཱཡ དུཀྑཱཡ སཾཝཏྟནྟི. ཏཾ ཀིསྶ ཧེཏུ? དིཊྛི ཧིསྶ པཱཔིཀཱ. སེཡྻཐཱཔི ནིམྦབཱིཛཾ ཝཱ ཀོསཱཏཀཱིབཱིཛཾ ཝཱ ཏིཏྟཀཱལཱབུབཱིཛཾ ཝཱ ཨལླཱཡ པཐཝིཡཱ ནིཀྑིཏྟཾ ཡཾ ཙེཝ པཐཝིརསཾ ཨུཔཱདིཡཏི, ཡཉྩ ཨཱཔོརསཾ ¶ ཨུཔཱདིཡཏི, སབྦཾ ཏཾ ཏིཏྟཀཏྟཱཡ ཀཊུཀཏྟཱཡ ཨསཱཏཏྟཱཡ [ཨསཱརཏཱཡ (སྱཱ.)] སཾཝཏྟཏི. ཏཾ ཀིསྶ ཧེཏུ? བཱིཛཾ ཧིསྶ པཱཔིཀཾ. ཨེཝམེཝཾ མིཙྪཱདིཊྛིཀསྶ པུརིསཔུགྒལསྶ ཡཉྩེཝ ཀཱཡཀམྨཾ ཡཐཱདིཊྛི སམཏྟཾ སམཱདིནྣཾ, ཡཉྩ ཝཙཱིཀམྨཾ…པེ… ཡཉྩ མནོཀམྨཾ ཡཐཱདིཊྛི སམཏྟཾ སམཱདིནྣཾ, ཡཱ ཙ ཙེཏནཱ ཡཱ ཙ པཏྠནཱ ཡོ ཙ པཎིདྷི ཡེ ཙ སངྑཱརཱ, སབྦེ ཏེ དྷམྨཱ ཨནིཊྛཱཡ ཨཀནྟཱཡ ཨམནཱཔཱཡ ཨཧིཏཱཡ དུཀྑཱཡ སཾཝཏྟནྟི. ཏཾ ཀིསྶ ཧེཏུ? དིཊྛི ཧིསྶ པཱཔིཀཱ ཨསྶཱདདིཊྛི མིཙྪཱདིཊྛི.

མིཙྪཱདིཊྛི ¶ དིཊྛིགཏཾ, དིཊྛིགཧནཾ, དིཊྛིཀནྟཱརཾ, དིཊྛིཝིསཱུཀཾ, དིཊྛིཝིཔྥནྡིཏཾ, དིཊྛིསཉྙོཛནཾ, དིཊྛིསལླཾ, དིཊྛིསམྦཱདྷོ, དིཊྛིཔལིབོདྷོ, དིཊྛིབནྡྷནཾ, དིཊྛིཔཔཱཏོ, དིཊྛཱནུསཡོ, དིཊྛིསནྟཱཔོ, དིཊྛིཔརིལཱ༹ཧོ, དིཊྛིགནྠོ, དིཊྛུཔཱདཱནཾ, དིཊྛཱབྷིནིཝེསོ, དིཊྛིཔརཱམཱསོ – ཨིམེཧི ཨཊྛཱརསཧི ཨཱཀཱརེཧི པརིཡུཊྛིཏཙིཏྟསྶ སཉྙོགོ.

༡༢༩. ཨཏྠི སཉྙོཛནཱནི ཙེཝ དིཊྛིཡོ ཙ, ཨཏྠི སཉྙོཛནཱནི ན ཙ དིཊྛིཡོ. ཀཏམཱནི སཉྙོཛནཱནི ཙེཝ དིཊྛིཡོ ཙ? སཀྐཱཡདིཊྛི, སཱིལབྦཏཔརཱམཱསོ – ཨིམཱནི སཉྙོཛནཱནི ཙེཝ དིཊྛིཡོ ཙ. ཀཏམཱནི སཉྙོཛནཱནི, ན ཙ དིཊྛིཡོ? ཀཱམརཱགསཉྙོཛནཾ, པཊིགྷསཉྙོཛནཾ, མཱནསཉྙོཛནཾ, ཝིཙིཀིཙྪཱསཉྙོཛནཾ, བྷཝརཱགསཉྙོཛནཾ, ཨིསྶཱསཉྙོཛནཾ, མཙྪརིཡསཉྙོཛནཾ, ཨནུནཡསཉྙོཛནཾ, ཨཝིཛྫཱསཉྙོཛནཾ – ཨིམཱནི སཉྙོཛནཱནི, ན ཙ དིཊྛིཡོ.

ཡཾ ཝེདནཾ པཊིཙྩ…པེ… ཡཾ སཉྙཾ པཊིཙྩ…པེ… ཡཾ སངྑཱརེ [ཡེ སངྑཱརེ (ཀ.) སཾ. ནི. ༣.༢༨ པསྶིཏབྦཱ] པཊིཙྩ…པེ… ཡཾ ཝིཉྙཱཎཾ པཊིཙྩ… ཡཾ ཙཀྑུཾ པཊིཙྩ… ཡཾ སོཏཾ པཊིཙྩ… ཡཾ གྷཱནཾ པཊིཙྩ… ཡཾ ཛིཝ྄ཧཾ པཊིཙྩ… ཡཾ ཀཱཡཾ པཊིཙྩ… ཡཾ མནཾ པཊིཙྩ… ཡཾ རཱུཔེ པཊིཙྩ… ཡཾ སདྡེ པཊིཙྩ… ཡཾ གནྡྷེ པཊིཙྩ ¶ … ཡཾ རསེ པཊིཙྩ… ཡཾ ཕོཊྛབྦེ པཊིཙྩ… ཡཾ དྷམྨེ པཊིཙྩ… ཡཾ ཙཀྑུཝིཉྙཱཎཾ པཊིཙྩ… ཡཾ སོཏཝིཉྙཱཎཾ པཊིཙྩ… ཡཾ གྷཱནཝིཉྙཱཎཾ པཊིཙྩ… ཡཾ ཛིཝ྄ཧཱཝིཉྙཱཎཾ པཊིཙྩ… ཡཾ ཀཱཡཝིཉྙཱཎཾ པཊིཙྩ… ཡཾ མནོཝིཉྙཱཎཾ པཊིཙྩ ¶ … ཡཾ ཙཀྑུསམྥསྶཾ པཊིཙྩ… ཡཾ སོཏསམྥསྶཾ པཊིཙྩ… ཡཾ གྷཱནསམྥསྶཾ པཊིཙྩ… ཡཾ ཛིཝ྄ཧཱསམྥསྶཾ པཊིཙྩ… ཡཾ ཀཱཡསམྥསྶཾ པཊིཙྩ… ཡཾ མནོསམྥསྶཾ པཊིཙྩ… ཡཾ ཙཀྑུསམྥསྶཛཾ ཝེདནཾ པཊིཙྩ… ཡཾ སོཏསམྥསྶཛཾ ཝེདནཾ པཊིཙྩ… ཡཾ གྷཱནསམྥསྶཛཾ ཝེདནཾ པཊིཙྩ… ཡཾ ཛིཝ྄ཧཱསམྥསྶཛཾ ཝེདནཾ པཊིཙྩ… ཡཾ ཀཱཡསམྥསྶཛཾ ཝེདནཾ པཊིཙྩ… ཡཾ མནོསམྥསྶཛཾ ཝེདནཾ པཊིཙྩ ཨུཔྤཛྫཏི སུཁཾ སོམནསྶཾ, ཨཡཾ མནོསམྥསྶཛཱཡ ཝེདནཱཡ ཨསྶཱདོཏི – ཨབྷིནིཝེསཔརཱམཱསོ དིཊྛི. དིཊྛི ན ཨསྶཱདོ, ཨསྶཱདོ ན དིཊྛི. ཨཉྙཱ དིཊྛི, ཨཉྙོ ཨསྶཱདོ. ཡཱ ཙ དིཊྛི ཡོ ཙ ཨསྶཱདོ – ཨཡཾ ¶ ཝུཙྩཏི ཨསྶཱདདིཊྛི.

ཨསྶཱདདིཊྛི མིཙྪཱདིཊྛི དིཊྛིཝིཔཏྟི. ཏཱཡ དིཊྛིཝིཔཏྟིཡཱ སམནྣཱགཏོ པུགྒལོ དིཊྛིཝིཔནྣོ. དིཊྛིཝིཔནྣོ པུགྒལོ ན སེཝིཏབྦོ ན བྷཛིཏབྦོ ན པཡིརུཔཱསིཏབྦོ. ཏཾ ཀིསྶ ཧེཏུ? དིཊྛི ཧིསྶ པཱཔིཀཱ. ཡོ དིཊྛིཡཱ རཱགོ, སོ ན དིཊྛི. དིཊྛི ན རཱགོ. ཨཉྙཱ ¶ དིཊྛི, ཨཉྙོ རཱགོ. ཡཱ ཙ དིཊྛི ཡོ ཙ རཱགོ, ཨཡཾ ཝུཙྩཏི དིཊྛིརཱགོ. ཏཱཡ ཙ དིཊྛིཡཱ ཏེན ཙ རཱགེན སམནྣཱགཏོ པུགྒལོ དིཊྛིརཱགརཏྟོ. དིཊྛིརཱགརཏྟེ པུགྒལེ ¶ དིནྣཾ དཱནཾ ན མཧཔྥལཾ ཧོཏི ན མཧཱནིསཾསཾ. ཏཾ ཀིསྶ ཧེཏུ? དིཊྛི ཧིསྶ པཱཔིཀཱ ཨསྶཱདདིཊྛི མིཙྪཱདིཊྛི.

མིཙྪཱདིཊྛིཀསྶ པུརིསཔུགྒལསྶ དྭེཝ གཏིཡོ – ནིརཡོ ཝཱ ཏིརཙྪཱནཡོནི ཝཱ. མིཙྪཱདིཊྛིཀསྶ པུརིསཔུགྒལསྶ ཡཉྩེཝ ཀཱཡཀམྨཾ ཡཐཱདིཊྛི སམཏྟཾ སམཱདིནྣཾ, ཡཉྩ ཝཙཱིཀམྨཾ…པེ… ཡཉྩ མནོཀམྨཾ ཡཐཱདིཊྛི སམཏྟཾ སམཱདིནྣཾ, ཡཱ ཙ ཙེཏནཱ ཡཱ ཙ པཏྠནཱ ཡོ ཙ པཎིདྷི ཡེ ཙ སངྑཱརཱ, སབྦེ ཏེ དྷམྨཱ ཨནིཊྛཱཡ ཨཀནྟཱཡ ཨམནཱཔཱཡ ཨཧིཏཱཡ དུཀྑཱཡ སཾཝཏྟནྟི. ཏཾ ཀིསྶ ཧེཏུ? དིཊྛི ཧིསྶ པཱཔིཀཱ. སེཡྻཐཱཔི ནིམྦབཱིཛཾ ཝཱ ཀོསཱཏཀཱིབཱིཛཾ ཝཱ ཏིཏྟཀཱལཱབུབཱིཛཾ ཝཱ ཨལླཱཡ པཐཝིཡཱ ནིཀྑིཏྟཾ ཡཉྩེཝ པཐཝིརསཾ ཨུཔཱདིཡཏི ཡཉྩ ཨཱཔོརསཾ ཨུཔཱདིཡཏི, སབྦཾ ཏཾ ཏིཏྟཀཏྟཱཡ ཀཊུཀཏྟཱཡ ཨསཱཏཏྟཱཡ སཾཝཏྟཏི. ཏཾ ཀིསྶ ཧེཏུ? བཱིཛཾ ཧིསྶ པཱཔིཀཾ. ཨེཝམེཝཾ མིཙྪཱདིཊྛིཀསྶ པུརིསཔུགྒལསྶ ཡཉྩེཝ ཀཱཡཀམྨཾ ཡཐཱདིཊྛི སམཏྟཾ སམཱདིནྣཾ ཡཉྩ ཝཙཱིཀམྨཾ…པེ… ཡཉྩ མནོཀམྨཾ ཡཐཱདིཊྛི སམཏྟཾ སམཱདིནྣཾ, ཡཱ ཙ ཙེཏནཱ ཡཱ ཙ པཏྠནཱ ཡོ ཙ པཎིདྷི ཡེ ཙ སངྑཱརཱ, སབྦེ ཏེ དྷམྨཱ ཨནིཊྛཱཡ ཨཀནྟཱཡ ཨམནཱཔཱཡ ¶ ཨཧིཏཱཡ དུཀྑཱཡ སཾཝཏྟནྟི. ཏཾ ཀིསྶ ཧེཏུ? དིཊྛི ཧིསྶ པཱཔིཀཱ ཨསྶཱདདིཊྛི མིཙྪཱདིཊྛི.

མིཙྪཱདིཊྛི དིཊྛིགཏཾ དིཊྛིགཧནཾ…པེ… དིཊྛཱབྷིནིཝེསོ དིཊྛིཔརཱམཱསོ ¶ – ཨིམེཧི ཨཊྛཱརསཧི ཨཱཀཱརེཧི པརིཡུཊྛིཏཙིཏྟསྶ སཉྙོགོ.

ཨཏྠི ¶ སཉྙོཛནཱནི ཙེཝ དིཊྛིཡོ ཙ, ཨཏྠི སཉྙོཛནཱནི ན ཙ དིཊྛིཡོ. ཀཏམཱནི སཉྙོཛནཱནི ཙེཝ དིཊྛིཡོ ཙ? སཀྐཱཡདིཊྛི, སཱིལབྦཏཔརཱམཱསོ – ཨིམཱནི སཉྙོཛནཱནི ཙེཝ དིཊྛིཡོ ཙ. ཀཏམཱནི སཉྙོཛནཱནི, ན ཙ དིཊྛིཡོ? ཀཱམརཱགསཉྙོཛནཾ, པཊིགྷསཉྙོཛནཾ, མཱནསཉྙོཛནཾ, ཝིཙིཀིཙྪཱསཉྙོཛནཾ, བྷཝརཱགསཉྙོཛནཾ, ཨིསྶཱསཉྙོཛནཾ, མཙྪརིཡསཉྙོཛནཾ, ཨནུནཡསཉྙོཛནཾ, ཨཝིཛྫཱསཉྙོཛནཾ – ཨིམཱནི སཉྙོཛནཱནི, ན ཙ དིཊྛིཡོ. ཨསྶཱདདིཊྛིཡཱ ཨིམེཧི པཉྩཏིཾསཱཡ ཨཱཀཱརེཧི ཨབྷིནིཝེསོ ཧོཏི.

ཨསྶཱདདིཊྛིནིདྡེསོ པཋམོ.

༢. ཨཏྟཱནུདིཊྛིནིདྡེསོ

༡༣༠. ཨཏྟཱནུདིཊྛིཡཱ ¶ ཀཏམེཧི ཝཱིསཏིཡཱ ཨཱཀཱརེཧི ཨབྷིནིཝེསོ ཧོཏི? ཨིདྷ ཨསྶུཏཝཱ པུཐུཛྫནོ ཨརིཡཱནཾ ཨདསྶཱཝཱི ཨརིཡདྷམྨསྶ ཨཀོཝིདོ ཨརིཡདྷམྨེ ཨཝིནཱིཏོ, སཔྤུརིསཱནཾ ཨདསྶཱཝཱི སཔྤུརིསདྷམྨསྶ ཨཀོཝིདོ སཔྤུརིསདྷམྨེ ཨཝིནཱིཏོ རཱུཔཾ ཨཏྟཏོ སམནུཔསྶཏི རཱུཔཝནྟཾ ཝཱ ཨཏྟཱནཾ ཨཏྟནི ཝཱ རཱུཔཾ རཱུཔསྨིཾ ཝཱ ཨཏྟཱནཾ; ཝེདནཾ…པེ… སཉྙཾ…པེ… སངྑཱརེ…པེ… ཝིཉྙཱཎཾ ཨཏྟཏོ སམནུཔསྶཏི ཝིཉྙཱཎཝནྟཾ ཝཱ ཨཏྟཱནཾ ཨཏྟནི ཝཱ ཝིཉྙཱཎཾ ཝིཉྙཱཎསྨིཾ ཝཱ ཨཏྟཱནཾ.

༡༣༡. ཀཐཾ རཱུཔཾ ཨཏྟཏོ སམནུཔསྶཏི? ཨིདྷེཀཙྩོ པཐཝཱིཀསིཎཾ ཨཏྟཏོ སམནུཔསྶཏི – ‘‘ཡཾ པཐཝཱིཀསིཎཾ, སོ ཨཧཾ; ཡོ ཨཧཾ, ཏཾ པཐཝཱིཀསིཎ’’ནྟི. པཐཝཱིཀསིཎཉྩ ཨཏྟཉྩ ཨདྭཡཾ སམནུཔསྶཏི. སེཡྻཐཱཔི ¶ ཏེལཔྤདཱིཔསྶ ཛྷཱཡཏོ ‘‘ཡཱ ཨཙྩི སོ ¶ ཝཎྞོ, ཡོ ཝཎྞོ སཱ ཨཙྩཱི’’ཏི – ཨཙྩིཉྩ ཝཎྞཉྩ ཨདྭཡཾ སམནུཔསྶཏི. ཨེཝམེཝཾ ཨིདྷེཀཙྩོ པཐཝཱིཀསིཎཾ ཨཏྟཏོ སམནུཔསྶཏི – ‘‘ཡཾ པཐཝཱིཀསིཎཾ, སོ ཨཧཾ; ཡོ ཨཧཾ ¶ , ཏཾ པཐཝཱིཀསིཎ’’ནྟི. པཐཝཱིཀསིཎཉྩ ཨཏྟཉྩ ཨདྭཡཾ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ རཱུཔཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི དིཊྛིཝིཔཏྟི…པེ… ཨཏྟཱནུདིཊྛི མིཙྪཱདིཊྛི. མིཙྪཱདིཊྛིཀསྶ པུརིསཔུགྒལསྶ དྭེཝ གཏིཡོ…པེ… ཨིམཱནི སཉྙོཛནཱནི, ན ཙ དིཊྛིཡོ.

ཨིདྷེཀཙྩོ ཨཱཔོཀསིཎཾ… ཏེཛོཀསིཎཾ… ཝཱཡོཀསིཎཾ… ནཱིལཀསིཎཾ… པཱིཏཀསིཎཾ… ལོཧིཏཀསིཎཾ… ཨོདཱཏཀསིཎཾ ཨཏྟཏོ སམནུཔསྶཏི – ‘‘ཡཾ ཨོདཱཏཀསིཎཾ, སོ ཨཧཾ; ཡོ ཨཧཾ, ཏཾ ཨོདཱཏཀསིཎ’’ནྟི. ཨོདཱཏཀསིཎཉྩ ཨཏྟཉྩ ཨདྭཡཾ སམནུཔསྶཏི. སེཡྻཐཱཔི ཏེལཔྤདཱིཔསྶ ཛྷཱཡཏོ ‘‘ཡཱ ཨཙྩི, སོ ཝཎྞོ; ཡོ ཝཎྞོ, སཱ ཨཙྩཱི’’ཏི – ཨཙྩིཉྩ ཝཎྞཉྩ ཨདྭཡཾ སམནུཔསྶཏི. ཨེཝམེཝ ཨིདྷེཀཙྩོ…པེ… ཨོདཱཏཀསིཎཉྩ ཨཏྟཉྩ ཨདྭཡཾ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ རཱུཔཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི དིཊྛིཝིཔཏྟི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ རཱུཔཾ ཨཏྟཏོ སམནུཔསྶཏི.

ཀཐཾ ¶ ¶ རཱུཔཝནྟཾ ཨཏྟཱནཾ སམནུཔསྶཏི? ཨིདྷེཀཙྩོ ཝེདནཾ… སཉྙཾ… སངྑཱརེ… ཝིཉྙཱཎཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ ཨིམིནཱ རཱུཔེན རཱུཔཝཱ’’ཏི. རཱུཔཝནྟཾ ཨཏྟཱནཾ སམནུཔསྶཏི. སེཡྻཐཱཔི རུཀྑོ ཚཱཡཱསམྤནྣོ ཨསྶ. ཏམེནཾ པུརིསོ ཨེཝཾ ཝདེཡྻ – ‘‘ཨཡཾ རུཀྑོ, ཨཡཾ ཚཱཡཱ. ཨཉྙོ རུཀྑོ, ཨཉྙཱ ཚཱཡཱ. སོ ཁོ པནཱཡཾ རུཀྑོ ཨིམཱཡ ཚཱཡཱཡ ཚཱཡཱཝཱ’’ཏི. ཚཱཡཱཝནྟཾ རུཀྑཾ སམནུཔསྶཏི. ཨེཝམེཝཾ ཨིདྷེཀཙྩོ ཝེདནཾ…པེ… སཉྙཾ… སངྑཱརེ… ཝིཉྙཱཎཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན ཨཡཾ ཨཏྟཱ ཨིམིནཱ རཱུཔེན རཱུཔཝཱ’’ཏི. རཱུཔཝནྟཾ ཨཏྟཱནཾ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ དུཏིཡཱ རཱུཔཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི དིཊྛིཝིཔཏྟི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ རཱུཔཝནྟཾ ཨཏྟཱནཾ སམནུཔསྶཏི.

ཀཐཾ ¶ ¶ ཨཏྟནི རཱུཔཾ སམནུཔསྶཏི? ཨིདྷེཀཙྩོ ཝེདནཾ… སཉྙཾ… སངྑཱརེ… ཝིཉྙཱཎཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. ཨིམསྨིཉྩ པན ཨཏྟནི ཨིདཾ རཱུཔ’’ནྟི. ཨཏྟནི རཱུཔཾ སམནུཔསྶཏི. སེཡྻཐཱཔི པུཔྥཾ གནྡྷསམྤནྣཾ ཨསྶ. ཏམེནཾ པུརིསོ ཨེཝཾ ཝདེཡྻ – ‘‘ཨིདཾ པུཔྥཾ, ཨཡཾ གནྡྷོ; ཨཉྙཾ པུཔྥཾ, ཨཉྙོ གནྡྷོ. སོ ཁོ པནཱཡཾ གནྡྷོ ཨིམསྨིཾ པུཔྥེ’’ཏི. པུཔྥསྨིཾ གནྡྷཾ སམནུཔསྶཏི ¶ . ཨེཝམེཝཾ ཨིདྷེཀཙྩོ ཝེདནཾ…པེ… སཉྙཾ… སངྑཱརེ… ཝིཉྙཱཎཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. ཨིམསྨིཉྩ པན ཨཏྟནི ཨིདཾ རཱུཔ’’ནྟི. ཨཏྟནི རཱུཔཾ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ ཏཏིཡཱ རཱུཔཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི དིཊྛིཝིཔཏྟི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ ཨཏྟནི རཱུཔཾ སམནུཔསྶཏི.

ཀཐཾ རཱུཔསྨིཾ ཨཏྟཱནཾ སམནུཔསྶཏི? ཨིདྷེཀཙྩོ ཝེདནཾ…པེ… སཉྙཾ… སངྑཱརེ… ཝིཉྙཱཎཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ ཨིམསྨིཾ རཱུཔེ’’ཏི. རཱུཔསྨིཾ ཨཏྟཱནཾ སམནུཔསྶཏི. སེཡྻཐཱཔི མཎི ཀརཎྜཀེ པཀྑིཏྟོ ཨསྶ. ཏམེནཾ པུརིསོ ཨེཝཾ ཝདེཡྻ – ‘‘ཨཡཾ མཎི, ཨཡཾ ཀརཎྜཀོ. ཨཉྙོ མཎི, ཨཉྙོ ཀརཎྜཀོ. སོ ཁོ པནཱཡཾ མཎི ཨིམསྨིཾ ཀརཎྜཀེ’’ཏི. ཀརཎྜཀསྨིཾ མཎིཾ སམནུཔསྶཏི. ཨེཝམེཝཾ ཨིདྷེཀཙྩོ ཝེདནཾ…པེ… སཉྙཾ… སངྑཱརེ… ཝིཉྙཱཎཾ ཨཏྟཏོ སམནུཔསྶཏི ¶ . ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ ཨིམསྨིཾ རཱུཔེ’’ཏི. རཱུཔསྨིཾ ཨཏྟཱནཾ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ ཙཏུཏྠཱ རཱུཔཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི དིཊྛིཝིཔཏྟི…པེ… ཨིམཱནི སཉྙོཛནཱནི, ན ¶ ཙ དིཊྛིཡོ. ཨེཝཾ རཱུཔསྨིཾ ཨཏྟཱནཾ སམནུཔསྶཏི.

༡༣༢. ཀཐཾ ཝེདནཾ ཨཏྟཏོ སམནུཔསྶཏི? ཨིདྷེཀཙྩོ ཙཀྑུསམྥསྶཛཾ ཝེདནཾ སོཏསམྥསྶཛཾ ཝེདནཾ གྷཱནསམྥསྶཛཾ ཝེདནཾ ཛིཝ྄ཧཱསམྥསྶཛཾ ཝེདནཾ ཀཱཡསམྥསྶཛཾ ཝེདནཾ མནོསམྥསྶཛཾ ཝེདནཾ ཨཏྟཏོ སམནུཔསྶཏི. ‘‘ཡཱ མནོསམྥསྶཛཱ ¶ ཝེདནཱ སོ ཨཧཾ, ཡོ ཨཧཾ སཱ མནོསམྥསྶཛཱ ཝེདནཱ’’ཏི – མནོསམྥསྶཛཾ ཝེདནཉྩ ཨཏྟཉྩ ¶ ཨདྭཡཾ སམནུཔསྶཏི. སེཡྻཐཱཔི ཏེལཔྤདཱིཔསྶ ཛྷཱཡཏོ ‘‘ཡཱ ཨཙྩི སོ ཝཎྞོ, ཡོ ཝཎྞོ སཱ ཨཙྩཱི’’ཏི – ཨཙྩིཉྩ ཝཎྞཉྩ ཨདྭཡཾ སམནུཔསྶཏི. ཨེཝམེཝཾ ཨིདྷེཀཙྩོ མནོསམྥསྶཛཾ ཝེདནཾ ཨཏྟཏོ སམནུཔསྶཏི. ‘‘ཡཱ མནོསམྥསྶཛཱ ཝེདནཱ སོ ཨཧཾ, ཡོ ཨཧཾ སཱ མནོསམྥསྶཛཱ ཝེདནཱ’’ཏི – མནོསམྥསྶཛཾ ཝེདནཉྩ ཨཏྟཉྩ ཨདྭཡཾ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ཝེདནཱཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི དིཊྛིཝིཔཏྟི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ ཝེདནཾ ཨཏྟཏོ སམནུཔསྶཏི.

ཀཐཾ ཝེདནཱཝནྟཾ ཨཏྟཱནཾ སམནུཔསྶཏི? ཨིདྷེཀཙྩོ སཉྙཾ…པེ… སངྑཱརེ… ཝིཉྙཱཎཾ… རཱུཔཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ ཨིམཱཡ ཝེདནཱཡ ཝེདནཱཝཱ’’ཏི. ཝེདནཱཝནྟཾ ཨཏྟཱནཾ སམནུཔསྶཏི. སེཡྻཐཱཔི རུཀྑོ ¶ ཚཱཡཱསམྤནྣོ ཨསྶ. ཏམེནཾ པུརིསོ ཨེཝཾ ཝདེཡྻ – ‘‘ཨཡཾ རུཀྑོ, ཨཡཾ ཚཱཡཱ. ཨཉྙོ རུཀྑོ, ཨཉྙཱ ཚཱཡཱ. སོ ཁོ པནཱཡཾ རུཀྑོ ཨིམཱཡ ཚཱཡཱཡ ཚཱཡཱཝཱ’’ཏི. ཚཱཡཱཝནྟཾ རུཀྑཾ སམནུཔསྶཏི. ཨེཝམེཝཾ ཨིདྷེཀཙྩོ སཉྙཾ…པེ… སངྑཱརེ… ཝིཉྙཱཎཾ… རཱུཔཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ ཨིམཱཡ ཝེདནཱཡ ཝེདནཱཝཱ’’ཏི. ཝེདནཱཝནྟཾ ཨཏྟཱནཾ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ དུཏིཡཱ ཝེདནཱཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི ¶ དིཊྛིཝིཔཏྟི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ ཝེདནཱཝནྟཾ ཨཏྟཱནཾ སམནུཔསྶཏི.

ཀཐཾ ཨཏྟནི ཝེདནཾ སམནུཔསྶཏི? ཨིདྷེཀཙྩོ སཉྙཾ…པེ… སངྑཱརེ… ཝིཉྙཱཎཾ… རཱུཔཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. ཨིམསྨིཉྩ པན ཨཏྟནི ཨཡཾ ཝེདནཱ’’ཏི. ཨཏྟནི ཝེདནཾ སམནུཔསྶཏི. སེཡྻཐཱཔི པུཔྥཾ གནྡྷསམྤནྣཾ ཨསྶ. ཏམེནཾ པུརིསོ ཨེཝཾ ཝདེཡྻ – ‘‘ཨིདཾ པུཔྥཾ, ཨཡཾ གནྡྷོ; ཨཉྙཾ པུཔྥཾ, ཨཉྙོ གནྡྷོ. སོ ཁོ པནཱཡཾ གནྡྷོ ཨིམསྨིཾ པུཔྥེ’’ཏི. པུཔྥསྨིཾ གནྡྷཾ སམནུཔསྶཏི. ཨེཝམེཝཾ ཨིདྷེཀཙྩོ སཉྙཾ…པེ… སངྑཱརེ… ཝིཉྙཱཎཾ… རཱུཔཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. ཨིམསྨིཉྩ པན ཨཏྟནི ཨཡཾ ཝེདནཱ’’ཏི. ཨཏྟནི ཝེདནཾ སམནུཔསྶཏི ¶ . ཨབྷིནིཝེསཔརཱམཱསོ ¶ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ ཏཏིཡཱ ཝེདནཱཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི དིཊྛིཝིཔཏྟི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ ཨཏྟནི ཝེདནཾ སམནུཔསྶཏི.

ཀཐཾ ཝེདནཱཡ ཨཏྟཱནཾ སམནུཔསྶཏི? ཨིདྷེཀཙྩོ སཉྙཾ…པེ… སངྑཱརེ… ཝིཉྙཱཎཾ… རཱུཔཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ ཨིམཱཡ ཝེདནཱཡཱ’’ཏི. ཝེདནཱཡ ཨཏྟཱནཾ སམནུཔསྶཏི. སེཡྻཐཱཔི མཎི ཀརཎྜཀེ པཀྑིཏྟོ ཨསྶ. ཏམེནཾ པུརིསོ ཨེཝཾ ཝདེཡྻ – ‘‘ཨཡཾ མཎི, ཨཡཾ ཀརཎྜཀོ. ཨཉྙོ མཎི, ཨཉྙོ ཀརཎྜཀོ. སོ ཁོ པནཱཡཾ མཎི ཨིམསྨིཾ ཀརཎྜཀེ’’ཏི. ཀརཎྜཀསྨིཾ མཎིཾ སམནུཔསྶཏི. ཨེཝམེཝཾ ཨིདྷེཀཙྩོ སཉྙཾ… སངྑཱརེ… ཝིཉྙཱཎཾ… རཱུཔཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ ཨིམཱཡ ཝེདནཱཡཱ’’ཏི. ཝེདནཱཡ ཨཏྟཱནཾ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ ཙཏུཏྠཱ ཝེདནཱཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི དིཊྛིཝིཔཏྟི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ ཝེདནཱཡ ཨཏྟཱནཾ སམནུཔསྶཏི.

༡༣༣. ཀཐཾ སཉྙཾ ཨཏྟཏོ སམནུཔསྶཏི? ཨིདྷེཀཙྩོ ཙཀྑུསམྥསྶཛཾ སཉྙཾ…པེ… སོཏསམྥསྶཛཾ སཉྙཾ… གྷཱནསམྥསྶཛཾ སཉྙཾ… ཛིཝ྄ཧཱསམྥསྶཛཾ སཉྙཾ… ཀཱཡསམྥསྶཛཾ སཉྙཾ… མནོསམྥསྶཛཾ སཉྙཾ ཨཏྟཏོ སམནུཔསྶཏི. ཡཱ མནོསམྥསྶཛཱ སཉྙཱ སོ ཨཧཾ, ཡོ ¶ ཨཧཾ ¶ སཱ མནོསམྥསྶཛཱ སཉྙཱ’’ཏི. མནོསམྥསྶཛཾ སཉྙཉྩ ཨཏྟཉྩ ཨདྭཡཾ སམནུཔསྶཏི. སེཡྻཐཱཔི ཏེལཔྤདཱིཔསྶ ཛྷཱཡཏོ ‘‘ཡཱ ཨཙྩི སོ ཝཎྞོ, ཡོ ཝཎྞོ སཱ ཨཙྩཱི’’ཏི – ཨཙྩིཉྩ ཝཎྞཉྩ ཨདྭཡཾ སམནུཔསྶཏི. ཨེཝམེཝཾ ཨིདྷེཀཙྩོ མནོསམྥསྶཛཾ སཉྙཾ ཨཏྟཏོ སམནུཔསྶཏི – ‘‘ཡཱ མནོསམྥསྶཛཱ སཉྙཱ སོ ཨཧཾ, ཡོ ཨཧཾ སཱ མནོསམྥསྶཛཱ སཉྙཱ’’ཏི. མནོསམྥསྶཛཾ སཉྙཉྩ ཨཏྟཉྩ ཨདྭཡཾ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ སཉྙཱཝཏྠུཀཱ ཨཏྟཱནུདིཊྛི. ཨཏྟཱནུདིཊྛི ¶ མིཙྪཱདིཊྛི དིཊྛིཝིཔཏྟི…པེ… ཨིམཱནི སཉྙོཛནཱནི, ¶ ན ཙ དིཊྛིཡོ. ཨེཝཾ སཉྙཾ ཨཏྟཏོ སམནུཔསྶཏི.

ཀཐཾ སཉྙཱཝནྟཾ ཨཏྟཱནཾ སམནུཔསྶཏི? ཨིདྷེཀཙྩོ སངྑཱརེ…པེ… ཝིཉྙཱཎཾ… རཱུཔཾ… ཝེདནཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ¶ ཨཡཾ ཨཏྟཱ ཨིམཱཡ སཉྙཱཡ སཉྙཱཝཱ’’ཏི. སཉྙཱཝནྟཾ ཨཏྟཱནཾ སམནུཔསྶཏི. སེཡྻཐཱཔི རུཀྑོ ཚཱཡཱསམྤནྣོ ཨསྶ. ཏམེནཾ པུརིསོ ཨེཝཾ ཝདེཡྻ – ‘‘ཨཡཾ རུཀྑོ, ཨཡཾ ཚཱཡཱ. ཨཉྙོ རུཀྑོ, ཨཉྙཱ ཚཱཡཱ. སོ ཁོ པནཱཡཾ རུཀྑོ ཨིམཱཡ ཚཱཡཱཡ ཚཱཡཱཝཱ’’ཏི. ཚཱཡཱཝནྟཾ རུཀྑཾ སམནུཔསྶཏི. ཨེཝམེཝཾ ཨིདྷེཀཙྩོ སངྑཱརེ… ཝིཉྙཱཎཾ… རཱུཔཾ… ཝེདནཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ ཨིམཱཡ སཉྙཱཡ སཉྙཱཝཱ’’ཏི. སཉྙཱཝནྟཾ ཨཏྟཱནཾ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ དུཏིཡཱ སཉྙཱཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ སཉྙཱཝནྟཾ ཨཏྟཱནཾ སམནུཔསྶཏི.

ཀཐཾ ཨཏྟནི སཉྙཾ སམནུཔསྶཏི? ཨིདྷེཀཙྩོ སངྑཱརེ…པེ… ཝིཉྙཱཎཾ… རཱུཔཾ… ཝེདནཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. ཨིམསྨིཉྩ པན ཨཏྟནི ཨཡཾ སཉྙཱ’’ཏི. ཨཏྟནི སཉྙཾ སམནུཔསྶཏི. སེཡྻཐཱཔི པུཔྥཾ གནྡྷསམྤནྣཾ ཨསྶ. ཏམེནཾ པུརིསོ ཨེཝཾ ཝདེཡྻ – ‘‘ཨིདཾ པུཔྥཾ, ཨཡཾ གནྡྷོ. ཨཉྙཾ པུཔྥཾ, ཨཉྙོ གནྡྷོ. སོ ཁོ པནཱཡཾ གནྡྷོ ཨིམསྨིཾ པུཔྥེ’’ཏི. པུཔྥསྨིཾ གནྡྷཾ སམནུཔསྶཏི. ཨེཝམེཝཾ ཨིདྷེཀཙྩོ སངྑཱརེ… ཝིཉྙཱཎཾ… རཱུཔཾ… ཝེདནཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. ཨིམསྨིཉྩ པན ཨཏྟནི ཨཡཾ སཉྙཱ’’ཏི. ཨཏྟནི སཉྙཾ སམནུཔསྶཏི. ཨབྷིནིཝེསཔརཱམཱསོ ¶ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ ཏཏིཡཱ སཉྙཱཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ ཨཏྟནི སཉྙཾ སམནུཔསྶཏི.

ཀཐཾ སཉྙཱཡ ཨཏྟཱནཾ སམནུཔསྶཏི? ཨིདྷེཀཙྩོ སངྑཱརེ ¶ …པེ… ཝིཉྙཱཎཾ… རཱུཔཾ… ཝེདནཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ ཨིམཱཡ སཉྙཱཡཱ’’ཏི. སཉྙཱཡ ¶ ཨཏྟཱནཾ སམནུཔསྶཏི. སེཡྻཐཱཔི མཎི ཀརཎྜཀེ པཀྑིཏྟོ ཨསྶ. ཏམེནཾ པུརིསོ ཨེཝཾ ཝདེཡྻ – ‘‘ཨཡཾ མཎི, ཨཡཾ ཀརཎྜཀོ. ཨཉྙོ མཎི, ཨཉྙོ ཀརཎྜཀོ. སོ ཁོ པནཱཡཾ མཎི ཨིམསྨིཾ ཀརཎྜཀེ’’ཏི. ཀརཎྜཀསྨིཾ མཎིཾ སམནུཔསྶཏི. ཨེཝམེཝ ཨིདྷེཀཙྩོ སངྑཱརེ… ཝིཉྙཱཎཾ… རཱུཔཾ… ཝེདནཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ ཨིམཱཡ སཉྙཱཡཱ’’ཏི. སཉྙཱཡ ཨཏྟཱནཾ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ ཙཏུཏྠཱ སཉྙཱཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི…པེ… ཨིམཱནི སཉྙོཛནཱནི ན ཙ དིཊྛིཡོ. ཨེཝཾ སཉྙཱཡ ཨཏྟཱནཾ སམནུཔསྶཏི.

༡༣༤. ཀཐཾ སངྑཱརེ ཨཏྟཏོ སམནུཔསྶཏི? ཨིདྷེཀཙྩོ ཙཀྑུསམྥསྶཛཾ ཙེཏནཾ སོཏསམྥསྶཛཾ ཙེཏནཾ གྷཱནསམྥསྶཛཾ ཙེཏནཾ ཛིཝ྄ཧཱསམྥསྶཛཾ ཙེཏནཾ ཀཱཡསམྥསྶཛཾ ཙེཏནཾ མནོསམྥསྶཛཾ ཙེཏནཾ ཨཏྟཏོ སམནུཔསྶཏི. ‘‘ཡཱ མནོསམྥསྶཛཱ ཙེཏནཱ, སོ ཨཧཾ; ཡོ ཨཧཾ སཱ མནོསམྥསྶཛཱ ཙེཏནཱ’’ཏི – མནོསམྥསྶཛཾ ཙེཏནཉྩ ཨཏྟཉྩ ཨདྭཡཾ སམནུཔསྶཏི. སེཡྻཐཱཔི ཏེལཔྤདཱིཔསྶ ཛྷཱཡཏོ ‘‘ཡཱ ཨཙྩི སོ ¶ ཝཎྞོ, ཡོ ཝཎྞོ སཱ ཨཙྩཱི’’ཏི – ཨཙྩིཉྩ ཝཎྞཉྩ ཨདྭཡཾ སམནུཔསྶཏི. ཨེཝམེཝཾ ཨིདྷེཀཙྩོ མནོསམྥསྶཛཾ ཙེཏནཾ ཨཏྟཏོ སམནུཔསྶཏི. ‘‘ཡཱ མནོསམྥསྶཛཱ ཙེཏནཱ སོ ཨཧཾ, ཡོ ཨཧཾ སཱ མནོསམྥསྶཛཱ ཙེཏནཱ’’ཏི – མནོསམྥསྶཛཾ ཙེཏནཉྩ ཨཏྟཉྩ ཨདྭཡཾ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ སངྑཱརཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ སངྑཱརེ ཨཏྟཏོ སམནུཔསྶཏི.

ཀཐཾ ¶ སངྑཱརཝནྟཾ ཨཏྟཱནཾ སམནུཔསྶཏི? ཨིདྷེཀཙྩོ ཝིཉྙཱཎཾ… རཱུཔཾ… ཝེདནཾ… སཉྙཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ ཨིམེཧི སངྑཱརེཧི སངྑཱརཝཱ’’ཏི. སངྑཱརཝནྟཾ ཨཏྟཱནཾ སམནུཔསྶཏི. སེཡྻཐཱཔི རུཀྑོ ཚཱཡཱསམྤནྣོ ཨསྶ. ཏམེནཾ པུརིསོ ཨེཝཾ ཝདེཡྻ – ‘‘ཨཡཾ རུཀྑོ, ཨཡཾ ཚཱཡཱ. ཨཉྙོ རུཀྑོ, ཨཉྙཱ ཚཱཡཱ. སོ ཁོ པནཱཡཾ རུཀྑོ ¶ ཨིམཱཡ ཚཱཡཱཡ ཚཱཡཱཝཱ’’ཏི. ཚཱཡཱཝནྟཾ རུཀྑཾ སམནུཔསྶཏི. ཨེཝམེཝ ཨིདྷེཀཙྩོ ཝིཉྙཱཎཾ… རཱུཔཾ… ཝེདནཾ… སཉྙཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ. ཨིམེཧི སངྑཱརེཧི སངྑཱརཝཱ’’ཏི. སངྑཱརཝནྟཾ ཨཏྟཱནཾ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན ¶ དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ དུཏིཡཱ སངྑཱརཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ སངྑཱརཝནྟཾ ཨཏྟཱནཾ སམནུཔསྶཏི.

ཀཐཾ ¶ ཨཏྟནི སངྑཱརེ སམནུཔསྶཏི? ཨིདྷེཀཙྩོ ཝིཉྙཱཎཾ… རཱུཔཾ… ཝེདནཾ… སཉྙཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. ཨིམསྨིཉྩ པན ཨཏྟནི ཨིམེ སངྑཱརཱ’’ཏི. ཨཏྟནི སངྑཱརེ སམནུཔསྶཏི. སེཡྻཐཱཔི པུཔྥཾ གནྡྷསམྤནྣཾ ཨསྶ. ཏམེནཾ པུརིསོ ཨེཝཾ ཝདེཡྻ – ‘‘ཨིདཾ པུཔྥཾ, ཨཡཾ གནྡྷོ; ཨཉྙཾ པུཔྥཾ, ཨཉྙོ གནྡྷོ. སོ ཁོ པནཱཡཾ གནྡྷོ ཨིམསྨིཾ པུཔྥེ’’ཏི. པུཔྥསྨིཾ གནྡྷཾ སམནུཔསྶཏི. ཨེཝམེཝཾ ཨིདྷེཀཙྩོ ཝིཉྙཱཎཾ… རཱུཔཾ… ཝེདནཾ… སཉྙཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. ཨིམསྨིཉྩ པན ཨཏྟནི ཨིམེ སངྑཱརཱ’’ཏི. ཨཏྟནི སངྑཱརེ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ ཏཏིཡཱ སངྑཱརཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ ཨཏྟནི སངྑཱརེ སམནུཔསྶཏི.

ཀཐཾ སངྑཱརེསུ ཨཏྟཱནཾ སམནུཔསྶཏི? ཨིདྷེཀཙྩོ ཝིཉྙཱཎཾ… རཱུཔཾ… ཝེདནཾ… སཉྙཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི ¶ – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ ཨིམེསུ སངྑཱརེསཱུ’’ཏི. སངྑཱརེསུ ཨཏྟཱནཾ སམནུཔསྶཏི. སེཡྻཐཱཔི མཎི ཀརཎྜཀེ པཀྑིཏྟོ ཨསྶ. ཏམེནཾ པུརིསོ ཨེཝཾ ཝདེཡྻ – ‘‘ཨཡཾ མཎི, ཨཡཾ ཀརཎྜཀོ. ཨཉྙོ མཎི, ཨཉྙོ ཀརཎྜཀོ. སོ ཁོ པནཱཡཾ མཎི ཨིམསྨིཾ ཀརཎྜཀེ’’ཏི. ཀརཎྜཀསྨིཾ མཎིཾ སམནུཔསྶཏི. ཨེཝམེཝ ཨིདྷེཀཙྩོ ཝིཉྙཱཎཾ… རཱུཔཾ… ཝེདནཾ… སཉྙཾ ཨཏྟཏོ སམནུཔསྶཏི. ཏསྶ ¶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ ཨིམེསུ སངྑཱརེསཱུ’’ཏི. སངྑཱརེསུ ཨཏྟཱནཾ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ ¶ – ཨཡཾ ཙཏུཏྠཱ སངྑཱརཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ སངྑཱརེསུ ཨཏྟཱནཾ སམནུཔསྶཏི.

༡༣༥. ཀཐཾ ཝིཉྙཱཎཾ ཨཏྟཏོ སམནུཔསྶཏི? ཨིདྷེཀཙྩོ ཙཀྑུཝིཉྙཱཎཾ… སོཏཝིཉྙཱཎཾ… གྷཱནཝིཉྙཱཎཾ… ཛིཝ྄ཧཱཝིཉྙཱཎཾ ཀཱཡཝིཉྙཱཎཾ… མནོཝིཉྙཱཎཾ ཨཏྟཏོ སམནུཔསྶཏི. ‘‘ཡཾ མནོཝིཉྙཱཎཾ, སོ ཨཧཾ; ཡོ ཨཧཾ, ཏཾ མནོཝིཉྙཱཎ’’ནྟི – མནོཝིཉྙཱཎཉྩ ཨཏྟཉྩ ཨདྭཡཾ སམནུཔསྶཏི. སེཡྻཐཱཔི ཏེལཔྤདཱིཔསྶ ཛྷཱཡཏོ ‘‘ཡཱ ཨཙྩི སོ ཝཎྞོ, ཡོ ཝཎྞོ སཱ ཨཙྩཱི’’ཏི – ཨཙྩིཉྩ ཝཎྞཉྩ ཨདྭཡཾ སམནུཔསྶཏི. ཨེཝམེཝཾ ཨིདྷེཀཙྩོ མནོཝིཉྙཱཎཾ ཨཏྟཏོ སམནུཔསྶཏི ¶ . ‘‘ཡཾ མནོཝིཉྙཱཎཾ, སོ ཨཧཾ; ཡོ ཨཧཾ ཏཾ མནོཝིཉྙཱཎ’’ནྟི – མནོཝིཉྙཱཎཉྩ ཨཏྟཉྩ ཨདྭཡཾ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ཝིཉྙཱཎཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ ཝིཉྙཱཎཾ ཨཏྟཏོ སམནུཔསྶཏི.

ཀཐཾ ཝིཉྙཱཎཝནྟཾ ཨཏྟཱནཾ སམནུཔསྶཏི? ཨིདྷེཀཙྩོ རཱུཔཾ… ཝེདནཾ… སཉྙཾ… སངྑཱརེ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ ཨིམིནཱ ཝིཉྙཱཎེན ཝིཉྙཱཎཝཱ’’ཏི. ཝིཉྙཱཎཝནྟཾ ཨཏྟཱནཾ སམནུཔསྶཏི. སེཡྻཐཱཔི རུཀྑོ ཚཱཡཱསམྤནྣོ ཨསྶ. ཏམེནཾ པུརིསོ ཨེཝཾ ཝདེཡྻ – ‘‘ཨཡཾ རུཀྑོ, ཨཡཾ ཚཱཡཱ. ཨཉྙོ རུཀྑོ, ཨཉྙཱ ཚཱཡཱ. སོ ཁོ པནཱཡཾ རུཀྑོ ཨིམཱཡ ཚཱཡཱཡ ཚཱཡཱཝཱ’’ཏི. ཚཱཡཱཝནྟཾ རུཀྑཾ སམནུཔསྶཏི. ཨེཝམེཝཾ ཨིདྷེཀཙྩོ རཱུཔཾ… ཝེདནཾ… སཉྙཾ… སངྑཱརེ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ ཨིམིནཱ ཝིཉྙཱཎེན ཝིཉྙཱཎཝཱ’’ཏི. ཝིཉྙཱཎཝནྟཾ ཨཏྟཱནཾ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ དུཏིཡཱ ཝིཉྙཱཎཝཏྠུཀཱ ཨཏྟཱནུདིཊྛི. ཨཏྟཱནུདིཊྛི ¶ མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ ཝིཉྙཱཎཝནྟཾ ཨཏྟཱནཾ སམནུཔསྶཏི.

ཀཐཾ ¶ ཨཏྟནི ཝིཉྙཱཎཾ སམནུཔསྶཏི? ཨིདྷེཀཙྩོ རཱུཔཾ… ཝེདནཾ… སཉྙཾ… སངྑཱརེ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ ¶ . ཨིམསྨིཉྩ པན ཨཏྟནི ཨིདཾ ཝིཉྙཱཎ’’ནྟི. ཨཏྟནི ཝིཉྙཱཎཾ སམནུཔསྶཏི. སེཡྻཐཱཔི པུཔྥཾ གནྡྷསམྤནྣཾ ཨསྶ. ཏམེནཾ པུརིསོ ཨེཝཾ ཝདེཡྻ – ‘‘ཨིདཾ པུཔྥཾ, ཨཡཾ གནྡྷོ; ཨཉྙཾ པུཔྥཾ, ཨཉྙོ གནྡྷོ. སོ ཁོ པནཱཡཾ གནྡྷོ ཨིམསྨིཾ པུཔྥེ’’ཏི. པུཔྥསྨིཾ གནྡྷཾ སམནུཔསྶཏི. ཨེཝམེཝཾ ཨིདྷེཀཙྩོ རཱུཔཾ… ཝེདནཾ… སཉྙཾ… སངྑཱརེ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. ཨིམསྨིཉྩ པན ཨཏྟནི ཨིདཾ ཝིཉྙཱཎ’’ནྟི. ཨཏྟནི ཝིཉྙཱཎཾ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ ཏཏིཡཱ ཝིཉྙཱཎཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ ཨཏྟནི ཝིཉྙཱཎཾ སམནུཔསྶཏི.

ཀཐཾ ཝིཉྙཱཎསྨིཾ ཨཏྟཱནཾ སམནུཔསྶཏི? ཨིདྷེཀཙྩོ རཱུཔཾ… ཝེདནཾ… སཉྙཾ… སངྑཱརེ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ ཨིམསྨིཾ ཝིཉྙཱཎེ’’ཏི. ཝིཉྙཱཎསྨིཾ ¶ ཨཏྟཱནཾ སམནུཔསྶཏི. སེཡྻཐཱཔི མཎི ཀརཎྜཀེ ¶ པཀྑིཏྟོ ཨསྶ. ཏམེནཾ པུརིསོ ཨེཝཾ ཝདེཡྻ – ‘‘ཨཡཾ མཎི, ཨཡཾ ཀརཎྜཀོ. ཨཉྙོ མཎི, ཨཉྙོ ཀརཎྜཀོ. སོ ཁོ པནཱཡཾ མཎི ཨིམསྨིཾ ཀརཎྜཀེ’’ཏི. ཀརཎྜཀསྨིཾ མཎིཾ སམནུཔསྶཏི. ཨེཝམེཝཾ ཨིདྷེཀཙྩོ རཱུཔཾ… ཝེདནཾ… སཉྙཾ… སངྑཱརེ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ ཨིམསྨིཾ ཝིཉྙཱཎེ’’ཏི. ཝིཉྙཱཎསྨིཾ ཨཏྟཱནཾ སམནུཔསྶཏི. ཨབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ ཙཏུཏྠཱ ཝིཉྙཱཎཝཏྠུཀཱ ཨཏྟཱནུདིཊྛི. ཨཏྟཱནུདིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ ཝིཉྙཱཎསྨིཾ ཨཏྟཱནཾ སམནུཔསྶཏི. ཨཏྟཱནུདིཊྛིཡཱ ཨིམེཧི ཝཱིསཏིཡཱ ཨཱཀཱརེཧི ཨབྷིནིཝེསོ ཧོཏི.

ཨཏྟཱནུདིཊྛིནིདྡེསོ དུཏིཡོ.

༣. མིཙྪཱདིཊྛིནིདྡེསོ

༡༣༦. མིཙྪཱདིཊྛིཡཱ ¶ ཀཏམེཧི དསཧཱཀཱརེཧི ཨབྷིནིཝེསོ ཧོཏི? ‘‘ནཏྠི དིནྣ’’ནྟི – ཝཏྠུ [ཝཏྠུཾ (སྱཱ.) ཨེཝམུཔརིཔི]. ཨེཝཾཝཱདོ མིཙྪཱབྷིནིཝེསཔརཱམཱསོ [མིཙྪཱདིཊྛཱབྷིནིཝེསཔརཱམཱསོ (སྱཱ.)] དིཊྛི. དིཊྛི ¶ ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ མིཙྪཱཝཏྠུཀཱ མིཙྪཱདིཊྛི. མིཙྪཱདིཊྛི དིཊྛིཝིཔཏྟི…པེ… ཨིམཱནི སཉྙོཛནཱནི, ན ཙ དིཊྛིཡོ. ‘‘ནཏྠི ཡིཊྛ’’ནྟི – ཝཏྠུ…པེ… ‘‘ནཏྠི ཧུཏ’’ནྟི – ཝཏྠུ… ‘‘ནཏྠི སུཀཏདུཀྐཊཱནཾ ཀམྨཱནཾ ཕལཾ ཝིཔཱཀོ’’ཏི – ཝཏྠུ… ‘‘ནཏྠི ཨཡཾ ལོཀོ’’ཏི – ཝཏྠུ… ‘‘ནཏྠི པརོ ལོཀོ’’ཏི – ཝཏྠུ… ‘‘ནཏྠི མཱཏཱ’’ཏི – ཝཏྠུ… ‘‘ནཏྠི པིཏཱ’’ཏི ¶ – ཝཏྠུ… ‘‘ནཏྠི སཏྟཱ ཨོཔཔཱཏིཀཱ’’ཏི – ཝཏྠུ… ‘‘ནཏྠི ལོཀེ སམཎབྲཱཧྨཎཱ སམྨགྒཏཱ [སམགྒཏཱ (ཀ.)] སམྨཱཔཊིཔནྣཱ, ཡེ ཨིམཉྩ ལོཀཾ, པརཉྩ ལོཀཾ སཡཾ ཨབྷིཉྙཱ སཙྪིཀཏྭཱ པཝེདེནྟཱི’’ཏི – ཝཏྠུ. ཨེཝཾཝཱདོ མིཙྪཱབྷིནིཝེསཔརཱམཱསོ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ དསམཱ མིཙྪཱཝཏྠུཀཱ མིཙྪཱདིཊྛི. མིཙྪཱདིཊྛི དིཊྛིཝིཔཏྟི…པེ… མིཙྪཱདིཊྛིཀསྶ པུརིསཔུགྒལསྶ དྭེཝ གཏིཡོ…པེ… ཨིམཱནི སཉྙོཛནཱནི, ན ཙ དིཊྛིཡོ. མིཙྪཱདིཊྛིཡཱ ཨིམེཧི དསཧཱཀཱརེཧི ཨབྷིནིཝེསོ ཧོཏི.

མིཙྪཱདིཊྛིནིདྡེསོ ཏཏིཡོ.

༤. སཀྐཱཡདིཊྛིནིདྡེསོ

༡༣༧. སཀྐཱཡདིཊྛིཡཱ ཀཏམེཧི ཝཱིསཏིཡཱ ཨཱཀཱརེཧི ཨབྷིནིཝེསོ ཧོཏི? ཨིདྷ ཨསྶུཏཝཱ པུཐུཛྫནོ ཨརིཡཱནཾ ཨདསྶཱཝཱི ཨརིཡདྷམྨསྶ ཨཀོཝིདོ ཨརིཡདྷམྨེ ཨཝིནཱིཏོ, སཔྤུརིསཱནཾ ཨདསྶཱཝཱི སཔྤུརིསདྷམྨསྶ ཨཀོཝིདོ སཔྤུརིསདྷམྨེ ཨཝིནཱིཏོ རཱུཔཾ ཨཏྟཏོ སམནུཔསྶཏི རཱུཔཝནྟཾ ཝཱ ཨཏྟཱནཾ ཨཏྟནི ཝཱ རཱུཔཾ རཱུཔསྨིཾ ཝཱ ཨཏྟཱནཾ. ཝེདནཾ… སཉྙཾ… སངྑཱརེ… ཝིཉྙཱཎཾ ཨཏྟཏོ སམནུཔསྶཏི ཝིཉྙཱཎཝནྟཾ ཝཱ ཨཏྟཱནཾ ཨཏྟནི ཝཱ ཝིཉྙཱཎཾ ཝིཉྙཱཎསྨིཾ ཝཱ ཨཏྟཱནཾ.

ཀཐཾ རཱུཔཾ ཨཏྟཏོ སམནུཔསྶཏི? ཨིདྷེཀཙྩོ པཐཝཱིཀསིཎཾ…པེ… ཨོདཱཏཀསིཎཾ ཨཏྟཏོ ¶ ¶ སམནུཔསྶཏི. ‘‘ཡཾ ཨོདཱཏཀསིཎཾ, སོ ཨཧཾ; ཡོ ཨཧཾ, ཏཾ ཨོདཱཏཀསིཎ’’ནྟི – ཨོདཱཏཀསིཎཉྩ ཨཏྟཉྩ ཨདྭཡཾ སམནུཔསྶཏི ¶ . སེཡྻཐཱཔི ཏེལཔྤདཱིཔསྶ ཛྷཱཡཏོ…པེ… ཨེཝམེཝཾ ཨིདྷེཀཙྩོ ཨོདཱཏཀསིཎཾ ཨཏྟཏོ སམནུཔསྶཏི. ཨབྷིནིཝེསཔརཱམཱསོ དིཊྛི…པེ… ཨཡཾ པཋམཱ རཱུཔཝཏྠུཀཱ སཀྐཱཡདིཊྛི. སཀྐཱཡདིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ རཱུཔཾ ཨཏྟཏོ སམནུཔསྶཏི…པེ… སཀྐཱཡདིཊྛིཡཱ ཨིམེཧི ཝཱིསཏིཡཱ ཨཱཀཱརེཧི ཨབྷིནིཝེསོ ཧོཏི.

སཀྐཱཡདིཊྛིནིདྡེསོ ཙཏུཏྠོ.

༥. སསྶཏདིཊྛིནིདྡེསོ

༡༣༨. སཀྐཱཡཝཏྠུཀཱཡ ¶ སསྶཏདིཊྛིཡཱ ཀཏམེཧི པནྣརསཧི ཨཱཀཱརེཧི ཨབྷིནིཝེསོ ཧོཏི? ཨིདྷ ཨསྶུཏཝཱ པུཐུཛྫནོ ཨརིཡཱནཾ ཨདསྶཱཝཱི ཨརིཡདྷམྨསྶ ཨཀོཝིདོ ཨརིཡདྷམྨེ ཨཝིནཱིཏོ སཔྤུརིསཱནཾ ཨདསྶཱཝཱི སཔྤུརིསདྷམྨསྶ ཨཀོཝིདོ སཔྤུརིསདྷམྨེ ཨཝིནཱིཏོ རཱུཔཝནྟཾ ཝཱ ཨཏྟཱནཾ ཨཏྟནི ཝཱ རཱུཔཾ རཱུཔསྨིཾ ཝཱ ཨཏྟཱནཾ. ཝེདནཱཝནྟཾ ཝཱ ཨཏྟཱནཾ…པེ… སཉྙཱཝནྟཾ ཝཱ ཨཏྟཱནཾ… སངྑཱརཝནྟཾ ཝཱ ཨཏྟཱནཾ… ཝིཉྙཱཎཝནྟཾ ཝཱ ཨཏྟཱནཾ ཨཏྟནི ཝཱ ཝིཉྙཱཎཾ ཝིཉྙཱཎསྨིཾ ཝཱ ཨཏྟཱནཾ.

ཀཐཾ རཱུཔཝནྟཾ ཨཏྟཱནཾ སམནུཔསྶཏི? ཨིདྷེཀཙྩོ ཝེདནཾ… སཉྙཾ… སངྑཱརེ… ཝིཉྙཱཎཾ ཨཏྟཏོ སམནུཔསྶཏི. ཏསྶ ཨེཝཾ ཧོཏི – ‘‘ཨཡཾ ཁོ མེ ཨཏྟཱ. སོ ཁོ པན མེ ཨཡཾ ཨཏྟཱ ཨིམིནཱ རཱུཔེན རཱུཔཝཱ’’ཏི. རཱུཔཝནྟཾ ཨཏྟཱནཾ སམནུཔསྶཏི. སེཡྻཐཱཔི རུཀྑོ ཚཱཡཱསམྤནྣོ ཨསྶ. ཏམེནཾ པུརིསོ ཨེཝཾ ཝདེཡྻ – ‘‘ཨཡཾ རུཀྑོ, ཨཡཾ ཚཱཡཱ; ཨཉྙོ རུཀྑོ, ཨཉྙཱ ཚཱཡཱ. སོ ཁོ པནཱཡཾ རུཀྑོ ཨིམཱཡ ¶ ཚཱཡཱཡ ཚཱཡཱཝཱ’’ཏི. ཚཱཡཱཝནྟཾ རུཀྑཾ སམནུཔསྶཏི. ཨེཝམེཝཾ ཨིདྷེཀཙྩོ ཝེདནཾ…པེ… ཨཡཾ པཋམཱ སཀྐཱཡཝཏྠུཀཱ སསྶཏདིཊྛི. སསྶཏདིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ རཱུཔཝནྟཾ ཨཏྟཱནཾ སམནུཔསྶཏི…པེ… སཀྐཱཡཝཏྠུཀཱཡ སསྶཏདིཊྛིཡཱ ཨིམེཧི པནྣརསཧི ཨཱཀཱརེཧི ཨབྷིནིཝེསོ ཧོཏི.

སསྶཏདིཊྛིནིདྡེསོ པཉྩམོ.

༦. ཨུཙྪེདདིཊྛིནིདྡེསོ

༡༣༩. སཀྐཱཡཝཏྠུཀཱཡ ¶ ཨུཙྪེདདིཊྛིཡཱ ཀཏམེཧི པཉྩཧི ཨཱཀཱརེཧི ཨབྷིནིཝེསོ ཧོཏི? ཨིདྷ ཨསྶུཏཝཱ པུཐུཛྫནོ ཨརིཡཱནཾ ཨདསྶཱཝཱི ཨརིཡདྷམྨསྶ ཨཀོཝིདོ ཨརིཡདྷམྨེ ཨཝིནཱིཏོ སཔྤུརིསཱནཾ ཨདསྶཱཝཱི སཔྤུརིསདྷམྨསྶ ཨཀོཝིདོ སཔྤུརིསདྷམྨེ ཨཝིནཱིཏོ རཱུཔཾ ཨཏྟཏོ སམནུཔསྶཏི, ཝེདནཾ ཨཏྟཏོ སམནུཔསྶཏི, སཉྙཾ ཨཏྟཏོ སམནུཔསྶཏི, སངྑཱརེ ཨཏྟཏོ སམནུཔསྶཏི, ཝིཉྙཱཎཾ ཨཏྟཏོ སམནུཔསྶཏི.

ཀཐཾ རཱུཔཾ ཨཏྟཏོ སམནུཔསྶཏི? ཨིདྷེཀཙྩོ ¶ པཐཝཱིཀསིཎཾ…པེ… ཨོདཱཏཀསིཎཾ ཨཏྟཏོ སམནུཔསྶཏི. ‘‘ཡཾ ཨོདཱཏཀསིཎཾ, སོ ཨཧཾ ¶ ; ཡོ ཨཧཾ, ཏཾ ཨོདཱཏཀསིཎ’’ནྟི – ཨོདཱཏཀསིཎཉྩ ཨཏྟཉྩ ཨདྭཡཾ སམནུཔསྶཏི. སེཡྻཐཱཔི ཏེལཔྤདཱིཔསྶ ཛྷཱཡཏོ…པེ… ཨཡཾ པཋམཱ སཀྐཱཡཝཏྠུཀཱ ཨུཙྪེདདིཊྛི. ཨུཙྪེདདིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ རཱུཔཾ ཨཏྟཏོ སམནུཔསྶཏི…པེ… སཀྐཱཡཝཏྠུཀཱཡ ཨུཙྪེདདིཊྛིཡཱ ཨིམེཧི པཉྩཧི ཨཱཀཱརེཧི ཨབྷིནིཝེསོ ཧོཏི.

ཨུཙྪེདདིཊྛིནིདྡེསོ ཚཊྛོ.

༧. ཨནྟགྒཱཧིཀཱདིཊྛིནིདྡེསོ

༡༤༠. ཨནྟགྒཱཧིཀཱཡ ¶ དིཊྛིཡཱ ཀཏམེཧི པཉྙཱསཱཡ ཨཱཀཱརེཧི ཨབྷིནིཝེསོ ཧོཏི? ‘‘སསྶཏོ ལོཀོ’’ཏི – ཨནྟགྒཱཧིཀཱཡ དིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི? ‘‘ཨསསྶཏོ ལོཀོ’’ཏི – ཨནྟགྒཱཧིཀཱཡ དིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི? ‘‘ཨནྟཝཱ ལོཀོ’’ཏི – ཨནྟགྒཱཧིཀཱཡ དིཊྛིཡཱ… ‘‘ཨནནྟཝཱ ལོཀོ’’ཏི – ཨནྟགྒཱཧིཀཱཡ དིཊྛིཡཱ… ‘‘ཏཾ ཛཱིཝཾ ཏཾ སརཱིར’’ནྟི – ཨནྟགྒཱཧིཀཱཡ དིཊྛིཡཱ… ‘‘ཨཉྙཾ ཛཱིཝཾ ཨཉྙཾ སརཱིར’’ནྟི – ཨནྟགྒཱཧིཀཱཡ དིཊྛིཡཱ… ‘‘ཧོཏི ཏཐཱགཏོ པརཾ མརཎཱ’’ཏི…པེ… ན ཧོཏི ཏཐཱགཏོ པརཾ མརཎཱ’’ཏི… ‘‘ཧོཏི ཙ ན ཙ ཧོཏི ཏཐཱགཏོ པརཾ མརཎཱ’’ཏི… ‘‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི?

‘‘སསྶཏོ ¶ ལོཀོ’’ཏི – ཨནྟགྒཱཧིཀཱཡ དིཊྛིཡཱ པཉྩཧཱཀཱརེཧི ཨབྷིནིཝེསོ ཧོཏི…པེ… ‘‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ པཉྩཧཱཀཱརེཧི ཨབྷིནིཝེསོ ཧོཏི.

[ཀ] ‘‘སསྶཏོ ལོཀོ’’ཏི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? རཱུཔཾ ལོཀོ ཙེཝ སསྶཏཾ ཙཱཏི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘སསྶཏོ ལོཀོ’’ཏི – ཨནྟགྒཱཧིཀཱ དིཊྛི. ཨནྟགྒཱཧིཀཱ དིཊྛི མིཙྪཱདིཊྛི ¶ …པེ… ཨིམཱནི སཉྙོཛནཱནི, ན ཙ དིཊྛིཡོ.

ཝེདནཱ ལོཀོ ཙེཝ སསྶཏཱ ཙཱཏི…པེ… སཉྙཱ ལོཀོ ཙེཝ སསྶཏཱ ཙཱཏི…པེ… སངྑཱརཱ ལོཀོ ཙེཝ སསྶཏཱ ཙཱཏི…པེ… ཝིཉྙཱཎཾ ¶ ལོཀོ ཙེཝ སསྶཏཉྩཱཏི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཉྩམཱི ¶ སསྶཏོ ལོཀོཏི – ཨནྟགྒཱཧིཀཱ དིཊྛི. ཨནྟགྒཱཧིཀཱ དིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ. ‘‘སསྶཏོ ལོཀོ’’ཏི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི.

[ཁ] ‘‘ཨསསྶཏོ ལོཀོ’’ཏི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? རཱུཔཾ ལོཀོ ཙེཝ ཨསསྶཏཉྩཱཏི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི…པེ… ཨཡཾ པཋམཱ ‘‘ཨསསྶཏོ ལོཀོ’’ཏི – ཨནྟགྒཱཧིཀཱ དིཊྛི. ཨནྟགྒཱཧིཀཱ དིཊྛི མིཙྪཱདིཊྛི དིཊྛིཝིཔཏྟི…པེ… ཨིམཱནི སཉྙོཛནཱནི, ན ཙ དིཊྛིཡོ.

ཝེདནཱ ལོཀོ ཙེཝ ཨསསྶཏཱ ཙཱཏི…པེ… སཉྙཱ ལོཀོ ཙེཝ ཨསསྶཏཱ ཙཱཏི…པེ… སངྑཱརཱ ལོཀོ ཙེཝ ཨསསྶཏཱ ཙཱཏི…པེ… ཝིཉྙཱཎཾ ལོཀོ ཙེཝ ཨསསྶཏཉྩཱཏི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི. ཨནྟགྒཱཧིཀཱ དིཊྛི ¶ མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ ¶ . ‘‘ཨསསྶཏོ ལོཀོ’’ཏི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི.

[ག] ‘‘ཨནྟཝཱ ལོཀོ’’ཏི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? ཨིདྷེཀཙྩོ པརིཏྟཾ ཨོཀཱསཾ ནཱིལཀཏོ ཕརཏི. ཏསྶ ཨེཝཾ ཧོཏི – ‘‘ཨནྟཝཱ ཨཡཾ ལོཀོ པརིཝཊུམོ’’ཏི. ཨནྟསཉྙཱི ཧོཏི. ཡཾ ཕརཏི, ཏཾ ཝཏྠུ ཙེཝ ལོཀོ ཙ. ཡེན ཕརཏི, སོ ཨཏྟཱ ཙེཝ ལོཀོ ཙཱཏི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘ཨནྟཝཱ ལོཀོ’’ཏི ཨནྟགྒཱཧིཀཱ དིཊྛི. ཨནྟགྒཱཧིཀཱ དིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ.

ཨིདྷེཀཙྩོ ¶ པརིཏྟཾ ཨོཀཱསཾ པཱིཏཀཏོ ཕརཏི… ལོཧིཏཀཏོ ཕརཏི… ཨོདཱཏཀཏོ ཕརཏི… ཨོབྷཱསཀཏོ ཕརཏི. ཏསྶ ཨེཝཾ ཧོཏི – ‘‘ཨནྟཝཱ ཨཡཾ ལོཀོ པརིཝཊུམོ’’ཏི. ཨནྟསཉྙཱི ཧོཏི. ཡཾ ཕརཏི ཏཾ ཝཏྠུ ཙེཝ ལོཀོ ཙ. ཡེན ཕརཏི སོ ཨཏྟཱ ཙེཝ ལོཀོ ཙཱཏི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི…པེ… ཨནྟཝཱ ¶ ལོཀོཏི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི.

[གྷ] ‘‘ཨནནྟཝཱ ལོཀོ’’ཏི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ¶ ཨབྷིནིཝེསོ ཧོཏི? ཨིདྷེཀཙྩོ ཝིཔུལཾ ཨོཀཱསཾ ནཱིལཀཏོ ཕརཏི. ཏསྶ ཨེཝཾ ཧོཏི – ‘‘ཨནནྟཝཱ ཨཡཾ ལོཀོ ཨཔརིཡནྟོ’’ཏི. ཨནནྟསཉྙཱི ཧོཏི. ཡཾ ཕརཏི ཏཾ ཝཏྠུ ཙེཝ ལོཀོ ཙ; ཡེན ཕརཏི སོ ཨཏྟཱ ཙེཝ ལོཀོ ཙཱཏི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘ཨནནྟཝཱ ལོཀོ’’ཏི – ཨནྟགྒཱཧིཀཱ དིཊྛི. ཨནྟགྒཱཧིཀཱ དིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ.

ཨིདྷེཀཙྩོ ཝིཔུལཾ ཨོཀཱསཾ པཱིཏཀཏོ ཕརཏི… ལོཧིཏཀཏོ ཕརཏི… ཨོདཱཏཀཏོ ཕརཏི… ཨོབྷཱསཀཏོ ཕརཏི. ཏསྶ ཨེཝཾ ཧོཏི – ‘‘ཨནནྟཝཱ ཨཡཾ ལོཀོ ཨཔརིཡནྟོ’’ཏི. ཨནནྟསཉྙཱི ཧོཏི. ཡཾ ཕརཏི ཏཾ ཝཏྠུ ཙེཝ ལོཀོ ཙ; ཡེན ཕརཏི སོ ཨཏྟཱ ¶ ཙེཝ ལོཀོ ཙཱཏི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི…པེ… ཨནནྟཝཱ ལོཀོཏི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི.

[ང] ‘‘ཏཾ ཛཱིཝཾ ཏཾ སརཱིར’’ནྟི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? རཱུཔཾ ཛཱིཝཉྩེཝ སརཱིརཉྩ; ཡཾ ཛཱིཝཾ ཏཾ སརཱིརཾ, ཡཾ སརཱིརཾ ཏཾ ཛཱིཝནྟི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ¶ ‘‘ཏཾ ཛཱིཝཾ ཏཾ སརཱིར’’ནྟི – ཨནྟགྒཱཧིཀཱ དིཊྛི. ཨནྟགྒཱཧིཀཱ དིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ.

ཝེདནཱ ¶ ཛཱིཝཱ ཙེཝ སརཱིརཾ ཙ… སཉྙཱ ཛཱིཝཱ ཙེཝ སརཱིརཾ ཙ… སངྑཱརཱ ཛཱིཝཱ ཙེཝ སརཱིརཾ ཙ… ཝིཉྙཱཎཾ ཛཱིཝཉྩེཝ སརཱིརཉྩ; ཡཾ ཛཱིཝཾ ཏཾ སརཱིརཾ, ཡཾ སརཱིརཾ ཏཾ ཛཱིཝནྟི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི…པེ… ‘‘ཏཾ ཛཱིཝཾ ཏཾ སརཱིར’’ནྟི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི.

[ཙ] ‘‘ཨཉྙཾ ཛཱིཝཾ ཨཉྙཾ སརཱིར’’ནྟི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? རཱུཔཾ སརཱིརཾ, ན ཛཱིཝཾ; ཛཱིཝཾ ན སརཱིརཾ. ཨཉྙཾ ཛཱིཝཾ ཨཉྙཾ སརཱིརནྟི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘ཨཉྙཾ ཛཱིཝཾ ཨཉྙཾ སརཱིར’’ནྟི – ཨནྟགྒཱཧིཀཱ དིཊྛི. ཨནྟགྒཱཧིཀཱ དིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ.

ཝེདནཱ སརཱིརཾ, ན ཛཱིཝཾ… སཉྙཱ སརཱིརཾ, ན ཛཱིཝཾ… སངྑཱརཱ སརཱིརཾ, ན ཛཱིཝཾ… ཝིཉྙཱཎཾ སརཱིརཾ, ན ཛཱིཝཾ; ཛཱིཝཾ ན སརཱིརཾ. ཨཉྙཾ ཛཱིཝཾ, ཨཉྙཾ སརཱིརནྟི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི…པེ… ཨཉྙཾ ཛཱིཝཾ, ཨཉྙཾ སརཱིརནྟི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི.

[ཚ] ‘‘ཧོཏི ¶ ¶ ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? རཱུཔཾ ཨིདྷེཝ མརཎདྷམྨཾ. ཏཐཱགཏོ ཀཱཡསྶ བྷེདཱ ཧོཏིཔི ཏིཊྛཏིཔི ཨུཔྤཛྫཏིཔི ནིབྦཏྟཏིཔཱིཏི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱ དིཊྛི. ཨནྟགྒཱཧིཀཱ དིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ.

ཝེདནཱ ཨིདྷེཝ མརཎདྷམྨཱ…པེ… སཉྙཱ ཨིདྷེཝ མརཎདྷམྨཱ… སངྑཱརཱ ཨིདྷེཝ མརཎདྷམྨཱ… ཝིཉྙཱཎཾ ཨིདྷེཝ མརཎདྷམྨཾ. ཏཐཱགཏོ ཀཱཡསྶ བྷེདཱ ཧོཏིཔི ཏིཊྛཏིཔི ཨུཔྤཛྫཏིཔི ནིབྦཏྟཏིཔཱིཏི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི…པེ… ‘‘ཧོཏི ཏཐཱགཏོ ¶ པརཾ མརཎཱ’’ཏི ¶ – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི.

[ཛ] ‘‘ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? རཱུཔཾ ཨིདྷེཝ མརཎདྷམྨཾ. ཏཐཱགཏོཔི ཀཱཡསྶ བྷེདཱ ཨུཙྪིཛྫཏི ཝིནསྶཏི; ན ཧོཏི ཏཐཱགཏོ པརཾ མརཎཱཏི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ ¶ པཋམཱ ‘‘ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱ དིཊྛི. ཨནྟགྒཱཧིཀཱ དིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ.

ཝེདནཱ ཨིདྷེཝ མརཎདྷམྨཱ…པེ… སཉྙཱ ཨིདྷེཝ མརཎདྷམྨཱ… སངྑཱརཱ ཨིདྷེཝ མརཎདྷམྨཱ… ཝིཉྙཱཎཾ ཨིདྷེཝ མརཎདྷམྨཾ. ཏཐཱགཏོཔི ཀཱཡསྶ བྷེདཱ ཨུཙྪིཛྫཏི ཝིནསྶཏི. ‘‘ན ཧོཏི ཏཐཱགཏོ པརཾ མརཎཱ’’ཏི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི…པེ… ‘‘ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི.

[ཛྷ] ‘‘ཧོཏི ཙ ན ཙ ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? རཱུཔཾ ཨིདྷེཝ མརཎདྷམྨཾ. ཏཐཱགཏོ ཀཱཡསྶ བྷེདཱ ཧོཏི ¶ ཙ ན ཙ ཧོཏཱིཏི – ཨབྷིནིཝེསཔརཱམཱསོ དིཊྛི. ཏཱཡ ¶ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘ཧོཏི ཙ ན ཙ ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱ དིཊྛི. ཨནྟགྒཱཧིཀཱ དིཊྛི མིཙྪཱདིཊྛི…པེ… ཨིམཱནི སཉྙོཛནཱནི ན ཙ དིཊྛིཡོ.

ཝེདནཱ ཨིདྷེཝ མརཎདྷམྨཱ…པེ… སཉྙཱ ཨིདྷེཝ མརཎདྷམྨཱ… སངྑཱརཱ ཨིདྷེཝ མརཎདྷམྨཱ… ཝིཉྙཱཎཾ ཨིདྷེཝ མརཎདྷམྨཾ. ཏཐཱགཏོ ཀཱཡསྶ བྷེདཱ ཧོཏི ཙ ན ཙ ཧོཏཱིཏི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི…པེ… ‘‘ཧོཏི ཙ ན ཙ ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི.

[ཉ] ‘‘ནེཝ ¶ ཧོཏི ན ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ ¶ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? རཱུཔཾ ཨིདྷེཝ མརཎདྷམྨཾ. ཏཐཱགཏོ ཀཱཡསྶ བྷེདཱ པརཾ མརཎཱ ནེཝ ཧོཏི ན ན ཧོཏཱིཏི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི. དིཊྛི ན ཝཏྠུ, ཝཏྠུ ན དིཊྛི, ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱ དིཊྛི. ཨནྟགྒཱཧིཀཱ དིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ.

ཝེདནཱ ཨིདྷེཝ མརཎདྷམྨཱ…པེ… སཉྙཱ ཨིདྷེཝ མརཎདྷམྨཱ… སངྑཱརཱ ཨིདྷེཝ མརཎདྷམྨཱ… ཝིཉྙཱཎཾ ཨིདྷེཝ མརཎདྷམྨཾ. ཏཐཱགཏོ ཀཱཡསྶ བྷེདཱ པརཾ མརཎཱ ནེཝ ཧོཏི ན ན ཧོཏཱིཏི – ཨབྷིནིཝེསཔརཱམཱསོ དིཊྛི. ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཉྩམཱི ‘‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ’’ཏི ¶ – ཨནྟགྒཱཧིཀཱ དིཊྛི. ཨནྟགྒཱཧིཀཱ དིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ. ‘‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི. ཨནྟགྒཱཧིཀཱཡ དིཊྛིཡཱ ཨིམེཧི པཉྙཱསཱཡ ཨཱཀཱརེཧི ཨབྷིནིཝེསོ ཧོཏི.

ཨནྟགྒཱཧིཀཱདིཊྛིནིདྡེསོ སཏྟམོ.

༨. པུབྦནྟཱནུདིཊྛིནིདྡེསོ

༡༤༡. པུབྦནྟཱནུདིཊྛིཡཱ ¶ ཀཏམེཧི ཨཊྛཱརསཧི ཨཱཀཱརེཧི ཨབྷིནིཝེསོ ཧོཏི? ཙཏྟཱརོ སསྶཏཝཱདཱ, ཙཏྟཱརོ ཨེཀཙྩསསྶཏིཀཱ, ཙཏྟཱརོ ཨནྟཱནནྟིཀཱ, ཙཏྟཱརོ ཨམརཱཝིཀྑེཔིཀཱ, དྭེ ཨདྷིཙྩསམུཔྤནྣིཀཱ – པུབྦནྟཱནུདིཊྛིཡཱ ཨིམེཧི ཨཊྛཱརསཧི ཨཱཀཱརེཧི ཨབྷིནིཝེསོ ཧོཏི.

པུབྦནྟཱནུདིཊྛིནིདྡེསོ ཨཊྛམོ.

༩. ཨཔརནྟཱནུདིཊྛིནིདྡེསོ

༡༤༢. ཨཔརནྟཱནུདིཊྛིཡཱ ཀཏམེཧི ཙཏུཙཏྟཱལཱིསཱཡ ཨཱཀཱརེཧི ཨབྷིནིཝེསོ ཧོཏི? སོལ༹ས སཉྙཱིཝཱདཱ, ཨཊྛ ཨསཉྙཱིཝཱདཱ, ཨཊྛ ནེཝསཉྙཱིནཱསཉྙཱིཝཱདཱ ¶ , སཏྟ ཨུཙྪེདཝཱདཱ, པཉྩ དིཊྛདྷམྨནིབྦཱནཝཱདཱ – ཨཔརནྟཱནུདིཊྛིཡཱ ཨིམེཧི ཙཏུཙཏྟཱལཱིསཱཡ ཨཱཀཱརེཧི ཨབྷིནིཝེསོ ཧོཏི.

ཨཔརནྟཱནུདིཊྛིནིདྡེསོ ནཝམོ.

༡༠-༡༢. སཉྙོཛནིཀཱདིདིཊྛིནིདྡེསོ

༡༤༣. སཉྙོཛནིཀཱཡ དིཊྛིཡཱ ཀཏམེཧི ཨཊྛཱརསཧི ཨཱཀཱརེཧི ཨབྷིནིཝེསོ ཧོཏི? ཡཱ དིཊྛི དིཊྛིགཏཾ དིཊྛིགཧནཾ…པེ… དིཊྛཱབྷིནིཝེསོ དིཊྛིཔརཱམཱསོ – སཉྙོཛནིཀཱཡ དིཊྛིཡཱ ཨིམེཧི ཨཊྛཱརསཧི ཨཱཀཱརེཧི ཨབྷིནིཝེསོ ཧོཏི.

༡༤༤. ‘‘ཨཧ’’ནྟི – མཱནཝིནིབནྡྷཱཡ དིཊྛིཡཱ ཀཏམེཧི ཨཊྛཱརསཧི ཨཱཀཱརེཧི ཨབྷིནིཝེསོ ཧོཏི? ཙཀྑུ ཨཧནྟི – ཨབྷིནིཝེསཔརཱམཱསོ. ཨཧནྟི – མཱནཝིནིབནྡྷཱ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ¶ ཙ དིཊྛི ཡཉྩ ཝཏྠུ – ཨཡཾ ¶ པཋམཱ ‘‘ཨཧ’’ནྟི – མཱནཝིནིབནྡྷཱ དིཊྛི. མཱནཝིནིབནྡྷཱ དིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ.

སོཏཾ ¶ ཨཧནྟི…པེ… གྷཱནཾ ཨཧནྟི…པེ… ཛིཝ྄ཧཱ ཨཧནྟི…པེ… ཀཱཡོ ཨཧནྟི…པེ… མནོ ཨཧནྟི…པེ… རཱུཔཱ ཨཧནྟི…པེ… དྷམྨཱ ཨཧནྟི… ཙཀྑུཝིཉྙཱཎཾ ཨཧནྟི…པེ… མནོཝིཉྙཱཎཾ ཨཧནྟི – ཨབྷིནིཝེསཔརཱམཱསོ. ཨཧནྟི – མཱནཝིནིབནྡྷཱ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ ཨཊྛཱརསམཱི ‘‘ཨཧ’’ནྟི – མཱནཝིནིབནྡྷཱ དིཊྛི. མཱནཝིནིབནྡྷཱ དིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ. ‘‘ཨཧ’’ནྟི – མཱནཝིནིབནྡྷཱཡ དིཊྛིཡཱ ཨིམེཧི ཨཊྛཱརསཧི ཨཱཀཱརེཧི ཨབྷིནིཝེསོ ཧོཏི.

༡༤༥. ‘‘མམ’’ནྟི – མཱནཝིནིབནྡྷཱཡ དིཊྛིཡཱ ཀཏམེཧི ཨཊྛཱརསཧི ཨཱཀཱརེཧི ཨབྷིནིཝེསོ ཧོཏི? ཙཀྑུ མམནྟི – ཨབྷིནིཝེསཔརཱམཱསོ. མམནྟི – མཱནཝིནིབནྡྷཱ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘མམ’’ནྟི – མཱནཝིནིབནྡྷཱ དིཊྛི. མཱནཝིནིབནྡྷཱ དིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ.

སོཏཾ མམནྟི…པེ… གྷཱནཾ མམནྟི…པེ… ཛིཝ྄ཧཱ མམནྟི…པེ… ཀཱཡོ མམནྟི…པེ… མནོ མམནྟི…པེ… རཱུཔཱ མམནྟི…པེ… དྷམྨཱ མམནྟི…པེ… ཙཀྑུཝིཉྙཱཎཾ མམནྟི…པེ… མནོཝིཉྙཱཎཾ མམནྟི ཨབྷིནིཝེསཔརཱམཱསོ. མམནྟི ¶ མཱནཝིནིབནྡྷཱ དིཊྛི. དིཊྛི ན ཝཏྠུ, ཝཏྠུ ན ¶ དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ ཨཊྛཱརསམཱི ‘‘མམ’’ནྟི – མཱནཝིནིབནྡྷཱ དིཊྛི. མཱནཝིནིབནྡྷཱ དིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ. ‘‘མམ’’ནྟི – མཱནཝིནིབནྡྷཱཡ དིཊྛིཡཱ ཨིམེཧི ཨཊྛཱརསཧི ཨཱཀཱརེཧི ཨབྷིནིཝེསོ ཧོཏི.

སཉྙོཛནིཀཱདིདིཊྛིནིདྡེསོ དྭཱདསམོ.

༡༣. ཨཏྟཝཱདཔཊིསཾཡུཏྟདིཊྛིནིདྡེསོ

༡༤༦. ཨཏྟཝཱདཔཊིསཾཡུཏྟཱཡ དིཊྛིཡཱ ཀཏམེཧི ཝཱིསཏིཡཱ ཨཱཀཱརེཧི ཨབྷིནིཝེསོ ཧོཏི? ཨིདྷ ཨསྶུཏཝཱ པུཐུཛྫནོ ཨརིཡཱནཾ ཨདསྶཱཝཱི ཨརིཡདྷམྨསྶ ཨཀོཝིདོ ཨརིཡདྷམྨེ ཨཝིནཱིཏོ སཔྤུརིསཱནཾ ཨདསྶཱཝཱི སཔྤུརིསདྷམྨསྶ ཨཀོཝིདོ སཔྤུརིསདྷམྨེ ཨཝིནཱིཏོ རཱུཔཾ ཨཏྟཏོ ¶ སམནུཔསྶཏི རཱུཔཝནྟཾ ཝཱ ཨཏྟཱནཾ ཨཏྟནི ཝཱ རཱུཔཾ རཱུཔསྨིཾ ཝཱ ཨཏྟཱནཾ…པེ… ཝེདནཾ… སཉྙཾ… སངྑཱརེ… ཝིཉྙཱཎཾ ཨཏྟཏོ སམནུཔསྶཏི ཝིཉྙཱཎཝནྟཾ ཝཱ ཨཏྟཱནཾ ཨཏྟནི ཝཱ ཝིཉྙཱཎཾ ཝིཉྙཱཎསྨིཾ ཝཱ ཨཏྟཱནཾ…པེ….

ཀཐཾ རཱུཔཾ ཨཏྟཏོ སམནུཔསྶཏི? ཨིདྷེཀཙྩོ པཐཝཱིཀསིཎཾ…པེ… ཨོདཱཏཀསིཎཾ ཨཏྟཏོ སམནུཔསྶཏི. ‘‘ཡཾ ཨོདཱཏཀསིཎཾ, སོ ཨཧཾ; ཡོ ཨཧཾ, ཏཾ ཨོདཱཏཀསིཎ’’ནྟི – ཨོདཱཏཀསིཎཉྩ ཨཏྟཉྩ ཨདྭཡཾ སམནུཔསྶཏི. སེཡྻཐཱཔི ཏེལཔྤདཱིཔསྶ ཛྷཱཡཏོ ‘‘ཡཱ ཨཙྩི, སོ ཝཎྞོ; ཡོ ཝཎྞོ, སཱ ཨཙྩཱི’’ཏི – ཨཙྩིཉྩ ཝཎྞཉྩ ཨདྭཡཾ སམནུཔསྶཏི. ཨེཝམེཝཾ ཨིདྷེཀཙྩོ ཨོདཱཏཀསིཎཾ ཨཏྟཏོ སམནུཔསྶཏི…པེ… ¶ ¶ ཨཡཾ པཋམཱ རཱུཔཝཏྠུཀཱ ཨཏྟཝཱདཔཊིསཾཡུཏྟཱ དིཊྛི. ཨཏྟཝཱདཔཊིསཾཡུཏྟཱ དིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ. ཨེཝཾ རཱུཔཾ ཨཏྟཏོ སམནུཔསྶཏི…པེ… ཨཏྟཝཱདཔཊིསཾཡུཏྟཱཡ དིཊྛིཡཱ ཨིམེཧི ཝཱིསཏིཡཱ ཨཱཀཱརེཧི ཨབྷིནིཝེསོ ཧོཏི.

ཨཏྟཝཱདཔཊིསཾཡུཏྟདིཊྛིནིདྡེསོ ཏེརསམོ.

༡༤. ལོཀཝཱདཔཊིསཾཡུཏྟདིཊྛིནིདྡེསོ

༡༤༧. ལོཀཝཱདཔཊིསཾཡུཏྟཱཡ དིཊྛིཡཱ ཀཏམེཧི ཨཊྛཧི ཨཱཀཱརེཧི ཨབྷིནིཝེསོ ཧོཏི? སསྶཏོ ཨཏྟཱ ཙ ལོཀོ ཙཱཏི – ཨབྷིནིཝེསཔརཱམཱསོ ལོཀཝཱདཔཊིསཾཡུཏྟཱ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ, དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ལོཀཝཱདཔཊིསཾཡུཏྟཱ དིཊྛི. ལོཀཝཱདཔཊིསཾཡུཏྟཱ དིཊྛི མིཙྪཱདིཊྛི…པེ… ཨིམཱནི སཉྙོཛནཱནི, ན ཙ དིཊྛིཡོ.

ཨསསྶཏོ ¶ ཨཏྟཱ ཙ ལོཀོ ཙཱཏི…པེ… སསྶཏོ ཙ ཨསསྶཏོ ཙ ཨཏྟཱ ཙ ལོཀོ ཙཱཏི…པེ… ནེཝ སསྶཏོ ནཱསསྶཏོ ཨཏྟཱ ཙ ལོཀོ ཙཱཏི… ཨནྟཝཱ ཨཏྟཱ ཙ ལོཀོ ཙཱཏི… ཨནནྟཝཱ ཨཏྟཱ ཙ ལོཀོ ཙཱཏི… ཨནྟཝཱ ཙ ཨནནྟཝཱ ཙ ཨཏྟཱ ཙ ལོཀོ ཙཱཏི… ནེཝ ཨནྟཝཱ ན ཨནནྟཝཱ ཨཏྟཱ ཙ ལོཀོ ཙཱཏི ཨབྷིནིཝེསཔརཱམཱསོ ལོཀཝཱདཔཊིསཾཡུཏྟཱ དིཊྛི. དིཊྛི ན ཝཏྠུ, ཝཏྠུ ན དིཊྛི. ཨཉྙཱ དིཊྛི, ཨཉྙཾ ཝཏྠུ. ཡཱ ཙ དིཊྛི ཡཉྩ ཝཏྠུ – ཨཡཾ ཨཊྛམཱི ལོཀཝཱདཔཊིསཾཡུཏྟཱ དིཊྛི. ལོཀཝཱདཔཊིསཾཡུཏྟཱ དིཊྛི མིཙྪཱདིཊྛི ¶ …པེ… ཨིམཱནི སཉྙོཛནཱནི, ན ཙ དིཊྛིཡོ. ལོཀཝཱདཔཊིསཾཡུཏྟཱཡ དིཊྛིཡཱ ཨིམེཧི ཨཊྛཧི ཨཱཀཱརེཧི ཨབྷིནིཝེསོ ཧོཏི.

ལོཀཝཱདཔཊིསཾཡུཏྟདིཊྛིནིདྡེསོ ཙུདྡསམོ.

༡༥-༡༦. བྷཝ-ཝིབྷཝདིཊྛིནིདྡེསོ

༡༤༨. ཨོལཱིཡནཱབྷིནིཝེསོ ¶ བྷཝདིཊྛི. ཨཏིདྷཱཝནཱབྷིནིཝེསོ ཝིབྷཝདིཊྛི. ཨསྶཱདདིཊྛིཡཱ པཉྩཏིཾསཱཡ ཨཱཀཱརེཧི ཨབྷིནིཝེསོ ཀཏི བྷཝདིཊྛིཡོ, ཀཏི ཝིབྷཝདིཊྛིཡོ? ཨཏྟཱནུདིཊྛིཡཱ ཝཱིསཏིཡཱ ཨཱཀཱརེཧི ཨབྷིནིཝེསོ ཀཏི བྷཝདིཊྛིཡོ ཀཏི ཝིབྷཝདིཊྛིཡོ…པེ… ལོཀཝཱདཔཊིསཾཡུཏྟཱཡ དིཊྛིཡཱ ཨཊྛཧི ཨཱཀཱརེཧི ཨབྷིནིཝེསོ ཀཏི བྷཝདིཊྛིཡོ ཀཏི ཝིབྷཝདིཊྛིཡོ?

ཨསྶཱདདིཊྛིཡཱ པཉྩཏིཾསཱཡ ཨཱཀཱརེཧི ཨབྷིནིཝེསོ སིཡཱ བྷཝདིཊྛིཡོ, སིཡཱ ཝིབྷཝདིཊྛིཡོ. ཨཏྟཱནུདིཊྛིཡཱ ཝཱིསཏིཡཱ ཨཱཀཱརེཧི ཨབྷིནིཝེསོ པནྣརས བྷཝདིཊྛིཡོ, པཉྩ ཝིབྷཝདིཊྛིཡོ. མིཙྪཱདིཊྛིཡཱ དསཧི ཨཱཀཱརེཧི ཨབྷིནིཝེསོ སབྦཱཝ ཏཱ ཝིབྷཝདིཊྛིཡོ. སཀྐཱཡདིཊྛིཡཱ ཝཱིསཏིཡཱ ཨཱཀཱརེཧི ཨབྷིནིཝེསོ པནྣརས བྷཝདིཊྛིཡོ, པཉྩ ཝིབྷཝདིཊྛིཡོ. སཀྐཱཡཝཏྠུཀཱཡ སསྶཏདིཊྛིཡཱ པནྣརསཧི ¶ ཨཱཀཱརེཧི ཨབྷིནིཝེསོ སབྦཱཝ ཏཱ བྷཝདིཊྛིཡོ. སཀྐཱཡཝཏྠུཀཱཡ ཨུཙྪེདདིཊྛིཡཱ པཉྩཧཱཀཱརེཧི ཨབྷིནིཝེསོ སབྦཱཝ ཏཱ ཝིབྷཝདིཊྛིཡོ.

‘‘སསྶཏོ ལོཀོ’’ཏི – ཨནྟགྒཱཧིཀཱཡ དིཊྛིཡཱ པཉྩཧཱཀཱརེཧི ཨབྷིནིཝེསོ སབྦཱཝ ཏཱ བྷཝདིཊྛིཡོ. ‘‘ཨསསྶཏོ ལོཀོ’’ཏི – ཨནྟགྒཱཧིཀཱཡ དིཊྛིཡཱ པཉྩཧཱཀཱརེཧི ཨབྷིནིཝེསོ སབྦཱཝ ཏཱ ཝིབྷཝདིཊྛིཡོ ¶ . ‘‘ཨནྟཝཱ ལོཀོ’’ཏི – ཨནྟགྒཱཧིཀཱཡ དིཊྛིཡཱ པཉྩཧཱཀཱརེཧི ཨབྷིནིཝེསོ སིཡཱ བྷཝདིཊྛིཡོ, སིཡཱ ཝིབྷཝདིཊྛིཡོ. ‘‘ཨནནྟཝཱ ལོཀོ’’ཏི – ཨནྟགྒཱཧིཀཱཡ དིཊྛིཡཱ པཉྩཧཱཀཱརེཧི ཨབྷིནིཝེསོ སིཡཱ བྷཝདིཊྛིཡོ, སིཡཱ ཝིབྷཝདིཊྛིཡོ. ‘‘ཏཾ ཛཱིཝཾ ཏཾ སརཱིར’’ནྟི – ཨནྟགྒཱཧིཀཱཡ དིཊྛིཡཱ པཉྩཧཱཀཱརེཧི ཨབྷིནིཝེསོ ¶ སབྦཱཝ ཏཱ ཝིབྷཝདིཊྛིཡོ. ‘‘ཨཉྙཾ ཛཱིཝཾ ཨཉྙཾ སརཱིར’’ནྟི – ཨནྟགྒཱཧིཀཱཡ དིཊྛིཡཱ པཉྩཧཱཀཱརེཧི ཨབྷིནིཝེསོ སབྦཱཝ ཏཱ བྷཝདིཊྛིཡོ. ‘‘ཧོཏི ཏཐཱགཏོ ¶ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ པཉྩཧཱཀཱརེཧི ཨབྷིནིཝེསོ སབྦཱཝ ཏཱ བྷཝདིཊྛིཡོ. ‘‘ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ པཉྩཧཱཀཱརེཧི ཨབྷིནིཝེསོ སབྦཱཝ ཏཱ ཝིབྷཝདིཊྛིཡོ. ‘‘ཧོཏི ཙ ན ཙ ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ པཉྩཧཱཀཱརེཧི ཨབྷིནིཝེསོ སིཡཱ བྷཝདིཊྛིཡོ, སིཡཱ ཝིབྷཝདིཊྛིཡོ ‘‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ པཉྩཧཱཀཱརེཧི ཨབྷིནིཝེསོ སིཡཱ བྷཝདིཊྛིཡོ, སིཡཱ ཝིབྷཝདིཊྛིཡོ.

པུབྦནྟཱནུདིཊྛིཡཱ ཨཊྛཱརསཧི ཨཱཀཱརེཧི ཨབྷིནིཝེསོ སིཡཱ བྷཝདིཊྛིཡོ, སིཡཱ ཝིབྷཝདིཊྛིཡོ. ཨཔརནྟཱནུདིཊྛིཡཱ ཙཏུཙཏྟཱརཱིསཱཡ ཨཱཀཱརེཧི ཨབྷིནིཝེསོ སིཡཱ བྷཝདིཊྛིཡོ, སིཡཱ ཝིབྷཝདིཊྛིཡོ. སཉྙོཛནིཀཱཡ དིཊྛིཡཱ ཨཊྛཱརསཧི ཨཱཀཱརེཧི ཨབྷིནིཝེསོ སིཡཱ བྷཝདིཊྛིཡོ, སིཡཱ ཝིབྷཝདིཊྛིཡོ. ཨཧནྟི – མཱནཝིནིབནྡྷཱཡ དིཊྛིཡཱ ཨཊྛཱརསཧི ཨཱཀཱརེཧི ཨབྷིནིཝེསོ སབྦཱཝ ཏཱ ཝིབྷཝདིཊྛིཡོ. མམནྟི – མཱནཝིནིབནྡྷཱཡ དིཊྛིཡཱ ཨཊྛཱརསཧི ཨཱཀཱརེཧི ཨབྷིནིཝེསོ སབྦཱཝ ཏཱ བྷཝདིཊྛིཡོ. ཨཏྟཝཱདཔཊིསཾཡུཏྟཱཡ དིཊྛིཡཱ ཝཱིསཏིཡཱ ཨཱཀཱརེཧི ཨབྷིནིཝེསོ པནྣརས བྷཝདིཊྛིཡོ, པཉྩ ཝིབྷཝདིཊྛིཡོ. ལོཀཝཱདཔཊིསཾཡུཏྟཱཡ དིཊྛིཡཱ ཨཊྛཧི ཨཱཀཱརེཧི ཨབྷིནིཝེསོ སིཡཱ བྷཝདིཊྛིཡོ, སིཡཱ ཝིབྷཝདིཊྛིཡོ.

སབྦཱཝ ཏཱ དིཊྛིཡོ ཨསྶཱདདིཊྛིཡོ. སབྦཱཝ ཏཱ དིཊྛིཡོ ཨཏྟཱནུདིཊྛིཡོ. སབྦཱཝ ཏཱ དིཊྛིཡོ མིཙྪཱདིཊྛིཡོ. སབྦཱཝ ¶ ཏཱ དིཊྛིཡོ སཀྐཱཡདིཊྛིཡོ. སབྦཱཝ ཏཱ དིཊྛིཡོ ཨནྟགྒཱཧིཀཱ དིཊྛིཡོ. སབྦཱཝ ཏཱ ¶ དིཊྛིཡོ སཉྙོཛནིཀཱ དིཊྛིཡོ. སབྦཱཝ ཏཱ དིཊྛིཡོ ཨཏྟཝཱདཔཊིསཾཡུཏྟཱ དིཊྛིཡོ.

བྷཝཉྩ ¶ དིཊྛིཾ ཝིབྷཝཉྩ དིཊྛིཾ, ཨེཏཾ དྭཡཾ ཏཀྐིཀཱ ནིསྶིཏཱསེ;

ཏེསཾ ནིརོདྷམྷི ན ཧཏྠི ཉཱཎཾ, ཡཏྠཱཡཾ ལོཀོ ཝིཔརཱིཏསཉྙཱིཏི.

༡༤༩. ‘‘དྭཱིཧི, བྷིཀྑཝེ, དིཊྛིགཏེཧི པརིཡུཊྛིཏཱ དེཝམནུསྶཱ ཨོལཱིཡནྟི [ཨོལིཡནྟི (སྱཱ. ཀ.) ཨིཏིཝུ. ༤༩ པསྶིཏབྦཱ] ཨེཀེ, ཨཏིདྷཱཝནྟི ཨེཀེ; ཙཀྑུམནྟོ ཙ པསྶནྟི. ཀཐཉྩ, བྷིཀྑཝེ, ཨོལཱིཡནྟི ཨེཀེ? བྷཝཱརཱམཱ, བྷིཀྑཝེ, དེཝམནུསྶཱ བྷཝརཏཱ བྷཝསམྨུདིཏཱ. ཏེསཾ བྷཝནིརོདྷཱཡ དྷམྨེ དེསིཡམཱནེ ཙིཏྟཾ ན པཀྑནྡཏི ན པསཱིདཏི ན སནྟིཊྛཏི ནཱདྷིམུཙྩཏི. ཨེཝཾ ཁོ, བྷིཀྑཝེ, ཨོལཱིཡནྟི ཨེཀེ.

‘‘ཀཐཉྩ ¶ , བྷིཀྑཝེ, ཨཏིདྷཱཝནྟི ཨེཀེ? བྷཝེནེཝ ཁོ པནེཀེ ཨཊྚཱིཡམཱནཱ [ཨཊྚིཡམཱནཱ (སྱཱ. ཀ.) ཨིཏིཝུ. ༤༩ པསྶིཏབྦཱ] ཧརཱཡམཱནཱ ཛིགུཙྪམཱནཱ ཝིབྷཝཾ ཨབྷིནནྡནྟི – ‘‘ཡཏོ ཀིར, བྷོ, ཨཡཾ ཨཏྟཱ ཀཱཡསྶ བྷེདཱ པརཾ མརཎཱ ཨུཙྪིཛྫཏི ཝིནསྶཏི ན ཧོཏི པརཾ མརཎཱ, ཨེཏཾ སནྟཾ ཨེཏཾ པཎཱིཏཾ ཨེཏཾ ཡཱཐཱཝནྟི. ཨེཝཾ ཁོ, བྷིཀྑཝེ, ཨཏིདྷཱཝནྟི ཨེཀེ.

‘‘ཀཐཉྩ, བྷིཀྑཝེ, ཙཀྑུམནྟོ ཙ པསྶནྟི? ཨིདྷ, བྷིཀྑཝེ, བྷིཀྑུ བྷཱུཏཾ བྷཱུཏཏོ པསྶཏི. བྷཱུཏཾ བྷཱུཏཏོ དིསྭཱ བྷཱུཏསྶ ནིབྦིདཱཡ ཝིརཱགཱཡ ནིརོདྷཱཡ པཊིཔནྣོ ཧོཏི. ཨེཝཾ ཁོ, བྷིཀྑཝེ, ཙཀྑུམནྟོ ཙ ¶ པསྶནྟི.

‘‘ཡོ [ཨཡཾ གཱཐཱ ཨིཏིཝུ. ༤༩ དིསྶཏི] བྷཱུཏཾ བྷཱུཏཏོ དིསྭཱ, བྷཱུཏསྶ ཙ ཨཏིཀྐམཾ;

ཡཐཱབྷཱུཏེདྷིམུཙྩཏི, བྷཝཏཎྷཱ པརིཀྑཡཱ.

‘‘ས ཝེ བྷཱུཏཔརིཉྙཱཏོ, ཝཱིཏཏཎྷོ བྷཝཱབྷཝེ;

བྷཱུཏསྶ ཝིབྷཝཱ བྷིཀྑུ, ནཱགཙྪཏི པུནབྦྷཝ’’ནྟི.

༡༥༠. ཏཡོ ¶ པུགྒལཱ ཝིཔནྣདིཊྛཱི, ཏཡོ པུགྒལཱ སམྤནྣདིཊྛཱི. ཀཏམེ ཏཡོ པུགྒལཱ ཝིཔནྣདིཊྛཱི? ཏིཏྠིཡོ ཙ, ཏིཏྠིཡསཱཝཀོ ཙ, ཡོ ཙ མིཙྪཱདིཊྛིཀོ – ཨིམེ ཏཡོ པུགྒལཱ ཝིཔནྣདིཊྛཱི.

ཀཏམེ ཏཡོ པུགྒལཱ སམྤནྣདིཊྛཱི? ཏཐཱགཏོ ཙ, ཏཐཱགཏསཱཝཀོ ཙ, ཡོ ཙ སམྨཱདིཊྛིཀོ – ཨིམེ ཏཡོ པུགྒལཱ སམྤནྣདིཊྛཱི.

‘‘ཀོདྷནོ ¶ ཨུཔནཱཧཱི ཙ, པཱཔམཀྑཱི ཙ ཡོ ནརོ;

ཝིཔནྣདིཊྛི མཱཡཱཝཱི, ཏཾ ཛཉྙཱ ཝསལོ ཨིཏི’’ [ཨིམེ (སྱཱ.) སུ. ནི. ༡༡༦ པསྶིཏབྦཱ].

ཨཀྐོདྷནོ ཨནུཔནཱཧཱི, ཝིསུདྡྷོ [ཨམཀྑཱི (སྱཱ.) ཨཊྛཀཐཱ ཨོལོཀེཏབྦཱ] སུདྡྷཏཾ གཏོ;

སམྤནྣདིཊྛི མེདྷཱཝཱི, ཏཾ ཛཉྙཱ ཨརིཡོ ཨིཏཱིཏི.

ཏིསྶོ ཝིཔནྣདིཊྛིཡོ, ཏིསྶོ སམྤནྣདིཊྛིཡོ. ཀཏམཱ ཏིསྶོ ཝིཔནྣདིཊྛིཡོ? ཨེཏཾ མམཱཏི ¶ – ཝིཔནྣདིཊྛི. ཨེསོཧམསྨཱིཏི – ཝིཔནྣདིཊྛི. ཨེསོ མེ ཨཏྟཱཏི – ཝིཔནྣདིཊྛི. ཨིམཱ ཏིསྶོ ¶ ཝིཔནྣདིཊྛིཡོ.

ཀཏམཱ ཏིསྶོ སམྤནྣདིཊྛིཡོ? ནེཏཾ མམཱཏི – སམྤནྣདིཊྛི. ནེསོཧམསྨཱིཏི – སམྤནྣདིཊྛི. ན མེསོ ཨཏྟཱཏི – སམྤནྣདིཊྛི. ཨིམཱ ཏིསྶོ སམྤནྣདིཊྛིཡོ.

ཨེཏཾ མམཱཏི – ཀཱ དིཊྛི, ཀཏི དིཊྛིཡོ, ཀཏམནྟཱནུགྒཧིཏཱ ཏཱ དིཊྛིཡོ? ཨེསོཧམསྨཱིཏི – ཀཱ དིཊྛི, ཀཏི དིཊྛིཡོ, ཀཏམནྟཱནུགྒཧིཏཱ ཏཱ དིཊྛིཡོ? ཨེསོ མེ ཨཏྟཱཏི – ཀཱ དིཊྛི, ཀཏི དིཊྛིཡོ, ཀཏམནྟཱནུགྒཧིཏཱ ཏཱ དིཊྛིཡོ?

ཨེཏཾ མམཱཏི – པུབྦནྟཱནུདིཊྛི. ཨཊྛཱརས དིཊྛིཡོ. པུབྦནྟཱནུགྒཧིཏཱ ཏཱ དིཊྛིཡོ. ཨེསོཧམསྨཱིཏི – ཨཔརནྟཱནུདིཊྛི. ཙཏུཙཏྟཱརཱིསཾ དིཊྛིཡོ. ཨཔརནྟཱནུགྒཧིཏཱ ཏཱ དིཊྛིཡོ. ཨེསོ ¶ མེ ཨཏྟཱཏི – ཝཱིསཏིཝཏྠུཀཱ ཨཏྟཱནུདིཊྛི. ཝཱིསཏིཝཏྠུཀཱ སཀྐཱཡདིཊྛི. སཀྐཱཡདིཊྛིཔྤམུཁཱནི [སཀྐཱཡདིཊྛིཔྤམུཁེན (སྱཱ.)] དྭཱསཊྛི དིཊྛིགཏཱནི. པུབྦནྟཱཔརནྟཱནུགྒཧིཏཱ ཏཱ དིཊྛིཡོ.

༡༥༡. ‘‘ཡེ ཀེཙི, བྷིཀྑཝེ, མཡི ནིཊྛཾ གཏཱ, སབྦེ ཏེ དིཊྛིསམྤནྣཱ. ཏེསཾ དིཊྛིསམྤནྣཱནཾ པཉྩནྣཾ ཨིདྷ ནིཊྛཱ, པཉྩནྣཾ ཨིདྷ ཝིཧཱཡ ནིཊྛཱ. ཀཏམེསཾ པཉྩནྣཾ ཨིདྷ ནིཊྛཱ? སཏྟཀྑཏྟུཔརམསྶ, ཀོལཾཀོལསྶ, ཨེཀབཱིཛིསྶ, སཀདཱགཱམིསྶ, ཡོ ཙ དིཊྛེཝ དྷམྨེ ཨརཧཱ – ཨིམེསཾ པཉྩནྣཾ ཨིདྷ ནིཊྛཱ.

‘‘ཀཏམེསཾ ¶ པཉྩནྣཾ ཨིདྷ ཝིཧཱཡ ནིཊྛཱ? ཨནྟརཱཔརིནིབྦཱཡིསྶ, ཨུཔཧཙྩཔརིནིབྦཱཡིསྶ, ཨསངྑཱརཔརིནིབྦཱཡིསྶ, སསངྑཱརཔརིནིབྦཱཡིསྶ, ཨུདྡྷཾསོཏསྶ, ཨཀནིཊྛགཱམིནོ – ཨིམེསཾ པཉྩནྣཾ ཨིདྷ ཝིཧཱཡ ནིཊྛཱ.

‘‘ཡེ ¶ ཀེཙི, བྷིཀྑཝེ, མཡི ནིཊྛཾ གཏཱ, སབྦེ ཏེ དིཊྛིསམྤནྣཱ. ཏེསཾ དིཊྛིསམྤནྣཱནཾ ཨིམེསཾ པཉྩནྣཾ ཨིདྷ ནིཊྛཱ, ཨིམེསཾ པཉྩནྣཾ ཨིདྷ ཝིཧཱཡ ནིཊྛཱ.

‘‘ཡེ ཀེཙི, བྷིཀྑཝེ, མཡི ཨཝེཙྩཔྤསནྣཱ, སབྦེ ཏེ སོཏཱཔནྣཱ. ཏེསཾ སོཏཱཔནྣཱནཾ པཉྩནྣཾ ཨིདྷ ནིཊྛཱ, པཉྩནྣཾ ཨིདྷ ཝིཧཱཡ ནིཊྛཱ. ཀཏམེསཾ པཉྩནྣཾ ཨིདྷ ནིཊྛཱ? སཏྟཀྑཏྟུཔརམསྶ ¶ , ཀོལཾཀོལསྶ, ཨེཀབཱིཛིསྶ, སཀདཱགཱམིསྶ, ཡོ ཙ དིཊྛེཝ དྷམྨེ ཨརཧཱ – ཨིམེསཾ པཉྩནྣཾ ཨིདྷ ནིཊྛཱ.

‘‘ཀཏམེསཾ པཉྩནྣཾ ཨིདྷ ཝིཧཱཡ ནིཊྛཱ? ཨནྟརཱཔརིནིབྦཱཡིསྶ, ཨུཔཧཙྩཔརིནིབྦཱཡིསྶ, ཨསངྑཱརཔརིནིབྦཱཡིསྶ, སསངྑཱརཔརིནིབྦཱཡིསྶ, ཨུདྡྷཾསོཏསྶ, ཨཀནིཊྛགཱམིནོ – ཨིམེསཾ པཉྩནྣཾ ཨིདྷ ཝིཧཱཡ ནིཊྛཱ.

‘‘ཡེ ཀེཙི, བྷིཀྑཝེ, མཡི ཨཝེཙྩཔྤསནྣཱ, སབྦེ ཏེ སོཏཱཔནྣཱ. ཏེསཾ སོཏཱཔནྣཱནཾ ཨིམེསཾ པཉྩནྣཾ ཨིདྷ ནིཊྛཱ. ཨིམེསཾ པཉྩནྣཾ ཨིདྷ ཝིཧཱཡ ནིཊྛཱཏི’’.

བྷཝཝིབྷཝདིཊྛིནིདྡེསོ སོལ༹སམོ.

དིཊྛིཀཐཱ ནིཊྛིཏཱ.

༣. ཨཱནཱཔཱནསྶཏིཀཐཱ

༡. གཎནཝཱར

༡༥༢. སོལ༹སཝཏྠུཀཾ ¶ ¶ ¶ ཨཱནཱཔཱནསྶཏིསམཱདྷིཾ [ཨཱནཱཔཱནསཏིསམཱདྷིཾ (སཱི. ཨཊྛ.)] བྷཱཝཡཏོ སམཱདྷིཀཱནི དྭེ ཉཱཎསཏཱནི ཨུཔྤཛྫནྟི – ཨཊྛ པརིཔནྠེ [པརིབནྡྷེ (ཀ.)] ཉཱཎཱནི, ཨཊྛ ཙ ཨུཔཀཱརེ ཉཱཎཱནི, ཨཊྛཱརས ཨུཔཀྐིལེསེ ཉཱཎཱནི, ཏེརས ཝོདཱནེ ཉཱཎཱནི, བཱཏྟིཾས སཏོཀཱརིསྶ [སཏོཀཱརཱིསུ (སྱཱ.)] ཉཱཎཱནི, ཙཏུཝཱིསཏི སམཱདྷིཝསེན ཉཱཎཱནི, དྭེསཏྟཏི ཝིཔསྶནཱཝསེན ཉཱཎཱནི, ཨཊྛ ནིབྦིདཱཉཱཎཱནི, ཨཊྛ ནིབྦིདཱནུལོམཉཱཎཱནི, ཨཊྛ ནིབྦིདཱཔཊིཔྤསྶདྡྷིཉཱཎཱནི, ཨེཀཝཱིསཏི ཝིམུཏྟིསུཁེ ཉཱཎཱནི.

ཀཏམཱནི ཨཊྛ པརིཔནྠེ ཉཱཎཱནི, ཨཊྛ ཙ ཨུཔཀཱརེ ཉཱཎཱནི? ཀཱམཙྪནྡོ སམཱདྷིསྶ པརིཔནྠོ, ནེཀྑམྨཾ སམཱདྷིསྶ ཨུཔཀཱརཾ. བྱཱཔཱདོ སམཱདྷིསྶ ¶ པརིཔནྠོ, ཨབྱཱཔཱདོ སམཱདྷིསྶ ཨུཔཀཱརཾ. ཐིནམིདྡྷཾ སམཱདྷིསྶ པརིཔནྠོ, ཨཱལོཀསཉྙཱ སམཱདྷིསྶ ཨུཔཀཱརཾ. ཨུདྡྷཙྩཾ སམཱདྷིསྶ པརིཔནྠོ, ཨཝིཀྑེཔོ སམཱདྷིསྶ ཨུཔཀཱརཾ. ཝིཙིཀིཙྪཱ སམཱདྷིསྶ པརིཔནྠོ, དྷམྨཝཝཏྠཱནཾ སམཱདྷིསྶ ཨུཔཀཱརཾ. ཨཝིཛྫཱ སམཱདྷིསྶ པརིཔནྠོ, ཉཱཎཾ སམཱདྷིསྶ ཨུཔཀཱརཾ. ཨརཏི སམཱདྷིསྶ པརིཔནྠོ, པཱམོཛྫཾ སམཱདྷིསྶ ཨུཔཀཱརཾ. སབྦེཔི ཨཀུསལཱ དྷམྨཱ སམཱདྷིསྶ པརིཔནྠཱ, སབྦེཔི ཀུསལཱ དྷམྨཱ སམཱདྷིསྶ ཨུཔཀཱརཱ. ཨིམཱནི ཨཊྛ པརིཔནྠེ ¶ ཉཱཎཱནི, ཨཊྛ ཙ ཨུཔཀཱརེ ཉཱཎཱནི.

གཎནཝཱརོ པཋམོ.

༢. སོལ༹སཉཱཎནིདྡེསོ

༡༥༣. ཨིམེཧི ¶ སོལ༹སཧི ཨཱཀཱརེཧི ཨུདུཙིཏྟཾ ཙིཏྟཾ སམུདུཙིཏཾ ཙིཏྟཾ ཨེཀཏྟེ སནྟིཊྛཏི, ནཱིཝརཎེཧི ཝིསུཛ྄ཛྷཏི. ཀཏམེ ¶ ཏེ ཨེཀཏྟཱ? ནེཀྑམྨཾ ཨེཀཏྟཾ, ཨབྱཱཔཱདོ ཨེཀཏྟཾ, ཨཱལོཀསཉྙཱ ཨེཀཏྟཾ, ཨཝིཀྑེཔོ ཨེཀཏྟཾ, དྷམྨཝཝཏྠཱནཾ ཨེཀཏྟཾ, ཉཱཎཾ ཨེཀཏྟཾ, པཱམོཛྫཾ ཨེཀཏྟཾ, སབྦེཔི ཀུསལཱ དྷམྨཱ ཨེཀཏྟཱ.

ནཱིཝརཎཱཏི, ཀཏམེ ཏེ ནཱིཝརཎཱ? ཀཱམཙྪནྡོ ནཱིཝརཎཾ, བྱཱཔཱདོ ནཱིཝརཎཾ, ཐིནམིདྡྷཾ ནཱིཝརཎཾ, ཨུདྡྷཙྩཀུཀྐུཙྩཾ ནཱིཝརཎཾ, ཝིཙིཀིཙྪཱ ནཱིཝརཎཾ, ཨཝིཛྫཱ ནཱིཝརཎཾ, ཨརཏི ནཱིཝརཎཾ, སབྦེཔི ཨཀུསལཱ དྷམྨཱ ནཱིཝརཎཱ.

ནཱིཝརཎཱཏི, ཀེནཊྛེན ནཱིཝརཎཱ? ནིཡྻཱནཱཝརཎཊྛེན ནཱིཝརཎཱ. ཀཏམེ ཏེ ནིཡྻཱནཱ? ནེཀྑམྨཾ ཨརིཡཱནཾ ནིཡྻཱནཾ. ཏེན ཙ ནེཀྑམྨེན ཨརིཡཱ ནིཡྻནྟི. ཀཱམཙྪནྡོ ནིཡྻཱནཱཝརཎཾ. ཏེན ཙ ཀཱམཙྪནྡེན ནིཝུཏཏྟཱ ནེཀྑམྨཾ ཨརིཡཱནཾ ནིཡྻཱནཾ ནཔྤཛཱནཱཏཱིཏི – ཀཱམཙྪནྡོ ནིཡྻཱནཱཝརཎཾ. ཨབྱཱཔཱདོ ཨརིཡཱནཾ ནིཡྻཱནཾ. ཏེན ཙ ཨབྱཱཔཱདེན ཨརིཡཱ ནིཡྻནྟི. བྱཱཔཱདོ ནིཡྻཱནཱཝརཎཾ. ཏེན ཙ བྱཱཔཱདེན ནིཝུཏཏྟཱ ཨབྱཱཔཱདཾ ཨརིཡཱནཾ ནིཡྻཱནཾ ནཔྤཛཱནཱཏཱིཏི – བྱཱཔཱདོ ནིཡྻཱནཱཝརཎཾ. ཨཱལོཀསཉྙཱ ཨརིཡཱནཾ ནིཡྻཱནཾ. ཏཱཡ ཙ ཨཱལོཀསཉྙཱཡ ཨརིཡཱ ནིཡྻནྟི ¶ . ཐིནམིདྡྷཾ ནིཡྻཱནཱཝརཎཾ. ཏེན ཙ ཐིནམིདྡྷེན ནིཝུཏཏྟཱ ཨཱལོཀསཉྙཾ ཨརིཡཱནཾ ནིཡྻཱནཾ ནཔྤཛཱནཱཏཱིཏི – ཐིནམིདྡྷཾ ནིཡྻཱནཱཝརཎཾ. ཨཝིཀྑེཔོ ཨརིཡཱནཾ ནིཡྻཱནཾ. ཏེན ཙ ཨཝིཀྑེཔེན ཨརིཡཱ ནིཡྻནྟི. ཨུདྡྷཙྩཾ ནིཡྻཱནཱཝརཎཾ ¶ . ཏེན ཙ ཨུདྡྷཙྩེན ནིཝུཏཏྟཱ ཨཝིཀྑེཔཾ ཨརིཡཱནཾ ནིཡྻཱནཾ ནཔྤཛཱནཱཏཱིཏི – ཨུདྡྷཙྩཾ ནིཡྻཱནཱཝརཎཾ. དྷམྨཝཝཏྠཱནཾ ཨརིཡཱནཾ ནིཡྻཱནཾ. ཏེན ཙ དྷམྨཝཝཏྠཱནེན ཨརིཡཱ ནིཡྻནྟི. ཝིཙིཀིཙྪཱ ནིཡྻཱནཱཝརཎཾ. ཏཱཡ ཙ ཝིཙིཀིཙྪཱཡ ནིཝུཏཏྟཱ དྷམྨཝཝཏྠཱནཾ ཨརིཡཱནཾ ནིཡྻཱནཾ ནཔྤཛཱནཱཏཱིཏི – ཝིཙིཀིཙྪཱ ནིཡྻཱནཱཝརཎཾ. ཉཱཎཾ ཨརིཡཱནཾ ནིཡྻཱནཾ. ཏེན ཙ ཉཱཎེན ཨརིཡཱ ནིཡྻནྟི. ཨཝིཛྫཱ ནིཡྻཱནཱཝརཎཾ. ཏཱཡ ཙ ཨཝིཛྫཱཡ ནིཝུཏཏྟཱ ཉཱཎཾ ཨརིཡཱནཾ ནིཡྻཱནཾ ནཔྤཛཱནཱཏཱིཏི – ཨཝིཛྫཱ ནིཡྻཱནཱཝརཎཾ. པཱམོཛྫཾ ཨརིཡཱནཾ ནིཡྻཱནཾ. ཏེན ཙ པཱམོཛྫེན ཨརིཡཱ ནིཡྻནྟི. ཨརཏི ནིཡྻཱནཱཝརཎཾ. ཏཱཡ ཙ ཨརཏིཡཱ ནིཝུཏཏྟཱ པཱམོཛྫཾ ཨརིཡཱནཾ ནིཡྻཱནཾ ནཔྤཛཱནཱཏཱིཏི – ཨརཏི ནིཡྻཱནཱཝརཎཾ. སབྦེཔི ཀུསལཱ དྷམྨཱ ཨརིཡཱནཾ ནིཡྻཱནཾ. ཏེཧི ¶ ཙ ཀུསལེཧི དྷམྨེཧི ཨརིཡཱ ནིཡྻནྟི. སབྦེཔི ཨཀུསལཱ དྷམྨཱ ནིཡྻཱནཱཝརཎཱ. ཏེཧི ཙ ཨཀུསལེཧི དྷམྨེཧི ནིཝུཏཏྟཱ ཀུསལེ དྷམྨེ ཨརིཡཱནཾ ནིཡྻཱནཾ ནཔྤཛཱནཱཏཱིཏི – སབྦེཔི ཨཀུསལཱ དྷམྨཱ ནིཡྻཱནཱཝརཎཱ. ཨིམེཧི ཙ པན ནཱིཝརཎེཧི ཝིསུདྡྷཙིཏྟསྶ སོལ༹སཝཏྠུཀཾ ¶ ཨཱནཱཔཱནསྶཏིསམཱདྷིཾ བྷཱཝཡཏོ ཁཎིཀསམོདྷཱནཱ.

སོལ༹སཉཱཎནིདྡེསོ དུཏིཡོ.

༣. ཨུཔཀྐིལེསཉཱཎནིདྡེསོ

པཋམཙྪཀྐཾ

༡༥༤. ཨིམེཧི ཙ པན ནཱིཝརཎེཧི ཝིསུདྡྷཙིཏྟསྶ སོལ༹སཝཏྠུཀཾ ཨཱནཱཔཱནསྶཏིསམཱདྷིཾ བྷཱཝཡཏོ ཁཎིཀསམོདྷཱནཱ ཀཏམེ ¶ ཨཊྛཱརས ཨུཔཀྐིལེསཱ ཨུཔྤཛྫནྟི? ཨསྶཱསཱདིམཛ྄ཛྷཔརིཡོསཱནཾ སཏིཡཱ ཨནུགཙྪཏོ ཨཛ྄ཛྷཏྟཝིཀྑེཔགཏཾ ཙིཏྟཾ སམཱདྷིསྶ པརིཔནྠོ. པསྶཱསཱདིམཛ྄ཛྷཔརིཡོསཱནཾ སཏིཡཱ ཨནུགཙྪཏོ བཧིདྡྷཱཝིཀྑེཔགཏཾ ཙིཏྟཾ སམཱདྷིསྶ པརིཔནྠོ. ཨསྶཱསཔཊིཀངྑནཱ ནིཀནྟི ཏཎྷཱཙརིཡཱ སམཱདྷིསྶ པརིཔནྠོ. པསྶཱསཔཊིཀངྑནཱ ནིཀནྟི ཏཎྷཱཙརིཡཱ སམཱདྷིསྶ པརིཔནྠོ. ཨསྶཱསེནཱབྷིཏུནྣསྶ པསྶཱསཔཊིལཱབྷེ མུཙྪནཱ སམཱདྷིསྶ པརིཔནྠོ. པསྶཱསེནཱབྷིཏུནྣསྶ ཨསྶཱསཔཊིལཱབྷེ མུཙྪནཱ སམཱདྷིསྶ པརིཔནྠོ.

ཨནུགཙྪནཱ ¶ ཙ ཨསྶཱསཾ, པསྶཱསཾ ཨནུགཙྪནཱ;

སཏི ཨཛ྄ཛྷཏྟཝིཀྑེཔཱ, ཀངྑནཱ བཧིདྡྷཱཝིཀྑེཔཔཏྠནཱ [ཝིཀྑེཔཔནྠནཱ (སྱཱ.)].

ཨསྶཱསེནཱབྷིཏུནྣསྶ, པསྶཱསཔཊིལཱབྷེ མུཙྪནཱ;

པསྶཱསེནཱབྷིཏུནྣསྶ, ཨསྶཱསཔཊིལཱབྷེ མུཙྪནཱ.

ཚ ཨེཏེ ཨུཔཀྐིལེསཱ, ཨཱནཱཔཱནསྶཏིསམཱདྷིསྶ;

ཡེཧི ཝིཀྑིཔྤམཱནསྶ [ཝིཀམྤམཱནསྶ (སྱཱ.)], ནོ ཙ ཙིཏྟཾ ཝིམུཙྩཏི;

ཝིམོཀྑཾ ཨཔྤཛཱནནྟཱ, ཏེ ཧོནྟི པརཔཏྟིཡཱཏི.

དུཏིཡཙྪཀྐཾ

༡༥༥. ནིམིཏྟཾ ཨཱཝཛྫཏོ ཨསྶཱསེ ཙིཏྟཾ ཝིཀམྤཏི – སམཱདྷིསྶ པརིཔནྠོ. ཨསྶཱསཾ ¶ ཨཱཝཛྫཏོ ནིམིཏྟེ ཙིཏྟཾ ཝིཀམྤཏི – སམཱདྷིསྶ པརིཔནྠོ. ནིམིཏྟཾ ཨཱཝཛྫཏོ པསྶཱསེ ཙིཏྟཾ ཝིཀམྤཏི – སམཱདྷིསྶ པརིཔནྠོ. པསྶཱསཾ ཨཱཝཛྫཏོ ནིམིཏྟེ ཙིཏྟཾ ཝིཀམྤཏི – སམཱདྷིསྶ པརིཔནྠོ. ཨསྶཱསཾ ཨཱཝཛྫཏོ པསྶཱསེ ཙིཏྟཾ ཝིཀམྤཏི – སམཱདྷིསྶ པརིཔནྠོ. པསྶཱསཾ ཨཱཝཛྫཏོ ཨསྶཱསེ ཙིཏྟཾ ¶ ཝིཀམྤཏི – སམཱདྷིསྶ པརིཔནྠོ.

ནིམིཏྟཾ ¶ ཨཱཝཛྫམཱནསྶ, ཨསྶཱསེ ཝིཀྑིཔཏེ མནོ;

ཨསྶཱསཾ ཨཱཝཛྫམཱནསྶ, ནིམིཏྟེ ཙིཏྟཾ ཝིཀམྤཏི.

ནིམིཏྟཾ ཨཱཝཛྫམཱནསྶ, པསྶཱསེ ཝིཀྑིཔཏེ མནོ;

པསྶཱསཾ ཨཱཝཛྫམཱནསྶ, ནིམིཏྟེ ཙིཏྟཾ ཝིཀམྤཏི.

ཨསྶཱསཾ ཨཱཝཛྫམཱནསྶ, པསྶཱསེ ཝིཀྑིཔཏེ མནོ;

པསྶཱསཾ ཨཱཝཛྫམཱནསྶ, ཨསྶཱསེ ཙིཏྟཾ ཝིཀམྤཏི.

ཚ ཨེཏེ ཨུཔཀྐིལེསཱ, ཨཱནཱཔཱནསྶཏིསམཱདྷིསྶ;

ཡེཧི ཝིཀྑིཔྤམཱནསྶ, ནོ ཙ ཙིཏྟཾ ཝིམུཙྩཏི;

ཝིམོཀྑཾ ཨཔྤཛཱནནྟཱ, ཏེ ཧོནྟི པརཔཏྟིཡཱཏི.

ཏཏིཡཙྪཀྐཾ

༡༥༦. ཨཏཱིཏཱནུདྷཱཝནཾ ཙིཏྟཾ ཝིཀྑེཔཱནུཔཏིཏཾ – སམཱདྷིསྶ པརིཔནྠོ. ཨནཱགཏཔཊིཀངྑནཾ ཙིཏྟཾ ཝིཀམྤིཏཾ – སམཱདྷིསྶ པརིཔནྠོ. ལཱིནཾ ཙིཏྟཾ ཀོསཛྫཱནུཔཏིཏཾ ¶ – སམཱདྷིསྶ པརིཔནྠོ. ཨཏིཔགྒཧིཏཾ ཙིཏྟཾ ཨུདྡྷཙྩཱནུཔཏིཏཾ – སམཱདྷིསྶ པརིཔནྠོ. ཨབྷིནཏཾ ཙིཏྟཾ རཱགཱནུཔཏིཏཾ – སམཱདྷིསྶ པརིཔནྠོ. ཨཔནཏཾ ཙིཏྟཾ བྱཱཔཱདཱནུཔཏིཏཾ – སམཱདྷིསྶ པརིཔནྠོ.

ཨཏཱིཏཱནུདྷཱཝནཾ ཙིཏྟཾ, ཨནཱགཏཔཊིཀངྑནཾ ལཱིནཾ;

ཨཏིཔགྒཧིཏཾ ཨབྷིནཏཾ, ཨཔནཏཾ ཙིཏྟཾ ན སམཱདྷིཡཏི.

ཚ ཨེཏེ ཨུཔཀྐིལེསཱ, ཨཱནཱཔཱནསྶཏིསམཱདྷིསྶ;

ཡེཧི ¶ ཨུཔཀྐིལིཊྛསངྐཔྤོ, ཨདྷིཙིཏྟཾ ནཔྤཛཱནཱཏཱིཏི.

༡༥༧. ཨསྶཱསཱདིམཛ྄ཛྷཔརིཡོསཱནཾ ¶ སཏིཡཱ ཨནུགཙྪཏོ ཨཛ྄ཛྷཏྟཾ ཝིཀྑེཔགཏེན ཙིཏྟེན ཀཱཡོཔི ཙིཏྟམྤི སཱརདྡྷཱ ཙ ཧོནྟི ཨིཉྫིཏཱ ཙ ཕནྡིཏཱ ཙ. པསྶཱསཱདིམཛ྄ཛྷཔརིཡོསཱནཾ སཏིཡཱ ཨནུགཙྪཏོ བཧིདྡྷཱཝིཀྑེཔགཏེན ཙིཏྟེན ཀཱཡོཔི ཙིཏྟམྤི སཱརདྡྷཱ ཙ ཧོནྟི ཨིཉྫིཏཱ ཙ ཕནྡིཏཱ ཙ. ཨསྶཱསཔཊིཀངྑནཱཡ ནིཀནྟིཡཱ ཏཎྷཱཙརིཡཱཡ ཀཱཡོཔི ཙིཏྟམྤི སཱརདྡྷཱ ཙ ཧོནྟི ཨིཉྫིཏཱ ཙ ཕནྡིཏཱ ཙ. པསྶཱསཔཊིཀངྑནཱཡ ནིཀནྟིཡཱ ཏཎྷཱཙརིཡཱཡ ཀཱཡོཔི ཙིཏྟམྤི སཱརདྡྷཱ ཙ ཧོནྟི ཨིཉྫིཏཱ ཙ ཕནྡིཏཱ ¶ ཙ. ཨསྶཱསེནཱབྷིཏུནྣསྶ པསྶཱསཔཊིལཱབྷེ མུཙྪིཏཏྟཱ ཀཱཡོཔི ཙིཏྟམྤི སཱརདྡྷཱ ཙ ཧོནྟི ཨིཉྫིཏཱ ཙ ཕནྡིཏཱ ཙ. པསྶཱསེནཱབྷིཏུནྣསྶ ཨསྶཱསཔཊིལཱབྷེ མུཙྪིཏཏྟཱ ཀཱཡོཔི ཙིཏྟམྤི སཱརདྡྷཱ ཙ ཧོནྟི ཨིཉྫིཏཱ ཙ ཕནྡིཏཱ ཙ. ནིམིཏྟཾ ཨཱཝཛྫཏོ ཨསྶཱསེ ཙིཏྟཾ ཝིཀམྤིཏཏྟཱ ཀཱཡོཔི ཙིཏྟམྤི སཱརདྡྷཱ ཙ ཧོནྟི ཨིཉྫིཏཱ ཙ ཕནྡིཏཱ ཙ. ཨསྶཱསཾ ཨཱཝཛྫཏོ ནིམིཏྟེ ཙིཏྟཾ ཝིཀམྤིཏཏྟཱ ཀཱཡོཔི ཙིཏྟམྤི སཱརདྡྷཱ ཙ ཧོནྟི ཨིཉྫིཏཱ ཙ ཕནྡིཏཱ ཙ. ནིམིཏྟཾ ཨཱཝཛྫཏོ པསྶཱསེ ཙིཏྟཾ ཝིཀམྤིཏཏྟཱ ཀཱཡོཔི ཙིཏྟམྤི སཱརདྡྷཱ ཙ ཧོནྟི ཨིཉྫིཏཱ ཙ ཕནྡིཏཱ ཙ. པསྶཱསཾ ཨཱཝཛྫཏོ ནིམིཏྟེ ཙིཏྟཾ ཝིཀམྤིཏཏྟཱ ཀཱཡོཔི ཙིཏྟམྤི སཱརདྡྷཱ ཙ ཧོནྟི ཨིཉྫིཏཱ ¶ ཙ ཕནྡིཏཱ ཙ. ཨསྶཱསཾ ཨཱཝཛྫཏོ པསྶཱསེ ཙིཏྟཾ ཝིཀམྤིཏཏྟཱ ཀཱཡོཔི ཙིཏྟམྤི སཱརདྡྷཱ ཙ ཧོནྟི ཨིཉྫིཏཱ ཙ ཕནྡིཏཱ ཙ. པསྶཱསཾ ཨཱཝཛྫཏོ ཨསྶཱསེ ཙིཏྟཾ ཝིཀམྤིཏཏྟཱ ཀཱཡོཔི ཙིཏྟམྤི སཱརདྡྷཱ ཙ ཧོནྟི ཨིཉྫིཏཱ ཙ ཕནྡིཏཱ ཙ. ཨཏཱིཏཱནུདྷཱཝནེན ཙིཏྟེན ཝིཀྑེཔཱནུཔཏིཏེན ཀཱཡོཔི ཙིཏྟམྤི སཱརདྡྷཱ ཙ ཧོནྟི ཨིཉྫིཏཱ ཙ ཕནྡིཏཱ ཙ. ཨནཱགཏཔཊིཀངྑནེན ཙིཏྟེན ཝིཀམྤིཏེན ཀཱཡོཔི ཙིཏྟམྤི སཱརདྡྷཱ ཙ ཧོནྟི ཨིཉྫིཏཱ ཙ ཕནྡིཏཱ ཙ. ལཱིནེན ཙིཏྟེན ¶ ཀོསཛྫཱནུཔཏིཏེན ཀཱཡོཔི ཙིཏྟམྤི སཱརདྡྷཱ ཙ ཧོནྟི ཨིཉྫིཏཱ ཙ ཕནྡིཏཱ ཙ. ཨཏིཔགྒཧིཏེན ཙིཏྟེན ཨུདྡྷཙྩཱནུཔཏིཏེན ཀཱཡོཔི ཙིཏྟམྤི སཱརདྡྷཱ ཙ ཧོནྟི ཨིཉྫིཏཱ ཙ ཕནྡིཏཱ ཙ. ཨབྷིནཏེན ཙིཏྟེན རཱགཱནུཔཏིཏེན ཀཱཡོཔི ཙིཏྟམྤི སཱརདྡྷཱ ཙ ཧོནྟི ཨིཉྫིཏཱ ཙ ཕནྡིཏཱ ཙ. ཨཔནཏེན ཙིཏྟེན བྱཱཔཱདཱནུཔཏིཏེན ཀཱཡོཔི ཙིཏྟམྤི སཱརདྡྷཱ ཙ ཧོནྟི ཨིཉྫིཏཱ ཙ ཕནྡིཏཱ ཙ.

ཨཱནཱཔཱནསྶཏི ཡསྶ, པརིཔུཎྞཱ ཨབྷཱཝིཏཱ;

ཀཱཡོཔི ཨིཉྫིཏོ ཧོཏི, ཙིཏྟམྤི ཧོཏི ཨིཉྫིཏཾ;

ཀཱཡོཔི ཕནྡིཏོ ཧོཏི, ཙིཏྟམྤི ཧོཏི ཕནྡིཏཾ.

ཨཱནཱཔཱནསྶཏི ¶ ཡསྶ, པརིཔུཎྞཱ སུབྷཱཝིཏཱ;

ཀཱཡོཔི ཨནིཉྫིཏོ ཧོཏི, ཙིཏྟམྤི ཧོཏི ཨནིཉྫིཏཾ;

ཀཱཡོཔི ¶ ཨཕནྡིཏོ ཧོཏི, ཙིཏྟམྤི ཧོཏི ཨཕནྡིཏནྟི.

ཨིམེཧི ཙ པན ནཱིཝརཎེཧི ཝིསུདྡྷཙིཏྟསྶ སོལ༹སཝཏྠུཀཾ ཨཱནཱཔཱནསྶཏིསམཱདྷིཾ བྷཱཝཡཏོ ཁཎིཀསམོདྷཱནཱ ཨིམེ ཨཊྛཱརས ཨུཔཀྐིལེསཱ ཨུཔྤཛྫནྟི.

ཨུཔཀྐིལེསཉཱཎནིདྡེསོ ཏཏིཡོ.

༤. ཝོདཱནཉཱཎནིདྡེསོ

༡༥༨. ཀཏམཱནི ཏེརས ཝོདཱནེ ཉཱཎཱནི? ཨཏཱིཏཱནུདྷཱཝནཾ ཙིཏྟཾ ཝིཀྑེཔཱནུཔཏིཏཾ; ཏཾ ཝིཝཛྫཡིཏྭཱ ཨེཀཊྛཱནེ སམཱདཧཏི – ཨེཝམྤི ཙིཏྟཾ ན ཝིཀྑེཔཾ གཙྪཏི. ཨནཱགཏཔཊིཀངྑནཾ ཙིཏྟཾ ཝིཀམྤིཏཾ ¶ ; ཏཾ ཝིཝཛྫཡིཏྭཱ ཏཏྠེཝ ཨདྷིམོཙེཏི – ཨེཝམྤི ཙིཏྟཾ ན ཝིཀྑེཔཾ གཙྪཏི. ལཱིནཾ ཙིཏྟཾ ཀོསཛྫཱནུཔཏིཏཾ; ཏཾ པགྒཎྷིཏྭཱ ཀོསཛྫཾ པཛཧཏི – ཨེཝམྤི ཙིཏྟཾ ན ཝིཀྑེཔཾ གཙྪཏི. ཨཏིཔགྒཧིཏཾ ཙིཏྟཾ ཨུདྡྷཙྩཱནུཔཏིཏཾ; ཏཾ ཝིནིགྒཎྷིཏྭཱ ཨུདྡྷཙྩཾ པཛཧཏི – ཨེཝམྤི ཙིཏྟཾ ན ཝིཀྑེཔཾ གཙྪཏི. ཨབྷིནཏཾ ཙིཏྟཾ རཱགཱནུཔཏིཏཾ; ཏཾ སམྤཛཱནོ ཧུཏྭཱ རཱགཾ པཛཧཏི – ཨེཝམྤི ཙིཏྟཾ ན ཝིཀྑེཔཾ གཙྪཏི. ཨཔནཏཾ ཙིཏྟཾ བྱཱཔཱདཱནུཔཏིཏཾ; ཏཾ སམྤཛཱནོ ཧུཏྭཱ བྱཱཔཱདཾ པཛཧཏི – ཨེཝམྤི ཙིཏྟཾ ན ཝིཀྑེཔཾ གཙྪཏི. ཨིམེཧི ཚཧི ཋཱནེཧི པརིསུདྡྷཾ ཙིཏྟཾ པརིཡོདཱཏཾ ཨེཀཏྟགཏཾ ཧོཏི.

ཀཏམེ ¶ ཏེ ཨེཀཏྟཱ? དཱནཝོསགྒུཔཊྛཱནེཀཏྟཾ, སམཐནིམིཏྟུཔཊྛཱནེཀཏྟཾ, ཝཡལཀྑཎུཔཊྛཱནེཀཏྟཾ, ནིརོདྷུཔཊྛཱནེཀཏྟཾ. དཱནཝོསགྒུཔཊྛཱནེཀཏྟཾ ཙཱགཱདྷིམུཏྟཱནཾ, སམཐནིམིཏྟུཔཊྛཱནེཀཏྟཉྩ ¶ ཨདྷིཙིཏྟམནུཡུཏྟཱནཾ, ཝཡལཀྑཎུཔཊྛཱནེཀཏྟཉྩ ཝིཔསྶཀཱནཾ, ནིརོདྷུཔཊྛཱནེཀཏྟཉྩ ཨརིཡཔུགྒལཱནཾ – ཨིམེཧི ཙཏཱུཧི ཋཱནེཧི ཨེཀཏྟགཏཾ ཙིཏྟཾ པཊིཔདཱཝིསུདྡྷིཔཀྑནྡཉྩེཝ ཧོཏི, ཨུཔེཀྑཱནུབྲཱུཧིཏཉྩ, ཉཱཎེན ཙ སམྤཧཾསིཏཾ.

པཋམསྶ ཛྷཱནསྶ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? པཋམསྶ ཛྷཱནསྶ པཊིཔདཱཝིསུདྡྷི ཨཱདི, ཨུཔེཀྑཱནུབྲཱུཧནཱ མཛ྄ཛྷེ, སམྤཧཾསནཱ པརིཡོསཱནཾ. པཋམསྶ ཛྷཱནསྶ པཊིཔདཱཝིསུདྡྷི ¶ ཨཱདི. ཨཱདིསྶ ཀཏི ལཀྑཎཱནི? ཨཱདིསྶ ཏཱིཎི ལཀྑཎཱནི. ཡོ ཏསྶ པརིཔནྠོ ཏཏོ ཙིཏྟཾ ཝིསུཛ྄ཛྷཏི, ཝིསུདྡྷཏྟཱ ཙིཏྟཾ མཛ྄ཛྷིམཾ སམཐནིམིཏྟཾ པཊིཔཛྫཏི, པཊིཔནྣཏྟཱ ཏཏྠ ཙིཏྟཾ པཀྑནྡཏི. ཡཉྩ པརིཔནྠཏོ ཙིཏྟཾ ཝིསུཛ྄ཛྷཏི, ཡཉྩ ཝིསུདྡྷཏྟཱ ཙིཏྟཾ མཛ྄ཛྷིམཾ སམཐནིམིཏྟཾ པཊིཔཛྫཏི, ཡཉྩ པཊིཔནྣཏྟཱ ཏཏྠ ཙིཏྟཾ པཀྑནྡཏི. པཋམསྶ ¶ ཛྷཱནསྶ པཊིཔདཱཝིསུདྡྷི ཨཱདི. ཨཱདིསྶ ཨིམཱནི ཏཱིཎི ལཀྑཎཱནི. ཏེན ཝུཙྩཏི – ‘‘པཋམཾ ཛྷཱནཾ ཨཱདིཀལྱཱཎཉྩེཝ ཧོཏི ལཀྑཎསམྤནྣཉྩ’’.

པཋམསྶ ཛྷཱནསྶ ཨུཔེཀྑཱནུབྲཱུཧནཱ མཛ྄ཛྷེ. མཛ྄ཛྷསྶ ཀཏི ལཀྑཎཱནི? མཛ྄ཛྷསྶ ཏཱིཎི ལཀྑཎཱནི. ཝིསུདྡྷཾ ཙིཏྟཾ ཨཛ྄ཛྷུཔེཀྑཏི, སམཐཔཊིཔནྣཾ ཨཛ྄ཛྷུཔེཀྑཏི, ཨེཀཏྟུཔཊྛཱནཾ ཨཛ྄ཛྷུཔེཀྑཏི. ཡཉྩ ཝིསུདྡྷཾ ཙིཏྟཾ ཨཛ྄ཛྷུཔེཀྑཏི, ཡཉྩ སམཐཔཊིཔནྣཾ ¶ ཨཛ྄ཛྷུཔེཀྑཏི, ཡཉྩ ཨེཀཏྟུཔཊྛཱནཾ ཨཛ྄ཛྷུཔེཀྑཏི – པཋམསྶ ཛྷཱནསྶ ཨུཔེཀྑཱནུབྲཱུཧནཱ མཛ྄ཛྷེ. མཛ྄ཛྷསྶ ཨིམཱནི ཏཱིཎི ལཀྑཎཱནི. ཏེན ཝུཙྩཏི – ‘‘པཋམཾ ཛྷཱནཾ མཛ྄ཛྷེཀལྱཱཎཉྩེཝ ཧོཏི ལཀྑཎསམྤནྣཉྩ’’.

པཋམསྶ ཛྷཱནསྶ སམྤཧཾསནཱ པརིཡོསཱནཾ. པརིཡོསཱནསྶ ཀཏི ལཀྑཎཱནི? པརིཡོསཱནསྶ ཙཏྟཱརི ལཀྑཎཱནི. ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན སམྤཧཾསནཱ, ཨིནྡྲིཡཱནཾ ཨེཀརསཊྛེན སམྤཧཾསནཱ, ཏདུཔགཝཱིརིཡཝཱཧནཊྛེན སམྤཧཾསནཱ, ཨཱསེཝནཊྛེན སམྤཧཾསནཱ. པཋམསྶ ཛྷཱནསྶ སམྤཧཾསནཱ པརིཡོསཱནཾ. པརིཡོསཱནསྶ ཨིམཱནི ཙཏྟཱརི ལཀྑཎཱནི. ཏེན ཝུཙྩཏི – ‘‘པཋམཾ ཛྷཱནཾ པརིཡོསཱནཀལྱཱཎཉྩེཝ ཧོཏི ལཀྑཎསམྤནྣཉྩ’’. ཨེཝཾ ཏིཝཏྟགཏཾ ཙིཏྟཾ ཏིཝིདྷཀལྱཱཎཀཾ དསལཀྑཎསམྤནྣཾ ཝིཏཀྐསམྤནྣཉྩེཝ ཧོཏི ཝིཙཱརསམྤནྣཉྩ པཱིཏིསམྤནྣཉྩ སུཁསམྤནྣཉྩ ཙིཏྟསྶ ཨདྷིཊྛཱནསམྤནྣཉྩ སདྡྷཱསམྤནྣཉྩ ཝཱིརིཡསམྤནྣཉྩ སཏིསམྤནྣཉྩ སམཱདྷིསམྤནྣཉྩ པཉྙཱསམྤནྣཉྩ.

དུཏིཡསྶ ¶ ཛྷཱནསྶ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? དུཏིཡསྶ ཛྷཱནསྶ པཊིཔདཱཝིསུདྡྷི ཨཱདི, ཨུཔེཀྑཱནུབྲཱུཧནཱ མཛ྄ཛྷེ, སམྤཧཾསནཱ པརིཡོསཱནཾ…པེ… ཨེཝཾ ཏིཝཏྟགཏཾ ཙིཏྟཾ ཏིཝིདྷཀལྱཱཎཀཾ དསལཀྑཎསམྤནྣཾ པཱིཏིསམྤནྣཉྩེཝ ཧོཏི སུཁསམྤནྣཉྩ ཙིཏྟསྶ ཨདྷིཊྛཱནསམྤནྣཉྩ སདྡྷཱསམྤནྣཉྩ ¶ ཝཱིརིཡསམྤནྣཉྩ སཏིསམྤནྣཉྩ སམཱདྷིསམྤནྣཉྩ པཉྙཱསམྤནྣཉྩ.

ཏཏིཡསྶ ¶ ¶ ཛྷཱནསྶ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ…པེ… ཨེཝཾ ཏིཝཏྟགཏཾ ཙིཏྟཾ ཏིཝིདྷཀལྱཱཎཀཾ དསལཀྑཎསམྤནྣཾ སུཁསམྤནྣཉྩེཝ ཧོཏི ཙིཏྟསྶ ཨདྷིཊྛཱནསམྤནྣཉྩ སདྡྷཱསམྤནྣཉྩ ཝཱིརིཡསམྤནྣཉྩ སཏིསམྤནྣཉྩ སམཱདྷིསམྤནྣཉྩ པཉྙཱསམྤནྣཉྩ.

ཙཏུཏྠསྶ ཛྷཱནསྶ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ…པེ… ཨེཝཾ ཏིཝཏྟགཏཾ ཙིཏྟཾ ཏིཝིདྷཀལྱཱཎཀཾ དསལཀྑཎསམྤནྣཉྩ ཨུཔེཀྑཱསམྤནྣཉྩེཝ ཧོཏི ཙིཏྟསྶ ཨདྷིཊྛཱནསམྤནྣཉྩ སདྡྷཱསམྤནྣཉྩ ཝཱིརིཡསམྤནྣཉྩ སཏིསམྤནྣཉྩ སམཱདྷིསམྤནྣཉྩ པཉྙཱསམྤནྣཉྩ.

ཨཱཀཱསཱནཉྩཱཡཏནསམཱཔཏྟིཡཱ…པེ… ཝིཉྙཱཎཉྩཱཡཏནསམཱཔཏྟིཡཱ… ཨཱཀིཉྩཉྙཱཡཏནསམཱཔཏྟིཡཱ… ནེཝསཉྙཱནཱསཉྙཱཡཏནསམཱཔཏྟིཡཱ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ…པེ… ཨེཝཾ ཏིཝཏྟགཏཾ ཙིཏྟཾ ཏིཝིདྷཀལྱཱཎཀཾ དསལཀྑཎསམྤནྣཾ ཨུཔེཀྑཱསམྤནྣཉྩེཝ ཧོཏི ཙིཏྟསྶ ཨདྷིཊྛཱནསམྤནྣཾ ཙ…པེ… པཉྙཱསམྤནྣཉྩ.

ཨནིཙྩཱནུཔསྶནཱཡ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ…པེ… ཨེཝཾ ཏིཝཏྟགཏཾ ཙིཏྟཾ ཏིཝིདྷཀལྱཱཎཀཾ དསལཀྑཎསམྤནྣཾ ¶ ཝིཏཀྐསམྤནྣཉྩེཝ ཧོཏི ཝིཙཱརསམྤནྣཉྩ པཱིཏིསམྤནྣཉྩ སུཁསམྤནྣཉྩ ཙིཏྟསྶ ཨདྷིཊྛཱནསམྤནྣཉྩ སདྡྷཱསམྤནྣཉྩ ཝཱིརིཡསམྤནྣཉྩ སཏིསམྤནྣཉྩ སམཱདྷིསམྤནྣཉྩ པཉྙཱསམྤནྣཉྩ. དུཀྑཱནུཔསྶནཱཡ…པེ… ཨནཏྟཱནུཔསྶནཱཡ… ནིབྦིདཱནུཔསྶནཱཡ… ཝིརཱགཱནུཔསྶནཱཡ… ནིརོདྷཱནུཔསྶནཱཡ… པཊིནིསྶགྒཱནུཔསྶནཱཡ… ཁཡཱནུཔསྶནཱཡ… ཝཡཱནུཔསྶནཱཡ… ཝིཔརིཎཱམཱནུཔསྶནཱཡ… ཨནིམིཏྟཱནུཔསྶནཱཡ… ཨཔྤཎིཧིཏཱནུཔསྶནཱཡ… སུཉྙཏཱནུཔསྶནཱཡ… ཨདྷིཔཉྙཱདྷམྨཝིཔསྶནཱཡ… ཡཐཱབྷཱུཏཉཱཎདསྶནཱཡ… ཨཱདཱིནཝཱནུཔསྶནཱཡ… པཊིསངྑཱནུཔསྶནཱཡ… ཝིཝཊྚནཱནུཔསྶནཱཡ… པཉྙཱསམྤནྣཉྩ.

སོཏཱཔཏྟིམགྒསྶ…པེ… སཀདཱགཱམིམགྒསྶ… ཨནཱགཱམིམགྒསྶ… ཨརཧཏྟམགྒསྶ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? ཨརཧཏྟམགྒསྶ པཊིཔདཱཝིསུདྡྷི ¶ ཨཱདི ཨུཔེཀྑཱནུབྲཱུཧནཱ མཛ྄ཛྷེ, སམྤཧཾསནཱ པརིཡོསཱནཾ. ཨརཧཏྟམགྒསྶ པཊིཔདཱཝིསུདྡྷི ཨཱདི. ཨཱདིསྶ ཀཏི ལཀྑཎཱནི? ཨཱདིསྶ ཏཱིཎི ལཀྑཎཱནི. ཡོ ཏསྶ པརིཔནྠོ ཏཏོ ཙིཏྟཾ ཝིསུཛ྄ཛྷཏི, ཝིསུདྡྷཏྟཱ ཙིཏྟཾ མཛ྄ཛྷིམཾ སམཐནིམིཏྟཾ པཊིཔཛྫཏི, པཊིཔནྣཏྟཱ ཏཏྠ ཙིཏྟཾ པཀྑནྡཏི ¶ . ཡཉྩ པརིཔནྠཏོ ཙིཏྟཾ ཝིསུཛ྄ཛྷཏི, ཡཉྩ ཝིསུདྡྷཏྟཱ ཙིཏྟཾ མཛ྄ཛྷིམཾ སམཐནིམིཏྟཾ ¶ པཊིཔཛྫཏི, ཡཉྩ པཊིཔནྣཏྟཱ ཏཏྠ ཙིཏྟཾ པཀྑནྡཏི – ཨརཧཏྟམགྒསྶ པཊིཔདཱཝིསུདྡྷི ཨཱདི. ཨཱདིསྶ ཨིམཱནི ཏཱིཎི ལཀྑཎཱནི. ཏེན ¶ ཝུཙྩཏི – ‘‘ཨརཧཏྟམགྒོ ཨཱདིཀལྱཱཎོ ཙེཝ ཧོཏི ལཀྑཎསམྤནྣོ ཙ’’.

ཨརཧཏྟམགྒསྶ ཨུཔེཀྑཱནུབྲཱུཧནཱ མཛ྄ཛྷེ. མཛ྄ཛྷསྶ ཀཏི ལཀྑཎཱནི? མཛ྄ཛྷསྶ ཏཱིཎི ལཀྑཎཱནི. ཝིསུདྡྷཾ ཙིཏྟཾ ཨཛ྄ཛྷུཔེཀྑཏི, སམཐཔཊིཔནྣཾ ཨཛ྄ཛྷུཔེཀྑཏི, ཨེཀཏྟུཔཊྛཱནཾ ཨཛ྄ཛྷུཔེཀྑཏི. ཡཉྩ ཝིསུདྡྷཾ ཙིཏྟཾ ཨཛ྄ཛྷུཔེཀྑཏི, ཡཉྩ སམཐཔཊིཔནྣཾ ཨཛ྄ཛྷུཔེཀྑཏི, ཡཉྩ ཨེཀཏྟུཔཊྛཱནཾ ཨཛ྄ཛྷུཔེཀྑཏི. ཏེན ཝུཙྩཏི – ‘‘ཨརཧཏྟམགྒོ མཛ྄ཛྷེཀལྱཱཎོ ཙེཝ ཧོཏི ལཀྑཎསམྤནྣོ ཙ’’.

ཨརཧཏྟམགྒསྶ སམྤཧཾསནཱ པརིཡོསཱནཾ. པརིཡོསཱནསྶ ཀཏི ལཀྑཎཱནི? པརིཡོསཱནསྶ ཙཏྟཱརི ལཀྑཎཱནི. ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན སམྤཧཾསནཱ, ཨིནྡྲིཡཱནཾ ཨེཀརསཊྛེན སམྤཧཾསནཱ, ཏདུཔགཝཱིརིཡཝཱཧནཊྛེན སམྤཧཾསནཱ, ཨཱསེཝནཊྛེན སམྤཧཾསནཱ. ཨརཧཏྟམགྒསྶ སམྤཧཾསནཱ པརིཡོསཱནཾ. པརིཡོསཱནསྶ ཨིམཱནི ཙཏྟཱརི ལཀྑཎཱནི. ཏེན ཝུཙྩཏི – ‘‘ཨརཧཏྟམགྒོ པརིཡོསཱནཀལྱཱཎོ ཙེཝ ཧོཏི ལཀྑཎསམྤནྣོ ཙ’’. ཨེཝཾ ཏིཝཏྟགཏཾ ཙིཏྟཾ ཏིཝིདྷཀལྱཱཎཀཾ དསལཀྑཎསམྤནྣཾ ཝིཏཀྐསམྤནྣཉྩེཝ ཧོཏི ཝིཙཱརསམྤནྣཉྩ པཱིཏིསམྤནྣཉྩ སུཁསམྤནྣཉྩ ཙིཏྟསྶ ཨདྷིཊྛཱནསམྤནྣཉྩ སདྡྷཱསམྤནྣཉྩ ཝཱིརིཡསམྤནྣཉྩ སཏིསམྤནྣཉྩ སམཱདྷིསམྤནྣཉྩ པཉྙཱསམྤནྣཉྩ ¶ .

༡༥༩.

ནིམིཏྟཾ ཨསྶཱསཔསྶཱསཱ, ཨནཱརམྨཎམེཀཙིཏྟསྶ;

ཨཛཱནཏོ ཙ ཏཡོ དྷམྨེ, བྷཱཝནཱ ནུཔལབྦྷཏི.

ནིམིཏྟཾ ¶ ཨསྶཱསཔསྶཱསཱ, ཨནཱརམྨཎམེཀཙིཏྟསྶ;

ཛཱནཏོ ཙ ཏཡོ དྷམྨེ, བྷཱཝནཱ ཨུཔལབྦྷཏཱིཏི.

ཀཐཾ ཨིམེ ཏཡོ དྷམྨཱ ཨེཀཙིཏྟསྶ ཨཱརམྨཎཱ ན ཧོནྟི, ན ཙིམེ ཏཡོ དྷམྨཱ ཨཝིདིཏཱ ཧོནྟི, ན ཙ ཙིཏྟཾ ཝིཀྑེཔཾ གཙྪཏི, པདྷཱནཉྩ པཉྙཱཡཏི, པཡོགཉྩ སཱདྷེཏི, ཝིསེསམདྷིགཙྪཏི? སེཡྻཐཱཔི རུཀྑོ ¶ སམེ བྷཱུམིབྷཱགེ ནིཀྑིཏྟོ. ཏམེནཾ པུརིསོ ཀཀཙེན ཚིནྡེཡྻ. རུཀྑེ ཕུཊྛཀཀཙདནྟཱནཾ ཝསེན པུརིསསྶ སཏི ཨུཔཊྛིཏཱ ཧོཏི; ན ཨཱགཏེ ཝཱ གཏེ ཝཱ ཀཀཙདནྟེ མནསི ཀརོཏི. ན ཨཱགཏཱ ཝཱ གཏཱ ཝཱ ཀཀཙདནྟཱ ཨཝིདིཏཱ ཧོནྟི ¶ , པདྷཱནཉྩ པཉྙཱཡཏི, པཡོགཉྩ སཱདྷེཏི. ཡཐཱ རུཀྑོ སམེ བྷཱུམིབྷཱགེ ནིཀྑིཏྟོ. ཨེཝཾ ཨུཔནིབནྡྷནཱ ནིམིཏྟཾ. ཡཐཱ ཀཀཙདནྟཱ, ཨེཝཾ ཨསྶཱསཔསྶཱསཱ. ཡཐཱ རུཀྑེ ཕུཊྛཀཀཙདནྟཱནཾ ཝསེན པུརིསསྶ སཏི ཨུཔཊྛིཏཱ ཧོཏི, ན ཨཱགཏེ ཝཱ གཏེ ཝཱ ཀཀཙདནྟེ མནསི ཀརོཏི, ན ཨཱགཏཱ ཝཱ གཏཱ ཝཱ ཀཀཙདནྟཱ ཨཝིདིཏཱ ཧོནྟི, པདྷཱནཉྩ པཉྙཱཡཏི, པཡོགཉྩ སཱདྷེཏི. ཨེཝམེཝཾ བྷིཀྑུ ནཱསིཀགྒེ ཝཱ མུཁནིམིཏྟེ ཝཱ སཏིཾ ཨུཔཊྛཔེཏྭཱ ནིསིནྣོ ཧོཏི, ན ཨཱགཏེ ཝཱ ¶ གཏེ ཝཱ ཨསྶཱསཔསྶཱསེ མནསི ཀརོཏི, ན ཨཱགཏཱ ཝཱ གཏཱ ཝཱ ཨསྶཱསཔསྶཱསཱ ཨཝིདིཏཱ ཧོནྟི, པདྷཱནཉྩ པཉྙཱཡཏི, པཡོགཉྩ སཱདྷེཏི. ཝིསེསམདྷིགཙྪཏི པདྷཱནཉྩ.

ཀཏམཾ པདྷཱནཾ? ཨཱརདྡྷཝཱིརིཡསྶ ཀཱཡོཔི ཙིཏྟམྤི ཀམྨནིཡཾ ཧོཏི – ཨིདཾ པདྷཱནཾ. ཀཏམོ པཡོགོ? ཨཱརདྡྷཝཱིརིཡསྶ ཨུཔཀྐིལེསཱ པཧཱིཡནྟི, ཝིཏཀྐཱ ཝཱུཔསམནྟི – ཨཡཾ པཡོགོ. ཀཏམོ ཝིསེསོ? ཨཱརདྡྷཝཱིརིཡསྶ སཉྙོཛནཱ པཧཱིཡནྟི, ཨནུསཡཱ བྱནྟཱིཧོནྟི [ཨནུསཡཱ བྱཱསནྟི (སྱཱ.)]. ཨཡཾ ཝིསེསོ. ཨེཝཾ ཨིམེ ཏཡོ དྷམྨཱ ཨེཀཙིཏྟསྶ ཨཱརམྨཎཱ ན ཧོནྟི ¶ , ན ཙིམེ ཏཡོ དྷམྨཱ ཨཝིདིཏཱ ཧོནྟི, ན ཙ ཙིཏྟཾ ཝིཀྑེཔཾ གཙྪཏི, པདྷཱནཉྩ པཉྙཱཡཏི, པཡོགཉྩ སཱདྷེཏི, ཝིསེསམདྷིགཙྪཏི.

༡༦༠.

ཨཱནཱཔཱནསྶཏི ཡསྶ, པརིཔུཎྞཱ སུབྷཱཝིཏཱ;

ཨནུཔུབྦཾ པརིཙིཏཱ, ཡཐཱ བུདྡྷེན དེསིཏཱ;

སོ ཨིམཾ ལོཀཾ པབྷཱསེཏི, ཨབྦྷཱ མུཏྟོཝ ཙནྡིམཱཏི.

ཨཱནནྟི ཨསྶཱསོ, ནོ པསྶཱསོ. ཨཔཱནནྟི [ཨཔཱནནྟི (ཀ.)] པསྶཱསོ, ནོ ཨསྶཱསོ. ཨསྶཱསཝསེན ཨུཔཊྛཱནཾ སཏི, པསྶཱསཝསེན ཨུཔཊྛཱནཾ སཏི.

ཡོ ཨསྶསཏི ཏསྶུཔཊྛཱཏི, ཡོ པསྶསཏི ཏསྶུཔཊྛཱཏི. པརིཔུཎྞཱཏི པརིགྒཧཊྛེན པརིཔུཎྞཱ, པརིཝཱརཊྛེན པརིཔུཎྞཱ, པརིཔཱུརཊྛེན པརིཔུཎྞཱ ¶ . སུབྷཱཝིཏཱཏི ཙཏསྶོ བྷཱཝནཱ – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན ¶ བྷཱཝནཱ, ཨིནྡྲིཡཱནཾ ཨེཀརསཊྛེན བྷཱཝནཱ, ཏདུཔགཝཱིརིཡཝཱཧནཊྛེན བྷཱཝནཱ, ཨཱསེཝནཊྛེན བྷཱཝནཱ. ཏསྶིམེ ཙཏྟཱརོ བྷཱཝནཊྛཱ ཡཱནཱིཀཏཱ ཧོནྟི ཝཏྠུཀཏཱ ཨནུཊྛིཏཱ པརིཙིཏཱ སུསམཱརདྡྷཱ.

ཡཱནཱིཀཏཱཏི ཡཏྠ ཡཏྠ ཨཱཀངྑཏི ཏཏྠ ཏཏྠ ཝསིཔྤཏྟོ ཧོཏི བལཔྤཏྟོ ཝེསཱརཛྫཔྤཏྟོ ¶ . ཏསྶ མེ ཏེ དྷམྨཱ ཨཱཝཛྫནཔཊིབདྡྷཱ [ཨཱཝཛྫནཔཊིབནྡྷཱ (ཀ.) ཨེཝམཱིདིསེསུ པདེསུ] ཧོནྟི ཨཱཀངྑཔཊིབདྡྷཱ མནསིཀཱརཔཊིབདྡྷཱ ཙིཏྟུཔྤཱདཔཊིབདྡྷཱ. ཏེན ཝུཙྩཏི – ‘‘ཡཱནཱིཀཏཱ’’ཏི. ཝཏྠུཀཏཱཏི ཡསྨིཾ ཡསྨིཾ ཝཏྠུསྨིཾ ཙིཏྟཾ སྭཱདྷིཊྛིཏཾ ཧོཏི, ཏསྨིཾ ཏསྨིཾ ཝཏྠུསྨིཾ སཏི སུཔཊྛིཏཱ ཧོཏི. ཡསྨིཾ ཡསྨིཾ ཝཱ པན ཝཏྠུསྨིཾ སཏི སཱུཔཊྛིཏཱ [སུཔཊྛིཏཱ (ཀ.)] ཧོཏི, ཏསྨིཾ ཏསྨིཾ ཝཏྠུསྨིཾ ཙིཏྟཾ སྭཱདྷིཊྛིཏཾ ཧོཏི. ཏེན ཝུཙྩཏི – ‘‘ཝཏྠུཀཏཱ’’ཏི. ཨནུཊྛིཏཱཏི ཝཏྠུསྨིཾ ཡེན ཡེན ཙིཏྟཾ ཨབྷིནཱིཧརཏི ཏེན ཏེན སཏི ཨནུཔརིཝཏྟཏི. ཡེན ཡེན ཝཱ པན སཏི ཨནུཔརིཝཏྟཏི ཏེན ཏེན ཙིཏྟཾ ཨབྷིནཱིཧརཏི. ཏེན ཝུཙྩཏི – ‘‘ཨནུཊྛིཏཱ’’ཏི. པརིཙིཏཱཏི པརིགྒཧཊྛེན པརིཙིཏཱ, པརིཝཱརཊྛེན པརིཙིཏཱ, པརིཔཱུརཊྛེན པརིཙིཏཱ. སཏིཡཱ པརིགྒཎྷནྟོ ཛིནཱཏི ¶ པཱཔཀེ ཨཀུསལེ དྷམྨེ. ཏེན ཝུཙྩཏི – ‘‘པརིཙིཏཱ’’ཏི. སུསམཱརདྡྷཱཏི ¶ ཙཏྟཱརོ སུསམཱརདྡྷཱ – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན སུསམཱརདྡྷཱ, ཨིནྡྲིཡཱནཾ ཨེཀརསཊྛེན སུསམཱརདྡྷཱ, ཏདུཔགཝཱིརིཡཝཱཧནཊྛེན སུསམཱརདྡྷཱ, ཏཔྤཙྩནཱིཀཱནཾ ཀིལེསཱནཾ སུསམཱུཧཏཏྟཱ [སུསམུཧཏཏྟཱ (ཀ.)] སུསམཱརདྡྷཱ.

༡༦༡. སུསམནྟི ཨཏྠི སམཾ, ཨཏྠི སུསམཾ. ཀཏམཾ སམཾ? ཡེ ཏཏྠ ཛཱཏཱ ཨནཝཛྫཱ ཀུསལཱ བོདྷིཔཀྑིཡཱ – ཨིདཾ སམཾ. ཀཏམཾ སུསམཾ? ཡཾ ཏེསཾ ཏེསཾ དྷམྨཱནཾ ཨཱརམྨཎཾ ནིརོདྷོ ནིབྦཱནཾ – ཨིདཾ སུསམཾ. ཨིཏི ཨིདཉྩ སམཾ ཨིདཉྩ སུསམཾ ཉཱཏཾ ཧོཏི དིཊྛཾ ཝིདིཏཾ སཙྪིཀཏཾ ཕསྶིཏཾ པཉྙཱཡ. ཨཱརདྡྷཾ ཧོཏི ཝཱིརིཡཾ ཨསལླཱིནཾ, ཨུཔཊྛིཏཱ སཏི ཨསམྨཱུལཱ༹ [ཨཔམུཊྛཱ (སྱཱ.)], པསྶདྡྷོ ཀཱཡོ ཨསཱརདྡྷོ, སམཱཧིཏཾ ཙིཏྟཾ ཨེཀགྒཾ. ཏེན ཝུཙྩཏི – ‘‘སུསམཱརདྡྷཱ’’ཏི.

ཨནུཔུབྦཾ པརིཙིཏཱཏི དཱིགྷཾ ཨསྶཱསཝསེན པུརིམཱ པུརིམཱ པརིཙིཏཱ, པཙྪིམཱ པཙྪིམཱ ཨནུཔརིཙིཏཱ. དཱིགྷཾ པསྶཱསཝསེན པུརིམཱ པུརིམཱ པརིཙིཏཱ, པཙྪིམཱ པཙྪིམཱ ཨནུཔརིཙིཏཱ. རསྶཾ ཨསྶཱསཝསེན པུརིམཱ པུརིམཱ པརིཙིཏཱ ¶ , པཙྪིམཱ པཙྪིམཱ ཨནུཔརིཙིཏཱ. རསྶཾ པསྶཱསཝསེན པུརིམཱ པུརིམཱ པརིཙིཏཱ, པཙྪིམཱ པཙྪིམཱ ཨནུཔརིཙིཏཱ…པེ… པཊིནིསྶགྒཱནུཔསྶཱི ཨསྶཱསཝསེན པུརིམཱ པུརིམཱ པརིཙིཏཱ, པཙྪིམཱ པཙྪིམཱ ཨནུཔརིཙིཏཱ. པཊིནིསྶགྒཱནུཔསྶཱི པསྶཱསཝསེན པུརིམཱ པུརིམཱ པརིཙིཏཱ, པཙྪིམཱ པཙྪིམཱ ཨནུཔརིཙིཏཱ. སབྦཱཔི སོལ༹སཝཏྠུཀཱ ཨཱནཱཔཱནསྶཏིཡོ ཨཉྙམཉྙཾ པརིཙིཏཱ ¶ ཙེཝ ཧོནྟི ཨནུཔརིཙིཏཱ ཙ. ཏེན ཝུཙྩཏི – ‘‘ཨནུཔུབྦཔརིཙིཏཱ’’ཏི.

ཡཐཱཏི དས ཡཐཏྠཱ – ཨཏྟདམཐཏྠོ ཡཐཏྠོ, ཨཏྟསམཐཏྠོ ཡཐཏྠོ, ཨཏྟཔརིནིབྦཱཔནཏྠོ ཡཐཏྠོ, ཨབྷིཉྙཏྠོ ཡཐཏྠོ, པརིཉྙཏྠོ ཡཐཏྠོ, པཧཱནཏྠོ ཡཐཏྠོ, བྷཱཝནཏྠོ ཡཐཏྠོ, སཙྪིཀིརིཡཏྠོ ¶ ཡཐཏྠོ, སཙྩཱབྷིསམཡཏྠོ ཡཐཏྠོ, ནིརོདྷེ པཏིཊྛཱཔཀཏྠོ ཡཐཏྠོ.

བུདྡྷོཏི ¶ ཡོ སོ བྷགཝཱ སཡམྦྷཱུ ཨནཱཙརིཡཀོ པུབྦེ ཨནནུསྶུཏེསུ དྷམྨེསུ སཱམཾ སཙྩཱནི ཨབྷིསམྦུཛ྄ཛྷི, ཏཏྠ ཙ སབྦཉྙུཏཾ པཱཔུཎི, བལེསུ ཙ ཝསཱིབྷཱཝཾ.

༡༦༢. བུདྡྷོཏི ཀེནཊྛེན བུདྡྷོ? བུཛ྄ཛྷིཏཱ སཙྩཱནཱིཏི – བུདྡྷོ. བོདྷེཏཱ པཛཱཡཱཏི – བུདྡྷོ. སབྦཉྙུཏཱཡ བུདྡྷོ. སབྦདསྶཱཝིཏཱཡ བུདྡྷོ. ཨནཉྙནེཡྻཏཱཡ བུདྡྷོ. ཝིསཝིཏཱཡ [ཝིཀཏིཏཱཡ (སྱཱ.)] བུདྡྷོ. ཁཱིཎཱསཝསངྑཱཏེན བུདྡྷོ. ནིརུཔལེཔསངྑཱཏེན [ནིརུཔཀྐིལེསསངྑཱཏེན (སྱཱ.)] བུདྡྷོ. ཨེཀནྟཝཱིཏརཱགོཏི – བུདྡྷོ. ཨེཀནྟཝཱིཏདོསོཏི – བུདྡྷོ. ཨེཀནྟཝཱིཏམོཧོཏི – བུདྡྷོ. ཨེཀནྟནིཀྐིལེསོཏི – བུདྡྷོ. ཨེཀཱཡནམགྒཾ གཏོཏི – བུདྡྷོ. ཨེཀོ ཨནུཏྟརཾ སམྨཱསམྦོདྷིཾ ཨབྷིསམྦུདྡྷོཏི – བུདྡྷོ. ཨབུདྡྷིཝིཧཏཏྟཱ བུདྡྷིཔཊིལཱབྷཱ – བུདྡྷོ. བུདྡྷོཏི ནེཏཾ ནཱམཾ མཱཏརཱ ཀཏཾ, ན པིཏརཱ ཀཏཾ, ན བྷཱཏརཱ ཀཏཾ, ན བྷགིནིཡཱ ཀཏཾ, ན མིཏྟཱམཙྩེཧི ཀཏཾ, ན ཉཱཏིསཱལོཧིཏེཧི ཀཏཾ, ན སམཎབྲཱཧྨཎེཧི ¶ ཀཏཾ, ན དེཝཏཱཧི ཀཏཾ. ཝིམོཀྑནྟིཀམེཏཾ བུདྡྷཱནཾ བྷགཝནྟཱནཾ བོདྷིཡཱ མཱུལེ སཧ སབྦཉྙུཏཉཱཎསྶ པཊིལཱབྷཱ སཙྪིཀཱ པཉྙཏྟི ཡདིདཾ – བུདྡྷོཏི. དེསིཏཱཏི ཨཏྟདམཐཏྠོ ཡཐཏྠོ ཡཐཱ བུདྡྷེན དེསིཏོ, ཨཏྟསམཐཏྠོ ཡཐཏྠོ ཡཐཱ བུདྡྷེན དེསིཏོ, ཨཏྟཔརིནིབྦཱཔནཏྠོ ཡཐཏྠོ ཡཐཱ བུདྡྷེན དེསིཏོ…པེ… ནིརོདྷེ པཏིཊྛཱཔཀཏྠོ ཡཐཏྠོ ཡཐཱ བུདྡྷེན དེསིཏོ.

སོཏི ¶ གཧཊྛོ ཝཱ ཧོཏི པབྦཛིཏོ ཝཱ. ལོཀོཏི. ཁནྡྷལོཀོ དྷཱཏུལོཀོ ཨཱཡཏནལོཀོ ཝིཔཏྟིབྷཝལོཀོ ཝིཔཏྟིསམྦྷཝལོཀོ སམྤཏྟིབྷཝལོཀོ སམྤཏྟིསམྦྷཝལོཀོ. ཨེཀོ ལོཀོ – སབྦེ སཏྟཱ ཨཱཧཱརཊྛིཏིཀཱ…པེ… ཨཊྛཱརས ལོཀཱ – ཨཊྛཱརས དྷཱཏུཡོ. པབྷཱསེཏཱིཏི ཨཏྟདམཐཏྠཾ ཡཐཏྠཾ ཨབྷིསམྦུདྡྷཏྟཱ ¶ . སོ ཨིམཾ ལོཀཾ ཨོབྷཱསེཏི བྷཱསེཏི པབྷཱསེཏི. ཨཏྟསམཐཏྠཾ ཡཐཏྠཾ ཨབྷིསམྦུདྡྷཏྟཱ. སོ ཨིམཾ ལོཀཾ ཨོབྷཱསེཏི བྷཱསེཏི པབྷཱསེཏི. ཨཏྟཔརིནིབྦཱཔནཏྠཾ ཡཐཏྠཾ ཨབྷིསམྦུདྡྷཏྟཱ. སོ ཨིམཾ ལོཀཾ ཨོབྷཱསེཏི བྷཱསེཏི པབྷཱསེཏི…པེ… ནིརོདྷེ པཏིཊྛཱཔཀཏྠཾ ཡཐཏྠཾ ཨབྷིསམྦུདྡྷཏྟཱ. སོ ཨིམཾ ལོཀཾ ཨོབྷཱསེཏི བྷཱསེཏི པབྷཱསེཏི.

ཨབྦྷཱ མུཏྟོཝ ཙནྡིམཱཏི ཡཐཱ ཨབྦྷཱ, ཨེཝཾ ཀིལེསཱ. ཡཐཱ ཙནྡོ, ཨེཝཾ ཨརིཡཉཱཎཾ. ཡཐཱ ཙནྡིམཱ དེཝཔུཏྟོ, ཨེཝཾ བྷིཀྑུ. ཡཐཱ ¶ ཙནྡོ ཨབྦྷཱ མུཏྟོ མཧིཀཱ མུཏྟོ དྷཱུམརཛཱ མུཏྟོ རཱཧུགཧཎཱ [རཱཧུཔཱཎཱ (སྱཱ.)] ཝིཔྤམུཏྟོ བྷཱསཏེ ཙ ཏཔཏེ ཙ ཝིརོཙཏེ [ཝིརོཙཏི (སྱཱ.)] ཙ, ཨེཝམེཝཾ བྷིཀྑུ སབྦཀིལེསེཧི ཝིཔྤམུཏྟོ ¶ བྷཱསཏེ ཙ ཏཔཏེ ཙ ཝིརོཙཏེ ཙ. ཏེན ཝུཙྩཏི – ཨབྦྷཱ མུཏྟོཝ ཙནྡིམཱཏི. ཨིམཱནི ཏེརས ཝོདཱནེ ཉཱཎཱནི.

ཝོདཱནཉཱཎནིདྡེསོ ཙཏུཏྠོ.

བྷཱཎཝཱརོ.

༥. སཏོཀཱརིཉཱཎནིདྡེསོ

༡༦༣. ཀཏམཱནི བཱཏྟིཾས སཏོཀཱརིསྶ ཉཱཎཱནི? ཨིདྷ བྷིཀྑུ ཨརཉྙགཏོ ཝཱ རུཀྑམཱུལགཏོ ཝཱ སུཉྙཱགཱརགཏོ ཝཱ ནིསཱིདཏི པལླངྐཾ ཨཱབྷུཛིཏྭཱ ཨུཛུཾ ཀཱཡཾ པཎིདྷཱཡ པརིམུཁཾ སཏིཾ ཨུཔཊྛཔེཏྭཱ. སོ སཏོཝ ཨསྶསཏི སཏོ པསྶསཏི. དཱིགྷཾ ཝཱ ཨསྶསནྟོ ‘‘དཱིགྷཾ ཨསྶསཱམཱི’’ཏི པཛཱནཱཏི. དཱིགྷཾ ཝཱ པསྶསནྟོ ‘‘དཱིགྷཾ པསྶསཱམཱི’’ཏི པཛཱནཱཏི. རསྶཾ ཝཱ ཨསྶསནྟོ ‘‘རསྶཾ ཨསྶསཱམཱི’’ཏི པཛཱནཱཏི. རསྶཾ ཝཱ པསྶསནྟོ ‘‘རསྶཾ པསྶསཱམཱི’’ཏི པཛཱནཱཏི. ‘‘སབྦཀཱཡཔཊིསཾཝེདཱི ཨསྶསིསྶཱམཱི’’ཏི སིཀྑཏི. ‘‘སབྦཀཱཡཔཊིསཾཝེདཱི པསྶསིསྶཱམཱི’’ཏི སིཀྑཏི. ‘‘པསྶམྦྷཡཾ ¶ ཀཱཡསངྑཱརཾ ཨསྶསིསྶཱམཱི’’ཏི སིཀྑཏི. ‘‘པསྶམྦྷཡཾ ཀཱཡསངྑཱརཾ པསྶསིསྶཱམཱི’’ཏི སིཀྑཏི. པཱིཏིཔཊིསཾཝེདཱི…པེ… སུཁཔཊིསཾཝེདཱི… ཙིཏྟསངྑཱརཔཊིསཾཝེདཱི ¶ … པསྶམྦྷཡཾ ཙིཏྟསངྑཱརཾ… ཙིཏྟཔཊིསཾཝེདཱི… ཨབྷིཔྤམོདཡཾ ཙིཏྟཾ… སམཱདཧཾ ཙིཏྟཾ… ཝིམོཙཡཾ ཙིཏྟཾ… ཨནིཙྩཱནུཔསྶཱི… ཝིརཱགཱནུཔསྶཱི… ནིརོདྷཱནུཔསྶཱི… ‘‘པཊིནིསྶགྒཱནུཔསྶཱི ཨསྶསིསྶཱམཱི’’ཏི སིཀྑཏི. ‘‘པཊིནིསྶགྒཱནུཔསྶཱི པསྶསིསྶཱམཱི’’ཏི སིཀྑཏི.

༡༦༤. ཨིདྷཱཏི ཨིམིསྶཱ དིཊྛིཡཱ, ཨིམིསྶཱ ཁནྟིཡཱ, ཨིམིསྶཱ རུཙིཡཱ, ཨིམསྨིཾ ཨཱདཱཡེ, ཨིམསྨིཾ དྷམྨེ, ཨིམསྨིཾ ཝིནཡེ, ཨིམསྨིཾ དྷམྨཝིནཡེ, ཨིམསྨིཾ པཱཝཙནེ, ཨིམསྨིཾ བྲཧྨཙརིཡེ, ཨིམསྨིཾ སཏྠུསཱསནེ. ཏེན ཝུཙྩཏི – ‘‘ཨིདྷཱ’’ཏི. བྷིཀྑཱུཏི ¶ པུཐུཛྫནཀལྱཱཎཀོ ཝཱ ཧོཏི བྷིཀྑུ སེཀྑོ ཝཱ ཨརཧཱ ཝཱ ཨཀུཔྤདྷམྨོ. ཨརཉྙནྟི ནིཀྑམིཏྭཱ བཧི ཨིནྡཁཱིལཱ སབྦམེཏཾ ཨརཉྙཾ. རུཀྑམཱུལནྟི ཡཏྠ བྷིཀྑུནོ ཨཱསནཾ པཉྙཏྟཾ ཧོཏི མཉྩོ ཝཱ པཱིཋཾ ཝཱ བྷིསི ཝཱ ཏཊྚིཀཱ ཝཱ ཙམྨཁཎྜོ ཝཱ ཏིཎསནྠརོ [ཏིཎསཎྛརོ (སྱཱ.)] ཝཱ པཎྞསནྠརོ ཝཱ པལཱལསནྠརོ [པལཱསསཎྛརོ (སྱཱ.)] ཝཱ, ཏཏྠ བྷིཀྑུ ཙངྐམཏི ཝཱ ཏིཊྛཏི ཝཱ ནིསཱིདཏི ཝཱ སེཡྻཾ ཝཱ ཀཔྤེཏི. སུཉྙནྟི ཀེནཙི ཨནཱཀིཎྞཾ ཧོཏི གཧཊྛེཧི ཝཱ པབྦཛིཏེཧི ཝཱ. ཨགཱརནྟི [ཨཱགཱརནྟི (སྱཱ.)] ཝིཧཱརོ ཨཌྜྷཡོགོ པཱསཱདོ ཧམྨིཡཾ གུཧཱ. ནིསཱིདཏི པལླངྐཾ ཨཱབྷུཛིཏྭཱཏི ནིསིནྣོ ཧོཏི པལླངྐཾ ཨཱབྷུཛིཏྭཱ ¶ . ཨུཛུཾ ཀཱཡཾ པཎིདྷཱཡཱཏི ཨུཛུཀོ ཧོཏི ཀཱཡོ ཋིཏོ [པནིདྷིཏོ (སྱཱ.)] སུཔཎིཧིཏོ. པརིམུཁཾ སཏིཾ ཨུཔཊྛཔེཏྭཱཏི. པརཱིཏི པརིགྒཧཊྛོ. མུཁནྟི ནིཡྻཱནཊྛོ. སཏཱིཏི ཨུཔཊྛཱནཊྛོ. ཏེན ཝུཙྩཏི – ‘‘པརིམུཁཾ སཏིཾ ཨུཔཊྛཔེཏྭཱ’’ཏི.

༡༦༥. སཏོཝ ཨསྶསཏི, སཏོ པསྶསཏཱིཏི བཱཏྟིཾསཱཡ ཨཱཀཱརེཧི ¶ སཏོ ཀཱརཱི ཧོཏི. དཱིགྷཾ ཨསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ སཏི ཨུཔཊྛིཏཱ ཧོཏི. ཏཱཡ སཏིཡཱ ཏེན ཉཱཎེན སཏོ ཀཱརཱི ཧོཏི. དཱིགྷཾ པསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ སཏི ཨུཔཊྛིཏཱ ¶ ཧོཏི. ཏཱཡ སཏིཡཱ ཏེན ཉཱཎེན སཏོ ཀཱརཱི ཧོཏི. རསྶཾ ཨསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ སཏི ཨུཔཊྛིཏཱ ཧོཏི. ཏཱཡ སཏིཡཱ ཏེན ཉཱཎེན སཏོ ཀཱརཱི ཧོཏི. རསྶཾ པསྶཱསཝསེན ཙིཏྟསྶ ཨེཀགྒཏཾ ¶ ཨཝིཀྑེཔཾ པཛཱནཏོ སཏི ཨུཔཊྛིཏཱ ཧོཏི. ཏཱཡ སཏིཡཱ ཏེན ཉཱཎེན སཏོ ཀཱརཱི ཧོཏི…པེ… པཊིནིསྶགྒཱནུཔསྶཱི ཨསྶཱསཝསེན པཊིནིསྶགྒཱནུཔསྶཱི པསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ སཏི ཨུཔཊྛིཏཱ ཧོཏི. ཏཱཡ སཏིཡཱ ཏེན ཉཱཎེན སཏོ ཀཱརཱི ཧོཏི.

པཋམཙཏུཀྐནིདྡེསོ

༡༦༦. ཀཐཾ དཱིགྷཾ ཨསྶསནྟོ ‘‘དཱིགྷཾ ཨསྶསཱམཱི’’ཏི པཛཱནཱཏི, དཱིགྷཾ པསྶསནྟོ ‘‘དཱིགྷཾ པསྶསཱམཱི’’ཏི པཛཱནཱཏི? དཱིགྷཾ ཨསྶཱསཾ ཨདྡྷཱནསངྑཱཏེ ཨསྶསཏི, དཱིགྷཾ པསྶཱསཾ ཨདྡྷཱནསངྑཱཏེ པསྶསཏི, དཱིགྷཾ ཨསྶཱསཔསྶཱསཾ ཨདྡྷཱནསངྑཱཏེ ཨསྶསཏིཔི པསྶསཏིཔི. དཱིགྷཾ ཨསྶཱསཔསྶཱསཾ ཨདྡྷཱནསངྑཱཏེ ཨསྶསཏོཔི པསྶསཏོཔི ཚནྡོ ཨུཔྤཛྫཏི. ཚནྡཝསེན ཏཏོ སུཁུམཏརཾ དཱིགྷཾ ཨསྶཱསཾ ཨདྡྷཱནསངྑཱཏེ ཨསྶསཏི, ཚནྡཝསེན ཏཏོ སུཁུམཏརཾ དཱིགྷཾ པསྶཱསཾ ཨདྡྷཱནསངྑཱཏེ པསྶསཏི, ཚནྡཝསེན ཏཏོ སུཁུམཏརཾ དཱིགྷཾ ཨསྶཱསཔསྶཱསཾ ཨདྡྷཱནསངྑཱཏེ ཨསྶསཏིཔི པསྶསཏིཔི. ཚནྡཝསེན ཏཏོ སུཁུམཏརཾ དཱིགྷཾ ཨསྶཱསཔསྶཱསཾ ཨདྡྷཱནསངྑཱཏེ ཨསྶསཏོཔི པསྶསཏོཔི པཱམོཛྫཾ ཨུཔྤཛྫཏི. པཱམོཛྫཝསེན ཏཏོ སུཁུམཏརཾ དཱིགྷཾ ཨསྶཱསཾ ཨདྡྷཱནསངྑཱཏེ ཨསྶསཏི, པཱམོཛྫཝསེན ཏཏོ སུཁུམཏརཾ དཱིགྷཾ པསྶཱསཾ ཨདྡྷཱནསངྑཱཏེ ¶ པསྶསཏི, པཱམོཛྫཝསེན ཏཏོ སུཁུམཏརཾ དཱིགྷཾ ཨསྶཱསཔསྶཱསཾ ཨདྡྷཱནསངྑཱཏེ ཨསྶསཏིཔི པསྶསཏིཔི. པཱམོཛྫཝསེན ཏཏོ སུཁུམཏརཾ དཱིགྷཾ ཨསྶཱསཔསྶཱསཾ ཨདྡྷཱནསངྑཱཏེ ཨསྶསཏོཔི པསྶསཏོཔི དཱིགྷཾ ཨསྶཱསཔསྶཱསཱཔི ཙིཏྟཾ ཝིཝཏྟཏི, ཨུཔེཀྑཱ སཎྛཱཏི. ཨིམེཧི ནཝཧཱཀཱརེཧི དཱིགྷཾ ཨསྶཱསཔསྶཱསཱ ཀཱཡོ. ཨུཔཊྛཱནཾ སཏི. ཨནུཔསྶནཱ ཉཱཎཾ. ཀཱཡོ ཨུཔཊྛཱནཾ, ནོ སཏི; སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏཾ ཀཱཡཾ ཨནུཔསྶཏི. ཏེན ཝུཙྩཏི – ‘‘ཀཱཡེ ཀཱཡཱནུཔསྶནཱསཏིཔཊྛཱནབྷཱཝནཱ’’ཏི.

༡༦༧. ཨནུཔསྶཏཱིཏི ¶ ¶ ཀཐཾ ཏཾ ཀཱཡཾ ཨནུཔསྶཏི? ཨནིཙྩཏོ ཨནུཔསྶཏི, ནོ ནིཙྩཏོ. དུཀྑཏོ ཨནུཔསྶཏི, ནོ སུཁཏོ. ཨནཏྟཏོ ཨནུཔསྶཏི, ནོ ཨཏྟཏོ. ནིབྦིནྡཏི, ནོ ནནྡཏི. ཝིརཛྫཏི, ནོ རཛྫཏི. ནིརོདྷེཏི, ནོ སམུདེཏི. པཊིནིསྶཛྫཏི, ནོ ཨཱདིཡཏི. ཨནིཙྩཏོ ¶ ཨནུཔསྶནྟོ ནིཙྩསཉྙཾ པཛཧཏི. དུཀྑཏོ ཨནུཔསྶནྟོ སུཁསཉྙཾ པཛཧཏི. ཨནཏྟཏོ ཨནུཔསྶནྟོ ཨཏྟསཉྙཾ པཛཧཏི. ནིབྦིནྡནྟོ ནནྡིཾ པཛཧཏི. ཝིརཛྫནྟོ རཱགཾ པཛཧཏི. ནིརོདྷེནྟོ སམུདཡཾ པཛཧཏི. པཊིནིསྶཛྫནྟོ ཨཱདཱནཾ པཛཧཏི. ཨེཝཾ ཏཾ ཀཱཡཾ ཨནུཔསྶཏི.

བྷཱཝནཱཏི ཙཏསྶོ བྷཱཝནཱ – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ, ཨིནྡྲིཡཱནཾ ཨེཀརསཊྛེན བྷཱཝནཱ, ཏདུཔགཝཱིརིཡཝཱཧནཊྛེན བྷཱཝནཱ, ཨཱསེཝནཊྛེན བྷཱཝནཱ. དཱིགྷཾ ཨསྶཱསཔསྶཱསཝསེན ¶ ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ ཝིདིཏཱ ཝེདནཱ ཨུཔྤཛྫནྟི, ཝིདིཏཱ ཨུཔཊྛཧནྟི, ཝིདིཏཱ ཨབྦྷཏྠཾ གཙྪནྟི. ཝིདིཏཱ སཉྙཱ ཨུཔྤཛྫནྟི, ཝིདིཏཱ ཨུཔཊྛཧནྟི, ཝིདིཏཱ ཨབྦྷཏྠཾ གཙྪནྟི. ཝིདིཏཱ ཝིཏཀྐཱ ཨུཔྤཛྫནྟི, ཝིདིཏཱ ཨུཔཊྛཧནྟི, ཝིདིཏཱ ཨབྦྷཏྠཾ གཙྪནྟི.

ཀཐཾ ཝིདིཏཱ ཝེདནཱ ཨུཔྤཛྫནྟི, ཝིདིཏཱ ཨུཔཊྛཧནྟི, ཝིདིཏཱ ཨབྦྷཏྠཾ གཙྪནྟི? ཀཐཾ ཝེདནཱཡ ཨུཔྤཱདོ ཝིདིཏོ ཧོཏི? ཨཝིཛྫཱསམུདཡཱ ཝེདནཱསམུདཡོཏི – པཙྩཡསམུདཡཊྛེན ཝེདནཱཡ ཨུཔྤཱདོ ཝིདིཏོ ཧོཏི. ཏཎྷཱསམུདཡཱ ཝེདནཱསམུདཡོཏི… ཀམྨསམུདཡཱ ཝེདནཱསམུདཡོཏི… ཕསྶསམུདཡཱ ཝེདནཱསམུདཡོཏི པཙྩཡསམུདཡཊྛེན ཝེདནཱཡ ཨུཔྤཱདོ ཝིདིཏོ ཧོཏི. ནིབྦཏྟིལཀྑཎཾ པསྶཏོཔི ཝེདནཱཡ ཨུཔྤཱདོ ཝིདིཏོ ཧོཏི. ཨེཝཾ ཝེདནཱཡ ཨུཔྤཱདོ ཝིདིཏོ ཧོཏི.

ཀཐཾ ཝེདནཱཡ ཨུཔཊྛཱནཾ ཝིདིཏཾ ཧོཏི? ཨནིཙྩཏོ མནསིཀརོཏོ ཁཡཏུཔཊྛཱནཾ ཝིདིཏཾ ཧོཏི. དུཀྑཏོ མནསིཀརོཏོ བྷཡཏུཔཊྛཱནཾ ཝིདིཏཾ ཧོཏི. ཨནཏྟཏོ མནསིཀརོཏོ སུཉྙཏུཔཊྛཱནཾ ཝིདིཏཾ ཧོཏི. ཨེཝཾ ཝེདནཱཡ ཨུཔཊྛཱནཾ ཝིདིཏཾ ཧོཏི.

ཀཐཾ ཝེདནཱཡ ཨཏྠངྒམོ ཝིདིཏོ ཧོཏི? ཨཝིཛྫཱནིརོདྷཱ ཝེདནཱནིརོདྷོཏི – པཙྩཡནིརོདྷཊྛེན ཝེདནཱཡ ཨཏྠངྒམོ ཝིདིཏོ ཧོཏི. ཏཎྷཱནིརོདྷཱ ཝེདནཱནིརོདྷོཏི ¶ …པེ… ཀམྨནིརོདྷཱ ཝེདནཱནིརོདྷོཏི…པེ… ཕསྶནིརོདྷཱ ¶ ཝེདནཱནིརོདྷོཏི པཙྩཡནིརོདྷཊྛེན ཝེདནཱཡ ཨཏྠངྒམོ ཝིདིཏོ ཧོཏི. ཝིཔརིཎཱམལཀྑཎཾ པསྶཏོཔི ཝེདནཱཡ ཨཏྠངྒམོ ཝིདིཏོ ཧོཏི. ཨེཝཾ ཝེདནཱཡ ¶ ཨཏྠངྒམོ ཝིདིཏོ ཧོཏི. ཨེཝཾ ཝིདིཏཱ ཝེདནཱ ཨུཔྤཛྫནྟི, ཝིདིཏཱ ཨུཔཊྛཧནྟི, ཝིདིཏཱ ཨབྦྷཏྠཾ གཙྪནྟི.

ཀཐཾ ¶ ཝིདིཏཱ སཉྙཱ ཨུཔྤཛྫནྟི, ཝིདིཏཱ ཨུཔཊྛཧནྟི, ཝིདིཏཱ ཨབྦྷཏྠཾ གཙྪནྟི? ཀཐཾ སཉྙཱཡ ཨུཔྤཱདོ ཝིདིཏོ ཧོཏི? ཨཝིཛྫཱསམུདཡཱ སཉྙཱསམུདཡོཏི – པཙྩཡསམུདཡཊྛེན སཉྙཱཡ ཨུཔྤཱདོ ཝིདིཏོ ཧོཏི. ཏཎྷཱསམུདཡཱ སཉྙཱསམུདཡོཏི…པེ… ཀམྨསམུདཡཱ སཉྙཱསམུདཡོཏི…པེ… ཕསྶསམུདཡཱ སཉྙཱསམུདཡོཏི – པཙྩཡསམུདཡཊྛེན སཉྙཱཡ ཨུཔྤཱདོ ཝིདིཏོ ཧོཏི. ནིབྦཏྟིལཀྑཎཾ པསྶཏོཔི སཉྙཱཡ ཨུཔྤཱདོ ཝིདིཏོ ཧོཏི. ཨེཝཾ སཉྙཱཡ ཨུཔྤཱདོ ཝིདིཏོ ཧོཏི.

ཀཐཾ སཉྙཱཡ ཨུཔཊྛཱནཾ ཝིདིཏཾ ཧོཏི? ཨནིཙྩཏོ མནསིཀརོཏོ ཁཡཏུཔཊྛཱནཾ ཝིདིཏཾ ཧོཏི. དུཀྑཏོ མནསིཀརོཏོ བྷཡཏུཔཊྛཱནཾ ཝིདིཏཾ ཧོཏི. ཨནཏྟཏོ མནསིཀརོཏོ སུཉྙཏུཔཊྛཱནཾ ཝིདིཏཾ ཧོཏི. ཨེཝཾ སཉྙཱཡ ཨུཔཊྛཱནཾ ཝིདིཏཾ ཧོཏི.

ཀཐཾ སཉྙཱཡ ཨཏྠངྒམོ ཝིདིཏོ ཧོཏི? ཨཝིཛྫཱནིརོདྷཱ སཉྙཱནིརོདྷོཏི – པཙྩཡནིརོདྷཊྛེན སཉྙཱཡ ཨཏྠངྒམོ ཝིདིཏོ ཧོཏི. ཏཎྷཱནིརོདྷཱ སཉྙཱནིརོདྷོཏི…པེ… ཀམྨནིརོདྷཱ སཉྙཱནིརོདྷོཏི…པེ… ཕསྶནིརོདྷཱ ¶ སཉྙཱནིརོདྷོཏི – པཙྩཡནིརོདྷཊྛེན སཉྙཱཡ ཨཏྠངྒམོ ཝིདིཏོ ཧོཏི. ཝིཔརིཎཱམལཀྑཎཾ པསྶཏོཔི སཉྙཱཡ ཨཏྠངྒམོ ཝིདིཏོ ཧོཏི. ཨེཝཾ སཉྙཱཡ ཨཏྠངྒམོ ཝིདིཏོ ཧོཏི. ཨེཝཾ ཝིདིཏཱ སཉྙཱ ཨུཔྤཛྫནྟི, ཝིདིཏཱ ཨུཔཊྛཧནྟི, ཝིདིཏཱ ཨབྦྷཏྠཾ གཙྪནྟི.

ཀཐཾ ཝིདིཏཱ ཝིཏཀྐཱ ཨུཔྤཛྫནྟི, ཝིདིཏཱ ཨུཔཊྛཧནྟི, ཝིདིཏཱ ཨབྦྷཏྠཾ གཙྪནྟི? ཀཐཾ ཝིཏཀྐཱནཾ ཨུཔྤཱདོ ཝིདིཏོ ཧོཏི? ཨཝིཛྫཱསམུདཡཱ ཝིཏཀྐསམུདཡོཏི – པཙྩཡསམུདཡཊྛེན ཝིཏཀྐཱནཾ ཨུཔྤཱདོ ཝིདིཏོ ཧོཏི. ཏཎྷཱསམུདཡཱ ཝིཏཀྐསམུདཡོཏི…པེ… ཀམྨསམུདཡཱ ཝིཏཀྐསམུདཡོཏི…པེ… སཉྙཱསམུདཡཱ ཝིཏཀྐསམུདཡོཏི – པཙྩཡསམུདཡཊྛེན ཝིཏཀྐཱནཾ ཨུཔྤཱདོ ཝིདིཏོ ཧོཏི. ནིབྦཏྟིལཀྑཎཾ པསྶཏོཔི ཝིཏཀྐཱནཾ ཨུཔྤཱདོ ཝིདིཏོ ཧོཏི. ཨེཝཾ ཝིཏཀྐཱནཾ ཨུཔྤཱདོ ཝིདིཏོ ཧོཏི.

ཀཐཾ ཝིཏཀྐཱནཾ ཨུཔཊྛཱནཾ ཝིདིཏཾ ཧོཏི? ཨནིཙྩཏོ མནསིཀརོཏོ ཁཡཏུཔཊྛཱནཾ ཝིདིཏཾ ¶ ཧོཏི. དུཀྑཏོ མནསིཀརོཏོ བྷཡཏུཔཊྛཱནཾ ཝིདིཏཾ ཧོཏི. ཨནཏྟཏོ མནསིཀརོཏོ སུཉྙཏུཔཊྛཱནཾ ཝིདིཏཾ ཧོཏི. ཨེཝཾ ཝིཏཀྐཱནཾ ཨུཔཊྛཱནཾ ཝིདིཏཾ ཧོཏི.

ཀཐཾ ¶ ཝིཏཀྐཱནཾ ཨཏྠངྒམོ ཝིདིཏོ ཧོཏི? ཨཝིཛྫཱནིརོདྷཱ ཝིཏཀྐནིརོདྷོཏི – པཙྩཡནིརོདྷཊྛེན ཝིཏཀྐཱནཾ ཨཏྠངྒམོ ཝིདིཏོ ཧོཏི. ཏཎྷཱནིརོདྷཱ ཝིཏཀྐནིརོདྷོཏི…པེ… ཀམྨནིརོདྷཱ ཝིཏཀྐནིརོདྷོཏི…པེ… སཉྙཱནིརོདྷཱ ¶ ཝིཏཀྐནིརོདྷོཏི – པཙྩཡནིརོདྷཊྛེན ཝིཏཀྐཱནཾ ཨཏྠངྒམོ ཝིདིཏོ ཧོཏི. ཝིཔརིཎཱམལཀྑཎཾ པསྶཏོཔི ཝིཏཀྐཱནཾ ཨཏྠངྒམོ ཝིདིཏོ ཧོཏི. ཨེཝཾ ཝིཏཀྐཱནཾ ཨཏྠངྒམོ ཝིདིཏོ ཧོཏི. ཨེཝཾ ཝིདིཏཱ ¶ ཝིཏཀྐཱ ཨུཔྤཛྫནྟི, ཝིདིཏཱ ཨུཔཊྛཧནྟི, ཝིདིཏཱ ཨབྦྷཏྠཾ གཙྪནྟི.

༡༦༨. དཱིགྷཾ ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནནྟོ ཨིནྡྲིཡཱནི སམོདྷཱནེཏི, གོཙརཉྩ པཛཱནཱཏི, སམཏྠཉྩ པཊིཝིཛ྄ཛྷཏི…པེ… མགྒཾ སམོདྷཱནེཏི, དྷམྨེ སམོདྷཱནེཏི, གོཙརཉྩ པཛཱནཱཏི, སམཏྠཉྩ པཊིཝིཛ྄ཛྷཏི.

ཨིནྡྲིཡཱནི སམོདྷཱནེཏཱིཏི ཀཐཾ ཨིནྡྲིཡཱནི སམོདྷཱནེཏི? ཨདྷིམོཀྑཊྛེན སདྡྷིནྡྲིཡཾ སམོདྷཱནེཏི, པགྒཧཊྛེན ཝཱིརིཡིནྡྲིཡཾ སམོདྷཱནེཏི, ཨུཔཊྛཱནཊྛེན སཏིནྡྲིཡཾ སམོདྷཱནེཏི, ཨཝིཀྑེཔཊྛེན སམཱདྷིནྡྲིཡཾ སམོདྷཱནེཏི, དསྶནཊྛེན པཉྙིནྡྲིཡཾ སམོདྷཱནེཏི. ཨཡཾ པུགྒལོ ཨིམཱནི ཨིནྡྲིཡཱནི ཨིམསྨིཾ ཨཱརམྨཎེ སམོདྷཱནེཏི. ཏེན ཝུཙྩཏི – ‘‘ཨིནྡྲིཡཱནི སམོདྷཱནེཏཱི’’ཏི.

གོཙརཉྩ པཛཱནཱཏཱིཏི ཡཾ ཏསྶ ཨཱརམྨཎཾ, ཏཾ ཏསྶ གོཙརཾ. ཡཾ ཏསྶ གོཙརཾ, ཏཾ ཏསྶ ཨཱརམྨཎཾ. པཛཱནཱཏཱིཏི པུགྒལོ. པཛཱནནཱ པཉྙཱ.

སམནྟི ཨཱརམྨཎསྶ ཨུཔཊྛཱནཾ སམཾ, ཙིཏྟསྶ ཨཝིཀྑེཔོ སམཾ, ཙིཏྟསྶ ཨདྷིཊྛཱནཾ སམཾ, ཙིཏྟསྶ ཝོདཱནཾ སམཾ. ཨཏྠོཏི ¶ ཨནཝཛྫཊྛོ ནིཀྐིལེསཊྛོ ཝོདཱནཊྛོ པརམཊྛོ. པཊིཝིཛ྄ཛྷཏཱིཏི ཨཱརམྨཎསྶ ཨུཔཊྛཱནཊྛཾ པཊིཝིཛ྄ཛྷཏི, ཙིཏྟསྶ ཨཝིཀྑེཔཊྛཾ པཊིཝིཛ྄ཛྷཏི, ཙིཏྟསྶ ཨདྷིཊྛཱནཊྛཾ པཊིཝིཛ྄ཛྷཏི, ཙིཏྟསྶ ཝོདཱནཊྛཾ པཊིཝིཛ྄ཛྷཏི. ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

བལཱནི སམོདྷཱནེཏཱིཏི ཀཐཾ བལཱནི སམོདྷཱནེཏི? ཨསྶདྡྷིཡེ ཨཀམྤིཡཊྛེན སདྡྷཱབལཾ སམོདྷཱནེཏི, ཀོསཛྫེ ཨཀམྤིཡཊྛེན ཝཱིརིཡབལཾ སམོདྷཱནེཏི, པམཱདེ ཨཀམྤིཡཊྛེན སཏིབལཾ སམོདྷཱནེཏི, ཨུདྡྷཙྩེ ཨཀམྤིཡཊྛེན སམཱདྷིབལཾ སམོདྷཱནེཏི ¶ , ཨཝིཛྫཱཡ ཨཀམྤིཡཊྛེན པཉྙཱབལཾ སམོདྷཱནེཏི. ཨཡཾ པུགྒལོ ཨིམཱནི བལཱནི ཨིམསྨིཾ ཨཱརམྨཎེ སམོདྷཱནེཏི ¶ . ཏེན ཝུཙྩཏི – བལཱནི སམོདྷཱནེཏཱིཏི. གོཙརཉྩ པཛཱནཱཏཱིཏི…པེ… ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

བོཛ྄ཛྷངྒེ ¶ སམོདྷཱནེཏཱིཏི ཀཐཾ བོཛ྄ཛྷངྒེ སམོདྷཱནེཏི? ཨུཔཊྛཱནཊྛེན སཏིསམྦོཛ྄ཛྷངྒཾ སམོདྷཱནེཏི, པཝིཙཡཊྛེན དྷམྨཝིཙཡསམྦོཛ྄ཛྷངྒཾ སམོདྷཱནེཏི, པགྒཧཊྛེན ཝཱིརིཡསམྦོཛ྄ཛྷངྒཾ སམོདྷཱནེཏི, ཕརཎཊྛེན པཱིཏིསམྦོཛ྄ཛྷངྒཾ སམོདྷཱནེཏི, ཨུཔསམཊྛེན པསྶདྡྷིསམྦོཛ྄ཛྷངྒཾ སམོདྷཱནེཏི, ཨཝིཀྑེཔཊྛེན སམཱདྷིསམྦོཛ྄ཛྷངྒཾ སམོདྷཱནེཏི, པཊིསངྑཱནཊྛེན ཨུཔེཀྑཱསམྦོཛ྄ཛྷངྒཾ ¶ སམོདྷཱནེཏི. ཨཡཾ པུགྒལོ ཨིམེ བོཛ྄ཛྷངྒེ ཨིམསྨིཾ ཨཱརམྨཎེ སམོདྷཱནེཏི. ཏེན ཝུཙྩཏི – ‘‘བོཛ྄ཛྷངྒེ སམོདྷཱནེཏཱི’’ཏི. གོཙརཉྩ པཛཱནཱཏཱིཏི…པེ… ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

མགྒཾ སམོདྷཱནེཏཱིཏི ཀཐཾ མགྒཾ སམོདྷཱནེཏི? དསྶནཊྛེན སམྨཱདིཊྛིཾ སམོདྷཱནེཏི, ཨབྷིནིརོཔནཊྛེན སམྨཱསངྐཔྤཾ སམོདྷཱནེཏི, པརིགྒཧཊྛེན སམྨཱཝཱཙཾ སམོདྷཱནེཏི, སམུཊྛཱནཊྛེན སམྨཱཀམྨནྟཾ སམོདྷཱནེཏི, ཝོདཱནཊྛེན སམྨཱཨཱཛཱིཝཾ སམོདྷཱནེཏི, པགྒཧཊྛེན སམྨཱཝཱཡཱམཾ སམོདྷཱནེཏི, ཨུཔཊྛཱནཊྛེན སམྨཱསཏིཾ སམོདྷཱནེཏི, ཨཝིཀྑེཔཊྛེན སམྨཱསམཱདྷིཾ སམོདྷཱནེཏི. ཨཡཾ པུགྒལོ ཨིམཾ མགྒཾ ཨིམསྨིཾ ཨཱརམྨཎེ སམོདྷཱནེཏི. ཏེན ཝུཙྩཏི – ‘‘མགྒཾ སམོདྷཱནེཏཱི’’ཏི. གོཙརཉྩ པཛཱནཱཏཱིཏི…པེ… ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

དྷམྨེ སམོདྷཱནེཏཱིཏི ཀཐཾ དྷམྨེ སམོདྷཱནེཏི? ཨཱདྷིཔཏེཡྻཊྛེན ཨིནྡྲིཡཱནི སམོདྷཱནེཏི, ཨཀམྤིཡཊྛེན བལཱནི སམོདྷཱནེཏི, ནིཡྻཱནཊྛེན བོཛ྄ཛྷངྒེ སམོདྷཱནེཏི, ཧེཏུཊྛེན མགྒཾ སམོདྷཱནེཏི, ཨུཔཊྛཱནཊྛེན སཏིཔཊྛཱནཾ སམོདྷཱནེཏི, པདཧནཊྛེན སམྨཔྤདྷཱནཾ སམོདྷཱནེཏི, ཨིཛ྄ཛྷནཊྛེན ཨིདྡྷིཔཱདཾ སམོདྷཱནེཏི ཏཐཊྛེན སཙྩཾ སམོདྷཱནེཏི, ཨཝིཀྑེཔཊྛེན སམཐཾ སམོདྷཱནེཏི, ཨནུཔསྶནཊྛེན ¶ ཝིཔསྶནཾ སམོདྷཱནེཏི, ཨེཀརསཊྛེན སམཐཝིཔསྶནཾ སམོདྷཱནེཏི, ཨནཏིཝཏྟནཊྛེན ཡུགནདྡྷཾ སམོདྷཱནེཏི, སཾཝརཊྛེན སཱིལཝིསུདྡྷིཾ སམོདྷཱནེཏི, ཨཝིཀྑེཔཊྛེན ཙིཏྟཝིསུདྡྷིཾ སམོདྷཱནེཏི, དསྶནཊྛེན དིཊྛིཝིསུདྡྷིཾ སམོདྷཱནེཏི, ཝིམུཏྟཊྛེན ཝིམོཀྑཾ སམོདྷཱནེཏི ¶ , པཊིཝེདྷཊྛེན ཝིཛྫཾ སམོདྷཱནེཏི, པརིཙྩཱགཊྛེན ཝིམུཏྟིཾ སམོདྷཱནེཏི, སམུཙྪེདཊྛེན ཁཡེ ཉཱཎཾ སམོདྷཱནེཏི ¶ , པཊིཔྤསྶདྡྷཊྛེན ཨནུཔྤཱདེ ཉཱཎཾ སམོདྷཱནེཏི, ཚནྡཾ ¶ མཱུལཊྛེན སམོདྷཱནེཏི, མནསིཀཱརཾ སམུཊྛཱནཊྛེན སམོདྷཱནེཏི, ཕསྶཾ སམོདྷཱནཊྛེན སམོདྷཱནེཏི, ཝེདནཾ སམོསརཎཊྛེན སམོདྷཱནེཏི, སམཱདྷིཾ པམུཁཊྛེན སམོདྷཱནེཏི, སཏིཾ ཨཱདྷིཔཏེཡྻཊྛེན སམོདྷཱནེཏི, པཉྙཾ ཏཏུཏྟརཊྛེན སམོདྷཱནེཏི, ཝིམུཏྟིཾ སཱརཊྛེན སམོདྷཱནེཏི, ཨམཏོགདྷཾ ནིབྦཱནཾ པརིཡོསཱནཊྛེན སམོདྷཱནེཏི. ཨཡཾ པུགྒལོ ཨིམེ དྷམྨེ ཨིམསྨིཾ ཨཱརམྨཎེ སམོདྷཱནེཏི. ཏེན ཝུཙྩཏི – ‘‘དྷམྨེ སམོདྷཱནེཏཱི’’ཏི.

གོཙརཉྩ པཛཱནཱཏཱིཏི ཡཾ ཏསྶ ཨཱརམྨཎཾ, ཏཾ ཏསྶ གོཙརཾ. ཡཾ ཏསྶ གོཙརཾ, ཏཾ ཏསྶ ཨཱརམྨཎཾ པཛཱནཱཏཱིཏི པུགྒལོ. པཛཱནནཱ པཉྙཱ. སམནྟི ཨཱརམྨཎསྶ ཨུཔཊྛཱནཾ སམཾ, ཙིཏྟསྶ ཨཝིཀྑེཔོ སམཾ, ཙིཏྟསྶ ཨདྷིཊྛཱནཾ སམཾ, ཙིཏྟསྶ ཝོདཱནཾ སམཾ. ཨཏྠོཏི ཨནཝཛྫཊྛོ ནིཀྐིལེསཊྛོ ཝོདཱནཊྛོ པརམཊྛོ. པཊིཝིཛ྄ཛྷཏཱིཏི ¶ ཨཱརམྨཎསྶ ཨུཔཊྛཱནཊྛཾ པཊིཝིཛ྄ཛྷཏི, ཙིཏྟསྶ ཨཝིཀྑེཔཊྛཾ པཊིཝིཛ྄ཛྷཏི, ཙིཏྟསྶ ཨདྷིཊྛཱནཊྛཾ པཊིཝིཛ྄ཛྷཏི, ཙིཏྟསྶ ཝོདཱནཊྛཾ པཊིཝིཛ྄ཛྷཏི. ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

༡༦༩. ཀཐཾ རསྶཾ ཨསྶསནྟོ ‘‘རསྶཾ ཨསྶསཱམཱི’’ཏི པཛཱནཱཏི, རསྶཾ པསྶསནྟོ ‘‘རསྶཾ པསྶསཱམཱི’’ཏི པཛཱནཱཏི? རསྶཾ ཨསྶཱསཾ ཨིཏྟརསངྑཱཏེ ཨསྶསཏི, རསྶཾ པསྶཱསཾ ཨིཏྟརསངྑཱཏེ པསྶསཏི, རསྶཾ ཨསྶཱསཔསྶཱསཾ ཨིཏྟརསངྑཱཏེ ཨསྶསཏིཔི པསྶསཏིཔི. རསྶཾ ཨསྶཱསཔསྶཱསཾ ཨིཏྟརསངྑཱཏེ ཨསྶསཏོཔི པསྶསཏོཔི ཚནྡོ ཨུཔྤཛྫཏི. ཚནྡཝསེན ཏཏོ སུཁུམཏརཾ རསྶཾ ཨསྶཱསཾ ཨིཏྟརསངྑཱཏེ ཨསྶསཏི. ཚནྡཝསེན ཏཏོ སུཁུམཏརཾ རསྶཾ པསྶཱསཾ ཨིཏྟརསངྑཱཏེ པསྶསཏི. ཚནྡཝསེན ཏཏོ སུཁུམཏརཾ རསྶཾ ཨསྶཱསཔསྶཱསཾ ཨིཏྟརསངྑཱཏེ ཨསྶསཏིཔི པསྶསཏིཔི. ཚནྡཝསེན ཏཏོ སུཁུམཏརཾ རསྶཾ ཨསྶཱསཔསྶཱསཾ ཨིཏྟརསངྑཱཏེ ཨསྶསཏོཔི པསྶསཏོཔི པཱམོཛྫཾ ཨུཔྤཛྫཏི. པཱམོཛྫཝསེན ཏཏོ སུཁུམཏརཾ རསྶཾ ཨསྶཱསཾ ཨིཏྟརསངྑཱཏེ ཨསྶསཏི, པཱམོཛྫཝསེན ཏཏོ སུཁུམཏརཾ རསྶཾ པསྶཱསཾ ཨིཏྟརསངྑཱཏེ པསྶསཏི, པཱམོཛྫཝསེན ཏཏོ སུཁུམཏརཾ རསྶཾ ཨསྶཱསཔསྶཱསཾ ཨིཏྟརསངྑཱཏེ ཨསྶསཏིཔི པསྶསཏིཔི. པཱམོཛྫཝསེན ཏཏོ སུཁུམཏརཾ རསྶཾ ཨསྶཱསཔསྶཱསཾ ཨིཏྟརསངྑཱཏེ ཨསྶསཏོཔི པསྶསཏོཔི རསྶཱ ཨསྶཱསཔསྶཱསཱ ཙིཏྟཾ ཝིཝཏྟཏི, ཨུཔེཀྑཱ སཎྛཱཏི. ཨིམེཧི ¶ ནཝཧཱཀཱརེཧི རསྶཱ ཨསྶཱསཔསྶཱསཱ ¶ ཀཱཡོ ཨུཔཊྛཱནཾ སཏི ཨནུཔསྶནཱ ཉཱཎཾ. ཀཱཡོ ཨུཔཊྛཱནཾ, ནོ ¶ སཏི; སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏཾ ཀཱཡཾ ཨནུཔསྶཏི. ཏེན ཝུཙྩཏི – ‘‘ཀཱཡེ ཀཱཡཱནུཔསྶནཱསཏིཔཊྛཱནབྷཱཝནཱ’’ཏི.

ཨནུཔསྶཏཱིཏི ¶ ཀཐཾ ཏཾ ཀཱཡཾ ཨནུཔསྶཏི…པེ… ཨེཝཾ ཏཾ ཀཱཡཾ ཨནུཔསྶཏི. བྷཱཝནཱཏི ཙཏསྶོ བྷཱཝནཱ…པེ… ཨཱསེཝནཊྛེན བྷཱཝནཱ. རསྶཾ ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ ཝིདིཏཱ ཝེདནཱ ཨུཔྤཛྫནྟི…པེ… རསྶཾ ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནནྟོ ཨིནྡྲིཡཱནི སམོདྷཱནེཏི…པེ… ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

༡༧༠. ཀཐཾ ‘‘སབྦཀཱཡཔཊིསཾཝེདཱི ཨསྶསིསྶཱམཱི’’ཏི སིཀྑཏི, ‘‘སབྦཀཱཡཔཊིསཾཝེདཱི པསྶསིསྶཱམཱི’’ཏི སིཀྑཏི? ཀཱཡོཏི དྭེ ཀཱཡཱ – ནཱམཀཱཡོ ཙ རཱུཔཀཱཡོ ཙ. ཀཏམོ ནཱམཀཱཡོ? ཝེདནཱ, སཉྙཱ, ཙེཏནཱ, ཕསྶོ, མནསིཀཱརོ, ནཱམཉྩ ནཱམཀཱཡོ ཙ, ཡེ ཙ ཝུཙྩནྟི ཙིཏྟསངྑཱརཱ – ཨཡཾ ནཱམཀཱཡོ. ཀཏམོ རཱུཔཀཱཡོ? ཙཏྟཱརོ ཙ མཧཱབྷཱུཏཱ, ཙཏུནྣཉྩ མཧཱབྷཱུཏཱནཾ ཨུཔཱདཱཡརཱུཔཾ, ཨསྶཱསོ ཙ པསྶཱསོ ཙ, ནིམིཏྟཉྩ ཨུཔནིབནྡྷནཱ, ཡེ ཙ ཝུཙྩནྟི ཀཱཡསངྑཱརཱ – ཨཡཾ རཱུཔཀཱཡོ.

ཀཐཾ ཏེ ཀཱཡཱ པཊིཝིདིཏཱ ཧོནྟི? དཱིགྷཾ ཨསྶཱསཝསེན ཙིཏྟསྶ ¶ ཨེཀགྒཏཾ ཨཝིཀྑེཔཾ པཛཱནཏོ སཏི ཨུཔཊྛིཏཱ ཧོཏི. ཏཱཡ སཏིཡཱ ཏེན ཉཱཎེན ཏེ ཀཱཡཱ པཊིཝིདིཏཱ ཧོནྟི. དཱིགྷཾ པསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ སཏི ཨུཔཊྛིཏཱ ཧོཏི. ཏཱཡ སཏིཡཱ ཏེན ཉཱཎེན ཏེ ཀཱཡཱ པཊིཝིདིཏཱ ཧོནྟི. རསྶཾ ཨསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ སཏི ཨུཔཊྛིཏཱ ཧོཏི. ཏཱཡ སཏིཡཱ ཏེན ཉཱཎེན ཏེ ཀཱཡཱ པཊིཝིདིཏཱ ཧོནྟི. རསྶཾ པསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ སཏི ཨུཔཊྛིཏཱ ཧོཏི. ཏཱཡ སཏིཡཱ ཏེན ཉཱཎེན ཏེ ཀཱཡཱ པཊིཝིདིཏཱ ཧོནྟི.

ཨཱཝཛྫཏོ ཏེ ཀཱཡཱ པཊིཝིདིཏཱ ཧོནྟི, པཛཱནཏོ ཏེ ཀཱཡཱ པཊིཝིདིཏཱ ཧོནྟི, པསྶཏོ ཏེ ཀཱཡཱ པཊིཝིདིཏཱ ཧོནྟི, པཙྩཝེཀྑཏོ ¶ ཏེ ཀཱཡཱ པཊིཝིདིཏཱ ཧོནྟི, ཙིཏྟཾ ཨདྷིཊྛཧཏོ ཏེ ཀཱཡཱ པཊིཝིདིཏཱ ཧོནྟི, སདྡྷཱཡ ཨདྷིམུཙྩཏོ ཏེ ཀཱཡཱ པཊིཝིདིཏཱ ཧོནྟི, ཝཱིརིཡཾ པགྒཎྷཏོ ཏེ ཀཱཡཱ པཊིཝིདིཏཱ ཧོནྟི, སཏིཾ ཨུཔཊྛཱཔཡཏོ ཏེ ཀཱཡཱ པཊིཝིདིཏཱ ཧོནྟི, ཙིཏྟཾ སམཱདཧཏོ ཏེ ཀཱཡཱ པཊིཝིདིཏཱ ཧོནྟི, པཉྙཱཡ པཛཱནཏོ ཏེ ཀཱཡཱ པཊིཝིདིཏཱ ཧོནྟི, ཨབྷིཉྙེཡྻཾ ཨབྷིཛཱནཏོ ཏེ ཀཱཡཱ པཊིཝིདིཏཱ ཧོནྟི, པརིཉྙེཡྻཾ པརིཛཱནཏོ ཏེ ཀཱཡཱ པཊིཝིདིཏཱ ¶ ཧོནྟི, པཧཱཏབྦཾ པཛཧཏོ ཏེ ཀཱཡཱ པཊིཝིདིཏཱ ཧོནྟི, བྷཱཝེཏབྦཾ བྷཱཝཡཏོ ཏེ ཀཱཡཱ པཊིཝིདིཏཱ ཧོནྟི, སཙྪིཀཱཏབྦཾ སཙྪིཀརོཏོ ཏེ ཀཱཡཱ པཊིཝིདིཏཱ ¶ ཧོནྟི. ཨེཝཾ ཏེ ཀཱཡཱ པཊིཝིདིཏཱ ¶ ཧོནྟི. སབྦཀཱཡཔཊིསཾཝེདཱི ཨསྶཱསཔསྶཱསཱ ཀཱཡོ ཨུཔཊྛཱནཾ སཏི ཨནུཔསྶནཱ ཉཱཎཾ. ཀཱཡོ ཨུཔཊྛཱནཾ, ནོ སཏི. སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏཾ ཀཱཡཾ ཨནུཔསྶཏི. ཏེན ཝུཙྩཏི – ‘‘ཀཱཡེ ཀཱཡཱནུཔསྶནཱསཏིཔཊྛཱནབྷཱཝནཱ’’ཏི.

ཨནུཔསྶཏཱིཏི ཀཐཾ ཏཾ ཀཱཡཾ ཨནུཔསྶཏི…པེ… ཨེཝཾ ཏཾ ཀཱཡཾ ཨནུཔསྶཏི. བྷཱཝནཱཏི ཙཏསྶོ བྷཱཝནཱ…པེ… ཨཱསེཝནཊྛེན བྷཱཝནཱ.

སབྦཀཱཡཔཊིསཾཝེདཱི ཨསྶཱསཔསྶཱསཱནཾ [ཨསྶཱསཔསྶཱསཱ (སྱཱ.)] སཾཝརཊྛེན སཱིལཝིསུདྡྷི, ཨཝིཀྑེཔཊྛེན ཙིཏྟཝིསུདྡྷི, དསྶནཊྛེན དིཊྛིཝིསུདྡྷི. ཡོ ཏཏྠ སཾཝརཊྛོ, ཨཡཾ ཨདྷིསཱིལསིཀྑཱ. ཡོ ཏཏྠ ཨཝིཀྑེཔཊྛོ, ཨཡཾ ཨདྷིཙིཏྟསིཀྑཱ. ཡོ ཏཏྠ དསྶནཊྛོ, ཨཡཾ ཨདྷིཔཉྙཱསིཀྑཱ. ཨིམཱ ཏིསྶོ སིཀྑཱཡོ ཨཱཝཛྫནྟོ སིཀྑཏི, ཛཱནནྟོ སིཀྑཏི, པསྶནྟོ སིཀྑཏི, པཙྩཝེཀྑནྟོ སིཀྑཏི, ཙིཏྟཾ ཨདྷིཊྛཧནྟོ སིཀྑཏི, སདྡྷཱཡ ཨདྷིམུཙྩནྟོ སིཀྑཏི, ཝཱིརིཡཾ པགྒཎྷནྟོ སིཀྑཏི, སཏིཾ ཨུཔཊྛཔེནྟོ སིཀྑཏི, ཙིཏྟཾ སམཱདཧནྟོ སིཀྑཏི, པཉྙཱཡ པཛཱནནྟོ སིཀྑཏི, ཨབྷིཉྙེཡྻཾ ཨབྷིཛཱནནྟོ སིཀྑཏི, པརིཉྙེཡྻཾ པརིཛཱནནྟོ སིཀྑཏི, པཧཱཏབྦཾ པཛཧནྟོ སིཀྑཏི, བྷཱཝེཏབྦཾ བྷཱཝེནྟོ སིཀྑཏི, སཙྪིཀཱཏབྦཾ སཙྪིཀརོནྟོ སིཀྑཏི.

སབྦཀཱཡཔཊིསཾཝེདཱི ¶ ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ ཝིདིཏཱ ཝེདནཱ ཨུཔྤཛྫནྟི…པེ… སབྦཀཱཡཔཊིསཾཝེདཱི ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནནྟོ ཨིནྡྲིཡཱནི སམོདྷཱནེཏི…པེ… ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

༡༧༡. ཀཐཾ ¶ ‘‘པསྶམྦྷཡཾ ཀཱཡསངྑཱརཾ ཨསྶསིསྶཱམཱི’’ཏི སིཀྑཏི, ‘‘པསྶམྦྷཡཾ ཀཱཡསངྑཱརཾ པསྶསིསྶཱམཱི’’ཏི སིཀྑཏི? ཀཏམོ ཀཱཡསངྑཱརོ? དཱིགྷཾ ཨསྶཱསཱ ཀཱཡིཀཱ. ཨེཏེ དྷམྨཱ ཀཱཡཔཊིབདྡྷཱ ཀཱཡསངྑཱརཱ. ཏེ ཀཱཡསངྑཱརེ པསྶམྦྷེནྟོ ནིརོདྷེནྟོ ཝཱུཔསམེནྟོ སིཀྑཏི. དཱིགྷཾ པསྶཱསཱ ཀཱཡིཀཱ. ཨེཏེ དྷམྨཱ ཀཱཡཔཊིབདྡྷཱ ཀཱཡསངྑཱརཱ. ཏེ ཀཱཡསངྑཱརེ པསྶམྦྷེནྟོ ནིརོདྷེནྟོ ཝཱུཔསམེནྟོ སིཀྑཏི. རསྶཾ ཨསྶཱསཱ རསྶཾ པསྶཱསཱ. སབྦཀཱཡཔཊིསཾཝེདཱི ཨསྶཱསཱ སབྦཀཱཡཔཊིསཾཝེདཱི པསྶཱསཱ ཀཱཡིཀཱ. ཨེཏེ དྷམྨཱ ཀཱཡཔཊིབདྡྷཱ ཀཱཡསངྑཱརཱ. ཏེ ཀཱཡསངྑཱརེ པསྶམྦྷེནྟོ ནིརོདྷེནྟོ ཝཱུཔསམེནྟོ སིཀྑཏི.

ཡཐཱརཱུཔེཧི ¶ ཀཱཡསངྑཱརེཧི ཡཱ ཀཱཡསྶ ཨཱནམནཱ ཝིནམནཱ སནྣམནཱ པཎམནཱ ཨིཉྫནཱ ཕནྡནཱ ཙལནཱ པཀམྤནཱ ¶ – པསྶམྦྷཡཾ ཀཱཡསངྑཱརཾ ཨསྶསིསྶཱམཱིཏི སིཀྑཏི, པསྶམྦྷཡཾ ཀཱཡསངྑཱརཾ པསྶསིསྶཱམཱིཏི སིཀྑཏི. ཡཐཱརཱུཔེཧི ཀཱཡསངྑཱརེཧི ཡཱ ཀཱཡསྶ ན ཨཱནམནཱ ན ཝིནམནཱ ན སནྣམནཱ ན པཎམནཱ ཨནིཉྫནཱ ཨཕནྡནཱ ཨཙལནཱ ཨཀམྤནཱ སནྟཾ སུཁུམཾ པསྶམྦྷཡཾ ཀཱཡསངྑཱརཾ ཨསྶསིསྶཱམཱིཏི སིཀྑཏི, པསྶམྦྷཡཾ ཀཱཡསངྑཱརཾ པསྶསིསྶཱམཱིཏི སིཀྑཏི.

ཨིཏི ཀིར ‘‘པསྶམྦྷཡཾ ཀཱཡསངྑཱརཾ ཨསྶསིསྶཱམཱི’’ཏི སིཀྑཏི, ‘‘པསྶམྦྷཡཾ ཀཱཡསངྑཱརཾ པསྶསིསྶཱམཱི’’ཏི སིཀྑཏི. ཨེཝཾ སནྟེ ཝཱཏཱུཔལདྡྷིཡཱ ཙ པབྷཱཝནཱ ན ཧོཏི, ཨསྶཱསཔསྶཱསཱནཉྩ པབྷཱཝནཱ ན ཧོཏི, ཨཱནཱཔཱནསྶཏིཡཱ ཙ པབྷཱཝནཱ ན ཧོཏི, ཨཱནཱཔཱནསྶཏིསམཱདྷིསྶ ཙ ¶ པབྷཱཝནཱ ན ཧོཏི; ན ཙ ནཾ ཏཾ སམཱཔཏྟིཾ པཎྜིཏཱ སམཱཔཛྫནྟིཔི ཝུཊྛཧནྟིཔི.

ཨིཏི ཀིར ‘‘པསྶམྦྷཡཾ ཀཱཡསངྑཱརཾ ཨསྶསིསྶཱམཱི’’ཏི སིཀྑཏི, ‘‘པསྶམྦྷཡཾ ཀཱཡསངྑཱརཾ པསྶསིསྶཱམཱི’’ཏི སིཀྑཏི. ཨེཝཾ སནྟེ ཝཱཏཱུཔལདྡྷིཡཱ ཙ པབྷཱཝནཱ ཧོཏི, ཨསྶཱསཔསྶཱསཱནཉྩ པབྷཱཝནཱ ཧོཏི, ཨཱནཱཔཱནསྶཏིཡཱ ཙ པབྷཱཝནཱ ཧོཏི. ཨཱནཱཔཱནསྶཏིསམཱདྷིསྶ ¶ ཙ པབྷཱཝནཱ ཧོཏི; ཏཉྩ ནཾ སམཱཔཏྟིཾ པཎྜིཏཱ སམཱཔཛྫནྟིཔི ཝུཊྛཧནྟིཔི. ཡཐཱ ཀཐཾ ཝིཡ? སེཡྻཐཱཔི ཀཾསེ ཨཱཀོཊིཏེ པཋམཾ ཨོལཱ༹རིཀཱ སདྡཱ པཝཏྟནྟི. ཨོལཱ༹རིཀཱནཾ སདྡཱནཾ ནིམིཏྟཾ སུགྒཧིཏཏྟཱ སུམནསིཀཏཏྟཱ སཱུཔདྷཱརིཏཏྟཱ ནིརུདྡྷེཔི ཨོལཱ༹རིཀེ སདྡེ, ཨཐ པཙྪཱ སུཁུམཀཱ སདྡཱ པཝཏྟནྟི. སུཁུམཀཱནཾ སདྡཱནཾ ནིམིཏྟཾ སུགྒཧིཏཏྟཱ སུམནསིཀཏཏྟཱ སཱུཔདྷཱརིཏཏྟཱ ནིརུདྡྷེཔི སུཁུམཀེ སདྡེ, ཨཐ པཙྪཱ སུཁུམསདྡནིམིཏྟཱརམྨཎཏཱཔི ཙིཏྟཾ པཝཏྟཏི. ཨེཝམེཝཾ པཋམཾ ཨོལཱ༹རིཀཱ ཨསྶཱསཔསྶཱསཱ པཝཏྟནྟི; ཨོལཱ༹རིཀཱནཾ ཨསྶཱསཔསྶཱསཱནཾ ནིམིཏྟཾ སུགྒཧིཏཏྟཱ སུམནསིཀཏཏྟཱ སཱུཔདྷཱརིཏཏྟཱ ནིརུདྡྷེཔི ཨོལཱ༹རིཀེ ཨསྶཱསཔསྶཱསེ, ཨཐ པཙྪཱ སུཁུམཀཱ ཨསྶཱསཔསྶཱསཱ པཝཏྟནྟི. སུཁུམཀཱནཾ ཨསྶཱསཔསྶཱསཱནཾ ནིམིཏྟཾ སུགྒཧིཏཏྟཱ སུམནསིཀཏཏྟཱ ¶ སཱུཔདྷཱརིཏཏྟཱ ནིརུདྡྷེཔི སུཁུམཀེ ཨསྶཱསཔསྶཱསེ, ཨཐ པཙྪཱ སུཁུམཀཨསྶཱསཔསྶཱསཱནཾ ནིམིཏྟཱརམྨཎཏཱཔི ཙིཏྟཾ ན ཝིཀྑེཔཾ གཙྪཏི.

ཨེཝཾ སནྟེ ཝཱཏཱུཔལདྡྷིཡཱ ཙ པབྷཱཝནཱ ཧོཏི, ཨསྶཱསཔསྶཱསཱནཉྩ པབྷཱཝནཱ ¶ ཧོཏི, ཨཱནཱཔཱནསྶཏིཡཱ ཙ པབྷཱཝནཱ ཧོཏི, ཨཱནཱཔཱནསྶཏིསམཱདྷིསྶ ཙ པབྷཱཝནཱ ཧོཏི; ཏཉྩ ནཾ ¶ སམཱཔཏྟིཾ པཎྜིཏཱ སམཱཔཛྫནྟིཔི ཝུཊྛཧནྟིཔི. པསྶམྦྷཡཾ ཀཱཡསངྑཱརཾ ཨསྶཱསཔསྶཱསཱ ཀཱཡོ ཨུཔཊྛཱནཾ སཏི ཨནུཔསྶནཱ ཉཱཎཾ. ཀཱཡོ ཨུཔཊྛཱནཾ, ནོ སཏི; སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏཾ ཀཱཡཾ ཨནུཔསྶཏི. ཏེན ཝུཙྩཏི – ‘‘ཀཱཡེ ཀཱཡཱནུཔསྶནཱསཏིཔཊྛཱནབྷཱཝནཱ’’ཏི.

ཨནུཔསྶཏཱིཏི ཀཐཾ ཏཾ ཀཱཡཾ ཨནུཔསྶཏི…པེ… ཨེཝཾ ཏཾ ཀཱཡཾ ཨནུཔསྶཏི. བྷཱཝནཱཏི ཙཏསྶོ བྷཱཝནཱ…པེ… ཨཱསེཝནཊྛེན བྷཱཝནཱ. པསྶམྦྷཡཾ ཀཱཡསངྑཱརཾ, ཨསྶཱསཔསྶཱསཱནཾ སཾཝརཊྛེན སཱིལཝིསུདྡྷི, ཨཝིཀྑེཔཊྛེན ཙིཏྟཝིསུདྡྷི, དསྶནཊྛེན དིཊྛིཝིསུདྡྷི. ཡོ ཏཏྠ སཾཝརཊྛོ, ཨཡཾ ཨདྷིསཱིལསིཀྑཱ; ཡོ ཏཏྠ ཨཝིཀྑེཔཊྛོ, ཨཡཾ ཨདྷིཙིཏྟསིཀྑཱ; ཡོ ཏཏྠ དསྶནཊྛོ ཨཡཾ ཨདྷིཔཉྙཱསིཀྑཱ. ཨིམཱ ཏིསྶོ སིཀྑཱཡོ ཨཱཝཛྫནྟོ སིཀྑཏི…པེ… སཙྪིཀཱཏབྦཾ སཙྪིཀརོནྟོ སིཀྑཏི, པསྶམྦྷཡཾ ཀཱཡསངྑཱརཾ ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ ཝིདིཏཱ ཝེདནཱ ཨུཔྤཛྫནྟི…པེ… པསྶམྦྷཡཾ ཀཱཡསངྑཱརཾ ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནནྟོ ¶ ཨིནྡྲིཡཱནི སམོདྷཱནེཏི…པེ… ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

ཨཊྛ ཨནུཔསྶནཱཉཱཎཱནི, ཨཊྛ ཙ ཨུཔཊྛཱནཱནུསྶཏིཡོ ¶ , ཙཏྟཱརི སུཏྟནྟིཀཝཏྠཱུནི ཀཱཡེ ཀཱཡཱནུཔསྶནཱཡ.

བྷཱཎཝཱརོ.

དུཏིཡཙཏུཀྐནིདྡེསོ

༡༧༢. ཀཐཾ ‘‘པཱིཏིཔཊིསཾཝེདཱི ཨསྶསིསྶཱམཱི’’ཏི སིཀྑཏི ‘‘པཱིཏིཔཊིསཾཝེདཱི པསྶསིསྶཱམཱི’’ཏི སིཀྑཏི? ཀཏམཱ པཱིཏི? དཱིགྷཾ ཨསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ ཨུཔྤཛྫཏི པཱིཏི པཱམོཛྫཾ. ཡཱ པཱིཏི པཱམོཛྫཾ ཨཱམོདནཱ པམོདནཱ ཧཱསོ པཧཱསོ ཝིཏྟི ཨོདགྱཾ ཨཏྟམནཏཱ. ཙིཏྟསྶ དཱིགྷཾ པསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ ཨུཔྤཛྫཏི པཱིཏི པཱམོཛྫཾ…པེ… རསྶཾ ཨསྶཱསཝསེན, རསྶཾ པསྶཱསཝསེན, སབྦཀཱཡཔཊིསཾཝེདཱི ཨསྶཱསཝསེན, སབྦཀཱཡཔཊིསཾཝེདཱི ¶ པསྶཱསཝསེན, པསྶམྦྷཡཾ ཀཱཡསངྑཱརཾ ཨསྶཱསཝསེན, པསྶམྦྷཡཾ ཀཱཡསངྑཱརཾ པསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ ཨུཔྤཛྫཏི པཱིཏི པཱམོཛྫཾ. ཡཱ པཱིཏི པཱམོཛྫཾ ཨཱམོདནཱ པམོདནཱ ཧཱསོ པཧཱསོ ཝིཏྟི ཨོདགྱཾ ཨཏྟམནཏཱ ཙིཏྟསྶ – ཨཡཾ པཱིཏི.

ཀཐཾ ¶ སཱ པཱིཏི པཊིཝིདིཏཱ ཧོཏི? དཱིགྷཾ ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ སཏི ཨུཔཊྛིཏཱ ཧོཏི. ཏཱཡ སཏིཡཱ ཏེན ཉཱཎེན སཱ པཱིཏི པཊིཝིདིཏཱ ཧོཏི. དཱིགྷཾ པསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ སཏི ཨུཔཊྛིཏཱ ཧོཏི. ཏཱཡ སཏིཡཱ ཏེན ཉཱཎེན སཱ པཱིཏི པཊིཝིདིཏཱ ཧོཏི. རསྶཾ ཨསྶཱསཝསེན…པེ… རསྶཾ པསྶཱསཝསེན… སབྦཀཱཡཔཊིསཾཝེདཱི ཨསྶཱསཝསེན… སབྦཀཱཡཔཊིསཾཝེདཱི པསྶཱསཝསེན… པསྶམྦྷཡཾ ཀཱཡསངྑཱརཾ ཨསྶཱསཝསེན… པསྶམྦྷཡཾ ཀཱཡསངྑཱརཾ ¶ པསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ སཏི ཨུཔཊྛིཏཱ ཧོཏི. ཏཱཡ སཏིཡཱ ཏེན ཉཱཎེན སཱ པཱིཏི པཊིཝིདིཏཱ ཧོཏི. ཨཱཝཛྫཏོ སཱ པཱིཏི པཊིཝིདིཏཱ ཧོཏི, ཛཱནཏོ…པེ… པསྶཏོ… པཙྩཝེཀྑཏོ… ཙིཏྟཾ ཨདྷིཊྛཧཏོ… སདྡྷཱཡ ¶ ཨདྷིམུཙྩཏོ… ཝཱིརིཡཾ པགྒཎྷཏོ… སཏིཾ ཨུཔཊྛཱཔཡཏོ… ཙིཏྟཾ སམཱདཧཏོ… པཉྙཱཡ པཛཱནཏོ… ཨབྷིཉྙེཡྻཾ ཨབྷིཛཱནཏོ… པརིཉྙེཡྻཾ པརིཛཱནཏོ… པཧཱཏབྦཾ པཛཧཏོ… བྷཱཝེཏབྦཾ བྷཱཝཡཏོ… སཙྪིཀཱཏབྦཾ སཙྪིཀརོཏོ སཱ པཱིཏི པཊིཝིདིཏཱ ཧོཏི. ཨེཝཾ སཱ པཱིཏི པཊིཝིདིཏཱ ཧོཏི.

པཱིཏིཔཊིསཾཝེདཱི ཨསྶཱསཔསྶཱསཝསེན ཝེདནཱ ཨུཔཊྛཱནཾ སཏི ཨནུཔསྶནཱ ཉཱཎཾ. ཝེདནཱ ཨུཔཊྛཱནཾ, ནོ སཏི; སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏཾ ཝེདནཾ ཨནུཔསྶཏི. ཏེན ཝུཙྩཏི – ‘‘ཝེདནཱསུ ཝེདནཱནུཔསྶནཱསཏིཔཊྛཱནབྷཱཝནཱ’’ཏི.

ཨནུཔསྶཏཱིཏི ཀཐཾ ཏཾ ཝེདནཾ ཨནུཔསྶཏི? ཨནིཙྩཏོ ཨནུཔསྶཏི…པེ… ཨེཝཾ ཏཾ ཝེདནཾ ཨནུཔསྶཏི. བྷཱཝནཱཏི ཙཏསྶོ བྷཱཝནཱ…པེ… ཨཱསེཝནཊྛེན བྷཱཝནཱ. པཱིཏིཔཊིསཾཝེདཱི ཨསྶཱསཔསྶཱསཱནཾ སཾཝརཊྛེན སཱིལཝིསུདྡྷི…པེ… པཱིཏིཔཊིསཾཝེདཱི ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ…པེ… པཛཱནནྟོ ཨིནྡྲིཡཱནི སམོདྷཱནེཏི. ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

༡༧༣. ཀཐཾ ‘‘སུཁཔཊིསཾཝེདཱི ཨསྶསིསྶཱམཱི’’ཏི སིཀྑཏི, ‘‘སུཁཔཊིསཾཝེདཱི པསྶསིསྶཱམཱི’’ཏི སིཀྑཏི? སུཁནྟི ¶ ¶ དྭེ སུཁཱནི – ཀཱཡིཀཉྩ སུཁཾ, ཙེཏསིཀཉྩ སུཁཾ. ཀཏམཾ ཀཱཡིཀཾ སུཁཾ? ཡཾ ཀཱཡིཀཾ སཱཏཾ ཀཱཡིཀཾ སུཁཾ, ཀཱཡསམྥསྶཛཾ སཱཏཾ སུཁཾ ཝེདཡིཏཾ, ཀཱཡསམྥསྶཛཱ སཱཏཱ སུཁཱ ཝེདནཱ – ཨིདཾ ཀཱཡིཀཾ སུཁཾ. ཀཏམཾ ཙེཏསིཀཾ སུཁཾ? ཡཾ ཙེཏསིཀཾ སཱཏཾ ཙེཏསིཀཾ སུཁཾ, ཙེཏོསམྥསྶཛཾ སཱཏཾ སུཁཾ ཝེདཡིཏཾ, ཙེཏོསམྥསྶཛཱ སཱཏཱ སུཁཱ ཝེདནཱ – ཨིདཾ ཙེཏསིཀཾ སུཁཾ.

ཀཐཾ ¶ ཏེ སུཁཱ པཊིཝིདིཏཱ ཧོནྟི? དཱིགྷཾ ཨསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ སཏི ཨུཔཊྛིཏཱ ཧོཏི. ཏཱཡ སཏིཡཱ ཏེན ཉཱཎེན ཏེ སུཁཱ པཊིཝིདིཏཱ ཧོནྟི. དཱིགྷཾ པསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ སཏི ཨུཔཊྛིཏཱ ཧོཏི. ཏཱཡ སཏིཡཱ ཏེན ཉཱཎེན ཏེ སུཁཱ པཊིཝིདིཏཱ ཧོནྟི…པེ… སཙྪིཀཱཏབྦཾ སཙྪིཀརོཏོ ཏེ སུཁཱ པཊིཝིདིཏཱ ཧོནྟི. ཨེཝཾ ཏེ སུཁཱ པཊིཝིདིཏཱ ཧོནྟི. སུཁཔཊིསཾཝེདཱི ཨསྶཱསཔསྶཱསཝསེན ཝེདནཱ ཨུཔཊྛཱནཾ སཏི ཨནུཔསྶནཱ ཉཱཎཾ. ཝེདནཱ ཨུཔཊྛཱནཾ, ནོ སཏི; སཏི ཨུཔཊྛཱནཉྩེཝ སཏི ¶ ཙ. ཏཱཡ སཏིཡཱ ཏེན ཉཱཎེན ཏཾ ཝེདནཾ ཨནུཔསྶཏི. ཏེན ཝུཙྩཏི – ‘‘ཝེདནཱསུ ཝེདནཱནུཔསྶནཱསཏིཔཊྛཱནབྷཱཝནཱ’’ཏི.

ཨནུཔསྶཏཱིཏི ཀཐཾ ཏཾ ཝེདནཾ ཨནུཔསྶཏི. ཨནིཙྩཏོ ཨནུཔསྶཏི…པེ… ཨེཝཾ ཏཾ ཝེདནཾ ཨནུཔསྶཏི. བྷཱཝནཱཏི ཙཏསྶོ བྷཱཝནཱ…པེ… ཨཱསེཝནཊྛེན བྷཱཝནཱ. སུཁཔཊིསཾཝེདཱི ཨསྶཱསཔསྶཱསཱནཾ སཾཝརཊྛེན སཱིལཝིསུདྡྷི…པེ… སུཁཔཊིསཾཝེདཱི ¶ ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ…པེ… པཛཱནནྟོ ཨིནྡྲིཡཱནི སམོདྷཱནེཏི. ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

༡༧༤. ཀཐཾ ‘‘ཙིཏྟསངྑཱརཔཊིསཾཝེདཱི ཨསྶསིསྶཱམཱི’’ཏི སིཀྑཏི, ‘‘ཙིཏྟསངྑཱརཔཊིསཾཝེདཱི པསྶསིསྶཱམཱི’’ཏི སིཀྑཏི? ཀཏམོ ཙིཏྟསངྑཱརོ? དཱིགྷཾ ཨསྶཱསཝསེན སཉྙཱ ཙ ཝེདནཱ ཙ ཙེཏསིཀཱ – ཨེཏེ དྷམྨཱ ཙིཏྟཔཊིབདྡྷཱ ཙིཏྟསངྑཱརཱ. དཱིགྷཾ པསྶཱསཝསེན སཉྙཱ ཙ ཝེདནཱ ཙ ཙེཏསིཀཱ – ཨེཏེ དྷམྨཱ ཙིཏྟཔཊིབདྡྷཱ ཙིཏྟསངྑཱརཱ…པེ… སུཁཔཊིསཾཝེདཱི ཨསྶཱསཝསེན… སུཁཔཊིསཾཝེདཱི པསྶཱསཝསེན སཉྙཱ ཙ ཝེདནཱ ཙ ཙེཏསིཀཱ – ཨེཏེ དྷམྨཱ ཙིཏྟཔཊིབདྡྷཱ ཙིཏྟསངྑཱརཱ – ཨཡཾ ཙིཏྟསངྑཱརོ.

ཀཐཾ ཏེ ཙིཏྟསངྑཱརཱ པཊིཝིདིཏཱ ཧོནྟི? དཱིགྷཾ ཨསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ སཏི ཨུཔཊྛིཏཱ ཧོཏི. ཏཱཡ སཏིཡཱ ཏེན ཉཱཎེན ཏེ ཙིཏྟསངྑཱརཱ པཊིཝིདིཏཱ ཧོནྟི. དཱིགྷཾ པསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ སཏི ཨུཔཊྛིཏཱ ཧོཏི. ཏཱཡ སཏིཡཱ ཏེན ཉཱཎེན ཏེ ཙིཏྟསངྑཱརཱ པཊིཝིདིཏཱ ཧོནྟི…པེ… སཙྪིཀཱཏབྦཾ སཙྪིཀརོཏོ ཏེ ཙིཏྟསངྑཱརཱ པཊིཝིདིཏཱ ཧོནྟི. ཨེཝཾ ཏེ ཙིཏྟསངྑཱརཱ པཊིཝིདིཏཱ ¶ ཧོནྟི. ཙིཏྟསངྑཱརཔཊིསཾཝེདཱི ཨསྶཱསཔསྶཱསཝསེན ཝེདནཱ ཨུཔཊྛཱནཾ སཏི ཨནུཔསྶནཱ ཉཱཎཾ ཝེདནཱ ཨུཔཊྛཱནཾ, ནོ སཏི; སཏི ཨུཔཊྛཱནཉྩེཝ ¶ སཏི ཙ. ཏཱཡ སཏིཡཱ ཏེ ཉཱཎེན ཏཾ ཝེདནཾ ཨནུཔསྶཏི. ཏེན ཝུཙྩཏི – ‘‘ཝེདནཱསུ ཝེདནཱནུཔསྶནཱསཏིཔཊྛཱནབྷཱཝནཱ’’ཏི.

ཨནུཔསྶཏཱིཏི ¶ ཀཐཾ ཏཾ ཝེདནཾ ཨནུཔསྶཏི? ཨནིཙྩཏོ ཨནུཔསྶཏི…པེ… ཨེཝཾ ཏཾ ཝེདནཾ ཨནུཔསྶཏི. བྷཱཝནཱཏི ཙཏསྶོ བྷཱཝནཱ…པེ… ཨཱསེཝནཊྛེན བྷཱཝནཱ. ཙིཏྟསངྑཱརཔཊིསཾཝེདཱི ཨསྶཱསཔསྶཱསཱནཾ སཾཝརཊྛེན སཱིལཝིསུདྡྷི…པེ… ཙིཏྟསངྑཱརཔཊིསཾཝེདཱི ཨསྶཱསཔསྶཱསཝསེན ཙིཏྟསྶ ¶ ཨེཀགྒཏཾ ཨཝིཀྑེཔཾ པཛཱནཏོ…པེ… པཛཱནནྟོ ཨིནྡྲིཡཱནི སམོདྷཱནེཏི. ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

༡༧༥. ཀཐཾ ‘‘པསྶམྦྷཡཾ ཙིཏྟསངྑཱརཾ ཨསྶསིསྶཱམཱི’’ཏི སིཀྑཏི, ‘‘པསྶམྦྷཡཾ ཙིཏྟསངྑཱརཾ པསྶསིསྶཱམཱི’’ཏི སིཀྑཏི? ཀཏམོ ཙིཏྟསངྑཱརོ? དཱིགྷཾ ཨསྶཱསཝསེན སཉྙཱ ཙ ཝེདནཱ ཙ ཙེཏསིཀཱ – ཨེཏེ དྷམྨཱ ཙིཏྟཔཊིབདྡྷཱ ཙིཏྟསངྑཱརཱ. ཏེ ཙིཏྟསངྑཱརེ པསྶམྦྷེནྟོ ནིརོདྷེནྟོ ཝཱུཔསམེནྟོ སིཀྑཏི. དཱིགྷཾ པསྶཱསཝསེན སཉྙཱ ཙ ཝེདནཱ ཙ ཙེཏསིཀཱ – ཨེཏེ དྷམྨཱ ཙིཏྟཔཊིབདྡྷཱ ཙིཏྟསངྑཱརཱ. ཏེ ཙིཏྟསངྑཱརེ པསྶམྦྷེནྟོ ནིརོདྷེནྟོ ཝཱུཔསམེནྟོ སིཀྑཏི. ཙིཏྟསངྑཱརཔཊིསཾཝེདཱི ཨསྶཱསཝསེན… ཙིཏྟསངྑཱརཔཊིསཾཝེདཱི པསྶཱསཝསེན སཉྙཱ ཙ ཝེདནཱ ཙ ཙེཏསིཀཱ – ཨེཏེ དྷམྨཱ ཙིཏྟཔཊིབདྡྷཱ ཙིཏྟསངྑཱརཱ. ཏེ ཙིཏྟསངྑཱརེ པསྶམྦྷེནྟོ ནིརོདྷེནྟོ ཝཱུཔསམེནྟོ སིཀྑཏི. པསྶམྦྷཡཾ ཙིཏྟསངྑཱརཾ ¶ ཨསྶཱསཔསྶཱསཝསེན ཝེདནཱ ཨུཔཊྛཱནཾ སཏི ཨནུཔསྶནཱ ཉཱཎཾ. ཝེདནཱ ཨུཔཊྛཱནཾ, ནོ སཏི; སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏཾ ཝེདནཾ ཨནུཔསྶཏི. ཏེན ཝུཙྩཏི – ‘‘ཝེདནཱསུ ཝེདནཱནུཔསྶནཱསཏིཔཊྛཱནབྷཱཝནཱ’’ཏི.

ཨནུཔསྶཏཱིཏི ཀཐཾ ཏཾ ཝེདནཾ ཨནུཔསྶཏི…པེ… ཨེཝཾ ཏཾ ཝེདནཾ ཨནུཔསྶཏི. བྷཱཝནཱཏི ཙཏསྶོ བྷཱཝནཱ…པེ… ཨཱསེཝནཊྛེན བྷཱཝནཱ. པསྶམྦྷཡཾ ཙིཏྟསངྑཱརཾ ཨསྶཱསཔསྶཱསཱནཾ སཾཝརཊྛེན སཱིལཝིསུདྡྷི…པེ… པསྶམྦྷཡཾ ཙིཏྟསངྑཱརཾ ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ…པེ… པཛཱནནྟོ ཨིནྡྲིཡཱནི སམོདྷཱནེཏི. ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

ཨཊྛ ཨནུཔསྶནཱཉཱཎཱནི ཨཊྛ ཙ ཨུཔཊྛཱནཱནུསྶཏིཡོ ཙཏྟཱརི སུཏྟནྟིཀཝཏྠཱུནི ཝེདནཱསུ ཝེདནཱནུཔསྶནཱཡ.

ཏཏིཡཙཏུཀྐནིདྡེསོ

༡༧༦. ཀཐཾ ‘‘ཙིཏྟཔཊིསཾཝེདཱི ཨསྶསིསྶཱམཱི’’ཏི སིཀྑཏི, ‘‘ཙིཏྟཔཊིསཾཝེདཱི པསྶསིསྶཱམཱི’’ཏི སིཀྑཏི? ཀཏམཾ ཏཾ ཙིཏྟཾ? དཱིགྷཾ ཨསྶཱསཝསེན ཝིཉྙཱཎཾ ཙིཏྟཾ. ཡཾ ཙིཏྟཾ ¶ མནོ མཱནསཾ ཧདཡཾ པཎྜརཾ མནོ ¶ མནཱཡཏནཾ མནིནྡྲིཡཾ ཝིཉྙཱཎཾ ཝིཉྙཱཎཀྑནྡྷོ ཏཛྫཱ མནོཝིཉྙཱཎདྷཱཏུ. དཱིགྷཾ པསྶཱསཝསེན ¶ …པེ… པསྶམྦྷཡཾ ཙིཏྟསངྑཱརཾ ཨསྶཱསཝསེན… པསྶམྦྷཡཾ ཙིཏྟསངྑཱརཾ པསྶཱསཝསེན ¶ ཝིཉྙཱཎཾ ཙིཏྟཾ. ཡཾ ཙིཏྟཾ མནོ མཱནསཾ ཧདཡཾ པཎྜརཾ མནོ མཱནཡཏནཾ མནིནྡྲིཡཾ ཝིཉྙཱཎཾ ཝིཉྙཱཎཀྑནྡྷོ ཏཛྫཱ མནོཝིཉྙཱཎདྷཱཏུ – ཨིདཾ ཙིཏྟཾ.

ཀཐཾ ཏཾ ཙིཏྟཾ པཊིཝིདིཏཾ ཧོཏི? དཱིགྷཾ ཨསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ སཏི ཨུཔཊྛིཏཱ ཧོཏི. ཏཱཡ སཏིཡཱ ཏེན ཉཱཎེན ཏཾ ཙིཏྟཾ པཊིཝིདིཏཾ ཧོཏི. དཱིགྷཾ པསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ སཏི ཨུཔཊྛིཏཱ ཧོཏི. ཏཱཡ སཏིཡཱ ཏེན ཉཱཎེན ཏཾ ཙིཏྟཾ པཊིཝིདིཏཾ ཧོཏི…པེ… སཙྪིཀཱཏབྦཾ སཙྪིཀརོཏོ ཏཾ ཙིཏྟཾ པཊིཝིདིཏཾ ཧོཏི. ཨེཝཾ ཏཾ ཙིཏྟཾ པཊིཝིདིཏཾ ཧོཏི. ཙིཏྟཔཊིསཾཝེདཱི ཨསྶཱསཔསྶཱསཝསེན ཝིཉྙཱཎཾ ཙིཏྟཾ ཨུཔཊྛཱནཾ སཏི ཨནུཔསྶནཱ ཉཱཎཾ. ཙིཏྟཾ ཨུཔཊྛཱནཾ, ནོ སཏི; སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏཾ ཙིཏྟཾ ཨནུཔསྶཏི. ཏེན ཝུཙྩཏི – ‘‘ཙིཏྟེ ཙིཏྟཱནུཔསྶནཱསཏིཔཊྛཱནབྷཱཝནཱ’’ཏི.

ཨནུཔསྶཏཱིཏི ཀཐཾ ཏཾ ཙིཏྟཾ ཨནུཔསྶཏི…པེ… ཨེཝཾ ཏཾ ཙིཏྟཾ ཨནུཔསྶཏི. བྷཱཝནཱཏི ཙཏསྶོ བྷཱཝནཱ…པེ… ཨཱསེཝནཊྛེན བྷཱཝནཱ. ཙིཏྟཔཊིསཾཝེདཱི ཨསྶཱསཔསྶཱསཱནཾ སཾཝརཊྛེན སཱིལཝིསུདྡྷི…པེ… ཙིཏྟཔཊིསཾཝེདཱི ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ…པེ… པཛཱནནྟོ ཨིནྡྲིཡཱནི སམོདྷཱནེཏི. ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

༡༧༧. ཀཐཾ ¶ ‘‘ཨབྷིཔྤམོདཡཾ ཙིཏྟཾ ཨསྶསིསྶཱམཱི’’ཏི, ‘‘ཨབྷིཔྤམོདཡཾ ཙིཏྟཾ པསྶསིསྶཱམཱི’’ཏི སིཀྑཏི? ཀཏམོ ཙིཏྟསྶ ཨབྷིཔྤམོདོ? དཱིགྷཾ ཨསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ ཨུཔྤཛྫཏི ཙིཏྟསྶ ཨབྷིཔྤམོདོ. ཡཱ ཙིཏྟསྶ ཨཱམོདནཱ པམོདནཱ ཧཱསོ པཧཱསོ ཝིཏྟི ཨོདགྱཾ ཨཏྟམནཏཱ. ཙིཏྟསྶ དཱིགྷཾ ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ ཨུཔྤཛྫཏི ཙིཏྟསྶ ཨབྷིཔྤམོདོ. ཡཱ ཙིཏྟསྶ ཨཱམོདནཱ པམོདནཱ ཧཱསོ པཧཱསོ ཝིཏྟི ཨོདགྱཾ ཨཏྟམནཏཱ ཙིཏྟསྶ…པེ… ཙིཏྟཔཊིསཾཝེདཱི ཨསྶཱསཝསེན… ཙིཏྟཔཊིསཾཝེདཱི པསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ ཨུཔྤཛྫཏི ཙིཏྟསྶ ཨབྷིཔྤམོདོ. ཡཱ ཙིཏྟསྶ ཨཱམོདནཱ པམོདནཱ ཧཱསོ པཧཱསོ ཝིཏྟི ཨོདགྱཾ ཨཏྟམནཏཱ ཙིཏྟསྶ – ཨཡཾ ཙིཏྟསྶ ཨབྷིཔྤམོདོ. ཨབྷིཔྤམོདཡཾ ཙིཏྟཾ ཨསྶཱསཔསྶཱསཝསེན ཝིཉྙཱཎཾ ཙིཏྟཾ ཨུཔཊྛཱནཾ སཏི ¶ ཨནུཔསྶནཱ ཉཱཎཾ. ཙིཏྟཾ ཨུཔཊྛཱནཾ, ནོ ¶ སཏི; སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏཾ ཙིཏྟཾ ཨནུཔསྶཏི. ཏེན ཝུཙྩཏི – ‘‘ཙིཏྟེ ཙིཏྟཱནུཔསྶནཱསཏིཔཊྛཱནབྷཱཝནཱ’’ཏི.

ཨནུཔསྶཏཱིཏི ཀཐཾ ཏཾ ཙིཏྟཾ ཨནུཔསྶཏི…པེ… ཨེཝཾ ཏཾ ཙིཏྟཾ ཨནུཔསྶཏཱིཏི. བྷཱཝནཱཏི ཙཏསྶོ བྷཱཝནཱ…པེ… ཨཱསེཝནཊྛེན བྷཱཝནཱ. ཨབྷིཔྤམོདཡཾ ¶ ཙིཏྟཾ ཨསྶཱསཔསྶཱསཱནཾ སཾཝརཊྛེན སཱིལཝིསུདྡྷི…པེ… ཨབྷིཔྤམོདཡཾ ཙིཏྟཾ ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ…པེ… པཛཱནནྟོ ཨིནྡྲིཡཱནི སམོདྷཱནེཏི. ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

༡༧༨. ཀཐཾ ‘‘སམཱདཧཾ ཙིཏྟཾ ཨསྶསིསྶཱམཱི’’ཏི སིཀྑཏི, ‘‘སམཱདཧཾ ཙིཏྟཾ པསྶསིསྶཱམཱི’’ཏི སིཀྑཏི? ཀཏམོ ¶ སམཱདྷི [ཀཏམཉྩ སམཱདྷིནྡིཡཾ (སྱཱ.)]? དཱིགྷཾ ཨསྶཱསཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི, ཡཱ ཙིཏྟསྶ ཋིཏི སཎྛིཏི ཨཝཊྛིཏི [ཨདྷིཊྚིཏི (སྱཱ.)] ཨཝིསཱཧཱརོ ཨཝིཀྑེཔོ ཨཝིསཱཧཊམཱནསཏཱ [ཨཝིསཱཧཏམཱནསཏཱ (སྱཱ. ཀ.)] སམཐོ སམཱདྷིནྡྲིཡཾ སམཱདྷིབལཾ སམྨཱསམཱདྷི. དཱིགྷཾ པསྶཱསཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི…པེ… སམཱདཧཾ ཙིཏྟཾ ཨསྶཱསཝསེན…པེ… སམཱདཧཾ ཙིཏྟཾ པསྶཱསཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི. ཡཱ ཙིཏྟསྶ ཋིཏི སཎྛིཏི ཨཝཊྛིཏི ཨཝིསཱཧཱརོ ཨཝིཀྑེཔོ ཨཝིསཱཧཊམཱནསཏཱ སམཐོ སམཱདྷིནྡྲིཡཾ སམཱདྷིབལཾ སམྨཱསམཱདྷི – ཨཡཾ སམཱདྷི. སམཱདཧཾ ཙིཏྟཾ ཨསྶཱསཔསྶཱསཝསེན ཝིཉྙཱཎཾ ཙིཏྟཾ ཨུཔཊྛཱནཾ སཏི ཨནུཔསྶནཱ ཉཱཎཾ. ཙིཏྟཾ ཨུཔཊྛཱནཾ, ནོ སཏི; སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏཾ ཙིཏྟཾ ཨནུཔསྶཏི. ཏེན ཝུཙྩཏི – ‘‘ཙིཏྟེ ཙིཏྟཱནུཔསྶནཱསཏིཔཊྛཱནབྷཱཝནཱ’’ཏི.

ཨནུཔསྶཏཱིཏི ཀཐཾ ཏཾ ཙིཏྟཾ ཨནུཔསྶཏི…པེ… ཨེཝཾ ཏཾ ཙིཏྟཾ ཨནུཔསྶཏི. བྷཱཝནཱཏི ཙཏསྶོ བྷཱཝནཱ…པེ… ཨཱསེཝནཊྛེན བྷཱཝནཱ. སམཱདཧཾ ཙིཏྟཾ ཨསྶཱསཔསྶཱསཱནཾ སཾཝརཊྛེན སཱིལཝིསུདྡྷི…པེ… སམཱདཧཾ ¶ ཙིཏྟཾ ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ…པེ… པཛཱནནྟོ ཨིནྡྲིཡཱནི སམོདྷཱནེཏི. ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

༡༧༩. ཀཐཾ ¶ ‘‘ཝིམོཙཡཾ ཙིཏྟཾ ཨསྶསིསྶཱམཱི’’ཏི སིཀྑཏི, ‘‘ཝིམོཙཡཾ ཙིཏྟཾ པསྶསིསྶཱམཱི’’ཏི སིཀྑཏི? ‘‘རཱགཏོ ཝིམོཙཡཾ ཙིཏྟཾ ཨསྶསིསྶཱམཱི’’ཏི སིཀྑཏི, ‘‘རཱགཏོ ཝིམོཙཡཾ ཙིཏྟཾ པསྶསིསྶཱམཱི’’ཏི སིཀྑཏི. ‘‘དོསཏོ ཝིམོཙཡཾ ཙིཏྟཾ ཨསྶསིསྶཱམཱི’’ཏི ¶ སིཀྑཏི, ‘‘དོསཏོ ཝིམོཙཡཾ ཙིཏྟཾ པསྶསིསྶཱམཱི’’ཏི སིཀྑཏི. ‘‘མོཧཏོ ཝིམོཙཡཾ ཙིཏྟཾ ཨསྶསིསྶཱམཱི’’ཏི སིཀྑཏི…པེ… མཱནཏོ ཝིམོཙཡཾ ཙིཏྟཾ… དིཊྛིཡཱ ཝིམོཙཡཾ ཙིཏྟཾ… ཝིཙིཀིཙྪཱཡ ཝིམོཙཡཾ ཙིཏྟཾ… ཐིནཏོ ཝིམོཙཡཾ ཙིཏྟཾ… ཨུདྡྷཙྩཏོ ཝིམོཙཡཾ ཙིཏྟཾ… ཨཧིརིཀཏོ ཝིམོཙཡཾ ཙིཏྟཾ… ‘‘ཨནོཏྟཔྤཏོ ཝིམོཙཡཾ ཙིཏྟཾ ཨསྶསིསྶཱམཱི’’ཏི སིཀྑཏི, ‘‘ཨནོཏྟཔྤཏོ ཝིམོཙཡཾ ཙིཏྟཾ པསྶསིསྶཱམཱི’’ཏི སིཀྑཏི. ཝིམོཙཡཾ ཙིཏྟཾ ཨསྶཱསཔསྶཱསཝསེན ཝིཉྙཱཎཾ ཙིཏྟཾ ཨུཔཊྛཱནཾ སཏི…པེ….

ཨནུཔསྶཏཱིཏི ཀཐཾ ཏཾ ཙིཏྟཾ ཨནུཔསྶཏི…པེ… ཨེཝཾ ཏཾ ཙིཏྟཾ ཨནུཔསྶཏི. བྷཱཝནཱཏི ཙཏསྶོ བྷཱཝནཱ…པེ… ཨཱསེཝནཊྛེན བྷཱཝནཱ. ཝིམོཙཡཾ ཙིཏྟཾ ཨསྶཱསཔསྶཱསཱནཾ སཾཝརཊྛེན སཱིལཝིསུདྡྷི…པེ… ཝིམོཙཡཾ ཙིཏྟཾ ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ ¶ …པེ… པཛཱནནྟོ ཨིནྡྲིཡཱནི སམོདྷཱནེཏི. ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

ཨཊྛ ཨནུཔསྶནཱཉཱཎཱནི ཨཊྛ ཙ ཨུཔཊྛཱནཱནུསྶཏིཡོ ཙཏྟཱརི སུཏྟནྟིཀཝཏྠཱུནི ཙིཏྟེ ཙིཏྟཱནུཔསྶནཱཡ.

ཙཏུཏྠཙཏུཀྐནིདྡེསོ

༡༨༠. ཀཐཾ ‘‘ཨནིཙྩཱནུཔསྶཱི ཨསྶསིསྶཱམཱི’’ཏི སིཀྑཏི, ‘‘ཨནིཙྩཱནུཔསྶཱི པསྶསིསྶཱམཱི’’ཏི སིཀྑཏི? ཨནིཙྩནྟི ཀིཾ ཨནིཙྩཾ? པཉྩཀྑནྡྷཱ ཨནིཙྩཱ. ཀེནཊྛེན ཨནིཙྩཱ? ཨུཔྤཱདཝཡཊྛེན ཨནིཙྩཱ. པཉྩནྣཾ ཁནྡྷཱནཾ ཨུདཡཾ པསྶནྟོ ཀཏི ལཀྑཎཱནི པསྶཏི, ཝཡཾ པསྶནྟོ ཀཏི ལཀྑཎཱནི པསྶཏི, ཨུདཡབྦཡཾ པསྶནྟོ ཀཏི ལཀྑཎཱནི པསྶཏི? པཉྩནྣཾ ¶ ཁནྡྷཱནཾ ཨུདཡཾ པསྶནྟོ པཉྩཝཱིསཏི ལཀྑཎཱནི པསྶཏི, ཝཡཾ པསྶནྟོ པཉྩཝཱིསཏི ལཀྑཎཱནི པསྶཏི. པཉྩནྣཾ ཁནྡྷཱནཾ ཨུདཡབྦཡཾ པསྶནྟོ ཨིམཱནི པཉྙཱས ལཀྑཎཱནི པསྶཏི.

‘‘རཱུཔེ ཨནིཙྩཱནུཔསྶཱི ཨསྶསིསྶཱམཱི’’ཏི སིཀྑཏི, ‘‘རཱུཔེ ཨནིཙྩཱནུཔསྶཱི པསྶསིསྶཱམཱི’’ཏི སིཀྑཏི. ‘‘ཝེདནཱཡ…པེ… སཉྙཱཡ… སངྑཱརེསུ… ཝིཉྙཱཎེ… ཙཀྑུསྨིཾ…པེ… ཛརཱམརཎེ ཨནིཙྩཱནུཔསྶཱི ཨསྶསིསྶཱམཱི’’ཏི སིཀྑཏི, ‘‘ཛརཱམརཎེ ¶ ཨནིཙྩཱནུཔསྶཱི པསྶསིསྶཱམཱི’’ཏི སིཀྑཏི. ཨནིཙྩཱནུཔསྶཱི ཨསྶཱསཔསྶཱསཝསེན དྷམྨཱ ཨུཔཊྛཱནཾ སཏི ཨནུཔསྶནཱ ཉཱཎཾ. དྷམྨཱ ཨུཔཊྛཱནཾ, ནོ སཏི; སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏེ དྷམྨེ ཨནུཔསྶཏི. ཏེན ཝུཙྩཏི – ‘‘དྷམྨེསུ དྷམྨཱནུཔསྶནཱསཏིཔཊྛཱནབྷཱཝནཱ’’ཏི.

ཨནུཔསྶཏཱིཏི ¶ ¶ ཀཐཾ ཏེ དྷམྨེ ཨནུཔསྶཏི…པེ… ཨེཝཾ ཏེ དྷམྨེ ཨནུཔསྶཏི. བྷཱཝནཱཏི ཙཏསྶོ བྷཱཝནཱ…པེ… ཨཱསེཝནཊྛེན བྷཱཝནཱ. ཨནིཙྩཱནུཔསྶཱི ཨསྶཱསཔསྶཱསཱནཾ སཾཝརཊྛེན སཱིལཝིསུདྡྷི…པེ… ཨནིཙྩཱནུཔསྶཱི ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ…པེ… པཛཱནནྟོ ཨིནྡྲིཡཱནི སམོདྷཱནེཏི. ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

ཀཐཾ ‘‘ཝིརཱགཱནུཔསྶཱི ཨསྶསིསྶཱམཱི’’ཏི སིཀྑཏི, ‘‘ཝིརཱགཱནུཔསྶཱི པསྶསིསྶཱམཱི’’ཏི སིཀྑཏི? རཱུཔེ ཨཱདཱིནཝཾ དིསྭཱ རཱུཔཝིརཱགེ ཚནྡཛཱཏོ ཧོཏི སདྡྷཱདྷིམུཏྟོ, ཙིཏྟཉྩསྶ སྭཱདྷིཊྛིཏཾ. ‘‘རཱུཔེ ཝིརཱགཱནུཔསྶཱི ཨསྶསིསྶཱམཱི’’ཏི སིཀྑཏི, ‘‘རཱུཔེ ཝིརཱགཱནུཔསྶཱི པསྶསིསྶཱམཱི’’ཏི སིཀྑཏི. ཝེདནཱཡ…པེ… སཉྙཱཡ… སངྑཱརེསུ… ཝིཉྙཱཎེ… ཙཀྑུསྨིཾ…པེ… ཛརཱམརཎེ ཨཱདཱིནཝཾ དིསྭཱ ཛརཱམརཎཝིརཱགེ ཚནྡཛཱཏོ ཧོཏི སདྡྷཱདྷིམུཏྟོ, ཙིཏྟཉྩསྶ སྭཱདྷིཊྛིཏཾ. ‘‘ཛརཱམརཎེ ཝིརཱགཱནུཔསྶཱི ཨསྶསིསྶཱམཱི’’ཏི སིཀྑཏི, ‘‘ཛརཱམརཎེ ཝིརཱགཱནུཔསྶཱི པསྶསིསྶཱམཱི’’ཏི སིཀྑཏི. ཝིརཱགཱནུཔསྶཱི ཨསྶཱསཔསྶཱསཝསེན དྷམྨཱ ཨུཔཊྛཱནཾ སཏི ཨནུཔསྶནཱ ཉཱཎཾ. དྷམྨཱ ཨུཔཊྛཱནཾ, ནོ སཏི; སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏེ དྷམྨེ ཨནུཔསྶཏི. ཏེན ཝུཙྩཏི – ‘‘དྷམྨེསུ དྷམྨཱནུཔསྶནཱསཏིཔཊྛཱནབྷཱཝནཱ’’ཏི.

ཨནུཔསྶཏཱིཏི ¶ ཀཐཾ ཏེ དྷམྨེ ཨནུཔསྶཏི…པེ… ཨེཝཾ ཏེ དྷམྨེ ཨནུཔསྶཏི. བྷཱཝནཱཏི ཙཏསྶོ བྷཱཝནཱ…པེ… ཨཱསེཝནཊྛེན བྷཱཝནཱ. ཝིརཱགཱནུཔསྶཱི ཨསྶཱསཔསྶཱསཱནཾ སཾཝརཊྛེན སཱིལཝིསུདྡྷི…པེ… ཝིརཱགཱནུཔསྶཱི ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ…པེ… པཛཱནནྟོ ཨིནྡྲིཡཱནི སམོདྷཱནེཏི. ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

ཀཐཾ ¶ ‘‘ནིརོདྷཱནུཔསྶཱི ཨསྶསིསྶཱམཱི’’ཏི སིཀྑཏི, ‘‘ནིརོདྷཱནུཔསྶཱི པསྶསིསྶཱམཱི’’ཏི སིཀྑཏི? རཱུཔེ ཨཱདཱིནཝཾ དིསྭཱ རཱུཔནིརོདྷེ ཚནྡཛཱཏོ ཧོཏི སདྡྷཱདྷིམུཏྟོ, ཙིཏྟཉྩསྶ སྭཱདྷིཊྛིཏཾ. ‘‘རཱུཔེ ནིརོདྷཱནུཔསྶཱི ཨསྶསིསྶཱམཱི’’ཏི སིཀྑཏི, ‘‘རཱུཔེ ནིརོདྷཱནུཔསྶཱི པསྶསིསྶཱམཱི’’ཏི སིཀྑཏི. ཝེདནཱཡ…པེ… སཉྙཱཡ… སངྑཱརེསུ… ཝིཉྙཱཎེ… ཙཀྑུསྨིཾ…པེ… ཛརཱམརཎེ ཨཱདཱིནཝཾ དིསྭཱ ཛརཱམརཎནིརོདྷེ ཚནྡཛཱཏོ ཧོཏི སདྡྷཱདྷིམུཏྟོ, ཙིཏྟཉྩསྶ སྭཱདྷིཊྛིཏཾ. ‘‘ཛརཱམརཎེ ནིརོདྷཱནུཔསྶཱི ཨསྶསིསྶཱམཱི’’ཏི སིཀྑཏི, ‘‘ཛརཱམརཎེ ནིརོདྷཱནུཔསྶཱི པསྶསིསྶཱམཱི’’ཏི སིཀྑཏི.

༡༨༡. ཀཏིཧཱཀཱརེཧི ¶ ཨཝིཛྫཱཡ ཨཱདཱིནཝོ ཧོཏི? ཀཏིཧཱཀཱརེཧི ཨཝིཛྫཱ ནིརུཛ྄ཛྷཏི? པཉྩཧཱཀཱརེཧི ཨཝིཛྫཱཡ ཨཱདཱིནཝོ ཧོཏི. ཨཊྛཧཱཀཱརེཧི ཨཝིཛྫཱ ནིརུཛ྄ཛྷཏི.

ཀཏམེཧི ¶ པཉྩཧཱཀཱརེཧི ཨཝིཛྫཱཡ ཨཱདཱིནཝོ ཧོཏི? ཨནིཙྩཊྛེན ¶ ཨཝིཛྫཱཡ ཨཱདཱིནཝོ ཧོཏི, དུཀྑཊྛེན ཨཝིཛྫཱཡ ཨཱདཱིནཝོ ཧོཏི, ཨནཏྟཊྛེན ཨཝིཛྫཱཡ ཨཱདཱིནཝོ ཧོཏི, སནྟཱཔཊྛེན ཨཝིཛྫཱཡ ཨཱདཱིནཝོ ཧོཏི, ཝིཔརིཎཱམཊྛེན ཨཝིཛྫཱཡ ཨཱདཱིནཝོ ཧོཏི – ཨིམེཧི པཉྩཧཱཀཱརེཧི ཨཝིཛྫཱཡ ཨཱདཱིནཝོ ཧོཏི.

ཀཏམེཧི ཨཊྛཧཱཀཱརེཧི ཨཝིཛྫཱ ནིརུཛ྄ཛྷཏི? ནིདཱནནིརོདྷེན ཨཝིཛྫཱ ནིརུཛ྄ཛྷཏི, སམུདཡནིརོདྷེན ཨཝིཛྫཱ ནིརུཛ྄ཛྷཏི, ཛཱཏིནིརོདྷེན ཨཝིཛྫཱ ནིརུཛ྄ཛྷཏི, པབྷཝནིརོདྷེན [ཨཱཧཱརནིརོདྷེན (སྱཱ.)] ཨཝིཛྫཱ ནིརུཛ྄ཛྷཏི, ཧེཏུནིརོདྷེན ཨཝིཛྫཱ ནིརུཛ྄ཛྷཏི, པཙྩཡནིརོདྷེན ཨཝིཛྫཱ ནིརུཛ྄ཛྷཏི, ཉཱཎུཔྤཱདེན ཨཝིཛྫཱ ནིརུཛ྄ཛྷཏི, ནིརོདྷུཔཊྛཱནེན ཨཝིཛྫཱ ནིརུཛ྄ཛྷཏི – ཨིམེཧི ཨཊྛཧཱཀཱརེཧི ཨཝིཛྫཱ ནིརུཛ྄ཛྷཏི. ཨིམེཧི པཉྩཧཱཀཱརེཧི ཨཝིཛྫཱཡ ཨཱདཱིནཝཾ དིསྭཱ – ཨིམེཧི ཨཊྛཧཱཀཱརེཧི ཨཝིཛྫཱནིརོདྷེ ཚནྡཛཱཏོ ཧོཏི སདྡྷཱདྷིམུཏྟོ, ཙིཏྟཉྩསྶ སྭཱདྷིཊྛིཏཾ. ‘‘ཨཝིཛྫཱཡ ནིརོདྷཱནུཔསྶཱི ཨསྶསིསྶཱམཱི’’ཏི སིཀྑཏི, ‘‘ཨཝིཛྫཱཡ ནིརོདྷཱནུཔསྶཱི པསྶསིསྶཱམཱི’’ཏི སིཀྑཏི.

ཀཏིཧཱཀཱརེཧི སངྑཱརེསུ ཨཱདཱིནཝོ ཧོཏི, ཀཏིཧཱཀཱརེཧི སངྑཱརཱ ནིརུཛ྄ཛྷནྟི…པེ… ཀཏིཧཱཀཱརེཧི ཝིཉྙཱཎེ ཨཱདཱིནཝོ ཧོཏི, ཀཏིཧཱཀཱརེཧི ཝིཉྙཱཎཾ ནིརུཛ྄ཛྷཏི… ཀཏིཧཱཀཱརེཧི ནཱམརཱུཔེ ཨཱདཱིནཝོ ¶ ཧོཏི, ཀཏིཧཱཀཱརེཧི ནཱམརཱུཔཾ ནིརུཛ྄ཛྷཏི… ཀཏིཧཱཀཱརེཧི སལཱ༹ཡཏནེ ཨཱདཱིནཝོ ཧོཏི, ཀཏིཧཱཀཱརེཧི སལཱ༹ཡཏནཾ ནིརུཛ྄ཛྷཏི… ཀཏིཧཱཀཱརེཧི ཕསྶེ ཨཱདཱིནཝོ ཧོཏི, ཀཏིཧཱཀཱརེཧི ཕསྶོ ནིརུཛ྄ཛྷཏི… ཀཏིཧཱཀཱརེཧི ¶ ཝེདནཱཡ ཨཱདཱིནཝོ ཧོཏི, ཀཏིཧཱཀཱརེཧི ཝེདནཱ ནིརུཛ྄ཛྷཏི… ཀཏིཧཱཀཱརེཧི ཏཎྷཱཡ ཨཱདཱིནཝོ ཧོཏི, ཀཏིཧཱཀཱརེཧི ཏཎྷཱ ནིརུཛ྄ཛྷཏི… ཀཏིཧཱཀཱརེཧི ཨུཔཱདཱནེ ཨཱདཱིནཝོ ཧོཏི, ཀཏིཧཱཀཱརེཧི ཨུཔཱདཱནཾ ནིརུཛ྄ཛྷཏི… ཀཏིཧཱཀཱརེཧི བྷཝེ ཨཱདཱིནཝོ ཧོཏི, ཀཏིཧཱཀཱརེཧི བྷཝོ ནིརུཛ྄ཛྷཏི… ཀཏིཧཱཀཱརེཧི ཛཱཏིཡཱ ཨཱདཱིནཝོ ཧོཏི, ཀཏིཧཱཀཱརེཧི ཛཱཏི ནིརུཛ྄ཛྷཏི… ཀཏིཧཱཀཱརེཧི ཛརཱམརཎེ ཨཱདཱིནཝོ ཧོཏི, ཀཏིཧཱཀཱརེཧི ཛརཱམརཎཾ ནིརུཛ྄ཛྷཏི? པཉྩཧཱཀཱརེཧི ཛརཱམརཎེ ཨཱདཱིནཝོ ཧོཏི, ཨཊྛཧཱཀཱརེཧི ཛརཱམརཎཾ ནིརུཛ྄ཛྷཏི.

ཀཏམེཧི ¶ པཉྩཧཱཀཱརེཧི ཛརཱམརཎེ ཨཱདཱིནཝོ ཧོཏི? ཨནིཙྩཊྛེན ¶ ཛརཱམརཎེ ཨཱདཱིནཝོ ཧོཏི, དུཀྑཊྛེན…པེ… ཨནཏྟཊྛེན…པེ… སནྟཱཔཊྛེན…པེ… ཝིཔརིཎཱམཊྛེན ཛརཱམརཎེ ཨཱདཱིནཝོ ཧོཏི – ཨིམེཧི པཉྩཧཱཀཱརེཧི ཛརཱམརཎེ ཨཱདཱིནཝོ ཧོཏི.

ཀཏམེཧི ཨཊྛཧཱཀཱརེཧི ཛརཱམརཎཾ ནིརུཛ྄ཛྷཏི? ནིདཱནནིརོདྷེན ཛརཱམརཎཾ ནིརུཛ྄ཛྷཏི, སམུདཡནིརོདྷེན…པེ… ཛཱཏིནིརོདྷེན…པེ… པབྷཝནིརོདྷེན [བྷཝནིརོདྷེན (སྱཱ.)] … ཧེཏུནིརོདྷེན… པཙྩཡནིརོདྷེན… ཉཱཎུཔྤཱདེན…པེ… ནིརོདྷུཔཊྛཱནེན ཛརཱམརཎཾ ནིརུཛ྄ཛྷཏི – ཨིམེཧི ཨཊྛཧཱཀཱརེཧི ཛརཱམརཎཾ ནིརུཛ྄ཛྷཏི. ཨིམེཧི པཉྩཧཱཀཱརེཧི ཛརཱམརཎེ ཨཱདཱིནཝཾ དིསྭཱ ཨིམེཧི ཨཊྛཧཱཀཱརེཧི ཛརཱམརཎནིརོདྷེ ཚནྡཛཱཏོ ཧོཏི སདྡྷཱདྷིམུཏྟོ, ཙིཏྟཉྩསྶ སྭཱདྷིཊྛིཏཾ. ‘‘ཛརཱམརཎེ ནིརོདྷཱནུཔསྶཱི ཨསྶསིསྶཱམཱི’’ཏི སིཀྑཏི, ‘‘ཛརཱམརཎེ ནིརོདྷཱནུཔསྶཱི པསྶསིསྶཱམཱི’’ཏི སིཀྑཏི. ནིརོདྷཱནུཔསྶཱི ཨསྶཱསཔསྶཱསཝསེན ¶ དྷམྨཱ ཨུཔཊྛཱནཾ སཏི ཨནུཔསྶནཱ ཉཱཎཾ. དྷམྨཱ ཨུཔཊྛཱནཾ, ནོ སཏི; སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏེ དྷམྨེ ཨནུཔསྶཏི. ཏེན ཝུཙྩཏི – ‘‘དྷམྨེསུ དྷམྨཱནུཔསྶནཱསཏིཔཊྛཱནབྷཱཝནཱ’’ཏི.

ཨནུཔསྶཏཱིཏི ¶ ཀཐཾ ཏེ དྷམྨེ ཨནུཔསྶཏི…པེ… ཨེཝཾ ཏེ དྷམྨེ ཨནུཔསྶཏི. བྷཱཝནཱཏི ཙཏསྶོ བྷཱཝནཱ…པེ… ཨཱསེཝནཊྛེན བྷཱཝནཱ. ནིརོདྷཱནུཔསྶཱི ཨསྶཱསཔསྶཱསཱནཾ སཾཝརཊྛེན སཱིལཝིསུདྡྷི…པེ… ནིརོདྷཱནུཔསྶཱི ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ…པེ… པཛཱནནྟོ ཨིནྡྲིཡཱནི སམོདྷཱནེཏི. ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

༡༨༢. ཀཐཾ ‘‘པཊིནིསྶགྒཱནུཔསྶཱི ཨསྶསིསྶཱམཱི’’ཏི སིཀྑཏི, ‘‘པཊིནིསྶགྒཱནུཔསྶཱི པསྶསིསྶཱམཱི’’ཏི སིཀྑཏི? པཊིནིསྶགྒཱཏི དྭེ པཊིནིསྶགྒཱ – པརིཙྩཱགཔཊིནིསྶགྒོ ཙ པཀྑནྡནཔཊིནིསྶགྒོ ཙ. རཱུཔཾ པརིཙྩཛཏཱིཏི – པརིཙྩཱགཔཊིནིསྶགྒོ. རཱུཔནིརོདྷེ ནིབྦཱནེ ཙིཏྟཾ པཀྑནྡཏཱིཏི – པཀྑནྡནཔཊིནིསྶགྒོ. ‘‘རཱུཔེ པཊིནིསྶགྒཱནུཔསྶཱི ཨསྶསིསྶཱམཱི’’ཏི སིཀྑཏི, ‘‘རཱུཔེ པཊིནིསྶགྒཱནུཔསྶཱི པསྶསིསྶཱམཱི’’ཏི སིཀྑཏི. ཝེདནཾ…པེ… སཉྙཾ… སངྑཱརེ… ཝིཉྙཱཎཾ… ཙཀྑུཾ…པེ… ཛརཱམརཎཾ པརིཙྩཛཏཱིཏི – པརིཙྩཱགཔཊིནིསྶགྒོ. ཛརཱམརཎནིརོདྷེ ནིབྦཱནེ ཙིཏྟཾ པཀྑནྡཏཱིཏི – པཀྑནྡནཔཊིནིསྶགྒོ. ‘‘ཛརཱམརཎེ པཊིནིསྶགྒཱནུཔསྶཱི ཨསྶསིསྶཱམཱི’’ཏི ¶ སིཀྑཏི, ‘‘ཛརཱམརཎེ པཊིནིསྶགྒཱནུཔསྶཱི པསྶསིསྶཱམཱི’’ཏི སིཀྑཏི. པཊིནིསྶགྒཱནུཔསྶཱི ¶ ཨསྶཱསཔསྶཱསཝསེན དྷམྨཱ ཨུཔཊྛཱནཾ སཏི ཨནུཔསྶནཱ ཉཱཎཾ. དྷམྨཱ ཨུཔཊྛཱནཾ, ནོ སཏི; སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏེ དྷམྨེ ཨནུཔསྶཏི. ཏེན ཝུཙྩཏི – ‘‘དྷམྨེསུ དྷམྨཱནུཔསྶནཱསཏིཔཊྛཱནབྷཱཝནཱ’’ཏི.

ཨནུཔསྶཏཱིཏི ཀཐཾ ཏེ དྷམྨེ ཨནུཔསྶཏི? ཨནིཙྩཏོ ཨནུཔསྶཏི, ནོ ནིཙྩཏོ…པེ… པཊིནིསྶཛྫཏི, ནོ ཨཱདིཡཏི. ཨནིཙྩཏོ ཨནུཔསྶནྟོ ནིཙྩསཉྙཾ པཛཧཏི…པེ… པཊིནིསྶཛྫནྟོ ཨཱདཱནཾ པཛཧཏི. ཨེཝཾ ཏེ དྷམྨེ ཨནུཔསྶཏི. བྷཱཝནཱཏི ཙཏསྶོ བྷཱཝནཱ. ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ…པེ… ཨཱསེཝནཊྛེན བྷཱཝནཱ. པཊིནིསྶགྒཱནུཔསྶཱི ཨསྶཱསཔསྶཱསཱནཾ སཾཝརཊྛེན སཱིལཝིསུདྡྷི, ཨཝིཀྑེཔཊྛེན ཙིཏྟཝིསུདྡྷི, དསྶནཊྛེན དིཊྛིཝིསུདྡྷི. ཡོ ཏཏྠ སཾཝརཊྛོ, ཨཡཾ ཨདྷིསཱིལསིཀྑཱ; ཡོ ཏཏྠ ཨཝིཀྑེཔཊྛོ, ཨཡཾ ཨདྷིཙིཏྟསིཀྑཱ; ཡོ ཏཏྠ དསྶནཊྛོ, ཨཡཾ ཨདྷིཔཉྙཱསིཀྑཱ – ཨིམཱ ཏིསྶོ སིཀྑཱཡོ ཨཱཝཛྫནྟོ སིཀྑཏི ཛཱནནྟོ སིཀྑཏི…པེ… སཙྪིཀཱཏབྦཾ སཙྪིཀརོནྟོ སིཀྑཏི.

པཊིནིསྶགྒཱནུཔསྶཱི ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནཏོ ཝིདིཏཱ ཝེདནཱ ཨུཔྤཛྫནྟི, ཝིདིཏཱ ཨུཔཊྛཧནྟི, ཝིདིཏཱ ཨབྦྷཏྠཾ གཙྪནྟི ¶ …པེ… པཊིནིསྶགྒཱནུཔསྶཱི ¶ ཨསྶཱསཔསྶཱསཝསེན ཙིཏྟསྶ ཨེཀགྒཏཾ ཨཝིཀྑེཔཾ པཛཱནནྟོ ཨིནྡྲིཡཱནི སམོདྷཱནེཏི གོཙརཉྩ པཛཱནཱཏི སམཏྠཉྩ པཊིཝིཛ྄ཛྷཏི; བལཱནི སམོདྷཱནེཏི… བོཛ྄ཛྷངྒེ སམོདྷཱནེཏི… མགྒཾ སམོདྷཱནེཏི… དྷམྨེ སམོདྷཱནེཏི གོཙརཉྩ པཛཱནཱཏི སམཏྠཉྩ པཊིཝིཛ྄ཛྷཏི.

ཨིནྡྲིཡཱནི སམོདྷཱནེཏཱིཏི ཀཐཾ ཨིནྡྲིཡཱནི སམོདྷཱནེཏི? ཨདྷིམོཀྑཊྛེན སདྡྷིནྡྲིཡཾ སམོདྷཱནེཏི…པེ… ཏེན ཝུཙྩཏི – ‘‘སམཏྠཉྩ པཊིཝིཛ྄ཛྷཏཱི’’ཏི.

ཨཊྛ ཨནུཔསྶནེ ཉཱཎཱནི ཨཊྛ ཙ ཨུཔཊྛཱནཱནུསྶཏིཡོ ཙཏྟཱརི སུཏྟནྟིཀཝཏྠཱུནི དྷམྨེསུ དྷམྨཱནུཔསྶནཱཡ. ཨིམཱནི བཱཏྟིཾས སཏོཀཱརིསྶ ཉཱཎཱནི.

སཏོཀཱརིཉཱཎནིདྡེསོ པཉྩམོ.

༦. ཉཱཎརཱསིཚཀྐནིདྡེསོ

༡༨༣. ཀཏམཱནི ¶ ཙཏུཝཱིསཏི སམཱདྷིཝསེན ཉཱཎཱནི? དཱིགྷཾ ཨསྶཱསཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི, དཱིགྷཾ པསྶཱསཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི…པེ… ཝིམོཙཡཾ ཙིཏྟཾ ཨསྶཱསཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི, ཝིམོཙཡཾ ཙིཏྟཾ པསྶཱསཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི. ཨིམཱནི ཙཏུཝཱིསཏི སམཱདྷིཝསེན ཉཱཎཱནི.

ཀཏམཱནི དྭེསཏྟཏི ཝིཔསྶནཱཝསེན ཉཱཎཱནི? དཱིགྷཾ ཨསྶཱསཾ ¶ ཨནིཙྩཏོ ཨནུཔསྶནཊྛེན ཝིཔསྶནཱ, དུཀྑཏོ ཨནུཔསྶནཊྛེན ཝིཔསྶནཱ, ཨནཏྟཏོ ཨནུཔསྶནཊྛེན ཝིཔསྶནཱ, དཱིགྷཾ པསྶཱསཾ ཨནིཙྩཏོ ཨནུཔསྶནཊྛེན ཝིཔསྶནཱ, དུཀྑཏོ ཨནུཔསྶནཊྛེན ཝིཔསྶནཱ, ཨནཏྟཏོ ཨནུཔསྶནཊྛེན ཝིཔསྶནཱ…པེ… ཝིམོཙཡཾ ཙིཏྟཾ ¶ ཨསྶཱསཾ, ཝིམོཙཡཾ ཙིཏྟཾ པསྶཱསཾ ཨནིཙྩཏོ ཨནུཔསྶནཊྛེན ཝིཔསྶནཱ, དུཀྑཏོ ཨནུཔསྶནཊྛེན ཝིཔསྶནཱ, ཨནཏྟཏོ ཨནུཔསྶནཊྛེན ཝིཔསྶནཱ. ཨིམཱནི དྭེསཏྟཏི ཝིཔསྶནཱཝསེན ཉཱཎཱནི.

ཀཏམཱནི ¶ ཨཊྛ ནིབྦིདཱཉཱཎཱནི? ཨནིཙྩཱནུཔསྶཱི ཨསྶཱསཾ ཡཐཱབྷཱུཏཾ ཛཱནཱཏི པསྶཏཱིཏི – ནིབྦིདཱཉཱཎཾ, ཨནིཙྩཱནུཔསྶཱི པསྶཱསཾ ཡཐཱབྷཱུཏཾ ཛཱནཱཏི པསྶཏཱིཏི – ནིབྦིདཱཉཱཎཾ…པེ… པཊིནིསྶགྒཱནུཔསྶཱི ཨསྶཱསཾ ཡཐཱབྷཱུཏཾ ཛཱནཱཏི པསྶཏཱིཏི – ནིབྦིདཱཉཱཎཾ, པཊིནིསྶགྒཱནུཔསྶཱི པསྶཱསཾ ཡཐཱབྷཱུཏཾ ཛཱནཱཏི པསྶཏཱིཏི – ནིབྦིདཱཉཱཎཾ. ཨིམཱནི ཨཊྛ ནིབྦིདཱཉཱཎཱནི.

ཀཏམཱནི ཨཊྛ ནིབྦིདཱནུལོམེ ཉཱཎཱནི? ཨནིཙྩཱནུཔསྶཱི ཨསྶཱསཾ བྷཡཏུཔཊྛཱནེ པཉྙཱ ནིབྦིདཱནུལོམེ ཉཱཎཾ, ཨནིཙྩཱནུཔསྶཱི པསྶཱསཾ བྷཡཏུཔཊྛཱནེ པཉྙཱ ནིབྦིདཱནུལོམེ ཉཱཎཾ…པེ… པཊིནིསྶགྒཱནུཔསྶཱི ཨསྶཱསཾ བྷཡཏུཔཊྛཱནེ པཉྙཱ ནིབྦིདཱནུལོམེ ཉཱཎཾ, པཊིནིསྶགྒཱནུཔསྶཱི པསྶཱསཾ བྷཡཏུཔཊྛཱནེ པཉྙཱ ནིབྦིདཱནུལོམེ ཉཱཎཾ – ཨིམཱནི ཨཊྛ ནིབྦིདཱནུལོམེ ཉཱཎཱནི.

ཀཏམཱནི ཨཊྛ ནིབྦིདཱཔཊིཔྤསྶདྡྷིཉཱཎཱནི? ཨནིཙྩཱནུཔསྶཱི ཨསྶཱསཾ པཊིསངྑཱ སནྟིཊྛནཱ པཉྙཱ ནིབྦིདཱཔཊིཔྤསྶདྡྷིཉཱཎཾ, ཨནིཙྩཱནུཔསྶཱི པསྶཱསཾ པཊིསངྑཱ སནྟིཊྛནཱ པཉྙཱ ¶ ནིབྦིདཱཔཊིཔྤསྶདྡྷིཉཱཎཾ…པེ… པཊིནིསྶགྒཱནུཔསྶཱི ཨསྶཱསཾ པཊིསངྑཱ སནྟིཊྛནཱ པཉྙཱ ནིབྦིདཱཔཊིཔྤསྶདྡྷིཉཱཎཾ, པཊིནིསྶགྒཱནུཔསྶཱི པསྶཱསཾ པཊིསངྑཱ སནྟིཊྛནཱ པཉྙཱ ནིབྦིདཱཔཊིཔྤསྶདྡྷིཉཱཎཾ – ཨིམཱནི ཨཊྛ ནིབྦིདཱཔཊིཔྤསྶདྡྷིཉཱཎཱནི.

ཀཏམཱནི ཨེཀཝཱིསཏི ཝིམུཏྟིསུཁེ ཉཱཎཱནི? སོཏཱཔཏྟིམགྒེན སཀྐཱཡདིཊྛིཡཱ ¶ པཧཱིནཏྟཱ སམུཙྪིནྣཏྟཱ ཨུཔྤཛྫཏི ཝིམུཏྟིསུཁེ ཉཱཎཾ, ཝིཙིཀིཙྪཱཡ པཧཱིནཏྟཱ སམུཙྪིནྣཏྟཱ ཨུཔྤཛྫཏི ཝིམུཏྟིསུཁེ ཉཱཎཾ, སཱིལབྦཏཔརཱམཱསསྶ…པེ… དིཊྛཱནུསཡསྶ, ཝིཙིཀིཙྪཱནུསཡསྶ པཧཱིནཏྟཱ སམུཙྪིནྣཏྟཱ ཨུཔྤཛྫཏི ཝིམུཏྟིསུཁེ ཉཱཎཾ, སཀདཱགཱམིམགྒེན ཨོལཱ༹རིཀསྶ, ཀཱམརཱགསཉྙོཛནསྶ…པེ… པཊིགྷསཉྙོཛནསྶ, ཨོལཱ༹རིཀསྶ ཀཱམརཱགཱནུསཡསྶ, པཊིགྷཱནུསཡསྶ པཧཱིནཏྟཱ སམུཙྪིནྣཏྟཱ ཨུཔྤཛྫཏི ¶ ཝིམུཏྟིསུཁེ ཉཱཎཾ, ཨནཱགཱམིམགྒེན ཨནུསཧགཏསྶ ཀཱམརཱགསཉྙོཛནསྶ…པེ… པཊིགྷསཉྙོཛནསྶ, ཨནུསཧགཏསྶ ཀཱམརཱགཱནུསཡསྶ, པཊིགྷཱནུསཡསྶ པཧཱིནཏྟཱ སམུཙྪིནྣཏྟཱ ཨུཔྤཛྫཏི ཝིམུཏྟིསུཁེ ཉཱཎཾ, ཨརཧཏྟམགྒེན, རཱུཔརཱགསྶ…པེ… ཨརཱུཔརཱགསྶ, མཱནསྶ, ཨུདྡྷཙྩསྶ, ཨཝིཛྫཱཡ, མཱནཱནུསཡསྶ, བྷཝརཱགཱནུསཡསྶ, ཨཝིཛྫཱནུསཡསྶ པཧཱིནཏྟཱ སམུཙྪིནྣཏྟཱ ཨུཔྤཛྫཏི ཝིམུཏྟིསུཁེ ¶ ཉཱཎཾ. ཨིམཱནི ཨེཀཝཱིསཏི ཝིམུཏྟིསུཁེ ཉཱཎཱནི. སོལ༹སཝཏྠུཀཾ ཨཱནཱཔཱནསྶཏིསམཱདྷིཾ བྷཱཝཡཏོ སམདྷིཀཱནི ཨིམཱནི དྭེ ཉཱཎསཏཱནི ཨུཔྤཛྫནྟི.

ཉཱཎརཱསིཚཀྐནིདྡེསོ ཚཊྛོ.

ཨཱནཱཔཱནསྶཏིཀཐཱ [ཨཱནཱཔཱནཀཐཱ (སྱཱ. ཀ.)] ནིཊྛིཏཱ.

༤. ཨིནྡྲིཡཀཐཱ

༡. པཋམསུཏྟནྟནིདྡེསོ

༡༨༤. ཨེཝཾ ¶ ¶ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ¶ ཨནཱཐཔིཎྜིཀསྶ ཨཱརཱམེ. ཏཏྲ ཁོ བྷགཝཱ བྷིཀྑཱུ ཨཱམནྟེསི – ‘‘བྷིཀྑཝོ’’ཏི. ‘‘བྷདནྟེ’’ཏི [‘‘བྷདྡནྟེ’’ཏི (ཀ.)] ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘པཉྩིམཱནི, བྷིཀྑཝེ, ཨིནྡྲིཡཱནི. ཀཏམཱནི པཉྩ? སདྡྷིནྡྲིཡཾ, ཝཱིརིཡིནྡྲིཡཾ, སཏིནྡྲིཡཾ, སམཱདྷིནྡྲིཡཾ, པཉྙིནྡྲིཡཾ – ཨིམཱནི ཁོ, བྷིཀྑཝེ, པཉྩིནྡྲིཡཱནི’’ [སཾ. ནི. ༥.༤༧༡].

༡༨༥. ཨིམཱནི པཉྩིནྡྲིཡཱནི ཀཏིཧཱཀཱརེཧི ཝིསུཛ྄ཛྷནྟི? ཨིམཱནི པཉྩིནྡྲིཡཱནི པནྣརསཧི ཨཱཀཱརེཧི ཝིསུཛ྄ཛྷནྟི. ཨསྶདྡྷེ པུགྒལེ པརིཝཛྫཡཏོ, སདྡྷེ པུགྒལེ སེཝཏོ བྷཛཏོ པཡིརུཔཱསཏོ, པསཱདནཱིཡེ སུཏྟནྟེ པཙྩཝེཀྑཏོ – ཨིམེཧི ཏཱིཧཱཀཱརེཧི སདྡྷིནྡྲིཡཾ ཝིསུཛ྄ཛྷཏི. ཀུསཱིཏེ པུགྒལེ པརིཝཛྫཡཏོ, ཨཱརདྡྷཝཱིརིཡེ པུགྒལེ སེཝཏོ བྷཛཏོ པཡིརུཔཱསཏོ, སམྨཔྤདྷཱནེ པཙྩཝེཀྑཏོ – ཨིམེཧི ཏཱིཧཱཀཱརེཧི ཝཱིརིཡིནྡྲིཡཾ ཝིསུཛ྄ཛྷཏི. མུཊྛསྶཏཱི པུགྒལེ པརིཝཛྫཡཏོ, ཨུཔཊྛིཏསྶཏཱི པུགྒལེ སེཝཏོ བྷཛཏོ པཡིརུཔཱསཏོ, སཏིཔཊྛཱནེ པཙྩཝེཀྑཏོ – ཨིམེཧི ཏཱིཧཱཀཱརེཧི སཏིནྡྲིཡཾ ཝིསུཛ྄ཛྷཏི. ཨསམཱཧིཏེ པུགྒལེ པརིཝཛྫཡཏོ, སམཱཧིཏེ པུགྒལེ སེཝཏོ བྷཛཏོ པཡིརུཔཱསཏོ, ཛྷཱནཝིམོཀྑེ པཙྩཝེཀྑཏོ – ཨིམེཧི ཏཱིཧཱཀཱརེཧི སམཱདྷིནྡྲིཡཾ ཝིསུཛ྄ཛྷཏི. དུཔྤཉྙེ པུགྒལེ པརིཝཛྫཡཏོ, པཉྙཝནྟེ པུགྒལེ སེཝཏོ བྷཛཏོ པཡིརུཔཱསཏོ, གམྦྷཱིརཉཱཎཙརིཡཾ པཙྩཝེཀྑཏོ – ཨིམེཧི ¶ ཏཱིཧཱཀཱརེཧི པཉྙིནྡྲིཡཾ ཝིསུཛ྄ཛྷཏི. ཨིཏི ཨིམེ པཉྩ པུགྒལེ པརིཝཛྫཡཏོ ¶ , པཉྩ པུགྒལེ ¶ སེཝཏོ བྷཛཏོ ¶ པཡིརུཔཱསཏོ, པཉྩ སུཏྟནྟཀྑནྡྷེ པཙྩཝེཀྑཏོ – ཨིམེཧི པནྣརསཧི ཨཱཀཱརེཧི ཨིམཱནི པཉྩིནྡྲིཡཱནི ཝིསུཛ྄ཛྷནྟི.

ཀཏིཧཱཀཱརེཧི པཉྩིནྡྲིཡཱནི བྷཱཝིཡནྟི, ཀཏིཧཱཀཱརེཧི པཉྩནྣཾ ཨིནྡྲིཡཱནཾ བྷཱཝནཱ ཧོཏི? དསཧཱཀཱརེཧི པཉྩིནྡྲིཡཱནི བྷཱཝིཡནྟི, དསཧཱཀཱརེཧི པཉྩནྣཾ ཨིནྡྲིཡཱནཾ བྷཱཝནཱ ཧོཏི. ཨསྶདྡྷིཡཾ པཛཧནྟོ སདྡྷིནྡྲིཡཾ བྷཱཝེཏི, སདྡྷིནྡྲིཡཾ བྷཱཝེནྟོ ཨསྶདྡྷིཡཾ པཛཧཏི; ཀོསཛྫཾ པཛཧནྟོ ཝཱིརིཡིནྡྲིཡཾ བྷཱཝེཏི, ཝཱིརིཡིནྡྲིཡཾ བྷཱཝེནྟོ ཀོསཛྫཾ པཛཧཏི; པམཱདཾ པཛཧནྟོ སཏིནྡྲིཡཾ བྷཱཝེཏི, སཏིནྡྲིཡཾ བྷཱཝེནྟོ པམཱདཾ པཛཧཏི; ཨུདྡྷཙྩཾ པཛཧནྟོ སམཱདྷིནྡྲིཡཾ བྷཱཝེཏི, སམཱདྷིནྡྲིཡཾ བྷཱཝེནྟོ ཨུདྡྷཙྩཾ པཛཧཏི; ཨཝིཛྫཾ པཛཧནྟོ པཉྙིནྡྲིཡཾ བྷཱཝེཏི, པཉྙིནྡྲིཡཾ བྷཱཝེནྟོ ཨཝིཛྫཾ པཛཧཏི. ཨིམེཧི དསཧཱཀཱརེཧི པཉྩིནྡྲིཡཱནི བྷཱཝིཡནྟི, ཨིམེཧི དསཧཱཀཱརེཧི པཉྩནྣཾ ཨིནྡྲིཡཱནཾ བྷཱཝནཱ ཧོཏི.

ཀཏིཧཱཀཱརེཧི པཉྩིནྡྲིཡཱནི བྷཱཝིཏཱནི ཧོནྟི སུབྷཱཝིཏཱནི? དསཧཱཀཱརེཧི པཉྩིནྡྲིཡཱནི བྷཱཝིཏཱནི ཧོནྟི སུབྷཱཝིཏཱནི. ཨསྶདྡྷིཡསྶ པཧཱིནཏྟཱ སུཔྤཧཱིནཏྟཱ སདྡྷིནྡྲིཡཾ བྷཱཝིཏཾ ཧོཏི སུབྷཱཝིཏཾ; སདྡྷིནྡྲིཡསྶ བྷཱཝིཏཏྟཱ སུབྷཱཝིཏཏྟཱ ཨསྶདྡྷིཡཾ པཧཱིནཾ ཧོཏི སུཔྤཧཱིནཾ. ཀོསཛྫསྶ པཧཱིནཏྟཱ སུཔྤཧཱིནཏྟཱ ཝཱིརིཡིནྡྲིཡཾ བྷཱཝིཏཾ ཧོཏི སུབྷཱཝིཏཾ; ཝཱིརིཡིནྡྲིཡསྶ བྷཱཝིཏཏྟཱ སུབྷཱཝིཏཏྟཱ ཀོསཛྫཾ པཧཱིནཾ ཧོཏི སུཔྤཧཱིནཾ. པམཱདསྶ པཧཱིནཏྟཱ སུཔྤཧཱིནཏྟཱ སཏིནྡྲིཡཾ བྷཱཝིཏཾ ཧོཏི སུབྷཱཝིཏཾ; སཏིནྡྲིཡསྶ བྷཱཝིཏཏྟཱ སུབྷཱཝིཏཏྟཱ པམཱདོ པཧཱིནོ ཧོཏི སུཔྤཧཱིནོ. ཨུདྡྷཙྩསྶ པཧཱིནཏྟཱ སུཔྤཧཱིནཏྟཱ སམཱདྷིནྡྲིཡཾ བྷཱཝིཏཾ ཧོཏི སུབྷཱཝིཏཾ; སམཱདྷིནྡྲིཡསྶ བྷཱཝིཏཏྟཱ སུབྷཱཝིཏཏྟཱ ཨུདྡྷཙྩཾ ¶ པཧཱིནཾ ཧོཏི སུཔྤཧཱིནཾ. ཨཝིཛྫཱཡ པཧཱིནཏྟཱ པཉྙིནྡྲིཡཾ བྷཱཝིཏཾ ཧོཏི སུབྷཱཝིཏཾ; པཉྙིནྡྲིཡསྶ བྷཱཝིཏཏྟཱ སུབྷཱཝིཏཏྟཱ ཨཝིཛྫཱ པཧཱིནཱ ཧོཏི སུཔྤཧཱིནཱ. ཨིམེཧི དསཧཱཀཱརེཧི པཉྩིནྡྲིཡཱནི བྷཱཝིཏཱནི ཧོནྟི སུབྷཱཝིཏཱནི.

༡༨༦. ཀཏིཧཱཀཱརེཧི པཉྩིནྡྲིཡཱནི བྷཱཝིཡནྟི, ཀཏིཧཱཀཱརེཧི པཉྩིནྡྲིཡཱནི བྷཱཝིཏཱནི ཙེཝ ཧོནྟི སུབྷཱཝིཏཱནི ཙ པཊིཔྤསྶདྡྷཱནི ཙ སུཔྤཊིཔྤསྶདྡྷཱནི ཙ? ཙཏཱུཧཱཀཱརེཧི ¶ པཉྩིནྡྲིཡཱནི བྷཱཝིཡནྟི ཙཏཱུཧཱཀཱརེཧི པཉྩིནྡྲིཡཱནི བྷཱཝིཏཱནི ཙེཝ ཧོནྟི སུབྷཱཝིཏཱནི ཙ པཊིཔྤསྶདྡྷཱནི ཙ སུཔྤཊིཔྤསྶདྡྷཱནི ཙ. སོཏཱཔཏྟིམགྒཀྑཎེ པཉྩིནྡྲིཡཱནི བྷཱཝིཡནྟི; སོཏཱཔཏྟིཕལཀྑཎེ ¶ པཉྩིནྡྲིཡཱནི བྷཱཝིཏཱནི ཙེཝ ཧོནྟི སུབྷཱཝིཏཱནི ཙ པཊིཔྤསྶདྡྷཱནི ཙ སུཔྤཊིཔྤསྶདྡྷཱནི ཙ. སཀདཱགཱམིམགྒཀྑཎེ པཉྩིནྡྲིཡཱནི ¶ བྷཱཝིཡནྟི; སཀདཱགཱམིཕལཀྑཎེ པཉྩིནྡྲིཡཱནི བྷཱཝིཏཱནི ཙེཝ ཧོནྟི སུབྷཱཝིཏཱནི ཙ པཊིཔྤསྶདྡྷཱནི ཙ སུཔྤཊིཔྤསྶདྡྷཱནི ཙ. ཨནཱགཱམིམགྒཀྑཎེ པཉྩིནྡྲིཡཱནི བྷཱཝིཡནྟི; ཨནཱགཱམིཕལཀྑཎེ པཉྩིནྡྲིཡཱནི ¶ བྷཱཝིཏཱནི ཙེཝ ཧོནྟི སུབྷཱཝིཏཱནི ཙ པཊིཔྤསྶདྡྷཱནི ཙ སུཔྤཊིཔྤསྶདྡྷཱནི ཙ. ཨརཧཏྟམགྒཀྑཎེ པཉྩིནྡྲིཡཱནི བྷཱཝིཡནྟི; ཨརཧཏྟཕལཀྑཎེ པཉྩིནྡྲིཡཱནི བྷཱཝིཏཱནི ཙེཝ ཧོནྟི སུབྷཱཝིཏཱནི ཙ པཊིཔྤསྶདྡྷཱནི ཙ སུཔྤཊིཔྤསྶདྡྷཱནི ཙ. ཨིཏི ཙཏསྶོ མགྒཝིསུདྡྷིཡོ, ཙཏསྶོ ཕལཝིསུདྡྷིཡོ, ཙཏསྶོ སམུཙྪེདཝིསུདྡྷིཡོ, ཙཏསྶོ པཊིཔྤསྶདྡྷིཝིསུདྡྷིཡོ. ཨིམེཧི ཙཏཱུཧཱཀཱརེཧི པཉྩིནྡྲིཡཱནི བྷཱཝིཡནྟི; ཨིམེཧི ཙཏཱུཧཱཀཱརེཧི པཉྩིནྡྲིཡཱནི བྷཱཝིཏཱནི ཙེཝ ཧོནྟི སུབྷཱཝིཏཱནི ཙ པཊིཔྤསྶདྡྷཱནི ཙ སུཔྤཊིཔྤསྶདྡྷཱནི ཙ.

ཀཏིནཾ པུགྒལཱནཾ ཨིནྡྲིཡབྷཱཝནཱ; ཀཏི པུགྒལཱ བྷཱཝིཏིནྡྲིཡཱ? ཨཊྛནྣཾ པུགྒལཱནཾ ཨིནྡྲིཡབྷཱཝནཱ; ཏཡོ པུགྒལཱ བྷཱཝིཏིནྡྲིཡཱ. ཀཏམེསཾ ཨཊྛནྣཾ པུགྒལཱནཾ ཨིནྡྲིཡབྷཱཝནཱ? སཏྟནྣཉྩ སེཀྑཱནཾ, པུཐུཛྫནཀལྱཱཎཀསྶ ཙ – ཨིམེསཾ ཨཊྛནྣཾ པུགྒལཱནཾ ཨིནྡྲིཡབྷཱཝནཱ. ཀཏམེ ཏཡོ པུགྒལཱ བྷཱཝིཏིནྡྲིཡཱ? སཝནེན བུདྡྷོ ཏཐཱགཏསྶ སཱཝཀོ ཁཱིཎཱསཝོ བྷཱཝིཏིནྡྲིཡོ, སཡཾ བྷཱུཏཊྛེན པཙྩེཀསམྦུདྡྷོ བྷཱཝིཏིནྡྲིཡོ, ཨཔྤམེཡྻཊྛེན ཏཐཱགཏོ ཨརཧཾ སམྨཱསམྦུདྡྷོ བྷཱཝིཏིནྡྲིཡོ – ཨིམེ ཏཡོ པུགྒལཱ བྷཱཝིཏིནྡྲིཡཱ. ཨིཏི ཨིམེསཾ ཨཊྛནྣཾ པུགྒལཱནཾ ཨིནྡྲིཡབྷཱཝནཱ; ཨིམེ ཏཡོ པུགྒལཱ ¶ བྷཱཝིཏིནྡྲིཡཱ.

སུཏྟནྟནིདྡེསོ པཋམོ.

༢. དུཏིཡསུཏྟནྟནིདྡེསོ

༡༨༧. སཱཝཏྠིནིདཱནཾ. ‘‘པཉྩིམཱནི, བྷིཀྑཝེ, ཨིནྡྲིཡཱནི. ཀཏམཱནི པཉྩ? སདྡྷིནྡྲིཡཾ, ཝཱིརིཡིནྡྲིཡཾ, སཏིནྡྲིཡཾ, སམཱདྷིནྡྲིཡཾ ¶ , པཉྙིནྡྲིཡཾ. ཡེ ཧི ཀེཙི, བྷིཀྑཝེ, སམཎཱ ཝཱ བྲཱཧྨཎཱ ཝཱ ཨིམེསཾ པཉྩནྣཾ ཨིནྡྲིཡཱནཾ སམུདཡཉྩ ཨཏྠངྒམཉྩ ཨསྶཱདཉྩ ཨཱདཱིནཝཉྩ ནིསྶརཎཉྩ ཡཐཱབྷཱུཏཾ ནཔྤཛཱནནྟི, ན མེ ཏེ, བྷིཀྑཝེ, སམཎཱ ཝཱ བྲཱཧྨཎཱ ཝཱ སམཎེསུ [ཙེཝ (ཀ.) སཾ. ནི. ༥.༤༧༦] ཝཱ སམཎསམྨཏཱ, བྲཱཧྨཎེསུ ¶ ཝཱ བྲཱཧྨཎསམྨཏཱ; ན ཙ པནེཏེ ཨཱཡསྨནྟཱ [ཨཱཡསྨནྟོ སཾ. ནི. ༥.༤༧༦] སཱམཉྙཏྠཾ ཝཱ བྲཧྨཉྙཏྠཾ ཝཱ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟི. ཡེ ཙ ཁོ ཀེཙི [ཡེ ཀེཙི ཁོ (སྱཱ.), ཡེ ཧི ཀེཙི ཁོ (ཀ.) སཾ. ནི. ༥.༤༧༦ པསྶིཏབྦཱ] བྷིཀྑཝེ སམཎཱ ཝཱ བྲཱཧྨཎཱ ཝཱ ཨིམེསཾ པཉྩནྣཾ ཨིནྡྲིཡཱནཾ སམུདཡཉྩ ཨཏྠངྒམཉྩ ¶ ཨསྶཱདཉྩ ཨཱདཱིནཝཉྩ ནིསྶརཎཉྩ ཡཐཱབྷཱུཏཾ པཛཱནནྟི, ཏེ ཁོ མེ, བྷིཀྑཝེ, སམཎཱ ཝཱ བྲཱཧྨཎཱ ཝཱ སམཎེསུ ཝཱ སམཎསམྨཏཱ, བྲཱཧྨཎེསུ ཝཱ བྲཱཧྨཎསམྨཏཱ; ཏེ ཙ པནཱཡསྨནྟཱ སཱམཉྙཏྠཉྩ བྲཧྨཉྙཏྠཉྩ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརནྟཱི’’ཏི.

༡༨༨. ཀཏིཧཱཀཱརེཧི པཉྩནྣཾ ཨིནྡྲིཡཱནཾ སམུདཡོ ཧོཏི; ཀཏིཧཱཀཱརེཧི པཉྩནྣཾ ཨིནྡྲིཡཱནཾ སམུདཡཾ པཛཱནཱཏི? ཀཏིཧཱཀཱརེཧི ¶ པཉྩནྣཾ ཨིནྡྲིཡཱནཾ ཨཏྠངྒམོ ཧོཏི; ཀཏིཧཱཀཱརེཧི པཉྩནྣཾ ཨིནྡྲིཡཱནཾ ཨཏྠངྒམཾ པཛཱནཱཏི? ཀཏིཧཱཀཱརེཧི པཉྩནྣཾ ཨིནྡྲིཡཱནཾ ཨསྶཱདོ ཧོཏི, ཀཏིཧཱཀཱརེཧི པཉྩནྣཾ ཨིནྡྲིཡཱནཾ ཨསྶཱདཾ པཛཱནཱཏི? ཀཏིཧཱཀཱརེཧི པཉྩནྣཾ ཨིནྡྲིཡཱནཾ ཨཱདཱིནཝོ ཧོཏི; ཀཏིཧཱཀཱརེཧི པཉྩནྣཾ ཨིནྡྲིཡཱནཾ ཨཱདཱིནཝཾ པཛཱནཱཏི? ཀཏིཧཱཀཱརེཧི པཉྩནྣཾ ཨིནྡྲིཡཱནཾ ནིསྶརཎཾ ཧོཏི; ཀཏིཧཱཀཱརེཧི པཉྩནྣཾ ཨིནྡྲིཡཱནཾ ནིསྶརཎཾ པཛཱནཱཏི?

ཙཏྟཱརཱིསཱཡ ཨཱཀཱརེཧི པཉྩནྣཾ ཨིནྡྲིཡཱནཾ སམུདཡོ ཧོཏི; ཙཏྟཱརཱིསཱཡ ཨཱཀཱརེཧི པཉྩནྣཾ ཨིནྡྲིཡཱནཾ སམུདཡཾ པཛཱནཱཏི. ཙཏྟཱརཱིསཱཡ ཨཱཀཱརེཧི པཉྩནྣཾ ཨིནྡྲིཡཱནཾ ཨཏྠངྒམོ ཧོཏི; ཙཏྟཱརཱིསཱཡ ཨཱཀཱརེཧི པཉྩནྣཾ ཨིནྡྲིཡཱནཾ ཨཏྠངྒམཾ པཛཱནཱཏི. པཉྩཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཨསྶཱདོ ཧོཏི; པཉྩཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཨསྶཱདཾ པཛཱནཱཏི. པཉྩཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཨཱདཱིནཝོ ཧོཏི; པཉྩཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཨཱདཱིནཝཾ པཛཱནཱཏི. ཨསཱིཏིསཏཾ ¶ ཨཱཀཱརེཧི [ཨསཱིཏིསཏཱཀཱརེཧི (སྱཱ.)] པཉྩནྣཾ ཨིནྡྲིཡཱནཾ ནིསྶརཎཾ ཧོཏི; ཨསཱིཏིསཏཾ ཨཱཀཱརེཧི པཉྩནྣཾ ཨིནྡྲིཡཱནཾ ནིསྶརཎཾ པཛཱནཱཏི.

ཀཏམེཧི ¶ ཙཏྟཱརཱིསཱཡ ཨཱཀཱརེཧི པཉྩནྣཾ ཨིནྡྲིཡཱནཾ སམུདཡོ ཧོཏི; ཀཏམེཧི ཙཏྟཱརཱིསཱཡ ཨཱཀཱརེཧི པཉྩནྣཾ ཨིནྡྲིཡཱནཾ སམུདཡཾ པཛཱནཱཏི? ཨདྷིམོཀྑཏྠཱཡ ཨཱཝཛྫནཱཡ སམུདཡོ སདྡྷིནྡྲིཡསྶ ¶ སམུདཡོ ཧོཏི, ཨདྷིམོཀྑཝསེན ཚནྡསྶ སམུདཡོ སདྡྷིནྡྲིཡསྶ སམུདཡོ ཧོཏི, ཨདྷིམོཀྑཝསེན མནསིཀཱརསྶ སམུདཡོ སདྡྷིནྡྲིཡསྶ སམུདཡོ ཧོཏི, སདྡྷིནྡྲིཡསྶ ཝསེན ཨེཀཏྟུཔཊྛཱནཾ སདྡྷིནྡྲིཡསྶ སམུདཡོ ཧོཏི; པགྒཧཏྠཱཡ ཨཱཝཛྫནཱཡ སམུདཡོ ཝཱིརིཡིནྡྲིཡསྶ སམུདཡོ ཧོཏི, པགྒཧཝསེན ཚནྡསྶ སམུདཡོ ཝཱིརིཡིནྡྲིཡསྶ སམུདཡོ ཧོཏི, པགྒཧཝསེན མནསིཀཱརསྶ སམུདཡོ ཝཱིརིཡིནྡྲིཡསྶ སམུདཡོ ཧོཏི, ཝཱིརིཡིནྡྲིཡསྶ ཝསེན ཨེཀཏྟུཔཊྛཱནཾ ཝཱིརིཡིནྡྲིཡསྶ སམུདཡོ ཧོཏི; ཨུཔཊྛཱནཏྠཱཡ ཨཱཝཛྫནཱཡ ¶ སམུདཡོ སཏིནྡྲིཡསྶ སམུདཡོ ཧོཏི, ཨུཔཊྛཱནཝསེན ཚནྡསྶ སམུདཡོ སཏིནྡྲིཡསྶ སམུདཡོ ཧོཏི, ཨུཔཊྛཱནཝསེན མནསིཀཱརསྶ སམུདཡོ སཏིནྡྲིཡསྶ སམུདཡོ ཧོཏི, སཏིནྡྲིཡསྶ ཝསེན ཨེཀཏྟུཔཊྛཱནཾ སཏིནྡྲིཡསྶ སམུདཡོ ཧོཏི; ཨཝིཀྑེཔཏྠཱཡ ཨཱཝཛྫནཱཡ སམུདཡོ སམཱདྷིནྡྲིཡསྶ སམུདཡོ ཧོཏི, ཨཝིཀྑེཔཝསེན ཚནྡསྶ སམུདཡོ སམཱདྷིནྡྲིཡསྶ སམུདཡོ ཧོཏི, ཨཝིཀྑེཔཝསེན མནསིཀཱརསྶ སམུདཡོ སམཱདྷིནྡྲིཡསྶ སམུདཡོ ཧོཏི, སམཱདྷིནྡྲིཡསྶ ཝསེན ཨེཀཏྟུཔཊྛཱནཾ སམཱདྷིནྡྲིཡསྶ སམུདཡོ ཧོཏི; དསྶནཏྠཱཡ ཨཱཝཛྫནཱཡ སམུདཡོ པཉྙིནྡྲིཡསྶ སམུདཡོ ཧོཏི, དསྶནཝསེན ཚནྡསྶ སམུདཡོ པཉྙིནྡྲིཡསྶ སམུདཡོ ཧོཏི, དསྶནཝསེན མནསིཀཱརསྶ སམུདཡོ པཉྙིནྡྲིཡསྶ སམུདཡོ ཧོཏི, པཉྙིནྡྲིཡསྶ ཝསེན ཨེཀཏྟུཔཊྛཱནཾ པཉྙིནྡྲིཡསྶ སམུདཡོ ¶ ཧོཏི. ཨདྷིམོཀྑཏྠཱཡ ཨཱཝཛྫནཱཡ སམུདཡོ སདྡྷིནྡྲིཡསྶ སམུདཡོ ཧོཏི, པགྒཧཏྠཱཡ ཨཱཝཛྫནཱཡ སམུདཡོ ཝཱིརིཡིནྡྲིཡསྶ སམུདཡོ ཧོཏི, ཨུཔཊྛཱནཏྠཱཡ ཨཱཝཛྫནཱཡ སམུདཡོ ¶ སཏིནྡྲིཡསྶ སམུདཡོ ཧོཏི, ཨཝིཀྑེཔཏྠཱཡ ཨཱཝཛྫནཱཡ སམུདཡོ སམཱདྷིནྡྲིཡསྶ སམུདཡོ ཧོཏི, དསྶནཏྠཱཡ ཨཱཝཛྫནཱཡ སམུདཡོ པཉྙིནྡྲིཡསྶ སམུདཡོ ཧོཏི. ཨདྷིམོཀྑཝསེན ཚནྡསྶ སམུདཡོ སདྡྷིནྡྲིཡསྶ སམུདཡོ ཧོཏི, པགྒཧཝསེན ཚནྡསྶ སམུདཡོ ཝཱིརིཡིནྡྲིཡསྶ སམུདཡོ ¶ ཧོཏི, ཨུཔཊྛཱནཝསེན ཚནྡསྶ སམུདཡོ སཏིནྡྲིཡསྶ སམུདཡོ ཧོཏི, ཨཝིཀྑེཔཝསེན ཚནྡསྶ སམུདཡོ སམཱདྷིནྡྲིཡསྶ སམུདཡོ ཧོཏི, དསྶནཝསེན ཚནྡསྶ སམུདཡོ པཉྙིནྡྲིཡསྶ སམུདཡོ ཧོཏི. ཨདྷིམོཀྑཝསེན མནསིཀཱརསྶ སམུདཡོ སདྡྷིནྡྲིཡསྶ སམུདཡོ ཧོཏི, པགྒཧཝསེན མནསིཀཱརསྶ སམུདཡོ ཝཱིརིཡིནྡྲིཡསྶ སམུདཡོ ཧོཏི, ཨུཔཊྛཱནཝསེན མནསིཀཱརསྶ སམུདཡོ སཏིནྡྲིཡསྶ སམུདཡོ ཧོཏི, ཨཝིཀྑེཔཝསེན མནསིཀཱརསྶ སམུདཡོ སམཱདྷིནྡྲིཡསྶ སམུདཡོ ཧོཏི, དསྶནཝསེན མནསིཀཱརསྶ སམུདཡོ པཉྙིནྡྲིཡསྶ སམུདཡོ ཧོཏི. སདྡྷིནྡྲིཡསྶ ཝསེན ཨེཀཏྟུཔཊྛཱནཾ སདྡྷིནྡྲིཡསྶ སམུདཡོ ཧོཏི ཝཱིརིཡིནྡྲིཡསྶ ཝསེན ཨེཀཏྟུཔཊྛཱནཾ ཝཱིརིཡིནྡྲིཡསྶ སམུདཡོ ཧོཏི, སཏིནྡྲིཡསྶ ཝསེན ཨེཀཏྟུཔཊྛཱནཾ སཏིནྡྲིཡསྶ སམུདཡོ ཧོཏི, སམཱདྷིནྡྲིཡསྶ ཝསེན ཨེཀཏྟུཔཊྛཱནཾ སམཱདྷིནྡྲིཡསྶ སམུདཡོ ཧོཏི ¶ , པཉྙིནྡྲིཡསྶ ཝསེན ཨེཀཏྟུཔཊྛཱནཾ པཉྙིནྡྲིཡསྶ སམུདཡོ ཧོཏི.

ཨིམེཧི ཙཏྟཱརཱིསཱཡ ཨཱཀཱརེཧི པཉྩནྣཾ ཨིནྡྲིཡཱནཾ སམུདཡོ ཧོཏི, ཨིམེཧི ཙཏྟཱརཱིསཱཡ ཨཱཀཱརེཧི པཉྩནྣཾ ཨིནྡྲིཡཱནཾ སམུདཡཾ པཛཱནཱཏི.

ཀཏམེཧི ཙཏྟཱརཱིསཱཡ ཨཱཀཱརེཧི པཉྩནྣཾ ཨིནྡྲིཡཱནཾ ཨཏྠངྒམོ ཧོཏི; ཀཏམེཧི ཙཏྟཱརཱིསཱཡ ¶ ཨཱཀཱརེཧི པཉྩནྣཾ ཨིནྡྲིཡཱནཾ ཨཏྠངྒམཾ པཛཱནཱཏི? ཨདྷིམོཀྑཏྠཱཡ ཨཱཝཛྫནཱཡ ཨཏྠངྒམོ སདྡྷིནྡྲིཡསྶ ཨཏྠངྒམོ ཧོཏི, ཨདྷིམོཀྑཝསེན ཚནྡསྶ ཨཏྠངྒམོ སདྡྷིནྡྲིཡསྶ ཨཏྠངྒམོ ཧོཏི, ཨདྷིམོཀྑཝསེན མནསིཀཱརསྶ ཨཏྠངྒམོ སདྡྷིནྡྲིཡསྶ ཨཏྠངྒམོ ཧོཏི, སདྡྷིནྡྲིཡསྶ ཝསེན ཨེཀཏྟཨནུཔཊྛཱནཾ [ཨེཀཏྟཾ ཨནུཔཊྛཱནཾ (སྱཱ.)] སདྡྷིནྡྲིཡསྶ ཝསེན ཨཏྠངྒམོ ཧོཏི; པགྒཧཏྠཱཡ ཨཱཝཛྫནཱཡ ཨཏྠངྒམོ ཝཱིརིཡིནྡྲིཡསྶ ཨཏྠངྒམོ ཧོཏི, པགྒཧཝསེན ཚནྡསྶ ཨཏྠངྒམོ ཝཱིརིཡིནྡྲིཡསྶ ཨཏྠངྒམོ ¶ ཧོཏི, པགྒཧཝསེན མནསིཀཱརསྶ ཨཏྠངྒམོ ཝཱིརིཡིནྡྲིཡསྶ ཨཏྠངྒམོ ཧོཏི, ཝཱིརིཡིནྡྲིཡསྶ ཝསེན ཨེཀཏྟཨནུཔཊྛཱནཾ ཝཱིརིཡིནྡྲིཡསྶ ཨཏྠངྒམོ ཧོཏི; ཨུཔཊྛཱནཏྠཱཡ ཨཱཝཛྫནཱཡ ཨཏྠངྒམོ སཏིནྡྲིཡསྶ ཨཏྠངྒམོ ཧོཏི, ཨུཔཊྛཱནཝསེན ཚནྡསྶ ཨཏྠངྒམོ སཏིནྡྲིཡསྶ ཨཏྠངྒམོ ཧོཏི, ཨུཔཊྛཱནཝསེན མནསིཀཱརསྶ ཨཏྠངྒམོ སཏིནྡྲིཡསྶ ཨཏྠངྒམོ ཧོཏི, སཏིནྡྲིཡསྶ ཝསེན ¶ ཨེཀཏྟཨནུཔཊྛཱནཾ སཏིནྡྲིཡསྶ ཨཏྠངྒམོ ཧོཏི; ཨཝིཀྑེཔཏྠཱཡ ¶ ཨཱཝཛྫནཱཡ ཨཏྠངྒམོ སམཱདྷིནྡྲིཡསྶ ཨཏྠངྒམོ ཧོཏི, ཨཝིཀྑེཔཝསེན ཚནྡསྶ ཨཏྠངྒམོ སམཱདྷིནྡྲིཡསྶ ཨཏྠངྒམོ ཧོཏི, ཨཝིཀྑེཔཝསེན མནསིཀཱརསྶ ཨཏྠངྒམོ སམཱདྷིནྡྲིཡསྶ ཨཏྠངྒམོ ཧོཏི, སམཱདྷིནྡྲིཡསྶ ཝསེན ཨེཀཏྟཨནུཔཊྛཱནཾ སམཱདྷིནྡྲིཡསྶ ཨཏྠངྒམོ ཧོཏི; དསྶནཏྠཱཡ ཨཱཝཛྫནཱཡ ཨཏྠངྒམོ པཉྙིནྡྲིཡསྶ ཨཏྠངྒམོ ཧོཏི, དསྶནཝསེན ཚནྡསྶ ཨཏྠངྒམོ པཉྙིནྡྲིཡསྶ ཨཏྠངྒམོ ཧོཏི, དསྶནཝསེན མནསིཀཱརསྶ ཨཏྠངྒམོ པཉྙིནྡྲིཡསྶ ཨཏྠངྒམོ ཧོཏི, པཉྙིནྡྲིཡསྶ ཝསེན ཨེཀཏྟཨནུཔཊྛཱནཾ པཉྙིནྡྲིཡསྶ ཨཏྠངྒམོ ཧོཏི.

ཨདྷིམོཀྑཏྠཱཡ ཨཱཝཛྫནཱཡ ཨཏྠངྒམོ སདྡྷིནྡྲིཡསྶ ཨཏྠངྒམོ ཧོཏི, པགྒཧཏྠཱཡ ཨཱཝཛྫནཱཡ ཨཏྠངྒམོ ཝཱིརིཡིནྡྲིཡསྶ ཨཏྠངྒམོ ཧོཏི, ཨུཔཊྛཱནཏྠཱཡ ཨཱཝཛྫནཱཡ ཨཏྠངྒམོ སཏིནྡྲིཡསྶ ཨཏྠངྒམོ ཧོཏི, ཨཝིཀྑེཔཏྠཱཡ ཨཱཝཛྫནཱཡ ཨཏྠངྒམོ སམཱདྷིནྡྲིཡསྶ ཨཏྠངྒམོ ཧོཏི, དསྶནཏྠཱཡ ཨཱཝཛྫནཱཡ ཨཏྠངྒམོ པཉྙིནྡྲིཡསྶ ཨཏྠངྒམོ ཧོཏི. ཨདྷིམོཀྑཝསེན ཚནྡསྶ ཨཏྠངྒམོ སདྡྷིནྡྲིཡསྶ ཨཏྠངྒམོ ཧོཏི, པགྒཧཝསེན ཚནྡསྶ ཨཏྠངྒམོ ཝཱིརིཡིནྡྲིཡསྶ ཨཏྠངྒམོ ཧོཏི, ཨུཔཊྛཱནཝསེན ཚནྡསྶ ཨཏྠངྒམོ སཏིནྡྲིཡསྶ ཨཏྠངྒམོ ཧོཏི, ཨཝིཀྑེཔཝསེན ཚནྡསྶ ཨཏྠངྒམོ སམཱདྷིནྡྲིཡསྶ ཨཏྠངྒམོ ཧོཏི, དསྶནཝསེན ཚནྡསྶ ཨཏྠངྒམོ པཉྙིནྡྲིཡསྶ ཨཏྠངྒམོ ¶ ཧོཏི. ཨདྷིམོཀྑཝསེན མནསིཀཱརསྶ ཨཏྠངྒམོ སདྡྷིནྡྲིཡསྶ ¶ ཨཏྠངྒམོ ཧོཏི, པགྒཧཝསེན མནསིཀཱརསྶ ཨཏྠངྒམོ ཝཱིརིཡིནྡྲིཡསྶ ཨཏྠངྒམོ ཧོཏི, ཨུཔཊྛཱནཝསེན མནསིཀཱརསྶ ཨཏྠངྒམོ སཏིནྡྲིཡསྶ ཨཏྠངྒམོ ཧོཏི, ཨཝིཀྑེཔཝསེན མནསིཀཱརསྶ ཨཏྠངྒམོ སམཱདྷིནྡྲིཡསྶ ཨཏྠངྒམོ ཧོཏི, དསྶནཝསེན མནསིཀཱརསྶ ཨཏྠངྒམོ པཉྙིནྡྲིཡསྶ ཨཏྠངྒམོ ཧོཏི. སདྡྷིནྡྲིཡསྶ ཝསེན ཨེཀཏྟཨནུཔཊྛཱནཾ སདྡྷིནྡྲིཡསྶ ¶ ཨཏྠངྒམོ ཧོཏི, ཝཱིརིཡིནྡྲིཡསྶ ཝསེན ཨེཀཏྟཨནུཔཊྛཱནཾ ཝཱིརིཡིནྡྲིཡསྶ ཨཏྠངྒམོ ཧོཏི, སཏིནྡྲིཡསྶ ཝསེན ཨེཀཏྟཨནུཔཊྛཱནཾ སཏིནྡྲིཡསྶ ཨཏྠངྒམོ ཧོཏི, སམཱདྷིནྡྲིཡསྶ ཝསེན ཨེཀཏྟཨནུཔཊྛཱནཾ སམཱདྷིནྡྲིཡསྶ ཨཏྠངྒམོ ཧོཏི, པཉྙིནྡྲིཡསྶ ཝསེན ཨེཀཏྟཨནུཔཊྛཱནཾ པཉྙིནྡྲིཡསྶ ཨཏྠངྒམོ ཧོཏི.

ཨིམེཧི ¶ ཙཏྟཱརཱིསཱཡ ཨཱཀཱརེཧི པཉྩནྣཾ ཨིནྡྲིཡཱནཾ ཨཏྠངྒམོ ཧོཏི; ཨིམེཧི ཙཏྟཱརཱིསཱཡ ཨཱཀཱརེཧི པཉྩནྣཾ ཨིནྡྲིཡཱནཾ ཨཏྠངྒམཾ པཛཱནཱཏི.

ཀ. ཨསྶཱདནིདྡེསོ

༡༨༩. ཀཏམེཧི པཉྩཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཨསྶཱདོ ཧོཏི; ཀཏམེཧི པཉྩཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཨསྶཱདཾ པཛཱནཱཏི? ཨསྶདྡྷིཡསྶ ཨནུཔཊྛཱནཾ སདྡྷིནྡྲིཡསྶ ཨསྶཱདོ ཧོཏི, ཨསྶདྡྷིཡཔརིལཱ༹ཧསྶ ཨནུཔཊྛཱནཾ སདྡྷིནྡྲིཡསྶ ཨསྶཱདོ ཧོཏི, ཨདྷིམོཀྑཙརིཡཱཡ ཝེསཱརཛྫཾ སདྡྷིནྡྲིཡསྶ ཨསྶཱདོ ཧོཏི, སནྟོ ཙ ཝིཧཱརཱདྷིགམོ སདྡྷིནྡྲིཡསྶ ¶ ཨསྶཱདོ ཧོཏི, ཡཾ སདྡྷིནྡྲིཡཾ པཊིཙྩ ཨུཔྤཛྫཏི སུཁཾ སོམནསྶཾ ཨཡཾ སདྡྷིནྡྲིཡསྶ ཨསྶཱདོ.

ཀོསཛྫསྶ ཨནུཔཊྛཱནཾ ཝཱིརིཡིནྡྲིཡསྶ ཨསྶཱདོ ཧོཏི, ཀོསཛྫཔརིལཱ༹ཧསྶ ཨནུཔཊྛཱནཾ ཝཱིརིཡིནྡྲིཡསྶ ཨསྶཱདོ ཧོཏི, པགྒཧཙརིཡཱཡ ཝེསཱརཛྫཾ ཝཱིརིཡིནྡྲིཡསྶ ཨསྶཱདོ ཧོཏི, སནྟོ ཙ ཝིཧཱརཱདྷིགམོ ཝཱིརིཡིནྡྲིཡསྶ ཨསྶཱདོ ཧོཏི, ཡཾ ཝཱིརིཡིནྡྲིཡཾ པཊིཙྩ ཨུཔྤཛྫཏི སུཁཾ སོམནསྶཾ ཨཡཾ ཝཱིརིཡིནྡྲིཡསྶ ཨསྶཱདོ.

པམཱདསྶ ཨནུཔཊྛཱནཾ སཏིནྡྲིཡསྶ ཨསྶཱདོ ཧོཏི, པམཱདཔརིལཱ༹ཧསྶ ཨནུཔཊྛཱནཾ སཏིནྡྲིཡསྶ ཨསྶཱདོ ཧོཏི, ཨུཔཊྛཱནཙརིཡཱཡ ཝེསཱརཛྫཾ སཏིནྡྲིཡསྶ ཨསྶཱདོ ཧོཏི, སནྟོ ཙ ཝིཧཱརཱདྷིགམོ སཏིནྡྲིཡསྶ ཨསྶཱདོ ཧོཏི, ཡཾ ¶ སཏིནྡྲིཡཾ པཊིཙྩ ཨུཔྤཛྫཏི སུཁཾ སོམནསྶཾ ཨཡཾ སཏིནྡྲིཡསྶ ཨསྶཱདོ.

ཨུདྡྷཙྩསྶ ཨནུཔཊྛཱནཾ སམཱདྷིནྡྲིཡསྶ ཨསྶཱདོ ཧོཏི, ཨུདྡྷཙྩཔརིལཱ༹ཧསྶ ཨནུཔཊྛཱནཾ སམཱདྷིནྡྲིཡསྶ ཨསྶཱདོ ཧོཏི, ཨཝིཀྑེཔཙརིཡཱཡ ཝེསཱརཛྫཾ སམཱདྷིནྡྲིཡསྶ ཨསྶཱདོ ཧོཏི, སནྟོ ཙ ཝིཧཱརཱདྷིགམོ སམཱདྷིནྡྲིཡསྶ ཨསྶཱདོ ཧོཏི, ཡཾ སམཱདྷིནྡྲིཡཾ པཊིཙྩ ཨུཔྤཛྫཏི སུཁཾ སོམནསྶཾ ཨཡཾ སམཱདྷིནྡྲིཡསྶ ཨསྶཱདོ.

ཨཝིཛྫཱཡ ¶ ཨནུཔཊྛཱནཾ པཉྙིནྡྲིཡསྶ ཨསྶཱདོ ཧོཏི, ཨཝིཛྫཱཔརིལཱ༹ཧསྶ ཨནུཔཊྛཱནཾ པཉྙིནྡྲིཡསྶ ཨསྶཱདོ ཧོཏི, དསྶནཙརིཡཱཡ ཝེསཱརཛྫཾ པཉྙིནྡྲིཡསྶ ཨསྶཱདོ ཧོཏི ¶ , སནྟོ ཙ ཝིཧཱརཱདྷིགམོ པཉྙིནྡྲིཡསྶ ¶ ཨསྶཱདོ ཧོཏི, ཡཾ པཉྙིནྡྲིཡཾ པཊིཙྩ ཨུཔྤཛྫཏི སུཁཾ སོམནསྶཾ ཨཡཾ པཉྙིནྡྲིཡསྶ ཨསྶཱདོ.

ཨིམེཧི པཉྩཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཨསྶཱདོ ཧོཏི; ཨིམེཧི པཉྩཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཨསྶཱདཾ པཛཱནཱཏི.

ཁ. ཨཱདཱིནཝནིདྡེསོ

༡༩༠. ཀཏམེཧི པཉྩཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཨཱདཱིནཝོ ཧོཏི; ཀཏམེཧི པཉྩཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཨཱདཱིནཝཾ པཛཱནཱཏི? ཨསྶདྡྷིཡསྶ ཨུཔཊྛཱནཾ སདྡྷིནྡྲིཡསྶ ཨཱདཱིནཝོ ཧོཏི, ཨསྶདྡྷིཡཔརིལཱ༹ཧསྶ ཨུཔཊྛཱནཾ སདྡྷིནྡྲིཡསྶ ཨཱདཱིནཝོ ཧོཏི, ཨནིཙྩཊྛེན སདྡྷིནྡྲིཡསྶ ཨཱདཱིནཝོ ཧོཏི, དུཀྑཊྛེན སདྡྷིནྡྲིཡསྶ ཨཱདཱིནཝོ ཧོཏི, ཨནཏྟཊྛེན སདྡྷིནྡྲིཡསྶ ཨཱདཱིནཝོ ཧོཏི.

ཀོསཛྫསྶ ཨུཔཊྛཱནཾ ཝཱིརིཡིནྡྲིཡསྶ ཨཱདཱིནཝོ ཧོཏི, ཀོསཛྫཔརིལཱ༹ཧསྶ ཨུཔཊྛཱནཾ ཝཱིརིཡིནྡྲིཡསྶ ཨཱདཱིནཝོ ཧོཏི, ཨནིཙྩཊྛེན ཝཱིརིཡིནྡྲིཡསྶ ཨཱདཱིནཝོ ཧོཏི, དུཀྑཊྛེན…པེ… ཨནཏྟཊྛེན ཝཱིརིཡིནྡྲིཡསྶ ཨཱདཱིནཝོ ཧོཏི.

པམཱདསྶ ཨུཔཊྛཱནཾ སཏིནྡྲིཡསྶ ཨཱདཱིནཝོ ཧོཏི, པམཱདཔརིལཱ༹ཧསྶ ཨུཔཊྛཱནཾ སཏིནྡྲིཡསྶ ཨཱདཱིནཝོ ཧོཏི, ཨནིཙྩཊྛེན སཏིནྡྲིཡསྶ ཨཱདཱིནཝོ ཧོཏི, དུཀྑཊྛེན…པེ… ཨནཏྟཊྛེན སཏིནྡྲིཡསྶ ཨཱདཱིནཝོ ཧོཏི.

ཨུདྡྷཙྩསྶ ཨུཔཊྛཱནཾ སམཱདྷིནྡྲིཡསྶ ཨཱདཱིནཝོ ཧོཏི, ཨུདྡྷཙྩཔརིལཱ༹ཧསྶ ཨུཔཊྛཱནཾ ¶ སམཱདྷིནྡྲིཡསྶ ¶ ཨཱདཱིནཝོ ཧོཏི, ཨནིཙྩཊྛེན སམཱདྷིནྡྲིཡསྶ ཨཱདཱིནཝོ ཧོཏི, དུཀྑཊྛེན…པེ… ཨནཏྟཊྛེན སམཱདྷིནྡྲིཡསྶ ཨཱདཱིནཝོ ཧོཏི.

ཨཝིཛྫཱཡ ཨུཔཊྛཱནཾ པཉྙིནྡྲིཡསྶ ཨཱདཱིནཝོ ཧོཏི, ཨཝིཛྫཱཔརིལཱ༹ཧསྶ ཨུཔཊྛཱནཾ པཉྙིནྡྲིཡསྶ ཨཱདཱིནཝོ ཧོཏི, ཨནིཙྩཊྛེན པཉྙིནྡྲིཡསྶ ཨཱདཱིནཝོ ཧོཏི, དུཀྑཊྛེན པཉྙིནྡྲིཡསྶ ཨཱདཱིནཝོ ཧོཏི, ཨནཏྟཊྛེན པཉྙིནྡྲིཡསྶ ཨཱདཱིནཝོ ཧོཏི.

ཨིམེཧི ¶ ¶ པཉྩཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཨཱདཱིནཝོ ཧོཏི; ཨིམེཧི པཉྩཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཨཱདཱིནཝཾ པཛཱནཱཏི.

ག. ནིསྶརཎནིདྡེསོ

༡༩༡. ཀཏམེཧི ཨསཱིཏིསཏཾ ཨཱཀཱརེཧི པཉྩནྣཾ ཨིནྡྲིཡཱནཾ ནིསྶརཎཾ ཧོཏི; ཀཏམེཧི ཨསཱིཏིསཏཾ ཨཱཀཱརེཧི པཉྩནྣཾ ཨིནྡྲིཡཱནཾ ནིསྶརཎཾ པཛཱནཱཏི? ཨདྷིམོཀྑཊྛེན སདྡྷིནྡྲིཡཾ ཨསྶདྡྷིཡཱ ནིསྶཊཾ ཧོཏི, ཨསྶདྡྷིཡཔརིལཱ༹ཧཱ ནིསྶཊཾ ཧོཏི, ཏདནུཝཏྟཀཀིལེསེཧི ཙ ཁནྡྷེཧི ཙ ནིསྶཊཾ ཧོཏི, བཧིདྡྷཱ ཙ སབྦནིམིཏྟེཧི ནིསྶཊཾ ཧོཏི, ཏཏོ པཎཱིཏཏརསདྡྷིནྡྲིཡསྶ པཊིལཱབྷཱ པུརིམཏརསདྡྷིནྡྲིཡཱ ནིསྶཊཾ ཧོཏི; པགྒཧཊྛེན ཝཱིརིཡིནྡྲིཡཾ ཀོསཛྫཱ ནིསྶཊཾ ཧོཏི, ཀོསཛྫཔརིལཱ༹ཧཱ ནིསྶཊཾ ཧོཏི, ཏདནུཝཏྟཀཀིལེསེཧི ཙ ཁནྡྷེཧི ཙ ནིསྶཊཾ ཧོཏི, བཧིདྡྷཱ ཙ སབྦནིམིཏྟེཧི ནིསྶཊཾ ཧོཏི, ཏཏོ པཎཱིཏཏརཝཱིརིཡིནྡྲིཡསྶ པཊིལཱབྷཱ པུརིམཏརཝཱིརིཡིནྡྲིཡཱ ནིསྶཊཾ ཧོཏི; ཨུཔཊྛཱནཊྛེན སཏིནྡྲིཡཾ པམཱདཱ ནིསྶཊཾ ཧོཏི, པམཱདཔརིལཱ༹ཧཱ ནིསྶཊཾ ཧོཏི ¶ , ཏདནུཝཏྟཀཀིལེསེཧི ཙ ཁནྡྷེཧི ཙ ནིསྶཊཾ ཧོཏི, བཧིདྡྷཱ ཙ སབྦནིམིཏྟེཧི ནིསྶཊཾ ཧོཏི, ཏཏོ པཎཱིཏཏརསཏིནྡྲིཡསྶ པཊིལཱབྷཱ པུརིམཏརསཏིནྡྲིཡཱ ནིསྶཊཾ ཧོཏི; ཨཝིཀྑེཔཊྛེན སམཱདྷིནྡྲིཡཾ ཨུདྡྷཙྩཱ ནིསྶཊཾ ཧོཏི, ཨུདྡྷཙྩཔརིལཱ༹ཧཱ ནིསྶཊཾ ཧོཏི, ཏདནུཝཏྟཀཀིལེསེཧི ཙ ཁནྡྷེཧི ཙ ནིསྶཊཾ ཧོཏི, བཧིདྡྷཱ ཙ སབྦནིམིཏྟེཧི ནིསྶཊཾ ཧོཏི, ཏཏོ པཎཱིཏཏརསམཱདྷིནྡྲིཡསྶ པཊིལཱབྷཱ པུརིམཏརསམཱདྷིནྡྲིཡཱ ནིསྶཊཾ ཧོཏི; དསྶནཊྛེན པཉྙིནྡྲིཡཾ ཨཝིཛྫཱཡ ནིསྶཊཾ ཧོཏི, ཨཝིཛྫཱཔརིལཱ༹ཧཱ ནིསྶཊཾ ཧོཏི, ཏདནུཝཏྟཀཀིལེསེཧི ཙ ཁནྡྷེཧི ཙ ནིསྶཊཾ ཧོཏི, བཧིདྡྷཱ ཙ སབྦནིམིཏྟེཧི ནིསྶཊཾ ཧོཏི, ཏཏོ པཎཱིཏཏརཔཉྙིནྡྲིཡསྶ པཊིལཱབྷཱ པུརིམཏརཔཉྙིནྡྲིཡཱ ནིསྶཊཾ ཧོཏི.

༡༩༢. པུབྦབྷཱགེ པཉྩཧི ཨིནྡྲིཡེཧི པཋམཛ྄ཛྷཱནཝསེན པཉྩིནྡྲིཡཱནི ནིསྶཊཱནི ཧོནྟི, པཋམེ ཛྷཱནེ པཉྩཧིནྡྲིཡེཧི དུཏིཡཛ྄ཛྷཱནཝསེན པཉྩིནྡྲིཡཱནི ནིསྶཊཱནི ཧོནྟི, དུཏིཡེ ཛྷཱནེ པཉྩཧིནྡྲིཡེཧི ཏཏིཡཛ྄ཛྷཱནཝསེན པཉྩིནྡྲིཡཱནི ནིསྶཊཱནི ཧོནྟི, ཏཏིཡེ ཛྷཱནེ པཉྩཧིནྡྲིཡེཧི ཙཏུཏྠཛ྄ཛྷཱནཝསེན པཉྩིནྡྲིཡཱནི ནིསྶཊཱནི ཧོནྟི, ཙཏུཏྠེ ཛྷཱནེ པཉྩཧིནྡྲིཡེཧི ཨཱཀཱསཱནཉྩཱཡཏནསམཱཔཏྟིཝསེན པཉྩིནྡྲིཡཱནི ནིསྶཊཱནི ཧོནྟི ¶ , ཨཱཀཱསཱནཉྩཱཡཏནསམཱཔཏྟིཡཱ པཉྩཧིནྡྲིཡེཧི ཝིཉྙཱཎཉྩཱཡཏནསམཱཔཏྟིཝསེན པཉྩིནྡྲིཡཱནི ¶ ནིསྶཊཱནི ཧོནྟི, ཝིཉྙཱཎཉྩཱཡཏནསམཱཔཏྟིཡཱ པཉྩཧིནྡྲིཡེཧི ཨཱཀིཉྩཉྙཱཡཏནསམཱཔཏྟིཝསེན ¶ པཉྩིནྡྲིཡཱནི ནིསྶཊཱནི ཧོནྟི, ཨཱཀིཉྩཉྙཱཡཏནསམཱཔཏྟིཡཱ པཉྩཧིནྡྲིཡེཧི ནེཝསཉྙཱནཱསཉྙཱཡཏནསམཱཔཏྟིཝསེན པཉྩིནྡྲིཡཱནི ¶ ནིསྶཊཱནི ཧོནྟི, ནེཝསཉྙཱནཱསཉྙཱཡཏནསམཱཔཏྟིཡཱ པཉྩཧིནྡྲིཡེཧི ཨནིཙྩཱནུཔསྶནཱཝསེན པཉྩིནྡྲིཡཱནི ནིསྶཊཱནི ཧོནྟི.

ཨནིཙྩཱནུཔསྶནཱ པཉྩཧིནྡྲིཡེཧི དུཀྑཱནུཔསྶནཱཝསེ པཉྩིནྡྲིཡཱནི ནིསྶཊཱནི ཧོནྟི, དུཀྑཱནུཔསྶནཱ པཉྩཧིནྡྲིཡེཧི ཨནཏྟཱནུཔསྶནཱཝསེ པཉྩིནྡྲིཡཱནི ནིསྶཊཱནི ཧོནྟི, ཨནཏྟཱནུཔསྶནཱ པཉྩཧིནྡྲིཡེཧི ནིབྦིདཱནུཔསྶནཱཝསེན པཉྩིནྡྲིཡཱནི ནིསྶཊཱནི ཧོནྟི, ནིབྦིདཱནུཔསྶནཱཡ པཉྩཧིནྡྲིཡེཧི ཝིརཱགཱནུཔསྶནཱཝསེན པཉྩིནྡྲིཡཱནི ནིསྶཊཱནི ཧོནྟི, ཝིརཱགཱནུཔསྶནཱཡ པཉྩཧིནྡྲིཡེཧི ནིརོདྷཱནུཔསྶནཱཝསེན པཉྩིནྡྲིཡཱནི ནིསྶཊཱནི ཧོནྟི, ནིརོདྷཱནུཔསྶནཱཡ པཉྩཧིནྡྲིཡེཧི པཊིནིསྶགྒཱནུཔསྶནཱཝསེན པཉྩིནྡྲིཡཱནི ནིསྶཊཱནི ཧོནྟི, པཊིནིསྶགྒཱནུཔསྶནཱཡ པཉྩཧིནྡྲིཡེཧི ཁཡཱནུཔསྶནཱཝསེན པཉྩིནྡྲིཡཱནི ནིསྶཊཱནི ཧོནྟི, ཁཡཱནུཔསྶནཱཡ པཉྩཧིནྡྲིཡེཧི ཝཡཱནུཔསྶནཱཝསེན པཉྩིནྡྲིཡཱནི ནིསྶཊཱནི ཧོནྟི, ཝཡཱནུཔསྶནཱཡ པཉྩཧིནྡྲིཡེཧི ཝིཔརིཎཱམཱནུཔསྶནཱཝསེན པཉྩིནྡྲིཡཱནི ནིསྶཊཱནི ཧོནྟི, ཝིཔརིཎཱམཱནུཔསྶནཱཡ པཉྩཧིནྡྲིཡེཧི ཨནིམིཏྟཱནུཔསྶནཱཝསེན པཉྩིནྡྲིཡཱནི ནིསྶཊཱནི ཧོནྟི, ཨནིམིཏྟཱནུཔསྶནཱཡ པཉྩཧིནྡྲིཡེཧི ཨཔྤཎིཧིཏཱནུཔསྶནཱཝསེན པཉྩིནྡྲིཡཱནི ¶ ནིསྶཊཱནི ཧོནྟི, ཨཔྤཎིཧིཏཱནུཔསྶནཱཡ པཉྩཧིནྡྲིཡེཧི སུཉྙཏཱནུཔསྶནཱཝསེན པཉྩིནྡྲིཡཱནི ནིསྶཊཱནི ཧོནྟི སུཉྙཏཱནུཔསྶནཱཡ པཉྩཧིནྡྲིཡེཧི ཨདྷིཔཉྙཱདྷམྨཝིཔསྶནཱཝསེན པཉྩིནྡྲིཡཱནི ནིསྶཊཱནི ཧོནྟི. ཨདྷིཔཉྙཱདྷམྨཝིཔསྶནཱཡ པཉྩཧིནྡྲིཡེཧི ཡཐཱབྷཱུཏཉཱཎདསྶནཝསེན པཉྩིནྡྲིཡཱནི ནིསྶཊཱནི ཧོནྟི, ཡཐཱབྷཱུཏཉཱཎདསྶནེ པཉྩཧིནྡྲིཡེཧི ཨཱདཱིནཝཱནུཔསྶནཱཝསེན པཉྩིནྡྲིཡཱནི ནིསྶཊཱནི ཧོནྟི, ཨཱདཱིནཝཱནུཔསྶནཱཡ པཉྩཧིནྡྲིཡེཧི པཊིསངྑཱནུཔསྶནཱཝསེན པཉྩིནྡྲིཡཱནི ནིསྶཊཱནི ཧོནྟི, པཊིསངྑཱནུཔསྶནཱཡ པཉྩཧིནྡྲིཡེཧི ཝིཝཊྚནཱནུཔསྶནཱཝསེན པཉྩིནྡྲིཡཱནི ནིསྶཊཱནི ཧོནྟི. ཝིཝཊྚནཱནུཔསྶནཱཡ པཉྩཧིནྡྲིཡེཧི སོཏཱཔཏྟིམགྒཝསེན པཉྩིནྡྲིཡཱནི ནིསྶཊཱནི ཧོནྟི.

སོཏཱཔཏྟིམགྒེ ¶ པཉྩཧིནྡྲིཡེཧི སོཏཱཔཏྟིཕལསམཱཔཏྟིཝསེན ¶ པཉྩིནྡྲིཡཱནི ནིསྶཊཱནི ཧོནྟི, སོཏཱཔཏྟིཕལསམཱཔཏྟིཡཱ པཉྩཧིནྡྲིཡེཧི སཀདཱགཱམིམགྒཝསེན པཉྩིནྡྲིཡཱནི ནིསྶཊཱནི ཧོནྟི, སཀདཱགཱམིམགྒེ པཉྩཧིནྡྲིཡེཧི སཀདཱགཱམིཕལསམཱཔཏྟིཝསེན པཉྩིནྡྲིཡཱནི ནིསྶཊཱནི ཧོནྟི, སཀདཱགཱམིཕལསམཱཔཏྟིཡཱ པཉྩཧིནྡྲིཡེཧི ཨནཱགཱམིམགྒཝསེན པཉྩིནྡྲིཡཱནི ནིསྶཊཱནི ཧོནྟི, ཨནཱགཱམིམགྒེ པཉྩཧིནྡྲིཡེཧི ཨནཱགཱམིཕལསམཱཔཏྟིཝསེན པཉྩིནྡྲིཡཱནི ནིསྶཊཱནི ཧོནྟི, ཨནཱགཱམིཕལསམཱཔཏྟིཡཱ པཉྩཧིནྡྲིཡེཧི ¶ ཨརཧཏྟམགྒཝསེན པཉྩིནྡྲིཡཱནི ནིསྶཊཱནི ཧོནྟི, ཨརཧཏྟམགྒེ ¶ པཉྩཧིནྡྲིཡེཧི ཨརཧཏྟཕལསམཱཔཏྟིཝསེན པཉྩིནྡྲིཡཱནི ནིསྶཊཱནི ཧོནྟི.

ནེཀྑམྨེ པཉྩིནྡྲིཡཱནི ཀཱམཙྪནྡཏོ ནིསྶཊཱནི ཧོནྟི, ཨབྱཱཔཱདེ པཉྩིནྡྲིཡཱནི བྱཱཔཱདཏོ ནིསྶཊཱནི ཧོནྟི, ཨཱལོཀསཉྙཱཡ པཉྩིནྡྲིཡཱནི ཐིནམིདྡྷཏོ ནིསྶཊཱནི ཧོནྟི, ཨཝིཀྑེཔེ པཉྩིནྡྲིཡཱནི ཨུདྡྷཙྩཏོ ནིསྶཊཱནི ཧོནྟི, དྷམྨཝཝཏྠཱནེ པཉྩིནྡྲིཡཱནི ཝིཙིཀིཙྪཱཡ ནིསྶཊཱནི ཧོནྟི, ཉཱཎེ པཉྩིནྡྲིཡཱནི ཨཝིཛྫཱཡ ནིསྶཊཱནི ཧོནྟི, པཱམོཛྫེ པཉྩིནྡྲིཡཱནི ཨརཏིཡཱ ནིསྶཊཱནི ཧོནྟི.

༡༩༣. པཋམེ ཛྷཱནེ པཉྩིནྡྲིཡཱནི ནཱིཝརཎེཧི ནིསྶཊཱནི ཧོནྟི, དུཏིཡེ ཛྷཱནེ པཉྩིནྡྲིཡཱནི ཝིཏཀྐཝིཙཱརེཧི ནིསྶཊཱནི ཧོནྟི, ཏཏིཡེ ཛྷཱནེ པཉྩིནྡྲིཡཱནི པཱིཏིཡཱ ནིསྶཊཱནི ཧོནྟི, ཙཏུཏྠེ ཛྷཱནེ པཉྩིནྡྲིཡཱནི སུཁདུཀྑེཧི ནིསྶཊཱནི ཧོནྟི, ཨཱཀཱསཱནཉྩཱཡཏནསམཱཔཏྟིཡཱ པཉྩིནྡྲིཡཱནི རཱུཔསཉྙཱཡ པཊིགྷསཉྙཱཡ ནཱནཏྟསཉྙཱཡ ནིསྶཊཱནི ཧོནྟི, ཝིཉྙཱཎཉྩཱཡཏནསམཱཔཏྟིཡཱ པཉྩིནྡྲིཡཱནི ཨཱཀཱསཱནཉྩཱཡཏནསཉྙཱཡ ནིསྶཊཱནི ཧོནྟི, ཨཱཀིཉྩཉྙཱཡཏནསམཱཔཏྟིཡཱ པཉྩིནྡྲིཡཱནི ཝིཉྙཱཎཉྩཱཡཏནསཉྙཱཡ ནིསྶཊཱནི ཧོནྟི, ནེཝསཉྙཱནཱསཉྙཱཡཏནསམཱཔཏྟིཡཱ པཉྩིནྡྲིཡཱནི ཨཱཀིཉྩཉྙཱཡཏནསཉྙཱཡ ནིསྶཊཱནི ཧོནྟི.

ཨནིཙྩཱནུཔསྶནཱ པཉྩིནྡྲིཡཱནི ནིཙྩསཉྙཱཡ ནིསྶཊཱནི ཧོནྟི, དུཀྑཱནུཔསྶནཱ པཉྩིནྡྲིཡཱནི སུཁསཉྙཱཡ ནིསྶཊཱནི ཧོནྟི, ཨནཏྟཱནུཔསྶནཱ པཉྩིནྡྲིཡཱནི ¶ ཨཏྟསཉྙཱཡ ནིསྶཊཱནི ཧོནྟི, ནིབྦིདཱནུཔསྶནཱཡ པཉྩིནྡྲིཡཱནི ནནྡིཡཱ ནིསྶཊཱནི ཧོནྟི, ཝིརཱགཱནུཔསྶནཱཡ པཉྩིནྡྲིཡཱནི རཱགཏོ ནིསྶཊཱནི ཧོནྟི, ནིརོདྷཱནུཔསྶནཱཡ པཉྩིནྡྲིཡཱནི སམུདཡཏོ ནིསྶཊཱནི ¶ ཧོནྟི, པཊིནིསྶགྒཱནུཔསྶནཱཡ པཉྩིནྡྲིཡཱནི ཨཱདཱནཏོ ནིསྶཊཱནི ཧོནྟི, ཁཡཱནུཔསྶནཱཡ པཉྩིནྡྲིཡཱནི གྷནསཉྙཱཡ ནིསྶཊཱནི ཧོནྟི ¶ , ཝཡཱནུཔསྶནཱཡ པཉྩིནྡྲིཡཱནི ཨཱཡཱུཧནཏོ ནིསྶཊཱནི ཧོནྟི, ཝིཔརིཎཱམཱནུཔསྶནཱཡ པཉྩིནྡྲིཡཱནི དྷུཝསཉྙཱཡ ནིསྶཊཱནི ཧོནྟི, ཨནིམིཏྟཱནུཔསྶནཱཡ པཉྩིནྡྲིཡཱནི ནིམིཏྟཏོ ནིསྶཊཱནི ཧོནྟི, ཨཔྤཎིཧིཏཱནུཔསྶནཱཡ པཉྩིནྡྲིཡཱནི པཎིདྷིཡཱ ནིསྶཊཱནི ཧོནྟི, སུཉྙཏཱནུཔསྶནཱཡ པཉྩིནྡྲིཡཱནི ཨབྷིནིཝེསཏོ ནིསྶཊཱནི ཧོནྟི. ཨདྷིཔཉྙཱདྷམྨཝིཔསྶནཱཡ པཉྩིནྡྲིཡཱནི སཱརཱདཱནཱབྷིནིཝེསཏོ ནིསྶཊཱནི ཧོནྟི, ཡཐཱབྷཱུཏཉཱཎདསྶནེ པཉྩིནྡྲིཡཱནི སམྨོཧཱབྷིནིཝེསཏོ ནིསྶཊཱནི ཧོནྟི, ཨཱདཱིནཝཱནུཔསྶནཱཡ པཉྩིནྡྲིཡཱནི ཨཱལཡཱབྷིནིཝེསཏོ ¶ ནིསྶཊཱནི ཧོནྟི, པཊིསངྑཱནུཔསྶནཱཡ པཉྩིནྡྲིཡཱནི ཨཔྤཊིསངྑཱཡ ནིསྶཊཱནི ཧོནྟི, ཝིཝཊྚནཱནུཔསྶནཱཡ པཉྩིནྡྲིཡཱནི སཉྙོགཱབྷིནིཝེསཏོ ནིསྶཊཱནི ཧོནྟི.

སོཏཱཔཏྟིམགྒེ པཉྩིནྡྲིཡཱནི དིཊྛེཀཊྛེཧི ཀིལེསེཧི ནིསྶཊཱནི ཧོནྟི, སཀདཱགཱམིམགྒེ པཉྩིནྡྲིཡཱནི ཨོལཱ༹རིཀེཧི ཀིལེསེཧི ནིསྶཊཱནི ཧོནྟི, ཨནཱགཱམིམགྒེ པཉྩིནྡྲིཡཱནི ཨནུསཧགཏེཧི ཀིལེསེཧི ནིསྶཊཱནི ¶ ཧོནྟི, ཨརཧཏྟམགྒེ པཉྩིནྡྲིཡཱནི སབྦཀིལེསེཧི ནིསྶཊཱནི ཧོནྟི, སབྦེསཉྙེཝ ཁཱིཎཱསཝཱནཾ ཏཏྠ ཏཏྠ པཉྩིནྡྲིཡཱནི ནིསྶཊཱནི ཙེཝ ཧོནྟི སུནིསྶཊཱནི ཙ པཊིཔྤསྶདྡྷཱནི ཙ སུཔྤཊིཔྤསྶདྡྷཱནི ཙ.

ཨིམེཧི ཨསཱིཏིསཏཾ ཨཱཀཱརེཧི པཉྩནྣཾ ཨིནྡྲིཡཱནཾ ནིསྶརཎཾ ཧོཏི; ཨིམེཧི ཨསཱིཏིསཏཾ ཨཱཀཱརེཧི པཉྩནྣཾ ཨིནྡྲིཡཱནཾ ནིསྶརཎཾ པཛཱནཱཏི.

སུཏྟནྟནིདྡེསོ དུཏིཡོ.

པཋམབྷཱཎཝཱརོ.

༣. ཏཏིཡསུཏྟནྟནིདྡེསོ

༡༩༤. སཱཝཏྠིནིདཱནཾ [སཾ. ནི. ༥.༤༧༨-༤༧༩ པསྶིཏབྦཱ]. ‘‘པཉྩིམཱནི, བྷིཀྑཝེ, ཨིནྡྲིཡཱནི. ཀཏམཱནི པཉྩ? སདྡྷིནྡྲིཡཾ, ཝཱིརིཡིནྡྲིཡཾ, སཏིནྡྲིཡཾ, སམཱདྷིནྡྲིཡཾ, པཉྙིནྡྲིཡཾ. ཀཏྠ ཙ, བྷིཀྑཝེ, སདྡྷིནྡྲིཡཾ དཊྛབྦཾ? ཙཏཱུསུ སོཏཱཔཏྟིཡངྒེསུ – ཨེཏྠ སདྡྷིནྡྲིཡཾ དཊྛབྦཾ. ཀཏྠ ཙ, བྷིཀྑཝེ, ཝཱིརིཡིནྡྲིཡཾ དཊྛབྦཾ? ཙཏཱུསུ ¶ སམྨཔྤདྷཱནེསུ – ཨེཏྠ ཝཱིརིཡིནྡྲིཡཾ དཊྛབྦཾ. ཀཏྠ ཙ ¶ , བྷིཀྑཝེ, སཏིནྡྲིཡཾ དཊྛབྦཾ? ཙཏཱུསུ སཏིཔཊྛཱནེསུ – ཨེཏྠ སཏིནྡྲིཡཾ དཊྛབྦཾ. ཀཏྠ ཙ, བྷིཀྑཝེ, སམཱདྷིནྡྲིཡཾ དཊྛབྦཾ? ཙཏཱུསུ ཛྷཱནེསུ – ཨེཏྠ སམཱདྷིནྡྲིཡཾ དཊྛབྦཾ. ཀཏྠ ཙ, བྷིཀྑཝེ, པཉྙིནྡྲིཡཾ དཊྛབྦཾ? ཙཏཱུསུ ཨརིཡསཙྩེསུ – ཨེཏྠ ¶ པཉྙིནྡྲིཡཾ དཊྛབྦཾ’’.

ཙཏཱུསུ སོཏཱཔཏྟིཡངྒེསུ སདྡྷིནྡྲིཡསྶ ཝསེན ཀཏིཧཱཀཱརེཧི པཉྩིནྡྲིཡཱནི དཊྛབྦཱནི? ཙཏཱུསུ སམྨཔྤདྷཱནེསུ ཝཱིརིཡིནྡྲིཡསྶ ཝསེན ཀཏིཧཱཀཱརེཧི པཉྩིནྡྲིཡཱནི དཊྛབྦཱནི? ཙཏཱུསུ སཏིཔཊྛཱནེསུ སཏིནྡྲིཡསྶ ཝསེན ཀཏིཧཱཀཱརེཧི པཉྩིནྡྲིཡཱནི དཊྛབྦཱནི? ཙཏཱུསུ ཛྷཱནེསུ སམཱདྷིནྡྲིཡསྶ ¶ ཝསེན ཀཏིཧཱཀཱརེཧི པཉྩིནྡྲིཡཱནི དཊྛབྦཱནི? ཙཏཱུསུ ཨརིཡསཙྩེསུ པཉྙིནྡྲིཡསྶ ཝསེན ཀཏིཧཱཀཱརེཧི པཉྩིནྡྲིཡཱནི དཊྛབྦཱནི?

ཙཏཱུསུ སོཏཱཔཏྟིཡངྒེསུ སདྡྷིནྡྲིཡསྶ ཝསེན ཝཱིསཏིཡཱ ཨཱཀཱརེཧི པཉྩིནྡྲིཡཱནི དཊྛབྦཱནི. ཙཏཱུསུ སམྨཔྤདྷཱནེསུ ཝཱིརིཡིནྡྲིཡསྶ ཝསེན ཝཱིསཏིཡཱ ཨཱཀཱརེཧི པཉྩིནྡྲིཡཱནི དཊྛབྦཱནི. ཙཏཱུསུ སཏིཔཊྛཱནེསུ སཏིནྡྲིཡསྶ ཝསེན ཝཱིསཏིཡཱ ཨཱཀཱརེཧི པཉྩིནྡྲིཡཱནི དཊྛབྦཱནི. ཙཏཱུསུ ཛྷཱནེསུ སམཱདྷིནྡྲིཡསྶ ཝསེན ཝཱིསཏིཡཱ ཨཱཀཱརེཧི པཉྩིནྡྲིཡཱནི དཊྛབྦཱནི. ཙཏཱུསུ ཨརིཡསཙྩེསུ པཉྙིནྡྲིཡསྶ ཝསེན ཝཱིསཏིཡཱ ཨཱཀཱརེཧི པཉྩིནྡྲིཡཱནི དཊྛབྦཱནི.

ཀ. པབྷེདགཎནནིདྡེསོ

༡༩༥. ཙཏཱུསུ སོཏཱཔཏྟིཡངྒེསུ སདྡྷིནྡྲིཡསྶ ཝསེན ཀཏམེཧི ཝཱིསཏིཡཱ ཨཱཀཱརེཧི པཉྩིནྡྲིཡཱནི དཊྛབྦཱནི? སཔྤུརིསསཾསེཝེ སོཏཱཔཏྟིཡངྒེ ཨདྷིམོཀྑཱདྷིཔཏེཡྻཊྛེན སདྡྷིནྡྲིཡཾ དཊྛབྦཾ, སདྡྷིནྡྲིཡསྶ ཝསེན པགྒཧཊྛེན ཝཱིརིཡིནྡྲིཡཾ དཊྛབྦཾ, ཨུཔཊྛཱནཊྛེན སཏིནྡྲིཡཾ དཊྛབྦཾ, ཨཝིཀྑེཔཊྛེན སམཱདྷིནྡྲིཡཾ དཊྛབྦཾ ¶ , དསྶནཊྛེན པཉྙིནྡྲིཡཾ དཊྛབྦཾ; སདྡྷམྨསཝནེ སོཏཱཔཏྟིཡངྒེ… ཡོནིསོམནསིཀཱརེ ¶ སོཏཱཔཏྟིཡངྒེ… དྷམྨཱནུདྷམྨཔཊིཔཏྟིཡཱ སོཏཱཔཏྟིཡངྒེ ཨདྷིམོཀྑཱདྷིཔཏེཡྻཊྛེན སདྡྷིནྡྲིཡཾ དཊྛབྦཾ, སདྡྷིནྡྲིཡསྶ ཝསེན པགྒཧཊྛེན ཝཱིརིཡིནྡྲིཡཾ དཊྛབྦཾ, ཨུཔཊྛཱནཊྛེན སཏིནྡྲིཡཾ དཊྛབྦཾ, ཨཝིཀྑེཔཊྛེན སམཱདྷིནྡྲིཡཾ དཊྛབྦཾ, དསྶནཊྛེན པཉྙིནྡྲིཡཾ དཊྛབྦཾ. ཙཏཱུསུ སོཏཱཔཏྟིཡངྒེསུ སདྡྷིནྡྲིཡསྶ ཝསེན ཨིམེཧི ཝཱིསཏིཡཱ ཨཱཀཱརེཧི པཉྩིནྡྲིཡཱནི དཊྛབྦཱནི.

ཙཏཱུསུ ¶ སམྨཔྤདྷཱནེསུ ཝཱིརིཡིནྡྲིཡསྶ ཝསེན ཀཏམེཧི ཝཱིསཏིཡཱ ཨཱཀཱརེཧི པཉྩིནྡྲིཡཱནི དཊྛབྦཱནི? ཨནུཔྤནྣཱནཾ པཱཔཀཱནཾ ཨཀུསལཱནཾ དྷམྨཱནཾ ཨནུཔྤཱདཱཡ སམྨཔྤདྷཱནེ པགྒཧཱདྷིཔཏེཡྻཊྛེན ཝཱིརིཡིནྡྲིཡཾ དཊྛབྦཾ, ཝཱིརིཡིནྡྲིཡསྶ ཝསེན ཨུཔཊྛཱནཊྛེན སཏིནྡྲིཡཾ དཊྛབྦཾ, ཨཝིཀྑེཔཊྛེན སམཱདྷིནྡྲིཡཾ དཊྛབྦཾ, དསྶནཊྛེན པཉྙིནྡྲིཡཾ དཊྛབྦཾ, ཨདྷིམོཀྑཊྛེན སདྡྷིནྡྲིཡཾ དཊྛབྦཾ. ཨུཔྤནྣཱནཾ པཱཔཀཱནཾ ཨཀུསལཱནཾ དྷམྨཱནཾ པཧཱནཱཡ སམྨཔྤདྷཱནེ…པེ… ཨནུཔྤནྣཱནཾ ཀུསལཱནཾ དྷམྨཱནཾ ཨུཔྤཱདཱཡ སམྨཔྤདྷཱནེ…པེ… ཨུཔྤནྣཱནཾ ཀུསལཱནཾ དྷམྨཱནཾ ཋིཏིཡཱ ཨསམྨོསཱཡ བྷིཡྻོབྷཱཝཱཡ ཝེཔུལླཱཡ བྷཱཝནཱཡ པཱརིཔཱུརིཡཱ སམྨཔྤདྷཱནེ པགྒཧཱདྷིཔཏེཡྻཊྛེན ཝཱིརིཡིནྡྲིཡཾ དཊྛབྦཾ, ཝཱིརིཡིནྡྲིཡསྶ ཝསེན ཨུཔཊྛཱནཊྛེན སཏིནྡྲིཡཾ དཊྛབྦཾ, ཨཝིཀྑེཔཊྛེན སམཱདྷིནྡྲིཡཾ ¶ ¶ དཊྛབྦཾ, དསྶནཊྛེན པཉྙིནྡྲིཡཾ དཊྛབྦཾ, ཨདྷིམོཀྑཊྛེན སདྡྷིནྡྲིཡཾ དཊྛབྦཾ. ཙཏཱུསུ སམྨཔྤདྷཱནེསུ ཝཱིརིཡིནྡྲིཡསྶ ཝསེན ཨིམེཧི ཝཱིསཏིཡཱ ཨཱཀཱརེཧི པཉྩིནྡྲིཡཱནི དཊྛབྦཱནི.

ཙཏཱུསུ སཏིཔཊྛཱནེསུ སཏིནྡྲིཡསྶ ཝསེན ཀཏམེཧི ཝཱིསཏིཡཱ ཨཱཀཱརེཧི པཉྩིནྡྲིཡཱནི དཊྛབྦཱནི? ཀཱཡེ ཀཱཡཱནུཔསྶནཱསཏིཔཊྛཱནེ ཨུཔཊྛཱནཱདྷིཔཏེཡྻཊྛེན སཏིནྡྲིཡཾ དཊྛབྦཾ, སཏིནྡྲིཡསྶ ཝསེན ཨཝིཀྑེཔཊྛེན སམཱདྷིནྡྲིཡཾ དཊྛབྦཾ, དསྶནཊྛེན པཉྙིནྡྲིཡཾ དཊྛབྦཾ, ཨདྷིམོཀྑཊྛེན སདྡྷིནྡྲིཡཾ དཊྛབྦཾ, པགྒཧཊྛེན ཝཱིརིཡིནྡྲིཡཾ དཊྛབྦཾ. ཝེདནཱསུ ཝེདནཱནུཔསྶནཱསཏིཔཊྛཱནེ…པེ… ཙིཏྟེ ཙིཏྟཱནུཔསྶནཱསཏིཔཊྛཱནེ… དྷམྨེསུ དྷམྨཱནུཔསྶནཱསཏིཔཊྛཱནེ ཨུཔཊྛཱནཱདྷིཔཏེཡྻཊྛེན སཏིནྡྲིཡཾ དཊྛབྦཾ, སཏིནྡྲིཡསྶ ¶ ཝསེན ཨཝིཀྑེཔཊྛེན སམཱདྷིནྡྲིཡཾ དཊྛབྦཾ, དསྶནཊྛེན པཉྙིནྡྲིཡཾ དཊྛབྦཾ, ཨདྷིམོཀྑཊྛེན སདྡྷིནྡྲིཡཾ དཊྛབྦཾ, པགྒཧཊྛེན ཝཱིརིཡིནྡྲིཡཾ དཊྛབྦཾ. ཙཏཱུསུ སཏིཔཊྛཱནེསུ སཏིནྡྲིཡསྶ ཝསེན ཨིམེཧི ཝཱིསཏིཡཱ ཨཱཀཱརེཧི པཉྩིནྡྲིཡཱནི དཊྛབྦཱནི.

ཙཏཱུསུ ཛྷཱནེསུ སམཱདྷིནྡྲིཡསྶ ཝསེན ཀཏམེཧི ཝཱིསཏིཡཱ ཨཱཀཱརེཧི པཉྩིནྡྲིཡཱནི དཊྛབྦཱནི? པཋམེ ཛྷཱནེ ཨཝིཀྑེཔཱདྷིཔཏེཡྻཊྛེན སམཱདྷིནྡྲིཡཾ དཊྛབྦཾ, སམཱདྷིནྡྲིཡསྶ ཝསེན དསྶནཊྛེན ¶ པཉྙིནྡྲིཡཾ དཊྛབྦཾ, ཨདྷིམོཀྑཊྛེན སདྡྷིནྡྲིཡཾ དཊྛབྦཾ, པགྒཧཊྛེན ཝཱིརིཡིནྡྲིཡཾ དཊྛབྦཾ, ཨུཔཊྛཱནཊྛེན སཏིནྡྲིཡཾ དཊྛབྦཾ. དུཏིཡེ ཛྷཱནེ…པེ… ཏཏིཡེ ཛྷཱནེ… ཙཏུཏྠེ ཛྷཱནེ ཨཝིཀྑེཔཱདྷིཔཏེཡྻཊྛེན སམཱདྷིནྡྲིཡཾ དཊྛབྦཾ, སམཱདྷིནྡྲིཡསྶ ཝསེན དསྶནཊྛེན པཉྙིནྡྲིཡཾ དཊྛབྦཾ, ཨདྷིམོཀྑཊྛེན སདྡྷིནྡྲིཡཾ དཊྛབྦཾ, པགྒཧཊྛེན ཝཱིརིཡིནྡྲིཡཾ ¶ དཊྛབྦཾ, ཨུཔཊྛཱནཊྛེན སཏིནྡྲིཡཾ དཊྛབྦཾ. ཙཏཱུསུ ཛྷཱནེསུ སམཱདྷིནྡྲིཡསྶ ཝསེན ཨིམེཧི ཝཱིསཏིཡཱ ཨཱཀཱརེཧི པཉྩིནྡྲིཡཱནི དཊྛབྦཱནི.

ཙཏཱུསུ ཨརིཡསཙྩེསུ པཉྙིནྡྲིཡསྶ ཝསེན ཀཏམེཧི ཝཱིསཏིཡཱ ཨཱཀཱརེཧི པཉྩིནྡྲིཡཱནི དཊྛབྦཱནི? དུཀྑེ ཨརིཡསཙྩེ དསྶནཱདྷིཔཏེཡྻཊྛེན པཉྙིནྡྲིཡཾ དཊྛབྦཾ, པཉྙིནྡྲིཡསྶ ཝསེན ཨདྷིམོཀྑཊྛེན སདྡྷིནྡྲིཡཾ དཊྛབྦཾ, པགྒཧཊྛེན ཝཱིརིཡིནྡྲིཡཾ དཊྛབྦཾ, ཨུཔཊྛཱནཊྛེན སཏིནྡྲིཡཾ དཊྛབྦཾ, ཨཝིཀྑེཔཊྛེན སམཱདྷིནྡྲིཡཾ དཊྛབྦཾ. དུཀྑསམུདཡེ ཨརིཡསཙྩེ…པེ… དུཀྑནིརོདྷེ ཨརིཡསཙྩེ… དུཀྑནིརོདྷགཱམིནིཡཱ པཊིཔདཱཡ ཨརིཡསཙྩེ དསྶནཱདྷིཔཏེཡྻཊྛེན པཉྙིནྡྲིཡཾ དཊྛབྦཾ, པཉྙིནྡྲིཡསྶ ཝསེན ཨདྷིམོཀྑཊྛེན སདྡྷིནྡྲིཡཾ དཊྛབྦཾ, པགྒཧཊྛེན ཝཱིརིཡིནྡྲིཡཾ དཊྛབྦཾ, ཨུཔཊྛཱནཊྛེན སཏིནྡྲིཡཾ དཊྛབྦཾ, ཨཝིཀྑེཔཊྛེན སམཱདྷིནྡྲིཡཾ ¶ དཊྛབྦཾ. ཙཏཱུསུ ཨརིཡསཙྩེསུ པཉྙིནྡྲིཡསྶ ཝསེན ཨིམེཧི ཝཱིསཏིཡཱ ཨཱཀཱརེཧི པཉྩིནྡྲིཡཱནི དཊྛབྦཱནི.

ཁ. ཙརིཡཝཱརོ

༡༩༦. ཙཏཱུསུ ¶ སོཏཱཔཏྟིཡངྒེསུ སདྡྷིནྡྲིཡསྶ ཝསེན ཀཏིཧཱཀཱརེཧི པཉྩནྣཾ ཨིནྡྲིཡཱནཾ ཙརིཡཱ དཊྛབྦཱ?

ཙཏཱུསུ སམྨཔྤདྷཱནེསུ…པེ… ཙཏཱུསུ སཏིཔཊྛཱནེསུ… ཙཏཱུསུ ཛྷཱནེསུ… ཙཏཱུསུ ཨརིཡསཙྩེསུ པཉྙིནྡྲིཡསྶ ཝསེན ཀཏིཧཱཀཱརེཧི པཉྩནྣཾ ཨིནྡྲིཡཱནཾ ཙརིཡཱ དཊྛབྦཱ? ཙཏཱུསུ སོཏཱཔཏྟིཡངྒེསུ སདྡྷིནྡྲིཡསྶ ཝསེན ཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཙརིཡཱ དཊྛབྦཱ. ཙཏཱུསུ སམྨཔྤདྷཱནེསུ…པེ… ཙཏཱུསུ སཏིཔཊྛཱནེསུ… ཙཏཱུསུ ¶ ཛྷཱནེསུ… ཙཏཱུསུ ཨརིཡསཙྩེསུ པཉྙིནྡྲིཡསྶ ཝསེན ཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཙརིཡཱ དཊྛབྦཱ.

ཙཏཱུསུ སོཏཱཔཏྟིཡངྒེསུ སདྡྷིནྡྲིཡསྶ ཝསེན ཀཏམེཧི ཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཙརིཡཱ དཊྛབྦཱ? སཔྤུརིསསཾསེཝེ སོཏཱཔཏྟིཡངྒེ ཨདྷིམོཀྑཱདྷིཔཏེཡྻཊྛེན སདྡྷིནྡྲིཡསྶ ཙརིཡཱ དཊྛབྦཱ, སདྡྷིནྡྲིཡསྶ ཝསེན པགྒཧཊྛེན ཝཱིརིཡིནྡྲིཡསྶ ཙརིཡཱ དཊྛབྦཱ, ཨུཔཊྛཱནཊྛེན སཏིནྡྲིཡསྶ ཙརིཡཱ དཊྛབྦཱ, ཨཝིཀྑེཔཊྛེན སམཱདྷིནྡྲིཡསྶ ཙརིཡཱ དཊྛབྦཱ, དསྶནཊྛེན པཉྙིནྡྲིཡསྶ ཙརིཡཱ དཊྛབྦཱ. སདྡྷམྨསཝནེ སོཏཱཔཏྟིཡངྒེ…པེ… ཡོནིསོ མནསིཀཱརེ སོཏཱཔཏྟིཡངྒེ… དྷམྨཱནུདྷམྨཔཊིཔཏྟིཡཱ སོཏཱཔཏྟིཡངྒེ ཨདྷིམོཀྑཱདྷིཔཏེཡྻཊྛེན སདྡྷིནྡྲིཡསྶ ཙརིཡཱ དཊྛབྦཱ, སདྡྷིནྡྲིཡསྶ ཝསེན པགྒཧཊྛེན ཝཱིརིཡིནྡྲིཡསྶ ཙརིཡཱ ¶ དཊྛབྦཱ, ཨུཔཊྛཱནཊྛེན སཏིནྡྲིཡསྶ ཙརིཡཱ ¶ དཊྛབྦཱ, ཨཝིཀྑེཔཊྛེན སམཱདྷིནྡྲིཡསྶ ཙརིཡཱ དཊྛབྦཱ, དསྶནཊྛེན པཉྙིནྡྲིཡསྶ ཙརིཡཱ དཊྛབྦཱ. ཙཏཱུསུ སོཏཱཔཏྟིཡངྒེསུ སདྡྷིནྡྲིཡསྶ ཝསེན ཨིམེཧི ཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཙརིཡཱ དཊྛབྦཱ.

ཙཏཱུསུ སམྨཔྤདྷཱནེསུ ཝཱིརིཡིནྡྲིཡསྶ ཝསེན ཀཏམེཧི ཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཙརིཡཱ དཊྛབྦཱ? ཨནུཔྤནྣཱནཾ པཱཔཀཱནཾ ཨཀུསལཱནཾ དྷམྨཱནཾ ཨནུཔྤཱདཱཡ སམྨཔྤདྷཱནེ པགྒཧཱདྷིཔཏེཡྻཊྛེན ཝཱིརིཡིནྡྲིཡསྶ ཙརིཡཱ དཊྛབྦཱ, ཝཱིརིཡིནྡྲིཡསྶ ཝསེན ཨུཔཊྛཱནཊྛེན སཏིནྡྲིཡསྶ ཙརིཡཱ དཊྛབྦཱ, ཨཝིཀྑེཔཊྛེན སམཱདྷིནྡྲིཡསྶ ཙརིཡཱ དཊྛབྦཱ, དསྶནཊྛེན པཉྙིནྡྲིཡསྶ ཙརིཡཱ དཊྛབྦཱ, ཨདྷིམོཀྑཊྛེན སདྡྷིནྡྲིཡསྶ ཙརིཡཱ དཊྛབྦཱ. ཨུཔྤནྣཱནཾ པཱཔཀཱནཾ ¶ ཨཀུསལཱནཾ དྷམྨཱནཾ པཧཱནཱཡ སམྨཔྤདྷཱནེ…པེ… ཨནུཔྤནྣཱནཾ ཀུསལཱནཾ དྷམྨཱནཾ ཨུཔྤཱདཱཡ སམྨཔྤདྷཱནེ…པེ… ཨུཔྤནྣཱནཾ ཀུསལཱནཾ དྷམྨཱནཾ ཋིཏིཡཱ ཨསམྨོསཱཡ བྷིཡྻོབྷཱཝཱཡ ཝེཔུལླཱཡ བྷཱཝནཱཡ པཱརིཔཱུརིཡཱ སམྨཔྤདྷཱནེ པགྒཧཱདྷིཔཏེཡྻཊྛེན ཝཱིརིཡིནྡྲིཡསྶ ཙརིཡཱ དཊྛབྦཱ…པེ… ཙཏཱུསུ ¶ སམྨཔྤདྷཱནེསུ ཝཱིརིཡིནྡྲིཡསྶ ཝསེན ཨིམེཧི ཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཙརིཡཱ དཊྛབྦཱ.

ཙཏཱུསུ སཏིཔཊྛཱནེསུ སཏིནྡྲིཡསྶ ཝསེན ཀཏམེཧི ཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཙརིཡཱ དཊྛབྦཱ? ཀཱཡེ ཀཱཡཱནུཔསྶནཱསཏིཔཊྛཱནེ ¶ ཨུཔཊྛཱནཱདྷིཔཏེཡྻཊྛེན སཏིནྡྲིཡསྶ ཙརིཡཱ དཊྛབྦཱ, སཏིནྡྲིཡསྶ ཝསེན ཨཝིཀྑེཔཊྛེན སམཱདྷིནྡྲིཡསྶ ཙརིཡཱ དཊྛབྦཱ, དསྶནཊྛེན པཉྙིནྡྲིཡསྶ ཙརིཡཱ དཊྛབྦཱ, ཨདྷིམོཀྑཊྛེན སདྡྷིནྡྲིཡསྶ ཙརིཡཱ དཊྛབྦཱ, པགྒཧཊྛེན ཝཱིརིཡིནྡྲིཡསྶ ཙརིཡཱ དཊྛབྦཱ. ཝེདནཱསུ ཝེདནཱནུཔསྶནཱསཏིཔཊྛཱནེ…པེ… ཙིཏྟེ ཙིཏྟཱནུཔསྶནཱསཏིཔཊྛཱནེ…པེ… དྷམྨེསུ དྷམྨཱནུཔསྶནཱསཏིཔཊྛཱནེ ཨུཔཊྛཱནཱདྷིཔཏེཡྻཊྛེན སཏིནྡྲིཡསྶ ཙརིཡཱ དཊྛབྦཱ…པེ… ཙཏཱུསུ སཏིཔཊྛཱནེསུ སཏིནྡྲིཡསྶ ཝསེན ཨིམེཧི ཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཙརིཡཱ དཊྛབྦཱ.

ཙཏཱུསུ ཛྷཱནེསུ སམཱདྷིནྡྲིཡསྶ ཝསེན ཀཏམེཧི ཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཙརིཡཱ དཊྛབྦཱ? པཋམེ ཛྷཱནེ ཨཝིཀྑེཔཱདྷིཔཏེཡྻཊྛེན སམཱདྷིནྡྲིཡསྶ ཙརིཡཱ དཊྛབྦཱ, སམཱདྷིནྡྲིཡསྶ ཝསེན དསྶནཊྛེན པཉྙིནྡྲིཡསྶ ཙརིཡཱ དཊྛབྦཱ, ཨདྷིམོཀྑཊྛེན སདྡྷིནྡྲིཡསྶ ཙརིཡཱ དཊྛབྦཱ, པགྒཧཊྛེན ཝཱིརིཡིནྡྲིཡསྶ ཙརིཡཱ དཊྛབྦཱ, ཨུཔཊྛཱནཊྛེན སཏིནྡྲིཡསྶ ¶ ཙརིཡཱ དཊྛབྦཱ. དུཏིཡེ ཛྷཱནེ…པེ… ཏཏིཡེ ཛྷཱནེ…པེ… ཙཏུཏྠེ ཛྷཱནེ ཨཝིཀྑེཔཱདྷིཔཏེཡྻཊྛེན སམཱདྷིནྡྲིཡསྶ ཙརིཡཱ དཊྛབྦཱ…པེ… ¶ ཙཏཱུསུ ཛྷཱནེསུ སམཱདྷིནྡྲིཡསྶ ཝསེན ཨིམེཧི ཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཙརིཡཱ དཊྛབྦཱ.

ཙཏཱུསུ ཨརིཡསཙྩེསུ པཉྙིནྡྲིཡསྶ ཝསེན ཀཏམེཧི ཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཙརིཡཱ དཊྛབྦཱ? དུཀྑེ ཨརིཡསཙྩེ དསྶནཱདྷིཔཏེཡྻཊྛེན པཉྙིནྡྲིཡསྶ ཙརིཡཱ དཊྛབྦཱ, པཉྙིནྡྲིཡསྶ ཝསེན ཨདྷིམོཀྑཊྛེན སདྡྷིནྡྲིཡསྶ ཙརིཡཱ དཊྛབྦཱ, པགྒཧཊྛེན ཝཱིརིཡིནྡྲིཡསྶ ཙརིཡཱ དཊྛབྦཱ, ཨུཔཊྛཱནཊྛེན སཏིནྡྲིཡསྶ ཙརིཡཱ དཊྛབྦཱ, ཨཝིཀྑེཔཊྛེན སམཱདྷིནྡྲིཡསྶ ཙརིཡཱ དཊྛབྦཱ. དུཀྑསམུདཡེ ཨརིཡསཙྩེ…པེ… དུཀྑནིརོདྷེ ཨརིཡསཙྩེ… དུཀྑནིརོདྷགཱམིནིཡཱ པཊིཔདཱཡ ཨརིཡསཙྩེ དསྶནཱདྷིཔཏེཡྻཊྛེན པཉྙིནྡྲིཡསྶ ཙརིཡཱ དཊྛབྦཱ, པཉྙིནྡྲིཡསྶ ཝསེན ཨདྷིམོཀྑཊྛེན སདྡྷིནྡྲིཡསྶ ཙརིཡཱ དཊྛབྦཱ, པགྒཧཊྛེན ¶ ཝཱིརིཡིནྡྲིཡསྶ ཙརིཡཱ དཊྛབྦཱ, ཨུཔཊྛཱནཊྛེན སཏིནྡྲིཡསྶ ཙརིཡཱ དཊྛབྦཱ, ཨཝིཀྑེཔཊྛེན ¶ སམཱདྷིནྡྲིཡསྶ ཙརིཡཱ དཊྛབྦཱ. ཙཏཱུསུ ཨརིཡསཙྩེསུ པཉྙིནྡྲིཡསྶ ཝསེན ཨིམེཧི ཝཱིསཏིཡཱ ཨཱཀཱརེཧི པཉྩནྣཾ ཨིནྡྲིཡཱནཾ ཙརིཡཱ དཊྛབྦཱ.

ག. ཙཱརཝིཧཱརནིདྡེསོ

༡༩༧. ཙཱརོ ཙ ཝིཧཱརོ ཙ ཨནུབུདྡྷོ ཧོཏི པཊིཝིདྡྷོ, ཡཐཱཙརནྟཾ ཡཐཱཝིཧརནྟཾ ཝིཉྙཱུ སབྲཧྨཙཱརཱི གམྦྷཱིརེསུ ཋཱནེསུ ཨོཀཔྤེཡྻུཾ ¶ – ‘‘ཨདྡྷཱ, ཨཡམཱཡསྨཱ པཏྟོ ཝཱ པཱཔུཎིསྶཏི ཝཱ’’.

ཙརིཡཱཏི ཨཊྛ ཙརིཡཱཡོ – ཨིརིཡཱཔཐཙརིཡཱ, ཨཱཡཏནཙརིཡཱ, སཏིཙརིཡཱ, སམཱདྷིཙརིཡཱ, ཉཱཎཙརིཡཱ, མགྒཙརིཡཱ, པཏྟིཙརིཡཱ, ལོཀཏྠཙརིཡཱཏི. ཨིརིཡཱཔཐཙརིཡཱཏི ཙཏཱུསུ ཨིརིཡཱཔཐེསུ. ཨཱཡཏནཙརིཡཱཏི ཚསུ ཨཛ྄ཛྷཏྟིཀབཱཧིརེསུ ཨཱཡཏནེསུ. སཏིཙརིཡཱཏི ཙཏཱུསུ སཏིཔཊྛཱནེསུ. སམཱདྷིཙརིཡཱཏི ཙཏཱུསུ ཛྷཱནེསུ. ཉཱཎཙརིཡཱཏི ཙཏཱུསུ ཨརིཡསཙྩེསུ. མགྒཙརིཡཱཏི ཙཏཱུསུ ཨརིཡམགྒེསུ. པཏྟིཙརིཡཱཏི ཙཏཱུསུ སཱམཉྙཕལེསུ. ལོཀཏྠཙརིཡཱཏི ཏཐཱགཏེསུ ཨརཧནྟེསུ སམྨཱསམྦུདྡྷེསུ, པདེསེ པཙྩེཀབུདྡྷེསུ, པདེསེ སཱཝཀེསུ. ཨིརིཡཱཔཐཙརིཡཱ ཙ པཎིདྷིསམྤནྣཱནཾ, ཨཱཡཏནཙརིཡཱ ཙ ཨིནྡྲིཡེསུ ¶ གུཏྟདྭཱརཱནཾ, སཏིཙརིཡཱ ཙ ཨཔྤམཱདཝིཧཱརཱིནཾ, སམཱདྷིཙརིཡཱ ཙ ཨདྷིཙིཏྟམནུཡུཏྟཱནཾ, ཉཱཎཙརིཡཱ ཙ བུདྡྷིསམྤནྣཱནཾ, མགྒཙརིཡཱ ཙ སམྨཱཔཊིཔནྣཱནཾ, པཏྟིཙརིཡཱ ཙ ཨདྷིགཏཕལཱནཾ, ལོཀཏྠཙརིཡཱ ཙ ཏཐཱགཏཱནཾ ཨརཧནྟཱནཾ སམྨཱསམྦུདྡྷཱནཾ, པདེསེ པཙྩེཀབུདྡྷཱནཾ, པདེསེ སཱཝཀཱནཾ. ཨིམཱ ཨཊྛ ཙརིཡཱཡོ.

ཨཔརཱཔི ¶ ཨཊྛ ཙརིཡཱཡོ. ཨདྷིམུཙྩནྟོ སདྡྷཱཡ ཙརཏི, པགྒཎྷནྟོ ཝཱིརིཡེན ཙརཏི, ཨུཔཊྛཱཔེནྟོ སཏིཡཱ ཙརཏི, ཨཝིཀྑེཔཾ ཀརོནྟོ ¶ སམཱདྷིནཱ ཙརཏི, པཛཱནནྟོ པཉྙཱཡ ཙརཏི, ཝིཛཱནནྟོ ཝིཉྙཱཎཙརིཡཱཡ ཙརཏི, ཨེཝཾ པཊིཔནྣསྶ ཀུསལཱ དྷམྨཱ ཨཱཡཱཔེནྟཱིཏི ཨཱཡཏནཙརིཡཱཡ ཙརཏི, ཨེཝཾ པཊིཔནྣོ ཝིསེསམདྷིགཙྪཏཱིཏི ཝིསེསཙརིཡཱཡ ཙརཏི – ཨིམཱ ཨཊྛ ཙརིཡཱཡོ.

ཨཔརཱཔི ཨཊྛ ཙརིཡཱཡོ. དསྶནཙརིཡཱ ཙ སམྨཱདིཊྛིཡཱ, ཨབྷིནིརོཔནཙརིཡཱ ཙ སམྨཱསངྐཔྤསྶ, པརིགྒཧཙརིཡཱ ཙ སམྨཱཝཱཙཱཡ, སམུཊྛཱནཙརིཡཱ ཙ སམྨཱཀམྨནྟསྶ, ཝོདཱནཙརིཡཱ ཙ སམྨཱཨཱཛཱིཝསྶ, པགྒཧཙརིཡཱ ཙ སམྨཱཝཱཡཱམསྶ, ཨུཔཊྛཱནཙརིཡཱ ཙ སམྨཱསཏིཡཱ, ཨཝིཀྑེཔཙརིཡཱ ཙ སམྨཱསམཱདྷིསྶ – ཨིམཱ ཨཊྛ ཙརིཡཱཡོ.

ཝིཧཱརོཏི ¶ ཨདྷིམུཙྩནྟོ སདྡྷཱཡ ཝིཧརཏི, པགྒཎྷནྟོ ཝཱིརིཡེན ཝིཧརཏི, ཨུཔཊྛཱཔེནྟོ སཏིཡཱ ཝིཧརཏི, ཨཝིཀྑེཔཾ ཀརོནྟོ སམཱདྷིནཱ ཝིཧརཏི, པཛཱནནྟོ པཉྙཱཡ ཝིཧརཏི.

ཨནུབུདྡྷོཏི སདྡྷིནྡྲིཡསྶ ཨདྷིམོཀྑཊྛོ ཨནུབུདྡྷོ ཧོཏི, ཝཱིརིཡིནྡྲིཡསྶ པགྒཧཊྛོ ཨནུབུདྡྷོ ཧོཏི, སཏིནྡྲིཡསྶ ཨུཔཊྛཱནཊྛོ ཨནུབུདྡྷོ ཧོཏི, སམཱདྷིནྡྲིཡསྶ ཨཝིཀྑེཔཊྛོ ཨནུབུདྡྷོ ཧོཏི, པཉྙིནྡྲིཡསྶ དསྶནཊྛོ ཨནུབུདྡྷོ ཧོཏི.

པཊིཝིདྡྷོཏི སདྡྷིནྡྲིཡསྶ ཨདྷིམོཀྑཊྛོ པཊིཝིདྡྷོ ཧོཏི, ཝཱིརིཡིནྡྲིཡསྶ པགྒཧཊྛོ པཊིཝིདྡྷོ ཧོཏི, སཏིནྡྲིཡསྶ ཨུཔཊྛཱནཊྛོ པཊིཝིདྡྷོ ཧོཏི, སམཱདྷིནྡྲིཡསྶ ཨཝིཀྑེཔཊྛོ པཊིཝིདྡྷོ ཧོཏི, པཉྙིནྡྲིཡསྶ ¶ དསྶནཊྛོ པཊིཝིདྡྷོ ཧོཏི. ཡཐཱཙརནྟནྟི ཨེཝཾ སདྡྷཱཡ ཙརནྟཾ, ཨེཝཾ ཝཱིརིཡེན ཙརནྟཾ, ཨེཝཾ སཏིཡཱ ཙརནྟཾ, ཨེཝཾ སམཱདྷིནཱ ཙརནྟཾ, ཨེཝཾ པཉྙཱཡ ཙརནྟཾ. ཡཐཱཝིཧརནྟནྟི ཨེཝཾ སདྡྷཱཡ ཝིཧརནྟཾ, ཨེཝཾ ཝཱིརིཡེན ཝིཧརནྟཾ, ཨེཝཾ སཏིཡཱ ཝིཧརནྟཾ, ཨེཝཾ སམཱདྷིནཱ ཝིཧརནྟཾ, ཨེཝཾ པཉྙཱཡ ཝིཧརནྟཾ. ཝིཉྙཱུཏི ¶ ཝིཉྙཱུ ¶ ཝིབྷཱཝཱི མེདྷཱཝཱི པཎྜིཏཱ བུདྡྷིསམྤནྣཱ. སབྲཧྨཙཱརཱིཏི ཨེཀཀམྨཾ ཨེཀུདྡེསོ སམསིཀྑཏཱ. གམྦྷཱིརེསུ ཋཱནེསཱུཏི གམྦྷཱིརཱནི ཋཱནཱནི ཝུཙྩནྟི ཛྷཱནཱ ཙ ཝིམོཀྑཱ ཙ སམཱདྷཱི ཙ སམཱཔཏྟིཡོ ཙ མགྒཱ ཙ ཕལཱནི ཙ ཨབྷིཉྙཱཡོ ཙ པཊིསམྦྷིདཱ ཙ. ཨོཀཔྤེཡྻུནྟི སདྡཧེཡྻུཾ ཨདྷིམུཙྩེཡྻུཾ. ཨདྡྷཱཏི ཨེཀཾསཝཙནམེཏཾ ནིསྶཾསཡཝཙནམེཏཾ ནིཀྐངྑཝཙནམེཏཾ ཨདྭེཛ྄ཛྷཝཙནམེཏཾ ཨདྭེལ༹ྷཀཝཙནམེཏཾ ནིཡོགཝཙནམེཏཾ ཨཔཎྞཀཝཙནམེཏཾ ཨཝཏྠཱཔནཝཙནམེཏཾ – ཨདྡྷཱཏི. ཨཱཡསྨཱཏི པིཡཝཙནམེཏཾ གརུཝཙནམེཏཾ སགཱརཝསཔྤཏིསྶཱདྷིཝཙནམེཏཾ – ཨཱཡསྨཱཏི. པཏྟོ ¶ ཝཱཏི ཨདྷིགཏོ ཝཱ. པཱཔུཎིསྶཏི ཝཱཏི ཨདྷིགམིསྶཏི ཝཱ.

སུཏྟནྟནིདྡེསོ ཏཏིཡོ.

༤. ཙཏུཏྠསུཏྟནྟནིདྡེསོ

༡༩༨. པུརིམནིདཱནཾ [པརིཔུཎྞནིདཱནཾ (སྱཱ. ཀ.)]. ‘‘པཉྩིམཱནི, བྷིཀྑཝེ, ཨིནྡྲིཡཱནི. ཀཏམཱནི པཉྩ? སདྡྷིནྡྲིཡཾ, ཝཱིརིཡིནྡྲིཡཾ, སཏིནྡྲིཡཾ, སམཱདྷིནྡྲིཡཾ, པཉྙིནྡྲིཡཾ – ཨིམཱནི ཁོ, བྷིཀྑཝེ, པཉྩིནྡྲིཡཱནི. ཨིམཱནི པཉྩིནྡྲིཡཱནི ཀཏིཧཱཀཱརེཧི ཀེནཊྛེན དཊྛབྦཱནི? ཨིམཱནི པཉྩིནྡྲིཡཱནི ¶ ཚཧཱཀཱརེཧི ཏེནཊྛེན དཊྛབྦཱནི – ཨཱདྷིཔཏེཡྻཊྛེན ཨཱདིཝིསོདྷནཊྛེན ཨདྷིམཏྟཊྛེན, ཨདྷིཊྛཱནཊྛེན, པརིཡཱདཱནཊྛེན, པཏིཊྛཱཔཀཊྛེན’’.

ཀ. ཨཱདྷིཔཏེཡྻཊྛནིདྡེསོ

༡༩༩. ཀཐཾ ཨཱདྷིཔཏེཡྻཊྛེན ཨིནྡྲིཡཱནི དཊྛབྦཱནི? ཨསྶདྡྷིཡཾ པཛཧཏོ ཨདྷིམོཀྑཱདྷིཔཏེཡྻཊྛེན སདྡྷིནྡྲིཡཾ དཊྛབྦཾ, སདྡྷིནྡྲིཡསྶ ཝསེན པགྒཧཊྛེན ཝཱིརིཡིནྡྲིཡཾ དཊྛབྦཾ, ཨུཔཊྛཱནཊྛེན སཏིནྡྲིཡཾ ¶ དཊྛབྦཾ, ཨཝིཀྑེཔཊྛེན སམཱདྷིནྡྲིཡཾ དཊྛབྦཾ, དསྶནཊྛེན པཉྙིནྡྲིཡཾ དཊྛབྦཾ. ཀོསཛྫཾ པཛཧཏོ པགྒཧཱདྷིཔཏེཡྻཊྛེན ཝཱིརིཡིནྡྲིཡཾ དཊྛབྦཾ, ཝཱིརིཡིནྡྲིཡསྶ ཝསེན ཨུཔཊྛཱནཊྛེན སཏིནྡྲིཡཾ དཊྛབྦཾ, ཨཝིཀྑེཔཊྛེན སམཱདྷིནྡྲིཡཾ དཊྛབྦཾ, དསྶནཊྛེན པཉྙིནྡྲིཡཾ དཊྛབྦཾ, ཨདྷིམོཀྑཊྛེན སདྡྷིནྡྲིཡཾ དཊྛབྦཾ. པམཱདཾ པཛཧཏོ ཨུཔཊྛཱནཱདྷིཔཏེཡྻཊྛེན སཏིནྡྲིཡཾ དཊྛབྦཾ, སཏིནྡྲིཡསྶ ཝསེན ཨཝིཀྑེཔཊྛེན སམཱདྷིནྡྲིཡཾ དཊྛབྦཾ, དསྶནཊྛེན པཉྙིནྡྲིཡཾ དཊྛབྦཾ, ཨདྷིམོཀྑཊྛེན སདྡྷིནྡྲིཡཾ ¶ དཊྛབྦཾ, པགྒཧཊྛེན ཝཱིརིཡིནྡྲིཡཾ ¶ དཊྛབྦཾ. ཨུདྡྷཙྩཾ པཛཧཏོ ཨཝིཀྑེཔཱདྷིཔཏེཡྻཊྛེན སམཱདྷིནྡྲིཡཾ དཊྛབྦཾ, སམཱདྷིནྡྲིཡསྶ ཝསེན དསྶནཊྛེན པཉྙིནྡྲིཡཾ དཊྛབྦཾ, ཨདྷིམོཀྑཊྛེན སདྡྷིནྡྲིཡཾ དཊྛབྦཾ, པགྒཧཊྛེན ཝཱིརིཡིནྡྲིཡཾ དཊྛབྦཾ, ཨུཔཊྛཱནཊྛེན སཏིནྡྲིཡཾ དཊྛབྦཾ. ཨཝིཛྫཾ པཛཧཏོ དསྶནཱདྷིཔཏེཡྻཊྛེན པཉྙིནྡྲིཡཾ དཊྛབྦཾ, པཉྙིནྡྲིཡསྶ ཝསེན ཨདྷིམོཀྑཊྛེན སདྡྷིནྡྲིཡཾ དཊྛབྦཾ, པགྒཧཊྛེན ཝཱིརིཡིནྡྲིཡཾ དཊྛབྦཾ, ཨུཔཊྛཱནཊྛེན སཏིནྡྲིཡཾ དཊྛབྦཾ, ཨཝིཀྑེཔཊྛེན སམཱདྷིནྡྲིཡཾ དཊྛབྦཾ, དསྶནཊྛེན པཉྙིནྡྲིཡཾ དཊྛབྦཾ.

ཀཱམཙྪནྡཾ པཛཧཏོ ནེཀྑམྨཝསེན ཨདྷིམོཀྑཱདྷིཔཏེཡྻཊྛེན སདྡྷིནྡྲིཡཾ དཊྛབྦཾ, སདྡྷིནྡྲིཡསྶ ཝསེན པགྒཧཊྛེན ཝཱིརིཡིནྡྲིཡཾ དཊྛབྦཾ, ཨུཔཊྛཱནཊྛེན སཏིནྡྲིཡཾ དཊྛབྦཾ, ཨཝིཀྑེཔཊྛེན སམཱདྷིནྡྲིཡཾ དཊྛབྦཾ, དསྶནཊྛེན པཉྙིནྡྲིཡཾ དཊྛབྦཾ. ཀཱམཙྪནྡཾ པཛཧཏོ ནེཀྑམྨཝསེན པགྒཧཱདྷིཔཏེཡྻཊྛེན ཝཱིརིཡིནྡྲིཡཾ དཊྛབྦཾ, ཝཱིརིཡིནྡྲིཡསྶ ཝསེན ཨུཔཊྛཱནཊྛེན སཏིནྡྲིཡཾ དཊྛབྦཾ, ཨཝིཀྑེཔཊྛེན སམཱདྷིནྡྲིཡཾ དཊྛབྦཾ, དསྶནཊྛེན པཉྙིནྡྲིཡཾ དཊྛབྦཾ, ཨདྷིམོཀྑཊྛེན སདྡྷིནྡྲིཡཾ དཊྛབྦཾ. ཀཱམཙྪནྡཾ པཛཧཏོ ནེཀྑམྨཝསེན ཨུཔཊྛཱནཱདྷིཔཏེཡྻཊྛེན སཏིནྡྲིཡཾ དཊྛབྦཾ, སཏིནྡྲིཡསྶ ཝསེན ཨཝིཀྑེཔཊྛེན སམཱདྷིནྡྲིཡཾ དཊྛབྦཾ, དསྶནཊྛེན པཉྙིནྡྲིཡཾ དཊྛབྦཾ, ཨདྷིམོཀྑཊྛེན སདྡྷིནྡྲིཡཾ དཊྛབྦཾ, པགྒཧཊྛེན ཝཱིརིཡིནྡྲིཡཾ ¶ དཊྛབྦཾ. ཀཱམཙྪནྡཾ པཛཧཏོ ནེཀྑམྨཝསེན ཨཝིཀྑེཔཱདྷིཔཏེཡྻཊྛེན སམཱདྷིནྡྲིཡཾ དཊྛབྦཾ, སམཱདྷིནྡྲིཡསྶ ཝསེན དསྶནཊྛེན པཉྙིནྡྲིཡཾ དཊྛབྦཾ, ཨདྷིམོཀྑཊྛེན སདྡྷིནྡྲིཡཾ དཊྛབྦཾ, པགྒཧཊྛེན ཝཱིརིཡིནྡྲིཡཾ དཊྛབྦཾ, ཨུཔཊྛཱནཊྛེན སཏིནྡྲིཡཾ དཊྛབྦཾ. ཀཱམཙྪནྡཾ པཛཧཏོ ནེཀྑམྨཝསེན དསྶནཱདྷིཔཏེཡྻཊྛེན ¶ པཉྙིནྡྲིཡཾ དཊྛབྦཾ, པཉྙིནྡྲིཡསྶ ཝསེན ཨདྷིམོཀྑཊྛེན སདྡྷིནྡྲིཡཾ དཊྛབྦཾ, པགྒཧཊྛེན ཝཱིརིཡིནྡྲིཡཾ དཊྛབྦཾ, ཨུཔཊྛཱནཊྛེན སཏིནྡྲིཡཾ དཊྛབྦཾ, ཨཝིཀྑེཔཊྛེན སམཱདྷིནྡྲིཡཾ དཊྛབྦཾ.

བྱཱཔཱདཾ པཛཧཏོ ཨབྱཱཔཱདཝསེན…པེ… ཐིནམིདྡྷཾ ¶ པཛཧཏོ ཨཱལོཀསཉྙཱཝསེན…པེ… སབྦཀིལེསེ པཛཧཏོ ཨརཧཏྟམགྒཝསེན ཨདྷིམོཀྑཱདྷིཔཏེཡྻཊྛེན སདྡྷིནྡྲིཡཾ དཊྛབྦཾ, སདྡྷིནྡྲིཡསྶ ཝསེན པགྒཧཊྛེན ཝཱིརིཡིནྡྲིཡཾ དཊྛབྦཾ, ཨུཔཊྛཱནཊྛེན སཏིནྡྲིཡཾ དཊྛབྦཾ, ཨཝིཀྑེཔཊྛེན སམཱདྷིནྡྲིཡཾ དཊྛབྦཾ, དསྶནཊྛེན པཉྙིནྡྲིཡཾ དཊྛབྦཾ…པེ… སབྦཀིལེསེ པཛཧཏོ ཨརཧཏྟམགྒཝསེན དསྶནཱདྷིཔཏེཡྻཊྛེན པཉྙིནྡྲིཡཾ དཊྛབྦཾ, པཉྙིནྡྲིཡསྶ ཝསེན ཨདྷིམོཀྑཊྛེན སདྡྷིནྡྲིཡཾ དཊྛབྦཾ, པགྒཧཊྛེན ཝཱིརིཡིནྡྲིཡཾ དཊྛབྦཾ, ཨུཔཊྛཱནཊྛེན ¶ སཏིནྡྲིཡཾ དཊྛབྦཾ, ཨཝིཀྑེཔཊྛེན སམཱདྷིནྡྲིཡཾ དཊྛབྦཾ. ཨེཝཾ ཨཱདྷིཔཏེཡྻཊྛེན ཨིནྡྲིཡཱནི དཊྛབྦཱནི.

ཁ. ཨཱདིཝིསོདྷནཊྛནིདྡེསོ

༢༠༠. ཀཐཾ ཨཱདིཝིསོདྷནཊྛེན ཨིནྡྲིཡཱནི དཊྛབྦཱནི? ཨདྷིམོཀྑཊྛེན ¶ སདྡྷིནྡྲིཡཾ, ཨསྶདྡྷིཡསཾཝརཊྛེན [ཨསྶདྡྷིཡཾ སཾཝརཊྛེན (སྱཱ. ཀ.) ཨེཝམཱིདིསེསུ པདེསུཔི] སཱིལཝིསུདྡྷི – སདྡྷིནྡྲིཡསྶ ཨཱདིཝིསོདྷནཱ. པགྒཧཊྛེན ཝཱིརིཡིནྡྲིཡཾ, ཀོསཛྫསཾཝརཊྛེན སཱིལཝིསུདྡྷི – ཝཱིརིཡིནྡྲིཡསྶ ཨཱདིཝིསོདྷནཱ. ཨུཔཊྛཱནཊྛེན སཏིནྡྲིཡཾ, པམཱདསཾཝརཊྛེན སཱིལཝིསུདྡྷི – སཏིནྡྲིཡསྶ ཨཱདིཝིསོདྷནཱ. ཨཝིཀྑེཔཊྛེན སམཱདྷིནྡྲིཡཾ, ཨུདྡྷཙྩསཾཝརཊྛེན སཱིལཝིསུདྡྷི – སམཱདྷིནྡྲིཡསྶ ཨཱདིཝིསོདྷནཱ. དསྶནཊྛེན པཉྙིནྡྲིཡཾ, ཨཝིཛྫཱསཾཝརཊྛེན སཱིལཝིསུདྡྷི – པཉྙིནྡྲིཡསྶ ཨཱདིཝིསོདྷནཱ. ནེཀྑམྨེ པཉྩིནྡྲིཡཱནི, ཀཱམཙྪནྡསཾཝརཊྛེན སཱིལཝིསུདྡྷི – པཉྩནྣཾ ཨིནྡྲིཡཱནཾ ཨཱདིཝིསོདྷནཱ. ཨབྱཱཔཱདེ པཉྩིནྡྲིཡཱནི, བྱཱཔཱདསཾཝརཊྛེན སཱིལཝིསུདྡྷི – པཉྩནྣཾ ཨིནྡྲིཡཱནཾ ཨཱདིཝིསོདྷནཱ…པེ… ཨརཧཏྟམགྒེ པཉྩིནྡྲིཡཱནི, སབྦཀིལེསསཾཝརཊྛེན སཱིལཝིསུདྡྷི – པཉྩནྣཾ ཨིནྡྲིཡཱནཾ ཨཱདིཝིསོདྷནཱ. ཨེཝཾ ཨཱདིཝིསོདྷནཊྛེན ཨིནྡྲིཡཱནི དཊྛབྦཱནི.

ག. ཨདྷིམཏྟཊྛནིདྡེསོ

༢༠༡. ཀཐཾ ཨདྷིམཏྟཊྛེན ཨིནྡྲིཡཱནི དཊྛབྦཱནི? སདྡྷིནྡྲིཡསྶ བྷཱཝནཱཡ ཚནྡོ ཨུཔྤཛྫཏི – ཚནྡཝསེན སདྡྷཱཝསེན སདྡྷིནྡྲིཡཾ ཨདྷིམཏྟཾ ཧོཏི ¶ . ཚནྡཝསེན པཱམོཛྫཾ ཨུཔྤཛྫཏི – པཱམོཛྫཝསེན སདྡྷཱཝསེན ¶ སདྡྷིནྡྲིཡཾ ཨདྷིམཏྟཾ ཧོཏི. པཱམོཛྫཝསེན པཱིཏི ཨུཔྤཛྫཏི – པཱིཏིཝསེན སདྡྷཱཝསེན སདྡྷིནྡྲིཡཾ ཨདྷིམཏྟཾ ཧོཏི. པཱིཏིཝསེན པསྶདྡྷི ཨུཔྤཛྫཏི ¶ – པསྶདྡྷིཝསེན སདྡྷཱཝསེན སདྡྷིནྡྲིཡཾ ཨདྷིམཏྟཾ ཧོཏི. པསྶདྡྷིཝསེན སུཁཾ ཨུཔྤཛྫཏི – སུཁཝསེན སདྡྷཱཝསེན སདྡྷིནྡྲིཡཾ ཨདྷིམཏྟཾ ཧོཏི. སུཁཝསེན ཨོབྷཱསོ ཨུཔྤཛྫཏི – ཨོབྷཱསཝསེན སདྡྷཱཝསེན སདྡྷིནྡྲིཡཾ ཨདྷིམཏྟཾ ཧོཏི. ཨོབྷཱསཝསེན སཾཝེགོ ཨུཔྤཛྫཏི – སཾཝེགཝསེན སདྡྷཱཝསེན སདྡྷིནྡྲིཡཾ ཨདྷིམཏྟཾ ཧོཏི. སཾཝེཛེཏྭཱ ཙིཏྟཾ སམཱདཧཏི – སམཱདྷིཝསེན སདྡྷཱཝསེན སདྡྷིནྡྲིཡཾ ཨདྷིམཏྟཾ ཧོཏི. ཏཐཱ སམཱཧིཏཾ ཙིཏྟཾ སཱདྷུཀཾ པགྒཎྷཱཏི – པགྒཧཝསེན སདྡྷཱཝསེན སདྡྷིནྡྲིཡཾ ཨདྷིམཏྟཾ ཧོཏི. ཏཐཱཔགྒཧིཏཾ ཙིཏྟཾ སཱདྷུཀཾ ཨཛ྄ཛྷུཔེཀྑཏི – ཨུཔེཀྑཱཝསེན སདྡྷཱཝསེན སདྡྷིནྡྲིཡཾ ཨདྷིམཏྟཾ ཧོཏི. ཨུཔེཀྑཱཝསེན ནཱནཏྟཀིལེསེཧི ¶ ཙིཏྟཾ ཝིམུཙྩཏི – ཝིམོཀྑཝསེན སདྡྷཱཝསེན སདྡྷིནྡྲིཡཾ ཨདྷིམཏྟཾ ཧོཏི. ཝིམུཏྟཏྟཱ ཏེ དྷམྨཱ ཨེཀརསཱ ཧོནྟི – ཨེཀརསཊྛེན བྷཱཝནཱཝསེན སདྡྷཱཝསེན སདྡྷིནྡྲིཡཾ ཨདྷིམཏྟཾ ཧོཏི. བྷཱཝིཏཏྟཱ ཏཏོ པཎཱིཏཏརེ ཝིཝཊྚནྟི – ཝིཝཊྚནཱཝསེན སདྡྷཱཝསེན སདྡྷིནྡྲིཡཾ ཨདྷིམཏྟཾ ཧོཏི. ཝིཝཊྚིཏཏྟཱ ཏཏོ ཝོསཛྫཏི [ཝོསྶཛྫཏི (སྱཱ. ཀ.)] – ཝོསགྒཝསེན སདྡྷཱཝསེན སདྡྷིནྡྲིཡཾ ཨདྷིམཏྟཾ ཧོཏི. ཝོསཛྫིཏཏྟཱ ཏཏོ ནིརུཛ྄ཛྷནྟི – ནིརོདྷཝསེན ¶ སདྡྷཱཝསེན སདྡྷིནྡྲིཡཾ ཨདྷིམཏྟཾ ཧོཏི. ནིརོདྷཝསེན དྭེ ཝོསགྒཱ – པརིཙྩཱགཝོསགྒོ ཙ, པཀྑནྡནཝོསགྒོ ཙ. ཀིལེསེ ཙ ཁནྡྷེ ཙ པརིཙྩཛཏཱིཏི – པརིཙྩཱགཝོསགྒོ. ནིརོདྷནིབྦཱནདྷཱཏུཡཱ ཙིཏྟཾ པཀྑནྡཏཱིཏི – པཀྑནྡནཝོསགྒོ. ནིརོདྷཝསེན ཨིམེ དྭེ ཝོསགྒཱ.

ཨསྶདྡྷིཡསྶ པཧཱནཱཡ ཚནྡོ ཨུཔྤཛྫཏི…པེ… ཨསྶདྡྷིཡཔརིལཱ༹ཧསྶ པཧཱནཱཡ ཚནྡོ ཨུཔྤཛྫཏི… དིཊྛེཀཊྛཱནཾ ཀིལེསཱནཾ པཧཱནཱཡ ཚནྡོ ཨུཔྤཛྫཏི… ཨོལཱ༹རིཀཱནཾ ཀིལེསཱནཾ པཧཱནཱཡ ཚནྡོ ཨུཔྤཛྫཏི… ཨནུསཧགཏཱནཾ ཀིལེསཱནཾ པཧཱནཱཡ ཚནྡོ ཨུཔྤཛྫཏི… སབྦཀིལེསཱནཾ པཧཱནཱཡ ཚནྡོ ཨུཔྤཛྫཏི – ཚནྡཝསེན སདྡྷཱཝསེན སདྡྷིནྡྲིཡཾ ཨདྷིམཏྟཾ ཧོཏི…པེ… ཝཱིརིཡིནྡྲིཡསྶ བྷཱཝནཱཡ ཚནྡོ ཨུཔྤཛྫཏི…པེ… ཀོསཛྫསྶ པཧཱནཱཡ ཚནྡོ ཨུཔྤཛྫཏི… ཀོསཛྫཔརིལཱ༹ཧསྶ པཧཱནཱཡ ཚནྡོ ཨུཔྤཛྫཏི… དིཊྛེཀཊྛཱནཾ ཀིལེསཱནཾ པཧཱནཱཡ ཚནྡོ ཨུཔྤཛྫཏི…པེ… སབྦཀིལེསཱནཾ པཧཱནཱཡ ཚནྡོ ཨུཔྤཛྫཏི… སཏིནྡྲིཡསྶ བྷཱཝནཱཡ ¶ ཚནྡོ ཨུཔྤཛྫཏི…པེ… པམཱདསྶ པཧཱནཱཡ ཚནྡོ ཨུཔྤཛྫཏི… པམཱདཔརིལཱ༹ཧསྶ པཧཱནཱཡ ཚནྡོ ཨུཔྤཛྫཏི…པེ… སབྦཀིལེསཱནཾ པཧཱནཱཡ ཚནྡོ ཨུཔྤཛྫཏི… སམཱདྷིནྡྲིཡསྶ བྷཱཝནཱཡ ཚནྡོ ཨུཔྤཛྫཏི…པེ… ཨུདྡྷཙྩསྶ པཧཱནཱཡ ཚནྡོ ཨུཔྤཛྫཏི ཨུདྡྷཙྩཔརིལཱ༹ཧསྶ པཧཱནཱཡ ཚནྡོ ཨུཔྤཛྫཏི…པེ… སབྦཀིལེསཱནཾ པཧཱནཱཡ ཚནྡོ ཨུཔྤཛྫཏི… པཉྙིནྡྲིཡསྶ བྷཱཝནཱཡ ཚནྡོ ཨུཔྤཛྫཏི…པེ… ཨཝིཛྫཱཡ པཧཱནཱཡ ཚནྡོ ཨུཔྤཛྫཏི… ཨཝིཛྫཱཔརིལཱ༹ཧསྶ པཧཱནཱཡ ཚནྡོ ཨུཔྤཛྫཏི… དིཊྛེཀཊྛཱནཾ ཀིལེསཱནཾ པཧཱནཱཡ ཚནྡོ ཨུཔྤཛྫཏི… ཨོལཱ༹རིཀཱནཾ ཀིལེསཱནཾ པཧཱནཱཡ ཚནྡོ ཨུཔྤཛྫཏི… ཨནུསཧགཏཱནཾ ¶ ཀིལེསཱནཾ པཧཱནཱཡ ཚནྡོ ཨུཔྤཛྫཏི… སབྦཀིལེསཱནཾ པཧཱནཱཡ ཚནྡོ ཨུཔྤཛྫཏི ¶ – ཚནྡཝསེན པཉྙཱཝསེན པཉྙིནྡྲིཡཾ ཨདྷིམཏྟཾ ཧོཏི. ཚནྡཝསེན པཱམོཛྫཾ ཨུཔྤཛྫཏི – པཱམོཛྫཝསེན པཉྙཱཝསེན ¶ པཉྙིནྡྲིཡཾ ཨདྷིམཏྟཾ ཧོཏི. པཱམོཛྫཝསེན པཱིཏི ཨུཔྤཛྫཏི – པཱིཏིཝསེན པཉྙཱ ཝསེན པཉྙིནྡྲིཡཾ ཨདྷིམཏྟཾ ཧོཏི. པཱིཏིཝསེན པསྶདྡྷི ཨུཔྤཛྫཏི – པསྶདྡྷིཝསེན པཉྙཱཝསེན པཉྙིནྡྲིཡཾ ཨདྷིམཏྟཾ ཧོཏི. པསྶདྡྷིཝསེན སུཁཾ ཨུཔྤཛྫཏི – སུཁཝསེན པཉྙཱཝསེན པཉྙིནྡྲིཡཾ ཨདྷིམཏྟཾ ཧོཏི. སུཁཝསེན ཨོབྷཱསོ ཨུཔྤཛྫཏི – ཨོབྷཱསཝསེན པཉྙཱཝསེན པཉྙིནྡྲིཡཾ ཨདྷིམཏྟཾ ཧོཏི. ཨོབྷཱསཝསེན སཾཝེགོ ཨུཔྤཛྫཏི – སཾཝེགཝསེན པཉྙཱཝསེན པཉྙིནྡྲིཡཾ ཨདྷིམཏྟཾ ཧོཏི. སཾཝེཛེཏྭཱ ཙིཏྟཾ སམཱདཧཏི – སམཱདྷིཝསེན པཉྙཱཝསེན པཉྙིནྡྲིཡཾ ཨདྷིམཏྟཾ ཧོཏི. ཏཐཱསམཱཧིཏཾ ཙིཏྟཾ སཱདྷུཀཾ པགྒཎྷཱཏི – པགྒཧཝསེན པཉྙཱཝསེན པཉྙིནྡྲིཡཾ ཨདྷིམཏྟཾ ཧོཏི. ཏཐཱཔགྒཧིཏཾ ཙིཏྟཾ སཱདྷུཀཾ ཨཛ྄ཛྷུཔེཀྑཏི – ཨུཔེཀྑཱཝསེན པཉྙཱཝསེན པཉྙིནྡྲིཡཾ ཨདྷིམཏྟཾ ཧོཏི. ཨུཔེཀྑཱཝསེན ནཱནཏྟཀིལེསེཧི ཙིཏྟཾ ཝིམུཙྩཏི – ཝིམོཀྑཝསེན པཉྙཱཝསེན པཉྙིནྡྲིཡཾ ཨདྷིམཏྟཾ ཧོཏི. ཝིམུཏྟཏྟཱ ཏེ དྷམྨཱ ཨེཀརསཱ ཧོནྟི – བྷཱཝནཱཝསེན [ཨེཀརསཊྛེན བྷཱཝནཱཝསེན (སྱཱ. ཀ.) ཨཊྛཀཐཱ ཨོལོཀེཏབྦོ] པཉྙཱཝསེན པཉྙིནྡྲིཡཾ ཨདྷིམཏྟཾ ཧོཏི. བྷཱཝིཏཏྟཱ ཏཏོ པཎཱིཏཏརེ ཝིཝཊྚནྟི – ཝིཝཊྚནཱཝསེན པཉྙཱཝསེན པཉྙིནྡྲིཡཾ ཨདྷིམཏྟཾ ཧོཏི. ཝིཝཊྚིཏཏྟཱ ཏཏོ ཝོསཛྫཏི – ཝོསགྒཝསེན པཉྙཱཝསེན པཉྙིནྡྲིཡཾ ཨདྷིམཏྟཾ ཧོཏི. ཝོསཛྫིཏཏྟཱ ¶ ཏཏོ ནིརུཛ྄ཛྷནྟི – ནིརོདྷཝསེན པཉྙཱཝསེན པཉྙིནྡྲིཡཾ ཨདྷིམཏྟཾ ཧོཏི. ནིརོདྷཝསེན དྭེ ཝོསགྒཱ – པརིཙྩཱགཝོསགྒོ ཙ, པཀྑནྡནཝོསགྒོ ཙ. ཀིལེསེ ཙ ཁནྡྷེ ཙ པརིཙྩཛཏཱིཏི ¶ – པརིཙྩཱགཝོསགྒོ. ནིརོདྷནིབྦཱནདྷཱཏུཡཱ ཙིཏྟཾ པཀྑནྡཏཱིཏི – པཀྑནྡནཝོསགྒོ. ནིརོདྷཝསེན ཨིམེ དྭེ ཝོསགྒཱ. ཨེཝཾ ཨདྷིམཏྟཊྛེན ཨིནྡྲིཡཱནི དཊྛབྦཱནི.

དུཏིཡབྷཱཎཝཱརོ.

གྷ. ཨདྷིཊྛཱནཊྛནིདྡེསོ

༢༠༢. ཀཐཾ ཨདྷིཊྛཱནཊྛེན ཨིནྡྲིཡཱནི དཊྛབྦཱནི? སདྡྷིནྡྲིཡསྶ བྷཱཝནཱཡ ཚནྡོ ཨུཔྤཛྫཏི – ཚནྡཝསེན སདྡྷཱཝསེན སདྡྷིནྡྲིཡཾ ཨདྷིཊྛཱཏི. ཚནྡཝསེན པཱམོཛྫཾ ཨུཔྤཛྫཏི – པཱམོཛྫཝསེན སདྡྷཱཝསེན སདྡྷིནྡྲིཡཾ ཨདྷིཊྛཱཏི…པེ… ཨེཝཾ ཨདྷིཊྛཱནཊྛེན ཨིནྡྲིཡཱནི དཊྛབྦཱནི.

ང. པརིཡཱདཱནཊྛནིདྡེསོ

ཀཐཾ ¶ པརིཡཱདཱནཊྛེན ཨིནྡྲིཡཱནི དཊྛབྦཱནི? ཨདྷིམོཀྑཊྛེན སདྡྷིནྡྲིཡཾ ཨསྶདྡྷིཡཾ པརིཡཱདིཡཏི ¶ , ཨསྶདྡྷིཡཔརིལཱ༹ཧཾ པརིཡཱདིཡཏི. པགྒཧཊྛེན ཝཱིརིཡིནྡྲིཡཾ ཀོསཛྫཾ པརིཡཱདིཡཏི, ཀོསཛྫཔརིལཱ༹ཧཾ པརིཡཱདིཡཏི. ཨུཔཊྛཱནཊྛེན སཏིནྡྲིཡཾ པམཱདཾ པརིཡཱདིཡཏི, པམཱདཔརིལཱ༹ཧཾ པརིཡཱདིཡཏི. ཨཝིཀྑེཔཊྛེན སམཱདྷིནྡྲིཡཾ ཨུདྡྷཙྩཾ པརིཡཱདིཡཏི, ཨུདྡྷཙྩཔརིལཱ༹ཧཾ པརིཡཱདིཡཏི. དསྶནཊྛེན པཉྙིནྡྲིཡཾ ཨཝིཛྫཾ པརིཡཱདིཡཏི, ཨཝིཛྫཱཔརིལཱ༹ཧཾ པརིཡཱདིཡཏི. ནེཀྑམྨེ པཉྩིནྡྲིཡཱནི ཀཱམཙྪནྡཾ པརིཡཱདིཡནྟི. ཨབྱཱཔཱདེ པཉྩིནྡྲིཡཱནི ¶ བྱཱཔཱདཾ པརིཡཱདིཡནྟི. ཨཱལོཀསཉྙཱཡ པཉྩིནྡྲིཡཱནི ཐིནམིདྡྷཾ པརིཡཱདིཡནྟི. ཨཝིཀྑེཔེ པཉྩིནྡྲིཡཱནི ཨུདྡྷཙྩཾ པརིཡཱདིཡནྟི…པེ… ཨརཧཏྟམགྒེ པཉྩིནྡྲིཡཱནི སབྦཀིལེསེ པརིཡཱདིཡནྟི. ཨེཝཾ པརིཡཱདཱནཊྛེན ཨིནྡྲིཡཱནི དཊྛབྦཱནི.

ཙ. པཏིཊྛཱཔཀཊྛནིདྡེསོ

༢༠༣. ཀཐཾ པཏིཊྛཱཔཀཊྛེན ཨིནྡྲིཡཱནི དཊྛབྦཱནི? སདྡྷོ སདྡྷིནྡྲིཡཾ ཨདྷིམོཀྑེ པཏིཊྛཱཔེཏི, སདྡྷསྶ སདྡྷིནྡྲིཡཾ ཨདྷིམོཀྑེ པཏིཊྛཱཔེཏི. ཝཱིརིཡཝཱ ཝཱིརིཡིནྡྲིཡཾ པགྒཧེ པཏིཊྛཱཔེཏི, ཝཱིརིཡཝཏོ ཝཱིརིཡིནྡྲིཡཾ པགྒཧེ པཏིཊྛཱཔེཏི. སཏིམཱ སཏིནྡྲིཡཾ ཨུཔཊྛཱནེ པཏིཊྛཱཔེཏི, སཏིམཏོ སཏིནྡྲིཡཾ ཨུཔཊྛཱནེ པཏིཊྛཱཔེཏི. སམཱཧིཏོ སམཱདྷིནྡྲིཡཾ ཨཝིཀྑེཔེ པཏིཊྛཱཔེཏི, སམཱཧིཏསྶ སམཱདྷིནྡྲིཡཾ ཨཝིཀྑེཔེ པཏིཊྛཱཔེཏི. པཉྙཝཱ པཉྙིནྡྲིཡཾ དསྶནེ པཏིཊྛཱཔེཏི, པཉྙཝཏོ པཉྙིནྡྲིཡཾ དསྶནེ པཏིཊྛཱཔེཏི. ཡོགཱཝཙརོ པཉྩིནྡྲིཡཱནི ནེཀྑམྨེ པཏིཊྛཱཔེཏི, ཡོགཱཝཙརསྶ པཉྩིནྡྲིཡཱནི ནེཀྑམྨེ པཏིཊྛཱཔེནྟི. ཡོགཱཝཙརོ ¶ པཉྩིནྡྲིཡཱནི ཨབྱཱཔཱདེ པཏིཊྛཱཔེཏི, ཡོགཱཝཙརསྶ པཉྩིནྡྲིཡཱནི ཨབྱཱཔཱདེ པཏིཊྛཱཔེནྟི. ཡོགཱཝཙརོ པཉྩིནྡྲིཡཱནི ཨཱལོཀསཉྙཱཡ པཏིཊྛཱཔེཏི, ཡོགཱཝཙརསྶ པཉྩིནྡྲིཡཱནི ཨཱལོཀསཉྙཱཡ པཏིཊྛཱཔེནྟི. ཡོགཱཝཙརོ པཉྩིནྡྲིཡཱནི ཨཝིཀྑེཔེ པཏིཊྛཱཔེཏི ¶ , ཡོགཱཝཙརསྶ པཉྩིནྡྲིཡཱནི ཨཝིཀྑེཔེ པཏིཊྛཱཔེནྟི…པེ… ཡོགཱཝཙརོ པཉྩིནྡྲིཡཱནི ཨརཧཏྟམགྒེ པཏིཊྛཱཔེཏི, ཡོགཱཝཙརསྶ པཉྩིནྡྲིཡཱནི ཨརཧཏྟམགྒེ པཏིཊྛཱཔེནྟི. ཨེཝཾ པཏིཊྛཱཔཀཊྛེན ཨིནྡྲིཡཱནི དཊྛབྦཱནི.

སུཏྟནྟནིདྡེསོ ཙཏུཏྠོ.

༥. ཨིནྡྲིཡསམོདྷཱནཾ

༢༠༤. པུཐུཛྫནོ ¶ སམཱདྷིཾ བྷཱཝེནྟོ ཀཏིཧཱཀཱརེཧི ཨུཔཊྛཱནཀུསལོ ཧོཏི? སེཀྑོ སམཱདྷིཾ བྷཱཝེནྟོ ཀཏིཧཱཀཱརེཧི ཨུཔཊྛཱནཀུསལོ ཧོཏི? ཝཱིཏརཱགོ སམཱདྷིཾ བྷཱཝེནྟོ ཀཏིཧཱཀཱརེཧི ¶ ཨུཔཊྛཱནཀུསལོ ཧོཏི? པུཐུཛྫནོ སམཱདྷིཾ བྷཱཝེནྟོ སཏྟཧི ཨཱཀཱརེཧི ཨུཔཊྛཱནཀུསལོ ཧོཏི. སེཀྑོ སམཱདྷིཾ བྷཱཝེནྟོ ཨཊྛཧི ཨཱཀཱརེཧི ཨུཔཊྛཱནཀུསལོ ཧོཏི. ཝཱིཏརཱགོ སམཱདྷིཾ བྷཱཝེནྟོ དསཧི ཨཱཀཱརེཧི ཨུཔཊྛཱནཀུསལོ ཧོཏི.

པུཐུཛྫནོ སམཱདྷིཾ བྷཱཝེནྟོ ཀཏམེཧི སཏྟཧཱཀཱརེཧི ཨུཔཊྛཱནཀུསལོ ཧོཏི? ཨཱཝཛྫིཏཏྟཱ ཨཱརམྨཎཱུཔཊྛཱནཀུསལོ ཧོཏི, སམཐནིམིཏྟཱུཔཊྛཱནཀུསལོ ཧོཏི, པགྒཧནིམིཏྟཱུཔཊྛཱནཀུསལོ ཧོཏི, ཨཝིཀྑེཔཱུཔཊྛཱནཀུསལོ ཧོཏི, ཨོབྷཱསཱུཔཊྛཱནཀུསལོ ཧོཏི, སམྤཧཾསནཱུཔཊྛཱནཀུསལོ ཧོཏི, ཨུཔེཀྑཱུཔཊྛཱནཀུསལོ ཧོཏི – པུཐུཛྫནོ སམཱདྷིཾ བྷཱཝེནྟོ ཨིམེཧི སཏྟཧི ཨཱཀཱརེཧི ཨུཔཊྛཱནཀུསལོ ཧོཏི.

སེཀྑོ སམཱདྷིཾ བྷཱཝེནྟོ ཀཏམེཧི ཨཊྛཧི ཨཱཀཱརེཧི ཨུཔཊྛཱནཀུསལོ ཧོཏི? ཨཱཝཛྫིཏཏྟཱ ཨཱརམྨཎཱུཔཊྛཱནཀུསལོ ཧོཏི, སམཐནིམིཏྟཱུཔཊྛཱནཀུསལོ ཧོཏི, པགྒཧནིམིཏྟཱུཔཊྛཱནཀུསལོ ཧོཏི, ཨཝིཀྑེཔཱུཔཊྛཱནཀུསལོ ཧོཏི, ཨོབྷཱསཱུཔཊྛཱནཀུསལོ ཧོཏི, སམྤཧཾསནཱུཔཊྛཱནཀུསལོ ¶ ཧོཏི, ཨུཔེཀྑཱུཔཊྛཱནཀུསལོ ཧོཏི, ཨེཀཏྟཱུཔཊྛཱནཀུསལོ ཧོཏི – སེཀྑོ སམཱདྷིཾ བྷཱཝེནྟོ ཨིམེཧི ཨཊྛཧི ཨཱཀཱརེཧི ཨུཔཊྛཱནཀུསལོ ཧོཏི.

ཝཱིཏརཱགོ སམཱདྷིཾ བྷཱཝེནྟོ ཀཏམེཧི དསཧི ཨཱཀཱརེཧི ཨུཔཊྛཱནཀུསལོ ཧོཏི? ཨཱཝཛྫིཏཏྟཱ ¶ ཨཱརམྨཎཱུཔཊྛཱནཀུསལོ ཧོཏི…པེ… ཨེཀཏྟཱུཔཊྛཱནཀུསལོ ཧོཏི, ཉཱཎཱུཔཊྛཱནཀུསལོ ཧོཏི, ཝིམུཏྟཱུཔཊྛཱནཀུསལོ ཧོཏི – ཝཱིཏརཱགོ སམཱདྷིཾ བྷཱཝེནྟོ ཨིམེཧི དསཧི ཨཱཀཱརེཧི ཨུཔཊྛཱནཀུསལོ ཧོཏི.

༢༠༥. པུཐུཛྫནོ ཝིཔསྶནཾ བྷཱཝེནྟོ ཀཏིཧཱཀཱརེཧི ཨུཔཊྛཱནཀུསལོ ཧོཏི, ཀཏིཧཱཀཱརེཧི ཨནུཔཊྛཱནཀུསལོ ཧོཏི? སེཀྑོ ཝིཔསྶནཾ བྷཱཝེནྟོ ཀཏིཧཱཀཱརེཧི ཨུཔཊྛཱནཀུསལོ ཧོཏི ¶ , ཀཏིཧཱཀཱརེཧི ཨནུཔཊྛཱནཀུསལོ ཧོཏི? ཝཱིཏརཱགོ ཝིཔསྶནཾ བྷཱཝེནྟོ ཀཏིཧཱཀཱརེཧི ཨུཔཊྛཱནཀུསལོ ཧོཏི, ཀཏིཧཱཀཱརེཧི ཨནུཔཊྛཱནཀུསལོ ཧོཏི?

པུཐུཛྫནོ ཝིཔསྶནཾ བྷཱཝེནྟོ ནཝཧི ཨཱཀཱརེཧི ཨུཔཊྛཱནཀུསལོ ཧོཏི, ནཝཧི ཨཱཀཱརེཧི ཨནུཔཊྛཱནཀུསལོ ཧོཏི. སེཀྑོ ཝིཔསྶནཾ བྷཱཝེནྟོ དསཧི ཨཱཀཱརེཧི ཨུཔཊྛཱནཀུསལོ ཧོཏི, དསཧི ཨཱཀཱརེཧི ཨནུཔཊྛཱནཀུསལོ ཧོཏི. ཝཱིཏརཱགོ ཝིཔསྶནཾ བྷཱཝེནྟོ དྭཱདསཧི ཨཱཀཱརེཧི ཨུཔཊྛཱནཀུསལོ ཧོཏི, དྭཱདསཧི ཨཱཀཱརེཧི ཨནུཔཊྛཱནཀུསལོ ཧོཏི.

པུཐུཛྫནོ ¶ ཝིཔསྶནཾ བྷཱཝེནྟོ ཀཏམེཧི ནཝཧི ཨཱཀཱརེཧི ཨུཔཊྛཱནཀུསལོ ¶ ཧོཏི, ཀཏམེཧི ནཝཧི ཨཱཀཱརེཧི ཨནུཔཊྛཱནཀུསལོ ཧོཏི? ཨནིཙྩཏོ ཨུཔཊྛཱནཀུསལོ ཧོཏི, ནིཙྩཏོ ཨནུཔཊྛཱནཀུསལོ ཧོཏི. དུཀྑཏོ ཨུཔཊྛཱནཀུསལོ ཧོཏི, སུཁཏོ ཨནུཔཊྛཱནཀུསལོ ཧོཏི. ཨནཏྟཏོ ཨུཔཊྛཱནཀུསལོ ཧོཏི, ཨཏྟཏོ ཨནུཔཊྛཱནཀུསལོ ཧོཏི. ཁཡཏོ ཨུཔཊྛཱནཀུསལོ ཧོཏི, གྷནཏོ ཨནུཔཊྛཱནཀུསལོ ཧོཏི. ཝཡཏོ ཨུཔཊྛཱནཀུསལོ ཧོཏི, ཨཱཡཱུཧནཱནུཔཊྛཱནཀུསལོ ཧོཏི. ཝིཔརིཎཱམཱུཔཊྛཱནཀུསལོ ཧོཏི, དྷུཝཏོ ཨནུཔཊྛཱནཀུསལོ ཧོཏི. ཨནིམིཏྟཱུཔཊྛཱནཀུསལོ ཧོཏི, ནིམིཏྟཱནུཔཊྛཱནཀུསལོ ཧོཏི. ཨཔྤཎིཧིཏཱུཔཊྛཱནཀུསལོ ཧོཏི, པཎིདྷིཨནུཔཊྛཱནཀུསལོ [པཎིདྷཱནུཔཊྛཱནཀུསལོ (སྱཱ.)] ཧོཏི. སུཉྙཏཱུཔཊྛཱནཀུསལོ ཧོཏི, ཨབྷིནིཝེསཱནུཔཊྛཱནཀུསལོ ཧོཏི – པུཐུཛྫནོ ཝིཔསྶནཾ བྷཱཝེནྟོ ཨིམེཧི ནཝཧི ཨཱཀཱརེཧི ཨུཔཊྛཱནཀུསལོ ཧོཏི, ཨིམེཧི ནཝཧི ཨཱཀཱརེཧི ཨནུཔཊྛཱནཀུསལོ ཧོཏི.

༢༠༦. སེཀྑོ ཝིཔསྶནཾ བྷཱཝེནྟོ ཀཏམེཧི དསཧི ཨཱཀཱརེཧི ཨུཔཊྛཱནཀུསལོ ¶ ཧོཏི, ཀཏམེཧི དསཧི ཨཱཀཱརེཧི ཨནུཔཊྛཱནཀུསལོ ཧོཏི? ཨནིཙྩཏོ ཨུཔཊྛཱནཀུསལོ ཧོཏི, ནིཙྩཏོ ཨནུཔཊྛཱནཀུསལོ ཧོཏི…པེ… སུཉྙཏཱུཔཊྛཱནཀུསལོ ཧོཏི, ཨབྷིནིཝེསཱནཱུཔཊྛཱནཀུསལོ ཧོཏི. ཉཱཎཱུཔཊྛཱནཀུསལོ ཧོཏི, ཨཉཱཎཨནུཔཊྛཱནཀུསལོ ཧོཏི – སེཀྑོ ཝིཔསྶནཾ བྷཱཝེནྟོ ཨིམེཧི ¶ དསཧི ཨཱཀཱརེཧི ཨུཔཊྛཱནཀུསལོ ཧོཏི, ཨིམེཧི དསཧི ཨཱཀཱརེཧི ཨནུཔཊྛཱནཀུསལོ ¶ ཧོཏི.

ཝཱིཏརཱགོ ཝིཔསྶནཾ བྷཱཝེནྟོ ཀཏམེཧི དྭཱདསཧི ཨཱཀཱརེཧི ཨུཔཊྛཱནཀུསལོ ཧོཏི, ཀཏམེཧི དྭཱདསཧི ཨཱཀཱརེཧི ཨནུཔཊྛཱནཀུསལོ ཧོཏི? ཨནིཙྩཏོ ཨུཔཊྛཱནཀུསལོ ཧོཏི, ནིཙྩཏོ ཨནུཔཊྛཱནཀུསལོ ཧོཏི…པེ… ཉཱཎཱུཔཊྛཱནཀུསལོ ཧོཏི, ཨཉཱཎཱནུཔཊྛཱནཀུསལོ ཧོཏི. ཝིསཉྙོགཱུཔཊྛཱནཀུསལོ ཧོཏི, སཉྙོགཱནུཔཊྛཱནཀུསལོ ཧོཏི. ནིརོདྷཱུཔཊྛཱནཀུསལོ ཧོཏི, སངྑཱརཱནུཔཊྛཱནཀུསལོ ཧོཏི – ཝཱིཏརཱགོ ཝིཔསྶནཾ བྷཱཝེནྟོ ཨིམེཧི དྭཱདསཧི ཨཱཀཱརེཧི ཨུཔཊྛཱནཀུསལོ ཧོཏི, ཨིམེཧི དྭཱདསཧི ཨཱཀཱརེཧི ཨནུཔཊྛཱནཀུསལོ ཧོཏི.

ཨཱཝཛྫིཏཏྟཱ ཨཱརམྨཎཱུཔཊྛཱནཀུསལཝསེན ཨིནྡྲིཡཱནི སམོདྷཱནེཏི, གོཙརཉྩ པཛཱནཱཏི, སམཏྠཉྩ པཊིཝིཛ྄ཛྷཏི…པེ… དྷམྨེ སམོདྷཱནེཏི, གོཙརཉྩ པཛཱནཱཏི, སམཏྠཉྩ པཊིཝིཛ྄ཛྷཏི. ཨིནྡྲིཡཱནི སམོདྷཱནེཏཱིཏི ཀཐཾ ཨིནྡྲིཡཱནི སམོདྷཱནེཏི? ཨདྷིམོཀྑཊྛེན སདྡྷིནྡྲིཡཾ སམོདྷཱནེཏི…པེ… སམཐནིམིཏྟཱུཔཊྛཱནཀུསལཝསེན, པགྒཧནིམིཏྟཱུཔཊྛཱནཀུསལཝསེན, ཨཝིཀྑེཔཱུཔཊྛཱནཀུསལཝསེན, ཨོབྷཱསཱུཔཊྛཱནཀུསལཝསེན, སམྤཧཾསནཱུཔཊྛཱནཀུསལཝསེན, ཨུཔེཀྑཱུཔཊྛཱནཀུསལཝསེན ¶ , ཨེཀཏྟཱུཔཊྛཱནཀུསལཝསེན, ཉཱཎཱུཔཊྛཱནཀུསལཝསེན, ཝིམུཏྟཱུཔཊྛཱནཀུསལཝསེན.

ཨནིཙྩཏོ ཨུཔཊྛཱནཀུསལཝསེན, ནིཙྩཏོ ཨནུཔཊྛཱནཀུསལཝསེན, དུཀྑཏོ ཨུཔཊྛཱནཀུསལཝསེན, སུཁཏོ ཨནུཔཊྛཱནཀུསལཝསེན, ཨནཏྟཏོ ¶ ཨུཔཊྛཱནཀུསལཝསེན, ཨཏྟཏོ ཨནུཔཊྛཱནཀུསལཝསེན, ཁཡཏོ ཨུཔཊྛཱནཀུསལཝསེན, གྷནཏོ ཨནུཔཊྛཱནཀུསལཝསེན, ཝཡཏོ ཨུཔཊྛཱནཀུསལཝསེན, ཨཱཡཱུཧནཱནུཔཊྛཱནཀུསལཝསེན, ཝིཔརིཎཱམཱུཔཊྛཱནཀུསལཝསེན, དྷུཝཏོ ཨནུཔཊྛཱནཀུསལཝསེན, ཨནིམིཏྟཱུཔཊྛཱནཀུསལཝསེན, ནིམིཏྟཱནུཔཊྛཱནཀུསལཝསེན, ཨཔྤཎིཧིཏཱུཔཊྛཱནཀུསལཝསེན, པཎིདྷིཨནུཔཊྛཱནཀུསལཝསེན, སུཉྙཏཱུཔཊྛཱནཀུསལཝསེན, ཨབྷིནིཝེསཱནུཔཊྛཱནཀུསལཝསེན, ཉཱཎཱུཔཊྛཱནཀུསལཝསེན, ཨཉཱཎཱནུཔཊྛཱནཀུསལཝསེན, ཝིསཉྙོགཱུཔཊྛཱནཀུསལཝསེན, སཉྙོགཱནུཔཊྛཱནཀུསལཝསེན ¶ , ནིརོདྷཱུཔཊྛཱནཀུསལཝསེན, སངྑཱརཱནུཔཊྛཱནཀུསལཝསེན ཨིནྡྲིཡཱནི སམོདྷཱནེཏི, གོཙརཉྩ པཛཱནཱཏི, སམཏྠཉྩ པཊིཝིཛ྄ཛྷཏི.

༢༠༧. ཙཏུསཊྛིཡཱ ¶ ཨཱཀཱརེཧི ཏིཎྞནྣཾ ཨིནྡྲིཡཱནཾ ཝསཱིབྷཱཝཏཱཔཉྙཱ ཨཱསཝཱནཾ ཁཡེ ཉཱཎཾ. ཀཏམེསཾ ཏིཎྞནྣཾ ཨིནྡྲིཡཱནཾ? ཨནཉྙཱཏཉྙསྶཱམཱིཏིནྡྲིཡསྶ, ཨཉྙིནྡྲིཡསྶ, ཨཉྙཱཏཱཝིནྡྲིཡསྶ.

ཨནཉྙཱཏཉྙསྶཱམཱིཏིནྡྲིཡཾ ཀཏི ཋཱནཱནི གཙྪཏི? ཨཉྙིནྡྲིཡཾ ཀཏི ཋཱནཱནི གཙྪཏི? ཨཉྙཱཏཱཝིནྡྲིཡཾ ཀཏི ཋཱནཱནི གཙྪཏི? ཨནཉྙཱཏཉྙསྶཱམཱིཏིནྡྲིཡཾ ཨེཀཾ ཋཱནཾ གཙྪཏི – སོཏཱཔཏྟིམགྒཾ. ཨཉྙིནྡྲིཡཾ ཚ ཋཱནཱནི གཙྪཏི – སོཏཱཔཏྟིཕལཾ, སཀདཱགཱམིམགྒཾ, སཀདཱགཱམིཕལཾ, ཨནཱགཱམིམགྒཾ, ཨནཱགཱམིཕལཾ, ཨརཧཏྟམགྒཾ. ཨཉྙཱཏཱཝིནྡྲིཡཾ ཨེཀཾ ཋཱནཾ གཙྪཏི – ཨརཧཏྟཕལཾ.

སོཏཱཔཏྟིམགྒཀྑཎེ ¶ ཨནཉྙཱཏཉྙསྶཱམཱིཏིནྡྲིཡསྶ སདྡྷིནྡྲིཡཾ ཨདྷིམོཀྑཔརིཝཱརཾ ཧོཏི, ཝཱིརིཡིནྡྲིཡཾ པགྒཧཔརིཝཱརཾ ཧོཏི, སཏིནྡྲིཡཾ ཨུཔཊྛཱནཔརིཝཱརཾ ཧོཏི, སམཱདྷིནྡྲིཡཾ ཨཝིཀྑེཔཔརིཝཱརཾ ཧོཏི, པཉྙིནྡྲིཡཾ དསྶནཔརིཝཱརཾ ཧོཏི, མནིནྡྲིཡཾ ཝིཛཱནནཔརིཝཱརཾ ཧོཏི, སོམནསྶིནྡྲིཡཾ ཨབྷིསནྡནཔརིཝཱརཾ ཧོཏི, ཛཱིཝིཏིནྡྲིཡཾ པཝཏྟསནྟཏཱདྷིཔཏེཡྻཔརིཝཱརཾ ཧོཏི. སོཏཱཔཏྟིམགྒཀྑཎེ ཛཱཏཱ དྷམྨཱ, ཋཔེཏྭཱ ཙིཏྟསམུཊྛཱནཾ རཱུཔཾ, སབྦེཝ ཀུསལཱ ཧོནྟི, སབྦེཝ ཨནཱསཝཱ ཧོནྟི, སབྦེཝ ནིཡྻཱནིཀཱ ཧོནྟི, སབྦེཝ ཨཔཙཡགཱམིནོ ཧོནྟི, སབྦེཝ ¶ ལོཀུཏྟརཱ ཧོནྟི, སབྦེཝ ནིབྦཱནཱརམྨཎཱ ཧོནྟི. སོཏཱཔཏྟིམགྒཀྑཎེ ཨནཉྙཱཏཉྙསྶཱམཱིཏིནྡྲིཡསྶ ཨིམཱནི ཨཊྛིནྡྲིཡཱནི སཧཛཱཏཔརིཝཱརཱ ཧོནྟི, ཨཉྙམཉྙཔརིཝཱརཱ ཧོནྟི, ནིསྶཡཔརིཝཱརཱ ཧོནྟི, སམྤཡུཏྟཔརིཝཱརཱ ཧོནྟི, སཧགཏཱ ཧོནྟི, སཧཛཱཏཱ ཧོནྟི, སཾསཊྛཱ ཧོནྟི, སམྤཡུཏྟཱ ཧོནྟི. ཏེཝ ཏསྶ ཨཱཀཱརཱ ཙེཝ ཧོནྟི པརིཝཱརཱ ཙ.

སོཏཱཔཏྟིཕལཀྑཎེ…པེ… ཨརཧཏྟཕལཀྑཎེ ཨཉྙཱཏཱཝིནྡྲིཡསྶ སདྡྷིནྡྲིཡཾ ཨདྷིམོཀྑཔརིཝཱརཾ ཧོཏི…པེ… ཛཱིཝིཏིནྡྲིཡཾ པཝཏྟསནྟཏཱདྷིཔཏེཡྻཔརིཝཱརཾ ཧོཏི. ཨརཧཏྟཕལཀྑཎེ ཛཱཏཱ དྷམྨཱ སབྦེཝ ཨབྱཱཀཏཱ ཧོནྟི, ཋཔེཏྭཱ ཙིཏྟསམུཊྛཱནཾ རཱུཔཾ སབྦེཝ ཨནཱསཝཱ ཧོནྟི, སབྦེཝ ལོཀུཏྟརཱ ཧོནྟི, སབྦེཝ ནིབྦཱནཱརམྨཎཱ ཧོནྟི. ཨརཧཏྟཕལཀྑཎེ ¶ ཨཉྙཱཏཱཝིནྡྲིཡསྶ ¶ ཨིམཱནི ཨཊྛིནྡྲིཡཱནི སཧཛཱཏཔརིཝཱརཱ ཧོནྟི ¶ . ཏེཝ ཏསྶ ཨཱཀཱརཱ ཙེཝ ཧོནྟི པརིཝཱརཱ ཙ. ཨིཏི ཨིམཱནི ཨཊྛ ཨཊྛཀཱནི ཙཏུསཊྛི ཧོནྟི.

ཨཱསཝཱཏི ཀཏམེ ཏེ ཨཱསཝཱ? ཀཱམཱསཝོ, བྷཝཱསཝོ, དིཊྛཱསཝོ, ཨཝིཛྫཱསཝོ. ཀཏྠེཏེ ཨཱསཝཱ ཁཱིཡནྟི [ཁིཡྻནྟི (ཀ.)]? སོཏཱཔཏྟིམགྒེན ཨནཝསེསོ དིཊྛཱསཝོ ཁཱིཡཏི. ཨཔཱཡགམནཱིཡོ ཀཱམཱསཝོ ཁཱིཡཏི, ཨཔཱཡགམནཱིཡོ བྷཝཱསཝོ ཁཱིཡཏི, ཨཔཱཡགམནཱིཡོ ཨཝིཛྫཱསཝོ ཁཱིཡཏི. ཨེཏྠེཏེ ཨཱསཝཱ ཁཱིཡནྟི. སཀདཱགཱམིམགྒེན ཨོལཱ༹རིཀོ ཀཱམཱསཝོ ཁཱིཡཏི, ཏདེཀཊྛོ བྷཝཱསཝོ ཁཱིཡཏི, ཏདེཀཊྛོ ཨཝིཛྫཱསཝོ ཁཱིཡཏི. ཨེཏྠེཏེ ཨཱསཝཱ ཁཱིཡནྟི. ཨནཱགཱམིམགྒེན ཨནཝསེསོ ཀཱམཱསཝོ ཁཱིཡཏི, ཏདེཀཊྛོ བྷཝཱསཝོ ཁཱིཡཏི, ཏདེཀཊྛོ ཨཝིཛྫཱསཝོ ཁཱིཡཏི. ཨེཏྠེཏེ ཨཱསཝཱ ཁཱིཡནྟི. ཨརཧཏྟམགྒེན ཨནཝསེསོ བྷཝཱསཝོ ཁཱིཡཏི, ཨནཝསེསོ ཨཝིཛྫཱསཝོ ཁཱིཡཏི. ཨེཏྠེཏེ ཨཱསཝཱ ཁཱིཡནྟི.

༢༠༨.

ན ཏསྶ ཨདྡིཊྛམིདྷཏྠི ཀིཉྩི, ཨཐོ ཨཝིཉྙཱཏམཛཱནིཏབྦཾ;

སབྦཾ ཨབྷིཉྙཱསི ཡདཏྠི ནེཡྻཾ, ཏཐཱགཏོ ཏེན སམནྟཙཀྑཱུཏི.

སམནྟཙཀྑཱུཏི ཀེནཊྛེན སམནྟཙཀྑུ? ཙུདྡས བུདྡྷཉཱཎཱནི – དུཀྑེ ཉཱཎཾ བུདྡྷཉཱཎཾ, དུཀྑསམུདཡེ ཉཱཎཾ བུདྡྷཉཱཎཾ…པེ… སབྦཉྙུཏཉཱཎཾ བུདྡྷཉཱཎཾ, ཨནཱཝརཎཉཱཎཾ བུདྡྷཉཱཎཾ. ཨིམཱནི ཙུདྡས ¶ བུདྡྷཉཱཎཱནི. ཨིམེསཾ ཙུདྡསནྣཾ བུདྡྷཉཱཎཱནཾ ཨཊྛ ཉཱཎཱནི སཱཝཀསཱདྷཱརཎཱནི, ཚ ཉཱཎཱནི ཨསཱདྷཱརཎཱནི སཱཝཀེཧི.

ཡཱཝཏཱ ¶ དུཀྑསྶ དུཀྑཊྛོ ཉཱཏོ, ཨཉྙཱཏོ དུཀྑཊྛོ ནཏྠཱིཏི – སམནྟཙཀྑུ. ཡཾ སམནྟཙཀྑུ ཏཾ པཉྙིནྡྲིཡཾ. པཉྙིནྡྲིཡསྶ ཝསེན ཨདྷིམོཀྑཊྛེན སདྡྷིནྡྲིཡཾ, པགྒཧཊྛེན ཝཱིརིཡིནྡྲིཡཾ, ཨུཔཊྛཱནཊྛེན སཏིནྡྲིཡཾ, ཨཝིཀྑེཔཊྛེན སམཱདྷིནྡྲིཡཾ. ཡཱཝཏཱ དུཀྑསྶ དུཀྑཊྛོ དིཊྛོ ཝིདིཏོ སཙྪིཀཏོ ཕསྶིཏོ ¶ པཉྙཱཡ; ཨཕསྶིཏོ པཉྙཱཡ དུཀྑཊྛོ ནཏྠཱིཏི – སམནྟཙཀྑུ. ཡཾ སམནྟཙཀྑུ ཏཾ པཉྙིནྡྲིཡཾ. པཉྙིནྡྲིཡསྶ ཝསེན ཨདྷིམོཀྑཊྛེན སདྡྷིནྡྲིཡཾ, པགྒཧཊྛེན ཝཱིརིཡིནྡྲིཡཾ, ཨུཔཊྛཱནཊྛེན སཏིནྡྲིཡཾ, ཨཝིཀྑེཔཊྛེན སམཱདྷིནྡྲིཡཾ. ཡཱཝཏཱ ¶ སམུདཡསྶ སམུདཡཊྛོ…པེ… ཡཱཝཏཱ ནིརོདྷསྶ ནིརོདྷཊྛོ… ཡཱཝཏཱ མགྒསྶ མགྒཊྛོ… ཡཱཝཏཱ ཨཏྠཔཊིསམྦྷིདཱཡ ཨཏྠཔཊིསམྦྷིདཊྛོ… ཡཱཝཏཱ དྷམྨཔཊིསམྦྷིདཱཡ དྷམྨཔཊིསམྦྷིདཊྛོ… ཡཱཝཏཱ ནིརུཏྟིཔཊིསམྦྷིདཱཡ ནིརུཏྟིཔཊིསམྦྷིདཊྛོ… ཡཱཝཏཱ པཊིབྷཱནཔཊིསམྦྷིདཱཡ པཊིབྷཱནཔཊིསམྦྷིདཊྛོ… ཡཱཝཏཱ ཨིནྡྲིཡཔརོཔརིཡཏྟེ ཉཱཎཾ… ཡཱཝཏཱ སཏྟཱནཾ ཨཱསཡཱནུསཡེ ཉཱཎཾ… ཡཱཝཏཱ ཡམཀཔཱཊིཧཱིརེ ཉཱཎཾ… ཡཱཝཏཱ མཧཱཀརུཎཱསམཱཔཏྟིཡཱ ཉཱཎཾ… ཡཱཝཏཱ སདེཝཀསྶ ལོཀསྶ སམཱརཀསྶ སབྲཧྨཀསྶ སསྶམཎབྲཱཧྨཎིཡཱ ¶ པཛཱཡ སདེཝམནུསྶཱཡ དིཊྛཾ སུཏཾ མུཏཾ ཝིཉྙཱཏཾ པཏྟཾ པརིཡེསིཏཾ ཨནུཝིཙརིཏཾ མནསཱ, ཏཾ ཉཱཏཾ དིཊྛཾ ཝིདིཏཾ སཙྪིཀཏཾ ཕསྶིཏཾ པཉྙཱཡ. ཨཕསྶིཏཾ པཉྙཱཡ ནཏྠཱིཏི – སམནྟཙཀྑུ. ཡཾ སམནྟཙཀྑུ ཏཾ པཉྙིནྡྲིཡཾ. པཉྙིནྡྲིཡསྶ ཝསེན ཨདྷིམོཀྑཊྛེན སདྡྷིནྡྲིཡཾ, པགྒཧཊྛེན ཝཱིརིཡིནྡྲིཡཾ, ཨུཔཊྛཱནཊྛེན སཏིནྡྲིཡཾ, ཨཝིཀྑེཔཊྛེན སམཱདྷིནྡྲིཡཾ.

སདྡཧནྟོ པགྒཎྷཱཏི, པགྒཎྷནྟོ སདྡཧཏི. སདྡཧནྟོ ཨུཔཊྛཱཔེཏི, ཨུཔཊྛཱཔེནྟོ སདྡཧཏི. སདྡཧནྟོ སམཱདཧཏི, སམཱདཧནྟོ སདྡཧཏི. སདྡཧནྟོ པཛཱནཱཏི, པཛཱནནྟོ སདྡཧཏི. པགྒཎྷནྟོ ཨུཔཊྛཱཔེཏི, ཨུཔཊྛཱཔེནྟོ པགྒཎྷཱཏི. པགྒཎྷནྟོ སམཱདཧཏི, སམཱདཧནྟོ པགྒཎྷཱཏི. པགྒཎྷནྟོ པཛཱནཱཏི, པཛཱནནྟོ པགྒཎྷཱཏི. པགྒཎྷནྟོ སདྡཧཏི, སདྡཧནྟོ པགྒཎྷཱཏི. ཨུཔཊྛཱཔེནྟོ སམཱདཧཏི, སམཱདཧནྟོ ཨུཔཊྛཱཔེཏི. ཨུཔཊྛཱཔེནྟོ པཛཱནཱཏི, པཛཱནནྟོ ཨུཔཊྛཱཔེཏི. ཨུཔཊྛཱཔེནྟོ སདྡཧཏི, སདྡཧནྟོ ཨུཔཊྛཱཔེཏི. ཨུཔཊྛཱཔེནྟོ པགྒཎྷཱཏི, པགྒཎྷནྟོ ཨུཔཊྛཱཔེཏི. སམཱདཧནྟོ པཛཱནཱཏི, པཛཱནནྟོ སམཱདཧཏི. སམཱདཧནྟོ སདྡཧཏི, སདྡཧནྟོ སམཱདཧཏི. སམཱདཧནྟོ པགྒཎྷཱཏི, པགྒཎྷནྟོ སམཱདཧཏི. སམཱདཧནྟོ ཨུཔཊྛཱཔེཏི, ཨུཔཊྛཱཔེནྟོ སམཱདཧཏི. པཛཱནནྟོ སདྡཧཏི, སདྡཧནྟོ པཛཱནཱཏི. པཛཱནནྟོ པགྒཎྷཱཏི, པགྒཎྷནྟོ ¶ པཛཱནཱཏི. པཛཱནནྟོ ཨུཔཊྛཱཔེཏི, ཨུཔཊྛཱཔེནྟོ པཛཱནཱཏི. པཛཱནནྟོ སམཱདཧཏི, སམཱདཧནྟོ པཛཱནཱཏི.

སདྡཧིཏཏྟཱ ¶ པགྒཧིཏཾ, པགྒཧིཏཏྟཱ སདྡཧིཏཾ. སདྡཧིཏཏྟཱ ཨུཔཊྛཱཔིཏཾ, ཨུཔཊྛཱཔིཏཏྟཱ སདྡཧིཏཾ. སདྡཧིཏཏྟཱ སམཱདཧིཏཾ, སམཱདཧིཏཏྟཱ སདྡཧིཏཾ. སདྡཧིཏཏྟཱ པཛཱནིཏཾ, པཛཱནིཏཏྟཱ སདྡཧིཏཾ. པགྒཧིཏཏྟཱ ཨུཔཊྛཱཔིཏཾ ¶ , ཨུཔཊྛཱཔིཏཏྟཱ པགྒཧིཏཾ. པགྒཧིཏཏྟཱ སམཱདཧིཏཾ, སམཱདཧིཏཏྟཱ པགྒཧིཏཾ. པགྒཧིཏཏྟཱ པཛཱནིཏཾ པཛཱནིཏཏྟཱ པགྒཧིཏཾ. པགྒཧིཏཏྟཱ སདྡཧིཏཾ, སདྡཧིཏཏྟཱ ¶ པགྒཧིཏཾ. ཨུཔཊྛཱཔིཏཏྟཱ སམཱདཧིཏཾ, སམཱདཧིཏཏྟཱ ཨུཔཊྛཱཔིཏཾ. ཨུཔཊྛཱཔིཏཏྟཱ པཛཱནིཏཾ, པཛཱནིཏཏྟཱ ཨུཔཊྛཱཔིཏཾ. ཨུཔཊྛཱཔིཏཏྟཱ སདྡཧིཏཾ, སདྡཧིཏཏྟཱ ཨུཔཊྛཱཔིཏཾ. ཨུཔཊྛཱཔིཏཏྟཱ པགྒཧིཏཾ, པགྒཧིཏཏྟཱ ཨུཔཊྛཱཔིཏཾ. སམཱདཧིཏཏྟཱ པཛཱནིཏཾ, པཛཱནིཏཏྟཱ སམཱདཧིཏཾ. སམཱདཧིཏཏྟཱ སདྡཧིཏཾ, སདྡཧིཏཏྟཱ སམཱདཧིཏཾ. སམཱདཧིཏཏྟཱ པགྒཧིཏཾ, པགྒཧིཏཏྟཱ སམཱདཧིཏཾ. སམཱདཧིཏཏྟཱ ཨུཔཊྛཱཔིཏཾ, ཨུཔཊྛཱཔིཏཏྟཱ སམཱདཧིཏཾ. པཛཱནིཏཏྟཱ སདྡཧིཏཾ, སདྡཧིཏཏྟཱ པཛཱནིཏཾ. པཛཱནིཏཏྟཱ པགྒཧིཏཾ, པགྒཧིཏཏྟཱ པཛཱནིཏཾ. པཛཱནིཏཏྟཱ ཨུཔཊྛཱཔིཏཾ, ཨུཔཊྛཱཔིཏཏྟཱ པཛཱནིཏཾ. པཛཱནིཏཏྟཱ སམཱདཧིཏཾ, སམཱདཧིཏཏྟཱ པཛཱནིཏཾ.

ཡཾ བུདྡྷཙཀྑུ ཏཾ བུདྡྷཉཱཎཾ, ཡཾ བུདྡྷཉཱཎཾ ཏཾ བུདྡྷཙཀྑུ, ཡེན ཙཀྑུནཱ ཏཐཱགཏོ སཏྟེ པསྶཏི ཨཔྤརཛཀྑེ ¶ མཧཱརཛཀྑེ ཏིཀྑིནྡྲིཡེ མུདིནྡྲིཡེ སྭཱཀཱརེ དྭཱཀཱརེ སུཝིཉྙཱཔཡེ དུཝིཉྙཱཔཡེ ཨཔྤེཀཙྩེ པརལོཀཝཛྫབྷཡདསྶཱཝིནོ [པརལོཀཝཛྫབྷཡདསྶཱཝིནེ (སྱཱ. ཀ.)], ཨཔྤེཀཙྩེ ནཔརལོཀཝཛྫབྷཡདསྶཱཝིནོ.

ཨཔྤརཛཀྑེ མཧཱརཛཀྑེཏི སདྡྷོ པུགྒལོ ཨཔྤརཛཀྑོ, ཨསྶདྡྷོ པུགྒལོ མཧཱརཛཀྑོ. ཨཱརདྡྷཝཱིརིཡོ པུགྒལོ ཨཔྤརཛཀྑོ, ཀུསཱིཏོ པུགྒལོ མཧཱརཛཀྑོ. ཨུཔཊྛིཏསྶཏི པུགྒལོ ཨཔྤརཛཀྑོ, མུཊྛསྶཏི པུགྒལོ མཧཱརཛཀྑོ. སམཱཧིཏོ པུགྒལོ ཨཔྤརཛཀྑོ, ཨསམཱཧིཏོ པུགྒལོ མཧཱརཛཀྑོ. པཉྙཝཱ པུགྒལོ ཨཔྤརཛཀྑོ, དུཔྤཉྙོ པུགྒལོ མཧཱརཛཀྑོ.

ཏིཀྑིནྡྲིཡེ མུདིནྡྲིཡེཏི སདྡྷོ པུགྒལོ ཏིཀྑིནྡྲིཡོ, ཨསྶདྡྷོ པུགྒལོ མུདིནྡྲིཡོ…པེ… པཉྙཝཱ པུགྒལོ ཏིཀྑིནྡྲིཡོ, དུཔྤཉྙོ པུགྒལོ མུདིནྡྲིཡོ. སྭཱཀཱརེ དྭཱཀཱརེཏི སདྡྷོ པུགྒལོ སྭཱཀཱརོ, ཨསྶདྡྷོ པུགྒལོ དྭཱཀཱརོ…པེ… པཉྙཝཱ པུགྒལོ སྭཱཀཱརོ, དུཔྤཉྙོ པུགྒལོ དྭཱཀཱརོ. སུཝིཉྙཱཔཡེ དུཝིཉྙཱཔཡེཏི སདྡྷོ པུགྒལོ སུཝིཉྙཱཔཡོ, ཨསྶདྡྷོ པུགྒལོ དུཝིཉྙཱཔཡོ…པེ… པཉྙཝཱ པུགྒལོ སུཝིཉྙཱཔཡོ, དུཔྤཉྙོ པུགྒལོ དུཝིཉྙཱཔཡོ.

ཨཔྤེཀཙྩེ ¶ པརལོཀཝཛྫབྷཡདསྶཱཝིནོ, ཨཔྤེཀཙྩེ ནཔརལོཀཝཛྫབྷཡདསྶཱཝིནོཏི སདྡྷོ པུགྒལོ ¶ པརལོཀཝཛྫབྷཡདསྶཱཝཱི, ཨསྶདྡྷོ པུགྒལོ ནཔརལོཀཝཛྫབྷཡདསྶཱཝཱི. ཨཱརདྡྷཝཱིརིཡོ པུགྒལོ པརལོཀཝཛྫབྷཡདསྶཱཝཱི ¶ , ཀུསཱིཏོ པུགྒལོ ནཔརལོཀཝཛྫབྷཡདསྶཱཝཱི…པེ… པཉྙཝཱ པུགྒལོ པརལོཀཝཛྫབྷཡདསྶཱཝཱི, དུཔྤཉྙོ པུགྒལོ ནཔརལོཀཝཛྫབྷཡདསྶཱཝཱི.

ལོཀོཏི ཁནྡྷལོཀོ དྷཱཏུལོཀོ ཨཱཡཏནལོཀོ ཝིཔཏྟིབྷཝལོཀོ ¶ ཝིཔཏྟིསམྦྷཝལོཀོ སམྤཏྟིབྷཝལོཀོ སམྤཏྟིསམྦྷཝལོཀོ.

ཨེཀོ ལོཀོ – སབྦེ སཏྟཱ ཨཱཧཱརཊྛིཏིཀཱ. དྭེ ལོཀཱ – ནཱམཉྩ རཱུཔཉྩ. ཏཡོ ལོཀཱ – ཏིསྶོ ཝེདནཱ. ཙཏྟཱརོ ལོཀཱ – ཙཏྟཱརོ ཨཱཧཱརཱ. པཉྩ ལོཀཱ – པཉྩུཔཱདཱནཀྑནྡྷཱ. ཚ ལོཀཱ – ཚ ཨཛ྄ཛྷཏྟིཀཱནི ཨཱཡཏནཱནི. སཏྟ ལོཀཱ – སཏྟ ཝིཉྙཱཎཊྛིཏིཡོ. ཨཊྛ ལོཀཱ – ཨཊྛ ལོཀདྷམྨཱ. ནཝ ལོཀཱ – ནཝ སཏྟཱཝཱསཱ. དས ལོཀཱ – དསཱཡཏནཱནི. དྭཱདས ལོཀཱ – དྭཱདསཱཡཏནཱནི. ཨཊྛཱརས ལོཀཱ – ཨཊྛཱརས དྷཱཏུཡོ.

ཝཛྫནྟི སབྦེ ཀིལེསཱ ཝཛྫཱ, སབྦེ དུཙྩརིཏཱ ཝཛྫཱ, སབྦེ ཨབྷིསངྑཱརཱ ཝཛྫཱ, སབྦེ བྷཝགཱམིཀམྨཱ ཝཛྫཱ. ཨིཏི ཨིམསྨིཉྩ ལོཀེ ཨིམསྨིཉྩ ཝཛྫེ ཏིབྦཱ བྷཡསཉྙཱ པཙྩུཔཊྛིཏཱ ཧོནྟི, སེཡྻཐཱཔི ཨུཀྑིཏྟཱསིཀེ ཝདྷཀེ. ཨིམེཧི པཉྙཱསཱཡ ཨཱཀཱརེཧི ཨིམཱནི པཉྩིནྡྲིཡཱནི ཛཱནཱཏི པསྶཏི ཨཉྙཱཏི པཊིཝིཛ྄ཛྷཏཱིཏི.

ཨིནྡྲིཡསམོདྷཱནོ པཉྩམོ.

ཏཏིཡབྷཱཎཝཱརོ.

ཨིནྡྲིཡཀཐཱ ནིཊྛིཏཱ.

༥. ཝིམོཀྑཀཐཱ

༡. ཨུདྡེསོ

༢༠༩. པུརིམནིདཱནཾ ¶ . ‘‘ཏཡོམེ ¶ ¶ , བྷིཀྑཝེ, ཝིམོཀྑཱ. ཀཏམེ ཏཡོ? སུཉྙཏོ ཝིམོཀྑོ, ཨནིམིཏྟོ ཝིམོཀྑོ, ཨཔྤཎིཧིཏོ ཝིམོཀྑོ – ཨིམེ ཁོ, བྷིཀྑཝེ, ཏཡོ ཝིམོཀྑཱ.

‘‘ཨཔི ¶ ཙ, ཨཊྛསཊྛི ཝིམོཀྑཱ – སུཉྙཏོ ཝིམོཀྑོ, ཨནིམིཏྟོ ཝིམོཀྑོ, ཨཔྤཎིཧིཏོ ཝིམོཀྑོ; ཨཛ྄ཛྷཏྟཝུཊྛཱནོ ཝིམོཀྑོ, བཧིདྡྷཱཝུཊྛཱནོ ཝིམོཀྑོ, དུབྷཏོ ཝུཊྛཱནོ ཝིམོཀྑོ; ཨཛ྄ཛྷཏྟཝུཊྛཱནཱ ཙཏྟཱརོ ཝིམོཀྑཱ, བཧིདྡྷཱཝུཊྛཱནཱ ཙཏྟཱརོ ཝིམོཀྑཱ, དུབྷཏོ ཝུཊྛཱནཱ ཙཏྟཱརོ ཝིམོཀྑཱ; ཨཛ྄ཛྷཏྟཝུཊྛཱནཱནཾ ཨནུལོམཱ ཙཏྟཱརོ ཝིམོཀྑཱ, བཧིདྡྷཱཝུཊྛཱནཱནཾ ཨནུལོམཱ ཙཏྟཱརོ ཝིམོཀྑཱ, དུབྷཏོ ཝུཊྛཱནཱནཾ ཨནུལོམཱ ཙཏྟཱརོ ཝིམོཀྑཱ; ཨཛ྄ཛྷཏྟཝུཊྛཱནཔཊིཔྤསྶདྡྷཱི [ཨཛ྄ཛྷཏྟཝུཊྛཱནཱ པཊིཔྤསྶདྡྷཱི (སྱཱ.)] ཙཏྟཱརོ ཝིམོཀྑཱ, བཧིདྡྷཱཝུཊྛཱནཔཊིཔྤསྶདྡྷཱི ཙཏྟཱརོ ཝིམོཀྑཱ, དུབྷཏོ ཝུཊྛཱནཔཊིཔྤསྶདྡྷཱི ཙཏྟཱརོ ཝིམོཀྑཱ; རཱུཔཱི རཱུཔཱནི པསྶཏཱིཏི ཝིམོཀྑོ, ཨཛ྄ཛྷཏྟཾ ཨརཱུཔསཉྙཱི བཧིདྡྷཱ རཱུཔཱནི པསྶཏཱིཏི ཝིམོཀྑོ, སུབྷཾ ཏེཝ ཨདྷིམུཏྟོ ཧོཏཱིཏི ཝིམོཀྑོ; ཨཱཀཱསཱནཉྩཱཡཏནསམཱཔཏྟི ཝིམོཀྑོ, ཝིཉྙཱཎཉྩཱཡཏནསམཱཔཏྟི ཝིམོཀྑོ, ཨཱཀིཉྩཉྙཱཡཏནསམཱཔཏྟི ཝིམོཀྑོ; ནེཝསཉྙཱནཱསཉྙཱཡཏནསམཱཔཏྟི ཝིམོཀྑོ, སཉྙཱཝེདཡིཏནིརོདྷསམཱཔཏྟི ¶ ཝིམོཀྑོ; སམཡཝིམོཀྑོ, ཨསམཡཝིམོཀྑོ; སཱམཡིཀོ ཝིམོཀྑོ, ཨསཱམཡིཀོ ཝིམོཀྑོ; ཀུཔྤོ ཝིམོཀྑོ, ཨཀུཔྤོ ཝིམོཀྑོ; ལོཀིཡོ ཝིམོཀྑོ, ལོཀུཏྟརོ ཝིམོཀྑོ; སཱསཝོ ཝིམོཀྑོ, ཨནཱསཝོ ཝིམོཀྑོ; སཱམིསོ ཝིམོཀྑོ, ནིརཱམིསོ ཝིམོཀྑོ; ནིརཱམིསཱནིརཱམིསཏརོ ཝིམོཀྑོ, པཎིཧིཏོ ཝིམོཀྑོ, ཨཔྤཎིཧིཏོ ཝིམོཀྑོ, པཎིཧིཏཔྤཊིཔྤསྶདྡྷི ཝིམོཀྑོ; སཉྙུཏྟོ ¶ ཝིམོཀྑོ, ཝིསཉྙུཏྟོ ཝིམོཀྑོ; ཨེཀཏྟཝིམོཀྑོ, ནཱནཏྟཝིམོཀྑོ ¶ , སཉྙཱཝིམོཀྑོ, ཉཱཎཝིམོཀྑོ; སཱིཏིསིཡཱཝིམོཀྑོ [སཱིཏཱིསིཡཱཝིམོཀྑོ (སཱི. ཨཊྛ.)], ཛྷཱནཝིམོཀྑོ, ཨནུཔཱདཱཙིཏྟསྶ ཝིམོཀྑོ’’.

༢. ནིདྡེསོ

༢༡༠. ཀཏམོ སུཉྙཏོ ཝིམོཀྑོ? ཨིདྷ བྷིཀྑུ ཨརཉྙགཏོ ཝཱ རུཀྑམཱུལགཏོ ཝཱ སུཉྙཱགཱརགཏོ ཝཱ ཨིཏི པཊིསཉྩིཀྑཏི – ‘‘སུཉྙམིདཾ ཨཏྟེན ཝཱ ཨཏྟནིཡེན ཝཱ’’ཏི. སོ ཏཏྠ ཨབྷིནིཝེསཾ ན ཀརོཏཱིཏི – སུཉྙཏོ ཝིམོཀྑོ. ཨཡཾ སུཉྙཏོ ཝིམོཀྑོ.

ཀཏམོ ¶ ཨནིམིཏྟོ ཝིམོཀྑོ? ཨིདྷ བྷིཀྑུ ཨརཉྙགཏོ ཝཱ རུཀྑམཱུལགཏོ ཝཱ སུཉྙཱགཱརགཏོ ཝཱ ཨིཏི པཊིསཉྩིཀྑཏི – ‘‘སུཉྙམིདཾ ཨཏྟེན ཝཱ ཨཏྟནིཡེན ཝཱ’’ཏི. སོ ཏཏྠ ནིམིཏྟཾ ན ཀརོཏཱིཏི – ཨནིམིཏྟོ ཝིམོཀྑོ. ཨཡཾ ཨནིམིཏྟོ ཝིམོཀྑོ.

ཀཏམོ ཨཔྤཎིཧིཏོ ཝིམོཀྑོ? ཨིདྷ བྷིཀྑུ ཨརཉྙགཏོ ཝཱ རུཀྑམཱུལགཏོ ཝཱ སུཉྙཱགཱརགཏོ ཝཱ ཨིཏི པཊིསཉྩིཀྑཏི – ‘‘སུཉྙམིདཾ ཨཏྟེན ཝཱ ཨཏྟནིཡེན ཝཱ’’ཏི. སོ ཏཏྠ པཎིདྷིཾ ན ཀརོཏཱིཏི – ཨཔྤཎིཧིཏོ ¶ ཝིམོཀྑོ. ཨཡཾ ཨཔྤཎིཧིཏོ ཝིམོཀྑོ.

ཀཏམོ ཨཛ྄ཛྷཏྟཝུཊྛཱནོ ཝིམོཀྑོ? ཙཏྟཱརི ཛྷཱནཱནི – ཨཡཾ ཨཛ྄ཛྷཏྟཝུཊྛཱནོ ཝིམོཀྑོ. ཀཏམོ བཧིདྡྷཱཝུཊྛཱནོ ཝིམོཀྑོ? ཙཏསྶོ ཨརཱུཔསམཱཔཏྟིཡོ – ཨཡཾ བཧིདྡྷཱཝུཊྛཱནོ ཝིམོཀྑོ. ཀཏམོ དུབྷཏོ ཝུཊྛཱནོ ཝིམོཀྑོ? ཙཏྟཱརོ ཨརིཡམགྒཱ – ཨཡཾ དུབྷཏོ ཝུཊྛཱནོ ཝིམོཀྑོ.

ཀཏམེ ཨཛ྄ཛྷཏྟཝུཊྛཱནཱ ཙཏྟཱརོ ཝིམོཀྑཱ? པཋམཾ ཛྷཱནཾ ནཱིཝརཎེཧི ཝུཊྛཱཏི. དུཏིཡཾ ཛྷཱནཾ ཝིཏཀྐཝིཙཱརེཧི ཝུཊྛཱཏི. ཏཏིཡཾ ཛྷཱནཾ པཱིཏིཡཱ ཝུཊྛཱཏི. ཙཏུཏྠཾ ཛྷཱནཾ སུཁདུཀྑེཧི ཝུཊྛཱཏི. ཨིམེ ཨཛ྄ཛྷཏྟཝུཊྛཱནཱ ཙཏྟཱརོ ཝིམོཀྑཱ.

ཀཏམེ བཧིདྡྷཱཝུཊྛཱནཱ ཙཏྟཱརོ ཝིམོཀྑཱ? ཨཱཀཱསཱནཉྩཱཡཏནསམཱཔཏྟི རཱུཔསཉྙཱཡ པཊིགྷསཉྙཱཡ ནཱནཏྟསཉྙཱཡ ཝུཊྛཱཏི. ཝིཉྙཱཎཉྩཱཡཏནསམཱཔཏྟི ཨཱཀཱསཱནཉྩཱཡཏནསཉྙཱཡ ཝུཊྛཱཏི. ཨཱཀིཉྩཉྙཱཡཏནསམཱཔཏྟི ཝིཉྙཱཎཉྩཱཡཏནསཉྙཱཡ ཝུཊྛཱཏི. ནེཝསཉྙཱནཱསཉྙཱཡཏནསམཱཔཏྟི ¶ ཨཱཀིཉྩཉྙཱཡཏནསཉྙཱཡ ཝུཊྛཱཏི. ཨིམེ བཧིདྡྷཱཝུཊྛཱནཱ ཙཏྟཱརོ ཝིམོཀྑཱ.

ཀཏམེ དུབྷཏོ ཝུཊྛཱནཱ ཙཏྟཱརོ ཝིམོཀྑཱ? སོཏཱཔཏྟིམགྒོ སཀྐཱཡདིཊྛིཝིཙིཀིཙྪཱསཱིལབྦཏཔརཱམཱསཱ དིཊྛཱནུསཡཱ ཝིཙིཀིཙྪཱནུསཡཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ¶ ཙ སབྦནིམིཏྟེཧི ¶ ཝུཊྛཱཏི. སཀདཱགཱམིམགྒོ ཨོལཱ༹རིཀཱ ཀཱམརཱགསཉྙོཛནཱ པཊིགྷསཉྙོཛནཱ ཨོལཱ༹རིཀཱ ཀཱམརཱགཱནུསཡཱ པཊིགྷཱནུསཡཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི ¶ . ཨནཱགཱམིམགྒོ ཨནུསཧགཏཱ ཀཱམརཱགསཉྙོཛནཱ པཊིགྷསཉྙོཛནཱ ཨནུསཧགཏཱ ཀཱམརཱགཱནུསཡཱ པཊིགྷཱནུསཡཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཨརཧཏྟམགྒོ རཱུཔརཱགཱ ཨརཱུཔརཱགཱ མཱནཱ ཨུདྡྷཙྩཱ ཨཝིཛྫཱཡ མཱནཱནུསཡཱ བྷཝརཱགཱནུསཡཱ ཨཝིཛྫཱནུསཡཱ ཝུཊྛཱཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝུཊྛཱཏི, བཧིདྡྷཱ ཙ སབྦནིམིཏྟེཧི ཝུཊྛཱཏི. ཨིམེ དུབྷཏོ ཝུཊྛཱནཱ ཙཏྟཱརོ ཝིམོཀྑཱ.

༢༡༡. ཀཏམེ ཨཛ྄ཛྷཏྟཝུཊྛཱནཱནཾ ཨནུལོམཱ ཙཏྟཱརོ ཝིམོཀྑཱ? པཋམཾ ཛྷཱནཾ པཊིལཱབྷཏྠཱཡ ཝིཏཀྐོ ཙ ཝིཙཱརོ ཙ པཱིཏི ཙ སུཁཉྩ ཙིཏྟེཀགྒཏཱ ཙ, དུཏིཡཾ ཛྷཱནཾ པཊིལཱབྷཏྠཱཡ…པེ… ཏཏིཡཾ ཛྷཱནཾ པཊིལཱབྷཏྠཱཡ…པེ… ཙཏུཏྠཾ ཛྷཱནཾ པཊིལཱབྷཏྠཱཡ ཝིཏཀྐོ ཙ ཝིཙཱརོ ཙ པཱིཏི ཙ སུཁཉྩ ཙིཏྟེཀགྒཏཱ ཙ – ཨིམེ ཨཛ྄ཛྷཏྟཝུཊྛཱནཱནཾ ཨནུལོམཱ ཙཏྟཱརོ ཝིམོཀྑཱ.

ཀཏམེ བཧིདྡྷཱཝུཊྛཱནཱནཾ ཨནུལོམཱ ཙཏྟཱརོ ཝིམོཀྑཱ? ཨཱཀཱསཱནཉྩཱཡཏནསམཱཔཏྟིཾ པཊིལཱབྷཏྠཱཡ ཝིཏཀྐོ ཙ ཝིཙཱརོ ཙ པཱིཏི ཙ སུཁཉྩ ཙིཏྟེཀགྒཏཱ ཙ, ཝིཉྙཱཎཉྩཱཡཏནསམཱཔཏྟིཾ…པེ… ཨཱཀིཉྩཉྙཱཡཏནསམཱཔཏྟིཾ ¶ …པེ… ནེཝསཉྙཱནཱསཉྙཱཡཏནསམཱཔཏྟིཾ པཊིལཱབྷཏྠཱཡ ཝིཏཀྐོ ཙ ཝིཙཱརོ ཙ པཱིཏི ཙ སུཁཉྩ ཙིཏྟེཀགྒཏཱ ཙ – ཨིམེ བཧིདྡྷཱཝུཊྛཱནཱནཾ ཨནུལོམཱ ཙཏྟཱརོ ཝིམོཀྑཱ.

ཀཏམེ དུབྷཏོ ཝུཊྛཱནཱནཾ ཨནུལོམཱ ཙཏྟཱརོ ཝིམོཀྑཱ? སོཏཱཔཏྟིམགྒཾ པཊིལཱབྷཏྠཱཡ ཨནིཙྩཱནུཔསྶནཱ, དུཀྑཱནུཔསྶནཱ, ཨནཏྟཱནུཔསྶནཱ. སཀདཱགཱམིམགྒཾ པཊིལཱབྷཏྠཱཡ…པེ… ཨནཱགཱམིམགྒཾ ¶ པཊིལཱབྷཏྠཱཡ…པེ… ཨརཧཏྟམགྒཾ པཊིལཱབྷཏྠཱཡ ཨནིཙྩཱནུཔསྶནཱ, དུཀྑཱནུཔསྶནཱ, ཨནཏྟཱནུཔསྶནཱ – ཨིམེ དུབྷཏོ ཝུཊྛཱནཱནཾ ཨནུལོམཱ ཙཏྟཱརོ ཝིམོཀྑཱ.

ཀཏམེ ཨཛ྄ཛྷཏྟཝུཊྛཱནཔཊིཔྤསྶདྡྷཱི ཙཏྟཱརོ ཝིམོཀྑཱ? པཋམསྶ ཛྷཱནསྶ པཊིལཱབྷོ ཝཱ ཝིཔཱཀོ ཝཱ, དུཏིཡསྶ ཛྷཱནསྶ…པེ… ཏཏིཡསྶ ཛྷཱནསྶ…པེ… ཙཏུཏྠསྶ ¶ ཛྷཱནསྶ པཊིལཱབྷོ ཝཱ ཝིཔཱཀོ ཝཱ – ཨིམེ ཨཛ྄ཛྷཏྟཝུཊྛཱནཔཊིཔྤསྶདྡྷཱི ཙཏྟཱརོ ཝིམོཀྑཱ.

ཀཏམེ ¶ བཧིདྡྷཱཝུཊྛཱནཔཊིཔྤསྶདྡྷཱི ཙཏྟཱརོ ཝིམོཀྑཱ? ཨཱཀཱསཱནཉྩཱཡཏནསམཱཔཏྟིཡཱ པཊིལཱབྷོ ཝཱ ཝིཔཱཀོ ཝཱ, ཝིཉྙཱཎཉྩཱཡཏནསམཱཔཏྟིཡཱ…པེ… ཨཱཀིཉྩཉྙཱཡཏནསམཱཔཏྟིཡཱ…པེ… ནེཝསཉྙཱནཱསཉྙཱཡཏནསམཱཔཏྟིཡཱ པཊིལཱབྷོ ཝཱ ཝིཔཱཀོ ཝཱ – ཨིམེ བཧིདྡྷཱཝུཊྛཱནཔཊིཔྤསྶདྡྷཱི ཙཏྟཱརོ ཝིམོཀྑཱ.

ཀཏམེ དུབྷཏོ ཝུཊྛཱནཔཊིཔྤསྶདྡྷཱི ཙཏྟཱརོ ཝིམོཀྑཱ? སོཏཱཔཏྟིམགྒསྶ སོཏཱཔཏྟིཕལཾ, སཀདཱགཱམིམགྒསྶ སཀདཱགཱམིཕལཾ ¶ , ཨནཱགཱམིམགྒསྶ ཨནཱགཱམིཕལཾ, ཨརཧཏྟམགྒསྶ ཨརཧཏྟཕལཾ – ཨིམེ དུབྷཏོ ཝུཊྛཱནཔཊིཔྤསྶདྡྷཱི ཙཏྟཱརོ ཝིམོཀྑཱ.

༢༡༢. ཀཐཾ རཱུཔཱི རཱུཔཱནི པསྶཏཱིཏི – ཝིམོཀྑོ? ཨིདྷེཀཙྩོ ཨཛ྄ཛྷཏྟཾ པཙྩཏྟཾ ནཱིལནིམིཏྟཾ མནསིཀརོཏི, ནཱིལསཉྙཾ པཊིལབྷཏི. སོ ཏཾ ནིམིཏྟཾ སུགྒཧིཏཾ ཀརོཏི, སཱུཔདྷཱརིཏཾ ཨུཔདྷཱརེཏི, སྭཱཝཏྠིཏཾ ཨཝཏྠཱཔེཏི. སོ ཏཾ ནིམིཏྟཾ སུགྒཧིཏཾ ཀཏྭཱ སཱུཔདྷཱརིཏཾ [སུཔདྷཱརིཏཾ (ཀ.)] ཨུཔདྷཱརེཏྭཱ སྭཱཝཏྠིཏཾ ཨཝཏྠཱཔེཏྭཱ བཧིདྡྷཱ ནཱིལནིམིཏྟེ ཙིཏྟཾ ཨུཔསཾཧརཏི, ནཱིལསཉྙཾ པཊིལབྷཏི. སོ ཏཾ ནིམིཏྟཾ སུགྒཧིཏཾ ཀརོཏི, སཱུཔདྷཱརིཏཾ ཨུཔདྷཱརེཏི, སྭཱཝཏྠིཏཾ ཨཝཏྠཱཔེཏི. སོ ཏཾ ནིམིཏྟཾ སུགྒཧིཏཾ ཀཏྭཱ ཨུཔདྷཱརེཏྭཱ སྭཱཝཏྠིཏཾ ཨཝཏྠཱཔེཏྭཱ ཨཱསེཝཏི བྷཱཝེཏི བཧུལཱིཀརོཏི. ཏསྶ ཨེཝཾ ཧོཏི – ‘‘ཨཛ྄ཛྷཏྟཉྩ བཧིདྡྷཱ ཙ ཨུབྷཡམིདཾ རཱུཔ’’ནྟི, རཱུཔསཉྙཱི ཧོཏི. ཨིདྷེཀཙྩོ ཨཛ྄ཛྷཏྟཾ པཙྩཏྟཾ པཱིཏནིམིཏྟཾ…པེ… ལོཧིཏནིམིཏྟཾ…པེ… ཨོདཱཏནིམིཏྟཾ མནསིཀརོཏི, ཨོདཱཏསཉྙཾ པཊིལབྷཏི. སོ ཏཾ ནིམིཏྟཾ སུགྒཧིཏཾ ཀརོཏི, སཱུཔདྷཱརིཏཾ ཨུཔདྷཱརེཏི, སྭཱཝཏྠིཏཾ ཨཝཏྠཱཔེཏི. སོ ཏཾ ནིམིཏྟཾ སུགྒཧིཏཾ ཀཏྭཱ སཱུཔདྷཱརིཏཾ ཨུཔདྷཱརེཏྭཱ སྭཱཝཏྠིཏཾ ཨཝཏྠཱཔེཏྭཱ བཧིདྡྷཱ ཨོདཱཏནིམིཏྟེ ཙིཏྟཾ ཨུཔསཾཧརཏི, ཨོདཱཏསཉྙཾ པཊིལབྷཏི. སོ ཏཾ ནིམིཏྟཾ སུགྒཧིཏཾ ཀརོཏི, སཱུཔདྷཱརིཏཾ ཨུཔདྷཱརེཏི, སྭཱཝཏྠིཏཾ ཨཝཏྠཱཔེཏི. སོ ཏཾ ནིམིཏྟཾ སུགྒཧིཏཾ ཀཏྭཱ སཱུཔདྷཱརིཏཾ ཨུཔདྷཱརེཏྭཱ སྭཱཝཏྠིཏཾ ཨཝཏྠཱཔེཏྭཱ ཨཱསེཝཏི ¶ བྷཱཝེཏི བཧུལཱིཀརོཏི. ཏསྶ ཨེཝཾ ¶ ཧོཏི – ‘‘ཨཛ྄ཛྷཏྟཉྩ བཧིདྡྷཱ ཙ ཨུབྷཡམིདཾ རཱུཔ’’ནྟི, རཱུཔསཉྙཱི ཧོཏི. ཨེཝཾ རཱུཔཱི རཱུཔཱནི པསྶཏཱིཏི – ཝིམོཀྑོ.

ཀཐཾ ¶ ཨཛ྄ཛྷཏྟཾ ཨརཱུཔསཉྙཱི བཧིདྡྷཱ རཱུཔཱནི པསྶཏཱིཏི – ཝིམོཀྑོ? ཨིདྷེཀཙྩོ ཨཛ྄ཛྷཏྟཾ པཙྩཏྟཾ ནཱིལནིམིཏྟཾ ¶ ན མནསིཀརོཏི, ནཱིལསཉྙཾ ན པཊིལབྷཏི; བཧིདྡྷཱ ནཱིལནིམིཏྟེ ཙིཏྟཾ ཨུཔསཾཧརཏི, ནཱིལསཉྙཾ པཊིལབྷཏི. སོ ཏཾ ནིམིཏྟཾ སུགྒཧིཏཾ ཀརོཏི, སཱུཔདྷཱརིཏཾ ཨུཔདྷཱརེཏི, སྭཱཝཏྠིཏཾ ཨཝཏྠཱཔེཏི. སོ ཏཾ ནིམིཏྟཾ སུགྒཧིཏཾ ཀཏྭཱ སཱུཔདྷཱརིཏཾ ཨུཔདྷཱརེཏྭཱ སྭཱཝཏྠིཏཾ ཨཝཏྠཱཔེཏྭཱ ཨཱསེཝཏི བྷཱཝེཏི བཧུལཱིཀརོཏི. ཏསྶ ཨེཝཾ ཧོཏི – ‘‘ཨཛ྄ཛྷཏྟཾ ཨརཱུཔཾ, བཧིདྡྷཱ རཱུཔམིད’’ནྟི, རཱུཔསཉྙཱི ཧོཏི. ཨིདྷེཀཙྩོ ཨཛ྄ཛྷཏྟཾ པཙྩཏྟཾ པཱིཏནིམིཏྟཾ…པེ… ལོཧིཏནིམིཏྟཾ…པེ… ཨོདཱཏནིམིཏྟཾ ན མནསིཀརོཏི, ཨོདཱཏསཉྙཾ ན པཊིལབྷཏི; བཧིདྡྷཱ ཨོདཱཏནིམིཏྟེ ཙིཏྟཾ ཨུཔསཾཧརཏི, ཨོདཱཏསཉྙཾ པཊིལབྷཏི. སོ ཏཾ ནིམིཏྟཾ སུགྒཧིཏཾ ཀརོཏི, སཱུཔདྷཱརིཏཾ ཨུཔདྷཱརེཏི, སྭཱཝཏྠིཏཾ ཨཝཏྠཱཔེཏི. སོ ཏཾ ནིམིཏྟཾ སུགྒཧིཏཾ ཀཏྭཱ སཱུཔདྷཱརིཏཾ ཨུཔདྷཱརེཏྭཱ སྭཱཝཏྠིཏཾ ཨཝཏྠཱཔེཏྭཱ ཨཱསེཝཏི བྷཱཝེཏི བཧུལཱིཀརོཏི. ཏསྶ ཨེཝཾ ཧོཏི – ‘‘ཨཛ྄ཛྷཏྟཾ ཨརཱུཔཾ བཧིདྡྷཱ རཱུཔམིད’’ནྟི, རཱུཔསཉྙཱི ཧོཏི. ཨེཝཾ ཨཛ྄ཛྷཏྟཾ ཨརཱུཔསཉྙཱི བཧིདྡྷཱ རཱུཔཱནི པསྶཏཱིཏི – ཝིམོཀྑོ.

ཀཐཾ ‘‘སུབྷ’’ནྟེཝ ཨདྷིམུཏྟོ ཧོཏཱིཏི – ཝིམོཀྑོ? ཨིདྷ བྷིཀྑུ མེཏྟཱསཧགཏེན ཙེཏསཱ ཨེཀཾ དིསཾ ཕརིཏྭཱ ཝིཧརཏི, ཏཐཱ དུཏིཡཾ, ཏཐཱ ¶ ཏཏིཡཾ, ཏཐཱ ཙཏུཏྠཾ. ཨིཏི ཨུདྡྷམདྷོ ཏིརིཡཾ སབྦདྷི སབྦཏྟཏཱཡ སབྦཱཝནྟཾ ལོཀཾ མེཏྟཱསཧགཏེན ཙེཏསཱ ཝིཔུལེན མཧགྒཏེན ཨཔྤམཱཎེན ཨཝེརེན ཨབྱཱཔཛྫེན [ཨབྱཱཔཛ྄ཛྷེན (སྱཱ.)] ཕརིཏྭཱ ཝིཧརཏི. མེཏྟཱཡ བྷཱཝིཏཏྟཱ སཏྟཱ ཨཔྤཊིཀཱུལཱ ཧོནྟི. ཀརུཎཱསཧགཏེན ཙེཏསཱ…པེ… ཀརུཎཱཡ བྷཱཝིཏཏྟཱ སཏྟཱ ཨཔྤཊིཀཱུལཱ ཧོནྟི. མུདིཏཱསཧགཏེན ཙེཏསཱ…པེ… མུདིཏཱཡ བྷཱཝིཏཏྟཱ སཏྟཱ ཨཔྤཊིཀཱུལཱ ཧོནྟི. ཨུཔེཀྑཱསཧགཏེན ཙེཏསཱ ཨེཀཾ དིསཾ ཕརིཏྭཱ ཝིཧརཏི…པེ… ཨུཔེཀྑཱཡ བྷཱཝིཏཏྟཱ སཏྟཱ ཨཔྤཊིཀཱུལཱ ཧོནྟི. ཨེཝཾ ‘‘སུབྷཾ’’ ཏེཝ ཨདྷིམུཏྟོ ཧོཏཱིཏི – ཝིམོཀྑོ.

༢༡༣. ཀཏམོ ཨཱཀཱསཱནཉྩཱཡཏནསམཱཔཏྟི ཝིམོཀྑོ? ཨིདྷ བྷིཀྑུ སབྦསོ རཱུཔསཉྙཱནཾ སམཏིཀྐམཱ པཊིགྷསཉྙཱནཾ ཨཏྠངྒམཱ ནཱནཏྟསཉྙཱནཾ ¶ ཨམནསིཀཱརཱ ‘‘ཨནནྟོ ཨཱཀཱསོ’’ཏི ཨཱཀཱསཱནཉྩཱཡཏནཾ ཨུཔསམྤཛྫ ཝིཧརཏི – ཨཡཾ ཨཱཀཱསཱནཉྩཱཡཏནསམཱཔཏྟི ཝིམོཀྑོ.

ཀཏམོ ¶ ཝིཉྙཱཎཉྩཱཡཏནསམཱཔཏྟི ཝིམོཀྑོ? ཨིདྷ བྷིཀྑུ སབྦསོ ཨཱཀཱསཱནཉྩཱཡཏནཾ སམཏིཀྐམྨ ¶ ‘‘ཨནནྟཾ ཝིཉྙཱཎ’’ནྟི ཝིཉྙཱཎཉྩཱཡཏནཾ ཨུཔསམྤཛྫ ཝིཧརཏི – ཨཡཾ ཝིཉྙཱཎཉྩཱཡཏནསམཱཔཏྟི ཝིམོཀྑོ.

ཀཏམོ ཨཱཀིཉྩཉྙཱཡཏནསམཱཔཏྟི ཝིམོཀྑོ? ཨིདྷ བྷིཀྑུ སབྦསོ ཝིཉྙཱཎཉྩཱཡཏནཾ སམཏིཀྐམྨ ‘‘ནཏྠི ཀིཉྩཱི’’ཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧརཏི – ཨཡཾ ཨཱཀིཉྩཉྙཱཡཏནསམཱཔཏྟི ཝིམོཀྑོ ¶ .

ཀཏམོ ནེཝསཉྙཱནཱསཉྙཱཡཏནསམཱཔཏྟི ཝིམོཀྑོ? ཨིདྷ བྷིཀྑུ སབྦསོ ཨཱཀིཉྩཉྙཱཡཏནཾ སམཏིཀྐམྨ ནེཝསཉྙཱནཱསཉྙཱཡཏནཾ ཨུཔསམྤཛྫ ཝིཧརཏི – ཨཡཾ ནེཝསཉྙཱནཱསཉྙཱཡཏནསམཱཔཏྟི ཝིམོཀྑོ.

ཀཏམོ སཉྙཱཝེདཡིཏནིརོདྷསམཱཔཏྟི ཝིམོཀྑོ? ཨིདྷ བྷིཀྑུ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི – ཨཡཾ སཉྙཱཝེདཡིཏནིརོདྷསམཱཔཏྟི ཝིམོཀྑོ.

ཀཏམོ སམཡཝིམོཀྑོ? ཙཏྟཱརི ཙ ཛྷཱནཱནི ཙཏསྶོ ཙ ཨརཱུཔསམཱཔཏྟིཡོ – ཨཡཾ སམཡཝིམོཀྑོ.

ཀཏམོ ཨསམཡཝིམོཀྑོ? ཙཏྟཱརོ ཙ ཨརིཡམགྒཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨཡཾ ཨསམཡཝིམོཀྑོ.

ཀཏམོ སཱམཡིཀོ ཝིམོཀྑོ? ཙཏྟཱརི ཙ ཛྷཱནཱནི, ཙཏསྶོ ཙ ཨརཱུཔསམཱཔཏྟིཡོ – ཨཡཾ སཱམཡིཀོ ཝིམོཀྑོ.

ཀཏམོ ཨསཱམཡིཀོ ཝིམོཀྑོ? ཙཏྟཱརོ ཙ ཨརིཡམགྒཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨཡཾ ཨསཱམཡིཀོ ཝིམོཀྑོ.

ཀཏམོ ཀུཔྤོ ཝིམོཀྑོ? ཙཏྟཱརི ཙ ཛྷཱནཱནི, ཙཏསྶོ ཙ ཨརཱུཔསམཱཔཏྟིཡོ – ཨཡཾ ཀུཔྤོ ཝིམོཀྑོ.

ཀཏམོ ¶ ¶ ཨཀུཔྤོ ཝིམོཀྑོ? ཙཏྟཱརོ ཙ ཨརིཡམགྒཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨཡཾ ཨཀུཔྤོ ཝིམོཀྑོ.

ཀཏམོ ¶ ལོཀིཡོ ཝིམོཀྑོ? ཙཏྟཱརི ཙ ཛྷཱནཱནི, ཙཏསྶོ ཙ ཨརཱུཔསམཱཔཏྟིཡོ – ཨཡཾ ལོཀིཡོ ཝིམོཀྑོ.

ཀཏམོ ལོཀུཏྟརོ ཝིམོཀྑོ? ཙཏྟཱརོ ཙ ཨརིཡམགྒཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨཡཾ ལོཀུཏྟརོ ཝིམོཀྑོ.

ཀཏམོ སཱསཝོ ཝིམོཀྑོ? ཙཏྟཱརི ཙ ཛྷཱནཱནི, ཙཏསྶོ ཙ ཨརཱུཔསམཱཔཏྟིཡོ – ཨཡཾ སཱསཝོ ཝིམོཀྑོ.

ཀཏམོ ཨནཱསཝོ ཝིམོཀྑོ? ཙཏྟཱརོ ཙ ཨརིཡམགྒཱ, ཙཏྟཱརི ¶ ཙ སཱམཉྙཕལཱནི, ནིབྦཱནཉྩ – ཨཡཾ ཨནཱསཝོ ཝིམོཀྑོ.

ཀཏམོ སཱམིསོ ཝིམོཀྑོ? རཱུཔཔྤཊིསཉྙུཏྟོ ཝིམོཀྑོ – ཨཡཾ སཱམིསོ ཝིམོཀྑོ.

ཀཏམོ ནིརཱམིསོ ཝིམོཀྑོ? ཨརཱུཔཔྤཊིསཉྙུཏྟོ ཝིམོཀྑོ – ཨཡཾ ནིརཱམིསོ ཝིམོཀྑོ.

ཀཏམོ ནིརཱམིསཱ ནིརཱམིསཏརོ ཝིམོཀྑོ? ཙཏྟཱརོ ཙ ཨརིཡམགྒཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨཡཾ ནིརཱམིསཱནིརཱམིསཏརོ ཝིམོཀྑོ.

ཀཏམོ པཎིཧིཏོ ཝིམོཀྑོ? ཙཏྟཱརི ཙ ཛྷཱནཱནི, ཙཏསྶོ ཙ ཨརཱུཔསམཱཔཏྟིཡོ – ཨཡཾ པཎིཧིཏོ ཝིམོཀྑོ. ཀཏམོ ཨཔྤཎིཧིཏོ ཝིམོཀྑོ? ཙཏྟཱརོ ཙ ཨརིཡམགྒཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨཡཾ ཨཔྤཎིཧིཏོ ཝིམོཀྑོ.

ཀཏམོ པཎིཧིཏཔྤཊིཔྤསྶདྡྷི ཝིམོཀྑོ? པཋམསྶ ཛྷཱནསྶ པཊིལཱབྷོ ཝཱ ཝིཔཱཀོ ཝཱ ¶ …པེ… ནེཝསཉྙཱནཱསཉྙཱཡཏནསམཱཔཏྟིཡཱ པཊིལཱབྷོ ¶ ཝཱ ཝིཔཱཀོ ཝཱ – ཨཡཾ པཎིཧིཏཔྤཊིཔྤསྶདྡྷི ཝིམོཀྑོ.

ཀཏམོ སཉྙུཏྟོ ཝིམོཀྑོ? ཙཏྟཱརི ཙ ཛྷཱནཱནི, ཙཏསྶོ ཙ ཨརཱུཔསམཱཔཏྟིཡོ – ཨཡཾ སཉྙུཏྟོ ཝིམོཀྑོ.

ཀཏམོ ཝིསཉྙུཏྟོ ཝིམོཀྑོ? ཙཏྟཱརོ ཙ ཨརིཡམགྒཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨཡཾ ཝིསཉྙུཏྟོ ཝིམོཀྑོ.

ཀཏམོ ¶ ཨེཀཏྟཝིམོཀྑོ? ཙཏྟཱརོ ཙ ཨརིཡམགྒཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨཡཾ ཨེཀཏྟཝིམོཀྑོ.

ཀཏམོ ནཱནཏྟཝིམོཀྑོ? ཙཏྟཱརི ཙ ཛྷཱནཱནི, ཙཏསྶོ ཙ ཨརཱུཔསམཱཔཏྟིཡོ – ཨཡཾ ནཱནཏྟཝིམོཀྑོ.

༢༡༤. ཀཏམོ སཉྙཱཝིམོཀྑོ? སིཡཱ ཨེཀོ སཉྙཱཝིམོཀྑོ དས སཉྙཱཝིམོཀྑཱ ཧོནྟི, དས སཉྙཱཝིམོཀྑཱ ཨེཀོ སཉྙཱཝིམོཀྑོ ཧོཏི, ཝཏྠུཝསེན པརིཡཱཡེན. ཀཐཉྩ སིཡཱ? ཨནིཙྩཱནུཔསྶནཱཉཱཾ ནིཙྩཏོ སཉྙཱཡ མུཙྩཏཱིཏི – སཉྙཱཝིམོཀྑོ ¶ . དུཀྑཱནུཔསྶནཱཉཱཾ སུཁཏོ སཉྙཱཡ མུཙྩཏཱིཏི – སཉྙཱཝིམོཀྑོ. ཨནཏྟཱནུཔསྶནཱཉཱཎཾ ཨཏྟཏོ སཉྙཱཡ མུཙྩཏཱིཏི – སཉྙཱཝིམོཀྑོ. ནིབྦིདཱནུཔསྶནཱཉཱཎཾ ནནྡིཡཱ སཉྙཱཡ མུཙྩཏཱིཏི – སཉྙཱཝིམོཀྑོ. ཝིརཱགཱནུཔསྶནཱཉཱཎཾ རཱགཏོ སཉྙཱཡ མུཙྩཏཱིཏི – སཉྙཱཝིམོཀྑོ. ནིརོདྷཱནུཔསྶནཱཉཱཎཾ སམུདཡཏོ སཉྙཱཡ མུཙྩཏཱིཏི – སཉྙཱཝིམོཀྑོ. པཊིནིསྶགྒཱནུཔསྶནཱཉཱཎཾ ཨཱདཱནཏོ སཉྙཱཡ མུཙྩཏཱིཏི – སཉྙཱཝིམོཀྑོ. ཨནིམིཏྟཱནུཔསྶནཱཉཱཎཾ ¶ ནིམིཏྟཏོ སཉྙཱཡ མུཙྩཏཱིཏི – སཉྙཱཝིམོཀྑོ. ཨཔྤཎིཧིཏཱནུཔསྶནཱཉཱཎཾ པཎིདྷིཡཱ སཉྙཱཡ མུཙྩཏཱིཏི – སཉྙཱཝིམོཀྑོ. སུཉྙཏཱནུཔསྶནཱཉཱཎཾ ཨབྷིནིཝེསཏོ སཉྙཱཡ མུཙྩཏཱིཏི – སཉྙཱཝིམོཀྑོ. ཨེཝཾ སིཡཱ ཨེཀོ སཉྙཱཝིམོཀྑོ དས སཉྙཱཝིམོཀྑཱ ཧོནྟི, དས སཉྙཱཝིམོཀྑཱ ཨེཀོ སཉྙཱཝིམོཀྑོ ཧོཏི ཝཏྠུཝསེན པརིཡཱཡེན.

རཱུཔེ ཨནིཙྩཱནུཔསྶནཱཉཱཎཾ ནིཙྩཏོ སཉྙཱཡ མུཙྩཏཱིཏི – སཉྙཱཝིམོཀྑོ…པེ… རཱུཔེ ¶ སུཉྙཏཱནུཔསྶནཱཉཱཎཾ ཨབྷིནིཝེསཏོ སཉྙཱཡ མུཙྩཏཱིཏི – སཉྙཱཝིམོཀྑོ. ཨེཝཾ སིཡཱ ཨེཀོ སཉྙཱཝིམོཀྑོ དས སཉྙཱཝིམོཀྑཱ ཧོནྟི, དས སཉྙཱཝིམོཀྑཱ ཨེཀོ སཉྙཱཝིམོཀྑོ ཧོཏི ཝཏྠུཝསེན པརིཡཱཡེན.

ཝེདནཱཡ…པེ… སཉྙཱཡ… སངྑཱརེསུ… ཝིཉྙཱཎེ… ཙཀྑུསྨིཾ…པེ… ཛརཱམརཎེ ཨནིཙྩཱནུཔསྶནཱཉཱཎཾ ནིཙྩཏོ སཉྙཱཡ མུཙྩཏཱིཏི – སཉྙཱཝིམོཀྑོ…པེ… ཛརཱམརཎེ སུཉྙཏཱནུཔསྶནཱཉཱཎཾ ཨབྷིནིཝེསཏོ སཉྙཱཡ མུཙྩཏཱིཏི – སཉྙཱཝིམོཀྑོ ¶ . ཨེཝཾ སིཡཱ, ཨེཀོ སཉྙཱཝིམོཀྑོ དས སཉྙཱཝིམོཀྑཱ ཧོནྟི, དས སཉྙཱཝིམོཀྑཱ ཨེཀོ སཉྙཱཝིམོཀྑོ ཧོཏི ཝཏྠུཝསེན པརིཡཱཡེན – ཨཡཾ སཉྙཱཝིམོཀྑོ.

༢༡༥. ཀཏམོ ཉཱཎཝིམོཀྑོ? སིཡཱ ཨེཀོ ཉཱཎཝིམོཀྑོ དས ཉཱཎཝིམོཀྑཱ ཧོནྟི, དས ཉཱཎཝིམོཀྑཱ ཨེཀོ ཉཱཎཝིམོཀྑོ ཧོཏི ཝཏྠུཝསེན པརིཡཱཡེན སིཡཱཏི ¶ . ཀཐཉྩ སིཡཱ? ཨནིཙྩཱནུཔསྶནཱ ཡཐཱབྷཱུཏཾ ཉཱཎཾ ནིཙྩཏོ སམྨོཧཱ ཨཉྙཱཎཱ མུཙྩཏཱིཏི – ཉཱཎཝིམོཀྑོ. དུཀྑཱནུཔསྶནཱ ཡཐཱབྷཱུཏཾ ཉཱཎཾ སུཁཏོ སམྨོཧཱ ཨཉྙཱཎཱ མུཙྩཏཱིཏི – ཉཱཎཝིམོཀྑོ. ཨནཏྟཱནུཔསྶནཱ ཡཐཱབྷཱུཏཾ ཉཱཎཾ ཨཏྟཏོ སམྨོཧཱ ཨཉྙཱཎཱ མུཙྩཏཱིཏི – ཉཱཎཝིམོཀྑོ. ནིབྦིདཱནུཔསྶནཱ ཡཐཱབྷཱུཏཾ ཉཱཎཾ ནནྡིཡཱ སམྨོཧཱ ཨཉྙཱཎཱ མུཙྩཏཱིཏི – ཉཱཎཝིམོཀྑོ. ཝིརཱགཱནུཔསྶནཱ ཡཐཱབྷཱུཏཾ ¶ ཉཱཎཾ རཱགཏོ སམྨོཧཱ ཨཉྙཱཎཱ མུཙྩཏཱིཏི – ཉཱཎཝིམོཀྑོ. ནིརོདྷཱནུཔསྶནཱ ཡཐཱབྷཱུཏཾ ཉཱཎཾ སམུདཡཏོ སམྨོཧཱ ཨཉྙཱཎཱ མུཙྩཏཱིཏི – ཉཱཎཝིམོཀྑོ. པཊིནིསྶགྒཱནུཔསྶནཱ ཡཐཱབྷཱུཏཾ ཉཱཎཾ ཨཱདཱནཏོ སམྨོཧཱ ཨཉྙཱཎཱ མུཙྩཏཱིཏི – ཉཱཎཝིམོཀྑོ. ཨནིམིཏྟཱནུཔསྶནཱ ཡཐཱབྷཱུཏཾ ཉཱཎཾ ནིམིཏྟཏོ སམྨོཧཱ ཨཉྙཱཎཱ མུཙྩཏཱིཏི – ཉཱཎཝིམོཀྑོ. ཨཔྤཎིཧིཏཱནུཔསྶནཱ ཐཱབྷཱུཏཾ ཉཱཎཾ པཎིདྷིཡཱ སམྨོཧཱ ཨཉྙཱཎཱ མུཙྩཏཱིཏི – ཉཱཎཝིམོཀྑོ. སུཉྙཏཱནུཔསྶནཱ ཡཐཱབྷཱུཏཾ ཉཱཎཾ ཨབྷིནིཝེསཏོ སམྨོཧཱ ཨཉྙཱཎཱ མུཙྩཏཱིཏི – ཉཱཎཝིམོཀྑོ. ཨེཝཾ སིཡཱ ཨེཀོ ཉཱཎཝིམོཀྑོ དས ཉཱཎཝིམོཀྑཱ ཧོནྟི, དས ཉཱཎཝིམོཀྑཱ ཨེཀོ ཉཱཎཝིམོཀྑོ ཧོཏི ཝཏྠུཝསེན པརིཡཱཡེན.

རཱུཔེ ཨནིཙྩཱནུཔསྶནཱ ཡཐཱབྷཱུཏཾ ཉཱཎཾ ནིཙྩཏོ སམྨོཧཱ ཨཉྙཱཎཱ མུཙྩཏཱིཏི – ཉཱཎཝིམོཀྑོ…པེ… རཱུཔེ སུཉྙཏཱནུཔསྶནཱ ཡཐཱབྷཱུཏཾ ཉཱཎཾ ཨབྷིནིཝེསཏོ སམྨོཧཱ ཨཉྙཱཎཱ མུཙྩཏཱིཏི – ཉཱཎཝིམོཀྑོ. ཨེཝཾ ¶ སིཡཱ ཨེཀོ ཉཱཎཝིམོཀྑོ དས ཉཱཎཝིམོཀྑཱ ¶ ཧོནྟི, དས ཉཱཎཝིམོཀྑཱ ཨེཀོ ཉཱཎཝིམོཀྑོ ཧོཏི ཝཏྠུཝསེན པརིཡཱཡེན.

ཝེདནཱཡ ¶ …པེ… སཉྙཱཡ… སངྑཱརེསུ… ཝིཉྙཱཎེ… ཙཀྑུསྨིཾ…པེ… ཛརཱམརཎེ ཨནིཙྩཱནུཔསྶནཱ ཡཐཱབྷཱུཏཾ ཉཱཎཾ ནིཙྩཏོ སམྨོཧཱ ཨཉྙཱཎཱ མུཙྩཏཱིཏི – ཉཱཎཝིམོཀྑོ…པེ… ཛརཱམརཎེ སུཉྙཏཱནུཔསྶནཱ ཡཐཱབྷཱུཏཾ ཉཱཎཾ ཨབྷིནིཝེསཏོ སམྨོཧཱ ཨཉྙཱཎཱ མུཙྩཏཱིཏི – ཉཱཎཝིམོཀྑོ. ཨེཝཾ སིཡཱ ཨེཀོ ཉཱཎཝིམོཀྑོ དས ཉཱཎཝིམོཀྑཱ ཧོནྟི, དས ཉཱཎཝིམོཀྑཱ ཨེཀོ ཉཱཎཝིམོཀྑོ ཧོཏི ཝཏྠུཝསེན པརིཡཱཡེན – ཨཡཾ ཉཱཎཝིམོཀྑོ.

༢༡༦. ཀཏམོ སཱིཏིསིཡཱཝིམོཀྑོ? སིཡཱ ཨེཀོ སཱིཏིསིཡཱཝིམོཀྑོ དས སཱིཏིསིཡཱཝིམོཀྑཱ ཧོནྟི, དས སཱིཏིསིཡཱཝིམོཀྑཱ ཨེཀོ སཱིཏིསིཡཱཝིམོཀྑོ ཧོཏི ཝཏྠུཝསེན པརིཡཱཡེན སིཡཱཏི. ཀཐཉྩ སིཡཱ? ཨནིཙྩཱནུཔསྶནཱ ཨནུཏྟརཾ སཱིཏིབྷཱཝཾ ཉཱཎཾ ནིཙྩཏོ སནྟཱཔཔརིལཱ༹ཧདརཐཱ མུཙྩཏཱིཏི – སཱིཏིསིཡཱཝིམོཀྑོ. དུཀྑཱནུཔསྶནཱ ཨནུཏྟརཾ སཱིཏིབྷཱཝཾ ཉཱཎཾ སུཁཏོ སནྟཱཔཔརིལཱ༹ཧདརཐཱ མུཙྩཏཱིཏི – སཱིཏིསིཡཱཝིམོཀྑོ. ཨནཏྟཱནུཔསྶནཱ ཨནུཏྟརཾ སཱིཏིབྷཱཝཾ ཉཱཎཾ ཨཏྟཏོ སནྟཱཔཔརིལཱ༹ཧདརཐཱ མུཙྩཏཱིཏི – སཱིཏིསིཡཱཝིམོཀྑོ. ནིབྦིདཱནུཔསྶནཱ ¶ ཨནུཏྟརཾ སཱིཏིབྷཱཝཾ ཉཱཎཾ ནནྡིཡཱ སནྟཱཔཔརིལཱ༹ཧདརཐཱ མུཙྩཏཱིཏི – སཱིཏིསིཡཱཝིམོཀྑོ. ཝིརཱགཱནུཔསྶནཱ ཨནུཏྟརཾ སཱིཏིབྷཱཝཾ ཉཱཎཾ རཱགཏོ སནྟཱཔཔརིལཱ༹ཧདརཐཱ མུཙྩཏཱིཏི – སཱིཏིསིཡཱཝིམོཀྑོ ¶ . ནིརོདྷཱནུཔསྶནཱ ཨནུཏྟརཾ སཱིཏིབྷཱཝཾ ཉཱཎཾ སམུདཡཏོ སནྟཱཔཔརིལཱ༹ཧདརཐཱ མུཙྩཏཱིཏི – སཱིཏིསིཡཱཝིམོཀྑོ. པཊིནིསྶགྒཱནུཔསྶནཱ ཨནུཏྟརཾ སཱིཏིབྷཱཝཾ ཉཱཎཾ ཨཱདཱནཏོ སནྟཱཔཔརིལཱ༹ཧདརཐཱ མུཙྩཏཱིཏི – སཱིཏིསིཡཱཝིམོཀྑོ. ཨནིམིཏྟཱནུཔསྶནཱ ཨནུཏྟརཾ སཱིཏིབྷཱཝཾ ཉཱཎཾ ནིམིཏྟཏོ སནྟཱཔཔརིལཱ༹ཧདརཐཱ མུཙྩཏཱིཏི – སཱིཏིསིཡཱཝིམོཀྑོ. ཨཔྤཎིཧིཏཱནུཔསྶནཱ ཨནུཏྟརཾ སཱིཏིབྷཱཝཾ ཉཱཎཾ པཎིདྷིཡཱ སནྟཱཔཔརིལཱ༹ཧདརཐཱ མུཙྩཏཱིཏི – སཱིཏིསིཡཱཝིམོཀྑོ. སུཉྙཏཱནུཔསྶནཱ ཨནུཏྟརཾ སཱིཏིབྷཱཝཾ ཉཱཎཾ ཨབྷིནིཝེསཏོ སནྟཱཔཔརིལཱ༹ཧདརཐཱ མུཙྩཏཱིཏི – སཱིཏིསིཡཱཝིམོཀྑོ. ཨེཝཾ སིཡཱ ཨེཀོ སཱིཏིསིཡཱཝིམོཀྑོ དས སཱིཏིསིཡཱཝིམོཀྑཱ ཧོནྟི, དས སཱིཏིསིཡཱཝིམོཀྑཱ ཨེཀོ སཱིཏིསིཡཱཝིམོཀྑོ ཧོཏི ཝཏྠུཝསེན པརིཡཱཡེན.

རཱུཔེ ¶ ཨནིཙྩཱནུཔསྶནཱ ཨནུཏྟརཾ སཱིཏིབྷཱཝཾ ཉཱཎཾ ནིཙྩཏོ སནྟཱཔཔརིལཱ༹ཧདརཐཱ མུཙྩཏཱིཏི – སཱིཏིསིཡཱཝིམོཀྑོ…པེ… རཱུཔེ སུཉྙཏཱནུཔསྶནཱ ཨནུཏྟརཾ སཱིཏིབྷཱཝཾ ཉཱཎཾ ཨབྷིནིཝེསཏོ ¶ སནྟཱཔཔརིལཱ༹ཧདརཐཱ མུཙྩཏཱིཏི – སཱིཏིསིཡཱཝིམོཀྑོ. ཨེཝཾ སིཡཱ ཨེཀོ སཱིཏིསིཡཱཝིམོཀྑོ དས སཱིཏིསིཡཱཝིམོཀྑཱ ཧོནྟི, དས སཱིཏིསིཡཱཝིམོཀྑཱ ཨེཀོ སཱིཏིསིཡཱཝིམོཀྑོ ཧོཏི ཝཏྠུཝསེན པརིཡཱཡེན.

ཝེདནཱཡ…པེ… སཉྙཱཡ… སངྑཱརེསུ… ཝིཉྙཱཎེ… ཙཀྑུསྨིཾ…པེ… ཛརཱམརཎེ ཨནིཙྩཱནུཔསྶནཱ ཨནུཏྟརཾ སཱིཏིབྷཱཝཾ ཉཱཎཾ ནིཙྩཏོ སནྟཱཔཔརིལཱ༹ཧདརཐཱ མུཙྩཏཱིཏི – སཱིཏིསིཡཱཝིམོཀྑོ…པེ… ཛརཱམརཎེ སུཉྙཏཱནུཔསྶནཱ ཨནུཏྟརཾ སཱིཏིབྷཱཝཾ ཉཱཎཾ ཨབྷིནིཝེསཏོ སནྟཱཔཔརིལཱ༹ཧདརཐཱ མུཙྩཏཱིཏི – སཱིཏིསིཡཱཝིམོཀྑོ. ཨེཝཾ སིཡཱ ཨེཀོ སཱིཏིསིཡཱཝིམོཀྑོ དས སཱིཏིསིཡཱཝིམོཀྑཱ ཧོནྟི, དས སཱིཏིསིཡཱཝིམོཀྑཱ ཨེཀོ སཱིཏིསིཡཱཝིམོཀྑོ ཧོཏི ཝཏྠུཝསེན པརིཡཱཡེན – ཨཡཾ སཱིཏིསིཡཱཝིམོཀྑོ.

༢༡༧. ཀཏམོ ཛྷཱནཝིམོཀྑོ? ནེཀྑམྨཾ ཛྷཱཡཏཱིཏི [ཛཱཡཏཱིཏི (སྱཱ.)] ཛྷཱནཾ. ཀཱམཙྪནྡཾ ¶ ཛྷཱཔེཏཱིཏི – ཛྷཱནཾ. ཛྷཱཡནྟོ [ཛཱཡནྟོ (སྱཱ.)] མུཙྩཏཱིཏི – ཛྷཱནཝིམོཀྑོ. ཛྷཱཔེནྟོ མུཙྩཏཱིཏི – ཛྷཱནཝིམོཀྑོ. ཛྷཱཡནྟཱིཏི – དྷམྨཱ. ཛྷཱཔེཏཱིཏི – ཀིལེསེ. ཛྷཱཏེ ཙ ཛྷཱཔེ ཙ ཛཱནཱཏཱིཏི – ཛྷཱནཝིམོཀྑོ. ཨབྱཱཔཱདོ ¶ ཛྷཱཡཏཱིཏི – ཛྷཱནཾ. བྱཱཔཱདཾ ཛྷཱཔེཏཱིཏི – ཛྷཱནཾ. ཛྷཱཡནྟོ མུཙྩཏཱིཏི – ཛྷཱནཝིམོཀྑོ. ཛྷཱཔེནྟོ མུཙྩཏཱིཏི – ཛྷཱནཝིམོཀྑོ. ཛྷཱཡནྟཱིཏི – དྷམྨཱ. ཛྷཱཔེཏཱིཏི – ཀིལེསེ. ཛྷཱཏེ ཙ ཛྷཱཔེ ཙ ཛཱནཱཏཱིཏི – ཛྷཱནཝིམོཀྑོ. ཨཱལོཀསཉྙཱ ཛྷཱཡཏཱིཏི – ཛྷཱནཾ. ཐིནམིདྡྷཾ ཛྷཱཔེཏཱིཏི – ཛྷཱནཾ…པེ… ཨཝིཀྑེཔོ ཛྷཱཡཏཱིཏི – ཛྷཱནཾ. ཨུདྡྷཙྩཾ ཛྷཱཔེཏཱིཏི – ཛྷཱནཾ. དྷམྨཝཝཏྠཱནཾ ཛྷཱཡཏཱིཏི – ཛྷཱནཾ. ཝིཙིཀིཙྪཾ ཛྷཱཔེཏཱིཏི – ཛྷཱནཾ. ཉཱཎཾ ཛྷཱཡཏཱིཏི – ཛྷཱནཾ. ཨཝིཛྫཾ ཛྷཱཔེཏཱིཏི – ཛྷཱནཾ. པཱམོཛྫཾ ཛྷཱཡཏཱིཏི – ཛྷཱནཾ. ཨརཏིཾ ཛྷཱཔེཏཱིཏི – ཛྷཱནཾ. པཋམཾ ཛྷཱནཾ ཛྷཱཡཏཱིཏི – ཛྷཱནཾ. ནཱིཝརཎེ ཛྷཱཔེཏཱིཏི – ཛྷཱནཾ…པེ… ཨརཧཏྟམགྒོ ཛྷཱཡཏཱིཏི – ཛྷཱནཾ. སབྦཀིལེསེ ཛྷཱཔེཏཱིཏི – ཛྷཱནཾ. ཛྷཱཡནྟོ མུཙྩཏཱིཏི – ཛྷཱནཝིམོཀྑོ. ཛྷཱཔེནྟོ མུཙྩཏཱིཏི – ཛྷཱནཝིམོཀྑོ. ཛྷཱཡནྟཱིཏི – དྷམྨཱ. ཛྷཱཔེཏཱིཏི – ཀིལེསེ. ཛྷཱཏེ ཙ ཛྷཱཔེ ཙ ཛཱནཱཏཱིཏི – ཛྷཱནཝིམོཀྑོ – ཨཡཾ ཛྷཱནཝིམོཀྑོ.

༢༡༨. ཀཏམོ ¶ ཨནུཔཱདཱ ཙིཏྟསྶ ཝིམོཀྑོ? སིཡཱ ཨེཀོ ཨནུཔཱདཱཙིཏྟསྶ ཝིམོཀྑོ དས ཨནུཔཱདཱཙིཏྟསྶ ཝིམོཀྑཱ ཧོནྟི, དས ཨནུཔཱདཱཙིཏྟསྶ ཝིམོཀྑཱ ཨེཀོ ཨནུཔཱདཱཙིཏྟསྶ ཝིམོཀྑོ ཧོཏི ཝཏྠུཝསེན པརིཡཱཡེན སིཡཱཏི ¶ . ཀཐཉྩ སིཡཱ? ཨནིཙྩཱནུཔསྶནཱཉཱཎཾ ནིཙྩཏོ ཨུཔཱདཱནཱ མུཙྩཏཱིཏི – ཨནུཔཱདཱཙིཏྟསྶ ཝིམོཀྑོ. དུཀྑཱནུཔསྶནཱཉཱཎཾ ¶ སུཁཏོ ཨུཔཱདཱནཱ མུཙྩཏཱིཏི – ཨནུཔཱདཱཙིཏྟསྶ ཝིམོཀྑོ. ཨནཏྟཱནུཔསྶནཱཉཱཎཾ ཨཏྟཏོ ཨུཔཱདཱནཱ མུཙྩཏཱིཏི – ཨནུཔཱདཱཙིཏྟསྶ ཝིམོཀྑོ. ནིབྦིདཱནུཔསྶནཱཉཱཎཾ ནནྡིཡཱ ཨུཔཱདཱནཱ མུཙྩཏཱིཏི – ཨནུཔཱདཱཙིཏྟསྶ ཝིམོཀྑོ. ཝིརཱགཱནུཔསྶནཱཉཱཎཾ རཱགཏོ ཨུཔཱདཱནཱ མུཙྩཏཱིཏི – ཨནུཔཱདཱཙིཏྟསྶ ཝིམོཀྑོ. ནིརོདྷཱནུཔསྶནཱཉཱཎཾ སམུདཡཏོ ཨུཔཱདཱནཱ མུཙྩཏཱིཏི – ཨནུཔཱདཱཙིཏྟསྶ ཝིམོཀྑོ. པཊིནིསྶགྒཱནུཔསྶནཱཉཱཎཾ ཨཱདཱནཏོ ཨུཔཱདཱནཱ མུཙྩཏཱིཏི – ཨནུཔཱདཱཙིཏྟསྶ ཝིམོཀྑོ. ཨནིམིཏྟཱནུཔསྶནཱཉཱཎཾ ནིམིཏྟཏོ ཨུཔཱདཱནཱ མུཙྩཏཱིཏི – ཨནུཔཱདཱཙིཏྟསྶ ཝིམོཀྑོ. ཨཔྤཎིཧིཏཱནུཔསྶནཱཉཱཎཾ ¶ པཎིདྷིཡཱ ཨུཔཱདཱནཱ མུཙྩཏཱིཏི – ཨནུཔཱདཱཙིཏྟསྶ ཝིམོཀྑོ. སུཉྙཏཱནུཔསྶནཱཉཱཎཾ ཨབྷིནིཝེསཏོ ཨུཔཱདཱནཱ མུཙྩཏཱིཏི – ཨནུཔཱདཱཙིཏྟསྶ ཝིམོཀྑོ. ཨེཝཾ སིཡཱ ཨེཀོ ཨནུཔཱདཱཙིཏྟསྶ ཝིམོཀྑོ དས ཨནུཔཱདཱཙིཏྟསྶ ཝིམོཀྑཱ ཧོནྟི, དས ཨནུཔཱདཱཙིཏྟསྶ ཝིམོཀྑཱ ཨེཀོ ཨནུཔཱདཱཙིཏྟསྶ ཝིམོཀྑོ ཧོཏི ཝཏྠུཝསེན པརིཡཱཡེན.

རཱུཔེ ཨནིཙྩཱནུཔསྶནཱཉཱཎཾ ནིཙྩཏོ ཨུཔཱདཱནཱ མུཙྩཏཱིཏི – ཨནུཔཱདཱཙིཏྟསྶ ཝིམོཀྑོ…པེ… རཱུཔེ སུཉྙཏཱནུཔསྶནཱཉཱཎཾ ཨབྷིནིཝེསཏོ ཨུཔཱདཱནཱ མུཙྩཏཱིཏི – ཨནུཔཱདཱཙིཏྟསྶ ཝིམོཀྑོ. ཨེཝཾ སིཡཱ ཨེཀོ ཨནུཔཱདཱཙིཏྟསྶ ཝིམོཀྑོ དས ཨནུཔཱདཱཙིཏྟསྶ ¶ ཝིམོཀྑཱ ཧོནྟི, དས ཨནུཔཱདཱཙིཏྟསྶ ཝིམོཀྑཱ ཨེཀོ ཨནུཔཱདཱཙིཏྟསྶ ཝིམོཀྑོ ཧོཏི ཝཏྠུཝསེན པརིཡཱཡེན.

ཝེདནཱཡ…པེ… སཉྙཱཡ… སངྑཱརེསུ… ཝིཉྙཱཎེ… ཙཀྑུསྨིཾ…པེ… ཛརཱམརཎེ ཨནིཙྩཱནུཔསྶནཱཉཱཎཾ ནིཙྩཏོ ཨུཔཱདཱནཱ མུཙྩཏཱིཏི – ཨནུཔཱདཱཙིཏྟསྶ ཝིམོཀྑོ…པེ… ཛརཱམརཎེ སུཉྙཏཱནུཔསྶནཱཉཱཎཾ ཨབྷིནིཝེསཏོ ཨུཔཱདཱནཱ མུཙྩཏཱིཏི – ཨནུཔཱདཱཙིཏྟསྶ ཝིམོཀྑོ. ཨེཝཾ སིཡཱ ཨེཀོ ཨནུཔཱདཱཙིཏྟསྶ ཝིམོཀྑོ དས ཨནུཔཱདཱཙིཏྟསྶ ཝིམོཀྑཱ ཧོནྟི ¶ , དས ཨནུཔཱདཱཙིཏྟསྶ ཝིམོཀྑཱ ཨེཀོ ཨནུཔཱདཱཙིཏྟསྶ ཝིམོཀྑོ ཧོཏི ཝཏྠུཝསེན པརིཡཱཡེན.

ཨནིཙྩཱནུཔསྶནཱཉཱཎཾ ཀཏིཧུཔཱདཱནེཧི མུཙྩཏི? དུཀྑཱནུཔསྶནཱཉཱཎཾ ཀཏིཧུཔཱདཱནེཧི མུཙྩཏི? ཨནཏྟཱནུཔསྶནཱཉཱཎཾ ཀཏིཧུཔཱདཱནེཧི མུཙྩཏི? ནིབྦིདཱནུཔསྶནཱཉཱཎཾ…པེ… ཝིརཱགཱནུཔསྶནཱཉཱཎཾ… ནིརོདྷཱནུཔསྶནཱཉཱཎཾ… པཊིནིསྶགྒཱནུཔསྶནཱཉཱཎཾ… ཨནིམིཏྟཱནུཔསྶནཱཉཱཎཾ… ཨཔྤཎིཧིཏཱནུཔསྶནཱཉཱཎཾ… སུཉྙཏཱནུཔསྶནཱཉཱཎཾ ཀཏིཧུཔཱདཱནེཧི མུཙྩཏཱིཏི?

ཨནིཙྩཱནུཔསྶནཱཉཱཎཾ ¶ ཏཱིཧུཔཱདཱནེཧི མུཙྩཏི. དུཀྑཱནུཔསྶནཱཉཱཎཾ ཨེཀུཔཱདཱནཱ མུཙྩཏི. ཨནཏྟཱནུཔསྶནཱཉཱཎཾ ཏཱིཧུཔཱདཱནེཧི མུཙྩཏི. ནིབྦིདཱནུཔསྶནཱཉཱཎཾ ཨེཀུཔཱདཱནཱ མུཙྩཏི. ཝིརཱགཱནུཔསྶནཱཉཱཎཾ ཨེཀུཔཱདཱནཱ མུཙྩཏི. ནིརོདྷཱནུཔསྶནཱཉཱཎཾ ཙཏཱུཧུཔཱདཱནེཧི མུཙྩཏི. པཊིནིསྶགྒཱནུཔསྶནཱཉཱཎཾ ཙཏཱུཧུཔཱདཱནེཧི མུཙྩཏི. ཨནིམིཏྟཱནུཔསྶནཱཉཱཎཾ ¶ ཏཱིཧུཔཱདཱནེཧི མུཙྩཏི. ཨཔྤཎིཧིཏཱནུཔསྶནཱཉཱཎཾ ཨེཀུཔཱདཱནཱ མུཙྩཏི. སུཉྙཏཱནུཔསྶནཱཉཱཎཾ ཏཱིཧུཔཱདཱནེཧི མུཙྩཏི.

ཨནིཙྩཱནུཔསྶནཱཉཱཎཾ ཀཏམེཧི ཏཱིཧུཔཱདཱནེཧི མུཙྩཏི? དིཊྛུཔཱདཱནཱ, སཱིལབྦཏུཔཱདཱནཱ, ཨཏྟཝཱདུཔཱདཱནཱ – ཨནིཙྩཱནུཔསྶནཱཉཱཎཾ ཨིམེཧི ཏཱིཧུཔཱདཱནེཧི མུཙྩཏི. དུཀྑཱནུཔསྶནཱཉཱཎཾ ཀཏམཱ ཨེཀུཔཱདཱནཱ [ཨེཀཱུཔཱདཱནཱ (སཱི. ཨཊྛ.)] མུཙྩཏི? ཀཱམུཔཱདཱནཱ ¶ – དུཀྑཱནུཔསྶནཱཉཱཎཾ ཨིདཾ ཨེཀུཔཱདཱནཱ མུཙྩཏི. [ཨིམཱ ཨེཀུཔཱདཱནཱ (སྱཱ.)] ཨནཏྟཱནུཔསྶནཱཉཱཎཾ ཀཏམེཧི ཏཱིཧུཔཱདཱནེཧི མུཙྩཏི? དིཊྛུཔཱདཱནཱ, སཱིལབྦཏུཔཱདཱནཱ, ཨཏྟཝཱདུཔཱདཱནཱ – ཨནཏྟཱནུཔསྶནཱཉཱཎཾ ཨིམེཧི ཏཱིཧུཔཱདཱནེཧི མུཙྩཏི. ནིབྦིདཱནུཔསྶནཱཉཱཎཾ ཀཏམཱ ཨེཀུཔཱདཱནཱ མུཙྩཏི? ཀཱམུཔཱདཱནཱ – ནིབྦིདཱནུཔསྶནཱཉཱཎཾ ཨིདཾ ཨེཀུཔཱདཱནཱ མུཙྩཏི. ཝིརཱགཱནུཔསྶནཱཉཱཎཾ ཀཏམཱ ཨེཀུཔཱདཱནཱ མུཙྩཏི? ཀཱམུཔཱདཱནཱ – ཝིརཱགཱནུཔསྶནཱཉཱཎཾ ཨིདཾ ཨེཀུཔཱདཱནཱ མུཙྩཏི. ནིརོདྷཱནུཔསྶནཱཉཱཎཾ ཀཏམེཧི ཙཏཱུཧུཔཱདཱནེཧི མུཙྩཏི? ཀཱམུཔཱདཱནཱ, དིཊྛུཔཱདཱནཱ, སཱིལབྦཏུཔཱདཱནཱ, ཨཏྟཝཱདུཔཱདཱནཱ – ནིརོདྷཱནུཔསྶནཱཉཱཎཾ ཨིམེཧི ཙཏཱུཧུཔཱདཱནེཧི མུཙྩཏི. པཊིནིསྶགྒཱནུཔསྶནཱཉཱཎཾ ཀཏམེཧི ཙཏཱུཧུཔཱདཱནེཧི མུཙྩཏི? ཀཱམུཔཱདཱནཱ, དིཊྛུཔཱདཱནཱ, སཱིལབྦཏུཔཱདཱནཱ, ཨཏྟཝཱདུཔཱདཱནཱ – པཊིནིསྶགྒཱནུཔསྶནཱཉཱཎཾ ¶ ཨིམེཧི ཙཏཱུཧུཔཱདཱནེཧི མུཙྩཏི. ཨནིམིཏྟཱནུཔསྶནཱཉཱཎཾ ཀཏམེཧི ཏཱིཧུཔཱདཱནེཧི མུཙྩཏི? དིཊྛུཔཱདཱནཱ, སཱིལབྦཏུཔཱདཱནཱ, ཨཏྟཝཱདུཔཱདཱནཱ ¶ – ཨནིམིཏྟཱནུཔསྶནཱཉཱཎཾ ཨིམེཧི ཏཱིཧུཔཱདཱནེཧི མུཙྩཏི. ཨཔྤཎིཧིཏཱནུཔསྶནཱཉཱཎཾ ཀཏམཱ ཨེཀུཔཱདཱནཱ མུཙྩཏི? ཀཱམུཔཱདཱནཱ – ཨཔྤཎིཧིཏཱནུཔསྶནཱཉཱཎཾ ཨིདཾ ཨེཀུཔཱདཱནཱ མུཙྩཏི. སུཉྙཏཱནུཔསྶནཱཉཱཎཾ ཀཏམེཧི ཏཱིཧུཔཱདཱནེཧི མུཙྩཏི? དིཊྛུཔཱདཱནཱ, སཱིལབྦཏུཔཱདཱནཱ, ཨཏྟཝཱདུཔཱདཱནཱ – སུཉྙཏཱནུཔསྶནཱཉཱཎཾ ཨིམེཧི ཏཱིཧུཔཱདཱནེཧི མུཙྩཏི.

ཡཉྩ ཨནིཙྩཱནུཔསྶནཱཉཱཎཾ, ཡཉྩ ཨནཏྟཱནུཔསྶནཱཉཱཎཾ, ཡཉྩ ཨནིམིཏྟཱནུཔསྶནཱཉཱཎཾ, ཡཉྩ སུཉྙཏཱནུཔསྶནཱཉཱཎཾ – ཨིམཱནི ཙཏྟཱརི ཉཱཎཱནི ཏཱིཧུཔཱདཱནེཧི མུཙྩནྟི – དིཊྛུཔཱདཱནཱ, སཱིལབྦཏུཔཱདཱནཱ, ཨཏྟཝཱདུཔཱདཱནཱ. ཡཉྩ དུཀྑཱནུཔསྶནཱཉཱཎཾ, ཡཾ ཙ ནིབྦིདཱནུཔསྶནཱཉཱཎཾ, ཡཉྩ ཝིརཱགཱནུཔསྶནཱཉཱཎཾ, ཡཉྩ ཨཔྤཎིཧིཏཱནུཔསྶནཱཉཱཎཾ ¶ ¶ – ཨིམཱནི ཙཏྟཱརི ཉཱཎཱནི ཨེཀུཔཱདཱནཱ མུཙྩནྟི – ཀཱམུཔཱདཱནཱ. ཡཉྩ ནིརོདྷཱནུཔསྶནཱཉཱཎཾ, ཡཉྩ པཊིནིསྶགྒཱནུཔསྶནཱཉཱཎཾ – ཨིམཱནི དྭེ ཉཱཎཱནི ཙཏཱུཧུཔཱདཱནེཧི མུཙྩནྟི – ཀཱམུཔཱདཱནཱ, དིཊྛུཔཱདཱནཱ, སཱིལབྦཏུཔཱདཱནཱ, ཨཏྟཝཱདུཔཱདཱནཱ – ཨཡཾ ཨནུཔཱདཱཙིཏྟསྶ ཝིམོཀྑོ.

ཝིམོཀྑཀཐཱཡ པཋམབྷཱཎཝཱརོ.

༢༡༩. ཏཱིཎི ¶ ཁོ པནིམཱནི ཝིམོཀྑམུཁཱནི ལོཀནིཡྻཱནཱཡ སཾཝཏྟནྟི. སབྦསངྑཱརེ པརིཙྪེདཔརིཝཊུམཏོ [པརིཙྪེདཔརིཝཊྚུམཏོ (སྱཱ.)] སམནུཔསྶནཏཱཡ ཨནིམིཏྟཱཡ ཙ དྷཱཏུཡཱ ཙིཏྟསམྤཀྑནྡནཏཱཡ, སབྦསངྑཱརེསུ མནོསམུཏྟེཛནཏཱཡ ཨཔྤཎིཧིཏཱཡ ཙ དྷཱཏུཡཱ ཙིཏྟསམྤཀྑནྡནཏཱཡ, སབྦདྷམྨེ པརཏོ སམནུཔསྶནཏཱཡ སུཉྙཏཱཡ ཙ དྷཱཏུཡཱ ཙིཏྟསམྤཀྑནྡནཏཱཡ – ཨིམཱནི ཏཱིཎི ཝིམོཀྑམུཁཱནི ལོཀནིཡྻཱནཱཡ སཾཝཏྟནྟི.

ཨནིཙྩཏོ མནསིཀརོཏོ ཀཐཾ སངྑཱརཱ ཨུཔཊྛནྟི? དུཀྑཏོ མནསིཀརོཏོ ཀཐཾ སངྑཱརཱ ཨུཔཊྛནྟི? ཨནཏྟཏོ མནསིཀརོཏོ ཀཐཾ སངྑཱརཱ ཨུཔཊྛནྟི? ཨནིཙྩཏོ མནསིཀརོཏོ ཁཡཏོ སངྑཱརཱ ཨུཔཊྛནྟི, དུཀྑཏོ མནསིཀརོཏོ བྷཡཏོ སངྑཱརཱ ཨུཔཊྛནྟི, ཨནཏྟཏོ མནསིཀརོཏོ སུཉྙཏོ སངྑཱརཱ ཨུཔཊྛནྟི.

ཨནིཙྩཏོ ¶ མནསིཀརོཏོ ཀིཾ བཧུལཾ ཙིཏྟཾ ཧོཏི? དུཀྑཏོ མནསིཀརོཏོ ཀིཾ བཧུལཾ ཙིཏྟཾ ཧོཏི? ཨནཏྟཏོ མནསིཀརོཏོ ཀིཾ བཧུལཾ ཙིཏྟཾ ཧོཏི? ཨནིཙྩཏོ མནསིཀརོཏོ ཨདྷིམོཀྑབཧུལཾ ཙིཏྟཾ ཧོཏི ¶ . དུཀྑཏོ མནསིཀརོཏོ པསྶདྡྷིབཧུལཾ ཙིཏྟཾ ཧོཏི. ཨནཏྟཏོ མནསིཀརོཏོ ཝེདབཧུལཾ ཙིཏྟཾ ཧོཏི.

ཨནིཙྩཏོ མནསིཀརོནྟོ ཨདྷིམོཀྑབཧུལོ ཀཏམིནྡྲིཡཾ པཊིལབྷཏི? དུཀྑཏོ མནསིཀརོནྟོ པསྶདྡྷིབཧུལོ ཀཏམིནྡྲིཡཾ པཊིལབྷཏི? ཨནཏྟཏོ མནསིཀརོནྟོ ¶ ཝེདབཧུལོ ཀཏམིནྡྲིཡཾ པཊིལབྷཏི? ཨནིཙྩཏོ མནསིཀརོནྟོ ཨདྷིམོཀྑབཧུལོ སདྡྷིནྡྲིཡཾ པཊིལབྷཏི. དུཀྑཏོ མནསིཀརོནྟོ པསྶདྡྷིབཧུལོ སམཱདྷིནྡྲིཡཾ པཊིལབྷཏི. ཨནཏྟཏོ མནསིཀརོནྟོ ཝེདབཧུལོ པཉྙིནྡྲིཡཾ པཊིལབྷཏི.

ཨནིཙྩཏོ མནསིཀརོཏོ ཨདྷིམོཀྑབཧུལསྶ ཀཏམིནྡྲིཡཾ ཨཱདྷིཔཏེཡྻཾ ཧོཏི, བྷཱཝནཱཡ ཀཏིནྡྲིཡཱནི ¶ ཏདནྭཡཱ [ཏདནྭཡཱནི (སྱཱ.)] ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི, ཀེནཊྛེན བྷཱཝནཱ, ཀོ བྷཱཝེཏི? དུཀྑཏོ མནསིཀརོཏོ པསྶདྡྷིབཧུལསྶ ཀཏམིནྡྲིཡཾ ཨཱདྷིཔཏེཡྻཾ ཧོཏི, བྷཱཝནཱཡ ཀཏིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི, ཀེནཊྛེན བྷཱཝནཱ, ཀོ བྷཱཝེཏི? ཨནཏྟཏོ མནསིཀརོཏོ ཝེདབཧུལསྶ ཀཏམིནྡྲིཡཾ ཨཱདྷིཔཏེཡྻཾ ཧོཏི, བྷཱཝནཱཡ ཀཏིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི, ཀེནཊྛེན བྷཱཝནཱ, ཀོ བྷཱཝེཏི? ཨནིཙྩཏོ མནསིཀརོཏོ ཨདྷིམོཀྑབཧུལསྶ སདྡྷིནྡྲིཡཾ ཨཱདྷིཔཏེཡྻཾ ཧོཏི. བྷཱཝནཱཡ ཙཏྟཱརིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི. ཨེཀརསཊྛེན བྷཱཝནཱ. ཡོ སམྨཱཔཊིཔནྣོ སོ བྷཱཝེཏི; ནཏྠི མིཙྪཱཔཊིཔནྣསྶ ཨིནྡྲིཡབྷཱཝནཱ. དུཀྑཏོ མནསིཀརོཏོ པསྶདྡྷིབཧུལསྶ སམཱདྷིནྡྲིཡཾ ཨཱདྷིཔཏེཡྻཾ ཧོཏི. བྷཱཝནཱཡ ཙཏྟཱརིནྡྲིཡཱནི ཏདནྭཡཱ ཧོནྟི ¶ , སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི ¶ ¶ , ཨེཀརསཱ ཧོནྟི. ཨེཀརསཊྛེན བྷཱཝནཱ. ཡོ སམྨཱཔཊིཔནྣོ སོ བྷཱཝེཏི; ནཏྠི མིཙྪཱཔཊིཔནྣསྶ ཨིནྡྲིཡབྷཱཝནཱ. ཨནཏྟཏོ མནསིཀརོཏོ ཝེདབཧུལསྶ པཉྙིནྡྲིཡཾ ཨཱདྷིཔཏེཡྻཾ ཧོཏི. བྷཱཝནཱཡ ཙཏྟཱརིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི. ཨེཀརསཊྛེན བྷཱཝནཱ. ཡོ སམྨཱཔཊིཔནྣོ སོ བྷཱཝེཏི; ནཏྠི མིཙྪཱཔཊིཔནྣསྶ ཨིནྡྲིཡབྷཱཝནཱ.

༢༢༠. ཨནིཙྩཏོ མནསིཀརོཏོ ཨདྷིམོཀྑབཧུལསྶ ཀཏམིནྡྲིཡཾ ཨཱདྷིཔཏེཡྻཾ ཧོཏི? བྷཱཝནཱཡ ཀཏིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི? པཊིཝེདྷཀཱལེ ཀཏམིནྡྲིཡཾ ཨཱདྷིཔཏེཡྻཾ ཧོཏི? པཊིཝེདྷཱཡ ཀཏིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི? ཀེནཊྛེན བྷཱཝནཱ? ཀེནཊྛེན ¶ པཊིཝེདྷོ? དུཀྑཏོ མནསིཀརོཏོ པསྶདྡྷིབཧུལསྶ ཀཏམིནྡྲིཡཾ ཨཱདྷིཔཏེཡྻཾ ཧོཏི? བྷཱཝནཱཡ ཀཏིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི ¶ , ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི? པཊིཝེདྷཀཱལེ ཀཏམིནྡྲིཡཾ ཨཱདྷིཔཏེཡྻཾ ཧོཏི? པཊིཝེདྷཱཡ ཀཏིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི? ཀེནཊྛེན བྷཱཝནཱ? ཀེནཊྛེན པཊིཝེདྷོ? ཨནཏྟཏོ མནསིཀརོཏོ ཝེདབཧུལསྶ ཀཏམིནྡྲིཡཾ ཨཱདྷིཔཏེཡྻཾ ཧོཏི? བྷཱཝནཱཡ ཀཏིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི? པཊིཝེདྷཀཱལེ ཀཏམིནྡྲིཡཾ ཨཱདྷིཔཏེཡྻཾ ཧོཏི? པཊིཝེདྷཱཡ ཀཏིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི? ཀེནཊྛེན བྷཱཝནཱ? ཀེནཊྛེན པཊིཝེདྷོ?

ཨནིཙྩཏོ ¶ ¶ མནསིཀརོཏོ ཨདྷིམོཀྑབཧུལསྶ སདྡྷིནྡྲིཡཾ ཨཱདྷིཔཏེཡྻཾ ཧོཏི. བྷཱཝནཱཡ ཙཏྟཱརིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི ¶ , སམྤཡུཏྟཔཙྩཡཱ ཧོནྟི. པཊིཝེདྷཀཱལེ པཉྙིནྡྲིཡཾ ཨཱདྷིཔཏེཡྻཾ ཧོཏི. པཊིཝེདྷཱཡ ཙཏྟཱརིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི. ཨེཀརསཊྛེན བྷཱཝནཱ. དསྶནཊྛེན པཊིཝེདྷོ. ཨེཝཾ པཊིཝིཛ྄ཛྷནྟོཔི བྷཱཝེཏི, བྷཱཝེནྟོཔི པཊིཝིཛ྄ཛྷཏི. དུཀྑཏོ མནསིཀརོཏོ པསྶདྡྷིབཧུལསྶ སམཱདྷིནྡྲིཡཾ ཨཱདྷིཔཏེཡྻཾ ཧོཏི. བྷཱཝནཱཡ ཙཏྟཱརིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིཝེདྷཀཱལེ པཉྙིནྡྲིཡཾ ཨཱདྷིཔཏེཡྻཾ ཧོཏི. པཊིཝེདྷཱཡ ཙཏྟཱརིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི. ཨེཀརསཊྛེན བྷཱཝནཱ. དསྶནཊྛེན པཊིཝེདྷོ. ཨེཝཾ པཊིཝིཛ྄ཛྷནྟོཔི བྷཱཝེཏི, བྷཱཝེནྟོཔི པཊིཝིཛ྄ཛྷཏི. ཨནཏྟཏོ མནསིཀརོཏོ ཝེདབཧུལསྶ པཉྙིནྡྲིཡཾ ཨཱདྷིཔཏེཡྻཾ ཧོཏི. བྷཱཝནཱཡ ཙཏྟཱརིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིཝེདྷཀཱལེཔི པཉྙིནྡྲིཡཾ ཨཱདྷིཔཏེཡྻཾ ཧོཏི. པཊིཝེདྷཱཡ ཙཏྟཱརིནྡྲིཡཱནི ཏདནྭཡཱ ¶ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི. ཨེཀརསཊྛེན བྷཱཝནཱ. དསྶནཊྛེན པཊིཝེདྷོ. ཨེཝཾ པཊིཝིཛ྄ཛྷནྟོཔི བྷཱཝེཏི, བྷཱཝེནྟོཔི པཊིཝིཛ྄ཛྷཏི.

༢༢༡. ཨནིཙྩཏོ མནསིཀརོཏོ ཀཏམིནྡྲིཡཾ ཨདྷིམཏྟཾ ཧོཏི? ཀཏམིནྡྲིཡསྶ ཨདྷིམཏྟཏྟཱ སདྡྷཱཝིམུཏྟོ [སདྡྷཱདྷིམུཏྟོ (སྱཱ.)] ཧོཏི? དུཀྑཏོ མནསིཀརོཏོ ཀཏམིནྡྲིཡཾ ཨདྷིམཏྟཾ ཧོཏི? ཀཏམིནྡྲིཡསྶ ¶ ཨདྷིམཏྟཏྟཱ ཀཱཡསཀྑཱི [ཀཱཡསཀྑི (སྱཱ. ཀ.) ཨབྷི. པུ. པ. ༩༥ པསྶིཏབྦཱ] ཧོཏི? ཨནཏྟཏོ མནསིཀརོཏོ ཀཏམིནྡྲིཡཾ ཨདྷིམཏྟཾ ཧོཏི? ཀཏམིནྡྲིཡསྶ ཨདྷིམཏྟཏྟཱ དིཊྛིཔྤཏྟོ ཧོཏི?

ཨནིཙྩཏོ ¶ ¶ མནསིཀརོཏོ སདྡྷིནྡྲིཡཾ ཨདྷིམཏྟཾ ཧོཏི. སདྡྷིནྡྲིཡསྶ ཨདྷིམཏྟཏྟཱ སདྡྷཱཝིམུཏྟོ ཧོཏི. དུཀྑཏོ མནསིཀརོཏོ སམཱདྷིནྡྲིཡཾ ཨདྷིམཏྟཾ ཧོཏི. སམཱདྷིནྡྲིཡསྶ ཨདྷིམཏྟཏྟཱ ཀཱཡསཀྑཱི ཧོཏི. ཨནཏྟཏོ མནསིཀརོཏོ པཉྙིནྡྲིཡཾ ཨདྷིམཏྟཾ ཧོཏི. པཉྙིནྡྲིཡསྶ ཨདྷིམཏྟཏྟཱ དིཊྛིཔྤཏྟོ ཧོཏི.

སདྡཧནྟོ ཝིམུཏྟོཏི – སདྡྷཱཝིམུཏྟོ. ཕུཊྛཏྟཱ སཙྪིཀཏོཏི [སཙྪིཀརོཏཱིཏི (སྱཱ. པཱི.)] – ཀཱཡསཀྑཱི. དིཊྛཏྟཱ པཏྟོཏི – དིཊྛིཔྤཏྟོ. སདྡཧནྟོ ཝིམུཙྩཏཱིཏི – སདྡྷཱཝིམུཏྟོ. ཛྷཱནཕསྶཾ པཋམཾ ཕུསཏི, པཙྪཱ ནིརོདྷཾ ནིབྦཱནཾ སཙྪིཀརོཏཱིཏི – ཀཱཡསཀྑཱི. ‘‘དུཀྑཱ སངྑཱརཱ, སུཁོ ནིརོདྷོ’’ཏི ཉཱཏཾ ཧོཏི དིཊྛཾ ཝིདིཏཾ སཙྪིཀཏཾ ཕསྶིཏཾ པཉྙཱཡཱཏི – དིཊྛིཔྤཏྟོ. ཡོ ཙཱཡཾ པུགྒལོ སདྡྷཱཝིམུཏྟོ, ཡོ ཙ ཀཱཡསཀྑཱི, ཡོ ¶ ཙ དིཊྛིཔྤཏྟོ, སིཡཱ ཨིམེ ཏཡོ པུགྒལཱ སདྡྷཱཝིམུཏྟཱཔི ཀཱཡསཀྑཱིཔི དིཊྛིཔྤཏྟཱཔི ཝཏྠུཝསེན པརིཡཱཡེན སིཡཱཏི. ཀཐཉྩ སིཡཱ? ཨནིཙྩཏོ མནསིཀརོཏོ སདྡྷིནྡྲིཡཾ ཨདྷིམཏྟཾ ཧོཏི. སདྡྷིནྡྲིཡསྶ ཨདྷིམཏྟཏྟཱ སདྡྷཱཝིམུཏྟོ ཧོཏི. དུཀྑཏོ མནསིཀརོཏོ སདྡྷིནྡྲིཡཾ ཨདྷིམཏྟཾ ཧོཏི. སདྡྷིནྡྲིཡསྶ ཨདྷིམཏྟཏྟཱ སདྡྷཱཝིམུཏྟོ ཧོཏི. ཨནཏྟཏོ མནསིཀརོཏོ སདྡྷིནྡྲིཡཾ ཨདྷིམཏྟཾ ཧོཏི. སདྡྷིནྡྲིཡསྶ ཨདྷིམཏྟཏྟཱ སདྡྷཱཝིམུཏྟོ ཧོཏི. ཨེཝཾ ཨིམེ ཏཡོ པུགྒལཱ སདྡྷིནྡྲིཡསྶ ཝསེན སདྡྷཱཝིམུཏྟཱ.

དུཀྑཏོ མནསིཀརོཏོ སམཱདྷིནྡྲིཡཾ ཨདྷིམཏྟཾ ཧོཏི. སམཱདྷིནྡྲིཡསྶ ཨདྷིམཏྟཏྟཱ ཀཱཡསཀྑཱི ཧོཏི. ཨནཏྟཏོ མནསིཀརོཏོ སམཱདྷིནྡྲིཡཾ ཨདྷིམཏྟཾ ཧོཏི. སམཱདྷིནྡྲིཡསྶ ཨདྷིམཏྟཏྟཱ ཀཱཡསཀྑཱི ཧོཏི. ཨནིཙྩཏོ མནསིཀརོཏོ སམཱདྷིནྡྲིཡཾ ཨདྷིམཏྟཾ ཧོཏི. སམཱདྷིནྡྲིཡསྶ ཨདྷིམཏྟཏྟཱ ཀཱཡསཀྑཱི ཧོཏི. ཨེཝཾ ཨིམེ ཏཡོ པུགྒལཱ སམཱདྷིནྡྲིཡསྶ ཝསེན ཀཱཡསཀྑཱི.

ཨནཏྟཏོ མནསིཀརོཏོ པཉྙིནྡྲིཡཾ ཨདྷིམཏྟཾ ཧོཏི. པཉྙིནྡྲིཡསྶ ཨདྷིམཏྟཏྟཱ དིཊྛིཔྤཏྟོ ཧོཏི. ཨནིཙྩཏོ མནསིཀརོཏོ ¶ པཉྙིནྡྲིཡཾ ཨདྷིམཏྟཾ ཧོཏི. པཉྙིནྡྲིཡསྶ ཨདྷིམཏྟཏྟཱ དིཊྛིཔྤཏྟོ ཧོཏི. དུཀྑཏོ མནསིཀརོཏོ པཉྙིནྡྲིཡཾ ཨདྷིམཏྟཾ ཧོཏི. པཉྙིནྡྲིཡསྶ ཨདྷིམཏྟཏྟཱ དིཊྛིཔྤཏྟོ ¶ ཧོཏི. ཨེཝཾ ཨིམེ ཏཡོ པུགྒལཱ ¶ པཉྙིནྡྲིཡསྶ ཝསེན དིཊྛིཔྤཏྟཱ.

ཡོ ¶ ཙཱཡཾ པུགྒལོ སདྡྷཱཝིམུཏྟོ, ཡོ ཙ ཀཱཡསཀྑཱི, ཡོ ཙ དིཊྛིཔྤཏྟོ, ཨེཝཾ སིཡཱ ཨིམེ ཏཡོ པུགྒལཱ སདྡྷཱཝིམུཏྟཱཔི ཀཱཡསཀྑཱིཔི དིཊྛིཔྤཏྟཱཔི ཝཏྠུཝསེན པརིཡཱཡེན. ཡོ ཙཱཡཾ པུགྒལོ སདྡྷཱཝིམུཏྟོ, ཡོ ཙ ཀཱཡསཀྑཱི, ཡོ ཙ དིཊྛིཔྤཏྟོ, སིཡཱ ཨིམེ ཏཡོ པུགྒལཱ…པེ… ཨཉྙོཡེཝ སདྡྷཱཝིམུཏྟོ, ཨཉྙོ ཀཱཡསཀྑཱི, ཨཉྙོ དིཊྛིཔྤཏྟོ སིཡཱཏི. ཀཐཉྩ སིཡཱ? ཨནིཙྩཏོ མནསིཀརོཏོ སདྡྷིནྡྲིཡཾ ཨདྷིམཏྟཾ ཧོཏི. སདྡྷིནྡྲིཡསྶ ཨདྷིམཏྟཏྟཱ སདྡྷཱཝིམུཏྟོ ཧོཏི. དུཀྑཏོ མནསིཀརོཏོ སམཱདྷིནྡྲིཡཾ ཨདྷིམཏྟཾ ཧོཏི. སམཱདྷིནྡྲིཡསྶ ཨདྷིམཏྟཏྟཱ ཀཱཡསཀྑཱི ཧོཏི. ཨནཏྟཏོ མནསིཀརོཏོ པཉྙིནྡྲིཡཾ ཨདྷིམཏྟཾ ཧོཏི. པཉྙིནྡྲིཡསྶ ཨདྷིམཏྟཏྟཱ དིཊྛིཔྤཏྟོ ཧོཏི. ཡོ ཙཱཡཾ པུགྒལོ སདྡྷཱཝིམུཏྟོ, ཡོ ཙ ཀཱཡསཀྑཱི, ཡོ ཙ དིཊྛིཔྤཏྟོ, ཨེཝཾ སིཡཱ ཨིམེ ཏཡོ པུགྒལཱ སདྡྷཱཝིམུཏྟཱཔི ཀཱཡསཀྑཱིཔི དིཊྛིཔྤཏྟཱཔི ཝཏྠུཝསེན པརིཡཱཡེན. ཨཉྙོཡེཝ སདྡྷཱཝིམུཏྟོ, ཨཉྙོ ཀཱཡསཀྑཱི, ཨཉྙོ དིཊྛིཔྤཏྟོ.

ཨནིཙྩཏོ མནསིཀརོཏོ སདྡྷིནྡྲིཡཾ ཨདྷིམཏྟཾ ཧོཏི, སདྡྷིནྡྲིཡསྶ ཨདྷིམཏྟཏྟཱ སོཏཱཔཏྟིམགྒཾ པཊིལབྷཏི; ཏེན ཝུཙྩཏི – ‘‘སདྡྷཱནུསཱརཱི’’. ཙཏྟཱརིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. སདྡྷིནྡྲིཡསྶ ཝསེན ཙཏུནྣཾ ཨིནྡྲིཡཱནཾ བྷཱཝནཱ ཧོཏི. ཡེ ཧི ཀེཙི སདྡྷིནྡྲིཡསྶ ཝསེན སོཏཱཔཏྟིམགྒཾ པཊིལབྷནྟི ¶ , སབྦེ ཏེ སདྡྷཱནུསཱརིནོ.

ཨནིཙྩཏོ མནསིཀརོཏོ སདྡྷིནྡྲིཡཾ ཨདྷིམཏྟཾ ཧོཏི, སདྡྷིནྡྲིཡསྶ ཨདྷིམཏྟཏྟཱ སོཏཱཔཏྟིཕལཾ སཙྪིཀཏཾ ཧོཏི; ཏེན ཝུཙྩཏི – ‘‘སདྡྷཱཝིམུཏྟོ’’. ཙཏྟཱརིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. སདྡྷིནྡྲིཡསྶ ཝསེན ཙཏྟཱརིནྡྲིཡཱནི བྷཱཝིཏཱནི ཧོནྟི སུབྷཱཝིཏཱནི ¶ ¶ . ཡེཧི ཀེཙི སདྡྷིནྡྲིཡསྶ ཝསེན སོཏཱཔཏྟིཕལཾ སཙྪིཀཏཱ, སབྦེ ཏེ སདྡྷཱཝིམུཏྟཱ.

ཨནིཙྩཏོ མནསིཀརོཏོ སདྡྷིནྡྲིཡཾ ཨདྷིམཏྟཾ ཧོཏི, སདྡྷིནྡྲིཡསྶ ཨདྷིམཏྟཏྟཱ སཀདཱགཱམིམགྒཾ པཊིལབྷཏི…པེ… སཀདཱགཱམིཕལཾ སཙྪིཀཏཾ ཧོཏི…པེ… ཨནཱགཱམིམགྒཾ པཊིལབྷཏི… ཨནཱགཱམིཕལཾ སཙྪིཀཏཾ ཧོཏི…པེ… ཨརཧཏྟམགྒཾ པཊིལབྷཏི… ཨརཧཏྟཾ [ཨརཧཏྟཕལཾ (སྱཱ. ཀ.) ཨཊྛཀཐཱ ཨོལོཀེཏབྦཱ] སཙྪིཀཏཾ ཧོཏི; ཏེན ཝུཙྩཏི – ‘‘སདྡྷཱཝིམུཏྟོ’’. ཙཏྟཱརིནྡྲིཡཱནི ཏདནྭཡཱ ཧོནྟི…པེ… སམྤཡུཏྟཔཙྩཡཱ ཧོནྟི. སདྡྷིནྡྲིཡསྶ ཝསེན ཙཏྟཱརིནྡྲིཡཱནི བྷཱཝིཏཱནི ¶ ཧོནྟི སུབྷཱཝིཏཱནི. ཡེཧི ཀེཙི སདྡྷིནྡྲིཡསྶ ཝསེན ཨརཧཏྟཾ སཙྪིཀཏཱ, སབྦེ ཏེ སདྡྷཱཝིམུཏྟཱ.

དུཀྑཏོ མནསིཀརོཏོ སམཱདྷིནྡྲིཡཾ ཨདྷིམཏྟཾ ཧོཏི, སམཱདྷིནྡྲིཡསྶ ཨདྷིམཏྟཏྟཱ སོཏཱཔཏྟིམགྒཾ པཊིལབྷཏི; ཏེན ཝུཙྩཏི – ‘‘ཀཱཡསཀྑཱི’’. ཙཏྟཱརིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི ¶ , སམྤཡུཏྟཔཙྩཡཱ ཧོནྟི. སམཱདྷིནྡྲིཡསྶ ཝསེན ཙཏུནྣཾ ཨིནྡྲིཡཱནཾ བྷཱཝནཱ ཧོཏི. ཡེ ཧི ཀེཙི སམཱདྷིནྡྲིཡསྶ ཝསེན སོཏཱཔཏྟིམགྒཾ པཊིལབྷནྟི, སབྦེ ཏེ ཀཱཡསཀྑཱི.

དུཀྑཏོ མནསིཀརོཏོ སམཱདྷིནྡྲིཡཾ ཨདྷིམཏྟཾ ཧོཏི, སམཱདྷིནྡྲིཡསྶ ཨདྷིམཏྟཏྟཱ སོཏཱཔཏྟིཕལཾ སཙྪིཀཏཾ ཧོཏི…པེ… སཀདཱགཱམིམགྒཾ པཊིལབྷཏི…པེ… སཀདཱགཱམིཕལཾ སཙྪིཀཏཾ ཧོཏི…པེ… ཨནཱགཱམིམགྒཾ པཊིལབྷཏི…པེ… ཨནཱགཱམིཕལཾ སཙྪིཀཏཾ ཧོཏི…པེ… ཨརཧཏྟམགྒཾ པཊིལབྷཏི…པེ… ཨརཧཏྟཾ སཙྪིཀཏཾ ཧོཏི; ཏེན ཝུཙྩཏི – ‘‘ཀཱཡསཀྑཱི’’. ཙཏྟཱརིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. སམཱདྷིནྡྲིཡསྶ ཝསེན ཙཏྟཱརིནྡྲིཡཱནི བྷཱཝིཏཱནི ཧོནྟི སུབྷཱཝིཏཱནི. ཡེཧི ཀེཙི སམཱདྷིནྡྲིཡསྶ ཝསེན ཨརཧཏྟཾ སཙྪིཀཏཱ, སབྦེ ཏེ ཀཱཡསཀྑཱི.

ཨནཏྟཏོ མནསིཀརོཏོ པཉྙིནྡྲིཡཾ ཨདྷིམཏྟཾ ཧོཏི, པཉྙིནྡྲིཡསྶ ཨདྷིམཏྟཏྟཱ སོཏཱཔཏྟིམགྒཾ པཊིལབྷཏི; ཏེན ཝུཙྩཏི – ‘‘དྷམྨཱནུསཱརཱི’’. ཙཏྟཱརིནྡྲིཡཱནི ཏདནྭཡཱ ཧོནྟི…པེ… སམྤཡུཏྟཔཙྩཡཱ ཧོནྟི. པཉྙིནྡྲིཡསྶ ¶ ཝསེན ¶ ཙཏུནྣཾ ཨིནྡྲིཡཱནཾ བྷཱཝནཱ ཧོཏི. ཡེ ཧི ཀེཙི པཉྙིནྡྲིཡསྶ ཝསེན སོཏཱཔཏྟིམགྒཾ པཊིལབྷནྟི, སབྦེ ཏེ དྷམྨཱནུསཱརིནོ.

ཨནཏྟཏོ མནསིཀརོཏོ པཉྙིནྡྲིཡཾ ཨདྷིམཏྟཾ ཧོཏི, པཉྙིནྡྲིཡསྶ ཨདྷིམཏྟཏྟཱ སོཏཱཔཏྟིཕལཾ སཙྪིཀཏཾ ཧོཏི; ཏེན ཝུཙྩཏི – ‘‘དིཊྛིཔྤཏྟོ’’. ཙཏྟཱརིནྡྲིཡཱནི ¶ ཏདནྭཡཱ ཧོནྟི…པེ… སམྤཡུཏྟཔཙྩཡཱ ཧོནྟི. པཉྙིནྡྲིཡསྶ ཝསེན ཙཏྟཱརིནྡྲིཡཱནི བྷཱཝིཏཱནི ཧོནྟི སུབྷཱཝིཏཱནི. ཡེཧི ཀེཙི པཉྙིནྡྲིཡསྶ ཝསེན སོཏཱཔཏྟིཕལཾ སཙྪིཀཏཱ, སབྦེ ཏེ དིཊྛིཔྤཏྟཱ.

ཨནཏྟཏོ ¶ མནསིཀརོཏོ པཉྙིནྡྲིཡཾ ཨདྷིམཏྟཾ ཧོཏི, པཉྙིནྡྲིཡསྶ ཨདྷིམཏྟཏྟཱ སཀདཱགཱམིམགྒཾ པཊིལབྷཏི…པེ… སཀདཱགཱམིཕལཾ སཙྪིཀཏཾ ཧོཏི…པེ… ཨནཱགཱམིམགྒཾ པཊིལབྷཏི…པེ… ཨནཱགཱམིཕལཾ སཙྪིཀཏཾ ཧོཏི…པེ… ཨརཧཏྟམགྒཾ པཊིལབྷཏི…པེ… ཨརཧཏྟཾ སཙྪིཀཏཾ ཧོཏི; ཏེན ཝུཙྩཏི – ‘‘དིཊྛིཔྤཏྟོ’’. ཙཏྟཱརིནྡྲིཡཱནི ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཉྙིནྡྲིཡསྶ ཝསེན ཙཏྟཱརིནྡྲིཡཱནི བྷཱཝིཏཱནི ཧོནྟི སུབྷཱཝིཏཱནི. ཡེཧི ཀེཙི པཉྙིནྡྲིཡསྶ ཝསེན ཨརཧཏྟཾ སཙྪིཀཏཱ, སབྦེ ཏེ དིཊྛིཔྤཏྟཱ.

༢༢༢. ཡེ ཧི ཀེཙི ནེཀྑམྨཾ བྷཱཝིཏཱ ཝཱ བྷཱཝེནྟི ཝཱ བྷཱཝིསྶནྟི ཝཱ, ཨདྷིགཏཱ ཝཱ ཨདྷིགཙྪནྟི ཝཱ ཨདྷིགམིསྶནྟི ཝཱ, པཏྟཱ ཝཱ པཱཔུཎནྟི ཝཱ པཱཔུཎིསྶནྟི ཝཱ, པཊིལདྡྷཱ ཝཱ པཊིལབྷནྟི ཝཱ པཊིལབྷིསྶནྟི ཝཱ, པཊིཝིདྡྷཱ ཝཱ པཊིཝིཛ྄ཛྷནྟི ཝཱ པཊིཝིཛ྄ཛྷིསྶནྟི ཝཱ, སཙྪིཀཏཱ ཝཱ སཙྪིཀརོནྟི ཝཱ སཙྪིཀརིསྶནྟི ཝཱ, ཕསྶིཏཱ ཝཱ ཕསྶནྟི ཝཱ ཕསྶིསྶནྟི ཝཱ, ཝསིཔྤཏྟཱ ¶ ཝཱ པཱཔུཎནྟི ཝཱ པཱཔུཎིསྶནྟི ཝཱ, པཱརམིཔྤཏྟཱ ཝཱ པཱཔུཎནྟི ཝཱ པཱཔུཎིསྶནྟི ཝཱ, ཝེསཱརཛྫཔྤཏྟཱ ཝཱ པཱཔུཎནྟི ཝཱ པཱཔུཎིསྶནྟི ཝཱ, སབྦེ ཏེ སདྡྷིནྡྲིཡསྶ ཝསེན སདྡྷཱཝིམུཏྟཱ, སམཱདྷིནྡྲིཡསྶ ཝསེན ཀཱཡསཀྑཱི, པཉྙིནྡྲིཡསྶ ཝསེན དིཊྛིཔྤཏྟཱ.

ཡེ ཧི ཀེཙི ཨབྱཱཔཱདཾ…པེ… ཨཱལོཀསཉྙཾ… ཨཝིཀྑེཔཾ… དྷམྨཝཝཏྠཱནཾ… ཉཱཎཾ… པཱམོཛྫཾ… པཋམཾ ཛྷཱནཾ… དུཏིཡཾ ཛྷཱནཾ… ཏཏིཡཾ ཛྷཱནཾ… ཙཏུཏྠཾ ཛྷཱནཾ… ཨཱཀཱསཱནཉྩཱཡཏནསམཱཔཏྟིཾ… ཝིཉྙཱཎཉྩཱཡཏནསམཱཔཏྟིཾ ¶ … ཨཱཀིཉྩཉྙཱཡཏནསམཱཔཏྟིཾ… ནེཝསཉྙཱནཱསཉྙཱཡཏནསམཱཔཏྟིཾ… ཨནིཙྩཱནུཔསྶནཾ… དུཀྑཱནུཔསྶནཾ… ཨནཏྟཱནུཔསྶནཾ… ནིབྦིདཱནུཔསྶནཾ… ཝིརཱགཱནུཔསྶནཾ ¶ … ནིརོདྷཱནུཔསྶནཾ… པཊིནིསྶགྒཱནུཔསྶནཾ… ཁཡཱནུཔསྶནཾ… ཝཡཱནུཔསྶནཾ… ཝིཔརིཎཱམཱནུཔསྶནཾ… ཨནིམིཏྟཱནུཔསྶནཾ… ཨཔྤཎིཧིཏཱནུཔསྶནཾ… སུཉྙཏཱནུཔསྶནཾ… ཨདྷིཔཉྙཱདྷམྨཝིཔསྶནཾ… ཡཐཱབྷཱུཏཉཱཎདསྶནཾ… ཨཱདཱིནཝཱནུཔསྶནཾ… པཊིསངྑཱནུཔསྶནཾ… ཝིཝཊྚནཱནུཔསྶནཾ… སོཏཱཔཏྟིམགྒཾ… སཀདཱགཱམིམགྒཾ… ཨནཱགཱམིམགྒཾ… ཨརཧཏྟམགྒཾ….

ཡེ ཧི ཀེཙི ཙཏྟཱརོ སཏིཔཊྛཱནེ… ཙཏྟཱརོ སམྨཔྤདྷཱནེ… ཙཏྟཱརོ ཨིདྡྷིཔཱདེ… པཉྩིནྡྲིཡཱནི… པཉྩ བལཱནི… སཏྟ བོཛ྄ཛྷངྒེ… ཨརིཡཾ ཨཊྛངྒིཀཾ མགྒཾ… ཡེ ཧི ཀེཙི ཨཊྛ ¶ ཝིམོཀྑེ བྷཱཝིཏཱ ཝཱ བྷཱཝེནྟི ¶ ཝཱ བྷཱཝིསྶནྟི ཝཱ, ཨདྷིགཏཱ ཝཱ ཨདྷིགཙྪནྟི ཝཱ ཨདྷིགམིསྶནྟི ཝཱ, པཏྟཱ ཝཱ པཱཔུཎནྟི ཝཱ པཱཔུཎིསྶནྟི ཝཱ, པཊིལདྡྷཱ ཝཱ པཊིལབྷནྟི ཝཱ པཊིལབྷིསྶནྟི ཝཱ, པཊིཝིདྡྷཱ ཝཱ པཊིཝིཛ྄ཛྷནྟི ཝཱ པཊིཝིཛ྄ཛྷིསྶནྟི ཝཱ, སཙྪིཀཏཱ ཝཱ སཙྪིཀརོནྟི ཝཱ སཙྪིཀརིསྶནྟི ཝཱ, ཕསྶིཏཱ ཝཱ ཕསྶནྟི ཝཱ ཕསྶིསྶནྟི ཝཱ, ཝསིཔྤཏྟཱ ཝཱ པཱཔུཎནྟི ཝཱ པཱཔུཎིསྶནྟི ཝཱ པཱརམིཔྤཏྟཱ ཝཱ པཱཔུཎནྟི ཝཱ པཱཔུཎིསྶནྟི ཝཱ, ཝེསཱརཛྫཔྤཏྟཱ ཝཱ པཱཔུཎནྟི ཝཱ པཱཔུཎིསྶནྟི ཝཱ, སབྦེ ཏེ སདྡྷིནྡྲིཡསྶ ཝསེན སདྡྷཱཝིམུཏྟཱ, སམཱདྷིནྡྲིཡསྶ ཝསེན ཀཱཡསཀྑཱི, པཉྙིནྡྲིཡསྶ ཝསེན དིཊྛིཔྤཏྟཱ.

ཡེ ཧི ཀེཙི ཙཏསྶོ པཊིསམྦྷིདཱ པཏྟཱ ཝཱ པཱཔུཎནྟི ཝཱ པཱཔུཎིསྶནྟི ཝཱ…པེ… སབྦེ ཏེ སདྡྷིནྡྲིཡསྶ ཝསེན སདྡྷཱཝིམུཏྟཱ, སམཱདྷིནྡྲིཡསྶ ཝསེན ཀཱཡསཀྑཱི, པཉྙིནྡྲིཡསྶ ཝསེན དིཊྛིཔྤཏྟཱ.

ཡེ ཧི ཀེཙི ཏིསྶོ ཝིཛྫཱ པཊིཝིདྡྷཱ ཝཱ པཊིཝིཛ྄ཛྷནྟི ཝཱ པཊིཝིཛ྄ཛྷིསྶནྟི ཝཱ…པེ… སབྦེ ཏེ སདྡྷིནྡྲིཡསྶ ཝསེན སདྡྷཱཝིམུཏྟཱ, སམཱདྷིནྡྲིཡསྶ ཝསེན ཀཱཡསཀྑཱི, པཉྙིནྡྲིཡསྶ ཝསེན དིཊྛིཔྤཏྟཱ.

ཡེ ཧི ཀེཙི ཏིསྶོ སིཀྑཱ སིཀྑིཏཱ ཝཱ སིཀྑནྟི ཝཱ སིཀྑིསྶནྟི ཝཱ, སཙྪིཀཏཱ ཝཱ སཙྪིཀརོནྟི ཝཱ སཙྪིཀརིསྶནྟི ཝཱ, ཕསྶིཏཱ ཝཱ ¶ ཕསྶནྟི ཝཱ ཕསྶིསྶནྟི ཝཱ, ཝསིཔྤཏྟཱ ཝཱ པཱཔུཎནྟི ཝཱ པཱཔུཎིསྶནྟི ཝཱ, པཱརམིཔྤཏྟཱ ཝཱ པཱཔུཎནྟི ཝཱ པཱཔུཎིསྶནྟི ཝཱ, ཝེསཱརཛྫཔྤཏྟཱ ཝཱ པཱཔུཎནྟི ཝཱ པཱཔུཎིསྶནྟི ཝཱ, སབྦེ ཏེ སདྡྷིནྡྲིཡསྶ ཝསེན སདྡྷཱཝིམུཏྟཱ, སམཱདྷིནྡྲིཡསྶ ཝསེན ཀཱཡསཀྑཱི, པཉྙིནྡྲིཡསྶ ཝསེན དིཊྛིཔྤཏྟཱ.

ཡེ ¶ ཧི ཀེཙི དུཀྑཾ པརིཛཱནནྟི སམུདཡཾ པཛཧནྟི ནིརོདྷཾ སཙྪིཀརོནྟི མགྒཾ བྷཱཝེནྟི, སབྦེ ཏེ སདྡྷིནྡྲིཡསྶ ¶ ཝསེན སདྡྷཱཝིམུཏྟཱ, སམཱདྷིནྡྲིཡསྶ ཝསེན ཀཱཡསཀྑཱི, པཉྙིནྡྲིཡསྶ ཝསེན དིཊྛིཔྤཏྟཱ.

ཀཏིཧཱཀཱརེཧི སཙྩཔྤཊིཝེདྷོ ཧོཏི? ཀཏིཧཱཀཱརེཧི སཙྩཱནི པཊིཝིཛ྄ཛྷཏི? ཙཏཱུཧཱཀཱརེཧི སཙྩཔྤཊིཝེདྷོ ཧོཏི. ཙཏཱུཧཱཀཱརེཧི སཙྩཱནི པཊིཝིཛ྄ཛྷཏི. དུཀྑསཙྩཾ པརིཉྙཱཔཊིཝེདྷཾ པཊིཝིཛ྄ཛྷཏི, སམུདཡསཙྩཾ པཧཱནཔྤཊིཝེདྷཾ པཊིཝིཛ྄ཛྷཏི, ནིརོདྷསཙྩཾ སཙྪིཀིརིཡཱཔཊིཝེདྷཾ ¶ པཊིཝིཛ྄ཛྷཏི, མགྒསཙྩཾ བྷཱཝནཱཔཊིཝེདྷཾ པཊིཝིཛ྄ཛྷཏི. ཨིམེཧི ཙཏཱུཧཱཀཱརེཧི སཙྩཔྤཊིཝེདྷོ ཧོཏི. ཨིམེཧི ཙཏཱུཧཱཀཱརེཧི སཙྩཱནི པཊིཝིཛ྄ཛྷནྟོ སདྡྷིནྡྲིཡསྶ ཝསེན སདྡྷཱཝིམུཏྟོ, སམཱདྷིནྡྲིཡསྶ ཝསེན ཀཱཡསཀྑཱི, པཉྙིནྡྲིཡསྶ ཝསེན དིཊྛིཔྤཏྟོ.

ཀཏིཧཱཀཱརེཧི སཙྩཔྤཊིཝེདྷོ ཧོཏི? ཀཏིཧཱཀཱརེཧི སཙྩཱནི པཊིཝིཛ྄ཛྷཏི ¶ ? ནཝཧཱཀཱརེཧི སཙྩཔྤཊིཝེདྷོ ཧོཏི, ནཝཧཱཀཱརེཧི སཙྩཱནི པཊིཝིཛ྄ཛྷཏི. དུཀྑསཙྩཾ པརིཉྙཱཔཊིཝེདྷཾ པཊིཝིཛ྄ཛྷཏི, སམུདཡསཙྩཾ པཧཱནཔྤཊིཝེདྷཾ པཊིཝིཛ྄ཛྷཏི, ནིརོདྷསཙྩཾ སཙྪིཀིརིཡཱཔཊིཝེདྷཾ པཊིཝིཛ྄ཛྷཏི, མགྒསཙྩཾ བྷཱཝནཱཔཊིཝེདྷཾ པཊིཝིཛ྄ཛྷཏི. ཨབྷིཉྙཱཔཊིཝེདྷོ ཙ སབྦདྷམྨཱནཾ, པརིཉྙཱཔཊིཝེདྷོ ཙ སབྦསངྑཱརཱནཾ, པཧཱནཔྤཊིཝེདྷོ ཙ སབྦཱཀུསལཱནཾ, བྷཱཝནཱཔཊིཝེདྷོ ཙ ཙཏུནྣཾ མགྒཱནཾ, སཙྪིཀིརིཡཱཔཊིཝེདྷོ ཙ ནིརོདྷསྶ. ཨིམེཧི ནཝཧཱཀཱརེཧི སཙྩཔྤཊིཝེདྷོ ཧོཏི. ཨིམེཧི ནཝཧཱཀཱརེཧི སཙྩཱནི པཊིཝིཛ྄ཛྷནྟོ སདྡྷིནྡྲིཡསྶ ཝསེན སདྡྷཱཝིམུཏྟོ, སམཱདྷིནྡྲིཡསྶ ཝསེན ཀཱཡསཀྑཱི, པཉྙིནྡྲིཡསྶ ཝསེན དིཊྛིཔྤཏྟོ.

དུཏིཡབྷཱཎཝཱརོ.

༢༢༣. ཨནིཙྩཏོ ¶ མནསིཀརོཏོ ཀཐཾ སངྑཱརཱ ཨུཔཊྛནྟི? དུཀྑཏོ མནསིཀརོཏོ ཀཐཾ སངྑཱརཱ ཨུཔཊྛནྟི? ཨནཏྟཏོ མནསིཀརོཏོ ཀཐཾ སངྑཱརཱ ཨུཔཊྛནྟི? ཨནིཙྩཏོ མནསིཀརོཏོ ཁཡཏོ སངྑཱརཱ ཨུཔཊྛནྟི. དུཀྑཏོ མནསིཀརོཏོ བྷཡཏོ སངྑཱརཱ ཨུཔཊྛནྟི. ཨནཏྟཏོ མནསིཀརོཏོ སུཉྙཏོ སངྑཱརཱ ཨུཔཊྛནྟི.

ཨནིཙྩཏོ མནསིཀརོཏོ ཀིཾ བཧུལཾ ཙིཏྟཾ ཧོཏི? དུཀྑཏོ མནསིཀརོཏོ ཀིཾ བཧུལཾ ཙིཏྟཾ ཧོཏི? ཨནཏྟཏོ མནསིཀརོཏོ ཀིཾ ¶ བཧུལཾ ཙིཏྟཾ ཧོཏི? ཨནིཙྩཏོ མནསིཀརོཏོ ཨདྷིམོཀྑབཧུལཾ ཙིཏྟཾ ཧོཏི. དུཀྑཏོ མནསིཀརོཏོ པསྶདྡྷིབཧུལཾ ཙིཏྟཾ ཧོཏི. ཨནཏྟཏོ མནསིཀརོཏོ ཝེདབཧུལཾ ¶ ཙིཏྟཾ ཧོཏི.

ཨནིཙྩཏོ མནསིཀརོནྟོ ཨདྷིམོཀྑབཧུལོ ཀཏམཾ ཝིམོཀྑཾ པཊིལབྷཏི? དུཀྑཏོ མནསིཀརོནྟོ པསྶདྡྷིབཧུལོ ཀཏམཾ ཝིམོཀྑཾ པཊིལབྷཏི? ཨནཏྟཏོ མནསིཀརོནྟོ ཝེདབཧུལོ ཀཏམཾ ཝིམོཀྑཾ པཊིལབྷཏི? ཨནིཙྩཏོ མནསིཀརོནྟོ ཨདྷིམོཀྑབཧུལོ ཨནིམིཏྟཾ ¶ ཝིམོཀྑཾ པཊིལབྷཏི. དུཀྑཏོ མནསིཀརོནྟོ པསྶདྡྷིབཧུལོ ཨཔྤཎིཧིཏཾ ཝིམོཀྑཾ པཊིལབྷཏི. ཨནཏྟཏོ མནསིཀརོནྟོ ཝེདབཧུལོ སུཉྙཏཾ ཝིམོཀྑཾ པཊིལབྷཏི.

༢༢༤. ཨནིཙྩཏོ མནསིཀརོཏོ ཨདྷིམོཀྑབཧུལསྶ ཀཏམོ ཝིམོཀྑོ ཨཱདྷིཔཏེཡྻོ ཧོཏི, བྷཱཝནཱཡ ཀཏི ཝིམོཀྑཱ ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི, ཀེནཊྛེན བྷཱཝནཱ, ཀོ བྷཱཝེཏི? དུཀྑཏོ མནསིཀརོཏོ པསྶདྡྷིབཧུལསྶ ཀཏམོ ཝིམོཀྑོ ཨཱདྷིཔཏེཡྻོ ཧོཏི, བྷཱཝནཱཡ ཀཏི ཝིམོཀྑཱ ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི, ཀེནཊྛེན བྷཱཝནཱ, ཀོ བྷཱཝེཏི? ཨནཏྟཏོ མནསིཀརོཏོ ཝེདབཧུལསྶ ཀཏམོ ཝིམོཀྑོ ཨཱདྷིཔཏེཡྻོ ཧོཏི, བྷཱཝནཱཡ ཀཏི ཝིམོཀྑཱ ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ¶ ཧོནྟི ¶ , སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི, ཀེནཊྛེན བྷཱཝནཱ, ཀོ བྷཱཝེཏི?

ཨནིཙྩཏོ མནསིཀརོཏོ ཨདྷིམོཀྑབཧུལསྶ ཨནིམིཏྟོ ཝིམོཀྑོ ཨཱདྷིཔཏེཡྻོ ཧོཏི. བྷཱཝནཱཡ དྭེ ཝིམོཀྑཱ ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི. ཨེཀརསཊྛེན བྷཱཝནཱ. ཡོ སམྨཱཔཊིཔནྣོ སོ བྷཱཝེཏི; ནཏྠི མིཙྪཱཔཊིཔནྣསྶ ཝིམོཀྑབྷཱཝནཱ. དུཀྑཏོ མནསིཀརོཏོ པསྶདྡྷིབཧུལསྶ ཨཔྤཎིཧིཏོ ཝིམོཀྑོ ཨཱདྷིཔཏེཡྻོ ཧོཏི. བྷཱཝནཱཡ དྭེ ཝིམོཀྑཱ ཏདནྭཡཱ ¶ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི. ཨེཀརསཊྛེན བྷཱཝནཱ. ཡོ སམྨཱཔཊིཔནྣོ སོ བྷཱཝེཏི; ནཏྠི མིཙྪཱཔཊིཔནྣསྶ ཝིམོཀྑབྷཱཝནཱ. ཨནཏྟཏོ མནསིཀརོཏོ ཝེདབཧུལསྶ སུཉྙཏོ ཝིམོཀྑོ ཨཱདྷིཔཏེཡྻོ ཧོཏི. བྷཱཝནཱཡ དྭེ ཝིམོཀྑཱ ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི. ཨེཀརསཊྛེན བྷཱཝནཱ. ཡོ སམྨཱཔཊིཔནྣོ སོ བྷཱཝེཏི; ནཏྠི མིཙྪཱཔཊིཔནྣསྶ ཝིམོཀྑབྷཱཝནཱ.

ཨནིཙྩཏོ ¶ མནསིཀརོཏོ ཨདྷིམོཀྑབཧུལསྶ ཀཏམོ ཝིམོཀྑོ ཨཱདྷིཔཏེཡྻོ ཧོཏི, བྷཱཝནཱཡ ཀཏི ཝིམོཀྑཱ ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི, པཊིཝེདྷཀཱལེ ཀཏམོ ཝིམོཀྑོ ¶ ཨཱདྷིཔཏེཡྻོ ཧོཏི, པཊིཝེདྷཱཡ ཀཏི ཝིམོཀྑཱ ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི, ཀེནཊྛེན བྷཱཝནཱ, ཀེནཊྛེན པཊིཝེདྷོ? དུཀྑཏོ མནསིཀརོཏོ པསྶདྡྷིབཧུལསྶ ཀཏམོ ཝིམོཀྑོ ཨཱདྷིཔཏེཡྻོ ཧོཏི, བྷཱཝནཱཡ ཀཏི ཝིམོཀྑཱ ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི, པཊིཝེདྷཀཱལེ ཀཏམོ ཝིམོཀྑོ ཨཱདྷིཔཏེཡྻོ ཧོཏི, པཊིཝེདྷཱཡ ཀཏི ཝིམོཀྑཱ ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི, ཀེནཊྛེན བྷཱཝནཱ, ཀེནཊྛེན པཊིཝེདྷོ? ཨནཏྟཏོ ¶ མནསིཀརོཏོ ཝེདབཧུལསྶ ཀཏམོ ཝིམོཀྑོ ཨཱདྷིཔཏེཡྻོ ཧོཏི, བྷཱཝནཱཡ ཀཏི ཝིམོཀྑཱ ཏདནྭཡཱ ཧོནྟི, སཧཛཱཏཔཙྩཡཱ ¶ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི, པཊིཝེདྷཀཱལེ ཀཏམོ ཝིམོཀྑོ ཨཱདྷིཔཏེཡྻོ ཧོཏི, པཊིཝེདྷཱཡ ཀཏིཝིམོཀྑཱ ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི ¶ , ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི, ཀེནཊྛེན བྷཱཝནཱ, ཀེནཊྛེན པཊིཝེདྷོ?

༢༢༥. ཨནིཙྩཏོ མནསིཀརོཏོ ཨདྷིམོཀྑབཧུལསྶ ཨནིམིཏྟོ ཝིམོཀྑོ ཨཱདྷིཔཏེཡྻོ ཧོཏི, བྷཱཝནཱཡ དྭེ ཝིམོཀྑཱ ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི, པཊིཝེདྷཀཱལེཔི ཨནིམིཏྟོ ཝིམོཀྑོ ཨཱདྷིཔཏེཡྻོ ཧོཏི, པཊིཝེདྷཱཡ དྭེ ཝིམོཀྑཱ ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི, ཨེཀརསཊྛེན བྷཱཝནཱ, དསྶནཊྛེན པཊིཝེདྷོ, ཨེཝཾ པཊིཝིཛ྄ཛྷནྟོཔི བྷཱཝེཏི, བྷཱཝེནྟོཔི པཊིཝིཛ྄ཛྷཏི. དུཀྑཏོ མནསིཀརོཏོ པསྶདྡྷིབཧུལསྶ ཨཔྤཎིཧིཏོ ཝིམོཀྑོ ཨཱདྷིཔཏེཡྻོ ཧོཏི, བྷཱཝནཱཡ དྭེ ཝིམོཀྑཱ ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི, པཊིཝེདྷཀཱལེཔི ¶ ཨཔྤཎིཧིཏོ ཝིམོཀྑོ ཨཱདྷིཔཏེཡྻོ ཧོཏི, པཊིཝེདྷཱཡ དྭེ ཝིམོཀྑཱ ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི, ཨེཀརསཊྛེན བྷཱཝནཱ, དསྶནཊྛེན པཊིཝེདྷོ, ཨེཝཾ པཊིཝིཛ྄ཛྷནྟོཔི བྷཱཝེཏི, བྷཱཝེནྟོཔི པཊིཝིཛ྄ཛྷཏི. ཨནཏྟཏོ མནསིཀརོཏོ ཝེདབཧུལསྶ སུཉྙཏོ ཝིམོཀྑོ ཨཱདྷིཔཏེཡྻོ ཧོཏི, བྷཱཝནཱཡ དྭེ ཝིམོཀྑཱ ཏདནྭཡཱ ཧོནྟི སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ¶ ཧོནྟི, ཨེཀརསཱ ཧོནྟི, པཊིཝེདྷཀཱལེཔི སུཉྙཏོ ཝིམོཀྑོ ཨཱདྷིཔཏེཡྻོ ཧོཏི, པཊིཝེདྷཱཡ དྭེ ཝིམོཀྑཱ ཏདནྭཡཱ ཧོནྟི, སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི, ཨེཀརསཱ ཧོནྟི, ཨེཀརསཊྛེན བྷཱཝནཱ, དསྶནཊྛེན པཊིཝེདྷོ, ཨེཝཾ པཊིཝིཛ྄ཛྷནྟོཔི བྷཱཝེཏི, བྷཱཝེནྟོཔི པཊིཝིཛ྄ཛྷཏི.

༢༢༦. ཨནིཙྩཏོ མནསིཀརོཏོ ཀཏམོ ཝིམོཀྑོ ཨདྷིམཏྟོ ཧོཏི? ཀཏམཝིམོཀྑསྶ ཨདྷིམཏྟཏྟཱ སདྡྷཱཝིམུཏྟོ ཧོཏི ¶ ? དུཀྑཏོ ¶ མནསིཀརོཏོ ཀཏམོ ཝིམོཀྑོ ཨདྷིམཏྟོ ཧོཏི? ཀཏམཝིམོཀྑསྶ ཨདྷིམཏྟཏྟཱ ཀཱཡསཀྑཱི ཧོཏི? ཨནཏྟཏོ མནསིཀརོཏོ ཀཏམོ ཝིམོཀྑོ ཨདྷིམཏྟོ ཧོཏི? ཀཏམཝིམོཀྑསྶ ཨདྷིམཏྟཏྟཱ དིཊྛིཔྤཏྟོ ¶ ཧོཏི?

ཨནིཙྩཏོ མནསིཀརོཏོ ཨནིམིཏྟོ ཝིམོཀྑོ ཨདྷིམཏྟོ ཧོཏི. ཨནིམིཏྟཝིམོཀྑསྶ ཨདྷིམཏྟཏྟཱ སདྡྷཱཝིམུཏྟོ ཧོཏི. དུཀྑཏོ མནསིཀརོཏོ ཨཔྤཎིཧིཏོ ཝིམོཀྑོ ཨདྷིམཏྟོ ཧོཏི. ཨཔྤཎིཧིཏཝིམོཀྑསྶ ཨདྷིམཏྟཏྟཱ ཀཱཡསཀྑཱི ཧོཏི. ཨནཏྟཏོ མནསིཀརོཏོ སུཉྙཏོ ཝིམོཀྑོ ཨདྷིམཏྟོ ཧོཏི. སུཉྙཏཝིམོཀྑསྶ ཨདྷིམཏྟཏྟཱ དིཊྛིཔྤཏྟོ ཧོཏི.

སདྡཧནྟོ ཝིམུཏྟོཏི – སདྡྷཱཝིམུཏྟོ. ཕུཊྛཏྟཱ སཙྪིཀཏོཏི – ཀཱཡསཀྑཱི. དིཊྛཏྟཱ པཏྟོཏི – དིཊྛིཔྤཏྟོ. སདྡཧནྟོ ཝིམུཙྩཏཱིཏི – སདྡྷཱཝིམུཏྟོ. ཛྷཱནཕསྶཾ པཋམཾ ཕུསཏི, པཙྪཱ ནིརོདྷཾ ནིབྦཱནཾ སཙྪིཀརོཏཱིཏི – ཀཱཡསཀྑཱི. ‘‘དུཀྑཱ སངྑཱརཱ, སུཁོ ནིརོདྷོ’’ཏི ཝིཉྙཱཏཾ ཧོཏི དིཊྛཾ ཝིདིཏཾ སཙྪིཀཏཾ ཕསྶིཏཾ པཉྙཱཡཱཏི – དིཊྛིཔྤཏྟོ…པེ… ཡེ ཧི ཀེཙི ནེཀྑམྨཾ བྷཱཝིཏཱ ཝཱ བྷཱཝེནྟི ཝཱ བྷཱཝིསྶནྟི ཝཱ…པེ… སབྦེ ཏེ ཨནིམིཏྟཝིམོཀྑསྶ ཝསེན སདྡྷཱཝིམུཏྟཱ, ཨཔྤཎིཧིཏཝིམོཀྑསྶ ཝསེན ཀཱཡསཀྑཱི, སུཉྙཏཝིམོཀྑསྶ ཝསེན དིཊྛིཔྤཏྟཱ.

ཡེ ཧི ཀེཙི ཨབྱཱཔཱདཾ… ཨཱལོཀསཉྙཾ… ཨཝིཀྑེཔཾ… ཡེ ཧི ཀེཙི དུཀྑཾ པརིཛཱནནྟི, སམུདཡཾ པཛཧནྟི, ནིརོདྷཾ སཙྪིཀརོནྟི, མགྒཾ བྷཱཝེནྟི, སབྦེ ཏེ ཨནིམིཏྟཝིམོཀྑསྶ ཝསེན ¶ སདྡྷཱཝིམུཏྟཱ, ཨཔྤཎིཧིཏཝིམོཀྑསྶ ཝསེན ཀཱཡསཀྑཱི, སུཉྙཏཝིམོཀྑསྶ ཝསེན དིཊྛིཔྤཏྟཱ.

ཀཏིཧཱཀཱརེཧི ¶ སཙྩཔྤཊིཝེདྷོ ཧོཏི? ཀཏིཧཱཀཱརེཧི སཙྩཱནི པཊིཝིཛ྄ཛྷཏི? ཙཏཱུཧཱཀཱརེཧི སཙྩཔྤཊིཝེདྷོ ཧོཏི. ཙཏཱུཧཱཀཱརེཧི སཙྩཱནི པཊིཝིཛ྄ཛྷཏི. དུཀྑསཙྩཾ པརིཉྙཱཔཊིཝེདྷཾ པཊིཝིཛ྄ཛྷཏི, སམུདཡསཙྩཾ པཧཱནཔཊིཝེདྷཾ པཊིཝིཛ྄ཛྷཏི. ནིརོདྷསཙྩཾ སཙྪིཀིརིཡཱཔཊིཝེདྷཾ ¶ པཊིཝིཛ྄ཛྷཏི. མགྒསཙྩཾ བྷཱཝནཱཔཊིཝེདྷཾ པཊིཝིཛ྄ཛྷཏི. ཨིམེཧི ཙཏཱུཧཱཀཱརེཧི སཙྩཔྤཊིཝེདྷོ ཧོཏི. ཨིམེཧི ཙཏཱུཧཱཀཱརེཧི སཙྩཱནི པཊིཝིཛ྄ཛྷནྟོ ཨནིམིཏྟཝིམོཀྑསྶ ཝསེན སདྡྷཱཝིམུཏྟོ, ཨཔྤཎིཧིཏཝིམོཀྑསྶ ཝསེན ཀཱཡསཀྑཱི, སུཉྙཏཝིམོཀྑསྶ ཝསེན དིཊྛིཔྤཏྟོ.

ཀཏིཧཱཀཱརེཧི ¶ སཙྩཔྤཊིཝེདྷོ ཧོཏི? ཀཏིཧཱཀཱརེཧི སཙྩཱནི པཊིཝིཛ྄ཛྷཏི? ནཝཧཱཀཱརེཧི སཙྩཔྤཊིཝེདྷོ ཧོཏི. ནཝཧཱཀཱརེཧི སཙྩཱནི པཊིཝིཛ྄ཛྷཏི. དུཀྑསཙྩཾ པརིཉྙཱཔཊིཝེདྷཾ པཊིཝིཛ྄ཛྷཏི…པེ… སཙྪིཀིརིཡཱཔཊིཝེདྷོ ཙ ནིརོདྷསྶ. ཨིམེཧི ནཝཧཱཀཱརེཧི སཙྩཔྤཊིཝེདྷོ ཧོཏི. ཨིམེཧི ནཝཧཱཀཱརེཧི སཙྩཱནི པཊིཝིཛ྄ཛྷནྟོ ཨནིམིཏྟཝིམོཀྑསྶ ཝསེན སདྡྷཱཝིམུཏྟོ, ཨཔྤཎིཧིཏཝིམོཀྑསྶ ཝསེན ཀཱཡསཀྑཱི, སུཉྙཏཝིམོཀྑསྶ ཝསེན དིཊྛིཔྤཏྟོ.

༢༢༧. ཨནིཙྩཏོ མནསིཀརོནྟོ ཀཏམེ དྷམྨེ ཡཐཱབྷཱུཏཾ ཛཱནཱཏི པསྶཏི? ཀཐཾ སམྨཱདསྶནཾ ཧོཏི? ཀཐཾ ཏདནྭཡེན སབྦེ སངྑཱརཱ ¶ ཨནིཙྩཏོ སུདིཊྛཱ ཧོནྟི? ཀཏྠ ཀངྑཱ པཧཱིཡཏི? དུཀྑཏོ མནསིཀརོནྟོ ཀཏམེ དྷམྨེ ཡཐཱབྷཱུཏཾ ཛཱནཱཏི པསྶཏི? ཀཐཾ སམྨཱདསྶནཾ ཧོཏི? ཀཐཾ ཏདནྭཡེན སབྦེ སངྑཱརཱ དུཀྑཏོ སུདིཊྛཱ ཧོནྟི? ཀཏྠ ཀངྑཱ པཧཱིཡཏི? ཨནཏྟཏོ མནསིཀརོནྟོ ཀཏམེ དྷམྨེ ཡཐཱབྷཱུཏཾ ཛཱནཱཏི པསྶཏི? ཀཐཾ སམྨཱདསྶནཾ ཧོཏི? ཀཐཾ ཏདནྭཡེན སབྦེ དྷམྨཱ ཨནཏྟཏོ སུདིཊྛཱ ཧོནྟི? ཀཏྠ ཀངྑཱ པཧཱིཡཏི?

ཨནིཙྩཏོ མནསིཀརོནྟོ ནིམིཏྟཾ ཡཐཱབྷཱུཏཾ ཛཱནཱཏི པསྶཏི; ཏེན ཝུཙྩཏི – སམྨཱདསྶནཾ. ཨེཝཾ ཏདནྭཡེན སབྦེ སངྑཱརཱ ཨནིཙྩཏོ སུདིཊྛཱ ཧོནྟི. ཨེཏྠ ཀངྑཱ པཧཱིཡཏི. དུཀྑཏོ མནསིཀརོནྟོ པཝཏྟཾ ཡཐཱབྷཱུཏཾ ཛཱནཱཏི པསྶཏི; ཏེན ཝུཙྩཏི – སམྨཱདསྶནཾ. ཨེཝཾ ཏདནྭཡེན ¶ སབྦེ སངྑཱརཱ དུཀྑཏོ སུདིཊྛཱ ཧོནྟི. ཨེཏྠ ཀངྑཱ པཧཱིཡཏི. ཨནཏྟཏོ མནསིཀརོནྟོ ནིམིཏྟཉྩ པཝཏྟཉྩ ཡཐཱབྷཱུཏཾ ཛཱནཱཏི པསྶཏི; ཏེན ཝུཙྩཏི – སམྨཱདསྶནཾ. ཨེཝཾ ཏདནྭཡེན སབྦེ དྷམྨཱ ཨནཏྟཏོ སུདིཊྛཱ ཧོནྟི. ཨེཏྠ ཀངྑཱ པཧཱིཡཏི.

ཡཉྩ ¶ ཡཐཱབྷཱུཏཾ ཉཱཎཾ ཡཉྩ སམྨཱདསྶནཾ ཡཱ ཙ ཀངྑཱཝིཏརཎཱ, ཨིམེ དྷམྨཱ ནཱནཏྠཱ ཙེཝ ནཱནཱབྱཉྫནཱ ཙ, ཨུདཱཧུ ཨེཀཏྠཱ, བྱཉྫནམེཝ ནཱནནྟི? ཡཉྩ ཡཐཱབྷཱུཏཾ ཉཱཎཾ ཡཉྩ སམྨཱདསྶནཾ ¶ ཡཱ ཙ ཀངྑཱཝིཏརཎཱ, ཨིམེ དྷམྨཱ ཨེཀཏྠཱ, བྱཉྫནམེཝ ནཱནཾ.

ཨནིཙྩཏོ མནསིཀརོཏོ ཀིཾ བྷཡཏོ ཨུཔཊྛཱཏི? དུཀྑཏོ མནསིཀརོཏོ ཀིཾ བྷཡཏོ ཨུཔཊྛཱཏི? ཨནཏྟཏོ མནསིཀརོཏོ ཀིཾ བྷཡཏོ ཨུཔཊྛཱཏི? ཨནིཙྩཏོ མནསིཀརོཏོ ནིམིཏྟཾ བྷཡཏོ ཨུཔཊྛཱཏི ¶ . དུཀྑཏོ མནསིཀརོཏོ པཝཏྟཾ བྷཡཏོ ཨུཔཊྛཱཏི. ཨནཏྟཏོ མནསིཀརོཏོ ནིམིཏྟཉྩ པཝཏྟཉྩ བྷཡཏོ ཨུཔཊྛཱཏི.

ཡཱ ཙ བྷཡཏུཔཊྛཱནེ པཉྙཱ ཡཉྩ ཨཱདཱིནཝེ ཉཱཎཾ ཡཱ ཙ ནིབྦིདཱ, ཨིམེ དྷམྨཱ ནཱནཏྠཱ ཙེཝ ནཱནཱབྱཉྫནཱ ཙ, ཨུདཱཧུ ཨེཀཏྠཱ, བྱཉྫནམེཝ ནཱནནྟི? ཡཱ ཙ བྷཡཏུཔཊྛཱནེ པཉྙཱ ཡཉྩ ཨཱདཱིནཝེ ཉཱཎཾ ཡཱ ཙ ནིབྦིདཱ, ཨིམེ དྷམྨཱ ཨེཀཏྠཱ, བྱཉྫནམེཝ ནཱནཾ.

ཡཱ ཙ ཨནཏྟཱནུཔསྶནཱ ཡཱ ཙ སུཉྙཏཱནུཔསྶནཱ, ཨིམེ དྷམྨཱ ནཱནཏྠཱ ཙེཝ ནཱནཱབྱཉྫནཱ ཙ, ཨུདཱཧུ ཨེཀཏྠཱ, བྱཉྫནམེཝ ནཱནནྟི? ཡཱ ཙ ཨནཏྟཱནུཔསྶནཱ ཡཱ ཙ སུཉྙཏཱནུཔསྶནཱ, ཨིམེ དྷམྨཱ ཨེཀཏྠཱ, བྱཉྫནམེཝ ནཱནཾ.

ཨནིཙྩཏོ མནསིཀརོཏོ ཀིཾ པཊིསངྑཱ ཉཱཎཾ ཨུཔྤཛྫཏི? དུཀྑཏོ མནསིཀརོཏོ ཀིཾ པཊིསངྑཱ ཉཱཎཾ ཨུཔྤཛྫཏི? ཨནཏྟཏོ མནསིཀརོཏོ ཀིཾ པཊིསངྑཱ ཉཱཎཾ ཨུཔྤཛྫཏི? ཨནིཙྩཏོ མནསིཀརོཏོ ནིམིཏྟཾ པཊིསངྑཱ ཉཱཎཾ ཨུཔྤཛྫཏི. དུཀྑཏོ མནསིཀརོཏོ པཝཏྟཾ ¶ པཊིསངྑཱ ཉཱཎཾ ¶ ཨུཔྤཛྫཏི. ཨནཏྟཏོ མནསིཀརོཏོ ནིམིཏྟཉྩ པཝཏྟཉྩ པཊིསངྑཱ ཉཱཎཾ ཨུཔྤཛྫཏི.

ཡཱ ཙ མུཙྩིཏུཀམྱཏཱ ཡཱ ཙ པཊིསངྑཱནུཔསྶནཱ ཡཱ ཙ སངྑཱརུཔེཀྑཱ, ཨིམེ དྷམྨཱ ནཱནཏྠཱ ཙེཝ ནཱནཱབྱཉྫནཱ ཙ, ཨུདཱཧུ ཨེཀཏྠཱ, བྱཉྫནམེཝ ནཱནནྟི? ཡཱ ཙ མུཙྩིཏུཀམྱཏཱ ཡཱ ཙ པཊིསངྑཱནུཔསྶནཱ ཡཱ ཙ སངྑཱརུཔེཀྑཱ, ཨིམེ དྷམྨཱ ཨེཀཏྠཱ, བྱཉྫནམེཝ ནཱནཾ.

ཨནིཙྩཏོ མནསིཀརོཏོ ཀུཏོ ཙིཏྟཾ ཝུཊྛཱཏི, ཀཏྠ ཙིཏྟཾ པཀྑནྡཏི? དུཀྑཏོ མནསིཀརོཏོ ཀུཏོ ཙིཏྟཾ ཝུཊྛཱཏི, ཀཏྠ ཙིཏྟཾ པཀྑནྡཏི? ཨནཏྟཏོ མནསིཀརོཏོ ཀུཏོ ཙིཏྟཾ ¶ ཝུཊྛཱཏི, ཀཏྠ ཙིཏྟཾ པཀྑནྡཏི? ཨནིཙྩཏོ མནསིཀརོཏོ ནིམིཏྟཱ ཙིཏྟཾ ཝུཊྛཱཏི, ཨནིམིཏྟེ ཙིཏྟཾ པཀྑནྡཏི. དུཀྑཏོ མནསིཀརོཏོ པཝཏྟཱ ཙིཏྟཾ ཝུཊྛཱཏི, ཨཔྤཝཏྟེ ཙིཏྟཾ པཀྑནྡཏི. ཨནཏྟཏོ མནསིཀརོཏོ ནིམིཏྟཱ ཙ པཝཏྟཱ ཙ ཙིཏྟཾ ཝུཊྛཱཏི, ཨནིམིཏྟེ ཨཔྤཝཏྟེ ནིརོདྷེ ནིབྦཱནདྷཱཏུཡཱ [ནིརོདྷནིབྦཱནདྷཱཏུཡཱ (སཱི.)] ཙིཏྟཾ པཀྑནྡཏི.

ཡཱ ཙ བཧིདྡྷཱཝུཊྛཱནཝིཝཊྚནེ པཉྙཱ ཡེ ཙ གོཏྲབྷཱུ དྷམྨཱ, ཨིམེ དྷམྨཱ ནཱནཏྠཱ ཙེཝ ནཱནཱབྱཉྫནཱ ཙ, ཨུདཱཧུ ཨེཀཏྠཱ, བྱཉྫནམེཝ ནཱནནྟི? ཡཱ ཙ བཧིདྡྷཱཝུཊྛཱནཝིཝཊྚནེ ¶ པཉྙཱ ཡེ ཙ གོཏྲབྷཱུ དྷམྨཱ, ཨིམེ དྷམྨཱ ཨེཀཏྠཱ, བྱཉྫནམེཝ ནཱནཾ.

ཨནིཙྩཏོ ¶ མནསིཀརོནྟོ ཀཏམེན ཝིམོཀྑེན ཝིམུཙྩཏི? དུཀྑཏོ མནསིཀརོནྟོ ཀཏམེན ཝིམོཀྑེན ཝིམུཙྩཏི? ཨནཏྟཏོ མནསིཀརོནྟོ ཀཏམེན ཝིམོཀྑེན ཝིམུཙྩཏི? ཨནིཙྩཏོ མནསིཀརོནྟོ ཨནིམིཏྟཝིམོཀྑེན ཝིམུཙྩཏི. དུཀྑཏོ མནསིཀརོནྟོ ཨཔྤཎིཧིཏཝིམོཀྑེན ཝིམུཙྩཏི. ཨནཏྟཏོ མནསིཀརོནྟོ སུཉྙཏཝིམོཀྑེན ཝིམུཙྩཏི. ཡཱ ཙ དུབྷཏོཝུཊྛཱནཝིཝཊྚནེ པཉྙཱ ཡཉྩ མགྒེ ཉཱཎཾ ¶ , ཨིམེ དྷམྨཱ ནཱནཏྠཱ ཙེཝ ནཱནཱབྱཉྫནཱ ཙ, ཨུདཱཧུ ཨེཀཏྠཱ, བྱཉྫནམེཝ ནཱནནྟི? ཡཱ ཙ དུབྷཏོཝུཊྛཱནཝིཝཊྚནེ པཉྙཱ ཡཉྩ མགྒེ ཉཱཎཾ, ཨིམེ དྷམྨཱ ཨེཀཏྠཱ, བྱཉྫནམེཝ ནཱནཾ.

༢༢༨. ཀཏིཧཱཀཱརེཧི ཏཡོ ཝིམོཀྑཱ ནཱནཱཀྑཎེ [ནཱནཱཁཎེ (སྱཱ. ཀ.)] ཧོནྟི? ཀཏིཧཱཀཱརེཧི ཏཡོ ཝིམོཀྑཱ ཨེཀཀྑཎེ ཧོནྟི? ཙཏཱུཧཱཀཱརེཧི ཏཡོ ཝིམོཀྑཱ ནཱནཱཀྑཎེ ཧོནྟི. སཏྟཧཱཀཱརེཧི ཏཡོ ཝིམོཀྑཱ ཨེཀཀྑཎེ ཧོནྟི.

ཀཏམེཧི ཙཏཱུཧཱཀཱརེཧི ཏཡོ ཝིམོཀྑཱ ནཱནཱཀྑཎེ ཧོནྟི? ཨཱདྷིཔཏེཡྻཊྛེན, ཨདྷིཊྛཱནཊྛེན, ཨབྷིནཱིཧཱརཊྛེན, ནིཡྻཱནཊྛེན. ཀཐཾ ཨཱདྷིཔཏེཡྻཊྛེན ཏཡོ ཝིམོཀྑཱ ནཱནཱཀྑཎེ ཧོནྟི? ཨནིཙྩཏོ མནསིཀརོཏོ ཨནིམིཏྟོ ཝིམོཀྑོ ཨཱདྷིཔཏེཡྻོ ཧོཏི, དུཀྑཏོ མནསིཀརོཏོ ཨཔྤཎིཧིཏོ ཝིམོཀྑོ ཨཱདྷིཔཏེཡྻོ ཧོཏི, ཨནཏྟཏོ མནསིཀརོཏོ སུཉྙཏོ ཝིམོཀྑོ ཨཱདྷིཔཏེཡྻོ ཧོཏི. ཨེཝཾ ¶ ཨཱདྷིཔཏེཡྻཊྛེན ཏཡོ ཝིམོཀྑཱ ནཱནཱཀྑཎེ ཧོནྟི.

ཀཐཾ ཨདྷིཊྛཱནཊྛེན ཏཡོ ཝིམོཀྑཱ ནཱནཱཀྑཎེ ཧོནྟི? ཨནིཙྩཏོ མནསིཀརོནྟོ ཨནིམིཏྟཝིམོཀྑསྶ ཝསེན ཙིཏྟཾ ཨདྷིཊྛཱཏི, དུཀྑཏོ མནསིཀརོནྟོ ཨཔྤཎིཧིཏཝིམོཀྑསྶ ¶ ཝསེན ཙིཏྟཾ ཨདྷིཊྛཱཏི, ཨནཏྟཏོ མནསིཀརོནྟོ སུཉྙཏཝིམོཀྑསྶ ཝསེན ཙིཏྟཾ ཨདྷིཊྛཱཏི. ཨེཝཾ ཨདྷིཊྛཱནཊྛེན ཏཡོ ཝིམོཀྑཱ ནཱནཱཀྑཎེ ཧོནྟི.

ཀཐཾ ¶ ཨབྷིནཱིཧཱརཊྛེན ཏཡོ ཝིམོཀྑཱ ནཱནཱཀྑཎེ ཧོནྟི? ཨནིཙྩཏོ མནསིཀརོནྟོ ཨནིམིཏྟཝིམོཀྑསྶ ཝསེན ཙིཏྟཾ ཨབྷིནཱིཧརཏི, དུཀྑཏོ མནསིཀརོནྟོ ཨཔྤཎིཧིཏཝིམོཀྑསྶ ཝསེན ཙིཏྟཾ ཨབྷིནཱིཧརཏི, ཨནཏྟཏོ མནསིཀརོནྟོ སུཉྙཏཝིམོཀྑསྶ ཝསེན ཙིཏྟཾ ཨབྷིནཱིཧརཏི. ཨེཝཾ ཨབྷིནཱིཧཱརཊྛེན ཏཡོ ཝིམོཀྑཱ ནཱནཱཀྑཎེ ཧོནྟི.

ཀཐཾ ནིཡྻཱནཊྛེན ཏཡོ ཝིམོཀྑཱ ནཱནཱཀྑཎེ ཧོནྟི? ཨནིཙྩཏོ མནསིཀརོནྟོ ཨནིམིཏྟཝིམོཀྑསྶ ཝསེན ནིརོདྷཾ ¶ ནིབྦཱནཾ ནིཡྻཱཏི, དུཀྑཏོ མནསིཀརོནྟོ ཨཔྤཎིཧིཏཝིམོཀྑསྶ ཝསེན ནིརོདྷཾ ནིབྦཱནཾ ནིཡྻཱཏི, ཨནཏྟཏོ མནསིཀརོནྟོ སུཉྙཏཝིམོཀྑསྶ ཝསེན ནིརོདྷཾ ནིབྦཱནཾ ནིཡྻཱཏི. ཨེཝཾ ནིཡྻཱནཊྛེན ཏཡོ ཝིམོཀྑཱ ནཱནཱཀྑཎེ ཧོནྟི. ཨིམེཧི ཙཏཱུཧཱཀཱརེཧི ཏཡོ ཝིམོཀྑཱ ནཱནཱཀྑཎེ ཧོནྟི.

ཀཏམེཧི སཏྟཧཱཀཱརེཧི ཏཡོ ཝིམོཀྑཱ ཨེཀཀྑཎེ ཧོནྟི ¶ ? སམོདྷཱནཊྛེན, ཨདྷིགམནཊྛེན, པཊིལཱབྷཊྛེན པཊིཝེདྷཊྛེན, སཙྪིཀིརིཡཊྛེན, ཕསྶནཊྛེན, ཨབྷིསམཡཊྛེན. ཀཐཾ སམོདྷཱནཊྛེན ཨདྷིགམནཊྛེན པཊིལཱབྷཊྛེན པཊིཝེདྷཊྛེན སཙྪིཀིརིཡཊྛེན ཕསྶནཊྛེན ཨབྷིསམཡཊྛེན ཏཡོ ཝིམོཀྑཱ ཨེཀཀྑཎེ ཧོནྟི? ཨནིཙྩཏོ མནསིཀརོནྟོ ནིམིཏྟཱ མུཙྩཏཱིཏི – ཨནིམིཏྟོ ཝིམོཀྑོ. ཡཏོ མུཙྩཏི, ཏཏྠ ན པཎིདཧཏཱིཏི – ཨཔྤཎིཧིཏོ ཝིམོཀྑོ. ཡཏྠ ན པཎིདཧཏི, ཏེན སུཉྙོཏི – སུཉྙཏོ ཝིམོཀྑོ. ཡེན སུཉྙོ, ཏེན ནིམིཏྟེན ཨནིམིཏྟོཏི – ཨནིམིཏྟོ ཝིམོཀྑོ. ཨེཝཾ སམོདྷཱནཊྛེན ཨདྷིགམནཊྛེན པཊིལཱབྷཊྛེན པཊིཝེདྷཊྛེན སཙྪིཀིརིཡཊྛེན ཕསྶནཊྛེན ཨབྷིསམཡཊྛེན ཏཡོ ཝིམོཀྑཱ ཨེཀཀྑཎེ ཧོནྟི.

དུཀྑཏོ མནསིཀརོནྟོ པཎིདྷིཡཱ མུཙྩཏཱིཏི – ཨཔྤཎིཧིཏོ ཝིམོཀྑོ. ཡཏྠ ན པཎིདཧཏི, ཏེན སུཉྙོཏི – སུཉྙཏོ ཝིམོཀྑོ. ཡེན སུཉྙོ, ཏེན ནིམིཏྟེན ཨནིམིཏྟོཏི – ཨནིམིཏྟོ ཝིམོཀྑོ. ཡེན ནིམིཏྟེན ཨནིམིཏྟོ, ཏཏྠ ན པཎིདཧཏཱིཏི – ཨཔྤཎིཧིཏོ ཝིམོཀྑོ. ཨེཝཾ སམོདྷཱནཊྛེན ཨདྷིགམནཊྛེན པཊིལཱབྷཊྛེན པཊིཝེདྷཊྛེན སཙྪིཀིརིཡཊྛེན ཕསྶནཊྛེན ཨབྷིསམཡཊྛེན ཏཡོ ཝིམོཀྑཱ ཨེཀཀྑཎེ ཧོནྟི.

ཨནཏྟཏོ ¶ ¶ ¶ མནསིཀརོནྟོ ཨབྷིནིཝེསཱ མུཙྩཏཱིཏི – སུཉྙཏོ ཝིམོཀྑོ. ཡེན སུཉྙོ, ཏེན ནིམིཏྟེན ཨནིམིཏྟོཏི – ཨནིམིཏྟོ ཝིམོཀྑོ. ཡེན ནིམིཏྟེན ཨནིམིཏྟོ, ཏཏྠ ན པཎིདཧཏཱིཏི – ཨཔྤཎིཧིཏོ ཝིམོཀྑོ. ཡཏྠ ན པཎིདཧཏི, ཏེན སུཉྙོཏི – སུཉྙཏོ ཝིམོཀྑོ. ཨེཝཾ སམོདྷཱནཊྛེན ¶ ཨདྷིགམནཊྛེན པཊིལཱབྷཊྛེན པཊིཝེདྷཊྛེན སཙྪིཀིརིཡཊྛེན ཕསྶནཊྛེན ཨབྷིསམཡཊྛེན ཏཡོ ཝིམོཀྑཱ ཨེཀཀྑཎེ ཧོནྟི. ཨིམེཧི སཏྟཧཱཀཱརེཧི ཏཡོ ཝིམོཀྑཱ ཨེཀཀྑཎེ ཧོནྟི.

༢༢༩. ཨཏྠི ཝིམོཀྑོ, ཨཏྠི མུཁཾ, ཨཏྠི ཝིམོཀྑམུཁཾ, ཨཏྠི ཝིམོཀྑཔཙྩནཱིཀཾ, ཨཏྠི ཝིམོཀྑཱནུལོམཾ, ཨཏྠི ཝིམོཀྑཝིཝཊྚོ, ཨཏྠི ཝིམོཀྑབྷཱཝནཱ, ཨཏྠི ཝིམོཀྑཔྤཊིཔྤསྶདྡྷི.

ཀཏམོ ཝིམོཀྑོ? སུཉྙཏོ ཝིམོཀྑོ, ཨནིམིཏྟོ ཝིམོཀྑོ, ཨཔྤཎིཧིཏོ ཝིམོཀྑོ. ཀཏམོ སུཉྙཏོ ཝིམོཀྑོ? ཨནིཙྩཱནུཔསྶནཱཉཱཎཾ ནིཙྩཏོ ཨབྷིནིཝེསཱ མུཙྩཏཱིཏི – སུཉྙཏོ ཝིམོཀྑོ. དུཀྑཱནུཔསྶནཱཉཱཎཾ སུཁཏོ ཨབྷིནིཝེསཱ མུཙྩཏཱིཏི – སུཉྙཏོ ཝིམོཀྑོ. ཨནཏྟཱནུཔསྶནཱཉཱཎཾ ཨཏྟཏོ ཨབྷིནིཝེསཱ མུཙྩཏཱིཏི – སུཉྙཏོ ཝིམོཀྑོ. ནིབྦིདཱནུཔསྶནཱཉཱཎཾ ནནྡིཡཱ ཨབྷིནིཝེསཱ མུཙྩཏཱིཏི – སུཉྙཏོ ཝིམོཀྑོ. ཝིརཱགཱནུཔསྶནཱཉཱཎཾ རཱགཏོ ཨབྷིནིཝེསཱ མུཙྩཏཱིཏི – སུཉྙཏོ ཝིམོཀྑོ. ནིརོདྷཱནུཔསྶནཱཉཱཎཾ སམུདཡཏོ ཨབྷིནིཝེསཱ མུཙྩཏཱིཏི – སུཉྙཏོ ཝིམོཀྑོ. པཊིནིསྶགྒཱནུཔསྶནཱཉཱཎཾ ཨཱདཱནཏོ ཨབྷིནིཝེསཱ མུཙྩཏཱིཏི – སུཉྙཏོ ཝིམོཀྑོ. ཨནིམིཏྟཱནུཔསྶནཱཉཱཎཾ ནིམིཏྟཏོ ཨབྷིནིཝེསཱ མུཙྩཏཱིཏི – སུཉྙཏོ ཝིམོཀྑོ. ཨཔྤཎིཧིཏཱནུཔསྶནཱཉཱཎཾ པཎིདྷིཡཱ ཨབྷིནིཝེསཱ མུཙྩཏཱིཏི – སུཉྙཏོ ཝིམོཀྑོ. སུཉྙཏཱནུཔསྶནཱཉཱཎཾ སབྦཱབྷིནིཝེསེཧི མུཙྩཏཱིཏི – སུཉྙཏོ ཝིམོཀྑོ.

རཱུཔེ ¶ ཨནིཙྩཱནུཔསྶནཱཉཱཎཾ ནིཙྩཏོ ཨབྷིནིཝེསཱ མུཙྩཏཱིཏི – སུཉྙཏོ ཝིམོཀྑོ…པེ… རཱུཔེ སུཉྙཏཱནུཔསྶནཱཉཱཎཾ སབྦཱབྷིནིཝེསེཧི མུཙྩཏཱིཏི – སུཉྙཏོ ཝིམོཀྑོ. ཝེདནཱཡ…པེ… སཉྙཱཡ… སངྑཱརེསུ… ཝིཉྙཱཎེ… ཙཀྑུསྨིཾ…པེ… ཛརཱམརཎེ ཨནིཙྩཱནུཔསྶནཱཉཱཎཾ ནིཙྩཏོ ཨབྷིནིཝེསཱ མུཙྩཏཱིཏི – སུཉྙཏོ ཝིམོཀྑོ…པེ… ཛརཱམརཎེ སུཉྙཏཱནུཔསྶནཱཉཱཎཾ སབྦཱབྷིནིཝེསེཧི ¶ མུཙྩཏཱིཏི – སུཉྙཏོ ཝིམོཀྑོ. ཨཡཾ ¶ སུཉྙཏོ ཝིམོཀྑོ.

ཀཏམོ ཨནིམིཏྟོ ཝིམོཀྑོ? ཨནིཙྩཱནུཔསྶནཱཉཱཎཾ ནིཙྩཏོ ནིམིཏྟཱ མུཙྩཏཱིཏི – ཨནིམིཏྟོ ¶ ཝིམོཀྑོ. དུཀྑཱནུཔསྶནཱཉཱཎཾ སུཁཏོ ནིམིཏྟཱ མུཙྩཏཱིཏི – ཨནིམིཏྟོ ཝིམོཀྑོ. ཨནཏྟཱནུཔསྶནཱཉཱཎཾ ཨཏྟཏོ ནིམིཏྟཱ མུཙྩཏཱིཏི – ཨནིམིཏྟོ ཝིམོཀྑོ. ནིབྦིདཱནུཔསྶནཱཉཱཎཾ ནནྡིཡཱ ནིམིཏྟཱ མུཙྩཏཱིཏི – ཨནིམིཏྟོ ཝིམོཀྑོ. ཝིརཱགཱནུཔསྶནཱཉཱཎཾ རཱགཏོ ནིམིཏྟཱ མུཙྩཏཱིཏི – ཨནིམིཏྟོ ཝིམོཀྑོ. ནིརོདྷཱནུཔསྶནཱཉཱཎཾ སམུདཡཏོ ནིམིཏྟཱ མུཙྩཏཱིཏི – ཨནིམིཏྟོ ཝིམོཀྑོ. པཊིནིསྶགྒཱནུཔསྶནཱཉཱཎཾ ཨཱདཱནཏོ ནིམིཏྟཱ མུཙྩཏཱིཏི – ཨནིམིཏྟོ ཝིམོཀྑོ. ཨནིམིཏྟཱནུཔསྶནཱཉཱཎཾ སབྦནིམིཏྟེཧི མུཙྩཏཱིཏི – ཨནིམིཏྟོ ཝིམོཀྑོ. ཨཔྤཎིཧིཏཱནུཔསྶནཱཉཱཎཾ པཎིདྷིཡཱ ནིམིཏྟཱ མུཙྩཏཱིཏི – ཨནིམིཏྟོ ཝིམོཀྑོ. སུཉྙཏཱནུཔསྶནཱཉཱཎཾ ཨབྷིནིཝེསཏོ ནིམིཏྟཱ མུཙྩཏཱིཏི – ཨནིམིཏྟོ ཝིམོཀྑོ.

རཱུཔེ ཨནིཙྩཱནུཔསྶནཱཉཱཎཾ ནིཙྩཏོ ནིམིཏྟཱ མུཙྩཏཱིཏི – ཨནིམིཏྟོ ཝིམོཀྑོ ¶ …པེ… རཱུཔེ ཨནིམིཏྟཱནུཔསྶནཱཉཱཎཾ སབྦནིམིཏྟེཧི མུཙྩཏཱིཏི – ཨནིམིཏྟོ ཝིམོཀྑོ. རཱུཔེ ཨཔྤཎིཧིཏཱནུཔསྶནཱཉཱཎཾ པཎིདྷིཡཱ ནིམིཏྟཱ མུཙྩཏཱིཏི – ཨནིམིཏྟོ ཝིམོཀྑོ. རཱུཔེ སུཉྙཏཱནུཔསྶནཱཉཱཎཾ ཨབྷིནིཝེསཏོ ནིམིཏྟཱ མུཙྩཏཱིཏི – ཨནིམིཏྟོ ཝིམོཀྑོ. ཝེདནཱཡ…པེ… སཉྙཱཡ… སངྑཱརེསུ… ཝིཉྙཱཎེ… ཙཀྑུསྨིཾ…པེ… ཛརཱམརཎེ ཨནིཙྩཱནུཔསྶནཱཉཱཎཾ ནིཙྩཏོ ནིམིཏྟཱ མུཙྩཏཱིཏི – ཨནིམིཏྟོ ཝིམོཀྑོ…པེ… ཛརཱམརཎེ ཨནིཙྩཱནུཔསྶནཱཉཱཎཾ སབྦནིམིཏྟེཧི མུཙྩཏཱིཏི – ཨནིམིཏྟོ ཝིམོཀྑོ. ཛརཱམརཎེ ཨཔྤཎིཧིཏཱནུཔསྶནཱཉཱཎཾ པཎིདྷིཡཱ ནིམིཏྟཱ མུཙྩཏཱིཏི – ཨནིམིཏྟོ ཝིམོཀྑོ. ཛརཱམརཎེ སུཉྙཏཱནུཔསྶནཱཉཱཎཾ ཨབྷིནིཝེསཏོ ནིམིཏྟཱ མུཙྩཏཱིཏི – ཨནིམིཏྟོ ཝིམོཀྑོ. ཨཡཾ ཨནིམིཏྟོ ཝིམོཀྑོ.

ཀཏམོ ཨཔྤཎིཧིཏོ ཝིམོཀྑོ? ཨནིཙྩཱནུཔསྶནཱཉཱཎཾ ནིཙྩཏོ པཎིདྷིཡཱ མུཙྩཏཱིཏི – ཨཔྤཎིཧིཏོ ཝིམོཀྑོ. དུཀྑཱནུཔསྶནཱཉཱཎཾ སུཁཏོ པཎིདྷིཡཱ མུཙྩཏཱིཏི – ཨཔྤཎིཧིཏོ ཝིམོཀྑོ. ཨནཏྟཱནུཔསྶནཱཉཱཎཾ ཨཏྟཏོ པཎིདྷིཡཱ མུཙྩཏཱིཏི – ཨཔྤཎིཧིཏོ ཝིམོཀྑོ. ནིབྦིདཱནུཔསྶནཱཉཱཎཾ ནནྡིཡཱ པཎིདྷིཡཱ མུཙྩཏཱིཏི ¶ – ཨཔྤཎིཧིཏོ ཝིམོཀྑོ. ཝིརཱགཱནུཔསྶནཱཉཱཎཾ ¶ རཱགཏོ པཎིདྷིཡཱ མུཙྩཏཱིཏི – ཨཔྤཎིཧིཏོ ཝིམོཀྑོ. ནིརོདྷཱནུཔསྶནཱཉཱཎཾ སམུདཡཏོ པཎིདྷིཡཱ མུཙྩཏཱིཏི – ཨཔྤཎིཧིཏོ ཝིམོཀྑོ. པཊིནིསྶགྒཱནུཔསྶནཱཉཱཎཾ ཨཱདཱནཏོ པཎིདྷིཡཱ མུཙྩཏཱིཏི – ཨཔྤཎིཧིཏོ ཝིམོཀྑོ. ཨནིམིཏྟཱནུཔསྶནཱཉཱཎཾ ¶ ནིམིཏྟཏོ པཎིདྷིཡཱ མུཙྩཏཱིཏི – ཨཔྤཎིཧིཏོ ཝིམོཀྑོ. ཨཔྤཎིཧིཏཱནུཔསྶནཱཉཱཎཾ ¶ སབྦཔཎིདྷཱིཧི མུཙྩཏཱིཏི – ཨཔྤཎིཧིཏོ ཝིམོཀྑོ. སུཉྙཏཱནུཔསྶནཱཉཱཎཾ ཨབྷིནིཝེསཏོ པཎིདྷིཡཱ མུཙྩཏཱིཏི – ཨཔྤཎིཧིཏོ ཝིམོཀྑོ.

རཱུཔེ ཨནིཙྩཱནུཔསྶནཱཉཱཎཾ ནིཙྩཏོ པཎིདྷིཡཱ མུཙྩཏཱིཏི – ཨཔྤཎིཧིཏོ ཝིམོཀྑོ…པེ… རཱུཔེ ཨཔྤཎིཧིཏཱནུཔསྶནཱཉཱཎཾ སབྦཔཎིདྷཱིཧི མུཙྩཏཱིཏི – ཨཔྤཎིཧིཏོ ཝིམོཀྑོ. རཱུཔེ སུཉྙཏཱནུཔསྶནཱཉཱཎཾ ཨབྷིནིཝེསཏོ པཎིདྷིཡཱ མུཙྩཏཱིཏི – ཨཔྤཎིཧིཏོ ཝིམོཀྑོ. ཝེདནཱཡ…པེ… སཉྙཱཡ… སངྑཱརེསུ… ཝིཉྙཱཎེ… ཙཀྑུསྨིཾ…པེ… ཛརཱམརཎེ ཨནིཙྩཱནུཔསྶནཱཉཱཎཾ ནིཙྩཏོ པཎིདྷིཡཱ མུཙྩཏཱིཏི – ཨཔྤཎིཧིཏོ ཝིམོཀྑོ…པེ… ཛརཱམརཎེ ཨཔྤཎིཧིཏཱནུཔསྶནཱཉཱཎཾ སབྦཔཎིདྷཱིཧི མུཙྩཏཱིཏི – ཨཔྤཎིཧིཏོ ཝིམོཀྑོ. ཛརཱམརཎེ སུཉྙཏཱནུཔསྶནཱཉཱཎཾ ཨབྷིནིཝེསཏོ པཎིདྷིཡཱ མུཙྩཏཱིཏི – ཨཔྤཎིཧིཏོ ཝིམོཀྑོ. ཨཡཾ ཨཔྤཎིཧིཏོ ཝིམོཀྑོ. ཨཡཾ ཝིམོཀྑོ.

༢༣༠. ཀཏམཾ མུཁཾ? ཡེ ཏཏྠ ཛཱཏཱ ཨནཝཛྫཱ ཀུསལཱ བོདྷིཔཀྑིཡཱདྷམྨཱ, ཨིདཾ མུཁཾ.

ཀཏམཾ ཝིམོཀྑམུཁཾ? ཡཾ ཏེསཾ དྷམྨཱནཾ ཨཱརམྨཎཾ ནིརོདྷོ ནིབྦཱནཾ, ཨིདཾ ཝིམོཀྑམུཁཾ. ཝིམོཀྑཉྩ མུཁཉྩ ཝིམོཀྑམུཁཾ, ཨིདཾ ཝིམོཀྑམུཁཾ.

ཀཏམཾ ¶ ཝིམོཀྑཔཙྩནཱིཀཾ? ཏཱིཎི ཨཀུསལམཱུལཱནི ཝིམོཀྑཔཙྩནཱིཀཱནི, ཏཱིཎི དུཙྩརིཏཱནི ཝིམོཀྑཔཙྩནཱིཀཱནི, སབྦེཔི ཨཀུསལཱ དྷམྨཱ ཝིམོཀྑཔཙྩནཱིཀཱ, ཨིདཾ ཝིམོཀྑཔཙྩནཱིཀཾ.

ཀཏམཾ ¶ ཝིམོཀྑཱནུལོམཾ? ཏཱིཎི ཀུསལམཱུལཱནི ཝིམོཀྑཱནུལོམཱནི, ཏཱིཎི སུཙརིཏཱནི ཝིམོཀྑཱནུལོམཱནི, སབྦེཔི ཀུསལཱ དྷམྨཱ ཝིམོཀྑཱནུལོམཱ, ཨིདཾ ཝིམོཀྑཱནུལོམཾ.

ཀཏམོ ¶ ཝིམོཀྑཝིཝཊྚོ? སཉྙཱཝིཝཊྚོ, ཙེཏོཝིཝཊྚོ, ཙིཏྟཝིཝཊྚོ, ཉཱཎཝིཝཊྚོ, ཝིམོཀྑཝིཝཊྚོ, སཙྩཝིཝཊྚོ. སཉྫཱནནྟོ ཝིཝཊྚཏཱིཏི – སཉྙཱཝིཝཊྚོ. ཙེཏཡནྟོ ཝིཝཊྚཏཱིཏི – ཙེཏོཝིཝཊྚོ. ཝིཛཱནནྟོ ཝིཝཊྚཏཱིཏི – ཙིཏྟཝིཝཊྚོ. ཉཱཎཾ ཀརོནྟོ ཝིཝཊྚཏཱིཏི – ཉཱཎཝིཝཊྚོ. ཝོསཛྫནྟོ ཝིཝཊྚཏཱིཏི – ཝིམོཀྑཝིཝཊྚོ. ཏཐཊྛེན ཝིཝཊྚཏཱིཏི – སཙྩཝིཝཊྚོ.

ཡཏྠ ¶ སཉྙཱཝིཝཊྚོ ཏཏྠ ཙེཏོཝིཝཊྚོ, ཡཏྠ ཙེཏོཝིཝཊྚོ ཏཏྠ སཉྙཱཝིཝཊྚོ, ཡཏྠ སཉྙཱཝིཝཊྚོ ཙེཏོཝིཝཊྚོ ཏཏྠ ཙིཏྟཝིཝཊྚོ, ཡཏྠ ཙིཏྟཝིཝཊྚོ ཏཏྠ སཉྙཱཝིཝཊྚོ ཙེཏོཝིཝཊྚོ. ཡཏྠ སཉྙཱཝིཝཊྚོ ཙེཏོཝིཝཊྚོ ཙིཏྟཝིཝཊྚོ ཏཏྠ ཉཱཎཝིཝཊྚོ, ཡཏྠ ཉཱཎཝིཝཊྚོ ཏཏྠ སཉྙཱཝིཝཊྚོ ཙེཏོཝིཝཊྚོ ཙིཏྟཝིཝཊྚོ. ཡཏྠ སཉྙཱཝིཝཊྚོ ཙེཏོཝིཝཊྚོ ཙིཏྟཝིཝཊྚོ ཉཱཎཝིཝཊྚོ ཏཏྠ ཝིམོཀྑཝིཝཊྚོ, ཡཏྠ ཝིམོཀྑཝིཝཊྚོ ཏཏྠ སཉྙཱཝིཝཊྚོ ཙེཏོཝིཝཊྚོ ཙིཏྟཝིཝཊྚོ ཉཱཎཝིཝཊྚོ. ཡཏྠ སཉྙཱཝིཝཊྚོ ཙེཏོཝིཝཊྚོ ཙིཏྟཝིཝཊྚོ ཉཱཎཝིཝཊྚོ ཝིམོཀྑཝིཝཊྚོ ཏཏྠ སཙྩཝིཝཊྚོ, ཡཏྠ སཙྩཝིཝཊྚོ ཏཏྠ སཉྙཱཝིཝཊྚོ ཙེཏོཝིཝཊྚོ ཙིཏྟཝིཝཊྚོ ཉཱཎཝིཝཊྚོ ཝིམོཀྑཝིཝཊྚོ. ཨཡཾ ཝིམོཀྑཝིཝཊྚོ.

ཀཏམཱ ¶ ཝིམོཀྑབྷཱཝནཱ? པཋམསྶ ཛྷཱནསྶ ཨཱསེཝནཱ བྷཱཝནཱ བཧུལཱིཀམྨཾ, དུཏིཡསྶ ཛྷཱནསྶ ཨཱསེཝནཱ བྷཱཝནཱ བཧུལཱིཀམྨཾ, ཏཏིཡསྶ ཛྷཱནསྶ ཨཱསེཝནཱ བྷཱཝནཱ བཧུལཱིཀམྨཾ, ཙཏུཏྠསྶ ཛྷཱནསྶ ཨཱསེཝནཱ བྷཱཝནཱ བཧུལཱིཀམྨཾ, ཨཱཀཱསཱནཉྩཱཡཏནསམཱཔཏྟིཡཱ ཨཱསེཝནཱ བྷཱཝནཱ བཧུལཱིཀམྨཾ, ཝིཉྙཱཎཉྩཱཡཏནསམཱཔཏྟིཡཱ…པེ… ཨཱཀིཉྩཉྙཱཡཏནསམཱཔཏྟིཡཱ… ནེཝསཉྙཱནཱསཉྙཱཡཏནསམཱཔཏྟིཡཱ ཨཱསེཝནཱ བྷཱཝནཱ བཧུལཱིཀམྨཾ, སོཏཱཔཏྟིམགྒསྶ ཨཱསེཝནཱ བྷཱཝནཱ བཧུལཱིཀམྨཾ, སཀདཱགཱམིམགྒསྶ ཨཱསེཝནཱ བྷཱཝནཱ བཧུལཱིཀམྨཾ, ཨནཱགཱམིམགྒསྶ ཨཱསེཝནཱ བྷཱཝནཱ བཧུལཱིཀམྨཾ, ཨརཧཏྟམགྒསྶ ཨཱསེཝནཱ བྷཱཝནཱ བཧུལཱིཀམྨཾ, ཨཡཾ ¶ ཝིམོཀྑབྷཱཝནཱ.

ཀཏམཱ ཝིམོཀྑཔྤཊིཔྤསྶདྡྷི? པཋམསྶ ཛྷཱནསྶ པཊིལཱབྷོ ཝཱ ཝིཔཱཀོ ཝཱ, དུཏིཡསྶ ཛྷཱནསྶ པཊིལཱབྷོ ཝཱ ཝིཔཱཀོ ཝཱ, ཏཏིཡསྶ ཛྷཱནསྶ…པེ… ཙཏུཏྠསྶ ཛྷཱནསྶ… ཨཱཀཱསཱནཉྩཱཡཏནསམཱཔཏྟིཡཱ… ཝིཉྙཱཎཉྩཱཡཏནསམཱཔཏྟིཡཱ… ཨཱཀིཉྩཉྙཱཡཏནསམཱཔཏྟིཡཱ… ནེཝསཉྙཱནཱསཉྙཱཡཏནསམཱཔཏྟིཡཱ པཊིལཱབྷོ ཝཱ ཝིཔཱཀོ ¶ ཝཱ, སོཏཱཔཏྟིམགྒསྶ སོཏཱཔཏྟིཕལཾ, སཀདཱགཱམིམགྒསྶ སཀདཱགཱམིཕལཾ, ཨནཱགཱམིམགྒསྶ ཨནཱགཱམིཕལཾ, ཨརཧཏྟམགྒསྶ ཨརཧཏྟཕལཾ, ཨཡཾ ཝིམོཀྑཔྤཊིཔྤསྶདྡྷཱིཏི.

ཏཏིཡབྷཱཎཝཱརོ.

ཝིམོཀྑཀཐཱ ནིཊྛིཏཱ.

༦. གཏིཀཐཱ

༢༣༡. གཏིསམྤཏྟིཡཱ ¶ ¶ ¶ ཉཱཎསམྤཡུཏྟེ ཀཏིནཾ ཧེཏཱུནཾ པཙྩཡཱ ཨུཔཔཏྟི ཧོཏི? ཁཏྟིཡམཧཱསཱལཱནཾ བྲཱཧྨཎམཧཱསཱལཱནཾ གཧཔཏིམཧཱསཱལཱནཾ ཀཱམཱཝཙརཱནཾ དེཝཱནཾ ཉཱཎསམྤཡུཏྟེ ཀཏིནཾ ཧེཏཱུནཾ པཙྩཡཱ ཨུཔཔཏྟི ཧོཏི? རཱུཔཱཝཙརཱནཾ དེཝཱནཾ ཀཏིནཾ ཧེཏཱུནཾ པཙྩཡཱ ཨུཔཔཏྟི ཧོཏི? ཨརཱུཔཱཝཙརཱནཾ དེཝཱནཾ ཀཏིནཾ ཧེཏཱུནཾ པཙྩཡཱ ཨུཔཔཏྟི ཧོཏི?

གཏིསམྤཏྟིཡཱ ཉཱཎསམྤཡུཏྟེ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི. ཁཏྟིཡམཧཱསཱལཱནཾ བྲཱཧྨཎམཧཱསཱལཱནཾ གཧཔཏིམཧཱསཱལཱནཾ ཀཱམཱཝཙརཱནཾ དེཝཱནཾ ཉཱཎསམྤཡུཏྟེ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི. རཱུཔཱཝཙརཱནཾ དེཝཱནཾ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི. ཨརཱུཔཱཝཙརཱནཾ དེཝཱནཾ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི.

༢༣༢. གཏིསམྤཏྟིཡཱ ཉཱཎསམྤཡུཏྟེ ཀཏམེསཾ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི? ཀུསལཀམྨསྶ ཛཝནཀྑཎེ ཏཡོ ཧེཏཱུ ཀུསལཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི. ཏེན ཝུཙྩཏི – ཀུསལམཱུལཔཙྩཡཱཔི སངྑཱརཱ. ནིཀནྟིཀྑཎེ དྭེ ཧེཏཱུ ཨཀུསལཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི. ཏེན ཝུཙྩཏི – ཨཀུསལམཱུལཔཙྩཡཱཔི སངྑཱརཱ. པཊིསནྡྷིཀྑཎེ ཏཡོ ཧེཏཱུ ཨབྱཱཀཏཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི. ཏེན ཝུཙྩཏི – ‘‘ནཱམརཱུཔཔཙྩཡཱཔི ཝིཉྙཱཎཾ, ཝིཉྙཱཎཔཙྩཡཱཔི ནཱམརཱུཔཾ’’ ¶ .

པཊིསནྡྷིཀྑཎེ པཉྩཀྑནྡྷཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ¶ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི. པཊིསནྡྷིཀྑཎེ ཙཏྟཱརོ ¶ མཧཱབྷཱུཏཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི. པཊིསནྡྷིཀྑཎེ ཏཡོ ཛཱིཝིཏསངྑཱརཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི ¶ , ཝིཔྤཡུཏྟཔཙྩཡཱ ཧོནྟི. པཊིསནྡྷིཀྑཎེ ནཱམཉྩ རཱུཔཉྩ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི. པཊིསནྡྷིཀྑཎེ ཨིམེ ཙུདྡས དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི. པཊིསནྡྷིཀྑཎེ ཙཏྟཱརོ ཁནྡྷཱ ཨརཱུཔིནོ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིསནྡྷིཀྑཎེ པཉྩིནྡྲིཡཱནི སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིསནྡྷིཀྑཎེ ཏཡོ ཧེཏཱུ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིསནྡྷིཀྑཎེ ནཱམཉྩ ཝིཉྙཱཎཉྩ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིསནྡྷིཀྑཎེ ཨིམེ ¶ ཙུདྡས དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིསནྡྷིཀྑཎེ ཨིམེ ཨཊྛཝཱིསཏི དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི. གཏིསམྤཏྟིཡཱ ཉཱཎསམྤཡུཏྟེ ཨིམེསཾ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི.

ཁཏྟིཡམཧཱསཱལཱནཾ བྲཱཧྨཎམཧཱསཱལཱནཾ གཧཔཏིམཧཱསཱལཱནཾ ཀཱམཱཝཙརཱནཾ དེཝཱནཾ ཉཱཎསམྤཡུཏྟེ ཀཏམེསཾ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི? ཀུསལཀམྨསྶ ཛཝནཀྑཎེ ཏཡོ ཧེཏཱུ ཀུསལཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི. ཏེན ཝུཙྩཏི – ‘‘ཀུསལམཱུལཔཙྩཡཱཔི སངྑཱརཱ’’. ནིཀནྟིཀྑཎེ དྭེ ཧེཏཱུ ཨཀུསལཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི. ཏེན ཝུཙྩཏི – ‘‘ཨཀུསལམཱུལཔཙྩཡཱཔི སངྑཱརཱ’’. པཊིསནྡྷིཀྑཎེ ཏཡོ ཧེཏཱུ ཨབྱཱཀཏཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ¶ ཧོནྟི. ཏེན ཝུཙྩཏི – ‘‘ནཱམརཱུཔཔཙྩཡཱཔི ཝིཉྙཱཎཾ, ཝིཉྙཱཎཔཙྩཡཱཔི ནཱམརཱུཔཾ’’.

པཊིསནྡྷིཀྑཎེ ¶ པཉྩཀྑནྡྷཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི. པཊིསནྡྷིཀྑཎེ ཙཏྟཱརོ མཧཱབྷཱུཏཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི. པཊིསནྡྷིཀྑཎེ ཏཡོ ཛཱིཝིཏསངྑཱརཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ¶ ཧོནྟི, ཝིཔྤཡུཏྟཔཙྩཡཱ ཧོནྟི. པཊིསནྡྷིཀྑཎེ ནཱམཉྩ རཱུཔཉྩ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི. པཊིསནྡྷིཀྑཎེ ཨིམེ ཙུདྡས དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ¶ ཧོནྟི. པཊིསནྡྷིཀྑཎེ ཙཏྟཱརོ ཁནྡྷཱ ཨརཱུཔིནོ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིསནྡྷིཀྑཎེ པཉྩིནྡྲིཡཱནི སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིསནྡྷིཀྑཎེ ཏཡོ ཧེཏཱུ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིསནྡྷིཀྑཎེ ནཱམཉྩ ཝིཉྙཱཎཉྩ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིསནྡྷིཀྑཎེ ཨིམེ ཙུདྡས དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིསནྡྷིཀྑཎེ ཨིམེ ཨཊྛཝཱིསཏི དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི. ཁཏྟིཡམཧཱསཱལཱནཾ བྲཱཧྨཎམཧཱསཱལཱནཾ གཧཔཏིམཧཱསཱལཱནཾ ཀཱམཱཝཙརཱནཾ དེཝཱནཾ ཉཱཎསམྤཡུཏྟེ ཨིམེསཾ ཨཊྛནྣཾ ¶ ཧེཏཱུནཾ པཙྩཡཱ ཨུཔཔཏྟི ཧོཏི.

རཱུཔཱཝཙརཱནཾ དེཝཱནཾ ཀཏམེསཾ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི? ཀུསལཀམྨསྶ ཛཝནཀྑཎེ ཏཡོ ཧེཏཱུ ཀུསལཱ…པེ… རཱུཔཱཝཙརཱནཾ དེཝཱནཾ ཨིམེསཾ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི.

ཨརཱུཔཱཝཙརཱནཾ དེཝཱནཾ ཀཏམེསཾ ཨཊྛནྣཾ ཧེཏཱུནཾ ¶ པཙྩཡཱ ཨུཔཔཏྟི ཧོཏི? ཀུསལཀམྨསྶ ཛཝནཀྑཎེ ཏཡོ ཧེཏཱུ ཀུསལཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི. ཏེན ཝུཙྩཏི – ‘‘ཀུསལམཱུལཔཙྩཡཱཔི སངྑཱརཱ’’. ནིཀནྟིཀྑཎེ དྭེ ཧེཏཱུ ཨཀུསལཱ; ཏསྨིཾ ཁཎེ ཛཱཏཙེཏནཱཡ ¶ སཧཛཱཏཔཙྩཡཱ ཧོནྟི. ཏེན ཝུཙྩཏི – ‘‘ཨཀུསལམཱུལཔཙྩཡཱཔི སངྑཱརཱ’’. པཊིསནྡྷིཀྑཎེ ཏཡོ ཧེཏཱུ ཨབྱཱཀཏཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི. ཏེན ཝུཙྩཏི – ‘‘ནཱམཔཙྩཡཱཔི ཝིཉྙཱཎཾ ཝིཉྙཱཎཔཙྩཡཱཔི ནཱམཾ’’.

པཊིསནྡྷིཀྑཎེ ཙཏྟཱརོ ཁནྡྷཱ ཨརཱུཔིནོ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིསནྡྷིཀྑཎེ པཉྩིནྡྲིཡཱནི སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིསནྡྷིཀྑཎེ ཏཡོ ཧེཏཱུ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིསནྡྷིཀྑཎེ ནཱམཉྩ ཝིཉྙཱཎཉྩ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིསནྡྷིཀྑཎེ ཨིམེ ཙུདྡས དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ¶ ཧོནྟི, སམྤཡུཏྟཔཙྩཡཱ ¶ ཧོནྟི. ཨརཱུཔཱཝཙརཱནཾ དེཝཱནཾ ཨིམེསཾ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི.

༢༣༣. གཏིསམྤཏྟིཡཱ ཉཱཎཝིཔྤཡུཏྟེ ཀཏིནཾ ཧེཏཱུནཾ པཙྩཡཱ ཨུཔཔཏྟི ཧོཏི? ཁཏྟིཡམཧཱསཱལཱནཾ བྲཱཧྨཎམཧཱསཱལཱནཾ གཧཔཏིམཧཱསཱལཱནཾ ཀཱམཱཝཙརཱནཾ དེཝཱནཾ ཉཱཎཝིཔྤཡུཏྟེ ཀཏིནཾ ཧེཏཱུནཾ པཙྩཡཱ ཨུཔཔཏྟི ཧོཏི?

གཏིསམྤཏྟིཡཱ ཉཱཎཝིཔྤཡུཏྟེ ཚནྣཾ ཧེཏཱུནཾ པཙྩཡཱ ཨུཔཔཏྟི ཧོཏི. ཁཏྟིཡམཧཱསཱལཱནཾ བྲཱཧྨཎམཧཱསཱལཱནཾ གཧཔཏིམཧཱསཱལཱནཾ ཀཱམཱཝཙརཱནཾ དེཝཱནཾ ཉཱཎཝིཔྤཡུཏྟེ ཚནྣཾ ཧེཏཱུནཾ པཙྩཡཱ ཨུཔཔཏྟི ཧོཏི ¶ .

གཏིསམྤཏྟིཡཱ ཉཱཎཝིཔྤཡུཏྟེ ཀཏམེསཾ ཚནྣཾ ཧེཏཱུནཾ པཙྩཡཱ ཨུཔཔཏྟི ཧོཏི? ཀུསལཀམྨསྶ ཛཝནཀྑཎེ དྭེ ཧེཏཱུ ཀུསལཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི. ཏེན ཝུཙྩཏི – ཀུསལམཱུལཔཙྩཡཱཔི སངྑཱརཱ. ནིཀནྟིཀྑཎེ དྭེ ཧེཏཱུ ཨཀུསལཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི. ཏེན ཝུཙྩཏི – ཨཀུསལམཱུལཔཙྩཡཱཔི སངྑཱརཱ. པཊིསནྡྷིཀྑཎེ དྭེ ཧེཏཱུ ཨབྱཱཀཏཱ; ཏསྨིཾ ཁཎེ ཛཱཏཙེཏནཱཡ ¶ སཧཛཱཏཔཙྩཡཱ ཧོནྟི. ཏེན ཝུཙྩཏི – ‘‘ནཱམརཱུཔཔཙྩཡཱཔི ཝིཉྙཱཎཾ, ཝིཉྙཱཎཔཙྩཡཱཔི ནཱམརཱུཔཾ’’.

པཊིསནྡྷིཀྑཎེ པཉྩཀྑནྡྷཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ¶ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི. པཊིསནྡྷིཀྑཎེ ཙཏྟཱརོ མཧཱབྷཱུཏཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི. པཊིསནྡྷིཀྑཎེ ཏཡོ ཛཱིཝིཏསངྑཱརཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི. པཊིསནྡྷིཀྑཎེ ནཱམཉྩ རཱུཔཉྩ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི. པཊིསནྡྷིཀྑཎེ ཨིམེ ཙུདྡས དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི. པཊིསནྡྷིཀྑཎེ ཙཏྟཱརོ ཁནྡྷཱ ཨརཱུཔིནོ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིསནྡྷིཀྑཎེ ཙཏྟཱརི ཨིནྡྲིཡཱནི སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིསནྡྷིཀྑཎེ དྭེ ཧེཏཱུ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིསནྡྷིཀྑཎེ ནཱམཉྩ ཝིཉྙཱཎཉྩ སཧཛཱཏཔཙྩཡཱ ¶ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི. པཊིསནྡྷིཀྑཎེ ཨིམེ དྭཱདས དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི ¶ . པཊིསནྡྷིཀྑཎེ ¶ ཨིམེ ཚབྦཱིསཏི དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི. གཏིསམྤཏྟིཡཱ ཉཱཎཝིཔྤཡུཏྟེ ཨིམེསཾ ཚནྣཾ ཧེཏཱུནཾ པཙྩཡཱ ཨུཔཔཏྟི ཧོཏི.

ཁཏྟིཡམཧཱསཱལཱནཾ བྲཱཧྨཎམཧཱསཱལཱནཾ གཧཔཏིམཧཱསཱལཱནཾ ཀཱམཱཝཙརཱནཾ དེཝཱནཾ ཉཱཎཝིཔྤཡུཏྟེ ཀཏམེསཾ ཚནྣཾ ཧེཏཱུནཾ པཙྩཡཱ ཨུཔཔཏྟི ཧོཏི? ཀུསལཀམྨསྶ ཛཝནཀྑཎེ དྭེ ཧེཏཱུ ཀུསལཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི. ཏེན ཝུཙྩཏི – ‘‘ཀུསལམཱུལཔཙྩཡཱཔི སངྑཱརཱ…པེ… ཁཏྟིཡམཧཱསཱལཱནཾ བྲཱཧྨཎམཧཱསཱལཱནཾ གཧཔཏིམཧཱསཱལཱནཾ ¶ ཀཱམཱཝཙརཱནཾ དེཝཱནཾ ཉཱཎཝིཔྤཡུཏྟེ ཨིམེསཾ ཚནྣཾ ཧེཏཱུནཾ པཙྩཡཱ ཨུཔཔཏྟི ཧོཏཱི’’ཏི.

གཏིཀཐཱ ནིཊྛིཏཱ.

༧. ཀམྨཀཐཱ

༢༣༤. ཨཧོསི ¶ ¶ ཀམྨཾ, ཨཧོསི ཀམྨཝིཔཱཀོ. ཨཧོསི ཀམྨཾ, ནཱཧོསི ཀམྨཝིཔཱཀོ. ཨཧོསི ཀམྨཾ, ཨཏྠི ཀམྨཝིཔཱཀོ. ཨཧོསི ཀམྨཾ, ནཏྠི ཀམྨཝིཔཱཀོ. ཨཧོསི ཀམྨཾ, བྷཝིསྶཏི ཀམྨཝིཔཱཀོ. ཨཧོསི ཀམྨཾ, ན བྷཝིསྶཏི ཀམྨཝིཔཱཀོ. [ཨཏཱིཏཀམྨཾ]

ཨཏྠི ཀམྨཾ, ཨཏྠི ཀམྨཝིཔཱཀོ. ཨཏྠི ཀམྨཾ, ནཏྠི ཀམྨཝིཔཱཀོ. ཨཏྠི ཀམྨཾ, བྷཝིསྶཏི ཀམྨཝིཔཱཀོ ¶ . ཨཏྠི ཀམྨཾ, ན བྷཝིསྶཏི ཀམྨཝིཔཱཀོ. [པཙྩུཔྤནྣཀམྨཾ]

བྷཝིསྶཏི ཀམྨཾ, བྷཝིསྶཏི ཀམྨཝིཔཱཀོ. བྷཝིསྶཏི ཀམྨཾ, ན བྷཝིསྶཏི ཀམྨཝིཔཱཀོ. [ཨནཱགཏཀམྨཾ]

༢༣༥. ཨཧོསི ཀུསལཾ ཀམྨཾ, ཨཧོསི ཀུསལསྶ ཀམྨསྶ ཝིཔཱཀོ. ཨཧོསི ཀུསལཾ ཀམྨཾ, ནཱཧོསི ཀུསལསྶ ཀམྨསྶ ཝིཔཱཀོ. ཨཧོསི ཀུསལཾ ཀམྨཾ, ཨཏྠི ཀུསལསྶ ཀམྨསྶ ཝིཔཱཀོ. ཨཧོསི ཀུསལཾ ཀམྨཾ, ནཏྠི ཀུསལསྶ ཀམྨསྶ ཝིཔཱཀོ. ཨཧོསི ཀུསལཾ ཀམྨཾ, བྷཝིསྶཏི ཀུསལསྶ ཀམྨསྶ ཝིཔཱཀོ. ཨཧོསི ཀུསལཾ ཀམྨཾ, ན བྷཝིསྶཏི ཀུསལསྶ ཀམྨསྶ ཝིཔཱཀོ.

ཨཏྠི ཀུསལཾ ཀམྨཾ, ཨཏྠི ཀུསལསྶ ཀམྨསྶ ཝིཔཱཀོ. ཨཏྠི ཀུསལཾ ཀམྨཾ, ནཏྠི ཀུསལསྶ ཀམྨསྶ ཝིཔཱཀོ. ཨཏྠི ཀུསལཾ ཀམྨཾ, བྷཝིསྶཏི ཀུསལསྶ ཀམྨསྶ ཝིཔཱཀོ. ཨཏྠི ཀུསལཾ ཀམྨཾ, ན བྷཝིསྶཏི ཀུསལསྶ ཀམྨསྶ ཝིཔཱཀོ.

བྷཝིསྶཏི ¶ ཀུསལཾ ཀམྨཾ, བྷཝིསྶཏི ཀུསལསྶ ཀམྨསྶ ཝིཔཱཀོ. བྷཝིསྶཏི ཀུསལཾ ཀམྨཾ, ན བྷཝིསྶཏི ཀུསལསྶ ཀམྨསྶ ཝིཔཱཀོ.

ཨཧོསི ཨཀུསལཾ ཀམྨཾ, ཨཧོསི ཨཀུསལསྶ ཀམྨསྶ ཝིཔཱཀོ. ཨཧོསི ཨཀུསལཾ ཀམྨཾ, ནཱཧོསི ཨཀུསལསྶ ཀམྨསྶ ཝིཔཱཀོ. ཨཧོསི ¶ ཨཀུསལཾ ཀམྨཾ, ཨཏྠི ཨཀུསལསྶ ཀམྨསྶ ཝིཔཱཀོ. ཨཧོསི ཨཀུསལཾ ཀམྨཾ, ནཏྠི ཨཀུསལསྶ ཀམྨསྶ ཝིཔཱཀོ. ཨཧོསི ཨཀུསལཾ ཀམྨཾ, བྷཝིསྶཏི ཨཀུསལསྶ ཀམྨསྶ ཝིཔཱཀོ. ཨཧོསི ཨཀུསལཾ ཀམྨཾ, ན བྷཝིསྶཏི ཨཀུསལསྶ ཀམྨསྶ ཝིཔཱཀོ.

ཨཏྠི ཨཀུསལཾ ¶ ཀམྨཾ, ཨཏྠི ཨཀུསལསྶ ཀམྨསྶ ཝིཔཱཀོ. ཨཏྠི ཨཀུསལཾ ཀམྨཾ, ནཏྠི ཨཀུསལསྶ ཀམྨསྶ ཝིཔཱཀོ. ཨཏྠི ཨཀུསལཾ ཀམྨཾ, བྷཝིསྶཏི ཨཀུསལསྶ ཀམྨསྶ ཝིཔཱཀོ. ཨཏྠི ཨཀུསལཾ ཀམྨཾ, ན བྷཝིསྶཏི ཨཀུསལསྶ ཀམྨསྶ ཝིཔཱཀོ.

བྷཝིསྶཏི ཨཀུསལཾ ཀམྨཾ, བྷཝིསྶཏི ¶ ཨཀུསལསྶ ཀམྨསྶ ཝིཔཱཀོ. བྷཝིསྶཏི ཨཀུསལཾ ཀམྨཾ, ན བྷཝིསྶཏི ཨཀུསལསྶ ཀམྨསྶ ཝིཔཱཀོ.

ཨཧོསི སཱཝཛྫཾ ཀམྨཾ…པེ… ཨཧོསི ཨནཝཛྫཾ ཀམྨཾ…པེ… ཨཧོསི ཀཎྷཾ ཀམྨཾ…པེ… ཨཧོསི སུཀྐཾ ཀམྨཾ…པེ… ཨཧོསི སུཁུདྲཡཾ ཀམྨཾ…པེ… ཨཧོསི དུཀྑུདྲཡཾ ཀམྨཾ…པེ… ཨཧོསི སུཁཝིཔཱཀཾ ཀམྨཾ…པེ… ཨཧོསི དུཀྑཝིཔཱཀཾ ཀམྨཾ, ཨཧོསི དུཀྑཝིཔཱཀསྶ ཀམྨསྶ ཝིཔཱཀོ. ཨཧོསི དུཀྑཝིཔཱཀཾ ཀམྨཾ, ནཱཧོསི དུཀྑཝིཔཱཀསྶ ཀམྨསྶ ཝིཔཱཀོ. ཨཧོསི དུཀྑཝིཔཱཀཾ ཀམྨཾ, ཨཏྠི དུཀྑཝིཔཱཀསྶ ཀམྨསྶ ཝིཔཱཀོ. ཨཧོསི དུཀྑཝིཔཱཀཾ ཀམྨཾ, ནཏྠི དུཀྑཝིཔཱཀསྶ ཀམྨསྶ ཝིཔཱཀོ. ཨཧོསི དུཀྑཝིཔཱཀཾ ཀམྨཾ, བྷཝིསྶཏི དུཀྑཝིཔཱཀསྶ ཀམྨསྶ ཝིཔཱཀོ. ཨཧོསི དུཀྑཝིཔཱཀཾ ཀམྨཾ, ན བྷཝིསྶཏི དུཀྑཝིཔཱཀསྶ ཀམྨསྶ ཝིཔཱཀོ.

ཨཏྠི དུཀྑཝིཔཱཀཾ ཀམྨཾ, ཨཏྠི དུཀྑཝིཔཱཀསྶ ཀམྨསྶ ཝིཔཱཀོ. ཨཏྠི དུཀྑཝིཔཱཀཾ ཀམྨཾ, ནཏྠི དུཀྑཝིཔཱཀསྶ ཀམྨསྶ ཝིཔཱཀོ. ཨཏྠི དུཀྑཝིཔཱཀཾ ཀམྨཾ, བྷཝིསྶཏི དུཀྑཝིཔཱཀསྶ ཀམྨསྶ ཝིཔཱཀོ. ཨཏྠི དུཀྑཝིཔཱཀཾ ཀམྨཾ, ན བྷཝིསྶཏི དུཀྑཝིཔཱཀསྶ ཀམྨསྶ ཝིཔཱཀོ.

བྷཝིསྶཏི ¶ དུཀྑཝིཔཱཀཾ ཀམྨཾ, བྷཝིསྶཏི དུཀྑཝིཔཱཀསྶ ཀམྨསྶ ཝིཔཱཀོ. བྷཝིསྶཏི དུཀྑཝིཔཱཀཾ ཀམྨཾ, ན བྷཝིསྶཏི དུཀྑཝིཔཱཀསྶ ཀམྨསྶ ཝིཔཱཀོཏི.

ཀམྨཀཐཱ ནིཊྛིཏཱ.

༨. ཝིཔལླཱསཀཐཱ

༢༣༦. པུརིམནིདཱནཾ ¶ ¶ . ‘‘ཙཏྟཱརོམེ ¶ ¶ , བྷིཀྑཝེ [ཨ. ནི. ༤.༤༩ པསྶིཏབྦཱ], སཉྙཱཝིཔལླཱསཱ ཙིཏྟཝིཔལླཱསཱ དིཊྛིཝིཔལླཱསཱ. ཀཏམེ ཙཏྟཱརོ? ཨནིཙྩེ, བྷིཀྑཝེ, ནིཙྩནྟི སཉྙཱཝིཔལླཱསོ ཙིཏྟཝིཔལླཱསོ དིཊྛིཝིཔལླཱསོ. དུཀྑེ, བྷིཀྑཝེ, སུཁནྟི སཉྙཱཝིཔལླཱསོ ཙིཏྟཝིཔལླཱསོ དིཊྛིཝིཔལླཱསོ. ཨནཏྟནི, བྷིཀྑཝེ, ཨཏྟཱཏི སཉྙཱཝིཔལླཱསོ ཙིཏྟཝིཔལླཱསོ དིཊྛིཝིཔལླཱསོ. ཨསུབྷེ, བྷིཀྑཝེ, སུབྷནྟི སཉྙཱཝིཔལླཱསོ ཙིཏྟཝིཔལླཱསོ དིཊྛིཝིཔལླཱསོ. ཨིམེ ཁོ, བྷིཀྑཝེ, ཙཏྟཱརོ སཉྙཱཝིཔལླཱསཱ ཙིཏྟཝིཔལླཱསཱ དིཊྛིཝིཔལླཱསཱ.

‘‘ཙཏྟཱརོམེ, བྷིཀྑཝེ, ནསཉྙཱཝིཔལླཱསཱ ནཙིཏྟཝིཔལླཱསཱ ནདིཊྛིཝིཔལླཱསཱ. ཀཏམེ ཙཏྟཱརོ? ཨནིཙྩེ, བྷིཀྑཝེ, ཨནིཙྩནྟི ནསཉྙཱཝིཔལླཱསོ ནཙིཏྟཝིཔལླཱསོ ནདིཊྛིཝིཔལླཱསོ. དུཀྑེ, བྷིཀྑཝེ, དུཀྑནྟི ནསཉྙཱཝིཔལླཱསོ ནཙིཏྟཝིཔལླཱསོ ནདིཊྛིཝིཔལླཱསོ. ཨནཏྟནི, བྷིཀྑཝེ, ཨནཏྟཱཏི ནསཉྙཱཝིཔལླཱསོ ནཙིཏྟཝིཔལླཱསོ ནདིཊྛིཝིཔལླཱསོ. ཨསུབྷེ, བྷིཀྑཝེ, ཨསུབྷནྟི ནསཉྙཱཝིཔལླཱསོ ནཙིཏྟཝིཔལླཱསོ ནདིཊྛིཝིཔལླཱསོ. ཨིམེ ཁོ, བྷིཀྑཝེ, ཙཏྟཱརོ ནསཉྙཱཝིཔལླཱསཱ ནཙིཏྟཝིཔལླཱསཱ ནདིཊྛིཝིཔལླཱསཱ’’ཏི.

‘‘ཨནིཙྩེ ¶ ནིཙྩསཉྙིནོ, དུཀྑེ ཙ སུཁསཉྙིནོ;

ཨནཏྟནི ཙ ཨཏྟཱཏི [ཨཏྟསཉྙིནོ (སྱཱ.) ཨ. ནི. ༤.༤༩ པསྶིཏབྦཱ], ཨསུབྷེ སུབྷསཉྙིནོ;

མིཙྪཱདིཊྛིཧཏཱ སཏྟཱ, ཁིཏྟཙིཏྟཱ ཝིསཉྙིནོ.

‘‘ཏེ ¶ ¶ ཡོགཡུཏྟཱ མཱརསྶ, ཨཡོགཀྑེམིནོ ཛནཱ;

སཏྟཱ གཙྪནྟི སཾསཱརཾ, ཛཱཏིམརཎགཱམིནོ.

‘‘ཡདཱ ཙ བུདྡྷཱ ལོཀསྨིཾ, ཨུཔྤཛྫནྟི པབྷངྐརཱ;

ཏེ ཨིམཾ དྷམྨཾ པཀཱསེནྟི, དུཀྑཱུཔསམགཱམིནཾ.

‘‘ཏེསཾ སུཏྭཱན སཔྤཉྙཱ, སཙིཏྟཾ པཙྩལདྡྷུ [པཙྩལདྡྷུཾ (སྱཱ.), པཙྩལདྡྷཱ ཨ. ནི. ༤.༤༩] ཏེ;

ཨནིཙྩཾ ཨནིཙྩཏོ དཀྑུཾ, དུཀྑམདྡཀྑུ དུཀྑཏོ.

‘‘ཨནཏྟནི ¶ ཨནཏྟཱཏི, ཨསུབྷཾ ཨསུབྷཏདྡསུཾ;

སམྨཱདིཊྛིསམཱདཱནཱ, སབྦཾ དུཀྑཾ ཨུཔཙྩགུ’’ནྟི.

ཨིམེ ཙཏྟཱརོ ཝིཔལླཱསཱ དིཊྛིསམྤནྣསྶ པུགྒལསྶ པཧཱིནཱ, ཨཔྤཧཱིནཱཏི. ཀེཙི པཧཱིནཱ, ཀེཙི ཨཔྤཧཱིནཱ? ཨནིཙྩེ ནིཙྩནྟི སཉྙཱཝིཔལླཱསོ ཙིཏྟཝིཔལླཱསོ དིཊྛིཝིཔལླཱསོ པཧཱིནོ. དུཀྑེ སུཁནྟི སཉྙཱ ཨུཔྤཛྫཏི, ཙིཏྟཾ ཨུཔྤཛྫཏི, དིཊྛིཝིཔལླཱསོ པཧཱིནོ. ཨནཏྟནི ཨཏྟཱཏི སཉྙཱཝིཔལླཱསོ ཙིཏྟཝིཔལླཱསོ དིཊྛིཝིཔལླཱསོ པཧཱིནོ. ཨསུབྷེ སུབྷནྟི སཉྙཱ ཨུཔྤཛྫཏི, ཙིཏྟཾ ཨུཔྤཛྫཏི, དིཊྛིཝིཔལླཱསོ པཧཱིནོ. དྭཱིསུ ཝཏྠཱུསུ ཚ ཝིཔལླཱསཱ པཧཱིནཱ ¶ . དྭཱིསུ ཝཏྠཱུསུ དྭེ ཝིཔལླཱསཱ པཧཱིནཱ, ཙཏྟཱརོ ཝིཔལླཱསཱ ཨཔྤཧཱིནཱ. ཙཏཱུསུ ཝཏྠཱུསུ ཨཊྛ ཝིཔལླཱསཱ པཧཱིནཱ, ཙཏྟཱརོ ཝིཔལླཱསཱ ཨཔྤཧཱིནཱཏི.

ཝིཔལླཱསཀཐཱ ནིཊྛིཏཱ.

༩. མགྒཀཐཱ

༢༣༧. མགྒོཏི ¶ ¶ ཀེནཊྛེན མགྒོ? སོཏཱཔཏྟིམགྒཀྑཎེ དསྶནཊྛེན སམྨཱདིཊྛི མིཙྪཱདིཊྛིཡཱ པཧཱནཱཡ མགྒོ ཙེཝ ཧེཏུ ཙ, སཧཛཱཏཱནཾ དྷམྨཱནཾ ཨུཔཏྠམྦྷནཱཡ མགྒོ ཙེཝ ཧེཏུ ཙ, ཀིལེསཱནཾ པརིཡཱདཱནཱཡ མགྒོ ཙེཝ ཧེཏུ ཙ, པཊིཝེདྷཱདིཝིསོདྷནཱཡ མགྒོ ཙེཝ ཧེཏུ ཙ, ཙིཏྟསྶ ཨདྷིཊྛཱནཱཡ མགྒོ ཙེཝ ཧེཏུ ཙ, ཙིཏྟསྶ ཝོདཱནཱཡ མགྒོ ཙེཝ ཧེཏུ ཙ, ཝིསེསཱདྷིགམཱཡ མགྒོ ཙེཝ ཧེཏུ ཙ, ཨུཏྟརི པཊིཝེདྷཱཡ [ཨུཏྟརིཾ པཊིཝེདྷཱཡ (སྱཱ.)] མགྒོ ཙེཝ ཧེཏུ ཙ, སཙྩཱབྷིསམཡཱཡ མགྒོ ཙེཝ ཧེཏུ ཙ, ནིརོདྷེ པཏིཊྛཱཔནཱཡ མགྒོ ཙེཝ ཧེཏུ ཙ.

ཨབྷིནིརོཔནཊྛེན སམྨཱསངྐཔྤོ མིཙྪཱསངྐཔྤསྶ པཧཱནཱཡ མགྒོ ཙེཝ ཧེཏུ ཙ, སཧཛཱཏཱནཾ དྷམྨཱནཾ ཨུཔཏྠམྦྷནཱཡ མགྒོ ཙེཝ ཧེཏུ ཙ, ཀིལེསཱནཾ པརིཡཱདཱནཱཡ མགྒོ ཙེཝ ཧེཏུ ཙ, པཊིཝེདྷཱདིཝིསོདྷནཱཡ མགྒོ ཙེཝ ཧེཏུ ཙ, ཙིཏྟསྶ ཨདྷིཊྛཱནཱཡ མགྒོ ཙེཝ ཧེཏུ ཙ, ཙིཏྟསྶ ཝོདཱནཱཡ མགྒོ ཙེཝ ¶ ཧེཏུ ཙ, ཝིསེསཱདྷིགམཱཡ མགྒོ ཙེཝ ཧེཏུ ཙ, ཨུཏྟརི ¶ པཊིཝེདྷཱཡ མགྒོ ཙེཝ ཧེཏུ ཙ, སཙྩཱབྷིསམཡཱཡ མགྒོ ཙེཝ ཧེཏུ ཙ, ནིརོདྷེ པཏིཊྛཱཔནཱཡ མགྒོ ཙེཝ ཧེཏུ ཙ.

པརིགྒཧཊྛེན སམྨཱཝཱཙཱ མིཙྪཱཝཱཙཱཡ པཧཱནཱཡ མགྒོ ཙེཝ ཧེཏུ ཙ, སཧཛཱཏཱནཾ དྷམྨཱནཾ ཨུཔཏྠམྦྷནཱཡ མགྒོ ཙེཝ ཧེཏུ ཙ, ཀིལེསཱནཾ པརིཡཱདཱནཱཡ མགྒོ ཙེཝ ཧེཏུ ཙ, པཊིཝེདྷཱདིཝིསོདྷནཱཡ མགྒོ ཙེཝ ཧེཏུ ཙ, ཙིཏྟསྶ ཨདྷིཊྛཱནཱཡ མགྒོ ཙེཝ ཧེཏུ ཙ, ཙིཏྟསྶ ཝོདཱནཱཡ མགྒོ ཙེཝ ཧེཏུ ཙ, ཝིསེསཱདྷིགམཱཡ མགྒོ ཙེཝ ཧེཏུ ཙ, ཨུཏྟརི པཊིཝེདྷཱཡ མགྒོ ཙེཝ ཧེཏུ ཙ, སཙྩཱབྷིསམཡཱཡ ¶ མགྒོ ཙེཝ ཧེཏུ ཙ, ནིརོདྷེ པཏིཊྛཱཔནཱཡ མགྒོ ཙེཝ ཧེཏུ ཙ.

སམུཊྛཱནཊྛེན ¶ སམྨཱཀམྨནྟོ མིཙྪཱཀམྨནྟསྶ པཧཱནཱཡ མགྒོ ཙེཝ ཧེཏུ ཙ, སཧཛཱཏཱནཾ དྷམྨཱནཾ ཨུཔཏྠམྦྷནཱཡ མགྒོ ཙེཝ ཧེཏུ ཙ, ཀིལེསཱནཾ པརིཡཱདཱནཱཡ མགྒོ ཙེཝ ཧེཏུ ཙ པཊིཝེདྷཱདིཝིསོདྷནཱཡ མགྒོ ཙེཝ ཧེཏུ ཙ, ཙིཏྟསྶ ཨདྷིཊྛཱནཱཡ མགྒོ ཙེཝ ཧེཏུ ཙ, ཙིཏྟསྶ ཝོདཱནཱཡ མགྒོ ཙེཝ ཧེཏུ ཙ, ཝིསེསཱདྷིགམཱཡ མགྒོ ཙེཝ ཧེཏུ ཙ, ཨུཏྟརི པཊིཝེདྷཱཡ མགྒོ ཙེཝ ཧེཏུ ཙ, སཙྩཱབྷིསམཡཱཡ མགྒོ ཙེཝ ཧེཏུ ཙ, ནིརོདྷེ པཏིཊྛཱཔནཱཡ མགྒོ ཙེཝ ཧེཏུ ཙ.

ཝོདཱནཊྛེན སམྨཱཨཱཛཱིཝོ མིཙྪཱཨཱཛཱིཝསྶ པཧཱནཱཡ མགྒོ ཙེཝ ཧེཏུ ཙ…པེ… པགྒཧཊྛེན སམྨཱཝཱཡཱམོ མིཙྪཱཝཱཡཱམསྶ པཧཱནཱཡ མགྒོ ཙེཝ ཧེཏུ ¶ ཙ…པེ… ཨུཔཊྛཱནཊྛེན སམྨཱསཏི མིཙྪཱསཏིཡཱ པཧཱནཱཡ མགྒོ ཙེཝ ཧེཏུ ཙ…པེ… ཨཝིཀྑེཔཊྛེན སམྨཱསམཱདྷི མིཙྪཱསམཱདྷིསྶ པཧཱནཱཡ མགྒོ ཙེཝ ཧེཏུ ཙ, སཧཛཱཏཱནཾ དྷམྨཱནཾ ཨུཔཏྠམྦྷནཱཡ མགྒོ ཙེཝ ཧེཏུ ཙ, ཀིལེསཱནཾ པརིཡཱདཱནཱཡ མགྒོ ཙེཝ ཧེཏུ ཙ, པཊིཝེདྷཱདིཝིསོདྷནཱཡ མགྒོ ཙེཝ ཧེཏུ ཙ, ཙིཏྟསྶ ཨདྷིཊྛཱནཱཡ མགྒོ ཙེཝ ཧེཏུ ཙ, ཙིཏྟསྶ ཝོདཱནཱཡ མགྒོ ཙེཝ ཧེཏུ ཙ, ཝིསེསཱདྷིགམཱཡ མགྒོ ཙེཝ ཧེཏུ ཙ, ཨུཏྟརི པཊིཝེདྷཱཡ མགྒོ ཙེཝ ཧེཏུ ཙ, སཙྩཱབྷིསམཡཱཡ མགྒོ ཙེཝ ཧེཏུ ཙ, ནིརོདྷེ པཏིཊྛཱཔནཱཡ མགྒོ ཙེཝ ཧེཏུ ཙ.

སཀདཱགཱམིམགྒཀྑཎེ དསྶནཊྛེན སམྨཱདིཊྛི…པེ… ཨཝིཀྑེཔཊྛེན སམྨཱསམཱདྷི ཨོལཱ༹རིཀསྶ ཀཱམརཱགསཉྙོཛནསྶ པཊིགྷསཉྙོཛནསྶ ཨོལཱ༹རིཀསྶ ཀཱམརཱགཱནུསཡསྶ པཊིགྷཱནུསཡསྶ པཧཱནཱཡ མགྒོ ཙེཝ ¶ ཧེཏུ ཙ, སཧཛཱཏཱནཾ དྷམྨཱནཾ ཨུཔཏྠམྦྷནཱཡ མགྒོ ཙེཝ ཧེཏུ ཙ, ཀིལེསཱནཾ པརིཡཱདཱནཱཡ མགྒོ ཙེཝ ཧེཏུ ཙ, པཊིཝེདྷཱདིཝིསོདྷནཱཡ མགྒོ ཙེཝ ཧེཏུ ཙ, ཙིཏྟསྶ ཨདྷིཊྛཱནཱཡ མགྒོ ཙེཝ ཧེཏུ ཙ, ཙིཏྟསྶ ཝོདཱནཱཡ མགྒོ ཙེཝ ཧེཏུ ཙ, ཝིསེསཱདྷིགམཱཡ མགྒོ ཙེཝ ཧེཏུ ཙ, ཨུཏྟརི པཊིཝེདྷཱཡ མགྒོ ཙེཝ ཧེཏུ ཙ, སཙྩཱབྷིསམཡཱཡ མགྒོ ཙེཝ ཧེཏུ ཙ, ནིརོདྷེ པཏིཊྛཱཔནཱཡ མགྒོ ཙེཝ ཧེཏུ ཙ.

ཨནཱགཱམིམགྒཀྑཎེ དསྶནཊྛེན སམྨཱདིཊྛི…པེ… ཨཝིཀྑེཔཊྛེན ¶ སམྨཱསམཱདྷི ཨནུསཧགཏསྶ ཀཱམརཱགསཉྙོཛནསྶ ¶ པཊིགྷསཉྙོཛནསྶ, ཨནུསཧགཏསྶ ཀཱམརཱགཱནུསཡསྶ པཊིགྷཱནུསཡསྶ པཧཱནཱཡ མགྒོ ཙེཝ ཧེཏུ ཙ, སཧཛཱཏཱནཾ དྷམྨཱནཾ ཨུཔཏྠམྦྷནཱཡ མགྒོ ཙེཝ ཧེཏུ ཙ, ཀིལེསཱནཾ པརིཡཱདཱནཱཡ མགྒོ ཙེཝ ཧེཏུ ཙ, པཊིཝེདྷཱདིཝིསོདྷནཱཡ མགྒོ ཙེཝ ཧེཏུ ཙ, ཙིཏྟསྶ ཨདྷིཊྛཱནཱཡ མགྒོ ཙེཝ ཧེཏུ ཙ, ཙིཏྟསྶ ཝོདཱནཱཡ མགྒོ ཙེཝ ཧེཏུ ཙ ¶ , ཝིསེསཱདྷིགམཱཡ མགྒོ ཙེཝ ཧེཏུ ཙ, ཨུཏྟརི པཊིཝེདྷཱཡ མགྒོ ཙེཝ ཧེཏུ ཙ, སཙྩཱབྷིསམཡཱཡ མགྒོ ཙེཝ ཧེཏུ ཙ, ནིརོདྷེ པཏིཊྛཱཔནཱཡ མགྒོ ཙེཝ ཧེཏུ ཙ.

ཨརཧཏྟམགྒཀྑཎེ དསྶནཊྛེན སམྨཱདིཊྛི…པེ… ཨཝིཀྑེཔཊྛེན སམྨཱསམཱདྷི རཱུཔརཱགསྶ ཨརཱུཔརཱགསྶ མཱནསྶ ཨུདྡྷཙྩསྶ ཨཝིཛྫཱཡ, མཱནཱནུསཡསྶ བྷཝརཱགཱནུསཡསྶ ཨཝིཛྫཱནུསཡསྶ པཧཱནཱཡ མགྒོ ཙེཝ ཧེཏུ ཙ, སཧཛཱཏཱནཾ དྷམྨཱནཾ ཨུཔཏྠམྦྷནཱཡ མགྒོ ཙེཝ ཧེཏུ ཙ, ཀིལེསཱནཾ པརིཡཱདཱནཱཡ མགྒོ ཙེཝ ཧེཏུ ཙ, པཊིཝེདྷཱདིཝིསོདྷནཱཡ མགྒོ ཙེཝ ཧེཏུ ཙ, ཙིཏྟསྶ ཨདྷིཊྛཱནཱཡ མགྒོ ཙེཝ ཧེཏུ ཙ, ཙིཏྟསྶ, ཝོདཱནཱཡ མགྒོ ཙེཝ ཧེཏུ ཙ, ཝིསེསཱདྷིགམཱཡ མགྒོ ཙེཝ ཧེཏུ ཙ, ཨུཏྟརི པཊིཝེདྷཱཡ མགྒོ ཙེཝ ཧེཏུ ཙ, སཙྩཱབྷིསམཡཱཡ མགྒོ ཙེཝ, ཧེཏུ ཙ, ནིརོདྷེ པཏིཊྛཱཔནཱཡ མགྒོ ཙེཝ ཧེཏུ ཙ.

དསྶནམགྒོ སམྨཱདིཊྛི, ཨབྷིནིརོཔནམགྒོ སམྨཱསངྐཔྤོ ¶ , པརིགྒཧམགྒོ སམྨཱཝཱཙཱ, སམུཊྛཱནམགྒོ སམྨཱཀམྨནྟོ, ཝོདཱནམགྒོ སམྨཱཨཱཛཱིཝོ, པགྒཧམགྒོ སམྨཱཝཱཡཱམོ, ཨུཔཊྛཱནམགྒོ སམྨཱསཏི, ཨཝིཀྑེཔམགྒོ སམྨཱསམཱདྷི. ཨུཔཊྛཱནམགྒོ སཏིསམྦོཛ྄ཛྷངྒོ, པཝིཙཡམགྒོ དྷམྨཝིཙཡསམྦོཛ྄ཛྷངྒོ, པགྒཧམགྒོ ཝཱིརིཡསམྦོཛ྄ཛྷངྒོ, ཕརཎམགྒོ པཱིཏིསམྦོཛ྄ཛྷངྒོ, ཨུཔསམམགྒོ ¶ པསྶདྡྷིསམྦོཛ྄ཛྷངྒོ, ཨཝིཀྑེཔམགྒོ སམཱདྷིསམྦོཛ྄ཛྷངྒོ, པཊིསངྑཱནམགྒོ ཨུཔེཀྑཱསམྦོཛ྄ཛྷངྒོ.

ཨསྶདྡྷིཡེ ཨཀམྤིཡམགྒོ སདྡྷཱབལཾ, ཀོསཛྫེ ཨཀམྤིཡམགྒོ ཝཱིརིཡབལཾ, པམཱདེ ཨཀམྤིཡམགྒོ སཏིབལཾ, ཨུདྡྷཙྩེ ཨཀམྤིཡམགྒོ སམཱདྷིབལཾ, ཨཝིཛྫཱཡ ཨཀམྤིཡམགྒོ པཉྙཱབལཾ. ཨདྷིམོཀྑམགྒོ སདྡྷིནྡྲིཡཾ, པགྒཧམགྒོ ཝཱིརིཡིནྡྲིཡཾ, ཨུཔཊྛཱནམགྒོ ¶ སཏིནྡྲིཡཾ, ཨཝིཀྑེཔམགྒོ སམཱདྷིནྡྲིཡཾ, དསྶནམགྒོ པཉྙིནྡྲིཡཾ.

ཨཱདྷིཔཏེཡྻཊྛེན ཨིནྡྲིཡཱ མགྒོ, ཨཀམྤིཡཊྛེན བལཱ མགྒོ, ནིཡྻཱནཊྛེན བོཛ྄ཛྷངྒཱ མགྒོ, ཧེཏུཊྛེན མགྒངྒཱ མགྒོ, ཨུཔཊྛཱནཊྛེན སཏིཔཊྛཱནཱ མགྒོ, པདཧནཊྛེན སམྨཔྤདྷཱནཱ མགྒོ, ཨིཛ྄ཛྷནཊྛེན ཨིདྡྷིཔཱདཱ མགྒོ, ཏཐཊྛེན སཙྩཱནི མགྒོ, ཨཝིཀྑེཔཊྛེན སམཐོ མགྒོ, ཨནུཔསྶནཊྛེན ཝིཔསྶནཱ མགྒོ, ཨེཀརསཊྛེན སམཐཝིཔསྶནཱ མགྒོ, ཨནཏིཝཏྟནཊྛེན ཡུགནདྡྷཱ མགྒོ, སཾཝརཊྛེན སཱིལཝིསུདྡྷི མགྒོ, ཨཝིཀྑེཔཊྛེན ཙིཏྟཝིསུདྡྷི མགྒོ, དསྶནཊྛེན དིཊྛིཝིསུདྡྷི མགྒོ, མུཏྟཊྛེན ཝིམོཀྑོ མགྒོ, པཊིཝེདྷཊྛེན ཝིཛྫཱ ¶ མགྒོ, པརིཙྩཱགཊྛེན ཝིམུཏྟི མགྒོ, སམུཙྪེདཊྛེན ཁཡེ ཉཱཎཾ མགྒོ, ཚནྡོ མཱུལཊྛེན མགྒོ, མནསིཀཱརོ སམུཊྛཱནཊྛེན ¶ མགྒོ, ཕསྶོ སམོདྷཱནཊྛེན མགྒོ, ཝེདནཱ སམོསརཎཊྛེན མགྒོ, སམཱདྷི པམུཁཊྛེན མགྒོ, སཏི ཨཱདྷིཔཏེཡྻཊྛེན མགྒོ, པཉྙཱ ཏཏུཏྟརཊྛེན མགྒོ, ཝིམུཏྟི སཱརཊྛེན མགྒོ, ཨམཏོགདྷཾ ནིབྦཱནཾ པརིཡོསཱནཊྛེན མགྒོཏི.

མགྒཀཐཱ ནིཊྛིཏཱ.

༡༠. མཎྜཔེཡྻཀཐཱ

༢༣༨. ‘‘མཎྜཔེཡྻམིདཾ ¶ ¶ , བྷིཀྑཝེ, བྲཧྨཙརིཡཾ. སཏྠཱ སམྨུཁཱིབྷཱུཏོ ཏིདྷཏྟམཎྜོ [ཏིཝིདྷོ མཎྜོ (བཧཱུསུ) ཨཊྛཀཐཱ ཨོལོཀེཏབྦཱ]. སཏྠརི སམྨུཁཱིབྷཱུཏེ དེསནཱམཎྜོ, པཊིགྒཧམཎྜོ, བྲཧྨཙརིཡམཎྜོ’’.

ཀཏམོ དེསནཱམཎྜོ? ཙཏུནྣཾ ཨརིཡསཙྩཱནཾ ཨཱཙིཀྑནཱ དེསནཱ པཉྙཱཔནཱ པཊྛཔནཱ ཝིཝརཎཱ ཝིབྷཛནཱ ཨུཏྟཱནཱིཀམྨཾ [ཨུཏྟཱནིཀམྨཾ (ཀ.)], ཙཏུནྣཾ སཏིཔཊྛཱནཱནཾ…པེ… ཙཏུནྣཾ སམྨཔྤདྷཱནཱནཾ… ཙཏུནྣཾ ཨིདྡྷིཔཱདཱནཾ… པཉྩནྣཾ ཨིནྡྲིཡཱནཾ… པཉྩནྣཾ ¶ བལཱནཾ… སཏྟནྣཾ བོཛ྄ཛྷངྒཱནཾ… ཨརིཡསྶ ཨཊྛངྒིཀསྶ མགྒསྶ ཨཱཙིཀྑནཱ དེསནཱ པཉྙཱཔནཱ ¶ པཊྛཔནཱ ཝིཝརཎཱ ཝིབྷཛནཱ ཨུཏྟཱནཱིཀམྨཾ – ཨཡཾ དེསནཱམཎྜོ.

ཀཏམོ པཊིགྒཧམཎྜོ? བྷིཀྑཱུ བྷིཀྑུནིཡོ ཨུཔཱསཀཱ ཨུཔཱསིཀཱཡོ དེཝཱ མནུསྶཱ ཡེ ཝཱ པནཉྙེཔི ཀེཙི ཝིཉྙཱཏཱརོ – ཨཡཾ པཊིགྒཧམཎྜོ.

ཀཏམོ བྲཧྨཙརིཡམཎྜོ? ཨཡམེཝ ཨརིཡོ ཨཊྛངྒིཀོ མགྒོ, སེཡྻཐིདཾ – སམྨཱདིཊྛི, སམྨཱསངྐཔྤོ, སམྨཱཝཱཙཱ, སམྨཱཀམྨནྟོ, སམྨཱཨཱཛཱིཝོ, སམྨཱཝཱཡཱམོ, སམྨཱསཏི, སམྨཱསམཱདྷི – ཨཡཾ བྲཧྨཙརིཡམཎྜོ.

༢༣༩. ཨདྷིམོཀྑམཎྜོ སདྡྷིནྡྲིཡཾ, ཨསྶདྡྷིཡཾ ཀསཊོ; ཨསྶདྡྷིཡཾ ཀསཊཾ ཚཌྜེཏྭཱ སདྡྷིནྡྲིཡསྶ ཨདྷིམོཀྑམཎྜཾ ¶ པིཝཏཱིཏི – མཎྜཔེཡྻཾ. པགྒཧམཎྜོ ཝཱིརིཡིནྡྲིཡཾ, ཀོསཛྫཾ ཀསཊོ; ཀོསཛྫཾ ཀསཊཾ ཚཌྜེཏྭཱ ཝཱིརིཡིནྡྲིཡསྶ པགྒཧམཎྜཾ པིཝཏཱིཏི – མཎྜཔེཡྻཾ. ཨུཔཊྛཱནམཎྜོ སཏིནྡྲིཡཾ, པམཱདོ ཀསཊོ; པམཱདཾ ཀསཊཾ ཚཌྜེཏྭཱ སཏིནྡྲིཡསྶ ཨུཔཊྛཱནམཎྜཾ པིཝཏཱིཏི – མཎྜཔེཡྻཾ. ཨཝིཀྑེཔམཎྜོ སམཱདྷིནྡྲིཡཾ, ཨུདྡྷཙྩཾ ཀསཊོ; ཨུདྡྷཙྩཾ ཀསཊཾ ཚཌྜེཏྭཱ ¶ སམཱདྷིནྡྲིཡསྶ ཨཝིཀྑེཔམཎྜཾ པིཝཏཱིཏི – མཎྜཔེཡྻཾ. དསྶནམཎྜོ པཉྙིནྡྲིཡཾ, ཨཝིཛྫཾ ཀསཊོ; ཨཝིཛྫཾ ཀསཊཾ ཚཌྜེཏྭཱ པཉྙིནྡྲིཡསྶ དསྶནམཎྜཾ པིཝཏཱིཏི – མཎྜཔེཡྻཾ.

ཨསྶདྡྷིཡེ ཨཀམྤིཡམཎྜོ སདྡྷཱབལཾ, ཨསྶདྡྷིཡཾ ཀསཊོ; ཨསྶདྡྷིཡཾ ཀསཊཾ ¶ ཚཌྜེཏྭཱ སདྡྷཱབལསྶ ཨསྶདྡྷིཡེ ཨཀམྤིཡམཎྜཾ པིཝཏཱིཏི – མཎྜཔེཡྻཾ. ཀོསཛྫེ ཨཀམྤིཡམཎྜོ ཝཱིརིཡབལཾ, ཀོསཛྫཾ ཀསཊོ; ཀོསཛྫཾ ཀསཊཾ ཚཌྜེཏྭཱ ཝཱིརིཡབལསྶ ཀོསཛྫེ ཨཀམྤིཡམཎྜཾ པིཝཏཱིཏི – མཎྜཔེཡྻཾ. པམཱདེ ཨཀམྤིཡམཎྜོ སཏིབལཾ, པམཱདོ ཀསཊོ; པམཱདཾ ཀསཊཾ ཚཌྜེཏྭཱ སཏིབལསྶ པམཱདེ ཨཀམྤིཡམཎྜཾ པིཝཏཱིཏི – མཎྜཔེཡྻཾ. ཨུདྡྷཙྩེ ཨཀམྤིཡམཎྜོ སམཱདྷིབལཾ, ཨུདྡྷཙྩཾ ཀསཊོ; ཨུདྡྷཙྩཾ ཀསཊཾ ཚཌྜེཏྭཱ སམཱདྷིབལསྶ ཨུདྡྷཙྩེ ཨཀམྤིཡམཎྜཾ པིཝཏཱིཏི – མཎྜཔེཡྻཾ. ཨཝིཛྫཱཡ ཨཀམྤིཡམཎྜོ པཉྙཱབལཾ, ཨཝིཛྫཱ ཀསཊོ; ཨཝིཛྫཾ ཀསཊཾ ཚཌྜེཏྭཱ པཉྙཱབལསྶ ཨཝིཛྫཱཡ ཨཀམྤིཡམཎྜཾ པིཝཏཱིཏི – མཎྜཔེཡྻཾ.

ཨུཔཊྛཱནམཎྜོ ¶ སཏིསམྦོཛ྄ཛྷངྒཱ, པམཱདོ ཀསཊོ; པམཱདཾ ཀསཊཾ ཚཌྜེཏྭཱ སཏིསམྦོཛ྄ཛྷངྒསྶ ཨུཔཊྛཱནམཎྜཾ པིཝཏཱིཏི – མཎྜཔེཡྻཾ. པཝིཙཡམཎྜོ དྷམྨཝིཙཡསམྦོཛ྄ཛྷངྒོ, ཨཝིཛྫཱ ཀསཊོ; ཨཝིཛྫཾ ཀསཊཾ ཚཌྜེཏྭཱ དྷམྨཝིཙཡསམྦོཛ྄ཛྷངྒསྶ པཝིཙཡམཎྜཾ པིཝཏཱིཏི – མཎྜཔེཡྻཾ. པགྒཧམཎྜོ ཝཱིརིཡསམྦོཛ྄ཛྷངྒོ, ཀོསཛྫཾ ཀསཊོ; ཀོསཛྫཾ ཀསཊཾ ཚཌྜེཏྭཱ ཝཱིརིཡསམྦོཛ྄ཛྷངྒསྶ པགྒཧམཎྜཾ པིཝཏཱིཏི – མཎྜཔེཡྻཾ. ཕརཎམཎྜོ པཱིཏིསམྦོཛ྄ཛྷངྒོ, པརིལཱ༹ཧོ ཀསཊོ; པརིལཱ༹ཧཾ ཀསཊཾ ཚཌྜེཏྭཱ པཱིཏིསམྦོཛ྄ཛྷངྒསྶ ཕརཎམཎྜཾ པིཝཏཱིཏི – མཎྜཔེཡྻཾ. ཨུཔསམམཎྜོ པསྶདྡྷིསམྦོཛ྄ཛྷངྒོ ¶ , དུཊྛུལླཾ ཀསཊོ; དུཊྛུལླཾ ཀསཊཾ ཚཌྜེཏྭཱ པསྶདྡྷིསམྦོཛ྄ཛྷངྒསྶ ¶ ཨུཔསམམཎྜཾ པིཝཏཱིཏི – མཎྜཔེཡྻཾ. ཨཝིཀྑེཔམཎྜོ སམཱདྷིསམྦོཛ྄ཛྷངྒོ, ཨུདྡྷཙྩཾ ཀསཊོ; ཨུདྡྷཙྩཾ ཀསཊཾ ཚཌྜེཏྭཱ སམཱདྷིསམྦོཛ྄ཛྷངྒསྶ ཨཝིཀྑེཔམཎྜཾ པིཝཏཱིཏི – མཎྜཔེཡྻཾ. པཊིསངྑཱནམཎྜོ ཨུཔེཀྑཱསམྦོཛ྄ཛྷངྒོ, ཨཔྤཊིསངྑཱ ཀསཊོ; ཨཔྤཊིསངྑཾ ཀསཊཾ ཚཌྜེཏྭཱ ཨུཔེཀྑཱསམྦོཛ྄ཛྷངྒསྶ པཊིསངྑཱནམཎྜཾ པིཝཏཱིཏི – མཎྜཔེཡྻཾ.

དསྶནམཎྜོ སམྨཱདིཊྛི, མིཙྪཱདིཊྛི ཀསཊོ; མིཙྪཱདིཊྛིཾ ཀསཊཾ ཚཌྜེཏྭཱ སམྨཱདིཊྛིཡཱ དསྶནམཎྜཾ པིཝཏཱིཏི – མཎྜཔེཡྻཾ. ཨབྷིནིརོཔནམཎྜོ སམྨཱསངྐཔྤོ, མིཙྪཱསངྐཔྤོ ཀསཊོ; མིཙྪཱསངྐཔྤཾ ཀསཊཾ ཚཌྜེཏྭཱ སམྨཱསངྐཔྤསྶ ཨབྷིནིརོཔནམཎྜཾ པིཝཏཱིཏི – མཎྜཔེཡྻཾ. པརིགྒཧམཎྜོ ¶ སམྨཱཝཱཙཱ, མིཙྪཱཝཱཙཱ ཀསཊོ; མིཙྪཱཝཱཙཾ ཀསཊཾ ཚཌྜེཏྭཱ སམྨཱཝཱཙཱཡ པརིགྒཧམཎྜཾ པིཝཏཱིཏི – མཎྜཔེཡྻཾ. སམུཊྛཱནམཎྜོ སམྨཱཀམྨནྟོ, མིཙྪཱཀམྨནྟོ ཀསཊོ; མིཙྪཱཀམྨནྟཾ ཀསཊཾ ཚཌྜེཏྭཱ སམྨཱཀམྨནྟསྶ སམུཊྛཱནམཎྜཾ པིཝཏཱིཏི – མཎྜཔེཡྻཾ. ཝོདཱནམཎྜོ སམྨཱཨཱཛཱིཝོ, མིཙྪཱཨཱཛཱིཝོ ཀསཊོ; མིཙྪཱཨཱཛཱིཝཾ ཀསཊཾ ཚཌྜེཏྭཱ སམྨཱཨཱཛཱིཝསྶ ཝོདཱནམཎྜཾ པིཝཏཱིཏི – མཎྜཔེཡྻཾ. པགྒཧམཎྜོ སམྨཱཝཱཡཱམོ, མིཙྪཱཝཱཡཱམོ ཀསཊོ; མིཙྪཱཝཱཡཱམཾ ཀསཊཾ ཚཌྜེཏྭཱ སམྨཱཝཱཡཱམསྶ པགྒཧམཎྜཾ པིཝཏཱིཏི – མཎྜཔེཡྻཾ. ཨུཔཊྛཱནམཎྜོ སམྨཱསཏི, མིཙྪཱསཏི ཀསཊོ; མིཙྪཱསཏིཾ ཀསཊཾ ཚཌྜེཏྭཱ སམྨཱསཏིཡཱ ཨུཔཊྛཱནམཎྜཾ པིཝཏཱིཏི – མཎྜཔེཡྻཾ. ཨཝིཀྑེཔམཎྜོ ¶ སམྨཱསམཱདྷི, མིཙྪཱསམཱདྷི ཀསཊོ; མིཙྪཱསམཱདྷིཾ ཀསཊཾ ཚཌྜེཏྭཱ སམྨཱསམཱདྷིསྶ ཨཝིཀྑེཔམཎྜཾ པིཝཏཱིཏི – མཎྜཔེཡྻཾ.

༢༤༠. ཨཏྠི མཎྜོ, ཨཏྠི པེཡྻཾ, ཨཏྠི ཀསཊོ. ཨདྷིམོཀྑམཎྜོ སདྡྷིནྡྲིཡཾ, ཨསྶདྡྷིཡཾ ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ ¶ – ཨིདཾ པེཡྻཾ. པགྒཧམཎྜོ ཝཱིརིཡིནྡྲིཡཾ, ཀོསཛྫཾ ཀསཊོ; ཡོ ཏཏྠ ཨཏྠརསོ ¶ དྷམྨརསོ ཝིམུཏྟིརསོ – ཨིདཾ པེཡྻཾ. ཨུཔཊྛཱནམཎྜོ སཏིནྡྲིཡཾ, པམཱདོ ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ. ཨཝིཀྑེཔམཎྜོ སམཱདྷིནྡྲིཡཾ, ཨུདྡྷཙྩཾ ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ. དསྶནམཎྜོ པཉྙིནྡྲིཡཾ, ཨཝིཛྫཱ ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ.

ཨསྶདྡྷིཡེ ཨཀམྤིཡམཎྜོ སདྡྷཱབལཾ, ཨསྶདྡྷིཡཾ ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ. ཀོསཛྫེ ཨཀམྤིཡམཎྜོ ཝཱིརིཡབལཾ, ཀོསཛྫཾ ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ. པམཱདེ ཨཀམྤིཡམཎྜོ སཏིབལཾ, པམཱདོ ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ. ཨུདྡྷཙྩེ ཨཀམྤིཡམཎྜོ སམཱདྷིབལཾ, ཨུདྡྷཙྩཾ ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ. ཨཝིཛྫཱཡ ཨཀམྤིཡམཎྜོ པཉྙཱབལཾ, ཨཝིཛྫཱ ཀསཊོ; ཡོ ཏཏྠ ཨཏྠརསོ དྷམྨརསོ ¶ ཝིམུཏྟིརསོ – ཨིདཾ པེཡྻཾ.

ཨུཔཊྛཱནམཎྜོ སཏིསམྦོཛ྄ཛྷངྒོ, པམཱདོ ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ. པཝིཙཡམཎྜོ དྷམྨཝིཙཡསམྦོཛ྄ཛྷངྒོ, ཨཝིཛྫཱ ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ. པགྒཧམཎྜོ ཝཱིརིཡསམྦོཛ྄ཛྷངྒོ, ཀོསཛྫཾ ཀསཊོ; ¶ ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ. ཕརཎམཎྜོ པཱིཏིསམྦོཛ྄ཛྷངྒོ, པརིལཱ༹ཧོ ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ. ཨུཔསམམཎྜོ པསྶདྡྷིསམྦོཛ྄ཛྷངྒོ, དུཊྛུལླཾ ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ. ཨཝིཀྑེཔམཎྜོ སམཱདྷིསམྦོཛ྄ཛྷངྒོ, ཨུདྡྷཙྩཾ ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ. པཊིསངྑཱནམཎྜོ ཨུཔེཀྑཱསམྦོཛ྄ཛྷངྒོ, ཨཔཊིསངྑཱ ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ.

དསྶནམཎྜོ སམྨཱདིཊྛི, མིཙྪཱདིཊྛི ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ. ཨབྷིནིརོཔནམཎྜོ སམྨཱསངྐཔྤོ, མིཙྪཱསངྐཔྤོ ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ ¶ པེཡྻཾ. པརིགྒཧམཎྜོ སམྨཱཝཱཙཱ, མིཙྪཱཝཱཙཱ ཀསཊོ; ཡོ ཏཏྠ ཨཏྠརསོ ¶ དྷམྨརསོ ཝིམུཏྟིརསོ – ཨིདཾ པེཡྻཾ. སམུཊྛཱནམཎྜོ སམྨཱཀམྨནྟོ, མིཙྪཱཀམྨནྟོ ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ. ཝོདཱནམཎྜོ ¶ སམྨཱཨཱཛཱིཝོ, མིཙྪཱཨཱཛཱིཝོ ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ. པགྒཧམཎྜོ སམྨཱཝཱཡཱམོ, མིཙྪཱཝཱཡཱམོ ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ. ཨུཔཊྛཱནམཎྜོ སམྨཱསཏི, མིཙྪཱསཏི ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ. ཨཝིཀྑེཔམཎྜོ སམྨཱསམཱདྷི, མིཙྪཱསམཱདྷི ཀསཊོ; ཡོ ཏཏྠ ཨཏྠརསོ དྷམྨརསོ ཝིམུཏྟིརསོ – ཨིདཾ པེཡྻཾ.

དསྶནམཎྜོ སམྨཱདིཊྛི… ཨབྷིནིརོཔནམཎྜོ སམྨཱསངྐཔྤོ… པརིགྒཧམཎྜོ སམྨཱཝཱཙཱ… སམུཊྛཱནམཎྜོ སམྨཱཀམྨནྟོ… ཝོདཱནམཎྜོ སམྨཱཨཱཛཱིཝོ… པགྒཧམཎྜོ སམྨཱཝཱཡཱམོ… ཨུཔཊྛཱནམཎྜོ སམྨཱསཏི… ཨཝིཀྑེཔམཎྜོ སམྨཱསམཱདྷི.

ཨུཔཊྛཱནམཎྜོ སཏིསམྦོཛ྄ཛྷངྒོ… པཝིཙཡམཎྜོ དྷམྨཝིཙཡསམྦོཛ྄ཛྷངྒོ… པགྒཧམཎྜོ ཝཱིརིཡསམྦོཛ྄ཛྷངྒོ… ཕརཎམཎྜོ པཱིཏིསམྦོཛ྄ཛྷངྒོ… ཨུཔསམམཎྜོ པསྶདྡྷིསམྦོཛ྄ཛྷངྒོ… ཨཝིཀྑེཔམཎྜོ སམཱདྷིསམྦོཛ྄ཛྷངྒོ… པཊིསངྑཱནམཎྜོ ཨུཔེཀྑཱསམྦོཛ྄ཛྷངྒོ.

ཨསྶདྡྷིཡེ ཨཀམྤིཡམཎྜོ སདྡྷཱབལཾ… ཀོསཛྫེ ཨཀམྤིཡམཎྜོ ཝཱིརིཡབལཾ… པམཱདེ ཨཀམྤིཡམཎྜོ སཏིབལཾ… ཨུདྡྷཙྩེ ཨཀམྤིཡམཎྜོ སམཱདྷིབལཾ… ཨཝིཛྫཱཡ ཨཀམྤིཡམཎྜོ པཉྙཱབལཾ.

ཨདྷིམོཀྑམཎྜོ ¶ སདྡྷིནྡྲིཡཾ… པགྒཧམཎྜོ ཝཱིརིཡིནྡྲིཡཾ… ཨུཔཊྛཱནམཎྜོ སཏིནྡྲིཡཾ… ཨཝིཀྑེཔམཎྜོ ¶ སམཱདྷིནྡྲིཡཾ… དསྶནམཎྜོ པཉྙིནྡྲིཡཾ.

ཨཱདྷིཔཏེཡྻཊྛེན ཨིནྡྲིཡཱ མཎྜོ, ཨཀམྤིཡཊྛེན བལཱ མཎྜོ, ནིཡྻཱནཊྛེན བོཛ྄ཛྷངྒཱ མཎྜོ, ཧེཏུཊྛེན མགྒོ མཎྜོ, ཨུཔཊྛཱནཊྛེན སཏིཔཊྛཱནཱ མཎྜོ, པདཧནཊྛེན སམྨཔྤདྷཱནཱ མཎྜོ, ཨིཛ྄ཛྷནཊྛེན ཨིདྡྷིཔཱདཱ མཎྜོ, ཏཐཊྛེན སཙྩཱ མཎྜོ, ཨཝིཀྑེཔཊྛེན སམཐོ མཎྜོ, ཨནུཔསྶནཊྛེན ཝིཔསྶནཱ མཎྜོ, ཨེཀརསཊྛེན སམཐཝིཔསྶནཱ མཎྜོ, ཨནཏིཝཏྟནཊྛེན ཡུགནདྡྷཱ མཎྜོ, སཾཝརཊྛེན སཱིལཝིསུདྡྷི མཎྜོ, ཨཝིཀྑེཔཊྛེན ཙིཏྟཝིསུདྡྷི མཎྜོ, དསྶནཊྛེན དིཊྛིཝིསུདྡྷི མཎྜོ, མུཏྟཊྛེན ¶ ཝིམོཀྑོ ¶ མཎྜོ, པཊིཝེདྷཊྛེན ཝིཛྫཱ མཎྜོ, པརིཙྩཱགཊྛེན ཝིམུཏྟི མཎྜོ, སམུཙྪེདཊྛེན ཁཡེ ཉཱཎཾ མཎྜོ, པཊིཔྤསྶདྡྷཊྛེན ཨནུཔྤཱདེ ཉཱཎཾ མཎྜོ, ཚནྡོ མཱུལཊྛེན མཎྜོ, མནསིཀཱརོ སམུཊྛཱནཊྛེན མཎྜོ, ཕསྶོ སམོདྷཱནཊྛེན མཎྜོ, ཝེདནཱ སམོསརཎཊྛེན མཎྜོ, སམཱདྷི པམུཁཊྛེན མཎྜོ, སཏི ཨཱདྷིཔཏེཡྻཊྛེན མཎྜོ, པཉྙཱ ཏཏུཏྟརཊྛེན མཎྜོ, ཝིམུཏྟི སཱརཊྛེན མཎྜོ, ཨམཏོགདྷཾ ནིབྦཱནཾ པརིཡོསཱནཊྛེན མཎྜོཏི.

ཙཏུཏྠབྷཱཎཝཱརོ.

མཎྜཔེཡྻཀཐཱ ནིཊྛིཏཱ.

མཧཱཝགྒོ པཋམོ.

ཏསྶུདྡཱནཾ –

ཉཱཎདིཊྛཱི ¶ ཙ ཨསྶཱསཱ, ཨིནྡྲིཡཾ ཝིམོཀྑཔཉྩམཱ;

གཏིཀམྨཝིཔལླཱསཱ, མགྒོ མཎྜེན ཏེ དསཱཏི.

ཨེས ནིཀཱཡདྷརེཧི ཋཔིཏོ, ཨསམོ [ཨསྶམོ (སྱཱ.)] པཋམོ པཝརོ

ཝརཝགྒོཏི [ཝརམགྒོཏི (སྱཱ.)].

༢. ཡུགནདྡྷཝགྒོ

༡. ཡུགནདྡྷཀཐཱ

༡. ཨེཝཾ ¶ ¶ ¶ མེ སུཏཾ – ཨེཀཾ སམཡཾ ཨཱཡསྨཱ ཨཱནནྡོ ཀོསམྦིཡཾ ཝིཧརཏི གྷོསིཏཱརཱམེ. ཏཏྲ ཁོ ཨཱཡསྨཱ ཨཱནནྡོ བྷིཀྑཱུ ཨཱམནྟེསི – ‘‘ཨཱཝུསོ བྷིཀྑཝོ’’ཏི. ‘‘ཨཱཝུསོ’’ཏི ཁོ ཏེ བྷིཀྑཱུ ཨཱཡསྨཏོ ཨཱནནྡསྶ པཙྩསྶོསུཾ. ཨཱཡསྨཱ ཨཱནནྡོ ཨེཏདཝོཙ –

‘‘ཡོ ཧི ཀོཙི, ཨཱཝུསོ, བྷིཀྑུ ཝཱ བྷིཀྑུནཱི ཝཱ མམ སནྟིཀེ ཨརཧཏྟཔཏྟཾ [ཨརཧཏྟཾ (སྱཱ.), ཨརཧཏྟཔཏྟིཾ ཨ. ནི. ༤.༡༧༠] བྱཱཀརོཏི, སབྦསོ ཙཏཱུཧི མགྒེཧི ཨེཏེསཾ ཝཱ ཨཉྙཏརེན. ཀཏམེཧི ཙཏཱུཧི?

‘‘ཨིདྷཱཝུསོ, བྷིཀྑུ སམཐཔུབྦངྒམཾ ཝིཔསྶནཾ བྷཱཝེཏི. ཏསྶ སམཐཔུབྦངྒམཾ ཝིཔསྶནཾ བྷཱཝཡཏོ མགྒོ སཉྫཱཡཏི. སོ ཏཾ མགྒཾ ཨཱསེཝཏི བྷཱཝེཏི བཧུལཱིཀརོཏི [བཧུལིཾ ཀརོཏི (ཀ.) ཨ. ནི. ༤.༡༧༠ པསྶིཏབྦཱ]. ཏསྶ ཏཾ མགྒཾ ཨཱསེཝཏོ བྷཱཝཡཏོ བཧུལཱིཀརོཏོ སཉྙོཛནཱནི པཧཱིཡནྟི, ཨནུསཡཱ བྱནྟཱིཧོནྟི.

‘‘པུན ཙཔརཾ, ཨཱཝུསོ, བྷིཀྑུ ཝིཔསྶནཱཔུབྦངྒམཾ སམཐཾ བྷཱཝེཏི. ཏསྶ ཝིཔསྶནཱཔུབྦངྒམཾ སམཐཾ བྷཱཝཡཏོ མགྒོ སཉྫཱཡཏི. སོ ཏཾ ¶ མགྒཾ ཨཱསེཝཏི བྷཱཝེཏི བཧུལཱིཀརོཏི. ཏསྶ ཏཾ མགྒཾ ཨཱསེཝཏོ བྷཱཝཡཏོ བཧུལཱིཀརོཏོ སཉྙོཛནཱནི པཧཱིཡནྟི, ཨནུསཡཱ བྱནྟཱིཧོནྟི.

‘‘པུན ཙཔརཾ, ཨཱཝུསོ, བྷིཀྑུ སམཐཝིཔསྶནཾ ཡུགནདྡྷཾ [ཡུགནནྡྷཾ (ཀ. སཱི. ཨཊྛ.)] བྷཱཝེཏི. ཏསྶ སམཐཝིཔསྶནཾ ཡུགནདྡྷཾ ¶ བྷཱཝཡཏོ མགྒོ སཉྫཱཡཏི. སོ ཏཾ མགྒཾ ཨཱསེཝཏི བྷཱཝེཏི བཧུལཱིཀརོཏི. ཏསྶ ཏཾ མགྒཾ ཨཱསེཝཏོ བྷཱཝཡཏོ ¶ བཧུལཱིཀརོཏོ སཉྙོཛནཱནི པཧཱིཡནྟི, ཨནུསཡཱ བྱནྟཱིཧོནྟི.

‘‘པུན ཙཔརཾ, ཨཱཝུསོ, བྷིཀྑུནོ དྷམྨུདྡྷཙྩཝིགྒཧིཏཾ མཱནསཾ ཧོཏི. སོ, ཨཱཝུསོ, སམཡོ ཡཾ ཏཾ ཙིཏྟཾ ཨཛ྄ཛྷཏྟམེཝ [ཨཛ྄ཛྷཏྟཉྙེཝ (སྱཱ. ཀ.)] སནྟིཊྛཏི སནྣིསཱིདཏི ཨེཀོདི ¶ ཧོཏི སམཱདྷིཡཏི. ཏསྶ མགྒོ སཉྫཱཡཏི. སོ ཏཾ མགྒཾ ཨཱསེཝཏི བྷཱཝེཏི བཧུལཱིཀརོཏི. ཏསྶ ཏཾ མགྒཾ ཨཱསེཝཏོ བྷཱཝཡཏོ བཧུལཱིཀརོཏོ སཉྙོཛནཱནི པཧཱིཡནྟི, ཨནུསཡཱ བྱནྟཱིཧོནྟི.

‘‘ཡོ ཧི ཀོཙི, ཨཱཝུསོ, བྷིཀྑུ ཝཱ བྷིཀྑུནཱི ཝཱ མམ སནྟིཀེ ཨརཧཏྟཔཏྟཾ བྱཱཀརོཏི, སབྦསོ ཨིམེཧི ཙཏཱུཧི མགྒེཧི, ཨེཏེསཾ ཝཱ ཨཉྙཏརེནཱ’’ཏི.

༡. སུཏྟནྟནིདྡེསོ

༢. ཀཐཾ སམཐཔུབྦངྒམཾ ཝིཔསྶནཾ བྷཱཝེཏི? ནེཀྑམྨཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི. ཏཏྠ ཛཱཏེ དྷམྨེ ཨནིཙྩཏོ ཨནུཔསྶནཊྛེན ཝིཔསྶནཱ, དུཀྑཏོ ཨནུཔསྶནཊྛེན ཝིཔསྶནཱ, ཨནཏྟཏོ ¶ ཨནུཔསྶནཊྛེན ཝིཔསྶནཱ. ཨིཏི པཋམཾ སམཐོ, པཙྪཱ ཝིཔསྶནཱ. ཏེན ཝུཙྩཏི – ‘‘སམཐཔུབྦངྒམཾ ཝིཔསྶནཾ བྷཱཝེཏཱི’’ཏི. བྷཱཝེཏཱིཏི ཙཏསྶོ བྷཱཝནཱ – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ, ཨིནྡྲིཡཱནཾ ཨེཀརསཊྛེན བྷཱཝནཱ, ཏདུཔགཝཱིརིཡཝཱཧནཊྛེན བྷཱཝནཱ, ཨཱསེཝནཊྛེན བྷཱཝནཱ.

མགྒོ སཉྫཱཡཏཱིཏི ཀཐཾ མགྒོ སཉྫཱཡཏི? དསྶནཊྛེན སམྨཱདིཊྛི མགྒོ སཉྫཱཡཏི, ཨབྷིནིརོཔནཊྛེན སམྨཱསངྐཔྤོ མགྒོ སཉྫཱཡཏི, པརིགྒཧཊྛེན སམྨཱཝཱཙཱ མགྒོ སཉྫཱཡཏི, སམུཊྛཱནཊྛེན སམྨཱཀམྨནྟོ མགྒོ སཉྫཱཡཏི, ཝོདཱནཊྛེན སམྨཱཨཱཛཱིཝོ མགྒོ སཉྫཱཡཏི, པགྒཧཊྛེན སམྨཱཝཱཡཱམོ མགྒོ སཉྫཱཡཏི, ཨུཔཊྛཱནཊྛེན སམྨཱསཏི མགྒོ སཉྫཱཡཏི, ཨཝིཀྑེཔཊྛེན སམྨཱསམཱདྷི མགྒོ སཉྫཱཡཏི – ཨེཝཾ མགྒོ སཉྫཱཡཏི.

སོ ཏཾ མགྒཾ ཨཱསེཝཏི བྷཱཝེཏི བཧུལཱིཀརོཏི ཨཱསེཝཏཱིཏི ཀཐཾ ཨཱསེཝཏི? ཨཱཝཛྫནྟོ ཨཱསེཝཏི, ཛཱནནྟོ ཨཱསེཝཏི, པསྶནྟོ ཨཱསེཝཏི, པཙྩཝེཀྑནྟོ ཨཱསེཝཏི, ཙིཏྟཾ ¶ ཨདྷིཊྛཧནྟོ ཨཱསེཝཏི, སདྡྷཱཡ ཨདྷིམུཙྩནྟོ ཨཱསེཝཏི, ཝཱིརིཡཾ པགྒཎྷནྟོ ཨཱསེཝཏི, སཏིཾ ཨུཔཊྛཱཔེནྟོ ཨཱསེཝཏི, ཙིཏྟཾ སམཱདཧནྟོ ཨཱསེཝཏི, པཉྙཱཡ པཛཱནནྟོ ཨཱསེཝཏི, ཨབྷིཉྙེཡྻཾ ¶ ཨབྷིཛཱནནྟོ ཨཱསེཝཏི, པརིཉྙེཡྻཾ པརིཛཱནནྟོ ཨཱསེཝཏི, པཧཱཏབྦཾ པཛཧནྟོ ཨཱསེཝཏི ¶ , བྷཱཝེཏབྦཾ ¶ བྷཱཝེནྟོ ཨཱསེཝཏི, སཙྪིཀཱཏབྦཾ སཙྪིཀརོནྟོ ཨཱསེཝཏི – ཨེཝཾ ཨཱསེཝཏི.

བྷཱཝེཏཱིཏི ཀཐཾ བྷཱཝེཏི? ཨཱཝཛྫནྟོ བྷཱཝེཏི, ཛཱནནྟོ བྷཱཝེཏི, པསྶནྟོ བྷཱཝེཏི, པཙྩཝེཀྑནྟོ བྷཱཝེཏི, ཙིཏྟཾ ཨདྷིཊྛཧནྟོ བྷཱཝེཏི, སདྡྷཱཡ ཨདྷིམུཙྩནྟོ བྷཱཝེཏི, ཝཱིརིཡཾ པགྒཎྷནྟོ བྷཱཝེཏི, སཏིཾ ཨུཔཊྛཱཔེནྟོ བྷཱཝེཏི, ཙིཏྟཾ སམཱདཧནྟོ བྷཱཝེཏི, པཉྙཱཡ པཛཱནནྟོ བྷཱཝེཏི, ཨབྷིཉྙེཡྻཾ ཨབྷིཛཱནནྟོ བྷཱཝེཏི, པརིཉྙེཡྻཾ པརིཛཱནནྟོ བྷཱཝེཏི, པཧཱཏབྦཾ པཛཧནྟོ བྷཱཝེཏི, བྷཱཝེཏབྦཾ བྷཱཝེནྟོ བྷཱཝེཏི, སཙྪིཀཱཏབྦཾ སཙྪིཀརོནྟོ བྷཱཝེཏི – ཨེཝཾ བྷཱཝེཏི.

བཧུལཱིཀརོཏཱིཏི ཀཐཾ བཧུལཱིཀརོཏི? ཨཱཝཛྫནྟོ བཧུལཱིཀརོཏི, ཛཱནནྟོ བཧུལཱིཀརོཏི, པསྶནྟོ བཧུལཱིཀརོཏི, པཙྩཝེཀྑནྟོ བཧུལཱིཀརོཏི, ཙིཏྟཾ ཨདྷིཊྛཧནྟོ བཧུལཱིཀརོཏི, སདྡྷཱཡ ཨདྷིམུཙྩནྟོ བཧུལཱིཀརོཏི, ཝཱིརིཡཾ པགྒཎྷནྟོ བཧུལཱིཀརོཏི, སཏིཾ ཨུཔཊྛཱཔེནྟོ བཧུལཱིཀརོཏི, ཙིཏྟཾ སམཱདཧནྟོ བཧུལཱིཀརོཏི, པཉྙཱཡ པཛཱནནྟོ བཧུལཱིཀརོཏི, ཨབྷིཉྙེཡྻཾ ཨབྷིཛཱནནྟོ བཧུལཱིཀརོཏི, པརིཉྙེཡྻཾ པརིཛཱནནྟོ བཧུལཱིཀརོཏི, པཧཱཏབྦཾ པཛཧནྟོ བཧུལཱིཀརོཏི, བྷཱཝེཏབྦཾ བྷཱཝེནྟོ བཧུལཱིཀརོཏི, སཙྪིཀཱཏབྦཾ སཙྪིཀརོནྟོ བཧུལཱིཀརོཏི – ཨེཝཾ བཧུལཱིཀརོཏི.

ཏསྶ ཏཾ མགྒཾ ཨཱསེཝཏོ བྷཱཝཡཏོ བཧུལཱིཀརོཏོ སཉྙོཛནཱནི པཧཱིཡནྟི ¶ ཨནུསཡཱ བྱནྟཱིཧོནྟཱིཏི ཀཐཾ སཉྙོཛནཱནི པཧཱིཡནྟི, ཨནུསཡཱ བྱནྟཱིཧོནྟི? སོཏཱཔཏྟིམགྒེན, སཀྐཱཡདིཊྛི, ཝིཙིཀིཙྪཱ, སཱིལབྦཏཔརཱམཱསོ – ཨིམཱནི ཏཱིཎི སཉྙོཛནཱནི པཧཱིཡནྟི; དིཊྛཱནུསཡོ, ཝིཙིཀིཙྪཱནུསཡོ – ཨིམེ དྭེ ཨནུསཡཱ བྱནྟཱིཧོནྟི. སཀདཱགཱམིམགྒེན ཨོལཱ༹རིཀཾ ཀཱམརཱགསཉྙོཛནཾ, པཊིགྷསཉྙོཛནཾ – ཨིམཱནི དྭེ སཉྙོཛནཱནི པཧཱིཡནྟི; ཨོལཱ༹རིཀོ ཀཱམརཱགཱནུསཡོ, པཊིགྷཱནུསཡོ – ཨིམེ དྭེ ཨནུསཡཱ བྱནྟཱིཧོནྟི. ཨནཱགཱམིམགྒེན ཨནུསཧགཏཾ ཀཱམརཱགསཉྙོཛནཾ, པཊིགྷསཉྙོཛནཾ ¶ – ཨིམཱནི དྭེ སཉྙོཛནཱནི པཧཱིཡནྟི; ཨནུསཧགཏོ ཀཱམརཱགཱནུསཡོ, པཊིགྷཱནུསཡོ – ཨིམེ དྭེ ཨནུསཡཱ བྱནྟཱིཧོནྟི. ཨརཧཏྟམགྒེན རཱུཔརཱགོ, ཨརཱུཔརཱགོ, མཱནོ, ཨུདྡྷཙྩཾ, ཨཝིཛྫཱ – ཨིམཱནི པཉྩ སཉྙོཛནཱནི པཧཱིཡནྟི; མཱནཱནུསཡོ, བྷཝརཱགཱནུསཡོ ¶ , ཨཝིཛྫཱནུསཡོ – ཨིམེ ཏཡོ ཨནུསཡཱ བྱནྟཱིཧོནྟི. ཨེཝཾ སཉྙོཛནཱནི པཧཱིཡནྟི, ཨནུསཡཱ བྱནྟཱིཧོནྟི.

༣. ཨབྱཱཔཱདཝསེན ¶ ཙིཏྟསྶ ཨེཀགྒཏཱ ཨཝིཀྑེཔོ སམཱདྷི…པེ… ཨཱལོཀསཉྙཱཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི…པེ… པཊིནིསྶགྒཱནུཔསྶཱི ཨསྶཱསཝསེན པཊིནིསྶགྒཱནུཔསྶཱི པསྶཱསཝསེན ཙིཏྟསྶ ཨེཀགྒཏཱ ཨཝིཀྑེཔོ སམཱདྷི. ཏཏྠ ཛཱཏེ དྷམྨེ ཨནིཙྩཏོ ཨནུཔསྶནཊྛེན ཝིཔསྶནཱ, དུཀྑཏོ ཨནུཔསྶནཊྛེན ཝིཔསྶནཱ, ཨནཏྟཏོ ¶ ཨནུཔསྶནཊྛེན ཝིཔསྶནཱ. ཨིཏི པཋམཾ སམཐོ, པཙྪཱ ཝིཔསྶནཱ. ཏེན ཝུཙྩཏི – ‘‘སམཐཔུབྦངྒམཾ ཝིཔསྶནཾ བྷཱཝེཏཱི’’ཏི. བྷཱཝེཏཱིཏི ཙཏསྶོ བྷཱཝནཱ – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ, ཨིནྡྲིཡཱནཾ ཨེཀརསཊྛེན བྷཱཝནཱ, ཏདུཔགཝཱིརིཡཝཱཧནཊྛེན བྷཱཝནཱ, ཨཱསེཝནཊྛེན བྷཱཝནཱ.

མགྒོ སཉྫཱཡཏཱིཏི ཀཐཾ མགྒོ སཉྫཱཡཏི? དསྶནཊྛེན སམྨཱདིཊྛི མགྒོ སཉྫཱཡཏི, ཨབྷིནིརོཔནཊྛེན སམྨཱསངྐཔྤོ མགྒོ སཉྫཱཡཏི…པེ… ཨཝིཀྑེཔཊྛེན སམྨཱསམཱདྷི མགྒོ སཉྫཱཡཏི. ཨེཝཾ མགྒོ སཉྫཱཡཏི.

སོ ཏཾ མགྒཾ ཨཱསེཝཏི བྷཱཝེཏི བཧུལཱིཀརོཏི ཨཱསེཝཏཱིཏི ཀཐཾ ཨཱསེཝཏི? ཨཱཝཛྫནྟོ ཨཱསེཝཏི…པེ… སཙྪིཀཱཏབྦཾ སཙྪིཀརོནྟོ ཨཱསེཝཏི, ཨེཝཾ ཨཱསེཝཏི. བྷཱཝེཏཱིཏི ཀཐཾ བྷཱཝེཏི? ཨཱཝཛྫནྟོ བྷཱཝེཏི, ཛཱནནྟོ བྷཱཝེཏི…པེ… སཙྪིཀཱཏབྦཾ སཙྪིཀརོནྟོ བྷཱཝེཏི, ཨེཝཾ བྷཱཝེཏི. བཧུལཱིཀརོཏཱིཏི ཀཐཾ བཧུལཱིཀརོཏི? ཨཱཝཛྫནྟོ བཧུལཱིཀརོཏི, ཛཱནནྟོ བཧུལཱིཀརོཏི…པེ… སཙྪིཀཱཏབྦཾ སཙྪིཀརོནྟོ བཧུལཱིཀརོཏི, ཨེཝཾ བཧུལཱིཀརོཏི.

ཏསྶ ཏཾ མགྒཾ ཨཱསེཝཏོ བྷཱཝཡཏོ བཧུལཱིཀརོཏོ སཉྙོཛནཱནི པཧཱིཡནྟི, ཨནུསཡཱ བྱནྟཱིཧོནྟཱིཏི ཀཐཾ སཉྙོཛནཱ པཧཱིཡནྟི, ཨནུསཡཱ བྱནྟཱིཧོནྟི? སོཏཱཔཏྟིམགྒེན ¶ ¶ སཀྐཱཡདིཊྛི ཝིཙིཀིཙྪཱ སཱིལབྦཏཔརཱམཱསོ – ཨིམཱནི ཏཱིཎི སཉྙོཛནཱནི པཧཱིཡནྟི; དིཊྛཱནུསཡོ, ཝིཙིཀིཙྪཱནུསཡོ – ཨིམེ དྭེ ཨནུསཡཱ བྱནྟཱིཧོནྟི. སཀདཱགཱམིམགྒེན ཨོལཱ༹རིཀཾ ཀཱམརཱགསཉྙོཛནཾ, པཊིགྷསཉྙོཛནཾ – ཨིམཱནི དྭེ སཉྙོཛནཱནི པཧཱིཡནྟི; ཨོལཱ༹རིཀོ ཀཱམརཱགཱནུསཡོ པཊིགྷཱནུསཡོ ¶ – ཨིམེ དྭེ ཨནུསཡཱ བྱནྟཱིཧོནྟི. ཨནཱགཱམིམགྒེན ཨནུསཧགཏཾ ཀཱམརཱགསཉྙོཛནཾ, པཊིགྷསཉྙོཛནཾ – ཨིམཱནི དྭེ སཉྙོཛནཱནི པཧཱིཡནྟི; ཨནུསཧགཏོ ཀཱམརཱགཱནུསཡོ, པཊིགྷཱནུསཡོ – ཨིམེ དྭེ ཨནུསཡཱ བྱནྟཱིཧོནྟི. ཨརཧཏྟམགྒེན རཱུཔརཱགོ, ཨརཱུཔརཱགོ, མཱནོ, ཨུདྡྷཙྩཾ, ཨཝིཛྫཱ – ཨིམཱནི པཉྩ སཉྙོཛནཱནི པཧཱིཡནྟི; མཱནཱནུསཡོ, བྷཝརཱགཱནུསཡོ, ཨཝིཛྫཱནུསཡོ – ཨིམེ ཏཡོ ཨནུསཡཱ ¶ བྱནྟཱིཧོནྟི. ཨེཝཾ སཉྙོཛནཱནི པཧཱིཡནྟི, ཨནུསཡཱ བྱནྟཱིཧོནྟི. ཨེཝཾ སམཐཔུབྦངྒམཾ ཝིཔསྶནཾ བྷཱཝེཏི.

༤. ཀཐཾ ཝིཔསྶནཱཔུབྦངྒམཾ སམཐཾ བྷཱཝེཏི? ཨནིཙྩཏོ ཨནུཔསྶནཊྛེན ཝིཔསྶནཱ, དུཀྑཏོ ཨནུཔསྶནཊྛེན ཝིཔསྶནཱ, ཨནཏྟཏོ ཨནུཔསྶནཊྛེན ཝིཔསྶནཱ. ཏཏྠ ཛཱཏཱནཾ དྷམྨཱནཉྩ ཝོསགྒཱརམྨཎཏཱ [ཝོསྶགྒཱརམྨཎཏཱ (སྱཱ. ཀ.)] ཙིཏྟསྶ ཨེཀགྒཏཱ ཨཝིཀྑེཔོ. སམཱདྷི ཨིཏི པཋམཾ ཝིཔསྶནཱ, པཙྪཱ སམཐོ. ཏེན ཝུཙྩཏི – ‘‘ཝིཔསྶནཱཔུབྦངྒམཾ སམཐཾ བྷཱཝེཏཱི’’ཏི. བྷཱཝེཏཱིཏི ¶ ཙཏསྶོ བྷཱཝནཱ – ཨཱསེཝནཊྛེན བྷཱཝནཱ…པེ… མགྒོ སཉྫཱཡཏཱིཏི ཀཐཾ མགྒོ སཉྫཱཡཏི…པེ… ཨེཝཾ མགྒོ སཉྫཱཡཏི. ཨེཝཾ སཉྙོཛནཱནི པཧཱིཡནྟི, ཨནུསཡཱ བྱནྟཱིཧོནྟི.

རཱུཔཾ ཨནིཙྩཏོ ཨནུཔསྶནཊྛེན ཝིཔསྶནཱ, རཱུཔཾ དུཀྑཏོ ཨནུཔསྶནཊྛེན ཝིཔསྶནཱ, རཱུཔཾ ཨནཏྟཏོ ཨནུཔསྶནཊྛེན ཝིཔསྶནཱ. ཏཏྠ ཛཱཏཱནཾ དྷམྨཱནཉྩ ཝོསགྒཱརམྨཎཏཱ ཙིཏྟསྶ ཨེཀགྒཏཱ ཨཝིཀྑེཔོ སམཱདྷི. ཨིཏི པཋམཾ ཝིཔསྶནཱ, པཙྪཱ སམཐོ. ཏེན ཝུཙྩཏི – ‘‘ཝིཔསྶནཱཔུབྦངྒམཾ སམཐཾ བྷཱཝེཏཱི’’ཏི. བྷཱཝེཏཱིཏི ཙཏསྶོ བྷཱཝནཱ – ཨཱསེཝནཊྛེན བྷཱཝནཱ…པེ… མགྒོ སཉྫཱཡཏཱིཏི ཀཐཾ མགྒོ སཉྫཱཡཏི…པེ… ཨེཝཾ མགྒོ སཉྫཱཡཏི. ཨེཝཾ སཉྙོཛནཱནི པཧཱིཡནྟི, ཨནུསཡཱ བྱནྟཱིཧོནྟི.

ཝེདནཾ…པེ… སཉྙཾ ¶ … སངྑཱརེ… ཝིཉྙཱཎཾ… ཙཀྑུཾ…པེ… ཛརཱམརཎཾ ཨནིཙྩཏོ ཨནུཔསྶནཊྛེན ཝིཔསྶནཱ, ཛརཱམརཎཾ དུཀྑཏོ…པེ… ཨནཏྟཏོ ཨནུཔསྶནཊྛེན ཝིཔསྶནཱ. ཏཏྠ ཛཱཏཱནཾ དྷམྨཱནཉྩ ཝོསགྒཱརམྨཎཏཱ ཙིཏྟསྶ ཨེཀགྒཏཱ ཨཝིཀྑེཔོ སམཱདྷི. ཨིཏི པཋམཾ ཝིཔསྶནཱ, པཙྪཱ སམཐོ. ཏེན ཝུཙྩཏི – ‘‘ཝིཔསྶནཱཔུབྦངྒམཾ སམཐཾ བྷཱཝེཏཱི’’ཏི. བྷཱཝེཏཱིཏི ཙཏསྶོ བྷཱཝནཱ – ཨཱསེཝནཊྛེན བྷཱཝནཱ…པེ… མགྒོ སཉྫཱཡཏཱིཏི ཀཐཾ ¶ མགྒོ སཉྫཱཡཏི…པེ… ཨེཝཾ མགྒོ སཉྫཱཡཏི. ཨེཝཾ སཉྙོཛནཱནི པཧཱིཡནྟི, ཨནུསཡཱ བྱནྟཱིཧོནྟི. ཨེཝཾ ཝིཔསྶནཱཔུབྦངྒམཾ སམཐཾ ¶ བྷཱཝེཏི.

༥. ཀཐཾ སམཐཝིཔསྶནཾ ཡུགནདྡྷཾ བྷཱཝེཏི? སོལ༹སཧི ཨཱཀཱརེཧི སམཐཝིཔསྶནཾ ཡུགནདྡྷཾ བྷཱཝེཏི. ཨཱརམྨཎཊྛེན གོཙརཊྛེན པཧཱནཊྛེན པརིཙྩཱགཊྛེན ཝུཊྛཱནཊྛེན ཝིཝཊྚནཊྛེན སནྟཊྛེན པཎཱིཏཊྛེན ཝིམུཏྟཊྛེན ཨནཱསཝཊྛེན ཏརཎཊྛེན ཨནིམིཏྟཊྛེན ཨཔྤཎིཧིཏཊྛེན སུཉྙཏཊྛེན ཨེཀརསཊྛེན ཨནཏིཝཏྟནཊྛེན ཡུགནདྡྷཊྛེན.

ཀཐཾ ¶ ཨཱརམྨཎཊྛེན སམཐཝིཔསྶནཾ ཡུགནདྡྷཾ བྷཱཝེཏི? ཨུདྡྷཙྩཾ པཛཧཏོ ཙིཏྟསྶ ཨེཀགྒཏཱ ཨཝིཀྑེཔོ སམཱདྷི ནིརོདྷཱརམྨཎོ, ཨཝིཛྫཾ པཛཧཏོ ཨནུཔསྶནཊྛེན ཝིཔསྶནཱ ནིརོདྷཱརམྨཎཱ. ཨིཏི ཨཱརམྨཎཊྛེན སམཐཝིཔསྶནཱ ཨེཀརསཱ ཧོནྟི, ཡུགནདྡྷཱ ཧོནྟི, ཨཉྙམཉྙཾ ནཱཏིཝཏྟནྟཱིཏི. ཏེན ཝུཙྩཏི – ‘‘ཨཱརམྨཎཊྛེན སམཐཝིཔསྶནཾ ཡུགནདྡྷཾ བྷཱཝེཏཱི’’ཏི. བྷཱཝེཏཱིཏི ཙཏསྶོ བྷཱཝནཱ – ཨཱསེཝནཊྛེན བྷཱཝནཱ…པེ… མགྒོ སཉྫཱཡཏཱིཏི ཀཐཾ མགྒོ སཉྫཱཡཏི…པེ… ཨེཝཾ མགྒོ སཉྫཱཡཏི. ཨེཝཾ སཉྙོཛནཱནི པཧཱིཡནྟི, ཨནུསཡཱ བྱནྟཱིཧོནྟི. ཨེཝཾ ཨཱརམྨཎཊྛེན སམཐཝིཔསྶནཾ ཡུགནདྡྷཾ བྷཱཝེཏི.

ཀཐཾ གོཙརཊྛེན སམཐཝིཔསྶནཾ ཡུགནདྡྷཾ བྷཱཝེཏི? ཨུདྡྷཙྩཾ པཛཧཏོ ཙིཏྟསྶ ཨེཀགྒཏཱ ཨཝིཀྑེཔོ སམཱདྷི ནིརོདྷགོཙརོ, ཨཝིཛྫཾ པཛཧཏོ ཨནུཔསྶནཊྛེན ཝིཔསྶནཱ ནིརོདྷགོཙརཱ. ཨིཏི གོཙརཊྛེན ¶ སམཐཝིཔསྶནཱ ཨེཀརསཱ ཧོནྟི, ཡུགནདྡྷཱ ཧོནྟི, ཨཉྙམཉྙཾ ནཱཏིཝཏྟནྟཱིཏི ¶ . ཏེན ཝུཙྩཏི – ‘‘གོཙརཊྛེན སམཐཝིཔསྶནཾ ཡུགནདྡྷཾ བྷཱཝེཏཱི’’ཏི.

ཀཐཾ པཧཱནཊྛེན སམཐཝིཔསྶནཾ ཡུགནདྡྷཾ བྷཱཝེཏི? ཨུདྡྷཙྩསཧགཏཀིལེསེ ཙ ཁནྡྷེ ཙ པཛཧཏོ ཙིཏྟསྶ ཨེཀགྒཏཱ ཨཝིཀྑེཔོ སམཱདྷི ནིརོདྷགོཙརོ, ཨཝིཛྫཱསཧགཏཀིལེསེ ཙ ཁནྡྷེ ཙ པཛཧཏོ ཨནུཔསྶནཊྛེན ཝིཔསྶནཱ ནིརོདྷགོཙརཱ. ཨིཏི པཧཱནཊྛེན སམཐཝིཔསྶནཱ ཨེཀརསཱ ཧོནྟི, ཡུགནདྡྷཱ ཧོནྟི, ཨཉྙམཉྙཾ ནཱཏིཝཏྟནྟཱིཏི. ཏེན ཝུཙྩཏི – ‘‘པཧཱནཊྛེན སམཐཝིཔསྶནཾ ཡུགནདྡྷཾ བྷཱཝེཏཱི’’ཏི.

ཀཐཾ པརིཙྩཱགཊྛེན སམཐཝིཔསྶནཾ ཡུགནདྡྷཾ བྷཱཝེཏི? ཨུདྡྷཙྩསཧགཏཀིལེསེ ཙ ཁནྡྷེ ཙ པརིཙྩཛཏོ ཙིཏྟསྶ ཨེཀགྒཏཱ ཨཝིཀྑེཔོ སམཱདྷི ནིརོདྷགོཙརོ, ཨཝིཛྫཱསཧགཏཀིལེསེ ཙ ཁནྡྷེ ཙ པརིཙྩཛཏོ ཨནུཔསྶནཊྛེན ¶ ཝིཔསྶནཱ ནིརོདྷགོཙརཱ. ཨིཏི པརིཙྩཱགཊྛེན སམཐཝིཔསྶནཱ ཨེཀརསཱ ཧོནྟི, ཡུགནདྡྷཱ ཧོནྟི, ཨཉྙམཉྙཾ ནཱཏིཝཏྟནྟཱིཏི. ཏེན ཝུཙྩཏི – ‘‘པརིཙྩཱགཊྛེན སམཐཝིཔསྶནཾ ཡུགནདྡྷཾ བྷཱཝེཏཱི’’ཏི.

ཀཐཾ ཝུཊྛཱནཊྛེན སམཐཝིཔསྶནཾ ཡུགནདྡྷཾ བྷཱཝེཏི? ཨུདྡྷཙྩསཧགཏཀིལེསེཧི ཙ ཁནྡྷེཧི ཙ ཝུཊྛཧཏོ ཙིཏྟསྶ ཨེཀགྒཏཱ ཨཝིཀྑེཔོ སམཱདྷི ནིརོདྷགོཙརོ, ཨཝིཛྫཱསཧགཏཀིལེསེཧི ཙ ཁནྡྷེཧི ཙ ¶ ཝུཊྛཧཏོ ཨནུཔསྶནཊྛེན ཝིཔསྶནཱ ནིརོདྷགོཙརཱ. ཨིཏི ཝུཊྛཱནཊྛེན སམཐཝིཔསྶནཱ ཨེཀརསཱ ཧོནྟི, ཡུགནདྡྷཱ ཧོནྟི, ཨཉྙམཉྙཾ ནཱཏིཝཏྟནྟཱིཏི. ཏེན ཝུཙྩཏི – ‘‘ཝུཊྛཱནཊྛེན སམཐཝིཔསྶནཾ ཡུགནདྡྷཾ བྷཱཝེཏཱི’’ཏི.

ཀཐཾ ¶ ཝིཝཊྚནཊྛེན སམཐཝིཔསྶནཾ ཡུགནདྡྷཾ བྷཱཝེཏི? ཨུདྡྷཙྩསཧགཏཀིལེསེཧི ཙ ཁནྡྷེཧི ཙ ཝིཝཊྚཏོ ཙིཏྟསྶ ཨེཀགྒཏཱ ཨཝིཀྑེཔོ སམཱདྷི ནིརོདྷགོཙརོ, ཨཝིཛྫཱསཧགཏཀིལེསེཧི ཙ ཁནྡྷེཧི ཙ ཝིཝཊྚཏོ ཨནུཔསྶནཊྛེན ཝིཔསྶནཱ ནིརོདྷགོཙརཱ. ཨིཏི ཝིཝཊྚནཊྛེན སམཐཝིཔསྶནཱ ཨེཀརསཱ ཧོནྟི, ཡུགནདྡྷཱ ཧོནྟི, ཨཉྙམཉྙཾ ནཱཏིཝཏྟནྟཱིཏི. ཏེན ཝུཙྩཏི – ‘‘ཝིཝཊྚནཊྛེན སམཐཝིཔསྶནཾ ཡུགནདྡྷཾ བྷཱཝེཏཱི’’ཏི.

ཀཐཾ སནྟཊྛེན སམཐཝིཔསྶནཾ ཡུགནདྡྷཾ བྷཱཝེཏི? ཨུདྡྷཙྩཾ པཛཧཏོ ཙིཏྟསྶ ཨེཀགྒཏཱ ཨཝིཀྑེཔོ སམཱདྷི སནྟོ ཧོནྟི ནིརོདྷགོཙརོ, ཨཝིཛྫཾ པཛཧཏོ ¶ ཨནུཔསྶནཊྛེན ཝིཔསྶནཱ སནྟཱ ཧོཏི ནིརོདྷགོཙརཱ. ཨིཏི སནྟཊྛེན སམཐཝིཔསྶནཱ ཨེཀརསཱ ཧོནྟི, ཡུགནདྡྷཱ ཧོནྟི, ཨཉྙམཉྙཾ ནཱཏིཝཏྟནྟཱིཏི. ཏེན ཝུཙྩཏི – ‘‘སནྟཊྛེན སམཐཝིཔསྶནཾ ཡུགནདྡྷཾ བྷཱཝེཏཱི’’ཏི.

ཀཐཾ པཎཱིཏཊྛེན སམཐཝིཔསྶནཾ ཡུགནདྡྷཾ བྷཱཝེཏི? ཨུདྡྷཙྩཾ པཛཧཏོ ཙིཏྟསྶ ཨེཀགྒཏཱ ཨཝིཀྑེཔོ སམཱདྷི པཎཱིཏོ ཧོཏི ནིརོདྷགོཙརོ, ཨཝིཛྫཾ པཛཧཏོ ཨནུཔསྶནཊྛེན ཝིཔསྶནཱ པཎཱིཏཱ ཧོཏི ནིརོདྷགོཙརཱ ¶ . ཨིཏི པཎཱིཏཊྛེན སམཐཝིཔསྶནཱ ཨེཀརསཱ ཧོནྟི, ཡུགནདྡྷཱ ཧོནྟི, ཨཉྙམཉྙཾ ནཱཏིཝཏྟནྟཱིཏི. ཏེན ཝུཙྩཏི – ‘‘པཎཱིཏཊྛེན སམཐཝིཔསྶནཾ ཡུགནདྡྷཾ བྷཱཝེཏཱི’’ཏི.

ཀཐཾ ཝིམུཏྟཊྛེན སམཐཝིཔསྶནཾ ཡུགནདྡྷཾ བྷཱཝེཏི? ཨུདྡྷཙྩཾ པཛཧཏོ ཙིཏྟསྶ ཨེཀགྒཏཱ ཨཝིཀྑེཔོ སམཱདྷི ཀཱམཱསཝཱ ཝིམུཏྟོ ཧོཏི ནིརོདྷགོཙརོ, ཨཝིཛྫཾ པཛཧཏོ ཨནུཔསྶནཊྛེན ཝིཔསྶནཱ ཨཝིཛྫཱསཝཱ ཝིམུཏྟཱ ¶ ཧོཏི ནིརོདྷགོཙརཱ. ཨིཏི རཱགཝིརཱགཱ ཙེཏོཝིམུཏྟི ཨཝིཛྫཱཝིརཱགཱ པཉྙཱ ཝིམུཏྟཊྛེན སམཐཝིཔསྶནཱ ཨེཀརསཱ ཧོནྟི, ཡུགནདྡྷཱ ཧོནྟི, ཨཉྙམཉྙཾ ནཱཏིཝཏྟནྟཱིཏི. ཏེན ཝུཙྩཏི – ‘‘ཝིམུཏྟཊྛེན སམཐཝིཔསྶནཾ ཡུགནདྡྷཾ བྷཱཝེཏཱི’’ཏི.

ཀཐཾ ཨནཱསཝཊྛེན སམཐཝིཔསྶནཾ ཡུགནདྡྷཾ བྷཱཝེཏི? ཨུདྡྷཙྩཾ པཛཧཏོ ཙིཏྟསྶ ཨེཀགྒཏཱ ཨཝིཀྑེཔོ སམཱདྷི ཀཱམཱསཝེན ཨནཱསཝོ ཧོཏི ནིརོདྷགོཙརོ, ཨཝིཛྫཾ པཛཧཏོ ཨནུཔསྶནཊྛེན ཝིཔསྶནཱ ཨཝིཛྫཱསཝེན ཨནཱསཝཱ ཧོཏི ནིརོདྷགོཙརཱ. ཨིཏི ཨནཱསཝཊྛེན སམཐཝིཔསྶནཱ ཨེཀརསཱ ཧོནྟི, ཡུགནདྡྷཱ ཧོནྟི, ཨཉྙམཉྙཾ ནཱཏིཝཏྟནྟཱིཏི. ཏེན ཝུཙྩཏི – ‘‘ཨནཱསཝཊྛེན སམཐཝིཔསྶནཾ ཡུགནདྡྷཾ བྷཱཝེཏཱི’’ཏི.

ཀཐཾ ¶ ཏརཎཊྛེན སམཐཝིཔསྶནཾ ཡུགནདྡྷཾ བྷཱཝེཏི? ཨུདྡྷཙྩསཧགཏཀིལེསེ ཙ ཁནྡྷེ ཙ ཏརཏོ ཙིཏྟསྶ ཨེཀགྒཏཱ ཨཝིཀྑེཔོ སམཱདྷི ནིརོདྷགོཙརོ, ཨཝིཛྫཱསཧགཏཀིལེསེ ཙ ཁནྡྷེ ཙ ཏརཏོ ཨནུཔསྶནཊྛེན ¶ ཝིཔསྶནཱ ནིརོདྷགོཙརཱ. ཨིཏི ཏརཎཊྛེན སམཐཝིཔསྶནཱ ཨེཀརསཱ ཧོནྟི, ཡུགནདྡྷཱ ཧོནྟི, ཨཉྙམཉྙཾ ནཱཏིཝཏྟནྟཱིཏི. ཏེན ཝུཙྩཏི – ‘‘ཏརཎཊྛེན སམཐཝིཔསྶནཾ ཡུགནདྡྷཾ བྷཱཝེཏཱི’’ཏི.

ཀཐཾ ཨནིམིཏྟཊྛེན སམཐཝིཔསྶནཾ ཡུགནདྡྷཾ ¶ བྷཱཝེཏི? ཨུདྡྷཙྩཾ པཛཧཏོ ཙིཏྟསྶ ཨེཀགྒཏཱ ཨཝིཀྑེཔོ སམཱདྷི སབྦནིམིཏྟེཧི ཨནིམིཏྟོ ཧོཏི ནིརོདྷགོཙརོ, ཨཝིཛྫཾ པཛཧཏོ ཨནུཔསྶནཊྛེན ཝིཔསྶནཱ སབྦནིམིཏྟེཧི ཨནིམིཏྟཱ ཧོཏི ནིརོདྷགོཙརཱ. ཨིཏི ཨནིམིཏྟཊྛེན སམཐཝིཔསྶནཱ ཨེཀརསཱ ཧོནྟི, ཡུགནདྡྷཱ ཧོནྟི, ཨཉྙམཉྙཾ ནཱཏིཝཏྟནྟཱིཏི. ཏེན ཝུཙྩཏི – ‘‘ཨནིམིཏྟཊྛེན སམཐཝིཔསྶནཾ ཡུགནདྡྷཾ བྷཱཝེཏཱི’’ཏི.

ཀཐཾ ཨཔྤཎིཧིཏཊྛེན སམཐཝིཔསྶནཾ ཡུགནདྡྷཾ བྷཱཝེཏི? ཨུདྡྷཙྩཾ པཛཧཏོ ཙིཏྟསྶ ཨེཀགྒཏཱ ཨཝིཀྑེཔོ སམཱདྷི སབྦཔཎིདྷཱིཧི ཨཔྤཎིཧིཏོ ཧོཏི ནིརོདྷགོཙརོ, ཨཝིཛྫཾ པཛཧཏོ ཨནུཔསྶནཊྛེན ཝིཔསྶནཱ སབྦཔཎིདྷཱིཧི ཨཔྤཎིཧིཏཱ ཧོཏི ནིརོདྷགོཙརཱ. ཨིཏི ཨཔྤཎིཧིཏཊྛེན སམཐཝིཔསྶནཱ ཨེཀརསཱ ཧོནྟི, ཡུགནདྡྷཱ ཧོནྟི, ཨཉྙམཉྙཾ ནཱཏིཝཏྟནྟཱིཏི. ཏེན ཝུཙྩཏི – ‘‘ཨཔྤཎིཧིཏཊྛེན སམཐཝིཔསྶནཾ ཡུགནདྡྷཾ བྷཱཝེཏཱི’’ཏི.

ཀཐཾ ¶ སུཉྙཏཊྛེན སམཐཝིཔསྶནཾ ཡུགནདྡྷཾ བྷཱཝེཏི? ཨུདྡྷཙྩཾ པཛཧཏོ ཙིཏྟསྶ ཨེཀགྒཏཱ ཨཝིཀྑེཔོ སམཱདྷི སབྦཱབྷིནིཝེསེཧི སུཉྙོ ཧོཏི ནིརོདྷགོཙརོ, ཨཝིཛྫཾ པཛཧཏོ ཨནུཔསྶནཊྛེན ཝིཔསྶནཱ ¶ སབྦཱབྷིནིཝེསེཧི སུཉྙཱ ཧོཏི ནིརོདྷགོཙརཱ. ཨིཏི སུཉྙཏཊྛེན སམཐཝིཔསྶནཱ ཨེཀརསཱ ཧོནྟི, ཡུགནདྡྷཱ ཧོནྟི, ཨཉྙམཉྙཾ ནཱཏིཝཏྟནྟཱིཏི. ཏེན ཝུཙྩཏི – ‘‘སུཉྙཏཊྛེན སམཐཝིཔསྶནཾ ཡུགནདྡྷཾ བྷཱཝེཏཱི’’ཏི. བྷཱཝེཏཱིཏི ཙཏསྶོ བྷཱཝནཱ – ཨཱསེཝནཊྛེན བྷཱཝནཱ…པེ… མགྒོ སཉྫཱཡཏཱིཏི ཀཐཾ མགྒོ སཉྫཱཡཏི…པེ… ཨེཝཾ མགྒོ སཉྫཱཡཏི. ཨེཝཾ སཉྙོཛནཱནི པཧཱིཡནྟི, ཨནུསཡཱ བྱནྟཱིཧོནྟི. ཨེཝཾ སུཉྙཏཊྛེན སམཐཝིཔསྶནཾ ཡུགནདྡྷཾ བྷཱཝེཏི. ཨིམེཧི སོལ༹སཧི ཨཱཀཱརེཧི སམཐཝིཔསྶནཾ ཡུགནདྡྷཾ བྷཱཝེཏི, ཨེཝཾ སམཐཝིཔསྶནཾ ཡུགནདྡྷཾ བྷཱཝེཏི.

སུཏྟནྟནིདྡེསོ.

༢. དྷམྨུདྡྷཙྩཝཱརནིདྡེསོ

༦. ཀཐཾ ¶ དྷམྨུདྡྷཙྩཝིགྒཧིཏཾ མཱནསཾ ཧོཏི? ཨནིཙྩཏོ མནསིཀརོཏོ ཨོབྷཱསོ ཨུཔྤཛྫཏི, ཨོབྷཱསོ ¶ དྷམྨོཏི ཨོབྷཱསཾ ཨཱཝཛྫཏི, ཏཏོ ཝིཀྑེཔོ ཨུདྡྷཙྩཾ. ཏེན ཨུདྡྷཙྩེན ཝིགྒཧིཏམཱནསོ ཨནིཙྩཏོ ཨུཔཊྛཱནཾ ཡཐཱབྷཱུཏཾ ནཔྤཛཱནཱཏི, དུཀྑཏོ ཨུཔཊྛཱནཾ ཡཐཱབྷཱུཏཾ ནཔྤཛཱནཱཏི, ཨནཏྟཏོ ཨུཔཊྛཱནཾ ཡཐཱབྷཱུཏཾ ནཔྤཛཱནཱཏི. ཏེན ཝུཙྩཏི – ‘‘དྷམྨུདྡྷཙྩཝིགྒཧིཏམཱནསོ ཧོཏི སོ སམཡོ, ཡཾ ཏཾ ཙིཏྟཾ ཨཛ྄ཛྷཏྟམེཝ སནྟིཊྛཏི སནྣིསཱིདཏི ཨེཀོདི ཧོཏི སམཱདྷིཡཏི ¶ . ཏསྶ མགྒོ སཉྫཱཡཏཱི’’ཏི ཀཐཾ མགྒོ སཉྫཱཡཏི…པེ… ཨེཝཾ མགྒོ སཉྫཱཡཏི, ཨེཝཾ སཉྙོཛནཱནི པཧཱིཡནྟི, ཨནུསཡཱ བྱནྟཱིཧོནྟི.

ཨནིཙྩཏོ མནསིཀརོཏོ ཉཱཎཾ ཨུཔྤཛྫཏི, པཱིཏི ཨུཔྤཛྫཏི, པསྶདྡྷི ཨུཔྤཛྫཏི, སུཁཾ ཨུཔྤཛྫཏི, ཨདྷིམོཀྑོ ཨུཔྤཛྫཏི, པགྒཧོ ཨུཔྤཛྫཏི, ཨུཔཊྛཱནཾ ཨུཔྤཛྫཏི, ཨུཔེཀྑཱ ཨུཔྤཛྫཏི, ནིཀནྟི ཨུཔྤཛྫཏི, ‘ནིཀནྟི དྷམྨོ’ཏི ནིཀནྟིཾ ཨཱཝཛྫཏི. ཏཏོ ཝིཀྑེཔོ ཨུདྡྷཙྩཾ. ཏེན ཨུདྡྷཙྩེན ཝིགྒཧིཏམཱནསོ ཨནིཙྩཏོ ཨུཔཊྛཱནཾ ཡཐཱབྷཱུཏཾ ནཔྤཛཱནཱཏི, དུཀྑཏོ ཨུཔཊྛཱནཾ ཡཐཱབྷཱུཏཾ ནཔྤཛཱནཱཏི, ཨནཏྟཏོ ཨུཔཊྛཱནཾ ཡཐཱབྷཱུཏཾ ནཔྤཛཱནཱཏི. ཏེན ཝུཙྩཏི – ‘‘དྷམྨུདྡྷཙྩཝིགྒཧིཏམཱནསོ ¶ ཧོཏི སོ སམཡོ, ཡཾ ཏཾ ཙིཏྟཾ ཨཛ྄ཛྷཏྟམེཝ སནྟིཊྛཏི སནྣིསཱིདཏི ཨེཀོདི ཧོཏི སམཱདྷིཡཏི. ཏསྶ མགྒོ སཉྫཱཡཏཱི’’ཏི. ཀཐཾ མགྒོ སཉྫཱཡཏི…པེ… ཨེཝཾ མགྒོ སཉྫཱཡཏི, ཨེཝཾ སཉྙོཛནཱནི པཧཱིཡནྟི, ཨནུསཡཱ བྱནྟཱིཧོནྟི.

དུཀྑཏོ མནསིཀརོཏོ…པེ… ཨནཏྟཏོ མནསིཀརོཏོ ཨོབྷཱསོ ཨུཔྤཛྫཏི…པེ… ཉཱཎཾ ཨུཔྤཛྫཏི, པཱིཏི ཨུཔྤཛྫཏི, པསྶདྡྷི ཨུཔྤཛྫཏི, སུཁཾ ཨུཔྤཛྫཏི, ཨདྷིམོཀྑོ ཨུཔྤཛྫཏི, པགྒཧོ ཨུཔྤཛྫཏི, ཨུཔཊྛཱནཾ ཨུཔྤཛྫཏི, ཨུཔེཀྑཱ ཨུཔྤཛྫཏི, ནིཀནྟི ཨུཔྤཛྫཏི, ‘ནིཀནྟི དྷམྨོ’ཏི ནིཀནྟིཾ ཨཱཝཛྫཏི. ཏཏོ ཝིཀྑེཔོ ཨུདྡྷཙྩཾ. ཏེན ཨུདྡྷཙྩེན ཝིགྒཧིཏམཱནསོ ¶ ཨནཏྟཏོ ཨུཔཊྛཱནཾ, ཨནིཙྩཏོ ཨུཔཊྛཱནཾ, དུཀྑཏོ ཨུཔཊྛཱནཾ ཡཐཱབྷཱུཏཾ ནཔྤཛཱནཱཏི ¶ . ཏེན ཝུཙྩཏི – ‘‘དྷམྨུདྡྷཙྩཝིགྒཧིཏམཱནསོ…པེ… ཨེཝཾ སཉྙོཛནཱནི པཧཱིཡནྟི, ཨནུསཡཱ བྱནྟཱིཧོནྟི’’.

རཱུཔཾ ཨནིཙྩཏོ མནསིཀརོཏོ…པེ… རཱུཔཾ དུཀྑཏོ མནསིཀརོཏོ… རཱུཔཾ ཨནཏྟཏོ མནསིཀརོཏོ… ཝེདནཾ…པེ… སཉྙཾ… སངྑཱརེ… ཝིཉྙཱཎཾ… ཙཀྑུཾ…པེ… ཛརཱམརཎཾ ཨནིཙྩཏོ ¶ མནསིཀརོཏོ…པེ… ཛརཱམརཎཾ དུཀྑཏོ མནསིཀརོཏོ, ཛརཱམརཎཾ ཨནཏྟཏོ མནསིཀརོཏོ ཨོབྷཱསོ ཨུཔྤཛྫཏི…པེ… ཉཱཎཾ ཨུཔྤཛྫཏི, པཱིཏི ཨུཔྤཛྫཏི, པསྶདྡྷི ཨུཔྤཛྫཏི, སུཁཾ ཨུཔྤཛྫཏི, ཨདྷིམོཀྑོ ཨུཔྤཛྫཏི, པགྒཧོ ཨུཔྤཛྫཏི, ཨུཔཊྛཱནཾ ཨུཔྤཛྫཏི, ཨུཔེཀྑཱ ཨུཔྤཛྫཏི, ནིཀནྟི ཨུཔྤཛྫཏི, ‘ནིཀནྟི དྷམྨོ’ཏི ནིཀནྟིཾ ཨཱཝཛྫཏི. ཏཏོ ཝིཀྑེཔོ ཨུདྡྷཙྩཾ. ཏེན ཨུདྡྷཙྩེན ཝིགྒཧིཏམཱནསོ. ཛརཱམརཎཾ ཨནཏྟཏོ ཨུཔཊྛཱནཾ ཡཐཱབྷཱུཏཾ ནཔྤཛཱནཱཏི. ཛརཱམརཎཾ ཨནིཙྩཏོ ཨུཔཊྛཱནཾ ཡཐཱབྷཱུཏཾ ནཔྤཛཱནཱཏི, ཛརཱམརཎཾ དུཀྑཏོ ཨུཔཊྛཱནཾ ཡཐཱབྷཱུཏཾ ནཔྤཛཱནཱཏི. ཏེན ཝུཙྩཏི – ‘‘དྷམྨུདྡྷཙྩཝིགྒཧིཏམཱནསོ ཧོཏི. སོ སམཡོ, ཡཾ ཏཾ ཙིཏྟཾ ཨཛ྄ཛྷཏྟམེཝ སནྟིཊྛཏི སནྣིསཱིདཏི ཨེཀོདི ཧོཏི སམཱདྷིཡཏི. ཏསྶ མགྒོ སཉྫཱཡཏཱི’’ཏི. ཀཐཾ མགྒོ སཉྫཱཡཏི…པེ… ཨེཝཾ མགྒོ སཉྫཱཡཏི. ཨེཝཾ སཉྙོཛནཱནི པཧཱིཡནྟི, ཨནུསཡཱ བྱནྟཱིཧོནྟི. ཨེཝཾ དྷམྨུདྡྷཙྩཝིགྒཧིཏཾ ¶ མཱནསཾ ཧོཏི.

༧.

ཨོབྷཱསེ ཙེཝ ཉཱཎེ ཙ, པཱིཏིཡཱ ཙ ཝིཀམྤཏི;

པསྶདྡྷིཡཱ སུཁེ ཙེཝ, ཡེཧི ཙིཏྟཾ པཝེདྷཏི.

ཨདྷིམོཀྑེ ¶ ཙ པགྒཱཧེ, ཨུཔཊྛཱནེ ཙ ཀམྤཏི;

ཨུཔེཀྑཱཝཛྫནཱཡ ཙེཝ, ཨུཔེཀྑཱཡ ཙ ནིཀནྟིཡཱ.

ཨིམཱནི དས ཋཱནཱནི, པཉྙཱ ཡསྶ པརིཙྩིཏཱ;

དྷམྨུདྡྷཙྩཀུསལོ ཧོཏི, ན ཙ སམྨོཧ གཙྪཏི.

ཝིཀྑིཔཏི ཙེཝ ཀིལིསྶཏི ཙ, ཙཝཏི ཙིཏྟབྷཱཝནཱ;

ཝིཀྑིཔཏི ¶ ན ཀིལིསྶཏི, བྷཱཝནཱ པརིཧཱཡཏི.

ཝིཀྑིཔཏི ན ཀིལིསྶཏི, བྷཱཝནཱ ན པརིཧཱཡཏི;

ན ཙ ཝིཀྑིཔཏེ ཙིཏྟཾ ན ཀིལིསྶཏི, ན ཙཝཏི ཙིཏྟབྷཱཝནཱ.

ཨིམེཧི ཙཏཱུཧི ཋཱནེཧི ཙིཏྟསྶ སངྑེཔཝིཀྑེཔཝིགྒཧིཏཾ [སངྑེཔཾ ཝིཀྑེཔཾ ཝིགྒཧིཏཾ (སྱཱ.)] དས ཋཱནེ སམྤཛཱནཱཏཱིཏི.

ཡུགནདྡྷཀཐཱ ནིཊྛིཏཱ.

༢. སཙྩཀཐཱ

༨. པུརིམནིདཱནཾ ¶ . ‘‘ཙཏྟཱརིམཱནི ¶ , བྷིཀྑཝེ [སཾ. ནི. ༥.༡༠༩༠], ཏཐཱནི ཨཝིཏཐཱནི ཨནཉྙཐཱནི. ཀཏམཱནི ཙཏྟཱརི? ‘ཨིདཾ དུཀྑ’ནྟི, བྷིཀྑཝེ, ཏཐམེཏཾ ཨཝིཏཐམེཏཾ ཨནཉྙཐམེཏཾ ¶ ; ‘ཨཡཾ དུཀྑསམུདཡོ’ཏི ཏཐམེཏཾ ཨཝིཏཐམེཏཾ ཨནཉྙཐམེཏཾ, ‘ཨཡཾ དུཀྑནིརོདྷོ’ཏི ཏཐམེཏཾ ཨཝིཏཐམེཏཾ ཨནཉྙཐམེཏཾ, ‘ཨཡཾ དུཀྑནིརོདྷགཱམིནཱི པཊིཔདཱ’ཏི ཏཐམེཏཾ ཨཝིཏཐམེཏཾ ཨནཉྙཐམེཏཾ. ཨིམཱནི ཁོ, བྷིཀྑཝེ, ཙཏྟཱརི ཏཐཱནི ཨཝིཏཐཱནི ཨནཉྙཐཱནི’’.

༡. པཋམསུཏྟནྟནིདྡེསོ

ཀཐཾ དུཀྑཾ ཏཐཊྛེན སཙྩཾ? ཙཏྟཱརོ དུཀྑསྶ དུཀྑཊྛཱ ཏཐཱ ཨཝིཏཐཱ ཨནཉྙཐཱ. དུཀྑསྶ པཱིལ༹ནཊྛོ, སངྑཏཊྛོ, སནྟཱཔཊྛོ, ཝིཔརིཎཱམཊྛོ – ཨིམེ ཙཏྟཱརོ དུཀྑསྶ དུཀྑཊྛཱ ཏཐཱ ཨཝིཏཐཱ ཨནཉྙཐཱ. ཨེཝཾ དུཀྑཾ ཏཐཊྛེན སཙྩཾ.

ཀཐཾ སམུདཡོ ཏཐཊྛེན སཙྩཾ? ཙཏྟཱརོ སམུདཡསྶ སམུདཡཊྛཱ ཏཐཱ ཨཝིཏཐཱ ཨནཉྙཐཱ. སམུདཡསྶ ཨཱཡཱུཧནཊྛོ, ནིདཱནཊྛོ, སཾཡོགཊྛོ ¶ པལིབོདྷཊྛོ – ཨིམེ ཙཏྟཱརོ སམུདཡསྶ སམུདཡཊྛཱ ཏཐཱ ཨཝིཏཐཱ ཨནཉྙཐཱ. ཨེཝཾ སམུདཡོ ཏཐཊྛེན སཙྩཾ.

ཀཐཾ ནིརོདྷོ ཏཐཊྛེན སཙྩཾ? ཙཏྟཱརོ ནིརོདྷསྶ ¶ ནིརོདྷཊྛཱ ཏཐཱ ཨཝིཏཐཱ ཨནཉྙཐཱ. ནིརོདྷསྶ ནིསྶརཎཊྛོ, ཝིཝེཀཊྛོ, ཨསངྑཏཊྛོ, ཨམཏཊྛོ – ཨིམེ ཙཏྟཱརོ ནིརོདྷསྶ ནིརོདྷཊྛཱ ཏཐཱ ཨཝིཏཐཱ ཨནཉྙཐཱ. ཨེཝཾ ནིརོདྷོ ཏཐཊྛེན སཙྩཾ.

ཀཐཾ མགྒོ ཏཐཊྛེན སཙྩཾ? ཙཏྟཱརོ མགྒསྶ མགྒཊྛཱ ཏཐཱ ཨཝིཏཐཱ ཨནཉྙཐཱ. མགྒསྶ ¶ ནིཡྻཱནཊྛོ, ཧེཏུཊྛོ, དསྶནཊྛོ, ཨཱདྷིཔཏེཡྻཊྛོ – ཨིམེ ཙཏྟཱརོ མགྒསྶ མགྒཊྛཱ ཏཐཱ ཨཝིཏཐཱ ཨནཉྙཐཱ. ཨེཝཾ མགྒོ ཏཐཊྛེན སཙྩཾ.

༩. ཀཏིཧཱཀཱརེཧི ¶ ཙཏྟཱརི སཙྩཱནི ཨེཀཔྤཊིཝེདྷཱནི? ཙཏཱུཧཱཀཱརེཧི ཙཏྟཱརི སཙྩཱནི ཨེཀཔྤཊིཝེདྷཱནི. ཏཐཊྛེན, ཨནཏྟཊྛེན, སཙྩཊྛེན, པཊིཝེདྷཊྛེན – ཨིམེཧི ཙཏཱུཧཱཀཱརེཧི ཙཏྟཱརི སཙྩཱནི ཨེཀསངྒཧིཏཱནི. ཡཾ ཨེཀསངྒཧིཏཾ ཏཾ ཨེཀཏྟཾ. ཨེཀཏྟཾ ཨེཀེན ཉཱཎེན པཊིཝིཛ྄ཛྷཏཱིཏི – ཙཏྟཱརི སཙྩཱནི ཨེཀཔྤཊིཝེདྷཱནི.

ཀཐཾ ཏཐཊྛེན ཙཏྟཱརི སཙྩཱནི ཨེཀཔྤཊིཝེདྷཱནི? ཙཏཱུཧཱཀཱརེཧི ཏཐཊྛེན ཙཏྟཱརི སཙྩཱནི ཨེཀཔྤཊིཝེདྷཱནི. དུཀྑསྶ དུཀྑཊྛོ ཏཐཊྛོ, སམུདཡསྶ སམུདཡཊྛོ ཏཐཊྛོ, ནིརོདྷསྶ ནིརོདྷཊྛོ ཏཐཊྛོ, མགྒསྶ མགྒཊྛོ ཏཐཊྛོ – ཨིམེཧི ཙཏཱུཧཱཀཱརེཧི ཏཐཊྛེན ཙཏྟཱརི སཙྩཱནི ཨེཀསངྒཧིཏཱནི. ཡཾ ཨེཀསངྒཧིཏཾ ཏཾ ཨེཀཏྟཾ. ཨེཀཏྟཾ ཨེཀེན ཉཱཎེན པཊིཝིཛ྄ཛྷཏཱིཏི – ཙཏྟཱརི སཙྩཱནི ཨེཀཔྤཊིཝེདྷཱནི.

ཀཐཾ ཨནཏྟཊྛེན ཙཏྟཱརི སཙྩཱནི ཨེཀཔྤཊིཝེདྷཱནི? ཙཏཱུཧཱཀཱརེཧི ཨནཏྟཊྛེན ཙཏྟཱརི སཙྩཱནི ཨེཀཔྤཊིཝེདྷཱནི. དུཀྑསྶ དུཀྑཊྛོ ཨནཏྟཊྛོ, སམུདཡསྶ སམུདཡཊྛོ ཨནཏྟཊྛོ, ནིརོདྷསྶ ནིརོདྷཊྛོ ཨནཏྟཊྛོ, མགྒསྶ མགྒཊྛོ ཨནཏྟཊྛོ – ཨིམེཧི ཙཏཱུཧཱཀཱརེཧི ཨནཏྟཊྛེན ཙཏྟཱརི སཙྩཱནི ཨེཀསངྒཧིཏཱནི. ཡཾ ཨེཀསངྒཧིཏཾ ཏཾ ཨེཀཏྟཾ. ཨེཀཏྟཾ ཨེཀེན ཉཱཎེན པཊིཝིཛ྄ཛྷཏཱིཏི – ཙཏྟཱརི སཙྩཱནི ཨེཀཔྤཊིཝེདྷཱནི.

ཀཐཾ སཙྩཊྛེན ཙཏྟཱརི སཙྩཱནི ཨེཀཔྤཊིཝེདྷཱནི? ཙཏཱུཧཱཀཱརེཧི སཙྩཊྛེན ¶ ཙཏྟཱརི སཙྩཱནི ཨེཀཔྤཊིཝེདྷཱནི. དུཀྑསྶ དུཀྑཊྛོ སཙྩཊྛོ, སམུདཡསྶ ¶ སམུདཡཊྛོ སཙྩཊྛོ, ནིརོདྷསྶ ནིརོདྷཊྛོ སཙྩཊྛོ, མགྒསྶ ¶ མགྒཊྛོ སཙྩཊྛོ – ཨིམེཧི ཙཏཱུཧཱཀཱརེཧི སཙྩཊྛེན ཙཏྟཱརི སཙྩཱནི ཨེཀསངྒཧིཏཱནི. ཡཾ ཨེཀསངྒཧིཏཾ ཏཾ ཨེཀཏྟཾ. ཨེཀཏྟཾ ཨེཀེན ཉཱཎེན པཊིཝིཛ྄ཛྷཏཱིཏི – ཙཏྟཱརི སཙྩཱནི ཨེཀཔྤཊིཝེདྷཱནི.

ཀཐཾ པཊིཝེདྷཊྛེན ཙཏྟཱརི སཙྩཱནི ཨེཀཔྤཊིཝེདྷཱནི? ཙཏཱུཧཱཀཱརེཧི པཊིཝེདྷཊྛེན ཙཏྟཱརི སཙྩཱནི ཨེཀཔྤཊིཝེདྷཱནི. དུཀྑསྶ དུཀྑཊྛོ པཊིཝེདྷཊྛོ, སམུདཡསྶ སམུདཡཊྛོ པཊིཝེདྷཊྛོ ནིརོདྷསྶ ནིརོདྷཊྛོ པཊིཝེདྷཊྛོ, མགྒསྶ མགྒཊྛོ པཊིཝེདྷཊྛོ – ཨིམེཧི ཙཏཱུཧཱཀཱརེཧི པཊིཝེདྷཊྛེན ཙཏྟཱརི ¶ སཙྩཱནི ཨེཀསངྒཧིཏཱནི ཡཾ ཨེཀསངྒཧིཏཾ ཏཾ ཨེཀཏྟཾ. ཨེཀཏྟཾ ཨེཀེན ཉཱཎེན པཊིཝིཛ྄ཛྷཏཱིཏི – ཙཏྟཱརི སཙྩཱནི ཨེཀཔྤཊིཝེདྷཱནི.

༡༠. ཀཏིཧཱཀཱརེཧི ཙཏྟཱརི སཙྩཱནི ཨེཀཔྤཊིཝེདྷཱནི? ཡཾ ཨནིཙྩཾ ཏཾ དུཀྑཾ, ཡཾ དུཀྑཾ ཏཾ ཨནིཙྩཾ, ཡཾ ཨནིཙྩཉྩ དུཀྑཉྩ ཏཾ ཨནཏྟཱ. ཡཾ ཨནིཙྩཉྩ དུཀྑཉྩ ཨནཏྟཱ ཙ ཏཾ ཏཐཾ. ཡཾ ཨནིཙྩཾ ཙ དུཀྑཉྩ ཨནཏྟཱ ཙ ཏཐཉྩ ཏཾ སཙྩཾ. ཡཾ ཨནིཙྩཉྩ དུཀྑཉྩ ཨནཏྟཱ ཙ ཏཐཉྩ སཙྩཉྩ ཏཾ ཨེཀསངྒཧིཏཾ. ཡཾ ཨེཀསངྒཧིཏཾ ཏཾ ཨེཀཏྟཾ. ཨེཀཏྟཾ ཨེཀེན ཉཱཎེན པཊིཝིཛ྄ཛྷཏཱིཏི – ཙཏྟཱརི སཙྩཱནི ཨེཀཔྤཊིཝེདྷཱནི.

ཀཏིཧཱཀཱརེཧི ¶ ཙཏྟཱརི སཙྩཱནི ཨེཀཔྤཊིཝེདྷཱནི? ནཝཧཱཀཱརེཧི ཙཏྟཱརི སཙྩཱནི ཨེཀཔྤཊིཝེདྷཱནི. ཏཐཊྛེན, ཨནཏྟཊྛེན, སཙྩཊྛེན, པཊིཝེདྷཊྛེན, ཨབྷིཉྙཊྛེན, པརིཉྙཊྛེན, པཧཱནཊྛེན, བྷཱཝནཊྛེན, སཙྪིཀིརིཡཊྛེན – ཨིམེཧི ནཝཧཱཀཱརེཧི ཙཏྟཱརི སཙྩཱནི ཨེཀསངྒཧིཏཱནི. ཡཾ ཨེཀསངྒཧིཏཾ ཏཾ ཨེཀཏྟཾ. ཨེཀཏྟཾ ཨེཀེན ཉཱཎེན པཊིཝིཛ྄ཛྷཏཱིཏི – ཙཏྟཱརི སཙྩཱནི ཨེཀཔྤཊིཝེདྷཱནི.

ཀཐཾ ཏཐཊྛེན ཙཏྟཱརི སཙྩཱནི ཨེཀཔྤཊིཝེདྷཱནི? ནཝཧཱཀཱརེཧི ཏཐཊྛེན ཙཏྟཱརི སཙྩཱནི ཨེཀཔྤཊིཝེདྷཱནི. དུཀྑསྶ དུཀྑཊྛོ ཏཐཊྛོ, སམུདཡསྶ སམུདཡཊྛོ ཏཐཊྛོ, ནིརོདྷསྶ ནིརོདྷཊྛོ ཏཐཊྛོ, མགྒསྶ མགྒཊྛོ ཏཐཊྛོ, ཨབྷིཉྙཱཡ ཨབྷིཉྙཊྛོ ཏཐཊྛོ, པརིཉྙཱཡ པརིཉྙཊྛོ ཏཐཊྛོ, པཧཱནསྶ པཧཱནཊྛོ ཏཐཊྛོ, བྷཱཝནཱཡ བྷཱཝནཊྛོ ཏཐཊྛོ, སཙྪིཀིརིཡཱཡ སཙྪིཀིརིཡཊྛོ ཏཐཊྛོ – ཨིམེཧི ནཝཧཱཀཱརེཧི ཏཐཊྛེན ཙཏྟཱརི སཙྩཱནི ཨེཀསངྒཧིཏཱནི. ཡཾ ཨེཀསངྒཧིཏཾ ཏཾ ཨེཀཏྟཾ. ཨེཀཏྟཾ ཨེཀེན ཉཱཎེན པཊིཝིཛ྄ཛྷཏཱིཏི – ཙཏྟཱརི སཙྩཱནི ཨེཀཔྤཊིཝེདྷཱནི.

ཀཐཾ ¶ ¶ ཨནཏྟཊྛེན… སཙྩཊྛེན… པཊིཝེདྷཊྛེན ཙཏྟཱརི སཙྩཱནི ཨེཀཔྤཊིཝེདྷཱནི? ནཝཧཱཀཱརེཧི པཊིཝེདྷཊྛེན ཙཏྟཱརི སཙྩཱནི ཨེཀཔྤཊིཝེདྷཱནི. དུཀྑསྶ དུཀྑཊྛོ པཊིཝེདྷཊྛོ, སམུདཡསྶ སམུདཡཊྛོ པཊིཝེདྷཊྛོ, ནིརོདྷསྶ ནིརོདྷཊྛོ པཊིཝེདྷཊྛོ, མགྒསྶ མགྒཊྛོ ¶ པཊིཝེདྷཊྛོ, ཨབྷིཉྙཱཡ ཨབྷིཉྙཊྛོ པཊིཝེདྷཊྛོ, པརིཉྙཱཡ པརིཉྙཊྛོ པཊིཝེདྷཊྛོ, པཧཱནསྶ པཧཱནཊྛོ པཊིཝེདྷཊྛོ, བྷཱཝནཱཡ བྷཱཝནཊྛོ པཊིཝེདྷཊྛོ, སཙྪིཀིརིཡཱཡ སཙྪིཀིརིཡཊྛོ པཊིཝེདྷཊྛོ – ཨིམེཧི ནཝཧཱཀཱརེཧི པཊིཝེདྷཊྛེན ཙཏྟཱརི སཙྩཱནི ཨེཀསངྒཧིཏཱནི. ཡཾ ཨེཀསངྒཧིཏཾ ཏཾ ཨེཀཏྟཾ. ཨེཀཏྟཾ ཨེཀེན ཉཱཎེན པཊིཝིཛ྄ཛྷཏཱིཏི – ཙཏྟཱརི སཙྩཱནི ཨེཀཔྤཊིཝེདྷཱནི.

༡༡. ཀཏིཧཱཀཱརེཧི ¶ ཙཏྟཱརི སཙྩཱནི ཨེཀཔྤཊིཝེདྷཱནི? དྭཱདསཧི ཨཱཀཱརེཧི ཙཏྟཱརི སཙྩཱནི ཨེཀཔྤཊིཝེདྷཱནི. ཏཐཊྛེན, ཨནཏྟཊྛེན, སཙྩཊྛེན, པཊིཝེདྷཊྛེན, ཨབྷིཛཱནནཊྛེན, པརིཛཱནནཊྛེན, དྷམྨཊྛེན, ཏཐཊྛེན, ཉཱཏཊྛེན, སཙྪིཀིརིཡཊྛེན, ཕསྶནཊྛེན, ཨབྷིསམཡཊྛེན – ཨིམེཧི དྭཱདསཧི ཨཱཀཱརེཧི ཙཏྟཱརི སཙྩཱནི ཨེཀསངྒཧིཏཱནི. ཡཾ ཨེཀསངྒཧིཏཾ ཏཾ ཨེཀཏྟཾ. ཨེཀཏྟཾ ཨེཀེན ཉཱཎེན པཊིཝིཛ྄ཛྷཏཱིཏི – ཙཏྟཱརི སཙྩཱནི ཨེཀཔྤཊིཝེདྷཱནི.

ཀཐཾ ཏཐཊྛེན ཙཏྟཱརི སཙྩཱནི ཨེཀཔྤཊིཝེདྷཱནི? སོལ༹སཧི ཨཱཀཱརེཧི ཏཐཊྛེན ཙཏྟཱརི སཙྩཱནི ཨེཀཔྤཊིཝེདྷཱནི. དུཀྑསྶ པཱིལ༹ནཊྛོ, སངྑཏཊྛོ, སནྟཱཔཊྛོ, ཝིཔརིཎཱམཊྛོ, ཏཐཊྛོ; སམུདཡསྶ ཨཱཡཱུཧནཊྛོ, ནིདཱནཊྛོ, སཾཡོགཊྛོ, པལིབོདྷཊྛོ ཏཐཊྛོ; ནིརོདྷསྶ ནིསྶརཎཊྛོ, ཝིཝེཀཊྛོ, ཨསངྑཏཊྛོ, ཨམཏཊྛོ ཏཐཊྛོ; མགྒསྶ ནིཡྻཱནཊྛོ, ཧེཏུཊྛོ, དསྶནཊྛོ, ཨཱདྷིཔཏེཡྻཊྛོ ཏཐཊྛོ – ཨིམེཧི ¶ སོལ༹སཧི ཨཱཀཱརེཧི ཏཐཊྛེན ཙཏྟཱརི སཙྩཱནི ཨེཀསངྒཧིཏཱནི. ཡཾ ཨེཀསངྒཧིཏཾ ཏཾ ཨེཀཏྟཾ. ཨེཀཏྟཾ ཨེཀེན ཉཱཎེན པཊིཝིཛ྄ཛྷཏཱིཏི – ཙཏྟཱརི སཙྩཱནི ཨེཀཔྤཊིཝེདྷཱནི.

ཀཐཾ ¶ ཨནཏྟཊྛེན…པེ… སཙྩཊྛེན… པཊིཝེདྷཊྛེན… ཨབྷིཛཱནནཊྛེན… པརིཛཱནནཊྛེན… དྷམྨཊྛེན… ཏཐཊྛེན… ཉཱཏཊྛེན… སཙྪིཀིརིཡཊྛེན… ཕསྶནཊྛེན… ཨབྷིསམཡཊྛེན ཙཏྟཱརི སཙྩཱནི ཨེཀཔྤཊིཝེདྷཱནི? སོལ༹སཧི ཨཱཀཱརེཧི ཨབྷིསམཡཊྛེན ཙཏྟཱརི སཙྩཱནི ཨེཀཔྤཊིཝེདྷཱནི. དུཀྑསྶ པཱིལ༹ནཊྛོ, སངྑཏཊྛོ, སནྟཱཔཊྛོ, ཝིཔརིཎཱམཊྛོ, ཨབྷིསམཡཊྛོ; སམུདཡསྶ ཨཱཡཱུཧནཊྛོ, ནིདཱནཊྛོ, སཾཡོགཊྛོ, པལིབོདྷཊྛོ, ཨབྷིསམཡཊྛོ; ནིརོདྷསྶ ནིསྶརཎཊྛོ ¶ , ཝིཝེཀཊྛོ, ཨསངྑཏཊྛོ, ཨམཏཊྛོ, ཨབྷིསམཡཊྛོ; མགྒསྶ ནིཡྻཱནཊྛོ, ཧེཏུཊྛོ, དསྶནཊྛོ, ཨཱདྷིཔཏེཡྻཊྛོ, ཨབྷིསམཡཊྛོ – ཨིམེཧི སོལ༹སཧི ཨཱཀཱརེཧི ཨབྷིསམཡཊྛེན ཙཏྟཱརི སཙྩཱནི ཨེཀསངྒཧིཏཱནི. ཡཾ ཨེཀསངྒཧིཏཾ ཏཾ ཨེཀཏྟཾ. ཨེཀཏྟཾ ཨེཀེན ཉཱཎེན པཊིཝིཛ྄ཛྷཏཱིཏི – ཙཏྟཱརི སཙྩཱནི ཨེཀཔྤཊིཝེདྷཱནི.

༡༢. སཙྩཱནཾ ཀཏི ལཀྑཎཱནི? སཙྩཱནཾ དྭེ ལཀྑཎཱནི. སངྑཏལཀྑཎཉྩ, ཨསངྑཏལཀྑཎཉྩ – སཙྩཱནཾ ཨིམཱནི དྭེ ལཀྑཎཱནི.

སཙྩཱནཾ ཀཏི ལཀྑཎཱནི? སཙྩཱནཾ ཚ ལཀྑཎཱནི. སངྑཏཱནཾ སཙྩཱནཾ ཨུཔྤཱདོ པཉྙཱཡཏི, ཝཡོ པཉྙཱཡཏི, ཋིཏཱནཾ ཨཉྙཐཏྟཾ ¶ པཉྙཱཡཏི ཨསངྑཏསྶ སཙྩསྶ ན ཨུཔྤཱདོ པཉྙཱཡཏི ¶ , ན ཝཡོ པཉྙཱཡཏི, ན ཋིཏསྶ ཨཉྙཐཏྟཾ པཉྙཱཡཏི – སཙྩཱནཾ ཨིམཱནི ཚ ལཀྑཎཱནི.

སཙྩཱནཾ ཀཏི ལཀྑཎཱནི? སཙྩཱནཾ དྭཱདས ལཀྑཎཱནི. དུཀྑསཙྩསྶ ཨུཔྤཱདོ པཉྙཱཡཏི, ཝཡོ པཉྙཱཡཏི, ཋིཏསྶ ཨཉྙཐཏྟཾ པཉྙཱཡཏི; སམུདཡསཙྩསྶ ཨུཔྤཱདོ པཉྙཱཡཏི, ཝཡོ པཉྙཱཡཏི, ཋིཏསྶ ཨཉྙཐཏྟཾ པཉྙཱཡཏི; མགྒསཙྩསྶ ཨུཔྤཱདོ པཉྙཱཡཏི, ཝཡོ པཉྙཱཡཏི, ཋིཏསྶ ཨཉྙཐཏྟཾ པཉྙཱཡཏི; ནིརོདྷསཙྩསྶ ན ཨུཔྤཱདོ པཉྙཱཡཏི, ན ཝཡོ པཉྙཱཡཏི, ན ཋིཏསྶ ཨཉྙཐཏྟཾ པཉྙཱཡཏི – སཙྩཱནཾ ཨིམཱནི དྭཱདས ལཀྑཎཱནི.

ཙཏུནྣཾ སཙྩཱནཾ ཀཏི ཀུསལཱ, ཀཏི ཨཀུསལཱ, ཀཏི ཨབྱཱཀཏཱ? སམུདཡསཙྩཾ ཨཀུསལཾ, མགྒསཙྩཾ ཀུསལཾ ¶ , ནིརོདྷསཙྩཾ ཨབྱཱཀཏཾ. དུཀྑསཙྩཾ སིཡཱ ཀུསལཾ, སིཡཱ ཨཀུསལཾ, སིཡཱ ཨབྱཱཀཏཾ.

སིཡཱ ཏཱིཎི སཙྩཱནི ཨེཀསཙྩེན སངྒཧིཏཱནི, ཨེཀསཙྩཾ ཏཱིཧི སཙྩེཧི སངྒཧིཏཾ? ཝཏྠུཝསེན པརིཡཱཡེན སིཡཱཏི. ཀཐཉྩ སིཡཱ? ཡཾ དུཀྑསཙྩཾ ཨཀུསལཾ, སམུདཡསཙྩཾ ཨཀུསལཾ – ཨེཝཾ ཨཀུསལཊྛེན དྭེ སཙྩཱནི ཨེཀསཙྩེན སངྒཧིཏཱནི, ཨེཀསཙྩཾ དྭཱིཧི སཙྩེཧི སངྒཧིཏཾ. ཡཾ དུཀྑསཙྩཾ ཀུསལཾ, མགྒསཙྩཾ ཀུསལཾ – ཨེཝཾ ཀུསལཊྛེན དྭེ སཙྩཱནི ཨེཀསཙྩེན སངྒཧིཏཱནི ¶ , ཨེཀསཙྩཾ དྭཱིཧི སཙྩེཧི སངྒཧིཏཾ. ཡཾ དུཀྑསཙྩཾ ཨབྱཱཀཏཾ, ནིརོདྷསཙྩཾ ཨབྱཱཀཏཾ – ཨེཝཾ ཨབྱཱཀཏཊྛེན དྭེ སཙྩཱནི ཨེཀསཙྩེན སངྒཧིཏཱནི, ཨེཀསཙྩཾ དྭཱིཧི སཙྩེཧི སངྒཧིཏཾ. ཨེཝཾ སིཡཱ ཏཱིཎི སཙྩཱནི ཨེཀསཙྩེན སངྒཧིཏཱནི, ཨེཀསཙྩཾ ཏཱིཧི སཙྩེཧི སངྒཧིཏཾ ཝཏྠུཝསེན པརིཡཱཡེནཱཏི.

༢. དུཏིཡསུཏྟནྟཔཱལི༹

༡༣. ‘‘པུབྦེ ¶ མེ, བྷིཀྑཝེ [སཾ. ནི. ༣.༢༦], སམྦོདྷཱ ཨནབྷིསམྦུདྡྷསྶ བོདྷིསཏྟསྶེཝ སཏོ ཨེཏདཧོསི – ‘ཀོ ནུ ཁོ རཱུཔསྶ ཨསྶཱདོ, ཀོ ཨཱདཱིནཝོ, ཀིཾ ནིསྶརཎཾ; ཀོ ཝེདནཱཡ ཨསྶཱདོ, ཀོ ཨཱདཱིནཝོ, ཀིཾ ནིསྶརཎཾ; ཀོ སཉྙཱཡ ཨསྶཱདོ, ཀོ ཨཱདཱིནཝོ, ཀིཾ ནིསྶརཎཾ; ཀོ སངྑཱརཱནཾ ཨསྶཱདོ, ཀོ ཨཱདཱིནཝོ, ཀིཾ ནིསྶརཎཾ; ཀོ ཝིཉྙཱཎསྶ ཨསྶཱདོ, ཀོ ཨཱདཱིནཝོ, ཀིཾ ནིསྶརཎ’ནྟི? ཏསྶ མཡ྄ཧཾ, བྷིཀྑཝེ, ཨེཏདཧོསི – ‘ཡཾ ཁོ ¶ རཱུཔཾ པཊིཙྩ ཨུཔྤཛྫཏི སུཁཾ སོམནསྶཾ – ཨཡཾ རཱུཔསྶ ཨསྶཱདོ. ཡཾ རཱུཔཾ ཨནིཙྩཾ, ཏཾ དུཀྑཾ ཝིཔརིཎཱམདྷམྨཾ – ཨཡཾ རཱུཔསྶ ཨཱདཱིནཝོ. ཡོ རཱུཔསྨིཾ ཚནྡརཱགཝིནཡོ ཚནྡརཱགཔྤཧཱནཾ – ཨིདཾ རཱུཔསྶ ནིསྶརཎཾ. ཡཾ ཝེདནཾ པཊིཙྩ…པེ… ཡཾ སཉྙཾ པཊིཙྩ… ཡཾ སངྑཱརེ པཊིཙྩ… ཡཾ ཝིཉྙཱཎཾ པཊིཙྩ ཨུཔྤཛྫཏི སུཁཾ སོམནསྶཾ – ཨཡཾ ཝིཉྙཱཎསྶ ཨསྶཱདོ. ཡཾ ཝིཉྙཱཎཾ ཨནིཙྩཾ ཏཾ དུཀྑཾ ཝིཔརིཎཱམདྷམྨཾ – ཨཡཾ ཝིཉྙཱཎསྶ ཨཱདཱིནཝོ. ཡོ ཝིཉྙཱཎསྨིཾ ཚནྡརཱགཝིནཡོ ཚནྡརཱགཔྤཧཱནཾ – ཨིདཾ ཝིཉྙཱཎསྶ ནིསྶརཎཾ’’.

‘‘ཡཱཝཀཱིཝཉྩཱཧཾ ¶ , བྷིཀྑཝེ, ཨིམེསཾ པཉྩནྣཾ ཨུཔཱདཱནཀྑནྡྷཱནཾ ཨེཝཾ ཨསྶཱདཉྩ ཨསྶཱདཏོ ཨཱདཱིནཝཉྩ ¶ ཨཱདཱིནཝཏོ ནིསྶརཎཉྩ ནིསྶརཎཏོ ཡཐཱབྷཱུཏཾ ནཱབྦྷཉྙཱསིཾ, ནེཝ ཏཱཝཱཧཾ, བྷིཀྑཝེ, སདེཝཀེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ‘ཨནུཏྟརཾ སམྨཱསམྦོདྷིཾ ཨབྷིསམྦུདྡྷོ’ཏི པཙྩཉྙཱསིཾ [ཨབྷིསམྦུདྡྷོ པཙྩཉྙཱསིཾ (སྱཱ.) སཾ. ནི. ༣.༢༦ པསྶིཏབྦཱ] ཡཏོ ཙ ཁྭཱཧཾ, བྷིཀྑཝེ, ཨིམེསཾ པཉྩནྣཾ ཨུཔཱདཱནཀྑནྡྷཱནཾ ཨེཝཾ ཨསྶཱདཉྩ ཨསྶཱདཏོ ཨཱདཱིནཝཉྩ ཨཱདཱིནཝཏོ ནིསྶརཎཉྩ ནིསྶརཎཏོ ཡཐཱབྷཱུཏཾ ཨབྦྷཉྙཱསིཾ, ཨཐཱཧཾ, བྷིཀྑཝེ, ‘སདེཝཀེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ཨནུཏྟརཾ སམྨཱསམྦོདྷིཾ ཨབྷིསམྦུདྡྷོ’ཏི པཙྩཉྙཱསིཾ. ཉཱཎཉྩ པན མེ དསྶནཾ ཨུདཔཱདི – ‘ཨཀུཔྤཱ མེ ཝིམུཏྟི [ཙེཏོཝིམུཏྟི (སྱཱ. ཀ.) སཾ. ནི. ༣.༢༧ པསྶིཏབྦཱ]. ཨཡམནྟིམཱ ཛཱཏི, ནཏྠི དཱནི པུནབྦྷཝོ’’’ཏི.

༣. དུཏིཡསུཏྟནྟནིདྡེསོ

༡༤. ཡཾ ¶ རཱུཔཾ པཊིཙྩ ཨུཔྤཛྫཏི སུཁཾ སོམནསྶཾ, ཨཡཾ རཱུཔསྶ ཨསྶཱདོཏི – པཧཱནཔྤཊིཝེདྷོ སམུདཡསཙྩཾ. ཡཾ རཱུཔཾ ཨནིཙྩཾ ཏཾ དུཀྑཾ ཝིཔརིཎཱམདྷམྨཾ, ཨཡཾ རཱུཔསྶ ཨཱདཱིནཝོཏི – པརིཉྙཱཔཊིཝེདྷོ དུཀྑསཙྩཾ. ཡོ རཱུཔསྨིཾ ཚནྡརཱགཝིནཡོ ཚནྡརཱགཔྤཧཱནཾ, ཨིདཾ རཱུཔསྶ ནིསྶརཎནྟི – སཙྪིཀིརིཡཱཔཊིཝེདྷོ ནིརོདྷསཙྩཾ. ཡཱ ཨིམེསུ ཏཱིསུ ཋཱནེསུ དིཊྛི སངྐཔྤོ ཝཱཙཱ ཀམྨནྟོ ཨཱཛཱིཝོ ཝཱཡཱམོ སཏི སམཱདྷི – བྷཱཝནཱཔཊིཝེདྷོ མགྒསཙྩཾ.

ཡཾ ཝེདནཾ པཊིཙྩ…པེ… ཡཾ སཉྙཾ པཊིཙྩ… ཡཾ སངྑཱརེ པཊིཙྩ… ཡཾ ཝིཉྙཱཎཾ པཊིཙྩ ཨུཔྤཛྫཏི སུཁཾ སོམནསྶཾ, ཨཡཾ ཝིཉྙཱཎསྶ ¶ ཨསྶཱདོཏི – པཧཱནཔྤཊིཝེདྷོ སམུདཡསཙྩཾ. ཡཾ ཝིཉྙཱཎཾ ཨནིཙྩཾ ཏཾ དུཀྑཾ ཝིཔརིཎཱམདྷམྨཾ, ཨཡཾ ཝིཉྙཱཎསྶ ཨཱདཱིནཝོཏི – པརིཉྙཱཔཊིཝེདྷོ དུཀྑསཙྩཾ. ཡོ ཝིཉྙཱཎསྨིཾ ཚནྡརཱགཝིནཡོ ཚནྡརཱགཔྤཧཱནཾ, ཨིདཾ ཝིཉྙཱཎསྶ ནིསྶརཎནྟི – སཙྪིཀིརིཡཱཔཊིཝེདྷོ ནིརོདྷསཙྩཾ. ཡཱ ཨིམེསུ ¶ ཏཱིསུ ཋཱནེསུ དིཊྛི སངྐཔྤོ ཝཱཙཱ ཀམྨནྟོ ཨཱཛཱིཝོ ཝཱཡཱམོ སཏི སམཱདྷི – བྷཱཝནཱཔཊིཝེདྷོ མགྒསཙྩཾ.

༡༥. སཙྩནྟི ཀཏིཧཱཀཱརེཧི སཙྩཾ? ཨེསནཊྛེན ¶ , པརིགྒཧཊྛེན, པཊིཝེདྷཊྛེན. ཀཐཾ ཨེསནཊྛེན སཙྩཾ? ཛརཱམརཎཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝནྟི – ཨེཝཾ ཨེསནཊྛེན སཙྩཾ. ཛརཱམརཎཾ ཛཱཏིནིདཱནཾ, ཛཱཏིསམུདཡཾ, ཛཱཏིཛཱཏིཀཾ, ཛཱཏིཔྤབྷཝནྟི – ཨེཝཾ པརིགྒཧཊྛེན སཙྩཾ. ཛརཱམརཎཉྩ པཛཱནཱཏི, ཛརཱམརཎསམུདཡཉྩ པཛཱནཱཏི, ཛརཱམརཎནིརོདྷཉྩ པཛཱནཱཏི, ཛརཱམརཎནིརོདྷགཱམིནིཾ པཊིཔདཉྩ པཛཱནཱཏི – ཨེཝཾ པཊིཝེདྷཊྛེན སཙྩཾ.

ཛཱཏི ཀིཾནིདཱནཱ, ཀིཾསམུདཡཱ, ཀིཾཛཱཏིཀཱ, ཀིཾཔབྷཝཱཏི – ཨེཝཾ ཨེསནཊྛེན སཙྩཾ. ཛཱཏི བྷཝནིདཱནཱ, བྷཝསམུདཡཱ, བྷཝཛཱཏིཀཱ, བྷཝཔྤབྷཝཱཏི – ཨེཝཾ པརིགྒཧཊྛེན སཙྩཾ. ཛཱཏིཉྩ པཛཱནཱཏི, ཛཱཏིསམུདཡཉྩ པཛཱནཱཏི, ཛཱཏིནིརོདྷཉྩ པཛཱནཱཏི, ཛཱཏིནིརོདྷགཱམིནིཾ པཊིཔདཉྩ པཛཱནཱཏི – ཨེཝཾ པཊིཝེདྷཊྛེན སཙྩཾ.

བྷཝོ ཀིཾནིདཱནོ, ཀིཾསམུདཡོ, ཀིཾཛཱཏིཀོ, ཀིཾཔབྷཝོཏི – ཨེཝཾ ཨེསནཊྛེན སཙྩཾ ¶ . བྷཝོ ཨུཔཱདཱནནིདཱནོ, ཨུཔཱདཱནསམུདཡོ, ཨུཔཱདཱནཛཱཏིཀོ, ཨུཔཱདཱནཔྤབྷཝོཏི – ཨེཝཾ པརིགྒཧཊྛེན སཙྩཾ. བྷཝཾ ཙ པཛཱནཱཏི, བྷཝསམུདཡཉྩ ¶ པཛཱནཱཏི, བྷཝནིརོདྷཉྩ པཛཱནཱཏི, བྷཝནིརོདྷགཱམིནིཾ པཊིཔདཉྩ པཛཱནཱཏི – ཨེཝཾ པཊིཝེདྷཊྛེན སཙྩཾ.

ཨུཔཱདཱནཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝནྟི – ཨེཝཾ ཨེསནཊྛེན སཙྩཾ. ཨུཔཱདཱནཾ ཏཎྷཱནིདཱནཾ, ཏཎྷཱསམུདཡཾ, ཏཎྷཱཛཱཏིཀཾ, ཏཎྷཱཔབྷཝནྟི – ཨེཝཾ པརིགྒཧཊྛེན སཙྩཾ. ཨུཔཱདཱནཉྩ པཛཱནཱཏི, ཨུཔཱདཱནསམུདཡཉྩ པཛཱནཱཏི, ཨུཔཱདཱནནིརོདྷཉྩ པཛཱནཱཏི ཨུཔཱདཱནནིརོདྷགཱམིནིཾ པཊིཔདཉྩ པཛཱནཱཏི – ཨེཝཾ པཊིཝེདྷཊྛེན སཙྩཾ.

ཏཎྷཱ ཀིཾནིདཱནཱ, ཀིཾསམུདཡཱ, ཀིཾཛཱཏིཀཱ, ཀིཾཔབྷཝཱཏི – ཨེཝཾ ཨེསནཊྛེན སཙྩཾ. ཏཎྷཱ ཝེདནཱནིདཱནཱ, ཝེདནཱསམུདཡཱ, ཝེདནཱཛཱཏིཀཱ, ཝེདནཱཔབྷཝཱཏི – ཨེཝཾ པརིགྒཧཊྛེན སཙྩཾ. ཏཎྷཉྩ པཛཱནཱཏི, ཏཎྷཱསམུདཡཉྩ པཛཱནཱཏི, ཏཎྷཱནིརོདྷཉྩ པཛཱནཱཏི, ཏཎྷཱནིརོདྷགཱམིནིཾ པཊིཔདཉྩ པཛཱནཱཏི – ཨེཝཾ པཊིཝེདྷཊྛེན སཙྩཾ.

ཝེདནཱ ¶ ¶ ཀིཾནིདཱནཱ, ཀིཾསམུདཡཱ, ཀིཾཛཱཏིཀཱ, ཀིཾཔབྷཝཱཏི – ཨེཝཾ ཨེསནཊྛེན སཙྩཾ. ཝེདནཱ ཕསྶནིདཱནཱ, ཕསྶསམུདཡཱ, ཕསྶཛཱཏིཀཱ, ཕསྶཔྤབྷཝཱཏི – ཨེཝཾ པརིགྒཧཊྛེན སཙྩཾ. ཝེདནཉྩ པཛཱནཱཏི, ཝེདནཱསམུདཡཉྩ པཛཱནཱཏི, ཝེདནཱནིརོདྷཉྩ པཛཱནཱཏི, ཝེདནཱནིརོདྷགཱམིནིཾ པཊིཔདཉྩ པཛཱནཱཏི – ཨེཝཾ པཊིཝེདྷཊྛེན སཙྩཾ.

ཕསྶོ ¶ ཀིཾནིདཱནོ, ཀིཾསམུདཡོ, ཀིཾཛཱཏིཀོ, ཀིཾཔབྷཝོཏི – ཨེཝཾ ཨེསནཊྛེན སཙྩཾ. ཕསྶོ སལཱ༹ཡཏནནིདཱནོ, སལཱ༹ཡཏནསམུདཡོ, སལཱ༹ཡཏནཛཱཏིཀོ, སལཱ༹ཡཏནཔྤབྷཝོཏི – ཨེཝཾ པརིགྒཧཊྛེན སཙྩཾ. ཕསྶཉྩ པཛཱནཱཏི, ཕསྶསམུདཡཉྩ པཛཱནཱཏི, ཕསྶནིརོདྷཉྩ པཛཱནཱཏི, ཕསྶནིརོདྷགཱམིནིཾ པཊིཔདཉྩ པཛཱནཱཏི – ཨེཝཾ པཊིཝེདྷཊྛེན སཙྩཾ.

སལཱ༹ཡཏནཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝནྟི – ཨེཝཾ ཨེསནཊྛེན སཙྩཾ. སལཱ༹ཡཏནཾ ནཱམརཱུཔནིདཱནཾ, ནཱམརཱུཔསམུདཡཾ, ནཱམརཱུཔཛཱཏིཀཾ, ནཱམརཱུཔཔྤབྷཝནྟི – ཨེཝཾ པརིགྒཧཊྛེན སཙྩཾ. སལཱ༹ཡཏནཉྩ པཛཱནཱཏི, སལཱ༹ཡཏནསམུདཡཉྩ པཛཱནཱཏི, སལཱ༹ཡཏནནིརོདྷཉྩ པཛཱནཱཏི, སལཱ༹ཡཏནནིརོདྷགཱམིནིཾ པཊིཔདཉྩ པཛཱནཱཏི – ཨེཝཾ པཊིཝེདྷཊྛེན སཙྩཾ.

ནཱམརཱུཔཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝནྟི – ཨེཝཾ ཨེསནཊྛེན སཙྩཾ. ནཱམརཱུཔཾ ཝིཉྙཱཎནིདཱནཾ, ཝིཉྙཱཎསམུདཡཾ, ཝིཉྙཱཎཛཱཏིཀཾ, ཝིཉྙཱཎཔྤབྷཝནྟི ¶ – ཨེཝཾ པརིགྒཧཊྛེན སཙྩཾ. ནཱམརཱུཔཉྩ པཛཱནཱཏི, ནཱམརཱུཔསམུདཡཉྩ པཛཱནཱཏི, ནཱམརཱུཔནིརོདྷཉྩ པཛཱནཱཏི, ནཱམརཱུཔནིརོདྷགཱམིནིཾ པཊིཔདཉྩ པཛཱནཱཏི – ཨེཝཾ པཊིཝེདྷཊྛེན སཙྩཾ.

ཝིཉྙཱཎཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝནྟི – ཨེཝཾ ཨེསནཊྛེན སཙྩཾ. ཝིཉྙཱཎཾ སངྑཱརནིདཱནཾ, སངྑཱརསམུདཡཾ, སངྑཱརཛཱཏིཀཾ ¶ , སངྑཱརཔྤབྷཝནྟི – ཨེཝཾ པརིགྒཧཊྛེན སཙྩཾ. ཝིཉྙཱཎཉྩ པཛཱནཱཏི, ཝིཉྙཱཎསམུདཡཉྩ པཛཱནཱཏི, ཝིཉྙཱཎནིརོདྷཉྩ པཛཱནཱཏི, ཝིཉྙཱཎནིརོདྷགཱམིནིཾ པཊིཔདཉྩ པཛཱནཱཏི – ཨེཝཾ པཊིཝེདྷཊྛེན སཙྩཾ.

སངྑཱརཱ ¶ ཀིཾནིདཱནཱ, ཀིཾསམུདཡཱ, ཀིཾཛཱཏིཀཱ, ཀིཾཔབྷཝཱཏི – ཨེཝཾ ཨེསནཊྛེན སཙྩཾ. སངྑཱརཱ ཨཝིཛྫཱནིདཱནཱ, ཨཝིཛྫཱསམུདཡཱ, ཨཝིཛྫཱཛཱཏིཀཱ, ཨཝིཛྫཱཔབྷཝཱཏི – ཨེཝཾ པརིགྒཧཊྛེན སཙྩཾ. སངྑཱརེ ཙ པཛཱནཱཏི, སངྑཱརསམུདཡཉྩ པཛཱནཱཏི, སངྑཱརནིརོདྷཉྩ པཛཱནཱཏི, སངྑཱརནིརོདྷགཱམིནིཾ པཊིཔདཉྩ པཛཱནཱཏི – ཨེཝཾ པཊིཝེདྷཊྛེན སཙྩཾ.

༡༦. ཛརཱམརཎཾ ¶ དུཀྑསཙྩཾ, ཛཱཏི སམུདཡསཙྩཾ, ཨུབྷིནྣམྤི ནིསྶརཎཾ ནིརོདྷསཙྩཾ, ནིརོདྷཔྤཛཱནནཱ མགྒསཙྩཾ. ཛཱཏི དུཀྑསཙྩཾ, བྷཝོ སམུདཡསཙྩཾ, ཨུབྷིནྣམྤི ནིསྶརཎཾ ནིརོདྷསཙྩཾ, ནིརོདྷཔྤཛཱནནཱ མགྒསཙྩཾ. བྷཝོ དུཀྑསཙྩཾ, ཨུཔཱདཱནཾ སམུདཡསཙྩཾ, ཨུབྷིནྣམྤི ནིསྶརཎཾ ནིརོདྷསཙྩཾ, ནིརོདྷཔྤཛཱནནཱ ¶ མགྒསཙྩཾ. ཨུཔཱདཱནཾ དུཀྑསཙྩཾ, ཏཎྷཱ སམུདཡསཙྩཾ, ཨུབྷིནྣམྤི ནིསྶརཎཾ ནིརོདྷསཙྩཾ, ནིརོདྷཔྤཛཱནནཱ མགྒསཙྩཾ. ཏཎྷཱ དུཀྑསཙྩཾ, ཝེདནཱ སམུདཡསཙྩཾ, ཨུབྷིནྣམྤི ནིསྶརཎཾ ནིརོདྷསཙྩཾ, ནིརོདྷཔྤཛཱནནཱ མགྒསཙྩཾ. ཝེདནཱ དུཀྑསཙྩཾ, ཕསྶོ སམུདཡསཙྩཾ, ཨུབྷིནྣམྤི ནིསྶརཎཾ ནིརོདྷསཙྩཾ, ནིརོདྷཔྤཛཱནནཱ མགྒསཙྩཾ. ཕསྶོ དུཀྑསཙྩཾ, སལཱ༹ཡཏནཾ སམུདཡསཙྩཾ, ཨུབྷིནྣམྤི ནིསྶརཎཾ ནིརོདྷསཙྩཾ, ནིརོདྷཔྤཛཱནནཱ མགྒསཙྩཾ. སལཱ༹ཡཏནཾ དུཀྑསཙྩཾ, ནཱམརཱུཔཾ སམུདཡསཙྩཾ, ཨུབྷིནྣམྤི ནིསྶརཎཾ ནིརོདྷསཙྩཾ, ནིརོདྷཔྤཛཱནནཱ མགྒསཙྩཾ. ནཱམརཱུཔཾ དུཀྑསཙྩཾ, ཝིཉྙཱཎཾ སམུདཡསཙྩཾ, ཨུབྷིནྣམྤི ནིསྶརཎཾ ནིརོདྷསཙྩཾ, ནིརོདྷཔྤཛཱནནཱ མགྒསཙྩཾ. ཝིཉྙཱཎཾ དུཀྑསཙྩཾ, སངྑཱརཱ སམུདཡསཙྩཾ, ཨུབྷིནྣམྤི ནིསྶརཎཾ ནིརོདྷསཙྩཾ, ནིརོདྷཔྤཛཱནནཱ མགྒསཙྩཾ. སངྑཱརཱ དུཀྑསཙྩཾ, ཨཝིཛྫཱ སམུདཡསཙྩཾ, ཨུབྷིནྣམྤི ནིསྶརཎཾ ནིརོདྷསཙྩཾ, ནིརོདྷཔྤཛཱནནཱ མགྒསཙྩཾ.

ཛརཱམརཎཾ ¶ སིཡཱ དུཀྑསཙྩཾ, སིཡཱ སམུདཡསཙྩཾ, ཨུབྷིནྣམྤི ནིསྶརཎཾ ནིརོདྷསཙྩཾ, ནིརོདྷཔྤཛཱནནཱ མགྒསཙྩཾ. ཛཱཏི སིཡཱ དུཀྑསཙྩཾ ¶ , སིཡཱ སམུདཡསཙྩཾ…པེ… བྷཝོ སིཡཱ དུཀྑསཙྩཾ, སིཡཱ སམུདཡསཙྩཾ, ཨུབྷིནྣམྤི ནིསྶརཎཾ ནིརོདྷསཙྩཾ, ནིརོདྷཔྤཛཱནནཱ མགྒསཙྩནྟི.

བྷཱཎཝཱརོ.

སཙྩཀཐཱ ནིཊྛིཏཱ.

༣. བོཛ྄ཛྷངྒཀཐཱ

༡༧. ¶ སཱཝཏྠིནིདཱནཾ. ‘‘སཏྟིམེ ¶ , བྷིཀྑཝེ [སཾ. ནི. ༥.༢༠༠], བོཛ྄ཛྷངྒཱ. ཀཏམེ སཏྟ? སཏིསམྦོཛ྄ཛྷངྒོ ¶ , དྷམྨཝིཙཡསམྦོཛ྄ཛྷངྒོ, ཝཱིརིཡསམྦོཛ྄ཛྷངྒོ, པཱིཏིསམྦོཛ྄ཛྷངྒོ, པསྶདྡྷིསམྦོཛ྄ཛྷངྒོ, སམཱདྷིསམྦོཛ྄ཛྷངྒོ, ཨུཔེཀྑཱསམྦོཛ྄ཛྷངྒོ – ཨིམེ ཁོ, བྷིཀྑཝེ, སཏྟ བོཛ྄ཛྷངྒཱ’’.

བོཛ྄ཛྷངྒཱཏི ཀེནཊྛེན བོཛ྄ཛྷངྒཱ? བོདྷཱཡ སཾཝཏྟནྟཱིཏི – བོཛ྄ཛྷངྒཱ. བུཛ྄ཛྷནྟཱིཏི – བོཛ྄ཛྷངྒཱ. ཨནུབུཛ྄ཛྷནྟཱིཏི – བོཛ྄ཛྷངྒཱ. པཊིབུཛ྄ཛྷནྟཱིཏི – བོཛ྄ཛྷངྒཱ. སམྦུཛ྄ཛྷནྟཱིཏི – བོཛ྄ཛྷངྒཱ.

བུཛ྄ཛྷནཊྛེན བོཛ྄ཛྷངྒཱ, ཨནུབུཛ྄ཛྷནཊྛེན བོཛ྄ཛྷངྒཱ, པཊིབུཛ྄ཛྷནཊྛེན བོཛ྄ཛྷངྒཱ, སམྦུཛ྄ཛྷནཊྛེན བོཛ྄ཛྷངྒཱ.

བོདྷེནྟཱིཏི – བོཛ྄ཛྷངྒཱ. ཨནུབོདྷེནྟཱིཏི – བོཛ྄ཛྷངྒཱ. པཊིབོདྷེནྟཱིཏི – བོཛ྄ཛྷངྒཱ. སམྦོདྷེནྟཱིཏི – བོཛ྄ཛྷངྒཱ.

བོདྷནཊྛེན བོཛ྄ཛྷངྒཱ, ཨནུབོདྷནཊྛེན བོཛ྄ཛྷངྒཱ, པཊིབོདྷནཊྛེན བོཛ྄ཛྷངྒཱ, སམྦོདྷནཊྛེན བོཛ྄ཛྷངྒཱ.

བོདྷིཔཀྑིཡཊྛེན བོཛ྄ཛྷངྒཱ, ཨནུབོདྷིཔཀྑིཡཊྛེན བོཛ྄ཛྷངྒཱ, པཊིབོདྷིཔཀྑིཡཊྛེན བོཛ྄ཛྷངྒཱ, སམྦོདྷིཔཀྑིཡཊྛེན བོཛ྄ཛྷངྒཱ.

བུདྡྷིལབྷནཊྛེན ¶ བོཛ྄ཛྷངྒཱ, བུདྡྷིཔཊིལབྷནཊྛེན བོཛ྄ཛྷངྒཱ, བུདྡྷིརོཔནཊྛེན བོཛ྄ཛྷངྒཱ, བུདྡྷིཨབྷིརོཔནཊྛེན བོཛ྄ཛྷངྒཱ, བུདྡྷིཔཱཔནཊྛེན བོཛ྄ཛྷངྒཱ, བུདྡྷིསམྤཱཔནཊྛེན བོཛ྄ཛྷངྒཱ.

མཱུལམཱུལཀཱདིདསཀཾ

༡༨. མཱུལཊྛེན ¶ བོཛ྄ཛྷངྒཱ, མཱུལཙརིཡཊྛེན བོཛ྄ཛྷངྒཱ, མཱུལཔརིགྒཧཊྛེན བོཛ྄ཛྷངྒཱ, མཱུལཔརིཝཱརཊྛེན བོཛ྄ཛྷངྒཱ ¶ , མཱུལཔརིཔཱུརཎཊྛེན [མཱུལཔརིཔཱུརཊྛེན (སྱཱ. ཀ.) ཨེཝམུཔརིཔི] བོཛ྄ཛྷངྒཱ, མཱུལཔརིཔཱཀཊྛེན བོཛ྄ཛྷངྒཱ, མཱུལཔཊིསམྦྷིདཊྛེན ¶ བོཛ྄ཛྷངྒཱ, མཱུལཔཊིསམྦྷིདཱཔཱཔནཊྛེན བོཛ྄ཛྷངྒཱ, མཱུལཔཊིསམྦྷིདཱཡ ཝསཱིབྷཱཝཊྛེན བོཛ྄ཛྷངྒཱ, མཱུལཔཊིསམྦྷིདཱཡ ཝསཱིབྷཱཝཔྤཏྟཱནམྤི བོཛ྄ཛྷངྒཱ.

ཧེཏུཊྛེན བོཛ྄ཛྷངྒཱ, ཧེཏུཙརིཡཊྛེན བོཛ྄ཛྷངྒཱ, ཧེཏུཔརིགྒཧཊྛེན བོཛ྄ཛྷངྒཱ, ཧེཏུཔརིཝཱརཊྛེན བོཛ྄ཛྷངྒཱ, ཧེཏུཔརིཔཱུརཎཊྛེན བོཛ྄ཛྷངྒཱ, ཧེཏུཔརིཔཱཀཊྛེན བོཛ྄ཛྷངྒཱ, ཧེཏུཔཊིསམྦྷིདཊྛེན བོཛ྄ཛྷངྒཱ, ཧེཏུཔཊིསམྦྷིདཱཔཱཔནཊྛེན བོཛ྄ཛྷངྒཱ, ཧེཏུཔཊིསམྦྷིདཱཡ ཝསཱིབྷཱཝཊྛེན བོཛ྄ཛྷངྒཱ, ཧེཏུཔཊིསམྦྷིདཱཡ ཝསཱིབྷཱཝཔྤཏྟཱནམྤི བོཛ྄ཛྷངྒཱ.

པཙྩཡཊྛེན བོཛ྄ཛྷངྒཱ, པཙྩཡཙརིཡཊྛེན བོཛ྄ཛྷངྒཱ, པཙྩཡཔརིགྒཧཊྛེན བོཛ྄ཛྷངྒཱ, པཙྩཡཔརིཝཱརཊྛེན བོཛ྄ཛྷངྒཱ, པཙྩཡཔརིཔཱུརཎཊྛེན བོཛ྄ཛྷངྒཱ, པཙྩཡཔརིཔཱཀཊྛེན བོཛ྄ཛྷངྒཱ, པཙྩཡཔཊིསམྦྷིདཊྛེན བོཛ྄ཛྷངྒཱ, པཙྩཡཔཊིསམྦྷིདཱཔཱཔནཊྛེན བོཛ྄ཛྷངྒཱ, པཙྩཡཔཊིསམྦྷིདཱཡ ཝསཱིབྷཱཝཊྛེན བོཛ྄ཛྷངྒཱ, པཙྩཡཔཊིསམྦྷིདཱཡ ཝསཱིབྷཱཝཔྤཏྟཱནམྤི བོཛ྄ཛྷངྒཱ.

ཝིསུདྡྷཊྛེན བོཛ྄ཛྷངྒཱ, ཝིསུདྡྷིཙརིཡཊྛེན བོཛ྄ཛྷངྒཱ, ཝིསུདྡྷིཔརིགྒཧཊྛེན བོཛ྄ཛྷངྒཱ, ཝིསུདྡྷིཔརིཝཱརཊྛེན བོཛ྄ཛྷངྒཱ, ཝིསུདྡྷིཔརིཔཱུརཎཊྛེན བོཛ྄ཛྷངྒཱ, ཝིསུདྡྷིཔརིཔཱཀཊྛེན བོཛ྄ཛྷངྒཱ, ཝིསུདྡྷིཔཊིསམྦྷིདཊྛེན བོཛ྄ཛྷངྒཱ, ཝིསུདྡྷིཔཊིསམྦྷིདཱཔཱཔནཊྛེན བོཛ྄ཛྷངྒཱ, ཝིསུདྡྷིཔཊིསམྦྷིདཱཡ ཝསཱིབྷཱཝཊྛེན བོཛ྄ཛྷངྒཱ, ཝིསུདྡྷིཔཊིསམྦྷིདཱཡ ཝསཱིབྷཱཝཔྤཏྟཱནམྤི བོཛ྄ཛྷངྒཱ.

ཨནཝཛྫཊྛེན བོཛ྄ཛྷངྒཱ, ཨནཝཛྫཙརིཡཊྛེན ¶ བོཛ྄ཛྷངྒཱ, ཨནཝཛྫཔརིགྒཧཊྛེན བོཛ྄ཛྷངྒཱ, ཨནཝཛྫཔརིཝཱརཊྛེན བོཛ྄ཛྷངྒཱ, ཨནཝཛྫཔརིཔཱུརཎཊྛེན བོཛ྄ཛྷངྒཱ, ཨནཝཛྫཔརིཔཱཀཊྛེན བོཛ྄ཛྷངྒཱ, ཨནཝཛྫཔཊིསམྦྷིདཊྛེན བོཛ྄ཛྷངྒཱ, ཨནཝཛྫཔཊིསམྦྷིདཱཔཱཔནཊྛེན བོཛ྄ཛྷངྒཱ, ཨནཝཛྫཔཊིསམྦྷིདཱཡ ཝསཱིབྷཱཝཊྛེན བོཛ྄ཛྷངྒཱ, ཨནཝཛྫཔཊིསམྦྷིདཱཡ ཝསཱིབྷཱཝཔྤཏྟཱནམྤི བོཛ྄ཛྷངྒཱ.

ནེཀྑམྨཊྛེན ¶ བོཛ྄ཛྷངྒཱ, ནེཀྑམྨཙརིཡཊྛེན བོཛ྄ཛྷངྒཱ, ནེཀྑམྨཔརིགྒཧཊྛེན བོཛ྄ཛྷངྒཱ, ནེཀྑམྨཔརིཝཱརཊྛེན བོཛ྄ཛྷངྒཱ, ནེཀྑམྨཔརིཔཱུརཎཊྛེན བོཛ྄ཛྷངྒཱ, ནེཀྑམྨཔརིཔཱཀཊྛེན ¶ ¶ བོཛ྄ཛྷངྒཱ, ནེཀྑམྨཔཊིསམྦྷིདཊྛེན བོཛ྄ཛྷངྒཱ, ནེཀྑམྨཔཊིསམྦྷིདཱཔཱཔནཊྛེན བོཛ྄ཛྷངྒཱ, ནེཀྑམྨཔཊིསམྦྷིདཱཡ ཝསཱིབྷཱཝཊྛེན བོཛ྄ཛྷངྒཱ, ནེཀྑམྨཔཊིསམྦྷིདཱཡ ཝསཱིབྷཱཝཔྤཏྟཱནམྤི བོཛ྄ཛྷངྒཱ.

ཝིམུཏྟཊྛེན བོཛ྄ཛྷངྒཱ, ཝིམུཏྟིཙརིཡཊྛེན བོཛ྄ཛྷངྒཱ, ཝིམུཏྟིཔརིགྒཧཊྛེན བོཛ྄ཛྷངྒཱ, ཝིམུཏྟིཔརིཝཱརཊྛེན བོཛ྄ཛྷངྒཱ, ཝིམུཏྟིཔརིཔཱུརཎཊྛེན བོཛ྄ཛྷངྒཱ, ཝིམུཏྟིཔརིཔཱཀཊྛེན བོཛ྄ཛྷངྒཱ, ཝིམུཏྟིཔཊིསམྦྷིདཊྛེན བོཛ྄ཛྷངྒཱ, ཝིམུཏྟིཔཊིསམྦྷིདཱཔཱཔནཊྛེན བོཛ྄ཛྷངྒཱ, ཝིམུཏྟིཔཊིསམྦྷིདཱཡ ཝསཱིབྷཱཝཊྛེན བོཛ྄ཛྷངྒཱ, ཝིམུཏྟིཔཊིསམྦྷིདཱཡ ཝསཱིབྷཱཝཔྤཏྟཱནམྤི བོཛ྄ཛྷངྒཱ.

ཨནཱསཝཊྛེན བོཛ྄ཛྷངྒཱ, ཨནཱསཝཙརིཡཊྛེན བོཛ྄ཛྷངྒཱ, ཨནཱསཝཔརིགྒཧཊྛེན བོཛ྄ཛྷངྒཱ, ཨནཱསཝཔརིཝཱརཊྛེན བོཛ྄ཛྷངྒཱ, ཨནཱསཝཔརིཔཱུརཎཊྛེན བོཛ྄ཛྷངྒཱ, ཨནཱསཝཔརིཔཱཀཊྛེན བོཛ྄ཛྷངྒཱ ¶ , ཨནཱསཝཔཊིསམྦྷིདཊྛེན བོཛ྄ཛྷངྒཱ, ཨནཱསཝཔཊིསམྦྷིདཱཔཱཔནཊྛེན བོཛ྄ཛྷངྒཱ, ཨནཱསཝཔཊིསམྦྷིདཱཡ ཝསཱིབྷཱཝཊྛེན བོཛ྄ཛྷངྒཱ, ཨནཱསཝཔཊིསམྦྷིདཱཡ ཝསཱིབྷཱཝཔྤཏྟཱནམྤི བོཛ྄ཛྷངྒཱ.

ཝིཝེཀཊྛེན བོཛ྄ཛྷངྒཱ, ཝིཝེཀཙརིཡཊྛེན བོཛ྄ཛྷངྒཱ, ཝིཝེཀཔརིགྒཧཊྛེན བོཛ྄ཛྷངྒཱ, ཝིཝེཀཔརིཝཱརཊྛེན བོཛ྄ཛྷངྒཱ, ཝིཝེཀཔརིཔཱུརཎཊྛེན བོཛ྄ཛྷངྒཱ, ཝིཝེཀཔརིཔཱཀཊྛེན བོཛ྄ཛྷངྒཱ, ཝིཝེཀཔཊིསམྦྷིདཊྛེན བོཛ྄ཛྷངྒཱ, ཝིཝེཀཔཊིསམྦྷིདཱཔཱཔནཊྛེན བོཛ྄ཛྷངྒཱ, ཝིཝེཀཔཊིསམྦྷིདཱཡ ཝསཱིབྷཱཝཊྛེན བོཛ྄ཛྷངྒཱ, ཝིཝེཀཔཊིསམྦྷིདཱཡ ཝསཱིབྷཱཝཔྤཏྟཱནམྤི བོཛ྄ཛྷངྒཱ.

ཝོསགྒཊྛེན བོཛ྄ཛྷངྒཱ, ཝོསགྒཙརིཡཊྛེན བོཛ྄ཛྷངྒཱ, ཝོསགྒཔརིགྒཧཊྛེན བོཛ྄ཛྷངྒཱ, ཝོསགྒཔརིཝཱརཊྛེན བོཛ྄ཛྷངྒཱ, ཝོསགྒཔརིཔཱུརཎཊྛེན བོཛ྄ཛྷངྒཱ, ཝོསགྒཔརིཔཱཀཊྛེན བོཛ྄ཛྷངྒཱ, ཝོསགྒཔཊིསམྦྷིདཊྛེན བོཛ྄ཛྷངྒཱ, ཝོསགྒཔཊིསམྦྷིདཱཔཱཔནཊྛེན བོཛ྄ཛྷངྒཱ, ཝོསགྒཔཊིསམྦྷིདཱཡ ཝསཱིབྷཱཝཊྛེན བོཛ྄ཛྷངྒཱ, ཝོསགྒཔཊིསམྦྷིདཱཡ ཝསཱིབྷཱཝཔྤཏྟཱནམྤི བོཛ྄ཛྷངྒཱ.

༡༩. མཱུལཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཧེཏུཊྛཾ བུཛ྄ཛྷནྟཱིཏི – བོཛ྄ཛྷངྒཱ. པཙྩཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝིསུདྡྷཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨནཝཛྫཊྛཾ བུཛ྄ཛྷནྟཱིཏི – བོཛ྄ཛྷངྒཱ. ནེཀྑམྨཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝིམུཏྟཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨནཱསཝཊྛཾ ¶ བུཛ྄ཛྷནྟཱིཏི – བོཛ྄ཛྷངྒཱ. ཝིཝེཀཊྛཾ བུཛ྄ཛྷནྟཱིཏི – བོཛ྄ཛྷངྒཱ ¶ . ཝོསགྒཊྛཾ བུཛ྄ཛྷནྟཱིཏི – བོཛ྄ཛྷངྒཱ.

མཱུལཙརིཡཊྛཾ ¶ ¶ བུཛ྄ཛྷནྟཱིཏི – བོཛ྄ཛྷངྒཱ. ཧེཏུཙརིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. པཙྩཡཙརིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝིསུདྡྷིཙརིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨནཝཛྫཙརིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ནེཀྑམྨཙརིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝིམུཏྟིཙརིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨནཱསཝཙརིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝིཝེཀཙརིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝོསགྒཙརིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ.

མཱུལཔརིགྒཧཊྛཾ བུཛ྄ཛྷནྟཱིཏི – བོཛ྄ཛྷངྒཱ…པེ… ཝོསགྒཔརིགྒཧཊྛཾ བུཛ྄ཛྷནྟཱིཏི – བོཛ྄ཛྷངྒཱ. མཱུལཔརིཝཱརཊྛཾ བུཛ྄ཛྷནྟཱིཏི – བོཛ྄ཛྷངྒཱ…པེ… ཝོསགྒཔརིཝཱརཊྛཾ བུཛ྄ཛྷནྟཱིཏི – བོཛ྄ཛྷངྒཱ. མཱུལཔརིཔཱུརཎཊྛཾ བུཛ྄ཛྷནྟཱིཏི – བོཛ྄ཛྷངྒཱ…པེ… ཝོསགྒཔརིཔཱུརཊྛཾ བུཛ྄ཛྷནྟཱིཏི – བོཛ྄ཛྷངྒཱ. མཱུལཔརིཔཱཀཊྛཾ བུཛ྄ཛྷནྟཱིཏི – བོཛ྄ཛྷངྒཱ…པེ… ཝོསགྒཔརིཔཱཀཊྛཾ བུཛ྄ཛྷནྟཱིཏི – བོཛ྄ཛྷངྒཱ. མཱུལཔཊིསམྦྷིདཊྛཾ བུཛ྄ཛྷནྟཱིཏི – བོཛ྄ཛྷངྒཱ…པེ… ཝོསགྒཔཊིསམྦྷིདཊྛཾ བུཛ྄ཛྷནྟཱིཏི – བོཛ྄ཛྷངྒཱ. མཱུལཔཊིསམྦྷིདཱཔཱཔནཊྛཾ བུཛ྄ཛྷནྟཱིཏི – བོཛ྄ཛྷངྒཱ…པེ… ཝོསགྒཔཊིསམྦྷིདཱཔཱཔནཊྛཾ བུཛ྄ཛྷནྟཱིཏི – བོཛ྄ཛྷངྒཱ. མཱུལཔཊིསམྦྷིདཱཡ ཝསཱིབྷཱཝཊྛཾ བུཛ྄ཛྷནྟཱིཏི – བོཛ྄ཛྷངྒཱ…པེ… ཝོསགྒཔཊིསམྦྷིདཱཡ ཝསཱིབྷཱཝཊྛཾ བུཛ྄ཛྷནྟཱིཏི – བོཛ྄ཛྷངྒཱ…པེ….

པརིགྒཧཊྛཾ བུཛ྄ཛྷནྟཱིཏི – བོཛ྄ཛྷངྒཱ. པརིཝཱརཊྛཾ བུཛ྄ཛྷནྟཱིཏི – བོཛ྄ཛྷངྒཱ. པརིཔཱུརཎཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀགྒཊྛཾ ¶ བུཛ྄ཛྷནྟཱིཏི – བོཛ྄ཛྷངྒཱ. ཨཝིཀྑེཔཊྛཾ བུཛ྄ཛྷནྟཱིཏི – བོཛ྄ཛྷངྒཱ. པགྒཧཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨཝིསཱརཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨནཱཝིལཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨནིཉྫནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟུཔཊྛཱནཝསེན ཙིཏྟསྶ ཋིཏཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨཱརམྨཎཊྛཾ བུཛ྄ཛྷནྟཱིཏི – བོཛ྄ཛྷངྒཱ. གོཙརཊྛཾ བུཛ྄ཛྷནྟཱིཏི – བོཛ྄ཛྷངྒཱ. པཧཱནཊྛཾ ¶ བུཛ྄ཛྷནྟཱིཏི – བོཛ྄ཛྷངྒཱ. པརིཙྩཱགཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝུཊྛཱནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝིཝཊྚནཊྛཾ བུཛ྄ཛྷནྟཱིཏི – བོཛ྄ཛྷངྒཱ. སནྟཊྛཾ བུཛ྄ཛྷནྟཱིཏི – བོཛ྄ཛྷངྒཱ. པཎཱིཏཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝིམུཏྟཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨནཱསཝཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཏརཎཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨནིམིཏྟཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨཔྤཎིཧིཏཊྛཾ བུཛ྄ཛྷནྟཱིཏི – བོཛ྄ཛྷངྒཱ. སུཉྙཏཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀརསཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨནཏིཝཏྟནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཡུགནདྡྷཊྛཾ བུཛ྄ཛྷནྟཱིཏི – བོཛ྄ཛྷངྒཱ. ནིཡྻཱནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཧེཏུཊྛཾ བུཛ྄ཛྷནྟཱིཏི – བོཛ྄ཛྷངྒཱ. དསྶནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨཱདྷིཔཏེཡྻཊྛཾ བུཛ྄ཛྷནྟཱིཏི – བོཛ྄ཛྷངྒཱ.

སམཐསྶ ཨཝིཀྑེཔཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝིཔསྶནཱཡ ཨནུཔསྶནཊྛཾ བུཛ྄ཛྷནྟཱིཏི ¶ – བོཛ྄ཛྷངྒཱ. སམཐཝིཔསྶནཱནཾ ཨེཀརསཊྛཾ ¶ བུཛ྄ཛྷནྟཱིཏི – བོཛ྄ཛྷངྒཱ. ཡུགནདྡྷསྶ ཨནཏིཝཏྟནཊྛཾ བུཛ྄ཛྷནྟཱིཏི – བོཛ྄ཛྷངྒཱ. སིཀྑཱཡ སམཱདཱནཊྛཾ བུཛ྄ཛྷནྟཱིཏི ¶ – བོཛ྄ཛྷངྒཱ. ཨཱརམྨཎསྶ གོཙརཊྛཾ བུཛ྄ཛྷནྟཱིཏི – བོཛ྄ཛྷངྒཱ. ལཱིནསྶ ཙིཏྟསྶ པགྒཧཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨུདྡྷཏསྶ ཙིཏྟསྶ ནིགྒཧཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨུབྷོཝིསུདྡྷཱནཾ ཨཛ྄ཛྷུཔེཀྑནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝིསེསཱདྷིགམཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨུཏྟརི པཊིཝེདྷཊྛཾ བུཛ྄ཛྷནྟཱིཏི – བོཛ྄ཛྷངྒཱ. སཙྩཱབྷིསམཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ནིརོདྷེ པཏིཊྛཱཔཀཊྛཾ བུཛ྄ཛྷནྟཱིཏི – བོཛ྄ཛྷངྒཱ.

སདྡྷིནྡྲིཡསྶ ཨདྷིམོཀྑཊྛཾ བུཛ྄ཛྷནྟཱིཏི – བོཛ྄ཛྷངྒཱ…པེ… པཉྙིནྡྲིཡསྶ དསྶནཊྛཾ བུཛ྄ཛྷནྟཱིཏི – བོཛ྄ཛྷངྒཱ. སདྡྷཱབལསྶ ཨསྶདྡྷིཡེ ཨཀམྤིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ…པེ… པཉྙཱབལསྶ ཨཝིཛྫཱཡ ཨཀམྤིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. སཏིསམྦོཛ྄ཛྷངྒསྶ ཨུཔཊྛཱནཊྛཾ བུཛ྄ཛྷནྟཱིཏི – བོཛ྄ཛྷངྒཱ…པེ… ཨུཔེཀྑཱསམྦོཛ྄ཛྷངྒསྶ པཊིསངྑཱནཊྛཾ ¶ བུཛ྄ཛྷནྟཱིཏི – བོཛ྄ཛྷངྒཱ. སམྨཱདིཊྛིཡཱ དསྶནཊྛཾ བུཛ྄ཛྷནྟཱིཏི – བོཛ྄ཛྷངྒཱ…པེ… སམྨཱསམཱདྷིསྶ ཨཝིཀྑེཔཊྛཾ བུཛ྄ཛྷནྟཱིཏི – བོཛ྄ཛྷངྒཱ.

ཨིནྡྲིཡཱནཾ ཨཱདྷིཔཏེཡྻཊྛཾ བུཛ྄ཛྷནྟཱིཏི – བོཛ྄ཛྷངྒཱ. བལཱནཾ ཨཀམྤིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ནིཡྻཱནཊྛཾ བུཛ྄ཛྷནྟཱིཏི – བོཛ྄ཛྷངྒཱ. མགྒསྶ ཧེཏུཊྛཾ བུཛ྄ཛྷནྟཱིཏི – བོཛ྄ཛྷངྒཱ. སཏིཔཊྛཱནཱནཾ ཨུཔཊྛཱནཊྛཾ ¶ བུཛ྄ཛྷནྟཱིཏི – བོཛ྄ཛྷངྒཱ. སམྨཔྤདྷཱནཱནཾ པདཧནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨིདྡྷིཔཱདཱནཾ ཨིཛ྄ཛྷནཊྛཾ བུཛ྄ཛྷནྟཱིཏི – བོཛ྄ཛྷངྒཱ. སཙྩཱནཾ ཏཐཊྛཾ བུཛ྄ཛྷནྟཱིཏི – བོཛ྄ཛྷངྒཱ. པཡོགཱནཾ པཊིཔྤསྶདྡྷཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཕལཱནཾ སཙྪིཀིརིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ.

ཝིཏཀྐསྶ ཨབྷིནིརོཔནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝིཙཱརསྶ ཨུཔཝིཙཱརཊྛཾ བུཛ྄ཛྷནྟཱིཏི – བོཛ྄ཛྷངྒཱ. པཱིཏིཡཱ ཕརཎཊྛཾ བུཛ྄ཛྷནྟཱིཏི – བོཛ྄ཛྷངྒཱ. སུཁསྶ ཨབྷིསནྡནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཙིཏྟསྶ ཨེཀགྒཊྛཾ བུཛ྄ཛྷནྟཱིཏི – བོཛ྄ཛྷངྒཱ.

ཨཱཝཛྫནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝིཛཱནནཊྛཾ བུཛ྄ཛྷནྟཱིཏི – བོཛ྄ཛྷངྒཱ. པཛཱནནཊྛཾ བུཛ྄ཛྷནྟཱིཏི – བོཛ྄ཛྷངྒཱ. སཉྫཱནནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀོདཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨབྷིཉྙཱཡ ཉཱཏཊྛཾ [ཨབྷིཉྙེཡྻཏྠཾ (སྱཱ.)] བུཛ྄ཛྷནྟཱིཏི – བོཛ྄ཛྷངྒཱ. པརིཉྙཱཡ ཏཱིརཎཊྛཾ བུཛ྄ཛྷནྟཱིཏི – བོཛ྄ཛྷངྒཱ. པཧཱནསྶ པརིཙྩཱགཊྛཾ བུཛ྄ཛྷནྟཱིཏི – བོཛ྄ཛྷངྒཱ. བྷཱཝནཱཡ ཨེཀརསཊྛཾ བུཛ྄ཛྷནྟཱིཏི – བོཛ྄ཛྷངྒཱ ¶ . སཙྪིཀིརིཡཱཡ ཕསྶནཊྛཾ བུཛ྄ཛྷནྟཱིཏི – བོཛ྄ཛྷངྒཱ ¶ . ཁནྡྷཱནཾ ཁནྡྷཊྛཾ བུཛ྄ཛྷནྟཱིཏི – བོཛ྄ཛྷངྒཱ. དྷཱཏཱུནཾ དྷཱཏུཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨཱཡཏནཱནཾ ཨཱཡཏནཊྛཾ བུཛ྄ཛྷནྟཱིཏི – བོཛ྄ཛྷངྒཱ. སངྑཏཱནཾ སངྑཏཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨསངྑཏསྶ ཨསངྑཏཊྛཾ བུཛ྄ཛྷནྟཱིཏི – བོཛ྄ཛྷངྒཱ.

ཙིཏྟཊྛཾ ¶ བུཛ྄ཛྷནྟཱིཏི – བོཛ྄ཛྷངྒཱ. ཙིཏྟཱནནྟརིཡཊྛཾ བུཛ྄ཛྷནྟཱིཏི ¶ – བོཛ྄ཛྷངྒཱ. ཙིཏྟསྶ ཝུཊྛཱནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཙིཏྟསྶ ཝིཝཊྚནཊྛཾ [ཝིཝཛྫནཊྛཾ (སྱཱ.)] བུཛ྄ཛྷནྟཱིཏི – བོཛ྄ཛྷངྒཱ. ཙིཏྟསྶ ཧེཏུཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཙིཏྟསྶ པཙྩཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཙིཏྟསྶ ཝཏྠུཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཙིཏྟསྶ བྷཱུམཊྛཾ [བྷུམྨཊྛཾ (སྱཱ.) པཊི. མ. ༡.༡༤ པསྶིཏབྦཱ] བུཛ྄ཛྷནྟཱིཏི – བོཛ྄ཛྷངྒཱ. ཙིཏྟསྶ ཨཱརམྨཎཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཙིཏྟསྶ གོཙརཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཙིཏྟསྶ ཙརིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཙིཏྟསྶ གཏཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཙིཏྟསྶ ཨབྷིནཱིཧཱརཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཙིཏྟསྶ ནིཡྻཱནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཙིཏྟསྶ ནིསྶརཎཊྛཾ བུཛ྄ཛྷནྟཱིཏི – བོཛ྄ཛྷངྒཱ.

ཨེཀཏྟེ ཨཱཝཛྫནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ ཝིཛཱནནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ པཛཱནནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ སཉྫཱནནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ ཨེཀོདཊྛཾ བུཛ྄ཛྷནྟཱིཏི – བོཛ྄ཛྷངྒཱ. ( ) [(ཨེཀཏྟེ ཨུཔནིབནྡྷནཊྛཾ བུཛ྄ཛྷནྟཱིཏི – བོཛ྄ཛྷངྒཱ) (སབྦཏྠ)]. ཨེཀཏྟེ པཀྑནྡནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ པསཱིདནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ སནྟིཊྛནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ ཝིམུཙྩནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ ¶ ཨེཏཾ སནྟནྟི པསྶནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ ཡཱནཱིཀཏཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ ཝཏྠུཀཏཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ ཨནུཊྛིཏཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ པརིཙིཏཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ སུསམཱརདྡྷཊྛཾ བུཛ྄ཛྷནྟཱིཏི – བོཛ྄ཛྷངྒཱ ¶ . ཨེཀཏྟེ པརིགྒཧཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ པརིཝཱརཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ པརིཔཱུརཎཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ སམོདྷཱནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ ཨདྷིཊྛཱནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ ཨཱསེཝནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ བྷཱཝནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ བཧུལཱིཀམྨཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ སུསམུགྒཏཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ སུཝིམུཏྟཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ བུཛ྄ཛྷནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ ཨནུབུཛ྄ཛྷནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ པཊིབུཛ྄ཛྷནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ སམྦུཛ྄ཛྷནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ བོདྷནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ ཨནུབོདྷནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ པཊིབོདྷནཊྛཾ བུཛ྄ཛྷནྟཱིཏི ¶ – བོཛ྄ཛྷངྒཱ. ཨེཀཏྟེ སམྦུཛ྄ཛྷནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ བོདྷིཔཀྑིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ ཨནུབོདྷིཔཀྑིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ པཊིབོདྷིཔཀྑིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ སམྦོདྷིཔཀྑིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ ཛོཏནཊྛཾ ¶ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ ཨུཛྫོཏནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ ཨནུཛོཏནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ པཊིཛོཏནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨེཀཏྟེ སཉྫོཏནཊྛཾ བུཛ྄ཛྷནྟཱིཏི – བོཛ྄ཛྷངྒཱ.

པཏཱཔནཊྛཾ ¶ བུཛ྄ཛྷནྟཱིཏི – བོཛ྄ཛྷངྒཱ. ཝིརོཙནཊྛཾ བུཛ྄ཛྷནྟཱིཏི – བོཛ྄ཛྷངྒཱ ¶ . ཀིལེསཱནཾ སནྟཱཔནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨམལཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝིམལཊྛཾ བུཛ྄ཛྷནྟཱིཏི – བོཛ྄ཛྷངྒཱ. ནིམྨལཊྛཾ བུཛ྄ཛྷནྟཱིཏི – བོཛ྄ཛྷངྒཱ. སམཊྛཾ བུཛ྄ཛྷནྟཱིཏི – བོཛ྄ཛྷངྒཱ. སམཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝིཝེཀཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝིཝེཀཙརིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝིརཱགཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝིརཱགཙརིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ནིརོདྷཊྛཾ བུཛ྄ཛྷནྟཱིཏི – བོཛ྄ཛྷངྒཱ. ནིརོདྷཙརིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝོསགྒཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝོསགྒཙརིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝིམུཏྟཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝིམུཏྟིཙརིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ.

ཚནྡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཚནྡསྶ མཱུལཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཚནྡསྶ པཱདཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཚནྡསྶ པདྷཱནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཚནྡསྶ ཨིཛ྄ཛྷནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཚནྡསྶ ཨདྷིམོཀྑཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཚནྡསྶ པགྒཧཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཚནྡསྶ ཨུཔཊྛཱནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཚནྡསྶ ཨཝིཀྑེཔཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཚནྡསྶ དསྶནཊྛཾ བུཛ྄ཛྷནྟཱིཏི – བོཛ྄ཛྷངྒཱ.

ཝཱིརིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ…པེ… ཙིཏྟཊྛཾ བུཛ྄ཛྷནྟཱིཏི – བོཛ྄ཛྷངྒཱ…པེ… ཝཱིམཾསཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝཱིམཾསཱཡ མཱུལཊྛཾ ¶ བུཛ྄ཛྷནྟཱིཏི – བོཛ྄ཛྷངྒཱ. ཝཱིམཾསཱཡ པཱདཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝཱིམཾསཱཡ པདྷཱནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝཱིམཾསཱཡ ཨིཛ྄ཛྷནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝཱིམཾསཱཡ ཨདྷིམོཀྑཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝཱིམཾསཱཡ པགྒཧཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝཱིམཾསཱཡ ཨུཔཊྛཱནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝཱིམཾསཱཡ ཨཝིཀྑེཔཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཝཱིམཾསཱཡ དསྶནཊྛཾ བུཛ྄ཛྷནྟཱིཏི – བོཛ྄ཛྷངྒཱ.

དུཀྑཊྛཾ བུཛ྄ཛྷནྟཱིཏི – བོཛ྄ཛྷངྒཱ. དུཀྑསྶ པཱིལ༹ནཊྛཾ བུཛ྄ཛྷནྟཱིཏི – བོཛ྄ཛྷངྒཱ. དུཀྑསྶ ¶ སངྑཏཊྛཾ བུཛ྄ཛྷནྟཱིཏི – བོཛ྄ཛྷངྒཱ. དུཀྑསྶ སནྟཱཔཊྛཾ བུཛ྄ཛྷནྟཱིཏི – བོཛ྄ཛྷངྒཱ. དུཀྑསྶ ཝིཔརིཎཱམཊྛཾ ¶ བུཛ྄ཛྷནྟཱིཏི – བོཛ྄ཛྷངྒཱ. སམུདཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. སམུདཡསྶ ཨཱཡཱུཧནཊྛཾ ནིདཱནཊྛཾ སཉྙོགཊྛཾ པལིབོདྷཊྛཾ བུཛ྄ཛྷནྟཱིཏི – བོཛ྄ཛྷངྒཱ. ནིརོདྷཊྛཾ བུཛ྄ཛྷནྟཱིཏི – བོཛ྄ཛྷངྒཱ. ནིརོདྷསྶ ནིསྶརཎཊྛཾ ཝིཝེཀཊྛཾ ཨསངྑཏཊྛཾ ཨམཏཊྛཾ བུཛ྄ཛྷནྟཱིཏི – བོཛ྄ཛྷངྒཱ. མགྒཊྛཾ བུཛ྄ཛྷནྟཱིཏི – བོཛ྄ཛྷངྒཱ. མགྒསྶ ནིཡྻཱནཊྛཾ ཧེཏུཊྛཾ དསྶནཊྛཾ ཨཱདྷིཔཏེཡྻཊྛཾ བུཛ྄ཛྷནྟཱིཏི – བོཛ྄ཛྷངྒཱ.

ཏཐཊྛཾ ¶ བུཛ྄ཛྷནྟཱིཏི – བོཛ྄ཛྷངྒཱ. ཨནཏྟཊྛཾ བུཛ྄ཛྷནྟཱིཏི – བོཛ྄ཛྷངྒཱ. སཙྩཊྛཾ བུཛ྄ཛྷནྟཱིཏི – བོཛ྄ཛྷངྒཱ. པཊིཝེདྷཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨབྷིཛཱནནཊྛཾ བུཛ྄ཛྷནྟཱིཏི – བོཛ྄ཛྷངྒཱ. པརིཛཱནནཊྛཾ བུཛ྄ཛྷནྟཱིཏི – བོཛ྄ཛྷངྒཱ. དྷམྨཊྛཾ བུཛ྄ཛྷནྟཱིཏི – བོཛ྄ཛྷངྒཱ. དྷཱཏུཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཉཱཏཊྛཾ བུཛ྄ཛྷནྟཱིཏི – བོཛ྄ཛྷངྒཱ. སཙྪིཀིརིཡཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཕསྶནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཨབྷིསམཡཊྛཾ བུཛ྄ཛྷནྟཱིཏི – བོཛ྄ཛྷངྒཱ.

ནེཀྑམྨཾ བུཛ྄ཛྷནྟཱིཏི – བོཛ྄ཛྷངྒཱ. ཨབྱཱཔཱདཾ ¶ བུཛ྄ཛྷནྟཱིཏི – བོཛ྄ཛྷངྒཱ. ཨཱལོཀསཉྙཾ བུཛ྄ཛྷནྟཱིཏི – བོཛ྄ཛྷངྒཱ. ཨཝིཀྑེཔཾ བུཛ྄ཛྷནྟཱིཏི – བོཛ྄ཛྷངྒཱ. དྷམྨཝཝཏྠཱནཾ བུཛ྄ཛྷནྟཱིཏི – བོཛ྄ཛྷངྒཱ. ཉཱཎཾ བུཛ྄ཛྷནྟཱིཏི – བོཛ྄ཛྷངྒཱ. པཱམོཛྫཾ བུཛ྄ཛྷནྟཱིཏི – བོཛ྄ཛྷངྒཱ. པཋམཾ ཛྷཱནཾ བུཛ྄ཛྷནྟཱིཏི – བོཛ྄ཛྷངྒཱ…པེ… ཨརཧཏྟམགྒཾ བུཛ྄ཛྷནྟཱིཏི – བོཛ྄ཛྷངྒཱ. ཨརཧཏྟཕལསམཱཔཏྟིཾ བུཛ྄ཛྷནྟཱིཏི – བོཛ྄ཛྷངྒཱ.

ཨདྷིམོཀྑཊྛེན སདྡྷིནྡྲིཡཾ བུཛ྄ཛྷནྟཱིཏི – བོཛ྄ཛྷངྒཱ…པེ… དསྶནཊྛེན པཉྙིནྡྲིཡཾ བུཛ྄ཛྷནྟཱིཏི – བོཛ྄ཛྷངྒཱ. ཨསྶདྡྷིཡེ ཨཀམྤིཡཊྛེན སདྡྷཱབལཾ བུཛ྄ཛྷནྟཱིཏི – བོཛ྄ཛྷངྒཱ…པེ… ཨཝིཛྫཱཡ ཨཀམྤིཡཊྛེན པཉྙཱབལཾ བུཛ྄ཛྷནྟཱིཏི – བོཛ྄ཛྷངྒཱ. ཨུཔཊྛཱནཊྛེན སཏིསམྦོཛ྄ཛྷངྒཾ བུཛ྄ཛྷནྟཱིཏི – བོཛ྄ཛྷངྒཱ…པེ… པཊིསངྑཱནཊྛེན ཨུཔེཀྑཱསམྦོཛ྄ཛྷངྒཾ བུཛ྄ཛྷནྟཱིཏི – བོཛ྄ཛྷངྒཱ.

དསྶནཊྛེན སམྨཱདིཊྛིཾ བུཛ྄ཛྷནྟཱིཏི – བོཛ྄ཛྷངྒཱ…པེ… ཨཝིཀྑེཔཊྛེན སམྨཱསམཱདྷིཾ བུཛ྄ཛྷནྟཱིཏི – བོཛ྄ཛྷངྒཱ. ཨཱདྷིཔཏེཡྻཊྛེན ཨིནྡྲིཡཾ བུཛ྄ཛྷནྟཱིཏི – བོཛ྄ཛྷངྒཱ. ཨཀམྤིཡཊྛེན བལཾ བུཛ྄ཛྷནྟཱིཏི – བོཛ྄ཛྷངྒཱ. ནིཡྻཱནཊྛཾ བུཛ྄ཛྷནྟཱིཏི – བོཛ྄ཛྷངྒཱ. ཧེཏུཊྛེན མགྒཾ བུཛ྄ཛྷནྟཱིཏི – བོཛ྄ཛྷངྒཱ. ཨུཔཊྛཱནཊྛེན སཏིཔཊྛཱནཾ བུཛ྄ཛྷནྟཱིཏི ¶ – བོཛ྄ཛྷངྒཱ. པདཧནཊྛེན སམྨཔྤདྷཱནཾ བུཛ྄ཛྷནྟཱིཏི – བོཛ྄ཛྷངྒཱ. ཨིཛ྄ཛྷནཊྛེན ཨིདྡྷིཔཱདཾ བུཛ྄ཛྷནྟཱིཏི – བོཛ྄ཛྷངྒཱ. ཏཐཊྛེན སཙྩཾ བུཛ྄ཛྷནྟཱིཏི – བོཛ྄ཛྷངྒཱ. ཨཝིཀྑེཔཊྛེན སམཐཾ བུཛ྄ཛྷནྟཱིཏི – བོཛ྄ཛྷངྒཱ. ཨནུཔསྶནཊྛེ ཝིཔསྶནཾ ¶ …པེ… ཨེཀརསཊྛེན སམཐཝིཔསྶནཾ ¶ བུཛ྄ཛྷནྟཱིཏི – བོཛ྄ཛྷངྒཱ. ཨནཏིཝཏྟནཊྛེན ཡུགནདྡྷཾ བུཛ྄ཛྷནྟཱིཏི – བོཛ྄ཛྷངྒཱ. སཾཝརཊྛེན སཱིལཝིསུདྡྷིཾ བུཛ྄ཛྷནྟཱིཏི – བོཛ྄ཛྷངྒཱ. ཨཝིཀྑེཔཊྛེན ཙིཏྟཝིསུདྡྷིཾ བུཛ྄ཛྷནྟཱིཏི – བོཛ྄ཛྷངྒཱ. དསྶནཊྛེན དིཊྛིཝིསུདྡྷིཾ བུཛ྄ཛྷནྟཱིཏི – བོཛ྄ཛྷངྒཱ. མུཏྟཊྛེན ཝིམོཀྑཾ བུཛ྄ཛྷནྟཱིཏི – བོཛ྄ཛྷངྒཱ. པཊིཝེདྷཊྛེན ཝིཛྫཾ བུཛ྄ཛྷནྟཱིཏི – བོཛ྄ཛྷངྒཱ. པརིཙྩཱགཊྛེན ཝིམུཏྟིཾ བུཛ྄ཛྷནྟཱིཏི – བོཛ྄ཛྷངྒཱ. སམུཙྪེདཊྛེན ཁཡེ ཉཱཎཾ བུཛ྄ཛྷནྟཱིཏི – བོཛ྄ཛྷངྒཱ. པཊིཔྤསྶདྡྷཊྛེན ཨནུཔྤཱདེ ཉཱཎཾ བུཛ྄ཛྷནྟཱིཏི – བོཛ྄ཛྷངྒཱ.

ཚནྡཾ མཱུལཊྛེན བུཛ྄ཛྷནྟཱིཏི – བོཛ྄ཛྷངྒཱ. མནསིཀཱརཾ སམུཊྛཱནཊྛེན བུཛ྄ཛྷནྟཱིཏི – བོཛ྄ཛྷངྒཱ. ཕསྶཾ སམོདྷཱནཊྛེན བུཛ྄ཛྷནྟཱིཏི – བོཛ྄ཛྷངྒཱ. ཝེདནཾ སམོསརཎཊྛེན བུཛ྄ཛྷནྟཱིཏི – བོཛ྄ཛྷངྒཱ. སམཱདྷིཾ པམུཁཊྛེན བུཛ྄ཛྷནྟཱིཏི – བོཛ྄ཛྷངྒཱ. སཏིཾ ཨཱདྷིཔཏེཡྻཊྛེན ¶ བུཛ྄ཛྷནྟཱིཏི – བོཛ྄ཛྷངྒཱ. པཉྙཾ ཏཏུཏྟརཊྛེན བུཛ྄ཛྷནྟཱིཏི – བོཛ྄ཛྷངྒཱ. ཝིམུཏྟིཾ སཱརཊྛེན བུཛ྄ཛྷནྟཱིཏི – བོཛ྄ཛྷངྒཱ. ཨམཏོགདྷཾ ནིབྦཱནཾ པརིཡོསཱནཊྛེན བུཛ྄ཛྷནྟཱིཏི – བོཛ྄ཛྷངྒཱ.

༢༠. སཱཝཏྠིནིདཱནཾ. ཏཏྲ ཁོ ཨཱཡསྨཱ སཱརིཔུཏྟོ བྷིཀྑཱུ ཨཱམནྟེསི – ‘‘ཨཱཝུསོ བྷིཀྑཝོ’’ཏི [ཨཱཝུསོཏི (སྱཱ.) སཾ. ནི. ༥.༡༨༥ པསྶིཏབྦཱ]. ‘‘ཨཱཝུསོ’’ཏི ཁོ ཏེ བྷིཀྑཱུ ཨཱཡསྨཏོ སཱརིཔུཏྟསྶ པཙྩསྶོསུཾ. ཨཱཡསྨཱ སཱརིཔུཏྟོ ཨེཏདཝོཙ –

‘‘སཏྟིམེ, ཨཱཝུསོ, བོཛ྄ཛྷངྒཱ ¶ . ཀཏམེ སཏྟ? སཏིསམྦོཛ྄ཛྷངྒོ, དྷམྨཝིཙཡསམྦོཛ྄ཛྷངྒོ…པེ… ཨུཔེཀྑཱསམྦོཛ྄ཛྷངྒོ – ཨིམེ ཁོ, ཨཱཝུསོ, སཏྟ བོཛ྄ཛྷངྒཱ. ཨིམེསཾ ཁྭཱཧཾ, ཨཱཝུསོ, སཏྟནྣཾ བོཛ྄ཛྷངྒཱནཾ ཡེན ཡེན བོཛ྄ཛྷངྒེན ཨཱཀངྑཱམི པུབྦཎྷསམཡཾ ཝིཧརིཏུཾ, ཏེན ཏེན བོཛ྄ཛྷངྒེན པུབྦཎྷསམཡཾ ཝིཧརཱམི. ཡེན ཡེན བོཛ྄ཛྷངྒེན ཨཱཀངྑཱམི མཛ྄ཛྷནྷིཀསམཡཾ…པེ… སཱཡནྷསམཡཾ ཝིཧརིཏུཾ, ཏེན ཏེན བོཛ྄ཛྷངྒེན སཱཡནྷསམཡཾ ¶ ཝིཧརཱམི. སཏིསམྦོཛ྄ཛྷངྒོ ཨིཏི ཙེ མེ, ‘ཨཱཝུསོ, ཧོཏི, ཨཔྤམཱཎོ’ཏི མེ ཧོཏི, ‘སུསམཱརདྡྷོ’ཏི མེ ཧོཏི. ཏིཊྛནྟཉྩ ནཾ [ཏིཊྛནྟཾ ཙརཾ (སྱཱ.) སཾ. ནི. ༥.༡༨༥ པསྶིཏབྦཱ] ‘ཏིཊྛཏཱི’ཏི པཛཱནཱམི. སཙེཔི མེ ཙཝཏི, ‘ཨིདཔྤཙྩཡཱ མེ ཙཝཏཱི’ཏི པཛཱནཱམི. དྷམྨཝིཙཡསམྦོཛ྄ཛྷངྒོ…པེ… ཨུཔེཀྑཱསམྦོཛ྄ཛྷངྒོ ཨིཏི ཙེ མེ, ཨཱཝུསོ, ཧོཏི, ‘ཨཔྤམཱཎོ’ཏི མེ ཧོཏི, ‘སུསམཱརདྡྷོ’ཏི མེ ཧོཏི. ཏིཊྛནྟཉྩ ནཾ ‘ཏིཊྛཏཱི’ཏི པཛཱནཱམི. སཙེཔི མེ ཙཝཏི, ‘ཨིདཔྤཙྩཡཱ མེ ཙཝཏཱི’ཏི པཛཱནཱམི.

‘‘སེཡྻཐཱཔི, ཨཱཝུསོ, རཉྙོ ཝཱ རཱཛམཧཱམཏྟསྶ ཝཱ ནཱནཱརཏྟཱནཾ དུསྶཱནཾ དུསྶཀརཎྜཀོ པཱུརོ ཨསྶ. སོ ཡཉྙདེཝ དུསྶཡུགཾ ཨཱཀངྑེཡྻ པུབྦཎྷསམཡཾ པཱརུཔིཏུཾ, ཏཾ ཏདེཝ ¶ དུསྶཡུགཾ པུབྦཎྷསམཡཾ པཱརུཔེཡྻ. ཡཉྙདེཝ དུསྶཡུགཾ ཨཱཀངྑེཡྻ མཛ྄ཛྷནྷིཀསམཡཾ…པེ… སཱཡནྷསམཡཾ པཱརུཔིཏུཾ, ཏཾ ཏདེཝ དུསྶཡུགཾ སཱཡནྷསམཡཾ པཱརུཔེཡྻ. ཨེཝམེཝ ཁྭཱཧཾ, ཨཱཝུསོ, ཨིམེསཾ སཏྟནྣཾ བོཛ྄ཛྷངྒཱནཾ ཡེན ཡེན བོཛ྄ཛྷངྒེན ཨཱཀངྑཱམི པུབྦཎྷསམཡཾ ཝིཧརིཏུཾ, ཏེན ¶ ཏེན བོཛ྄ཛྷངྒེན པུབྦཎྷསམཡཾ ཝིཧརཱམི. ཡེན ཡེན བོཛ྄ཛྷངྒེན ཨཱཀངྑཱམི མཛ྄ཛྷནྷིཀསམཡཾ…པེ… སཱཡནྷསམཡཾ ¶ ཝིཧརིཏུཾ, ཏེན ཏེན བོཛ྄ཛྷངྒེན སཱཡནྷསམཡཾ ཝིཧརཱམི. སཏིསམྦོཛ྄ཛྷངྒོ ཨིཏི ཙེ མེ, ཨཱཝུསོ, ཧོཏི, ‘ཨཔྤམཱཎོ’ཏི མེ ཧོཏི, ‘སུསམཱརདྡྷོ’ཏི མེ ཧོཏི. ཏིཊྛནྟཉྩ ནཾ ‘ཏིཊྛཏཱི’ཏི པཛཱནཱམི. སཙེཔི མེ ཙཝཏི, ‘ཨིདཔྤཙྩཡཱ མེ ཙཝཏཱི’ཏི པཛཱནཱམི…པེ… ཨུཔེཀྑཱསམྦོཛ྄ཛྷངྒོ ཨིཏི ཙེ མེ, ཨཱཝུསོ, ཧོཏི, ‘ཨཔྤམཱཎོ’ཏི མེ ཧོཏི, ‘སུསམཱརདྡྷོ’ཏི མེ ཧོཏི. ཏིཊྛནྟཉྩ ནཾ ‘ཏིཊྛཏཱི’ཏི པཛཱནཱམི. སཙེཔི མེ ཙཝཏི, ‘ཨིདཔྤཙྩཡཱ མེ ཙཝཏཱི’ཏི པཛཱནཱམི’’.

སུཏྟནྟནིདྡེསོ

༢༡. ཀཐཾ སཏིསམྦོཛ྄ཛྷངྒོ ཨིཏི ཙེ མེ ཧོཏཱིཏི བོཛ྄ཛྷངྒོ? ཡཱཝཏཱ ནིརོདྷཱུཔཊྛཱཏི ཏཱཝཏཱ སཏིསམྦོཛ྄ཛྷངྒོ. ཨིཏི ཙེ མེ ཧོཏཱིཏི བོཛ྄ཛྷངྒོ. སེཡྻཐཱཔི ཏེལཔྤདཱིཔསྶ ཛྷཱཡཏོ ཡཱཝཏཱ ཨཙྩི ཏཱཝཏཱ ཝཎྞོ, ཡཱཝཏཱ ཝཎྞོ ཏཱཝཏཱ ཨཙྩི. ཨེཝམེཝ ཡཱཝཏཱ ནིརོདྷཱུཔཊྛཱཏི ཏཱཝཏཱ སཏིསམྦོཛ྄ཛྷངྒོ. ཨིཏི ཙེ མེ ཧོཏཱིཏི བོཛ྄ཛྷངྒོ.

ཀཐཾ ¶ ཨཔྤམཱཎོ ཨིཏི ཙེ མེ ཧོཏཱིཏི བོཛ྄ཛྷངྒོ? པམཱཎབདྡྷཱ [པམཱཎཝནྟཱ (སྱཱ.), ཨཊྛཀཐཱ ཨོལོཀེཏབྦཱ] ཀིལེསཱ, སབྦེ ཙ པརིཡུཊྛཱནཱ, ཡེ ཙ སངྑཱརཱ པོནོབྷཝིཀཱ ཨཔྤམཱཎོ ནིརོདྷོ ཨཙལཊྛེན ཨསངྑཏཊྛེན. ཡཱཝཏཱ ནིརོདྷཱུཔཊྛཱཏི ཏཱཝཏཱ ཨཔྤམཱཎོ. ཨིཏི ཙེ མེ ཧོཏཱིཏི བོཛ྄ཛྷངྒོ.

ཀཐཾ སུསམཱརདྡྷོ ཨིཏི ཙེ མེ ཧོཏཱིཏི – བོཛ྄ཛྷངྒོ? ཝིསམཱ ཀིལེསཱ, སབྦེ ¶ ཙ པརིཡུཊྛཱནཱ, ཡེ ཙ སངྑཱརཱ པོནོབྷཝིཀཱ, སམདྷམྨོ ནིརོདྷོ སནྟཊྛེན པཎཱིཏཊྛེན. ཡཱཝཏཱ ནིརོདྷཱུཔཊྛཱཏི ཏཱཝཏཱ སུསམཱརདྡྷོ ཨིཏི ཙེ མེ ཧོཏཱིཏི བོཛ྄ཛྷངྒོ.

ཀཐཾ ‘‘ཏིཊྛནྟཉྩ ནཾ ཏིཊྛཏཱི’’ཏི པཛཱནཱམི; སཙེཔི ཙཝཏི ‘‘ཨིདཔྤཙྩཡཱ ཙཝཏཱི’’ཏི པཛཱནཱམི? ཀཏིཧཱཀཱརེཧི སཏིསམྦོཛ྄ཛྷངྒོ ཏིཊྛཏི? ཀཏིཧཱཀཱརེཧི སཏིསམྦོཛ྄ཛྷངྒོ ཙཝཏི? ཨཊྛཧཱཀཱརེཧི སཏིསམྦོཛ྄ཛྷངྒོ ཏིཊྛཏི. ཨཊྛཧཱཀཱརེཧི སཏིསམྦོཛ྄ཛྷངྒོ ཙཝཏི.

ཀཏམེཧི ¶ ¶ ཨཊྛཧཱཀཱརེཧི སཏིསམྦོཛ྄ཛྷངྒོ ཏིཊྛཏི? ཨནུཔྤཱདཾ ཨཱཝཛྫིཏཏྟཱ སཏིསམྦོཛ྄ཛྷངྒོ ཏིཊྛཏི, ཨུཔྤཱདཾ ཨནཱཝཛྫིཏཏྟཱ སཏིསམྦོཛ྄ཛྷངྒོ ཏིཊྛཏི, ཨཔྤཝཏྟཾ ཨཱཝཛྫིཏཏྟཱ སཏིསམྦོཛ྄ཛྷངྒོ ཏིཊྛཏི, པཝཏྟཾ ཨནཱཝཛྫིཏཏྟཱ སཏིསམྦོཛ྄ཛྷངྒོ ཏིཊྛཏི, ཨནིམིཏྟཾ ཨཱཝཛྫིཏཏྟཱ སཏིསམྦོཛ྄ཛྷངྒོ ཏིཊྛཏི, ནིམིཏྟཾ ཨནཱཝཛྫིཏཏྟཱ སཏིསམྦོཛ྄ཛྷངྒོ ཏིཊྛཏི, ནིརོདྷཾ ཨཱཝཛྫིཏཏྟཱ སཏིསམྦོཛ྄ཛྷངྒོ ཏིཊྛཏི, སངྑཱརེ ཨནཱཝཛྫིཏཏྟཱ སཏིསམྦོཛ྄ཛྷངྒོ ཏིཊྛཏི – ཨིམེཧི ཨཊྛཧཱཀཱརེཧི སཏིསམྦོཛ྄ཛྷངྒོ ཏིཊྛཏི.

ཀཏམེཧི ཨཊྛཧཱཀཱརེཧི སཏིསམྦོཛ྄ཛྷངྒོ ཙཝཏི? ཨུཔྤཱདཾ ཨཱཝཛྫིཏཏྟཱ སཏིསམྦོཛ྄ཛྷངྒོ ཙཝཏི, ཨནུཔྤཱདཾ ཨནཱཝཛྫིཏཏྟཱ སཏིསམྦོཛ྄ཛྷངྒོ ཙཝཏི, པཝཏྟཾ ཨཱཝཛྫིཏཏྟཱ སཏིསམྦོཛ྄ཛྷངྒོ ཙཝཏི, ཨཔྤཝཏྟཾ ཨནཱཝཛྫིཏཏྟཱ སཏིསམྦོཛ྄ཛྷངྒོ ཙཝཏི, ནིམིཏྟཾ ཨཱཝཛྫིཏཏྟཱ སཏིསམྦོཛ྄ཛྷངྒོ ཙཝཏི, ཨནིམིཏྟཾ ཨནཱཝཛྫིཏཏྟཱ སཏིསམྦོཛ྄ཛྷངྒོ ¶ ཙཝཏི, སངྑཱརེ ཨཱཝཛྫིཏཏྟཱ སཏིསམྦོཛ྄ཛྷངྒོ ཙཝཏི, ནིརོདྷཾ ཨནཱཝཛྫིཏཏྟཱ སཏིསམྦོཛ྄ཛྷངྒོ ཙཝཏི – ཨིམེཧི ཨཊྛཧཱཀཱརེཧི སཏིསམྦོཛ྄ཛྷངྒོ ཙཝཏི. ཨེཝཾ ¶ ‘‘ཏིཊྛནྟཉྩ ནཾ ཏིཊྛཏཱི’’ཏི པཛཱནཱམི. སཙེཔི ཙཝཏི, ‘‘ཨིདཔྤཙྩཡཱ མེ ཙཝཏཱི’’ཏི པཛཱནཱམི…པེ….

ཀཐཾ ཨུཔེཀྑཱསམྦོཛ྄ཛྷངྒོ ཨིཏི ཙེ མེ ཧོཏཱིཏི བོཛ྄ཛྷངྒོ? ཡཱཝཏཱ ནིརོདྷཱུཔཊྛཱཏི ཏཱཝཏཱ ཨུཔེཀྑཱསམྦོཛ྄ཛྷངྒོ ཨིཏི ཙེ མེ ཧོཏཱིཏི བོཛ྄ཛྷངྒོ. སེཡྻཐཱཔི ཏེལཔྤདཱིཔསྶ ཛྷཱཡཏོ ཡཱཝཏཱ ཨཙྩི ཏཱཝཏཱ ཝཎྞོ, ཡཱཝཏཱ ཝཎྞོ ཏཱཝཏཱ ཨཙྩི. ཨེཝམེཝ ཡཱཝཏཱ ནིརོདྷཱུཔཊྛཱཏི ཏཱཝཏཱ ཨུཔེཀྑཱསམྦོཛ྄ཛྷངྒོ ཨིཏི ཙེ ཧོཏཱིཏི བོཛ྄ཛྷངྒོ.

ཀཐཾ ཨཔྤམཱཎོ ཨིཏི ཙེ ཧོཏཱིཏི བོཛ྄ཛྷངྒོ? པམཱཎབདྡྷཱ ཀིལེསཱ, སབྦེ ཙ པརིཡུཊྛཱནཱ, ཡེ ཙ སངྑཱརཱ པོནོབྷཝིཀཱ ཨཔྤམཱཎོ ནིརོདྷོ ཨཙལཊྛེན ཨསངྑཏཊྛེན. ཡཱཝཏཱ ནིརོདྷཱུཔཊྛཱཏི ཏཱཝཏཱ ཨཔྤམཱཎོ ཨིཏི ཙེ ཧོཏཱིཏི བོཛ྄ཛྷངྒོ.

ཀཐཾ སུསམཱརདྡྷོ ཨིཏི ཙེ ཧོཏཱིཏི བོཛ྄ཛྷངྒོ? ཝིསམཱ ཀིལེསཱ, སབྦེ ཙ པརིཡུཊྛཱནཱ, ཡེ ཙ སངྑཱརཱ པོནོབྷཝིཀཱ སམདྷམྨོ ནིརོདྷོ ¶ སནྟཊྛེན པཎཱིཏཊྛེན. ཡཱཝཏཱ ནིརོདྷཱུཔཊྛཱཏི ཏཱཝཏཱ སུསམཱརདྡྷོ ཨིཏི ཙེ ཧོཏཱིཏི བོཛ྄ཛྷངྒོ.

ཀཐཾ ‘‘ཏིཊྛནྟཉྩ ནཾ ཏིཊྛཏཱི’’ཏི པཛཱནཱམི; སཙེཔི ཙཝཏི ‘‘ཨིདཔྤཙྩཡཱ ¶ མེ ཙཝཏཱི’’ཏི པཛཱནཱམི? ཀཏིཧཱཀཱརེཧི ཨུཔེཀྑཱསམྦོཛ྄ཛྷངྒོ ཏིཊྛཏི? ཀཏིཧཱཀཱརེཧི ཨུཔེཀྑཱསམྦོཛ྄ཛྷངྒོ ཙཝཏི ¶ ? ཨཊྛཧཱཀཱརེཧི ཨུཔེཀྑཱསམྦོཛ྄ཛྷངྒོ ཏིཊྛཏི. ཨཊྛཧཱཀཱརེཧི ཨུཔེཀྑཱསམྦོཛ྄ཛྷངྒོ ཙཝཏི.

ཀཏམེཧི ཨཊྛཧཱཀཱརེཧི ཨུཔེཀྑཱསམྦོཛ྄ཛྷངྒོ ཏིཊྛཏི? ཨནུཔྤཱདཾ ཨཱཝཛྫིཏཏྟཱ ཨུཔེཀྑཱསམྦོཛ྄ཛྷངྒོ ཏིཊྛཏི, ཨུཔྤཱདཾ ཨནཱཝཛྫིཏཏྟཱ ཨུཔེཀྑཱསམྦོཛ྄ཛྷངྒོ ཏིཊྛཏི, ཨཔྤཝཏྟཾ ཨཱཝཛྫིཏཏྟཱ ཨུཔེཀྑཱསམྦོཛ྄ཛྷངྒོ ཏིཊྛཏི, པཝཏྟཾ ཨནཱཝཛྫིཏཏྟཱ ཨུཔེཀྑཱསམྦོཛ྄ཛྷངྒོ ཏིཊྛཏི, ཨནིམིཏྟཾ ཨཱཝཛྫིཏཏྟཱ ཨུཔེཀྑཱསམྦོཛ྄ཛྷངྒོ ཏིཊྛཏི, ནིམིཏྟཾ ཨནཱཝཛྫིཏཏྟཱ ཨུཔེཀྑཱསམྦོཛ྄ཛྷངྒོ ཏིཊྛཏི, ནིརོདྷཾ ཨཱཝཛྫིཏཏྟཱ ཨུཔེཀྑཱསམྦོཛ྄ཛྷངྒོ ཏིཊྛཏི, སངྑཱརེ ཨནཱཝཛྫིཏཏྟཱ ཨུཔེཀྑཱསམྦོཛ྄ཛྷངྒོ ཏིཊྛཏི – ཨིམེཧི ཨཊྛཧཱཀཱརེཧི ཨུཔེཀྑཱསམྦོཛ྄ཛྷངྒོ ཏིཊྛཏི.

ཀཏམེཧི ཨཊྛཧཱཀཱརེཧི ཨུཔེཀྑཱསམྦོཛ྄ཛྷངྒོ ཙཝཏི? ཨུཔྤཱདཾ ཨཱཝཛྫིཏཏྟཱ ཨུཔེཀྑཱསམྦོཛ྄ཛྷངྒོ ཙཝཏི, ཨནུཔྤཱདཾ ཨནཱཝཛྫིཏཏྟཱ ཨུཔེཀྑཱསམྦོཛ྄ཛྷངྒོ ཙཝཏི, པཝཏྟཾ ཨཱཝཛྫིཏཏྟཱ ཨུཔེཀྑཱསམྦོཛ྄ཛྷངྒོ ཙཝཏི, ཨཔྤཝཏྟཾ ཨནཱཝཛྫིཏཏྟཱ ¶ ཨུཔེཀྑཱསམྦོཛ྄ཛྷངྒོ ཙཝཏི, ནིམིཏྟཾ ཨཱཝཛྫིཏཏྟཱ ཨུཔེཀྑཱསམྦོཛ྄ཛྷངྒོ ཙཝཏི ¶ , ཨནིམིཏྟཾ ཨནཱཝཛྫིཏཏྟཱ ཨུཔེཀྑཱསམྦོཛ྄ཛྷངྒོ ཙཝཏི, སངྑཱརེ ཨཱཝཛྫིཏཏྟཱ ཨུཔེཀྑཱསམྦོཛ྄ཛྷངྒོ ཙཝཏི, ནིརོདྷཾ ཨནཱཝཛྫིཏཏྟཱ ཨུཔེཀྑཱསམྦོཛ྄ཛྷངྒོ ཙཝཏི – ཨིམེཧི ཨཊྛཧཱཀཱརེཧི ཨུཔེཀྑཱསམྦོཛ྄ཛྷངྒོ ཙཝཏི. ཨེཝཾ ‘‘ཏིཊྛནྟཉྩ ནཾ ཏིཊྛཏཱི’’ཏི པཛཱནཱམི; སཙེཔི ཙཝཏི, ‘‘ཨིདཔྤཙྩཡཱ མེ ཙཝཏཱི’’ཏི པཛཱནཱམི.

བོཛ྄ཛྷངྒཀཐཱ ནིཊྛིཏཱ.

༤. མེཏྟཱཀཐཱ

༢༢. སཱཝཏྠིནིདཱནཾ ¶ . ‘‘མེཏྟཱཡ ¶ , བྷིཀྑཝེ, ཙེཏོཝིམུཏྟིཡཱ ཨཱསེཝིཏཱཡ བྷཱཝིཏཱཡ བཧུལཱིཀཏཱཡ ཡཱནཱིཀཏཱཡ ཝཏྠུཀཏཱཡ ཨནུཊྛིཏཱཡ ¶ པརིཙིཏཱཡ སུསམཱརདྡྷཱཡ ཨེཀཱདསཱནིསཾསཱ པཱཊིཀངྑཱ. ཀཏམེ ཨེཀཱདས? སུཁཾ སུཔཏི, སུཁཾ པཊིབུཛ྄ཛྷཏི, ན པཱཔཀཾ སུཔིནཾ པསྶཏི, མནུསྶཱནཾ པིཡོ ཧོཏི, ཨམནུསྶཱནཾ པིཡོ ཧོཏི, དེཝཏཱ རཀྑནྟི, ནཱསྶ ཨགྒི ཝཱ ཝིསཾ ཝཱ སཏྠཾ ཝཱ ཀམཏི, ཏུཝཊཾ ཙིཏྟཾ སམཱདྷིཡཏི, མུཁཝཎྞོ ཝིཔྤསཱིདཏི, ཨསམྨཱུལ༹ྷོ ཀཱལངྐརོཏི, ཨུཏྟརི [ཨུཏྟརིཾ (སྱཱ. པཱི.) ཨ. ནི. ༡༡.༡༥ པསྶིཏབྦཱ] ཨཔྤཊིཝིཛ྄ཛྷནྟོ བྲཧྨལོཀཱུཔགོ ཧོཏི. མེཏྟཱཡ, བྷིཀྑཝེ, ཙེཏོཝིམུཏྟིཡཱ ཨཱསེཝིཏཱཡ བྷཱཝིཏཱཡ བཧུལཱིཀཏཱཡ ཡཱནཱིཀཏཱཡ ཝཏྠུཀཏཱཡ ཨནུཊྛིཏཱཡ པརིཙིཏཱཡ སུསམཱརདྡྷཱཡ – ཨིམེ ཨེཀཱདསཱནིསཾསཱ པཱཊིཀངྑཱ’’ ¶ .

ཨཏྠི ཨནོདྷིསོ ཕརཎཱ མེཏྟཱཙེཏོཝིམུཏྟི, ཨཏྠི ཨོདྷིསོ ཕརཎཱ མེཏྟཱཙེཏོཝིམུཏྟི, ཨཏྠི དིསཱཕརཎཱ མེཏྟཱཙེཏོཝིམུཏྟི. ཀཏིཧཱཀཱརེཧི ཨནོདྷིསོ ཕརཎཱ མེཏྟཱཙེཏོཝིམུཏྟི, ཀཏིཧཱཀཱརེཧི ཨོདྷིསོ ཕརཎཱ མེཏྟཱཙེཏོཝིམུཏྟི, ཀཏིཧཱཀཱརེཧི དིསཱཕརཎཱ མེཏྟཱཙེཏོཝིམུཏྟི? པཉྩཧཱཀཱརེཧི ཨནོདྷིསོ ཕརཎཱ མེཏྟཱཙེཏོཝིམུཏྟི, སཏྟཧཱཀཱརེཧི ཨོདྷིསོ ཕརཎཱ མེཏྟཱཙེཏོཝིམུཏྟི, དསཧཱཀཱརེཧི དིསཱཕརཎཱ མེཏྟཱཙེཏོཝིམུཏྟི.

ཀཏམེཧི པཉྩཧཱཀཱརེཧི ཨནོདྷིསོ ཕརཎཱ མེཏྟཱཙེཏོཝིམུཏྟི? སབྦེ སཏྟཱ ཨཝེརཱ ཨབྱཱཔཛྫཱ [ཨབྱཱཔཛ྄ཛྷཱ (སྱཱ.)] ཨནཱིགྷཱ སུཁཱི ཨཏྟཱནཾ པརིཧརནྟུ. སབྦེ པཱཎཱ…པེ… སབྦེ བྷཱུཏཱ…པེ… སབྦེ པུགྒལཱ…པེ… སབྦེ ཨཏྟབྷཱཝཔརིཡཱཔནྣཱ ཨཝེརཱ ཨབྱཱཔཛྫཱ ¶ ཨནཱིགྷཱ སུཁཱི ཨཏྟཱནཾ པརིཧརནྟཱུཏི. ཨིམེཧི པཉྩཧཱཀཱརེཧི ཨནོདྷིསོ ཕརཎཱ མེཏྟཱཙེཏོཝིམུཏྟི.

ཀཏམེཧི སཏྟཧཱཀཱརེཧི ཨོདྷིསོ ཕརཎཱ མེཏྟཱཙེཏོཝིམུཏྟི? སབྦཱ ཨིཏྠིཡོ ཨཝེརཱ ཨབྱཱཔཛྫཱ ¶ ཨནཱིགྷཱ སུཁཱི ཨཏྟཱནཾ པརིཧརནྟུ. སབྦེ པུརིསཱ…པེ… སབྦེ ཨརིཡཱ…པེ… སབྦེ ཨནརིཡཱ…པེ… སབྦེ དེཝཱ…པེ… སབྦེ མནུསྶཱ…པེ… སབྦེ ཝིནིཔཱཏིཀཱ ཨཝེརཱ ཨབྱཱཔཛྫཱ ཨནཱིགྷཱ སུཁཱི ཨཏྟཱནཾ པརིཧརནྟཱུཏི. ཨིམེཧི སཏྟཧཱཀཱརེཧི ¶ ཨོདྷིསོ ཕརཎཱ མེཏྟཱཙེཏོཝིམུཏྟི.

ཀཏམེཧི དསཧཱཀཱརེཧི དིསཱཕརཎཱ མེཏྟཱཙེཏོཝིམུཏྟི? སབྦེ པུརཏྠིམཱཡ དིསཱཡ སཏྟཱ ཨཝེརཱ ཨབྱཱཔཛྫཱ ཨནཱིགྷཱ སུཁཱི ཨཏྟཱནཾ པརིཧརནྟུ ¶ . སབྦེ པཙྪིམཱཡ དིསཱཡ སཏྟཱ…པེ… སབྦེ ཨུཏྟརཱཡ དིསཱཡ སཏྟཱ…པེ… སབྦེ དཀྑིཎཱཡ དིསཱཡ སཏྟཱ…པེ… སབྦེ པུརཏྠིམཱཡ ཨནུདིསཱཡ སཏྟཱ…པེ… སབྦེ པཙྪིམཱཡ ཨནུདིསཱཡ སཏྟཱ…པེ… སབྦེ ཨུཏྟརཱཡ ཨནུདིསཱཡ སཏྟཱ…པེ… སབྦེ དཀྑིཎཱཡ ཨནུདིསཱཡ སཏྟཱ…པེ… སབྦེ ཧེཊྛིམཱཡ དིསཱཡ སཏྟཱ…པེ… སབྦེ ཨུཔརིམཱཡ དིསཱཡ སཏྟཱ ཨཝེརཱ ཨབྱཱཔཛྫཱ ཨནཱིགྷཱ སུཁཱི ཨཏྟཱནཾ པརིཧརནྟུ. སབྦེ པུརཏྠིམཱཡ དིསཱཡ པཱཎཱ…པེ… བྷཱུཏཱ… པུགྒལཱ… ཨཏྟབྷཱཝཔརིཡཱཔནྣཱ… སབྦཱ ཨིཏྠིཡོ… སབྦེ པུརིསཱ… སབྦེ ཨརིཡཱ… སབྦེ ཨནརིཡཱ… སབྦེ དེཝཱ… སབྦེ མནུསྶཱ… སབྦེ ཝིནིཔཱཏིཀཱ ཨཝེརཱ ཨབྱཱཔཛྫཱ ཨནཱིགྷཱ སུཁཱི ཨཏྟཱནཾ པརིཧརནྟུ. སབྦེ པཙྪིམཱཡ དིསཱཡ ཝིནིཔཱཏིཀཱ…པེ… སབྦེ ཨུཏྟརཱཡ དིསཱཡ ཝིནིཔཱཏིཀཱ… སབྦེ དཀྑིཎཱཡ དིསཱཡ ཝིནིཔཱཏིཀཱ… སབྦེ པུརཏྠིམཱཡ ཨནུདིསཱཡ ཝིནིཔཱཏིཀཱ… སབྦེ པཙྪིམཱཡ ཨནུདིསཱཡ ཝིནིཔཱཏིཀཱ… སབྦེ ཨུཏྟརཱཡ ཨནུདིསཱཡ ཝིནིཔཱཏིཀཱ… སབྦེ དཀྑིཎཱཡ ཨནུདིསཱཡ ཝིནིཔཱཏིཀཱ… སབྦེ ཧེཊྛིམཱཡ དིསཱཡ ཝིནིཔཱཏིཀཱ… སབྦེ ཨུཔརིམཱཡ དིསཱཡ ཝིནིཔཱཏིཀཱ ཨཝེརཱ ཨབྱཱཔཛྫཱ ཨནཱིགྷཱ སུཁཱི ཨཏྟཱནཾ པརིཧརནྟཱུཏི. ཨིམེཧི དསཧཱཀཱརེཧི ¶ དིསཱཕརཎཱ མེཏྟཱཙེཏོཝིམུཏྟི.

༡. ཨིནྡྲིཡཝཱརོ

༢༣. སབྦེསཾ སཏྟཱནཾ པཱིལ༹ནཾ ཝཛྫེཏྭཱ ཨཔཱིལ༹ནཱཡ, ཨུཔགྷཱཏཾ ཝཛྫེཏྭཱ ཨནུཔགྷཱཏེན, སནྟཱཔཾ ཝཛྫེཏྭཱ ཨསནྟཱཔེན, པརིཡཱདཱནཾ ཝཛྫེཏྭཱ ཨཔརིཡཱདཱནེན, ཝིཧེསཾ ཝཛྫེཏྭཱ ཨཝིཧེསཱཡ, སབྦེ སཏྟཱ ཨཝེརིནོ ཧོནྟུ མཱ ཝེརིནོ, སུཁིནོ ཧོནྟུ མཱ དུཀྑིནོ, སུཁིཏཏྟཱ ཧོནྟུ མཱ དུཀྑིཏཏྟཱཏི – ཨིམེཧི ཨཊྛཧཱཀཱརེཧི སབྦེ སཏྟེ མེཏྟཱཡཏཱིཏི – མེཏྟཱ. ཏཾ དྷམྨཾ ཙེཏཡཏཱིཏི – ཙེཏོ. སབྦབྱཱཔཱདཔརིཡུཊྛཱནེཧི ¶ ཝིམུཙྩཏཱིཏི – ཝིམུཏྟི. མེཏྟཱ ཙ ཙེཏོ ཙ ཝིམུཏྟི ཙཱཏི – མེཏྟཱཙེཏོཝིམུཏྟི.

སབྦེ ¶ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – སདྡྷཱཡ ཨདྷིམུཙྩཏི. སདྡྷིནྡྲིཡཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ ¶ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – ཝཱིརིཡཾ པགྒཎྷཱཏི. ཝཱིརིཡིནྡྲིཡཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – སཏིཾ ཨུཔཊྛཱཔེཏི. སཏིནྡྲིཡཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – ཙིཏྟཾ སམཱདཧཏི. སམཱདྷིནྡྲིཡཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – པཉྙཱཡ པཛཱནཱཏི. པཉྙིནྡྲིཡཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

ཨིམཱནི ¶ པཉྩིནྡྲིཡཱནི མེཏྟཱཡ ཙེཏོཝིམུཏྟིཡཱ ཨཱསེཝནཱ ཧོནྟི. ཨིམེཧི པཉྩཧི ཨིནྡྲིཡེཧི མེཏྟཱཙེཏོཝིམུཏྟི ཨཱསེཝཱིཡཏི. ཨིམཱནི པཉྩིནྡྲིཡཱནི མེཏྟཱཡ ཙེཏོཝིམུཏྟིཡཱ བྷཱཝནཱ ཧོནྟི. ཨིམེཧི པཉྩཧི ཨིནྡྲིཡེཧི མེཏྟཱཙེཏོཝིམུཏྟི བྷཱཝཱིཡཏི. ཨིམཱནི པཉྩིནྡྲིཡཱནི མེཏྟཱཡ ཙེཏོཝིམུཏྟིཡཱ བཧུལཱིཀཏཱ ཧོནྟི. ཨིམེཧི པཉྩཧི ཨིནྡྲིཡེཧི མེཏྟཱཙེཏོཝིམུཏྟི བཧུལཱིཀརཱིཡཏི. ཨིམཱནི པཉྩིནྡྲིཡཱནི མེཏྟཱཡ ཙེཏོཝིམུཏྟིཡཱ ཨལངྐཱརཱ ཧོནྟི. ཨིམེཧི པཉྩཧི ཨིནྡྲིཡེཧི མེཏྟཱཙེཏོཝིམུཏྟི སྭཱལངྐཏཱ ཧོཏི. ཨིམཱནི པཉྩིནྡྲིཡཱནི མེཏྟཱཡ ཙེཏོཝིམུཏྟིཡཱ པརིཀྑཱརཱ ཧོནྟི. ཨིམེཧི པཉྩཧི ཨིནྡྲིཡེཧི མེཏྟཱཙེཏོཝིམུཏྟི སུཔརིཀྑཏཱ ཧོཏི. ཨིམཱནི པཉྩིནྡྲིཡཱནི མེཏྟཱཡ ཙེཏོཝིམུཏྟིཡཱ པརིཝཱརཱ ཧོནྟི. ཨིམེཧི པཉྩཧི ཨིནྡྲིཡེཧི མེཏྟཱཙེཏོཝིམུཏྟི སུཔརིཝུཏཱ ཧོཏི. ཨིམཱནི པཉྩིནྡྲིཡཱནི མེཏྟཱཡ ཙེཏོཝིམུཏྟིཡཱ ཨཱསེཝནཱ ཧོནྟི, བྷཱཝནཱ ཧོནྟི, བཧུལཱིཀཏཱ ཧོནྟི, ཨལངྐཱརཱ ཧོནྟི, པརིཀྑཱརཱ ཧོནྟི, པརིཝཱརཱ ཧོནྟི, པཱརིཔཱུརཱི ཧོནྟི, སཧགཏཱ ཧོནྟི, སཧཛཱཏཱ ཧོནྟི, སཾསཊྛཱ ཧོནྟི, སམྤཡུཏྟཱ ཧོནྟི, པཀྑནྡནཱ ཧོནྟི, པསཱིདནཱ [སཾསཱིདནཱ (ཀ. སཱི. ཨཊྛ.)] ཧོནྟི, སནྟིཊྛནཱ ཧོནྟི, ཝིམུཙྩནཱ ཧོནྟི, ‘‘ཨེཏཾ སནྟ’’ནྟི ཕསྶནཱ ཧོནྟི, ཡཱནཱིཀཏཱ ཧོནྟི ¶ , ཝཏྠུཀཏཱ ཧོནྟི, ཨནུཊྛིཏཱ ¶ ཧོནྟི, པརིཙིཏཱ ཧོནྟི, སུསམཱརདྡྷཱ ཧོནྟི, སུབྷཱཝིཏཱ ཧོནྟི, སྭཱདྷིཊྛིཏཱ ཧོནྟི, སུསམུགྒཏཱ ཧོནྟི ¶ , སུཝིམུཏྟཱ ཧོནྟི, ནིབྦཏྟེནྟི ཛོཏེནྟི པཏཱཔེནྟི.

༢. བལཝཱརོ

༢༤. སབྦེ ¶ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – ཨསྶདྡྷིཡེ ན ཀམྤཏི. སདྡྷཱབལཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – ཀོསཛྫེ ན ཀམྤཏི. ཝཱིརིཡབལཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – པམཱདེ ན ཀམྤཏི. སཏིབལཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – ཨུདྡྷཙྩེ ན ཀམྤཏི. སམཱདྷིབལཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – ཨཝིཛྫཱཡ ན ཀམྤཏི. པཉྙཱབལཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

ཨིམཱནི པཉྩ བལཱནི མེཏྟཱཡ ཙེཏོཝིམུཏྟིཡཱ ཨཱསེཝནཱ ཧོནྟི. ཨིམེཧི པཉྩཧི བལེཧི མེཏྟཱཙེཏོཝིམུཏྟི ཨཱསེཝཱིཡཏི. ཨིམཱནི པཉྩ བལཱནི མེཏྟཱཡ ཙེཏོཝིམུཏྟིཡཱ བྷཱཝནཱ ཧོནྟི. ཨིམེཧི པཉྩཧི བལེཧི མེཏྟཱཙེཏོཝིམུཏྟི བྷཱཝཱིཡཏི. ཨིམཱནི པཉྩ བལཱནི མེཏྟཱཡ ཙེཏོཝིམུཏྟིཡཱ བཧུལཱིཀཏཱ ཧོནྟི. ཨིམེཧི པཉྩཧི བལེཧི མེཏྟཱཙེཏོཝིམུཏྟི བཧུལཱིཀརཱིཡཏི. ཨིམཱནི པཉྩ བལཱནི མེཏྟཱཡ ཙེཏོཝིམུཏྟིཡཱ ཨལངྐཱརཱ ¶ ཧོནྟི. ཨིམེཧི པཉྩཧི བལེཧི མེཏྟཱཙེཏོཝིམུཏྟི སྭཱལངྐཏཱ ཧོཏི. ཨིམཱནི པཉྩ བལཱནི མེཏྟཱཡ ཙེཏོཝིམུཏྟིཡཱ པརིཀྑཱརཱ ཧོནྟི. ཨིམེཧི པཉྩཧི བལེཧི མེཏྟཱཙེཏོཝིམུཏྟི སུཔརིཀྑཏཱ ཧོཏི. ཨིམཱནི པཉྩ བལཱནི མེཏྟཱཡ ཙེཏོཝིམུཏྟིཡཱ པརིཝཱརཱ ¶ ཧོནྟི. ཨིམེཧི པཉྩཧི བལེཧི མེཏྟཱཙེཏོཝིམུཏྟི སུཔརིཝུཏཱ ཧོཏི. ཨིམཱནི པཉྩ བལཱནི མེཏྟཱཡ ཙེཏོཝིམུཏྟིཡཱ ཨཱསེཝནཱ ཧོནྟི, བྷཱཝནཱ ཧོནྟི, བཧུལཱིཀཏཱ ཧོནྟི, ཨལངྐཱརཱ ཧོནྟི, པརིཀྑཱརཱ ཧོནྟི, པརིཝཱརཱ ཧོནྟི, པཱརིཔཱུརཱི ཧོནྟི, སཧགཏཱ ཧོནྟི, སཧཛཱཏཱ ཧོནྟི, སཾསཊྛཱ ཧོནྟི, སམྤཡུཏྟཱ ཧོནྟི, པཀྑནྡནཱ ཧོནྟི, པསཱིདནཱ ཧོནྟི, སནྟིཊྛནཱ ཧོནྟི, ཝིམུཙྩནཱ ¶ ཧོནྟི, ‘‘ཨེཏཾ སནྟ’’ནྟི ཕསྶནཱ ཧོནྟི, ཡཱནཱིཀཏཱ ¶ ཧོནྟི, ཝཏྠུཀཏཱ ཧོནྟི, ཨནུཊྛིཏཱ ཧོནྟི, པརིཙིཏཱ ཧོནྟི, སུསམཱརདྡྷཱ ཧོནྟི, སུབྷཱཝིཏཱ ཧོནྟི, སྭཱདྷིཊྛིཏཱ ཧོནྟི, སུསམུགྒཏཱ ཧོནྟི, སུཝིམུཏྟཱ ཧོནྟི ནིབྦཏྟེནྟི ཛོཏེནྟི པཏཱཔེནྟི.

༣. བོཛ྄ཛྷངྒཝཱརོ

༢༥. སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – སཏིཾ ཨུཔཊྛཱཔེཏི. སཏིསམྦོཛ྄ཛྷངྒཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – པཉྙཱཡ པཝིཙིནཱཏི. དྷམྨཝིཙཡསམྦོཛ྄ཛྷངྒཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – ཝཱིརིཡཾ པགྒཎྷཱཏི. ཝཱིརིཡསམྦོཛ྄ཛྷངྒཔརིབྷཱཝིཏཱ ཧོཏི ¶ མེཏྟཱཙེཏོཝིམུཏྟི.

སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – པརིལཱ༹ཧཾ པཊིཔྤསྶམྦྷེཏི. པཱིཏིསམྦོཛ྄ཛྷངྒཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – དུཊྛུལླཾ པཊིཔྤསྶམྦྷེཏི. པསྶདྡྷིསམྦོཛ྄ཛྷངྒཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – ཙིཏྟཾ སམཱདཧཏི. སམཱདྷིསམྦོཛ྄ཛྷངྒཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ ¶ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – ཉཱཎེན ཀིལེསེ པཊིསངྑཱཏི. ཨུཔེཀྑཱསམྦོཛ྄ཛྷངྒཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

ཨིམེ སཏྟ བོཛ྄ཛྷངྒཱ མེཏྟཱཡ ཙེཏོཝིམུཏྟིཡཱ ཨཱསེཝནཱ ཧོནྟི. ཨིམེཧི སཏྟཧི བོཛ྄ཛྷངྒེཧི མེཏྟཱཙེཏོཝིམུཏྟི ཨཱསེཝཱིཡཏི. ཨིམེ སཏྟ བོཛ྄ཛྷངྒཱ མེཏྟཱཡ ཙེཏོཝིམུཏྟིཡཱ བྷཱཝནཱ ཧོནྟི. ཨིམེཧི སཏྟཧི བོཛ྄ཛྷངྒེཧི མེཏྟཱཙེཏོཝིམུཏྟི བྷཱཝཱིཡཏི. ཨིམེ སཏྟ བོཛ྄ཛྷངྒཱ མེཏྟཱཡ ¶ ཙེཏོཝིམུཏྟིཡཱ བཧུལཱིཀཏཱ ཧོནྟི. ཨིམེཧི སཏྟཧི བོཛ྄ཛྷངྒེཧི མེཏྟཱཙེཏོཝིམུཏྟི བཧུལཱིཀརཱིཡཏི. ཨིམེ སཏྟ བོཛ྄ཛྷངྒཱ མེཏྟཱཡ ཙེཏོཝིམུཏྟིཡཱ ཨལངྐཱརཱ ཧོནྟི. ཨིམེཧི སཏྟཧི བོཛ྄ཛྷངྒེཧི མེཏྟཱཙེཏོཝིམུཏྟི སྭཱལངྐཏཱ ཧོཏི. ཨིམེ སཏྟ བོཛ྄ཛྷངྒཱ མེཏྟཱཡ ཙེཏོཝིམུཏྟིཡཱ པརིཀྑཱརཱ ཧོནྟི. ཨིམེཧི སཏྟཧི བོཛ྄ཛྷངྒེཧི མེཏྟཱཙེཏོཝིམུཏྟི སུཔརིཀྑཏཱ ཧོཏི. ཨིམེ སཏྟ བོཛ྄ཛྷངྒཱ མེཏྟཱཡ ཙེཏོཝིམུཏྟིཡཱ པརིཝཱརཱ ཧོནྟི. ཨིམེཧི སཏྟཧི བོཛ྄ཛྷངྒེཧི ¶ མེཏྟཱཙེཏོཝིམུཏྟི སུཔརིཝུཏཱ ཧོཏི. ཨིམེ སཏྟ བོཛ྄ཛྷངྒཱ མེཏྟཱཡ ཙེཏོཝིམུཏྟིཡཱ ཨཱསེཝནཱ ཧོནྟི, བྷཱཝནཱ ཧོནྟི, བཧུལཱིཀཏཱ ཧོནྟི, ཨལངྐཱརཱ ཧོནྟི, པརིཀྑཱརཱ ཧོནྟི, པརིཝཱརཱ ཧོནྟི, པཱརིཔཱུརཱི ཧོནྟི, སཧགཏཱ ཧོནྟི, སཧཛཱཏཱ ཧོནྟི, སཾསཊྛཱ ཧོནྟི, སམྤཡུཏྟཱ ཧོནྟི, པཀྑནྡནཱ ཧོནྟི, པསཱིདནཱ ཧོནྟི, སནྟིཊྛནཱ ཧོནྟི, ཝིམུཙྩནཱ ¶ ཧོནྟི, ‘‘ཨེཏཾ སནྟ’’ནྟི ཕསྶནཱ ཧོནྟི, ཡཱནཱིཀཏཱ ཧོནྟི, ཝཏྠུཀཏཱ ཧོནྟི, ཨནུཊྛིཏཱ ཧོནྟི, པརིཙིཏཱ ཧོནྟི, སུསམཱརདྡྷཱ ཧོནྟི, སུབྷཱཝིཏཱ ཧོནྟི, སྭཱདྷིཊྛིཏཱ ཧོནྟི, སུསམུགྒཏཱ ཧོནྟི, སུཝིམུཏྟཱ ཧོནྟི, ནིབྦཏྟེནྟི ཛོཏེནྟི པཏཱཔེནྟི.

༤. མགྒངྒཝཱརོ

༢༦. སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – སམྨཱ པསྶཏི. སམྨཱདིཊྛིཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – སམྨཱ ཨབྷིནིརོཔེཏི. སམྨཱསངྐཔྤཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ ¶ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – སམྨཱ པརིགྒཎྷཱཏི. སམྨཱཝཱཙཱཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – སམྨཱ སམུཊྛཱཔེཏི. སམྨཱཀམྨནྟཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – སམྨཱ ཝོདཱཔེཏི ¶ . སམྨཱཨཱཛཱིཝཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ ¶ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – སམྨཱ པགྒཎྷཱཏི. སམྨཱཝཱཡཱམཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – སམྨཱ ཨུཔཊྛཱཔེཏི. སམྨཱསཏིཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – སམྨཱ སམཱདཧཏི. སམྨཱསམཱདྷིཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

ཨིམེ ཨཊྛ མགྒངྒཱ མེཏྟཱཡ ཙེཏོཝིམུཏྟིཡཱ ཨཱསེཝནཱ ཧོནྟི. ཨིམེཧི ཨཊྛཧི མགྒངྒེཧི མེཏྟཱཙེཏོཝིམུཏྟི ཨཱསེཝཱིཡཏི. ཨིམེ ཨཊྛ མགྒངྒཱ མེཏྟཱཡ ཙེཏོཝིམུཏྟིཡཱ བྷཱཝནཱ ཧོནྟི. ཨིམེཧི ཨཊྛཧི མགྒངྒེཧི མེཏྟཱཙེཏོཝིམུཏྟི བྷཱཝཱིཡཏི. ཨིམེ ཨཊྛ མགྒངྒཱ མེཏྟཱཡ ཙེཏོཝིམུཏྟིཡཱ བཧུལཱིཀཏཱ ཧོནྟི. ཨིམེཧི ཨཊྛཧི མགྒངྒེཧི མེཏྟཱཙེཏོཝིམུཏྟི བཧུལཱིཀརཱིཡཏི. ཨིམེ ཨཊྛ མགྒངྒཱ མེཏྟཱཡ ཙེཏོཝིམུཏྟིཡཱ ཨལངྐཱརཱ ཧོནྟི. ཨིམེཧི ཨཊྛཧི མགྒངྒེཧི མེཏྟཱཙེཏོཝིམུཏྟི སྭཱལངྐཏཱ ཧོནྟི. ཨིམེ ཨཊྛ མགྒངྒཱ མེཏྟཱཡ ཙེཏོཝིམུཏྟིཡཱ པརིཀྑཱརཱ ཧོནྟི. ཨིམེཧི ཨཊྛཧི མགྒངྒེཧི མེཏྟཱཙེཏོཝིམུཏྟི སུཔརིཀྑཏཱ ཧོཏི. ཨིམེ ཨཊྛ མགྒངྒཱ མེཏྟཱཡ ཙེཏོཝིམུཏྟིཡཱ པརིཝཱརཱ ཧོནྟི. ཨིམེཧི ཨཊྛཧི མགྒངྒེཧི མེཏྟཱཙེཏོཝིམུཏྟི སུཔརིཝུཏཱ ཧོཏི. ཨིམེ ཨཊྛ མགྒངྒཱ མེཏྟཱཡ ཙེཏོཝིམུཏྟིཡཱ ཨཱསེཝནཱ ¶ ཧོནྟི ¶ , བྷཱཝནཱ ཧོནྟི ¶ , བཧུལཱིཀཏཱ ཧོནྟི, ཨལངྐཱརཱ ཧོནྟི, པརིཀྑཱརཱ ཧོནྟི, པརིཝཱརཱ ཧོནྟི, པཱརིཔཱུརཱི ཧོནྟི, སཧགཏཱ ཧོནྟི, སཧཛཱཏཱ ཧོནྟི, སཾསཊྛཱ ཧོནྟི, སམྤཡུཏྟཱ ཧོནྟི, པཀྑནྡནཱ ཧོནྟི, པསཱིདནཱ ཧོནྟི, སནྟིཊྛནཱ ཧོནྟི, ཝིམུཙྩནཱ ཧོནྟི, ‘‘ཨེཏཾ སནྟ’’ནྟི ཕསྶནཱ ཧོནྟི, ཡཱནཱིཀཏཱ ཧོནྟི, ཝཏྠུཀཏཱ ཧོནྟི, ཨནུཊྛིཏཱ ཧོནྟི, པརིཙིཏཱ ཧོནྟི, སུསམཱརདྡྷཱ ཧོནྟི, སུབྷཱཝིཏཱ ཧོནྟི, སྭཱདྷིཊྛིཏཱ ཧོནྟི, སུསམུགྒཏཱ ཧོནྟི, སུཝིམུཏྟཱ ཧོནྟི ནིབྦཏྟེནྟི ཛོཏེནྟི པཏཱཔེནྟི.

༢༧. སབྦེསཾ པཱཎཱནཾ…པེ… སབྦེསཾ བྷཱུཏཱནཾ… སབྦེསཾ པུགྒལཱནཾ… སབྦེསཾ ཨཏྟབྷཱཝཔརིཡཱཔནྣཱནཾ… སབྦཱསཾ ཨིཏྠཱིནཾ… སབྦེསཾ པུརིསཱནཾ… སབྦེསཾ ཨརིཡཱནཾ… སབྦེསཾ ཨནརིཡཱནཾ… སབྦེསཾ དེཝཱནཾ… སབྦེསཾ མནུསྶཱནཾ… སབྦེསཾ ཝིནིཔཱཏིཀཱནཾ པཱིལ༹ནཾ ཝཛྫེཏྭཱ ཨཔཱིལ༹ནཱཡ, ཨུཔགྷཱཏཾ ཝཛྫེཏྭཱ ཨནུཔགྷཱཏེན, སནྟཱཔཾ ཝཛྫེཏྭཱ ཨསནྟཱཔེན, པརིཡཱདཱནཾ ཝཛྫེཏྭཱ ཨཔརིཡཱདཱནེན, ཝིཧེསཾ ཝཛྫེཏྭཱ ཨཝིཧེསཱཡ, སབྦེ ཝིནིཔཱཏིཀཱ ཨཝེརིནོ ཧོནྟུ མཱ ¶ ཝེརིནོ, སུཁིནོ ཧོནྟུ མཱ དུཀྑིནོ, སུཁིཏཏྟཱ ཧོནྟུ མཱ དུཀྑིཏཏྟཱཏི – ཨིམེཧི ཨཊྛཧཱཀཱརེཧི སབྦེ ཝིནིཔཱཏིཀེ མེཏྟཱཡཏཱིཏི – མེཏྟཱ. ཏཾ དྷམྨཾ ཙེཏཡཏཱིཏི – ཙེཏོ. སབྦབྱཱཔཱདཔརིཡུཊྛཱནེཧི ཝིམུཙྩཏཱིཏི – ཝིམུཏྟི. མེཏྟཱ ཙ ཙེཏོ ཙ ཝིམུཏྟི ཙཱཏི – མེཏྟཱཙེཏོཝིམུཏྟི.

སབྦེ ཝིནིཔཱཏིཀཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – སདྡྷཱཡ ¶ ཨདྷིམུཙྩཏི. སདྡྷིནྡྲིཡཔརིབྷཱཝིཏཱ ཧོཏི མེཏྟཱཙེཏོཝིམུཏྟི…པེ… ནིབྦཏྟེནྟི ཛོཏེནྟི པཏཱཔེནྟི.

སབྦེསཾ པུརཏྠིམཱཡ དིསཱཡ སཏྟཱནཾ…པེ… སབྦེསཾ པཙྪིམཱཡ དིསཱཡ སཏྟཱནཾ… སབྦེསཾ ཨུཏྟརཱཡ དིསཱཡ སཏྟཱནཾ… སབྦེསཾ དཀྑིཎཱཡ དིསཱཡ སཏྟཱནཾ… སབྦེསཾ པུརཏྠིམཱཡ ཨནུདིསཱཡ སཏྟཱནཾ… སབྦེསཾ པཙྪིམཱཡ ཨནུདིསཱཡ སཏྟཱནཾ… སབྦེསཾ ཨུཏྟརཱཡ ཨནུདིསཱཡ སཏྟཱནཾ… སབྦེསཾ དཀྑིཎཱཡ ཨནུདིསཱཡ སཏྟཱནཾ… སབྦེསཾ ཧེཊྛིམཱཡ དིསཱཡ སཏྟཱནཾ… སབྦེསཾ ཨུཔརིམཱཡ དིསཱཡ སཏྟཱནཾ པཱིལ༹ནཾ ཝཛྫེཏྭཱ ཨཔཱིལ༹ནཱཡ, ཨུཔགྷཱཏཾ ཝཛྫེཏྭཱ ཨནུཔགྷཱཏེན, སནྟཱཔཾ ཝཛྫེཏྭཱ ཨསནྟཱཔེན, པརིཡཱདཱནཾ ཝཛྫེཏྭཱ ཨཔརིཡཱདཱནེན, ཝིཧེསཾ ཝཛྫེཏྭཱ ཨཝིཧེསཱཡ, སབྦེ ཨུཔརིམཱཡ དིསཱཡ སཏྟཱ ཨཝེརིནོ ཧོནྟུ མཱ ཝེརིནོ, སུཁིནོ ཧོནྟུ ¶ མཱ དུཀྑིནོ, སུཁིཏཏྟཱ ཧོནྟུ མཱ དུཀྑིཏཏྟཱཏི – ཨིམེཧི ཨཊྛཧཱཀཱརེཧི སབྦེ ཨུཔརིམཱཡ དིསཱཡ སཏྟེ མེཏྟཱཡཏཱིཏི – མེཏྟཱ. ཏཾ དྷམྨཾ ཙེཏཡཏཱིཏི – ཙེཏོ. སབྦབྱཱཔཱདཔརིཡུཊྛཱནེཧི ཝིམུཙྩཏཱིཏི – ཝིམུཏྟི. མེཏྟཱ ཙ ཙེཏོ ཙ ཝིམུཏྟི ཙཱཏི – མེཏྟཱཙེཏོཝིམུཏྟི.

སབྦེ ཨུཔརིམཱཡ དིསཱཡ སཏྟཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – སདྡྷཱཡ ཨདྷིམུཙྩཏི. སདྡྷིནྡྲིཡཔརིབྷཱཝིཏཱ ¶ ཧོཏི མེཏྟཱཙེཏོཝིམུཏྟི…པེ… ནིབྦཏྟེནྟི ཛོཏེནྟི པཏཱཔེནྟི.

སབྦེསཾ པུརཏྠིམཱཡ དིསཱཡ པཱཎཱནཾ…པེ… བྷཱུཏཱནཾ… པུགྒལཱནཾ ¶ ཨཏྟབྷཱཝཔརིཡཱཔནྣཱནཾ… སབྦཱསཾ ཨིཏྠཱིནཾ… སབྦེསཾ པུརིསཱནཾ… སབྦེསཾ ཨརིཡཱནཾ… སབྦེསཾ ཨནརིཡཱནཾ… སབྦེསཾ དེཝཱནཾ… སབྦེསཾ མནུསྶཱནཾ… སབྦེསཾ ཝིནིཔཱཏིཀཱནཾ… སབྦེསཾ པཙྪིམཱཡ དིསཱཡ ཝིནིཔཱཏིཀཱནཾ… སབྦེསཾ ཨུཏྟརཱཡ དིསཱཡ ཝིནིཔཱཏིཀཱནཾ… སབྦེསཾ དཀྑིཎཱཡ དིསཱཡ ཝིནིཔཱཏིཀཱནཾ… སབྦེསཾ པུརཏྠིམཱཡ ཨནུདིསཱཡ ཝིནིཔཱཏིཀཱནཾ… སབྦེསཾ ¶ པཙྪིམཱཡ ཨནུདིསཱཡ ཝིནིཔཱཏིཀཱནཾ… སབྦེསཾ ཨུཏྟརཱཡ ཨནུདིསཱཡ ཝིནིཔཱཏིཀཱནཾ… སབྦེསཾ དཀྑིཎཱཡ ཨནུདིསཱཡ ཝིནིཔཱཏིཀཱནཾ… སབྦེསཾ ཧེཊྛིམཱཡ དིསཱཡ ཝིནིཔཱཏིཀཱནཾ… སབྦེསཾ ཨུཔརིམཱཡ དིསཱཡ ཝིནིཔཱཏིཀཱནཾ པཱིལ༹ནཾ ཝཛྫེཏྭཱ ཨཔཱིལ༹ནཱཡ, ཨུཔགྷཱཏཾ ཝཛྫེཏྭཱ ཨནུཔགྷཱཏེན, སནྟཱཔཾ ཝཛྫེཏྭཱ ཨསནྟཱཔེན, པརིཡཱདཱནཾ ཝཛྫེཏྭཱ ཨཔརིཡཱདཱནེན, ཝིཧེསཾ ཝཛྫེཏྭཱ ཨཝིཧེསཱཡ, སབྦེ ཨུཔརིམཱཡ དིསཱཡ ཝིནིཔཱཏིཀཱ ཨཝེརིནོ ཧོནྟུ མཱ ཝེརིནོ, སུཁིནོ ཧོནྟུ མཱ དུཀྑིནོ, སུཁིཏཏྟཱ ཧོནྟུ མཱ དུཀྑིཏཏྟཱཏི – ཨིམེཧི ཨཊྛཧཱཀཱརེཧི སབྦེ ཨུཔརིམཱཡ དིསཱཡ ཝིནིཔཱཏིཀེ མེཏྟཱཡཏཱིཏི – མེཏྟཱ. ཏཾ དྷམྨཾ ཙེཏཡཏཱིཏི – ཙེཏོ. སབྦབྱཱཔཱདཔརིཡུཊྛཱནེཧི ཝིམུཙྩཏཱིཏི – ཝིམུཏྟི. མེཏྟཱ ཙ ཙེཏོ ཙ ཝིམུཏྟི ཙཱཏི – མེཏྟཱཙེཏོཝིམུཏྟི.

སབྦེ ཨུཔརིམཱཡ དིསཱཡ ཝིནིཔཱཏིཀཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – སདྡྷཱཡ ཨདྷིམུཙྩཏི. སདྡྷིནྡྲིཡཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སབྦེ ཨུཔརིམཱཡ དིསཱཡ ཝིནིཔཱཏིཀཱ ¶ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – ཝཱིརིཡཾ པགྒཎྷཱཏི. ཝཱིརིཡིནྡྲིཡཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

སཏིཾ ¶ ཨུཔཊྛཱཔེཏི. སཏིནྡྲིཡཔརིབྷཱཝིཏཱ ཧོཏི མེཏྟཱཙེཏོཝིམུཏྟི. ཙིཏྟཾ སམཱདཧཏི. སམཱདྷིནྡྲིཡཔརིབྷཱཝིཏཱ ཧོཏི མེཏྟཱཙེཏོཝིམུཏྟི. པཉྙཱཡ པཛཱནཱཏི. པཉྙིནྡྲིཡཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

ཨིམཱནི པཉྩིནྡྲིཡཱནི མེཏྟཱཡ ཙེཏོཝིམུཏྟིཡཱ ཨཱསེཝནཱ ཧོནྟི. ཨིམེཧི པཉྩཧི ཨིནྡྲིཡེཧི མེཏྟཱཙེཏོཝིམུཏྟི ཨཱསེཝཱིཡཏི…པེ… ནིབྦཏྟེནྟི ཛོཏེནྟི པཏཱཔེནྟི.

སབྦེ ¶ ཨུཔརིམཱཡ དིསཱཡ ཝིནིཔཱཏིཀཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – ཨསྶདྡྷིཡེ ན ཀམྤཏི. སདྡྷཱབལཔརིབྷཱཝིཏཱ ཧོཏི མེཏྟཱཙེཏོཝིམུཏྟི. ཀོསཛྫེ ན ཀམྤཏི. ཝཱིརིཡབལཔརིབྷཱཝིཏཱ ཧོཏི མེཏྟཱཙེཏོཝིམུཏྟི. པམཱདེ ན ཀམྤཏི. སཏིབལཔརིབྷཱཝིཏཱ ཧོཏི མེཏྟཱཙེཏོཝིམུཏྟི. ཨུདྡྷཙྩེ ན ཀམྤཏི. སམཱདྷིབལཔརིབྷཱཝིཏཱ ཧོཏི མེཏྟཱཙེཏོཝིམུཏྟི. ཨཝིཛྫཱཡ ན ཀམྤཏི. པཉྙཱབལཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

ཨིམཱནི ¶ པཉྩ བལཱནི མེཏྟཱཡ ཙེཏོཝིམུཏྟིཡཱ ཨཱསེཝནཱ ཧོནྟི. ཨིམེཧི པཉྩཧི བལེཧི མེཏྟཱཙེཏོཝིམུཏྟི ཨཱསེཝཱིཡཏི…པེ… ནིབྦཏྟེནྟི ཛོཏེནྟི པཏཱཔེནྟི.

སབྦེ ཨུཔརིམཱཡ དིསཱཡ ཝིནིཔཱཏིཀཱ ཨཝེརིནོ ཧོནྟུ, ཁེམིནོ ¶ ཧོནྟུ, སུཁིནོ ཧོནྟཱུཏི – སཏིཾ ཨུཔཊྛཱཔེཏི. སཏིསམྦོཛ྄ཛྷངྒཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

པཉྙཱཡ པཝིཙིནཱཏི. དྷམྨཝིཙཡསམྦོཛ྄ཛྷངྒཔརིབྷཱཝིཏཱ ཧོཏི མེཏྟཱཙེཏོཝིམུཏྟི. ཝཱིརིཡཾ པགྒཎྷཱཏི. ཝཱིརིཡསམྦོཛ྄ཛྷངྒཔརིབྷཱཝིཏཱ ཧོཏི མེཏྟཱཙེཏོཝིམུཏྟི. པརིལཱ༹ཧཾ པཊིཔྤསྶམྦྷེཏི. པཱིཏིསམྦོཛ྄ཛྷངྒཔརིབྷཱཝིཏཱ ཧོཏི མེཏྟཱཙེཏོཝིམུཏྟི. དུཊྛུལླཾ པཊིཔྤསྶམྦྷེཏི. པསྶདྡྷིསམྦོཛ྄ཛྷངྒཔརིབྷཱཝིཏཱ ཧོཏི མེཏྟཱཙེཏོཝིམུཏྟི. ཙིཏྟཾ སམཱདཧཏི. སམཱདྷིསམྦོཛ྄ཛྷངྒཔརིབྷཱཝིཏཱ ཧོཏི མེཏྟཱཙེཏོཝིམུཏྟི. ཉཱཎེན ཀིལེསེ པཊིསངྑཱཏི. ཨུཔེཀྑཱསམྦོཛ྄ཛྷངྒཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

ཨིམེ སཏྟ བོཛ྄ཛྷངྒཱ མེཏྟཱཡ ཙེཏོཝིམུཏྟིཡཱ ཨཱསེཝནཱ ཧོནྟི. ཨིམེཧི སཏྟཧི བོཛ྄ཛྷངྒེཧི མེཏྟཱཙེཏོཝིམུཏྟི ཨཱསེཝཱིཡཏི…པེ… ནིབྦཏྟེནྟི ཛོཏེནྟི པཏཱཔེནྟི.

སབྦེ ¶ ཨུཔརིམཱཡ དིསཱཡ ཝིནིཔཱཏིཀཱ ཨཝེརིནོ ཧོནྟུ, ཁེམིནོ ཧོནྟུ, སུཁིནོ ཧོནྟཱུཏི – སམྨཱ པསྶཏི. སམྨཱདིཊྛི པརིབྷཱཝིཏཱ ཧོཏི མེཏྟཱཙེཏོཝིམུཏྟི. སམྨཱ ཨབྷིནིརོཔེཏི. སམྨཱསངྐཔྤཔརིབྷཱཝིཏཱ ཧོཏི མེཏྟཱཙེཏོཝིམུཏྟི. སམྨཱ པརིགྒཎྷཱཏི. སམྨཱཝཱཙཱཔརིབྷཱཝིཏཱ ཧོཏི མེཏྟཱཙེཏོཝིམུཏྟི. སམྨཱ སམུཊྛཱཔེཏི. སམྨཱཀམྨནྟཔརིབྷཱཝིཏཱ ཧོཏི མེཏྟཱཙེཏོཝིམུཏྟི. སམྨཱ ཝོདཱཔེཏི. སམྨཱ ཨཱཛཱིཝཔརིབྷཱཝིཏཱ ཧོཏི ¶ མེཏྟཱཙེཏོཝིམུཏྟི. སམྨཱ པགྒཎྷཱཏི. སམྨཱཝཱཡཱམཔརིབྷཱཝིཏཱ ཧོཏི མེཏྟཱཙེཏོཝིམུཏྟི. སམྨཱ ཨུཔཊྛཱཏི. སམྨཱསཏིཔརིབྷཱཝིཏཱ ཧོཏི མེཏྟཱཙེཏོཝིམུཏྟི. སམྨཱ སམཱདཧཏི. སམྨཱསམཱདྷིཔརིབྷཱཝིཏཱ ཧོཏི མེཏྟཱཙེཏོཝིམུཏྟི.

ཨིམེ ཨཊྛ མགྒངྒཱ མེཏྟཱཡ ཙེཏོཝིམུཏྟིཡཱ ཨཱསེཝནཱ ཧོནྟི. ཨིམེཧི ཨཊྛཧི མགྒངྒེཧི མེཏྟཱཙེཏོཝིམུཏྟི ཨཱསེཝཱིཡཏི…པེ… ཨིམེ ཨཊྛ མགྒངྒཱ མེཏྟཱཡ ཙེཏོཝིམུཏྟིཡཱ པརིབྷཱཝིཏཱ ཧོནྟི. ཨིམེཧི ཨཊྛཧི མགྒངྒེཧི མེཏྟཱཙེཏོཝིམུཏྟི སུཔརིཝུཏཱ ཧོཏི. ཨིམེ ཨཊྛ མགྒངྒཱ མེཏྟཱཡ ཙེཏོཝིམུཏྟིཡཱ ཨཱསེཝནཱ ཧོནྟི, བྷཱཝནཱ ཧོནྟི, བཧུལཱིཀཏཱ ཧོནྟི, ཨལངྐཱརཱ ཧོནྟི, པརིཀྑཱརཱ ཧོནྟི, པརིཝཱརཱ ཧོནྟི, པཱརིཔཱུརཱི ¶ ཧོནྟི, སཧགཏཱ ཧོནྟི, སཧཛཱཏཱ ཧོནྟི ¶ , སཾསཊྛཱ ཧོནྟི, སམྤཡུཏྟཱ ཧོནྟི, པཀྑནྡནཱ ཧོནྟི, པསཱིདནཱ ཧོནྟི, སནྟིཊྛནཱ ཧོནྟི, ཝིམུཙྩནཱ ཧོནྟི, ‘‘ཨེཏཾ སནྟ’’ནྟི ཕསྶནཱ ཧོནྟི, ཡཱནཱིཀཏཱ ཧོནྟི, ཝཏྠུཀཏཱ ཧོནྟི, ཨནུཊྛིཏཱ ཧོནྟི, པརིཙིཏཱ ཧོནྟི, སུསམཱརདྡྷཱ ཧོནྟི, སུབྷཱཝིཏཱ ཧོནྟི, སྭཱདྷིཊྛིཏཱ ཧོནྟི, སུསམུགྒཏཱ ཧོནྟི, སུཝིམུཏྟཱ ཧོནྟི ནིབྦཏྟེནྟི ཛོཏེནྟི པཏཱཔེནྟཱིཏི.

མེཏྟཱཀཐཱ ནིཊྛིཏཱ.

༥. ཝིརཱགཀཐཱ

༢༨. ཝིརཱགོ ¶ ¶ ¶ མགྒོ, ཝིམུཏྟི ཕལཾ. ཀཐཾ ཝིརཱགོ མགྒོ? སོཏཱཔཏྟིམགྒཀྑཎེ དསྶནཊྛེན སམྨཱདིཊྛི མིཙྪཱདིཊྛིཡཱ ཝིརཛྫཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝིརཛྫཏི, བཧིདྡྷཱ ཙ སབྦནིམིཏྟེཧི ཝིརཛྫཏི. ཝིརཱགོ ¶ ཝིརཱགཱརམྨཎོ ཝིརཱགགོཙརོ ཝིརཱགེ སམུདཱགཏོ [སམུཔཱགཏོ (སྱཱ.)] ཝིརཱགེ ཋིཏོ ཝིརཱགེ པཏིཊྛིཏོ.

ཝིརཱགོཏི དྭེ ཝིརཱགཱ – ནིབྦཱནཉྩ ཝིརཱགོ, ཡེ ཙ ནིབྦཱནཱརམྨཎཏཱཛཱཏཱ དྷམྨཱ སབྦེ ཝིརཱགཱ ཧོནྟཱིཏི – ཝིརཱགཱ. སཧཛཱཏཱནི སཏྟངྒཱནི ཝིརཱགཾ གཙྪནྟཱིཏི – ཝིརཱགོ མགྒོ. ཨེཏེན མགྒེན བུདྡྷཱ ཙ སཱཝཀཱ ཙ ཨགཏཾ དིསཾ ནིབྦཱནཾ གཙྪནྟཱིཏི – ཨཊྛངྒིཀོ མགྒོ. ཡཱཝཏཱ པུཐུསམཎབྲཱཧྨཎཱནཾ པརཔྤཝཱདཱནཾ མགྒཱ, ཨཡམེཝ ཨརིཡོ ཨཊྛངྒིཀོ མགྒོ ཨགྒོ ཙ སེཊྛོ ཙ པཱམོཀྑོ [ཝིམོཀྑོ (སྱཱ.), མོཀྑོ (ཨཊྛ.)] ཙ ཨུཏྟམོ ཙ པཝརོ ཙཱཏི – མགྒཱནཾ ཨཊྛངྒིཀོ སེཊྛོ.

ཨབྷིནིརོཔནཊྛེན སམྨཱསངྐཔྤོ མིཙྪཱསངྐཔྤཱ ཝིརཛྫཏི. པརིགྒཧཊྛེན སམྨཱཝཱཙཱ མིཙྪཱཝཱཙཱཡ ཝིརཛྫཏི. སམུཊྛཱནཊྛེན སམྨཱཀམྨནྟོ མིཙྪཱཀམྨནྟཱ ཝིརཛྫཏི. ཝོདཱནཊྛེན སམྨཱཨཱཛཱིཝོ མིཙྪཱཨཱཛཱིཝཱ ཝིརཛྫཏི. པགྒཧཊྛེན སམྨཱཝཱཡཱམོ མིཙྪཱཝཱཡཱམཱ ཝིརཛྫཏི. ཨུཔཊྛཱནཊྛེན ¶ སམྨཱསཏི མིཙྪཱསཏིཡཱ ཝིརཛྫཏི. ཨཝིཀྑེཔཊྛེན སམྨཱསམཱདྷི མིཙྪཱསམཱདྷིཏོ ཝིརཛྫཏི. ཏདནུཝཏྟཀཀིལེསེཧི ¶ ཙ ཁནྡྷེཧི ཙ ཝིརཛྫཏི. བཧིདྡྷཱ ཙ སབྦནིམིཏྟེཧི ཝིརཛྫཏི. ཝིརཱགོ ཝིརཱགཱརམྨཎོ ཝིརཱགགོཙརོ ཝིརཱགེ སམུདཱགཏོ ཝིརཱགེ ཋིཏོ ཝིརཱགེ པཏིཊྛིཏོ.

ཝིརཱགོཏི དྭེ ཝིརཱགཱ – ནིབྦཱནཉྩ ཝིརཱགོ, ཡེ ཙ ནིབྦཱནཱརམྨཎཏཱཛཱཏཱ དྷམྨཱ སབྦེ ཝིརཱགཱ ཧོནྟཱིཏི – ཝིརཱགཱ. སཧཛཱཏཱནི སཏྟངྒཱནི ཝིརཱགཾ གཙྪནྟཱིཏི – ཝིརཱགོ མགྒོ ¶ . ཨེཏེན མགྒེན བུདྡྷཱ ཙ སཱཝཀཱ ཙ ཨགཏཾ དིསཾ ནིབྦཱནཾ གཙྪནྟཱིཏི – ཨཊྛངྒིཀོ མགྒོ. ཡཱཝཏཱ པུཐུསམཎབྲཱཧྨཎཱནཾ པརཔྤཝཱདཱནཾ མགྒཱ, ཨཡམེཝ ཨརིཡོ ཨཊྛངྒིཀོ མགྒོ ཨགྒོ ཙ སེཊྛོ ཙ པཱམོཀྑོ ཙ ཨུཏྟམོ ཙ པཝརོ ཙཱཏི – མགྒཱནཾ ཨཊྛངྒིཀོ སེཊྛོ.

སཀདཱགཱམིམགྒཀྑཎེ དསྶནཊྛེན སམྨཱདིཊྛི…པེ… ཨཝིཀྑེཔཊྛེན སམྨཱསམཱདྷི ཨོལཱ༹རིཀཱ ཀཱམརཱགསཉྙོཛནཱ པཊིགྷསཉྙོཛནཱ ཨོལཱ༹རིཀཱ ཀཱམརཱགཱནུསཡཱ པཊིགྷཱནུསཡཱ ཝིརཛྫཏི, ཏདནུཝཏྟཀཀིལེསེཧི ཙ ཁནྡྷེཧི ¶ ཙ ཝིརཛྫཏི, བཧིདྡྷཱ ཙ སབྦནིམིཏྟེཧི ཝིརཛྫཏི. ཝིརཱགོ ཝིརཱགཱརམྨཎོ ཝིརཱགགོཙརོ ཝིརཱགེ སམུདཱགཏོ ཝིརཱགེ ཋིཏོ ཝིརཱགེ པཏིཊྛིཏོ.

ཝིརཱགོཏི དྭེ ཝིརཱགཱ – ནིབྦཱནཉྩ ཝིརཱགོ, ཡེ ཙ ནིབྦཱནཱརམྨཎཏཱཛཱཏཱ དྷམྨཱ སབྦེ ཝིརཱགཱ ཧོནྟཱིཏི – ཝིརཱགཱ. སཧཛཱཏཱནི སཏྟངྒཱནི ཝིརཱགཾ ¶ གཙྪནྟཱིཏི – ཝིརཱགོ མགྒོ. ཨེཏེན མགྒེན བུདྡྷཱ ཙ སཱཝཀཱ ཙ ཨགཏཾ དིསཾ ནིབྦཱནཾ གཙྪནྟཱིཏི – ཨཊྛངྒིཀོ མགྒོ. ཡཱཝཏཱ པུཐུསམཎབྲཱཧྨཎཱནཾ པརཔྤཝཱདཱནཾ མགྒཱ. ཨཡམེཝ ཨརིཡོ ཨཊྛངྒིཀོ མགྒོ ཨགྒོ ཙ སེཊྛོ ཙ པཱམོཀྑོ ཙ ཨུཏྟམོ ཙ པཝརོ ཙཱཏི – མགྒཱནཾ ཨཊྛངྒིཀོ སེཊྛོ.

ཨནཱགཱམིམགྒཀྑཎེ དསྶནཊྛེན སམྨཱདིཊྛི…པེ… ཨཝིཀྑེཔཊྛེན སམྨཱསམཱདྷི ཨནུསཧགཏཱ ཀཱམརཱགསཉྙོཛནཱ པཊིགྷསཉྙོཛནཱ ཨནུསཧགཏཱ ཀཱམརཱགཱནུསཡཱ པཊིགྷཱནུསཡཱ ཝིརཛྫཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝིརཛྫཏི, བཧིདྡྷཱ ཙ སབྦནིམིཏྟེཧི ཝིརཛྫཏི. ཝིརཱགོ ཝིརཱགཱརམྨཎོ…པེ… མགྒཱནཾ ཨཊྛངྒིཀོ སེཊྛོ.

ཨརཧཏྟམགྒཀྑཎེ དསྶནཊྛེན སམྨཱདིཊྛི…པེ… ཨཝིཀྑེཔཊྛེན སམྨཱསམཱདྷི རཱུཔརཱགཱ ཨརཱུཔརཱགཱ མཱནཱ ཨུདྡྷཙྩཱ ཨཝིཛྫཱཡ མཱནཱནུསཡཱ བྷཝརཱགཱནུསཡཱ ཨཝིཛྫཱནུསཡཱ ཝིརཛྫཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝིརཛྫཏི, བཧིདྡྷཱ ཙ སབྦནིམིཏྟེཧི ཝིརཛྫཏི ཝིརཱགོ ཝིརཱགཱརམྨཎོ ཝིརཱགགོཙརོ ཝིརཱགེ སམུདཱགཏོ ཝིརཱགེ ཋིཏོ ཝིརཱགེ པཏིཊྛིཏོ.

ཝིརཱགོཏི ¶ དྭེ ཝིརཱགཱ – ནིབྦཱནཉྩ ཝིརཱགོ, ཡེ ཙ ནིབྦཱནཱརམྨཎཏཱཛཱཏཱ དྷམྨཱ སབྦེ ཝིརཱགཱ ཧོནྟཱིཏི – ཝིརཱགཱ. སཧཛཱཏཱནི སཏྟངྒཱནི ཝིརཱགཾ གཙྪནྟཱིཏི – ཝིརཱགོ མགྒོ. ཨེཏེན མགྒེན བུདྡྷཱ ཙ ¶ སཱཝཀཱ ཙ ཨགཏཾ དིསཾ ནིབྦཱནཾ གཙྪནྟཱིཏི – ཨཊྛངྒིཀོ མགྒོ ¶ . ཡཱཝཏཱ པུཐུསམཎབྲཱཧྨཎཱནཾ པརཔྤཝཱདཱནཾ མགྒཱ. ཨཡམེཝ ཨརིཡོ ཨཊྛངྒིཀོ མགྒོ ཨགྒོ ཙ སེཊྛོ ཙ པཱམོཀྑོ ཙ ཨུཏྟམོ ཙ པཝརོ ཙཱཏི – མགྒཱནཾ ཨཊྛངྒིཀོ སེཊྛོ.

དསྶནཝིརཱགོ སམྨཱདིཊྛི. ཨབྷིནིརོཔནཝིརཱགོ སམྨཱསངྐཔྤོ. པརིགྒཧཝིརཱགོ སམྨཱཝཱཙཱ. སམུཊྛཱནཝིརཱགོ སམྨཱཀམྨནྟོ. ཝོདཱནཝིརཱགོ སམྨཱཨཱཛཱིཝོ ¶ . པགྒཧཝིརཱགོ སམྨཱཝཱཡཱམོ. ཨུཔཊྛཱནཝིརཱགོ སམྨཱསཏི. ཨཝིཀྑེཔཝིརཱགོ སམྨཱསམཱདྷི. ཨུཔཊྛཱནཝིརཱགོ སཏིསམྦོཛ྄ཛྷངྒོ. པཝིཙཡཝིརཱགོ དྷམྨཝིཙཡསམྦོཛ྄ཛྷངྒོ. པགྒཧཝིརཱགོ ཝཱིརིཡསམྦོཛ྄ཛྷངྒོ. ཕརཎཝིརཱགོ པཱིཏིསམྦོཛ྄ཛྷངྒོ. ཨུཔསམཝིརཱགོ པསྶདྡྷིསམྦོཛ྄ཛྷངྒོ. ཨཝིཀྑེཔཝིརཱགོ སམཱདྷིསམྦོཛ྄ཛྷངྒོ. པཊིསངྑཱནཝིརཱགོ ཨུཔེཀྑཱསམྦོཛ྄ཛྷངྒོ. ཨསྶདྡྷིཡེ ¶ ཨཀམྤིཡཝིརཱགོ སདྡྷཱབལཾ. ཀོསཛྫེ ཨཀམྤིཡཝིརཱགོ ཝཱིརིཡབལཾ. པམཱདེ ཨཀམྤིཡཝིརཱགོ སཏིབལཾ. ཨུདྡྷཙྩེ ཨཀམྤིཡཝིརཱགོ སམཱདྷིབལཾ. ཨཝིཛྫཱཡ ཨཀམྤིཡཝིརཱགོ པཉྙཱབལཾ. ཨདྷིམོཀྑཝིརཱགོ སདྡྷིནྡྲིཡཾ. པགྒཧཝིརཱགོ ཝཱིརིཡིནྡྲིཡཾ. ཨུཔཊྛཱནཝིརཱགོ སཏིནྡྲིཡཾ. ཨཝིཀྑེཔཝིརཱགོ སམཱདྷིནྡྲིཡཾ. དསྶནཝིརཱགོ པཉྙིནྡྲིཡཾ. ཨཱདྷིཔཏེཡྻཊྛེན ཨིནྡྲིཡཱནི ཝིརཱགོ. ཨཀམྤིཡཊྛེན བལཾ ཝིརཱགོ. ནིཡྻཱནཊྛེན བོཛ྄ཛྷངྒཱ ཝིརཱགོ. ཧེཏུཊྛེན མགྒོ ཝིརཱགོ. ཨུཔཊྛཱནཊྛེན སཏིཔཊྛཱནཱ ཝིརཱགོ. པདཧནཊྛེན སམྨཔྤདྷཱནཱ ¶ ཝིརཱགོ. ཨིཛ྄ཛྷནཊྛེན ཨིདྡྷིཔཱདཱ ཝིརཱགོ. ཏཐཊྛེན སཙྩཱ ཝིརཱགོ. ཨཝིཀྑེཔཊྛེན སམཐོ ཝིརཱགོ. ཨནུཔསྶནཊྛེན ཝིཔསྶནཱ ཝིརཱགོ. ཨེཀརསཊྛེན སམཐཝིཔསྶནཱ ཝིརཱགོ. ཨནཏིཝཏྟནཊྛེན ཡུགནདྡྷཾ ཝིརཱགོ. སཾཝརཊྛེན སཱིལཝིསུདྡྷི ཝིརཱགོ. ཨཝིཀྑེཔཊྛེན ཙིཏྟཝིསུདྡྷི ཝིརཱགོ. དསྶནཊྛེན དིཊྛིཝིསུདྡྷི ཝིརཱགོ. ཝིམུཏྟཊྛེན ཝིམོཀྑོ ཝིརཱགོ. པཊིཝེདྷཊྛེན ཝིཛྫཱ ཝིརཱགོ. པརིཙྩཱགཊྛེན ཝིམུཏྟི ཝིརཱགོ. སམུཙྪེདཊྛེན ཁཡེ ཉཱཎཾ ཝིརཱགོ. ཚནྡོ མཱུལཊྛེན ཝིརཱགོ. མནསིཀཱརོ སམུཊྛཱནཊྛེན ཝིརཱགོ. ཕསྶོ སམོདྷཱནཊྛེན ཝིརཱགོ. ཝེདནཱ སམོསརཎཊྛེན ཝིརཱགོ. སམཱདྷི པམུཁཊྛེན ཝིརཱགོ. སཏི ཨཱདྷིཔཏེཡྻཊྛེན ཝིརཱགོ. པཉྙཱ ཏཏུཏྟརཊྛེན ཝིརཱགོ. ཝིམུཏྟི སཱརཊྛེན ཝིརཱགོ. ཨམཏོགདྷཾ ནིབྦཱནཾ པརིཡོསཱནཊྛེན མགྒོ.

དསྶནམགྒོ སམྨཱདིཊྛི, ཨབྷིནིརོཔནམགྒོ སམྨཱསངྐཔྤོ…པེ… ཨམཏོགདྷཾ ནིབྦཱནཾ པརིཡོསཱནཊྛེན མགྒོ. ཨེཝཾ ཝིརཱགོ མགྒོ.

༢༩. ཀཐཾ ཝིམུཏྟི ཕལཾ? སོཏཱཔཏྟིཕལཀྑཎེ དསྶནཊྛེན སམྨཱདིཊྛི མིཙྪཱདིཊྛིཡཱ ཝིམུཏྟཱ ཧོཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝིམུཏྟཱ ཧོཏི, བཧིདྡྷཱ ཙ སབྦནིམིཏྟེཧི ཝིམུཏྟཱ ཧོཏི, ཝིམུཏྟི ཝིམུཏྟཱརམྨཎཱ ཝིམུཏྟིགོཙརཱ ཝིམུཏྟིཡཱ སམུདཱགཏཱ ཝིམུཏྟིཡཱ ¶ ཋིཏཱ ཝིམུཏྟིཡཱ པཏིཊྛིཏཱ. ཝིམུཏྟཱིཏི དྭེ མུཏྟིཡོ – ནིབྦཱནཉྩ ཝིམུཏྟི, ཡེ ཙ ནིབྦཱནཱརམྨཎཏཱཛཱཏཱ དྷམྨཱ ¶ སབྦེ ཙ ཝིམུཏྟཱ ཧོནྟཱིཏི – ཝིམུཏྟི ཕལཾ.

ཨབྷིནིརོཔནཊྛེན ¶ སམྨཱསངྐཔྤོ མིཙྪཱསངྐཔྤཱ ཝིམུཏྟོ ¶ ཧོཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝིམུཏྟོ ཧོཏི, བཧིདྡྷཱ ཙ སབྦནིམིཏྟེཧི ཝིམུཏྟོ ཧོཏི, ཝིམུཏྟི ཝིམུཏྟཱརམྨཎཱ ཝིམུཏྟིགོཙརཱ ཝིམུཏྟིཡཱ སམུདཱགཏཱ ཝིམུཏྟིཡཱ ཋིཏཱ ཝིམུཏྟིཡཱ པཏིཊྛིཏཱ. ཝིམུཏྟཱིཏི དྭེ ཝིམུཏྟིཡོ – ནིབྦཱནཉྩ ཝིམུཏྟི, ཡེ ཙ ནིབྦཱནཱརམྨཎཏཱཛཱཏཱ དྷམྨཱ སབྦེ ཝིམུཏྟཱ ཧོནྟཱིཏི – ཝིམུཏྟི ཕལཾ.

པརིགྒཧཊྛེན སམྨཱཝཱཙཱ མིཙྪཱཝཱཙཱཡ ཝིམུཏྟཱ ཧོཏི, སམུཊྛཱནཊྛེན སམྨཱཀམྨནྟོ མིཙྪཱཀམྨནྟཱ ཝིམུཏྟོ ཧོཏི, ཝོདཱནཊྛེན སམྨཱཨཱཛཱིཝོ མིཙྪཱཨཱཛཱིཝཱ ཝིམུཏྟོ ཧོཏི, པགྒཧཊྛེན སམྨཱཝཱཡཱམོ མིཙྪཱཝཱཡཱམཱ ཝིམུཏྟོ ཧོཏི, ཨུཔཊྛཱནཊྛེན སམྨཱསཏི མིཙྪཱསཏིཡཱ ཝིམུཏྟཱ ཧོཏི, ཨཝིཀྑེཔཊྛེན སམྨཱསམཱདྷི མིཙྪཱསམཱདྷིཏོ ཝིམུཏྟོ ཧོཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝིམུཏྟོ ཧོཏི, བཧིདྡྷཱ ཙ སབྦནིམིཏྟེཧི ཝིམུཏྟོ ཧོཏི, ཝིམུཏྟི ཝིམུཏྟཱརམྨཎཱ ཝིམུཏྟིགོཙརཱ ཝིམུཏྟིཡཱ སམུདཱགཏཱ ཝིམུཏྟིཡཱ ཋིཏཱ ཝིམུཏྟིཡཱ པཏིཊྛིཏཱ. ཝིམུཏྟཱིཏི. དྭེ ཝིམུཏྟིཡོ – ནིབྦཱནཉྩ ཝིམུཏྟི, ཡེ ཙ ནིབྦཱནཱརམྨཎཏཱཛཱཏཱ དྷམྨཱ སབྦེ ཝིམུཏྟཱ ཧོནྟཱིཏི – ཝིམུཏྟི ཕལཾ.

སཀདཱགཱམིཕལཀྑཎེ དསྶནཊྛེན སམྨཱདིཊྛི…པེ… ཨཝིཀྑེཔཊྛེན སམྨཱསམཱདྷི ཨོལཱ༹རིཀཱ ཀཱམརཱགསཉྙོཛནཱ པཊིགྷསཉྙོཛནཱ ¶ ཨོལཱ༹རིཀཱ ཀཱམརཱགཱནུསཡཱ པཊིགྷཱནུསཡཱ ཝིམུཏྟོ ཧོཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝིམུཏྟོ ཧོཏི, བཧིདྡྷཱ ཙ སབྦནིམིཏྟེཧི ཝིམུཏྟོ ཧོཏི, ཝིམུཏྟི ཝིམུཏྟཱརམྨཎཱ ཝིམུཏྟིགོཙརཱ ཝིམུཏྟིཡཱ སམུདཱགཏཱ ཝིམུཏྟིཡཱ ཋིཏཱ ཝིམུཏྟིཡཱ པཏིཊྛིཏཱ. ཝིམུཏྟཱིཏི དྭེ ཝིམུཏྟིཡོ – ནིབྦཱནཉྩ ཝིམུཏྟི, ཡེ ཙ ནིབྦཱནཱརམྨཎཏཱཛཱཏཱ དྷམྨཱ སབྦེ ཝིམུཏྟཱ ཧོནྟཱིཏི – ཝིམུཏྟི ཕལཾ.

ཨནཱགཱམིཕལཀྑཎེ དསྶནཊྛེན སམྨཱདིཊྛི…པེ… ཨཝིཀྑེཔཊྛེན སམྨཱསམཱདྷི ཨནུསཧགཏཱ ཀཱམརཱགསཉྙོཛནཱ པཊིགྷསཉྙོཛནཱ ཨནུསཧགཏཱ ཀཱམརཱགཱནུསཡཱ པཊིགྷཱནུསཡཱ ཝིམུཏྟོ ཧོཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝིམུཏྟོ ཧོཏི, བཧིདྡྷཱ ཙ སབྦནིམིཏྟེཧི ཝིམུཏྟོ ཧོཏི, ཝིམུཏྟི ¶ ཝིམུཏྟཱརམྨཎཱ ཝིམུཏྟིགོཙརཱ ཝིམུཏྟིཡཱ སམུདཱགཏཱ ཝིམུཏྟིཡཱ ཋིཏཱ ཝིམུཏྟིཡཱ པཏིཊྛིཏཱ…པེ….

ཨརཧཏྟཕལཀྑཎེ ¶ ¶ དསྶནཊྛེན སམྨཱདིཊྛི…པེ… ཨཝིཀྑེཔཊྛེན སམྨཱསམཱདྷི རཱུཔརཱགཱ ཨརཱུཔརཱགཱ མཱནཱ ཨུདྡྷཙྩཱ ཨཝིཛྫཱཡ མཱནཱནུསཡཱ བྷཝརཱགཱནུསཡཱ ཨཝིཛྫཱནུསཡཱ ཝིམུཏྟོ ཧོཏི, ཏདནུཝཏྟཀཀིལེསེཧི ཙ ཁནྡྷེཧི ཙ ཝིམུཏྟོ ཧོཏི, བཧིདྡྷཱ ཙ སབྦནིམིཏྟེཧི ཝིམུཏྟོ ཧོཏི, ཝིམུཏྟི ཝིམུཏྟཱརམྨཎཱ ཝིམུཏྟིགོཙརཱ ཝིམུཏྟིཡཱ སམུདཱགཏཱ ཝིམུཏྟིཡཱ ཋིཏཱ ཝིམུཏྟིཡཱ པཏིཊྛིཏཱ. ཝིམུཏྟཱིཏི དྭེ ཝིམུཏྟིཡོ – ནིབྦཱནཉྩ ཝིམུཏྟི, ཡེ ཙ ནིབྦཱནཱརམྨཎཏཱ ཛཱཏཱ དྷམྨཱ སབྦེ ཝིམུཏྟཱ ཧོནྟཱིཏི – ཝིམུཏྟི ཕལཾ.

དསྶནཝིམུཏྟི ¶ སམྨཱདིཊྛི…པེ… ཨཝིཀྑེཔཝིམུཏྟི སམྨཱསམཱདྷི, ཨུཔཊྛཱནཝིམུཏྟི སཏིསམྦོཛ྄ཛྷངྒོ, པཊིསངྑཱནཝིམུཏྟི ཨུཔེཀྑཱསམྦོཛ྄ཛྷངྒོ. ཨསྶདྡྷིཡེ ཨཀམྤིཡཝིམུཏྟི སདྡྷཱབལཾ…པེ… ཨཝིཛྫཱཡ ཨཀམྤིཡཝིམུཏྟི པཉྙཱབལཾ. ཨདྷིམོཀྑཝིམུཏྟི སདྡྷིནྡྲིཡཾ…པེ… དསྶནཝིམུཏྟི པཉྙིནྡྲིཡཾ.

ཨཱདྷིཔཏེཡྻཊྛེན ཨིནྡྲིཡཱ ཝིམུཏྟི. ཨཀམྤིཡཊྛེན བལཱ ཝིམུཏྟི, ནིཡྻཱནཊྛེན བོཛ྄ཛྷངྒཱ ཝིམུཏྟི, ཧེཏུཊྛེན མགྒོ ཝིམུཏྟི, ཨུཔཊྛཱནཊྛེན སཏིཔཊྛཱནཱ ཝིམུཏྟི, པདཧནཊྛེན སམྨཔྤདྷཱནཱ ཝིམུཏྟི, ཨིཛ྄ཛྷནཊྛེན ཨིདྡྷིཔཱདཱ ཝིམུཏྟི, ཏཐཊྛེན སཙྩཱ ཝིམུཏྟི, ཨཝིཀྑེཔཊྛེན སམཐོ ¶ ཝིམུཏྟི, ཨནུཔསྶནཊྛེན ཝིཔསྶནཱ ཝིམུཏྟི, ཨེཀརསཊྛེན སམཐཝིཔསྶནཱ ཝིམུཏྟི, ཨནཏིཝཏྟནཊྛེན ཡུགནདྡྷཾ ཝིམུཏྟི, སཾཝརཊྛེན སཱིལཝིསུདྡྷི ཝིམུཏྟི, ཨཝིཀྑེཔཊྛེན ཙིཏྟཝིསུདྡྷི ཝིམུཏྟི, དསྶནཊྛེན དིཊྛིཝིསུདྡྷི ཝིམུཏྟི, ཝིམུཏྟཊྛེན ཝིམོཀྑོ ཝིམུཏྟི, པཊིཝེདྷཊྛེན ཝིཛྫཱ ཝིམུཏྟི, པརིཙྩཱགཊྛེན ཝིམུཏྟི ཝིམུཏྟི, པཊིཔྤསྶདྡྷིཡཊྛེན ཨནུཔྤཱདེ ཉཱཎཾ ཝིམུཏྟི, ཚནྡོ མཱུལཊྛེན ཝིམུཏྟི, མནསིཀཱརོ སམུཊྛཱནཊྛེན ཝིམུཏྟི, ཕསྶོ སམོདྷཱནཊྛེན ཝིམུཏྟི, ཝེདནཱ སམོསརཎཊྛེན ཝིམུཏྟི, སམཱདྷི པམུཁཊྛེན ཝིམུཏྟི, སཏི ཨཱདྷིཔཏེཡྻཊྛེན ཝིམུཏྟི, པཉྙཱ ཏཏུཏྟརཊྛེན ཝིམུཏྟི, ཝིམུཏྟི སཱརཊྛེན ཝིམུཏྟི, ཨམཏོགདྷཾ ནིབྦཱནཾ པརིཡོསཱནཊྛེན ཝིམུཏྟི. ཨེཝཾ ཝིམུཏྟི ཕལཾ. ཨེཝཾ ཝིརཱགོ མགྒོ ¶ , ཝིམུཏྟི ཕལནྟི.

ཝིརཱགཀཐཱ ནིཊྛིཏཱ.

༦. པཊིསམྦྷིདཱཀཐཱ

༡. དྷམྨཙཀྐཔཝཏྟནཝཱརོ

༣༠. ཨེཝཾ ¶ ¶ མེ སུཏཾ – ཨེཀཾ སམཡཾ བྷགཝཱ བཱརཱཎསིཡཾ ཝིཧརཏི ཨིསིཔཏནེ མིགདཱཡེ. ཏཏྲ ཁོ བྷགཝཱ པཉྩཝགྒིཡེ བྷིཀྑཱུ ཨཱམནྟེསི –

‘‘དྭེམེ ¶ , བྷིཀྑཝེ, ཨནྟཱ པབྦཛིཏེན ན སེཝིཏབྦཱ. ཀཏམེ དྭེ? ཡོ ཙཱཡཾ ཀཱམེསུ ཀཱམསུཁལླིཀཱནུཡོགོ ཧཱིནོ གམྨོ པོཐུཛྫནིཀོ ཨནརིཡོ ཨནཏྠསཾཧིཏོ; ཡོ ཙཱཡཾ ཨཏྟཀིལམཐཱནུཡོགོ དུཀྑོ ཨནརིཡོ ཨནཏྠསཾཧིཏོ. ཨེཏེ ཁོ [ཨེཏེ ཏེ (སྱཱ. ཀ. སཱི. ཨཊྛ.) སཾ. ནི. ༥.༡༠༨༡; མཧཱཝ. ༡༣ པསྶིཏབྦཱ], བྷིཀྑཝེ, ཨུབྷོ ཨནྟེ ཨནུཔགམྨ མཛ྄ཛྷིམཱ པཊིཔདཱ ཏཐཱགཏེན ཨབྷིསམྦུདྡྷཱ ཙཀྑུཀརཎཱི ཉཱཎཀརཎཱི ཨུཔསམཱཡ ཨབྷིཉྙཱཡ སམྦོདྷཱཡ ནིབྦཱནཱཡ སཾཝཏྟཏི.

‘‘ཀཏམཱ ཙ སཱ, བྷིཀྑཝེ, མཛ྄ཛྷིམཱ པཊིཔདཱ ཏཐཱགཏེན ཨབྷིསམྦུདྡྷཱ ཙཀྑུཀརཎཱི ཉཱཎཀརཎཱི ཨུཔསམཱཡ ཨབྷིཉྙཱཡ སམྦོདྷཱཡ ནིབྦཱནཱཡ སཾཝཏྟཏི? ཨཡམེཝ ཨརིཡོ ཨཊྛངྒིཀོ མགྒོ, སེཡྻཐིདཾ – སམྨཱདིཊྛི…པེ… སམྨཱསམཱདྷི. ཨཡཾ ཁོ སཱ, བྷིཀྑཝེ, མཛ྄ཛྷིམཱ པཊིཔདཱ ཏཐཱགཏེན ཨབྷིསམྦུདྡྷཱ ཙཀྑུཀརཎཱི ཉཱཎཀརཎཱི ཨུཔསམཱཡ ཨབྷིཉྙཱཡ སམྦོདྷཱཡ ནིབྦཱནཱཡ སཾཝཏྟཏི.

‘‘ཨིདཾ ¶ ཁོ པན, བྷིཀྑཝེ, དུཀྑཾ ཨརིཡསཙྩཾ. ཛཱཏིཔི དུཀྑཱ, ཛརཱཔི དུཀྑཱ, བྱཱདྷིཔི དུཀྑོ, མརཎམྤི དུཀྑཾ, ཨཔྤིཡེཧི སམྤཡོགོ དུཀྑོ, པིཡེཧི ཝིཔྤཡོགོ དུཀྑོ, ཡམྤིཙྪཾ ན ལབྷཏི ཏམྤི དུཀྑཾ; སཾཁིཏྟེན པཉྩུཔཱདཱནཀྑནྡྷཱ དུཀྑཱ. ཨིདཾ ཁོ པན, བྷིཀྑཝེ, དུཀྑསམུདཡཾ ཨརིཡསཙྩཾ – ཡཱཡཾ ཏཎྷཱ པོནོབྷཝིཀཱ ནནྡིརཱགསཧགཏཱ ཏཏྲཏཏྲཱབྷིནནྡིནཱི ¶ , སེཡྻཐིདཾ – ཀཱམཏཎྷཱ, བྷཝཏཎྷཱ, ཝིབྷཝཏཎྷཱ. ཨིདཾ ¶ ཁོ པན, བྷིཀྑཝེ, དུཀྑནིརོདྷཾ ཨརིཡསཙྩཾ – ཡོ ཏསྶཱཡེཝ ཏཎྷཱཡ ཨསེསཝིརཱགནིརོདྷོ ཙཱགོ པཊིནིསྶགྒོ མུཏྟི ཨནཱལཡོ. ཨིདཾ ཁོ པན, བྷིཀྑཝེ, དུཀྑནིརོདྷགཱམིནཱི པཊིཔདཱ ཨརིཡསཙྩཾ – ཨཡམེཝ ཨརིཡོ ཨཊྛངྒིཀོ མགྒོ, སེཡྻཐིདཾ – སམྨཱདིཊྛི…པེ… སམྨཱསམཱདྷི.

‘‘‘ཨིདཾ དུཀྑཾ ཨརིཡསཙྩ’ནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི. ‘ཏཾ ཁོ པནིདཾ དུཀྑཾ ཨརིཡསཙྩཾ པརིཉྙེཡྻ’ནྟི མེ, བྷིཀྑཝེ…པེ… པརིཉྙཱཏནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི.

‘‘‘ཨིདཾ ¶ དུཀྑསམུདཡཾ ཨརིཡསཙྩ’ནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ¶ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི. ‘ཏཾ ཁོ པནིདཾ དུཀྑསམུདཡཾ ཨརིཡསཙྩཾ པཧཱཏབྦ’ནྟི མེ, བྷིཀྑཝེ…པེ… པཧཱིནནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི.

‘‘‘ཨིདཾ དུཀྑནིརོདྷཾ ཨརིཡསཙྩ’ནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི. ‘ཏཾ ཁོ པནིདཾ དུཀྑནིརོདྷཾ ཨརིཡསཙྩཾ སཙྪིཀཱཏབྦ’ནྟི མེ, བྷིཀྑཝེ…པེ… སཙྪིཀཏནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི.

‘‘‘ཨིདཾ དུཀྑནིརོདྷགཱམིནཱི པཊིཔདཱ ཨརིཡསཙྩ’ནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི. ‘ཏཾ ཁོ པནིདཾ དུཀྑནིརོདྷགཱམིནཱི པཊིཔདཱ ཨརིཡསཙྩཾ བྷཱཝེཏབྦ’ནྟི མེ, བྷིཀྑཝེ…པེ… བྷཱཝིཏནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི.

‘‘ཡཱཝཀཱིཝཉྩ ¶ མེ, བྷིཀྑཝེ, ཨིམེསུ ཙཏཱུསུ ཨརིཡསཙྩེསུ ཨེཝཾ ཏིཔརིཝཊྚཾ དྭཱདསཱཀཱརཾ ཡཐཱབྷཱུཏཾ ཉཱཎདསྶནཾ ན སུཝིསུདྡྷཾ ཨཧོསི ¶ , ནེཝ ཏཱཝཱཧཾ, བྷིཀྑཝེ ¶ , སདེཝཀེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ‘ཨནུཏྟརཾ སམྨཱསམྦོདྷིཾ ཨབྷིསམྦུདྡྷོ’ཏི པཙྩཉྙཱསིཾ. ཡཏོ ཙ ཁོ མེ, བྷིཀྑཝེ, ཨིམེསུ ཙཏཱུསུ ཨརིཡསཙྩེསུ ཨེཝཾ ཏིཔརིཝཊྚཾ དྭཱདསཱཀཱརཾ ཡཐཱབྷཱུཏཾ ཉཱཎདསྶནཾ སུཝིསུདྡྷཾ ཨཧོསི, ཨཐཱཧཾ, བྷིཀྑཝེ, སདེཝཀེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ‘ཨནུཏྟརཾ སམྨཱསམྦོདྷིཾ ཨབྷིསམྦུདྡྷོ’ཏི པཙྩཉྙཱསིཾ. ཉཱཎཉྩ པན མེ དསྶནཾ ཨུདཔཱདི – ‘ཨཀུཔྤཱ མེ ཝིམུཏྟི, ཨཡམནྟིམཱ ཛཱཏི, ནཏྠི དཱནི པུནབྦྷཝོ’’’ཏི.

ཨིདམཝོཙ བྷགཝཱ. ཨཏྟམནཱ པཉྩཝགྒིཡཱ བྷིཀྑཱུ བྷགཝཏོ བྷཱསིཏཾ ཨབྷིནནྡུནྟི.

ཨིམསྨིཉྩ ¶ པན ཝེཡྻཱཀརཎསྨིཾ བྷཉྙམཱནེ ཨཱཡསྨཏོ ཀོཎྜཉྙསྶ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ‘‘ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨ’’ནྟི.

པཝཏྟིཏེ ཙ པན བྷགཝཏཱ དྷམྨཙཀྐེ བྷུམྨཱ [བྷཱུམཱ (ཀ.)] དེཝཱ སདྡམནུསྶཱཝེསུཾ – ‘‘ཨེཏཾ བྷགཝཏཱ བཱརཱཎསིཡཾ ཨིསིཔཏནེ མིགདཱཡེ ཨནུཏྟརཾ དྷམྨཙཀྐཾ པཝཏྟིཏཾ ཨཔྤཊིཝཏྟིཡཾ སམཎེན ཝཱ བྲཱཧྨཎེན ཝཱ དེཝེན ཝཱ མཱརེན ཝཱ བྲཧྨུནཱ ཝཱ ཀེནཙི ཝཱ ལོཀསྨི’’ནྟི. བྷུམྨཱནཾ དེཝཱནཾ སདྡཾ སུཏྭཱ ཙཱཏུམཧཱརཱཛིཀཱ [ཙཱཏུམྨཧཱརཱཛིཀཱ (སྱཱ.)] དེཝཱ སདྡམནུསྶཱཝེསུཾ…པེ… ཙཱཏུམཧཱརཱཛིཀཱནཾ དེཝཱནཾ སདྡཾ སུཏྭཱ ཏཱཝཏིཾསཱ དེཝཱ…པེ… ཡཱམཱ དེཝཱ…པེ… ཏུསིཏཱ དེཝཱ…པེ… ནིམྨཱནརཏཱི དེཝཱ…པེ… པརནིམྨིཏཝསཝཏྟཱི དེཝཱ…པེ… བྲཧྨཀཱཡིཀཱ དེཝཱ ¶ སདྡམནུསྶཱཝེསུཾ – ‘‘ཨེཏཾ བྷགཝཏཱ བཱརཱཎསིཡཾ ཨིསིཔཏནེ མིགདཱཡེ ཨནུཏྟརཾ དྷམྨཙཀྐཾ པཝཏྟིཏཾ ཨཔྤཊིཝཏྟིཡཾ སམཎེན ཝཱ བྲཱཧྨཎེན ཝཱ དེཝེན ཝཱ མཱརེན ཝཱ བྲཧྨུནཱ ཝཱ ཀེནཙི ཝཱ ལོཀསྨི’’ནྟི.

ཨིཏིཧ ཏེན ཁཎེན ཏེན ལཡེན ཏེན མུཧུཏྟེན ཡཱཝ བྲཧྨལོཀཱ སདྡོ ཨབྦྷུགྒཙྪི. ཨཡཉྩ དསསཧསྶཱི ལོཀདྷཱཏུ སཾཀམྤི སམྤཀམྤི སམྤཝེདྷི, ཨཔྤམཱཎོ ཙ ཨུལཱ༹རོ ཨོབྷཱསོ ལོཀེ པཱཏུརཧོསི ཨཏིཀྐམྨ [ཨཏིཀྐམྨེཝ (སྱཱ. ཀ.) སཾ. ནི. ༥.༡༠༨༡ པསྶིཏབྦཱ] དེཝཱནཾ དེཝཱནུབྷཱཝནྟི.

ཨཐ ཁོ བྷགཝཱ ཨིམཾ ཨུདཱནཾ ཨུདཱནེསི – ‘‘ཨཉྙཱསི ཝཏ, བྷོ, ཀོཎྜཉྙོ; ཨཉྙཱསི ཝཏ, བྷོ, ཀོཎྜཉྙོ’’ཏི. ཨིཏི ཧིདཾ ཨཱཡསྨཏོ ཀོཎྜཉྙསྶ ཨཉྙཱསིཀོཎྜཉྙོ ཏྭེཝ [ཨཉྙཱཀོཎྜཉྙོཏྭེཝ (སྱཱ.)] ནཱམཾ ཨཧོསི.

[ཀ] ‘ཨིདཾ ¶ དུཀྑཾ ཨརིཡསཙྩ’ནྟི པུབྦེ ཨནནུསྶུཏེསུ དྷམྨེསུ ¶ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི’’.

ཙཀྑུཾ ཨུདཔཱདཱིཏི – ཀེནཊྛེན? ཉཱཎཾ ཨུདཔཱདཱིཏི – ཀེནཊྛེན? པཉྙཱ ཨུདཔཱདཱིཏི – ཀེནཊྛེན? ཝིཛྫཱ ཨུདཔཱདཱིཏི – ཀེནཊྛེན? ཨཱལོཀོ ཨུདཔཱདཱིཏི – ཀེནཊྛེན? ཙཀྑུཾ ཨུདཔཱདཱིཏི – དསྶནཊྛེན. ཉཱཎཾ ཨུདཔཱདཱིཏི – ཉཱཏཊྛེན. པཉྙཱ ཨུདཔཱདཱིཏི – པཛཱནནཊྛེན. ཝིཛྫཱ ཨུདཔཱདཱིཏི – པཊིཝེདྷཊྛེན. ཨཱལོཀོ ཨུདཔཱདཱིཏི – ཨོབྷཱསཊྛེན.

ཙཀྑུཾ ¶ ¶ དྷམྨོ, ཉཱཎཾ དྷམྨོ, པཉྙཱ དྷམྨོ, ཝིཛྫཱ དྷམྨོ, ཨཱལོཀོ དྷམྨོ. ཨིམེ པཉྩ དྷམྨཱ དྷམྨཔཊིསམྦྷིདཱཡ ཨཱརམྨཎཱ ཙེཝ ཧོནྟི གོཙརཱ ཙ. ཡེ ཏསྶཱ ཨཱརམྨཎཱ ཏེ ཏསྶཱ གོཙརཱ. ཡེ ཏསྶཱ གོཙརཱ ཏེ ཏསྶཱ ཨཱརམྨཎཱ. ཏེན ཝུཙྩཏི – ‘‘དྷམྨེསུ ཉཱཎཾ དྷམྨཔཊིསམྦྷིདཱ’’.

དསྶནཊྛོ ཨཏྠོ, ཉཱཏཊྛོ ཨཏྠོ, པཛཱནནཊྛོ ཨཏྠོ, པཊིཝེདྷཊྛོ ཨཏྠོ, ཨོབྷཱསཊྛོ ཨཏྠོ. ཨིམེ པཉྩ ཨཏྠཱ ཨཏྠཔཊིསམྦྷིདཱཡ ཨཱརམྨཎཱ ཙེཝ ཧོནྟི གོཙརཱ ཙ. ཡེ ཏསྶཱ ཨཱརམྨཎཱ ཏེ ཏསྶཱ གོཙརཱ. ཡེ ཏསྶཱ གོཙརཱ ཏེ ཏསྶཱ ཨཱརམྨཎཱ. ཏེན ཝུཙྩཏི – ‘‘ཨཏྠེསུ ཉཱཎཾ ཨཏྠཔཊིསམྦྷིདཱ’’.

པཉྩ དྷམྨེ སནྡསྶེཏུཾ བྱཉྫནནིརུཏྟཱབྷིལཱཔཱ, པཉྩ ཨཏྠེ སནྡསྶེཏུཾ བྱཉྫནནིརུཏྟཱབྷིལཱཔཱ. ཨིམཱ དས ནིརུཏྟིཡཱ ནིརུཏྟིཔཊིསམྦྷིདཱཡ ཨཱརམྨཎཱ ཙེཝ ཧོནྟི གོཙརཱ ཙ. ཡེ ཏསྶཱ ཨཱརམྨཎཱ ཏེ ཏསྶཱ གོཙརཱ. ཡེ ཏསྶཱ གོཙརཱ ཏེ ཏསྶཱ ཨཱརམྨཎཱ. ཏེན ཝུཙྩཏི – ‘‘ནིརུཏྟཱིསུ ཉཱཎཾ ནིརུཏྟིཔཊིསམྦྷིདཱ’’.

པཉྩསུ དྷམྨེསུ ཉཱཎཱནི, པཉྩསུ ཨཏྠེསུ ཉཱཎཱནི, དསསུ ནིརུཏྟཱིསུ ཉཱཎཱནི. ཨིམཱནི ཝཱིསཏི ཉཱཎཱནི པཊིབྷཱནཔཊིསམྦྷིདཱཡ ཨཱརམྨཎཱ ཙེཝ ཧོནྟི གོཙརཱ ཙ. ཡེ ཏསྶཱ ཨཱརམྨཎཱ ཏེ ཏསྶཱ གོཙརཱ. ཡེ ཏསྶཱ གོཙརཱ ཏེ ཏསྶཱ ཨཱརམྨཎཱ. ཏེན ཝུཙྩཏི – ‘‘པཊིབྷཱནེསུ ཉཱཎཾ པཊིབྷཱནཔཊིསམྦྷིདཱ’’.

‘‘‘ཏཾ ¶ ཁོ པནིདཾ དུཀྑཾ ཨརིཡསཙྩཾ པརིཉྙེཡྻ’ནྟི…པེ… པརིཉྙཱཏནྟི པུབྦེ ཨནནུསྶུཏེསུ ¶ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི’’.

ཙཀྑུཾ ¶ ཨུདཔཱདཱིཏི – ཀེནཊྛེན? ཉཱཎཾ ཨུདཔཱདཱིཏི – ཀེནཊྛེན? པཉྙཱ ཨུདཔཱདཱིཏི – ཀེནཊྛེན? ཝིཛྫཱ ཨུདཔཱདཱིཏི – ཀེནཊྛེན? ཨཱལོཀོ ཨུདཔཱདཱིཏི – ཀེནཊྛེན? ཙཀྑུཾ ཨུདཔཱདཱིཏི – དསྶནཊྛེན. ཉཱཎཾ ཨུདཔཱདཱིཏི – ཉཱཏཊྛེན. པཉྙཱ ཨུདཔཱདཱིཏི – པཛཱནནཊྛེན. ཝིཛྫཱ ཨུདཔཱདཱིཏི – པཊིཝེདྷཊྛེན. ཨཱལོཀོ ཨུདཔཱདཱིཏི – ཨོབྷཱསཊྛེན.

ཙཀྑུཾ དྷམྨོ, ཉཱཎཾ དྷམྨོ, པཉྙཱ དྷམྨོ, ཝིཛྫཱ དྷམྨོ, ཨཱལོཀོ དྷམྨོ. ཨིམེ པཉྩ དྷམྨཱ དྷམྨཔཊིསམྦྷིདཱཡ ཨཱརམྨཎཱ ཙེཝ ཧོནྟི གོཙརཱ ཙ ¶ . ཡེ ཏསྶཱ ཨཱརམྨཎཱ ཏེ ཏསྶཱ གོཙརཱ. ཡེ ཏསྶཱ གོཙརཱ ཏེ ཏསྶཱ ཨཱརམྨཎཱ. ཏེན ཝུཙྩཏི – ‘‘དྷམྨེསུ ཉཱཎཾ དྷམྨཔཊིསམྦྷིདཱ’’.

དསྶནཊྛོ ཨཏྠོ, ཉཱཏཊྛོ ཨཏྠོ, པཛཱནནཊྛོ ཨཏྠོ, པཊིཝེདྷཊྛོ ཨཏྠོ, ཨོབྷཱསཊྛོ ཨཏྠོ. ཨིམེ པཉྩ ཨཏྠཱ ཨཏྠཔཊིསམྦྷིདཱཡ ཨཱརམྨཎཱ ཙེཝ ཧོནྟི གོཙརཱ ཙ. ཡེ ཏསྶཱ ཨཱརམྨཎཱ ཏེ ཏསྶཱ གོཙརཱ. ཡེ ཏསྶཱ གོཙརཱ ཏེ ཏསྶཱ ཨཱརམྨཎཱ. ཏེན ཝུཙྩཏི – ‘‘ཨཏྠེསུ ཉཱཎཾ ཨཏྠཔཊིསམྦྷིདཱ’’.

པཉྩ དྷམྨེ སནྡསྶེཏུཾ བྱཉྫནནིརུཏྟཱབྷིལཱཔཱ, པཉྩ ཨཏྠེ སནྡསྶེཏུཾ བྱཉྫནནིརུཏྟཱབྷིལཱཔཱ. ཨིམཱ དས ནིརུཏྟིཡོ ནིརུཏྟིཔཊིསམྦྷིདཱཡ ཨཱརམྨཎཱ ¶ ཙེཝ ཧོནྟི གོཙརཱ ཙ. ཡེ ཏསྶཱ ཨཱརམྨཎཱ ཏེ ཏསྶཱ གོཙརཱ. ཡེ ཏསྶཱ གོཙརཱ ཏེ ཏསྶཱ ཨཱརམྨཎཱ. ཏེན ཝུཙྩཏི – ‘‘ནིརུཏྟཱིསུ ཉཱཎཾ ནིརུཏྟིཔཊིསམྦྷིདཱ’’.

པཉྩསུ དྷམྨེསུ ཉཱཎཱནི, པཉྩསུ ཨཏྠེསུ ཉཱཎཱནི, དསསུ ནིརུཏྟཱིསུ ཉཱཎཱནི. ཨིམཱནི ཝཱིསཏི ཉཱཎཱནི པཊིབྷཱནཔཊིསམྦྷིདཱཡ ཨཱརམྨཎཱ ཙེཝ ཧོནྟི གོཙརཱ ཙ. ཡེ ཏསྶཱ ཨཱརམྨཎཱ ཏེ ཏསྶཱ གོཙརཱ. ཡེ ཏསྶཱ གོཙརཱ ཏེ ཏསྶཱ ཨཱརམྨཎཱ. ཏེན ཝུཙྩཏི – ‘‘པཊིབྷཱནེསུ ཉཱཎཾ པཊིབྷཱནཔཊིསམྦྷིདཱ’’.

དུཀྑེ ཨརིཡསཙྩེ པནྣརས དྷམྨཱ, པནྣརས ཨཏྠཱ, ཏིཾས ནིརུཏྟིཡོ, སཊྛི ཉཱཎཱནི.

[ཁ] ‘‘‘ཨིདཾ ¶ དུཀྑསམུདཡཾ ཨརིཡསཙྩ’ནྟི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི. ‘ཏཾ ཁོ པནིདཾ དུཀྑསམུདཡཾ ཨརིཡསཙྩཾ པཧཱཏབྦ’ནྟི…པེ… པཧཱིནནྟི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ. ¶ … ཨཱལོཀོ ཨུདཔཱདི…པེ…’’.

དུཀྑསམུདཡེ ཨརིཡསཙྩེ པནྣརས དྷམྨཱ, པནྣརས ཨཏྠཱ, ཏིཾས ནིརུཏྟིཡོ, སཊྛི ཉཱཎཱནི.

[ག] ‘‘‘ཨིདཾ དུཀྑནིརོདྷཾ ཨརིཡསཙྩ’ནྟི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི. ‘ཏཾ ཁོ པནིདཾ དུཀྑནིརོདྷཾ ཨརིཡསཙྩཾ སཙྪིཀཱཏབྦ’ནྟི…པེ… སཙྪིཀཏནྟི པུབྦེ ཨནནུསྶུཏེསུ ¶ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི…པེ…’’.

དུཀྑནིརོདྷེ ¶ ཨརིཡསཙྩེ པནྣརས དྷམྨཱ, པནྣརས ཨཏྠཱ, ཏིཾས ནིརུཏྟིཡོ, སཊྛི ཉཱཎཱནི.

[གྷ] ‘‘‘ཨིདཾ དུཀྑནིརོདྷགཱམིནཱི པཊིཔདཱ ཨརིཡསཙྩ’ནྟི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི. ‘ཏཾ ཁོ པནིདཾ དུཀྑནིརོདྷགཱམིནཱི པཊིཔདཱ ཨརིཡསཙྩཾ བྷཱཝེཏབྦ’ནྟི…པེ… བྷཱཝིཏནྟི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི…པེ…’’.

དུཀྑནིརོདྷགཱམིནིཡཱ པཊིཔདཱཡ ཨརིཡསཙྩེ པནྣརས དྷམྨཱ, པནྣརས ཨཏྠཱ, ཏིཾས ནིརུཏྟིཡོ, སཊྛི ཉཱཎཱནི.

ཙཏཱུསུ ཨརིཡསཙྩེསུ སཊྛི དྷམྨཱ, སཊྛི ཨཏྠཱ, ཝཱིསཏིསཏནིརུཏྟིཡོ, ཙཏྟཱལཱིསཉྩ དྭེ ཙ ཉཱཎསཏཱནི.

༢. སཏིཔཊྛཱནཝཱརོ

༣༡. ‘‘‘ཨཡཾ ཀཱཡེ ཀཱཡཱནུཔསྶནཱ’ཏི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ¶ ཨུདཔཱདི…པེ… ཨཱལོཀོ ཨུདཔཱདི. སཱ ཁོ པནཱཡཾ ཀཱཡེ ཀཱཡཱནུཔསྶནཱ བྷཱཝེཏབྦཱཏི མེ, བྷིཀྑཝེ,…པེ… བྷཱཝིཏཱཏི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི’’.

‘‘ཨཡཾ ཝེདནཱསུ…པེ… ཨཡཾ ཙིཏྟེ…པེ… ཨཡཾ དྷམྨེསུ དྷམྨཱནུཔསྶནཱཏི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི. སཱ ཁོ པནཱཡཾ དྷམྨེསུ དྷམྨཱནུཔསྶནཱ བྷཱཝེཏབྦཱ ཏི…པེ… བྷཱཝིཏཱཏི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ¶ ཨུདཔཱདི’’.

[ཀ] ‘‘‘ཨཡཾ ཀཱཡེ ཀཱཡཱནུཔསྶནཱ’ཏི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི…པེ… སཱ ¶ ཁོ པནཱཡཾ ཀཱཡེ ཀཱཡཱནུཔསྶནཱ བྷཱཝེཏབྦཱཏི…པེ… བྷཱཝིཏཱཏི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི’’.

ཙཀྑུཾ ཨུདཔཱདཱིཏི – ཀེནཊྛེན? ཉཱཎཾ ཨུདཔཱདཱིཏི – ཀེནཊྛེན? པཉྙཱ ཨུདཔཱདཱིཏི – ཀེནཊྛེན? ཝིཛྫཱ ཨུདཔཱདཱིཏི – ཀེནཊྛེན? ཨཱལོཀོ ཨུདཔཱདཱིཏི – ཀེནཊྛེན? ཙཀྑུཾ ཨུདཔཱདཱིཏི – དསྶནཊྛེན. ཉཱཎཾ ཨུདཔཱདཱིཏི – ཉཱཏཊྛེན. པཉྙཱ ¶ ཨུདཔཱདཱིཏི – པཛཱནནཊྛེན. ཝིཛྫཱ ཨུདཔཱདཱིཏི – པཊིཝེདྷཊྛེན. ཨཱལོཀོ ཨུདཔཱདཱིཏི – ཨོབྷཱསཊྛེན.

ཙཀྑུཾ དྷམྨོ, ཉཱཎཾ དྷམྨོ, པཉྙཱ དྷམྨོ, ཝིཛྫཱ དྷམྨོ, ཨཱལོཀོ དྷམྨོ. ཨིམེ པཉྩ དྷམྨཱ དྷམྨཔཊིསམྦྷིདཱཡ ཨཱརམྨཎཱ ཙེཝ ཧོནྟི གོཙརཱ ཙ. ཡེ ཏསྶཱ ཨཱརམྨཎཱ ཏེ ཏསྶཱ གོཙརཱ. ཡེ ཏསྶཱ གོཙརཱ ཏེ ཏསྶཱ ཨཱརམྨཎཱ. ཏེན ཝུཙྩཏི – ‘‘དྷམྨེསུ ཉཱཎཾ དྷམྨཔཊིསམྦྷིདཱ’’.

དསྶནཊྛོ ཨཏྠོ, ཉཱཏཊྛོ ཨཏྠོ, པཛཱནནཊྛོ ཨཏྠོ, པཊིཝེདྷཊྛོ ཨཏྠོ, ཨོབྷཱསཊྛོ ཨཏྠོ. ཨིམེ པཉྩ ཨཏྠཱ ཨཏྠཔཊིསམྦྷིདཱཡ ཨཱརམྨཎཱ ཙེཝ ཧོནྟི གོཙརཱ ཙ. ཡེ ཏསྶཱ ཨཱརམྨཎཱ ཏེ ཏསྶཱ གོཙརཱ. ཡེ ཏསྶཱ གོཙརཱ ཏེ ཏསྶཱ ཨཱརམྨཎཱ. ཏེན ¶ ཝུཙྩཏི – ‘‘ཨཏྠེསུ ཉཱཎཾ ཨཏྠཔཊིསམྦྷིདཱ’’.

པཉྩ དྷམྨེ སནྡསྶེཏུཾ བྱཉྫནནིརུཏྟཱབྷིལཱཔཱ, པཉྩ ཨཏྠེ སནྡསྶེཏུཾ བྱཉྫནནིརུཏྟཱབྷིལཱཔཱ ¶ . ཨིམཱ དས ནིརུཏྟིཡོ ནིརུཏྟིཔཊིསམྦྷིདཱཡ ཨཱརམྨཎཱ ཙེཝ ཧོནྟི གོཙརཱ ཙ. ཡེ ཏསྶཱ ཨཱརམྨཎཱ ཏེ ཏསྶཱ གོཙརཱ. ཡེ ཏསྶཱ གོཙརཱ ཏེ ཏསྶཱ ཨཱརམྨཎཱ. ཏེན ཝུཙྩཏི – ‘‘ནིརུཏྟཱིསུ ཉཱཎཾ ནིརུཏྟིཔཊིསམྦྷིདཱ’’.

པཉྩསུ དྷམྨེསུ ཉཱཎཱནི, པཉྩསུ ཨཏྠེསུ ཉཱཎཱནི, དསསུ ནིརུཏྟཱིསུ ཉཱཎཱནི. ཨིམཱནི ཝཱིསཏི ཉཱཎཱནི པཊིབྷཱནཔཊིསམྦྷིདཱཡ ཨཱརམྨཎཱ ཙེཝ ཧོནྟི གོཙརཱ ཙ. ཡེ ཏསྶཱ ཨཱརམྨཎཱ ཏེ ཏསྶཱ གོཙརཱ. ཡེ ཏསྶཱ གོཙརཱ ཏེ ཏསྶཱ ཨཱརམྨཎཱ. ཏེན ཝུཙྩཏི – ‘‘པཊིབྷཱནེསུ ཉཱཎཾ པཊིབྷཱནཔཊིསམྦྷིདཱ’’.

ཀཱཡེ ཀཱཡཱནུཔསྶནཱསཏིཔཊྛཱནེ པནྣརས དྷམྨཱ, པནྣརས ཨཏྠཱ, ཏིཾས ནིརུཏྟིཡོ, སཊྛི ཉཱཎཱནི.

[ཁ-གྷ] ‘‘ཨཡཾ ཝེདནཱསུ…པེ… ཨཡཾ ཙིཏྟེ…པེ… ཨཡཾ དྷམྨེསུ ¶ དྷམྨཱནུཔསྶནཱཏི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི…པེ… སཱ ཁོ པནཱཡཾ དྷམྨེསུ དྷམྨཱནུཔསྶནཱ བྷཱཝེཏབྦཱ ཏི…པེ… བྷཱཝིཏཱཏི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི…པེ…’’.

དྷམྨེསུ ¶ དྷམྨཱནུཔསྶནཱ སཏིཔཊྛཱནེ པནྣརས དྷམྨཱ, པནྣརས ཨཏྠཱ, ཏིཾས ནིརུཏྟིཡོ, སཊྛི ཉཱཎཱནི.

ཙཏཱུསུ སཏིཔཊྛཱནེསུ སཊྛི དྷམྨཱ, སཊྛི ཨཏྠཱ, ཝཱིསཏིསཏནིརུཏྟིཡོ, ཙཏྟཱལཱིསཉྩ ¶ དྭེ ཙ ཉཱཎསཏཱནི.

༣. ཨིདྡྷིཔཱདཝཱརོ

༣༢. ‘‘ཨཡཾ ཚནྡསམཱདྷིཔདྷཱནསངྑཱརསམནྣཱགཏོ ཨིདྡྷིཔཱདོཏི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི. སོ ཁོ པནཱཡཾ ཚནྡསམཱདྷིཔདྷཱནསངྑཱརསམནྣཱགཏོ ཨིདྡྷིཔཱདོ བྷཱཝེཏབྦོཏི མེ, བྷིཀྑཝེ…པེ… བྷཱཝིཏོཏི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི.

‘‘ཨཡཾ ¶ ཝཱིརིཡསམཱདྷི…པེ… ཨཡཾ ཙིཏྟསམཱདྷི…པེ… ཨཡཾ ཝཱིམཾསཱསམཱདྷིཔདྷཱནསངྑཱརསམནྣཱགཏོ ཨིདྡྷིཔཱདོཏི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི. སོ ཁོ པནཱཡཾ ཝཱིམཾསཱསམཱདྷིཔདྷཱནསངྑཱརསམནྣཱགཏོ ཨིདྡྷིཔཱདོ བྷཱཝེཏབྦོཏི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི’’.

[ཀ] ‘‘‘ཨཡཾ ཚནྡསམཱདྷིཔདྷཱནསངྑཱརསམནྣཱགཏོ ཨིདྡྷིཔཱདོ’ཏི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི…པེ… སོ ཁོ པནཱཡཾ ཚནྡསམཱདྷིཔདྷཱནསངྑཱརསམནྣཱགཏོ ཨིདྡྷིཔཱདོ བྷཱཝེཏབྦོཏི…པེ… བྷཱཝིཏོཏི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི’’.

ཙཀྑུཾ ཨུདཔཱདཱིཏི – ཀེནཊྛེན? ཉཱཎཾ ཨུདཔཱདཱིཏི – ཀེནཊྛེན? པཉྙཱ ཨུདཔཱདཱིཏི – ཀེནཊྛེན? ཝིཛྫཱ ཨུདཔཱདཱིཏི – ཀེནཊྛེན? ཨཱལོཀོ ཨུདཔཱདཱིཏི – ཀེནཊྛེན? ཙཀྑུཾ ཨུདཔཱདཱིཏི – དསྶནཊྛེན. ཉཱཎཾ ཨུདཔཱདཱིཏི – ཉཱཏཊྛེན. པཉྙཱ ཨུདཔཱདཱིཏི – པཛཱནནཊྛེན. ཝིཛྫཱ ཨུདཔཱདཱིཏི – པཊིཝེདྷཊྛེན. ཨཱལོཀོ ¶ ཨུདཔཱདཱིཏི – ཨོབྷཱསཊྛེན.

ཙཀྑུཾ ¶ དྷམྨོ, ཉཱཎཾ དྷམྨོ, པཉྙཱ དྷམྨོ, ཝིཛྫཱ དྷམྨོ, ཨཱལོཀོ དྷམྨོ. ཨིམེ པཉྩ དྷམྨཱ དྷམྨཔཊིསམྦྷིདཱཡ ཨཱརམྨཎཱ ཙེཝ ཧོནྟི གོཙརཱ ཙ. ཡེ ¶ ཏསྶཱ ཨཱརམྨཎཱ ཏེ ཏསྶཱ གོཙརཱ. ཡེ ཏསྶཱ གོཙརཱ ཏེ ཏསྶཱ ཨཱརམྨཎཱ. ཏེན ཝུཙྩཏི – ‘‘དྷམྨེསུ ཉཱཎཾ དྷམྨཔཊིསམྦྷིདཱ’’.

དསྶནཊྛོ ཨཏྠོ, ཉཱཏཊྛོ ཨཏྠོ, པཛཱནནཊྛོ ཨཏྠོ, པཊིཝེདྷཊྛོ ཨཏྠོ, ཨོབྷཱསཊྛོ ཨཏྠོ. ཨིམེ པཉྩ ཨཏྠཱ ཨཏྠཔཊིསམྦྷིདཱཡ ཨཱརམྨཎཱ ཙེཝ ཧོནྟི གོཙརཱ ཙ. ཡེ ཏསྶཱ ཨཱརམྨཎཱ ཏེ ཏསྶཱ གོཙརཱ. ཡེ ཏསྶཱ གོཙརཱ ཏེ ཏསྶཱ ཨཱརམྨཎཱ. ཏེན ཝུཙྩཏི – ‘‘ཨཏྠེསུ ཉཱཎཾ ཨཏྠཔཊིསམྦྷིདཱ’’.

པཉྩ དྷམྨེ སནྡསྶེཏུཾ བྱཉྫནནིརུཏྟཱབྷིལཱཔཱ, པཉྩ ཨཏྠེ སནྡསྶེཏུཾ བྱཉྫནནིརུཏྟཱབྷིལཱཔཱ. ཨིམཱ དས ནིརུཏྟིཡོ ནིརུཏྟིཔཊིསམྦྷིདཱཡ ཨཱརམྨཎཱ ཙེཝ ཧོནྟི གོཙརཱ ¶ ཙ. ཡེ ཏསྶཱ ཨཱརམྨཎཱ ཏེ ཏསྶཱ གོཙརཱ. ཡེ ཏསྶཱ གོཙརཱ ཏེ ཏསྶཱ ཨཱརམྨཎཱ. ཏེན ཝུཙྩཏི – ‘‘ནིརུཏྟཱིསུ ཉཱཎཾ ནིརུཏྟིཔཊིསམྦྷིདཱ’’.

པཉྩསུ དྷམྨེསུ ཉཱཎཱནི, པཉྩསུ ཨཏྠེསུ ཉཱཎཱནི, དསསུ ནིརུཏྟཱིསུ ཉཱཎཱནི. ཨིམཱནི ཝཱིསཏི ཉཱཎཱནི པཊིབྷཱནཔཊིསམྦྷིདཱཡ ཨཱརམྨཎཱ ཙེཝ ཧོནྟི གོཙརཱ ཙ. ཡེ ཏསྶཱ ཨཱརམྨཎཱ ཏེ ཏསྶཱ གོཙརཱ. ཡེ ཏསྶཱ གོཙརཱ ཏེ ཏསྶཱ ཨཱརམྨཎཱ. ཏེན ཝུཙྩཏི – ‘‘པཊིབྷཱནེསུ ¶ ཉཱཎཾ པཊིབྷཱནཔཊིསམྦྷིདཱ’’.

ཚནྡསམཱདྷིཔདྷཱནསངྑཱརསམནྣཱགཏེ ཨིདྡྷིཔཱདེ པནྣརས དྷམྨཱ, པནྣརས ཨཏྠཱ, ཏིཾས ནིརུཏྟིཡོ, སཊྛི ཉཱཎཱནི.

[ཁ-གྷ] ‘‘ཨཡཾ ཝཱིརིཡསམཱདྷི…པེ… ཨཡཾ ཙིཏྟསམཱདྷི…པེ… ཨཡཾ ཝཱིམཾསཱསམཱདྷིཔདྷཱནསངྑཱརསམནྣཱགཏོ ཨིདྡྷིཔཱདོཏི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི…པེ… སོ ཁོ པནཱཡཾ ཝཱིམཾསཱསམཱདྷིཔདྷཱནསངྑཱརསམནྣཱགཏོ ཨིདྡྷིཔཱདོ བྷཱཝེཏབྦོཏི…པེ… བྷཱཝིཏོཏི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི…པེ…’’.

ཝཱིམཾསཱསམཱདྷིཔདྷཱནསངྑཱརསམནྣཱགཏེ ཨིདྡྷིཔཱདེ པནྣརས དྷམྨཱ, པནྣརས ཨཏྠཱ, ཏིཾས ནིརུཏྟིཡོ, སཊྛི ཉཱཎཱནི.

ཙཏཱུསུ ཨིདྡྷིཔཱདེསུ སཊྛི དྷམྨཱ, སཊྛི ཨཏྠཱ, ཝཱིསཏིསཏནིརུཏྟིཡོ, ཙཏྟཱལཱིསཉྩ དྭེ ཙ ཉཱཎསཏཱནི.

༤. སཏྟབོདྷིསཏྟཝཱརོ

༣༣. ‘‘‘སམུདཡོ ¶ ¶ སམུདཡོ’ཏི ཁོ, བྷིཀྑཝེ, ཝིཔསྶིསྶ བོདྷིསཏྟསྶ པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི. ‘ནིརོདྷོ ནིརོདྷོ’ཏི ཁོ, བྷིཀྑཝེ, ཝིཔསྶིསྶ བོདྷིསཏྟསྶ པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི’’. ཝིཔསྶིསྶ བོདྷིསཏྟསྶ ཝེཡྻཱཀརཎེ དས དྷམྨཱ, དས ཨཏྠཱ, ཝཱིསཏི ནིརུཏྟིཡོ, ཙཏྟཱལཱིསཾ [ཙཏྟཱལཱིས (ཀ.)] ཉཱཎཱནི.

‘‘‘སམུདཡོ ¶ སམུདཡོ’ཏི ཁོ, བྷིཀྑཝེ, སིཁིསྶ བོདྷིསཏྟསྶ…པེ… ཝེསྶབྷུསྶ ¶ བོདྷིསཏྟསྶ…པེ… ཀཀུསནྡྷསྶ བོདྷིསཏྟསྶ…པེ… ཀོཎཱགམནསྶ བོདྷིསཏྟསྶ…པེ… ཀསྶཔསྶ བོདྷིསཏྟསྶ པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི. ‘ནིརོདྷོ ནིརོདྷོ’ཏི ཁོ, བྷིཀྑཝེ, ཀསྶཔསྶ བོདྷིསཏྟསྶ པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི’’. ཀསྶཔསྶ བོདྷིསཏྟསྶ ཝེཡྻཱཀརཎེ དས དྷམྨཱ, དས ཨཏྠཱ, ཝཱིསཏི ནིརུཏྟིཡོ, ཙཏྟཱལཱིས ཉཱཎཱནི.

‘‘‘སམུདཡོ སམུདཡོ’ཏི ཁོ, བྷིཀྑཝེ, གོཏམསྶ བོདྷིསཏྟསྶ པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི. ‘ནིརོདྷོ ནིརོདྷོ’ཏི ཁོ, བྷིཀྑཝེ, གོཏམསྶ བོདྷིསཏྟསྶ པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི’’. གོཏམསྶ བོདྷིསཏྟསྶ ཝེཡྻཱཀརཎེ དས དྷམྨཱ, དས ཨཏྠཱ, ཝཱིསཏི ནིརུཏྟིཡོ, ཙཏྟཱལཱིས ཉཱཎཱནི.

སཏྟནྣཾ བོདྷིསཏྟཱནཾ སཏྟསུ ཝེཡྻཱཀརཎེསུ སཏྟཏི དྷམྨཱ, སཏྟཏི ཨཏྠཱ, ཙཏྟཱལཱིསསཏཾ [ཙཏྟཱརཱིསསཏཱ (སྱཱ.)] ནིརུཏྟིཡོ, ཨསཱིཏི ཙ དྭེ ཙ ཉཱཎསཏཱནི.

༥. ཨབྷིཉྙཱདིཝཱརོ

༣༤. ‘‘‘ཡཱཝཏཱ ཨབྷིཉྙཱཡ ཨབྷིཉྙཊྛོ ཉཱཏོ དིཊྛོ ཝིདིཏོ སཙྪིཀཏོ ཕསྶིཏོ པཉྙཱཡ. ཨཕསྶིཏོ པཉྙཱཡ ཨབྷིཉྙཊྛོ ནཏྠཱི’ཏི – ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི’’. ཨབྷིཉྙཱཡ ཨབྷིཉྙཊྛེ པཉྩཝཱིསཏི དྷམྨཱ ¶ , པཉྩཝཱིསཏི ཨཏྠཱ, པཉྙཱས ནིརུཏྟིཡོ, སཏཾ ཉཱཎཱནི.

‘‘‘ཡཱཝཏཱ ¶ པརིཉྙཱཡ པརིཉྙཊྛོ…པེ… ཡཱཝཏཱ པཧཱནསྶ པཧཱནཊྛོ…པེ… ཡཱཝཏཱ བྷཱཝནཱཡ བྷཱཝནཊྛོ…པེ… ཡཱཝཏཱ སཙྪིཀིརིཡཱཡ སཙྪིཀིརིཡཊྛོ ¶ ཉཱཏོ དིཊྛོ ཝིདིཏོ སཙྪིཀཏོ ཕསྶིཏོ པཉྙཱཡ. ཨཕསྶིཏོ པཉྙཱཡ སཙྪིཀིརིཡཊྛོ ནཏྠཱི’ཏི – ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི’’. སཙྪིཀིརིཡཱཡ སཙྪིཀིརིཡཊྛེ པཉྩཝཱིསཏི དྷམྨཱ, པཉྩཝཱིསཏི ཨཏྠཱ, པཉྙཱས ནིརུཏྟིཡོ, སཏཾ ཉཱཎཱནི.

ཨབྷིཉྙཱཡ ¶ ཨབྷིཉྙཊྛེ, པརིཉྙཱཡ པརིཉྙཊྛེ, པཧཱནཱཡ པཧཱནཊྛེ, བྷཱཝནཱཡ བྷཱཝནཊྛེ, སཙྪིཀིརིཡཱཡ སཙྪིཀིརིཡཊྛེ པཉྩཝཱིསསཏཾ དྷམྨཱ, པཉྩཝཱིསསཏཾ ཨཏྠཱ, ཨཌྜྷཏེཡྻཱནི ནིརུཏྟིསཏཱནི, པཉྩ ཉཱཎསཏཱནི.

༦. ཁནྡྷཱདིཝཱརོ

༣༥. ‘‘‘ཡཱཝཏཱ ཁནྡྷཱནཾ ཁནྡྷཊྛོ, ཉཱཏོ དིཊྛོ ཝིདིཏོ སཙྪིཀཏོ ཕསྶིཏོ པཉྙཱཡ. ཨཕསྶིཏོ པཉྙཱཡ ཁནྡྷཊྛོ ནཏྠཱི’ཏི – ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི’’. ཁནྡྷཱནཾ ཁནྡྷཊྛེ པཉྩཝཱིསཏི དྷམྨཱ, པཉྩཝཱིསཏི ཨཏྠཱ, པཉྙཱས ནིརུཏྟིཡོ, སཏཾ ཉཱཎཱནི.

‘‘‘ཡཱཝཏཱ དྷཱཏཱུནཾ དྷཱཏུཊྛོ…པེ… ཡཱཝཏཱ ཨཱཡཏནཱནཾ ཨཱཡཏནཊྛོ…པེ… ཡཱཝཏཱ སངྑཏཱནཾ སངྑཏཊྛོ…པེ… ཡཱཝཏཱ ཨསངྑཏསྶ ཨསངྑཏཊྛོ ཉཱཏོ དིཊྛོ ཝིདིཏོ སཙྪིཀཏོ ཕསྶིཏོ པཉྙཱཡ. ཨཕསྶིཏོ པཉྙཱཡ ཨསངྑཏཊྛོ ¶ ནཏྠཱི’ཏི – ཙཀྑུཾ ཨུདཔཱདི…པེ… ཨཱལོཀོ ཨུདཔཱདི’’. ཨསངྑཏསྶ ཨསངྑཏཊྛེ པཉྩཝཱིསཏི དྷམྨཱ, པཉྩཝཱིསཏི ཨཏྠཱ, པཉྙཱས ནིརུཏྟིཡོ, སཏཾ ཉཱཎཱནི.

ཁནྡྷཱནཾ ཁནྡྷཊྛེ, དྷཱཏཱུནཾ དྷཱཏུཊྛེ, ཨཱཡཏནཱནཾ ཨཱཡཏནཊྛེ སངྑཏཱནཾ སངྑཏཊྛེ, ཨསངྑཏསྶ ཨསངྑཏཊྛེ པཉྩཝཱིསཏིསཏཾ དྷམྨཱ, པཉྩཝཱིསཏིསཏཾ ཨཏྠཱ, ཨཌྜྷཏེཡྻཱནི ནིརུཏྟིསཏཱནི, པཉྩ ཉཱཎསཏཱནི.

༧. སཙྩཝཱརོ

༣༦. ‘‘‘ཡཱཝཏཱ དུཀྑསྶ དུཀྑཊྛོ, ཉཱཏོ དིཊྛོ ཝིདིཏོ སཙྪིཀཏོ ཕསྶིཏོ པཉྙཱཡ. ཨཕསྶིཏོ པཉྙཱཡ དུཀྑཊྛོ ནཏྠཱི’ཏི – ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི’’. དུཀྑསྶ དུཀྑཊྛེ ¶ པཉྩཝཱིསཏི དྷམྨཱ, པཉྩཝཱིསཏི ཨཏྠཱ, པཉྙཱས ནིརུཏྟིཡོ, སཏཾ ཉཱཎཱནི.

‘‘‘ཡཱཝཏཱ སམུདཡསྶ སམུདཡཊྛོ…པེ… ཡཱཝཏཱ ནིརོདྷསྶ ནིརོདྷཊྛོ…པེ… ཡཱཝཏཱ མགྒསྶ མགྒཊྛོ ཉཱཏོ དིཊྛོ ཝིདིཏོ སཙྪིཀཏོ ཕསྶིཏོ པཉྙཱཡ. ཨཕསྶིཏོ པཉྙཱཡ མགྒཊྛོ ¶ ནཏྠཱི’ཏི – ཙཀྑུཾ ཨུདཔཱདི…པེ… ཨཱལོཀོ ཨུདཔཱདི’’. མགྒསྶ མགྒཊྛེ པཉྩཝཱིསཏི དྷམྨཱ, པཉྩཝཱིསཏི ཨཏྠཱ, པཉྙཱས ནིརུཏྟིཡོ, སཏཾ ཉཱཎཱནི.

ཙཏཱུསུ ཨརིཡསཙྩེསུ སཏཾ དྷམྨཱ, སཏཾ ཨཏྠཱ, དྭེ ནིརུཏྟིསཏཱནི, ཙཏྟཱརི ཉཱཎསཏཱནི.

༨. པཊིསམྦྷིདཱཝཱརོ

༣༧. ‘‘‘ཡཱཝཏཱ ཨཏྠཔཊིསམྦྷིདཱཡ ཨཏྠཔཊིསམྦྷིདཊྛོ, ཉཱཏོ དིཊྛོ ཝིདིཏོ སཙྪིཀཏོ ཕསྶིཏོ པཉྙཱཡ. ཨཕསྶིཏོ པཉྙཱཡ ཨཏྠཔཊིསམྦྷིདཊྛོ ¶ ནཏྠཱི’ཏི – ཙཀྑུཾ ཨུདཔཱདི…པེ… ཨཱལོཀོ ཨུདཔཱདི’’. ཨཏྠཔཊིསམྦྷིདཱཡ ཨཏྠཔཊིསམྦྷིདཊྛེ པཉྩཝཱིསཏི དྷམྨཱ, པཉྩཝཱིསཏི ཨཏྠཱ, པཉྙཱས ནིརུཏྟིཡོ, སཏཾ ཉཱཎཱནི.

‘‘‘ཡཱཝཏཱ དྷམྨཔཊིསམྦྷིདཱཡ དྷམྨཔཊིསམྦྷིདཊྛོ…པེ… ཡཱཝཏཱ ནིརུཏྟིཔཊིསམྦྷིདཱཡ ནིརུཏྟིཔཊིསམྦྷིདཊྛོ…པེ… ཡཱཝཏཱ པཊིབྷཱནཔཊིསམྦྷིདཱཡ པཊིབྷཱནཔཊིསམྦྷིདཊྛོ, ཉཱཏོ དིཊྛོ ཝིདིཏོ སཙྪིཀཏོ ཕསྶིཏོ པཉྙཱཡ. ཨཕསྶིཏོ པཉྙཱཡ པཊིབྷཱནཔཊིསམྦྷིདཊྛོ ནཏྠཱི’ཏི – ཙཀྑུཾ ཨུདཔཱདི ¶ …པེ… ཨཱལོཀོ ཨུདཔཱདི’’. པཊིབྷཱནཔཊིསམྦྷིདཊྛེ པཉྩཝཱིསཏི དྷམྨཱ, པཉྩཝཱིསཏི ཨཏྠཱ, པཉྙཱས ནིརུཏྟིཡོ, སཏཾ ཉཱཎཱནི.

ཙཏཱུསུ པཊིསམྦྷིདཱསུ སཏཾ དྷམྨཱ, སཏཾ ཨཏྠཱ, དྭེ ནིརུཏྟིསཏཱནི, ཙཏྟཱརི ཉཱཎསཏཱནི.

༩. ཚབུདྡྷདྷམྨཝཱརོ

༣༨. ‘‘‘ཡཱཝཏཱ ཨིནྡྲིཡཔརོཔརིཡཏྟེ ཉཱཎཾ, ཉཱཏཾ དིཊྛཾ ཝིདིཏཾ སཙྪིཀཏཾ ཕསྶིཏཾ པཉྙཱཡ. ཨཕསྶིཏཾ པཉྙཱཡ ཨིནྡྲིཡཔརོཔརིཡཏྟེ ཉཱཎཾ ནཏྠཱི’ཏི – ཙཀྑུཾ ཨུདཔཱདི…པེ… ཨཱལོཀོ ཨུདཔཱདི’’. ཨིནྡྲིཡཔརོཔརིཡཏྟེ ཉཱཎེ པཉྩཝཱིསཏི དྷམྨཱ, པཉྩཝཱིསཏི ཨཏྠཱ, པཉྙཱས ནིརུཏྟིཡོ, སཏཾ ཉཱཎཱནི.

‘‘‘ཡཱཝཏཱ ¶ སཏྟཱནཾ ཨཱསཡཱནུསཡེ ཉཱཎཾ…པེ… ཡཱཝཏཱ ཡམཀཔཱཊིཧཱིརེ ཉཱཎཾ ¶ …པེ… ཡཱཝཏཱ མཧཱཀརུཎཱསམཱཔཏྟིཡཱ ཉཱཎཾ…པེ… ཡཱཝཏཱ སབྦཉྙུཏཉྙཱཎཾ…པེ… ཡཱཝཏཱ ཨནཱཝརཎཾ ཉཱཎཾ, ཉཱཏཾ དིཊྛཾ ཝིདིཏཾ སཙྪིཀཏཾ ཕསྶིཏཾ པཉྙཱཡ. ཨཕསྶིཏཾ པཉྙཱཡ ཨནཱཝརཎཾ ཉཱཎཾ ནཏྠཱི’ཏི – ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི ¶ , ཝིཛྫཱ ཨུདཔཱདི, ཨཱལོཀོ ཨུདཔཱདི’’. ཨནཱཝརཎེ ཉཱཎེ པཉྩཝཱིསཏི དྷམྨཱ, པཉྩཝཱིསཏི ཨཏྠཱ, པཉྙཱས ནིརུཏྟིཡོ, སཏཾ ཉཱཎཱནི.

ཚསུ བུདྡྷདྷམྨེསུ དིཡཌྜྷསཏཾ དྷམྨཱ, དིཡཌྜྷསཏཾ ཨཏྠཱ, ཏཱིཎི ནིརུཏྟིསཏཱནི, ཚ ཉཱཎསཏཱནི.

པཊིསམྦྷིདཱདྷིཀརཎེ [པཊིསམྦྷིདཱཔཀརཎེ (སྱཱ.)] ཨཌྜྷནཝདྷམྨསཏཱནི [ཨཌྜྷནཝམཱནི དྷམྨསཏཱནི (སྱཱ.), ཨཌྜྷནཝམདྷམྨསཏཱནི (ཀ.)], ཨཌྜྷནཝཨཏྠསཏཱནི, ནིརུཏྟིསཧསྶཉྩ སཏྟ ཙ ནིརུཏྟིསཏཱནི, ཏཱིཎི ཙ ཉཱཎསཧསྶཱནི, ཙཏྟཱརི ཙ ཉཱཎསཏཱནཱིཏི.

པཊིསམྦྷིདཱཀཐཱ ནིཊྛིཏཱ.

༧. དྷམྨཙཀྐཀཐཱ

༡. སཙྩཝཱརོ

༣༩. ཨེཀཾ ¶ ¶ སམཡཾ བྷགཝཱ བཱརཱཎསིཡཾ ཝིཧརཏི…པེ… ཨིཏི ཧིདཾ ཨཱཡསྨཏོ ཀོཎྜཉྙསྶ ‘‘ཨཉྙཱསིཀོཎྜཉྙོ’’ ཏྭེཝ ནཱམཾ ཨཧོསི.

[ཀ] ‘‘ཨིདཾ དུཀྑཾ ཨརིཡསཙྩ’’ནྟི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི.

ཙཀྑུཾ ཨུདཔཱདཱིཏི – ཀེནཊྛེན? ཉཱཎཾ ཨུདཔཱདཱིཏི – ཀེནཊྛེན? པཉྙཱ ཨུདཔཱདཱིཏི – ཀེནཊྛེན? ཝིཛྫཱ ཨུདཔཱདཱིཏི – ཀེནཊྛེན? ཨཱལོཀོ ཨུདཔཱདཱིཏི – ཀེནཊྛེན? ཙཀྑུཾ ཨུདཔཱདཱིཏི – དསྶནཊྛེན. ཉཱཎཾ ཨུདཔཱདཱིཏི – ཉཱཏཊྛེན. པཉྙཱ ཨུདཔཱདཱིཏི – པཛཱནནཊྛེན ¶ . ཝིཛྫཱ ཨུདཔཱདཱིཏི – པཊིཝེདྷཊྛེན. ཨཱལོཀོ ཨུདཔཱདཱིཏི – ཨོབྷཱསཊྛེན.

ཙཀྑུཾ དྷམྨོ, དསྶནཊྛོ ཨཏྠོ. ཉཱཎཾ དྷམྨོ, ཉཱཏཊྛོ ཨཏྠོ. པཉྙཱ དྷམྨོ, པཛཱནནཊྛོ ཨཏྠོ. ཝིཛྫཱ དྷམྨོ, པཊིཝེདྷཊྛོ ཨཏྠོ. ཨཱལོཀོ དྷམྨོ, ཨོབྷཱསཊྛོ ཨཏྠོ. ཨིམེ པཉྩ དྷམྨཱ པཉྩ ཨཏྠཱ དུཀྑཝཏྠུཀཱ ¶ སཙྩཝཏྠུཀཱ སཙྩཱརམྨཎཱ སཙྩགོཙརཱ སཙྩསངྒཧིཏཱ སཙྩཔརིཡཱཔནྣཱ སཙྩེ སམུདཱགཏཱ སཙྩེ ཋིཏཱ སཙྩེ པཏིཊྛིཏཱ.

༤༠. དྷམྨཙཀྐནྟི ཀེནཊྛེན དྷམྨཙཀྐཾ? དྷམྨཉྩ པཝཏྟེཏི ཙཀྐཉྩཱཏི – དྷམྨཙཀྐཾ. ཙཀྐཉྩ པཝཏྟེཏི དྷམྨཉྩཱཏི – དྷམྨཙཀྐཾ. དྷམྨེན པཝཏྟེཏཱིཏི – དྷམྨཙཀྐཾ. དྷམྨཙརིཡཱཡ པཝཏྟེཏཱིཏི – དྷམྨཙཀྐཾ. དྷམྨེ ཋིཏོ པཝཏྟེཏཱིཏི – དྷམྨཙཀྐཾ. དྷམྨེ པཏིཊྛིཏོ པཝཏྟེཏཱིཏི – དྷམྨཙཀྐཾ. དྷམྨེ པཏིཊྛཱཔེནྟོ པཝཏྟེཏཱིཏི ¶ – དྷམྨཙཀྐཾ. དྷམྨེ ཝསིཔྤཏྟོ པཝཏྟེཏཱིཏི – དྷམྨཙཀྐཾ. དྷམྨེ ཝསིཾ པཱཔེནྟོ པཝཏྟེཏཱིཏི – དྷམྨཙཀྐཾ ¶ . དྷམྨེ པཱརམིཔྤཏྟོ པཝཏྟེཏཱིཏི – དྷམྨཙཀྐཾ. དྷམྨེ པཱརམིཾ པཱཔེནྟོ པཝཏྟེཏཱིཏི – དྷམྨཙཀྐཾ. དྷམྨེ ཝེསཱརཛྫཔྤཏྟོ པཝཏྟེཏཱིཏི – དྷམྨཙཀྐཾ. དྷམྨེ ཝེསཱརཛྫཾ པཱཔེནྟོ པཝཏྟེཏཱིཏི – དྷམྨཙཀྐཾ. དྷམྨཾ སཀྐརོནྟོ པཝཏྟེཏཱིཏི – དྷམྨཙཀྐཾ. དྷམྨཾ གརུཾ ཀརོནྟོ [གརུཀརོནྟོ (སྱཱ.)] པཝཏྟེཏཱིཏི – དྷམྨཙཀྐཾ. དྷམྨཾ མཱནེནྟོ པཝཏྟེཏཱིཏི – དྷམྨཙཀྐཾ. དྷམྨཾ པཱུཛེནྟོ པཝཏྟེཏཱིཏི – དྷམྨཙཀྐཾ ¶ . དྷམྨཾ ཨཔཙཱཡམཱནོ པཝཏྟེཏཱིཏི – དྷམྨཙཀྐཾ. དྷམྨདྡྷཛོ པཝཏྟེཏཱིཏི – དྷམྨཙཀྐཾ. དྷམྨཀེཏུ པཝཏྟེཏཱིཏི – དྷམྨཙཀྐཾ. དྷམྨཱདྷིཔཏེཡྻོ པཝཏྟེཏཱིཏི – དྷམྨཙཀྐཾ. ཏཾ ཁོ པན དྷམྨཙཀྐཾ ཨཔྤཊིཝཏྟིཡཾ སམཎེན ཝཱ བྲཱཧྨཎེན ཝཱ དེཝེན ཝཱ མཱརེན ཝཱ བྲཧྨུནཱ ཝཱ ཀེནཙི ཝཱ ལོཀསྨིནྟི – དྷམྨཙཀྐཾ.

སདྡྷིནྡྲིཡཾ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. ཝཱིརིཡིནྡྲིཡཾ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. སཏིནྡྲིཡཾ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. སམཱདྷིནྡྲིཡཾ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. པཉྙིནྡྲིཡཾ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. སདྡྷཱབལཾ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. ཝཱིརིཡབལཾ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. སཏིབལཾ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. སམཱདྷིབལཾ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. པཉྙཱབལཾ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. སཏིསམྦོཛ྄ཛྷངྒོ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. དྷམྨཝིཙཡསམྦོཛ྄ཛྷངྒོ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. ཝཱིརིཡསམྦོཛ྄ཛྷངྒོ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. པཱིཏིསམྦོཛ྄ཛྷངྒོ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. པསྶདྡྷིསམྦོཛ྄ཛྷངྒོ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. སམཱདྷིསམྦོཛ྄ཛྷངྒོ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. ཨུཔེཀྑཱསམྦོཛ྄ཛྷངྒོ ¶ དྷམྨོ. ཏཾ དྷམྨཾ པཝཏྟེཏཱིཏི ¶ – དྷམྨཙཀྐཾ ¶ . སམྨཱདིཊྛི དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. སམྨཱསངྐཔྤོ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. སམྨཱཝཱཙཱ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. སམྨཱཀམྨནྟོ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. སམྨཱཨཱཛཱིཝོ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. སམྨཱཝཱཡཱམོ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. སམྨཱསཏི དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. སམྨཱསམཱདྷི དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ.

ཨཱདྷིཔཏེཡྻཊྛེན ཨིནྡྲིཡཾ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. ཨཀམྤིཡཊྛེན བལཾ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. ནིཡྻཱནིཀཊྛེན བོཛ྄ཛྷངྒོ དྷམྨོ. ཏཾ དྷམྨཾ པཝཏྟེཏཱིཏི ¶ – དྷམྨཙཀྐཾ. ཧེཏུཊྛེན མགྒོ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. ཨུཔཊྛཱནཊྛེན སཏིཔཊྛཱནཱ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. པདཧནཊྛེན སམྨཔྤདྷཱནཱ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. ཨིཛ྄ཛྷནཊྛེན ཨིདྡྷིཔཱདཱ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. ཏཐཊྛེན སཙྩཱ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. ཨཝིཀྑེཔཊྛེན སམཐོ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. ཨནུཔསྶནཊྛེན ཝིཔསྶནཱ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. ཨེཀརསཊྛེན སམཐཝིཔསྶནཱ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. ཨནཏིཝཏྟནཊྛེན ཡུགནདྡྷཾ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. སཾཝརཊྛེན སཱིལཝིསུདྡྷི དྷམྨོ. ཏཾ དྷམྨཾ ¶ པཝཏྟེཏཱིཏི – དྷམྨཙཀྐཾ. ཨཝིཀྑེཔཊྛེན ཙིཏྟཝིསུདྡྷི དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. དསྶནཊྛེན དིཊྛིཝིསུདྡྷི དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. མུཏྟཊྛེན ཝིམོཀྑོ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. པཊིཝེདྷཊྛེན ཝིཛྫཱ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. པརིཙྩཱགཊྛེན ཝིམུཏྟི དྷམྨོ ¶ . ཏཾ དྷམྨཾ པཝཏྟེཏཱིཏི – དྷམྨཙཀྐཾ. སམུཙྪེདཊྛེན ཁཡེ ཉཱཎཾ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. པཊིཔྤསྶདྡྷཊྛེན ཨནུཔྤཱདེ ཉཱཎཾ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. ཚནྡོ མཱུལཊྛེན དྷམྨོ. ཏཾ དྷམྨོ པཝཏྟེཏཱིཏི – དྷམྨཙཀྐཾ. མནསིཀཱརོ སམུཊྛཱནཊྛེན དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. ཕསྶོ སམོདྷཱནཊྛེན དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. ཝེདནཱ སམོསརཎཊྛེན དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. སམཱདྷི པམུཁཊྛེན དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. སཏི ཨཱདྷིཔཏེཡྻཊྛེན དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. པཉྙཱ ཏཏུཏྟརཊྛེན དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. ཝིམུཏྟི སཱརཊྛེན དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ. ཨམཏོགདྷཾ ནིབྦཱནཾ པརིཡོསཱནཊྛེན དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ.

‘‘ཏཾ ¶ ཁོ པནིདཾ དུཀྑཾ ཨརིཡསཙྩཾ པརིཉྙེཡྻ’’ནྟི…པེ… པརིཉྙཱཏནྟི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི.

ཙཀྑུཾ ཨུདཔཱདཱིཏི – ཀེནཊྛེན…པེ… ཨཱལོཀོ ཨུདཔཱདཱིཏི ¶ – ཀེནཊྛེན? ཙཀྑུཾ ཨུདཔཱདཱིཏི – དསྶནཊྛེན…པེ… ཨཱལོཀོ ཨུདཔཱདཱིཏི – ཨོབྷཱསཊྛེན. ཙཀྑུཾ དྷམྨོ, དསྶནཊྛོ ཨཏྠོ…པེ… ཨཱལོཀོ དྷམྨོ, ཨོབྷཱསཊྛོ ཨཏྠོ. ཨིམེ པཉྩ དྷམྨཱ པཉྩ ཨཏྠཱ དུཀྑཝཏྠུཀཱ སཙྩཝཏྠུཀཱ སཙྩཱརམྨཎཱ སཙྩགོཙརཱ སཙྩསངྒཧིཏཱ སཙྩཔརིཡཱཔནྣཱ སཙྩེ སམུདཱགཏཱ སཙྩེ ཋིཏཱ སཙྩེ པཏིཊྛིཏཱ.

དྷམྨཙཀྐནྟི ¶ ཀེནཊྛེན དྷམྨཙཀྐཾ? དྷམྨཉྩ པཝཏྟེཏི ཙཀྐཉྩཱཏི – དྷམྨཙཀྐཾ. ཙཀྐཉྩ པཝཏྟེཏི དྷམྨཉྩཱཏི – དྷམྨཙཀྐཾ. དྷམྨེན པཝཏྟེཏཱིཏི – དྷམྨཙཀྐཾ. དྷམྨཔརིཡཱཡ པཝཏྟེཏཱིཏི – དྷམྨཙཀྐཾ. དྷམྨེ ཋིཏོ པཝཏྟེཏཱིཏི – དྷམྨཙཀྐཾ. དྷམྨེ པཏིཊྛིཏོ པཝཏྟེཏཱིཏི – དྷམྨཙཀྐཾ…པེ… ཨམཏོགདྷཾ ནིབྦཱནཾ པརིཡོསཱནཊྛེན དྷམྨོ ཏཾ དྷམྨཾ པཝཏྟེཏཱིཏི – དྷམྨཙཀྐཾ.

[ཁ-གྷ] ‘‘ཨིདཾ དུཀྑསམུདཡཾ ཨརིཡསཙྩ’’ནྟི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི…པེ… ‘‘ཏཾ ཁོ པནིདཾ དུཀྑསམུདཡཾ ཨརིཡསཙྩཾ པཧཱཏབྦ’’ནྟི…པེ… ‘‘པཧཱིན’’ནྟི པུབྦེ ཨནནུསྶུཏེསུ ¶ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི.

ཙཀྑུཾ ཨུདཔཱདཱིཏི – ཀེནཊྛེན…པེ… ཨཱལོཀོ ཨུདཔཱདཱིཏི – ཀེནཊྛེན? ཙཀྑུཾ ཨུདཔཱདཱིཏི – དསྶནཊྛེན…པེ… ཨཱལོཀོ ཨུདཔཱདཱིཏི – ཨོབྷཱསཊྛེན.

ཙཀྑུཾ དྷམྨོ, དསྶནཊྛོ ཨཏྠོ…པེ… ཨཱལོཀོ དྷམྨོ, ཨོབྷཱསཊྛོ ¶ ཨཏྠོ. ཨིམེ པཉྩ དྷམྨཱ པཉྩ ཨཏྠཱ སམུདཡཝཏྠུཀཱ སཙྩཝཏྠུཀཱ…པེ… ནིརོདྷཝཏྠུཀཱ སཙྩཝཏྠུཀཱ…པེ… མགྒཝཏྠུཀཱ སཙྩཝཏྠུཀཱ སཙྩཱརམྨཎཱ སཙྩགོཙརཱ སཙྩསངྒཧིཏཱ སཙྩཔརིཡཱཔནྣཱ སཙྩེ སམུདཱགཏཱ སཙྩེ ཋིཏཱ སཙྩེ པཏིཊྛིཏཱ.

དྷམྨཙཀྐནྟི ཀེནཊྛེན དྷམྨཙཀྐཾ? དྷམྨཉྩ པཝཏྟེཏི ཙཀྐཉྩཱཏི – དྷམྨཙཀྐཾ. ཙཀྐཉྩ པཝཏྟེཏི དྷམྨཉྩཱཏི – དྷམྨཙཀྐཾ. དྷམྨེན པཝཏྟེཏཱིཏི – དྷམྨཙཀྐཾ. དྷམྨཙརིཡཱཡ པཝཏྟེཏཱིཏི – དྷམྨཙཀྐཾ. དྷམྨེ ཋིཏོ པཝཏྟེཏཱིཏི – དྷམྨཙཀྐཾ. དྷམྨེ པཏིཊྛིཏོ པཝཏྟེཏཱིཏི – དྷམྨཙཀྐཾ…པེ… ཨམཏོགདྷཾ ནིབྦཱནཾ པརིཡོསཱནཊྛེན དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ.

༢. སཏིཔཊྛཱནཝཱརོ

༤༡. ‘‘‘ཨཡཾ ¶ ཀཱཡེ ཀཱཡཱནུཔསྶནཱ’ཏི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི. སཱ ཁོ པནཱཡཾ ཀཱཡེ ཀཱཡཱནུཔསྶནཱ བྷཱཝེཏབྦཱཏི ¶ མེ, བྷིཀྑཝེ,…པེ… བྷཱཝིཏཱཏི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི’’.

‘‘ཨཡཾ ཝེདནཱསུ…པེ… ཨཡཾ ཙིཏྟེ… ཨཡཾ དྷམྨེསུ དྷམྨཱནུཔསྶནཱཏི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི. སཱ ཁོ པནཱཡཾ དྷམྨེསུ དྷམྨཱནུཔསྶནཱ བྷཱཝེཏབྦཱཏི མེ, བྷིཀྑཝེ…པེ… བྷཱཝིཏཱཏི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི’’.

ཨཡཾ ཀཱཡེ ཀཱཡཱནུཔསྶནཱཏི པུབྦེ ཨནནུསྶུཏེསུ ¶ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི…པེ… སཱ ཁོ པནཱཡཾ ཀཱཡེ ཀཱཡཱནུཔསྶནཱ བྷཱཝེཏབྦཱཏི…པེ… བྷཱཝིཏཱཏི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི.

ཙཀྑུཾ ཨུདཔཱདཱིཏི – ཀེནཊྛེན…པེ… ཨཱལོཀོ ཨུདཔཱདཱིཏི – ཀེནཊྛེན? ཙཀྑུཾ ཨུདཔཱདཱིཏི – དསྶནཊྛེན…པེ… ཨཱལོཀོ ཨུདཔཱདཱིཏི – ཨོབྷཱསཊྛེན.

ཙཀྑུཾ དྷམྨོ, དསྶནཊྛོ ཨཏྠོ…པེ… ཨཱལོཀོ དྷམྨོ, ཨོབྷཱསཊྛོ ཨཏྠོ. ཨིམེ པཉྩ དྷམྨཱ པཉྩ ཨཏྠཱ ཀཱཡཝཏྠུཀཱ སཏིཔཊྛཱནཝཏྠུཀཱ…པེ… ཝེདནཱཝཏྠུཀཱ སཏིཔཊྛཱནཝཏྠུཀཱ… ཙིཏྟཝཏྠུཀཱ སཏིཔཊྛཱནཝཏྠུཀཱ… དྷམྨཝཏྠུཀཱ སཏིཔཊྛཱནཝཏྠུཀཱ སཏིཔཊྛཱནཱརམྨཎཱ སཏིཔཊྛཱནགོཙརཱ སཏིཔཊྛཱནསངྒཧིཏཱ སཏིཔཊྛཱནཔརིཡཱཔནྣཱ སཏིཔཊྛཱནེ སམུདཱགཏཱ སཏིཔཊྛཱནེ ཋིཏཱ སཏིཔཊྛཱནེ པཏིཊྛིཏཱ.

དྷམྨཙཀྐནྟི ཀེནཊྛེན དྷམྨཙཀྐཾ? དྷམྨཉྩ པཝཏྟེཏི ཙཀྐཉྩཱཏི – དྷམྨཙཀྐཾ. ཙཀྐཉྩ པཝཏྟེཏི དྷམྨཉྩཱཏི – དྷམྨཙཀྐཾ. དྷམྨེན པཝཏྟེཏཱིཏི – དྷམྨཙཀྐཾ. དྷམྨཙརིཡཱཡ པཝཏྟེཏཱིཏི – དྷམྨཙཀྐཾ. དྷམྨེ ཋིཏོ པཝཏྟེཏཱིཏི – དྷམྨཙཀྐཾ. དྷམྨེ པཏིཊྛིཏོ པཝཏྟེཏཱིཏི – དྷམྨཙཀྐཾ ¶ …པེ… ཨམཏོགདྷཾ ནིབྦཱནཾ པརིཡོསཱནཊྛེན དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ.

༣. ཨིདྡྷིཔཱདཝཱརོ

༤༢. ‘‘‘ཨཡཾ ¶ ཚནྡསམཱདྷིཔདྷཱནསངྑཱརསམནྣཱགཏོ ཨིདྡྷིཔཱདོ’ཏི མེ ¶ , བྷིཀྑཝེ པུབྦེ ཨནནུསྶུཏེསུ ¶ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི. ‘སོ ཁོ པནཱཡཾ ཚནྡསམཱདྷིཔདྷཱནསངྑཱརསམནྣཱགཏོ ཨིདྡྷིཔཱདོ བྷཱཝེཏབྦོ’ཏི མེ, བྷིཀྑཝེ…པེ… བྷཱཝིཏོཏི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི.

‘‘ཨཡཾ ཝཱིརིཡསམཱདྷི…པེ… ཨཡཾ ཙིཏྟསམཱདྷི…པེ… ཨཡཾ ཝཱིམཾསཱསམཱདྷིཔདྷཱནསངྑཱརསམནྣཱགཏོ ཨིདྡྷིཔཱདོཏི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི. སོ ཁོ པནཱཡཾ ཝཱིམཾསཱསམཱདྷིཔདྷཱནསངྑཱརསམནྣཱགཏོ ཨིདྡྷིཔཱདོ བྷཱཝེཏབྦོཏི མེ, བྷིཀྑཝེ…པེ… བྷཱཝིཏོཏི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི’’.

ཨཡཾ ཚནྡསམཱདྷིཔདྷཱནསངྑཱརསམནྣཱགཏོ ཨིདྡྷིཔཱདོཏི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི…པེ… སོ ཁོ པནཱཡཾ ཚནྡསམཱདྷིཔདྷཱནསངྑཱརསམནྣཱགཏོ ཨིདྡྷིཔཱདོ བྷཱཝེཏབྦོཏི…པེ… བྷཱཝིཏོཏི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི.

ཙཀྑུཾ ཨུདཔཱདཱིཏི – ཀེནཊྛེན? ཉཱཎཾ ཨུདཔཱདཱིཏི – ཀེནཊྛེན? པཉྙཱ ཨུདཔཱདཱིཏི – ཀེནཊྛེན? ཝིཛྫཱ ཨུདཔཱདཱིཏི – ཀེནཊྛེན? ཨཱལོཀོ ཨུདཔཱདཱིཏི – ཀེནཊྛེན? ཙཀྑུཾ ཨུདཔཱདཱིཏི – དསྶནཊྛེན. ཉཱཎཾ ཨུདཔཱདཱིཏི – ཉཱཏཊྛེན. པཉྙཱ ¶ ཨུདཔཱདཱིཏི – པཛཱནནཊྛེན. ཝིཛྫཱ ཨུདཔཱདཱིཏི – པཊིཝེདྷཊྛེན. ཨཱལོཀོ ཨུདཔཱདཱིཏི – ཨོབྷཱསཊྛེན.

ཙཀྑུཾ དྷམྨོ, དསྶནཊྛོ ཨཏྠོ. ཉཱཎཾ དྷམྨོ, ཉཱཏཊྛོ ཨཏྠོ. པཉྙཱ དྷམྨོ, པཛཱནནཊྛོ ཨཏྠོ. ཝིཛྫཱ དྷམྨོ, པཊིཝེདྷཊྛོ ཨཏྠོ. ཨཱལོཀོ དྷམྨོ, ཨོབྷཱསཊྛོ ཨཏྠོ. ཨིམེ པཉྩ དྷམྨཱ པཉྩ ཨཏྠཱ ཚནྡཝཏྠུཀཱ ཨིདྡྷིཔཱདཝཏྠུཀཱ ཨིདྡྷིཔཱདཱརམྨཎཱ ཨིདྡྷིཔཱདགོཙརཱ ཨིདྡྷིཔཱདསངྒཧིཏཱ ཨིདྡྷིཔཱདཔརིཡཱཔནྣཱ ཨིདྡྷིཔཱདེ སམུདཱགཏཱ ཨིདྡྷིཔཱདེ ཋིཏཱ ཨིདྡྷིཔཱདེ པཏིཊྛིཏཱ.

དྷམྨཙཀྐནྟི ཀེནཊྛེན དྷམྨཙཀྐཾ? དྷམྨཉྩ པཝཏྟེཏི ཙཀྐཉྩཱཏི – དྷམྨཙཀྐཾ. ཙཀྐཉྩ པཝཏྟེཏི དྷམྨཉྩཱཏི – དྷམྨཙཀྐཾ. དྷམྨེན པཝཏྟེཏཱིཏི – དྷམྨཙཀྐཾ. དྷམྨཙརིཡཱཡ པཝཏྟེཏཱིཏི ¶ – དྷམྨཙཀྐཾ. དྷམྨེ ཋིཏོ པཝཏྟེཏཱིཏི – དྷམྨཙཀྐཾ. དྷམྨེ པཏིཊྛིཏོ པཝཏྟེཏཱིཏི – དྷམྨཙཀྐཾ. དྷམྨེ པཏིཊྛཱཔེནྟོ པཝཏྟེཏཱིཏི – དྷམྨཙཀྐཾ. དྷམྨེ ཝསིཔྤཏྟོ པཝཏྟེཏཱིཏི ¶ – དྷམྨཙཀྐཾ. དྷམྨེ ཝསིཾ པཱཔེནྟོ པཝཏྟེཏཱིཏི – དྷམྨཙཀྐཾ. དྷམྨེ པཱརམིཔྤཏྟོ པཝཏྟེཏཱིཏི – དྷམྨཙཀྐཾ. དྷམྨེ པཱརམིཾ པཱཔེནྟོ པཝཏྟེཏཱིཏི – དྷམྨཙཀྐཾ…པེ… དྷམྨཾ ཨཔཙཱཡམཱནོ པཝཏྟེཏཱིཏི – དྷམྨཙཀྐཾ. དྷམྨདྡྷཛོ པཝཏྟེཏཱིཏི – དྷམྨཙཀྐཾ. དྷམྨཀེཏུ པཝཏྟེཏཱིཏི – དྷམྨཙཀྐཾ. དྷམྨཱདྷིཔཏེཡྻོ པཝཏྟེཏཱིཏི – དྷམྨཙཀྐཾ. ཏཾ ཁོ པན དྷམྨཙཀྐཾ ཨཔྤཊིཝཏྟིཡཾ སམཎེན ཝཱ བྲཱཧྨཎེན ཝཱ དེཝེན ཝཱ ¶ མཱརེན ཝཱ བྲཧྨུནཱ ཝཱ ཀེནཙི ཝཱ ལོཀསྨིནྟི – དྷམྨཙཀྐཾ.

སདྡྷིནྡྲིཡཾ དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ…པེ… ཨམཏོགདྷཾ ནིབྦཱནཾ པརིཡོསཱནཊྛེན དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐཾ.

ཨཡཾ ཝཱིརིཡསམཱདྷིཔདྷཱནསངྑཱརསམནྣཱགཏོ ཨིདྡྷིཔཱདོཏི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི…པེ… སོ ཁོ པནཱཡཾ ཝཱིརིཡསམཱདྷིཔདྷཱནསངྑཱརསམནྣཱགཏོ ཨིདྡྷིཔཱདོ བྷཱཝེཏབྦོཏི…པེ… བྷཱཝིཏོཏི པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི.

ཙཀྑུཾ ཨུདཔཱདཱིཏི – ཀེནཊྛེན…པེ… ཨཱལོཀོ ཨུདཔཱདཱིཏི – ཀེནཊྛེན? ཙཀྑུཾ ཨུདཔཱདཱིཏི – དསྶནཊྛེན…པེ… ཨཱལོཀོ ཨུདཔཱདཱིཏི – ཨོབྷཱསཊྛེན.

ཙཀྑུཾ དྷམྨོ, དསྶནཊྛོ ཨཏྠོ…པེ… ཨཱལོཀོ དྷམྨོ, ཨོབྷཱསཊྛོ ཨཏྠོ. ཨིམེ པཉྩ དྷམྨཱ པཉྩ ཨཏྠཱ ཝཱིརིཡཝཏྠུཀཱ ཨིདྡྷིཔཱདཝཏྠུཀཱ…པེ… ཙིཏྟཝཏྠུཀཱ ཨིདྡྷིཔཱདཝཏྠུཀཱ… ཝཱིམཾསཱཝཏྠུཀཱ ཨིདྡྷིཔཱདཝཏྠུཀཱ ཨིདྡྷིཔཱདཱརམྨཎཱ ཨིདྡྷིཔཱདགོཙརཱ ཨིདྡྷིཔཱདསངྒཧིཏཱ ཨིདྡྷིཔཱདཔརིཡཱཔནྣཱ ཨིདྡྷིཔཱདེ སམུདཱགཏཱ ཨིདྡྷིཔཱདེ ཋིཏཱ ཨིདྡྷིཔཱདེ པཏིཊྛིཏཱ ¶ .

དྷམྨཙཀྐནྟི ཀེནཊྛེན དྷམྨཙཀྐཾ? དྷམྨཉྩ པཝཏྟེཏི ཙཀྐཉྩཱཏི – དྷམྨཙཀྐཾ. ཙཀྐཉྩ པཝཏྟེཏི དྷམྨཉྩཱཏི – དྷམྨཙཀྐཾ. དྷམྨེན པཝཏྟེཏཱིཏི – དྷམྨཙཀྐཾ. དྷམྨཙརིཡཱཡ པཝཏྟེཏཱིཏི – དྷམྨཙཀྐཾ. དྷམྨེ ¶ ཋིཏོ པཝཏྟེཏཱིཏི – དྷམྨཙཀྐཾ. དྷམྨེ པཏིཊྛིཏོ པཝཏྟེཏཱིཏི – དྷམྨཙཀྐཾ…པེ… ཨམཏོགདྷཾ ནིབྦཱནཾ པརིཡོསཱནཊྛེན དྷམྨོ. ཏཾ དྷམྨཾ པཝཏྟེཏཱིཏི – དྷམྨཙཀྐནྟི.

དྷམྨཙཀྐཀཐཱ ནིཊྛིཏཱ.

༨. ལོཀུཏྟརཀཐཱ

༤༣. ཀཏམེ ¶ ¶ ¶ དྷམྨཱ ལོཀུཏྟརཱ? ཙཏྟཱརོ སཏིཔཊྛཱནཱ, ཙཏྟཱརོ སམྨཔྤདྷཱནཱ, ཙཏྟཱརོ ཨིདྡྷིཔཱདཱ, པཉྩིནྡྲིཡཱནི, པཉྩ བལཱནི, སཏྟ བོཛ྄ཛྷངྒཱ, ཨརིཡོ ཨཊྛངྒིཀོ མགྒོ, ཙཏྟཱརོ ཨརིཡམགྒཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨིམེ དྷམྨཱ ལོཀུཏྟརཱ.

ལོཀུཏྟརཱཏི ཀེནཊྛེན ལོཀུཏྟརཱ? ལོཀཾ ཏརནྟཱིཏི – ལོཀུཏྟརཱ. ལོཀཱ ཨུཏྟརནྟཱིཏི – ལོཀུཏྟརཱ. ལོཀཏོ ཨུཏྟརནྟཱིཏི – ལོཀུཏྟརཱ. ལོཀམྷཱ ཨུཏྟརནྟཱིཏི – ལོཀུཏྟརཱ. ལོཀཾ ཨཏིཀྐམནྟཱིཏི – ལོཀུཏྟརཱ. ལོཀཾ སམཏིཀྐམནྟཱིཏི – ལོཀུཏྟརཱ. ལོཀཾ སམཏིཀྐནྟཱཏི – ལོཀུཏྟརཱ. ལོཀེན ཨཏིརེཀཱཏི – ལོཀུཏྟརཱ. ལོཀནྟཾ ཏརནྟཱིཏི – ལོཀུཏྟརཱ. ལོཀཱ ནིསྶརནྟཱིཏི – ལོཀུཏྟརཱ. ལོཀཏོ ནིསྶརནྟཱིཏི – ལོཀུཏྟརཱ. ལོཀམྷཱ ནིསྶརནྟཱིཏི – ལོཀུཏྟརཱ. ལོཀཱ ནིསྶཊཱཏི ¶ – ལོཀུཏྟརཱ. ལོཀེན ནིསྶཊཱཏི – ལོཀུཏྟརཱ. ལོཀམྷཱ ནིསྶཊཱཏི – ལོཀུཏྟརཱ. ལོཀེ ན ཏིཊྛནྟཱིཏི – ལོཀུཏྟརཱ. ལོཀསྨིཾ ན ཏིཊྛནྟཱིཏི – ལོཀུཏྟརཱ. ལོཀེ ན ལིམྤནྟཱིཏི – ལོཀུཏྟརཱ. ལོཀེན ན ལིམྤནྟཱིཏི – ལོཀུཏྟརཱ. ལོཀེ ཨསཾལིཏྟཱཏི – ལོཀུཏྟརཱ. ལོཀེན ཨསཾལིཏྟཱཏི – ལོཀུཏྟརཱ. ལོཀེ ཨནུཔལིཏྟཱཏི – ལོཀུཏྟརཱ. ལོཀེན ཨནུཔལིཏྟཱཏི – ལོཀུཏྟརཱ. ལོཀེ ཝིཔྤམུཏྟཱཏི – ལོཀུཏྟརཱ. ལོཀེན ཝིཔྤམུཏྟཱཏི – ལོཀུཏྟརཱ. ལོཀཱ ཝིཔྤམུཏྟཱཏི – ལོཀུཏྟརཱ. ལོཀཏོ ཝིཔྤམུཏྟཱཏི – ལོཀུཏྟརཱ. ལོཀམྷཱ ཝིཔྤམུཏྟཱཏི ¶ – ལོཀུཏྟརཱ. ལོཀེ ཝིསཉྙུཏྟཱཏི – ལོཀུཏྟརཱ. ལོཀེན ཝིསཉྙུཏྟཱཏི – ལོཀུཏྟརཱ. ལོཀཱ ཝིསཉྙུཏྟཱཏི – ལོཀུཏྟརཱ. ལོཀསྨིཾ ཝིསཉྙུཏྟཱཏི – ལོཀུཏྟརཱ. ལོཀཏོ ཝིསཉྙུཏྟཱཏི – ལོཀུཏྟརཱ. ལོཀམྷཱ ཝིསཉྙུཏྟཱཏི – ལོཀུཏྟརཱ. ལོཀཱ སུཛ྄ཛྷནྟཱིཏི – ལོཀུཏྟརཱ. ལོཀཏོ སུཛ྄ཛྷནྟཱིཏི – ལོཀུཏྟརཱ. ལོཀམྷཱ སུཛ྄ཛྷནྟཱིཏི – ལོཀུཏྟརཱ. ལོཀཱ ཝིསུཛ྄ཛྷནྟཱིཏི – ལོཀུཏྟརཱ. ལོཀཏོ ཝིསུཛ྄ཛྷནྟཱིཏི – ལོཀུཏྟརཱ. ལོཀམྷཱ ཝིསུཛ྄ཛྷནྟཱིཏི – ལོཀུཏྟརཱ. ལོཀཱ ཝུཊྛཧནྟཱིཏི [ཨུདྡྷརནྟཱིཏི (ཀ.), ཨུཊྛཧནྟཱིཏི (སཱི. ཨཊྛ.)] – ལོཀུཏྟརཱ. ལོཀཏོ ཝུཊྛཧནྟཱིཏི ¶ – ལོཀུཏྟརཱ. ལོཀམྷཱ ཝུཊྛཧནྟཱིཏི – ལོཀུཏྟརཱ. ལོཀཱ ཝིཝཊྚནྟཱིཏི – ལོཀུཏྟརཱ ¶ . ལོཀཏོ ཝིཝཊྚནྟཱིཏི – ལོཀུཏྟརཱ. ལོཀམྷཱ ཝིཝཊྚནྟཱིཏི – ལོཀུཏྟརཱ. ལོཀེ ན སཛྫནྟཱིཏི – ལོཀུཏྟརཱ. ལོཀེ ན གཡ྄ཧནྟཱིཏི – ལོཀུཏྟརཱ. ལོཀེ ན བཛ྄ཛྷནྟཱིཏི – ལོཀུཏྟརཱ. ལོཀཾ སམུཙྪིནྡནྟཱིཏི – ལོཀུཏྟརཱ. ལོཀཾ སམུཙྪིནྣཏྟཱཏི – ལོཀུཏྟརཱ. ལོཀཾ ¶ པཊིཔྤསྶམྦྷེནྟཱིཏི – ལོཀུཏྟརཱ. ལོཀཾ པཊིཔྤསྶམྦྷིཏཏྟཱཏི – ལོཀུཏྟརཱ. ལོཀསྶ ཨཔཐཱཏི – ལོཀུཏྟརཱ. ལོཀསྶ ཨགཏཱིཏི – ལོཀུཏྟརཱ. ལོཀསྶ ཨཝིསཡཱཏི – ལོཀུཏྟརཱ. ལོཀསྶ ཨསཱདྷཱརཎཱཏི – ལོཀུཏྟརཱ. ལོཀཾ ཝམནྟཱིཏི – ལོཀུཏྟརཱ. ལོཀཾ ན པཙྩཱཝམནྟཱིཏི – ལོཀུཏྟརཱ. ལོཀཾ པཛཧནྟཱིཏི – ལོཀུཏྟརཱ. ལོཀཾ ན ཨུཔཱདིཡནྟཱིཏི – ལོཀུཏྟརཱ. ལོཀཾ ཝིསིནེནྟཱིཏི – ལོཀུཏྟརཱ. ལོཀཾ ན ཨུསྶིནེནྟཱིཏི – ལོཀུཏྟརཱ. ལོཀཾ ཝིདྷཱུཔེནྟཱིཏི – ལོཀུཏྟརཱ. ལོཀཾ ན སཾདྷཱུཔེནྟཱིཏི – ལོཀུཏྟརཱ. ལོཀཾ སམཏིཀྐམྨ ཨབྷིབྷུཡྻ ཏིཊྛནྟཱིཏི – ལོཀུཏྟརཱ.

ལོཀུཏྟརཀཐཱ ནིཊྛིཏཱ.

༩. བལཀཐཱ

༤༤. སཱཝཏྠིནིདཱནཾ ¶ [སཾ. ནི. ༥.༧༠༥-༧༡༦ པསྶིཏབྦཱ]. ‘‘པཉྩིམཱནི ¶ , བྷིཀྑཝེ, བལཱནི. ཀཏམཱནི པཉྩ? སདྡྷཱབལཾ, ཝཱིརིཡབལཾ, སཏིབལཾ, སམཱདྷིབལཾ, པཉྙཱབལཾ – ཨིམཱནི ཁོ, བྷིཀྑཝེ, པཉྩ བལཱནི.

‘‘ཨཔི ཙ, ཨཊྛསཊྛི བལཱནི – སདྡྷཱབལཾ, ཝཱིརིཡབལཾ, སཏིབལཾ, སམཱདྷིབལཾ, པཉྙཱབལཾ, ཧིརིབལཾ, ཨོཏྟཔྤབལཾ, པཊིསངྑཱནབལཾ, བྷཱཝནཱབལཾ, ཨནཝཛྫབལཾ, སངྒཧབལཾ, ཁནྟིབལཾ, པཉྙཏྟིབལཾ, ནིཛ྄ཛྷཏྟིབལཾ, ཨིསྶརིཡབལཾ ¶ , ཨདྷིཊྛཱནབལཾ, སམཐབལཾ, ཝིཔསྶནཱབལཾ, དས སེཁབལཱནི, དས ཨསེཁབལཱནི, དས ཁཱིཎཱསཝབལཱནི, དས ཨིདྡྷིབལཱནི, དས ཏཐཱགཏབལཱནི’’.

ཀཏམཾ སདྡྷཱབལཾ? ཨསྶདྡྷིཡེ ན ཀམྤཏཱིཏི – སདྡྷཱབལཾ. སཧཛཱཏཱནཾ དྷམྨཱནཾ ཨུཔཏྠམྦྷནཊྛེན སདྡྷཱབལཾ, ཀིལེསཱནཾ པརིཡཱདཱནཊྛེན སདྡྷཱབལཾ, པཊིཝེདྷཱདིཝིསོདྷནཊྛེན སདྡྷཱབལཾ, ཙིཏྟསྶ ཨདྷིཊྛཱནཊྛེན སདྡྷཱབལཾ, ཙིཏྟསྶ ཝོདཱནཊྛེན སདྡྷཱབལཾ, ཝིསེསཱདྷིགམཊྛེན སདྡྷཱབལཾ, ཨུཏྟརི པཊིཝེདྷཊྛེན ¶ སདྡྷཱབལཾ, སཙྩཱབྷིསམཡཊྛེན སདྡྷཱབལཾ, ནིརོདྷེ པཏིཊྛཱཔཀཊྛེན སདྡྷཱབལཾ. ཨིདཾ སདྡྷཱབལཾ.

ཀཏམཾ ཝཱིརིཡབལཾ? ཀོསཛྫེ ན ཀམྤཏཱིཏི – ཝཱིརིཡབལཾ. སཧཛཱཏཱནཾ དྷམྨཱནཾ ཨུཔཏྠམྦྷནཊྛེན ཝཱིརིཡབལཾ, ཀིལེསཱནཾ པརིཡཱདཱནཊྛེན ཝཱིརིཡབལཾ, པཊིཝེདྷཱདིཝིསོདྷནཊྛེན ཝཱིརིཡབལཾ, ཙིཏྟསྶ ཨདྷིཊྛཱནཊྛེན ཝཱིརིཡབལཾ, ཙིཏྟསྶ ཝོདཱནཊྛེན ཝཱིརིཡབལཾ, ཝིསེསཱདྷིགམཊྛེན ཝཱིརིཡབལཾ, ཨུཏྟརི པཊིཝེདྷཊྛེན ཝཱིརིཡབལཾ, སཙྩཱབྷིསམཡཊྛེན ཝཱིརིཡབལཾ, ནིརོདྷེ པཏིཊྛཱཔཀཊྛེན ཝཱིརིཡབལཾ. ཨིདཾ ཝཱིརིཡབལཾ.

ཀཏམཾ ¶ ¶ སཏིབལཾ? པམཱདེ ན ཀམྤཏཱིཏི – སཏིབལཾ. སཧཛཱཏཱནཾ དྷམྨཱནཾ ཨུཔཏྠམྦྷནཊྛེན སཏིབལཾ…པེ… ནིརོདྷེ པཏིཊྛཱཔཀཊྛེན སཏིབལཾ. ཨིདཾ སཏིབལཾ.

ཀཏམཾ ¶ སམཱདྷིབལཾ? ཨུདྡྷཙྩེ ན ཀམྤཏཱིཏི – སམཱདྷིབལཾ. སཧཛཱཏཱནཾ དྷམྨཱནཾ ཨུཔཏྠམྦྷནཊྛེན སམཱདྷིབལཾ…པེ… ནིརོདྷེ པཏིཊྛཱཔཀཊྛེན སམཱདྷིབལཾ. ཨིདཾ སམཱདྷིབལཾ.

ཀཏམཾ པཉྙཱབལཾ? ཨཝིཛྫཱཡ ན ཀམྤཏཱིཏི – པཉྙཱབལཾ. སཧཛཱཏཱནཾ དྷམྨཱནཾ ཨུཔཏྠམྦྷནཊྛེན པཉྙཱབལཾ…པེ… ནིརོདྷེ པཏིཊྛཱཔཀཊྛེན པཉྙཱབལཾ. ཨིདཾ པཉྙཱབལཾ.

ཀཏམཾ ཧིརིབལཾ? ནེཀྑམྨེན ཀཱམཙྪནྡཾ ཧིརཱིཡཏཱིཏི [ཧིརིཡཏཱིཏི (སྱཱ. ཀ.)] – ཧིརིབལཾ. ཨབྱཱཔཱདེན བྱཱཔཱདཾ ཧིརཱིཡཏཱིཏི – ཧིརིབལཾ. ཨཱལོཀསཉྙཱཡ ཐིནམིདྡྷཾ ཧིརཱིཡཏཱིཏི – ཧིརིབལཾ. ཨཝིཀྑེཔེན ཨུདྡྷཙྩཾ ཧིརཱིཡཏཱིཏི – ཧིརིབལཾ. དྷམྨཝཝཏྠཱནེན ཝིཙིཀིཙྪཾ ཧིརཱིཡཏཱིཏི – ཧིརིབལཾ. ཉཱཎེན ཨཝིཛྫཾ ཧིརཱིཡཏཱིཏི – ཧིརིབལཾ. པཱམོཛྫེན ཨརཏིཾ ཧིརཱིཡཏཱིཏི – ཧིརིབལཾ. པཋམེན ཛྷཱནེན ནཱིཝརཎེ ཧིརཱིཡཏཱིཏི – ཧིརིབལཾ…པེ… ཨརཧཏྟམགྒེན སབྦཀིལེསེ ཧིརཱིཡཏཱིཏི – ཧིརིབལཾ. ཨིདཾ ཧིརིབལཾ.

ཀཏམཾ ཨོཏྟཔྤབལཾ? ནེཀྑམྨེན ཀཱམཙྪནྡཾ ཨོཏྟཔྤཏཱིཏི – ཨོཏྟཔྤབལཾ. ཨབྱཱཔཱདེན བྱཱཔཱདཾ ཨོཏྟཔྤཏཱིཏི – ཨོཏྟཔྤབལཾ. ཨཱལོཀསཉྙཱཡ ཐིནམིདྡྷཾ ཨོཏྟཔྤཏཱིཏི – ཨོཏྟཔྤབལཾ. ཨཝིཀྑེཔེན ཨུདྡྷཙྩཾ ཨོཏྟཔྤཏཱིཏི – ཨོཏྟཔྤབལཾ. དྷམྨཝཝཏྠཱནེན ཝིཙིཀིཙྪཾ ཨོཏྟཔྤཏཱིཏི – ཨོཏྟཔྤབལཾ. ཉཱཎེན ཨཝིཛྫཾ ཨོཏྟཔྤཏཱིཏི – ཨོཏྟཔྤབལཾ ¶ . པཱམོཛྫེན ཨརཏིཾ ཨོཏྟཔྤཏཱིཏི – ཨོཏྟཔྤབལཾ. པཋམེན ཛྷཱནེན ནཱིཝརཎེ ཨོཏྟཔྤཏཱིཏི – ཨོཏྟཔྤབལཾ…པེ… ཨརཧཏྟམགྒེན ¶ སབྦཀིལེསེ ཨོཏྟཔྤཏཱིཏི – ཨོཏྟཔྤབལཾ. ཨིདཾ ཨོཏྟཔྤབལཾ.

ཀཏམཾ པཊིསངྑཱནབལཾ? ནེཀྑམྨེན ཀཱམཙྪནྡཾ པཊིསངྑཱཏཱིཏི – པཊིསངྑཱནབལཾ. ཨབྱཱཔཱདེན བྱཱཔཱདཾ པཊིསངྑཱཏཱིཏི – པཊིསངྑཱནབལཾ. ཨཱལོཀསཉྙཱཡ ཐིནམིདྡྷཾ པཊིསངྑཱཏཱིཏི – པཊིསངྑཱནབལཾ. ཨཝིཀྑེཔེན ཨུདྡྷཙྩཾ པཊིསངྑཱཏཱིཏི – པཊིསངྑཱནབལཾ. དྷམྨཝཝཏྠཱནེན ཝིཙིཀིཙྪཾ པཊིསངྑཱཏཱིཏི – པཊིསངྑཱནབལཾ. ཉཱཎེན ཨཝིཛྫཾ པཊིསངྑཱཏཱིཏི – པཊིསངྑཱནབལཾ ¶ . པཱམོཛྫེན ཨརཏིཾ པཊིསངྑཱཏཱིཏི – པཊིསངྑཱནབལཾ. པཋམེན ¶ ཛྷཱནེན ནཱིཝརཎེ པཊིསངྑཱཏཱིཏི – པཊིསངྑཱནབལཾ…པེ… ཨརཧཏྟམགྒེན སབྦཀིལེསེ པཊིསངྑཱཏཱིཏི – པཊིསངྑཱནབལཾ. ཨིདཾ པཊིསངྑཱནབལཾ.

ཀཏམཾ བྷཱཝནཱབལཾ? ཀཱམཙྪནྡཾ པཛཧནྟོ ནེཀྑམྨཾ བྷཱཝེཏཱིཏི – བྷཱཝནཱབལཾ. བྱཱཔཱདཾ པཛཧནྟོ ཨབྱཱཔཱདཾ བྷཱཝེཏཱིཏི – བྷཱཝནཱབལཾ. ཐིནམིདྡྷཾ པཛཧནྟོ ཨཱལོཀསཉྙཾ བྷཱཝེཏཱིཏི – བྷཱཝནཱབལཾ. ཨུདྡྷཙྩཾ པཛཧནྟོ ཨཝིཀྑེཔཾ བྷཱཝེཏཱིཏི – བྷཱཝནཱབལཾ. ཝིཙིཀིཙྪཾ པཛཧནྟོ དྷམྨཝཝཏྠཱནཾ བྷཱཝེཏཱིཏི – བྷཱཝནཱབལཾ. ཨཝིཛྫཾ པཛཧནྟོ ཉཱཎཾ བྷཱཝེཏཱིཏི – བྷཱཝནཱབལཾ. ཨརཏིཾ པཛཧནྟོ པཱམོཛྫཾ བྷཱཝེཏཱིཏི – བྷཱཝནཱབལཾ. ནཱིཝརཎེ པཛཧནྟོ པཋམཾ ཛྷཱནཾ བྷཱཝེཏཱིཏི – བྷཱཝནཱབལཾ…པེ… སབྦཀིལེསེ པཛཧནྟོ ཨརཧཏྟམགྒཾ བྷཱཝེཏཱིཏི – བྷཱཝནཱབལཾ. ཨིདཾ བྷཱཝནཱབལཾ.

ཀཏམཾ ཨནཝཛྫབལཾ? ཀཱམཙྪནྡསྶ པཧཱིནཏྟཱ ནེཀྑམྨེ ནཏྠི ཀིཉྩི ¶ ཝཛྫནྟི – ཨནཝཛྫབལཾ. བྱཱཔཱདསྶ པཧཱིནཏྟཱ ཨབྱཱཔཱདེ ནཏྠི ཀིཉྩི ཝཛྫནྟི – ཨནཝཛྫབལཾ. ཐིནམིདྡྷསྶ པཧཱིནཏྟཱ ཨཱལོཀསཉྙཱཡ ནཏྠི ཀིཉྩི ཝཛྫནྟི – ཨནཝཛྫབལཾ. ཨུདྡྷཙྩསྶ པཧཱིནཏྟཱ ཨཝིཀྑེཔེ ནཏྠི ཀིཉྩི ཝཛྫནྟི – ཨནཝཛྫབལཾ. ཝིཙིཀིཙྪཱཡ པཧཱིནཏྟཱ དྷམྨཝཝཏྠཱནེ ནཏྠི ཀིཉྩི ཝཛྫནྟི – ཨནཝཛྫབལཾ. ཨཝིཛྫཱཡ པཧཱིནཏྟཱ ཉཱཎེ ནཏྠི ཀིཉྩི ཝཛྫནྟི – ཨནཝཛྫབལཾ. ཨརཏིཡཱ པཧཱིནཏྟཱ པཱམོཛྫེ ནཏྠི ཀིཉྩི ཝཛྫནྟི ཨནཝཛྫབལཾ. ནཱིཝརཎཱནཾ པཧཱིནཏྟཱ པཋམཛ྄ཛྷཱནེ ནཏྠི ཀིཉྩི ཝཛྫནྟི – ཨནཝཛྫབལཾ…པེ… སབྦཀིལེསཱནཾ པཧཱིནཏྟཱ ཨརཧཏྟམགྒེ ནཏྠི ཀིཉྩི ཝཛྫནྟི – ཨནཝཛྫབལཾ. ཨིདཾ ཨནཝཛྫབལཾ.

ཀཏམཾ ¶ སངྒཧབལཾ? ཀཱམཙྪནྡཾ པཛཧནྟོ ནེཀྑམྨཝསེན ཙིཏྟཾ སངྒཎྷཱཏཱིཏི – སངྒཧབལཾ. བྱཱཔཱདཾ པཛཧནྟོ ཨབྱཱཔཱདཝསེན ཙིཏྟཾ སངྒཎྷཱཏཱིཏི – སངྒཧབལཾ. ཐིནམིདྡྷཾ པཛཧནྟོ ཨཱལོཀསཉྙཱཝསེན ཙིཏྟཾ སངྒཎྷཱཏཱིཏི – སངྒཧབལཾ…པེ… སབྦཀིལེསེ པཛཧནྟོ ཨརཧཏྟམགྒཝསེན ཙིཏྟཾ སངྒཎྷཱཏཱིཏི – སངྒཧབལཾ. ཨིདཾ སངྒཧབལཾ.

ཀཏམཾ ¶ ཁནྟིབལཾ? ཀཱམཙྪནྡསྶ པཧཱིནཏྟཱ ནེཀྑམྨཾ ཁམཏཱིཏི – ཁནྟིབལཾ. བྱཱཔཱདསྶ པཧཱིནཏྟཱ ཨབྱཱཔཱདོ ཁམཏཱིཏི – ཁནྟིབལཾ. ཐིནམིདྡྷསྶ པཧཱིནཏྟཱ ཨཱལོཀསཉྙཱ ཁམཏཱིཏི – ཁནྟིབལཾ. ཨུདྡྷཙྩསྶ པཧཱིནཏྟཱ ཨཝིཀྑེཔོ ཁམཏཱིཏི – ཁནྟིབལཾ. ཝིཙིཀིཙྪཱཡ པཧཱིནཏྟཱ ¶ དྷམྨཝཝཏྠཱནཾ ཁམཏཱིཏི – ཁནྟིབལཾ. ཨཝིཛྫཱཡ པཧཱིནཏྟཱ ¶ ཉཱཎཾ ཁམཏཱིཏི – ཁནྟིབལཾ. ཨརཏིཡཱ པཧཱིནཏྟཱ པཱམོཛྫཾ ཁམཏཱིཏི – ཁནྟིབལཾ. ནཱིཝརཎཱནཾ པཧཱིནཏྟཱ པཋམཾ ཛྷཱནཾ ཁམཏཱིཏི – ཁནྟིབལཾ…པེ… སབྦཀིལེསཱནཾ པཧཱིནཏྟཱ ཨརཧཏྟམགྒོ ཁམཏཱིཏི – ཁནྟིབལཾ. ཨིདཾ ཁནྟིབལཾ.

ཀཏམཾ པཉྙཏྟིབལཾ? ཀཱམཙྪནྡཾ པཛཧནྟོ ནེཀྑམྨཝསེན ཙིཏྟཾ པཉྙཔེཏཱིཏི – པཉྙཏྟིབལཾ. བྱཱཔཱདཾ པཛཧནྟོ ཨབྱཱཔཱདཝསེན ཙིཏྟཾ པཉྙཔེཏཱིཏི – པཉྙཏྟིབལཾ. ཐིནམིདྡྷཾ པཛཧནྟོ ཨཱལོཀསཉྙཱཝསེན ཙིཏྟཾ པཉྙཔེཏཱིཏི – པཉྙཏྟིབལཾ…པེ… སབྦཀིལེསེ པཛཧནྟོ ཨརཧཏྟམགྒཝསེན ཙིཏྟཾ པཉྙཔེཏཱིཏི – པཉྙཏྟིབལཾ. ཨིདཾ པཉྙཏྟིབལཾ.

ཀཏམཾ ནིཛ྄ཛྷཏྟིབལཾ? ཀཱམཙྪནྡཾ པཛཧནྟོ ནེཀྑམྨཝསེན ཙིཏྟཾ ནིཛ྄ཛྷཱཔེཏཱིཏི – ནིཛ྄ཛྷཏྟིབལཾ. བྱཱཔཱདཾ པཛཧནྟོ ཨབྱཱཔཱདཝསེན ཙིཏྟཾ ནིཛ྄ཛྷཱཔེཏཱིཏི – ནིཛ྄ཛྷཏྟིབལཾ. ཐིནམིདྡྷཾ པཛཧནྟོ ཨཱལོཀསཉྙཱཝསེན ཙིཏྟཾ ནིཛ྄ཛྷཱཔེཏཱིཏི – ནིཛ྄ཛྷཏྟིབལཾ…པེ… སབྦཀིལེསེ པཛཧནྟོ ཨརཧཏྟམགྒཝསེན ཙིཏྟཾ ནིཛ྄ཛྷཱཔེཏཱིཏི – ནིཛ྄ཛྷཏྟིབལཾ. ཨིདཾ ནིཛ྄ཛྷཏྟིབལཾ.

ཀཏམཾ ཨིསྶརིཡབལཾ? ཀཱམཙྪནྡཾ པཛཧནྟོ ནེཀྑམྨཝསེན ཙིཏྟཾ ཝསཾ ཝཏྟེཏཱིཏི – ཨིསྶརིཡབལཾ. བྱཱཔཱདཾ པཛཧནྟོ ཨབྱཱཔཱདཝསེན ཙིཏྟཾ ཝསཾ ཝཏྟེཏཱིཏི – ཨིསྶརིཡབལཾ. ཐིནམིདྡྷཾ པཛཧནྟོ ཨཱལོཀསཉྙཱཝསེན ¶ ཙིཏྟཾ ཝསཾ ཝཏྟེཏཱིཏི – ཨིསྶརིཡབལཾ…པེ… སབྦཀིལེསེ པཛཧནྟོ ཨརཧཏྟམགྒཝསེན ཙིཏྟཾ ཝསཾ ཝཏྟེཏཱིཏི – ཨིསྶརིཡབལཾ. ཨིདཾ ཨིསྶརིཡབལཾ.

ཀཏམཾ ཨདྷིཊྛཱནབལཾ? ཀཱམཙྪནྡཾ པཛཧནྟོ ནེཀྑམྨཝསེན ཙིཏྟཾ ཨདྷིཊྛཱཏཱིཏི – ཨདྷིཊྛཱནབལཾ. བྱཱཔཱདཾ པཛཧནྟོ ཨབྱཱཔཱདཝསེན ཙིཏྟཾ ཨདྷིཊྛཱཏཱིཏི ¶ – ཨདྷིཊྛཱནབལཾ. ཐིནམིདྡྷཾ པཛཧནྟོ ཨཱལོཀསཉྙཱཝསེན ¶ ཙིཏྟཾ ཨདྷིཊྛཱཏཱིཏི – ཨདྷིཊྛཱནབལཾ…པེ… སབྦཀིལེསེ པཛཧནྟོ ཨརཧཏྟམགྒཝསེན ཙིཏྟཾ ཨདྷིཊྛཱཏཱིཏི – ཨདྷིཊྛཱནབལཾ. ཨིདཾ ཨདྷིཊྛཱནབལཾ.

ཀཏམཾ སམཐབལཾ? ནེཀྑམྨཝསེན ཙིཏྟསྶ ཨེཀགྒཏཱ ཨཝིཀྑེཔོ སམཐབལཾ, ཨབྱཱཔཱདཝསེན ཙིཏྟསྶ ཨེཀགྒཏཱ ཨཝིཀྑེཔོ སམཐབལཾ, ཨཱལོཀསཉྙཱཝསེན ཙིཏྟསྶ ཨེཀགྒཏཱ ¶ ཨཝིཀྑེཔོ སམཐབལཾ…པེ… པཊིནིསྶགྒཱནུཔསྶཱི ཨསྶཱསཝསེན ཙིཏྟསྶ ཨེཀགྒཏཱ ཨཝིཀྑེཔོ སམཐབལཾ, པཊིནིསྶགྒཱནུཔསྶཱི པསྶཱསཝསེན ཙིཏྟསྶ ཨེཀགྒཏཱ ཨཝིཀྑེཔོ སམཐབལཾ.

སམཐབལནྟི ཀེནཊྛེན སམཐབལཾ? པཋམེན ཛྷཱནེན ནཱིཝརཎེ ན ཀམྤཏཱིཏི – སམཐབལཾ. དུཏིཡེན ཛྷཱནེན ཝིཏཀྐཝིཙཱརེ ན ཀམྤཏཱིཏི – སམཐབལཾ. ཏཏིཡེན ཛྷཱནེན པཱིཏིཡཱ ན ཀམྤཏཱིཏི – སམཐབལཾ. ཙཏུཏྠེན ཛྷཱནེན སུཁདུཀྑེ ན ཀམྤཏཱིཏི – སམཐབལཾ. ཨཱཀཱསཱནཉྩཱཡཏནསམཱཔཏྟིཡཱ རཱུཔསཉྙཱཡ པཊིགྷསཉྙཱཡ ནཱནཏྟསཉྙཱཡ ན ཀམྤཏཱིཏི – སམཐབལཾ ¶ . ཝིཉྙཱཎཉྩཱཡཏནསམཱཔཏྟིཡཱ ཨཱཀཱསཱནཉྩཱཡཏནསཉྙཱཡ ན ཀམྤཏཱིཏི – སམཐབལཾ. ཨཱཀིཉྩཉྙཱཡཏནསམཱཔཏྟིཡཱ ཝིཉྙཱཎཉྩཱཡཏནསཉྙཱཡ ན ཀམྤཏཱིཏི – སམཐབལཾ. ནེཝསཉྙཱནཱསཉྙཱཡཏནསམཱཔཏྟིཡཱ ཨཱཀིཉྩཉྙཱཡཏནསཉྙཱཡ ན ཀམྤཏཱིཏི – སམཐབལཾ. ཨུདྡྷཙྩེ ཙ ཨུདྡྷཙྩསཧགཏཀིལེསེ ཙ ཁནྡྷེ ཙ ན ཀམྤཏཱི ན ཙལཏི ན ཝེདྷཏཱིཏི – སམཐབལཾ. ཨིདཾ སམཐབལཾ.

ཀཏམཾ ཝིཔསྶནཱབལཾ? ཨནིཙྩཱནུཔསྶནཱ ཝིཔསྶནཱབལཾ, དུཀྑཱནུཔསྶནཱ ཝིཔསྶནཱབལཾ…པེ… པཊིནིསྶགྒཱནུཔསྶནཱ ཝིཔསྶནཱབལཾ, རཱུཔེ ཨནིཙྩཱནུཔསྶནཱ ཝིཔསྶནཱབལཾ, རཱུཔེ དུཀྑཱནུཔསྶནཱ ཝིཔསྶནཱབལཾ…པེ… རཱུཔེ པཊིནསྶགྒཱནུཔསྶནཱ ཝིཔསྶནཱབལཾ, ཝེདནཱཡ…པེ… སཉྙཱཡ… སངྑཱརེསུ… ཝིཉྙཱཎེ… ཙཀྑུསྨིཾ…པེ… ཛརཱམརཎེ ཨནིཙྩཱནུཔསྶནཱ ཝིཔསྶནཱབལཾ, ཛརཱམརཎེ དུཀྑཱནུཔསྶནཱ ཝིཔསྶནཱབལཾ…པེ… ཛརཱམརཎེ པཊིནིསྶགྒཱནུཔསྶནཱ ཝིཔསྶནཱབལཾ. ཝིཔསྶནཱབལནྟི ཀེནཊྛེན ཝིཔསྶནཱབལཾ? ཨནིཙྩཱནུཔསྶནཱཡ ནིཙྩསཉྙཱཡ ན ཀམྤཏཱིཏི – ཝིཔསྶནཱབལཾ. དུཀྑཱནུཔསྶནཱཡ སུཁསཉྙཱཡ ན ཀམྤཏཱིཏི – ཝིཔསྶནཱབལཾ. ཨནཏྟཱནུཔསྶནཱཡ ཨཏྟསཉྙཱཡ ¶ ཀམྤཏཱིཏི – ཝིཔསྶནཱབལཾ. ནིབྦིདཱནུཔསྶནཱཡ ནནྡིཡཱ ན ཀམྤཏཱིཏི – ཝིཔསྶནཱབལཾ. ཝིརཱགཱནུཔསྶནཱཡ རཱགེ ན ཀམྤཏཱིཏི – ཝིཔསྶནཱབལཾ. ནིརོདྷཱནུཔསྶནཱ ¶ སམུདཡེ ན ཀམྤཏཱིཏི – ཝིཔསྶནཱབལཾ ¶ . པཊིནིསྶགྒཱནུཔསྶནཱཡ ཨཱདཱནེ ན ཀམྤཏཱིཏི – ཝིཔསྶནཱབལཾ. ཨཝིཛྫཱཡ ཨཝིཛྫཱསཧགཏཀིལེསེ ཙ ཁནྡྷེ ཙ ན ཀམྤཏི ན ཙལཏི ན ཝེདྷཏཱིཏི – ཝིཔསྶནཱབལཾ. ཨིདཾ ཝིཔསྶནཱབལཾ.

ཀཏམཱནི དས སེཁབལཱནི, དས ཨསེཁབལཱནི? སམྨཱདིཊྛིཾ [སམྨཱདིཊྛི (ཀ.) ཨེཝམཱིདིསེསུ ནཝསུ པདེསུ དུཏིཡནྟཝཙནེན. དཱི. ནི. ༣.༣༤༨ པསྶིཏབྦཱ] སིཀྑཏཱིཏི – སེཁབལཾ. ཏཏྠ སིཀྑིཏཏྟཱ ཨསེཁབལཾ. སམྨཱསངྐཔྤཾ སིཀྑཏཱིཏི – སེཁབལཾ. ཏཏྠ སིཀྑིཏཏྟཱ – ཨསེཁབལཾ ¶ . སམྨཱཝཱཙཾ…པེ… སམྨཱཀམྨནྟཾ… སམྨཱཨཱཛཱིཝཾ… སམྨཱཝཱཡཱམཾ… སམྨཱསཏིཾ… སམྨཱསམཱདྷིཾ… སམྨཱཉཱཎཾ…པེ… སམྨཱཝིམུཏྟིཾ སིཀྑཏཱིཏི – སེཁབལཾ. ཏཏྠ སིཀྑིཏཏྟཱ – ཨསེཁབལཾ. ཨིམཱནི དས སེཁབལཱནི, དས ཨསེཁབལཱནི.

ཀཏམཱནི དས ཁཱིཎཱསཝབལཱནི? [ཨ. ནི. ༡༠.༩༠ པསྶིཏབྦཱ] ཨིདྷ ཁཱིཎཱསཝསྶ བྷིཀྑུནོ ཨནིཙྩཏོ སབྦེ སངྑཱརཱ ཡཐཱབྷཱུཏཾ སམྨཔྤཉྙཱཡ སུདིཊྛཱ ཧོནྟི. ཡམྤི ཁཱིཎཱསཝསྶ བྷིཀྑུནོ ཨནིཙྩཏོ སབྦེ སངྑཱརཱ ཡཐཱབྷཱུཏཾ སམྨཔྤཉྙཱཡ སུདིཊྛཱ ཧོནྟི, ཨིདམྤི ཁཱིཎཱསཝསྶ བྷིཀྑུནོ བལཾ ཧོཏི, ཡཾ བལཾ ཨཱགམྨ ཁཱིཎཱསཝོ བྷིཀྑུ ཨཱསཝཱནཾ ཁཡཾ པཊིཛཱནཱཏི – ‘‘ཁཱིཎཱ མེ ཨཱསཝཱ’’ཏི.

པུན ཙཔརཾ ཁཱིཎཱསཝསྶ བྷིཀྑུནོ ཨངྒཱརཀཱསཱུཔམཱ ཀཱམཱ ཡཐཱབྷཱུཏཾ སམྨཔྤཉྙཱཡ སུདིཊྛཱ ཧོནྟི. ཡམྤི ཁཱིཎཱསཝསྶ བྷིཀྑུནོ ཨངྒཱརཀཱསཱུཔམཱ ཀཱམཱ ཡཐཱབྷཱུཏཾ སམྨཔྤཉྙཱཡ སུདིཊྛཱ ཧོནྟི, ཨིདམྤི ཁཱིཎཱསཝསྶ བྷིཀྑུནོ བལཾ ཧོཏི, ཡཾ བལཾ ཨཱགམྨ ཁཱིཎཱསཝོ བྷིཀྑུ ¶ ཨཱསཝཱནཾ ཁཡཾ པཊིཛཱནཱཏི – ‘‘ཁཱིཎཱ མེ ཨཱསཝཱ’’ཏི.

པུན ཙཔརཾ ཁཱིཎཱསཝསྶ བྷིཀྑུནོ ཝིཝེཀནིནྣཾ ཙིཏྟཾ ཧོཏི ཝིཝེཀཔོཎཾ ཝིཝེཀཔབྦྷཱརཾ ཝིཝེཀཊྛཾ ནེཀྑམྨཱབྷིརཏཾ བྱནྟཱིབྷཱུཏཾ [བྱནྟིབྷཱུཏཾ (ཀ.)] སབྦསོ ཨཱསཝཊྛཱནིཡེཧི དྷམྨེཧི. ཡམྤི ཁཱིཎཱསཝསྶ བྷིཀྑུནོ ཝིཝེཀནིནྣཾ ཙིཏྟཾ ཧོཏི ཝིཝེཀཔོཎཾ ཝིཝེཀཔབྦྷཱརཾ ཝིཝེཀཊྛཾ ནེཀྑམྨཱབྷིརཏཾ བྱནྟིབྷཱུཏཾ སབྦསོ ཨཱསཝཊྛཱནིཡེཧི དྷམྨེཧི, ཨིདམྤི ཁཱིཎཱསཝསྶ བྷིཀྑུནོ བལཾ ¶ ཧོཏི, ཡཾ བལཾ ཨཱགམྨ ཁཱིཎཱསཝོ བྷིཀྑུ ཨཱསཝཱནཾ ཁཡཾ པཊིཛཱནཱཏི – ‘‘ཁཱིཎཱ མེ ཨཱསཝཱ’’ཏི.

པུན ¶ ཙཔརཾ ཁཱིཎཱསཝསྶ བྷིཀྑུནོ ཙཏྟཱརོ སཏིཔཊྛཱནཱ བྷཱཝིཏཱ ཧོནྟི སུབྷཱཝིཏཱ. ཡམྤི ཁཱིཎཱསཝསྶ བྷིཀྑུནོ ཙཏྟཱརོ སཏིཔཊྛཱནཱ བྷཱཝིཏཱ ཧོནྟི སུབྷཱཝིཏཱ, ཨིདམྤི ཁཱིཎཱསཝསྶ བྷིཀྑུནོ བལཾ ཧོཏི, ཡཾ བལཾ ཨཱགམྨ ཁཱིཎཱསཝོ བྷིཀྑུ ཨཱསཝཱནཾ ཁཡཾ པཊིཛཱནཱཏི – ‘‘ཁཱིཎཱ མེ ཨཱསཝཱ’’ཏི.

པུན ཙཔརཾ ཁཱིཎཱསཝསྶ བྷིཀྑུནོ ཙཏྟཱརོ སམྨཔྤདྷཱནཱ བྷཱཝིཏཱ ཧོནྟི སུབྷཱཝིཏཱ…པེ… ཙཏྟཱརོ ཨིདྡྷིཔཱདཱ བྷཱཝིཏཱ ཧོནྟི སུབྷཱཝིཏཱ… པཉྩིནྡྲིཡཱནི བྷཱཝིཏཱནི ཧོནྟི སུབྷཱཝིཏཱནི… པཉྩ བལཱནི བྷཱཝིཏཱནི ཧོནྟི སུབྷཱཝིཏཱནི… སཏྟ བོཛ྄ཛྷངྒཱ ¶ བྷཱཝིཏཱ ཧོནྟི སུབྷཱཝིཏཱ…པེ… ཨརིཡོ ཨཊྛངྒིཀོ མགྒོ བྷཱཝིཏོ ཧོཏི སུབྷཱཝིཏོ. ཡམྤི ཁཱིཎཱསཝསྶ བྷིཀྑུནོ ཨཊྛངྒིཀོ མགྒོ བྷཱཝིཏོ ཧོཏི སུབྷཱཝིཏོ, ཨིདམྤི ཁཱིཎཱསཝསྶ བྷིཀྑུནོ བལཾ ཧོཏི, ཡཾ བལཾ ¶ ཨཱགམྨ ཁཱིཎཱསཝོ བྷིཀྑུ ཨཱསཝཱནཾ ཁཡཾ པཊིཛཱནཱཏི – ‘‘ཁཱིཎཱ མེ ཨཱསཝཱ’’ཏི. ཨིམཱནི དས ཁཱིཎཱསཝབལཱནི.

ཀཏམཱནི དས ཨིདྡྷིབལཱནི? ཨདྷིཊྛཱནཱ ཨིདྡྷི, ཝིཀུབྦནཱ ཨིདྡྷི, མནོམཡཱ ཨིདྡྷི, ཉཱཎཝིཔྥཱརཱ ཨིདྡྷི, སམཱདྷིཝིཔྥཱརཱ ཨིདྡྷི, ཨརིཡཱ ཨིདྡྷི, ཀམྨཝིཔཱཀཛཱ ཨིདྡྷི, པུཉྙཝཏོ ཨིདྡྷི, ཝིཛྫཱམཡཱ ཨིདྡྷི, ཏཏྠ ཏཏྠ སམྨཱ པཡོགཔྤཙྩཡཱ ཨིཛ྄ཛྷནཊྛེན ཨིདྡྷི – ཨིམཱནི དས ཨིདྡྷིབལཱནི.

ཀཏམཱནི དས ཏཐཱགཏབལཱནི? ཨིདྷ ཏཐཱགཏོ ཋཱནཉྩ ཋཱནཏོ ཨཊྛཱནཉྩ ཨཊྛཱནཏོ ཡཐཱབྷཱུཏཾ པཛཱནཱཏི. ཡམྤི ཏཐཱགཏོ ཋཱནཉྩ ཋཱནཏོ ཨཊྛཱནཉྩ ཨཊྛཱནཏོ ཡཐཱབྷཱུཏཾ པཛཱནཱཏི, ཨིདམྤི ཏཐཱགཏསྶ ཏཐཱགཏབལཾ ཧོཏི, ཡཾ བལཾ ཨཱགམྨ ཏཐཱགཏོ ཨཱསབྷཾ ཋཱནཾ པཊིཛཱནཱཏི པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏི.

པུན ཙཔརཾ ཏཐཱགཏོ ཨཏཱིཏཱནཱགཏཔཙྩུཔྤནྣཱནཾ ཀམྨསམཱདཱནཱནཾ ཋཱནསོ ཧེཏུསོ ཝིཔཱཀཾ ཡཐཱབྷཱུཏཾ པཛཱནཱཏི. ཡམྤི ཏཐཱགཏོ ཨཏཱིཏཱནཱགཏཔཙྩུཔྤནྣཱནཾ ¶ ཀམྨསམཱདཱནཱནཾ ཋཱནསོ ཧེཏུསོ ཝིཔཱཀཾ ཡཐཱབྷཱུཏཾ པཛཱནཱཏི, ཨིདམྤི ཏཐཱགཏསྶ ཏཐཱགཏབལཾ ཧོཏི, ཡཾ བལཾ ཨཱགམྨ ཏཐཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ སཱིཧནཱདཾ, ནདཏི, བྲཧྨཙཀྐཾ པཝཏྟེཏི.

པུན ¶ ཙཔརཾ ཏཐཱགཏོ སབྦཏྠགཱམིནིཾ པཊིཔདཾ [སབྦཏྠགཱམིནཱིཔཊིཔདཾ (སྱཱ.) མ. ནི. ༡.༡༤༨ པསྶིཏབྦཱ] ཡཐཱབྷཱུཏཾ པཛཱནཱཏི. ཡམྤི ¶ ཏཐཱགཏོ སབྦཏྠགཱམིནིཾ པཊིཔདཾ ཡཐཱབྷཱུཏཾ པཛཱནཱཏི, ཨིདམྤི ཏཐཱགཏསྶ ཏཐཱགཏབལཾ ཧོཏི, ཡཾ བལཾ ཨཱགམྨ ཏཐཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏི.

པུན ཙཔརཾ ཏཐཱགཏོ ཨནེཀདྷཱཏུནཱནཱདྷཱཏུལོཀཾ ཡཐཱབྷཱུཏཾ པཛཱནཱཏི. ཡམྤི ཏཐཱགཏོ ཨནེཀདྷཱཏུནཱནཱདྷཱཏུལོཀཾ ཡཐཱབྷཱུཏཾ པཛཱནཱཏི, ཨིདམྤི ཏཐཱགཏསྶ…པེ….

པུན ཙཔརཾ ཏཐཱགཏོ སཏྟཱནཾ ནཱནཱདྷིམུཏྟིཀཏཾ ཡཐཱབྷཱུཏཾ པཛཱནཱཏི. ཡམྤི ཏཐཱགཏོ སཏྟཱནཾ ནཱནཱདྷིམུཏྟིཀཏཾ ཡཐཱབྷཱུཏཾ པཛཱནཱཏི, ཨིདམྤི ཏཐཱགཏསྶ…པེ….

པུན ¶ ཙཔརཾ ཏཐཱགཏོ པརསཏྟཱནཾ པརཔུགྒལཱནཾ ཨིནྡྲིཡཔརོཔརིཡཏྟཾ ཡཐཱབྷཱུཏཾ པཛཱནཱཏི. ཡམྤི ཏཐཱགཏོ པརསཏྟཱནཾ པརཔུགྒལཱནཾ ཨིནྡྲིཡཔརོཔརིཡཏྟཾ ཡཐཱབྷཱུཏཾ པཛཱནཱཏི, ཨིདམྤི ཏཐཱགཏསྶ…པེ….

པུན ཙཔརཾ ཏཐཱགཏོ ཛྷཱནཝིམོཀྑསམཱདྷིསམཱཔཏྟཱིནཾ སཾཀིལེསཾ ཝོདཱནཾ ཝུཊྛཱནཾ ཡཐཱབྷཱུཏཾ པཛཱནཱཏི. ཡམྤི ཏཐཱགཏོ ཛྷཱནཝིམོཀྑསམཱདྷིསམཱཔཏྟཱིནཾ སཾཀིལེསཾ ཝོདཱནཾ ཝུཊྛཱནཾ ཡཐཱབྷཱུཏཾ པཛཱནཱཏི, ཨིདམྤི ཏཐཱགཏསྶ…པེ….

པུན ཙཔརཾ ཏཐཱགཏོ ཨནེཀཝིཧིཏཾ པུབྦེནིཝཱསཾ ཨནུསྶརཏི, སེཡྻཐིདཾ – ཨེཀམྤི ཛཱཏིཾ དྭེཔི ཛཱཏིཡོ…པེ… ཨིཏི སཱཀཱརཾ སཨུདྡེསཾ ¶ ཨནེཀཝིཧིཏཾ པུབྦེནིཝཱསཾ ཨནུསྶརཏི. ཡམྤི ཏཐཱགཏོ ཨནེཀཝིཧིཏཾ པུབྦེནིཝཱསཾ ཨནུསྶརཏི. སེཡྻཐིདཾ – ཨེཀམྤི ཛཱཏིཾ དྭེཔི ཛཱཏིཡོ…པེ… ཨིདམྤི ཏཐཱགཏསྶ…པེ….

པུན ཙཔརཾ ཏཐཱགཏོ དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶཏི ཙཝམཱནེ ཨུཔཔཛྫམཱནེ…པེ… ཡམྤི ¶ ཏཐཱགཏོ དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶཏི ཙཝམཱནེ ཨུཔཔཛྫམཱནེ…པེ… ཨིདམྤི ཏཐཱགཏསྶ…པེ….

པུན ¶ ཙཔརཾ ཏཐཱགཏོ ཨཱསཝཱནཾ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཏི. ཡམྤི ཏཐཱགཏོ ཨཱསཝཱནཾ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཏི, ཨིདམྤི ཏཐཱགཏསྶ ཏཐཱགཏབལཾ ཧོཏི, ཡཾ བལཾ ཨཱགམྨ ཏཐཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏི. ཨིམཱནི དས ཏཐཱགཏབལཱནི.

༤༥. ཀེནཊྛེན སདྡྷཱབལཾ? ཀེནཊྛེན ཝཱིརིཡབལཾ? ཀེནཊྛེན སཏིབལཾ? ཀེནཊྛེན སམཱདྷིབལཾ? ཀེནཊྛེན པཉྙཱབལཾ? ཀེནཊྛེན ཧིརིབལཾ? ཀེནཊྛེན ཨོཏྟཔྤབལཾ? ཀེནཊྛེན པཊིསངྑཱནབལཾ…པེ… ཀེནཊྛེན ཏཐཱགཏབལཾ?

ཨསྶདྡྷིཡེ ཨཀམྤིཡཊྛེན སདྡྷཱབལཾ. ཀོསཛྫེ ཨཀམྤིཡཊྛེན ཝཱིརིཡབལཾ. པམཱདེ ཨཀམྤིཡཊྛེན སཏིབལཾ. ཨུདྡྷཙྩེ ཨཀམྤིཡཊྛེན སམཱདྷིབལཾ. ཨཝིཛྫཱཡ ཨཀམྤིཡཊྛེན པཉྙཱབལཾ ¶ ¶ . ཧིརཱིཡཏི པཱཔཀེ ཨཀུསལེ དྷམྨེཏི – ཧིརིབལཾ. ཨོཏྟཔྤཏི པཱཔཀེ ཨཀུསལེ དྷམྨེཏི – ཨོཏྟཔྤབལཾ. ཉཱཎེན ཀིལེསེ པཊིསངྑཱཏཱིཏི – པཊིསངྑཱནབལཾ. ཏཏྠ ཛཱཏཱ དྷམྨཱ ཨེཀརསཱ ཧོནྟཱིཏི – བྷཱཝནཱབལཾ. ཏཏྠ ནཏྠི ཀིཉྩི ཝཛྫནྟི – ཨནཝཛྫབལཾ. ཏེན ཙིཏྟཾ སངྒཎྷཱཏཱིཏི – སངྒཧབལཾ. ཏཾ ཏསྶ ཁམཏཱིཏི – [ཏཾ ཁམཏཱིཏི (ཀ.)] ཁནྟིབལཾ. ཏེན ཙིཏྟཾ པཉྙཔེཏཱིཏི – པཉྙཏྟིབལཾ. ཏེན ཙིཏྟཾ ནིཛ྄ཛྷཱཔེཏཱིཏི – ནིཛ྄ཛྷཏྟིབལཾ. ཏེན ཙིཏྟཾ ཝསཾ ཝཏྟེཏཱིཏི – ཨིསྶརིཡབལཾ. ཏེན ཙིཏྟཾ ཨདྷིཊྛཱཏཱིཏི – ཨདྷིཊྛཱནབལཾ. ཏེན ཙིཏྟཾ ཨེཀགྒནྟི – སམཐབལཾ. ཏཏྠ ཛཱཏེ དྷམྨེ ཨནུཔསྶཏཱིཏི – ཝིཔསྶནཱབལཾ. ཏཏྠ སིཀྑཏཱིཏི – སེཁབལཾ. ཏཏྠ སིཀྑིཏཏྟཱ – ཨསེཁབལཾ. ཏེན ཨཱསཝཱ ཁཱིཎཱཏི – ཁཱིཎཱསཝབལཾ. ཏསྶ ཨིཛ྄ཛྷཏཱིཏི – ཨིདྡྷིབལཾ. ཨཔྤམེཡྻཊྛེན ཏཐཱགཏབལནྟི.

བལཀཐཱ ནིཊྛིཏཱ.

༡༠. སུཉྙཀཐཱ

༤༦. ཨེཝཾ ¶ ¶ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཨཐ ཁོ ཨཱཡསྨཱ ཨཱནནྡོ ཡེན བྷགཝཱ ¶ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ –

‘‘‘སུཉྙོ ལོཀོ, སུཉྙོ ལོཀོ’ཏི, བྷནྟེ, ཝུཙྩཏི ¶ . ཀིཏྟཱཝཏཱ ནུ ཁོ, བྷནྟེ, ‘སུཉྙོ ལོཀོ’ཏི ཝུཙྩཏཱི’’ཏི? ‘‘ཡསྨཱ ཁོ, ཨཱནནྡ, སུཉྙཾ ཨཏྟེན ཝཱ ཨཏྟནིཡེན ཝཱ, ཏསྨཱ ‘སུཉྙོ ལོཀོ’ཏི ཝུཙྩཏི. ཀིཉྩཱནནྡ [ཀིཉྩ ཨཱནནྡ སཾ. ནི. ༤.༨༥], སུཉྙཾ ཨཏྟེན ཝཱ ཨཏྟནིཡེན ཝཱ? ཙཀྑུ ཁོ, ཨཱནནྡ, སུཉྙཾ ཨཏྟེན ཝཱ ཨཏྟནིཡེན ཝཱ. རཱུཔཱ སུཉྙཱ ཨཏྟེན ཝཱ ཨཏྟནིཡེན ཝཱ. ཙཀྑུཝིཉྙཱཎཾ སུཉྙཾ ཨཏྟེན ཝཱ ཨཏྟནིཡེན ཝཱ. ཙཀྑུསམྥསྶོ སུཉྙོ ཨཏྟེན ཝཱ ཨཏྟནིཡེན ཝཱ. ཡམྤིདཾ [ཡདིདཾ (ཀ.) སཾ. ནི. ༤.༨༥ པསྶིཏབྦཱ] ཙཀྑུསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ, ཏམྤི སུཉྙཾ ཨཏྟེན ཝཱ ཨཏྟནིཡེན ཝཱ.

‘‘སོཏཾ སུཉྙཾ…པེ… སདྡཱ སུཉྙཱ… གྷཱནཾ སུཉྙཾ… གནྡྷཱ སུཉྙཱ… ཛིཝ྄ཧཱ སུཉྙཱ… རསཱ སུཉྙཱ… ཀཱཡོ སུཉྙོ… ཕོཊྛབྦཱ སུཉྙཱ… མནོ སུཉྙོ ཨཏྟེན ཝཱ ཨཏྟནིཡེན ཝཱ. དྷམྨཱ སུཉྙཱ ཨཏྟེན ཝཱ ཨཏྟནིཡེན ཝཱ. མནོཝིཉྙཱཎཾ སུཉྙཾ ཨཏྟེན ཝཱ ཨཏྟནིཡེན ཝཱ. མནོསམྥསྶོ སུཉྙོ ཨཏྟེན ཝཱ ཨཏྟནིཡེན ཝཱ. ཡམྤིདཾ མནོསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ, ཏམྤི སུཉྙཾ ཨཏྟེན ཝཱ ཨཏྟནིཡེན ཝཱ. ཡསྨཱ ཁོ, ཨཱནནྡ, སུཉྙཾ ཨཏྟེན ཝཱ ཨཏྟནིཡེན ཝཱ ཏསྨཱ ‘སུཉྙོ ལོཀོ’ཏི ཝུཙྩཏཱི’’ཏི.

༡. མཱཏིཀཱ

༤༧. སུཉྙསུཉྙཾ ¶ [སུཉྙཾ སུཉྙཾ (སྱཱ.)], སངྑཱརསུཉྙཾ, ཝིཔརིཎཱམསུཉྙཾ, ཨགྒསུཉྙཾ, ལཀྑཎསུཉྙཾ, ཝིཀྑམྦྷནསུཉྙཾ, ཏདངྒསུཉྙཾ, སམུཙྪེདསུཉྙཾ, པཊིཔྤསྶདྡྷིསུཉྙཾ ¶ , ནིསྶརཎསུཉྙཾ, ཨཛ྄ཛྷཏྟསུཉྙཾ ¶ , བཧིདྡྷཱསུཉྙཾ, དུབྷཏོསུཉྙཾ, སབྷཱགསུཉྙཾ, ཝིསབྷཱགསུཉྙཾ, ཨེསནཱསུཉྙཾ, པརིགྒཧསུཉྙཾ, པཊིལཱབྷསུཉྙཾ, པཊིཝེདྷསུཉྙཾ, ཨེཀཏྟསུཉྙཾ, ནཱནཏྟསུཉྙཾ, ཁནྟིསུཉྙཾ, ཨདྷིཊྛཱནསུཉྙཾ, པརིཡོགཱཧཎསུཉྙཾ [པརིཡོགཱཧནསུཉྙཾ (སྱཱ.)], སམྤཛཱནསྶ པཝཏྟཔརིཡཱདཱནཾ སབྦསུཉྙཏཱནཾ པརམཏྠསུཉྙཾ.

༢. ནིདྡེསོ

༤༨. ཀཏམཾ ¶ སུཉྙསུཉྙཾ? ཙཀྑུ སུཉྙཾ ཨཏྟེན ཝཱ ཨཏྟནིཡེན ཝཱ ནིཙྩེན ཝཱ དྷུཝེན ཝཱ སསྶཏེན ཝཱ ཨཝིཔརིཎཱམདྷམྨེན ཝཱ. སོཏཾ སུཉྙཾ…པེ… གྷཱནཾ སུཉྙཾ… ཛིཝ྄ཧཱ སུཉྙཱ… ཀཱཡོ སུཉྙོ… མནོ སུཉྙོ ཨཏྟེན ཝཱ ཨཏྟནིཡེན ཝཱ ནིཙྩེན ཝཱ དྷུཝེན ཝཱ སསྶཏེན ཝཱ ཨཝིཔརིཎཱམདྷམྨེན ཝཱ. ཨིདཾ སུཉྙསུཉྙཾ.

ཀཏམཾ སངྑཱརསུཉྙཾ? ཏཡོ སངྑཱརཱ – པུཉྙཱབྷིསངྑཱརོ, ཨཔུཉྙཱབྷིསངྑཱརོ, ཨཱནེཉྫཱབྷིསངྑཱརོ. པུཉྙཱབྷིསངྑཱརོ ཨཔུཉྙཱབྷིསངྑཱརེན ཙ ཨཱནེཉྫཱབྷིསངྑཱརེན ཙ སུཉྙོ. ཨཔུཉྙཱབྷིསངྑཱརོ པུཉྙཱབྷིསངྑཱརེན ཙ ཨཱནེཉྫཱབྷིསངྑཱརེན ཙ སུཉྙོ. ཨཱནེཉྫཱབྷིསངྑཱརོ པུཉྙཱབྷིསངྑཱརེན ཙ ཨཔུཉྙཱབྷིསངྑཱརེན ཙ སུཉྙོ. ཨིམེ ཏཡོ སངྑཱརཱ.

ཨཔརེཔི ཏཡོ སངྑཱརཱ – ཀཱཡསངྑཱརོ, ཝཙཱིསངྑཱརོ, ཙིཏྟསངྑཱརོ. ཀཱཡསངྑཱརོ ཝཙཱིསངྑཱརེན ཙ ཙིཏྟསངྑཱརེན ཙ སུཉྙོ. ཝཙཱིསངྑཱརོ ཀཱཡསངྑཱརེན ཙ ཙིཏྟསངྑཱརེན ཙ སུཉྙོ. ཙིཏྟསངྑཱརོ ཀཱཡསངྑཱརེན ¶ ཙ ཝཙཱིསངྑཱརེན ཙ སུཉྙོ. ཨིམེ ཏཡོ སངྑཱརཱ.

ཨཔརེཔི ཏཡོ སངྑཱརཱ – ཨཏཱིཏཱ སངྑཱརཱ, ཨནཱགཏཱ སངྑཱརཱ, པཙྩུཔྤནྣཱ སངྑཱརཱ. ཨཏཱིཏཱ སངྑཱརཱ ཨནཱགཏེཧི ཙ པཙྩུཔྤནྣེཧི ཙ སངྑཱརེཧི སུཉྙཱ. ཨནཱགཏཱ སངྑཱརཱ ཨཏཱིཏེཧི ཙ པཙྩུཔྤནྣེཧི ཙ སངྑཱརེཧི སུཉྙཱ པཙྩུཔྤནྣཱ སངྑཱརཱ ཨཏཱིཏེཧི ཙ ཨནཱགཏེཧི ཙ སངྑཱརེཧི སུཉྙཱ. ཨིམེ ཏཡོ སངྑཱརཱ; ཨིདཾ སངྑཱརསུཉྙཾ.

ཀཏམཾ ཝིཔརིཎཱམསུཉྙཾ? ཛཱཏཾ རཱུཔཾ སབྷཱཝེན སུཉྙཾ. ཝིགཏཾ རཱུཔཾ ཝིཔརིཎཏཉྩེཝ སུཉྙཉྩ. ཛཱཏཱ ཝེདནཱ སབྷཱཝེན སུཉྙཱ. ཝིགཏཱ ཝེདནཱ ཝིཔརིཎཏཱ ཙེཝ སུཉྙཱ ཙ ¶ …པེ… ཛཱཏཱ སཉྙཱ… ཛཱཏཱ སངྑཱརཱ… ཛཱཏཾ ཝིཉྙཱཎཾ… ཛཱཏཾ ཙཀྑུ…པེ… ཛཱཏོ བྷཝོ སབྷཱཝེན ¶ སུཉྙོ. ཝིགཏོ བྷཝོ ཝིཔརིཎཏོ ཙེཝ སུཉྙོ ཙ. ཨིདཾ ཝིཔརིཎཱམསུཉྙཾ.

ཀཏམཾ ཨགྒསུཉྙཾ? ཨགྒམེཏཾ པདཾ སེཊྛམེཏཾ པདཾ ཝིསིཊྛམེཏཾ [ཝིསེཊྛམེཏཾ (ཀ.)] པདཾ ཡདིདཾ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཀྑཡོ ཝིརཱགོ ནིརོདྷོ ནིབྦཱནཾ. ཨིདཾ ཨགྒསུཉྙཾ.

ཀཏམཾ ¶ ལཀྑཎསུཉྙཾ? དྭེ ལཀྑཎཱནི – བཱལལཀྑཎཉྩ པཎྜིཏལཀྑཎཉྩ. བཱལལཀྑཎཾ པཎྜིཏལཀྑཎེན སུཉྙཾ. པཎྜིཏལཀྑཎཾ བཱལལཀྑཎེན སུཉྙཾ. ཏཱིཎི ལཀྑཎཱནི – ཨུཔྤཱདལཀྑཎཾ, ཝཡལཀྑཎཾ, ཋིཏཉྙཐཏྟལཀྑཎཾ. ཨུཔྤཱདལཀྑཎཾ ཝཡལཀྑཎེན ཙ ཋིཏཉྙཐཏྟལཀྑཎེན ཙ སུཉྙཾ. ཝཡལཀྑཎཾ ཨུཔྤཱདལཀྑཎེན ¶ ཙ ཋིཏཉྙཐཏྟལཀྑཎེན ཙ སུཉྙཾ, ཋིཏཉྙཐཏྟལཀྑཎཾ ཨུཔྤཱདལཀྑཎེན ཙ ཝཡལཀྑཎེན ཙ སུཉྙཾ.

རཱུཔསྶ ཨུཔྤཱདལཀྑཎཾ ཝཡལཀྑཎེན ཙ ཋིཏཉྙཐཏྟལཀྑཎེན ཙ སུཉྙཾ. རཱུཔསྶ ཝཡལཀྑཎཾ ཨུཔྤཱདལཀྑཎེན ཙ ཋིཏཉྙཐཏྟལཀྑཎེན ཙ སུཉྙཾ. རཱུཔསྶ ཋིཏཉྙཐཏྟལཀྑཎཾ ཨུཔྤཱདལཀྑཎེན ཙ ཝཡལཀྑཎེན ཙ སུཉྙཾ. ཝེདནཱཡ…པེ… སཉྙཱཡ… སངྑཱརཱནཾ… ཝིཉྙཱཎསྶ… ཙཀྑུསྶ… ཛརཱམརཎསྶ ཨུཔྤཱདལཀྑཎཾ ཝཡལཀྑཎེན ཙ ཋིཏཉྙཐཏྟལཀྑཎེན ཙ སུཉྙཾ. ཛརཱམརཎསྶ ཝཡལཀྑཎཾ ཨུཔྤཱདལཀྑཎེན ཙ ཋིཏཉྙཐཏྟལཀྑཎེན ཙ སུཉྙཾ. ཛརཱམརཎསྶ ཋིཏཉྙཐཏྟལཀྑཎཾ ཨུཔྤཱདལཀྑཎེན ཙ ཝཡལཀྑཎེན ཙ སུཉྙཾ. ཨིདཾ ལཀྑཎསུཉྙཾ.

ཀཏམཾ ཝིཀྑམྦྷནསུཉྙཾ? ནེཀྑམྨེན ཀཱམཙྪནྡོ ཝིཀྑམྦྷིཏོ ཙེཝ སུཉྙོ ཙ. ཨབྱཱཔཱདེན བྱཱཔཱདོ ཝིཀྑམྦྷིཏོ ཙེཝ སུཉྙོ ཙ. ཨཱལོཀསཉྙཱཡ ཐིནམིདྡྷཾ ཝིཀྑམྦྷིཏཉྩེཝ སུཉྙཉྩ. ཨཝིཀྑེཔེན ཨུདྡྷཙྩཾ ཝིཀྑམྦྷིཏཉྩེཝ སུཉྙཉྩ. དྷམྨཝཝཏྠཱནེན ཝིཙིཀིཙྪཱ ཝིཀྑམྦྷིཏཱ ཙེཝ སུཉྙཱ ཙ. ཉཱཎེན ཨཝིཛྫཱ ཝིཀྑམྦྷིཏཱ ཙེཝ སུཉྙཱ ཙ. པཱམོཛྫེན ཨརཏི ཝིཀྑམྦྷིཏཱ ཙེཝ སུཉྙཱ ཙ. པཋམེན ཛྷཱནེན ནཱིཝརཎཱ ཝིཀྑམྦྷིཏཱ ཙེཝ སུཉྙཱ ཙ…པེ… ཨརཧཏྟམགྒེན སབྦཀིལེསཱ ཝིཀྑམྦྷིཏཱ ཙེཝ སུཉྙཱ ཙ. ཨིདཾ ཝིཀྑམྦྷནསུཉྙཾ.

ཀཏམཾ ¶ ¶ ¶ ཏདངྒསུཉྙཾ? ནེཀྑམྨེན ཀཱམཙྪནྡོ ཏདངྒསུཉྙོ. ཨབྱཱཔཱདེན བྱཱཔཱདོ ཏདངྒསུཉྙོ. ཨཱལོཀསཉྙཱཡ ཐིནམིདྡྷཾ ཏདངྒསུཉྙཾ. ཨཝིཀྑེཔེན ཨུདྡྷཙྩཾ ཏདངྒསུཉྙཾ. དྷམྨཝཝཏྠཱནེན ཝིཙིཀིཙྪཱ ཏདངྒསུཉྙཱ. ཉཱཎེན ཨཝིཛྫཱ ཏདངྒསུཉྙཱ. པཱམོཛྫེན ཨརཏི ཏདངྒསུཉྙཱ. པཋམེན ཛྷཱནེན ནཱིཝརཎཱ ཏདངྒསུཉྙཱ…པེ… ཝིཝཊྚནཱནུཔསྶནཱཡ སཉྙོགཱབྷིནིཝེསོ ཏདངྒསུཉྙོ. ཨིདཾ ཏདངྒསུཉྙཾ.

ཀཏམཾ སམུཙྪེདསུཉྙཾ? ནེཀྑམྨེན ཀཱམཙྪནྡོ སམུཙྪིནྣོ ཙེཝ སུཉྙོ ཙ. ཨབྱཱཔཱདེན བྱཱཔཱདོ སམུཙྪིནྣོ ཙེཝ སུཉྙོ ཙ. ཨཱལོཀསཉྙཱཡ ¶ ཐིནམིདྡྷཾ སམུཙྪིནྣཉྩེཝ སུཉྙཉྩ. ཨཝིཀྑེཔེན ཨུདྡྷཙྩཾ སམུཙྪིནྣཉྩེཝ སུཉྙཉྩ. དྷམྨཝཝཏྠཱནེན ཝིཙིཀིཙྪཱ སམུཙྪིནྣཱ ཙེཝ སུཉྙཱ ཙ. ཉཱཎེན ཨཝིཛྫཱ སམུཙྪིནྣཱ ཙེཝ སུཉྙཱ ཙ. པཱམོཛྫེན ཨརཏི སམུཙྪིནྣཱ ཙེཝ སུཉྙཱ ཙ. པཋམེན ཛྷཱནེན ནཱིཝརཎཱ སམུཙྪིནྣཱ ཙེཝ སུཉྙཱ ཙ…པེ… ཨརཧཏྟམགྒེན སབྦཀིལེསཱ སམུཙྪིནྣཱ ཙེཝ སུཉྙཱ ཙ. ཨིདཾ སམུཙྪེདསུཉྙཾ.

ཀཏམཾ པཊིཔྤསྶདྡྷིསུཉྙཾ? ནེཀྑམྨེན ཀཱམཙྪནྡོ པཊིཔྤསྶདྡྷོ ཙེཝ སུཉྙོ ཙ. ཨབྱཱཔཱདེན བྱཱཔཱདོ པཊིཔྤསྶདྡྷོ ཙེཝ སུཉྙོ ཙ. ཨཱལོཀསཉྙཱཡ ཐིནམིདྡྷཾ པཊིཔྤསྶདྡྷཉྩེཝ སུཉྙཉྩ. ཨཝིཀྑེཔེན ཨུདྡྷཙྩཾ པཊིཔྤསྶདྡྷཉྩེཝ སུཉྙཉྩ ¶ . དྷམྨཝཝཏྠཱནེན ཝིཙིཀིཙྪཱ པཊིཔྤསྶདྡྷཱ ཙེཝ སུཉྙཱ ཙ. ཉཱཎེན ཨཝིཛྫཱ པཊིཔྤསྶདྡྷཱ ཙེཝ སུཉྙཱ ཙ. པཱམོཛྫེན ཨརཏི པཊིཔྤསྶདྡྷཱ ཙེཝ སུཉྙཱ ཙ. པཋམེན ཛྷཱནེན ནཱིཝརཎཱ པཊིཔྤསྶདྡྷཱ ཙེཝ སུཉྙཱ ཙ…པེ… ཨརཧཏྟམགྒེན སབྦཀིལེསཱ པཊིཔྤསྶདྡྷཱ ཙེཝ སུཉྙཱ ཙ. ཨིདཾ པཊིཔྤསྶདྡྷིསུཉྙཾ.

ཀཏམཾ ནིསྶརཎསུཉྙཾ? ནེཀྑམྨེན ཀཱམཙྪནྡོ ནིསྶཊོ ཙེཝ སུཉྙོ ཙ. ཨབྱཱཔཱདེན བྱཱཔཱདོ ནིསྶཊོ ཙེཝ སུཉྙོ ཙ. ཨཱལོཀསཉྙཱཡ ཐིནམིདྡྷཾ ནིསྶཊཉྩེཝ སུཉྙཉྩ. ཨཝིཀྑེཔེན ཨུདྡྷཙྩཾ ནིསྶཊཉྩེཝ སུཉྙཉྩ. དྷམྨཝཝཏྠཱནེན ཝིཙིཀིཙྪཱ ནིསྶཊཱ ཙེཝ སུཉྙཱ ཙ. ཉཱཎེན ཨཝིཛྫཱ ནིསྶཊཱ ཙེཝ སུཉྙཱ ཙ. པཱམོཛྫེན ཨརཏི ནིསྶཊཱ ཙེཝ སུཉྙཱ ཙ. པཋམེན ཛྷཱནེན ནཱིཝརཎཱ ནིསྶཊཱ ཙེཝ སུཉྙཱ ཙ ¶ …པེ… ཨརཧཏྟམགྒེན སབྦཀིལེསཱ ནིསྶཊཱ ཙེཝ སུཉྙཱ ཙ. ཨིདཾ ནིསྶརཎསུཉྙཾ.

ཀཏམཾ ཨཛ྄ཛྷཏྟསུཉྙཾ? ཨཛ྄ཛྷཏྟཾ ཙཀྑུཾ སུཉྙཾ ཨཏྟེན ཝཱ ཨཏྟནིཡེན ཝཱ ནིཙྩེན ཝཱ དྷུཝེན ¶ ཝཱ སསྶཏེན ཝཱ ཨཝིཔརིཎཱམདྷམྨེན ཝཱ. ཨཛ྄ཛྷཏྟཾ སོཏཾ སུཉྙཾ… ཨཛ྄ཛྷཏྟཾ གྷཱནཾ སུཉྙཾ… ཨཛ྄ཛྷཏྟཾ ཛིཝ྄ཧཱ སུཉྙཱ… ཨཛ྄ཛྷཏྟཾ ཀཱཡོ སུཉྙོ… ཨཛ྄ཛྷཏྟཾ མནོ སུཉྙོ ཨཏྟེན ཝཱ ཨཏྟནིཡེན ཝཱ ནིཙྩེན ཝཱ དྷུཝེན ¶ ཝཱ སསྶཏེན ཝཱ ཨཝིཔརིཎཱམདྷམྨེན ཝཱ. ཨིདཾ ཨཛ྄ཛྷཏྟསུཉྙཾ.

ཀཏམཾ བཧིདྡྷཱསུཉྙཾ? བཧིདྡྷཱ རཱུཔཱ སུཉྙཱ…པེ… བཧིདྡྷཱ དྷམྨཱ སུཉྙཱ ཨཏྟེན ཝཱ ཨཏྟནིཡེན ཝཱ ནིཙྩེན ཝཱ དྷུཝེན ཝཱ སསྶཏེན ཝཱ ཨཝིཔརིཎཱམདྷམྨེན ཝཱ. ཨིདཾ བཧིདྡྷཱསུཉྙཾ.

ཀཏམཾ ¶ དུབྷཏོསུཉྙཾ? ཡཉྩ ཨཛ྄ཛྷཏྟཾ ཙཀྑུ ཡེ ཙ བཧིདྡྷཱ རཱུཔཱ ཨུབྷཡམེཏཾ སུཉྙཾ [ཨུབྷཡཏོ ཏཾ སུཉྙཱ (སྱཱ.)] ཨཏྟེན ཝཱ ཨཏྟནིཡེན ཝཱ ནིཙྩེན ཝཱ དྷུཝེན ཝཱ སསྶཏེན ཝཱ ཨཝིཔརིཎཱམདྷམྨེན ཝཱ. ཡཉྩ ཨཛ྄ཛྷཏྟཾ སོཏཾ ཡེ ཙ བཧིདྡྷཱ སདྡཱ…པེ… ཡཉྩ ཨཛ྄ཛྷཏྟཾ གྷཱནཾ ཡེ ཙ བཧིདྡྷཱ གནྡྷཱ… ཡཱ ཙ ཨཛ྄ཛྷཏྟཾ ཛིཝ྄ཧཱ ཡེ ཙ བཧིདྡྷཱ རསཱ… ཡོ ཙ ཨཛ྄ཛྷཏྟཾ ཀཱཡོ ཡེ ཙ བཧིདྡྷཱ ཕོཊྛབྦཱ… ཡོ ཙ ཨཛ྄ཛྷཏྟཾ མནོ ཡེ ཙ བཧིདྡྷཱ དྷམྨཱ ཨུབྷཡམེཏཾ སུཉྙཾ ཨཏྟེན ཝཱ ཨཏྟནིཡེན ཝཱ ནིཙྩེན ཝཱ དྷུཝེན ཝཱ སསྶཏེན ཝཱ ཨཝིཔརིཎཱམདྷམྨེན ཝཱ. ཨིདཾ དུབྷཏོསུཉྙཾ.

ཀཏམཾ སབྷཱགསུཉྙཾ? ཚ ཨཛ྄ཛྷཏྟིཀཱནི ཨཱཡཏནཱནི སབྷཱགཱནི ཙེཝ སུཉྙཱནི ཙ. ཚ བཱཧིརཱནི ཨཱཡཏནཱནི སབྷཱགཱནི ཙེཝ སུཉྙཱནི ཙ. ཚ ཝིཉྙཱཎཀཱཡཱ སབྷཱགཱ ཙེཝ སུཉྙཱ ཙ. ཚ ཕསྶཀཱཡཱ སབྷཱགཱ ཙེཝ སུཉྙཱ ཙ. ཚ ཝེདནཱཀཱཡཱ སབྷཱགཱ ཙེཝ ¶ སུཉྙཱ ཙ. ཚ སཉྙཱཀཱཡཱ སབྷཱགཱ ཙེཝ སུཉྙཱ ཙ. ཚ ཙེཏནཱཀཱཡཱ སབྷཱགཱ ཙེཝ སུཉྙཱ ཙ. ཨིདཾ སབྷཱགསུཉྙཾ.

ཀཏམཾ ཝིསབྷཱགསུཉྙཾ? ཚ ཨཛ྄ཛྷཏྟིཀཱནི ཨཱཡཏནཱནི ཚཧི བཱཧིརེཧི ཨཱཡཏནེཧི ཝིསབྷཱགཱནི ཙེཝ སུཉྙཱནི ཙ. ཚ བཱཧིརཱནི ཨཱཡཏནཱནི ཚཧི ཝིཉྙཱཎཀཱཡེཧི ཝིསབྷཱགཱནི ཙེཝ སུཉྙཱནི ཙ. ཚ ཝིཉྙཱཎཀཱཡཱ ཚཧི ཕསྶཀཱཡེཧི ཝིསབྷཱགཱ ཙེཝ སུཉྙཱ ཙ. ཚ ཕསྶཀཱཡཱ ¶ ཚཧི ཝེདནཱཀཱཡེཧི ཝིསབྷཱགཱ ཙེཝ སུཉྙཱ ཙ. ཚ ཝེདནཱཀཱཡཱ ཚཧི སཉྙཱཀཱཡེཧི ཝིསབྷཱགཱ ཙེཝ སུཉྙཱ ཙ. ཚ སཉྙཱཀཱཡཱ ཚཧི ཙེཏནཱཀཱཡེཧི ཝིསབྷཱགཱ ཙེཝ སུཉྙཱ ཙ. ཨིདཾ ཝིསབྷཱགསུཉྙཾ.

ཀཏམཾ ¶ ཨེསནཱསུཉྙཾ? ནེཀྑམྨེསནཱ ཀཱམཙྪནྡེན སུཉྙཱ. ཨབྱཱཔཱདེསནཱ བྱཱཔཱདེན སུཉྙཱ. ཨཱལོཀསཉྙེསནཱ ཐིནམིདྡྷེན སུཉྙཱ. ཨཝིཀྑེཔེསནཱ ཨུདྡྷཙྩེན སུཉྙཱ. དྷམྨཝཝཏྠཱནེསནཱ ཝིཙིཀིཙྪཱཡ སུཉྙཱ. ཉཱཎེསནཱ ཨཝིཛྫཱཡ སུཉྙཱ. པཱམོཛྫེསནཱ ཨརཏིཡཱ སུཉྙཱ. པཋམཛ྄ཛྷཱནེསནཱ ནཱིཝརཎེཧི སུཉྙཱ…པེ… ཨརཧཏྟམགྒེསནཱ སབྦཀིལེསེཧི སུཉྙཱ. ཨིདཾ ཨེསནཱསུཉྙཾ.

ཀཏམཾ པརིགྒཧསུཉྙཾ? ནེཀྑམྨཔརིགྒཧོ ཀཱམཙྪནྡེན སུཉྙོ. ཨབྱཱཔཱདཔརིགྒཧོ བྱཱཔཱདེན སུཉྙོ. ཨཱལོཀསཉྙཱཔརིགྒཧོ ཐིནམིདྡྷེན ¶ སུཉྙོ. ཨཝིཀྑེཔཔརིགྒཧོ ཨུདྡྷཙྩེན སུཉྙོ ¶ . དྷམྨཝཝཏྠཱནཔརིགྒཧོ ཝིཙིཀིཙྪཱཡ སུཉྙོ. ཉཱཎཔརིགྒཧོ ཨཝིཛྫཱཡ སུཉྙོ. པཱམོཛྫཔརིགྒཧོ ཨརཏིཡཱ སུཉྙོ. པཋམཛ྄ཛྷཱནཔརིགྒཧོ ནཱིཝརཎེཧི སུཉྙོ…པེ… ཨརཧཏྟམགྒཔརིགྒཧོ སབྦཀིལེསེཧི སུཉྙོ. ཨིདཾ པརིགྒཧསུཉྙཾ.

ཀཏམཾ པཊིལཱབྷསུཉྙཾ? ནེཀྑམྨཔཊིལཱབྷོ ཀཱམཙྪནྡེན སུཉྙོ. ཨབྱཱཔཱདཔཊིལཱབྷོ བྱཱཔཱདེན སུཉྙོ. ཨཱལོཀསཉྙཱཔཊིལཱབྷོ ཐིནམིདྡྷེན སུཉྙོ. ཨཝིཀྑེཔཔཊིལཱབྷོ ཨུདྡྷཙྩེན སུཉྙོ. དྷམྨཝཝཏྠཱནཔཊིལཱབྷོ ཝིཙིཀིཙྪཱཡ སུཉྙོ. ཉཱཎཔཊིལཱབྷོ ཨཝིཛྫཱཡ སུཉྙོ. པཱམོཛྫཔཊིལཱབྷོ ཨརཏིཡཱ སུཉྙོ. པཋམཛ྄ཛྷཱནཔཊིལཱབྷོ ནཱིཝརཎེཧི སུཉྙོ…པེ… ཨརཧཏྟམགྒཔཊིལཱབྷོ སབྦཀིལེསེཧི སུཉྙོ. ཨིདཾ པཊིལཱབྷསུཉྙཾ.

ཀཏམཾ པཊིཝེདྷསུཉྙཾ? ནེཀྑམྨཔྤཊིཝེདྷོ ཀཱམཙྪནྡེན སུཉྙོ. ཨབྱཱཔཱདཔྤཊིཝེདྷོ བྱཱཔཱདེན སུཉྙོ. ཨཱལོཀསཉྙཱཔྤཊིཝེདྷོ ཐིནམིདྡྷེན སུཉྙོ. ཨཝིཀྑེཔཔྤཊིཝེདྷོ ཨུདྡྷཙྩེན སུཉྙོ. དྷམྨཝཝཏྠཱནཔྤཊིཝེདྷོ ཝིཙིཀིཙྪཱཡ སུཉྙོ. ཉཱཎཔྤཊིཝེདྷོ ཨཝིཛྫཱཡ སུཉྙོ. པཱམོཛྫཔྤཊིཝེདྷོ ཨརཏིཡཱ སུཉྙོ. པཋམཛ྄ཛྷཱནཔྤཊིཝེདྷོ ནཱིཝརཎེཧི སུཉྙོ…པེ… ཨརཧཏྟམགྒཔྤཊིཝེདྷོ སབྦཀིལེསེཧི སུཉྙོ. ཨིདཾ པཊིཝེདྷསུཉྙཾ.

ཀཏམཾ ¶ ཨེཀཏྟསུཉྙཾ, ནཱནཏྟསུཉྙཾ? ཀཱམཙྪནྡོ ནཱནཏྟཾ, ནེཀྑམྨཾ ཨེཀཏྟཾ. ནེཀྑམྨེཀཏྟཾ ཙེཏཡཏོ ཀཱམཙྪནྡེན ¶ སུཉྙཾ. བྱཱཔཱདོ ནཱནཏྟཾ, ཨབྱཱཔཱདོ ཨེཀཏྟཾ. ཨབྱཱཔཱདེཀཏྟཾ ཙེཏཡཏོ བྱཱཔཱདེན སུཉྙཾ. ཐིནམིདྡྷཾ ནཱནཏྟཾ, ཨཱལོཀསཉྙཱ ཨེཀཏྟཾ. ཨཱལོཀསཉྙེཀཏྟཾ ཙེཏཡཏོ ཐིནམིདྡྷེན སུཉྙཾ. ཨུདྡྷཙྩཾ ནཱནཏྟཾ, ཨཝིཀྑེཔོ ཨེཀཏྟཾ. ཨཝིཀྑེཔེཀཏྟཾ ཙེཏཡཏོ ཨུདྡྷཙྩེན སུཉྙཾ. ཝིཙིཀིཙྪཱ ནཱནཏྟཾ, དྷམྨཝཝཏྠཱནཾ ཨེཀཏྟཾ. དྷམྨཝཝཏྠཱནེཀཏྟཾ ཙེཏཡཏོ ཝིཙིཀིཙྪཱཡ སུཉྙཾ. ཨཝིཛྫཱ ནཱནཏྟཾ, ཉཱཎཾ ཨེཀཏྟཾ. ཉཱཎེཀཏྟཾ ཙེཏཡཏོ ¶ ཨཝིཛྫཱཡ སུཉྙཾ. ཨརཏི ནཱནཏྟཾ, པཱམོཛྫཾ ཨེཀཏྟཾ. པཱམོཛྫེཀཏྟཾ ཙེཏཡཏོ ཨརཏིཡཱ སུཉྙཾ. ནཱིཝརཎཱ ནཱནཏྟཾ, པཋམཛ྄ཛྷཱནཾ ཨེཀཏྟཾ. པཋམཛ྄ཛྷཱནེཀཏྟཾ ཙེཏཡཏོ ནཱིཝརཎེཧི སུཉྙཾ…པེ… སབྦཀིལེསཱ ནཱནཏྟཾ, ཨརཧཏྟམགྒོ ཨེཀཏྟཾ. ཨརཧཏྟམགྒེཀཏྟཾ ¶ ཙེཏཡཏོ སབྦཀིལེསེཧི སུཉྙཾ. ཨིདཾ ཨེཀཏྟསུཉྙཾ ནཱནཏྟསུཉྙཾ.

ཀཏམཾ ཁནྟིསུཉྙཾ? ནེཀྑམྨཁནྟི ཀཱམཙྪནྡེན སུཉྙཱ. ཨབྱཱཔཱདཁནྟི བྱཱཔཱདེན སུཉྙཱ. ཨཱལོཀསཉྙཱཁནྟི ཐིནམིདྡྷེན སུཉྙཱ. ཨཝིཀྑེཔཁནྟི ཨུདྡྷཙྩེན སུཉྙཱ. དྷམྨཝཝཏྠཱནཁནྟི ཝིཙིཀིཙྪཱཡ སུཉྙཱ. ཉཱཎཁནྟི ཨཝིཛྫཱཡ སུཉྙཱ. པཱམོཛྫཁནྟི ཨརཏིཡཱ སུཉྙཱ. པཋམཛ྄ཛྷཱནཁནྟི ནཱིཝརཎེཧི སུཉྙཱ…པེ… ཨརཧཏྟམགྒཁནྟི སབྦཀིལེསེཧི སུཉྙཱ. ཨིདཾ ཁནྟིསུཉྙཾ.

ཀཏམཾ ཨདྷིཊྛཱནསུཉྙཾ? ནེཀྑམྨཱདྷིཊྛཱནཾ ཀཱམཙྪནྡེན སུཉྙཾ. ཨབྱཱཔཱདཱདྷིཊྛཱནཾ བྱཱཔཱདེན སུཉྙཾ. ཨཱལོཀསཉྙཱདྷིཊྛཱནཾ ཐིནམིདྡྷེན སུཉྙཾ. ཨཝིཀྑེཔཱདྷིཊྛཱནཾ ཨུདྡྷཙྩེན སུཉྙཾ. དྷམྨཝཝཏྠཱནཱདྷིཊྛཱནཾ ཝིཙིཀིཙྪཱཡ སུཉྙཾ. ཉཱཎཱདྷིཊྛཱནཾ ཨཝིཛྫཱཡ སུཉྙཾ. པཱམོཛྫཱདྷིཊྛཱནཾ ཨརཏིཡཱ སུཉྙཾ. པཋམཛ྄ཛྷཱནཱདྷིཊྛཱནཾ ¶ ནཱིཝརཎེཧི སུཉྙཾ…པེ… ཨརཧཏྟམགྒཱདྷིཊྛཱནཾ སབྦཀིལེསེཧི སུཉྙཾ. ཨིདཾ ཨདྷིཊྛཱནསུཉྙཾ.

ཀཏམཾ པརིཡོགཱཧཎསུཉྙཾ? ནེཀྑམྨཔརིཡོགཱཧཎཾ ཀཱམཙྪནྡེན སུཉྙཾ. ཨབྱཱཔཱདཔརིཡོགཱཧཎཾ བྱཱཔཱདེན སུཉྙཾ. ཨཱལོཀསཉྙཱཔརིཡོགཱཧཎཾ ཐིནམིདྡྷེན སུཉྙཾ. ཨཝིཀྑེཔཔརིཡོགཱཧཎཾ ཨུདྡྷཙྩེན སུཉྙཾ. དྷམྨཝཝཏྠཱནཔརིཡོགཱཧཎཾ ཝིཙིཀིཙྪཱཡ སུཉྙཾ. ཉཱཎཔརིཡོགཱཧཎཾ ཨཝིཛྫཱཡ སུཉྙཾ. པཱམོཛྫཔརིཡོགཱཧཎཾ ཨརཏིཡཱ སུཉྙཾ. པཋམཛ྄ཛྷཱནཔརིཡོགཱཧཎཾ ནཱིཝརཎེཧི སུཉྙཾ…པེ… ཨརཧཏྟམགྒཔརིཡོགཱཧཎཾ སབྦཀིལེསེཧི སུཉྙཾ. ཨིདཾ པརིཡོགཱཧཎསུཉྙཾ.

ཀཏམཾ ¶ སམྤཛཱནསྶ པཝཏྟཔརིཡཱདཱནཾ སབྦསུཉྙཏཱནཾ པརམཏྠསུཉྙཾ? ཨིདྷ སམྤཛཱནོ ནེཀྑམྨེན ཀཱམཙྪནྡསྶ པཝཏྟཾ པརིཡཱདིཡཏི, ཨབྱཱཔཱདེན བྱཱཔཱདསྶ པཝཏྟཾ པརིཡཱདིཡཏི, ཨཱལོཀསཉྙཱཡ ཐིནམིདྡྷསྶ པཝཏྟཾ པརིཡཱདིཡཏི, ཨཝིཀྑེཔེན ཨུདྡྷཙྩསྶ པཝཏྟཾ པརིཡཱདིཡཏི, དྷམྨཝཝཏྠཱནེན ཝིཙིཀིཙྪཱཡ པཝཏྟཾ པརིཡཱདིཡཏི, ཉཱཎེན ཨཝིཛྫཱཡ པཝཏྟཾ པརིཡཱདིཡཏི, པཱམོཛྫེན ཨརཏིཡཱ པཝཏྟཾ པརིཡཱདིཡཏི, པཋམེན ཛྷཱནེན ནཱིཝརཎཱནཾ པཝཏྟཾ པརིཡཱདིཡཏི…པེ… ཨརཧཏྟམགྒེན སབྦཀིལེསཱནཾ པཝཏྟཾ པརིཡཱདིཡཏི. ཨཐ ཝཱ པན སམྤཛཱནསྶ ¶ ཨནུཔཱདིསེསཱཡ ནིབྦཱནདྷཱཏུཡཱ པརིནིབྦཱཡནྟསྶ ཨིདཾ ཙེཝ ཙཀྑུཔཝཏྟཾ པརིཡཱདིཡཏི, ཨཉྙཉྩ ཙཀྑུཔཝཏྟཾ ¶ ན ¶ ཨུཔྤཛྫཏི. ཨིདཉྩེཝ སོཏཔཝཏྟཾ…པེ… གྷཱནཔཝཏྟཾ… ཛིཝ྄ཧཱཔཝཏྟཾ… ཀཱཡཔཝཏྟཾ… མནོཔཝཏྟཾ པརིཡཱདིཡཏི, ཨཉྙཉྩ མནོཔཝཏྟཾ ན ཨུཔྤཛྫཏི. ཨིདཾ སམྤཛཱནསྶ པཝཏྟཔརིཡཱདཱནཾ སབྦསུཉྙཏཱནཾ པརམཏྠསུཉྙནྟི.

སུཉྙཀཐཱ ནིཊྛིཏཱ.

ཡུགནདྡྷཝགྒོ དུཏིཡོ.

ཏསྶུདྡཱནཾ –

ཡུགནདྡྷཱ སཙྩབོཛ྄ཛྷངྒཱ, མེཏྟཱ ཝིརཱགཔཉྩམཱ;

པཊིསམྦྷིདཱ དྷམྨཙཀྐཾ, ལོཀུཏྟརབལསུཉྙཱཏི.

ཨེས ནིཀཱཡདྷརེཧི ཋཔིཏོ, ཨསམོ དུཏིཡོ པཝརོ

ཝརཝགྒོཏི.

༣. པཉྙཱཝགྒོ

༡. མཧཱཔཉྙཱཀཐཱ

༡. ཨནིཙྩཱནུཔསྶནཱ ¶ ¶ ¶ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? དུཀྑཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? ཨནཏྟཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི…པེ… ¶ པཊིནིསྶགྒཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི?

ཨནིཙྩཱནུཔསྶནཱ བྷཱཝིཏཱ བཧུལཱིཀཏཱ ཛཝནཔཉྙཾ པརིཔཱུརེཏི. དུཀྑཱནུཔསྶནཱ བྷཱཝིཏཱ བཧུལཱིཀཏཱ ནིབྦེདྷིཀཔཉྙཾ པརིཔཱུརེཏི. ཨནཏྟཱནུཔསྶནཱ བྷཱཝིཏཱ བཧུལཱིཀཏཱ མཧཱཔཉྙཾ པརིཔཱུརེཏི. ནིབྦིདཱནུཔསྶནཱ བྷཱཝིཏཱ བཧུལཱིཀཏཱ ཏིཀྑཔཉྙཾ པརིཔཱུརེཏི. ཝིརཱགཱནུཔསྶནཱ བྷཱཝིཏཱ བཧུལཱིཀཏཱ ཝིཔུལཔཉྙཾ པརིཔཱུརེཏི. ནིརོདྷཱནུཔསྶནཱ བྷཱཝིཏཱ བཧུལཱིཀཏཱ གམྦྷཱིརཔཉྙཾ པརིཔཱུརེཏི. པཊིནིསྶགྒཱནུཔསྶནཱ བྷཱཝིཏཱ བཧུལཱིཀཏཱ ཨསཱམནྟཔཉྙཾ [ཨསྶཱམནྟཔཉྙཾ (སྱཱ.)] པརིཔཱུརེཏི. ཨིམཱ སཏྟ པཉྙཱ བྷཱཝིཏཱ བཧུལཱིཀཏཱ པཎྜིཙྩཾ པརིཔཱུརེནྟི. ཨིམཱ ཨཊྛ པཉྙཱ བྷཱཝིཏཱ བཧུལཱིཀཏཱ པུཐུཔཉྙཾ པརིཔཱུརེནྟི. ཨིམཱ ནཝ པཉྙཱ བྷཱཝིཏཱ བཧུལཱིཀཏཱ ཧཱསཔཉྙཾ པརིཔཱུརེནྟི.

ཧཱསཔཉྙཱ པཊིབྷཱནཔཊིསམྦྷིདཱ. ཏསྶཱ ཨཏྠཝཝཏྠཱནཏོ ཨཏྠཔཊིསམྦྷིདཱ ཨདྷིགཏཱ ཧོཏི སཙྪིཀཏཱ ཕསྶིཏཱ པཉྙཱཡ. དྷམྨཝཝཏྠཱནཏོ དྷམྨཔཊིསམྦྷིདཱ ཨདྷིགཏཱ ཧོཏི སཙྪིཀཏཱ ཕསྶིཏཱ པཉྙཱཡ. ནིརུཏྟིཝཝཏྠཱནཏོ ནིརུཏྟིཔཊིསམྦྷིདཱ ཨདྷིགཏཱ ཧོཏི སཙྪིཀཏཱ ¶ ཕསྶིཏཱ པཉྙཱཡ. པཊིབྷཱནཝཝཏྠཱནཏོ པཊིབྷཱནཔཊིསམྦྷིདཱ ཨདྷིགཏཱ ¶ ཧོཏི སཙྪིཀཏཱ ཕསྶིཏཱ པཉྙཱཡ. ཏསྶིམཱ ཙཏསྶོ པཊིསམྦྷིདཱཡོ ཨདྷིགཏཱ ཧོནྟི སཙྪིཀཏཱ ཕསྶིཏཱ པཉྙཱཡ.

རཱུཔེ ¶ ཨནིཙྩཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི…པེ… རཱུཔེ པཊིནིསྶགྒཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? རཱུཔེ ཨནིཙྩཱནུཔསྶནཱ བྷཱཝིཏཱ བཧུལཱིཀཏཱ ཛཝནཔཉྙཾ པརིཔཱུརེཏི…པེ… རཱུཔེ པཊིནིསྶགྒཱནུཔསྶནཱ བྷཱཝིཏཱ བཧུལཱིཀཏཱ ཨསཱམནྟཔཉྙཾ པརིཔཱུརེཏི. ཨིམཱ སཏྟ པཉྙཱ བྷཱཝིཏཱ བཧུལཱིཀཏཱ པཎྜིཙྩཾ པརིཔཱུརེནྟི. ཨིམཱ ཨཊྛ པཉྙཱ ¶ བྷཱཝིཏཱ བཧུལཱིཀཏཱ པུཐུཔཉྙཾ པརིཔཱུརེནྟི. ཨིམཱ ནཝ པཉྙཱ བྷཱཝིཏཱ བཧུལཱིཀཏཱ ཧཱསཔཉྙཾ པརིཔཱུརེནྟི.

ཧཱསཔཉྙཱ པཊིབྷཱནཔཊིསམྦྷིདཱ. ཏསྶཱ ཨཏྠཝཝཏྠཱནཏོ ཨཏྠཔཊིསམྦྷིདཱ ཨདྷིགཏཱ ཧོཏི སཙྪིཀཏཱ ཕསྶིཏཱ པཉྙཱཡ. དྷམྨཝཝཏྠཱནཏོ དྷམྨཔཊིསམྦྷིདཱ ཨདྷིགཏཱ ཧོཏི སཙྪིཀཏཱ ཕསྶིཏཱ པཉྙཱཡ. ནིརུཏྟིཝཝཏྠཱནཏོ ནིརུཏྟིཔཊིསམྦྷིདཱ ཨདྷིགཏཱ ཧོཏི སཙྪིཀཏཱ ཕསྶིཏཱ པཉྙཱཡ. པཊིབྷཱནཝཝཏྠཱནཏོ པཊིབྷཱནཔཊིསམྦྷིདཱ ཨདྷིགཏཱ ཧོཏི, སཙྪིཀཏཱ ཕསྶིཏཱ པཉྙཱཡ. ཏསྶིམཱ ཙཏསྶོ པཊིསམྦྷིདཱཡོ ཨདྷིགཏཱ ཧོནྟི སཙྪིཀཏཱ ཕསྶིཏཱ པཉྙཱཡ.

ཝེདནཱཡ…པེ… སཉྙཱཡ… སངྑཱརེསུ… ཝིཉྙཱཎེ… ཙཀྑུསྨིཾ…པེ… ཛརཱམརཎེ ཨནིཙྩཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི…པེ… ཛརཱམརཎེ པཊིནིསྶགྒཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? ཛརཱམརཎེ ཨནིཙྩཱནུཔསྶནཱ བྷཱཝིཏཱ བཧུལཱིཀཏཱ ཛཝནཔཉྙཾ པརིཔཱུརེཏི…པེ… ཛརཱམརཎེ པཊིནིསྶགྒཱནུཔསྶནཱ བྷཱཝིཏཱ བཧུལཱིཀཏཱ ¶ ཨསཱམནྟཔཉྙཾ པརིཔཱུརེཏི. ཨིམཱ སཏྟ པཉྙཱ བྷཱཝིཏཱ བཧུལཱིཀཏཱ པཎྜིཙྩཾ པརིཔཱུརེནྟི. ཨིམཱ ཨཊྛ པཉྙཱ བྷཱཝིཏཱ བཧུལཱིཀཏཱ པུཐུཔཉྙཾ པརིཔཱུརེནྟི. ཨིམཱ ནཝ པཉྙཱ བྷཱཝིཏཱ བཧུལཱིཀཏཱ ཧཱསཔཉྙཾ པརིཔཱུརེནྟི.

ཧཱསཔཉྙཱ པཊིབྷཱནཔཊིསམྦྷིདཱ. ཏསྶཱ ཨཏྠཝཝཏྠཱནཏོ ཨཏྠཔཊིསམྦྷིདཱ ཨདྷིགཏཱ ཧོཏི སཙྪིཀཏཱ ཕསྶིཏཱ པཉྙཱཡ ¶ . དྷམྨཝཝཏྠཱནཏོ དྷམྨཔཊིསམྦྷིདཱ ཨདྷིགཏཱ ཧོཏི སཙྪིཀཏཱ ཕསྶིཏཱ པཉྙཱཡ. ནིརུཏྟིཝཝཏྠཱནཏོ ནིརུཏྟིཔཊིསམྦྷིདཱ ཨདྷིགཏཱ ཧོཏི སཙྪིཀཏཱ ཕསྶིཏཱ པཉྙཱཡ. པཊིབྷཱནཝཝཏྠཱནཏོ པཊིབྷཱནཔཊིསམྦྷིདཱ ཨདྷིགཏཱ ཧོཏི སཙྪིཀཏཱ ¶ ཕསྶིཏཱ པཉྙཱཡ. ཏསྶིམཱ ཙཏསྶོ པཊིསམྦྷིདཱཡོ ཨདྷིགཏཱ ཧོནྟི སཙྪིཀཏཱ ཕསྶིཏཱ པཉྙཱཡ.

༢. རཱུཔེ ཨནིཙྩཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? ཨཏཱིཏཱནཱགཏཔཙྩུཔྤནྣེ རཱུཔེ ཨནིཙྩཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? རཱུཔེ དུཀྑཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? ཨཏཱིཏཱནཱགཏཔཙྩུཔྤནྣེ རཱུཔེ དུཀྑཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? རཱུཔེ ཨནཏྟཱནུཔསྶནཱ ¶ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? ཨཏཱིཏཱནཱགཏཔཙྩུཔྤནྣེ རཱུཔེ ཨནཏྟཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? རཱུཔེ ནིབྦིདཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? ཨཏཱིཏཱནཱགཏཔཙྩུཔྤནྣེ རཱུཔེ ནིབྦིདཱནུཔསྶནཱ ¶ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? རཱུཔེ ཝིརཱགཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? ཨཏཱིཏཱནཱགཏཔཙྩུཔྤནྣེ རཱུཔེ ཝིརཱགཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? རཱུཔེ ནིརོདྷཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? ཨཏཱིཏཱནཱགཏཔཙྩུཔྤནྣེ རཱུཔེ ནིརོདྷཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? རཱུཔེ པཊིནིསྶགྒཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? ཨཏཱིཏཱནཱགཏཔཙྩུཔྤནྣེ རཱུཔེ པཊིནིསྶགྒཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི?

རཱུཔེ ཨནིཙྩཱནུཔསྶནཱ བྷཱཝིཏཱ བཧུལཱིཀཏཱ ཛཝནཔཉྙཾ པརིཔཱུརེཏི. ཨཏཱིཏཱནཱགཏཔཙྩུཔྤནྣེ རཱུཔེ ཨནིཙྩཱནུཔསྶནཱ བྷཱཝིཏཱ བཧུལཱིཀཏཱ ཛཝནཔཉྙཾ པརིཔཱུརེཏི. རཱུཔེ དུཀྑཱནུཔསྶནཱ བྷཱཝིཏཱ བཧུལཱིཀཏཱ ནིབྦེདྷིཀཔཉྙཾ པརིཔཱུརེཏི. ཨཏཱིཏཱནཱགཏཔཙྩུཔྤནྣེ རཱུཔེ དུཀྑཱནུཔསྶནཱ བྷཱཝིཏཱ བཧུལཱིཀཏཱ ཛཝནཔཉྙཾ པརིཔཱུརེཏི. རཱུཔེ ཨནཏྟཱནུཔསྶནཱ བྷཱཝིཏཱ བཧུལཱིཀཏཱ མཧཱཔཉྙཾ པརིཔཱུརེཏི. ཨཏཱིཏཱནཱགཏཔཙྩུཔྤནྣེ རཱུཔེ ཨནཏྟཱནུཔསྶནཱ བྷཱཝིཏཱ བཧུལཱིཀཏཱ ཛཝནཔཉྙཾ པརིཔཱུརེཏི. རཱུཔེ ནིབྦིདཱནུཔསྶནཱ ¶ བྷཱཝིཏཱ བཧུལཱིཀཏཱ ཏིཀྑཔཉྙཾ པརིཔཱུརེཏི. ཨཏཱིཏཱནཱགཏཔཙྩུཔྤནྣེ རཱུཔེ ནིབྦིདཱནུཔསྶནཱ བྷཱཝིཏཱ བཧུལཱིཀཏཱ ཛཝནཔཉྙཾ པརིཔཱུརེཏི. རཱུཔེ ཝིརཱགཱནུཔསྶནཱ བྷཱཝིཏཱ བཧུལཱིཀཏཱ ཝིཔུལཔཉྙཾ པརིཔཱུརེཏི. ཨཏཱིཏཱནཱགཏཔཙྩུཔྤནྣེ རཱུཔེ ཝིརཱགཱནུཔསྶནཱ བྷཱཝིཏཱ བཧུལཱིཀཏཱ ཛཝནཔཉྙཾ ¶ པརིཔཱུརེཏི. རཱུཔེ ནིརོདྷཱནུཔསྶནཱ བྷཱཝིཏཱ བཧུལཱིཀཏཱ གམྦྷཱིརཔཉྙཾ པརིཔཱུརེཏི. ཨཏཱིཏཱནཱགཏཔཙྩུཔྤནྣེ རཱུཔེ ནིརོདྷཱནུཔསྶནཱ བྷཱཝིཏཱ བཧུལཱིཀཏཱ ཛཝནཔཉྙཾ པརིཔཱུརེཏི. རཱུཔེ པཊིནིསྶགྒཱནུཔསྶནཱ བྷཱཝིཏཱ བཧུལཱིཀཏཱ ཨསཱམནྟཔཉྙཾ པརིཔཱུརེཏི. ཨཏཱིཏཱནཱགཏཔཙྩུཔྤནྣེ རཱུཔེ པཊིནིསྶགྒཱནུཔསྶནཱ ¶ བྷཱཝིཏཱ བཧུལཱིཀཏཱ ཛཝནཔཉྙཾ པརིཔཱུརེཏི. ཨིམཱ སཏྟ པཉྙཱ བྷཱཝིཏཱ བཧུལཱིཀཏཱ པཎྜིཙྩཾ པརིཔཱུརེནྟི. ཨིམཱ ཨཊྛ པཉྙཱ བྷཱཝིཏཱ བཧུལཱིཀཏཱ པུཐུཔཉྙཾ པརིཔཱུརེནྟི. ཨིམཱ ནཝ པཉྙཱ བྷཱཝིཏཱ བཧུལཱིཀཏཱ ཧཱསཔཉྙཾ པརིཔཱུརེནྟི.

ཧཱསཔཉྙཱ ¶ པཊིབྷཱནཔཊིསམྦྷིདཱ. ཏསྶཱ ཨཏྠཝཝཏྠཱནཏོ ཨཏྠཔཊིསམྦྷིདཱ ཨདྷིགཏཱ ཧོཏི སཙྪིཀཏཱ ཕསྶིཏཱ པཉྙཱཡ. དྷམྨཝཝཏྠཱནཏོ དྷམྨཔཊིསམྦྷིདཱ ཨདྷིགཏཱ ཧོཏི སཙྪིཀཏཱ ཕསྶིཏཱ པཉྙཱཡ. ནིརུཏྟིཝཝཏྠཱནཏོ ནིརུཏྟིཔཊིསམྦྷིདཱ ཨདྷིགཏཱ ཧོཏི སཙྪིཀཏཱ ཕསྶིཏཱ པཉྙཱཡ. པཊིབྷཱནཝཝཏྠཱནཏོ པཊིབྷཱནཔཊིསམྦྷིདཱ ཨདྷིགཏཱ ཧོཏི སཙྪིཀཏཱ ཕསྶིཏཱ པཉྙཱཡ. ཏསྶིམཱ ཙཏསྶོ པཊིསམྦྷིདཱཡོ ཨདྷིགཏཱ ཧོནྟི སཙྪིཀཏཱ ཕསྶིཏཱ པཉྙཱཡ.

ཝེདནཱཡ…པེ… སཉྙཱཡ… སངྑཱརེསུ… ཝིཉྙཱཎེ… ཙཀྑུསྨིཾ…པེ… ཛརཱམརཎེ ཨནིཙྩཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? ཨཏཱིཏཱནཱགཏཔཙྩུཔྤནྣེ ཛརཱམརཎེ ཨནིཙྩཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི…པེ… ཛརཱམརཎེ པཊིནིསྶགྒཱནུཔསྶནཱ ¶ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? ཨཏཱིཏཱནཱགཏཔཙྩུཔྤནྣེ ཛརཱམརཎེ པཊིནིསྶགྒཱནུཔསྶནཱ བྷཱཝིཏཱ བཧུལཱིཀཏཱ ཀཏམཾ པཉྙཾ པརིཔཱུརེཏི? ཛརཱམརཎེ ཨནིཙྩཱནུཔསྶནཱ བྷཱཝིཏཱ བཧུལཱིཀཏཱ ཛཝནཔཉྙཾ པརིཔཱུརེཏི. ཨཏཱིཏཱནཱགཏཔཙྩུཔྤནྣེ ཛརཱམརཎེ ཨནིཙྩཱནུཔསྶནཱ བྷཱཝིཏཱ བཧུལཱིཀཏཱ ཛཝནཔཉྙཾ པརིཔཱུརེཏི…པེ… ཏསྶིམཱ ཙཏསྶོ པཊིསམྦྷིདཱཡོ ཨདྷིགཏཱ ཧོནྟི སཙྪིཀཏཱ ཕསྶིཏཱ པཉྙཱཡ.

༣. ‘‘ཙཏྟཱརོམེ ¶ , བྷིཀྑཝེ [སཾ. ནི. ༥.༡༨༥༡], དྷམྨཱ བྷཱཝིཏཱ བཧུལཱིཀཏཱ སོཏཱཔཏྟིཕལསཙྪིཀིརིཡཱཡ སཾཝཏྟནྟི. ཀཏམེ ཙཏྟཱརོ? སཔྤུརིསསཾསེཝོ, སདྡྷམྨསྶཝནཾ, ཡོནིསོམནསིཀཱརོ, དྷམྨཱནུདྷམྨཔཊིཔཏྟི – ཨིམེ ཁོ, བྷིཀྑཝེ, ཙཏྟཱརོ དྷམྨཱ བྷཱཝིཏཱ བཧུལཱིཀཏཱ སོཏཱཔཏྟིཕལསཙྪིཀིརིཡཱཡ སཾཝཏྟནྟི.

‘‘ཙཏྟཱརོམེ, བྷིཀྑཝེ, དྷམྨཱ བྷཱཝིཏཱ བཧུལཱིཀཏཱ སཀདཱགཱམིཕལསཙྪིཀིརིཡཱཡ སཾཝཏྟནྟི…པེ… ཨནཱགཱམིཕལསཙྪིཀིརིཡཱཡ སཾཝཏྟནྟི…པེ… ཨརཧཏྟཕལསཙྪིཀིརིཡཱཡ སཾཝཏྟནྟི. ཀཏམེ ཙཏྟཱརོ? སཔྤུརིསསཾསེཝོ, སདྡྷམྨསྶཝནཾ, ཡོནིསོམནསིཀཱརོ, དྷམྨཱནུདྷམྨཔཊིཔཏྟི – ཨིམེ ཁོ, བྷིཀྑཝེ, ཙཏྟཱརོ དྷམྨཱ བྷཱཝིཏཱ བཧུལཱིཀཏཱ ཨརཧཏྟམགྒཕལསཙྪིཀིརིཡཱཡ སཾཝཏྟནྟི.

‘‘ཙཏྟཱརོམེ ¶ ¶ , བྷིཀྑཝེ, དྷམྨཱ བྷཱཝིཏཱ བཧུལཱིཀཏཱ པཉྙཱཔཊིལཱབྷཱཡ ¶ སཾཝཏྟནྟི…པེ… པཉྙཱབུདྡྷིཡཱ སཾཝཏྟནྟི, པཉྙཱཝེཔུལླཱཡ སཾཝཏྟནྟི, མཧཱཔཉྙཏཱཡ སཾཝཏྟནྟི, པུཐུཔཉྙཏཱཡ སཾཝཏྟནྟི, ཝིཔུལཔཉྙཏཱཡ སཾཝཏྟནྟི, གམྦྷཱིརཔཉྙཏཱཡ སཾཝཏྟནྟི, ཨསཱམནྟཔཉྙཏཱཡ [ཨསྶཱམནྟཔཉྙཏཱཡ (སྱཱ.) སཾ. ནི. ༣ པསྶིཏབྦཱ] སཾཝཏྟནྟི, བྷཱུརིཔཉྙཏཱཡ སཾཝཏྟནྟི, པཉྙཱབཱཧུལླཱཡ སཾཝཏྟནྟི, སཱིགྷཔཉྙཏཱཡ སཾཝཏྟནྟི, ལཧུཔཉྙཏཱཡ སཾཝཏྟནྟི, ཧཱསཔཉྙཏཱཡ སཾཝཏྟནྟི, ཛཝནཔཉྙཏཱཡ སཾཝཏྟནྟི, ཏིཀྑཔཉྙཏཱཡ སཾཝཏྟནྟི, ནིབྦེདྷིཀཔཉྙཏཱཡ སཾཝཏྟནྟི. ཀཏམེ ཙཏྟཱརོ? སཔྤུརིསསཾསེཝོ, སདྡྷམྨསྶཝནཾ, ཡོནིསོམནསིཀཱརོ, དྷམྨཱནུདྷམྨཔཊིཔཏྟི – ཨིམེ ཁོ, བྷིཀྑཝེ, ཙཏྟཱརོ དྷམྨཱ བྷཱཝིཏཱ བཧུལཱིཀཏཱ པཉྙཱཔཊིལཱབྷཱཡ སཾཝཏྟནྟི, པཉྙཱབུདྡྷིཡཱ སཾཝཏྟནྟི…པེ… ནིབྦེདྷིཀཔཉྙཏཱཡ སཾཝཏྟནྟི’’.

༡. སོལ༹སཔཉྙཱནིདྡེསོ

༤. པཉྙཱཔཊིལཱབྷཱཡ སཾཝཏྟནྟཱིཏི ཀཏམོ པཉྙཱཔཊིལཱབྷོ? ཙཏུནྣཾ མགྒཉཱཎཱནཾ, ཙཏུནྣཾ ཕལཉཱཎཱནཾ, ཙཏུནྣཾ པཊིསམྦྷིདཱཉཱཎཱནཾ, ཚནྣཾ ཨབྷིཉྙཱཉཱཎཱནཾ, ཏེསཏྟཏཱིནཾ ཉཱཎཱནཾ, སཏྟསཏྟཏཱིནཾ ཉཱཎཱནཾ ལཱབྷོ པཊིལཱབྷོ པཏྟི སམྤཏྟི ཕསྶནཱ [ཕུསནཱ (ཀ.)] སཙྪིཀིརིཡཱ ཨུཔསམྤདཱ. པཉྙཱཔཊིལཱབྷཱཡ སཾཝཏྟནྟཱིཏི – ཨཡཾ པཉྙཱ པཊིལཱབྷོ.

པཉྙཱབུདྡྷིཡཱ ¶ སཾཝཏྟནྟཱིཏི ཀཏམཱ པཉྙཱབུདྡྷི? སཏྟནྣཉྩ སེཀྑཱནཾ པུཐུཛྫནཀལྱཱཎཀསྶ ཙ པཉྙཱ ཝཌྜྷཏི, ཨརཧཏོ པཉྙཱ ཝཌྜྷཏི. ཝཌྜྷིཏཝཌྜྷནཱ པཉྙཱབུདྡྷིཡཱ སཾཝཏྟནྟཱིཏི – ཨཡཾ ¶ པཉྙཱབུདྡྷི.

པཉྙཱཝེཔུལླཱཡ སཾཝཏྟནྟཱིཏི ཀཏམཾ པཉྙཱཝེཔུལླཾ? སཏྟནྣཾ སེཀྑཱནཾ པུཐུཛྫནཀལྱཱཎཀསྶ ཙ པཉྙཱཝེཔུལླཾ གཙྪཏི. ཨརཧཏོ པཉྙཱ ཝེཔུལླགཏཱ པཉྙཱཝེཔུལླཱཡ སཾཝཏྟནྟཱིཏི – ཨིདཾ པཉྙཱཝེཔུལླཾ.

མཧཱཔཉྙཏཱཡ སཾཝཏྟནྟཱིཏི ཀཏམཱ མཧཱཔཉྙཱ? མཧནྟེ ཨཏྠེ པརིགྒཎྷཱཏཱིཏི – མཧཱཔཉྙཱ. མཧནྟེ དྷམྨེ པརིགྒཎྷཱཏཱིཏི – མཧཱཔཉྙཱ. མཧནྟཱ ནིརུཏྟིཡོ པརིགྒཎྷཱཏཱིཏི – མཧཱཔཉྙཱ. མཧནྟཱནི པཊིབྷཱནཱནི པརིགྒཎྷཱཏཱིཏི – མཧཱཔཉྙཱ. མཧནྟེ སཱིལཀྑནྡྷེ པརིགྒཎྷཱཏཱིཏི – མཧཱཔཉྙཱ. མཧནྟེ སམཱདྷིཀྑནྡྷེ པརིགྒཎྷཱཏཱིཏི – མཧཱཔཉྙཱ. མཧནྟེ པཉྙཱཀྑནྡྷེ པརིགྒཎྷཱཏཱིཏི ¶ – མཧཱཔཉྙཱ. མཧནྟེ ཝིམུཏྟིཀྑནྡྷེ པརིགྒཎྷཱཏཱིཏི – མཧཱཔཉྙཱ ¶ . མཧནྟེ ཝིམུཏྟིཉཱཎདསྶནཀྑནྡྷེ པརིགྒཎྷཱཏཱིཏི – མཧཱཔཉྙཱ. མཧནྟཱནི ཋཱནཱཊྛཱནཱནི པརིགྒཎྷཱཏཱིཏི – མཧཱཔཉྙཱ. མཧནྟཱ ཝིཧཱརསམཱཔཏྟིཡོ པརིགྒཎྷཱཏཱིཏི – མཧཱཔཉྙཱ. མཧནྟཱནི ཨརིཡསཙྩཱནི པརིགྒཎྷཱཏཱིཏི – མཧཱཔཉྙཱ. མཧནྟེ སཏིཔཊྛཱནེ པརིགྒཎྷཱཏཱིཏི – མཧཱཔཉྙཱ. མཧནྟེ སམྨཔྤདྷཱནེ པརིགྒཎྷཱཏཱིཏི – མཧཱཔཉྙཱ. མཧནྟེ ཨིདྡྷིཔཱདེ པརིགྒཎྷཱཏཱིཏི – མཧཱཔཉྙཱ. མཧནྟཱནི ཨིནྡྲིཡཱནི པརིགྒཎྷཱཏཱིཏི – མཧཱཔཉྙཱ. མཧནྟཱནི བལཱནི པརིགྒཎྷཱཏཱིཏི – མཧཱཔཉྙཱ. མཧནྟེ བོཛ྄ཛྷངྒེ པརིགྒཎྷཱཏཱིཏི ¶ – མཧཱཔཉྙཱ. མཧནྟཾ ཨརིཡམགྒཾ [མཧནྟེ ཨརིཡམགྒེ (ཀ.)] པརིགྒཎྷཱཏཱིཏི – མཧཱཔཉྙཱ. མཧནྟཱནི སཱམཉྙཕལཱནི པརིགྒཎྷཱཏཱིཏི – མཧཱཔཉྙཱ. མཧནྟཱ ཨབྷིཉྙཱཡོ [མཧཱབྷིཉྙཱཡོ (ཀ.)] པརིགྒཎྷཱཏཱིཏི – མཧཱཔཉྙཱ. མཧནྟཾ པརམཏྠཾ ¶ ནིབྦཱནཾ པརིགྒཎྷཱཏཱིཏི – མཧཱཔཉྙཱ. མཧཱཔཉྙཏཱཡ སཾཝཏྟནྟཱིཏི – ཨཡཾ མཧཱཔཉྙཱ.

པུཐུཔཉྙཏཱཡ སཾཝཏྟནྟཱིཏི ཀཏམཱ པུཐུཔཉྙཱ? པུཐུནཱནཱཁནྡྷེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱདྷཱཏཱུསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱཨཱཡཏནེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱཔཊིཙྩསམུཔྤཱདེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱསུཉྙཏམནུཔལབྦྷེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱཨཏྠེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱདྷམྨེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱནིརུཏྟཱིསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱཔཊིབྷཱནེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱསཱིལཀྑནྡྷེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱསམཱདྷིཀྑནྡྷེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱཔཉྙཱཀྑནྡྷེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱཝིམུཏྟིཀྑནྡྷེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱཝིམུཏྟིཉཱཎདསྶནཀྑནྡྷེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱཋཱནཱཊྛཱནེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱཝིཧཱརསམཱཔཏྟཱིསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱཨརིཡསཙྩེསུ ཉཱཎཾ པཝཏྟཏཱིཏི ¶ – པུཐུཔཉྙཱ. པུཐུནཱནཱསཏིཔཊྛཱནེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱསམྨཔྤདྷཱནེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱཨིདྡྷིཔཱདེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱཨིནྡྲིཡེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱབལེསུ ཉཱཎཾ པཝཏྟཏཱིཏི ¶ – པུཐུཔཉྙཱ. པུཐུནཱནཱབོཛ྄ཛྷངྒེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱཨརིཡམགྒེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱསཱམཉྙཕལེསུ ཉཱཎཾ པཝཏྟཏཱིཏི – པུཐུཔཉྙཱ. པུཐུནཱནཱཨབྷིཉྙཱསུ ཉཱཎཾ པཝཏྟཏཱིཏི – པུཐུཔཉྙཱ. པུཐུཛྫནསཱདྷཱརཎེ དྷམྨེ ཨཏིཀྐམྨ [སམཏིཀྐམྨ (སྱཱ.)] པརམཏྠེ ནིབྦཱནེ ཉཱཎཾ པཝཏྟཏཱིཏི – པུཐུཔཉྙཱ. པུཐུཔཉྙཏཱཡ སཾཝཏྟནྟཱིཏི – ཨཡཾ པུཐུཔཉྙཱ.

ཝིཔུལཔཉྙཏཱཡ ¶ སཾཝཏྟནྟཱིཏི ཀཏམཱ ཝིཔུལཔཉྙཱ? ཝིཔུལེ ¶ ཨཏྠེ པརིགྒཎྷཱཏཱིཏི – ཝིཔུལཔཉྙཱ. ཝིཔུལེ དྷམྨེ པརིགྒཎྷཱཏཱིཏི – ཝིཔུལཔཉྙཱ. ཝིཔུལཱ ནིརུཏྟིཡོ པརིགྒཎྷཱཏཱིཏི – ཝིཔུལཔཉྙཱ. ཝིཔུལཱནི པཊིབྷཱནཱནི པརིགྒཎྷཱཏཱིཏི – ཝིཔུལཔཉྙཱ. ཝིཔུལེ སཱིལཀྑནྡྷེ པརིགྒཎྷཱཏཱིཏི – ཝིཔུལཔཉྙཱ. ཝིཔུལེ སམཱདྷིཀྑནྡྷེ པརིགྒཎྷཱཏཱིཏི – ཝིཔུལཔཉྙཱ. ཝིཔུལེ པཉྙཱཀྑནྡྷེ པརིགྒཎྷཱཏཱིཏི – ཝིཔུལཔཉྙཱ. ཝིཔུལེ ཝིམུཏྟིཀྑནྡྷེ པརིགྒཎྷཱཏཱིཏི – ཝིཔུལཔཉྙཱ. ཝིཔུལེ ཝིམུཏྟིཉཱཎདསྶནཀྑནྡྷེ པརིགྒཎྷཱཏཱིཏི – ཝིཔུལཔཉྙཱ. ཝིཔུལཱནི ཋཱནཱཊྛཱནཱནི པརིགྒཎྷཱཏཱིཏི – ཝིཔུལཔཉྙཱ. ཝིཔུལཱ ཝིཧཱརསམཱཔཏྟིཡོ པརིགྒཎྷཱཏཱིཏི – ཝིཔུལཔཉྙཱ. ཝིཔུལཱནི ཨརིཡསཙྩཱནི ¶ པརིགྒཎྷཱཏཱིཏི – ཝིཔུལཔཉྙཱ. ཝིཔུལེ སཏིཔཊྛཱནེ པརིགྒཎྷཱཏཱིཏི – ཝིཔུལཔཉྙཱ. ཝིཔུལེ སམྨཔྤདྷཱནེ པརིགྒཎྷཱཏཱིཏི – ཝིཔུལཔཉྙཱ. ཝིཔུལེ ཨིདྡྷིཔཱདེ པརིགྒཎྷཱཏཱིཏི – ཝིཔུལཔཉྙཱ. ཝིཔུལཱནི ཨིནྡྲིཡཱནི པརིགྒཎྷཱཏཱིཏི – ཝིཔུལཔཉྙཱ. ཝིཔུལཱནི བལཱནི པརིགྒཎྷཱཏཱིཏི – ཝིཔུལཔཉྙཱ. ཝིཔུལེ བོཛ྄ཛྷངྒེ པརིགྒཎྷཱཏཱིཏི – ཝིཔུལཔཉྙཱ. ཝིཔུལེ ཨརིཡམགྒེ པརིགྒཎྷཱཏཱིཏི – ཝིཔུལཔཉྙཱ. ཝིཔུལཱནི སཱམཉྙཕལཱནི པརིགྒཎྷཱཏཱིཏི – ཝིཔུལཔཉྙཱ. ཝིཔུལཱ ཨབྷིཉྙཱཡོ པརིགྒཎྷཱཏཱིཏི – ཝིཔུལཔཉྙཱ. ཝིཔུལཾ པརམཏྠཾ ནིབྦཱནཾ པརིགྒཎྷཱཏཱིཏི – ཝིཔུལཔཉྙཱ. ཝིཔུལཔཉྙཏཱཡ སཾཝཏྟནྟཱིཏི – ཨཡཾ ཝིཔུལཔཉྙཱ.

གམྦྷཱིརཔཉྙཏཱཡ སཾཝཏྟནྟཱིཏི ཀཏམཱ གམྦྷཱིརཔཉྙཱ? གམྦྷཱིརེསུ ཁནྡྷེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརཱསུ དྷཱཏཱུསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེསུ ཨཱཡཏནེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེསུ པཊིཙྩསམུཔྤཱདེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེསུ སུཉྙཏམནུཔལབྦྷེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེསུ ཨཏྠེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེསུ དྷམྨེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརཱསུ ནིརུཏྟཱིསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེསུ པཊིབྷཱནེསུ ཉཱཎཾ པཝཏྟཏཱིཏི ¶ – གམྦྷཱིརཔཉྙཱ. གམྦྷཱིརེསུ སཱིལཀྑནྡྷེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེསུ སམཱདྷིཀྑནྡྷེསུ ཉཱཎཾ ¶ པཝཏྟཏཱིཏི – གམྦྷཱིརཔཉྙཱ ¶ . གམྦྷཱིརེསུ པཉྙཱཀྑནྡྷེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེསུ ཝིམུཏྟིཀྑནྡྷེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེསུ ཝིམུཏྟིཉཱཎདསྶནཀྑནྡྷེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེསུ ཋཱནཱཊྛཱནེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརཱསུ ཝིཧཱརསམཱཔཏྟཱིསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེསུ ཨརིཡསཙྩེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེསུ སཏིཔཊྛཱནེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེསུ སམྨཔྤདྷཱནེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེསུ ཨིདྡྷིཔཱདེསུ ཉཱཎཾ པཝཏྟཏཱིཏི ¶ – གམྦྷཱིརཔཉྙཱ. གམྦྷཱིརེསུ ཨིནྡྲིཡེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེསུ བལེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེསུ བོཛ྄ཛྷངྒེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེསུ ཨརིཡམགྒེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེསུ སཱམཉྙཕལེསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརཱསུ ཨབྷིཉྙཱསུ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརེ པརམཏྠེ ནིབྦཱནེ ཉཱཎཾ པཝཏྟཏཱིཏི – གམྦྷཱིརཔཉྙཱ. གམྦྷཱིརཔཉྙཏཱཡ སཾཝཏྟནྟཱིཏི – ཨཡཾ གམྦྷཱིརཔཉྙཱ.

ཨསཱམནྟཔཉྙཏཱཡ སཾཝཏྟནྟཱིཏི ཀཏམཱ ཨསཱམནྟཔཉྙཱ? ཡསྶ པུགྒལསྶ ཨཏྠཝཝཏྠཱནཏོ ཨཏྠཔཊིསམྦྷིདཱ ཨདྷིགཏཱ ཧོཏི སཙྪིཀཏཱ ཕསྶིཏཱ པཉྙཱཡ, དྷམྨཝཝཏྠཱནཏོ དྷམྨཔཊིསམྦྷིདཱ ¶ ཨདྷིགཏཱ ཧོཏི སཙྪིཀཏཱ ཕསྶིཏཱ པཉྙཱཡ, ནིརུཏྟིཝཝཏྠཱནཏོ ནིརུཏྟིཔཊིསམྦྷིདཱ ཨདྷིགཏཱ ཧོཏི སཙྪིཀཏཱ ཕསྶིཏཱ པཉྙཱཡ, པཊིབྷཱནཝཝཏྠཱནཏོ པཊིབྷཱནཔཊིསམྦྷིདཱ ཨདྷིགཏཱ ཧོཏི སཙྪིཀཏཱ ཕསྶིཏཱ པཉྙཱཡ, ཏསྶ ཨཏྠེ ཙ དྷམྨེ ཙ ནིརུཏྟིཡཱ ཙ པཊིབྷཱནེ ཙ ན ཨཉྙོ ཀོཙི སཀྐོཏི ཨབྷིསམྦྷཝིཏུཾ. ཨནབྷིསམྦྷཝནཱིཡོ ཙ སོ ཨཉྙེཧཱིཏི – ཨསཱམནྟཔཉྙོ.

པུཐུཛྫནཀལྱཱཎཀསྶ པཉྙཱ ཨཊྛམཀསྶ པཉྙཱཡ དཱུརེ ཝིདཱུརེ སུཝིདཱུརེ ན སནྟིཀེ ན སཱམནྟཱ. པུཐུཛྫནཀལྱཱཎཀཾ ཨུཔཱདཱཡ ཨཊྛམཀོ ཨསཱམནྟཔཉྙོ. ཨཊྛམཀསྶ པཉྙཱ སོཏཱཔནྣསྶ པཉྙཱཡ དཱུརེ ཝིདཱུརེ སུཝིདཱུརེ ན སནྟིཀེ ¶ ན སཱམནྟཱ. ཨཊྛམཀཾ ཨུཔཱདཱཡ སོཏཱཔནྣོ ཨསཱམནྟཔཉྙོ. སོཏཱཔནྣསྶ པཉྙཱ སཀདཱགཱམིསྶ པཉྙཱཡ དཱུརེ ཝིདཱུརེ སུཝིདཱུརེ ན སནྟིཀེ ན སཱམནྟཱ. སོཏཱཔནྣཾ ཨུཔཱདཱཡ སཀདཱགཱམི ཨསཱམནྟཔཉྙོ. སཀདཱགཱམིསྶ པཉྙཱ ཨནཱགཱམིསྶ པཉྙཱཡ དཱུརེ ¶ ཝིདཱུརེ སུཝིདཱུརེ ན སནྟིཀེ ན སཱམནྟཱ. སཀདཱགཱམིཾ ཨུཔཱདཱཡ ཨནཱགཱམཱི ཨསཱམནྟཔཉྙོ. ཨནཱགཱམིསྶ པཉྙཱ ཨརཧཏོ པཉྙཱཡ དཱུརེ ཝིདཱུརེ སུཝིདཱུརེ ན སནྟིཀེ ན སཱམནྟཱ. ཨནཱགཱམིཾ ཨུཔཱདཱཡ ཨརཧཱ ཨསཱམནྟཔཉྙོ. ཨརཧཏོ པཉྙཱ པཙྩེཀསམྦུདྡྷསྶ [པཙྩེཀབུདྡྷསྶ (སྱཱ. ཀ.) ཨཊྛཀཐཱ ཨོལོཀེཏབྦཱ] པཉྙཱཡ དཱུརེ ཝིདཱུརེ སུཝིདཱུརེ ན སནྟིཀེ ན སཱམནྟཱ. ཨརཧནྟཾ ཨུཔཱདཱཡ པཙྩེཀབུདྡྷོ ཨསཱམནྟཔཉྙོ. པཙྩེཀབུདྡྷཉྩ སདེཝཀཉྩ ལོཀཾ ཨུཔཱདཱཡ ཏཐཱགཏོ ཨརཧཾ སམྨཱསམྦུདྡྷོ ཨགྒོ ¶ ཨསཱམནྟཔཉྙོ.

༥. པཉྙཱཔབྷེདཀུསལོ པབྷིནྣཉཱཎོ ཨདྷིགཏཔྤཊིསམྦྷིདོ ཙཏུཝེསཱརཛྫཔྤཏྟོ དསབལདྷཱརཱི པུརིསཱསབྷོ པུརིསསཱིཧོ པུརིསནཱགོ པུརིསཱཛཉྙོ པུརིསདྷོརཡ྄ཧོ ཨནནྟཉཱཎོ ཨནནྟཏེཛོ ཨནནྟཡསོ ཨཌྜྷོ མཧདྡྷནོ དྷནཝཱ ནེཏཱ ཝིནེཏཱ ཨནུནེཏཱ པཉྙཱཔེཏཱ ནིཛ྄ཛྷཱཔེཏཱ པེཀྑེཏཱ ¶ པསཱདེཏཱ. སོ ཧི བྷགཝཱ ཨནུཔྤནྣསྶ མགྒསྶ ཨུཔྤཱདེཏཱ, ཨསཉྫཱཏསྶ མགྒསྶ སཉྫནེཏཱ [སཉྫཱནེཏཱ (སྱཱ.)], ཨནཀྑཱཏསྶ མགྒསྶ ཨཀྑཱཏཱ, མགྒཉྙཱུ མགྒཝིདཱུ མགྒཀོཝིདོ མགྒཱནུགཱམཱི [མགྒཱནུགཱ (སྱཱ.) མཧཱནི. ༦༩ པསྶིཏབྦོ] ཙ པནསྶ ཨེཏརཧི སཱཝཀཱ ཝིཧརནྟི པཙྪཱ སམནྣཱགཏཱ.

སོ ཧི བྷགཝཱ ཛཱནཾ ཛཱནཱཏི, པསྶཾ པསྶཏི, ཙཀྑུབྷཱུཏོ ཉཱཎབྷཱུཏོ དྷམྨབྷཱུཏོ བྲཧྨབྷཱུཏོ ཝཏྟཱ པཝཏྟཱ ཨཏྠསྶ ནིནྣེཏཱ ཨམཏསྶ དཱཏཱ དྷམྨསྶཱམཱི ཏཐཱགཏོ. ནཏྠི ཏསྶ བྷགཝཏོ ཨཉྙཱཏཾ ཨདིཊྛཾ ཨཝིདིཏཾ ཨསཙྪིཀཏཾ ཨཕསྶིཏཾ པཉྙཱཡ. ཨཏཱིཏཾ ཨནཱགཏཾ པཙྩུཔྤནྣཾ [ཨཏཱིཏཱནཱགཏཔཙྩུཔྤནྣཾ (སྱཱ.) མཧཱནི. ༦༩] ཨུཔཱདཱཡ སབྦེ དྷམྨཱ སབྦཱཀཱརེན བུདྡྷསྶ བྷགཝཏོ ཉཱཎམུཁེ ཨཱཔཱཐཾ ཨཱགཙྪནྟི. ཡཾ ཀིཉྩི ནེཡྻཾ ནཱམ ཨཏྠི ཏཾ སབྦཾ ཛཱནིཏབྦཾ [སབྦཾ དྷམྨཾ ཛཱནིཏབྦཾ (ཀ.)]. ཨཏྟཏྠོ ཝཱ པརཏྠོ ཝཱ ཨུབྷཡཏྠོ ཝཱ དིཊྛདྷམྨིཀོ ཝཱ ཨཏྠོ སམྤརཱཡིཀོ ཝཱ ཨཏྠོ ཨུཏྟཱནོ ཝཱ ཨཏྠོ གམྦྷཱིརོ ¶ ཝཱ ཨཏྠོ གཱུལ༹ྷོ ཝཱ ཨཏྠོ པཊིཙྪནྣོ ཝཱ ཨཏྠོ ནེཡྻོ ཝཱ ཨཏྠོ ནཱིཏོ ཝཱ ཨཏྠོ ཨནཝཛྫོ ཝཱ ཨཏྠོ ནིཀྐིལེསོ ཝཱ ཨཏྠོ ཝོདཱནོ ཝཱ ཨཏྠོ པརམཏྠོ ཝཱ ཨཏྠོ, སབྦཾ ཏཾ ཨནྟོབུདྡྷཉཱཎེ པརིཝཏྟཏི.

སབྦཾ ¶ ཀཱཡཀམྨཾ བུདྡྷསྶ བྷགཝཏོ ཉཱཎཱནུཔརིཝཏྟི ¶ . སབྦཾ ཝཙཱིཀམྨཾ བུདྡྷསྶ བྷགཝཏོ ཉཱཎཱནུཔརིཝཏྟི. སབྦཾ མནོཀམྨཾ བུདྡྷསྶ བྷགཝཏོ ཉཱཎཱནུཔརིཝཏྟི. ཨཏཱིཏེ བུདྡྷསྶ བྷགཝཏོ ཨཔྤཊིཧཏཾ ཉཱཎཾ. ཨནཱགཏེ བུདྡྷསྶ བྷགཝཏོ ཨཔྤཊིཧཏཾ ཉཱཎཾ. པཙྩུཔྤནྣེ བུདྡྷསྶ བྷགཝཏོ ཨཔྤཊིཧཏཾ ཉཱཎཾ. ཡཱཝཏཀཾ ནེཡྻཾ ཏཱཝཏཀཾ ཉཱཎཾ, ཡཱཝཏཀཾ ཉཱཎཾ ཏཱཝཏཀཾ ནེཡྻཾ. ནེཡྻཔརིཡནྟིཀཾ ཉཱཎཾ, ཉཱཎཔརིཡནྟིཀཾ ནེཡྻཾ. ནེཡྻཾ ཨཏིཀྐམིཏྭཱ ཉཱཎཾ ནཔྤཝཏྟཏི. ཉཱཎཾ ཨཏིཀྐམིཏྭཱ ནེཡྻཔཐོ ནཏྠི. ཨཉྙམཉྙཔརིཡནྟཊྛཱཡིནོ ཏེ དྷམྨཱ. ཡཐཱ དྭིནྣཾ སམུགྒཔཊལཱནཾ སམྨཱ ཕུསིཏཱནཾ [སུཕུསྶིཏཱནཾ (སྱཱ. ཀ.)] ཧེཊྛིམཾ སམུགྒཔཊལཾ ཨུཔརིམཾ ནཱཏིཝཏྟཏི, ཨུཔརིམཾ སམུགྒཔཊལཾ ཧེཊྛིམཾ ནཱཏིཝཏྟཏི, ཨཉྙམཉྙཔརིཡནྟཊྛཱཡིནོ; ཨེཝམེཝ བུདྡྷསྶ བྷགཝཏོ ནེཡྻཉྩ ཉཱཎཉྩ ཨཉྙམཉྙཔརིཡནྟཊྛཱཡིནོ. ཡཱཝཏཀཾ ནེཡྻཾ ཏཱཝཏཀཾ ཉཱཎཾ, ཡཱཝཏཀཾ ཉཱཎཾ ཏཱཝཏཀཾ ནེཡྻཾ. ནེཡྻཔརིཡནྟིཀཾ ཉཱཎཾ, ཉཱཎཔརིཡནྟིཀཾ ནེཡྻཾ. ནེཡྻཾ ཨཏིཀྐམིཏྭཱ ཉཱཎཾ ནཔྤཝཏྟཏི. ཉཱཎཾ ཨཏིཀྐམིཏྭཱ ནེཡྻཔཐོ ནཏྠི. ཨཉྙམཉྙཔརིཡནྟཊྛཱཡིནོ ཏེ དྷམྨཱ. སབྦདྷམྨེསུ བུདྡྷསྶ བྷགཝཏོ ཉཱཎཾ པཝཏྟཏི.

སབྦེ དྷམྨཱ བུདྡྷསྶ བྷགཝཏོ ཨཱཝཛྫནཔྤཊིབདྡྷཱ ཨཱཀངྑཔྤཊིབདྡྷཱ མནསིཀཱརཔྤཊིབདྡྷཱ ཙིཏྟུཔྤཱདཔྤཊིབདྡྷཱ. སབྦསཏྟེསུ བུདྡྷསྶ བྷགཝཏོ ཉཱཎཾ པཝཏྟཏི. སབྦེསཾ སཏྟཱནཾ བུདྡྷོ ཨཱསཡཾ ཛཱནཱཏི, ཨནུསཡཾ ཛཱནཱཏི, ཙརིཏཾ [ཙརིཡཾ (སྱཱ.) མཧཱནི. ༦༩ པསྶིཏབྦཱ] ཛཱནཱཏི, ཨདྷིམུཏྟིཾ ཛཱནཱཏི ¶ . ཨཔྤརཛཀྑེ མཧཱརཛཀྑེ ཏིཀྑིནྡྲིཡེ མུདིནྡྲིཡེ སྭཱཀཱརེ ¶ དྭཱཀཱརེ སུཝིཉྙཱཔཡེ དུཝིཉྙཱཔཡེ བྷབྦཱབྷབྦེ སཏྟེ པཛཱནཱཏི. སདེཝཀོ ལོཀོ སམཱརཀོ སབྲཧྨཀོ སསྶམཎབྲཱཧྨཎཱི པཛཱ སདེཝམནུསྶཱ ཨནྟོབུདྡྷཉཱཎེ པརིཝཏྟཏི.

ཡཐཱ ཡེ ཀེཙི མཙྪཀཙྪཔཱ, ཨནྟམསོ ¶ ཏིམིཏིམིངྒལཾ ཨུཔཱདཱཡ, ཨནྟོམཧཱསམུདྡེ པརིཝཏྟནྟི, ཨེཝམེཝཾ སདེཝཀོ ལོཀོ སམཱརཀོ སབྲཧྨཀོ སསྶམཎབྲཱཧྨཎཱི པཛཱ སདེཝམནུསྶཱ ཨནྟོབུདྡྷཉཱཎེ པརིཝཏྟཏི. ཡཐཱ ཡེ ཀེཙི པཀྑིནོ, ཨནྟམསོ གརུལ༹ཾ ཝེནཏེཡྻཾ ཨུཔཱདཱཡ, ཨཱཀཱསསྶ པདེསེ པརིཝཏྟནྟི; ཨེཝམེཝ ཡེཔི ཏེ སཱརིཔུཏྟསམཱ པཉྙཱཡ ཏེཔི བུདྡྷཉཱཎསྶ པདེསེ པརིཝཏྟནྟི. བུདྡྷཉཱཎཾ དེཝམནུསྶཱནཾ ¶ པཉྙཾ ཕརིཏྭཱ ཨཏིགྷཾསིཏྭཱ ཏིཊྛཏི. ཡེཔི ཏེ ཁཏྟིཡཔཎྜིཏཱ བྲཱཧྨཎཔཎྜིཏཱ གཧཔཏིཔཎྜིཏཱ སམཎཔཎྜིཏཱ ནིཔུཎཱ ཀཏཔརཔྤཝཱདཱ ཝཱལཝེདྷིརཱུཔཱ ཝོབྷིནྡནྟཱ [ཏེ བྷིནྡནྟཱ (སྱཱ. ཀ.)] མཉྙེ ཙརནྟི པཉྙཱགཏེན དིཊྛིགཏཱནི, ཏེ པཉྷཾ ཨབྷིསངྑརིཏྭཱ ཨབྷིསངྑརིཏྭཱ ཏཐཱགཏཾ ཨུཔསངྐམིཏྭཱ པུཙྪནྟི གཱུལ༹ྷཱནི ཙ པཊིཙྪནྣཱནི ཙ, ཀཐིཏཱ ཝིསཛྫིཏཱ ཙ ཏེ པཉྷཱ བྷགཝཏཱ ཧོནྟི ནིདྡིཊྛཀཱརཎཱ [ནིདྡིཊྛིཀཱརཎཱ (སྱཱ.)]. ཨུཔཀྑིཏྟཀཱ ཙ ཏེ བྷགཝཏོ སམྤཛྫནྟི. ཨཐ ཁོ བྷགཝཱ ཏཏྠ ཨཏིརོཙཏི ཡདིདཾ པཉྙཱཡཱཏི. ཨགྒོ ཨསཱམནྟཔཉྙོ, ཨསཱམནྟཔཉྙཏཱཡ སཾཝཏྟནྟཱིཏི – ཨཡཾ ཨསཱམནྟཔཉྙཱ.

༦. བྷཱུརིཔཉྙཏཱཡ ¶ སཾཝཏྟནྟཱིཏི ཀཏམཱ བྷཱུརིཔཉྙཱ? རཱགཾ ཨབྷིབྷུཡྻཏཱིཏི – བྷཱུརིཔཉྙཱ. ཨབྷིབྷཝིཏཱཏི – བྷཱུརིཔཉྙཱ. དོསཾ ཨབྷིབྷུཡྻཏཱིཏི – བྷཱུརིཔཉྙཱ. ཨབྷིབྷཝིཏཱཏི – བྷཱུརིཔཉྙཱ. མོཧཾ ཨབྷིབྷུཡྻཏཱིཏི – བྷཱུརིཔཉྙཱ. ཨབྷིབྷཝིཏཱཏི – བྷཱུརིཔཉྙཱ. ཀོདྷཾ…པེ… ཨུཔནཱཧཾ ¶ … མཀྑཾ… པལཱ༹སཾ… ཨིསྶཾ… མཙྪརིཡཾ… མཱཡཾ… སཱཋེཡྻཾ… ཐམྦྷཾ… སཱརམྦྷཾ… མཱནཾ… ཨཏིམཱནཾ… མདཾ… པམཱདཾ… སབྦེ ཀིལེསེ… སབྦེ དུཙྩརིཏེ… སབྦེ ཨབྷིསངྑཱརེ…པེ… སབྦེ བྷཝགཱམིཀམྨེ ཨབྷིབྷུཡྻཏཱིཏི – བྷཱུརིཔཉྙཱ. ཨབྷིབྷཝིཏཱཏི – བྷཱུརིཔཉྙཱ. རཱགོ ཨརི. ཏཾ ཨརིཾ མདྡནིཔཉྙཱཏི – བྷཱུརིཔཉྙཱ. དོསོ ཨརི. ཏཾ ཨརིཾ མདྡནིཔཉྙཱཏི – བྷཱུརིཔཉྙཱ. མོཧོ ཨརི. ཏཾ ཨརིཾ མདྡནིཔཉྙཱཏི – བྷཱུརིཔཉྙཱ. ཀོདྷོ…པེ… ཨུཔནཱཧོ… མཀྑོ… པལཱ༹སོ… ཨིསྶཱ… མཙྪརིཡཾ… མཱཡཱ… སཱཋེཡྻཾ… ཐམྦྷོ… སཱརམྦྷོ… མཱནོ… ཨཏིམཱནོ… མདོ… པམཱདོ… སབྦེ ཀིལེསཱ… སབྦེ དུཙྩརིཏཱ… སབྦེ ཨབྷིསངྑཱརཱ…པེ… སབྦེ བྷཝགཱམིཀམྨཱ ཨརི. ཏཾ ཨརིཾ མདྡནིཔཉྙཱཏི – བྷཱུརིཔཉྙཱ. བྷཱུརི ཝུཙྩཏི པཐཝཱི [པཋཝཱི (སྱཱ.)]. ཏཱཡ པཐཝིསམཱཡ ཝིཏྠཏཱཡ ཝིཔུལཱཡ པཉྙཱཡ སམནྣཱགཏོཏི – བྷཱུརིཔཉྙཱ. ཨཔི ཙ, པཉྙཱཡ མེཏཾ ཨདྷིཝཙནཾ. བྷཱུརི མེདྷཱ པརིཎཱཡིཀཱཏི – བྷཱུརིཔཉྙཱ. བྷཱུརིཔཉྙཏཱཡ སཾཝཏྟནྟཱིཏི – ཨཡཾ བྷཱུརིཔཉྙཱ.

པཉྙཱབཱཧུལླཱཡ ¶ སཾཝཏྟནྟཱིཏི ཀཏམཾ པཉྙཱབཱཧུལླཾ? ཨིདྷེཀཙྩོ ¶ པཉྙཱགརུཀོ ཧོཏི པཉྙཱཙརིཏོ པཉྙཱསཡོ པཉྙཱདྷིམུཏྟོ པཉྙཱདྷཛོ པཉྙཱཀེཏུ པཉྙཱདྷིཔཏེཡྻོ ཝིཙཡབཧུལོ པཝིཙཡབཧུལོ ཨོཀྑཱཡནབཧུལོ སམོཀྑཱཡནབཧུལོ [སམྤེཀྑཱཡནབཧུལོ (སྱཱ. ཀ.) མཧཱནི. ༢༠༤ པསྶིཏབྦཱ] སམྤེཀྑཱཡནདྷམྨོ ཝིབྷཱུཏཝིཧཱརཱི ཏཙྩརིཏོ ཏགྒརུཀོ ཏབྦཧུལོ ཏནྣིནྣོ ཏཔྤོཎོ ¶ ཏཔྤབྦྷཱརོ ཏདདྷིམུཏྟོ ཏདདྷིཔཏེཡྻོ. ཡཐཱ གཎགརུཀོ ཝུཙྩཏི ‘‘གཎབཱཧུལིཀོ’’ཏི, ཙཱིཝརགརུཀོ ཝུཙྩཏི ‘‘ཙཱིཝརབཱཧུལིཀོ’’ཏི, པཏྟགརུཀོ ཝུཙྩཏི ‘‘པཏྟབཱཧུལིཀོ’’ཏི, སེནཱསནགརུཀོ ཝུཙྩཏི ‘‘སེནཱསནབཱཧུལིཀོ’’ཏི; ཨེཝམེཝཾ ཨིདྷེཀཙྩོ པཉྙཱ གརུཀོ ¶ ཧོཏི པཉྙཱཙརིཏོ པཉྙཱསཡོ པཉྙཱདྷིམུཏྟོ པཉྙཱདྷཛོ པཉྙཱཀེཏུ པཉྙཱདྷིཔཏེཡྻོ ཝིཙཡབཧུལོ པཝིཙཡབཧུལོ ཨོཀྑཱཡནབཧུལོ སམོཀྑཱཡནབཧུལོ སམྤེཀྑཱཡནདྷམྨོ ཝིབྷཱུཏཝིཧཱརཱི ཏཙྩརིཏོ ཏགྒརུཀོ ཏབྦཧུལོ ཏནྣིནྣོ ཏཔྤོཎོ ཏཔྤབྦྷཱརོ ཏདདྷིམུཏྟོ ཏདདྷིཔཏེཡྻོ. པཉྙཱབཱཧུལླཱཡ སཾཝཏྟནྟཱིཏི – ཨིདཾ པཉྙཱབཱཧུལླཾ.

སཱིགྷཔཉྙཏཱཡ སཾཝཏྟནྟཱིཏི ཀཏམཱ སཱིགྷཔཉྙཱ? སཱིགྷཾ སཱིགྷཾ སཱིལཱནི པརིཔཱུརེཏཱིཏི – སཱིགྷཔཉྙཱ. སཱིགྷཾ སཱིགྷཾ ཨིནྡྲིཡསཾཝརཾ པརིཔཱུརེཏཱིཏི – སཱིགྷཔཉྙཱ. སཱིགྷཾ སཱིགྷཾ བྷོཛནེ མཏྟཉྙུཏཾ པརིཔཱུརེཏཱིཏི – སཱིགྷཔཉྙཱ. སཱིགྷཾ སཱིགྷཾ ཛཱགརིཡཱནུཡོགཾ པརིཔཱུརེཏཱིཏི – སཱིགྷཔཉྙཱ. སཱིགྷཾ སཱིགྷཾ སཱིལཀྑནྡྷཾ པརིཔཱུརེཏཱིཏི – སཱིགྷཔཉྙཱ. སཱིགྷཾ སཱིགྷཾ སམཱདྷིཀྑནྡྷཾ པརིཔཱུརེཏཱིཏི – སཱིགྷཔཉྙཱ. སཱིགྷཾ སཱིགྷཾ པཉྙཱཀྑནྡྷཾ པརིཔཱུརེཏཱིཏི – སཱིགྷཔཉྙཱ ¶ . སཱིགྷཾ སཱིགྷཾ ཝིམུཏྟིཀྑནྡྷཾ པརིཔཱུརེཏཱིཏི – སཱིགྷཔཉྙཱ. སཱིགྷཾ སཱིགྷཾ ཝིམུཏྟིཉཱཎདསྶནཀྑནྡྷཾ པརིཔཱུརེཏཱིཏི – སཱིགྷཔཉྙཱ. སཱིགྷཾ སཱིགྷཾ ཋཱནཱཊྛཱནཱནི པཊིཝིཛ྄ཛྷཏཱིཏི – སཱིགྷཔཉྙཱ. སཱིགྷཾ སཱིགྷཾ ཝིཧཱརསམཱཔཏྟིཡོ པརིཔཱུརེཏཱིཏི – སཱིགྷཔཉྙཱ. སཱིགྷཾ སཱིགྷཾ ཨརིཡསཙྩཱནི པཊིཝིཛ྄ཛྷཏཱིཏི – སཱིགྷཔཉྙཱ. སཱིགྷཾ སཱིགྷཾ སཏིཔཊྛཱནེ བྷཱཝེཏཱིཏི – སཱིགྷཔཉྙཱ. སཱིགྷཾ སཱིགྷཾ སམྨཔྤདྷཱནེ བྷཱཝེཏཱིཏི – སཱིགྷཔཉྙཱ. སཱིགྷཾ སཱིགྷཾ ཨིདྡྷིཔཱདེ བྷཱཝེཏཱིཏི – སཱིགྷཔཉྙཱ. སཱིགྷཾ སཱིགྷཾ ཨིནྡྲིཡཱནི བྷཱཝེཏཱིཏི – སཱིགྷཔཉྙཱ. སཱིགྷཾ སཱིགྷཾ བལཱནི བྷཱཝེཏཱིཏི – སཱིགྷཔཉྙཱ. སཱིགྷཾ སཱིགྷཾ བོཛ྄ཛྷངྒེ བྷཱཝེཏཱིཏི – སཱིགྷཔཉྙཱ. སཱིགྷཾ སཱིགྷཾ ཨརིཡམགྒཾ བྷཱཝེཏཱིཏི – སཱིགྷཔཉྙཱ. སཱིགྷཾ སཱིགྷཾ སཱམཉྙཕལཱནི སཙྪིཀརོཏཱིཏི – སཱིགྷཔཉྙཱ. སཱིགྷཾ སཱིགྷཾ ཨབྷིཉྙཱཡོ པཊིཝིཛ྄ཛྷཏཱིཏི – སཱིགྷཔཉྙཱ. སཱིགྷཾ སཱིགྷཾ པརམཏྠཾ ནིབྦཱནཾ སཙྪིཀརོཏཱིཏི – སཱིགྷཔཉྙཱ. སཱིགྷཔཉྙཏཱཡ སཾཝཏྟནྟཱིཏི – ཨཡཾ སཱིགྷཔཉྙཱ.

ལཧུཔཉྙཏཱཡ སཾཝཏྟནྟཱིཏི ཀཏམཱ ལཧུཔཉྙཱ? ལཧུཾ ལཧུཾ སཱིལཱནི པརིཔཱུརེཏཱིཏི – ལཧུཔཉྙཱ. ལཧུཾ ལཧུཾ ཨིནྡྲིཡསཾཝརཾ པརིཔཱུརེཏཱིཏི – ལཧུཔཉྙཱ. ལཧུཾ ལཧུཾ ¶ བྷོཛནེ མཏྟཉྙུཏཾ པརིཔཱུརེཏཱིཏི – ལཧུཔཉྙཱ. ལཧུཾ ལཧུཾ ཛཱགརིཡཱནུཡོགཾ པརིཔཱུརེཏཱིཏི – ལཧུཔཉྙཱ. ལཧུཾ ལཧུཾ སཱིལཀྑནྡྷཾ ¶ …པེ… སམཱདྷིཀྑནྡྷཾ ¶ … པཉྙཱཀྑནྡྷཾ… ཝིམུཏྟིཀྑནྡྷཾ… ཝིམུཏྟིཉཱཎདསྶནཀྑནྡྷཾ པརིཔཱུརེཏཱིཏི – ལཧུཔཉྙཱ. ལཧུཾ ལཧུཾ ཋཱནཱཊྛཱནཱནི པཊིཝིཛ྄ཛྷཏཱིཏི – ལཧུཔཉྙཱ. ལཧུཾ ལཧུཾ ཝིཧཱརསམཱཔཏྟིཡོ པརིཔཱུརེཏཱིཏི ¶ – ལཧུཔཉྙཱ. ལཧུཾ ལཧུཾ ཨརིཡསཙྩཱནི པཊིཝིཛ྄ཛྷཏཱིཏི – ལཧུཔཉྙཱ. ལཧུཾ ལཧུཾ སཏིཔཊྛཱནེ བྷཱཝེཏཱིཏི – ལཧུཔཉྙཱ. ལཧུཾ ལཧུཾ སམྨཔྤདྷཱནེ བྷཱཝེཏཱིཏི – ལཧུཔཉྙཱ. ལཧུཾ ལཧུཾ ཨིདྡྷིཔཱདེ བྷཱཝེཏཱིཏི – ལཧུཔཉྙཱ. ལཧུཾ ལཧུཾ ཨིནྡྲིཡཱནི བྷཱཝེཏཱིཏི – ལཧུཔཉྙཱ. ལཧུཾ ལཧུཾ བལཱནི བྷཱཝེཏཱིཏི – ལཧུཔཉྙཱ. ལཧུཾ ལཧུཾ བོཛ྄ཛྷངྒེ བྷཱཝེཏཱིཏི – ལཧུཔཉྙཱ. ལཧུཾ ལཧུཾ ཨརིཡམགྒཾ བྷཱཝེཏཱིཏི – ལཧུཔཉྙཱ. ལཧུཾ ལཧུཾ སཱམཉྙཕལཱནི སཙྪིཀརོཏཱིཏི – ལཧུཔཉྙཱ. ལཧུཾ ལཧུཾ ཨབྷིཉྙཱཡོ པཊིཝིཛ྄ཛྷཏཱིཏི – ལཧུཔཉྙཱ. ལཧུཾ ལཧུཾ པརམཏྠཾ ནིབྦཱནཾ སཙྪིཀརོཏཱིཏི – ལཧུཔཉྙཱ. ལཧུཔཉྙཏཱཡ སཾཝཏྟནྟཱིཏི – ཨཡཾ ལཧུཔཉྙཱ.

ཧཱསཔཉྙཏཱཡ སཾཝཏྟནྟཱིཏི ཀཏམཱ ཧཱསཔཉྙཱ? ཨིདྷེཀཙྩོ ཧཱསབཧུལོ ཝེདབཧུལོ ཏུཊྛིབཧུལོ པཱམོཛྫབཧུལོ སཱིལཱནི པརིཔཱུརེཏཱིཏི – ཧཱསཔཉྙཱ. ཧཱསབཧུལོ ཝེདབཧུལོ ཏུཊྛིབཧུལོ པཱམོཛྫབཧུལོ ཨིནྡྲིཡསཾཝརཾ པརིཔཱུརེཏཱིཏི – ཧཱསཔཉྙཱ. ཧཱསབཧུལོ ཝེདབཧུལོ ཏུཊྛིབཧུལོ པཱམོཛྫབཧུལོ བྷོཛནེ མཏྟཉྙུཏཾ པརིཔཱུརེཏཱིཏི – ཧཱསཔཉྙཱ. ཧཱསབཧུལོ ཝེདབཧུལོ ཏུཊྛིབཧུལོ པཱམོཛྫབཧུལོ ཛཱགརིཡཱནུཡོགཾ པརིཔཱུརེཏཱིཏི – ཧཱསཔཉྙཱ. ཧཱསབཧུལོ ཝེདབཧུལོ ཏུཊྛིབཧུལོ པཱམོཛྫབཧུལོ སཱིལཀྑནྡྷཾ…པེ… སམཱདྷིཀྑནྡྷཾ… པཉྙཱཀྑནྡྷཾ… ཝིམུཏྟིཀྑནྡྷཾ… ཝིམུཏྟིཉཱཎདསྶནཀྑནྡྷཾ པརིཔཱུརེཏཱིཏི…པེ… ཋཱནཱཊྛཱནཱནི པཊིཝིཛ྄ཛྷཏཱིཏི… ཝིཧཱརསམཱཔཏྟིཡོ པརིཔཱུརེཏཱིཏི ¶ … ཨརིཡསཙྩཱནི པཊིཝིཛ྄ཛྷཏཱིཏི… སཏིཔཊྛཱནེ བྷཱཝེཏཱིཏི… སམྨཔྤདྷཱནེ བྷཱཝེཏཱིཏི… ཨིདྡྷིཔཱདེ བྷཱཝེཏཱིཏི… ཨིནྡྲིཡཱནི བྷཱཝེཏཱིཏི… བལཱནི བྷཱཝེཏཱིཏི… བོཛ྄ཛྷངྒེ བྷཱཝེཏཱིཏི ¶ … ཨརིཡམགྒཾ བྷཱཝེཏཱིཏི…པེ… སཱམཉྙཕལཱནི སཙྪིཀརོཏཱིཏི – ཧཱསཔཉྙཱ. ཧཱསབཧུལོ ཝེདབཧུལོ ཏུཊྛིབཧུལོ པཱམོཛྫབཧུལོ ཨབྷིཉྙཱཡོ པཊིཝིཛ྄ཛྷཏཱིཏི – ཧཱསཔཉྙཱ. ཧཱསབཧུལོ ཝེདབཧུལོ ཏུཊྛིབཧུལོ པཱམོཛྫབཧུལོ པརམཏྠཾ ནིབྦཱནཾ སཙྪིཀརོཏཱིཏི – ཧཱསཔཉྙཱ. ཧཱསཔཉྙཏཱཡ སཾཝཏྟནྟཱིཏི – ཨཡཾ ཧཱསཔཉྙཱ.

༧. ཛཝནཔཉྙཏཱཡ སཾཝཏྟནྟཱིཏི ཀཏམཱ ཛཝནཔཉྙཱ? ཡཾ ཀིཉྩི རཱུཔཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ¶ ཝཱ ཡཾ དཱུརེ སནྟིཀེ ཝཱ, སབྦཾ རཱུཔཾ ཨནིཙྩཏོ ཁིཔྤཾ ཛཝཏཱིཏི – ཛཝནཔཉྙཱ. དུཀྑཏོ ཁིཔྤཾ ཛཝཏཱིཏི – ཛཝནཔཉྙཱ. ཨནཏྟཏོ ཁིཔྤཾ ཛཝཏཱིཏི – ཛཝནཔཉྙཱ. ཡཱ ཀཱཙི ¶ ཝེདནཱ…པེ… ཡཱ ཀཱཙི སཉྙཱ… ཡེ ཀེཙི སངྑཱརཱ… ཡཾ ཀིཉྩི ཝིཉྙཱཎཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ སནྟིཀེ ཝཱ, སབྦཾ ཝིཉྙཱཎཾ ཨནིཙྩཏོ ཁིཔྤཾ ཛཝཏཱིཏི – ཛཝནཔཉྙཱ. དུཀྑཏོ ཁིཔྤཾ ཛཝཏཱིཏི – ཛཝནཔཉྙཱ. ཨནཏྟཏོ ཁིཔྤཾ ཛཝཏཱིཏི – ཛཝནཔཉྙཱ. ཙཀྑུ…པེ… ཛརཱམརཎཾ ཨཏཱིཏཱནཱགཏཔཙྩུཔྤནྣཾ ཨནིཙྩཏོ ཁིཔྤཾ ཛཝཏཱིཏི – ཛཝནཔཉྙཱ. དུཀྑཏོ ཁིཔྤཾ ཛཝཏཱིཏི – ཛཝནཔཉྙཱ ¶ . ཨནཏྟཏོ ཁིཔྤཾ ཛཝཏཱིཏི – ཛཝནཔཉྙཱ.

རཱུཔཾ ཨཏཱིཏཱནཱགཏཔཙྩུཔྤནྣཾ ཨནིཙྩཾ ཁཡཊྛེན དུཀྑཾ བྷཡཊྛེན ཨནཏྟཱ ཨསཱརཀཊྛེནཱཏི ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ རཱུཔནིརོདྷེ ནིབྦཱནེ ཁིཔྤཾ ཛཝཏཱིཏི – ཛཝནཔཉྙཱ. ཝེདནཱ…པེ… སཉྙཱ… སངྑཱརཱ… ཝིཉྙཱཎཾ… ཙཀྑུ…པེ… ཛརཱམརཎཾ ཨཏཱིཏཱནཱགཏཔཙྩུཔྤནྣཾ ཨནིཙྩཾ ཁཡཊྛེན དུཀྑཾ བྷཡཊྛེན ཨནཏྟཱ ཨསཱརཀཊྛེནཱཏི ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ ཛརཱམརཎནིརོདྷེ [ཛརཱམརཎཾ རཱུཔནིརོདྷེ (སྱཱ.)] ནིབྦཱནེ ཁིཔྤཾ ཛཝཏཱིཏི – ཛཝནཔཉྙཱ.

རཱུཔཾ ཨཏཱིཏཱནཱགཏཔཙྩུཔྤནྣཾ ཨནིཙྩཾ སངྑཏཾ པཊིཙྩསམུཔྤནྣཾ ཁཡདྷམྨཾ ཝཡདྷམྨཾ ཝིརཱགདྷམྨཾ ནིརོདྷདྷམྨནྟི ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ རཱུཔནིརོདྷེ ནིབྦཱནེ ཁིཔྤཾ ཛཝཏཱིཏི – ཛཝནཔཉྙཱ. ཝེདནཱ…པེ… སཉྙཱ… སངྑཱརཱ… ཝིཉྙཱཎཾ… ཙཀྑུ…པེ… ཛརཱམརཎཾ ཨཏཱིཏཱནཱགཏཔཙྩུཔྤནྣཾ ཨནིཙྩཾ སངྑཏཾ པཊིཙྩསམུཔྤནྣཾ ཁཡདྷམྨཾ ཝཡདྷམྨཾ ཝིརཱགདྷམྨཾ ནིརོདྷདྷམྨནྟི ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ ཛརཱམརཎནིརོདྷེ ནིབྦཱནེ ཁིཔྤཾ ཛཝཏཱིཏི – ཛཝནཔཉྙཱ. ཛཝནཔཉྙཏཱཡ སཾཝཏྟནྟཱིཏི – ཨཡཾ ཛཝནཔཉྙཱ.

ཏིཀྑཔཉྙཏཱཡ སཾཝཏྟནྟཱིཏི ཀཏམཱ ཏིཀྑཔཉྙཱ? ཁིཔྤཾ ¶ ཀིལེསེ ཚིནྡཏཱིཏི – ཏིཀྑཔཉྙཱ. ཨུཔྤནྣཾ ཀཱམཝིཏཀྐཾ ནཱདྷིཝཱསེཏི པཛཧཏི ཝིནོདེཏི བྱནྟཱིཀརོཏི [བྱནྟིཾ ཀརོཏི (ཀ.)] ཨནབྷཱཝཾ གམེཏཱིཏི – ཏིཀྑཔཉྙཱ. ཨུཔྤནྣཾ བྱཱཔཱདཝིཏཀྐཾ ནཱདྷིཝཱསེཏི པཛཧཏི ཝིནོདེཏི བྱནྟཱིཀརོཏི ¶ ཨནབྷཱཝཾ གམེཏཱིཏི – ཏིཀྑཔཉྙཱ. ཨུཔྤནྣཾ ཝིཧིཾསཱཝིཏཀྐཾ ནཱདྷིཝཱསེཏི…པེ… ཨུཔྤནྣུཔྤནྣེ པཱཔཀེ ཨཀུསལེ དྷམྨེ ནཱདྷིཝཱསེཏི པཛཧཏི ཝིནོདེཏི བྱནྟཱིཀརོཏི ཨནབྷཱཝཾ ¶ གམེཏཱིཏི – ཏིཀྑཔཉྙཱ. ཨུཔྤནྣཾ རཱགཾ ནཱདྷིཝཱསེཏི པཛཧཏི ཝིནོདེཏི བྱནྟཱིཀརོཏི ཨནབྷཱཝཾ གམེཏཱིཏི – ཏིཀྑཔཉྙཱ. ཨུཔྤནྣཾ དོསཾ…པེ… ཨུཔྤནྣཾ མོཧཾ ¶ … ཨུཔྤནྣཾ ཀོདྷཾ… ཨུཔྤནྣཾ ཨུཔནཱཧཾ… མཀྑཾ… པལཱ༹སཾ… ཨིསྶཾ… མཙྪརིཡཾ… མཱཡཾ… སཱཋེཡྻཾ… ཐམྦྷཾ… སཱརམྦྷཾ… མཱནཾ… ཨཏིམཱནཾ… མདཾ… པམཱདཾ… སབྦེ ཀིལེསེ… སབྦེ དུཙྩརིཏེ… སབྦེ ཨབྷིསངྑཱརེ…པེ… སབྦེ བྷཝགཱམིཀམྨེ ནཱདྷིཝཱསེཏི པཛཧཏི ཝིནོདེཏི བྱནྟཱིཀརོཏི ཨནབྷཱཝཾ གམེཏཱིཏི – ཏིཀྑཔཉྙཱ. ཨེཀསྨིཾ ཨཱསནེ ཙཏྟཱརོ ཙ ཨརིཡམགྒཱ ཙཏྟཱརི ཙ སཱམཉྙཕལཱནི ཙཏསྶོ པཊིསམྦྷིདཱཡོ ཚ ཨབྷིཉྙཱཡོ ཨདྷིགཏཱ ཧོནྟི སཙྪིཀཏཱ ཕསྶིཏཱ པཉྙཱཡཱཏི – ཏིཀྑཔཉྙཱ. ཏིཀྑཔཉྙཏཱཡ སཾཝཏྟནྟཱིཏི – ཨཡཾ ཏིཀྑཔཉྙཱ.

ནིབྦེདྷིཀཔཉྙཏཱཡ སཾཝཏྟནྟཱིཏི ཀཏམཱ ནིབྦེདྷིཀཔཉྙཱ? ཨིདྷེཀཙྩོ སབྦསངྑཱརེསུ ཨུབྦེགབཧུལོ ཧོཏི ཨུཏྟཱསབཧུལོ ཨུཀྐཎྛནབཧུལོ ཨརཏིབཧུལོ ཨནབྷིརཏིབཧུལོ. བཧིམུཁོ ན རམཏི སབྦསངྑཱརེསུ. ཨནིབྦིདྡྷཔུབྦཾ ཨཔྤདཱལིཏཔུབྦཾ ལོབྷཀྑནྡྷཾ ནིབྦིཛ྄ཛྷཏི པདཱལེཏཱིཏི – ནིབྦེདྷིཀཔཉྙཱ. ཨནིབྦིདྡྷཔུབྦཾ ཨཔྤདཱལིཏཔུབྦཾ དོསཀྑནྡྷཾ ནིབྦིཛ྄ཛྷཏི པདཱལེཏཱིཏི – ནིབྦེདྷིཀཔཉྙཱ. ཨནིབྦིདྡྷཔུབྦཾ ཨཔྤདཱལིཏཔུབྦཾ མོཧཀྑནྡྷཾ ¶ ནིབྦིཛ྄ཛྷཏི པདཱལེཏཱིཏི – ནིབྦེདྷིཀཔཉྙཱ ¶ . ཨནིབྦིདྡྷཔུབྦཾ ཨཔྤདཱལིཏཔུབྦཾ ཀོདྷཾ…པེ… ཨུཔནཱཧཾ… མཀྑཾ… པལཱ༹སཾ… ཨིསྶཾ… མཙྪརིཡཾ… མཱཡཾ… སཱཋེཡྻཾ… ཐམྦྷཾ… སཱརམྦྷཾ… མཱནཾ… ཨཏིམཱནཾ… མདཾ… པམཱདཾ… སབྦེ ཀིལེསེ… སབྦེ དུཙྩརིཏེ… སབྦེ ཨབྷིསངྑཱརེ…པེ… སབྦེ བྷཝགཱམིཀམྨེ ནིབྦིཛ྄ཛྷཏི པདཱལེཏཱིཏི – ནིབྦེདྷིཀཔཉྙཱ. ནིབྦེདྷིཀཔཉྙཏཱཡ སཾཝཏྟནྟཱིཏི – ཨཡཾ ནིབྦེདྷིཀཔཉྙཱ.

ཨིམཱ སོལ༹ས པཉྙཱཡོ. ཨིམཱཧི སོལ༹སཧི པཉྙཱཧི སམནྣཱགཏོ པུགྒལོ པཊིསམྦྷིདཔྤཏྟོ.

༢. པུགྒལཝིསེསནིདྡེསོ

༨. དྭེ པུགྒལཱ པཊིསམྦྷིདཔྤཏྟཱ – ཨེཀོ པུབྦཡོགསམྤནྣོ, ཨེཀོ ན པུབྦཡོགསམྤནྣོ. ཡོ པུབྦཡོགསམྤནྣོ སོ ཏེན ཨཏིརེཀོ ཧོཏི, ཨདྷིཀོ ཧོཏི, ཝིསེསོ ཧོཏི. ཏསྶ ཉཱཎཾ པབྷིཛྫཏི.

དྭེ པུགྒལཱ པཊིསམྦྷིདཔྤཏྟཱ, དྭེཔི པུབྦཡོགསམྤནྣཱ – ཨེཀོ བཧུསྶུཏོ, ཨེཀོ ན བཧུསྶུཏོ ¶ . ཡོ བཧུསྶུཏོ, སོ ཏེན ཨཏིརེཀོ ¶ ཧོཏི, ཨདྷིཀོ ཧོཏི, ཝིསེསོ ཧོཏི. ཏསྶ ཉཱཎཾ པབྷིཛྫཏི.

དྭེ པུགྒལཱ པཊིསམྦྷིདཔྤཏྟཱ, དྭེཔི པུབྦཡོགསམྤནྣཱ, དྭེཔི བཧུསྶུཏཱ – ཨེཀོ དེསནཱབཧུལོ, ཨེཀོ ན དེསནཱབཧུལོ. ཡོ དེསནཱབཧུལོ, སོ ཏེན ཨཏིརེཀོ ཧོཏི, ཨདྷིཀོ ཧོཏི, ཝིསེསོ ཧོཏི. ཏསྶ ཉཱཎཾ པབྷིཛྫཏི.

དྭེ པུགྒལཱ པཊིསམྦྷིདཔྤཏྟཱ, དྭེཔི པུབྦཡོགསམྤནྣཱ, དྭེཔི བཧུསྶུཏཱ, དྭེཔི དེསནཱབཧུལཱ – ཨེཀོ གརཱུཔནིསྶིཏོ, ཨེཀོ ན གརཱུཔནིསྶིཏོ ¶ . ཡོ གརཱུཔནིསྶིཏོ, སོ ཏེན ཨཏིརེཀོ ཧོཏི, ཨདྷིཀོ ཧོཏི, ཝིསེསོ ཧོཏི. ཏསྶ ཉཱཎཾ པབྷིཛྫཏི.

དྭེ པུགྒལཱ པཊིསམྦྷིདཔྤཏྟཱ, དྭེཔི པུབྦཡོགསམྤནྣཱ, དྭེཔི བཧུསྶུཏཱ, དྭེཔི དེསནཱབཧུལཱ, དྭེཔི གརཱུཔནིསྶིཏཱ – ཨེཀོ ཝིཧཱརབཧུལོ, ཨེཀོ ན ཝིཧཱརབཧུལོ. ཡོ ཝིཧཱརབཧུལོ, སོ ཏེན ཨཏིརེཀོ ཧོཏི, ཨདྷིཀོ ཧོཏི, ཝིསེསོ ཧོཏི. ཏསྶ ཉཱཎཾ པབྷིཛྫཏི.

དྭེ པུགྒལཱ པཊིསམྦྷིདཔྤཏྟཱ, དྭེཔི པུབྦཡོགསམྤནྣཱ, དྭེཔི བཧུསྶུཏཱ, དྭེཔི དེསནཱབཧུལཱ, དྭེཔི གརཱུཔནིསྶིཏཱ, དྭེཔི ཝིཧཱརབཧུལཱ – ཨེཀོ པཙྩཝེཀྑཎཱབཧུལོ ¶ , ཨེཀོ ན པཙྩཝེཀྑཎཱབཧུལོ. ཡོ པཙྩཝེཀྑཎཱབཧུལོ, སོ ཏེན ཨཏིརེཀོ ཧོཏི, ཨདྷིཀོ ཧོཏི, ཝིསེསོ ཧོཏི. ཏསྶ ཉཱཎཾ པབྷིཛྫཏི.

དྭེ པུགྒལཱ པཊིསམྦྷིདཔྤཏྟཱ, དྭེཔི པུབྦཡོགསམྤནྣཱ, དྭེཔི བཧུསྶུཏཱ, དྭེཔི དེསནཱབཧུལཱ, དྭེཔི གརཱུཔནིསྶིཏཱ, དྭེཔི ཝིཧཱརབཧུལཱ, དྭེཔི པཙྩཝེཀྑཎཱབཧུལཱ – ཨེཀོ སེཁཔཊིསམྦྷིདཔྤཏྟོ, ཨེཀོ ཨསེཁཔཊིསམྦྷིདཔྤཏྟོ. ཡོ ཨསེཁཔཊིསམྦྷིདཔྤཏྟོ, སོ ཏེན ཨཏིརེཀོ ཧོཏི, ཨདྷིཀོ ཧོཏི, ཝིསེསོ ཧོཏི. ཏསྶ ཉཱཎཾ པབྷིཛྫཏི.

དྭེ པུགྒལཱ པཊིསམྦྷིདཔྤཏྟཱ, དྭེཔི པུབྦཡོགསམྤནྣཱ, དྭེཔི བཧུསྶུཏཱ, དྭེཔི དེསནཱབཧུལཱ, དྭེཔི གརཱུཔནིསྶིཏཱ, དྭེཔི ཝིཧཱརབཧུལཱ, དྭེཔི པཙྩཝེཀྑཎཱབཧུལཱ, དྭེཔི ཨསེཁཔཊིསམྦྷིདཔྤཏྟཱ – ཨེཀོ སཱཝཀཔཱརམིཔྤཏྟོ, ཨེཀོ ན ¶ སཱཝཀཔཱརམིཔྤཏྟོ. ཡོ སཱཝཀཔཱརམིཔྤཏྟོ ¶ , སོ ¶ ཏེན ཨཏིརེཀོ ཧོཏི, ཨདྷིཀོ ཧོཏི, ཝིསེསོ ཧོཏི. ཏསྶ ཉཱཎཾ པབྷིཛྫཏི.

དྭེ པུགྒལཱ པཊིསམྦྷིདཔྤཏྟཱ, དྭེཔི པུབྦཡོགསམྤནྣཱ, དྭེཔི བཧུསྶུཏཱ, དྭེཔི དེསནཱབཧུལཱ, དྭེཔི གརཱུཔནིསྶིཏཱ, དྭེཔི ཝིཧཱརབཧུལཱ, དྭེཔི པཙྩཝེཀྑཎཱབཧུལཱ, དྭེཔི ཨསེཁཔཊིསམྦྷིདཔྤཏྟཱ – ཨེཀོ སཱཝཀཔཱརམིཔྤཏྟོ, ཨེཀོ པཙྩེཀསམྦུདྡྷོ. ཡོ པཙྩེཀསམྦུདྡྷོ, སོ ཏེན ཨཏིརེཀོ ཧོཏི, ཨདྷིཀོ ཧོཏི, ཝིསེསོ ཧོཏི. ཏསྶ ཉཱཎཾ པབྷིཛྫཏི.

པཙྩེཀབུདྡྷཉྩ སདེཝཀཉྩ ལོཀཾ ཨུཔཱདཱཡ ཏཐཱགཏོ ཨརཧཾ སམྨཱསམྦུདྡྷོ ཨགྒོ པཊིསམྦྷིདཔྤཏྟོ པཉྙཱཔབྷེདཀུསལོ པབྷིནྣཉཱཎོ ཨདྷིགཏཔཊིསམྦྷིདོ ཙཏུཝེསཱརཛྫཔྤཏྟོ དསབལདྷཱརཱི པུརིསཱསབྷོ པུརིསསཱིཧོ…པེ… ཡེཔི ཏེ ཁཏྟིཡཔཎྜིཏཱ བྲཱཧྨཎཔཎྜིཏཱ གཧཔཏིཔཎྜིཏཱ སམཎཔཎྜིཏཱ ནིཔུཎཱ ཀཏཔརཔྤཝཱདཱ ཝཱལཝེདྷིརཱུཔཱ ཝོབྷིནྡནྟཱ མཉྙེ ཙརནྟི པཉྙཱགཏེན དིཊྛིགཏཱནི, ཏེ པཉྷཾ ཨབྷིསངྑརིཏྭཱ ཨབྷིསངྑརིཏྭཱ ཏཐཱགཏཾ ཨུཔསངྐམིཏྭཱ པུཙྪནྟི གཱུལ༹ྷཱནི ཙ ¶ པཊིཙྪནྣཱནི ཙ. ཀཐིཏཱ ཝིསཛྫིཏཱ ཙ ཏེ པཉྷཱ བྷགཝཏཱ ཧོནྟི ནིདྡིཊྛཀཱརཎཱ, ཨུཔཀྑིཏྟཀཱ ཙ ཏེ བྷགཝཏོ སམྤཛྫནྟི. ཨཐ ཁོ བྷགཝཱ ཏཏྠ ཨཏིརོཙཏི, ཡདིདཾ པཉྙཱཡཱཏི ཨགྒོ པཊིསམྦྷིདཔྤཏྟོཏི.

མཧཱཔཉྙཱཀཐཱ ནིཊྛིཏཱ.

༢. ཨིདྡྷིཀཐཱ

༩. ཀཱ ¶ ¶ ¶ ཨིདྡྷི? ཀཏི ཨིདྡྷིཡོ? ཨིདྡྷིཡཱ ཀཏི བྷཱུམིཡོ, ཀཏི པཱདཱ, ཀཏི པདཱནི, ཀཏི མཱུལཱནི? ཀཱ ཨིདྡྷཱིཏི? ཨིཛ྄ཛྷནཊྛེན ཨིདྡྷི. ཀཏི ཨིདྡྷིཡོཏི? དས ཨིདྡྷིཡོ. ཨིདྡྷིཡཱ ཀཏི བྷཱུམིཡོཏི? ཨིདྡྷིཡཱ ཙཏསྶོ བྷཱུམིཡོ, ཙཏྟཱརོ པཱདཱ, ཨཊྛ པདཱནི, སོལ༹ས མཱུལཱནི.

༡༠. ཀཏམཱ དས ཨིདྡྷིཡོ? ཨདྷིཊྛཱནཱ ཨིདྡྷི, ཝིཀུབྦནཱ ཨིདྡྷི, མནོམཡཱ ཨིདྡྷི, ཉཱཎཝིཔྥཱརཱ ཨིདྡྷི, སམཱདྷིཝིཔྥཱརཱ ཨིདྡྷི, ཨརིཡཱ ཨིདྡྷི, ཀམྨཝིཔཱཀཛཱ ཨིདྡྷི, པུཉྙཝཏོ ¶ ཨིདྡྷི, ཝིཛྫཱམཡཱ ཨིདྡྷི, ཏཏྠ ཏཏྠ སམྨཱ པཡོགཔཙྩཡཱ [སམྨཔྤཡོགཔཙྩཡཱ (སྱཱ. ཀ.)] ཨིཛ྄ཛྷནཊྛེན ཨིདྡྷི.

ཨིདྡྷིཡཱ ཀཏམཱ ཙཏསྶོ བྷཱུམིཡོ? ཝིཝེཀཛཱབྷཱུམི པཋམཾ ཛྷཱནཾ, པཱིཏིསུཁབྷཱུམི དུཏིཡཾ ཛྷཱནཾ, ཨུཔེཀྑཱསུཁབྷཱུམི ཏཏིཡཾ ཛྷཱནཾ, ཨདུཀྑམསུཁཱབྷཱུམི ཙཏུཏྠཾ ཛྷཱནཾ. ཨིདྡྷིཡཱ ཨིམཱ ཙཏསྶོ བྷཱུམིཡོ ཨིདྡྷིལཱབྷཱཡ ཨིདྡྷིཔཊིལཱབྷཱཡ ཨིདྡྷིཝིཀུབྦནཏཱཡ ཨིདྡྷིཝིསཝིཏཱཡ ཨིདྡྷིཝསཱིབྷཱཝཱཡ ཨིདྡྷིཝེསཱརཛྫཱཡ སཾཝཏྟནྟཱིཏི.

ཨིདྡྷིཡཱ ཀཏམེ ཙཏྟཱརོ པཱདཱ? ཨིདྷ བྷིཀྑུ ཚནྡསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི, ཙིཏྟསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི, ཝཱིརིཡསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི, ཝཱིམཾསཱསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི. ཨིདྡྷིཡཱ ཨིམེ ཙཏྟཱརོ པཱདཱ ཨིདྡྷིལཱབྷཱཡ ཨིདྡྷིཔཊིལཱབྷཱཡ ¶ ཨིདྡྷིཝིཀུབྦནཏཱཡ ཨིདྡྷིཝིསཝིཏཱཡ ཨིདྡྷིཝསཱིབྷཱཝཱཡ ཨིདྡྷིཝེསཱརཛྫཱཡ སཾཝཏྟནྟཱིཏི.

ཨིདྡྷིཡཱ ཀཏམཱནི ཨཊྛ པདཱནི? ཚནྡཾ ཙེ བྷིཀྑུ ¶ ནིསྶཱཡ ལབྷཏི སམཱདྷིཾ, ལབྷཏི ཙིཏྟསྶ ¶ ཨེཀགྒཏཾ. ཚནྡོ ན སམཱདྷི, སམཱདྷི ན ཚནྡོ. ཨཉྙོ ཚནྡོ, ཨཉྙོ སམཱདྷི. ཝཱིརིཡཾ ཙེ བྷིཀྑུ ནིསྶཱཡ ལབྷཏི སམཱདྷིཾ, ལབྷཏི ཙིཏྟསྶ ཨེཀགྒཏཾ. ཝཱིརིཡཾ ན སམཱདྷི, སམཱདྷི ན ཝཱིརིཡཾ. ཨཉྙཾ ཝཱིརིཡཾ, ཨཉྙོ སམཱདྷི. ཙིཏྟཾ ཙེ བྷིཀྑུ ནིསྶཱཡ ལབྷཏི སམཱདྷིཾ, ལབྷཏི ཙིཏྟསྶ ཨེཀགྒཏཾ. ཙིཏྟཾ ན སམཱདྷི, སམཱདྷི ན ཙིཏྟཾ. ཨཉྙཾ ཙིཏྟཾ, ཨཉྙོ སམཱདྷི. ཝཱིམཾསཾ ཙེ བྷིཀྑུ ནིསྶཱཡ ལབྷཏི སམཱདྷིཾ, ལབྷཏི ཙིཏྟསྶ ཨེཀགྒཏཾ. ཝཱིམཾསཱ ན སམཱདྷི, སམཱདྷི ན ཝཱིམཾསཱ. ཨཉྙཱ ཝཱིམཾསཱ, ཨཉྙོ སམཱདྷི. ཨིདྡྷིཡཱ ཨིམཱནི ཨཊྛ པདཱནི ཨིདྡྷིལཱབྷཱཡ ཨིདྡྷིཔཊིལཱབྷཱཡ ཨིདྡྷིཝིཀུབྦནཏཱཡ ཨིདྡྷིཝིསཝིཏཱཡ ཨིདྡྷིཝསཱིབྷཱཝཱཡ ཨིདྡྷིཝེསཱརཛྫཱཡ སཾཝཏྟནྟཱིཏི.

ཨིདྡྷིཡཱ ཀཏམཱནི སོལ༹ས མཱུལཱནི? ཨནོནཏཾ [ཨནོཎཏཾ (ཀ.)] ཙིཏྟཾ ཀོསཛྫེ ན ཨིཉྫཏཱིཏི – ཨཱནེཉྫཾ. ཨནུནྣཏཾ [(ཨནུཎྞཏཾ (ཀ.)] ཙིཏྟཾ ཨུདྡྷཙྩེ ན ཨིཉྫཏཱིཏི – ཨཱནེཉྫཾ. ཨནབྷིནཏཾ ཙིཏྟཾ རཱགེ ན ཨིཉྫཏཱིཏི – ཨཱནེཉྫཾ. ཨནཔནཏཾ ཙིཏྟཾ བྱཱཔཱདེ ན ཨིཉྫཏཱིཏི – ཨཱནེཉྫཾ. ཨནིསྶིཏཾ ཙིཏྟཾ དིཊྛིཡཱ ན ཨིཉྫཏཱིཏི – ཨཱནེཉྫཾ. ཨཔྤཊིབདྡྷཾ ཙིཏྟཾ ཚནྡརཱགེ ན ཨིཉྫཏཱིཏི – ཨཱནེཉྫཾ. ཝིཔྤམུཏྟཾ ཙིཏྟཾ ཀཱམརཱགེ ན ཨིཉྫཏཱིཏི – ཨཱནེཉྫཾ ¶ . ཝིསཉྙུཏྟཾ ཙིཏྟཾ ཀིལེསེ ན ཨིཉྫཏཱིཏི – ཨཱནེཉྫཾ. ཝིམརིཡཱདིཀཏཾ ཙིཏྟཾ ཀིལེསམརིཡཱདེ ¶ ན ཨིཉྫཏཱིཏི – ཨཱནེཉྫཾ. ཨེཀཏྟགཏཾ [ཨེཀགྒཏཾ (སྱཱ.)] ཙིཏྟཾ ནཱནཏྟཀིལེསེཧི [ནཱནཏྟཀིལེསེ (སྱཱ.)] ན ཨིཉྫཏཱིཏི – ཨཱནེཉྫཾ. སདྡྷཱཡ པརིགྒཧིཏཾ ཙིཏྟཾ ཨསྶདྡྷིཡེ ན ཨིཉྫཏཱིཏི – ཨཱནེཉྫཾ. ཝཱིརིཡེན པརིགྒཧིཏཾ ཙིཏྟཾ ཀོསཛྫེ ན ཨིཉྫཏཱིཏི – ཨཱནེཉྫཾ. སཏིཡཱ པརིགྒཧིཏཾ ཙིཏྟཾ པམཱདེ ན ཨིཉྫཏཱིཏི – ཨཱནེཉྫཾ. སམཱདྷིནཱ པརིགྒཧིཏཾ ཙིཏྟཾ ཨུདྡྷཙྩེ ན ཨིཉྫཏཱིཏི – ཨཱནེཉྫཾ. པཉྙཱཡ པརིགྒཧིཏཾ ཙིཏྟཾ ཨཝིཛྫཱཡ ན ཨིཉྫཏཱིཏི – ཨཱནེཉྫཾ. ཨོབྷཱསགཏཾ ཙིཏྟཾ ཨཝིཛྫནྡྷཀཱརེ ན ཨིཉྫཏཱིཏི – ཨཱནེཉྫཾ. ཨིདྡྷིཡཱ ཨིམཱནི སོལ༹ས མཱུལཱནི ཨིདྡྷིལཱབྷཱཡ ཨིདྡྷིཔཊིལཱབྷཱཡ ཨིདྡྷིཝིཀུབྦནཏཱཡ ཨིདྡྷིཝིསཝིཏཱཡ ཨིདྡྷིཝསཱིབྷཱཝཱཡ ཨིདྡྷིཝེསཱརཛྫཱཡ སཾཝཏྟནྟཱིཏི.

དསཨིདྡྷིནིདྡེསོ

༡༠. ཀཏམཱ ¶ ཨདྷིཊྛཱནཱ ཨིདྡྷི? ཨིདྷ བྷིཀྑུ ཨནེཀཝིཧིཏཾ ཨིདྡྷིཝིདྷཾ པཙྩནུབྷོཏི – ཨེཀོཔི ཧུཏྭཱ བཧུདྷཱ ཧོཏི, བཧུདྷཱཔི ཧུཏྭཱ ཨེཀོ ཧོཏི; ཨཱཝིབྷཱཝཾ ཏིརོབྷཱཝཾ; ཏིརོཀུཊྚཾ ཏིརོཔཱཀཱརཾ ཏིརོཔབྦཏཾ ཨསཛྫམཱནོ གཙྪཏི, སེཡྻཐཱཔི ཨཱཀཱསེ. པཐཝིཡཱཔི ཨུམྨུཛྫནིམུཛྫཾ ཀརོཏི, སེཡྻཐཱཔི ཨུདཀེ. ཨུདཀེཔི ཨབྷིཛྫམཱནེ [ཨབྷིཛྫམཱནོ (ཀ.) དཱི. ནི. ༡.༢༣༨ པསྶིཏབྦཱ] གཙྪཏི, སེཡྻཐཱཔི པཐཝིཡཾ. ཨཱཀཱསེཔི པལླངྐེན ཀམཏི, སེཡྻཐཱཔི པཀྑཱི སཀུཎོ. ཨིམེཔི ཙནྡིམསཱུརིཡེ ཨེཝཾམཧིདྡྷིཀེ ¶ ཨེཝཾམཧཱནུབྷཱཝེ པཱཎིནཱ པརཱམསཏི པརིམཛྫཏི. ཡཱཝ བྲཧྨལོཀཱཔི ཀཱཡེན ཝསཾ ཝཏྟེཏཱིཏི.

ཨིདྷཱཏི ¶ ཨིམིསྶཱ དིཊྛིཡཱ ཨིམིསྶཱ ཁནྟིཡཱ ཨིམིསྶཱ རུཙིཡཱ ཨིམསྨིཾ ཨཱདཱཡེ ཨིམསྨིཾ དྷམྨེ ཨིམསྨིཾ ཝིནཡེ ཨིམསྨིཾ དྷམྨཝིནཡེ ཨིམསྨིཾ པཱཝཙནེ ཨིམསྨིཾ བྲཧྨཙརིཡེ ཨིམསྨིཾ སཏྠུསཱསནེ. ཏེན ཝུཙྩཏི – ‘‘ཨིདྷཱ’’ཏི. བྷིཀྑཱུཏི པུཐུཛྫནཀལྱཱཎཀོ ཝཱ ཧོཏི བྷིཀྑུ སེཁོ ཝཱ ཨརཧཱ ཝཱ ཨཀུཔྤདྷམྨོ. ཨནེཀཝིཧིཏཾ ཨིདྡྷིཝིདྷཾ པཙྩནུབྷོཏཱིཏི ནཱནཔྤཀཱརཾ ཨིདྡྷིཝིདྷཾ པཙྩནུབྷོཏི. ཨེཀོཔི ཧུཏྭཱ བཧུདྷཱ ཧོཏཱིཏི པཀཏིཡཱ ཨེཀོ བཧུཀཾ ཨཱཝཛྫཏི, སཏཾ ཝཱ སཧསྶཾ ཝཱ སཏསཧསྶཾ ཝཱ ཨཱཝཛྫཏི. ཨཱཝཛྫིཏྭཱ ཉཱཎེན ཨདྷིཊྛཱཏི – ‘‘བཧུལོ ཧོམཱི’’ཏི [ཧོཏཱུཏི (ཀ.)]. བཧུལོ ཧོཏི. ཡཐཱཡསྨཱ ཙཱུལ༹པནྠཀོ [ཙུལླཔནྠཀོ (སྱཱ.)] ཨེཀོཔི ཧུཏྭཱ བཧུདྷཱ ཧོཏི, ཨེཝམེཝཾ སོ ¶ ཨིདྡྷིམཱ ཙེཏོཝསིཔྤཏྟོ ཨེཀོཔི ཧུཏྭཱ བཧུདྷཱ ཧོཏི. བཧུདྷཱཔི ཧུཏྭཱ ཨེཀོ ཧོཏཱིཏི པཀཏིཡཱ བཧུཀོ ཨེཀཾ ཨཱཝཛྫཏི; ཨཱཝཛྫིཏྭཱ ཉཱཎེན ཨདྷིཊྛཱཏི – ‘‘ཨེཀོ ཧོམཱི’’ཏི. ཨེཀོ ཧོཏི. ཡཐཱཡསྨཱ ཙཱུལ༹པནྠཀོ བཧུདྷཱཔི ཧུཏྭཱ ཨེཀོ ཧོཏི, ཨེཝམེཝཾ སོ ཨིདྡྷིམཱ ཙེཏོཝསིཔྤཏྟོ བཧུདྷཱཔི ཧུཏྭཱ ཨེཀོ ཧོཏི.

༡༡. ཨཱཝིབྷཱཝནྟི ཀེནཙི ཨནཱཝཊཾ ཧོཏི ཨཔྤཊིཙྪནྣཾ ཝིཝཊཾ པཱཀཊཾ. ཏིརོབྷཱཝནྟི ཀེནཙི ཨཱཝཊཾ ཧོཏི པཊིཙྪནྣཾ པིཧིཏཾ པཊིཀུཛྫིཏཾ. ཏིརོཀུཊྚཾ ¶ ཏིརོཔཱཀཱརཾ ཏིརོཔབྦཏཾ ཨསཛྫམཱནོ གཙྪཏི, སེཡྻཐཱཔི ¶ ཨཱཀཱསེཏི པཀཏིཡཱ ཨཱཀཱསཀསིཎསམཱཔཏྟིཡཱ ལཱབྷཱི ཧོཏི. ཏིརོཀུཊྚཾ ཏིརོཔཱཀཱརཾ ཏིརོཔབྦཏཾ ཨཱཝཛྫཏི. ཨཱཝཛྫིཏྭཱ ཉཱཎེན ཨདྷིཊྛཱཏི – ‘‘ཨཱཀཱསོ ཧོཏཱུ’’ཏི. ཨཱཀཱསོ ཧོཏི. ཏིརོཀུཊྚཾ ཏིརོཔཱཀཱརཾ ཏིརོཔབྦཏཾ ཨསཛྫམཱནོ གཙྪཏི. ཡཐཱ མནུསྶཱ པཀཏིཡཱ ཨནིདྡྷིམནྟོ ཀེནཙི ཨནཱཝཊེ ཨཔརིཀྑིཏྟེ ཨསཛྫམཱནཱ གཙྪནྟི, ཨེཝམེཝཾ སོ ཨིདྡྷིམཱ ཙེཏོཝསིཔྤཏྟོ ཏིརོཀུཊྚཾ ཏིརོཔཱཀཱརཾ ཏིརོཔབྦཏཾ ཨསཛྫམཱནོ གཙྪཏི, སེཡྻཐཱཔི ཨཱཀཱསེ.

པཐཝིཡཱཔི ཨུམྨུཛྫནིམུཛྫཾ ཀརོཏི, སེཡྻཐཱཔི ཨུདཀེཏི པཀཏིཡཱ ཨཱཔོཀསིཎསམཱཔཏྟིཡཱ ལཱབྷཱི ཧོཏི. པཐཝིཾ ཨཱཝཛྫཏི. ཨཱཝཛྫིཏྭཱ ཉཱཎེན ཨདྷིཊྛཱཏི – ‘‘ཨུདཀཾ ཧོཏཱུ’’ཏི. ཨུདཀཾ ཧོཏི. སོ པཐཝིཡཱ ཨུམྨུཛྫནིམུཛྫཾ ཀརོཏི. ཡཐཱ མནུསྶཱ པཀཏིཡཱ ཨནིདྡྷིམནྟོ ཨུདཀེ ཨུམྨུཛྫནིམུཛྫཾ ཀརོནྟི, ཨེཝམེཝཾ སོ ཨིདྡྷིམཱ ཙེཏོཝསིཔྤཏྟོ པཐཝིཡཱ ཨུམྨུཛྫནིམུཛྫཾ ཀརོཏི, སེཡྻཐཱཔི ཨུདཀེ.

ཨུདཀེཔི ¶ ཨབྷིཛྫམཱནེ གཙྪཏི, སེཡྻཐཱཔི པཐཝིཡནྟི པཀཏིཡཱ པཐཝཱིཀསིཎསམཱཔཏྟིཡཱ ལཱབྷཱི ཧོཏི. ཨུདཀཾ ཨཱཝཛྫཏི. ཨཱཝཛྫིཏྭཱ ཉཱཎེན ཨདྷིཊྛཱཏི – ‘‘པཐཝཱི ཧོཏཱུ’’ཏི. པཐཝཱི ཧོཏི. སོ ཨབྷིཛྫམཱནེ ཨུདཀེ གཙྪཏི. ཡཐཱ མནུསྶཱ པཀཏིཡཱ ཨནིདྡྷིམནྟོ ཨབྷིཛྫམཱནཱཡ པཐཝིཡཱ གཙྪནྟི, ཨེཝམེཝཾ སོ ཨིདྡྷིམཱ ཙེཏོཝསིཔྤཏྟོ ཨབྷིཛྫམཱནེ ¶ ཨུདཀེ གཙྪཏི, སེཡྻཐཱཔི པཐཝིཡཾ.

ཨཱཀཱསེཔི པལླངྐེན ཀམཏི, སེཡྻཐཱཔི པཀྑཱི སཀུཎོཏི པཀཏིཡཱ པཐཝཱིཀསིཎསམཱཔཏྟིཡཱ ལཱབྷཱི ཧོཏི. ཨཱཀཱསཾ ཨཱཝཛྫཏི ¶ . ཨཱཝཛྫིཏྭཱ ཉཱཎེན ཨདྷིཊྛཱཏི – ‘‘པཐཝཱི ཧོཏཱུ’’ཏི. པཐཝཱི ཧོཏི. སོ ཨཱཀཱསེ ཨནྟལིཀྑེ ཙངྐམཏིཔི ཏིཊྛཏིཔི ནིསཱིདཏིཔི སེཡྻམྤི ཀཔྤེཏི. ཡཐཱ མནུསྶཱ པཀཏིཡཱ ཨནིདྡྷིམནྟོ པཐཝིཡཱ ཙངྐམནྟིཔི ཏིཊྛནྟིཔི ནིསཱིདནྟིཔི སེཡྻམྤི ཀཔྤེནྟི, ཨེཝམེཝཾ སོ ཨིདྡྷིམཱ ཙེཏོཝསིཔྤཏྟོ ཨཱཀཱསེ ཨནྟལིཀྑེ ཙངྐམཏིཔི ཏིཊྛཏིཔི ནིསཱིདཏིཔི སེཡྻམྤི ཀཔྤེཏི, སེཡྻཐཱཔི པཀྑཱི སཀུཎོ.

༡༢. ཨིམེཔི ཙནྡིམསཱུརིཡེ ཨེཝཾམཧིདྡྷིཀེ ཨེཝཾམཧཱནུབྷཱཝེ པཱཎིནཱ པརཱམསཏི པརིམཛྫཏཱིཏི ཨིདྷ སོ ཨིདྡྷིམཱ ཙེཏོཝསིཔྤཏྟོ ¶ ནིསིནྣཀོ ཝཱ ནིཔནྣཀོ ཝཱ ཙནྡིམསཱུརིཡེ ཨཱཝཛྫཏི. ཨཱཝཛྫིཏྭཱ ཉཱཎེན ཨདྷིཊྛཱཏི – ‘‘ཧཏྠཔཱསེ ཧོཏཱུ’’ཏི. ཧཏྠཔཱསེ ཧོཏི. སོ ནིསིནྣཀོ ཝཱ ནིཔནྣཀོ ཝཱ ཙནྡིམསཱུརིཡེ པཱཎིནཱ ཨཱམསཏི པརཱམསཏི པརིམཛྫཏི. ཡཐཱ མནུསྶཱ པཀཏིཡཱ ཨནིདྡྷིམནྟོ ཀིཉྩིདེཝ རཱུཔགཏཾ ཧཏྠཔཱསེ ཨཱམསནྟི པརཱམསནྟི པརིམཛྫནྟི, ཨེཝམེཝཾ སོ ཨིདྡྷིམཱ ཙེཏོཝསིཔྤཏྟོ ནིསིནྣཀོ ཝཱ ནིཔནྣཀོ ཝཱ ཙནྡིམསཱུརིཡེ པཱཎིནཱ ཨཱམསཏི པརཱམསཏི པརིམཛྫཏི.

ཡཱཝ བྲཧྨལོཀཱཔི ཀཱཡེན ཝསཾ ཝཏྟེཏཱིཏི སཙེ སོ ཨིདྡྷིམཱ ཙེཏོཝསིཔྤཏྟོ བྲཧྨལོཀཾ གནྟུཀཱམོ ཧོཏི, དཱུརེཔི སནྟིཀེ ཨདྷིཊྛཱཏི ¶ – ‘‘སནྟིཀེ ཧོཏཱུ’’ཏི. སནྟིཀེ ཧོཏི. སནྟིཀེཔི དཱུརེ ཨདྷིཊྛཱཏི – ‘‘དཱུརེ ཧོཏཱུ’’ཏི. དཱུརེ ཧོཏི. བཧུཀམྤི ཐོཀཾ ཨདྷིཊྛཱཏི – ‘‘ཐོཀཾ ཧོཏཱུ’’ཏི. ཐོཀཾ ཧོཏི. ཐོཀམྤི བཧུཀཾ ཨདྷིཊྛཱཏི – ‘‘བཧུཀཾ ཧོཏཱུ’’ཏི. བཧུཀཾ ཧོཏི. དིབྦེན ཙཀྑུནཱ ཏསྶ བྲཧྨུནོ རཱུཔཾ པསྶཏི. དིབྦཱཡ སོཏདྷཱཏུཡཱ ཏསྶ བྲཧྨུནོ སདྡཾ སུཎཱཏི. ཙེཏོཔརིཡཉཱཎེན ཏསྶ བྲཧྨུནོ ཙིཏྟཾ པཛཱནཱཏི. སཙེ སོ ཨིདྡྷིམཱ ཙེཏོཝསིཔྤཏྟོ དིསྶམཱནེན ཀཱཡེན བྲཧྨལོཀཾ གནྟུཀཱམོ ཧོཏི, ཀཱཡཝསེན ཙིཏྟཾ པརིཎཱམེཏི, ཀཱཡཝསེན ཙིཏྟཾ ཨདྷིཊྛཱཏི. ཀཱཡཝསེན ཙིཏྟཾ པརིཎཱམེཏྭཱ, ཀཱཡཝསེན ཙིཏྟཾ ཨདྷིཊྛཧིཏྭཱ, སུཁསཉྙཉྩ ¶ ལཧུསཉྙཉྩ ཨོཀྐམིཏྭཱ དིསྶམཱནེན ཀཱཡེན བྲཧྨལོཀཾ གཙྪཏི. སཙེ སོ ཨིདྡྷིམཱ ཙེཏོཝསིཔྤཏྟོ ཨདིསྶམཱནེན ཀཱཡེན བྲཧྨལོཀཾ གནྟུཀཱམོ ཧོཏི, ཙིཏྟཝསེན ཀཱཡཾ པརིཎཱམེཏི, ཙིཏྟཝསེན ཀཱཡཾ ཨདྷིཊྛཱཏི. ཙིཏྟཝསེན ཀཱཡཾ པརིཎཱམེཏྭཱ, ཙིཏྟཝསེན ཀཱཡཾ ཨདྷིཊྛཧིཏྭཱ སུཁསཉྙཉྩ ལཧུསཉྙཉྩ ཨོཀྐམིཏྭཱ ¶ ཨདིསྶམཱནེན ཀཱཡེན བྲཧྨལོཀཾ གཙྪཏི. སོ ཏསྶ བྲཧྨུནོ པུརཏོ རཱུཔིཾ [རཱུཔཾ (སྱཱ. ཀ.) དཱི. ནི. ༡.༢༣༦ པསྶིཏབྦཱ] ཨབྷིནིམྨིནཱཏི མནོམཡཾ སབྦངྒཔཙྩངྒིཾ [སབྦངྒཔཙྩངྒཾ (སྱཱ. ཀ.)] ཨཧཱིནིནྡྲིཡཾ. སཙེ སོ ཨིདྡྷིམཱ ཙངྐམཏི, ནིམྨིཏོཔི ཏཏྠ ཙངྐམཏི. སཙེ སོ ཨིདྡྷིམཱ ཏིཊྛཏི, ནིམྨིཏོཔི ཏཏྠ ཏིཊྛཏི. སཙེ སོ ཨིདྡྷིམཱ ནིསཱིདཏི, ནིམྨིཏོཔི ཏཏྠ ནིསཱིདཏི. སཙེ སོ ཨིདྡྷིམཱ སེཡྻཾ ཀཔྤེཏི, ནིམྨིཏོཔི ཏཏྠ ¶ སེཡྻཾ ཀཔྤེཏི. སཙེ ¶ སོ ཨིདྡྷིམཱ དྷཱུམཱཡཏི, ནིམྨིཏོཔི ཏཏྠ དྷཱུམཱཡཏི. སཙེ སོ ཨིདྡྷིམཱ པཛྫལཏི, ནིམྨིཏོཔི ཏཏྠ པཛྫལཏི. སཙེ སོ ཨིདྡྷིམཱ དྷམྨཾ བྷཱསཏི, ནིམྨིཏོཔི ཏཏྠ དྷམྨཾ བྷཱསཏི. སཙེ སོ ཨིདྡྷིམཱ པཉྷཾ པུཙྪཏི, ནིམྨིཏོཔི ཏཏྠ པཉྷཾ པུཙྪཏི. སཙེ སོ ཨིདྡྷིམཱ པཉྷཾ པུཊྛོ ཝིསཛྫེཏི, ནིམྨིཏོཔི ཏཏྠ པཉྷཾ པུཊྛོ ཝིསཛྫེཏི. སཙེ སོ ཨིདྡྷིམཱ ཏེན བྲཧྨུནཱ སདྡྷིཾ སནྟིཊྛཏི སལླཔཏི སཱཀཙྪཾ སམཱཔཛྫཏི, ནིམྨིཏོཔི ཏཏྠ ཏེན བྲཧྨུནཱ སདྡྷིཾ སནྟིཊྛཏི སལླཔཏི སཱཀཙྪཾ སམཱཔཛྫཏི. ཡཉྙདེཝ སོ ཨིདྡྷིམཱ ཀརོཏི, ཏཾ ཏདེཝ ཧི སོ ནིམྨིཏོ ཀརོཏཱིཏི – ཨཡཾ ཨདྷིཊྛཱནཱ ཨིདྡྷི.

༡༣. ཀཏམཱ ཝིཀུབྦནཱ ཨིདྡྷི? སིཁིསྶ བྷགཝཏོ ཨརཧཏོ སམྨཱསམྦུདྡྷསྶ ཨབྷིབྷཱུ ནཱམ སཱཝཀོ བྲཧྨལོཀེ ཋིཏོ སཧསྶིལོཀདྷཱཏུཾ [སཧསྶཱིལོཀདྷཱཏུཾ (སྱཱ.) ཝཏྠུ སཾ. ནི. ༡.༡༨༥] སརེན ཝིཉྙཱཔེསི. སོ དིསྶམཱནེནཔི ཀཱཡེན དྷམྨཾ དེསེསི; ཨདིསྶམཱནེནཔི ཀཱཡེན དྷམྨཾ དེསེསི; དིསྶམཱནེནཔི ཧེཊྛིམེན ཨུཔཌྜྷཀཱཡེན ཨདིསྶམཱནེནཔི ཨུཔརིམེན ཨུཔཌྜྷཀཱཡེན དྷམྨཾ དེསེསི. དིསྶམཱནེནཔི ཨུཔརིམེན ཨུཔཌྜྷཀཱཡེན, ཨདིསྶམཱནེནཔི ཧེཊྛིམེན ཨུཔཌྜྷཀཱཡེན དྷམྨཾ དེསེསི. སོ པཀཏིཝཎྞཾ ཝིཛཧིཏྭཱ ཀུམཱརཀཝཎྞཾ ཝཱ དསྶེཏི, ནཱགཝཎྞཾ ཝཱ དསྶེཏི, སུཔཎྞཝཎྞཾ ཝཱ དསྶེཏི, ཡཀྑཝཎྞཾ ཝཱ དསྶེཏི, ཨིནྡཝཎྞཾ ཝཱ [ཨསུརཝཎྞཾ ཝཱ དསྶེཏི, ཨིནྡཝཎྞཾ ཝཱ (སྱཱ.)] དསྶེཏི, དེཝཝཎྞཾ ཝཱ དསྶེཏི ¶ , བྲཧྨཝཎྞཾ ཝཱ དསྶེཏི, སམུདྡཝཎྞཾ ཝཱ དསྶེཏི, པབྦཏཝཎྞཾ ཝཱ དསྶེཏི, ཝནཝཎྞཾ ཝཱ དསྶེཏི, སཱིཧཝཎྞཾ ཝཱ དསྶེཏི, བྱགྒྷཝཎྞཾ ཝཱ དསྶེཏི, དཱིཔིཝཎྞཾ ཝཱ དསྶེཏི, ཧཏྠིམྤི དསྶེཏི, ཨསྶམྤི དསྶེཏི, རཐམྤི དསྶེཏི, པཏྟིམྤི དསྶེཏི, ཝིཝིདྷམྤི སེནཱབྱཱུཧཾ དསྶེཏཱིཏི – ཨཡཾ ཝིཀུབྦནཱ ཨིདྡྷི.

༡༤. ཀཏམཱ ¶ མནོམཡཱ ཨིདྡྷི? ཨིདྷ བྷིཀྑུ ཨིམམྷཱ ཀཱཡཱ ཨཉྙཾ ཀཱཡཾ ཨབྷིནིམྨིནཱཏི རཱུཔིཾ མནོམཡཾ སབྦངྒཔཙྩངྒིཾ ¶ ཨཧཱིནིནྡྲིཡཾ. སེཡྻཐཱཔི པུརིསོ མུཉྫམྷཱ ཨཱིསིཀཾ ¶ པཝཱཧེཡྻ. ཏསྶ ཨེཝམསྶ – ‘‘ཨཡཾ མུཉྫོ, ཨཡཾ ཨཱིསིཀཱ. ཨཉྙོ མུཉྫོ, ཨཉྙཱ ཨཱིསིཀཱ. མུཉྫམྷཱ ཏྭེཝ ཨཱིསིཀཱ པཝཱལ༹ྷཱ’’ཏི. སེཡྻཐཱ ཝཱ པན པུརིསོ ཨསིཾ ཀོསིཡཱ པཝཱཧེཡྻ. ཏསྶ ཨེཝམསྶ – ‘‘ཨཡཾ ཨསི, ཨཡཾ ཀོསི. ཨཉྙོ ཨསི, ཨཉྙཱ ཀོསི. ཀོསིཡཱ ཏྭེཝ ཨསི པཝཱལ༹ྷོ’’ཏི. སེཡྻཐཱ ཝཱ པན པུརིསོ ཨཧིཾ ཀརཎྜཱ ཨུདྡྷརེཡྻ. ཏསྶ ཨེཝམསྶ – ‘‘ཨཡཾ ཨཧི, ཨཡཾ ཀརཎྜོ. ཨཉྙོ ཨཧི, ཨཉྙོ ཀརཎྜོ. ཀརཎྜཱ ཏྭེཝ ཨཧི ཨུབྦྷཏོ’’ཏི. ཨེཝམེཝཾ བྷིཀྑུ ཨིམམྷཱ ཀཱཡཱ ཨཉྙཾ ཀཱཡཾ ཨབྷིནིམྨིནཱཏི རཱུཔིཾ མནོམཡཾ སབྦངྒཔཙྩངྒིཾ ཨཧཱིནིནྡྲིཡཾ. ཨཡཾ མནོམཡཱ ཨིདྡྷི.

༡༥. ཀཏམཱ ཉཱཎཝིཔྥཱརཱ ཨིདྡྷི? ཨནིཙྩཱནུཔསྶནཱ ནིཙྩསཉྙཱཡ པཧཱནཊྛོ ཨིཛ྄ཛྷཏཱིཏི – ཉཱཎཝིཔྥཱརཱ ཨིདྡྷི. དུཀྑཱནུཔསྶནཱ སུཁསཉྙཱཡ… ཨནཏྟཱནུཔསྶནཱ ཨཏྟསཉྙཱཡ… ནིབྦིདཱནུཔསྶནཱཡ ¶ ནནྡིཡཱ… ཝིརཱགཱནུཔསྶནཱཡ རཱགསྶ… ནིརོདྷཱནུཔསྶནཱཡ སམུདཡསྶ… པཊིནིསྶགྒཱནུཔསྶནཱཡ ཨཱདཱནསྶ པཧཱནཊྛོ ཨིཛ྄ཛྷཏཱིཏི – ཉཱཎཝིཔྥཱརཱ ཨིདྡྷི. ཨཱཡསྨཏོ བཱཀུལསྶ ཉཱཎཝིཔྥཱརཱ ཨིདྡྷི, ཨཱཡསྨཏོ སཾཀིཙྩསྶ ཉཱཎཝིཔྥཱརཱ ཨིདྡྷི, ཨཱཡསྨཏོ བྷཱུཏཔཱལསྶ ཉཱཎཝིཔྥཱརཱ ཨིདྡྷི. ཨཡཾ ཉཱཎཝིཔྥཱརཱ ཨིདྡྷི.

༡༦. ཀཏམཱ སམཱདྷིཝིཔྥཱརཱ ཨིདྡྷི? པཋམེན ཛྷཱནེན ནཱིཝརཎཱནཾ པཧཱནཊྛོ ཨིཛ྄ཛྷཏཱིཏི – སམཱདྷིཝིཔྥཱརཱ ཨིདྡྷི. དུཏིཡེན ཛྷཱནེན ཝིཏཀྐཝིཙཱརཱནཾ པཧཱནཊྛོ ཨིཛ྄ཛྷཏཱིཏི – སམཱདྷིཝིཔྥཱརཱ ཨིདྡྷི. ཏཏིཡེན ཛྷཱནེན པཱིཏིཡཱ པཧཱནཊྛོ ཨིཛ྄ཛྷཏཱིཏི…པེ… ཙཏུཏྠེན ཛྷཱནེན སུཁདུཀྑཱནཾ པཧཱནཊྛོ ཨིཛ྄ཛྷཏཱིཏི…པེ… ཨཱཀཱསཱནཉྩཱཡཏནསམཱཔཏྟིཡཱ རཱུཔསཉྙཱཡ པཊིགྷསཉྙཱཡ ནཱནཏྟསཉྙཱཡ པཧཱནཊྛོ ཨིཛ྄ཛྷཏཱིཏི…པེ… ཝིཉྙཱཎཉྩཱཡཏནསམཱཔཏྟིཡཱ ཨཱཀཱསཱནཉྩཱཡཏནསཉྙཱཡ པཧཱནཊྛོ ཨིཛ྄ཛྷཏཱིཏི…པེ… ཨཱཀིཉྩཉྙཱཡཏནསམཱཔཏྟིཡཱ ཝིཉྙཱཎཉྩཱཡཏནསཉྙཱཡ ¶ པཧཱནཊྛོ ཨིཛ྄ཛྷཏཱིཏི…པེ… ནེཝསཉྙཱནཱསཉྙཱཡཏནསམཱཔཏྟིཡཱ ཨཱཀིཉྩཉྙཱཡཏནསཉྙཱཡ པཧཱནཊྛོ ཨིཛ྄ཛྷཏཱིཏི – སམཱདྷིཝིཔྥཱརཱ ཨིདྡྷི. ཨཱཡསྨཏོ སཱརིཔུཏྟསྶ སམཱདྷིཝིཔྥཱརཱ ཨིདྡྷི, ཨཱཡསྨཏོ སཉྫཱིཝསྶ སམཱདྷིཝིཔྥཱརཱ ཨིདྡྷི ¶ , ཨཱཡསྨཏོ ཁཱཎུཀོཎྜཉྙསྶ སམཱདྷིཝིཔྥཱརཱ ཨིདྡྷི, ཨུཏྟརཱཡ ཨུཔཱསིཀཱཡ སམཱདྷིཝིཔྥཱརཱ ཨིདྡྷི, སཱམཱཝཏིཡཱ ཨུཔཱསིཀཱཡ ¶ སམཱདྷིཝིཔྥཱརཱ ཨིདྡྷི. ཨཡཾ སམཱདྷིཝིཔྥཱརཱ ཨིདྡྷི.

༡༧. ཀཏམཱ ཨརིཡཱ ཨིདྡྷི? ཨིདྷ བྷིཀྑུ [མ. ནི. ༣.༤༦༢ པསྶིཏབྦཱ] སཙེ ཨཱཀངྑཏི – ‘‘པཊིཀཱུལེ ཨཔྤཊིཀཱུལསཉྙཱི ཝིཧརེཡྻ’’ནྟི, ཨཔྤཊིཀཱུལསཉྙཱི ཏཏྠ ཝིཧརཏི. སཙེ ཨཱཀངྑཏི – ‘‘ཨཔྤཊིཀཱུལེ པཊིཀཱུལསཉྙཱི ཝིཧརེཡྻ’’ནྟི, པཊིཀཱུལསཉྙཱི ཏཏྠ ཝིཧརཏི. སཙེ ཨཱཀངྑཏི – ‘‘པཊིཀཱུལེ ཙ ཨཔྤཊིཀཱུལེ ཙ ཨཔྤཊིཀཱུལསཉྙཱི ཝིཧརེཡྻ’’ནྟི, ཨཔྤཊིཀཱུལསཉྙཱི ཏཏྠ ཝིཧརཏི. སཙེ ཨཱཀངྑཏི – ‘‘ཨཔྤཊིཀཱུལེ ཙ པཊིཀཱུལེ ¶ ཙ པཊིཀཱུལསཉྙཱི ཝིཧརེཡྻ’’ནྟི, པཊིཀཱུལསཉྙཱི ཏཏྠ ཝིཧརཏི. སཙེ ཨཱཀངྑཏི – ‘‘པཊིཀཱུལེ ཙ ཨཔྤཊིཀཱུལེ ཙ ཏདུབྷཡཾ ཨབྷིནིཝཛྫེཏྭཱ ཨུཔེཀྑཀོ ཝིཧརེཡྻཾ སཏོ སམྤཛཱནོ’’ཏི, ཨུཔེཀྑཀོ ཏཏྠ ཝིཧརཏི སཏོ སམྤཛཱནོ.

ཀཐཾ པཊིཀཱུལེ ཨཔྤཊིཀཱུལསཉྙཱི ཝིཧརཏི? ཨནིཊྛསྨིཾ ཝཏྠུསྨིཾ མེཏྟཱཡ ཝཱ ཕརཏི, དྷཱཏུཏོ ཝཱ ཨུཔསཾཧརཏི. ཨེཝཾ པཊིཀཱུལེ ཨཔྤཊིཀཱུལསཉྙཱི ཝིཧརཏི.

ཀཐཾ ཨཔྤཊིཀཱུལེ པཊིཀཱུལསཉྙཱི ཝིཧརཏི? ཨིཊྛསྨིཾ ཝཏྠུསྨིཾ ཨསུབྷཱཡ ཝཱ ཕརཏི, ཨནིཙྩཏོ ཝཱ ཨུཔསཾཧརཏི. ཨེཝཾ ཨཔྤཊིཀཱུལེ པཊིཀཱུལསཉྙཱི ཝིཧརཏི.

ཀཐཾ པཊིཀཱུལེ ཙ ཨཔྤཊིཀཱུལེ ཙ ཨཔྤཊིཀཱུལསཉྙཱི ཝིཧརཏི? ཨནིཊྛསྨིཉྩ ཨིཊྛསྨིཉྩ ཝཏྠུསྨིཾ མེཏྟཱཡ ཝཱ ཕརཏི, དྷཱཏུཏོ ཝཱ ཨུཔསཾཧརཏི. ཨེཝཾ པཊིཀཱུལེ ཙ ཨཔྤཊིཀཱུལེ ཙ ཨཔྤཊིཀཱུལསཉྙཱི ཝིཧརཏི ¶ .

ཀཐཾ ཨཔྤཊིཀཱུལེ ཙ པཊིཀཱུལེ ཙ པཊིཀཱུལསཉྙཱི ཝིཧརཏི? ཨིཊྛསྨིཉྩ ཨནིཊྛསྨིཉྩ ཝཏྠུསྨིཾ ཨསུབྷཱཡ ཝཱ ཕརཏི, ཨནིཙྩཏོ ཝཱ ཨུཔསཾཧརཏི. ཨེཝཾ ཨཔྤཊིཀཱུལེ ཙ པཊིཀཱུལེ ཙ པཊིཀཱུལསཉྙཱི ཝིཧརཏི.

ཀཐཾ པཊིཀཱུལེ ཙ ཨཔྤཊིཀཱུལེ ཙ ཏདུབྷཡཾ ཨབྷིནིཝཛྫེཏྭཱ ¶ ཨུཔེཀྑཀོ ཝིཧརཏི སཏོ སམྤཛཱནོ? ཨིདྷ བྷིཀྑུ ཙཀྑུནཱ རཱུཔཾ དིསྭཱ ནེཝ སུམནོ ཧོཏི ན དུམྨནོ, ཨུཔེཀྑཀོ ཝིཧརཏི སཏོ སམྤཛཱནོ. སོཏེན སདྡཾ སུཏྭཱ…པེ… གྷཱནེན གནྡྷཾ གྷཱཡིཏྭཱ… ཛིཝ྄ཧཱཡ རསཾ སཱཡིཏྭཱ… ཀཱཡེན ¶ ཕོཊྛབྦཾ ཕུསིཏྭཱ… མནསཱ དྷམྨཾ ཝིཉྙཱཡ ནེཝ སུམནོ ཧོཏི ན དུམྨནོ, ཨུཔེཀྑཀོ ཝིཧརཏི སཏོ སམྤཛཱནོ. ཨེཝཾ པཊིཀཱུལེ ཙ ཨཔྤཊིཀཱུལེ ཙ ཏདུབྷཡཾ ཨབྷིནིཝཛྫེཏྭཱ ཨུཔེཀྑཀོ ཝིཧརཏི སཏོ སམྤཛཱནོ. ཨཡཾ ཨརིཡཱ ཨིདྡྷི.

༡༨. ཀཏམཱ ཀམྨཝིཔཱཀཛཱ ཨིདྡྷི? སབྦེསཾ པཀྑཱིནཾ, སབྦེསཾ དེཝཱནཾ, ཨེཀཙྩཱནཾ མནུསྶཱནཾ, ཨེཀཙྩཱནཾ ཝིནིཔཱཏིཀཱནཾ. ཨཡཾ ཀམྨཝིཔཱཀཛཱ ཨིདྡྷི.

ཀཏམཱ ¶ པུཉྙཝཏོ ཨིདྡྷི? རཱཛཱ ཙཀྐཝཏྟཱི [ཙཀྐཝཏྟི (སྱཱ.)] ཝེཧཱསཾ གཙྪཏི སདྡྷིཾ ཙཏུརངྒིནིཡཱ སེནཱཡ, ཨནྟམསོ ཨསྶབནྡྷགོཔུརིསེ [ཨསྶབནྡྷགོཔཀེ པུརིསེ (སྱཱ.)] ཨུཔཱདཱཡ. ཛོཏིཀསྶ གཧཔཏིསྶ པུཉྙཝཏོ ཨིདྡྷི, ཛཊིལསྶ གཧཔཏིསྶ པུཉྙཝཏོ ཨིདྡྷི, མེཎྜཀསྶ གཧཔཏིསྶ པུཉྙཝཏོ ¶ ཨིདྡྷི, གྷོསིཏསྶ གཧཔཏིསྶ པུཉྙཝཏོ ཨིདྡྷི, པཉྩནྣཾ མཧཱཔུཉྙཱནཾ པུཉྙཝཏོ ཨིདྡྷི. ཨཡཾ པུཉྙཝཏོ ཨིདྡྷི.

ཀཏམཱ ཝིཛྫཱམཡཱ ཨིདྡྷི? ཝིཛྫཱདྷརཱ ཝིཛྫཾ པརིཛཔྤེཏྭཱ ཝེཧཱསཾ གཙྪནྟི, ཨཱཀཱསེ ཨནྟལིཀྑེ ཧཏྠིམྤི དསྶེནྟི, ཨསྶམྤི དསྶེནྟི, རཐམྤི དསྶེནྟི, པཏྟིམྤི དསྶེནྟི, ཝིཝིདྷམྤི སེནཱབྱཱུཧཾ དསྶེནྟི. ཨཡཾ ཝིཛྫཱམཡཱ ཨིདྡྷི.

ཀཐཾ ཏཏྠ ཏཏྠ སམྨཱ པཡོགཔཙྩཡཱ ཨིཛ྄ཛྷནཊྛེན ཨིདྡྷི? ནེཀྑམྨེན ཀཱམཙྪནྡསྶ པཧཱནཊྛོ ཨིཛ྄ཛྷཏཱིཏི – ཏཏྠ ཏཏྠ སམྨཱ པཡོགཔཙྩཡཱ ཨིཛ྄ཛྷནཊྛེན ¶ ཨིདྡྷི. ཨབྱཱཔཱདེན བྱཱཔཱདསྶ པཧཱནཊྛོ ཨིཛ྄ཛྷཏཱིཏི – ཏཏྠ ཏཏྠ སམྨཱ པཡོགཔཙྩཡཱ ཨིཛ྄ཛྷནཊྛེན ཨིདྡྷི…པེ… ཨརཧཏྟམགྒེན སབྦཀིལེསཱནཾ པཧཱནཊྛོ ཨིཛ྄ཛྷཏཱིཏི – ཏཏྠ ཏཏྠ སམྨཱ པཡོགཔཙྩཡཱ ཨིཛ྄ཛྷནཊྛེན ཨིདྡྷི. ཨེཝཾ ཏཏྠ ཏཏྠ སམྨཱ པཡོགཔཙྩཡཱ ཨིཛ྄ཛྷནཊྛེན ཨིདྡྷི. ཨིམཱ དས ཨིདྡྷིཡོ.

ཨིདྡྷིཀཐཱ ནིཊྛིཏཱ.

༣. ཨབྷིསམཡཀཐཱ

༡༩. ཨབྷིསམཡོཏི ¶ ¶ . ཀེན ཨབྷིསམེཏི? ཙིཏྟེན ཨབྷིསམེཏི.

ཧཉྩི ཙིཏྟེན ཨབྷིསམེཏི, ཏེན ཧི ཨཉྙཱཎཱི ཨབྷིསམེཏི? ན ཨཉྙཱཎཱི ཨབྷིསམེཏི. ཉཱཎེན ཨབྷིསམེཏི.

ཧཉྩི ¶ ¶ ཉཱཎེན ཨབྷིསམེཏི, ཏེན ཧི ཨཙིཏྟེན ཙ ཉཱཎེན ཙ ཨཙིཏྟཀོ [ཏེན ཧི ཨཙིཏྟཀོ (སྱཱ.)] ཨབྷིསམེཏི? ན ཨཙིཏྟཀོ ཨབྷིསམེཏི. ཙིཏྟེན ཙ ཉཱཎེན ཙ ཨབྷིསམེཏི.

ཧཉྩི ཙིཏྟེན ཙ ཉཱཎེན ཙ ཨབྷིསམེཏི, ཏེན ཧི ཀཱམཱཝཙརཙིཏྟེན ཙ ཉཱཎེན ཙ ཨབྷིསམེཏི? ན ཀཱམཱཝཙརཙིཏྟེན ཙ ཉཱཎེན ཙ ཨབྷིསམེཏི.

ཏེན ཧི རཱུཔཱཝཙརཙིཏྟེན ཙ ཉཱཎེན ཙ ཨབྷིསམེཏི? ན རཱུཔཱཝཙརཙིཏྟེན ཙ ཉཱཎེན ཙ ཨབྷིསམེཏི.

ཏེན ཧི ཨརཱུཔཱཝཙརཙིཏྟེན ཙ ཉཱཎེན ཙ ཨབྷིསམེཏི? ན ཨརཱུཔཱཝཙརཙིཏྟེན ཙ ཉཱཎེན ཙ ཨབྷིསམེཏི.

ཏེན ཧི ཀམྨསྶཀཏཙིཏྟེན ཙ ཉཱཎེན ཙ ཨབྷིསམེཏི? ན ཀམྨསྶཀཏཙིཏྟེན ཙ ཉཱཎེན ཙ ཨབྷིསམེཏི.

ཏེན ¶ ཧི སཙྩཱནུལོམིཀཙིཏྟེན ཙ ཉཱཎེན ཙ ཨབྷིསམེཏི? ན སཙྩཱནུལོམིཀཙིཏྟེན ཙ ཉཱཎེན ཙ ཨབྷིསམེཏི.

ཏེན ཧི ཨཏཱིཏཙིཏྟེན ཙ ཉཱཎེན ཙ ཨབྷིསམེཏི? ན ཨཏཱིཏཙིཏྟེན ཙ ཉཱཎེན ཙ ཨབྷིསམེཏི.

ཏེན ཧི ཨནཱགཏཙིཏྟེན ཙ ཉཱཎེན ཙ ཨབྷིསམེཏི? ན ཨནཱགཏཙིཏྟེན ཙ ཉཱཎེན ཙ ཨབྷིསམེཏི.

ཏེན ཧི པཙྩུཔྤནྣལོཀིཡཙིཏྟེན ཙ ཉཱཎེན ཙ ཨབྷིསམེཏི? ན པཙྩུཔྤནྣལོཀིཡཙིཏྟེན ཙ ཉཱཎེན ཙ ཨབྷིསམེཏི. ལོཀུཏྟརམགྒཀྑཎེ པཙྩུཔྤནྣཙིཏྟེན ཙ ཉཱཎེན ཙ ཨབྷིསམེཏི.

ཀཐཾ ལོཀུཏྟརམགྒཀྑཎེ པཙྩུཔྤནྣཙིཏྟེན ཙ ཉཱཎེན ¶ ཙ ཨབྷིསམེཏི? ལོཀུཏྟརམགྒཀྑཎེ ཨུཔྤཱདཱདྷིཔཏེཡྻཾ ཙིཏྟཾ ཉཱཎསྶ ཧེཏུ པཙྩཡོ ཙ. ཏཾསམྤཡུཏྟཾ ¶ ནིརོདྷགོཙརཾ དསྶནཱདྷིཔཏེཡྻཾ ཉཱཎཾ ཙིཏྟསྶ ཧེཏུ པཙྩཡོ ཙ. ཏཾསམྤཡུཏྟཾ ཉཱཎཾ ནིརོདྷགོཙརཾ. ཨེཝཾ ལོཀུཏྟརམགྒཀྑཎེ པཙྩུཔྤནྣཙིཏྟེན ཙ ཉཱཎེན ཙ ཨབྷིསམེཏི.

༢༠. ཀིཾ ¶ ནུ ཨེཏྟཀོཡེཝ ཨབྷིསམཡོཏི? ན ཧི. ལོཀུཏྟརམགྒཀྑཎེ དསྶནཱབྷིསམཡོ སམྨཱདིཊྛི, ཨབྷིནིརོཔནཱབྷིསམཡོ སམྨཱསངྐཔྤོ, པརིགྒཧཱབྷིསམཡོ སམྨཱཝཱཙཱ, སམུཊྛཱནཱབྷིསམཡོ སམྨཱཀམྨནྟོ, ཝོདཱནཱབྷིསམཡོ སམྨཱཨཱཛཱིཝོ, པགྒཧཱབྷིསམཡོ སམྨཱཝཱཡཱམོ, ཨུཔཊྛཱནཱབྷིསམཡོ སམྨཱསཏི, ཨཝིཀྑེཔཱབྷིསམཡོ སམྨཱསམཱདྷི; ཨུཔཊྛཱནཱབྷིསམཡོ སཏིསམྦོཛ྄ཛྷངྒོ, པཝིཙཡཱབྷིསམཡོ དྷམྨཝིཙཡསམྦོཛ྄ཛྷངྒོ, པགྒཧཱབྷིསམཡོ ཝཱིརིཡསམྦོཛ྄ཛྷངྒོ, ཕརཎཱབྷིསམཡོ པཱིཏིསམྦོཛ྄ཛྷངྒོ, ཨུཔསམཱབྷིསམཡོ པསྶདྡྷིསམྦོཛ྄ཛྷངྒོ, ཨཝིཀྑེཔཱབྷིསམཡོ སམཱདྷིསམྦོཛ྄ཛྷངྒོ, པཊིསངྑཱནཱབྷིསམཡོ ཨུཔེཀྑཱསམྦོཛ྄ཛྷངྒོ; ཨསྶདྡྷིཡེ ཨཀམྤིཡཱབྷིསམཡོ སདྡྷཱབལཾ, ཀོསཛྫེ ཨཀམྤིཡཱབྷིསམཡོ ཝཱིརིཡབལཾ, པམཱདེ ཨཀམྤིཡཱབྷིསམཡོ སཏིབལཾ, ཨུདྡྷཙྩེ ཨཀམྤིཡཱབྷིསམཡོ སམཱདྷིབལཾ, ཨཝིཛྫཱཡ ཨཀམྤིཡཱབྷིསམཡོ པཉྙཱབལཾ; ཨདྷིམོཀྑཱབྷིསམཡོ སདྡྷིནྡྲིཡཾ, པགྒཧཱབྷིསམཡོ ཝཱིརིཡིནྡྲིཡཾ, ཨུཔཊྛཱནཱབྷིསམཡོ སཏིནྡྲིཡཾ, ཨཝིཀྑེཔཱབྷིསམཡོ སམཱདྷིནྡྲིཡཾ, དསྶནཱབྷིསམཡོ པཉྙིནྡྲིཡཾ. ཨཱདྷིཔཏེཡྻཊྛེན ཨིནྡྲིཡཱབྷིསམཡོ, ཨཀམྤིཡཊྛེན བལཱབྷིསམཡོ, ནིཡྻཱནཊྛེན ¶ བོཛ྄ཛྷངྒཱབྷིསམཡོ, ཧེཏུཊྛེན མགྒཱབྷིསམཡོ, ཨུཔཊྛཱནཊྛེན སཏིཔཊྛཱནཱབྷིསམཡོ, པདཧཊྛེན སམྨཔྤདྷཱནཱབྷིསམཡོ ¶ , ཨིཛ྄ཛྷནཊྛེན ཨིདྡྷིཔཱདཱབྷིསམཡོ, ཏཐཊྛེན སཙྩཱབྷིསམཡོ, ཨཝིཀྑེཔཊྛེན སམཐཱབྷིསམཡོ, ཨནུཔསྶནཊྛེན ཝིཔསྶནཱབྷིསམཡོ, ཨེཀརསཊྛེན སམཐཝིཔསྶནཱབྷིསམཡོ, ཨནཏིཝཏྟནཊྛེན ཡུགནདྡྷཱབྷིསམཡོ, སཾཝརཊྛེན སཱིལཝིསུདྡྷིཨབྷིསམཡོ, ཨཝིཀྑེཔཊྛེན ཝིསུདྡྷིཨབྷིསམཡོ, དསྶནཊྛེན དིཊྛིཝིསུདྡྷིཨབྷིསམཡོ, མུཏྟཊྛེན ཝིམོཀྑཱབྷིསམཡོ, པཊིཝེདྷཊྛེན ཝིཛྫཱབྷིསམཡོ, པརིཙྩཱགཊྛེན ཝིམུཏྟིཨབྷིསམཡོ, སམུཙྪེདཊྛེན ཁཡེ ཉཱཎཾ ཨབྷིསམཡོ. ཚནྡོ མཱུལཊྛེན ཨབྷིསམཡོ, མནསིཀཱརོ སམུཊྛཱནཊྛེན ཨབྷིསམཡོ, ཕསྶོ སམོདྷཱནཊྛེན ཨབྷིསམཡོ, ཝེདནཱ སམོསརཎཊྛེན ཨབྷིསམཡོ, སམཱདྷི པམུཁཊྛེན ཨབྷིསམཡོ ¶ , སཏི ཨཱདྷིཔཏེཡྻཊྛེན ཨབྷིསམཡོ, པཉྙཱ ཏཏུཏྟརཊྛེན ཨབྷིསམཡོ, ཝིམུཏྟི སཱརཊྛེན ཨབྷིསམཡོ, ཨམཏོགདྷཾ ནིབྦཱནཾ པརིཡོསཱནཊྛེན ཨབྷིསམཡོ.

༢༡. ཀིཾ ¶ ནུ ཨེཏྟཀོཡེཝ ཨབྷིསམཡོཏི? ན ཧི. སོཏཱཔཏྟིམགྒཀྑཎེ དསྶནཱབྷིསམཡོ སམྨཱདིཊྛི…པེ… ཨམཏོགདྷཾ ནིབྦཱནཾ པརིཡོསཱནཊྛེན ཨབྷིསམཡོ.

ཀིཾ ནུ ཨེཏྟཀོཡེཝ ཨབྷིསམཡོཏི? ན ཧི. སོཏཱཔཏྟིཕལཀྑཎེ དསྶནཱབྷིསམཡོ སམྨཱདིཊྛི…པེ… པཊིཔྤསྶདྡྷཊྛེན ཨནུཔྤཱདེ ཉཱཎཾ ཨབྷིསམཡོ. ཚནྡོ མཱུལཊྛེན ཨབྷིསམཡོ…པེ… ཨམཏོགདྷཾ ¶ ༥ ནིབྦཱནཾ པརིཡོསཱནཊྛེན ཨབྷིསམཡོ.

ཀིཾ ནུ ཨེཏྟཀོཡེཝ ཨབྷིསམཡོཏི?

ན ཧི. སཀདཱགཱམིམགྒཀྑཎེ…པེ… སཀདཱགཱམིཕལཀྑཎེ… ཨནཱགཱམིམགྒཀྑཎེ… ཨནཱགཱམིཕལཀྑཎེ… ཨརཧཏྟམགྒཀྑཎེ…པེ… ཨརཧཏྟཕལཀྑཎེ དསྶནཱབྷིསམཡོ སམྨཱདིཊྛི, ཨབྷིནིརོཔནཱབྷིསམཡོ སམྨཱསངྐཔྤོ…པེ… པཊིཔྤསྶདྡྷཊྛེན ཨནུཔྤཱདེ ཉཱཎཾ ཨབྷིསམཡོ. ཚནྡོ མཱུལཊྛེན ཨབྷིསམཡོ…པེ… ཨམཏོགདྷཾ ནིབྦཱནཾ པརིཡོསཱནཊྛེན ཨབྷིསམཡོ.

ཡྭཱཡཾ [སྱཱཡཾ (སྱཱ. པཱི.)] ཀིལེསེ པཛཧཏི, ཨཏཱིཏེ ཀིལེསེ པཛཧཏི…པེ… ཨནཱགཏེ ཀིལེསེ པཛཧཏི, པཙྩུཔྤནྣེ ཀིལེསེ པཛཧཏི, ཨཏཱིཏེ ཀིལེསེ པཛཧཏཱིཏི. ཧཉྩི ཨཏཱིཏེ ཀིལེསེ པཛཧཏི, ཏེན ཧི ཁཱིཎཾ ཁེཔེཏི, ནིརུདྡྷཾ ནིརོདྷེཏི, ཝིགཏཾ ཝིགམེཏི, ཨཏྠངྒཏཾ ཨཏྠངྒམེཏི, ཨཏཱིཏཾ ཡཾ ན ཨཏྠི ཏཾ པཛཧཏཱིཏི? ན ཨཏཱིཏེ ཀིལེསེ པཛཧཏཱིཏི. ཨནཱགཏེ ཀིལེསེ པཛཧཏཱིཏི. ཧཉྩི ¶ ཨནཱགཏེ ཀིལེསེ པཛཧཏི, ཏེན ཧི ཨཛཱཏཾ པཛཧཏི, ཨནིབྦཏྟཾ པཛཧཏི, ཨནུཔྤནྣཾ པཛཧཏི, ཨཔཱཏུབྷཱུཏཾ པཛཧཏི, ཨནཱགཏཾ ཡཾ ན ཨཏྠི ཏཾ པཛཧཏཱིཏི? ན ཨནཱགཏེ ཀིལེསེ པཛཧཏཱིཏི. པཙྩུཔྤནྣེ ཀིལེསེ པཛཧཏཱིཏི. ཧཉྩི པཙྩུཔྤནྣེ ཀིལེསེ པཛཧཏི, ཏེན ཧི རཏྟོ རཱགཾ པཛཧཏི, དུཊྛོ དོསཾ པཛཧཏི, མཱུལ༹ྷོ མོཧཾ པཛཧཏི, ཝིནིབདྡྷོ མཱནཾ པཛཧཏི, པརཱམཊྛོ དིཊྛིཾ པཛཧཏི ¶ ,

ཝིཀྑེཔགཏོ ཨུདྡྷཙྩཾ པཛཧཏི, ཨནིཊྛངྒཏོ ཝིཙིཀིཙྪཾ པཛཧཏི, ཐཱམགཏོ ཨནུསཡཾ པཛཧཏི, ཀཎྷསུཀྐདྷམྨཱ ཡུགནདྡྷཱ ¶ སམམེཝ ཝཏྟནྟི, སཾཀིལེསིཀཱ [ཏཾསཾཀིལེསིཀཱ (སྱཱ. ཀ.)] མགྒབྷཱཝནཱ ཧོཏི?

ན ཧི ཨཏཱིཏེ ཀིལེསེ པཛཧཏི, ན ཨནཱགཏེ ཀིལེསེ པཛཧཏི, ན པཙྩུཔྤནྣེ ཀིལེསེ པཛཧཏཱིཏི. ཧཉྩི ན ཨཏཱིཏེ ཀིལེསེ པཛཧཏི, ན ¶ ཨནཱགཏེ…པེ… ན པཙྩུཔྤནྣེ ཀིལེསེ པཛཧཏི, ཏེན ཧི ནཏྠི མགྒབྷཱཝནཱ, ནཏྠི ཕལསཙྪིཀིརིཡཱ, ནཏྠི ཀིལེསཔྤཧཱནཾ, ནཏྠི དྷམྨཱབྷིསམཡོཏི? ཨཏྠི མགྒབྷཱཝནཱ, ཨཏྠི ཕལསཙྪིཀིརིཡཱ, ཨཏྠི ཀིལེསཔྤཧཱནཾ, ཨཏྠི དྷམྨཱབྷིསམཡོ. ཡཐཱ ཀཐཾ ཝིཡ? སེཡྻཐཱཔི ཏརུཎོ རུཀྑོ ཨཛཱཏཕལོ. ཏམེནཾ པུརིསོ མཱུལཾ ཚིནྡེཡྻ. ཡེ ཏསྶ རུཀྑསྶ ཨཛཱཏཕལཱ, ཏེ ཨཛཱཏཱཡེཝ ན ཛཱཡནྟི, ཨནིབྦཏྟཱཡེཝ ན ནིབྦཏྟནྟི, ཨནུཔྤནྣཱཡེཝ ན ཨུཔྤཛྫནྟི, ཨཔཱཏུབྷཱུཏཱཡེཝ ན པཱཏུབྷཝནྟི. ཨེཝམེཝཾ ཨུཔྤཱདོ ཧེཏུ, ཨུཔྤཱདོ པཙྩཡོ ཀིལེསཱནཾ ནིབྦཏྟིཡཱཏི. ཨུཔྤཱདེ ཨཱདཱིནཝཾ དིསྭཱ ཨནུཔྤཱདེ ཙིཏྟཾ པཀྑནྡཏི. ཨནུཔྤཱདེ ཙིཏྟསྶ པཀྑནྡཏྟཱ ཡེ ཨུཔྤཱདཔཙྩཡཱ ཀིལེསཱ ནིབྦཏྟེཡྻུཾ, ཏེ ཨཛཱཏཱཡེཝ ན ཛཱཡནྟི, ཨནིབྦཏྟཱཡེཝ ན ནིབྦཏྟནྟི, ཨནུཔྤནྣཱཡེཝ ན ཨུཔྤཛྫནྟི, ཨཔཱཏུབྷཱུཏཱཡེཝ ན པཱཏུབྷཝནྟི. ཨེཝཾ ཧེཏུནིརོདྷཱ དུཀྑནིརོདྷོ. པཝཏྟཾ ཧེཏུ, ནིམིཏྟཾ ཧེཏུ, ཨཱཡཱུཧནཱ ཧེཏུ. ཨཱཡཱུཧནཱ པཙྩཡོ ཀིལེསཱནཾ ནིབྦཏྟིཡཱཏི. ཨཱཡཱུཧནེ ཨཱདཱིནཝཾ དིསྭཱ ཨནཱཡཱུཧནེ ཙིཏྟཾ པཀྑནྡཏི. ཨནཱཡཱུཧནེ ¶ ཙིཏྟསྶ པཀྑནྡཏྟཱ, ཡེ ཨཱཡཱུཧནཔཙྩཡཱ ཀིལེསཱ ནིབྦཏྟེཡྻུཾ, ཏེ ཨཛཱཏཱཡེཝ ན ཛཱཡནྟི, ཨནིབྦཏྟཱཡེཝ ན ནིབྦཏྟནྟི, ཨནུཔྤནྣཱཡེཝ ན ཨུཔྤཛྫནྟི, ཨཔཱཏུབྷཱུཏཱཡེཝ ན པཱཏུབྷཝནྟི. ཨེཝཾ ཧེཏུནིརོདྷཱ དུཀྑནིརོདྷོ. ཨེཝཾ ཨཏྠི མགྒབྷཱཝནཱ, ཨཏྠི ཕལསཙྪིཀིརིཡཱ, ཨཏྠི ཀིལེསཔྤཧཱནཾ, ཨཏྠི དྷམྨཱབྷིསམཡོཏི.

ཨབྷིསམཡཀཐཱ ནིཊྛིཏཱ.

༤. ཝིཝེཀཀཐཱ

༢༢. སཱཝཏྠིནིདཱནཾ ¶ [སཾ ནི. ༣.༥.༡༤༩ པསྶིཏབྦཱ]. ‘‘སེཡྻཐཱཔི ¶ , བྷིཀྑཝེ, ཡེ ཀེཙི བལཀརཎཱིཡཱ ཀམྨནྟཱ ཀརཱིཡནྟི, སབྦེ ཏེ པཐཝིཾ ནིསྶཱཡ པཐཝིཡཾ པཏིཊྛཱཡ ཨེཝམེཏེ བལཀརཎཱིཡཱ ཀམྨནྟཱ ཀརཱིཡནྟི, ཨེཝམེཝཾ, བྷིཀྑཝེ, བྷིཀྑུ སཱིལཾ ནིསྶཱཡ སཱིལེ པཏིཊྛཱཡ ཨརིཡཾ ཨཊྛངྒིཀཾ མགྒཾ བྷཱཝེཏི, ཨརིཡཾ ཨཊྛངྒིཀཾ མགྒཾ བཧུལཱིཀརོཏི.

‘‘ཀཐཉྩ, བྷིཀྑཝེ, བྷིཀྑུ སཱིལཾ ནིསྶཱཡ སཱིལེ པཏིཊྛཱཡ ཨརིཡཾ ཨཊྛངྒིཀཾ མགྒཾ བྷཱཝེཏི, ཨརིཡཾ ཨཊྛངྒིཀཾ མགྒཾ བཧུལཱིཀརོཏི? ཨིདྷ, བྷིཀྑཝེ, བྷིཀྑུ ¶ སམྨཱདིཊྛིཾ བྷཱཝེཏི ཝིཝེཀནིསྶིཏཾ ཝིརཱགནིསྶིཏཾ ¶ ནིརོདྷནིསྶིཏཾ ཝོསྶགྒཔརིཎཱམིཾ. སམྨཱསངྐཔྤཾ…པེ… སམྨཱཝཱཙཾ… སམྨཱཀམྨནྟཾ… སམྨཱཨཱཛཱིཝཾ… སམྨཱཝཱཡཱམཾ… སམྨཱསཏིཾ… སམྨཱསམཱདྷིཾ བྷཱཝེཏི ཝིཝེཀནིསྶིཏཾ ཝིརཱགནིསྶིཏཾ ནིརོདྷནིསྶིཏཾ ཝོསྶགྒཔརིཎཱམིཾ. ཨེཝཾ ཁོ, བྷིཀྑཝེ, བྷིཀྑུ སཱིལཾ ནིསྶཱཡ སཱིལེ པཏིཊྛཱཡ ཨརིཡཾ ཨཊྛངྒིཀཾ མགྒཾ བྷཱཝེཏི, ཨརིཡཾ ཨཊྛངྒིཀཾ མགྒཾ བཧུལཱིཀརོཏི.

༢༣. ‘‘སེཡྻཐཱཔི, བྷིཀྑཝེ, ཡེ ཀེཙི [ཡེཔིམེ (སྱཱ.) སཾ. ནི. ༥.༡༥༠ པསྶིཏབྦཱ] བཱིཛགཱམབྷཱུཏགཱམཱ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫནྟི, སབྦེ ཏེ པཐཝིཾ ནིསྶཱཡ པཐཝིཡཾ པཏིཊྛཱཡ ཨེཝམེཏེ བཱིཛགཱམབྷཱུཏགཱམཱ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫནྟི; ཨེཝམེཝཾ ཁོ, བྷིཀྑཝེ, བྷིཀྑུ སཱིལཾ ནིསྶཱཡ སཱིལེ པཏིཊྛཱཡ ཨརིཡཾ ¶ ཨཊྛངྒིཀཾ མགྒཾ བྷཱཝེནྟོ ཨརིཡཾ ཨཊྛངྒིཀཾ མགྒཾ བཧུལཱིཀརོནྟོ ཝུདྡྷིཾ ཝིརཱུལ༹ྷིཾ ཝེཔུལླཾ པཱཔུཎཱཏི དྷམྨེསུ.

‘‘ཀཐཉྩ, བྷིཀྑཝེ, བྷིཀྑུ སཱིལཾ ནིསྶཱཡ སཱིལེ པཏིཊྛཱཡ ཨརིཡཾ ཨཊྛངྒིཀཾ མགྒཾ བྷཱཝེནྟོ ཨརིཡཾ ཨཊྛངྒིཀཾ མགྒཾ བཧུལཱིཀརོནྟོ ཝུདྡྷིཾ ཝིརཱུལ༹ྷིཾ ཝེཔུལླཾ པཱཔུཎཱཏི དྷམྨེསུ? ཨིདྷ ¶ , བྷིཀྑཝེ, བྷིཀྑུ སམྨཱདིཊྛིཾ བྷཱཝེཏི ཝིཝེཀནིསྶིཏཾ ཝིརཱགནིསྶིཏཾ ནིརོདྷནིསྶིཏཾ ཝོསྶགྒཔརིཎཱམིཾ. སམྨཱསངྐཔྤཾ བྷཱཝེཏི…པེ… སམྨཱཝཱཙཾ བྷཱཝེཏི… སམྨཱཀམྨནྟཾ བྷཱཝེཏི… སམྨཱཨཱཛཱིཝཾ བྷཱཝེཏི… སམྨཱཝཱཡཱམཾ བྷཱཝེཏི… སམྨཱསཏིཾ བྷཱཝེཏི… སམྨཱསམཱདྷིཾ བྷཱཝེཏི ཝིཝེཀནིསྶིཏཾ ཝིརཱགནིསྶིཏཾ ནིརོདྷནིསྶིཏཾ ཝོསྶགྒཔརིཎཱམིཾ. ཨེཝཾ ཁོ, བྷིཀྑཝེ, བྷིཀྑུ སཱིལཾ ནིསྶཱཡ སཱིལེ པཏིཊྛཱཡ ཨརིཡཾ ཨཊྛངྒིཀཾ མགྒཾ བྷཱཝེནྟོ ཨརིཡཾ ཨཊྛངྒིཀཾ མགྒཾ བཧུལཱིཀརོནྟོ ཝུདྡྷིཾ ཝིརཱུལ༹ྷིཾ ཝེཔུལླཾ པཱཔུཎཱཏི དྷམྨེསཱུ’’ཏི.

༡. མགྒངྒནིདྡེསོ

༢༤. སམྨཱདིཊྛིཡཱ ¶ པཉྩ ཝིཝེཀཱ, པཉྩ ཝིརཱགཱ, པཉྩ ནིརོདྷཱ, པཉྩ ཝོསྶགྒཱ, དྭཱདས ནིསྶཡཱ. སམྨཱསངྐཔྤསྶ…པེ… སམྨཱཝཱཙཱཡ… སམྨཱཀམྨནྟསྶ… སམྨཱཨཱཛཱིཝསྶ… སམྨཱཝཱཡཱམསྶ… སམྨཱསཏིཡཱ… སམྨཱསམཱདྷིསྶ པཉྩ ཝིཝེཀཱ, པཉྩ ཝིརཱགཱ, པཉྩ ནིརོདྷཱ, པཉྩ ཝོསྶགྒཱ, དྭཱདས ནིསྶཡཱ.

སམྨཱདིཊྛིཡཱ ¶ ཀཏམེ པཉྩ ཝིཝེཀཱ? ཝིཀྑམྦྷནཝིཝེཀོ, ཏདངྒཝིཝེཀོ སམུཙྪེདཝིཝེཀོ, པཊིཔྤསྶདྡྷིཝིཝེཀོ, ནིསྶརཎཝིཝེཀོ. ཝིཀྑམྦྷནཝིཝེཀོ ཙ ནཱིཝརཎཱནཾ པཋམཛ྄ཛྷཱནཾ བྷཱཝཡཏོ ¶ , ཏདངྒཝིཝེཀོ ཙ དིཊྛིགཏཱནཾ ནིབྦེདྷབྷཱགིཡཾ སམཱདྷིཾ བྷཱཝཡཏོ, སམུཙྪེདཝིཝེཀོ ཙ ལོཀུཏྟརཾ ཁཡགཱམིམགྒཾ བྷཱཝཡཏོ, པཊིཔྤསྶདྡྷིཝིཝེཀོ ཙ ཕལཀྑཎེ, ནིསྶརཎཝིཝེཀོ ཙ ནིརོདྷོ ནིབྦཱནཾ. སམྨཱདིཊྛིཡཱ ཨིམེ པཉྩ ཝིཝེཀཱ. ཨིམེསུ པཉྩསུ ཝིཝེཀེསུ ཚནྡཛཱཏོ ཧོཏི སདྡྷཱདྷིམུཏྟོ, ཙིཏྟཉྩསྶ སྭཱདྷིཊྛིཏཾ.

སམྨཱདིཊྛིཡཱ ཀཏམེ པཉྩ ཝིརཱགཱ? ཝིཀྑམྦྷནཝིརཱགོ, ཏདངྒཝིརཱགོ, སམུཙྪེདཝིརཱགོ, པཊིཔྤསྶདྡྷིཝིརཱགོ, ནིསྶརཎཝིརཱགོ. ཝིཀྑམྦྷནཝིརཱགོ ཙ ནཱིཝརཎཱནཾ པཋམཛ྄ཛྷཱནཾ བྷཱཝཡཏོ, ཏདངྒཝིརཱགོ ཙ དིཊྛིགཏཱནཾ ནིབྦེདྷབྷཱགིཡཾ སམཱདྷིཾ བྷཱཝཡཏོ, སམུཙྪེདཝིརཱགོ ཙ ལོཀུཏྟརཾ ཁཡགཱམིམགྒཾ བྷཱཝཡཏོ, པཊིཔྤསྶདྡྷིཝིརཱགོ ཙ ཕལཀྑཎེ, ནིསྶརཎཝིརཱགོ ཙ ནིརོདྷོ ནིབྦཱནཾ. སམྨཱདིཊྛིཡཱ ཨིམེ པཉྩ ཝིརཱགཱ. ཨིམེསུ པཉྩསུ ཝིརཱགེསུ ཚནྡཛཱཏོ ཧོཏི ¶ སདྡྷཱདྷིམུཏྟོ, ཙིཏྟཉྩསྶ སྭཱདྷིཊྛིཏཾ.

སམྨཱདིཊྛིཡཱ ¶ ཀཏམེ པཉྩ ནིརོདྷཱ? ཝིཀྑམྦྷནནིརོདྷོ, ཏདངྒནིརོདྷོ, སམུཙྪེདནིརོདྷོ, པཊིཔྤསྶདྡྷིནིརོདྷོ, ནིསྶརཎནིརོདྷོ. ཝིཀྑམྦྷནནིརོདྷོ ཙ ནཱིཝརཎཱནཾ པཋམཛ྄ཛྷཱནཾ བྷཱཝཡཏོ, ཏདངྒནིརོདྷོ ཙ དིཊྛིགཏཱནཾ ནིབྦེདྷབྷཱགིཡཾ སམཱདྷིཾ བྷཱཝཡཏོ, སམུཙྪེདནིརོདྷོ ཙ ལོཀུཏྟརཾ ཁཡགཱམིམགྒཾ བྷཱཝཡཏོ, པཊིཔྤསྶདྡྷིནིརོདྷོ ཙ ཕལཀྑཎེ, ནིསྶརཎནིརོདྷོ ཙ ཨམཏཱ དྷཱཏུ. སམྨཱདིཊྛིཡཱ ཨིམེ པཉྩ ནིརོདྷཱ. ཨིམེསུ པཉྩསུ ནིརོདྷེསུ ཚནྡཛཱཏོ ཧོཏི སདྡྷཱདྷིམུཏྟོ, ཙིཏྟཉྩསྶ སྭཱདྷིཊྛིཏཾ.

སམྨཱདིཊྛིཡཱ ཀཏམེ པཉྩ ཝོསྶགྒཱ? ཝིཀྑམྦྷནཝོསྶགྒོ, ཏདངྒཝོསྶགྒོ, སམུཙྪེདཝོསྶགྒོ, པཊིཔྤསྶདྡྷིཝོསྶགྒོ, ནིསྶརཎཝོསྶགྒོ. ཝིཀྑམྦྷནཝོསྶགྒོ ཙ ནཱིཝརཎཱནཾ པཋམཛ྄ཛྷཱནཾ བྷཱཝཡཏོ, ཏདངྒཝོསྶགྒོ ཙ དིཊྛིགཏཱནཾ ནིབྦེདྷབྷཱགིཡཾ སམཱདྷིཾ བྷཱཝཡཏོ, སམུཙྪེདཝོསྶགྒོ ཙ ལོཀུཏྟརཾ ཁཡགཱམིམགྒཾ བྷཱཝཡཏོ, པཊིཔྤསྶདྡྷིཝོསྶགྒོ ཙ ཕལཀྑཎེ, ནིསྶརཎཝོསྶགྒོ ཙ ནིརོདྷོ ནིབྦཱནཾ. སམྨཱདིཊྛིཡཱ ཨིམེ པཉྩ ཝོསྶགྒཱ. ཨིམེསུ པཉྩསུ ཝོསྶགྒེསུ ཚནྡཛཱཏོ ཧོཏི ¶ སདྡྷཱདྷིམུཏྟོ, ཙིཏྟཉྩསྶ སྭཱདྷིཊྛིཏཾ. སམྨཱདིཊྛིཡཱ ཨིམེ པཉྩ ཝིཝེཀཱ, པཉྩ ཝིརཱགཱ, པཉྩ ནིརོདྷཱ, པཉྩ ཝོསྶགྒཱ, དྭཱདས ནིསྶཡཱ.

༢༥. སམྨཱསངྐཔྤསྶ ¶ …པེ… སམྨཱཝཱཙཱཡ… སམྨཱཀམྨནྟསྶ… སམྨཱཨཱཛཱིཝསྶ… སམྨཱཝཱཡཱམསྶ… སམྨཱསཏིཡཱ… སམྨཱསམཱདྷིསྶ ཀཏམེ པཉྩ ཝིཝེཀཱ? ཝིཀྑམྦྷནཝིཝེཀོ, ཏདངྒཝིཝེཀོ, སམུཙྪེདཝིཝེཀོ, པཊིཔྤསྶདྡྷིཝིཝེཀོ, ནིསྶརཎཝིཝེཀོ. ཝིཀྑམྦྷནཝིཝེཀོ ཙ ནཱིཝརཎཱནཾ པཋམཛ྄ཛྷཱནཾ བྷཱཝཡཏོ, ཏདངྒཝིཝེཀོ ཙ དིཊྛིགཏཱནཾ ནིབྦེདྷབྷཱགིཡཾ སམཱདྷིཾ བྷཱཝཡཏོ, སམུཙྪེདཝིཝེཀོ ཙ ལོཀུཏྟརཾ ཁཡགཱམིམགྒཾ བྷཱཝཡཏོ, པཊིཔྤསྶདྡྷིཝིཝེཀོ ཙ ཕལཀྑཎེ ནིསྶརཎཝིཝེཀོ ཙ ནིརོདྷོ ནིབྦཱནཾ. སམྨཱསམཱདྷིསྶ ¶ ཨིམེ པཉྩ ཝིཝེཀཱ. ཨིམེསུ པཉྩསུ ཝིཝེཀེསུ ཚནྡཛཱཏོ ཧོཏི སདྡྷཱདྷིམུཏྟོ, ཙིཏྟཉྩསྶ སྭཱདྷིཊྛིཏཾ.

སམྨཱསམཱདྷིསྶ ཀཏམེ པཉྩ ཝིརཱགཱ? ཝིཀྑམྦྷནཝིརཱགོ, ཏདངྒཝིརཱགོ, སམུཙྪེདཝིརཱགོ ¶ , པཊིཔྤསྶདྡྷིཝིརཱགོ, ནིསྶརཎཝིརཱགོ. ཝིཀྑམྦྷནཝིརཱགོ ཙ ནཱིཝརཎཱནཾ པཋམཛ྄ཛྷཱནཾ བྷཱཝཡཏོ, ཏདངྒཝིརཱགོ ཙ དིཊྛིགཏཱནཾ ནིབྦེདྷབྷཱགིཡཾ སམཱདྷིཾ བྷཱཝཡཏོ, སམུཙྪེདཝིརཱགོ ཙ ལོཀུཏྟརཾ ཁཡགཱམིམགྒཾ བྷཱཝཡཏོ, པཊིཔྤསྶདྡྷིཝིརཱགོ ཙ ཕལཀྑཎེ, ནིསྶརཎཝིརཱགོ ཙ ནིརོདྷོ ནིབྦཱནཾ. སམྨཱསམཱདྷིསྶ ཨིམེ པཉྩ ཝིརཱགཱ. ཨིམེསུ པཉྩསུ ཝིརཱགེསུ ཚནྡཛཱཏོ ཧོཏི སདྡྷཱདྷིམུཏྟོ, ཙིཏྟཉྩསྶ སྭཱདྷིཊྛིཏཾ.

སམྨཱསམཱདྷིསྶ ཀཏམེ པཉྩ ནིརོདྷཱ? ཝིཀྑམྦྷནནིརོདྷོ ¶ , ཏདངྒནིརོདྷོ, སམུཙྪེདནིརོདྷོ, པཊིཔྤསྶདྡྷིནིརོདྷོ, ནིསྶརཎནིརོདྷོ. ཝིཀྑམྦྷནནིརོདྷོ ཙ ནཱིཝརཎཱནཾ པཋམཛ྄ཛྷཱནཾ བྷཱཝཡཏོ, ཏདངྒནིརོདྷོ ཙ དིཊྛིགཏཱནཾ ནིབྦེདྷབྷཱགིཡཾ སམཱདྷིཾ བྷཱཝཡཏོ, སམུཙྪེདནིརོདྷོ ཙ ལོཀུཏྟརཾ ཁཡགཱམིམགྒཾ བྷཱཝཡཏོ, པཊིཔྤསྶདྡྷིནིརོདྷོ ཙ ཕལཀྑཎེ, ནིསྶརཎནིརོདྷོ ཙ ཨམཏཱ དྷཱཏུ. སམྨཱསམཱདྷིསྶ ཨིམེ པཉྩ ནིརོདྷཱ. ཨིམེསུ པཉྩསུ ནིརོདྷེསུ ཚནྡཛཱཏོ ཧོཏི སདྡྷཱདྷིམུཏྟོ, ཙིཏྟཉྩསྶ སྭཱདྷིཊྛིཏཾ.

སམྨཱསམཱདྷིསྶ ཀཏམེ པཉྩ ཝོསྶགྒཱ? ཝིཀྑམྦྷནཝོསྶགྒོ, ཏདངྒཝོསྶགྒོ, སམུཙྪེདཝོསྶགྒོ, པཊིཔྤསྶདྡྷིཝོསྶགྒོ, ནིསྶརཎཝོསྶགྒོ. ཝིཀྑམྦྷནཝོསྶགྒོ ཙ ནཱིཝརཎཱནཾ པཋམཛ྄ཛྷཱནཾ བྷཱཝཡཏོ, ཏདངྒཝོསྶགྒོ ཙ དིཊྛིགཏཱནཾ ནིབྦེདྷབྷཱགིཡཾ སམཱདྷིཾ བྷཱཝཡཏོ, སམུཙྪེདཝོསྶགྒོ ཙ ལོཀུཏྟརཾ ¶ ཁཡགཱམིམགྒཾ བྷཱཝཡཏོ, པཊིཔྤསྶདྡྷིཝོསྶགྒོ ཙ ཕལཀྑཎེ, ནིསྶརཎཝོསྶགྒོ ཙ ནིརོདྷོ ནིབྦཱནཾ. སམྨཱསམཱདྷིསྶ ཨིམེ པཉྩ ཝོསྶགྒཱ. ཨིམེསུ པཉྩསུ ཝོསྶགྒེསུ ཚནྡཛཱཏོ ཧོཏི སདྡྷཱདྷིམུཏྟོ, ཙིཏྟཉྩསྶ སྭཱདྷིཊྛིཏཾ. སམྨཱསམཱདྷིསྶ ཨིམེ པཉྩ ཝིཝེཀཱ, པཉྩ ཝིརཱགཱ, པཉྩ ནིརོདྷཱ, པཉྩ ཝོསྶགྒཱ, དྭཱདས ནིསྶཡཱ.

༢༦. ‘‘སེཡྻཐཱཔི, བྷིཀྑཝེ, ཡེ ཀེཙི བལཀརཎཱིཡཱ ཀམྨནྟཱ ཀརཱིཡནྟི ¶ , སབྦེ ཏེ པཐཝིཾ ནིསྶཱཡ པཐཝིཡཾ པཏིཊྛཱཡ ཨེཝམེཏེ བལཀརཎཱིཡཱ ཀམྨནྟཱ ཀརཱིཡནྟི; ཨེཝམེཝཾ ཁོ, བྷིཀྑཝེ, བྷིཀྑུ སཱིལཾ ནིསྶཱཡ སཱིལེ པཏིཊྛཱཡ ¶ སཏྟ བོཛ྄ཛྷངྒེ བྷཱཝེཏི, སཏྟ བོཛ྄ཛྷངྒེ བཧུལཱིཀརོཏི…པེ… སཏྟ བོཛ྄ཛྷངྒེ བྷཱཝེནྟོ སཏྟ བོཛ྄ཛྷངྒེ བཧུལཱིཀརོནྟོ ཝུདྡྷིཾ ཝིརཱུལ༹ྷིཾ ཝེཔུལླཾ པཱཔུཎཱཏི དྷམྨེསུ…པེ… པཉྩ བལཱནི བྷཱཝེཏི, པཉྩ བལཱནི བཧུལཱིཀརོཏི…པེ… པཉྩ བལཱནི བྷཱཝེནྟོ པཉྩ བལཱནི བཧུལཱིཀརོནྟོ ཝུདྡྷིཾ ཝིརཱུལ༹ྷིཾ ཝེཔུལླཾ པཱཔུཎཱཏི དྷམྨེསུ…པེ… པཉྩིནྡྲིཡཱནི བྷཱཝེཏི, པཉྩིནྡྲིཡཱནི བཧུལཱིཀརོཏི…པེ….

‘‘སེཡྻཐཱཔི, བྷིཀྑཝེ, ཡེ ཀེཙི བཱིཛགཱམབྷཱུཏགཱམཱ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫནྟི, སབྦེ ཏེ པཐཝིཾ ནིསྶཱཡ པཐཝིཡཾ པཏིཊྛཱཡ ཨེཝམེཏེ བཱིཛགཱམབྷཱུཏགཱམཱ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫནྟི, ཨེཝམེཝཾ ཁོ, བྷིཀྑཝེ, བྷིཀྑུ སཱིལཾ ནིསྶཱཡ སཱིལེ པཏིཊྛཱཡ པཉྩིནྡྲིཡཱནི བྷཱཝེནྟོ པཉྩིནྡྲིཡཱནི བཧུལཱིཀརོནྟོ ཝུདྡྷིཾ ཝིརཱུལ༹ྷིཾ ཝེཔུལླཾ པཱཔུཎཱཏི དྷམྨེསུ.

‘‘ཀཐཉྩ ¶ , བྷིཀྑཝེ, བྷིཀྑུ སཱིལཾ ནིསྶཱཡ སཱིལེ པཏིཊྛཱཡ པཉྩིནྡྲིཡཱནི བྷཱཝེནྟོ པཉྩིནྡྲིཡཱནི བཧུལཱིཀརོནྟོ ཝུདྡྷིཾ ཝིརཱུལ༹ྷིཾ ཝེཔུལླཾ པཱཔུཎཱཏི དྷམྨེསུ? ཨིདྷ, བྷིཀྑཝེ, བྷིཀྑུ སདྡྷིནྡྲིཡཾ བྷཱཝེཏི ཝིཝེཀནིསྶིཏཾ ཝིརཱགནིསྶིཏཾ ནིརོདྷནིསྶིཏཾ ཝོསྶགྒཔརིཎཱམིཾ. ཝཱིརིཡིནྡྲིཡཾ བྷཱཝེཏི…པེ… སཏིནྡྲིཡཾ བྷཱཝེཏི…པེ… སམཱདྷིནྡྲིཡཾ ¶ བྷཱཝེཏི…པེ… པཉྙིནྡྲིཡཾ བྷཱཝེཏི ཝིཝེཀནིསྶིཏཾ ཝིརཱགནིསྶིཏཾ ནིརོདྷནིསྶིཏཾ ཝོསྶགྒཔརིཎཱམིཾ. ཨེཝཾ ཁོ, བྷིཀྑཝེ, བྷིཀྑུ སཱིལཾ ནིསྶཱཡ…པེ… པཱཔུཎཱཏི དྷམྨེསཱུ’’ཏི.

༢. ཨིནྡྲིཡནིདྡེསོ

༢༧. སདྡྷིནྡྲིཡསྶ པཉྩ ཝིཝེཀཱ, པཉྩ ཝིརཱགཱ, པཉྩ ནིརོདྷཱ, པཉྩ ཝོསྶགྒཱ, དྭཱདས ནིསྶཡཱ. ཝཱིརིཡིནྡྲིཡསྶ…པེ… སཏིནྡྲིཡསྶ… སམཱདྷིནྡྲིཡསྶ… པཉྙིནྡྲིཡསྶ ¶ པཉྩ ཝིཝེཀཱ, པཉྩ ཝིརཱགཱ, པཉྩ ནིརོདྷཱ, པཉྩ ཝོསྶགྒཱ, དྭཱདས ནིསྶཡཱ.

སདྡྷིནྡྲིཡསྶ ཀཏམེ པཉྩ ཝིཝེཀཱ? ཝིཀྑམྦྷནཝིཝེཀོ, ཏདངྒཝིཝེཀོ, སམུཙྪེདཝིཝེཀོ, པཊིཔྤསྶདྡྷིཝིཝེཀོ, ནིསྶརཎཝིཝེཀོ. ཝིཀྑམྦྷནཝིཝེཀོ ཙ ནཱིཝརཎཱནཾ པཋམཛ྄ཛྷཱནཾ བྷཱཝཡཏོ, ཏདངྒཝིཝེཀོ ཙ དིཊྛིགཏཱནཾ ནིབྦེདྷབྷཱགིཡཾ སམཱདྷིཾ བྷཱཝཡཏོ, སམུཙྪེདཝིཝེཀོ ཙ ལོཀུཏྟརཾ ཁཡགཱམིམགྒཾ བྷཱཝཡཏོ, པཊིཔྤསྶདྡྷིཝིཝེཀོ ཙ ཕལཀྑཎེ, ནིསྶརཎཝིཝེཀོ ཙ ནིརོདྷོ ནིབྦཱནཾ. སདྡྷིནྡྲིཡསྶ ཨིམེ པཉྩ ཝིཝེཀཱ. ཨིམེསུ ¶ པཉྩསུ ཝིཝེཀེསུ ཚནྡཛཱཏོ ཧོཏི སདྡྷཱདྷིམུཏྟོ, ཙིཏྟཉྩསྶ སྭཱདྷིཊྛིཏཾ…པེ… སདྡྷིནྡྲིཡསྶ ཨིམེ པཉྩ ཝིཝེཀཱ, པཉྩ ཝིརཱགཱ, པཉྩ ནིརོདྷཱ, པཉྩ ཝོསྶགྒཱ, དྭཱདས ནིསྶཡཱ.

ཝཱིརིཡིནྡྲིཡསྶ…པེ… སཏིནྡྲིཡསྶ…པེ… སམཱདྷིནྡྲིཡསྶ… པཉྙིནྡྲིཡསྶ ཀཏམེ པཉྩ ཝིཝེཀཱ? ཝིཀྑམྦྷནཝིཝེཀོ, ཏདངྒཝིཝེཀོ, སམུཙྪེདཝིཝེཀོ, པཊིཔྤསྶདྡྷིཝིཝེཀོ, ནིསྶརཎཝིཝེཀོ…པེ… པཉྙིནྡྲིཡསྶ ཨིམེ པཉྩ ཝིཝེཀཱ, པཉྩ ཝིརཱགཱ, པཉྩ ནིརོདྷཱ ¶ , པཉྩ ཝོསྶགྒཱ, དྭཱདས ནིསྶཡཱཏི.

ཝིཝེཀཀཐཱ ནིཊྛིཏཱ.

༥. ཙརིཡཱཀཐཱ

༢༨. ཙརིཡཱཏི ¶ ¶ , ཨཊྛ ཙརིཡཱཡོ – ཨིརིཡཱཔཐཙརིཡཱ, ཨཱཡཏནཙརིཡཱ, སཏིཙརིཡཱ, སམཱདྷིཙརིཡཱ, ཉཱཎཙརིཡཱ, མགྒཙརིཡཱ, པཏྟིཙརིཡཱ, ལོཀཏྠཙརིཡཱཏི.

ཨིརིཡཱཔཐཙརིཡཱཏི ཙཏཱུསུ ཨིརིཡཱཔཐེསུ. ཨཱཡཏནཙརིཡཱཏི ཚསུ ཨཛ྄ཛྷཏྟིཀབཱཧིརེསུ ཨཱཡཏནེསུ. སཏིཙརིཡཱཏི ཙཏཱུསུ སཏིཔཊྛཱནེསུ. སམཱདྷིཙརིཡཱཏི ཙཏཱུསུ ཛྷཱནེསུ. ཉཱཎཙརིཡཱཏི ཙཏཱུསུ ཨརིཡསཙྩེསུ. མགྒཙརིཡཱཏི ཙཏཱུསུ ཨརིཡམགྒེསུ. པཏྟིཙརིཡཱཏི ཙཏཱུསུ སཱམཉྙཕལེསུ. ལོཀཏྠཙརིཡཱཏི ཏཐཱགཏེསུ ཨརཧནྟེསུ སམྨཱསམྦུདྡྷེསུ པདེསེ [པདེསོ (སྱཱ.)] པཙྩེཀབུདྡྷེསུ པདེསེ སཱཝཀེསུ.

ཨིརིཡཱཔཐཙརིཡཱ ¶ ཙ པཎིདྷིསམྤནྣཱནཾ. ཨཱཡཏནཙརིཡཱ ཙ ཨིནྡྲིཡེསུ གུཏྟདྭཱརཱནཾ. སཏིཙརིཡཱ ཙ ཨཔྤམཱདཝིཧཱརཱིནཾ. སམཱདྷིཙརིཡཱ ཙ ཨདྷིཙིཏྟམནུཡུཏྟཱནཾ. ཉཱཎཙརིཡཱ ཙ བུདྡྷིསམྤནྣཱནཾ. མགྒཙརིཡཱ ཙ སམྨཱཔཊིཔནྣཱནཾ. པཏྟིཙརིཡཱ ཙ ཨདྷིགཏཕལཱནཾ. ལོཀཏྠཙརིཡཱ ཙ ཏཐཱགཏཱནཾ ཨརཧནྟཱནཾ སམྨཱསམྦུདྡྷཱནཾ པདེསེ པཙྩེཀབུདྡྷཱནཾ པདེསེ སཱཝཀཱནཾ. ཨིམཱ ཨཊྛ ཙརིཡཱཡོ.

༢༩. ཨཔརཱཔི ¶ ཨཊྛ ཙརིཡཱཡོ. ཨདྷིམུཙྩནྟོ སདྡྷཱཡ ཙརཏི, པགྒཎྷནྟོ ཝཱིརིཡེན ཙརཏི, ཨུཔཊྛཱཔེནྟོ སཏིཡཱ ཙརཏི, ཨཝིཀྑེཔཾ ཀརོནྟོ སམཱདྷིནཱ ཙརཏི, པཛཱནནྟོ པཉྙཱཡ ཙརཏི, ཝིཛཱནནྟོ ཝིཉྙཱཎཙརིཡཱཡ ཙརཏི, ཨེཝཾ པཊིཔནྣསྶ ¶ ཀུསལཱ དྷམྨཱ ཨཱཡཱཔེནྟཱིཏི ཨཱཡཏནཙརིཡཱཡ ཙརཏི, ཨེཝཾ པཊིཔནྣོ ཝིསེསམདྷིགཙྪཏཱིཏི ཝིསེསཙརིཡཱཡ ཙརཏི. ཨིམཱ ཨཊྛ ཙརིཡཱཡོ.

ཨཔརཱཔི ¶ ཨཊྛ ཙརིཡཱཡོ. དསྶནཙརིཡཱ ཙ སམྨཱདིཊྛིཡཱ, ཨབྷིནིརོཔནཙརིཡཱ ཙ སམྨཱསངྐཔྤསྶ, པརིགྒཧཙརིཡཱ ཙ སམྨཱཝཱཙཱཡ, སམུཊྛཱནཙརིཡཱ ཙ སམྨཱཀམྨནྟསྶ, ཝོདཱནཙརིཡཱ ཙ སམྨཱཨཱཛཱིཝསྶ, པགྒཧཙརིཡཱ ཙ སམྨཱཝཱཡཱམསྶ, ཨུཔཊྛཱནཙརིཡཱ ཙ སམྨཱསཏིཡཱ, ཨཝིཀྑེཔཙརིཡཱ ཙ སམྨཱསམཱདྷིསྶ. ཨིམཱ ཨཊྛ ཙརིཡཱཡོཏི.

ཙརིཡཱཀཐཱ ནིཊྛིཏཱ.

༦. པཱཊིཧཱརིཡཀཐཱ

༣༠. ‘‘ཏཱིཎིམཱནི ¶ ¶ , བྷིཀྑཝེ [ཨ. ནི. ༣.༦༡ པསྶིཏབྦཱ], པཱཊིཧཱརིཡཱནི. ཀཏམཱནི ཏཱིཎི? ཨིདྡྷིཔཱཊིཧཱརིཡཾ, ཨཱདེསནཱཔཱཊིཧཱརིཡཾ, ཨནུསཱསནཱིཔཱཊིཧཱརིཡཾ.

‘‘ཀཏམཉྩ, བྷིཀྑཝེ, ཨིདྡྷིཔཱཊིཧཱརིཡཾ? ཨིདྷ, བྷིཀྑཝེ, ཨེཀཙྩོ ཨནེཀཝིཧིཏཾ ཨིདྡྷིཝིདྷཾ པཙྩནུབྷོཏི – ཨེཀོཔི ཧུཏྭཱ བཧུདྷཱ ཧོཏི ¶ , བཧུདྷཱཔི ཧུཏྭཱ ཨེཀོ ཧོཏི; ཨཱཝིབྷཱཝཾ ཏིརོབྷཱཝཾ…པེ… ཡཱཝ བྲཧྨལོཀཱཔི ཀཱཡེན ཝསཾ ཝཏྟེཏི. ཨིདཾ ཝུཙྩཏི, བྷིཀྑཝེ, ཨིདྡྷིཔཱཊིཧཱརིཡཾ.

‘‘ཀཏམཉྩ ¶ , བྷིཀྑཝེ, ཨཱདེསནཱཔཱཊིཧཱརིཡཾ? ཨིདྷ, བྷིཀྑཝེ, ཨེཀཙྩོ ནིམིཏྟེན ཨཱདིསཏི – ‘ཨེཝམྤི ཏེ མནོ, ཨིཏྠམྤི ཏེ མནོ, ཨིཏིཔི ཏེ ཙིཏྟ’ནྟི. སོ བཧུཾ ཙེཔི ཨཱདིསཏི, ཏཐེཝ ཏཾ ཧོཏི, ནོ ཨཉྙཐཱ. ཨིདྷ པན, བྷིཀྑཝེ, ཨེཀཙྩོ ན ཧེཝ ཁོ ནིམིཏྟེན ཨཱདིསཏི, ཨཔི ཙ ཁོ མནུསྶཱནཾ ཝཱ ཨམནུསྶཱནཾ ཝཱ དེཝཏཱནཾ ཝཱ སདྡཾ སུཏྭཱ ཨཱདིསཏི – ‘ཨེཝམྤི ཏེ མནོ, ཨིཏྠམྤི ཏེ མནོ, ཨིཏིཔི ཏེ ཙིཏྟ’ནྟི. སོ བཧུཾ ཙེཔི ཨཱདིསཏི, ཏཐེཝ ཏཾ ཧོཏི, ནོ ཨཉྙཐཱ. ཨིདྷ པན, བྷིཀྑཝེ, ཨེཀཙྩོ ན ཧེཝ ཁོ ནིམིཏྟེན ཨཱདིསཏི, ནཔི མནུསྶཱནཾ ཝཱ ཨམནུསྶཱནཾ ཝཱ དེཝཏཱནཾ ཝཱ སདྡཾ སུཏྭཱ ཨཱདིསཏི, ཨཔི ཙ ཁོ ཝིཏཀྐཡཏོ ཝིཙཱརཡཏོ ཝིཏཀྐཝིཔྥཱརསདྡཾ སུཏྭཱ ཨཱདིསཏི – ‘ཨེཝམྤི ཏེ མནོ, ཨིཏྠམྤི ཏེ མནོ, ཨིཏིཔི ཏེ ཙིཏྟ’ནྟི. སོ བཧུཾ ཙེཔི ཨཱདིསཏི, ཏཐེཝ ཏཾ ཧོཏི, ནོ ཨཉྙཐཱ. ཨིདྷ པན, བྷིཀྑཝེ, ཨེཀཙྩོ ན ཧེཝ ཁོ ནིམིཏྟེན ཨཱདིསཏི, ནཔི མནུསྶཱནཾ ཝཱ ཨམནུསྶཱནཾ ཝཱ དེཝཏཱནཾ ཝཱ སདྡཾ སུཏྭཱ ཨཱདིསཏི, ནཔི ཝིཏཀྐཡཏོ ཝིཙཱརཡཏོ ཝིཏཀྐཝིཔྥཱརསདྡཾ ¶ སུཏྭཱ ཨཱདིསཏི, ཨཔི ཙ ཁོ ཨཝིཏཀྐཾ ཨཝིཙཱརཾ སམཱདྷིཾ སམཱཔནྣསྶ ཙེཏསཱ ཙེཏོ པརིཙྩ པཛཱནཱཏི – ‘ཡཐཱ ཨིམསྶ བྷོཏོ མནོསངྑཱརཱ ¶ པཎིཧིཏཱ ཨིམསྶ [ཏཐཱ ཨིམསྶ (སྱཱ.), ཡཐཱ ཨིམསྶ (ཀ.) ཨ. ནི. ༣.༦༡ པསྶིཏབྦཱ] ཙིཏྟསྶ ཨནནྟརཱ ཨམུཀཾ ནཱམ ཝིཏཀྐཾ ཝིཏཀྐཡིསྶཏཱི’ཏི ¶ [ཝིཏཀྐེསྶཏཱིཏི (སྱཱ.) ཨ. ནི. ༣.༦༡]. སོ བཧུཾ ཙེཔི ཨཱདིསཏི, ཏཐེཝ ཏཾ ཧོཏི, ནོ ཨཉྙཐཱ. ཨིདཾ ཝུཙྩཏི, བྷིཀྑཝེ, ཨཱདེསནཱཔཱཊིཧཱརིཡཾ.

‘‘ཀཏམཉྩ, བྷིཀྑཝེ, ཨནུསཱསནཱིཔཱཊིཧཱརིཡཾ? ཨིདྷ, བྷིཀྑཝེ, ཨེཀཙྩོ ཨེཝམནུསཱསཏི – ‘ཨེཝཾ ཝིཏཀྐེཐ, མཱ ཨེཝཾ ཝིཏཀྐཡིཏྠ. ཨེཝཾ མནསི ཀརོཐ, མཱ ཨེཝཾ མནསི ཀརིཏྠ. ཨིདཾ པཛཧཐ, ཨིདཾ ཨུཔསམྤཛྫ ཝིཧརཐཱ’ཏི. ཨིདཾ ཝུཙྩཏི, བྷིཀྑཝེ, ཨནུསཱསནཱིཔཱཊིཧཱརིཡཾ. ཨིམཱནི ཁོ, བྷིཀྑཝེ, ཏཱིཎི པཱཊིཧཱརིཡཱནི’’.

༣༡. ནེཀྑམྨཾ ཨིཛ྄ཛྷཏཱིཏི – ཨིདྡྷི. ཀཱམཙྪནྡཾ པཊིཧརཏཱིཏི – པཱཊིཧཱརིཡཾ. ཡེ ཏེན ནེཀྑམྨེན སམནྣཱགཏཱ, སབྦེ ཏེ ཝིསུདྡྷཙིཏྟཱ ཨནཱཝིལསངྐཔྤཱཏི – ཨཱདེསནཱཔཱཊིཧཱརིཡཾ. ‘‘ཏཾ ཁོ པན ནེཀྑམྨཾ ཨེཝཾ ཨཱསེཝིཏབྦཾ, ཨེཝཾ བྷཱཝེཏབྦཾ ¶ , ཨེཝཾ བཧུལཱིཀཱཏབྦཾ, ཨེཝཾ ཏདནུདྷམྨཏཱ སཏི ཨུཔཊྛཱཔེཏབྦཱ’’ཏི – ཨནུསཱསནཱིཔཱཊིཧཱརིཡཾ.

ཨབྱཱཔཱདོ ཨིཛ྄ཛྷཏཱིཏི – ཨིདྡྷི. བྱཱཔཱདཾ པཊིཧརཏཱིཏི – པཱཊིཧཱརིཡཾ. ཡེ ཏེན ཨབྱཱཔཱདེན སམནྣཱགཏཱ, སབྦེ ཏེ ཝིསུདྡྷཙིཏྟཱ ཨནཱཝིལསངྐཔྤཱཏི – ཨཱདེསནཱཔཱཊིཧཱརིཡཾ. ‘‘སོ ཁོ པན ཨབྱཱཔཱདོ ཨེཝཾ ཨཱསེཝིཏབྦོ, ཨེཝཾ བྷཱཝེཏབྦོ, ཨེཝཾ བཧུལཱིཀཱཏབྦོ, ཨེཝཾ ཏདནུདྷམྨཏཱ སཏི ཨུཔཊྛཱཔེཏབྦཱ’’ཏི – ཨནུསཱསནཱིཔཱཊིཧཱརིཡཾ.

ཨཱལོཀསཉྙཱ ཨིཛ྄ཛྷཏཱིཏི – ཨིདྡྷི. ཐིནམིདྡྷཾ པཊིཧརཏཱིཏི – པཱཊིཧཱརིཡཾ. ཡེ ཏཱཡ ཨཱལོཀསཉྙཱཡ སམནྣཱགཏཱ, སབྦེ ཏེ ཝིསུདྡྷཙིཏྟཱ ཨནཱཝིལསངྐཔྤཱཏི ¶ – ཨཱདེསནཱཔཱཊིཧཱརིཡཾ. ‘‘སཱ ཁོ པན ཨཱལོཀསཉྙཱ ཨེཝཾ ཨཱསེཝིཏབྦཱ, ཨེཝཾ བྷཱཝེཏབྦཱ, ཨེཝཾ བཧུལཱིཀཱཏབྦཱ, ཨེཝཾ ཏདནུདྷམྨཏཱ སཏི ཨུཔཊྛཱཔེཏབྦཱ’’ཏི – ཨནུསཱསནཱིཔཱཊིཧཱརིཡཾ.

ཨཝིཀྑེཔོ ཨིཛ྄ཛྷཏཱིཏི – ཨིདྡྷི. ཨུདྡྷཙྩཾ པཊིཧརཏཱིཏི – པཱཊིཧཱརིཡཾ. ཡེ ཏེན ཨཝིཀྑེཔེན སམནྣཱགཏཱ, སབྦེ ཏེ ཝིསུདྡྷཙིཏྟཱ ¶ ཨནཱཝིལསངྐཔྤཱཏི – ཨཱདེསནཱཔཱཊིཧཱརིཡཾ. ‘‘སོ ཁོ པན ཨཝིཀྑེཔོ ཨེཝཾ ཨཱསེཝིཏབྦོ, ཨེཝཾ བྷཱཝེཏབྦོ, ཨེཝཾ བཧུལཱིཀཱཏབྦོ, ཨེཝཾ ཏདནུདྷམྨཏཱ སཏི ཨུཔཊྛཱཔེཏབྦཱ’’ཏི – ཨནུསཱསནཱིཔཱཊིཧཱརིཡཾ.

དྷམྨཝཝཏྠཱནཾ ཨིཛ྄ཛྷཏཱིཏི – ཨིདྡྷི. ཝིཙིཀིཙྪཾ པཊིཧརཏཱིཏི – པཱཊིཧཱརིཡཾ. ཡེ ཏེན དྷམྨཝཝཏྠཱནེན སམནྣཱགཏཱ, སབྦེ ཏེ ཝིསུདྡྷཙིཏྟཱ ཨནཱཝིལསངྐཔྤཱཏི – ཨཱདེསནཱཔཱཊིཧཱརིཡཾ. ‘‘ཏཾ ¶ ཁོ པན དྷམྨཝཝཏྠཱནཾ ཨེཝཾ ཨཱསེཝིཏབྦཾ, ཨེཝཾ བྷཱཝེཏབྦཾ, ཨེཝཾ བཧུལཱིཀཱཏབྦཾ, ཨེཝཾ ཏདནུདྷམྨཏཱ, སཏི ཨུཔཊྛཱཔེཏབྦཱ’’ཏི – ཨནུསཱསནཱིཔཱཊིཧཱརིཡཾ.

ཉཱཎཾ ཨིཛ྄ཛྷཏཱིཏི – ཨིདྡྷི. ཨཝིཛྫཾ པཊིཧརཏཱིཏི – པཱཊིཧཱརིཡཾ. ཡེ ཏེན ཉཱཎེན སམནྣཱགཏཱ, སབྦེ ཏེ ཝིསུདྡྷཙིཏྟཱ ཨནཱཝིལསངྐཔྤཱཏི – ཨཱདེསནཱཔཱཊིཧཱརིཡཾ. ‘‘ཏཾ ཁོ པན ཉཱཎཾ ཨེཝཾ ཨཱསེཝིཏབྦཾ, ཨེཝཾ བྷཱཝེཏབྦཾ, ཨེཝཾ བཧུལཱིཀཱཏབྦཾ, ཨེཝཾ ཏདནུདྷམྨཏཱ སཏི ཨུཔཊྛཱཔེཏབྦཱ’’ཏི – ཨནུསཱསནཱིཔཱཊིཧཱརིཡཾ.

པཱམོཛྫཾ ཨིཛ྄ཛྷཏཱིཏི – ཨིདྡྷི. ཨརཏིཾ པཊིཧརཏཱིཏི – པཱཊིཧཱརིཡཾ. ཡེ ཏེན པཱམོཛྫེན སམནྣཱགཏཱ, སབྦེ ཏེ ཝིསུདྡྷཙིཏྟཱ ཨནཱཝིལསངྐཔྤཱཏི – ཨཱདེསནཱཔཱཊིཧཱརིཡཾ. ‘‘ཏཾ ཁོ པན པཱམོཛྫཾ ཨེཝཾ ཨཱསེཝིཏབྦཾ, ཨེཝཾ བྷཱཝེཏབྦཾ ¶ , ཨེཝཾ བཧུལཱིཀཱཏབྦཾ, ཨེཝཾ ཏདནུདྷམྨཏཱ སཏི ཨུཔཊྛཱཔེཏབྦཱ’’ཏི – ཨནུསཱསནཱིཔཱཊིཧཱརིཡཾ…པེ….

པཋམཾ ཛྷཱནཾ ཨིཛ྄ཛྷཏཱིཏི – ཨིདྡྷི. ནཱིཝརཎེ པཊིཧརཏཱིཏི – པཱཊིཧཱརིཡཾ. ཡེ ཏེན པཋམེན ཛྷཱནེན སམནྣཱགཏཱ, སབྦེ ཏེ ཝིསུདྡྷཙིཏྟཱ ཨནཱཝིལསངྐཔྤཱཏི – ཨཱདེསནཱཔཱཊིཧཱརིཡཾ. ‘‘ཏཾ ཁོ པན པཋམཾ ཛྷཱནཾ ཨེཝཾ ཨཱསེཝིཏབྦཾ, ཨེཝཾ བྷཱཝེཏབྦཾ, ཨེཝཾ བཧུལཱིཀཱཏབྦཾ, ཨེཝཾ ཏདནུདྷམྨཏཱ སཏི ཨུཔཊྛཱཔེཏབྦཱ’’ཏི – ཨནུསཱསནཱིཔཱཊིཧཱརིཡཾ…པེ….

ཨརཧཏྟམགྒོ ཨིཛ྄ཛྷཏཱིཏི – ཨིདྡྷི. སབྦཀིལེསེ པཊིཧརཏཱིཏི – པཱཊིཧཱརིཡཾ. ཡེ ཏེན ཨརཧཏྟམགྒེན སམནྣཱགཏཱ, སབྦེ ཏེ ཝིསུདྡྷཙིཏྟཱ ཨནཱཝིལསངྐཔྤཱཏི – ཨཱདེསནཱཔཱཊིཧཱརིཡཾ. ‘‘སོ ཁོ པན ཨརཧཏྟམགྒོ ཨེཝཾ ཨཱསེཝིཏབྦོ, ཨེཝཾ བྷཱཝེཏབྦོ, ཨེཝཾ བཧུལཱིཀཱཏབྦོ, ཨེཝཾ ཏདནུདྷམྨཏཱ སཏི ཨུཔཊྛཱཔེཏབྦཱ’’ཏི – ཨནུསཱསནཱིཔཱཊིཧཱརིཡཾ.

༣༢. ནེཀྑམྨཾ ཨིཛ྄ཛྷཏཱིཏི – ཨིདྡྷི. ཀཱམཙྪནྡཾ པཊིཧརཏཱིཏི – པཱཊིཧཱརིཡཾ. ཡཱ ཙ ཨིདྡྷི ཡཉྩ པཱཊིཧཱརིཡཾ, ཨིདཾ ཝུཙྩཏི ཨིདྡྷིཔཱཊིཧཱརིཡཾ. ཨབྱཱཔཱདོ ཨིཛ྄ཛྷཏཱིཏི – ཨིདྡྷི. བྱཱཔཱདཾ པཊིཧརཏཱིཏི – པཱཊིཧཱརིཡཾ. ཡཱ ཙ ཨིདྡྷི ཡཉྩ པཱཊིཧཱརིཡཾ, ཨིདཾ ཝུཙྩཏི ཨིདྡྷིཔཱཊིཧཱརིཡཾ. ཨཱལོཀསཉྙཱ ཨིཛ྄ཛྷཏཱིཏི – ཨིདྡྷི. ཐིནམིདྡྷཾ པཊིཧརཏཱིཏི – པཱཊིཧཱརིཡཾ…པེ… ཨརཧཏྟམགྒོ ཨིཛ྄ཛྷཏཱིཏི – ཨིདྡྷི. སབྦཀིལེསེ པཊིཧརཏཱིཏི – པཱཊིཧཱརིཡཾ. ཡཱ ཙ ཨིདྡྷི ཡཉྩ པཱཊིཧཱརིཡཾ, ཨིདཾ ཝུཙྩཏི ཨིདྡྷིཔཱཊིཧཱརིཡནྟི ¶ .

པཱཊིཧཱརིཡཀཐཱ ནིཊྛིཏཱ.

༧. སམསཱིསཀཐཱ

༣༣. སབྦདྷམྨཱནཾ ¶ ¶ [སབྦེསཾ དྷམྨཱནཾ (ཀ.) པཊི. མ. ༡.༨༧ པསྶིཏབྦཱ] སམྨཱསམུཙྪེདེ ནིརོདྷེ ཙ ཨནུཔཊྛཱནཏཱ པཉྙཱ སམསཱིསཊྛེ ཉཱཎཾ.

སབྦདྷམྨཱནནྟི པཉྩཀྑནྡྷཱ, དྭཱདསཱཡཏནཱནི, ཨཊྛཱརས དྷཱཏུཡོ, ཀུསལཱ དྷམྨཱ, ཨཀུསལཱ དྷམྨཱ, ཨབྱཱཀཏཱ དྷམྨཱ, ཀཱམཱཝཙརཱ དྷམྨཱ, རཱུཔཱཝཙརཱ དྷམྨཱ, ཨརཱུཔཱཝཙརཱ དྷམྨཱ, ཨཔརིཡཱཔནྣཱ དྷམྨཱ. སམྨཱ སམུཙྪེདེཏི ནེཀྑམྨེན ¶ ཀཱམཙྪནྡཾ སམྨཱ སམུཙྪིནྡཏི, ཨབྱཱཔཱདེན བྱཱཔཱདཾ སམྨཱ སམུཙྪིནྡཏི, ཨཱལོཀསཉྙཱཡ ཐིནམིདྡྷཾ སམྨཱ སམུཙྪིནྡཏི, ཨཝིཀྑེཔེན ཨུདྡྷཙྩཾ སམྨཱ སམུཙྪིནྡཏི, དྷམྨཝཝཏྠཱནེན ཝིཙིཀིཙྪཾ སམྨཱ སམུཙྪིནྡཏི, ཉཱཎེན ཨཝིཛྫཾ སམྨཱ སམུཙྪིནྡཏི, པཱམོཛྫེན ཨརཏིཾ སམྨཱ སམུཙྪིནྡཏི, པཋམེན ཛྷཱནེན ནཱིཝརཎེ སམྨཱ སམུཙྪིནྡཏི…པེ… ཨརཧཏྟམགྒེན སབྦཀིལེསེ སམྨཱ སམུཙྪིནྡཏི.

ནིརོདྷེཏི ནེཀྑམྨེན ཀཱམཙྪནྡཾ ནིརོདྷེཏི, ཨབྱཱཔཱདེན བྱཱཔཱདཾ ནིརོདྷེཏི, ཨཱལོཀསཉྙཱཡ ཐིནམིདྡྷཾ ནིརོདྷེཏི, ཨཝིཀྑེཔེན ¶ ཨུདྡྷཙྩཾ ནིརོདྷེཏི, དྷམྨཝཝཏྠཱནེན ཝིཙིཀིཙྪཾ ནིརོདྷེཏི, ཉཱཎེན ཨཝིཛྫཾ ནིརོདྷེཏི, པཱམོཛྫེན ཨརཏིཾ ནིརོདྷེཏི, པཋམེན ཛྷཱནེན ནཱིཝརཎེ ནིརོདྷེཏི…པེ… ཨརཧཏྟམགྒེན སབྦཀིལེསེ ནིརོདྷེཏི.

ཨནུཔཊྛཱནཏཱཏི ནེཀྑམྨཾ པཊིལདྡྷསྶ ཀཱམཙྪནྡོ ན ཨུཔཊྛཱཏི, ཨབྱཱཔཱདཾ པཊིལདྡྷསྶ བྱཱཔཱདོ ན ཨུཔཊྛཱཏི, ཨཱལོཀསཉྙཾ པཊིལདྡྷསྶ ཐིནམིདྡྷཾ ན ཨུཔཊྛཱཏི, ཨཝིཀྑེཔཾ པཊིལདྡྷསྶ ཨུདྡྷཙྩཾ ན ཨུཔཊྛཱཏི, དྷམྨཝཝཏྠཱནཾ པཊིལདྡྷསྶ ཝིཙིཀིཙྪཱ ན ཨུཔཊྛཱཏི, ཉཱཎཾ པཊིལདྡྷསྶ ཨཝིཛྫཱ ན ཨུཔཊྛཱཏི, པཱམོཛྫཾ པཊིལདྡྷསྶ ཨརཏི ན ཨུཔཊྛཱཏི, པཋམཾ ཛྷཱནཾ པཊིལདྡྷསྶ ¶ ¶ ནཱིཝརཎཱ ན ཨུཔཊྛནྟི…པེ… ཨརཧཏྟམགྒཾ པཊིལདྡྷསྶ སབྦཀིལེསཱ ན ཨུཔཊྛནྟི.

སམནྟི ཀཱམཙྪནྡསྶ པཧཱིནཏྟཱ ནེཀྑམྨཾ སམཾ, བྱཱཔཱདསྶ པཧཱིནཏྟཱ ཨབྱཱཔཱདོ སམཾ, ཐིནམིདྡྷསྶ པཧཱིནཏྟཱ ཨཱལོཀསཉྙཱ སམཾ, ཨུདྡྷཙྩསྶ པཧཱིནཏྟཱ ཨཝིཀྑེཔོ སམཾ, ཝིཙིཀིཙྪཱཡ པཧཱིནཏྟཱ དྷམྨཝཝཏྠཱནཾ སམཾ, ཨཝིཛྫཱཡ པཧཱིནཏྟཱ ཉཱཎཾ སམཾ, ཨརཏིཡཱ པཧཱིནཏྟཱ པཱམོཛྫཾ སམཾ, ནཱིཝརཎཱནཾ པཧཱིནཏྟཱ པཋམཾ ཛྷཱནཾ སམཾ…པེ… སབྦཀིལེསཱནཾ པཧཱིནཏྟཱ ཨརཧཏྟམགྒོ སམཾ.

སཱིསནྟི ཏེརས སཱིསཱནི – པལིབོདྷསཱིསཉྩ ཏཎྷཱ, ཝིནིབནྡྷནསཱིསཉྩ མཱནོ ¶ , པརཱམཱསསཱིསཉྩ དིཊྛི, ཝིཀྑེཔསཱིསཉྩ ཨུདྡྷཙྩཾ, སཾཀིལེསསཱིསཉྩ ཨཝིཛྫཱ, ཨདྷིམོཀྑསཱིསཉྩ སདྡྷཱ, པགྒཧསཱིསཉྩ ཝཱིརིཡཾ, ཨུཔཊྛཱནསཱིསཉྩ སཏི, ཨཝིཀྑེཔསཱིསཉྩ སམཱདྷི, དསྶནསཱིསཉྩ པཉྙཱ, པཝཏྟསཱིསཉྩ ཛཱིཝིཏིནྡྲིཡཾ, གོཙརསཱིསཉྩ ཝིམོཀྑོ, སངྑཱརསཱིསཉྩ ནིརོདྷོཏི.

སམསཱིསཀཐཱ ནིཊྛིཏཱ.

༨. སཏིཔཊྛཱནཀཐཱ

༣༤. སཱཝཏྠིནིདཱནཾ ¶ ¶ . ‘‘ཙཏྟཱརོམེ ¶ , བྷིཀྑཝེ, སཏིཔཊྛཱནཱ. ཀཏམེ ཙཏྟཱརོ? ཨིདྷ, བྷིཀྑཝེ, བྷིཀྑུ ཀཱཡེ ཀཱཡཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ, ཝིནེཡྻ ལོཀེ ཨབྷིཛ྄ཛྷཱདོམནསྶཾ. ཝེདནཱསུ…པེ… ཙིཏྟེ… དྷམྨེསུ དྷམྨཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ, ཝིནེཡྻ ལོཀེ ཨབྷིཛ྄ཛྷཱདོམནསྶཾ. ཨིམེ ཁོ, བྷིཀྑཝེ, ཙཏྟཱརོ སཏིཔཊྛཱནཱ’’ཏི.

༣༥. [ཀ] ཀཐཾ ཀཱཡེ ཀཱཡཱནུཔསྶཱི ཝིཧརཏི? ཨིདྷེཀཙྩོ པཐཝཱིཀཱཡཾ ཨནིཙྩཏོ ཨནུཔསྶཏི, ནོ ནིཙྩཏོ; དུཀྑཏོ ཨནུཔསྶཏི, ནོ སུཁཏོ; ཨནཏྟཏོ ཨནུཔསྶཏི, ནོ ཨཏྟཏོ; ནིབྦིནྡཏི, ནོ ནནྡཏི; ཝིརཛྫཏི, ནོ རཛྫཏི; ནིརོདྷེཏི, ནོ སམུདེཏི, པཊིནིསྶཛྫཏི, ནོ ཨཱདིཡཏི ¶ . ཨནིཙྩཏོ ཨནུཔསྶནྟོ ནིཙྩསཉྙཾ པཛཧཏི, དུཀྑཏོ ཨནུཔསྶནྟོ སུཁསཉྙཾ པཛཧཏི, ཨནཏྟཏོ ཨནུཔསྶནྟོ ཨཏྟསཉྙཾ པཛཧཏི, ནིབྦིནྡནྟོ ནནྡིཾ པཛཧཏི, ཝིརཛྫནྟོ རཱགཾ པཛཧཏི, ནིརོདྷེནྟོ སམུདཡཾ པཛཧཏི, པཊིནིསྶཛྫནྟོ ཨཱདཱནཾ པཛཧཏི. ཨིམེཧི སཏྟཧི ཨཱཀཱརེཧི ཀཱཡཾ ཨནུཔསྶཏི. ཀཱཡོ ཨུཔཊྛཱནཾ, ནོ སཏི. སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏཾ ཀཱཡཾ ཨནུཔསྶཏི. ཏེན ཝུཙྩཏི – ‘‘ཀཱཡེ ཀཱཡཱནུཔསྶནཱསཏིཔཊྛཱནཱ’’.

བྷཱཝནཱཏི ཙཏསྶོ བྷཱཝནཱ – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ, ཨིནྡྲིཡཱནཾ ཨེཀརསཊྛེན བྷཱཝནཱ, ཏདུཔགཝཱིརིཡཝཱཧནཊྛེན བྷཱཝནཱ, ཨཱསེཝནཊྛེན བྷཱཝནཱ.

ཨིདྷེཀཙྩོ ཨཱཔོཀཱཡཾ…པེ… ཏེཛོཀཱཡཾ… ཝཱཡོཀཱཡཾ… ཀེསཀཱཡཾ… ལོམཀཱཡཾ… ཚཝིཀཱཡཾ… ཙམྨཀཱཡཾ… མཾསཀཱཡཾ… རུདྷིརཀཱཡཾ… ནྷཱརུཀཱཡཾ [ནཧཱརུཀཱཡཾ (སྱཱ.)] … ཨཊྛིཀཱཡཾ… ཨཊྛིམིཉྫཀཱཡཾ ¶ ཨནིཙྩཏོ ཨནུཔསྶཏི, ནོ ནིཙྩཏོ; དུཀྑཏོ ཨནུཔསྶཏི, ནོ སུཁཏོ ¶ ; ཨནཏྟཏོ ཨནུཔསྶཏི, ནོ ཨཏྟཏོ; ནིབྦིནྡཏི, ནོ ནནྡཏི; ཝིརཛྫཏི, ནོ རཛྫཏི, ནིརོདྷེཏི, ནོ སམུདེཏི; པཊིནིསྶཛྫཏི, ནོ ཨཱདིཡཏི. ཨནིཙྩཏོ ཨནུཔསྶནྟོ ནིཙྩསཉྙཾ པཛཧཏི, དུཀྑཏོ ཨནུཔསྶནྟོ སུཁསཉྙཾ པཛཧཏི, ཨནཏྟཏོ ཨནུཔསྶནྟོ ཨཏྟསཉྙཾ པཛཧཏི, ནིབྦིནྡནྟོ ¶ ནནྡིཾ པཛཧཏི, ཝིརཛྫནྟོ རཱགཾ པཛཧཏི, ནིརོདྷེནྟོ སམུདཡཾ པཛཧཏི, པཊིནིསྶཛྫནྟོ ཨཱདཱནཾ པཛཧཏི ¶ . ཨིམེཧི སཏྟཧི ཨཱཀཱརེཧི ཀཱཡཾ ཨནུཔསྶཏི. ཀཱཡོ ཨུཔཊྛཱནཾ, ནོ སཏི. སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏཾ ཀཱཡཾ ཨནུཔསྶཏི. ཏེན ཝུཙྩཏི – ‘‘ཀཱཡེ ཀཱཡཱནུཔསྶནཱསཏིཔཊྛཱནཱ’’.

བྷཱཝནཱཏི ཙཏསྶོ བྷཱཝནཱ – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ, ཨིནྡྲིཡཱནཾ ཨེཀརསཊྛེན བྷཱཝནཱ, ཏདུཔགཝཱིརིཡཝཱཧནཊྛེན བྷཱཝནཱ, ཨཱསེཝནཊྛེན བྷཱཝནཱ. ཨེཝཾ ཀཱཡེ ཀཱཡཱནུཔསྶཱི ཝིཧརཏི.

[ཁ] ཀཐཾ ཝེདནཱསུ ཝེདནཱནུཔསྶཱི ཝིཧརཏི? ཨིདྷེཀཙྩོ སུཁཾ ཝེདནཾ ཨནིཙྩཏོ ཨནུཔསྶཏི, ནོ ནིཙྩཏོ…པེ… པཊིནིསྶཛྫཏི, ནོ ཨཱདིཡཏི. ཨནིཙྩཏོ ཨནུཔསྶནྟོ ནིཙྩསཉྙཾ པཛཧཏི…པེ… པཊིནིསྶཛྫནྟོ ཨཱདཱནཾ པཛཧཏི. ཨིམེཧི སཏྟཧི ཨཱཀཱརེཧི ཝེདནཾ ཨནུཔསྶཏི. ཝེདནཱ ཨུཔཊྛཱནཾ, ནོ སཏི. སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏཾ ཝེདནཾ ཨནུཔསྶཏི. ཏེན ཝུཙྩཏི – ‘‘ཝེདནཱསུ ཝེདནཱནུཔསྶནཱསཏིཔཊྛཱནཱ’’.

བྷཱཝནཱཏི ཙཏསྶོ བྷཱཝནཱ…པེ… ཨཱསེཝནཊྛེན བྷཱཝནཱ…པེ… ཨིདྷེཀཙྩོ དུཀྑཾ ཝེདནཾ…པེ… ཨདུཀྑམསུཁཾ ཝེདནཾ… སཱམིསཾ སུཁཾ ཝེདནཾ… ནིརཱམིསཾ སུཁཾ ཝེདནཾ… སཱམིསཾ དུཀྑཾ ཝེདནཾ… ནིརཱམིསཾ དུཀྑཾ ཝེདནཾ… སཱམིསཾ ཨདུཀྑམསུཁཾ ཝེདནཾ… ནིརཱམིསཾ ཨདུཀྑམསུཁཾ ཝེདནཾ… ཙཀྑུསམྥསྶཛཾ ཝེདནཾ… སོཏསམྥསྶཛཾ ཝེདནཾ… གྷཱནསམྥསྶཛཾ ཝེདནཾ… ཛིཝ྄ཧཱསམྥསྶཛཾ ཝེདནཾ… ཀཱཡསམྥསྶཛཾ ཝེདནཾ… མནོསམྥསྶཛཾ ཝེདནཾ ཨནིཙྩཏོ ཨནུཔསྶཏི, ནོ ནིཙྩཏོ…པེ… པཊིནིསྶཛྫཏི, ནོ ཨཱདིཡཏི. ཨནིཙྩཏོ ཨནུཔསྶནྟོ ནིཙྩསཉྙཾ པཛཧཏི…པེ… པཊིནིསྶཛྫནྟོ ཨཱདཱནཾ པཛཧཏི. ཨིམེཧི སཏྟཧི ཨཱཀཱརེཧི ཝེདནཾ ཨནུཔསྶཏི. ཝེདནཱ ཨུཔཊྛཱནཾ, ནོ སཏི. སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏཾ ཝེདནཾ ཨནུཔསྶཏི. ཏེན ཝུཙྩཏི – ‘‘ཝེདནཱསུ ཝེདནཱནུཔསྶནཱསཏིཔཊྛཱནཱ’’.

བྷཱཝནཱཏི ¶ ཙཏསྶོ བྷཱཝནཱ…པེ… ཨེཝཾ ཝེདནཱསུ ཝེདནཱནུཔསྶཱི ཝིཧརཏི.

[ག] ཀཐཾ ¶ ¶ ཙིཏྟེ ཙིཏྟཱནུཔསྶཱི ཝིཧརཏི? ཨིདྷེཀཙྩོ སརཱགཾ ཙིཏྟཾ ཨནིཙྩཏོ ཨནུཔསྶཏི, ནོ ནིཙྩཏོ…པེ… པཊིནིསྶཛྫཏི, ནོ ཨཱདིཡཏི. ཨནིཙྩཏོ ཨནུཔསྶནྟོ ནིཙྩསཉྙཾ པཛཧཏི…པེ… པཊིནིསྶཛྫནྟོ ཨཱདཱནཾ པཛཧཏི ¶ . ཨིམེཧི སཏྟཧི ཨཱཀཱརེཧི ཙིཏྟཾ ཨནུཔསྶཏི. ཙིཏྟཾ ཨུཔཊྛཱནཾ, ནོ སཏི. སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏཾ ཙིཏྟཾ ཨནུཔསྶཏི. ཏེན ཝུཙྩཏི – ‘‘ཙིཏྟེ ཙིཏྟཱནུཔསྶནཱསཏིཔཊྛཱནཱ’’.

བྷཱཝནཱཏི ཙཏསྶོ བྷཱཝནཱ…པེ… ཨཱསེཝནཊྛེན བྷཱཝནཱ.

ཨིདྷེཀཙྩོ ཝཱིཏརཱགཾ ཙིཏྟཾ…པེ… སདོསཾ ཙིཏྟཾ… ཝཱིཏདོསཾ ཙིཏྟཾ… སམོཧཾ ཙིཏྟཾ… ཝཱིཏམོཧཾ ཙིཏྟཾ… སཾཁིཏྟཾ ཙིཏྟཾ… ཝིཀྑིཏྟཾ ཙིཏྟཾ… མཧགྒཏཾ ཙིཏྟཾ… ཨམཧགྒཏཾ ཙིཏྟཾ… སཨུཏྟརཾ ཙིཏྟཾ… ཨནུཏྟརཾ ཙིཏྟཾ… སམཱཧིཏཾ ཙིཏྟཾ… ཨསམཱཧིཏཾ ཙིཏྟཾ… ཝིམུཏྟཾ ཙིཏྟཾ… ཨཝིམུཏྟཾ ཙིཏྟཾ… ཙཀྑུཝིཉྙཱཎཾ… སོཏཝིཉྙཱཎཾ… གྷཱནཝིཉྙཱཎཾ… ཛིཝ྄ཧཱཝིཉྙཱཎཾ… ཀཱཡཝིཉྙཱཎཾ… མནོཝིཉྙཱཎཾ ཨནིཙྩཏོ ཨནུཔསྶཏི, ནོ ནིཙྩཏོ…པེ… པཊིནིསྶཛྫཏི, ནོ ཨཱདིཡཏི. ཨནིཙྩཏོ ཨནུཔསྶནྟོ ནིཙྩསཉྙཾ པཛཧཏི…པེ… པཊིནིསྶཛྫནྟོ ཨཱདཱནཾ པཛཧཏི. ཨིམེཧི སཏྟཧི ཨཱཀཱརེཧི ཙིཏྟཾ ཨནུཔསྶཏི. ཙིཏྟཾ ཨུཔཊྛཱནཾ, ནོ སཏི. སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ¶ ཉཱཎེན ཏཾ ཙིཏྟཾ ཨནུཔསྶཏི. ཏེན ཝུཙྩཏི – ‘‘ཙིཏྟེ ཙིཏྟཱནུཔསྶནཱསཏིཔཊྛཱནཱ’’.

བྷཱཝནཱཏི ཙཏསྶོ བྷཱཝནཱ…པེ… ཨཱསེཝནཊྛེན བྷཱཝནཱ. ཨེཝཾ ཙིཏྟེ ཙིཏྟཱནུཔསྶཱི ཝིཧརཏི.

[གྷ] ཀཐཾ དྷམྨེསུ དྷམྨཱནུཔསྶཱི ཝིཧརཏི? ཨིདྷེཀཙྩོ ཋཔེཏྭཱ ཀཱཡཾ ཋཔེཏྭཱ ཝེདནཾ ཋཔེཏྭཱ ཙིཏྟཾ ཏདཝསེསེ དྷམྨེ ཨནིཙྩཏོ ཨནུཔསྶཏི, ནོ ནིཙྩཏོ; དུཀྑཏོ ཨནུཔསྶཏི, ནོ སུཁཏོ; ཨནཏྟཏོ ཨནུཔསྶཏི, ནོ ཨཏྟཏོ; ནིབྦིནྡཏི, ནོ ནནྡཏི; ཝིརཛྫཏི, ནོ རཛྫཏི; ནིརོདྷེཏི, ནོ སམུདེཏི; པཊིནིསྶཛྫཏི, ནོ ཨཱདིཡཏི. ཨནིཙྩཏོ ཨནུཔསྶནྟོ ནིཙྩསཉྙཾ པཛཧཏི, དུཀྑཏོ ཨནུཔསྶནྟོ སུཁསཉྙཾ པཛཧཏི, ཨནཏྟཏོ ཨནུཔསྶནྟོ ཨཏྟསཉྙཾ པཛཧཏི, ནིབྦིནྡནྟོ ནནྡིཾ པཛཧཏི, ཝིརཛྫནྟོ རཱགཾ པཛཧཏི, ནིརོདྷེནྟོ སམུདཡཾ པཛཧཏི, པཊིནིསྶཛྫནྟོ ཨཱདཱནཾ པཛཧཏི. ཨིམེཧི སཏྟཧི ཨཱཀཱརེཧི ཏེ དྷམྨེ ཨནུཔསྶཏི. དྷམྨཱ ཨུཔཊྛཱནཾ, ནོ སཏི. སཏི ཨུཔཊྛཱནཉྩེཝ སཏི ཙ. ཏཱཡ སཏིཡཱ ཏེན ཉཱཎེན ཏེ ¶ དྷམྨེ ཨནུཔསྶཏི. ཏེན ཝུཙྩཏི – ‘‘དྷམྨེསུ དྷམྨཱནུཔསྶནཱསཏིཔཊྛཱནཱ’’.

བྷཱཝནཱཏི ¶ ¶ ཙཏསྶོ བྷཱཝནཱ – ཏཏྠ ཛཱཏཱནཾ དྷམྨཱནཾ ཨནཏིཝཏྟནཊྛེན བྷཱཝནཱ, ཨིནྡྲིཡཱནཾ ཨེཀརསཊྛེན བྷཱཝནཱ, ཏདུཔགཝཱིརིཡཝཱཧནཊྛེན བྷཱཝནཱ, ཨཱསེཝནཊྛེན བྷཱཝནཱ. ཨེཝཾ ¶ དྷམྨེསུ དྷམྨཱནུཔསྶཱི ཝིཧརཏཱིཏི.

སཏིཔཊྛཱནཀཐཱ ནིཊྛིཏཱ.

༩. ཝིཔསྶནཱཀཐཱ

༣༦. ཨེཝཾ ¶ ¶ མེ སུཏཾ – ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏཏྲ ཁོ བྷགཝཱ བྷིཀྑཱུ ཨཱམནྟེསི – ‘‘བྷིཀྑཝོ’’ཏི. ‘‘བྷདནྟེ’’ཏི ཏེ བྷིཀྑཱུ བྷགཝཏོ པཙྩསྶོསུཾ. བྷགཝཱ ཨེཏདཝོཙ –

‘‘སོ ཝཏ, བྷིཀྑཝེ, བྷིཀྑུ ཀཉྩི [ཀིཉྩི (ཀ.) ཨ. ནི. ༦.༩༩-༡༠༠ པསྶིཏབྦཱ] སངྑཱརཾ ནིཙྩཏོ སམནུཔསྶནྟོ ཨནུལོམིཀཱཡ ཁནྟིཡཱ སམནྣཱགཏོ བྷཝིསྶཏཱིཏི – ནེཏཾ ཋཱནཾ ཝིཛྫཏི; ཨནུལོམིཀཱཡ ཁནྟིཡཱ ཨསམནྣཱགཏོ སམྨཏྟནིཡཱམཾ ཨོཀྐམིསྶཏཱིཏི – ནེཏཾ ཋཱནཾ ཝིཛྫཏི; སམྨཏྟནིཡཱམཾ ཨནོཀྐམམཱནོ སོཏཱཔཏྟིཕལཾ ཝཱ སཀདཱགཱམིཕལཾ ཝཱ ཨནཱགཱམིཕལཾ ཝཱ ཨརཧཏྟཾ ཝཱ [ཨརཧཏྟཕལཾ ཝཱ (སྱཱ. ཀ.) ཨ. ནི. ༦.༩༨ པསྶིཏབྦཱ] སཙྪིཀརིསྶཏཱིཏི – ནེཏཾ ཋཱནཾ ཝིཛྫཏི.

‘‘སོ ཝཏ, བྷིཀྑཝེ, བྷིཀྑུ སབྦསངྑཱརེ ཨནིཙྩཏོ སམནུཔསྶནྟོ ཨནུལོམིཀཱཡ ཁནྟིཡཱ སམནྣཱགཏོ བྷཝིསྶཏཱིཏི – ཋཱནམེཏཾ ཝིཛྫཏི; ཨནུལོམིཀཱཡ ཁནྟིཡཱ སམནྣཱགཏོ སམྨཏྟནིཡཱམཾ ཨོཀྐམིསྶཏཱིཏི – ཋཱནམེཏཾ ཝིཛྫཏི, སམྨཏྟནིཡཱམཾ ཨོཀྐམམཱནོ སོཏཱཔཏྟིཕལཾ ཝཱ སཀདཱགཱམིཕལཾ ཝཱ ཨནཱགཱམིཕལཾ ཝཱ ཨརཧཏྟཾ ཝཱ སཙྪིཀརིསྶཏཱིཏི – ཋཱནམེཏཾ ཝིཛྫཏི.

‘‘སོ ཝཏ, བྷིཀྑཝེ, བྷིཀྑུ ཀཉྩི སངྑཱརཾ སུཁཏོ སམནུཔསྶནྟོ ཨནུལོམིཀཱཡ ཁནྟིཡཱ སམནྣཱགཏོ བྷཝིསྶཏཱིཏི – ནེཏཾ ཋཱནཾ ཝིཛྫཏི; ཨནུལོམིཀཱཡ ཁནྟིཡཱ ཨསམནྣཱགཏོ སམྨཏྟནིཡཱམཾ ཨོཀྐམིསྶཏཱིཏི ¶ – ནེཏཾ ¶ ཋཱནཾ ཝིཛྫཏི; སམྨཏྟནིཡཱམཾ ཨནོཀྐམམཱནོ སོཏཱཔཏྟིཕལཾ ཝཱ སཀདཱགཱམིཕལཾ ཝཱ ཨནཱགཱམིཕལཾ ཝཱ ཨརཧཏྟཾ ཝཱ སཙྪིཀརིསྶཏཱིཏི – ནེཏཾ ཋཱནཾ ཝིཛྫཏི ¶ .

‘‘སོ ¶ ཝཏ, བྷིཀྑཝེ, བྷིཀྑུ སབྦསངྑཱརེ དུཀྑཏོ སམནུཔསྶནྟོ ཨནུལོམིཀཱཡ ཁནྟིཡཱ སམནྣཱགཏོ བྷཝིསྶཏཱིཏི – ཋཱནམེཏཾ ཝིཛྫཏི; ཨནུལོམིཀཱཡ ཁནྟིཡཱ སམནྣཱགཏོ སམྨཏྟནིཡཱམཾ ཨོཀྐམིསྶཏཱིཏི – ཋཱནམེཏཾ ཝིཛྫཏི; སམྨཏྟནིཡཱམཾ ཨོཀྐམམཱནོ སོཏཱཔཏྟིཕལཾ ཝཱ སཀདཱགཱམིཕལཾ ཝཱ ཨནཱགཱམིཕལཾ ཝཱ ཨརཧཏྟཾ ཝཱ སཙྪིཀརིསྶཏཱིཏི – ཋཱནམེཏཾ ཝིཛྫཏི.

‘‘སོ ཝཏ, བྷིཀྑཝེ, བྷིཀྑུ ཀཉྩི དྷམྨཾ ཨཏྟཏོ སམནུཔསྶནྟོ ཨནུལོམིཀཱཡ ཁནྟིཡཱ སམནྣཱགཏོ བྷཝིསྶཏཱིཏི – ནེཏཾ ཋཱནཾ ཝིཛྫཏི; ཨནུལོམིཀཱཡ ཁནྟིཡཱ ཨསམནྣཱགཏོ སམྨཏྟནིཡཱམཾ ཨོཀྐམིསྶཏཱིཏི – ནེཏཾ ཋཱནཾ ཝིཛྫཏི; སམྨཏྟནིཡཱམཾ ཨནོཀྐམམཱནོ སོཏཱཔཏྟིཕལཾ ཝཱ སཀདཱགཱམིཕལཾ ཝཱ ཨནཱགཱམིཕལཾ ཝཱ ཨརཧཏྟཾ ཝཱ སཙྪིཀརིསྶཏཱིཏི – ནེཏཾ ཋཱནཾ ཝིཛྫཏི.

‘‘སོ ཝཏ, བྷིཀྑཝེ, བྷིཀྑུ སབྦདྷམྨེ [ཀཉྩི དྷམྨཾ (སྱཱ.), ཀིཉྩི དྷམྨཾ (ཀ.) ཨ. ནི. ༦.༡༠༠ པསྶིཏབྦཱ] ཨནཏྟཏོ སམནུཔསྶནྟོ ཨནུལོམིཀཱཡ ཁནྟིཡཱ སམནྣཱགཏོ བྷཝིསྶཏཱིཏི – ཋཱནམེཏཾ ཝིཛྫཏི; ཨནུལོམིཀཱཡ ཁནྟིཡཱ སམནྣཱགཏོ སམྨཏྟནིཡཱམཾ ཨོཀྐམིསྶཏཱིཏི – ཋཱནམེཏཾ ཝིཛྫཏི; སམྨཏྟནིཡཱམཾ ཨོཀྐམམཱནོ སོཏཱཔཏྟིཕལཾ ཝཱ སཀདཱགཱམིཕལཾ ཝཱ ཨནཱགཱམིཕལཾ ཝཱ ཨརཧཏྟཾ ཝཱ སཙྪིཀརིསྶཏཱིཏི – ཋཱནམེཏཾ ཝིཛྫཏི.

‘‘སོ ཝཏ, བྷིཀྑཝེ, བྷིཀྑུ ནིབྦཱནཾ དུཀྑཏོ སམནུཔསྶནྟོ ¶ ཨནུལོམིཀཱཡ ཁནྟིཡཱ སམནྣཱགཏོ བྷཝིསྶཏཱིཏི – ནེཏཾ ཋཱནཾ ཝིཛྫཏི; ཨནུལོམིཀཱཡ ཁནྟིཡཱ ཨསམནྣཱགཏོ སམྨཏྟནིཡཱམཾ ཨོཀྐམིསྶཏཱིཏི – ནེཏཾ ཋཱནཾ ཝིཛྫཏི; སམྨཏྟནིཡཱམཾ ཨནོཀྐམམཱནོ སོཏཱཔཏྟིཕལཾ ཝཱ སཀདཱགཱམིཕལཾ ཝཱ ཨནཱགཱམིཕལཾ ཝཱ ཨརཧཏྟཾ ཝཱ སཙྪིཀརིསྶཏཱིཏི – ནེཏཾ ཋཱནཾ ཝིཛྫཏི.

‘‘སོ ཝཏ, བྷིཀྑཝེ, བྷིཀྑུ ནིབྦཱནཾ སུཁཏོ སམནུཔསྶནྟོ ཨནུལོམིཀཱཡ ཁནྟིཡཱ སམནྣཱགཏོ བྷཝིསྶཏཱིཏི – ཋཱནམེཏཾ ཝིཛྫཏི; ཨནུལོམིཀཱཡ ¶ ཁནྟིཡཱ སམནྣཱགཏོ སམྨཏྟནིཡཱམཾ ཨོཀྐམིསྶཏཱིཏི – ཋཱནམེཏཾ ཝིཛྫཏི; སམྨཏྟནིཡཱམཾ ཨོཀྐམམཱནོ སོཏཱཔཏྟིཕལཾ ཝཱ སཀདཱགཱམིཕལཾ ཝཱ ཨནཱགཱམིཕལཾ ཝཱ ཨརཧཏྟཾ ཝཱ སཙྪིཀརིསྶཏཱིཏི – ཋཱནམེཏཾ ཝིཛྫཏི’’.

༣༧. ཀཏིཧཱཀཱརེཧི ¶ ¶ ཨནུལོམིཀཾ ཁནྟིཾ པཊིལབྷཏི, ཀཏིཧཱཀཱརེཧི སམྨཏྟནིཡཱམཾ ཨོཀྐམཏི? ཙཏྟཱརཱིསཱཡ ཨཱཀཱརེཧི ཨནུལོམིཀཾ ཁནྟིཾ པཊིལབྷཏི, ཙཏྟཱརཱིསཱཡ ཨཱཀཱརེཧི སམྨཏྟནིཡཱམཾ ཨོཀྐམཏི.

ཀཏམེཧི ཙཏྟཱརཱིསཱཡ ཨཱཀཱརེཧི ཨནུལོམིཀཾ ཁནྟིཾ པཊིལབྷཏི, ཀཏམཧི ཙཏྟཱརཱིསཱཡ ཨཱཀཱརེཧི སམྨཏྟནིཡཱམཾ ཨོཀྐམཏི? པཉྩཀྑནྡྷེ ཨནིཙྩཏོ དུཀྑཏོ རོགཏོ གཎྜཏོ སལླཏོ ཨགྷཏོ ཨཱབཱདྷཏོ པརཏོ པལོཀཏོ ཨཱིཏིཏོ ཨུཔདྡཝཏོ བྷཡཏོ ཨུཔསགྒཏོ ཙལཏོ པབྷངྒུཏོ [པབྷངྒཏོ (སྱཱ.)] ཨདྡྷུཝཏོ ཨཏཱཎཏོ [ཨཏྟཱཎཏོ (སྱཱ.)] ཨལེཎཏོ ཨསརཎཏོ རིཏྟཏོ ¶ ཏུཙྪཏོ སུཉྙཏོ ཨནཏྟཏོ ཨཱདཱིནཝཏོ ཝིཔརིཎཱམདྷམྨཏོ ཨསཱརཀཏོ ཨགྷམཱུལཏོ ཝདྷཀཏོ ཝིབྷཝཏོ སཱསཝཏོ སངྑཏཏོ མཱརཱམིསཏོ ཛཱཏིདྷམྨཏོ ཛརཱདྷམྨཏོ བྱཱདྷིདྷམྨཏོ མརཎདྷམྨཏོ སོཀདྷམྨཏོ པརིདེཝདྷམྨཏོ ཨུཔཱཡཱསདྷམྨཏོ སཾཀིལེསིཀདྷམྨཏོ.

༣༨. པཉྩཀྑནྡྷེ ཨནིཙྩཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ནིཙྩཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ དུཀྑཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ སུཁཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ རོགཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨཱརོགྱཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ གཎྜཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨགཎྜཾ [ནིགཎྜོ (སྱཱ.)] ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ སལླཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཝིསལླཾ [ནིསྶལླཾ (སྱཱ.)] ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི.

པཉྩཀྑནྡྷེ ¶ ཨགྷཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨནགྷོ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ ཨཱབཱདྷཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨནཱབཱདྷོ ནིབྦཱནནྟི ¶ ¶ པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ པརཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨཔརཔྤཙྩཡཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ པལོཀཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨཔལོཀདྷམྨོ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ ཨཱིཏིཏོ པསྶནྟོ ¶ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨནཱིཏིཀཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི.

པཉྩཀྑནྡྷེ ཨུཔདྡཝཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨནུཔདྡཝཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ བྷཡཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨབྷཡཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ ཨུཔསགྒཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨནུཔསགྒཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ ཙལཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨཙལཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ པབྷངྒུཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨཔབྷངྒུ [ཨཔྤབྷངྒཾ (སྱཱ.)] ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི.

པཉྩཀྑནྡྷེ ཨདྡྷུཝཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ¶ ནིརོདྷོ དྷུཝཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ ཨཏཱཎཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཏཱཎཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ ཨལེཎཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ལེཎཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ ཨསརཎཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ སརཎཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ ¶ རིཏྟཏོ པསྶནྟོ ཨནུལོམིཀཾ ¶ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨརིཏྟཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི.

པཉྩཀྑནྡྷེ ཏུཙྪཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨཏུཙྪཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ སུཉྙཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ པརམསུཉྙཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ ཨནཏྟཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ པརམཏྠཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ ཨཱདཱིནཝཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨནཱདཱིནཝཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ ཝིཔརིཎཱམདྷམྨཏོ ¶ པསྶནྟོ ཨནུལོམིཀཾ ¶ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨཝིཔརིཎཱམདྷམྨཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི.

པཉྩཀྑནྡྷེ ཨསཱརཀཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ སཱརཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ ཨགྷམཱུལཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨནགྷམཱུལཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ ཝདྷཀཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨཝདྷཀཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ ཝིབྷཝཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨཝིབྷཝཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ སཱསཝཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨནཱསཝཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི.

པཉྩཀྑནྡྷེ སངྑཏཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨསངྑཏཾ ནིབྦཱནནྟི པསྶནྟོ སམྨཏྟནིཡཱམཾ ¶ ཨོཀྐམཏི. པཉྩཀྑནྡྷེ མཱརཱམིསཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ནིརཱམིསཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ ཛཱཏིདྷམྨཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨཛཱཏཾ ནིབྦཱནནྟི པསྶནྟོ སམྨཏྟནིཡཱམཾ ¶ ཨོཀྐམཏི. པཉྩཀྑནྡྷེ ཛརཱདྷམྨཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ¶ ནིརོདྷོ ཨཛརཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ བྱཱདྷིདྷམྨཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨབྱཱདྷི [ཨབྱཱདྷིདྷམྨཾ (སྱཱ.)] ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི.

པཉྩཀྑནྡྷེ མརཎདྷམྨཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨམཏཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ སོཀདྷམྨཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨསོཀཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ པརིདེཝདྷམྨཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨཔརིདེཝཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ ཨུཔཱཡཱསདྷམྨཏོ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨནུཔཱཡཱསཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི. པཉྩཀྑནྡྷེ སཾཀིལེསིཀདྷམྨཏོ ¶ པསྶནྟོ ཨནུལོམིཀཾ ཁནྟིཾ པཊིལབྷཏི. པཉྩནྣཾ ཁནྡྷཱནཾ ནིརོདྷོ ཨསཾཀིལིཊྛཾ ནིབྦཱནནྟི པསྶནྟོ སམྨཏྟནིཡཱམཾ ཨོཀྐམཏི.

༣༩. ཨནིཙྩཏོཏི, ཨནིཙྩཱནུཔསྶནཱ. དུཀྑཏོཏི, དུཀྑཱནུཔསྶནཱ. རོགཏོཏི ¶ , དུཀྑཱནུཔསྶནཱ. གཎྜཏོཏི, དུཀྑཱནུཔསྶནཱ. སལླཏོཏི, དུཀྑཱནུཔསྶནཱ. ཨགྷཏོཏི, དུཀྑཱནུཔསྶནཱ. ཨཱབཱདྷཏོཏི, དུཀྑཱནུཔསྶནཱ. པརཏོཏི, ཨནཏྟཱནུཔསྶནཱ. པལོཀཏོཏི, ཨནིཙྩཱནུཔསྶནཱ. ཨཱིཏིཏོཏི, དུཀྑཱནུཔསྶནཱ.

ཨུཔདྡཝཏོཏི, དུཀྑཱནུཔསྶནཱ. བྷཡཏོཏི, དུཀྑཱནུཔསྶནཱ ¶ . ཨུཔསགྒཏོཏི, དུཀྑཱནུཔསྶནཱ. ཙལཏོཏི, ཨནིཙྩཱནུཔསྶནཱ. པབྷངྒུཏོཏི, ཨནིཙྩཱནུཔསྶནཱ. ཨདྡྷུཝཏོཏི, ཨནིཙྩཱནུཔསྶནཱ. ཨཏཱཎཏོཏི, དུཀྑཱནུཔསྶནཱ. ཨལེཎཏོཏི, དུཀྑཱནུཔསྶནཱ. ཨསརཎཏོཏི, དུཀྑཱནུཔསྶནཱ. རིཏྟཏོཏི, ཨནཏྟཱནུཔསྶནཱ.

ཏུཙྪཏོཏི, ཨནཏྟཱནུཔསྶནཱ. སུཉྙཏོཏི, ཨནཏྟཱནུཔསྶནཱ. ཨནཏྟཏོཏི ¶ , ཨནཏྟཱནུཔསྶནཱ. ཨཱདཱིནཝཏོཏི, དུཀྑཱནུཔསྶནཱ. ཝིཔརིཎཱམདྷམྨཏོཏི, ཨནིཙྩཱནུཔསྶནཱ. ཨསཱརཀཏོཏི, ཨནཏྟཱནུཔསྶནཱ. ཨགྷམཱུལཏོཏི ¶ , དུཀྑཱནུཔསྶནཱ. ཝདྷཀཏོཏི, དུཀྑཱནུཔསྶནཱ. ཝིབྷཝཏོཏི, ཨནིཙྩཱནུཔསྶནཱ. སཱསཝཏོཏི, དུཀྑཱནུཔསྶནཱ.

སངྑཏཏོཏི, ཨནིཙྩཱནུཔསྶནཱ. མཱརཱམིསཏོཏི, དུཀྑཱནུཔསྶནཱ. ཛཱཏིདྷམྨཏོཏི, དུཀྑཱནུཔསྶནཱ. ཛརཱདྷམྨཏོཏི, དུཀྑཱནུཔསྶནཱ. བྱཱདྷིདྷམྨཏོཏི, དུཀྑཱནུཔསྶནཱ. མརཎདྷམྨཏོཏི, ཨནིཙྩཱནུཔསྶནཱ. སོཀདྷམྨཏོཏི, དུཀྑཱནུཔསྶནཱ. པརིདེཝདྷམྨཏོཏི, དུཀྑཱནུཔསྶནཱ. ཨུཔཱཡཱསདྷམྨཏོཏི, དུཀྑཱནུཔསྶནཱ. སཾཀིལེསིཀདྷམྨཏོཏི, དུཀྑཱནུཔསྶནཱ.

ཨིམེཧི ཙཏྟཱལཱིསཱཡ ཨཱཀཱརེཧི ཨནུལོམིཀཾ ཁནྟིཾ པཊིལབྷཏི. ཨིམེཧི ཙཏྟཱལཱིསཱཡ ཨཱཀཱརེཧི སམྨཏྟནིཡཱམཾ ཨོཀྐམཏི.

ཨིམེཧི ¶ ཙཏྟཱལཱིསཱཡ ཨཱཀཱརེཧི ཨནུལོམིཀཾ ཁནྟིཾ པཊིལབྷནྟསྶ, ཨིམེཧི ཙཏྟཱལཱིསཱཡ ཨཱཀཱརེཧི སམྨཏྟནིཡཱམཾ ཨོཀྐམནྟསྶ ཀཏི ཨནིཙྩཱནུཔསྶནཱ, ཀཏི དུཀྑཱནུཔསྶནཱ, ཀཏི ཨནཏྟཱནུཔསྶནཱ?

པཉྩཝཱིསཏི ¶ ཨནཏྟཱནུཔསྶནཱ, པཉྙཱས ཨནིཙྩཱནུཔསྶནཱ;

སཏཾ པཉྩཝཱིསཏི ཙེཝ, ཡཱནི དུཀྑེ པཝུཙྩརེཏི.

ཝིཔསྶནཱཀཐཱ ནིཊྛིཏཱ.

༡༠. མཱཏིཀཱཀཐཱ

༤༠. ནིཙྪཱཏོ ¶ ¶ [ནིཙྪཱཏོ མུཙྩཏཱིཏི (སྱཱ.)], མོཀྑོ ཝིམོཀྑོ, ཝིཛྫཱཝིམུཏྟི, ཨདྷིསཱིལཾ, ཨདྷིཙིཏྟཾ, ཨདྷིཔཉྙཱ, པསྶདྡྷི, ཉཱཎཾ, དསྶནཾ ཝིསུདྡྷི [སུདྡྷི (སྱཱ.)] ནེཀྑམྨཾ, ནིསྶརཎཾ པཝིཝེཀོ, ཝོསྶགྒོ, ཙརིཡཱ, ཛྷཱནཝིམོཀྑོ, བྷཱཝནཱ, ཨདྷིཊྛཱནཾ, ཛཱིཝིཏཾ.

༤༡. ནིཙྪཱཏོཏི ¶ ནེཀྑམྨེན ཀཱམཙྪནྡཏོ ནིཙྪཱཏོ, ཨབྱཱཔཱདེན བྱཱཔཱདཏོ ནིཙྪཱཏོ…པེ… པཋམེན ཛྷཱནེན ནཱིཝརཎེཧི ནིཙྪཱཏོ…པེ… ཨརཧཏྟམགྒེན སབྦཀིལེསེཧི ནིཙྪཱཏོ.

མོཀྑོ ཝིམོཀྑོཏི ནེཀྑམྨེན ཀཱམཙྪནྡཏོ མུཙྩཏཱིཏི – མོཀྑོ ཝིམོཀྑོ. ཨབྱཱཔཱདེན བྱཱཔཱདཏོ མུཙྩཏཱིཏི – མོཀྑོ ཝིམོཀྑོ…པེ… པཋམེན ཛྷཱནེན ནཱིཝརཎེཧི མུཙྩཏཱིཏི – མོཀྑོ ཝིམོཀྑོ…པེ… ཨརཧཏྟམགྒེན སབྦཀིལེསེཧི ¶ མུཙྩཏཱིཏི – མོཀྑོ ཝིམོཀྑོ.

ཝིཛྫཱཝིམུཏྟཱིཏི ནེཀྑམྨཾ ཝིཛྫཏཱིཏི ཝིཛྫཱ, ཀཱམཙྪནྡཏོ མུཙྩཏཱིཏི ཝིམུཏྟི. ཝིཛྫནྟོ མུཙྩཏི, མུཙྩནྟོ ཝིཛྫཏཱིཏི – ཝིཛྫཱཝིམུཏྟི. ཨབྱཱཔཱདོ [ཨབྱཱཔཱདཾ (སྱཱ.)] ཝིཛྫཏཱིཏི ཝིཛྫཱ, བྱཱཔཱདཏོ ཝིམུཙྩཏཱིཏི ཝིམུཏྟི. ཝིཛྫནྟོ མུཙྩཏི, མུཙྩནྟོ ཝིཛྫཏཱིཏི – ཝིཛྫཱཝིམུཏྟི…པེ… ཨརཧཏྟམགྒོ ཝིཛྫཏཱིཏི ཝིཛྫཱ, སབྦཀིལེསེཧི མུཙྩཏཱིཏི ཝིམུཏྟི. ཝིཛྫནྟོ མུཙྩཏི, མུཙྩནྟོ ཝིཛྫཏཱིཏི – ཝིཛྫཱཝིམུཏྟི.

ཨདྷིསཱིལཾ ཨདྷིཙིཏྟཾ ཨདྷིཔཉྙཱཏི ནེཀྑམྨེན ཀཱམཙྪནྡཾ, སཾཝརཊྛེན སཱིལཝིསུདྡྷི, ཨཝིཀྑེཔཊྛེན ཙིཏྟཝིསུདྡྷི, དསྶནཊྛེན དིཊྛིཝིསུདྡྷི. ཡོ ཏཏྠ སཾཝརཊྛོ, ཨཡཾ ཨདྷིསཱིལསིཀྑཱ ¶ . ཡོ ཏཏྠ ཨཝིཀྑེཔཊྛོ, ཨཡཾ ཨདྷིཙིཏྟསིཀྑཱ. ཡོ ཏཏྠ དསྶནཊྛོ, ཨཡཾ ¶ ཨདྷིཔཉྙཱསིཀྑཱ. ཨབྱཱཔཱདེན བྱཱཔཱདཾ སཾཝརཊྛེན སཱིལཝིསུདྡྷི…པེ… ཨརཧཏྟམགྒེན སབྦཀིལེསེ སཾཝརཊྛེན སཱིལཝིསུདྡྷི, ཨཝིཀྑེཔཊྛེན ཙིཏྟཝིསུདྡྷི. དསྶནཊྛེན དིཊྛིཝིསུདྡྷི. ཡོ ཏཏྠ སཾཝརཊྛོ, ཨཡཾ ཨདྷིསཱིལསིཀྑཱ. ཡོ ཏཏྠ ཨཝིཀྑེཔཊྛོ, ཨཡཾ ཨདྷིཙིཏྟསིཀྑཱ. ཡོ ཏཏྠ དསྶནཊྛོ, ཨཡཾ ཨདྷིཔཉྙཱསིཀྑཱ.

པསྶདྡྷཱིཏི ནེཀྑམྨེན ཀཱམཙྪནྡཾ པཊིཔྤསྶམྦྷེཏི, ཨབྱཱཔཱདེན བྱཱཔཱདཾ པཊིཔྤསྶམྦྷེཏི…པེ… ཨརཧཏྟམགྒེན སབྦཀིལེསེ པཊིཔྤསྶམྦྷེཏི.

ཉཱཎནྟི ཀཱམཙྪནྡསྶ པཧཱིནཏྟཱ ནེཀྑམྨཾ ཉཱཏཊྛེན ཉཱཎཾ ¶ ; བྱཱཔཱདསྶ པཧཱིནཏྟཱ ཨབྱཱཔཱདོ ཉཱཏཊྛེན ཉཱཎཾ…པེ… སབྦཀིལེསཱནཾ པཧཱིནཏྟཱ ཨརཧཏྟམགྒོ ཉཱཏཊྛེན ཉཱཎཾ.

དསྶནནྟི ཀཱམཙྪནྡསྶ པཧཱིནཏྟཱ ནེཀྑམྨཾ དིཊྛཏྟཱ དསྶནཾ. བྱཱཔཱདསྶ པཧཱིནཏྟཱ ཨབྱཱཔཱདོ དིཊྛཏྟཱ དསྶནཾ…པེ… སབྦཀིལེསཱནཾ པཧཱིནཏྟཱ ཨརཧཏྟམགྒོ དིཊྛཏྟཱ དསྶནཾ.

ཝིསུདྡྷཱིཏི ¶ ཀཱམཙྪནྡཾ པཛཧནྟོ ནེཀྑམྨེན ཝིསུཛ྄ཛྷཏི. བྱཱཔཱདཾ པཛཧནྟོ ཨབྱཱཔཱདེན ཝིསུཛ྄ཛྷཏི…པེ… སབྦཀིལེསེ པཛཧནྟོ ཨརཧཏྟམགྒེན ཝིསུཛ྄ཛྷཏི.

ནེཀྑམྨནྟི ཀཱམཱནམེཏཾ ནིསྶརཎཾ, ཡདིདཾ ནེཀྑམྨཾ. རཱུཔཱནམེཏཾ ནིསྶརཎཾ, ཡདིདཾ ཨཱརུཔྤཾ. ཡཾ ཁོ པན ཀིཉྩི བྷཱུཏཾ སངྑཏཾ པཊིཙྩསམུཔྤནྣཾ, ནིརོདྷོ ཏསྶ ནེཀྑམྨཾ. བྱཱཔཱདསྶ ཨབྱཱཔཱདོ ནེཀྑམྨཾ. ཐིནམིདྡྷསྶ ཨཱལོཀསཉྙཱ ནེཀྑམྨཾ…པེ… སབྦཀིལེསཱནཾ ཨརཧཏྟམགྒོ ནེཀྑམྨཾ.

ནིསྶརཎནྟི ཀཱམཱནམེཏཾ ནིསྶརཎཾ, ཡདིདཾ ནེཀྑམྨཾ. རཱུཔཱནམེཏཾ ནིསྶརཎཾ, ཡདིདཾ ཨཱརུཔྤཾ. ཡཾ ཁོ པན ཀིཉྩི བྷཱུཏཾ སངྑཏཾ པཊིཙྩསམུཔྤནྣཾ, ནིརོདྷོ ཏསྶ ནིསྶརཎཾ. ཀཱམཙྪནྡསྶ ནེཀྑམྨཾ ནིསྶརཎཾ. བྱཱཔཱདསྶ ཨབྱཱཔཱདོ ནིསྶརཎཾ…པེ… སབྦཀིལེསཱནཾ ཨརཧཏྟམགྒོ ནིསྶརཎཾ.

པཝིཝེཀོཏི ཀཱམཙྪནྡསྶ ནེཀྑམྨཾ པཝིཝེཀོ ¶ …པེ… སབྦཀིལེསཱནཾ ཨརཧཏྟམགྒོ པཝིཝེཀོ ¶ .

ཝོསྶགྒོཏི ¶ ནེཀྑམྨེན ཀཱམཙྪནྡཾ ཝོསྶཛྫཏཱིཏི – ཝོསྶགྒོ. ཨབྱཱཔཱདེན བྱཱཔཱདཾ ཝོསྶཛྫཏཱིཏི – ཝོསྶགྒོ…པེ… ཨརཧཏྟམགྒེན སབྦཀིལེསེ ཝོསྶཛྫཏཱིཏི – ཝོསྶགྒོ.

ཙརིཡཱཏི ཀཱམཙྪནྡཾ པཛཧནྟོ ནེཀྑམྨེན ཙརཏི. བྱཱཔཱདཾ པཛཧནྟོ ཨབྱཱཔཱདེན ཙརཏི…པེ… སབྦཀིལེསེ པཛཧནྟོ ཨརཧཏྟམགྒེན ཙརཏི.

ཛྷཱནཝིམོཀྑོཏི ནེཀྑམྨཾ ཛྷཱཡཏཱིཏི – ཛྷཱནཾ. ཀཱམཙྪནྡཾ ཛྷཱཔེཏཱིཏི – ཛྷཱནཾ. ཛྷཱཡནྟོ མུཙྩཏཱིཏི – ཛྷཱནཝིམོཀྑོ. ཛྷཱཔེནྟོ མུཙྩཏཱིཏི – ཛྷཱནཝིམོཀྑོ. ཛྷཱཡནྟཱིཏི དྷམྨཱ. ཛྷཱཔེནྟཱིཏི ཀིལེསེ. ཛྷཱཏེ ཙ ཛྷཱཔེ ཙ ཛཱནཱཏཱིཏི – ཛྷཱནཛྷཱཡཱི [ཛྷཱནཝིམོཀྑོ (སྱཱ.) ཨཊྛཀཐཱ ཨོལོཀེཏབྦཱ]. ཨབྱཱཔཱདོ ཛྷཱཡཏཱིཏི ཛྷཱནཾ. བྱཱཔཱདཾ ཛྷཱཔེཏཱིཏི – ཛྷཱནཾ…པེ… ཨཱལོཀསཉྙཱ ཛྷཱཡཏཱིཏི – ཛྷཱནཾ. ཐིནམིདྡྷཾ ཛྷཱཔེཏཱིཏི – ཛྷཱནཾ…པེ… ཨརཧཏྟམགྒོ ¶ ཛྷཱཡཏཱིཏི – ཛྷཱནཾ. སབྦཀིལེསེ ཛྷཱཔེཏཱིཏི – ཛྷཱནཾ. ཛྷཱཡནྟོ མུཙྩཏཱིཏི – ཛྷཱནཝིམོཀྑོ. ཛྷཱཔེནྟོ མུཙྩཏཱིཏི – ཛྷཱནཝིམོཀྑོ. ཛྷཱཡནྟཱིཏི – དྷམྨཱ. ཛྷཱཔེནྟཱིཏི – ཀིལེསེ. ཛྷཱཏེ ཙ ཛྷཱཔེ ཙ ཛཱནཱཏཱིཏི – ཛྷཱནཛྷཱཡཱི.

༤༢. བྷཱཝནཱ ཨདྷིཊྛཱནཾ ཛཱིཝིཏནྟི ཀཱམཙྪནྡཾ པཛཧནྟོ ནེཀྑམྨཾ བྷཱཝེཏཱིཏི – བྷཱཝནཱསམྤནྣོ. ནེཀྑམྨཝསེན ཙིཏྟཾ ཨདྷིཊྛཱཏཱིཏི – ཨདྷིཊྛཱནསམྤནྣོ. སྭཱཡཾ ཨེཝཾ བྷཱཝནཱསམྤནྣོ ཨདྷིཊྛཱནསམྤནྣོ ¶ སམཾ ཛཱིཝཏི, ནོ ཝིསམཾ; སམྨཱ ཛཱིཝཏི, ནོ མིཙྪཱ; ཝིསུདྡྷཾ ཛཱིཝཏི, ནོ ཀིལིཊྛནྟི – ཨཱཛཱིཝསམྤནྣོ. སྭཱཡཾ ཨེཝཾ བྷཱཝནཱསམྤནྣོ ཨདྷིཊྛཱནསམྤནྣོ ཨཱཛཱིཝསམྤནྣོ ཡཉྙདེཝ པརིསཾ ཨུཔསངྐམཏི – ཡདི ཁཏྟིཡཔརིསཾ ཡདི བྲཱཧྨཎཔརིསཾ ཡདི གཧཔཏིཔརིསཾ ཡདི སམཎཔརིསཾ – ཝིསཱརདོ ཨུཔསངྐམཏི ཨམངྐུབྷཱུཏོ. ཏཾ ཀིསྶ ཧེཏུ? ཏཐཱ ཧི སོ བྷཱཝནཱསམྤནྣོ ཨདྷིཊྛཱནསམྤནྣོ ཨཱཛཱིཝསམྤནྣོ.

བྱཱཔཱདཾ པཛཧནྟོ ཨབྱཱཔཱདཾ བྷཱཝེཏཱིཏི – བྷཱཝནཱསམྤནྣོ…པེ… ཐིནམིདྡྷཾ པཛཧནྟོ ཨཱལོཀསཉྙཾ བྷཱཝེཏཱིཏི – བྷཱཝནཱསམྤནྣོ…པེ… ཨུདྡྷཙྩཾ པཛཧནྟོ ཨཝིཀྑེཔཾ བྷཱཝེཏཱིཏི – བྷཱཝནཱསམྤནྣོ…པེ… ཝིཙིཀིཙྪཾ པཛཧནྟོ དྷམྨཝཝཏྠཱནཾ བྷཱཝེཏཱིཏི – བྷཱཝནཱསམྤནྣོ…པེ… ཨཝིཛྫཾ པཛཧནྟོ ཝིཛྫཾ བྷཱཝེཏཱིཏི ¶ – བྷཱཝནཱསམྤནྣོ…པེ… ཨརཏིཾ པཛཧནྟོ པཱམོཛྫཾ བྷཱཝེཏཱིཏི – བྷཱཝནཱསམྤནྣོ…པེ… ནཱིཝརཎེ པཛཧནྟོ པཋམཾ ཛྷཱནཾ བྷཱཝེཏཱིཏི – བྷཱཝནཱསམྤནྣོ…པེ… སབྦཀིལེསེ པཛཧནྟོ ཨརཧཏྟམགྒཾ བྷཱཝེཏཱིཏི – བྷཱཝནཱསམྤནྣོ. ཨརཧཏྟམགྒཝསེན ཙིཏྟཾ ཨདྷིཊྛཱཏཱིཏི – ཨདྷིཊྛཱནསམྤནྣོ. སྭཱཡཾ ཨེཝཾ བྷཱཝནཱསམྤནྣོ ¶ ཨདྷིཊྛཱནསམྤནྣོ སམཾ ཛཱིཝཏི, ནོ ཝིསམཾ; སམྨཱ ཛཱིཝཏི, ནོ མིཙྪཱ; ཝིསུདྡྷཾ ཛཱིཝཏི, ནོ ཀིལིཊྛནྟི – ཨཱཛཱིཝསམྤནྣོ. སྭཱཡཾ ཨེཝཾ བྷཱཝནཱསམྤནྣོ ཨདྷིཊྛཱནསམྤནྣོ ཨཱཛཱིཝསམྤནྣོ ཡཉྙདེཝ པརིསཾ ཨུཔསངྐམཏི – ཡདི ཁཏྟིཡཔརིསཾ ཡདི བྲཱཧྨཎཔརིསཾ ཡདི གཧཔཏིཔརིསཾ ཡདི སམཎཔརིསཾ – ཝིསཱརདོ ཨུཔསངྐམཏི ཨམངྐུབྷཱུཏོ. ཏཾ ཀིསྶ ཧེཏུ? ཏཐཱ ¶ ཧི སོ བྷཱཝནཱསམྤནྣོ ཨདྷིཊྛཱནསམྤནྣོ ཨཱཛཱིཝསམྤནྣོཏི.

མཱཏིཀཱཀཐཱ ནིཊྛིཏཱ.

པཉྙཱཝགྒོ ཏཏིཡོ.

ཏསྶུདྡཱནཾ –

པཉྙཱ ¶ ཨིདྡྷི ཨབྷིསམཡོ, ཝིཝེཀོ ཙརིཡཔཉྩམོ;

པཱཊིཧཱརི སམསཱིསི, སཏིཔཊྛཱནཱ ཝིཔསྶནཱ;

ཏཏིཡེ པཉྙཱཝགྒམྷི, མཱཏིཀཱཡ ཙ ཏེ དསཱཏི.

མཧཱཝགྒོ ཡུགནདྡྷོ, པཉྙཱཝགྒོ ཙ ནཱམཏོ;

ཏཡོཝ ཝགྒཱ ཨིམམྷི [ཏིཝགྒོ ཡསྶ ཝིཀྑེཔོ (སྱཱ. ཀ.)], པཊིསམྦྷིདཱཔཀརཎེ.

ཨནནྟནཡམགྒེསུ, གམྦྷཱིརོ སཱགརཱུཔམོ;

ནབྷཉྩ ཏཱརཀཱཀིཎྞཾ, ཐཱུལོ ཛཱཏསྶརོ ཡཐཱ;

ཀཐིཀཱནཾ ཝིསཱལཱཡ, ཡོགཱིནཾ ཉཱཎཛོཏནནྟི.

པཊིསམྦྷིདཱམགྒཔཱལི༹ ནིཊྛིཏཱ.