📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

ཝིནཡཔིཊཀེ

པཱརཱཛིཀཔཱལི༹

ཝེརཉྫཀཎྜཾ

༡. ཏེན ¶ ¶ ¶ ¶ སམཡེན བུདྡྷོ བྷགཝཱ ཝེརཉྫཱཡཾ ཝིཧརཏི ནལེ༹རུཔུཙིམནྡམཱུལེ མཧཏཱ བྷིཀྑུསངྒྷེན སདྡྷིཾ པཉྩམཏྟེཧི བྷིཀྑུསཏེཧི. ཨསྶོསི ཁོ ཝེརཉྫོ བྲཱཧྨཎོ – ‘‘སམཎོ ཁལུ, བྷོ, གོཏམོ སཀྱཔུཏྟོ སཀྱཀུལཱ པབྦཛིཏོ ཝེརཉྫཱཡཾ ཝིཧརཏི ནལེ༹རུཔུཙིམནྡམཱུལེ མཧཏཱ བྷིཀྑུསངྒྷེན སདྡྷིཾ པཉྩམཏྟེཧི བྷིཀྑུསཏེཧི. ཏཾ ཁོ པན བྷཝནྟཾ གོཏམཾ ཨེཝཾ ཀལྱཱཎོ ཀིཏྟིསདྡོ ཨབྦྷུགྒཏོ – ‘ཨིཏིཔི སོ བྷགཝཱ ཨརཧཾ སམྨཱསམྦུདྡྷོ ཝིཛྫཱཙརཎསམྤནྣོ སུགཏོ ལོཀཝིདཱུ ཨནུཏྟརོ པུརིསདམྨསཱརཐི སཏྠཱ དེཝམནུསྶཱནཾ བུདྡྷོ བྷགཝཱ [བྷགཝཱཏི (སྱཱ.), དཱི. ནི. ༡.༡༥༧, ཨབྦྷུགྒཏཱཀཱརེན པན སམེཏི]. སོ ཨིམཾ ལོཀཾ སདེཝཀཾ སམཱརཀཾ སབྲཧྨཀཾ སསྶམཎབྲཱཧྨཎིཾ པཛཾ སདེཝམནུསྶཾ སཡཾ ཨབྷིཉྙཱ སཙྪིཀཏྭཱ པཝེདེཏི. སོ དྷམྨཾ དེསེཏི ཨཱདིཀལྱཱཎཾ མཛ྄ཛྷེཀལྱཱཎཾ པརིཡོསཱནཀལྱཱཎཾ ¶ སཱཏྠཾ སབྱཉྫནཾ; ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ པཀཱསེཏི; སཱདྷུ ཁོ པན ཏཐཱརཱུཔཱནཾ ཨརཧཏཾ དསྶནཾ ཧོཏཱི’’’ཏི.

༢. [ཨིཏོ པརཾ ཡཱཝ པཱརཱ. ༡༥-༡༦ པདཀྑིཎཾ ཀཏྭཱ པཀྐཱམཱིཏི པཱཋོ ཨ. ནི. ༨.༡༡] ཨཐ ¶ ཁོ ཝེརཉྫོ བྲཱཧྨཎོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝཏཱ སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི ¶ . ཨེཀམནྟཾ ནིསིནྣོ ཁོ ཝེརཉྫོ བྲཱཧྨཎོ བྷགཝནྟཾ ཨེཏདཝོཙ – ‘‘སུཏཾ མེཏཾ, བྷོ གོཏམ – ‘ན སམཎོ གོཏམོ ¶ བྲཱཧྨཎེ ཛིཎྞེ ཝུཌྜྷེ མཧལླཀེ ཨདྡྷགཏེ ཝཡོཨནུཔྤཏྟེ ཨབྷིཝཱདེཏི ཝཱ པཙྩུཊྛེཏི ཝཱ ཨཱསནེན ཝཱ ནིམནྟེཏཱི’ཏི. ཏཡིདཾ, བྷོ གོཏམ, ཏཐེཝ? ན ཧི བྷཝཾ གོཏམོ བྲཱཧྨཎེ ཛིཎྞེ ཝུཌྜྷེ མཧལླཀེ ཨདྡྷགཏེ ཝཡོཨནུཔྤཏྟེ ཨབྷིཝཱདེཏི ཝཱ པཙྩུཊྛེཏི ཝཱ ཨཱསནེན ཝཱ ནིམནྟེཏི? ཏཡིདཾ, བྷོ གོཏམ, ན སམྤནྣམེཝཱ’’ཏི.

‘‘ནཱཧཾ ཏཾ, བྲཱཧྨཎ, པསྶཱམི སདེཝཀེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ཡམཧཾ ཨབྷིཝཱདེཡྻཾ ཝཱ པཙྩུཊྛེཡྻཾ ཝཱ ཨཱསནེན ཝཱ ནིམནྟེཡྻཾ. ཡཉྷི, བྲཱཧྨཎ, ཏཐཱགཏོ ཨབྷིཝཱདེཡྻ ཝཱ པཙྩུཊྛེཡྻ ཝཱ ཨཱསནེན ཝཱ ནིམནྟེཡྻ, མུདྡྷཱཔི ཏསྶ ཝིཔཏེཡྻཱ’’ཏི.

༣. ‘‘ཨརསརཱུཔོ བྷཝཾ གོཏམོ’’ཏི? ‘‘ཨཏྠི ཁྭེས, བྲཱཧྨཎ, པརིཡཱཡོ ཡེན མཾ པརིཡཱཡེན སམྨཱ ཝདམཱནོ ཝདེཡྻ ¶ – ‘ཨརསརཱུཔོ སམཎོ གོཏམོ’ཏི. ཡེ ཏེ, བྲཱཧྨཎ, རཱུཔརསཱ སདྡརསཱ གནྡྷརསཱ རསརསཱ ཕོཊྛབྦརསཱ ཏེ ཏཐཱགཏསྶ པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ [ཨནབྷཱཝཀཏཱ (སཱི.) ཨནབྷཱཝཾགཏཱ (སྱཱ.)] ཨཱཡཏིཾ ཨནུཔྤཱདདྷམྨཱ. ཨཡཾ ཁོ, བྲཱཧྨཎ, པརིཡཱཡོ ཡེན མཾ པརིཡཱཡེན སམྨཱ ཝདམཱནོ ཝདེཡྻ – ‘ཨརསརཱུཔོ སམཎོ གོཏམོ’ཏི, ནོ ཙ ཁོ ཡཾ ཏྭཾ སནྡྷཱཡ ཝདེསཱི’’ཏི.

༤. ‘‘ནིབྦྷོགོ བྷཝཾ གོཏམོ’’ཏི? ‘‘ཨཏྠི ཁྭེས, བྲཱཧྨཎ, པརིཡཱཡོ ཡེན མཾ པརིཡཱཡེན སམྨཱ ཝདམཱནོ ཝདེཡྻ – ‘ནིབྦྷོགོ སམཎོ གོཏམོ’ཏི. ཡེ ཏེ, བྲཱཧྨཎ, རཱུཔབྷོགཱ སདྡབྷོགཱ གནྡྷབྷོགཱ རསབྷོགཱ ཕོཊྛབྦབྷོགཱ ཏེ ཏཐཱགཏསྶ པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ. ཨཡཾ ཁོ, བྲཱཧྨཎ, པརིཡཱཡོ ཡེན མཾ པརིཡཱཡེན སམྨཱ ཝདམཱནོ ཝདེཡྻ – ‘ནིབྦྷོགོ སམཎོ གོཏམོ’ཏི, ནོ ཙ ཁོ ཡཾ ཏྭཾ སནྡྷཱཡ ཝདེསཱི’’ཏི.

༥. ‘‘ཨཀིརིཡཝཱདོ ¶ བྷཝཾ གོཏམོ’’ཏི? ‘‘ཨཏྠི ཁྭེས, བྲཱཧྨཎ, པརིཡཱཡོ ཡེན མཾ པརིཡཱཡེན སམྨཱ ཝདམཱནོ ཝདེཡྻ – ‘ཨཀིརིཡཝཱདོ སམཎོ གོཏམོ’ཏི. ཨཧཉྷི, བྲཱཧྨཎ, ཨཀིརིཡཾ ཝདཱམི ཀཱཡདུཙྩརིཏསྶ ¶ ཝཙཱིདུཙྩརིཏསྶ མནོདུཙྩརིཏསྶ. ཨནེཀཝིཧིཏཱནཾ པཱཔཀཱནཾ ཨཀུསལཱནཾ དྷམྨཱནཾ ཨཀིརིཡཾ ཝདཱམི. ཨཡཾ ཁོ, བྲཱཧྨཎ, པརིཡཱཡོ ཡེན མཾ པརིཡཱཡེན སམྨཱ ཝདམཱནོ ཝདེཡྻ – ‘ཨཀིརིཡཝཱདོ སམཎོ གོཏམོ’ཏི, ནོ ཙ ཁོ ཡཾ ཏྭཾ སནྡྷཱཡ ཝདེསཱི’’ཏི.

༦. ‘‘ཨུཙྪེདཝཱདོ བྷཝཾ གོཏམོ’’ཏི? ‘‘ཨཏྠི ཁྭེས, བྲཱཧྨཎ, པརིཡཱཡོ ཡེན མཾ པརིཡཱཡེན སམྨཱ ཝདམཱནོ ཝདེཡྻ – ‘ཨུཙྪེདཝཱདོ སམཎོ གོཏམོ’ཏི. ཨཧཉྷི, བྲཱཧྨཎ, ཨུཙྪེདཾ ཝདཱམི རཱགསྶ དོསསྶ མོཧསྶ. ཨནེཀཝིཧིཏཱནཾ པཱཔཀཱནཾ ཨཀུསལཱནཾ དྷམྨཱནཾ ཨུཙྪེདཾ ཝདཱམི. ཨཡཾ ཁོ, བྲཱཧྨཎ, པརིཡཱཡོ ཡེན མཾ པརིཡཱཡེན སམྨཱ ཝདམཱནོ ¶ ཝདེཡྻ – ‘ཨུཙྪེདཝཱདོ སམཎོ གོཏམོ’ཏི, ནོ ¶ ཙ ཁོ ཡཾ ཏྭཾ སནྡྷཱཡ ཝདེསཱི’’ཏི.

༧. ‘‘ཛེགུཙྪཱི བྷཝཾ གོཏམོ’’ཏི? ‘‘ཨཏྠི ཁྭེས, བྲཱཧྨཎ, པརིཡཱཡོ ཡེན མཾ པརིཡཱཡེན སམྨཱ ཝདམཱནོ ཝདེཡྻ – ‘ཛེགུཙྪཱི སམཎོ གོཏམོ’ཏི. ཨཧཉྷི, བྲཱཧྨཎ, ཛིགུཙྪཱམི ཀཱཡདུཙྩརིཏེན ཝཙཱིདུཙྩརིཏེན མནོདུཙྩརིཏེན. ཨནེཀཝིཧིཏཱནཾ པཱཔཀཱནཾ ཨཀུསལཱནཾ དྷམྨཱནཾ སམཱཔཏྟིཡཱ ཛིགུཙྪཱམི. ཨཡཾ ཁོ, བྲཱཧྨཎ, པརིཡཱཡོ ཡེན མཾ པརིཡཱཡེན སམྨཱ ཝདམཱནོ ཝདེཡྻ – ‘ཛེགུཙྪཱི སམཎོ གོཏམོ’ཏི, ནོ ཙ ཁོ ཡཾ ཏྭཾ སནྡྷཱཡ ཝདེསཱི’’ཏི.

༨. ‘‘ཝེནཡིཀོ བྷཝཾ གོཏམོ’’ཏི? ‘‘ཨཏྠི ཁྭེས, བྲཱཧྨཎ, པརིཡཱཡོ ཡེན མཾ པརིཡཱཡེན སམྨཱ ཝདམཱནོ ཝདེཡྻ – ‘ཝེནཡིཀོ སམཎོ གོཏམོ’ཏི. ཨཧཉྷི, བྲཱཧྨཎ, ཝིནཡཱཡ དྷམྨཾ དེསེམི རཱགསྶ དོསསྶ མོཧསྶ. ཨནེཀཝིཧིཏཱནཾ པཱཔཀཱནཾ ཨཀུསལཱནཾ དྷམྨཱནཾ ཝིནཡཱཡ དྷམྨཾ དེསེམི. ཨཡཾ ཁོ, བྲཱཧྨཎ, པརིཡཱཡོ ཡེན མཾ པརིཡཱཡེན སམྨཱ ཝདམཱནོ ཝདེཡྻ – ‘ཝེནཡིཀོ སམཎོ གོཏམོ’ཏི, ནོ ཙ ཁོ ཡཾ ཏྭཾ སནྡྷཱཡ ཝདེསཱི’’ཏི.

༩. ‘‘ཏཔསྶཱི བྷཝཾ གོཏམོ’’ཏི? ‘‘ཨཏྠི ཁྭེས, བྲཱཧྨཎ, པརིཡཱཡོ ཡེན མཾ པརིཡཱཡེན སམྨཱ ཝདམཱནོ ཝདེཡྻ – ‘ཏཔསྶཱི སམཎོ གོཏམོ’ཏི ¶ . ཏཔནཱིཡཱཧཾ, བྲཱཧྨཎ, པཱཔཀེ ཨཀུསལེ དྷམྨེ ཝདཱམི, ཀཱཡདུཙྩརིཏཾ ཝཙཱིདུཙྩརིཏཾ མནོདུཙྩརིཏཾ. ཡསྶ ཁོ, བྲཱཧྨཎ ¶ , ཏཔནཱིཡཱ པཱཔཀཱ ཨཀུསལཱ དྷམྨཱ པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ¶ ཨཱཡཏིཾ ཨནུཔྤཱདདྷམྨཱ ཏམཧཾ ཏཔསྶཱིཏི ཝདཱམི. ཏཐཱགཏསྶ ཁོ, བྲཱཧྨཎ, ཏཔནཱིཡཱ པཱཔཀཱ ཨཀུསལཱ དྷམྨཱ པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ. ཨཡཾ ཁོ, བྲཱཧྨཎ, པརིཡཱཡོ ཡེན མཾ པརིཡཱཡེན སམྨཱ ཝདམཱནོ ཝདེཡྻ – ‘ཏཔསྶཱི སམཎོ གོཏམོ’ཏི, ནོ ཙ ཁོ ཡཾ ཏྭཾ སནྡྷཱཡ ཝདེསཱི’’ཏི.

༡༠. ‘‘ཨཔགབྦྷོ བྷཝཾ གོཏམོ’’ཏི? ‘‘ཨཏྠི ཁྭེས, བྲཱཧྨཎ, པརིཡཱཡོ ཡེན མཾ པརིཡཱཡེན སམྨཱ ཝདམཱནོ ཝདེཡྻ – ‘ཨཔགབྦྷོ སམཎོ གོཏམོ’ཏི. ཡསྶ ཁོ, བྲཱཧྨཎ, ཨཱཡཏིཾ གབྦྷསེཡྻཱ པུནབྦྷཝཱབྷིནིབྦཏྟི པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ ཏམཧཾ ཨཔགབྦྷོཏི ཝདཱམི. ཏཐཱགཏསྶ ཁོ, བྲཱཧྨཎ, ཨཱཡཏིཾ གབྦྷསེཡྻཱ པུནབྦྷཝཱབྷིནིབྦཏྟི པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ. ཨཡཾ ཁོ, བྲཱཧྨཎ, པརིཡཱཡོ ཡེན མཾ པརིཡཱཡེན སམྨཱ ཝདམཱནོ ཝདེཡྻ – ‘ཨཔགབྦྷོ སམཎོ གོཏམོ’ཏི, ནོ ཙ ཁོ ཡཾ ཏྭཾ སནྡྷཱཡ ཝདེསི’’.

༡༡. ‘‘སེཡྻཐཱཔི, བྲཱཧྨཎ, ཀུཀྐུཊིཡཱ ཨཎྜཱནི ཨཊྛ ཝཱ དས ཝཱ དྭཱདས ཝཱ. ཏཱནསྶུ ཀུཀྐུཊིཡཱ སམྨཱ ཨདྷིསཡིཏཱནི སམྨཱ པརིསེདིཏཱནི སམྨཱ པརིབྷཱཝིཏཱནི. ཡོ ནུ ཁོ ཏེསཾ ཀུཀྐུཊཙྪཱཔཀཱནཾ པཋམཏརཾ པཱདནཁསིཁཱཡ ཝཱ མུཁཏུཎྜཀེན ཝཱ ཨཎྜཀོསཾ པདཱལེཏྭཱ སོཏྠིནཱ ཨབྷིནིབྦྷིཛྫེཡྻ, ཀིནྟི སྭཱསྶ ཝཙནཱིཡོ – ‘‘ཛེཊྛོ ¶ ཝཱ ཀནིཊྛོ ཝཱ’’ཏི? ‘‘ཛེཊྛོཏིསྶ, བྷོ གོཏམ, ཝཙནཱིཡོ. སོ ཧི ནེསཾ ཛེཊྛོ ཧོཏཱི’’ཏི. ‘‘ཨེཝམེཝ ཁོ ཨཧཾ, བྲཱཧྨཎ, ཨཝིཛྫཱགཏཱཡ པཛཱཡ ཨཎྜབྷཱུཏཱཡ པརིཡོནདྡྷཱཡ ¶ ཨཝིཛྫཎྜཀོསཾ པདཱལེཏྭཱ ཨེཀོཝ ལོཀེ ཨནུཏྟརཾ སམྨཱསམྦོདྷིཾ ཨབྷིསམྦུདྡྷོ. སྭཱཧཾ, བྲཱཧྨཎ, ཛེཊྛོ སེཊྛོ ལོཀསྶ’’.

‘‘ཨཱརདྡྷཾ ཁོ པན མེ, བྲཱཧྨཎ, ཝཱིརིཡཾ [ཝིརིཡཾ (སཱི. སྱཱ.)] ཨཧོསི ཨསལླཱིནཾ, ཨུཔཊྛིཏཱ སཏི ཨསམྨུཊྛཱ [ཨཔྤམུཊྛཱ (སཱི. སྱཱ.)], པསྶདྡྷོ ཀཱཡོ ཨསཱརདྡྷོ, སམཱཧིཏཾ ཙིཏྟཾ ཨེཀགྒཾ. སོ ¶ ཁོ ཨཧཾ, བྲཱཧྨཎ, ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧཱསིཾ. ཝིཏཀྐཝིཙཱརཱནཾ ཝཱུཔསམཱ ཨཛ྄ཛྷཏྟཾ སམྤསཱདནཾ ཙེཏསོ ཨེཀོདིབྷཱཝཾ ཨཝིཏཀྐཾ ཨཝིཙཱརཾ སམཱདྷིཛཾ པཱིཏིསུཁཾ དུཏིཡཾ ཛྷཱནཾ ཨུཔསམྤཛྫ ཝིཧཱསིཾ. པཱིཏིཡཱ ཙ ཝིརཱགཱ ཨུཔེཀྑཀོ ཙ ཝིཧཱསིཾ སཏོ ཙ སམྤཛཱནོ, སུཁཉྩ ཀཱཡེན པཊིསཾཝེདེསིཾ ¶ , ཡཾ ཏཾ ཨརིཡཱ ཨཱཙིཀྑནྟི – ‘ཨུཔེཀྑཀོ སཏིམཱ སུཁཝིཧཱརཱི’ཏི ཏཏིཡཾ ཛྷཱནཾ ཨུཔསམྤཛྫ ཝིཧཱསིཾ. སུཁསྶ ཙ པཧཱནཱ དུཀྑསྶ ཙ པཧཱནཱ པུབྦེཝ སོམནསྶདོམནསྶཱནཾ ཨཏྠངྒམཱ ཨདུཀྑམསུཁཾ ཨུཔེཀྑཱསཏིཔཱརིསུདྡྷིཾ ཙཏུཏྠཾ ཛྷཱནཾ ཨུཔསམྤཛྫ ཝིཧཱསིཾ.

༡༢. ‘‘སོ ཨེཝཾ སམཱཧིཏེ ཙིཏྟེ པརིསུདྡྷེ པརིཡོདཱཏེ ཨནངྒཎེ ཝིགཏཱུཔཀྐིལེསེ མུདུབྷཱུཏེ ཀམྨནིཡེ ཋིཏེ ཨཱནེཉྫཔྤཏྟེ པུབྦེནིཝཱསཱནུསྶཏིཉཱཎཱཡ ཙིཏྟཾ ཨབྷིནིནྣཱམེསིཾ. སོ ཨནེཀཝིཧིཏཾ པུབྦེནིཝཱསཾ ཨནུསྶརཱམི ¶ , སེཡྻཐིདཾ – ཨེཀམྤི ཛཱཏིཾ དྭེཔི ཛཱཏིཡོ ཏིསྶོཔི ཛཱཏིཡོ ཙཏསྶོཔི ཛཱཏིཡོ པཉྩཔི ཛཱཏིཡོ དསཔི ཛཱཏིཡོ ཝཱིསམྤི ཛཱཏིཡོ ཏིཾསམྤི ཛཱཏིཡོ ཙཏྟཱལཱིསམྤི ཛཱཏིཡོ པཉྙཱསམྤི ཛཱཏིཡོ ཛཱཏིསཏམྤི, ཛཱཏིསཧསྶམྤི ཛཱཏིསཏསཧསྶམྤི, ཨནེཀེཔི སཾཝཊྚཀཔྤེ ཨནེཀེཔི ཝིཝཊྚཀཔྤེ ཨནེཀེཔི སཾཝཊྚཝིཝཊྚཀཔྤེ – ‘ཨམུཏྲཱསིཾ ཨེཝཾནཱམོ ཨེཝཾགོཏྟོ ཨེཝཾཝཎྞོ ཨེཝམཱཧཱརོ ཨེཝཾསུཁདུཀྑཔྤཊིསཾཝེདཱི ཨེཝམཱཡུཔརིཡནྟོ; སོ ཏཏོ ཙུཏོ ཨམུཏྲ ཨུདཔཱདིཾ; ཏཏྲཱཔཱསིཾ ཨེཝཾནཱམོ ཨེཝཾགོཏྟོ ཨེཝཾཝཎྞོ ཨེཝམཱཧཱརོ ཨེཝཾསུཁདུཀྑཔྤཊིསཾཝེདཱི ཨེཝམཱཡུཔརིཡནྟོ; སོ ཏཏོ ཙུཏོ ཨིདྷཱུཔཔནྣོཏི. ཨིཏི སཱཀཱརཾ སཨུདྡེསཾ ཨནེཀཝིཧིཏཾ པུབྦེནིཝཱསཾ ཨནུསྶརཱམི. ཨཡཾ ཁོ མེ, བྲཱཧྨཎ, རཏྟིཡཱ པཋམེ ཡཱམེ པཋམཱ ཝིཛྫཱ ཨདྷིགཏཱ, ཨཝིཛྫཱ ཝིཧཏཱ, ཝིཛྫཱ ཨུཔྤནྣཱ, ཏམོ ཝིཧཏོ, ཨཱལོཀོ ཨུཔྤནྣོ – ཡཐཱ ཏཾ ཨཔྤམཏྟསྶ ཨཱཏཱཔིནོ པཧིཏཏྟསྶ ཝིཧརཏོ. ཨཡཾ ཁོ མེ, བྲཱཧྨཎ, པཋམཱབྷིནིབྦྷིདཱ ཨཧོསི ཀུཀྐུཊཙྪཱཔཀསྶེཝ ཨཎྜཀོསམྷཱ.

༡༣. ‘‘སོ ཨེཝཾ སམཱཧིཏེ ཙིཏྟེ པརིསུདྡྷེ པརིཡོདཱཏེ ཨནངྒཎེ ཝིགཏཱུཔཀྐིལེསེ མུདུབྷཱུཏེ ཀམྨནིཡེ ཋིཏེ ཨཱནེཉྫཔྤཏྟེ སཏྟཱནཾ ཙུཏཱུཔཔཱཏཉཱཎཱཡ ཙིཏྟཾ ཨབྷིནིནྣཱམེསིཾ ¶ . སོ དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན [ཨཏིཀྐནྟམཱནུསྶཀེན (ཀ.)] སཏྟེ པསྶཱམི ཙཝམཱནེ ཨུཔཔཛྫམཱནེ ཧཱིནེ པཎཱིཏེ ¶ སུཝཎྞེ དུབྦཎྞེ. སུགཏེ དུགྒཏེ ཡཐཱཀམྨཱུཔགེ སཏྟེ པཛཱནཱམི – ‘ཨིམེ ཝཏ བྷོནྟོ སཏྟཱ ཀཱཡདུཙྩརིཏེན ¶ སམནྣཱགཏཱ ཝཙཱིདུཙྩརིཏེན སམནྣཱགཏཱ མནོདུཙྩརིཏེན སམནྣཱགཏཱ ཨརིཡཱནཾ ཨུཔཝཱདཀཱ མིཙྪཱདིཊྛིཀཱ མིཙྪཱདིཊྛིཀམྨསམཱདཱནཱ; ཏེ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔནྣཱ. ཨིམེ ཝཱ པན བྷོནྟོ སཏྟཱ ཀཱཡསུཙརིཏེན སམནྣཱགཏཱ ཝཙཱིསུཙརིཏེན སམནྣཱགཏཱ མནོསུཙརིཏེན སམནྣཱགཏཱ ཨརིཡཱནཾ ཨནུཔཝཱདཀཱ སམྨཱདིཊྛིཀཱ སམྨཱདིཊྛིཀམྨསམཱདཱནཱ; ཏེ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔནྣཱ’ཏི. ཨིཏི དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶཱམི ཙཝམཱནེ ཨུཔཔཛྫམཱནེ ¶ ཧཱིནེ པཎཱིཏེ སུཝཎྞེ དུབྦཎྞེ. སུགཏེ དུགྒཏེ ཡཐཱཀམྨཱུཔགེ སཏྟེ པཛཱནཱམི. ཨཡཾ ཁོ མེ, བྲཱཧྨཎ, རཏྟིཡཱ མཛ྄ཛྷིམེ ཡཱམེ དུཏིཡཱ ཝིཛྫཱ ཨདྷིགཏཱ, ཨཝིཛྫཱ ཝིཧཏཱ, ཝིཛྫཱ ཨུཔྤནྣཱ, ཏམོ ཝིཧཏོ, ཨཱལོཀོ ཨུཔྤནྣོ – ཡཐཱ ཏཾ ཨཔྤམཏྟསྶ ཨཱཏཱཔིནོ པཧིཏཏྟསྶ ཝིཧརཏོ. ཨཡཾ ཁོ མེ, བྲཱཧྨཎ, དུཏིཡཱབྷིནིབྦྷིདཱ ཨཧོསི ཀུཀྐུཊཙྪཱཔཀསྶེཝ ཨཎྜཀོསམྷཱ.

༡༤. ‘‘སོ ཨེཝཾ སམཱཧིཏེ ཙིཏྟེ པརིསུདྡྷེ པརིཡོདཱཏེ ཨནངྒཎེ ཝིགཏཱུཔཀྐིལེསེ མུདུབྷཱུཏེ ཀམྨནིཡེ ཋིཏེ ཨཱནེཉྫཔྤཏྟེ ཨཱསཝཱནཾ ཁཡཉཱཎཱཡ ཙིཏྟཾ ཨབྷིནིནྣཱམེསིཾ. སོ ‘ཨིདཾ དུཀྑ’ནྟི ཡཐཱབྷཱུཏཾ ཨབྦྷཉྙཱསིཾ, ‘ཨཡཾ དུཀྑསམུདཡོ’ཏི ཡཐཱབྷཱུཏཾ ཨབྦྷཉྙཱསིཾ, ‘ཨཡཾ དུཀྑནིརོདྷོ’ཏི ཡཐཱབྷཱུཏཾ ཨབྦྷཉྙཱསིཾ, ‘ཨཡཾ དུཀྑནིརོདྷགཱམིནཱི པཊིཔདཱ’ཏི ཡཐཱབྷཱུཏཾ ¶ ཨབྦྷཉྙཱསིཾ; ‘ཨིམེ ཨཱསཝཱ’ཏི ཡཐཱབྷཱུཏཾ ཨབྦྷཉྙཱསིཾ, ‘ཨཡཾ ཨཱསཝསམུདཡོ’ཏི ཡཐཱབྷཱུཏཾ ཨབྦྷཉྙཱསིཾ, ‘ཨཡཾ ཨཱསཝནིརོདྷོ’ཏི ཡཐཱབྷཱུཏཾ ཨབྦྷཉྙཱསིཾ, ‘ཨཡཾ ཨཱསཝནིརོདྷགཱམིནཱི པཊིཔདཱ’ཏི ཡཐཱབྷཱུཏཾ ཨབྦྷཉྙཱསིཾ. ཏསྶ མེ ཨེཝཾ ཛཱནཏོ ཨེཝཾ པསྶཏོ ཀཱམཱསཝཱཔི ཙིཏྟཾ ཝིམུཙྩིཏྠ བྷཝཱསཝཱཔི ཙིཏྟཾ ཝིམུཙྩིཏྠ ཨཝིཛྫཱསཝཱཔི ཙིཏྟཾ ཝིམུཙྩིཏྠ. ཝིམུཏྟསྨིཾ ཝིམུཏྟམིཏི ཉཱཎཾ ཨཧོསི. ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི ཨབྦྷཉྙཱསིཾ. ཨཡཾ ཁོ མེ, བྲཱཧྨཎ, རཏྟིཡཱ པཙྪིམེ ཡཱམེ ཏཏིཡཱ ཝིཛྫཱ ཨདྷིགཏཱ, ཨཝིཛྫཱ ཝིཧཏཱ, ཝིཛྫཱ ཨུཔྤནྣཱ, ཏམོ ཝིཧཏོ, ཨཱལོཀོ ཨུཔྤནྣོ – ཡཐཱ ཏཾ ཨཔྤམཏྟསྶ ཨཱཏཱཔིནོ པཧིཏཏྟསྶ ཝིཧརཏོ. ཨཡཾ ཁོ མེ, བྲཱཧྨཎ, ཏཏིཡཱབྷིནིབྦྷིདཱ ¶ ཨཧོསི – ཀུཀྐུཊཙྪཱཔཀསྶེཝ ཨཎྜཀོསམྷཱ’’ཏི.

༡༥. ཨེཝཾ ¶ ཝུཏྟེ, ཝེརཉྫོ བྲཱཧྨཎོ བྷགཝནྟཾ ཨེཏདཝོཙ – ‘‘ཛེཊྛོ བྷཝཾ གོཏམོ, སེཊྛོ བྷཝཾ གོཏམོ! ཨབྷིཀྐནྟཾ, བྷོ གོཏམ, ཨབྷིཀྐནྟཾ, བྷོ གོཏམ!! སེཡྻཐཱཔི, བྷོ གོཏམ, ནིཀྐུཛྫིཏཾ ཝཱ ཨུཀྐུཛྫེཡྻ, པཊིཙྪནྣཾ ཝཱ ཝིཝརེཡྻ, མཱུལ༹ྷསྶ ཝཱ མགྒཾ ཨཱཙིཀྑེཡྻ, ཨནྡྷཀཱརེ ཝཱ ཏེལཔཛྫོཏཾ དྷཱརེཡྻ – ཙཀྑུམནྟོ རཱུཔཱནི དཀྑནྟཱིཏི, ཨེཝམེཝཾ བྷོཏཱ གོཏམེན ཨནེཀཔརིཡཱཡེན དྷམྨོ པཀཱསིཏོ ¶ . ཨེསཱཧཾ བྷཝནྟཾ གོཏམཾ སརཎཾ གཙྪཱམི དྷམྨཉྩ བྷིཀྑུསངྒྷཉྩ. ཨུཔཱསཀཾ མཾ བྷཝཾ གོཏམོ དྷཱརེཏུ ཨཛྫཏགྒེ པཱཎུཔེཏཾ སརཎཾ གཏཾ. ཨདྷིཝཱསེཏུ ཙ མེ བྷཝཾ གོཏམོ ཝེརཉྫཱཡཾ ཝསྶཱཝཱསཾ སདྡྷིཾ བྷིཀྑུསངྒྷེནཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ཁོ ཝེརཉྫོ བྲཱཧྨཎོ བྷགཝཏོ ཨདྷིཝཱསནཾ ཝིདིཏྭཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི.

༡༦. ཏེན ¶ ཁོ པན སམཡེན ཝེརཉྫཱ དུབྦྷིཀྑཱ ཧོཏི དྭཱིཧིཏིཀཱ སེཏཊྛིཀཱ སལཱཀཱཝུཏྟཱ ན སུཀརཱ ཨུཉྪེན པགྒཧེན ཡཱཔེཏུཾ. ཏེན ཁོ པན སམཡེན ཨུཏྟརཱཔཐཀཱ [ཨུཏྟརཱཧཀཱ (སཱི.)] ཨསྶཝཱཎིཛཱ [ཨསྶཝཎིཛཱ (ཀ.)] པཉྩམཏྟེཧི ཨསྶསཏེཧི ཝེརཉྫཾ ཝསྶཱཝཱསཾ ཨུཔགཏཱ ཧོནྟི. ཏེཧི ཨསྶམཎྜལིཀཱསུ བྷིཀྑཱུནཾ པཏྠཔཏྠཔུལཀཾ [པཏྠཔཏྠམཱུལཀཾ (ཀ.)] པཉྙཏྟཾ ཧོཏི. བྷིཀྑཱུ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཝེརཉྫཾ པིཎྜཱཡ པཝིསིཏྭཱ པིཎྜཾ ཨལབྷམཱནཱ ཨསྶམཎྜལིཀཱསུ པིཎྜཱཡ ཙརིཏྭཱ པཏྠཔཏྠཔུལཀཾ ཨཱརཱམཾ ཨཱཧརིཏྭཱ ཨུདུཀྑལེ ཀོཊྚེཏྭཱ ཀོཊྚེཏྭཱ པརིབྷུཉྫནྟི. ཨཱཡསྨཱ པནཱནནྡོ པཏྠཔུལཀཾ སིལཱཡཾ པིསིཏྭཱ བྷགཝཏོ ཨུཔནཱམེཏི. ཏཾ བྷགཝཱ པརིབྷུཉྫཏི.

ཨསྶོསི ཁོ བྷགཝཱ ཨུདུཀྑལསདྡཾ. ཛཱནནྟཱཔི ཏཐཱགཏཱ པུཙྪནྟི, ཛཱནནྟཱཔི ན པུཙྪནྟི; ཀཱལཾ ཝིདིཏྭཱ པུཙྪནྟི, ཀཱལཾ ཝིདིཏྭཱ ན པུཙྪནྟི; ཨཏྠསཾཧིཏཾ ¶ ཏཐཱགཏཱ པུཙྪནྟི, ནོ ཨནཏྠསཾཧིཏཾ. ཨནཏྠསཾཧིཏེ སེཏུགྷཱཏོ ཏཐཱགཏཱནཾ. དྭཱིཧི ཨཱཀཱརེཧི བུདྡྷཱ བྷགཝནྟོ བྷིཀྑཱུ པཊིཔུཙྪནྟི – དྷམྨཾ ཝཱ དེསེསྶཱམ, སཱཝཀཱནཾ ཝཱ སིཀྑཱཔདཾ པཉྙཔེསྶཱམཱཏི [པཉྙཱཔེསྶཱམཱཏི (སཱི. སྱཱ.)]. ཨཐ ཁོ བྷགཝཱ ཨཱཡསྨནྟཾ ཨཱནནྡཾ ཨཱམནྟེསི – ‘‘ཀིཾ ནུ ཁོ སོ, ཨཱནནྡ, ཨུདུཀྑལསདྡོ’’ཏི? ཨཐ ཁོ ཨཱཡསྨཱ ཨཱནནྡོ བྷགཝཏོ ཨེཏམཏྠཾ ཨཱརོཙེསི ¶ . ‘‘སཱདྷུ སཱདྷུ, ཨཱནནྡ! ཏུམྷེཧི, ཨཱནནྡ སཔྤུརིསེཧི ཝིཛིཏཾ. པཙྪིམཱ ཛནཏཱ སཱལིམཾསོདནཾ ཨཏིམཉྙིསྶཏཱི’’ཏི.

༡༧. ཨཐ ¶ ཁོ ཨཱཡསྨཱ མཧཱམོགྒལླཱནོ [མཧཱམོགྒལཱནོ (ཀ.)] ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ མཧཱམོགྒལླཱནོ བྷགཝནྟཾ ཨེཏདཝོཙ – ‘‘ཨེཏརཧི, བྷནྟེ, ཝེརཉྫཱ དུབྦྷིཀྑཱ དྭཱིཧིཏིཀཱ སེཏཊྛིཀཱ སལཱཀཱཝུཏྟཱ. ན སུཀརཱ ཨུཉྪེན པགྒཧེན ཡཱཔེཏུཾ. ཨིམིསྶཱ, བྷནྟེ, མཧཱཔཐཝིཡཱ ཧེཊྛིམཏལཾ སམྤནྣཾ – སེཡྻཐཱཔི ཁུདྡམདྷུཾ ཨནཱིལཀཾ ཨེཝམསྶཱདཾ. སཱདྷཱཧཾ, བྷནྟེ, པཐཝིཾ པརིཝཏྟེཡྻཾ. བྷིཀྑཱུ པཔྤཊཀོཛཾ པརིབྷུཉྫིསྶནྟཱི’’ཏི. ‘‘ཡེ པན ཏེ, མོགྒལླཱན, པཐཝིནིསྶིཏཱ པཱཎཱ ཏེ ཀཐཾ ཀརིསྶསཱི’’ཏི? ‘‘ཨེཀཱཧཾ, བྷནྟེ, པཱཎིཾ ཨབྷིནིམྨིནིསྶཱམི – སེཡྻཐཱཔི མཧཱཔཐཝཱི. ཡེ པཐཝིནིསྶིཏཱ པཱཎཱ ཏེ ཏཏྠ སངྐཱམེསྶཱམི. ཨེཀེན ཧཏྠེན པཐཝིཾ པརིཝཏྟེསྶཱམཱི’’ཏི. ‘‘ཨལཾ, མོགྒལླཱན, མཱ ¶ ཏེ རུཙྩི པཐཝིཾ པརིཝཏྟེཏུཾ. ཝིཔལླཱསམྤི སཏྟཱ པཊིལབྷེཡྻུ’’ནྟི. ‘‘སཱདྷུ, བྷནྟེ, སབྦོ བྷིཀྑུསངྒྷོ ཨུཏྟརཀུརུཾ པིཎྜཱཡ གཙྪེཡྻཱ’’ཏི. ‘‘ཨལཾ, མོགྒལླཱན, མཱ ཏེ རུཙྩི སབྦསྶ བྷིཀྑུསངྒྷསྶ ཨུཏྟརཀུརུཾ པིཎྜཱཡ གམན’’ནྟི.

༡༨. ཨཐ ¶ ཁོ ཨཱཡསྨཏོ སཱརིཔུཏྟསྶ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘‘ཀཏམེསཱནཾ ཁོ བུདྡྷཱནཾ བྷགཝནྟཱནཾ བྲཧྨཙརིཡཾ ན ཙིརཊྛིཏིཀཾ ཨཧོསི; ཀཏམེསཱནཾ བུདྡྷཱནཾ བྷགཝནྟཱནཾ བྲཧྨཙརིཡཾ ཙིརཊྛིཏིཀཾ ཨཧོསཱི’’ཏི? ཨཐ ཁོ ཨཱཡསྨཱ སཱརིཔུཏྟོ སཱཡནྷསམཡཾ [སཱཡཎྷསམཡཾ (སཱི.)] པཊིསལླཱནཱ ཝུཊྛིཏོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ སཱརིཔུཏྟོ བྷགཝནྟཾ ཨེཏདཝོཙ – ‘‘ཨིདྷ མཡ྄ཧཾ, བྷནྟེ, རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘ཀཏམེསཱནཾ ཁོ བུདྡྷཱནཾ བྷགཝནྟཱནཾ བྲཧྨཙརིཡཾ ན ཙིརཊྛིཏིཀཾ ཨཧོསི, ཀཏམེསཱནཾ བུདྡྷཱནཾ བྷགཝནྟཱནཾ བྲཧྨཙརིཡཾ ཙིརཊྛིཏིཀཾ ཨཧོསཱི’ཏི. ‘ཀཏམེསཱནཾ ནུ ཁོ, བྷནྟེ, བུདྡྷཱནཾ བྷགཝནྟཱནཾ བྲཧྨཙརིཡཾ ན ཙིརཊྛིཏིཀཾ ཨཧོསི, ཀཏམེསཱནཾ བུདྡྷཱནཾ བྷགཝནྟཱནཾ བྲཧྨཙརིཡཾ ཙིརཊྛིཏིཀཾ ཨཧོསཱི’’’ཏི?

‘‘བྷགཝཏོ ཙ, སཱརིཔུཏྟ, ཝིཔསྶིསྶ བྷགཝཏོ ཙ སིཁིསྶ བྷགཝཏོ ཙ ཝེསྶབྷུསྶ བྲཧྨཙརིཡཾ ན ཙིརཊྛིཏིཀཾ ཨཧོསི. བྷགཝཏོ ཙ, སཱརིཔུཏྟ, ཀཀུསནྡྷསྶ བྷགཝཏོ ཙ ཀོཎཱགམནསྶ བྷགཝཏོ ཙ ཀསྶཔསྶ བྲཧྨཙརིཡཾ ¶ ཙིརཊྛིཏིཀཾ ཨཧོསཱི’’ཏི.

༡༩. ‘‘ཀོ ¶ ནུ ཁོ ¶ , བྷནྟེ, ཧེཏུ ཀོ པཙྩཡོ, ཡེན བྷགཝཏོ ཙ ཝིཔསྶིསྶ བྷགཝཏོ ཙ སིཁིསྶ བྷགཝཏོ ཙ ཝེསྶབྷུསྶ བྲཧྨཙརིཡཾ ན ཙིརཊྛིཏིཀཾ ཨཧོསཱི’’ཏི? ‘‘བྷགཝཱ ཙ, སཱརིཔུཏྟ, ཝིཔསྶཱི བྷགཝཱ ཙ སིཁཱི བྷགཝཱ ཙ ཝེསྶབྷཱུ ཀིལཱསུནོ ཨཧེསུཾ སཱཝཀཱནཾ ཝིཏྠཱརེན དྷམྨཾ དེསེཏུཾ. ཨཔྤཀཉྩ ནེསཾ ཨཧོསི སུཏྟཾ གེཡྻཾ ཝེཡྻཱཀརཎཾ གཱཐཱ ཨུདཱནཾ ཨིཏིཝུཏྟཀཾ ཛཱཏཀཾ ཨབྦྷུཏདྷམྨཾ ཝེདལླཾ. ཨཔཉྙཏྟཾ སཱཝཀཱནཾ སིཀྑཱཔདཾ. ཨནུདྡིཊྛཾ པཱཏིམོཀྑཾ. ཏེསཾ བུདྡྷཱནཾ བྷགཝནྟཱནཾ ཨནྟརདྷཱནེན བུདྡྷཱནུབུདྡྷཱནཾ སཱཝཀཱནཾ ཨནྟརདྷཱནེན ཡེ ཏེ པཙྪིམཱ སཱཝཀཱ ནཱནཱནཱམཱ ནཱནཱགོཏྟཱ ནཱནཱཛཙྩཱ ནཱནཱཀུལཱ པབྦཛིཏཱ ཏེ ཏཾ བྲཧྨཙརིཡཾ ཁིཔྤཉྙེཝ ཨནྟརདྷཱཔེསུཾ. སེཡྻཐཱཔི, སཱརིཔུཏྟ, ནཱནཱཔུཔྥཱནི ཕལཀེ ནིཀྑིཏྟཱནི སུཏྟེན ཨསངྒཧིཏཱནི ཏཱནི ཝཱཏོ ཝིཀིརཏི ཝིདྷམཏི ཝིདྡྷཾསེཏི. ཏཾ ཀིསྶ ཧེཏུ? ཡཐཱ ཏཾ སུཏྟེན ཨསངྒཧིཏཏྟཱ. ཨེཝམེཝ ཁོ, སཱརིཔུཏྟ, ཏེསཾ བུདྡྷཱནཾ བྷགཝནྟཱནཾ ཨནྟརདྷཱནེན བུདྡྷཱནུབུདྡྷཱནཾ སཱཝཀཱནཾ ཨནྟརདྷཱནེན ཡེ ཏེ པཙྪིམཱ སཱཝཀཱ ནཱནཱནཱམཱ ནཱནཱགོཏྟཱ ནཱནཱཛཙྩཱ ནཱནཱཀུལཱ པབྦཛིཏཱ ཏེ ཏཾ བྲཧྨཙརིཡཾ ཁིཔྤཉྙེཝ ཨནྟརདྷཱཔེསུཾ.

‘‘ཨཀིལཱསུནོ ཙ ཏེ བྷགཝནྟོ ཨཧེསུཾ སཱཝཀེ ཙེཏསཱ ཙེཏོ པརིཙྩ ཨོཝདིཏུཾ. བྷཱུཏཔུབྦཾ, ¶ སཱརིཔུཏྟ, ཝེསྶབྷཱུ བྷགཝཱ ཨརཧཾ སམྨཱསམྦུདྡྷོ ཨཉྙཏརསྨིཾ བྷིཾསནཀེ [བྷཱིསནཀེ (ཀ.)] ཝནསཎྜེ སཧསྶཾ བྷིཀྑུསངྒྷཾ ཙེཏསཱ ¶ ཙེཏོ པརིཙྩ ཨོཝདཏི ཨནུསཱསཏི – ‘ཨེཝཾ ཝིཏཀྐེཐ, མཱ ཨེཝཾ ཝིཏཀྐཡིཏྠ; ཨེཝཾ མནསིཀརོཐ, མཱ ཨེཝཾ མནསཱཀཏྠ [མནསཱཀརིཏྠ (ཀ.)]; ཨིདཾ པཛཧཐ, ཨིདཾ ཨུཔསམྤཛྫ ཝིཧརཐཱ’ཏི. ཨཐ ཁོ, སཱརིཔུཏྟ, ཏསྶ བྷིཀྑུསཧསྶསྶ ཝེསྶབྷུནཱ བྷགཝཏཱ ཨརཧཏཱ སམྨཱསམྦུདྡྷེན ཨེཝཾ ཨོཝདིཡམཱནཱནཾ ཨེཝཾ ཨནུསཱསིཡམཱནཱནཾ ཨནུཔཱདཱཡ ཨཱསཝེཧི ཙིཏྟཱནི ཝིམུཙྩིཾསུ. ཏཏྲ སུདཾ, སཱརིཔུཏྟ, བྷིཾསནཀསྶ ཝནསཎྜསྶ བྷིཾསནཀཏསྨིཾ ཧོཏི – ཡོ ཀོཙི ཨཝཱིཏརཱགོ ཏཾ ཝནསཎྜཾ པཝིསཏི, ཡེབྷུཡྻེན ལོམཱནི ཧཾསནྟི. ཨཡཾ ཁོ, སཱརིཔུཏྟ, ཧེཏུ ཨཡཾ པཙྩཡོ ཡེན བྷགཝཏོ ཙ ཝིཔསྶིསྶ བྷགཝཏོ ཙ སིཁིསྶ བྷགཝཏོ ཙ ཝེསྶབྷུསྶ བྲཧྨཙརིཡཾ ན ཙིརཊྛིཏིཀཾ ཨཧོསཱི’’ཏི.

༢༠. ‘‘ཀོ ¶ པན, བྷནྟེ, ཧེཏུ ཀོ པཙྩཡོ ཡེན བྷགཝཏོ ཙ ཀཀུསནྡྷསྶ བྷགཝཏོ ཙ ཀོཎཱགམནསྶ བྷགཝཏོ ཙ ཀསྶཔསྶ བྲཧྨཙརིཡཾ ཙིརཊྛིཏིཀཾ ཨཧོསཱི’’ཏི? ‘‘བྷགཝཱ ¶ ཙ, སཱརིཔུཏྟ, ཀཀུསནྡྷོ བྷགཝཱ ཙ ཀོཎཱགམནོ བྷགཝཱ ཙ ཀསྶཔོ ཨཀིལཱསུནོ ཨཧེསུཾ སཱཝཀཱནཾ ཝིཏྠཱརེན དྷམྨཾ དེསེཏུཾ. བཧུཉྩ ནེསཾ ཨཧོསི སུཏྟཾ གེཡྻཾ ཝེཡྻཱཀརཎཾ གཱཐཱ ཨུདཱནཾ ཨིཏིཝུཏྟཀཾ ཛཱཏཀཾ ཨབྦྷུཏདྷམྨཾ ཝེདལླཾ, པཉྙཏྟཾ སཱཝཀཱནཾ སིཀྑཱཔདཾ, ཨུདྡིཊྛཾ པཱཏིམོཀྑཾ. ཏེསཾ བུདྡྷཱནཾ བྷགཝནྟཱནཾ ཨནྟརདྷཱནེན བུདྡྷཱནུབུདྡྷཱནཾ སཱཝཀཱནཾ ཨནྟརདྷཱནེན ཡེ ཏེ པཙྪིམཱ སཱཝཀཱ ནཱནཱནཱམཱ ནཱནཱགོཏྟཱ ནཱནཱཛཙྩཱ ནཱནཱཀུལཱ པབྦཛིཏཱ ཏེ ཏཾ བྲཧྨཙརིཡཾ ཙིརཾ ¶ དཱིགྷམདྡྷཱནཾ ཋཔེསུཾ. སེཡྻཐཱཔི, སཱརིཔུཏྟ, ནཱནཱཔུཔྥཱནི ཕལཀེ ནིཀྑིཏྟཱནི སུཏྟེན སུསངྒཧིཏཱནི ཏཱནི ཝཱཏོ ན ཝིཀིརཏི ན ཝིདྷམཏི ན ཝིདྡྷཾསེཏི. ཏཾ ཀིསྶ ཧེཏུ? ཡཐཱ ཏཾ སུཏྟེན སུསངྒཧིཏཏྟཱ. ཨེཝམེཝ ཁོ, སཱརིཔུཏྟ, ཏེསཾ བུདྡྷཱནཾ བྷགཝནྟཱནཾ ཨནྟརདྷཱནེན བུདྡྷཱནུབུདྡྷཱནཾ སཱཝཀཱནཾ ཨནྟརདྷཱནེན ཡེ ཏེ པཙྪིམཱ སཱཝཀཱ ནཱནཱནཱམཱ ནཱནཱགོཏྟཱ ནཱནཱཛཙྩཱ ནཱནཱཀུལཱ པབྦཛིཏཱ ཏེ ཏཾ བྲཧྨཙརིཡཾ ཙིརཾ དཱིགྷམདྡྷཱནཾ ཋཔེསུཾ. ཨཡཾ ཁོ, སཱརིཔུཏྟ, ཧེཏུ ཨཡཾ པཙྩཡོ ཡེན བྷགཝཏོ ཙ ཀཀུསནྡྷསྶ བྷགཝཏོ ཙ ཀོཎཱགམནསྶ བྷགཝཏོ ཙ ཀསྶཔསྶ བྲཧྨཙརིཡཾ ཙིརཊྛིཏིཀཾ ཨཧོསཱི’’ཏི.

༢༡. ཨཐ ཁོ ཨཱཡསྨཱ སཱརིཔུཏྟོ ཨུཊྛཱཡཱསནཱ ཨེཀཾསཾ ཨུཏྟརཱསངྒཾ ཀརིཏྭཱ ཡེན བྷགཝཱ ཏེནཉྫལིཾ པཎཱམེཏྭཱ བྷགཝནྟཾ ཨེཏདཝོཙ – ‘‘ཨེཏསྶ, བྷགཝཱ, ཀཱལོ! ཨེཏསྶ, སུགཏ, ཀཱལོ! ཡཾ བྷགཝཱ སཱཝཀཱནཾ སིཀྑཱཔདཾ པཉྙཔེཡྻ [པཉྙཱཔེཡྻ (སཱི. སྱཱ.)], ཨུདྡིསེཡྻ པཱཏིམོཀྑཾ, ཡཐཡིདཾ བྲཧྨཙརིཡཾ ཨདྡྷནིཡཾ ཨསྶ ཙིརཊྛིཏིཀ’’ནྟི. ‘‘ཨཱགམེཧི ཏྭཾ, སཱརིཔུཏྟ ¶ ! ཨཱགམེཧི ཏྭཾ, སཱརིཔུཏྟ! ཏཐཱགཏོཝ ཏཏྠ ཀཱལཾ ཛཱནིསྶཏི. ན ཏཱཝ, སཱརིཔུཏྟ, སཏྠཱ སཱཝཀཱནཾ སིཀྑཱཔདཾ པཉྙཔེཏི ཨུདྡིསཏི [ན ཨུདྡིསཏི (སཱི.)] པཱཏིམོཀྑཾ ཡཱཝ ན ཨིདྷེཀཙྩེ ཨཱསཝཊྛཱནཱིཡཱ དྷམྨཱ སངྒྷེ པཱཏུབྷཝནྟི. ཡཏོ ཙ ཁོ, སཱརིཔུཏྟ, ཨིདྷེཀཙྩེ ཨཱསཝཊྛཱནཱིཡཱ དྷམྨཱ སངྒྷེ པཱཏུབྷཝནྟི, ཨཐ སཏྠཱ སཱཝཀཱནཾ སིཀྑཱཔདཾ ¶ པཉྙཔེཏི ཨུདྡིསྶཏི པཱཏིམོཀྑཾ ཏེསཾཡེཝ ཨཱསཝཊྛཱནཱིཡཱནཾ དྷམྨཱནཾ པཊིགྷཱཏཱཡ. ན ཏཱཝ, སཱརིཔུཏྟ, ཨིདྷེཀཙྩེ ཨཱསཝཊྛཱནཱིཡཱ དྷམྨཱ སངྒྷེ པཱཏུབྷཝནྟི ཡཱཝ ན སངྒྷོ རཏྟཉྙུམཧཏྟཾ པཏྟོ ཧོཏི. ཡཏོ ཙ ཁོ, སཱརིཔུཏྟ, སངྒྷོ རཏྟཉྙུམཧཏྟཾ པཏྟོ ཧོཏི ཨཐ ཨིདྷེཀཙྩེ ཨཱསཝཊྛཱནཱིཡཱ ¶ དྷམྨཱ སངྒྷེ པཱཏུབྷཝནྟི, ཨཐ, སཏྠཱ སཱཝཀཱནཾ སིཀྑཱཔདཾ པཉྙཔེཏི ¶ ཨུདྡིསཏི པཱཏིམོཀྑཾ ཏེསཾཡེཝ ཨཱསཝཊྛཱནཱིཡཱནཾ དྷམྨཱནཾ པཊིགྷཱཏཱཡ. ན ཏཱཝ, སཱརིཔུཏྟ, ཨིདྷེཀཙྩེ ཨཱསཝཊྛཱནཱིཡཱ དྷམྨཱ སངྒྷེ པཱཏུབྷཝནྟི, ཡཱཝ ན སངྒྷོ ཝེཔུལླམཧཏྟཾ པཏྟོ ཧོཏི. ཡཏོ ཙ ཁོ, སཱརིཔུཏྟ, སངྒྷོ ཝེཔུལླམཧཏྟཾ པཏྟོ ཧོཏི, ཨཐ ཨིདྷེཀཙྩེ ཨཱསཝཊྛཱནཱིཡཱ དྷམྨཱ སངྒྷེ པཱཏུབྷཝནྟི, ཨཐ སཏྠཱ སཱཝཀཱནཾ སིཀྑཱཔདཾ པཉྙཔེཏི ཨུདྡིསཏི པཱཏིམོཀྑཾ ཏེསཾཡེཝ ཨཱསཝཊྛཱནཱིཡཱནཾ དྷམྨཱནཾ པཊིགྷཱཏཱཡ. ན ཏཱཝ, སཱརིཔུཏྟ, ཨིདྷེཀཙྩེ ཨཱསཝཊྛཱནཱིཡཱ དྷམྨཱ སངྒྷེ པཱཏུབྷཝནྟི, ཡཱཝ ན སངྒྷོ ལཱབྷགྒམཧཏྟཾ པཏྟོ ཧོཏི. ཡཏོ ཙ ཁོ, སཱརིཔུཏྟ, སངྒྷོ ལཱབྷགྒམཧཏྟཾ པཏྟོ ཧོཏི, ཨཐ ཨིདྷེཀཙྩེ ཨཱསཝཊྛཱནཱིཡཱ དྷམྨཱ སངྒྷེ པཱཏུབྷཝནྟི, ཨཐ སཏྠཱ སཱཝཀཱནཾ སིཀྑཱཔདཾ པཉྙཔེཏི ཨུདྡིསཏི པཱཏིམོཀྑཾ ཏེསཾཡེཝ ཨཱསཝཊྛཱནཱིཡཱནཾ དྷམྨཱནཾ པཊིགྷཱཏཱཡ. ན ཏཱཝ, སཱརིཔུཏྟ, ཨིདྷེཀཙྩེ ཨཱསཝཊྛཱནཱིཡཱ དྷམྨཱ སངྒྷེ པཱཏུབྷཝནྟི, ཡཱཝ ན སངྒྷོ བཱཧུསཙྩམཧཏྟཾ པཏྟོ ཧོཏི. ཡཏོ ཙ ཁོ, སཱརིཔུཏྟ, སངྒྷོ བཱཧུསཙྩམཧཏྟཾ པཏྟོ ཧོཏི, ཨཐ ཨིདྷེཀཙྩེ ཨཱསཝཊྛཱནཱིཡཱ དྷམྨཱ སངྒྷེ པཱཏུབྷཝནྟི, ཨཐ སཏྠཱ སཱཝཀཱནཾ སིཀྑཱཔདཾ པཉྙཔེཏི ཨུདྡིསཏི པཱཏིམོཀྑཾ ཏེསཾཡེཝ ཨཱསཝཊྛཱནཱིཡཱནཾ དྷམྨཱནཾ པཊིགྷཱཏཱཡ. ནིརབྦུདོ ཧི, སཱརིཔུཏྟ, བྷིཀྑུསངྒྷོ ནིརཱདཱིནཝོ ཨཔགཏཀཱལ༹ཀོ སུདྡྷོ སཱརེ པཏིཊྛིཏོ. ཨིམེསཉྷི, སཱརིཔུཏྟ, པཉྩནྣཾ བྷིཀྑུསཏཱནཾ ཡོ པཙྪིམཀོ བྷིཀྑུ ¶ སོ སོཏཱཔནྣོ ཨཝིནིཔཱཏདྷམྨོ ནིཡཏོ སམྦོདྷིཔརཱཡཎོ’’ཏི.

༢༢. ཨཐ ཁོ བྷགཝཱ ཨཱཡསྨནྟཾ ཨཱནནྡཾ ཨཱམནྟེསི – ‘‘ཨཱཙིཎྞཾ ཁོ པནེཏཾ, ཨཱནནྡ, ཏཐཱགཏཱནཾ ཡེཧི ནིམནྟིཏཱ ཝསྶཾ ཝསནྟི, ན ཏེ ཨནཔལོཀེཏྭཱ ཛནཔདཙཱརིཀཾ པཀྐམནྟི. ཨཱཡཱམཱནནྡ, ཝེརཉྫཾ བྲཱཧྨཎཾ ཨཔལོཀེསྶཱམཱ’’ཏི. ‘‘ཨེཝཾ བྷནྟེ’’ཏི ཁོ ཨཱཡསྨཱ ཨཱནནྡོ བྷགཝཏོ པཙྩསྶོསི. ཨཐ ཁོ བྷགཝཱ ནིཝཱསེཏྭཱ པཏྟཙཱིཝརམཱདཱཡ ཨཱཡསྨཏཱ ཨཱནནྡེན པཙྪཱསམཎེན ཡེན ཝེརཉྫསྶ བྲཱཧྨཎསྶ ནིཝེསནཾ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཨཐ ཁོ ཝེརཉྫོ ¶ བྲཱཧྨཎོ ཡེན བྷགཝཱ ཏེནུཔསངྐམི ¶ ; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཝེརཉྫཾ བྲཱཧྨཎཾ བྷགཝཱ ཨེཏདཝོཙ – ‘‘ནིམནྟིཏམྷ ཏཡཱ, བྲཱཧྨཎ ¶ , ཝསྶཾཝུཊྛཱ [ཝསྶཾཝུཏྠཱ (སཱི. སྱཱ. ཀ.)], ཨཔལོཀེམ ཏཾ, ཨིཙྪཱམ མཡཾ ཛནཔདཙཱརིཀཾ པཀྐམིཏུ’’ནྟི. ‘‘སཙྩཾ, བྷོ གོཏམ, ནིམནྟིཏཏྠ མཡཱ ཝསྶཾཝུཊྛཱ; ཨཔི ཙ, ཡོ དེཡྻདྷམྨོ སོ ན དིནྣོ. ཏཉྩ ཁོ ནོ ཨསནྟཾ, ནོཔི ཨདཱཏུཀམྱཏཱ, ཏཾ ཀུཏེཏྠ ལབྦྷཱ བཧུཀིཙྩཱ གྷརཱཝཱསཱ བཧུཀརཎཱིཡཱ. ཨདྷིཝཱསེཏུ མེ བྷཝཾ གོཏམོ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ཁོ བྷགཝཱ ཝེརཉྫཾ བྲཱཧྨཎཾ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ ¶ པཀྐཱམི. ཨཐ ཁོ ཝེརཉྫོ བྲཱཧྨཎོ ཏསྶཱ རཏྟིཡཱ ཨཙྩཡེན སཀེ ནིཝེསནེ པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ བྷགཝཏོ ཀཱལཾ ཨཱརོཙཱཔེསི – ‘‘ཀཱལོ, བྷོ གོཏམ, ནིཊྛིཏཾ བྷཏྟ’’ནྟི.

༢༣. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན ཝེརཉྫསྶ བྲཱཧྨཎསྶ ནིཝེསནཾ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི སདྡྷིཾ བྷིཀྑུསངྒྷེན. ཨཐ ཁོ ཝེརཉྫོ བྲཱཧྨཎོ བུདྡྷཔྤམུཁཾ བྷིཀྑུསངྒྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེཏྭཱ སམྤཝཱརེཏྭཱ བྷགཝནྟཾ བྷུཏྟཱཝིཾ ཨོནཱིཏཔཏྟཔཱཎིཾ [ཨོཎཱིཏཔཏྟཔཱཎིཾ (ཀ.)] ཏིཙཱིཝརེན ཨཙྪཱདེསི, ཨེཀམེཀཉྩ བྷིཀྑུཾ ཨེཀམེཀེན དུསྶཡུགེན ཨཙྪཱདེསི. ཨཐ ཁོ བྷགཝཱ ཝེརཉྫཾ བྲཱཧྨཎཾ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ པཀྐཱམི. ཨཐ ཁོ བྷགཝཱ ཝེརཉྫཱཡཾ ཡཐཱབྷིརནྟཾ ཝིཧརིཏྭཱ ཨནུཔགམྨ སོརེཡྻཾ སངྐསྶཾ ཀཎྞཀུཛྫཾ ཡེན པཡཱགཔཏིཊྛཱནཾ ཏེནུཔསངྐམི; ཨུཔསངྐམིཏྭཱ པཡཱགཔཏིཊྛཱནེ གངྒཾ ནདིཾ ཨུཏྟརིཏྭཱ ཡེན བཱརཱཎསཱི ཏདཝསརི. ཨཐ ཁོ བྷགཝཱ བཱརཱཎསིཡཾ ཡཐཱབྷིརནྟཾ ཝིཧརིཏྭཱ ཡེན ཝེསཱལཱི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན ཝེསཱལཱི ཏདཝསརི. ཏཏྲ སུདཾ བྷགཝཱ ཝེསཱལིཡཾ ཝིཧརཏི མཧཱཝནེ ཀཱུཊཱགཱརསཱལཱཡནྟི.

ཝེརཉྫབྷཱཎཝཱརོ ནིཊྛིཏོ.

༡. པཱརཱཛིཀཀཎྜཾ

༡. པཋམཔཱརཱཛིཀཾ

སུདིནྣབྷཱཎཝཱརོ

༢༤. ཏེན ¶ ¶ ¶ ཁོ པན སམཡེན ཝེསཱལིཡཱ ཨཝིདཱུརེ ཀལནྡགཱམོ ནཱམ ཨཏྠི [ཀལནྡགཱམོ ནཱམ ཧོཏི (སཱི.), ཀལནྡགཱམོ ཧོཏི (སྱཱ.)]. ཏཏྠ སུདིནྣོ ནཱམ ཀལནྡཔུཏྟོ སེཊྛིཔུཏྟོ ཧོཏི. ཨཐ ཁོ སུདིནྣོ ཀལནྡཔུཏྟོ སམྦཧུལེཧི [སམྤཧཱུལེཧི (སཱི.)] སཧཱཡཀེཧི སདྡྷིཾ ཝེསཱལིཾ ཨགམཱསི ཀེནཙིདེཝ ཀརཎཱིཡེན ¶ . ཏེན ཁོ པན སམཡེན བྷགཝཱ མཧཏིཡཱ པརིསཱཡ པརིཝུཏོ དྷམྨཾ དེསེནྟོ ནིསིནྣོ ཧོཏི. ཨདྡས ཁོ སུདིནྣོ ཀལནྡཔུཏྟོ བྷགཝནྟཾ མཧཏིཡཱ པརིསཱཡ པརིཝུཏཾ དྷམྨཾ དེསེནྟཾ ནིསིནྣཾ. དིསྭཱནསྶ ཨེཏདཧོསི – ‘‘ཡཾནཱུནཱཧམྤི དྷམྨཾ སུཎེཡྻ’’ནྟི. ཨཐ ཁོ སུདིནྣོ ཀལནྡཔུཏྟོ ཡེན སཱ པརིསཱ ཏེནུཔསངྐམི; ཨུཔསངྐམིཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣསྶ ཁོ སུདིནྣསྶ ཀལནྡཔུཏྟསྶ ཨེཏདཧོསི – ‘‘ཡཐཱ ཡཐཱ ཁོ ཨཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ནཡིདཾ སུཀརཾ ཨགཱརཾ ཨཛ྄ཛྷཱཝསཏཱ ཨེཀནྟཔརིཔུཎྞཾ ཨེཀནྟཔརིསུདྡྷཾ སངྑལིཁིཏཾ བྲཧྨཙརིཡཾ ཙརིཏུཾ; ཡཾནཱུནཱཧཾ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛེཡྻ’’ནྟི. ཨཐ ཁོ སཱ པརིསཱ བྷགཝཏཱ དྷམྨིཡཱ ཀཐཱཡ སནྡསྶིཏཱ སམཱདཔིཏཱ སམུཏྟེཛིཏཱ སམྤཧཾསིཏཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི.

༢༥. ཨཐ ¶ ཁོ སུདིནྣོ ཀལནྡཔུཏྟོ ཨཙིརཝུཊྛིཏཱཡ པརིསཱཡ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སུདིནྣོ ཀལནྡཔུཏྟོ བྷགཝནྟཾ ཨེཏདཝོཙ – ‘‘ཡཐཱ ཡཐཱཧཾ, བྷནྟེ, བྷགཝཏཱ དྷམྨཾ དེསིཏཾ ཨཱཛཱནཱམི ¶ , ནཡིདཾ སུཀརཾ ཨགཱརཾ ཨཛ྄ཛྷཱཝསཏཱ ཨེཀནྟཔརིཔུཎྞཾ ཨེཀནྟཔརིསུདྡྷཾ སངྑལིཁིཏཾ བྲཧྨཙརིཡཾ ཙརིཏུཾ; ཨིཙྪཱམཧཾ, བྷནྟེ, ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛིཏུཾ. པབྦཱཛེཏུ མཾ བྷགཝཱ’’ཏི. ‘‘ཨནུཉྙཱཏོསི པན ཏྭཾ, སུདྡིནྣ, མཱཏཱཔིཏཱུཧི ཨགཱརསྨཱ ཨནགཱརིཡཾ པབྦཛྫཱཡཱ’’ཏི? ‘‘ན ཁོ ཨཧཾ, བྷནྟེ, ཨནུཉྙཱཏོ མཱཏཱཔིཏཱུཧི ཨགཱརསྨཱ ཨནགཱརིཡཾ ¶ པབྦཛྫཱཡཱ’’ཏི. ‘‘ན ཁོ, སུདིནྣ, ཏཐཱགཏཱ ཨནནུཉྙཱཏཾ མཱཏཱཔིཏཱུཧི པུཏྟཾ པབྦཱཛེནྟཱི’’ཏི. ‘‘སོཧཾ, བྷནྟེ, ཏཐཱ ཀརིསྶཱམི ཡཐཱ མཾ མཱཏཱཔིཏརོ ཨནུཛཱནིསྶནྟི ཨགཱརསྨཱ ཨནགཱརིཡཾ པབྦཛྫཱཡཱ’’ཏི.

༢༦. ཨཐ ཁོ སུདིནྣོ ཀལནྡཔུཏྟོ ཝེསཱལིཡཾ ཏཾ ཀརཎཱིཡཾ ཏཱིརེཏྭཱ ཡེན ཀལནྡགཱམོ ཡེན མཱཏཱཔིཏརོ ཏེནུཔསངྐམི; ཨུཔསངྐམིཏྭཱ མཱཏཱཔིཏརོ ཨེཏདཝོཙ – ‘‘ཨམྨཏཱཏཱ, ཡཐཱ ཡཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ནཡིདཾ སུཀརཾ ཨགཱརཾ ཨཛ྄ཛྷཱཝསཏཱ ཨེཀནྟཔརིཔུཎྞཾ ཨེཀནྟཔརིསུདྡྷཾ ¶ སངྑལིཁིཏཾ བྲཧྨཙརིཡཾ ཙརིཏུཾ; ཨིཙྪཱམཧཾ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ ¶ པབྦཛིཏུཾ. ཨནུཛཱནཱཐ མཾ ཨགཱརསྨཱ ཨནགཱརིཡཾ པབྦཛྫཱཡཱ’’ཏི. ཨེཝཾ ཝུཏྟེ སུདིནྣསྶ ཀལནྡཔུཏྟསྶ མཱཏཱཔིཏརོ སུདིནྣཾ ཀལནྡཔུཏྟཾ ཨེཏདཝོཙུཾ – ‘‘ཏྭཾ ཁོསི, ཏཱཏ སུདིནྣ, ཨམྷཱཀཾ ཨེཀཔུཏྟཀོ པིཡོ མནཱཔོ སུཁེདྷིཏོ སུཁཔརིཧཏོ. ན ཏྭཾ, ཏཱཏ སུདིནྣ, ཀིཉྩི དུཀྑསྶ ཛཱནཱསི. མརཎེནཔི མཡཾ ཏེ ཨཀཱམཀཱ ཝིནཱ བྷཝིསྶཱམ, ཀིཾ པན མཡཾ ཏཾ ཛཱིཝནྟཾ ཨནུཛཱནིསྶཱམ ཨགཱརསྨཱ ཨནགཱརིཡཾ པབྦཛྫཱཡཱ’’ཏི. དུཏིཡམྤི ཁོ སུདིནྣོ ཀལནྡཔུཏྟོ མཱཏཱཔིཏརོ ཨེཏདཝོཙ – ‘‘ཨམྨཏཱཏཱ, ཡཐཱ ཡཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ནཡིདཾ སུཀརཾ ཨགཱརཾ ཨཛ྄ཛྷཱཝསཏཱ ཨེཀནྟཔརིཔུཎྞཾ ཨེཀནྟཔརིསུདྡྷཾ སངྑལིཁིཏཾ བྲཧྨཙརིཡཾ ཙརིཏུཾ; ཨིཙྪཱམཧཾ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛིཏུཾ. ཨནུཛཱནཱཐ མཾ ཨགཱརསྨཱ ཨནགཱརིཡཾ པབྦཛྫཱཡཱ’’ཏི. དུཏིཡམྤི ཁོ སུདིནྣསྶ ཀལནྡཔུཏྟསྶ མཱཏཱཔིཏརོ སུདིནྣཾ ཀལནྡཔུཏྟཾ ཨེཏདཝོཙུཾ – ‘‘ཏྭཾ ཁོསི, ཏཱཏ སུདིནྣ, ཨམྷཱཀཾ ཨེཀཔུཏྟཀོ པིཡོ མནཱཔོ སུཁེདྷིཏོ སུཁཔརིཧཏོ. ན ཏྭཾ, ཏཱཏ སུདིནྣ, ཀིཉྩི དུཀྑསྶ ཛཱནཱསི. མརཎེནཔི མཡཾ ཏེ ཨཀཱམཀཱ ཝིནཱ བྷཝིསྶཱམ, ཀིཾ པན མཡཾ ཏཾ ཛཱིཝནྟཾ ཨནུཛཱནིསྶཱམ ཨགཱརསྨཱ ཨནགཱརིཡཾ པབྦཛྫཱཡཱ’’ཏི! ཏཏིཡམྤི ཁོ སུདིནྣོ ཀལནྡཔུཏྟོ མཱཏཱཔིཏརོ ཨེཏདཝོཙ – ‘‘ཨམྨཏཱཏཱ ¶ , ཡཐཱ ཡཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ནཡིདཾ སུཀརཾ ཨགཱརཾ ཨཛ྄ཛྷཱཝསཏཱ ཨེཀནྟཔརིཔུཎྞཾ ཨེཀནྟཔརིསུདྡྷཾ སངྑལིཁིཏཾ བྲཧྨཙརིཡཾ ཙརིཏུཾ; ཨིཙྪཱམཧཾ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛིཏུཾ ¶ . ཨནུཛཱནཱཐ མཾ ཨགཱརསྨཱ ཨནགཱརིཡཾ པབྦཛྫཱཡཱ’’ཏི. ཏཏིཡམྤི ¶ ཁོ སུདིནྣསྶ ཀལནྡཔུཏྟསྶ མཱཏཱཔིཏརོ སུདིནྣཾ ཀལནྡཔུཏྟཾ ཨེཏདཝོཙུཾ – ‘‘ཏྭཾ ཁོསི, ཏཱཏ སུདིནྣ, ཨམྷཱཀཾ ཨེཀཔུཏྟཀོ པིཡོ མནཱཔོ སུཁེདྷིཏོ སུཁཔརིཧཏོ. ན ཏྭཾ, ཏཱཏ སུདིནྣ, ཀིཉྩི དུཀྑསྶ ཛཱནཱསི. མརཎེནཔི མཡཾ ཏེ ཨཀཱམཀཱ ཝིནཱ བྷཝིསྶཱམ, ཀིཾ པན མཡཾ ཏཾ ཛཱིཝནྟཾ ཨནུཛཱནིསྶཱམ ཨགཱརསྨཱ ཨནགཱརིཡཾ པབྦཛྫཱཡཱ’’ཏི!

༢༧. ཨཐ ཁོ སུདིནྣོ ཀལནྡཔུཏྟོ – ‘‘ན མཾ མཱཏཱཔིཏརོ ཨནུཛཱནནྟི ཨགཱརསྨཱ ཨནགཱརིཡཾ པབྦཛྫཱཡཱ’’ཏི, ཏཏྠེཝ ཨནནྟརཧིཏཱཡ བྷཱུམིཡཱ ནིཔཛྫི – ཨིདྷེཝ མེ མརཎཾ བྷཝིསྶཏི པབྦཛྫཱ ཝཱཏི. ཨཐ ཁོ སུདིནྣོ ཀལནྡཔུཏྟོ ཨེཀམྤི བྷཏྟཾ ན བྷུཉྫི, དྭེཔི བྷཏྟཱནི ན བྷུཉྫི, ཏཱིཎིཔི བྷཏྟཱནི ན བྷུཉྫི, ཙཏྟཱརིཔི བྷཏྟཱནི ན བྷུཉྫི, པཉྩཔི བྷཏྟཱནི ན བྷུཉྫི, ཚཔི བྷཏྟཱནི ན བྷུཉྫི, སཏྟཔི བྷཏྟཱནི ན བྷུཉྫི.

༢༨. ཨཐ ཁོ སུདིནྣསྶ ཀལནྡཔུཏྟསྶ མཱཏཱཔིཏརོ སུདིནྣཾ ཀལནྡཔུཏྟཾ ཨེཏདཝོཙུཾ – ‘‘ཏྭཾ ཁོསི, ཏཱཏ སུདིནྣ, ཨམྷཱཀཾ ཨེཀཔུཏྟཀོ ¶ པིཡོ མནཱཔོ སུཁེདྷིཏོ སུཁཔརིཧཏོ. ན ཏྭཾ, ཏཱཏ སུདིནྣ, ཀིཉྩི དུཀྑསྶ ཛཱནཱསི. མརཎེནཔི མཡཾ ཏེ ཨཀཱམཀཱ ཝིནཱ བྷཝིསྶཱམ, ཀིཾ པན མཡཾ ཏཾ ཛཱིཝནྟཾ ཨནུཛཱནིསྶཱམ ཨགཱརསྨཱ ཨནགཱརིཡཾ པབྦཛྫཱཡ? ཨུཊྛེཧི, ཏཱཏ སུདིནྣ, བྷུཉྫ ཙ པིཝ ཙ པརིཙཱརེཧི ཙ, བྷུཉྫནྟོ པིཝནྟོ པརིཙཱརེནྟོ ཀཱམེ པརིབྷུཉྫནྟོ པུཉྙཱནི ཀརོནྟོ ཨབྷིརམསྶུ. ན ཏཾ མཡཾ ཨནུཛཱནཱམ ཨགཱརསྨཱ ཨནགཱརིཡཾ པབྦཛྫཱཡཱ’’ཏི. ཨེཝཾ ཝུཏྟེ སུདིནྣོ ཀལནྡཔུཏྟོ ཏུཎྷཱི ཨཧོསི. དུཏིཡམྤི ཁོ…པེ… ཏཏིཡམྤི ཁོ སུདིནྣསྶ ཀལནྡཔུཏྟསྶ མཱཏཱཔིཏརོ སུདིནྣཾ ཀལནྡཔུཏྟཾ ཨེཏདཝོཙུཾ – ‘‘ཏྭཾ ཁོསི, ཏཱཏ སུདིནྣ, ཨམྷཱཀཾ ཨེཀཔུཏྟཀོ པིཡོ མནཱཔོ སུཁེདྷིཏོ སུཁཔརིཧཏོ. ན ཏྭཾ, ཏཱཏ སུདིནྣ, ཀིཉྩི དུཀྑསྶ ཛཱནཱསི. མརཎེནཔི མཡཾ ཏེ ཨཀཱམཀཱ ཝིནཱ བྷཝིསྶཱམ, ཀིཾ པན མཡཾ ཏཾ ཛཱིཝནྟཾ ཨནུཛཱནིསྶཱམ ཨགཱརསྨཱ ཨནགཱརིཡཾ པབྦཛྫཱཡ! ཨུཊྛེཧི, ཏཱཏ སུདིནྣ, བྷུཉྫ ཙ པིཝ ཙ པརིཙཱརེཧི ཙ, བྷུཉྫནྟོ པིཝནྟོ པརིཙཱརེནྟོ ཀཱམེ པརིབྷུཉྫནྟོ པུཉྙཱནི ཀརོནྟོ ཨབྷིརམསྶུ. ན ཏཾ མཡཾ ཨནུཛཱནཱམ ཨགཱརསྨཱ ཨནགཱརིཡཾ པབྦཛྫཱཡཱ’’ཏི. ཏཏིཡམྤི ཁོ སུདིནྣོ ཀལནྡཔུཏྟོ ཏུཎྷཱི ཨཧོསི.

ཨཐ ཁོ སུདིནྣསྶ ཀལནྡཔུཏྟསྶ སཧཱཡཀཱ ཡེན སུདིནྣོ ཀལནྡཔུཏྟོ ཏེནུཔསངྐམིཾསུ; ཨུཔསངྐམིཏྭཱ ¶ སུདིནྣཾ ཀལནྡཔུཏྟཾ ཨེཏདཝོཙུཾ ¶ – ‘‘ཏྭཾ ཁོསི, སམྨ སུདིནྣ, མཱཏཱཔིཏཱུནཾ ¶ ཨེཀཔུཏྟཀོ པིཡོ མནཱཔོ ¶ སུཁེདྷིཏོ སུཁཔརིཧཏོ. ན ཏྭཾ, སམྨ སུདིནྣ, ཀིཉྩི དུཀྑསྶ ཛཱནཱསི. མརཎེནཔི ཏེ མཱཏཱཔིཏརོ ཨཀཱམཀཱ ཝིནཱ བྷཝིསྶནྟི, ཀིཾ པན ཏཾ ཛཱིཝནྟཾ ཨནུཛཱནིསྶནྟི ཨགཱརསྨཱ ཨནགཱརིཡཾ པབྦཛཱཡ! ཨུཊྛེཧི, སམྨ སུདིནྣ, བྷུཉྫ ཙ པིཝ ཙ པརིཙཱརེཧི ཙ, བྷུཉྫནྟོ པིཝནྟོ པརིཙཱརེནྟོ ཀཱམེ པརིབྷུཉྫནྟོ པུཉྙཱནི ཀརོནྟོ ཨབྷིརམསྶུ, ན ཏཾ མཱཏཱཔིཏརོ ཨནུཛཱནིསྶནྟི ཨགཱརསྨཱ ཨནགཱརིཡཾ པབྦཛྫཱཡཱ’’ཏི. ཨེཝཾ ཝུཏྟེ, སུདིནྣོ ཀལནྡཔུཏྟོ ཏུཎྷཱི ཨཧོསི. དུཏིཡམྤི ཁོ…པེ… ཏཏིཡམྤི ཁོ སུདིནྣསྶ ཀལནྡཔུཏྟསྶ སཧཱཡཀཱ སུདིནྣཾ ཀལནྡཔུཏྟཾ ཨེཏདཝོཙུཾ – ‘‘ཏྭཾ ཁོསི, སམྨ སུདིནྣ…པེ… ཏཏིཡམྤི ཁོ སུདིནྣོ ཀལནྡཔུཏྟོ ཏུཎྷཱི ཨཧོསི.

༢༩. ཨཐ ཁོ སུདིནྣསྶ ཀལནྡཔུཏྟསྶ སཧཱཡཀཱ ཡེན སུདིནྣསྶ ཀལནྡཔུཏྟསྶ མཱཏཱཔིཏརོ ཏེནུཔསངྐམིཾསུ; ཨུཔསངྐམིཏྭཱ སུདིནྣསྶ ཀལནྡཔུཏྟསྶ མཱཏཱཔིཏརོ ཨེཏདཝོཙུཾ – ‘‘ཨམྨཏཱཏཱ, ཨེསོ སུདིནྣོ ཨནནྟརཧིཏཱཡ བྷཱུམིཡཱ ནིཔནྣོ – ‘ཨིདྷེཝ མེ མརཎཾ བྷཝིསྶཏི པབྦཛྫཱ ཝཱ’ཏི. སཙེ ཏུམྷེ སུདིནྣཾ ནཱནུཛཱནིསྶཐ ཨགཱརསྨཱ ཨནགཱརིཡཾ པབྦཛྫཱཡ, ཏཏྠེཝ མརཎཾ ཨཱགམིསྶཏི. སཙེ པན ཏུམྷེ སུདིནྣཾ ཨནུཛཱནིསྶཐ ཨགཱརསྨཱ ཨནགཱརིཡཾ པབྦཛྫཱཡ, པབྦཛིཏམྤི ནཾ དཀྑིསྶཐ. སཙེ སུདིནྣོ ནཱབྷིརམིསྶཏི ཨགཱརསྨཱ ཨནགཱརིཡཾ པབྦཛྫཱཡ, ཀཱ ཏསྶ ཨཉྙཱ གཏི བྷཝིསྶཏི, ཨིདྷེཝ པཙྩཱགམིསྶཏི. ཨནུཛཱནཱཐ སུདིནྣཾ ཨགཱརསྨཱ ཨནགཱརིཡཾ པབྦཛྫཱཡཱ’’ཏི. ‘‘ཨནུཛཱནཱམ ¶ , ཏཱཏཱ, སུདིནྣཾ ཨགཱརསྨཱ ཨནགཱརིཡཾ པབྦཛྫཱཡཱ’’ཏི. ཨཐ ཁོ སུདིནྣསྶ ཀལནྡཔུཏྟསྶ སཧཱཡཀཱ ཡེན སུདིནྣོ ཀལནྡཔུཏྟོ ཏེནུཔསངྐམིཾསུ; ཨུཔསངྐམིཏྭཱ སུདིནྣཾ ཀལནྡཔུཏྟཾ ཨེཏདཝོཙུཾ – ‘‘ཨུཊྛེཧི, སམྨ སུདིནྣ, ཨནུཉྙཱཏོསི མཱཏཱཔིཏཱུཧི ཨགཱརསྨཱ ཨནགཱརིཡཾ པབྦཛྫཱཡཱ’’ཏི.

༣༠. ཨཐ ཁོ སུདིནྣོ ཀལནྡཔུཏྟོ – ‘‘ཨནུཉྙཱཏོམྷི ཀིར མཱཏཱཔིཏཱུཧི ཨགཱརསྨཱ ཨནགཱརིཡཾ པབྦཛྫཱཡཱ’’ཏི, ཧཊྛོ ཨུདགྒོ པཱཎིནཱ གཏྟཱནི པརིཔུཉྪནྟོ ཝུཊྛཱསི. ཨཐ ཁོ སུདིནྣོ ཀལནྡཔུཏྟོ ཀཏིཔཱཧཾ བལཾ གཱཧེཏྭཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསནྣོ ཁོ སུདིནྣོ ཀལནྡཔུཏྟོ ¶ བྷགཝནྟཾ ཨེཏདཝོཙ – ‘‘ཨནུཉྙཱཏོ [ཨནུཉྙཱཏོམྷི (སཱི. སྱཱ.)] ཨཧཾ, བྷནྟེ, མཱཏཱཔིཏཱུཧི ཨགཱརསྨཱ ཨནགཱརིཡཾ པབྦཛྫཱཡ. པབྦཱཛེཏུ མཾ བྷགཝཱ’’ཏི ¶ . ཨལཏྠ ཁོ སུདིནྣོ ཀལནྡཔུཏྟོ བྷགཝཏོ སནྟིཀེ པབྦཛྫཾ, ཨལཏྠ ཨུཔསམྤདཾ. ཨཙིརཱུཔསམྤནྣོ ཙ པནཱཡསྨཱ སུདིནྣོ ཨེཝརཱུཔེ དྷུཏགུཎེ སམཱདཱཡ ཝཏྟཏི, ཨཱརཉྙིཀོ ¶ ཧོཏི པིཎྜཔཱཏིཀོ པཾསུཀཱུལིཀོ སཔདཱནཙཱརིཀོ, ཨཉྙཏརཾ ཝཛྫིགཱམཾ ཨུཔནིསྶཱཡ ཝིཧརཏི.

ཏེན ཁོ པན སམཡེན ཝཛྫཱི དུབྦྷིཀྑཱ ཧོཏི དྭཱིཧིཏིཀཱ སེཏཊྛིཀཱ སལཱཀཱཝུཏྟཱ, ན སུཀརཱ ཨུཉྪེན པགྒཧེན ཡཱཔེཏུཾ. ཨཐ ཁོ ཨཱཡསྨཏོ སུདིནྣསྶ ཨེཏདཧོསི – ‘‘ཨེཏརཧི ཁོ ཝཛྫཱི དུབྦྷིཀྑཱ ¶ དྭཱིཧིཏིཀཱ སེཏཊྛིཀཱ སལཱཀཱཝུཏྟཱ, ན སུཀརཱ ཨུཉྪེན པགྒཧེན ཡཱཔེཏུཾ. བཧཱུ ཁོ པན མེ ཝེསཱལིཡཾ ཉཱཏཱི ཨཌྜྷཱ མཧདྡྷནཱ མཧཱབྷོགཱ པཧཱུཏཛཱཏརཱུཔརཛཏཱ པཧཱུཏཝིཏྟཱུཔཀརཎཱ པཧཱུཏདྷནདྷཉྙཱ. ཡཾནཱུནཱཧཾ ཉཱཏཱི ཨུཔནིསྶཱཡ ཝིཧརེཡྻཾ! ཉཱཏཱི མཾ [ཉཱཏཀཱཔི མཾ (སྱཱ.)] ནིསྶཱཡ དཱནཱནི དསྶནྟི པུཉྙཱནི ཀརིསྶནྟི, བྷིཀྑཱུ ཙ ལཱབྷཾ ལཙྪནྟི, ཨཧཉྩ པིཎྜཀེན ན ཀིལམིསྶཱམཱི’’ཏི. ཨཐ ཁོ ཨཱཡསྨཱ སུདིནྣོ སེནཱསནཾ སཾསཱམེཏྭཱ པཏྟཙཱིཝརམཱདཱཡ ཡེན ཝེསཱལཱི ཏེན པཀྐཱམི. ཨནུཔུབྦེན ཡེན ཝེསཱལཱི ཏདཝསརི. ཏཏྲ སུདཾ ཨཱཡསྨཱ སུདིནྣོ ཝེསཱལིཡཾ ཝིཧརཏི མཧཱཝནེ ཀཱུཊཱགཱརསཱལཱཡཾ. ཨསྶོསུཾ ཁོ ཨཱཡསྨཏོ སུདིནྣསྶ ཉཱཏཀཱ – ‘‘སུདིནྣོ ཀིར ཀལནྡཔུཏྟོ ཝེསཱལིཾ ཨནུཔྤཏྟོ’’ཏི. ཏེ ཨཱཡསྨཏོ སུདིནྣསྶ སཊྛིམཏྟེ ཐཱལིཔཱཀེ བྷཏྟཱབྷིཧཱརཾ ཨབྷིཧརིཾསུ. ཨཐ ཁོ ཨཱཡསྨཱ སུདིནྣོ ཏེ སཊྛིམཏྟེ ཐཱལིཔཱཀེ བྷིཀྑཱུནཾ ཝིསྶཛྫེཏྭཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཀལནྡགཱམཾ པིཎྜཱཡ པཱཝིསི. ཀལནྡགཱམེ སཔདཱནཾ པིཎྜཱཡ ཙརམཱནོ ཡེན སཀཔིཏུ ནིཝེསནཾ ཏེནུཔསངྐམི.

༣༡. ཏེན ཁོ པན སམཡེན ཨཱཡསྨཏོ སུདིནྣསྶ ཉཱཏིདཱསཱི ཨཱབྷིདོསིཀཾ ཀུམྨཱསཾ ཚཌྜེཏུཀཱམཱ [ཚཊྚེཏུཀཱམཱ (ཀ.)] ཧོཏི. ཨཐ ཁོ ཨཱཡསྨཱ སུདིནྣོ ཏཾ ཉཱཏིདཱསིཾ ཨེཏདཝོཙ – ‘‘སཙེ ཏཾ, བྷགིནི, ཚཌྜནཱིཡདྷམྨཾ ¶ , ཨིདྷ མེ པཏྟེ ཨཱཀིརཱ’’ཏི. ཨཐ ཁོ ཨཱཡསྨཏོ སུདིནྣསྶ ཉཱཏིདཱསཱི ཏཾ ཨཱབྷིདོསིཀཾ ¶ ཀུམྨཱསཾ ཨཱཡསྨཏོ སུདིནྣསྶ པཏྟེ ཨཱཀིརནྟཱི ཧཏྠཱནཉྩ པཱདཱནཉྩ སརསྶ ཙ ནིམིཏྟཾ ཨགྒཧེསི. ཨཐ ཁོ ཨཱཡསྨཏོ སུདིནྣསྶ ཉཱཏིདཱསཱི ཡེནཱཡསྨཏོ སུདིནྣསྶ མཱཏཱ ཏེནུཔསངྐམི; ཨུཔསངྐམིཏྭཱ ཨཱཡསྨཏོ སུདིནྣསྶ མཱཏརཾ ཨེཏདཝོཙ – ‘‘ཡགྒྷེཡྻེ, ཛཱནེཡྻཱསི, ཨཡྻཔུཏྟོ སུདིནྣོ ཨནུཔྤཏྟོ’’ཏི. ‘‘སཙེ, ཛེ, ཏྭཾ སཙྩཾ བྷཎསི, ཨདཱསིཾ ཏཾ ཀརོམཱི’’ཏི.

༣༢. ཏེན ཁོ པན སམཡེན ཨཱཡསྨཱ སུདིནྣོ ཏཾ ཨཱབྷིདོསིཀཾ ཀུམྨཱསཾ ཨཉྙཏརཾ ཀུཊྚམཱུལཾ [ཀུཌྜམཱུལཾ (སཱི. སྱཱ.)] ནིསྶཱཡ པརིབྷུཉྫཏི. པིཏཱཔི ཁོ ཨཱཡསྨཏོ ¶ སུདིནྣསྶ ཀམྨནྟཱ ཨཱགཙྪནྟོ ཨདྡས ཨཱཡསྨནྟཾ སུདིནྣཾ ཏཾ ཨཱབྷིདོསིཀཾ ཀུམྨཱསཾ ཨཉྙཏརཾ ཀུཊྚམཱུལཾ ནིསྶཱཡ པརིབྷུཉྫནྟཾ ¶ . དིསྭཱན ཡེནཱཡསྨཱ སུདིནྣོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ སུདིནྣཾ ཨེཏདཝོཙ – ‘‘ཨཏྠི ནཱམ, ཏཱཏ སུདིནྣ, ཨཱབྷིདོསིཀཾ ཀུམྨཱསཾ པརིབྷུཉྫིསྶསི! ནནུ ནཱམ, ཏཱཏ སུདིནྣ, སཀཾ གེཧཾ གནྟབྦ’’ནྟི? ‘‘ཨགམིམྷ [ཨགམམྷཱ (ཀ.)] ཁོ ཏེ གཧཔཏི, གེཧཾ. ཏཏོཡཾ ཨཱབྷིདོསིཀོ ཀུམྨཱསོ’’ཏི. ཨཐ ཁོ ཨཱཡསྨཏོ སུདིནྣསྶ པིཏཱ ཨཱཡསྨཏོ སུདིནྣསྶ བཱཧཱཡཾ གཧེཏྭཱ ཨཱཡསྨནྟཾ སུདིནྣཾ ཨེཏདཝོཙ – ‘‘ཨེཧི, ཏཱཏ སུདིནྣ, གྷརཾ གམིསྶཱམཱ’’ཏི. ཨཐ ཁོ ཨཱཡསྨཱ སུདིནྣོ ཡེན སཀཔིཏུ ནིཝེསནཾ ཏེནུཔསངྐམི ¶ ; ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཨཐ ཁོ ཨཱཡསྨཏོ སུདིནྣསྶ པིཏཱ ཨཱཡསྨནྟཾ སུདིནྣཾ ཨེཏདཝོཙ – ‘‘བྷུཉྫ, ཏཱཏ སུདིནྣཱ’’ཏི. ‘‘ཨལཾ, གཧཔཏི, ཀཏཾ མེ ཨཛྫ བྷཏྟཀིཙྩ’’ནྟི. ‘‘ཨདྷིཝཱསེཧི, ཏཱཏ སུདིནྣ, སྭཱཏནཱཡ བྷཏྟ’’ནྟི. ཨདྷིཝཱསེསི ཁོ ཨཱཡསྨཱ སུདིནྣོ ཏུཎྷཱིབྷཱཝེན. ཨཐ ཁོ ཨཱཡསྨཱ སུདིནྣོ ཨུཊྛཱཡཱསནཱ པཀྐཱམི.

༣༣. ཨཐ ཁོ ཨཱཡསྨཏོ སུདིནྣསྶ མཱཏཱ ཏསྶཱ རཏྟིཡཱ ཨཙྩཡེན ཧརིཏེན གོམཡེན པཐཝིཾ ཨོཔུཉྫཱཔེཏྭཱ [ཨོཔུཙྪཱཔེཏྭཱ (སཱི. སྱཱ.)] དྭེ པུཉྫེ ཀཱརཱཔེསི – ཨེཀཾ ཧིརཉྙསྶ, ཨེཀཾ སུཝཎྞསྶ. ཏཱཝ མཧནྟཱ པུཉྫཱ ཨཧེསུཾ, ཨོརཏོ ཋིཏོ པུརིསོ པཱརཏོ ཋིཏཾ པུརིསཾ ན པསྶཏི; པཱརཏོ ཋིཏོ པུརིསོ ཨོརཏོ ཋིཏཾ པུརིསཾ ན པསྶཏི. ཏེ པུཉྫེ ཀིལཉྫེཧི པཊིཙྪཱདཱཔེཏྭཱ མཛ྄ཛྷེ ཨཱསནཾ པཉྙཱཔེཏྭཱ ཏིརོཀརཎཱིཡཾ པརིཀྑིཔིཏྭཱ ཨཱཡསྨཏོ ¶ སུདིནྣསྶ པུརཱཎདུཏིཡིཀཾ ཨཱམནྟེསི – ‘‘ཏེན ཧི, ཝདྷུ, ཡེན ཨལངྐཱརེན ཨལངྐཏཱ པུཏྟསྶ མེ སུདིནྣསྶ པིཡཱ ཨཧོསི མནཱཔཱ ཏེན ཨལངྐཱརེན ཨལངྐརཱ’’ཏི. ‘‘ཨེཝཾ, ཨཡྻེ’’ཏི, ཁོ ཨཱཡསྨཏོ སུདིནྣསྶ པུརཱཎདུཏིཡིཀཱ ཨཱཡསྨཏོ སུདིནྣསྶ མཱཏུཡཱ པཙྩསྶོསི.

༣༤. ཨཐ ཁོ ཨཱཡསྨཱ སུདིནྣོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན སཀཔིཏུ ནིཝེསནཾ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཨཐ ཁོ ཨཱཡསྨཏོ སུདིནྣསྶ ¶ པིཏཱ ཡེནཱཡསྨཱ སུདིནྣོ ཏེནུཔསངྐམི; ཨུཔསངྐམིཏྭཱ ཏེ པུཉྫེ ཝིཝརཱཔེཏྭཱ ཨཱཡསྨནྟཾ སུདིནྣཾ ཨེཏདཝོཙ – ‘‘ཨིདཾ ཏེ, ཏཱཏ སུདིནྣ, མཱཏུ མཏྟིཀཾ ཨིཏྠིཀཱཡ ཨིཏྠིདྷནཾ, ཨཉྙཾ པེཏྟིཀཾ ཨཉྙཾ པིཏཱམཧཾ. ལབྦྷཱ, ཏཱཏ སུདིནྣ, ཧཱིནཱཡཱཝཏྟིཏྭཱ བྷོགཱ ཙ བྷུཉྫིཏུཾ པུཉྙཱནི ཙ ཀཱཏུཾ. ཨེཧི ཏྭཾ, ཏཱཏ སུདིནྣ, ཧཱིནཱཡཱཝཏྟིཏྭཱ བྷོགེ ཙ བྷུཉྫསྶུ པུཉྙཱནི ཙ ཀརོཧཱི’’ཏི ¶ . ‘‘ཏཱཏ, ན ཨུསྶཧཱམི ན ཝིསཧཱམི, ཨབྷིརཏོ ཨཧཾ བྲཧྨཙརིཡཾ ཙརཱམཱི’’ཏི. དུཏིཡམྤི ཁོ…པེ… ཏཏིཡམྤི ཁོ ཨཱཡསྨཏོ སུདིནྣསྶ པིཏཱ ཨཱཡསྨནྟཾ སུདིནྣཾ ཨེཏདཝོཙ – ‘‘ཨིདཾ ཏེ, ཏཱཏ སུདིནྣ, མཱཏུ མཏྟིཀཾ, ཨིཏྠིཀཱཡ ཨིཏྠིདྷནཾ, ཨཉྙཾ པེཏྟིཀཾ ¶ , ཨཉྙཾ པིཏཱམཧཾ. ལབྦྷཱ, ཏཱཏ སུདིནྣ, ཧཱིནཱཡཱཝཏྟིཏྭཱ བྷོགཱ ཙ བྷུཉྫིཏུཾ པུཉྙཱནི ཙ ཀཱཏུཾ. ཨེཧི ཏྭཾ, ཏཱཏ སུདིནྣ, ཧཱིནཱཡཱཝཏྟིཏྭཱ བྷོགེ ཙ བྷུཉྫསྶུ པུཉྙཱནི ཙ ཀརོཧཱི’’ཏི. ‘‘ཝདེཡྻཱམ ཁོ ཏཾ, གཧཔཏི, སཙེ ཏྭཾ ནཱཏིཀཌྜྷེཡྻཱསཱི’’ཏི. ‘‘ཝདེཧི, ཏཱཏ སུདིནྣཱ’’ཏི. ཏེན ཧི ཏྭཾ, གཧཔཏི, མཧནྟེ མཧནྟེ སཱཎིཔསིབྦཀེ ཀཱརཱཔེཏྭཱ ཧིརཉྙསུཝཎྞསྶ པཱུརཱཔེཏྭཱ སཀཊེཧི ནིབྦཱཧཱཔེཏྭཱ མཛ྄ཛྷེ གངྒཱཡ སོཏེ ཨོཔཱཏེཧི [ཨོསཱདེཧི (སཱི. སྱཱ.)]. ཏཾ ཀིསྶ ཧེཏུ? ཡཉྷི ཏེ, གཧཔཏི, བྷཝིསྶཏི ཏཏོནིདཱནཾ བྷཡཾ ཝཱ ཚམྦྷིཏཏྟཾ ཝཱ ལོམཧཾསོ ཝཱ ཨཱརཀྑོ ཝཱ སོ ཏེ ན བྷཝིསྶཏཱི’’ཏི. ཨེཝཾ ཝུཏྟེ, ཨཱཡསྨཏོ སུདིནྣསྶ པིཏཱ ཨནཏྟམནོ ¶ ཨཧོསི – ‘‘ཀཐཉྷི ནཱམ པུཏྟོ སུདིནྣོ ཨེཝཾ ཝཀྑཏཱི’’ཏི!

༣༥. ཨཐ ཁོ ཨཱཡསྨཏོ སུདིནྣསྶ པིཏཱ ཨཱཡསྨཏོ སུདིནྣསྶ པུརཱཎདུཏིཡིཀཾ ཨཱམནྟེསི – ‘‘ཏེན ཧི, ཝདྷུ, ཏྭཾ པིཡཱ ཙ མནཱཔཱ ཙ [ཏྭམྤི ཡཱཙ (སཱི.)]. ཨཔྤེཝ ¶ ནཱམ པུཏྟོ སུདིནྣོ ཏུཡ྄ཧམྤི ཝཙནཾ ཀརེཡྻཱ’’ཏི! ཨཐ ཁོ ཨཱཡསྨཏོ སུདིནྣསྶ པུརཱཎདུཏིཡིཀཱ ཨཱཡསྨཏོ སུདིནྣསྶ པཱདེསུ གཧེཏྭཱ ཨཱཡསྨནྟཾ སུདིནྣཾ ཨེཏདཝོཙ – ‘‘ཀཱིདིསཱ ནཱམ ཏཱ, ཨཡྻཔུཏྟ, ཨཙྪརཱཡོ ཡཱསཾ ཏྭཾ ཧེཏུ བྲཧྨཙརིཡཾ ཙརསཱི’’ཏི? ‘‘ན ཁོ ཨཧཾ, བྷགིནི, ཨཙྪརཱནཾ ཧེཏུ བྲཧྨཙརིཡཾ ཙརཱམཱི’’ཏི. ཨཐ ཁོ ཨཱཡསྨཏོ སུདིནྣསྶ པུརཱཎདུཏིཡིཀཱ – ‘‘ཨཛྫཏགྒེ མཾ ཨཡྻཔུཏྟོ སུདིནྣོ བྷགིནིཝཱདེན སམུདཱཙརཏཱི’’ཏི, ཏཏྠེཝ མུཙྪིཏཱ པཔཏཱ.

ཨཐ ཁོ ཨཱཡསྨཱ སུདིནྣོ པིཏརཾ ཨེཏདཝོཙ – ‘‘སཙེ, གཧཔཏི, བྷོཛནཾ དཱཏབྦཾ དེཐ, མཱ ནོ ཝིཧེཋཡིཏྠཱ’’ཏི. ‘‘བྷུཉྫ, ཏཱཏ སུདིནྣཱ’’ཏི. ཨཐ ཁོ ཨཱཡསྨཏོ སུདིནྣསྶ མཱཏཱ ཙ པིཏཱ ཙ ཨཱཡསྨནྟཾ སུདིནྣཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེསུཾ སམྤཝཱརེསུཾ. ཨཐ ཁོ ཨཱཡསྨཏོ སུདིནྣསྶ མཱཏཱ ཨཱཡསྨནྟཾ སུདིནྣཾ བྷུཏྟཱཝིཾ ཨོནཱིཏཔཏྟཔཱཎིཾ ཨེཏདཝོཙ – ‘‘ཨིདཾ, ཏཱཏ སུདིནྣ, ཀུལཾ ཨཌྜྷཾ མཧདྡྷནཾ མཧཱབྷོགཾ པཧཱུཏཛཱཏརཱུཔརཛཏཾ པཧཱུཏཝིཏྟཱུཔཀརཎཾ པཧཱུཏདྷནདྷཉྙཾ. ལབྦྷཱ, ཏཱཏ སུདིནྣ, ཧཱིནཱཡཱཝཏྟིཏྭཱ བྷོགཱ ཙ བྷུཉྫིཏུཾ པུཉྙཱནི ཙ ཀཱཏུཾ. ཨེཧི ཏྭཾ, ཏཱཏ སུདིནྣ, ཧཱིནཱཡཱཝཏྟིཏྭཱ བྷོགེ ཙ བྷུཉྫསྶུ པུཉྙཱནི ཙ ཀརོཧཱི’’ཏི. ‘‘ཨམྨ, ན ཨུསྶཧཱམི ན ཝིསཧཱམི ¶ , ཨབྷིརཏོ ¶ ཨཧཾ བྲཧྨཙརིཡཾ ཙརཱམཱི’’ཏི. དུཏིཡམྤི ཁོ…པེ… ཏཏིཡམྤི ཁོ ཨཱཡསྨཏོ སུདིནྣསྶ མཱཏཱ ཨཱཡསྨནྟཾ སུདིནྣཾ ཨེཏདཝོཙ – ‘‘ཨིདཾ, ཏཱཏ སུདིནྣ, ཀུལཾ ཨཌྜྷཾ མཧདྡྷནཾ མཧཱབྷོགཾ པཧཱུཏཛཱཏརཱུཔརཛཏཾ པཧཱུཏཝིཏྟཱུཔཀརཎཾ པཧཱུཏདྷནདྷཉྙཾ [པཧཱུཏདྷནདྷཉྙཾ (པ. ཙརཱམཱིཏི) ཨིཏིཔཱཋོ སབྦཏྠ ནཏྠི, ཨཱུནོ མཉྙེ]. ཏེན ཧི, ཏཱཏ སུདིནྣ, བཱིཛཀམྤི དེཧི – མཱ ནོ ཨཔུཏྟཀཾ སཱཔཏེཡྻཾ ལིཙྪཝཡོ ཨཏིཧརཱཔེསུ’’ནྟི. ‘‘ཨེཏཾ ཁོ མེ, ཨམྨ, སཀྐཱ ¶ ཀཱཏུ’’ནྟི. ‘‘ཀཧཾ པན, ཏཱཏ སུདིནྣ, ཨེཏརཧི ཝིཧརསཱི’’ཏི? ‘‘མཧཱཝནེ, ཨམྨཱ’’ཏི. ཨཐ ཁོ ཨཱཡསྨཱ སུདིནྣོ ཨུཊྛཱཡཱསནཱ པཀྐཱམི.

༣༦. ཨཐ ཁོ ཨཱཡསྨཏོ སུདིནྣསྶ མཱཏཱ ཨཱཡསྨཏོ སུདིནྣསྶ པུརཱཎདུཏིཡིཀཾ ཨཱམནྟེསི – ‘‘ཏེན ཧི, ཝདྷུ, ཡདཱ ཨུཏུནཱི ཧོསི, པུཔྥཾ ཏེ ཨུཔྤནྣཾ ཧོཏི, ཨཐ མེ ཨཱརོཙེཡྻཱསཱི’’ཏི. ‘‘ཨེཝཾ ཨཡྻེ’’ཏི ཁོ ཨཱཡསྨཏོ སུདིནྣསྶ པུརཱཎདུཏིཡིཀཱ ཨཱཡསྨཏོ སུདིནྣསྶ མཱཏུཡཱ པཙྩསྶོསི. ཨཐ ཁོ ཨཱཡསྨཏོ སུདིནྣསྶ པུརཱཎདུཏིཡིཀཱ ནཙིརསྶེཝ ¶ ཨུཏུནཱི ཨཧོསི, པུཔྥཾསཱ ཨུཔྤཛྫི. ཨཐ ཁོ ཨཱཡསྨཏོ སུདིནྣསྶ པུརཱཎདུཏིཡིཀཱ ཨཱཡསྨཏོ སུདིནྣསྶ མཱཏརཾ ཨེཏདཝོཙ – ‘‘ཨུཏུནཱིམྷི, ཨཡྻེ, པུཔྥཾ མེ ཨུཔྤནྣ’’ནྟི. ‘‘ཏེན ཧི, ཝདྷུ, ཡེན ཨལངྐཱརེན ཨལངྐཏཱ པུཏྟསྶ སུདིནྣསྶ པིཡཱ ཨཧོསི མནཱཔཱ ཏེན ཨལངྐཱརེན ཨལངྐརཱ’’ཏི. ‘‘ཨེཝཾ ཨཡྻེ’’ཏི ཁོ ཨཱཡསྨཏོ སུདིནྣསྶ པུརཱཎདུཏིཡིཀཱ ཨཱཡསྨཏོ སུདིནྣསྶ མཱཏུཡཱ པཙྩསྶོསི. ཨཐ ཁོ ཨཱཡསྨཏོ ¶ སུདིནྣསྶ མཱཏཱ ཨཱཡསྨཏོ སུདིནྣསྶ པུརཱཎདུཏིཡིཀཾ ཨཱདཱཡ ཡེན མཧཱཝནཾ ཡེནཱཡསྨཱ སུདིནྣོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ སུདིནྣཾ ཨེཏདཝོཙ – ‘‘ཨིདཾ, ཏཱཏ སུདིནྣ, ཀུལཾ ཨཌྜྷཾ མཧདྡྷནཾ མཧཱབྷོགཾ པཧཱུཏཛཱཏརཱུཔརཛཏཾ པཧཱུཏཝིཏྟཱུཔཀརཎཾ པཧཱུཏདྷནདྷཉྙཾ. ལབྦྷཱ, ཏཱཏ སུདིནྣ, ཧཱིནཱཡཱཝཏྟིཏྭཱ བྷོགཱ ཙ བྷུཉྫིཏུཾ པུཉྙཱནི ཙ ཀཱཏུཾ. ཨེཧི ཏྭཾ, ཏཱཏ སུདིནྣ, ཧཱིནཱཡཱཝཏྟིཏྭཱ བྷོགེ ཙ བྷུཉྫསྶུ པུཉྙཱནི ཙ ཀརོཧཱི’’ཏི. ‘‘ཨམྨ, ན ཨུསྶཧཱམི ན ཝིསཧཱམི, ཨབྷིརཏོ ཨཧཾ བྲཧྨཙརིཡཾ ཙརཱམཱི’’ཏི. དུཏིཡམྤི ཁོ…པེ… ཏཏིཡམྤི ཁོ ཨཱཡསྨཏོ སུདིནྣསྶ མཱཏཱ ཨཱཡསྨནྟཾ སུདིནྣཾ ཨེཏདཝོཙ – ‘‘ཨིདཾ, ཏཱཏ སུདིནྣ, ཀུལཾ ཨཌྜྷཾ མཧདྡྷནཾ མཧཱབྷོགཾ པཧཱུཏཛཱཏརཱུཔརཛཏཾ པཧཱུཏཝིཏྟཱུཔཀརཎཾ པཧཱུཏདྷནདྷཉྙཾ. ཏེན ཧི, ཏཱཏ སུདིནྣ, བཱིཛཀམྤི དེཧི – མཱ ནོ ཨཔུཏྟཀཾ སཱཔཏེཡྻཾ ལིཙྪཝཡོ ཨཏིཧརཱཔེསུ’’ནྟི. ‘‘ཨེཏཾ ཁོ མེ, ཨམྨ, སཀྐཱ ཀཱཏུ’’ནྟི, པུརཱཎདུཏིཡིཀཱཡ བཱཧཱཡཾ གཧེཏྭཱ མཧཱཝནཾ ཨཛ྄ཛྷོགཱཧེཏྭཱ ཨཔཉྙཏྟེ སིཀྑཱཔདེ ཨནཱདཱིནཝདསྶོ པུརཱཎདུཏིཡིཀཱཡ ཏིཀྑཏྟུཾ མེཐུནཾ དྷམྨཾ ཨབྷིཝིཉྙཱཔེསི. སཱ ཏེན གབྦྷཾ གཎྷི. བྷུམྨཱ དེཝཱ སདྡམནུསྶཱཝེསུཾ – ‘‘ནིརབྦུདོ ཝཏ, བྷོ, བྷིཀྑུསངྒྷོ ནིརཱདཱིནཝོ; སུདིནྣེན ཀལནྡཔུཏྟེན ཨབྦུདཾ ཨུཔྤཱདིཏཾ, ཨཱདཱིནཝོ ཨུཔྤཱདིཏོ’’ཏི. བྷུམྨཱནཾ དེཝཱནཾ སདྡཾ སུཏྭཱ ཙཱཏུམཧཱརཱཛིཀཱ [ཙཱཏུམྨཧཱརཱཛིཀཱ (སཱི. སྱཱ.)] དེཝཱ སདྡམནུསྶཱཝེསུཾ…པེ… ཏཱཝཏིཾསཱ དེཝཱ… ཡཱམཱ དེཝཱ ¶ … ཏུསིཏཱ དེཝཱ… ནིམྨཱནརཏཱི དེཝཱ… པརནིམྨིཏཝསཝཏྟཱི ¶ དེཝཱ… བྲཧྨཀཱཡིཀཱ དེཝཱ སདྡམནུསྶཱཝེསུཾ – ‘‘ནིརབྦུདོ ཝཏ, བྷོ, བྷིཀྑུསངྒྷོ ནིརཱདཱིནཝོ; སུདིནྣེན ཀལནྡཔུཏྟེན ཨབྦུདཾ ¶ ཨུཔྤཱདིཏཾ, ཨཱདཱིནཝོ ཨུཔྤཱདིཏོ’’ཏི. ཨིཏིཧ ཏེན ཁཎེན ཏེན མུཧུཏྟེན ཡཱཝ བྲཧྨལོཀཱ སདྡོ ཨབྦྷུགྒཙྪི.

ཨཐ ¶ ཁོ ཨཱཡསྨཏོ སུདིནྣསྶ པུརཱཎདུཏིཡིཀཱ ཏསྶ གབྦྷསྶ པརིཔཱཀམནྭཱཡ པུཏྟཾ ཝིཛཱཡི. ཨཐ ཁོ ཨཱཡསྨཏོ སུདིནྣསྶ སཧཱཡཀཱ ཏསྶ དཱརཀསྶ ‘བཱིཛཀོ’ཏི ནཱམཾ ཨཀཾསུ. ཨཱཡསྨཏོ སུདིནྣསྶ པུརཱཎདུཏིཡིཀཱཡ བཱིཛཀམཱཏཱཏི ནཱམཾ ཨཀཾསུ. ཨཱཡསྨཏོ སུདིནྣསྶ བཱིཛཀཔིཏཱཏི ནཱམཾ ཨཀཾསུ. ཏེ ཨཔརེན སམཡེན ཨུབྷོ ཨགཱརསྨཱ ཨནགཱརིཡཾ པབྦཛིཏྭཱ ཨརཧཏྟཾ སཙྪཱཀཾསུ.

༣༧. ཨཐ ཁོ ཨཱཡསྨཏོ སུདིནྣསྶ ཨཧུདེཝ ཀུཀྐུཙྩཾ, ཨཧུ ཝིཔྤཊིསཱརོ – ‘‘ཨལཱབྷཱ ཝཏ མེ, ན ཝཏ མེ ལཱབྷཱ! དུལླདྡྷཾ ཝཏ མེ, ན ཝཏ མེ སུལདྡྷཾ! ཡོཧཾ ཨེཝཾ སྭཱཀྑཱཏེ དྷམྨཝིནཡེ པབྦཛིཏྭཱ ནཱསཀྑིཾ ཡཱཝཛཱིཝཾ པརིཔུཎྞཾ པརིསུདྡྷཾ བྲཧྨཙརིཡཾ ཙརིཏུ’’ནྟི. སོ ཏེནེཝ ཀུཀྐུཙྩེན ཏེན ཝིཔྤཊིསཱརེན ཀིསོ ཨཧོསི ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ ཨནྟོམནོ ལཱིནམནོ དུཀྑཱི དུམྨནོ ཝིཔྤཊིསཱརཱི པཛ྄ཛྷཱཡི.

༣༨. ཨཐ ཁོ ཨཱཡསྨཏོ སུདིནྣསྶ སཧཱཡཀཱ བྷིཀྑཱུ ཨཱཡསྨནྟཾ སུདིནྣཾ ཨེཏདཝོཙུཾ – ‘‘པུབྦེ ཁོ ཏྭཾ, ཨཱཝུསོ སུདིནྣ, ཝཎྞཝཱ ཨཧོསི པཱིཎིནྡྲིཡོ པསནྣམུཁཝཎྞོ ཝིཔྤསནྣཚཝིཝཎྞོ; སོ དཱནི ཏྭཾ ཨེཏརཧི ཀིསོ ¶ ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ ཨནྟོམནོ ལཱིནམནོ དུཀྑཱི དུམྨནོ ཝིཔྤཊིསཱརཱི པཛ྄ཛྷཱཡསི. ཀཙྩི ནོ ཏྭཾ, ཨཱཝུསོ སུདིནྣ, ཨནབྷིརཏོ བྲཧྨཙརིཡཾ ཙརསཱི’’ཏི? ‘‘ན ཁོ ཨཧཾ, ཨཱཝུསོ, ཨནབྷིརཏོ བྲཧྨཙརིཡཾ ཙརཱམི. ཨཏྠི མེ པཱཔཀམྨཾ ཀཏཾ; པུརཱཎདུཏིཡིཀཱཡ མེཐུནོ དྷམྨོ པཊིསེཝིཏོ; ཏསྶ མཡ྄ཧཾ, ཨཱཝུསོ, ཨཧུདེཝ ཀུཀྐུཙྩཾ ཨཧུ ཝིཔྤཊིསཱརོ – ‘ཨལཱབྷཱ ཝཏ མེ, ན ཝཏ མེ ལཱབྷཱ; དུལླདྡྷཾ ཝཏ མེ, ན ཝཏ མེ སུལདྡྷཾ; ཡོཧཾ ཨེཝཾ སྭཱཀྑཱཏེ དྷམྨཝིནཡེ པབྦཛིཏྭཱ ནཱསཀྑིཾ ཡཱཝཛཱིཝཾ པརིཔུཎྞཾ པརིསུདྡྷཾ བྲཧྨཙརིཡཾ ཙརིཏུ’’ནྟི. ‘‘ཨལཉྷི ཏེ, ཨཱཝུསོ སུདིནྣ, ཀུཀྐུཙྩཱཡ ཨལཾ ཝིཔྤཊིསཱརཱཡ ཡཾ ཏྭཾ ཨེཝཾ སྭཱཀྑཱཏེ དྷམྨཝིནཡེ པབྦཛིཏྭཱ ན སཀྑིསྶསི ཡཱཝཛཱིཝཾ པརིཔུཎྞཾ པརིསུདྡྷཾ བྲཧྨཙརིཡཾ ཙརིཏུཾ. ནནུ, ཨཱཝུསོ, བྷགཝཏཱ ཨནེཀཔརིཡཱཡེན ཝིརཱགཱཡ དྷམྨོ དེསིཏོ, ནོ སརཱགཱཡ; ཝིསཾཡོགཱཡ དྷམྨོ དེསིཏོ, ནོ སཾཡོགཱཡ; ཨནུཔཱདཱནཱཡ དྷམྨོ དེསིཏོ, ནོ སཨུཔཱདཱནཱཡ. ཏཏྠ ¶ ནཱམ ཏྭཾ, ཨཱཝུསོ, བྷགཝཏཱ ¶ ཝིརཱགཱཡ དྷམྨེ དེསིཏེ སརཱགཱཡ ཙེཏེསྶསི, ཝིསཾཡོགཱཡ དྷམྨེ དེསིཏེ ¶ སཾཡོགཱཡ ཙེཏེསྶསི, ཨནུཔཱདཱནཱཡ དྷམྨེ དེསིཏེ སཨུཔཱདཱནཱཡ ཙེཏེསྶསི! ནནུ, ཨཱཝུསོ, བྷགཝཏཱ ཨནེཀཔརིཡཱཡེན རཱགཝིརཱགཱཡ དྷམྨོ དེསིཏོ, མདནིམྨདནཱཡ པིཔཱསཝིནཡཱཡ ཨཱལཡསམུགྒྷཱཏཱཡ ཝཊྚུཔཙྪེདཱཡ ཏཎྷཱཀྑཡཱཡ ¶ ཝིརཱགཱཡ ནིརོདྷཱཡ ནིབྦཱནཱཡ དྷམྨོ དེསིཏོ! ནནུ, ཨཱཝུསོ, བྷགཝཏཱ ཨནེཀཔརིཡཱཡེན ཀཱམཱནཾ པཧཱནཾ ཨཀྑཱཏཾ, ཀཱམསཉྙཱནཾ པརིཉྙཱ ཨཀྑཱཏཱ, ཀཱམཔིཔཱསཱནཾ པཊིཝིནཡོ ཨཀྑཱཏོ, ཀཱམཝིཏཀྐཱནཾ སམུགྒྷཱཏོ ཨཀྑཱཏོ, ཀཱམཔརིལཱ༹ཧཱནཾ ཝཱུཔསམོ ཨཀྑཱཏོ! ནེཏཾ, ཨཱཝུསོ, ཨཔྤསནྣཱནཾ ཝཱ པསཱདཱཡ, པསནྣཱནཾ ཝཱ བྷིཡྻོབྷཱཝཱཡ. ཨཐ ཁྭེཏཾ, ཨཱཝུསོ, ཨཔྤསནྣཱནཉྩེཝ ཨཔྤསཱདཱཡ པསནྣཱནཉྩ ཨེཀཙྩཱནཾ ཨཉྙཐཏྟཱཡཱ’’ཏི.

༣༩. ཨཐ ཁོ ཏེ བྷིཀྑཱུ ཨཱཡསྨནྟཾ སུདིནྣཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཨཱཡསྨནྟཾ སུདིནྣཾ པཊིཔུཙྪི – ‘‘སཙྩཾ ཀིར ཏྭཾ, སུདིནྣ, པུརཱཎདུཏིཡིཀཱཡ མེཐུནཾ དྷམྨཾ པཊིསེཝཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ [ཨནནུཙྪཝིཡཾ (སཱི.)], མོགྷཔུརིས, ཨནནུལོམིཀཾ ཨཔྤཊིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏྭཾ, མོགྷཔུརིས, ཨེཝཾ སྭཱཀྑཱཏེ དྷམྨཝིནཡེ པབྦཛིཏྭཱ ན སཀྑིསྶསི ཡཱཝཛཱིཝཾ པརིཔུཎྞཾ པརིསུདྡྷཾ བྲཧྨཙརིཡཾ ཙརིཏུཾ! ནནུ མཡཱ, མོགྷཔུརིས, ཨནེཀཔརིཡཱཡེན ཝིརཱགཱཡ དྷམྨོ དེསིཏོ, ནོ སརཱགཱཡ; ཝིསཾཡོགཱཡ དྷམྨོ དེསིཏོ, ནོ སཾཡོགཱཡ; ཨནུཔཱདཱནཱཡ དྷམྨོ དེསིཏོ, ནོ སཨུཔཱདཱནཱཡ! ཏཏྠ ནཱམ ཏྭཾ, མོགྷཔུརིས, མཡཱ ཝིརཱགཱཡ དྷམྨེ དེསིཏེ སརཱགཱཡ ཙེཏེསྶསི ¶ , ཝིསཾཡོགཱཡ དྷམྨེ དེསིཏེ སཾཡོགཱཡ ཙེཏེསྶསི, ཨནུཔཱདཱནཱཡ དྷམྨེ དེསིཏེ སཨུཔཱདཱནཱཡ ཙེཏེསྶསི! ནནུ མཡཱ, མོགྷཔུརིས, ཨནེཀཔརིཡཱཡེན རཱགཝིརཱགཱཡ དྷམྨོ དེསིཏོ! མདནིམྨདནཱཡ པིཔཱསཝིནཡཱཡ ཨཱལཡསམུགྒྷཱཏཱཡ ཝཊྚུཔཙྪེདཱཡ ཏཎྷཱཀྑཡཱཡ ཝིརཱགཱཡ ནིརོདྷཱཡ ནིབྦཱནཱཡ དྷམྨོ དེསིཏོ! ནནུ མཡཱ, མོགྷཔུརིས, ཨནེཀཔརིཡཱཡེན ཀཱམཱནཾ ¶ པཧཱནཾ ཨཀྑཱཏཾ, ཀཱམསཉྙཱནཾ པརིཉྙཱ ཨཀྑཱཏཱ, ཀཱམཔིཔཱསཱནཾ པཊིཝིནཡོ ཨཀྑཱཏོ, ཀཱམཝིཏཀྐཱནཾ སམུགྒྷཱཏོ ཨཀྑཱཏོ, ཀཱམཔརིལཱ༹ཧཱནཾ ཝཱུཔསམོ ཨཀྑཱཏོ! ཝརཾ ཏེ, མོགྷཔུརིས, ཨཱསིཝིསསྶ [ཨཱསཱིཝིསསྶ (སཱི. སྱཱ.)] གྷོརཝིསསྶ མུཁེ ཨངྒཛཱཏཾ པཀྑིཏྟཾ, ན ཏྭེཝ མཱཏུགཱམསྶ ཨངྒཛཱཏེ ཨངྒཛཱཏཾ པཀྑིཏྟཾ. ཝརཾ ཏེ, མོགྷཔུརིས, ཀཎྷསཔྤསྶ མུཁེ ཨངྒཛཱཏཾ པཀྑིཏྟཾ, ན ཏྭེཝ མཱཏུགཱམསྶ ཨངྒཛཱཏེ ཨངྒཛཱཏཾ པཀྑིཏྟཾ. ཝརཾ ཏེ, མོགྷཔུརིས, ཨངྒཱརཀཱསུཡཱ ཨཱདིཏྟཱཡ སམྤཛྫལིཏཱཡ སཛོཏིབྷཱུཏཱཡ ཨངྒཛཱཏཾ ¶ པཀྑིཏྟཾ, ན ཏྭེཝ མཱཏུགཱམསྶ ཨངྒཛཱཏེ ཨངྒཛཱཏཾ པཀྑིཏྟཾ. ཏཾ ཀིསྶ ཧེཏུ? ཏཏོནིདཱནཉྷི, མོགྷཔུརིས, མརཎཾ ཝཱ ནིགཙྪེཡྻ མརཎམཏྟཾ ཝཱ དུཀྑཾ, ན ཏྭེཝ ཏཔྤཙྩཡཱ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫེཡྻ. ཨིཏོནིདཱནཉྩ ཁོ, མོགྷཔུརིས, ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ¶ ཝིནིཔཱཏཾ ནིརཡཾ ཨུཔཔཛྫེཡྻ. ཏཏྠ ནཱམ ཏྭཾ, མོགྷཔུརིས, ཡཾ ཏྭཾ ཨསདྡྷམྨཾ གཱམདྷམྨཾ ¶ ཝསལདྷམྨཾ དུཊྛུལླཾ ཨོདཀནྟིཀཾ རཧསྶཾ དྭཡཾདྭཡསམཱཔཏྟིཾ སམཱཔཛྫིསྶསི, བཧཱུནཾ ཁོ ཏྭཾ, མོགྷཔུརིས, ཨཀུསལཱནཾ དྷམྨཱནཾ ཨཱདིཀཏྟཱ པུབྦངྒམོ. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ, པསནྣཱནཾ ཝཱ བྷིཡྻོབྷཱཝཱཡ; ཨཐ ཁྭེཏཾ, མོགྷཔུརིས, ཨཔྤསནྣཱནཉྩེཝ ཨཔྤསཱདཱཡ, པསནྣཱནཉྩ ཨེཀཙྩཱནཾ ཨཉྙཐཏྟཱཡཱ’’ཏི.

ཨཐ ཁོ བྷགཝཱ ཨཱཡསྨནྟཾ སུདིནྣཾ ཨནེཀཔརིཡཱཡེན ཝིགརཧིཏྭཱ དུབྦྷརཏཱཡ དུཔྤོསཏཱཡ མཧིཙྪཏཱཡ ཨསནྟུཊྛིཏཱཡ [ཨསནྟུཊྛཏཱཡ (སྱཱ.)] སངྒཎིཀཱཡ ཀོསཛྫསྶ ཨཝཎྞཾ བྷཱསིཏྭཱ ཨནེཀཔརིཡཱཡེན སུབྷརཏཱཡ སུཔོསཏཱཡ ཨཔྤིཙྪསྶ སནྟུཊྛསྶ སལླེཁསྶ དྷུཏསྶ པཱསཱདིཀསྶ ཨཔཙཡསྶ ཝཱིརིཡཱརམྦྷསྶ [ཝཱིརིཡཱརབྦྷསྶ (ཀ.)] ཝཎྞཾ བྷཱསིཏྭཱ བྷིཀྑཱུནཾ ཏདནུཙྪཝིཀཾ ཏདནུལོམིཀཾ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, བྷིཀྑཱུནཾ སིཀྑཱཔདཾ པཉྙཔེསྶཱམི [པཉྙཱཔེསྶཱམི (སཱི. སྱཱ.)] དས ཨཏྠཝསེ པཊིཙྩ – སངྒྷསུཊྛུཏཱཡ, སངྒྷཕཱསུཏཱཡ, དུམྨངྐཱུནཾ པུགྒལཱནཾ ནིགྒཧཱཡ, པེསལཱནཾ བྷིཀྑཱུནཾ ཕཱསུཝིཧཱརཱཡ, དིཊྛདྷམྨིཀཱནཾ ཨཱསཝཱནཾ སཾཝརཱཡ, སམྤརཱཡིཀཱནཾ ཨཱསཝཱནཾ པཊིགྷཱཏཱཡ, ཨཔྤསནྣཱནཾ པསཱདཱཡ, པསནྣཱནཾ བྷིཡྻོབྷཱཝཱཡ, སདྡྷམྨཊྛིཏིཡཱ, ཝིནཡཱནུགྒཧཱཡ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ ¶ པན བྷིཀྑུ མེཐུནཾ དྷམྨཾ པཊིསེཝེཡྻ, པཱརཱཛིཀོ ཧོཏི ཨསཾཝཱསོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

སུདིནྣབྷཱཎཝཱརོ ནིཊྛིཏོ.

མཀྐཊཱིཝཏྠུ

༤༠. ཏེན ¶ ཁོ པན སམཡེན ཨཉྙཏརོ བྷིཀྑུ ཝེསཱལིཡཾ མཧཱཝནེ མཀྐཊིཾ ཨཱམིསེན ཨུཔལཱཔེཏྭཱ ཏསྶཱ མེཐུནཾ དྷམྨཾ པཊིསེཝཏི. ཨཐ ཁོ སོ བྷིཀྑུ པུབྦཎྷསམཡཾ ནིཝཱསེཏྭཱ པཏྟཙཱིཝརཾ ¶ ཨཱདཱཡ ཝེསཱལིཾ པིཎྜཱཡ པཱཝིསི. ཏེན ཁོ པན སམཡེན སམྦཧུལཱ བྷིཀྑཱུ སེནཱསནཙཱརིཀཾ ཨཱཧིཎྜནྟཱ ཡེན ཏསྶ བྷིཀྑུནོ ཝིཧཱརོ ཏེནུཔསངྐམིཾསུ. ཨདྡས ཁོ སཱ མཀྐཊཱི ཏེ བྷིཀྑཱུ དཱུརཏོཝ ཨཱགཙྪནྟེ. དིསྭཱན ཡེན ཏེ བྷིཀྑཱུ ཏེནུཔསངྐམི; ཨུཔསངྐམིཏྭཱ ཏེསཾ བྷིཀྑཱུནཾ པུརཏོ ཀཊིམྤི ཙཱལེསི ཚེཔྤམྤི ཙཱལེསི, ཀཊིམྤི ¶ ཨོཌྜི, ནིམིཏྟམྤི ཨཀཱསི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘ནིསྶཾསཡཾ ཁོ སོ བྷིཀྑུ ཨིམིསྶཱ མཀྐཊིཡཱ མེཐུནཾ དྷམྨཾ པཊིསེཝཏཱི’’ཏི. ཨེཀམནྟཾ ནིལཱིཡིཾསུ. ཨཐ ཁོ སོ བྷིཀྑུ ཝེསཱལིཡཾ པིཎྜཱཡ ཙརིཏྭཱ པིཎྜཔཱཏཾ ཨཱདཱཡ པཊིཀྐམི.

༤༡. ཨཐ ཁོ སཱ མཀྐཊཱི ཡེན སོ བྷིཀྑུ ཏེནུཔསངྐམི. ཨཐ ཁོ སོ བྷིཀྑུ ཏཾ པིཎྜཔཱཏཾ ཨེཀདེསཾ བྷུཉྫིཏྭཱ ཨེཀདེསཾ ཏསྶཱ མཀྐཊིཡཱ ཨདཱསི. ཨཐ ཁོ སཱ མཀྐཊཱི ཏཾ པིཎྜཔཱཏཾ བྷུཉྫིཏྭཱ ཏསྶ བྷིཀྑུནོ ཀཊིཾ ཨོཌྜི. ཨཐ ཁོ སོ བྷིཀྑུ ཏསྶཱ མཀྐཊིཡཱ མེཐུནཾ དྷམྨཾ པཊིསེཝཏི. ཨཐ ཁོ ཏེ བྷིཀྑཱུ ཏཾ བྷིཀྑུཾ ཨེཏདཝོཙུཾ – ‘‘ནནུ, ཨཱཝུསོ, བྷགཝཏཱ སིཀྑཱཔདཾ པཉྙཏྟཾ; ཀིསྶ ཏྭཾ, ཨཱཝུསོ, མཀྐཊིཡཱ མེཐུནཾ དྷམྨཾ པཊིསེཝསཱི’’ཏི? ‘‘སཙྩཾ, ཨཱཝུསོ, བྷགཝཏཱ སིཀྑཱཔདཾ པཉྙཏྟཾ; ཏཉྩ ཁོ ¶ མནུསྶིཏྠིཡཱ ¶ , ནོ ཏིརཙྪཱནགཏཱཡཱ’’ཏི. ‘‘ནནུ, ཨཱཝུསོ, ཏཐེཝ ཏཾ ཧོཏི. ཨནནུཙྪཝིཀཾ, ཨཱཝུསོ, ཨནནུལོམིཀཾ ཨཔྤཊིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏྭཾ, ཨཱཝུསོ, ཨེཝཾ སྭཱཀྑཱཏེ དྷམྨཝིནཡེ པབྦཛིཏྭཱ ན སཀྑིསྶསི ཡཱཝཛཱིཝཾ པརིཔུཎྞཾ པརིསུདྡྷཾ བྲཧྨཙརིཡཾ ཙརིཏུཾ! ནནུ, ཨཱཝུསོ, བྷགཝཏཱ ཨནེཀཔརིཡཱཡེན ཝིརཱགཱཡ དྷམྨོ དེསིཏོ, ནོ སརཱགཱཡ…པེ… ཀཱམཔརིལཱ༹ཧཱནཾ ཝཱུཔསམོ ཨཀྑཱཏོ! ནེཏཾ, ཨཱཝུསོ, ཨཔྤསནྣཱནཾ ཝཱ པསཱདཱཡ པསནྣཱནཾ ཝཱ བྷིཡྻོབྷཱཝཱཡ. ཨཐ ཁྭེཏཾ, ཨཱཝུསོ, ཨཔྤསནྣཱནཉྩེཝ ཨཔྤསཱདཱཡ, པསནྣཱནཉྩ ཨེཀཙྩཱནཾ ཨཉྙཐཏྟཱཡཱ’’ཏི. ཨཐ ཁོ ཏེ བྷིཀྑཱུ ཏཾ བྷིཀྑུཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨརོཙེསུཾ.

༤༢. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཏཾ བྷིཀྑུཾ པཊིཔུཙྪི – ‘‘སཙྩཾ ཀིར ཏྭཾ, བྷིཀྑུ, མཀྐཊིཡཱ མེཐུནཾ དྷམྨཾ པཊིསེཝཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིས, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏྭཾ, མོགྷཔུརིས, ཨེཝཾ སྭཱཀྑཱཏེ དྷམྨཝིནཡེ པབྦཛིཏྭཱ ན སཀྑིསྶསི ཡཱཝཛཱིཝཾ པརིཔུཎྞཾ པརིསུདྡྷཾ བྲཧྨཙརིཡཾ ཙརིཏུཾ! ནནུ མཡཱ, མོགྷཔུརིས, ཨནེཀཔརིཡཱཡེན ཝིརཱགཱཡ དྷམྨོ དེསིཏོ, ནོ སརཱགཱཡ ¶ …པེ… ཀཱམཔརིལཱ༹ཧཱནཾ ཝཱུཔསམོ ཨཀྑཱཏོ! ཝརཾ ཏེ, མོགྷཔུརིས, ཨཱསཱིཝིསསྶ གྷོརཝིསསྶ མུཁེ ཨངྒཛཱཏཾ པཀྑིཏྟཾ, ན ཏྭེཝ མཀྐཊིཡཱ ཨངྒཛཱཏེ ཨངྒཛཱཏཾ པཀྑིཏྟཾ. ཝརཾ ཏེ, མོགྷཔུརིས, ཀཎྷསཔྤསྶ མུཁེ ཨངྒཛཱཏཾ པཀྑིཏྟཾ, ན ཏྭེཝ མཀྐཊིཡཱ ཨངྒཛཱཏེ ཨངྒཛཱཏཾ པཀྑིཏྟཾ. ཝརཾ ¶ ཏེ, མོགྷཔུརིས, ཨངྒཱརཀཱསུཡཱ ཨཱདིཏྟཱཡ སམྤཛྫལིཏཱཡ སཛོཏིབྷཱུཏཱཡ ཨངྒཛཱཏཾ པཀྑིཏྟཾ, ན ཏྭེཝ མཀྐཊིཡཱ ཨངྒཛཱཏེ ཨངྒཛཱཏཾ པཀྑིཏྟཾ. ཏཾ ཀིསྶ ཧེཏུ? ཏཏོནིདཱནཉྷི, མོགྷཔུརིས, མརཎཾ ཝཱ ནིགཙྪེཡྻ མརཎམཏྟཾ ཝཱ དུཀྑཾ; ན ཏྭེཝ ཏཔྤཙྩཡཱ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫེཡྻ. ཨིཏོནིདཱནཉྩ ཁོ, མོགྷཔུརིས, ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫེཡྻ. ཏཏྠ ནཱམ ཏྭཾ, མོགྷཔུརིས, ཡཾ ཏྭཾ ཨསདྡྷམྨཾ གཱམདྷམྨཾ ཝསལདྷམྨཾ དུཊྛུལླཾ ཨོདཀནྟིཀཾ རཧསྶཾ དྭཡཾདྭཡསམཱཔཏྟིཾ སམཱཔཛྫིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ ¶ པན བྷིཀྑུ མེཐུནཾ དྷམྨཾ པཊིསེཝེཡྻ ཨནྟམསོ ཏིརཙྪཱནགཏཱཡཔི, པཱརཱཛིཀོ ཧོཏི ཨསཾཝཱསོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

མཀྐཊཱིཝཏྠུ ནིཊྛིཏཾ.

སནྠཏབྷཱཎཝཱརོ

༤༣. ཏེན ¶ ཁོ པན སམཡེན སམྦཧུལཱ ཝེསཱལིཀཱ ཝཛྫིཔུཏྟཀཱ བྷིཀྑཱུ ཡཱཝདཏྠཾ བྷུཉྫིཾསུ, ཡཱཝདཏྠཾ སུཔིཾསུ, ཡཱཝདཏྠཾ ནྷཱཡིཾསུ. ཡཱཝདཏྠཾ བྷུཉྫིཏྭཱ ཡཱཝདཏྠཾ སུཔིཏྭཱ ཡཱཝདཏྠཾ ནྷཱཡིཏྭཱ ཨཡོནིསོ མནསི ཀརིཏྭཱ སིཀྑཾ ཨཔཙྩཀྑཱཡ དུབྦལྱཾ ཨནཱཝིཀཏྭཱ མེཐུནཾ ¶ དྷམྨཾ པཊིསེཝིཾསུ. ཏེ ཨཔརེན སམཡེན ཉཱཏིབྱསནེནཔི ཕུཊྛཱ བྷོགབྱསནེནཔི ཕུཊྛཱ རོགབྱསནེནཔི ཕུཊྛཱ ཨཱཡསྨནྟཾ ཨཱནནྡཾ ཨུཔསངྐམིཏྭཱ ཨེཝཾ ཝདནྟི – ‘‘ན མཡཾ, བྷནྟེ ཨཱནནྡ, བུདྡྷགརཧིནོ ན དྷམྨགརཧིནོ ན སངྒྷགརཧིནོ; ཨཏྟགརཧིནོ མཡཾ, བྷནྟེ ཨཱནནྡ, ཨནཉྙགརཧིནོ. མཡམེཝམྷཱ ཨལཀྑིཀཱ མཡཾ ཨཔྤཔུཉྙཱ, ཡེ མཡཾ ཨེཝཾ སྭཱཀྑཱཏེ དྷམྨཝིནཡེ པབྦཛིཏྭཱ ནཱསཀྑིམྷཱ ཡཱཝཛཱིཝཾ པརིཔུཎྞཾ པརིསུདྡྷཾ བྲཧྨཙརིཡཾ ཙརིཏུཾ. ཨིདཱནི ཙེཔི ¶ [ཨིདཱནིཔི ཙེ (སྱཱ.)] མཡཾ, བྷནྟེ ཨཱནནྡ, ལབྷེཡྻཱམ བྷགཝཏོ སནྟིཀེ པབྦཛྫཾ ལབྷེཡྻཱམ ཨུཔསམྤདཾ, ཨིདཱནིཔི མཡཾ ཝིཔསྶཀཱ ཀུསལཱནཾ དྷམྨཱནཾ པུབྦརཏྟཱཔརརཏྟཾ བོདྷིཔཀྑིཀཱནཾ དྷམྨཱནཾ བྷཱཝནཱནུཡོགམནུཡུཏྟཱ ཝིཧརེཡྻཱམ. སཱདྷུ, བྷནྟེ ཨཱནནྡ, བྷགཝཏོ ཨེཏམཏྠཾ ཨཱརོཙེཧཱི’’ཏི. ‘‘ཨེཝམཱཝུསོ’’ཏི ཁོ ཨཱཡསྨཱ ཨཱནནྡོ ཝེསཱལིཀཱནཾ ཝཛྫིཔུཏྟཀཱནཾ པཊིསྶུཎིཏྭཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝཏོ ཨེཏམཏྠཾ ཨཱརོཙེསི.

‘‘ཨཊྛཱནམེཏཾ, ཨཱནནྡ, ཨནཝཀཱསོ ཡཾ ཏཐཱགཏོ ཝཛྫཱིནཾ ཝཱ ཝཛྫིཔུཏྟཀཱནཾ ཝཱ ཀཱརཎཱ སཱཝཀཱནཾ པཱརཱཛིཀཾ སིཀྑཱཔདཾ པཉྙཏྟཾ སམཱུཧནེཡྻཱ’’ཏི.

ཨཐ ¶ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཡོ, བྷིཀྑཝེ [ཡོ པན བྷིཀྑཝེ བྷིཀྑུ (སཱི.) ཡོ ཁོ བྷིཀྑཝེ བྷིཀྑུ (སྱཱ.)], སིཀྑཾ ཨཔཙྩཀྑཱཡ དུབྦལྱཾ ཨནཱཝིཀཏྭཱ མེཐུནཾ དྷམྨཾ པཊིསེཝཏི སོ ཨཱགཏོ ན ཨུཔསམྤཱདེཏབྦོ ¶ ; ཡོ ཙ ཁོ, བྷིཀྑཝེ [ཡོ ཙ ཁོ བྷིཀྑཝེ བྷིཀྑུ (སཱི. སྱཱ.)], སིཀྑཾ པཙྩཀྑཱཡ དུབྦལྱཾ ཨཱཝིཀཏྭཱ མེཐུནཾ དྷམྨཾ པཊིསེཝཏི སོ ཨཱགཏོ ཨུཔསམྤཱདེཏབྦོ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༤. ‘‘ཡོ པན བྷིཀྑུ བྷིཀྑཱུནཾ སིཀྑཱསཱཛཱིཝསམཱཔནྣོ སིཀྑཾ ཨཔཙྩཀྑཱཡ དུབྦལྱཾ ཨནཱཝིཀཏྭཱ མེཐུནཾ དྷམྨཾ པཊིསེཝེཡྻ ཨནྟམསོ ཏིརཙྪཱནགཏཱཡཔི, པཱརཱཛིཀོ ཧོཏི ཨསཾཝཱསོ’’ཏི.

༤༥. ཡོ པནཱཏི ཡོ ཡཱདིསོ ཡཐཱཡུཏྟོ ཡཐཱཛཙྩོ ཡཐཱནཱམོ ཡཐཱགོཏྟོ ¶ ཡཐཱསཱིལོ ཡཐཱཝིཧཱརཱི ཡཐཱགོཙརོ ཐེརོ ཝཱ ནཝོ ཝཱ མཛ྄ཛྷིམོ ཝཱ. ཨེསོ ཝུཙྩཏི ‘ཡོ པནཱ’ཏི.

[ཝིབྷ. ༥༡༠, ཛྷཱནཝིབྷངྒེཔི] བྷིཀྑཱུཏི བྷིཀྑཀོཏི བྷིཀྑུ, བྷིཀྑཱཙརིཡཾ ཨཛ྄ཛྷུཔགཏོཏི བྷིཀྑུ, བྷིནྣཔཊདྷརོཏི བྷིཀྑུ, སམཉྙཱཡ བྷིཀྑུ, པཊིཉྙཱཡ བྷིཀྑུ, ཨེཧི བྷིཀྑཱུཏི བྷིཀྑུ, ཏཱིཧི སརཎགམནེཧི ཨུཔསམྤནྣོཏི བྷིཀྑུ, བྷདྲོ བྷིཀྑུ, སཱརོ བྷིཀྑུ, སེཁོ བྷིཀྑུ, ཨསེཁོ བྷིཀྑུ, སམགྒེན སངྒྷེན ཉཏྟིཙཏུཏྠེན ཀམྨེན ཨཀུཔྤེན ཋཱནཱརཧེན ཨུཔསམྤནྣོཏི བྷིཀྑུ. ཏཏྲ ཡྭཱཡཾ བྷིཀྑུ སམགྒེན སངྒྷེན ཉཏྟིཙཏུཏྠེན ཀམྨེན ཨཀུཔྤེན ཋཱནཱརཧེན ཨུཔསམྤནྣོ, ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

[དཱི. ནི. ༣.༣༠༥] སིཀྑཱཏི ¶ ཏིསྶོ སིཀྑཱ – ཨདྷིསཱིལསིཀྑཱ, ཨདྷིཙིཏྟསིཀྑཱ, ཨདྷིཔཉྙཱསིཀྑཱ ¶ . ཏཏྲ ཡཱཡཾ ཨདྷིསཱིལསིཀྑཱ, ཨཡཾ ཨིམསྨིཾ ཨཏྠེ ཨདྷིཔྤེཏཱ སིཀྑཱཏི.

སཱཛཱིཝཾ ནཱམ ཡཾ བྷགཝཏཱ པཉྙཏྟཾ སིཀྑཱཔདཾ, ཨེཏཾ སཱཛཱིཝཾ ནཱམ. ཏསྨིཾ སིཀྑཏི, ཏེན ཝུཙྩཏི སཱཛཱིཝསམཱཔནྣོཏི.

སིཀྑཾ ¶ ཨཔཙྩཀྑཱཡ དུབྦལྱཾ ཨནཱཝིཀཏྭཱཏི ཨཏྠི, བྷིཀྑཝེ, དུབྦལྱཱཝིཀམྨཉྩེཝ ཧོཏི སིཀྑཱ ཙ ཨཔཙྩཀྑཱཏཱ; ཨཏྠི, བྷིཀྑཝེ, དུབྦལྱཱཝིཀམྨཉྩེཝ ཧོཏི སིཀྑཱ ཙ པཙྩཀྑཱཏཱ.

‘‘ཀཐཉྩ, བྷིཀྑཝེ, དུབྦལྱཱཝིཀམྨཉྩེཝ ཧོཏི སིཀྑཱ ཙ ཨཔཙྩཀྑཱཏཱ. ཨིདྷ, བྷིཀྑཝེ, བྷིཀྑུ ཨུཀྐཎྛིཏོ ཨནབྷིརཏོ སཱམཉྙཱ ཙཝིཏུཀཱམོ བྷིཀྑུབྷཱཝཾ ཨཊྚཱིཡམཱནོ ཧརཱཡམཱནོ ཛིགུཙྪམཱནོ གིཧིབྷཱཝཾ པཏྠཡམཱནོ ཨུཔཱསཀབྷཱཝཾ པཏྠཡམཱནོ ཨཱརཱམིཀབྷཱཝཾ པཏྠཡམཱནོ སཱམཎེརབྷཱཝཾ པཏྠཡམཱནོ ཏིཏྠིཡབྷཱཝཾ པཏྠཡམཱནོ ཏིཏྠིཡསཱཝཀབྷཱཝཾ པཏྠཡམཱནོ ཨསྶམཎབྷཱཝཾ པཏྠཡམཱནོ ཨསཀྱཔུཏྟིཡབྷཱཝཾ པཏྠཡམཱནོ – ‘ཡཾནཱུནཱཧཾ བུདྡྷཾ པཙྩཀྑེཡྻ’ནྟི ཝདཏི ཝིཉྙཱཔེཏི. ཨེཝམྤི, བྷིཀྑཝེ, དུབྦལྱཱཝིཀམྨཉྩེཝ ཧོཏི སིཀྑཱ ཙ ཨཔཙྩཀྑཱཏཱ.

‘‘ཨཐ ཝཱ པན ཨུཀྐཎྛིཏོ ཨནབྷིརཏོ སཱམཉྙཱ ཙཝིཏུཀཱམོ བྷིཀྑུབྷཱཝཾ ཨཊྚཱིཡམཱནོ ཧརཱཡམཱནོ ཛིགུཙྪམཱནོ གིཧིབྷཱཝཾ པཏྠཡམཱནོ…པེ… ཨསཀྱཔུཏྟིཡབྷཱཝཾ པཏྠཡམཱནོ – ‘ཡཾནཱུནཱཧཾ དྷམྨཾ པཙྩཀྑེཡྻ’ནྟི ཝདཏི ཝིཉྙཱཔེཏི…པེ… ཡཾནཱུནཱཧཾ སངྒྷཾ… ཡཾནཱུནཱཧཾ སིཀྑཾ… ཡཾནཱུནཱཧཾ ¶ ཝིནཡཾ… ཡཾནཱུནཱཧཾ པཱཏིམོཀྑཾ… ཡཾནཱུནཱཧཾ ཨུདྡེསཾ… ཡཾནཱུནཱཧཾ ¶ ཨུཔཛ྄ཛྷཱཡཾ… ཡཾནཱུནཱཧཾ ཨཱཙརིཡཾ… ཡཾནཱུནཱཧཾ སདྡྷིཝིཧཱརིཀཾ… ཡཾནཱུནཱཧཾ ཨནྟེཝཱསིཀཾ… ཡཾནཱུནཱཧཾ སམཱནུཔཛ྄ཛྷཱཡཀཾ… ཡཾནཱུནཱཧཾ སམཱནཱཙརིཡཀཾ ཡཾནཱུནཱཧཾ སབྲཧྨཙཱརིཾ པཙྩཀྑེཡྻ’ནྟི ཝདཏི ཝིཉྙཱཔེཏི. ‘ཡཾནཱུནཱཧཾ གིཧཱི ཨསྶ’ནྟི ཝདཏི ཝིཉྙཱཔེཏི. ‘ཡཾནཱུནཱཧཾ ཨུཔཱསཀོ ཨསྶ’ནྟི… ‘ཡཾནཱུནཱཧཾ ཨཱརཱམིཀོ ཨསྶ’ནྟི… ‘ཡཾནཱུནཱཧཾ སཱམཎེརོ ཨསྶ’ནྟི… ‘ཡཾནཱུནཱཧཾ ཏིཏྠིཡོ ཨསྶ’ནྟི… ‘ཡཾནཱུནཱཧཾ ཏིཏྠིཡསཱཝཀོ ཨསྶ’ནྟི… ‘ཡཾནཱུནཱཧཾ ཨསྶམཎོ ཨསྶ’ནྟི… ‘ཡཾནཱུནཱཧཾ ཨསཀྱཔུཏྟིཡོ ཨསྶ’ནྟི ཝདཏི ཝིཉྙཱཔེཏི. ཨེཝམྤི, བྷིཀྑཝེ, དུབྦལྱཱཝིཀམྨཉྩེཝ ཧོཏི སིཀྑཱ ཙ ཨཔཙྩཀྑཱཏཱ.

༤༦. ‘‘ཨཐ ¶ ཝཱ པན ཨུཀྐཎྛིཏོ ཨནབྷིརཏོ སཱམཉྙཱ ཙཝིཏུཀཱམོ བྷིཀྑུབྷཱཝཾ ཨཊྚཱིཡམཱནོ ཧརཱཡམཱནོ ཛིགུཙྪམཱནོ གིཧིབྷཱཝཾ པཏྠཡམཱནོ…པེ… ཨསཀྱཔུཏྟིཡབྷཱཝཾ པཏྠཡམཱནོ – ‘ཡདི པནཱཧཾ བུདྡྷཾ པཙྩཀྑེཡྻ’ནྟི ཝདཏི ¶ ཝིཉྙཱཔེཏི…པེ… ‘ཡདི པནཱཧཾ ཨསཀྱཔུཏྟིཡོ ཨསྶ’ནྟི ¶ ཝདཏི ཝིཉྙཱཔེཏི…པེ… ‘ཨཔཱཧཾ བུདྡྷཾ པཙྩཀྑེཡྻ’ནྟི ཝདཏི ཝིཉྙཱཔེཏི…པེ… ‘ཨཔཱཧཾ ཨསཀྱཔུཏྟིཡོ ཨསྶ’ནྟི ཝདཏི ཝིཉྙཱཔེཏི…པེ… ‘ཧནྡཱཧཾ བུདྡྷཾ པཙྩཀྑེཡྻ’ནྟི ཝདཏི ཝིཉྙཱཔེཏི…པེ… ‘ཧནྡཱཧཾ ཨསཀྱཔུཏྟིཡོ ཨསྶ’ནྟི ཝདཏི ཝིཉྙཱཔེཏི…པེ… ‘ཧོཏི མེ བུདྡྷཾ པཙྩཀྑེཡྻ’ནྟི ཝདཏི ཝིཉྙཱཔེཏི…པེ… ‘ཧོཏི མེ ཨསཀྱཔུཏྟིཡོ ཨསྶ’ནྟི ཝདཏི ཝིཉྙཱཔེཏི. ཨེཝམྤི, བྷིཀྑཝེ, དུབྦལྱཱཝིཀམྨཉྩེཝ ཧོཏི སིཀྑཱ ཙ ཨཔཙྩཀྑཱཏཱ.

༤༧. ‘‘ཨཐ ཝཱ པན ཨུཀྐཎྛིཏོ ཨནབྷིརཏོ སཱམཉྙཱ ཙཝིཏུཀཱམོ བྷིཀྑུབྷཱཝཾ ཨཊྚཱིཡམཱནོ ཧརཱཡམཱནོ ཛིགུཙྪམཱནོ གིཧིབྷཱཝཾ པཏྠཡམཱནོ…པེ… ཨསཀྱཔུཏྟིཡབྷཱཝཾ པཏྠཡམཱནོ ‘མཱཏརཾ སརཱམཱི’ཏི ཝདཏི ཝིཉྙཱཔེཏི… ‘པིཏརཾ སརཱམཱི’ཏི ཝདཏི ཝིཉྙཱཔེཏི… ‘བྷཱཏརཾ སརཱམཱི’ཏི ཝདཏི ཝིཉྙཱཔེཏི… ‘བྷགིནིཾ སརཱམཱི’ཏི ཝདཏི ཝིཉྙཱཔེཏི… ‘པུཏྟཾ སརཱམཱི’ཏི ཝདཏི ཝིཉྙཱཔེཏི… ‘དྷཱིཏརཾ སརཱམཱི’ཏི ཝདཏི ཝིཉྙཱཔེཏི… ‘པཛཱཔཏིཾ སརཱམཱི’ཏི ཝདཏི ཝིཉྙཱཔེཏི… ‘ཉཱཏཀེ སརཱམཱི’ཏི ཝདཏི ཝིཉྙཱཔེཏི… ‘མིཏྟེ སརཱམཱི’ཏི ཝདཏི ཝིཉྙཱཔེཏི… ‘གཱམཾ སརཱམཱི’ཏི ཝདཏི ཝིཉྙཱཔེཏི… ‘ནིགམཾ སརཱམཱི’ཏི ཝདཏི ཝིཉྙཱཔེཏི… ‘ཁེཏྟཾ སརཱམཱི’ཏི ཝདཏི ཝིཉྙཱཔེཏི… ‘ཝཏྠུཾ སརཱམི’ཏི ཝདཏི ཝིཉྙཱཔེཏི… ‘ཧིརཉྙཾ སརཱམཱི’ཏི ཝདཏི ཝིཉྙཱཔེཏི… ‘སུཝཎྞཾ སརཱམཱི’ཏི ཝདཏི ཝིཉྙཱཔེཏི… ‘སིཔྤཾ སརཱམཱི’ཏི ཝདཏི ཝིཉྙཱཔེཏི… ‘པུབྦེ ཧསིཏཾ ལཔིཏཾ ཀཱིལི༹ཏཾ སམནུསྶརཱམཱི’ཏི ¶ ཝདཏི ཝིཉྙཱཔེཏི. ཨེཝམྤི, བྷིཀྑཝེ, དུབྦལྱཱཝིཀམྨཉྩེཝ ¶ ཧོཏི སིཀྑཱ ཙ ཨཔཙྩཀྑཱཏཱ.

༤༨. ‘‘ཨཐ ཝཱ པན ཨུཀྐཎྛིཏོ ཨནབྷིརཏོ སཱམཉྙཱ ཙཝིཏུཀཱམོ བྷིཀྑུབྷཱཝཾ ཨཊྚཱིཡམཱནོ ཧརཱཡམཱནོ ཛིགུཙྪམཱནོ གིཧིབྷཱཝཾ པཏྠཡམཱནོ…པེ… ཨསཀྱཔུཏྟིཡབྷཱཝཾ པཏྠཡམཱནོ – ‘མཱཏཱ མེ ཨཏྠི, སཱ མཡཱ པོསེཏབྦཱ’ཏི ཝདཏི ཝིཉྙཱཔེཏི… ‘པིཏཱ མེ ཨཏྠི, སོ མཡཱ པོསེཏབྦོ’ཏི ཝདཏི ཝིཉྙཱཔེཏི… ‘བྷཱཏཱ མེ ཨཏྠི, སོ མཡཱ པོསེཏབྦོ’ཏི ཝདཏི ཝིཉྙཱཔེཏི… ‘བྷགིནཱི མེ ཨཏྠི, སཱ མཡཱ པོསེཏབྦཱ’ཏི ཝདཏི ཝིཉྙཱཔེཏི… ‘པུཏྟོ མེ ཨཏྠི, སོ མཡཱ པོསེཏབྦོ’ཏི ཝདཏི ཝིཉྙཱཔེཏི… ‘དྷཱིཏཱ མེ ཨཏྠི, སཱ མཡཱ པོསེཏབྦཱ’ཏི ཝདཏི ཝིཉྙཱཔེཏི… ‘པཛཱཔཏི མེ ཨཏྠི, སཱ མཡཱ པོསེཏབྦཱ’ཏི ¶ ཝདཏི ཝིཉྙཱཔེཏི ¶ … ‘ཉཱཏཀཱ མེ ཨཏྠི, ཏེ མཡཱ པོསེཏབྦཱ’ཏི ཝདཏི ཝིཉྙཱཔེཏི… ‘མིཏྟཱ མེ ཨཏྠི, ཏེ མཡཱ པོསེཏབྦཱ’ཏི ཝདཏི ཝིཉྙཱཔེཏི. ཨེཝམྤི, བྷིཀྑཝེ, དུབྦལྱཱཝིཀམྨཉྩེཝ ཧོཏི སིཀྑཱ ཙ ཨཔཙྩཀྑཱཏཱ.

༤༩. ‘‘ཨཐ ཝཱ པན ཨུཀྐཎྛིཏོ ཨནབྷིརཏོ སཱམཉྙཱ ཙཝིཏུཀཱམོ བྷིཀྑུབྷཱཝཾ ཨཊྚཱིཡམཱནོ ཧརཱཡམཱནོ ཛིགུཙྪམཱནོ གིཧིབྷཱཝཾ པཏྠཡམཱནོ…པེ… ཨསཀྱཔུཏྟིཡབྷཱཝཾ པཏྠཡམཱནོ – ‘མཱཏཱ མེ ཨཏྠི, སཱ མཾ པོསེསྶཏཱི’ཏི ཝདཏི ཝིཉྙཱཔེཏི… ‘པིཏཱ མེ ཨཏྠི, སོ མཾ པོསེསྶཏཱི’ཏི ཝདཏི ཝིཉྙཱཔེཏི… ‘བྷཱཏཱ མེ ཨཏྠི, སོ མཾ པོསེསྶཏཱི’ཏི ཝདཏི ཝིཉྙཱཔེཏི… ‘བྷགིནཱི མེ ཨཏྠི, སཱ མཾ པོསེསྶཏཱི’ཏི ¶ ཝདཏི ཝིཉྙཱཔེཏི… ‘པུཏྟོ མེ ཨཏྠི, སོ མཾ པོསེསྶཏཱི’ཏི ཝདཏི ཝིཉྙཱཔེཏི… ‘དྷཱིཏཱ མེ ཨཏྠི, སཱ མཾ པོསེསྶཏཱི’ཏི ཝདཏི ཝིཉྙཱཔེཏི… ‘པཛཱཔཏི མེ ཨཏྠི, སཱ མཾ པོསེསྶཏཱི’ཏི ཝདཏི ཝིཉྙཱཔེཏི… ‘ཉཱཏཀཱ མེ ཨཏྠི, ཏེ མཾ པོསེསྶནྟཱི’ཏི ཝདཏི ཝིཉྙཱཔེཏི… ‘མིཏྟཱ མེ ཨཏྠི, ཏེ མཾ པོསེསྶནྟཱི’ཏི ཝདཏི ཝིཉྙཱཔེཏི… ‘གཱམོ མེ ཨཏྠི, ཏེནཱཧཾ ཛཱིཝིསྶཱམཱི’ཏི ཝདཏི ཝིཉྙཱཔེཏི… ‘ནིགམོ མེ ཨཏྠི, ཏེནཱཧཾ ཛཱིཝིསྶཱམཱི’ཏི ཝདཏི ཝིཉྙཱཔེཏི… ‘ཁེཏྟཾ མེ ཨཏྠི, ཏེནཱཧཾ ཛཱིཝིསྶཱམཱི’ཏི ཝདཏི ཝིཉྙཱཔེཏི… ‘ཝཏྠུ མེ ཨཏྠི, ཏེནཱཧཾ ཛཱིཝིསྶཱམཱི’ཏི ཝདཏི ཝིཉྙཱཔེཏི… ‘ཧིརཉྙཾ མེ ཨཏྠི, ཏེནཱཧཾ ཛཱིཝིསྶཱམཱི’ཏི ཝདཏི ཝིཉྙཱཔེཏི… ‘སུཝཎྞཾ མེ ཨཏྠི, ཏེནཱཧཾ ཛཱིཝིསྶཱམཱི’ཏི ཝདཏི ཝིཉྙཱཔེཏི… ‘སིཔྤཾ མེ ཨཏྠི, ཏེནཱཧཾ ཛཱིཝིསྶཱམཱི’ཏི ཝདཏི ཝིཉྙཱཔེཏི. ཨེཝམྤི, བྷིཀྑཝེ, དུབྦལྱཱཝིཀམྨཉྩེཝ ཧོཏི སིཀྑཱ ཙ ཨཔཙྩཀྑཱཏཱ.

༥༠. ‘‘ཨཐ ཝཱ པན ཨུཀྐཎྛིཏོ ཨནབྷིརཏོ སཱམཉྙཱ ཙཝིཏུཀཱམོ བྷིཀྑུབྷཱཝཾ ཨཊྚཱིཡམཱནོ ཧརཱཡམཱནོ ཛིགུཙྪམཱནོ གིཧིབྷཱཝཾ པཏྠཡམཱནོ…པེ… ཨསཀྱཔུཏྟིཡབྷཱཝཾ པཏྠཡམཱནོ ‘དུཀྐར’ནྟི ཝདཏི ཝིཉྙཱཔེཏི… ‘ན སུཀར’ནྟི ཝདཏི ཝིཉྙཱཔེཏི… ‘དུཙྩར’ནྟི ཝདཏི ཝིཉྙཱཔེཏི… ‘ན སུཙར’ནྟི ཝདཏི ཝིཉྙཱཔེཏི… ‘ན ཨུསྶཧཱམཱི’ཏི ཝདཏི ཝིཉྙཱཔེཏི… ‘ན ཝིསཧཱམཱི’ཏི ཝདཏི ཝིཉྙཱཔེཏི… ‘ན རམཱམཱི’ཏི ཝདཏི ¶ ཝིཉྙཱཔེཏི… ‘ནཱབྷིརམཱམཱི’ཏི ཝདཏི ཝིཉྙཱཔེཏི. ཨེཝམྤི ཁོ, བྷིཀྑཝེ, དུབྦལྱཱཝིཀམྨཉྩེཝ ཧོཏི སིཀྑཱ ཙ ཨཔཙྩཀྑཱཏཱ.

༥༡. ‘‘ཀཐཉྩ ¶ , བྷིཀྑཝེ, དུབྦལྱཱཝིཀམྨཉྩེཝ ཧོཏི སིཀྑཱ ཙ པཙྩཀྑཱཏཱ? ཨིདྷ ¶ , བྷིཀྑཝེ, བྷིཀྑུ ཨུཀྐཎྛིཏོ ཨནབྷིརཏོ སཱམཉྙཱ ཙཝིཏུཀཱམོ བྷིཀྑུབྷཱཝཾ ཨཊྚཱིཡམཱནོ ཧརཱཡམཱནོ ཛིགུཙྪམཱནོ གིཧིབྷཱཝཾ པཏྠཡམཱནོ…པེ… ཨསཀྱཔུཏྟིཡབྷཱཝཾ པཏྠཡམཱནོ – ‘བུདྡྷཾ པཙྩཀྑཱམཱི’ཏི ཝདཏི ཝིཉྙཱཔེཏི. ཨེཝམྤི, བྷིཀྑཝེ, དུབྦལྱཱཝིཀམྨཉྩེཝ ཧོཏི སིཀྑཱ ཙ པཙྩཀྑཱཏཱ.

‘‘ཨཐ ཝཱ པན ཨུཀྐཎྛིཏོ ཨནབྷིརཏོ སཱམཉྙཱ ཙཝིཏུཀཱམོ བྷིཀྑུབྷཱཝཾ ཨཊྚཱིཡམཱནོ ཧརཱཡམཱནོ ཛིགུཙྪམཱནོ གིཧིབྷཱཝཾ པཏྠཡམཱནོ…པེ… ཨསཀྱཔུཏྟིཡབྷཱཝཾ པཏྠཡམཱནོ – ‘དྷམྨཾ པཙྩཀྑཱམཱི’ཏི ཝདཏི ཝིཉྙཱཔེཏི… ‘སངྒྷཾ ¶ པཙྩཀྑཱམཱི’ཏི ཝདཏི ཝིཉྙཱཔེཏི… ‘སིཀྑཾ པཙྩཀྑཱམཱི’ཏི ཝདཏི ཝིཉྙཱཔེཏི… ‘ཝིནཡཾ པཙྩཀྑཱམཱི’ཏི ཝདཏི ཝིཉྙཱཔེཏི… ‘པཱཏིམོཀྑཾ པཙྩཀྑཱམཱི’ཏི ཝདཏི ཝིཉྙཱཔེཏི… ‘ཨུདྡེསཾ པཙྩཀྑཱམཱི’ཏི ཝདཏི ཝིཉྙཱཔེཏི… ‘ཨུཔཛ྄ཛྷཱཡཾ པཙྩཀྑཱམཱི’ཏི ཝདཏི ཝིཉྙཱཔེཏི… ‘ཨཱཙརིཡཾ པཙྩཀྑཱམཱི’ཏི ཝདཏི ཝིཉྙཱཔེཏི… ‘སདྡྷིཝིཧཱརིཀཾ པཙྩཀྑཱམཱི’ཏི ཝདཏི ཝིཉྙཱཔེཏི… ‘ཨནྟེཝཱསིཀཾ པཙྩཀྑཱམཱི’ཏི ཝདཏི ཝིཉྙཱཔེཏི… ‘སམཱནུཔཛ྄ཛྷཱཡཀཾ པཙྩཀྑཱམཱི’ཏི ཝདཏི ཝིཉྙཱཔེཏི… ‘སམཱནཱཙརིཡཀཾ པཙྩཀྑཱམཱི’ཏི ཝདཏི ཝིཉྙཱཔེཏི… ‘སབྲཧྨཙཱརིཾ པཙྩཀྑཱམཱི’ཏི ཝདཏི ཝིཉྙཱཔེཏི… ‘གིཧཱིཏི མཾ དྷཱརེཧཱི’ཏི ཝདཏི ཝིཉྙཱཔེཏི… ‘ཨུཔཱསཀོཏི མཾ དྷཱརེཧཱི’ཏི ¶ ཝདཏི ཝིཉྙཱཔེཏི… ‘ཨཱརཱམིཀོཏི མཾ དྷཱརེཧཱི’ཏི ཝདཏི ཝིཉྙཱཔེཏི… ‘སཱམཎེརོཏི མཾ དྷཱརེཧཱི’ཏི ཝདཏི ཝིཉྙཱཔེཏི… ‘ཏིཏྠིཡོཏི མཾ དྷཱརེཧཱི’ཏི ཝདཏི ཝིཉྙཱཔེཏི… ‘ཏིཏྠིཡསཱཝཀོཏི མཾ དྷཱརེཧཱི’ཏི ཝདཏི ཝིཉྙཱཔེཏི… ‘ཨསྶམཎོཏི མཾ དྷཱརེཧཱི’ཏི ཝདཏི ཝིཉྙཱཔེཏི… ‘ཨསཀྱཔུཏྟིཡོཏི མཾ དྷཱརེཧཱི’ཏི ཝདཏི ཝིཉྙཱཔེཏི. ཨེཝམྤི, བྷིཀྑཝེ, དུབྦལྱཱཝིཀམྨཉྩེཝ ཧོཏི སིཀྑཱ ཙ པཙྩཀྑཱཏཱ.

༥༢. ‘‘ཨཐ ཝཱ པན ཨུཀྐཎྛིཏོ ཨནབྷིརཏོ སཱམཉྙཱ ཙཝིཏུཀཱམོ བྷིཀྑུབྷཱཝཾ ཨཊྚཱིཡམཱནོ ཧརཱཡམཱནོ ཛིགུཙྪམཱནོ གིཧིབྷཱཝཾ པཏྠཡམཱནོ…པེ… ཨསཀྱཔུཏྟིཡབྷཱཝཾ པཏྠཡམཱནོ – ‘ཨལཾ མེ བུདྡྷེནཱ’ཏི ཝདཏི ཝིཉྙཱཔེཏི…པེ… ‘ཨལཾ མེ སབྲཧྨཙཱརཱིཧཱི’ཏི ཝདཏི ཝིཉྙཱཔེཏི. ཨེཝམྤི…པེ… ཨཐ ཝཱ པན…པེ… ‘ཀིཾ ནུ མེ བུདྡྷེནཱ’ཏི ཝདཏི ཝིཉྙཱཔེཏི…པེ… ‘ཀིཾ ནུ མེ སབྲཧྨཙཱརཱིཧཱི’ཏི ཝདཏི ཝིཉྙཱཔེཏི… ‘ན མམཏྠོ བུདྡྷེནཱ’ཏི ཝདཏི ཝིཉྙཱཔེཏི…པེ… ‘ན མམཏྠོ སབྲཧྨཙཱརཱིཧཱི’ཏི ཝདཏི ཝིཉྙཱཔེཏི… ‘སུམུཏྟཱཧཾ བུདྡྷེནཱ’ཏི ¶ ཝདཏི ཝིཉྙཱཔེཏི…པེ… ‘སུམུཏྟཱཧཾ སབྲཧྨཙཱརཱིཧཱི’ཏི ཝདཏི ཝིཉྙཱཔེཏི. ཨེཝམྤི, བྷིཀྑཝེ, དུབྦལྱཱཝིཀམྨཉྩེཝ ཧོཏི སིཀྑཱ ཙ པཙྩཀྑཱཏཱ.

༥༣. ‘‘ཡཱནི ¶ ཝཱ པནཉྙཱནིཔི ཨཏྠི བུདྡྷཝེཝཙནཱནི ཝཱ དྷམྨཝེཝཙནཱནི ཝཱ སངྒྷཝེཝཙནཱནི ཝཱ སིཀྑཱཝེཝཙནཱནི ཝཱ ཝིནཡཝེཝཙནཱནི ཝཱ པཱཏིམོཀྑཝེཝཙནཱནི ཝཱ ཨུདྡེསཝེཝཙནཱནི ཝཱ ཨུཔཛ྄ཛྷཱཡཝེཝཙནཱནི ཝཱ ¶ ཨཱཙརིཡཝེཝཙནཱནི ཝཱ སདྡྷིཝིཧཱརིཀཝེཝཙནཱནི ཝཱ ཨནྟེཝཱསིཀཝེཝཙནཱནི ཝཱ སམཱནུཔཛ྄ཛྷཱཡཀཝེཝཙནཱནི ཝཱ སམཱནཱཙརིཡཀཝེཝཙནཱནི ཝཱ སབྲཧྨཙཱརིཝེཝཙནཱནི ཝཱ གིཧིཝེཝཙནཱནི ཝཱ ཨུཔཱསཀཝེཝཙནཱནི ཝཱ ཨཱརཱམིཀཝེཝཙནཱནི ཝཱ སཱམཎེརཝེཝཙནཱནི ཝཱ ཏིཏྠིཡཝེཝཙནཱནི ཝཱ ཏིཏྠིཡསཱཝཀཝེཝཙནཱནི ཝཱ ཨསྶམཎཝེཝཙནཱནི ཝཱ ཨསཀྱཔུཏྟིཡཝེཝཙནཱནི ཝཱ, ཏེཧི ཨཱཀཱརེཧི ཏེཧི ལིངྒེཧི ཏེཧི ནིམིཏྟེཧི ཝདཏི ཝིཉྙཱཔེཏི. ཨེཝཾ ཁོ, བྷིཀྑཝེ, དུབྦལྱཱཝིཀམྨཉྩེཝ ཧོཏི སིཀྑཱ ཙ པཙྩཀྑཱཏཱ.

༥༤. ‘‘ཀཐཉྩ, བྷིཀྑཝེ, ཨཔཙྩཀྑཱཏཱ ཧོཏི སིཀྑཱ? ཨིདྷ, བྷིཀྑཝེ, ཡེཧི ཨཱཀཱརེཧི ཡེཧི ལིངྒེཧི ཡེཧི ནིམིཏྟེཧི སིཀྑཱ པཙྩཀྑཱཏཱ ཧོཏི ཏེཧི ཨཱཀཱརེཧི ཏེཧི ལིངྒེཧི ཏེཧི ནིམིཏྟེཧི ཨུམྨཏྟཀོ སིཀྑཾ པཙྩཀྑཱཏི, ཨཔཙྩཀྑཱཏཱ ཧོཏི སིཀྑཱ. ཨུམྨཏྟཀསྶ སནྟིཀེ སིཀྑཾ པཙྩཀྑཱཏི, ཨཔཙྩཀྑཱཏཱ ཧོཏི སིཀྑཱ. ཁིཏྟཙིཏྟོ སིཀྑཾ པཙྩཀྑཱཏི, ཨཔཙྩཀྑཱཏཱ ཧོཏི སིཀྑཱ. ཁིཏྟཙིཏྟསྶ སནྟིཀེ སིཀྑཾ པཙྩཀྑཱཏི, ཨཔཙྩཀྑཱཏཱ ཧོཏི སིཀྑཱ. ཝེདནཱཊྚོ སིཀྑཾ པཙྩཀྑཱཏི, ཨཔཙྩཀྑཱཏཱ ཧོཏི སིཀྑཱ. ཝེདནཱཊྚསྶ སནྟིཀེ སིཀྑཾ པཙྩཀྑཱཏི, ཨཔཙྩཀྑཱཏཱ ཧོཏི སིཀྑཱ. དེཝཏཱཡ སནྟིཀེ སིཀྑཾ པཙྩཀྑཱཏི, ཨཔཙྩཀྑཱཏཱ ཧོཏི སིཀྑཱ. ཏིརཙྪཱནགཏསྶ སནྟིཀེ སིཀྑཾ པཙྩཀྑཱཏི, ཨཔཙྩཀྑཱཏཱ ¶ ཧོཏི སིཀྑཱ. ཨརིཡཀེན མིལཀྑསྶ [མིལཀྑཀསྶ (སཱི. སྱཱ.) མིལཀྑུསྶ (ཀ.)] སནྟིཀེ སིཀྑཾ པཙྩཀྑཱཏི, སོ ཙ ན པཊིཝིཛཱནཱཏི, ཨཔཙྩཀྑཱཏཱ ཧོཏི སིཀྑཱ. མིལཀྑཀེན ཨརིཡཀསྶ སནྟིཀེ སིཀྑཾ པཙྩཀྑཱཏི, སོ ཙ ན པཊིཝིཛཱནཱཏི, ཨཔཙྩཀྑཱཏཱ ཧོཏི སིཀྑཱ. ཨརིཡཀེན ཨརིཡསྶ སནྟིཀེ སིཀྑཾ པཙྩཀྑཱཏི, སོ ཙ ན པཊིཝིཛཱནཱཏི ¶ , ཨཔཙྩཀྑཱཏཱ ཧོཏི སིཀྑཱ. མིལཀྑཀེན མིལཀྑསྶ ¶ སནྟིཀེ སིཀྑཾ པཙྩཀྑཱཏི, སོ ཙ ན པཊིཝིཛཱནཱཏི, ཨཔཙྩཀྑཱཏཱ ཧོཏི སིཀྑཱ. དཝཱཡ སིཀྑཾ པཙྩཀྑཱཏི, ཨཔཙྩཀྑཱཏཱ ཧོཏི སིཀྑཱ. རཝཱཡ སིཀྑཾ པཙྩཀྑཱཏི, ཨཔཙྩཀྑཱཏཱ ཧོཏི སིཀྑཱ. ཨསཱཝེཏུཀཱམོ སཱཝེཏི, ཨཔཙྩཀྑཱཏཱ ཧོཏི སིཀྑཱ. སཱཝེཏུཀཱམོ ན སཱཝེཏི, ཨཔཙྩཀྑཱཏཱ ཧོཏི སིཀྑཱ. ཨཝིཉྙུསྶ སཱཝེཏི, ཨཔཙྩཀྑཱཏཱ ཧོཏི སིཀྑཱ. ཝིཉྙུསྶ ན སཱཝེཏི, ཨཔཙྩཀྑཱཏཱ ཧོཏི སིཀྑཱ. སབྦསོ ¶ ཝཱ པན ན སཱཝེཏི, ཨཔཙྩཀྑཱཏཱ ཧོཏི སིཀྑཱ. ཨེཝཾ ཁོ, བྷིཀྑཝེ, ཨཔཙྩཀྑཱཏཱ ཧོཏི སིཀྑཱ’’.

༥༥. [མཧཱནི. ༤༩, ༥༠, ༥༡] མེཐུནདྷམྨོ ནཱམ ཡོ སོ ཨསདྡྷམྨོ གཱམདྷམྨོ ཝསལདྷམྨོ དུཊྛུལླཾ ཨོདཀནྟིཀཾ རཧསྶཾ དྭཡཾདྭཡསམཱཔཏྟི, ཨེསོ མེཐུནདྷམྨོ ནཱམ.

པཊིསེཝཏི ནཱམ ཡོ ནིམིཏྟེན ནིམིཏྟཾ ཨངྒཛཱཏེན ཨངྒཛཱཏཾ ཨནྟམསོ ཏིལཕལམཏྟམྤི པཝེསེཏི, ཨེསོ པཊིསེཝཏི ནཱམ.

ཨནྟམསོ ¶ ཏིརཙྪཱནགཏཱཡཔཱིཏི ཏིརཙྪཱནགཏིཏྠིཡཱཔི མེཐུནཾ དྷམྨཾ པཊིསེཝིཏྭཱ ཨསྶམཎོ ཧོཏི ཨསཀྱཔུཏྟིཡོ, པགེཝ མནུསྶིཏྠིཡཱ. ཏེན ཝུཙྩཏི – ‘ཨནྟམསོ ཏིརཙྪཱནགཏཱཡཔཱི’ཏི.

པཱརཱཛིཀོ ཧོཏཱིཏི སེཡྻཐཱཔི ནཱམ པུརིསོ སཱིསཙྪིནྣོ ཨབྷབྦོ ཏེན སརཱིརབནྡྷནེན ཛཱིཝིཏུཾ, ཨེཝམེཝ བྷིཀྑུ མེཐུནཾ དྷམྨཾ པཊིསེཝིཏྭཱ ཨསྶམཎོ ཧོཏི ཨསཀྱཔུཏྟིཡོ. ཏེན ཝུཙྩཏི – ‘པཱརཱཛིཀོ ཧོཏཱི’ཏི.

ཨསཾཝཱསོཏི སཾཝཱསོ ནཱམ ཨེཀཀམྨཾ ཨེཀུདྡེསོ སམསིཀྑཏཱ – ཨེསོ སཾཝཱསོ ནཱམ. སོ ཏེན སདྡྷིཾ ནཏྠི. ཏེན ཝུཙྩཏི – ‘ཨསཾཝཱསོ’ཏི.

༥༦. ཏིསྶོ ཨིཏྠིཡོ – མནུསྶིཏྠཱི, ཨམནུསྶིཏྠཱི, ཏིརཙྪཱནགཏིཏྠཱི. ཏཡོ ཨུབྷཏོབྱཉྫནཀཱ – མནུསྶུབྷཏོབྱཉྫནཀོ, ཨམནུསྶུབྷཏོབྱཉྫནཀོ, ཏིརཙྪཱནགཏུབྷཏོབྱཉྫནཀོ. ཏཡོ པཎྜཀཱ – མནུསྶཔཎྜཀོ, ཨམནུསྶཔཎྜཀོ ¶ , ཏིརཙྪཱནགཏཔཎྜཀོ. ཏཡོ པུརིསཱ – མནུསྶཔུརིསོ, ཨམནུསྶཔུརིསོ, ཏིརཙྪཱནགཏཔུརིསོ.

མནུསྶིཏྠིཡཱ ཏཡོ མགྒེ མེཐུནཾ དྷམྨཾ པཊིསེཝནྟསྶ ཨཱཔཏྟི པཱརཱཛིཀསྶ – ཝཙྩམགྒེ, པསྶཱཝམགྒེ, མུཁེ. ཨམནུསྶིཏྠིཡཱ…པེ… ཏིརཙྪཱནགཏིཏྠིཡཱ ཏཡོ མགྒེ མེཐུནཾ དྷམྨཾ པཊིསེཝནྟསྶ ཨཱཔཏྟི པཱརཱཛིཀསྶ – ཝཙྩམགྒེ, པསྶཱཝམགྒེ, མུཁེ. མནུསྶུབྷཏོབྱཉྫནཀསྶ… ཨམནུསྶུབྷཏོབྱཉྫནཀསྶ… ཏིརཙྪཱནགཏུབྷཏོབྱཉྫནཀསྶ ཏཡོ ¶ མགྒེ མེཐུནཾ དྷམྨཾ པཊིསེཝནྟསྶ ཨཱཔཏྟི པཱརཱཛིཀསྶ – ཝཙྩམགྒེ, པསྶཱཝམགྒེ, མུཁེ. མནུསྶཔཎྜཀསྶ དྭེ མགྒེ ¶ མེཐུནཾ དྷམྨཾ པཊིསེཝནྟསྶ ཨཱཔཏྟི པཱརཱཛིཀསྶ – ཝཙྩམགྒེ, མུཁེ. ཨམནུསྶཔཎྜཀསྶ… ཏིརཙྪཱནགཏཔཎྜཀསྶ… མནུསྶཔུརིསསྶ… ཨམནུསྶཔུརིསསྶ… ཏིརཙྪཱནགཏཔུརིསསྶ དྭེ མགྒེ མེཐུནཾ དྷམྨཾ པཊིསེཝནྟསྶ ཨཱཔཏྟི པཱརཱཛིཀསྶ – ཝཙྩམགྒེ, མུཁེ.

༥༧. བྷིཀྑུསྶ ¶ སེཝནཙིཏྟཾ ཨུཔཊྛིཏེ མནུསྶིཏྠིཡཱ ཝཙྩམགྒཾ ཨངྒཛཱཏཾ པཝེསེནྟསྶ ཨཱཔཏྟི པཱརཱཛིཀསྶ. བྷིཀྑུསྶ སེཝནཙིཏྟཾ ཨུཔཊྛིཏེ མནུསྶིཏྠིཡཱ པསྶཱཝམགྒཾ… མུཁཾ ཨངྒཛཱཏཾ པཝེསེནྟསྶ ཨཱཔཏྟི པཱརཱཛིཀསྶ. བྷིཀྑུསྶ སེཝནཙིཏྟཾ ཨུཔཊྛིཏེ ཨམནུསྶིཏྠིཡཱ… ཏིརཙྪཱནགཏིཏྠིཡཱ… མནུསྶུབྷཏོབྱཉྫནཀསྶ… ཨམནུསྶུབྷཏོབྱཉྫནཀསྶ… ཏིརཙྪཱནགཏུབྷཏོབྱཉྫནཀསྶ… ཝཙྩམགྒཾ པསྶཱཝམགྒཾ མུཁཾ ཨངྒཛཱཏཾ པཝེསེནྟསྶ ཨཱཔཏྟི པཱརཱཛིཀསྶ. བྷིཀྑུསྶ སེཝནཙིཏྟཾ ཨུཔཊྛིཏེ མནུསྶཔཎྜཀསྶ ཝཙྩམགྒཾ མུཁཾ ཨངྒཛཱཏཾ པཝེསེནྟསྶ ཨཱཔཏྟི པཱརཱཛིཀསྶ. བྷིཀྑུསྶ སེཝནཙིཏྟཾ ཨུཔཊྛིཏེ ཨམནུསྶཔཎྜཀསྶ… ཏིརཙྪཱནགཏཔཎྜཀསྶ… མནུསྶཔུརིསསྶ… ཨམནུསྶཔུརིསསྶ… ཏིརཙྪཱནགཏཔུརིསསྶ ཝཙྩམགྒཾ མུཁཾ ཨངྒཛཱཏཾ པཝེསེནྟསྶ ཨཱཔཏྟི པཱརཱཛིཀསྶ.

༥༨. བྷིཀྑུཔཙྩཏྠིཀཱ མནུསྶིཏྠིཾ བྷིཀྑུསྶ སནྟིཀེ ཨཱནེཏྭཱ ཝཙྩམགྒེན ¶ ཨངྒཛཱཏཾ ཨབྷིནིསཱིདེནྟི. སོ ཙེ པཝེསནཾ སཱདིཡཏི [པཝིསནཾ སཱདཡཏི (ཀ.)], པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི པཱརཱཛིཀསྶ. བྷིཀྑུཔཙྩཏྠིཀཱ མནུསྶིཏྠིཾ བྷིཀྑུསྶ སནྟིཀེ ཨཱནེཏྭཱ ཝཙྩམགྒེན ཨངྒཛཱཏཾ ཨབྷིནིསཱིདེནྟི. སོ ཙེ པཝེསནཾ ན སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི པཱརཱཛིཀསྶ. བྷིཀྑུཔཙྩཏྠིཀཱ མནུསྶིཏྠིཾ བྷིཀྑུསྶ སནྟིཀེ ¶ ཨཱནེཏྭཱ ཝཙྩམགྒེན ཨངྒཛཱཏཾ ཨབྷིནིསཱིདེནྟི. སོ ཙེ པཝེསནཾ ན སཱདིཡཏི, པཝིཊྛཾ ན སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི པཱརཱཛིཀསྶ. བྷིཀྑུཔཙྩཏྠིཀཱ མནུསྶིཏྠིཾ བྷིཀྑུསྶ སནྟིཀེ ཨཱནེཏྭཱ ཝཙྩམགྒེན ཨངྒཛཱཏཾ ཨབྷིནིསཱིདེནྟི. སོ ཙེ པཝེསནཾ ན སཱདིཡཏི, པཝིཊྛཾ ན སཱདིཡཏི, ཋིཏཾ ན སཱདིཡཏི, ཨུདྡྷརཎཾ སཱདིཡཏི ཨཱཔཏྟི པཱརཱཛིཀསྶ. བྷིཀྑུཔཙྩཏྠིཀཱ མནུསྶིཏྠིཾ བྷིཀྑུསྶ སནྟིཀེ ཨཱནེཏྭཱ ཝཙྩམགྒེན ཨངྒཛཱཏཾ ཨབྷིནིསཱིདེནྟི. སོ ཙེ པཝེསནཾ ན སཱདིཡཏི, པཝིཊྛཾ ན སཱདིཡཏི, ཋིཏཾ ན སཱདིཡཏི, ཨུདྡྷརཎཾ ན སཱདིཡཏི, ཨནཱཔཏྟི.

བྷིཀྑུཔཙྩཏྠིཀཱ མནུསྶིཏྠིཾ བྷིཀྑུསྶ སནྟིཀེ ཨཱནེཏྭཱ པསྶཱཝམགྒེན… མུཁེན ཨངྒཛཱཏཾ ཨབྷིནིསཱིདེནྟི. སོ ཙེ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི པཱརཱཛིཀསྶ…པེ… ན སཱདིཡཏི, ཨནཱཔཏྟི.

༥༩. བྷིཀྑུཔཙྩཏྠིཀཱ ¶ མནུསྶིཏྠིཾ ཛཱགརནྟིཾ… སུཏྟཾ… མཏྟཾ… ཨུམྨཏྟཾ… པམཏྟཾ… མཏཾ ཨཀྑཱཡིཏཾ… མཏཾ ཡེབྷུཡྻེན ཨཀྑཱཡིཏཾ…པེ… ཨཱཔཏྟི པཱརཱཛིཀསྶ. མཏཾ ཡེབྷུཡྻེན ཁཱཡིཏཾ བྷིཀྑུསྶ སནྟིཀེ ¶ ཨཱནེཏྭཱ ཝཙྩམགྒེན… པསྶཱཝམགྒེན… མུཁེན ཨངྒཛཱཏཾ ཨབྷིནིསཱིདེནྟི. སོ ཙེ པཝེསནཾ ¶ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི ཐུལླཙྩཡསྶ…པེ… ན སཱདིཡཏི, ཨནཱཔཏྟི.

བྷིཀྑུཔཙྩཏྠིཀཱ ཨམནུསྶིཏྠིཾ… ཏིརཙྪཱནགཏིཏྠིཾ… མནུསྶུབྷཏོབྱཉྫནཀཾ… ཨམནུསྶུབྷཏོབྱཉྫནཀཾ… ཏིརཙྪཱནགཏུབྷཏོབྱཉྫནཀཾ བྷིཀྑུསྶ སནྟིཀེ ཨཱནེཏྭཱ ཝཙྩམགྒེན… པསྶཱཝམགྒེན… མུཁེན ཨངྒཛཱཏཾ ཨབྷིནིསཱིདེནྟི. སོ ཙེ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི པཱརཱཛིཀསྶ…པེ… ན སཱདིཡཏི, ཨནཱཔཏྟི.

བྷིཀྑུཔཙྩཏྠིཀཱ ཏིརཙྪཱནགཏུབྷཏོབྱཉྫནཀཾ ཛཱགརནྟཾ… སུཏྟཾ… མཏྟཾ… ཨུམྨཏྟཾ… པམཏྟཾ… མཏཾ ཨཀྑཱཡིཏཾ… མཏཾ ཡེབྷུཡྻེན ཨཀྑཱཡིཏཾ…པེ… ཨཱཔཏྟི པཱརཱཛིཀསྶ. མཏཾ ཡེབྷུཡྻེན ཁཱཡིཏཾ བྷིཀྑུསྶ སནྟིཀེ ཨཱནེཏྭཱ ཝཙྩམགྒེན… པསྶཱཝམགྒེན… མུཁེན ཨངྒཛཱཏཾ ཨབྷིནིསཱིདེནྟི. སོ ཙེ པཝེསནཾ སཱདིཡཏི ¶ , པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི ཐུལླཙྩཡསྶ…པེ… ན སཱདིཡཏི, ཨནཱཔཏྟི.

བྷིཀྑུཔཙྩཏྠིཀཱ མནུསྶཔཎྜཀཾ… ཨམནུསྶཔཎྜཀཾ… ཏིརཙྪཱནགཏཔཎྜཀཾ བྷིཀྑུསྶ སནྟིཀེ ཨཱནེཏྭཱ ཝཙྩམགྒེན… མུཁེན ཨངྒཛཱཏཾ ཨབྷིནིསཱིདེནྟི. སོ ཙེ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི པཱརཱཛིཀསྶ…པེ… ན སཱདིཡཏི, ཨནཱཔཏྟི.

བྷིཀྑུཔཙྩཏྠིཀཱ ཏིརཙྪཱནགཏཔཎྜཀཾ ཛཱགརནྟཾ… སུཏྟཾ… མཏྟཾ… ཨུམྨཏྟཾ… པམཏྟཾ… མཏཾ ཨཀྑཱཡིཏཾ ¶ … མཏཾ ཡེབྷུཡྻེན ཨཀྑཱཡིཏཾ…པེ… ཨཱཔཏྟི པཱརཱཛིཀསྶ. མཏཾ ཡེབྷུཡྻེན ¶ ཁཱཡིཏཾ བྷིཀྑུསྶ སནྟིཀེ ཨཱནེཏྭཱ ཝཙྩམགྒེན… མུཁེན ཨངྒཛཱཏཾ ཨབྷིནིསཱིདེནྟི. སོ ཙེ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི ཐུལླཙྩཡསྶ…པེ… ན སཱདིཡཏི, ཨནཱཔཏྟི.

༦༠. བྷིཀྑུཔཙྩཏྠིཀཱ མནུསྶཔུརིསཾ… ཨམནུསྶཔུརིསཾ… ཏིརཙྪཱནགཏཔུརིསཾ བྷིཀྑུསྶ སནྟིཀེ ཨཱནེཏྭཱ ཝཙྩམགྒེན… མུཁེན ཨངྒཛཱཏཾ ཨབྷིནིསཱིདེནྟི. སོ ཙེ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི པཱརཱཛིཀསྶ…པེ… ན སཱདིཡཏི, ཨནཱཔཏྟི.

བྷིཀྑུཔཙྩཏྠིཀཱ ཏིརཙྪཱནགཏཔུརིསཾ ཛཱགརནྟཾ… སུཏྟཾ… མཏྟཾ… ཨུམྨཏྟཾ… པམཏྟཾ… མཏཾ ཨཀྑཱཡིཏཾ… མཏཾ ཡེབྷུཡྻེན ཨཀྑཱཡིཏཾ…པེ… ཨཱཔཏྟི པཱརཱཛིཀསྶ. མཏཾ ཡེབྷུཡྻེན ཁཱཡིཏཾ བྷིཀྑུསྶ སནྟིཀེ ཨཱནེཏྭཱ ཝཙྩམགྒེན… མུཁེན ཨངྒཛཱཏཾ ཨབྷིནིསཱིདེནྟི. སོ ཙེ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི ཐུལླཙྩཡསྶ…པེ… ན སཱདིཡཏི, ཨནཱཔཏྟི.

༦༡. བྷིཀྑུཔཙྩཏྠིཀཱ མནུསྶིཏྠིཾ བྷིཀྑུསྶ ¶ སནྟིཀེ ཨཱནེཏྭཱ ཝཙྩམགྒེན… པསྶཱཝམགྒེན… མུཁེན ཨངྒཛཱཏཾ ཨབྷིནིསཱིདེནྟི སནྠཏཱཡ ཨསནྠཏསྶ, ཨསནྠཏཱཡ སནྠཏསྶ, སནྠཏཱཡ སནྠཏསྶ, ཨསནྠཏཱཡ ཨསནྠཏསྶ. སོ ཙེ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི པཱརཱཛིཀསྶ…པེ… ན སཱདིཡཏི, ཨནཱཔཏྟི ¶ .

བྷིཀྑུཔཙྩཏྠིཀཱ ¶ མནུསྶིཏྠིཾ ཛཱགརནྟིཾ… སུཏྟཾ… མཏྟཾ… ཨུམྨཏྟཾ… པམཏྟཾ… མཏཾ ཨཀྑཱཡིཏཾ… མཏཾ ཡེབྷུཡྻེན ཨཀྑཱཡིཏཾ…པེ… ཨཱཔཏྟི པཱརཱཛིཀསྶ. མཏཾ ཡེབྷུཡྻེན ཁཱཡིཏཾ བྷིཀྑུསྶ སནྟིཀེ ཨཱནེཏྭཱ ཝཙྩམགྒེན… པསྶཱཝམགྒེན… མུཁེན ཨངྒཛཱཏཾ ཨབྷིནིསཱིདེནྟི, སནྠཏཱཡ ཨསནྠཏསྶ, ཨསནྠཏཱཡ སནྠཏསྶ, སནྠཏཱཡ སནྠཏསྶ, ཨསནྠཏཱཡ ཨསནྠཏསྶ. སོ ཙེ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི ཐུལླཙྩཡསྶ…པེ… ན སཱདིཡཏི, ཨནཱཔཏྟི.

བྷིཀྑུཔཙྩཏྠིཀཱ ཨམནུསྶིཏྠིཾ… ཏིརཙྪཱནགཏིཏྠིཾ… མནུསྶུབྷཏོབྱཉྫནཀཾ… ཨམནསྶུབྷཏོབྱཉྫནཀཾ ¶ … ཏིརཙྪཱནགཏུབྷཏོབྱཉྫནཀཾ བྷིཀྑུསྶ སནྟིཀེ ཨཱནེཏྭཱ ཝཙྩམགྒེན… པསྶཱཝམགྒེན… མུཁེན ཨངྒཛཱཏཾ ཨབྷིནིསཱིདེནྟི སནྠཏསྶ ཨསནྠཏསྶ, ཨསནྠཏསྶ སནྠཏསྶ, སནྠཏསྶ སནྠཏསྶ, ཨསནྠཏསྶ ཨསནྠཏསྶ. སོ ཙེ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི པཱརཱཛིཀསྶ…པེ… ན སཱདིཡཏི, ཨནཱཔཏྟི.

བྷིཀྑུཔཙྩཏྠིཀཱ ཏིརཙྪཱནགཏུབྷཏོབྱཉྫནཀཾ ཛཱགརནྟཾ… སུཏྟཾ… མཏྟཾ… ཨུམྨཏྟཾ… པམཏྟཾ… མཏཾ ཨཀྑཱཡིཏཾ… མཏཾ ཡེབྷུཡྻེན ཨཀྑཱཡིཏཾ…པེ… ཨཱཔཏྟི པཱརཱཛིཀསྶ. མཏཾ ཡེབྷུཡྻེན ཁཱཡིཏཾ བྷིཀྑུསྶ སནྟིཀེ ཨཱནེཏྭཱ ཝཙྩམགྒེན… པསྶཱཝམགྒེན… མུཁེན ཨངྒཛཱཏཾ ཨབྷིནིསཱིདེནྟི, སནྠཏསྶ ཨསནྠཏསྶ, ཨསནྠཏསྶ སནྠཏསྶ, སནྠཏསྶ སནྠཏསྶ, ཨསནྠཏསྶ ཨསནྠཏསྶ. སོ ཙེ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི ¶ , ཨུདྡྷརཎཾ སཱདིཡཏི, ཨཱཔཏྟི ཐུལླཙྩཡསྶ…པེ… ན སཱདིཡཏི, ཨནཱཔཏྟི.

༦༢. བྷིཀྑུཔཙྩཏྠིཀཱ མནུསྶཔཎྜཀཾ… ཨམནུསྶཔཎྜཀཾ… ཏིརཙྪཱནགཏཔཎྜཀཾ… མནུསྶཔུརིསཾ… ཨམནུསྶཔུརིསཾ… ཏིརཙྪཱནགཏཔུརིསཾ བྷིཀྑུསྶ སནྟིཀེ ཨཱནེཏྭཱ ཝཙྩམགྒེན… མུཁེན ཨངྒཛཱཏཾ ཨབྷིནིསཱིདེནྟི སནྠཏསྶ ཨསནྠཏསྶ, ཨསནྠཏསྶ སནྠཏསྶ, སནྠཏསྶ སནྠཏསྶ, ཨསནྠཏསྶ ཨསནྠཏསྶ. སོ ཙེ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི པཱརཱཛིཀསྶ…པེ… ན སཱདིཡཏི, ཨནཱཔཏྟི.

བྷིཀྑུཔཙྩཏྠིཀཱ ¶ ཏིརཙྪཱནགཏཔུརིསཾ ཛཱགརནྟཾ… སུཏྟཾ… མཏྟཾ… ཨུམྨཏྟཾ… པམཏྟཾ… མཏཾ ཨཀྑཱཡིཏཾ… མཏཾ ཡེབྷུཡྻེན ཨཀྑཱཡིཏཾ…པེ… ཨཱཔཏྟི པཱརཱཛིཀསྶ. མཏཾ ཡེབྷུཡྻེན ཁཱཡིཏཾ བྷིཀྑུསྶ སནྟིཀེ ཨཱནེཏྭཱ ཝཙྩམགྒེན… མུཁེན ཨངྒཛཱཏཾ ཨབྷིནིསཱིདེནྟི, སནྠཏསྶ ཨསནྠཏསྶ, ཨསནྠཏསྶ སནྠཏསྶ, སནྠཏསྶ སནྠཏསྶ, ཨསནྠཏསྶ ཨསནྠཏསྶ. སོ ཙ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི ¶ , ཨཱཔཏྟི ཐུལླཙྩཡསྶ…པེ… ན སཱདིཡཏི, ཨནཱཔཏྟི.

༦༣. བྷིཀྑུཔཙྩཏྠིཀཱ བྷིཀྑུཾ མནུསྶིཏྠིཡཱ སནྟིཀེ ཨཱནེཏྭཱ ཨངྒཛཱཏེན ཝཙྩམགྒཾ… པསྶཱཝམགྒཾ… མུཁཾ ཨབྷིནིསཱིདེནྟི. སོ ཙེ པཝེསནཾ སཱདིཡཏི, པཝིཊྛཾ སཱདིཡཏི ¶ , ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི པཱརཱཛིཀསྶ…པེ… ན སཱདིཡཏི, ཨནཱཔཏྟི.

བྷིཀྑུཔཙྩཏྠིཀཱ བྷིཀྑུཾ མནུསྶིཏྠིཡཱ ཛཱགརནྟིཡཱ… སུཏྟཱཡ… མཏྟཱཡ… ཨུམྨཏྟཱཡ… པམཏྟཱཡ ¶ … མཏཱཡ ཨཀྑཱཡིཏཱཡ… མཏཱཡ ཡེབྷུཡྻེན ཨཀྑཱཡིཏཱཡ…པེ… ཨཱཔཏྟི པཱརཱཛིཀསྶ. མཏཱཡ ཡེབྷུཡྻེན ཁཱཡིཏཱཡ སནྟིཀེ ཨཱནེཏྭཱ ཨངྒཛཱཏེན ཝཙྩམགྒཾ… པསྶཱཝམགྒཾ… མུཁཾ ཨབྷིནིསཱིདེནྟི. སོ ཙེ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི ཐུལླཙྩཡསྶ…པེ… ན སཱདིཡཏི, ཨནཱཔཏྟི.

བྷིཀྑུཔཙྩཏྠིཀཱ བྷིཀྑུཾ ཨམནུསྶིཏྠིཡཱ… ཏིརཙྪཱནགཏིཏྠིཡཱ… མནུསྶུབྷཏོབྱཉྫནཀསྶ… ཨམནུསྶུབྷཏོབྱཉྫནཀསྶ… ཏིརཙྪཱནགཏུབྷཏོབྱཉྫནཀསྶ… མནུསྶཔཎྜཀསྶ… ཨམནུསྶཔཎྜཀསྶ… ཏིརཙྪཱནགཏཔཎྜཀསྶ… མནུསྶཔུརིསསྶ… ཨམནུསྶཔུརིསསྶ… ཏིརཙྪཱནགཏཔུརིསསྶ སནྟིཀེ ཨཱནེཏྭཱ ཨངྒཛཱཏེན ཝཙྩམགྒཾ… མུཁཾ ཨབྷིནིསཱིདེནྟི. སོ ཙེ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི པཱརཱཛིཀསྶ…པེ… ན སཱདིཡཏི, ཨནཱཔཏྟི.

བྷིཀྑུཔཙྩཏྠིཀཱ བྷིཀྑུཾ ཏིརཙྪཱནགཏཔུརིསསྶ ཛཱགརནྟསྶ… སུཏྟསྶ… མཏྟསྶ… ཨུམྨཏྟསྶ… པམཏྟསྶ… མཏསྶ ཨཀྑཱཡིཏསྶ… མཏསྶ ཡེབྷུཡྻེན ཨཀྑཱཡིཏསྶ…པེ… ཨཱཔཏྟི པཱརཱཛིཀསྶ. མཏསྶ ཡེབྷུཡྻེན ཁཱཡིཏསྶ སནྟིཀེ ཨཱནེཏྭཱ ཨངྒཛཱཏེན ཝཙྩམགྒཾ… མུཁཾ ཨབྷིནིསཱིདེནྟི. སོ ¶ ཙེ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི ཐུལླཙྩཡསྶ…པེ… ན སཱདིཡཏི, ཨནཱཔཏྟི.

༦༤. བྷིཀྑུཔཙྩཏྠིཀཱ བྷིཀྑུཾ མནུསྶིཏྠིཡཱ སནྟིཀེ ཨཱནེཏྭཱ ཨངྒཛཱཏེན ¶ ཝཙྩམགྒཾ… པསྶཱཝམགྒཾ… མུཁཾ ཨབྷིནིསཱིདེནྟི སནྠཏསྶ ཨསནྠཏཱཡ, ཨསནྠཏསྶ སནྠཏཱཡ, སནྠཏསྶ སནྠཏཱཡ, ཨསནྠཏསྶ ཨསནྠཏཱཡ. སོ ཙེ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི པཱརཱཛིཀསྶ…པེ… ན སཱདིཡཏི, ཨནཱཔཏྟི.

བྷིཀྑུཔཙྩཏྠིཀཱ ¶ བྷིཀྑུཾ མནུསྶིཏྠིཡཱ ཛཱགརནྟིཡཱ… སུཏྟཱཡ… མཏྟཱཡ… ཨུམྨཏྟཱཡ… པམཏྟཱཡ… མཏཱཡ ཨཀྑཱཡིཏཱཡ… མཏཱཡ ཡེབྷུཡྻེན ཨཀྑཱཡིཏཱཡ…པེ… ཨཱཔཏྟི པཱརཱཛིཀསྶ. མཏཱཡ ཡེབྷུཡྻེན ཁཱཡིཏཱཡ སནྟིཀེ ཨཱནེཏྭཱ ཨངྒཛཱཏེན ¶ ཝཙྩམགྒཾ… པསྶཱཝམགྒཾ… མུཁཾ ཨབྷིནིསཱིདེནྟི སནྠཏསྶ ཨསནྠཏཱཡ, ཨསནྠཏསྶ སནྠཏཱཡ, སནྠཏསྶ སནྠཏཱཡ, ཨསནྠཏསྶ ཨསནྠཏཱཡ. སོ ཙེ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི ཐུལླཙྩཡསྶ…པེ… ན སཱདིཡཏི, ཨནཱཔཏྟི.

བྷིཀྑུཔཙྩཏྠིཀཱ བྷིཀྑུཾ ཨམནུསྶིཏྠིཡཱ… ཏིརཙྪཱནགཏིཏྠིཡཱ… མནུསྶུབྷཏོབྱཉྫནཀསྶ… ཨམནུསྶུབྷཏོབྱཉྫནཀསྶ… ཏིརཙྪཱནགཏུབྷཏོབྱཉྫནཀསྶ… མནུསྶཔཎྜཀསྶ… ཨམནུསྶཔཎྜཀསྶ… ཏིརཙྪཱནགཏཔཎྜཀསྶ… མནུསྶཔུརིསསྶ… ཨམནུསྶཔུརིསསྶ… ཏིརཙྪཱནགཏཔུརིསསྶ སནྟིཀེ ཨཱནེཏྭཱ ཨངྒཛཱཏེན ཝཙྩམགྒཾ… མུཁཾ ཨབྷིནིསཱིདེནྟི སནྠཏསྶ ཨསནྠཏསྶ, ཨསནྠཏསྶ སནྠཏསྶ, སནྠཏསྶ སནྠཏསྶ, ཨསནྠཏསྶ ཨསནྠཏསྶ. སོ ཙེ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི པཱརཱཛིཀསྶ…པེ… ན སཱདིཡཏི, ཨནཱཔཏྟི.

༦༥. བྷིཀྑུཔཙྩཏྠིཀཱ ¶ བྷིཀྑུཾ ཏིརཙྪཱནགཏཔུརིསསྶ ཛཱགརནྟསྶ… སུཏྟསྶ… མཏྟསྶ… ཨུམྨཏྟསྶ… པམཏྟསྶ… མཏསྶ ཨཀྑཱཡིཏསྶ… མཏསྶ ཡེབྷུཡྻེན ཨཀྑཱཡིཏསྶ…པེ… ཨཱཔཏྟི པཱརཱཛིཀསྶ. མཏསྶ ཡེབྷུཡྻེན ཁཱཡིཏསྶ སནྟིཀེ ཨཱནེཏྭཱ ཨངྒཛཱཏེན ཝཙྩམགྒཾ… མུཁཾ ཨབྷིནིསཱིདེནྟི སནྠཏསྶ ཨསནྠཏསྶ, ཨསནྠཏསྶ སནྠཏསྶ, སནྠཏསྶ ¶ སནྠཏསྶ, ཨསནྠཏསྶ ཨསནྠཏསྶ. སོ ཙེ པཝེསནཾ སཱདིཡཏི, པཝིཊྛཾ སཱདིཡཏི, ཋིཏཾ སཱདིཡཏི, ཨུདྡྷརཎཾ སཱདིཡཏི, ཨཱཔཏྟི ཐུལླཙྩཡསྶ…པེ… ན སཱདིཡཏི, ཨནཱཔཏྟི.

ཡཐཱ བྷིཀྑུཔཙྩཏྠིཀཱ ཝིཏྠཱརིཏཱ, ཨེཝཾ ཝིཏྠཱརེཏབྦཱ.

རཱཛཔཙྩཏྠིཀཱ… ཙོརཔཙྩཏྠིཀཱ… དྷུཏྟཔཙྩཏྠིཀཱ… ཨུཔྤལ༹གནྡྷཔཙྩཏྠིཀཱ. སཾཁིཏྟཾ.

༦༦. མགྒེན མགྒཾ པཝེསེཏི, ཨཱཔཏྟི པཱརཱཛིཀསྶ. མགྒེན ཨམགྒཾ པཝེསེཏི, ཨཱཔཏྟི པཱརཱཛིཀསྶ. ཨམགྒེན མགྒཾ པཝེསེཏི, ཨཱཔཏྟི ¶ པཱརཱཛིཀསྶ. ཨམགྒེན ཨམགྒཾ པཝེསེཏི, ཨཱཔཏྟི ཐུལླཙྩཡསྶ.

བྷིཀྑུ སུཏྟབྷིཀྑུམྷི ཝིཔྤཊིཔཛྫཏི; པཊིབུདྡྷོ སཱདིཡཏི, ཨུབྷོ ནཱསེཏབྦཱ. པཊིབུདྡྷོ ན སཱདིཡཏི, དཱུསཀོ ནཱསེཏབྦོ. བྷིཀྑུ སུཏྟསཱམཎེརམྷི ཝིཔྤཊིཔཛྫཏི; པཊིབུདྡྷོ སཱདིཡཏི, ཨུབྷོ ནཱསེཏབྦཱ. པཊིབུདྡྷོ ན སཱདིཡཏི, དཱུསཀོ ནཱསེཏབྦོ. སཱམཎེརོ སུཏྟབྷིཀྑུམྷི ཝིཔྤཊིཔཛྫཏི; པཊིབུདྡྷོ སཱདིཡཏི, ཨུབྷོ ནཱསེཏབྦཱ. པཊིབུདྡྷོ ན སཱདིཡཏི, དཱུསཀོ ནཱསེཏབྦོ. སཱམཎེརོ སུཏྟསཱམཎེརམྷི ཝིཔྤཊིཔཛྫཏི; པཊིབུདྡྷོ སཱདིཡཏི, ཨུབྷོ ནཱསེཏབྦཱ ¶ . པཊིབུདྡྷོ ན སཱདིཡཏི, དཱུསཀོ ནཱསེཏབྦོ.

ཨནཱཔཏྟི ཨཛཱནནྟསྶ, ཨསཱདིཡནྟསྶ, ཨུམྨཏྟཀསྶ, ཁིཏྟཙིཏྟསྶ, ཝེདནཱཊྚསྶ, ཨཱདིཀམྨིཀསྶཱཏི.

སནྠཏབྷཱཎཝཱརོ ནིཊྛིཏོ.

ཝིནཱིཏཝཏྠུཨུདྡཱནགཱཐཱ

མཀྐཊཱི ཝཛྫིཔུཏྟཱ ཙ, གིཧཱི ནགྒོ ཙ ཏིཏྠིཡཱ;

དཱརིཀུཔྤལཝཎྞཱ ཙ, བྱཉྫནེཧིཔརེ དུཝེ.

མཱཏཱ ¶ དྷཱིཏཱ བྷགིནཱི ཙ, ཛཱཡཱ ཙ མུདུ ལམྦིནཱ;

དྭེ ¶ ཝཎཱ ལེཔཙིཏྟཉྩ, དཱརུདྷཱིཏལིཀཱཡ ཙ.

སུནྡརེན སཧ པཉྩ, པཉྩ སིཝཐིཀཊྛིཀཱ;

ནཱགཱི ཡཀྑཱི ཙ པེཏཱི ཙ, པཎྜཀོཔཧཏོ ཚུཔེ.

བྷདྡིཡེ ཨརཧཾ སུཏྟོ, སཱཝཏྠིཡཱ ཙཏུརོ པརེ;

ཝེསཱལིཡཱ ཏཡོ མཱལཱ, སུཔིནེ བྷཱརུཀཙྪཀོ.

སུཔབྦཱ ¶ སདྡྷཱ བྷིཀྑུནཱི, སིཀྑམཱནཱ སཱམཎེརཱི ཙ;

ཝེསིཡཱ པཎྜཀོ གིཧཱི, ཨཉྙམཉྙཾ ཝུཌྜྷཔབྦཛིཏོ མིགོཏི.

ཝིནཱིཏཝཏྠུ

༦༧. ཏེན ཁོ པན སམཡེན ཨཉྙཏརོ བྷིཀྑུ མཀྐཊིཡཱ མེཐུནཾ དྷམྨཾ པཊིསེཝི. ཏསྶ ཀུཀྐུཙྩཾ ཨཧོསི – ‘‘བྷགཝཏཱ སིཀྑཱཔདཾ པཉྙཏྟཾ, ཀཙྩི ནུ ཁོ ཨཧཾ པཱརཱཛིཀཾ ཨཱཔཏྟིཾ ཨཱཔནྣོ’’ཏི? བྷགཝཏོ ཨེཏམཏྠཾ ཨཱརོཙེསི. ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ¶ ཁོ པན སམཡེན སམྦཧུལཱ ཝེསཱལིཀཱ ཝཛྫིཔུཏྟཀཱ བྷིཀྑཱུ སིཀྑཾ ཨཔཙྩཀྑཱཡ དུབྦལྱཾ ཨནཱཝིཀཏྭཱ མེཐུནཾ དྷམྨཾ པཊིསེཝིཾསུ. ཏེསཾ ཀུཀྐུཙྩཾ ཨཧོསི – ‘‘བྷགཝཏཱ སིཀྑཱཔདཾ པཉྙཏྟཾ, ཀཙྩི ནུ ཁོ མཡཾ པཱརཱཛིཀཾ ཨཱཔཏྟིཾ ཨཱཔནྣཱ’’ཏི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨཱཔཏྟིཾ ཏུམྷེ, བྷིཀྑཝེ, ཨཱཔནྣཱ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ – ‘ཨེཝཾ མེ ཨནཱཔཏྟི བྷཝིསྶཏཱི’ཏི, གིཧིལིངྒེན མེཐུནཾ དྷམྨཾ པཊིསེཝི. ཏསྶ ཀུཀྐུཙྩཾ ཨཧོསི ‘‘བྷགཝཏཱ སིཀྑཱཔདཾ པཉྙཏྟཾ, ཀཙྩི ནུ ཁོ ཨཧཾ པཱརཱཛིཀཾ ཨཱཔཏྟིཾ ཨཱཔནྣོ’’ཏི? བྷགཝཏོ ཨེཏམཏྠཾ ཨཱརོཙེསི. ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ – ‘ཨེཝཾ མེ ཨནཱཔཏྟི བྷཝིསྶཏཱི’ཏི, ནགྒོ ཧུཏྭཱ མེཐུནཾ དྷམྨཾ པཊིསེཝི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ¶ ཁོ པན སམཡེན ཨཉྙཏརོ བྷིཀྑུ – ‘ཨེཝཾ མེ ཨནཱཔཏྟི བྷཝིསྶཏཱི’ཏི, ཀུསཙཱིརཾ ནིཝཱསེཏྭཱ… ཝཱཀཙཱིརཾ ནིཝཱསེཏྭཱ… ཕལཀཙཱིརཾ ནིཝཱསེཏྭཱ… ཀེསཀམྦལཾ ནིཝཱསེཏྭཱ… ཝཱལཀམྦལཾ ནིཝཱསེཏྭཱ… ཨུལཱུཀཔཀྑིཀཾ ནིཝཱསེཏྭཱ… ཨཛིནཀྑིཔཾ ནིཝཱསེཏྭཱ མེཐུནཾ དྷམྨཾ པཊིསེཝི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ¶ ཁོ པན སམཡེན ཨཉྙཏརོ པིཎྜཙཱརིཀོ བྷིཀྑུ པཱིཋཀེ ནིཔནྣཾ དཱརིཀཾ པསྶིཏྭཱ སཱརཏྟོ ཨངྒུཊྛཾ ཨངྒཛཱཏཾ པཝེསེསི. སཱ ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི ¶ , བྷིཀྑུ, པཱརཱཛིཀསྶ. ཨཱཔཏྟི སངྒྷཱདིསེསསྶཱ’’ཏི.

༦༨. ཏེན ¶ ཁོ པན སམཡེན ཨཉྙཏརོ མཱཎཝཀོ ཨུཔྤལཝཎྞཱཡ བྷིཀྑུནིཡཱ པཊིབདྡྷཙིཏྟོ ཧོཏི. ཨཐ ཁོ སོ མཱཎཝཀོ ཨུཔྤལཝཎྞཱཡ བྷིཀྑུནིཡཱ གཱམཾ པིཎྜཱཡ པཝིཊྛཱཡ ཀུཊིཀཾ པཝིསིཏྭཱ ནིལཱིནོ ཨཙྪི. ཨུཔྤལཝཎྞཱ བྷིཀྑུནཱི པཙྪཱབྷཏྟཾ པིཎྜཔཱཏཔཊིཀྐནྟཱ པཱདེ པཀྑཱལེཏྭཱ ཀུཊིཀཾ པཝིསིཏྭཱ མཉྩཀེ ནིསཱིདི. ཨཐ ཁོ སོ མཱཎཝཀོ ཨུཔྤལཝཎྞཾ བྷིཀྑུནིཾ ཨུགྒཧེཏྭཱ དཱུསེསི. ཨུཔྤལཝཎྞཱ བྷིཀྑུནཱི བྷིཀྑུནཱིནཾ ཨེཏམཏྠཾ ཨཱརོཙེསི. བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘ཨནཱཔཏྟི, བྷིཀྑཝེ, ཨསཱདིཡནྟིཡཱ’’ཏི.

༦༩. ཏེན ཁོ པན སམཡེན ཨཉྙཏརསྶ བྷིཀྑུནོ ཨིཏྠིལིངྒཾ པཱཏུབྷཱུཏཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཏཾཡེཝ ཨུཔཛ྄ཛྷཾ ཏམེཝ ཨུཔསམྤདཾ ཏཱནིཡེཝ [ཏཱནི (སཱི. སྱཱ.)] ཝསྶཱནི བྷིཀྑུནཱིཧི སངྒམིཏུཾ [སངྐམིཏུཾ (སཱི. སྱཱ.)]. ཡཱ ཨཱཔཏྟིཡོ བྷིཀྑཱུནཾ བྷིཀྑུནཱིཧི སཱདྷཱརཎཱ ཏཱ ཨཱཔཏྟིཡོ བྷིཀྑུནཱིནཾ སནྟིཀེ ཝུཊྛཱཏུཾ. ཡཱ ཨཱཔཏྟིཡོ བྷིཀྑཱུནཾ བྷིཀྑུནཱིཧི ཨསཱདྷཱརཎཱ ཏཱཧི ཨཱཔཏྟཱིཧི ཨནཱཔཏྟཱི’’ཏི.

ཏེན ཁོ པན སམཡེན ཨཉྙཏརིསྶཱ བྷིཀྑུནིཡཱ པུརིསལིངྒཾ པཱཏུབྷཱུཏཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཏཾཡེཝ ཨུཔཛ྄ཛྷཾ ཏམེཝ ཨུཔསམྤདཾ ཏཱནིཡེཝ [ཏཱནི (སཱི. སྱཱ.)] ཝསྶཱནི བྷིཀྑཱུཧི སངྒམིཏུཾ [སངྐམིཏུཾ (སཱི. སྱཱ.)]. ཡཱ ཨཱཔཏྟིཡོ ¶ བྷིཀྑུནཱིནཾ བྷིཀྑཱུཧི སཱདྷཱརཎཱ ཏཱ ཨཱཔཏྟིཡོ བྷིཀྑཱུནཾ སནྟིཀེ ཝུཊྛཱཏུཾ. ཡཱ ཨཱཔཏྟིཡོ བྷིཀྑུནཱིནཾ བྷིཀྑཱུཧི ཨསཱདྷཱརཎཱ ¶ ཏཱཧི ཨཱཔཏྟཱིཧི ཨནཱཔཏྟཱི’’ཏི.

༧༠. ཏེན ཁོ པན སམཡེན ཨཉྙཏརོ བྷིཀྑུ – ‘ཨེཝཾ མེ ཨནཱཔཏྟི བྷཝིསྶཏཱི’ཏི, མཱཏུཡཱ མེཐུནཾ དྷམྨཾ པཊིསེཝི… དྷཱིཏུཡཱ མེཐུནཾ དྷམྨཾ པཊིསེཝི… བྷགིནིཡཱ མེཐུནཾ དྷམྨཾ པཊིསེཝི… ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ¶ ཁོ པན སམཡེན ཨཉྙཏརོ བྷིཀྑུ པུརཱཎདུཏིཡིཀཱཡ མེཐུནཾ དྷམྨཾ པཊིསེཝི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

༧༡. ཏེན ཁོ པན སམཡེན ཨཉྙཏརོ བྷིཀྑུ མུདུཔིཊྛིཀོ ཧོཏི. སོ ཨནབྷིརཏིཡཱ པཱིལི༹ཏོ ཨཏྟནོ ཨངྒཛཱཏཾ མུཁེན ཨགྒཧེསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ ལམྦཱི ཧོཏི. སོ ཨནབྷིརཏིཡཱ པཱིལི༹ཏོ ཨཏྟནོ ཨངྒཛཱཏཾ ཨཏྟནོ ཝཙྩམགྒཾ པཝེསེསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ¶ ཁོ པན སམཡེན ཨཉྙཏརོ བྷིཀྑུ མཏསརཱིརཾ པསྶི. ཏསྨིཉྩ སརཱིརེ ཨངྒཛཱཏསཱམནྟཱ ཝཎོ ཧོཏི. སོ – ‘ཨེཝཾ མེ ཨནཱཔཏྟི བྷཝིསྶཏཱི’ཏི, ཨངྒཛཱཏེ ཨངྒཛཱཏཾ པཝེསེཏྭཱ ཝཎེན ནཱིཧརི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ མཏསརཱིརཾ པསྶི. ཏསྨིཉྩ སརཱིརེ ཨངྒཛཱཏསཱམནྟཱ ཝཎོ ཧོཏི. སོ – ‘ཨེཝཾ ¶ མེ ཨནཱཔཏྟི བྷཝིསྶཏཱི’ཏི, ཝཎེ ཨངྒཛཱཏཾ པཝེསེཏྭཱ ཨངྒཛཱཏེན ནཱིཧརི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ སཱརཏྟོ ལེཔཙིཏྟསྶ ནིམིཏྟཾ ཨངྒཛཱཏེན ཚུཔི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ཨཱཔཏྟི དུཀྐཊསྶཱ’’ཏི.

ཏེན ¶ ཁོ པན སམཡེན ཨཉྙཏརོ བྷིཀྑུ སཱརཏྟོ དཱརུདྷཱིཏལིཀཱཡ ནིམིཏྟཾ ཨངྒཛཱཏེན ཚུཔི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ཨཱཔཏྟི དུཀྐཊསྶཱ’’ཏི.

༧༢. ཏེན ¶ ཁོ པན སམཡེན སུནྡརོ ནཱམ བྷིཀྑུ རཱཛགཧཱ པབྦཛིཏོ རཐིཀཱཡ [རཐིཡཱཡ (ཀ.)] གཙྪཏི. ཨཉྙཏརཱ ཨིཏྠཱི – ‘མུཧུཏྟཾ [ཨིཏྠཱི ཏཾ པསྶིཏྭཱ ཨེཏདཝོཙ མུཧུཏྟཾ (སྱཱ.)], བྷནྟེ, ཨཱགམེཧི, ཝནྡིསྶཱམཱི’ཏི སཱ ཝནྡནྟཱི ཨནྟརཝཱསཀཾ ཨུཀྑིཔིཏྭཱ མུཁེན ཨངྒཛཱཏཾ ཨགྒཧེསི. ཏསྶ ཀུཀྐུཙྩཾ ཨཧོསི…པེ… ‘‘སཱདིཡི ཏྭཾ, བྷིཀྑཱུ’’ཏི? ‘‘ནཱཧཾ, བྷགཝཱ, སཱདིཡི’’ནྟི. ‘‘ཨནཱཔཏྟི, བྷིཀྑུ, ཨསཱདིཡནྟསྶཱ’’ཏི.

ཏེན ཁོ པན སམཡེན ཨཉྙཏརཱ ཨིཏྠཱི བྷིཀྑུཾ པསྶིཏྭཱ ཨེཏདཝོཙ – ‘‘ཨེཧི, བྷནྟེ, མེཐུནཾ དྷམྨཾ པཊིསེཝཱ’’ཏི. ‘‘ཨལཾ, བྷགིནི, ནེཏཾ ཀཔྤཏཱི’’ཏི. ‘‘ཨེཧི, བྷནྟེ, ཨཧཾ ཝཱཡམིསྶཱམི, ཏྭཾ མཱ ཝཱཡམི, ཨེཝཾ ཏེ ཨནཱཔཏྟི བྷཝིསྶཏཱི’’ཏི. སོ བྷིཀྑུ ཏཐཱ ཨཀཱསི. ཏསྶ ཀུཀྐུཙྩཾ ¶ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརཱ ཨིཏྠཱི བྷིཀྑུཾ པསྶིཏྭཱ ཨེཏདཝོཙ – ‘‘ཨེཧི, བྷནྟེ, མེཐུནཾ དྷམྨཾ པཊིསེཝཱ’’ཏི. ‘‘ཨལཾ, བྷགིནི, ནེཏཾ ཀཔྤཏཱི’’ཏི. ‘‘ཨེཧི བྷནྟེ, ཏྭཾ ཝཱཡམ, ཨཧཾ ན ཝཱཡམིསྶཱམི, ཨེཝཾ ཏེ ཨནཱཔཏྟི བྷཝིསྶཏཱི’’ཏི. སོ བྷིཀྑུ ཏཐཱ ཨཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརཱ ཨིཏྠཱི བྷིཀྑུཾ པསྶིཏྭཱ ཨེཏདཝོཙ – ‘‘ཨེཧི, བྷནྟེ, མེཐུནཾ དྷམྨཾ པཊིསེཝཱ’’ཏི. ‘‘ཨལཾ, བྷགིནི, ནེཏཾ ཀཔྤཏཱི’’ཏི. ‘‘ཨེཧི, བྷནྟེ, ཨབྦྷནྟརཾ གྷཊྚེཏྭཱ བཧི མོཙེཧི…པེ… བཧི གྷཊྚེཏྭཱ ཨབྦྷནྟརཾ མོཙེཧི, ཨེཝཾ ཏེ ཨནཱཔཏྟི བྷཝིསྶཏཱི’’ཏི. སོ བྷིཀྑུ ཏཐཱ ཨཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

༧༣. ཏེན ཁོ པན སམཡེན ཨཉྙཏརོ བྷིཀྑུ སིཝཐིཀཾ གནྟྭཱ ཨཀྑཱཡིཏཾ སརཱིརཾ པསྶིཏྭཱ ཏསྨིཾ མེཐུནཾ དྷམྨཾ ¶ པཊིསེཝི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ¶ ཁོ པན སམཡེན ཨཉྙཏརོ བྷིཀྑུ སིཝཐིཀཾ གནྟྭཱ ཡེབྷུཡྻེན ཨཀྑཱཡིཏཾ སརཱིརཾ ¶ པསྶིཏྭཱ ཏསྨིཾ མེཐུནཾ དྷམྨཾ པཊིསེཝི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ སིཝཐིཀཾ གནྟྭཱ ཡེབྷུཡྻེན ཁཱཡིཏཾ ¶ སརཱིརཾ པསྶིཏྭཱ ཏསྨིཾ མེཐུནཾ དྷམྨཾ པཊིསེཝི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ སིཝཐིཀཾ གནྟྭཱ ཚིནྣསཱིསཾ པསྶིཏྭཱ ཝཊྚཀཏེ མུཁེ ཚུཔནྟཾ ཨངྒཛཱཏཾ པཝེསེསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ སིཝཐིཀཾ གནྟྭཱ ཚིནྣསཱིསཾ པསྶིཏྭཱ ཝཊྚཀཏེ མུཁེ ཨཙྪུཔནྟཾ ཨངྒཛཱཏཾ པཝེསེསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཨཉྙཏརིསྶཱ ཨིཏྠིཡཱ པཊིབདྡྷཙིཏྟོ ཧོཏི. སཱ ཀཱལངྐཏཱ [ཀཱལཀཏཱ (སཱི. སྱཱ.)] སུསཱནེ ཚཌྜིཏཱ. ཨཊྛིཀཱནི ཝིཔྤཀིཎྞཱནི ཧོནྟི. ཨཐ ཁོ སོ བྷིཀྑུ སིཝཐིཀཾ གནྟྭཱ ཨཊྛིཀཱནི སངྐཌྜྷིཏྭཱ ནིམིཏྟེ ཨངྒཛཱཏཾ པཊིཔཱདེསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ནཱགིཡཱ མེཐུནཾ དྷམྨཾ པཊིསེཝི… ཡཀྑིནིཡཱ མེཐུནཾ དྷམྨཾ པཊིསེཝི… པེཏིཡཱ མེཐུནཾ དྷམྨཾ པཊིསེཝི ¶ … པཎྜཀསྶ མེཐུནཾ དྷམྨཾ པཊིསེཝི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ ཨུཔཧཏིནྡྲིཡོ ཧོཏི. སོ – ‘ནཱཧཾ ཝེདིཡཱམི [ཝེདཡཱམི (ཀ.)] སུཁཾ ཝཱ དུཀྑཾ ཝཱ, ཨནཱཔཏྟི མེ བྷཝིསྶཏཱི’ཏི, མེཐུནཾ དྷམྨཾ པཊིསེཝི. བྷགཝཏོ ཨེཏམཏྠཾ ཨཱརོཙེསུཾ. ‘‘ཝེདཡི ཝཱ སོ, བྷིཀྑཝེ, མོགྷཔུརིསོ ན ཝཱ ཝེདཡི, ཨཱཔཏྟི པཱརཱཛིཀསྶཱ’’ཏི.

ཏེན ¶ ¶ ཁོ པན སམཡེན ཨཉྙཏརོ བྷིཀྑུ – ‘ཨིཏྠིཡཱ མེཐུནཾ དྷམྨཾ པཊིསེཝིསྶཱམཱི’ཏི, ཚུཔིཏམཏྟེ ཝིཔྤཊིསཱརཱི ཨཧོསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ཨཱཔཏྟི སངྒྷཱདིསེསསྶཱ’’ཏི.

༧༤. ཏེན ཁོ པན སམཡེན ཨཉྙཏརོ བྷིཀྑུ བྷདྡིཡེ ཛཱཏིཡཱཝནེ དིཝཱཝིཧཱརགཏོ ནིཔནྣོ ཧོཏི. ཏསྶ ཨངྒམངྒཱནི ཝཱཏཱུཔཏྠདྡྷཱནི ཧོནྟི. ཨཉྙཏརཱ ཨིཏྠཱི པསྶིཏྭཱ ཨངྒཛཱཏེ ཨབྷིནིསཱིདིཏྭཱ ཡཱཝདཏྠཾ ཀཏྭཱ པཀྐཱམི. བྷིཀྑཱུ ཀིལིནྣཾ པསྶིཏྭཱ བྷགཝཏོ ཨེཏམཏྠཾ ཨཱརོཙེསུཾ. ‘‘པཉྩཧི ¶ , བྷིཀྑཝེ, ཨཱཀཱརེཧི ཨངྒཛཱཏཾ ཀམྨནིཡཾ ཧོཏི – རཱགེན, ཝཙྩེན, པསྶཱཝེན, ཝཱཏེན, ཨུཙྩཱལིངྒཔཱཎཀདཊྛེན. ཨིམེཧི ཁོ, བྷིཀྑཝེ, པཉྩཧཱཀཱརེཧི ཨངྒཛཱཏཾ ཀམྨནིཡཾ ཧོཏི ¶ . ཨཊྛཱནམེཏཾ, བྷིཀྑཝེ, ཨནཝཀཱསོ ཡཾ ཏསྶ བྷིཀྑུནོ རཱགེན ཨངྒཛཱཏཾ ཀམྨནིཡཾ ཨསྶ. ཨརཧཾ སོ, བྷིཀྑཝེ, བྷིཀྑུ. ཨནཱཔཏྟི, བྷིཀྑཝེ, ཏསྶ བྷིཀྑུནོ’’ཏི.

ཏེན ཁོ པན སམཡེན ཨཉྙཏརོ བྷིཀྑུ སཱཝཏྠིཡཱ ཨནྡྷཝནེ དིཝཱཝིཧཱརགཏོ ནིཔནྣོ ཧོཏི. ཨཉྙཏརཱ གོཔཱལིཀཱ པསྶིཏྭཱ ཨངྒཛཱཏེ ཨབྷིནིསཱིདི. སོ བྷིཀྑུ པཝེསནཾ སཱདིཡི, པཝིཊྛཾ སཱདིཡི, ཋིཏཾ སཱདིཡི, ཨུདྡྷརཎཾ སཱདིཡི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ སཱཝཏྠིཡཱ ཨནྡྷཝནེ དིཝཱཝིཧཱརགཏོ ནིཔནྣོ ཧོཏི. ཨཉྙཏརཱ ཨཛཔཱལིཀཱ པསྶིཏྭཱ… ཨཉྙཏརཱ ཀཊྛཧཱརིཀཱ པསྶིཏྭཱ… ཨཉྙཏརཱ གོམཡཧཱརིཀཱ པསྶིཏྭཱ ཨངྒཛཱཏེ ཨབྷིནིསཱིདི. སོ བྷིཀྑུ པཝེསནཾ སཱདིཡི, པཝིཊྛཾ སཱདིཡི, ཋིཏཾ སཱདིཡི, ཨུདྡྷརཎཾ སཱདིཡི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

༧༥. ཏེན ཁོ པན སམཡེན ཨཉྙཏརོ བྷིཀྑུ ཝེསཱལིཡཾ མཧཱཝནེ དིཝཱཝིཧཱརགཏོ ནིཔནྣོ ཧོཏི. ཨཉྙཏརཱ ཨིཏྠཱི པསྶིཏྭཱ ཨངྒཛཱཏེ ཨབྷིནིསཱིདིཏྭཱ ཡཱཝདཏྠཾ ཀཏྭཱ སཱམནྟཱ ཧསམཱནཱ ཋིཏཱ ཧོཏི ¶ . སོ བྷིཀྑུ པཊིབུཛ྄ཛྷིཏྭཱ ཏཾ ཨིཏྠིཾ ཨེཏདཝོཙ – ‘‘ཏུཡ྄ཧིདཾ ཀམྨ’’ནྟི? ‘‘ཨཱམ, མཡ྄ཧཾ ཀམྨ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘སཱདིཡི ཏྭཾ, བྷིཀྑཱུ’’ཏི? ‘‘ནཱཧཾ, བྷགཝཱ, ཛཱནཱམཱི’’ཏི. ‘‘ཨནཱཔཏྟི, བྷིཀྑུ, ཨཛཱནནྟསྶཱ’’ཏི.

༧༦. ཏེན ¶ ¶ ཁོ པན སམཡེན ཨཉྙཏརོ བྷིཀྑུ ཝེསཱལིཡཾ མཧཱཝནེ དིཝཱཝིཧཱརགཏོ རུཀྑཾ ཨཔསྶཱཡ ནིཔནྣོ ཧོཏི. ཨཉྙཏརཱ ཨིཏྠཱི པསྶིཏྭཱ ཨངྒཛཱཏེ ཨབྷིནིསཱིདི. སོ བྷིཀྑུ སཧསཱ ཝུཊྛཱསི. ཏསྶ ཀུཀྐུཙྩཾ ཨཧོསི…པེ… ‘‘སཱདིཡི ཏྭཾ, བྷིཀྑཱུ’’ཏི? ‘‘ནཱཧཾ, བྷགཝཱ, སཱདིཡི’’ནྟི. ‘‘ཨནཱཔཏྟི, བྷིཀྑུ, ཨསཱདིཡནྟསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཝེསཱལིཡཾ མཧཱཝནེ དིཝཱཝིཧཱརགཏོ རུཀྑཾ ཨཔསྶཱཡ ནིཔནྣོ ཧོཏི. ཨཉྙཏརཱ ཨིཏྠཱི པསྶིཏྭཱ ཨངྒཛཱཏེ ཨབྷིནིསཱིདི. སོ བྷིཀྑུ ཨཀྐམིཏྭཱ པཝཏྟེསི [པཝཊྚེསི (སཱི. སྱཱ.)]. ཏསྶ ཀུཀྐུཙྩཾ ཨཧོསི…པེ… ‘‘སཱདིཡི ཏྭཾ, བྷིཀྑཱུ’’ཏི? ‘‘ནཱཧཾ, བྷགཝཱ, སཱདིཡི’’ནྟི. ‘‘ཨནཱཔཏྟི, བྷིཀྑུ, ཨསཱདིཡནྟསྶཱ’’ཏི.

༧༧. ཏེན ཁོ པན སམཡེན ཨཉྙཏརོ བྷིཀྑུ ཝེསཱལིཡཾ མཧཱཝནེ ཀཱུཊཱགཱརསཱལཱཡཾ དིཝཱཝིཧཱརགཏོ དྭཱརཾ ཝིཝརིཏྭཱ ནིཔནྣོ ཧོཏི. ཏསྶ ཨངྒམངྒཱནི ཝཱཏཱུཔཏྠདྡྷཱནི ཧོནྟི. ཏེན ཁོ པན སམཡེན སམྦཧུལཱ ཨིཏྠིཡོ གནྡྷཉྩ མཱལཉྩ ¶ ཨཱདཱཡ ཨཱརཱམཾ ཨཱགམཾསུ ཝིཧཱརཔེཀྑིཀཱཡོ. ཨཐ ཁོ ཏཱ ཨིཏྠིཡོ ཏཾ བྷིཀྑུཾ པསྶིཏྭཱ ཨངྒཛཱཏེ ཨབྷིནིསཱིདིཏྭཱ ཡཱཝདཏྠཾ ཀཏྭཱ, པུརིསཱུསབྷོ ཝཏཱཡནྟི ཝཏྭཱ གནྡྷཉྩ མཱལཉྩ ཨཱརོཔེཏྭཱ པཀྐམིཾསུ. བྷིཀྑཱུ ཀིལིནྣཾ པསྶིཏྭཱ བྷགཝཏོ ཨེཏམཏྠཾ ཨཱརོཙེསུཾ. ‘‘པཉྩཧི, བྷིཀྑཝེ, ཨཱཀཱརེཧི ཨངྒཛཱཏཾ ཀམྨནིཡཾ ཧོཏི – རཱགེན, ཝཙྩེན, པསྶཱཝེན, ཝཱཏེན, ཨུཙྩཱལིངྒཔཱཎཀདཊྛེན. ཨིམེཧི ¶ ཁོ, བྷིཀྑཝེ, པཉྩཧཱཀཱརེཧི ཨངྒཛཱཏཾ ཀམྨནིཡཾ ཧོཏི. ཨཊྛཱནམེཏཾ, བྷིཀྑཝེ, ཨནཝཀཱསོ, ཡཾ ཏསྶ བྷིཀྑུནོ རཱགེན ཨངྒཛཱཏཾ ཀམྨནིཡཾ ཨསྶ. ཨརཧཾ སོ, བྷིཀྑཝེ, བྷིཀྑུ. ཨནཱཔཏྟི, བྷིཀྑཝེ, ཏསྶ བྷིཀྑུནོ. ཨནུཛཱནཱམི, བྷིཀྑཝེ, དིཝཱ པཊིསལླཱིཡནྟེན དྭཱརཾ སཾཝརིཏྭཱ པཊིསལླཱིཡིཏུ’’ནྟི.

༧༨. ཏེན ¶ ཁོ པན སམཡེན ཨཉྙཏརོ བྷཱརུཀཙྪཀོ བྷིཀྑུ སུཔིནནྟེ [སུཔིནནྟེན (སཱི. སྱཱ.)] པུརཱཎདུཏིཡིཀཱཡ མེཐུནཾ དྷམྨཾ པཊིསེཝིཏྭཱ – ‘ཨསྶམཎོ ཨཧཾ, ཝིབྦྷམིསྶཱམཱི’ཏི, བྷཱརུཀཙྪཾ གཙྪནྟོ ཨནྟརཱམགྒེ ཨཱཡསྨནྟཾ ཨུཔཱལིཾ པསྶིཏྭཱ ཨེཏམཏྠཾ ཨཱརོཙེསི. ཨཱཡསྨཱ ཨུཔཱལི ཨེཝམཱཧ – ‘‘ཨནཱཔཏྟི, ཨཱཝུསོ, སུཔིནནྟེནཱ’’ཏི.

ཏེན ཁོ པན སམཡེན རཱཛགཧེ སུཔབྦཱ ནཱམ ཨུཔཱསིཀཱ མུདྷཔྤསནྣཱ [མུདྡྷཔྤསནྣཱ (སཱི.)] ཧོཏི. སཱ ཨེཝཾདིཊྛིཀཱ ཧོཏི – ‘‘ཡཱ མེཐུནཾ དྷམྨཾ དེཏི སཱ ཨགྒདཱནཾ དེཏཱི’’ཏི. སཱ བྷིཀྑུཾ པསྶིཏྭཱ ཨེཏདཝོཙ – ¶ ‘‘ཨེཧི, བྷནྟེ, མེཐུནཾ དྷམྨཾ པཊིསེཝཱ’’ཏི. ‘‘ཨལཾ, བྷགིནི, ནེཏཾ ཀཔྤཏཱི’’ཏི. ‘‘ཨེཧི, བྷནྟེ, ཨཱུརུནྟརིཀཱཡ [ཨཱུརནྟརིཀཱཡ (སཱི.)] གྷཊྚེཧི, ཨེཝཾ ཏེ ཨནཱཔཏྟི བྷཝིསྶཏཱི’’ཏི…པེ… ¶ ཨེཧི, བྷནྟེ, ནཱབྷིཡཾ གྷཊྚེཧི… ཨེཧི, བྷནྟེ, ཨུདརཝཊྚིཡཾ གྷཊྚེཧི… ཨེཧི, བྷནྟེ, ཨུཔཀཙྪཀེ གྷཊྚེཧི… ཨེཧི, བྷནྟེ, གཱིཝཱཡཾ གྷཊྚེཧི… ཨེཧི, བྷནྟེ, ཀཎྞཙྪིདྡེ གྷཊྚེཧི… ཨེཧི, བྷནྟེ, ཀེསཝཊྚིཡཾ གྷཊྚེཧི… ཨེཧི, བྷནྟེ, ཨངྒུལནྟརིཀཱཡ གྷཊྚེཧི… ‘‘ཨེཧི, བྷནྟེ, ཧཏྠེན ཨུཔཀྐམིཏྭཱ མོཙེསྶཱམི, ཨེཝཾ ཏེ ཨནཱཔཏྟི བྷཝིསྶཏཱི’’ཏི. སོ བྷིཀྑུ ཏཐཱ ཨཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ཨཱཔཏྟི སངྒྷཱདིསེསསྶཱ’’ཏི.

༧༩. ཏེན ཁོ པན སམཡེན སཱཝཏྠིཡཾ སདྡྷཱ ནཱམ ཨུཔཱསིཀཱ མུདྷཔྤསནྣཱ ཧོཏི. སཱ ཨེཝཾདིཊྛིཀཱ ཧོཏི – ‘‘ཡཱ མེཐུནཾ དྷམྨཾ དེཏི སཱ ཨགྒདཱནཾ དེཏཱི’’ཏི. སཱ བྷིཀྑུཾ པསྶིཏྭཱ ཨེཏདཝོཙ – ‘‘ཨེཧི, བྷནྟེ, མེཐུནཾ དྷམྨཾ པཊིསེཝཱ’’ཏི. ‘‘ཨལཾ, བྷགིནི, ནེཏཾ ཀཔྤཏཱི’’ཏི. ‘‘ཨེཧི, བྷནྟེ, ཨཱུརུནྟརིཀཱཡ གྷཊྚེཧི…པེ… ¶ ཨེཧི, བྷནྟེ, ཧཏྠེན ཨུཔཀྐམིཏྭཱ མོཙེསྶཱམི, ཨེཝཾ ཏེ ཨནཱཔཏྟི བྷཝིསྶཏཱི’’ཏི. སོ བྷིཀྑུ ཏཐཱ ཨཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ཨཱཔཏྟི སངྒྷཱདིསེསསྶཱ’’ཏི.

༨༠. ཏེན ཁོ པན སམཡེན ཝེསཱལིཡཾ ལིཙྪཝིཀུམཱརཀཱ བྷིཀྑུཾ གཧེཏྭཱ བྷིཀྑུནིཡཱ ཝིཔྤཊིཔཱདེསུཾ… སིཀྑམཱནཱཡ ཝིཔྤཊིཔཱདེསུཾ… སཱམཎེརིཡཱ ཝིཔྤཊིཔཱདེསུཾ. ཨུབྷོ ¶ སཱདིཡིཾསུ. ཨུབྷོ ནཱསེཏབྦཱ. ཨུབྷོ ན སཱདིཡིཾསུ. ཨུབྷིནྣཾ ཨནཱཔཏྟི.

༨༡. ཏེན ¶ ཁོ པན སམཡེན ཝེསཱལིཡཾ ལིཙྪཝིཀུམཱརཀཱ བྷིཀྑུཾ གཧེཏྭཱ ཝེསིཡཱ ཝིཔྤཊིཔཱདེསུཾ… པཎྜཀེ ཝིཔྤཊིཔཱདེསུཾ… གིཧིནིཡཱ ¶ ཝིཔྤཊིཔཱདེསུཾ. བྷིཀྑུ སཱདིཡི. བྷིཀྑུ ནཱསེཏབྦོ. བྷིཀྑུ ན སཱདིཡི. བྷིཀྑུསྶ ཨནཱཔཏྟི.

ཏེན ཁོ པན སམཡེན ཝེསཱལིཡཾ ལིཙྪཝིཀུམཱརཀཱ བྷིཀྑཱུ གཧེཏྭཱ ཨཉྙམཉྙཾ ཝིཔྤཊིཔཱདེསུཾ. ཨུབྷོ སཱདིཡིཾསུ. ཨུབྷོ ནཱསེཏབྦཱ. ཨུབྷོ ན སཱདིཡིཾསུ. ཨུབྷིནྣཾ ཨནཱཔཏྟི.

༨༢. ཏེན ཁོ པན སམཡེན ཨཉྙཏརོ ཝུཌྜྷཔབྦཛིཏོ བྷིཀྑུ པུརཱཎདུཏིཡིཀཱཡ དསྶནཾ ཨགམཱསི. སཱ – ‘ཨེཧི, བྷནྟེ, ཝིབྦྷམཱ’ཏི ཨགྒཧེསི. སོ བྷིཀྑུ པཊིཀྐམནྟོ ཨུཏྟཱནོ པརིཔཏི. སཱ ཨུབྦྷཛིཏྭཱ [ཨུབྦྷུཛིཏྭཱ (སཱི. སྱཱ.)] ཨངྒཛཱཏེ [ཨངྒཛཱཏེན (སཱི.)] ཨབྷིནིསཱིདི. ཏསྶ ཀུཀྐུཙྩཾ ཨཧོསི ¶ …པེ… ‘‘སཱདིཡི ཏྭཾ, བྷིཀྑཱུ’’ཏི? ‘‘ནཱཧཾ, བྷགཝཱ, སཱདིཡི’’ནྟི. ‘‘ཨནཱཔཏྟི, བྷིཀྑུ, ཨསཱདིཡནྟསྶཱ’’ཏི.

༨༣. ཏེན ཁོ པན སམཡེན ཨཉྙཏརོ བྷིཀྑུ ཨརཉྙེ ཝིཧརཏི. མིགཔོཏཀོ ཏསྶ པསྶཱཝཊྛཱནཾ ཨཱགནྟྭཱ པསྶཱཝཾ པིཝནྟོ མུཁེན ཨངྒཛཱཏཾ ཨགྒཧེསི. སོ བྷིཀྑུ སཱདིཡི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

པཋམཔཱརཱཛིཀཾ སམཏྟཾ.

༢. དུཏིཡཔཱརཱཛིཀཾ

༨༤. ཏེན ¶ ¶ སམཡེན བུདྡྷོ བྷགཝཱ རཱཛགཧེ ཝིཧརཏི གིཛ྄ཛྷཀཱུཊེ པབྦཏེ. ཏེན ཁོ པན སམཡེན སམྦཧུལཱ སནྡིཊྛཱ སམྦྷཏྟཱ བྷིཀྑཱུ ཨིསིགིལིཔསྶེ ཏིཎཀུཊིཡོ ཀརིཏྭཱ ཝསྶཾ ཨུཔགཙྪིཾསུ. ཨཱཡསྨཱཔི དྷནིཡོ ཀུམྦྷཀཱརཔུཏྟོ ཏིཎཀུཊིཀཾ ཀརིཏྭཱ ཝསྶཾ ཨུཔགཙྪི. ཨཐ ཁོ ཏེ ¶ བྷིཀྑཱུ ཝསྶཾཝུཊྛཱ ཏེམཱསཙྩཡེན ཏིཎཀུཊིཡོ བྷིནྡིཏྭཱ ཏིཎཉྩ ཀཊྛཉྩ པཊིསཱམེཏྭཱ ཛནཔདཙཱརིཀཾ པཀྐམིཾསུ. ཨཱཡསྨཱ པན དྷནིཡོ ཀུམྦྷཀཱརཔུཏྟོ ཏཏྠེཝ ཝསྶཾ ཝསི, ཏཏྠ ཧེམནྟཾ, ཏཏྠ གིམྷཾ. ཨཐ ཁོ ཨཱཡསྨཏོ དྷནིཡསྶ ཀུམྦྷཀཱརཔུཏྟསྶ གཱམཾ པིཎྜཱཡ པཝིཊྛསྶ ཏིཎཧཱརིཡོ ཀཊྛཧཱརིཡོ ཏིཎཀུཊིཀཾ བྷིནྡིཏྭཱ ཏིཎཉྩ ཀཊྛཉྩ ཨཱདཱཡ ཨགམཾསུ. དུཏིཡམྤི ཁོ ཨཱཡསྨཱ དྷནིཡོ ཀུམྦྷཀཱརཔུཏྟོ ཏིཎཉྩ ཀཊྛཉྩ སཾཀཌྜྷིཏྭཱ ཏིཎཀུཊིཀཾ ཨཀཱསི. དུཏིཡམྤི ཁོ ཨཱཡསྨཏོ དྷནིཡསྶ ཀུམྦྷཀཱརཔུཏྟསྶ གཱམཾ པིཎྜཱཡ པཝིཊྛསྶ ཏིཎཧཱརིཡོ ཀཊྛཧཱརིཡོ ཏིཎཀུཊིཀཾ བྷིནྡིཏྭཱ ཏིཎཉྩ ཀཊྛཉྩ ཨཱདཱཡ ཨགམཾསུ. ཏཏིཡམྤི ཁོ ཨཱཡསྨཱ དྷནིཡོ ཀུམྦྷཀཱརཔུཏྟོ ཏིཎཉྩ ཀཊྛཉྩ སཾཀཌྜྷིཏྭཱ ཏིཎཀུཊིཀཾ ཨཀཱསི. ཏཏིཡམྤི ཁོ ཨཱཡསྨཏོ དྷནིཡསྶ ཀུམྦྷཀཱརཔུཏྟསྶ གཱམཾ པིཎྜཱཡ པཝིཊྛསྶ ཏིཎཧཱརིཡོ ཀཊྛཧཱརིཡོ ཏིཎཀུཊིཀཾ བྷིནྡིཏྭཱ ཏིཎཉྩ ཀཊྛཉྩ ཨཱདཱཡ ཨགམཾསུ.

ཨཐ ཁོ ཨཱཡསྨཏོ དྷནིཡསྶ ཀུམྦྷཀཱརཔུཏྟསྶ ¶ ཨེཏདཧོསི – ‘‘ཡཱཝཏཏིཡཀཾ ཁོ མེ གཱམཾ པིཎྜཱཡ པཝིཊྛསྶ ཏིཎཧཱརིཡོ ཀཊྛཧཱརིཡོ ཏིཎཀུཊིཀཾ བྷིནྡིཏྭཱ ཏིཎཉྩ ཀཊྛཉྩ ཨཱདཱཡ ཨགམཾསུ. ཨཧཾ ཁོ པན སུསིཀྑིཏོ ཨནཝཡོ སཀེ ཨཱཙརིཡཀེ ཀུམྦྷཀཱརཀམྨེ པརིཡོདཱཏསིཔྤོ ¶ . ཡཾནཱུནཱཧཾ སཱམཾ ཙིཀྑལླཾ མདྡིཏྭཱ སབྦམཏྟིཀཱམཡཾ ཀུཊིཀཾ ཀརེཡྻ’’ནྟི! ཨཐ ཁོ ཨཱཡསྨཱ དྷནིཡོ ཀུམྦྷཀཱརཔུཏྟོ སཱམཾ ཙིཀྑལླཾ མདྡིཏྭཱ སབྦམཏྟིཀཱམཡཾ ¶ ཀུཊིཀཾ ཀརིཏྭཱ ཏིཎཉྩ ཀཊྛཉྩ གོམཡཉྩ སཾཀཌྜྷིཏྭཱ ཏཾ ཀུཊིཀཾ པཙི. སཱ ཨཧོསི ཀུཊིཀཱ ཨབྷིརཱུཔཱ དསྶནཱིཡཱ པཱསཱདིཀཱ ལོཧིཏིཀཱ [ལོཧིཏཀཱ (སྱཱ.)], སེཡྻཐཱཔི ཨིནྡགོཔཀོ. སེཡྻཐཱཔི ནཱམ ཀིངྐཎིཀསདྡོ [ཀིངྐིཎིཀསདྡོ (སཱི. སྱཱ.)] ཨེཝམེཝཾ ཏསྶཱ ཀུཊིཀཱཡ སདྡོ ཨཧོསི.

༨༥. ཨཐ ཁོ བྷགཝཱ སམྦཧུལེཧི བྷིཀྑཱུཧི སདྡྷིཾ གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡས ཏཾ ཀུཊིཀཾ ཨབྷིརཱུཔཾ དསྶནཱིཡཾ པཱསཱདིཀཾ ལོཧིཏིཀཾ. དིསྭཱན བྷིཀྑཱུ ཨཱམནྟེསི – ‘‘ཀིཾ ཨེཏཾ, བྷིཀྑཝེ, ཨབྷིརཱུཔཾ དསྶནཱིཡཾ པཱསཱདིཀཾ ལོཧིཏིཀཾ, སེཡྻཐཱཔི ཨིནྡགོཔཀོ’’ཏི? ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, བྷིཀྑཝེ, ཏསྶ མོགྷཔུརིསསྶ ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ¶ ཨཀཔྤིཡཾ ཨཀརཎཱིཡཾ. ཀཐཉྷི ནཱམ སོ, བྷིཀྑཝེ, མོགྷཔུརིསོ སབྦམཏྟིཀཱམཡཾ ཀུཊིཀཾ ཀརིསྶཏི! ན ཧི ནཱམ, བྷིཀྑཝེ, ཏསྶ མོགྷཔུརིསསྶ པཱཎེསུ ཨནུདྡཡཱ ཨནུཀམྤཱ ཨཝིཧེསཱ བྷཝིསྶཏི! གཙྪཐེཏཾ, བྷིཀྑཝེ, ཀུཊིཀཾ ¶ བྷིནྡཐ. མཱ པཙྪིམཱ ཛནཏཱ པཱཎེསུ པཱཏབྱཏཾ ཨཱཔཛྫི. ན ཙ, བྷིཀྑཝེ, སབྦམཏྟིཀཱམཡཱ ཀུཊིཀཱ ཀཱཏབྦཱ. ཡོ ཀརེཡྻ, ཨཱཔཏྟི དུཀྐཊསྶཱ’’ཏི. ‘‘ཨེཝཾ, བྷནྟེ’’ཏི, ཁོ ཏེ བྷིཀྑཱུ བྷགཝཏོ པཊིསྶུཎིཏྭཱ ཡེན སཱ ཀུཊིཀཱ ཏེནུཔསངྐམིཾསུ; ཨུཔསངྐམིཏྭཱ ཏཾ ཀུཊིཀཾ བྷིནྡིཾསུ. ཨཐ ཁོ ཨཱཡསྨཱ དྷནིཡོ ཀུམྦྷཀཱརཔུཏྟོ ཏེ བྷིཀྑཱུ ཨེཏདཝོཙ – ‘‘ཀིསྶ མེ ཏུམྷེ, ཨཱཝུསོ, ཀུཊིཀཾ བྷིནྡཐཱ’’ཏི? ‘‘བྷགཝཱ, ཨཱཝུསོ, བྷེདཱཔེཏཱི’’ཏི. ‘‘བྷིནྡཐཱཝུསོ, སཙེ དྷམྨསྶཱམཱི བྷེདཱཔེཏཱི’’ཏི.

༨༦. ཨཐ ཁོ ཨཱཡསྨཏོ དྷནིཡསྶ ཀུམྦྷཀཱརཔུཏྟསྶ ཨེཏདཧོསི – ‘‘ཡཱཝཏཏིཡཀཾ ཁོ མེ གཱམཾ པིཎྜཱཡ པཝིཊྛསྶ ཏིཎཧཱརིཡོ ཀཊྛཧཱརིཡོ ཏིཎཀུཊིཀཾ བྷིནྡིཏྭཱ ཏིཎཉྩ ཀཊྛཉྩ ཨཱདཱཡ ཨགམཾསུ. ཡཱཔི མཡཱ སབྦམཏྟིཀཱམཡཱ ཀུཊིཀཱ ཀཏཱ སཱཔི བྷགཝཏཱ བྷེདཱཔིཏཱ. ཨཏྠི ཙ མེ དཱརུགཧེ གཎཀོ སནྡིཊྛོ. ཡཾནཱུནཱཧཾ དཱརུགཧེ གཎཀཾ དཱརཱུནི ཡཱཙིཏྭཱ དཱརུཀུཊིཀཾ ཀརེཡྻ’’ནྟི. ཨཐ ཁོ ཨཱཡསྨཱ དྷནིཡོ ཀུམྦྷཀཱརཔུཏྟོ ཡེན དཱརུགཧེ གཎཀོ ཏེནུཔསངྐམི; ཨུཔསངྐམིཏྭཱ དཱརུགཧེ གཎཀཾ ཨེཏདཝོཙ – ‘‘ཡཱཝཏཏིཡཀཾ ཁོ མེ, ཨཱཝུསོ, གཱམཾ པིཎྜཱཡ པཝིཊྛསྶ ཏིཎཧཱརིཡོ ཀཊྛཧཱརིཡོ ཏིཎཀུཊིཀཾ བྷིནྡིཏྭཱ ཏིཎཉྩ ཀཊྛཉྩ ཨཱདཱཡ ཨགམཾསུ. ཡཱཔི མཡཱ སབྦམཏྟིཀཱམཡཱ ཀུཊིཀཱ ཀཏཱ སཱཔི བྷགཝཏཱ བྷེདཱཔིཏཱ ¶ . དེཧི མེ, ཨཱཝུསོ, དཱརཱུནི. ཨིཙྪཱམི དཱརུཀུཊིཀཾ [དཱརུཀུཌྜིཀཾ ཀུཊིཀཾ (སཱི.)] ཀཱཏུ’’ནྟི. ‘‘ནཏྠི, བྷནྟེ, ཏཱདིསཱནི དཱརཱུནི ཡཱནཱཧཾ ¶ ཨཡྻསྶ དདེཡྻཾ. ཨཏྠི ¶ , བྷནྟེ, དེཝགཧདཱརཱུནི ནགརཔཊིསངྑཱརིཀཱནི ཨཱཔདཏྠཱཡ ནིཀྑིཏྟཱནི. སཙེ ཏཱནི དཱརཱུནི རཱཛཱ དཱཔེཏི ཧརཱཔེཐ, བྷནྟེ’’ཏི. ‘‘དིནྣཱནི, ཨཱཝུསོ, རཉྙཱ’’ཏི. ཨཐ ཁོ དཱརུགཧེ གཎཀསྶ ཨེཏདཧོསི – ‘‘ཨིམེ ཁོ སམཎཱ སཀྱཔུཏྟིཡཱ དྷམྨཙཱརིནོ སམཙཱརིནོ [སམྨཙཱརིནོ (ཀ.)] བྲཧྨཙཱརིནོ སཙྩཝཱདིནོ སཱིལཝནྟོ ཀལྱཱཎདྷམྨཱ. རཱཛཱཔིམེསཾ ཨབྷིཔྤསནྣོ. ནཱརཧཏི ཨདིནྣཾ དིནྣནྟི ཝཏྟུ’’ནྟི. ཨཐ ཁོ དཱརུགཧེ ¶ གཎཀོ ཨཱཡསྨནྟཾ དྷནིཡཾ ཀུམྦྷཀཱརཔུཏྟཾ ཨེཏདཝོཙ – ‘‘ཧརཱཔེཐ, བྷནྟེ’’ཏི. ཨཐ ཁོ ཨཱཡསྨཱ དྷནིཡོ ཀུམྦྷཀཱརཔུཏྟོ ཏཱནི དཱརཱུནི ཁཎྜཱཁཎྜིཀཾ ཚེདཱཔེཏྭཱ སཀཊེཧི ནིབྦཱཧཱཔེཏྭཱ དཱརུཀུཊིཀཾ ཨཀཱསི.

༨༧. ཨཐ ཁོ ཝསྶཀཱརོ བྲཱཧྨཎོ མགདྷམཧཱམཏྟོ རཱཛགཧེ ཀམྨནྟེ ཨནུསཉྙཱཡམཱནོ ཡེན དཱརུགཧེ གཎཀོ ཏེནུཔསངྐམི; ཨུཔསངྐམིཏྭཱ དཱརུགཧེ གཎཀཾ ཨེཏདཝོཙ – ‘‘ཡཱནི ཏཱནི, བྷཎེ, དེཝགཧདཱརཱུནི ནགརཔཊིསངྑཱརིཀཱནི ཨཱཔདཏྠཱཡ ནིཀྑིཏྟཱནི ཀཧཾ ཏཱནི དཱརཱུནཱི’’ཏི? ‘‘ཏཱནི, སཱམི, དཱརཱུནི དེཝེན ཨཡྻསྶ དྷནིཡསྶ ཀུམྦྷཀཱརཔུཏྟསྶ དིནྣཱནཱི’’ཏི. ཨཐ ཁོ ཝསྶཀཱརོ བྲཱཧྨཎོ མགདྷམཧཱམཏྟོ ¶ ཨནཏྟམནོ ཨཧོསི – ‘‘ཀཐཉྷི ནཱམ དེཝོ དེཝགཧདཱརཱུནི ནགརཔཊིསངྑཱརིཀཱནི ཨཱཔདཏྠཱཡ ནིཀྑིཏྟཱནི དྷནིཡསྶ ཀུམྦྷཀཱརཔུཏྟསྶ དསྶཏཱི’’ཏི! ཨཐ ཁོ ཝསྶཀཱརོ བྲཱཧྨཎོ མགདྷམཧཱམཏྟོ ཡེན རཱཛཱ མཱགདྷོ སེནིཡོ བིམྦིསཱརོ ཏེནུཔསངྐམི; ཨུཔསངྐམིཏྭཱ རཱཛཱནཾ མཱགདྷཾ སེནིཡཾ བིམྦིསཱརཾ ཨེཏདཝོཙ – ‘‘སཙྩཾ ཀིར, དེཝེན [སཙྩཾ ཀིར དེཝ དེཝེན (སཱི.)] དེཝགཧདཱརཱུནི ནགརཔཊིསངྑཱརིཀཱནི ཨཱཔདཏྠཱཡ ནིཀྑིཏྟཱནི དྷནིཡསྶ ཀུམྦྷཀཱརཔུཏྟསྶ དིནྣཱནཱི’’ཏི? ‘‘ཀོ ཨེཝམཱཧཱ’’ཏི? ‘‘དཱརུགཧེ གཎཀོ, དེཝཱ’’ཏི. ‘‘ཏེན ཧི, བྲཱཧྨཎ, དཱརུགཧེ གཎཀཾ ཨཱཎཱཔེཧཱི’’ཏི. ཨཐ ཁོ ཝསྶཀཱརོ བྲཱཧྨཎོ མགདྷམཧཱམཏྟོ དཱརུགཧེ གཎཀཾ བནྡྷཾ [བདྡྷཾ (སཱི.)] ཨཱཎཱཔེསི. ཨདྡས ཁོ ཨཱཡསྨཱ དྷནིཡོ ཀུམྦྷཀཱརཔུཏྟོ དཱརུགཧེ གཎཀཾ བནྡྷཾ ནིཡྻམཱནཾ. དིསྭཱན དཱརུགཧེ གཎཀཾ ཨེཏདཝོཙ – ‘‘ཀིསྶ ཏྭཾ, ཨཱཝུསོ, བནྡྷོ ནིཡྻཱསཱི’’ཏི? ‘‘ཏེསཾ, བྷནྟེ, དཱརཱུནཾ ཀིཙྩཱ’’ཏི. ‘‘གཙྪཱཝུསོ, ཨཧམྤི ཨཱགཙྪཱམཱི’’ཏི. ‘‘ཨེཡྻཱསི, བྷནྟེ, པུརཱཧཾ ཧཉྙཱམཱི’’ཏི.

༨༨. ཨཐ ཁོ ཨཱཡསྨཱ དྷནིཡོ ཀུམྦྷཀཱརཔུཏྟོ ཡེན རཉྙོ མཱགདྷསྶ སེནིཡསྶ བིམྦིསཱརསྶ ནིཝེསནཾ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཨཐ ཁོ རཱཛཱ མཱགདྷོ ¶ སེནིཡོ བིམྦིསཱརོ ཡེནཱཡསྨཱ དྷནིཡོ ཀུམྦྷཀཱརཔུཏྟོ ¶ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ¶ དྷནིཡཾ ཀུམྦྷཀཱརཔུཏྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ རཱཛཱ མཱགདྷོ སེནིཡོ བིམྦིསཱརོ ཨཱཡསྨནྟཾ དྷནིཡཾ ཀུམྦྷཀཱརཔུཏྟཾ ¶ ཨེཏདཝོཙ – ‘‘སཙྩཾ ཀིར མཡཱ, བྷནྟེ, དེཝགཧདཱརཱུནི ནགརཔཊིསངྑཱརིཀཱནི ཨཱཔདཏྠཱཡ ནིཀྑིཏྟཱནི ཨཡྻསྶ དིནྣཱནཱི’’ཏི? ‘‘ཨེཝཾ, མཧཱརཱཛཱ’’ཏི. ‘‘མཡཾ ཁོ, བྷནྟེ, རཱཛཱནོ ནཱམ བཧུཀིཙྩཱ བཧུཀརཎཱིཡཱ, དཏྭཱཔི ན སརེཡྻཱམ; ཨིངྒྷ, བྷནྟེ, སརཱཔེཧཱི’’ཏི. ‘‘སརསི ཏྭཾ, མཧཱརཱཛ, པཋམཱབྷིསིཏྟོ ཨེཝརཱུཔིཾ ཝཱཙཾ བྷཱསིཏཱ – ‘‘དིནྣཉྙེཝ སམཎབྲཱཧྨཎཱནཾ ཏིཎཀཊྛོདཀཾ པརིབྷུཉྫནྟཱུ’’ཏི. ‘‘སརཱམཧཾ, བྷནྟེ. སནྟི, བྷནྟེ, སམཎབྲཱཧྨཎཱ ལཛྫིནོ ཀུཀྐུཙྩཀཱ སིཀྑཱཀཱམཱ. ཏེསཾ ཨཔྤམཏྟཀེཔི ཀུཀྐུཙྩཾ ཨུཔྤཛྫཏི. ཏེསཾ མཡཱ སནྡྷཱཡ བྷཱསིཏཾ, ཏཉྩ ཁོ ཨརཉྙེ ཨཔརིགྒཧིཏཾ. སོ ཏྭཾ, བྷནྟེ, ཏེན ལེསེན དཱརཱུནི ཨདིནྣཾ ཧརིཏུཾ མཉྙསི! ཀཐཉྷི ནཱམ མཱདིསོ སམཎཾ ཝཱ བྲཱཧྨཎཾ ཝཱ ཝིཛིཏེ ཝསནྟཾ ཧནེཡྻ ཝཱ བནྡྷེཡྻ ཝཱ པབྦཱཛེཡྻ ཝཱ! གཙྪ, བྷནྟེ, ལོམེན ཏྭཾ མུཏྟོསི. མཱསྶུ པུནཔི ཨེཝརཱུཔཾ ཨཀཱསཱི’’ཏི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཨལཛྫིནོ ཨིམེ སམཎཱ སཀྱཔུཏྟིཡཱ དུསྶཱིལཱ མུསཱཝཱདིནོ. ཨིམེ ཧི ནཱམ དྷམྨཙཱརིནོ ¶ སམཙཱརིནོ བྲཱཧྨཙཱརིནོ སཙྩཝཱདིནོ སཱིལཝནྟོ ཀལྱཱཎདྷམྨཱ པཊིཛཱནིསྶནྟི! ནཏྠི ཨིམེསཾ སཱམཉྙཾ, ནཏྠི ཨིམེསཾ བྲཧྨཉྙཾ. ནཊྛཾ ཨིམེསཾ སཱམཉྙཾ, ནཊྛཾ ཨིམེསཾ བྲཧྨཉྙཾ. ཀུཏོ ཨིམེསཾ སཱམཉྙཾ, ཀུཏོ ཨིམེསཾ བྲཧྨཉྙཾ! ཨཔགཏཱ ཨིམེ སཱམཉྙཱ, ཨཔགཏཱ ཨིམེ བྲཧྨཉྙཱ. རཱཛཱནམྤི ཨིམེ ཝཉྩེནྟི, ཀིཾ པནཉྙེ མནུསྶེ’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ སནྟུཊྛཱ ལཛྫིནོ ཀུཀྐུཙྩཀཱ སིཀྑཱཀཱམཱ ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ དྷནིཡོ ཀུམྦྷཀཱརཔུཏྟོ རཉྙོ དཱརཱུནི ཨདིནྣཾ ཨཱདིཡིསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ དྷནིཡཾ ཀུམྦྷཀཱརཔུཏྟཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཨཱཡསྨནྟཾ དྷནིཡཾ ཀུམྦྷཀཱརཔུཏྟཾ པཊིཔུཙྪི – ‘‘སཙྩཾ ཀིར ཏྭཾ, དྷནིཡ, རཉྙོ དཱརཱུནི ཨདིནྣཾ ཨཱདིཡཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིས, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏྭཾ, མོགྷཔུརིས ¶ , རཉྙོ དཱརཱུནི ཨདིནྣཾ ཨཱདིཡིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ པསནྣཱནཾ ཝཱ བྷིཡྻོབྷཱཝཱཡ; ཨཐཁྭེཏཾ, མོགྷཔུརིས, ཨཔྤསནྣཱནཉྩེཝ ཨཔྤསཱདཱཡ པསནྣཱནཉྩ ཨེཀཙྩཱནཾ ཨཉྙཐཏྟཱཡཱ’’ཏི.

ཏེན ¶ ¶ ཁོ པན སམཡེན ཨཉྙཏརོ པུརཱཎཝོཧཱརིཀོ ¶ མཧཱམཏྟོ བྷིཀྑཱུསུ པབྦཛིཏོ བྷགཝཏོ ཨཝིདཱུརེ ནིསིནྣོ ཧོཏི. ཨཐ ཁོ བྷགཝཱ ཏཾ བྷིཀྑུཾ ཨེཏདཝོཙ – ‘‘ཀིཏྟཀེན ཁོ བྷིཀྑུ རཱཛཱ མཱགདྷོ སེནིཡོ བིམྦིསཱརོ ཙོརཾ གཧེཏྭཱ ཧནཏི ཝཱ བནྡྷཏི ཝཱ པབྦཱཛེཏི ཝཱ’’ཏི? ‘‘པཱདེན ཝཱ, བྷགཝཱ, པཱདཱརཧེན ཝཱ’’ཏི [པཱདཱརཧེནཝཱ ཨཏིརེཀཔཱདེནཝཱཏི (སྱཱ.)]. ཏེན ཁོ པན སམཡེན རཱཛགཧེ པཉྩམཱསཀོ པཱདོ ཧོཏི. ཨཐ ཁོ བྷགཝཱ ཨཱཡསྨནྟཾ དྷནིཡཾ ཀུམྦྷཀཱརཔུཏྟཾ ཨནེཀཔརིཡཱཡེན ཝིགརཧིཏྭཱ དུབྦྷརཏཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༨༩. ‘‘ཡོ པན བྷིཀྑུ ཨདིནྣཾ ཐེཡྻསངྑཱཏཾ ཨཱདིཡེཡྻ, ཡཐཱརཱུཔེ ཨདིནྣཱདཱནེ རཱཛཱནོ ཙོརཾ གཧེཏྭཱ ཧནེཡྻུཾ ཝཱ བནྡྷེཡྻུཾ ཝཱ པབྦཱཛེཡྻུཾ ཝཱ – ‘ཙོརོསི བཱལོསི མཱུལ༹ྷོསི ཐེནོསཱི’ཏི, ཏཐཱརཱུཔཾ བྷིཀྑུ ཨདིནྣཾ ཨཱདིཡམཱནོ ཨཡམྤི པཱརཱཛིཀོ ཧོཏི ཨསཾཝཱསོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༩༠. ཏེན ཁོ པན སམཡེན ཚབྦགྒིཡཱ བྷིཀྑཱུ རཛཀཏྠརཎཾ གནྟྭཱ རཛཀབྷཎྜིཀཾ ཨཝཧརིཏྭཱ ཨཱརཱམཾ ཧརིཏྭཱ བྷཱཛེསུཾ. བྷིཀྑཱུ ཨེཝམཱཧཾསུ – ‘‘མཧཱཔུཉྙཏྠ ཏུམྷེ, ཨཱཝུསོ. བཧུཾ ཏུམྷཱཀཾ ཙཱིཝརཾ ཨུཔྤནྣ’’ནྟི. ‘‘ཀུཏོ ཨཱཝུསོ, ཨམྷཱཀཾ པུཉྙཾ, ཨིདཱནི མཡཾ རཛཀཏྠརཎཾ གནྟྭཱ རཛཀབྷཎྜིཀཾ ཨཝཧརིམྷཱ’’ཏི. ‘‘ནནུ, ཨཱཝུསོ, བྷགཝཏཱ སིཀྑཱཔདཾ པཉྙཏྟཾ. ཀིསྶ ཏུམྷེ, ཨཱཝུསོ, རཛཀབྷཎྜིཀཾ ཨཝཧརིཏྠཱ’’ཏི ¶ ? ‘‘སཙྩཾ, ཨཱཝུསོ, བྷགཝཏཱ སིཀྑཱཔདཾ པཉྙཏྟཾ. ཏཉྩ ཁོ གཱམེ, ནོ ཨརཉྙེ’’ཏི. ‘‘ནནུ, ཨཱཝུསོ, ཏཐེཝེཏཾ ཧོཏི. ཨནནུཙྪཝིཀཾ, ཨཱཝུསོ, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏུམྷེ, ཨཱཝུསོ, རཛཀབྷཎྜིཀཾ ཨཝཧརིསྶཐ! ནེཏཾ, ཨཱཝུསོ, ཨཔྤསནྣཱནཾ ཝཱ པསཱདཱཡ པསནྣཱནཾ ཝཱ བྷིཡྻོབྷཱཝཱཡ; ཨཐཁྭེཏཾ, ཨཱཝུསོ, ཨཔྤསནྣཱནཉྩེཝ ཨཔྤསཱདཱཡ པསནྣཱནཉྩ ཨེཀཙྩཱནཾ ཨཉྙཐཏྟཱཡཱ’’ཏི. ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ ¶ བྷགཝཏོ ཨེཏམཏྠཾ ཨཱརོཙེསུཾ. ཨཐ ¶ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཚབྦགྒིཡེ བྷིཀྑཱུ པཊིཔུཙྪི – ‘‘སཙྩཾ ཀིར ཏུམྷེ, བྷིཀྑཝེ, རཛཀཏྠརཎཾ གནྟྭཱ རཛཀབྷཎྜིཀཾ ཨཝཧརིཏྠཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིསཱ, ཨནནུལོམིཀཾ ཨཔྤཊིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏུམྷེ, མོགྷཔུརིསཱ, རཛཀབྷཎྜིཀཾ ¶ ཨཝཧརིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ པསནྣཱནཾ ཝཱ བྷིཡྻོབྷཱཝཱཡ; ཨཐ ཁྭེཏཾ, མོགྷཔུརིསཱ, ཨཔྤསནྣཱནཉྩེཝ ཨཔྤསཱདཱཡ པསནྣཱནཉྩ ཨེཀཙྩཱནཾ ཨཉྙཐཏྟཱཡཱ’’ཏི. ཨཐ ཁོ བྷགཝཱ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ དུབྦྷརཏཱཡ…པེ… ཝཱིརིཡཱརམྦྷསྶ ཝཎྞཾ བྷཱསིཏྭཱ བྷིཀྑཱུནཾ ཏདནུཙྪཝིཀཾ ཏདནུལོམིཀཾ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི…པེ… ‘‘ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༩༡. ‘‘ཡོ པན བྷིཀྑུ གཱམཱ ཝཱ ཨརཉྙཱ ཝཱ ཨདིནྣཾ ཐེཡྻསངྑཱཏཾ ཨཱདིཡེཡྻ, ཡཐཱརཱུཔེ ཨདིནྣཱདཱནེ ¶ རཱཛཱནོ ཙོརཾ གཧེཏྭཱ ཧནེཡྻུཾ ཝཱ བནྡྷེཡྻུཾ ཝཱ པབྦཱཛེཡྻུཾ ཝཱ – ‘ཙོརོསི བཱལོསི མཱུལ༹ྷོསི ཐེནོསཱི’ཏི, ཏཐཱརཱུཔཾ བྷིཀྑུ ཨདིནྣཾ ཨཱདིཡམཱནོ ཨཡམྤི པཱརཱཛིཀོ ཧོཏི ཨསཾཝཱསོ’’ཏི.

༩༢. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

གཱམོ ནཱམ ཨེཀཀུཊིཀོཔི གཱམོ, དྭིཀུཊིཀོཔི གཱམོ, ཏིཀུཊིཀོཔི གཱམོ, ཙཏུཀུཊིཀོཔི གཱམོ, སམནུསྶོཔི གཱམོ, ཨམནུསྶོཔི གཱམོ, པརིཀྑིཏྟོཔི གཱམོ, ཨཔརིཀྑིཏྟོཔི གཱམོ, གོནིསཱདིནིཝིཊྛོཔི གཱམོ, ཡོཔི སཏྠོ ཨཏིརེཀཙཏུམཱསནིཝིཊྛོ སོཔི ཝུཙྩཏི གཱམོ.

གཱམཱུཔཙཱརོ ནཱམ པརིཀྑིཏྟསྶ གཱམསྶ ཨིནྡཁཱིལེ [ཨིནྡཁིལེ (ཀ.)] ཋིཏསྶ མཛ྄ཛྷིམསྶ པུརིསསྶ ལེཌྜུཔཱཏོ, ཨཔརིཀྑིཏྟསྶ གཱམསྶ གྷརཱུཔཙཱརེ ཋིཏསྶ མཛ྄ཛྷིམསྶ པུརིསསྶ ལེཌྜུཔཱཏོ.

ཨརཉྙཾ ¶ ནཱམ ཋཔེཏྭཱ གཱམཉྩ གཱམཱུཔཙཱརཉྩ ཨཝསེསཾ ཨརཉྙཾ ནཱམ.

ཨདིནྣཾ ནཱམཾ ཡཾ ཨདིནྣཾ ཨནིསྶཊྛཾ ཨཔརིཙྩཏྟཾ རཀྑིཏཾ གོཔིཏཾ མམཱཡིཏཾ པརཔརིགྒཧིཏཾ. ཨེཏཾ ཨདིནྣཾ ནཱམ.

ཐེཡྻསངྑཱཏནྟི ཐེཡྻཙིཏྟོ ཨཝཧརཎཙིཏྟོ.

ཨཱདིཡེཡྻཱཏི ¶ ཨཱདིཡེཡྻ ཧརེཡྻ ཨཝཧརེཡྻ ཨིརིཡཱཔཐཾ ཝིཀོཔེཡྻ ཋཱནཱ ཙཱཝེཡྻ སངྐེཏཾ ཝཱིཏིནཱམེཡྻ.

ཡཐཱརཱུཔཾ ནཱམ པཱདཾ ཝཱ པཱདཱརཧཾ ཝཱ ཨཏིརེཀཔཱདཾ ཝཱ.

རཱཛཱནོ ¶ ནཱམ པཐབྱཱརཱཛཱ པདེསརཱཛཱ མཎྜལིཀཱ ཨནྟརབྷོགིཀཱ ¶ ཨཀྑདསྶཱ མཧཱམཏྟཱ, ཡེ ཝཱ པན ཚེཛྫབྷེཛྫཾ ཀརོནྟཱ ཨནུསཱསནྟི. ཨེཏེ རཱཛཱནོ ནཱམ.

ཙོརོ ནཱམ ཡོ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཨདིནྣཾ ཐེཡྻསངྑཱཏཾ ཨཱདིཡཏི. ཨེསོ ཙོརོ ནཱམ.

ཧནེཡྻུཾ ཝཱཏི ཧཏྠེན ཝཱ པཱདེན ཝཱ ཀསཱཡ ཝཱ ཝེཏྟེན ཝཱ ཨཌྜྷདཎྜཀེན ཝཱ ཚེཛྫཱཡ ཝཱ ཧནེཡྻུཾ.

བནྡྷེཡྻུཾ ཝཱཏི རཛྫུབནྡྷནེན ཝཱ ཨནྡུབནྡྷནེན ཝཱ སངྑལིཀབནྡྷནེན ཝཱ གྷརབནྡྷནེན ཝཱ ནགརབནྡྷནེན ཝཱ གཱམབནྡྷནེན ཝཱ ནིགམབནྡྷནེན ཝཱ བནྡྷེཡྻུཾ, པུརིསགུཏྟིཾ ཝཱ ཀརེཡྻུཾ.

པབྦཱཛེཡྻུཾ ཝཱཏི གཱམཱ ཝཱ ནིགམཱ ཝཱ ནགརཱ ཝཱ ཛནཔདཱ ཝཱ ཛནཔདཔདེསཱ ཝཱ པབྦཱཛེཡྻུཾ.

ཙོརོསི བཱལོསི མཱུལ༹ྷོསི ཐེནོསཱིཏི པརིབྷཱསོ ཨེསོ.

ཏཐཱརཱུཔཾ ནཱམ པཱདཾ ཝཱ པཱདཱརཧཾ ཝཱ ཨཏིརེཀཔཱདཾ ཝཱ.

ཨཱདིཡམཱནོཏི ཨཱདིཡམཱནོ ཧརམཱནོ ཨཝཧརམཱནོ ཨིརིཡཱཔཐཾ ཝིཀོཔཡམཱནོ ཋཱནཱ ཙཱཝཡམཱནོ སངྐེཏཾ ཝཱིཏིནཱམཡམཱནོ.

ཨཡམྤཱིཏི ¶ པུརིམཾ ཨུཔཱདཱཡ ཝུཙྩཏི.

པཱརཱཛིཀོ ¶ ཧོཏཱིཏི སེཡྻཐཱཔི ནཱམ པཎྜུཔལཱསོ བནྡྷནཱ པཝུཏྟོ [ཧརིཏཏྟཱཡ (སཱི. སྱཱ.)] ཨབྷབྦོ ཧརིཏཏྠཱཡ [ཧརིཏཏྟཱཡ (སཱི. སྱཱ.)], ཨེཝམེཝ བྷིཀྑུ པཱདཾ ཝཱ པཱདཱརཧཾ ཝཱ ཨཏིརེཀཔཱདཾ ཝཱ ཨདིནྣཾ ཐེཡྻསངྑཱཏཾ ཨཱདིཡིཏྭཱ ཨསྶམཎོ ཧོཏི ཨསཀྱཔུཏྟིཡོ. ཏེན ཝུཙྩཏི – ‘པཱརཱཛིཀོ ཧོཏཱི’ཏི.

ཨསཾཝཱསོཏི སཾཝཱསོ ནཱམ ཨེཀཀམྨཾ ཨེཀུདྡེསོ ¶ སམསིཀྑཏཱ. ཨེསོ སཾཝཱསོ ནཱམ. སོ ཏེན སདྡྷིཾ ནཏྠི. ཏེན ཝུཙྩཏི – ‘ཨསཾཝཱསོ’ཏི.

༩༣. བྷཱུམཊྛཾ ཐལཊྛཾ ཨཱཀཱསཊྛཾ ཝེཧཱསཊྛཾ ཨུདཀཊྛཾ ནཱཝཊྛཾ ཡཱནཊྛཾ བྷཱརཊྛཾ ཨཱརཱམཊྛཾ ཝིཧཱརཊྛཾ ཁེཏྟཊྛཾ ཝཏྠུཊྛཾ གཱམཊྛཾ ཨརཉྙཊྛཾ ཨུདཀཾ དནྟཔོཎཾ [དནྟཔོནཾ (སཱི. ཀ.)] ཝནཔྤཏི ཧརཎཀཾ ཨུཔནིདྷི སུངྐགྷཱཏཾ པཱཎོ ཨཔདཾ དྭིཔདཾ ཙཏུཔྤདཾ བཧུཔྤདཾ ཨོཙརཀོ ཨོཎིརཀྑོ སཾཝིདཱཝཧཱརོ སངྐེཏཀམྨཾ ནིམིཏྟཀམྨནྟི.

༩༤. བྷཱུམཊྛཾ ནཱམ བྷཎྜཾ བྷཱུམིཡཾ ནིཀྑིཏྟཾ ཧོཏི ནིཁཱཏཾ པཊིཙྪནྣཾ. བྷཱུམཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི ཀུདཱལཾ ཝཱ པིཊཀཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ. ཏཏྠ ཛཱཏཀཾ ¶ ཀཊྛཾ ཝཱ ལཏཾ ཝཱ ཚིནྡཏི, ཨཱཔཏྟི དུཀྐཊསྶ. ཏཏྠ པཾསུཾ ཁཎཏི ཝཱ བྱཱུཧཏི [ཝིཡཱུཧཏི (སྱཱ.)] ཝཱ ཨུདྡྷརཏི ཝཱ, ཨཱཔཏྟི དུཀྐཊསྶ. ཀུམྦྷིཾ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ. ཨཏྟནོ བྷཱཛནཾ པཝེསེཏྭཱ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཨཏྟནོ བྷཱཛནགཏཾ ཝཱ ཀརོཏི མུཊྛིཾ ཝཱ ཚིནྡཏི, ཨཱཔཏྟི པཱརཱཛིཀསྶ. སུཏྟཱརུལ༹ྷཾ བྷཎྜཾ པཱམངྒཾ ཝཱ ཀཎྛསུཏྟཀཾ ¶ ཝཱ ཀཊིསུཏྟཀཾ ཝཱ སཱཊཀཾ ཝཱ ཝེཋནཾ ཝཱ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཀོཊིཡཾ གཧེཏྭཱ ཨུཙྩཱརེཏི, ཨཱཔཏྟི ཐུལླཙྩཡསྶ. གྷཾསནྟོ ནཱིཧརཏི, ཨཱཔཏྟི ¶ ཐུལླཙྩཡསྶ. ཨནྟམསོ ཀེསགྒམཏྟམྤི ཀུམྦྷིམུཁཱ མོཙེཏི, ཨཱཔཏྟི པཱརཱཛིཀསྶ. སཔྤིཾ ཝཱ ཏེལཾ ཝཱ མདྷུཾ ཝཱ ཕཱཎིཏཾ ཝཱ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨེཀེན པཡོགེན པིཝཏི, ཨཱཔཏྟི པཱརཱཛིཀསྶ. ཏཏྠེཝ བྷིནྡཏི ཝཱ ཚཌྜེཏི ཝཱ ཛྷཱཔེཏི ཝཱ ཨཔརིབྷོགཾ ཝཱ ཀརོཏི, ཨཱཔཏྟི དུཀྐཊསྶ.

༩༥. ཐལཊྛཾ ནཱམ བྷཎྜཾ ཐལེ ནིཀྑིཏྟཾ ཧོཏི. ཐལཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ ¶ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ.

༩༦. ཨཱཀཱསཊྛཾ ནཱམ བྷཎྜཾ ཨཱཀཱསགཏཾ ཧོཏི. མོརོ ཝཱ ཀཔིཉྫརོ ཝཱ ཏིཏྟིརོ ཝཱ ཝཊྚཀོ ཝཱ, སཱཊཀཾ ཝཱ ཝེཋནཾ ཝཱ ཧིརཉྙཾ ཝཱ སུཝཎྞཾ ཝཱ ཚིཛྫམཱནཾ པཏཏི. ཨཱཀཱསཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ ¶ . གམནཾ ཨུཔཙྪིནྡཏི, ཨཱཔཏྟི དུཀྐཊསྶ. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ.

༩༧. ཝེཧཱསཊྛཾ ནཱམ བྷཎྜཾ ཝེཧཱསགཏཾ ཧོཏི. མཉྩེ ཝཱ པཱིཋེ ཝཱ ཙཱིཝརཝཾསེ ཝཱ ཙཱིཝརརཛྫུཡཱ ཝཱ བྷིཏྟིཁིལེ ཝཱ ནཱགདནྟེ ཝཱ རུཀྑེ ཝཱ ལགྒིཏཾ ཧོཏི, ཨནྟམསོ པཏྟཱདྷཱརཀེཔི. ཝེཧཱསཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ.

༩༨. ཨུདཀཊྛཾ ¶ ནཱམ བྷཎྜཾ ཨུདཀེ ནིཀྑིཏྟཾ ཧོཏི. ཨུདཀཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ. ནིམུཛྫཏི ཝཱ ཨུམྨུཛྫཏི ཝཱ, ཨཱཔཏྟི དུཀྐཊསྶ. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ. ཏཏྠ ཛཱཏཀཾ ཨུཔྤལཾ ཝཱ པདུམཾ ཝཱ པུཎྜརཱིཀཾ ཝཱ བྷིསཾ ཝཱ མཙྪཾ ཝཱ ཀཙྪཔཾ ཝཱ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ.

༩༩. ནཱཝཱ ¶ ནཱམ ཡཱཡ ཏརཏི. ནཱཝཊྛཾ ནཱམ བྷཎྜཾ ནཱཝཱཡ ནིཀྑིཏྟཾ ཧོཏི. ‘‘ནཱཝཊྛཾ བྷཎྜཾ ཨཝཧརིསྶཱམཱི’’ཏི ཐེཡྻཙིཏྟོ དུཏིཡཾ ¶ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ. ནཱཝཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ¶ ཐུལླཙྩཡསྶ. བནྡྷནཾ མོཙེཏི, ཨཱཔཏྟི དུཀྐཊསྶ. བནྡྷནཾ མོཙེཏྭཱ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཨུདྡྷཾ ཝཱ ཨདྷོ ཝཱ ཏིརིཡཾ ཝཱ ཨནྟམསོ ཀེསགྒམཏྟམྤི སངྐཱམེཏི, ཨཱཔཏྟི པཱརཱཛིཀསྶ.

༡༠༠. ཡཱནཾ ནཱམ ཝཡ྄ཧཾ རཐོ སཀཊཾ སནྡམཱནིཀཱ. ཡཱནཊྛཾ ནཱམ བྷཎྜཾ ཡཱནེ ནིཀྑིཏྟཾ ཧོཏི. ཡཱནཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ. ཡཱནཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ.

༡༠༡. བྷཱརོ ནཱམ སཱིསབྷཱརོ ཁནྡྷབྷཱརོ ཀཊིབྷཱརོ ཨོལམྦཀོ. སཱིསེ བྷཱརཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཁནྡྷཾ ཨོརོཔེཏི, ཨཱཔཏྟི པཱརཱཛིཀསྶ. ཁནྡྷེ ¶ བྷཱརཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཀཊིཾ ཨོརོཔེཏི, ཨཱཔཏྟི པཱརཱཛིཀསྶ. ཀཊིཡཱ བྷཱརཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཧཏྠེན གཎྷཱཏི, ཨཱཔཏྟི པཱརཱཛིཀསྶ. ཧཏྠེ བྷཱརཾ ཐེཡྻཙིཏྟོ བྷཱུམིཡཾ ནིཀྑིཔཏི, ཨཱཔཏྟི པཱརཱཛིཀསྶ. ཐེཡྻཙིཏྟོ བྷཱུམིཏོ གཎྷཱཏི, ཨཱཔཏྟི པཱརཱཛིཀསྶ.

༡༠༢. ཨཱརཱམོ ནཱམ པུཔྥཱརཱམོ ཕལཱརཱམོ. ཨཱརཱམཊྛཾ ནཱམ བྷཎྜཾ ཨཱརཱམེ ཙཏཱུཧི ཋཱནེཧི ནིཀྑིཏྟཾ ཧོཏི – བྷཱུམཊྛཾ ཐལཊྛཾ, ཨཱཀཱསཊྛཾ, ཝེཧཱསཊྛཾ. ཨཱརཱམཊྛཾ བྷཎྜཾ ཨཝཧརིསྶཱམཱིཏི ¶ ཐེཡྻཙིཏྟོ དུཏིཡཾ ཝཱ པརིཡེསཏི ¶ གཙྪཏི ཝཱ, ཨཱཔཏྟི དུཀྐཊསྶ. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ. ཏཏྠ ཛཱཏཀཾ མཱུལཾ ཝཱ ཏཙཾ ཝཱ པཏྟཾ ཝཱ པུཔྥཾ ཝཱ ཕལཾ ཝཱ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ. ཨཱརཱམཾ ཨབྷིཡུཉྫཏི, ཨཱཔཏྟི དུཀྐཊསྶ. སཱམིཀསྶ ཝིམཏིཾ ཨུཔྤཱདེཏི, ཨཱཔཏྟི ཐུལླཙྩཡསྶ. སཱམིཀོ ན མཡ྄ཧཾ བྷཝིསྶཏཱིཏི དྷུརཾ ནིཀྑིཔཏི, ཨཱཔཏྟི པཱརཱཛིཀསྶ. དྷམྨཾ ཙརནྟོ སཱམིཀཾ པརཱཛེཏི, ཨཱཔཏྟི པཱརཱཛིཀསྶ. དྷམྨཾ ཙརནྟོ པརཛྫཏི, ཨཱཔཏྟི ཐུལླཙྩཡསྶ.

༡༠༣. ཝིཧཱརཊྛཾ ¶ ¶ ནཱམ བྷཎྜཾ ཝིཧཱརེ ཙཏཱུཧི ཋཱནེཧི ནིཀྑིཏྟཾ ཧོཏི – བྷཱུམཊྛཾ, ཐལཊྛཾ, ཨཱཀཱསཊྛཾ, ཝེཧཱསཊྛཾ. ཝིཧཱརཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ. ཝིཧཱརཾ ཨབྷིཡུཉྫཏི, ཨཱཔཏྟི དུཀྐཊསྶ. སཱམིཀསྶ ཝིམཏིཾ ཨུཔྤཱདེཏི, ཨཱཔཏྟི ཐུལླཙྩཡསྶ. སཱམིཀོ ན མཡ྄ཧཾ བྷཝིསྶཏཱིཏི དྷུརཾ ནིཀྑིཔཏི, ཨཱཔཏྟི པཱརཱཛིཀསྶ. དྷམྨཾ ཙརནྟོ སཱམིཀཾ པརཱཛེཏི, ཨཱཔཏྟི པཱརཱཛིཀསྶ. དྷམྨཾ ཙརནྟོ པརཛྫཏི, ཨཱཔཏྟི ཐུལླཙྩཡསྶ.

༡༠༤. ཁེཏྟཾ ནཱམ ཡཏྠ པུབྦཎྞཾ ཝཱ ཨཔརཎྞཾ ཝཱ ཛཱཡཏི. ཁེཏྟཊྛཾ ནཱམ བྷཎྜཾ ཁེཏྟེ ཙཏཱུཧི ཋཱནེཧི ནིཀྑིཏྟཾ ཧོཏི – བྷཱུམཊྛཾ, ཐལཊྛཾ, ཨཱཀཱསཊྛཾ, ཝེཧཱསཊྛཾ. ཁེཏྟཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི, དུཀྐཊསྶ. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ. ཏཏྠ ཛཱཏཀཾ པུབྦཎྞཾ ཝཱ ཨཔརཎྞཾ ཝཱ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ. ཁེཏྟཾ ཨབྷིཡུཉྫཏི, ཨཱཔཏྟི དུཀྐཊསྶ. སཱམིཀསྶ ཝིམཏིཾ ཨུཔྤཱདེཏི, ཨཱཔཏྟི ཐུལླཙྩཡསྶ. སཱམིཀོ ན ¶ མཡ྄ཧཾ བྷཝིསྶཏཱིཏི དྷུརཾ ནིཀྑིཔཏི, ཨཱཔཏྟི པཱརཱཛིཀསྶ. དྷམྨཾ ཙརནྟོ སཱམིཀཾ པརཱཛེཏི, ཨཱཔཏྟི པཱརཱཛིཀསྶ. དྷམྨཾ ཙརནྟོ པརཛྫཏི, ཨཱཔཏྟི ཐུལླཙྩཡསྶ. ཁིལཾ ཝཱ རཛྫུཾ ¶ ཝཱ ཝཏིཾ ཝཱ མརིཡཱདཾ ཝཱ སངྐཱམེཏི, ཨཱཔཏྟི དུཀྐཊསྶ. ཨེཀཾ པཡོགཾ ཨནཱགཏེ, ཨཱཔཏྟི ཐུལླཙྩཡསྶ. ཏསྨིཾ པཡོགེ ཨཱགཏེ, ཨཱཔཏྟི པཱརཱཛིཀསྶ.

༡༠༥. ཝཏྠུ ནཱམ ཨཱརཱམཝཏྠུ ཝིཧཱརཝཏྠུ. ཝཏྠུཊྛཾ ནཱམ བྷཎྜཾ ཝཏྠུསྨིཾ ཙཏཱུཧི ཋཱནེཧི ནིཀྑིཏྟཾ ཧོཏི – བྷཱུམཊྛཾ, ཐལཊྛཾ, ཨཱཀཱསཊྛཾ, ཝེཧཱསཊྛཾ. ཝཏྠུཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ. ཝཏྠུཾ ཨབྷིཡུཉྫཏི, ཨཱཔཏྟི དུཀྐཊསྶ. སཱམིཀསྶ ཝིམཏིཾ ཨུཔྤཱདེཏི, ཨཱཔཏྟི ཐུལླཙྩཡསྶ. སཱམིཀོ ན མཡ྄ཧཾ བྷཝིསྶཏཱིཏི དྷུརཾ ནིཀྑིཔཏི, ཨཱཔཏྟི པཱརཱཛིཀསྶ. དྷམྨཾ ཙརནྟོ སཱམིཀཾ པརཱཛེཏི, ཨཱཔཏྟི པཱརཱཛིཀསྶ. དྷམྨཾ ཙརནྟོ པརཛྫཏི, ཨཱཔཏྟི ཐུལླཙྩཡསྶ. ཁཱིལཾ ¶ ཝཱ རཛྫུཾ ཝཱ ཝཏིཾ ཝཱ པཱཀཱརཾ ཝཱ སངྐཱམེཏི, ཨཱཔཏྟི དུཀྐཊསྶ. ཨེཀཾ པཡོགཾ ཨནཱགཏེ ཨཱཔཏྟི ཐུལླཙྩཡསྶ. ཏསྨིཾ པཡོགེ ཨཱགཏེ ཨཱཔཏྟི པཱརཱཛིཀསྶ.

༡༠༦. གཱམཊྛཾ ནཱམ བྷཎྜཾ གཱམེ ཙཏཱུཧི ཋཱནེཧི ནིཀྑིཏྟཾ ཧོཏི ¶ – བྷཱུམཊྛཾ, ཐལཊྛཾ, ཨཱཀཱསཊྛཾ, ཝེཧཱསཊྛཾ. གཱམཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ.

༡༠༧. ཨརཉྙཾ ¶ ནཱམ ཡཾ མནུསྶཱནཾ པརིགྒཧིཏཾ ཧོཏི, ཏཾ ཨརཉྙཾ. ཨརཉྙཊྛཾ ནཱམ བྷཎྜཾ ཨརཉྙེ ཙཏཱུཧི ཋཱནེཧི ནིཀྑིཏྟཾ ཧོཏི – བྷཱུམཊྛཾ, ཐལཊྛཾ, ཨཱཀཱསཊྛཾ, ཝེཧཱསཊྛཾ. ཨརཉྙཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ. ཏཏྠ ཛཱཏཀཾ ཀཊྛཾ ཝཱ ལཏཾ ཝཱ ཏིཎཾ ཝཱ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ.

༡༠༨. ཨུདཀཾ ¶ ནཱམ བྷཱཛནགཏཾ ཝཱ ཧོཏི པོཀྑརཎིཡཱ ཝཱ ཏལཱ༹ཀེ ཝཱ. ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ ¶ . ཨཏྟནོ བྷཱཛནཾ པཝེསེཏྭཱ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཨུདཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཨཏྟནོ བྷཱཛནགཏཾ ཀརོཏི, ཨཱཔཏྟི པཱརཱཛིཀསྶ. མརིཡཱདཾ བྷིནྡཏི, ཨཱཔཏྟི དུཀྐཊསྶ. མརིཡཱདཾ བྷིནྡིཏྭཱ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཨུདཀཾ ནིཀྑཱམེཏི, ཨཱཔཏྟི པཱརཱཛིཀསྶ. ཨཏིརེཀམཱསཀཾ ཝཱ ཨཱུནཔཉྩམཱསཀཾ ཝཱ ཨགྒྷནཀཾ ཨུདཀཾ ནིཀྑཱམེཏི, ཨཱཔཏྟི ཐུལླཙྩཡསྶ. མཱསཀཾ ཝཱ ཨཱུནམཱསཀཾ ཝཱ ཨགྒྷནཀཾ ཨུདཀཾ ནིཀྑཱམེཏི, ཨཱཔཏྟི དུཀྐཊསྶ.

༡༠༩. དནྟཔོཎཾ ནཱམ ཚིནྣཾ ཝཱ ཨཙྪིནྣཾ ཝཱ. པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ.

༡༡༠. ཝནཔྤཏི ¶ ནཱམ ཡོ མནུསྶཱནཾ པརིགྒཧིཏོ ཧོཏི རུཀྑོ པརིབྷོགོ. ཐེཡྻཙིཏྟོ ཚིནྡཏི, པཧཱརེ པཧཱརེ ཨཱཔཏྟི དུཀྐཊསྶ. ཨེཀཾ པཧཱརཾ ཨནཱགཏེ, ཨཱཔཏྟི ཐུལླཙྩཡསྶ. ཏསྨིཾ པཧཱརེ ཨཱགཏེ, ཨཱཔཏྟི པཱརཱཛིཀསྶ.

༡༡༡. ཧརཎཀཾ ནཱམ ཨཉྙསྶ ཧརཎཀཾ བྷཎྜཾ. ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ. སཧབྷཎྜཧཱརཀཾ པདསཱ ནེསྶཱམཱིཏི ¶ པཋམཾ པཱདཾ སངྐཱམེཏི, ཨཱཔཏྟི ཐུལླཙྩཡསྶ. དུཏིཡཾ པཱདཾ སངྐཱམེཏི, ཨཱཔཏྟི པཱརཱཛིཀསྶ. པཏིཏཾ བྷཎྜཾ གཧེསྶཱམཱིཏི པཱཏཱཔེཏི, ཨཱཔཏྟི དུཀྐཊསྶ. པཏིཏཾ བྷཎྜཾ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ.

༡༡༢. ཨུཔནིདྷི ནཱམ ཨུཔནིཀྑིཏྟཾ བྷཎྜཾ. དེཧི མེ བྷཎྜནྟི ཝུཙྩམཱནོ ནཱཧཾ གཎྷཱམཱིཏི བྷཎཏི, ཨཱཔཏྟི དུཀྐཊསྶ. སཱམིཀསྶ ཝིམཏིཾ ཨུཔྤཱདེཏི ¶ , ཨཱཔཏྟི ཐུལླཙྩཡསྶ ¶ . སཱམིཀོ ན མཡ྄ཧཾ དསྶཏཱིཏི དྷུརཾ ནིཀྑིཔཏི, ཨཱཔཏྟི པཱརཱཛིཀསྶ. དྷམྨཾ ཙརནྟོ སཱམིཀཾ པརཱཛེཏི, ཨཱཔཏྟི པཱརཱཛིཀསྶ. དྷམྨཾ ཙརནྟོ པརཛྫཏི, ཨཱཔཏྟི ཐུལླཙྩཡསྶ.

༡༡༣. སུངྐགྷཱཏཾ ནཱམ རཉྙཱ ཋཔིཏཾ ཧོཏི པབྦཏཁཎྜེ ཝཱ ནདཱིཏིཏྠེ ཝཱ གཱམདྭཱརེ ཝཱ – ‘ཨཏྲ པཝིཊྛསྶ སུངྐཾ གཎྷནྟཱུ’ཏི. ཏཏྲ པཝིསིཏྭཱ རཱཛགྒཾ [རཱཛགྒྷཾ (སཱི. སྱཱ.)] བྷཎྜཾ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. པཋམཾ པཱདཾ སུངྐགྷཱཏཾ ཨཏིཀྐཱམེཏི, ཨཱཔཏྟི ཐུལླཙྩཡསྶ. དུཏིཡཾ པཱདཾ ཨཏིཀྐཱམེཏི, ཨཱཔཏྟི པཱརཱཛིཀསྶ. ཨནྟོསུངྐགྷཱཏེ ཋིཏོ བཧིསུངྐགྷཱཏཾ པཱཏེཏི, ཨཱཔཏྟི པཱརཱཛིཀསྶ. སུངྐཾ པརིཧརཏི, ཨཱཔཏྟི དུཀྐཊསྶ.

༡༡༤. པཱཎོ ¶ ནཱམ མནུསྶཔཱཎོ ཝུཙྩཏི. ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ. པདསཱ ནེསྶཱམཱིཏི པཋམཾ པཱདཾ སངྐཱམེཏི, ཨཱཔཏྟི ཐུལླཙྩཡསྶ. དུཏིཡཾ པཱདཾ སངྐཱམེཏི, ཨཱཔཏྟི པཱརཱཛིཀསྶ.

ཨཔདཾ ¶ ནཱམ ཨཧི མཙྪཱ. པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ.

༡༡༥. དྭིཔདཾ ནཱམ མནུསྶཱ, པཀྑཛཱཏཱ. ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ. པདསཱ ནེསྶཱམཱིཏི པཋམཾ པཱདཾ སངྐཱམེཏི, ཨཱཔཏྟི ཐུལླཙྩཡསྶ. དུཏིཡཾ པཱདཾ སངྐཱམེཏི, ཨཱཔཏྟི པཱརཱཛིཀསྶ.

༡༡༦. ཙཏུཔྤདཾ ནཱམ – ཧཏྠཱི ཨསྶཱ ཨོཊྛཱ གོཎཱ གདྲབྷཱ པསུཀཱ. ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ. པདསཱ ནེསྶཱམཱིཏི པཋམཾ པཱདཾ སངྐཱམེཏི, ཨཱཔཏྟི ཐུལླཙྩཡསྶ. དུཏིཡཾ པཱདཾ སངྐཱམེཏི, ཨཱཔཏྟི ¶ ཐུལླཙྩཡསྶ. ཏཏིཡཾ པཱདཾ སངྐཱམེཏི, ཨཱཔཏྟི ཐུལླཙྩཡསྶ. ཙཏུཏྠཾ པཱདཾ སངྐཱམེཏི, ཨཱཔཏྟི ¶ པཱརཱཛིཀསྶ.

༡༡༧. བཧུཔྤདཾ ནཱམ – ཝིཙྪིཀཱ སཏཔདཱི ཨུཙྩཱལིངྒཔཱཎཀཱ. པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ. པདསཱ ནེསྶཱམཱིཏི སངྐཱམེཏི, པདེ པདེ ཨཱཔཏྟི ཐུལླཙྩཡསྶ. པཙྪིམཾ པཱདཾ སངྐཱམེཏི, ཨཱཔཏྟི པཱརཱཛིཀསྶ.

༡༡༨. ཨོཙརཀོ ནཱམ བྷཎྜཾ ཨོཙརིཏྭཱ ཨཱཙིཀྑཏི – ‘‘ཨིཏྠནྣཱམཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ. སོ ཏཾ བྷཎྜཾ ཨཝཧརཏི, ཨཱཔཏྟི ཨུབྷིནྣཾ པཱརཱཛིཀསྶ.

ཨོཎིརཀྑོ ¶ ནཱམ ཨཱཧཊཾ བྷཎྜཾ གོཔེནྟོ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ.

སཾཝིདཱཝཧཱརོ ནཱམ སམྦཧུལཱ སཾཝིདཧིཏྭཱ ཨེཀོ བྷཎྜཾ ཨཝཧརཏི, ཨཱཔཏྟི སབྦེསཾ པཱརཱཛིཀསྶ.

༡༡༩. སངྐེཏཀམྨཾ ¶ ནཱམ སངྐེཏཾ ཀརོཏི – ‘‘པུརེབྷཏྟཾ ཝཱ པཙྪཱབྷཏྟཾ ཝཱ རཏྟིཾ ཝཱ དིཝཱ ཝཱ ཏེན སངྐེཏེན ཏཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ. ཏེན སངྐེཏེན ཏཾ བྷཎྜཾ ཨཝཧརཏི, ཨཱཔཏྟི ཨུབྷིནྣཾ པཱརཱཛིཀསྶ. ཏཾ སངྐེཏཾ པུརེ ཝཱ པཙྪཱ ¶ ཝཱ ཏཾ བྷཎྜཾ ཨཝཧརཏི, མཱུལཊྛསྶ ཨནཱཔཏྟི. ཨཝཧཱརཀསྶ ཨཱཔཏྟི པཱརཱཛིཀསྶ.

༡༢༠. ནིམིཏྟཀམྨཾ ནཱམ ནིམིཏྟཾ ཀརོཏི. ཨཀྑིཾ ཝཱ ནིཁཎིསྶཱམི བྷམུཀཾ ཝཱ ཨུཀྑིཔིསྶཱམི སཱིསཾ ཝཱ ཨུཀྑིཔིསྶཱམི, ཏེན ནིམིཏྟེན ཏཾ བྷཎྜཾ ཨཝཧརཱཏི, ཨཱཔཏྟི དུཀྐཊསྶ. ཏེན ནིམིཏྟེན ཏཾ བྷཎྜཾ ཨཝཧརཏི, ཨཱཔཏྟི ཨུབྷིནྣཾ པཱརཱཛིཀསྶ. ཏཾ ནིམིཏྟཾ པུརེ ཝཱ པཙྪཱ ཝཱ ཏཾ བྷཎྜཾ ཨཝཧརཏི, མཱུལཊྛསྶ ཨནཱཔཏྟི. ཨཝཧཱརཀསྶ ཨཱཔཏྟི པཱརཱཛིཀསྶ.

༡༢༡. བྷིཀྑུ ¶ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ. སོ ཏཾ མཉྙམཱནོ ཏཾ ཨཝཧརཏི, ཨཱཔཏྟི ཨུབྷིནྣཾ པཱརཱཛིཀསྶ.

བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ. སོ ཏཾ མཉྙམཱནོ ཨཉྙཾ ཨཝཧརཏི, མཱུལཊྛསྶ ཨནཱཔཏྟི. ཨཝཧཱརཀསྶ ཨཱཔཏྟི པཱརཱཛིཀསྶ.

བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ. སོ ཨཉྙཾ མཉྙམཱནོ ཏཾ ཨཝཧརཏི, ཨཱཔཏྟི ཨུབྷིནྣཾ པཱརཱཛིཀསྶ.

བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ. སོ ཨཉྙཾ མཉྙམཱནོ ཨཉྙཾ ཨཝཧརཏི, མཱུལཊྛསྶ ཨནཱཔཏྟི. ཨཝཧཱརཀསྶ ཨཱཔཏྟི པཱརཱཛིཀསྶ.

བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམསྶ པཱཝད – ‘ཨིཏྠནྣཱམོ ཨིཏྠནྣཱམསྶ པཱཝདཏུ – ཨིཏྠནྣཱམོ ཨིཏྠནྣཱམཾ ¶ བྷཎྜཾ ཨཝཧརཏཱུ’’’ཏི, ཨཱཔཏྟི དུཀྐཊསྶ. སོ ཨིཏརསྶ ཨཱརོཙེཏི, ཨཱཔཏྟི དུཀྐཊསྶ. ཨཝཧཱརཀོ པཊིགྒཎྷཱཏི, མཱུལཊྛསྶ ཨཱཔཏྟི ཐུལླཙྩཡསྶ. སོ ཏཾ བྷཎྜཾ ཨཝཧརཏི, ཨཱཔཏྟི སབྦེསཾ པཱརཱཛིཀསྶ.

བྷིཀྑུ ¶ བྷིཀྑུཾ ཨཱཎཱཔེཏི – ‘‘ཨིཏྠནྣཱམསྶ པཱཝད – ‘ཨིཏྠནྣཱམོ ཨིཏྠནྣཱམསྶ པཱཝདཏུ – ཨིཏྠནྣཱམོ ཨིཏྠནྣཱམཾ བྷཎྜཾ ཨཝཧརཏཱུ’’’ཏི, ཨཱཔཏྟི དུཀྐཊསྶ. སོ ཨཉྙཾ ཨཱཎཱཔེཏི, ཨཱཔཏྟི དུཀྐཊསྶ. ཨཝཧཱརཀོ པཊིགྒཎྷཱཏི, ཨཱཔཏྟི དུཀྐཊསྶ. སོ ཏཾ བྷཎྜཾ ཨཝཧརཏི, མཱུལཊྛསྶ ཨནཱཔཏྟི. ཨཱཎཱཔཀསྶ ཙ ཨཝཧཱརཀསྶ ཙ ཨཱཔཏྟི པཱརཱཛིཀསྶ.

བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ ¶ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ. སོ གནྟྭཱ པུན པཙྩཱགཙྪཏི – ‘‘ནཱཧཾ སཀྐོམི ཏཾ བྷཎྜཾ ཨཝཧརིཏུ’’ནྟི. སོ པུན ཨཱཎཱཔེཏི – ‘‘ཡདཱ སཀྐོསི ཏདཱ ཏཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ. སོ ཏཾ བྷཎྜཾ ཨཝཧརཏི, ཨཱཔཏྟི ཨུབྷིནྣཾ པཱརཱཛིཀསྶ.

བྷིཀྑུ ¶ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ. སོ ཨཱཎཱཔེཏྭཱ ཝིཔྤཊིསཱརཱི ན སཱཝེཏི – ‘‘མཱ ཨཝཧརཱི’’ཏི. སོ ཏཾ བྷཎྜཾ ཨཝཧརཏི, ཨཱཔཏྟི ཨུབྷིནྣཾ པཱརཱཛིཀསྶ.

བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ. སོ ཨཱཎཱཔེཏྭཱ ཝིཔྤཊིསཱརཱི སཱཝེཏི – ‘‘མཱ ཨཝཧརཱི’’ཏི. སོ ‘‘ཨཱཎཏྟོ ཨཧཾ ཏཡཱ’’ཏི, ཏཾ བྷཎྜཾ ཨཝཧརཏི, མཱུལཊྛསྶ ཨནཱཔཏྟི. ཨཝཧཱརཀསྶ ¶ ཨཱཔཏྟི པཱརཱཛིཀསྶ.

བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ. སོ ཨཱཎཱཔེཏྭཱ ཝིཔྤཊིསཱརཱི སཱཝེཏི – ‘‘མཱ ཨཝཧརཱི’’ཏི. སོ ‘‘སཱདྷཱུ’’ཏི [སུཊྛཱུཏི (ཀ.)]? ཨོརམཏི, ཨུབྷིནྣཾ ཨནཱཔཏྟི.

༡༢༢. པཉྩཧི ཨཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི པཱརཱཛིཀསྶ – པརཔརིགྒཧིཏཉྩ ཧོཏི, པརཔརིགྒཧིཏསཉྙཱི ཙ, གརུཀོ ཙ ཧོཏི པརིཀྑཱརོ, པཉྩམཱསཀོ ཝཱ ཨཏིརེཀཔཉྩམཱསཀོ ཝཱ, ཐེཡྻཙིཏྟཉྩ པཙྩུཔཊྛིཏཾ ཧོཏི. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ.

༡༢༣. པཉྩཧི ཨཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི ཐུལླཙྩཡསྶ – པརཔརིགྒཧིཏཉྩ ཧོཏི, པརཔརིགྒཧིཏསཉྙཱི ཙ, ལཧུཀོ ཙ ཧོཏི པརིཀྑཱརོ, ཨཏིརེཀམཱསཀོ ¶ ཝཱ ཨཱུནཔཉྩམཱསཀོ ཝཱ, ཐེཡྻཙིཏྟཉྩ པཙྩུཔཊྛིཏཾ ཧོཏི. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི དུཀྐཊསྶ. ཋཱནཱ ཙཱཝེཏི, ཨཱཔཏྟི ཐུལླཙྩཡསྶ.

༡༢༤. པཉྩཧི ཨཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི དུཀྐཊསྶ. པརཔརིགྒཧིཏཉྩ ཧོཏི, པརཔརིགྒཧིཏསཉྙཱི ཙ, ལཧུཀོ ཙ ཧོཏི པརིཀྑཱརོ, མཱསཀོ ཝཱ ཨཱུནམཱསཀོ ཝཱ, ཐེཡྻཙིཏྟཉྩ པཙྩུཔཊྛིཏཾ ཧོཏི. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི དུཀྐཊསྶ. ཋཱནཱ ཙཱཝེཏི, ཨཱཔཏྟི དུཀྐཊསྶ.

༡༢༥. ཚཧི ཨཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི པཱརཱཛིཀསྶ. ན ¶ ཙ སཀསཉྙཱི, ན ཙ ཝིསྶཱསགྒཱཧཱི, ན ཙ ཏཱཝཀཱལིཀཾ, གརུཀོ ཙ ཧོཏི ¶ པརིཀྑཱརོ, པཉྩམཱསཀོ ཝཱ ཨཏིརེཀཔཉྩམཱསཀོ ཝཱ, ཐེཡྻཙིཏྟཉྩ པཙྩུཔཊྛིཏཾ ཧོཏི. ཨཱམསཏི, ཨཱཔཏྟི དུཀྐཊས. ཕནྡཱཔེཏི, ཨཱཔཏྟི ཐུལླཙྩཡསྶ. ཋཱནཱ ཙཱཝེཏི, ཨཱཔཏྟི པཱརཱཛིཀསྶ.

༡༢༦. ཚཧི ཨཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི ཐུལླཙྩཡསྶ. ན ཙ སཀསཉྙཱི, ན ཙ ཝིསྶཱསགྒཱཧཱི, ན ཙ ཏཱཝཀཱལིཀཾ, ལཧུཀོ ཙ ཧོཏི པརིཀྑཱརོ ཨཏིརེཀམཱསཀོ ¶ ཝཱ ཨཱུནཔཉྩམཱསཀོ ཝཱ, ཐེཡྻཙིཏྟཉྩ པཙྩུཔཊྛིཏཾ ཧོཏི. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི དུཀྐཊསྶ. ཋཱནཱ ཙཱཝེཏི, ཨཱཔཏྟི ཐུལླཙྩཡསྶ.

༡༢༧. ཚཧི ཨཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི དུཀྐཊསྶ. ན ཙ སཀསཉྙཱི, ན ཙ ཝིསྶཱསགྒཱཧཱི, ན ཙ ཏཱཝཀཱལིཀཾ, ལཧུཀོ ཙ ཧོཏི པརིཀྑཱརོ, མཱསཀོ ཝཱ ཨཱུནམཱསཀོ ཝཱ, ཐེཡྻཙིཏྟཉྩ པཙྩུཔཊྛིཏཾ ཧོཏི. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི དུཀྐཊསྶ. ཋཱནཱ ཙཱཝེཏི, ཨཱཔཏྟི དུཀྐཊསྶ.

༡༢༨. པཉྩཧི ཨཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི དུཀྐཊསྶ. ན ཙ པརཔརིགྒཧིཏཾ ཧོཏི, པརཔརིགྒཧིཏསཉྙཱི ཙ, གརུཀོ ཙ ཧོཏི པརིཀྑཱརོ, པཉྩམཱསཀོ ཝཱ ཨཏིརེཀཔཉྩམཱསཀོ ཝཱ, ཐེཡྻཙིཏྟཉྩ པཙྩུཔཊྛིཏཾ ཧོཏི. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི དུཀྐཊསྶ. ཋཱནཱ ཙཱཝེཏི, ཨཱཔཏྟི དུཀྐཊསྶ.

༡༢༩. པཉྩཧི ¶ ཨཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི དུཀྐཊསྶ. ན ¶ ཙ པརཔརིགྒཧིཏཾ ཧོཏི, པརཔརིགྒཧིཏསཉྙཱི ཙ, ལཧུཀོ ཙ ཧོཏི པརིཀྑཱརོ, ཨཏིརེཀམཱསཀོ ཝཱ ཨཱུནཔཉྩམཱསཀོ ཝཱ, ཐེཡྻཙིཏྟཉྩ པཙྩུཔཊྛིཏཾ ཧོཏི. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི དུཀྐཊསྶ. ཋཱནཱ ཙཱཝེཏི, ཨཱཔཏྟི དུཀྐཊསྶ.

༡༣༠. པཉྩཧི ཨཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི དུཀྐཊསྶ. ན ཙ པརཔརིགྒཧིཏཾ ཧོཏི, པརཔརིགྒཧིཏསཉྙཱི ཙ, ལཧུཀོ ཙ ཧོཏི པརིཀྑཱརོ, མཱསཀོ ཝཱ ཨཱུནམཱསཀོ ཝཱ, ཐེཡྻཙིཏྟཉྩ པཙྩུཔཊྛིཏཾ ཧོཏི. ཨཱམསཏི, ཨཱཔཏྟི དུཀྐཊསྶ. ཕནྡཱཔེཏི, ཨཱཔཏྟི དུཀྐཊསྶ. ཋཱནཱ ཙཱཝེཏི, ཨཱཔཏྟི དུཀྐཊསྶ.

༡༣༡. ཨནཱཔཏྟི ¶ སསཉྙིསྶ, ཝིསྶཱསགྒཱཧེ, ཏཱཝཀཱལིཀེ, པེཏཔརིགྒཧེ, ཏིརཙྪཱནགཏཔརིགྒཧེ, པཾསུཀཱུལསཉྙིསྶ, ཨུམྨཏྟཀསྶ, (ཁིཏྟཙིཏྟསྶ ཝེདནཱཊྚསྶ) [(ཁིཏྟཙིཏྟསྶ ཝེདནཱཊྚསྶ) ཀཏྠཙི ནཏྠི] ཨཱདིཀམྨིཀསྶཱཏི.

ཨདིནྣཱདཱནམྷི པཋམབྷཱཎཝཱརོ ནིཊྛིཏོ.

ཝིནཱིཏཝཏྠུཨུདྡཱནགཱཐཱ

རཛཀེཧི པཉྩ ཨཀྑཱཏཱ, ཙཏུརོ ཨཏྠརཎེཧི ཙ;

ཨནྡྷཀཱརེན ཝེ པཉྩ, པཉྩ ཧཱརཎཀེན ཙ.

ནིརུཏྟིཡཱ པཉྩ ཨཀྑཱཏཱ, ཝཱཏེཧི ཨཔརེ དུཝེ;

ཨསམྦྷིནྣེ ཀུསཱཔཱཏོ, ཛནྟགྒེན [ཛནྟཱགྷརེན (སྱཱ.)] སཧཱ དས.

ཝིགྷཱསེཧི པཉྩ ཨཀྑཱཏཱ, པཉྩ ཙེཝ ཨམཱུལཀཱ;

དུབྦྷིཀྑེ ཀུརམཾསཉྩ [ཀཱུརམཾསཉྩ (སྱཱ.)], པཱུཝསཀྑལིམོདཀཱ.

ཚཔརིཀྑཱརཐཝིཀཱ ¶ , བྷིསིཝཾསཱ ན ནིཀྑམེ;

ཁཱདནཱིཡཉྩ ཝིསྶཱསཾ, སསཉྙཱཡཔརེ དུཝེ.

སཏྟ ¶ ནཱཝཧརཱམཱཏི, སཏྟ ཙེཝ ཨཝཱཧརུཾ;

སངྒྷསྶ ཨཝཧརུཾ སཏྟ, པུཔྥེཧི ཨཔརེ དུཝེ.

ཏཡོ ཙ ཝུཏྟཝཱདིནོ, མཎི ཏཱིཎི ཨཏིཀྐམེ;

སཱུཀརཱ ཙ མིགཱ མཙྪཱ, ཡཱནཉྩཱཔི པཝཏྟཡི.

དུཝེ པེསཱི དུཝེ དཱརཱུ, པཾསུཀཱུལཾ དུཝེ དཀཱ;

ཨནུཔུབྦཝིདྷཱནེན ¶ , ཏདཉྙོ ན པརིཔཱུརཡི.

སཱཝཏྠིཡཱ ¶ ཙཏུརོ མུཊྛཱི, དྭེ ཝིགྷཱསཱ དུཝེ ཏིཎཱ;

སངྒྷསྶ བྷཱཛཡུཾ སཏྟ, སཏྟ ཙེཝ ཨསྶཱམིཀཱ.

དཱརུདཀཱ མཏྟིཀཱ དྭེ ཏིཎཱནི;

སངྒྷསྶ སཏྟ ཨཝཧཱསི སེཡྻཾ;

སསྶཱམིཀཾ ན ཙཱཔི ནཱིཧརེཡྻ;

ཧརེཡྻ སསྶཱམིཀཾ ཏཱཝཀཱལིཀཾ.

ཙམྤཱ རཱཛགཧེ ཙེཝ, ཝེསཱལིཡཱ ཙ ཨཛྫུཀོ;

བཱརཱཎསཱི ཙ ཀོསམྦཱི, སཱགལཱ དལ༹ྷིཀེན ཙཱཏི.

ཝིནཱིཏཝཏྠུ

༡༣༢. ཏེན ཁོ པན སམཡེན ཚབྦགྒིཡཱ བྷིཀྑཱུ རཛཀཏྠརཎཾ གནྟྭཱ རཛཀབྷཎྜིཀཾ ཨཝཧརིཾསུ. ཏེསཾ ཀུཀྐུཙྩཾ ཨཧོསི – ‘‘བྷགཝཏཱ སིཀྑཱཔདཾ པཉྙཏྟཾ. ཀཙྩི ནུ ཁོ མཡཾ པཱརཱཛིཀཾ ཨཱཔཏྟིཾ ཨཱཔནྣཱ’’ཏི ¶ . བྷགཝཏོ ཨེཏམཏྠཾ ཨཱརོཙེསུཾ. ‘‘ཨཱཔཏྟིཾ ཏུམྷེ, བྷིཀྑཝེ, ཨཱཔནྣཱ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ རཛཀཏྠརཎཾ གནྟྭཱ མཧགྒྷཾ དུསྶཾ པསྶིཏྭཱ ཐེཡྻཙིཏྟཾ ཨུཔྤཱདེསི. ཏསྶ ཀུཀྐུཙྩཾ ཨཧོསི – ‘‘བྷགཝཏཱ སིཀྑཱཔདཾ པཉྙཏྟཾ, ཀཙྩི ནུ ཁོ ¶ ཨཧཾ པཱརཱཛིཀཾ ཨཱཔཏྟིཾ ཨཱཔནྣོ’’ཏི? བྷགཝཏོ ཨེཏམཏྠཾ ཨཱརོཙེསི. ‘‘ཨནཱཔཏྟི, བྷིཀྑུ, ཙིཏྟུཔྤཱདེ’’ཏི.

ཏེན ཁོ པན སམཡེན ཨཉྙཏརོ བྷིཀྑུ རཛཀཏྠརཎཾ གནྟྭཱ མཧགྒྷཾ དུསྶཾ པསྶིཏྭཱ ཐེཡྻཙིཏྟོ ཨཱམསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ རཛཀཏྠརཎཾ གནྟྭཱ མཧགྒྷཾ དུསྶཾ པསྶིཏྭཱ ཐེཡྻཙིཏྟོ ཕནྡཱཔེསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ཨཱཔཏྟི ཐུལླཙྩཡསྶཱ’’ཏི.

ཏེན ¶ ཁོ པན སམཡེན ཨཉྙཏརོ བྷིཀྑུ རཛཀཏྠརཎཾ གནྟྭཱ མཧགྒྷཾ དུསྶཾ པསྶིཏྭཱ ཐེཡྻཙིཏྟོ ཋཱནཱ ཙཱཝེསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

༡༣༣. ཏེན ཁོ པན སམཡེན ཨཉྙཏརོ པིཎྜཙཱརིཀོ བྷིཀྑུ མཧགྒྷཾ ཨུཏྟརཏྠརཎཾ པསྶིཏྭཱ ཐེཡྻཙིཏྟཾ ཨུཔྤཱདེསི…པེ… ཐེཡྻཙིཏྟོ ཨཱམསི…པེ… ¶ ཐེཡྻཙིཏྟོ ཕནྡཱཔེསི…པེ… ཐེཡྻཙིཏྟོ ཋཱནཱ ཙཱཝེསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

༡༣༤. ཏེན ཁོ པན སམཡེན ཨཉྙཏརོ བྷིཀྑུ དིཝཱ བྷཎྜཾ པསྶིཏྭཱ ནིམིཏྟཾ ཨཀཱསི – ‘རཏྟིཾ ཨཝཧརིསྶཱམཱི’ཏི. སོ ཏཾ མཉྙམཱནོ ཏཾ ཨཝཧརི…པེ… ཏཾ མཉྙམཱནོ ཨཉྙཾ ཨཝཧརི…པེ… ཨཉྙཾ མཉྙམཱནོ ཏཾ ཨཝཧརི…པེ… ཨཉྙཾ མཉྙམཱནོ ཨཉྙཾ ཨཝཧརི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི ¶ .

ཏེན ཁོ པན སམཡེན ཨཉྙཏརོ བྷིཀྑུ དིཝཱ བྷཎྜཾ པསྶིཏྭཱ ནིམིཏྟཾ ཨཀཱསི – ‘‘རཏྟིཾ ཨཝཧརིསྶཱམཱི’’ཏི. སོ ཏཾ མཉྙམཱནོ ཨཏྟནོ བྷཎྜཾ ཨཝཧརི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ཨཱཔཏྟི དུཀྐཊསྶཱ’’ཏི.

ཏེན ¶ ཁོ པན སམཡེན ཨཉྙཏརོ བྷིཀྑུ ཨཉྙསྶ བྷཎྜཾ ཧརནྟོ སཱིསེ བྷཱརཾ ཐེཡྻཙིཏྟོ ཨཱམསི…པེ… ཐེཡྻཙིཏྟོ ཕནྡཱཔེསི…པེ… ཐེཡྻཙིཏྟོ ཁནྡྷཾ ཨོརོཔེསི…པེ… ¶ ཁནྡྷེ བྷཱརཾ ཐེཡྻཙིཏྟོ ཨཱམསི…པེ… ཐེཡྻཙིཏྟོ ཕནྡཱཔེསི…པེ… ཐེཡྻཙིཏྟོ ཀཊིཾ ཨོརོཔེསི…པེ… ཀཊིཡཱ བྷཱརཾ ཐེཡྻཙིཏྟོ ཨཱམསི…པེ… ཐེཡྻཙིཏྟོ ཕནྡཱཔེསི…པེ… ཐེཡྻཙིཏྟོ ཧཏྠེན ཨགྒཧེསི…པེ… ཧཏྠེ བྷཱརཾ ཐེཡྻཙིཏྟོ བྷཱུམིཡཾ ནིཀྑིཔི…པེ… ཐེཡྻཙིཏྟོ བྷཱུམིཏོ ཨགྒཧེསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

༡༣༥. ཏེན ཁོ པན སམཡེན ཨཉྙཏརོ བྷིཀྑུ ཨཛ྄ཛྷོཀཱསེ ཙཱིཝརཾ པཏྠརིཏྭཱ ཝིཧཱརཾ པཱཝིསི. ཨཉྙཏརོ བྷིཀྑུ – ‘མཱཡིདཾ ཙཱིཝརཾ ནསྶཱི’ཏི, པཊིསཱམེསི. སོ ནིཀྑམིཏྭཱ ཏཾ བྷིཀྑུཾ པུཙྪི – ‘‘ཨཱཝུསོ, མཡ྄ཧཾ ཙཱིཝརཾ ཀེན ཨཝཧཊ’’ནྟི ¶ ? སོ ཨེཝམཱཧ – ‘‘མཡཱ ཨཝཧཊ’’ནྟི. ‘‘སོ ཏཾ ཨཱདིཡི, ཨསྶམཎོསི ཏྭ’’ནྟི. ཏསྶ ཀུཀྐུཙྩཾ ཨཧོསི…པེ…. བྷགཝཏོ ཨེཏམཏྠཾ ཨཱརོཙེསི. ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ནིརུཏྟིཔཐོ ཨཧཾ, བྷགཝཱ’’ཏི. ‘‘ཨནཱཔཏྟི, བྷིཀྑུ, ནིརུཏྟིཔཐེ’’ཏི.

ཏེན ཁོ པན སམཡེན ཨཉྙཏརོ བྷིཀྑུ པཱིཋེ ཙཱིཝརཾ ནིཀྑིཔིཏྭཱ. པཱིཋེ ནིསཱིདནཾ ནིཀྑིཔིཏྭཱ… ཧེཊྛཱཔཱིཋེ པཏྟཾ ནིཀྑིཔིཏྭཱ ཝིཧཱརཾ པཱཝིསི. ཨཉྙཏརོ བྷིཀྑུ – ‘‘མཱཡཾ པཏྟོ ནསྶཱི’’ཏི པཊིསཱམེསི. སོ ནིཀྑམིཏྭཱ ཏཾ བྷིཀྑུཾ པུཙྪི – ‘‘ཨཱཝུསོ, མཡ྄ཧཾ པཏྟོ ཀེན ཨཝཧཊོ’’ཏི? སོ ཨེཝམཱཧ – ‘‘མཡཱ ཨཝཧཊོ’’ཏི. ‘‘སོ ཏཾ ཨཱདིཡི, ཨསྶམཎོསི ཏྭ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནིརུཏྟིཔཐེ’’ཏི.

ཏེན ཁོ པན སམཡེན ཨཉྙཏརཱ བྷིཀྑུནཱི ཝཏིཡཱ ཙཱིཝརཾ པཏྠརིཏྭཱ ཝིཧཱརཾ པཱཝིསི. ཨཉྙཏརཱ བྷིཀྑུནཱི – ‘མཱཡིདཾ ¶ ཙཱིཝརཾ ནསྶཱི’ཏི པཊིསཱམེསི. སཱ ནིཀྑམིཏྭཱ ཏཾ བྷིཀྑུནིཾ པུཙྪི – ‘‘ཨཡྻེ, མཡ྄ཧཾ ཙཱིཝརཾ ཀེན ཨཝཧཊ’’ནྟི? སཱ ཨེཝམཱཧ – ‘‘མཡཱ ཨཝཧཊ’’ནྟི. ‘‘སཱ ཏཾ ཨཱདིཡི, ཨསྶམཎཱིསི ཏྭ’’ནྟི. ཏསྶཱ ཀུཀྐུཙྩཾ ཨཧོསི. ཨཐ ཁོ སཱ བྷིཀྑུནཱི བྷིཀྑུནཱིནཾ ཨེཏམཏྠཾ ཨཱརོཙེསི. བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘ཨནཱཔཏྟི, བྷིཀྑཝེ, ནིརུཏྟིཔཐེ’’ཏི.

༡༣༦. ཏེན ¶ ¶ ཁོ པན སམཡེན ཨཉྙཏརོ བྷིཀྑུ ཝཱཏམཎྜལིཀཱཡ ཨུཀྑིཏྟཾ སཱཊཀཾ པསྶིཏྭཱ སཱམིཀཱནཾ དསྶཱམཱིཏི, ཨགྒཧེསི. སཱམིཀཱ ཏཾ བྷིཀྑུཾ ཙོདེསུཾ – ‘‘ཨསྶམཎོསི ཏྭ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཀིཾཙིཏྟོ ཏྭཾ བྷིཀྑཱུ’’ཏི? ‘‘ཨཐེཡྻཙིཏྟོ ཨཧཾ, བྷགཝཱ’’ཏི. ཨནཱཔཏྟི, བྷིཀྑུ, ཨཐེཡྻཙིཏྟསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཝཱཏམཎྜལིཀཱཡ ཨུཀྑིཏྟཾ ཝེཋནཾ པསྶིཏྭཱ ‘པུརེ སཱམིཀཱ པསྶནྟཱི’ཏི ཐེཡྻཙིཏྟོ ཨགྒཧེསི. སཱམིཀཱ ཏཾ བྷིཀྑུཾ ཙོདེསུཾ – ‘‘ཨསྶམཎོསི ཏྭ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

༡༣༧. ཏེན ཁོ པན སམཡེན ཨཉྙཏརོ བྷིཀྑུ སུསཱནཾ གནྟྭཱ ཨབྷིནྣེ སརཱིརེ པཾསུཀཱུལཾ ཨགྒཧེསི. ཏསྨིཉྩ སརཱིརེ པེཏོ ཨདྷིཝཏྠོ ཧོཏི ¶ . ཨཐ ཁོ སོ པེཏོ ཏཾ བྷིཀྑུཾ ཨེཏདཝོཙ – ‘‘མཱ, བྷནྟེ, མཡ྄ཧཾ སཱཊཀཾ ཨགྒཧེསཱི’’ཏི. སོ བྷིཀྑུ ཨནཱདིཡནྟོ ཨགམཱསི ¶ . ཨཐ ཁོ ཏཾ སརཱིརཾ ཨུཊྛཧིཏྭཱ ཏསྶ བྷིཀྑུནོ པིཊྛིཏོ པིཊྛིཏོ ཨནུབནྡྷི. ཨཐ ཁོ སོ བྷིཀྑུ ཝིཧཱརཾ པཝིསིཏྭཱ དྭཱརཾ ཐཀེསི. ཨཐ ཁོ ཏཾ སརཱིརཾ ཏཏྠེཝ པརིཔཏི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ན ཙ, བྷིཀྑཝེ, ཨབྷིནྣེ སརཱིརེ པཾསུཀཱུལཾ གཧེཏབྦཾ. སོ གཎྷེཡྻ, ཨཱཔཏྟི དུཀྐཊསྶཱ’’ཏི.

༡༣༨. ཏེན ཁོ པན སམཡེན ཨཉྙཏརོ བྷིཀྑུ སངྒྷསྶ ཙཱིཝརེ བྷཱཛཱིཡམཱནེ ཐེཡྻཙིཏྟོ ཀུསཾ སངྐཱམེཏྭཱ ཙཱིཝརཾ ཨགྒཧེསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

༡༣༩. ཏེན ཁོ པན སམཡེན ཨཱཡསྨཱ ཨཱནནྡོ ཛནྟཱགྷརེ ཨཉྙཏརསྶ བྷིཀྑུནོ ཨནྟརཝཱསཀཾ ཨཏྟནོ མཉྙམཱནོ ནིཝཱསེསི. ཨཐ ཁོ སོ བྷིཀྑུ ཨཱཡསྨནྟཾ ཨཱནནྡཾ ཨེཏདཝོཙ – ‘‘ཀིསྶ མེ ཏྭཾ, ཨཱཝུསོ ཨཱནནྡ, ཨནྟརཝཱསཀཾ ནིཝཱསེསཱི’’ཏི? ‘‘སཀསཉྙཱི ཨཧཾ, ཨཱཝུསོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནཱཔཏྟི, བྷིཀྑཝེ, སཀསཉྙིསྶཱ’’ཏི.

༡༤༠. ཏེན ཁོ པན སམཡེན སམྦཧུལཱ བྷིཀྑཱུ གིཛ྄ཛྷཀཱུཊཱ པབྦཏཱ ཨོརོཧནྟཱ སཱིཧཝིགྷཱསཾ ¶ པསྶིཏྭཱ པཙཱཔེཏྭཱ པརིབྷུཉྫིཾསུ. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, སཱིཧཝིགྷཱསེ’’ཏི.

ཏེན ཁོ པན སམཡེན སམྦཧུལཱ བྷིཀྑཱུ གིཛ྄ཛྷཀཱུཊཱ པབྦཏཱ ཨོརོཧནྟཱ བྱགྒྷཝིགྷཱསཾ པསྶིཏྭཱ… དཱིཔིཝིགྷཱསཾ ¶ པསྶིཏྭཱ… ཏརཙྪཝིགྷཱསཾ པསྶིཏྭཱ… ཀོཀཝིགྷཱསཾ པསྶིཏྭཱ པཙཱཔེཏྭཱ པརིབྷུཉྫིཾསུ. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, ཏིརཙྪཱནགཏཔརིགྒཧེ’’ཏི.

༡༤༡. ཏེན ¶ ཁོ པན སམཡེན ཨཉྙཏརོ བྷིཀྑུ སངྒྷསྶ ཨོདནེ བྷཱཛཱིཡམཱནེ – ‘ཨཔརསྶ བྷཱགཾ དེཧཱི’ཏི ཨམཱུལཀཾ ཨགྒཧེསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ཨཱཔཏྟི སམྤཛཱནམུསཱཝཱདེ པཱཙིཏྟིཡསྶཱ’’ཏི.

ཏེན ¶ ཁོ པན སམཡེན ཨཉྙཏརོ བྷིཀྑུ སངྒྷསྶ ཁཱདནཱིཡེ བྷཱཛིཡམཱནེ… སངྒྷསྶ པཱུཝེ བྷཱཛིཡམཱནེ… སངྒྷསྶ ཨུཙྪུམྷི བྷཱཛིཡམཱནེ… སངྒྷསྶ ཏིམྦརཱུསཀེ བྷཱཛིཡམཱནེ – ‘ཨཔརསྶ བྷཱགཾ དེཧཱི’ཏི ཨམཱུལཀཾ ཨགྒཧེསི. ཏསྶ ཀུཀྐུཙྩཾ ཨཧོསི…པེ…. ‘‘ཨནཱཔཏྟི, བྷིཀྑུ, པཱརཱཛིཀསྶ. ཨཱཔཏྟི སམྤཛཱནམུསཱཝཱདེ པཱཙིཏྟིཡསྶཱ’’ཏི.

༡༤༢. ཏེན ཁོ པན སམཡེན ཨཉྙཏརོ བྷིཀྑུ དུབྦྷིཀྑེ ཨོདནཱིཡགྷརཾ པཝིསིཏྭཱ པཏྟཔཱུརཾ ཨོདནཾ ཐེཡྻཙིཏྟོ ཨཝཧརི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ དུབྦྷིཀྑེ སཱུནགྷརཾ [སཱུནཱགྷརཾ (སཱི. སྱཱ)] པཝིསིཏྭཱ པཏྟཔཱུརཾ མཾསཾ ཐེཡྻཙིཏྟོ ཨཝཧརི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ དུབྦྷིཀྑེ པཱུཝགྷརཾ པཝིསིཏྭཱ པཏྟཔཱུརཾ པཱུཝཾ ཐེཡྻཙིཏྟོ ཨཝཧརི…པེ… པཏྟཔཱུརཱ སཀྑལིཡོ ཐེཡྻཙིཏྟོ ཨཝཧརི…པེ… པཏྟཔཱུརེ ¶ མོདཀེ ཐེཡྻཙིཏྟོ ཨཝཧརི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

༡༤༣. ཏེན ¶ ཁོ པན སམཡེན ཨཉྙཏརོ བྷིཀྑུ དིཝཱ པརིཀྑཱརཾ པསྶིཏྭཱ ནིམིཏྟཾ ཨཀཱསི – ‘‘རཏྟིཾ ཨཝཧརིསྶཱམཱི’’ཏི. སོ ཏཾ མཉྙམཱནོ ཏཾ ཨཝཧརི…པེ… ཏཾ མཉྙམཱནོ ཨཉྙཾ ཨཝཧརི…པེ… ཨཉྙཾ མཉྙམཱནོ ཏཾ ཨཝཧརི…པེ… ཨཉྙཾ མཉྙམཱནོ ཨཉྙཾ ཨཝཧརི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ དིཝཱ པརིཀྑཱརཾ པསྶིཏྭཱ ནིམིཏྟཾ ཨཀཱསི – ‘‘རཏྟིཾ ཨཝཧརིསྶཱམཱི’’ཏི. སོ ཏཾ མཉྙམཱནོ ཨཏྟནོ པརིཀྑཱརཾ ཨཝཧརི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ཨཱཔཏྟི དུཀྐཊསྶཱ’’ཏི.

༡༤༤. ཏེན ཁོ པན སམཡེན ཨཉྙཏརོ བྷིཀྑུ པཱིཋེ ཐཝིཀཾ པསྶིཏྭཱ – ‘‘ཨིཏོ གཎྷནྟོ པཱརཱཛིཀོ བྷཝིསྶཱམཱི’’ཏི སཧ པཱིཋཀེན སངྐཱམེཏྭཱ ¶ ཨགྒཧེསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ སངྒྷསྶ བྷིསིཾ ཐེཡྻཙིཏྟོ ཨཝཧརི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

༡༤༥. ཏེན ཁོ པན སམཡེན ཨཉྙཏརོ བྷིཀྑུ ཙཱིཝརཝཾསེ ཙཱིཝརཾ ¶ ཐེཡྻཙིཏྟོ ¶ ཨཝཧརི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ ཝིཧཱརེ ཙཱིཝརཾ ཨཝཧརིཏྭཱ – ‘‘ཨིཏོ ནིཀྑམནྟོ པཱརཱཛིཀོ བྷཝིསྶཱམཱི’’ཏི ཝིཧཱརཱ ན ནིཀྑམི…པེ… བྷགཝཏོ ཨེཏམཏྠཾ ཨཱརོཙེསུཾ. ‘‘ནིཀྑམི [ནིཀྑམེཡྻ (སཱི. སྱཱ.)] ཝཱ སོ, བྷིཀྑཝེ, མོགྷཔུརིསོ ན ཝཱ ནིཀྑམི [ནིཀྑམེཡྻ (སཱི. སྱཱ.)], ཨཱཔཏྟི པཱརཱཛིཀསྶཱ’’ཏི.

༡༤༦. ཏེན ཁོ པན སམཡེན དྭེ བྷིཀྑཱུ སཧཱཡཀཱ ཧོནྟི. ཨེཀོ བྷིཀྑུ གཱམཾ པིཎྜཱཡ པཱཝིསི. དུཏིཡོ བྷིཀྑུ སངྒྷསྶ ཁཱདནཱིཡེ བྷཱཛཱིཡམཱནེ སཧཱཡཀསྶ བྷཱགཾ གཧེཏྭཱ ཏསྶ ¶ ཝིསྶསནྟོ པརིབྷུཉྫི. སོ ཛཱནིཏྭཱ ཏཾ ཙོདེསི – ‘‘ཨསྶམཎོསི ཏྭ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཀིཾ ཙིཏྟོ ཏྭཾ, བྷིཀྑཱུ’’ཏི? ‘‘ཝིསྶཱསགྒཱཧོ ཨཧཾ, བྷགཝཱ’’ཏི. ‘‘ཨནཱཔཏྟི, བྷིཀྑུ, ཝིསྶཱསགྒཱཧེ’’ཏི.

༡༤༧. ཏེན ཁོ པན སམཡེན སམྦཧུལཱ བྷིཀྑཱུ ཙཱིཝརཀམྨཾ ཀརོནྟི. སངྒྷསྶ ཁཱདནཱིཡེ བྷཱཛཱིཡམཱནེ སབྦེསཾ པཊིཝིསཱ ཨཱཧརིཏྭཱ ཨུཔནིཀྑིཏྟཱ ཧོནྟི. ཨཉྙཏརོ བྷིཀྑུ ཨཉྙཏརསྶ བྷིཀྑུནོ པཊིཝིསཾ ཨཏྟནོ མཉྙམཱནོ པརིབྷུཉྫི. སོ ཛཱནིཏྭཱ ཏཾ ཙོདེསི – ‘‘ཨསྶམཎོསི ཏྭ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘སཀསཉྙཱི ཨཧཾ, བྷགཝཱ’’ཏི. ‘‘ཨནཱཔཏྟི, བྷིཀྑུ, སཀསཉྙིསྶཱ’’ཏི.

ཏེན ཁོ པན སམཡེན སམྦཧུལཱ བྷིཀྑཱུ ཙཱིཝརཀམྨཾ ¶ ཀརོནྟི. སངྒྷསྶ ཁཱདནཱིཡེ བྷཱཛིཡམཱནེ ཨཉྙཏརསྶ བྷིཀྑུནོ པཏྟེན ཨཉྙཏརསྶ བྷིཀྑུནོ ¶ པཊིཝིསོ ཨཱཧརིཏྭཱ ཨུཔནིཀྑིཏྟོ ཧོཏི. པཏྟསཱམིཀོ བྷིཀྑུ ཨཏྟནོ མཉྙམཱནོ པརིབྷུཉྫི. སོ ཛཱནིཏྭཱ ཏཾ ཙོདེསི – ‘‘ཨསྶམཎོསི ཏྭ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སཀསཉྙིསྶཱ’’ཏི.

༡༤༨. ཏེན ཁོ པན སམཡེན ཨམྦཙོརཀཱ ཨམྦཾ པཱཏེཏྭཱ བྷཎྜིཀཾ ཨཱདཱཡ ཨགམཾསུ. སཱམིཀཱ ཏེ ཙོརཀེ ཨནུབནྡྷིཾསུ. ཙོརཀཱ སཱམིཀེ པསྶིཏྭཱ བྷཎྜིཀཾ པཱཏེཏྭཱ པལཱཡིཾསུ. བྷིཀྑཱུ པཾསུཀཱུལསཉྙིནོ པཊིགྒཧཱཔེཏྭཱ པརིབྷུཉྫིཾསུ. སཱམིཀཱ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ ཏུམྷེ’’ཏི. ཏེསཾ ཀུཀྐུཙྩཾ ཨཧོསི…པེ… བྷགཝཏོ ཨེཏམཏྠཾ ཨཱརོཙེསུཾ. ‘‘ཀིཾཙིཏྟཱ ཏུམྷེ, བྷིཀྑཝེ’’ཏི? ‘‘པཾསུཀཱུལསཉྙིནོ མཡཾ, བྷགཝཱ’’ཏི. ‘‘ཨནཱཔཏྟི, བྷིཀྑཝེ, པཾསུཀཱུལསཉྙིསྶཱ’’ཏི.

ཏེན ཁོ པན སམཡེན ཛམྦུཙོརཀཱ… ལབུཛཙོརཀཱ… པནསཙོརཀཱ… ཏཱལཔཀྐཙོརཀཱ… ཨུཙྪུཙོརཀཱ… ཏིམྦརཱུསཀཙོརཀཱ ཏིམྦརཱུསཀེ ¶ ཨུཙྩིནིཏྭཱ བྷཎྜིཀཾ ཨཱདཱཡ ཨགམཾསུ. སཱམིཀཱ ཏེ ཙོརཀེ ཨནུབནྡྷིཾསུ. ཙོརཀཱ སཱམིཀེ པསྶིཏྭཱ བྷཎྜིཀཾ པཱཏེཏྭཱ པལཱཡིཾསུ. བྷིཀྑཱུ པཾསུཀཱུལསཉྙིནོ པཊིགྒཧཱཔེཏྭཱ པརིབྷུཉྫིཾསུ. སཱམིཀཱ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ ཏུམྷེ’’ཏི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, པཾསུཀཱུལསཉྙིསྶཱ’’ཏི.

ཏེན ¶ ཁོ པན སམཡེན ཨམྦཙོརཀཱ ཨམྦཾ པཱཏེཏྭཱ བྷཎྜིཀཾ ¶ ཨཱདཱཡ ཨགམཾསུ. སཱམིཀཱ ཏེ ཙོརཀེ ཨནུབནྡྷིཾསུ. ཙོརཀཱ སཱམིཀེ པསྶིཏྭཱ བྷཎྜིཀཾ པཱཏེཏྭཱ པལཱཡིཾསུ. བྷིཀྑཱུ – ‘པུརེ སཱམིཀཱ པསྶནྟཱི’ཏི, ཐེཡྻཙིཏྟཱ པརིབྷུཉྫིཾསུ. སཱམིཀཱ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ ཏུམྷེ’’ཏི. ཏེསཾ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏུམྷེ, བྷིཀྑཝེ, ཨཱཔནྣཱ པཱརཱཛིཀ’’ནྟི.

ཏེན ཁོ པན སམཡེན ཛམྦུཙོརཀཱ… ལབུཛཙོརཀཱ… པནསཙོརཀཱ… ཏཱལཔཀྐཙོརཀཱ… ཨུཙྪུཙོརཀཱ… ཏིམྦརཱུསཀཙོརཀཱ ཏིམྦརཱུསཀེ ཨུཙྩིནིཏྭཱ བྷཎྜིཀཾ ཨཱདཱཡ ཨགམཾསུ. སཱམིཀཱ ཏེ ཙོརཀེ ཨནུབནྡྷིཾསུ. ཙོརཀཱ སཱམིཀེ པསྶིཏྭཱ བྷཎྜིཀཾ པཱཏེཏྭཱ ¶ པལཱཡིཾསུ. བྷིཀྑཱུ – ‘པུརེ སཱམིཀཱ པསྶནྟཱི’ཏི, ཐེཡྻཙིཏྟཱ པརིབྷུཉྫིཾསུ. སཱམིཀཱ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ ཏུམྷེ’’ཏི. ཏེསཾ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏུམྷེ, བྷིཀྑཝེ, ཨཱཔནྣཱ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ སངྒྷསྶ ཨམྦཾ ཐེཡྻཙིཏྟོ ཨཝཧརི… སངྒྷསྶ ཛམྦུཾ… སངྒྷསྶ ལབུཛཾ… སངྒྷསྶ པནསཾ… སངྒྷསྶ ཏཱལཔཀྐཾ… སངྒྷསྶ ཨུཙྪུཾ… སངྒྷསྶ ཏིམྦརཱུསཀཾ ཐེཡྻཙིཏྟོ ཨཝཧརི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

༡༤༩. ཏེན ཁོ པན སམཡེན ཨཉྙཏརོ བྷིཀྑུ པུཔྥཱརཱམཾ གནྟྭཱ ཨོཙིཏཾ པུཔྥཾ པཉྩམཱསགྒྷནཀཾ ཐེཡྻཙིཏྟོ ཨཝཧརི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ ¶ པན སམཡེན ཨཉྙཏརོ བྷིཀྑུ པུཔྥཱརཱམཾ གནྟྭཱ པུཔྥཾ ཨོཙིནིཏྭཱ པཉྩམཱསགྒྷནཀཾ ཐེཡྻཙིཏྟོ ཨཝཧརི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ ཨཱཔནྣོ པཱརཱཛིཀ’’ནྟི.

༡༥༠. ཏེན ཁོ པན སམཡེན ཨཉྙཏརོ བྷིཀྑུ གཱམཀཾ གཙྪནྟོ ཨཉྙཏརཾ བྷིཀྑུཾ ཨེཏདཝོཙ – ‘‘ཨཱཝུསོ, ཏུཡ྄ཧཾ ཨུཔཊྛཱཀཀུལཾ ཝུཏྟོ ཝཛྫེམཱི’’ཏི. སོ གནྟྭཱ ཨེཀཾ སཱཊཀཾ ཨཱཧརཱཔེཏྭཱ ཨཏྟནཱ པརིབྷུཉྫི. སོ ཛཱནིཏྭཱ ཏཾ ཙོདེསི – ‘‘ཨསྶམཎོསི ཏྭ’’ནྟི. ཏསྶ ཀུཀྐུཙྩཾ ¶ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ན ཙ, བྷིཀྑཝེ, ཝུཏྟོ ཝཛྫེམཱིཏི ཝཏྟབྦོ. ཡོ ཝདེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གཱམཀཾ གཙྪཏི. ཨཉྙཏརོ བྷིཀྑུ ཏཾ བྷིཀྑུཾ ཨེཏདཝོཙ – ‘‘ཨཱཝུསོ, མཡ྄ཧཾ ཨུཔཊྛཱཀཀུལཾ ཝུཏྟོ ཝཛྫེཧཱི’’ཏི. སོ གནྟྭཱ ཡུགསཱཊཀཾ ཨཱཧརཱཔེཏྭཱ ཨེཀཾ ཨཏྟནཱ པརིབྷུཉྫི, ཨེཀཾ ཏསྶ བྷིཀྑུནོ ཨདཱསི. སོ ཛཱནིཏྭཱ ཏཾ ཙོདེསི – ‘‘ཨསྶམཎོསི ཏྭ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ན ཙ, བྷིཀྑཝེ, ཝུཏྟོ ཝཛྫེཧཱིཏི ཝཏྟབྦོ. ཡོ ཝདེཡྻ, ཨཱཔཏྟི དུཀྐཊསྶཱ’’ཏི.

ཏེན ¶ ཁོ པན སམཡེན ཨཉྙཏརོ བྷིཀྑུ གཱམཀཾ གཙྪནྟོ ¶ ཨཉྙཏརཾ བྷིཀྑུཾ ཨེཏདཝོཙ – ‘‘ཨཱཝུསོ, ཏུཡ྄ཧཾ ཨུཔཊྛཱཀཀུལཾ ཝུཏྟོ ཝཛྫེམཱི’’ཏི. སོཔི ཨེཝམཱཧ – ‘‘ཝུཏྟོ ཝཛྫེཧཱི’’ཏི. སོ གནྟྭཱ ཨཱལ༹ྷཀཾ སཔྤིཾ ཏུལཾ གུལ༹ཾ དོཎཾ ཏཎྜུལཾ ཨཱཧརཱཔེཏྭཱ ཨཏྟནཱ པརིབྷུཉྫི. སོ ཛཱནིཏྭཱ ཏཾ ཙོདེསི ¶ – ‘‘ཨསྶམཎོསི ཏྭ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ན ཙ, བྷིཀྑཝེ, ཝུཏྟོ ཝཛྫེམཱིཏི ཝཏྟབྦོ, ན ཙ ཝུཏྟོ ཝཛྫེཧཱིཏི ཝཏྟབྦོ. ཡོ ཝདེཡྻ, ཨཱཔཏྟི དུཀྐཊསྶཱ’’ཏི.

༡༥༡. ཏེན ཁོ པན སམཡེན ཨཉྙཏརོ པུརིསོ མཧགྒྷཾ མཎིཾ ཨཱདཱཡ ཨཉྙཏརེན བྷིཀྑུནཱ སདྡྷིཾ ཨདྡྷཱནམགྒཔྤཊིཔནྣོ ཧོཏི. ཨཐ ཁོ སོ པུརིསོ སུངྐཊྛཱནཾ པསྶིཏྭཱ ཏསྶ བྷིཀྑུནོ ཨཛཱནནྟསྶ ཐཝིཀཱཡ མཎིཾ པཀྑིཔིཏྭཱ སུངྐཊྛཱནཾ ཨཏིཀྐམིཏྭཱ ཨགྒཧེསི. ཏསྶ ཀུཀྐུཙྩཾ ཨཧོསི…པེ… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ནཱཧཾ, བྷགཝཱ, ཛཱནཱམཱི’’ཏི. ‘‘ཨནཱཔཏྟི, བྷིཀྑུ, ཨཛཱནནྟསྶཱ’’ཏི.

ཏེན ཁོ པན སམཡེན ཨཉྙཏརོ པུརིསོ མཧགྒྷཾ མཎིཾ ཨཱདཱཡ ཨཉྙཏརེན བྷིཀྑུནཱ སདྡྷིཾ ཨདྡྷཱནམགྒཔྤཊིཔནྣོ ཧོཏི. ཨཐ ཁོ སོ པུརིསོ སུངྐཊྛཱནཾ པསྶིཏྭཱ གིལཱནཱལཡཾ ཀརིཏྭཱ ཨཏྟནོ བྷཎྜིཀཾ ཏསྶ བྷིཀྑུནོ ཨདཱསི. ཨཐ ཁོ སོ པུརིསོ སུངྐཊྛཱནཾ ཨཏིཀྐམིཏྭཱ ཏཾ བྷིཀྑུཾ ཨེཏདཝོཙ – ‘‘ཨཱཧར མེ, བྷནྟེ, བྷཎྜིཀཾ; ནཱཧཾ ཨཀལླཀོ’’ཏི. ‘‘ཀིསྶ པན ཏྭཾ, ཨཱཝུསོ, ཨེཝརཱུཔཾ ཨཀཱསཱི’’ཏི? ཨཐ ཁོ སོ པུརིསོ ཏསྶ བྷིཀྑུནོ ཨེཏམཏྠཾ ¶ ཨཱརོཙེསི. ཏསྶ ཀུཀྐུཙྩཾ ཨཧོསི…པེ… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ནཱཧཾ, བྷགཝཱ, ཛཱནཱམཱི’’ཏི. ‘‘ཨནཱཔཏྟི, བྷིཀྑུ, ཨཛཱནནྟསྶཱ’’ཏི.

༡༥༢. ཏེན ཁོ པན སམཡེན ཨཉྙཏརོ བྷིཀྑུ སཏྠེན སདྡྷིཾ ཨདྡྷཱནམགྒཔྤཊིཔནྣོ ཧོཏི. ཨཉྙཏརོ པུརིསོ ¶ ཏཾ བྷིཀྑུཾ ཨཱམིསེན ཨུཔལཱཔེཏྭཱ སུངྐཊྛཱནཾ པསྶིཏྭཱ མཧགྒྷཾ མཎིཾ ཏསྶ བྷིཀྑུནོ ཨདཱསི – ‘‘ཨིམཾ, བྷནྟེ, མཎིཾ སུངྐཊྛཱནཾ ཨཏིཀྐཱམེཧཱི’’ཏི. ཨཐ ཁོ སོ བྷིཀྑུ ཏཾ མཎིཾ སུངྐཊྛཱནཾ ཨཏིཀྐཱམེསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

༡༥༣. ཏེན ¶ ཁོ པན སམཡེན ཨཉྙཏརོ བྷིཀྑུ པཱསེ བནྡྷཾ སཱུཀརཾ ཀཱརུཉྙེན མུཉྩི. ཏསྶ ཀུཀྐུཙྩཾ ཨཧོསི…པེ… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ཀཱརུཉྙཱདྷིཔྤཱཡོ ཨཧཾ, བྷགཝཱ’’ཏི. ‘‘ཨནཱཔཏྟི, བྷིཀྑུ, ཀཱརུཉྙཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ པཱསེ བནྡྷཾ སཱུཀརཾ – ‘‘པུརེ སཱམིཀཱ པསྶནྟཱི’’ཏི, ཐེཡྻཙིཏྟོ མུཉྩི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ པཱསེ བནྡྷཾ མིགཾ ཀཱརུཉྙེན མུཉྩི… པཱསེ བནྡྷཾ མིགཾ – ‘‘པུརེ སཱམིཀཱ པསྶནྟཱི’’ཏི, ཐེཡྻཙིཏྟོ མུཉྩི ¶ … ཀུམིནེ བནྡྷེ མཙྪེ ཀཱརུཉྙེན མུཉྩི… ཀུམིནེ བནྡྷེ མཙྪེ – ‘‘པུརེ སཱམིཀཱ པསྶནྟཱི’’ཏི ཐེཡྻཙིཏྟོ མུཉྩི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ ཡཱནེ བྷཎྜཾ པསྶིཏྭཱ – ‘‘ཨིཏོ གཎྷནྟོ པཱརཱཛིཀོ བྷཝིསྶཱམཱི’’ཏི, ཨཏིཀྐམིཏྭཱ པཝཊྚེཏྭཱ [པཝཏྟེཏྭཱ (ཀ.)] ཨགྒཧེསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ ¶ , བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ ཀུལལེན ཨུཀྑིཏྟཾ མཾསཔེསིཾ – ‘‘སཱམིཀཱནཾ དསྶཱམཱི’’ཏི ཨགྒཧེསི. སཱམིཀཱ ཏཾ བྷིཀྑུཾ ཙོདེསུཾ – ‘‘ཨསྶམཎོསི ཏྭ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ཨཐེཡྻཙིཏྟསྶཱ’’ཏི.

ཏེན ¶ ཁོ པན སམཡེན ཨཉྙཏརོ བྷིཀྑུ ཀུལལེན ཨུཀྑིཏྟཾ མཾསཔེསིཾ – ‘‘པུརེ སཱམིཀཱ པསྶནྟཱི’’ཏི, ཐེཡྻཙིཏྟོ ཨགྒཧེསི. སཱམིཀཱ ཏཾ བྷིཀྑུཾ ཙོདེསུཾ – ‘‘ཨསྶམཎོསི ཏྭ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

༡༥༤. ཏེན ཁོ པན སམཡེན མནུསྶཱ ཨུལུ༹མྤཾ བནྡྷིཏྭཱ ཨཙིརཝཏིཡཱ ནདིཡཱ ཨོསཱརེནྟི. བནྡྷནེ ཚིནྣེ ཀཊྛཱནི ཝིཔྤཀིཎྞཱནི ཨགམཾསུ. བྷིཀྑཱུ པཾསུཀཱུལསཉྙིནོ ཨུཏྟཱརེསུཾ. སཱམིཀཱ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ ¶ ཏུམྷེ’’ཏི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, པཾསུཀཱུལསཉྙིསྶཱ’’ཏི.

ཏེན ཁོ པན སམཡེན མནུསྶཱ ཨུལུ༹མྤཾ བནྡྷིཏྭཱ ཨཙིརཝཏིཡཱ ནདིཡཱ ཨོསཱརེནྟི. བནྡྷནེ ཚིནྣེ ཀཊྛཱནི ཝིཔྤཀིཎྞཱནི ཨགམཾསུ. བྷིཀྑཱུ – ‘‘པུརེ སཱམིཀཱ པསྶནྟཱི’’ཏི, ཐེཡྻཙིཏྟཱ ཨུཏྟཱརེསུཾ. སཱམིཀཱ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ ཏུམྷེ’’ཏི. ཏེསཾ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏུམྷེ, བྷིཀྑཝེ, ཨཱཔནྣཱ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ གོཔཱལཀོ རུཀྑེ སཱཊཀཾ ཨཱལགྒེཏྭཱ ཨུཙྩཱརཾ ཨགམཱསི. ཨཉྙཏརོ བྷིཀྑུ པཾསུཀཱུལསཉྙཱི ཨགྒཧེསི ¶ . ཨཐ ཁོ སོ གོཔཱལཀོ ཏཾ བྷིཀྑུཾ ཙོདེསི – ‘‘ཨསྶམཎོསི ཏྭ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཾསུཀཱུལསཉྙིསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ ནདིཾ ཏརནྟསྶ རཛཀཱནཾ ཧཏྠཏོ མུཏྟཾ སཱཊཀཾ པཱདེ ལགྒཾ ཧོཏི. སོ བྷིཀྑུ – ‘‘སཱམིཀཱནཾ དསྶཱམཱི’’ཏི ཨགྒཧེསི. སཱམིཀཱ ཏཾ བྷིཀྑུཾ ཙོདེསུཾ – ‘‘ཨསྶམཎོསི ཏྭ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ཨཐེཡྻཙིཏྟསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ ནདིཾ ཏརནྟསྶ རཛཀཱནཾ ཧཏྠཏོ མུཏྟཾ སཱཊཀཾ པཱདེ ལགྒཾ ཧོཏི ¶ . སོ བྷིཀྑུ – ‘‘པུརེ སཱམིཀཱ པསྶནྟཱི’’ཏི, ཐེཡྻཙིཏྟོ ཨགྒཧེསི. སཱམིཀཱ ཏཾ བྷིཀྑུཾ ཙོདེསུཾ – ‘‘ཨསྶམཎོསི ཏྭ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

༡༥༥. ཏེན ¶ ཁོ པན སམཡེན ཨཉྙཏརོ བྷིཀྑུ སཔྤིཀུམྦྷིཾ པསྶིཏྭཱ ཐོཀཾ ཐོཀཾ པརིབྷུཉྫི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན སམྦཧུལཱ བྷིཀྑཱུ སཾཝིདཧིཏྭཱ ཨགམཾསུ – ‘‘བྷཎྜཾ ཨཝཧརིསྶཱམཱ’’ཏི. ཨེཀོ བྷཎྜཾ ཨཝཧརི. ཏེ ཨེཝམཱཧཾསུ – ‘‘ན ¶ མཡཾ པཱརཱཛིཀཱ. ཡོ ཨཝཧཊོ སོ པཱརཱཛིཀོ’’ཏི. བྷགཝཏོ ཨེཏམཏྠཾ ཨཱརོཙེསུཾ… ‘‘ཨཱཔཏྟིཾ ཏུམྷེ, བྷིཀྑཝེ, ཨཱཔནྣཱ པཱརཱཛིཀ’’ནྟི.

ཏེན ཁོ པན སམཡེན སམྦཧུལཱ བྷིཀྑཱུ སཾཝིདཧིཏྭཱ བྷཎྜཾ ཨཝཧརིཏྭཱ བྷཱཛེསུཾ ¶ . ཏེཧི བྷཱཛཱིཡམཱནེ ཨེཀམེཀསྶ པཊིཝིསོ ན པཉྩམཱསཀོ པཱུརི. ཏེ ཨེཝམཱཧཾསུ – ‘‘ན མཡཾ པཱརཱཛིཀཱ’’ཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨཱཔཏྟིཾ ཏུམྷེ, བྷིཀྑཝེ, ཨཱཔནྣཱ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ སཱཝཏྠིཡཾ དུབྦྷིཀྑེ ཨཱཔཎིཀསྶ ཏཎྜུལམུཊྛིཾ ཐེཡྻཙིཏྟོ ཨཝཧརི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ སཱཝཏྠིཡཾ དུབྦྷིཀྑེ ཨཱཔཎིཀསྶ མུགྒམུཊྛིཾ… མཱསམུཊྛིཾ… ཏིལམུཊྛིཾ ཐེཡྻཙིཏྟོ ཨཝཧརི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན སཱཝཏྠིཡཾ ཨནྡྷཝནེ ཙོརཀཱ གཱཝིཾ ཧནྟྭཱ མཾསཾ ཁཱདིཏྭཱ སེསཀཾ པཊིསཱམེཏྭཱ ཨགམཾསུ. བྷིཀྑཱུ པཾསུཀཱུལསཉྙིནོ པཊིགྒཧཱཔེཏྭཱ པརིབྷུཉྫིཾསུ. ཙོརཀཱ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ ཏུམྷེ’’ཏི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, པཾསུཀཱུལསཉྙིསྶཱ’’ཏི.

ཏེན ཁོ པན སམཡེན སཱཝཏྠིཡཾ ཨནྡྷཝནེ ཙོརཀཱ སཱུཀརཾ ཧནྟྭཱ མཾསཾ ཁཱདིཏྭཱ སེསཀཾ པཊིསཱམེཏྭཱ ཨགམཾསུ. བྷིཀྑཱུ པཾསུཀཱུལསཉྙིནོ པཊིགྒཧཱཔེཏྭཱ པརིབྷུཉྫིཾསུ. ཙོརཀཱ ཏེ ¶ བྷིཀྑཱུ ཙོདེསུཾ – ‘‘ཨསྶམཎཱཏྠ ཏུམྷེ’’ཏི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, པཾསུཀཱུལསཉྙིསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཏིཎཀྑེཏྟཾ གནྟྭཱ ལཱུཏཾ ཏིཎཾ པཉྩམཱསགྒྷནཀཾ ཐེཡྻཙིཏྟོ ཨཝཧརི. ཏསྶ ཀུཀྐུཙྩཾ ཨཧོསི ¶ …པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ¶ ཁོ པན སམཡེན ཨཉྙཏརོ བྷིཀྑུ ཏིཎཀྑེཏྟཾ གནྟྭཱ ཏིཎཾ ལཱཡིཏྭཱ པཉྩམཱསགྒྷནཀཾ ཐེཡྻཙིཏྟོ ཨཝཧརི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

༡༥༦. ཏེན ¶ ཁོ པན སམཡེན ཨཱགནྟུཀཱ བྷིཀྑཱུ སངྒྷསྶ ཨམྦཾ བྷཱཛཱཔེཏྭཱ པརིབྷུཉྫིཾསུ. ཨཱཝཱསིཀཱ བྷིཀྑཱུ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ ཏུམྷེ’’ཏི. ཏེསཾ ཀུཀྐུཙྩཾ ཨཧོསི…པེ… བྷགཝཏོ ཨེཏམཏྠཾ ཨཱརོཙེསུཾ. ‘‘ཀིཾཙིཏྟཱ ཏུམྷེ, བྷིཀྑཝེ’’ཏི? ‘‘པརིབྷོགཏྠཱཡ [པརིབྷོགཏྠཱ (སཱི.)] མཡཾ བྷགཝཱ’’ཏི. ‘‘ཨནཱཔཏྟི, བྷིཀྑཝེ, པརིབྷོགཏྠཱཡཱ’’ཏི.

ཏེན ཁོ པན སམཡེན ཨཱགནྟུཀཱ བྷིཀྑཱུ སངྒྷསྶ ཛམྦུཾ… སངྒྷསྶ ལབུཛཾ… སངྒྷསྶ པནསཾ… སངྒྷསྶ ཏཱལཔཀྐཾ… སངྒྷསྶ ཨུཙྪུཾ… སངྒྷསྶ ཏིམྦརཱུསཀཾ བྷཱཛཱཔེཏྭཱ པརིབྷུཉྫིཾསུ. ཨཱཝཱསིཀཱ བྷིཀྑཱུ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ, ཏུམྷེ’’ཏི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, པརིབྷོགཏྠཱཡཱ’’ཏི.

ཏེན ཁོ པན སམཡེན ཨམྦཔཱལཀཱ བྷིཀྑཱུནཾ ཨམྦཕལཾ དེནྟི. བྷིཀྑཱུ – ‘‘གོཔེཏུཾ ཨིམེ ཨིསྶརཱ, ནཡིམེ དཱཏུ’’ནྟི, ཀུཀྐུཙྩཱཡནྟཱ ན པཊིགྒཎྷནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནཱཔཏྟི, བྷིཀྑཝེ, གོཔཀསྶ དཱནེ’’ཏི.

ཏེན ཁོ པན སམཡེན ཛམྦུཔཱལཀཱ… ལབུཛཔཱལཀཱ… པནསཔཱལཀཱ… ཏཱལཔཀྐཔཱལཀཱ… ཨུཙྪུཔཱལཀཱ… ཏིམྦརཱུསཀཔཱལཀཱ བྷིཀྑཱུནཾ ཏིམྦརཱུསཀཾ དེནྟི. བྷིཀྑཱུ ¶ – ‘‘གོཔེཏུཾ ཨིམེ ཨིསྶརཱ, ནཡིམེ དཱཏུ’’ནྟི, ཀུཀྐུཙྩཱཡནྟཱ ན པཊིགྒཎྷནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནཱཔཏྟི, བྷིཀྑཝེ, གོཔཀསྶ དཱནེ’’ཏི.

ཏེན ¶ ཁོ པན སམཡེན ཨཉྙཏརོ བྷིཀྑུ སངྒྷསྶ དཱརུཾ ཏཱཝཀཱལིཀཾ ཧརིཏྭཱ ཨཏྟནོ ཝིཧཱརསྶ ཀུཊྚཾ ཨུཔཏྠམྦྷེསི. བྷིཀྑཱུ ཏཾ བྷིཀྑུཾ ཙོདེསུཾ – ‘‘ཨསྶམཎོསི ཏྭ’’ནྟི. ཏསྶ ཀུཀྐུཙྩཾ ཨཧོསི. བྷགཝཏོ ཨེཏམཏྠཾ ཨཱརོཙེསི. ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ཏཱཝཀཱལིཀོ ཨཧཾ, བྷགཝཱ’’ཏི. ‘‘ཨནཱཔཏྟི, བྷིཀྑུ, ཏཱཝཀཱལིཀེ’’ཏི.

ཏེན ¶ ཁོ པན སམཡེན ཨཉྙཏརོ བྷིཀྑུ སངྒྷསྶ ཨུདཀཾ ཐེཡྻཙིཏྟོ ཨཝཧརི… སངྒྷསྶ མཏྟིཀཾ ཐེཡྻཙིཏྟོ ཨཝཧརི… སངྒྷསྶ པུཉྫཀིཏཾ ཏིཎཾ ཐེཡྻཙིཏྟོ ཨཝཧརི… ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ སངྒྷསྶ པུཉྫཀིཏཾ ཏིཎཾ ཐེཡྻཙིཏྟོ ཛྷཱཔེསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ སངྒྷསྶ མཉྩཾ ཐེཡྻཙིཏྟོ ཨཝཧརི… ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ སངྒྷསྶ པཱིཋཾ… སངྒྷསྶ བྷིསིཾ… སངྒྷསྶ བིབྦོཧནཾ [བིམྦོཧནཾ (སཱི. སྱཱ.)] … སངྒྷསྶ ¶ ཀཝཱཊཾ… སངྒྷསྶ ཨཱལོཀསནྡྷིཾ… སངྒྷསྶ གོཔཱནསིཾ ཐེཡྻཙིཏྟོ ཨཝཧརི… ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

༡༥༧. [ཙཱུལ༹ཝ. ༣༢༤] ཏེན ཁོ པན སམཡེན བྷིཀྑཱུ ཨཉྙཏརསྶ ཨུཔཱསཀསྶ ཝིཧཱརཔརིབྷོགཾ ¶ སེནཱསནཾ ཨཉྙཏྲ པརིབྷུཉྫནྟི. ཨཐ ཁོ སོ ཨུཔཱསཀོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ བྷདནྟཱ ཨཉྙཏྲ པརིབྷོགཾ ཨཉྙཏྲ པརིབྷུཉྫིསྶནྟཱི’’ཏི! བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨཉྙཏྲ པརིབྷོགོ ཨཉྙཏྲ པརིབྷུཉྫིཏབྦོ. ཡོ པརིབྷུཉྫེཡྻ, ཨཱཔཏྟི དུཀྐཊསྶཱ’’ཏི.

[ཙཱུལ༹ཝ. ༣༢༤] ཏེན ཁོ པན སམཡེན བྷིཀྑཱུ ཨུཔོསཐགྒམྤི སནྣིསཛྫམྤི ཧརིཏུཾ ཀུཀྐུཙྩཱཡནྟཱ ཚམཱཡཾ ནིསཱིདནྟི. གཏྟཱནིཔི ཙཱིཝརཱནིཔི པཾསུཀིཏཱནི ཧོནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཏཱཝཀཱལིཀཾ ཧརིཏུ’’ནྟི.

ཏེན ¶ ཁོ པན སམཡེན ཙམྤཱཡཾ ཐུལླནནྡཱཡ བྷིཀྑུནིཡཱ ཨནྟེཝཱསིནཱི བྷིཀྑུནཱི ཐུལླནནྡཱཡ བྷིཀྑུནིཡཱ ཨུཔཊྛཱཀཀུལཾ གནྟྭཱ – ‘‘ཨཡྻཱ ཨིཙྪཏི ¶ ཏེཀཊུལཡཱགུཾ པཱཏུ’’ནྟི, པཙཱཔེཏྭཱ ཧརིཏྭཱ ཨཏྟནཱ པརིབྷུཉྫི. སཱ ཛཱནིཏྭཱ ཏཾ ཙོདེསི – ‘‘ཨསྶམཎཱིསི ཏྭ’’ནྟི. ཏསྶཱ ཀུཀྐུཙྩཾ ཨཧོསི. ཨཐ ཁོ སཱ བྷིཀྑུནཱི བྷིཀྑུནཱིནཾ ཨེཏམཏྠཾ ཨཱརོཙེསི. བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘ཨནཱཔཏྟི, བྷིཀྑཝེ, པཱརཱཛིཀསྶ; ཨཱཔཏྟི སམྤཛཱནམུསཱཝཱདེ ¶ པཱཙིཏྟིཡསྶཱ’’ཏི.

ཏེན ཁོ པན སམཡེན རཱཛགཧེ ཐུལླནནྡཱཡ བྷིཀྑུནིཡཱ ཨནྟེཝཱསིནཱི བྷིཀྑུནཱི ཐུལླནནྡཱཡ བྷིཀྑུནིཡཱ ཨུཔཊྛཱཀཀུལཾ གནྟྭཱ – ‘‘ཨཡྻཱ ཨིཙྪཏི མདྷུགོལ༹ཀཾ ཁཱདིཏུ’’ནྟི, པཙཱཔེཏྭཱ ཧརིཏྭཱ ཨཏྟནཱ པརིབྷུཉྫི. སཱ ཛཱནིཏྭཱ ཏཾ ཙོདེསི – ‘‘ཨསྶམཎཱིསི ཏྭ’’ནྟི. ཏསྶཱ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, པཱརཱཛིཀསྶ; ཨཱཔཏྟི སམྤཛཱནམུསཱཝཱདེ པཱཙིཏྟིཡསྶཱ’’ཏི.

༡༥༨. ཏེན ཁོ པན སམཡེན ཝེསཱལིཡཾ ཨཱཡསྨཏོ ཨཛྫུཀསྶ ཨུཔཊྛཱཀསྶ གཧཔཏིནོ དྭེ དཱརཀཱ ཧོནྟི – པུཏྟོ ཙ བྷཱགིནེཡྻོ ཙ. ཨཐ ཁོ སོ གཧཔཏི ཨཱཡསྨནྟཾ ཨཛྫུཀཾ ཨེཏདཝོཙ – ‘‘ཨིམཾ, བྷནྟེ, ཨོཀཱསཾ ཡོ ཨིམེསཾ དྭིནྣཾ དཱརཀཱནཾ སདྡྷོ ཧོཏི པསནྣོ ཏསྶ ཨཱཙིཀྑེཡྻཱསཱི’’ཏི [ཨཱཙིཀྑེཡྻཱསཱིཏི སོ ཀཱལམཀཱསི (སྱཱ.)]. ཏེན ཁོ པན སམཡེན ཏསྶ གཧཔཏིནོ བྷཱགིནེཡྻོ སདྡྷོ ཧོཏི པསནྣོ. ཨཐ ཁོ ཨཱཡསྨཱ ཨཛྫུཀོ ཏཾ ཨོཀཱསཾ ཏསྶ དཱརཀསྶ ཨཱཙིཀྑི. སོ ཏེན སཱཔཏེཡྻེན ཀུཊུམྦཉྩ སཎྛཔེསི དཱནཉྩ པཊྛཔེསི. ཨཐ ཁོ ཏསྶ གཧཔཏིནོ པུཏྟོ ཨཱཡསྨནྟཾ ཨཱནནྡཾ ཨེཏདཝོཙ – ‘‘ཀོ ནུ ཁོ, བྷནྟེ ཨཱནནྡ, པིཏུནོ དཱཡཛྫོ – པུཏྟོ ཝཱ བྷཱགིནེཡྻོ ཝཱ’’ཏི? ‘‘པུཏྟོ ཁོ, ཨཱཝུསོ, པིཏུནོ དཱཡཛྫོ’’ཏི. ‘‘ཨཡཾ, བྷནྟེ, ཨཡྻོ ཨཛྫུཀོ ཨམྷཱཀཾ སཱཔཏེཡྻཾ ¶ ཨམྷཱཀཾ མེཐུནཀསྶ ཨཱཙིཀྑཱི’’ཏི. ‘‘ཨསྶམཎོ, ཨཱཝུསོ, ཨཱཡསྨཱ ཨཛྫུཀོ’’ཏི. ཨཐ ཁོ ཨཱཡསྨཱ ཨཛྫུཀོ ཨཱཡསྨནྟཾ ཨཱནནྡཾ ཨེཏདཝོཙ – ‘‘དེཧི མེ, ཨཱཝུསོ ཨཱནནྡ, ཝིནིཙྪཡ’’ནྟི. ཏེན ཁོ ¶ པན སམཡེན ཨཱཡསྨཱ ཨུཔཱལི ཨཱཡསྨཏོ ཨཛྫུཀསྶ པཀྑོ ཧོཏི. ཨཐ ཁོ ཨཱཡསྨཱ ཨུཔཱལི ཨཱཡསྨནྟཾ ཨཱནནྡཾ ཨེཏདཝོཙ – ‘‘ཡོ ¶ ནུ ཁོ, ཨཱཝུསོ ཨཱནནྡ, སཱམིཀེན ‘ཨིམཾ ཨོཀཱསཾ ཨིཏྠནྣཱམསྶ ཨཱཙིཀྑེཡྻཱསཱི’ཏི ཝུཏྟོ ཏསྶ ཨཱཙིཀྑཏི, ཀིཾ སོ ཨཱཔཛྫཏཱི’’ཏི? ‘‘ན, བྷནྟེ, ཀིཉྩི ཨཱཔཛྫཏི, ཨནྟམསོ དུཀྐཊམཏྟམྤཱི’’ཏི. ‘‘ཨཡཾ, ཨཱཝུསོ, ཨཱཡསྨཱ ཨཛྫུཀོ ¶ སཱམིཀེན – ‘ཨིམཾ ཨོཀཱསཾ ཨིཏྠནྣཱམསྶ ཨཱཙིཀྑཱ’ཏི ཝུཏྟོ ཏསྶ ཨཱཙིཀྑཏི; ཨནཱཔཏྟི, ཨཱཝུསོ, ཨཱཡསྨཏོ ཨཛྫུཀསྶཱ’’ཏི.

༡༥༩. ཏེན ཁོ པན སམཡེན བཱརཱཎསིཡཾ ཨཱཡསྨཏོ པིལིནྡཝཙྪསྶ ཨུཔཊྛཱཀཀུལཾ ཙོརེཧི ཨུཔདྡུཏཾ ཧོཏི. དྭེ ཙ དཱརཀཱ ནཱིཏཱ ཧོནྟི. ཨཐ ཁོ ཨཱཡསྨཱ པིལིནྡཝཙྪོ ཏེ དཱརཀེ ཨིདྡྷིཡཱ ཨཱནེཏྭཱ པཱསཱདེ ཋཔེསི. མནུསྶཱ ཏེ དཱརཀེ པསྶིཏྭཱ – ‘‘ཨཡྻསྶཱཡཾ པིལིནྡཝཙྪསྶ ཨིདྡྷཱནུབྷཱཝོ’’ཏི, ཨཱཡསྨནྟེ པིལིནྡཝཙྪེ ཨབྷིཔྤསཱིདིཾསུ. བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ པིལིནྡཝཙྪོ ཙོརེཧི ནཱིཏེ དཱརཀེ ཨཱནེསྶཏཱི’’ཏི! བྷགཝཏོ ཨེཏམཏྠཾ ཨཱརོཙེསུཾ. ‘‘ཨནཱཔཏྟི, བྷིཀྑཝེ [ཨིདྡྷིམཏོ (སཱི.), ཨིདྡྷིམནྟསྶ (སྱཱ.)], ཨིདྡྷིམསྶ ཨིདྡྷིཝིསཡེ’’ཏི.

༡༦༠. ཏེན ¶ ཁོ པན སམཡེན དྭེ བྷིཀྑཱུ སཧཱཡཀཱ ཧོནྟི – པཎྜུཀོ ཙ ཀཔིལོ ཙ. ཨེཀོ གཱམཀེ ཝིཧརཏི, ཨེཀོ ཀོསམྦིཡཾ. ཨཐ ཁོ ཏསྶ བྷིཀྑུནོ གཱམཀཱ ཀོསམྦིཾ གཙྪནྟསྶ ཨནྟརཱམགྒེ ནདིཾ ཏརནྟསྶ སཱུཀརིཀཱནཾ ཧཏྠཏོ མུཏྟཱ མེདཝཊྚི པཱདེ ལགྒཱ ཧོཏི. སོ བྷིཀྑུ – ‘‘སཱམིཀཱནཾ དསྶཱམཱི’’ཏི ཨགྒཧེསི. སཱམིཀཱ ཏཾ བྷིཀྑུཾ ཙོདེསུཾ – ‘‘ཨསྶམཎོསི ཏྭ’’ནྟི. ཏཾ ཨུཏྟིཎྞཾ གོཔཱལིཀཱ [ཨཉྙཏརཱ གོཔཱལིཀཱ (སཱི. སྱཱ.)] པསྶིཏྭཱ ཨེཏདཝོཙ – ‘‘ཨེཧི, བྷནྟེ, མེཐུནཾ དྷམྨཾ པཊིསེཝཱ’’ཏི. སོ – ‘‘པཀཏིཡཱཔཱཧཾ ཨསྶམཎོ’’ཏི ཏསྶཱ མེཐུནཾ དྷམྨཾ པཊིསེཝིཏྭཱ ཀོསམྦིཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. བྷིཀྑཱུ བྷགཝཏོ ཨེཏམཏྠཾ ཨོརོཙེསུཾ. ‘‘ཨནཱཔཏྟི, བྷིཀྑཝེ, ཨདིནྣཱདཱནེ པཱརཱཛིཀསྶ; ཨཱཔཏྟི མེཐུནདྷམྨསམཱཡོགེ པཱརཱཛིཀསྶཱ’’ཏི.

༡༦༡. ཏེན ཁོ པན སམཡེན སཱགལཱཡཾ ཨཱཡསྨཏོ དལ༹ྷིཀསྶ སདྡྷིཝིཧཱརིཀོ བྷིཀྑུ ཨནབྷིརཏིཡཱ པཱིལི༹ཏོ ཨཱཔཎིཀསྶ ཝེཋནཾ ཨཝཧརིཏྭཱ ¶ ཨཱཡསྨནྟཾ དལ༹ྷིཀཾ ཨེཏདཝོཙ – ‘‘ཨསྶམཎོ ཨཧཾ, བྷནྟེ, ཝིབྦྷམིསྶཱམཱི’’ཏི. ‘‘ཀིཾ ཏཡཱ, ཨཱཝུསོ, ཀཏ’’ནྟི? སོ ཏམཏྠཾ ཨཱརོཙེསི. ཨཱཧརཱཔེཏྭཱ ཨགྒྷཱཔེསི. ཏཾ ཨགྒྷཱཔེནྟཾ ན པཉྩམཱསཀེ ཨགྒྷཏི ¶ . ‘‘ཨནཱཔཏྟི, ཨཱཝུསོ, པཱརཱཛིཀསྶཱ’’ཏི. དྷམྨཀཐཾ ཨཀཱསི. སོ བྷིཀྑུ ཨབྷིརམཏཱིཏི [ཨབྷིརམཱིཏི (སཱི. སྱཱ.)].

དུཏིཡཔཱརཱཛིཀཾ སམཏྟཾ.

༣. ཏཏིཡཔཱརཱཛིཀཾ

༡༦༢. [ཨིདཾ ཝཏྠུ སཾ. ནི. ༥.༩༨༥] ཏེན ¶ ¶ ¶ སམཡེན བུདྡྷོ བྷགཝཱ ཝེསཱལིཡཾ ཝིཧརཏི མཧཱཝནེ ཀཱུཊཱགཱརསཱལཱཡཾ. ཏེན ཁོ པན སམཡེན བྷགཝཱ བྷིཀྑཱུནཾ ཨནེཀཔརིཡཱཡེན ཨསུབྷཀཐཾ ཀཐེཏི, ཨསུབྷཱཡ ཝཎྞཾ བྷཱསཏི, ཨསུབྷབྷཱཝནཱཡ ཝཎྞཾ བྷཱསཏི, ཨཱདིསྶ ཨཱདིསྶ ཨསུབྷསམཱཔཏྟིཡཱ ཝཎྞཾ བྷཱསཏི. ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘ཨིཙྪཱམཧཾ, བྷིཀྑཝེ, ཨདྡྷམཱསཾ པཊིསལླཱིཡིཏུཾ. ནམྷི ཀེནཙི ཨུཔསངྐམིཏབྦོ, ཨཉྙཏྲ ཨེཀེན པིཎྜཔཱཏནཱིཧཱརཀེནཱ’’ཏི. ‘‘ཨེཝཾ, བྷནྟེ’’ཏི, ཁོ ཏེ བྷིཀྑཱུ བྷགཝཏོ པཊིསྶུཎིཏྭཱ ནཱསྶུདྷ ཀོཙི བྷགཝནྟཾ ཨུཔསངྐམཏི, ཨཉྙཏྲ ཨེཀེན པིཎྜཔཱཏནཱིཧཱརཀེན. བྷིཀྑཱུ – ‘‘བྷགཝཱ ཁོ ཨནེཀཔརིཡཱཡེན ཨསུབྷཀཐཾ ཀཐེཏི, ཨསུབྷཱཡ ཝཎྞཾ བྷཱསཏི, ཨསུབྷབྷཱཝནཱཡ ཝཎྞཾ བྷཱསཏི, ཨཱདིསྶ ཨཱདིསྶ ཨསུབྷསམཱཔཏྟིཡཱ ཝཎྞཾ བྷཱསཏཱི’’ཏི (ཏེ) [( ) (?) ཨེཝམུཔརིཔི ཨཱིདིསེསུ ཋཱནེསུ] ཨནེཀཱཀཱརཝོཀཱརཾ ཨསུབྷབྷཱཝནཱནུཡོགམནུཡུཏྟཱ ཝིཧརནྟི. ཏེ སཀེན ཀཱཡེན ཨཊྚཱིཡནྟི ཧརཱཡནྟི ཛིགུཙྪནྟི. སེཡྻཐཱཔི ནཱམ ཨིཏྠཱི ཝཱ པུརིསོ ཝཱ དཧརོ ཡུཝཱ མཎྜནཀཛཱཏིཀོ སཱིསཾནྷཱཏོ ཨཧིཀུཎཔེན ཝཱ ཀུཀྐུརཀུཎཔེན ཝཱ མནུསྶཀུཎཔེན ཝཱ ཀཎྛེ ཨཱསཏྟེན ཨཊྚཱིཡེཡྻ ཧརཱཡེཡྻ ཛིགུཙྪེཡྻ, ཨེཝམེཝ ཏེ བྷིཀྑཱུ སཀེན ཀཱཡེན ཨཊྚཱིཡནྟཱ ཧརཱཡནྟཱ ཛིགུཙྪནྟཱ ཨཏྟནཱཔི ཨཏྟཱནཾ ཛཱིཝིཏཱ ཝོརོཔེནྟི, ཨཉྙམཉྙམྤི ཛཱིཝིཏཱ ཝོརོཔེནྟི, མིགལཎྜིཀམྤི ¶ སམཎཀུཏྟཀཾ ཨུཔསངྐམིཏྭཱ ཨེཝཾ ཝདནྟི – ‘‘སཱདྷུ ནོ, ཨཱཝུསོ, ཛཱིཝིཏཱ ཝོརོཔེཧི ¶ . ཨིདཾ ཏེ པཏྟཙཱིཝརཾ བྷཝིསྶཏཱི’’ཏི. ཨཐ ཁོ མིགལཎྜིཀོ སམཎཀུཏྟཀོ པཏྟཙཱིཝརེཧི བྷཊོ སམྦཧུལེ བྷིཀྑཱུ ཛཱིཝིཏཱ ཝོརོཔེཏྭཱ ལོཧིཏཀཾ [ལོཧིཏགཏཾ (ཀ.)] ཨསིཾ ཨཱདཱཡ ཡེན ཝགྒམུདཱ ནདཱི ཏེནུཔསངྐམི.

༡༦༣. ཨཐ ཁོ མིགལཎྜིཀསྶ སམཎཀུཏྟཀསྶ ལོཧིཏཀཾ ཏཾ ཨསིཾ དྷོཝནྟསྶ ཨཧུདེཝ ཀུཀྐུཙྩཾ ཨཧུ ཝིཔྤཊིསཱརོ – ‘‘ཨལཱབྷཱ ཝཏ མེ, ན ཝཏ མེ ལཱབྷཱ; དུལླདྡྷཾ ཝཏ མེ, ན ཝཏ མེ སུལདྡྷཾ ¶ . བཧུཾ ཝཏ མཡཱ ཨཔུཉྙཾ པསུཏཾ, ཡོཧཾ བྷིཀྑཱུ སཱིལཝནྟེ ཀལྱཱཎདྷམྨེ ཛཱིཝིཏཱ ཝོརོཔེསི’’ནྟི. ཨཐ ཁོ ཨཉྙཏརཱ མཱརཀཱཡིཀཱ དེཝཏཱ ཨབྷིཛྫམཱནེ ཨུདཀེ ཨཱགནྟྭཱ མིགལཎྜིཀཾ སམཎཀུཏྟཀཾ ཨེཏདཝོཙ – ‘‘སཱདྷུ སཱདྷུ སཔྤུརིས, ལཱབྷཱ ཏེ སཔྤུརིས, སུལདྡྷཾ ཏེ སཔྤུརིས. བཧུཾ ཏཡཱ སཔྤུརིས པུཉྙཾ པསུཏཾ, ཡཾ ཏྭཾ ཨཏིཎྞེ ཏཱརེསཱི’’ཏི. ཨཐ ཁོ མིགལཎྜིཀོ སམཎཀུཏྟཀོ – ‘‘ལཱབྷཱ ཀིར མེ, སུལདྡྷཾ ཀིར མེ, བཧུཾ ¶ ཀིར མཡཱ པུཉྙཾ པསུཏཾ, ཨཏིཎྞོ ཀིརཱཧཾ ཏཱརེམཱི’’ཏི ཏིཎྷཾ ཨསིཾ ཨཱདཱཡ ཝིཧཱརེན ཝིཧཱརཾ པརིཝེཎེན པརིཝེཎཾ ཨུཔསངྐམིཏྭཱ ཨེཝཾ ཝདེཏི – ‘‘ཀོ ཨཏིཎྞོ, ཀཾ ཏཱརེམཱི’’ཏི? ཏཏྠ ཡེ ཏེ བྷིཀྑཱུ ཨཝཱིཏརཱགཱ ཏེསཾ ཏསྨིཾ སམཡེ ཧོཏིཡེཝ བྷཡཾ ཧོཏི ཚམྦྷིཏཏྟཾ ཧོཏི ལོམཧཾསོ. ཡེ པན ཏེ བྷིཀྑཱུ ཝཱིཏརཱགཱ ཏེསཾ ཏསྨིཾ སམཡེ ན ཧོཏི ¶ བྷཡཾ ན ཧོཏི ཚམྦྷིཏཏྟཾ ན ཧོཏི ལོམཧཾསོ. ཨཐ ཁོ མིགལཎྜིཀོ སམཎཀུཏྟཀོ ཨེཀམྤི བྷིཀྑུཾ ཨེཀཱཧེན ཛཱིཝིཏཱ ཝོརོཔེསི, དྭེཔི བྷིཀྑཱུ ཨེཀཱཧེན ཛཱིཝིཏཱ ཝོརོཔེསི, ཏཡོཔི བྷིཀྑཱུ ཨེཀཱཧེན ཛཱིཝིཏཱ ཝོརོཔེསི, ཙཏྟཱརོཔི བྷིཀྑཱུ ཨེཀཱཧེན ཛཱིཝིཏཱ ཝོརོཔེསི, པཉྩཔི བྷིཀྑཱུ ཨེཀཱཧེན ཛཱིཝིཏཱ ཝོརོཔེསི, དསཔི བྷིཀྑཱུ ཨེཀཱཧེན ཛཱིཝིཏཱ ཝོརོཔེསི, ཝཱིསམྤི བྷིཀྑཱུ ཨེཀཱཧེན ཛཱིཝིཏཱ ཝོརོཔེསི, ཏིཾསམྤི བྷིཀྑཱུ ཨེཀཱཧེན ཛཱིཝིཏཱ ཝོརོཔེསི, ཙཏྟཱལཱིསམྤི བྷིཀྑཱུ ཨེཀཱཧེན ཛཱིཝིཏཱ ཝོརོཔེསི, པཉྙཱསམྤི བྷིཀྑཱུ ཨེཀཱཧེན ཛཱིཝིཏཱ ཝོརོཔེསི, སཊྛིམྤི བྷིཀྑཱུ ཨེཀཱཧེན ཛཱིཝིཏཱ ཝོརོཔེསི.

༡༦༤. ཨཐ ཁོ བྷགཝཱ ཏསྶ ཨདྡྷམཱསསྶ ཨཙྩཡེན པཊིསལླཱནཱ ཝུཊྛིཏོ ཨཱཡསྨནྟཾ ཨཱནནྡཾ ཨཱམནྟེསི – ‘‘ཀིཾ ནུ ཁོ, ཨཱནནྡ, ཏནུབྷཱུཏོ ཝིཡ བྷིཀྑུསངྒྷོ’’ཏི? ‘‘ཏཐཱ ཧི པན, བྷནྟེ, བྷགཝཱ བྷིཀྑཱུནཾ ཨནེཀཔརིཡཱཡེན ¶ ཨསུབྷཀཐཾ ཀཐེཏི, ཨསུབྷཱཡ ཝཎྞཾ བྷཱསཏི, ཨསུབྷབྷཱཝནཱཡ ཝཎྞཾ བྷཱསཏི, ཨཱདིསྶ ཨཱདིསྶ ཨསུབྷསམཱཔཏྟིཡཱ ཝཎྞཾ བྷཱསཏི. ཏེ ཙ, བྷནྟེ, བྷིཀྑཱུ – ‘བྷགཝཱ ཁོ ཨནེཀཔརིཡཱཡེན ཨསུབྷཀཐཾ ཀཐེཏི, ཨསུབྷཱཡ ཝཎྞཾ བྷཱསཏི, ཨསུབྷབྷཱཝནཱཡ ཝཎྞཾ བྷཱསཏི, ཨཱདིསྶ ཨཱདིསྶ ཨསུབྷསམཱཔཏྟིཡཱ ཝཎྞཾ བྷཱསཏཱི’ཏི, ཏེ ཨནེཀཱཀཱརཝོཀཱརཾ ཨསུབྷབྷཱཝནཱནུཡོགམནུཡུཏྟཱ ཝིཧརནྟི. ཏེ སཀེན ཀཱཡེན ཨཊྚཱིཡནྟི ཧརཱཡནྟི ཛིགུཙྪནྟི. སེཡྻཐཱཔི ནཱམ ཨིཏྠཱི ཝཱ པུརིསོ ཝཱ དཧརོ ཡུཝཱ མཎྜནཀཛཱཏིཀོ ¶ སཱིསཾནྷཱཏོ ཨཧིཀུཎཔེན ཝཱ ཀུཀྐུརཀུཎཔེན ཝཱ མནུསྶཀུཎཔེན ཝཱ ཀཎྛེ ཨཱསཏྟེན ཨཊྚཱིཡེཡྻ ཧརཱཡེཡྻ ཛིགུཙྪེཡྻ, ཨེཝམེཝ ཏེ བྷིཀྑཱུ སཀེན ཀཱཡེན ཨཊྚཱིཡནྟཱ ¶ ཧརཱཡནྟཱ ཛིགུཙྪནྟཱ ཨཏྟནཱཔི ཨཏྟཱནཾ ཛཱིཝིཏཱ ཝོརོཔེནྟི, ཨཉྙམཉྙམྤི ཛཱིཝིཏཱ ཝོརོཔེནྟི, མིགལཎྜིཀམྤི སམཎཀུཏྟཀཾ ཨུཔསངྐམིཏྭཱ ཨེཝཾ ཝདནྟི – ‘སཱདྷུ ནོ, ཨཱཝུསོ, ཛཱིཝིཏཱ ཝོརོཔེཧི. ཨིདཾ ཏེ པཏྟཙཱིཝརཾ བྷཝིསྶཏཱི’ཏི. ཨཐ ཁོ, བྷནྟེ, མིགལཎྜིཀོ སམཎཀུཏྟཀོ པཏྟཙཱིཝརེཧི བྷཊོ ཨེཀམྤི བྷིཀྑུཾ ཨེཀཱཧེན ཛཱིཝིཏཱ ཝོརོཔེསི…པེ… སཊྛིམྤི བྷིཀྑཱུ ཨེཀཱཧེན ཛཱིཝིཏཱ ཝོརོཔེསི. སཱདྷུ, བྷནྟེ, བྷགཝཱ ཨཉྙཾ པརིཡཱཡཾ ཨཱཙིཀྑཏུ ཡཐཱཡཾ བྷིཀྑུསངྒྷོ ཨཉྙཱཡ སཎྛཧེཡྻཱ’’ཏི. ‘‘ཏེནཧཱནནྡ, ཡཱཝཏིཀཱ བྷིཀྑཱུ ཝེསཱལིཾ ཨུཔནིསྶཱཡ ཝིཧརནྟི ཏེ སབྦེ ཨུཔཊྛཱནསཱལཱཡཾ སནྣིཔཱཏེཧཱི’’ཏི ¶ . ‘‘ཨེཝཾ, བྷནྟེ’’ཏི, ཁོ ཨཱཡསྨཱ ཨཱནནྡོ བྷགཝཏོ པཊིསྶུཎིཏྭཱ ཡཱཝཏིཀཱ བྷིཀྑཱུ ཝེསཱལིཾ ཨུཔནིསྶཱཡ ཝིཧརནྟི ཏེ སབྦེ ཨུཔཊྛཱནསཱལཱཡཾ སནྣིཔཱཏེཏྭཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨེཏདཝོཙ – ‘‘སནྣིཔཏིཏོ, བྷནྟེ བྷིཀྑུསངྒྷོ; ཡསྶ དཱནི, བྷནྟེ, བྷགཝཱ ཀཱལཾ མཉྙཏཱི’’ཏི.

༡༦༥. ཨཐ ཁོ བྷགཝཱ ཡེན ཨུཔཊྛཱནསཱལཱ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ནིསཛྫ ཁོ བྷགཝཱ བྷིཀྑཱུ ཨཱམནྟེསི – ‘‘ཨཡམྤི ཁོ, བྷིཀྑཝེ, ཨཱནཱཔཱནསྶཏིསམཱདྷི བྷཱཝིཏོ བཧུལཱིཀཏོ སནྟོ ཙེཝ པཎཱིཏོ ཙ ཨསེཙནཀོ ཙ སུཁོ ཙ ཝིཧཱརོ ཨུཔྤནྣུཔྤནྣེ ¶ ཙ པཱཔཀེ ཨཀུསལེ དྷམྨེ ཋཱནསོ ཨནྟརདྷཱཔེཏི ཝཱུཔསམེཏི. སེཡྻཐཱཔི, བྷིཀྑཝེ, གིམྷཱནཾ པཙྪིམེ མཱསེ ཨུཧཏཾ [ཨཱུཧཏཾ (ཀ.)] རཛོཛལླཾ ཏམེནཾ ¶ མཧཱ ཨཀཱལམེགྷོ ཋཱནསོ ཨནྟརདྷཱཔེཏི ཝཱུཔསམེཏི, ཨེཝམེཝ ཁོ, བྷིཀྑཝེ, ཨཱནཱཔཱནསྶཏིསམཱདྷི བྷཱཝིཏོ བཧུལཱིཀཏོ སནྟོ ཙེཝ པཎཱིཏོ ཙ ཨསེཙནཀོ ཙ སུཁོ ཙ ཝིཧཱརོ ཨུཔྤནྣུཔྤནྣེ ཙ པཱཔཀེ ཨཀུསལེ དྷམྨེ ཋཱནསོ ཨནྟརདྷཱཔེཏི ཝཱུཔསམེཏི. ཀཐཾ བྷཱཝིཏོ ཙ, བྷིཀྑཝེ, ཨཱནཱཔཱནསྶཏིསམཱདྷི ཀཐཾ བཧུལཱིཀཏོ སནྟོ ཙེཝ པཎཱིཏོ ཙ ཨསེཙནཀོ ཙ སུཁོ ཙ ཝིཧཱརོ ཨུཔྤནྣུཔྤནྣེ ཙ པཱཔཀེ ཨཀུསལེ དྷམྨེ ཋཱནསོ ཨནྟརདྷཱཔེཏི ཝཱུཔསམེཏི? ཨིདྷ, བྷིཀྑཝེ, བྷིཀྑུ ཨརཉྙགཏོ ཝཱ རུཀྑམཱུལགཏོ ཝཱ སུཉྙཱགཱརགཏོ ཝཱ ནིསཱིདཏི པལླངྐཾ ཨཱབྷུཛིཏྭཱ ཨུཛུཾ ཀཱཡཾ པཎིདྷཱཡ པརིམུཁཾ སཏིཾ ཨུཔཊྛཔེཏྭཱ. སོ སཏོཝ ཨསྶསཏི སཏོ པསྶསཏི. དཱིགྷཾ ཝཱ ཨསྶསནྟོ དཱིགྷཾ ཨསྶསཱམཱིཏི པཛཱནཱཏི, དཱིགྷཾ ཝཱ པསྶསནྟོ དཱིགྷཾ པསྶསཱམཱིཏི པཛཱནཱཏི. རསྶཾ ཝཱ ཨསྶསནྟོ རསྶཾ ཨསྶསཱམཱིཏི པཛཱནཱཏི, རསྶཾ ཝཱ པསྶསནྟོ རསྶཾ པསྶསཱམཱིཏི པཛཱནཱཏི. སབྦཀཱཡཔྤཊིསཾཝེདཱི ཨསྶསིསྶཱམཱིཏི སིཀྑཏི. སབྦཀཱཡཔྤཊིསཾཝེདཱི ¶ པསྶསིསྶཱམཱིཏི སིཀྑཏི. པསྶམྦྷཡཾ ཀཱཡསངྑཱརཾ ཨསྶསིསྶཱམཱིཏི སིཀྑཏི. པསྶམྦྷཡཾ ཀཱཡསངྑཱརཾ པསྶསིསྶཱམཱིཏི སིཀྑཏི. པཱིཏིཔྤཊིསཾཝེདཱི ཨསྶསིསྶཱམཱིཏི སིཀྑཏི. པཱིཏིཔྤཊིསཾཝེདཱི པསྶསིསྶཱམཱིཏི སིཀྑཏི. སུཁཔྤཊིསཾཝེདཱི ཨསྶསིསྶཱམཱིཏི སིཀྑཏི. སུཁཔྤཊིསཾཝེདཱི པསྶསིསྶཱམཱིཏི སིཀྑཏི. ཙིཏྟསངྑཱརཔྤཊིསཾཝེདཱི ¶ ཨསྶསིསྶཱམཱིཏི སིཀྑཏི. ཙིཏྟསངྑཱརཔྤཊིསཾཝེདཱི པསྶསིསྶཱམཱིཏི སིཀྑཏི. པསྶམྦྷཡཾ ཙིཏྟསངྑཱརཾ ཨསྶསིསྶཱམཱིཏི སིཀྑཏི. པསྶམྦྷཡཾ ཙིཏྟསངྑཱརཾ པསྶསིསྶཱམཱིཏི སིཀྑཏི. ཙིཏྟཔྤཊིསཾཝེདཱི ཨསྶསིསྶཱམཱིཏི སིཀྑཏི. ཙིཏྟཔྤཊིསཾཝེདཱི པསྶསིསྶཱམཱིཏི སིཀྑཏི. ཨབྷིཔྤམོདཡཾ ཙིཏྟཾ…པེ… སམཱདཧཾ ཙིཏྟཾ…པེ… ཝིམོཙཡཾ ཙིཏྟཾ…པེ… ཨནིཙྩཱནུཔསྶཱི…པེ… ཝིརཱགཱནུཔསྶཱི…པེ… ནིརོདྷཱནུཔསྶཱི…པེ… པཊིནིསྶགྒཱནུཔསྶཱི ¶ ཨསྶསིསྶཱམཱིཏི སིཀྑཏི. པཊིནིསྶགྒཱནུཔསྶཱི པསྶསིསྶཱམཱིཏི སིཀྑཏི. ཨེཝཾ བྷཱཝིཏོ ཁོ, བྷིཀྑཝེ, ཨཱནཱཔཱནསྶཏིསམཱདྷི ཨེཝཾ བཧུལཱིཀཏོ སནྟོ ཙེཝ པཎཱིཏོ ཙ ཨསེཙནཀོ ཙ སུཁོ ཙ ཝིཧཱརོ ཨུཔྤནྣུཔྤནྣེ ཙ པཱཔཀེ ཨཀུསལེ དྷམྨེ ཋཱནསོ ཨནྟརདྷཱཔེཏི ཝཱུཔསམེཏཱི’’ཏི.

༡༦༦. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, བྷིཀྑཱུ ཨཏྟནཱཔི ཨཏྟཱནཾ ཛཱིཝིཏཱ ཝོརོཔེནྟི, ཨཉྙམཉྙམྤི ཛཱིཝིཏཱ ཝོརོཔེནྟི མིགལཎྜིཀམྤི ¶ སམཎཀུཏྟཀཾ ཨུཔསངྐམིཏྭཱ ཨེཝཾ ཝདནྟི – ‘སཱདྷུ ནོ, ཨཱཝུསོ ¶ , ཛཱིཝིཏཱ ཝོརོཔེཧི, ཨིདཾ ཏེ པཏྟཙཱིཝརཾ བྷཝིསྶཏཱི’’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, བྷིཀྑཝེ, ཏེསཾ བྷིཀྑཱུནཾ ཨནནུལོམིཀཾ ཨཔྤཊིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏེ, བྷིཀྑཝེ, བྷིཀྑཱུ ཨཏྟནཱཔི ཨཏྟཱནཾ ཛཱིཝིཏཱ ཝོརོཔེསྶནྟི, ཨཉྙམཉྙམྤི ཛཱིཝིཏཱ ཝོརོཔེསྶནྟི, མིགལཎྜིཀམྤི སམཎཀུཏྟཀཾ ཨུཔསངྐམིཏྭཱ ཨེཝཾ ཝཀྑནྟི – ‘སཱདྷུ ནོ, ཨཱཝུསོ, ཛཱིཝིཏཱ ཝོརོཔེཧི, ཨིདཾ ཏེ པཏྟཙཱིཝརཾ བྷཝིསྶཏཱི’ཏི. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༦༧. ‘‘ཡོ པན བྷིཀྑུ སཉྩིཙྩ མནུསྶཝིགྒཧཾ ཛཱིཝིཏཱ ཝོརོཔེཡྻ སཏྠཧཱརཀཾ ཝཱསྶ པརིཡེསེཡྻ, ཨཡམྤི པཱརཱཛིཀོ ཧོཏི ཨསཾཝཱསོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༡༦༨. ཏེན ཁོ པན སམཡེན ཨཉྙཏརོ ཨུཔཱསཀོ གིལཱནོ ཧོཏི. ཏསྶ པཛཱཔཏི ཨབྷིརཱུཔཱ ཧོཏི དསྶནཱིཡཱ པཱསཱདིཀཱ. ཚབྦགྒིཡཱ བྷིཀྑཱུ ཏསྶཱ ཨིཏྠིཡཱ པཊིབདྡྷཙིཏྟཱ ཧོནྟི. ཨཐ ཁོ ཚབྦགྒིཡཱནཾ བྷིཀྑཱུནཾ ཨེཏདཧོསི – ‘‘སཙེ ཁོ སོ, ཨཱཝུསོ ¶ , ཨུཔཱསཀོ ཛཱིཝིསྶཏི ན མཡཾ ཏཾ ཨིཏྠིཾ ལབྷིསྶཱམ. ཧནྡ མཡཾ, ཨཱཝུསོ, ཏསྶ ཨུཔཱསཀསྶ མརཎཝཎྞཾ སཾཝཎྞེམཱ’’ཏི. ཨཐ ཁོ ཚབྦགྒིཡཱ བྷིཀྑཱུ ཡེན སོ ཨུཔཱསཀོ ཏེནུཔསངྐམིཾསུ; ཨུཔསངྐམིཏྭཱ ཏཾ ཨུཔཱསཀཾ ཨེཏདཝོཙུཾ – ‘‘ཏྭཾ ཁོསི, ཨུཔཱསཀ, ཀཏཀལྱཱཎོ ཀཏཀུསལོ ཀཏབྷཱིརུཏྟཱཎོ ཨཀཏཔཱཔོ ཨཀཏལུདྡོ ཨཀཏཀིབྦིསོ. ཀཏཾ ཏཡཱ ཀལྱཱཎཾ, ཨཀཏཾ ཏཡཱ ¶ པཱཔཾ ¶ . ཀིཾ ཏུཡ྄ཧིམིནཱ པཱཔཀེན དུཛྫཱིཝིཏེན! མཏཾ ཏེ ཛཱིཝིཏཱ སེཡྻོ. ཨིཏོ ཏྭཾ ཀཱལངྐཏོ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫིསྶསི. ཏཏྠ དིབྦེཧི པཉྩཧི ཀཱམགུཎེཧི སམཔྤིཏོ སམངྒཱིབྷཱུཏོ པརིཙཱརེསྶསཱི’’ཏི.

༡༦༩. ཨཐ ཁོ སོ ཨུཔཱསཀོ – ‘‘སཙྩཾ ཁོ ཨཡྻཱ ཨཱཧཾསུ. ཨཧཉྷི ཀཏཀལྱཱཎོ ཀཏཀུསལོ ཀཏབྷཱིརུཏྟཱཎོ ཨཀཏཔཱཔོ ཨཀཏལུདྡོ ཨཀཏཀིབྦིསོ. ཀཏཾ མཡཱ ཀལྱཱཎཾ, ཨཀཏཾ མཡཱ པཱཔཾ ¶ . ཀིཾ མཡ྄ཧིམིནཱ པཱཔཀེན དུཛྫཱིཝིཏེན! མཏཾ མེ ཛཱིཝིཏཱ སེཡྻོ. ཨིཏོ ཨཧཾ ཀཱལངྐཏོ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫིསྶཱམི. ཏཏྠ དིབྦེཧི པཉྩཧི ཀཱམགུཎེཧི སམཔྤིཏོ སམངྒཱིབྷཱུཏོ པརིཙཱརེསྶཱམཱི’’ཏི, སོ ཨསཔྤཱཡཱནི ཙེཝ བྷོཛནཱནི བྷུཉྫི ཨསཔྤཱཡཱནི ཙ ཁཱདནཱིཡཱནི ཁཱདི ཨསཔྤཱཡཱནི ཙ སཱཡནཱིཡཱནི སཱཡི ཨསཔྤཱཡཱནི ཙ པཱནཱནི པིཝི. ཏསྶ ཨསཔྤཱཡཱནི ཙེཝ བྷོཛནཱནི བྷུཉྫཏོ ཨསཔྤཱཡཱནི ཙ ཁཱདནཱིཡཱནི ཁཱདཏོ ཨསཔྤཱཡཱནི ཙ སཱཡནཱིཡཱནི སཱཡཏོ ཨསཔྤཱཡཱནི ཙ པཱནཱནི པིཝཏོ ཁརོ ཨཱབཱདྷོ ཨུཔྤཛྫི. སོ ཏེནེཝ ཨཱབཱདྷེན ཀཱལམཀཱསི. ཏསྶ པཛཱཔཏི ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཨལཛྫིནོ ཨིམེ སམཎཱ སཀྱཔུཏྟིཡཱ དུསྶཱིལཱ མུསཱཝཱདིནོ. ཨིམེ ཧི ནཱམ དྷམྨཙཱརིནོ སམཙཱརིནོ བྲཧྨཙཱརིནོ སཙྩཝཱདིནོ སཱིལཝནྟོ ཀལྱཱཎདྷམྨཱ པཊིཛཱནིསྶནྟི! ནཏྠི ཨིམེསཾ སཱམཉྙཾ ནཏྠི ཨིམེསཾ བྲཧྨཉྙཾ, ནཊྛཾ ཨིམེསཾ སཱམཉྙཾ ནཊྛཾ ཨིམེསཾ བྲཧྨཉྙཾ, ཀུཏོ ཨིམེསཾ སཱམཉྙཾ ¶ ཀུཏོ ཨིམེསཾ བྲཧྨཉྙཾ, ཨཔགཏཱ ཨིམེ སཱམཉྙཱ ཨཔགཏཱ ཨིམེ བྲཧྨཉྙཱ. ཨིམེ མེ སཱམིཀསྶ མརཎཝཎྞཾ སཾཝཎྞེསུཾ. ཨིམེཧི མེ སཱམིཀོ མཱརིཏོ’’ཏི. ཨཉྙེཔི མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཨལཛྫིནོ ཨིམེ སམཎཱ སཀྱཔུཏྟིཡཱ དུསྶཱིལཱ མུསཱཝཱདིནོ. ཨིམེ ཧི ནཱམ དྷམྨཙཱརིནོ སམཙཱརིནོ བྲཧྨཙཱརིནོ སཙྩཝཱདིནོ སཱིལཝནྟོ ཀལྱཱཎདྷམྨཱ པཊིཛཱནིསྶནྟི! ནཏྠི ཨིམེསཾ སཱམཉྙཾ ནཏྠི ཨིམེསཾ བྲཧྨཉྙཾ, ནཊྛཾ ཨིམེསཾ སཱམཉྙཾ ནཊྛཾ ཨིམེསཾ བྲཧྨཉྙཾ, ཀུཏོ ཨིམེསཾ སཱམཉྙཾ ཀུཏོ ཨིམེསཾ བྲཧྨཉྙཾ, ཨཔགཏཱ ཨིམེ སཱམཉྙཱ ཨཔགཏཱ ཨིམེ བྲཧྨཉྙཱ. ཨིམེ ཨུཔཱསཀསྶ མརཎཝཎྞཾ སཾཝཎྞེསུཾ. ཨིམེཧི ཨུཔཱསཀོ མཱརིཏོ’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨུཔཱསཀསྶ མརཎཝཎྞཾ སཾཝཎྞིསྶནྟཱི’’ཏི!

༡༧༠. ཨཐ ཁོ ¶ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ¶ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ, ཨུཔཱསཀསྶ མརཎཝཎྞཾ སཾཝཎྞེཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིསཱ, ཨནནུལོམིཀཾ ཨཔྤཊིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏུམྷེ, མོགྷཔུརིསཱ, ཨུཔཱསཀསྶ ¶ མརཎཝཎྞཾ སཾཝཎྞིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ ¶ –

༡༧༡. ‘‘ཡོ པན བྷིཀྑུ སཉྩིཙྩ མནུསྶཝིགྒཧཾ ཛཱིཝིཏཱ ཝོརོཔེཡྻ སཏྠཧཱརཀཾ ཝཱསྶ པརིཡེསེཡྻ མརཎཝཎྞཾ ཝཱ སཾཝཎྞེཡྻ མརཎཱཡ ཝཱ སམཱདཔེཡྻ – ‘ཨམྦྷོ པུརིས, ཀིཾ ཏུཡ྄ཧིམིནཱ པཱཔཀེན དུཛྫཱིཝིཏེན, མཏཾ ཏེ ཛཱིཝིཏཱ སེཡྻོ’ཏི, ཨིཏི ཙིཏྟམནོ ཙིཏྟསངྐཔྤོ ཨནེཀཔརིཡཱཡེན མརཎཝཎྞཾ ཝཱ སཾཝཎྞེཡྻ, མརཎཱཡ ཝཱ སམཱདཔེཡྻ, ཨཡམྤི པཱརཱཛིཀོ ཧོཏི ཨསཾཝཱསོ’’ཏི.

༡༧༢. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

སཉྩིཙྩཱཏི ཛཱནནྟོ སཉྫཱནནྟོ ཙེཙྩ ཨབྷིཝིཏརིཏྭཱ ཝཱིཏིཀྐམོ.

མནུསྶཝིགྒཧོ ནཱམ ཡཾ མཱཏུཀུཙྪིསྨིཾ པཋམཾ ཙིཏྟཾ ཨུཔྤནྣཾ པཋམཾ ཝིཉྙཱཎཾ པཱཏུབྷཱུཏཾ, ཡཱཝ མརཎཀཱལཱ ཨེཏྠནྟརེ ཨེསོ མནུསྶཝིགྒཧོ ནཱམ.

ཛཱིཝིཏཱ ཝོརོཔེཡྻཱཏི ཛཱིཝིཏིནྡྲིཡཾ ཨུཔཙྪིནྡཏི ཨུཔརོདྷེཏི སནྟཏིཾ ཝིཀོཔེཏི.

སཏྠཧཱརཀཾ ཝཱསྶ པརིཡེསེཡྻཱཏི ཨསིཾ ཝཱ སཏྟིཾ ཝཱ བྷེཎྜིཾ ཝཱ [བྷེནྡིཾ ཝཱ (ཀ.)] ལགུལ༹ཾ ཝཱ [སཱུལཾཝཱ ལགུལ༹ཾཝཱ (སྱཱ.)] པཱསཱཎཾ ཝཱ སཏྠཾ ཝཱ ཝིསཾ ཝཱ རཛྫུཾ ཝཱ.

མརཎཝཎྞཾ ཝཱ སཾཝཎྞེཡྻཱཏི ཛཱིཝིཏེ ཨཱདཱིནཝཾ དསྶེཏི, མརཎེ ཝཎྞཾ བྷཎཏི.

མརཎཱཡ ཝཱ སམཱདཔེཡྻཱཏི སཏྠཾ ཝཱ ཨཱཧར, ཝིསཾ ཝཱ ཁཱད, རཛྫུཡཱ ཝཱ ཨུབྦནྡྷིཏྭཱ ཀཱལངྐརོཧཱིཏི.

ཨམྦྷོ ¶ ¶ པུརིསཱཏི ཨཱལཔནཱདྷིཝཙནམེཏཾ.

ཀིཾ ¶ ཏུཡ྄ཧིམིནཱ པཱཔཀེན དུཛྫཱིཝིཏེནཱཏི པཱཔཀཾ ནཱམ ཛཱིཝིཏཾ ཨཌྜྷཱནཾ ཛཱིཝིཏཾ ཨུཔཱདཱཡ དལིདྡཱནཾ ཛཱིཝིཏཾ པཱཔཀཾ ལཱམཀཾ, སདྷནཱནཾ ཛཱིཝིཏཾ ཨུཔཱདཱཡ ཨདྷནཱནཾ ཛཱིཝིཏཾ པཱཔཀཾ, དེཝཱནཾ ཛཱིཝིཏཾ ཨུཔཱདཱཡ མནུསྶཱནཾ ཛཱིཝིཏཾ པཱཔཀཾ ¶ .

དུཛྫཱིཝིཏཾ ནཱམ ཧཏྠཙྪིནྣསྶ པཱདཙྪིནྣསྶ ཧཏྠཔཱདཙྪིནྣསྶ ཀཎྞཙྪིནྣསྶ ནཱསཙྪིནྣསྶ ཀཎྞནཱསཙྪིནྣསྶ, ཨིམིནཱ ཙ པཱཔཀེན ཨིམིནཱ ཙ དུཛྫཱིཝིཏེན མཏཾ ཏེ ཛཱིཝིཏཱ སེཡྻོཏི.

ཨིཏི ཙིཏྟམནོཏི ཡཾ ཙིཏྟཾ ཏཾ མནོ, ཡཾ མནོ ཏཾ ཙིཏྟཾ.

ཙིཏྟསངྐཔྤོཏི མརཎསཉྙཱི མརཎཙེཏནོ མརཎཱདྷིཔྤཱཡོ.

ཨནེཀཔརིཡཱཡེནཱཏི ཨུཙྩཱཝཙེཧི ཨཱཀཱརེཧི.

མརཎཝཎྞཾ ཝཱ སཾཝཎྞེཡྻཱཏི ཛཱིཝིཏེ ཨཱདཱིནཝཾ དསྶེཏི, མརཎེ ཝཎྞཾ བྷཎཏི – ‘‘ཨིཏོ ཏྭཾ ཀཱལངྐཏོ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫིསྶསི, ཏཏྠ དིབྦེཧི པཉྩཧི ཀཱམགུཎེཧི སམཔྤིཏོ སམངྒཱིབྷཱུཏོ པརིཙཱརེསྶསཱི’’ཏི.

མརཎཱཡ ཝཱ སམཱདཔེཡྻཱཏི སཏྠཾ ཝཱ ཨཱཧར, ཝིསཾ ཝཱ ཁཱད, རཛྫུཡཱ ཝཱ ཨུབྦནྡྷིཏྭཱ ཀཱལངྐརོཧི, སོབྦྷེ ཝཱ ནརཀེ ཝཱ པཔཱཏེ ཝཱ པཔཏཱཏི.

ཨཡམྤཱིཏི པུརིམེ ཨུཔཱདཱཡ ཝུཙྩཏི.

པཱརཱཛིཀོ ཧོཏཱིཏི སེཡྻཐཱཔི ནཱམ པུཐུསིལཱ དྭིདྷཱ བྷིནྣཱ [དྭེདྷཱ བྷིནྣཱ (སྱཱ.)] ཨཔྤཊིསནྡྷིཀཱ ཧོཏི, ཨེཝམེཝ བྷིཀྑུ སཉྩིཙྩ མནུསྶཝིགྒཧཾ ཛཱིཝིཏཱ ཝོརོཔེཏྭཱ ཨསྶམཎོ ཧོཏི ཨསཀྱཔུཏྟིཡོ. ཏེན ཝུཙྩཏི – ‘པཱརཱཛིཀོ ཧོཏཱི’ཏི.

ཨསཾཝཱསོཏི ¶ ¶ སཾཝཱསོ ¶ ནཱམ ཨེཀཀམྨཾ ཨེཀུདྡེསོ སམསིཀྑཏཱ – ཨེསོ སཾཝཱསོ ནཱམ. སོ ཏེན སདྡྷིཾ ནཏྠི, ཏེན ཝུཙྩཏི ཨསཾཝཱསོཏི.

༡༧༣. སཱམཾ, ཨདྷིཊྛཱཡ, དཱུཏེན, དཱུཏཔརཾཔརཱཡ, ཝིསཀྐིཡེན དཱུཏེན, གཏཔཙྩཱགཏེན དཱུཏེན, ཨརཧོ རཧོསཉྙཱི, རཧོ ཨརཧོསཉྙཱི, ཨརཧོ ཨརཧོསཉྙཱི, རཧོ རཧོསཉྙཱི ཀཱཡེན སཾཝཎྞེཏི, ཝཱཙཱཡ སཾཝཎྞེཏི, ཀཱཡེན ཝཱཙཱཡ སཾཝཎྞེཏི, དཱུཏེན སཾཝཎྞེཏི, ལེཁཱཡ སཾཝཎྞེཏི, ཨོཔཱཏཾ ཨཔསྶེནཾ, ཨུཔནིཀྑིཔནཾ, བྷེསཛྫཾ, རཱུཔཱུཔཧཱརོ, སདྡཱུཔཧཱརོ, གནྡྷཱུཔཧཱརོ, རསཱུཔཧཱརོ, ཕོཊྛབྦཱུཔཧཱརོ, དྷམྨཱུཔཧཱརོ, ཨཱཙིཀྑནཱ, ཨནུསཱསནཱི, སངྐེཏཀམྨཾ, ནིམིཏྟཀམྨནྟི.

༡༧༤. སཱམནྟི སཡཾ ཧནཏི ཀཱཡེན ཝཱ ཀཱཡཔཊིབདྡྷེན ཝཱ ནིསྶགྒིཡེན ཝཱ.

ཨདྷིཊྛཱཡཱཏི ཨདྷིཊྛཧིཏྭཱ ཨཱཎཱཔེཏི – ‘‘ཨེཝཾ ཝིཛ྄ཛྷ, ཨེཝཾ པཧར, ཨེཝཾ གྷཱཏེཧཱི’’ཏི.

བྷིཀྑུ ¶ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ ཛཱིཝིཏཱ ཝོརོཔེཧཱི’’ཏི, ཨཱཔཏྟི དུཀྐཊསྶ. སོ ཏཾ མཉྙམཱནོ ཏཾ ཛཱིཝིཏཱ ཝོརོཔེཏི, ཨཱཔཏྟི ཨུབྷིནྣཾ པཱརཱཛིཀསྶ.

བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ ཛཱིཝིཏཱ ཝོརོཔེཧཱི’’ཏི, ཨཱཔཏྟི དུཀྐཊསྶ. སོ ཏཾ མཉྙམཱནོ ཨཉྙཾ ཛཱིཝིཏཱ ཝོརོཔེཏྟི, མཱུལཊྛསྶ ཨནཱཔཏྟི. ཝདྷཀསྶ ཨཱཔཏྟི པཱརཱཛིཀསྶ.

བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ ཛཱིཝིཏཱ ཝོརོཔེཧཱི’’ཏི, ཨཱཔཏྟི དུཀྐཊསྶ. སོ ཨཉྙཾ མཉྙམཱནོ ཏཾ ཛཱིཝིཏཱ ཝོརོཔེཏི, ཨཱཔཏྟི ཨུབྷིནྣཾ པཱརཱཛིཀསྶ.

བྷིཀྑུ བྷིཀྑུཾ ཨཱཎཱཔེཏི ¶ – ‘‘ཨིཏྠནྣཱམཾ ཛཱིཝིཏཱ ཝོརོཔེཧཱི’’ཏི, ཨཱཔཏྟི དུཀྐཊསྶ. སོ ཨཉྙཾ མཉྙམཱནོ ཨཉྙཾ ཛཱིཝིཏཱ ཝོརོཔེཏི; མཱུལཊྛསྶ ཨནཱཔཏྟི, ཝདྷཀསྶ ཨཱཔཏྟི པཱརཱཛིཀསྶ.

བྷིཀྑུ ¶ བྷིཀྑུཾ ཨཱཎཱཔེཏི – ‘‘ཨིཏྠནྣཱམསྶ པཱཝད – ‘ཨིཏྠནྣཱམོ ཨིཏྠནྣཱམསྶ པཱཝདཏུ ¶ – ཨིཏྠནྣཱམོ ཨིཏྠནྣཱམཾ ཛཱིཝིཏཱ ཝོརོཔེཏཱུ’’’ཏི, ཨཱཔཏྟི དུཀྐཊསྶ. སོ ཨིཏརསྶ ཨཱརོཙེཏི, ཨཱཔཏྟི དུཀྐཊསྶ. ཝདྷཀོ པཊིགྒཎྷཱཏི, མཱུལཊྛསྶ ཨཱཔཏྟི ཐུལླཙྩཡསྶ. སོ ཏཾ ཛཱིཝིཏཱ ཝོརོཔེཏི, ཨཱཔཏྟི སབྦེསཾ པཱརཱཛིཀསྶ.

བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམསྶ པཱཝད – ‘ཨིཏྠནྣཱམོ ཨིཏྠནྣཱམསྶ པཱཝདཏུ – ཨིཏྠནྣཱམོ ཨིཏྠནྣཱམཾ ཛཱིཝིཏཱ ཝོརོཔེཏཱུ’’’ཏི, ཨཱཔཏྟི དུཀྐཊསྶ. སོ ཨཉྙཾ ཨཱཎཱཔེཏི, ཨཱཔཏྟི དུཀྐཊསྶ. ཝདྷཀོ པཊིགྒཎྷཱཏི, ཨཱཔཏྟི དུཀྐཊསྶ. སོ ཏཾ ཛཱིཝིཏཱ ཝོརོཔེཏི, མཱུལཊྛསྶ ཨནཱཔཏྟི; ཨཱཎཱཔཀསྶ ཙ ཝདྷཀསྶ ཙ ཨཱཔཏྟི པཱརཱཛིཀསྶ.

བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ ཛཱིཝིཏཱ ཝོརོཔེཧཱི’’ཏི, ཨཱཔཏྟི དུཀྐཊསྶ. སོ གནྟྭཱ པུན པཙྩཱགཙྪཏི – ‘‘ནཱཧཾ སཀྐོམི ཏཾ ཛཱིཝིཏཱ ཝོརོཔེཏུ’’ནྟི. སོ པུན ཨཱཎཱཔེཏི – ‘‘ཡདཱ སཀྐོསི ཏདཱ ཏཾ ཛཱིཝིཏཱ ཝོརོཔེཧཱི’’ཏི, ཨཱཔཏྟི དུཀྐཊསྶ. སོ ཏཾ ཛཱིཝིཏཱ ཝོརོཔེཏི, ཨཱཔཏྟི ཨུབྷིནྣཾ པཱརཱཛིཀསྶ.

བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ ཛཱིཝིཏཱ ཝོརོཔེཧཱི’’ཏི, ཨཱཔཏྟི ¶ དུཀྐཊསྶ. སོ ཨཱཎཱཔེཏྭཱ ཝིཔྤཊིསཱརཱི ན སཱཝེཏི – ‘‘མཱ གྷཱཏེཧཱི’’ཏི. སོ ཏཾ ཛཱིཝིཏཱ ཝོརོཔེཏི, ཨཱཔཏྟི ཨུབྷིནྣཾ པཱརཱཛིཀསྶ.

བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ ཛཱིཝིཏཱ ཝོརོཔེཧཱི’’ཏི, ཨཱཔཏྟི དུཀྐཊསྶ. སོ ཨཱཎཱཔེཏྭཱ ཝིཔྤཊིསཱརཱི སཱཝེཏི – ‘‘མཱ གྷཱཏེཧཱི’’ཏི. སོ – ‘‘ཨཱཎཏྟོ ཨཧཾ ཏཡཱ’’ཏི ཏཾ ཛཱིཝིཏཱ ཝོརོཔེཏི, མཱུལཊྛསྶ ཨནཱཔཏྟི. ཝདྷཀསྶ ཨཱཔཏྟི པཱརཱཛིཀསྶ.

བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ ཛཱིཝིཏཱ ཝོརོཔེཧཱི’’ཏི, ཨཱཔཏྟི དུཀྐཊསྶ. སོ ཨཱཎཱཔེཏྭཱ ཝིཔྤཊིསཱརཱི སཱཝེཏི – ‘‘མཱ གྷཱཏེཧཱི’’ཏི. སོ སཱདྷཱུཏི ཨོརམཏི, ཨུབྷིནྣཾ ཨནཱཔཏྟི.

༡༧༥. ཨརཧོ རཧོསཉྙཱི ཨུལླཔཏི – ‘‘ཨཧོ ཨིཏྠནྣཱམོ ཧཏོ ཨསྶཱ’’ཏི, ཨཱཔཏྟི དུཀྐཊསྶ. རཧོ ཨརཧོསཉྙཱི ཨུལླཔཏི – ‘‘ཨཧོ ཨིཏྠནྣཱམོ ¶ ཧཏོ ཨསྶཱ’’ཏི, ཨཱཔཏྟི དུཀྐཊསྶ. ཨརཧོ ཨརཧོསཉྙཱི ཨུལླཔཏི – ‘‘ཨཧོ ¶ ཨིཏྠནྣཱམོ ཧཏོ ཨསྶཱ’’ཏི, ཨཱཔཏྟི དུཀྐཊསྶ ¶ . རཧོ རཧོསཉྙཱི ཨུལླཔཏི – ‘‘ཨཧོ ཨིཏྠནྣཱམོ ཧཏོ ཨསྶཱ’’ཏི, ཨཱཔཏྟི དུཀྐཊསྶ.

ཀཱཡེན སཾཝཎྞེཏི ནཱམ ཀཱཡེན ཝིཀཱརཾ ཀརོཏི – ‘‘ཡོ ཨེཝཾ མརཏི སོ དྷནཾ ཝཱ ལབྷཏི ཡསཾ ཝཱ ལབྷཏི སགྒཾ ཝཱ གཙྪཏཱི’’ཏི, ཨཱཔཏྟི དུཀྐཊསྶ. ཏཱཡ སཾཝཎྞནཱཡ མརིསྶཱམཱིཏི དུཀྑཾ ཝེདནཾ ཨུཔྤཱདེཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ.

ཝཱཙཱཡ སཾཝཎྞེཏི ནཱམ ཝཱཙཱཡ བྷཎཏི – ‘‘ཡོ ཨེཝཾ མརཏི སོ དྷནཾ ¶ ཝཱ ལབྷཏི ཡསཾ ཝཱ ལབྷཏི སགྒཾ ཝཱ གཙྪཏཱི’’ཏི, ཨཱཔཏྟི དུཀྐཊསྶ. ཏཱཡ སཾཝཎྞནཱཡ མརིསྶཱམཱིཏི དུཀྑཾ ཝེདནཾ ཨུཔྤཱདེཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ.

ཀཱཡེན ཝཱཙཱཡ སཾཝཎྞེཏི ནཱམ ཀཱཡེན ཙ ཝིཀཱརཾ ཀརོཏི, ཝཱཙཱཡ ཙ བྷཎཏི – ‘‘ཡོ ཨེཝཾ མརཏི སོ དྷནཾ ཝཱ ལབྷཏི ཡསཾ ཝཱ ལབྷཏི སགྒཾ ཝཱ གཙྪཏཱི’’ཏི, ཨཱཔཏྟི དུཀྐཊསྶ. ཏཱཡ སཾཝཎྞནཱཡ མརིསྶཱམཱིཏི དུཀྑཾ ཝེདནཾ ཨུཔྤཱདེཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ.

དཱུཏེན སཾཝཎྞེཏི ནཱམ དཱུཏསྶ སཱསནཾ ཨཱརོཙེཏི – ‘‘ཡོ ཨེཝཾ མརཏི སོ དྷནཾ ཝཱ ལབྷཏི ཡསཾ ཝཱ ལབྷཏི སགྒཾ ཝཱ གཙྪཏཱི’’ཏི, ཨཱཔཏྟི དུཀྐཊསྶ. དཱུཏསྶ སཱསནཾ སུཏྭཱ མརིསྶཱམཱིཏི དུཀྑཾ ཝེདནཾ ཨུཔྤཱདེཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ.

༡༧༦. ལེཁཱཡ སཾཝཎྞེཏི ནཱམ ལེཁཾ ཚིནྡཏི – ‘‘ཡོ ཨེཝཾ མརཏི སོ དྷནཾ ཝཱ ལབྷཏི ཡསཾ ཝཱ ལབྷཏི སགྒཾ ཝཱ གཙྪཏཱི’’ཏི, ཨཀྑརཀྑརཱཡ ཨཱཔཏྟི དུཀྐཊསྶ. ལེཁཾ པསྶིཏྭཱ མརིསྶཱམཱིཏི དུཀྑཾ ཝེདནཾ ཨུཔྤཱདེཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ.

ཨོཔཱཏཾ ནཱམ མནུསྶཾ ཨུདྡིསྶ ཨོཔཱཏཾ ཁནཏི – ‘‘པཔཏིཏྭཱ མརིསྶཏཱི’’ཏི, ཨཱཔཏྟི དུཀྐཊསྶ. པཔཏིཏེ དུཀྑཱ ཝེདནཱ ཨུཔྤཛྫཏི, ཨཱཔཏྟི ¶ ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ. ཨནོདིསྶ ཨོཔཱཏཾ ཁནཏི – ‘‘ཡོ ཀོཙི པཔཏིཏྭཱ ¶ མརིསྶཏཱི’’ཏི, ཨཱཔཏྟི དུཀྐཊསྶ. མནུསྶོ ཏསྨིཾ པཔཏཏི, ཨཱཔཏྟི དུཀྐཊསྶ. པཔཏིཏེ དུཀྑཱ ཝེདནཱ ཨུཔྤཛྫཏི ¶ , ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ. ཡཀྑོ ཝཱ པེཏོ ཝཱ ཏིརཙྪཱནགཏམནུསྶཝིགྒཧོ ཝཱ ཏསྨིཾ པཔཏཏི, ཨཱཔཏྟི དུཀྐཊསྶ. པཔཏིཏེ དུཀྑཱ ཝེདནཱ ཨུཔྤཛྫཏི, ཨཱཔཏྟི དུཀྐཊསྶ. མརཏི, ཨཱཔཏྟི ཐུལླཙྩཡསྶ. ཏིརཙྪཱནགཏོ ཏསྨིཾ པཔཏཏི, ཨཱཔཏྟི དུཀྐཊསྶ. པཔཏིཏེ དུཀྑཱ ཝེདནཱ ཨུཔྤཛྫཏི, ཨཱཔཏྟི དུཀྐཊསྶ. མརཏི, ཨཱཔཏྟི པཱཙིཏྟིཡསྶ.

༡༧༧. ཨཔསྶེནཾ ནཱམ ཨཔསྶེནེ སཏྠཾ ཝཱ ཋཔེཏི ཝིསེན ཝཱ མཀྑེཏི དུབྦལཾ ཝཱ ཀརོཏི སོབྦྷེ ཝཱ ནརཀེ ཝཱ པཔཱཏེ ཝཱ ཋཔེཏི – ‘‘པཔཏིཏྭཱ མརིསྶཏཱི’’ཏི, ཨཱཔཏྟི དུཀྐཊསྶ. སཏྠེན ཝཱ ཝིསེན ཝཱ པཔཏིཏེན ཝཱ དུཀྑཱ ཝེདནཱ ཨུཔྤཛྫཏི, ཨཱཔཏྟི ཐུལླཙྩཡསྶ. མརཏི ¶ , ཨཱཔཏྟི པཱརཱཛིཀསྶ.

ཨུཔནིཀྑིཔནཾ ནཱམ ཨསིཾ ཝཱ སཏྟིཾ ཝཱ བྷེཎྜིཾ ཝཱ ལགུལ༹ཾ ཝཱ པཱསཱཎཾ ཝཱ སཏྠཾ ཝཱ ཝིསཾ ཝཱ རཛྫུཾ ཝཱ ཨུཔནིཀྑིཔཏི – ‘‘ཨིམིནཱ མརིསྶཏཱི’’ཏི, ཨཱཔཏྟི དུཀྐཊསྶ. ‘‘ཏེན མརིསྶཱམཱི’’ཏི ¶ དུཀྑཾ ཝེདནཾ ཨུཔྤཱདེཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ.

བྷེསཛྫཾ ནཱམ སཔྤིཾ ཝཱ ནཝནཱིཏཾ ཝཱ ཏེལཾ ཝཱ མདྷུཾ ཝཱ ཕཱཎིཏཾ ཝཱ དེཏི – ‘‘ཨིམཾ སཱཡིཏྭཱ མརིསྶཏཱི’’ཏི, ཨཱཔཏྟི དུཀྐཊསྶ. ཏཾ སཱཡིཏེ དུཀྑཱ ཝེདནཱ ཨུཔྤཛྫཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ.

༡༧༨. རཱུཔཱུཔཧཱརོ ནཱམ ཨམནཱཔིཀཾ རཱུཔཾ ཨུཔསཾཧརཏི བྷཡཱནཀཾ བྷེརཝཾ – ‘‘ཨིམཾ པསྶིཏྭཱ ཨུཏྟསིཏྭཱ མརིསྶཏཱི’’ཏི, ཨཱཔཏྟི དུཀྐཊསྶ. ཏཾ པསྶིཏྭཱ ཨུཏྟསཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ. མནཱཔིཀཾ རཱུཔཾ ཨུཔསཾཧརཏི [ཨུཔསཾཧརཏི པེམནཱིཡཾ ཧདཡངྒམཾ (སྱཱ.)] – ‘‘ཨིམཾ པསྶིཏྭཱ ཨལཱབྷཀེན སུསྶིཏྭཱ མརིསྶཏཱི’’ཏི, ཨཱཔཏྟི དུཀྐཊསྶ. ཏཾ པསྶིཏྭཱ ཨལཱབྷཀེན སུསྶཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ.

སདྡཱུཔཧཱརོ ནཱམ ཨམནཱཔིཀཾ སདྡཾ ཨུཔསཾཧརཏི བྷཡཱནཀཾ བྷེརཝཾ – ‘‘ཨིམཾ སུཏྭཱ ཨུཏྟསིཏྭཱ མརིསྶཏཱི’’ཏི, ཨཱཔཏྟི དུཀྐཊསྶ. ཏཾ སུཏྭཱ ཨུཏྟསཏི ¶ , ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ. མནཱཔིཀཾ སདྡཾ ཨུཔསཾཧརཏི པེམནཱིཡཾ ཧདཡངྒམཾ – ‘‘ཨིམཾ སུཏྭཱ ཨལཱབྷཀེན ¶ སུསྶིཏྭཱ མརིསྶཏཱི’’ཏི, ཨཱཔཏྟི དུཀྐཊསྶ. ཏཾ སུཏྭཱ ཨལཱབྷཀེན སུསྶཏི, ཨཱཔཏྟི ཐུལླཙྩཡསྶ. མརཏི ¶ , ཨཱཔཏྟི པཱརཱཛིཀསྶ.

གནྡྷཱུཔཧཱརོ ནཱམ ཨམནཱཔིཀཾ གནྡྷཾ ཨུཔསཾཧརཏི ཛེགུཙྪཾ པཱཊིཀུལྱཾ [པཊིཀཱུལཾ (?)] – ‘‘ཨིམཾ གྷཱཡིཏྭཱ ཛེགུཙྪཏཱ པཱཊིཀུལྱཏཱ མརིསྶཏཱི’’ཏི, ཨཱཔཏྟི དུཀྐཊསྶ. ཏཾ གྷཱཡིཏེ ཛེགུཙྪཏཱ པཱཊིཀུལྱཏཱ དུཀྑཱ ཝེདནཱ ཨུཔྤཛྫཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ. མནཱཔིཀཾ གནྡྷཾ ཨུཔསཾཧརཏི – ‘‘ཨིམཾ གྷཱཡིཏྭཱ ཨལཱབྷཀེན སུསྶིཏྭཱ མརིསྶཏཱི’’ཏི, ཨཱཔཏྟི དུཀྐཊསྶ. ཏཾ གྷཱཡིཏྭཱ ཨལཱབྷཀེན སུསྶཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ.

རསཱུཔཧཱརོ ནཱམ ཨམནཱཔིཀཾ རསཾ ཨུཔསཾཧརཏི ཛེགུཙྪཾ པཱཊིཀུལྱཾ [པཊིཀཱུལཾ (?)] – ‘‘ཨིམཾ སཱཡིཏྭཱ ཛེགུཙྪཏཱ པཱཊིཀུལྱཏཱ མརིསྶཏཱི’’ཏི, ཨཱཔཏྟི དུཀྐཊསྶ. ཏཾ སཱཡིཏེ ཛེགུཙྪཏཱ པཱཊིཀུལྱཏཱ དུཀྑཱ ཝེདནཱ ཨུཔྤཛྫཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ. མནཱཔིཀཾ རསཾ ཨུཔསཾཧརཏི – ‘‘ཨིམཾ སཱཡིཏྭཱ ཨལཱབྷཀེན སུསྶིཏྭཱ མརིསྶཏཱི’’ཏི, ཨཱཔཏྟི དུཀྐཊསྶ. ཏཾ སཱཡིཏྭཱ ཨལཱབྷཀེན སུསྶཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ.

ཕོཊྛབྦཱུཔཧཱརོ ནཱམ ཨམནཱཔིཀཾ ¶ ཕོཊྛབྦཾ ཨུཔསཾཧརཏི དུཀྑསམྥསྶཾ ཁརསམྥསྶཾ – ‘‘ཨིམིནཱ ཕུཊྛོ མརིསྶཏཱི’’ཏི, ཨཱཔཏྟི དུཀྐཊསྶ. ཏེན ཕུཊྛསྶ དུཀྑཱ ཝེདནཱ ཨུཔྤཛྫཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ. མནཱཔིཀཾ ཕོཊྛབྦཾ ཨུཔསཾཧརཏི སུཁསམྥསྶཾ མུདུསམྥསྶཾ – ‘‘ཨིམིནཱ ཕུཊྛོ ཨལཱབྷཀེན སུསྶིཏྭཱ མརིསྶཏཱི’’ཏི, ཨཱཔཏྟི དུཀྐཊསྶ. ཏེན ཕུཊྛོ ¶ ཨལཱབྷཀེན སུསྶཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ.

དྷམྨཱུཔཧཱརོ ནཱམ ནེརཡིཀསྶ ནིརཡཀཐཾ ཀཐེཏི – ‘‘ཨིམཾ སུཏྭཱ ཨུཏྟསིཏྭཱ མརིསྶཏཱི’’ཏི, ཨཱཔཏྟི དུཀྐཊསྶ. ཏཾ སུཏྭཱ ཨུཏྟསཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ. ཀལྱཱཎཀམྨསྶ སགྒཀཐཾ ཀཐེཏི – ‘‘ཨིམཾ སུཏྭཱ ཨདྷིམུཏྟོ མརིསྶཏཱི’’ཏི, ཨཱཔཏྟི དུཀྐཊསྶ. ཏཾ སུཏྭཱ ¶ ཨདྷིམུཏྟོ མརིསྶཱམཱིཏི དུཀྑཾ ཝེདནཾ ཨུཔྤཱདེཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ.

༡༧༩. ཨཱཙིཀྑནཱ ¶ ནཱམ པུཊྛོ བྷཎཏི – ‘‘ཨེཝཾ མརསྶུ. ཡོ ཨེཝཾ མརཏི སོ དྷནཾ ཝཱ ལབྷཏི ཡསཾ ཝཱ ལབྷཏི སགྒཾ ཝཱ གཙྪཏཱི’’ཏི, ཨཱཔཏྟི དུཀྐཊསྶ. ཏཱཡ ཨཱཙིཀྑནཱཡ མརིསྶཱམཱིཏི དུཀྑཾ ཝེདནཾ ཨུཔྤཱདེཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ.

ཨནུསཱསནཱི ནཱམ ཨཔུཊྛོ བྷཎཏི – ‘‘ཨེཝཾ མརསྶུ. ཡོ ཨེཝཾ མརཏི སོ དྷནཾ ཝཱ ལབྷཏི ཡསཾ ཝཱ ལབྷཏི སགྒཾ ཝཱ གཙྪཏཱི’’ཏི, ཨཱཔཏྟི དུཀྐཊསྶ. ཏཱཡ ཨནུསཱསནིཡཱ མརིསྶཱམཱིཏི དུཀྑཾ ཝེདནཾ ཨུཔྤཱདེཏི, ཨཱཔཏྟི ཐུལླཙྩཡསྶ. མརཏི, ཨཱཔཏྟི པཱརཱཛིཀསྶ.

སངྐེཏཀམྨཾ ནཱམ སངྐེཏཾ ཀརོཏི པུརེབྷཏྟཾ ཝཱ པཙྪཱབྷཏྟཾ ཝཱ རཏྟིཾ ཝཱ དིཝཱ ཝཱ – ‘‘ཏེན སངྐེཏེན ཏཾ ཛཱིཝིཏཱ ཝོརོཔེཧཱི’’ཏི, ཨཱཔཏྟི དུཀྐཊསྶ. ཏེན སངྐེཏེན ཏཾ ཛཱིཝིཏཱ ཝོརོཔེཏི, ཨཱཔཏྟི ཨུབྷིནྣཾ པཱརཱཛིཀསྶ. ཏཾ སངྐེཏཾ པུརེ ཝཱ པཙྪཱ ¶ ཝཱ ཏཾ ཛཱིཝིཏཱ ཝོརོཔེཏི, མཱུལཊྛསྶ ཨནཱཔཏྟི, ཝདྷཀསྶ ཨཱཔཏྟི པཱརཱཛིཀསྶ.

ནིམིཏྟཀམྨཾ ནཱམ ནིམིཏྟཾ ཀརོཏི – ‘‘ཨཀྑིཾ ཝཱ ནིཁཎིསྶཱམི བྷམུཀཾ ཝཱ ཨུཀྑིཔིསྶཱམི སཱིསཾ ཝཱ ཨུཀྑིཔིསྶཱམི, ཏེན ནིམིཏྟེན ཏཾ ཛཱིཝིཏཱ ཝོརོཔེཧཱི’’ཏི, ཨཱཔཏྟི དུཀྐཊསྶ. ཏེན ནིམིཏྟེན ཏཾ ཛཱིཝིཏཱ ཝོརོཔེཏི, ཨཱཔཏྟི ཨུབྷིནྣཾ པཱརཱཛིཀསྶ. ཏཾ ནིམིཏྟཾ པུརེ ཝཱ པཙྪཱ ཝཱ ཏཾ ཛཱིཝིཏཱ ཝོརོཔེཏི, མཱུལཊྛསྶ ཨནཱཔཏྟི, ཝདྷཀསྶ ཨཱཔཏྟི པཱརཱཛིཀསྶ.

ཨནཱཔཏྟི ཨསཉྩིཙྩ ཨཛཱནནྟསྶ ནམརཎཱདྷིཔྤཱཡསྶ ཨུམྨཏྟཀསྶ [ཨུམྨཏྟཀསྶ ཁིཏྟཙིཏྟསྶ ཝེདནཱཊྚསྶ (སྱཱ.)] ཨཱདིཀམྨིཀསྶཱཏི.

མནུསྶཝིགྒཧཔཱརཱཛིཀམྷི པཋམབྷཱཎཝཱརོ ནིཊྛིཏོ.

ཝིནཱིཏཝཏྠུཨུདྡཱནགཱཐཱ

སཾཝཎྞནཱ ¶ ¶ ནིསཱིདནྟོ, མུསལོདུཀྑལེན ཙ;

ཝུཌྜྷཔབྦཛིཏཱབྷིསནྣོ, ཨགྒཝཱིམཾསནཱཝིསཾ.

ཏཡོ ¶ ཙ ཝཏྠུཀམྨེཧི, ཨིཊྛཀཱཧིཔརེ ཏཡོ;

ཝཱསཱི གོཔཱནསཱི ཙེཝ, ཨཊྚཀོཏརཎཾ པཏི.

སེདཾ ནཏྠུཉྩ སམྦཱཧོ, ནྷཱཔནབྦྷཉྫནེན ཙ;

ཨུཊྛཱཔེནྟོ ནིཔཱཏེནྟོ, ཨནྣཔཱནེན མཱརཎཾ.

ཛཱརགབྦྷོ སཔཏྟཱི ཙ, མཱཏཱ པུཏྟཾ ཨུབྷོ ཝདྷི;

ཨུབྷོ ¶ ན མིཡྻརེ མདྡཱ, ཏཱཔཾ ཝཉྫྷཱ ཝིཛཱཡིནཱི.

པཏོདཾ ནིགྒཧེ ཡཀྑོ, ཝཱལ༹ཡཀྑཉྩ པཱཧིཎི;

ཏཾ མཉྙམཱནོ པཧརི, སགྒཉྩ ནིརཡཾ བྷཎེ.

ཨཱལ༹ཝིཡཱ ཏཡོ རུཀྑཱ, དཱཡེཧི ཨཔརེ ཏཡོ;

མཱ ཀིལམེསི ན ཏུཡ྄ཧཾ, ཏཀྐཾ སོཝཱིརཀེན ཙཱཏི.

ཝིནཱིཏཝཏྠུ

༡༨༠. ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏསྶ བྷིཀྑཱུ ཀཱརུཉྙེན མརཎཝཎྞཾ སཾཝཎྞེསུཾ. སོ བྷིཀྑུ ཀཱལམཀཱསི. ཏེསཾ ཀུཀྐུཙྩཾ ཨཧོསི ‘‘བྷགཝཏཱ སིཀྑཱཔདཾ པཉྙཏྟཾ, ཀཙྩི ནུ ཁོ མཡཾ པཱརཱཛིཀཾ ཨཱཔཏྟིཾ ཨཱཔནྣཱ’’ཏི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨཱཔཏྟིཾ ཏུམྷེ, བྷིཀྑཝེ, ཨཱཔནྣཱ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ པིཎྜཙཱརིཀོ བྷིཀྑུ པཱིཋཀེ པིལོཏིཀཱཡ པཊིཙྪནྣཾ དཱརཀཾ ནིསཱིདནྟོ ཨོཏྠརིཏྭཱ མཱརེསི. ཏསྶ ཀུཀྐུཙྩཾ ཨཧོསི ‘‘བྷགཝཏཱ སིཀྑཱཔདཾ པཉྙཏྟཾ, ཀཙྩི ནུ ཁོ ཨཧཾ པཱརཱཛིཀཾ ཨཱཔཏྟིཾ ཨཱཔནྣོ’’ཏི? བྷགཝཏོ ཨེཏམཏྠཾ ཨཱརོཙེསི. ‘‘ཨནཱཔཏྟི, བྷིཀྑུ, པཱརཱཛིཀསྶ. ན ཙ, བྷིཀྑཝེ, ཨཔྤཊིཝེཀྑིཏྭཱ ཨཱསནེ ནིསཱིདིཏབྦཾ; ཡོ ནིསཱིདེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ བྷཏྟགྒེ ཨནྟརགྷརེ ཨཱསནཾ པཉྙཔེནྟོ མུསལེ ཨུསྶིཏེ ¶ ཨེཀཾ མུསལཾ ཨགྒཧེསི. དུཏིཡོ མུསལོ པརིཔཏིཏྭཱ ཨཉྙཏརསྶ དཱརཀསྶ མཏྠཀེ ཨཝཏྠཱསི. སོ ¶ ¶ ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ཨསཉྩིཙྩ ཨཧཾ, བྷགཝཱ’’ཏི. ‘‘ཨནཱཔཏྟི, བྷིཀྑུ, ཨསཉྩིཙྩཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ བྷཏྟགྒེ ཨནྟརགྷརེ ཨཱསནཾ པཉྙཔེནྟོ ཨུདུཀྑལབྷཎྜིཀཾ ཨཀྐམིཏྭཱ པཝཊྚེསི. ཨཉྙཏརཾ དཱརཀཾ ཨོཏྠརིཏྭཱ མཱརེསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ཨསཉྩིཙྩཱ’’ཏི.

ཏེན ཁོ པན སམཡེན པིཏཱཔུཏྟཱ བྷིཀྑཱུསུ པབྦཛིཏཱ ཧོནྟི. ཀཱལེ ཨཱརོཙིཏེ པུཏྟོ པིཏརཾ ཨེཏདཝོཙ – ‘‘གཙྪ, བྷནྟེ, སངྒྷོ ཏཾ པཏིམཱནེཏཱི’’ཏི པིཊྛིཡཾ གཧེཏྭཱ པཎཱམེསི. སོ པཔཏིཏྭཱ ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཀིཾཙིཏྟོ ¶ ཏྭཾ, བྷིཀྑཱུ’’ཏི? ‘‘ནཱཧཾ, བྷགཝཱ, མརཎཱདྷིཔྤཱཡོ’’ཏི. ‘‘ཨནཱཔཏྟི, བྷིཀྑུ, ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན པིཏཱཔུཏྟཱ བྷིཀྑཱུསུ པབྦཛིཏཱ ཧོནྟི. ཀཱལེ ཨཱརོཙིཏེ པུཏྟོ པིཏརཾ ཨེཏདཝོཙ – ‘‘གཙྪ, བྷནྟེ, སངྒྷོ ཏཾ པཏིམཱནེཏཱི’’ཏི མརཎཱདྷིཔྤཱཡོ པིཊྛིཡཾ གཧེཏྭཱ པཎཱམེསི. སོ པཔཏིཏྭཱ ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན པིཏཱཔུཏྟཱ བྷིཀྑཱུསུ པབྦཛིཏཱ ཧོནྟི. ཀཱལེ ཨཱརོཙིཏེ པུཏྟོ པིཏརཾ ཨེཏདཝོཙ – ‘‘གཙྪ, བྷནྟེ, སངྒྷོ ཏཾ པཏིམཱནེཏཱི’’ཏི མརཎཱདྷིཔྤཱཡོ པིཊྛིཡཾ གཧེཏྭཱ པཎཱམེསི. སོ པཔཏིཏྭཱ ན ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ ¶ ; ཨཱཔཏྟི ཐུལླཙྩཡསྶཱ’’ཏི.

༡༨༡. ཏེན ཁོ པན སམཡེན ཨཉྙཏརསྶ བྷིཀྑུནོ བྷུཉྫནྟསྶ མཾསཾ ཀཎྛེ ཝིལགྒཾ ཧོཏི. ཨཉྙཏརོ བྷིཀྑུ ཏསྶ བྷིཀྑུནོ གཱིཝཱཡཾ པཧཱརཾ ཨདཱསི. སལོཧིཏཾ མཾསཾ པཏི. སོ བྷིཀྑུ ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ བྷུཉྫནྟསྶ མཾསཾ ཀཎྛེ ཝིལགྒཾ ཧོཏི. ཨཉྙཏརོ ¶ བྷིཀྑུ མརཎཱདྷིཔྤཱཡོ ཏསྶ བྷིཀྑུནོ གཱིཝཱཡཾ པཧཱརཾ ཨདཱསི. སལོཧིཏཾ མཾསཾ པཏི. སོ བྷིཀྑུ ཀཱལམཀཱསི ¶ . ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརསྶ བྷིཀྑུནོ བྷུཉྫནྟསྶ མཾསཾ ཀཎྛེ ཝིལགྒཾ ཧོཏི. ཨཉྙཏརོ བྷིཀྑུ མརཎཱདྷིཔྤཱཡོ ཏསྶ བྷིཀྑུནོ གཱིཝཱཡཾ པཧཱརཾ ཨདཱསི. སལོཧིཏཾ མཾསཾ པཏི. སོ བྷིཀྑུ ན ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ པིཎྜཙཱརིཀོ བྷིཀྑུ ཝིསགཏཾ པིཎྜཔཱཏཾ ལབྷིཏྭཱ པཊིཀྐམནཾ ཧརིཏྭཱ བྷིཀྑཱུནཾ ཨགྒཀཱརིཀཾ ཨདཱསི. ཏེ བྷིཀྑཱུ ཀཱལམཀཾསུ. ཏསྶ ཀུཀྐུཙྩཾ ཨཧོསི…པེ… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ནཱཧཾ, བྷགཝཱ, ཛཱནཱམཱི’’ཏི. ‘‘ཨནཱཔཏྟི, བྷིཀྑུ, ཨཛཱནནྟསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཝཱིམཾསཱདྷིཔྤཱཡོ ¶ ཨཉྙཏརསྶ བྷིཀྑུནོ ཝིསཾ ཨདཱསི. སོ བྷིཀྑུ ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ཝཱིམཾསཱདྷིཔྤཱཡོ ཨཧཾ, བྷགཝཱ’’ཏི. ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

༡༨༢. ཏེན ཁོ པན སམཡེན ཨཱལ༹ཝཀཱ [ཨཱལ༹ཝིཀཱ (སྱཱ.)] བྷིཀྑཱུ ཝིཧཱརཝཏྠུཾ ཀརོནྟི ¶ . ཨཉྙཏརོ བྷིཀྑུ ཧེཊྛཱ ཧུཏྭཱ སིལཾ ཨུཙྩཱརེསི. ཨུཔརིམེན བྷིཀྑུནཱ དུགྒཧིཏཱ སིལཱ ཧེཊྛིམསྶ བྷིཀྑུནོ མཏྠཀེ ཨཝཏྠཱསི. སོ བྷིཀྑུ ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ཨསཉྩིཙྩཱ’’ཏི.

ཏེན ཁོ པན སམཡེན ཨཱལ༹ཝཀཱ བྷིཀྑཱུ ཝིཧཱརཝཏྠུཾ ཀརོནྟི. ཨཉྙཏརོ བྷིཀྑུ ཧེཊྛཱ ཧུཏྭཱ སིལཾ ཨུཙྩཱརེསི. ཨུཔརིམོ བྷིཀྑུ མརཎཱདྷིཔྤཱཡོ ཧེཊྛིམསྶ བྷིཀྑུནོ མཏྠཀེ སིལཾ མུཉྩི. སོ བྷིཀྑུ ཀཱལམཀཱསི…པེ… སོ བྷིཀྑུ ན ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ¶ ¶ ཁོ པན སམཡེན ཨཱལ༹ཝཀཱ བྷིཀྑཱུ ཝིཧཱརསྶ ཀུཊྚཾ ཨུཊྛཱཔེནྟི. ཨཉྙཏརོ བྷིཀྑུ ཧེཊྛཱ ཧུཏྭཱ ཨིཊྛཀཾ ཨུཙྩཱརེསི. ཨུཔརིམེན བྷིཀྑུནཱ དུགྒཧིཏཱ ཨིཊྛཀཱ ཧེཊྛིམསྶ བྷིཀྑུནོ མཏྠཀེ ཨཝཏྠཱསི. སོ བྷིཀྑུ ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏི, བྷིཀྑུ, ཨསཉྩིཙྩཱ’’ཏི.

ཏེན ཁོ པན སམཡེན ཨཱལ༹ཝཀཱ བྷིཀྑཱུ ཝིཧཱརསྶ ཀུཊྚཾ ཨུཊྛཱཔེནྟི. ཨཉྙཏརོ བྷིཀྑུ ¶ ཧེཊྛཱ ཧུཏྭཱ ཨིཊྛཀཾ ཨུཙྩཱརེསི. ཨུཔརིམོ བྷིཀྑུ མརཎཱདྷིཔྤཱཡོ ཧེཊྛིམསྶ བྷིཀྑུནོ མཏྠཀེ ཨིཊྛཀཾ མུཉྩི. སོ བྷིཀྑུ ཀཱལམཀཱསི…པེ… སོ བྷིཀྑུ ན ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

༡༨༣. ཏེན ཁོ པན སམཡེན ཨཱལ༹ཝཀཱ བྷིཀྑཱུ ནཝཀམྨཾ ཀརོནྟི. ཨཉྙཏརོ བྷིཀྑུ ཧེཊྛཱ ཧུཏྭཱ ཝཱསིཾ ཨུཙྩཱརེསི. ཨུཔརིམེན བྷིཀྑུནཱ དུགྒཧིཏཱ ཝཱསཱི ཧེཊྛིམསྶ བྷིཀྑུནོ མཏྠཀེ ཨཝཏྠཱསི. སོ བྷིཀྑུ ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ཨསཉྩིཙྩཱ’’ཏི.

ཏེན ཁོ པན སམཡེན ཨཱལ༹ཝཀཱ བྷིཀྑཱུ ནཝཀམྨཾ ཀརོནྟི. ཨཉྙཏརོ བྷིཀྑུ ཧེཊྛཱ ཧུཏྭཱ ཝཱསིཾ ཨུཙྩཱརེསི. ཨུཔརིམོ བྷིཀྑུ མརཎཱདྷིཔྤཱཡོ ཧེཊྛིམསྶ བྷིཀྑུནོ མཏྠཀེ ཝཱསིཾ མུཉྩི. སོ བྷིཀྑུ ཀཱལམཀཱསི…པེ… སོ བྷིཀྑུ ན ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཱལ༹ཝཀཱ བྷིཀྑཱུ ནཝཀམྨཾ ཀརོནྟི. ཨཉྙཏརོ བྷིཀྑུ ཧེཊྛཱ ཧུཏྭཱ གོཔཱནསིཾ ཨུཙྩཱརེསི. ཨུཔརིམེན བྷིཀྑུནཱ དུགྒཧིཏཱ གོཔཱནསཱི ཧེཊྛིམསྶ བྷིཀྑུནོ མཏྠཀེ ཨཝཏྠཱསི. སོ བྷིཀྑུ ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ཨསཉྩིཙྩཱ’’ཏི.

ཏེན ཁོ པན སམཡེན ཨཱལ༹ཝཀཱ བྷིཀྑཱུ ནཝཀམྨཾ ཀརོནྟི. ཨཉྙཏརོ བྷིཀྑུ ཧེཊྛཱ ¶ ཧུཏྭཱ གོཔཱནསིཾ ཨུཙྩཱརེསི. ཨུཔརིམོ བྷིཀྑུ མརཎཱདྷིཔྤཱཡོ ཧེཊྛིམསྶ བྷིཀྑུནོ མཏྠཀེ གོཔཱནསིཾ མུཉྩི. སོ ¶ བྷིཀྑུ ཀཱལམཀཱསི…པེ… སོ བྷིཀྑུ ན ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ¶ ཁོ པན སམཡེན ཨཱལ༹ཝཀཱ བྷིཀྑཱུ ནཝཀམྨཾ ཀརོནྟཱ ཨཊྚཀཾ བནྡྷནྟི. ཨཉྙཏརོ བྷིཀྑུ ཨཉྙཏརཾ བྷིཀྑུཾ ཨེཏདཝོཙ – ‘‘ཨཱཝུསོ, ཨཏྲཊྛིཏོ བནྡྷཱཧཱི’’ཏི. སོ ཏཏྲཊྛིཏོ བནྡྷནྟོ པརིཔཏིཏྭཱ ཀཱལམཀཱསི ¶ . ཏསྶ ཀུཀྐུཙྩཾ ཨཧོསི…པེ… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ནཱཧཾ, བྷགཝཱ, མརཎཱདྷིཔྤཱཡོ’’ཏི. ‘‘ཨནཱཔཏྟི, བྷིཀྑུ, ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཱལ༹ཝཀཱ བྷིཀྑཱུ ནཝཀམྨཾ ཀརོནྟཱ ཨཊྚཀཾ བནྡྷནྟི. ཨཉྙཏརོ བྷིཀྑུ མརཎཱདྷིཔྤཱཡོ ཨཉྙཏརཾ བྷིཀྑུཾ ཨེཏདཝོཙ – ‘‘ཨཱཝུསོ, ཨཏྲཊྛིཏོ བནྡྷཱཧཱི’’ཏི. སོ ཏཏྲཊྛིཏོ བནྡྷནྟོ པརིཔཏིཏྭཱ ཀཱལམཀཱསི…པེ… པརིཔཏིཏྭཱ ན ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཝིཧཱརཾ ཚཱདེཏྭཱ ཨོཏརཏི. ཨཉྙཏརོ བྷིཀྑུ ཏཾ བྷིཀྑུཾ ཨེཏདཝོཙ – ‘‘ཨཱཝུསོ, ཨིཏོ ཨོཏརཱཧཱི’’ཏི. སོ ཏེན ཨོཏརནྟོ པརིཔཏིཏྭཱ ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཝིཧཱརཾ ཚཱདེཏྭཱ ཨོཏརཏི ¶ . ཨཉྙཏརོ བྷིཀྑུ མརཎཱདྷིཔྤཱཡོ ཏཾ བྷིཀྑུཾ ཨེཏདཝོཙ – ‘‘ཨཱཝུསོ, ཨིཏོ ཨོཏརཱཧཱི’’ཏི. སོ ཏེན ཨོཏརནྟོ པརིཔཏིཏྭཱ ཀཱལམཀཱསི…པེ… པརིཔཏིཏྭཱ ན ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཨནབྷིརཏིཡཱ པཱིལི༹ཏོ གིཛ྄ཛྷཀཱུཊཾ པབྦཏཾ ཨབྷིརུཧིཏྭཱ པཔཱཏེ པཔཏནྟོ ཨཉྙཏརཾ ཝིལཱིཝཀཱརཾ ཨོཏྠརིཏྭཱ མཱརེསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ན ཙ, བྷིཀྑཝེ, ཨཏྟཱནཾ པཱཏེཏབྦཾ. ཡོ པཱཏེཡྻ, ཨཱཔཏྟི དུཀྐཊསྶཱ’’ཏི.

ཏེན ¶ ཁོ པན སམཡེན ཚབྦགྒིཡཱ བྷིཀྑཱུ གིཛ྄ཛྷཀཱུཊཾ པབྦཏཾ ཨབྷིརུཧིཏྭཱ དཝཱཡ སིལཾ པཝིཛ྄ཛྷིཾསུ. སཱ ཨཉྙཏརཾ གོཔཱལཀཾ ཨོཏྠརིཏྭཱ མཱརེསི. ཏེསཾ ཀུཀྐུཙྩཾ ཨཧོསི ¶ …པེ… ‘‘ཨནཱཔཏྟི, བྷིཀྑཝེ, པཱརཱཛིཀསྶ. ན ཙ, བྷིཀྑཝེ, དཝཱཡ སིལཱ པཝིཛ྄ཛྷིཏབྦཱ. ཡོ པཝིཛ྄ཛྷེཡྻ, ཨཱཔཏྟི དུཀྐཊསྶཱ’’ཏི.

༡༨༤. ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑཱུ སེདེསུཾ. སོ བྷིཀྑུ ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི ¶ . ཏཾ བྷིཀྑཱུ མརཎཱདྷིཔྤཱཡཱ སེདེསུཾ. སོ བྷིཀྑུ ཀཱལམཀཱསི.…པེ… སོ བྷིཀྑུ ན ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ¶ ཨཉྙཏརསྶ བྷིཀྑུནོ སཱིསཱབྷིཏཱཔོ ཧོཏི. ཏསྶ བྷིཀྑཱུ ནཏྠུཾ ཨདཾསུ. སོ བྷིཀྑུ ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ སཱིསཱབྷིཏཱཔོ ཧོཏི. ཏསྶ བྷིཀྑཱུ མརཎཱདྷིཔྤཱཡཱ ནཏྠུཾ ཨདཾསུ. སོ བྷིཀྑུ ཀཱལམཀཱསི…པེ… སོ བྷིཀྑུ ན ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑཱུ སམྦཱཧེསུཾ. སོ བྷིཀྑུ ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑཱུ མརཎཱདྷིཔྤཱཡཱ སམྦཱཧེསུཾ. སོ བྷིཀྑུ ཀཱལམཀཱསི…པེ… སོ བྷིཀྑུ ན ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑུ ནྷཱཔེསུཾ. སོ བྷིཀྑུ ¶ ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, ནམརཎཱདྷིཔྤཱཡསྶཱ’’ཏི.

ཏེན ¶ ཁོ པན སམཡེན ཨཉྙཏརོ ¶ བྷིཀྑུ གིལཱནོ ཧོཏི. ཏཾ བྷིཀྑཱུ མརཎཱདྷིཔྤཱཡཱ ནྷཱཔེསུཾ. སོ བྷིཀྑུ ཀཱལམཀཱསི…པེ… སོ བྷིཀྑུ ན ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑཱུ ཏེལེན ཨབྦྷཉྫིཾསུ. སོ བྷིཀྑུ ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑཱུ མརཎཱདྷིཔྤཱཡཱ ཏེལེན ཨབྦྷཉྫིཾསུ. སོ བྷིཀྑུ ཀཱལམཀཱསི…པེ… སོ བྷིཀྑུ ན ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

༡༨༥. ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑཱུ ཨུཊྛཱཔེསུཾ. སོ བྷིཀྑུ ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑཱུ མརཎཱདྷིཔྤཱཡཱ ཨུཊྛཱཔེསུཾ. སོ བྷིཀྑུ ཀཱལམཀཱསི…པེ… སོ བྷིཀྑུ ན ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི ¶ .

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑཱུ ནིཔཱཏེསུཾ. སོ བྷིཀྑུ ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑཱུ མརཎཱདྷིཔྤཱཡཱ ¶ ནིཔཱཏེསུཾ. སོ བྷིཀྑུ ཀཱལམཀཱསི…པེ… སོ བྷིཀྑུ ན ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏསྶ བྷིཀྑཱུ ཨནྣཾ ཨདཾསུ. སོ བྷིཀྑུ ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, ནམརཎཱདྷིཔྤཱཡསྶཱ’’ཏི.

ཏེན ¶ ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏསྶ བྷིཀྑཱུ མརཎཱདྷིཔྤཱཡཱ ཨནྣཾ ཨདཾསུ. སོ བྷིཀྑུ ཀཱལམཀཱསི…པེ… སོ བྷིཀྑུ ན ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏསྶ བྷིཀྑུ པཱནཾ ཨདཾསུ. སོ བྷིཀྑུ ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏསྶ བྷིཀྑཱུ མརཎཱདྷིཔྤཱཡཱ པཱནཾ ཨདཾསུ. སོ བྷིཀྑུ ཀཱལམཀཱསི…པེ… སོ བྷིཀྑུ ན ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ ¶ , པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

༡༨༦. ཏེན ཁོ པན སམཡེན ཨཉྙཏརཱ ཨིཏྠཱི པཝུཏྠཔཏིཀཱ ཛཱརེན གབྦྷིནཱི ཧོཏི. སཱ ཀུལཱུཔཀཾ བྷིཀྑུཾ ཨེཏདཝོཙ – ‘‘ཨིངྒྷཱཡྻ གབྦྷཔཱཏནཾ ཛཱནཱཧཱི’’ཏི. ‘‘སུཊྛུ, བྷགིནཱི’’ཏི ཏསྶཱ གབྦྷཔཱཏནཾ ཨདཱསི. དཱརཀོ ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརསྶ པུརིསསྶ དྭེ པཛཱཔཏིཡོ ཧོནྟི – ཨེཀཱ ཝཉྫྷཱ, ཨེཀཱ ཝིཛཱཡིནཱི. ཝཉྫྷཱ ཨིཏྠཱི ཀུལཱུཔཀཾ བྷིཀྑུཾ ཨེཏདཝོཙ – ‘‘སཙེ སཱ, བྷནྟེ, ཝིཛཱཡིསྶཏི སབྦསྶ ཀུཊུམྦསྶ ཨིསྶརཱ བྷཝིསྶཏི. ཨིངྒྷཱཡྻ, ཏསྶཱ གབྦྷཔཱཏནཾ ཛཱནཱཧཱི’’ཏི ¶ .‘‘སུཊྛུ, བྷགིནཱི’’ཏི ཏསྶཱ གབྦྷཔཱཏནཾ ཨདཱསི. དཱརཀོ ཀཱལམཀཱསི, མཱཏཱ ན ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརསྶ པུརིསསྶ དྭེ པཛཱཔཏིཡོ ཧོནྟི – ཨེཀཱ ཝཉྫྷཱ, ཨེཀཱ ཝིཛཱཡིནཱི. ཝཉྫྷཱ ཨིཏྠཱི ཀུལཱུཔཀཾ བྷིཀྑུཾ ཨེཏདཝོཙ – ‘‘སཙེ སཱ, བྷནྟེ, ཝིཛཱཡིསྶཏི སབྦསྶ ཀུཊུམྦསྶ ཨིསྶརཱ བྷཝིསྶཏི. ཨིངྒྷཱཡྻ, ཏསྶཱ གབྦྷཔཱཏནཾ ཛཱནཱཧཱི’’ཏི. ‘‘སུཊྛུ, བྷགིནཱི’’ཏི ཏསྶཱ གབྦྷཔཱཏནཾ ཨདཱསི. མཱཏཱ ཀཱལམཀཱསི, དཱརཀོ ན ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ ¶ ; ཨཱཔཏྟི ཐུལླཙྩཡསྶཱ’’ཏི.

ཏེན ¶ ཁོ པན སམཡེན ཨཉྙཏརསྶ པུརིསསྶ དྭེ པཛཱཔཏིཡོ ཧོནྟི – ཨེཀཱ ཝཉྫྷཱ ¶ , ཨེཀཱ ཝིཛཱཡིནཱི. ཝཉྫྷཱ ཨིཏྠཱི ཀུལཱུཔཀཾ བྷིཀྑུཾ ཨེཏདཝོཙ – ‘‘སཙེ སཱ, བྷནྟེ, ཝིཛཱཡིསྶཏི སབྦསྶ ཀུཊུམྦསྶ ཨིསྶརཱ བྷཝིསྶཏི. ཨིངྒྷཱཡྻ, ཏསྶཱ གབྦྷཔཱཏནཾ ཛཱནཱཧཱི’’ཏི. ‘‘སུཊྛུ, བྷགིནཱི’’ཏི ཏསྶཱ གབྦྷཔཱཏནཾ ཨདཱསི. ཨུབྷོ ཀཱལམཀཾསུ…པེ… ཨུབྷོ ན ཀཱལམཀཾསུ. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

༡༨༧. ཏེན ཁོ པན སམཡེན ཨཉྙཏརཱ གབྦྷིནཱི ཨིཏྠཱི ཀུལཱུཔཀཾ བྷིཀྑུཾ ཨེཏདཝོཙ – ‘‘ཨིངྒྷཱཡྻ, གབྦྷཔཱཏནཾ ཛཱནཱཧཱི’’ཏི. ‘‘ཏེན ཧི, བྷགིནི, མདྡསྶཱུ’’ཏི. སཱ མདྡཱཔེཏྭཱ གབྦྷཾ པཱཏེསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརཱ གབྦྷིནཱི ཨིཏྠཱི ཀུལཱུཔཀཾ བྷིཀྑུཾ ཨེཏདཝོཙ – ‘‘ཨིངྒྷཱཡྻ, གབྦྷཔཱཏནཾ ཛཱནཱཧཱི’’ཏི. ‘‘ཏེན ཧི, བྷགིནི, ཏཱཔེཧཱི’’ཏི. སཱ ཏཱཔེཏྭཱ གབྦྷཾ པཱཏེསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརཱ ཝཉྫྷཱ ཨིཏྠཱི ཀུལཱུཔཀཾ བྷིཀྑུཾ ཨེཏདཝོཙ – ‘‘ཨིངྒྷཱཡྻ, བྷེསཛྫཾ ཛཱནཱཧི ཡེནཱཧཾ ཝིཛཱཡེཡྻ’’ནྟི. ‘‘སུཊྛུ, བྷགིནཱི’’ཏི ཏསྶཱ བྷེསཛྫཾ ཨདཱསི ¶ . སཱ ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརཱ ཝིཛཱཡིནཱི ཨིཏྠཱི ཀུལཱུཔཀཾ བྷིཀྑུཾ ཨེཏདཝོཙ – ‘‘ཨིངྒྷཱཡྻ, བྷེསཛྫཾ ཛཱནཱཧི ཡེནཱཧཾ ན ཝིཛཱཡེཡྻ’’ནྟི. ‘‘སུཊྛུ, བྷགིནཱི’’ཏི ཏསྶཱ བྷེསཛྫཾ ཨདཱསི. སཱ ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི ¶ , བྷིཀྑུ, པཱརཱཛིཀསྶ; ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ སཏྟརསཝགྒིཡཾ བྷིཀྑུཾ ཨངྒུལིཔཏོདཀེན ཧཱསེསུཾ. སོ བྷིཀྑུ ཨུཏྟནྟོ ཨནསྶཱསཀོ ཀཱལམཀཱསི. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, པཱརཱཛིཀསྶཱ’’ཏི [པཱརཱཛིཀསྶ, ཨཱཔཏྟི པཱཙིཏྟིཡསྶཱཏི (སྱཱ.)].

ཏེན ¶ ཁོ པན སམཡེན སཏྟརསཝགྒིཡཱ བྷིཀྑཱུ ཚབྦགྒིཡཾ བྷིཀྑུཾ ཀམྨཾ ཀརིསྶཱམཱཏི ཨོཏྠརིཏྭཱ མཱརེསུཾ. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, པཱརཱཛིཀསྶཱ’’ཏི.

ཏེན ཁོ པན སམཡེན ཨཉྙཏརོ བྷཱུཏཝེཛྫཀོ བྷིཀྑུ ཡཀྑཾ ཛཱིཝིཏཱ ཝོརོཔེསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཨཉྙཏརཾ བྷིཀྑུཾ ཝཱལ༹ཡཀྑཝིཧཱརཾ པཱཧེསི. ཏཾ ཡཀྑཱ ཛཱིཝིཏཱ ཝོརོཔེསུཾ. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ མརཎཱདྷིཔྤཱཡོ ཨཉྙཏརཾ བྷིཀྑུཾ ཝཱལ༹ཡཀྑཝིཧཱརཾ པཱཧེསི. ཏཾ ཡཀྑཱ ཛཱིཝིཏཱ ཝོརོཔེསུཾ…པེ… ཏཾ ཡཀྑཱ ཛཱིཝིཏཱ ན ཝོརོཔེསུཾ. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི ¶ .

ཏེན ¶ ཁོ པན སམཡེན ཨཉྙཏརོ བྷིཀྑུ ཨཉྙཏརཾ བྷིཀྑུཾ ཝཱལ༹ཀནྟཱརཾ པཱཧེསི ¶ . ཏཾ ཝཱལཱ༹ ཛཱིཝིཏཱ ཝོརོཔེསུཾ. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ མརཎཱདྷིཔྤཱཡོ ཨཉྙཏརཾ བྷིཀྑུཾ ཝཱལ༹ཀནྟཱརཾ པཱཧེསི. ཏཾ ཝཱལཱ༹ ཛཱིཝིཏཱ ཝོརོཔེསུཾ…པེ… ཏཾ ཝཱལཱ༹ ཛཱིཝིཏཱ ན ཝོརོཔེསུཾ. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཨཉྙཏརཾ བྷིཀྑུཾ ཙོརཀནྟཱརཾ པཱཧེསི. ཏཾ ཙོརཱ ཛཱིཝིཏཱ ཝོརོཔེསུཾ. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ མརཎཱདྷིཔྤཱཡོ ཨཉྙཏརཾ བྷིཀྑུཾ ཙོརཀནྟཱརཾ པཱཧེསི. ཏཾ ཙོརཱ ཛཱིཝིཏཱ ཝོརོཔེསུཾ…པེ… ཏཾ ཙོརཱ ཛཱིཝིཏཱ ན ཝོརོཔེསུཾ. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

༡༨༨. ཏེན ཁོ པན སམཡེན ཨཉྙཏརོ བྷིཀྑུ ཏཾ མཉྙམཱནོ ཏཾ ཛཱིཝིཏཱ ཝོརོཔེསི…པེ… ཏཾ མཉྙམཱནོ ཨཉྙཾ ཛཱིཝིཏཱ ཝོརོཔེསི…པེ… ཨཉྙཾ མཉྙམཱནོ ཏཾ ཛཱིཝིཏཱ ཝོརོཔེསི…པེ… ཨཉྙཾ ¶ མཉྙམཱནོ ཨཉྙཾ ཛཱིཝིཏཱ ཝོརོཔེསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ ཨམནུསྶེན གཧིཏོ ཧོཏི. ཨཉྙཏརོ བྷིཀྑུ ཏསྶ བྷིཀྑུནོ པཧཱརཾ ཨདཱསི. སོ བྷིཀྑུ ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ ¶ , ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཨམནུསྶེན གཧིཏོ ཧོཏི. ཨཉྙཏརོ བྷིཀྑུ མརཎཱདྷིཔྤཱཡོ ཏསྶ བྷིཀྑུནོ པཧཱརཾ ཨདཱསི. སོ བྷིཀྑུ ཀཱལམཀཱསི…པེ… སོ བྷིཀྑུ ན ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ¶ ཁོ པན སམཡེན ཨཉྙཏརོ བྷིཀྑུ ཀལྱཱཎཀམྨསྶ སགྒཀཐཾ ཀཐེསི. སོ ཨདྷིམུཏྟོ ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ མརཎཱདྷིཔྤཱཡོ ཀལྱཱཎཀམྨསྶ སགྒཀཐཾ ཀཐེསི. སོ ཨདྷིམུཏྟོ ཀཱལམཀཱསི…པེ… སོ ཨདྷིམུཏྟོ ན ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ནེརཡིཀསྶ ནིརཡཀཐཾ ཀཐེསི. སོ ཨུཏྟསིཏྭཱ ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ མརཎཱདྷིཔྤཱཡོ ནེརཡིཀསྶ ནིརཡཀཐཾ ཀཐེསི. སོ ཨུཏྟསིཏྭཱ ཀཱལམཀཱསི…པེ… སོ ཨུཏྟསིཏྭཱ ན ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

༡༨༩. ཏེན ཁོ པན སམཡེན ཨཱལ༹ཝཀཱ བྷིཀྑཱུ ནཝཀམྨཾ ཀརོནྟཱ རུཀྑཾ ཚིནྡནྟི. ཨཉྙཏརོ བྷིཀྑུ ཨཉྙཏརཾ བྷིཀྑུཾ ཨེཏདཝོཙ ¶ – ‘‘ཨཱཝུསོ, ཨཏྲཊྛིཏོ ཚིནྡཱཧཱི’’ཏི. ཏཾ ཏཏྲཊྛིཏཾ ཚིནྡནྟཾ རུཀྑོ ཨོཏྠརིཏྭཱ མཱརེསི ¶ . ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཱལ༹ཝཀཱ བྷིཀྑཱུ ནཝཀམྨཾ ཀརོནྟཱ རུཀྑཾ ཚིནྡནྟི. ཨཉྙཏརོ བྷིཀྑུ མརཎཱདྷིཔྤཱཡོ ཨཉྙཏརཾ བྷིཀྑུཾ ཨེཏདཝོཙ – ‘‘ཨཱཝུསོ, ཨཏྲཊྛིཏོ ཚིནྡཱཧཱི’’ཏི. ཏཾ ཏཏྲཊྛིཏཾ ཚིནྡནྟཾ རུཀྑོ ཨོཏྠརིཏྭཱ མཱརེསི…པེ… རུཀྑོ ཨོཏྠརིཏྭཱ ན མཱརེསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

༡༩༠. ཏེན ཁོ པན སམཡེན ཚབྦགྒིཡཱ བྷིཀྑཱུ དཱཡཾ ཨཱལིམྤེསུཾ [ཨཱལི༹མྤེསུཾ (སྱཱ. ཀ.)]; མནུསྶཱ དཌྜྷཱ ཀཱལམཀཾསུ. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, ནམརཎཱདྷིཔྤཱཡསྶཱ’’ཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ མརཎཱདྷིཔྤཱཡཱ དཱཡཾ ཨཱལིམྤེསུཾ. མནུསྶཱ དཌྜྷཱ ཀཱལམཀཾསུ…པེ… མནུསྶཱ དཌྜྷཱ ན ཀཱལམཀཾསུ. ཏེསཾ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑཝེ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

༡༩༡. ཏེན ¶ ཁོ པན སམཡེན ཨཉྙཏརོ བྷིཀྑུ ཨཱགྷཱཏནཾ གནྟྭཱ ཙོརགྷཱཏཾ ཨེཏདཝོཙ – ‘‘ཨཱཝུསོ, མཱཡིམཾ ཀིལམེསི. ཨེཀེན པཧཱརེན ཛཱིཝིཏཱ ཝོརོཔེཧཱི’’ཏི. ‘‘སུཊྛུ, བྷནྟེ’’ཏི ཨེཀེན པཧཱརེན ཛཱིཝིཏཱ ཝོརོཔེསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ ཨཱགྷཱཏནཾ གནྟྭཱ ཙོརགྷཱཏཾ ཨེཏདཝོཙ – ‘‘ཨཱཝུསོ, མཱཡིམཾ ཀིལམེསི ¶ . ཨེཀེན པཧཱརེན ཛཱིཝིཏཱ ཝོརོཔེཧཱི’’ཏི. སོ – ‘‘ནཱཧཾ ཏུཡ྄ཧཾ ཝཙནཾ ཀརིསྶཱམཱི’’ཏི ཏཾ ཛཱིཝིཏཱ ཝོརོཔེསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི དུཀྐཊསྶཱ’’ཏི.

༡༩༢. ཏེན ཁོ པན སམཡེན ཨཉྙཏརོ པུརིསོ ཉཱཏིགྷརེ ཧཏྠཔཱདཙྪིནྣོ ཉཱཏཀེཧི སམྤརིཀིཎྞོ ཧོཏི. ཨཉྙཏརོ བྷིཀྑུ ཏེ མནུསྶེ ཨེཏདཝོཙ – ‘‘ཨཱཝུསོ, ཨིཙྪཐ ཨིམསྶ མརཎ’’ནྟི? ‘‘ཨཱམ, བྷནྟེ, ཨིཙྪཱམཱ’’ཏི. ‘‘ཏེན ཧི ཏཀྐཾ པཱཡེཐཱ’’ཏི. ཏེ ཏཾ ཏཀྐཾ པཱཡེསུཾ. སོ ¶ ཀཱལམཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ པུརིསོ ཀུལགྷརེ ཧཏྠཔཱདཙྪིནྣོ ཉཱཏཀེཧི སམྤརིཀིཎྞོ ཧོཏི. ཨཉྙཏརཱ བྷིཀྑུནཱི ཏེ མནུསྶེ ཨེཏདཝོཙ – ‘‘ཨཱཝུསོ, ཨིཙྪཐ ཨིམསྶ མརཎ’’ནྟི? ‘‘ཨཱམཡྻེ, ཨིཙྪཱམཱ’’ཏི. ‘‘ཏེན ཧི ལོཎསོཝཱིརཀཾ པཱཡེཐཱ’’ཏི. ཏེ ཏཾ ལོཎསོཝཱིརཀཾ པཱཡེསུཾ. སོ ཀཱལམཀཱསི. ཏསྶཱ ཀུཀྐུཙྩཾ ཨཧོསི. ཨཐ ཁོ སཱ བྷིཀྑུནཱི བྷིཀྑུནཱིནཾ ཨེཏམཏྠཾ ཨཱརོཙེསི. བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ. བྷིཀྑཱུ ¶ བྷགཝཏོ ཨེཏམཏྠཾ ཨཱརོཙེསུཾ. ‘‘ཨཱཔཏྟིཾ སཱ, བྷིཀྑཝེ, བྷིཀྑུནཱི ཨཱཔནྣཱ པཱརཱཛིཀ’’ནྟི.

ཏཏིཡཔཱརཱཛིཀཾ སམཏྟཾ.

༤. ཙཏུཏྠཔཱརཱཛིཀཾ

༡༩༣. [ཨིདཾ ཝཏྠུ པཱཙི. ༦༧] ཏེན ¶ ¶ སམཡེན བུདྡྷོ བྷགཝཱ ཝེསཱལིཡཾ ཝིཧརཏི མཧཱཝནེ ཀཱུཊཱགཱརསཱལཱཡཾ. ཏེན ཁོ པན སམཡེན སམྦཧུལཱ སནྡིཊྛཱ སམྦྷཏྟཱ བྷིཀྑཱུ ཝགྒུམུདཱཡ ནདིཡཱ ཏཱིརེ ཝསྶཾ ཨུཔགཙྪིཾསུ. ཏེན ཁོ པན སམཡེན ཝཛྫཱི དུབྦྷིཀྑཱ ཧོཏི དྭཱིཧིཏིཀཱ སེཏཊྛིཀཱ སལཱཀཱཝུཏྟཱ, ན སུཀརཱ ཨུཉྪེན པགྒཧེན ཡཱཔེཏུཾ. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘ཨེཏརཧི ཁོ ཝཛྫཱི དུབྦྷིཀྑཱ དྭཱིཧིཏིཀཱ སེཏཊྛིཀཱ སལཱཀཱཝུཏྟཱ, ན སུཀརཱ ཨུཉྪེན པགྒཧེན ཡཱཔེཏུཾ. ཀེན ནུ ཁོ མཡཾ ཨུཔཱཡེན སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསེཡྻཱམ, ན ཙ པིཎྜཀེན ཀིལམེཡྻཱམཱ’’ཏི? ཨེཀཙྩེ ཨེཝམཱཧཾསུ – ‘‘ཧནྡ མཡཾ, ཨཱཝུསོ, གིཧཱིནཾ ཀམྨནྟཾ ཨདྷིཊྛེམ, ཨེཝཾ ཏེ ཨམྷཱཀཾ དཱཏུཾ མཉྙིསྶནྟི. ཨེཝཾ མཡཾ སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསིསྶཱམ, ན ཙ པིཎྜཀེན ཀིལམིསྶཱམཱ’’ཏི. ཨེཀཙྩེ ཨེཝམཱཧཾསུ – ‘‘ཨལཾ, ཨཱཝུསོ, ཀིཾ གིཧཱིནཾ ¶ ཀམྨནྟཾ ཨདྷིཊྛིཏེན! ཧནྡ མཡཾ ¶ , ཨཱཝུསོ, གིཧཱིནཾ དཱུཏེཡྻཾ ཧརཱམ, ཨེཝཾ ཏེ ཨམྷཱཀཾ དཱཏུཾ མཉྙིསྶནྟི. ཨེཝཾ མཡཾ སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསིསྶཱམ, ན ཙ པིཎྜཀེན ཀིལམིསྶཱམཱ’’ཏི. ཨེཀཙྩེ ཨེཝམཱཧཾསུ – ‘‘ཨལཾ, ཨཱཝུསོ, ཀིཾ གིཧཱིནཾ ཀམྨནྟཾ ཨདྷིཊྛིཏེན! ཀིཾ གིཧཱིནཾ དཱུཏེཡྻཾ ཧཊེན! ཧནྡ མཡཾ, ཨཱཝུསོ, གིཧཱིནཾ ཨཉྙམཉྙསྶ ཨུཏྟརིམནུསྶདྷམྨསྶ ཝཎྞཾ བྷཱསིསྶཱམ – ‘ཨསུཀོ བྷིཀྑུ པཋམསྶ ཛྷཱནསྶ ལཱབྷཱི, ཨསུཀོ བྷིཀྑུ དུཏིཡསྶ ཛྷཱནསྶ ལཱབྷཱི, ཨསུཀོ བྷིཀྑུ ཏཏིཡསྶ ཛྷཱནསྶ ལཱབྷཱི, ཨསུཀོ བྷིཀྑུ ཙཏུཏྠསྶ ཛྷཱནསྶ ལཱབྷཱི, ཨསུཀོ བྷིཀྑུ སོཏཱཔནྣོ, ཨསུཀོ བྷིཀྑུ སཀདཱགཱམཱི, ཨསུཀོ བྷིཀྑུ ཨནཱགཱམཱི, ཨསུཀོ བྷིཀྑུ ཨརཧཱ, ཨསུཀོ བྷིཀྑུ ཏེཝིཛྫོ, ཨསུཀོ བྷིཀྑུ ཚལ༹བྷིཉྙོ’ཏི. ཨེཝཾ ཏེ ཨམྷཱཀཾ དཱཏུཾ མཉྙིསྶནྟི. ཨེཝཾ མཡཾ སམགྒཱ སམྨོདམཱནཱ ¶ ཨཝིཝདམཱནཱ ཕཱསུཀཾ ཝསྶཾ ཝསིསྶཱམ, ན ཙ པིཎྜཀེན ཀིལམིསྶཱམཱ’’ཏི. ‘‘ཨེསོཡེཝ ཁོ, ཨཱཝུསོ, སེཡྻོ ཡོ ཨམྷཱཀཾ གིཧཱིནཾ ཨཉྙམཉྙསྶ ཨུཏྟརིམནུསྶདྷམྨསྶ ཝཎྞོ བྷཱསིཏོ’’ཏི.

༡༩༤. ¶ ཨཐ ཁོ ཏེ བྷིཀྑཱུ གིཧཱིནཾ ཨཉྙམཉྙསྶ ཨུཏྟརིམནུསྶདྷམྨསྶ ཝཎྞཾ བྷཱསིཾསུ – ‘‘ཨསུཀོ བྷིཀྑུ པཋམསྶ ཛྷཱནསྶ ལཱབྷཱི…པེ… ཨསུཀོ བྷིཀྑུ ཚལ༹བྷིཉྙོ’’ཏི. ཨཐ ཁོ ཏེ མནུསྶཱ – ‘‘ལཱབྷཱ ཝཏ ནོ, སུལདྡྷཾ ཝཏ ནོ, ཡེསཾ ཝཏ ནོ ཨེཝརཱུཔཱ བྷིཀྑཱུ ཝསྶཾ ཨུཔགཏཱ; ན ཝཏ ནོ ཨིཏོ པུབྦེ ཨེཝརཱུཔཱ བྷིཀྑཱུ ཝསྶཾ ཨུཔགཏཱ ཡཐཡིམེ བྷིཀྑཱུ སཱིལཝནྟོ ཀལྱཱཎདྷམྨཱ’’ཏི, ཏེ ན ཏཱདིསཱནི བྷོཛནཱནི ཨཏྟནཱ པརིབྷུཉྫནྟི མཱཏཱཔིཏཱུནཾ དེནྟི པུཏྟདཱརསྶ དེནྟི དཱསཀམྨཀརཔོརིསསྶ དེནྟི མིཏྟཱམཙྩཱནཾ དེནྟི ཉཱཏིསཱལོཧིཏཱནཾ དེནྟི, ཡཱདིསཱནི བྷིཀྑཱུནཾ ¶ དེནྟི. ཏེ ན ཏཱདིསཱནི ཁཱདནཱིཡཱནི སཱཡནཱིཡཱནི པཱནཱནི ཨཏྟནཱ ཁཱདནྟི སཱཡནྟི པིཝནྟི མཱཏཱཔིཏཱུནཾ དེནྟི པུཏྟདཱརསྶ དེནྟི དཱསཀམྨཀརཔོརིསསྶ དེནྟི མིཏྟཱམཙྩཱནཾ དེནྟི ཉཱཏིསཱལོཧིཏཱནཾ དེནྟི, ཡཱདིསཱནི བྷིཀྑཱུནཾ དེནྟི. ཨཐ ཁོ ཏེ བྷིཀྑཱུ ཝཎྞཝཱ ཨཧེསུཾ པཱིཎིནྡྲིཡཱ པསནྣམུཁཝཎྞཱ ཝིཔྤསནྣཚཝིཝཎྞཱ.

ཨཱཙིཎྞཾ ཁོ པནེཏཾ ཝསྶཾཝུཊྛཱནཾ བྷིཀྑཱུནཾ བྷགཝནྟཾ དསྶནཱཡ ཨུཔསངྐམིཏུཾ. ཨཐ ཁོ ཏེ བྷིཀྑཱུ ཝསྶཾཝུཊྛཱ ཏེམཱསཙྩཡེན སེནཱསནཾ སཾསཱམེཏྭཱ པཏྟཙཱིཝརཾ ཨཱདཱཡ ཡེན ཝེསཱལཱི ཏེན པཀྐམིཾསུ. ཨནུཔུབྦེན ཡེན ཝེསཱལཱི མཧཱཝནཾ ཀཱུཊཱགཱརསཱལཱ ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ.

ཏེན ¶ ཁོ པན སམཡེན དིསཱསུ ཝསྶཾཝུཊྛཱ བྷིཀྑཱུ ཀིསཱ ཧོནྟི ལཱུཁཱ དུབྦཎྞཱ ཨུཔྤཎྜུཔྤཎྜུཀཛཱཏཱ དྷམནིསནྠཏགཏྟཱ; ཝགྒུམུདཱཏཱིརིཡཱ པན བྷིཀྑཱུ ཝཎྞཝཱ ཧོནྟི པཱིཎིནྡྲིཡཱ པསནྣམུཁཝཎྞཱ ¶ ཝིཔྤསནྣཚཝིཝཎྞཱ. ཨཱཙིཎྞཾ ཁོ པནེཏཾ བུདྡྷཱནཾ བྷགཝནྟཱནཾ ཨཱགནྟུཀེཧི བྷིཀྑཱུཧི སདྡྷིཾ པཊིསམྨོདིཏུཾ. ཨཐ ཁོ བྷགཝཱ ཝགྒུམུདཱཏཱིརིཡེ བྷིཀྑཱུ ཨེཏདཝོཙ – ‘‘ཀཙྩི, བྷིཀྑཝེ, ཁམནཱིཡཾ ཀཙྩི ཡཱཔནཱིཡཾ ཀཙྩི སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསིཏྠ ན ཙ པིཎྜཀེན ཀིལམིཏྠཱ’’ཏི? ‘‘ཁམནཱིཡཾ, བྷགཝཱ, ཡཱཔནཱིཡཾ, བྷགཝཱ. སམགྒཱ ཙ མཡཾ, བྷནྟེ, སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསིམྷཱ, ན ཙ པིཎྜཀེན ཀིལམིམྷཱ’’ཏི. ཛཱནནྟཱཔི ཏཐཱགཏཱ པུཙྪནྟི, ཛཱནནྟཱཔི ¶ ན པུཙྪནྟི…པེ… དྭཱིཧཱཀཱརེཧི བུདྡྷཱ བྷགཝནྟོ བྷིཀྑཱུ པཊིཔུཙྪནྟི – དྷམྨཾ ཝཱ དེསེསྶཱམ, སཱཝཀཱནཾ ཝཱ སིཀྑཱཔདཾ པཉྙཱཔེསྶཱམཱཏི. ཨཐ ཁོ བྷགཝཱ ཝགྒུམུདཱཏཱིརིཡེ བྷིཀྑཱུ ཨེཏདཝོཙ – ‘‘ཡཐཱ ཀཐཾ པན ཏུམྷེ, བྷིཀྑཝེ, སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསིཏྠ ན ཙ པིཎྜཀེན ཀིལམིཏྠཱ’’ཏི? ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ ¶ – ‘‘ཀཙྩི པན ཝོ, བྷིཀྑཝེ, བྷཱུཏ’’ནྟི? ‘‘ཨབྷཱུཏཾ, བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིསཱ, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏུམྷེ, མོགྷཔུརིསཱ, ཨུདརསྶ ཀཱརཎཱ གིཧཱིནཾ ཨཉྙམཉྙསྶ ཨུཏྟརིམནུསྶདྷམྨསྶ ཝཎྞཾ བྷཱསིསྶཐ! ཝརཾ ཏུམྷེཧི, མོགྷཔུརིསཱ, ཏིཎྷེན གོཝིཀནྟནེན ¶ [གོཝིཀཏྟནེན (སཱི. ཀ.)] ཀུཙྪིཾ པརིཀནྟོ, ན ཏྭེཝ ཨུདརསྶ ཀཱརཎཱ གིཧཱིནཾ ཨཉྙམཉྙསྶ ཨུཏྟརིམནུསྶདྷམྨསྶ ཝཎྞོ བྷཱསིཏོ! ཏཾ ཀིསྶ ཧེཏུ? ཏཏོ ནིདཱནཉྷི, མོགྷཔུརིསཱ, མརཎཾ ཝཱ ནིགཙྪེཡྻ མརཎམཏྟཾ ཝཱ དུཀྑཾ, ན ཏྭེཝ ཏཔྤཙྩཡཱ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫེཡ. ཨིཏོ ནིདཱནཉྩ ཁོ, མོགྷཔུརིསཱ, ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫེཡྻ. ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ’’…པེ… ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༡༩༥. ‘‘པཉྩིམེ, བྷིཀྑཝེ, མཧཱཙོརཱ སནྟོ སཾཝིཛྫམཱནཱ ལོཀསྨིཾ. ཀཏམེ པཉྩ? ཨིདྷ, བྷིཀྑཝེ, ཨེཀཙྩསྶ མཧཱཙོརསྶ ཨེཝཾ ཧོཏི – ‘ཀུདཱསྶུ ནཱམཱཧཾ སཏེན ཝཱ སཧསྶེན ཝཱ པརིཝུཏོ གཱམནིགམརཱཛདྷཱནཱིསུ ¶ ཨཱཧིཎྜིསྶཱམི ཧནནྟོ གྷཱཏེནྟོ ཚིནྡནྟོ ཚེདཱཔེནྟོ པཙནྟོ པཱཙེནྟོ’ཏི! སོ ཨཔརེན སམཡེན སཏེན ཝཱ སཧསྶེན ཝཱ པརིཝུཏོ གཱམནིགམརཱཛདྷཱནཱིསུ ཨཱཧིཎྜཏི ཧནནྟོ གྷཱཏེནྟོ ཚིནྡནྟོ ཚེདཱཔེནྟོ པཙནྟོ པཱཙེནྟོ. ཨེཝམེཝ ཁོ, བྷིཀྑཝེ, ཨིདྷེཀཙྩསྶ པཱཔབྷིཀྑུནོ ཨེཝཾ ཧོཏི – ‘ཀུདཱསྶུ ནཱམཱཧཾ སཏེན ཝཱ སཧསྶེན ཝཱ པརིཝུཏོ གཱམནིགམརཱཛདྷཱནཱིསུ ཙཱརིཀཾ ཙརིསྶཱམི སཀྐཏོ གརུཀཏོ མཱནིཏོ པཱུཛིཏོ ཨཔཙིཏོ གཧཊྛཱནཉྩེཝ པབྦཛིཏཱནཉྩ, ལཱབྷཱི ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརཱན’ནྟི ¶ ! སོ ཨཔརེན སམཡེན སཏེན ཝཱ སཧསྶེན ཝཱ པརིཝུཏོ གཱམནིགམརཱཛདྷཱནཱིསུ ཙཱརིཀཾ ཙརཏི སཀྐཏོ གརུཀཏོ མཱནིཏོ པཱུཛིཏོ ཨཔཙིཏོ ¶ གཧཊྛཱནཉྩེཝ པབྦཛིཏཱནཉྩ, ལཱབྷཱི ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརཱནཾ. ཨཡཾ, བྷིཀྑཝེ, པཋམོ མཧཱཙོརོ སནྟོ སཾཝིཛྫམཱནོ ལོཀསྨིཾ.

‘‘པུན ཙཔརཾ, བྷིཀྑཝེ, ཨིདྷེཀཙྩོ པཱཔབྷིཀྑུ ཏཐཱགཏཔྤཝེདིཏཾ དྷམྨཝིནཡཾ པརིཡཱཔུཎིཏྭཱ ཨཏྟནོ དཧཏི. ཨཡཾ, བྷིཀྑཝེ, དུཏིཡོ མཧཱཙོརོ སནྟོ སཾཝིཛྫམཱནོ ལོཀསྨིཾ.

‘‘པུན ཙཔརཾ, བྷིཀྑཝེ, ཨིདྷེཀཙྩོ པཱཔབྷིཀྑུ སུདྡྷཾ བྲཧྨཙཱརིཾ པརིསུདྡྷཾ བྲཧྨཙརིཡཾ ཙརནྟཾ ¶ ཨམཱུལཀེན ཨབྲཧྨཙརིཡེན ཨནུདྡྷཾསེཏི. ཨཡཾ, བྷིཀྑཝེ, ཏཏིཡོ མཧཱཙོརོ སནྟོ སཾཝིཛྫམཱནོ ལོཀསྨིཾ.

‘‘པུན ཙཔརཾ, བྷིཀྑཝེ, ཨིདྷེཀཙྩོ པཱཔབྷིཀྑུ ཡཱནི ཏཱནི སངྒྷསྶ གརུབྷཎྜཱནི གརུཔརིཀྑཱརཱནི, སེཡྻཐིདཾ – ཨཱརཱམོ ཨཱརཱམཝཏྠུ ཝིཧཱརོ ཝིཧཱརཝཏྠུ མཉྩོ པཱིཋཾ བྷིསི བིམྦོཧནཾ [བིམྦོཧནཾ (སཱི. སྱཱ.)] ལོཧཀུམྦྷཱི ལོཧབྷཱཎཀཾ ལོཧཝཱརཀོ ལོཧཀཊཱཧཾ ཝཱསཱི པརསུ [ཕརསུ (སཱི. སྱཱ.)] ཀུཋཱརཱི ཀུདཱལོ ནིཁཱདནཾ ཝལླི ཝེལུ༹ མུཉྫཾ པབྦཛཾ ཏིཎཾ མཏྟིཀཱ དཱརུབྷཎྜཾ མཏྟིཀཱབྷཎྜཾ, ཏེཧི གིཧཱིཾ སངྒཎྷཱཏི ཨུཔལཱཔེཏི. ཨཡཾ, བྷིཀྑཝེ, ཙཏུཏྠོ མཧཱཙོརོ སནྟོ སཾཝིཛྫམཱནོ ལོཀསྨིཾ.

‘‘སདེཝཀེ, བྷིཀྑཝེ, ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ཨཡཾ ཨགྒོ མཧཱཙོརོ ཡོ ཨསནྟཾ ཨབྷཱུཏཾ ཨུཏྟརིམནུསྶདྷམྨཾ ¶ ཨུལླཔཏི. ཏཾ ཀིསྶ ཧེཏུ? ཐེཡྻཱཡ ཝོ, བྷིཀྑཝེ, རཊྛཔིཎྜོ བྷུཏྟོ’’ཏི.

[སཾ. ནི. ༡.༣༥] ཨཉྙཐཱ ¶ སནྟམཏྟཱནཾ, ཨཉྙཐཱ ཡོ པཝེདཡེ;

ནིཀཙྩ ཀིཏཝསྶེཝ, བྷུཏྟཾ ཐེཡྻེན ཏསྶ ཏཾ.

[དྷ. པ. ༣༠༧ དྷམྨཔདེཔི] ཀཱསཱཝཀཎྛཱ བཧཝོ, པཱཔདྷམྨཱ ཨསཉྙཏཱ;

པཱཔཱ པཱཔེཧི ཀམྨེཧི, ནིརཡཾ ཏེ ཨུཔཔཛྫརེ.

[དྷ. པ. ༣༠༧ དྷམྨཔདེཔི] སེཡྻོ ཨཡོགུལོ༹ བྷུཏྟོ, ཏཏྟོ ཨགྒིསིཁཱུཔམོ;

ཡཉྩེ བྷུཉྫེཡྻ དུསྶཱིལོ, རཊྛཔིཎྜཾ ཨསཉྙཏོཏི.

ཨཐ ཁོ བྷགཝཱ ཏེ ཝགྒུམུདཱཏཱིརིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ དུབྦྷརཏཱཡ དུཔྤོསཏཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ ཨནབྷིཛཱནཾ ཨུཏྟརིམནུསྶདྷམྨཾ ཨཏྟུཔནཱཡིཀཾ ཨལམརིཡཉཱཎདསྶནཾ སམུདཱཙརེཡྻ – ‘ཨིཏི ཛཱནཱམི ཨིཏི པསྶཱམཱི’ཏི, ཏཏོ ཨཔརེན སམཡེན སམནུགྒཱཧཱིཡམཱནོ ཝཱ ཨསམནུགྒཱཧཱིཡམཱནོ ཝཱ ཨཱཔནྣོ ཝིསུདྡྷཱཔེཀྑོ ཨེཝཾ ཝདེཡྻ – ‘ཨཛཱནམེཝཾ, ཨཱཝུསོ, ཨཝཙཾ ཛཱནཱམི ¶ ¶ , ཨཔསྶཾ པསྶཱམི. ཏུཙྪཾ མུསཱ ཝིལཔི’ནྟི, ཨཡམྤི པཱརཱཛིཀོ ཧོཏི ཨསཾཝཱསོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༡༩༦. ཏེན ཁོ པན སམཡེན སམྦཧུལཱ བྷིཀྑཱུ ཨདིཊྛེ དིཊྛསཉྙིནོ ཨཔཏྟེ པཏྟསཉྙིནོ ཨནདྷིགཏེ ཨདྷིགཏསཉྙིནོ ཨསཙྪིཀཏེ སཙྪིཀཏསཉྙིནོ ¶ ཨདྷིམཱནེན ཨཉྙཾ བྱཱཀརིཾསུ. ཏེསཾ ཨཔརེན སམཡེན རཱགཱཡཔི ཙིཏྟཾ ནམཏི དོསཱཡཔི ཙིཏྟཾ ནམཏི མོཧཱཡཔི ཙིཏྟཾ ནམཏི. ཏེསཾ ཀུཀྐུཙྩཾ ཨཧོསི – ‘‘བྷགཝཏཱ སིཀྑཱཔདཾ པཉྙཏྟཾ. མཡཉྩམྷ ཨདིཊྛེ དིཊྛསཉྙིནོ ཨཔཏྟེ པཏྟསཉྙིནོ ཨནདྷིགཏེ ཨདྷིགཏསཉྙིནོ ཨསཙྪིཀཏེ སཙྪིཀཏསཉྙིནོ, ཨདྷིམཱནེན ཨཉྙཾ བྱཱཀརིམྷཱ. ཀཙྩི ནུ ཁོ མཡཾ པཱརཱཛིཀཾ ཨཱཔཏྟིཾ ཨཱཔནྣཱ’’ཏི? ཏེ ཨཱཡསྨཏོ ཨཱནནྡསྶ ཨེཏམཏྠཾ ཨཱརོཙེསུཾ. ཨཱཡསྨཱ ཨཱནནྡོ བྷགཝཏོ ཨེཏམཏྠཾ ཨཱརོཙེསི. ‘‘ཧོནྟི ཡེ ཏེ, ཨཱནནྡ [ཧོནྟི ཡེཝཱནནྡ (སྱཱ.), ཧོནྟི ཏེ ཨཱནནྡ (སཱི.)], བྷིཀྑཱུ ཨདིཊྛེ དིཊྛསཉྙིནོ ཨཔཏྟེ པཏྟསཉྙིནོ ཨནདྷིགཏེ ཨདྷིགཏསཉྙིནོ ཨསཙྪིཀཏེ སཙྪིཀཏསཉྙིནོ ཨདྷིམཱནེན ཨཉྙཾ བྱཱཀརོནྟི. ཏཉྩ ཁོ ཨེཏཾ ཨབྦོཧཱརིཀ’’ནྟི.

‘‘ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༩༧. ‘‘ཡོ ¶ པན བྷིཀྑུ ཨནབྷིཛཱནཾ ཨུཏྟརིམནུསྶདྷམྨཾ ཨཏྟུཔནཱཡིཀཾ ཨལམརིཡཉཱཎདསྶནཾ སམུདཱཙརེཡྻ – ‘ཨིཏི ཛཱནཱམི ཨིཏི པསྶཱམཱི’ཏི, ཏཏོ ཨཔརེན སམཡེན སམནུགྒཱཧཱིཡམཱནོ ཝཱ ཨསམནུགྒཱཧཱིཡམཱནོ ཝཱ ཨཱཔནྣོ ཝིསུདྡྷཱཔེཀྑོ ཨེཝཾ ཝདེཡྻ – ‘ཨཛཱནམེཝཾ, ཨཱཝུསོ, ཨཝཙཾ ཛཱནཱམི, ཨཔསྶཾ པསྶཱམི. ཏུཙྪཾ མུསཱ ཝིལཔི’ནྟི, ཨཉྙཏྲ ཨདྷིམཱནཱ, ཨཡམྤི པཱརཱཛིཀོ ཧོཏི ཨསཾཝཱསོ’’ཏི.

༡༩༨. ཡོ པནཱཏི ¶ ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨནབྷིཛཱནནྟི ཨསནྟཾ ཨབྷཱུཏཾ ཨསཾཝིཛྫམཱནཾ ཨཛཱནནྟོ ཨཔསྶནྟོ ཨཏྟནི ཀུསལཾ དྷམྨཾ – ཨཏྠི མེ ཀུསལོ དྷམྨོཏི.

[པཱཙི. ༧༠] ཨུཏྟརིམནུསྶདྷམྨོ ¶ ནཱམ ཛྷཱནཾ ཝིམོཀྑོ [ཝིམོཀྑཾ (སཱི. སྱཱ.)] སམཱདྷི སམཱཔཏྟི ཉཱཎདསྶནཾ མགྒབྷཱཝནཱ ཕལསཙྪིཀིརིཡཱ ཀིལེསཔྤཧཱནཾ ཝིནཱིཝརཎཏཱ ཙིཏྟསྶ སུཉྙཱགཱརེ ཨབྷིརཏི.

ཨཏྟུཔནཱཡིཀནྟི ཏེ ཝཱ ཀུསལེ དྷམྨེ ཨཏྟནི ཨུཔནེཏི ཨཏྟཱནཾ ཝཱ ཏེསུ ཀུསལེསུ དྷམྨེསུ ཨུཔནེཏི.

ཉཱཎནྟི ཏིསྶོ ཝིཛྫཱ. དསྶནནྟི ཡཾ ཉཱཎཾ ཏཾ དསྶནཾ. ཡཾ དསྶནཾ ཏཾ ཉཱཎཾ.

སམུདཱཙརེཡྻཱཏི ¶ ཨཱརོཙེཡྻ ཨིཏྠིཡཱ ཝཱ པུརིསསྶ ཝཱ གཧཊྛསྶ ཝཱ པབྦཛིཏསྶ ཝཱ.

ཨིཏི ཛཱནཱམི ཨིཏི པསྶཱམཱིཏི ཛཱནཱམཧཾ ཨེཏེ དྷམྨེ, པསྶཱམཧཾ ཨེཏེ དྷམྨེ ཨཏྠི ཙ ཨེཏེ དྷམྨཱ མཡི, ཨཧཉྩ ཨེཏེསུ དྷམྨེསུ སནྡིསྶཱམཱིཏི.

ཏཏོ ཨཔརེན སམཡེནཱཏི ཡསྨིཾ ཁཎེ སམུདཱཙིཎྞཾ ཧོཏི ཏཾ ཁཎཾ ཏཾ ལཡཾ ཏཾ མུཧུཏྟཾ ཝཱིཏིཝཏྟེ.

སམནུགྒཱཧཱིཡམཱནོཏི ཡཾ ཝཏྠུ པཊིཉྙཱཏཾ ཧོཏི ཏསྨིཾ ཝཏྠུསྨིཾ སམནུགྒཱཧཱིཡམཱནོ – ‘‘ཀིནྟེ ཨདྷིགཏཾ, ཀིནྟི ཏེ ཨདྷིགཏཾ, ཀདཱ ཏེ ཨདྷིགཏཾ, ཀཏྠ ཏེ ཨདྷིགཏཾ, ཀཏམེ ཏེ ཀིལེསཱ པཧཱིནཱ, ཀཏམེསཾ ཏྭཾ དྷམྨཱནཾ ལཱབྷཱི’’ཏི.

ཨསམནུགྒཱཧཱིཡམཱནོཏི ¶ ན ཀེནཙི ཝུཙྩམཱནོ.

ཨཱཔནྣོཏི པཱཔིཙྪོ ཨིཙྪཱཔཀཏོ ¶ ཨསནྟཾ ཨབྷཱུཏཾ ཨུཏྟརིམནུསྶདྷམྨཾ ཨུལླཔིཏྭཱ པཱརཱཛིཀཾ ཨཱཔཏྟིཾ ཨཱཔནྣོ ཧོཏི.

ཝིསུདྡྷཱཔེཀྑོཏི གིཧཱི ཝཱ ཧོཏུཀཱམོ ཨུཔཱསཀོ ཝཱ ཧོཏུཀཱམོ ཨཱརཱམིཀོ ཝཱ ཧོཏུཀཱམོ སཱམཎེརོ ཝཱ ཧོཏུཀཱམོ.

ཨཛཱནམེཝཾ ¶ , ཨཱཝུསོ, ཨཝཙཾ – ཛཱནཱམི, ཨཔསྶཾ པསྶཱམཱིཏི ནཱཧཾ ཨེཏེ དྷམྨེ ཛཱནཱམི, ནཱཧཾ ཨེཏེ དྷམྨེ པསྶཱམི, ནཏྠི ཙ ཨེཏེ དྷམྨཱ མཡི, ན ཙཱཧཾ ཨེཏེསུ དྷམྨེསུ སནྡིསྶཱམཱིཏི.

ཏུཙྪཾ མུསཱ ཝིལཔིནྟི ཏུཙྪཀཾ མཡཱ བྷཎིཏཾ, མུསཱ མཡཱ བྷཎིཏཾ, ཨབྷཱུཏཾ མཡཱ བྷཎིཏཾ, ཨཛཱནནྟེན མཡཱ བྷཎིཏཾ.

ཨཉྙཏྲ ཨདྷིམཱནཱཏི ཋཔེཏྭཱ ཨདྷིམཱནཾ.

ཨཡམྤཱིཏི པུརིམེ ཨུཔཱདཱཡ ཝུཙྩཏི.

པཱརཱཛིཀོ ཧོཏཱིཏི སེཡྻཐཱཔི ནཱམ ཏཱལོ མཏྠཀཙྪིནྣོ ཨབྷབྦོ པུན ཝིརཱུལ༹ྷིཡཱ, ཨེཝམེཝ བྷིཀྑུ པཱཔིཙྪོ ཨིཙྪཱཔཀཏོ ཨསནྟཾ ཨབྷཱུཏཾ ཨུཏྟརིམནུསྶདྷམྨཾ ཨུལླཔིཏྭཱ ཨསྶམཎོ ཧོཏི ཨསཀྱཔུཏྟིཡོ. ཏེན ཝུཙྩཏི – ‘‘པཱརཱཛིཀོ ཧོཏཱི’’ཏི.

ཨསཾཝཱསོཏི སཾཝཱསོ ནཱམ ཨེཀཀམྨཾ ཨེཀུདྡེསོ སམསིཀྑཏཱ – ཨེསོ སཾཝཱསོ ནཱམ. སོ ཏེན སདྡྷིཾ ནཏྠི. ཏེན ཝུཙྩཏི – ‘‘ཨསཾཝཱསོ’’ཏི.

༡༩༩. ཨུཏྟརིམནུསྶདྷམྨོ ནཱམ ཛྷཱནཾ ཝིམོཀྑོ སམཱདྷི སམཱཔཏྟི ཉཱཎདསྶནཾ མགྒབྷཱཝནཱ ཕལསཙྪིཀིརིཡཱ ཀིལེསཔྤཧཱནཾ ཝིནཱིཝརཎཏཱ ཙིཏྟསྶ སུཉྙཱགཱརེ ཨབྷིརཏི.

[པཱཙི. ༧༠] ཛྷཱནནྟི པཋམཾ ཛྷཱནཾ དུཏིཡཾ ཛྷཱནཾ ¶ ཏཏིཡཾ ཛྷཱནཾ ཙཏུཏྠཾ ཛྷཱནཾ.

[པཱཙི. ༧༠] ཝིམོཀྑོཏི སུཉྙཏོ ཝིམོཀྑོ ཨནིམིཏྟོ ཝིམོཀྑོ ཨཔྤཎིཧིཏོ ཝིམོཀྑོ.

[པཱཙི. ༧༠] སམཱདྷཱིཏི ¶ སུཉྙཏོ སམཱདྷི ཨནིམིཏྟོ སམཱདྷི ཨཔྤཎིཧིཏོ སམཱདྷི.

[པཱཙི. ༧༠] སམཱཔཏྟཱིཏི ¶ སུཉྙཏཱ སམཱཔཏྟི ཨནིམིཏྟཱ སམཱཔཏྟི ཨཔྤཎིཧིཏཱ སམཱཔཏྟི.

[པཱཙི. ༧༠] ཉཱཎདསྶནནྟི ཏིསྶོ ཝིཛྫཱ.

[པཱཙི. ༧༠] མགྒབྷཱཝནཱཏི ¶ ཙཏྟཱརོ སཏིཔཊྛཱནཱ, ཙཏྟཱརོ སམྨཔྤདྷཱནཱ, ཙཏྟཱརོ ཨིདྡྷིཔཱདཱ, པཉྩིནྡྲིཡཱནི, པཉྩ བལཱནི, སཏྟ བོཛ྄ཛྷངྒཱ, ཨརིཡོ ཨཊྛངྒིཀོ མགྒོ.

[པཱཙི. ༧༠] ཕལསཙྪིཀིརིཡཱཏི སོཏཱཔཏྟིཕལསྶ སཙྪིཀིརིཡཱ, སཀདཱགཱམིཕལསྶ སཙྪིཀིརིཡཱ, ཨནཱགཱམིཕལསྶ སཙྪིཀིརིཡཱ, ཨརཧཏྟསྶ [ཨརཧཏྟཕལསྶ (སྱཱ.)] སཙྪིཀིརིཡཱ.

[པཱཙི. ༧༠] ཀིལེསཔྤཧཱནནྟི རཱགསྶ པཧཱནཾ དོསསྶ པཧཱནཾ མོཧསྶ པཧཱནཾ.

[པཱཙི. ༧༠] ཝིནཱིཝརཎཏཱ ཙིཏྟསྶཱཏི རཱགཱ ཙིཏྟཾ ཝིནཱིཝརཎཏཱ, དོསཱ ཙིཏྟཾ ཝིནཱིཝརཎཏཱ, མོཧཱ ཙིཏྟཾ ཝིནཱིཝརཎཏཱ.

[པཱཙི. ༧༠] སུཉྙཱགཱརེ ཨབྷིརཏཱིཏི པཋམེན ཛྷཱནེན སུཉྙཱགཱརེ ཨབྷིརཏི, དུཏིཡེན ཛྷཱནེན སུཉྙཱགཱརེ ཨབྷིརཏི, ཏཏིཡེན ཛྷཱནེན སུཉྙཱགཱརེ ཨབྷིརཏི, ཙཏུཏྠེན ཛྷཱནེན སུཉྙཱགཱརེ ཨབྷིརཏི.

༢༠༠. ཏཱིཧཱཀཱརེཧི པཋམཾ ཛྷཱནཾ སམཱཔཛྫིནྟི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ, པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི.

ཙཏཱུཧཱཀཱརེཧི པཋམཾ ཛྷཱནཾ སམཱཔཛྫིནྟི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ¶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ.

པཉྩཧཱཀཱརེཧི པཋམཾ ཛྷཱནཾ སམཱཔཛྫིནྟི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ ཝིནིདྷཱཡ ཁནྟིཾ.

ཚཧཱཀཱརེཧི ¶ པཋམཾ ཛྷཱནཾ སམཱཔཛྫིནྟི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ ¶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ.

སཏྟཧཱཀཱརེཧི པཋམཾ ཛྷཱནཾ སམཱཔཛྫིནྟི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

༢༠༡. ཏཱིཧཱཀཱརེཧི པཋམཾ ཛྷཱནཾ སམཱཔཛྫཱམཱིཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི.

ཙཏཱུཧཱཀཱརེཧི པཋམཾ ཛྷཱནཾ སམཱཔཛྫཱམཱིཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ.

པཉྩཧཱཀཱརེཧི ¶ པཋམཾ ཛྷཱནཾ སམཱཔཛྫཱམཱིཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ.

ཚཧཱཀཱརེཧི པཋམཾ ཛྷཱནཾ སམཱཔཛྫཱམཱིཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ.

སཏྟཧཱཀཱརེཧི པཋམཾ ཛྷཱནཾ སམཱཔཛྫཱམཱིཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

༢༠༢. ཏཱིཧཱཀཱརེཧི ¶ ¶ པཋམཾ ཛྷཱནཾ སམཱཔནྣོཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི.

ཙཏཱུཧཱཀཱརེཧི པཋམཾ ཛྷཱནཾ སམཱཔནྣོཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ.

པཉྩཧཱཀཱརེཧི པཋམཾ ཛྷཱནཾ སམཱཔནྣོཏི སམྤཛཱནམུསཱ བྷཎནྟསྶ ཨཱཔཏྟི ¶ པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ.

ཚཧཱཀཱརེཧི པཋམཾ ཛྷཱནཾ སམཱཔནྣོཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ.

སཏྟཧཱཀཱརེཧི པཋམཾ ཛྷཱནཾ སམཱཔནྣོཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

༢༠༣. ཏཱིཧཱཀཱརེཧི པཋམསྶ ཛྷཱནསྶ ལཱབྷཱིམྷཱིཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི.

ཙཏཱུཧཱཀཱརེཧི པཋམསྶ ཛྷཱནསྶ ལཱབྷཱིམྷཱིཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ.

པཉྩཧཱཀཱརེཧི ¶ ¶ པཋམསྶ ཛྷཱནསྶ ལཱབྷཱིམྷཱིཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི ¶ , བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ.

ཚཧཱཀཱརེཧི པཋམསྶ ཛྷཱནསྶ ལཱབྷཱིམྷཱིཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ.

སཏྟཧཱཀཱརེཧི པཋམསྶ ཛྷཱནསྶ ལཱབྷཱིམྷཱིཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

༢༠༤. ཏཱིཧཱཀཱརེཧི པཋམསྶ ཛྷཱནསྶ ཝསཱིམྷཱིཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི.

ཙཏཱུཧཱཀཱརེཧི པཋམསྶ ཛྷཱནསྶ ཝསཱིམྷཱིཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ.

པཉྩཧཱཀཱརེཧི པཋམསྶ ཛྷཱནསྶ ཝསཱིམྷཱིཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ ¶ དིཊྛིཾ, ཝིནིདྷཱཡ ཁནྟིཾ.

ཚཧཱཀཱརེཧི པཋམསྶ ཛྷཱནསྶ ཝསཱིམྷཱིཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ.

སཏྟཧཱཀཱརེཧི ¶ པཋམསྶ ཛྷཱནསྶ ཝསཱིམྷཱིཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

༢༠༥. ཏཱིཧཱཀཱརེཧི ¶ ¶ པཋམཾ ཛྷཱནཾ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི.

ཙཏཱུཧཱཀཱརེཧི པཋམཾ ཛྷཱནཾ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ.

པཉྩཧཱཀཱརེཧི པཋམཾ ཛྷཱནཾ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ.

ཚཧཱཀཱརེཧི པཋམཾ ཛྷཱནཾ ¶ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ.

སཏྟཧཱཀཱརེཧི པཋམཾ ཛྷཱནཾ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

ཡཐཱ ཨིདཾ པཋམཾ ཛྷཱནཾ ཝིཏྠཱརིཏཾ ཏཾ སབྦམྤི ཝིཏྠཱརེཏབྦཾ.

༢༠༦. ཏཱིཧཱཀཱརེཧི…པེ… སཏྟཧཱཀཱརེཧི དུཏིཡཾ ཛྷཱནཾ…པེ… ཏཏིཡཾ ཛྷཱནཾ…པེ… ཙཏུཏྠཾ ¶ ཛྷཱནཾ སམཱཔཛྫིཾ… སམཱཔཛྫཱམི… སམཱཔནྣོ… ཙཏུཏྠསྶ ¶ ཛྷཱནསྶ ལཱབྷཱིམྷི… ཝསཱིམྷི… ཙཏུཏྠཾ ཛྷཱནཾ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ. པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

༢༠༧. ཏཱིཧཱཀཱརེཧི སུཉྙཏཾ ཝིམོཀྑཾ… ཨནིམིཏྟཾ ཝིམོཀྑཾ… ཨཔྤཎིཧིཏཾ ཝིམོཀྑཾ… སམཱཔཛྫིཾ… སམཱཔཛྫཱམི… སམཱཔནྣོ… ཨཔྤཎིཧིཏསྶ ཝིམོཀྑསྶ ལཱབྷཱིམྷི… ཝསཱིམྷི… ཨཔྤཎིཧིཏོ ཝིམོཀྑོ སཙྪིཀཏོ མཡཱཏི སམྤཛཱནམུསཱ ¶ བྷཎནྟསྶ ཨཱཔཏྟི པཱརཱཛིཀསྶ…པེ….

ཏཱིཧཱཀཱརེཧི སུཉྙཏཾ སམཱདྷིཾ… ཨནིམིཏྟཾ སམཱདྷིཾ… ཨཔྤཎིཧིཏཾ སམཱདྷིཾ སམཱཔཛྫིཾ… སམཱཔཛྫཱམི… སམཱཔནྣོ… ཨཔྤཎིཧིཏསྶ སམཱདྷིསྶ ལཱབྷཱིམྷི… ཝསཱིམྷི… ཨཔྤཎིཧིཏོ སམཱདྷི སཙྪིཀཏོ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི སུཉྙཏཾ སམཱཔཏྟིཾ… ཨནིམིཏྟཾ སམཱཔཏྟིཾ… ཨཔྤཎིཧིཏཾ སམཱཔཏྟིཾ སམཱཔཛྫིཾ… སམཱཔཛྫཱམི… སམཱཔནྣོ… ཨཔྤཎིཧིཏཱཡ སམཱཔཏྟིཡཱ ལཱབྷཱིམྷི… ཝསཱིམྷི… ཨཔྤཎིཧིཏཱ སམཱཔཏྟི སཙྪིཀཏཱ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི ཏིསྶོ ཝིཛྫཱ སམཱཔཛྫིཾ… སམཱཔཛྫཱམི སམཱཔནྣོ… ཏིསྶནྣཾ ཝིཛྫཱནཾ ལཱབྷཱིམྷི… ཝསཱིམྷི… ཏིསྶོ ཝིཛྫཱ སཙྪིཀཏཱ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི ཙཏྟཱརོ སཏིཔཊྛཱནེ… ཙཏྟཱརོ སམྨཔྤདྷཱནེ… ཙཏྟཱརོ ཨིདྡྷིཔཱདེ སམཱཔཛྫིཾ… སམཱཔཛྫཱམི… སམཱཔནྣོ… ཙཏུནྣཾ ཨིདྡྷིཔཱདཱནཾ ལཱབྷཱིམྷི… ཝསཱིམྷི… ཙཏྟཱརོ ཨིདྡྷིཔཱདཱ སཙྪིཀཏཱ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི པཉྩིནྡྲིཡཱནི… པཉྩ བལཱནི སམཱཔཛྫིཾ… སམཱཔཛྫཱམི… སམཱཔནྣོ ¶ … པཉྩནྣཾ བལཱནཾ ལཱབྷཱིམྷི… ཝསཱིམྷི… པཉྩབལཱནི སཙྪིཀཏཱནི མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི ¶ སཏྟ བོཛ྄ཛྷངྒེ སམཱཔཛྫིཾ… སམཱཔཛྫཱམི… སམཱཔནྣོ… སཏྟནྣཾ བོཛ྄ཛྷངྒཱནཾ ལཱབྷཱིམྷི… ཝསཱིམྷི… སཏྟ བོཛ྄ཛྷངྒཱ སཙྪིཀཏཱ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི ¶ ཨརིཡཾ ཨཊྛངྒིཀཾ མགྒཾ སམཱཔཛྫིཾ… སམཱཔཛྫཱམི… སམཱཔནྣོ… ཨརིཡསྶ ཨཊྛངྒིཀསྶ མགྒསྶ ལཱབྷཱིམྷི… ཝསཱིམྷི… ཨརིཡོ ཨཊྛངྒིཀོ མགྒོ སཙྪིཀཏོ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི སོཏཱཔཏྟིཕལཾ… སཀདཱགཱམིཕལཾ… ཨནཱགཱམིཕལཾ… ཨརཧཏྟཾ སམཱཔཛྫིཾ… སམཱཔཛྫཱམི… སམཱཔནྣོ… ཨརཧཏྟསྶ ལཱབྷཱིམྷི ཝསཱིམྷི ཨརཧཏྟཾ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ ¶ .

ཏཱིཧཱཀཱརེཧི རཱགོ མེ ཙཏྟོ ཝནྟོ མུཏྟོ པཧཱིནོ པཊིནིསྶཊྛོ ཨུཀྑེཊིཏོ སམུཀྑེཊིཏོཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི དོསོ མེ ཙཏྟོ ཝནྟོ མུཏྟོ པཧཱིནོ པཊིནིསྶཊྛོ ཨུཀྑེཊིཏོ སམུཀྑེཊིཏོཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི མོཧོ མེ ཙཏྟོ ཝནྟོ མུཏྟོ པཧཱིནོ པཊིནིསྶཊྛོ ཨུཀྑེཊིཏོ སམུཀྑེཊིཏོཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི རཱགཱ མེ ཙིཏྟཾ ཝིནཱིཝརཎནྟི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི དོསཱ མེ ཙིཏྟཾ ཝིནཱིཝརཎནྟི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི ¶ …པེ… སཏྟཧཱཀཱརེཧི མོཧཱ མེ ཙིཏྟཾ ཝིནཱིཝརཎནྟི སམྤཛཱནམུསཱ བྷཎནྟསྶ ཨཱཔཏྟི ¶ པཱརཱཛིཀསྶ – པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

སུདྡྷིཀཾ ནིཊྛིཏཾ.

༢༠༨. ཏཱིཧཱཀཱརེཧི ¶ པཋམཉྩ ཛྷཱནཾ དུཏིཡཉྩ ཛྷཱནཾ སམཱཔཛྫིཾ… སམཱཔཛྫཱམི… སམཱཔནྣོ… པཋམསྶ ཙ ཛྷཱནསྶ དུཏིཡསྶ ཙ ཛྷཱནསྶ ལཱབྷཱིམྷི… ཝསཱིམྷི… པཋམཉྩ ཛྷཱནཾ དུཏིཡཉྩ ཛྷཱནཾ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ…པེ….

ཏཱིཧཱཀཱརེཧི པཋམཉྩ ཛྷཱནཾ ཏཏིཡཉྩ ཛྷཱནཾ སམཱཔཛྫིཾ… སམཱཔཛྫཱམི… སམཱཔནྣོ… པཋམསྶ ཙ ཛྷཱནསྶ ཏཏིཡསྶ ཙ ཛྷཱནསྶ ལཱབྷཱིམྷི… ཝསཱིམྷི… པཋམཉྩ ཛྷཱནཾ ཏཏིཡཉྩ ཛྷཱནཾ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི པཋམཉྩ ཛྷཱནཾ ཙཏུཏྠཉྩ ཛྷཱནཾ སམཱཔཛྫིཾ… སམཱཔཛྫཱམི… སམཱཔནྣོ… པཋམསྶ ཙ ཛྷཱནསྶ ཙཏུཏྠསྶ ཙ ཛྷཱནསྶ ལཱབྷཱིམྷི… ཝསཱིམྷི… པཋམཉྩ ཛྷཱནཾ ཙཏུཏྠཉྩ ཛྷཱནཾ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི པཋམཉྩ ཛྷཱནཾ སུཉྙཏཉྩ ཝིམོཀྑཾ… པཋམཉྩ ཛྷཱནཾ ཨནིམིཏྟཉྩ ཝིམོཀྑཾ… པཋམཉྩ ཛྷཱནཾ ཨཔྤཎིཧིཏཉྩ ཝིམོཀྑཾ སམཱཔཛྫིཾ… སམཱཔཛྫཱམི… སམཱཔནྣོ… པཋམསྶ ཙ ཛྷཱནསྶ ཨཔྤཎིཧིཏསྶ ཙ ཝིམོཀྑསྶ ལཱབྷཱིམྷི… ཝསཱིམྷི… པཋམཉྩ ཛྷཱནཾ ཨཔྤཎིཧིཏོ ¶ ཙ ཝིམོཀྑོ སཙྪིཀཏོ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི པཋམཉྩ ཛྷཱནཾ སུཉྙཏཉྩ སམཱདྷིཾ… པཋམཉྩ ཛྷཱནཾ ཨནིམིཏྟཉྩ སམཱདྷིཾ… པཋམཉྩ ཛྷཱནཾ ཨཔྤཎིཧིཏཉྩ སམཱདྷིཾ སམཱཔཛྫིཾ… སམཱཔཛྫཱམི… སམཱཔནྣོ པཋམསྶ ¶ ཙ ཛྷཱནསྶ ཨཔྤཎིཧིཏསྶ ཙ སམཱདྷིསྶ ལཱབྷཱིམྷི… ཝསཱིམྷི… པཋམཉྩ ཛྷཱནཾ ཨཔྤཎིཧིཏོ ཙ སམཱདྷི སཙྪིཀཏོ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི པཋམཉྩ ཛྷཱནཾ སུཉྙཏཉྩ སམཱཔཏྟིཾ… པཋམཉྩ ཛྷཱནཾ ཨནིམིཏྟཉྩ སམཱཔཏྟིཾ… པཋམཉྩ ཛྷཱནཾ ཨཔྤཎིཧིཏཉྩ སམཱཔཏྟིཾ སམཱཔཛྫིཾ… སམཱཔཛྫཱམི… སམཱཔནྣོ པཋམསྶ ཙ ཛྷཱནསྶ ཨཔྤཎིཧིཏཱཡ ཙ སམཱཔཏྟིཡཱ ལཱབྷཱིམྷི… ཝསཱིམྷི… པཋམཉྩ ཛྷཱནཾ ཨཔྤཎིཧིཏཱ ཙ སམཱཔཏྟི སཙྪིཀཏཱ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི པཋམཉྩ ཛྷཱནཾ ཏིསྶོ ཙ ཝིཛྫཱ སམཱཔཛྫིཾ… སམཱཔཛྫཱམི… སམཱཔནྣོ… པཋམསྶ ཙ ཛྷཱནསྶ ཏིསྶནྣཉྩ ཝིཛྫཱནཾ ལཱབྷཱིམྷི… ཝསཱིམྷི… པཋམཉྩ ཛྷཱནཾ ཏིསྶོ ཙ ཝིཛྫཱ སཙྪིཀཏཱ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི ¶ པཋམཉྩ ཛྷཱནཾ ཙཏྟཱརོ ཙ སཏིཔཊྛཱནེ… པཋམཉྩ ཛྷཱནཾ ཙཏྟཱརོ ཙ སམྨཔྤདྷཱནེ… པཋམཉྩ ཛྷཱནཾ ཙཏྟཱརོ ཙ ཨིདྡྷིཔཱདེ སམཱཔཛྫིཾ… སམཱཔཛྫཱམི… སམཱཔནྣོ… པཋམསྶ ཙ ཛྷཱནསྶ ¶ ཙཏུནྣཉྩ ཨིདྡྷིཔཱདཱནཾ ལཱབྷཱིམྷི… ཝསཱིམྷི… པཋམཉྩ ཛྷཱནཾ ཙཏྟཱརོ ཙ ཨིདྡྷིཔཱདཱ སཙྪིཀཏཱ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི པཋམཉྩ ཛྷཱནཾ པཉྩ ཙ ཨིནྡྲིཡཱནི… པཋམཉྩ ཛྷཱནཾ པཉྩ ཙ བལཱནི ¶ སམཱཔཛྫིཾ… སམཱཔཛྫཱམི… སམཱཔནྣོ… པཋམསྶ ཙ ཛྷཱནསྶ པཉྩནྣཉྩ བལཱནཾ ལཱབྷཱིམྷི… ཝསཱིམྷི… པཋམཉྩ ཛྷཱནཾ པཉྩ ཙ བལཱནི སཙྪིཀཏཱནི མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

༢༠༩. ཏཱིཧཱཀཱརེཧི པཋམཉྩ ཛྷཱནཾ སཏྟ ཙ བོཛ྄ཛྷངྒེ སམཱཔཛྫིཾ… སམཱཔཛྫཱམི… སམཱཔནྣོ… པཋམསྶ ཙ ཛྷཱནསྶ སཏྟནྣཉྩ བོཛ྄ཛྷངྒཱནཾ ལཱབྷཱིམྷི… ཝསཱིམྷི… པཋམཉྩ ཛྷཱནཾ སཏྟ ཙ བོཛ྄ཛྷངྒཱ སཙྪིཀཏཱ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི ¶ པཋམཉྩ ཛྷཱནཾ ཨརིཡཉྩ ཨཊྛངྒིཀཾ མགྒཾ སམཱཔཛྫིཾ… སམཱཔཛྫཱམི… སམཱཔནྣོ… པཋམསྶ ཙ ཛྷཱནསྶ ཨརིཡསྶ ཙ ཨཊྛངྒིཀསྶ མགྒསྶ ལཱབྷཱིམྷི ཝསཱིམྷི… པཋམཉྩ ཛྷཱནཾ ཨརིཡོ ཙ ཨཊྛངྒིཀོ མགྒོ སཙྪིཀཏོ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི པཋམཉྩ ཛྷཱནཾ སོཏཱཔཏྟིཕལཉྩ… པཋམཉྩ ཛྷཱནཾ སཀདཱགཱམིཕལཉྩ… པཋམཉྩ ཛྷཱནཾ ཨནཱགཱམིཕལཉྩ… པཋམཉྩ ཛྷཱནཾ ¶ ཨརཧཏྟཉྩ སམཱཔཛྫིཾ… སམཱཔཛྫཱམི… སམཱཔནྣོ… པཋམསྶ ཙ ཛྷཱནསྶ ཨརཧཏྟསྶ ཙ ལཱབྷཱིམྷི… ཝསཱིམྷི… པཋམཉྩ ཛྷཱནཾ ཨརཧཏྟཉྩ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི པཋམཉྩ ཛྷཱནཾ སམཱཔཛྫིཾ… སམཱཔཛྫཱམི… སམཱཔནྣོ… པཋམསྶ ཙ ཛྷཱནསྶ ལཱབྷཱིམྷི… ཝསཱིམྷི… པཋམཉྩ ཛྷཱནཾ སཙྪིཀཏཾ མཡཱ, རཱགོ ཙ མེ ཙཏྟོ… དོསོ ཙ མེ ཙཏྟོ… མོཧོ ཙ མེ ཙཏྟོ ཝནྟོ མུཏྟོ པཧཱིནོ པཊིནིསྶཊྛོ ཨུཀྑེཊིཏོ སམུཀྑེཊིཏོཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི…པེ… སཏྟཧཱཀཱརེཧི པཋམཉྩ ཛྷཱནཾ སམཱཔཛྫིཾ… སམཱཔཛྫཱམི… སམཱཔནྣོ… པཋམསྶ ཙ ཛྷཱནསྶ ལཱབྷཱིམྷི… ཝསཱིམྷི… པཋམཉྩ ཛྷཱནཾ སཙྪིཀཏཾ མཡཱ, རཱགཱ ཙ མེ ཙིཏྟཾ ཝིནཱིཝརཎཾ… དོསཱ ཙ མེ ཙིཏྟཾ ཝིནཱིཝརཎཾ… མོཧཱ ¶ ཙ མེ ཙིཏྟཾ ཝིནཱིཝརཎནྟི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ. པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

ཁཎྜཙཀྐཾ ནིཊྛིཏཾ.

༢༡༠. ཏཱིཧཱཀཱརེཧི ¶ དུཏིཡཉྩ ཛྷཱནཾ ཏཏིཡཉྩ ཛྷཱནཾ སམཱཔཛྫིཾ… སམཱཔཛྫཱམི… སམཱཔནྣོ… དུཏིཡསྶ ཙ ཛྷཱནསྶ ཏཏིཡསྶ ཙ ཛྷཱནསྶ ལཱབྷཱིམྷི… ཝསཱིམྷི… དུཏིཡཉྩ ཛྷཱནཾ ཏཏིཡཉྩ ཛྷཱནཾ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི ¶ དུཏིཡཉྩ ཛྷཱནཾ ཙཏུཏྠཉྩ ཛྷཱནཾ སམཱཔཛྫིཾ… སམཱཔཛྫཱམི… སམཱཔནྣོ… དུཏིཡསྶ ཙ ཛྷཱནསྶ ཙཏུཏྠསྶ ཙ ཛྷཱནསྶ ལཱབྷཱིམྷི… ཝསཱིམྷི… དུཏིཡཉྩ ཛྷཱནཾ ཙཏུཏྠཉྩ ཛྷཱནཾ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི དུཏིཡཉྩ ཛྷཱནཾ སུཉྙཏཉྩ ཝིམོཀྑཾ… ཨནིམིཏྟཉྩ ཝིམོཀྑཾ… ཨཔྤཎིཧིཏཉྩ ཝིམོཀྑཾ… སུཉྙཏཉྩ སམཱདྷིཾ… ཨནིམིཏྟཉྩ སམཱདྷིཾ… ཨཔྤཎིཧིཏཉྩ སམཱདྷིཾ… སུཉྙཏཉྩ སམཱཔཏྟིཾ… ཨནིམིཏྟཉྩ སམཱཔཏྟིཾ… ཨཔྤཎིཧིཏཉྩ སམཱཔཏྟིཾ… ཏིསྶོ ཙ ཝིཛྫཱ… ཙཏྟཱརོ ཙ སཏིཔཊྛཱནེ… ཙཏྟཱརོ ཙ སམྨཔྤདྷཱནེ… ཙཏྟཱརོ ཙ ཨིདྡྷིཔཱདེ… པཉྩ ཙ ཨིནྡྲིཡཱནི… པཉྩ ཙ བལཱནི… སཏྟ ཙ བོཛ྄ཛྷངྒེ… ཨརིཡཉྩ ཨཊྛངྒིཀཾ མགྒཾ… སོཏཱཔཏྟིཕལཉྩ… སཀདཱགཱམིཕལཉྩ… ཨནཱགཱམིཕལཉྩ… ཨརཧཏྟཉྩ སམཱཔཛྫིཾ… སམཱཔཛྫཱམི… སམཱཔནྣོ… དུཏིཡསྶ ཙ ཛྷཱནསྶ ཨརཧཏྟསྶ ཙ ལཱབྷཱིམྷི… ཝསཱིམྷི… དུཏིཡཉྩ ཛྷཱནཾ ཨརཧཏྟཉྩ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི དུཏིཡཉྩ ཛྷཱནཾ སམཱཔཛྫིཾ… སམཱཔཛྫཱམི… སམཱཔནྣོ… དུཏིཡསྶ ཙ ཛྷཱནསྶ ལཱབྷཱིམྷི… ཝསཱིམྷི… དུཏིཡཉྩ ཛྷཱནཾ སཙྪིཀཏཾ མཡཱ, རཱགོ ཙ ¶ མེ ཙཏྟོ… དོསོ ཙ མེ ཙཏྟོ… མོཧོ ཙ མེ ཙཏྟོ ཝནྟོ མུཏྟོ པཧཱིནོ པཊིནིསྶཊྛོ ཨུཀྑེཊིཏོ སམུཀྑེཊིཏོ. རཱགཱ ཙ མེ ཙིཏྟཾ ཝིནཱིཝརཎཾ… དོསཱ ཙ མེ ཙིཏྟཾ ཝིནཱིཝརཎཾ… མོཧཱ ཙ མེ ཙིཏྟཾ ཝིནཱིཝརཎནྟི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི ¶ …པེ… སཏྟཧཱཀཱརེཧི དུཏིཡཉྩ ཛྷཱནཾ པཋམཉྩ ཛྷཱནཾ སམཱཔཛྫིཾ… སམཱཔཛྫཱམི… སམཱཔནྣོ… དུཏིཡསྶ ཙ ཛྷཱནསྶ པཋམསྶ ཙ ཛྷཱནསྶ ལཱབྷཱིམྷི… ཝསཱིམྷི… དུཏིཡཉྩ ཛྷཱནཾ པཋམཉྩ ཛྷཱནཾ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ…པེ… ཝིནིདྷཱཡ བྷཱཝཾ.

བདྡྷཙཀྐཾ.

ཨེཝཾ ཨེཀེཀཾ མཱུལཾ ཀཱཏུན བདྡྷཙཀྐཾ པརིཝཏྟཀཾ ཀཏྟབྦཾ.

ཨིདཾ སཾཁིཏྟཾ.

༢༡༡. ཏཱིཧཱཀཱརེཧི ¶ ཏཏིཡཉྩ ཛྷཱནཾ ཙཏུཏྠཉྩ ཛྷཱནཾ…པེ… ཏཏིཡཉྩ ཛྷཱནཾ ཨརཧཏྟཉྩ སམཱཔཛྫིཾ… སམཱཔཛྫཱམི… སམཱཔནྣོ… ཏཏིཡསྶ ཙ ཛྷཱནསྶ ཨརཧཏྟསྶ ཙ ལཱབྷཱིམྷི… ཝསཱིམྷི… ཏཏིཡཉྩ ཛྷཱནཾ ཨརཧཏྟཉྩ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི ཏཏིཡཉྩ ཛྷཱནཾ སམཱཔཛྫིཾ… སམཱཔཛྫཱམི… སམཱཔནྣོ… ཏཏིཡསྶ ཙ ཛྷཱནསྶ ལཱབྷཱིམྷི… ཝསཱིམྷི… ཏཏིཡཉྩ ཛྷཱནཾ སཙྪིཀཏཾ མཡཱ, རཱགོ ཙ མེ ཙཏྟོ… དོསོ ཙ མེ ཙཏྟོ… མོཧོ ཙ མེ ཙཏྟོ ཝནྟོ མུཏྟོ པཧཱིནོ པཊིནིསྶཊྛོ ཨུཀྑེཊིཏོ སམུཀྑེཊིཏོ. རཱགཱ ཙ མེ ཙིཏྟཾ ཝིནཱིཝརཎཾ… དོསཱ ཙ མེ ཙིཏྟཾ ཝིནཱིཝརཎཾ… མོཧཱ ཙ མེ ཙིཏྟཾ ཝིནཱིཝརཎནྟི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི ཏཏིཡཉྩ ཛྷཱནཾ པཋམཉྩ ཛྷཱནཾ… ཏཏིཡཉྩ ཛྷཱནཾ དུཏིཡཉྩ ཛྷཱནཾ སམཱཔཛྫིཾ… སམཱཔཛྫཱམི… སམཱཔནྣོ… ཏཏིཡསྶ ཙ ཛྷཱནསྶ དུཏིཡསྶ ཙ ཛྷཱནསྶ ལཱབྷཱིམྷི… ཝསཱིམྷི… ཏཏིཡཉྩ ཛྷཱནཾ དུཏིཡཉྩ ཛྷཱནཾ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཀཱརེཧི མོཧཱ ཙ མེ ཙིཏྟཾ ཝིནཱིཝརཎཾ པཋམཉྩ ཛྷཱནཾ…པེ… དུཏིཡཉྩ ཛྷཱནཾ… ཏཏིཡཉྩ ཛྷཱནཾ… ཙཏུཏྠཉྩ ཛྷཱནཾ ¶ སམཱཔཛྫིཾ སམཱཔཛྫཱམི… སམཱཔནྣོ… མོཧཱ ཙ མེ ཙིཏྟཾ ཝིནཱིཝརཎཾ ཙཏུཏྠསྶ ཙ ཛྷཱནསྶ ལཱབྷཱིམྷི… ཝསཱིམྷི… མོཧཱ ཙ མེ ཙིཏྟཾ ཝིནཱིཝརཎཾ ཙཏུཏྠཉྩ ཛྷཱནཾ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

༢༡༢. ཏཱིཧཱཀཱརེཧི མོཧཱ ཙ མེ ཙིཏྟཾ ཝིནཱིཝརཎཾ སུཉྙཏཉྩ ཝིམོཀྑཾ… ཨནིམིཏྟཉྩ ཝིམོཀྑཾ… ཨཔྤཎིཧིཏཉྩ ཝིམོཀྑཾ སམཱཔཛྫིཾ… སམཱཔཛྫཱམི… སམཱཔནྣོ… མོཧཱ ཙ མེ ཙིཏྟཾ ཝིནཱིཝརཎཾ ཨཔྤཎིཧིཏསྶ ཙ ཝིམོཀྑསྶ ¶ ལཱབྷཱིམྷི… ཝསཱིམྷི… མོཧཱ ཙ མེ ཙིཏྟཾ ཝིནཱིཝརཎཾ ཨཔྤཎིཧིཏོ ཙ ཝིམོཀྑོ སཙྪིཀཏོ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི མོཧཱ ཙ མེ ཙིཏྟཾ ཝིནཱིཝརཎཾ སུཉྙཏཉྩ སམཱདྷིཾ… ཨནིམིཏྟཉྩ སམཱདྷིཾ… ¶ ཨཔྤཎིཧིཏཉྩ སམཱདྷིཾ སམཱཔཛྫིཾ… སམཱཔཛྫཱམི… སམཱཔནྣོ… མོཧཱ ཙ མེ ཙིཏྟཾ ཝིནཱིཝརཎཾ ཨཔྤཎིཧིཏསྶ ཙ སམཱདྷིསྶ ལཱབྷཱིམྷི… ཝསཱིམྷི… མོཧཱ ཙ མེ ཙིཏྟཾ ཝིནཱིཝརཎཾ ཨཔྤཎིཧིཏོ ཙ སམཱདྷི སཙྪིཀཏོ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི མོཧཱ ཙ མེ ཙིཏྟཾ ཝིནཱིཝརཎཾ སུཉྙཏཉྩ སམཱཔཏྟིཾ… ཨནིམིཏྟཉྩ སམཱཔཏྟིཾ… ཨཔྤཎིཧིཏཉྩ སམཱཔཏྟིཾ སམཱཔཛྫིཾ སམཱཔཛྫཱམི… སམཱཔནྣོ… མོཧཱ ཙ མེ ཙིཏྟཾ ཝིནཱིཝརཎཾ ཨཔྤཎིཧིཏཱཡ ཙ སམཱཔཏྟིཡཱ ལཱབྷཱིམྷི… ཝསཱིམྷི… མོཧཱ ཙ མེ ཙིཏྟཾ ཝིནཱིཝརཎཾ ཨཔྤཎིཧིཏཱ ཙ སམཱཔཏྟི སཙྪིཀཏཱ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི མོཧཱ ཙ མེ ཙིཏྟཾ ཝིནཱིཝརཎཾ ཏིསྶོ ཙ ཝིཛྫཱ སམཱཔཛྫིཾ… སམཱཔཛྫཱམི… སམཱཔནྣོ… ‘མོཧཱ ཙ མེ ཙིཏྟཾ ཝིནཱིཝརཎཾ ཏིསྶནྣཉྩ ཝིཛྫཱནཾ ལཱབྷཱིམྷི… ཝསཱིམྷི… མོཧཱ ཙ མེ ཙིཏྟཾ ཝིནཱིཝརཎཾ ཏིསྶོ ཙ ཝིཛྫཱ སཙྪིཀཏཱ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི མོཧཱ ཙ མེ ཙིཏྟཾ ཝིནཱིཝརཎཾ ཙཏྟཱརོ ཙ སཏིཔཊྛཱནེ… ཙཏྟཱརོ ཙ སམྨཔྤདྷཱནེ… ཙཏྟཱརོ ཙ ཨིདྡྷིཔཱདེ སམཱཔཛྫིཾ… སམཱཔཛྫཱམི… སམཱཔནྣོ… མོཧཱ ཙ མེ ཙིཏྟཾ ཝིནཱིཝརཎཾ ཙཏུནྣཉྩ ཨིདྡྷིཔཱདཱནཾ ལཱབྷཱིམྷི… ཝསཱིམྷི… མོཧཱ ཙ མེ ཙིཏྟཾ ཝིནཱིཝརཎཾ ཙཏྟཱརོ ཙ ཨིདྡྷིཔཱདཱ སཙྪིཀཏཱ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

༢༡༣. ཏཱིཧཱཀཱརེཧི མོཧཱ ཙ མེ ཙིཏྟཾ ཝིནཱིཝརཎཾ པཉྩ ཙ ཨིནྡྲིཡཱནི… པཉྩ ཙ བལཱནི སམཱཔཛྫིཾ… སམཱཔཛྫཱམི… སམཱཔནྣོ… མོཧཱ ཙ མེ ཙིཏྟཾ ཝིནཱིཝརཎཾ པཉྩནྣཉྩ བལཱནཾ ལཱབྷཱིམྷི… ཝསཱིམྷི… མོཧཱ ཙ མེ ཙིཏྟཾ ཝིནཱིཝརཎཾ པཉྩ ཙ བལཱནི སཙྪིཀཏཱནི མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི ¶ མོཧཱ ཙ མེ ཙིཏྟཾ ཝིནཱིཝརཎཾ སཏྟ ཙ བོཛ྄ཛྷངྒེ སམཱཔཛྫིཾ… སམཱཔཛྫཱམི… སམཱཔནྣོ… མོཧཱ ཙ མེ ཙིཏྟཾ ཝིནཱིཝརཎཾ སཏྟནྣཉྩ བོཛ྄ཛྷངྒཱནཾ ལཱབྷཱིམྷི ¶ … ཝསཱིམྷི… མོཧཱ ཙ མེ ཙིཏྟཾ ཝིནཱིཝརཎཾ སཏྟ ཙ བོཛ྄ཛྷངྒཱ སཙྪིཀཏཱ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི མོཧཱ ཙ མེ ཙིཏྟཾ ཝིནཱིཝརཎཾ ཨརིཡཉྩ ཨཊྛངྒིཀཾ མགྒཾ སམཱཔཛྫིཾ… སམཱཔཛྫཱམི… སམཱཔནྣོ… མོཧཱ ཙ མེ ཙིཏྟཾ ཝིནཱིཝརཎཾ ཨརིཡསྶ ཙ ཨཊྛངྒིཀསྶ མགྒསྶ ལཱབྷཱིམྷི… ཝསཱིམྷི… མོཧཱ ཙ མེ ཙིཏྟཾ ཝིནཱིཝརཎཾ ཨརིཡོ ཙ ཨཊྛངྒིཀོ མགྒོ སཙྪིཀཏོ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི མོཧཱ ཙ མེ ཙིཏྟཾ ཝིནཱིཝརཎཾ སོཏཱཔཏྟིཕལཉྩ… སཀདཱགཱམིཕལཉྩ… ཨནཱགཱམིཕལཉྩ… ཨརཧཏྟཉྩ སམཱཔཛྫིཾ… སམཱཔཛྫཱམི… སམཱཔནྣོ… མོཧཱ ཙ མེ ཙིཏྟཾ ཝིནཱིཝརཎཾ ཨརཧཏྟསྶ ཙ ལཱབྷཱིམྷི… ཝསཱིམྷི… མོཧཱ ཙ མེ ཙིཏྟཾ ཝིནཱིཝརཎཾ ཨརཧཏྟཉྩ སཙྪིཀཏཾ མཡཱཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི མོཧཱ ཙ མེ ཙིཏྟཾ ཝིནཱིཝརཎཾ, རཱགོ ཙ མེ ཙཏྟོ… དོསོ ཙ མེ ཙཏྟོ… མོཧོ ཙ མེ ཙཏྟོ ཝནྟོ མུཏྟོ པཧཱིནོ པཊིནིསྶཊྛོ ཨུཀྑེཊིཏོ སམུཀྑེཊིཏོཏི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ.

ཏཱིཧཱཀཱརེཧི…པེ… ¶ སཏྟཧཱཀཱརེཧི མོཧཱ ཙ མེ ཙིཏྟཾ ཝིནཱིཝརཎཾ རཱགཱ ཙ མེ ཙིཏྟཾ ཝིནཱིཝརཎཾ… དོསཱ ཙ མེ ཙིཏྟཾ ཝིནཱིཝརཎནྟི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

ཨེཀམཱུལཀཾ ནིཊྛིཏཾ. [ཨེཀམཱུལཀཾ སངྑིཏྟཾ ནིཊྛིཏཾ (སྱཱ.)]

ཡཐཱ ཨེཀམཱུལཀཾ ཝིཏྠཱརིཏཾ ཨེཝམེཝ དུམཱུལཀཱདིཔི ཝིཏྠཱརེཏབྦཾ.

ཨིདཾ སབྦམཱུལཀཾ

༢༡༤. ཏཱིཧཱཀཱརེཧི ¶ …པེ… སཏྟཧཱཀཱརེཧི པཋམཉྩ ཛྷཱནཾ དུཏིཡཉྩ ཛྷཱནཾ ཏཏིཡཉྩ ¶ ཛྷཱནཾ ཙཏུཏྠཉྩ ཛྷཱནཾ སུཉྙཏཉྩ ཝིམོཀྑཾ ¶ ཨནིམིཏྟཉྩ ཝིམོཀྑཾ ཨཔྤཎིཧིཏཉྩ ཝིམོཀྑཾ སུཉྙཏཉྩ སམཱདྷིཾ ཨནིམིཏྟཉྩ སམཱདྷིཾ ཨཔྤཎིཧིཏཉྩ སམཱདྷིཾ སུཉྙཏཉྩ སམཱཔཏྟིཾ ཨནིམིཏྟཉྩ སམཱཔཏྟིཾ ཨཔྤཎིཧིཏཉྩ སམཱཔཏྟིཾ ཏིསྶོ ཙ ཝིཛྫཱ ཙཏྟཱརོ ཙ སཏིཔཊྛཱནེ ཙཏྟཱརོ ཙ སམྨཔྤདྷཱནེ ཙཏྟཱརོ ཙ ཨིདྡྷིཔཱདེ པཉྩ ཙ ཨིནྡྲིཡཱནི པཉྩ ཙ བལཱནི སཏྟ ཙ བོཛ྄ཛྷངྒེ ཨརིཡཉྩ ཨཊྛངྒིཀཾ མགྒཾ སོཏཱཔཏྟིཕལཉྩ སཀདཱགཱམིཕལཉྩ ཨནཱགཱམིཕལཉྩ ཨརཧཏྟཉྩ སམཱཔཛྫིཾ… སམཱཔཛྫཱམི… སམཱཔནྣོ…པེ… རཱགོ ཙ མེ ཙཏྟོ, དོསོ ཙ མེ ཙཏྟོ, མོཧོ ཙ མེ ཙཏྟོ ཝནྟོ མུཏྟོ པཧཱིནོ པཊིནིསྶཊྛོ ཨུཀྑེཊིཏོ སམུཀྑེཊིཏོ. རཱགཱ ཙ མེ ཙིཏྟཾ ཝིནཱིཝརཎཾ, དོསཱ ཙ མེ ཙིཏྟཾ ཝིནཱིཝརཎཾ, མོཧཱ ཙ མེ ཙིཏྟཾ ཝིནཱིཝརཎནྟི སམྤཛཱནམུསཱ བྷཎནྟསྶ ཨཱཔཏྟི པཱརཱཛིཀསྶ. པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

སབྦམཱུལཀཾ ནིཊྛིཏཾ.

སུདྡྷིཀཝཱརཀཐཱ ནིཊྛིཏཱ.

༢༡༥. ཏཱིཧཱཀཱརེཧི ¶ པཋམཾ ཛྷཱནཾ སམཱཔཛྫིནྟི ཝཏྟུཀཱམོ དུཏིཡཾ ཛྷཱནཾ སམཱཔཛྫིནྟི སམྤཛཱནམུསཱ བྷཎནྟསྶ པཊིཝིཛཱནནྟསྶ ཨཱཔཏྟི པཱརཱཛིཀསྶ; ན པཊིཝིཛཱནནྟསྶ ཨཱཔཏྟི ཐུལླཙྩཡསྶ.

ཏཱིཧཱཀཱརེཧི པཋམཾ ཛྷཱནཾ སམཱཔཛྫིནྟི ཝཏྟུཀཱམོ ཏཏིཡཾ ཛྷཱནཾ སམཱཔཛྫིནྟི སམྤཛཱནམུསཱ བྷཎནྟསྶ པཊིཝིཛཱནནྟསྶ ཨཱཔཏྟི པཱརཱཛིཀསྶ; ན པཊིཝིཛཱནནྟསྶ ཨཱཔཏྟི ཐུལླཙྩཡསྶ.

ཏཱིཧཱཀཱརེཧི པཋམཾ ཛྷཱནཾ སམཱཔཛྫིནྟི ཝཏྟུཀཱམོ ཙཏུཏྠཾ ཛྷཱནཾ སམཱཔཛྫིནྟི སམྤཛཱནམུསཱ བྷཎནྟསྶ པཊིཝིཛཱནནྟསྶ ཨཱཔཏྟི པཱརཱཛིཀསྶ; ན པཊིཝིཛཱནནྟསྶ ཨཱཔཏྟི ཐུལླཙྩཡསྶ.

ཏཱིཧཱཀཱརེཧི ¶ …པེ… སཏྟཧཱཀཱརེཧི པཋམཾ ཛྷཱནཾ སམཱཔཛྫིནྟི ཝཏྟུཀཱམོ སུཉྙཏཾ ¶ ཝིམོཀྑཾ… ཨནིམིཏྟཾ ཝིམོཀྑཾ… ཨཔྤཎིཧིཏཾ ཝིམོཀྑཾ… སུཉྙཏཾ སམཱདྷིཾ… ཨནིམིཏྟཾ སམཱདྷིཾ… ཨཔྤཎིཧིཏཾ སམཱདྷིཾ… སུཉྙཏཾ སམཱཔཏྟིཾ… ཨནིམིཏྟཾ སམཱཔཏྟིཾ… ཨཔྤཎིཧིཏཾ སམཱཔཏྟིཾ… ཏིསྶོ ཝིཛྫཱ… ཙཏྟཱརོ སཏིཔཊྛཱནེ… ཙཏྟཱརོ སམྨཔྤདྷཱནེ… ཙཏྟཱརོ ཨིདྡྷིཔཱདེ… པཉྩིནྡྲིཡཱནི… པཉྩ བལཱནི… སཏྟ བོཛ྄ཛྷངྒེ… ཨརིཡཾ ཨཊྛངྒིཀཾ མགྒཾ… སོཏཱཔཏྟིཕལཾ… སཀདཱགཱམིཕལཾ… ཨནཱགཱམིཕལཾ… ཨརཧཏྟཾ སམཱཔཛྫིཾ…པེ… རཱགོ མེ ཙཏྟོ… དོསོ མེ ཙཏྟོ… མོཧོ མེ ཙཏྟོ ཝནྟོ མུཏྟོ པཧཱིནོ པཊིནིསྶཊྛོ ཨུཀྑེཊིཏོ སམུཀྑེཊིཏོ. རཱགཱ མེ ཙིཏྟཾ ཝིནཱིཝརཎཾ… དོསཱ མེ ཙིཏྟཾ ཝིནཱིཝརཎཾ… མོཧཱ མེ ཙིཏྟཾ ཝིནཱིཝརཎནྟི སམྤཛཱནམུསཱ ¶ བྷཎནྟསྶ པཊིཝིཛཱནནྟསྶ ཨཱཔཏྟི པཱརཱཛིཀསྶ; ན པཊིཝིཛཱནནྟསྶ ཨཱཔཏྟི ཐུལླཙྩཡསྶ. པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

ཝཏྠུཝིསཱརཀསྶ ཨེཀམཱུལཀསྶ ཁཎྜཙཀྐཾ ནིཊྛིཏཾ.

༢༡༦. ཏཱིཧཱཀཱརེཧི ¶ དུཏིཡཾ ཛྷཱནཾ སམཱཔཛྫིནྟི ཝཏྟུཀཱམོ ཏཏིཡཾ ཛྷཱནཾ སམཱཔཛྫིནྟི སམྤཛཱནམུསཱ བྷཎནྟསྶ པཊིཝིཛཱནནྟསྶ ཨཱཔཏྟི པཱརཱཛིཀསྶ; ན པཊིཝིཛཱནནྟསྶ ཨཱཔཏྟི ཐུལླཙྩཡསྶ.

ཏཱིཧཱཀཱརེཧི དུཏིཡཾ ཛྷཱནཾ སམཱཔཛྫིནྟི ཝཏྟུཀཱམོ ཙཏུཏྠཾ ཛྷཱནཾ སམཱཔཛྫིནྟི…པེ… མོཧཱ ཙ མེ ཙིཏྟཾ ཝིནཱིཝརཎནྟི སམྤཛཱནམུསཱ བྷཎནྟསྶ པཊིཝིཛཱནནྟསྶ ཨཱཔཏྟི པཱརཱཛིཀསྶ; ན པཊིཝིཛཱནནྟསྶ ཨཱཔཏྟི ཐུལླཙྩཡསྶ.

ཏཱིཧཱཀཱརེཧི…པེ… སཏྟཧཱཀཱརེཧི དུཏིཡཾ ཛྷཱནཾ སམཱཔཛྫིནྟི ཝཏྟུཀཱམོ པཋམཾ ཛྷཱནཾ སམཱཔཛྫིནྟི སམྤཛཱནམུསཱ བྷཎནྟསྶ པཊིཝིཛཱནནྟསྶ ཨཱཔཏྟི པཱརཱཛིཀསྶ ¶ ; ན པཊིཝིཛཱནནྟསྶ ཨཱཔཏྟི ཐུལླཙྩཡསྶ…པེ… ཝིནིདྷཱཡ བྷཱཝཾ.

ཝཏྠུཝིསཱརཀསྶ ཨེཀམཱུལཀསྶ བདྡྷཙཀྐཾ.

མཱུལཾ སཾཁིཏྟཾ.

༢༡༧. ཏཱིཧཱཀཱརེཧི ¶ ¶ མོཧཱ མེ ཙིཏྟཾ ཝིནཱིཝརཎནྟི ཝཏྟུཀཱམོ པཋམཾ ཛྷཱནཾ སམཱཔཛྫིནྟི སམྤཛཱནམུསཱ བྷཎནྟསྶ པཊིཝིཛཱནནྟསྶ ཨཱཔཏྟི པཱརཱཛིཀསྶ; ན པཊིཝིཛཱནནྟསྶ ཨཱཔཏྟི ཐུལླཙྩཡསྶ.

ཏཱིཧཱཀཱརེཧི…པེ… སཏྟཧཱཀཱརེཧི མོཧཱ མེ ཙིཏྟཾ ཝིནཱིཝརཎནྟི ཝཏྟུཀཱམོ དོསཱ མེ ཙིཏྟཾ ཝིནཱིཝརཎནྟི སམྤཛཱནམུསཱ བྷཎནྟསྶ པཊིཝིཛཱནནྟསྶ ཨཱཔཏྟི པཱརཱཛིཀསྶ; ན པཊིཝིཛཱནནྟསྶ ཨཱཔཏྟི ཐུལླཙྩཡསྶ…པེ… ཝིནིདྷཱཡ བྷཱཝཾ.

ཝཏྠུཝིསཱརཀསྶ ཨེཀམཱུལཀཾ ནིཊྛིཏཾ.

ཡཐཱ ཨེཀམཱུལཀཾ ཝིཏྠཱརིཏཾ ཨེཝམེཝ དུམཱུལཀཱདིཔི ཝིཏྠཱརེཏབྦཾ.

ཨིདཾ སབྦམཱུལཀཾ

༢༡༨. ཏཱིཧཱཀཱརེཧི…པེ… སཏྟཧཱཀཱརེཧི པཋམཉྩ ཛྷཱནཾ དུཏིཡཉྩ ཛྷཱནཾ ཏཏིཡཉྩ ཛྷཱནཾ ཙཏུཏྠཉྩ ཛྷཱནཾ སུཉྙཏཉྩ ཝིམོཀྑཾ ཨནིམིཏྟཉྩ ཝིམོཀྑཾ ཨཔྤཎིཧིཏཉྩ ཝིམོཀྑཾ སུཉྙཏཉྩ སམཱདྷིཾ ཨནིམིཏྟཉྩ སམཱདྷིཾ ཨཔྤཎིཧིཏཉྩ སམཱདྷིཾ སུཉྙཏཉྩ སམཱཔཏྟིཾ ཨནིམིཏྟཉྩ སམཱཔཏྟིཾ ཨཔྤཎིཧིཏཉྩ སམཱཔཏྟིཾ ཏིསྶོ ཙ ཝིཛྫཱ ཙཏྟཱརོ ཙ སཏིཔཊྛཱནེ ཙཏྟཱརོ ཙ སམྨཔྤདྷཱནེ ཙཏྟཱརོ ཙ ཨིདྡྷིཔཱདེ པཉྩ ཙ ཨིནྡྲིཡཱནི པཉྩ ཙ བལཱནི སཏྟ ཙ བོཛ྄ཛྷངྒེ ཨརིཡཉྩ ཨཊྛངྒིཀཾ མགྒཾ སོཏཱཔཏྟིཕལཉྩ སཀདཱགཱམིཕལཉྩ ཨནཱགཱམིཕལཉྩ ཨརཧཏྟཉྩ སམཱཔཛྫིཾ…པེ… རཱགོ ཙ མེ ཙཏྟོ… དོསོ ཙ མེ ཙཏྟོ… མོཧོ ཙ མེ ཙཏྟོ ཝནྟོ མུཏྟོ པཧཱིནོ པཊིནིསྶཊྛོ ཨུཀྑེཊིཏོ སམུཀྑེཊིཏོ. རཱགཱ ཙ མེ ཙིཏྟཾ ཝིནཱིཝརཎཾ… དོསཱ ཙ མེ ཙིཏྟཾ ཝིནཱིཝརཎནྟི ཝཏྟུཀཱམོ མོཧཱ མེ ཙིཏྟཾ ཝིནཱིཝརཎནྟི སམྤཛཱནམུསཱ བྷཎནྟསྶ ¶ པཊིཝིཛཱནནྟསྶ ཨཱཔཏྟི པཱརཱཛིཀསྶ; ན པཊིཝིཛཱནནྟསྶ ཨཱཔཏྟི ཐུལླཙྩཡསྶ. [[ ] ཨེཏྠནྟརེ པཱཋཱ སྱཱམཔོཏྠཀེ ནཏྠི]

༢༡༩. ཏཱིཧཱཀཱརེཧི དུཏིཡཉྩ ཛྷཱནཾ ཏཏིཡཉྩ ཛྷཱནཾ ཙཏུཏྠཉྩ ཛྷཱནཾ སུཉྙཏཉྩ ཝིམོཀྑཾ ཨནིམིཏྟཉྩ ཝིམོཀྑཾ ཨཔྤཎིཧིཏཉྩ ཝིམོཀྑཾ སུཉྙཏཉྩ སམཱདྷིཾ ཨནིམིཏྟཉྩ སམཱདྷིཾ ཨཔྤཎིཧིཏཉྩ སམཱདྷིཾ སུཉྙཏཉྩ སམཱཔཏྟིཾ ཨནིམིཏྟཉྩ སམཱཔཏྟིཾ ཨཔྤཎིཧིཏཉྩ སམཱཔཏྟིཾ ཏིསྶོ ཙ ཝིཛྫཱ ཙཏྟཱརོ ཙ སཏིཔཊྛཱནེ ཙཏྟཱརོ ཙ སམྨཔྤདྷཱནེ ཙཏྟཱརོ ཙ ཨིདྡྷིཔཱདེ པཉྩ ¶ ཙ ཨིནྡྲིཡཱནི པཉྩ ཙ བལཱནི སཏྟ ཙ བོཛ྄ཛྷངྒེ ཨརིཡཉྩ ཨཊྛངྒིཀཾ མགྒཾ ¶ སོཏཱཔཏྟིཕལཉྩ སཀདཱགཱམིཕལཉྩ ཨནཱགཱམིཕལཉྩ ཨརཧཏྟཉྩ སམཱཔཛྫིཾ…པེ… རཱགོ ཙ མེ ཙཏྟོ… དོསོ ཙ མེ ཙཏྟོ… མོཧོ ཙ མེ ཙཏྟོ ཝནྟོ མུཏྟོ པཧཱིནོ པཊིནིསྶཊྛོ ཨུཀྑེཊིཏོ སམུཀྑེཊིཏོ. རཱགཱ ཙ མེ ཙིཏྟཾ ཝིནཱིཝརཎཾ… དོསཱ ཙ མེ ཙིཏྟཾ ཝིནཱིཝརཎཾ… མོཧཱ ཙ མེ ཙིཏྟཾ ཝིནཱིཝརཎནྟི ཝཏྟུཀཱམོ པཋམཾ ཛྷཱནཾ སམཱཔཛྫིནྟི སམྤཛཱནམུསཱ བྷཎནྟསྶ པཊིཝིཛཱནནྟསྶ ཨཱཔཏྟི པཱརཱཛིཀསྶ; ན པཊིཝིཛཱནནྟསྶ ཨཱཔཏྟི ཐུལླཙྩཡསྶ.

ཏཱིཧཱཀཱརེཧི ཏཏིཡཉྩ ཛྷཱནཾ ཙཏུཏྠཉྩ ཛྷཱནཾ…པེ… མོཧཱ ཙ མེ ཙིཏྟཾ ཝིནཱིཝརཎཾ པཋམཉྩ ཛྷཱནཾ སམཱཔཛྫིནྟི ཝཏྟུཀཱམོ དུཏིཡཾ ཛྷཱནཾ སམཱཔཛྫིནྟི སམྤཛཱནམུསཱ བྷཎནྟསྶ པཊིཝིཛཱནནྟསྶ ཨཱཔཏྟི པཱརཱཛིཀསྶ; ན པཊིཝིཛཱནནྟསྶ ཨཱཔཏྟི ཐུལླཙྩཡསྶ.

ཏཱིཧཱཀཱརེཧི…པེ… སཏྟཧཱཀཱརེཧི མོཧཱ ཙ མེ ཙིཏྟཾ ཝིནཱིཝརཎཾ པཋམཉྩ ཛྷཱནཾ དུཏིཡཉྩ ཛྷཱནཾ ཏཏིཡཉྩ ཛྷཱནཾ ཙཏུཏྠཉྩ ཛྷཱནཾ…པེ… རཱགཱ ཙ མེ ཙིཏྟཾ ཝིནཱིཝརཎནྟི ཝཏྟུཀཱམོ དོསཱ མེ ཙིཏྟཾ ཝིནཱིཝརཎནྟི སམྤཛཱནམུསཱ བྷཎནྟསྶ པཊིཝིཛཱནནྟསྶ ཨཱཔཏྟི པཱརཱཛིཀསྶ ¶ ; ན པཊིཝིཛཱནནྟསྶ ཨཱཔཏྟི ཐུལླཙྩཡསྶ. པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

ཝཏྠུཝིསཱརཀསྶ སབྦམཱུལཀཾ ནིཊྛིཏཾ.

ཝཏྠུཝིསཱརཀསྶ ཙཀྐཔེཡྻཱལཾ ནིཊྛིཏཾ.

ཝཏྠུཀཱམཝཱརཀཐཱ ནིཊྛིཏཱ.

༢༢༠. ཏཱིཧཱཀཱརེཧི ¶ ཡོ ཏེ ཝིཧཱརེ ཝསི སོ བྷིཀྑུ པཋམཾ ཛྷཱནཾ སམཱཔཛྫི… སམཱཔཛྫཏི… སམཱཔནྣོ… སོ བྷིཀྑུ པཋམསྶ ཛྷཱནསྶ ལཱབྷཱི… ཝསཱི… ཏེན བྷིཀྑུནཱ པཋམཾ ཛྷཱནཾ སཙྪིཀཏནྟི སམྤཛཱནམུསཱ བྷཎནྟསྶ པཊིཝིཛཱནནྟསྶ ཨཱཔཏྟི ཐུལླཙྩཡསྶ; ན པཊིཝིཛཱནནྟསྶ ཨཱཔཏྟི དུཀྐཊསྶ.

ཙཏཱུཧཱཀཱརེཧི ¶ … པཉྩཧཱཀཱརེཧི… ཚཧཱཀཱརེཧི… སཏྟཧཱཀཱརེཧི ཡོ ཏེ ཝིཧཱརེ ཝསི སོ ¶ བྷིཀྑུ པཋམཾ ཛྷཱནཾ སམཱཔཛྫི… སམཱཔཛྫཏི… སམཱཔནྣོ… སོ བྷིཀྑུ པཋམསྶ ཛྷཱནསྶ ལཱབྷཱི… ཝསཱི… ཏེན བྷིཀྑུནཱ པཋམཾ ཛྷཱནཾ སཙྪིཀཏནྟི སམྤཛཱནམུསཱ བྷཎནྟསྶ པཊིཝིཛཱནནྟསྶ ཨཱཔཏྟི ཐུལླཙྩཡསྶ; ན པཊིཝིཛཱནནྟསྶ ཨཱཔཏྟི དུཀྐཊསྶ. པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

ཏཱིཧཱཀཱརེཧི ཡོ ཏེ ཝིཧཱརེ ཝསི སོ བྷིཀྑུ དུཏིཡཾ ཛྷཱནཾ… ཏཏིཡཾ ཛྷཱནཾ… ཙཏུཏྠཾ ཛྷཱནཾ… སུཉྙཏཾ ཝིམོཀྑཾ… ཨནིམིཏྟཾ ཝིམོཀྑཾ… ཨཔྤཎིཧིཏཾ ཝིམོཀྑཾ… སུཉྙཏཾ སམཱདྷིཾ… ཨནིམིཏྟཾ སམཱདྷིཾ… ཨཔྤཎིཧིཏཾ སམཱདྷིཾ… སུཉྙཏཾ སམཱཔཏྟིཾ… ཨནིམིཏྟཾ སམཱཔཏྟིཾ… ཨཔྤཎིཧིཏཾ སམཱཔཏྟིཾ… ཏིསྶོ ཝིཛྫཱ… ཙཏྟཱརོ སཏིཔཊྛཱནེ… ཙཏྟཱརོ སམྨཔྤདྷཱནེ… ཙཏྟཱརོ ཨིདྡྷིཔཱདེ… པཉྩ ཨིནྡྲིཡཱནི… པཉྩ བལཱནི… སཏྟ བོཛ྄ཛྷངྒེ… ཨརིཡཾ ཨཊྛངྒིཀཾ མགྒཾ… སོཏཱཔཏྟིཕལཾ… སཀདཱགཱམིཕལཾ… ཨནཱགཱམིཕལཾ… ཨརཧཏྟཾ སམཱཔཛྫི… སམཱཔཛྫཏི… སམཱཔནྣོ… སོ བྷིཀྑུ ཨརཧཏྟསྶ ལཱབྷཱི… ཝསཱི… ཏེན བྷིཀྑུནཱ ཨརཧཏྟཾ སཙྪིཀཏནྟི སམྤཛཱནམུསཱ བྷཎནྟསྶ པཊིཝིཛཱནནྟསྶ ཨཱཔཏྟི ཐུལླཙྩཡསྶ; ན པཊིཝིཛཱནནྟསྶ ཨཱཔཏྟི དུཀྐཊསྶ.

ཏཱིཧཱཀཱརེཧི ཡོ ཏེ ཝིཧཱརེ ཝསི, ཏསྶ བྷིཀྑུནོ རཱགོ ཙཏྟོ… དོསོ ཙཏྟོ… མོཧོ ཙཏྟོ ¶ ཝནྟོ མུཏྟོ པཧཱིནོ པཊིནིསྶཊྛོ ཨུཀྑེཊིཏོ སམུཀྑེཊིཏོཏི སམྤཛཱནམུསཱ བྷཎནྟསྶ པཊིཝིཛཱནནྟསྶ ཨཱཔཏྟི ཐུལླཙྩཡསྶ; ན པཊིཝིཛཱནནྟསྶ ཨཱཔཏྟི དུཀྐཊསྶ.

ཏཱིཧཱཀཱརེཧི…པེ… སཏྟཧཱཀཱརེཧི ཡོ ཏེ ཝིཧཱརེ ཝསི, ཏསྶ བྷིཀྑུནོ རཱགཱ ཙིཏྟཾ ཝིནཱིཝརཎཾ… དོསཱ ཙིཏྟཾ ཝིནཱིཝརཎཾ… མོཧཱ ཙིཏྟཾ ཝིནཱིཝརཎནྟི སམྤཛཱནམུསཱ བྷཎནྟསྶ པཊིཝིཛཱནནྟསྶ ཨཱཔཏྟི ཐུལླཙྩཡསྶ; ན པཊིཝིཛཱནནྟསྶ ཨཱཔཏྟི དུཀྐཊསྶ…པེ… པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

ཏཱིཧཱཀཱརེཧི…པེ… སཏྟཧཱཀཱརེཧི ཡོ ཏེ ཝིཧཱརེ ཝསི སོ བྷིཀྑུ སུཉྙཱགཱརེ པཋམཾ ཛྷཱནཾ… དུཏིཡཾ ཛྷཱནཾ… ཏཏིཡཾ ཛྷཱནཾ… ཙཏུཏྠཾ ཛྷཱནཾ སམཱཔཛྫི ¶ … སམཱཔཛྫཏི… སམཱཔནྣོ… སོ བྷིཀྑུ སུཉྙཱགཱརེ ཙཏུཏྠསྶ ཛྷཱནསྶ ལཱབྷཱི… ཝསཱི… ཏེན བྷིཀྑུནཱ སུཉྙཱགཱརེ ¶ ཙཏུཏྠཾ ཛྷཱནཾ སཙྪིཀཏནྟི སམྤཛཱནམུསཱ བྷཎནྟསྶ པཊིཝིཛཱནནྟསྶ ¶ ཨཱཔཏྟི ཐུལླཙྩཡསྶ; ན པཊིཝིཛཱནནྟསྶ ཨཱཔཏྟི དུཀྐཊསྶ. པུབྦེཝསྶ ཧོཏི མུསཱ བྷཎིསྶནྟི, བྷཎནྟསྶ ཧོཏི མུསཱ བྷཎཱམཱིཏི བྷཎིཏསྶ ཧོཏི, མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

ཡཐཱ ཨིདཾ ཝིཏྠཱརིཏཾ ཨེཝམེཝ སེསཱནིཔི ཝིཏྠཱརེཏབྦཱནི.

༢༢༡. ཏཱིཧཱཀཱརེཧི…པེ… སཏྟཧཱཀཱརེཧི ཡོ ཏེ ཙཱིཝརཾ པརིབྷུཉྫི… ཡོ ཏེ པིཎྜཔཱཏཾ པརིབྷུཉྫི… ཡོ ཏེ སེནཱསནཾ པརིབྷུཉྫི… ཡོ ཏེ གིལཱནཔྤཙྩཡབྷེསཛྫཔརིཀྑཱརཾ པརིབྷུཉྫི སོ བྷིཀྑུ སུཉྙཱགཱརེ ཙཏུཏྠཾ ཛྷཱནཾ སམཱཔཛྫི… སམཱཔཛྫཏི… སམཱཔནྣོ… སོ བྷིཀྑུ སུཉྙཱགཱརེ ཙཏུཏྠསྶ ཛྷཱནསྶ ལཱབྷཱི… ཝསཱི… ཏེན བྷིཀྑུནཱ སུཉྙཱགཱརེ ཙཏུཏྠཾ ཛྷཱནཾ སཙྪིཀཏནྟི སམྤཛཱནམུསཱ ¶ བྷཎནྟསྶ པཊིཝིཛཱནནྟསྶ ཨཱཔཏྟི ཐུལླཙྩཡསྶ; ན པཊིཝིཛཱནནྟསྶ ཨཱཔཏྟི དུཀྐཊསྶ…པེ… ཝིནིདྷཱཡ བྷཱཝཾ.

ཏཱིཧཱཀཱརེཧི…པེ… སཏྟཧཱཀཱརེཧི ཡེན ཏེ ཝིཧཱརོ པརིབྷུཏྟོ… ཡེན ཏེ ཙཱིཝརཾ པརིབྷུཏྟཾ… ཡེན ཏེ པིཎྜཔཱཏོ པརིབྷུཏྟོ… ཡེན ཏེ སེནཱསནཾ པརིབྷུཏྟཾ… ཡེན ཏེ གིལཱནཔྤཙྩཡབྷེསཛྫཔརིཀྑཱརོ པརིབྷུཏྟོ… སོ བྷིཀྑུ སུཉྙཱགཱརེ ཙཏུཏྠཾ ཛྷཱནཾ སམཱཔཛྫི… སམཱཔཛྫཏི… སམཱཔནྣོ… སོ བྷིཀྑུ སུཉྙཱགཱརེ ཙཏུཏྠསྶ ཛྷཱནསྶ ལཱབྷཱི… ཝསཱི… ཏེན བྷིཀྑུནཱ སུཉྙཱགཱརེ ཙཏུཏྠཾ ཛྷཱནཾ སཙྪིཀཏནྟི སམྤཛཱནམུསཱ བྷཎནྟསྶ པཊིཝིཛཱནནྟསྶ ཨཱཔཏྟི ཐུལླཙྩཡསྶ; ན པཊིཝིཛཱནནྟསྶ ཨཱཔཏྟི དུཀྐཊསྶ…པེ… ཝིནིདྷཱཡ བྷཱཝཾ.

ཏཱིཧཱཀཱརེཧི ¶ …པེ… སཏྟཧཱཀཱརེཧི ཡཾ ཏྭཾ ཨཱགམྨ ཝིཧཱརཾ ཨདཱསི… ཙཱིཝརཾ ཨདཱསི… པིཎྜཔཱཏཾ ཨདཱསི… སེནཱསནཾ ཨདཱསི… གིལཱནཔྤཙྩཡབྷེསཛྫཔརིཀྑཱརཾ ཨདཱསི སོ བྷིཀྑུ སུཉྙཱགཱརེ ཙཏུཏྠཾ ཛྷཱནཾ སམཱཔཛྫི… སམཱཔཛྫཏི… སམཱཔནྣོ… སོ བྷིཀྑུ སུཉྙཱགཱརེ ཙཏུཏྠསྶ ཛྷཱནསྶ ལཱབྷཱི… ཝསཱི… ཏེན བྷིཀྑུནཱ སུཉྙཱགཱརེ ཙཏུཏྠཾ ཛྷཱནཾ སཙྪིཀཏནྟི སམྤཛཱནམུསཱ བྷཎནྟསྶ པཊིཝིཛཱནནྟསྶ ཨཱཔཏྟི ཐུལླཙྩཡསྶ; ན པཊིཝིཛཱནནྟསྶ ཨཱཔཏྟི ¶ དུཀྐཊསྶ. པུབྦེཝསྶ ཧོཏི ¶ མུསཱ བྷཎིསྶནྟི ¶ , བྷཎནྟསྶ ཧོཏི མུསཱ བྷཎཱམཱིཏི, བྷཎིཏསྶ ཧོཏི མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

པེཡྻཱལཔནྣརསཀཾ ནིཊྛིཏཾ.

པཙྩཡཔྤཊིསཾཡུཏྟཝཱརཀཐཱ ནིཊྛིཏཱ.

ཨུཏྟརིམནུསྶདྷམྨཙཀྐཔེཡྻཱལཾ ནིཊྛིཏཾ.

༢༢༢. ཨནཱཔཏྟི ཨདྷིམཱནེན, ཨནུལླཔནཱདྷིཔྤཱཡསྶ, ཨུམྨཏྟཀསྶ, ཁིཏྟཙིཏྟསྶ, ཝེདནཱཊྚསྶ, ཨཱདིཀམྨིཀསྶཱཏི.

ཝིནཱིཏཝཏྠུཨུདྡཱནགཱཐཱ

ཨདྷིམཱནེ ¶ [ཨདྷིམཱནེན (པཱི.)] ཨརཉྙམྷི, པིཎྜོཔཛ྄ཛྷཱརིཡཱཔཐོ;

སཾཡོཛནཱ རཧོདྷམྨཱ, ཝིཧཱརོ པཙྩུཔཊྛིཏོ.

ན དུཀྐརཾ ཝཱིརིཡམཐོཔི མཙྩུནོ;

བྷཱཡཱཝུསོ ཝིཔྤཊིསཱརི སམྨཱ;

ཝིརིཡེན ཡོགེན ཨཱརཱདྷནཱཡ;

ཨཐ ཝེདནཱཡ ཨདྷིཝཱསནཱ དུཝེ.

བྲཱཧྨཎེ པཉྩ ཝཏྠཱུནི, ཨཉྙཾ བྱཱཀརཎཱ ཏཡོ;

ཨགཱརཱཝརཎཱ ཀཱམཱ, རཏི ཙཱཔི ཨཔཀྐམི.

ཨཊྛི པེསི ཨུབྷོ གཱཝགྷཱཏཀཱ;

པིཎྜོ སཱཀུཎིཀོ ནིཙྪཝི ཨོརབྦྷི;

ཨསི ཙ སཱུཀརིཀོ སཏྟི མཱགཝི;

ཨུསུ ཙ ཀཱརཎིཀོ སཱུཙི སཱརཐི.

ཡོ ཙ སིབྦཱིཡཏི སཱུཙཀོ ཧི སོ;

ཨཎྜབྷཱརི ཨཧུ གཱམཀཱུཊཀོ;

ཀཱུཔེ ནིམུགྒོ ཧི སོ པཱརདཱརིཀོ;

གཱུཐཁཱདཱི ཨཧུ དུཊྛབྲཱཧྨཎོ.

ནིཙྪཝིཏྠཱི ¶ ¶ ཨཏིཙཱརིནཱི ཨཧུ;

མངྒུལིཏྠཱི ཨཧུ ཨིཀྑཎིཏྠིཀཱ;

ཨོཀིལིནཱི ¶ ཧི སཔཏྟངྒཱརོཀིརི;

སཱིསཙྪིནྣོ ཨཧུ ཙོརགྷཱཏཀོ.

བྷིཀྑུ བྷིཀྑུནཱི སིཀྑམཱནཱ;

སཱམཎེརོ ཨཐ སཱམཎེརིཀཱ;

ཀསྶཔསྶ ཝིནཡསྨིཾ པབྦཛཾ;

པཱཔཀམྨམཀརིཾསུ ཏཱཝདེ.

ཏཔོདཱ རཱཛགཧེ ཡུདྡྷཾ, ནཱགཱནོགཱཧནེན ཙ;

སོབྷིཏོ ཨརཧཾ བྷིཀྑུ, པཉྩཀཔྤསཏཾ སརེཏི.

ཝིནཱིཏཝཏྠུ

༢༢༣. ཏེན ཁོ པན སམཡེན ཨཉྙཏརོ བྷིཀྑུ ཨདྷིམཱནེན ཨཉྙཾ བྱཱཀཱསི. ཏསྶ ཀུཀྐུཙྩཾ ཨཧོསི – ‘‘བྷགཝཏཱ སིཀྑཱཔདཾ པཉྙཏྟཾ. ཀཙྩི ནུ ཁོ ཨཧཾ པཱརཱཛིཀཾ ཨཱཔཏྟིཾ ཨཱཔནྣོ’’ཏི? བྷགཝཏོ ཨེཏམཏྠཾ ཨཱརོཙེསི. ‘‘ཨནཱཔཏྟི, བྷིཀྑུ, ཨདྷིམཱནེནཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ པཎིདྷཱཡ ཨརཉྙེ ¶ ཝིཧརཏི – ‘‘ཨེཝཾ མཾ ཛནོ སམྦྷཱཝེསྶཏཱི’’ཏི. ཏཾ ཛནོ སམྦྷཱཝེསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ན ཙ, བྷིཀྑཝེ, པཎིདྷཱཡ ཨརཉྙེ ཝཏྠབྦཾ. ཡོ ཝསེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ པཎིདྷཱཡ པིཎྜཱཡ ཙརཏི – ‘‘ཨེཝཾ མཾ ཛནོ སམྦྷཱཝེསྶཏཱི’’ཏི. ཏཾ ཛནོ སམྦྷཱཝེསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ན ཙ, བྷིཀྑཝེ, པཎིདྷཱཡ པིཎྜཱཡ ཙརིཏབྦཾ. ཡོ ཙརེཡྻ, ཨཱཔཏྟི དུཀྐཊསྶཱ’’ཏི.

ཏེན ¶ ¶ ཁོ པན སམཡེན ཨཉྙཏརོ བྷིཀྑུ ཨཉྙཏརཾ བྷིཀྑུཾ ཨེཏདཝོཙ – ‘‘ཡེ, ཨཱཝུསོ, ཨམྷཱཀཾ ཨུཔཛ྄ཛྷཱཡསྶ སདྡྷིཝིཧཱརིཀཱ སབྦེཝ ཨརཧནྟོ’’ཏི. ཏསྶ ཀུཀྐུཙྩཾ ཨཧོསི…པེ… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ཨུལླཔནཱདྷིཔྤཱཡོ ¶ ཨཧཾ, བྷགཝཱ’’ཏི. ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཨཉྙཏརཾ བྷིཀྑུཾ ཨེཏདཝོཙ – ‘‘ཡེ, ཨཱཝུསོ, ཨམྷཱཀཾ ཨུཔཛ྄ཛྷཱཡསྶ ཨནྟེཝཱསིཀཱ སབྦེཝ མཧིདྡྷིཀཱ མཧཱནུབྷཱཝཱ’’ཏི. ཏསྶ ཀུཀྐུཙྩཾ ཨཧོསི…པེ… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ཨུལླཔནཱདྷིཔྤཱཡོ ཨཧཾ, བྷགཝཱ’’ཏི. ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ པཎིདྷཱཡ ཙངྐམཏི… པཎིདྷཱཡ ཏིཊྛཏི… པཎིདྷཱཡ ནིསཱིདཏི… པཎིདྷཱཡ སེཡྻཾ ཀཔྤེཏི – ‘‘ཨེཝཾ མཾ ཛནོ སམྦྷཱཝེསྶཏཱི’’ཏི. ཏཾ ཛནོ སམྦྷཱཝེསི. ཏསྶ ¶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ. ན ཙ, བྷིཀྑཝེ, པཎིདྷཱཡ སེཡྻཱ ཀཔྤེཏབྦཱ. ཡོ ཀཔྤེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཨཉྙཏརསྶ བྷིཀྑུནོ ཨུཏྟརིམནུསྶདྷམྨཾ ཨུལླཔཏི. སོཔི ཨེཝམཱཧ – ‘‘མཡ྄ཧམྤི, ཨཱཝུསོ, སཾཡོཛནཱ པཧཱིནཱ’’ཏི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

༢༢༤. ཏེན ཁོ པན སམཡེན ཨཉྙཏརོ བྷིཀྑུ རཧོགཏོ ཨུཏྟརིམནུསྶདྷམྨཾ ཨུལླཔཏི. པརཙིཏྟཝིདཱུ བྷིཀྑུ ཏཾ བྷིཀྑུཾ ཨཔསཱདེསི – ‘‘མཱ, ཨཱཝུསོ, ཨེཝརཱུཔཾ ཨབྷཎི. ནཏྠེསོ ཏུཡ྄ཧ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ ¶ བྷིཀྑུ རཧོགཏོ ཨུཏྟརིམནུསྶདྷམྨཾ ཨུལླཔཏི. དེཝཏཱ ཏཾ བྷིཀྑུཾ ཨཔསཱདེསི – ‘‘མཱ, བྷནྟེ, ཨེཝརཱུཔཾ ཨབྷཎི. ནཏྠེསོ ཏུཡ྄ཧ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཨཉྙཏརཾ ཨུཔཱསཀཾ ཨེཏདཝོཙ – ‘‘ཡོ, ཨཱཝུསོ ¶ , ཏུཡ྄ཧཾ ཝིཧཱརེ ཝསཏི སོ བྷིཀྑུ ཨརཧཱ’’ཏི ¶ . སོ ཙ ཏསྶ ཝིཧཱརེ ཝསཏི. ཏསྶ ཀུཀྐུཙྩཾ ཨཧོསི…པེ… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ཨུལླཔནཱདྷིཔྤཱཡོ ཨཧཾ, བྷགཝཱ’’ཏི. ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

ཏེན ¶ ཁོ པན སམཡེན ཨཉྙཏརོ བྷིཀྑུ ཨཉྙཏརཾ ཨུཔཱསཀཾ ཨེཏདཝོཙ – ‘‘ཡཾ ཏྭཾ, ཨཱཝུསོ, ཨུཔཊྛེསི ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརེན སོ བྷིཀྑུ ཨརཧཱ’’ཏི. སོ ཙ ཏཾ ཨུཔཊྛེཏི ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརེན. ཏསྶ ཀུཀྐུཙྩཾ ཨཧོསི…པེ… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ཨུལླཔནཱདྷིཔྤཱཡོ ཨཧཾ, བྷགཝཱ’’ཏི. ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

༢༢༥. ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑཱུ ཨེཏདཝོཙུཾ – ‘‘ཨཏྠཱཡསྨཏོ ཨུཏྟརིམནུསྶདྷམྨོ’’ཏི? ‘‘ནཱཝུསོ, དུཀྐརཾ ཨཉྙཾ བྱཱཀཱཏུ’’ནྟི. ཏསྶ ཀུཀྐུཙྩཾ ཨཧོསི – ‘‘ཡེ ཁོ ཏེ བྷགཝཏོ སཱཝཀཱ ཏེ ཨེཝཾ ཝདེཡྻུཾ. ཨཧཉྩམྷི ན བྷགཝཏོ སཱཝཀོ. ཀཙྩི ནུ ཁོ ཨཧཾ པཱརཱཛིཀཾ ཨཱཔཏྟིཾ ཨཱཔནྣོ’’ཏི? བྷགཝཏོ ཨེཏམཏྠཾ ཨཱརོཙེསི. ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ཨནུལླཔནཱདྷིཔྤཱཡོ ཨཧཾ, བྷགཝཱ’’ཏི. ‘‘ཨནཱཔཏྟི, བྷིཀྑུ, ཨནུལླཔནཱདྷིཔྤཱཡསྶཱ’’ཏི ¶ .

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑཱུ ཨེཏདཝོཙུཾ – ‘‘ཨཏྠཱཡསྨཏོ ཨུཏྟརིམནུསྶདྷམྨོ’’ཏི? ‘‘ཨཱརཱདྷནཱིཡོ ཁོ, ཨཱཝུསོ, དྷམྨོ ཨཱརདྡྷཝཱིརིཡེནཱ’’ཏི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ཨནུལླཔནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑཱུ ཨེཏདཝོཙུཾ – ‘‘མཱ ཁོ, ཨཱཝུསོ, བྷཱཡཱི’’ཏི. ནཱཧཾ, ཨཱཝུསོ, མཙྩུནོ བྷཱཡཱམཱི’’ཏི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ཨནུལླཔནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑཱུ ཨེཏདཝོཙུཾ – ‘‘མཱ ཁོ, ཨཱཝུསོ, བྷཱཡཱི’’ཏི. ‘‘ཡོ ནཱུནཱཝུསོ, ཝིཔྤཊིསཱརཱི ཨསྶ སོ བྷཱཡེཡྻཱ’’ཏི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ཨནུལླཔནཱདྷིཔྤཱཡསྶཱ’’ཏི.

ཏེན ¶ ཁོ པན སམཡེན ¶ ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑཱུ ཨེཏདཝོཙུཾ – ‘‘ཨཏྠཱཡསྨཏོ ཨུཏྟརིམནུསྶདྷམྨོ’’ཏི? ‘‘ཨཱརཱདྷནཱིཡོ ཁོ, ཨཱཝུསོ, དྷམྨོ སམྨཱཔཡུཏྟེནཱ’’ཏི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ཨནུལླཔནཱདྷིཔྤཱཡསྶཱ’’ཏི.

ཏེན ¶ ཁོ པན སམཡེན ཨཉྙཏརོ བྷིཀྑུ ¶ གིལཱནོ ཧོཏི. ཏཾ བྷིཀྑཱུ ཨེཏདཝོཙུཾ – ‘‘ཨཏྠཱཡསྨཏོ ཨུཏྟརིམནུསྶདྷམྨོ’’ཏི? ‘‘ཨཱརཱདྷནཱིཡོ ཁོ, ཨཱཝུསོ, དྷམྨོ ཨཱརདྡྷཝཱིརིཡེནཱ’’ཏི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ཨནུལླཔནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑཱུ ཨེཏདཝོཙུཾ – ‘‘ཨཏྠཱཡསྨཏོ ཨུཏྟརིམནུསྶདྷམྨོ’’ཏི? ‘‘ཨཱརཱདྷནཱིཡོ ཁོ, ཨཱཝུསོ, དྷམྨོ ཡུཏྟཡོགེནཱ’’ཏི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ཨནུལླཔནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑཱུ ཨེཏདཝོཙུཾ – ‘‘ཀཙྩཱཝུསོ, ཁམནཱིཡཾ, ཀཙྩི ཡཱཔནཱིཡ’’ནྟི? ‘‘ནཱཝུསོ, སཀྐཱ ཡེན ཝཱ ཏེན ཝཱ ཨདྷིཝཱསེཏུ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ཨནུལླཔནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑཱུ ཨེཏདཝོཙུཾ – ‘‘ཀཙྩཱཝུསོ ཁམནཱིཡཾ, ཀཙྩི ཡཱཔནཱིཡ’’ནྟི? ‘‘ནཱཝུསོ, སཀྐཱ པུཐུཛྫནེན ཨདྷིཝཱསེཏུ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ཨུལླཔནཱདྷིཔྤཱཡོ ཨཧཾ, བྷགཝཱ’’ཏི. ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི ཐུལླཙྩཡསྶཱ’’ཏི.

༢༢༦. ཏེན ཁོ པན སམཡེན ཨཉྙཏརོ བྲཱཧྨཎོ བྷིཀྑཱུ ནིམནྟེཏྭཱ ཨེཏདཝོཙ – ‘‘ཨཱཡནྟུ, བྷོནྟོ ཨརཧནྟོ’’ཏི. ཏེསཾ ཀུཀྐུཙྩཾ ཨཧོསི – ‘‘མཡཉྩམྷ ན ཨརཧནྟོ [ཨནརཧནྟོ (སཱི.)]. ཨཡཉྩ བྲཱཧྨཎོ ཨམྷེ ¶ ཨརཧནྟཝཱདེན སམུདཱཙརཏི. ཀཐཾ ནུ ཁོ ཨམྷེཧི པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨནཱཔཏྟི, བྷིཀྑཝེ, པསཱདབྷཉྙེ’’ཏི.

ཏེན ¶ ཁོ པན སམཡེན ཨཉྙཏརོ བྲཱཧྨཎོ བྷིཀྑཱུ ནིམནྟེཏྭཱ ཨེཏདཝོཙ – ‘‘ནིསཱིདནྟུ, བྷོནྟོ ཨརཧནྟོ’’ཏི… ‘‘བྷུཉྫནྟུ, བྷོནྟོ ཨརཧནྟོ’’ཏི… ‘‘ཏཔྤེནྟུ, བྷོནྟོ ཨརཧནྟོ’’ཏི… ‘‘གཙྪནྟུ, བྷོནྟོ ཨརཧནྟོ’’ཏི. ཏེསཾ ཀུཀྐུཙྩཾ ཨཧོསི – ‘‘མཡཉྩམྷ ན ཨརཧནྟོ ¶ . ཨཡཉྩ བྲཱཧྨཎོ ཨམྷེ ཨརཧནྟཝཱདེན སམུདཱཙརཏི. ཀཐཾ ནུ ཁོ ཨམྷེཧི པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨནཱཔཏྟི, བྷིཀྑཝེ, པསཱདབྷཉྙེ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཨཉྙཏརསྶ བྷིཀྑུནོ ཨུཏྟརིམནུསྶདྷམྨཾ ཨུལླཔཏི. སོཔི ཨེཝམཱཧ – ‘‘མཡ྄ཧམྤི, ཨཱཝུསོ, ཨཱསཝཱ པཧཱིནཱ’’ཏི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ ¶ པན སམཡེན ཨཉྙཏརོ བྷིཀྑུ ཨཉྙཏརསྶ བྷིཀྑུནོ ཨུཏྟརིམནུསྶདྷམྨཾ ཨུལླཔཏི. སོཔི ཨེཝམཱཧ – ‘‘མཡ྄ཧམྤི, ཨཱཝུསོ, ཨེཏེ དྷམྨཱ སཾཝིཛྫནྟཱི’’ཏི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ ཨཉྙཏརསྶ བྷིཀྑུནོ ཨུཏྟརིམནུསྶདྷམྨཾ ཨུལླཔཏི. སོཔི ཨེཝམཱཧ – ‘‘ཨཧམྤཱཝུསོ, ཏེསུ དྷམྨེསུ སནྡིསྶཱམཱི’’ཏི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ ¶ , བྷིཀྑུ, ཨཱཔནྣོ པཱརཱཛིཀ’’ནྟི.

ཏེན ཁོ པན སམཡེན ཨཉྙཏརཾ བྷིཀྑུཾ ཉཱཏཀཱ ཨེཏདཝོཙུཾ – ‘‘ཨེཧི, བྷནྟེ, ཨགཱརཾ ཨཛ྄ཛྷཱཝསཱ’’ཏི. ‘‘ཨབྷབྦོ ཁོ, ཨཱཝུསོ, མཱདིསོ ཨགཱརཾ ཨཛ྄ཛྷཱཝསིཏུ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ཨནུལླཔནཱདྷིཔྤཱཡསྶཱ’’ཏི.

༢༢༧. ཏེན ཁོ པན སམཡེན ཨཉྙཏརཾ བྷིཀྑུཾ ཉཱཏཀཱ ཨེཏདཝོཙུཾ – ‘‘ཨེཧི, བྷནྟེ, ཀཱམེ པརིབྷུཉྫཱ’’ཏི. ‘‘ཨཱཝཊཱ མེ, ཨཱཝུསོ, ཀཱམཱ’’ཏི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ཨནུལླཔནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརཾ བྷིཀྑུཾ ཉཱཏཀཱ ཨེཏདཝོཙུཾ – ‘‘ཨབྷིརམསི, བྷནྟེ’’ཏི? ‘‘ཨབྷིརཏོ ཨཧཾ, ཨཱཝུསོ, པརམཱཡ ཨབྷིརཏིཡཱ’’ཏི. ཏསྶ ཀུཀྐུཙྩཾ ཨཧོསི. ‘‘ཡེ ཁོ ཏེ བྷགཝཏོ སཱཝཀཱ ཏེ ཨེཝཾ ཝདེཡྻུཾ! ཨཧཉྩམྷི ན བྷགཝཏོ སཱཝཀོ. ཀཙྩི ¶ ནུ ཁོ ཨཧཾ པཱརཱཛིཀཾ ཨཱཔཏྟིཾ ཨཱཔནྣོ’’ཏི? བྷགཝཏོ ཨེཏམཏྠཾ ཨཱརོཙེསི. ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ཨནུལླཔནཱདྷིཔྤཱཡོ ཨཧཾ, བྷགཝཱ’’ཏི. ‘‘ཨནཱཔཏྟི, བྷིཀྑུ, ཨནུལླཔནཱདྷིཔྤཱཡསྶཱ’’ཏི.

ཏེན ¶ ཁོ པན སམཡེན སམྦཧུལཱ བྷིཀྑཱུ ཀཏིཀཾ ཀཏྭཱ ཨཉྙཏརསྨིཾ ཨཱཝཱསེ ཝསྶཾ ཨུཔགཙྪིཾསུ – ‘‘ཡོ ཨིམམྷཱ ཨཱཝཱསཱ པཋམཾ པཀྐམིསྶཏི ཏཾ མཡཾ ཨརཧཱཏི ཛཱནིསྶཱམཱ’’ཏི. ཨཉྙཏརོ བྷིཀྑུ ¶ – ‘‘མཾ ཨརཧཱཏི ཛཱནནྟཱུ’’ཏི, ཏམྷཱ ཨཱཝཱསཱ པཋམཾ པཀྐཱམི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི.

༢༢༨. [ཨིམཱནི ཝཏྠུནི སཾ. ནི. ༢.༢༠༢ ཨཱགཏཱནི] ཏེན སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན ཨཱཡསྨཱ ཙ ལཀྑཎོ ཨཱཡསྨཱ ཙ མཧཱམོགྒལླཱནོ གིཛ྄ཛྷཀཱུཊེ པབྦཏེ ཝིཧརནྟི. ཨཐ ཁོ ཨཱཡསྨཱ མཧཱམོགྒལླཱནོ པུབྦཎྷསམཡཾ ནིཝཱསེཏྭཱ པཏྟཙཱིཝརཾ ཨཱདཱཡ ཡེནཱཡསྨཱ ལཀྑཎོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ལཀྑཎཾ ཨེཏདཝོཙ – ‘‘ཨཱཡཱམཱཝུསོ ལཀྑཎ, རཱཛགཧཾ པིཎྜཱཡ པཝིསིསྶཱམཱ’’ཏི. ‘‘ཨེཝམཱཝུསོ’’ཏི ཁོ ཨཱཡསྨཱ ལཀྑཎོ ཨཱཡསྨཏོ མཧཱམོགྒལླཱནསྶ པཙྩསྶོསི. ཨཐ ཁོ ཨཱཡསྨཱ མཧཱམོགྒལླཱནོ གིཛ྄ཛྷཀཱུཊཱ པབྦཏཱ ¶ ཨོརོཧནྟོ ཨཉྙཏརསྨིཾ པདེསེ སིཏཾ པཱཏྭཱཀཱསི. ཨཐ ཁོ ཨཱཡསྨཱ ལཀྑཎོ ཨཱཡསྨནྟཾ མཧཱམོགྒལླཱནཾ ཨེཏདཝོཙ – ‘‘ཀོ ནུ ཁོ, ཨཱཝུསོ མོགྒལླཱན, ཧེཏུ ཀོ པཙྩཡོ སིཏསྶ པཱཏུཀམྨཱཡཱ’’ཏི? ‘‘ཨཀཱལོ ཁོ, ཨཱཝུསོ ལཀྑཎ, ཨེཏསྶ པཉྷསྶ [པཉྷསྶ བྱཱཀརཎཱཡ (སྱཱ.)]. བྷགཝཏོ མཾ སནྟིཀེ ཨེཏཾ པཉྷཾ པུཙྪཱཏི. ཨཐ ཁོ ཨཱཡསྨཱ ཙ ལཀྑཎོ ཨཱཡསྨཱ ཙ མཧཱམོགྒལླཱནོ ¶ རཱཛགཧེ པིཎྜཱཡ ཙརིཏྭཱ པཙྪཱབྷཏྟཾ པིཎྜཔཱཏཔཊིཀྐནྟཱ ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣོ ཁོ ཨཱཡསྨཱ ལཀྑཎོ ཨཱཡསྨནྟཾ མཧཱམོགྒལླཱནཾ ཨེཏདཝོཙ – ‘‘ཨིདྷཱཡསྨཱ མཧཱམོགྒལླཱནོ གིཛ྄ཛྷཀཱུཊཱ པབྦཏཱ ཨོརོཧནྟོ ཨཉྙཏརསྨིཾ པདེསེ སིཏཾ པཱཏྭཱཀཱསི. ཀོ ནུ ཁོ, ཨཱཝུསོ མོགྒལླཱན, ཧེཏུ ཀོ པཙྩཡོ སིཏསྶ པཱཏུཀམྨཱཡཱ’’ཏི? ‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ཨཊྛིཀསངྑལིཀཾ ཝེཧཱསཾ གཙྪནྟིཾ. ཏམེནཾ གིཛ྄ཛྷཱཔི ཀཱཀཱཔི ཀུལལཱཔི ཨནུཔཏིཏྭཱ ཨནུཔཏིཏྭཱ ཕཱསུལ༹ནྟརིཀཱཧི ཝིཏུཌེནྟི [ཝིཏུདེནྟི ཝིཏཙྪེནྟི ཝིརཱཛེནྟི (སྱཱ.)]. སཱ སུདཾ ཨཊྚསྶརཾ ཀརོཏི. ཏསྶ མཡ྄ཧཾ, ཨཱཝུསོ, ཨེཏདཧོསི – ‘ཨཙྪརིཡཾ ཝཏ བྷོ, ཨབྦྷུཏཾ ཝཏ བྷོ, ཨེཝརཱུཔོཔི ནཱམ སཏྟོ བྷཝིསྶཏི! ཨེཝརཱུཔོཔི ¶ ནཱམ ¶ ཡཀྑོ བྷཝིསྶཏི! ཨེཝརཱུཔོཔི ནཱམ ཨཏྟབྷཱཝཔྤཊིལཱབྷོ བྷཝིསྶཏཱི’’’ཏི! བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཨུཏྟརིམནུསྶདྷམྨཾ ཨཱཡསྨཱ མཧཱམོགྒལླཱནོ ཨུལླཔཏཱི’’ཏི. ཨཐ ཁོ བྷགཝཱ བྷིཀྑཱུ ཨཱམནྟེསི ¶ – ‘‘ཙཀྑུབྷཱུཏཱ ཝཏ, བྷིཀྑཝེ, སཱཝཀཱ ཝིཧརནྟི. ཉཱཎབྷཱུཏཱ ཝཏ, བྷིཀྑཝེ, སཱཝཀཱ ཝིཧརནྟི. ཡཏྲ ཧི ནཱམ སཱཝཀོ ཨེཝརཱུཔཾ ཉསྶཏི ཝཱ དཀྑཏི ཝཱ སཀྑིཾ ཝཱ ཀརིསྶཏི. པུབྦེཝ མེ སོ, བྷིཀྑཝེ, སཏྟོ དིཊྛོ ཨཧོསི. ཨཔི ཙཱཧཾ ན བྱཱཀཱསིཾ. ཨཧཉྩེཏཾ བྱཱཀརེཡྻཾ པརེ ཙ མེ ན སདྡཧེཡྻུཾ. ཡེ མེ ན སདྡཧེཡྻུཾ ཏེསཾ ཏཾ ཨསྶ དཱིགྷརཏྟཾ ཨཧིཏཱཡ དུཀྑཱཡ. ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ གོགྷཱཏཀོ ཨཧོསི. སོ ཏསྶ ཀམྨསྶ ཝིཔཱཀེན བཧཱུནི ཝསྶཱནི བཧཱུནི ཝསྶསཏཱནི བཧཱུནི ཝསྶསཧསྶཱནི བཧཱུནི ཝསྶསཏསཧསྶཱནི ནིརཡེ པཙྩིཏྭཱ ཏསྶེཝ ཀམྨསྶ ཝིཔཱཀཱཝསེསེན ཨེཝརཱུཔཾ ཨཏྟབྷཱཝཔྤཊིལཱབྷཾ པཊིསཾཝེདེཏི. སཙྩཾ, བྷིཀྑཝེ, མོགྒལླཱནོ ཨཱཧ. ཨནཱཔཏྟི, བྷིཀྑཝེ, མོགྒལླཱནསྶཱ’’ཏི.

༢༢༩. ‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ མཾསཔེསིཾ ཝེཧཱསཾ གཙྪནྟིཾ. ཏམེནཾ གིཛ྄ཛྷཱཔི ཀཱཀཱཔི ཀུལལཱཔི ཨནུཔཏིཏྭཱ ཨནུཔཏིཏྭཱ ཝིཏཙྪེནྟི ཝིབྷཛྫེནྟི [ཝིཏུདེནྟི ཝིཏཙྪེནྟི ཝིརཱཛེནྟི (སྱཱ.)]. སཱ སུདཾ ཨཊྚསྶརཾ ¶ ཀརོཏི…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ གོགྷཱཏཀོ ཨཧོསི…པེ….

‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ མཾསཔིཎྜཾ ཝེཧཱསཾ གཙྪནྟཾ. ཏམེནཾ གིཛ྄ཛྷཱཔི ཀཱཀཱཔི ཀུལལཱཔི ཨནུཔཏིཏྭཱ ཨནུཔཏིཏྭཱ ཝིཏཙྪེནྟི ཝིབྷཛྫེནྟི. སོ སུདཾ ཨཊྚསྶརཾ ཀརོཏི…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ སཱཀུཎིཀོ ཨཧོསི…པེ….

‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ནིཙྪཝིཾ པུརིསཾ ཝེཧཱསཾ གཙྪནྟཾ. ཏམེནཾ གིཛ྄ཛྷཱཔི ཀཱཀཱཔི ཀུལལཱཔི ཨནུཔཏིཏྭཱ ཨནུཔཏིཏྭཱ ཝིཏཙྪེནྟི ཝིབྷཛྫེནྟི. སོ སུདཾ ཨཊྚསྶརཾ ཀརོཏི…པེ… ¶ ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ ཨོརབྦྷིཀོ ཨཧོསི…པེ….

‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ཨསིལོམཾ པུརིསཾ ཝེཧཱསཾ གཙྪནྟཾ ¶ . ཏསྶ ཏེ ཨསཱི ཨུཔྤཏིཏྭཱ ཨུཔྤཏིཏྭཱ ཏསྶེཝ ཀཱཡེ ནིཔཏནྟི. སོ སུདཾ ཨཊྚསྶརཾ ཀརོཏི…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ སཱུཀརིཀོ ཨཧོསི…པེ….

‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ སཏྟིལོམཾ པུརིསཾ ཝེཧཱསཾ གཙྪནྟཾ. ཏསྶ ཏཱ སཏྟིཡོ ཨུཔྤཏིཏྭཱ ཨུཔྤཏིཏྭཱ ཏསྶེཝ ཀཱཡེ ནིཔཏནྟི. སོ སུདཾ ཨཊྚསྶརཾ ཀརོཏི…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ མཱགཝིཀོ ཨཧོསི…པེ….

‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ཨུསུལོམཾ པུརིསཾ ཝེཧཱསཾ གཙྪནྟཾ. ཏསྶ ཏེ ཨུསཱུ ཨུཔྤཏིཏྭཱ ཨུཔྤཏིཏྭཱ ཏསྶེཝ ཀཱཡེ ནིཔཏནྟི. སོ སུདཾ ཨཊྚསྶརཾ ཀརོཏི…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ ཀཱརཎིཀོ ཨཧོསི…པེ….

‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ སཱུཙིལོམཾ པུརིསཾ ཝེཧཱསཾ གཙྪནྟཾ. ཏསྶ ཏཱ སཱུཙིཡོ ཨུཔྤཏིཏྭཱ ཨུཔྤཏིཏྭཱ ཏསྶེཝ ¶ ཀཱཡེ ནིཔཏནྟི. སོ སུདཾ ཨཊྚསྶརཾ ཀརོཏི…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ སཱརཐིཀོ ཨཧོསི…པེ….

‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ སཱུཙིལོམཾ པུརིསཾ ཝེཧཱསཾ གཙྪནྟཾ. ཏསྶ ཏཱ སཱུཙིཡོ སཱིསེ པཝིསིཏྭཱ མུཁཏོ ནིཀྑམནྟི; མུཁེ པཝིསིཏྭཱ ཨུརཏོ ནིཀྑམནྟི; ཨུརེ པཝིསིཏྭཱ ཨུདརཏོ ནིཀྑམནྟི; ཨུདརེ པཝིསིཏྭཱ ཨཱུརཱུཧི ནིཀྑམནྟི; ཨཱུརཱུསུ པཝིསིཏྭཱ ཛངྒྷཱཧི ནིཀྑམནྟི; ཛངྒྷཱསུ པཝིསིཏྭཱ པཱདེཧི ནིཀྑམནྟི. སོ སུདཾ ཨཊྚསྶརཾ ཀརོཏི…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ སཱུཙཀོ ཨཧོསི…པེ….

‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ཀུམྦྷཎྜཾ པུརིསཾ ཝེཧཱསཾ གཙྪནྟཾ. སོ གཙྪནྟོཔི ཏེཝ ཨཎྜེ ཁནྡྷེ ཨཱརོཔེཏྭཱ གཙྪཏི, ནིསཱིདནྟོཔི ཏེསྭེཝ ཨཎྜེསུ ནིསཱིདཏི. ཏམེནཾ གིཛ྄ཛྷཱཔི ཀཱཀཱཔི ¶ ཀུལལཱཔི ཨནུཔཏིཏྭཱ ཨནུཔཏིཏྭཱ ཝིཏཙྪེནྟི ཝིབྷཛྫེནྟི. སོ སུདཾ ཨཊྚསྶརཾ ཀརོཏི…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ གཱམཀཱུཊོ ཨཧོསི…པེ….

‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ པུརིསཾ གཱུཐཀཱུཔེ སསཱིསཀཾ ནིམུགྒཾ…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ པཱརདཱརིཀོ ཨཧོསི…པེ….

‘‘ཨིདྷཱཧཾ ¶ , ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ¶ པུརིསཾ གཱུཐཀཱུཔེ སསཱིསཀཾ ནིམུགྒཾ ཨུབྷོཧི ཧཏྠེཧི གཱུཐཾ ཁཱདནྟཾ…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ དུཊྛབྲཱཧྨཎོ ¶ ཨཧོསི. སོ ཀསྶཔསྶ སམྨཱསམྦུདྡྷསྶ པཱཝཙནེ བྷིཀྑུསངྒྷཾ བྷཏྟེན ནིམནྟེཏྭཱ དོཎིཡོ [དོཎིཡོ (ཨིཏིཔི)] གཱུཐསྶ པཱུརཱཔེཏྭཱ ཀཱལཾ ཨཱརོཙཱཔེཏྭཱ ཨེཏདཝོཙ – ‘ཨཏོ [ཨིཏོ (སྱཱ.) ཨཧོ (ཨིཏིཔི)], བྷོནྟོ, ཡཱཝདཏྠཾ བྷུཉྫནྟུ ཙེཝ ཧརནྟུ ཙཱ’’’ཏི…པེ….

༢༣༠. ‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ནིཙྪཝིཾ ཨིཏྠིཾ ཝེཧཱསཾ གཙྪནྟིཾ. ཏམེནཾ གིཛ྄ཛྷཱཔི ཀཱཀཱཔི ཀུལལཱཔི ཨནུཔཏིཏྭཱ ཨནུཔཏིཏྭཱ ཝིཏཙྪེནྟི ཝིབྷཛྫེནྟི. སཱ སུདཾ ཨཊྚསྶརཾ ཀརོཏི…པེ… ཨེསཱ, བྷིཀྑཝེ, ཨིཏྠཱི ཨིམསྨིཾཡེཝ རཱཛགཧེ ཨཏིཙཱརིནཱི ཨཧོསི…པེ….

‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ཨིཏྠིཾ དུགྒནྡྷཾ མངྒུལིཾ ཝེཧཱསཾ གཙྪནྟིཾ. ཏམེནཾ གིཛ྄ཛྷཱཔི ཀཱཀཱཔི ཀུལལཱཔི ཨནུཔཏིཏྭཱ ཨནུཔཏིཏྭཱ ཝིཏཙྪེནྟི ཝིབྷཛྫེནྟི. སཱ སུདཾ ཨཊྚསྶརཾ ཀརོཏི…པེ… ཨེསཱ, བྷིཀྑཝེ, ཨིཏྠཱི ཨིམསྨིཾཡེཝ རཱཛགཧེ ཨིཀྑཎིཀཱ ཨཧོསི…པེ….

‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ཨིཏྠིཾ ཨུཔྤཀྐཾ ཨོཀིལིནིཾ ཨོཀིརིནིཾ ཝེཧཱསཾ གཙྪནྟིཾ. སཱ སུདཾ ཨཊྚསྶརཾ ཀརོཏི…པེ… ཨེསཱ, བྷིཀྑཝེ ¶ , ཨིཏྠཱི ཀཱལིངྒསྶ རཉྙོ ཨགྒམཧེསཱི ཨཧོསི. སཱ ཨིསྶཱཔཀཏཱ སཔཏྟིཾ ཨངྒཱརཀཊཱཧེན ཨོཀིརི…པེ….

‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ཨསཱིསཀཾ ཀབནྡྷཾ ཝེཧཱསཾ གཙྪནྟཾ. ཏསྶ ཨུརེ ཨཀྑཱིནི ཙེཝ ཧོནྟི མུཁཉྩ. ཏམེནཾ གིཛ྄ཛྷཱཔི ཀཱཀཱཔི ཀུལལཱཔི ཨནུཔཏིཏྭཱ ཨནུཔཏིཏྭཱ ཝིཏཙྪེནྟི ཝིབྷཛྫེནྟི. སོ ¶ སུདཾ ཨཊྚསྶརཾ ཀརོཏི…པེ… ཨེསོ, བྷིཀྑཝེ, སཏྟོ ཨིམསྨིཾཡེཝ རཱཛགཧེ ཧཱརིཀོ ནཱམ ཙོརགྷཱཏཀོ ཨཧོསི…པེ….

‘‘ཨིདྷཱཧཾ ¶ , ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ བྷིཀྑུཾ ཝེཧཱསཾ གཙྪནྟཾ. ཏསྶ སངྒྷཱཊིཔི ཨཱདིཏྟཱ སམྤཛྫལིཏཱ སཛོཏིབྷཱུཏཱ, པཏྟོཔི ཨཱདིཏྟོ སམྤཛྫལིཏོ སཛོཏིབྷཱུཏོ, ཀཱཡབནྡྷནམྤི ཨཱདིཏྟཾ སམྤཛྫལིཏཾ སཛོཏིབྷཱུཏཾ, ཀཱཡོཔི ཨཱདིཏྟོ སམྤཛྫལིཏོ སཛོཏིབྷཱུཏོ. སོ སུདཾ ཨཊྚསྶརཾ ཀརོཏི…པེ… ཨེསོ, བྷིཀྑཝེ, བྷིཀྑུ ཀསྶཔསྶ སམྨཱསམྦུདྡྷསྶ པཱཝཙནེ པཱཔབྷིཀྑུ ཨཧོསི…པེ….

‘‘ཨིདྷཱཧཾ, ཨཱཝུསོ, གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ བྷིཀྑུནིཾ… ཨདྡསཾ སིཀྑམཱནཾ… ཨདྡསཾ སཱམཎེརཾ… ཨདྡསཾ སཱམཎེརིཾ ཝེཧཱསཾ གཙྪནྟིཾ. ཏསྶཱ སངྒྷཱཊིཔི ཨཱདིཏྟཱ སམྤཛྫལིཏཱ སཛོཏིབྷཱུཏཱ, པཏྟོཔི ཨཱདིཏྟོ སམྤཛྫལིཏོ སཛོཏིབྷཱུཏོ, ཀཱཡབནྡྷནམྤི ཨཱདིཏྟཾ སམྤཛྫལིཏཾ སཛོཏིབྷཱུཏཾ, ཀཱཡོཔི ཨཱདིཏྟོ ¶ སམྤཛྫལིཏོ སཛོཏིབྷཱུཏོ. སཱ སུདཾ ཨཊྚསྶརཾ ཀརོཏི. ཏསྶ མཡ྄ཧཾ, ཨཱཝུསོ, ཨེཏདཧོསི – ‘ཨཙྪརིཡཾ ཝཏ བྷོ, ཨབྦྷུཏཾ ཝཏ བྷོ, ཨེཝརཱུཔོཔི ནཱམ སཏྟོ བྷཝིསྶཏི! ཨེཝརཱུཔོཔི ནཱམ ཡཀྑོ བྷཝིསྶཏི! ཨེཝརཱུཔོཔི ནཱམ ཨཏྟབྷཱཝཔྤཊིལཱབྷོ བྷཝིསྶཏཱི’’’ཏི! བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཨུཏྟརིམནུསྶདྷམྨཾ ཨཱཡསྨཱ མཧཱམོགྒལླཱནོ ཨུལླཔཏཱི’’ཏི.

ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘ཙཀྑུབྷཱུཏཱ ཝཏ, བྷིཀྑཝེ, སཱཝཀཱ ཝིཧརནྟི. ཉཱཎབྷཱུཏཱ ཝཏ ¶ , བྷིཀྑཝེ, སཱཝཀཱ ཝིཧརནྟི. ཡཏྲ ཧི ནཱམ སཱཝཀོ ཨེཝརཱུཔཾ ཉསྶཏི ཝཱ དཀྑཏི ཝཱ སཀྑིཾ ཝཱ ཀརིསྶཏི! པུབྦེཝ མེ སཱ, བྷིཀྑཝེ, སཱམཎེརཱི དིཊྛཱ ཨཧོསི. ཨཔི ཙཱཧཾ ན བྱཱཀཱསིཾ. ཨཧཉྩེཏཾ བྱཱཀརེཡྻཾ པརེ ཙ མེ ན སདྡཧེཡྻུཾ. ཡེ མེ ན སདྡཧེཡྻུཾ ཏེསཾ ཏཾ ཨསྶ དཱིགྷརཏྟཾ ཨཧིཏཱཡ དུཀྑཱཡ. ཨེསཱ, བྷིཀྑཝེ, སཱམཎེརཱི ཀསྶཔསྶ སམྨཱསམྦུདྡྷསྶ པཱཝཙནེ པཱཔསཱམཎེརཱི ཨཧོསི. སཱ ཏསྶ ཀམྨསྶ ཝིཔཱཀེན བཧཱུནི ཝསྶཱནི བཧཱུནི ཝསྶསཏཱནི བཧཱུནི ཝསྶསཧསྶཱནི བཧཱུནི ཝསྶསཏསཧསྶཱནི ནིརཡེ པཙྩིཏྭཱ ཏསྶེཝ ཀམྨསྶ ཝིཔཱཀཱཝསེསེན ཨེཝརཱུཔཾ ཨཏྟབྷཱཝཔྤཊིལཱབྷཾ པཊིསཾཝེདེཏི. སཙྩཾ, བྷིཀྑཝེ, མོགྒལླཱནོ ཨཱཧ. ཨནཱཔཏྟི, བྷིཀྑཝེ, མོགྒལླཱནསྶཱ’’ཏི.

༢༣༡. ཨཐ ¶ ཁོ ཨཱཡསྨཱ མཧཱམོགྒལླཱནོ བྷིཀྑཱུ ཨཱམནྟེསི – ‘‘ཡཏཱཡཾ, ཨཱཝུསོ, ཏཔོདཱ སནྡཏི སོ དཧོ ཨཙྪོདཀོ སཱིཏོདཀོ སཱཏོདཀོ སེཏཀོ སུཔྤཏིཏྠོ རམཎཱིཡོ པཧཱུཏམཙྪཀཙྪཔོ ཙཀྐམཏྟཱནི ཙ པདུམཱནི པུཔྥནྟཱི’’ཏི. བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ མཧཱམོགྒལླཱནོ ཨེཝཾ ཝཀྑཏི – ‘ཡཏཱཡཾ, ཨཱཝུསོ ¶ , ཏཔོདཱ སནྡཏི སོ དཧོ ཨཙྪོདཀོ སཱིཏོདཀོ སཱཏོདཀོ སེཏཀོ སུཔྤཏིཏྠོ རམཎཱིཡོ པཧཱུཏམཙྪཀཙྪཔོ ཙཀྐམཏྟཱནི ¶ ཙ པདུམཱནི པུཔྥནྟཱི’ཏི. ཨཐ ཙ པནཱཡཾ ཏཔོདཱ ཀུཐིཏཱ སནྡཏི. ཨུཏྟརིམནུསྶདྷམྨཾ ཨཱཡསྨཱ མཧཱམོགྒལླཱནོ ཨུལླཔཏཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཡཏཱཡཾ, བྷིཀྑཝེ, ཏཔོདཱ སནྡཏི སོ དཧོ ཨཙྪོདཀོ སཱིཏོདཀོ སཱཏོདཀོ སེཏཀོ སུཔྤཏིཏྠོ རམཎཱིཡོ པཧཱུཏམཙྪཀཙྪཔོ ཙཀྐམཏྟཱནི ཙ པདུམཱནི པུཔྥནྟི. ཨཔི ཙཱཡཾ, བྷིཀྑཝེ, ཏཔོདཱ དྭིནྣཾ མཧཱནིརཡཱནཾ ཨནྟརིཀཱཡ ཨཱགཙྪཏི. ཏེནཱཡཾ ཏཔོདཱ ཀུཐིཏཱ སནྡཏི. སཙྩཾ, བྷིཀྑཝེ, མོགྒལླཱནོ ཨཱཧ. ཨནཱཔཏྟི, བྷིཀྑཝེ, མོགྒལླཱནསྶཱ’’ཏི.

ཏེན ཁོ པན སམཡེན རཱཛཱ མཱགདྷོ སེནིཡོ བིམྦིསཱརོ ལིཙྪཝཱིཧི སདྡྷིཾ སངྒཱམེནྟོ པབྷགྒོ ཨཧོསི. ཨཐ རཱཛཱ པཙྪཱ སེནཾ སངྐཌྜྷིཏྭཱ ལིཙྪཝཡོ པརཱཛེསི. སངྒཱམེ ཙ ནནྡི ཙརཏི – ‘‘རཉྙཱ ལིཙྪཝཱི པབྷགྒཱ’’ཏི. ཨཐ ཁོ ཨཱཡསྨཱ མཧཱམོགྒལླཱནོ བྷིཀྑཱུ ཨཱམནྟེསི – ‘‘རཱཛཱ, ཨཱཝུསོ, ལིཙྪཝཱིཧི པབྷགྒོ’’ཏི. བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ མཧཱམོགྒལླཱནོ ཨེཝཾ ཝཀྑཏི – ‘རཱཛཱ ¶ , ཨཱཝུསོ, ལིཙྪཝཱིཧི པབྷགྒོ’ཏི! སངྒཱམེ ཙ ནནྡིཾ ཙརཏི – ‘རཉྙཱ ལིཙྪཝཱི པབྷགྒཱ’ཏི! ཨུཏྟརིམནུསྶདྷམྨཾ ཨཱཡསྨཱ མཧཱམོགྒལླཱནོ ཨུལླཔཏཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ‘‘པཋམཾ, བྷིཀྑཝེ, རཱཛཱ ལིཙྪཝཱིཧི པབྷགྒོ. ཨཐ ¶ རཱཛཱ པཙྪཱ སེནཾ སངྐཌྜྷིཏྭཱ ལིཙྪཝཡོ པརཱཛེསི. སཙྩཾ, བྷིཀྑཝེ, མོགྒལླཱནོ ཨཱཧ. ཨནཱཔཏྟི, བྷིཀྑཝེ, མོགྒལླཱནསྶཱ’’ཏི.

༢༣༢. ཨཐ ཁོ ཨཱཡསྨཱ མཧཱམོགྒལླཱནོ བྷིཀྑཱུ ཨཱམནྟེསི – ‘‘ཨིདྷཱཧཾ, ཨཱཝུསོ, སཔྤིནིཀཱཡ ནདིཡཱ ཏཱིརེ ཨཱནེཉྫཾ སམཱདྷིཾ སམཱཔནྣོ ནཱགཱནཾ ཨོགཡ྄ཧ ཨུཏྟརནྟཱནཾ ཀོཉྩཾ ཀརོནྟཱནཾ སདྡཾ ཨསྶོསི’’ནྟི. བྷིཀྑཱུ ¶ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ མཧཱམོགྒལླཱནོ ཨཱནེཉྫཾ སམཱདྷིཾ སམཱཔནྣོ སདྡཾ སོསྶཏི! ཨུཏྟརིམནུསྶདྷམྨཾ ཨཱཡསྨཱ མཧཱམོགྒལླཱནོ ཨུལླཔཏཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨཏྠེསོ, བྷིཀྑཝེ, སམཱདྷི སོ ཙ ཁོ ཨཔརིསུདྡྷོ. སཙྩཾ, བྷིཀྑཝེ, མོགྒལླཱནོ ཨཱཧ. ཨནཱཔཏྟི, བྷིཀྑཝེ, མོགྒལླཱནསྶཱ’’ཏི.

ཨཐ ཁོ ཨཱཡསྨཱ སོབྷིཏོ བྷིཀྑཱུ ཨཱམནྟེསི – ‘‘ཨཧཾ, ཨཱཝུསོ, པཉྩ ཀཔྤསཏཱནི ¶ ཨནུསྶརཱམཱི’’ཏི. བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ སོབྷིཏོ ཨེཝཾ ཝཀྑཏི – ‘ཨཧཾ, ཨཱཝུསོ ¶ , པཉྩ ཀཔྤསཏཱནི ཨནུསྶརཱམཱི’ཏི! ཨུཏྟརིམནུསྶདྷམྨཾ ཨཱཡསྨཱ སོབྷིཏོ ཨུལླཔཏཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨཏྠེསཱ, བྷིཀྑཝེ, སོབྷིཏསྶ. སཱ ཙ ཁོ ཨེཀཱཡེཝ ཛཱཏི. སཙྩཾ, བྷིཀྑཝེ, སོབྷིཏོ ཨཱཧ. ཨནཱཔཏྟི, བྷིཀྑཝེ, སོབྷིཏསྶཱཏི.

ཙཏུཏྠཔཱརཱཛིཀཾ སམཏྟཾ.

༢༣༣. ཨུདྡིཊྛཱ ཁོ ཨཱཡསྨནྟོ ཙཏྟཱརོ པཱརཱཛིཀཱ དྷམྨཱ, ཡེསཾ བྷིཀྑུ ཨཉྙཏརཾ ཝཱ ཨཉྙཏརཾ ཝཱ ཨཱཔཛྫིཏྭཱ ན ལབྷཏི བྷིཀྑཱུཧི སདྡྷིཾ སཾཝཱསཾ, ཡཐཱ པུརེ ཏཐཱ པཙྪཱ, པཱརཱཛིཀོ ཧོཏི ཨསཾཝཱསོ. ཏཏྠཱཡསྨནྟེ པུཙྪཱམི – ‘‘ཀཙྩིཏྠ པརིསུདྡྷཱ’’? དུཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? ཏཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? པརིསུདྡྷེཏྠཱཡསྨནྟོ, ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི.

པཱརཱཛིཀཾ ནིཊྛིཏཾ.

ཏསྶུདྡཱནཾ –

མེཐུནཱདིནྣཱདཱནཉྩ, མནུསྶཝིགྒཧུཏྟརི;

པཱརཱཛིཀཱནི ཙཏྟཱརི, ཚེཛྫཝཏྠཱུ ཨསཾསཡཱཏི.

པཱརཱཛིཀཀཎྜཾ ནིཊྛིཏཾ.

༢. སངྒྷཱདིསེསཀཎྜཾ

༡. སུཀྐཝིསྶཊྛིསིཀྑཱཔདཾ

ཨིམེ ¶ ཁོ པནཱཡསྨནྟོ ཏེརས སངྒྷཱདིསེསཱ

དྷམྨཱ ཨུདྡེསཾ ཨཱགཙྪནྟི.

༢༣༤. ཏེན ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ སེཡྻསཀོ ཨནབྷིརཏོ བྲཧྨཙརིཡཾ ཙརཏི. སོ ཏེན ཀིསོ ཧོཏི ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ. ཨདྡས ཁོ ཨཱཡསྨཱ ཨུདཱཡཱི ཨཱཡསྨནྟཾ སེཡྻསཀཾ ཀིསཾ ལཱུཁཾ དུབྦཎྞཾ ཨུཔྤཎྜུཔྤཎྜུཀཛཱཏཾ དྷམནིསནྠཏགཏྟཾ. དིསྭཱན ཨཱཡསྨནྟཾ སེཡྻསཀཾ ཨེཏདཝོཙ – ‘‘ཀིསྶ ཏྭཾ, ཨཱཝུསོ སེཡྻསཀ, ཀིསོ ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ? ཀཙྩི ནོ ཏྭཾ, ཨཱཝུསོ སེཡྻསཀ, ཨནབྷིརཏོ བྲཧྨཙརིཡཾ ཙརསཱི’’ཏི? ‘‘ཨེཝམཱཝུསོ’’ཏི. ‘‘ཏེན ཧི ཏྭཾ, ཨཱཝུསོ སེཡྻསཀ, ཡཱཝདཏྠཾ བྷུཉྫ ཡཱཝདཏྠཾ སུཔ ཡཱཝདཏྠཾ ནྷཱཡ. ཡཱཝདཏྠཾ བྷུཉྫིཏྭཱ ཡཱཝདཏྠཾ སུཔིཏྭཱ ཡཱཝདཏྠཾ ནྷཱཡིཏྭཱ ཡདཱ ཏེ ཨནབྷིརཏི ཨུཔྤཛྫཏི རཱགོ ཙིཏྟཾ ཨནུདྡྷཾསེཏི ཏདཱ ཧཏྠེན ཨུཔཀྐམིཏྭཱ ཨསུཙིཾ མོཙེཧཱི’’ཏི. ‘‘ཀིཾ ནུ ཁོ, ཨཱཝུསོ, ཀཔྤཏི ཨེཝརཱུཔཾ ཀཱཏུ’’ནྟི? ‘‘ཨཱམ, ཨཱཝུསོ. ཨཧམྤི ཨེཝཾ ཀརོམཱི’’ཏི.

ཨཐ ཁོ ཨཱཡསྨཱ སེཡྻསཀོ ཡཱཝདཏྠཾ བྷུཉྫི ཡཱཝདཏྠཾ སུཔི ཡཱཝདཏྠཾ ནྷཱཡི. ཡཱཝདཏྠཾ བྷུཉྫིཏྭཱ ཡཱཝདཏྠཾ སུཔིཏྭཱ ཡཱཝདཏྠཾ ནྷཱཡིཏྭཱ ཡདཱ ཨནབྷིརཏི ཨུཔྤཛྫཏི རཱགོ ཙིཏྟཾ ¶ ཨནུདྡྷཾསེཏི ཏདཱ ཧཏྠེན ཨུཔཀྐམིཏྭཱ ཨསུཙིཾ མོཙེསི ¶ . ཨཐ ཁོ ཨཱཡསྨཱ སེཡྻསཀོ ཨཔརེན སམཡེན ཝཎྞཝཱ ཨཧོསི པཱིཎིནྡྲིཡོ པསནྣམུཁཝཎྞོ ཝིཔྤསནྣཚཝིཝཎྞོ. ཨཐ ཁོ ཨཱཡསྨཏོ སེཡྻསཀསྶ སཧཱཡཀཱ བྷིཀྑཱུ ཨཱཡསྨནྟཾ སེཡྻསཀཾ ཨེཏདཝོཙུཾ – ‘‘པུབྦེ ཁོ ཏྭཾ, ཨཱཝུསོ སེཡྻསཀ, ཀིསོ ཨཧོསི ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ. སོ དཱནི ཏྭཾ ཨེཏརཧི ཝཎྞཝཱ པཱིཎིནྡྲིཡོ པསནྣམུཁཝཎྞོ ¶ ཝིཔྤསནྣཚཝིཝཎྞོ. ཀིཾ ནུ ཁོ ཏྭཾ, ཨཱཝུསོ སེཡྻསཀ, བྷེསཛྫཾ ཀརོསཱི’’ཏི? ‘‘ན ཁོ ཨཧཾ, ཨཱཝུསོ, བྷེསཛྫཾ ཀརོམི ¶ . ཨཔིཙཱཧཾ ཡཱཝདཏྠཾ བྷུཉྫཱམི ཡཱཝདཏྠཾ སུཔཱམི ཡཱཝདཏྠཾ ནྷཱཡཱམི. ཡཱཝདཏྠཾ བྷུཉྫིཏྭཱ ཡཱཝདཏྠཾ སུཔིཏྭཱ ཡཱཝདཏྠཾ ནྷཱཡིཏྭཱ ཡདཱ མེ ཨནབྷིརཏི ཨུཔྤཛྫཏི རཱགོ ཙིཏྟཾ ཨནུདྡྷཾསེཏི ཏདཱ ཧཏྠེན ཨུཔཀྐམིཏྭཱ ཨསུཙིཾ མོཙེམཱི’’ཏི. ‘‘ཀིཾ པན ཏྭཾ, ཨཱཝུསོ སེཡྻསཀ, ཡེནེཝ ཧཏྠེན སདྡྷཱདེཡྻཾ བྷུཉྫསི ཏེནེཝ ཧཏྠེན ཨུཔཀྐམིཏྭཱ ཨསུཙིཾ མོཙེསཱི’’ཏི? ‘‘ཨེཝམཱཝུསོ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ སེཡྻསཀོ ཧཏྠེན ཨུཔཀྐམིཏྭཱ ཨསུཙིཾ མོཙེསྶཏཱི’’ཏི!

ཨཐ ཁོ ཏེ བྷིཀྑཱུ ཨཱཡསྨནྟཾ སེཡྻསཀཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཨཱཡསྨནྟཾ སེཡྻསཀཾ པཊིཔུཙྪི – ‘‘སཙྩཾ ཀིར ཏྭཾ, སེཡྻསཀ, ཧཏྠེན ཨུཔཀྐམིཏྭཱ ཨསུཙིཾ མོཙེསཱི’’ཏི? ‘‘སཙྩཾ, བྷགཝཱ’’ཏི ¶ . ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིས, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏྭཾ, མོགྷཔུརིས, ཧཏྠེན ཨུཔཀྐམིཏྭཱ ཨསུཙིཾ མོཙེསྶསི! ནནུ མཡཱ, མོགྷཔུརིས, ཨནེཀཔརིཡཱཡེན ཝིརཱགཱཡ དྷམྨོ དེསིཏོ ནོ སརཱགཱཡ, ཝིསཉྙོགཱཡ དྷམྨོ དེསིཏོ ནོ སཉྙོགཱཡ, ཨནུཔཱདཱནཱཡ དྷམྨོ དེསིཏོ ནོ སཨུཔཱདཱནཱཡ! ཏཏྠ ནཱམ ཏྭཾ, མོགྷཔུརིས, མཡཱ ཝིརཱགཱཡ དྷམྨེ དེསིཏེ སརཱགཱཡ ཙེཏེསྶསི, ཝིསཉྙོགཱཡ དྷམྨེ དེསིཏེ སཉྙོགཱཡ ཙེཏེསྶསི, ཨནུཔཱདཱནཱཡ དྷམྨེ དེསིཏེ སཨུཔཱདཱནཱཡ ཙེཏེསྶསི! ནནུ མཡཱ, མོགྷཔུརིས, ཨནེཀཔརིཡཱཡེན རཱགཝིརཱགཱཡ དྷམྨོ དེསིཏོ, མདནིམྨདནཱཡ པིཔཱསཝིནཡཱཡ ཨཱལཡསམུགྒྷཱཏཱཡ ཝཊྚུཔཙྪེདཱཡ ཏཎྷཀྑཡཱཡ ཝིརཱགཱཡ ནིརོདྷཱཡ ནིབྦཱནཱཡ དྷམྨོ དེསིཏོ? ནནུ མཡཱ, མོགྷཔུརིས, ཨནེཀཔརིཡཱཡེན ཀཱམཱནཾ པཧཱནཾ ཨཀྑཱཏཾ, ཀཱམསཉྙཱནཾ པརིཉྙཱ ཨཀྑཱཏཱ, ཀཱམཔིཔཱསཱནཾ པཊིཝིནཡོ ཨཀྑཱཏོ, ཀཱམཝིཏཀྐཱནཾ སམུགྒྷཱཏོ ཨཀྑཱཏོ, ཀཱམཔརིལཱ༹ཧཱནཾ ཝཱུཔསམོ ཨཀྑཱཏོ? ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ, པསནྣཱནཾ ཝཱ བྷིཡྻོབྷཱཝཱཡ. ཨཐ ཁྭེཏཾ, མོགྷཔུརིས, ཨཔྤསནྣཱནཉྩེཝ ཨཔྤསཱདཱཡ, པསནྣཱནཉྩ ཨེཀཙྩཱནཾ ཨཉྙཐཏྟཱཡཱ’’ཏི. ཨཐ ཁོ བྷགཝཱ ཨཱཡསྨནྟཾ སེཡྻསཀཾ ¶ ཨནེཀཔརིཡཱཡེན ¶ ཝིགརཧིཏྭཱ དུབྦྷརཏཱཡ…པེ… ‘‘ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘སཉྩེཏནིཀཱ སུཀྐཝིསྶཊྛི [ཝིསཊྛི (སཱི. སྱཱ.)] སངྒྷཱདིསེསོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༣༥. ཏེན ¶ ཁོ པན སམཡེན བྷིཀྑཱུ པཎཱིཏབྷོཛནཱནི བྷུཉྫིཏྭཱ མུཊྛསྶཏཱི ཨསམྤཛཱནཱ ནིདྡཾ ཨོཀྐམནྟི. ཏེསཾ མུཊྛསྶཏཱིནཾ ཨསམྤཛཱནཱནཾ ནིདྡཾ ཨོཀྐམནྟཱནཾ སུཔིནནྟེན ཨསུཙི མུཙྩཏི. ཏེསཾ ཀུཀྐུཙྩཾ ཨཧོསི – ‘‘བྷགཝཏཱ སིཀྑཱཔདཾ པཉྙཏྟཾ – ‘སཉྩེཏནིཀཱ སུཀྐཝིསྶཊྛི སངྒྷཱདིསེསོ’ཏི. ཨམྷཱཀཉྩ སུཔིནནྟེན ཨསུཙི མུཙྩཏི. ཨཏྠི ཙེཏྠ ཙེཏནཱ ལབྦྷཏི. ཀཙྩི ནུ ཁོ མཡཾ སངྒྷཱདིསེསཾ ཨཱཔཏྟིཾ ཨཱཔནྣཱ’’ཏི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨཏྠེསཱ, བྷིཀྑཝེ, ཙེཏནཱ; སཱ ཙ ཁོ ཨབྦོཧཱརིཀཱཏི. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༣༦. ‘‘སཉྩེཏནིཀཱ སུཀྐཝིསྶཊྛི ཨཉྙཏྲ སུཔིནནྟཱ སངྒྷཱདིསེསོ’’ཏི.

༢༣༧. སཉྩེཏནིཀཱཏི ཛཱནནྟོ སཉྫཱནནྟོ ཙེཙྩ ཨབྷིཝིཏརིཏྭཱ ཝཱིཏིཀྐམོ.

སུཀྐནྟི དས སུཀྐཱནི – ནཱིལཾ པཱིཏཀཾ ལོཧིཏཀཾ ཨོདཱཏཾ ཏཀྐཝཎྞཾ དཀཝཎྞཾ ཏེལཝཎྞཾ ཁཱིརཝཎྞཾ དདྷིཝཎྞཾ སཔྤིཝཎྞཾ.

ཝིསྶཊྛཱིཏི ཋཱནཏོ ཙཱཝནཱ ཝུཙྩཏི ཝིསྶཊྛཱིཏི.

ཨཉྙཏྲ སུཔིནནྟཱཏི ཋཔེཏྭཱ སུཔིནནྟཾ.

སངྒྷཱདིསེསོཏི སངྒྷོཝ ཏསྶཱ ཨཱཔཏྟིཡཱ པརིཝཱསཾ དེཏི, མཱུལཱཡ པཊིཀསྶཏི, མཱནཏྟཾ དེཏི ¶ , ཨབྦྷེཏི; ན སམྦཧུལཱ, ན ཨེཀཔུགྒལོ. ཏེན ཝུཙྩཏི – ‘‘སངྒྷཱདིསེསོ’’ཏི. ཏསྶེཝ ཨཱཔཏྟིནིཀཱཡསྶ ནཱམཀམྨཾ ཨདྷིཝཙནཾ. ཏེནཔི ཝུཙྩཏི – ‘‘སངྒྷཱདིསེསོ’’ཏི.

ཨཛ྄ཛྷཏྟརཱུཔེ ¶ མོཙེཏི, བཧིདྡྷཱརཱུཔེ མོཙེཏི, ཨཛ྄ཛྷཏྟབཧིདྡྷཱརཱུཔེ མོཙེཏི, ཨཱཀཱསེ ཀཊིཾ ཀམྤེནྟོ མོཙེཏི; རཱགཱུཔཏྠམྦྷེ མོཙེཏི, ཝཙྩཱུཔཏྠམྦྷེ མོཙེཏི, པསྶཱཝཱུཔཏྠམྦྷེ མོཙེཏི, ཝཱཏཱུཔཏྠམྦྷེ མོཙེཏི ¶ , ཨུཙྩཱལིངྒཔཱཎཀདཊྛཱུཔཏྠམྦྷེ མོཙེཏི; ཨཱརོགྱཏྠཱཡ མོཙེཏི, སུཁཏྠཱཡ མོཙེཏི, བྷེསཛྫཏྠཱཡ མོཙེཏི, དཱནཏྠཱཡ མོཙེཏི, པུཉྙཏྠཱཡ ¶ མོཙེཏི, ཡཉྙཏྠཱཡ མོཙེཏི, སགྒཏྠཱཡ མོཙེཏི, བཱིཛཏྠཱཡ མོཙེཏི, ཝཱིམཾསཏྠཱཡ མོཙེཏི, དཝཏྠཱཡ མོཙེཏི; ནཱིལཾ མོཙེཏི, པཱིཏཀཾ མོཙེཏི, ལོཧིཏཀཾ མོཙེཏི, ཨོདཱཏཾ མོཙེཏི, ཏཀྐཝཎྞཾ མོཙེཏི, དཀཝཎྞཾ མོཙེཏི, ཏེལཝཎྞཾ མོཙེཏི, ཁཱིརཝཎྞཾ མོཙེཏི, དདྷིཝཎྞཾ མོཙེཏི, སཔྤིཝཎྞཾ མོཙེཏི.

༢༣༨. ཨཛ྄ཛྷཏྟརཱུཔེཏི ཨཛ྄ཛྷཏྟཾ ཨུཔཱདིནྣེ [ཨུཔཱདིཎྞེ (སཱི. ཀ.)] རཱུཔེ.

བཧིདྡྷཱརཱུཔེཏི བཧིདྡྷཱ ཨུཔཱདིནྣེ ཝཱ ཨནུཔཱདིནྣེ ཝཱ.

ཨཛ྄ཛྷཏྟབཧིདྡྷཱརཱུཔེཏི ཏདུབྷཡེ.

ཨཱཀཱསེ ཀཊིཾ ཀམྤེནྟོཏི ཨཱཀཱསེ ཝཱཡམནྟསྶ ཨངྒཛཱཏཾ ཀམྨནིཡཾ ཧོཏི.

རཱགཱུཔཏྠམྦྷེཏི རཱགེན པཱིལི༹ཏསྶ ཨངྒཛཱཏཾ ཀམྨནིཡཾ ཧོཏི.

ཝཙྩཱུཔཏྠམྦྷེཏི ཝཙྩེན པཱིལི༹ཏསྶ ཨངྒཛཱཏཾ ཀམྨནིཡཾ ཧོཏི.

པསྶཱཝཱུཔཏྠམྦྷེཏི པསྶཱཝེན པཱིལི༹ཏསྶ ཨངྒཛཱཏཾ ཀམྨནིཡཾ ཧོཏི.

ཝཱཏཱུཔཏྠམྦྷེཏི ཝཱཏེན པཱིལི༹ཏསྶ ཨངྒཛཱཏཾ ཀམྨནིཡཾ ཧོཏི.

ཨུཙྩཱལིངྒཔཱཎཀདཊྛཱུཔཏྠམྦྷེཏི ཨུཙྩཱལིངྒཔཱཎཀདཊྛེན ཨངྒཛཱཏཾ ཀམྨནིཡཾ ཧོཏི.

༢༣༩. ཨཱརོགྱཏྠཱཡཱཏི ¶ ཨརོགོ བྷཝིསྶཱམི.

སུཁཏྠཱཡཱཏི སུཁཾ ཝེདནཾ ཨུཔྤཱདེསྶཱམི.

བྷེསཛྫཏྠཱཡཱཏི བྷེསཛྫཾ བྷཝིསྶཏི.

དཱནཏྠཱཡཱཏི ¶ དཱནཾ དསྶཱམི.

པུཉྙཏྠཱཡཱཏི པུཉྙཾ བྷཝིསྶཏི.

ཡཉྙཏྠཱཡཱཏི ཡཉྙཾ ཡཛིསྶཱམི.

སགྒཏྠཱཡཱཏི སགྒཾ གམིསྶཱམི.

བཱིཛཏྠཱཡཱཏི བཱིཛཾ བྷཝིསྶཏི.

ཝཱིམཾསཏྠཱཡཱཏི ¶ ནཱིལཾ བྷཝིསྶཏི, པཱིཏཀཾ བྷཝིསྶཏི, ལོཧིཏཀཾ བྷཝིསྶཏི, ཨོདཱཏཾ བྷཝིསྶཏི, ཏཀྐཝཎྞཾ བྷཝིསྶཏི, དཀཝཎྞཾ བྷཝིསྶཏི, ཏེལཝཎྞཾ བྷཝིསྶཏི, ཁཱིརཝཎྞཾ བྷཝིསྶཏི, དདྷིཝཎྞཾ བྷཝིསྶཏི, སཔྤིཝཎྞཾ བྷཝིསྶཏཱིཏི.

དཝཏྠཱཡཱཏི ཁིཌྜཱདྷིཔྤཱཡོ.

༢༤༠. ཨཛ྄ཛྷཏྟརཱུཔེ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

བཧིདྡྷཱརཱུཔེ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཨཛ྄ཛྷཏྟབཧིདྡྷཱརཱུཔེ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཨཱཀཱསེ ཀཊིཾ ཀམྤེནྟོ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

རཱགཱུཔཏྠམྦྷེ ¶ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཝཙྩཱུཔཏྠམྦྷེ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

པསྶཱཝཱུཔཏྠམྦྷེ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཝཱཏཱུཔཏྠམྦྷེ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཨུཙྩཱལིངྒཔཱཎཀདཊྛཱུཔཏྠམྦྷེ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཨཱརོགྱཏྠཱཡ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

སུཁཏྠཱཡ…པེ… བྷེསཛྫཏྠཱཡ… དཱནཏྠཱཡ… པུཉྙཏྠཱཡ… ཡཉྙཏྠཱཡ… སགྒཏྠཱཡ… བཱིཛཏྠཱཡ… ཝཱིམཾསཏྠཱཡ… དཝཏྠཱཡ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ནཱིལཾ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ ¶ .

པཱིཏཀཾ… ལོཧིཏཀཾ… ཨོདཱཏཾ… ཏཀྐཝཎྞཾ… དཀཝཎྞཾ… ཏེལཝཎྞཾ… ཁཱིརཝཎྞཾ… དདྷིཝཎྞཾ… སཔྤིཝཎྞཾ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

སུདྡྷིཀཾ ནིཊྛིཏཾ.

ཨཱརོགྱཏྠཉྩ ¶ ¶ སུཁཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཨཱརོགྱཏྠཉྩ བྷེསཛྫཏྠཉྩ…པེ… ཨཱརོགྱཏྠཉྩ དཱནཏྠཉྩ… ཨཱརོགྱཏྠཉྩ པུཉྙཏྠཉྩ… ཨཱརོགྱཏྠཉྩ ཡཉྙཏྠཉྩ… ཨཱརོགྱཏྠཉྩ སགྒཏྠཉྩ… ཨཱརོགྱཏྠཉྩ བཱིཛཏྠཉྩ… ཨཱརོགྱཏྠཉྩ ཝཱིམཾསཏྠཉྩ… ཨཱརོགྱཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཨེཀམཱུལཀསྶ ཁཎྜཙཀྐཾ ནིཊྛིཏཾ.

༢༤༡. སུཁཏྠཉྩ ¶ བྷེསཛྫཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

སུཁཏྠཉྩ དཱནཏྠཉྩ…པེ… སུཁཏྠཉྩ པུཉྙཏྠཉྩ… སུཁཏྠཉྩ ཡཉྙཏྠཉྩ… སུཁཏྠཉྩ སགྒཏྠཉྩ… སུཁཏྠཉྩ བཱིཛཏྠཉྩ… སུཁཏྠཉྩ ཝཱིམཾསཏྠཉྩ… སུཁཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

སུཁཏྠཉྩ ཨཱརོགྱཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

༢༤༢. བྷེསཛྫཏྠཉྩ ¶ དཱནཏྠཉྩ…པེ… བྷེསཛྫཏྠཉྩ པུཉྙཏྠཉྩ… བྷེསཛྫཏྠཉྩ ཡཉྙཏྠཉྩ… བྷེསཛྫཏྠཉྩ སགྒཏྠཉྩ… བྷེསཛྫཏྠཉྩ བཱིཛཏྠཉྩ… བྷེསཛྫཏྠཉྩ ཝཱིམཾསཏྠཉྩ… བྷེསཛྫཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

བྷེསཛྫཏྠཉྩ ཨཱརོགྱཏྠཉྩ…པེ… བྷེསཛྫཏྠཉྩ སུཁཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

དཱནཏྠཉྩ པུཉྙཏྠཉྩ…པེ… དཱནཏྠཉྩ ཡཉྙཏྠཉྩ… དཱནཏྠཉྩ སགྒཏྠཉྩ… དཱནཏྠཉྩ བཱིཛཏྠཉྩ… དཱནཏྠཉྩ ཝཱིམཾསཏྠཉྩ… དཱནཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

དཱནཏྠཉྩ ཨཱརོགྱཏྠཉྩ…པེ… དཱནཏྠཉྩ སུཁཏྠཉྩ… དཱནཏྠཉྩ བྷེསཛྫཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

པུཉྙཏྠཉྩ ཡཉྙཏྠཉྩ…པེ… པུཉྙཏྠཉྩ སགྒཏྠཉྩ… པུཉྙཏྠཉྩ བཱིཛཏྠཉྩ… པུཉྙཏྠཉྩ ཝཱིམཾསཏྠཉྩ… པུཉྙཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

པུཉྙཏྠཉྩ ¶ ཨཱརོགྱཏྠཉྩ…པེ… པུཉྙཏྠཉྩ སུཁཏྠཉྩ… པུཉྙཏྠཉྩ བྷེསཛྫཏྠཉྩ… པུཉྙཏྠཉྩ དཱནཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཡཉྙཏྠཉྩ ¶ སགྒཏྠཉྩ…པེ… ཡཉྙཏྠཉྩ བཱིཛཏྠཉྩ… ཡཉྙཏྠཉྩ ཝཱིམཾསཏྠཉྩ ¶ … ཡཉྙཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཡཉྙཏྠཉྩ ཨཱརོགྱཏྠཉྩ…པེ… ཡཉྙཏྠཉྩ སུཁཏྠཉྩ… ཡཉྙཏྠཉྩ བྷེསཛྫཏྠཉྩ… ཡཉྙཏྠཉྩ དཱནཏྠཉྩ… ཡཉྙཏྠཉྩ པུཉྙཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

སགྒཏྠཉྩ བཱིཛཏྠཉྩ…པེ… སགྒཏྠཉྩ ཝཱིམཾསཏྠཉྩ… སགྒཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

སགྒཏྠཉྩ ཨཱརོགྱཏྠཉྩ…པེ… སགྒཏྠཉྩ སུཁཏྠཉྩ… སགྒཏྠཉྩ བྷེསཛྫཏྠཉྩ… སགྒཏྠཉྩ དཱནཏྠཉྩ… སགྒཏྠཉྩ པུཉྙཏྠཉྩ… སགྒཏྠཉྩ ཡཉྙཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

བཱིཛཏྠཉྩ ཝཱིམཾསཏྠཉྩ…པེ… བཱིཛཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

བཱིཛཏྠཉྩ ཨཱརོགྱཏྠཉྩ…པེ… བཱིཛཏྠཉྩ སུཁཏྠཉྩ… བཱིཛཏྠཉྩ བྷེསཛྫཏྠཉྩ… བཱིཛཏྠཉྩ དཱནཏྠཉྩ… བཱིཛཏྠཉྩ པུཉྙཏྠཉྩ… བཱིཛཏྠཉྩ ཡཉྙཏྠཉྩ… བཱིཛཏྠཉྩ སགྒཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཝཱིམཾསཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཝཱིམཾསཏྠཉྩ ཨཱརོགྱཏྠཉྩ…པེ… ཝཱིམཾསཏྠཉྩ སུཁཏྠཉྩ… ཝཱིམཾསཏྠཉྩ བྷེསཛྫཏྠཉྩ… ཝཱིམཾསཏྠཉྩ དཱནཏྠཉྩ… ཝཱིམཾསཏྠཉྩ པུཉྙཏྠཉྩ… ཝཱིམཾསཏྠཉྩ ཡཉྙཏྠཉྩ… ཝཱིམཾསཏྠཉྩ སགྒཏྠཉྩ… ཝཱིམཾསཏྠཉྩ བཱིཛཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

དཝཏྠཉྩ ཨཱརོགྱཏྠཉྩ…པེ… ¶ དཝཏྠཉྩ སུཁཏྠཉྩ… དཝཏྠཉྩ བྷེསཛྫཏྠཉྩ… དཝཏྠཉྩ དཱནཏྠཉྩ… དཝཏྠཉྩ པུཉྙཏྠཉྩ… དཝཏྠཉྩ ཡཉྙཏྠཉྩ… དཝཏྠཉྩ སགྒཏྠཉྩ… དཝཏྠཉྩ བཱིཛཏྠཉྩ… དཝཏྠཉྩ ཝཱིམཾསཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཨེཀམཱུལཀསྶ བདྡྷཙཀྐཾ ནིཊྛིཏཾ.

ཨཱརོགྱཏྠཉྩ ¶ ¶ སུཁཏྠཉྩ བྷེསཛྫཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ…པེ… ཨཱརོགྱཏྠཉྩ སུཁཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

དུམཱུལཀསྶ ཁཎྜཙཀྐཾ.

སུཁཏྠཉྩ བྷེསཛྫཏྠཉྩ དཱནཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ…པེ… སུཁཏྠཉྩ བྷེསཛྫཏྠཉྩ དཝཏྠཉྩ…པེ… སུཁཏྠཉྩ བྷེསཛྫཏྠཉྩ ཨཱརོགྱཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

དུམཱུལཀསྶ བདྡྷཙཀྐཾ སཾཁིཏྟཾ.

ཝཱིམཾསཏྠཉྩ དཝཏྠཉྩ ཨཱརོགྱཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ. ཝཱིམཾསཏྠཉྩ དཝཏྠཉྩ བཱིཛཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

དུམཱུལཀཾ ནིཊྛིཏཾ.

ཏིམཱུལཀམྤི ¶ ཙཏུམཱུལཀམྤི པཉྩམཱུལཀམྤི ཚམཱུལཀམྤི སཏྟམཱུལཀམྤི ཨཊྛམཱུལཀམྤི ནཝམཱུལཀམྤི ཨེཝམེཝ ཝིཏྠཱརེཏབྦཾ.

ཨིདཾ སབྦམཱུལཀཾ.

༢༤༣. ཨཱརོགྱཏྠཉྩ སུཁཏྠཉྩ བྷེསཛྫཏྠཉྩ དཱནཏྠཉྩ པུཉྙཏྠཉྩ ཡཉྙཏྠཉྩ སགྒཏྠཉྩ བཱིཛཏྠཉྩ ཝཱིམཾསཏྠཉྩ དཝཏྠཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

སབྦམཱུལཀཾ ནིཊྛིཏཾ.

༢༤༤. ནཱིལཉྩ ¶ པཱིཏཀཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ནཱིལཉྩ ལོཧིཏཀཉྩ…པེ… ནཱིལཉྩ ཨོདཱཏཉྩ… ནཱིལཉྩ ཏཀྐཝཎྞཉྩ… ནཱིལཉྩ དཀཝཎྞཉྩ… ནཱིལཉྩ ཏེལཝཎྞཉྩ… ནཱིལཉྩ ཁཱིརཝཎྞཉྩ… ནཱིལཉྩ དདྷིཝཎྞཉྩ… ནཱིལཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏྟི, ཨཱཔཏྟི སངྒྷཱདིསེསསྶ.

ཨེཀམཱུལཀསྶ ཁཎྜཙཀྐཾ ནིཊྛིཏཾ.

༢༤༥. པཱིཏཀཉྩ ¶ ལོཧིཏཀཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

པཱིཏཀཉྩ ཨོདཱཏཉྩ…པེ… པཱིཏཀཉྩ ཏཀྐཝཎྞཉྩ… པཱིཏཀཉྩ དཀཝཎྞཉྩ… པཱིཏཀཉྩ ཏེལཝཎྞཉྩ… པཱིཏཀཉྩ ཁཱིརཝཎྞཉྩ… པཱིཏཀཉྩ དདྷིཝཎྞཉྩ… པཱིཏཀཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

པཱིཏཀཉྩ ནཱིལཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི ¶ སངྒྷཱདིསེསསྶ.

ཨེཀམཱུལཀསྶ བདྡྷཙཀྐཾ.

༢༤༦. ལོཧིཏཀཉྩ ཨོདཱཏཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ལོཧིཏཀཉྩ ཏཀྐཝཎྞཉྩ…པེ… ལོཧིཏཀཉྩ དཀཝཎྞཉྩ… ལོཧིཏཀཉྩ ཏེལཝཎྞཉྩ… ལོཧིཏཀཉྩ ཁཱིརཝཎྞཉྩ… ལོཧིཏཀཉྩ དདྷིཝཎྞཉྩ… ལོཧིཏཀཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ལོཧིཏཀཉྩ ནཱིལཉྩ…པེ… ལོཧིཏཀཉྩ པཱིཏཀཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཨོདཱཏཉྩ ¶ ཏཀྐཝཎྞཉྩ…པེ… ཨོདཱཏཉྩ དཀཝཎྞཉྩ… ཨོདཱཏཉྩ ཏེལཝཎྞཉྩ… ཨོདཱཏཉྩ ཁཱིརཝཎྞཉྩ… ཨོདཱཏཉྩ དདྷིཝཎྞཉྩ… ཨོདཱཏཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཨོདཱཏཉྩ ནཱིལཉྩ…པེ… ཨོདཱཏཉྩ པཱིཏཀཉྩ… ཨོདཱཏཉྩ ལོཧིཏཀཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཏཀྐཝཎྞཉྩ དཀཝཎྞཉྩ…པེ… ཏཀྐཝཎྞཉྩ ཏེལཝཎྞཉྩ… ཏཀྐཝཎྞཉྩ ཁཱིརཝཎྞཉྩ… ཏཀྐཝཎྞཉྩ དདྷིཝཎྞཉྩ… ཏཀྐཝཎྞཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཏཀྐཝཎྞཉྩ ནཱིལཉྩ…པེ… ཏཀྐཝཎྞཉྩ པཱིཏཀཉྩ… ཏཀྐཝཎྞཉྩ ལོཧིཏཀཉྩ… ཏཀྐཝཎྞཉྩ ཨོདཱཏཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

དཀཝཎྞཉྩ ¶ ཏེལཝཎྞཉྩ…པེ… དཀཝཎྞཉྩ ཁཱིརཝཎྞཉྩ… དཀཝཎྞཉྩ དདྷིཝཎྞཉྩ… དཀཝཎྞཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

དཀཝཎྞཉྩ ནཱིལཉྩ…པེ… དཀཝཎྞཉྩ པཱིཏཀཉྩ… དཀཝཎྞཉྩ ལོཧིཏཀཉྩ… དཀཝཎྞཉྩ ཨོདཱཏཉྩ… དཀཝཎྞཉྩ ཏཀྐཝཎྞཉྩ ཙེཏེཏི ཨུཔཀྐམཏི མུཙྩཏི ¶ , ཨཱཔཏྟི སངྒྷཱདིསེསསྶ.

ཏེལཝཎྞཉྩ ཁཱིརཝཎྞཉྩ…པེ… ཏེལཝཎྞཉྩ དདྷིཝཎྞཉྩ… ཏེལཝཎྞཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཏེལཝཎྞཉྩ ནཱིལཉྩ…པེ… ཏེལཝཎྞཉྩ པཱིཏཀཉྩ… ཏེལཝཎྞཉྩ ལོཧིཏཀཉྩ… ཏེལཝཎྞཉྩ ཨོདཱཏཉྩ… ཏེལཝཎྞཉྩ ཏཀྐཝཎྞཉྩ… ཏེལཝཎྞཉྩ དཀཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཁཱིརཝཎྞཉྩ ¶ དདྷིཝཎྞཉྩ…པེ… ཁཱིརཝཎྞཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཁཱིརཝཎྞཉྩ ནཱིལཉྩ…པེ… ཁཱིརཝཎྞཉྩ པཱིཏཀཉྩ… ཁཱིརཝཎྞཉྩ ལོཧིཏཀཉྩ… ཁཱིརཝཎྞཉྩ ཨོདཱཏཉྩ… ཁཱིརཝཎྞཉྩ ཏཀྐཝཎྞཉྩ… ཁཱིརཝཎྞཉྩ དཀཝཎྞཉྩ… ཁཱིརཝཎྞཉྩ ཏེལཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

དདྷིཝཎྞཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

དདྷིཝཎྞཉྩ ནཱིལཉྩ…པེ… དདྷིཝཎྞཉྩ པཱིཏཀཉྩ… དདྷིཝཎྞཉྩ ལོཧིཏཀཉྩ… དདྷིཝཎྞཉྩ ཨོདཱཏཉྩ… དདྷིཝཎྞཉྩ ཏཀྐཝཎྞཉྩ… དདྷིཝཎྞཉྩ དཀཝཎྞཉྩ… དདྷིཝཎྞཉྩ ཏེལཝཎྞཉྩ… དདྷིཝཎྞཉྩ ཁཱིརཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

སཔྤིཝཎྞཉྩ ནཱིལཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

སཔྤིཝཎྞཉྩ པཱིཏཀཉྩ…པེ… སཔྤིཝཎྞཉྩ ལོཧིཏཀཉྩ… སཔྤིཝཎྞཉྩ ཨོདཱཏཉྩ… སཔྤིཝཎྞཉྩ ཏཀྐཝཎྞཉྩ… སཔྤིཝཎྞཉྩ དཀཝཎྞཉྩ… སཔྤིཝཎྞཉྩ ཏེལཝཎྞཉྩ… སཔྤིཝཎྞཉྩ ཁཱིརཝཎྞཉྩ ¶ … སཔྤིཝཎྞཉྩ དདྷིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཨེཀམཱུལཀསྶ བདྡྷཙཀྐཾ ནིཊྛིཏཾ.

ནཱིལཉྩ ¶ པཱིཏཀཉྩ ལོཧིཏཀཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ…པེ… ནཱིལཉྩ པཱིཏཀཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

དུམཱུལཀསྶ ཁཎྜཙཀྐཾ.

པཱིཏཀཉྩ ¶ ལོཧིཏཀཉྩ ཨོདཱཏཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ…པེ… པཱིཏཀཉྩ ལོཧིཏཀཉྩ སཔྤིཝཎྞཉྩ…པེ… པཱིཏཀཉྩ ལོཧིཏཀཉྩ ནཱིལཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

དུམཱུལཀསྶ བདྡྷཙཀྐཾ སཾཁིཏྟཾ.

དདྷིཝཎྞཉྩ སཔྤིཝཎྞཉྩ ནཱིལཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ…པེ… དདྷིཝཎྞཉྩ སཔྤིཝཎྞཉྩ ཁཱིརཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

དུམཱུལཀཾ ནིཊྛིཏཾ.

ཏིམཱུལཀམྤི ཙཏུམཱུལཀམྤི པཉྩམཱུལཀམྤི ཚམཱུལཀམྤི སཏྟམཱུལཀམྤི ཨཊྛམཱུལཀམྤི ནཝམཱུལཀམྤི ཨེཝམེཝ ཝིཏྠཱརེཏབྦཾ.

ཨིདཾ སབྦམཱུལཀཾ.

༢༤༧. ནཱིལཉྩ ¶ པཱིཏཀཉྩ ལོཧིཏཀཉྩ ཨོདཱཏཉྩ ཏཀྐཝཎྞཉྩ དཀཝཎྞཉྩ ཏེལཝཎྞཉྩ ཁཱིརཝཎྞཉྩ དདྷིཝཎྞཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

སབྦམཱུལཀཾ ནིཊྛིཏཾ.

༢༤༨. ཨཱརོགྱཏྠཉྩ ནཱིལཉྩ [ཨཱརོགྱཏྠཾ ནཱིལཾ (?)] ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཨཱརོགྱཏྠཉྩ སུཁཏྠཉྩ ནཱིལཉྩ པཱིཏཀཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཨཱརོགྱཏྠཉྩ ¶ སུཁཏྠཉྩ བྷེསཛྫཏྠཉྩ ནཱིལཉྩ པཱིཏཀཉྩ ལོཧིཏཀཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཨུབྷཏོ ¶ ཝཌྜྷཀཾ ཨེཝམེཝ ཝཌྜྷེཏབྦཾ.

ཨཱརོགྱཏྠཉྩ ¶ སུཁཏྠཉྩ བྷེསཛྫཏྠཉྩ དཱནཏྠཉྩ པུཉྙཏྠཉྩ ཡཉྙཏྠཉྩ སགྒཏྠཉྩ བཱིཛཏྠཉྩ ཝཱིམཾསཏྠཉྩ དཝཏྠཉྩ ནཱིལཉྩ པཱིཏཀཉྩ ལོཧིཏཀཉྩ ཨོདཱཏཉྩ ཏཀྐཝཎྞཉྩ དཀཝཎྞཉྩ ཏེལཝཎྞཉྩ ¶ ཁཱིརཝཎྞཉྩ དདྷིཝཎྞཉྩ སཔྤིཝཎྞཉྩ ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

མིསྶཀཙཀྐཾ ནིཊྛིཏཾ.

༢༤༩. ནཱིལཾ མོཙེསྶཱམཱིཏི ཙེཏེཏི ཨུཔཀྐམཏི པཱིཏཀཾ མུཙྩཏི, ཨཱཔཏྟི སངྒྷཱདིསེསསྶ.

ནཱིལཾ མོཙེསྶཱམཱིཏི ཙེཏེཏི ཨུཔཀྐམཏི ལོཧིཏཀཾ…པེ… ཨོདཱཏཾ ¶ … ཏཀྐཝཎྞཾ… དཀཝཎྞཾ… ཏེལཝཎྞཾ… ཁཱིརཝཎྞཾ… དདྷིཝཎྞཾ… སཔྤིཝཎྞཾ མུཙྩཏི, ཨཱཔཏྟི སངྒྷཱདིསེསསྶ.

ཁཎྜཙཀྐཾ ནིཊྛིཏཾ.

༢༥༠. པཱིཏཀཾ མོཙེསྶཱམཱིཏི ཙེཏེཏི ཨུཔཀྐམཏི ལོཧིཏཀཾ མུཙྩཏི, ཨཱཔཏྟི སངྒྷཱདིསེསསྶ.

པཱིཏཀཾ མོཙེསྶཱམཱིཏི ཙེཏེཏི ཨུཔཀྐམཏི ཨོདཱཏཾ…པེ… ཏཀྐཝཎྞཾ… དཀཝཎྞཾ… ཏེལཝཎྞཾ… ཁཱིརཝཎྞཾ… དདྷིཝཎྞཾ… སཔྤིཝཎྞཾ… ནཱིལཾ མུཙྩཏི, ཨཱཔཏྟི སངྒྷཱདིསེསསྶ.

བདྡྷཙཀྐམཱུལཾ སཾཁིཏྟཾ.

༢༥༡. སཔྤིཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི ནཱིལཾ མུཙྩཏི, ཨཱཔཏྟི སངྒྷཱདིསེསསྶ.

སཔྤིཝཎྞཾ ¶ མོཙེསྶཱམཱིཏི ཙེཏེཏི ཨུཔཀྐམཏི པཱིཏཀཾ…པེ… ལོཧིཏཀཾ… ཨོདཱཏཾ ¶ … ཏཀྐཝཎྞཾ… དཀཝཎྞཾ… ཏེལཝཎྞཾ… ཁཱིརཝཎྞཾ… དདྷིཝཎྞཾ མུཙྩཏི, ཨཱཔཏྟི སངྒྷཱདིསེསསྶ.

ཀུཙྪིཙཀྐཾ ནིཊྛིཏཾ.

༢༥༢. པཱིཏཀཾ ¶ མོཙེསྶཱམཱིཏི ཙེཏེཏི ཨུཔཀྐམཏི ནཱིལཾ མུཙྩཏི, ཨཱཔཏྟི སངྒྷཱདིསེསསྶ.

ལོཧིཏཀཾ…པེ… ཨོདཱཏཾ… ཏཀྐཝཎྞཾ… དཀཝཎྞཾ… ཏེལཝཎྞཾ… ཁཱིརཝཎྞཾ… དདྷིཝཎྞཾ… སཔྤིཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི ནཱིལཾ མུཙྩཏི, ཨཱཔཏྟི སངྒྷཱདིསེསསྶ.

པིཊྛིཙཀྐསྶ པཋམཾ གམནཾ ནིཊྛིཏཾ.

༢༥༣. ལོཧིཏཀཾ མོཙེསྶཱམཱིཏི ཙེཏེཏི ཨུཔཀྐམཏི པཱིཏཀཾ མུཙྩཏི, ཨཱཔཏྟི སངྒྷཱདིསེསསྶ.

ཨོདཱཏཾ…པེ… ཏཀྐཝཎྞཾ… དཀཝཎྞཾ… ཏེལཝཎྞཾ… ཁཱིརཝཎྞཾ

¶ … དདྷིཝཎྞཾ… སཔྤིཝཎྞཾ… ནཱིལཾ མོཙེསྶཱམཱིཏི ཙེཏེཏི ཨུཔཀྐམཏི པཱིཏཀཾ མུཙྩཏི, ཨཱཔཏྟི སངྒྷཱདིསེསསྶ.

པིཊྛིཙཀྐསྶ དུཏིཡཾ གམནཾ ནིཊྛིཏཾ.

༢༥༤. ཨོདཱཏཾ མོཙེསྶཱམཱིཏི ཙེཏེཏི ཨུཔཀྐམཏི ལོཧིཏཀཾ མུཙྩཏི, ཨཱཔཏྟི སངྒྷཱདིསེསསྶ.

ཏཀྐཝཎྞཾ…པེ… དཀཝཎྞཾ… ཏེལཝཎྞཾ… ཁཱིརཝཎྞཾ… དདྷིཝཎྞཾ…

སཔྤིཝཎྞཾ… ནཱིལཾ ¶ … པཱིཏཀཾ མོཙེསྶཱམཱིཏི ཙེཏེཏི ཨུཔཀྐམཏི ལོཧིཏཀཾ མུཙྩཏི, ཨཱཔཏྟི སངྒྷཱདིསེསསྶ.

པིཊྛིཙཀྐསྶ ཏཏིཡཾ གམནཾ ནིཊྛིཏཾ.

༢༥༥. ཏཀྐཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི ཨོདཱཏཾ མུཙྩཏི, ཨཱཔཏྟི སངྒྷཱདིསེསསྶ.

དཀཝཎྞཾ…པེ… ཏེལཝཎྞཾ… ཁཱིརཝཎྞཾ… དདྷིཝཎྞཾ… སཔྤིཝཎྞཾ… ནཱིལཾ… པཱིཏཀཾ… ལོཧིཏཀཾ མོཙེསྶཱམཱིཏི ཙེཏེཏི ཨུཔཀྐམཏི ཨོདཱཏཾ མུཙྩཏི, ཨཱཔཏྟི སངྒྷཱདིསེསསྶ.

པིཊྛིཙཀྐསྶ ཙཏུཏྠཾ གམནཾ ནིཊྛིཏཾ.

༢༥༦. དཀཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི ཏཀྐཝཎྞཾ མུཙྩཏི, ཨཱཔཏྟི སངྒྷཱདིསེསསྶ.

ཏེལཝཎྞཾ ¶ …པེ… ཁཱིརཝཎྞཾ… དདྷིཝཎྞཾ… སཔྤིཝཎྞཾ… ནཱིལ…

པཱིཏཀཾ… ལོཧིཏཀཾ… ཨོདཱཏཾ མོཙེསྶཱམཱིཏི ཙེཏེཏི ཨུཔཀྐམཏི ཏཀྐཝཎྞཾ མུཙྩཏི, ཨཱཔཏྟི སངྒྷཱདིསེསསྶ.

པིཊྛིཙཀྐསྶ པཉྩམཾ གམནཾ ནིཊྛིཏཾ.

༢༥༧. ཏེལཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི དཀཝཎྞཾ མུཙྩཏི, ཨཱཔཏྟི སངྒྷཱདིསེསསྶ.

ཁཱིརཝཎྞཾ…པེ… དདྷིཝཎྞཾ… སཔྤིཝཎྞཾ… ནཱིལཾ ¶ … པཱིཏཀཾ… ལོཧིཏཀཾ…

ཨོདཱཏཾ… ཏཀྐཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི དཀཝཎྞཾ མུཙྩཏི, ཨཱཔཏྟི སངྒྷཱདིསེསསྶ.

པིཊྛིཙཀྐསྶ ཚཊྛཾ གམནཾ ནིཊྛིཏཾ.

༢༥༨. ཁཱིརཝཎྞཾ ¶ མོཙེསྶཱམཱིཏི ཙེཏེཏི ཨུཔཀྐམཏི ཏེལཝཎྞཾ མུཙྩཏི, ཨཱཔཏྟི སངྒྷཱདིསེསསྶ.

དདྷིཝཎྞཾ…པེ… སཔྤིཝཎྞཾ… ནཱིལཾ… པཱིཏཀཾ… ལོཧིཏཀཾ… ཨོདཱཏཾ… ཏཀྐཝཎྞཾ… དཀཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི ཏེལཝཎྞཾ མུཙྩཏི, ཨཱཔཏྟི སངྒྷཱདིསེསསྶ.

པིཊྛིཙཀྐསྶ སཏྟམཾ གམནཾ ནིཊྛིཏཾ.

༢༥༩. དདྷིཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི ཁཱིརཝཎྞཾ མུཙྩཏི, ཨཱཔཏྟི སངྒྷཱདིསེསསྶ.

སཔྤིཝཎྞཾ…པེ… ནཱིལཾ… པཱིཏཀཾ… ལོཧིཏཀཾ… ཨོདཱཏཾ… ཏཀྐཝཎྞཾ… དཀཝཎྞཾ… ཏེལཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི ཁཱིརཝཎྞཾ མུཙྩཏི, ཨཱཔཏྟི སངྒྷཱདིསེསསྶ.

པིཊྛིཙཀྐསྶ ཨཊྛམཾ གམནཾ ནིཊྛིཏཾ.

༢༦༠. སཔྤིཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི དདྷིཝཎྞཾ མུཙྩཏི, ཨཱཔཏྟི སངྒྷཱདིསེསསྶ.

ནཱིལཾ…པེ… པཱིཏཀཾ… ལོཧིཏཀཾ… ཨོདཱཏཾ… ཏཀྐཝཎྞཾ… དཀཝཎྞཾ… ཏེལཝཎྞཾ… ཁཱིརཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི དདྷིཝཎྞཾ མུཙྩཏི, ཨཱཔཏྟི སངྒྷཱདིསེསསྶ.

པིཊྛིཙཀྐསྶ ནཝམཾ གམནཾ ནིཊྛིཏཾ.

༢༦༡. ནཱིལཾ ¶ མོཙེསྶཱམཱིཏི ཙེཏེཏི ཨུཔཀྐམཏི སཔྤིཝཎྞཾ མུཙྩཏི, ཨཱཔཏྟི སངྒྷཱདིསེསསྶ.

པཱིཏཀཾ ¶ …པེ… ལོཧིཏཀཾ… ཨོདཱཏཾ… ཏཀྐཝཎྞཾ… དཀཝཎྞཾ ¶ … ཏེལཝཎྞཾ… ཁཱིརཝཎྞཾ… དདྷིཝཎྞཾ མོཙེསྶཱམཱིཏི ཙེཏེཏི ཨུཔཀྐམཏི སཔྤིཝཎྞཾ མུཙྩཏི, ཨཱཔཏྟི སངྒྷཱདིསེསསྶ.

པིཊྛིཙཀྐསྶ དསམཾ གམནཾ ནིཊྛིཏཾ.

པིཊྛིཙཀྐཾ ནིཊྛིཏཾ.

༢༦༢. ཙེཏེཏི ¶ ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ.

ཙེཏེཏི ཨུཔཀྐམཏི ན མུཙྩཏི, ཨཱཔཏྟི ཐུལླཙྩཡསྶ.

ཙེཏེཏི ན ཨུཔཀྐམཏི མུཙྩཏི, ཨནཱཔཏྟི.

ཙེཏེཏི ན ཨུཔཀྐམཏི ན མུཙྩཏི, ཨནཱཔཏྟི.

ན ཙེཏེཏི ཨུཔཀྐམཏི མུཙྩཏི, ཨནཱཔཏྟི.

ན ཙེཏེཏི ཨུཔཀྐམཏི ན མུཙྩཏི, ཨནཱཔཏྟི.

ན ཙེཏེཏི ན ཨུཔཀྐམཏི མུཙྩཏི, ཨནཱཔཏྟི.

ན ཙེཏེཏི ན ཨུཔཀྐམཏི ན མུཙྩཏི, ཨནཱཔཏྟི.

ཨནཱཔཏྟི སུཔིནནྟེན, ནམོཙནཱདྷིཔྤཱཡསྶ, ཨུམྨཏྟཀསྶ, ཁིཏྟཙིཏྟསྶ, ཝེདནཱཊྚསྶ, ཨཱདིཀམྨིཀསྶཱཏི.

ཝིནཱིཏཝཏྠུཨུདྡཱནགཱཐཱ

སུཔིནོཙྩཱརཔསྶཱཝོ ¶ , ཝིཏཀྐུཎྷོདཀེན ཙ;

བྷེསཛྫཾ ཀཎྜུཝཾ མགྒོ, ཝཏྠི ཛནྟཱགྷརུཔཀྐམོ [ཛནྟགྒུཔཀྐམོ (སཱི.), ཛནྟཱགྷརཾ ཨཱུརུ (སྱཱ.)].

སཱམཎེརོ ཙ སུཏྟོ ཙ, ཨཱུརུ མུཊྛིནཱ པཱིལ༹ཡི;

ཨཱཀཱསེ ཐམྦྷཾ ནིཛ྄ཛྷཱཡི, ཚིདྡཾ ཀཊྛེན གྷཊྚཡི.

སོཏོ ¶ ཨུདཉྫལཾ དྷཱཝཾ, པུཔྥཱཝལིཡཾ པོཀྑརཾ;

ཝཱལིཀཱ ཀདྡམུསྶེཀོ [ཀདྡམོསེཀོ (?)], སཡནངྒུཊྛཀེན ཙཱཏི.

ཝིནཱིཏཝཏྠུ

༢༦༣. ཏེན ¶ ཁོ པན སམཡེན ཨཉྙཏརསྶ བྷིཀྑུནོ སུཔིནནྟེན ཨསུཙི མུཙྩི. ཏསྶ ཀུཀྐུཙྩཾ ཨཧོསི – ‘‘བྷགཝཏཱ སིཀྑཱཔདཾ པཉྙཏྟཾ, ཀཙྩི ནུ ཁོ ཨཧཾ སངྒྷཱདིསེསཾ ཨཱཔཏྟིཾ ཨཱཔནྣོ’’ཏི? བྷགཝཏོ ཨེཏམཏྠཾ ཨཱརོཙེསི. ‘‘ཨནཱཔཏྟི, བྷིཀྑུ, སུཔིནནྟེནཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ ཨུཙྩཱརཾ ཀརོནྟསྶ ཨསུཙི མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ནཱཧཾ, བྷགཝཱ, མོཙནཱདྷིཔྤཱཡོ’’ཏི. ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ པསྶཱཝཾ ཀརོནྟསྶ ཨསུཙི མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ ཀཱམཝིཏཀྐཾ ཝིཏཀྐེནྟསྶ ཨསུཙི མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ཝིཏཀྐེནྟསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ ཨུཎྷོདཀེན ནྷཱཡནྟསྶ ཨསུཙི མུཙྩི. ཏསྶ ¶ ཀུཀྐུཙྩཾ ཨཧོསི…པེ… ‘‘ཀིཾཙིཏྟོ ¶ ཏྭཾ, བྷིཀྑཱུ’’ཏི? ‘‘ནཱཧཾ, བྷགཝཱ, མོཙནཱདྷིཔྤཱཡོ’’ཏི. ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨུཎྷོདཀེན ནྷཱཡནྟསྶ ཨསུཙི མུཙྩི. ཏསྶ ཀུཀྐུཙྩཾ ¶ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ སངྒྷཱདིསེས’’ནྟི.

ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨུཎྷོདཀེན ནྷཱཡནྟསྶ ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ ཨངྒཛཱཏེ ཝཎོ ཧོཏི. བྷེསཛྫེན [ཏསྶ བྷེསཛྫེན (?)] ཨཱལིམྤེནྟསྶ ཨསུཙི མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི.

ཏེན ¶ ཁོ པན སམཡེན ཨཉྙཏརསྶ བྷིཀྑུནོ ཨངྒཛཱཏེ ཝཎོ ཧོཏི. མོཙནཱདྷིཔྤཱཡསྶ [ཏསྶ མོཙནཱམིཔྤཱཡསྶ (སྱཱ.)] བྷེསཛྫེན ཨཱལིམྤེནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ ཨཎྜཾ ཀཎྜུཝནྟསྶ ཨསུཙི མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི ¶ , བྷིཀྑུ, ནམོཙནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨཎྜཾ ཀཎྜུཝནྟསྶ [ཀཎྜཱུཝནྟསྶ (སཱི.)] ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

༢༦༤. ཏེན ཁོ པན སམཡེན ཨཉྙཏརསྶ བྷིཀྑུནོ མགྒཾ གཙྪནྟསྶ ཨསུཙི མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི.

ཏེན ¶ ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ མགྒཾ གཙྪནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ ཝཏྠིཾ གཧེཏྭཱ པསྶཱཝཾ ཀརོནྟསྶ ཨསུཙི མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཝཏྠིཾ གཧེཏྭཱ པསྶཱཝཾ ཀརོནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ ཛནྟཱགྷརེ ཨུདརཝཊྚིཾ ཏཱཔེནྟསྶ ཨསུཙི མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི.

ཏེན ¶ ཁོ པན ¶ སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཛནྟཱགྷརེ ཨུདརཝཊྚིཾ ཏཱཔེནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ ཛནྟཱགྷརེ ཨུཔཛ྄ཛྷཱཡསྶ པིཊྛིཔརིཀམྨཾ ཀརོནྟསྶ ཨསུཙི མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཛནྟཱགྷརེ ཨུཔཛ྄ཛྷཱཡསྶ པིཊྛིཔརིཀམྨཾ ཀརོནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

༢༦༥. ཏེན ཁོ པན སམཡེན ཨཉྙཏརསྶ བྷིཀྑུནོ ཨཱུརུཾ གྷཊྚཱཔེནྟསྶ ཨསུཙི མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི.

ཏེན ¶ ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨཱུརུཾ གྷཊྚཱཔེནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ མོཙནཱདྷིཔྤཱཡོ ཨཉྙཏརཾ སཱམཎེརཾ ཨེཏདཝོཙ – ‘‘ཨེཧི མེ ཏྭཾ, ཨཱཝུསོ སཱམཎེར, ཨངྒཛཱཏཾ གཎྷཱཧཱི’’ཏི. སོ ཏསྶ ཨངྒཛཱཏཾ ཨགྒཧེསི. ཏསྶེཝ ཨསུཙི ¶ མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ སངྒྷཱདིསེས’’ནྟི.

ཏེན ཁོ པན སམཡེན ཨཉྙཏརོ བྷིཀྑུ སུཏྟསྶ སཱམཎེརསྶ ཨངྒཛཱཏཾ ཨགྒཧེསི. ཏསྶེཝ ཨསུཙི མུཙྩི. ཏསྶ ཀུཀྐུཙྩཾ ཨཧོསི ¶ …པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི.

༢༦༦. ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨཱུརཱུཧི ཨངྒཛཱཏཾ པཱིལེ༹ནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ¶ ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ མུཊྛིནཱ ཨངྒཛཱཏཾ པཱིལེ༹ནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨཱཀཱསེ ཀཊིཾ ཀམྤེནྟསྶ ཨསུཙི མུཙྩི…པེ… ཨསུཙི ན ¶ མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ ཀཱཡཾ ཐམྦྷེནྟསྶ ཨསུཙི མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཀཱཡཾ ཐམྦྷེནྟསྶ ཨསུཙི ¶ མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ སཱརཏྟོ མཱཏུགཱམསྶ ཨངྒཛཱཏཾ ཨུཔནིཛ྄ཛྷཱཡི. ཏསྶ ཨསུཙི མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ. ན ཙ, བྷིཀྑཝེ, སཱརཏྟེན མཱཏུགཱམསྶ ཨངྒཛཱཏཾ ཨུཔནིཛ྄ཛྷཱཡིཏབྦཾ. ཡོ ཨུཔནིཛ྄ཛྷཱཡེཡྻ, ཨཱཔཏྟི དུཀྐཊསྶཱ’’ཏི.

༢༦༧. ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཏཱལ༹ཙྪིདྡཾ ཨངྒཛཱཏཾ པཝེསེནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཀཊྛེན ཨངྒཛཱཏཾ གྷཊྚེནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ ¶ ; ཨཱཔཏྟི ཐུལླཙྩཡསྶཱ’’ཏི.

ཏེན ¶ ཁོ པན སམཡེན ཨཉྙཏརསྶ བྷིཀྑུནོ པཊིསོཏེ ནྷཱཡནྟསྶ ཨསུཙི མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ པཊིསོཏེ ནྷཱཡནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ ཨུདཉྫལཾ ཀཱིལ༹ནྟསྶ ཨསུཙི མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨུདཉྫལཾ ཀཱིལ༹ནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ¶ ཁོ པན སམཡེན ཨཉྙཏརསྶ བྷིཀྑུནོ ཨུདཀེ དྷཱཝནྟསྶ ཨསུཙི མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨུདཀེ དྷཱཝནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ པུཔྥཱཝལིཡཾ [པུཔྥཱཝལི༹ཡཾ (སྱཱ. ཀ.)] ཀཱིལ༹ནྟསྶ ¶ ཨསུཙི མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ པུཔྥཱཝལིཡཾ ཀཱིལ༹ནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

༢༦༨. ཏེན ¶ ཁོ པན སམཡེན ཨཉྙཏརསྶ བྷིཀྑུནོ པོཀྑརཝནེ དྷཱཝནྟསྶ ཨསུཙི མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ པོཀྑརཝནེ དྷཱཝནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཝཱལིཀཾ ཨངྒཛཱཏཾ པཝེསེནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཀདྡམཾ ཨངྒཛཱཏཾ པཝེསེནྟསྶ ཨསུཙི མུཙྩི…པེ… ཨསུཙི ན མུཙྩི ¶ . ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ¶ ཁོ པན སམཡེན ཨཉྙཏརསྶ བྷིཀྑུནོ ཨུདཀེན ཨངྒཛཱཏཾ ¶ ཨོསིཉྩནྟསྶ ཨསུཙི མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, ནམོཙནཱདྷིཔྤཱཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨུདཀེན ཨངྒཛཱཏཾ ཨོསིཉྩནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ སཡནེ ཨངྒཛཱཏཾ གྷཊྚེནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ མོཙནཱདྷིཔྤཱཡསྶ ཨངྒུཊྛེན ཨངྒཛཱཏཾ གྷཊྚེནྟསྶ ཨསུཙི མུཙྩི…པེ… ཨསུཙི ན མུཙྩི. ཏསྶ ཀུཀྐུཙྩཾ ཨཧོསི ¶ – ‘‘བྷགཝཏཱ སིཀྑཱཔདཾ པཉྙཏྟཾ, ཀཙྩི ནུ ཁོ ཨཧཾ སངྒྷཱདིསེསཾ ཨཱཔཏྟིཾ ཨཱཔནྣོ’’ཏི? བྷགཝཏོ ཨེཏམཏྠཾ ཨཱརོཙེསི. ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

སུཀྐཝིསྶཊྛིསིཀྑཱཔདཾ ནིཊྛིཏཾ པཋམཾ.

༢. ཀཱཡསཾསགྒསིཀྑཱཔདཾ

༢༦༩. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུདཱཡཱི ཨརཉྙེ ཝིཧརཏི. ཏསྶཱཡསྨཏོ ཝིཧཱརོ ཨབྷིརཱུཔོ ཧོཏི དསྶནཱིཡོ པཱསཱདིཀོ, མཛ྄ཛྷེགབྦྷོ, སམནྟཱཔརིཡཱགཱརོ, སུཔཉྙཏྟཾ མཉྩཔཱིཋཾ བྷིསིབིམྦོཧནཾ, པཱནཱིཡཾ པརིབྷོཛནཱིཡཾ སུཔཊྛིཏཾ, པརིཝེཎཾ སུསམྨཊྛཾ. བཧཱུ མནུསྶཱ ཨཱཡསྨཏོ ཨུདཱཡིསྶ ཝིཧཱརཔེཀྑཀཱ ཨཱགཙྪནྟི. ཨཉྙཏརོཔི བྲཱཧྨཎོ སཔཛཱཔཏིཀོ ཡེནཱཡསྨཱ ཨུདཱཡཱི ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨུདཱཡིཾ ཨེཏདཝོཙ – ‘‘ཨིཙྪཱམ མཡཾ བྷོཏོ ཨུདཱཡིསྶ ¶ ཝིཧཱརཾ པེཀྑིཏུ’’ནྟི. ‘‘ཏེན ཧི, བྲཱཧྨཎ, པེཀྑསྶཱུ’’ཏི, ཨཝཱཔུརཎཾ [ཨཔཱཔུརཎཾ (སྱཱ.)] ཨཱདཱཡ གྷཊིཀཾ ཨུགྒྷཱཊེཏྭཱ ཀཝཱཊཾ པཎཱམེཏྭཱ ཝིཧཱརཾ པཱཝིསི. སོཔི ཁོ བྲཱཧྨཎོ ཨཱཡསྨཏོ ཨུདཱཡིསྶ པིཊྛིཏོ པཱཝིསི. སཱཔི ཁོ བྲཱཧྨཎཱི ཏསྶ བྲཱཧྨཎསྶ པིཊྛིཏོ པཱཝིསི. ཨཐ ཁོ ཨཱཡསྨཱ ཨུདཱཡཱི ཨེཀཙྩེ ཝཱཏཔཱནེ ཝིཝརནྟོ ཨེཀཙྩེ ཝཱཏཔཱནེ ཐཀེནྟོ གབྦྷཾ ཨནུཔརིགནྟྭཱ པིཊྛིཏོ ཨཱགནྟྭཱ ཏསྶཱ བྲཱཧྨཎིཡཱ ཨངྒམངྒཱནི པརཱམསི. ཨཐ ཁོ སོ བྲཱཧྨཎོ ཨཱཡསྨཏཱ ཨུདཱཡིནཱ སདྡྷིཾ པཊིསམྨོདིཏྭཱ ཨགམཱསི. ཨཐ ཁོ སོ བྲཱཧྨཎོ ཨཏྟམནོ ཨཏྟམནཝཱཙཾ ནིཙྪཱརེསི – ‘‘ཨུལཱ༹རཱ ཨིམེ སམཎཱ སཀྱཔུཏྟིཡཱ ཡེ ཨིམེ ¶ ཨེཝརཱུཔེ ཨརཉྙེ ཝིཧརནྟི. བྷཝམྤི ཨུདཱཡཱི ཨུལཱ༹རོ ཡོ ཨེཝརཱུཔེ ཨརཉྙེ ཝིཧརཏཱི’’ཏི.

ཨེཝཾ ཝུཏྟེ སཱ བྲཱཧྨཎཱི ཏཾ བྲཱཧྨཎཾ ཨེཏདཝོཙ ¶ – ‘‘ཀུཏོ ཏསྶ ཨུལཱ༹རཏྟཏཱ! ཡཐེཝ མེ ཏྭཾ ཨངྒམངྒཱནི པརཱམསི ཨེཝམེཝ མེ སམཎོ ཨུདཱཡཱི ཨངྒམངྒཱནི པརཱམསཱི’’ཏི. ཨཐ ཁོ སོ བྲཱཧྨཎོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཨལཛྫིནོ ཨིམེ སམཎཱ སཀྱཔུཏྟིཡཱ དུསྶཱིལཱ མུསཱཝཱདིནོ. ཨིམེ ཧི ནཱམ དྷམྨཙཱརིནོ སམཙཱརིནོ བྲཧྨཙཱརིནོ སཙྩཝཱདིནོ ¶ སཱིལཝནྟོ ཀལྱཱཎདྷམྨཱ པཊིཛཱནིསྶནྟི! ནཏྠི ཨིམེསཾ སཱམཉྙཾ ནཏྠི ཨིམེསཾ བྲཧྨཉྙཾ, ནཊྛཾ ཨིམེསཾ སཱམཉྙཾ ནཊྛཾ ཨིམེསཾ བྲཧྨཉྙཾ, ཀུཏོ ཨིམེསཾ སཱམཉྙཾ ཀུཏོ ཨིམེསཾ བྲཧྨཉྙཾ, ཨཔགཏཱ ཨིམེ སཱམཉྙཱ ཨཔགཏཱ ཨིམེ བྲཧྨཉྙཱ. ཀཐཉྷི ནཱམ སམཎོ ཨུདཱཡཱི མམ བྷརིཡཱཡ ཨངྒམངྒཱནི པརཱམསིསྶཏི! ན ཧི སཀྐཱ ཀུལིཏྠཱིཧི ཀུལདྷཱིཏཱཧི ཀུལཀུམཱརཱིཧི ཀུལསུཎྷཱཧི ཀུལདཱསཱིཧི ཨཱརཱམཾ ཝཱ ཝིཧཱརཾ ཝཱ གནྟུཾ. སཙེ [སཙེ ཧི (སྱཱ.)] ཀུལིཏྠིཡོ ཀུལདྷཱིཏརོ [ཀུལདྷཱིཏཱཡོ (སཱི. སྱཱ.)] ཀུལཀུམཱརིཡོ ཀུལསུཎྷཱཡོ ཀུལདཱསིཡོ ཨཱརཱམཾ ཝཱ ཝིཧཱརཾ ཝཱ གཙྪེཡྻུཾ, ཏཱཔི སམཎཱ སཀྱཔུཏྟིཡཱ དཱུསེཡྻུ’’ནྟི!

ཨསྶོསུཾ ཁོ བྷིཀྑུ ཏསྶ བྲཱཧྨཎསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུདཱཡཱི མཱཏུགཱམེན སདྡྷིཾ ཀཱཡསཾསགྒཾ སམཱཔཛྫིསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ ཨུདཱཡིཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ ¶ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཨཱཡསྨནྟཾ ཨུདཱཡིཾ པཊིཔུཙྪི – ‘‘སཙྩཾ ཀིར ཏྭཾ, ཨུདཱཡི, མཱཏུགཱམེན སདྡྷིཾ ཀཱཡསཾསགྒཾ སམཱཔཛྫསཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིས, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏྭཾ, མོགྷཔུརིས, མཱཏུགཱམེན སདྡྷིཾ ¶ ཀཱཡསཾསགྒཾ སམཱཔཛྫིསྶསི! ནནུ མཡཱ, མོགྷཔུརིས, ཨནེཀཔརིཡཱཡེན ཝིརཱགཱཡ དྷམྨོ དེསིཏོ ནོ སརཱགཱཡ…པེ… ཀཱམཔརིལཱ༹ཧཱནཾ ཝཱུཔསམོ ཨཀྑཱཏོ. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༧༠. ‘‘ཡོ པན བྷིཀྑུ ཨོཏིཎྞོ ཝིཔརིཎཏེན ཙིཏྟེན མཱཏུགཱམེན སདྡྷིཾ ཀཱཡསཾསགྒཾ སམཱཔཛྫེཡྻ ཧཏྠགྒཱཧཾ ཝཱ ཝེཎིགྒཱཧཾ ཝཱ ཨཉྙཏརསྶ ཝཱ ཨཉྙཏརསྶ ཝཱ ཨངྒསྶ པརཱམསནཾ, སངྒྷཱདིསེསོ’’ཏི.

༢༧༡. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨོཏིཎྞོ ¶ ¶ ནཱམ སཱརཏྟོ ཨཔེཀྑཝཱ པཊིབདྡྷཙིཏྟོ.

ཝིཔརིཎཏནྟི རཏྟམྤི ཙིཏྟཾ ཝིཔརིཎཏཾ. དུཊྛམྤི ཙིཏྟཾ ཝིཔརིཎཏཾ. མཱུལ༹ྷམྤི ཙིཏྟཾ ཝིཔརིཎཏཾ. ཨཔིཙ, རཏྟཾ ཙིཏྟཾ ཨིམསྨིཾ ཨཏྠེ ཨདྷིཔྤེཏཾ ཝིཔརིཎཏནྟི.

མཱཏུགཱམོ ནཱམ མནུསྶིཏྠཱི, ན ཡཀྑཱི ན པེཏཱི, ན ཏིརཙྪཱནགཏཱ. ཨནྟམསོ ཏདཧུཛཱཏཱཔི དཱརིཀཱ, པགེཝ མཧཏྟརཱི.

སདྡྷིནྟི ཨེཀཏོ.

ཀཱཡསཾསགྒཾ ¶ སམཱཔཛྫེཡྻཱཏི ཨཛ྄ཛྷཱཙཱརོ ཝུཙྩཏི.

ཧཏྠོ ནཱམ ཀཔྤརཾ ཨུཔཱདཱཡཾ ཡཱཝ ཨགྒནཁཱ.

ཝེཎཱི ནཱམ སུདྡྷཀེསཱ ཝཱ, སུཏྟམིསྶཱ ཝཱ, མཱལཱམིསྶཱ ཝཱ, ཧིརཉྙམིསྶཱ ཝཱ, སུཝཎྞམིསྶཱ ཝཱ, མུཏྟཱམིསྶཱ ཝཱ, མཎིམིསྶཱ ཝཱ.

ཨངྒཾ ནཱམ ཧཏྠཉྩ ཝེཎིཉྩ ཋཔེཏྭཱ ཨཝསེསཾ ཨངྒཾ ནཱམ.

༢༧༢. ཨཱམསནཱ ¶ , པརཱམསནཱ, ཨོམསནཱ, ཨུམྨསནཱ, ཨོལངྒྷནཱ, ཨུལླངྒྷནཱ, ཨཱཀཌྜྷནཱ, པཏིཀཌྜྷནཱ, ཨབྷིནིགྒཎྷནཱ, ཨབྷིནིཔྤཱིལ༹ནཱ, གཧཎཾ, ཚུཔནཾ.

ཨཱམསནཱ ནཱམ ཨཱམཊྛམཏྟཱ.

པརཱམསནཱ ནཱམ ཨིཏོཙིཏོ ཙ སཾཙོཔནཱ.

ཨོམསནཱ ནཱམ ཧེཊྛཱ ཨོརོཔནཱ.

ཨུམྨསནཱ ནཱམ ཨུདྡྷཾ ཨུཙྩཱརཎཱ.

ཨོལངྒྷནཱ ནཱམ ཧེཊྛཱ ཨོནམནཱ.

ཨུལླངྒྷནཱ ནཱམ ཨུདྡྷཾ ཨུཙྩཱརཎཱ.

ཨཱཀཌྜྷནཱ ནཱམ ཨཱཝིཉྪནཱ [ཨཱཝིཉྫནཱ (སཱི. སྱཱ.)].

པཏིཀཌྜྷནཱ ནཱམ པཏིཔྤཎཱམནཱ.

ཨབྷིནིགྒཎྷནཱ ནཱམ ཨངྒཾ གཧེཏྭཱ ནིཔྤཱིལ༹ནཱ.

ཨབྷིནིཔྤཱིལ༹ནཱ ནཱམ ཀེནཙི སཧ ནིཔྤཱིལ༹ནཱ.

གཧཎཾ ནཱམ གཧིཏམཏྟཾ.

ཚུཔནཾ ནཱམ ཕུཊྛམཏྟཾ.

སངྒྷཱདིསེསོཏི…པེ… ཏེནཔི ཝུཙྩཏི སངྒྷཱདིསེསོཏི.

༢༧༣. ཨིཏྠཱི ¶ ¶ ཙ ཧོཏི ཨིཏྠིསཉྙཱི སཱརཏྟོ ཙ བྷིཀྑུ ཙ. ནཾ ཨིཏྠིཡཱ ཀཱཡེན ཀཱཡཾ ཨཱམསཏི པརཱམསཏི ཨོམསཏི ཨུམྨསཏི ཨོལངྒྷེཏི ཨུལླངྒྷེཏི ¶ ཨཱཀཌྜྷཏི པཏིཀཌྜྷཏི ཨབྷིནིགྒཎྷཱཏི ཨབྷིནིཔྤཱིལེ༹ཏི གཎྷཱཏི ཚུཔཏི, ཨཱཔཏྟི སངྒྷཱདིསེསསྶ.

ཨིཏྠཱི ཙ ཧོཏི ཝེམཏིཀོ སཱརཏྟོ ཙ. བྷིཀྑུ ཙ ནཾ ཨིཏྠིཡཱ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི ཐུལླཙྩཡསྶ.

ཨིཏྠཱི ཙ ཧོཏི པཎྜཀསཉྙཱི སཱརཏྟོ ཙ. བྷིཀྑུ ཙ ནཾ ཨིཏྠིཡཱ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི ཐུལླཙྩཡསྶ.

ཨིཏྠཱི ཙ ཧོཏི པུརིསསཉྙཱི སཱརཏྟོ ཙ. བྷིཀྑུ ཙ ནཾ ཨིཏྠིཡཱ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི ཐུལླཙྩཡསྶ.

ཨིཏྠཱི ཙ ཧོཏི ཏིརཙྪཱནགཏསཉྙཱི སཱརཏྟོ ཙ. བྷིཀྑུ ཙ ནཾ ཨིཏྠིཡཱ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི ཐུལླཙྩཡསྶ.

པཎྜཀོ ཙ ཧོཏི པཎྜཀསཉྙཱི སཱརཏྟོ ཙ. བྷིཀྑུ ཙ ནཾ པཎྜཀསྶ ¶ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི ཐུལླཙྩཡསྶ.

པཎྜཀོ ཙ ཧོཏི ཝེམཏིཀོ སཱརཏྟོ ཙ. བྷིཀྑུ ཙ ནཾ པཎྜཀསྶ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དུཀྐཊསྶ.

པཎྜཀོ ཙ ཧོཏི པུརིསསཉྙཱི སཱརཏྟོ ཙ. བྷིཀྑུ ཙ ནཾ པཎྜཀསྶ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དུཀྐཊསྶ.

པཎྜཀོ ཙ ཧོཏི ཏིརཙྪཱནགཏསཉྙཱི སཱརཏྟོ ཙ. བྷིཀྑུ ཙ ནཾ པཎྜཀསྶ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི ¶ , ཨཱཔཏྟི དུཀྐཊསྶ.

པཎྜཀོ ¶ ¶ ཙ ཧོཏི ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ པཎྜཀསྶ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དུཀྐཊསྶ.

པུརིསོ ཙ ཧོཏི པུརིསསཉྙཱི སཱརཏྟོ ཙ. བྷིཀྑུ ཙ ནཾ པུརིསསྶ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དུཀྐཊསྶ.

པུརིསོ ཙ ཧོཏི ཝེམཏིཀོ…པེ… པུརིསོ ཙ ཧོཏི ཏིརཙྪཱནགཏསཉྙཱི… པུརིསོ ཙ ཧོཏི ཨིཏྠིསཉྙཱི… པུརིསོ ཙ ཧོཏི པཎྜཀསཉྙཱི སཱརཏྟོ ཙ. བྷིཀྑུ ཙ ནཾ པུརིསསྶ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དུཀྐཊསྶ.

ཏིརཙྪཱནགཏོ ཙ ཧོཏི ཏིརཙྪཱནགཏསཉྙཱི སཱརཏྟོ ¶ ཙ. བྷིཀྑུ ཙ ནཾ ཏིརཙྪཱནགཏསྶ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དུཀྐཊསྶ.

ཏིརཙྪཱནགཏོ ཙ ཧོཏི ཝེམཏིཀོ…པེ… ཏིརཙྪཱནགཏོ ཙ ཧོཏི ཨིཏྠིསཉྙཱི… ཏིརཙྪཱནགཏོ ཙ ཧོཏི པཎྜཀསཉྙཱི… ཏིརཙྪཱནགཏོ ཙ ཧོཏི. པུརིསསཉྙཱི སཱརཏྟོ ཙ. བྷིཀྑུ ཙ ནཾ ཏིརཙྪཱནགཏསྶ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དུཀྐཊསྶ.

ཨེཀམཱུལཀཾ ནིཊྛིཏཾ.

༢༧༤. དྭེ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ དྭིནྣཾ ཨིཏྠཱིནཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དྭིནྣཾ སངྒྷཱདིསེསཱནཾ.

དྭེ ཨིཏྠིཡོ དྭིནྣཾ ཨིཏྠཱིནཾ ཝེམཏིཀོ སཱརཏྟོ ཙ. བྷིཀྑུ ཙ ནཾ དྭིནྣཾ ཨིཏྠཱིནཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དྭིནྣཾ ཐུལླཙྩཡཱནཾ.

དྭེ ཨིཏྠིཡོ དྭིནྣཾ ཨིཏྠཱིནཾ པཎྜཀསཉྙཱི…པེ… པུརིསསཉྙཱི… ཏིརཙྪཱནགཏསཉྙཱི སཱརཏྟོ ¶ ཙ. བྷིཀྑུ ཙ དྭིནྣཾ ཨིཏྠཱིནཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ¶ ཚུཔཏི, ཨཱཔཏྟི དྭིནྣཾ ཐུལླཙྩཡཱནཾ.

དྭེ ¶ པཎྜཀཱ དྭིནྣཾ པཎྜཀཱནཾ པཎྜཀསཉྙཱི སཱརཏྟོ ཙ བྷིཀྑུ ཙ ནཾ དྭིནྣཾ པཎྜཀཱནཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དྭིནྣཾ ཐུལླཙྩཡཱནཾ.

དྭེ པཎྜཀཱ དྭིནྣཾ པཎྜཀཱནཾ ཝེམཏིཀོ…པེ… པུརིསསཉྙཱི… ཏིརཙྪཱནགཏསཉྙཱི… ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ དྭིནྣཾ པཎྜཀཱནཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དྭིནྣཾ དུཀྐཊཱནཾ.

དྭེ པུརིསཱ དྭིནྣཾ པུརིསཱནཾ པུརིསསཉྙཱི སཱརཏྟོ ཙ བྷིཀྑུ ཙ ནཾ དྭིནྣཾ པུརིསཱནཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དྭིནྣཾ དུཀྐཊཱནཾ.

དྭེ པུརིསཱ དྭིནྣཾ པུརིསཱནཾ ཝེམཏིཀོ…པེ… ཏིརཙྪཱནགཏསཉྙཱི… ཨིཏྠིསཉྙཱི… པཎྜཀསཉྙཱི སཱརཏྟོ ཙ. བྷིཀྑུ ཙ ནཾ དྭིནྣཾ པུརིསཱནཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དྭིནྣཾ དུཀྐཊཱནཾ.

དྭེ ཏིརཙྪཱནགཏཱ དྭིནྣཾ ཏིརཙྪཱནགཏཱནཾ ཏིརཙྪཱནགཏསཉྙཱི སཱརཏྟོ ཙ. བྷིཀྑུ ཙ ནཾ དྭིནྣཾ ཏིརཙྪཱནགཏཱནཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དྭིནྣཾ དུཀྐཊཱནཾ.

དྭེ ཏིརཙྪཱནགཏཱ དྭིནྣཾ ཏིརཙྪཱནགཏཱནཾ ཝེམཏིཀོ…པེ… ཨིཏྠིསཉྙཱི… པཎྜཀསཉྙཱི ¶ … པུརིསསཉྙཱི སཱརཏྟོ ཙ. བྷིཀྑུ ཙ ནཾ དྭིནྣཾ ཏིརཙྪཱནགཏཱནཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དྭིནྣཾ དུཀྐཊཱནཾ.

༢༧༥. ཨིཏྠཱི ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. བྷིཀྑུ ¶ ཙ ནཾ ཨུབྷིནྣཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི སངྒྷཱདིསེསེན དུཀྐཊསྶ.

ཨིཏྠཱི ¶ ཙ པཎྜཀོ ཙ ཨུབྷིནྣཾ ཝེམཏིཀོ སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི ཐུལླཙྩཡེན དུཀྐཊསྶ.

ཨིཏྠཱི ཙ པཎྜཀོ ཙ ཨུབྷིནྣཾ པཎྜཀསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དྭིནྣཾ ཐུལླཙྩཡཱནཾ.

ཨིཏྠཱི ¶ ཙ པཎྜཀོ ཙ ཨུབྷིནྣཾ པུརིསསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི ཐུལླཙྩཡེན དུཀྐཊསྶ.

ཨིཏྠཱི ཙ པཎྜཀོ ཙ ཨུབྷིནྣཾ ཏིརཙྪཱནགཏསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི ཐུལླཙྩཡེན དུཀྐཊསྶ.

ཨིཏྠཱི ཙ པུརིསོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི སངྒྷཱདིསེསེན དུཀྐཊསྶ.

ཨིཏྠཱི ¶ ཙ པུརིསོ ཙ ཨུབྷིནྣཾ ཝེམཏིཀོ…པེ… པཎྜཀསཉྙཱི… པུརིསསཉྙཱི… ཏིརཙྪཱནགཏསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི ཐུལླཙྩཡེན དུཀྐཊསྶ.

ཨིཏྠཱི ཙ ཏིརཙྪཱནགཏོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི སངྒྷཱདིསེསེན དུཀྐཊསྶ.

ཨིཏྠཱི ཙ ཏིརཙྪཱནགཏོ ཙ ཨུབྷིནྣཾ ཝེམཏིཀོ…པེ… པཎྜཀསཉྙཱི… པུརིསསཉྙཱི ¶ … ཏིརཙྪཱནགཏསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི ཐུལླཙྩཡེན དུཀྐཊསྶ.

པཎྜཀོ ¶ ཙ པུརིསོ ཙ ཨུབྷིནྣཾ པཎྜཀསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི ཐུལླཙྩཡེན དུཀྐཊསྶ.

པཎྜཀོ ཙ པུརིསོ ཙ ཨུབྷིནྣཾ ཝེམཏིཀོ…པེ… པུརིསསཉྙཱི… ཏིརཙྪཱནགཏསཉྙཱི… ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དྭིནྣཾ དུཀྐཊཱནཾ.

པཎྜཀོ ཙ ཏིརཙྪཱནགཏོ ཙ ཨུབྷིནྣཾ པཎྜཀསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི ཐུལླཙྩཡེན དུཀྐཊསྶ.

པཎྜཀོ ¶ ཙ ཏིརཙྪཱནགཏོ ཙ ཨུབྷིནྣཾ ཝེམཏིཀོ…པེ… པུརིསསཉྙཱི… ཏིརཙྪཱནགཏསཉྙཱི… ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ¶ ཚུཔཏི, ཨཱཔཏྟི དྭིནྣཾ དུཀྐཊཱནཾ.

པུརིསོ ཙ ཏིརཙྪཱནགཏོ ཙ ཨུབྷིནྣཾ པུརིསསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དྭིནྣཾ དུཀྐཊཱནཾ.

པུརིསོ ཙ ཏིརཙྪཱནགཏོ ཙ ཨུབྷིནྣཾ ཝེམཏིཀོ…པེ… ཏིརཙྪཱནགཏསཉྙཱི… ཨིཏྠིསཉྙཱི… པཎྜཀསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཀཱཡེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དྭིནྣཾ དུཀྐཊཱནཾ.

དུམཱུལཀཾ ནིཊྛིཏཾ.

༢༧༦. ཨིཏྠཱི ཙ ཧོཏི ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨིཏྠིཡཱ ཀཱཡེན ཀཱཡཔཊིབདྡྷཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི ཐུལླཙྩཡསྶ…པེ….

དྭེ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ དྭིནྣཾ ཨིཏྠཱིནཾ ཀཱཡེན ཀཱཡཔཊིབདྡྷཾ ¶ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དྭིནྣཾ ཐུལླཙྩཡཱནཾ ¶ …པེ….

ཨིཏྠཱི ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཀཱཡེན ཀཱཡཔཊིབདྡྷཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི ¶ ཐུལླཙྩཡེན དུཀྐཊསྶ…པེ….

ཨིཏྠཱི ཙ ཧོཏི ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨིཏྠིཡཱ ཀཱཡཔཊིབདྡྷེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི ཐུལླཙྩཡསྶ…པེ….

དྭེ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ དྭིནྣཾ ཨིཏྠཱིནཾ ཀཱཡཔཊིབདྡྷེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དྭིནྣཾ ཐུལླཙྩཡཱནཾ…པེ….

ཨིཏྠཱི ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཀཱཡཔཊིབདྡྷེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི ཐུལླཙྩཡེན དུཀྐཊསྶ…པེ….

ཨིཏྠཱི ¶ ཙ ཧོཏི ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨིཏྠིཡཱ ཀཱཡཔཊིབདྡྷེན ཀཱཡཔཊིབདྡྷཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དུཀྐཊསྶ…པེ….

དྭེ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ དྭིནྣཾ ཨིཏྠཱིནཾ ཀཱཡཔཊིབདྡྷེན ཀཱཡཔཊིབདྡྷཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དྭིནྣཾ དུཀྐཊཱནཾ…པེ….

ཨིཏྠཱི ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཀཱཡཔཊིབདྡྷེན ཀཱཡཔཊིབདྡྷཾ ཨཱམསཏི པརཱམསཏི…པེ… གཎྷཱཏི ཚུཔཏི, ཨཱཔཏྟི དྭིནྣཾ དུཀྐཊཱནཾ…པེ….

ཨིཏྠཱི ¶ ཙ ཧོཏི ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨིཏྠིཡཱ ནིསྶགྒིཡེན ཀཱཡཾ ཨཱམསཏི ཨཱཔཏྟི དུཀྐཊསྶ…པེ….

དྭེ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ དྭིནྣཾ ཨིཏྠཱིནཾ ནིསྶགྒིཡེན ཀཱཡཾ ཨཱམསཏི, ཨཱཔཏྟི དྭིནྣཾ ¶ དུཀྐཊཱནཾ…པེ….

ཨིཏྠཱི ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ནིསྶགྒིཡེན ཀཱཡཾ ཨཱམསཏི, ཨཱཔཏྟི དྭིནྣཾ དུཀྐཊཱནཾ…པེ….

ཨིཏྠཱི ཙ ཧོཏི ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨིཏྠིཡཱ ནིསྶགྒིཡེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ…པེ….

དྭེ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ དྭིནྣཾ ཨིཏྠཱིནཾ ནིསྶགྒིཡེན ཀཱཡཔཊིབདྡྷཾ ཨཱམསཏི, ཨཱཔཏྟི དྭིནྣཾ དུཀྐཊཱནཾ…པེ….

ཨིཏྠཱི ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ནིསྶགྒིཡེན ཀཱཡཔཊིབདྡྷཾ ཨཱམསཏི, ཨཱཔཏྟི དྭིནྣཾ དུཀྐཊཱནཾ…པེ….

ཨིཏྠཱི ཙ ཧོཏི ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨིཏྠིཡཱ ནིསྶགྒིཡེན ནིསྶགྒིཡཾ ཨཱམསཏི, ཨཱཔཏྟི དུཀྐཊསྶ…པེ….

དྭེ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ དྭིནྣཾ ཨིཏྠཱིནཾ ནིསྶགྒིཡེན ནིསྶགྒིཡཾ ཨཱམསཏི, ཨཱཔཏྟི དྭིནྣཾ དུཀྐཊཱནཾ…པེ….

ཨིཏྠཱི ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ནིསྶགྒིཡེན ནིསྶགྒིཡཾ ཨཱམསཏི, ཨཱཔཏྟི དྭིནྣཾ དུཀྐཊཱནཾ…པེ….

བྷིཀྑུཔེཡྻཱལོ ནིཊྛིཏོ.

༢༧༧. ཨིཏྠཱི ¶ ¶ ཙ ཧོཏི ཨིཏྠིསཉྙཱི སཱརཏྟོ ཙ. ཨིཏྠཱི ཙ ནཾ བྷིཀྑུསྶ ཀཱཡེན ཀཱཡཾ ཨཱམསཏི པརཱམསཏི ཨོམསཏི ཨུམྨསཏི ཨོལངྒྷེཏི ཨུལླངྒྷེཏི ཨཱཀཌྜྷཏི པཏིཀཌྜྷཏི ཨབྷིནིགྒཎྷཱཏི ཨབྷིནིཔྤཱིལེ༹ཏི ¶ གཎྷཱཏི ཚུཔཏི, སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི སངྒྷཱདིསེསསྶ…པེ….

དྭེ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. ཨིཏྠིཡོ ཙ ནཾ བྷིཀྑུསྶ ཀཱཡེན ཀཱཡཾ ཨཱམསནྟི པརཱམསནྟི ཨོམསནྟི ཨུམྨསནྟི ཨོལངྒྷེནྟི ཨུལླངྒྷེནྟི ཨཱཀཌྜྷནྟི པཏིཀཌྜྷནྟི ཨབྷིནིགྒཎྷནྟི ཨབྷིནིཔྤཱིལེ༹ནྟི གཎྷནྟི ཚུཔནྟི, སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི དྭིནྣཾ སངྒྷཱདིསེསཱནཾ…པེ….

ཨིཏྠཱི ¶ ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. ཨུབྷོ ཙ ནཾ བྷིཀྑུསྶ ཀཱཡེན ཀཱཡཾ ཨཱམསནྟི པརཱམསནྟི…པེ… གཎྷནྟི ཚུཔནྟི, སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི སངྒྷཱདིསེསེན དུཀྐཊསྶ…པེ….

ཨིཏྠཱི ཙ ཧོཏི ཨིཏྠིསཉྙཱི སཱརཏྟོ ཙ. ཨིཏྠཱི ཙ ནཾ བྷིཀྑུསྶ ཀཱཡེན ཀཱཡཔཊིབདྡྷཾ ཨཱམསཏི པརཱམསཏི…པེ… གཎྷཱཏི ཚུཔཏི, སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི ཐུལླཙྩཡསྶ…པེ….

དྭེ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. ཨིཏྠིཡོ ཙ ནཾ བྷིཀྑུསྶ ཀཱཡེན ཀཱཡཔཊིབདྡྷཾ ཨཱམསནྟི པརཱམསནྟི…པེ… གཎྷནྟི ཚུཔནྟི, སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི དྭིནྣཾ ཐུལླཙྩཡཱནཾ…པེ….

ཨིཏྠཱི ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. ཨུབྷོ ཙ ནཾ བྷིཀྑུསྶ ཀཱཡེན ཀཱཡཔཊིབདྡྷཾ ཨཱམསནྟི པརཱམསནྟི…པེ… གཎྷནྟི ཚུཔནྟི, སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི ཐུལླཙྩཡེན དུཀྐཊསྶ…པེ….

ཨིཏྠཱི ¶ ཙ ཧོཏི ཨིཏྠིསཉྙཱི སཱརཏྟོ ཙ. ཨིཏྠཱི ཙ ནཾ བྷིཀྑུསྶ ཀཱཡཔཊིབདྡྷེན ཀཱཡཾ ཨཱམསཏི པརཱམསཏི…པེ… གཎྷཱཏི ཚུཔཏི སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི ཐུལླཙྩཡསྶ…པེ….

དྭེ ¶ ¶ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. ཨིཏྠིཡོ ཙ ནཾ བྷིཀྑུསྶ ཀཱཡཔཊིབདྡྷེན ཀཱཡཾ ཨཱམསནྟི པརཱམསནྟི…པེ… གཎྷནྟི ཚུཔནྟི, སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི དྭིནྣཾ ཐུལླཙྩཡཱནཾ…པེ….

ཨིཏྠཱི ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. ཨུབྷོ ཙ ནཾ བྷིཀྑུསྶ ཀཱཡཔཊིབདྡྷེན ཀཱཡཾ ཨཱམསནྟི པརཱམསནྟི…པེ… གཎྷནྟི ཚུཔནྟི, སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི ཐུལླཙྩཡེན དུཀྐཊསྶ…པེ….

༢༧༨. ཨིཏྠཱི ཙ ཧོཏི ཨིཏྠིསཉྙཱི སཱརཏྟོ ཙ. ཨིཏྠཱི ཙ ནཾ བྷིཀྑུསྶ ཀཱཡཔཊིབདྡྷེན ཀཱཡཔཊིབདྡྷཾ ཨཱམསཏི པརཱམསཏི…པེ… གཎྷཱཏི ཚུཔཏི, སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི དུཀྐཊསྶ…པེ….

དྭེ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. ཨིཏྠིཡོ ཙ ནཾ བྷིཀྑུསྶ ཀཱཡཔཊིབདྡྷེན ཀཱཡཔཊིབདྡྷཾ ཨཱམསནྟི པརཱམསནྟི…པེ… གཎྷནྟི ཚུཔནྟི, སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི དྭིནྣཾ དུཀྐཊཱནཾ…པེ….

ཨིཏྠཱི ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. ཨུབྷོ ཙ ནཾ བྷིཀྑུསྶ ཀཱཡཔཊིབདྡྷེན ཀཱཡཔཊིབདྡྷཾ ཨཱམསནྟི པརཱམསནྟི…པེ… གཎྷནྟི ཚུཔནྟི, སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི ¶ དྭིནྣཾ དུཀྐཊཱནཾ…པེ….

ཨིཏྠཱི ཙ ཧོཏི ཨིཏྠིསཉྙཱི སཱརཏྟོ ཙ. ཨིཏྠཱི ཙ ནཾ བྷིཀྑུསྶ ནིསྶགྒིཡེན ཀཱཡཾ ཨཱམསཏི. སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི དུཀྐཊསྶ…པེ….

དྭེ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. ཨིཏྠིཡོ ཙ ནཾ བྷིཀྑུསྶ ནིསྶགྒིཡེན ཀཱཡཾ ཨཱམསནྟི. སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི དྭིནྣཾ དུཀྐཊཱནཾ…པེ….

ཨིཏྠཱི ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. ཨུབྷོ ཙ ནཾ བྷིཀྑུསྶ ནིསྶགྒིཡེན ¶ ཀཱཡཾ ཨཱམསནྟི. སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི དྭིནྣཾ དུཀྐཊཱནཾ…པེ….

ཨིཏྠཱི ¶ ཙ ཧོཏི ཨིཏྠིསཉྙཱི སཱརཏྟོ ཙ. ཨིཏྠཱི ཙ ནཾ བྷིཀྑུསྶ ནིསྶགྒིཡེན ཀཱཡཔཊིབདྡྷཾ ཨཱམསཏི. སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི དུཀྐཊསྶ…པེ….

དྭེ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. ཨིཏྠིཡོ ཙ ནཾ བྷིཀྑུསྶ ནིསྶགྒིཡེན ཀཱཡཔཊིབདྡྷཾ ཨཱམསནྟི. སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི དྭིནྣཾ དུཀྐཊཱནཾ…པེ….

ཨིཏྠཱི ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. ཨུབྷོ ཙ ནཾ བྷིཀྑུསྶ ནིསྶགྒིཡེན ཀཱཡཔཊིབདྡྷཾ ཨཱམསནྟི. སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི དྭིནྣཾ དུཀྐཊཱནཾ…པེ….

ཨིཏྠཱི ཙ ཧོཏི ཨིཏྠིསཉྙཱི སཱརཏྟོ ཙ. ཨིཏྠཱི ཙ ནཾ བྷིཀྑུསྶ ནིསྶགྒིཡེན ནིསྶགྒིཡཾ ཨཱམསཏི. སེཝནཱདྷིཔྤཱཡོ ¶ ཀཱཡེན ཝཱཡམཏི, ན ཙ ཕསྶཾ པཊིཝིཛཱནཱཏི, ཨཱཔཏྟི དུཀྐཊསྶ…པེ….

དྭེ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. ཨིཏྠིཡོ ཙ ནཾ བྷིཀྑུསྶ ནིསྶགྒིཡེན ནིསྶགྒིཡཾ ཨཱམསནྟི. སེཝནཱདྷིཔྤཱཡོ ཀཱཡེན ཝཱཡམཏི, ན ཙ ཕསྶཾ པཊིཝིཛཱནཱཏི, ཨཱཔཏྟི དྭིནྣཾ དུཀྐཊཱནཾ…པེ….

ཨིཏྠཱི ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. ཨུབྷོ ཙ ནཾ བྷིཀྑུསྶ ནིསྶགྒིཡེན ནིསྶགྒིཡཾ ཨཱམསནྟི. སེཝནཱདྷིཔྤཱཡོ ཀཱཡེན ཝཱཡམཏི, ན ཙ ཕསྶཾ པཊིཝིཛཱནཱཏི, ཨཱཔཏྟི དྭིནྣཾ དུཀྐཊཱནཾ…པེ….

༢༧༩. སེཝནཱདྷིཔྤཱཡོ ཀཱཡེན ཝཱཡམཏི ཕསྶཾ པཊིཝིཛཱནཱཏི, ཨཱཔཏྟི སངྒྷཱདིསེསསྶ.

སེཝནཱདྷིཔྤཱཡོ ¶ ཀཱཡེན ཝཱཡམཏི, ན ཙ ཕསྶཾ པཊིཝིཛཱནཱཏི, ཨཱཔཏྟི དུཀྐཊསྶ.

སེཝནཱདྷིཔྤཱཡོ ན ཙ ཀཱཡེན ཝཱཡམཏི, ཕསྶཾ པཊིཝིཛཱནཱཏི, ཨནཱཔཏྟི.

སེཝནཱདྷིཔྤཱཡོ ན ཙ ཀཱཡེན ཝཱཡམཏི, ན ཙ ཕསྶཾ པཊིཝིཛཱནཱཏི, ཨནཱཔཏྟི.

མོཀྑཱདྷིཔྤཱཡོ ཀཱཡེན ཝཱཡམཏི, ཕསྶཾ པཊིཝིཛཱནཱཏི, ཨནཱཔཏྟི.

མོཀྑཱདྷིཔྤཱཡོ ¶ ཀཱཡེན ཝཱཡམཏི, ན ཙ ཕསྶཾ པཊིཝིཛཱནཱཏི ¶ , ཨནཱཔཏྟི.

མོཀྑཱདྷིཔྤཱཡོ ན ཙ ཀཱཡེན ཝཱཡམཏི, ཕསྶཾ པཊིཝིཛཱནཱཏི, ཨནཱཔཏྟི.

མོཀྑཱདྷིཔྤཱཡོ ན ཙ ཀཱཡེན ཝཱཡམཏི, ན ཙ ཕསྶཾ པཊིཝིཛཱནཱཏི, ཨནཱཔཏྟི.

༢༨༠. ཨནཱཔཏྟི ཨསཉྩིཙྩ, ཨསཏིཡཱ, ཨཛཱནནྟསྶ, ཨསཱདིཡནྟསྶ, ཨུམྨཏྟཀསྶ, ཁིཏྟཙིཏྟསྶ, ཝེདནཱཊྚསྶ, ཨཱདིཀམྨིཀསྶཱཏི.

ཝིནཱིཏཝཏྠུཨུདྡཱནགཱཐཱ

མཱཏཱ ¶ དྷཱིཏཱ བྷགིནཱི ཙ, ཛཱཡཱ ཡཀྑཱི ཙ པཎྜཀོ;

སུཏྟཱ མཏཱ ཏིརཙྪཱནཱ, དཱརུདྷིཏལིཀཱཡ ཙ.

སམྤཱིལེ༹ སངྐམོ མགྒོ, རུཀྑོ ནཱཝཱ ཙ རཛྫུ ཙ;

དཎྜོ པཏྟཾ པཎཱམེསི, ཝནྡེ ཝཱཡམི ནཙྪུཔེཏི.

ཝིནཱིཏཝཏྠུ

༢༨༡. ཏེན ཁོ པན སམཡེན ཨཉྙཏརོ བྷིཀྑུ མཱཏུཡཱ མཱཏུཔེམེན ཨཱམསི. ཏསྶ ཀུཀྐུཙྩཾ ཨཧོསི – ‘‘བྷགཝཏཱ སིཀྑཱཔདཾ པཉྙཏྟཾ, ཀཙྩི ནུ ཁོ ཨཧཾ སངྒྷཱདིསེསཾ ཨཱཔཏྟིཾ ¶ ཨཱཔནྣོ’’ཏི? བྷགཝཏོ ཨེཏམཏྠཾ ཨཱརོཙེསི. ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ དྷཱིཏུཡཱ དྷཱིཏུཔེམེན ཨཱམསི…པེ… བྷགིནིཡཱ བྷགིནིཔེམེན ཨཱམསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ པུརཱཎདུཏིཡིཀཱཡ ཀཱཡསཾསགྒཾ སམཱཔཛྫི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ སངྒྷཱདིསེས’’ནྟི.

ཏེན ཁོ པན སམཡེན ཨཉྙཏརོ བྷིཀྑུ ཡཀྑིནིཡཱ ཀཱཡསཾསགྒཾ སམཱཔཛྫི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ¶ ཁོ པན སམཡེན ཨཉྙཏརོ བྷིཀྑུ པཎྜཀསྶ ཀཱཡསཾསགྒཾ སམཱཔཛྫི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི ¶ , བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ སུཏྟིཏྠིཡཱ ཀཱཡསཾསགྒཾ སམཱཔཛྫི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ སངྒྷཱདིསེས’’ནྟི.

ཏེན ཁོ པན སམཡེན ཨཉྙཏརོ བྷིཀྑུ མཏིཏྠིཡཱ ཀཱཡསཾསགྒཾ སམཱཔཛྫི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཏིརཙྪཱནགཏིཏྠིཡཱ ཀཱཡསཾསགྒཾ སམཱཔཛྫི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ དཱརུདྷཱིཏལིཀཱཡ ཀཱཡསཾསགྒཾ སམཱཔཛྫི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི.

༢༨༢. ཏེན ¶ ཁོ པན སམཡེན སམྦཧུལཱ ཨིཏྠིཡོ ཨཉྙཏརཾ བྷིཀྑུཾ སམྤཱིལེ༹ཏྭཱ བཱཧཱཔརམྤརཱཡ ཨཱནེསུཾ. ཏསྶ ཀུཀྐུཙྩཾ ཨཧོསི…པེ… ‘‘སཱདིཡི ཏྭཾ, བྷིཀྑཱུ’’ཏི? ‘‘ནཱཧཾ, བྷགཝཱ, སཱདིཡི’’ནྟི. ‘‘ཨནཱཔཏྟི, བྷིཀྑཱུ, ཨསཱདིཡནྟསྶཱ’’ཏི.

ཏེན ¶ ཁོ པན སམཡེན ཨཉྙཏརོ བྷིཀྑུ ཨིཏྠིཡཱ ཨབྷིརཱུལ༹ྷཾ སངྐམཾ སཱརཏྟོ སཉྩཱལེསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཨིཏྠིཾ པཊིཔཐེ པསྶིཏྭཱ ¶ སཱརཏྟོ ཨཾསཀཱུཊེན པཧཱརཾ ཨདཱསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ སངྒྷཱདིསེས’’ནྟི.

ཏེན ཁོ པན སམཡེན ཨཉྙཏརོ བྷིཀྑུ ཨིཏྠིཡཱ ཨབྷིརཱུལ༹ྷཾ རུཀྑཾ སཱརཏྟོ སཉྩཱལེསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི.

ཏེན ¶ ཁོ པན སམཡེན ཨཉྙཏརོ བྷིཀྑུ ཨིཏྠིཡཱ ཨབྷིརཱུལ༹ྷཾ ནཱཝཾ སཱརཏྟོ སཉྩཱལེསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཨིཏྠིཡཱ གཧིཏཾ རཛྫུཾ སཱརཏྟོ ཨཱཝིཉྪི [ཨཱཝིཉྫི (སཱི. སྱཱ.)]. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཨིཏྠིཡཱ གཧིཏཾ དཎྜཾ སཱརཏྟོ ཨཱཝིཉྪི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ¶ ཁོ པན སམཡེན ཨཉྙཏརོ བྷིཀྑུ སཱརཏྟོ ཨིཏྠིཾ པཏྟེན པཎཱམེསི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཨིཏྠིཡཱ ཝནྡནྟིཡཱ སཱརཏྟོ པཱདཾ ཨུཙྩཱརེསི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ སངྒྷཱདིསེས’’ནྟི.

ཏེན ཁོ པན སམཡེན ཨཉྙཏརོ བྷིཀྑུ ¶ ཨིཏྠིཾ གཧེསྶཱམཱིཏི ཝཱཡམིཏྭཱ ན ཚུཔི.

ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི.

ཀཱཡསཾསགྒསིཀྑཱཔདཾ ནིཊྛིཏཾ དུཏིཡཾ.

༣. དུཊྛུལླཝཱཙཱསིཀྑཱཔདཾ

༢༨༣. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུདཱཡཱི ཨརཉྙེ ཝིཧརཏི. ཏསྶཱཡསྨཏོ ཝིཧཱརོ ཨབྷིརཱུཔོ ཧོཏི དསྶནཱིཡོ པཱསཱདིཀོ. ཏེན ཁོ པན སམཡེན སམྦཧུལཱ ཨིཏྠིཡོ ཨཱརཱམཾ ཨཱགམཾསུ ཝིཧཱརཔེཀྑིཀཱཡོ. ཨཐ ཁོ ཏཱ ཨིཏྠིཡོ ¶ ཡེནཱཡསྨཱ ཨུདཱཡཱི ཏེནུཔསངྐམིཾསུ; ཨུཔསངྐམིཏྭཱ ཨཱཡསྨནྟཾ ཨུདཱཡིཾ ཨེཏདཝོཙུཾ – ‘‘ཨིཙྪཱམ མཡཾ, བྷནྟེ, ཨཡྻསྶ ཝིཧཱརཾ པེཀྑིཏུ’’ནྟི. ཨཐ ཁོ ཨཱཡསྨཱ ཨུདཱཡཱི ཏཱ ཨིཏྠིཡོ ཝིཧཱརཾ པེཀྑཱཔེཏྭཱ ཏཱསཾ ཨིཏྠཱིནཾ ཝཙྩམགྒཾ པསྶཱཝམགྒཾ ཨཱདིསྶ ཝཎྞམྤི བྷཎཏི ཨཝཎྞམྤི བྷཎཏི ཡཱཙཏིཔི ཨཱཡཱཙཏིཔི པུཙྪཏིཔི པཊིཔུཙྪཏིཔི ཨཱཙིཀྑཏིཔི ཨནུསཱསཏིཔི ཨཀྐོསཏིཔི. ཡཱ ཏཱ ཨིཏྠིཡོ ¶ ཚིནྣིཀཱ དྷུཏྟིཀཱ ཨཧིརིཀཱཡོ ཏཱ ཨཱཡསྨཏཱ ཨུདཱཡིནཱ སདྡྷིཾ ཨུཧསནྟིཔི ཨུལླཔནྟིཔི ཨུཛྫགྒྷནྟིཔི ཨུཔྤཎྜེནྟིཔི. ཡཱ པན ཏཱ ཨིཏྠིཡོ ཧིརིམནཱ ཏཱ ནིཀྑམིཏྭཱ བྷིཀྑཱུ ཨུཛ྄ཛྷཱཔེནྟི – ‘‘ཨིདཾ, བྷནྟེ, ནཙྪནྣཾ ནཔྤཏིརཱུཔཾ. སཱམིཀེནཔི མཡཾ ཨེཝཾ ཝུཏྟཱ ན ཨིཙྪེཡྻཱམ, ཀིཾ པནཱཡྻེན ཨུདཱཡིནཱ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ¶ ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུདཱཡཱི མཱཏུགཱམཾ དུཊྛུལླཱཧི ཝཱཙཱཧི ཨོབྷཱསིསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ ཨུདཱཡིཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ¶ ཨཱཡསྨནྟཾ ཨུདཱཡིཾ པཊིཔུཙྪི – ‘‘སཙྩཾ ཀིར ཏྭཾ, ཨུདཱཡི, མཱཏུགཱམཾ དུཊྛུལླཱཧི ཝཱཙཱཧི ཨོབྷཱསསཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིས, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏྭཾ, མོགྷཔུརིས, མཱཏུགཱམཾ དུཊྛུལླཱཧི ཝཱཙཱཧི ཨོབྷཱསིསྶསི! ནནུ མཡཱ, མོགྷཔུརིས, ཨནེཀཔརིཡཱཡེན ཝིརཱགཱཡ དྷམྨོ དེསིཏོ ནོ སརཱགཱཡ…པེ… ཀཱམཔརིལཱ༹ཧཱནཾ ཝཱུཔསམོ ཨཀྑཱཏོ. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༨༤. ‘‘ཡོ པན བྷིཀྑུ ཨོཏིཎྞོ ཝིཔརིཎཏེན ཙིཏྟེན མཱཏུགཱམཾ དུཊྛུལླཱཧི ཝཱཙཱཧི ཨོབྷཱསེཡྻ ཡཐཱ ཏཾ ཡུཝཱ ཡུཝཏིཾ མེཐུནུཔསཾཧིཏཱཧི, སངྒྷཱདིསེསོ’’ཏི.

༢༨༥. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨོཏིཎྞོ ནཱམ སཱརཏྟོ ཨཔེཀྑཝཱ པཊིབདྡྷཙིཏྟོ.

ཝིཔརིཎཏནྟི ¶ རཏྟམྤི ཙིཏྟཾ ཝིཔརིཎཏཾ, དུཊྛམྤི ཙིཏྟཾ ཝིཔརིཎཏཾ མཱུལ༹ྷམྤི ཙིཏྟཾ ཝིཔརིཎཏཾ. ཨཔིཙ, རཏྟཾ ཙིཏྟཾ ཨིམསྨིཾ ཨཏྠེ ཨདྷིཔྤེཏཾ ཝིཔརིཎཏནྟི.

མཱཏུགཱམོ ནཱམ མནུསྶིཏྠཱི, ན ཡཀྑཱི, ན པེཏཱི, ན ཏིརཙྪཱནགཏཱ. ཝིཉྙཱུ པཊིབལཱ སུབྷཱསིཏདུབྦྷཱསིཏཾ དུཊྛུལླཱདུཊྛུལླཾ ¶ ཨཱཛཱནིཏུཾ.

དུཊྛུལླཱ ནཱམ ཝཱཙཱ ཝཙྩམགྒཔསྶཱཝམགྒམེཐུནདྷམྨཔྤཊིསཾཡུཏྟཱ ཝཱཙཱ.

ཨོབྷཱསེཡྻཱཏི ཨཛ྄ཛྷཱཙཱརོ ཝུཙྩཏི.

ཡཐཱ ཏཾ ཡུཝཱ ཡུཝཏིནྟི དཧརོ དཧརིཾ, ཏརུཎོ ཏརུཎིཾ, ཀཱམབྷོགཱི ཀཱམབྷོགིནིཾ.

མེཐུནུཔསཾཧིཏཱཧཱིཏི ¶ མེཐུནདྷམྨཔྤཊིསཾཡུཏྟཱཧི.

སངྒྷཱདིསེསོཏི ¶ …པེ… ཏེནཔི ཝུཙྩཏི སངྒྷཱདིསེསོཏི.

དྭེ མགྒེ ཨཱདིསྶ ཝཎྞམྤི བྷཎཏི, ཨཝཎྞམྤི བྷཎཏི, ཡཱཙཏིཔི, ཨཱཡཱཙཏིཔི, པུཙྪཏིཔི, པཊིཔུཙྪཏིཔི, ཨཱཙིཀྑཏིཔི, ཨནུསཱསཏིཔི, ཨཀྐོསཏིཔི.

ཝཎྞཾ བྷཎཏི ནཱམ དྭེ མགྒེ ཐོམེཏི ཝཎྞེཏི པསཾསཏི.

ཨཝཎྞཾ བྷཎཏི ནཱམ དྭེ མགྒེ ཁུཾསེཏི ཝམྦྷེཏི གརཧཏི.

ཡཱཙཏི ནཱམ དེཧི མེ, ཨརཧསི མེ དཱཏུནྟི.

ཨཱཡཱཙཏི ནཱམ ཀདཱ ཏེ མཱཏཱ པསཱིདིསྶཏི, ཀདཱ ཏེ པིཏཱ པསཱིདིསྶཏི, ཀདཱ ཏེ དེཝཏཱཡོ པསཱིདིསྶནྟི, ཀདཱ [ཀདཱ ཏེ (སྱཱ.)] སུཁཎོ སུལཡོ སུམུཧུཏྟོ བྷཝིསྶཏི, ཀདཱ ཏེ མེཐུནཾ དྷམྨཾ ལབྷིསྶཱམཱིཏི.

པུཙྪཏི ནཱམ ཀཐཾ ཏྭཾ སཱམིཀསྶ དེསི, ཀཐཾ ཛཱརསྶ དེསཱིཏི?

པཊིཔུཙྪཏི ནཱམ ཨེཝཾ ཀིར ཏྭཾ སཱམིཀསྶ དེསི, ཨེཝཾ ཛཱརསྶ དེསཱིཏི.

ཨཱཙིཀྑཏི ནཱམ པུཊྛོ བྷཎཏི – ‘‘ཨེཝཾ དེཧི. ཨེཝཾ དེནྟཱ སཱམིཀསྶ པིཡཱ བྷཝིསྶསི མནཱཔཱ ཙཱ’’ཏི.

ཨནུསཱསཏི ནཱམ ཨཔུཊྛོ བྷཎཏི – ‘‘ཨེཝཾ དེཧི. ཨེཝཾ དེནྟཱ སཱམིཀསྶ པིཡཱ བྷཝིསྶཏི མནཱཔཱ ཙཱ’’ཏི.

ཨཀྐོསཏི ¶ ནཱམ ཨནིམིཏྟཱསི, ནིམིཏྟམཏྟཱསི, ཨལོཧིཏཱསི, དྷུཝལོཧིཏཱསི ¶ , དྷུཝཙོལཱ༹སི, པགྒྷརནྟཱིསི, སིཁརཎཱིསི, ཨིཏྠིཔཎྜཀཱསི, ཝེཔུརིསིཀཱསི, སམྦྷིནྣཱསི, ཨུབྷཏོབྱཉྫནཱསཱིཏི.

༢༨༦. ཨིཏྠཱི ¶ ཙ ཧོཏི ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨིཏྠིཡཱ ཝཙྩམགྒཾ པསྶཱཝམགྒཾ ཨཱདིསྶ ཝཎྞམྤི བྷཎཏི ཨཝཎྞམྤི བྷཎཏི ཡཱཙཏིཔི ཨཱཡཱཙཏིཔི པུཙྪཏིཔི པཊིཔུཙྪཏིཔི ཨཱཙིཀྑཏིཔི ཨནུསཱསཏིཔི ཨཀྐོསཏིཔི, ཨཱཔཏྟི སངྒྷཱདིསེསསྶ…པེ… ¶ .

དྭེ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ དྭིནྣཾ ཨིཏྠཱིནཾ ཝཙྩམགྒཾ པསྶཱཝམགྒཾ ཨཱདིསྶ ཝཎྞམྤི བྷཎཏི ཨཝཎྞཾཔི བྷཎཏི…པེ… ཨཀྐོསཏིཔི, ཨཱཔཏྟི དྭིནྣཾ སངྒྷཱདིསེསཱནཾ…པེ… ¶ .

ཨིཏྠཱི ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཝཙྩམགྒཾ པསྶཱཝམགྒཾ ཨཱདིསྶ ཝཎྞམྤི བྷཎཏི ཨཝཎྞམྤི བྷཎཏི…པེ… ཨཀྐོསཏིཔི, ཨཱཔཏྟི སངྒྷཱདིསེསེན དུཀྐཊསྶ…པེ… ¶ .

ཨིཏྠཱི ཙ ཧོཏི ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨིཏྠིཡཱ ཝཙྩམགྒཾ པསྶཱཝམགྒཾ ཋཔེཏྭཱ ཨདྷཀྑཀཾ ཨུབྦྷཛཱཎུམཎྜལཾ ཨཱདིསྶ ཝཎྞམྤི བྷཎཏི ཨཝཎྞམྤི བྷཎཏི…པེ… ཨཀྐོསཏིཔི ¶ , ཨཱཔཏྟི ཐུལླཙྩཡསྶ…པེ….

དྭེ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ དྭིནྣཾ ཨིཏྠཱིནཾ ཝཙྩམགྒཾ པསྶཱཝམགྒཾ ཋཔེཏྭཱ ཨདྷཀྑཀཾ ཨུབྦྷཛཱཎུམཎྜལཾ ཨཱདིསྶ ཝཎྞམྤི བྷཎཏི ཨཝཎྞམྤི བྷཎཏི…པེ… ཨཀྐོསཏིཔི, ཨཱཔཏྟི དྭིནྣཾ ཐུལླཙྩཡཱནཾ…པེ….

ཨིཏྠཱི ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཝཙྩམགྒཾ པསྶཱཝམགྒཾ ཋཔེཏྭཱ ཨདྷཀྑཀཾ ཨུབྦྷཛཱཎུམཎྜལཾ ཨཱདིསྶ ཝཎྞམྤི བྷཎཏི ཨཝཎྞམྤི བྷཎཏི…པེ… ཨཀྐོསཏིཔི, ཨཱཔཏྟི ཐུལླཙྩཡེན དུཀྐཊསྶ…པེ….

ཨིཏྠཱི ཙ ཧོཏི ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ¶ ཨིཏྠིཡཱ ཨུབྦྷཀྑཀཾ ཨདྷོཛཱཎུམཎྜལཾ ཨཱདིསྶ ཝཎྞམྤི བྷཎཏི ཨཝཎྞམྤི བྷཎཏི…པེ… ཨཀྐོསཏིཔི, ཨཱཔཏྟི དུཀྐཊསྶ…པེ….

དྭེ ¶ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ དྭིནྣཾ ཨིཏྠཱིནཾ ཨུབྦྷཀྑཀཾ ཨདྷོཛཱཎུམཎྜལཾ ཨཱདིསྶ ཝཎྞམྤི བྷཎཏི ཨཝཎྞམྤི བྷཎཏི…པེ… ཨཀྐོསཏིཔི, ཨཱཔཏྟི དྭིནྣཾ དུཀྐཊཱནཾ…པེ….

ཨིཏྠཱི ¶ ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཨུབྦྷཀྑཀཾ ཨདྷོཛཱཎུམཎྜལཾ ཨཱདིསྶ ཝཎྞམྤི བྷཎཏི ཨཝཎྞམྤི བྷཎཏི…པེ… ཨཀྐོསཏིཔི, ཨཱཔཏྟི དྭིནྣཾ དུཀྐཊཱནཾ…པེ….

ཨིཏྠཱི ཙ ཧོཏི ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨིཏྠིཡཱ ཀཱཡཔཊིབདྡྷཾ ཨཱདིསྶ ཝཎྞམྤི བྷཎཏི ཨཝཎྞམྤི བྷཎཏི…པེ… ཨཀྐོསཏིཔི, ཨཱཔཏྟི དུཀྐཊསྶ…པེ….

དྭེ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ དྭིནྣཾ ཨིཏྠཱིནཾ ཀཱཡཔཊིབདྡྷཾ ཨཱདིསྶ ཝཎྞམྤི བྷཎཏི ཨཝཎྞམྤི བྷཎཏི…པེ… ཨཀྐོསཏིཔི, ཨཱཔཏྟི དྭིནྣཾ དུཀྐཊཱནཾ…པེ….

ཨིཏྠཱི ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ ཀཱཡཔཊིབདྡྷཾ ཨཱདིསྶ ཝཎྞམྤི བྷཎཏི ཨཝཎྞམྤི བྷཎཏི…པེ… ཨཀྐོསཏིཔི, ཨཱཔཏྟི ¶ དྭིནྣཾ དུཀྐཊཱནཾ…པེ….

༢༨༧. ཨནཱཔཏྟི ཨཏྠཔུརེཀྑཱརསྶ, དྷམྨཔུརེཀྑཱརསྶ, ཨནུསཱསནིཔུརེཀྑཱརསྶ, ཨུམྨཏྟཀསྶ, ཨཱདིཀམྨིཀསྶཱཏི.

ཝིནཱིཏཝཏྠུཨུདྡཱནགཱཐཱ

ལོཧིཏཾ ཀཀྐསཱཀིཎྞཾ, ཁརཾ དཱིགྷཉྩ ཝཱཔིཏཾ;

ཀཙྩི སཾསཱིདཏི མགྒོ, སདྡྷཱ དཱནེན ཀམྨུནཱཏི.

ཝིནཱིཏཝཏྠུ

༢༨༨. ཏེན ¶ ཁོ པན སམཡེན ཨཉྙཏརཱ ཨིཏྠཱི ནཝརཏྟཾ ཀམྦལཾ པཱརུཏཱ ཧོཏི. ཨཉྙཏརོ བྷིཀྑུ སཱརཏྟོ ཏཾ ཨིཏྠིཾ ཨེཏདཝོཙ – ‘‘ལོཧིཏཾ ཁོ ཏེ, བྷགིནཱི’’ཏི. སཱ ན པཊིཝིཛཱནི. ‘‘ཨཱམཱཡྻ, ནཝརཏྟོ ཀམྦལོ’’ཏི. ཏསྶ ཀུཀྐུཙྩཾ ཨཧོསི ‘‘བྷགཝཏཱ སིཀྑཱཔདཾ པཉྙཏྟཾ, ཀཙྩི ནུ ཁོ ཨཧཾ སངྒྷཱདིསེསཾ ཨཱཔཏྟིཾ ཨཱཔནྣོ’’ཏི? བྷགཝཏོ ཨེཏམཏྠཾ ཨཱརོཙེསི. ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརཱ ཨིཏྠཱི ཁརཀམྦལཾ པཱརུཏཱ ཧོཏི. ཨཉྙཏརོ བྷིཀྑུ སཱརཏྟོ ཏཾ ཨིཏྠིཾ ཨེཏདཝོཙ – ‘‘ཀཀྐསལོམཾ ཁོ ཏེ, བྷགིནཱི’’ཏི. སཱ ན པཊིཝིཛཱནི. ‘‘ཨཱམཱཡྻ, ཁརཀམྦལཀོ’’ཏི. ཏསྶ ཀུཀྐུཙྩཾ ¶ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརཱ ཨིཏྠཱི ནཝཱཝུཏཾ ཀམྦལཾ པཱརུཏཱ ཧོཏི. ཨཉྙཏརོ བྷིཀྑུ སཱརཏྟོ ཏཾ ཨིཏྠིཾ ཨེཏདཝོཙ – ‘‘ཨཱཀིཎྞལོམཾ ཁོ ཏེ, བྷགིནཱི’’ཏི. སཱ ན པཊིཝིཛཱནི. ‘‘ཨཱམཱཡྻ, ནཝཱཝུཏོ ཀམྦལོ’’ཏི. ཏསྶ ཀུཀྐུཙྩཾ ¶ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརཱ ཨིཏྠཱི ཁརཀམྦལཾ པཱརུཏཱ ཧོཏི. ཨཉྙཏརོ བྷིཀྑུ སཱརཏྟོ ཏཾ ཨིཏྠིཾ ཨེཏདཝོཙ – ‘‘ཁརལོམཾ ཁོ ཏེ, བྷགིནཱི’’ཏི. སཱ ན པཊིཝིཛཱནི. ‘‘ཨཱམཱཡྻ, ཁརཀམྦལཀོ’’ཏི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརཱ ཨིཏྠཱི པཱཝཱརཾ [དཱིགྷཔཱཝཱརཾ (སྱཱ.)] པཱརུཏཱ ཧོཏི. ཨཉྙཏརོ བྷིཀྑུ སཱརཏྟོ ཏཾ ཨིཏྠིཾ ཨེཏདཝོཙ – ‘‘དཱིགྷལོམཾ ཁོ ཏེ, བྷགིནཱི’’ཏི. སཱ ན པཊིཝིཛཱནི. ‘‘ཨཱམཱཡྻ, པཱཝཱརོ’’ [དཱིགྷཔཱཝཱརོ (སྱཱ.)] ཏི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི.

༢༨༩. ཏེན ¶ ཁོ པན སམཡེན ཨཉྙཏརཱ ཨིཏྠཱི ཁེཏྟཾ ཝཔཱཔེཏྭཱ ཨཱགཙྪཏི. ཨཉྙཏརོ ¶ བྷིཀྑུ སཱརཏྟོ ཏཾ ཨིཏྠིཾ ཨེཏདཝོཙ – ‘‘ཝཱཔིཏཾ ཁོ ཏེ, བྷགིནཱི’’ཏི? སཱ ན པཊིཝིཛཱནི. ‘‘ཨཱམཱཡྻ, ནོ ཙ ཁོ པཊིཝུཏྟ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ པརིབྦཱཛིཀཾ པཊིཔཐེ པསྶིཏྭཱ སཱརཏྟོ ཏཾ པརིབྦཱཛིཀཾ ཨེཏདཝོཙ – ‘‘ཀཙྩི, བྷགིནི, མགྒོ སཾསཱིདཏཱི’’ཏི? སཱ ན པཊིཝིཛཱནི. ‘‘ཨཱམ བྷིཀྑུ, པཊིཔཛྫིསྶསཱི’’ཏི ¶ . ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ སཱརཏྟོ ཨཉྙཏརཾ ཨིཏྠིཾ ཨེཏདཝོཙ – ‘‘སདྡྷཱསི ཏྭཾ, བྷགིནི. ཨཔིཙ, ཡཾ སཱམིཀསྶ དེསི ཏཾ ནཱམྷཱཀཾ དེསཱི’’ཏི ¶ . ‘‘ཀིཾ, བྷནྟེ’’ཏི? ‘‘མེཐུནདྷམྨ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ སངྒྷཱདིསེས’’ནྟི.

ཏེན ཁོ པན སམཡེན ཨཉྙཏརོ བྷིཀྑུ སཱརཏྟོ ཨཉྙཏརཾ ཨིཏྠིཾ ཨེཏདཝོཙ – ‘‘སདྡྷཱསི ཏྭཾ, བྷགིནི. ཨཔིཙ, ཡཾ ཨགྒདཱནཾ ཏཾ ནཱམྷཱཀཾ དེསཱི’’ཏི. ‘‘ཀིཾ, བྷནྟེ, ཨགྒདཱན’’ནྟི? ‘‘མེཐུནདྷམྨ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ སངྒྷཱདིསེས’’ནྟི.

ཏེན ཁོ པན སམཡེན ཨཉྙཏརཱ ཨིཏྠཱི ཀམྨཾ ཀརོཏི. ཨཉྙཏརོ བྷིཀྑུ སཱརཏྟོ ¶ ཏཾ ཨིཏྠིཾ ཨེཏདཝོཙ – ‘‘ཏིཊྛ, བྷགིནི, ཨཧཾ ཀརིསྶཱམཱིཏི…པེ… ནིསཱིད, བྷགིནི, ཨཧཾ ཀརིསྶཱམཱིཏི…པེ… ནིཔཛྫ, བྷགིནི, ཨཧཾ ཀརིསྶཱམཱི’’ཏི. སཱ ན པཊིཝིཛཱནི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི.

དུཊྛུལླཝཱཙཱསིཀྑཱཔདཾ ནིཊྛིཏཾ ཏཏིཡཾ.

༤. ཨཏྟཀཱམཔཱརིཙརིཡསིཀྑཱཔདཾ

༢༩༠. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུདཱཡཱི སཱཝཏྠིཡཾ ཀུལཱུཔཀོ ཧོཏི, བཧུཀཱནི ཀུལཱནི ཨུཔསངྐམཏི. ཏེན ཁོ པན སམཡེན ཨཉྙཏརཱ ཨིཏྠཱི མཏཔཏིཀཱ ཨབྷིརཱུཔཱ ཧོཏི དསྶནཱིཡཱ པཱསཱདིཀཱ. ཨཐ ཁོ ཨཱཡསྨཱ ཨུདཱཡཱི པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན ཏསྶཱ ཨིཏྠིཡཱ ནིཝེསནཾ ཏེནུཔསངྐམི; ཨུཔསངྐམིཏྭཱ ¶ པཉྙཏྟེ ཨཱསནེ ནིསཱིདི. ཨཐ ཁོ སཱ ཨིཏྠཱི ཡེནཱཡསྨཱ ཨུདཱཡཱི ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨུདཱཡིཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཏཾ ཨིཏྠིཾ ཨཱཡསྨཱ ཨུདཱཡཱི དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ སཱ ཨིཏྠཱི ཨཱཡསྨཏཱ ཨུདཱཡིནཱ དྷམྨིཡཱ ཀཐཱཡ སནྡསྶིཏཱ སམཱདཔིཏཱ སམུཏྟེཛིཏཱ སམྤཧཾསིཏཱ ཨཱཡསྨནྟཾ ཨུདཱཡིཾ ཨེཏདཝོཙ – ‘‘ཝདེཡྻཱཐ, བྷནྟེ, ཡེན ཨཏྠོ. པཊིབལཱ མཡཾ ཨཡྻསྶ དཱཏུཾ ཡདིདཾ ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱར’’ནྟི.

‘‘ན ¶ ཁོ ཏེ, བྷགིནི, ཨམྷཱཀཾ དུལླབྷཱ ཡདིདཾ ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརཱ. ཨཔིཙ, ཡོ ཨམྷཱཀཾ དུལླབྷོ ཏཾ དེཧཱི’’ཏི. ‘‘ཀིཾ, བྷནྟེ’’ཏི? ‘‘མེཐུནདྷམྨ’’ནྟི. ‘‘ཨཏྠོ ¶ , བྷནྟེ’’ཏི? ‘‘ཨཏྠོ, བྷགིནཱི’’ཏི. ‘‘ཨེཧི, བྷནྟེ’’ཏི, ཨོཝརཀཾ པཝིསིཏྭཱ སཱཊཀཾ ནིཀྑིཔིཏྭཱ མཉྩཀེ ཨུཏྟཱནཱ ནིཔཛྫི. ཨཐ ཁོ ཨཱཡསྨཱ ཨུདཱཡཱི ཡེན སཱ ཨིཏྠཱི ཏེནུཔསངྐམི; ཨུཔསངྐམིཏྭཱ – ‘‘ཀོ ཨིམཾ ཝསལཾ དུགྒནྡྷཾ ཨཱམསིསྶཏཱི’’ཏི, ནིཊྛུཧིཏྭཱ པཀྐཱམི. ཨཐ ཁོ སཱ ཨིཏྠཱི ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཨལཛྫིནོ ཨིམེ སམཎཱ སཀྱཔུཏྟིཡཱ དུསྶཱིལཱ མུསཱཝཱདིནོ. ཨིམེ ཧི ནཱམ དྷམྨཙཱརིནོ སམཙཱརིནོ བྲཧྨཙཱརིནོ སཙྩཝཱདིནོ སཱིལཝནྟོ ཀལྱཱཎདྷམྨཱ པཊིཛཱནིསྶནྟི! ནཏྠི ཨིམེསཾ སཱམཉྙཾ ནཏྠི ཨིམེསཾ བྲཧྨཉྙཾ, ནཊྛཾ ཨིམེསཾ སཱམཉྙཾ ནཊྛཾ ཨིམེསཾ བྲཧྨཉྙཾ, ཀུཏོ ཨིམེསཾ སཱམཉྙཾ ཀུཏོ ཨིམེསཾ བྲཧྨཉྙཾ, ཨཔགཏཱ ཨིམེ སཱམཉྙཱ ཨཔགཏཱ ཨིམེ བྲཧྨཉྙཱ. ཀཐཉྷི ནཱམ སམཎོ ཨུདཱཡཱི མཾ སཱམཾ མེཐུནདྷམྨཾ ཡཱཙིཏྭཱ, ‘ཀོ ཨིམཾ ཝསལཾ དུགྒནྡྷཾ ཨཱམསིསྶཏཱི’’ཏི ནིཊྛུཧིཏྭཱ པཀྐམིསྶཏི! ཀིཾ མེ པཱཔཀཾ ཀིཾ མེ དུགྒནྡྷཾ, ཀསྶཱཧཾ ཀེན ཧཱཡཱམཱི’’ཏི? ཨཉྙཱཔི ཨིཏྠིཡོ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཨལཛྫིནོ ཨིམེ སམཎཱ ¶ སཀྱཔུཏྟིཡཱ དུསྶཱིལཱ མུསཱཝཱདིནོ…པེ… ཀཐཉྷི ནཱམ སམཎོ ཨུདཱཡཱི ཨིམིསྶཱ སཱམཾ མེཐུནདྷམྨཾ ¶ ཡཱཙིཏྭཱ, ‘ཀོ ཨིམཾ ཝསལཾ དུགྒནྡྷཾ ཨཱམསིསྶཏཱི’ཏི ནིཊྛུཧིཏྭཱ པཀྐམིསྶཏི! ཀིཾ ཨིམིསྶཱ པཱཔཀཾ ཀིཾ ཨིམིསྶཱ དུགྒནྡྷཾ, ཀསྶཱཡཾ ཀེན ཧཱཡཏཱི’’ཏི? ཨསྶོསུཾ ཁོ བྷིཀྑཱུ ཏཱསཾ ཨིཏྠཱིནཾ ཨུཛ྄ཛྷཱཡནྟཱིནཾ ཁིཡྻནྟཱིནཾ ཝིཔཱཙེནྟཱིནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུདཱཡཱི མཱཏུགཱམསྶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསིསྶཏཱི’’ཏི!

ཨཐ ཁོ ཏེ བྷིཀྑཱུ ཨཱཡསྨནྟཾ ཨུདཱཡིཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ¶ ཨཱཡསྨནྟཾ ཨུདཱཡིཾ པཊིཔུཙྪི – ‘‘སཙྩཾ ཀིར ཏྭཾ, ཨུདཱཡི, མཱཏུགཱམསྶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསསཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིས, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏྭཾ, མོགྷཔུརིས, མཱཏུགཱམསྶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསིསྶསི! ནནུ མཡཱ ¶ , མོགྷཔུརིས, ཨནེཀཔརིཡཱཡེན ཝིརཱགཱཡ དྷམྨོ དེསིཏོ ནོ སརཱགཱཡ…པེ… ཀཱམཔརིལཱ༹ཧཱནཾ ཝཱུཔསམོ ཨཀྑཱཏོ? ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༩༡. ‘‘ཡོ པན བྷིཀྑུ ཨོཏིཎྞོ ཝིཔརིཎཏེན ཙིཏྟེན མཱཏུགཱམསྶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསེཡྻ – ‘ཨེཏདགྒཾ, བྷགིནི, པཱརིཙརིཡཱནཾ ཡཱ མཱདིསཾ སཱིལཝནྟཾ ཀལྱཱཎདྷམྨཾ བྲཧྨཙཱརིཾ ཨེཏེན དྷམྨེན པརིཙརེཡྻཱཏི མེཐུནུཔསཾཧིཏེན’, སངྒྷཱདིསེསོ’’ཏི.

༢༩༢. ཡོ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨོཏིཎྞོ ནཱམ སཱརཏྟོ ཨཔེཀྑཝཱ པཊིབདྡྷཙིཏྟོ.

ཝིཔརིཎཏནྟི རཏྟམྤི ཙིཏྟཾ ཝིཔརིཎཏྟཾ, དུཊྛམྤི ཙིཏྟཾ ཝིཔརིཎཏཾ, མཱུལ༹ྷམྤི ཙིཏྟཾ ཝིཔརིཎཏཾ. ཨཔིཙ, རཏྟཾ ཙིཏྟཾ ཨིམསྨིཾ ཨཏྠེ ཨདྷིཔྤེཏཾ ཝིཔརིཎཏནྟི.

མཱཏུགཱམོ ¶ ནཱམ མནུསྶིཏྠཱི, ན ཡཀྑཱི, ན པེཏཱི, ན ཏིརཙྪཱནགཏཱ. ཝིཉྙཱུ པཊིབལཱ སུབྷཱསིཏདུབྦྷཱསིཏཾ དུཊྛལླཱདུཊྛུལླཾ ཨཱཛཱནིཏུཾ.

མཱཏུགཱམསྶ སནྟིཀེཏི མཱཏུགཱམསྶ སཱམནྟཱ, མཱཏུགཱམསྶ ཨཝིདཱུརེ.

ཨཏྟཀཱམནྟི ཨཏྟནོ ཀཱམཾ ཨཏྟནོ ཧེཏུཾ ཨཏྟནོ ཨདྷིཔྤཱཡཾ ཨཏྟནོ པཱརིཙརིཡཾ.

ཨེཏདགྒནྟི ཨེཏཾ ཨགྒཾ ཨེཏཾ སེཊྛཾ ཨེཏཾ མོཀྑཾ ཨེཏཾ ཨུཏྟམཾ ཨེཏཾ པཝརཾ.

ཡཱཏི ཁཏྟིཡཱི [ཁཏྟིཡཱ (སྱཱ.)] ཝཱ བྲཱཧྨཎཱི ཝཱ ཝེསྶཱི ཝཱ སུདྡཱི ཝཱ.

མཱདིསནྟི ཁཏྟིཡཾ ཝཱ བྲཱཧྨཎཾ ཝཱ ཝེསྶཾ ཝཱ སུདྡཾ ཝཱ.

སཱིལཝནྟནྟི པཱཎཱཏིཔཱཏཱ པཊིཝིརཏཾ, ཨདིནྣཱདཱནཱ པཊིཝིརཏཾ, མུསཱཝཱདཱ པཊིཝིརཏཾ.

བྲཧྨཙཱརིནྟི མེཐུནདྷམྨཱ པཊིཝིརཏཾ.

ཀལྱཱཎདྷམྨོ ནཱམ ཏེན ཙ སཱིལེན ཏེན ཙ བྲཧྨཙརིཡེན ཀལྱཱཎདྷམྨོ ཧོཏི.

ཨེཏེན ¶ དྷམྨེནཱཏི མེཐུནདྷམྨེན.

པརིཙརེཡྻཱཏི ཨབྷིརམེཡྻ.

མེཐུནུཔསཾཧིཏེནཱཏི མེཐུནདྷམྨཔྤཊིསཾཡུཏྟེན.

སངྒྷཱདིསེསོཏི…པེ… ཏེནཔི ཝུཙྩཏི སངྒྷཱདིསེསོཏི.

༢༩༣. ཨིཏྠཱི ¶ ཙ ཧོཏི ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨིཏྠིཡཱ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསཏི, ཨཱཔཏྟི སངྒྷཱདིསེསསྶ ¶ .

ཨིཏྠཱི ¶ ཙ ཧོཏི ཝེམཏིཀོ…པེ… པཎྜཀསཉྙཱི… པུརིསསཉྙཱི… ཏིརཙྪཱནགཏསཉྙཱི སཱརཏྟོ ཙ. བྷིཀྑུ ཙ ནཾ ཨིཏྠིཡཱ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསཏི, ཨཱཔཏྟི ཐུལླཙྩཡསྶ.

པཎྜཀོ ཙ ཧོཏི པཎྜཀསཉྙཱི སཱརཏྟོ ཙ. བྷིཀྑུ ཙ ནཾ པཎྜཀསྶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསཏི, ཨཱཔཏྟི ཐུལླཙྩཡསྶ.

པཎྜཀོ ཙ ཧོཏི ཝེམཏིཀོ…པེ… པུརིསསཉྙཱི… ཏིརཙྪཱནགཏསཉྙཱི… ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ པཎྜཀསྶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསཏི, ཨཱཔཏྟི དུཀྐཊསྶ.

པུརིསོ ཙ ཧོཏི…པེ… ཏིརཙྪཱནགཏོ ཙ ཧོཏི ཏིརཙྪཱནགཏསཉྙཱི…པེ… ཝེམཏིཀོ ཨིཏྠིསཉྙཱི… པཎྜཀསཉྙཱི… པུརིསསཉྙཱི སཱརཏྟོ ཙ. བྷིཀྑུ ཙ ནཾ ཏིརཙྪཱནགཏསྶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསཏི, ཨཱཔཏྟི དུཀྐཊསྶ.

དྭེ ཨིཏྠིཡོ དྭིནྣཾ ཨིཏྠཱིནཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ དྭིནྣཾ ཨིཏྠཱིནཾ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསཏི, ཨཱཔཏྟི དྭིནྣཾ སངྒྷཱདིསེསཱནཾ…པེ… ¶ .

ཨིཏྠཱི ཙ པཎྜཀོ ཙ ཨུབྷིནྣཾ ཨིཏྠིསཉྙཱི སཱརཏྟོ ཙ. བྷིཀྑུ ཙ ནཾ ཨུབྷིནྣཾ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསཏི, ཨཱཔཏྟི སངྒྷཱདིསེསེན དུཀྐཊསྶ…པེ… ¶ .

༢༩༤. ཨནཱཔཏྟི ‘‘ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརེན ཨུཔཊྛཧཱ’’ཏི བྷཎཏི, ཨུམྨཏྟཀསྶ ཨཱདིཀམྨིཀསྶཱཏི.

ཝིནཱིཏཝཏྠུཨུདྡཱནགཱཐཱ

ཀཐཾ ¶ ཝཉྫྷཱ ལབྷེ པུཏྟཾ, པིཡཱ ཙ སུབྷགཱ སིཡཾ;

ཀིཾ དཛྫཾ ཀེནུཔཊྛེཡྻཾ, ཀཐཾ གཙྪེཡྻཾ སུགྒཏིནྟི.

ཝིནཱིཏཝཏྠུ

༢༩༥. ཏེན ¶ ཁོ པན སམཡེན ཨཉྙཏརཱ ཝཉྫྷཱ ཨིཏྠཱི ཀུལཱུཔཀཾ བྷིཀྑུཾ ཨེཏདཝོཙ – ‘‘ཀཐཱཧཾ, བྷནྟེ, ཝིཛཱཡེཡྻ’’ནྟི? ‘‘ཏེན ཧི, བྷགིནི, ཨགྒདཱནཾ དེཧཱི’’ཏི. ‘‘ཀིཾ, བྷནྟེ, ཨགྒདཱན’’ནྟི? ‘‘མེཐུནདྷམྨ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ སངྒྷཱདིསེས’’ནྟི.

ཏེན ཁོ པན སམཡེན ཨཉྙཏརཱ ཝིཛཱཡིནཱི ཨིཏྠཱི ཀུལཱུཔཀཾ བྷིཀྑུཾ ཨེཏདཝོཙ – ‘‘ཀཐཱཧཾ, བྷནྟེ, པུཏྟཾ ལབྷེཡྻ’’ནྟི? ‘‘ཏེན ཧི, བྷགིནི, ཨགྒདཱནཾ དེཧཱི’’ཏི. ‘‘ཀིཾ, བྷནྟེ, ཨགྒདཱན’’ནྟི? ‘‘མེཐུནདྷམྨ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ སངྒྷཱདིསེས’’ནྟི.

ཏེན ཁོ པན སམཡེན ཨཉྙཏརཱ ཨིཏྠཱི ཀུལཱུཔཀཾ བྷིཀྑུཾ ཨེཏདཝོཙ – ‘‘ཀཐཱཧཾ, བྷནྟེ, སཱམིཀསྶ པིཡཱ ཨསྶ’’ནྟི? ‘‘ཏེན ཧི, བྷགིནི, ཨགྒདཱནཾ དེཧཱི’’ཏི. ‘‘ཀིཾ, བྷནྟེ, ཨགྒདཱན’’ནྟི? ‘‘མེཐུནདྷམྨ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ སངྒྷཱདིསེས’’ནྟི.

ཏེན ཁོ པན སམཡེན ཨཉྙཏརཱ ཨིཏྠཱི ཀུལཱུཔཀཾ བྷིཀྑུཾ ཨེཏདཝོཙ – ‘‘ཀཐཱཧཾ, བྷནྟེ, སུབྷགཱ ཨསྶ’’ནྟི? ‘‘ཏེན ཧི ¶ , བྷགིནི, ཨགྒདཱནཾ དེཧཱི’’ཏི. ‘‘ཀིཾ, བྷནྟེ, ཨགྒདཱན’’ནྟི? ‘‘མེཐུནདྷམྨ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ སངྒྷཱདིསེས’’ནྟི.

ཏེན ཁོ པན སམཡེན ཨཉྙཏརཱ ཨིཏྠཱི ཀུལཱུཔཀཾ བྷིཀྑུཾ ཨེཏདཝོཙ – ‘‘ཀྱཱཧཾ, བྷནྟེ, ཨཡྻསྶ དཛྫཱམཱི’’ཏི? ‘‘ཨགྒདཱནཾ, བྷགིནཱི’’ཏི. ‘‘ཀིཾ, བྷནྟེ, ཨགྒདཱན’’ནྟི? ‘‘མེཐུནདྷམྨ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ སངྒྷཱདིསེས’’ནྟི.

ཏེན ཁོ པན སམཡེན ཨཉྙཏརཱ ཨིཏྠཱི ཀུལཱུཔཀཾ བྷིཀྑུཾ ཨེཏདཝོཙ – ‘‘ཀེནཱཧཾ, བྷནྟེ, ཨཡྻཾ ཨུཔཊྛེམཱི’’ཏི? ‘‘ཨགྒདཱནེན, བྷགིནཱི’’ཏི. ‘‘ཀིཾ, བྷནྟེ, ཨགྒདཱན’’ནྟི? ‘‘མེཐུནདྷམྨ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ སངྒྷཱདིསེས’’ནྟི.

ཏེན ¶ ¶ ཁོ པན སམཡེན ཨཉྙཏརཱ ཨིཏྠཱི ཀུལཱུཔཀཾ བྷིཀྑུཾ ཨེཏདཝོཙ – ‘‘ཀཐཱཧཾ,

བྷནྟེ, སུགཏིཾ གཙྪེཡྻ’’ནྟི? ‘‘ཏེན ཧི, བྷགིནི, ཨགྒདཱནཾ དེཧཱི’’ཏི. ‘‘ཀིཾ, བྷནྟེ, ཨགྒདཱན’’ནྟི? ‘‘མེཐུནདྷམྨ’’ནྟི. ཏསྶ ཀུཀྐུཙྩཾ ཨཧོསི…པེ… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ སངྒྷཱདིསེས’’ནྟི.

ཨཏྟཀཱམཔཱརིཙརིཡསིཀྑཱཔདཾ ནིཊྛིཏཾ ཙཏུཏྠཾ.

༥. སཉྩརིཏྟསིཀྑཱཔདཾ

༢༩༦. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུདཱཡཱི སཱཝཏྠིཡཾ ཀུལཱུཔཀོ ཧོཏི. བཧུཀཱནི ཀུལཱནི ཨུཔསངྐམཏི. ཡཏྠ པསྶཏི ཀུམཱརཀཾ ཝཱ ཨཔཛཱཔཏིཀཾ, ཀུམཱརིཀཾ ཝཱ ཨཔཏིཀཾ, ཀུམཱརཀསྶ མཱཏཱཔིཏཱུནཾ སནྟིཀེ ཀུམཱརིཀཱཡ ཝཎྞཾ བྷཎཏི – ‘‘ཨམུཀསྶ ཀུལསྶ ཀུམཱརིཀཱ ཨབྷིརཱུཔཱ དསྶནཱིཡཱ པཱསཱདིཀཱ པཎྜིཏཱ བྱཏྟཱ མེདྷཱཝིནཱི དཀྑཱ ཨནལསཱ. ཚནྣཱ སཱ ཀུམཱརིཀཱ ཨིམསྶ ཀུམཱརཀསྶཱ’’ཏི. ཏེ ཨེཝཾ ཝདནྟི – ‘‘ཨེཏེ ཁོ, བྷནྟེ, ཨམྷེ ན ཛཱནནྟི – ‘ཀེ ཝཱ ཨིམེ ཀསྶ ཝཱ’ཏི. སཙེ, བྷནྟེ, ཨཡྻོ དཱཔེཡྻ ཨཱནེཡྻཱམ མཡཾ ཏཾ ཀུམཱརིཀཾ ཨིམསྶ ཀུམཱརཀསྶཱ’’ཏི. ཀུམཱརིཀཱཡ མཱཏཱཔིཏཱུནཾ སནྟིཀེ ཀུམཱརཀསྶ ཝཎྞཾ བྷཎཏི – ‘‘ཨམུཀསྶ ཀུལསྶ ཀུམཱརཀོ ཨབྷིརཱུཔོ དསྶནཱིཡོ པཱསཱདིཀོ པཎྜིཏོ བྱཏྟོ མེདྷཱཝཱི དཀྑོ ཨནལསོ. ཚནྣཱཡཾ ཀུམཱརིཀཱ ཏསྶ ཀུམཱརཀསྶཱ’’ཏི [ཚནྣོ སོ ཀུམཱརཀོ ཨིམིསྶཱ ཀུམཱརིཀཱཡཱཏི (སྱཱ.)]. ཏེ ཨེཝཾ ཝདནྟི – ‘‘ཨེཏེ ཁོ, བྷནྟེ, ཨམྷེ ན ཛཱནནྟི – ‘ཀེ ཝཱ ཨིམེ ཀསྶ ཝཱ’ཏི, ཀིསྨིཾ ཝིཡ ཀུམཱརིཀཱཡ ཝཏྟུཾ. སཙེ, བྷནྟེ, ཨཡྻོ ཡཱཙཱཔེཡྻ དཛྫེཡྻཱམ མཡཾ ཨིམཾ ཀུམཱརིཀཾ ཏསྶ ཀུམཱརཀསྶཱ’’ཏི. ཨེཏེནེཝ ཨུཔཱཡེན ཨཱཝཱཧཱནིཔི ཀཱརཱཔེཏི ¶ , ཝིཝཱཧཱནིཔི ཀཱརཱཔེཏི, ཝཱརེཡྻཱནིཔི ཀཱརཱཔེཏི.

༢༩༧. ཏེན ཁོ པན སམཡེན ཨཉྙཏརིསྶཱ པུརཱཎགཎཀིཡཱ དྷཱིཏཱ ཨབྷིརཱུཔཱ ཧོཏི དསྶནཱིཡཱ པཱསཱདིཀཱ. ཏིརོགཱམཀཱ ཨཱཛཱིཝཀསཱཝཀཱ ཨཱགནྟྭཱ ཏཾ གཎཀིཾ ཨེཏདཝོཙུཾ – ‘‘དེཧཱཡྻེ, ཨིམཾ ཀུམཱརིཀཾ ཨམྷཱཀཾ ཀུམཱརཀསྶཱ’’ཏི. སཱ ཨེཝམཱཧ – ‘‘ཨཧཾ ཁྭཡྻོ [ཁྭཡྻཱ (སྱཱ.), ཁྭཱཡྻོ (ཀ.)] ཏུམྷེ ¶ ན ཛཱནཱམི – ‘ཀེ ཝཱ ཨིམེ ཀསྶ ཝཱ’ཏི. ཨཡཉྩ མེ ཨེཀདྷཱིཏིཀཱ, ཏིརོགཱམོ ཙ གནྟབྦོ, ནཱཧཾ དསྶཱམཱི’’ཏི. མནུསྶཱ ཏེ ཨཱཛཱིཝཀསཱཝཀེ ཨེཏདཝོཙུཾ – ‘‘ཀིསྶ ཏུམྷེ, ཨཡྻོ ¶ , ཨཱགཏཏྠཱ’’ཏི? ‘‘ཨིདྷ མཡཾ, ཨཡྻོ, ཨམུཀཾ ནཱམ གཎཀིཾ དྷཱིཏརཾ ཡཱཙིམྷཱ ཨམྷཱཀཾ ཀུམཱརཀསྶ. སཱ ཨེཝམཱཧ – ‘ཨཧཾ, ཁྭཡྻོ ཏུམྷེ ན ཛཱནཱམི – ཀེ ཝཱ ཨིམེ ཀསྶ ཝཱ’ཏི. ཨཡཉྩ མེ ཨེཀདྷཱིཏིཀཱ, ཏིརོགཱམོ ཙ གནྟབྦོ, ནཱཧཾ དསྶཱམཱི’’ཏི. ‘‘ཀིསྶ ཏུམྷེ, ཨཡྻོ, ཏཾ གཎཀིཾ དྷཱིཏརཾ ཡཱཙིཏྠ? ནནུ ཨཡྻོ ཨུདཱཡཱི ཝཏྟབྦོ. ཨཡྻོ ཨུདཱཡཱི དཱཔེསྶཏཱི’’ཏི.

ཨཐ ཁོ ཏེ ཨཱཛཱིཝཀསཱཝཀཱ ¶ ཡེནཱཡསྨཱ ཨུདཱཡཱི ཏེནུཔསངྐམིཾསུ; ཨུཔསངྐམིཏྭཱ ཨཱཡསྨནྟཾ ཨུདཱཡིཾ ཨེཏདཝོཙུཾ – ‘‘ཨིདྷ མཡཾ, བྷནྟེ, ཨམུཀཾ ནཱམ གཎཀིཾ དྷཱིཏརཾ ཡཱཙིམྷཱ ཨམྷཱཀཾ ཀུམཱརཀསྶ. སཱ ཨེཝམཱཧ – ‘ཨཧཾ ཁྭཡྻོ ཏུམྷེ ན ཛཱནཱམི – ཀེ ཝཱ ཨིམེ ཀསྶ ཝཱཏི. ཨཡཉྩ མེ ཨེཀདྷཱིཏིཀཱ, ཏིརོགཱམོ ཙ གནྟབྦོ, ནཱཧཾ དསྶཱམཱི’ཏི. སཱདྷུ, བྷནྟེ, ཨཡྻོ ཏཾ གཎཀིཾ དྷཱིཏརཾ དཱཔེཏུ ཨམྷཱཀཾ ཀུམཱརཀསྶཱ’’ཏི. ཨཐ ཁོ ཨཱཡསྨཱ ཨུདཱཡཱི ཡེན སཱ གཎཀཱི ཏེནུཔསངྐམི; ཨུཔསངྐམིཏྭཱ ཏཾ གཎཀིཾ ཨེཏདཝོཙ – ‘‘ཀིསྶིམེསཾ དྷཱིཏརཾ ན ¶ དེསཱི’’ཏི? ‘‘ཨཧཾ ཁྭཡྻ, ཨིམེ ན ཛཱནཱམི – ‘ཀེ ཝཱ ཨིམེ ཀསྶ ཝཱ’ཏི. ཨཡཉྩ མེ ཨེཀདྷཱིཏིཀཱ, ཏིརོགཱམོ ཙ གནྟབྦོ, ནཱཧཾ དསྶཱམཱི’’ཏི. ‘‘དེཧིམེསཾ. ཨཧཾ ཨིམེ ཛཱནཱམཱི’’ཏི. ‘‘སཙེ, བྷནྟེ, ཨཡྻོ ཛཱནཱཏི, དསྶཱམཱི’’ཏི. ཨཐ ཁོ སཱ གཎཀཱི ཏེསཾ ཨཱཛཱིཝཀསཱཝཀཱནཾ དྷཱིཏརཾ ཨདཱསི. ཨཐ ཁོ ཏེ ཨཱཛཱིཝཀསཱཝཀཱ ཏཾ ཀུམཱརིཀཾ ནེཏྭཱ མཱསཾཡེཝ སུཎིསབྷོགེན བྷུཉྫིཾསུ. ཏཏོ ཨཔརེན དཱསིབྷོགེན བྷུཉྫནྟི.

ཨཐ ཁོ སཱ ཀུམཱརིཀཱ མཱཏུཡཱ སནྟིཀེ དཱུཏཾ པཱཧེསི – ‘‘ཨཧམྷི དུགྒཏཱ དུཀྑིཏཱ, ན སུཁཾ ལབྷཱམི. མཱསཾཡེཝ མཾ སུཎིསབྷོགེན བྷུཉྫིཾསུ. ཏཏོ ཨཔརེན དཱསིབྷོགེན བྷུཉྫནྟི. ཨཱགཙྪཏུ མེ མཱཏཱ, མཾ ནེསྶཏཱུ’’ཏི. ཨཐ ཁོ སཱ གཎཀཱི ཡེན ཏེ ཨཱཛཱིཝཀསཱཝཀཱ ཏེནུཔསངྐམི; ཨུཔསངྐམིཏྭཱ ཏེ ཨཱཛཱིཝཀསཱཝཀེ ཨེཏདཝོཙ – ‘‘མཱཡྻོ, ཨིམཾ ཀུམཱརིཀཾ དཱསིབྷོགེན བྷུཉྫིཏྠ. སུཎིསབྷོགེན ཨིམཾ ཀུམཱརིཀཾ བྷུཉྫཐཱ’’ཏི. ཏེ ཨེཝམཱཧཾསུ – ‘‘ནཏྠམྷཱཀཾ ཏཡཱ སདྡྷིཾ ཨཱཧཱརཱུཔཧཱརོ, སམཎེན སདྡྷིཾ ཨམྷཱཀཾ ཨཱཧཱརཱུཔཧཱརོ ¶ . གཙྪ ཏྭཾ. ན མཡཾ ཏཾ ཛཱནཱམཱ’’ཏི. ཨཐ ཁོ སཱ གཎཀཱི ཏེཧི ཨཱཛཱིཝཀསཱཝཀེཧི ཨཔསཱདིཏཱ པུནདེཝ སཱཝཏྠིཾ པཙྩཱགཉྪི. དུཏིཡམྤི ཁོ སཱ ཀུམཱརིཀཱ མཱཏུཡཱ སནྟིཀེ དཱུཏཾ པཱཧེསི – ‘‘ཨཧམྷི དུགྒཏཱ དུཀྑིཏཱ, ན སུཁཾ ལབྷཱམི. མཱསཾཡེཝ མཾ སུཎིསབྷོགེན བྷུཉྫིཾསུ. ཏཏོ ཨཔརེན དཱསིབྷོགེན བྷུཉྫནྟི. ཨཱགཙྪཏུ མེ མཱཏཱ, མཾ ནེསྶཏཱུ’’ཏི. ཨཐ ཁོ སཱ གཎཀཱི ཡེནཱཡསྨཱ ¶ ཨུདཱཡཱི ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨུདཱཡིཾ ¶ ཨེཏདཝོཙ – ‘‘སཱ ཀིར, བྷནྟེ, ཀུམཱརིཀཱ དུགྒཏཱ དུཀྑིཏཱ, ན སུཁཾ ལབྷཏི. མཱསཾཡེཝ ནཾ སུཎིསབྷོགེན བྷུཉྫིཾསུ. ཏཏོ ཨཔརེན དཱསིབྷོགེན བྷུཉྫནྟི. ཝདེཡྻཱཐ, བྷནྟེ – ‘མཱཡྻོ, ཨིམཾ ཀུམཱརིཀཾ དཱསིབྷོགེན བྷུཉྫིཏྠ. སུཎིསབྷོགེན ཨིམཾ ཀུམཱརིཀཾ བྷུཉྫིཐཱ’’’ཏི.

ཨཐ ཁོ ཨཱཡསྨཱ ཨུདཱཡཱི ཡེན ཏེ ཨཱཛཱིཝཀསཱཝཀཱ ཏེནུཔསངྐམི; ཨུཔསངྐམིཏྭཱ ཏེ ཨཱཛཱིཝཀསཱཝཀེ ཨེཏདཝོཙ – ‘‘མཱཡྻོ, ཨིམཾ ཀུམཱརིཀཾ དཱསིབྷོགེན བྷུཛྫིཏྠ. སུཎིསབྷོགེན ཨིམཾ ཀུམཱརིཀཾ བྷུཉྫཐཱ’’ཏི. ཏེ ཨེཝམཱཧཾསུ – ‘‘ནཏྠམྷཱཀཾ ཏཡཱ སདྡྷིཾ ཨཱཧཱརཱུཔཧཱརོ, གཎཀིཡཱ སདྡྷིཾ ཨམྷཱཀཾ ཨཱཧཱརཱུཔཧཱརོ. སམཎེན བྷཝིཏབྦཾ ཨབྱཱཝཊེན. སམཎོ ¶ ཨསྶ སུསམཎོ, གཙྪ ཏྭཾ, ན མཡཾ ཏཾ ཛཱནཱམཱ’’ཏི. ཨཐ ཁོ ཨཱཡསྨཱ ཨུདཱཡཱི ཏེཧི ཨཱཛཱིཝཀསཱཝཀེཧི ཨཔསཱདིཏོ པུནདེཝ སཱཝཏྠིཾ པཙྩཱགཉྪི. ཏཏིཡམྤི ཁོ སཱ ཀུམཱརིཀཱ མཱཏུཡཱ སནྟིཀེ དཱུཏཾ པཱཧེསི – ‘‘ཨཧམྷི དུགྒཏཱ དུཀྑིཏཱ, ན སུཁཾ ལབྷཱམི. མཱསཾཡེཝ མཾ སུཎིསབྷོགེན བྷུཉྫིཾསུ. ཏཏོ ཨཔརེན དཱསིབྷོགེན བྷུཉྫནྟི. ཨཱགཙྪཏུ མེ མཱཏཱ, མཾ ནེསྶཏཱུ’’ཏི. དུཏིཡམྤི ཁོ སཱ གཎཀཱི ཡེནཱཡསྨཱ ཨུདཱཡཱི ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨུདཱཡིཾ ཨེཏདཝོཙ – ‘‘སཱ ཀིར, བྷནྟེ, ཀུམཱརིཀཱ དུགྒཏཱ དུཀྑིཏཱ, ན སུཁཾ ལབྷཏི. མཱསཾཡེཝ ནཾ སུཎིསབྷོགེན བྷུཉྫིཾསུ. ཏཏོ ཨཔརེན དཱསིབྷོགེན བྷུཉྫནྟི. ཝདེཡྻཱཐ, བྷནྟེ – ‘མཱཡྻོ, ཨིམཾ ཀུམཱརིཀཾ དཱསིབྷོགེན བྷུཉྫིཏྠ, སུཎིསབྷོགེན ཨིམཾ ¶ ཀུམཱརིཀཾ བྷུཉྫཐཱ’’’ཏི. ‘‘པཋམཾཔཱཧཾ ཏེཧི ཨཱཛཱིཝཀསཱཝཀེཧི ཨཔསཱདིཏོ. གཙྪ ཏྭཾ. ནཱཧཾ གམིསྶཱམཱི’’ཏི.

༢༩༨. ཨཐ ཁོ སཱ གཎཀཱི ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཨེཝཾ དུགྒཏོ ཧོཏུ ཨཡྻོ ཨུདཱཡཱི, ཨེཝཾ དུཀྑིཏོ ཧོཏུ ཨཡྻོ ཨུདཱཡཱི, ཨེཝཾ ¶ མཱ སུཁཾ ལབྷཏུ ཨཡྻོ ཨུདཱཡཱི, ཡཐཱ མེ ཀུམཱརིཀཱ དུགྒཏཱ དུཀྑིཏཱ ན སུཁཾ ལབྷཏི པཱཔིཀཱཡ སསྶུཡཱ པཱཔཀེན སསུརེན པཱཔཀེན སཱམིཀེནཱ’’ཏི. སཱཔི ཁོ ཀུམཱརིཀཱ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཨེཝཾ དུགྒཏོ ཧོཏུ ཨཡྻོ ཨུདཱཡཱི, ཨེཝཾ དུཀྑིཏོ ཧོཏུ ཨཡྻོ ཨུདཱཡཱི, ཨེཝཾ མཱ སུཁཾ ལབྷཏུ ཨཡྻོ ཨུདཱཡཱི, ཡཐཱཧཾ དུགྒཏཱ དུཀྑིཏཱ ན སུཁཾ ལབྷཱམི པཱཔིཀཱཡ སསྶུཡཱ པཱཔཀེན སསུརེན པཱཔཀེན སཱམིཀེནཱ’’ཏི. ཨཉྙཱཔི ཨིཏྠིཡོ ཨསནྟུཊྛཱ སསྶཱུཧི ཝཱ སསུརེཧི ཝཱ སཱམིཀེཧི ཝཱ, ཏཱ ཨེཝཾ ཨོཡཱཙནྟི – ‘‘ཨེཝཾ དུགྒཏོ ཧོཏུ ཨཡྻོ ཨུདཱཡཱི, ཨེཝཾ དུཀྑིཏོ ཧོཏུ ཨཡྻོ ཨུདཱཡཱི, ཨེཝཾ མཱ སུཁཾ ལབྷཏུ ཨཡྻོ ཨུདཱཡཱི, ཡཐཱ མཡཾ དུགྒཏཱ དུཀྑིཏཱ ན ¶ སུཁཾ ལབྷཱམ པཱཔིཀཱཧི སསྶཱུཧི པཱཔཀེཧི སསུརེཧི པཱཔཀེཧི སཱམིཀེཧཱི’’ཏི. ཡཱ པན ཏཱ ཨིཏྠིཡོ སནྟུཊྛཱ སསྶཱུཧི ཝཱ སསུརེཧི ཝཱ སཱམིཀེཧི ཝཱ ཏཱ ཨེཝཾ ཨཱཡཱཙནྟི – ‘‘ཨེཝཾ སུཁིཏོ ཧོཏུ ཨཡྻོ ཨུདཱཡཱི, ཨེཝཾ སཛྫིཏོ ཧོཏུ ཨཡྻོ ཨུདཱཡཱི, ཨེཝཾ སུཁམེདྷོ [སུཁམེདྷིཏོ (སཱི. ཀ.)] ཧོཏུ ཨཡྻོ ཨུདཱཡཱི, ཡཐཱ མཡཾ སུཁིཏཱ སཛྫིཏཱ སུཁམེདྷཱ བྷདྡིཀཱཧི སསྶཱུཧི བྷདྡཀེཧི སསུརེཧི བྷདྡཀེཧི སཱམིཀེཧཱི’’ཏི.

ཨསྶོསུཾ ¶ ཁོ བྷིཀྑཱུ ཨེཀཙྩཱནཾ ཨིཏྠཱིནཾ ཨོཡཱཙནྟཱིནཾ ཨེཀཙྩཱནཾ ཨིཏྠཱིནཾ ཨཱཡཱཙནྟཱིནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུདཱཡཱི སཉྩརིཏྟཾ སམཱཔཛྫིསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ ཨུདཱཡིཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཨཱཡསྨནྟཾ ཨུདཱཡིཾ པཊིཔུཙྪི – ‘‘སཙྩཾ ཀིར ཏྭཾ, ཨུདཱཡི, སཉྩརིཏྟཾ སམཱཔཛྫསཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, སཉྩརིཏྟཾ སམཱཔཛྫསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༩༩. ‘‘ཡོ ¶ པན བྷིཀྑུ སཉྩརིཏྟཾ སམཱཔཛྫེཡྻ, ཨིཏྠིཡཱ ཝཱ པུརིསམཏིཾ པུརིསསྶ ཝཱ ཨིཏྠིམཏིཾ, ཛཱཡཏྟནེ ཝཱ ཛཱརཏྟནེ ཝཱ, སངྒྷཱདིསེསོ’’ཏི.

ཨེཝཉྩིདཾ ¶ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༣༠༠. ཏེན ཁོ པན སམཡེན སམྦཧུལཱ དྷུཏྟཱ ཨུཡྻཱནེ པརིཙཱརེནྟཱ ཨཉྙཏརིསྶཱ ཝེསིཡཱ སནྟིཀེ དཱུཏཾ པཱཧེསུཾ – ‘‘ཨཱགཙྪཏུ ཨུཡྻཱནེ, པརིཙཱརེསྶཱམཱ’’ཏི. སཱ ཨེཝམཱཧ – ‘‘ཨཧཾ ཁྭཡྻོ ཏུམྷེ ན ཛཱནཱམི – ‘ཀེ ཝཱ ཨིམེ ཀསྶ ཝཱ’ཏི. ཨཧཉྩམྷི བཧུབྷཎྜཱ བཧུཔརིཀྑཱརཱ, བཧིནགརཉྩ གནྟབྦཾ. ནཱཧཾ གམིསྶཱམཱི’’ཏི. ཨཐ ཁོ སོ དཱུཏོ ཏེསཾ དྷུཏྟཱནཾ ཨེཏམཏྠཾ ཨཱརོཙེསི. ཨེཝཾ ཝུཏྟེ, ཨཉྙཏརོ པུརིསོ ¶ ཏེ དྷུཏྟེ ཨེཏདཝོཙ – ‘‘ཀིསྶ ཏུམྷེ ཨཡྻོ ཨེཏཾ ཝེསིཾ ཡཱཙིཏྠ? ནནུ ཨཡྻོ ཨུདཱཡཱི ཝཏྟབྦོ! ཨཡྻོ ཨུདཱཡཱི ཨུཡྻོཛེསྶཏཱི’’ཏི. ཨེཝཾ ཝུཏྟེ, ཨཉྙཏརོ ཨུཔཱསཀོ ཏཾ པུརིསཾ ཨེཏདཝོཙ – ‘‘མཱཡྻོ ཨེཝཾ ཨཝཙ. ན ཀཔྤཏི སམཎཱནཾ སཀྱཔུཏྟིཡཱནཾ ཨེཝརཱུཔཾ ཀཱཏུཾ. ནཱཡྻོ ཨུདཱཡཱི ཨེཝཾ ཀརིསྶཏཱི’’ཏི. ཨེཝཾ ཝུཏྟེ, ‘‘ཀརིསྶཏི ན ཀརིསྶཏཱི’’ཏི ཨབྦྷུཏམཀཾསུ. ཨཐ ཁོ ཏེ དྷུཏྟཱ ཡེནཱཡསྨཱ ¶ ཨུདཱཡཱི ཏེནུཔསངྐམིཾསུ; ཨུཔསངྐམིཏྭཱ ཨཱཡསྨནྟཾ ཨུདཱཡིཾ ཨེཏདཝོཙུཾ – ‘‘ཨིདྷ མཡཾ, བྷནྟེ, ཨུཡྻཱནེ པརིཙཱརེནྟཱ ཨསུཀཱཡ ནཱམ ཝེསིཡཱ སནྟིཀེ དཱུཏཾ པཧིཎིམྷཱ – ‘ཨཱགཙྪཏུ ཨུཡྻཱནེ, པརིཙཱརེསྶཱམཱ’ཏི. སཱ ཨེཝམཱཧ – ‘ཨཧཾ ཁྭཡྻོ ཏུམྷེ ན ཛཱནཱམི – ཀེ ཝཱ ཨིམེ ཀསྶ ཝཱཏི, ཨཧཉྩམྷི བཧུབྷཎྜཱ བཧུཔརིཀྑཱརཱ, བཧིནགརཉྩ གནྟབྦཾ. ནཱཧཾ གམིསྶཱམཱི’ཏི. སཱདྷུ, བྷནྟེ, ཨཡྻོ ཏཾ ཝསིཾ ཨུཡྻོཛེཏཱུ’’ཏི.

ཨཐ ཁོ ཨཱཡསྨཱ ཨུདཱཡཱི ཡེན སཱ ཝེསཱི ཏེནུཔསངྐམི; ཨུཔསངྐམིཏྭཱ ཏཾ ཝེསིཾ ཨེཏདཝོཙ – ‘‘ཀིསྶིམེསཾ ན གཙྪསཱི’’ཏི? ‘‘ཨཧཾ ཁྭཡྻ ཨིམེ ན ཛཱནཱམི – ‘ཀེ ཝཱ ཨིམེ ཀསྶ ཝཱ’ཏི. ཨཧཉྩམྷི བཧུབྷཎྜཱ བཧུཔརིཀྑཱརཱ, བཧིནགརཉྩ གནྟབྦཾ. ནཱཧཾ གམིསྶཱམཱི’’ཏི. ‘‘གཙྪིམེསཾ. ཨཧཾ ཨིམེ ཛཱནཱམཱི’’ཏི. ‘‘སཙེ, བྷནྟེ, ཨཡྻོ ཛཱནཱཏི ཨཧཾ གམིསྶཱམཱི’’ཏི. ཨཐ ཁོ ཏེ དྷུཏྟཱ ཏཾ ཝེསིཾ ཨཱདཱཡ ཨུཡྻཱནཾ ཨགམཾསུ. ཨཐ ཁོ སོ ཨུཔཱསཀོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ ཨཡྻོ ཨུདཱཡཱི ཏངྑཎིཀཾ སཉྩརིཏྟཾ སམཱཔཛྫིསྶཏཱི’’ཏི. ཨསྶོསུཾ ཁོ བྷིཀྑཱུ ཏསྶ ཨུཔཱསཀསྶ ཨུཛ྄ཛྷཱཡནྟསྶ ཁིཡྻནྟསྶ ¶ ཝིཔཱཙེནྟསྶ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུདཱཡཱི ཏངྑཎིཀཾ སཉྩརིཏྟཾ སམཱཔཛྫིསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ ¶ ཨུདཱཡིཾ ཨནེཀཔརིཡཱཡེན ཝིགརཧིཏྭཱ བྷགཝཏོ ¶ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, ཨུདཱཡི, ཏངྑཎིཀཾ སཉྩརིཏྟཾ སམཱཔཛྫསཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ཏྭཾ, མོགྷཔུརིས, ཏངྑཎིཀཾ སཉྩརིཏྟཾ སམཱཔཛྫིསྶསི? ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༠༡. ‘‘ཡོ པན བྷིཀྑུ སཉྩརིཏྟཾ སམཱཔཛྫེཡྻ, ཨིཏྠིཡཱ ཝཱ པུརིསམཏིཾ པུརིསསྶ ཝཱ ཨིཏྠིམཏིཾ, ཛཱཡཏྟནེ ཝཱ ཛཱརཏྟནེ ཝཱ, ཨནྟམསོ ཏངྑཎིཀཱཡཔི, སངྒྷཱདིསེསོ’’ཏི.

༣༠༢. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

སཉྩརིཏྟཾ སམཱཔཛྫེཡྻཱཏི ཨིཏྠིཡཱ ཝཱ པཧིཏོ པུརིསསྶ སནྟིཀེ གཙྪཏི, པུརིསེན ཝཱ པཧིཏོ ཨིཏྠིཡཱ སནྟིཀེ གཙྪཏི.

ཨིཏྠིཡཱ ¶ ཝཱ པུརིསམཏིནྟི པུརིསསྶ མཏིཾ ཨིཏྠིཡཱ ཨཱརོཙེཏི.

པུརིསསྶ ཝཱ ཨིཏྠིམཏིནྟི ཨིཏྠིཡཱ མཏིཾ པུརིསསྶ ཨཱརོཙེཏི.

ཛཱཡཏྟནེ ཝཱཏི ཛཱཡཱ བྷཝིསྶསི.

ཛཱརཏྟནེ ཝཱཏི ཛཱརཱི བྷཝིསྶསི.

ཨནྟམསོ ཏངྑཎིཀཱཡཔཱིཏི མུཧུཏྟིཀཱ བྷཝིསྶསི ¶ .

སངྒྷཱདིསེསོཏི…པེ… ཏེནཔི ཝུཙྩཏི སངྒྷཱདིསེསོཏི.

༣༠༣. དས ཨིཏྠིཡོ – མཱཏུརཀྑིཏཱ པིཏུརཀྑིཏཱ མཱཏཱཔིཏུརཀྑིཏཱ བྷཱཏུརཀྑིཏཱ བྷགིནིརཀྑིཏཱ ཉཱཏིརཀྑིཏཱ གོཏྟརཀྑིཏཱ དྷམྨརཀྑིཏཱ སཱརཀྑཱ སཔརིདཎྜཱ.

དས བྷརིཡཱཡོ – དྷནཀྐཱིཏཱ ཚནྡཝཱསིནཱི བྷོགཝཱསིནཱི པཊཝཱསིནཱི ཨོདཔཏྟཀིནཱི ཨོབྷཊཙུམྦཊཱ དཱསཱི ཙ བྷརིཡཱ ཙ ཀམྨཀཱརཱི ཙ བྷརིཡཱ ཙ དྷཛཱཧཊཱ མུཧུཏྟིཀཱ.

༣༠༤. མཱཏུརཀྑིཏཱ ནཱམ མཱཏཱ རཀྑཏི གོཔེཏི ཨིསྶརིཡཾ ཀཱརེཏི ཝསཾ ཝཏྟེཏི.

པིཏུརཀྑིཏཱ ¶ ནཱམ པིཏཱ རཀྑཏི གོཔེཏི ཨིསྶརིཡཾ ཀཱརེཏི ཝསཾ ཝཏྟེཏི.

མཱཏཱཔིཏུརཀྑིཏཱ ནཱམ མཱཏཱཔིཏརོ རཀྑནྟི གོཔེནྟི ཨིསྶརིཡཾ ཀཱརེནྟི ཝསཾ ཝཏྟེནྟི.

བྷཱཏུརཀྑིཏཱ ནཱམ བྷཱཏཱ རཀྑཏི གོཔེཏི ཨིསྶརིཡཾ ཀཱརེཏི ཝསཾ ཝཏྟེཏི.

བྷགིནིརཀྑིཏཱ ནཱམ བྷགིནཱི རཀྑཏི གོཔེཏི ཨིསྶརིཡཾ ཀཱརེཏི ཝསཾ ཝཏྟེཏི.

ཉཱཏིརཀྑིཏཱ ¶ ནཱམ ཉཱཏཀཱ རཀྑནྟི གོཔེནྟི ཨིསྶརིཡཾ ཀཱརེནྟི ཝསཾ ཝཏྟེནྟི.

གོཏྟརཀྑིཏཱ ནཱམ སགོཏྟཱ རཀྑནྟི གོཔེནྟི ཨིསྶརིཡཾ ཀཱརེནྟི ཝསཾ ཝཏྟེནྟི.

དྷམྨརཀྑིཏཱ ནཱམ སཧདྷམྨིཀཱ རཀྑནྟི གོཔེནྟི ཨིསྶརིཡཾ ཀཱརེནྟི ཝསཾ ཝཏྟེནྟི.

སཱརཀྑཱ ནཱམ གབྦྷེཔི པརིགྒཧིཏཱ ཧོཏི – མཡ྄ཧཾ ཨེསཱཏི. ཨནྟམསོ མཱལཱགུལ༹པརིཀྑིཏྟཱཔི.

སཔརིདཎྜཱ ནཱམ ཀེཧིཙི དཎྜོ ཋཔིཏོ ཧོཏི – ཡོ ཨིཏྠནྣཱམཾ ཨིཏྠིཾ གཙྪཏི ཨེཏྟཀོ དཎྜོཏི.

དྷནཀྐཱིཏཱ ¶ ¶ ནཱམ དྷནེན ཀིཎིཏྭཱ ཝཱསེཏི.

ཚནྡཝཱསིནཱི ནཱམ པིཡོ པིཡཾ ཝཱསེཏི.

བྷོགཝཱསིནཱི ནཱམ བྷོགཾ དཏྭཱ ཝཱསེཏི.

པཊཝཱསིནཱི ནཱམ པཊཾ དཏྭཱ ཝཱསེཏི.

ཨོདཔཏྟཀིནཱི ནཱམ ཨུདཀཔཏྟཾ ཨཱམསིཏྭཱ ཝཱསེཏི.

ཨོབྷཊཙུམྦཊཱ ནཱམ ཙུམྦཊཾ ཨོརོཔེཏྭཱ ཝཱསེཏི.

དཱསཱི ནཱམ དཱསཱི ཙེཝ ཧོཏི བྷརིཡཱ ཙ.

ཀམྨཀཱརཱི ནཱམ ཀམྨཀཱརཱི ཙེཝ ཧོཏི བྷརིཡཱ ཙ.

དྷཛཱཧཊཱ ནཱམ ཀརམརཱནཱིཏཱ ཝུཙྩཏི.

མུཧུཏྟིཀཱ ¶ ནཱམ ཏངྑཎིཀཱ ཝུཙྩཏི.

༣༠༥. པུརིསོ ¶ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ དྷནཀྐཱིཏཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ པིཏུརཀྑིཏཾ བྲཱུཧི…པེ… མཱཏཱཔིཏུརཀྑིཏཾ བྲཱུཧི… བྷཱཏུརཀྑིཏཾ བྲཱུཧི… བྷགིནིརཀྑིཏཾ བྲཱུཧི… ཉཱཏིརཀྑིཏཾ བྲཱུཧི… གོཏྟརཀྑིཏཾ བྲཱུཧི… དྷམྨརཀྑིཏཾ བྲཱུཧི… སཱརཀྑཾ བྲཱུཧི… སཔརིདཎྜཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ དྷནཀྐཱིཏཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ནིཀྑེཔཔདཱནི.

༣༠༦. པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཉྩ པིཏུརཀྑིཏཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ ¶ དྷནཀྐཱིཏཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཉྩ མཱཏཱཔིཏུརཨཁཏཉྩ…པེ…

མཱཏུརཀྑིཏཉྩ བྷཱཏུརཀྑིཏཉྩ… མཱཏུརཀྑིཏཉྩ བྷགིནིརཀྑིཏཉྩ… མཱཏུརཀྑིཏཉྩ ཉཱཏིརཀྑིཏཉྩ… མཱཏུརཀྑིཏཉྩ གོཏྟརཀྑིཏཉྩ… མཱཏུརཀྑིཏཉྩ དྷམྨརཀྑིཏཉྩ… མཱཏུརཀྑིཏཉྩ སཱརཀྑཉྩ… མཱཏུརཀྑིཏཉྩ སཔརིདཎྜཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ དྷནཀྐཱིཏཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཁཎྜཙཀྐཾ.

༣༠༧. པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ པིཏུརཀྑིཏཉྩ མཱཏཱཔིཏུརཀྑིཏཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ དྷནཀྐཱིཏཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

པུརིསོ ¶ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ པིཏུརཀྑིཏཉྩ བྷཱཏུརཀྑིཏཉྩ…པེ… པིཏུརཀྑིཏཉྩ བྷགིནིརཀྑིཏཉྩ… པིཏུརཀྑིཏཉྩ ཉཱཏིརཀྑིཏཉྩ… པིཏུརཀྑིཏཉྩ གོཏྟརཀྑིཏཉྩ… པིཏུརཀྑིཏཉྩ དྷམྨརཀྑིཏཉྩ… པིཏུརཀྑིཏཉྩ སཱརཀྑཉྩ… པིཏུརཀྑིཏཉྩ སཔརིདཎྜཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ དྷནཀྐཱིཏཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

པུརིསོ ¶ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ པིཏུརཀྑིཏཉྩ མཱཏུརཀྑིཏཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ ¶ དྷནཀྐཱིཏཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

བདྡྷཙཀྐཾ མཱུལཾ སཾཁིཏྟཾ.

༣༠༨. པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ སཔརིདཎྜཉྩ མཱཏུརཀྑིཏཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ དྷནཀྐཱིཏཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ སཔརིདཎྜཉྩ པིཏུརཨཁཏཉྩ…པེ…

སཔརིདཎྜཉྩ མཱཏཱཔིཏུརཀྑིཏཉྩ… སཔརིདཎྜཉྩ བྷཱཏུརཀྑིཏཉྩ… སཔརིདཎྜཉྩ བྷགིནིརཀྑིཏཉྩ… སཔརིདཎྜཉྩ ཉཱཏིརཀྑིཏཉྩ… སཔརིདཎྜཉྩ གོཏྟརཀྑིཏཉྩ… སཔརིདཎྜཉྩ དྷམྨརཀྑིཏཉྩ… སཔརིདཎྜཉྩ སཱརཀྑཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ དྷནཀྐཱིཏཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཨེཀམཱུལཀཾ ནིཊྛིཏཾ.

ཨེཝཾ དུམཱུལཀམྤི ¶ ཏིམཱུལཀམྤི ¶ ཡཱཝ ནཝམཱུལཀཾ ཀཱཏབྦཾ.

ཨིདཾ དསམཱུལཀཾ

༣༠༩. པུརིསོ ¶ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཉྩ པིཏུརཀྑིཏཉྩ ¶ མཱཏཱཔིཏུརཀྑིཏཉྩ བྷཱཏུརཀྑིཏཉྩ བྷགིནིརཀྑིཏཉྩ ཉཱཏིརཀྑིཏཉྩ གོཏྟརཀྑིཏཉྩ དྷམྨརཀྑིཏཉྩ སཱརཀྑཉྩ སཔརིདཎྜཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ དྷནཀྐཱིཏཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

དྷནཀྐཱིཏཱཙཀྐཾ ནིཊྛིཏཾ.

༣༡༠. པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ ཚནྡཝཱསིནཱི…པེ… བྷོགཝཱསིནཱི… པཊཝཱསིནཱི… ཨོདཔཏྟཀིནཱི… ཨོབྷཊཙུམྦཊཱ… དཱསཱི ཙ བྷརིཡཱ ཙ… ཀམྨཀཱརཱི ཙ བྷརིཡཱ ཙ… དྷཛཱཧཊཱ… མུཧུཏྟིཀཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

པུརིསོ ¶ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ པིཏུརཀྑིཏཾ བྲཱུཧི…པེ… མཱཏཱཔིཏུརཀྑིཏཾ བྲཱུཧི… བྷཱཏུརཀྑིཏཾ བྲཱུཧི… བྷགིནིརཀྑིཏཾ བྲཱུཧི… ཉཱཏིརཀྑིཏཾ བྲཱུཧི… གོཏྟརཀྑིཏཾ བྲཱུཧི… དྷམྨརཀྑིཏཾ བྲཱུཧི… སཱརཀྑཾ བྲཱུཧི… སཔརིདཎྜཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ མུཧུཏྟིཀཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ནིཀྑེཔཔདཱནི.

༣༡༡. པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཉྩ པིཏུརཀྑིཏཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ མུཧུཏྟིཀཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

པུརིསོ བྷིཀྑུཾ ¶ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཉྩ མཱཏཱཔིཏུརཀྑིཏཉྩ…པེ… མཱཏུརཀྑིཏཉྩ སཔརིདཎྜཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ མུཧུཏྟིཀཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཁཎྜཙཀྐཾ.

༣༡༢. པུརིསོ ¶ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ པིཏུརཀྑིཏཉྩ མཱཏཱཔིཏུརཀྑིཏཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ མུཧུཏྟིཀཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ པིཏུརཀྑིཏཉྩ བྷཱཏུརཀྑིཏཉྩ…པེ… པིཏུརཀྑིཏཉྩ སཔརིདཎྜཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ མུཧུཏྟིཀཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ པིཏུརཀྑིཏཉྩ མཱཏུརཀྑིཏཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ མུཧུཏྟིཀཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

བདྡྷཙཀྐཾ མཱུལཾ སཾཁིཏྟཾ.

༣༡༣. པུརིསོ ¶ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ སཔརིདཎྜཉྩ མཱཏུརཀྑིཏཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ མུཧུཏྟིཀཱ’’’ཏི ¶ . པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ སཔརིདཎྜཉྩ པིཏུརཀྑིཏཉྩ…པེ… སཔརིདཎྜཉྩ སཱརཀྑཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ མུཧུཏྟིཀཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཨེཀམཱུལཀཾ ནིཊྛིཏཾ.

དུམཱུལཀཱདཱིནིཔི ཨེཝམེཝ ཀཱཏབྦཱནི.

ཨིདཾ དསམཱུལཀཾ

༣༡༤. པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཉྩ ¶ པིཏུརཀྑིཏཉྩ མཱཏཱཔིཏུརཀྑིཏཉྩ བྷཱཏུརཀྑིཏཉྩ བྷགིནིརཀྑིཏཉྩ ཉཱཏིརཀྑིཏཉྩ གོཏྟརཀྑིཏཉྩ ¶ དྷམྨརཀྑིཏཉྩ སཱརཀྑཉྩ སཔརིདཎྜཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ མུཧུཏྟིཀཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

མུཧུཏྟིཀཱཙཀྐཾ ནིཊྛིཏཾ.

༣༡༥. པུརིསོ ¶ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ དྷནཀྐཱིཏཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ ཚནྡཝཱསིནཱི…པེ… བྷོགཝཱསིནཱི… པཊཝཱསིནཱི… ཨོདཔཏྟཀིནཱི… ཨོབྷཊཙུམྦཊཱ… དཱསཱི ཙ བྷརིཡཱ ཙ… ཀམྨཀཱརཱི ཙ བྷརིཡཱ ཙ… དྷཛཱཧཊཱ… མུཧུཏྟིཀཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ནིཀྑེཔཔདཱནི.

༣༡༦. པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ དྷནཀྐཱིཏཱ ཙ ཚནྡཝཱསིནཱི ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

པུརིསོ ¶ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ དྷནཀྐཱིཏཱ ཙ བྷོགཝཱསིནཱི ཙ…པེ… དྷནཀྐཱིཏཱ ཙ པཊཝཱསིནཱི ཙ… དྷནཀྐཱིཏཱ ཙ ཨོདཔཏྟཀིནཱི ཙ… དྷནཀྐཱིཏཱ ཙ ཨོབྷཊཙུམྦཊཱ ཙ… དྷནཀྐཱིཏཱ ཙ དཱསཱི ཙ བྷརིཡཱ ཙ… དྷནཀྐཱིཏཱ ཙ ཀམྨཀཱརཱི ཙ བྷརིཡཱ ཙ… དྷནཀྐཱིཏཱ ཙ དྷཛཱཧཊཱ ཙ… དྷནཀྐཱིཏཱ ཙ མུཧུཏྟིཀཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཁཎྜཙཀྐཾ.

༣༡༧. པུརིསོ ¶ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ ཚནྡཝཱསིནཱི ཙ བྷོགཝཱསིནཱི ཙ…པེ… ཚནྡཝཱསིནཱི ¶ ཙ མུཧུཏྟིཀཱ ཙ… ཚནྡཝཱསིནཱི ཙ དྷནཀྐཱིཏཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

བདྡྷཙཀྐཾ མཱུལཾ སཾཁིཏྟཾ.

༣༡༨. པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ མུཧུཏྟིཀཱ ཙ དྷནཀྐཱིཏཱ ཙ…པེ… མུཧུཏྟིཀཱ ཙ ཚནྡཝཱསིནཱི ཙ…པེ… མུཧུཏྟིཀཱ ཙ དྷཛཱཧཊཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཨེཀམཱུལཀཾ ནིཊྛིཏཾ.

དུམཱུལཀཱདཱིནིཔི ཨེཝམེཝ ཀཱཏབྦཱནི.

ཨིདཾ དསམཱུལཀཾ

༣༡༩. པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ དྷནཀྐཱིཏཱ ཙ ཚནྡཝཱསིནཱི ཙ བྷོགཝཱསིནཱི ཙ པཊཝཱསིནཱི ཙ ཨོདཔཏྟཀིནཱི ཙ ཨོབྷཊཙུམྦཊཱ ཙ དཱསཱི ཙ བྷརིཡཱ ཙ ཀམྨཀཱརཱི ཙ བྷརིཡཱ ཙ དྷཛཱཧཊཱ ཙ མུཧུཏྟིཀཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

མཱཏུརཀྑིཏཱཙཀྐཾ ནིཊྛིཏཾ.

པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ པིཏུརཀྑིཏཾ…པེ… མཱཏཱཔིཏུརཀྑིཏཾ… བྷཱཏུརཀྑིཏཾ… བྷགིནིརཀྑིཏཾ ¶ … ཉཱཏིརཀྑིཏཾ… གོཏྟརཀྑིཏཾ… དྷམྨརཀྑིཏཾ ¶ ¶ … སཱརཀྑཾ… སཔརིདཎྜཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ དྷནཀྐཱིཏཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ སཔརིདཎྜཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ ཚནྡཝཱསིནཱི…པེ… བྷོགཝཱསིནཱི, པཊཝཱསིནཱི, ཨོདཔཏྟཀིནཱི, ཨོབྷཊཙུམྦཊཱ, དཱསཱི ཙ བྷརིཡཱ ཙ, ཀམྨཀཱརཱི ཙ བྷརིཡཱ ཙ, དྷཛཱཧཊཱ, མུཧུཏྟིཀཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ནིཀྑེཔཔདཱནི.

༣༢༠. པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ སཔརིདཎྜཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ དྷནཀྐཱིཏཱ ཙ ཚནྡཝཱསིནཱི ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ སཔརིདཎྜཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ དྷནཀྐཱིཏཱ ཙ བྷོགཝཱསིནཱི ཙ…པེ… དྷནཀྐཱིཏཱ ཙ མུཧུཏྟིཀཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཁཎྜཙཀྐཾ.

པུརིསོ ¶ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ སཔརིདཎྜཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ ཚནྡཝཱསིནཱི ཙ བྷོགཝཱསིནཱི ཙ…པེ… ཚནྡཝཱསིནཱི ཙ མུཧུཏྟིཀཱ ཙ, ཚནྡཝཱསིནཱི ཙ དྷནཀྐཱིཏཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

བདྡྷཙཀྐཾ མཱུལཾ སཾཁིཏྟཾ.

པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ སཔརིདཎྜཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ མུཧུཏྟིཀཱ ཙ དྷནཀྐཱིཏཱ ཙ…པེ… མུཧུཏྟིཀཱ ཙ ཚནྡཝཱསིནཱི ཙ, མུཧུཏྟིཀཱ ¶ ཙ དྷཛཱཧཊཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཨེཀམཱུལཀཾ ནིཊྛིཏཾ.

དུམཱུལཀམྤི ཏིམཱུལཀམྤི ཡཱཝ ནཝམཱུལཀཾ ཨེཝམེཝ ཀཱཏབྦཾ.

ཨིདཾ དསམཱུལཀཾ.

༣༢༡. པུརིསོ ¶ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ སཔརིདཎྜཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ དྷནཀྐཱིཏཱ ཙ ཚནྡཝཱསིནཱི ཙ བྷོགཝཱསིནཱི ཙ པཊཝཱསིནཱི ཙ ཨོདཔཏྟཀིནཱི ཙ ཨོབྷཊཙུམྦཊཱ ཙ དཱསཱི ཙ བྷརིཡཱ ཙ ཀམྨཀཱརཱི ཙ བྷརིཡཱ ཙ དྷཛཱཧཊཱ ཙ མུཧུཏྟིཀཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

སཔརིདཎྜཱཙཀྐཾ ནིཊྛིཏཾ.

པུརིསོ ¶ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཾ བྲཱུཧི – ‘ཧོཧི ཀིར ཨིཏྠནྣཱམསྶ བྷརིཡཱ དྷནཀྐཱིཏཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཉྩ པིཏུརཀྑིཏཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ དྷནཀྐཱིཏཱ ཙ ཚནྡཝཱསིནཱི ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

པུརིསོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཉྩ པིཏུརཀྑིཏཉྩ མཱཏཱཔིཏུརཀྑིཏཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ དྷནཀྐཱིཏཱ ཙ ཚནྡཝཱསིནཱི ཙ བྷོགཝཱསིནཱི ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཨེཝཾ ཨུབྷཏོཝཌྜྷཀཾ ཀཱཏབྦཾ.

པུརིསོ ¶ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ མཱཏུརཀྑིཏཉྩ པིཏུརཀྑིཏཉྩ མཱཏཱཔིཏུརཀྑིཏཉྩ བྷཱཏུརཀྑིཏཉྩ བྷགིནིརཀྑིཏཉྩ ཉཱཏིརཀྑིཏཉྩ གོཏྟརཀྑིཏཉྩ དྷམྨརཀྑིཏཉྩ སཱརཀྑཉྩ སཔརིདཎྜཉྩ བྲཱུཧི – ‘ཧོཐ ཀིར ཨིཏྠནྣཱམསྶ བྷརིཡཱཡོ དྷནཀྐཱིཏཱ ཙ ཚནྡཝཱསིནཱི ཙ བྷོགཝཱསིནཱི ཙ པཊཝཱསིནཱི ཙ ཨོདཔཏྟཀིནཱི ཙ ཨོབྷཊཙུམྦཊཱ ཙ དཱསཱི ཙ བྷརིཡཱ ཙ ཀམྨཀཱརཱི ཙ བྷརིཡཱ ཙ དྷཛཱཧཊཱ ཙ མུཧུཏྟིཀཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཨུབྷཏོཝཌྜྷཀཾ ནིཊྛིཏཾ.

པུརིསསྶ ¶ མཱཏཱ བྷིཀྑུཾ པཧིཎཏི…པེ… པུརིསསྶ པིཏཱ བྷིཀྑུཾ པཧིཎཏི…པེ… པུརིསསྶ མཱཏཱཔིཏརོ བྷིཀྑུཾ པཧིཎནྟི…པེ… པུརིསསྶ བྷཱཏཱ བྷིཀྑུཾ པཧིཎཏི…པེ… པུརིསསྶ བྷགིནཱི བྷིཀྑུཾ པཧིཎཏི…པེ… པུརིསསྶ ཉཱཏཀཱ ¶ བྷིཀྑུཾ པཧིཎནྟི…པེ… པུརིསསྶ གོཏྟཱ བྷིཀྑུཾ ¶ པཧིཎནྟི…པེ… པུརིསསྶ སཧདྷམྨིཀཱ བྷིཀྑུཾ པཧིཎནྟི…པེ….

པུརིསསྶ པེཡྻཱལོ ཝིཏྠཱརེཏབྦོ.

ཨུབྷཏོཝཌྜྷཀཾ ཡཐཱ པུརིམནཡོ ཏཐེཝ ཝིཏྠཱརེཏབྦཾ.

༣༢༢. མཱཏུརཀྑིཏཱཡ མཱཏཱ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོཏུ ཨིཏྠནྣཱམསྶ བྷརིཡཱ དྷནཀྐཱིཏཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

མཱཏུརཀྑིཏཱཡ མཱཏཱ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོཏུ ཨིཏྠནྣཱམསྶ བྷརིཡཱ ཚནྡཝཱསིནཱི…པེ… བྷོགཝཱསིནཱི, པཊཝཱསིནཱི, ཨོདཔཏྟཀིནཱི, ཨོབྷཊཙུམྦཊཱ, དཱསཱི ཙ བྷརིཡཱ ཙ, ཀམྨཀཱརཱི ཙ བྷརིཡཱ ཙ, དྷཛཱཧཊཱ, མུཧུཏྟིཀཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ནིཀྑེཔཔདཱནི.

༣༢༣. མཱཏུརཀྑིཏཱཡ ¶ མཱཏཱ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོཏུ ཨིཏྠནྣཱམསྶ བྷརིཡཱ དྷནཀྐཱིཏཱ ཙ ཚནྡཝཱསིནཱི ཙ…པེ… དྷནཀྐཱིཏཱ ཙ བྷོགཝཱསིནཱི ཙ, དྷནཀྐཱིཏཱ ཙ ¶ མུཧུཏྟིཀཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཁཎྜཙཀྐཾ.

༣༢༤. མཱཏུརཀྑིཏཱཡ མཱཏཱ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོཏུ ཨིཏྠནྣཱམསྶ བྷརིཡཱ ཚནྡཝཱསིནཱི ཙ བྷོགཝཱསིནཱི ཙ…པེ… ཚནྡཝཱསིནཱི ཙ མུཧུཏྟིཀཱ ཙ, ཚནྡཝཱསིནཱི ཙ དྷནཀྐཱིཏཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

བདྡྷཙཀྐཾ མཱུལཾ སཾཁིཏྟཾ.

༣༢༥. མཱཏུརཀྑིཏཱཡ མཱཏཱ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོཏུ ཨིཏྠནྣཱམསྶ བྷརིཡཱ མུཧུཏྟིཀཱ ཙ དྷནཀྐཱིཏཱ ཙ…པེ… མུཧུཏྟིཀཱ ཙ ཚནྡཝཱསིནཱི ཙ…པེ… མུཧུཏྟིཀཱ ཙ དྷཛཱཧཊཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཨེཀམཱུལཀཾ ནིཊྛིཏཾ.

དུམཱུལཀམྤི ཏིམཱུལཀམྤི ཡཱཝ ནཝམཱུལཀཾ ཨེཝམེཝ ཀཱཏབྦཾ.

ཨིདཾ དསམཱུལཀཾ

༣༢༦. མཱཏུརཀྑིཏཱཡ ¶ ¶ མཱཏཱ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོཏུ ཨིཏྠནྣཱམསྶ བྷརིཡཱ དྷནཀྐཱིཏཱ ཙ ཚནྡཝཱསིནཱི ཙ བྷོགཝཱསིནཱི ཙ པཊཝཱསིནཱི ཙ ཨོདཔཏྟཀིནཱི ཙ ཨོབྷཊཙུམྦཊཱ ཙ དཱསཱི ཙ བྷརིཡཱ ཙ ཀམྨཀཱརཱི ཙ བྷརིཡཱ ཙ དྷཛཱཧཊཱ ཙ མུཧུཏྟིཀཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

མཱཏུཙཀྐཾ ནིཊྛིཏཾ.

པིཏུརཀྑིཏཱཡ ¶ པིཏཱ བྷིཀྑུཾ པཧིཎཏི…པེ… མཱཏཱཔིཏུརཀྑིཏཱཡ མཱཏཱཔིཏརོ བྷིཀྑུཾ པཧིཎནྟི… བྷཱཏུརཀྑིཏཱཡ བྷཱཏཱ བྷིཀྑུཾ པཧིཎཏི… བྷགིནིརཀྑིཏཱཡ བྷགིནཱི བྷིཀྑུཾ པཧིཎཏི… ཉཱཏིརཀྑིཏཱཡ ཉཱཏཀཱ བྷིཀྑུཾ པཧིཎནྟི… གོཏྟརཀྑིཏཱཡ གོཏྟཱ [སགོཏྟཱ (?)] བྷིཀྑུཾ པཧིཎནྟི… དྷམྨརཀྑིཏཱཡ སཧདྷམྨིཀཱ བྷིཀྑུཾ པཧིཎནྟི… སཱརཀྑཱཡ ཡེན པརིགྒཧིཏཱ ཧོཏི སོ བྷིཀྑུཾ པཧིཎཏི… སཔརིདཎྜཱཡ ཡེན དཎྜོ ཋཔིཏོ ཧོཏི སོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོཏུ ཨིཏྠནྣཱམསྶ བྷརིཡཱ དྷནཀྐཱིཏཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

སཔརིདཎྜཱཡ ཡེན དཎྜོ ཋཔིཏོ ཧོཏི སོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོཏུ ཨིཏྠནྣཱམསྶ བྷརིཡཱ ཚནྡཝཱསིནཱི…པེ… བྷོགཝཱསིནཱི… པཊཝཱསིནཱི… ཨོདཔཏྟཀིནཱི… ཨོབྷཊཙུམྦཊཱ… དཱསཱི ཙ བྷརིཡཱ ཙ… ཀམྨཀཱརཱི ཙ བྷརིཡཱ ཙ… དྷཛཱཧཊཱ… མུཧུཏྟིཀཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ནིཀྑེཔཔདཱནི.

༣༢༧. སཔརིདཎྜཱཡ ¶ ཡེན དཎྜོ ཋཔིཏོ ཧོཏི སོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོཏུ ཨིཏྠནྣཱམསྶ བྷརིཡཱ དྷནཀྐཱིཏཱ ཙ ཚནྡཝཱསིནཱི ཙ…པེ… དྷནཀྐཱིཏཱ ཙ བྷོགཝཱསིནཱི ཙ… དྷནཀྐཱིཏཱ ཙ མུཧུཏྟིཀཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཁཎྜཙཀྐཾ.

༣༢༨. སཔརིདཎྜཱཡ ¶ ཡེན དཎྜོ ཋཔིཏོ ཧོཏི སོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོཏུ ཨིཏྠནྣཱམསྶ བྷརིཡཱ ཚནྡཝཱསིནཱི ཙ བྷོགཝཱསིནཱི ཙ…པེ… ཚནྡཝཱསིནཱི ཙ མུཧུཏྟིཀཱ ཙ… ཚནྡཝཱསིནཱི ཙ དྷནཀྐཱིཏཱ ཙཱ’’’ ཏི. པཊིགྒཎྷཱཏི ཝཱིམཾསཏི པཙྩཱཧརཏི ཨཱཔཏྟི སངྒྷཱདིསེསསྶ.

བདྡྷཙཀྐཾ མཱུལཾ སཾཁིཏྟཾ.

༣༢༩. སཔརིདཎྜཱཡ ¶ ཡེན དཎྜོ, ཋཔིཏོ ཧོཏི སོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོཏུ ཨིཏྠནྣཱམསྶ བྷརིཡཱ མུཧུཏྟིཀཱ ཙ དྷནཀྐཱིཏཱ ཙ…པེ… མུཧུཏྟིཀཱ ཙ ཚནྡཝཱསིནཱི ཙ…པེ… མུཧུཏྟིཀཱ ཙ དྷཛཱཧཊཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཨེཀམཱུལཀཾ ནིཊྛིཏཾ.

དུམཱུལཀམྤི ཏིམཱུལཀམྤི ཡཱཝ ནཝམཱུལཀཾ ཨེཝམེཝ ཀཱཏབྦཾ.

ཨིདཾ དསམཱུལཀཾ

༣༣༠. སཔརིདཎྜཱཡ ¶ ཡེན དཎྜོ ཋཔིཏོ ཧོཏི སོ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོཏུ ཨིཏྠནྣཱམསྶ བྷརིཡཱ དྷནཀྐཱིཏཱ ཙ ཚནྡཝཱསིནཱི ཙ བྷོགཝཱསིནཱི ཙ པཊཝཱསིནཱི ཙ ཨོདཔཏྟཀིནཱི ཙ ཨོབྷཊཙུམྦཊཱ ཙ དཱསཱི ཙ བྷརིཡཱ ཙ ཀམྨཀཱརཱི ཙ བྷརིཡཱ ཙ དྷཛཱཧཊཱ ཙ མུཧུཏྟིཀཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

དཎྜཋཔིཏཙཀྐཾ ནིཊྛིཏཾ.

མཱཏུརཀྑིཏཱ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོམི ཨིཏྠནྣཱམསྶ བྷརིཡཱ དྷནཀྐཱིཏཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

མཱཏུརཀྑིཏཱ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོམི ཨིཏྠནྣཱམསྶ བྷརིཡཱ ཚནྡཝཱསིནཱི…པེ… བྷོགཝཱསིནཱི… པཊཝཱསིནཱི… ཨོདཔཏྟཀིནཱི… ཨོབྷཊཙུམྦཊཱ… དཱསཱི ཙ བྷརིཡཱ ཙ… ཀམྨཀཱརཱི ཙ བྷརིཡཱ ཙ… དྷཛཱཧཊཱ… མུཧུཏྟིཀཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ནིཀྑེཔཔདཱནི.

༣༣༡. མཱཏུརཀྑིཏཱ ¶ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོམི ཨིཏྠནྣཱམསྶ ¶ བྷརིཡཱ དྷནཀྐཱིཏཱ ཙ ཚནྡཝཱསིནཱི ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

མཱཏུརཀྑིཏཱ ¶ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོམི ཨིཏྠནྣཱམསྶ བྷརིཡཱ དྷནཀྐཱིཏཱ ཙ བྷོགཝཱསིནཱི ཙ…པེ… དྷནཀྐཱིཏཱ ཙ པཊཝཱསིནཱི ཙ…པེ… དྷནཀྐཱིཏཱ ཙ མུཧུཏྟིཀཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཁཎྜཙཀྐཾ.

༣༣༢. མཱཏུརཀྑིཏཱ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོམི ཨིཏྠནྣཱམསྶ བྷརིཡཱ ཚནྡཝཱསིནཱི ཙ བྷོགཝཱསིནཱི ཙ…པེ… ཚནྡཝཱསིནཱི ཙ མུཧུཏྟིཀཱ ཙ… ཚནྡཝཱསིནཱི ཙ དྷནཀྐཱིཏཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

བདྡྷཙཀྐཾ མཱུལཾ སཾཁིཏྟཾ.

མཱཏུརཀྑིཏཱ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོམི ཨིཏྠནྣཱམསྶ བྷརིཡཱ མུཧུཏྟིཀཱ ཙ དྷནཀྐཱིཏཱ ཙ…པེ… མུཧུཏྟིཀཱ ཙ ཚནྡཝཱསིནཱི ཙ…པེ… མུཧུཏྟིཀཱ ཙ དྷཛཱཧཊཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཨེཀམཱུལཀཾ ནིཊྛིཏཾ.

དུམཱུལཀཱདཱིནིཔི ཨེཝམེཝ ཀཱཏབྦཱནི.

ཨིདཾ དསམཱུལཀཾ

༣༣༣. མཱཏུརཀྑིཏཱ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོམི ཨིཏྠནྣཱམསྶ བྷརིཡཱ དྷནཀྐཱིཏཱ ཙ ཚནྡཝཱསིནཱི ཙ བྷོགཝཱསིནཱི ཙ པཊཝཱསིནཱི ཙ ཨོདཔཏྟཀིནཱི ཙ ཨོབྷཊཙུམྦཊཱ ཙ དཱསཱི ཙ བྷརིཡཱ ཙ ཀམྨཀཱརཱི ཙ བྷརིཡཱ ཙ དྷཛཱཧཊཱ ཙ མུཧུཏྟིཀཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཨཔརཾ མཱཏུརཀྑིཏཱཙཀྐཾ ནིཊྛིཏཾ.

པིཏུརཀྑིཏཱ ¶ བྷིཀྑུཾ པཧིཎཏི…པེ… མཱཏཱཔིཏུརཀྑིཏཱ བྷིཀྑུཾ པཧིཎཏི… བྷཱཏུརཀྑིཏཱ བྷིཀྑུཾ པཧིཎཏི… བྷགིནིརཀྑིཏཱ བྷིཀྑུཾ པཧིཎཏི… ཉཱཏིརཀྑིཏཱ ¶ ¶ བྷིཀྑུཾ པཧིཎཏི… གོཏྟརཀྑིཏཱ བྷིཀྑུཾ པཧིཎཏི… དྷམྨརཀྑིཏཱ བྷིཀྑུཾ པཧིཎཏི… སཱརཀྑཱ བྷིཀྑུཾ པཧིཎཏི… སཔརིདཎྜཱ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོམི ཨིཏྠནྣཱམསྶ བྷརིཡཱ དྷནཀྐཱིཏཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

སཔརིདཎྜཱ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོམི ཨིཏྠནྣཱམསྶ བྷརིཡཱ ཚནྡཝཱསིནཱི…པེ… བྷོགཝཱསིནཱི… པཊཝཱསིནཱི… ཨོདཔཏྟཀིནཱི… ཨོབྷཊཙུམྦཊཱ… དཱསཱི ཙ བྷརིཡཱ ཙ… ཀམྨཀཱརཱི ཙ བྷརིཡཱ ཙ… དྷཛཱཧཊཱ… མུཧུཏྟིཀཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ནིཀྑེཔཔདཱནི.

༣༣༤. སཔརིདཎྜཱ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོམི ཨིཏྠནྣཱམསྶ བྷརིཡཱ དྷནཀྐཱིཏཱ ཙ ཚནྡཝཱསིནཱི ཙ…པེ… དྷནཀྐཱིཏཱ ཙ མུཧུཏྟིཀཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཁཎྜཙཀྐཾ.

༣༣༥. སཔརིདཎྜཱ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོམི ཨིཏྠནྣཱམསྶ བྷརིཡཱ ཚནྡཝཱསིནཱི ཙ བྷོགཝཱསིནཱི ཙ…པེ… ཚནྡཝཱསིནཱི ཙ མུཧུཏྟིཀཱ ཙ… ཚནྡཝཱསིནཱི ཙ དྷནཀྐཱིཏཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

བདྡྷཙཀྐཾ མཱུལཾ སཾཁིཏྟཾ.

༣༣༦. སཔརིདཎྜཱ ¶ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོམི ཨིཏྠནྣཱམསྶ བྷརིཡཱ མུཧུཏྟིཀཱ ཙ དྷནཀྐཱིཏཱ ¶ ཙ…པེ… མུཧུཏྟིཀཱ ཙ ཚནྡཝཱསིནཱི ཙ…པེ… མུཧུཏྟིཀཱ ཙ དྷཛཱཧཊཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཨེཀམཱུལཀཾ ནིཊྛིཏཾ.

དུམཱུལཀཱདཱིནིཔི ཨེཝམེཝ ཀཱཏབྦཱནི.

ཨིདཾ དསམཱུལཀཾ

༣༣༧. སཔརིདཎྜཱ ¶ བྷིཀྑུཾ པཧིཎཏི – ‘‘གཙྪ, བྷནྟེ, ཨིཏྠནྣཱམཾ བྲཱུཧི – ‘ཧོམི ཨིཏྠནྣཱམསྶ བྷརིཡཱ དྷནཀྐཱིཏཱ ཙ ཚནྡཝཱསིནཱི ཙ བྷོགཝཱསིནཱི ཙ པཊཝཱསིནཱི ཙ ཨོདཔཏྟཀིནཱི ཙ ཨོབྷཊཙུམྦཊཱ ཙ དཱསཱི ཙ བྷརིཡཱ ཙ ཀམྨཀཱརཱི ཙ བྷརིཡཱ ཙ དྷཛཱཧཊཱ ཙ མུཧུཏྟིཀཱ ཙཱ’’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

ཨཔརཾ སཔརིདཎྜཱཙཀྐཾ ནིཊྛིཏཾ.

སབྦཾ ཙཀྐཔེཡྻཱལཾ ནིཊྛིཏཾ.

༣༣༨. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ. པཊིགྒཎྷཱཏི ¶ ཝཱིམཾསཏི ན པཙྩཱཧརཏི, ཨཱཔཏྟི ཐུལླཙྩཡསྶ. པཊིགྒཎྷཱཏི ན ཝཱིམཾསཏི པཙྩཱཧརཏི, ཨཱཔཏྟི ཐུལླཙྩཡསྶ. པཊིགྒཎྷཱཏི ན ཝཱིམཾསཏི ན པཙྩཱཧརཏི, ཨཱཔཏྟི དུཀྐཊསྶ. ན པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི ཐུལླཙྩཡསྶ. ན ¶ པཊིགྒཎྷཱཏི ཝཱིམཾསཏི ན པཙྩཱཧརཏི, ཨཱཔཏྟི དུཀྐཊསྶ. ན པཊིགྒཎྷཱཏི ན ཝཱིམཾསཏི པཙྩཱཧརཏི, ཨཱཔཏྟི དུཀྐཊསྶ. ན པཊིགྒཎྷཱཏི ན ཝཱིམཾསཏི ན པཙྩཱཧརཏི, ཨནཱཔཏྟི.

པུརིསོ སམྦཧུལེ བྷིཀྑཱུ ཨཱཎཱཔེཏི – ‘‘གཙྪཐ, བྷནྟེ, ཨིཏྠནྣཱམཾ ཨིཏྠིཾ ཝཱིམཾསཐཱ’’ཏི. སབྦེ པཊིགྒཎྷནྟི སབྦེ ཝཱིམཾསནྟི སབྦེ པཙྩཱཧརནྟི, ཨཱཔཏྟི སབྦེསཾ སངྒྷཱདིསེསསྶ.

པུརིསོ སམྦཧུལེ བྷིཀྑཱུ ཨཱཎཱཔེཏི – ‘‘གཙྪཐ, བྷནྟེ, ཨིཏྠནྣཱམཾ ཨིཏྠིཾ ཝཱིམཾསཐཱ’’ཏི. སབྦེ པཊིགྒཎྷནྟི སབྦེ ཝཱིམཾསནྟི ཨེཀཾ པཙྩཱཧརཱཔེནྟི, ཨཱཔཏྟི སབྦེསཾ སངྒྷཱདིསེསསྶ.

པུརིསོ ¶ སམྦཧུལེ བྷིཀྑཱུ ཨཱཎཱཔེཏི – ‘‘གཙྪཐ, བྷནྟེ, ཨིཏྠནྣཱམཾ ཨིཏྠིཾ ཝཱིམཾསཐཱ’’ཏི. སབྦེ པཊིགྒཎྷནྟི, ཨེཀཾ ཝཱིམཾསཱཔེཏྭཱ སབྦེ པཙྩཱཧརནྟི, ཨཱཔཏྟི སབྦེསཾ སངྒྷཱདིསེསསྶ.

པུརིསོ སམྦཧུལེ བྷིཀྑཱུ ཨཱཎཱཔེཏི – ‘‘གཙྪཐ, བྷནྟེ, ཨིཏྠནྣཱམཾ ཨིཏྠིཾ ཝཱིམཾསཐཱ’’ཏི. སབྦེ པཊིགྒཎྷནྟི, ཨེཀཾ ཝཱིམཾསཱཔེཏྭཱ ཨེཀཾ པཙྩཱཧརཱཔེནྟི, ཨཱཔཏྟི སབྦེསཾ སངྒྷཱདིསེསསྶ.

པུརིསོ ¶ བྷིཀྑུཾ ཨཱཎཱཔེཏི – ‘‘གཙྪ, བྷནྟེ, ཨིཏྠནྣཱམཾ ཨིཏྠིཾ ཝཱིམཾསཱ’’ཏི. པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ.

པུརིསོ བྷིཀྑུཾ ཨཱཎཱཔེཏི – ‘‘གཙྪ, བྷནྟེ, ཨིཏྠནྣཱམཾ ཨིཏྠིཾ ཝཱིམཾསཱ’’ཏི. པཊིགྒཎྷཱཏི ཝཱིམཾསཏི ཨནྟེཝཱསིཾ པཙྩཱཧརཱཔེཏི, ཨཱཔཏྟི སངྒྷཱདིསེསསྶ.

པུརིསོ བྷིཀྑུཾ ཨཱཎཱཔེཏི – ‘‘གཙྪ, བྷནྟེ, ཨིཏྠནྣཱམཾ ཨིཏྠིཾ ཝཱིམཾསཱ’’ཏི. པཊིགྒཎྷཱཏི ཨནྟེཝཱསིཾ ཝཱིམཾསཱཔེཏྭཱ ཨཏྟནཱ པཙྩཱཧརཏི ཨཱཔཏྟི སངྒྷཱདིསེསསྶ.

པུརིསོ བྷིཀྑུཾ ཨཱཎཱཔེཏི ¶ – ‘‘གཙྪ, བྷནྟེ, ཨིཏྠནྣཱམཾ ཨིཏྠི ཝིམཾསཱ’’ཏི. པཊིགྒཎྷཱཏི ཨནྟེཝཱསིཾ ཝཱིམཾསཱཔེཏི ཨནྟེཝཱསཱི ཝཱིམཾསིཏྭཱ བཧིདྡྷཱ པཙྩཱཧརཏི, ཨཱཔཏྟི ཨུབྷིནྣཾ ཐུལླཙྩཡསྶ.

༣༣༩. གཙྪནྟོ སམྤཱདེཏི, ཨཱགཙྪནྟོ ཝིསཾཝཱདེཏི, ཨཱཔཏྟི ཐུལླཙྩཡསྶ.

གཙྪནྟོ ཝིསཾཝཱདེཏི, ཨཱགཙྪནྟོ སམྤཱདེཏི, ཨཱཔཏྟི ཐུལླཙྩཡསྶ.

གཙྪནྟོ སམྤཱདེཏི, ཨཱགཙྪནྟོ སམྤཱདེཏི, ཨཱཔཏྟི སངྒྷཱདིསེསསྶ.

གཙྪནྟོ ཝིསཾཝཱདེཏི, ཨཱགཙྪནྟོ ཝིསཾཝཱདེཏི, ཨནཱཔཏྟི.

༣༤༠. ཨནཱཔཏྟི སངྒྷསྶ ཝཱ ཙེཏིཡསྶ ཝཱ གིལཱནསྶ ཝཱ ཀརཎཱིཡེན གཙྪཏི, ཨུམྨཏྟཀསྶ, ཨཱདིཀམྨིཀསྶཱཏི.

ཝིནཱིཏཝཏྠུཨུདྡཱནགཱཐཱ

སུཏྟཱ ¶ མཏཱ ཙ ནིཀྑནྟཱ, ཨནིཏྠཱི ཨིཏྠིཔཎྜཀཱ;

ཀལཧཾ ཀཏྭཱན སམྨོདི, སཉྩརིཏྟཉྩ པཎྜཀེཏི.

ཝིནཱིཏཝཏྠུ

༣༤༡. ཏེན ཁོ པན སམཡེན ཨཉྙཏརོ པུརིསོ ཨཉྙཏརཾ བྷིཀྑུཾ ¶ ཨཱཎཱཔེསི – [ཨཱཎཱཔེཏི (སྱཱ. ཀ.)] ‘‘གཙྪ, བྷནྟེ, ཨིཏྠནྣཱམཾ ཨིཏྠིཾ ཝཱིམཾསཱ’’ཏི. སོ གནྟྭཱ མནུསྶེ པུཙྪི – ‘‘ཀཧཾ ཨིཏྠནྣཱམཱ’’ཏི? ‘‘སུཏྟཱ, བྷནྟེ’’ཏི. ཏསྶ ¶ ཀུཀྐུཙྩཾ ¶ ཨཧོསི – ‘‘བྷགཝཏཱ སིཀྑཱཔདཾ པཉྙཏྟཾ, ཀཙྩི ནུ ཁོ ཨཧཾ སངྒྷཱདིསེསཾ ཨཱཔཏྟིཾ ཨཱཔནྣོ’’ཏི? བྷགཝཏོ ཨེཏམཏྠཾ ཨཱརོཙེསི. ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ པུརིསོ ཨཉྙཏརཾ བྷིཀྑུཾ ཨཱཎཱཔེསི – ‘‘གཙྪ, བྷནྟེ, ཨིཏྠནྣཱམཾ ཨིཏྠིཾ ཝཱིམཾསཱ’’ཏི. སོ གནྟྭཱ མནུསྶེ པུཙྪི – ‘‘ཀཧཾ ཨིཏྠནྣཱམཱ’’ཏི? ‘‘མཏཱ, བྷནྟེ’’ཏི…པེ… ‘‘ནིཀྑནྟཱ, བྷནྟེ’’ཏི… ‘‘ཨནིཏྠཱི, བྷནྟེ’’ཏི… ‘‘ཨིཏྠིཔཎྜཀཱ, བྷནྟེ’’ཏི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརཱ ཨིཏྠཱི སཱམིཀེན སཧ བྷཎྜིཏྭཱ མཱཏུགྷརཾ ཨགམཱསི. ཀུལཱུཔཀོ བྷིཀྑུ སམྨོདནཱིཡཾ ཨཀཱསི. ཏསྶ ཀུཀྐུཙྩཾ ཨཧོསི…པེ… ‘‘ཨལཾཝཙནཱིཡཱ, བྷིཀྑཱུ’’ཏི? ‘‘ནཱལཾཝཙནཱིཡཱ, བྷགཝཱ’’ཏི. ‘‘ཨནཱཔཏྟི, བྷིཀྑུ, ནཱལཾཝཙནཱིཡཱཡཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ པཎྜཀེ སཉྩརིཏྟཾ སམཱཔཛྫི. ཏསྶ ཀུཀྐུཙྩཾ ཨཧོསི…པེ… ‘‘ཨནཱཔཏྟི, བྷིཀྑུ, སངྒྷཱདིསེསསྶ; ཨཱཔཏྟི ཐུལླཙྩཡསྶཱ’’ཏི.

སཉྩརིཏྟསིཀྑཱཔདཾ ནིཊྛིཏཾ པཉྩམཾ.

༦. ཀུཊིཀཱརསིཀྑཱཔདཾ

༣༤༢. ཏེན ¶ ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན ཨཱལ༹ཝཀཱ བྷིཀྑཱུ སཉྙཱཙིཀཱཡོ ཀུཊིཡོ ཀཱརཱཔེནྟི ཨསྶཱམིཀཱཡོ ཨཏྟུདྡེསིཀཱཡོ ཨཔྤམཱཎིཀཱཡོ. ཏཱཡོ ན ནིཊྛཱནཾ གཙྪནྟི. ཏེ ཡཱཙནབཧུལཱ ཝིཉྙཏྟིབཧུལཱ ཝིཧརནྟི – ‘‘པུརིསཾ དེཐ, པུརིསཏྠཀརཾ དེཐ, གོཎཾ དེཐ, སཀཊཾ དེཐ, ཝཱསིཾ དེཐ, པརསུཾ དེཐ, ཀུཋཱརིཾ དེཐ, ཀུདཱལཾ དེཐ, ནིཁཱདནཾ དེཐ, ཝལླིཾ དེཐ, ཝེལུ༹ཾ དེཐ, མུཉྫཾ དེཐ, པབྦཛཾ དེཐ, ཏིཎཾ དེཐ, མཏྟིཀཾ དེཐཱ’’ཏི. མནུསྶཱ ཨུཔདྡུཏཱ ཡཱཙནཱཡ ཨུཔདྡུཏཱ ཝིཉྙཏྟིཡཱ བྷིཀྑཱུ དིསྭཱ ཨུབྦིཛྫནྟིཔི ཨུཏྟསནྟིཔི པལཱཡནྟིཔི ཨཉྙེནཔི གཙྪནྟི ཨཉྙེནཔི མུཁཾ ཀརོནྟི དྭཱརམྤི ཐཀེནྟི, གཱཝིམྤི དིསྭཱ པལཱཡནྟི བྷིཀྑཱུཏི ¶ མཉྙམཱནཱ.

ཨཐ ¶ ཁོ ཨཱཡསྨཱ མཧཱཀསྶཔོ རཱཛགཧེ ཝསྶཾཝུཊྛོ ཡེན ཨཱལ༹ཝཱི ཏེན པཀྐཱམི. ཨནུཔུབྦེན ཡེན ཨཱལ༹ཝཱི ཏདཝསརི. ཏཏྲ སུདཾ ཨཱཡསྨཱ མཧཱཀསྶཔོ ཨཱལ༹ཝིཡཾ ཝིཧརཏི ཨགྒཱལ༹ཝེ ཙེཏིཡེ. ཨཐ ཁོ ཨཱཡསྨཱ མཧཱཀསྶཔོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཨཱལ༹ཝིཾ པིཎྜཱཡ པཱཝིསི. མནུསྶཱ ¶ ཨཱཡསྨནྟཾ མཧཱཀསྶཔཾ པསྶིཏྭཱ ཨུབྦིཛྫནྟིཔི ཨུཏྟསནྟིཔི པལཱཡནྟིཔི ཨཉྙེནཔི གཙྪནྟི ཨཉྙེནཔི མུཁཾ ཀརོནྟི དྭཱརམྤི ཐཀེནྟི. ཨཐ ཁོ ཨཱཡསྨཱ མཧཱཀསྶཔོ ཨཱལ༹ཝིཡཾ པིཎྜཱཡ ཙརིཏྭཱ པཙྪཱབྷཏྟཾ པིཎྜཔཱཏཔྤཊིཀྐནྟོ བྷིཀྑཱུ ཨཱམནྟེསི – ‘‘པུབྦཱཡཾ, ཨཱཝུསོ, ཨཱལ༹ཝཱི སུབྷིཀྑཱ ཨཧོསི སུལབྷཔིཎྜཱ སུཀརཱ ཨུཉྪེན པགྒཧེན ཡཱཔེཏུཾ; ཨེཏརཧི པནཱཡཾ ཨཱལ༹ཝཱི དུབྦྷིཀྑཱ དུལླབྷཔིཎྜཱ, ན སུཀརཱ ཨུཉྪེན པགྒཧེན ཡཱཔེཏུཾ. ཀོ ནུ ཁོ, ཨཱཝུསོ, ཧེཏུ ཀོ པཙྩཡོ, ཡེནཱཡཾ ཨཱལ༹ཝཱི དུབྦྷིཀྑཱ དུལླབྷཔིཎྜཱ, ན སུཀརཱ ཨུཉྪེན པགྒཧེན ཡཱཔེཏུ’’ནྟི? ཨཐ ཁོ ཏེ བྷིཀྑཱུ ཨཱཡསྨཏོ མཧཱཀསྶཔསྶ ཨེཏམཏྠཾ ཨཱརོཙེསུཾ.

༣༤༣. ཨཐ ཁོ བྷགཝཱ རཱཛགཧེ ཡཐཱབྷིརནྟཾ ཝིཧརིཏྭཱ ཡེན ཨཱལ༹ཝཱི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན ཨཱལ༹ཝཱི ཏདཝསརི. ཏཏྲ སུདཾ བྷགཝཱ ཨཱལ༹ཝིཡཾ ཝིཧརཏི ཨགྒཱལ༹ཝེ ཙེཏིཡེ. ཨཐ ཁོ ཨཱཡསྨཱ མཧཱཀསྶཔོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ མཧཱཀསྶཔོ ¶ བྷགཝཏོ ཨེཏམཏྠཾ ཨཱརོཙེསི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཨཱལ༹ཝཀེ བྷིཀྑཱུ པཊིཔུཙྪི – ‘‘སཙྩཾ ཀིར ཏུམྷེ, བྷིཀྑཝེ, སཉྙཱཙིཀཱཡོ ཀུཊིཡོ ཀཱརཱཔེཐ ཨསྶཱམིཀཱཡོ ཨཏྟུདྡེསིཀཱཡོ ཨཔྤམཱཎིཀཱཡོ ¶ . ཏཱཡོ ན ནིཊྛཱནཾ གཙྪནྟི. ཏེ ཏུམྷེ ཡཱཙནབཧུལཱ ཝིཉྙཏྟིབཧུལཱ ཝིཧརཐ – ‘པུརིསཾ དེཐ པུརིསཏྠཀརཾ དེཐ…པེ… ཏིཎཾ དེཐ མཏྟིཀཾ དེཐཱ’ཏི. མནུསྶཱ ཨུཔདྡུཏཱ ཡཱཙནཱཡ ཨུཔདྡུཏཱ ཝིཉྙཏྟིཡཱ བྷིཀྑཱུ དིསྭཱ ཨུབྦིཛྫནྟིཔི ཨུཏྟསནྟིཔི པལཱཡནྟིཔི ཨཉྙེནཔི གཙྪནྟི ཨཉྙེནཔི མུཁཾ ཀརོནྟི དྭཱརམྤི ཐཀེནྟི, གཱཝིམྤི དིསྭཱ པལཱཡནྟི བྷིཀྑཱུཏི མཉྙམཱནཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ཏུམྷེ, མོགྷཔུརིསཱ, སཾཡཱཙིཀཱཡོ ཀུཊིཡོ ཀཱརཱཔེསྶཐ ཨསྶཱམིཀཱཡོ ཨཏྟུདྡེསིཀཱཡོ ཨཔྤམཱཎིཀཱཡོ! ཏཱཡོ ན ¶ ནིཊྛཱནཾ གཙྪནྟི. ཏེ ཏུམྷེ ཡཱཙནབཧུལཱ ཝིཉྙཏྟིབཧུལཱ ཝིཧརིསྶཐ – ‘པུརིསཾ དེཐ པུརིསཏྠཀརཾ དེཐ…པེ… ཏིཎཾ དེཐ མཏྟིཀཾ དེཐཱ’ཏི! ནེཏཾ མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ…’’ ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༣༤༤. ‘‘བྷཱུཏཔུབྦཾ ¶ , བྷིཀྑཝེ, དྭེ བྷཱཏརོ ཨིསཡོ གངྒཾ ནདིཾ ཨུཔནིསྶཱཡ ཝིཧརིཾསུ. ཨཐ ཁོ, བྷིཀྑཝེ, མཎིཀཎྛོ ¶ ནཱགརཱཛཱ གངྒཾ ནདིཾ ཨུཏྟརིཏྭཱ ཡེན ཀནིཊྛོ ཨིསི ཏེནུཔསངྐམི; ཨུཔསངྐམིཏྭཱ ཀནིཊྛཾ ཨིསིཾ སཏྟཀྑཏྟུཾ བྷོགེཧི པརིཀྑིཔིཏྭཱ ཨུཔརིམུདྡྷནི མཧནྟཾ ཕཎཾ ཀརིཏྭཱ ཨཊྛཱསི. ཨཐ ཁོ, བྷིཀྑཝེ, ཀནིཊྛོ ཨིསི ཏསྶ ནཱགསྶ བྷཡཱ ཀིསོ ཨཧོསི ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ. ཨདྡས ཁོ, བྷིཀྑཝེ, ཛེཊྛོ ཨིསི ཀནིཊྛཾ ཨིསིཾ ཀིསཾ ལཱུཁཾ དུབྦཎྞཾ ཨུཔྤཎྜུཔྤཎྜུཀཛཱཏཾ དྷམནིསནྠཏགཏྟཾ. དིསྭཱན ཀནིཊྛཾ ཨིསིཾ ཨེཏདཝོཙ – ‘‘ཀིསྶ ཏྭཾ, བྷོ, ཀིསོ ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ’’ཏི? ‘‘ཨིདྷ, བྷོ, མཎིཀཎྛོ ནཱགརཱཛཱ གངྒཾ ནདིཾ ཨུཏྟརིཏྭཱ ཡེནཱཧཾ ཏེནུཔསངྐམི; ཨུཔསངྐམིཏྭཱ མཾ སཏྟཀྑཏྟུཾ བྷོགེཧི པརིཀྑིཔིཏྭཱ ཨུཔརིམུདྡྷནི མཧནྟཾ ཕཎཾ ཀརིཏྭཱ ཨཊྛཱསི. ཏསྶཱཧཾ, བྷོ, ནཱགསྶ བྷཡཱ [བྷཡཱམྷི (སཱི.)] ཀིསོ ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ’’ཏི. ‘‘ཨིཙྪསི པན ཏྭཾ, བྷོ, ཏསྶ ནཱགསྶ ཨནཱགམན’’ནྟི? ‘‘ཨིཙྪཱམཧཾ, བྷོ, ཏསྶ ནཱགསྶ ཨནཱགམན’’ནྟི. ‘‘ཨཔི པན ཏྭཾ, བྷོ, ཏསྶ ནཱགསྶ ཀིཉྩི པསྶསཱི’’ཏི? ‘‘པསྶཱམཧཾ, བྷོ, མཎིམསྶ [མཎིསྶ (སཱི. ཀ.)] ཀཎྛེ པིལནྡྷན’’ནྟི. ‘‘ཏེན ཧི ཏྭཾ, བྷོ, ཏཾ ནཱགཾ མཎིཾ ཡཱཙ – ‘མཎིཾ མེ, བྷོ, དེཧི; མཎིནཱ མེ ཨཏྠོ’’’ཏི.

ཨཐ ཁོ, བྷིཀྑཝེ, མཎིཀཎྛོ ནཱགརཱཛཱ གངྒཾ ནདིཾ ཨུཏྟརིཏྭཱ ཡེན ཀནིཊྛོ ཨིསི ཏེནུཔསངྐམི ¶ ; ཨུཔསངྐམིཏྭཱ ཨེཀམནྟཾ ¶ ཨཊྛཱསི. ཨེཀམནྟཾ ཋིཏཾ ཁོ, བྷིཀྑཝེ, མཎིཀཎྛཾ ནཱགརཱཛཱནཾ ཀནིཊྛོ ཨིསི ཨེཏདཝོཙ – ‘‘མཎིཾ མེ, བྷོ, དེཧི; མཎིནཱ མེ ཨཏྠོ’’ཏི. ཨཐ ཁོ, བྷིཀྑཝེ, མཎིཀཎྛོ ནཱགརཱཛཱ – ‘བྷིཀྑུ མཎིཾ ཡཱཙཏི, བྷིཀྑུསྶ མཎིནཱ ཨཏྠོ’ཏི ཁིཔྤཉྙེཝ ཨགམཱསི. དུཏིཡམྤི ཁོ, བྷིཀྑཝེ, མཎིཀཎྛོ ནཱགརཱཛཱ གངྒཾ ནདིཾ ཨུཏྟརིཏྭཱ ཡེན ཀནིཊྛོ ཨིསི ཏེནུཔསངྐམི. ཨདྡས ¶ ཁོ, བྷིཀྑཝེ, ཀནིཊྛོ ཨིསི མཎིཀཎྛཾ ནཱགརཱཛཱནཾ དཱུརཏོཝ ཨཱགཙྪནྟཾ. དིསྭཱན མཎིཀཎྛཾ ནཱགརཱཛཱནཾ ཨེཏདཝོཙ – ‘‘མཎིཾ མེ, བྷོ, དེཧི; མཎིནཱ མེ ཨཏྠོ’’ཏི. ཨཐ ཁོ, བྷིཀྑཝེ, མཎིཀཎྛོ ནཱགརཱཛཱ – ‘‘བྷིཀྑུ མཎིཾ ཡཱཙཏི, བྷིཀྑུསྶ མཎིནཱ ཨཏྠོ’’ཏི ཏཏོཝ པཊིནིཝཏྟི. ཏཏིཡམྤི ཁོ, བྷིཀྑཝེ, མཎིཀཎྛོ ནཱགརཱཛཱ གངྒཾ ནདིཾ ཨུཏྟརཏི. ཨདྡས ཁོ, བྷིཀྑཝེ, ཀནིཊྛོ ཨིསི མཎིཀཎྛཾ ནཱགརཱཛཱནཾ གངྒཾ ནདིཾ ཨུཏྟརནྟཾ. དིསྭཱན མཎིཀཎྛཾ ནཱགརཱཛཱནཾ ཨེཏདཝོཙ – ‘‘མཎིཾ མེ, བྷོ, དེཧི; མཎིནཱ མེ ཨཏྠོ’’ཏི. ཨཐ ཁོ, བྷིཀྑཝེ, མཎིཀཎྛོ ནཱགརཱཛཱ ཀནིཊྛཾ ཨིསིཾ གཱཐཱཧི ཨཛ྄ཛྷབྷཱསི –

[ཛཱ. ༡.༣.༧ མཎིཀཎྛཛཱཏཀེཔི] ‘‘མམནྣཔཱནཾ ¶ ཝིཔུལཾ ཨུལཱ༹རཾ,

ཨུཔྤཛྫཏཱིམསྶ མཎིསྶ ཧེཏུ;

ཏཾ ཏེ ན དསྶཾ ཨཏིཡཱཙཀོསི;

ན ཙཱཔི ཏེ ཨསྶམམཱགམིསྶཾ.

[ཛཱ. ༡.༣.༨ མཎིཀཎྛཛཱཏཀེཔི] ‘‘སུསཱུ ཡཐཱ སཀྑརདྷོཏཔཱཎཱི;

ཏཱསེསི ¶ མཾ སེལམཱཡཱཙམཱནོ;

ཏཾ ཏེ ན དསྶཾ ཨཏིཡཱཙཀོསི;

ན ཙཱཔི ཏེ ཨསྶམམཱགམིསྶ’’ནྟི.

ཨཐ ཁོ, བྷིཀྑཝེ, མཎིཀཎྛོ ནཱགརཱཛཱ – ‘‘བྷིཀྑུ མཎིཾ ཡཱཙཏི, བྷིཀྑུསྶ མཎིནཱ ཨཏྠོ’’ཏི པཀྐཱམི. ཏཐཱ པཀྐནྟོཝ [ཏདཱཔཀྐནྟོཝ (ཀ.)] ཨཧོསི, ན པུན པཙྩཱགཉྪི. ཨཐ ཁོ, བྷིཀྑཝེ, ཀནིཊྛོ ཨིསི ཏསྶ ནཱགསྶ དསྶནཱིཡསྶ ཨདསྶནེན བྷིཡྻོསོམཏྟཱཡ ཀིསོ ཨཧོསི ལཱུཁོ དུབྦཎྞོ, ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ. ཨདྡས ཁོ, བྷིཀྑཝེ, ཛེཊྛོ ཨིསི ཀནིཊྛཾ ཨིསིཾ བྷིཡྻོསོམཏྟཱཡ ཀིསཾ ལཱུཁཾ དུབྦཎྞཾ ཨུཔྤཎྜུཔྤཎྜུཀཛཱཏཾ དྷམནིསནྠཏགཏྟཾ. དིསྭཱན ཀནིཊྛཾ ཨིསིཾ ཨེཏདཝོཙ – ‘‘ཀིསྶ ཏྭཾ, བྷོ, བྷིཡྻོསོམཏྟཱཡ ཀིསོ ལཱུཁོ དུབྦཎྞོ ¶ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ’’ཏི? ‘‘ཏསྶཱཧཾ, བྷོ, ནཱགསྶ དསྶནཱིཡསྶ ཨདསྶནེན བྷིཡྻོསོམཏྟཱཡ ཀིསོ ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ’’ཏི. ཨཐ ཁོ, བྷིཀྑཝེ, ཛེཊྛོ ཨིསི ཀནིཊྛཾ ཨིསིཾ གཱཐཱཡ ཨཛ྄ཛྷབྷཱསི –

[ཛཱ. ༡.༣.༩ མཎིཀཎྛཛཱཏཀེཔི] ‘‘ན ¶ ཏཾ ཡཱཙེ ཡསྶ པིཡཾ ཛིགཱིསེ,

ཝིདེསྶོ [དེསྶོ (སཱི.), དེསྶོ ཙ (སྱཱ.)] ཧོཏི ཨཏིཡཱཙནཱཡ;

ནཱགོ ¶ མཎིཾ ཡཱཙིཏོ བྲཱཧྨཎེན;

ཨདསྶནཉྙེཝ ཏདཛ྄ཛྷགམཱ’’ཏི.

ཏེསཉྷི ནཱམ, བྷིཀྑཝེ, ཏིརཙྪཱནགཏཱནཾ པཱཎཱནཾ ཨམནཱཔཱ བྷཝིསྶཏི ཡཱཙནཱ ཨམནཱཔཱ ཝིཉྙཏྟི. ཀིམངྒཾ [ཀིམངྒ (སཱི.)] པན མནུསྶབྷཱུཏཱནཾ!

༣༤༥. ‘‘བྷཱུཏཔུབྦཾ, བྷིཀྑཝེ, ཨཉྙཏརོ བྷིཀྑུ ཧིམཝནྟཔསྶེ ཝིཧརཏི ཨཉྙཏརསྨིཾ ཝནསཎྜེ. ཏསྶ ཁོ, བྷིཀྑཝེ, ཝནསཎྜསྶ ཨཝིདཱུརེ མཧནྟཾ ནིནྣཾ པལླལཾ. ཨཐ ཁོ,

ཝཱསཱཡ ཨུཔགཙྪཏི. ཨཐ ཁོ, བྷིཀྑཝེ, སོ བྷིཀྑུ ཏསྶ སཀུཎསངྒྷསྶ སདྡེན ཨུབྦཱལ༹ྷོ ཡེནཱཧཾ ཏེནུཔསངྐམི; ཨུཔསངྐམིཏྭཱ མཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨཧཾ, བྷིཀྑཝེ, ཏཾ བྷིཀྑུཾ ཨེཏདཝོཙ ¶ – ‘ཀཙྩི, བྷིཀྑུ, ཁམནཱིཡཾ ཀཙྩི ཡཱཔནཱིཡཾ ཀཙྩིསི ཨཔྤཀིལམཐེན ཨདྡྷཱནཾ ཨཱགཏོ? ཀུཏོ ཙ ཏྭཾ, བྷིཀྑུ, ཨཱགཙྪསཱི’ཏི? ‘ཁམནཱིཡཾ, བྷགཝཱ, ཡཱཔནཱིཡཾ, བྷགཝཱ. ཨཔྤཀིལམཐེན ཙཱཧཾ, བྷནྟེ, ཨདྡྷཱནཾ ཨཱགཏོ. ཨཏྠི, བྷནྟེ, ཧིམཝནྟཔསྶེ མཧཱཝནསཎྜོ. ཏསྶ ཁོ པན, བྷནྟེ, ཝནསཎྜསྶ ཨཝིདཱུརེ མཧནྟཾ ནིནྣཾ པལླལཾ. ཨཐ ཁོ, བྷནྟེ, མཧཱསཀུཎསངྒྷོ ཏསྨིཾ པལླལེ དིཝསཾ གོཙརཾ ཙརིཏྭཱ སཱཡཾ ཏཾ ཝནསཎྜཾ ཝཱསཱཡ ཨུཔགཙྪཏི. ཏཏོ ཨཧཾ, བྷགཝཱ, ཨཱགཙྪཱམི – ཏསྶ སཀུཎསངྒྷསྶ སདྡེན ཨུབྦཱལ༹ྷོ’ཏི. ‘ཨིཙྪསི པན ཏྭཾ, བྷིཀྑུ, ཏསྶ སཀུཎསངྒྷསྶ ཨནཱགམན’ནྟི ¶ ? ‘ཨིཙྪཱམཧཾ, བྷགཝཱ, ཏསྶ སཀུཎསངྒྷསྶ ཨནཱགམན’ནྟི. ‘ཏེན ཧི ཏྭཾ, བྷིཀྑུ, ཏཏྠ གནྟྭཱ ཏཾ ཝནསཎྜཾ ཨཛ྄ཛྷོགཱཧེཏྭཱ རཏྟིཡཱ པཋམཾ ཡཱམཾ ཏིཀྑཏྟུཾ སདྡམནུསྶཱཝེཧི – སུཎནྟུ མེ, བྷོནྟོ སཀུཎཱ, ཡཱཝཏིཀཱ ཨིམསྨིཾ ཝནསཎྜེ ཝཱསཾ ཨུཔགཏཱ, པཏྟེན མེ ཨཏྠོ. ཨེཀེཀཾ མེ, བྷོནྟོ, པཏྟཾ དདནྟཱུ’ཏི. རཏྟིཡཱ མཛ྄ཛྷིམཾ ཡཱམཾ… རཏྟིཡཱ པཙྪིམཾ ཡཱམཾ ཏིཀྑཏྟུཾ སདྡམནུསྶཱཝེཧི – ‘སུཎནྟུ ¶ མེ, བྷོནྟོ སཀུཎཱ, ཡཱཝཏིཀཱ ཨིམསྨིཾ ཝནསཎྜེ ཝཱསཾ ཨུཔགཏཱ, པཏྟེན མེ ཨཏྠོ. ཨེཀེཀཾ མེ, བྷོནྟོ, པཏྟཾ དདནྟཱུ’ཏི.

‘‘ཨཐ ¶ ཁོ, བྷིཀྑཝེ, སོ བྷིཀྑུ ཏཏྠ གནྟྭཱ ཏཾ ཝནསཎྜཾ ཨཛ྄ཛྷོགཱཧེཏྭཱ རཏྟིཡཱ པཋམཾ ཡཱམཾ ཏིཀྑཏྟུཾ སདྡམནུསྶཱཝེསི – ‘སུཎནྟུ མེ, བྷོནྟོ སཀུཎཱ, ཡཱཝཏིཀཱ ཨིམསྨིཾ ཝནསཎྜེ ཝཱསཾ ཨུཔགཏཱ, པཏྟེན མེ ཨཏྠོ. ཨེཀེཀཾ མེ, བྷོནྟོ, པཏྟཾ དདནྟཱུ’ཏི. རཏྟིཡཱ མཛ྄ཛྷིམ ཡཱམཾ… རཏྟིཡཱ པཙྪིམཾ ཡཱམཾ ཏིཀྑཏྟུཾ སདྡམནུསྶཱཝེསི – ‘སུཎནྟུ མེ, བྷོནྟོ སཀུཎཱ, ཡཱཝཏིཀཱ ཨིམསྨིཾ ཝནསཎྜེ ཝཱསཾ ཨུཔགཏཱ, པཏྟེན མེ ཨཏྠོ. ཨེཀེཀཾ མེ, བྷོནྟོ, པཏྟཾ དདནྟཱུ’ཏི. ཨཐ ཁོ, བྷིཀྑཝེ, སོ སཀུཎསངྒྷོ – ‘བྷིཀྑུ པཏྟཾ ཡཱཙཏི བྷིཀྑུསྶ པཏྟེན ཨཏྠོ’ཏི ཏམྷཱ ཝནསཎྜཱ པཀྐཱམི. ཏཐཱ པཀྐནྟོཝ ཨཧོསི ན པུན པཙྩཱགཉྪི. ཏེསཉྷི ནཱམ, བྷིཀྑཝེ, ཏིརཙྪཱནགཏཱནཾ པཱཎཱནཾ ཨམནཱཔཱ བྷཝིསྶཏི ཡཱཙནཱ ཨམནཱཔཱ ཝིཉྙཏྟི. ཀིམངྒཾ པན མནུསྶབྷཱུཏཱནཾ’’!

༣༤༦. ‘‘བྷཱུཏཔུབྦཾ, བྷིཀྑཝེ, རཊྛཔཱལསྶ ཀུལཔུཏྟསྶ པིཏཱ རཊྛཔཱལཾ ཀུལཔུཏྟཾ ¶ གཱཐཱཡ ཨཛ྄ཛྷབྷཱསི –

‘ཨཔཱཧཾ ཏེ ན ཛཱནཱམི, རཊྛཔཱལ བཧཱུ ཛནཱ;

[ཛཱ. ༡.༧.༥༤] ཏེ མཾ སངྒམྨ ཡཱཙནྟི, ཀསྨཱ མཾ ཏྭཾ ན ཡཱཙསཱི’ཏི.

[ཛཱ. ༡.༧.༥༥] ‘ཡཱཙཀོ ཨཔྤིཡོ ཧོཏི, ཡཱཙཾ ཨདདམཔྤིཡོ;

ཏསྨཱཧཾ ཏཾ ན ཡཱཙཱམི, མཱ མེ ཝིདེསྶནཱ ཨཧཱུ’ཏི.

‘‘སོ ཧི ནཱམ, བྷིཀྑཝེ, རཊྛཔཱལོ ཀུལཔུཏྟོ སཀཾ པིཏརཾ ཨེཝཾ ཝཀྑཏི. ཀིམངྒཾ པན ཛནོ ཛནཾ!

༣༤༧. ‘‘གིཧཱིནཾ, བྷིཀྑཝེ, དུསྶཾཧརཱནི བྷོགཱནི སམྦྷཏཱནིཔི དུརཀྑིཡཱནི ¶ . ཏཏྠ ནཱམ ཏུམྷེ, མོགྷཔུརིསཱ, ཨེཝཾ དུསྶཾཧརེསུ བྷོགེསུ སམྦྷཏེསུཔི དུརཀྑིཡེསུ ཡཱཙནབཧུལཱ ཝིཉྙཏྟིབཧུལཱ ཝིཧརིསྶཐ – ‘པུརིསཾ དེཐ, པུརིསཏྠཀརཾ དེཐ, གོཎཾ དེཐ, སཀཊཾ དེཐ, ཝཱསིཾ དེཐ, པརསུཾ དེཐ, ཀུཋཱརིཾ དེཐ, ཀུདཱལཾ དེཐ, ནིཁཱདནཾ དེཐ, ཝལླིཾ དེཐ, ཝེལུ༹ཾ དེཐ, མུཉྫཾ དེཐ ¶ , པབྦཛཾ དེཐ, ཏིཎཾ དེཐ, མཏྟིཀཾ དེཐཱ’’ཏི! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༤༨. ‘‘སཉྙཱཙིཀཱཡ པན བྷིཀྑུནཱ ཀུཊིཾ ཀཱརཡམཱནེན ཨསྶཱམིཀཾ ཨཏྟུདྡེསཾ པམཱཎིཀཱ ཀཱརེཏབྦཱ. ཏཏྲིདཾ པམཱཎཾ – དཱིགྷསོ དྭཱདས ¶ ཝིདཏྠིཡོ, སུགཏཝིདཏྠིཡཱ; ཏིརིཡཾ སཏྟནྟརཱ. བྷིཀྑཱུ ཨབྷིནེཏབྦཱ ཝཏྠུདེསནཱཡ. ཏེཧི བྷིཀྑཱུཧི ཝཏྠུ དེསེཏབྦཾ ¶ – ཨནཱརམྦྷཾ [ཨནཱརབྦྷཾ (ཀ.)] སཔརིཀྐམནཾ. སཱརམྦྷེ [སཱརབྦྷེ (ཀ.)] ཙེ བྷིཀྑུ ཝཏྠུསྨིཾ ཨཔརིཀྐམནེ སཉྙཱཙིཀཱཡ ཀུཊིཾ ཀཱརེཡྻ, བྷིཀྑཱུ ཝཱ ཨནབྷིནེཡྻ ཝཏྠུདེསནཱཡ, པམཱཎཾ ཝཱ ཨཏིཀྐཱམེཡྻ, སངྒྷཱདིསེསོ’’ཏི.

༣༤༩. སཉྙཱཙིཀཱ ནཱམ སཡཾ ཡཱཙིཏྭཱ པུརིསམྤི པུརིསཏྠཀརམྤི གོཎམྤི སཀཊམྤི ཝཱསིམྤི པརསུམྤི ཀུཋཱརིམྤི ཀུདཱལམྤི ནིཁཱདནམྤི ཝལླིམྤི ཝེལུ༹མྤི མུཉྫམྤི པབྦཛམྤི ཏིཎམྤི མཏྟིཀམྤི.

ཀུཊི ནཱམ ཨུལླིཏྟཱ ཝཱ ཧོཏི ཨཝལིཏྟཱ ཝཱ ཨུལླིཏྟཱཝལིཏྟཱ ཝཱ.

ཀཱརཡམཱནེནཱཏི ཀརོནྟོ ཝཱ ཀཱརཱཔེནྟོ ཝཱ.

ཨསྶཱམིཀནྟི ན ཨཉྙོ ཀོཙི སཱམིཀོ ཧོཏི, ཨིཏྠཱི ཝཱ པུརིསོ ཝཱ གཧཊྛོ ཝཱ པབྦཛིཏོ ཝཱ.

ཨཏྟུདྡེསནྟི ཨཏྟནོ ཨཏྠཱཡ.

པམཱཎིཀཱ ཀཱརེཏབྦཱ. ཏཏྲིདཾ པམཱཎཾ – དཱིགྷསོ དྭཱདས ཝིདཏྠིཡོ, སུགཏཝིདཏྠིཡཱཏི བཱཧིརིམེན མཱནེན.

ཏིརིཡཾ སཏྟནྟརཱཏི ཨབྦྷནྟརིམེན མཱནེན.

བྷིཀྑཱུ ཨབྷིནེཏབྦཱ ཝཏྠུདེསནཱཡཱཏི ཏེན ཀུཊིཀཱརཀེན བྷིཀྑུནཱ ཀུཊིཝཏྠུཾ སོདྷེཏྭཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ¶ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཧཾ, བྷནྟེ, སཉྙཱཙིཀཱཡ ཀུཊིཾ ཀཏྟུཀཱམོ ཨསྶཱམིཀཾ ཨཏྟུདྡེསཾ. སོཧཾ, བྷནྟེ, སངྒྷཾ ཀུཊིཝཏྠུཨོལོཀནཾ ཡཱཙཱམཱི’’ཏི. དུཏིཡམྤི ཡཱཙིཏབྦཱ. ཏཏིཡམྤི ¶ ཡཱཙིཏབྦཱ. སཙེ ¶ སབྦོ སངྒྷོ ཨུསྶཧཏི ཀུཊིཝཏྠུཾ ཨོལོཀེཏུཾ, སབྦེན སངྒྷེན ཨོལོཀེཏབྦཾ. ནོ ཙེ སབྦོ སངྒྷོ ཨུསྶཧཏི ཀུཊིཝཏྠུཾ ཨོལོཀེཏུཾ, ཡེ ཏཏྠ ཧོནྟི བྷིཀྑཱུ བྱཏྟཱ པཊིབལཱ སཱརམྦྷཾ ཨནཱརམྦྷཾ སཔརིཀྐམནཾ ཨཔརིཀྐམནཾ ཛཱནིཏུཾ ཏེ ཡཱཙིཏྭཱ སམྨནྣིཏབྦཱ. ཨེཝཉྩ པན, བྷིཀྑཝེ, སམྨནྣིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༣༥༠. ‘‘སུཎཱཏུ ¶ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སཉྙཱཙིཀཱཡ ཀུཊིཾ ཀཏྟུཀཱམོ ཨསྶཱམིཀཾ ཨཏྟུདྡེསཾ. སོ སངྒྷཾ ཀུཊིཝཏྠུཨོལོཀནཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཉྩ ཨིཏྠནྣཱམཉྩ བྷིཀྑཱུ སམྨནྣེཡྻ ཨིཏྠནྣཱམསྶ བྷིཀྑུནོ ཀུཊིཝཏྠུཾ ཨོལོཀེཏུཾ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སཉྙཱཙིཀཱཡ ཀུཊིཾ ཀཏྟུཀཱམོ ཨསྶཱམིཀཾ ཨཏྟུདྡེསཾ. སོ སངྒྷཾ ཀུཊིཝཏྠུཨོལོཀནཾ ཡཱཙཏི. སངྒྷོ ཨིཏྠནྣཱམཉྩ ཨིཏྠནྣཱམཉྩ བྷིཀྑཱུ སམྨནྣཏི ཨིཏྠནྣཱམསྶ བྷིཀྑུནོ ཀུཊིཝཏྠུཾ ཨོལོཀེཏུཾ. ཡསྶཱཡསྨཏོ ཁམཏི ཨིཏྠནྣཱམསྶ ཙ ཨིཏྠནྣཱམསྶ ཙ བྷིཀྑཱུནཾ སམྨུཏི [སམྨཏི (སྱཱ.)] ཨིཏྠནྣཱམསྶ བྷིཀྑུནོ ཀུཊིཝཏྠུཾ ཨོལོཀེཏུཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏཱ སངྒྷེན ཨིཏྠནྣཱམོ ཙ ཨིཏྠནྣཱམོ ཙ བྷིཀྑཱུ ཨིཏྠནྣཱམསྶ བྷིཀྑུནོ ཀུཊིཝཏྠུཾ ཨོལོཀེཏུཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༣༥༡. ཏེཧི སམྨཏེཧི བྷིཀྑཱུཧི ཏཏྠ གནྟྭཱ ཀུཊིཝཏྠུ ཨོལོཀེཏབྦཾ, སཱརམྦྷཾ ཨནཱརམྦྷཾ སཔརིཀྐམནཾ ཨཔརིཀྐམནཾ ཛཱནིཏབྦཾ. སཙེ སཱརམྦྷཾ ཧོཏི ¶ ཨཔརིཀྐམནཾ, ‘མཱ ཨིདྷ ཀརཱི’ཏི ཝཏྟབྦོ. སཙེ ཨནཱརམྦྷཾ ཧོཏི སཔརིཀྐམནཾ, སངྒྷསྶ ཨཱརོཙེཏབྦཾ – ‘ཨནཱརམྦྷཾ སཔརིཀྐམན’ནྟི. ཏེན ཀུཊིཀཱརཀེན བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཧཾ, བྷནྟེ, སཉྙཱཙིཀཱཡ ཀུཊིཾ ཀཏྟུཀཱམོ ཨསྶཱམིཀཾ ཨཏྟུདྡེསཾ ¶ . སོཧཾ, བྷནྟེ, སངྒྷཾ ཀུཊིཝཏྠུདེསནཾ ཡཱཙཱམཱི’’ཏི. དུཏིཡམྤི ཡཱཙིཏབྦཱ. ཏཏིཡམྤི ཡཱཙིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༣༥༢. ‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སཉྙཱཙིཀཱཡ ཀུཊིཾ ཀཏྟུཀཱམོ ཨསྶཱམིཀཾ ཨཏྟུདྡེསཾ. སོ སངྒྷཾ ཀུཊིཝཏྠུདེསནཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམསྶ བྷིཀྑུནོ ཀུཊིཝཏྠུཾ དེསེཡྻ. ཨེསཱ ཉཏྟི.

‘‘སུཎཱཏུ ¶ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སཉྙཱཙིཀཱཡ ཀུཊིཾ ཀཏྟུཀཱམོ ཨསྶཱམིཀཾ ཨཏྟུདྡེསཾ. སོ སངྒྷཾ ཀུཊིཝཏྠུདེསནཾ ཡཱཙཏི. སངྒྷོ ¶ ཨིཏྠནྣཱམསྶ བྷིཀྑུནོ ཀུཊིཝཏྠུཾ དེསེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ ཀུཊིཝཏྠུསྶ དེསནཱ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དེསིཏཾ སངྒྷེན ཨིཏྠནྣཱམསྶ བྷིཀྑུནོ ཀུཊིཝཏྠུ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༣༥༣. སཱརམྦྷཾ ནཱམ ཀིཔིལླིཀཱནཾ ཝཱ ཨཱསཡོ ཧོཏི, ཨུཔཙིཀཱནཾ ཝཱ ཨཱསཡོ ཧོཏི, ཨུནྡུརཱནཾ ཝཱ ཨཱསཡོ ཧོཏི, ཨཧཱིནཾ ཝཱ ཨཱསཡོ ཧོཏི, ཝིཙྪིཀཱནཾ ཝཱ ཨཱསཡོ ཧོཏི, སཏཔདཱིནཾ ཝཱ ཨཱསཡོ ཧོཏི, ཧཏྠཱིནཾ ¶ ཝཱ ཨཱསཡོ ཧོཏི, ཨསྶཱནཾ ཝཱ ཨཱསཡོ ཧོཏི, སཱིཧཱནཾ ཝཱ ཨཱསཡོ ཧོཏི, བྱགྒྷཱནཾ ཝཱ ཨཱསཡོ ཧོཏི, དཱིཔཱིནཾ ཝཱ ཨཱསཡོ ཧོཏི, ཨཙྪཱནཾ ཝཱ ཨཱསཡོ ཧོཏི, ཏརཙྪཱནཾ ཝཱ ཨཱསཡོ ཧོཏི, ཡེསཾ ཀེསཉྩི ཏིརཙྪཱནགཏཱནཾ པཱཎཱནཾ ཨཱསཡོ ཧོཏི, པུབྦཎྞནིསྶིཏཾ ཝཱ ཧོཏི, ཨཔརཎྞནིསྶིཏཾ ཝཱ ཧོཏི, ཨབྦྷཱགྷཱཏནིསྶིཏཾ ཝཱ ཧོཏི, ཨཱགྷཱཏནནིསྶིཏཾ ཝཱ ཧོཏི, སུསཱནནིསྶིཏཾ ཝཱ ཧོཏི, ཨུཡྻཱནནིསྶིཏཾ ཝཱ ཧོཏི, རཱཛཝཏྠུནིསྶིཏཾ ཝཱ ཧོཏི, ཧཏྠིསཱལཱནིསྶིཏཾ ཝཱ ཧོཏི, ཨསྶསཱལཱནིསྶིཏཾ ཝཱ ཧོཏི, བནྡྷནཱགཱརནིསྶིཏཾ ཝཱ ཧོཏི, པཱནཱགཱརནིསྶིཏཾ ཝཱ ཧོཏི, སཱུནནིསྶིཏཾ ཝཱ ཧོཏི, རཙྪཱནིསྶིཏཾ ཝཱ ཧོཏི, ཙཙྩརནིསྶིཏཾ ཝཱ ཧོཏི, སབྷཱནིསྶིཏཾ ཝཱ ཧོཏི, སཾསརཎནིསྶིཏཾ ཝཱ [སཉྩརཎནིསྶིཏཾ ཝཱ (ཀ.)] ཧོཏི. ཨེཏཾ སཱརམྦྷཾ ནཱམ.

ཨཔརིཀྐམནཾ ནཱམ ན སཀྐཱ ཧོཏི ཡཐཱཡུཏྟེན སཀཊེན ཨནུཔརིགནྟུཾ སམནྟཱ ནིསྶེཎིཡཱ ཨནུཔརིགནྟུཾ. ཨེཏཾ ཨཔརིཀྐམནཾ ནཱམ.

ཨནཱརམྦྷཾ ¶ ནཱམ ན ཀིཔིལླིཀཱནཾ ཝཱ ཨཱསཡོ ཧོཏི, ན ཨུཔཙིཀཱནཾ ཝཱ ཨཱསཡོ ཧོཏི, ན ཨུནྡུརཱནཾ ཝཱ ཨཱསཡོ ཧོཏི, ན ཨཧཱིནཾ ཝཱ ཨཱསཡོ ཧོཏི, ན ཝིཙྪིཀཱནཾ ཝཱ ཨཱསཡོ ཧོཏི, ན སཏཔདཱིནཾ ཝཱ ཨཱསཡོ ཧོཏི…པེ… ན སཾསརཎནིསྶིཏཾ ཝཱ ཧོཏི. ཨེཏཾ ཨནཱརམྦྷཾ ནཱམ.

སཔརིཀྐམནཾ ¶ ནཱམ སཀྐཱ ཧོཏི ཡཐཱཡུཏྟེན སཀཊེན ཨནུཔརིགནྟུཾ, སམནྟཱ ནིསྶེཎིཡཱ ཨནུཔརིགནྟུཾ. ཨེཏཾ སཔརིཀྐམནཾ ནཱམ.

སཉྙཱཙིཀཱ ནཱམ སཡཾ ཡཱཙིཏྭཱ པུརིསམྤི པུརིསཏྠཀརམྤི…པེ… མཏྟིཀམྤི ¶ .

ཀུཊི ནཱམ ཨུལླིཏྟཱ ཝཱ ཧོཏི ཝཱ ཨཝལིཏྟཱ ཝཱ ཨུལླིཏྟཱཝལིཏྟཱ ཝཱ.

ཀཱརེཡྻཱཏི ཀརོཏི ཝཱ ཀཱརཱཔེཏི ཝཱ.

བྷིཀྑཱུ ཝཱ ཨནབྷིནེཡྻ, ཝཏྠུདེསནཱཡ པམཱཎཾ ཝཱ ཨཏིཀྐཱམེཡྻཱཏི ཉཏྟིདུཏིཡེན ཀམྨེན ཀུཊིཝཏྠུཾ ན དེསཱཔེཏྭཱ, ཨཱཡཱམཏོ ཝཱ ཝིཏྠཱརཏོ ཝཱ ཨནྟམསོ ཀེསགྒམཏྟམྤི ཨཏིཀྐཱམེཏྭཱ ཀརོཏི ཝཱ ཀཱརཱཔེཏི ཝཱ, པཡོགེ པཡོགེ དུཀྐཊཾ. ཨེཀཾ པིཎྜཾ ཨནཱགཏེ ཨཱཔཏྟི ཐུལླཙྩཡསྶ. ཏསྨིཾ པིཎྜེ ཨཱགཏེ ཨཱཔཏྟི སངྒྷཱདིསེསསྶ.

སངྒྷཱདིསེསོཏི…པེ… ཏེནཔི ཝུཙྩཏི སངྒྷཱདིསེསོཏི.

༣༥༤. བྷིཀྑུ ¶ ཀུཊིཾ ཀརོཏི ཨདེསིཏཝཏྠུཀཾ སཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དྭིནྣཾ དུཀྐཊཱནཾ. བྷིཀྑུ ཀུཊིཾ ཀརོཏི ཨདེསིཏཝཏྠུཀཾ སཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ. བྷིཀྑུ ཀུཊིཾ ཀརོཏི ཨདེསིཏཝཏྠུཀཾ ཨནཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ. བྷིཀྑུ ཀུཊིཾ ཀརོཏི ཨདེསིཏཝཏྠུཀཾ ཨནཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསསྶ.

༣༥༥. བྷིཀྑུ ཀུཊིཾ ཀརོཏི དེསིཏཝཏྠུཀཾ སཱརམྦྷཾ ཨཔརིཀྐམནཾ, ཨཱཔཏྟི དྭིནྣཾ དུཀྐཊཱནཾ. བྷིཀྑུ ཀུཊིཾ ཀརོཏི དེསིཏཝཏྠུཀཾ སཱརམྦྷཾ སཔརིཀྐམནཾ, ཨཱཔཏྟི དུཀྐཊསྶ. བྷིཀྑུ ¶ ཀུཊིཾ ཀརོཏི དེསིཏཝཏྠུཀཾ ཨནཱརམྦྷཾ ཨཔརིཀྐམནཾ, ཨཱཔཏྟི དུཀྐཊསྶ. བྷིཀྑུ ཀུཊིཾ ཀརོཏི དེསིཏཝཏྠུཀཾ ཨནཱརམྦྷཾ སཔརིཀྐམནཾ, ཨནཱཔཏྟི.

བྷིཀྑུ ¶ ཀུཊིཾ ཀརོཏི པམཱཎཱཏིཀྐནྟཾ སཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དྭིནྣཾ དུཀྐཊཱནཾ. བྷིཀྑུ ཀུཊིཾ ཀརོཏི པམཱཎཱཏིཀྐནྟཾ སཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ. བྷིཀྑུ ཀུཊིཾ ཀརོཏི པམཱཎཱཏིཀྐནྟཾ ཨནཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ. བྷིཀྑུ ཀུཊིཾ ཀརོཏི པམཱཎཱཏིཀྐནྟཾ ཨནཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསསྶ.

བྷིཀྑུ ¶ ཀུཊིཾ ཀརོཏི པམཱཎིཀཾ སཱརམྦྷཾ ཨཔརིཀྐམནཾ, ཨཱཔཏྟི དྭིནྣཾ དུཀྐཊཱནཾ. བྷིཀྑུ ཀུཊིཾ ཀརོཏི པམཱཎིཀཾ སཱརམྦྷཾ སཔརིཀྐམནཾ, ཨཱཔཏྟི དུཀྐཊསྶ. བྷིཀྑུ ཀུཊིཾ ཀརོཏི པམཱཎིཀཾ ཨནཱརམྦྷཾ ཨཔརིཀྐམནཾ, ཨཱཔཏྟི དུཀྐཊསྶ. བྷིཀྑུ ཀུཊིཾ ཀརོཏི པམཱཎིཀཾ ཨནཱརམྦྷཾ སཔརིཀྐམནཾ, ཨནཱཔཏྟི.

བྷིཀྑུ ཀུཊིཾ ཀརོཏི ཨདེསིཏཝཏྠུཀཾ པམཱཎཱཏིཀྐནྟཾ སཱརམྦྷཾ ཨཔརིཀྐམནཾ, ཨཱཔཏྟི དྭིནྣཾ སངྒྷཱདིསེསེན དྭིནྣཾ དུཀྐཊཱནཾ. བྷིཀྑུ ཀུཊིཾ ཀརོཏི ཨདེསིཏཝཏྠུཀཾ པམཱཎཱཏིཀྐནྟཾ སཱརམྦྷཾ སཔརིཀྐམནཾ, ཨཱཔཏྟི དྭིནྣཾ སངྒྷཱདིསེསེན དུཀྐཊསྶ. བྷིཀྑུ ཀུཊིཾ ཀརོཏི ཨདེསིཏཝཏྠུཀཾ པམཱཎཱཏིཀྐནྟཾ ཨནཱརམྦྷཾ ཨཔརིཀྐམནཾ, ཨཱཔཏྟི དྭིནྣཾ སངྒྷཱདིསེསེན དུཀྐཊསྶ. བྷིཀྑུ ཀུཊིཾ ཀརོཏི ཨདེསིཏཝཏྠུཀཾ པམཱཎཱཏིཀྐནྟཾ ཨནཱརམྦྷཾ སཔརིཀྐམནཾ, ཨཱཔཏྟི དྭིནྣཾ སངྒྷཱདིསེསཱནཾ.

བྷིཀྑུ ¶ ¶ ཀུཊིཾ ཀརོཏི དེསིཏཝཏྠུཀཾ པམཱཎིཀཾ སཱརམྦྷཾ ཨཔརིཀྐམནཾ, ཨཱཔཏྟི དྭིནྣཾ དུཀྐཊཱནཾ. བྷིཀྑུ ཀུཊིཾ ཀརོཏི དེསིཏཝཏྠུཀཾ པམཱཎིཀཾ སཱརམྦྷཾ སཔརིཀྐམནཾ, ཨཱཔཏྟི དུཀྐཊསྶ. བྷིཀྑུ ཀུཊིཾ ཀརོཏི དེསིཏཝཏྠུཀཾ པམཱཎིཀཾ ཨནཱརམྦྷཾ ཨཔརིཀྐམནཾ, ཨཱཔཏྟི དུཀྐཊསྶ. བྷིཀྑུ ཀུཊིཾ ཀརོཏི དེསིཏཝཏྠུཀཾ པམཱཎིཀཾ ཨནཱརམྦྷཾ སཔརིཀྐམནཾ, ཨནཱཔཏྟི.

༣༥༦. བྷིཀྑུ སམཱདིསཏི – ‘‘ཀུཊིཾ མེ ཀརོཐཱ’’ཏི. ཏསྶ ཀུཊིཾ ཀརོནྟི ཨདེསིཏཝཏྠུཀཾ སཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ ¶ , ཨཱཔཏྟི སངྒྷཱདིསེསེན དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསསྶ.

བྷིཀྑུ སམཱདིསཏི – ‘‘ཀུཊིཾ མེ ཀརོཐཱ’’ཏི. ཏསྶ ཀུཊིཾ ཀརོནྟི དེསིཏཝཏྠུཀཾ སཱརམྦྷཾ ཨཔརིཀྐམནཾ, ཨཱཔཏྟི དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨནཱཔཏྟི.

བྷིཀྑུ སམཱདིསཏི – ‘‘ཀུཊིཾ མེ ཀརོཐཱ’’ཏི. ཏསྶ ཀུཊིཾ ཀརོནྟི པམཱཎཱཏིཀྐནྟཾ སཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ…པེ… ཨནཱརམྦྷཾ ¶ ཨཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསསྶ.

བྷིཀྑུ ¶ སམཱདིསཏི – ‘‘ཀུཊིཾ མེ ཀརོཐཱ’’ཏི. ཏསྶ ཀུཊིཾ ཀརོནྟི པམཱཎིཀཾ སཱརམྦྷཾ ཨཔརིཀྐམནཾ, ཨཱཔཏྟི དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨནཱཔཏྟི.

བྷིཀྑུ སམཱདིསཏི – ‘‘ཀུཊིཾ མེ ཀརོཐཱ’’ཏི. ཏསྶ ཀུཊིཾ ཀརོནྟི ཨདེསིཏཝཏྠུཀཾ པམཱཎཱཏིཀྐནྟཾ སཱརམྦྷཾ ཨཔརིཀྐམནཾ, ཨཱཔཏྟི དྭིནྣཾ སངྒྷཱདིསེསེན དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི དྭིནྣཾ སངྒྷཱདིསེསེན དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི དྭིནྣཾ སངྒྷཱདིསེསེན དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨཱཔཏྟི དྭིནྣཾ སངྒྷཱདིསེསཱནཾ.

བྷིཀྑུ སམཱདིསཏི – ‘‘ཀུཊིཾ མེ ཀརོཐཱ’’ཏི. ཏསྶ ཀུཊིཾ ཀརོནྟི དེསིཏཝཏྠུཀཾ པམཱཎིཀཾ སཱརམྦྷཾ ཨཔརིཀྐམནཾ, ཨཱཔཏྟི དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨནཱཔཏྟི.

༣༥༧. བྷིཀྑུ ¶ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. ན ཙ སམཱདིསཏི – ‘‘དེསིཏཝཏྠུཀཱ ཙ ཧོཏུ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི ཨདེསིཏཝཏྠུཀཾ སཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨཱཔཏྟི ¶ སངྒྷཱདིསེསསྶ.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. ན ཙ སམཱདིསཏི – ‘‘དེསིཏཝཏྠུཀཱ ཙ ཧོཏུ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི དེསིཏཝཏྠུཀཾ སཱརམྦྷཾ ཨཔརིཀྐམནཾ, ཨཱཔཏྟི དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨནཱཔཏྟི.

བྷིཀྑུ ¶ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. ན ཙ སམཱདིསཏི – ‘‘པམཱཎིཀཱ ཙ ཧོཏུ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི པམཱཎཱཏིཀྐནྟཾ སཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསསྶ.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. ན ཙ སམཱདིསཏི – ‘‘པམཱཎིཀཱ ཙ ཧོཏུ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི པམཱཎིཀཾ སཱརམྦྷཾ ཨཔརིཀྐམནཾ, ཨཱཔཏྟི དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨནཱཔཏྟི.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. ན ཙ སམཱདིསཏི – ‘‘དེསིཏཝཏྠུཀཱ ཙ ཧོཏུ པམཱཎིཀཱ ཙ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི ཨདེསིཏཝཏྠུཀཾ པམཱཎཱཏིཀྐནྟཾ སཱརམྦྷཾ ཨཔརིཀྐམནཾ ¶ , ཨཱཔཏྟི དྭིནྣཾ སངྒྷཱདིསེསེན དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི དྭིནྣཾ སངྒྷཱདིསེསེན དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི དྭིནྣཾ སངྒྷཱདིསེསེན དུཀྐཊསྶ ¶ …པེ… ཨནཱརམྦྷཾ སཔརིཀྐམནཾ, ཨཱཔཏྟི དྭིནྣཾ སངྒྷཱདིསེསཱནཾ.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. ན ཙ སམཱདིསཏི – ‘‘དེསིཏཝཏྠུཀཱ ཙ ཧོཏུ པམཱཎིཀཱ ཙ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི དེསིཏཝཏྠུཀཾ པམཱཎིཀཾ སཱརམྦྷཾ ཨཔརིཀྐམནཾ, ཨཱཔཏྟི དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨནཱཔཏྟི.

༣༥༨. བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. སམཱདིསཏི ཙ – ‘‘དེསིཏཝཏྠུཀཱ ཙ ཧོཏུ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི ཨདེསིཏཝཏྠུཀཾ སཱརམྦྷཾ ཨཔརིཀྐམནཾ. སོ སུཎཱཏི – ‘‘ཀུཊི ཀིར མེ ཀཡིརཏི ཨདེསིཏཝཏྠུཀཱ སཱརམྦྷཱ ཨཔརིཀྐམནཱ’’ཏི. ཏེན བྷིཀྑུནཱ སཱམཾ ཝཱ གནྟབྦཾ དཱུཏོ ཝཱ པཱཧེཏབྦོ – ‘‘དེསིཏཝཏྠུཀཱ ཙ ཧོཏུ ¶ ཨནཱརམྦྷཱ ཙ སཔརིཀྐམནཱ ཙཱ’’ཏི. ནོ ཙེ སཱམཾ ཝཱ གཙྪེཡྻ དཱུཏཾ ཝཱ པཧིཎེཡྻ, ཨཱཔཏྟི དུཀྐཊསྶ.

བྷིཀྑུ ¶ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. སམཱདིསཏི ཙ – ‘‘དེསིཏཝཏྠུཀཱ ཙ ཧོཏུ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི ཨདེསིཏཝཏྠུཀཾ སཱརམྦྷཾ སཔརིཀྐམནཾ. སོ སུཎཱཏི – ‘‘ཀུཊི ¶ ཀིར མེ ཀཡིརཏི ཨདེསིཏཝཏྠུཀཱ སཱརམྦྷཱ སཔརིཀྐམནཱ’’ཏི. ཏེན བྷིཀྑུནཱ སཱམཾ ཝཱ གནྟབྦཾ དཱུཏོ ཝཱ པཱཧེཏབྦོ – ‘‘དེསིཏཝཏྠུཀཱ ཙ ཧོཏུ ཨནཱརམྦྷཱ ཙཱ’’ཏི. ནོ ཙེ སཱམཾ ཝཱ གཙྪེཡྻ དཱུཏཾ ཝཱ པཧིཎེཡྻ, ཨཱཔཏྟི དུཀྐཊསྶ.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. སམཱདིསཏི ཙ – ‘‘དེསིཏཝཏྠུཀཱ ཙ ཧོཏུ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི ཨདེསིཏཝཏྠུཀཾ ཨནཱརམྦྷཾ ཨཔརིཀྐམནཾ. སོ སུཎཱཏི – ‘‘ཀུཊི ཀིར མེ ཀཡིརཏི ཨདེསིཏཝཏྠུཀཱ ཨནཱརམྦྷཱ ཨཔརིཀྐམནཱ’’ཏི. ཏེན བྷིཀྑུནཱ སཱམཾ ཝཱ གནྟབྦཾ དཱུཏོ ཝཱ པཱཧེཏབྦོ – ‘‘དེསིཏཝཏྠུཀཱ ཙ ཧོཏུ སཔརིཀྐམནཱ ཙཱ’’ཏི. ནོ ཙེ སཱམཾ ཝཱ གཙྪེཡྻ དཱུཏཾ ཝཱ པཧིཎེཡྻ, ཨཱཔཏྟི དུཀྐཊསྶ.

བྷིཀྑུ ¶ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. སམཱདིསཏི ཙ – ‘‘དེསིཏཝཏྠུཀཱ ཙ ཧོཏུ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི ཨདེསིཏཝཏྠུཀཾ ཨནཱརམྦྷཾ སཔརིཀྐམནཾ. སོ སུཎཱཏི – ‘‘ཀུཊི ཀིར མེ ཀཡིརཏི ཨདེསིཏཝཏྠུཀཱ ཨནཱརམྦྷཱ སཔརིཀྐམནཱ’’ཏི. ཏེན བྷིཀྑུནཱ སཱམཾ ཝཱ གནྟབྦཾ དཱུཏོ ཝཱ པཱཧེཏབྦོ – ‘‘དེསིཏཝཏྠུཀཱ ཧོཏཱུ’’ཏི. ནོ ཙེ སཱམཾ ཝཱ གཙྪེཡྻ དཱུཏཾ ཝཱ པཧིཎེཡྻ, ཨཱཔཏྟི དུཀྐཊསྶ.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. སམཱདིསཏི ཙ – ‘‘དེསིཏཝཏྠུཀཱ ཙ ཧོཏུ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི དེསིཏཝཏྠུཀཾ སཱརམྦྷཾ ཨཔརིཀྐམནཾ. སོ སུཎཱཏི – ‘‘ཀུཊི ཀིར མེ ཀཡིརཏི དེསིཏཝཏྠུཀཱ ¶ སཱརམྦྷཱ ཨཔརིཀྐམནཱ’’ཏི. ཏེན བྷིཀྑུནཱ སཱམཾ ཝཱ གནྟབྦཾ དཱུཏོ ཝཱ པཱཧེཏབྦོ – ‘‘ཨནཱརམྦྷཱ ཙ ཧོཏུ སཔརིཀྐམནཱ ཙཱ’’ཏི. ནོ ཙེ སཱམཾ ཝཱ གཙྪེཡྻ དཱུཏཾ ཝཱ པཧིཎེཡྻ, ཨཱཔཏྟི དུཀྐཊསྶ.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. སམཱདིསཏི ཙ – ‘‘དེསིཏཝཏྠུཀཱ ཙ ཧོཏུ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི དེསིཏཝཏྠུཀཾ སཱརམྦྷཾ སཔརིཀྐམནཾ. སོ སུཎཱཏི – ‘‘ཀུཊི ¶ ཀིར མེ ཀཡིརཏི དེསིཏཝཏྠུཀཱ སཱརམྦྷཱ སཔརིཀྐམནཱ’’ཏི. ཏེན བྷིཀྑུནཱ སཱམཾ ཝཱ གནྟབྦཾ དཱུཏོ ཝཱ པཱཧེཏབྦོ – ‘‘ཨནཱརམྦྷཱ ཧོཏཱུ’’ཏི. ནོ ཙེ སཱམཾ ཝཱ གཙྪེཡྻ དཱུཏཾ ཝཱ པཧིཎེཡྻ, ཨཱཔཏྟི དུཀྐཊསྶ.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. སམཱདིསཏི ཙ – ‘‘དེསིཏཝཏྠུཀཱ ཙ ཧོཏུ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི དེསིཏཝཏྠུཀཾ ཨནཱརམྦྷཾ ཨཔརིཀྐམནཾ. སོ སུཎཱཏི – ‘‘ཀུཊི ཀིར མེ ཀཡིརཏི དེསིཏཝཏྠུཀཱ ཨནཱརམྦྷཱ ཨཔརིཀྐམནཱ’’ཏི. ཏེན བྷིཀྑུནཱ སཱམཾ ཝཱ གནྟབྦཾ དཱུཏོ ཝཱ པཱཧེཏབྦོ – ‘‘སཔརིཀྐམནཱ ཧོཏཱུ’’ཏི. ནོ ཙེ སཱམཾ ཝཱ གཙྪེཡྻ དཱུཏཾ ཝཱ པཧིཎེཡྻ, ཨཱཔཏྟི དུཀྐཊསྶ.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. སམཱདིསཏི ཙ – ‘‘དེསིཏཝཏྠུཀཱ ¶ ཙ ཧོཏུ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི དེསིཏཝཏྠུཀཾ ཨནཱརམྦྷཾ སཔརིཀྐམནཾ, ཨནཱཔཏྟི.

༣༥༩. བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. སམཱདིསཏི ཙ ¶ – ‘‘པམཱཎིཀཱ ཙ ཧོཏུ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི པམཱཎཱཏིཀྐནྟཾ སཱརམྦྷཾ ཨཔརིཀྐམནཾ. སོ སུཎཱཏི – ‘‘ཀུཊི ཀིར མེ ཀཡིརཏི པམཱཎཱཏིཀྐནྟཱ སཱརམྦྷཱ ཨཔརིཀྐམནཱ’’ཏི. ཏེན བྷིཀྑུནཱ སཱམཾ ཝཱ གནྟབྦཾ དཱུཏོ ཝཱ པཱཧེཏབྦོ – ‘‘པམཱཎིཀཱ ཙ ཧོཏུ ཨནཱརམྦྷཱ ཙ སཔརིཀྐམནཱ ཙཱ’’ཏི…པེ… ‘‘པམཱཎིཀཱ ཙ ཧོཏུ ཨནཱརམྦྷཱ ཙཱ’’ཏི…པེ… ‘‘པམཱཎིཀཱ ཙ ཧོཏུ སཔརིཀྐམནཱ ཙཱ’’ཏི…པེ… ‘‘པམཱཎིཀཱ ཧོཏཱུ’’ཏི. ནོ ཙེ སཱམཾ ཝཱ གཙྪེཡྻ དཱུཏཾ ཝཱ པཧིཎེཡྻ, ཨཱཔཏྟི དུཀྐཊསྶ.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. སམཱདིསཏི ཙ – ‘‘པམཱཎིཀཱ ཙ ཧོཏུ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི པམཱཎིཀཾ སཱརམྦྷཾ ཨཔརིཀྐམནཾ. སོ སུཎཱཏི – ‘‘ཀུཊི ཀིར མེ ཀཡིརཏི པམཱཎིཀཱ སཱརམྦྷཱ ཨཔརིཀྐམནཱ’’ཏི. ཏེན བྷིཀྑུནཱ སཱམཾ ཝཱ གནྟབྦཾ དཱུཏོ ཝཱ པཱཧེཏབྦོ – ‘‘ཨནཱརམྦྷཱ ཙ ཧོཏུ སཔརིཀྐམནཱ ཙཱ’’ཏི…པེ… ‘‘ཨནཱརམྦྷཱ ཧོཏཱུ’’ཏི…པེ… ‘‘སཔརིཀྐམནཱ ཧོཏཱུ’’ཏི…པེ… ཨནཱཔཏྟི.

༣༦༠. བྷིཀྑུ ¶ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. སམཱདིསཏི ཙ – ‘‘དེསིཏཝཏྠུཀཱ ཙ ཧོཏུ པམཱཎིཀཱ ཙ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི ཨདེསིཏཝཏྠུཀཾ པམཱཎཱཏིཀྐནྟཾ སཱརམྦྷཾ ཨཔརིཀྐམནཾ. སོ སུཎཱཏི – ‘‘ཀུཊི ཀིར མེ ཀཡིརཏི ཨདེསིཏཝཏྠུཀཱ པམཱཎཱཏིཀྐནྟཱ སཱརམྦྷཱ ཨཔརིཀྐམནཱ’’ཏི. ཏེན བྷིཀྑུནཱ སཱམཾ ཝཱ གནྟབྦཾ དཱུཏོ ཝཱ པཱཧེཏབྦོ – ‘‘དེསིཏཝཏྠུཀཱ ཙ ཧོཏུ པམཱཎིཀཱ ཙ ཨནཱརམྦྷཱ ཙ ¶ སཔརིཀྐམནཱ ཙཱ’’ཏི…པེ… ‘‘དེསིཏཝཏྠུཀཱ ཙ ཧོཏུ པམཱཎིཀཱ ཙ ཨནཱརམྦྷཱ ཙཱ’’ཏི…པེ… ‘‘དེསིཏཝཏྠུཀཱ ཙ ཧོཏུ པམཱཎིཀཱ ཙ སཔརིཀྐམནཱ ཙཱ’’ཏི…པེ… ‘‘དེསིཏཝཏྠུཀཱ ཙ ཧོཏུ པམཱཎིཀཱ ཙཱ’’ཏི. ནོ ཙེ སཱམཾ ཝཱ གཙྪེཡྻ དཱུཏཾ ཝཱ པཧིཎེཡྻ, ཨཱཔཏྟི དུཀྐཊསྶ.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. སམཱདིསཏི ཙ – ‘‘དེསིཏཝཏྠུཀཱ ¶ ཙ ཧོཏུ པམཱཎིཀཱ ཙ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི དེསིཏཝཏྠུཀཾ པམཱཎིཀཾ སཱརམྦྷཾ ཨཔརིཀྐམནཾ. སོ སུཎཱཏི – ‘‘ཀུཊི ཀིར མེ ཀཡིརཏི དེསིཏཝཏྠུཀཱ པམཱཎིཀཱ སཱརམྦྷཱ ཨཔརིཀྐམནཱ’’ཏི. ཏེན བྷིཀྑུནཱ སཱམཾ ཝཱ གནྟབྦཾ དཱུཏོ ཝཱ པཱཧེཏབྦོ – ‘‘ཨནཱརམྦྷཱ ཙ ཧོཏུ སཔརིཀྐམནཱ ཙཱ’’ཏི…པེ… ‘‘ཨནཱརམྦྷཱ ཧོཏཱུ’’ཏི…པེ… ‘‘སཔརིཀྐམནཱ ཧོཏཱུ’’ཏི…པེ… ཨནཱཔཏྟི.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. སམཱདིསཏི ཙ – ‘‘དེསིཏཝཏྠུཀཱ ཙ ཧོཏུ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི ཨདེསིཏཝཏྠུཀཾ སཱརམྦྷཾ ཨཔརིཀྐམནཾ, ཨཱཔཏྟི ཀཱརུཀཱནཾ ཏིཎྞཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི ཀཱརུཀཱནཾ དྭིནྣཾ དུཀྐཊཱནཾ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི ཀཱརུཀཱནཾ དྭིནྣཾ དུཀྐཊཱནཾ…པེ… ཨནཱརམྦྷཾ སཔརིཀྐམནཾ, ཨཱཔཏྟི ཀཱརུཀཱནཾ དུཀྐཊསྶ.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. སམཱདིསཏི ཙ – ‘‘དེསིཏཝཏྠུཀཱ ཙ ཧོཏུ ཨནཱརམྦྷཱ ཙ སཔརིཀྐམནཱ ¶ ཙཱ’’ཏི. ཏསྶ ཀུཊིཾ ཀརོནྟི དེསིཏཝཏྠུཀཾ སཱརམྦྷཾ ཨཔརིཀྐམནཾ, ཨཱཔཏྟི ཀཱརུཀཱནཾ དྭིནྣཾ དུཀྐཱཊནཾ…པེ… སཱརམྦྷཾ སཔརིཀྐམནཾ, ཨཱཔཏྟི ཀཱརུཀཱནཾ དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི ཀཱརུཀཱནཾ དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨནཱཔཏྟི.

བྷིཀྑུ ¶ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. སམཱདིསཏི ཙ – ‘‘པམཱཎིཀཱ ཙ ཧོཏུ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི པམཱཎཱཏིཀྐནྟཾ སཱརམྦྷཾ ཨཔརིཀྐམནཾ, ཨཱཔཏྟི ཀཱརུཀཱནཾ ཏིཎྞཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི ཀཱརུཀཱནཾ དྭིནྣཾ དུཀྐཊཱནཾ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི ཀཱརུཀཱནཾ དྭིནྣཾ དུཀྐཊཱནཾ…པེ… ཨནཱརམྦྷཾ སཔརིཀྐམནཾ ཨཱཔཏྟི ཀཱརུཀཱནཾ དུཀྐཊསྶ.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. སམཱདིསཏི ཙ – ‘‘པམཱཎིཀཱ ཙ ཧོཏུ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི པམཱཎིཀཾ སཱརམྦྷཾ ཨཔརིཀྐམནཾ, ཨཱཔཏྟི ཀཱརུཀཱནཾ དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི ¶ ཀཱརུཀཱནཾ དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི ཀཱརུཀཱནཾ དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨནཱཔཏྟི.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. སམཱདིསཏི ཙ – ‘‘དེསིཏཝཏྠུཀཱ ཙ ཧོཏུ པམཱཎིཀཱ ཙ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི ཨདེསིཏཝཏྠུཀཾ པམཱཎཱཏིཀྐནྟཾ སཱརམྦྷཾ ཨཔརིཀྐམནཾ, ཨཱཔཏྟི ཀཱརུཀཱནཾ ཙཏུནྣཾ ¶ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི ཀཱརུཀཱནཾ ཏིཎྞཾ དུཀྐཊཱནཾ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི ཀཱརུཀཱནཾ ཏིཎྞཾ དུཀྐཊཱནཾ…པེ… ཨནཱརམྦྷཾ སཔརིཀྐམནཾ, ཨཱཔཏྟི ཀཱརུཀཱནཾ དྭིནྣཾ དུཀྐཊཱནཾ.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. སམཱདིསཏི ཙ – ‘‘དེསིཏཝཏྠུཀཱ ཙ ཧོཏུ པམཱཎིཀཱ ཙ ཨནཱརམྦྷཱ ཙ སཔརིཀྐམནཱ ཙཱ’’ཏི. ཏསྶ ཀུཊིཾ ཀརོནྟི དེསིཏཝཏྠུཀཾ པམཱཎིཀཾ སཱརམྦྷཾ ཨཔརིཀྐམནཾ, ཨཱཔཏྟི ཀཱརུཀཱནཾ དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི ཀཱརུཀཱནཾ དུཀྐཊསྶ…པེ… ཨནཱརམྦྷཾ ¶ ཨཔརིཀྐམནཾ, ཨཱཔཏྟི ཀཱརུཀཱནཾ དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨནཱཔཏྟི.

༣༦༡. བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. ཏསྶ ཀུཊིཾ ཀརོནྟི ཨདེསིཏཝཏྠུཀཾ སཱརམྦྷཾ ཨཔརིཀྐམནཾ. སོ ཙེ ཝིཔྤཀཏེ ཨཱགཙྪཏི, ཏེན བྷིཀྑུནཱ སཱ ཀུཊི ཨཉྙསྶ ཝཱ དཱཏབྦཱ བྷིནྡིཏྭཱ ཝཱ པུན ཀཱཏབྦཱ. ནོ ཙེ ཨཉྙསྶ ཝཱ དདེཡྻ བྷིནྡིཏྭཱ ཝཱ པུན ཀཱརེཡྻ, ཨཱཔཏྟི སངྒྷཱདིསེསེན དྭིནྣཾ དུཀྐཊཱནཾ.

བྷིཀྑུ ¶ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. ཏསྶ ཀུཊིཾ ཀརོནྟི ཨདེསིཏཝཏྠུཀཾ སཱརམྦྷཾ སཔརིཀྐམནཾ. སོ ཙེ ཝིཔྤཀཏེ ཨཱགཙྪཏི, ཏེན བྷིཀྑུནཱ སཱ ཀུཊི ཨཉྙསྶ ཝཱ དཱཏབྦཱ བྷིནྡིཏྭཱ ཝཱ པུན ཀཱཏབྦཱ. ནོ ཙེ ཨཉྙསྶ ཝཱ དདེཡྻ བྷིནྡིཏྭཱ ཝཱ པུན ཀཱརེཡྻ, ཨཱཔཏྟི སངྒྷཱདིསེསེན དུཀྐཊསྶ…པེ… ཨནཱརམྦྷཾ ¶ ཨཔརིཀྐམནཾ…པེ… ཨཱཔཏྟི སངྒྷཱདིསེསེན དུཀྐཊསྶ…པེ… ཨནཱརམྦྷཾ སཔརིཀྐམནཾ…པེ… ཨཱཔཏྟི སངྒྷཱདིསེསསྶ.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. ཏསྶ ཀུཊིཾ ཀརོནྟི དེསིཏཝཏྠུཀཾ ¶ སཱརམྦྷཾ ཨཔརིཀྐམནཾ. སོ ཙེ ཝིཔྤཀཏེ ཨཱགཙྪཏི, ཏེན བྷིཀྑུནཱ སཱ ཀུཊི ཨཉྙསྶ ཝཱ དཱཏབྦཱ བྷིནྡིཏྭཱ ཝཱ པུན ཀཱཏབྦཱ. ནོ ཙེ ཨཉྙསྶ ཝཱ དདེཡྻ བྷིནྡིཏྭཱ ཝཱ པུན ཀཱརེཡྻ, ཨཱཔཏྟི དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨནཱཔཏྟི.

༣༦༢. བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. ཏསྶ ཀུཊིཾ ཀརོནྟི པམཱཎཱཏིཀྐནྟཾ སཱརམྦྷཾ ཨཔརིཀྐམནཾ. སོ ཙེ ཝིཔྤཀཏེ ཨཱགཙྪཏི, ཏེན བྷིཀྑུནཱ སཱ ཀུཊི ཨཉྙསྶ ཝཱ དཱཏབྦཱ བྷིནྡིཏྭཱ ཝཱ པུན ཀཱཏབྦཱ. ནོ ཙེ ཨཉྙསྶ ཝཱ དདེཡྻ བྷིནྡིཏྭཱ ཝཱ པུན ཀཱརེཡྻ, ཨཱཔཏྟི སངྒྷཱདིསེསེན དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསསྶ.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. ཏསྶ ཀུཊིཾ ཀརོནྟི པམཱཎིཀཾ སཱརམྦྷཾ ཨཔརིཀྐམནཾ. སོ ཙེ ཝིཔྤཀཏེ ཨཱགཙྪཏི, ཏེན བྷིཀྑུནཱ སཱ ཀུཊི ཨཉྙསྶ ཝཱ དཱཏབྦཱ བྷིནྡིཏྭཱ ཝཱ པུན ཀཱཏབྦཱ ¶ . ནོ ཙེ ཨཉྙསྶ ཝཱ དདེཡྻ བྷིནྡིཏྭཱ ཝཱ པུན ཀཱརེཡྻ, ཨཱཔཏྟི དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨནཱཔཏྟི.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. ཏསྶ ཀུཊིཾ ཀརོནྟི ཨདེསིཏཝཏྠུཀཾ པམཱཎཱཏིཀྐནྟཾ སཱརམྦྷཾ ཨཔརིཀྐམནཾ. སོ ཙེ ¶ ཝིཔྤཀཏེ ཨཱགཙྪཏི, ཏེན བྷིཀྑུནཱ སཱ ཀུཊི ཨཉྙསྶ ཝཱ དཱཏབྦཱ བྷིནྡིཏྭཱ ཝཱ པུན ཀཱཏབྦཱ. ནོ ཙེ ཨཉྙསྶ ཝཱ དདེཡྻ བྷིནྡིཏྭཱ ཝཱ པུན ཀཱརེཡྻ, ཨཱཔཏྟི དྭིནྣཾ སངྒྷཱདིསེསེན དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི དྭིནྣཾ སངྒྷཱདིསེསེན དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི དྭིནྣཾ སངྒྷཱདིསེསེན དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨཱཔཏྟི དྭིནྣཾ སངྒྷཱདིསེསཱནཾ.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. ཏསྶ ཀུཊིཾ ཀརོནྟི དེསིཏཝཏྠུཀཾ ¶ པམཱཎིཀཾ སཱརམྦྷཾ ཨཔརིཀྐམནཾ. སོ ཙེ ཝིཔྤཀཏེ ཨཱགཙྪཏི, ཏེན བྷིཀྑུནཱ སཱ ཀུཊི ཨཉྙསྶ ཝཱ དཱཏབྦཱ བྷིནྡིཏྭཱ ཝཱ པུན ཀཱཏབྦཱ. ནོ ཙེ ཨཉྙསྶ ཝཱ དདེཡྻ བྷིནྡིཏྭཱ ཝཱ པུན ཀཱརེཡྻ, ཨཱཔཏྟི དྭིནྣཾ དུཀྐཱཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི དུཀྐཊསྶ.

བྷིཀྑུ སམཱདིསིཏྭཱ པཀྐམཏི – ‘‘ཀུཊིཾ མེ ཀརོཐཱ’’ཏི. ཏསྶ ཀུཊིཾ ཀརོནྟི དེསིཏཝཏྠུཀཾ པམཱཎིཀཾ ཨནཱརམྦྷཾ སཔརིཀྐམནཾ, ཨནཱཔཏྟི.

༣༦༣. ཨཏྟནཱ ¶ ཝིཔྤཀཏཾ ཨཏྟནཱ པརིཡོསཱཔེཏི, ཨཱཔཏྟི སངྒྷཱདིསེསསྶ.

ཨཏྟནཱ ཝིཔྤཀཏཾ པརེཧི པརིཡོསཱཔེཏི [པརིཡོསཱཝཱཔེཏི (ཀ.)], ཨཱཔཏྟི སངྒྷཱདིསེསསྶ.

པརེཧི ཝིཔྤཀཏཾ ཨཏྟནཱ པརིཡོསཱཔེཏི, ཨཱཔཏྟི སངྒྷཱདིསེསསྶ.

པརེཧི ཝིཔྤཀཏཾ པརེཧི པརིཡོསཱཔེཏི [པརིཡོསཱཝཱཔེཏི (ཀ.)], ཨཱཔཏྟི སངྒྷཱདིསེསསྶ.

༣༦༤. ཨནཱཔཏྟི ལེཎེ གུཧཱཡ ཏིཎཀུཊིཀཱཡ ཨཉྙསྶཏྠཱཡ ཝཱསཱགཱརཾ ཋཔེཏྭཱ སབྦཏྠ, ཨནཱཔཏྟི ཨུམྨཏྟཀསྶ ཨཱདིཀམྨིཀསྶཱཏི.

ཀུཊིཀཱརསིཀྑཱཔདཾ ནིཊྛིཏཾ ཚཊྛཾ.

༧. ཝིཧཱརཀཱརསིཀྑཱཔདཾ

༣༦༥. ཏེན ¶ ¶ སམཡེན བུདྡྷོ བྷགཝཱ ཀོསམྦིཡཾ ཝིཧརཏི གྷོསིཏཱརཱམེ. ཏེན ཁོ པན སམཡེན ཨཱཡསྨཏོ ཚནྣསྶ ཨུཔཊྛཱཀོ གཧཔཏི ཨཱཡསྨནྟཾ ཚནྣཾ ཨེཏདཝོཙ – ‘‘ཝིཧཱརཝཏྠུཾ, བྷནྟེ, ཛཱནཱཧི ཨཡྻསྶ ཝིཧཱརཾ ཀཱརཱཔེསྶཱམཱི’’ཏི. ཨཐ ཁོ ཨཱཡསྨཱ ཚནྣོ ཝིཧཱརཝཏྠུཾ སོདྷེནྟོ ཨཉྙཏརཾ ཙེཏིཡརུཀྑཾ ཚེདཱཔེསི གཱམཔཱུཛིཏཾ ནིགམཔཱུཛིཏཾ ནགརཔཱུཛིཏཾ ཛནཔདཔཱུཛིཏཾ རཊྛཔཱུཛིཏཾ. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཙེཏིཡརུཀྑཾ ¶ ཚེདཱཔེསྶནྟི གཱམཔཱུཛིཏཾ ¶ ནིགམཔཱུཛིཏཾ ནགརཔཱུཛིཏཾ ཛནཔདཔཱུཛིཏཾ རཊྛཔཱུཛིཏཾ! ཨེཀིནྡྲིཡཾ སམཎཱ སཀྱཔུཏྟིཡཱ ཛཱིཝཾ ཝིཧེཋེནྟཱི’’ [ཝིཧེཋེསྶནྟི (ཀཏྠཙི)] ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཚནྣོ ཙེཏིཡརུཀྑཾ ཚེདཱཔེསྶཏི གཱམཔཱུཛིཏཾ…པེ… རཊྛཔཱུཛིཏ’’ནྟི! ཨཐ ཁོ ཏེ བྷིཀྑཱུ ཨཱཡསྨནྟཾ ཚནྣཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, ཚནྣ, ཙེཏིཡརུཀྑཾ ཚེདཱཔེསི གཱམཔཱུཛིཏཾ…པེ… རཊྛཔཱུཛིཏ’’ནྟི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ཏྭཾ, མོགྷཔུརིས, ཙེཏིཡརུཀྑཾ ཚེདཱཔེསྶསི གཱམཔཱུཛིཏཾ ནིགམཔཱུཛིཏཾ ནགརཔཱུཛིཏཾ ཛནཔདཔཱུཛིཏཾ རཊྛཔཱུཛིཏཾ! ཛཱིཝསཉྙིནོ ཧི, མོགྷཔུརིས, མནུསྶཱ རུཀྑསྨིཾ. ནེཏཾ, མོགྷཔུརིས ¶ , ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༦༦. ‘‘མཧལླཀཾ པན བྷིཀྑུནཱ ཝིཧཱརཾ ཀཱརཡམཱནེན སསྶཱམིཀཾ ཨཏྟུདྡེསཾ བྷིཀྑཱུ ཨབྷིནེཏབྦཱ ཝཏྠུདེསནཱཡ. ཏེཧི བྷིཀྑཱུཧི ཝཏྠུ དེསེཏབྦཾ ཨནཱརམྦྷཾ སཔརིཀྐམནཾ. སཱརམྦྷེ ཙེ བྷིཀྑུ ཝཏྠུསྨིཾ ཨཔརིཀྐམནེ མཧལླཀཾ ཝིཧཱརཾ ཀཱརེཡྻ བྷིཀྑཱུ ཝཱ ཨནབྷིནེཡྻ ཝཏྠུདེསནཱཡ, སངྒྷཱདིསེསོ’’ཏི.

༣༦༧. མཧལླཀོ ནཱམ ཝིཧཱརོ སསྶཱམིཀོ ཝུཙྩཏི.

ཝིཧཱརོ ནཱམ ཨུལླིཏྟོ ཝཱ ཧོཏི ཨཝལིཏྟོ ཝཱ ཨུལླིཏྟཱཝལིཏྟོ ཝཱ.

ཀཱརཡམཱནེནཱཏི ¶ ཀརོནྟོ ཝཱ ཀཱརཱཔེནྟོ ཝཱ.

སསྶཱམིཀནྟི ཨཉྙོ ཀོཙི སཱམིཀོ ཧོཏི ཨིཏྠཱི ཝཱ པུརིསོ ཝཱ གཧཊྛོ ཝཱ པབྦཛིཏོ ཝཱ.

ཨཏྟུདྡེསནྟི ཨཏྟནོ ཨཏྠཱཡ.

བྷིཀྑཱུ ཨབྷིནེཏབྦཱ ཝཏྠུདེསནཱཡཱཏི ཏེན ཝིཧཱརཀཱརཀེན བྷིཀྑུནཱ ཝིཧཱརཝཏྠུཾ སོདྷེཏྭཱ སངྒྷཾ ¶ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཧཾ, བྷནྟེ, མཧལླཀཾ ཝིཧཱརཾ ཀཏྟུཀཱམོ སསྶཱམིཀཾ ཨཏྟུདྡེསཾ. སོཧཾ, བྷནྟེ, སངྒྷཾ ཝིཧཱརཝཏྠུཨོལོཀནཾ ཡཱཙཱམཱི’’ཏི. དུཏིཡམྤི ཡཱཙིཏབྦཱ. ཏཏིཡམྤི ཡཱཙིཏབྦཱ. སཙེ སབྦོ སངྒྷོ ཨུསྶཧཏི ཝིཧཱརཝཏྠུཾ ཨོལོཀེཏུཾ སབྦེན སངྒྷེན ཨོལོཀེཏབྦཾ. ནོ ཙེ སབྦོ སངྒྷོ ཨུསྶཧཏི ཝིཧཱརཝཏྠུཾ ཨོལོཀེཏུཾ, ཡེ ཏཏྠ ཧོནྟི བྷིཀྑཱུ བྱཏྟཱ པཊིབལཱ སཱརམྦྷཾ ཨནཱརམྦྷཾ སཔརིཀྐམནཾ ¶ ཨཔརིཀྐམནཾ ཛཱནིཏུཾ ཏེ ཡཱཙིཏྭཱ སམྨནྣིཏབྦཱ. ཨེཝཉྩ པན, བྷིཀྑཝེ, སམྨནྣིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༣༦༨. ‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ མཧལླཀཾ ཝིཧཱརཾ ཀཏྟུཀཱམོ སསྶཱམིཀཾ ཨཏྟུདྡེསཾ. སོ སངྒྷཾ ཝིཧཱརཝཏྠུཨོལོཀནཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཉྩ ཨིཏྠནྣཱམཉྩ བྷིཀྑུ སམྨནྣེཡྻ ཨིཏྠནྣཱམསྶ བྷིཀྑུནོ ཝིཧཱརཝཏྠུཾ ཨོལོཀེཏུཾ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ མཧལླཀཾ ཝིཧཱརཾ ཀཏྟུཀཱམོ སསྶཱམིཀཾ ཨཏྟུདྡེསཾ. སོ སངྒྷཾ ཝིཧཱརཝཏྠུཨོལོཀནཾ ཡཱཙཏི. སངྒྷོ ཨིཏྠནྣཱམཉྩ ཨིཏྠནྣཱམཉྩ བྷིཀྑཱུ སམྨནྣཏི ཨིཏྠནྣཱམསྶ བྷིཀྑུནོ ཝིཧཱརཝཏྠུཾ ཨོལོཀེཏུཾ. ཡསྶཱཡསྨཏོ ཁམཏི ཨིཏྠནྣཱམསྶ ཙ ཨིཏྠནྣཱམསྶ ཙ བྷིཀྑཱུནཾ སམྨུཏི ཨིཏྠནྣཱམསྶ བྷིཀྑུནོ ཝིཧཱརཝཏྠུཾ ཨོལོཀེཏུཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏཱ སངྒྷེན ཨིཏྠནྣཱམོ ཙ ཨིཏྠནྣཱམོ ཙ བྷིཀྑཱུ ཨིཏྠནྣཱམསྶ བྷིཀྑུནོ ཝིཧཱརཝཏྠུཾ ཨོལོཀེཏུཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༣༦༩. ཏེཧི ¶ སམྨཏེཧི བྷིཀྑཱུཧི ཏཏྠ གནྟྭཱ ཝིཧཱརཝཏྠུ ཨོལོཀེཏབྦཾ; སཱརམྦྷཾ ཨནཱརམྦྷཾ སཔརིཀྐམནཾ ཨཔརིཀྐམནཾ ཛཱནིཏབྦཾ. སཙེ སཱརམྦྷཾ ཧོཏི ཨཔརིཀྐམནཾ, ‘མཱཡིདྷ ཀརཱི’ཏི ཝཏྟབྦོ. སཙེ ཨནཱརམྦྷཾ ཧོཏི སཔརིཀྐམནཾ, སངྒྷསྶ ཨཱརོཙེཏབྦཾ – ‘ཨནཱརམྦྷཾ སཔརིཀྐམན’ནྟི ¶ . ཏེན ཝིཧཱརཀཱརཀེན བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཧཾ, བྷནྟེ, མཧལླཀཾ ཝིཧཱརཾ ཀཏྟུཀཱམོ སསྶཱམིཀཾ ཨཏྟུདྡེསཾ ¶ . སོཧཾ, བྷནྟེ, སངྒྷཾ ཝིཧཱརཝཏྠུདེསནཾ ཡཱཙཱམཱི’’ཏི. དུཏིཡམྤི ཡཱཙིཏབྦཱ. ཏཏིཡམྤི ཡཱཙིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༣༧༠. ‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ མཧལླཀཾ ཝིཧཱརཾ ཀཏྟུཀཱམོ སསྶཱམིཀཾ ཨཏྟུདྡེསཾ. སོ སངྒྷཾ ཝིཧཱརཝཏྠུདེསནཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམསྶ བྷིཀྑུནོ ཝིཧཱརཝཏྠུཾ དེསེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ མཧལླཀཾ ཝིཧཱརཾ ཀཏྟུཀཱམོ སསྶཱམིཀཾ ཨཏྟུདྡེསཾ. སོ སངྒྷཾ ཝིཧཱརཝཏྠུདེསནཾ ཡཱཙཏི. སངྒྷོ ཨིཏྠནྣཱམསྶ བྷིཀྑུནོ ཝིཧཱརཝཏྠུཾ དེསེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ ཝིཧཱརཝཏྠུསྶ དེསནཱ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དེསིཏཾ སངྒྷེན ཨིཏྠནྣཱམསྶ བྷིཀྑུནོ ཝིཧཱརཝཏྠུཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༣༧༡. སཱརམྦྷཾ ནཱམ ཀིཔིལླིཀཱནཾ ཝཱ ཨཱསཡོ ཧོཏི, ཨུཔཙིཀཱནཾ ཝཱ ཨཱསཡོ ཧོཏི, ཨུནྡཱུརཱནཾ ཝཱ…པེ… ཨཧཱིནཾ ཝཱ ཝིཙྪིཀཱནཾ ཝཱ སཏཔདཱིནཾ ཝཱ ཧཏྠཱིནཾ ཝཱ ཨསྶཱནཾ ཝཱ སཱིཧཱནཾ ཝཱ བྱགྒྷཱནཾ ཝཱ དཱིཔཱིནཾ ¶ ཝཱ ཨཙྪཱནཾ ཝཱ ཏརཙྪཱནཾ ཝཱ ཨཱསཡོ ཧོཏི, ཡེསཾ ཀེསཉྩི ཏིརཙྪཱནགཏཱནཾ པཱཎཱནཾ ཨཱསཡོ ཧོཏི, པུབྦཎྞནིསྶིཏཾ ཝཱ ཧོཏི, ཨཔརཎྞནིསྶིཏཾ ཝཱ ཧོཏི, ཨབྦྷཱགྷཱཏནིསྶིཏཾ ཝཱ ཧོཏི, ཨཱགྷཱཏནནིསྶིཏཾ ཝཱ ཧོཏི, སུསཱནནིསྶིཏཾ ཝཱ ཧོཏི, ཨུཡྻཱནནིསྶིཏཾ ཝཱ ཧོཏི, རཱཛཝཏྠུནིསྶིཏཾ ཝཱ ཧོཏི, ཧཏྠིསཱལཱནིསྶིཏཾ ཝཱ ཧོཏི, ཨསྶསཱལཱནིསྶིཏཾ ཝཱ ཧོཏི, བནྡྷནཱགཱརནིསྶིཏཾ ཝཱ ཧོཏི, པཱནཱགཱརནིསྶིཏཾ ¶ ཝཱ ཧོཏི, སཱུནནིསྶིཏཾ ཝཱ ཧོཏི, རཙྪཱནིསྶིཏཾ ཝཱ ཧོཏི, ཙཙྩརནིསྶིཏཾ ཝཱ ཧོཏི, སབྷཱནིསྶིཏཾ ཝཱ ཧོཏི, སཾསརཎནིསྶིཏཾ ཝཱ ཧོཏི. ཨེཏཾ སཱརམྦྷཾ ནཱམ.

ཨཔརིཀྐམནཾ ནཱམ ན སཀྐཱ ཧོཏི ཡཐཱཡུཏྟེན སཀཊེན ཨནུཔརིགནྟུཾ, སམནྟཱ ནིསྶེཎིཡཱ ཨནུཔརིགནྟུཾ. ཨེཏཾ ཨཔརིཀྐམནཾ ནཱམ.

ཨནཱརམྦྷཾ ¶ ནཱམ ན ཀིཔིལླིཀཱནཾ ཝཱ ཨཱསཡོ ཧོཏི…པེ… ན སཾསརཎནིསྶིཏཾ ཝཱ ཧོཏི. ཨེཏཾ ཨནཱརམྦྷཾ ནཱམ.

སཔརིཀྐམནཾ ནཱམ སཀྐཱ ཧོཏི ཡཐཱཡུཏྟེན སཀཊེན ཨནུཔརིགནྟུཾ, སམནྟཱ ནིསྶེཎིཡཱ ཨནུཔརིགནྟུཾ. ཨེཏཾ སཔརིཀྐམནཾ ནཱམ.

མཧལླཀོ ནཱམ ཝིཧཱརོ སསྶཱམིཀོ ཝུཙྩཏི.

ཝིཧཱརོ ནཱམ ཨུལླིཏྟོ ཝཱ ཧོཏི ཨཝལིཏྟོ ཝཱ ཨུལླིཏྟཱཝལིཏྟོ ཝཱ.

ཀཱརེཡྻཱཏི ཀརོཏི ཝཱ ཀཱརཱཔེཏི ཝཱ.

བྷིཀྑཱུ ཝཱ ཨནབྷིནེཡྻ ཝཏྠུདེསནཱཡཱཏི ཉཏྟིདུཏིཡེན ཀམྨེན ཝིཧཱརཝཏྠུཾ ན དེསཱཔེཏྭཱ ཀརོཏི ཝཱ ཀཱརཱཔེཏི ཝཱ, པཡོགེ ¶ དུཀྐཊཾ. ཨེཀཾ པིཎྜཾ ཨནཱགཏེ, ཨཱཔཏྟི ཐུལླཙྩཡསྶ ¶ . ཏསྨིཾ པིཎྜེ ཨཱགཏེ, ཨཱཔཏྟི སངྒྷཱདིསེསསྶ.

སངྒྷཱདིསེསོཏི…པེ… ཏེནཔི ཝུཙྩཏི – ‘སངྒྷཱདིསེསོ’ཏི.

༣༧༢. བྷིཀྑུ ཝིཧཱརཾ ཀརོཏི ཨདེསིཏཝཏྠུཀཾ སཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དྭིནྣཾ དུཀྐཊཱནཾ. བྷིཀྑུ ཝིཧཱརཾ ཀརོཏི ཨདེསིཏཝཏྠུཀཾ སཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ. བྷིཀྑུ ཝིཧཱརཾ ཀརོཏི ཨདེསིཏཝཏྠུཀཾ ཨནཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ. བྷིཀྑུ ཝིཧཱརཾ ཀརོཏི ཨདེསིཏཝཏྠུཀཾ ཨནཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསསྶ.

བྷིཀྑུ ཝིཧཱརཾ ཀརོཏི དེསིཏཝཏྠུཀཾ སཱརམྦྷཾ ཨཔརིཀྐམནཾ, ཨཱཔཏྟི དྭིནྣཾ དུཀྐཊཱནཾ. བྷིཀྑུ ཝིཧཱརཾ ཀརོཏི དེསིཏཝཏྠུཀཾ སཱརམྦྷཾ སཔརིཀྐམནཾ, ཨཱཔཏྟི དུཀྐཊསྶ. བྷིཀྑུ ཝིཧཱརཾ ཀརོཏི དེསིཏཝཏྠུཀཾ ཨནཱརམྦྷཾ ཨཔརིཀྐམནཾ, ཨཱཔཏྟི དུཀྐཊསྶ. བྷིཀྑུ ཝིཧཱརཾ ཀརོཏི དེསིཏཝཏྠུཀཾ ཨནཱརམྦྷཾ སཔརིཀྐམནཾ, ཨནཱཔཏྟི.

༣༧༣. བྷིཀྑུ ¶ ¶ སམཱདིསཏི – ‘‘ཝིཧཱརཾ མེ ཀརོཐཱ’’ཏི. ཏསྶ ཝིཧཱརཾ ཀརོནྟི ཨདེསིཏཝཏྠུཀཾ སཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསསྶ.

བྷིཀྑུ སམཱདིསཏི – ‘‘ཝིཧཱརཾ མེ ཀརོཐཱ’’ཏི. ཏསྶ ཝིཧཱརཾ ཀརོནྟི དེསིཏཝཏྠུཀཾ སཱརམྦྷཾ ཨཔརིཀྐམནཾ, ཨཱཔཏྟི དྭིནྣཾ དུཀྐཊཱནཾ…པེ… སཱརམྦྷཾ ¶ སཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨནཱཔཏྟི.

༣༧༤. བྷིཀྑུ སམཱདིསིཏྭཱ པཀྐམཏི – ‘‘ཝིཧཱརཾ མེ ཀརོཐཱ’’ཏི. ན ཙ སམཱདིསཏི – ‘‘དེསིཏཝཏྠུཀོ ཙ ཧོཏུ ཨནཱརམྦྷོ ཙ སཔརིཀྐམནོ ཙཱ’’ཏི. ཏསྶ ཝིཧཱརཾ ཀརོནྟི ཨདེསིཏཝཏྠུཀཾ སཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསསྶ.

བྷིཀྑུ སམཱདིསིཏྭཱ པཀྐམཏི – ‘‘ཝིཧཱརཾ མེ ཀརོཐཱ’’ཏི. ན ཙ སམཱདིསཏི – ‘‘དེསིཏཝཏྠུཀོ ཙ ཧོཏུ ཨནཱརམྦྷོ ཙ སཔརིཀྐམནོ ཙཱ’’ཏི. ཏསྶ ཝིཧཱརཾ ཀརོནྟི དེསིཏཝཏྠུཀཾ སཱརམྦྷཾ ཨཔརིཀྐམནཾ, ཨཱཔཏྟི དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨནཱཔཏྟི.

༣༧༥. བྷིཀྑུ སམཱདིསིཏྭཱ པཀྐམཏི – ‘‘ཝིཧཱརཾ མེ ཀརོཐཱ’’ཏི. སམཱདིསཏི ཙ – ‘‘དེསིཏཝཏྠུཀོ ཙ ཧོཏུ ཨནཱརམྦྷོ ཙ སཔརིཀྐམནོ ཙཱ’’ཏི. ཏསྶ ཝིཧཱརཾ ཀརོནྟི ཨདེསིཏཝཏྠུཀཾ སཱརམྦྷཾ ཨཔརིཀྐམནཾ. སོ སུཎཱཏི – ‘‘ཝིཧཱརོ ཀིར མེ ཀཡིརཏི ཨདེསིཏཝཏྠུཀོ སཱརམྦྷོ ཨཔརིཀྐམནོ’’ཏི. ཏེན བྷིཀྑུནཱ སཱམཾ ཝཱ གནྟབྦཾ དཱུཏོ ཝཱ པཱཧེཏབྦོ – ‘‘དེསིཏཝཏྠུཀོ ཙ ཧོཏུ ཨནཱརམྦྷོ ཙ སཔརིཀྐམནོ ཙཱ’’ཏི ¶ …པེ… ‘‘དེསིཏཝཏྠུཀོ ཙ ཧོཏུ ཨནཱརམྦྷོ ཙཱ’’ཏི…པེ… ‘‘དེསིཏཝཏྠུཀོ ཙ ཧོཏུ སཔརིཀྐམནོ ཙཱ’’ཏི ¶ ¶ …པེ… ‘‘དེསིཏཝཏྠུཀོ ཧོཏཱུ’’ཏི. ནོ ཙེ སཱམཾ ཝཱ གཙྪེཡྻ དཱུཏཾ ཝཱ པཧིཎེཡྻ, ཨཱཔཏྟི དུཀྐཊསྶ.

བྷིཀྑུ སམཱདིསིཏྭཱ པཀྐམཏི – ‘‘ཝིཧཱརཾ མེ ཀརོཐཱ’’ཏི. སམཱདིསཏི ཙ – ‘‘དེསིཏཝཏྠུཀོ ཙ ཧོཏུ ཨནཱརམྦྷོ ཙ སཔརིཀྐམནོ ཙཱ’’ཏི. ཏསྶ ཝིཧཱརཾ ཀརོནྟི དེསིཏཝཏྠུཀཾ སཱརམྦྷཾ ཨཔརིཀྐམནཾ. སོ སུཎཱཏི – ‘‘ཝིཧཱརོ ཀིར མེ ཀཡིརཏི དེསིཏཝཏྠུཀོ སཱརམྦྷོ ཨཔརིཀྐམནོ’’ཏི. ཏེན བྷིཀྑུནཱ སཱམཾ ཝཱ གནྟབྦཾ དཱུཏོ ཝཱ པཱཧེཏབྦོ – ‘‘ཨནཱརམྦྷོ ཙ ཧོཏུ སཔརིཀྐམནོ ཙཱ’’ཏི…པེ… ‘‘ཨནཱརམྦྷོ ཧོཏཱུ’’ཏི ‘‘སཔརིཀྐམནོ ཧོཏཱུ’’ཏི, ཨནཱཔཏྟི.

༣༧༦. བྷིཀྑུ སམཱདིསིཏྭཱ པཀྐམཏི – ‘‘ཝིཧཱརཾ མེ ཀརོཐཱ’’ཏི. སམཱདིསཏི ཙ – ‘‘དེསིཏཝཏྠུཀོ ཙ ཧོཏུ ཨནཱརམྦྷོ ཙ སཔརིཀྐམནོ ཙཱ’’ཏི. ཏསྶ ཝིཧཱརཾ ཀརོནྟི ཨདེསིཏཝཏྠུཀཾ སཱརམྦྷཾ ཨཔརིཀྐམནཾ, ཨཱཔཏྟི ཀཱརུཀཱནཾ ཏིཎྞཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི ཀཱརུཀཱནཾ དྭིནྣཾ དུཀྐཊཱནཾ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི ཀཱརུཀཱནཾ དྭིནྣཾ དུཀྐཊཱནཾ…པེ… ཨནཱརམྦྷཾ སཔརིཀྐམནཾ, ཨཱཔཏྟི ཀཱརུཀཱནཾ དུཀྐཊསྶ.

བྷིཀྑུ སམཱདིསིཏྭཱ པཀྐམཏི – ‘‘ཝིཧཱརཾ མེ ཀརོཐཱ’’ཏི. སམཱདིསཏི ཙ – ‘‘དེསིཏཝཏྠུཀོ ཙ ཧོཏུ ཨནཱརམྦྷོ ཙ སཔརིཀྐམནོ ཙཱ’’ཏི. ཏསྶ ཝིཧཱརཾ ཀརོནྟི དེསིཏཝཏྠུཀཾ སཱརམྦྷཾ ཨཔརིཀྐམནཾ ¶ , ཨཱཔཏྟི ཀཱརུཀཱནཾ དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི ཀཱརུཀཱནཾ དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི ཀཱརུཀཱནཾ དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨནཱཔཏྟི.

༣༧༧. བྷིཀྑུ སམཱདིསིཏྭཱ པཀྐམཏི – ‘‘ཝིཧཱརཾ མེ ཀརོཐཱ’’ཏི. ཏསྶ ཝིཧཱརཾ ཀརོནྟི ཨདེསིཏཝཏྠུཀཾ སཱརམྦྷཾ ཨཔརིཀྐམནཾ. སོ ཙེ ཝིཔྤཀཏེ ཨཱགཙྪཏི, ཏེན བྷིཀྑུནཱ སོ ཝིཧཱརོ ཨཉྙསྶ ཝཱ དཱཏབྦོ བྷིནྡིཏྭཱ ཝཱ པུན ཀཱཏབྦོ. ནོ ཙེ ཨཉྙསྶ ཝཱ དདེཡྻ བྷིནྡིཏྭཱ ཝཱ པུན ཀཱརེཡྻ, ཨཱཔཏྟི སངྒྷཱདིསེསེན དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི སངྒྷཱདིསེསེན དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨཱཔཏྟི སངྒྷཱདིསེསསྶ.

བྷིཀྑུ ¶ ¶ སམཱདིསིཏྭཱ པཀྐམཏི – ‘‘ཝིཧཱརཾ མེ ཀརོཐཱ’’ཏི. ཏསྶ ཝིཧཱརཾ ཀརོནྟི དེསིཏཝཏྠུཀཾ སཱརམྦྷཾ ཨཔརིཀྐམནཾ. སོ ཙེ ཝིཔྤཀཏེ ཨཱགཙྪཏི, ཏེན བྷིཀྑུནཱ སོ ཝིཧཱརོ ཨཉྙསྶ ཝཱ དཱཏབྦོ བྷིནྡིཏྭཱ ཝཱ པུན ཀཱཏབྦོ. ནོ ཙེ ཨཉྙསྶ ཝཱ དདེཡྻ བྷིནྡིཏྭཱ ཝཱ པུན ཀཱརེཡྻ, ཨཱཔཏྟི དྭིནྣཾ དུཀྐཊཱནཾ…པེ… སཱརམྦྷཾ སཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ ཨཔརིཀྐམནཾ, ཨཱཔཏྟི དུཀྐཊསྶ…པེ… ཨནཱརམྦྷཾ སཔརིཀྐམནཾ, ཨནཱཔཏྟི.

༣༧༨. ཨཏྟནཱ ཝིཔྤཀཏཾ ཨཏྟནཱ པརིཡོསཱཔེཏི, ཨཱཔཏྟི སངྒྷཱདིསེསསྶ ¶ .

ཨཏྟནཱ ཝིཔྤཀཏཾ པརེཧི པརིཡོསཱཔེཏི, ཨཱཔཏྟི སངྒྷཱདིསེསསྶ.

པརེཧི ཝིཔྤཀཏཾ ཨཏྟནཱ པརིཡོསཱཔེཏི, ཨཱཔཏྟི སངྒྷཱདིསེསསྶ.

པརེཧི ཝིཔྤཀཏཾ པརེཧི པརིཡོསཱཔེཏི, ཨཱཔཏྟི སངྒྷཱདིསེསསྶ.

༣༧༩. ཨནཱཔཏྟི ལེཎེ གུཧཱཡ ཏིཎཀུཊིཀཱཡ ཨཉྙསྶཏྠཱཡ ཝཱསཱགཱརཾ ཋཔེཏྭཱ སབྦཏྠ. ཨནཱཔཏྟི ཨུམྨཏྟཀསྶ, ཨཱདིཀམྨིཀསྶཱཏི.

ཝིཧཱརཀཱརསིཀྑཱཔདཾ ནིཊྛིཏཾ སཏྟམཾ.

༨. དུཊྛདོསསིཀྑཱཔདཾ

༣༨༠. [ཨིདཾ ཝཏྠུ ཙཱུལ༹ཝ. ༡༨༩] ཏེན ¶ ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན ཨཱཡསྨཏཱ དབྦེན མལླཔུཏྟེན ཛཱཏིཡཱ སཏྟཝསྶེན ཨརཧཏྟཾ སཙྪིཀཏཾ ཧོཏི. ཡཾ ཀིཉྩི [ཡཉྩ ཀིཉྩི (སཱི. ཀ.)] སཱཝཀེན པཏྟབྦཾ སབྦཾ ཏེན ཨནུཔྤཏྟཾ ཧོཏི. ནཏྠི ཙསྶ ཀིཉྩི ཨུཏྟརི ཀརཎཱིཡཾ, ཀཏསྶ ཝཱ པཏིཙཡོ. ཨཐ ཁོ ཨཱཡསྨཏོ དབྦསྶ མལླཔུཏྟསྶ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘‘མཡཱ ཁོ ཛཱཏིཡཱ སཏྟཝསྶེན ཨརཧཏྟཾ སཙྪིཀཏཾ. ཡཾ ཀིཉྩི སཱཝཀེན པཏྟབྦཾ སབྦཾ མཡཱ ཨནུཔྤཏྟཾ. ནཏྠི ཙ མེ ཀིཉྩི ¶ ཨུཏྟརི ཀརཎཱིཡཾ, ཀཏསྶ ཝཱ པཏིཙཡོ. ཀིནྣུ ཁོ ཨཧཾ སངྒྷསྶ ཝེཡྻཱཝཙྩཾ ཀརེཡྻ’’ནྟི?

ཨཐ ཁོ ཨཱཡསྨཏོ དབྦསྶ མལླཔུཏྟསྶ ཨེཏདཧོསི – ‘‘ཡཾནཱུནཱཧཾ སངྒྷསྶ སེནཱསནཉྩ པཉྙཔེཡྻཾ བྷཏྟཱནི ཙ ཨུདྡིསེཡྻ’’ནྟི. ཨཐ ཁོ ཨཱཡསྨཱ ¶ དབྦོ མལླཔུཏྟོ སཱཡནྷསམཡཾ པཊིསལླཱནཱ ཝུཊྛིཏོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ དབྦོ མལླཔུཏྟོ བྷགཝནྟཾ ཨེཏདཝོཙ – ‘‘ཨིདྷ མཡ྄ཧཾ, བྷནྟེ, རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི མཡཱ ཁོ ཛཱཏིཡཱ སཏྟཝསྶེན ཨརཧཏྟཾ སཙྪིཀཏཾ, ཡཾ ཀིཉྩི སཱཝཀེན པཏྟབྦཾ, སབྦཾ མཡཱ ཨནུཔཏྟཾ, ནཏྠི ¶ ཙ མེ ཀིཉྩི ཨུཏྟརི ཀརཎཱིཡཾ, ཀཏསྶ ཝཱ པཏིཙཡོ, ཀིཾ ནུ ཁོ ཨཧཾ སངྒྷསྶ ཝེཡྻཱཝཙྩཾ ཀརེཡྻ’’ནྟི. ཏསྶ མཡ྄ཧཾ བྷནྟེ, ཨེཏདཧོསི ཡཾནཱུནཱཧཾ ‘‘སངྒྷསྶ སེནཱསནཉྩ པཉྙཔེཡྻཾ བྷཏྟཱནི ཙ ཨུདྡིསེཡྻནྟི. ཨིཙྪཱམཧཾ, བྷནྟེ, སངྒྷསྶ སེནཱསནཉྩ པཉྙཔེཏུཾ བྷཏྟཱནི ཙ ཨུདྡིསིཏུ’’ནྟི. ‘‘སཱདྷུ སཱདྷུ, དབྦ. ཏེན ཧི ཏྭཾ, དབྦ, སངྒྷསྶ སེནཱསནཉྩ པཉྙཔེཧི བྷཏྟཱནི ཙ ཨུདྡིསཱ’’ཏི. ‘‘ཨེཝཾ, བྷནྟེ’’ཏི ཁོ ཨཱཡསྨཱ དབྦོ མལླཔུཏྟོ བྷགཝཏོ པཙྩསྶོསི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, སངྒྷོ དབྦཾ མལླཔུཏྟཾ སེནཱསནཔཉྙཱཔཀཉྩ བྷཏྟུདྡེསཀཉྩ སམྨནྣཏུ. ཨེཝཉྩ པན, བྷིཀྑཝེ, སམྨནྣིཏབྦོ. པཋམཾ དབྦོ མལླཔུཏྟོ ཡཱཙིཏབྦོ. ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༣༨༡. ‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ སངྒྷོ ཨཱཡསྨནྟཾ དབྦཾ མལླཔུཏྟཾ སེནཱསནཔཉྙཱཔཀཉྩ བྷཏྟུདྡེསཀཉྩ ¶ སམྨནྣེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨཱཡསྨནྟཾ དབྦཾ མལླཔུཏྟཾ སེནཱསནཔཉྙཱཔཀཉྩ བྷཏྟུདྡེསཀཉྩ སམྨནྣཏི. ཡསྶཱཡསྨཏོ ཁམཏི ཨཱཡསྨཏོ དབྦསྶ མལླཔུཏྟསྶ སེནཱསནཔཉྙཱཔཀསྶ ཙ བྷཏྟུདྡེསཀསྶ ཙ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨཱཡསྨཱ དབྦོ མལླཔུཏྟོ སེནཱསནཔཉྙཱཔཀོ ཙ བྷཏྟུདྡེསཀོ ཙ. ཁམཏི སངྒྷསྶ, ཏསྨཱ ཏུཎྷཱི ¶ , ཨེཝམེཏཾ དྷཱརཡཱམཱི’’ཏི.

༣༨༢. སམྨཏོ ¶ ཙ པནཱཡསྨཱ དབྦོ མལླཔུཏྟོ སབྷཱགཱནཾ བྷིཀྑཱུནཾ ཨེཀཛ྄ཛྷཾ སེནཱསནཾ པཉྙཔེཏི. ཡེ ཏེ བྷིཀྑཱུ སུཏྟནྟིཀཱ ཏེསཾ ཨེཀཛ྄ཛྷཾ སེནཱསནཾ ¶ པཉྙཔེཏི – ‘‘ཏེ ཨཉྙམཉྙཾ སུཏྟནྟཾ སངྒཱཡིསྶནྟཱི’’ཏི. ཡེ ཏེ བྷིཀྑཱུ ཝིནཡདྷརཱ ཏེསཾ ཨེཀཛ྄ཛྷཾ སེནཱསནཾ པཉྙཔེཏི – ‘‘ཏེ ཨཉྙམཉྙཾ ཝིནཡཾ ཝིནིཙྪིནིསྶནྟཱི’’ཏི [ཝིནིཙྪིསྶནྟཱིཏི (ཀ.)]. ཡེ ཏེ བྷིཀྑཱུ དྷམྨཀཐིཀཱ ཏེསཾ ཨེཀཛ྄ཛྷཾ སེནཱསནཾ པཉྙཔེཏི – ‘‘ཏེ ཨཉྙམཉྙཾ དྷམྨཾ སཱཀཙྪིསྶནྟཱི’’ཏི. ཡེ ཏེ བྷིཀྑཱུ ཛྷཱཡིནོ ཏེསཾ ཨེཀཛ྄ཛྷཾ སེནཱསནཾ པཉྙཔེཏི – ‘‘ཏེ ཨཉྙམཉྙཾ ན བྱཱབཱདྷིསྶནྟཱི’’ཏི [ན བྱཱབཱཧིསྶནྟཱིཏི (ཀ.)]. ཡེ ཏེ བྷིཀྑཱུ ཏིརཙྪཱནཀཐིཀཱ ཀཱཡདལ༹ྷིབཧུལཱ [ཀཱཡདཌྜྷིབཧུལཱ (སཱི.)] ཝིཧརནྟི ཏེསམྤི ཨེཀཛ྄ཛྷཾ སེནཱསནཾ པཉྙཔེཏི – ‘‘ཨིམཱཡཔིམེ ཨཱཡསྨནྟོ རཏིཡཱ ཨཙྪིསྶནྟཱི’’ཏི. ཡེཔི ཏེ བྷིཀྑཱུ ཝིཀཱལེ ཨཱགཙྪནྟི ཏེསམྤི ཏེཛོདྷཱཏུཾ སམཱཔཛྫིཏྭཱ ཏེནེཝ ཨཱལོཀེན སེནཱསནཾ པཉྙཔེཏི. ཨཔིསུ བྷིཀྑཱུ སཉྩིཙྩ ཝིཀཱལེ ཨཱགཙྪནྟི – ‘‘མཡཾ ཨཱཡསྨཏོ དབྦསྶ མལླཔུཏྟསྶ ཨིདྡྷིཔཱཊིཧཱརིཡཾ པསྶིསྶཱམཱ’’ཏི.

ཏེ ཨཱཡསྨནྟཾ དབྦཾ མལླཔུཏྟཾ ཨུཔསངྐམིཏྭཱ ཨེཝཾ ཝདནྟི – ‘‘ཨམྷཱཀཾ, ཨཱཝུསོ དབྦ, སེནཱསནཾ པཉྙཔེཧཱི’’ཏི. ཏེ ཨཱཡསྨཱ དབྦོ མལླཔུཏྟོ ཨེཝཾ ཝདེཏི – ‘‘ཀཏྠཱཡསྨནྟཱ ¶ ཨིཙྪནྟི, ཀཏྠ པཉྙཔེམཱི’’ཏི? ཏེ སཉྩིཙྩ དཱུརེ ཨཔདིསནྟི – ‘‘ཨམྷཱཀཾ, ཨཱཝུསོ དབྦ, གིཛ྄ཛྷཀཱུཊེ པབྦཏེ སེནཱསནཾ པཉྙཔེཧི. ཨམྷཱཀཾ, ཨཱཝུསོ, ཙོརཔཔཱཏེ སེནཱསནཾ པཉྙཔེཧི. ཨམྷཱཀཾ, ཨཱཝུསོ, ཨིསིགིལིཔསྶེ ཀཱལ༹སིལཱཡཾ སེནཱསནཾ པཉྙཔེཧི. ཨམྷཱཀཾ, ཨཱཝུསོ, ཝེབྷཱརཔསྶེ སཏྟཔཎྞིགུཧཱཡཾ སེནཱསནཾ པཉྙཔེཧི. ཨམྷཱཀཾ, ཨཱཝུསོ, སཱིཏཝནེ སཔྤསོཎྜིཀཔབྦྷཱརེ སེནཱསནཾ པཉྙཔེཧི. ཨམྷཱཀཾ, ཨཱཝུསོ, གོཏམཀཀནྡརཱཡཾ སེནཱསནཾ པཉྙཔེཧི. ཨམྷཱཀཾ, ཨཱཝུསོ, ཏིནྡུཀཀནྡརཱཡཾ སེནཱསནཾ པཉྙཔེཧི. ཨམྷཱཀཾ, ཨཱཝུསོ, ཏཔོདཀནྡརཱཡཾ སེནཱསནཾ པཉྙཔེཧི. ཨམྷཱཀཾ, ཨཱཝུསོ, ཏཔོདཱརཱམེ སེནཱསནཾ པཉྙཔེཧི. ཨམྷཱཀཾ, ཨཱཝུསོ, ཛཱིཝཀམྦཝནེ ¶ སེནཱསནཾ པཉྙཔེཧི. ཨམྷཱཀཾ, ཨཱཝུསོ, མདྡཀུཙྪིསྨིཾ མིགདཱཡེ སེནཱསནཾ པཉྙཔེཧཱི’’ཏི.

ཏེསཾ ཨཱཡསྨཱ དབྦོ མལླཔུཏྟོ ཏེཛོདྷཱཏུཾ སམཱཔཛྫིཏྭཱ ཨངྒུལིཡཱ ཛལམཱནཱཡ པུརཏོ པུརཏོ གཙྪཏི. ཏེཔི ཏེནེཝ ཨཱལོཀེན ཨཱཡསྨཏོ དབྦསྶ མལླཔུཏྟསྶ པིཊྛིཏོ པིཊྛིཏོ གཙྪནྟི. ཏེསཾ ཨཱཡསྨཱ དབྦོ མལླཔུཏྟོ ཨེཝཾ སེནཱསནཾ པཉྙཔེཏི – ‘‘ཨཡཾ མཉྩོ, ཨིདཾ པཱིཋཾ, ཨཡཾ བྷིསི, ཨིདཾ བིམྦོཧནཾ, ཨིདཾ ཝཙྩཊྛཱནཾ, ཨིདཾ པསྶཱཝཊྛཱནཾ ¶ , ཨིདཾ པཱནཱིཡཾ, ཨིདཾ པརིབྷོཛནཱིཡཾ, ཨཡཾ ¶ ཀཏྟརདཎྜོ, ཨིདཾ སངྒྷསྶ ཀཏིཀསཎྛཱནཾ, ཨིམཾ ཀཱལཾ པཝིསིཏབྦཾ, ཨིམཾ ཀཱལཾ ¶ ནིཀྑམིཏབྦ’’ནྟི. ཏེསཾ ཨཱཡསྨཱ དབྦོ མལླཔུཏྟོ ཨེཝཾ སེནཱསནཾ པཉྙཔེཏྭཱ པུནདེཝ ཝེལུ༹ཝནཾ པཙྩཱགཙྪཏི.

༣༨༣. ཏེན ཁོ པན སམཡེན མེཏྟིཡབྷཱུམཛཀཱ [བྷུམྨཛཀཱ (སཱི. སྱཱ.)] བྷིཀྑཱུ ནཝཀཱ ཙེཝ ཧོནྟི ཨཔྤཔུཉྙཱ ཙ. ཡཱནི སངྒྷསྶ ལཱམཀཱནི སེནཱསནཱནི ཏཱནི ཏེསཾ པཱཔུཎནྟི ལཱམཀཱནི ཙ བྷཏྟཱནི. ཏེན ཁོ པན སམཡེན རཱཛགཧེ མནུསྶཱ ཨིཙྪནྟི ཐེརཱནཾ བྷིཀྑཱུནཾ ཨབྷིསངྑཱརིཀཾ པིཎྜཔཱཏཾ དཱཏུཾ སཔྤིམྤི ཏེལམྤི ཨུཏྟརིབྷངྒམྤི. མེཏྟིཡབྷཱུམཛཀཱནཾ པན བྷིཀྑཱུནཾ པཱཀཏིཀཾ དེནྟི ཡཐཱརནྡྷཾ ཀཎཱཛཀཾ བིལངྒདུཏིཡཾ. ཏེ པཙྪཱབྷཏྟཾ པིཎྜཔཱཏཔྤཊིཀྐནྟཱ ཐེརེ བྷིཀྑཱུ པུཙྪནྟི – ‘‘ཏུམྷཱཀཾ, ཨཱཝུསོ, བྷཏྟགྒེ ཀིཾ ཨཧོསི? ཏུམྷཱཀཾ, ཨཱཝུསོ, བྷཏྟགྒེ ཀིཾ ཨཧོསཱི’’ཏི? ཨེཀཙྩེ ཐེརཱ ཨེཝཾ ཝདནྟི – ‘‘ཨམྷཱཀཾ, ཨཱཝུསོ, སཔྤི ཨཧོསི ཏེལཾ ཨཧོསི ཨུཏྟརིབྷངྒཾ ཨཧོསཱི’’ཏི. མེཏྟིཡབྷཱུམཛཀཱ པན བྷིཀྑཱུ ཨེཝཾ ཝདནྟི – ‘‘ཨམྷཱཀཾ, ཨཱཝུསོ, ན ཀིཉྩི ཨཧོསི, པཱཀཏིཀཾ ཡཐཱརནྡྷཾ ཀཎཱཛཀཾ བིལངྒདུཏིཡ’’ནྟི.

ཏེན ཁོ པན སམཡེན ཀལྱཱཎབྷཏྟིཀོ གཧཔཏི སངྒྷསྶ ཙཏུཀྐབྷཏྟཾ དེཏི ནིཙྩབྷཏྟཾ. སོ བྷཏྟགྒེ སཔུཏྟདཱརོ ཨུཔཏིཊྛིཏྭཱ པརིཝིསཏི ¶ . ཨཉྙེ ཨོདནེན པུཙྪནྟི, ཨཉྙེ སཱུཔེན པུཙྪནྟི, ཨཉྙེ ཏེལེན པུཙྪནྟི, ཨཉྙེ ཨུཏྟརིབྷངྒེན པུཙྪནྟི. ཏེན ཁོ པན སམཡེན ཀལྱཱཎབྷཏྟིཀསྶ གཧཔཏིནོ བྷཏྟཾ སྭཱཏནཱཡ མེཏྟིཡབྷཱུམཛཀཱནཾ བྷིཀྑཱུནཾ ཨུདྡིཊྛཾ ཧོཏི. ཨཐ ཁོ ཀལྱཱཎབྷཏྟིཀོ གཧཔཏི ཨཱརཱམཾ ཨགམཱསི ཀེནཙིདེཝ ཀརཎཱིཡེན. སོ ཡེནཱཡསྨཱ དབྦོ མལླཔུཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ དབྦཾ མལླཔུཏྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཀལྱཱཎབྷཏྟིཀཾ གཧཔཏིཾ ¶ ཨཱཡསྨཱ དབྦོ མལླཔུཏྟོ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ ཀལྱཱཎབྷཏྟིཀོ གཧཔཏི ཨཱཡསྨཏཱ དབྦེན མལླཔུཏྟེན དྷམྨིཡཱ ཀཐཱཡ སནྡསྶིཏོ སམཱདཔིཏོ སམུཏྟེཛིཏོ སམྤཧཾསིཏོ ཨཱཡསྨནྟཾ དབྦཾ མལླཔུཏྟཾ ཨེཏདཝོཙ – ‘‘ཀསྶ, བྷནྟེ, ཨམྷཱཀཾ གྷརེ སྭཱཏནཱཡ བྷཏྟཾ ཨུདྡིཊྛ’’ནྟི? ‘‘མེཏྟིཡབྷཱུམཛཀཱནཾ ཁོ, གཧཔཏི, བྷིཀྑཱུནཾ ཏུམྷཱཀཾ ¶ གྷརེ སྭཱཏནཱཡ བྷཏྟཾ ཨུདྡིཊྛ’’ནྟི. ཨཐ ཁོ ཀལྱཱཎབྷཏྟིཀོ གཧཔཏི ཨནཏྟམནོ ཨཧོསི – ‘‘ཀཐཉྷི ནཱམ པཱཔབྷིཀྑཱུ ཨམྷཱཀཾ གྷརེ བྷུཉྫིསྶནྟཱི’’ཏི! གྷརཾ གནྟྭཱ དཱསིཾ ཨཱཎཱཔེསི – ‘‘ཡེ, ཛེ, སྭེ བྷཏྟིཀཱ ཨཱགཙྪནྟི ཏེ ཀོཊྛཀེ ཨཱསནཾ པཉྙཔེཏྭཱ ཀཎཱཛཀེན བིལངྒདུཏིཡེན པརིཝིསཱ’’ཏི. ‘‘ཨེཝཾ ཨཡྻཱ’’ཏི ཁོ སཱ དཱསཱི ཀལྱཱཎབྷཏྟིཀསྶ གཧཔཏིནོ པཙྩསྶོསི.

ཨཐ ¶ ཁོ མེཏྟིཡབྷཱུམཛཀཱ བྷིཀྑཱུ – ‘‘ཧིཡྻོ ཁོ, ཨཱཝུསོ, ཨམྷཱཀཾ ཀལྱཱཎབྷཏྟིཀསྶ གཧཔཏིནོ གྷརེ ¶ བྷཏྟཾ ཨུདྡིཊྛཾ, སྭེ ཨམྷེ ཀལྱཱཎབྷཏྟིཀོ གཧཔཏི སཔུཏྟདཱརོ ཨུཔཏིཊྛིཏྭཱ པརིཝིསིསྶཏི; ཨཉྙེ ཨོདནེན པུཙྪིསྶནྟི, ཨཉྙེ སཱུཔེན པུཙྪིསྶནྟི, ཨཉྙེ ཏེལེན པུཙྪིསྶནྟི, ཨཉྙེ ཨུཏྟརིབྷངྒེན པུཙྪིསྶནྟཱི’’ཏི. ཏེ ཏེནེཝ སོམནསྶེན ན ཙིཏྟརཱུཔཾ རཏྟིཡཱ སུཔིཾསུ. ཨཐ ཁོ མེཏྟིཡབྷཱུམཛཀཱ བྷིཀྑཱུ པུབྦཎྷསམཡཾ ནིཝཱསེཏྭཱ པཏྟཙཱིཝརཾ ཨཱདཱཡ ཡེན ཀལྱཱཎབྷཏྟིཀསྶ གཧཔཏིནོ ནིཝེསནཾ ཏེནུཔསངྐམིཾསུ. ཨདྡསཱ ཁོ སཱ དཱསཱི མེཏྟིཡབྷཱུམཛཀེ བྷིཀྑཱུ དཱུརཏོཝ ཨཱགཙྪནྟེ. དིསྭཱན ཀོཊྛཀེ ཨཱསནཾ པཉྙཔེཏྭཱ མེཏྟིཡབྷཱུམཛཀེ བྷིཀྑཱུ ཨེཏདཝོཙ – ‘‘ནིསཱིདཐ, བྷནྟེ’’ཏི. ཨཐ ཁོ མེཏྟིཡབྷཱུམཛཀཱནཾ བྷིཀྑཱུནཾ ཨེཏདཧོསི – ‘‘ནིསྶཾསཡཾ ཁོ ན ཏཱཝ བྷཏྟཾ སིདྡྷཾ བྷཝིསྶཏི! ཡཐཱ [ཡཱཝ (སཱི.)] མཡཾ ཀོཊྛཀེ ནིསཱིདེཡྻཱམཱ’’ཏི [ནིསཱིདཱཔཱིཡེཡྻཱམཱཏི (སཱི.), ནིསཱིདཱཔཱིཡཱམཱཏི (སྱཱ.)]. ཨཐ ཁོ སཱ དཱསཱི ཀཎཱཛཀེན བིལངྒདུཏིཡེན ཨུཔགཙྪི – ‘‘བྷུཉྫཐ, བྷནྟེ’’ཏི. ‘‘མཡཾ ཁོ, བྷགིནི, ནིཙྩབྷཏྟིཀཱ’’ཏི. ‘‘ཛཱནཱམི ཨཡྻཱ ནིཙྩབྷཏྟིཀཱཏྠ. ཨཔིཙཱཧཾ ཧིཡྻོཝ གཧཔཏིནཱ ཨཱཎཏྟཱ – ‘ཡེ, ཛེ, སྭེ བྷཏྟིཀཱ ཨཱགཙྪནྟི ཏེ ཀོཊྛཀེ ཨཱསནཾ པཉྙཔེཏྭཱ ཀཎཱཛཀེན བིལངྒདུཏིཡེན པརིཝིསཱ’ཏི. བྷུཉྫཐ, བྷནྟེ’’ཏི. ཨཐ ཁོ མེཏྟིཡབྷཱུམཛཀཱ བྷིཀྑཱུ – ‘‘ཧིཡྻོ ཁོ, ཨཱཝུསོ, ཀལྱཱཎབྷཏྟིཀོ གཧཔཏི ཨཱརཱམཾ ཨགམཱསི དབྦསྶ མལླཔུཏྟསྶ སནྟིཀེ. ནིསྶཾསཡཾ ཁོ མཡཾ དབྦེན མལླཔུཏྟེན གཧཔཏིནོ ཨནྟརེ [སནྟིཀེ (སྱཱ. ཀཾ. ཀ.)] པརིབྷིནྣཱ’’ཏི. ཏེ ཏེནེཝ དོམནསྶེན ¶ ན ཙིཏྟརཱུཔཾ བྷུཉྫིཾསུ. ཨཐ ཁོ མེཏྟིཡབྷཱུམཛཀཱ བྷིཀྑཱུ པཙྪཱབྷཏྟཾ ¶ པིཎྜཔཱཏཔྤཊིཀྐནྟཱ ཨཱརཱམཾ གནྟྭཱ པཏྟཙཱིཝརཾ པཊིསཱམེཏྭཱ བཧཱརཱམཀོཊྛཀེ སངྒྷཱཊིཔལླཏྠིཀཱཡ ནིསཱིདིཾསུ ཏུཎྷཱིབྷཱུཏཱ མངྐུབྷཱུཏཱ པཏྟཀྑནྡྷཱ ཨདྷོམུཁཱ པཛ྄ཛྷཱཡནྟཱ ཨཔྤཊིབྷཱནཱ.

ཨཐ ¶ ཁོ མེཏྟིཡཱ བྷིཀྑུནཱི ཡེན མེཏྟིཡབྷཱུམཛཀཱ བྷིཀྑཱུ ཏེནུཔསངྐམི; ཨུཔསངྐམིཏྭཱ མེཏྟིཡབྷཱུམཛཀེ བྷིཀྑཱུ ཨེཏདཝོཙ – ‘‘ཝནྡཱམི, ཨཡྻཱ’’ཏི. ཨེཝཾ ཝུཏྟེ མེཏྟིཡབྷཱུམཛཀཱ བྷིཀྑཱུ ནཱལཔིཾསུ. དུཏིཡམྤི ཁོ…པེ… ཏཏིཡམྤི ཁོ མེཏྟིཡཱ བྷིཀྑུནཱི མེཏྟིཡབྷཱུམཛཀེ བྷིཀྑཱུ ཨེཏདཝོཙ – ‘‘ཝནྡཱམི, ཨཡྻཱ’’ཏི. ཏཏིཡམྤི ཁོ མེཏྟིཡབྷཱུམཛཀཱ བྷིཀྑཱུ ནཱལཔིཾསུ. ‘‘ཀྱཱཧཾ ཨཡྻཱནཾ ཨཔརཛ྄ཛྷཱམི? ཀིསྶ མཾ ཨཡྻཱ ནཱལཔནྟཱི’’ཏི? ‘‘ཏཐཱ ཧི པན ཏྭཾ, བྷགིནི, ཨམྷེ དབྦེན མལླཔུཏྟེན ཝིཧེཋཱིཡམཱནེ ཨཛ྄ཛྷུཔེཀྑསཱི’’ཏི? ‘‘ཀྱཱཧཾ, ཨཡྻཱ, ཀརོམཱི’’ཏི? ‘‘སཙེ ཁོ ཏྭཾ, བྷགིནི, ཨིཙྪེཡྻཱསི ཨཛྫེཝ བྷགཝཱ དབྦཾ མལླཔུཏྟཾ ནཱསཱཔེཡྻཱ’’ཏི. ‘‘ཀྱཱཧཾ, ཨཡྻཱ, ཀརོམི, ཀིཾ མཡཱ སཀྐཱ ཀཱཏུ’’ནྟི? ‘‘ཨེཧི ཏྭཾ, བྷགིནི, ཡེན བྷགཝཱ ཏེནུཔསངྐམ; ཨུཔསངྐམིཏྭཱ བྷགཝནྟཾ ཨེཝཾ ཝདེཧི – ‘ཨིདཾ, བྷནྟེ, ནཙྪནྣཾ ནཔྤཏིརཱུཔཾ. ¶ ཡཱཡཾ, བྷནྟེ, དིསཱ ཨབྷཡཱ ཨནཱིཏིཀཱ ཨནུཔདྡཝཱ སཱཡཾ དིསཱ སབྷཡཱ སཨཱིཏིཀཱ སཨུཔདྡཝཱ. ཡཏོ ནིཝཱཏཾ ཏཏོ སཝཱཏཾ [པཝཱཏཾ (སཱི. སྱཱ.)]. ཨུདཀཾ མཉྙེ ཨཱདིཏྟཾ. ཨཡྻེནམྷི དབྦེན མལླཔུཏྟེན དཱུསིཏཱ’’’ཏི. ‘‘ཨེཝཾ, ཨཡྻཱ’’ཏི ཁོ མེཏྟིཡཱ བྷིཀྑུནཱི མེཏྟིཡབྷཱུམཛཀཱནཾ བྷིཀྑཱུནཾ པཊིསྶུཏྭཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ¶ ཨེཀམནྟཾ ཨཊྛཱསི. ཨེཀམནྟཾ ཋིཏཱ ཁོ མེཏྟིཡཱ བྷིཀྑུནཱི བྷགཝནྟཾ ཨེཏདཝོཙ – ‘‘ཨིདཾ, བྷནྟེ, ནཙྪནྣཾ ནཔྤཏིརཱུཔཾ. ཡཱཡཾ, བྷནྟེ, དིསཱ ཨབྷཡཱ ཨནཱིཏིཀཱ ཨནུཔདྡཝཱ སཱཡཾ དིསཱ སབྷཡཱ སཨཱིཏིཀཱ སཨུཔདྡཝཱ. ཡཏོ ནིཝཱཏཾ ཏཏོ སཝཱཏཾ. ཨུདཀཾ མཉྙེ ཨཱདིཏྟཾ! ཨཡྻེནམྷི དབྦེན མལླཔུཏྟེན དཱུསིཏཱ’’ཏི.

༣༨༤. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཨཱཡསྨནྟཾ དབྦཾ མལླཔུཏྟཾ པཊིཔུཙྪི – ‘‘སརསི ཏྭཾ, དབྦ, ཨེཝརཱུཔཾ ཀཏྟཱ ཡཐཱཡཾ བྷིཀྑུནཱི ཨཱཧཱ’’ཏི? ‘‘ཡཐཱ མཾ, བྷནྟེ, བྷགཝཱ ཛཱནཱཏཱི’’ཏི. དུཏིཡམྤི ཁོ བྷགཝཱ…པེ… ཏཏིཡམྤི ཁོ བྷགཝཱ ཨཱཡསྨནྟཾ དབྦཾ མལླཔུཏྟཾ ཨེཏདཝོཙ – ‘‘སརསི ཏྭཾ, དབྦ, ཨེཝརཱུཔཾ ཀཏྟཱ ཡཐཱཡཾ བྷིཀྑུནཱི ཨཱཧཱ’’ཏི? ‘‘ཡཐཱ མཾ, བྷནྟེ, བྷགཝཱ ཛཱནཱཏཱི’’ཏི. ‘‘ན ཁོ, དབྦ, དབྦཱ ཨེཝཾ ནིབྦེཋེནྟི. སཙེ ཏཡཱ ཀཏཾ ཀཏནྟི ཝདེཧི, སཙེ ཏཡཱ ཨཀཏཾ ཨཀཏནྟི ཝདེཧཱི’’ཏི. ‘‘ཡཏོ ཨཧཾ, བྷནྟེ, ཛཱཏོ ནཱབྷིཛཱནཱམི སུཔིནནྟེནཔི མེཐུནཾ དྷམྨཾ པཊིསེཝིཏཱ, པགེཝ ཛཱགརོ’’ཏི! ཨཐ ¶ ཁོ བྷགཝཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, མེཏྟིཡཾ བྷིཀྑུནིཾ ནཱསེཐ ¶ . ཨིམེ ཙ བྷིཀྑཱུ ཨནུཡུཉྫཐཱ’’ཏི. ཨིདཾ ཝཏྭཱ བྷགཝཱ ཨུཊྛཱཡཱསནཱ ཝིཧཱརཾ པཱཝིསི.

ཨཐ ཁོ ཏེ བྷིཀྑཱུ མེཏྟིཡཾ བྷིཀྑུནིཾ ནཱསེསུཾ. ཨཐ ཁོ མེཏྟིཡབྷཱུམཛཀཱ བྷིཀྑཱུ ཏེ བྷིཀྑཱུ ཨེཏདཝོཙུཾ – ‘‘མཱཝུསོ, མེཏྟིཡཾ བྷིཀྑུནིཾ ནཱསེཐ. ན སཱ ཀིཉྩི ཨཔརཛ྄ཛྷཏི. ཨམྷེཧི སཱ ཨུསྶཱཧིཏཱ ཀུཔིཏེཧི ཨནཏྟམནེཧི ཙཱཝནཱདྷིཔྤཱཡེཧཱི’’ཏི. ‘‘ཀིཾ ¶ པན ཏུམྷེ, ཨཱཝུསོ, ཨཱཡསྨནྟཾ དབྦཾ མལླཔུཏྟཾ ཨམཱུལཀེན པཱརཱཛིཀེན དྷམྨེན ཨནུདྡྷཾསེཐཱ’’ཏི? ‘‘ཨེཝམཱཝུསོ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ མེཏྟིཡབྷཱུམཛཀཱ བྷིཀྑཱུ ཨཱཡསྨནྟཾ དབྦཾ མལླཔུཏྟཾ ཨམཱུལཀེན པཱརཱཛིཀེན དྷམྨེན ཨནུདྡྷཾསེསྶནྟཱི’’ཏི! ཨཐ ཁོ ཏེ བྷིཀྑཱུ མེཏྟིཡབྷཱུམཛཀེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ, དབྦཾ མལླཔུཏྟཾ ཨམཱུལཀེན པཱརཱཛིཀེན དྷམྨེན ཨནུདྡྷཾསེཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ ¶ བྷགཝཱ…པེ… ‘‘ཀཐཉྷི ནཱམ ཏུམྷེ, མོགྷཔུརིསཱ, དབྦཾ མལླཔུཏྟཾ ཨམཱུལཀེན པཱརཱཛིཀེན དྷམྨེན ཨནུདྡྷཾསེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༨༥. ཡོ པན བྷིཀྑུ བྷིཀྑུཾ དུཊྛོ དོསོ ཨཔྤཏཱིཏོ ཨམཱུལཀེན པཱརཱཛིཀེན དྷམྨེན ཨནུདྡྷཾསེཡྻ – ‘ཨཔྤེཝ ནཱམ ནཾ ཨིམམྷཱ བྲཧྨཙརིཡཱ ཙཱཝེཡྻ’ནྟི, ཏཏོ ཨཔརེན སམཡེན སམནུགྒཱཧཱིཡམཱནོ ཝཱ ཨསམནུགྒཱཧཱིཡམཱནོ ཝཱ ཨམཱུལཀཉྩེཝ ཏཾ ཨདྷིཀརཎཾ ཧོཏི བྷིཀྑུ ཙ དོསཾ པཏིཊྛཱཏི, སངྒྷཱདིསེསོ’’ཏི.

༣༨༦. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུནྟི ཨཉྙཾ བྷིཀྑུཾ.

དུཊྛོ དོསོཏི ཀུཔིཏོ ཨནཏྟམནོ ཨནབྷིརདྡྷོ ཨཱཧཏཙིཏྟོ ཁིལཛཱཏོ.

ཨཔྤཏཱིཏོཏི ¶ ཏེན ཙ ཀོཔེན ཏེན ཙ དོསེན ཏཱཡ ཙ ཨནཏྟམནཏཱཡ ཏཱཡ ཙ ཨནབྷིརདྡྷིཡཱ ཨཔྤཏཱིཏོ ཧོཏི.

ཨམཱུལཀཾ ¶ ནཱམ ཨདིཊྛཾ ཨསུཏཾ ཨཔརིསངྐིཏཾ.

པཱརཱཛིཀེན དྷམྨེནཱཏི ཙཏུནྣཾ ཨཉྙཏརེན.

ཨནུདྡྷཾསེཡྻཱཏི ཙོདེཏི ཝཱ ཙོདཱཔེཏི ཝཱ.

ཨཔྤེཝ ནཱམ ནཾ ཨིམམྷཱ བྲཧྨཙརིཡཱ ཙཱཝེཡྻནྟི བྷིཀྑུབྷཱཝཱ ¶ ཙཱཝེཡྻཾ, སམཎདྷམྨཱ ཙཱཝེཡྻཾ, སཱིལཀྑནྡྷཱ ཙཱཝེཡྻཾ, ཏཔོགུཎཱ ཙཱཝེཡྻཾ.

ཏཏོ ¶ ཨཔརེན སམཡེནཱཏི ཡསྨིཾ ཁཎེ ཨནུདྡྷཾསིཏོ ཧོཏི ཏཾ ཁཎཾ ཏཾ ལཡཾ ཏཾ མུཧུཏྟཾ ཝཱིཏིཝཏྟེ.

སམནུགྒཱཧཱིཡམཱནོཏི ཡེན ཝཏྠུནཱ ཨནུདྡྷཾསིཏོ ཧོཏི ཏསྨིཾ ཝཏྠུསྨིཾ སམནུགྒཱཧཱིཡམཱནོ.

ཨསམནུགྒཱཧཱིཡམཱནོཏི ན ཀེནཙི ཝུཙྩམཱནོ.

ཨདྷིཀརཎཾ ནཱམ ཙཏྟཱརི ཨདྷིཀརཎཱནི – ཝིཝཱདཱདྷིཀརཎཾ, ཨནུཝཱདཱདྷིཀརཎཾ, ཨཱཔཏྟཱདྷིཀརཎཾ, ཀིཙྩཱདྷིཀརཎཾ.

བྷིཀྑུ ཙ དོསཾ པཏིཊྛཱཏཱིཏི ཏུཙྪཀཾ མཡཱ བྷཎིཏཾ, མུསཱ མཡཱ བྷཎིཏཾ, ཨབྷཱུཏཾ མཡཱ བྷཎིཏཾ, ཨཛཱནནྟེན མཡཱ བྷཎིཏཾ.

སངྒྷཱདིསེསོཏི…པེ… ཏེནཔི ཝུཙྩཏི སངྒྷཱདིསེསོཏི.

༣༨༧. ཨདིཊྛསྶ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. ཏཉྩེ ཙོདེཏི – ‘‘དིཊྛོ མཡཱ, པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི, ཨསཀྱཔུཏྟིཡོསི, ནཏྠི ཏཡཱ སདྡྷིཾ ཨུཔོསཐོ ཝཱ པཝཱརཎཱ ཝཱ སངྒྷཀམྨཾ ཝཱ’’ཏི, ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

ཨསུཏསྶ ཧོཏི – ‘‘པཱརཱཛིཀཾ དྷམྨཾ ཨཛ྄ཛྷཱཔནྣོ’’ཏི. ཏཉྩེ ཙོདེཏི – ‘‘སུཏོ མཡཱ, པཱརཱཛིཀཾ ¶ དྷམྨཾ ཨཛ྄ཛྷཱཔནྣོསི, ཨསྶམཎོསི, ཨསཀྱཔུཏྟིཡོསི, ནཏྠི ཏཡཱ སདྡྷིཾ ཨུཔོསཐོ ཝཱ པཝཱརཎཱ ཝཱ སངྒྷཀམྨཾ ཝཱ’’ཏི, ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

ཨཔརིསངྐིཏསྶ ཧོཏི – ‘‘པཱརཱཛིཀཾ དྷམྨཾ ཨཛ྄ཛྷཱཔནྣོ’’ཏི. ཏཉྩེ ཙོདེཏི – ‘‘པརིསངྐིཏོ མཡཱ, པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི, ཨསཀྱཔུཏྟིཡོསི, ནཏྠི ཏཡཱ སདྡྷིཾ ཨུཔོསཐོ ཝཱ པཝཱརཎཱ ཝཱ སངྒྷཀམྨཾ ཝཱ’’ཏི, ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

ཨདིཊྛསྶ ¶ ¶ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. ཏཉྩེ ཙོདེཏི – ‘‘དིཊྛོ མཡཱ སུཏོ ཙ, པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

ཨདིཊྛསྶ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. ཏཉྩེ ཙོདེཏི – ‘‘དིཊྛོ མཡཱ པརིསངྐིཏོ ཙ, པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

ཨདིཊྛསྶ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. ཏཉྩེ ཙོདེཏི – ‘‘དིཊྛོ མཡཱ སུཏོ ཙ པརིསངྐིཏོ ཙ, པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

ཨསུཏསྶ ཧོཏི – ‘‘པཱརཱཛིཀཾ དྷམྨཾ ཨཛ྄ཛྷཱཔནྣོ’’ཏི. ཏཉྩེ ཙོདེཏི – ‘‘སུཏོ མཡཱ པརིསངྐིཏོ ཙ…པེ… སུཏོ མཡཱ དིཊྛོ ཙ…པེ… ¶ སུཏོ མཡཱ པརིསངྐིཏོ ཙ དིཊྛོ ཙ, པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

ཨཔརིསངྐིཏསྶ ཧོཏི – ‘‘པཱརཱཛིཀཾ དྷམྨཾ ཨཛ྄ཛྷཱཔནྣོ’’ཏི. ཏཉྩེ ཙོདེཏི – ‘‘པརིསངྐིཏོ མཡཱ དིཊྛོ ཙ…པེ… པརིསངྐིཏོ མཡཱ སུཏོ ཙ…པེ… པརིསངྐིཏོ མཡཱ དིཊྛོ ཙ སུཏོ ཙ, པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

དིཊྛསྶ ¶ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. ཏཉྩེ ཙོདེཏི – ‘‘སུཏོ མཡཱ པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

དིཊྛསྶ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. ཏཉྩེ ཙོདེཏི – ‘‘པརིསངྐིཏོ མཡཱ, པཱརཱཛིཀཾ དྷམྨཾ ཨཛ྄ཛྷཱཔནྣོསི’’…པེ… ‘‘སུཏོ མཡཱ པརིསངྐིཏོ ཙ, པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

སུཏསྶ ¶ ཧོཏི – ‘‘པཱརཱཛིཀཾ དྷམྨཾ ཨཛ྄ཛྷཱཔནྣོ’’ཏི. ཏཉྩེ ཙོདེཏི – ‘‘པརིསངྐིཏོ མཡཱ, པཱརཱཛིཀཾ དྷམྨཾ ཨཛ྄ཛྷཱཔནྣོསི…པེ… ¶ དིཊྛོ མཡཱ, པཱརཱཛིཀཾ དྷམྨཾ ཨཛ྄ཛྷཱཔནྣོསི…པེ… པརིསངྐིཏོ མཡཱ དིཊྛོ ཙ, པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

པརིསངྐིཏསྶ ¶ ཧོཏི – ‘‘པཱརཱཛིཀཾ དྷམྨཾ ཨཛ྄ཛྷཱཔནྣོ’’ཏི. ཏཉྩེ ཙོདེཏི – ‘‘དིཊྛོ མཡཱ, པཱརཱཛིཀཾ དྷམྨཾ ཨཛ྄ཛྷཱཔནྣོསི…པེ… སུཏོ མཡཱ, པཱརཱཛིཀཾ དྷམྨཾ ཨཛ྄ཛྷཱཔནྣོསི…པེ… དིཊྛོ མཡཱ སུཏོ ཙ, པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི, ཨསཀྱཔུཏྟིཡོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

དིཊྛསྶ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. དིཊྛེ ཝེམཏིཀོ དིཊྛཾ ནོ ཀཔྤེཏི དིཊྛཾ ནསྶརཏི དིཊྛཾ པམུཊྛོ ཧོཏི…པེ… སུཏེ ཝེམཏིཀོ སུཏཾ ནོ ཀཔྤེཏི སུཏཾ ནསྶརཏི སུཏཾ པམུཊྛོ ཧོཏི…པེ… པརིསངྐིཏེ ཝེམཏིཀོ པརིསངྐིཏཾ ནོ ¶ ཀཔྤེཏི པརིསངྐིཏཾ ནསྶརཏི པརིསངྐིཏཾ པམུཊྛོ ཧོཏི. ཏཉྩེ ཙོདེཏི – ‘‘པརིསངྐིཏོ མཡཱ དིཊྛོ ཙ…པེ… པརིསངྐིཏོ མཡཱ སུཏོ ཙ…པེ… པརིསངྐིཏོ མཡཱ དིཊྛོ ཙ སུཏོ ཙ, པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི, ཨསཀྱཔུཏྟིཡོསི, ནཏྠི ཏཡཱ སདྡྷིཾ ཨུཔོསཐོ ཝཱ པཝཱརཎཱ ཝཱ སངྒྷཀམྨཾ ཝཱ’’ཏི, ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

༣༨༨. ཨདིཊྛསྶ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. ཏཉྩེ ཙོདཱཔེཏི – ‘‘དིཊྛོསི, པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི, ཨསཀྱཔུཏྟིཡོསི, ནཏྠི ཏཡཱ སདྡྷིཾ ཨུཔོསཐོ ཝཱ པཝཱརཎཱ ཝཱ སངྒྷཀམྨཾ ཝཱ’’ཏི, ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

ཨསུཏསྶ ཧོཏི – ‘‘པཱརཱཛིཀཾ དྷམྨཾ ཨཛ྄ཛྷཱཔནྣོ’’ཏི…པེ… ཨཔརིསངྐིཏསྶ ཧོཏི – ‘‘པཱརཱཛིཀཾ དྷམྨཾ ཨཛ྄ཛྷཱཔནྣོ’’ཏི. ཏཉྩེ ཙོདཱཔེཏི – ‘‘པརིསངྐིཏོསི, པཱརཱཛིཀཾ དྷམྨཾ ཨཛ྄ཛྷཱཔནྣོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

ཨདིཊྛསྶ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. ཏཉྩེ ཙོདཱཔེཏི – ‘‘དིཊྛོསི སུཏོསི…པེ… ¶ དིཊྛོསི པརིསངྐིཏོསི…པེ… དིཊྛོསི སུཏོསི པརིསངྐིཏོསི, པཱརཱཛིཀཾ དྷམྨཾ ¶ ཨཛ྄ཛྷཱཔནྣོསི’’…པེ… ཨསུཏསྶ ཧོཏི – ‘‘པཱརཱཛིཀཾ དྷམྨཾ ཨཛ྄ཛྷཱཔནྣོ’’ཏི…པེ… ཨཔརིསངྐིཏསྶ ཧོཏི – ‘‘པཱརཱཛིཀཾ དྷམྨཾ ཨཛ྄ཛྷཱཔནྣོ’’ཏི. ཏཉྩེ ཙོདཱཔེཏི – ‘‘པརིསངྐིཏོསི, དིཊྛོསི…པེ… པརིསངྐིཏོསི, སུཏོསི…པེ… པརིསངྐིཏོསི, དིཊྛོསི, སུཏོསི, པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

དིཊྛསྶ ¶ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. ཏཉྩེ ཙོདཱཔེཏི – ‘‘སུཏོསི’’…པེ… ཏཉྩེ ཙོདཱཔེཏི – ‘‘པརིསངྐིཏོསི’’…པེ… ཏཉྩེ ཙོདཱཔེཏི – ‘‘སུཏོསི, པརིསངྐིཏོསི, པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

སུཏསྶ ཧོཏི – ‘‘པཱརཱཛིཀཾ དྷམྨཾ ཨཛ྄ཛྷཱཔནྣོ’’ཏི…པེ… པརིསངྐིཏསྶ ཧོཏི – ‘‘པཱརཱཛིཀཾ དྷམྨཾ ཨཛ྄ཛྷཱཔནྣོ’’ཏི. ཏཉྩེ ‘‘དིཊྛོསི’’…པེ… ཏཉྩེ ཙོདཱཔེཏི – ‘‘སུཏོསི’’…པེ… ཏཉྩེ ཙོདཱཔེཏི – ‘‘དིཊྛོསི, སུཏོསི, པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

དིཊྛསྶ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. དིཊྛེ ཝེམཏིཀོ དིཊྛཾ ནོ ཀཔྤེཏི དིཊྛཾ ནསྶརཏི དིཊྛཾ པམུཊྛོ ཧོཏི…པེ… སུཏེ ¶ ཝེམཏིཀོ སུཏཾ ནོ ཀཔྤེཏི སུཏཾ ནསྶརཏི སུཏཾ པམུཊྛོ ཧོཏི…པེ… པརིསངྐིཏེ ཝེམཏིཀོ པརིསངྐིཏཾ ནོ ཀཔྤེཏི པརིསངྐིཏཾ ནསྶརཏི པརིསངྐིཏཾ པམུཊྛོ ཧོཏི. ཏཉྩེ ཙོདཱཔེཏི – ‘‘པརིསངྐིཏོསི, དིཊྛོསི’’…པེ… པརིསངྐིཏཾ པམུཊྛོ ཧོཏི, ཏཉྩེ ཙོདཱཔེཏི – ‘‘པརིསངྐིཏོསི སུཏོསི’’…པེ… པརིསངྐིཏཾ པམུཊྛོ ཧོཏི, ཏཉྩེ ཙོདཱཔེཏི – ‘‘པརིསངྐིཏོསི, དིཊྛོསི, སུཏོསི, པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི, ཨསཀྱཔུཏྟིཡོསི, ནཏྠི ཏཡཱ སདྡྷིཾ ཨུཔོསཐོ ཝཱ པཝཱརཎཱ ཝཱ སངྒྷཀམྨཾ ཝཱ’’ཏི, ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

༣༨༩. ཨསུདྡྷེ ¶ སུདྡྷདིཊྛི, སུདྡྷེ ཨསུདྡྷདིཊྛི, ཨསུདྡྷེ ཨསུདྡྷདིཊྛི, སུདྡྷེ སུདྡྷདིཊྛི.

ཨསུདྡྷོ ཧོཏི པུགྒལོ ཨཉྙཏརཾ པཱརཱཛིཀཾ དྷམྨཾ ཨཛ྄ཛྷཱཔནྣོ. ཏཉྩེ སུདྡྷདིཊྛི སམཱནོ ཨནོཀཱསཾ ཀཱརཱཔེཏྭཱ ཙཱཝནཱདྷིཔྤཱཡོ ཝདེཏི, ཨཱཔཏྟི སངྒྷཱདིསེསེན དུཀྐཊསྶ.

ཨསུདྡྷོ ¶ ཧོཏི པུགྒལོ ཨཉྙཏརཾ པཱརཱཛིཀཾ དྷམྨཾ ཨཛ྄ཛྷཱཔནྣོ. ཏཉྩེ སུདྡྷདིཊྛི སམཱནོ ཨོཀཱསཾ ཀཱརཱཔེཏྭཱ ཙཱཝནཱདྷིཔྤཱཡོ ཝདེཏི, ཨཱཔཏྟི སངྒྷཱདིསེསསྶ.

ཨསུདྡྷོ ¶ ཧོཏི པུགྒལོ ཨཉྙཏརཾ པཱརཱཛིཀཾ དྷམྨཾ ཨཛ྄ཛྷཱཔནྣོ. ཏཉྩེ སུདྡྷདིཊྛི སམཱནོ ཨནོཀཱསཾ ཀཱརཱཔེཏྭཱ ཨཀྐོསཱདྷིཔྤཱཡོ ཝདེཏི, ཨཱཔཏྟི ཨོམསཝཱདེན དུཀྐཊསྶ.

ཨསུདྡྷོ ཧོཏི པུགྒལོ ཨཉྙཏརཾ པཱརཱཛིཀཾ དྷམྨཾ ཨཛ྄ཛྷཱཔནྣོ. ཏཉྩེ སུདྡྷདིཊྛི སམཱནོ ཨོཀཱསཾ ཀཱརཱཔེཏྭཱ ཨཀྐོསཱདྷིཔྤཱཡོ ཝདེཏི, ཨཱཔཏྟི ཨོམསཝཱདསྶ.

སུདྡྷོ ¶ ཧོཏི པུགྒལོ ཨཉྙཏརཾ པཱརཱཛིཀཾ དྷམྨཾ ཨནཛ྄ཛྷཱཔནྣོ. ཏཉྩེ ཨསུདྡྷདིཊྛི སམཱནོ ཨནོཀཱསཾ ཀཱརཱཔེཏྭཱ ཙཱཝནཱདྷིཔྤཱཡོ ཝདེཏི, ཨཱཔཏྟི དུཀྐཊསྶ.

སུདྡྷོ ཧོཏི པུགྒལོ ཨཉྙཏརཾ པཱརཱཛིཀཾ དྷམྨཾ ཨནཛ྄ཛྷཱཔནྣོ. ཏཉྩེ ཨསུདྡྷདིཊྛི སམཱནོ ཨོཀཱསཾ ཀཱརཱཔེཏྭཱ ཙཱཝནཱདྷིཔྤཱཡོ ཝདེཏི, ཨནཱཔཏྟི.

སུདྡྷོ ཧོཏི པུགྒལོ ཨཉྙཏརཾ པཱརཱཛིཀཾ དྷམྨཾ ཨནཛ྄ཛྷཱཔནྣོ. ཏཉྩེ ཨསུདྡྷདིཊྛི སམཱནོ ཨནོཀཱསཾ ཀཱརཱཔེཏྭཱ ཨཀྐོསཱདྷིཔྤཱཡོ ཝདེཏི, ཨཱཔཏྟི ཨོམསཝཱདེན དུཀྐཊསྶ.

སུདྡྷོ ཧོཏི པུགྒལོ ཨཉྙཏརཾ པཱརཱཛིཀཾ དྷམྨཾ ཨནཛ྄ཛྷཱཔནྣོ. ཏཉྩེ ཨསུདྡྷདིཊྛི སམཱནོ ཨོཀཱསཾ ཀཱརཱཔེཏྭཱ ཨཀྐོསཱདྷིཔྤཱཡོ ཝདེཏི, ཨཱཔཏྟི ཨོམསཝཱདསྶ.

ཨསུདྡྷོ ཧོཏི པུགྒལོ ཨཉྙཏརཾ པཱརཱཛིཀཾ དྷམྨཾ ཨཛ྄ཛྷཱཔནྣོ. ཏཉྩེ ཨསུདྡྷདིཊྛི སམཱནོ ཨནོཀཱསཾ ཀཱརཱཔེཏྭཱ ཙཱཝནཱདྷིཔྤཱཡོ ཝདེཏི, ཨཱཔཏྟི དུཀྐཊསྶ.

ཨསུདྡྷོ ཧོཏི པུགྒལོ ཨཉྙཏརཾ པཱརཱཛིཀཾ དྷམྨཾ ཨཛ྄ཛྷཱཔནྣོ. ཏཉྩེ ཨསུདྡྷདིཊྛི སམཱནོ ཨོཀཱསཾ ཀཱརཱཔེཏྭཱ ཙཱཝནཱདྷིཔྤཱཡོ ཝདེཏི, ཨནཱཔཏྟི.

ཨསུདྡྷོ ཧོཏི པུགྒལོ ཨཉྙཏརཾ པཱརཱཛིཀཾ དྷམྨཾ ཨཛ྄ཛྷཱཔནྣོ. ཏཉྩེ ཨསུདྡྷདིཊྛི སམཱནོ ཨནོཀཱསཾ ཀཱརཱཔེཏྭཱ ཨཀྐོསཱདྷིཔྤཱཡོ ཝདེཏི, ཨཱཔཏྟི ཨོམསཝཱདེན དུཀྐཊསྶ.

ཨསུདྡྷོ ¶ ཧོཏི པུགྒལོ ཨཉྙཏརཾ པཱརཱཛིཀཾ དྷམྨཾ ཨཛ྄ཛྷཱཔནྣོ. ཏཉྩེ ཨསུདྡྷདིཊྛི སམཱནོ ཨོཀཱསཾ ཀཱརཱཔེཏྭཱ ¶ ཨཀྐོསཱདྷིཔྤཱཡོ ཝདེཏི, ཨཱཔཏྟི ཨོམསཝཱདསྶ.

སུདྡྷོ ¶ ཧོཏི པུགྒལོ ཨཉྙཏརཾ པཱརཱཛིཀཾ དྷམྨཾ ཨནཛ྄ཛྷཱཔནྣོ. ཏཉྩེ སུདྡྷདིཊྛི སམཱནོ ཨནོཀཱསཾ ཀཱརཱཔེཏྭཱ ཙཱཝནཱདྷིཔྤཱཡོ ཝདེཏི, ཨཱཔཏྟི སངྒྷཱདིསེསེན དུཀྐཊསྶ.

སུདྡྷོ ཧོཏི པུགྒལོ ཨཉྙཏརཾ པཱརཱཛིཀཾ དྷམྨཾ ཨནཛ྄ཛྷཱཔནྣོ. ཏཉྩེ སུདྡྷདིཊྛི སམཱནོ ཨོཀཱསཾ ཀཱརཱཔེཏྭཱ ཙཱཝནཱདྷིཔྤཱཡོ ཝདེཏི, ཨཱཔཏྟི སངྒྷཱདིསེསསྶ.

སུདྡྷོ ཧོཏི པུགྒལོ ཨཉྙཏརཾ པཱརཱཛིཀཾ དྷམྨཾ ཨནཛ྄ཛྷཱཔནྣོ. ཏཉྩེ སུདྡྷདིཊྛི སམཱནོ ཨནོཀཱསཾ ཀཱརཱཔེཏྭཱ ཨཀྐོསཱདྷིཔྤཱཡོ ཝདེཏི, ཨཱཔཏྟི ཨོམསཝཱདེན དུཀྐཊསྶ.

སུདྡྷོ ཧོཏི པུགྒལོ ཨཉྙཏརཾ པཱརཱཛིཀཾ དྷམྨཾ ཨནཛ྄ཛྷཱཔནྣོ ཏཉྩེ སུདྡྷདིཊྛི སམཱནོ ཨོཀཱསཾ ཀཱརཱཔེཏྭཱ ཨཀྐོསཱདྷིཔྤཱཡོ ཝདེཏི, ཨཱཔཏྟི ཨོམསཝཱདསྶ.

༣༩༠. ཨནཱཔཏྟི སུདྡྷེ ཨསུདྡྷདིཊྛིསྶ, ཨསུདྡྷེ ཨསུདྡྷདིཊྛིསྶ, ཨུམྨཏྟཀསྶ, ཨཱདིཀམྨིཀསྶཱཏི.

དུཊྛདོསསིཀྑཱཔདཾ ནིཊྛིཏཾ ཨཊྛམཾ.

༩. དུཏིཡདུཊྛདོསསིཀྑཱཔདཾ

༣༩༡. ཏེན ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན མེཏྟིཡབྷཱུམཛཀཱ བྷིཀྑཱུ གིཛ྄ཛྷཀཱུཊཱ པབྦཏཱ ཨོརོཧནྟཱ ཨདྡསཾསུ ཚགལཀཾ [ཚཀལཀཾ (སྱཱ.)] ཨཛིཀཱཡ ཝིཔྤཊིཔཛྫནྟཾ. དིསྭཱན ¶ ཨེཝམཱཧཾསུ – ‘‘ཧནྡ མཡཾ, ཨཱཝུསོ, ཨིམཾ ཚགལཀཾ དབྦཾ མལླཔུཏྟཾ ནཱམ ཀརོམ. ཨིམཾ ཨཛིཀཾ མེཏྟིཡཾ ནཱམ བྷིཀྑུནིཾ ཀརོམ. ཨེཝཾ མཡཾ ཝོཧརིསྶཱམ. པུབྦེ མཡཾ, ཨཱཝུསོ, དབྦཾ མལླཔུཏྟཾ སུཏེན ཨཝོཙུམྷཱ. ཨིདཱནི པན ཨམྷེཧི སཱམཾ དིཊྛོ མེཏྟིཡཱཡ བྷིཀྑུནིཡཱ ཝིཔྤཊིཔཛྫནྟོ’’ཏི. ཏེ ཏཾ ཚགལཀཾ དབྦཾ མལླཔུཏྟཾ ནཱམ ¶ ཨཀཾསུ. ཏཾ ཨཛིཀཾ མེཏྟིཡཾ ནཱམ བྷིཀྑུནིཾ ཨཀཾསུ. ཏེ བྷིཀྑཱུནཾ ཨཱརོཙེསུཾ – ‘‘པུབྦེ མཡཾ, ཨཱཝུསོ, དབྦཾ མལླཔུཏྟཾ སུཏེན ཨཝོཙུམྷཱ. ཨིདཱནི པན ཨམྷེཧི སཱམཾ དིཊྛོ མེཏྟིཡཱཡ བྷིཀྑུནིཡཱ ཝིཔྤཊིཔཛྫནྟོ’’ཏི. བྷིཀྑཱུ ཨེཝམཱཧཾསུ – ‘‘མཱཝུསོ, ཨེཝཾ ཨཝཙུཏྠ. ནཱཡསྨཱ དབྦོ མལླཔུཏྟོ ཨེཝཾ ཀརིསྶཏཱི’’ཏི.

ཨཐ ¶ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཨཱཡསྨནྟཾ དབྦཾ མལླཔུཏྟཾ པཊིཔུཙྪི – ‘‘སརསི ཏྭཾ, དབྦ, ཨེཝརཱུཔཾ ཀཏྟཱ ཡཐཡིམེ བྷིཀྑཱུ ཨཱཧཾསཱུ’’ཏི? ‘‘ཡཐཱ མཾ, བྷནྟེ, བྷགཝཱ ཛཱནཱཏཱི’’ཏི. དུཏིཡམྤི ཁོ བྷགཝཱ…པེ… ཏཏིཡམྤི ཁོ བྷགཝཱ ཨཱཡསྨནྟཾ དབྦཾ མལླཔུཏྟཾ ¶ ཨེཏདཝོཙ – ‘‘སརསི ཏྭཾ, དབྦ, ཨེཝརཱུཔཾ ཀཏྟཱ ཡཐཡིམེ བྷིཀྑཱུ ཨཱཧཾསཱུ’’ཏི? ‘‘ཡཐཱ མཾ, བྷནྟེ, བྷགཝཱ ཛཱནཱཏཱི’’ཏི. ‘‘ན ཁོ, དབྦ, དབྦཱ ཨེཝཾ ནིབྦེཋེནྟི. སཙེ ཏཡཱ ཀཏཾ ཀཏནྟི ཝདེཧི, སཙེ ཏཡཱ ཨཀཏཾ ཨཀཏནྟི ཝདེཧཱི’’ཏི. ‘‘ཡཏོ ཨཧཾ, བྷནྟེ, ཛཱཏོ ནཱབྷིཛཱནཱམི སུཔིནནྟེནཔི མེཐུནདྷམྨཾ པཊིསེཝིཏཱ, པགེཝ ཛཱགརོ’’ཏི! ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑུཝེ, ཨིམེ བྷིཀྑཱུ ཨནུཡུཉྫཐཱ’’ཏི. ཨིདཾ ཝཏྭཱ བྷགཝཱ ཨུཊྛཱཡཱསནཱ ཝིཧཱརཾ པཱཝིསི.

ཨཐ ཁོ ཏེ བྷིཀྑཱུ མེཏྟིཡབྷཱུམཛཀེ བྷིཀྑཱུ ཨནུཡུཉྫིཾསུ. ཏེ བྷིཀྑཱུཧི ཨནུཡུཉྫཱིཡམཱནཱ བྷིཀྑཱུནཾ ཨེཏམཏྠཾ ཨཱརོཙེསུཾ – ‘‘ཀིཾ པན ཏུམྷེ, ཨཱཝུསོ, ཨཱཡསྨནྟཾ དབྦཾ མལླཔུཏྟཾ ཨཉྙབྷཱགིཡསྶ ཨདྷིཀརཎསྶ ཀིཉྩིདེསཾ ལེསམཏྟཾ ཨུཔཱདཱཡ པཱརཱཛིཀེན དྷམྨེན ཨནུདྡྷཾསེཐཱ’’ཏི? ‘‘ཨེཝམཱཝུསོ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ མེཏྟིཡབྷཱུམཛཀཱ བྷིཀྑཱུ ཨཱཡསྨནྟཾ དབྦཾ མལླཔུཏྟཾ ཨཉྙབྷཱགིཡསྶ ཨདྷིཀརཎསྶ ཀིཉྩི དེསཾ ལེསམཏྟཾ ཨུཔཱདཱཡ པཱརཱཛིཀེན དྷམྨེན ཨནུདྡྷཾསེསྶནྟཱི’’ཏི! ཨཐ ཁོ ཏེ བྷིཀྑཱུ མེཏྟིཡབྷཱུམཛཀེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ, དབྦཾ མལླཔུཏྟཾ ཨཉྙབྷཱགིཡསྶ ཨདྷིཀརཎསྶ ཀིཉྩི དེསཾ ལེསམཏྟཾ ཨུཔཱདཱཡ པཱརཱཛིཀེན དྷམྨེན ཨནུདྡྷཾསེཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ཏུམྷེ, མོགྷཔུརིསཱ, དབྦཾ མལླཔུཏྟཾ ཨཉྙབྷཱགིཡསྶ ཨདྷིཀརཎསྶ ཀིཉྩི དེསཾ ¶ ལེསམཏྟཾ ཨུཔཱདཱཡ པཱརཱཛིཀེན དྷམྨེན ཨནུདྡྷཾསེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༩༢. ‘‘ཡོ ¶ པན བྷིཀྑུ བྷིཀྑུཾ དུཊྛོ དོསོ ཨཔྤཏཱིཏོ ཨཉྙབྷཱགིཡསྶ ¶ ཨདྷིཀརཎསྶ ཀིཉྩིདེསཾ ལེསམཏྟཾ ཨུཔཱདཱཡ པཱརཱཛིཀེན དྷམྨེན ཨནུདྡྷཾསེཡྻ – ‘ཨཔྤེཝ ནཱམ ནཾ ཨིམམྷཱ བྲཧྨཙརིཡཱ ཙཱཝེཡྻ’ནྟི. ཏཏོ ¶ ཨཔརེན སམཡེན སམནུགྒཱཧཱིཡམཱནོ ཝཱ ཨསམནུགྒཱཧཱིཡམཱནོ ཝཱ ཨཉྙབྷཱགིཡཉྩེཝ ཏཾ ཨདྷིཀརཎཾ ཧོཏི ཀོཙིདེསོ ལེསམཏྟོ ཨུཔཱདིནྣོ, བྷིཀྑུ ཙ དོསཾ པཏིཊྛཱཏི, སངྒྷཱདིསེསོ’’ཏི.

༣༩༣. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུནྟི ཨཉྙཾ བྷིཀྑུཾ.

དུཊྛོ དོསོཏི ཀུཔིཏོ ཨནཏྟམནོ ཨནབྷིརདྡྷོ ཨཱཧཏཙིཏྟོ ཁིལཛཱཏོ.

ཨཔྤཏཱིཏོཏི ཏེན ཙ ཀོཔེན, ཏེན ཙ དོསེན, ཏཱཡ ཙ ཨནཏྟམནཏཱཡ, ཏཱཡ ཙ ཨནབྷིརདྡྷིཡཱ ཨཔྤཏཱིཏོ ཧོཏི.

ཨཉྙབྷཱགིཡསྶ ཨདྷིཀརཎསྶཱཏི ཨཱཔཏྟཉྙབྷཱགིཡཾ ཝཱ ཧོཏི ཨདྷིཀརཎཉྙབྷཱགིཡཾ ཝཱ. ཀཐཾ ཨདྷིཀརཎཾ ཨདྷིཀརཎསྶ ཨཉྙབྷཱགིཡཾ? ཝིཝཱདཱདྷིཀརཎཾ ཨནུཝཱདཱདྷིཀརཎསྶ ཨཱཔཏྟཱདྷིཀརཎསྶ ཀིཙྩཱདྷིཀརཎསྶ ཨཉྙབྷཱགིཡཾ. ཨནུཝཱདཱདྷིཀརཎཾ ཨཱཔཏྟཱདྷིཀརཎསྶ ཀིཙྩཱདྷིཀརཎསྶ ཝིཝཱདཱདྷིཀརཎསྶ ཨཉྙབྷཱགིཡཾ. ཨཱཔཏྟཱདྷིཀརཎཾ ཀིཙྩཱདྷིཀརཎསྶ ཝིཝཱདཱདྷིཀརཎསྶ ཨནུཝཱདཱདྷིཀརཎསྶ ཨཉྙབྷཱགིཡཾ. ཀིཙྩཱདྷིཀརཎཾ ཝིཝཱདཱདྷིཀརཎསྶ ཨནུཝཱདཱདྷིཀརཎསྶ ¶ ཨཱཔཏྟཱདྷིཀརཎསྶ ཨཉྙབྷཱགིཡཾ. ཨེཝཾ ཨདྷིཀརཎཾ ཨདྷིཀརཎསྶ ཨཉྙབྷཱགིཡཾ.

ཀཐཾ ཨདྷིཀརཎཾ ཨདྷིཀརཎསྶ ཏབྦྷཱགིཡཾ? ཝིཝཱདཱདྷིཀརཎཾ ཝིཝཱདཱདྷིཀརཎསྶ ཏབྦྷཱགིཡཾ. ཨནུཝཱདཱདྷིཀརཎཾ ཨནུཝཱདཱདྷིཀརཎསྶ ཏབྦྷཱགིཡཾ. ཨཱཔཏྟཱདྷིཀརཎཾ ཨཱཔཏྟཱདྷིཀརཎསྶ སིཡཱ ཏབྦྷཱགིཡཾ སིཡཱ ཨཉྙབྷཱགིཡཾ.

ཀཐཾ ཨཱཔཏྟཱདྷིཀརཎཾ ཨཱཔཏྟཱདྷིཀརཎསྶ ཨཉྙབྷཱགིཡཾ? མེཐུནདྷམྨཔཱརཱཛིཀཱཔཏྟི ཨདིནྣཱདཱནཔཱརཱཛིཀཱཔཏྟིཡཱ ¶ མནུསྶཝིགྒཧཔཱརཱཛིཀཱཔཏྟིཡཱ ཨུཏྟརིམནུསྶདྷམྨཔཱརཱཛིཀཱཔཏྟིཡཱ ཨཉྙབྷཱགིཡཱ. ཨདིནྣཱདཱནཔཱརཱཛིཀཱཔཏྟི མནུསྶཝིགྒཧཔཱརཱཛིཀཱཔཏྟིཡཱ ཨུཏྟརིམནུསྶདྷམྨཔཱརཱཛིཀཱཔཏྟིཡཱ མེཐུནདྷམྨཔཱརཱཛིཀཱཔཏྟིཡཱ ཨཉྙབྷཱགིཡཱ. མནུསྶཝིགྒཧཔཱརཱཛིཀཱཔཏྟི ཨུཏྟརིམནུསྶདྷམྨཔཱརཱཛིཀཱཔཏྟིཡཱ མེཐུནདྷམྨཔཱརཱཛིཀཱཔཏྟིཡཱ ཨདིནྣཱདཱནཔཱརཱཛིཀཱཔཏྟིཡཱ ¶ ཨཉྙབྷཱགིཡཱ. ཨུཏྟརིམནུསྶདྷམྨཔཱརཱཛིཀཱཔཏྟི མེཐུནདྷམྨཔཱརཱཛིཀཱཔཏྟིཡཱ ཨདིནྣཱདཱནཔཱརཱཛིཀཱཔཏྟིཡཱ མནུསྶཝིགྒཧཔཱརཱཛིཀཱཔཏྟིཡཱ ཨཉྙབྷཱགིཡཱ. ཨེཝཾ ཨཱཔཏྟཱདྷིཀརཎཾ ཨཱཔཏྟཱདྷིཀརཎསྶ ཨཉྙབྷཱགིཡཾ.

ཀཐཾ ཨཱཔཏྟཱདྷིཀརཎཾ ཨཱཔཏྟཱདྷིཀརཎསྶ ཏབྦྷཱགིཡཾ? མེཐུནདྷམྨཔཱརཱཛིཀཱཔཏྟི མེཐུནདྷམྨཔཱརཱཛིཀཱཔཏྟིཡཱ ཏབྦྷཱགིཡཱ. ཨདིནྣཱདཱནཔཱརཱཛིཀཱཔཏྟི ཨདིནྣཱདཱནཔཱརཱཛིཀཱཔཏྟིཡཱ ཏབྦྷཱགིཡཱ. མནུསྶཝིགྒཧཔཱརཱཛིཀཱཔཏྟི མནུསྶཝིགྒཧཔཱརཱཛིཀཱཔཏྟིཡཱ ཏབྦྷཱགིཡཱ. ཨུཏྟརིམནུསྶདྷམྨཔཱརཱཛིཀཱཔཏྟི ཨུཏྟརིམནུསྶདྷམྨཔཱརཱཛིཀཱཔཏྟིཡཱ ¶ ཏབྦྷཱགིཡཱ. ཨེཝཾ ཨཱཔཏྟཱདྷིཀརཎཾ ཨཱཔཏྟཱདྷིཀརཎསྶ ཏབྦྷཱགིཡཾ.

ཀིཙྩཱདྷིཀརཎཾ ཀིཙྩཱདྷིཀརཎསྶ ཏབྦྷཱགིཡཾ. ཨེཝཾ ཨདྷིཀརཎཾ ཨདྷིཀརཎསྶ ཏབྦྷཱགིཡཾ.

༣༩༤. ཀིཉྩི དེསཾ ལེསམཏྟཾ ཨུཔཱདཱཡཱཏི ལེསོ ནཱམ དས ལེསཱ – ཛཱཏིལེསོ ¶ , ནཱམལེསོ, གོཏྟལེསོ, ལིངྒལེསོ, ཨཱཔཏྟིལེསོ, པཏྟལེསོ, ཙཱིཝརལེསོ, ཨུཔཛ྄ཛྷཱཡལེསོ, ཨཱཙརིཡལེསོ, སེནཱསནལེསོ.

༣༩༥. ཛཱཏིལེསོ ནཱམ ཁཏྟིཡོ དིཊྛོ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. ཨཉྙཾ ཁཏྟིཡཾ པསྶིཏྭཱ ཙོདེཏི – ‘‘ཁཏྟིཡོ མཡཱ དིཊྛོ [ཨེཏྠ ‘‘པཱརཱཛིཀཾ དྷམྨཾ ཨཛ྄ཛྷཱཔཛྫནྟོ’’ཏི པཱཋོ ཨཱུནོ མཉྙེ, ཨཊྛཀཐཱཡཾ ཧི ‘‘ཁཏྟིཡོ མཡཱ དིཊྛོ པཱརཱཛིཀཾ དྷམྨཾ ཨཛ྄ཛྷཱཔཛྫནྟོ’’ཏི དིསྶཏི]. པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི, ཨསཀྱཔུཏྟིཡོསི, ནཏྠི ཏཡཱ སདྡྷིཾ ཨུཔོསཐོ ཝཱ པཝཱརཎཱ ཝཱ སངྒྷཀམྨཾ ཝཱ’’ཏི, ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

བྲཱཧྨཎོ དིཊྛོ ཧོཏི…པེ… ཝེསྶོ དིཊྛོ ཧོཏི…པེ… སུདྡོ དིཊྛོ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. ཨཉྙཾ སུདྡཾ པསྶིཏྭཱ ཙོདེཏི – ‘‘སུདྡོ མཡཱ དིཊྛོ. པཱརཱཛིཀཾ དྷམྨཾ ཨཛ྄ཛྷཱཔནྣོསི ¶ , ཨསྶམཎོསི, ཨསཀྱཔུཏྟིཡོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

༣༩༦. ནཱམལེསོ ནཱམ བུདྡྷརཀྑིཏོ དིཊྛོ ཧོཏི…པེ… དྷམྨརཀྑིཏོ དིཊྛོ ཧོཏི…པེ… སངྒྷརཀྑིཏོ དིཊྛོ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ ¶ . ཨཉྙཾ སངྒྷརཀྑིཏཾ པསྶིཏྭཱ ཙོདེཏི – ‘‘སངྒྷརཀྑིཏོ མཡཱ དིཊྛོ. པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི, ཨསཀྱཔུཏྟིཡོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

༣༩༧. གོཏྟལེསོ ནཱམ གོཏམོ དིཊྛོ ཧོཏི…པེ… མོགྒལླཱནོ དིཊྛོ ཧོཏི…པེ… ཀཙྩཱཡནོ དིཊྛོ ཧོཏི…པེ… ཝཱསིཊྛོ དིཊྛོ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. ཨཉྙཾ ཝཱསིཊྛཾ པསྶིཏྭཱ ཙོདེཏི – ‘‘ཝཱསིཊྛོ མཡཱ དིཊྛོ. པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི, ཨསཀྱཔུཏྟིཡོསི’’…པེ… ཨཱཔཏྟི ¶ ཝཱཙཱཡ, ཝཱཙཱཡ སངྒྷཱདིསེསསྶ.

༣༩༨. ལིངྒལེསོ ནཱམ དཱིགྷོ དིཊྛོ ཧོཏི…པེ… རསྶོ དིཊྛོ ཧོཏི…པེ… ཀཎྷོ དིཊྛོ ཧོཏི…པེ… ཨོདཱཏོ དིཊྛོ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. ཨཉྙཾ ཨོདཱཏཾ པསྶིཏྭཱ ཙོདེཏི – ‘‘ཨོདཱཏོ མཡཱ དིཊྛོ. པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི, ཨསཀྱཔུཏྟིཡོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

༣༩༩. ཨཱཔཏྟིལེསོ ནཱམ ལཧུཀཾ ཨཱཔཏྟིཾ ཨཱཔཛྫནྟོ དིཊྛོ ཧོཏི. ཏཉྩེ པཱརཱཛིཀེན ཙོདེཏི – ‘‘ཨསྶམཎོསི, ཨསཀྱཔུཏྟིཡོསི…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

༤༠༠. པཏྟལེསོ ནཱམ ལོཧཔཏྟདྷརོ དིཊྛོ ཧོཏི…པེ… སཱཊཀཔཏྟདྷརོ དིཊྛོ ཧོཏི…པེ… སུམྦྷཀཔཏྟདྷརོ ¶ དིཊྛོ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. ཨཉྙཾ སུམྦྷཀཔཏྟདྷརཾ པསྶིཏྭཱ ཙོདེཏི – ‘‘སུམྦྷཀཔཏྟདྷརོ མཡཱ དིཊྛོ. པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི, ཨསཀྱཔུཏྟིཡོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

༤༠༡. ཙཱིཝརལེསོ ནཱམ པཾསུཀཱུལིཀོ དིཊྛོ ཧོཏི…པེ… གཧཔཏིཙཱིཝརདྷརོ དིཊྛོ ཧོཏི ¶ པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. ཨཉྙཾ གཧཔཏིཙཱིཝརདྷརཾ པསྶིཏྭཱ ཙོདེཏི – ‘‘གཧཔཏིཙཱིཝརདྷརོ མཡཱ དིཊྛོ. པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི, ཨསཀྱཔུཏྟིཡོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

༤༠༢. ཨུཔཛ྄ཛྷཱཡལེསོ ¶ ནཱམ ཨིཏྠནྣཱམསྶ སདྡྷིཝིཧཱརིཀོ དིཊྛོ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. ཨཉྙཾ ཨིཏྠནྣཱམསྶ སདྡྷིཝིཧཱརིཀཾ པསྶིཏྭཱ ཙོདེཏི – ‘‘ཨིཏྠནྣཱམསྶ སདྡྷིཝིཧཱརིཀོ མཡཱ དིཊྛོ. པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི, ཨསཀྱཔུཏྟིཡོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

༤༠༣. ཨཱཙརིཡལེསོ ནཱམ ཨིཏྠནྣཱམསྶ ཨནྟེཝཱསིཀོ དིཊྛོ ཧོཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟོ. ཨཉྙཾ ཨིཏྠནྣཱམསྶ ཨནྟེཝཱསིཀཾ པསྶིཏྭཱ ཙོདེཏི – ‘‘ཨིཏྠནྣཱམསྶ ཨནྟེཝཱསིཀོ མཡཱ དིཊྛོ. པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི, ཨསཀྱཔུཏྟིཡོསི’’…པེ… ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

༤༠༤. སེནཱསནལེསོ ནཱམ ཨིཏྠནྣཱམསེནཱསནཝཱསིཀོ དིཊྛོ ཧོཏི ¶ པཱརཱཛིཀཾ ¶ དྷམྨཾ ཨཛ྄ཛྷཱཔཛྫནྟོ. ཨཉྙཾ ཨིཏྠནྣཱམསེནཱསནཝཱསིཀཾ པསྶིཏྭཱ ཙོདེཏི – ‘‘ཨིཏྠནྣཱམསེནཱསནཝཱསིཀོ མཡཱ དིཊྛོ. པཱརཱཛིཀཾ དྷམྨཾ ཨཛ྄ཛྷཱཔནྣོསི, ཨསྶམཎོསི, ཨསཀྱཔུཏྟིཡོསི, ནཏྠི ཏཡཱ སདྡྷིཾ ཨུཔོསཐོ ཝཱ པཝཱརཎཱ ཝཱ སངྒྷཀམྨཾ ཝཱ’’ཏི, ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

༤༠༥. པཱརཱཛིཀེན དྷམྨེནཱཏི ཙཏུནྣཾ ཨཉྙཏརེན.

ཨནུདྡྷཾསེཡྻཱཏི ཙོདེཏི ཝཱ ཙོདཱཔེཏི ཝཱ.

ཨཔྤེཝ ནཱམ ནཾ ཨིམམྷཱ བྲཧྨཙརིཡཱཙཱཝེཡྻནྟི བྷིཀྑུབྷཱཝཱ ཙཱཝེཡྻཾ, སམཎདྷམྨཱ ཙཱཝེཡྻཾ, སཱིལཀྑནྡྷཱ ཙཱཝེཡྻཾ, ཏཔོགུཎཱ ཙཱཝེཡྻཾ.

ཏཏོ ཨཔརེན སམཡེནཱཏི ཡསྨིཾ ཁཎེ ཨནུདྡྷཾསིཏོ ཧོཏི, ཏཾ ཁཎཾ ཏཾ ལཡཾ ཏཾ མུཧུཏྟཾ ཝཱིཏིཝཏྟེ.

སམནུགྒཱཧཱིཡམཱནོཏི ¶ ཡེན ཝཏྠུནཱ ཨནུདྡྷཾསིཏོ ཧོཏི ཏསྨིཾ ཝཏྠུསྨིཾ སམནུགྒཱཧཱིཡམཱནོ.

ཨསམནུགྒཱཧཱིཡམཱནོཏི ན ཀེནཙི ཝུཙྩམཱནོ.

ཨདྷིཀརཎཾ ནཱམ ཙཏྟཱརི ཨདྷིཀརཎཱནི – ཝིཝཱདཱདྷིཀརཎཾ, ཨནུཝཱདཱདྷིཀརཎཾ, ཨཱཔཏྟཱདྷིཀརཎཾ, ཀིཙྩཱདྷིཀརཎཾ.

ཀོཙི ¶ དེསོ ལེསམཏྟོ ཨུཔཱདིནྣོཏི ཏེསཾ དསནྣཾ ལེསཱནཾ ཨཉྙཏརོ ལེསོ ཨུཔཱདིནྣོ ཧོཏི.

བྷིཀྑུ ཙ དོསཾ པཏིཊྛཱཏཱིཏི ཏུཙྪཀཾ མཡཱ བྷཎིཏཾ, མུསཱ མཡཱ བྷཎིཏཾ, ཨབྷཱུཏཾ མཡཱ བྷཎིཏཾ, ཨཛཱནནྟེན མཡཱ བྷཎིཏཾ.

སངྒྷཱདིསེསོཏི ¶ …པེ… ཏེནཔི ཝུཙྩཏི སངྒྷཱདིསེསོཏི.

༤༠༦. བྷིཀྑུ སངྒྷཱདིསེསཾ ཨཛ྄ཛྷཱཔཛྫནྟོ དིཊྛོ ཧོཏི, སངྒྷཱདིསེསེ སངྒྷཱདིསེསདིཊྛི ཧོཏི. ཏཉྩེ པཱརཱཛིཀེན ཙོདེཏི – ‘‘ཨསྶམཎོསི, ཨསཀྱཔུཏྟིཡོསི, ནཏྠི ཏཡཱ སདྡྷིཾ ཨུཔོསཐོ ཝཱ པཝཱརཎཱ ཝཱ སངྒྷཀམྨཾ ཝཱ’’ཏི, ཨེཝམྤི ཨཱཔཏྟཉྙབྷཱགིཡཾ ཧོཏི ལེསོ ཙ ཨུཔཱདིནྣོ, ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

བྷིཀྑུ སངྒྷཱདིསེསཾ ཨཛ྄ཛྷཱཔཛྫནྟོ དིཊྛོ ཧོཏི, སངྒྷཱདིསེསེ ཐུལླཙྩཡདིཊྛི ཧོཏི…པེ… པཱཙིཏྟིཡདིཊྛི ཧོཏི… པཱཊིདེསནཱིཡདིཊྛི ཧོཏི… དུཀྐཊདིཊྛི ཧོཏི… དུབྦྷཱསིཏདིཊྛི ཧོཏི. ཏཉྩེ པཱརཱཛིཀེན ཙོདེཏི – ‘‘ཨསྶམཎོསི’’…པེ… ཨེཝམྤི ཨཱཔཏྟཉྙབྷཱགིཡཾ ཧོཏི ལེསོ ཙ ཨུཔཱདིནྣོ, ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

བྷིཀྑུ ཐུལླཙྩཡཾ ཨཛ྄ཛྷཱཔཛྫནྟོ དིཊྛོ ཧོཏི ཐུལླཙྩཡེ ཐུལླཙྩཡདིཊྛི ཧོཏི…པེ… ཐུལླཙྩཡེ པཱཙིཏྟིཡདིཊྛི ཧོཏི… པཱཊིདེསནཱིཡདིཊྛི ¶ ཧོཏི… དུཀྐཊདིཊྛི ཧོཏི… དུབྦྷཱསིཏདིཊྛི ཧོཏི… སངྒྷཱདིསེསདིཊྛི ཧོཏི. ཏཉྩེ པཱརཱཛིཀེན ཙོདེཏི – ‘‘ཨསྶམཎོསི’’ ¶ …པེ… ཨེཝམྤི ཨཱཔཏྟཉྙབྷཱགིཡཾ ཧོཏི ལེསོ ཙ ཨུཔཱདིནྣོ, ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

བྷིཀྑུ པཱཙིཏྟིཡཾ…པེ… པཱཊིདེསནཱིཡཾ… དུཀྐཊཾ… དུབྦྷཱསིཏཾ ཨཛ྄ཛྷཱཔཛྫནྟོ དིཊྛོ ཧོཏི, དུབྦྷཱསིཏེ དུབྦྷཱསིཏདིཊྛི ཧོཏི…པེ… དུབྦྷཱསིཏེ སངྒྷཱདིསེསདིཊྛི ཧོཏི… ཐུལླཙྩཡདིཊྛི ཧོཏི… པཱཙིཏྟིཡདིཊྛི ཧོཏི… པཱཊིདེསནཱིཡདིཊྛི ཧོཏི… དུཀྐཊདིཊྛི ཧོཏི. ཏཉྩེ པཱརཱཛིཀེན ཙོདེཏི – ‘‘ཨསྶམཎོསི, ཨསཀྱཔུཏྟིཡོསི, ནཏྠི ཏཡཱ སདྡྷིཾ ཨུཔོསཐོ ཝཱ པཝཱརཎཱ ཝཱ སངྒྷཀམྨཾ ཝཱ’’ཏི, ཨེཝམྤི ཨཱཔཏྟཉྙབྷཱགིཡཾ ཧོཏི ལེསོ ཙ ཨུཔཱདིནྣོ, ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

ཨེཀེཀཾ མཱུལཾ ཀཱཏུན ཙཀྐཾ བནྡྷིཏབྦཾ.

༤༠༧. བྷིཀྑུ ¶ སངྒྷཱདིསེསཾ ཨཛ྄ཛྷཱཔཛྫནྟོ དིཊྛོ ཧོཏི སངྒྷཱདིསེསེ སངྒྷཱདིསེསདིཊྛི ཧོཏི. ཏཉྩེ པཱརཱཛིཀེན ཙོདཱཔེཏི – ‘‘ཨསྶམཎོསི’’…པེ… ཨེཝམྤི ཨཱཔཏྟཉྙབྷཱགིཡཾ ཧོཏི ལེསོ ཙ ཨུཔཱདིནྣོ, ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

བྷིཀྑུ སངྒྷཱདིསེསཾ ཨཛ྄ཛྷཱཔཛྫནྟོ དིཊྛོ ཧོཏི, སངྒྷཱདིསེསེ ཐུལླཙྩཡདིཊྛི ¶ ཧོཏི…པེ… པཱཙིཏྟིཡདིཊྛི ཧོཏི… པཱཊིདེསནཱིཡདིཊྛི ཧོཏི… དུཀྐཊདིཊྛི ཧོཏི… དུབྦྷཱསིཏདིཊྛི ཧོཏི. ཏཉྩེ པཱརཱཛིཀེན ཙོདཱཔེཏི – ‘‘ཨསྶམཎོསི’’…པེ… ཨེཝམྤི ཨཱཔཏྟཉྙབྷཱགིཡཾ ཧོཏི ལེསོ ཙ ཨུཔཱདིནྣོ, ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

བྷིཀྑུ ཐུལླཙྩཡཾ ཨཛ྄ཛྷཱཔཛྫནྟོ དིཊྛོ ཧོཏི ཐུལླཙྩཡེ ཐུལླཙྩཡདིཊྛི ཧོཏི…པེ… ཐུལླཙྩཡེ པཱཙིཏྟིཡདིཊྛི ཧོཏི… པཱཊིདེསནཱིཡདིཊྛི ཧོཏི… དུཀྐཊདིཊྛི ཧོཏི… དུབྦྷཱསིཏདིཊྛི ཧོཏི… སངྒྷཱདིསེསདིཊྛི ཧོཏི. ཏཉྩེ པཱརཱཛིཀེན ཙོདཱཔེཏི – ‘‘ཨསྶམཎོསི’’…པེ… ཨེཝམྤི ཨཱཔཏྟཉྙབྷཱགིཡཾ ཧོཏི ལེསོ ཙ ཨུཔཱདིནྣོ, ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

བྷིཀྑུ པཱཙིཏྟིཡཾ…པེ… པཱཊིདེསནཱིཡཾ… དུཀྐཊཾ… དུབྦྷཱསིཏཾ ཨཛ྄ཛྷཱཔཛྫནྟོ དིཊྛོ ཧོཏི དུབྦྷཱསིཏེ དུབྦྷཱསིཏདིཊྛི ཧོཏི…པེ… དུབྦྷཱསིཏེ སངྒྷཱདིསེསདིཊྛི ཧོཏི… ཐུལླཙྩཡདིཊྛི ¶ ཧོཏི… པཱཙིཏྟིཡདིཊྛི ཧོཏི… པཱཊིདེསནཱིཡདིཊྛི ཧོཏི… དུཀྐཊདིཊྛི ཧོཏི. ཏཉྩེ པཱརཱཛིཀེན ཙོདཱཔེཏི – ‘‘ཨསྶམཎོསི ¶ , ཨསཀྱཔུཏྟིཡོསི, ནཏྠི ཏཡཱ སདྡྷིཾ ཨུཔོསཐོ ཝཱ པཝཱརཎཱ ཝཱ སངྒྷཀམྨཾ ཝཱ’’ཏི, ཨེཝམྤི ཨཱཔཏྟཉྙབྷཱགིཡཾ ཧོཏི ལེསོ ཙ ཨུཔཱདིནྣོ, ཨཱཔཏྟི ཝཱཙཱཡ, ཝཱཙཱཡ སངྒྷཱདིསེསསྶ.

༤༠༨. ཨནཱཔཏྟི ཏཐཱསཉྙཱི ཙོདེཏི ཝཱ ཙོདཱཔེཏི ཝཱ, ཨུམྨཏྟཀསྶ, ཨཱདིཀམྨིཀསྶཱཏི.

དུཏིཡདུཊྛདོསསིཀྑཱཔདཾ ནིཊྛིཏཾ ནཝམཾ.

༡༠. སངྒྷབྷེདསིཀྑཱཔདཾ

༤༠༩. [ཨིདཾ ཝཏྠུ ཙཱུལ༹ཝ. ༣༤༣] ཏེན ¶ ¶ ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཨཐ ཁོ དེཝདཏྟོ ཡེན ཀོཀཱལིཀོ ཀཊམོདཀཏིསྶཀོ [ཀཊམོརཀཏིསྶཀོ (སཱི. སྱཱ.)] ཁཎྜདེཝིཡཱ པུཏྟོ སམུདྡདཏྟོ ཏེནུཔསངྐམི; ཨུཔསངྐམིཏྭཱ ཀོཀཱལིཀཾ ཀཊམོདཀཏིསྶཀཾ ཁཎྜདེཝིཡཱ པུཏྟཾ སམུདྡདཏྟཾ ཨེཏདཝོཙ – ‘‘ཨེཐ མཡཾ, ཨཱཝུསོ, སམཎསྶ གོཏམསྶ སངྒྷབྷེདཾ ཀརིསྶཱམ ཙཀྐབྷེད’’ནྟི. ཨེཝཾ ཝུཏྟེ ཀོཀཱལིཀོ དེཝདཏྟཾ ཨེཏདཝོཙ – ‘‘སམཎོ ཁོ, ཨཱཝུསོ, གོཏམོ མཧིདྡྷིཀོ མཧཱནུབྷཱཝོ. ཀཐཾ མཡཾ སམཎསྶ གོཏམསྶ སངྒྷབྷེདཾ ཀརིསྶཱམ ཙཀྐབྷེད’’ནྟི? ‘‘ཨེཐ མཡཾ, ཨཱཝུསོ, སམཎཾ གོཏམཾ ཨུཔསངྐམིཏྭཱ པཉྩ ཝཏྠཱུནི ཡཱཙིསྶཱམ – ‘བྷགཝཱ, བྷནྟེ, ཨནེཀཔརིཡཱཡེན ཨཔྤིཙྪསྶ སནྟུཊྛསྶ སལླེཁསྶ དྷུཏསྶ པཱསཱདིཀསྶ ཨཔཙཡསྶ ཝཱིརིཡཱརམྦྷསྶ [ཝཱིརིཡཱརབྦྷསྶ (ཀ.)] ཝཎྞཝཱདཱི. ཨིམཱནི, བྷནྟེ, པཉྩ ཝཏྠཱུནི ཨནེཀཔརིཡཱཡེན ཨཔྤིཙྪཏཱཡ སནྟུཊྛིཡཱ སལླེཁཱཡ དྷུཏཏཱཡ པཱསཱདིཀཏཱཡ ཨཔཙཡཱཡ ཝཱིརིཡཱརམྦྷཱཡ སཾཝཏྟནྟི. སཱདྷུ, བྷནྟེ, བྷིཀྑཱུ ཡཱཝཛཱིཝཾ ཨཱརཉྙིཀཱ ཨསྶུ; ཡོ གཱམནྟཾ ཨོསརེཡྻ, ཝཛྫཾ ནཾ ཕུསེཡྻ. ཡཱཝཛཱིཝཾ པིཎྜཔཱཏིཀཱ ཨསྶུ; ཡོ ནིམནྟནཾ སཱདིཡེཡྻ, ཝཛྫཾ ནཾ ཕུསེཡྻ. ཡཱཝཛཱིཝཾ པཾསུཀཱུལིཀཱ ཨསྶུ; ཡོ གཧཔཏིཙཱིཝརཾ སཱདིཡེཡྻ, ཝཛྫཾ ནཾ ཕུསེཡྻ. ཡཱཝཛཱིཝཾ རུཀྑམཱུལིཀཱ ཨསྶུ; ཡོ ཚནྣཾ ཨུཔགཙྪེཡྻ, ཝཛྫཾ ནཾ ཕུསེཡྻ. ཡཱཝཛཱིཝཾ མཙྪམཾསཾ ¶ ན ཁཱདེཡྻུཾ; ཡོ མཙྪམཾསཾ ཁཱདེཡྻ, ཝཛྫཾ ནཾ ཕུསེཡྻཱ’ཏི. ཨིམཱནི སམཎོ གོཏམོ ནཱནུཛཱནིསྶཏི. ཏེ མཡཾ ཨིམེཧི པཉྩཧི ¶ ཝཏྠཱུཧི ཛནཾ སཉྙཱཔེསྶཱམཱཏི. སཀྐཱ ཁོ, ཨཱཝུསོ, ཨིམེཧི པཉྩཧི ཝཏྠཱུཧི སམཎསྶ གོཏམསྶ སངྒྷབྷེདོ ཀཱཏུཾ ཙཀྐབྷེདོ. ལཱུཁཔསནྣཱ ཧི, ཨཱཝུསོ, མནུསྶཱ’’ཏི.

ཨཐ ཁོ དེཝདཏྟོ སཔརིསོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ དེཝདཏྟོ བྷགཝནྟཾ ཨེཏདཝོཙ – ‘‘བྷགཝཱ, བྷནྟེ, ཨནེཀཔརིཡཱཡེན ཨཔྤིཙྪསྶ…པེ… ཝཱིརིཡཱརམྦྷསྶ ཝཎྞཝཱདཱི. ཨིམཱནི, བྷནྟེ, པཉྩ ཝཏྠཱུནི ཨནེཀཔརིཡཱཡེན ཨཔྤིཙྪཏཱཡ…པེ… ཝཱིརིཡཱརམྦྷཱཡ སཾཝཏྟནྟི. སཱདྷུ, བྷནྟེ, བྷིཀྑཱུ ¶ ཡཱཝཛཱིཝཾ ཨཱརཉྙིཀཱ ཨསྶུ; ཡོ གཱམནྟཾ ཨོསརེཡྻ ཝཛྫཾ ནཾ ཕུསེཡྻ…པེ… ཡཱཝཛཱིཝཾ མཙྪམཾསཾ ན ཁཱདེཡྻུཾ, ཡོ མཙྪམཾསཾ ཁཱདེཡྻ ཝཛྫཾ ནཾ ཕུསེཡྻཱ’’ཏི. ‘‘ཨལཾ, དེཝདཏྟ, ཡོ ཨིཙྪཏི ཨཱརཉྙིཀོ ཧོཏུ, ཡོ ཨིཙྪཏི གཱམནྟེ ཝིཧརཏུ; ཡོ ཨིཙྪཏི པིཎྜཔཱཏིཀོ ¶ ཧོཏུ, ཡོ ¶ ཨིཙྪཏི ནིམནྟནཾ སཱདིཡཏུ; ཡོ ཨིཙྪཏི པཾསུཀཱུལིཀོ ཧོཏུ, ཡོ ཨིཙྪཏི གཧཔཏིཙཱིཝརཾ སཱདིཡཏུ. ཨཊྛམཱསེ ཁོ མཡཱ, དེཝདཏྟ, རུཀྑམཱུལསེནཱསནཾ ཨནུཉྙཱཏཾ, ཏིཀོཊིཔརིསུདྡྷཾ མཙྪམཾསཾ – ཨདིཊྛཾ ཨསུཏཾ ཨཔརིསངྐིཏ’’ནྟི. ཨཐ ཁོ དེཝདཏྟོ – ‘‘ན བྷགཝཱ ཨིམཱནི པཉྩ ཝཏྠཱུནི ཨནུཛཱནཱཏཱི’’ཏི ཧཊྛོ ཨུདགྒོ སཔརིསོ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི.

༤༡༠. ཨཐ ཁོ དེཝདཏྟོ སཔརིསོ རཱཛགཧཾ པཝིསིཏྭཱ པཉྩཧི ཝཏྠཱུཧི ཛནཾ སཉྙཱཔེསི – ‘‘མཡཾ, ཨཱཝུསོ, སམཎཾ གོཏམཾ ཨུཔསངྐམིཏྭཱ པཉྩ ཝཏྠཱུནི ཡཱཙིམྷཱ – ‘བྷགཝཱ, བྷནྟེ, ཨནེཀཔརིཡཱཡེན ཨཔྤིཙྪསྶ སནྟུཊྛསྶ སལླེཁསྶ དྷུཏསྶ པཱསཱདིཀསྶ ཨཔཙཡསྶ ཝཱིརིཡཱརམྦྷསྶ ཝཎྞཝཱདཱི. ཨིམཱནི, བྷནྟེ, པཉྩ ཝཏྠཱུནི ཨནེཀཔརིཡཱཡེན ཨཔྤིཙྪཏཱཡ སནྟུཊྛིཡཱ སལླེཁཱཡ དྷུཏཏཱཡ པཱསཱདིཀཏཱཡ ཨཔཙཡཱཡ ཝཱིརིཡཱརམྦྷཱཡ སཾཝཏྟནྟི. སཱདྷུ, བྷནྟེ, བྷིཀྑཱུ ཡཱཝཛཱིཝཾ ཨཱརཉྙིཀཱ ཨསྶུ; ཡོ གཱམནྟཾ ཨོསརེཡྻ, ཝཛྫཾ ནཾ ཕུསེཡྻ. ཡཱཝཛཱིཝཾ པིཎྜཔཱཏིཀཱ ཨསྶུ; ཡོ ནིམནྟནཾ སཱདིཡེཡྻ, ཝཛྫཾ ནཾ ཕུསེཡྻ. ཡཱཝཛཱིཝཾ པཾསུཀཱུལིཀཱ ཨསྶུ; ཡོ གཧཔཏིཙཱིཝརཾ སཱདིཡེཡྻ, ཝཛྫཾ ནཾ ཕུསེཡྻ. ཡཱཝཛཱིཝཾ རུཀྑམཱུལིཀཱ ཨསྶུ; ཡོ ཚནྣཾ ཨུཔགཙྪེཡྻ, ཝཛྫཾ ནཾ ཕུསེཡྻ. ཡཱཝཛཱིཝཾ མཙྪམཾསཾ ན ཁཱདེཡྻུཾ; ཡོ མཙྪམཾསཾ ཁཱདེཡྻ, ཝཛྫཾ ནཾ ཕུསེཡྻཱ’ཏི. ཨིམཱནི སམཎོ གོཏམོ ནཱནུཛཱནཱཏི ¶ . ཏེ མཡཾ ཨིམེཧི པཉྩཧི ཝཏྠཱུཧི སམཱདཱཡ ཝཏྟཱམཱ’’ཏི. ཏཏྠ ཡེ ཏེ མནུསྶཱ ཨསྶདྡྷཱ ཨཔྤསནྣཱ དུབྦུདྡྷིནོ ཏེ ཨེཝམཱཧཾསུ – ‘‘ཨིམེ ཁོ སམཎཱ སཀྱཔུཏྟིཡཱ དྷུཏཱ སལླེཁཝུཏྟིནོ, སམཎོ པན གོཏམོ བཱཧུལླིཀོ བཱཧུལླཱཡ ཙེཏེཏཱི’’ཏི. ཡེ ¶ པན ཏེ མནུསྶཱ སདྡྷཱ པསནྣཱ པཎྜིཏཱ བྱཏྟཱ བུདྡྷིམནྟོ ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ དེཝདཏྟོ བྷགཝཏོ སངྒྷབྷེདཱཡ པརཀྐམིསྶཏི ཙཀྐབྷེདཱཡཱ’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི ¶ – ‘‘ཀཐཉྷི ནཱམ དེཝདཏྟོ སངྒྷབྷེདཱཡ པརཀྐམིསྶཏི ཙཀྐབྷེདཱཡཱ’’ཏི! ཨཐ ཁོ ཏེ བྷིཀྑཱུ དེཝདཏྟཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, དེཝདཏྟ, སངྒྷབྷེདཱཡ པརཀྐམསི ཙཀྐབྷེདཱཡཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ཏྭཾ, མོགྷཔུརིས, སངྒྷབྷེདཱཡ པརཀྐམིསྶསི ཙཀྐབྷེདཱཡ! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༡༡. ‘‘ཡོ པན བྷིཀྑུ སམགྒསྶ སངྒྷསྶ བྷེདཱཡ པརཀྐམེཡྻ, བྷེདནསཾཝཏྟནིཀཾ ཝཱ ཨདྷིཀརཎཾ སམཱདཱཡ པགྒཡ྄ཧ ཏིཊྛེཡྻ, སོ བྷིཀྑུ བྷིཀྑཱུཧི ཨེཝམསྶ ཝཙནཱིཡོ – ‘མཱཡསྨཱ སམགྒསྶ སངྒྷསྶ བྷེདཱཡ པརཀྐམི, བྷེདནསཾཝཏྟནིཀཾ ཝཱ ¶ ཨདྷིཀརཎཾ སམཱདཱཡ པགྒཡ྄ཧ ཨཊྛཱསི. སམེཏཱཡསྨཱ སངྒྷེན. སམགྒོ ཧི སངྒྷོ སམྨོདམཱནོ ཨཝིཝདམཱནོ ཨེཀུདྡེསོ ཕཱསུ ཝིཧརཏཱི’ཏི. ཨེཝཉྩ སོ བྷིཀྑུ བྷིཀྑཱུཧི ཝུཙྩམཱནོ ཏཐེཝ པགྒཎྷེཡྻ ¶ , སོ བྷིཀྑུ བྷིཀྑཱུཧི ཡཱཝཏཏིཡཾ སམནུབྷཱསིཏབྦོ ཏསྶ པཊིནིསྶགྒཱཡ. ཡཱཝཏཏིཡཉྩེ སམནུབྷཱསིཡམཱནོ ཏཾ པཊིནིསྶཛྫེཡྻ, ཨིཙྩེཏཾ ཀུསལཾ; ནོ ཙེ པཊིནིསྶཛྫེཡྻ, སངྒྷཱདིསེསོ’’ཏི.

༤༡༢. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

སམགྒོ ནཱམ སངྒྷོ སམཱནསཾཝཱསཀོ སམཱནསཱིམཱཡཾ ཋིཏོ.

བྷེདཱཡ པརཀྐམེཡྻཱཏི – ‘‘ཀཐཾ ཨིམེ ནཱནཱ ཨསྶུ, ཝིནཱ ཨསྶུ, ཝགྒཱ ཨསྶཱུ’’ཏི པཀྑཾ པརིཡེསཏི, གཎཾ བནྡྷཏི.

བྷེདནསཾཝཏྟནིཀཾ ཝཱ ཨདྷིཀརཎནྟི ཨཊྛཱརསབྷེདཀརཝཏྠཱུནི.

སམཱདཱཡཱཏི ¶ ཨཱདཱཡ.

པགྒཡ྄ཧཱཏི དཱིཔེཡྻ.

ཏིཊྛེཡྻཱཏི ན པཊིནིསྶཛྫེཡྻ.

སོ བྷིཀྑཱུཏི ཡོ སོ སངྒྷབྷེདཀོ བྷིཀྑུ.

བྷིཀྑཱུཧཱིཏི ཨཉྙེཧི བྷིཀྑཱུཧི.

ཡེ ¶ པསྶནྟི, ཡེ སུཎནྟི, ཏེཧི ཝཏྟབྦོ – ‘‘མཱཡསྨཱ སམགྒསྶ སངྒྷསྶ བྷེདཱཡ པརཀྐམི, བྷེདནསཾཝཏྟནིཀཾ ཝཱ ཨདྷིཀརཎཾ སམཱདཱཡ པགྒཡ྄ཧ ཨཊྛཱསི. སམེཏཱཡསྨཱ སངྒྷེན. སམགྒོ ཧི སངྒྷོ སམྨོདམཱནོ ཨཝིཝདམཱནོ ཨེཀུདྡེསོ ཕཱསུ ཝིཧརཏཱི’’ཏི. དུཏིཡམྤི ཝཏྟབྦོ. ཏཏིཡམྤི ཝཏྟབྦོ. སཙེ པཊིནིསྶཛྫཏི, ཨིཙྩེཏཾ ཀུསལཾ; ནོ ཙེ པཊིནིསྶཛྫཏི, ཨཱཔཏྟི དུཀྐཊསྶ. སུཏྭཱ ན ཝདནྟི ¶ , ཨཱཔཏྟི དུཀྐཊསྶ. སོ བྷིཀྑུ སངྒྷམཛ྄ཛྷམྤི ཨཱཀཌྜྷིཏྭཱ ཝཏྟབྦོ – ‘‘མཱཡསྨཱ སམགྒསྶ སངྒྷསྶ བྷེདཱཡ པརཀྐམི, བྷེདནསཾཝཏྟནིཀཾ ཝཱ ཨདྷིཀརཎཾ སམཱདཱཡ པགྒཡ྄ཧ ཨཊྛཱསི. སམེཏཱཡསྨཱ སངྒྷེན. སམགྒོ ཧི སངྒྷོ སམྨོདམཱནོ ཨཝིཝདམཱནོ ཨེཀུདྡེསོ ཕཱསུ ཝིཧརཏཱི’’ཏི. དུཏིཡམྤི ཝཏྟབྦོ. ཏཏིཡམྤི ཝཏྟབྦོ. སཙེ པཊིནིསྶཛྫཏི, ཨིཙྩེཏཾ ཀུསལཾ; ནོ ཙེ པཊིནིསྶཛྫཏི, ཨཱཔཏྟི དུཀྐཊསྶ. སོ བྷིཀྑུ སམནུབྷཱསིཏབྦོ – ‘‘ཨེཝཉྩ པན, བྷིཀྑཝེ, སམནུབྷཱསིཏབྦོ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༤༡༣. ‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སམགྒསྶ སངྒྷསྶ བྷེདཱཡ པརཀྐམཏི. སོ ཏཾ ཝཏྠུཾ ན པཊིནིསྶཛྫཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུཾ སམནུབྷཱསེཡྻ ཏསྶ ཝཏྠུསྶ པཊིནིསྶགྒཱཡ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སམགྒསྶ སངྒྷསྶ བྷེདཱཡ པརཀྐམཏི. སོ ཏཾ ཝཏྠུཾ ན པཊིནིསྶཛྫཏི. སངྒྷོ ཨིཏྠནྣཱམཾ ¶ བྷིཀྑུཾ སམནུབྷཱསཏི ཏསྶ ཝཏྠུསྶ ¶ པཊིནིསྶགྒཱཡ. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ སམནུབྷཱསནཱ ཏསྶ ཝཏྠུསྶ པཊིནིསྶགྒཱཡ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སམགྒསྶ སངྒྷསྶ བྷེདཱཡ པརཀྐམཏི. སོ ཏཾ ཝཏྠུཾ ན པཊིནིསྶཛྫཏི. སངྒྷོ ཨིཏྠནྣཱམཾ བྷིཀྑུཾ སམནུབྷཱསཏི ཏསྶ ཝཏྠུསྶ པཊིནིསྶགྒཱཡ. ཡསྶཱཡསྨཏོ ¶ ཁམཏི ཨིཏྠནྣཱམསྶ བྷིཀྑུནོ སམནུབྷཱསནཱ ཏསྶ ཝཏྠུསྶ པཊིནིསྶགྒཱཡ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམནུབྷཊྛོ སངྒྷེན ཨིཏྠནྣཱམོ བྷིཀྑུ ཏསྶ ཝཏྠུསྶ པཊིནིསྶགྒཱཡ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༤༡༤. ཉཏྟིཡཱ ¶ དུཀྐཊཾ, དྭཱིཧི ཀམྨཝཱཙཱཧི ཐུལླཙྩཡཱ, ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ. སངྒྷཱདིསེསཾ ཨཛ྄ཛྷཱཔཛྫནྟསྶ ཉཏྟིཡཱ དུཀྐཊཾ, དྭཱིཧི ཀམྨཝཱཙཱཧི ཐུལླཙྩཡཱ པཊིཔྤསྶམྦྷནྟི.

སངྒྷཱདིསེསོཏི…པེ… ཏེནཔི ཝུཙྩཏི སངྒྷཱདིསེསོཏི.

༤༡༥. དྷམྨཀམྨེ དྷམྨཀམྨསཉྙཱི ན པཊིནིསྶཛྫཏི, ཨཱཔཏྟི སངྒྷཱདིསེསསྶ.

དྷམྨཀམྨེ ཝེམཏིཀོ ན པཊིནིསྶཛྫཏི, ཨཱཔཏྟི སངྒྷཱདིསེསསྶ.

དྷམྨཀམྨེ ཨདྷམྨཀམྨསཉྙཱི ན པཊིནིསྶཛྫཏི, ཨཱཔཏྟི སངྒྷཱདིསེསསྶ.

ཨདྷམྨཀམྨེ དྷམྨཀམྨསཉྙཱི, ཨཱཔཏྟི དུཀྐཊསྶ.

ཨདྷམྨཀམྨེ ཝེམཏིཀོ, ཨཱཔཏྟི དུཀྐཊསྶ.

ཨདྷམྨཀམྨེ ཨདྷམྨཀམྨསཉྙཱི, ཨཱཔཏྟི དུཀྐཊསྶ.

༤༡༦. ཨནཱཔཏྟི ¶ ཨསམནུབྷཱསནྟསྶ, པཊིནིསྶཛྫནྟསྶ, ཨུམྨཏྟཀསྶ, ཁིཏྟཙིཏྟསྶ, ཝེདནཱཊྚསྶ, ཨཱདིཀམྨིཀསྶཱཏི.

སངྒྷབྷེདསིཀྑཱཔདཾ ནིཊྛིཏཾ དསམཾ.

༡༡. བྷེདཱནུཝཏྟཀསིཀྑཱཔདཾ

༤༡༧. ཏེན ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན དེཝདཏྟོ སངྒྷབྷེདཱཡ པརཀྐམཏི ཙཀྐབྷེདཱཡ. བྷིཀྑཱུ ཨེཝམཱཧཾསུ – ‘‘ཨདྷམྨཝཱདཱི དེཝདཏྟོ, ཨཝིནཡཝཱདཱི དེཝདཏྟོ. ཀཐཉྷི ནཱམ དེཝདཏྟོ སངྒྷབྷེདཱཡ པརཀྐམིསྶཏི ཙཀྐབྷེདཱཡཱ’’ཏི! ཨེཝཾ ཝུཏྟེ ཀོཀཱལིཀོ ཀཊམོདཀཏིསྶཀོ ཁཎྜདེཝིཡཱ པུཏྟོ སམུདྡདཏྟོ ཏེ བྷིཀྑཱུ ཨེཏདཝོཙུཾ – ‘‘མཱཡསྨནྟོ ཨེཝཾ ཨཝཙུཏྠ. དྷམྨཝཱདཱི ¶ དེཝདཏྟོ, ཝིནཡཝཱདཱི དེཝདཏྟོ. ཨམྷཱཀཉྩ དེཝདཏྟོ ཚནྡཉྩ རུཙིཉྩ ཨཱདཱཡ ཝོཧརཏི ཛཱནཱཏི ནོ བྷཱསཏི ཨམྷཱཀཾཔེཏཾ ཁམཏཱི’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑཱུ དེཝདཏྟསྶ ¶ སངྒྷབྷེདཱཡ པརཀྐམནྟསྶ ཨནུཝཏྟཀཱ བྷཝིསྶནྟི ཝགྒཝཱདཀཱ’’ཏི! ཨཐ ཁོ ཏེ བྷིཀྑཱུ ཏེ ཨནུཝཏྟཀེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, བྷིཀྑཱུ དེཝདཏྟསྶ སངྒྷབྷེདཱཡ པརཀྐམནྟསྶ ཨནུཝཏྟཀཱ ཧོནྟི ཝགྒཝཱདཀཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ཏེ, བྷིཀྑཝེ, མོགྷཔུརིསཱ དེཝདཏྟསྶ སངྒྷབྷེདཱཡ པརཀྐམནྟསྶ ཨནུཝཏྟཀཱ བྷཝིསྶནྟི ཝགྒཝཱདཀཱ ¶ ! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༡༨. ‘‘ཏསྶེཝ ཁོ པན བྷིཀྑུསྶ བྷིཀྑཱུ ཧོནྟི ཨནུཝཏྟཀཱ ཝགྒཝཱདཀཱ ཨེཀོ ཝཱ དྭེ ཝཱ ཏཡོ ཝཱ. ཏེ ཨེཝཾ ཝདེཡྻུཾ – ‘མཱཡསྨནྟོ ཨེཏཾ བྷིཀྑུཾ ཀིཉྩི ཨཝཙུཏྠ. དྷམྨཝཱདཱི ཙེསོ བྷིཀྑུ, ཝིནཡཝཱདཱི ཙེསོ བྷིཀྑུ. ཨམྷཱཀཉྩེསོ བྷིཀྑུ ཚནྡཉྩ རུཙིཉྩ ཨཱདཱཡ ཝོཧརཏི ཛཱནཱཏི ནོ བྷཱསཏི ཨམྷཱཀམྤེཏཾ ཁམཏཱི’ཏི, ཏེ བྷིཀྑཱུ བྷིཀྑཱུཧི ཨེཝམསྶུ ཝཙནཱིཡཱ – ‘མཱཡསྨནྟོ ཨེཝཾ ཨཝཙུཏྠ, ན ཙེསོ བྷིཀྑུ དྷམྨཝཱདཱི, ན ཙེསོ བྷིཀྑུ ཝིནཡཝཱདཱི, མཱཡསྨནྟཱནམྤི སངྒྷབྷེདོ རུཙྩིཏྠ, སམེཏཱཡསྨནྟཱནཾ སངྒྷེན, སམགྒོ ཧི སངྒྷོ སམྨོདམཱནོ ¶ ཨཝིཝདམཱནོ ཨེཀུདྡེསོ ཕཱསུ ཝིཧརཏཱི’ཏི. ཨེཝཉྩ ཏེ བྷིཀྑཱུ བྷིཀྑཱུཧི ཝུཙྩམཱནཱ ཏཐེཝ པགྒཎྷེཡྻུཾ, ཏེ བྷིཀྑཱུ བྷིཀྑཱུཧི ཡཱཝཏཏིཡཾ སམནུབྷཱསིཏབྦཱ ཏསྶ པཊིནིསྶགྒཱཡ. ཡཱཝཏཏིཡཉྩེ སམནུབྷཱསིཡམཱནཱ ཏཾ པཊིནིསྶཛྫེཡྻུཾ, ཨིཙྩེཏཾ ཀུསལཾ, ནོ ཙེ པཊིནིསྶཛྫེཡྻུཾ, སངྒྷཱདིསེསོ’’ཏི.

༤༡༩. ཏསྶེཝ ཁོ པནཱཏི ཏསྶ སངྒྷབྷེདཀསྶ བྷིཀྑུནོ.

བྷིཀྑཱུ ཧོནྟཱིཏི ཨཉྙེ བྷིཀྑཱུ ཧོནྟི.

ཨནུཝཏྟཀཱཏི ཡཾདིཊྛིཀོ སོ ཧོཏི ཡཾཁནྟིཀོ ཡཾརུཙིཀོ ཏེཔི ཏཾདིཊྛིཀཱ ཧོནྟི ཏཾཁནྟིཀཱ ཏཾརུཙིཀཱ.

ཝགྒཝཱདཀཱཏི ཏསྶ ཝཎྞཱཡ པཀྑཱཡ ཋིཏཱ ཧོནྟི.

ཨེཀོ ཝཱ དྭེ ཝཱ ཏཡོ ཝཱཏི ཨེཀོ ཝཱ ཧོཏི དྭེ ཝཱ ཏཡོ ཝཱ. ཏེ ཨེཝཾ ཝདེཡྻུཾ – ‘‘མཱཡསྨནྟོ ཨེཏཾ བྷིཀྑུཾ ཀིཉྩི ཨཝཙུཏྠ, དྷམྨཝཱདཱི ཙེསོ ¶ ¶ བྷིཀྑུ, ཝིནཡཝཱདཱི ཙེསོ བྷིཀྑུ, ཨམྷཱཀཉྩེསོ བྷིཀྑུ ཚནྡཉྩ རུཙིཉྩ ཨཱདཱཡ ཝོཧརཏི ¶ ཛཱནཱཏི ནོ བྷཱསཏི ཨམྷཱཀཾཔེཏཾ ཁམཏཱི’ཏི.

ཏེ བྷིཀྑཱུཏི ཡེ ཏེ ཨནུཝཏྟཀཱ བྷིཀྑཱུ.

བྷིཀྑཱུཧཱིཏི ཨཉྙེཧི བྷིཀྑཱུཧི.

ཡེ པསྶནྟི ཡེ སུཎནྟི ཏེཧི ཝཏྟབྦཱ – ‘‘མཱཡསྨནྟོ ཨེཝཾ ཨཝཙུཏྠ. ན ཙེསོ བྷིཀྑུ དྷམྨཝཱདཱི, ན ཙེསོ བྷིཀྑུ ཝིནཡཝཱདཱི. མཱཡསྨནྟཱནམྤི སངྒྷབྷེདོ རུཙྩིཏྠ. སམེཏཱཡསྨནྟཱནཾ སངྒྷེན. སམགྒོ ཧི སངྒྷོ སམྨོདམཱནོ ཨཝིཝདམཱནོ ཨེཀུདྡེསོ ཕཱསུ ཝིཧརཏཱི’’ཏི. དུཏིཡམྤི ཝཏྟབྦཱ. ཏཏིཡམྤི ཝཏྟབྦཱ. སཙེ པཊིནིསྶཛྫནྟི, ཨིཙྩེཏཾ ཀུསལཾ; ནོ ཙེ པཊིནིསྶཛྫནྟི, ཨཱཔཏྟི དུཀྐཊསྶ. སུཏྭཱ ན ཝདནྟི, ཨཱཔཏྟི དུཀྐཊསྶ. ཏེ བྷིཀྑཱུ སངྒྷམཛ྄ཛྷམྤི ཨཱཀཌྜྷིཏྭཱ ཝཏྟབྦཱ – ‘‘མཱཡསྨནྟོ ཨེཝཾ ཨཝཙུཏྠ. ན ཙེསོ ¶ བྷིཀྑུ དྷམྨཝཱདཱི, ན ཙེསོ བྷིཀྑུ ཝིནཡཝཱདཱི. མཱཡསྨནྟཱནམྤི སངྒྷབྷེདོ རུཙྩིཏྠ. སམེཏཱཡསྨནྟཱནཾ སངྒྷེན. སམགྒོ ཧི སངྒྷོ སམྨོདམཱནོ ཨཝིཝདམཱནོ ཨེཀུདྡེསོ ཕཱསུ ཝིཧརཏཱི’’ཏི. དུཏིཡམྤི ཝཏྟབྦཱ. ཏཏིཡམྤི ཝཏྟབྦཱ. སཙེ པཊིནིསྶཛྫནྟི, ཨིཙྩེཏཾ ཀུསལཾ; ནོ ཙེ པཊིནིསྶཛྫནྟི, ཨཱཔཏྟི དུཀྐཊསྶ. ཏེ བྷིཀྑཱུ སམནུབྷཱསིཏབྦཱ. ཨེཝཉྩ པན, བྷིཀྑཝེ, སམནུབྷཱསིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༤༢༠. ‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམོ ཙ ཨིཏྠནཱམོ ཙ བྷིཀྑཱུ ཨིཏྠནྣཱམསྶ བྷིཀྑུནོ སངྒྷབྷེདཱཡ པརཀྐམནྟསྶ ཨནུཝཏྟཀཱ ཝགྒཝཱདཀཱ ¶ . ཏེ ཏཾ ཝཏྠུཾ ན པཊིནིསྶཛྫནྟི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཉྩ ཨིཏྠནྣཱམཉྩ བྷིཀྑཱུ སམནུབྷཱསེཡྻ ཏསྶ ཝཏྠུསྶ པཊིནིསྶགྒཱཡ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམོ ཙ ཨིཏྠནྣཱམོ ཙ བྷིཀྑཱུ ཨིཏྠནྣཱམསྶ བྷིཀྑུནོ སངྒྷབྷེདཱཡ པརཀྐམནྟསྶ ཨནུཝཏྟཀཱ ཝགྒཝཱདཀཱ. ཏེ ཏཾ ཝཏྠུཾ ན པཊིནིསྶཛྫནྟི. སངྒྷོ ཨིཏྠནྣཱམཉྩ ཨིཏྠནྣཱམཉྩ བྷིཀྑཱུ སམནུབྷཱསཏི ཏསྶ ཝཏྠུསྶ པཊིནིསྶགྒཱཡ. ཡསྶཱཡསྨཏོ ཁམཏི ཨིཏྠནྣཱམསྶ ཙ ཨིཏྠནྣཱམསྶ ཙ བྷིཀྑཱུནཾ སམནུབྷཱསནཱ ཏསྶ ཝཏྠུསྶ ¶ པཊིནིསྶགྒཱཡ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨིཏྠནྣཱམོ ཙ ཨིཏྠནྣཱམོ ཙ བྷིཀྑཱུ ཨིཏྠནྣཱམསྶ བྷིཀྑུནོ སངྒྷབྷེདཱཡ པརཀྐམནྟསྶ ཨནུཝཏྟཀཱ ཝགྒཝཱདཀཱ. ཏེ ཏཾ ཝཏྠུཾ ན པཊིནིསྶཛྫནྟི. སངྒྷོ ཨིཏྠནྣཱམཉྩ ཨིཏྠནྣཱམཉྩ བྷིཀྑཱུ སམནུབྷཱསཏི ཏསྶ ཝཏྠུསྶ པཊིནིསྶགྒཱཡ. ཡསྶཱཡསྨཏོ ཁམཏི ཨིཏྠནྣཱམསྶ ཙ ཨིཏྠནྣཱམསྶ ཙ བྷིཀྑཱུནཾ སམནུབྷཱསནཱ ཏསྶ ཝཏྠུསྶ པཊིནིསྶགྒཱཡ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམནུབྷཊྛཱ སངྒྷེན ཨིཏྠནྣཱམོ ཙ ཨིཏྠནྣཱམོ ཙ བྷིཀྑཱུ ཏསྶ ཝཏྠུསྶ པཊིནིསྶགྒཱཡ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༤༢༡. ཉཏྟིཡཱ དུཀྐཊཾ, དྭཱིཧི ཀམྨཝཱཙཱཧི ཐུལླཙྩཡཱ, ཀམྨཝཱཙཱཔརིཡོསཱནེ ¶ ཨཱཔཏྟི སངྒྷཱདིསེསསྶ. སངྒྷཱདིསེསཾ ཨཛ྄ཛྷཱཔཛྫནྟཱནཾ ཉཏྟིཡཱ དུཀྐཊཾ, དྭཱིཧི ཀམྨཝཱཙཱཧི ཐུལླཙྩཡཱ ¶ པཊིཔྤསྶམྦྷནྟི. དྭེ ཏཡོ ཨེཀཏོ སམནུབྷཱསིཏབྦཱ, ཏདུཏྟརི ན སམནུབྷཱསིཏབྦཱ.

སངྒྷཱདིསེསོཏི…པེ… ཏེནཔི ཝུཙྩཏི ‘‘སངྒྷཱདིསེསོ’’ཏི.

༤༢༢. དྷམྨཀམྨེ ¶ དྷམྨཀམྨསཉྙཱི ན པཊིནིསྶཛྫནྟི, ཨཱཔཏྟི སངྒྷཱདིསེསསྶ.

དྷམྨཀམྨེ ཝེམཏིཀཱ ན པཊིནིསྶཛྫནྟི, ཨཱཔཏྟི སངྒྷཱདིསེསསྶ.

དྷམྨཀམྨེ ཨདྷམྨཀམྨསཉྙཱི ན པཊིནིསྶཛྫནྟི, ཨཱཔཏྟི སངྒྷཱདིསེསསྶ.

ཨདྷམྨཀམྨེ དྷམྨཀམྨསཉྙཱི, ཨཱཔཏྟི དུཀྐཊསྶ.

ཨདྷམྨཀམྨེ ཝེམཏིཀཱ, ཨཱཔཏྟི དུཀྐཊསྶ.

ཨདྷམྨཀམྨེ ཨདྷམྨཀམྨསཉྙཱི, ཨཱཔཏྟི དུཀྐཊསྶ.

༤༢༣. ཨནཱཔཏྟི ཨསམནུབྷཱསནྟཱནཾ, པཊིནིསྶཛྫནྟཱནཾ, ཨུམྨཏྟཀཱནཾ, ཁིཏྟཙིཏྟཱནཾ, ཝེདནཱཊྚཱནཾ, ཨཱདིཀམྨིཀཱནནྟི.

བྷེདཱནུཝཏྟཀསིཀྑཱཔདཾ ནིཊྛིཏཾ ཨེཀཱདསམཾ.

༡༢. དུབྦཙསིཀྑཱཔདཾ

༤༢༤. ཏེན ¶ ¶ སམཡེན བུདྡྷོ བྷགཝཱ ཀོསམྦིཡཾ ཝིཧརཏི གྷོསིཏཱརཱམེ. ཏེན ཁོ པན སམཡེན ཨཱཡསྨཱ ཚནྣོ ཨནཱཙརཾ ཨཱཙརཏི. བྷིཀྑཱུ ཨེཝམཱཧཾསུ – ‘‘མཱཝུསོ, ཚནྣ, ཨེཝརཱུཔཾ ཨཀཱསི. ནེཏཾ ཀཔྤཏཱི’’ཏི. སོ ཨེཝཾ ཝདེཏི – ‘‘ཀིཾ ནུ ཁོ ནཱམ ཏུམྷེ, ཨཱཝུསོ, མཾ ཝཏྟབྦཾ མཉྙཐ? ཨཧཾ ཁོ ནཱམ ཏུམྷེ ཝདེཡྻཾ. ཨམྷཱཀཾ བུདྡྷོ ཨམྷཱཀཾ དྷམྨོ ཨམྷཱཀཾ ཨཡྻཔུཏྟེན ¶ དྷམྨོ ཨབྷིསམིཏོ. སེཡྻཐཱཔི ནཱམ མཧཱཝཱཏོ ཝཱཡནྟོ ཏིཎཀཊྛཔཎྞསཊཾ [ཏིཎཀཊྛཔཎྞཀསཊཾ (ཀ.)] ཨེཀཏོ ཨུསྶཱརེཡྻ, སེཡྻཐཱ ཝཱ པན ནདཱི པབྦཏེཡྻཱ སངྑསེཝཱལཔཎཀཾ ཨེཀཏོ ཨུསྶཱརེཡྻ, ཨེཝམེཝ ཏུམྷེ ནཱནཱནཱམཱ ནཱནཱགོཏྟཱ ནཱནཱཛཙྩཱ ནཱནཱཀུལཱ པབྦཛིཏཱ ཨེཀཏོ ཨུསྶརིཏཱ. ཀིཾ ནུ ཁོ ནཱམ ཏུམྷེ, ཨཱཝུསོ, མཾ ཝཏྟབྦཾ མཉྙཐ? ཨཧཾ ཁོ ནཱམ ཏུམྷེ ཝདེཡྻཾ! ཨམྷཱཀཾ བུདྡྷོ ཨམྷཱཀཾ དྷམྨོ ཨམྷཱཀཾ ཨཡྻཔུཏྟེན དྷམྨོ ཨབྷིསམིཏོ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཚནྣོ བྷིཀྑཱུཧི སཧདྷམྨིཀཾ ཝུཙྩམཱནོ ཨཏྟཱནཾ ཨཝཙནཱིཡཾ ཀརིསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ ཚནྣཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ¶ ‘‘སཙྩཾ ཀིར ཏྭཾ, ཚནྣ, བྷིཀྑཱུཧི སཧདྷམྨིཀཾ ཝུཙྩམཱནོ ཨཏྟཱནཾ ཨཝཙནཱིཡཾ ཀརོསཱི’’ཏི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ཏྭཾ, མོགྷཔུརིས, བྷིཀྑཱུཧི སཧདྷམྨིཀཾ ཝུཙྩམཱནོ ཨཏྟཱནཾ ཨཝཙནཱིཡཾ ཀརིསྶསི! ནེཏཾ, མོགྷཔུརིས ¶ , ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༢༥. ‘‘བྷིཀྑུ པནེཝ དུབྦཙཛཱཏིཀོ ཧོཏི ཨུདྡེསཔརིཡཱཔནྣེསུ སིཀྑཱཔདེསུ བྷིཀྑཱུཧི སཧདྷམྨིཀཾ ཝུཙྩམཱནོ ཨཏྟཱནཾ ཨཝཙནཱིཡཾ ཀརོཏི – ‘མཱ མཾ ཨཱཡསྨནྟོ ཀིཉྩི ཨཝཙུཏྠ ཀལྱཱཎཾ ཝཱ པཱཔཀཾ ཝཱ, ཨཧཾཔཱཡསྨནྟེ ན ཀིཉྩི ཝཀྑཱམི ཀལྱཱཎཾ ཝཱ པཱཔཀཾ ཝཱ, ཝིརམཐཱཡསྨནྟོ མམ ཝཙནཱཡཱ’ཏི, སོ བྷིཀྑུ བྷིཀྑཱུཧི ཨེཝམསྶ ཝཙནཱིཡོ – ‘མཱཡསྨཱ ཨཏྟཱནཾ ཨཝཙནཱིཡཾ ཨཀཱསི, ཝཙནཱིཡམེཝཱཡསྨཱ ཨཏྟཱནཾ ཀརོཏུ, ཨཱཡསྨཱཔི བྷིཀྑཱུ ཝདེཏུ སཧདྷམྨེན, བྷིཀྑཱུཔི ཨཱཡསྨནྟཾ ཝཀྑནྟི སཧདྷམྨེན. ཨེཝཾ སཾཝདྡྷཱ ཧི ཏསྶ བྷགཝཏོ པརིསཱ ཡདིདཾ ཨཉྙམཉྙཝཙནེན ¶ ཨཉྙམཉྙཝུཊྛཱཔནེནཱཏི. ཨེཝཉྩ སོ བྷིཀྑུཾ བྷིཀྑཱུཧི ཝུཙྩམཱནོ ཏཐེཝ པགྒཎྷེཡྻ, སོ བྷིཀྑུ བྷིཀྑཱུཧི ཡཱཝཏཏིཡཾ སམནུབྷཱསིཏབྦོ ཏསྶ པཊིནིསྶགྒཱཡ. ཡཱཝཏཏིཡཉྩེ སམནུབྷཱསཱིཡམཱནོ ཏཾ པཊིནིསྶཛྫེཡྻ, ཨིཙྩེཏཾ ཀུསལཾ; ནོ ཙེ པཊིནིསྶཛྫེཡྻ, སངྒྷཱདིསེསོ’’ཏི.

༤༢༦. བྷིཀྑཱུ པནེཝ དུབྦཙཛཱཏིཀོ ཧོཏཱིཏི དུབྦཙོ ཧོཏི དོཝཙསྶཀརཎེཧི ¶ དྷམྨེཧི སམནྣཱགཏོ ཨཀྑམོ ཨཔྤདཀྑིཎགྒཱཧཱི ཨནུསཱསནིཾ.

ཨུདྡེསཔརིཡཱཔནྣེསུ སིཀྑཱཔདེསཱུཏི པཱཏིམོཀྑཔརིཡཱཔནྣེསུ སིཀྑཱཔདེསུ.

བྷིཀྑཱུཧཱིཏི ¶ ཨཉྙེཧི བྷིཀྑཱུཧི.

སཧདྷམྨིཀཾ ནཱམ ཡཾ བྷགཝཏཱ པཉྙཏྟཾ སིཀྑཱཔདཾ, ཨེཏཾ སཧདྷམྨིཀཾ ནཱམ.

ཏེན ཝུཙྩམཱནོ ཨཏྟཱནཾ ཨཝཙནཱིཡཾ ཀརོཏི – ‘‘མཱ མཾ ཨཱཡསྨནྟོ ཀིཉྩི ཨཝཙུཏྠ ཀལྱཱཎཾ ཝཱ པཱཔཀཾ ཝཱ, ཨཧཾཔཱཡསྨནྟེ ན ཀིཉྩི ཝཀྑཱམི ཀལྱཱཎཾ ཝཱ པཱཔཀཾ ཝཱ. ཝིརམཐཱཡསྨནྟོ མམ ཝཙནཱཡཱ’’ཏི.

སོ བྷིཀྑཱུཏི ཡོ སོ དུབྦཙཛཱཏིཀོ བྷིཀྑུ.

བྷིཀྑཱུཧཱིཏི ཨཉྙེཧི བྷིཀྑཱུཧི. ཡེ པསྶནྟི ཡེ སུཎནྟི ཏེཧི ཝཏྟབྦོ – ‘‘མཱཡསྨཱ ཨཏྟཱནཾ ཨཝཙནཱིཡཾ ཨཀཱསི. ཝཙནཱིཡམེཝ ཨཱཡསྨཱ ཨཏྟཱནཾ ཀརོཏུ. ཨཱཡསྨཱཔི བྷིཀྑཱུ ཝདེཏུ སཧདྷམྨེན, བྷིཀྑཱུཔི ཨཱཡསྨནྟཾ ཝཀྑནྟི སཧདྷམྨེན. ཨེཝཾ སཾཝདྡྷཱ ཧི ཏསྶ བྷགཝཏོ པརིསཱ ཡདིདཾ ཨཉྙམཉྙཝཙནེན ཨཉྙམཉྙཝུཊྛཱཔནེནཱ’’ཏི. དུཏིཡམྤི ཝཏྟབྦོ. ཏཏིཡམྤི ཝཏྟབྦོ. སཙེ པཊིནིསྶཛྫཏི ¶ , ཨིཙྩེཏཾ ཀུསལཾ; ནོ ཙེ པཊིནིསྶཛྫཏི, ཨཱཔཏྟི དུཀྐཊསྶ. སུཏྭཱ ན ཝདནྟི, ཨཱཔཏྟི དུཀྐཊསྶ. སོ བྷིཀྑུ སངྒྷམཛ྄ཛྷམྤི ཨཱཀཌྜྷིཏྭཱ ཝཏྟབྦོ – ‘‘མཱཡསྨཱ ཨཏྟཱནཾ ཨཝཙནཱིཡཾ ཨཀཱསི…པེ… ¶ ཨཉྙམཉྙཝུཊྛཱཔནེནཱ’’ཏི. དུཏིཡམྤི ཝཏྟབྦོ. ཏཏིཡམྤི ཝཏྟབྦོ. སཙེ པཊིནིསྶཛྫཏི, ཨིཙྩེཏཾ ཀུསལཾ; ནོ ཙེ པཊིནིསྶཛྫཏི, ཨཱཔཏྟི དུཀྐཊསྶ. སོ བྷིཀྑུ སམནུབྷཱསིཏབྦོ. ཨེཝཉྩ པན, བྷིཀྑཝེ, སམནུབྷཱསིཏབྦོ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༤༢༧. ‘‘སུཎཱཏུ ¶ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ བྷིཀྑཱུཧི སཧདྷམྨིཀཾ ཝུཙྩམཱནོ ཨཏྟཱནཾ ཨཝཙནཱིཡཾ ཀརོཏི. སོ ཏཾ ཝཏྠུཾ ན པཊིནིསྶཛྫཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུཾ སམནུབྷཱསེཡྻ ཏསྶ ཝཏྠུསྶ པཊིནིསྶགྒཱཡ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ བྷིཀྑཱུཧི སཧདྷམྨིཀཾ ཝུཙྩམཱནོ ཨཏྟཱནཾ ཨཝཙནཱིཡཾ ཀརོཏི. སོ ཏཾ ཝཏྠུཾ ན པཊིནིསྶཛྫཏི. སངྒྷོ ཨིཏྠནྣཱམཾ བྷིཀྑུཾ སམནུབྷཱསཏི ¶ ཏསྶ ཝཏྠུསྶ པཊིནིསྶགྒཱཡ. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ སམནུབྷཱསནཱ ཏསྶ ཝཏྠུསྶ པཊིནིསྶགྒཱཡ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི – ‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ བྷིཀྑཱུཧི སཧདྷམྨིཀཾ ཝུཙྩམཱནོ ཨཏྟཱནཾ ཨཝཙནཱིཡཾ ཀརོཏི. སོ ཏཾ ཝཏྠུཾ ན པཊིནིསྶཛྫཏི. སངྒྷོ ཨིཏྠནྣཱམཾ བྷིཀྑུཾ སམནུབྷཱསཏི ཏསྶ ཝཏྠུསྶ པཊིནིསྶགྒཱཡ. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ སམནུབྷཱསནཱ ཏསྶ ཝཏྠུསྶ པཊིནིསྶགྒཱཡ, སོ ¶ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམནུབྷཊྛོ སངྒྷེན ཨིཏྠནྣཱམོ བྷིཀྑུ ཏསྶ ཝཏྠུསྶ པཊིནིསྶགྒཱཡ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༤༢༨. ཉཏྟིཡཱ དུཀྐཊཾ, དྭཱིཧི ཀམྨཝཱཙཱཧི ཐུལླཙྩཡཱ, ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ. སངྒྷཱདིསེསཾ ཨཛ྄ཛྷཱཔཛྫནྟསྶ ཉཏྟིཡཱ དུཀྐཊཾ, དྭཱིཧི ཀམྨཝཱཙཱཧི ཐུལླཙྩཡཱ པཊིཔྤསྶམྦྷནྟི.

སངྒྷཱདིསེསོཏི…པེ… ཏེནཔི ཝུཙྩཏི སངྒྷཱདིསེསོཏི.

༤༢༩. དྷམྨཀམྨེ དྷམྨཀམྨསཉྙཱི ན པཊིནིསྶཛྫཏི, ཨཱཔཏྟི སངྒྷཱདིསེསསྶ.

དྷམྨཀམྨེ ཝེམཏིཀོ ན པཊིནིསྶཛྫཏི, ཨཱཔཏྟི སངྒྷཱདིསེསསྶ.

དྷམྨཀམྨེ ཨདྷམྨཀམྨསཉྙཱི ན པཊིནིསྶཛྫཏི, ཨཱཔཏྟི སངྒྷཱདིསེསསྶ.

ཨདྷམྨཀམྨེ དྷམྨཀམྨསཉྙཱི, ཨཱཔཏྟི དུཀྐཊསྶ.

ཨདྷམྨཀམྨེ ཝེམཏིཀོ, ཨཱཔཏྟི དུཀྐཊསྶ.

ཨདྷམྨཀམྨེ ཨདྷམྨཀམྨསཉྙཱི, ཨཱཔཏྟི དུཀྐཊསྶ.

༤༣༠. ཨནཱཔཏྟི ¶ ¶ ཨསམནུབྷཱསནྟསྶ, པཊིནིསྶཛྫནྟསྶ, ཨུམྨཏྟཀསྶ, ཨཱདིཀམྨིཀསྶཱཏི.

དུབྦཙསིཀྑཱཔདཾ ནིཊྛིཏཾ དྭཱདསམཾ.

༡༣. ཀུལདཱུསཀསིཀྑཱཔདཾ

༤༣༡. [ཨིདཾ ཝཏྠུ ཙཱུལ༹ཝ. ༢༡] ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨསྶཛིཔུནབྦསུཀཱ ནཱམ [ནཱམ བྷིཀྑཱུ (ཀ.)] ཀཱིཊཱགིརིསྨིཾ ཨཱཝཱསིཀཱ ཧོནྟི ཨལཛྫིནོ པཱཔབྷིཀྑཱུ. ཏེ [ཙཱུལ༹ཝ. ༢༩༣] ཨེཝརཱུཔཾ ཨནཱཙཱརཾ ཨཱཙརནྟི – མཱལཱཝཙྪཾ རོཔེནྟིཔི རོཔཱཔེནྟིཔི, སིཉྩནྟིཔི ¶ སིཉྩཱཔེནྟིཔི, ཨོཙིནནྟིཔི ཨོཙིནཱཔེནྟིཔི, གནྠེནྟིཔི གནྠཱཔེནྟིཔི, ཨེཀཏོཝཎྚིཀམཱལཾ ཀརོནྟིཔི ཀཱརཱཔེནྟིཔི, ཨུབྷཏོཝཎྚིཀམཱལཾ ཀརོནྟིཔི ཀཱརཱཔེནྟིཔི, མཉྫརིཀཾ ཀརོནྟིཔི ཀཱརཱཔེནྟིཔི, ཝིདྷཱུཏིཀཾ ཀརོནྟིཔི ཀཱརཱཔེནྟིཔི, ཝཊཾསཀཾ ཀརོནྟིཔི ཀཱརཱཔེནྟིཔི, ཨཱཝེལ༹ཾ ཀརོནྟིཔི ཀཱརཱཔེནྟིཔི, ཨུརཙྪདཾ ཀརོནྟིཔི ཀཱརཱཔེནྟིཔི. ཏེ ཀུལིཏྠཱིནཾ ཀུལདྷཱིཏཱནཾ ཀུལཀུམཱརཱིནཾ ཀུལསུཎྷཱནཾ ཀུལདཱསཱིནཾ ཨེཀཏོཝཎྚིཀམཱལཾ ཧརནྟིཔི ཧརཱཔེནྟིཔི, ཨུབྷཏོཝཎྚིཀམཱལཾ ཧརནྟིཔི ཧརཱཔེནྟིཔི, མཉྫརིཀཾ ཧརནྟིཔི ཧརཱཔེནྟིཔི, ཝིདྷཱུཏིཀཾ ཧརནྟིཔི ཧརཱཔེནྟིཔི, ཝཊཾསཀཾ ཧརནྟིཔི ཧརཱཔེནྟིཔི, ཨཱཝེལ༹ཾ ཧརནྟིཔི ཧརཱཔེནྟིཔི, ཨུརཙྪདཾ ཧརནྟིཔི ཧརཱཔེནྟིཔི. ཏེ ཀུལིཏྠཱིཧི ཀུལདྷཱིཏཱཧི ཀུལཀུམཱརཱིཧི ཀུལསུཎྷཱཧི ཀུལདཱསཱིཧི སདྡྷིཾ ཨེཀབྷཱཛནེཔི བྷུཉྫནྟི, ཨེཀཐཱལཀེཔི པིཝནྟི, ཨེཀཱསནེཔི ནིསཱིདནྟི, ཨེཀམཉྩེཔི ཏུཝཊྚེནྟི, ཨེཀཏྠརཎཱཔི ཏུཝཊྚེནྟི, ཨེཀཔཱཝུརཎཱཔི ཏུཝཊྚེནྟི, ཨེཀཏྠརཎཔཱཝུརཎཱཔི ཏུཝཊྚེནྟི, ཝིཀཱལེཔི བྷུཉྫནྟི, མཛྫམྤི པིཝནྟི, མཱལཱགནྡྷཝིལེཔནམྤི དྷཱརེནྟི, ནཙྩནྟིཔི གཱཡནྟིཔི ཝཱདེནྟིཔི ¶ ལཱསེནྟིཔི, ནཙྩནྟིཡཱཔི ནཙྩནྟི, ནཙྩནྟིཡཱཔི གཱཡནྟི, ནཙྩནྟིཡཱཔི ཝཱདེནྟི, ནཙྩནྟིཡཱཔི ལཱསེནྟི, གཱཡནྟིཡཱཔི ནཙྩནྟི, གཱཡནྟིཡཱཔི གཱཡནྟི, གཱཡནྟིཡཱཔི ཝཱདེནྟི, གཱཡནྟིཡཱཔི ལཱསེནྟི, ཝཱདེནྟིཡཱཔི ནཙྩནྟི, ཝཱདེནྟིཡཱཔི གཱཡནྟི, ཝཱདེནྟིཡཱཔི ཝཱདེནྟི, ཝཱདེནྟིཡཱཔི ལཱསེནྟི, ལཱསེནྟིཡཱཔི ནཙྩནྟི, ལཱསེནྟིཡཱཔི གཱཡནྟི, ལཱསེནྟིཡཱཔི ཝཱདེནྟི, ལཱསེནྟིཡཱཔི ¶ ལཱསེནྟི. ཨཊྛཔདེཔི ཀཱིལ༹ནྟི, དསཔདེཔི ཀཱིལ༹ནྟི, ཨཱཀཱསེཔི ཀཱིལ༹ནྟི, པརིཧཱརཔཐེཔི ཀཱིལ༹ནྟི, སནྟིཀཱཡཔི ཀཱིལ༹ནྟི, ཁལིཀཱཡཔི ཀཱིལ༹ནྟི, གྷཊིཀཱཡཔི ¶ ཀཱིལ༹ནྟི, སལཱཀཧཏྠེནཔི ཀཱིལ༹ནྟི, ཨཀྑེནཔི ཀཱིལ༹ནྟི, པངྒཙཱིརེནཔི ཀཱིལ༹ནྟི, ཝངྐཀེནཔི ཀཱིལ༹ནྟི, མོཀྑཙིཀཱཡཔི ཀཱིལ༹ནྟི, ཙིངྒུལཀེནཔི ཀཱིལ༹ནྟི, པཏྟཱལ༹ྷཀེནཔི ཀཱིལ༹ནྟི, རཐཀེནཔི ཀཱིལ༹ནྟི, དྷནུཀེནཔི ཀཱིལ༹ནྟི, ཨཀྑརིཀཱཡཔི ཀཱིལ༹ནྟི, མནེསིཀཱཡཔི ཀཱིལ༹ནྟི, ཡཐཱཝཛྫེནཔི ཀཱིལ༹ནྟི. ཧཏྠིསྨིམྤི སིཀྑནྟི, ཨསྶསྨིམྤི སིཀྑནྟི, རཐསྨིམྤི སིཀྑནྟི, དྷནུསྨིམྤི སིཀྑནྟི, ཐརུསྨིམྤི སིཀྑནྟི, ཧཏྠིསྶཔི པུརཏོ དྷཱཝནྟི, ཨསྶསྶཔི པུརཏོ དྷཱཝནྟི, རཐསྶཔི པུརཏོ [པུརཏོ དྷཱཝནྟི (སྱཱ.)] དྷཱཝནྟིཔི ཨཱདྷཱཝནྟིཔི, ཨུསྶེལེ༹ནྟིཔི, ཨཔྥོཊེནྟིཔི, ནིབྦུཛ྄ཛྷནྟིཔི, མུཊྛཱིཧིཔི ཡུཛ྄ཛྷནྟི, རངྒམཛ྄ཛྷེཔི སངྒྷཱཊིཾ པཏྠརིཏྭཱ ནཙྩཀིཾ [ནཙྩནྟིཾ (སཱི. སྱཱ.)] ཨེཝཾ ཝདནྟི – ཨིདྷ, བྷགིནི, ནཙྩསྶཱུཏི, ནལཱཊིཀམྤི དེནྟི, ཝིཝིདྷམྤི ཨནཱཙཱརཾ ཨཱཙརནྟི.

༤༣༢. ཏེན ཁོ པན སམཡེན ཨཉྙཏརོ བྷིཀྑུ ཀཱསཱིསུ ཝསྶཾཝུཊྛོ སཱཝཏྠིཾ ¶ གཙྪནྟོ བྷགཝནྟཾ དསྶནཱཡ, ཡེན ཀཱིཊཱགིརི ¶ ཏདཝསརི. ཨཐ ཁོ སོ བྷིཀྑུ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཀཱིཊཱགིརིཾ པིཎྜཱཡ པཱཝིསི པཱསཱདིཀེན ཨབྷིཀྐནྟེན པཊིཀྐནྟེན ཨཱལོཀིཏེན ཝིལོཀིཏེན སམིཉྫིཏེན པསཱརིཏེན ཨོཀྑིཏྟཙཀྑུ ཨིརིཡཱཔཐསམྤནྣོ. མནུསྶཱ ཏཾ བྷིཀྑུཾ པསྶིཏྭཱ ཨེཝམཱཧཾསུ – ‘‘ཀྭཱཡཾ ཨབལབལོ ཝིཡ མནྡམནྡོ ཝིཡ བྷཱཀུཊིཀབྷཱཀུཊིཀོ ཝིཡ? ཀོ ཨིམསྶ ཨུཔགཏསྶ པིཎྜཀཾ དསྶཏི? ཨམྷཱཀཾ པན ཨཡྻཱ ཨསྶཛིཔུནབྦསུཀཱ སཎྷཱ སཁིལཱ སུཁསམྦྷཱསཱ མིཧིཏཔུབྦངྒམཱ ཨེཧིསྭཱགཏཝཱདིནོ ཨབྦྷཱཀུཊིཀཱ ཨུཏྟཱནམུཁཱ པུབྦབྷཱསིནོ. ཏེསཾ ཁོ ནཱམ པིཎྜོ དཱཏབྦོ’’ཏི.

ཨདྡསཱ ཁོ ཨཉྙཏརོ ཨུཔཱསཀོ ཏཾ བྷིཀྑུཾ ཀཱིཊཱགིརིསྨིཾ པིཎྜཱཡ ཙརནྟཾ. དིསྭཱན ཡེན སོ བྷིཀྑུ ཏེནུཔསངྐམི; ཨུཔསངྐམིཏྭཱ ཏཾ བྷིཀྑུཾ ཨབྷིཝཱདེཏྭཱ ཨེཏདཝོཙ – ‘‘ཨཔི, བྷནྟེ, པིཎྜོ ལབྦྷཏཱི’’ཏི? ‘‘ན ཁོ, ཨཱཝུསོ, པིཎྜོ ལབྦྷཏཱི’’ཏི. ‘‘ཨེཧི, བྷནྟེ, གྷརཾ གམིསྶཱམཱ’’ཏི. ཨཐ ཁོ སོ ཨུཔཱསཀོ ཏཾ བྷིཀྑུཾ གྷརཾ ནེཏྭཱ བྷོཛེཏྭཱ ཨེཏདཝོཙ – ‘‘ཀཧཾ, བྷནྟེ, ཨཡྻོ གམིསྶཏཱི’’ཏི? ‘‘སཱཝཏྠིཾ ཁོ ཨཧཾ, ཨཱཝུསོ, གམིསྶཱམི བྷགཝནྟཾ དསྶནཱཡཱ’’ཏི. ‘‘ཏེན ཧི, བྷནྟེ, མམ ཝཙནེན བྷགཝཏོ ¶ པཱདེ སིརསཱ ཝནྡ, ཨེཝཉྩ ཝདེཧི – ‘དུཊྛོ, བྷནྟེ, ཀཱིཊཱགིརིསྨིཾ ཨཱཝཱསོ. ཨསྶཛིཔུནབྦསུཀཱ ནཱམ ཀཱིཊཱགིརིསྨིཾ ཨཱཝཱསིཀཱ ཨལཛྫིནོ པཱཔབྷིཀྑཱུ. ཏེ ཨེཝརཱུཔཾ ཨནཱཙཱརཾ ཨཱཙརནྟི – མཱལཱཝཙྪཾ རོཔེནྟིཔི རོཔཱཔེནྟིཔི, སིཉྩནྟིཔི སིཉྩཱཔེནྟིཔི…པེ… ¶ ཝིཝིདྷམྤི ཨནཱཙཱརཾ ཨཱཙརནྟི. ཡེཔི ¶ ཏེ, བྷནྟེ, མནུསྶཱ པུབྦེ སདྡྷཱ ཨཧེསུཾ པསནྣཱ ཏེཔི ཨེཏརཧི ཨསྶདྡྷཱ ཨཔྤསནྣཱ. ཡཱནིཔི ཏཱནི སངྒྷསྶ པུབྦེ དཱནཔཐཱནི ཏཱནིཔི ཨེཏརཧི ཨུཔཙྪིནྣཱནི. རིཉྩནྟི པེསལཱ བྷིཀྑཱུ, ནིཝསནྟི པཱཔབྷིཀྑཱུ. སཱདྷུ, བྷནྟེ, བྷགཝཱ ཀཱིཊཱགིརིཾ བྷིཀྑཱུ པཧིཎེཡྻ ཡཐཱཡཾ ཀཱིཊཱགིརིསྨིཾ ཨཱཝཱསོ སཎྛཧེཡྻཱ’’’ཏི.

ཨེཝམཱཝུསོཏི ཁོ སོ བྷིཀྑུ ཏསྶ ཨུཔཱསཀསྶ པཊིསྶུཏྭཱ ཡེན སཱཝཏྠི ཏེན པཀྐཱམི. ཨནུཔུབྦེན ཡེན སཱཝཏྠི ཛེཏཝནཾ ཨནཱཐཔིཎྜིཀསྶ ཨཱརཱམོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨཱཙིཎྞཾ ཁོ པནེཏཾ བུདྡྷཱནཾ བྷགཝནྟཱནཾ ཨཱགནྟུཀེཧི བྷིཀྑཱུཧི སདྡྷིཾ པཊིསམྨོདིཏུཾ. ཨཐ ཁོ བྷགཝཱ ཏཾ བྷིཀྑུཾ ཨེཏདཝོཙ – ‘‘ཀཙྩི, བྷིཀྑུ, ཁམནཱིཡཾ ཀཙྩི ཡཱཔནཱིཡཾ, ཀཙྩིསི ཨཔྤཀིལམཐེན ཨདྡྷཱནཾ ཨཱགཏོ, ཀུཏོ ཙ ཏྭཾ བྷིཀྑུ ཨཱགཙྪསཱི’’ཏི? ‘‘ཁམནཱིཡཾ, བྷགཝཱ, ཡཱཔནཱིཡཾ, བྷགཝཱ. ཨཔྤཀིལམཐེན ཙཱཧཾ, བྷནྟེ, ཨདྡྷཱནཾ ¶ ཨཱགཏོ. ཨིདྷཱཧཾ, བྷནྟེ, ཀཱསཱིསུ ཝསྶཾཝུཊྛོ སཱཝཏྠིཾ ཨཱགཙྪནྟོ བྷགཝནྟཾ དསྶནཱཡ ཡེན ཀཱིཊཱགིརི ཏདཝསརིཾ. ཨཐ ཁྭཱཧཾ, བྷནྟེ, པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཀཱིཊཱགིརིཾ པིཎྜཱཡ པཱཝིསིཾ. ཨདྡསཱ ཁོ མཾ, བྷནྟེ, ཨཉྙཏརོ ¶ ཨུཔཱསཀོ ཀཱིཊཱགིརིསྨིཾ པིཎྜཱཡ ཙརནྟཾ. དིསྭཱན ཡེནཱཧཾ ཏེནུཔསངྐམི; ཨུཔསངྐམིཏྭཱ མཾ ཨབྷིཝཱདེཏྭཱ ཨེཏདཝོཙ – ‘ཨཔི, བྷནྟེ, པིཎྜོ ལབྦྷཏཱི’ཏི? ‘ན ཁོ, ཨཱཝུསོ, པིཎྜོ ལབྦྷཏཱི’ཏི. ‘ཨེཧི, བྷནྟེ, གྷརཾ གམིསྶཱམཱ’ཏི. ཨཐ ཁོ, བྷནྟེ, སོ ཨུཔཱསཀོ མཾ གྷརཾ ནེཏྭཱ བྷོཛེཏྭཱ ཨེཏདཝོཙ – ‘ཀཧཾ, བྷནྟེ, ཨཡྻོ གམིསྶསཱི’ཏི? ‘སཱཝཏྠིཾ ཁོ ཨཧཾ, ཨཱཝུསོ, གམིསྶཱམི བྷགཝནྟཾ དསྶནཱཡཱ’ཏི. ཏེན ཧི, བྷནྟེ, མམ ཝཙནེན བྷགཝཏོ པཱདེ སིརསཱ ཝནྡ, ཨེཝཉྩ ཝདེཧི – ‘དུཊྛོ, བྷནྟེ, ཀཱིཊཱགིརིསྨིཾ ཨཱཝཱསོ, ཨསྶཛིཔུནབྦསུཀཱ ནཱམ ཀཱིཊཱགིརིསྨིཾ ཨཱཝཱསིཀཱ ཨལཛྫིནོ པཱཔབྷིཀྑཱུ. ཏེ ཨེཝརཱུཔཾ ཨནཱཙཱརཾ ཨཱཙརནྟི – མཱལཱཝཙྪཾ རོཔེནྟིཔི རོཔཱཔེནྟིཔི, སིཉྩནྟིཔི སིཉྩཱཔེནྟིཔི…པེ… ཝིཝིདྷམྤི ཨནཱཙཱརཾ ཨཱཙརནྟི. ཡེཔི ཏེ, བྷནྟེ, མནུསྶཱ པུབྦེ སདྡྷཱ ཨཧེསུཾ ¶ པསནྣཱ ཏེཔི ཨེཏརཧི ཨསྶདྡྷཱ ཨཔྤསནྣཱ, ཡཱནིཔི ཏཱནི སངྒྷསྶ པུབྦེ དཱནཔཐཱནི ཏཱནིཔི ཨེཏརཧི ཨུཔཙྪིནྣཱནི, རིཉྩནྟི པེསལཱ བྷིཀྑཱུ ནིཝསནྟི པཱཔབྷིཀྑཱུ. སཱདྷུ, བྷནྟེ, བྷགཝཱ ཀཱིཊཱགིརིཾ བྷིཀྑཱུ པཧིཎེཡྻ ཡཐཱཡཾ ཀཱིཊཱགིརིསྨིཾ ཨཱཝཱསོ སཎྛཧེཡྻཱ’ཏི. ཏཏོ ཨཧཾ, བྷགཝཱ, ཨཱགཙྪཱམཱི’’ཏི.

༤༣༣. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ ¶ པཊིཔུཙྪི – ‘‘སཙྩཾ ཀིར, བྷིཀྑཝེ, ཨསྶཛིཔུནབྦསུཀཱ ནཱམ ཀཱིཊཱགིརིསྨིཾ ཨཱཝཱསིཀཱ ཨལཛྫིནོ པཱཔབྷིཀྑཱུ ཏེ ཨེཝརཱུཔཾ ཨནཱཙཱརཾ ཨཱཙརནྟི – མཱལཱཝཙྪཾ རོཔེནྟིཔི རོཔཱཔེནྟིཔི, སིཉྩནྟིཔི སིཉྩཱཔེནྟིཔི ¶ …པེ… ཝིཝིདྷམྤི ཨནཱཙཱརཾ ཨཱཙརནྟི, ཡེཔི ཏེ, བྷིཀྑཝེ, མནུསྶཱ པུབྦེ སདྡྷཱ ཨཧེསུཾ པསནྣཱ ཏེཔི ཨེཏརཧི ཨསྶདྡྷཱ ཨཔྤསནྣཱ; ཡཱནིཔི ཏཱནི སངྒྷསྶ པུབྦེ དཱནཔཐཱནི ཏཱནིཔི ཨེཏརཧི ཨུཔཙྪིནྣཱནི; རིཉྩནྟི པེསལཱ བྷིཀྑཱུ ནིཝསནྟི པཱཔབྷིཀྑཱུ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ཨེཝརཱུཔཾ ཨནཱཙཱརཾ ཨཱཙརིསྶནྟི – མཱལཱཝཙྪཾ རོཔེསྶནྟིཔི རོཔཱཔེསྶནྟིཔི, སཉྩིསྶནྟིཔི སིཉྩཱཔེསྶནྟིཔི, ཨོཙིནིསྶནྟིཔི ཨོཙིནཱཔེསྶནྟིཔི, གནྠིསྶནྟིཔི གནྠཱཔེསྶནྟིཔི, ཨེཀཏོཝཎྚིཀམཱལཾ ཀརིསྶནྟིཔི ཀཱརཱཔེསྶནྟིཔི, ཨུབྷཏོཝཎྚིཀམཱལཾ ཀརིསྶནྟིཔི ཀཱརཱཔེསྶནྟིཔི, མཉྫརིཀཾ ཀརིསྶནྟིཔི ཀཱརཱཔེསྶནྟིཔི, ཝིདྷཱུཏིཀཾ ཀརིསྶནྟིཔི ཀཱརཱཔེསྶནྟིཔི, ཝཊཾསཀཾ ཀརིསྶནྟིཔི ཀཱརཱཔེསྶནྟིཔི, ཨཱཝེལ༹ཾ ཀརིསྶནྟིཔི ཀཱརཱཔེསྶནྟིཔི, ཨུརཙྪདཾ ཀརིསྶནྟིཔི ཀཱརཱཔེསྶནྟིཔི. ཏེ ཀུལིཏྠཱིནཾ ཀུལདྷཱིཏཱནཾ ཀུལཀུམཱརཱིནཾ ཀུལསུཎྷཱནཾ ཀུལདཱསཱིནཾ ཨེཀཏོཝཎྚིཀམཱལཾ ཧརིསྶནྟིཔི ཧཱརཱཔེསྶནྟིཔི, ཨུབྷཏོཝཎྚིཀམཱལཾ ཧརིསྶནྟིཔི ཧཱརཱཔེསྶནྟིཔི, མཉྫརིཀཾ ཧརིསྶནྟིཔི ཧཱརཱཔེསྶནྟིཔི ¶ , ཝིདྷཱུཏིཀཾ ཧརིསྶནྟིཔི ཧཱརཱཔེསྶནྟིཔི, ཝཊཾསཀཾ ཧརིསྶནྟིཔི ཧཱརཱཔེསྶནྟིཔི, ཨཱཝེལ༹ཾ ཧརིསྶནྟིཔི ཧཱརཱཔེསྶནྟིཔི, ཨུརཙྪདཾ ཧརིསྶནྟིཔི ཧཱརཱཔེསྶནྟིཔི. ཏེ ཀུལིཏྠཱིཧི ཀུལདྷཱིཏཱཧི ཀུལཀུམཱརཱིཧི ཀུལསུཎྷཱཧི ཀུལདཱསཱིཧི སདྡྷིཾ ཨེཀབྷཱཛནེཔི བྷུཉྫིསྶནྟི, ཨེཀཐཱལཀེཔི པིཝིསྶནྟི, ཨེཀཱསནེཔི ནིསཱིདིསྶནྟི, ཨེཀམཉྩེཔི ཏུཝཊྚིསྶནྟི, ཨེཀཏྠརཎཱཔི ཏུཝཊྚིསྶནྟི, ཨེཀཔཱཝུརཎཱཔི ཏུཝཊྚིསྶནྟི, ཨེཀཏྠརཎཔཱཝུརཎཱཔི ཏུཝཊྚིསྶནྟི, ཝིཀཱལེཔི བྷུཉྫིསྶནྟི, མཛྫམྤི པིཝིསྶནྟི, མཱལཱགནྡྷཝིལེཔནམྤི དྷཱརིསྶནྟི, ནཙྩིསྶནྟིཔི གཱཡིསྶནྟིཔི ¶ ཝཱདེསྶནྟིཔི ལཱསེསྶནྟིཔི, ནཙྩནྟིཡཱཔི ནཙྩིསྶནྟི ནཙྩནྟིཡཱཔི གཱཡིསྶནྟི ནཙྩནྟིཡཱཔི ཝཱདེསྶནྟི ནཙྩནྟིཡཱཔི ལཱསེསྶནྟི, གཱཡནྟིཡཱཔི ནཙྩིསྶནྟི གཱཡནྟིཡཱཔི གཱཡིསྶནྟི གཱཡནྟིཡཱཔི ཝཱདེསྶནྟི གཱཡནྟིཡཱཔི ལཱསེསྶནྟི, ཝཱདེནྟིཡཱཔི ནཙྩིསྶནྟི ཝཱདེནྟིཡཱཔི གཱཡིསྶནྟི ཝཱདེནྟིཡཱཔི ཝཱདེསྶནྟི ཝཱདེནྟིཡཱཔི ལཱསེསྶནྟི, ལཱསེནྟིཡཱཔི ནཙྩིསྶནྟི ལཱསེནྟིཡཱཔི གཱཡིསྶནྟི ལཱསེནྟིཡཱཔི ཝཱདེསྶནྟི ལཱསེནྟིཡཱཔི ལཱསེསྶནྟི, ཨཊྛཔདེཔི ཀཱིལི༹སྶནྟི དསཔདེཔི ཀཱིལི༹སྶནྟི, ཨཀཱསེཔི ཀཱིལི༹སྶནྟི, པརིཧཱརཔཐེཔི ཀཱིལི༹སྶནྟི, སནྟིཀཱཡཔི ཀཱིལི༹སྶནྟི, ཁལིཀཱཡཔི ཀཱིལི༹སྶནྟི, གྷཊིཀཱཡཔི ཀཱིལི༹སྶནྟི, སལཱཀཧཏྠེནཔི ཀཱིལི༹སྶནྟི, ཨཀྑེནཔི ཀཱིལི༹སྶནྟི, པངྒཙཱིརེནཔི ཀཱིལི༹སྶནྟི, ཝངྐཀེནཔི ཀཱིལི༹སྶནྟི, མོཀྑཙིཀཱཡཔི ¶ ཀཱིལི༹སྶནྟི, ཙིངྒུལཀེནཔི ཀཱིལི༹སྶནྟི, པཏྟཱལ༹ྷཀེནཔི ཀཱིལི༹སྶནྟི, རཐཀེནཔི ཀཱིལི༹སྶནྟི, དྷནུཀེནཔི ཀཱིལི༹སྶནྟི, ཨཀྑརིཀཱཡཔི ཀཱིལི༹སྶནྟི ¶ , མནེསིཀཱཡཔི ཀཱིལི༹སྶནྟི, ཡཐཱཝཛྫེནཔི ཀཱིལི༹སྶནྟི, ཧཏྠིསྨིམྤི སིཀྑིསྶནྟི, ཨསྶསྨིམྤི སིཀྑིསྶནྟི, རཐསྨིམྤི སིཀྑིསྶནྟི, དྷནུསྨིམྤི སིཀྑིསྶནྟི, ཐརུསྨིམྤི སིཀྑིསྶནྟི, ཧཏྠིསྶཔི པུརཏོ དྷཱཝིསྶནྟི, ཨསྶསྶཔི པུརཏོ དྷཱཝིསྶནྟི, རཐསྶཔི པུརཏོ [པུརཏོ དྷཱཝིསྶནྟི (སྱཱ.)] དྷཱཝིསྶནྟིཔི ཨཱདྷཱཝིསྶནྟིཔི, ཨུསྶེལེ༹སྶནྟིཔི, ཨཔྥོཊེསྶནྟིཔི, ནིབྦུཛ྄ཛྷིསྶནྟིཔི, མུཊྛཱིཧིཔི ཡུཛ྄ཛྷིསྶནྟི, རངྒམཛ྄ཛྷེཔི སངྒྷཱཊིཾ པཏྠརིཏྭཱ ནཙྩཀིཾ ཨེཝཾ ཝཀྑནྟི ‘‘ཨིདྷ བྷགིནི ནཙྩསྶཱུ’’ཏི ནལཱཊིཀམྤི དསྶནྟི, ཝིཝིདྷམྤི ཨནཱཙཱརཾ ཨཱཙརིསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ དྷམྨིཾ ཀཐཾ ཀཏྭཱ སཱརིཔུཏྟམོགྒལླཱནེ ཨཱམནྟེསི – ‘‘གཙྪཐ ཏུམྷེ, སཱརིཔུཏྟཱ, ཀཱིཊཱགིརིཾ གནྟྭཱ ཨསྶཛིཔུནབྦསུཀཱནཾ བྷིཀྑཱུནཾ ཀཱིཊཱགིརིསྨཱ པབྦཱཛནཱིཡཀམྨཾ ཀརོཐ. ཏུམྷཱཀཾ ཨེཏེ སདྡྷིཝིཧཱརིཀཱ’’ཏི.

‘‘ཀཐཾ མཡཾ, བྷནྟེ, ཨསྶཛིཔུནབྦསུཀཱནཾ བྷིཀྑཱུནཾ ¶ ཀཱིཊཱགིརིསྨཱ པབྦཱཛནཱིཡཀམྨཾ ཀརོམ? ཙཎྜཱ ཏེ བྷིཀྑཱུ ཕརུསཱ’’ཏི. ‘‘ཏེན ཧི ཏུམྷེ, སཱརིཔུཏྟཱ, བཧུཀེཧི བྷིཀྑཱུཧི སདྡྷིཾ གཙྪཐཱ’’ཏི. ‘‘ཨེཝཾ, བྷནྟེ’’ཏི ཁོ སཱརིཔུཏྟམོགྒལླཱནཱ བྷགཝཏོ པཙྩསྶོསུཾ. ‘‘ཨེཝཉྩ པན, བྷིཀྑཝེ, ཀཱཏབྦཾ. པཋམཾ ཨསྶཛིཔུནབྦསུཀཱ བྷིཀྑཱུ ཙོདེཏབྦཱ. ཙོདེཏྭཱ སཱརེཏབྦཱ. སཱརེཏྭཱ ཨཱཔཏྟིཾ རོཔེཏབྦཱ ¶ . ཨཱཔཏྟིཾ རོཔེཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༤༣༤. ‘‘སུཎཱཏུ ¶ མེ, བྷནྟེ, སངྒྷོ. ཨིམེ ཨསྶཛིཔུནབྦསུཀཱ བྷིཀྑཱུ ཀུལདཱུསཀཱ པཱཔསམཱཙཱརཱ. ཨིམེསཾ པཱཔཀཱ སམཱཙཱརཱ དིསྶནྟི ཙེཝ སུཡྻནྟི ཙ. ཀུལཱནི ཙ ཨིམེཧི དུཊྛཱནི དིསྶནྟི ཙེཝ སུཡྻནྟི ཙ. ཡདི སངྒྷསྶ པཏྟཀལླཾ, སངྒྷོ ཨསྶཛིཔུནབྦསུཀཱནཾ བྷིཀྑཱུནཾ ཀཱིཊཱགིརིསྨཱ པབྦཱཛནཱིཡཀམྨཾ ཀརེཡྻ – ‘ན ཨསྶཛིཔུནབྦསུཀེཧི བྷིཀྑཱུཧི ཀཱིཊཱགིརིསྨིཾ ཝཏྠབྦ’ནྟི. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨིམེ ཨསྶཛིཔུནབྦསུཀཱ བྷིཀྑཱུ ཀུལདཱུསཀཱ པཱཔསམཱཙཱརཱ. ཨིམེསཾ པཱཔཀཱ སམཱཙཱརཱ དིསྶནྟི ཙེཝ སུཡྻནྟི ཙ. ཀུལཱནི ཙ ཨིམེཧི དུཊྛཱནི དིསྶནྟི ཙེཝ སུཡྻནྟི ཙ. སངྒྷོ ཨསྶཛིཔུནབྦསུཀཱནཾ བྷིཀྑཱུནཾ ཀཱིཊཱགིརིསྨཱ པབྦཱཛནཱིཡཀམྨཾ ཀརོཏི – ‘ན ཨསྶཛིཔུནབྦསུཀེཧི བྷིཀྑཱུཧི ཀཱིཊཱགིརིསྨིཾ ཝཏྠབྦ’ནྟི. ཡསྶཱཡསྨཏོ ¶ ཁམཏི ཨསྶཛིཔུནབྦསུཀཱནཾ བྷིཀྑཱུནཾ ཀཱིཊཱགིརིསྨཱ པབྦཱཛནཱིཡཀམྨསྶ ཀརཎཾ – ‘ན ཨསྶཛིཔུནབྦསུཀེཧི བྷིཀྑཱུཧི ཀཱིཊཱགིརིསྨིཾ ཝཏྠབྦ’ནྟི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ…པེ… སོ བྷཱསེཡྻ.

‘‘ཀཏཾ སངྒྷེན ཨསྶཛིཔུནབྦསུཀཱནཾ བྷིཀྑཱུནཾ ཀཱིཊཱགིརིསྨཱ པབྦཱཛནཱིཡཀམྨཾ – ‘ན ཨསྶཛིཔུནབྦསུཀེཧི བྷིཀྑཱུཧི ཀཱིཊཱགིརིསྨིཾ ཝཏྠབྦ’ནྟི. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༤༣༥. ཨཐ ¶ ཁོ སཱརིཔུཏྟམོགྒལླཱནཔྤམུཁོ བྷིཀྑུསངྒྷོ ཀཱིཊཱགིརིཾ གནྟྭཱ ཨསྶཛིཔུནབྦསུཀཱནཾ བྷིཀྑཱུནཾ ཀཱིཊཱགིརིསྨཱ པབྦཱཛནཱིཡཀམྨཾ ཨཀཱསི – ‘ན ཨསྶཛིཔུནབྦསུཀེཧི བྷིཀྑཱུཧི ཀཱིཊཱགིརིསྨིཾ ཝཏྠབྦ’ནྟི. ཏེ སངྒྷེན པབྦཱཛནཱིཡཀམྨཀཏཱ ན སམྨཱ ཝཏྟནྟི, ན ལོམཾ པཱཏེནྟི, ན ནེཏྠཱརཾ ཝཏྟནྟི, ན བྷིཀྑཱུ ཁམཱཔེནྟི, ཨཀྐོསནྟི པརིབྷཱསནྟི ཚནྡགཱམིཏཱ དོསགཱམིཏཱ མོཧགཱམིཏཱ བྷཡགཱམིཏཱ པཱཔེནྟི, པཀྐམནྟིཔི, ཝིབྦྷམནྟིཔི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨསྶཛིཔུནབྦསུཀཱ བྷིཀྑཱུ སངྒྷེན པབྦཱཛནཱིཡཀམྨཀཏཱ ན སམྨཱ ཝཏྟིསྶནྟི, ན ལོམཾ པཱཏེསྶནྟི, ན ནེཏྠཱརཾ ཝཏྟིསྶནྟི, ན བྷིཀྑཱུ ཁམཱཔེསྶནྟི ¶ , ཨཀྐོསིསྶནྟི པརིབྷཱསིསྶནྟི, ཚནྡགཱམིཏཱ དོསགཱམིཏཱ མོཧགཱམིཏཱ བྷཡགཱམིཏཱ པཱཔེསྶནྟི པཀྐམིསྶནྟིཔི ཝིབྦྷམིསྶནྟིཔཱི’’ཏི ¶ ! ཨཐ ཁོ ཏེ བྷིཀྑཱུ ཨསྶཛིཔུནབྦསུཀེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, ཨསྶཛིཔུནབྦསུཀཱ བྷིཀྑཱུ སངྒྷེན པབྦཱཛནཱིཡཀམྨཀཏཱ ན སམྨཱ ཝཏྟནྟི…པེ… ཝིབྦྷམནྟིཔཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཨེཝཉྩ ¶ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༣༦. ‘‘བྷིཀྑུ པནེཝ ཨཉྙཏརཾ གཱམཾ ཝཱ ནིགམཾ ཝཱ ཨུཔནིསྶཱཡ ཝིཧརཏི ཀུལདཱུསཀོ པཱཔསམཱཙཱརོ. ཏསྶ ཁོ པཱཔཀཱ སམཱཙཱརཱ དིསྶནྟི ཙེཝ སུཡྻནྟི ཙ, ཀུལཱནི ཙ ཏེན དུཊྛཱནི དིསྶནྟི ཙེཝ སུཡྻནྟི ཙ. སོ བྷིཀྑུ བྷིཀྑཱུཧི ཨེཝམསྶ ཝཙནཱིཡོ – ‘ཨཱཡསྨཱ ཁོ ཀུལདཱུསཀོ ¶ པཱཔསམཱཙཱརོ, ཨཱཡསྨཏོ ཁོ པཱཔཀཱ སམཱཙཱརཱ དིསྶནྟི ཙེཝ སུཡྻནྟི ཙ, ཀུལཱནི ཙཱཡསྨཏཱ དུཊྛཱནི དིསྶནྟི ཙེཝ སུཡྻནྟི ཙ. པཀྐམཏཱཡསྨཱ ཨིམམྷཱ ཨཱཝཱསཱ. ཨལཾ ཏེ ཨིདྷ ཝཱསེནཱ’ཏི. ཨེཝཉྩ སོ བྷིཀྑུ བྷིཀྑཱུཧི ཝུཙྩམཱནོ ཏེ བྷིཀྑཱུ ཨེཝཾ ཝདེཡྻ – ‘ཚནྡགཱམིནོ ཙ བྷིཀྑཱུ དོསགཱམིནོ ཙ བྷིཀྑཱུ མོཧགཱམིནོ ཙ བྷིཀྑཱུ བྷཡགཱམིནོ ཙ བྷིཀྑཱུ ཏཱདིསིཀཱཡ ཨཱཔཏྟིཡཱ ཨེཀཙྩཾ པབྦཱཛེནྟི ཨེཀཙྩཾ ན པབྦཱཛེནྟཱི’ཏི, སོ བྷིཀྑུ བྷིཀྑཱུཧི ཨེཝམསྶ ཝཙནཱིཡོ – ‘མཱཡསྨཱ ཨེཝཾ ཨཝཙ. ན ཙ བྷིཀྑཱུ ཚནྡགཱམིནོ. ན ཙ བྷིཀྑཱུ དོསགཱམིནོ. ན ཙ བྷིཀྑཱུ མོཧགཱམིནོ. ན ཙ བྷིཀྑཱུ བྷཡགཱམིནོ. ཨཱཡསྨཱ ཁོ ཀུལདཱུསཀོ པཱཔསམཱཙཱརོ. ཨཱཡསྨཏོ ཁོ པཱཔཀཱ སམཱཙཱརཱ དིསྶནྟི ཙེཝ སུཡྻནྟི ཙ. ཀུལཱནི ཙཱཡསྨཏཱ དུཊྛཱནི དིསྶནྟི ཙེཝ སུཡྻནྟི ཙ. པཀྐམཏཱཡསྨཱ ཨིམམྷཱ ཨཱཝཱསཱ. ཨལཾ ཏེ ཨིདྷ ཝཱསེནཱ’ཏི. ཨེཝཉྩ སོ བྷིཀྑུ བྷིཀྑཱུཧི ཝུཙྩམཱནོ ཏཐེཝ པགྒཎྷེཡྻ, སོ བྷིཀྑུ བྷིཀྑཱུཧི ཡཱཝཏཏིཡཾ སམནུབྷཱསིཏབྦོ ཏསྶ པཊིནིསྶགྒཱཡ. ཡཱཝཏཏིཡཉྩེ སམནུབྷཱསཱིཡམཱནོ ཏཾ པཊིནིསྶཛྫེཡྻ ¶ , ཨིཙྩེཏཾ ཀུསལཾ; ནོ ཙེ པཊིནིསྶཛྫེཡྻ, སངྒྷཱདིསེསོ’’ཏི.

༤༣༧. བྷིཀྑུ པནེཝ ཨཉྙཏརཾ གཱམཾ ཝཱ ནིགམཾ ཝཱཏི གཱམོཔི ནིགམོཔི ནགརམྤི གཱམོ ཙེཝ ནིགམོ ཙ.

ཨུཔནིསྶཱཡ ཝིཧརཏཱིཏི ཏཏྠ པཊིབདྡྷཱ ཧོནྟི ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརཱ.

ཀུལཾ ¶ ནཱམ ཙཏྟཱརི ཀུལཱནི – ཁཏྟིཡཀུལཾ, བྲཱཧྨཎཀུལཾ, ¶ ཝེསྶཀུལཾ, སུདྡཀུལཾ.

ཀུལདཱུསཀོཏི ཀུལཱནི དཱུསེཏི པུཔྥེན ཝཱ ཕལེན ཝཱ ཙུཎྞེན ཝཱ མཏྟིཀཱཡ ཝཱ དནྟཀཊྛེན ཝཱ ཝེལུ༹ཡཱ ཝཱ [ཝེལུ༹ནཱ ཝཱ (སྱཱ.)] ཝེཛྫིཀཱཡ ཝཱ ཛངྒྷཔེསནིཀེན ཝཱ.

པཱཔསམཱཙཱརོཏི མཱལཱཝཙྪཾ རོཔེཏིཔི རོཔཱཔེཏིཔི, སིཉྩཏིཔི སིཉྩཱཔེཏིཔི, ཨོཙིནཱཏིཔི ཨོཙིནཱཔེཏིཔི, གནྠེཏིཔི གནྠཱཔེཏིཔི.

དིསྶནྟི ཙེཝ སུཡྻནྟི ཙཱཏི ཡེ སཾམུཁཱ ཏེ པསྶནྟི, ཡེ ཏིརོཀྑཱ ཏེ སུཎནྟི.

ཀུལཱནི ¶ ཙ ཏེན དུཊྛཱནཱིཏི པུབྦེ སདྡྷཱ ཧུཏྭཱ ཏཾ ཨཱགམྨ ཨསྶདྡྷཱ ཧོནྟི, པསནྣཱ ཧུཏྭཱ ཨཔྤསནྣཱ ཧོནྟི.

དིསྶནྟི ཙེཝ སུཡྻནྟི ཙཱཏི ཡེ སཾམུཁཱ ཏེ པསྶནྟི, ཡེ ཏིརོཀྑཱ ཏེ སུཎནྟི.

སོ བྷིཀྑཱུཏི ཡོ སོ ཀུལདཱུསཀོ བྷིཀྑུ.

བྷིཀྑཱུཧཱིཏི ཨཉྙེཧི བྷིཀྑཱུཧི. ཡེ པསྶནྟི ཡེ སུཎནྟི. ཏེཧི ཝཏྟབྦོ – ‘‘ཨཱཡསྨཱ ཁོ ཀུལདཱུསཀོ པཱཔསམཱཙཱརོ. ཨཱཡསྨཏོ ཁོ པཱཔཀཱ སམཱཙཱརཱ དིསྶནྟི ཙེཝ སུཡྻནྟི ཙ. ཀུལཱནི ཙཱཡསྨཏཱ དུཊྛཱནི དིསྶནྟི ¶ ཙེཝ སུཡྻནྟི ཙ. པཀྐམཏཱཡསྨཱ ཨིམམྷཱ ཨཱཝཱསཱ. ཨལཾ ཏེ ཨིདྷ ཝཱསེནཱ’’ཏི.

ཨེཝཉྩ སོ བྷིཀྑུ བྷིཀྑཱུཧི ཝུཙྩམཱནོ ཏེ བྷིཀྑཱུ ཨེཝཾ ཝདེཡྻ – ‘‘ཚནྡགཱམིནོ ཙ བྷིཀྑཱུ, དོསགཱམིནོ ཙ བྷིཀྑཱུ, མོཧགཱམིནོ ཙ བྷིཀྑཱུ, བྷཡགཱམིནོ ཙ བྷིཀྑཱུ. ཏཱདིསིཀཱཡ ཨཱཔཏྟིཡཱ ཨེཀཙྩཾ པབྦཱཛེནྟི ཨེཀཙྩཾ ན པབྦཱཛེནྟཱི’’ཏི.

སོ བྷིཀྑཱུཏི ཡོ སོ ཀམྨཀཏོ བྷིཀྑུ.

བྷིཀྑཱུཧཱིཏི ཨཉྙེཧི བྷིཀྑཱུཧི. ཡེ པསྶནྟི ཡེ སུཎནྟི ཏེཧི ཝཏྟབྦོ – ‘‘མཱཡསྨཱ ཨེཝཾ ཨཝཙ. ན ཙ བྷིཀྑཱུ ཚནྡགཱམིནོ, ན ཙ བྷིཀྑཱུ དོསགཱམིནོ, ན ཙ བྷིཀྑཱུ མོཧགཱམིནོ, ན ཙ བྷིཀྑཱུ བྷཡགཱམིནོ. ཨཱཡསྨཱ ¶ ཁོ ཀུལདཱུསཀོ པཱཔསམཱཙཱརོ. ཨཱཡསྨཏོ ཁོ པཱཔཀཱ སམཱཙཱརཱ དིསྶནྟི ཙེཝ སུཡྻནྟི ཙ. ཀུལཱནི ཙཱཡསྨཏཱ དུཊྛཱནི དིསྶནྟི ཙེཝ སུཡྻནྟི ཙ. པཀྐམཏཱཡསྨཱ ཨིམམྷཱ ཨཱཝཱསཱ. ཨལཾ ཏེ ཨིདྷ ཝཱསེནཱ’’ཏི. དུཏིཡམྤི ཝཏྟབྦོ. ཏཏིཡམྤི ཝཏྟབྦོ.

སཙེ པཊིནིསྶཛྫཏི, ཨིཙྩེཏཾ ཀུསལཾ. ནོ ཙེ པཊིནིསྶཛྫཏི, ཨཱཔཏྟི དུཀྐཊསྶ. སུཏྭཱ ན ཝདནྟི, ཨཱཔཏྟི དུཀྐཊསྶ. སོ བྷིཀྑུ སངྒྷམཛ྄ཛྷམྤི ཨཱཀཌྜྷིཏྭཱ ཝཏྟབྦོ – ‘‘མཱཡསྨཱ ཨེཝཾ ཨཝཙ. ན ཙ བྷིཀྑཱུ ཚནྡགཱམིནོ, ན ཙ བྷིཀྑཱུ དོསགཱམིནོ, ན ཙ བྷིཀྑཱུ མོཧགཱམིནོ, ན ཙ བྷིཀྑཱུ བྷཡགཱམིནོ. ཨཱཡསྨཱ ཁོ ཀུལདཱུསཀོ པཱཔསམཱཙཱརོ. ཨཱཡསྨཏོ ¶ ཁོ པཱཔཀཱ སམཱཙཱརཱ དིསྶནྟི ཙེཝ སུཡྻནྟི ཙ. ཀུལཱནི ཙཱཡསྨཏཱ དུཊྛཱནི དིསྶནྟི ཙེཝ སུཡྻནྟི ཙ. པཀྐམཏཱཡསྨཱ ¶ ཨིམམྷཱ ཨཱཝཱསཱ. ཨལཾ ཏེ ཨིདྷ ཝཱསེནཱ’’ཏི. དུཏིཡམྤི ཝཏྟབྦོ. ཏཏིཡམྤི ཝཏྟབྦོ. སཙེ པཊིནིསྶཛྫཏི, ཨིཙྩེཏཾ ཀུསལཾ. ནོ ཙེ པཊིནིསྶཛྫཏི, ཨཱཔཏྟི དུཀྐཊསྶ. སོ བྷིཀྑུ སམནུབྷཱསིཏབྦོ. ཨེཝཉྩ པན, བྷིཀྑཝེ, སམནུབྷཱསིཏབྦོ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༤༣༨. ‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སངྒྷེན པབྦཱཛནཱིཡཀམྨཀཏོ བྷིཀྑཱུ ཚནྡགཱམིཏཱ དོསགཱམིཏཱ མོཧགཱམིཏཱ བྷཡགཱམིཏཱ པཱཔེཏི. སོ ཏཾ ཝཏྠུཾ ན པཊིནིསྶཛྫཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུཾ སམནུབྷཱསེཡྻ ཏསྶ ཝཏྠུསྶ པཊིནིསྶགྒཱཡ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སངྒྷེན པབྦཱཛནཱིཡཀམྨཀཏོ བྷིཀྑཱུ ཚནྡགཱམིཏཱ དོསགཱམིཏཱ མོཧགཱམིཏཱ བྷཡགཱམིཏཱ པཱཔེཏི. སོ ཏཾ ཝཏྠུཾ ན པཊིནིསྶཛྫཏི. སངྒྷོ ཨིཏྠནྣཱམཾ བྷིཀྑུཾ སམནུབྷཱསཏི ཏསྶ ཝཏྠུསྶ པཊིནིསྶགྒཱཡ. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ སམནུབྷཱསནཱ ཏསྶ ཝཏྠུསྶ པཊིནིསྶགྒཱཡ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘སམནུབྷཊྛོ སངྒྷེན ཨིཏྠནྣཱམོ བྷིཀྑུ ཏསྶ ཝཏྠུསྶ པཊིནིསྶགྒཱཡ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༤༣༩. ཉཏྟིཡཱ ¶ དུཀྐཊཾ, དྭཱིཧི ཀམྨཝཱཙཱཧི ཐུལླཙྩཡཱ, ཀམྨཝཱཙཱཔརིཡོསཱནེ ¶ ཨཱཔཏྟི སངྒྷཱདིསེསསྶ. སངྒྷཱདིསེསཾ ཨཛ྄ཛྷཱཔཛྫནྟསྶ ཉཏྟིཡཱ དུཀྐཊཾ, དྭཱིཧི ཀམྨཝཱཙཱཧི ཐུལླཙྩཡཱ པཊིཔྤསྶམྦྷནྟི.

སངྒྷཱདིསེསོཏི སངྒྷོཝ ཏསྶཱ ཨཱཔཏྟིཡཱ པརིཝཱསཾ དེཏི, མཱུལཱཡ པཊིཀསྶཏི, མཱནཏྟཾ དེཏི, ཨབྦྷེཏི; ན སམྦཧུལཱ, ན ཨེཀཔུགྒལོ ¶ . ཏེན ཝུཙྩཏི – ‘སངྒྷཱདིསེསོ’ཏི, ཏསྶེཝ ཨཱཔཏྟིནིཀཱཡསྶ ནཱམཀམྨཾ ཨདྷིཝཙནཾ. ཏེནཔི ཝུཙྩཏི སངྒྷཱདིསེསོཏི.

༤༤༠. དྷམྨཀམྨེ ¶ དྷམྨཀམྨསཉྙཱི ན པཊིནིསྶཛྫཏི, ཨཱཔཏྟི སངྒྷཱདིསེསསྶ.

དྷམྨཀམྨེ ཝེམཏིཀོ ན པཊིནིསྶཛྫཏི, ཨཱཔཏྟི སངྒྷཱདིསེསསྶ.

དྷམྨཀམྨེ ཨདྷམྨཀམྨསཉྙཱི ན པཊིནིསྶཛྫཏི, ཨཱཔཏྟི སངྒྷཱདིསེསསྶ.

ཨདྷམྨཀམྨེ དྷམྨཀམྨསཉྙཱི, ཨཱཔཏྟི དུཀྐཊསྶ.

ཨདྷམྨཀམྨེ ཝེམཏིཀོ, ཨཱཔཏྟི དུཀྐཊསྶ.

ཨདྷམྨཀམྨེ ཨདྷམྨཀམྨསཉྙཱི, ཨཱཔཏྟི དུཀྐཊསྶ.

༤༤༡. ཨནཱཔཏྟི ཨསམནུབྷཱསནྟསྶ, པཊིནིསྶཛྫནྟསྶ, ཨུམྨཏྟཀསྶ, ཨཱདིཀམྨིཀསྶཱཏི.

ཀུལདཱུསཀསིཀྑཱཔདཾ ནིཊྛིཏཾ ཏེརསམཾ.

༤༤༢. ཨུདྡིཊྛཱ ཁོ, ཨཱཡསྨནྟོ, ཏེརས སངྒྷཱདིསེསཱ དྷམྨཱ, ནཝ པཋམཱཔཏྟིཀཱ, ཙཏྟཱརོ ཡཱཝཏཏིཡཀཱ. ཡེསཾ བྷིཀྑུ ཨཉྙཏརཾ ཝཱ ཨཉྙཏརཾ ཝཱ ཨཱཔཛྫིཏྭཱ ཡཱཝཏཱིཧཾ ཛཱནཾ པཊིཙྪཱདེཏི ཏཱཝཏཱིཧཾ ཏེན བྷིཀྑུནཱ ¶ ཨཀཱམཱ པརིཝཏྠབྦཾ. པརིཝུཏྠཔརིཝཱསེན བྷིཀྑུནཱ ཨུཏྟརི ཚཱརཏྟཾ བྷིཀྑུམཱནཏྟཱཡ པཊིཔཛྫིཏབྦཾ. ཙིཎྞམཱནཏྟོ བྷིཀྑུ ཡཏྠ སིཡཱ ཝཱིསཏིགཎོ བྷིཀྑུསངྒྷོ ཏཏྠ སོ བྷིཀྑུ ཨབྦྷེཏབྦོ. ཨེཀེནཔི ཙེ ཨཱུནོ ཝཱིསཏིགཎོ བྷིཀྑུསངྒྷོ ཏཾ བྷིཀྑུཾ ཨབྦྷེཡྻ, སོ ཙ བྷིཀྑུ ཨནབྦྷིཏོ, ཏེ ཙ བྷིཀྑཱུ གཱརཡ྄ཧཱ, ཨཡཾ ཏཏྠ སཱམཱིཙི. ཏཏྠཱཡསྨནྟེ པུཙྪཱམི – ‘ཀཙྩིཏྠ པརིསུདྡྷཱ’? དུཏིཡམྤི པུཙྪཱམི – ‘ཀཙྩིཏྠ པརིསུདྡྷཱ’? ཏཏིཡམྤི པུཙྪཱམི – ‘ཀཙྩིཏྠ པརིསུདྡྷཱ’? པརིསུདྡྷེཏྠཱཡསྨནྟོ. ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི.

ཏེརསཀཾ ནིཊྛིཏཾ.

ཏསྶུདྡཱནཾ ¶ –

ཝིསྶཊྛི ¶ ཀཱཡསཾསགྒཾ, དུཊྛུལླཾ ཨཏྟཀཱམཉྩ;

སཉྩརིཏྟཾ ཀུཊཱི ཙེཝ, ཝིཧཱརོ ཙ ཨམཱུལཀཾ.

ཀིཉྩིལེསཉྩ བྷེདོ ཙ, ཏསྶེཝ ཨནུཝཏྟཀཱ;

དུབྦཙཾ ཀུལདཱུསཉྩ, སངྒྷཱདིསེསཱ ཏེརསཱཏི.

སངྒྷཱདིསེསཀཎྜཾ ནིཊྛིཏཾ.

༣. ཨནིཡཏཀཎྜཾ

༡. པཋམཨནིཡཏསིཀྑཱཔདཾ

ཨིམེ ¶ ¶ ཁོ པནཱཡསྨནྟོ དྭེ ཨནིཡཏཱ དྷམྨཱ

ཨུདྡེསཾ ཨཱགཙྪནྟི.

༤༤༣. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུདཱཡཱི སཱཝཏྠིཡཾ ཀུལཱུཔཀོ ཧོཏི, བཧུཀཱནི ཀུལཱནི ཨུཔསངྐམཏི. ཏེན ཁོ པན སམཡེན ཨཱཡསྨཏོ ཨུདཱཡིསྶ ཨུཔཊྛཱཀཀུལསྶ ཀུམཱརིཀཱ ཨཉྙཏརསྶ ཀུལསྶ ཀུམཱརཀསྶ དིནྣཱ ཧོཏི. ཨཐ ཁོ ཨཱཡསྨཱ ཨུདཱཡཱི པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན ཏཾ ཀུལཾ ཏེནུཔསངྐམི; ཨུཔསངྐམིཏྭཱ མནུསྶེ པུཙྪི – ‘‘ཀཧཾ ཨིཏྠནྣཱམཱ’’ཏི? ཏེ ཨེཝམཱཧཾསུ – ‘‘དིནྣཱ, བྷནྟེ, ཨམུཀསྶ ཀུལསྶ ཀུམཱརཀསྶཱ’’ཏི. ཏམྤི ཁོ ཀུལཾ ཨཱཡསྨཏོ ཨུདཱཡིསྶ ཨུཔཊྛཱཀཾ ཧོཏི. ཨཐ ཁོ ཨཱཡསྨཱ ཨུདཱཡཱི ཡེན ཏཾ ཀུལཾ ཏེནུཔསངྐམི; ཨུཔསངྐམིཏྭཱ མནུསྶེ པུཙྪི – ‘‘ཀཧཾ ཨིཏྠནྣཱམཱ’’ཏི? ཏེ ཨེཝམཱཧཾསུ – ‘‘ཨེསཱཡྻ, ཨོཝརཀེ ནིསིནྣཱ’’ཏི. ཨཐ ཁོ ཨཱཡསྨཱ ཨུདཱཡཱི ཡེན སཱ ཀུམཱརིཀཱ ཏེནུཔསངྐམི; ཨུཔསངྐམིཏྭཱ ཏསྶཱ ཀུམཱརིཀཱཡ སདྡྷིཾ ཨེཀོ ཨེཀཱཡ རཧོ པཊིཙྪནྣེ ཨཱསནེ ཨལཾཀམྨནིཡེ ནིསཛྫཾ ཀཔྤེསི ཀཱལཡུཏྟཾ སམུལླཔནྟོ ཀཱལཡུཏྟཾ དྷམྨཾ བྷཎནྟོ.

ཏེན ཁོ པན སམཡེན ཝིསཱཁཱ མིགཱརམཱཏཱ བཧུཔུཏྟཱ ཧོཏི བཧུནཏྟཱ ཨརོགཔུཏྟཱ ཨརོགནཏྟཱ ཨབྷིམངྒལསམྨཏཱ. མནུསྶཱ ¶ ཡཉྙེསུ ཚཎེསུ ཨུསྶཝེསུ ཝིསཱཁཾ མིགཱརམཱཏརཾ པཋམཾ ¶ བྷོཛེནྟི. ཨཐ ཁོ ཝིསཱཁཱ མིགཱརམཱཏཱ ནིམནྟིཏཱ ཏཾ ཀུལཾ ཨགམཱསི. ཨདྡསཱ ཁོ ཝིསཱཁཱ མིགཱརམཱཏཱ ཨཱཡསྨནྟཾ ཨུདཱཡིཾ ཏསྶཱ ཀུམཱརིཀཱཡ སདྡྷིཾ ཨེཀཾ ཨེཀཱཡ རཧོ པཊིཙྪནྣེ ཨཱསནེ ཨལཾཀམྨནིཡེ ནིསིནྣཾ. དིསྭཱན ཨཱཡསྨནྟཾ ཨུདཱཡིཾ ཨེཏདཝོཙ – ‘‘ཨིདཾ, བྷནྟེ, ནཙྪནྣཾ ནཔྤཏིརཱུཔཾ ཡཾ ཨཡྻོ མཱཏུགཱམེན སདྡྷིཾ ཨེཀོ ཨེཀཱཡ རཧོ པཊིཙྪནྣེ ཨཱསནེ ¶ ཨལཾཀམྨནིཡེ ནིསཛྫཾ ¶ ཀཔྤེཏི. ཀིཉྩཱཔི, བྷནྟེ, ཨཡྻོ ཨནཏྠིཀོ ཏེན དྷམྨེན, ཨཔིཙ དུསྶདྡྷཱཔཡཱ ཨཔྤསནྣཱ མནུསྶཱ’’ཏི. ཨེཝམྤི ཁོ ཨཱཡསྨཱ ཨུདཱཡཱི ཝིསཱཁཱཡ མིགཱརམཱཏུཡཱ ཝུཙྩམཱནོ ནཱདིཡི. ཨཐ ཁོ ཝིསཱཁཱ མིགཱརམཱཏཱ ནིཀྑམིཏྭཱ བྷིཀྑཱུནཾ ཨེཏམཏྠཾ ཨཱརོཙེསི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུདཱཡཱི མཱཏུགཱམེན སདྡྷིཾ ཨེཀོ ཨེཀཱཡ རཧོ པཊིཙྪནྣེ ཨཱསནེ ཨལཾཀམྨནིཡེ ནིསཛྫཾ ཀཔྤེསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ ཨུདཱཡིཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, ཨུདཱཡི, མཱཏུགཱམེན སདྡྷིཾ ཨེཀོ ཨེཀཱཡ རཧོ པཊིཙྪནྣེ ཨཱསནེ ཨལཾཀམྨནིཡེ ནིསཛྫཾ ཀཔྤེསཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, མཱཏུགཱམེན སདྡྷིཾ ཨེཀོ ཨེཀཱཡ རཧོ པཊིཙྪནྣེ ཨཱསནེ ཨལཾཀམྨནིཡེ ནིསཛྫཾ ཀཔྤེསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ ¶ , ཨིམཾ སིཀྑཱཔདཾ ཨུདྡིསེཡྻཱཐ –

༤༤༤. ‘‘ཡོ པན བྷིཀྑུ མཱཏུགཱམེན སདྡྷིཾ ཨེཀོ ཨེཀཱཡ རཧོ པཊིཙྪནྣེ ཨཱསནེ ཨལཾཀམྨནིཡེ ནིསཛྫཾ ཀཔྤེཡྻ, ཏམེནཾ སདྡྷེཡྻཝཙསཱ ཨུཔཱསིཀཱ དིསྭཱ ཏིཎྞཾ དྷམྨཱནཾ ཨཉྙཏརེན ཝདེཡྻ – པཱརཱཛིཀེན ཝཱ སངྒྷཱདིསེསེན ཝཱ པཱཙིཏྟིཡེན ཝཱ, ནིསཛྫཾ བྷིཀྑུ པཊིཛཱནམཱནོ ཏིཎྞཾ དྷམྨཱནཾ ཨཉྙཏརེན ཀཱརེཏབྦོ – པཱརཱཛིཀེན ཝཱ སངྒྷཱདིསེསེན ཝཱ པཱཙིཏྟིཡེན ཝཱ ཡེན ཝཱ སཱ སདྡྷེཡྻཝཙསཱ ཨུཔཱསིཀཱ ཝདེཡྻ, ཏེན སོ བྷིཀྑུ ཀཱརེཏབྦོ. ཨཡཾ དྷམྨོ ཨནིཡཏོ’’ཏི.

༤༤༥. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

མཱཏུགཱམོ ནཱམ མནུསྶིཏྠཱི, ན ཡཀྑཱི ན པེཏཱི ན ཏིརཙྪཱནགཏཱ. ཨནྟམསོ ཏདཧུཛཱཏཱཔི དཱརིཀཱ, པགེཝ མཧཏྟརཱི.

སདྡྷིནྟི ¶ ཨེཀཏོ.

ཨེཀོ ཨེཀཱཡཱཏི བྷིཀྑུ ཙེཝ ཧོཏི མཱཏུགཱམོ ཙ.

རཧོ ¶ ནཱམ ཙཀྑུསྶ རཧོ, སོཏསྶ རཧོ. ཙཀྑུསྶ རཧོནཱམ ན སཀྐཱ ཧོཏི ཨཀྑིཾ ཝཱ ནིཁཎཱིཡམཱནེ བྷམུཀཾ ཝཱ ཨུཀྑིཔཱིཡམཱནེ སཱིསཾ ཝཱ ཨུཀྑིཔཱིཡམཱནེ པསྶིཏུཾ. སོཏསྶ རཧོནཱམ ན སཀྐཱ ཧོཏི པཀཏིཀཐཱ སོཏུཾ.

པཊིཙྪནྣཾ ནཱམ ཨཱསནཾ ཀུཊྚེན ཝཱ [ཀུཌྜེན ཝཱ (སཱི. སྱཱ.)] ཀཝཱཊེན ཝཱ ཀིལཉྫེན ¶ ཝཱ སཱཎིཔཱཀཱརེན ཝཱ རུཀྑེན ཝཱ ཐམྦྷེན ཝཱ ཀོཏྠལི༹ཡཱ ཝཱ ཡེན ཀེནཙི པཊིཙྪནྣཾ ཧོཏི.

ཨལཾཀམྨནིཡེཏི སཀྐཱ ཧོཏི མེཐུནཾ དྷམྨཾ པཊིསེཝིཏུཾ.

ནིསཛྫཾ ¶ ཀཔྤེཡྻཱཏི མཱཏུགཱམེ ནིསིནྣེ བྷིཀྑུ ཨུཔནིསིནྣོ ཝཱ ཧོཏི ཨུཔནིཔནྣོ ཝཱ. བྷིཀྑུ ནིསིནྣེ མཱཏུགཱམོ ཨུཔནིསིནྣོ ཝཱ ཧོཏི ཨུཔནིཔནྣོ ཝཱ. ཨུབྷོ ཝཱ ནིསིནྣཱ ཧོནྟི ཨུབྷོ ཝཱ ནིཔནྣཱ.

སདྡྷེཡྻཝཙསཱ ནཱམ ཨཱགཏཕལཱ ཨབྷིསམེཏཱཝིནཱི ཝིཉྙཱཏསཱསནཱ.

ཨུཔཱསིཀཱ ནཱམ བུདྡྷཾ སརཎཾ གཏཱ, དྷམྨཾ སརཎཾ གཏཱ, སངྒྷཾ སརཎཾ གཏཱ.

དིསྭཱཏི པསྶིཏྭཱ.

ཏིཎྞཾ དྷམྨཱནཾ ཨཉྙཏརེན ཝདེཡྻ – པཱརཱཛིཀེན ཝཱ སངྒྷཱདིསེསེན ཝཱ པཱཙིཏྟིཡེན ཝཱ. ནིསཛྫཾ བྷིཀྑུ པཊིཛཱནམཱནོ ཏིཎྞཾ དྷམྨཱནཾ ཨཉྙཏརེན ཀཱརེཏབྦོ – པཱརཱཛིཀེན ཝཱ སངྒྷཱདིསེསེན ཝཱ པཱཙིཏྟིཡེན ཝཱ. ཡེན ཝཱ སཱ སདྡྷེཡྻཝཙསཱ ཨུཔཱསིཀཱ ཝདེཡྻ ཏེན སོ བྷིཀྑུ ཀཱརེཏབྦོ.

༤༤༦. སཱ ¶ ཙེ ཨེཝཾ ཝདེཡྻ – ‘‘ཨཡྻོ མཡཱ དིཊྛོ ནིསིནྣོ མཱཏུགཱམསྶ མེཐུནཾ དྷམྨཾ པཊིསེཝནྟོ’’ཏི, སོ ཙ ཏཾ པཊིཛཱནཱཏི, ཨཱཔཏྟིཡཱ ཀཱརེཏབྦོ. སཱ ཙེ ཨེཝཾ ཝདེཡྻ – ‘‘ཨཡྻོ མཡཱ དིཊྛོ ནིསིནྣོ མཱཏུགཱམསྶ མེཐུནཾ དྷམྨཾ པཊིསེཝནྟོ’’ཏི, སོ ཙེ ཨེཝཾ ཝདེཡྻ – ‘‘སཙྩཱཧཾ ནིསིནྣོ, ནོ ཙ ཁོ མེཐུནཾ དྷམྨཾ པཊིསེཝི’’ནྟི, ནིསཛྫཱཡ ཀཱརེཏབྦོ. སཱ ཙེ ཨེཝཾ ཝདེཡྻ – ‘‘ཨཡྻོ མཡཱ དིཊྛོ ནིསིནྣོ ¶ མཱཏུགཱམསྶ མེཐུནཾ དྷམྨཾ པཊིསེཝནྟོ’’ཏི, སོ ཙེ ཨེཝཾ ཝདེཡྻ – ‘‘ནཱཧཾ ནིསིནྣོ, ཨཔིཙ ཁོ ནིཔནྣོ’’ཏི, ནིཔཛྫཱཡ ཀཱརེཏབྦོ ¶ . སཱ ཙེ ཨེཝཾ ཝདེཡྻ – ‘‘ཨཡྻོ མཡཱ དིཊྛོ ནིསིནྣོ མཱཏུགཱམསྶ མེཐུནཾ དྷམྨཾ པཊིསེཝནྟོ’’ཏི, སོ ཙེ ཨེཝཾ ཝདེཡྻ – ‘‘ནཱཧཾ ནིསིནྣོ ཨཔིཙ ཁོ ཋིཏོ’’ཏི, ན ཀཱརེཏབྦོ.

༤༤༧. སཱ ཙེ ཨེཝཾ ཝདེཡྻ – ‘‘ཨཡྻོ མཡཱ དིཊྛོ ནིཔནྣོ མཱཏུགཱམསྶ མེཐུནཾ དྷམྨཾ པཊིསེཝནྟོ’’ཏི, སོ ཙ ཏཾ པཊིཛཱནཱཏི, ཨཱཔཏྟིཡཱ ཀཱརེཏབྦོ. སཱ ཙེ ཨེཝཾ ཝདེཡྻ – ‘‘ཨཡྻོ མཡཱ དིཊྛོ ནིཔནྣོ མཱཏུགཱམསྶ མེཐུནཾ དྷམྨཾ པཊིསེཝནྟོ’’ཏི, སོ ཙེ ཨེཝཾ ཝདེཡྻ – ‘‘སཙྩཱཧཾ ནིཔནྣོ, ནོ ཙ ཁོ མེཐུནཾ དྷམྨཾ པཊིསེཝི’’ནྟི, ནིཔཛྫཱཡ ཀཱརེཏབྦོ. སཱ ཙེ ཨེཝཾ ཝདེཡྻ – ‘‘ཨཡྻོ མཡཱ དིཊྛོ ནིཔནྣོ མཱཏུགཱམསྶ མེཐུནཾ དྷམྨཾ པཊིསེཝནྟོ’’ཏི, སོ ཙེ ཨེཝཾ ཝདེཡྻ – ‘‘ནཱཧཾ ནིཔནྣོ, ཨཔིཙ ཁོ ནིསིནྣོ’’ཏི, ནིསཛྫཱཡ ཀཱརེཏབྦོ. སཱ ཙེ ཨེཝཾ ཝདེཡྻ – ‘‘ཨཡྻོ མཡཱ དིཊྛོ ནིཔནྣོ མཱཏུགཱམསྶ མེཐུནཾ དྷམྨཾ པཊིསེཝནྟོ’’ཏི ¶ , སོ ཙེ ཨེཝཾ ཝདེཡྻ – ‘‘ནཱཧཾ ནིཔནྣོ ཨཔིཙ ཁོ ཋིཏོ’’ཏི, ན ཀཱརེཏབྦོ.

༤༤༨. སཱ ཙེ ཨེཝཾ ཝདེཡྻ – ‘‘ཨཡྻོ མཡཱ དིཊྛོ ནིསིནྣོ མཱཏུགཱམེན སདྡྷིཾ ཀཱཡསཾསགྒཾ སམཱཔཛྫནྟོ’’ཏི, སོ ཙ ཏཾ པཊིཛཱནཱཏི, ཨཱཔཏྟིཡཱ ཀཱརེཏབྦོ…པེ… སཙྩཱཧཾ ནིསིནྣོ ནོ ཙ ཁོ ཀཱཡསཾསགྒཾ སམཱཔཛྫིནྟི, ནིསཛྫཱཡ ཀཱརེཏབྦོ…པེ… ནཱཧཾ ནིསིནྣོ ཨཔིཙ ཁོ ནིཔནྣོཏི, ནིཔཛྫཱཡ ¶ ཀཱརེཏབྦོ…པེ… ནཱཧཾ ནིསིནྣོ ཨཔིཙ ཁོ ཋིཏོཏི, ན ཀཱརེཏབྦོ.

སཱ ཙེ ཨེཝཾ ཝདེཡྻ – ‘‘ཨཡྻོ མཡཱ དིཊྛོ ནིཔནྣོ མཱཏུགཱམེན སདྡྷིཾ ཀཱཡསཾསགྒཾ སམཱཔཛྫནྟོ’’ཏི, སོ ཙ ཏཾ པཊིཛཱནཱཏི, ཨཱཔཏྟིཡཱ ཀཱརེཏབྦོ…པེ… སཙྩཱཧཾ ནིཔནྣོ, ནོ ཙ ཁོ ཀཱཡསཾསགྒཾ སམཱཔཛྫིནྟི, ནིཔཛྫཱཡ ཀཱརེཏབྦོ…པེ… ནཱཧཾ ནིཔནྣོ, ཨཔིཙ ཁོ ¶ ནིསིནྣོཏི, ནིསཛྫཱཡ ཀཱརེཏབྦོ…པེ… ནཱཧཾ ནིཔནྣོ, ཨཔིཙ ཁོ ཋིཏོཏི, ན ཀཱརེཏབྦོ.

༤༤༩. སཱ ཙེ ཨེཝཾ ཝདེཡྻ – ‘‘ཨཡྻོ མཡཱ དིཊྛོ མཱཏུགཱམེན སདྡྷིཾ ཨེཀོ ཨེཀཱཡ རཧོ པཊིཙྪནྣེ ཨཱསནེ ཨལཾཀམྨནིཡེ ནིསིནྣོ’’ཏི ¶ , སོ ཙ ཏཾ པཊིཛཱནཱཏི, ནིསཛྫཱཡ ཀཱརེཏབྦོ…པེ… ནཱཧཾ ནིསིནྣོ ཨཔིཙ ཁོ ནིཔནྣོཏི, ནིཔཛྫཱཡ ཀཱརེཏབྦོ…པེ… ནཱཧཾ ནིསིནྣོ, ཨཔིཙ ཁོ ཋིཏོཏི, ན ཀཱརེཏབྦོ.

༤༥༠. སཱ ཙེ ཨེཝཾ ཝདེཡྻ – ‘‘ཨཡྻོ མཡཱ དིཊྛོ མཱཏུགཱམེན སདྡྷིཾ ཨེཀོ ཨེཀཱཡ རཧོ པཊིཙྪནྣེ ཨཱསནེ ཨལཾཀམྨནིཡེ ནིཔནྣོ’’ཏི, སོ ཙ ཏཾ པཊིཛཱནཱཏི, ནིཔཛྫཱཡ ཀཱརེཏབྦོ…པེ… ནཱཧཾ ནིཔནྣོ, ཨཔིཙ ཁོ ནིསིནྣོཏི, ནིསཛྫཱཡ ཀཱརེཏབྦོ…པེ… ནཱཧཾ ནིཔནྣོ, ཨཔིཙ ཁོ ཋིཏོཏི, ན ཀཱརེཏབྦོ.

ཨནིཡཏོཏི ¶ ན ནིཡཏོ, པཱརཱཛིཀཾ ཝཱ སངྒྷཱདིསེསོ ཝཱ པཱཙིཏྟིཡཾ ཝཱ.

༤༥༡. གམནཾ པཊིཛཱནཱཏི, ནིསཛྫཾ པཊིཛཱནཱཏི, ཨཱཔཏྟིཾ པཊིཛཱནཱཏི, ཨཱཔཏྟིཡཱ ཀཱརེཏབྦོ. གམནཾ པཊིཛཱནཱཏི, ནིསཛྫཾ ན པཊིཛཱནཱཏི, ཨཱཔཏྟིཾ པཊིཛཱནཱཏི, ཨཱཔཏྟིཡཱ ཀཱརེཏབྦོ. གམནཾ པཊིཛཱནཱཏི, ནིསཛྫཾ པཊིཛཱནཱཏི, ཨཱཔཏྟིཾ ན པཊིཛཱནཱཏི, ནིསཛྫཱཡ ཀཱརེཏབྦོ. གམནཾ པཊིཛཱནཱཏི, ནིསཛྫཾ ན པཊིཛཱནཱཏི, ཨཱཔཏྟིཾ ན པཊིཛཱནཱཏི, ན ཀཱརེཏབྦོ.

གམནཾ ན པཊིཛཱནཱཏི, ནིསཛྫཾ པཊིཛཱནཱཏི, ཨཱཔཏྟིཾ པཊིཛཱནཱཏི, ཨཱཔཏྟིཡཱ

ཀཱརེཏབྦོ. གམནཾ ན པཊིཛཱནཱཏི, ནིསཛྫཾ ན པཊིཛཱནཱཏི, ཨཱཔཏྟིཾ ¶ པཊིཛཱནཱཏི, ཨཱཔཏྟིཡཱ ཀཱརེཏབྦོ. གམནཾ ན པཊིཛཱནཱཏི, ནིསཛྫཾ པཊིཛཱནཱཏི, ཨཱཔཏྟིཾ ན པཊིཛཱནཱཏི, ནིསཛྫཱཡ ཀཱརེཏབྦོ. གམནཾ ན པཊིཛཱནཱཏི, ནིསཛྫཾ ན པཊིཛཱནཱཏི, ཨཱཔཏྟིཾ ན པཊིཛཱནཱཏི, ན ཀཱརེཏབྦོཏི.

པཋམོ ཨནིཡཏོ ནིཊྛིཏོ.

༢. དུཏིཡཨནིཡཏསིཀྑཱཔདཾ

༤༥༢. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུདཱཡཱི – ‘‘བྷགཝཏཱ པཊིཀྑིཏྟཾ མཱཏུགཱམེན སདྡྷིཾ ཨེཀོ ཨེཀཱཡ རཧོ པཊིཙྪནྣེ ཨཱསནེ ཨལཾཀམྨནིཡེ ནིསཛྫཾ ཀཔྤེཏུ’’ནྟི ཏསྶཱཡེཝ ཀུམཱརིཀཱཡ ¶ སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེསི ཀཱལཡུཏྟཾ སམུལླཔནྟོ ཀཱལཡུཏྟཾ དྷམྨཾ བྷཎནྟོ. དུཏིཡམྤི ཁོ ཝིསཱཁཱ མིགཱརམཱཏཱ ནིམནྟིཏཱ ཏཾ ཀུལཾ ཨགམཱསི. ཨདྡསཱ ཁོ ཝིསཱཁཱ མིགཱརམཱཏཱ ཨཱཡསྨནྟཾ ཨུདཱཡིཾ ཏསྶཱཡེཝ ཀུམཱརིཀཱཡ སདྡྷིཾ ཨེཀཾ ཨེཀཱཡ རཧོ ནིསིནྣཾ. དིསྭཱན ཨཱཡསྨནྟཾ ཨུདཱཡིཾ ཨེཏདཝོཙ – ‘‘ཨིདཾ, བྷནྟེ, ནཙྪནྣཾ ནཔྤཏིརཱུཔཾ ཡཾ ཨཡྻོ མཱཏུགཱམེན སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེཏི. ཀིཉྩཱཔི, བྷནྟེ, ཨཡྻོ ཨནཏྠིཀོ ཏེན དྷམྨེན, ཨཔིཙ དུསྶདྡྷཱཔཡཱ ཨཔྤསནྣཱ མནུསྶཱ’’ཏི. ཨེཝམྤི ཁོ ཨཱཡསྨཱ ཨུདཱཡཱི ཝིསཱཁཱཡ མིགཱརམཱཏུཡཱ ཝུཙྩམཱནོ ནཱདིཡི. ཨཐ ཁོ ཝིསཱཁཱ མིགཱརམཱཏཱ ནིཀྑམིཏྭཱ བྷིཀྑཱུནཾ ཨེཏམཏྠཾ ཨཱརོཙེསི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུདཱཡཱི མཱཏུགཱམེན སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ ཨུདཱཡིཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ ¶ …པེ… ‘‘སཙྩཾ ཀིར ཏྭཾ, ཨུདཱཡི, མཱཏུགཱམེན སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེསཱི’’ཏི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, མཱཏུགཱམེན སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༥༣. ‘‘ན ཧེཝ ཁོ པན པཊིཙྪནྣཾ ཨཱསནཾ ཧོཏི ནཱལཾ ཀམྨནིཡཾ, ཨལཉྩ ཁོ ཧོཏི མཱཏུགཱམཾ དུཊྛུལླཱཧི ཝཱཙཱཧི ཨོབྷཱསིཏུཾ. ཡོ པན བྷིཀྑུ ཏཐཱརཱུཔེ ཨཱསནེ མཱཏུགཱམེན སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེཡྻ, ཏམེནཾ སདྡྷེཡྻཝཙསཱ ཨུཔཱསིཀཱ དིསྭཱ དྭིནྣཾ དྷམྨཱནཾ ཨཉྙཏརེན ཝདེཡྻ – སངྒྷཱདིསེསེན ཝཱ པཱཙིཏྟིཡེན ཝཱ. ནིསཛྫཾ བྷིཀྑུ པཊིཛཱནམཱནོ དྭིནྣཾ དྷམྨཱནཾ ཨཉྙཏརེན ཀཱརེཏབྦོ – སངྒྷཱདིསེསེན ཝཱ པཱཙིཏྟིཡེན ཝཱ. ཡེན ཝཱ སཱ ¶ སདྡྷེཡྻཝཙསཱ ཨུཔཱསིཀཱ ཝདེཡྻ ཏེན སོ བྷིཀྑུ ཀཱརེཏབྦོ. ཨཡམྤི དྷམྨོ ཨནིཡཏོ’’ཏི.

༤༥༤. ན ཧེཝ ¶ ཁོ པན པཊིཙྪནྣཾ ཨཱསནཾ ཧོཏཱིཏི ཨཔྤཊིཙྪནྣཾ ཧོཏི ཀུཊྚེན ཝཱ ཀཝཱཊེན ཝཱ ཀིལཉྫེན ཝཱ སཱཎིཔཱཀཱརེན ཝཱ རུཀྑེན ཝཱ ཐམྦྷེན ཝཱ ཀོཏྠལི༹ཡཱ ཝཱ ཡེན ཀེནཙི ཨཔྤཊིཙྪནྣཾ ཧོཏི.

ནཱལཾ ¶ ཀམྨནིཡནྟི ན སཀྐཱ ཧོཏི མེཐུནཾ དྷམྨཾ པཊིསེཝིཏུཾ.

ཨལཉྩ ཁོ ཧོཏི མཱཏུགཱམཾ དུཊྛུལླཱཧི ཝཱཙཱཧི ཨོབྷཱསིཏུནྟི སཀྐཱ ཧོཏི མཱཏུགཱམཾ དུཊྛུལླཱཧི ཝཱཙཱཧི ཨོབྷཱསིཏུཾ.

ཡོ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཏཐཱརཱུཔེ ཨཱསནེཏི ཨེཝརཱུཔེ ཨཱསནེ.

མཱཏུགཱམོ ནཱམ མནུསྶིཏྠཱི, ན ཡཀྑཱི ན པེཏཱི ན ཏིརཙྪཱནགཏཱ, ཝིཉྙཱུ པཊིབལཱ སུབྷཱསིཏདུབྦྷཱསིཏཾ དུཊྛུལླཱདུཊྛུལླཾ ཨཱཛཱནིཏུཾ.

སདྡྷིནྟི ཨེཀཏོ.

ཨེཀོ ཨེཀཱཡཱཏི བྷིཀྑུ ཙེཝ ཧོཏི མཱཏུགཱམོ ཙ.

རཧོ ནཱམ ཙཀྑུསྶ རཧོ, སོཏསྶ རཧོ. ཙཀྑུསྶ རཧོ ནཱམ ན སཀྐཱ ཧོཏི ཨཀྑིཾ ཝཱ ནིཁཎཱིཡམཱནེ བྷམུཀཾ ཝཱ ཨུཀྑིཔཱིཡམཱནེ སཱིསཾ ཝཱ ཨུཀྑིཔཱིཡམཱནེ པསྶིཏུཾ. སོཏསྶ རཧོ ནཱམ ན སཀྐཱ ཧོཏི པཀཏིཀཐཱ སོཏུཾ.

ནིསཛྫཾ ཀཔྤེཡྻཱཏི མཱཏུགཱམེ ནིསིནྣེ བྷིཀྑུ ཨུཔནིསིནྣོ ཝཱ ཧོཏི ཨུཔནིཔནྣོ ཝཱ. བྷིཀྑུ ནིསིནྣེ མཱཏུགཱམོ ཨུཔནིསིནྣོ ཝཱ ཧོཏི ཨུཔནིཔནྣོ ཝཱ. ཨུབྷོ ཝཱ ནིསིནྣཱ ཧོནྟི ཨུབྷོ ཝཱ ནིཔནྣཱ.

སདྡྷེཡྻཝཙསཱ ¶ ནཱམ ཨཱགཏཕལཱ ཨབྷིསམེཏཱཝིནཱི ཝིཉྙཱཏསཱསནཱ.

ཨུཔཱསིཀཱ ནཱམ བུདྡྷཾ སརཎཾ གཏཱ, དྷམྨཾ སརཎཾ གཏཱ, སངྒྷཾ སརཎཾ གཏཱ.

དིསྭཱཏི པསྶིཏྭཱ.

དྭིནྣཾ དྷམྨཱནཾ ཨཉྙཏརེན ཝདེཡྻ སངྒྷཱདིསེསེན ཝཱ པཱཙིཏྟིཡེན ཝཱ. ནིསཛྫཾ བྷིཀྑུ པཊིཛཱནམཱནོ དྭིནྣཾ དྷམྨཱནཾ ཨཉྙཏརེན ཀཱརེཏབྦོ – སངྒྷཱདིསེསེན ཝཱ པཱཙིཏྟིཡེན ཝཱ. ཡེན ཝཱ སཱ སདྡྷེཡྻཝཙསཱ ཨུཔཱསིཀཱ ཝདེཡྻ, ཏེན སོ བྷིཀྑུ ཀཱརེཏབྦོ.

༤༥༥. སཱ ¶ ཙེ ཨེཝཾ ཝདེཡྻ – ‘‘ཨཡྻོ མཡཱ དིཊྛོ ནིསིནྣོ མཱཏུགཱམེན སདྡྷིཾ ཀཱཡསཾསགྒཾ སམཱཔཛྫནྟོ’’ཏི, སོ ཙ ཏཾ པཊིཛཱནཱཏི, ཨཱཔཏྟིཡཱ ཀཱརེཏབྦོ. སཱ ཙེ ཨེཝཾ ཝདེཡྻ – ‘‘ཨཡྻོ མཡཱ ¶ དིཊྛོ ནིསིནྣོ མཱཏུགཱམེན སདྡྷིཾ ཀཱཡསཾསགྒཾ སམཱཔཛྫནྟོ’’ཏི, སོ ཙེ ཨེཝཾ ཝདེཡྻ – ‘‘སཙྩཱཧཾ ནིསིནྣོ, ནོ ཙ ཁོ ཀཱཡསཾསགྒཾ སམཱཔཛྫི’’ནྟི, ནིསཛྫཱཡ ཀཱརེཏབྦོ…པེ… ནཱཧཾ ནིསིནྣོ, ཨཔིཙ ཁོ ནིཔནྣོཏི, ནིཔཛྫཱཡ ཀཱརེཏབྦོ…པེ… ནཱཧཾ ནིསིནྣོ, ཨཔིཙ ཁོ ཋིཏོཏི, ན ཀཱརེཏབྦོ.

སཱ ཙེ ཨེཝཾ ཝདེཡྻ – ‘‘ཨཡྻོ མཡཱ དིཊྛོ ནིཔནྣོ མཱཏུགཱམེན སདྡྷིཾ ཀཱཡསཾསགྒཾ སམཱཔཛྫནྟོ’’ཏི, སོ ཙ ཏཾ པཊིཛཱནཱཏི, ཨཱཔཏྟིཡཱ ཀཱརེཏབྦོ…པེ… སཙྩཱཧཾ ནིཔནྣོ, ནོ ཙ ཁོ ཀཱཡསཾསགྒཾ སམཱཔཛྫིནྟི, ནིཔཛྫཱཡ ཀཱརེཏབྦོ…པེ… ནཱཧཾ ནིཔནྣོ, ཨཔིཙ ཁོ ནིསིནྣོཏི, ནིསཛྫཱཡ ཀཱརེཏབྦོ ¶ …པེ… ནཱཧཾ ནིཔནྣོ, ཨཔིཙ ཁོ ཋིཏོཏི, ན ཀཱརེཏབྦོ.

སཱ ¶ ཙེ ཨེཝཾ ཝདེཡྻ – ‘‘ཨཡྻསྶ མཡཱ སུཏཾ ནིསིནྣསྶ མཱཏུགཱམཾ དུཊྛུལླཱཧི ཝཱཙཱཧི ཨོབྷཱསནྟསྶཱ’’ཏི, སོ ཙ ཏཾ པཊིཛཱནཱཏི, ཨཱཔཏྟིཡཱ ¶ ཀཱརེཏབྦོ. སཱ ཙེ ཨེཝཾ ཝདེཡྻ – ‘‘ཨཡྻསྶ མཡཱ སུཏཾ ནིསིནྣསྶ མཱཏུགཱམཾ དུཊྛུལླཱཧི ཝཱཙཱཧི ཨོབྷཱསནྟསྶཱ’’ཏི, སོ ཙེ ཨེཝཾ ཝདེཡྻ – ‘‘སཙྩཱཧཾ ནིསིནྣོ, ནོ ཙ ཁོ དུཊྛུལླཱཧི ཝཱཙཱཧི ཨོབྷཱསི’’ནྟི, ནིསཛྫཱཡ ཀཱརེཏབྦོ…པེ… ནཱཧཾ ནིསིནྣོ, ཨཔིཙ ཁོ ནིཔནྣོཏི, ནིཔཛྫཱཡ ཀཱརེཏབྦོ…པེ… ནཱཧཾ ནིསིནྣོ, ཨཔིཙ ཁོ ཋིཏོཏི, ན ཀཱརེཏབྦོ.

སཱ ཙེ ཨེཝཾ ཝདེཡྻ – ‘‘ཨཡྻསྶ མཡཱ སུཏཾ ནིཔནྣསྶ མཱཏུགཱམཾ དུཊྛུལླཱཧི ཝཱཙཱཧི ཨོབྷཱསནྟསྶཱ’’ཏི, སོ ཙ ཏཾ པཊིཛཱནཱཏི, ཨཱཔཏྟིཡཱ ཀཱརེཏབྦོ…པེ… སཙྩཱཧཾ ནིཔནྣོ ནོ ཙ ཁོ དུཊྛུལླཱཧི ཝཱཙཱཧི ཨོབྷཱསིནྟི, ནིཔཛྫཱཡ ཀཱརེཏབྦོ…པེ… ནཱཧཾ ནིཔནྣོ, ཨཔིཙ ཁོ ནིསིནྣོཏི, ནིསཛྫཱཡ ཀཱརེཏབྦོ…པེ… ནཱཧཾ ནིཔནྣོ, ཨཔིཙ ཁོ ཋིཏོཏི, ན ཀཱརེཏབྦོ.

༤༥༦. སཱ ཙེ ཨེཝཾ ཝདེཡྻ – ‘‘ཨཡྻོ མཡཱ དིཊྛོ མཱཏུགཱམེན སདྡྷིཾ ཨེཀོ ཨེཀཱཡ རཧོ ནིསིནྣོ’’ཏི, སོ ཙ ཏཾ པཊིཛཱནཱཏི, ནིསཛྫཱཡ ཀཱརེཏབྦོ…པེ… ནཱཧཾ ནིསིནྣོ, ཨཔིཙ ཁོ ནིཔནྣོཏི, ནིཔཛྫཱཡ ཀཱརེཏབྦོ…པེ… ནཱཧཾ ནིསིནྣོ, ཨཔིཙ ཁོ ཋིཏོཏི, ན ཀཱརེཏབྦོ.

སཱ ¶ ཙེ ཨེཝཾ ཝདེཡྻ – ‘‘ཨཡྻོ མཡཱ དིཊྛོ མཱཏུགཱམེན སདྡྷིཾ ཨེཀོ ཨེཀཱཡ རཧོ ནིཔནྣོ’’ཏི, སོ ཙ ཏཾ པཊིཛཱནཱཏི, ནིཔཛྫཱཡ ཀཱརེཏབྦོ…པེ… ནཱཧཾ ནིཔནྣོ, ཨཔིཙ ཁོ ནིསིནྣོཏི, ནིསཛྫཱཡ ¶ ཀཱརེཏབྦོ…པེ… ནཱཧཾ ནིཔནྣོ, ཨཔིཙ ཁོ ཋིཏོཏི, ན ཀཱརེཏབྦོ.

ཨཡམྤཱིཏི པུརིམཾ ཨུཔཱདཱཡ ཝུཙྩཏི.

ཨནིཡཏོཏི ན ནིཡཏོ, སངྒྷཱདིསེསོ ཝཱ པཱཙིཏྟིཡཾ ཝཱ.

༤༥༧. གམནཾ པཊིཛཱནཱཏི ནིསཛྫཾ པཊིཛཱནཱཏི ཨཱཔཏྟིཾ པཊིཛཱནཱཏི, ཨཱཔཏྟིཡཱ ཀཱརེཏབྦོ. གམནཾ པཊིཛཱནཱཏི ནིསཛྫཾ ན པཊིཛཱནཱཏི ཨཱཔཏྟིཾ པཊིཛཱནཱཏི, ཨཱཔཏྟིཡཱ ཀཱརེཏབྦོ. གམནཾ པཊིཛཱནཱཏི ནིསཛྫཾ པཊིཛཱནཱཏི ཨཱཔཏྟིཾ ན པཊིཛཱནཱཏི, ནིསཛྫཱཡ ཀཱརེཏབྦོ. གམནཾ པཊིཛཱནཱཏི ནིསཛྫཾ ན པཊིཛཱནཱཏི ཨཱཔཏྟིཾ ན པཊིཛཱནཱཏི, ན ཀཱརེཏབྦོ.

གམནཾ ན པཊིཛཱནཱཏི ནིསཛྫཾ པཊིཛཱནཱཏི ཨཱཔཏྟིཾ པཊིཛཱནཱཏི, ཨཱཔཏྟིཡཱ ཀཱརེཏབྦོ. གམནཾ ན པཊིཛཱནཱཏི ནིསཛྫཾ ན པཊིཛཱནཱཏི ཨཱཔཏྟིཾ པཊིཛཱནཱཏི, ཨཱཔཏྟིཡཱ ཀཱརེཏབྦོ. གམནཾ ན པཊིཛཱནཱཏི ནིསཛྫཾ པཊིཛཱནཱཏི ཨཱཔཏྟིཾ ན པཊིཛཱནཱཏི ¶ , ནིསཛྫཱཡ ཀཱརེཏབྦོ. གམནཾ ན པཊིཛཱནཱཏི ནིསཛྫཾ ན པཊིཛཱནཱཏི ཨཱཔཏྟིཾ ན པཊིཛཱནཱཏི, ན ཀཱརེཏབྦོཏི.

དུཏིཡོ ཨནིཡཏོ ནིཊྛིཏོ.

༤༥༨. ཨུདྡིཊྛཱ ¶ ¶ ཁོ ཨཱཡསྨནྟོ དྭེ ཨནིཡཏཱ དྷམྨཱ. ཏཏྠཱཡསྨནྟེ པུཙྪཱམི – ‘‘ཀཙྩིཏྠ པརིསུདྡྷཱ’’? དུཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? ཏཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? པརིསུདྡྷེཏྠཱཡསྨནྟོ; ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི.

ཏསྶུདྡཱནཾ –

ཨལཾ ཀམྨནིཡཉྩེཝ, ཏཐེཝ ཙ ནཧེཝ ཁོ;

ཨནིཡཏཱ སུཔཉྙཏྟཱ, བུདྡྷསེཊྛེན ཏཱདིནཱཏི.

ཨནིཡཏཀཎྜཾ ནིཊྛིཏཾ.

༤. ནིསྶགྒིཡཀཎྜཾ

༡. ཙཱིཝརཝགྒོ

༡. པཋམཀཐིནསིཀྑཱཔདཾ

ཨིམེ ¶ ¶ ཁོ པནཱཡསྨནྟོ ཏིཾས ནིསྶགྒིཡཱ པཱཙིཏྟིཡཱ

དྷམྨཱ ཨུདྡེསཾ ཨཱགཙྪནྟི.

༤༥༩. ཏེནེ ¶ ¶ སམཡེན བུདྡྷོ བྷགཝཱ ཝེསཱལིཡཾ ཝིཧརཏི གོཏམཀེ ཙེཏིཡེ. ཏེན ཁོ པན སམཡེན བྷགཝཏཱ བྷིཀྑཱུནཾ ཏིཙཱིཝརཾ ཨནུཉྙཱཏཾ ཧོཏི. ཚབྦགྒིཡཱ བྷིཀྑཱུ – ‘‘བྷགཝཏཱ ཏིཙཱིཝརཾ ཨནུཉྙཱཏ’’ནྟི ཨཉྙེནེཝ ཏིཙཱིཝརེན གཱམཾ པཝིསནྟི, ཨཉྙེན ཏིཙཱིཝརེན ཨཱརཱམེ ཨཙྪནྟི, ཨཉྙེན ཏིཙཱིཝརེན ནཧཱནཾ ཨོཏརནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨཏིརེཀཙཱིཝརཾ དྷཱརེསྶནྟཱི’’ཏི! ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ, ཨཏིརེཀཙཱིཝརཾ དྷཱརེཐཱ’’ཏི ¶ ? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཨཏིརེཀཙཱིཝརཾ དྷཱརེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༦༠. ‘‘ཡོ པན བྷིཀྑུ ཨཏིརེཀཙཱིཝརཾ དྷཱརེཡྻ, ནིསྶགྒིཡཾ པཱཙིཏྟིཡ’’ནྟི.

ཨེཝཉྩིདཾ ¶ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༤༦༡. [མཧཱཝ. ༣༤༧] ཏེན ཁོ པན སམཡེན ཨཱཡསྨཏོ ཨཱནནྡསྶ ཨཏིརེཀཙཱིཝརཾ ཨུཔྤནྣཾ ཧོཏི. ཨཱཡསྨཱ ཙ ཨཱནནྡོ ཏཾ ཙཱིཝརཾ ཨཱཡསྨཏོ སཱརིཔུཏྟསྶ དཱཏུཀཱམོ ཧོཏི. ཨཱཡསྨཱ ཙ སཱརིཔུཏྟོ སཱཀེཏེ ཝིཧརཏི. ཨཐ ཁོ ཨཱཡསྨཏོ ཨཱནནྡསྶ ཨེཏདཧོསི – ‘‘བྷགཝཏཱ སིཀྑཱཔདཾ པཉྙཏྟཾ – ‘ན ཨཏིརེཀཙཱིཝརཾ དྷཱརེཏབྦ’ནྟི. ཨིདཉྩ མེ ཨཏིརེཀཙཱིཝརཾ ཨུཔྤནྣཾ. ཨཧཉྩིམཾ ཙཱིཝརཾ ཨཱཡསྨཏོ སཱརིཔུཏྟསྶ དཱཏུཀཱམོ. ཨཱཡསྨཱ ཙ ¶ སཱརིཔུཏྟོ སཱཀེཏེ ཝིཧརཏི. ཀཐཾ ནུ ཁོ མཡཱ པཊིཔཛྫིཏབྦ’’ནྟི? ཨཐ ཁོ ཨཱཡསྨཱ ཨཱནནྡོ བྷགཝཏོ ཨེཏམཏྠཾ ¶ ཨཱརོཙེསི. ‘‘ཀཱིཝཙིརཾ པནཱནནྡ, སཱརིཔུཏྟོ ཨཱགཙྪིསྶཏཱི’’ཏི? ‘‘ནཝམཾ ཝཱ, བྷགཝཱ, དིཝསཾ དསམཾ ཝཱ’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, དསཱཧཔརམཾ ཨཏིརེཀཙཱིཝརཾ དྷཱརེཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༦༢. ‘‘ནིཊྛིཏཙཱིཝརསྨིཾ བྷིཀྑུནཱ ཨུབྦྷཏསྨིཾ ¶ ཀཐིནེ དསཱཧཔརམཾ ཨཏིརེཀཙཱིཝརཾ དྷཱརེཏབྦཾ. ཏཾ ཨཏིཀྐཱམཡཏོ ནིསྶགྒིཡཾ པཱཙིཏྟིཡ’’ནྟི.

༤༦༣. ནིཊྛིཏཙཱིཝརསྨིནྟི བྷིཀྑུནོ ཙཱིཝརཾ ཀཏཾ ཝཱ ཧོཏི ནཊྛཾ ཝཱ ཝིནཊྛཾ ཝཱ དཌྜྷཾ ཝཱ ཙཱིཝརཱསཱ ཝཱ ཨུཔཙྪིནྣཱ.

ཨུབྦྷཏསྨིཾ ཀཐིནེཏི ཨཊྛནྣཾ མཱཏིཀཱནཾ ཨཉྙཏརཱཡ མཱཏིཀཱཡ ཨུབྦྷཏཾ ཧོཏི, སངྒྷེན ཝཱ ཨནྟརཱ ཨུབྦྷཏཾ ཧོཏི.

དསཱཧཔརམནྟི དསཱཧཔརམཏཱ དྷཱརེཏབྦཾ.

ཨཏིརེཀཙཱིཝརཾ ནཱམ ཨནདྷིཊྛིཏཾ ཨཝིཀཔྤིཏཾ.

ཙཱིཝརཾ ནཱམ ཚནྣཾ ཙཱིཝརཱནཾ ཨཉྙཏརཾ ཙཱིཝརཾ, ཝིཀཔྤནུཔགཾ པཙྪིམཾ.

ཏཾ ཨཏིཀྐཱམཡཏོ ནིསྶགྒིཡཾ ཧོཏཱི [ཧོཏཱིཏི ཨིདཾ པདཾ སབྦཔོཏྠཀེསུ ཨཏྠི, སིཀྑཱཔདེ པན ནཏྠི, ཨེཝམུཔརིཔི] ཏི ཨེཀཱདསེ ཨརུཎུགྒམནེ ནིསྶགྒིཡཾ ཧོཏི. ནིསྶཛྫིཏབྦཾ ¶ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ. ཏེན བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨིདཾ མེ, བྷནྟེ, ཙཱིཝརཾ དསཱཧཱཏིཀྐནྟཾ ནིསྶགྒིཡཾ, ཨིམཱཧཾ སངྒྷསྶ ནིསྶཛྫཱམཱི’’ཏི. ནིསྶཛྫིཏྭཱ ཨཱཔཏྟི དེསེཏབྦཱ. བྱཏྟེན བྷིཀྑུནཱ པཊིབལེན ཨཱཔཏྟི ¶ པཊིགྒཧེཏབྦཱ. ནིསྶཊྛཙཱིཝརཾ དཱཏབྦཾ.

༤༦༤. ‘‘སུཎཱཏུ མེ, བྷནྟེ, སངྒྷོ. ཨིདཾ ཙཱིཝརཾ ཨིཏྠནྣཱམསྶ བྷིཀྑུནོ ནིསྶགྒིཡཾ སངྒྷསྶ ནིསྶཊྛཾ. ཡདི སངྒྷསྶ པཏྟཀལླཾ, སངྒྷོ ཨིམཾ ཙཱིཝརཾ ཨིཏྠནྣཱམསྶ བྷིཀྑུནོ དདེཡྻཱ’’ཏི.

༤༦༥. ཏེན ¶ བྷིཀྑུནཱ སམྦཧུལེ བྷིཀྑཱུ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶུ ཝཙནཱིཡཱ – ‘‘ཨིདཾ མེ, བྷནྟེ, ཙཱིཝརཾ དསཱཧཱཏིཀྐནྟཾ ¶ ནིསྶགྒིཡཾ. ཨིམཱཧཾ ཨཱཡསྨནྟཱནཾ ནིསྶཛྫཱམཱི’’ཏི. ནིསྶཛྫིཏྭཱ ཨཱཔཏྟི དེསེཏབྦཱ. བྱཏྟེན བྷིཀྑུནཱ པཊིབལེན ཨཱཔཏྟི པཊིགྒཧེཏབྦཱ. ནིསྶཊྛཙཱིཝརཾ དཱཏབྦཾ.

༤༦༦. ‘‘སུཎནྟུ མེ ཨཱཡསྨནྟཱ. ཨིདཾ ཙཱིཝརཾ ཨིཏྠནྣཱམསྶ བྷིཀྑུནོ ནིསྶགྒིཡཾ ཨཱཡསྨནྟཱནཾ ནིསྶཊྛཾ. ཡདཱཡསྨནྟཱནཾ པཏྟཀལླཾ, ཨཱཡསྨནྟཱ ཨིམཾ ཙཱིཝརཾ ཨིཏྠནྣཱམསྶ བྷིཀྑུནོ དདེཡྻུ’’ནྟི.

༤༦༧. ཏེན བྷིཀྑུནཱ ཨེཀཾ བྷིཀྑུཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨིདཾ མེ, ཨཱཝུསོ, ཙཱིཝརཾ དསཱཧཱཏིཀྐནྟཾ ནིསྶགྒིཡཾ. ཨིམཱཧཾ ཨཱཡསྨཏོ ནིསྶཛྫཱམཱི’’ཏི. ནིསྶཛྫིཏྭཱ ཨཱཔཏྟི དེསེཏབྦཱ. ཏེན བྷིཀྑུནཱ ཨཱཔཏྟི པཊིགྒཧེཏབྦཱ. ནིསྶཊྛཙཱིཝརཾ དཱཏབྦཾ – ‘‘ཨིམཾ ཙཱིཝརཾ ཨཱཡསྨཏོ དམྨཱི’’ཏི.

༤༦༨. དསཱཧཱཏིཀྐནྟེ ཨཏིཀྐནྟསཉྙཱི, ནིསྶགྒིཡཾ པཱཙིཏྟིཡཾ. དསཱཧཱཏིཀྐནྟེ ¶ ཝེམཏིཀོ, ནིསྶགྒིཡཾ པཱཙིཏྟིཡཾ. དསཱཧཱཏིཀྐནྟེ ཨནཏིཀྐནྟསཉྙཱི, ནིསྶགྒིཡཾ པཱཙིཏྟིཡཾ ¶ . ཨནདྷིཊྛིཏེ ཨདྷིཊྛིཏསཉྙཱི, ནིསྶགྒིཡཾ པཱཙིཏྟིཡཾ. ཨཝིཀཔྤིཏེ ཝིཀཔྤིཏསཉྙཱི, ནིསྶགྒིཡཾ པཱཙིཏྟིཡཾ. ཨཝིསྶཛྫིཏེ ཝིསྶཛྫིཏསཉྙཱི, ནིསྶགྒིཡཾ པཱཙིཏྟིཡཾ. ཨནཊྛེ ནཊྛསཉྙཱི, ནིསྶགྒིཡཾ པཱཙིཏྟིཡཾ. ཨཝིནཊྛེ ཝིནཊྛསཉྙཱི, ནིསྶགྒིཡཾ པཱཙིཏྟིཡཾ. ཨདཌྜྷེ དཌྜྷསཉྙཱི, ནིསྶགྒིཡཾ པཱཙིཏྟིཡཾ. ཨཝིལུཏྟེ ཝིལུཏྟསཉྙཱི, ནིསྶགྒིཡཾ པཱཙིཏྟིཡཾ.

ནིསྶགྒིཡཾ ཙཱིཝརཾ ཨནིསྶཛྫིཏྭཱ པརིབྷུཉྫཏི, ཨཱཔཏྟི དུཀྐཊསྶ. དསཱཧཱནཏིཀྐནྟེ ཨཏིཀྐནྟསཉྙཱི, ཨཱཔཏྟི དུཀྐཊསྶ. དསཱཧཱནཏིཀྐནྟེ ཝེམཏིཀོ, ཨཱཔཏྟི དུཀྐཊསྶ. དསཱཧཱནཏིཀྐནྟེ ཨནཏིཀྐནྟསཉྙཱི, ཨནཱཔཏྟི.

༤༦༩. ཨནཱཔཏྟི ཨནྟོདསཱཧཾ ཨདྷིཊྛེཏི, ཝིཀཔྤེཏི, ཝིསྶཛྫེཏི, ནསྶཏི, ཝིནསྶཏི, ཌཡ྄ཧཏི, ཨཙྪིནྡིཏྭཱ གཎྷནྟི, ཝིསྶཱསཾ གཎྷནྟི, ཨུམྨཏྟཀསྶ, ཨཱདིཀམྨིཀསྶཱཏི.

༤༧༠. ཏེན ¶ ཁོ པན སམཡེན ཚབྦགྒིཡཱ བྷིཀྑཱུ ནིསྶཊྛཙཱིཝརཾ ན དེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན ¶ , བྷིཀྑཝེ, ནིསྶཊྛཙཱིཝརཾ ན དཱཏབྦཾ. ཡོ ན དདེཡྻ, ཨཱཔཏྟི དུཀྐཊསྶཱ’’ཏི.

ཀཐིནསིཀྑཱཔདཾ ནིཊྛིཏཾ པཋམཾ.

༢. ཨུདོསིཏསིཀྑཱཔདཾ

༤༧༡. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན བྷིཀྑཱུ བྷིཀྑཱུནཾ ཧཏྠེ ཙཱིཝརཾ ནིཀྑིཔིཏྭཱ སནྟརུཏྟརེན ཛནཔདཙཱརིཀཾ པཀྐམནྟི. ཏཱནི ཙཱིཝརཱནི ཙིརཾ ནིཀྑིཏྟཱནི ཀཎྞཀིཏཱནི ཧོནྟི. ཏཱནི བྷིཀྑཱུ ཨོཏཱཔེནྟི. ཨདྡསཱ ཁོ ཨཱཡསྨཱ ཨཱནནྡོ སེནཱསནཙཱརིཀཾ ཨཱཧིཎྜནྟོ ཏེ བྷིཀྑཱུ ཏཱནི ཙཱིཝརཱནི ཨོཏཱཔེནྟེ. དིསྭཱན ཡེན ཏེ བྷིཀྑཱུ ཏེནུཔསངྐམི; ཨུཔསངྐམིཏྭཱ ཏེ བྷིཀྑཱུ ཨེཏདཝོཙ – ‘‘ཀསྶིམཱནི, ཨཱཝུསོ, ཙཱིཝརཱནི ཀཎྞཀིཏཱནཱི’’ཏི? ཨཐ ཁོ ཏེ བྷིཀྑཱུ ཨཱཡསྨཏོ ¶ ཨཱནནྡསྶ ཨེཏམཏྠཾ ཨཱརོཙེསུཾ. ཨཱཡསྨཱ ཨཱནནྡོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ བྷིཀྑཱུ བྷིཀྑཱུནཾ ཧཏྠེ ཙཱིཝརཾ ནིཀྑིཔིཏྭཱ སནྟརུཏྟརེན ཛནཔདཙཱརིཀཾ པཀྐམིསྶནྟཱི’’ཏི! ཨཐ ཁོ ཨཱཡསྨཱ ཨཱནནྡོ ཏེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསི…པེ… ‘‘སཙྩཾ ཀིར, བྷིཀྑཝེ, བྷིཀྑཱུ བྷིཀྑཱུནཾ ཧཏྠེ ཙཱིཝརཾ ནིཀྑིཔིཏྭཱ སནྟརུཏྟརེན ཛནཔདཙཱརིཀཾ པཀྐམནྟཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ བྷིཀྑཱུནཾ ཧཏྠེ ཙཱིཝརཾ ནིཀྑིཔིཏྭཱ སནྟརུཏྟརེན ཛནཔདཙཱརིཀཾ པཀྐམིསྶནྟི ¶ ! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༧༢. ‘‘ནིཊྛིཏཙཱིཝརསྨིཾ བྷིཀྑུནཱ ཨུབྦྷཏསྨིཾ ཀཐིནེ ཨེཀརཏྟམྤི ཙེ བྷིཀྑུ ཏིཙཱིཝརེན ཝིཔྤཝསེཡྻ, ནིསྶགྒིཡཾ པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༤༧༣. ཏེན ཁོ པན སམཡེན ཨཉྙཏརོ བྷིཀྑུ ཀོསམྦིཡཾ གིལཱནོ ཧོཏི. ཉཱཏཀཱ ཏསྶ བྷིཀྑུནོ སནྟིཀེ དཱུཏཾ པཱཧེསུཾ – ‘‘ཨཱགཙྪཏུ བྷདནྟོ, མཡཾ, ཨུཔཊྛཧིསྶཱམཱ’’ཏི. བྷིཀྑཱུཔི ཨེཝམཱཧཾསུ – ‘‘གཙྪཱཝུསོ ¶ , ཉཱཏཀཱ ཏཾ ཨུཔཊྛཧིསྶནྟཱི’’ཏི. སོ ཨེཝམཱཧ – ‘‘བྷགཝཏཱཝུསོ, སིཀྑཱཔདཾ པཉྙཏྟཾ – ‘ན ཏིཙཱིཝརེན ཝིཔྤཝསིཏབྦ’ནྟི. ཨཧཉྩམྷི གིལཱནོ. ན སཀྐོམི ཏིཙཱིཝརཾ ཨཱདཱཡ པཀྐམིཏུཾ. ནཱཧཾ གམིསྶཱམཱི’’ཏི ¶ . བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, གིལཱནསྶ བྷིཀྑུནོ ཏིཙཱིཝརེན ཨཝིཔྤཝཱསསམྨུཏིཾ དཱཏུཾ. ཨེཝཉྩ པན, བྷིཀྑཝེ, དཱཏབྦཱ. ཏེན གིལཱནེན བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘ཨཧཾ, བྷནྟེ, གིལཱནོ. ན སཀྐོམི ཏིཙཱིཝརཾ ཨཱདཱཡ པཀྐམིཏུཾ. སོཧཾ, བྷནྟེ, སངྒྷཾ ཏིཙཱིཝརེན ཨཝིཔྤཝཱསསམྨུཏིཾ ཡཱཙཱམཱི’ཏི. དུཏིཡམྤི ཡཱཙིཏབྦཱ. ཏཏིཡམྤི ཡཱཙིཏབྦཱ. བྱཏྟེན བྷིཀྑུནཱ པཊིབལེན སངྒྷོ ¶ ཉཱཔེཏབྦོ –

༤༧༤. ‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ གིལཱནོ. ན སཀྐོཏི ཏིཙཱིཝརཾ ¶ ཨཱདཱཡ པཀྐམིཏུཾ. སོ སངྒྷཾ ཏིཙཱིཝརེན ཨཝིཔྤཝཱསསམྨུཏིཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམསྶ བྷིཀྑུནོ ཏིཙཱིཝརེན ཨཝིཔྤཝཱསསམྨུཏིཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ གིལཱནོ. ན སཀྐོཏི ཏིཙཱིཝརཾ ཨཱདཱཡ པཀྐམིཏུཾ. སོ སངྒྷཾ ཏིཙཱིཝརེན ཨཝིཔྤཝཱསསམྨུཏིཾ ཡཱཙཏི. སངྒྷོ ཨིཏྠནྣཱམསྶ བྷིཀྑུནོ ཏིཙཱིཝརེན ཨཝིཔྤཝཱསསམྨུཏིཾ དེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ ཏིཙཱིཝརེན ཨཝིཔྤཝཱསསམྨུཏིཡཱ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དིནྣཱ སངྒྷེན ཨིཏྠནྣཱམསྶ བྷིཀྑུནོ ཏིཙཱིཝརེན ཨཝིཔྤཝཱསསམྨུཏི. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༧༥. ‘‘ནིཊྛིཏཙཱིཝརསྨིཾ བྷིཀྑུནཱ ཨུབྦྷཏསྨིཾ ཀཐིནེ ཨེཀརཏྟམྤི ཙེ བྷིཀྑུ ཏིཙཱིཝརེན ཝིཔྤཝསེཡྻ, ཨཉྙཏྲ བྷིཀྑུསམྨུཏིཡཱ, ནིསྶགྒིཡཾ པཱཙིཏྟིཡ’’ནྟི.

༤༧༦. ‘‘ནིཊྛིཏཙཱིཝརསྨིནྟི བྷིཀྑུནོ ཙཱིཝརཾ ཀཏཾ ཝཱ ཧོཏི ནཊྛཾ ཝཱ ཝིནཊྛཾ ཝཱ དཌྜྷཾ ཝཱ ཙཱིཝརཱསཱ ཝཱ ཨུཔཙྪིནྣཱ.

ཨུབྦྷཏསྨིཾ ¶ ཀཐིནེཏི ཨཊྛནྣཾ མཱཏིཀཱནཾ ཨཉྙཏརཱཡ མཱཏིཀཱཡ ཨུབྦྷཏཾ ཧོཏི, སངྒྷེན ཝཱ ཨནྟརཱ ཨུབྦྷཏཾ ཧོཏི.

ཨེཀརཏྟམྤི ཙེ བྷིཀྑུ ཏིཙཱིཝརེན ཝིཔྤཝསེཡྻཱཏི སངྒྷཱཊིཡཱ ཝཱ ཨུཏྟརཱསངྒེན ཝཱ ཨནྟརཝཱསཀེན ¶ ཝཱ.

ཨཉྙཏྲ བྷིཀྑུསམྨུཏིཡཱཏི ཋཔེཏྭཱ བྷིཀྑུསམྨུཏིཾ.

ནིསྶགྒིཡཾ ཧོཏཱིཏི སཧ ཨརུཎུགྒམནཱ [ཨརུཎུགྒམནེན (སཱི. སྱཱ.)] ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ¶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ཨིདཾ མེ, བྷནྟེ ¶ , ཙཱིཝརཾ རཏྟིཝིཔྤཝུཏྠཾ [རཏྟིཾ ཝིཔྤཝུཏྠཾ (སཱི.)] ཨཉྙཏྲ བྷིཀྑུསམྨུཏིཡཱ ནིསྶགྒིཡཾ, ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༤༧༧. གཱམོ ཨེཀཱུཔཙཱརོ ནཱནཱུཔཙཱརོ. ནིཝེསནཾ ཨེཀཱུཔཙཱརཾ ནཱནཱུཔཙཱརཾ. ཨུདོསིཏོ ཨེཀཱུཔཙཱརོ ནཱནཱུཔཙཱརོ. ཨཊྚོ ཨེཀཱུཔཙཱརོ ནཱནཱུཔཙཱརོ. མཱལོ༹ ཨེཀཱུཔཙཱརོ ནཱནཱུཔཙཱརོ. པཱསཱདོ ཨེཀཱུཔཙཱརོ ནཱནཱུཔཙཱརོ. ཧམྨིཡཾ ཨེཀཱུཔཙཱརཾ ནཱནཱུཔཙཱརཾ. ནཱཝཱ ཨེཀཱུཔཙཱརཱ ནཱནཱུཔཙཱརཱ. སཏྠོ ཨེཀཱུཔཙཱརོ ནཱནཱུཔཙཱརོ. ཁེཏྟཾ ཨེཀཱུཔཙཱརཾ ནཱནཱུཔཙཱརཾ. དྷཉྙཀརཎཾ ཨེཀཱུཔཙཱརཾ ནཱནཱུཔཙཱརཾ. ཨཱརཱམོ ཨེཀཱུཔཙཱརོ ནཱནཱུཔཙཱརོ. ཝིཧཱརོ ཨེཀཱུཔཙཱརོ ནཱནཱུཔཙཱརོ. རུཀྑམཱུལཾ ཨེཀཱུཔཙཱརཾ ནཱནཱུཔཙཱརཾ. ཨཛ྄ཛྷོཀཱསོ ཨེཀཱུཔཙཱརོ ནཱནཱུཔཙཱརོ.

༤༧༨. གཱམོ ཨེཀཱུཔཙཱརོ ནཱམ ཨེཀཀུལསྶ གཱམོ ཧོཏི པརིཀྑིཏྟོ ཙ ¶ . ཨནྟོགཱམེ ཙཱིཝརཾ ནིཀྑིཔིཏྭཱ ཨནྟོགཱམེ ཝཏྠབྦཾ. ཨཔརིཀྑིཏྟོ ཧོཏི, ཡསྨིཾ གྷརེ ཙཱིཝརཾ ནིཀྑིཏྟཾ ཧོཏི ཏསྨིཾ གྷརེ ཝཏྠབྦཾ, ཧཏྠཔཱསཱ ཝཱ ན ཝིཛཧིཏབྦཾ.

༤༧༩. ནཱནཱཀུལསྶ གཱམོ ཧོཏི པརིཀྑིཏྟོ ཙ. ཡསྨིཾ གྷརེ ཙཱིཝརཾ ནིཀྑིཏྟཾ ཧོཏི ཏསྨིཾ གྷརེ ཝཏྠབྦཾ སབྷཱཡེ ཝཱ དྭཱརམཱུལེ ཝཱ, ཧཏྠཔཱསཱ ཝཱ ན ཝིཛཧིཏབྦཾ. སབྷཱཡཾ གཙྪནྟེན ཧཏྠཔཱསེ ཙཱིཝརཾ ནིཀྑིཔིཏྭཱ སབྷཱཡེ ཝཱ ཝཏྠབྦཾ དྭཱརམཱུལེ ཝཱ, ཧཏྠཔཱསཱ ཝཱ ན ཝིཛཧིཏབྦཾ. སབྷཱཡེ ཙཱིཝརཾ ནིཀྑིཔིཏྭཱ སབྷཱཡེ ཝཱ ཝཏྠབྦཾ དྭཱརམཱུལེ ཝཱ, ཧཏྠཔཱསཱ ཝཱ ན ཝིཛཧིཏབྦཾ. ཨཔརིཀྑིཏྟོ ཧོཏི, ཡསྨིཾ གྷརེ ཙཱིཝརཾ ནིཀྑིཏྟཾ ཧོཏི ཏསྨིཾ གྷརེ ཝཏྠབྦཾ, ཧཏྠཔཱསཱ ཝཱ ན ཝིཛཧིཏབྦཾ.

༤༨༠. ཨེཀཀུལསྶ ¶ ནིཝེསནཾ ཧོཏི པརིཀྑིཏྟཉྩ, ནཱནཱགབྦྷཱ ནཱནཱཨོཝརཀཱ. ཨནྟོནིཝེསནེ ཙཱིཝརཾ ནིཀྑིཔིཏྭཱ ཨནྟོནིཝེསནེ ཝཏྠབྦཾ. ཨཔརིཀྑིཏྟཾ ཧོཏི, ཡསྨིཾ གབྦྷེ ཙཱིཝརཾ ནིཀྑིཏྟཾ ཧོཏི ཏསྨིཾ གབྦྷེ ཝཏྠབྦཾ, ཧཏྠཔཱསཱ ཝཱ ན ཝིཛཧིཏབྦཾ.

༤༨༡. ནཱནཱཀུལསྶ ནིཝེསནཾ ཧོཏི པརིཀྑིཏྟཉྩ, ནཱནཱགབྦྷཱ ནཱནཱཨོཝརཀཱ. ཡསྨིཾ གབྦྷེ ཙཱིཝརཾ ནིཀྑིཏྟཾ ཧོཏི ཏསྨིཾ གབྦྷེ ཝཏྠབྦཾ དྭཱརམཱུལེ ཝཱ, ཧཏྠཔཱསཱ ཝཱ ན ཝིཛཧིཏབྦཾ ¶ . ཨཔརིཀྑིཏྟཾ ཧོཏི, ཡསྨིཾ གབྦྷེ ཙཱིཝརཾ ནིཀྑིཏྟཾ ཧོཏི ཏསྨིཾ གབྦྷེ ཝཏྠབྦཾ, ཧཏྠཔཱསཱ ཝཱ ¶ ན ཝིཛཧིཏབྦཾ.

༤༨༢. ཨེཀཀུལསྶ ཨུདོསིཏོ ཧོཏི པརིཀྑིཏྟོ ཙ, ནཱནཱགབྦྷཱ ནཱནཱཨོཝརཀཱ ¶ . ཨནྟོཨུདོསིཏེ ཙཱིཝརཾ ནིཀྑིཔིཏྭཱ ཨནྟོཨུདོསིཏེ ཝཏྠབྦཾ. ཨཔརིཀྑིཏྟོ ཧོཏི, ཡསྨིཾ གབྦྷེ ཙཱིཝརཾ ནིཀྑིཏྟཾ ཧོཏི ཏསྨིཾ གབྦྷེ ཝཏྠབྦཾ, ཧཏྠཔཱསཱ ཝཱ ན ཝིཛཧིཏབྦཾ.

༤༨༣. ནཱནཱཀུལསྶ ཨུདོསིཏོ ཧོཏི པརིཀྑིཏྟོ ཙ, ནཱནཱགབྦྷཱ ནཱནཱཨོཝརཀཱ. ཡསྨིཾ གབྦྷེ ཙཱིཝརཾ ནིཀྑིཏྟཾ ཧོཏི ཏསྨིཾ གབྦྷེ ཝཏྠབྦཾ དྭཱརམཱུལེ ཝཱ, ཧཏྠཔཱསཱ ཝཱ ན ཝིཛཧིཏབྦཾ. ཨཔརིཀྑིཏྟོ ཧོཏི, ཡསྨིཾ གབྦྷེ ཙཱིཝརཾ ནིཀྑིཏྟཾ ཧོཏི ཏསྨིཾ གབྦྷེ ཝཏྠབྦཾ, ཧཏྠཔཱསཱ ཝཱ ན ཝིཛཧིཏབྦཾ.

༤༨༤. ཨེཀཀུལསྶ ཨཊྚོ ཧོཏི, ཨནྟོཨཊྚེ ཙཱིཝརཾ ནིཀྑིཔིཏྭཱ ཨནྟོཨཊྚེ ཝཏྠབྦཾ. ནཱནཱཀུལསྶ ཨཊྚོ ཧོཏི, ནཱནཱགབྦྷཱ ནཱནཱཨོཝརཀཱ. ཡསྨིཾ གབྦྷེ ཙཱིཝརཾ ནིཀྑིཏྟཾ ཧོཏི ཏསྨིཾ གབྦྷེ ཝཏྠབྦཾ དྭཱརམཱུལེ ཝཱ, ཧཏྠཔཱསཱ ཝཱ ན ཝིཛཧིཏབྦཾ.

༤༨༥. ཨེཀཀུལསྶ མཱལོ༹ ཧོཏི, ཨནྟོམཱལེ༹ ཙཱིཝརཾ ནིཀྑིཔིཏྭཱ ཨནྟོམཱལེ༹ ཝཏྠབྦཾ. ནཱནཱཀུལསྶ མཱལོ༹ ཧོཏི ནཱནཱགབྦྷཱ ནཱནཱཨོཝརཀཱ, ཡསྨིཾ གབྦྷེ ཙཱིཝརཾ ནིཀྑིཏྟཾ ཧོཏི ཏསྨིཾ གབྦྷེ ཝཏྠབྦཾ དྭཱརམཱུལེ ཝཱ, ཧཏྠཔཱསཱ ཝཱ ན ཝིཛཧིཏབྦཾ.

༤༨༦. ཨེཀཀུལསྶ པཱསཱདོ ཧོཏི, ཨནྟོཔཱསཱདེ ཙཱིཝརཾ ནིཀྑིཔིཏྭཱ ཨནྟོཔཱསཱདེ ཝཏྠབྦཾ. ནཱནཱཀུལསྶ པཱསཱདོ ཧོཏི, ནཱནཱགབྦྷཱ ¶ ¶ ནཱནཱཨོཝརཀཱ. ཡསྨིཾ གབྦྷེ ཙཱིཝརཾ ནིཀྑིཏྟཾ ཧོཏི ཏསྨིཾ གབྦྷེ ཝཏྠབྦཾ དྭཱརམཱུལེ ཝཱ, ཧཏྠཔཱསཱ ཝཱ ན ཝིཛཧིཏབྦཾ.

༤༨༧. ཨེཀཀུལསྶ ཧམྨིཡཾ ཧོཏི. ཨནྟོཧམྨིཡེ ཙཱིཝརཾ ནིཀྑིཔིཏྭཱ ཨནྟོཧམྨིཡེ ཝཏྠབྦཾ. ནཱནཱཀུལསྶ ཧམྨིཡཾ ཧོཏི, ནཱནཱགབྦྷཱ ནཱནཱཨོཝརཀཱ. ཡསྨིཾ གབྦྷེ ཙཱིཝརཾ ནིཀྑིཏྟཾ ཧོཏི ཏསྨིཾ གབྦྷེ ཝཏྠབྦཾ དྭཱརམཱུལེ ཝཱ, ཧཏྠཔཱསཱ ཝཱ ན ཝིཛཧིཏབྦཾ.

༤༨༨. ཨེཀཀུལསྶ ནཱཝཱ ཧོཏི. ཨནྟོནཱཝཱཡ ཙཱིཝརཾ ནིཀྑིཔིཏྭཱ ཨནྟོནཱཝཱཡ ཝཏྠབྦཾ ¶ . ནཱནཱཀུལསྶ ནཱཝཱ ཧོཏི ནཱནཱགབྦྷཱ ནཱནཱཨོཝརཀཱ. ཡསྨིཾ ཨོཝརཀེ ཙཱིཝརཾ ནིཀྑིཏྟཾ ཧོཏི ཏསྨིཾ ཨོཝརཀེ ཝཏྠབྦཾ, ཧཏྠཔཱསཱ ཝཱ ན ཝིཛཧིཏབྦཾ.

༤༨༩. ཨེཀཀུལསྶ སཏྠོ ཧོཏི. སཏྠེ ཙཱིཝརཾ ནིཀྑིཔིཏྭཱ པུརཏོ ཝཱ པཙྪཏོ ཝཱ སཏྟབྦྷནྟརཱ ན ཝིཛཧིཏབྦཱ, པསྶཏོ ཨབྦྷནྟརཾ ན ཝིཛཧིཏབྦཾ. ནཱནཱཀུལསྶ སཏྠོ ཧོཏི, སཏྠེ ཙཱིཝརཾ ནིཀྑིཔིཏྭཱ ཧཏྠཔཱསཱ ན ཝིཛཧིཏབྦཾ.

༤༩༠. ཨེཀཀུལསྶ ཁེཏྟཾ ཧོཏི པརིཀྑིཏྟཉྩ. ཨནྟོཁེཏྟེ ཙཱིཝརཾ ནིཀྑིཔིཏྭཱ ཨནྟོཁེཏྟེ ཝཏྠབྦཾ. ཨཔརིཀྑིཏྟཾ ཧོཏི, ཧཏྠཔཱསཱ ན ཝིཛཧིཏབྦཾ. ནཱནཱཀུལསྶ ཁེཏྟཾ ཧོཏི པརིཀྑིཏྟཉྩ. ཨནྟོཁེཏྟེ ཙཱིཝརཾ ནིཀྑིཔིཏྭཱ དྭཱརམཱུལེ ཝཱ ཝཏྠབྦཾ, ཧཏྠཔཱསཱ ¶ ཝཱ ན ཝིཛཧིཏབྦཾ. ཨཔརིཀྑིཏྟཾ ཧོཏི, ཧཏྠཔཱསཱ ན ཝིཛཧིཏབྦཾ.

༤༩༡. ཨེཀཀུལསྶ དྷཉྙཀརཎཾ ཧོཏི པརིཀྑིཏྟཉྩ. ཨནྟོདྷཉྙཀརཎེ ཙཱིཝརཾ ནིཀྑིཔིཏྭཱ ཨནྟོདྷཉྙཀརཎེ ཝཏྠབྦཾ. ཨཔརིཀྑིཏྟཾ ཧོཏི, ཧཏྠཔཱསཱ ན ཝིཛཧིཏབྦཾ. ནཱནཱཀུལསྶ དྷཉྙཀརཎཾ ཧོཏི པརིཀྑིཏྟཉྩ. ཨནྟོདྷཉྙཀརཎེ ཙཱིཝརཾ ནིཀྑིཔིཏྭཱ དྭཱརམཱུལེ ཝཱ ཝཏྠབྦཾ, ཧཏྠཔཱསཱ ཝཱ ན ཝིཛཧིཏབྦཾ. ཨཔརིཀྑིཏྟཾ ཧོཏི, ཧཏྠཔཱསཱ ན ཝིཛཧིཏབྦཾ.

༤༩༢. ཨེཀཀུལསྶ ཨཱརཱམོ ཧོཏི པརིཀྑིཏྟོ ཙ. ཨནྟོཨཱརཱམེ ཙཱིཝརཾ ནིཀྑིཔིཏྭཱ ཨནྟོཨཱརཱམེ ཝཏྠབྦཾ. ཨཔརིཀྑིཏྟོ ཧོཏི, ཧཏྠཔཱསཱ ན ཝིཛཧིཏབྦཾ. ནཱནཱཀུལསྶ ཨཱརཱམོ ཧོཏི པརིཀྑིཏྟོ ཙ. ཨནྟོཨཱརཱམེ ཙཱིཝརཾ ནིཀྑིཔིཏྭཱ དྭཱརམཱུལེ ཝཱ ཝཏྠབྦཾ, ཧཏྠཔཱསཱ ཝཱ ན ཝིཛཧིཏབྦཾ. ཨཔརིཀྑིཏྟོ ཧོཏི, ཧཏྠཔཱསཱ ན ཝིཛཧིཏབྦཾ.

༤༩༣. ཨེཀཀུལསྶ ¶ ¶ ཝིཧཱརོ ཧོཏི པརིཀྑིཏྟོ ཙ. ཨནྟོཝིཧཱརེ ཙཱིཝརཾ ནིཀྑིཔིཏྭཱ ཨནྟོཝིཧཱརེ ཝཏྠབྦཾ. ཨཔརིཀྑིཏྟོ ཧོཏི, ཡསྨིཾ ཝིཧཱརེ ཙཱིཝརཾ ནིཀྑིཏྟཾ ཧོཏི ཏསྨིཾ ཝིཧཱརེ ཝཏྠབྦཾ, ཧཏྠཔཱསཱ ཝཱ ན ཝིཛཧིཏབྦཾ. ནཱནཱཀུལསྶ ཝིཧཱརོ ཧོཏི པརིཀྑིཏྟོ ཙ. ཡསྨིཾ ཝིཧཱརེ ཙཱིཝརཾ ནིཀྑིཏྟཾ ཧོཏི ཏསྨིཾ ཝིཧཱརེ ཝཏྠབྦཾ དྭཱརམཱུལེ ཝཱ, ཧཏྠཔཱསཱ ཝཱ ན ཝིཛཧིཏབྦཾ. ཨཔརིཀྑིཏྟོ ཧོཏི ¶ , ཡསྨིཾ ཝིཧཱརེ ཙཱིཝརཾ ནིཀྑིཏྟཾ ཧོཏི ཏསྨིཾ ཝིཧཱརེ ཝཏྠབྦཾ, ཧཏྠཔཱསཱ ཝཱ ན ཝིཛཧིཏབྦཾ.

༤༩༤. ཨེཀཀུལསྶ ¶ རུཀྑམཱུལཾ ཧོཏི, ཡཾ མཛ྄ཛྷནྷིཀེ ཀཱལེ སམནྟཱ ཚཱཡཱ ཕརཏི, ཨནྟོཚཱཡཱཡ ཙཱིཝརཾ ནིཀྑིཔིཏྭཱ ཨནྟོཚཱཡཱཡ ཝཏྠབྦཾ. ནཱནཱཀུལསྶ རུཀྑམཱུལཾ ཧོཏི, ཧཏྠཔཱསཱ ན ཝིཛཧིཏབྦཾ.

ཨཛ྄ཛྷོཀཱསོ ཨེཀཱུཔཙཱརོ ནཱམ ཨགཱམཀེ ཨརཉྙེ སམནྟཱ སཏྟབྦྷནྟརཱ ཨེཀཱུཔཙཱརོ, ཏཏོ པརཾ ནཱནཱུཔཙཱརོ.

༤༩༥. ཝིཔྤཝུཏྠེ ཝིཔྤཝུཏྠསཉྙཱི ཨཉྙཏྲ བྷིཀྑུསམྨུཏིཡཱ, ནིསྶགྒིཡཾ པཱཙིཏྟིཡཾ. ཝིཔྤཝུཏྠེ ཝེམཏིཀོ, ཨཉྙཏྲ བྷིཀྑུསམྨུཏིཡཱ, ནིསྶགྒིཡཾ པཱཙིཏྟིཡཾ. ཝིཔྤཝུཏྠེ ཨཝིཔྤཝུཏྠསཉྙཱི, ཨཉྙཏྲ བྷིཀྑུསམྨུཏིཡཱ, ནིསྶགྒིཡཾ པཱཙིཏྟིཡཾ. ཨཔྤཙྩུདྡྷཊེ པཙྩུདྡྷཊསཉྙཱི…པེ… ཨཝིསྶཛྫིཏེ ཝིསྶཛྫིཏསཉྙཱི… ཨནཊྛེ ནཊྛསཉྙཱི… ཨཝིནཊྛེ ཝིནཊྛསཉྙཱི… ཨདཌྜྷེ དཌྜྷསཉྙཱི…པེ… ཨཝིལུཏྟེ ཝིལུཏྟསཉྙཱི, ཨཉྙཏྲ བྷིཀྑུསམྨུཏིཡཱ, ནིསྶགྒིཡཾ པཱཙིཏྟིཡཾ.

ནིསྶགྒིཡཾ ཙཱིཝརཾ ཨནིསྶཛྫིཏྭཱ པརིབྷུཉྫཏི, ཨཱཔཏྟི དུཀྐཊསྶ ¶ . ཨཝིཔྤཝུཏྠེ ཝིཔྤཝུཏྠསཉྙཱི, ཨཱཔཏྟི དུཀྐཊསྶ. ཨཝིཔྤཝུཏྠེ ཝེམཏིཀོ, ཨཱཔཏྟི དུཀྐཊསྶ. ཨཝིཔྤཝུཏྠེ ཨཝིཔྤཝུཏྠསཉྙཱི, ཨནཱཔཏྟི.

༤༩༦. ཨནཱཔཏྟི ཨནྟོཨརུཎེ པཙྩུདྡྷརཏི, ཝིསྶཛྫེཏི, ནསྶཏི, ཝིནསྶཏི, ཌཡ྄ཧཏི, ཨཙྪིནྡིཏྭཱ གཎྷནྟི, ཝིསྶཱསཾ གཎྷནྟི, བྷིཀྑུསམྨུཏིཡཱ, ཨུམྨཏྟཀསྶ, ཨཱདིཀམྨིཀསྶཱཏི.

ཨུདོསིཏསིཀྑཱཔདཾ ནིཊྛིཏཾ དུཏིཡཾ.

༣. ཏཏིཡཀཐིནསིཀྑཱཔདཾ

༤༩༧. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཉྙཏརསྶ བྷིཀྑུནོ ཨཀཱལཙཱིཝརཾ ཨུཔྤནྣཾ ཧོཏི. ཏསྶ ཏཾ ¶ ཙཱིཝརཾ ཀཡིརམཱནཾ ནཔྤཧོཏི. ཨཐ ཁོ ¶ སོ བྷིཀྑུ ཏཾ ཙཱིཝརཾ ཨུསྶཱཔེཏྭཱ པུནཔྤུནཾ ཝིམཛྫཏི. ཨདྡསཱ ཁོ བྷགཝཱ སེནཱསནཙཱརིཀཾ ཨཱཧིཎྜནྟོ ཏཾ བྷིཀྑུཾ ཏཾ ཙཱིཝརཾ ཨུསྶཱཔེཏྭཱ པུནཔྤུནཾ ཝིམཛྫནྟཾ. དིསྭཱན ཡེན སོ བྷིཀྑུ ཏེནུཔསངྐམི; ཨུཔསངྐམིཏྭཱ ཏཾ བྷིཀྑུཾ ཨེཏདཝོཙ – ‘‘ཀིསྶ ཏྭཾ, བྷིཀྑུ, ཨིམཾ ཙཱིཝརཾ ཨུསྶཱཔེཏྭཱ པུནཔྤུནཾ ཝིམཛྫསཱི’’ཏི? ‘‘ཨིདཾ མེ, བྷནྟེ, ཨཀཱལཙཱིཝརཾ ཨུཔྤནྣཾ. ཀཡིརམཱནཾ ནཔྤཧོཏི. ཏེནཱཧཾ ཨིམཾ ཙཱིཝརཾ ཨུསྶཱཔེཏྭཱ པུནཔྤུནཾ ཝིམཛྫཱམཱི’’ཏི. ‘‘ཨཏྠི པན ཏེ, བྷིཀྑུ, ཙཱིཝརཔཙྩཱསཱ’’ཏི? ‘‘ཨཏྠི, བྷགཝཱ’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ, བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཨཀཱལཙཱིཝརཾ པཊིགྒཧེཏྭཱ ཙཱིཝརཔཙྩཱསཱ ནིཀྑིཔིཏུ’’ནྟི.

༤༩༨. ཏེན ཁོ པན སམཡེན བྷིཀྑཱུ – ‘‘བྷགཝཏཱ ཨནུཉྙཱཏཾ ཨཀཱལཙཱིཝརཾ པཊིགྒཧེཏྭཱ ཙཱིཝརཔཙྩཱསཱ ནིཀྑིཔིཏུ’’ནྟི ཨཀཱལཙཱིཝརཱནི པཊིགྒཧེཏྭཱ ¶ ཨཏིརེཀམཱསཾ ནིཀྑིཔནྟི. ཏཱནི ཙཱིཝརཱནི ཙཱིཝརཝཾསེ བྷཎྜིཀཱབདྡྷཱནི ཏིཊྛནྟི. ཨདྡསཱ ཁོ ཨཱཡསྨཱ ཨཱནནྡོ སེནཱསནཙཱརིཀཾ ཨཱཧིཎྜནྟོ ཏཱནི ཙཱིཝརཱནི ཙཱིཝརཝཾསེ བྷཎྜིཀཱབདྡྷཱནི ཏིཊྛནྟེ. དིསྭཱན བྷིཀྑཱུ ཨཱམནྟེསི – ‘‘ཀསྶིམཱནི, ཨཱཝུསོ, ཙཱིཝརཱནི ཙཱིཝརཝཾསེ བྷཎྜིཀཱབདྡྷཱནི ཏིཊྛནྟཱི’’ཏི? ‘‘ཨམྷཱཀཾ, ཨཱཝུསོ, ཨཀཱལཙཱིཝརཱནི ཙཱིཝརཔཙྩཱསཱ ནིཀྑིཏྟཱནཱི’’ཏི. ‘‘ཀཱིཝཙིརཾ པནཱཝུསོ, ཨིམཱནི ཙཱིཝརཱནི ནིཀྑིཏྟཱནཱི’’ཏི? ‘‘ཨཏིརེཀམཱསཾ, ཨཱཝུསོ’’ཏི. ཨཱཡསྨཱ ཨཱནནྡོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ བྷིཀྑཱུ ཨཀཱལཙཱིཝརཾ པཊིགྒཧེཏྭཱ ཨཏིརེཀམཱསཾ ནིཀྑིཔིསྶནྟཱི’’ཏི! ཨཐ ཁོ ཨཱཡསྨཱ ཨཱནནྡོ ཏེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསི…པེ… ‘‘སཙྩཾ ཀིར, བྷིཀྑཝེ, བྷིཀྑཱུ ཨཀཱལཙཱིཝརཾ པཊིགྒཧེཏྭཱ ཨཏིརེཀམཱསཾ ནིཀྑིཔནྟཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ཨཀཱལཙཱིཝརཾ པཊིགྒཧེཏྭཱ ཨཏིརེཀམཱསཾ ནིཀྑིཔིསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༩༩. ‘‘ནིཊྛིཏཙཱིཝརསྨིཾ ¶ བྷིཀྑུནཱ ཨུབྦྷཏསྨིཾ ཀཐིནེ བྷིཀྑུནོ པནེཝ ཨཀཱལཙཱིཝརཾ ཨུཔྤཛྫེཡྻ, ཨཱཀངྑམཱནེན བྷིཀྑུནཱ པཊིགྒཧེཏབྦཾ. པཊིགྒཧེཏྭཱ ཁིཔྤམེཝ ཀཱརེཏབྦཾ. ནོཙསྶ པཱརིཔཱུརི, མཱསཔརམཾ ཏེན བྷིཀྑུནཱ ¶ ཏཾ ཙཱིཝརཾ ནིཀྑིཔིཏབྦཾ ཨཱུནསྶ པཱརིཔཱུརིཡཱ སཏིཡཱ པཙྩཱསཱཡ. ཏཏོ ཙེ ཨུཏྟརི [ཨུཏྟརིཾ (སཱི. སྱཱ.)] ནིཀྑིཔེཡྻ, སཏིཡཱཔི པཙྩཱསཱཡ, ནིསྶགྒིཡཾ པཱཙིཏྟིཡ’’ནྟི.

༥༠༠. ནིཊྛིཏཙཱིཝརསྨིནྟི ¶ ¶ བྷིཀྑུནོ ཙཱིཝརཾ ཀཏཾ ཝཱ ཧོཏི ནཊྛཾ ཝཱ ཝིནཊྛཾ ཝཱ དཌྜྷཾ ཝཱ ཙཱིཝརཱསཱ ཝཱ ཨུཔཙྪིནྣཱ.

ཨུབྦྷཏསྨིཾ ཀཐིནེཏི ཨཊྛནྣཾ མཱཏིཀཱནཾ ཨཉྙཏརཱཡ མཱཏིཀཱཡ ཨུབྦྷཏཾ ཧོཏི, སངྒྷེན ཝཱ ཨནྟརཱ ཨུབྦྷཏཾ ཧོཏི.

ཨཀཱལཙཱིཝརཾ ནཱམ ཨནཏྠཏེ ཀཐིནེ ཨེཀཱདསམཱསེ ཨུཔྤནྣཾ, ཨཏྠཏེ ཀཐིནེ སཏྟམཱསེ ཨུཔྤནྣཾ, ཀཱལེཔི ཨཱདིསྶ དིནྣཾ, ཨེཏཾ ཨཀཱལཙཱིཝརཾ ནཱམ.

ཨུཔྤཛྫེཡྻཱཏི ཨུཔྤཛྫེཡྻ སངྒྷཏོ ཝཱ གཎཏོ ཝཱ ཉཱཏིཏོ ཝཱ མིཏྟཏོ ཝཱ པཾསུཀཱུལཾ ཝཱ ཨཏྟནོ ཝཱ དྷནེན.

ཨཱཀངྑམཱནེནཱཏི ཨིཙྪམཱནེན པཊིགྒཧེཏབྦཾ.

པཊིགྒཧེཏྭཱ ཁིཔྤམེཝ ཀཱརེཏབྦནྟི དསཱཧཱ ཀཱརེཏབྦཾ.

ནོ ཙསྶ པཱརིཔཱུརཱིཏི ཀཡིརམཱནཾ ནཔྤཧོཏི.

མཱསཔརམཾ ཏེན བྷིཀྑུནཱ ཏཾ ཙཱིཝརཾ ནིཀྑིཔིཏབྦནྟི མཱསཔརམཏཱ ནིཀྑིཔིཏབྦཾ.

ཨཱུནསྶ པཱརིཔཱུརིཡཱཏི ཨཱུནསྶ པཱརིཔཱུརཏྠཱཡ.

སཏིཡཱ པཙྩཱསཱཡཱཏི པཙྩཱསཱ ཧོཏི སངྒྷཏོ ཝཱ གཎཏོ ཝཱ ཉཱཏིཏོ ཝཱ མིཏྟཏོ ཝཱ པཾསུཀཱུལཾ ཝཱ ཨཏྟནོ ཝཱ དྷནེན.

ཏཏོ ཙེ ཨུཏྟརི ནིཀྑིཔེཡྻ སཏིཡཱཔི པཙྩཱསཱཡཱཏི ཏདཧུཔྤནྣེ ¶ མཱུལཙཱིཝརེ པཙྩཱསཱཙཱིཝརཾ ཨུཔྤཛྫཏི, དསཱཧཱ ཀཱརེཏབྦཾ. དྭཱིཧུཔྤནྣེ མཱུལཙཱིཝརེ པཙྩཱསཱཙཱིཝརཾ ཨུཔྤཛྫཏི, དསཱཧཱ ཀཱརེཏབྦཾ. ཏཱིཧུཔྤནྣེ མཱུལཙཱིཝརེ…པེ… ཙཏཱུཧུཔྤནྣེ… པཉྩཱཧུཔྤནྣེ… ཚཱཧུཔྤནྣེ… སཏྟཱཧུཔྤནྣེ… ཨཊྛཱཧུཔྤནྣེ ¶ … ནཝཱཧུཔྤནྣེ… དསཱཧུཔྤནྣེ མཱུལཙཱིཝརེ པཙྩཱསཱཙཱིཝརཾ ཨུཔྤཛྫཏི, དསཱཧཱ ཀཱརེཏབྦཾ ¶ . ཨེཀཱདསེ ཨུཔྤནྣེ…པེ… དྭཱདསེ ཨུཔྤནྣེ… ཏེརསེ ཨུཔྤནྣེ… ཙུདྡསེ ཨུཔྤནྣེ… པནྣརསེ ཨུཔྤནྣེ… སོལ༹སེ ཨུཔྤནྣེ… སཏྟརསེ ཨུཔྤནྣེ… ཨཊྛཱརསེ ཨུཔྤནྣེ… ཨེཀཱུནཝཱིསེ ཨུཔྤནྣེ… ཝཱིསེ ཨུཔྤནྣེ མཱུལཙཱིཝརེ པཙྩཱསཱཙཱིཝརཾ ཨུཔྤཛྫཏི, དསཱཧཱ ཀཱརེཏབྦཾ. ཨེཀཝཱིསེ ཨུཔྤནྣེ མཱུལཙཱིཝརེ པཙྩཱསཱཙཱིཝརཾ ཨུཔྤཛྫཏི, ནཝཱཧཱ ཀཱརེཏབྦཾ. དྭཱཝཱིསེ ཨུཔྤནྣེ…པེ… ཏེཝཱིསེ ཨུཔྤནྣེ… ཙཏུཝཱིསེ ཨུཔྤནྣེ… པཉྩཝཱིསེ ཨུཔྤནྣེ… ཚབྦཱིསེ ཨུཔྤནྣེ… སཏྟཝཱིསེ ཨུཔྤནྣེ… ཨཊྛཝཱིསེ ཨུཔྤནྣེ… ཨེཀཱུནཏིཾསེ ཨུཔྤནྣེ མཱུལཙཱིཝརེ པཙྩཱསཱཙཱིཝརཾ ཨུཔྤཛྫཏི, ཨེཀཱཧཾ ཀཱརེཏབྦཾ… ཏིཾསེ ཨུཔྤནྣེ མཱུལཙཱིཝརེ པཙྩཱསཱཙཱིཝརཾ ཨུཔྤཛྫཏི ¶ , ཏདཧེཝ ཨདྷིཊྛཱཏབྦཾ ཝིཀཔྤེཏབྦཾ ཝིསྶཛྫེཏབྦཾ. ནོ ཙེ ཨདྷིཊྛེཡྻ ཝཱ ཝིཀཔྤེཡྻ ཝཱ ཝིསྶཛྫེཡྻ ཝཱ, ཨེཀཏིཾསེ ཨརུཎུགྒམནེ ནིསྶགྒིཡཾ ཧོཏི. ནིསྶཛྫིཏབྦཾ ¶ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ཨིདཾ མེ, བྷནྟེ, ཨཀཱལཙཱིཝརཾ མཱསཱཏིཀྐནྟཾ ནིསྶགྒིཡཾ, ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

ཝིསབྷཱགེ ཨུཔྤནྣེ མཱུལཙཱིཝརེ པཙྩཱསཱཙཱིཝརཾ ཨུཔྤཛྫཏི, རཏྟིཡོ ཙ སེསཱ ཧོནྟི, ན ཨཀཱམཱ ཀཱརེཏབྦཾ.

༥༠༡. མཱསཱཏིཀྐནྟེ ཨཏིཀྐནྟསཉྙཱི, ནིསྶགྒིཡཾ པཱཙིཏྟིཡཾ. མཱསཱཏིཀྐནྟེ ཝེམཏིཀོ ནིསྶགྒིཡཾ པཱཙིཏྟིཡཾ. མཱསཱཏིཀྐནྟེ ཨནཏིཀྐནྟསཉྙཱི ནིསྶགྒིཡཾ པཱཙིཏྟིཡཾ. ཨནདྷིཊྛིཏེ ཨདྷིཊྛིཏསཉྙཱི…པེ… ཨཝིཀཔྤིཏེ ཝིཀཔྤིཏསཉྙཱི… ཨཝིསྶཛྫིཏེ ཝིསྶཛྫིཏསཉྙཱི… ཨནཊྛེ ནཊྛསཉྙཱི… ཨཝིནཊྛེ ཝིནཊྛསཉྙཱི… ཨདཌྜྷེ དཌྜྷསཉྙཱི… ཨཝིལུཏྟེ ཝིལུཏྟསཉྙཱི, ནིསྶགྒིཡཾ པཱཙིཏྟིཡཾ.

ནིསྶགྒིཡཾ ཙཱིཝརཾ ཨནིསྶཛྫིཏྭཱ པརིབྷུཉྫཏི, ཨཱཔཏྟི དུཀྐཊསྶ. མཱསཱནཏིཀྐནྟེ ཨཏིཀྐནྟསཉྙཱི, ཨཱཔཏྟི དུཀྐཊསྶ. མཱསཱནཏིཀྐནྟེ ཝེམཏིཀོ, ཨཱཔཏྟི དུཀྐཊསྶ. མཱསཱནཏིཀྐནྟེ ཨནཏིཀྐནྟསཉྙཱི, ཨནཱཔཏྟི.

༥༠༢. ཨནཱཔཏྟི ཨནྟོམཱསེ ཨདྷིཊྛེཏི, ཝིཀཔྤེཏི, ཝིསྶཛྫེཏི, ནསྶཏི ¶ , ཝིནསྶཏི, ཌཡ྄ཧཏི, ཨཙྪིནྡིཏྭཱ གཎྷནྟི, ཝིསྶཱསཾ གཎྷནྟི, ཨུམྨཏྟཀསྶ, ཨཱདིཀམྨིཀསྶཱཏི.

ཏཏིཡཀཐིནསིཀྑཱཔདཾ ནིཊྛིཏཾ.

༤. པུརཱཎཙཱིཝརསིཀྑཱཔདཾ

༥༠༣. ཏེན ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཏོ ཨུདཱཡིསྶ པུརཱཎདུཏིཡིཀཱ བྷིཀྑུནཱིསུ པབྦཛིཏཱ ཧོཏི. སཱ ཨཱཡསྨཏོ ཨུདཱཡིསྶ སནྟིཀེ ཨབྷིཀྑཎཾ ཨཱགཙྪཏི. ཨཱཡསྨཱཔི ཨུདཱཡཱི ཏསྶཱ བྷིཀྑུནིཡཱ སནྟིཀེ ཨབྷིཀྑཎཾ གཙྪཏི. ཏེན ཁོ པན སམཡེན ཨཱཡསྨཱ ཨུདཱཡཱི ཏསྶཱ བྷིཀྑུནིཡཱ སནྟིཀེ བྷཏྟཝིསྶགྒཾ ཀརོཏི. ཨཐ ཁོ ཨཱཡསྨཱ ཨུདཱཡཱི པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན སཱ བྷིཀྑུནཱི ཏེནུཔསངྐམི; ཨུཔསངྐམིཏྭཱ ཏསྶཱ བྷིཀྑུནིཡཱ པུརཏོ ཨངྒཛཱཏཾ ཝིཝརིཏྭཱ ཨཱསནེ ནིསཱིདི. སཱཔི ཁོ བྷིཀྑུནཱི ཨཱཡསྨཏོ ཨུདཱཡིསྶ པུརཏོ ཨངྒཛཱཏཾ ཝིཝརིཏྭཱ ཨཱསནེ ནིསཱིདི. ཨཐ ཁོ ཨཱཡསྨཱ ཨུདཱཡཱི སཱརཏྟོ ཏསྶཱ བྷིཀྑུནིཡཱ ཨངྒཛཱཏཾ ཨུཔནིཛ྄ཛྷཱཡི. ཏསྶ ཨསུཙི མུཙྩི. ཨཐ ཁོ ཨཱཡསྨཱ ཨུདཱཡཱི ཏཾ བྷིཀྑུནིཾ ཨེཏདཝོཙ – ‘‘གཙྪ, བྷགིནི, ཨུདཀཾ ཨཱཧར, ཨནྟརཝཱསཀཾ དྷོཝིསྶཱམཱི’’ཏི. ‘‘ཨཱཧརཡྻ ¶ , ཨཧམེཝ དྷོཝིསྶཱམཱི’’ཏི ཏཾ ཨསུཙིཾ ཨེཀདེསཾ མུཁེན ཨགྒཧེསི ཨེཀདེསཾ ཨངྒཛཱཏེ པཀྑིཔི. སཱ ཏེན གབྦྷཾ གཎྷི. བྷིཀྑུནིཡོ ¶ ཨེཝམཱཧཾསུ – ‘‘ཨབྲཧྨཙཱརིནཱི ཨཡཾ བྷིཀྑུནཱི, གབྦྷིནཱི’’ཏི. ‘‘ནཱཧཾ, ཨཡྻེ, ཨབྲཧྨཙཱརིནཱི’’ཏི བྷིཀྑུནཱིནཾ ཨེཏམཏྠཾ ཨཱརོཙེསི. བྷིཀྑུནིཡོ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻོ ཨུདཱཡཱི བྷིཀྑུནིཡཱ པུརཱཎཙཱིཝརཾ དྷོཝཱཔེསྶཏཱི’’ཏི! ཨཐ ཁོ ཏཱ བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུདཱཡཱི བྷིཀྑུནིཡཱ པུརཱཎཙཱིཝརཾ དྷོཝཱཔེསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ ཨུདཱཡིཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, ཨུདཱཡི, བྷིཀྑུནིཡཱ པུརཱཎཙཱིཝརཾ དྷོཝཱཔེསཱི’’ཏི? ‘‘སཙྩཾ, བྷགཝཱ’’ཏི. ‘‘ཉཱཏིཀཱ ཏེ, ཨུདཱཡི, ཨཉྙཱཏིཀཱ’’ཏི? ‘‘ཨཉྙཱཏིཀཱ, བྷགཝཱ’’ཏི. ‘‘ཨཉྙཱཏཀོ, མོགྷཔུརིས, ཨཉྙཱཏིཀཱཡ ན ཛཱནཱཏི པཏིརཱུཔཾ ཝཱ ཨཔྤཏིརཱུཔཾ ཝཱ པཱསཱདིཀཾ ཝཱ ཨཔཱསཱདིཀཾ ཝཱ. ཏཏྠ ནཱམ ཏྭཾ, མོགྷཔུརིས, ཨཉྙཱཏིཀཱཡ བྷིཀྑུནིཡཱ པུརཱཎཙཱིཝརཾ དྷོཝཱཔེསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༠༤. ‘‘ཡོ ¶ ¶ པན བྷིཀྑུ ཨཉྙཱཏིཀཱཡ བྷིཀྑུནིཡཱ པུརཱཎཙཱིཝརཾ དྷོཝཱཔེཡྻ ཝཱ རཛཱཔེཡྻ ཝཱ ཨཱཀོཊཱཔེཡྻ ཝཱ, ནིསྶགྒིཡཾ པཱཙིཏྟིཡ’’ནྟི.

༥༠༥. ཡོ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨཉྙཱཏིཀཱ ནཱམ མཱཏིཏོ ཝཱ པིཏིཏོ ཝཱ ཡཱཝ སཏྟམཱ པིཏཱམཧཡུགཱ ཨསམྦདྡྷཱ.

བྷིཀྑུནཱི ནཱམ ཨུབྷཏོསངྒྷེ ཨུཔསམྤནྣཱ.

པུརཱཎཙཱིཝརཾ ནཱམ སཀིཾ ནིཝཏྠམྤི སཀིཾ པཱརུཏམྤི.

དྷོཝཱཏི ཨཱཎཱཔེཏི, ཨཱཔཏྟི དུཀྐཊསྶ. དྷོཏཾ ནིསྶགྒིཡཾ ཧོཏི. རཛཱཏི ཨཱཎཱཔེཏི, ཨཱཔཏྟི དུཀྐཊསྶ. རཏྟཾ ནིསྶགྒིཡཾ ཧོཏི. ཨཱཀོཊེཧཱིཏི ཨཱཎཱཔེཏི, ཨཱཔཏྟི དུཀྐཊསྶ. སཀིཾ པཱཎིཔྤཧཱརཾ ཝཱ མུགྒརཔྤཧཱརཾ ཝཱ དིནྣེ ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ཨིདཾ མེ, བྷནྟེ, པུརཱཎཙཱིཝརཾ ཨཉྙཱཏིཀཱཡ བྷིཀྑུནིཡཱ དྷོཝཱཔིཏཾ ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༥༠༦. ཨཉྙཱཏིཀཱཡ ¶ ཨཉྙཱཏིཀསཉྙཱི པུརཱཎཙཱིཝརཾ དྷོཝཱཔེཏི, ནིསྶགྒིཡཾ པཱཙིཏྟིཡཾ. ཨཉྙཱཏིཀཱཡ ཨཉྙཱཏིཀསཉྙཱི པུརཱཎཙཱིཝརཾ དྷོཝཱཔེཏི རཛཱཔེཏི, ནིསྶགྒིཡེན ཨཱཔཏྟི དུཀྐཊསྶ. ཨཉྙཱཏིཀཱཡ ¶ ཨཉྙཱཏིཀསཉྙཱི པུརཱཎཙཱིཝརཾ དྷོཝཱཔེཏི ཨཱཀོཊཱཔེཏི, ནིསྶགྒིཡེན ཨཱཔཏྟི དུཀྐཊསྶ. ཨཉྙཱཏིཀཱཡ ཨཉྙཱཏིཀསཉྙཱི པུརཱཎཙཱིཝརཾ དྷོཝཱཔེཏི རཛཱཔེཏི ཨཱཀོཊཱཔེཏི, ནིསྶགྒིཡེན ཨཱཔཏྟི དྭིནྣཾ དུཀྐཊཱནཾ.

ཨཉྙཱཏིཀཱཡ ཨཉྙཱཏིཀསཉྙཱི པུརཱཎཙཱིཝརཾ རཛཱཔེཏི, ནིསྶགྒིཡཾ པཱཙིཏྟིཡཾ. ཨཉྙཱཏིཀཱཡ ཨཉྙཱཏིཀསཉྙཱི པུརཱཎཙཱིཝརཾ རཛཱཔེཏི ཨཱཀོཊཱཔེཏི, ནིསྶགྒིཡེན ཨཱཔཏྟི དུཀྐཊསྶ. ཨཉྙཱཏིཀཱཡ ཨཉྙཱཏིཀསཉྙཱི པུརཱཎཙཱིཝརཾ རཛཱཔེཏི དྷོཝཱཔེཏི, ནིསྶགྒིཡེན ཨཱཔཏྟི ¶ དུཀྐཊསྶ. ཨཉྙཱཏིཀཱཡ ཨཉྙཱཏིཀསཉྙཱི པུརཱཎཙཱིཝརཾ རཛཱཔེཏི ཨཱཀོཊཱཔེཏི དྷོཝཱཔེཏི, ནིསྶགྒིཡེན ཨཱཔཏྟི དྭིནྣཾ དུཀྐཊཱནཾ.

ཨཉྙཱཏིཀཱཡ ¶ ཨཉྙཱཏིཀསཉྙཱི པུརཱཎཙཱིཝརཾ ཨཱཀོཊཱཔེཏི, ནིསྶགྒིཡཾ པཱཙིཏྟིཡཾ. ཨཉྙཱཏིཀཱཡ ཨཉྙཱཏིཀསཉྙཱི པུརཱཎཙཱིཝརཾ ཨཱཀོཊཱཔེཏི དྷོཝཱཔེཏི, ནིསྶགྒིཡེན ཨཱཔཏྟི དུཀྐཊསྶ. ཨཉྙཱཏིཀཱཡ ཨཉྙཱཏིཀསཉྙཱི པུརཱཎཙཱིཝརཾ ཨཱཀོཊཱཔེཏི རཛཱཔེཏི, ནིསྶགྒིཡེན ཨཱཔཏྟི དུཀྐཊསྶ. ཨཉྙཱཏིཀཱཡ ཨཉྙཱཏིཀསཉྙཱི པུརཱཎཙཱིཝརཾ ཨཱཀོཊཱཔེཏི དྷོཝཱཔེཏི རཛཱཔེཏི, ནིསྶགྒིཡེན ཨཱཔཏྟི དྭིནྣཾ དུཀྐཊཱནཾ.

ཨཉྙཱཏིཀཱཡ ཝེམཏིཀོ…པེ… ཨཉྙཱཏིཀཱཡ ཉཱཏིཀསཉྙཱི…པེ… ཨཉྙསྶ པུརཱཎཙཱིཝརཾ དྷོཝཱཔེཏི, ཨཱཔཏྟི དུཀྐཊསྶ. ནིསཱིདནཔཙྩཏྠརཎཾ དྷོཝཱཔེཏི, ཨཱཔཏྟི དུཀྐཊསྶ. ཨེཀཏོཨུཔསམྤནྣཱཡ དྷོཝཱཔེཏི, ཨཱཔཏྟི དུཀྐཊསྶ. ཉཱཏིཀཱཡ ཨཉྙཱཏིཀསཉྙཱི, ཨཱཔཏྟི དུཀྐཊསྶ ¶ . ཉཱཏིཀཱཡ ཝེམཏིཀོ, ཨཱཔཏྟི དུཀྐཊསྶ. ཉཱཏིཀཱཡ ཉཱཏིཀསཉྙཱི, ཨནཱཔཏྟི.

༥༠༧. ཨནཱཔཏྟི ཉཱཏིཀཱཡ དྷོཝནྟིཡཱ ཨཉྙཱཏིཀཱ དུཏིཡཱ ཧོཏི, ཨཝུཏྟཱ དྷོཝཏི, ཨཔརིབྷུཏྟཾ དྷོཝཱཔེཏི, ཙཱིཝརཾ ཋཔེཏྭཱ ཨཉྙཾ པརིཀྑཱརཾ དྷོཝཱཔེཏི, སིཀྑམཱནཱཡ, སཱམཎེརིཡཱ, ཨུམྨཏྟཀསྶ, ཨཱདིཀམྨིཀསྶཱཏི.

པུརཱཎཙཱིཝརསིཀྑཱཔདཾ ནིཊྛིཏཾ ཙཏུཏྠཾ.

༥. ཙཱིཝརཔཊིགྒཧཎསིཀྑཱཔདཾ

༥༠༨. ཏེན ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན ཨུཔྤལཝཎྞཱ བྷིཀྑུནཱི སཱཝཏྠིཡཾ ཝིཧརཏི. ཨཐ ཁོ ཨུཔྤལཝཎྞཱ བྷིཀྑུནཱི པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ¶ སཱཝཏྠིཾ པིཎྜཱཡ པཱཝིསི. སཱཝཏྠིཡཾ པིཎྜཱཡ ཙརིཏྭཱ པཙྪཱབྷཏྟཾ པིཎྜཔཱཏཔྤཊིཀྐནྟཱ ཡེན ཨནྡྷཝནཾ ཏེནུཔསངྐམི དིཝཱཝིཧཱརཱཡ. ཨནྡྷཝནཾ ཨཛ྄ཛྷོགཱཧེཏྭཱ ཨཉྙཏརསྨིཾ རུཀྑམཱུལེ དིཝཱཝིཧཱརཾ ནིསཱིདི. ཏེན ཁོ པན སམཡེན ཙོརཱ ¶ ཀཏཀམྨཱ གཱཝིཾ ཝདྷིཏྭཱ མཾསཾ གཧེཏྭཱ ཨནྡྷཝནཾ པཝིསིཾསུ. ཨདྡསཱ ཁོ ཙོརགཱམཎིཀོ ཨུཔྤལཝཎྞཾ བྷིཀྑུནིཾ ཨཉྙཏརསྨིཾ རུཀྑམཱུལེ དིཝཱཝིཧཱརཾ ¶ ནིསིནྣཾ. དིསྭཱནསྶ ཨེཏདཧོསི – ‘‘སཙེ མེ པུཏྟབྷཱཏུཀཱ པསྶིསྶནྟི ཝིཧེཋིསྶནྟི ཨིམཾ བྷིཀྑུནི’’ནྟི ཨཉྙེན མགྒེན ཨགམཱསི. ཨཐ ཁོ སོ ཙོརགཱམཎིཀོ མཾསེ པཀྐེ ཝརམཾསཱནི གཧེཏྭཱ པཎྞཔུཊཾ [པཎྞེན པུཊཾ (སྱཱ.)] བནྡྷིཏྭཱ ཨུཔྤལཝཎྞཱཡ བྷིཀྑུནིཡཱ ཨཝིདཱུརེ རུཀྑེ ཨཱལགྒེཏྭཱ – ‘‘ཡོ པསྶཏི སམཎོ ཝཱ བྲཱཧྨཎོ ཝཱ དིནྣཾཡེཝ ཧརཏཱུ’’ཏི, ཝཏྭཱ པཀྐཱམི. ཨསྶོསི ཁོ ཨུཔྤལཝཎྞཱ བྷིཀྑུནཱི སམཱདྷིམྷཱ ཝུཊྛཧིཏྭཱ ཏསྶ ཙོརགཱམཎིཀསྶ ཨིམཾ ཝཱཙཾ བྷཱསམཱནསྶ. ཨཐ ཁོ ཨུཔྤལཝཎྞཱ ¶ བྷིཀྑུནཱི ཏཾ མཾསཾ གཧེཏྭཱ ཨུཔསྶཡཾ ཨགམཱསི. ཨཐ ཁོ ཨུཔྤལཝཎྞཱ བྷིཀྑུནཱི ཏསྶཱ རཏྟིཡཱ ཨཙྩཡེན ཏཾ མཾསཾ སམྤཱདེཏྭཱ ཨུཏྟརཱསངྒེན བྷཎྜིཀཾ བནྡྷིཏྭཱ ཝེཧཱསཾ ཨབྦྷུགྒནྟྭཱ ཝེལུ༹ཝནེ པཙྩུཊྛཱསི [པཙྩུཔཊྛཱསི (?)].

ཏེན ཁོ པན སམཡེན བྷགཝཱ གཱམཾ པིཎྜཱཡ པཝིཊྛོ ཧོཏི. ཨཱཡསྨཱ ཨུདཱཡཱི ཨོཧིཡྻཀོ ཧོཏི ཝིཧཱརཔཱལོ. ཨཐ ཁོ ཨུཔྤལཝཎྞཱ བྷིཀྑུནཱི ཡེནཱཡསྨཱ ཨུདཱཡཱི ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨུདཱཡིཾ ཨེཏདཝོཙ – ‘‘ཀཧཾ, བྷནྟེ, བྷགཝཱ’’ཏི? ‘‘པཝིཊྛོ, བྷགིནི, བྷགཝཱ གཱམཾ པིཎྜཱཡཱ’’ཏི. ‘‘ཨིམཾ, བྷནྟེ, མཾསཾ བྷགཝཏོ དེཧཱི’’ཏི. ‘‘སནྟཔྤིཏོ ཏཡཱ, བྷགིནི, བྷགཝཱ མཾསེན. སཙེ མེ ཏྭཾ ཨནྟརཝཱསཀཾ དདེཡྻཱསི, ཨེཝཾ ཨཧམྤི སནྟཔྤིཏོ བྷཝེཡྻཾ ཨནྟརཝཱསཀེནཱ’’ཏི. ‘‘མཡཾ ཁོ, བྷནྟེ, མཱཏུགཱམཱ ནཱམ ཀིཙྪལཱབྷཱ. ཨིདཉྩ མེ ཨནྟིམཾ པཉྩམཾ ཙཱིཝརཾ. ནཱཧཾ དསྶཱམཱི’’ཏི. ‘‘སེཡྻཐཱཔི, བྷགིནི, པུརིསོ ཧཏྠིཾ དཏྭཱ ཀཙྪེ སཛྫེཡྻ [ཝིསྶཛྫེཡྻ (སྱཱ.)] ཨེཝམེཝ ཁོ ཏྭཾ བྷགིནི བྷགཝཏོ མཾསཾ དཏྭཱ མཡི ཨནྟརཝཱསཀེ སཛྫསཱི’’ཏི [ཨནྟརཝཱསཀཾ ན སཛྫསཱིཏི (ཀ.), མཡ྄ཧཾ ཨནྟརཝཱསཀཾ ཝིསྶཛྫེཧཱིཏི (སྱཱ.)]. ཨཐ ཁོ ཨུཔྤལཝཎྞཱ བྷིཀྑུནཱི ཨཱཡསྨཏཱ ཨུདཱཡིནཱ ནིཔྤཱིལི༹ཡམཱནཱ ཨནྟརཝཱསཀཾ དཏྭཱ ཨུཔསྶཡཾ ཨགམཱསི. བྷིཀྑུནིཡོ ཨུཔྤལཝཎྞཱཡ བྷིཀྑུནིཡཱ པཏྟཙཱིཝརཾ ¶ པཊིགྒཎྷནྟིཡོ ཨུཔྤལཝཎྞཾ བྷིཀྑུནིཾ ཨེཏདཝོཙུཾ – ‘‘ཀཧཾ ཏེ, ཨཡྻེ, ཨནྟརཝཱསཀོ’’ཏི? ཨུཔྤལཝཎྞཱ བྷིཀྑུནཱི བྷིཀྑུནཱིནཾ ཨེཏམཏྠཾ ཨཱརོཙེསི. བྷིཀྑུནིཡོ ཨུཛ྄ཛྷཱཡནྟི ཁིཡྻནྟི ¶ ཝིཔཱཙེནྟི – ‘‘ཀཐཉྷི ནཱམ ཨཡྻོ ཨུདཱཡཱི བྷིཀྑུནིཡཱ ཙཱིཝརཾ པཊིགྒཧེསྶཏི ཀིཙྪལཱབྷོ མཱཏུགཱམོ’’ཏི. ཨཐ ཁོ ཏཱ བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུདཱཡཱི བྷིཀྑུནིཡཱ ཙཱིཝརཾ པཊིགྒཧེསྶཏཱི’’ཏི! ཨཐ ¶ ཁོ ཏེ བྷིཀྑཱུ ཨཱཡསྨནྟཾ ཨུདཱཡིཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, ཨུདཱཡི, བྷིཀྑུནིཡཱ ཙཱིཝརཾ པཊིགྒཧེསཱི’’ཏི? ‘‘སཙྩཾ ¶ , བྷགཝཱ’’ཏི. ‘‘ཉཱཏིཀཱ ཏེ, ཨུདཱཡི, ཨཉྙཱཏིཀཱ’’ཏི? ‘‘ཨཉྙཱཏིཀཱ, བྷགཝཱ’’ཏི. ‘‘ཨཉྙཱཏཀོ, མོགྷཔུརིས, ཨཉྙཱཏིཀཱཡ ན ཛཱནཱཏི པཏིརཱུཔཾ ཝཱ ཨཔྤཏིརཱུཔཾ ཝཱ སནྟཾ ཝཱ ཨསནྟཾ ཝཱ. ཏཏྠ ནཱམ ཏྭཾ, མོགྷཔུརིས, ཨཉྙཱཏིཀཱཡ བྷིཀྑུནིཡཱ ཧཏྠཏོ ཙཱིཝརཾ པཊིགྒཧེསྶསི! ནེཏཾ མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༠༩. ‘‘ཡོ པན བྷིཀྑུ ཨཉྙཱཏིཀཱཡ བྷིཀྑུནིཡཱ ཧཏྠཏོ ཙཱིཝརཾ པཊིགྒཎྷེཡྻ, ནིསྶགྒིཡཾ པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༥༡༠. ཏེན ཁོ པན སམཡེན བྷིཀྑཱུ ཀུཀྐུཙྩཱཡནྟཱ བྷིཀྑུནཱིནཾ པཱརིཝཏྟཀཙཱིཝརཾ ¶ ན པཊིགྒཎྷནྟི. བྷིཀྑུནིཡོ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ ཨམྷཱཀཾ པཱརིཝཏྟཀཙཱིཝརཾ ན པཊིགྒཧེསྶནྟཱི’’ཏི! ཨསྶོསུཾ ཁོ བྷིཀྑཱུ ཏཱསཾ བྷིཀྑུནཱིནཾ ཨུཛ྄ཛྷཱཡནྟཱིནཾ ཁིཡྻནྟཱིནཾ ཝིཔཱཙེནྟཱིནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, པཉྩནྣཾ པཱརིཝཏྟཀཾ པཊིགྒཧེཏུཾ – བྷིཀྑུསྶ, བྷིཀྑུནིཡཱ, སིཀྑམཱནཱཡ, སཱམཎེརསྶ, སཱམཎེརིཡཱ. ཨནུཛཱནཱམི, བྷིཀྑཝེ, ཨིམེསཾ པཉྩནྣཾ པཱརིཝཏྟཀཾ པཊིགྒཧེཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ.

༥༡༡. ‘‘ཡོ པན བྷིཀྑུ ཨཉྙཱཏིཀཱཡ བྷིཀྑུནིཡཱ ཧཏྠཏོ ཙཱིཝརཾ པཊིགྒཎྷེཡྻ, ཨཉྙཏྲ པཱརིཝཏྟཀཱ, ནིསྶགྒིཡཾ པཱཙིཏྟིཡ’’ནྟི.

༥༡༢. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨཉྙཱཏིཀཱ ནཱམ མཱཏིཏོ ཝཱ པིཏིཏོ ཝཱ ཡཱཝ སཏྟམཱ པིཏཱམཧཡུགཱ ཨསམྦདྡྷཱ.

བྷིཀྑུནཱི ནཱམ ཨུབྷཏོསངྒྷེ ཨུཔསམྤནྣཱ.

ཙཱིཝརཾ ¶ ¶ ¶ ནཱམ ཚནྣཾ ཙཱིཝརཱནཾ ཨཉྙཏརཾ ¶ ཙཱིཝརཾ ཝིཀཔྤནུཔགཾ པཙྪིམཾ.

ཨཉྙཏྲ པཱརིཝཏྟཀཱཏི ཋཔེཏྭཱ པཱརིཝཏྟཀཾ.

པཊིགྒཎྷཱཏི, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ཨིདཾ མེ, བྷནྟེ, ཙཱིཝརཾ ཨཉྙཱཏིཀཱཡ བྷིཀྑུནིཡཱ ཧཏྠཏོ པཊིགྒཧིཏཾ, ཨཉྙཏྲ པཱརིཝཏྟཀཱ, ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༥༡༣. ཨཉྙཱཏིཀཱཡ ཨཉྙཱཏིཀསཉྙཱི ཙཱིཝརཾ པཊིགྒཎྷཱཏི, ཨཉྙཏྲ པཱརིཝཏྟཀཱ, ནིསྶགྒིཡཾ པཱཙིཏྟིཡཾ. ཨཉྙཱཏིཀཱཡ ཝེམཏིཀོ ཙཱིཝརཾ པཊིགྒཎྷཱཏི, ཨཉྙཏྲ པཱརིཝཏྟཀཱ, ནིསྶགྒིཡཾ པཱཙིཏྟིཡཾ. ཨཉྙཱཏིཀཱཡ ཉཱཏིཀསཉྙཱི ཙཱིཝརཾ པཊིགྒཎྷཱཏི, ཨཉྙཏྲ པཱརིཝཏྟཀཱ, ནིསྶགྒིཡཾ པཱཙིཏྟིཡཾ.

ཨེཀཏོཨུཔསམྤནྣཱཡ ཧཏྠཏོ ཙཱིཝརཾ པཊིགྒཎྷཱཏི, ཨཉྙཏྲ པཱརིཝཏྟཀཱ, ཨཱཔཏྟི དུཀྐཊསྶ. ཉཱཏིཀཱཡ ཨཉྙཱཏིཀསཉྙཱི, ཨཱཔཏྟི དུཀྐཊསྶ. ཉཱཏིཀཱཡ ཝེམཏིཀོ, ཨཱཔཏྟི དུཀྐཊསྶ. ཉཱཏིཀཱཡ ཉཱཏིཀསཉྙཱི, ཨནཱཔཏྟི.

༥༡༤. ཨནཱཔཏྟི ཉཱཏིཀཱཡ, པཱརིཝཏྟཀཾ པརིཏྟེན ཝཱ ཝིཔུལཾ, ཝིཔུལེན ཝཱ པརིཏྟཾ, བྷིཀྑུ ཝིསྶཱསཾ གཎྷཱཏི, ཏཱཝཀཱལིཀཾ གཎྷཱཏི ¶ , ཙཱིཝརཾ ཋཔེཏྭཱ ཨཉྙཾ པརིཀྑཱརཾ གཎྷཱཏི, སིཀྑམཱནཱཡ, སཱམཎེརིཡཱ, ཨུམྨཏྟཀསྶ, ཨཱདིཀམྨིཀསྶཱཏི.

ཙཱིཝརཔཊིགྒཧཎསིཀྑཱཔདཾ ནིཊྛིཏཾ པཉྩམཾ.

༦. ཨཉྙཱཏཀཝིཉྙཏྟིསིཀྑཱཔདཾ

༥༡༥. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ ¶ . ཏེན ཁོ པན སམཡེན ཨཱཡསྨཱ ཨུཔནནྡོ སཀྱཔུཏྟོ པཊྚོ [པཊྛོ (སྱཱ. ཀ.)] ཧོཏི དྷམྨིཾ ཀཐཾ ཀཱཏུཾ. ཨཐ ཁོ ཨཉྙཏརོ སེཊྛིཔུཏྟོ ཡེནཱཡསྨཱ ཨུཔནནྡོ སཀྱཔུཏྟོ ཏེནུཔསངྐམི ¶ ; ཨུཔསངྐམིཏྭཱ ཨཱཡསྨནྟཾ ཨུཔནནྡཾ སཀྱཔུཏྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཏཾ སེཊྛིཔུཏྟཾ ཨཱཡསྨཱ ཨུཔནནྡོ སཀྱཔུཏྟོ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ སོ སེཊྛིཔུཏྟོ ཨཱཡསྨཏཱ ཨུཔནནྡེན སཀྱཔུཏྟེན དྷམྨིཡཱ ཀཐཱཡ སནྡསྶིཏོ སམཱདཔིཏོ སམུཏྟེཛིཏོ སམྤཧཾསིཏོ ཨཱཡསྨནྟཾ ཨུཔནནྡཾ སཀྱཔུཏྟཾ ཨེཏདཝོཙ – ‘‘ཝདེཡྻཱཐ, བྷནྟེ, ཡེན ཨཏྠོ. པཊིབལཱ མཡཾ ཨཡྻསྶ ¶ དཱཏུཾ ཡདིདཾ ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱར’’ནྟི. ‘‘སཙེ མེ ཏྭཾ, ཨཱཝུསོ, དཱཏུཀཱམོསི, ཨིཏོ ཨེཀཾ སཱཊཀཾ དེཧཱི’’ཏི. ‘‘ཨམྷཱཀཾ ཁོ, བྷནྟེ, ཀུལཔུཏྟཱནཾ ཀིསྨིཾ ཝིཡ ཨེཀསཱཊཀཾ གནྟུཾ. ཨཱགམེཧི, བྷནྟེ, ཡཱཝ གྷརཾ གཙྪཱམི. གྷརཾ གཏོ ཨིཏོ ཝཱ ཨེཀཾ སཱཊཀཾ པཧིཎིསྶཱམི ¶ ཨིཏོ ཝཱ སུནྡརཏར’’ནྟི. དུཏིཡམྤི ཁོ ཨཱཡསྨཱ ཨུཔནནྡོ སཀྱཔུཏྟོ ཏཾ སེཊྛིཔུཏྟཾ ཨེཏདཝོཙ ‘‘སཙེ མེ ཏྭཾ ཨཱཝུསོ དཱཏུཀཱམོསི ཨིཏོ ཨེཀཾ སཱཊཀཾ དེཧཱི’’ཏི. ཨམྷཱཀཾ ཁོ བྷནྟེ ཀུལཔུཏྟཱནཾ ཀིསྨིཾ ཝིཡ ཨེཀསཱཊཀཾ གནྟུཾ, ཨཱགམེཧི བྷནྟེ ཡཱཝ གྷརཾ གཙྪཱམི, གྷརཾ གཏོ ཨིཏོ ཝཱ ཨེཀཾ སཱཊཀཾ པཧིཎིསྶཱམི ཨིཏོ ཝཱ སུནྡརཏརནྟི. ཏཏིཡམྤི ཁོ ཨཱཡསྨཱ ཨུཔནནྡོ སཀྱཔུཏྟོ ཏཾ སེཊྛིཔུཏྟཾ ཨེཏདཝོཙ ‘‘སཙེ མེ ཏྭཾ ཨཱཝུསོ དཱཏུཀཱམོསི, ཨིཏོ ཨེཀཾ སཱཊཀཾ དེཧཱི’’ཏི. ཨམྷཱཀཾ ཁོ བྷནྟེ ཀུལཔུཏྟཱནཾ ཀིསྨིཾ ཝིཡ ཨེཀསཱཊཀཾ གནྟུཾ, ཨཱགམེཧི བྷནྟེ ཡཱཝ གྷརཾ གཙྪཱམི, གྷརཾ གཏོ ཨིཏོ ཝཱ ཨེཀཾ སཱཊཀཾ པཧིཎིསྶཱམི ཨིཏོ ཝཱ སུནྡརཏརནྟི. ‘‘ཀིཾ པན ཏཡཱ, ཨཱཝུསོ, ཨདཱཏུཀཱམེན པཝཱརིཏེན ཡཾ ཏྭཾ པཝཱརེཏྭཱ ན དེསཱི’’ཏི.

ཨཐ ཁོ སོ སེཊྛིཔུཏྟོ ཨཱཡསྨཏཱ ཨུཔནནྡེན སཀྱཔུཏྟེན ནིཔྤཱིལི༹ཡམཱནོ ཨེཀཾ སཱཊཀཾ དཏྭཱ ཨགམཱསི. མནུསྶཱ ཏཾ སེཊྛིཔུཏྟཾ ཨེཏདཝོཙུཾ – ‘‘ཀིསྶ ཏྭཾ ཨཡྻོ ཨེཀསཱཊཀོ ཨཱགཙྪསཱི’’ཏི? ཨཐ ཁོ སོ སེཊྛིཔུཏྟོ ཏེསཾ མནུསྶཱནཾ ཨེཏམཏྠཾ ཨཱརོཙེསི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘མཧིཙྪཱ ཨིམེ སམཎཱ སཀྱཔུཏྟིཡཱ ཨསནྟུཊྛཱ. ནཡིམེསཾ སུཀརཱ དྷམྨནིམནྟནཱཔི ཀཱཏུཾ [ནཡིམེ སུཀརཱ དྷམྨནིམནྟནཱཡཔི ཀཱཏུཾ (སྱཱ.)]. ཀཐཉྷི ནཱམ སེཊྛིཔུཏྟེན དྷམྨནིམནྟནཱཡ ཀཡིརམཱནཱཡ ¶ སཱཊཀཾ གཧེསྶནྟཱི’’ཏི! ཨསྶོསུཾ ¶ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ སེཊྛིཔུཏྟཾ ཙཱིཝརཾ ཝིཉྙཱཔེསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ ཨུཔནནྡཾ སཀྱཔུཏྟཾ ཨནེཀཔརིཡཱཡེན ཝིགརཧིཏྭཱ ¶ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, ཨུཔནནྡ, སེཊྛིཔུཏྟཾ ཙཱིཝརཾ ཝིཉྙཱཔེསཱི’’ཏི? ‘‘སཙྩཾ, བྷགཝཱ’’ཏི. ‘‘ཉཱཏཀོ ཏེ, ཨུཔནནྡ, ཨཉྙཱཏཀོ’’ཏི? ‘‘ཨཉྙཱཏཀོ, བྷགཝཱ’’ཏི. ‘‘ཨཉྙཱཏཀོ, མོགྷཔུརིས, ཨཉྙཱཏཀསྶ ན ཛཱནཱཏི པཏིརཱུཔཾ ཝཱ ཨཔྤཏིརཱུཔཾ ཝཱ སནྟཾ ཝཱ ཨསནྟཾ ཝཱ. ཏཏྠ ནཱམ ཏྭཾ, མོགྷཔུརིས, ཨཉྙཱཏཀཾ སེཊྛིཔུཏྟཾ ཙཱིཝརཾ ཝིཉྙཱཔེསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༡༦. ‘‘ཡོ པན བྷིཀྑུ ཨཉྙཱཏཀཾ གཧཔཏིཾ ཝཱ གཧཔཏཱནིཾ ཝཱ ཙཱིཝརཾ ཝིཉྙཱཔེཡྻ, ནིསྶགྒིཡཾ པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༥༡༧. ཏེན ཁོ པན སམཡེན སམྦཧུལཱ བྷིཀྑཱུ སཱཀེཏཱ སཱཝཏྠིཾ ¶ ༢ ཨདྡྷཱནམགྒཔྤཊིཔནྣཱ ཧོནྟི. ཨནྟརཱམགྒེ ཙོརཱ ནིཀྑམིཏྭཱ ཏེ བྷིཀྑཱུ ཨཙྪིནྡིཾསུ. ཨཐ ཁོ ཏེ བྷིཀྑཱུ – ‘‘བྷགཝཏཱ པཊིཀྑིཏྟཾ ཨཉྙཱཏཀཾ གཧཔཏིཾ ཝཱ གཧཔཏཱནིཾ ཝཱ ཙཱིཝརཾ ཝིཉྙཱཔེཏུ’’ནྟི, ཀུཀྐུཙྩཱཡནྟཱ ¶ ན ཝིཉྙཱཔེསུཾ. ཡཐཱནགྒཱཝ སཱཝཏྠིཾ གནྟྭཱ བྷིཀྑཱུ ཨབྷིཝཱདེནྟི. བྷིཀྑཱུ ཨེཝམཱཧཾསུ – ‘‘སུནྡརཱ ཁོ ཨིམེ, ཨཱཝུསོ, ཨཱཛཱིཝཀཱ ཡེ ཨིམེ བྷིཀྑཱུསུ ཨབྷིཝཱདེནྟཱི’’ཏི. ཏེ ཨེཝམཱཧཾསུ – ‘‘ན མཡཾ, ཨཱཝུསོ, ཨཱཛཱིཝཀཱ, བྷིཀྑཱུ མཡ’’ནྟི. བྷིཀྑཱུ ཨཱཡསྨནྟཾ ཨུཔཱལིཾ ཨེཏདཝོཙུཾ – ‘‘ཨིངྒྷཱཝུསོ ཨུཔཱལི, ཨིམེ ཨནུཡུཉྫཱཧཱི’’ཏི. ཨཐ ཁོ ཨཱཡསྨཏཱ ཨུཔཱལིནཱ ཨནུཡུཉྫིཡམཱནཱ ཏེ བྷིཀྑཱུ ཨེཏམཏྠཾ ཨཱརོཙེསུཾ. ཨཐ ཁོ ཨཱཡསྨཱ ཨུཔཱལི ཏེ བྷིཀྑཱུ ཨནུཡུཉྫིཏྭཱ བྷིཀྑཱུ ཨེཏདཝོཙ – ‘‘བྷིཀྑཱུ ཨིམེ, ཨཱཝུསོ. དེཐ ནེསཾ ཙཱིཝརཱནཱི’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑཱུ ནགྒཱ ཨཱགཙྪིསྶནྟི! ནནུ ནཱམ ཏིཎེན ཝཱ པཎྞེན ཝཱ པཊིཙྪཱདེཏྭཱ ཨཱགནྟབྦ’’ནྟི. ཨཐ ཁོ ཏེ བྷིཀྑཱུ ཏེ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ¶ ཨཱམནྟེསི – ‘‘ཨནུཛཱནཱམི, བྷིཀྑཝེ, ཨཙྪིནྣཙཱིཝརསྶ ཝཱ ནཊྛཙཱིཝརསྶ ཝཱ ཨཉྙཱཏཀཾ གཧཔཏིཾ ཝཱ གཧཔཏཱནིཾ ཝཱ ཙཱིཝརཾ ཝིཉྙཱཔེཏུཾ. ཡཾ ཨཱཝཱསཾ པཋམཾ ཨུཔགཙྪཏི, སཙེ ཏཏྠ ཧོཏི སངྒྷསྶ ཝིཧཱརཙཱིཝརཾ ཝཱ ཨུཏྟརཏྠརཎཾ ཝཱ བྷཱུམཏྠརཎཾ ཝཱ བྷིསིཙྪཝི ཝཱ, ཏཾ གཧེཏྭཱ པཱརུཔིཏུཾ ལབྷིཏྭཱ ཨོདཧིསྶཱམཱི’’ཏི ¶ . ནོ ཙེ ཧོཏི སངྒྷསྶ ཝིཧཱརཙཱིཝརཾ ཝཱ ཨུཏྟརཏྠརཎཾ ཝཱ བྷུམཏྠརཎཾ ཝཱ ¶ བྷིསིཙྪཝི ཝཱ ཏིཎེན ཝཱ པཎྞེན ཝཱ པཊིཙྪཱདེཏྭཱ ཨཱགནྟབྦཾ; ན ཏྭེཝ ནགྒེན ཨཱགནྟབྦཾ. ཡོ ཨཱགཙྪེཡྻ, ཨཱཔཏྟི དུཀྐཊསྶ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༡༨. ‘‘ཡོ པན བྷིཀྑུ ཨཉྙཱཏཀཾ གཧཔཏིཾ ཝཱ གཧཔཏཱནིཾ ཝཱ ཙཱིཝརཾ ཝིཉྙཱཔེཡྻ, ཨཉྙཏྲ སམཡཱ, ནིསྶགྒིཡཾ པཱཙིཏྟིཡཾ. ཏཏྠཱཡཾ སམཡོ – ཨཙྪིནྣཙཱིཝརོ ཝཱ ཧོཏི བྷིཀྑུ ནཊྛཙཱིཝརོ ཝཱ. ཨཡཾ ཏཏྠ སམཡོ’’ཏི.

༥༡༩. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨཉྙཱཏཀོ ནཱམ མཱཏིཏོ ཝཱ པིཏིཏོ ཝཱ ཡཱཝ སཏྟམཱ པིཏཱམཧཡུགཱ ཨསམྦདྡྷོ.

གཧཔཏི ནཱམ ཡོ ཀོཙི ཨགཱརཾ ཨཛ྄ཛྷཱཝསཏི.

གཧཔཏཱནཱི ནཱམ ཡཱ ཀཱཙི ཨགཱརཾ ཨཛ྄ཛྷཱཝསཏི.

ཙཱིཝརཾ ¶ ནཱམ ཚནྣཾ ཙཱིཝརཱནཾ ཨཉྙཏརཾ ཙཱིཝརཾ ཝིཀཔྤནུཔགཾ པཙྪིམཾ.

ཨཉྙཏྲ སམཡཱཏི ཋཔེཏྭཱ སམཡཾ.

ཨཙྪིནྣཙཱིཝརོ ནཱམ བྷིཀྑུསྶ ཙཱིཝརཾ ཨཙྪིནྣཾ ཧོཏི རཱཛཱུཧི ཝཱ ཙོརེཧི ཝཱ དྷུཏྟེཧི ཝཱ, ཡེཧི ཀེཧིཙི ཝཱ ཨཙྪིནྣཾ ཧོཏི.

ནཊྛཙཱིཝརོ ནཱམ བྷིཀྑུསྶ ཙཱིཝརཾ ཨགྒིནཱ ཝཱ དཌྜྷཾ ཧོཏི, ཨུདཀེན ཝཱ ཝུལ༹ྷཾ ཧོཏི, ཨུནྡཱུརེཧི ཝཱ ཨུཔཙིཀཱཧི ཝཱ ཁཱཡིཏཾ ཧོཏི, པརིབྷོགཛིཎྞཾ ཝཱ ཧོཏི.

ཨཉྙཏྲ སམཡཱ ཝིཉྙཱཔེཏི, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ ¶ སངྒྷསྶ ཝཱ གཎསྶ ཝཱ ¶ པུགྒལསྶ ཝཱ. ཨེཝཉྩ པན, བྷིཀྑཝེ ¶ , ནིསྶཛྫིཏབྦཾ…པེ… ཨིདཾ མེ, བྷནྟེ, ཙཱིཝརཾ ཨཉྙཱཏཀཾ གཧཔཏིཀཾ, ཨཉྙཏྲ སམཡཱ ཝིཉྙཱཔིཏཾ, ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༥༢༠. ཨཉྙཱཏཀེ ཨཉྙཱཏཀསཉྙཱི, ཨཉྙཏྲ སམཡཱ, ཙཱིཝརཾ ཝིཉྙཱཔེཏི, ནིསྶགྒིཡཾ པཱཙིཏྟིཡཾ. ཨཉྙཱཏཀེ ཝེམཏིཀོ, ཨཉྙཏྲ སམཡཱ, ཙཱིཝརཾ ཝིཉྙཱཔེཏི, ནིསྶགྒིཡཾ པཱཙིཏྟིཡཾ. ཨཉྙཱཏཀེ ཉཱཏཀསཉྙཱི, ཨཉྙཏྲ སམཡཱ, ཙཱིཝརཾ ཝིཉྙཱཔེཏི, ནིསྶགྒིཡཾ པཱཙིཏྟིཡཾ.

ཉཱཏཀེ ཨཉྙཱཏཀསཉྙཱི, ཨཱཔཏྟི དུཀྐཊསྶ. ཉཱཏཀེ ཝེམཏིཀོ, ཨཱཔཏྟི དུཀྐཊསྶ. ཉཱཏཀེ ཉཱཏཀསཉྙཱི, ཨནཱཔཏྟི.

༥༢༡. ཨནཱཔཏྟི སམཡེ, ཉཱཏཀཱནཾ, པཝཱརིཏཱནཾ, ཨཉྙསྶཏྠཱཡ, ཨཏྟནོ དྷནེན, ཨུམྨཏྟཀསྶ, ཨཱདིཀམྨིཀསྶཱཏི.

ཨཉྙཱཏཀཝིཉྙཏྟིསིཀྑཱཔདཾ ནིཊྛིཏཾ ཚཊྛཾ.

༧. ཏཏུཏྟརིསིཀྑཱཔདཾ

༥༢༢. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨཙྪིནྣཙཱིཝརཀེ བྷིཀྑཱུ ཨུཔསངྐམིཏྭཱ ཨེཝཾ ཝདནྟི – ‘‘བྷགཝཏཱ, ཨཱཝུསོ, ཨནུཉྙཱཏཾ – ‘ཨཙྪིནྣཙཱིཝརསྶ ཝཱ ནཊྛཙཱིཝརསྶ ཝཱ ཨཉྙཱཏཀཾ གཧཔཏིཾ ཝཱ གཧཔཏཱནིཾ ཝཱ ཙཱིཝརཾ ཝིཉྙཱཔེཏུཾ’; ཝིཉྙཱཔེཐ, ཨཱཝུསོ, ཙཱིཝར’’ནྟི. ‘‘ཨལཾ, ཨཱཝུསོ, ལདྡྷཾ ཨམྷེཧི ཙཱིཝར’’ནྟི. ‘‘མཡཾ ཨཱཡསྨནྟཱནཾ ཝིཉྙཱཔེམཱ’’ཏི. ‘‘ཝིཉྙཱཔེཐ, ཨཱཝུསོ’’ཏི. ཨཐ ཁོ ཚབྦགྒིཡཱ བྷིཀྑཱུ གཧཔཏིཀེ ཨུཔསངྐམིཏྭཱ ཨེཏདཝོཙུཾ – ‘‘ཨཙྪིནྣཙཱིཝརཀཱ, ཨཱཝུསོ, བྷིཀྑཱུ ཨཱགཏཱ. དེཐ ནེསཾ ཙཱིཝརཱནཱི’’ཏི, བཧུཾ ཙཱིཝརཾ ཝིཉྙཱཔེསུཾ.

ཏེན ¶ ཁོ པན ¶ སམཡེན ཨཉྙཏརོ པུརིསོ སབྷཱཡཾ ནིསིནྣོ ཨཉྙཏརཾ པུརིསཾ ཨེཏདཝོཙ – ‘‘ཨཙྪིནྣཙཱིཝརཀཱ ཨཡྻོ བྷིཀྑཱུ ཨཱགཏཱ. ཏེསཾ མཡཱ ཙཱིཝརཾ དིནྣ’’ནྟི. སོཔི ཨེཝམཱཧ – ‘‘མཡཱཔི དིནྣ’’ནྟི. ཨཔརོཔི ཨེཝམཱཧ – ‘‘མཡཱཔི དིནྣ’’ནྟི. ཏེ ཨུཛ྄ཛྷཱཡནྟི ¶ ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ན མཏྟཾ ཛཱནིཏྭཱ བཧུཾ ཙཱིཝརཾ ཝིཉྙཱཔེསྶནྟི, དུསྶཝཱཎིཛྫཾ ¶ ཝཱ སམཎཱ སཀྱཔུཏྟིཡཱ ཀརིསྶནྟི, པགྒཱཧིཀསཱལཾ [པཊགྒཱཧིཀསཱལཾ (?)] ཝཱ པསཱརེསྶནྟཱི’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ན མཏྟཾ ཛཱནིཏྭཱ བཧུཾ ཙཱིཝརཾ ཝིཉྙཱཔེསྶནྟཱི’’ཏི! ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ, ན མཏྟཾ ཛཱནིཏྭཱ བཧུཾ ཙཱིཝརཾ ཝིཉྙཱཔེཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ན མཏྟཾ ཛཱནིཏྭཱ བཧུཾ ཙཱིཝརཾ ཝིཉྙཱཔེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༢༣. ‘‘ཏཉྩེ ཨཉྙཱཏཀོ གཧཔཏི ཝཱ གཧཔཏཱནཱི ཝཱ བཧཱུཧི ཙཱིཝརེཧི ཨབྷིཧཊྛུཾ པཝཱརེཡྻ སནྟརུཏྟརཔརམཾ ཏེན བྷིཀྑུནཱ ཏཏོ ཙཱིཝརཾ སཱདིཏབྦཾ. ཏཏོ ཙེ ཨུཏྟརི སཱདིཡེཡྻ, ནིསྶགྒིཡཾ པཱཙིཏྟིཡ’’ནྟི.

༥༢༤. ཏཉྩེཏི ཨཙྪིནྣཙཱིཝརཀཾ བྷིཀྑུཾ.

ཨཉྙཱཏཀོ ནཱམ མཱཏིཏོ ཝཱ པིཏིཏོ ཝཱ ཡཱཝ སཏྟམཱ པིཏཱམཧཡུགཱ ཨསམྦདྡྷོ.

གཧཔཏི ནཱམ ཡོ ཀོཙི ཨགཱརཾ ཨཛ྄ཛྷཱཝསཏི.

གཧཔཏཱནཱི ནཱམ ཡཱ ཀཱཙི ཨགཱརཾ ཨཛ྄ཛྷཱཝསཏི.

བཧཱུཧི ཙཱིཝརེཧཱིཏི བཧུཀེཧི ཙཱིཝརེཧི.

ཨབྷིཧཊྛུཾ པཝཱརེཡྻཱཏི ¶ ཡཱཝཏཀཾ ཨིཙྪསི ཏཱཝཏཀཾ གཎྷཱཧཱིཏི.

སནྟརུཏྟརཔརམཾ ¶ ཏེན བྷིཀྑུནཱ ཏཏོ ཙཱིཝརཾ སཱདིཏབྦནྟི སཙེ ཏཱིཎི ནཊྛཱནི ཧོནྟི དྭེ སཱདིཏབྦཱནི, དྭེ ནཊྛཱནི ཨེཀཾ སཱདིཏབྦཾ, ཨེཀཾ ནཊྛཾ ན ཀིཉྩི སཱདིཏབྦཾ.

ཏཏོ ཙེ ཨུཏྟརི སཱདིཡེཡྻཱཏི ཏཏུཏྟརི ཝིཉྙཱཔེཏི, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ཨིདཾ མེ, བྷནྟེ, ཙཱིཝརཾ ཨཉྙཱཏཀཾ ¶ གཧཔཏིཀཾ ཨུཔསངྐམིཏྭཱ ཏཏུཏྟརི ཝིཉྙཱཔིཏཾ ¶ ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༥༢༥. ཨཉྙཱཏཀེ ཨཉྙཱཏཀསཉྙཱི ཏཏུཏྟརི ཙཱིཝརཾ ཝིཉྙཱཔེཏི, ནིསྶགྒིཡཾ པཱཙིཏྟིཡཾ. ཨཉྙཱཏཀེ ཝེམཏིཀོ ཏཏུཏྟརི ཙཱིཝརཾ ཝིཉྙཱཔེཏི, ནིསྶགྒིཡཾ པཱཙིཏྟིཡཾ. ཨཉྙཱཏཀེ ཉཱཏཀསཉྙཱི ཏཏུཏྟརི ཙཱིཝརཾ ཝིཉྙཱཔེཏི, ནིསྶགྒིཡཾ པཱཙིཏྟིཡཾ.

ཉཱཏཀེ ཨཉྙཱཏཀསཉྙཱི, ཨཱཔཏྟི དུཀྐཊསྶ. ཉཱཏཀེ ཝེམཏིཀོ, ཨཱཔཏྟི དུཀྐཊསྶ. ཉཱཏཀེ ཉཱཏཀསཉྙཱི, ཨནཱཔཏྟི.

༥༢༦. ཨནཱཔཏྟི – ‘‘སེསཀཾ ཨཱཧརིསྶཱམཱི’’ཏི ཧརནྟོ གཙྪཏི, ‘‘སེསཀཾ ཏུཡ྄ཧེཝ ཧོཏཱུ’’ཏི དེནྟི, ན ཨཙྪིནྣཀཱརཎཱ དེནྟི, ན ནཊྛཀཱརཎཱ ¶ དེནྟི, ཉཱཏཀཱནཾ, པཝཱརིཏཱནཾ, ཨཏྟནོ དྷནེན, ཨུམྨཏྟཀསྶ, ཨཱདིཀམྨིཀསྶཱཏི.

ཏཏུཏྟརིསིཀྑཱཔདཾ ནིཊྛིཏཾ སཏྟམཾ.

༨. ཨུཔཀྑཊསིཀྑཱཔདཾ

༥༢༧. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཉྙཏརོ པུརིསོ པཛཱཔཏིཾ ཨེཏདཝོཙ – ‘‘ཨཡྻཾ ཨུཔནནྡཾ ཙཱིཝརེན ཨཙྪཱདེསྶཱམཱི’’ཏི. ཨསྶོསི ཁོ ཨཉྙཏརོ པིཎྜཙཱརིཀོ བྷིཀྑུ ཏསྶ པུརིསསྶ ཨིམཾ ཝཱཙཾ བྷཱསམཱནསྶ. ཨཐ ཁོ སོ བྷིཀྑུ ཡེནཱཡསྨཱ ཨུཔནནྡོ སཀྱཔུཏྟོ ཏེནུཔསངྐམི; ཨུཔསངྐམིཏྭཱ ¶ ཨཱཡསྨནྟཾ ཨུཔནནྡཾ སཀྱཔུཏྟཾ ཨེཏདཝོཙ – ‘‘མཧཱཔུཉྙོསི ཏྭཾ, ཨཱཝུསོ ཨུཔནནྡ, ཨམུཀསྨིཾ ཨོཀཱསེ ཨཉྙཏརོ པུརིསོ པཛཱཔཏིཾ ཨེཏདཝོཙ – ‘‘ཨཡྻཾ ཨུཔནནྡཾ ཙཱིཝརེན ཨཙྪཱདེསྶཱམཱི’’’ཏི. ‘‘ཨཏྠཱཝུསོ, མཾ སོ ཨུཔཊྛཱཀོ’’ཏི. ཨཐ ཁོ ཨཱཡསྨཱ ཨུཔནནྡོ སཀྱཔུཏྟོ ཡེན སོ པུརིསོ ཏེནུཔསངྐམི; ཨུཔསངྐམིཏྭཱ ཏཾ པུརིསཾ ཨེཏདཝོཙ – ‘‘སཙྩཾ ཀིར མཾ ཏྭཾ, ཨཱཝུསོ, ཙཱིཝརེན ཨཙྪཱདེཏུཀཱམོསཱི’’ཏི? ‘‘ཨཔི མེཡྻ, ཨེཝཾ ཧོཏི – ‘ཨཡྻཾ ཨུཔནནྡཾ ཙཱིཝརེན ཨཙྪཱདེསྶཱམཱི’’’ཏི. ‘‘སཙེ ཁོ མཾ ཏྭཾ, ཨཱཝུསོ, ཙཱིཝརེན ཨཙྪཱདེཏུཀཱམོསི, ཨེཝརཱུཔེན ཙཱིཝརེན ཨཙྪཱདེཧི. ཀྱཱཧཾ ཏེན ཨཙྪནྣོཔི ཀརིསྶཱམི ཡཱཧཾ ན པརིབྷུཉྫིསྶཱམཱི’’ཏི.

ཨཐ ¶ ཁོ སོ པུརིསོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘མཧིཙྪཱ ཨིམེ སམཎཱ སཀྱཔུཏྟིཡཱ ཨསནྟུཊྛཱ. ནཡིམེ སུཀརཱ ཙཱིཝརེན ཨཙྪཱདེཏུཾ. ཀཐཉྷི ¶ ནཱམ ཨཡྻོ ཨུཔནནྡོ མཡཱ པུབྦེ ཨཔྤཝཱརིཏོ མཾ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫིསྶཏཱི’’ཏི! ཨསྶོསུཾ ཁོ བྷིཀྑཱུ ཏསྶ པུརིསསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡྻནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ པུབྦེ ཨཔྤཝཱརིཏོ གཧཔཏིཀཾ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫིསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ ཨུཔནནྡཾ སཀྱཔུཏྟཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ ¶ …པེ… ‘‘སཙྩཾ ཀིར ཏྭཾ, ཨུཔནནྡ, པུབྦེ ཨཔྤཝཱརིཏོ གཧཔཏིཀཾ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫསཱི’’ཏི? ‘‘སཙྩཾ, བྷགཝཱ’’ཏི. ‘‘ཉཱཏཀོ ཏེ, ཨུཔནནྡ, ཨཉྙཱཏཀོ’’ཏི? ‘‘ཨཉྙཱཏཀོ, བྷགཝཱ’’ཏི. ‘‘ཨཉྙཱཏཀོ, མོགྷཔུརིས, ཨཉྙཱཏཀསྶ ན ཛཱནཱཏི པཏིརཱུཔཾ ཝཱ ཨཔྤཏིརཱུཔཾ ཝཱ སནྟཾ ཝཱ ཨསནྟཾ ཝཱ. ཏཏྠ ནཱམ ཏྭཾ, མོགྷཔུརིས, པུབྦེ ཨཔྤཝཱརིཏོ ཨཉྙཱཏཀཾ གཧཔཏིཀཾ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༢༨. ‘‘བྷིཀྑུཾ པནེཝ ཨུདྡིསྶ ཨཉྙཱཏཀསྶ གཧཔཏིསྶ ཝཱ གཧཔཏཱནིཡཱ ཝཱ ཙཱིཝརཙེཏཱཔནྣཾ [ཙཱིཝརཙེཏཱཔནཾ (སྱཱ.)] ཨུཔཀྑཊཾ ཧོཏི – ‘ཨིམིནཱ ¶ ཙཱིཝརཙེཏཱཔནྣེན ཙཱིཝརཾ ཙེཏཱཔེཏྭཱ ཨིཏྠནྣཱམཾ བྷིཀྑུཾ ཙཱིཝརེན ཨཙྪཱདེསྶཱམཱི’ཏི; ཏཏྲ ཙེ སོ བྷིཀྑུ པུབྦེ ཨཔྤཝཱརིཏོ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫེཡྻ – ‘སཱདྷུ ཝཏ མཾ ཨཱཡསྨཱ ཨིམིནཱ ཙཱིཝརཙེཏཱཔནྣེན ཨེཝརཱུཔཾ ཝཱ ཨེཝརཱུཔཾ ཝཱ ཙཱིཝརཾ ཙེཏཱཔེཏྭཱ ཨཙྪཱདེཧཱི’ཏི, ཀལྱཱཎཀམྱཏཾ ཨུཔཱདཱཡ, ནིསྶགྒིཡཾ པཱཙིཏྟིཡ’’ནྟི.

༥༢༩. བྷིཀྑུཾ ¶ པནེཝ ཨུདྡིསྶཱཏི བྷིཀྑུསྶཏྠཱཡ, བྷིཀྑུཾ ཨཱརམྨཎཾ ཀརིཏྭཱ, བྷིཀྑུཾ ཨཙྪཱདེཏུཀཱམོ.

ཨཉྙཱཏཀོ ནཱམ མཱཏིཏོ ཝཱ པིཏིཏོ ཝཱ ཡཱཝ སཏྟམཱ པིཏཱམཧཡུགཱ ཨསམྦདྡྷོ.

གཧཔཏི ¶ ནཱམ ཡོ ཀོཙི ཨགཱརཾ ཨཛ྄ཛྷཱཝསཏི.

གཧཔཏཱནཱི ནཱམ ཡཱ ཀཱཙི ཨགཱརཾ ཨཛ྄ཛྷཱཝསཏི.

ཙཱིཝརཙེཏཱཔནྣཾ ནཱམ ཧིརཉྙཾ ཝཱ སུཝཎྞཾ ཝཱ མུཏྟཱ ཝཱ མཎི ཝཱ པཝཱལོ༹ ཝཱ ཕལིཀོ ཝཱ པཊཀོ ཝཱ སུཏྟཾ ཝཱ ཀཔྤཱསོ ཝཱ.

ཨིམིནཱ ཙཱིཝརཙེཏཱཔནྣེནཱཏི པཙྩུཔཊྛིཏེན.

ཙེཏཱཔེཏྭཱཏི པརིཝཏྟེཏྭཱ.

ཨཙྪཱདེསྶཱམཱིཏི དསྶཱམི.

ཏཏྲ ཙེ སོ བྷིཀྑཱུཏི ཡཾ བྷིཀྑུཾ ཨུདྡིསྶ ཙཱིཝརཙེཏཱཔནྣཾ ཨུཔཀྑཊཾ ཧོཏི སོ བྷིཀྑུ.

པུབྦེ ཨཔྤཝཱརིཏོཏི པུབྦེ ཨཝུཏྟོ ཧོཏི – ‘‘ཀཱིདིསེན ཏེ, བྷནྟེ, ཙཱིཝརེན ཨཏྠོ, ཀཱིདིསཾ ཏེ ཙཱིཝརཾ ཙེཏཱཔེམཱི’’ཏི?

ཨུཔསངྐམིཏྭཱཏི གྷརཾ གནྟྭཱ ཡཏྠ ཀཏྠཙི ཨུཔསངྐམིཏྭཱ ¶ .

ཙཱིཝརེ ཝིཀཔྤཾ ཨཱཔཛྫེཡྻཱཏི ཨཱཡཏཾ ཝཱ ཧོཏུ ཝིཏྠཏཾ ཝཱ ཨཔྤིཏཾ ཝཱ སཎྷཾ ཝཱ.

ཨིམིནཱ ¶ ཙཱིཝརཙེཏཱཔནྣེནཱཏི པཙྩུཔཊྛིཏེན.

ཨེཝརཱུཔཾ ¶ ཝཱ ཨེཝརཱུཔཾ ཝཱཏི. ཨཱཡཏཾ ཝཱ ཝིཏྠཏཾ ཝཱ ཨཔྤིཏཾ ཝཱ སཎྷཾ ཝཱ.

ཙེཏཱཔེཏྭཱཏི པརིཝཏྟེཏྭཱ.

ཨཙྪཱདེཧཱིཏི དཛྫེཧི.

ཀལྱཱཎཀམྱཏཾ ཨུཔཱདཱཡཱཏི སཱདྷཏྠིཀོ [སཱདྷུཏྠིཀོ (སྱཱ.)] མཧགྒྷཏྠིཀོ. ཏསྶ ཝཙནེན ཨཱཡཏཾ ཝཱ ཝིཏྠཏཾ ཝཱ ཨཔྤིཏཾ ཝཱ སཎྷཾ ཝཱ ཙེཏཱཔེཏི, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ཨིདཾ མེ, བྷནྟེ, ཙཱིཝརཾ པུབྦེ ཨཔྤཝཱརིཏོ ཨཉྙཱཏཀཾ གཧཔཏིཀཾ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔནྣཾ ནིསྶགྒིཡཾ, ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༥༣༠. ཨཉྙཱཏཀེ ¶ ཨཉྙཱཏཀསཉྙཱི པུབྦེ ཨཔྤཝཱརིཏོ གཧཔཏིཀཾ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫཏི, ནིསྶགྒིཡཾ པཱཙིཏྟིཡཾ. ཨཉྙཱཏཀེ ཝེམཏིཀོ པུབྦེ ཨཔྤཝཱརིཏོ གཧཔཏིཀཾ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫཏི, ནིསྶགྒིཡཾ པཱཙིཏྟིཡཾ. ཨཉྙཱཏཀེ ཉཱཏཀསཉྙཱི པུབྦེ ཨཔྤཝཱརིཏོ གཧཔཏིཀཾ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫཏི, ནིསྶགྒིཡཾ པཱཙིཏྟིཡཾ.

ཉཱཏཀེ ཨཉྙཱཏཀསཉྙཱི, ཨཱཔཏྟི དུཀྐཊསྶ. ཉཱཏཀེ ཝེམཏིཀོ, ཨཱཔཏྟི དུཀྐཊསྶ. ཉཱཏཀེ ཉཱཏཀསཉྙཱི, ཨནཱཔཏྟི.

༥༣༡. ཨནཱཔཏྟི ¶ ཉཱཏཀཱནཾ, པཝཱརིཏཱནཾ, ཨཉྙསྶཏྠཱཡ, ཨཏྟནོ དྷནེན, མཧགྒྷཾ ཙེཏཱཔེཏུཀཱམསྶ ཨཔྤགྒྷཾ ཙེཏཱཔེཏི, ཨུམྨཏྟཀསྶ, ཨཱདིཀམྨིཀསྶཱཏི.

ཨུཔཀྑཊསིཀྑཱཔདཾ ནིཊྛིཏཾ ཨཊྛམཾ.

༩. དུཏིཡཨུཔཀྑཊསིཀྑཱཔདཾ

༥༣༢. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཉྙཏརོ པུརིསོ ཨཉྙཏརཾ པུརིསཾ ཨེཏདཝོཙ – ‘‘ཨཡྻཾ ཨུཔནནྡཾ ཙཱིཝརེན ཨཙྪཱདེསྶཱམཱི’’ཏི. སོཔི ཨེཝམཱཧ – ‘‘ཨཧམྤི ཨཡྻཾ ཨུཔནནྡཾ ཙཱིཝརེན ཨཙྪཱདེསྶཱམཱི’’ཏི. ཨསྶོསི ཁོ ཨཉྙཏརོ པིཎྜཙཱརིཀོ བྷིཀྑུ ཏེསཾ པུརིསཱནཾ ཨིམཾ ཀཐཱསལླཱཔཾ. ཨཐ ཁོ སོ བྷིཀྑུ ཡེནཱཡསྨཱ ཨུཔནནྡོ སཀྱཔུཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨུཔནནྡཾ སཀྱཔུཏྟཾ ཨེཏདཝོཙ – ‘‘མཧཱཔུཉྙོསི ཏྭཾ, ཨཱཝུསོ ཨུཔནནྡ. ཨམུཀསྨིཾ ཨོཀཱསེ ¶ ཨཉྙཏརོ པུརིསོ ཨཉྙཏརཾ པུརིསཾ ཨེཏདཝོཙ – ‘ཨཡྻཾ ཨུཔནནྡཾ ཙཱིཝརེན ཨཙྪཱདེསྶཱམཱི’ཏི. སོཔི ཨེཝམཱཧ – ‘ཨཧམྤི ཨཡྻཾ ཨུཔནནྡཾ ཙཱིཝརེན ཨཙྪཱདེསྶཱམཱི’’’ཏི. ‘‘ཨཏྠཱཝུསོ, མཾ ཏེ ཨུཔཊྛཱཀཱ’’ཏི.

ཨཐ ཁོ ཨཱཡསྨཱ ཨུཔནནྡོ སཀྱཔུཏྟོ ཡེན ཏེ པུརིསཱ ཏེནུཔསངྐམི; ཨུཔསངྐམིཏྭཱ ཏེ པུརིསེ ཨེཏདཝོཙ – ‘‘སཙྩཾ ཀིར མཾ ཏུམྷེ, ཨཱཝུསོ, ཙཱིཝརེཧི ཨཙྪཱདེཏུཀཱམཱཏྠཱ’’ཏི? ‘‘ཨཔི ནཡྻ, ཨེཝཾ ཧོཏི – ‘ཨཡྻཾ ཨུཔནནྡཾ ཙཱིཝརེཧི ཨཙྪཱདེསྶཱམཱ’’’ཏི. ‘‘སཙེ ཁོ མཾ ཏུམྷེ ¶ , ཨཱཝུསོ, ཙཱིཝརེཧི ཨཙྪཱདེཏུཀཱམཱཏྠ, ཨེཝརཱུཔེན ཙཱིཝརེན ཨཙྪཱདེཐ, ཀྱཱཧཾ ཏེཧི ཨཙྪནྣོཔི ཀརིསྶཱམི, ཡཱནཱཧཾ ན པརིབྷུཉྫིསྶཱམཱི’’ཏི ¶ . ཨཐ ཁོ ཏེ པུརིསཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘མཧིཙྪཱ ཨིམེ སམཎཱ སཀྱཔུཏྟིཡཱ ཨསནྟུཊྛཱ. ནཡིམེ སུཀརཱ ཙཱིཝརེཧི ཨཙྪཱདེཏུཾ. ཀཐཉྷི ནཱམ ཨཡྻོ ཨུཔནནྡོ ཨམྷེཧི པུབྦེ ཨཔྤཝཱརིཏོ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫིསྶཏཱི’’ཏི!

ཨསྶོསུཾ ཁོ བྷིཀྑཱུ ཏེསཾ པུརིསཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ པུབྦེ ཨཔྤཝཱརིཏོ གཧཔཏིཀེ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫིསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ ཨུཔནནྡཾ སཀྱཔུཏྟཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, ཨུཔནནྡ, པུབྦེ ཨཔྤཝཱརིཏོ གཧཔཏིཀེ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫསཱི’’ཏི? ‘‘སཙྩཾ, བྷགཝཱ’’ཏི. ‘‘ཉཱཏཀཱ ¶ ཏེ, ཨུཔནནྡ, ཨཉྙཱཏཀཱ’’ཏི? ‘‘ཨཉྙཱཏཀཱ, བྷགཝཱ’’ཏི. ‘‘ཨཉྙཱཏཀོ, མོགྷཔུརིས, ཨཉྙཱཏཀཱནཾ ན ཛཱནཱཏི པཏིརཱུཔཾ ཝཱ ཨཔྤཏིརཱུཔཾ ཝཱ སནྟཾ ཝཱ ཨསནྟཾ ཝཱ. ཏཏྠ ནཱམ ཏྭཾ, མོགྷཔུརིས, པུབྦེ ཨཔྤཝཱརིཏོ ཨཉྙཱཏཀེ གཧཔཏིཀེ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༣༣. ‘‘བྷིཀྑུཾ པནེཝ ཨུདྡིསྶ ཨུབྷིནྣཾ ཨཉྙཱཏཀཱནཾ གཧཔཏཱིནཾ ཝཱ གཧཔཏཱནཱིནཾ ཝཱ པཙྩེཀཙཱིཝརཙེཏཱཔནྣཱནི ཨུཔཀྑཊཱནི ཧོནྟི – ‘ཨིམེཧི མཡཾ པཙྩེཀཙཱིཝརཙེཏཱཔནྣེཧི པཙྩེཀཙཱིཝརཱནི ཙེཏཱཔེཏྭཱ ཨིཏྠནྣཱམཾ བྷིཀྑུཾ ཙཱིཝརེཧི ཨཙྪཱདེསྶཱམཱ’ཏི ¶ ; ཏཏྲ ཙེ སོ བྷིཀྑུ པུབྦེ ཨཔྤཝཱརིཏོ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫེཡྻ – ‘སཱདྷུ ཝཏ མཾ ཨཱཡསྨནྟོ ཨིམེཧི པཙྩེཀཙཱིཝརཙེཏཱཔནྣེཧི ཨེཝརཱུཔཾ ཝཱ ཨེཝརཱུཔཾ ཝཱ ཙཱིཝརཾ ཙེཏཱཔེཏྭཱ ཨཙྪཱདེཐ, ཨུབྷོཝ སནྟཱ ཨེཀེནཱ’ཏི, ཀལྱཱཎཀམྱཏཾ ཨུཔཱདཱཡ, ནིསྶགྒིཡཾ པཱཙིཏྟིཡ’’ནྟི.

༥༣༤. བྷིཀྑུཾ ¶ པནེཝ ཨུདྡིསྶཱཏི བྷིཀྑུསྶཏྠཱཡ, བྷིཀྑུཾ ཨཱརམྨཎཾ ཀརིཏྭཱ, བྷིཀྑུཾ ཨཙྪཱདེཏུཀཱམཱ.

ཨུབྷིནྣནྟི ¶ དྭིནྣཾ.

ཨཉྙཱཏཀཱ ནཱམ མཱཏིཏོ ཝཱ པིཏིཏོ ཝཱ ཡཱཝ སཏྟམཱ པིཏཱམཧཡུགཱ ཨསམྦདྡྷཱ.

གཧཔཏཱི ནཱམ ཡེ ཀེཙི ཨགཱར ཨཛ྄ཛྷཱཝསནྟི.

གཧཔཏཱནིཡོ ནཱམ ཡཱ ཀཱཙི ཨགཱརཾ ཨཛ྄ཛྷཱཝསནྟི.

ཙཱིཝརཙེཏཱཔནྣཱནི ནཱམ ཧིརཉྙཱ ཝཱ སུཝཎྞཱ ཝཱ མུཏྟཱ ཝཱ མཎཱི ཝཱ པཝཱལཱ༹ ཝཱ ཕལིཀཱ ཝཱ པཊཀཱ ཝཱ སུཏྟཱ ཝཱ ཀཔྤཱསཱ ཝཱ.

ཨིམེཧི པཙྩེཀཙཱིཝརཙེཏཱཔནྣེཧིཏི པཙྩུཔཊྛིཏེཧི.

ཙེཏཱཔེཏྭཱཏི ¶ པརིཝཏྟེཏྭཱ.

ཨཙྪཱདེསྶཱམཱཏི དསྶཱམ.

ཏཏྲ ཙེ སོ བྷིཀྑཱུཏི ཡཾ བྷིཀྑུཾ ཨུདྡིསྶ ཙཱིཝརཙེཏཱཔནྣཱནི ཨུཔཀྑཊཱནི ཧོནྟི སོ བྷིཀྑུ.

པུབྦེ ཨཔྤཝཱརིཏོཏི པུབྦེ ཨཝུཏྟོ ཧོཏི – ‘‘ཀཱིདིསེན ཏེ, བྷནྟེ, ཙཱིཝརེན ཨཏྠོ, ཀཱིདིསཾ ཏེ ¶ ཙཱིཝརཾ ཙེཏཱཔེམཱ’’ཏི.

ཨུཔསངྐམིཏྭཱཏི གྷརཾ གནྟྭཱ ཡཏྠ ཀཏྠཙི ཨུཔསངྐམིཏྭཱ.

ཙཱིཝརེ ཝིཀཔྤཾ ཨཱཔཛྫེཡྻཱཏི ཨཱཡཏཾ ཝཱ ཧོཏུ ཝིཏྠཏཾ ཝཱ ཨཔྤིཏཾ ཝཱ སཎྷཾ ཝཱ.

ཨིམེཧི པཙྩེཀཙཱིཝརཙེཏཱཔནྣེཧཱིཏི པཙྩུཔཊྛིཏེཧི.

ཨེཝརཱུཔཾ ཝཱ ཨེཝརཱུཔཾ ཝཱཏི ཨཱཡཏཾ ཝཱ ཝིཏྠཏཾ ཝཱ ཨཔྤིཏཾ ཝཱ སཎྷཾ ཝཱ.

ཙེཏཱཔེཏྭཱཏི པརིཝཏྟེཏྭཱ.

ཨཙྪཱདེཐཱཏི དཛྫེཐ.

ཨུབྷོཝ སནྟཱ ཨེཀེནཱཏི དྭེཔི ཛནཱ ཨེཀེན.

ཀལྱཱཎཀམྱཏཾ ཨུཔཱདཱཡཱཏི སཱདྷཏྠིཀོ མཧགྒྷཏྠིཀོ.

ཏསྶ ཝཙནེན ཨཱཡཏཾ ཝཱ ཝིཏྠཏཾ ཝཱ ཨཔྤིཏཾ ཝཱ སཎྷཾ ཝཱ ཙེཏཱཔེནྟི, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ཨིདཾ མེ, བྷནྟེ, ཙཱིཝརཾ པུབྦེ ཨཔྤཝཱརིཏོ ¶ ཨཉྙཱཏཀེ གཧཔཏིཀེ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔནྣཾ ནིསྶགྒིཡཾ. ཨིམཱཧཾ སངྒྷསྶ ¶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༥༣༥. ཨཉྙཱཏཀེ ཨཉྙཱཏཀསཉྙཱི པུབྦེ ཨཔྤཝཱརིཏོ གཧཔཏིཀེ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫཏི, ནིསྶགྒིཡཾ པཱཙིཏྟིཡཾ. ཨཉྙཱཏཀེ ཝེམཏིཀོ པུབྦེ ཨཔྤཝཱརིཏོ གཧཔཏིཀེ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫཏི, ནིསྶགྒིཡཾ པཱཙིཏྟིཡཾ. ཨཉྙཱཏཀེ ཉཱཏཀསཉྙཱི པུབྦེ ཨཔྤཝཱརིཏོ གཧཔཏིཀེ ཨུཔསངྐམིཏྭཱ ཙཱིཝརེ ཝིཀཔྤཾ ¶ ཨཱཔཛྫཏི, ནིསྶགྒིཡཾ པཱཙིཏྟིཡཾ.

ཉཱཏཀེ ཨཉྙཱཏཀསཉྙཱི, ཨཱཔཏྟི དུཀྐཊསྶ. ཉཱཏཀེ ཝེམཏིཀོ, ཨཱཔཏྟི དུཀྐཊསྶ. ཉཱཏཀེ ཉཱཏཀསཉྙཱི, ཨནཱཔཏྟི.

༥༣༦. ཨནཱཔཏྟི – ཉཱཏཀཱནཾ, པཝཱརིཏཱནཾ, ཨཉྙསྶཏྠཱཡ, ཨཏྟནོ དྷནེན, མཧགྒྷཾ ཙེཏཱཔེཏུཀཱམཱནཾ ཨཔྤགྒྷཾ ཙེཏཱཔེཏི, ཨུམྨཏྟཀསྶ, ཨཱདིཀམྨིཀསྶཱཏི.

དུཏིཡཨུཔཀྑཊསིཀྑཱཔདཾ ནིཊྛིཏཾ ནཝམཾ.

༡༠. རཱཛསིཀྑཱཔདཾ

༥༣༧. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཏོ ཨུཔནནྡསྶ སཀྱཔུཏྟསྶ ཨུཔཊྛཱཀོ མཧཱམཏྟོ ཨཱཡསྨཏོ ཨུཔནནྡསྶ སཀྱཔུཏྟསྶ དཱུཏེན ཙཱིཝརཙེཏཱཔནྣཾ པཱཧེསི – ‘‘ཨིམིནཱ ཙཱིཝརཙེཏཱཔནྣེན ཙཱིཝརཾ ཙེཏཱཔེཏྭཱ ཨཡྻཾ ཨུཔནནྡཾ ཙཱིཝརེན ཨཙྪཱདེཧཱི’’ཏི. ཨཐ ཁོ སོ དཱུཏོ ཡེནཱཡསྨཱ ཨུཔནནྡོ སཀྱཔུཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨུཔནནྡཾ སཀྱཔུཏྟཾ ཨེཏདཝོཙ – ‘‘ཨིདཾ ཁོ, བྷནྟེ, ཨཱཡསྨནྟཾ ཨུདྡིསྶ ཙཱིཝརཙེཏཱཔནྣཾ ཨཱབྷཏཾ. པཊིགྒཎྷཱཏུ ཨཱཡསྨཱ ཙཱིཝརཙེཏཱཔནྣ’’ནྟི. ཨེཝཾ ཝུཏྟེ ¶ ཨཱཡསྨཱ ཨུཔནནྡོ སཀྱཔུཏྟོ ཏཾ དཱུཏཾ ཨེཏདཝོཙ – ‘‘ན ཁོ མཡཾ, ཨཱཝུསོ, ཙཱིཝརཙེཏཱཔནྣཾ པཊིགྒཎྷཱམ, ཙཱིཝརཉྩ ཁོ མཡཾ པཊིགྒཎྷཱམ ཀཱལེན ཀཔྤིཡ’’ནྟི. ཨེཝཾ ཝུཏྟེ སོ དཱུཏོ ཨཱཡསྨནྟཾ ཨུཔནནྡཾ སཀྱཔུཏྟཾ ཨེཏདཝོཙ – ‘‘ཨཏྠི པནཱཡསྨཏོ ¶ ཀོཙི ཝེཡྻཱཝཙྩཀརོ’’ཏི ¶ ? ཏེན ཁོ པན སམཡེན ཨཉྙཏརོ ཨུཔཱསཀོ ཨཱརཱམཾ ཨགམཱསི ཀེནཙིདེཝ ཀརཎཱིཡེན. ཨཐ ཁོ ཨཱཡསྨཱ ཨུཔནནྡོ སཀྱཔུཏྟོ ཏཾ དཱུཏཾ ཨེཏདཝོཙ – ‘‘ཨེསོ ཁོ, ཨཱཝུསོ, ཨུཔཱསཀོ བྷིཀྑཱུནཾ ཝེཡྻཱཝཙྩཀརོ’’ཏི. ཨཐ ཁོ སོ དཱུཏོ ཏཾ ཨུཔཱསཀཾ སཉྙཱཔེཏྭཱ ཡེནཱཡསྨཱ ཨུཔནནྡོ སཀྱཔུཏྟོ ཏེནུཔསངྐམི ¶ ; ཨུཔསངྐམིཏྭཱ ཨཱཡསྨནྟཾ ཨུཔནནྡཾ སཀྱཔུཏྟཾ ཨེཏདཝོཙ – ‘‘ཡཾ ཁོ, བྷནྟེ, ཨཱཡསྨཱ ཝེཡྻཱཝཙྩཀརཾ ནིདྡིསི སཉྙཏྟོ སོ མཡཱ. ཨུཔསངྐམཏུ ཨཱཡསྨཱ ཀཱལེན, ཙཱིཝརེན ཏཾ ཨཙྪཱདེསྶཏཱི’’ཏི.

ཏེན ཁོ པན སམཡེན སོ མཧཱམཏྟོ ཨཱཡསྨཏོ ཨུཔནནྡསྶ སཀྱཔུཏྟསྶ སནྟིཀེ དཱུཏཾ པཱཧེསི – ‘‘པརིབྷུཉྫཏུ ཨཡྻོ ཏཾ ཙཱིཝརཾ, ཨིཙྪཱམ མཡཾ ཨཡྻེན ཏཾ ཙཱིཝརཾ པརིབྷུཏྟ’’ནྟི. ཨཐ ཁོ ཨཱཡསྨཱ ཨུཔནནྡོ སཀྱཔུཏྟོ ཏཾ ཨུཔཱསཀཾ ན ཀིཉྩི ཨཝཙཱསི. དུཏིཡམྤི ཁོ སོ མཧཱམཏྟོ ཨཱཡསྨཏོ ཨུཔནནྡསྶ སཀྱཔུཏྟསྶ སནྟིཀེ དཱུཏཾ པཱཧེསི – ‘‘པརིབྷུཉྫཏུ ཨཡྻོ ཏཾ ཙཱིཝརཾ, ཨིཙྪཱམ མཡཾ ཨཡྻེན ཏཾ ཙཱིཝརཾ པརིབྷུཏྟ’’ནྟི. དུཏིཡམྤི ཁོ ཨཱཡསྨཱ ཨུཔནནྡོ སཀྱཔུཏྟོ ཏཾ ཨུཔཱསཀཾ ན ཀིཉྩི ཨཝཙཱསི. ཏཏིཡམྤི ཁོ སོ མཧཱམཏྟོ ཨཱཡསྨཏོ ཨུཔནནྡསྶ སཀྱཔུཏྟསྶ སནྟིཀེ དཱུཏཾ པཱཧེསི – ‘‘པརིབྷུཉྫཏུ ཨཡྻོ ཏཾ ཙཱིཝརཾ, ཨིཙྪཱམ མཡཾ ཨཡྻེན ཏཾ ཙཱིཝརཾ པརིབྷུཏྟ’’ནྟི.

ཏེན ཁོ པན སམཡེན ནེགམསྶ སམཡོ ཧོཏི. ནེགམེན ཙ ཀཏིཀཱ ཀཏཱ ཧོཏི – ‘‘ཡོ པཙྪཱ ཨཱགཙྪཏི པཉྙཱསཾ བདྡྷོ’’ཏི. ཨཐ ཁོ ཨཱཡསྨཱ ཨུཔནནྡོ སཀྱཔུཏྟོ ཡེན སོ ཨུཔཱསཀོ ཏེནུཔསངྐམི; ཨུཔསངྐམིཏྭཱ ཏཾ ཨུཔཱསཀཾ ཨེཏདཝོཙ – ‘‘ཨཏྠོ མེ, ཨཱཝུསོ, ཙཱིཝརེནཱ’’ཏི. ‘‘ཨཛྫཎྷོ, བྷནྟེ ¶ , ཨཱགམེཧི, ཨཛྫ ནེགམསྶ སམཡོ. ནེགམེན ཙ ཀཏིཀཱ ཀཏཱ ཧོཏི – ‘ཡོ པཙྪཱ ཨཱགཙྪཏི པཉྙཱསཾ བདྡྷོ’’’ཏི. ‘‘ཨཛྫེཝ མེ, ཨཱཝུསོ, ཙཱིཝརཾ དེཧཱི’’ཏི ཨོཝཊྚིཀཱཡ པརཱམསི. ཨཐ ཁོ སོ ཨུཔཱསཀོ ཨཱཡསྨཏཱ ཨུཔནནྡེན སཀྱཔུཏྟེན ནིཔྤཱིལི༹ཡམཱནོ ཨཱཡསྨཏོ ཨུཔནནྡསྶ སཀྱཔུཏྟསྶ ཙཱིཝརཾ ཙེཏཱཔེཏྭཱ པཙྪཱ ཨགམཱསི. མནུསྶཱ ཏཾ ཨུཔཱསཀཾ ཨེཏདཝོཙུཾ – ‘‘ཀིསྶ ཏྭཾ, ཨཡྻོ, པཙྪཱ ཨཱགཏོ, པཉྙཱསཾ ཛཱིནོསཱི’’ཏི.

ཨཐ ཁོ སོ ཨུཔཱསཀོ ཏེསཾ མནུསྶཱནཾ ཨེཏམཏྠཾ ཨཱརོཙེསི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘མཧིཙྪཱ ཨིམེ སམཎཱ སཀྱཔུཏྟིཡཱ ཨསནྟུཊྛཱ ¶ . ནཡིམེསཾ ¶ སུཀརཾ ཝེཡྻཱཝཙྩམྤི ཀཱཏུཾ. ཀཐཉྷི ནཱམ ཨཱཡསྨཱ ཨུཔནནྡོ ཨུཔཱསཀེན – ‘ཨཛྫཎྷོ, བྷནྟེ, ཨཱགམེཧཱི’ཏི ¶ ཝུཙྩམཱནོ ནཱགམེསྶཏཱི’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ ཨུཔཱསཀེན – ‘ཨཛྫཎྷོ, བྷནྟེ, ཨཱགམེཧཱི’ཏི ཝུཙྩམཱནོ ནཱགམེསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ ཨུཔནནྡཾ སཀྱཔུཏྟཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, ཨུཔནནྡ, ཨུཔཱསཀེན – ‘ཨཛྫཎྷོ, བྷནྟེ, ཨཱགམེཧཱི’ཏི ཝུཙྩམཱནོ ནཱགམེསཱི’’ཏི ¶ ? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, ཨུཔཱསཀེན – ‘ཨཛྫཎྷོ, བྷནྟེ, ཨཱགམེཧཱི’ཏི ཝུཙྩམཱནོ ནཱགམེསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༣༨. ‘‘བྷིཀྑུཾ པནེཝ ཨུདྡིསྶ རཱཛཱ ཝཱ རཱཛབྷོགྒོ ཝཱ བྲཱཧྨཎོ ཝཱ གཧཔཏིཀོ ཝཱ དཱུཏེན ཙཱིཝརཙེཏཱཔནྣཾ པཧིཎེཡྻ – ‘ཨིམིནཱ ཙཱིཝརཙེཏཱཔནྣེན ཙཱིཝརཾ ཙེཏཱཔེཏྭཱ ཨིཏྠནྣཱམཾ བྷིཀྑུཾ ཙཱིཝརེན ཨཙྪཱདེཧཱི’ཏི. སོ ཙེ དཱུཏོ ཏཾ བྷིཀྑུཾ ཨུཔསངྐམིཏྭཱ ཨེཝཾ ཝདེཡྻ – ‘ཨིདཾ ཁོ, བྷནྟེ, ཨཱཡསྨནྟཾ ཨུདྡིསྶ ཙཱིཝརཙེཏཱཔནྣཾ ཨཱབྷཏཾ, པཊིགྒཎྷཱཏུ ཨཱཡསྨཱ ཙཱིཝརཙེཏཱཔནྣ’ནྟི, ཏེན བྷིཀྑུནཱ སོ དཱུཏོ ཨེཝམསྶ ཝཙནཱིཡོ – ‘ན ཁོ མཡཾ, ཨཱཝུསོ, ཙཱིཝརཙེཏཱཔནྣཾ པཊིགྒཎྷཱམ. ཙཱིཝརཉྩ ཁོ མཡཾ པཊིགྒཎྷཱམ, ཀཱལེན ཀཔྤིཡ’ནྟི. སོ ཙེ དཱུཏོ ཏཾ བྷིཀྑུཾ ཨེཝཾ ཝདེཡྻ – ‘ཨཏྠི པནཱཡསྨཏོ ཀོཙི ཝེཡྻཱཝཙྩཀརོ’ཏི, ཙཱིཝརཏྠིཀེན, བྷིཀྑཝེ, བྷིཀྑུནཱ ཝེཡྻཱཝཙྩཀརོ ནིདྡིསིཏབྦོ ཨཱརཱམིཀོ ཝཱ ཨུཔཱསཀོ ཝཱ – ‘ཨེསོ ཁོ, ཨཱཝུསོ, བྷིཀྑཱུནཾ ཝེཡྻཱཝཙྩཀརོ’ཏི. སོ ཙེ དཱུཏོ ཏཾ ཝེཡྻཱཝཙྩཀརཾ སཉྙཱཔེཏྭཱ ཏཾ བྷིཀྑུཾ ཨུཔསངྐམིཏྭཱ ཨེཝཾ ཝདེཡྻ – ‘ཡཾ ཁོ, བྷནྟེ, ཨཱཡསྨཱ ཝེཡྻཱཝཙྩཀརཾ ནིདྡིསི སཉྙཏྟོ སོ མཡཱ, ཨུཔསངྐམཏུ ཨཱཡསྨཱ ཀཱལེན, ཙཱིཝརེན ཏཾ ཨཙྪཱདེསྶཏཱི’ཏི, ཙཱིཝརཏྠིཀེན, བྷིཀྑཝེ, བྷིཀྑུནཱ ཝེཡྻཱཝཙྩཀརོ ཨུཔསངྐམིཏྭཱ དྭཏྟིཀྑཏྟུཾ ཙོདེཏབྦོ ¶ སཱརེཏབྦོ – ‘ཨཏྠོ མེ, ཨཱཝུསོ, ཙཱིཝརེནཱ’ཏི. དྭཏྟིཀྑཏྟུཾ ཙོདཡམཱནོ སཱརཡམཱནོ ཏཾ ཙཱིཝརཾ ཨབྷིནིཔྥཱདེཡྻ, ཨིཙྩེཏཾ ཀུསལཾ; ནོ ཙེ ཨབྷིནིཔྥཱདེཡྻ, ཙཏུཀྑཏྟུཾ ¶ པཉྩཀྑཏྟུཾ ཚཀྑཏྟུཔརམཾ ཏུཎྷཱིབྷཱུཏེན ཨུདྡིསྶ ཋཱཏབྦཾ. ཙཏུཀྑཏྟུཾ པཉྩཀྑཏྟུཾ ཚཀྑཏྟུཔརམཾ ཏུཎྷཱིབྷཱུཏོ ཨུདྡིསྶ ཏིཊྛམཱནོ ¶ ཏཾ ཙཱིཝརཾ ཨབྷིནིཔྥཱདེཡྻ, ཨིཙྩེཏཾ ཀུསལཾ; ཏཏོ ཙེ ཨུཏྟརི ཝཱཡམམཱནོ ཏཾ ཙཱིཝར ཨབྷིནིཔྥཱདེཡྻ, ནིསྶགྒིཡཾ པཱཙིཏྟིཡཾ. ནོ ཙེ ཨབྷིནིཔྥཱདེཡྻ, ཡཏསྶ ཙཱིཝརཙེཏཱཔནྣཾ ཨཱབྷཏཾ, ཏཏྠ སཱམཾ ཝཱ གནྟབྦཾ དཱུཏོ ཝཱ པཱཧེཏབྦོ – ‘ཡཾ ཁོ ཏུམྷེ ཨཱཡསྨནྟོ བྷིཀྑུཾ ¶ ཨུདྡིསྶ ཙཱིཝརཙེཏཱཔནྣཾ པཧིཎིཏྠ, ན ཏཾ ཏསྶ བྷིཀྑུནོ ཀིཉྩི ཨཏྠཾ ཨནུབྷོཏི, ཡུཉྫནྟཱཡསྨནྟོ སཀཾ, མཱ ཝོ སཀཾ ཝིནསྶཱ’ཏི, ཨཡཾ ཏཏྠ སཱམཱིཙཱི’’ཏི.

༥༣༩. བྷིཀྑུཾ པནེཝ ཨུདྡིསྶཱཏི བྷིཀྑུསྶཏྠཱཡ, བྷིཀྑུཾ ཨཱརམྨཎཾ ཀརིཏྭཱ ¶ , བྷིཀྑུཾ ཨཙྪཱདེཏུཀཱམོ.

རཱཛཱ ནཱམ ཡོ ཀོཙི རཛྫཾ ཀཱརེཏི.

རཱཛབྷོགྒོ ནཱམ ཡོ ཀོཙི རཉྙོ བྷཏྟཝེཏནཱཧཱརོ.

བྲཱཧྨཎོ ནཱམ ཛཱཏིཡཱ བྲཱཧྨཎོ.

གཧཔཏིཀོ ནཱམ ཋཔེཏྭཱ རཱཛཾ རཱཛབྷོགྒཾ བྲཱཧྨཎཾ ཨཝསེསོ གཧཔཏིཀོ ནཱམ.

ཙཱིཝརཙེཏཱཔནྣཾ ནཱམ ཧིརཉྙཾ ཝཱ སུཝཎྞཾ ཝཱ མུཏྟཱ ཝཱ མཎི ཝཱ.

ཨིམིནཱ ཙཱིཝརཙེཏཱཔནྣེནཱཏི པཙྩུཔཊྛིཏེན.

ཙེཏཱཔེཏྭཱཏི པརིཝཏྟེཏྭཱ.

ཨཙྪཱདེཧཱིཏི དཛྫེཧི.

སོ ཙེ དཱུཏོ ཏཾ བྷིཀྑུཾ ཨུཔསངྐམིཏྭཱ ཨེཝཾ ཝདེཡྻ – ‘‘ཨིདཾ ཁོ, བྷནྟེ, ཨཱཡསྨནྟཾ ཨུདྡིསྶ ཙཱིཝརཙེཏཱཔནྣཾ ཨཱབྷཏཾ. པཊིགྒཎྷཱཏུ ཨཱཡསྨཱ ཙཱིཝརཙེཏཱཔནྣ’’ནྟི, ཏེན བྷིཀྑུནཱ སོ དཱུཏོ ཨེཝམསྶ ཝཙནཱིཡོ – ‘‘ན ཁོ མཡཾ, ཨཱཝུསོ, ཙཱིཝརཙེཏཱཔནྣཾ པཊིགྒཎྷཱམ. ཙཱིཝརཉྩ ཁོ མཡཾ པཊིགྒཎྷཱམ, ཀཱལེན ཀཔྤིཡ’’ནྟི. སོ ཙེ དཱུཏོ ཏཾ བྷིཀྑུཾ ཨེཝཾ ཝདེཡྻ – ‘‘ཨཏྠི པནཱཡསྨཏོ ཀོཙི ཝེཡྻཱཝཙྩཀརོ’’ཏི? ཙཱིཝརཏྠིཀེན, བྷིཀྑཝེ, བྷིཀྑུནཱ ཝེཡྻཱཝཙྩཀརོ ནིདྡིསིཏབྦོ ཨཱརཱམིཀོ ཝཱ ཨུཔཱསཀོ ཝཱ – ‘‘ཨེསོ ཁོ, ཨཱཝུསོ ¶ , བྷིཀྑཱུནཾ ཝེཡྻཱཝཙྩཀརོ’’ཏི. ན ཝཏྟབྦོ – ‘‘ཏསྶ དེཧཱིཏི ཝཱ, སོ ཝཱ ནིཀྑིཔིསྶཏི, སོ ཝཱ པརིཝཏྟེསྶཏི, སོ ཝཱ ཙེཏཱཔེསྶཏཱི’’ཏི.

སོ ¶ ཙེ དཱུཏོ ཏཾ ཝེཡྻཱཝཙྩཀརཾ ¶ སཉྙཱཔེཏྭཱ ཏཾ བྷིཀྑུཾ ཨུཔསངྐམིཏྭཱ ཨེཝཾ ཝདེཡྻ – ‘‘ཡཾ ཁོ, བྷནྟེ, ཨཱཡསྨཱ ཝེཡྻཱཝཙྩཀརཾ ནིདྡིསི སཉྙཏྟོ སོ མཡཱ. ཨུཔསངྐམཏུ ཨཱཡསྨཱ ཀཱལེན, ཙཱིཝརེན ཏཾ ཨཙྪཱདེསྶཏཱི’’ཏི, ཙཱིཝརཏྠིཀེན, བྷིཀྑཝེ, བྷིཀྑུནཱ ཝེཡྻཱཝཙྩཀརོ ཨུཔསངྐམིཏྭཱ དྭཏྟིཀྑཏྟུཾ ཙོདེཏབྦོ སཱརེཏབྦོ – ‘‘ཨཏྠོ མེ, ཨཱཝུསོ, ཙཱིཝརེནཱ’’ཏི. ན ཝཏྟབྦོ – ‘‘དེཧི མེ ཙཱིཝརཾ, ཨཱཧར མེ ཙཱིཝརཾ, པརིཝཏྟེཧི མེ ཙཱིཝརཾ, ཙེཏཱཔེཧི མེ ཙཱིཝར’’ནྟི. དུཏིཡམྤི ཝཏྟབྦོ. ཏཏིཡམྤི ཝཏྟབྦོ. སཙེ ཨབྷིནིཔྥཱདེཏི, ཨིཙྩེཏཾ ཀུསལཾ; ནོ ཙེ ཨབྷིནིཔྥཱདེཏི, ཏཏྠ གནྟྭཱ ཏུཎྷཱིབྷཱུཏེན ཨུདྡིསྶ ཋཱཏབྦཾ. ན ཨཱསནེ ནིསཱིདིཏབྦཾ. ན ཨཱམིསཾ པཊིགྒཧེཏབྦཾ. ན དྷམྨོ བྷཱསིཏབྦོ. ‘‘ཀིཾ ཀཱརཎཱ ཨཱགཏོསཱི’’ཏི པུཙྪིཡམཱནོ ‘‘ཛཱནཱཧི, ཨཱཝུསོ’’ཏི ཝཏྟབྦོ. སཙེ ཨཱསནེ ཝཱ ནིསཱིདཏི ¶ , ཨཱམིསཾ ཝཱ པཊིགྒཎྷཱཏི, དྷམྨཾ ཝཱ བྷཱསཏི, ཋཱནཾ བྷཉྫཏི. དུཏིཡམྤི ཋཱཏབྦཾ. ཏཏིཡམྤི ཋཱཏབྦཾ. ཙཏུཀྑཏྟུཾ ཙོདེཏྭཱ ཙཏུཀྑཏྟུཾ ཋཱཏབྦཾ. པཉྩཀྑཏུཾ ཙོདེཏྭཱ དྭིཀྑཏྟུཾ ཋཱཏབྦཾ. ཚཀྑཏྟུཾ ཙོདེཏྭཱ ན ཋཱཏབྦཾ. ཏཏོ ཙེ ཨུཏྟརི ཝཱཡམམཱནོ ཏཾ ཙཱིཝརཾ ཨབྷིནིཔྥཱདེཏི, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ཨིདཾ མེ ¶ , བྷནྟེ, ཙཱིཝརཾ ཨཏིརེཀཏིཀྑཏྟུཾ ཙོདནཱཡ ཨཏིརེཀཚཀྑཏྟུཾ ཋཱནེན ཨབྷིནིཔྥཱདིཏཾ ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

ནོ ཙེ ཨབྷིནིཔྥཱདེཡྻ, ཡཏསྶ ཙཱིཝརཙེཏཱཔནྣཾ ཨཱབྷཏཾ ཏཏྠ སཱམཾ ཝཱ གནྟབྦཾ དཱུཏོ ཝཱ པཱཧེཏབྦོ – ‘‘ཡཾ ཁོ ཏུམྷེ ཨཱཡསྨནྟོ བྷིཀྑུཾ ཨུདྡིསྶ ཙཱིཝརཙེཏཱཔནྣཾ པཧིཎིཏྠ ན ཏཾ ཏསྶ བྷིཀྑུནོ ཀིཉྩི ཨཏྠཾ ཨནུབྷོཏི. ཡུཉྫནྟཱཡསྨནྟོ སཀཾ, མཱ ཝོ སཀཾ ཝིནསྶཱ’’ཏི.

ཨཡཾ ཏཏྠ སཱམཱིཙཱིཏི ཨཡཾ ཏཏྠ ཨནུདྷམྨཏཱ.

༥༤༠. ཨཏིརེཀཏིཀྑཏྟུཾ ཙོདནཱཡ ཨཏིརེཀཚཀྑཏྟུཾ ཋཱནེན ཨཏིརེཀསཉྙཱི ཨབྷིནིཔྥཱདེཏི, ནིསྶགྒིཡཾ པཱཙིཏྟིཡཾ. ཨཏིརེཀཏིཀྑཏྟུཾ ཙོདནཱཡ ཨཏིརེཀཚཀྑཏྟུཾ ཋཱནེན ཝེམཏིཀོ ¶ ཨབྷིནིཔྥཱདེཏི, ནིསྶགྒིཡཾ པཱཙིཏྟིཡཾ. ཨཏིརེཀཏིཀྑཏྟུཾ ཙོདནཱཡ ཨཏིརེཀཚཀྑཏྟུཾ ཋཱནེན ཨཱུནཀསཉྙཱི ཨབྷིནིཔྥཱདེཏི, ནིསྶགྒིཡཾ པཱཙིཏྟིཡཾ.

ཨཱུནཀཏིཀྑཏྟུཾ ¶ ཙོདནཱཡ ཨཱུནཀཚཀྑཏྟུཾ ཋཱནེན ཨཏིརེཀསཉྙཱི, ཨཱཔཏྟི དུཀྐཊསྶ. ཨཱུནཀཏིཀྑཏྟུཾ ཙོདནཱཡ ཨཱུནཀཚཀྑཏྟུཾ ཋཱནེན ཝེམཏིཀོ, ཨཱཔཏྟི དུཀྐཊསྶ. ཨཱུནཀཏིཀྑཏྟུཾ ཙོདནཱཡ ཨཱུནཀཚཀྑཏྟུཾ ཋཱནེན ཨཱུནཀསཉྙཱི ཨནཱཔཏྟི.

༥༤༡. ཨནཱཔཏྟི – ཏིཀྑཏྟུཾ ཙོདནཱཡ, ཚཀྑཏྟུཾ ཋཱནེན, ཨཱུནཀཏིཀྑཏྟུཾ ཙོདནཱཡ, ཨཱུནཀཚཀྑཏྟུཾ ཋཱནེན, ཨཙོདིཡམཱནོ དེཏི, སཱམིཀཱ ¶ ཙོདེཏྭཱ དེནྟི, ཨུམྨཏྟཀསྶ, ཨཱདིཀམྨིཀསྶཱཏི.

རཱཛསིཀྑཱཔདཾ ནིཊྛིཏཾ དསམཾ.

ཀཐིནཝགྒོ པཋམོ.

ཏསྶུདྡཱནཾ –

ཨུབྦྷཏཾ ཀཐིནཾ ཏཱིཎི, དྷོཝནཉྩ པཊིགྒཧོ;

ཨཉྙཱཏཀཱནི ཏཱིཎེཝ, ཨུབྷིནྣཾ དཱུཏཀེན ཙཱཏི.

༢. ཀོསིཡཝགྒོ

༡. ཀོསིཡསིཀྑཱཔདཾ

༥༤༢. ཏེན ¶ ¶ ¶ སམཡེན བུདྡྷོ བྷགཝཱ ཨཱལ༹ཝིཡཾ ཝིཧརཏི ཨགྒཱལ༹ཝེ ཙེཏིཡེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཀོསིཡཀཱརཀེ ཨུཔསངྐམིཏྭཱ ཨེཝཾ ཝདནྟི – ‘‘བཧཱུ, ཨཱཝུསོ, ཀོསཀཱརཀེ པཙཐ, ཨམྷཱཀམྤི དསྶཐ, མཡམྤི ཨིཙྪཱམ ཀོསིཡམིསྶཀཾ སནྠཏཾ ཀཱཏུ’’ནྟི. ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཨམྷེ ཨུཔསངྐམིཏྭཱ ཨེཝཾ ཝཀྑནྟི – ‘བཧཱུ, ཨཱཝུསོ, ཀོསཀཱརཀེ པཙཐ, ཨམྷཱཀམྤི དསྶཐ, མཡམྤི ཨིཙྪཱམ ཀོསིཡམིསྶཀཾ སནྠཏཾ ཀཱཏུ’ནྟི! ཨམྷཱཀམྤི ཨལཱབྷཱ, ཨམྷཱཀམྤི དུལླདྡྷཾ, ཡེ མཡཾ ཨཱཛཱིཝསྶ ཧེཏུ པུཏྟདཱརསྶ ཀཱརཎཱ བཧཱུ ཁུདྡཀེ པཱཎེ སངྒྷཱཏཾ ཨཱཔཱདེམཱ’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཀོསིཡཀཱརཀེ ཨུཔསངྐམིཏྭཱ ཨེཝཾ ཝཀྑནྟི – ‘བཧཱུ, ཨཱཝུསོ, ཀོསཀཱརཀེ པཙཐ, ཨམྷཱཀམྤི དསྶཐ, མཡམྤི ཨིཙྪཱམ ཀོསིཡམིསྶཀཾ ¶ སནྠཏཾ ཀཱཏུ’’’ནྟི! ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ, ཀོསིཡཀཱརཀེ ཨུཔསངྐམིཏྭཱ ཨེཝཾ ཝདེཐ – ‘བཧཱུ, ཨཱཝུསོ, ཀོསཀཱརཀེ པཙཐ, ཨམྷཱཀམྤི དསྶཐ, མཡམྤི ཨིཙྪཱམ ཀོསིཡམིསྶཀཾ སནྠཏཾ ¶ ཀཱཏུ’’’ནྟི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཀོསིཡཀཱརཀེ ཨུཔསངྐམིཏྭཱ ཨེཝཾ ཝཀྑཐ – བཧཱུ, ཨཱཝུསོ, ཀོསཀཱརཀེ པཙཐ, ཨམྷཱཀམྤི དསྶཐ, མཡམྤི ཨིཙྪཱམ ཀོསིཡམིསྶཀཾ སནྠཏཾ ཀཱཏུནྟི. ནེཏཾ ¶ , མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༤༣. ‘‘ཡོ པན བྷིཀྑུ ཀོསིཡམིསྶཀཾ སནྠཏཾ ཀཱརཱཔེཡྻ, ནིསྶགྒིཡཾ པཱཙིཏྟིཡ’’ནྟི.

༥༤༤. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

སནྠཏཾ ནཱམ སནྠརིཏྭཱ ཀཏཾ ཧོཏི ཨཝཱཡིམཾ.

ཀཱརཱཔེཡྻཱཏི ཨེཀེནཔི ཀོསིཡཾསུནཱ མིསྶིཏྭཱ ཀརོཏི ཝཱ ཀཱརཱཔེཏི ཝཱ, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦ…པེ… ཨིདཾ མེ, བྷནྟེ, ཀོསིཡམིསྶཀཾ སནྠཏཾ ཀཱརཱཔིཏཾ ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༥༤༥. ཨཏྟནཱ ¶ ཝིཔྤཀཏཾ ཨཏྟནཱ པརིཡོསཱཔེཏི, ནིསྶགྒིཡཾ པཱཙིཏྟིཡཾ. ཨཏྟནཱ ཝིཔྤཀཏཾ པརེཧི པརིཡོསཱཔེཏི, ནིསྶགྒིཡཾ པཱཙིཏྟིཡཾ. པརེཧི ཝིཔྤཀཏཾ ཨཏྟནཱ པརིཡོསཱཔེཏི, ནིསྶགྒིཡཾ པཱཙིཏྟིཡཾ. པརེཧི ཝིཔྤཀཏཾ པརེཧི པརིཡོསཱཔེཏི, ནིསྶགྒིཡཾ པཱཙིཏྟིཡཾ.

ཨཉྙསྶཏྠཱཡ ཀརོཏི ཝཱ ཀཱརཱཔེཏི ཝཱ, ཨཱཔཏྟི དུཀྐཊསྶ ¶ . ཨཉྙེན ཀཏཾ པཊིལབྷིཏྭཱ པརིབྷུཉྫཏི, ཨཱཔཏྟི དུཀྐཊསྶ.

༥༤༦. ཨནཱཔཏྟི ¶ ཝིཏཱནཾ ཝཱ བྷཱུམཏྠརཎཾ ཝཱ སཱཎིཔཱཀཱརཾ ཝཱ བྷིསིཾ ཝཱ བིབྦོཧནཾ ཝཱ ཀརོཏི, ཨུམྨཏྟཀསྶ, ཨཱདིཀམྨིཀསྶཱཏི.

ཀོསིཡསིཀྑཱཔདཾ ནིཊྛིཏཾ པཋམཾ.

༢. སུདྡྷཀཱལ༹ཀསིཀྑཱཔདཾ

༥༤༧. ཏེན ¶ ¶ སམཡེན བུདྡྷོ བྷགཝཱ ཝེསཱལིཡཾ ཝིཧརཏི མཧཱཝནེ ཀཱུཊཱགཱརསཱལཱཡཾ. ཏེན ཁོ པན སམཡེན ཚབྦགྒིཡཱ བྷིཀྑཱུ སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔེནྟི. མནུསྶཱ ཝིཧཱརཙཱརིཀཾ ཨཱཧིཎྜནྟཱ པསྶིཏྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔེསྶནྟི, སེཡྻཐཱཔི གིཧཱི ཀཱམབྷོགིནོ’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔེསྶནྟཱི’’ཏི! ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ, སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔེཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༤༨. ‘‘ཡོ པན བྷིཀྑུ སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔེཡྻ, ནིསྶགྒིཡཾ པཱཙིཏྟིཡ’’ནྟི.

༥༤༩. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ¶ ཨཏྠེ ཨདྷིཔྤེཏོ བྷིཀྑཱུཏི.

ཀཱལ༹ཀཾ ནཱམ དྭེ ཀཱལ༹ཀཱནི – ཛཱཏིཡཱ ཀཱལ༹ཀཾ ཝཱ རཛནཀཱལ༹ཀཾ ཝཱ.

སནྠཏཾ ནཱམ སནྠརིཏྭཱ ཀཏཾ ཧོཏི ཨཝཱཡིམཾ.

ཀཱརཱཔེཡྻཱཏི ¶ ཀརོཏི ཝཱ ཀཱརཱཔེཏི ཝཱ, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ¶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ ¶ …པེ… ཨིདཾ མེ, བྷནྟེ, སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔིཏཾ ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༥༥༠. ཨཏྟནཱ ཝིཔྤཀཏཾ ཨཏྟནཱ པརིཡོསཱཔེཏི, ནིསྶགྒིཡཾ པཱཙིཏྟིཡཾ. ཨཏྟནཱ ཝིཔྤཀཏཾ པརེཧི པརིཡོསཱཔེཏི, ནིསྶགྒིཡཾ པཱཙིཏྟིཡཾ. པརེཧི ཝིཔྤཀཏཾ ཨཏྟནཱ པརིཡོསཱཔེཏི, ནིསྶགྒིཡཾ པཱཙིཏྟིཡཾ. པརེཧི ཝིཔྤཀཏཾ པརེཧི པརིཡོསཱཔེཏི, ནིསྶགྒིཡཾ པཱཙིཏྟིཡཾ.

ཨཉྙསྶཏྠཱཡ ཀརོཏི ཝཱ ཀཱརཱཔེཏི ཝཱ, ཨཱཔཏྟི དུཀྐཊསྶ. ཨཉྙེན ཀཏཾ པཊིལབྷིཏྭཱ པརིབྷུཉྫཏི, ཨཱཔཏྟི དུཀྐཊསྶ.

༥༥༡. ཨནཱཔཏྟི ཝིཏཱནཾ ཝཱ བྷཱུམཏྠརཎཾ ཝཱ སཱཎིཔཱཀཱརཾ ཝཱ བྷིསིཾ ཝཱ བིབྦོཧནཾ ཝཱ ཀརོཏི, ཨུམྨཏྟཀསྶ, ཨཱདིཀམྨིཀསྶཱཏི.

སུདྡྷཀཱལ༹ཀསིཀྑཱཔདཾ ནིཊྛིཏཾ དུཏིཡཾ.

༣. དྭེབྷཱགསིཀྑཱཔདཾ

༥༥༢. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ – ‘‘བྷགཝཏཱ པཊིཀྑིཏྟཾ སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔེཏུ’’ནྟི, ཏེ ཐོཀཾཡེཝ ཨོདཱཏཾ ཨནྟེ ཨཱདིཡིཏྭཱ ཏཐེཝ སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔེནྟི. ཡེ ཏེ བྷིཀྑཱུ ཨཔྤིཙྪཱ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཐོཀཾཡེཝ ཨོདཱཏཾ ཨནྟེ ཨཱདིཡིཏྭཱ ཏཐེཝ སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔེསྶནྟཱི’’ཏི! ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ, ཐོཀཾཡེཝ ཨོདཱཏཾ ཨནྟེ ཨཱདིཡིཏྭཱ ཏཐེཝ སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔེཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ¶ ནཱམ ཏུམྷེ, མོགྷཔུརིསཱ, ཐོཀཾཡེཝ ¶ ཨོདཱཏཾ ཨནྟེ ཨཱདིཡིཏྭཱ ཏཐེཝ སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༥༣. ‘‘ནཝཾ པན བྷིཀྑུནཱ སནྠཏཾ ཀཱརཡམཱནེན དྭེ བྷཱགཱ སུདྡྷཀཱལ༹ཀཱནཾ ཨེལ༹ཀལོམཱནཾ ཨཱདཱཏབྦཱ ཏཏིཡཾ ཨོདཱཏཱནཾ ཙཏུཏྠཾ གོཙརིཡཱནཾ ¶ . ཨནཱདཱ ཙེ བྷིཀྑུ དྭེ བྷཱགེ སུདྡྷཀཱལ༹ཀཱནཾ ཨེལ༹ཀལོམཱནཾ ཏཏིཡཾ ཨོདཱཏཱནཾ ཙཏུཏྠཾ གོཙརིཡཱནཾ ནཝཾ སནྠཏཾ ཀཱརཱཔེཡྻ, ནིསྶགྒིཡཾ པཱཙིཏྟིཡ’’ནྟི.

༥༥༤. ནཝཾ ནཱམ ཀརཎཾ ཨུཔཱདཱཡ ཝུཙྩཏི.

སནྠཏཾ ནཱམ སནྠརིཏྭཱ ཀཏཾ ཧོཏི ཨཝཱཡིམཾ.

ཀཱརཡམཱནེནཱཏི ཀརོནྟོ ཝཱ ཀཱརཱཔེནྟོ ཝཱ.

དྭེ བྷཱགཱ སུདྡྷཀཱལ༹ཀཱནཾ ཨེལ༹ཀལོམཱནཾ ཨཱདཱཏབྦཱཏི དྷཱརཡིཏྭཱ དྭེ ཏུལཱ ཨཱདཱཏབྦཱ.

ཏཏིཡཾ ཨོདཱཏཱནནྟི ཏུལཾ ཨོདཱཏཱནཾ.

ཙཏུཏྠཾ གོཙརིཡཱནནྟི ཏུལཾ གོཙརིཡཱནཾ.

ཨནཱདཱ ¶ ཙེ བྷིཀྑུ དྭེ བྷཱགེ སུདྡྷཀཱལ༹ཀཱནཾ ཨེལ༹ཀལོམཱནཾ ཏཏིཡཾ ཨོདཱཏཱནཾ ཙཏུཏྠཾ གོཙརིཡཱནནྟི. ཨནཱདིཡིཏྭཱ དྭེ ཏུལེ སུདྡྷཀཱལ༹ཀཱནཾ ཨེལ༹ཀལོམཱནཾ ཏུལཾ ཨོདཱཏཱནཾ ཏུལཾ གོཙརིཡཱནཾ ནཝཾ སནྠཏཾ ཀརོཏི ཝཱ ཀཱརཱཔེཏི ཝཱ པཡོགེ དུཀྐཊཾ, པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ཨིདཾ མེ, བྷནྟེ, སནྠཏཾ ཨནཱདིཡིཏྭཱ དྭེ ཏུལེ སུདྡྷཀཱལ༹ཀཱནཾ ཨེལ༹ཀལོམཱནཾ ཏུལཾ ཨོདཱཏཱནཾ ཏུལཾ གོཙརིཡཱནཾ ཀཱརཱཔིཏཾ ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༥༥༥. ཨཏྟནཱ ¶ ཝིཔྤཀཏཾ ཨཏྟནཱ པརིཡོསཱཔེཏི, ནིསྶགྒིཡཾ པཱཙིཏྟིཡཾ. ཨཏྟནཱ ཝིཔྤཀཏཾ པརེཧི པརིཡོསཱཔེཏི, ནིསྶགྒིཡཾ པཱཙིཏྟིཡཾ. པརེཧི ཝིཔྤཀཏཾ ཨཏྟནཱ པརིཡོསཱཔེཏི, ནིསྶགྒིཡཾ པཱཙིཏྟིཡཾ ¶ . པརེཧི ཝིཔྤཀཏཾ པརེཧི པརིཡོསཱཔེཏི, ནིསྶགྒིཡཾ པཱཙིཏྟིཡཾ.

ཨཉྙསྶཏྠཱཡ ¶ ཀརོཏི ཝཱ ཀཱརཱཔེཏི ཝཱ, ཨཱཔཏྟི དུཀྐཊསྶ. ཨཉྙེན ཀཏཾ པཊིལབྷིཏྭཱ པརིབྷུཉྫཏི, ཨཱཔཏྟི དུཀྐཊསྶ.

༥༥༦. ཨནཱཔཏྟི ཏུལཾ ཨོདཱཏཱནཾ ཏུལཾ གོཙརིཡཱནཾ ཨཱདིཡིཏྭཱ ཀརོཏི, བཧུཏརཾ ཨོདཱཏཱནཾ བཧུཏརཾ གོཙརིཡཱནཾ ཨཱདིཡིཏྭཱ ཀརོཏི, སུདྡྷཾ ཨོདཱཏཱནཾ སུདྡྷཾ གོཙརིཡཱནཾ ཨཱདིཡིཏྭཱ ཀརོཏི, ཝིཏཱནཾ ཝཱ བྷཱུམཏྠརཎཾ ཝཱ སཱཎིཔཱཀཱརཾ ཝཱ བྷིསིཾ ཝཱ བིབྦོཧནཾ ཝཱ ཀརོཏི, ཨུམྨཏྟཀསྶ, ཨཱདིཀམྨིཀསྶཱཏི.

དྭེབྷཱགསིཀྑཱཔདཾ ནིཊྛིཏཾ ཏཏིཡཾ.

༤. ཚབྦསྶསིཀྑཱཔདཾ

༥༥༧. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན བྷིཀྑཱུ ཨནུཝསྶཾ སནྠཏཾ ཀཱརཱཔེནྟི. ཏེ ཡཱཙནབཧུལཱ ཝིཉྙཏྟིབཧུལཱ ཝིཧརནྟི – ‘‘ཨེལ༹ཀལོམཱནི དེཐ. ཨེལ༹ཀལོམེཧི ཨཏྠོ’’ཏི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཨནུཝསྶཾ སནྠཏཾ ཀཱརཱཔེསྶནྟི, ཡཱཙནབཧུལཱ ཝིཉྙཏྟིབཧུལཱ ཝིཧརིསྶནྟི – ‘ཨེལ༹ཀལོམཱནི དེཐ, ཨེལ༹ཀལོམེཧི ཨཏྠོ’’’ཏི! ཨམྷཱཀཾ པན སཀིཾ ཀཏཱནི སནྠཏཱནི པཉྩཔི ཚཔི ཝསྶཱནི ཧོནྟི, ཡེསཾ ནོ དཱརཀཱ ཨུཧདནྟིཔི ཨུམྨིཧནྟིཔི ཨུནྡཱུརེཧིཔི ཁཛྫནྟི. ཨིམེ པན སམཎཱ སཀྱཔུཏྟིཡཱ ཨནུཝསྶཾ སནྠཏཾ ཀཱརཱཔེནྟི, ཡཱཙནབཧུལཱ ཝིཉྙཏྟིབཧུལཱ ཝིཧརནྟི – ‘‘ཨེལ༹ཀལོམཱནི དེཐ, ཨེལ༹ཀལོམེཧི ཨཏྠོ’’ཏི!

ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ¶ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑཱུ ཨནུཝསྶཾ སནྠཏཾ ཀཱརཱཔེསྶནྟི, ཡཱཙནབཧུལཱ ཝིཉྙཏྟིབཧུལཱ ཝིཧརིསྶནྟི – ‘ཨེལ༹ཀལོམཱནི དེཐ, ཨེལ༹ཀལོམེཧི ཨཏྠོ’’’ཏི! ཨཐ ཁོ ཏེ བྷིཀྑཱུ ཏེ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ¶ ཀིར, བྷིཀྑཝེ, བྷིཀྑཱུ ཨནུཝསྶཾ སནྠཏཾ ཀཱརཱཔེནྟི, ཡཱཙནབཧུལཱ ཝིཉྙཏྟིབཧུལཱ ཝིཧརནྟི – ‘ཨེལ༹ཀལོམཱནི དེཐ, ཨེལ༹ཀལོམེཧི ¶ ཨཏྠོ’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ ¶ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ཨནུཝསྶཾ སནྠཏཾ ཀཱརཱཔེསྶནྟི, ཡཱཙནབཧུལཱ ཝིཉྙཏྟིབཧུལཱ ཝིཧརིསྶནྟི – ‘ཨེལ༹ཀལོམཱནི དེཐ, ཨེལ༹ཀལོམེཧི ཨཏྠོ’ཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༥༨. ‘‘ནཝཾ པན བྷིཀྑུནཱ སནྠཏཾ ཀཱརཱཔེཏྭཱ ཚབྦསྶཱནི དྷཱརེཏབྦཾ. ཨོརེན ཙེ ཚནྣཾ ཝསྶཱནཾ ཏཾ སནྠཏཾ ཝིསྶཛྫེཏྭཱ ཝཱ ཨཝིསྶཛྫེཏྭཱ ཝཱ ཨཉྙཾ ནཝཾ སནྠཏཾ ཀཱརཱཔེཡྻ, ནིསྶགྒིཡཾ པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༥༥༩. ཏེན ཁོ པན སམཡེན ཨཉྙཏརོ བྷིཀྑུ ཀོསམྦིཡཾ གིལཱནོ ཧོཏི. ཉཱཏཀཱ ཏསྶ བྷིཀྑུནོ སནྟིཀེ དཱུཏཾ པཱཧེསུཾ – ‘‘ཨཱགཙྪཏུ, བྷདནྟོ མཡཾ ཨུཔཊྛཧིསྶཱམཱ’’ཏི. བྷིཀྑཱུཔི ཨེཝམཱཧཾསུ – ‘‘གཙྪཱཝུསོ, ཉཱཏཀཱ ཏཾ ཨུཔཊྛཧིསྶནྟཱི’’ཏི. སོ ཨེཝམཱཧ – ‘‘བྷགཝཏཱ, ཨཱཝུསོ, སིཀྑཱཔདཾ པཉྙཏྟཾ – ‘ནཝཾ པན བྷིཀྑུནཱ སནྠཏཾ ཀཱརཱཔེཏྭཱ ཚབྦསྶཱནི དྷཱརེཏབྦ’ནྟི. ཨཧཉྩམྷི གིལཱནོ, ན སཀྐོམི སནྠཏཾ ཨཱདཱཡ པཀྐམིཏུཾ. མཡ྄ཧཉྩ ཝིནཱ སནྠཏཱ ན ཕཱསུ ཧོཏི. ནཱཧཾ གམིསྶཱམཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, གིལཱནསྶ བྷིཀྑུནོ སནྠཏསམྨུཏིཾ དཱཏུཾ. ཨེཝཉྩ པན ¶ , བྷིཀྑཝེ, དཱཏབྦཱ. ཏེན གིལཱནེན བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘ཨཧཾ, བྷནྟེ, གིལཱནོ. ན སཀྐོམི སནྠཏཾ ཨཱདཱཡ པཀྐམིཏུཾ. སོཧཾ, བྷནྟེ, སངྒྷཾ སནྠཏསམྨུཏིཾ ཡཱཙཱམཱི’ཏི. དུཏིཡམྤི ཡཱཙིཏབྦཱ. ཏཏིཡམྤི ཡཱཙིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༥༦༠. ‘‘སུཎཱཏུ ¶ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ གིལཱནོ. ན སཀྐོཏི སནྠཏཾ ཨཱདཱཡ པཀྐམིཏུཾ. སོ སངྒྷཾ སནྠཏསམྨུཏིཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམསྶ བྷིཀྑུནོ སནྠཏསམྨུཏིཾ དདེཡྻ. ཨེསཱ ཉཏྟི.

‘‘སུཎཱཏུ ¶ མེ, བྷནྟེ, སངྒྷོ ¶ . ཨཡཾ ཨིཏྠནྣཱམོ བྷིཀྑུ གིལཱནོ. ན སཀྐོཏི སནྠཏཾ ཨཱདཱཡ པཀྐམིཏུཾ. སོ སངྒྷཾ སནྠཏསམྨུཏིཾ ཡཱཙཏི. སངྒྷོ ཨིཏྠནྣཱམསྶ བྷིཀྑུནོ སནྠཏསམྨུཏིཾ དེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ སནྠཏསམྨུཏིཡཱ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དིནྣཱ སངྒྷེན ཨིཏྠནྣཱམསྶ བྷིཀྑུནོ སནྠཏསམྨུཏི. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༦༡. ‘‘ནཝཾ པན བྷིཀྑུནཱ སནྠཏཾ ཀཱརཱཔེཏྭཱ ཚབྦསྶཱནི དྷཱརེཏབྦཾ. ཨོརེན ཙེ ཚནྣཾ ཝསྶཱནཾ ཏཾ སནྠཏཾ ཝིསྶཛྫེཏྭཱ ཝཱ ཨཝིསྶཛྫེཏྭཱ ཝཱ ཨཉྙཾ ནཝཾ སནྠཏཾ ཀཱརཱཔེཡྻ, ཨཉྙཏྲ བྷིཀྑུསམྨུཏིཡཱ ¶ , ནིསྶགྒིཡཾ པཱཙིཏྟིཡ’’ནྟི.

༥༦༢. ནཝཾ ནཱམ ཀརཎཾ ཨུཔཱདཱཡ ཝུཙྩཏི.

སནྠཏཾ ནཱམ སནྠརིཏྭཱ ཀཏཾ ཧོཏི ཨཝཱཡིམཾ.

ཀཱརཱཔེཏྭཱཏི ཀརིཏྭཱ ཝཱ ཀཱརཱཔེཏྭཱ ཝཱ.

ཚབྦསྶཱནི དྷཱརེཏབྦནྟི ཚབྦསྶཔརམཏཱ དྷཱརེཏབྦཾ.

ཨོརེན ཙེ ཚནྣཾ ཝསྶཱནནྟི ཨཱུནཀཚབྦསྶཱནི.

ཏཾ སནྠཏཾ ཝིསྶཛྫེཏྭཱཏི ཨཉྙེསཾ དཏྭཱ.

ཨཝིསྶཛྫེཏྭཱཏི ¶ ན ཀསྶཙི དཏྭཱ.

ཨཉྙཏྲ བྷིཀྑུསམྨུཏིཡཱཏི ཋཔེཏྭཱ བྷིཀྑུསམྨུཏིཾ ཨཉྙཾ ནཝཾ སནྠཏཾ ཀརོཏི ཝཱ ཀཱརཱཔེཏི ཝཱ, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ཨིདཾ མེ, བྷནྟེ, སནྠཏཾ ཨཱུནཀཚབྦསྶཱནི ཀཱརཱཔིཏཾ, ཨཉྙཏྲ བྷིཀྑུསམྨུཏིཡཱ, ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༥༦༣. ཨཏྟནཱ ཝིཔྤཀཏཾ ཨཏྟནཱ པརིཡོསཱཔེཏི, ནིསྶགྒིཡཾ པཱཙིཏྟིཡཾ. ཨཏྟནཱ ཝིཔྤཀཏཾ པརེཧི པརིཡོསཱཔེཏི, ནིསྶགྒིཡཾ པཱཙིཏྟིཡཾ ¶ . པརེཧི ཝིཔྤཀཏཾ ཨཏྟནཱ པརིཡོསཱཔེཏི, ནིསྶགྒིཡཾ པཱཙིཏྟིཡཾ. པརེཧི ཝིཔྤཀཏཾ པརེཧི པརིཡོསཱཔེཏི, ནིསྶགྒིཡཾ པཱཙིཏྟིཡཾ.

༥༦༤. ཨནཱཔཏྟི ཚབྦསྶཱནི ཀརོཏི, ཨཏིརེཀཚབྦསྶཱནི ཀརོཏི, ཨཉྙསྶཏྠཱཡ ཀརོཏི ཝཱ ཀཱརཱཔེཏི ཝཱ, ཨཉྙེན ཀཏཾ པཊིལབྷིཏྭཱ པརིབྷུཉྫཏི ¶ , ཝིཏཱནཾ ཝཱ བྷཱུམཏྠརཎཾ ཝཱ སཱཎིཔཱཀཱརཾ ཝཱ བྷིསིཾ ཝཱ བིབྦོཧནཾ ཝཱ ཀརོཏི, བྷིཀྑུསམྨུཏིཡཱ, ཨུམྨཏྟཀསྶ, ཨཱདིཀམྨིཀསྶཱཏི.

ཚབྦསྶསིཀྑཱཔདཾ ནིཊྛིཏཾ ཙཏུཏྠཾ.

༥. ནིསཱིདནསནྠཏསིཀྑཱཔདཾ

༥༦༥. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘ཨིཙྪཱམཧཾ, བྷིཀྑཝེ, ཏེམཱསཾ པཊིསལླཱིཡིཏུཾ. ནམྷི ཀེནཙི ཨུཔསངྐམིཏབྦོ, ཨཉྙཏྲ ཨེཀེན པིཎྜཔཱཏནཱིཧཱརཀེནཱ’’ཏི. ‘‘ཨེཝཾ, བྷནྟེ,’’ཏི ཁོ ཏེ བྷིཀྑཱུ བྷགཝཏོ པཊིསྶུཎིཏྭཱ ནཱསྶུདྷ ཀོཙི བྷགཝནྟཾ ཨུཔསངྐམཏི, ཨཉྙཏྲ ཨེཀེན པིཎྜཔཱཏནཱིཧཱརཀེན. ཏེན ཁོ པན སམཡེན སཱཝཏྠིཡཱ སངྒྷེན ཀཏིཀཱ ཀཏཱ ཧོཏི – ‘‘ཨིཙྪཏཱཝུསོ, བྷགཝཱ ཏེམཱསཾ པཊིསལླཱིཡིཏུཾ. ན བྷགཝཱ ཀེནཙི ཨུཔསངྐམིཏབྦོ ¶ , ཨཉྙཏྲ ཨེཀེན པིཎྜཔཱཏནཱིཧཱརཀེན. ཡོ བྷགཝནྟཾ ཨུཔསངྐམཏི སོ པཱཙིཏྟིཡཾ དེསཱཔེཏབྦོ’’ཏི. ཨཐ ཁོ ཨཱཡསྨཱ ཨུཔསེནོ ཝངྒནྟཔུཏྟོ, སཔརིསོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨཱཙིཎྞཾ ཁོ པནེཏཾ བུདྡྷཱནཾ བྷགཝནྟཱནཾ ཨཱགནྟུཀེཧི བྷིཀྑཱུཧི སདྡྷིཾ པཊིསམྨོདིཏུཾ. ཨཐ ཁོ བྷགཝཱ ཨཱཡསྨནྟཾ ཨུཔསེནཾ ཝངྒནྟཔུཏྟཾ ཨེཏདཝོཙ – ‘‘ཀཙྩི ཝོ, ཨུཔསེན, ཁམནཱིཡཾ ཀཙྩི ཡཱཔནཱིཡཾ, ཀཙྩིཏྠ ཨཔྤཀིལམཐེན ཨདྡྷཱནཾ ཨཱགཏཱ’’ཏི? ‘‘ཁམནཱིཡཾ ¶ , བྷགཝཱ, ཡཱཔནཱིཡཾ, བྷགཝཱ. ཨཔྤཀིལམཐེན ཙ མཡཾ, བྷནྟེ, ཨདྡྷཱནཾ ཨཱགཏཱ’’ཏི.

ཏེན ཁོ པན སམཡེན ཨཱཡསྨཏོ ཨུཔསེནསྶ ཝངྒནྟཔུཏྟསྶ སདྡྷིཝིཧཱརིཀོ བྷིཀྑུ བྷགཝཏོ ཨཝིདཱུརེ ནིསིནྣོ ཧོཏི. ཨཐ ཁོ བྷགཝཱ ¶ ཏཾ བྷིཀྑུཾ ཨེཏདཝོཙ – ‘‘མནཱཔཱནི ཏེ, བྷིཀྑུ, པཾསུཀཱུལཱནཱི’’ཏི? ‘‘ན ཁོ མེ, བྷནྟེ, མནཱཔཱནི པཾསུཀཱུལཱནཱི’’ཏི. ‘‘ཀིསྶ པན ཏྭཾ, བྷིཀྑུ, པཾསུཀཱུལིཀོ’’ཏི? ‘‘ཨུཔཛ྄ཛྷཱཡོ མེ, བྷནྟེ, པཾསུཀཱུལིཀོ. ཨེཝཾ ཨཧམྤི པཾསུཀཱུལིཀོ’’ཏི. ཨཐ ཁོ བྷགཝཱ ཨཱཡསྨནྟཾ ཨུཔསེནཾ ཝངྒནྟཔུཏྟཾ ཨེཏདཝོཙ – ‘‘པཱསཱདིཀཱ ཁོ ཏྱཱཡཾ, ཨུཔསེན, པརིསཱ. ཀཐཾ ཏྭཾ, ཨུཔསེན, པརིསཾ ཝིནེསཱི’’ཏི? ‘‘ཡོ མཾ, བྷནྟེ, ཨུཔསམྤདཾ ཡཱཙཏི ཏམཧཾ [ཏཱཧཾ (ཀ.)] ཨེཝཾ ཝདཱམི – ‘ཨཧཾ ཁོ, ཨཱཝུསོ, ཨཱརཉྙིཀོ པིཎྜཔཱཏིཀོ པཾསུཀཱུལིཀོ. སཙེ ཏྭམྤི ཨཱརཉྙིཀོ བྷཝིསྶསི པིཎྜཔཱཏིཀོ པཾསུཀཱུལིཀོ, ཨེཝཱཧཾ ཏཾ ཨུཔསམྤཱདེསྶཱམཱི’ཏི. སཙེ མེ པཊིསྶུཎཱཏི ཨུཔསམྤཱདེམི, ནོ ཙེ མེ པཊིསྶུཎཱཏི ན ཨུཔསམྤཱདེམི. ཡོ ¶ མཾ ནིསྶཡཾ ཡཱཙཏི ཏམཧཾ [ཏཱཧཾ (ཀ.)] ཨེཝཾ ཝདཱམི – ‘ཨཧཾ ཁོ, ཨཱཝུསོ, ཨཱརཉྙིཀོ པིཎྜཔཱཏིཀོ པཾསུཀཱུལིཀོ. སཙེ ཏྭམྤི ཨཱརཉྙིཀོ བྷཝིསྶསི པིཎྜཔཱཏིཀོ པཾསུཀཱུལིཀོ, ཨེཝཱཧཾ ཏེ ནིསྶཡཾ དསྶཱམཱི’ཏི. སཙེ མེ པཊིསྶུཎཱཏི ནིསྶཡཾ དེམི, ནོ ཙེ མེ པཊིསྶུཎཱཏི ན ནིསྶཡཾ དེམི. ཨེཝཾ ཁོ ཨཧཾ, བྷནྟེ, པརིསཾ ཝིནེམཱི’’ཏི.

‘‘སཱདྷུ སཱདྷུ, ཨུཔསེན. སཱདྷུ ཁོ ཏྭཾ, ཨུཔསེན, པརིསཾ ཝིནེསི ¶ . ཛཱནཱསི པན ཏྭཾ, ཨུཔསེན, སཱཝཏྠིཡཱ སངྒྷསྶ ཀཏིཀ’’ནྟི? ‘‘ན ཁོ ཨཧཾ, བྷནྟེ, ཛཱནཱམི སཱཝཏྠིཡཱ སངྒྷསྶ ཀཏིཀ’’ནྟི. ‘‘སཱཝཏྠིཡཱ ཁོ, ཨུཔསེན, སངྒྷེན ཀཏིཀཱ ཀཏཱ – ‘ཨིཙྪཏཱཝུསོ, བྷགཝཱ ཏེམཱསཾ པཊིསལླཱིཡིཏུཾ. ན བྷགཝཱ ཀེནཙི ཨུཔསངྐམིཏབྦོ, ཨཉྙཏྲ ཨེཀེན པིཎྜཔཱཏནཱིཧཱརཀེན. ཡོ བྷགཝནྟཾ ཨུཔསངྐམཏི སོ པཱཙིཏྟིཡཾ དེསཱཔེཏབྦོ’ཏི. ‘‘པཉྙཱཡིསྶཏི, བྷནྟེ, སཱཝཏྠིཡཱ སངྒྷོ སཀཱཡ ཀཏིཀཱཡ, ན མཡཾ ཨཔཉྙཏྟཾ པཉྙཔེསྶཱམ པཉྙཏྟཾ ཝཱ ན སམུཙྪིནྡིསྶཱམ, ཡཐཱཔཉྙཏྟེསུ སིཀྑཱཔདེསུ སམཱདཱཡ ཝཏྟིསྶཱམཱ’’ཏི. ‘‘སཱདྷུ ¶ སཱདྷུ, ཨུཔསེན, ཨཔཉྙཏྟཾ ན པཉྙཔེཏབྦཾ, པཉྙཏྟཾ ཝཱ ན སམུཙྪིནྡིཏབྦཾ, ཡཐཱཔཉྙཏྟེསུ སིཀྑཱཔདེསུ སམཱདཱཡ ཝཏྟིཏབྦཾ. ཨནུཛཱནཱམི, ཨུཔསེན, ཡེ ཏེ བྷིཀྑཱུ ཨཱརཉྙིཀཱ པིཎྜཔཱཏིཀཱ པཾསུཀཱུལིཀཱ ཡཐཱསུཁཾ མཾ དསྶནཱཡ ཨུཔསངྐམནྟཱུ’’ཏི.

༥༦༦. ཏེན ཁོ པན སམཡེན སམྦཧུལཱ བྷིཀྑཱུ བཧིདྭཱརཀོཊྛཀེ ཋིཏཱ ཧོནྟི – ‘‘མཡཾ ཨཱཡསྨནྟཾ ཨུཔསེནཾ ཝངྒནྟཔུཏྟཾ པཱཙིཏྟིཡཾ དེསཱཔེསྶཱམཱ’’ཏི ¶ . ཨཐ ཁོ ཨཱཡསྨཱ ཨུཔསེནོ ཝངྒནྟཔུཏྟོ སཔརིསོ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ཁོ ཏེ བྷིཀྑཱུ ཨཱཡསྨནྟཾ ཨུཔསེནཾ ཝངྒནྟཔུཏྟཾ ཨེཏདཝོཙུཾ – ‘‘ཛཱནཱསི ཏྭཾ, ཨཱཝུསོ ཨུཔསེན, སཱཝཏྠིཡཱ སངྒྷསྶ ཀཏིཀ’’ནྟི. ‘‘བྷགཝཱཔི མཾ, ཨཱཝུསོ, ཨེཝམཱཧ – ‘ཛཱནཱསི པན ཏྭཾ, ཨུཔསེན, སཱཝཏྠིཡཱ སངྒྷསྶ ¶ ཀཏིཀ’ནྟི? ན ཁོ ཨཧཾ, བྷནྟེ, ཛཱནཱམི སཱཝཏྠིཡཱ སངྒྷསྶ ཀཏིཀ’’ནྟི. ‘‘སཱཝཏྠིཡཱ ཁོ, ཨུཔསེན, སངྒྷེན ཀཏིཀཱ ཀཏཱ – ཨིཙྪཏཱཝུསོ, བྷགཝཱ ཏེམཱསཾ པཊིསལླཱིཡིཏུཾ. ན བྷགཝཱ ཀེནཙི ཨུཔསངྐམིཏབྦོ, ཨཉྙཏྲ ཨེཀེན པིཎྜཔཱཏནཱིཧཱརཀེན. ཡོ བྷགཝནྟཾ ཨུཔསངྐམཏི སོ པཱཙིཏྟིཡཾ དེསཱཔེཏབྦོ’’ཏི. ‘‘པཉྙཱཡིསྶཏི, བྷནྟེ, སཱཝཏྠིཡཱ སངྒྷོ སཀཱཡ ཀཏིཀཱཡ, ན མཡཾ ཨཔཉྙཏྟཾ པཉྙཔེསྶཱམ པཉྙཏྟཾ ཝཱ ན སམུཙྪིནྡིསྶཱམ, ཡཐཱཔཉྙཏྟེསུ སིཀྑཱཔདེསུ སམཱདཱཡ ཝཏྟིསྶཱམཱཏི. ཨནུཉྙཱཏཱཝུསོ, བྷགཝཏཱ – ‘ཡེ ཏེ བྷིཀྑཱུ ཨཱརཉྙིཀཱ པིཎྜཔཱཏིཀཱ པཾསུཀཱུལིཀཱ ཡཐཱསུཁཾ མཾ དསྶནཱཡ ཨུཔསངྐམནྟཱུ’’’ཏི.

ཨཐ ཁོ ཏེ བྷིཀྑཱུ – ‘‘སཙྩཾ ཁོ ཨཱཡསྨཱ ཨུཔསེནོ ཨཱཧ – ‘ན ཨཔཉྙཏྟཾ པཉྙཔེཏབྦཾ, པཉྙཏྟཾ ཝཱ ན སམུཙྪིནྡིཏབྦཾ, ཡཐཱཔཉྙཏྟེསུ སིཀྑཱཔདེསུ སམཱདཱཡ ཝཏྟིཏབྦ’’’ནྟི. ཨསྶོསུཾ ཁོ བྷིཀྑཱུ – ‘‘ཨནུཉྙཱཏཱ ཀིར བྷགཝཏཱ – ‘ཡེ ཏེ བྷིཀྑཱུ ཨཱརཉྙིཀཱ པིཎྜཔཱཏིཀཱ པཾསུཀཱུལིཀཱ ཡཐཱསུཁཾ མཾ དསྶནཱཡ ཨུཔསངྐམནྟཱུ’’’ཏི. ཏེ བྷགཝནྟཾ དསྶནཾ པིཧེནྟཱ [དསྶནཱཡ པིཧཡམཱནཱ (སྱཱ.)] སནྠཏཱནི ཨུཛ྄ཛྷིཏྭཱ ཨཱརཉྙིཀངྒཾ པིཎྜཔཱཏིཀངྒཾ ¶ པཾསུཀཱུལིཀངྒཾ སམཱདིཡིཾསུ. ཨཐ ཁོ བྷགཝཱ སམྦཧུལེཧི བྷིཀྑཱུཧི སདྡྷིཾ སེནཱསནཙཱརིཀཾ ཨཱཧིཎྜནྟོ ཨདྡས སནྠཏཱནི ཏཧཾ ཏཧཾ ཨུཛ྄ཛྷིཏཱནི. པསྶིཏྭཱ བྷིཀྑཱུ ¶ ཨཱམནྟེསི – ‘‘ཀསྶིམཱནི, བྷིཀྑཝེ, སནྠཏཱནི ཏཧཾ ཏཧཾ ཨུཛ྄ཛྷིཏཱནཱི’’ཏི? ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, བྷིཀྑཱུནཾ སིཀྑཱཔདཾ པཉྙཔེསྶཱམི དས ཨཏྠཝསེ པཊིཙྩ ¶ – སངྒྷསུཊྛུཏཱཡ, སངྒྷཕཱསུཏཱཡ,…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༦༧. ‘‘ནིསཱིདནསནྠཏཾ ¶ པན བྷིཀྑུནཱ ཀཱརཡམཱནེན པུརཱཎསནྠཏསྶ སཱམནྟཱ སུགཏཝིདཏྠི ཨཱདཱཏབྦཱ དུབྦཎྞཀརཎཱཡ, ཨནཱདཱ ཙེ བྷིཀྑུ པུརཱཎསནྠཏསྶ སཱམནྟཱ སུགཏཝིདཏྠིཾ ནཝཾ ནིསཱིདནསནྠཏཾ ཀཱརཱཔེཡྻ, ནིསྶགྒིཡཾ པཱཙིཏྟིཡ’’ནྟི.

༥༦༨. ནིསཱིདནཾ ནཱམ སདསཾ ཝུཙྩཏི.

སནྠཏཾ ནཱམ སནྠརིཏྭཱ ཀཏཾ ཧོཏི ཨཝཱཡིམཾ.

ཀཱརཡམཱནེནཱཏི ཀརོནྟོ ཝཱ ཀཱརཱཔེནྟོ ཝཱ.

པུརཱཎསནྠཏཾ ནཱམ སཀིཾ ནིཝཏྠམྤི སཀིཾ པཱརུཏམྤི.

སཱམནྟཱ སུགཏཝིདཏྠི ཨཱདཱཏབྦཱ དུབྦཎྞཀརཎཱཡཱཏི ཐིརབྷཱཝཱཡ ཝཊྚཾ ཝཱ ཙཏུརསྶཾ ཝཱ ཚིནྡིཏྭཱ ཨེཀདེསེ ཝཱ སནྠརིཏབྦཾ ཝིཛཊེཏྭཱ ཝཱ སནྠརིཏབྦཾ.

ཨནཱདཱ ཙེ བྷིཀྑུ པུརཱཎསནྠཏསྶ སཱམནྟཱ སུགཏཝིདཏྠིནྟི ཨནཱདིཡིཏྭཱ པུརཱཎསནྠཏསྶ སཱམནྟཱ སུགཏཝིདཏྠིཾ ནཝཾ ¶ ནིསཱིདནསནྠཏཾ ཀརོཏི ཝཱ ཀཱརཱཔེཏི ཝཱ, པཡོགེ དུཀྐཊཾ, པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ཨིདཾ མེ, བྷནྟེ, ནིསཱིདནསནྠཏཾ ཨནཱདིཡིཏྭཱ པུརཱཎསནྠཏསྶ སཱམནྟཱ སུགཏཝིདཏྠིཾ ཀཱརཱཔིཏཾ ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… ཨཱཡསྨཏོ དམྨཱིཏི.

༥༦༩. ཨཏྟནཱ ཝིཔྤཀཏཾ ཨཏྟནཱ པརིཡོསཱཔེཏི, ནིསྶགྒིཡཾ པཱཙིཏྟིཡཾ. ཨཏྟནཱ ཝིཔྤཀཏཾ པརེཧི པརིཡོསཱཔེཏི, ནིསྶགྒིཡཾ པཱཙིཏྟིཡཾ. པརེཧི ཝིཔྤཀཏཾ ཨཏྟནཱ པརིཡོསཱཔེཏི, ནིསྶགྒིཡཾ པཱཙིཏྟིཡཾ. པརེཧི ཝིཔྤཀཏཾ པརེཧི པརིཡོསཱཔེཏི, ནིསྶགྒིཡཾ པཱཙིཏྟིཡཾ.

ཨཉྙསྶཏྠཱཡ ¶ ཀརོཏི ཝཱ ཀཱརཱཔེཏི ཝཱ, ཨཱཔཏྟི དུཀྐཊསྶ.

༥༧༠. ཨནཱཔཏྟི – པུརཱཎསནྠཏསྶ སཱམནྟཱ སུགཏཝིདཏྠིཾ ཨཱདིཡིཏྭཱ ¶ ཀརོཏི, ཨལབྷནྟོ ཐོཀཏརཾ ཨཱདིཡིཏྭཱ ཀརོཏི, ཨལབྷནྟོ ཨནཱདིཡིཏྭཱ ཀརོཏི, ཨཉྙེན ཀཏཾ པཊིལབྷིཏྭཱ པརིབྷུཉྫཏི, ཝིཏཱནཾ ཝཱ བྷཱུམཏྠརཎཾ ཝཱ སཱཎིཔཱཀཱརཾ ཝཱ བྷིསིཾ ཝཱ བིབྦོཧནཾ ཝཱ ཀརོཏི, ཨུམྨཏྟཀསྶ ཨཱདིཀམྨིཀསྶཱཏི.

ནིསཱིདནསནྠཏསིཀྑཱཔདཾ ནིཊྛིཏཾ པཉྩམཾ.

༦. ཨེལ༹ཀལོམསིཀྑཱཔདཾ

༥༧༡. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཉྙཏརསྶ བྷིཀྑུནོ ཀོསལེསུ ཛནཔདེ སཱཝཏྠིཾ གཙྪནྟསྶ ཨནྟརཱམགྒེ ཨེལ༹ཀལོམཱནི ཨུཔྤཛྫིཾསུ. ཨཐ ཁོ སོ བྷིཀྑུ ཏཱནི ཨེལ༹ཀལོམཱནི ཨུཏྟརཱསངྒེན བྷཎྜིཀཾ བནྡྷིཏྭཱ ཨགམཱསི. མནུསྶཱ ཏཾ བྷིཀྑུཾ པསྶིཏྭཱ ཨུཔྤཎྜེསུཾ – ‘‘ཀིཏྟཀེན ཏེ, བྷནྟེ, ཀཱིཏཱནི? ཀིཏྟཀོ ཨུདཡོ བྷཝིསྶཏཱི’’ཏི? སོ བྷིཀྑུ ཏེཧི མནུསྶེཧི ཨུཔྤཎྜིཡམཱནོ མངྐུ ཨཧོསི. ཨཐ ཁོ སོ བྷིཀྑུ སཱཝཏྠིཾ གནྟྭཱ ཏཱནི ཨེལ༹ཀལོམཱནི ཋིཏཀོཝ ཨཱསུམྦྷི. བྷིཀྑཱུ ཏཾ བྷིཀྑུཾ ཨེཏདཝོཙུཾ – ‘‘ཀིསྶ ཏྭཾ, ཨཱཝུསོ, ཨིམཱནི ཨེལ༹ཀལོམཱནི ཋིཏཀོཝ ཨཱསུམྦྷསཱི’’ཏི? ‘‘ཏཐཱ ཧི པནཱཧཾ, ཨཱཝུསོ, ཨིམེསཾ ཨེལ༹ཀལོམཱནཾ ཀཱརཎཱ མནུསྶེཧི ཨུཔྤཎྜིཏོ’’ཏི. ‘‘ཀཱིཝ དཱུརཏོ པན ཏྭཾ, ཨཱཝུསོ, ཨིམཱནི ཨེལ༹ཀལོམཱནི ཨཱཧརཱི’’ཏི? ‘‘ཨཏིརེཀཏིཡོཛནཾ, ཨཱཝུསོ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུ ཨཏིརེཀཏིཡོཛནཾ ཨེལ༹ཀལོམཱནི ཨཱཧརིསྶཏཱི’’ཏི! ཨཐ ཁོ ཏེ བྷིཀྑཱུ ཏཾ བྷིཀྑུཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ཀིར ཏྭཾ, བྷིཀྑུ, ཨཏིརེཀཏིཡོཛནཾ ཨེལ༹ཀལོམཱནི ཨཱཧརཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ¶ ཏྭཾ, མོགྷཔུརིས, ཨཏིརེཀཏིཡོཛནཾ ཨེལ༹ཀལོམཱནི ཨཱཧརིསྶསི! ནེཏཾ མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༧༢. ‘‘བྷིཀྑུནོ ¶ པནེཝ ཨདྡྷཱནམགྒཔྤཊིཔནྣསྶ ཨེལ༹ཀལོམཱནི ཨུཔྤཛྫཡྻུཾ. ཨཱཀངྑམཱནེན བྷིཀྑུནཱ པཊིགྒཧེཏབྦཱནི. པཊིགྒཧེཏྭཱ ཏིཡོཛནཔརམཾ སཧཏྠཱ ཧརིཏབྦཱནི [ཧཱརེཏབྦཱནི (སཱི. སྱཱ. ཀ.)], ཨསནྟེ ཧཱརཀེ. ཏཏོ ཙེ ཨུཏྟརི ཧརེཡྻ, ཨསནྟེཔི ཧཱརཀེ, ནིསྶགྒིཡཾ པཱཙིཏྟིཡ’’ནྟི.

༥༧༣. བྷིཀྑུནོ ¶ པནེཝ ཨདྡྷཱནམགྒཔྤཊིཔནྣསྶཱཏི པནྠཾ གཙྪནྟསྶ.

ཨེལ༹ཀལོམཱནི ཨུཔྤཛྫེཡྻུནྟི ཨུཔྤཛྫེཡྻུཾ སངྒྷཏོ ཝཱ གཎཏོ ཝཱ ཉཱཏིཏོ ཝཱ མིཏྟཏོ ཝཱ པཾསུཀཱུལཾ ཝཱ ཨཏྟནོ ཝཱ དྷནེན.

ཨཱཀངྑམཱནེནཱཏི ¶ ཨིཙྪམཱནེན པཊིགྒཧེཏབྦཱནི.

པཊིགྒཧེཏྭཱ ཏིཡོཛནཔརམཾ སཧཏྠཱ ཧརིཏབྦཱནཱིཏི ཏིཡོཛནཔརམཏཱ སཧཏྠཱ ཧརིཏབྦཱནི.

ཨསནྟེ ཧཱརཀེཏི ནཱཉྙོ ཀོཙི ཧཱརཀོ ཧོཏི ཨིཏྠཱི ཝཱ པུརིསོ ཝཱ གཧཊྛོ ཝཱ པབྦཛིཏོ ཝཱ.

ཏཏོ ཙེ ཨུཏྟརི ཧརེཡྻ, ཨསནྟེཔི ཧཱརཀེཏི པཋམཾ པཱདཾ ཏིཡོཛནཾ ཨཏིཀྐཱམེཏི, ཨཱཔཏྟི དུཀྐཊསྶ. དུཏིཡཾ པཱདཾ ཨཏིཀྐཱམེཏི, ནིསྶགྒིཡཾ པཱཙིཏྟིཡཾ [ནིསྶགྒིཡཱནི ཧོནྟི (སྱཱ.)]. ཨནྟོཏིཡོཛནེ ཋིཏོ བཧིཏིཡོཛནཾ པཱཏེཏི, ནིསྶགྒིཡཾ པཱཙིཏྟིཡཾ [ནིསྶགྒིཡཱནི ཧོནྟི (སྱཱ.)]. ཨཉྙསྶ ཡཱནེ ཝཱ བྷཎྜེ ཝཱ ཨཛཱནནྟསྶ པཀྑིཔིཏྭཱ ཏིཡོཛནཾ ཨཏིཀྐཱམེཏི, ནིསྶགྒིཡཱནི ཧོནྟི. ནིསྶཛྫིཏབྦཱནི སངྒྷསྶ ཝཱ གཎསྶ ¶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཱནི…པེ… ཨིམཱནི མེ, བྷནྟེ, ཨེལ༹ཀལོམཱནི ཏིཡོཛནཾ ཨཏིཀྐཱམིཏཱནི ནིསྶགྒིཡཱནི. ཨིམཱནཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༥༧༤. ཨཏིརེཀཏིཡོཛནེ ཨཏིརེཀསཉྙཱི ཨཏིཀྐཱམེཏི [ཏིཡོཛནཾ ཨཏིཀྐཱམེཏི (སྱཱ.)], ནིསྶགྒིཡཾ པཱཙིཏྟིཡཾ. ཨཏིརེཀཏིཡོཛནེ ཝེམཏིཀོ ཨཏིཀྐཱམེཏི [ཏིཡོཛནཾ ཨཏིཀྐཱམེཏི (སྱཱ.)], ནིསྶགྒིཡཾ པཱཙིཏྟིཡཾ. ཨཏིརེཀཏིཡོཛནེ ཨཱུནཀསཉྙཱི ཨཏིཀྐཱམེཏི [ཏིཡོཛནཾ ཨཏིཀྐཱམེཏི (སྱཱ.)], ནིསྶགྒིཡཾ པཱཙིཏྟིཡཾ.

ཨཱུནཀཏིཡོཛནེ ¶ ཨཏིརེཀསཉྙཱི, ཨཱཔཏྟི དུཀྐཊསྶ. ཨཱུནཀཏིཡོཛནེ ཝེམཏིཀོ, ཨཱཔཏྟི དུཀྐཊསྶ. ཨཱུནཀཏིཡོཛནེ ཨཱུནཀསཉྙཱི, ཨནཱཔཏྟི.

༥༧༥. ཨནཱཔཏྟི ཏིཡོཛནཾ ཧརཏི, ཨཱུནཀཏིཡོཛནཾ ཧརཏི, ཏིཡོཛནཾ ཧརཏིཔི, པཙྩཱཧརཏིཔི, ཏིཡོཛནཾ ཝཱསཱདྷིཔྤཱཡོ གནྟྭཱ ཏཏོ པརཾ ཧརཏི, ཨཙྪིནྣཾ པཊིལབྷིཏྭཱ ཧརཏི, ནིསྶཊྛཾ པཊིལབྷིཏྭཱ ཧརཏི, ཨཉྙཾ ཧརཱཔེཏི ཀཏབྷཎྜཾ, ཨུམྨཏྟཀསྶ, ཨཱདིཀམྨིཀསྶཱཏི.

ཨེལ༹ཀལོམསིཀྑཱཔདཾ ནིཊྛིཏཾ ཚཊྛཾ.

༧. ཨེལ༹ཀལོམདྷོཝཱཔནསིཀྑཱཔདཾ

༥༧༦. ཏེན ¶ ¶ སམཡེན བུདྡྷོ བྷགཝཱ སཀྐེསུ ཝིཧརཏི ཀཔིལཝཏྠུསྨིཾ ནིགྲོདྷཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ བྷིཀྑུནཱིཧི ཨེལ༹ཀལོམཱནི དྷོཝཱཔེནྟིཔི ¶ རཛཱཔེནྟིཔི ཝིཛཊཱཔེནྟིཔི. བྷིཀྑུནིཡོ ཨེལ༹ཀལོམཱནི དྷོཝནྟིཡོ རཛནྟིཡོ ཝིཛཊེནྟིཡོ རིཉྩནྟི ཨུདྡེསཾ པརིཔུཙྪཾ ཨདྷིསཱིལཾ ཨདྷིཙིཏྟཾ ཨདྷིཔཉྙཾ. ཨཐ ཁོ མཧཱཔཛཱཔཏི གོཏམཱི ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏཾ ཁོ མཧཱཔཛཱཔཏིཾ གོཏམིཾ བྷགཝཱ ཨེཏདཝོཙ – ‘‘ཀཙྩི, གོཏམི, བྷིཀྑུནིཡོ ཨཔྤམཏྟཱ ཨཱཏཱཔིནིཡོ པཧིཏཏྟཱ ཝིཧརནྟཱི’’ཏི? ‘‘ཀུཏོ, བྷནྟེ, བྷིཀྑུནཱིནཾ ཨཔྤམཱདོ! ཨཡྻཱ ཚབྦགྒིཡཱ བྷིཀྑུནཱིཧི ཨེལ༹ཀལོམཱནི དྷོཝཱཔེནྟིཔི རཛཱཔེནྟིཔི ཝིཛཊཱཔེནྟིཔི. བྷིཀྑུནིཡོ ཨེལ༹ཀལོམཱནི དྷོཝནྟིཡོ རཛནྟིཡོ ཝིཛཊེནྟིཡོ རིཉྩནྟི ཨུདྡེསཾ པརིཔུཙྪཾ ཨདྷིསཱིལཾ ཨདྷིཙིཏྟཾ ཨདྷིཔཉྙ’’ནྟི.

ཨཐ ཁོ བྷགཝཱ མཧཱཔཛཱཔཏིཾ གོཏམིཾ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ མཧཱཔཛཱཔཏི གོཏམཱི བྷགཝཏཱ དྷམྨིཡཱ ཀཐཱཡ སནྡསྶིཏཱ སམཱདཔིཏཱ སམུཏྟེཛིཏཱ སམྤཧཾསིཏཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ཁོ བྷགཝཱ ཨེཏསྨིཾ ¶ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཚབྦགྒིཡེ བྷིཀྑཱུ པཊིཔུཙྪི – ‘‘སཙྩཾ ཀིར ཏུམྷེ, བྷིཀྑཝེ, བྷིཀྑུནཱིཧི ཨེལ༹ཀལོམཱནི དྷོཝཱཔེཐཔི རཛཱཔེཐཔི ཝིཛཊཱཔེཐཔཱི’’ཏི ¶ ? ‘‘སཙྩཾ, བྷགཝཱ’’ཏི. ‘‘ཉཱཏིཀཱཡོ ཏུམྷཱཀཾ, བྷིཀྑཝེ, ཨཉྙཱཏིཀཱཡོ’’ཏི? ‘‘ཨཉྙཱཏིཀཱཡོ, བྷགཝཱ’’ཏི. ‘‘ཨཉྙཱཏཀཱ, མོགྷཔུརིསཱ, ཨཉྙཱཏིཀཱནཾ ན ཛཱནནྟི པཏིརཱུཔཾ ཝཱ ཨཔྤཏིརཱུཔཾ ཝཱ པཱསཱདིཀཾ ཝཱ ཨཔཱསཱདིཀཾ. ཏཏྠ ནཱམ ཏུམྷེ, མོགྷཔུརིསཱ, ཨཉྙཱཏིཀཱཧི བྷིཀྑུནཱིཧི ཨེལ༹ཀལོམཱནི དྷོཝཱཔེསྶཐཔི རཛཱཔེསྶཐཔི ཝིཛཊཱཔེསྶཐཔི! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༧༧. ‘‘ཡོ པན བྷིཀྑུ ཨཉྙཱཏིཀཱཡ བྷིཀྑུནིཡཱ ཨེལ༹ཀལོམཱནི དྷོཝཱཔེཡྻ ཝཱ རཛཱཔེཡྻ ཝཱ ཝིཛཊཱཔེཡྻ ཝཱ, ནིསྶགྒིཡཾ པཱཙིཏྟིཡ’’ནྟི.

༥༧༨. ཡོ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨཉྙཱཏིཀཱ ནཱམ མཱཏིཏོ ཝཱ པིཏིཏོ ཝཱ ཡཱཝ སཏྟམཱ པིཏཱམཧཡུགཱ ཨསམྦདྡྷཱ.

བྷིཀྑུནཱི ནཱམ ཨུབྷཏོསངྒྷེ ཨུཔསམྤནྣཱ.

དྷོཝཱཏི ཨཱཎཱཔེཏི, ཨཱཔཏྟི དུཀྐཊསྶ. དྷོཏཱནི ནིསྶགྒིཡཱནི ཧོནྟི. རཛཱཏི ཨཱཎཱཔེཏི, ཨཱཔཏྟི དུཀྐཊསྶ. རཏྟཱནི ནིསྶགྒིཡཱནི ཧོནྟི. ཝིཛཊེཧཱིཏི ཨཱཎཱཔེཏི, ཨཱཔཏྟི དུཀྐཊསྶ. ཝིཛཊིཏཱནི ནིསྶགྒིཡཱནི ¶ ཧོནྟི. ནིསྶཛྫིཏབྦཱནི སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ ¶ པན, བྷིཀྑཝེ, ནིསྶཛྫིཏབྦཱནི…པེ… ཨིམཱནི མེ, བྷནྟེ, ཨེལ༹ཀལོམཱནི ཨཉྙཱཏིཀཱཡ བྷིཀྑུནིཡཱ དྷོཝཱཔིཏཱནི ནིསྶགྒིཡཱནི. ཨིམཱནཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༥༧༩. ཨཉྙཱཏིཀཱཡ ཨཉྙཱཏིཀསཉྙཱི ཨེལ༹ཀལོམཱནི དྷོཝཱཔེཏི, ནིསྶགྒིཡཾ པཱཙིཏྟིཡཾ. ཨཉྙཱཏིཀཱཡ ཨཉྙཱཏིཀསཉྙཱི ཨེལ༹ཀལོམཱནི དྷོཝཱཔེཏི རཛཱཔེཏི, ནིསྶགྒིཡེན ཨཱཔཏྟི དུཀྐཊསྶ. ཨཉྙཱཏིཀཱཡ ཨཉྙཱཏིཀསཉྙཱི ཨེལ༹ཀལོམཱནི དྷོཝཱཔེཏི ཝིཛཊཱཔེཏི, ནིསྶགྒིཡེན ཨཱཔཏྟི དུཀྐཊསྶ. ཨཉྙཱཏིཀཱཡ ཨཉྙཱཏིཀསཉྙཱི ཨེལ༹ཀལོམཱནི དྷོཝཱཔེཏི རཛཱཔེཏི ཝིཛཊཱཔེཏི, ནིསྶགྒིཡེན ཨཱཔཏྟི དྭིནྣཾ དུཀྐཊཱནཾ.

ཨཉྙཱཏིཀཱཡ ¶ ཨཉྙཱཏིཀསཉྙཱི ཨེལ༹ཀལོམཱནི རཛཱཔེཏི, ནིསྶགྒིཡཾ པཱཙིཏྟིཡཾ. ཨཉྙཱཏིཀཱཡ ཨཉྙཱཏིཀསཉྙཱི ཨེལ༹ཀལོམཱནི རཛཱཔེཏི ཝིཛཊཱཔེཏི, ནིསྶགྒིཡེན ཨཱཔཏྟི དུཀྐཊསྶ. ཨཉྙཱཏིཀཱཡ ཨཉྙཱཏིཀསཉྙཱི ཨེལ༹ཀལོམཱནི རཛཱཔེཏི དྷོཝཱཔེཏི, ནིསྶགྒིཡེན ཨཱཔཏྟི དུཀྐཊསྶ. ཨཉྙཱཏིཀཱཡ ཨཉྙཱཏིཀསཉྙཱི ཨེལ༹ཀལོམཱནི རཛཱཔེཏི ཝིཛཊཱཔེཏི དྷོཝཱཔེཏི, ནིསྶགྒིཡེན ཨཱཔཏྟི དྭིནྣཾ དུཀྐཊཱནཾ.

ཨཉྙཱཏིཀཱཡ ཨཉྙཱཏིཀསཉྙཱི ཨེལ༹ཀལོམཱནི ཝིཛཊཱཔེཏི, ནིསྶགྒིཡཾ པཱཙིཏྟིཡཾ. ཨཉྙཱཏིཀཱཡ ཨཉྙཱཏིཀསཉྙཱི ཨེལ༹ཀལོམཱནི ཝིཛཊཱཔེཏི དྷོཝཱཔེཏི, ནིསྶགྒིཡེན ཨཱཔཏྟི དུཀྐཊསྶ. ཨཉྙཱཏིཀཱཡ ཨཉྙཱཏིཀསཉྙཱི ཨེལ༹ཀལོམཱནི ཝིཛཊཱཔེཏི རཛཱཔེཏི, ནིསྶགྒིཡེན ཨཱཔཏྟི ¶ དུཀྐཊསྶ ¶ . ཨཉྙཱཏིཀཱཡ ཨཉྙཱཏིཀསཉྙཱི ཨེལ༹ཀལོམཱནི ཝིཛཊཱཔེཏི དྷོཝཱཔེཏི རཛཱཔེཏི, ནིསྶགྒིཡེན ཨཱཔཏྟི དྭིནྣཾ དུཀྐཊཱནཾ.

༥༨༠. ཨཉྙཱཏིཀཱཡ ཝེམཏིཀོ…པེ… ཨཉྙཱཏིཀཱཡ ཉཱཏིཀསཉྙཱི…པེ… ཨཉྙསྶ ཨེལ༹ཀལོམཱནི དྷོཝཱཔེཏི, ཨཱཔཏྟི དུཀྐཊསྶ. ཨེཀཏོ ཨུཔསམྤནྣཱཡ དྷོཝཱཔེཏི, ཨཱཔཏྟི དུཀྐཊསྶ. ཉཱཏིཀཱཡ ཨཉྙཱཏིཀསཉྙཱི, ཨཱཔཏྟི དུཀྐཊསྶ. ཉཱཏིཀཱཡ ཝེམཏིཀོ, ཨཱཔཏྟི དུཀྐཊསྶ. ཉཱཏིཀཱཡ ཉཱཏིཀསཉྙཱི, ཨནཱཔཏྟི.

༥༨༡. ཨནཱཔཏྟི ཉཱཏིཀཱཡ དྷཱཝནྟིཡཱ ཨཉྙཱཏིཀཱ དུཏིཡཱ ཧོཏི, ཨཝུཏྟཱ དྷོཝཏི, ཨཔརིབྷུཏྟཾ ཀཏབྷཎྜཾ དྷོཝཱཔེཏི, སིཀྑམཱནཱཡ སཱམཎེརིཡཱ ཨུམྨཏྟཀསྶ ཨཱདིཀམྨིཀསྶཱཏི.

ཨེལ༹ཀལོམདྷོཝཱཔནསིཀྑཱཔདཾ ནིཊྛིཏཾ སཏྟམཾ.

༨. རཱུཔིཡསིཀྑཱཔདཾ

༥༨༢. ཏེན ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན ཨཱཡསྨཱ ¶ ཨུཔནནྡོ སཀྱཔུཏྟོ ཨཉྙཏརསྶ ཀུལསྶ ཀུལཱུཔཀོ ཧོཏི ནིཙྩབྷཏྟིཀོ. ཡཾ ཏསྨིཾ ཀུལེ ཨུཔྤཛྫཏི ཁཱདནཱིཡཾ ཝཱ བྷོཛནཱིཡཾ ཝཱ ཏཏོ ཨཱཡསྨཏོ ཨུཔནནྡསྶ སཀྱཔུཏྟསྶ པཊིཝིསོ ཋཔིཡྻཏི. ཏེན ཁོ པན སམཡེན སཱཡཾ ཏསྨིཾ ཀུལེ མཾསཾ ¶ ཨུཔྤནྣཾ ཧོཏི. ཏཏོ ཨཱཡསྨཏོ ཨུཔནནྡསྶ སཀྱཔུཏྟསྶ པཊིཝིསོ ཋཔིཏོ ཧོཏི. ཏསྶ ཀུལསྶ དཱརཀོ རཏྟིཡཱ པཙྩཱུསསམཡཾ པཙྩུཊྛཱཡ རོདཏི – ‘‘མཾསཾ མེ དེཐཱ’’ཏི. ཨཐ ཁོ སོ པུརིསོ པཛཱཔཏིཾ ཨེཏདཝོཙ – ‘‘ཨཡྻསྶ པཊིཝིསཾ དཱརཀསྶ དེཧི. ཨཉྙཾ ཙེཏཱཔེཏྭཱ ཨཡྻསྶ དསྶཱམཱ’’ཏི.

ཨཐ ཁོ ཨཱཡསྨཱ ཨུཔནནྡོ སཀྱཔུཏྟོ པུབྦཎྷསམཡཾ ནིཝཱསེཏྭཱ པཏྟཙཱིཝརཾ ཨཱདཱཡ ཡེན ཏཾ ཀུལཾ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཨཐ ཁོ སོ པུརིསོ ཡེནཱཡསྨཱ ཨུཔནནྡོ སཀྱཔུཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨུཔནནྡཾ སཀྱཔུཏྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སོ པུརིསོ ཨཱཡསྨནྟཾ ¶ ཨུཔནནྡཾ སཀྱཔུཏྟཾ ཨེཏདཝོཙ – ‘‘ཧིཡྻོ ཁོ, བྷནྟེ, སཱཡཾ མཾསཾ ཨུཔྤནྣཾ ཨཧོསི. ཏཏོ ཨཡྻསྶ པཊིཝིསོ ཋཔིཏོ. ཨཡཾ ¶ , བྷནྟེ, དཱརཀོ རཏྟིཡཱ པཙྩཱུསསམཡཾ པཙྩུཊྛཱཡ རོདཏི – ‘མཾསཾ མེ དེཐཱ’ཏི. ཨཡྻསྶ པཊིཝིསོ དཱརཀསྶ དིནྣོ. ཀཧཱཔཎེན, བྷནྟེ, ཀིཾ ཨཱཧརིཡྻཏཱུ’’ཏི? ‘‘པརིཙྩཏྟོ མེ, ཨཱཝུསོ, ཀཧཱཔཎོ’’ཏི? ‘‘ཨཱམ, བྷནྟེ, པརིཙྩཏྟོ’’ཏི. ‘‘ཏཉྙེཝ མེ, ཨཱཝུསོ, ཀཧཱཔཎཾ དེཧཱི’’ཏི.

ཨཐ ཁོ སོ པུརིསོ ཨཱཡསྨཏོ ཨུཔནནྡསྶ སཀྱཔུཏྟསྶ ཀཧཱཔཎཾ དཏྭཱ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཏཐེཝ མཡཾ རཱུཔིཡཾ པཊིགྒཎྷཱམ ཨེཝམེཝིམེ སམཎཱ སཀྱཔུཏྟིཡཱ རཱུཔིཡཾ པཊིགྒཎྷནྟཱི’’ཏི. ཨསྶོསུཾ ཁོ བྷིཀྑཱུ ཏསྶ པུརིསསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ རཱུཔིཡཾ པཊིགྒཧེསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ ཨུཔནནྡཾ སཀྱཔུཏྟཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, ཨུཔནནྡ, རཱུཔིཡཾ པཊིགྒཧེསཱི’’ཏི [པཊིགྒཎྷཱསཱིཏི (སྱཱ.)]? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, རཱུཔིཡཾ པཊིགྒཧེསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༨༣. ‘‘ཡོ པན བྷིཀྑུ ཛཱཏརཱུཔརཛཏཾ ཨུགྒཎྷེཡྻ ཝཱ ཨུགྒཎྷཱཔེཡྻ ཝཱ ཨུཔནིཀྑིཏྟཾ ཝཱ སཱདིཡེཡྻ, ནིསྶགྒིཡཾ པཱཙིཏྟིཡ’’ནྟི.

༥༨༤. ཡོ ¶ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཛཱཏརཱུཔཾ ནཱམ སཏྠུཝཎྞོ ཝུཙྩཏི ¶ .

རཛཏཾ ནཱམ ཀཧཱཔཎོ ལོཧམཱསཀོ དཱརུམཱསཀོ ཛཏུམཱསཀོ ཡེ ཝོཧཱརཾ གཙྪནྟི.

ཨུགྒཎྷེཡྻཱཏི སཡཾ གཎྷཱཏི ནིསྶགྒིཡཾ པཱཙིཏྟིཡཾ [ནིསྶགྒིཡཾ ཧོཏི (སྱཱ.)].

ཨུགྒཎྷཱཔེཡྻཱཏི ཨཉྙཾ གཱཧཱཔེཏི ནིསྶགྒིཡཾ པཱཙིཏྟིཡཾ [ནིསྶགྒིཡཾ ཧོཏི (སྱཱ.)].

ཨུཔནིཀྑིཏྟཾ ¶ ཝཱ སཱདིཡེཡྻཱཏི ཨིདཾ ཨཡྻསྶ ཧོཏཱུཏི ཨུཔནིཀྑིཏྟཾ སཱདིཡཏི, ནིསྶགྒིཡཾ ཧོཏི. སངྒྷམཛ྄ཛྷེ ནིསྶཛྫིཏབྦཾ. ཨེཝཉྩ པན, བྷིཀྑཝེ, ནིསྶཛྫིཏབྦཾ – ཏེན བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཧཾ, བྷནྟེ, རཱུཔིཡཾ པཊིགྒཧེསིཾ. ཨིདཾ མེ ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱི’’ཏི. ནིསྶཛྫིཏྭཱ ཨཱཔཏྟི དེསེཏབྦཱ. བྱཏྟེན བྷིཀྑུནཱ པཊིབལེན ཨཱཔཏྟི པཊིགྒཧེཏབྦཱ. སཙེ ཏཏྠ ཨཱགཙྪཏི ཨཱརཱམིཀོ ཝཱ ཨུཔཱསཀོ ཝཱ སོ ཝཏྟབྦོ – ‘‘ཨཱཝུསོ, ཨིམཾ ཛཱནཱཧཱི’’ཏི. སཙེ སོ བྷཎཏི – ‘‘ཨིམིནཱ ཀིཾ ཨཱཧརིཡྻཏཱུ’’ཏི, ན ཝཏྟབྦོ – ‘‘ཨིམཾ ཝཱ ཨིམཾ ཝཱ ཨཱཧརཱ’’ཏི. ཀཔྤིཡཾ ཨཱཙིཀྑིཏབྦཾ – སཔྤི ཝཱ ཏེལཾ ཝཱ མདྷུ ཝཱ ཕཱཎིཏཾ ཝཱ. སཙེ སོ ཏེན པརིཝཏྟེཏྭཱ ཀཔྤིཡཾ ཨཱཧརཏི རཱུཔིཡཔྤཊིགྒཱཧཀཾ ཋཔེཏྭཱ སབྦེཧེཝ པརིབྷུཉྫིཏབྦཾ. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ; ནོ ཙེ ལབྷེཐ, སོ ཝཏྟབྦོ – ‘‘ཨཱཝུསོ, ཨིམཾ ཚཌྜེཧཱི’’ཏི. སཙེ སོ ཚཌྜེཏི, ཨིཙྩེཏཾ ཀུསལཾ; ནོ ཙེ ཚཌྜེཏི, པཉྩཧངྒེཧི སམནྣཱགཏོ བྷིཀྑུ ¶ རཱུཔིཡཚཌྜཀོ སམྨནྣིཏབྦོ – ཡོ ན ཚནྡཱགཏིཾ གཙྪེཡྻ, ན དོསཱགཏིཾ གཙྪེཡྻ, ན མོཧཱགཏིཾ གཙྪེཡྻ, ན བྷཡཱགཏིཾ གཙྪེཡྻ, ཚཌྜིཏཱཚཌྜིཏཉྩ ཛཱནེཡྻ. ཨེཝཉྩ པན, བྷིཀྑཝེ, སམྨནྣིཏབྦོ. པཋམཾ བྷིཀྑུ ཡཱཙིཏབྦོ. ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༥༨༥. ‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུཾ རཱུཔིཡཚཌྜཀཾ སམྨནྣེཡྻ. ཨེསཱ ཉཏྟི.

‘‘སུཎཱཏུ ¶ མེ, བྷནྟེ, སངྒྷོ. སངྒྷོ ཨིཏྠནྣཱམཾ བྷིཀྑུཾ རཱུཔིཡཚཌྜཀཾ སམྨནྣཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ རཱུཔིཡཚཌྜཀསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨིཏྠནྣཱམོ བྷིཀྑུ རཱུཔིཡཚཌྜཀོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཏེན སམྨཏེན བྷིཀྑུནཱ ཨནིམིཏྟཾ ཀཏྭཱ པཱཏེཏབྦཾ. སཙེ ནིམིཏྟཾ ཀཏྭཱ པཱཏེཏི, ཨཱཔཏྟི དུཀྐཊསྶ.

༥༨༦. རཱུཔིཡེ ¶ རཱུཔིཡསཉྙཱི རཱུཔིཡཾ པཊིགྒཎྷཱཏི, ནིསྶགྒིཡཾ པཱཙིཏྟིཡཾ. རཱུཔིཡེ ཝེམཏིཀོ རཱུཔིཡཾ པཊིགྒཎྷཱཏི, ནིསྶགྒིཡཾ པཱཙིཏྟིཡཾ. རཱུཔིཡེ ཨརཱུཔིཡསཉྙཱི རཱུཔིཡཾ པཊིགྒཎྷཱཏི, ནིསྶགྒིཡཾ པཱཙིཏྟིཡཾ.

ཨརཱུཔིཡེ ¶ རཱུཔིཡསཉྙཱི, ཨཱཔཏྟི དུཀྐཊསྶ. ཨརཱུཔིཡེ ཝེམཏིཀོ, ཨཱཔཏྟི དུཀྐཊསྶ. ཨརཱུཔིཡེ ཨརཱུཔིཡསཉྙཱི, ཨནཱཔཏྟི.

ཨནཱཔཏྟི ཨཛ྄ཛྷཱརཱམེ ཝཱ ཨཛ྄ཛྷཱཝསཐེ ཝཱ ཨུགྒཧེཏྭཱ ཝཱ ¶ ཨུགྒཧཱཔེཏྭཱ ཝཱ ནིཀྑིཔཏི – ཡསྶ བྷཝིསྶཏི སོ ཧརིསྶཏཱིཏི, ཨུམྨཏྟཀསྶ, ཨཱདིཀམྨིཀསྶཱཏི.

རཱུཔིཡསིཀྑཱཔདཾ ནིཊྛིཏཾ ཨཊྛམཾ.

༩. རཱུཔིཡསཾཝོཧཱརསིཀྑཱཔདཾ

༥༨༧. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ནཱནཔྤཀཱརཀཾ རཱུཔིཡསཾཝོཧཱརཾ སམཱཔཛྫནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ནཱནཔྤཀཱརཀཾ རཱུཔིཡསཾཝོཧཱརཾ སམཱཔཛྫིསྶནྟི, སེཡྻཐཱཔི གིཧཱི ཀཱམབྷོགིནོ’’ཏི ¶ ! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ནཱནཔྤཀཱརཀཾ རཱུཔིཡསཾཝོཧཱརཾ སམཱཔཛྫིསྶནྟཱི’’ཏི! ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ, ནཱནཔྤཀཱརཀཾ རཱུཔིཡསཾཝོཧཱརཾ སམཱཔཛྫཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ནཱནཔྤཀཱརཀཾ རཱུཔིཡསཾཝོཧཱརཾ སམཱཔཛྫིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༨༨. ‘‘ཡོ པན བྷིཀྑུ ནཱནཔྤཀཱརཀཾ རཱུཔིཡསཾཝོཧཱརཾ སམཱཔཛྫེཡྻ, ནིསྶགྒིཡཾ པཱཙིཏྟིཡ’’ནྟི.

༥༨༩. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ནཱནཔྤཀཱརཀཾ ¶ ནཱམ ཀཏམྤི ¶ ཨཀཏམྤི ཀཏཱཀཏམྤི. ཀཏཾ ནཱམ སཱིསཱུཔགཾ གཱིཝཱུཔགཾ ཧཏྠཱུཔགཾ པཱདཱུཔགཾ ཀཊཱུཔགཾ. ཨཀཏཾ ནཱམ གྷནཀཏཾ ཝུཙྩཏི. ཀཏཱཀཏཾ ནཱམ ཏདུབྷཡཾ.

རཱུཔིཡཾ ¶ ནཱམ སཏྠུཝཎྞོ ཀཧཱཔཎོ, ལོཧམཱསཀོ, དཱརུམཱསཀོ, ཛཏུམཱསཀོ ཡེ ཝོཧཱརཾ གཙྪནྟི.

སམཱཔཛྫེཡྻཱཏི ཀཏེན ཀཏཾ ཙེཏཱཔེཏི, ནིསྶགྒིཡཾ པཱཙིཏྟིཡཾ [ནིསྶགྒིཡཾ ཧོཏི (སྱཱ.)]. ཀཏེན ཨཀཏཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཀཏེན ཀཏཱཀཏཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨཀཏེན ཀཏཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨཀཏེན ཨཀཏཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨཀཏེན ཀཏཱཀཏཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཀཏཱཀཏེན ཀཏཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཀཏཱཀཏེན ཨཀཏཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཀཏཱཀཏེན ཀཏཱཀཏཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. སངྒྷམཛ྄ཛྷེ ནིསྶཛྫིཏབྦཾ. ཨེཝཉྩ པན, བྷིཀྑཝེ, ནིསྶཛྫིཏབྦཾ. ཏེན བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ ¶ – ‘‘ཨཧཾ, བྷནྟེ, ནཱནཔྤཀཱརཀཾ རཱུཔིཡསཾཝོཧཱརཾ སམཱཔཛྫིཾ. ཨིདཾ མེ ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱི’’ཏི. ནིསྶཛྫིཏྭཱ ཨཱཔཏྟི དེསེཏབྦཱ. བྱཏྟེན བྷིཀྑུནཱ པཊིབལེན ཨཱཔཏྟི པཊིགྒཧེཏབྦཱ. སཙེ ཏཏྠ ཨཱགཙྪཏི ཨཱརཱམིཀོ ཝཱ ཨུཔཱསཀོ ཝཱ སོ ཝཏྟབྦོ – ‘‘ཨཱཝུསོ, ཨིམཾ ཛཱནཱཧཱི’’ཏི. སཙེ སོ བྷཎཏི – ‘‘ཨིམིནཱ ཀིཾ ཨཱཧརིཡྻཏཱུ’’ཏི, ན ཝཏྟབྦོ – ‘‘ཨིམཾ ¶ ཝཱ ཨིམཾ ཝཱ ཨཱཧརཱ’’ཏི. ཀཔྤིཡཾ ཨཱཙིཀྑིཏབྦཾ – སཔྤི ཝཱ ཏེལཾ ཝཱ མདྷུ ཝཱ ཕཱཎིཏཾ ཝཱ. སཙེ སོ ཏེན པརིཝཏྟེཏྭཱ ཀཔྤིཡཾ ཨཱཧརཏི, རཱུཔིཡཙེཏཱཔཀཾ ཋཔེཏྭཱ, སབྦེཧེཝ པརིབྷུཉྫིཏབྦཾ. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ; ནོ ཙེ ལབྷེཐ, སོ ཝཏྟབྦོ – ‘‘ཨཱཝུསོ, ཨིམཾ ཚཌྜེཧཱི’’ཏི. སཙེ སོ ཚཌྜེཏི, ཨིཙྩེཏཾ ཀུསལཾ; ནོ ཙེ ཚཌྜེཏི, པཉྩཧངྒེཧི སམནྣཱགཏོ བྷིཀྑུ རཱུཔིཡཚཌྜཀོ སམྨནྣིཏབྦོ – ཡོ ན ཚནྡཱགཏིཾ གཙྪེཡྻ, ན དོསཱགཏིཾ གཙྪེཡྻ, ན མོཧཱགཏིཾ གཙྪེཡྻ, ན བྷཡཱགཏིཾ གཙྪེཡྻ, ཚཌྜིཏཱཚཌྜིཏཉྩ ཛཱནེཡྻ. ཨེཝཉྩ པན, བྷིཀྑཝེ, སམྨནྣིཏབྦོ. པཋམཾ བྷིཀྑུ ཡཱཙིཏབྦོ. ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༥༩༠. ‘‘སུཎཱཏུ ¶ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུཾ རཱུཔིཡཚཌྜཀཾ སམྨནྣེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ བྷིཀྑུཾ རཱུཔིཡཚཌྜཀཾ སམྨནྣཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ རཱུཔིཡཚཌྜཀསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨིཏྠནྣཱམོ བྷིཀྑུ རཱུཔིཡཚཌྜཀོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཏེན སམྨཏེན བྷིཀྑུནཱ ཨནིམིཏྟཾ ཀཏྭཱ པཱཏེཏབྦཾ. སཙེ ནིམིཏྟཾ ཀཏྭཱ པཱཏེཏི, ཨཱཔཏྟི དུཀྐཊསྶ.

༥༩༡. རཱུཔིཡེ རཱུཔིཡསཉྙཱི རཱུཔིཡཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. རཱུཔིཡེ ¶ ཝེམཏིཀོ རཱུཔིཡཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. རཱུཔིཡེ ཨརཱུཔིཡསཉྙཱི རཱུཔིཡཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨརཱུཔིཡེ རཱུཔིཡསཉྙཱི རཱུཔིཡཾ ཙེཏཱཔེཏི, ནིསྶགྒིཡཾ པཱཙིཏྟིཡཾ ¶ . ཨརཱུཔིཡེ ཝེམཏིཀོ རཱུཔིཡཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨརཱུཔིཡེ ཨརཱུཔིཡསཉྙཱི རཱུཔིཡཾ ཙེཏཱཔེཏི, ནིསྶགྒིཡཾ པཱཙིཏྟིཡཾ.

ཨརཱུཔིཡེ རཱུཔིཡསཉྙཱི, ཨཱཔཏྟི དུཀྐཊསྶ. ཨརཱུཔིཡེ ཝེམཏིཀོ, ཨཱཔཏྟི དུཀྐཊསྶ. ཨརཱུཔིཡེ ཨརཱུཔིཡསཉྙཱི, ཨནཱཔཏྟི.

༥༩༢. ཨནཱཔཏྟི ཨུམྨཏྟཀསྶ, ཨཱདིཀམྨིཀསྶཱཏི.

རཱུཔིཡསཾཝོཧཱརསིཀྑཱཔདཾ ནིཊྛིཏཾ ནཝམཾ.

༡༠. ཀཡཝིཀྐཡསིཀྑཱཔདཾ

༥༩༣. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུཔནནྡོ སཀྱཔུཏྟོ པཊྚོ ཧོཏི ཙཱིཝརཀམྨཾ ཀཱཏུཾ. སོ པཊཔིལོཏིཀཱནཾ སངྒྷཱཊིཾ ཀརིཏྭཱ སུརཏྟཾ སུཔརིཀམྨཀཏཾ ཀཏྭཱ པཱརུཔི. ཨཐ ཁོ ཨཉྙཏརོ པརིབྦཱཛཀོ མཧགྒྷཾ པཊཾ པཱརུཔིཏྭཱ ཡེནཱཡསྨཱ ཨུཔནནྡོ སཀྱཔུཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨུཔནནྡཾ སཀྱཔུཏྟཾ ¶ ཨེཏདཝོཙ – ‘‘སུནྡརཱ ¶ ཁོ ཏྱཱཡཾ, ཨཱཝུསོ, སངྒྷཱཊི; དེཧི མེ པཊེནཱ’’ཏི. ‘‘ཛཱནཱཧི, ཨཱཝུསོ’’ཏི. ‘‘ཨཱམཱཝུསོ, ཛཱནཱམཱི’’ཏི. ‘‘ཧནྡཱཝུསོ’’ཏི, ཨདཱསི. ཨཐ ཁོ སོ པརིབྦཱཛཀོ ཏཾ སངྒྷཱཊིཾ པཱརུཔིཏྭཱ པརིབྦཱཛཀཱརཱམཾ ཨགམཱསི. པརིབྦཱཛཀཱ ཏཾ པརིབྦཱཛཀཾ ཨེཏདཝོཙུཾ – ‘‘སུནྡརཱ ཁོ ཏྱཱཡཾ, ཨཱཝུསོ, སངྒྷཱཊི; ཀུཏོ ཏཡཱ ལདྡྷཱ’’ཏི? ‘‘ཏེན མེ, ཨཱཝུསོ, པཊེན པརིཝཏྟིཏཱ’’ཏི. ‘‘ཀཏིཧིཔི ཏྱཱཡཾ, ཨཱཝུསོ, སངྒྷཱཊི བྷཝིསྶཏི, སོཡེཝ ཏེ པཊོ ཝརོ’’ཏི.

ཨཐ ཁོ སོ པརིབྦཱཛཀོ – ‘‘སཙྩཾ ཁོ པརིབྦཱཛཀཱ ཨཱཧཾསུ – ‘ཀཏིཧིཔི མྱཱཡཾ སངྒྷཱཊི བྷཝིསྶཏི! སོཡེཝ མེ པཊོ ཝརོ’’’ཏི ཡེནཱཡསྨཱ ཨུཔནནྡོ སཀྱཔུཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨུཔནནྡཾ སཀྱཔུཏྟཾ ཨེཏདཝོཙ – ‘‘ཧནྡ ཏེ, ཨཱཝུསོ, སངྒྷཱཊི [སངྒྷཱཊིཾ (སྱཱ. ཀ.)]; དེཧི མེ པཊ’’ནྟི. ‘‘ནནུ ཏྭཾ, ཨཱཝུསོ, མཡཱ ཝུཏྟོ – ‘ཛཱནཱཧི, ཨཱཝུསོ’ཏི ¶ ! ནཱཧ དསྶཱམཱི’’ཏི. ཨཐ ཁོ སོ པརིབྦཱཛཀོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘གིཧཱིཔི ནཾ གིཧིསྶ ¶ ཝིཔྤཊིསཱརིསྶ དེནྟི, ཀིཾ པན པབྦཛིཏོ པབྦཛིཏསྶ ན དསྶཏཱི’’ཏི! ཨསྶོསུཾ ཁོ བྷིཀྑཱུ ཏསྶ པརིབྦཱཛཀསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ པརིབྦཱཛཀེན སདྡྷིཾ ཀཡཝིཀྐཡཾ སམཱཔཛྫིསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ ཨུཔནནྡཾ སཀྱཔུཏྟཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, ཨུཔནནྡ, པརིབྦཱཛཀེན སདྡྷིཾ ཀཡཝིཀྐཡཾ སམཱཔཛྫསཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, པརིབྦཱཛཀེན སདྡྷིཾ ཀཡཝིཀྐཡཾ སམཱཔཛྫིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༩༤. ‘‘ཡོ པན བྷིཀྑུ ནཱནཔྤཀཱརཀཾ ཀཡཝིཀྐཡཾ སམཱཔཛྫེཡྻ, ནིསྶགྒིཡཾ པཱཙིཏྟིཡ’’ནྟི.

༥༩༥. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ནཱནཔྤཀཱརཀཾ ¶ ནཱམ ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརཱ, ཨནྟམསོ ཙུཎྞཔིཎྜོཔི དནྟཀཊྛམྤི དསིཀསུཏྟམྤི.

ཀཡཝིཀྐཡཾ སམཱཔཛྫེཡྻཱཏི ཨིམིནཱ ¶ ཨིམཾ དེཧི, ཨིམིནཱ ཨིམཾ ཨཱཧར, ཨིམིནཱ ཨིམཾ པརིཝཏྟེཧི, ཨིམིནཱ ཨིམཾ ཙེཏཱཔེཧཱིཏི. ཨཛ྄ཛྷཱཙརཏི, ཨཱཔཏྟི དུཀྐཊསྶ. ཡཏོ ཀཡིཏཉྩ ཧོཏི ཝིཀྐཡིཏཉྩ ཨཏྟནོ བྷཎྜཾ པརཧཏྠགཏཾ པརབྷཎྜཾ ཨཏྟནོ ཧཏྠགཏཾ, ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ¶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ཨཧཾ, བྷནྟེ, ནཱནཔྤཀཱརཀཾ ཀཡཝིཀྐཡཾ སམཱཔཛྫིཾ. ཨིདཾ མེ ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༥༩༦. ཀཡཝིཀྐཡེ ཀཡཝིཀྐཡསཉྙཱི, ནིསྶགྒིཡཾ པཱཙིཏྟིཡཾ. ཀཡཝིཀྐཡེ ཝེམཏིཀོ ¶ , ནིསྶགྒིཡཾ པཱཙིཏྟིཡཾ. ཀཡཝིཀྐཡེ ནཀཡཝིཀྐཡསཉྙཱི, ནིསྶགྒིཡཾ པཱཙིཏྟིཡཾ.

ནཀཡཝིཀྐཡེ ཀཡཝིཀྐཡསཉྙཱི, ཨཱཔཏྟི དུཀྐཊསྶ. ནཀཡཝིཀྐཡེ ཝེམཏིཀོ, ཨཱཔཏྟི དུཀྐཊསྶ. ནཀཡཝིཀྐཡེ ནཀཡཝིཀྐཡསཉྙཱི, ཨནཱཔཏྟི.

༥༩༧. ཨནཱཔཏྟི – ཨགྒྷཾ པུཙྪཏི, ཀཔྤིཡཀཱརཀསྶ ཨཱཙིཀྑཏི, ‘‘ཨིདཾ ཨམྷཱཀཾ ཨཏྠི, ཨམྷཱཀཉྩ ཨིམིནཱ ཙ ཨིམིནཱ ཙ ཨཏྠོ’’ཏི བྷཎཏི, ཨུམྨཏྟཀསྶ, ཨཱདིཀམྨིཀསྶཱཏི.

ཀཡཝིཀྐཡསིཀྑཱཔདཾ ནིཊྛིཏཾ དསམཾ.

ཀོསིཡཝགྒོ དུཏིཡོ.

ཏསྶུདྡཱནཾ –

ཀོསིཡཱ ¶ སུདྡྷདྭེབྷཱགཱ, ཚབྦསྶཱནི ནིསཱིདནཾ;

དྭེ ཙ ལོམཱནི ཨུགྒཎྷེ, ཨུབྷོ ནཱནཔྤཀཱརཀཱཏི.

༣. པཏྟཝགྒོ

༡. པཏྟསིཀྑཱཔདཾ

༥༩༨. ཏེན ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ བཧཱུ པཏྟེ སནྣིཙཡཾ ཀརོནྟི. མནུསྶཱ ཝིཧཱརཙཱརིཀཾ ཨཱཧིཎྜནྟཱ པསྶིཏྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ བཧཱུ པཏྟེ སནྣིཙཡཾ ཀརིསྶནྟི, པཏྟཝཱཎིཛྫཾ ཝཱ སམཎཱ སཀྱཔུཏྟིཡཱ ཀརིསྶནྟི ཨཱམཏྟིཀཱཔཎཾ ཝཱ པསཱརེསྶནྟཱི’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨཏིརེཀཔཏྟཾ དྷཱརེསྶནྟཱི’’ཏི! ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ, ཨཏིརེཀཔཏྟཾ དྷཱརེཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཨཏིརེཀཔཏྟཾ དྷཱརེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ ¶ …པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༩༩. ‘‘ཡོ པན བྷིཀྑུ ཨཏིརེཀཔཏྟཾ དྷཱརེཡྻ, ནིསྶགྒིཡཾ པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༦༠༠. ཏེན ཁོ པན སམཡེན ཨཱཡསྨཏོ ཨཱནནྡསྶ ཨཏིརེཀཔཏྟོ ཨུཔྤནྣོ ¶ ཧོཏི. ཨཱཡསྨཱ ¶ ཙ ཨཱནནྡོ ཏཾ པཏྟཾ ཨཱཡསྨཏོ སཱརིཔུཏྟསྶ དཱཏུཀཱམོ ཧོཏི. ཨཱཡསྨཱ ཙ སཱརིཔུཏྟོ སཱཀེཏེ ཝིཧརཏི. ཨཐ ཁོ ཨཱཡསྨཏོ ཨཱནནྡསྶ ཨེཏདཧོསི – ‘‘བྷགཝཏཱ སིཀྑཱཔདཾ པཉྙཏྟཾ – ‘ན ཨཏིརེཀཔཏྟོ དྷཱརེཏབྦོ’ཏི. ཨཡཉྩ མེ ཨཏིརེཀཔཏྟོ ཨུཔྤནྣོ. ཨཧཉྩིམཾ པཏྟཾ ཨཱཡསྨཏོ སཱརིཔུཏྟསྶ དཱཏུཀཱམོ. ཨཱཡསྨཱ ཙ སཱརིཔུཏྟོ སཱཀེཏེ ཝིཧརཏི. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསི. ‘‘ཀཱིཝཙིརཾ པནཱནནྡ, སཱརིཔུཏྟོ ཨཱགཙྪིསྶཏཱི’’ཏི? ‘‘ནཝམཾ ཝཱ, བྷགཝཱ, དིཝསཾ དསམཾ ཝཱ’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ ¶ , དསཱཧཔརམཾ ཨཏིརེཀཔཏྟཾ དྷཱརེཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༦༠༡. ‘‘དསཱཧཔརམཾ ཨཏིརེཀཔཏྟོ དྷཱརེཏབྦོ. ཏཾ ཨཏིཀྐཱམཡཏོ ནིསྶགྒིཡཾ པཱཙིཏྟིཡ’’ནྟི.

༦༠༢. དསཱཧཔརམནྟི དསཱཧཔརམཏཱ དྷཱརེཏབྦོ.

ཨཏིརེཀཔཏྟོ ནཱམ ཨནདྷིཊྛིཏོ ཨཝིཀཔྤིཏོ.

པཏྟོ ནཱམ དྭེ པཏྟཱ ཨཡོཔཏྟོ མཏྟིཀཱཔཏྟོཏི.

ཏཡོ པཏྟསྶ ཝཎྞཱ ཨུཀྐཊྛོ པཏྟོ མཛ྄ཛྷིམོ པཏྟོ ཨོམཀོ པཏྟོ. ཨུཀྐཊྛོ ནཱམ པཏྟོ ཨཌྜྷཱལ༹ྷཀོདནཾ གཎྷཱཏི ཙཏུབྷཱགཾ ཁཱདནཾ ཏདུཔིཡཾ བྱཉྫནཾ. མཛ྄ཛྷིམོ ནཱམ པཏྟོ ནཱལི༹ཀོདནཾ གཎྷཱཏི ཙཏུབྷཱགཾ ཁཱདནཾ ཏདུཔིཡཾ ¶ བྱཉྫནཾ. ཨོམཀོ ནཱམ པཏྟོ པཏྠོདནཾ གཎྷཱཏི ཙཏུབྷཱགཾ ཁཱདནཾ ཏདུཔིཡཾ བྱཉྫནཾ. ཏཏོ ཨུཀྐཊྛོ ཨཔཏྟོ, ཨོམཀོ ཨཔཏྟོ.

ཏཾ ཨཏིཀྐཱམཡཏོ ནིསྶགྒིཡོ ཧོཏཱིཏི ཨེཀཱདསེ ཨརུཎུགྒམནེ ནིསྶགྒིཡོ ཧོཏི. ནིསྶཛྫིཏབྦོ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦོ. ཏེན བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཡཾ མེ, བྷནྟེ, པཏྟོ དསཱཧཱཏིཀྐནྟོ ¶ ནིསྶགྒིཡོ. ཨིམཱཧཾ སངྒྷསྶ ནིསྶཛྫཱམཱི’’ཏི. ནིསྶཛྫིཏྭཱ ¶ ཨཱཔཏྟི དེསེཏབྦཱ. བྱཏྟེན བྷིཀྑུནཱ པཊིབལེན ཨཱཔཏྟི པཊིགྒཧེཏབྦཱ, ནིསྶཊྛཔཏྟོ དཱཏབྦོ.

༦༠༣. ‘‘སུཎཱཏུ མེ, བྷནྟེ, སངྒྷོ. ཨཡཾ པཏྟོ ཨིཏྠནྣཱམསྶ བྷིཀྑུནོ ནིསྶགྒིཡོ སངྒྷསྶ ནིསྶཊྛོ. ཡདི སངྒྷསྶ པཏྟཀལླཾ, སངྒྷོ ཨིམཾ པཏྟཾ ཨིཏྠནྣཱམསྶ བྷིཀྑུནོ དདེཡྻཱ’’ཏི.

༦༠༤. ཏེན བྷིཀྑུནཱ སམྦཧུལེ བྷིཀྑཱུ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ¶ ཨཉྫལིཾ པགྒཧེཏྭཱ ཨེཝམསྶུ ཝཙནཱིཡཱ – ‘‘ཨཡཾ མེ, བྷནྟེ, པཏྟོ དསཱཧཱཏིཀྐནྟོ ནིསྶགྒིཡོ. ཨིམཱཧཾ ཨཱཡསྨནྟཱནཾ ནིསྶཛྫཱམཱི’’ཏི. ནིསྶཛྫིཏྭཱ ¶ ཨཱཔཏྟི དེསེཏབྦཱ. བྱཏྟེན བྷིཀྑུནཱ པཊིབལེན ཨཱཔཏྟི པཊིགྒཧེཏབྦཱ, ནིསྶཊྛཔཏྟོ དཱཏབྦོ.

༦༠༥. ‘‘སུཎནྟུ མེ ཨཱཡསྨནྟཱ. ཨཡཾ པཏྟོ ཨིཏྠནྣཱམསྶ བྷིཀྑུནོ ནིསྶགྒིཡོ ཨཱཡསྨནྟཱནཾ ནིསྶཊྛོ. ཡདཱཡསྨནྟཱནཾ པཏྟཀལླཾ, ཨཱཡསྨནྟཱ ཨིམཾ པཏྟཾ ཨིཏྠནྣཱམསྶ བྷིཀྑུནོ དདེཡྻུ’’ནྟི.

༦༠༦. ཏེན བྷིཀྑུནཱ ཨེཀཾ བྷིཀྑུཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཡཾ མེ, ཨཱཝུསོ, པཏྟོ དསཱཧཱཏིཀྐནྟོ ནིསྶགྒིཡོ. ཨིམཱཧཾ ཨཱཡསྨཏོ ནིསྶཛྫཱམཱི’’ཏི. ནིསྶཛྫིཏྭཱ ཨཱཔཏྟི དེསེཏབྦཱ. ཏེན བྷིཀྑུནཱ ཨཱཔཏྟི པཊིགྒཧེཏབྦཱ, ནིསྶཊྛཔཏྟོ དཱཏབྦོ – ‘‘ཨིམཾ པཏྟཾ ཨཱཡསྨཏོ དམྨཱི’’ཏི.

༦༠༧. དསཱཧཱཏིཀྐནྟེ ཨཏིཀྐནྟསཉྙཱི, ནིསྶགྒིཡཾ པཱཙིཏྟིཡཾ. དསཱཧཱཏིཀྐནྟེ ཝེམཏིཀོ, ནིསྶགྒིཡཾ པཱཙིཏྟིཡཾ. དསཱཧཱཏིཀྐནྟེ ཨནཏིཀྐནྟསཉྙཱི, ནིསྶགྒིཡཾ པཱཙིཏྟིཡཾ. ཨནདྷིཊྛིཏེ ཨདྷིཊྛིཏསཉྙཱི, ནིསྶགྒིཡཾ པཱཙིཏྟིཡཾ. ཨཝིཀཔྤིཏེ ཝིཀཔྤིཏསཉྙཱི, ནིསྶགྒིཡཾ པཱཙིཏྟིཡཾ. ཨཝིསྶཛྫིཏེ ཝིསྶཛྫིཏསཉྙཱི, ནིསྶགྒིཡཾ པཱཙིཏྟིཡཾ. ཨནཊྛེ ནཊྛསཉྙཱི ནིསྶགྒིཡཾ པཱཙིཏྟིཡཾ. ཨཝིནཊྛེ ཝིནཊྛསཉྙཱི, ནིསྶགྒིཡཾ ¶ པཱཙིཏྟིཡཾ ¶ . ཨབྷིནྣེ བྷིནྣསཉྙཱི, ནིསྶགྒིཡཾ པཱཙིཏྟིཡཾ. ཨཝིལུཏྟེ ཝིལུཏྟསཉྙཱི, ནིསྶགྒིཡཾ པཱཙིཏྟིཡཾ.

ནིསྶགྒིཡཾ པཏྟཾ ཨནིསྶཛྫིཏྭཱ པརིབྷུཉྫཏི, ཨཱཔཏྟི དུཀྐཊསྶ. དསཱཧཱནཏིཀྐནྟེ ཨཏིཀྐནྟསཉྙཱི, ཨཱཔཏྟི དུཀྐཊསྶ. དསཱཧཱནཏིཀྐནྟེ ཝེམཏིཀོ, ཨཱཔཏྟི དུཀྐཊསྶ. དསཱཧཱནཏིཀྐནྟེ ཨནཏིཀྐནྟསཉྙཱི, ཨནཱཔཏྟི.

༦༠༨. ཨནཱཔཏྟི ཨནྟོདསཱཧཾ ཨདྷིཊྛེཏི, ཝིཀཔྤེཏི, ཝིསྶཛྫེཏི, ནསྶཏི, ཝིནསྶཏི, བྷིཛྫཏི, ཨཙྪིནྡིཏྭཱ གཎྷནྟི, ཝིསྶཱསཾ གཎྷནྟི, ཨུམྨཏྟཀསྶ, ཨཱདིཀམྨིཀསྶཱཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ ནིསྶཊྛཔཏྟཾ ན དེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ནིསྶཊྛཔཏྟོ ན དཱཏབྦོ. ཡོ ན དདེཡྻ, ཨཱཔཏྟི དུཀྐཊསྶཱ’’ཏི.

པཏྟསིཀྑཱཔདཾ ནིཊྛིཏཾ པཋམཾ.

༢. ཨཱུནཔཉྩབནྡྷནསིཀྑཱཔདཾ

༦༠༩. ཏེན ¶ ¶ སམཡེན བུདྡྷོ བྷགཝཱ སཀྐེསུ ཝིཧརཏི ཀཔིལཝཏྠུསྨིཾ ནིགྲོདྷཱརཱམེ. ཏེན ཁོ པན སམཡེན ཨཉྙཏརེན ཀུམྦྷཀཱརེན བྷིཀྑཱུ པཝཱརིཏཱ ཧོནྟི – ‘‘ཡེསཾ ཨཡྻཱནཾ པཏྟེན ཨཏྠོ ཨཧཾ པཏྟེནཱ’’ཏི. ཏེན ཁོ པན སམཡེན བྷིཀྑཱུ ན མཏྟཾ ཛཱནིཏྭཱ བཧཱུ པཏྟེ ཝིཉྙཱཔེནྟི. ཡེསཾ ཁུདྡཀཱ པཏྟཱ ཏེ མཧནྟེ པཏྟེ ཝིཉྙཱཔེནྟི. ཡེསཾ མཧནྟཱ པཏྟཱ ཏེ ཁུདྡཀེ པཏྟེ ཝིཉྙཱཔེནྟི. ཨཐ ཁོ སོ ཀུམྦྷཀཱརོ བྷིཀྑཱུནཾ བཧཱུ པཏྟེ ཀརོནྟོ ན སཀྐོཏི ཨཉྙཾ ཝིཀྐཱཡིཀཾ བྷཎྜཾ ཀཱཏུཾ, ཨཏྟནཱཔི ན ཡཱཔེཏི, པུཏྟདཱརཱཔིསྶ ཀིལམནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ན མཏྟཾ ཛཱནིཏྭཱ བཧཱུ པཏྟེ ཝིཉྙཱཔེསྶནྟི! ཨཡཾ ཨིམེསཾ བཧཱུ པཏྟེ ཀརོནྟོ ན ¶ སཀྐོཏི ཨཉྙཾ ཝིཀྐཱཡིཀཾ བྷཎྜཾ ཀཱཏུཾ, ཨཏྟནཱཔི ན ཡཱཔེཏི, པུཏྟདཱརཱཔིསྶ ཀིལམནྟཱི’’ཏི.

ཨསྶོསུཾ ¶ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑཱུ ན མཏྟཾ ཛཱནིཏྭཱ བཧཱུ པཏྟེ ཝིཉྙཱཔེསྶནྟཱི’’ཏི! ཨཐ ཁོ ཏེ བྷིཀྑཱུ ཏེ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ཀིར, བྷིཀྑཝེ, བྷིཀྑཱུ ན མཏྟཾ ཛཱནིཏྭཱ བཧཱུ ¶ པཏྟེ ཝིཉྙཱཔེནྟཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ན མཏྟཾ ཛཱནིཏྭཱ བཧཱུ པཏྟེ ཝིཉྙཱཔེསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, པཏྟོ ཝིཉྙཱཔེཏབྦོ. ཡོ ཝིཉྙཱཔེཡྻ, ཨཱཔཏྟི དུཀྐཊསྶཱ’’ཏི.

༦༡༠. ཏེན ཁོ པན སམཡེན ཨཉྙཏརསྶ བྷིཀྑུནོ པཏྟོ བྷིནྣོ ཧོཏི. ཨཐ ཁོ སོ བྷིཀྑུ – ‘‘བྷགཝཏཱ པཊིཀྑིཏྟཾ པཏྟཾ ཝིཉྙཱཔེཏུ’’ནྟི ཀུཀྐུཙྩཱཡནྟོ ན ཝིཉྙཱཔེཏི. ཧཏྠེསུ པིཎྜཱཡ ཙརཏི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཧཏྠེསུ པིཎྜཱཡ ཙརིསྶནྟི, སེཡྻཐཱཔི ཏིཏྠིཡཱ’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ¶ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ནཊྛཔཏྟསྶ ཝཱ བྷིནྣཔཏྟསྶ ཝཱ པཏྟཾ ཝིཉྙཱཔེཏུ’’ནྟི.

༦༡༡. ཏེན ཁོ པན སམཡེན ཚབྦགྒིཡཱ བྷིཀྑཱུ – ‘‘བྷགཝཏཱ ཨནུཉྙཱཏཾ ནཊྛཔཏྟསྶ ཝཱ བྷིནྣཔཏྟསྶ ཝཱ པཏྟཾ ཝིཉྙཱཔེཏུ’’ནྟི ཨཔྤམཏྟཀེནཔི བྷིནྣེན ཨཔྤམཏྟཀེནཔི ཁཎྜེན ཝིལིཁིཏམཏྟེནཔི བཧཱུ པཏྟེ ཝིཉྙཱཔེནྟི ¶ . ཨཐ ཁོ སོ ཀུམྦྷཀཱརོ བྷིཀྑཱུནཾ ཏཐེཝ བཧཱུ པཏྟེ ཀརོནྟོ ན སཀྐོཏི ཨཉྙཾ ཝིཀྐཱཡིཀཾ བྷཎྜཾ ཀཱཏུཾ, ཨཏྟནཱཔི ན ཡཱཔེཏི, པུཏྟདཱརཱཔིསྶ ཀིལམནྟི. མནུསྶཱ ཏཐེཝ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ན མཏྟཾ ཛཱནིཏྭཱ བཧཱུ པཏྟེ ཝིཉྙཱཔེསྶནྟི! ཨཡཾ ཨིམེསཾ བཧཱུ པཏྟེ ཀརོནྟོ ན སཀྐོཏི ཨཉྙཾ ཝིཀྐཱཡིཀཾ བྷཎྜཾ ཀཱཏུཾ, ཨཏྟནཱཔི ན ཡཱཔེཏི, པུཏྟདཱརཱཔིསྶ ཀིལམནྟཱི’’ཏི.

ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ¶ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨཔྤམཏྟཀེནཔི བྷིནྣེན ¶ ཨཔྤམཏྟཀེནཔི ཁཎྜེན ཝིལིཁིཏམཏྟེནཔི བཧཱུ པཏྟེ ཝིཉྙཱཔེསྶནྟཱི’’ཏི! ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ, ཨཔྤམཏྟཀེནཔི བྷིནྣེན ཨཔྤམཏྟཀེནཔི ཁཎྜེན ཝིལིཁིཏམཏྟེནཔི བཧཱུ པཏྟེ ཝིཉྙཱཔེཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཨཔྤམཏྟཀེནཔི བྷིནྣེན ཨཔྤམཏྟཀེནཔི ཁཎྜེན ཝིལིཁིཏམཏྟེནཔི བཧཱུ ¶ པཏྟེ ཝིཉྙཱཔེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༦༡༢. ‘‘ཡོ པན བྷིཀྑུ ཨཱུནཔཉྩབནྡྷནེན པཏྟེན ཨཉྙཾ ནཝཾ པཏྟཾ ཙེཏཱཔེཡྻ, ནིསྶགྒིཡཾ པཱཙིཏྟིཡཾ. ཏེན བྷིཀྑུནཱ སོ པཏྟོ བྷིཀྑུཔརིསཱཡ ནིསྶཛྫིཏབྦོ. ཡོ ཙ ཏསྶཱ བྷིཀྑུཔརིསཱཡ པཏྟཔརིཡནྟོ སོ ཏསྶ བྷིཀྑུནོ པདཱཏབྦོ – ‘ཨཡཾ ཏེ, བྷིཀྑུ, པཏྟོ ཡཱཝ བྷེདནཱཡ དྷཱརེཏབྦོ’ཏི. ཨཡཾ ཏཏྠ སཱམཱིཙཱི’’ཏི.

༦༡༣. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨཱུནཔཉྩབནྡྷནོ ¶ ནཱམ པཏྟོ ཨབནྡྷནོ ཝཱ ཨེཀབནྡྷནོ ཝཱ དྭིབནྡྷནོ ཝཱ ཏིབནྡྷནོ ཝཱ ཙཏུབནྡྷནོ ཝཱ. ཨབནྡྷནོཀཱསོ ནཱམ པཏྟོ ཡསྶ དྭངྒུལཱ རཱཛི ན ཧོཏི. བནྡྷནོཀཱསོ ནཱམ པཏྟོ ཡསྶ དྭངྒུལཱ རཱཛི ཧོཏི. ནཝོ ནཱམ པཏྟོ ཝིཉྙཏྟིཾ ཨུཔཱདཱཡ ཝུཙྩཏི.

ཙེཏཱཔེཡྻཱཏི ཝིཉྙཱཔེཏི, པཡོགེ དུཀྐཊཾ. པཊིལཱབྷེན ནིསྶགྒིཡོ ཧོཏི. སངྒྷམཛ྄ཛྷེ ནིསྶཛྫིཏབྦོ. སབྦེཧེཝ ཨདྷིཊྛིཏཔཏྟཾ གཧེཏྭཱ སནྣིཔཏིཏབྦཾ. ན ལཱམཀོ པཏྟོ ཨདྷིཊྛཱཏབྦོ – ‘‘མཧགྒྷཾ པཏྟཾ གཧེསྶཱམཱི’’ཏི. སཙེ ལཱམཀཾ པཏྟཾ ཨདྷིཊྛེཏི – ‘‘མཧགྒྷཾ པཏྟཾ གཧེསྶཱམཱི’’ཏི, ཨཱཔཏྟི དུཀྐཊསྶ. ཨེཝཉྩ པན, བྷིཀྑཝེ, ནིསྶཛྫིཏབྦོ. ཏེན ¶ བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཡཾ མེ, བྷནྟེ, པཏྟོ ཨཱུནཔཉྩབནྡྷནེན པཏྟེན ཙེཏཱཔིཏོ ནིསྶགྒིཡོ. ཨིམཱཧཾ སངྒྷསྶ ནིསྶཛྫཱམཱི’’ཏི. ནིསྶཛྫིཏྭཱ ¶ ཨཱཔཏྟི དེསེཏབྦཱ. བྱཏྟེན བྷིཀྑུནཱ པཊིབལེན ཨཱཔཏྟི པཊིགྒཧེཏབྦཱ. པཉྩཧངྒེཧི སམནྣཱགཏོ བྷིཀྑུ པཏྟགྒཱཧཱཔཀོ སམྨནྣིཏབྦོ – ཡོ ན ཚནྡཱགཏིཾ གཙྪེཡྻ, ན དོསཱགཏིཾ གཙྪེཡྻ, ན མོཧཱགཏིཾ གཙྪེཡྻ, ན བྷཡཱགཏིཾ གཙྪེཡྻ, གཱཧིཏཱགཱཧིཏཉྩ ཛཱནེཡྻ ¶ . ཨེཝཉྩ པན, བྷིཀྑཝེ, སམྨནྣིཏབྦོ. པཋམཾ བྷིཀྑུ ཡཱཙིཏབྦོ. ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༦༡༤. ‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུཾ པཏྟགྒཱཧཱཔཀཾ སམྨནྣེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ བྷིཀྑུཾ པཏྟགྒཱཧཱཔཀཾ སམྨནྣཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ པཏྟགྒཱཧཱཔཀསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨིཏྠནྣཱམོ བྷིཀྑུ པཏྟགྒཱཧཱཔཀོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༦༡༥. ཏེན སམྨཏེན བྷིཀྑུནཱ པཏྟོ གཱཧེཏབྦོ. ཐེརོ ཝཏྟབྦོ – ‘‘གཎྷཱཏུ, བྷནྟེ, ཐེརོ པཏྟ’’ནྟི. སཙེ ཐེརོ གཎྷཱཏི, ཐེརསྶ ¶ པཏྟོ དུཏིཡསྶ གཱཧེཏབྦོ. ན ཙ ཏསྶ ཨནུདྡཡཏཱཡ ན ¶ གཧེཏབྦོ. ཡོ ན གཎྷེཡྻ, ཨཱཔཏྟི དུཀྐཊསྶ. ཨཔཏྟཀསྶ ན གཱཧེཏབྦོ. ཨེཏེནེཝ ཨུཔཱཡེན ཡཱཝ སངྒྷནཝཀཱ གཱཧེཏབྦཱ. ཡོ ཙ ཏསྶཱ བྷིཀྑུཔརིསཱཡ པཏྟཔརིཡནྟོ, སོ ཏསྶ བྷིཀྑུནོ པདཱཏབྦོ – ‘‘ཨཡཾ ཏེ, བྷིཀྑུ, པཏྟོ ཡཱཝ བྷེདནཱཡ དྷཱརེཏབྦོ’’ཏི.

ཏེན བྷིཀྑུནཱ སོ པཏྟོ ན ཨདེསེ ནིཀྑིཔིཏབྦོ, ན ཨབྷོགེན བྷུཉྫིཏབྦོ, ན ཝིསྶཛྫེཏབྦོ – ‘‘ཀཐཱཡཾ པཏྟོ ནསྶེཡྻ ཝཱ ཝིནསྶེཡྻ ཝཱ བྷིཛྫེཡྻ ཝཱ’’ཏི? སཙེ ཨདེསེ ཝཱ ནིཀྑིཔཏི ཨབྷོགེན ཝཱ བྷུཉྫཏི ཝིསྶཛྫེཏི ཝཱ, ཨཱཔཏྟི དུཀྐཊསྶ.

ཨཡཾ ཏཏྠ སཱམཱིཙཱིཏི ཨཡཾ ཏཏྠ ཨནུདྷམྨཏཱ.

༦༡༦. ཨབནྡྷནེན ¶ པཏྟེན ཨབནྡྷནཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨབནྡྷནེན པཏྟེན ཨེཀབནྡྷནཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨབནྡྷནེན པཏྟེན དྭིབནྡྷནཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨབནྡྷནེན པཏྟེན ཏིབནྡྷནཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨབནྡྷནེན པཏྟེན ཙཏུབནྡྷནཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ.

ཨེཀབནྡྷནེན པཏྟེན ཨབནྡྷནཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨེཀབནྡྷནེན པཏྟེན ཨེཀབནྡྷནཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨེཀབནྡྷནེན པཏྟེན དྭིབནྡྷནཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨེཀབནྡྷནེན པཏྟེན ཏིབནྡྷནཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨེཀབནྡྷནེན པཏྟེན ཙཏུབནྡྷནཾ པཏྟཾ ¶ ཙེཏཱཔེཏི, ནིསྶགྒིཡཾ པཱཙིཏྟིཡཾ.

དྭིབནྡྷནེན པཏྟེན ཨབནྡྷནཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. དྭིབནྡྷནེན པཏྟེན ཨེཀབནྡྷནཾ པཏྟཾ…པེ… དྭིབནྡྷནཾ པཏྟཾ… ཏིབནྡྷནཾ པཏྟཾ… ཙཏུབནྡྷནཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ.

ཏིབནྡྷནེན པཏྟེན ཨབནྡྷནཾ པཏྟཾ…པེ… ཨེཀབནྡྷནཾ པཏྟཾ…པེ… དྭིབནྡྷནཾ པཏྟཾ… ཏིབནྡྷནཾ པཏྟཾ… ཙཏུབནྡྷནཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ.

ཙཏུབནྡྷནེན པཏྟེན ཨབནྡྷནཾ པཏྟཾ…པེ… ཨེཀབནྡྷནཾ པཏྟཾ… དྭིབནྡྷནཾ པཏྟཾ… ཏིབནྡྷནཾ པཏྟཾ… ཙཏུབནྡྷནཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ.

ཨབནྡྷནེན པཏྟེན ཨབནྡྷནོཀཱསཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨབནྡྷནེན པཏྟེན ཨེཀབནྡྷནོཀཱསཾ པཏྟཾ…པེ… དྭིབནྡྷནོཀཱསཾ པཏྟཾ ¶ … ཏིབནྡྷནོཀཱསཾ པཏྟཾ… ཙཏུབནྡྷནོཀཱསཾ ¶ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ.

ཨེཀབནྡྷནེན པཏྟེན ཨབནྡྷནོཀཱསཾ པཏྟཾ…པེ… ཨེཀབནྡྷནོཀཱསཾ པཏྟཾ… དྭིབནྡྷནོཀཱསཾ པཏྟཾ… ཏིབནྡྷནོཀཱསཾ པཏྟཾ… ཙཏུབནྡྷནོཀཱསཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ.

དྭིབནྡྷནེན པཏྟེན ཨབནྡྷནོཀཱསཾ པཏྟཾ…པེ… ཙཏུབནྡྷནོཀཱསཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ.

ཏིབནྡྷནེན ¶ པཏྟེན ཨབནྡྷནོཀཱསཾ པཏྟཾ…པེ… ཙཏུབནྡྷནོཀཱསཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ.

ཙཏུབནྡྷནེན པཏྟེན ཨབནྡྷནོཀཱསཾ པཏྟཾ…པེ… ཨེཀབནྡྷནོཀཱསཾ པཏྟཾ… དྭིབནྡྷནོཀཱསཾ པཏྟཾ… ཏིབནྡྷནོཀཱསཾ པཏྟཾ… ཙཏུབནྡྷནོཀཱསཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ.

ཨབནྡྷནོཀཱསེན ¶ པཏྟེན ཨབནྡྷནཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨབནྡྷནོཀཱསེན པཏྟེན ཨེཀབནྡྷནཾ པཏྟཾ…པེ… དྭིབནྡྷནཾ པཏྟཾ… ཏིབནྡྷནཾ པཏྟཾ… ཙཏུབནྡྷནཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ.

ཙཏུབནྡྷནོཀཱསེན པཏྟེན ཨབནྡྷནཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཙཏུབནྡྷནོཀཱསེན པཏྟེན ཨེཀབནྡྷནཾ ¶ པཏྟཾ…པེ… དྭིབནྡྷནཾ པཏྟཾ… ཏིབནྡྷནཾ པཏྟཾ… ཙཏུབནྡྷནཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ.

ཨབནྡྷནོཀཱསེན པཏྟེན ཨབནྡྷནོཀཱསཾ པཏྟཾ…པེ… ཨེཀབནྡྷནོཀཱསཾ པཏྟཾ… དྭིབནྡྷནོཀཱསཾ པཏྟཾ… ཏིབནྡྷནོཀཱསཾ པཏྟཾ… ཙཏུབནྡྷནོཀཱསཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ.

ཙཏུབནྡྷནོཀཱསེན པཏྟེན ཨབནྡྷནོཀཱསཾ པཏྟཾ…པེ… ཨེཀབནྡྷནོཀཱསཾ པཏྟཾ… དྭིབནྡྷནོཀཱསཾ པཏྟཾ… ཏིབནྡྷནོཀཱསཾ པཏྟཾ… ཙཏུབནྡྷནོཀཱསཾ པཏྟཾ ཙེཏཱཔེཏི, ནིསྶགྒིཡཾ པཱཙིཏྟིཡཾ.

༦༡༧. ཨནཱཔཏྟི ¶ ནཊྛཔཏྟསྶ, བྷིནྣཔཏྟསྶ, ཉཱཏཀཱནཾ པཝཱརིཏཱནཾ, ཨཉྙསྶཏྠཱཡ, ཨཏྟནོ དྷནེན, ཨུམྨཏྟཀསྶ, ཨཱདིཀམྨིཀསྶཱཏི.

ཨཱུནཔཉྩབནྡྷནསིཀྑཱཔདཾ ནིཊྛིཏཾ དུཏིཡཾ.

༣. བྷེསཛྫསིཀྑཱཔདཾ

༦༡༨. [ཨིདཾ ཝཏྠུ མཧཱཝ. ༢༧༠] ཏེན ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ པིལིནྡཝཙྪོ རཱཛགཧེ པབྦྷཱརཾ སོདྷཱཔེཏི ལེཎཾ ཀཏྟུཀཱམོ. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཡེནཱཡསྨཱ པིལིནྡཝཙྪོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ པིལིནྡཝཙྪཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ རཱཛཱ མཱགདྷོ སེནིཡོ བིམྦིསཱརོ ཨཱཡསྨནྟཾ པིལིནྡཝཙྪཾ ཨེཏདཝོཙ – ‘‘ཀིཾ, བྷནྟེ, ཐེརོ ཀཱརཱཔེཏཱི’’ཏི? ‘‘པབྦྷཱརཾ མཧཱརཱཛ, སོདྷཱཔེམི ལེཎཾ ཀཏྟུཀཱམོ’’ཏི. ‘‘ཨཏྠོ, བྷནྟེ, ཨཡྻསྶ ཨཱརཱམིཀེནཱ’’ཏི? ‘‘ན ཁོ, མཧཱརཱཛ, བྷགཝཏཱ ཨཱརཱམིཀོ ཨནུཉྙཱཏོ’’ཏི. ‘‘ཏེན ཧི, བྷནྟེ, བྷགཝནྟཾ པཊིཔུཙྪིཏྭཱ མམ ཨཱརོཙེཡྻཱཐཱ’’ཏི. ‘‘ཨེཝཾ མཧཱརཱཛཱ’’ཏི ཁོ ཨཱཡསྨཱ པིལིནྡཝཙྪོ རཉྙོ མཱགདྷསྶ སེནིཡསྶ བིམྦིསཱརསྶ པཙྩསྶོསི. ཨཐ ཁོ ཨཱཡསྨཱ པིལིནྡཝཙྪོ རཱཛཱནཾ མཱགདྷཾ སེནིཡཾ བིམྦིསཱརཾ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཨཱཡསྨཏཱ པིལིནྡཝཙྪེན དྷམྨིཡཱ ཀཐཱཡ སནྡསྶིཏོ སམཱདཔིཏོ སམུཏྟེཛིཏོ སམྤཧཾསིཏོ ཨུཊྛཱཡཱསནཱ ཨཱཡསྨནྟཾ པིལིནྡཝཙྪཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི.

༦༡༩. ཨཐ ཁོ ཨཱཡསྨཱ པིལིནྡཝཙྪོ བྷགཝཏོ སནྟིཀེ དཱུཏཾ པཱཧེསི – ‘‘རཱཛཱ, བྷནྟེ ¶ , མཱགདྷོ སེནིཡོ བིམྦིསཱརོ ཨཱརཱམིཀཾ དཱཏུཀཱམོ. ཀཐཾ ནུ ཁོ, བྷནྟེ, མཡཱ པཊིཔཛྫིཏབྦ’’ནྟི? ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཨཱརཱམིཀ’’ནྟི. དུཏིཡམྤི ཁོ རཱཛཱ མཱགདྷོ སེནིཡོ ¶ བིམྦིསཱརོ ཡེནཱཡསྨཱ པིལིནྡིཝཙྪོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ པིལིནྡཝཙྪཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ རཱཛཱ མཱགདྷོ སེནིཡོ བིམྦིསཱརོ ཨཱཡསྨནྟཾ པིལིནྡཝཙྪཾ ཨེཏདཝོཙ – ‘‘ཨནུཉྙཱཏོ, བྷནྟེ, བྷགཝཏཱ ཨཱརཱམིཀོ’’ཏི? ‘‘ཨེཝཾ, མཧཱརཱཛཱ’’ཏི. ‘‘ཏེན ཧི, བྷནྟེ, ཨཡྻསྶ ཨཱརཱམིཀཾ དམྨཱི’’ཏི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཨཱཡསྨཏོ པིལིནྡཝཙྪསྶ ཨཱརཱམིཀཾ ¶ པཊིསྶུཎིཏྭཱ ཝིསྶརིཏྭཱ ཙིརེན སཏིཾ པཊིལབྷིཏྭཱ ཨཉྙཏརཾ སབྦཏྠཀཾ མཧཱམཏྟཾ ཨཱམནྟེསི ¶ – ‘‘ཡོ མཡཱ, བྷཎེ, ཨཡྻསྶ ཨཱརཱམིཀོ པཊིསྶུཏོ, དིནྣོ སོ ཨཱརཱམིཀོ’’ཏི? ‘‘ན ཁོ, དེཝ, ཨཡྻསྶ ཨཱརཱམིཀོ དིནྣོ’’ཏི. ‘‘ཀཱིཝཙིརཾ ནུ ཁོ, བྷཎེ, ཨིཏོ ཧི ཏཾ ཧོཏཱི’’ཏི? ཨཐ ཁོ སོ མཧཱམཏྟོ རཏྟིཡོ གཎེཏྭཱ [ཝིགཎེཏྭཱ (ཀ.)] རཱཛཱནཾ མཱགདྷཾ སེནིཡཾ བིམྦིསཱརཾ ཨེཏདཝོཙ – ‘‘པཉྩ, དེཝ, རཏྟིསཏཱནཱི’’ཏི. ‘‘ཏེན ཧི, བྷཎེ, ཨཡྻསྶ པཉྩ ཨཱརཱམིཀསཏཱནི དེཧཱི’’ཏི. ‘‘ཨེཝཾ, དེཝཱ’’ཏི ཁོ སོ མཧཱམཏྟོ རཉྙོ མཱགདྷསྶ སེནིཡསྶ བིམྦིསཱརསྶ པཊིསྶུཎིཏྭཱ ཨཱཡསྨཏོ པིལིནྡཝཙྪསྶ པཉྩ ཨཱརཱམིཀསཏཱནི ¶ པཱདཱསི [ཨདཱསི (སྱཱ.)], པཱཊིཡེཀྐོ གཱམོ ནིཝིསི. ཨཱརཱམིཀགཱམཀོཏིཔི ནཾ ཨཱཧཾསུ, པིལིནྡགཱམཀོཏིཔི ནཾ ཨཱཧཾསུ.

༦༢༠. ཏེན ཁོ པན སམཡེན ཨཱཡསྨཱ པིལིནྡཝཙྪོ ཏསྨིཾ གཱམཀེ ཀུལཱུཔཀོ ཧོཏི. ཨཐ ཁོ ཨཱཡསྨཱ པིལིནྡཝཙྪོ པུབྦཎྷསམཡཾ ནིཝཱསེཏྭཱ པཏྟཙཱིཝརཾ ཨཱདཱཡ པིལིནྡགཱམཀཾ པིཎྜཱཡ པཱཝིསི. ཏེན ཁོ པན སམཡེན ཏསྨིཾ གཱམཀེ ཨུསྶཝོ ཧོཏི. དཱརཀཱ ཨལངྐཏཱ མཱལཱཀིཏཱ ཀཱིལ༹ནྟི. ཨཐ ཁོ ཨཱཡསྨཱ པིལིནྡཝཙྪོ པིལིནྡགཱམཀེ སཔདཱནཾ པིཎྜཱཡ ཙརམཱནོ ཡེན ཨཉྙཏརསྶ ཨཱརཱམིཀསྶ ནིཝེསནཾ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཏེན ཁོ པན སམཡེན ཏསྶཱ ཨཱརཱམིཀིནིཡཱ དྷཱིཏཱ ཨཉྙེ དཱརཀེ ཨལངྐཏེ མཱལཱཀིཏེ པསྶིཏྭཱ རོདཏི – ‘‘མཱལཾ མེ དེཐ, ཨལངྐཱརཾ མེ དེཐཱ’’ཏི. ཨཐ ཁོ ཨཱཡསྨཱ པིལིནྡཝཙྪོ ཏཾ ཨཱརཱམིཀིནིཾ ཨེཏདཝོཙ – ‘‘ཀིསྶཱཡཾ དཱརིཀཱ རོདཏཱི’’ཏི? ‘‘ཨཡཾ, བྷནྟེ, དཱརིཀཱ ཨཉྙེ དཱརཀེ ཨལངྐཏེ མཱལཱཀིཏེ པསྶིཏྭཱ རོདཏི – ‘མཱལཾ མེ དེཐ, ཨལངྐཱརཾ མེ དེཐཱ’ཏི. ཀུཏོ ཨམྷཱཀཾ དུགྒཏཱནཾ མཱལཱ ཀུཏོ, ཨལངྐཱརོ’’ཏི? ཨཐ ཁོ ཨཱཡསྨཱ པིལིནྡཝཙྪོ ཨཉྙཏརཾ ཏིཎཎྜུཔཀཾ གཧེཏྭཱ ཏཾ ཨཱརཱམིཀིནིཾ ཨེཏདཝོཙ – ‘‘ཧནྡིམཾ ཏིཎཎྜུཔཀཾ ཏསྶཱ དཱརིཀཱཡ སཱིསེ པཊིམུཉྩཱ’’ཏི. ཨཐ ཁོ སཱ ¶ ཨཱརཱམིཀིནཱི ཏཾ ཏིཎཎྜུཔཀཾ གཧེཏྭཱ ཏསྶཱ དཱརིཀཱཡ སཱིསེ པཊིམུཉྩི. སཱ ཨཧོསི སུཝཎྞམཱལཱ ཨབྷིརཱུཔཱ དསྶནཱིཡཱ ¶ པཱསཱདིཀཱ. ནཏྠི ཏཱདིསཱ རཉྙོཔི ཨནྟེཔུརེ སུཝཎྞམཱལཱ. མནུསྶཱ རཉྙོ མཱགདྷསྶ སེནིཡསྶ བིམྦིསཱརསྶ ཨཱརོཙེསུཾ ¶ – ‘‘ཨམུཀསྶ, དེཝ, ཨཱརཱམིཀསྶ གྷརེ སུཝཎྞམཱལཱ ཨབྷིརཱུཔཱ དསྶནཱིཡཱ པཱསཱདིཀཱ. ནཏྠི ཏཱདིསཱ དེཝསྶཱཔི ཨནྟེཔུརེ སུཝཎྞམཱལཱ. ཀུཏོ ཏསྶ དུགྒཏསྶ! ནིསྶཾསཡཾ ཙོརིཀཱཡ ཨཱབྷཏཱ’’ཏི!! ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཏཾ ཨཱརཱམིཀཀུལཾ བནྡྷཱཔེསི. དུཏིཡམྤི ཁོ ཨཱཡསྨཱ པིལིནྡཝཙྪོ པུབྦཎྷསམཡཾ ནིཝཱསེཏྭཱ པཏྟཙཱིཝརཾ ཨཱདཱཡ པིལིནྡགཱམཀཾ པིཎྜཱཡ པཱཝིསི. པིལིནྡགཱམཀེ སཔདཱནཾ པིཎྜཱཡ ཙརམཱནོ ཡེན ཏསྶ ཨཱརཱམིཀསྶ ¶ ནིཝེསནཾ ཏེནུཔསངྐམི; ཨུཔསངྐམིཏྭཱ པཊིཝིསྶཀེ པུཙྪི – ‘‘ཀཧཾ ཨིམཾ ཨཱརཱམིཀཀུལཾ གཏ’’ནྟི? ‘‘ཨེཏིསྶཱ, བྷནྟེ, སུཝཎྞམཱལཱཡ ཀཱརཎཱ རཉྙཱ བནྡྷཱཔིཏ’’ནྟི.

༦༢༡. ཨཐ ཁོ ཨཱཡསྨཱ པིལིནྡཝཙྪོ ཡེན རཉྙོ མཱགདྷསྶ སེནིཡསྶ བིམྦིསཱརསྶ ནིཝེསནཾ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཡེནཱཡསྨཱ པིལིནྡཝཙྪོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ པིལིནྡཝཙྪཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ རཱཛཱནཾ མཱགདྷཾ སེནིཡཾ བིམྦིསཱརཾ ཨཱཡསྨཱ པིལིནྡཝཙྪོ ཨེཏདཝོཙ – ‘‘ཀིསྶ, མཧཱརཱཛ, ཨཱརཱམིཀཀུལཾ ¶ བནྡྷཱཔིཏ’’ནྟི? ‘‘ཏསྶ, བྷནྟེ, ཨཱརཱམིཀསྶ གྷརེ སུཝཎྞམཱལཱ ཨབྷིརཱུཔཱ དསྶནཱིཡཱ པཱསཱདིཀཱ. ནཏྠི ཏཱདིསཱ ཨམྷཱཀམྤི ཨནྟེཔུརེ སུཝཎྞམཱལཱ. ཀུཏོ ཏསྶ དུགྒཏསྶ! ནིསྶཾསཡཾ ཙོརིཀཱཡ ཨཱབྷཏཱ’’ཏི!! ཨཐ ཁོ ཨཱཡསྨཱ པིལིནྡཝཙྪོ རཉྙོ མཱགདྷསྶ སེནིཡསྶ བིམྦིསཱརསྶ པཱསཱདཾ སུཝཎྞནྟི ཨདྷིམུཙྩི. སོ ཨཧོསི སབྦསོཝཎྞམཡོ. ‘‘ཨིདཾ པན ཏེ, མཧཱརཱཛ, ཏཱཝ བཧུཾ སུཝཎྞཾ ཀུཏོ’’ཏི? ‘‘ཨཉྙཱཏཾ, བྷནྟེ, ཨཡྻསྶེཝེསོ ཨིདྡྷཱནུབྷཱཝོ’’ཏི. ཏཾ ཨཱརཱམིཀཀུལཾ མུཉྩཱཔེསི. མནུསྶཱ – ‘‘ཨཡྻེན ཀིར པིལིནྡཝཙྪེན སརཱཛིཀཱཡ པརིསཱཡ ཨུཏྟརིམནུསྶདྷམྨཾ ཨིདྡྷིཔཱཊིཧཱརིཡཾ དསྶིཏ’’ནྟི, ཨཏྟམནཱ ཨབྷིཔྤསནྣཱ ཨཱཡསྨཏོ པིལིནྡཝཙྪསྶ པཉྩ བྷེསཛྫཱནི ཨབྷིཧརིཾསུ, སེཡྻཐིདཾ – སཔྤི ནཝནཱིཏཾ ཏེལཾ མདྷུ ཕཱཎིཏཾ. པཀཏིཡཱཔི ཙ ཨཱཡསྨཱ པིལིནྡཝཙྪོ ལཱབྷཱི ཧོཏི པཉྩནྣཾ བྷེསཛྫཱནཾ. ལདྡྷཾ ལདྡྷཾ པརིསཱཡ ཝིསྶཛྫེཏི. པརིསཱ ཙསྶ ཧོཏི བཱཧུལླིཀཱ. ལདྡྷཾ ལདྡྷཾ ཀོལམྦེཔི གྷཊེཔི པཱུརེཏྭཱ པཊིསཱམེཏི, པརིསྶཱཝནཱནིཔི ཐཝིཀཱཡོཔི པཱུརེཏྭཱ ཝཱཏཔཱནེསུ ལགྒེཏི. ཏཱནི ཨོལཱིནཝིལཱིནཱནི ཏིཊྛནྟི. ཨུནྡཱུརེཧིཔི ¶ ཝིཧཱརཱ ཨོཀིཎྞཝིཀིཎྞཱ ¶ ཧོནྟི. མནུསྶཱ ཝིཧཱརཙཱརིཀཾ ཨཱཧིཎྜནྟཱ པསྶིཏྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཨནྟོཀོཊྛཱགཱརིཀཱ ཨིམེ སམཎཱ སཀྱཔུཏྟིཡཱ, སེཡྻཐཱཔི རཱཛཱ མཱགདྷོ སེནིཡོ བིམྦིསཱརོ’’ཏི ¶ ! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑཱུ ཨེཝརཱུཔཱཡ བཱཧུལླཱཡ ཙེཏེསྶནྟཱི’’ཏི! ཨཐ ཁོ ཏེ བྷིཀྑཱུ ཏེ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, བྷིཀྑཱུ ཨེཝརཱུཔཱཡ བཱཧུལླཱཡ ཙེཏེནྟཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ཨེཝརཱུཔཱཡ བཱཧུལླཱཡ ཙེཏེསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༦༢༢. ‘‘ཡཱནི ¶ ཁོ པན ཏཱནི གིལཱནཱནཾ བྷིཀྑཱུནཾ པཊིསཱཡནཱིཡཱནི བྷེསཛྫཱནི, སེཡྻཐིདཾ – སཔྤི ནཝནཱིཏཾ ཏེལཾ མདྷུ ཕཱཎིཏཾ, ཏཱནི པཊིགྒཧེཏྭཱ སཏྟཱཧཔརམཾ སནྣིདྷིཀཱརཀཾ པརིབྷུཉྫིཏབྦཱནི. ཏཾ ཨཏིཀྐཱམཡཏོ ནིསྶགྒིཡཾ པཱཙིཏྟིཡ’’ནྟི.

༦༢༣. ཡཱནི ཁོ པན ཏཱནི གིལཱནཱནཾ བྷིཀྑཱུནཾ པཊིསཱཡནཱིཡཱནི བྷེསྶཛྫཱནཱིཏི སཔྤི ནཱམ གོསཔྤི ཝཱ ཨཛིཀཱསཔྤི ཝཱ མཧིཾསསཔྤི [མཧིསསཔྤི (སཱི. སྱཱ.)] ཝཱ ཡེསཾ མཾསཾ ཀཔྤཏི ཏེསཾ སཔྤི. ནཝནཱིཏཾ ནཱམ ཏེསཾ ཡེཝ ནཝནཱིཏཾ. ཏེལཾ ནཱམ ཏིལཏེལཾ སཱསཔཏེལཾ མདྷུཀཏེལཾ ཨེརཎྜཏེལཾ ཝསཱཏེལཾ. མདྷུ ནཱམ མཀྑིཀཱམདྷུ. ཕཱཎིཏཾ ནཱམ ཨུཙྪུམྷཱ ནིབྦཏྟཾ.

ཏཱནི པཊིགྒཧེཏྭཱ སཏྟཱཧཔརམཾ སནྣིདྷིཀཱརཀཾ པརིབྷུཉྫིཏབྦཱནཱིཏི སཏྟཱཧཔརམཏཱ པརིབྷུཉྫིཏབྦཱནི.

ཏཾ ཨཏིཀྐཱམཡཏོ ནིསྶགྒིཡཾ ¶ ཧོཏཱིཏི ཨཊྛམེ ཨརུཎུགྒམནེ ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ཨིདཾ མེ, བྷནྟེ, བྷེསཛྫཾ སཏྟཱཧཱཏིཀྐནྟཾ ནིསྶགྒིཡཾ, ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༦༢༤. སཏྟཱཧཱཏིཀྐནྟེ ¶ ཨཏིཀྐནྟསཉྙཱི, ནིསྶགྒིཡཾ པཱཙིཏྟིཡཾ. སཏྟཱཧཱཏིཀྐནྟེ ཝེམཏིཀོ, ནིསྶགྒིཡཾ པཱཙིཏྟིཡཾ. སཏྟཱཧཱཏིཀྐནྟེ ཨནཏིཀྐནྟསཉྙཱི, ནིསྶགྒིཡཾ པཱཙིཏྟིཡཾ. ཨནདྷིཊྛིཏེ ཨདྷིཊྛིཏསཉྙཱི, ནིསྶགྒིཡཾ པཱཙིཏྟིཡཾ. ཨཝིསྶཛྫིཏེ ཝིསྶཛྫིཏསཉྙཱི, ནིསྶགྒིཡཾ པཱཙིཏྟིཡཾ. ཨནཊྛེ ནཊྛསཉྙཱི, ནིསྶགྒིཡཾ པཱཙིཏྟིཡཾ. ཨཝིནཊྛེ ཝིནཊྛསཉྙཱི, ནིསྶགྒིཡཾ ¶ པཱཙིཏྟིཡཾ. ཨདཌྜྷེ དཌྜྷསཉྙཱི, ནིསྶགྒིཡཾ པཱཙིཏྟིཡཾ. ཨཝིལུཏྟེ ཝིལུཏྟསཉྙཱི, ནིསྶགྒིཡཾ པཱཙིཏྟིཡཾ.

ནིསྶཊྛཾ པཊིལབྷིཏྭཱ ན ཀཱཡིཀེན པརིབྷོགེན པརིབྷུཉྫིཏབྦཾ, ན ཨཛ྄ཛྷོཧརིཏབྦཾ, པདཱིཔེ ཝཱ ཀཱལ༹ཝཎྞེ ཝཱ ཨུཔནེཏབྦཾ, ཨཉྙེན བྷིཀྑུནཱ ཀཱཡིཀེན པརིབྷོགེན པརིབྷུཉྫིཏབྦཾ, ན ཨཛ྄ཛྷོཧརིཏབྦཾ.

སཏྟཱཧཱནཏིཀྐནྟེ ¶ ཨཏིཀྐནྟསཉྙཱི, ཨཱཔཏྟི དུཀྐཊསྶ. སཏྟཱཧཱནཏིཀྐནྟེ ཝེམཏིཀོ, ཨཱཔཏྟི དུཀྐཊསྶ. སཏྟཱཧཱནཏིཀྐནྟེ ཨནཏིཀྐནྟསཉྙཱི, ཨནཱཔཏྟི.

༦༢༥. ཨནཱཔཏྟི ¶ ཨནྟོསཏྟཱཧཾ ཨདྷིཊྛེཏི, ཝིསྶཛྫེཏི, ནསྶཏི, ཝིནསྶཏི, ཌཡ྄ཧཏི, ཨཙྪིནྡིཏྭཱ གཎྷནྟི, ཝིསྶཱསཾ གཎྷནྟི, ཨནུཔསམྤནྣསྶ ཙཏྟེན ཝནྟེན མུཏྟེན ཨནཔེཀྑོ དཏྭཱ པཊིལབྷིཏྭཱ པརིབྷུཉྫཏི, ཨུམྨཏྟཀསྶ, ཨཱདིཀམྨིཀསྶཱཏི.

བྷེསཛྫསིཀྑཱཔདཾ ནིཊྛིཏཾ ཏཏིཡཾ.

༤. ཝསྶིཀསཱཊིཀསིཀྑཱཔདཾ

༦༢༦. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན བྷགཝཏཱ བྷིཀྑཱུནཾ ཝསྶིཀསཱཊིཀཱ ཨནུཉྙཱཏཱ ཧོཏི. ཚབྦགྒིཡཱ བྷིཀྑཱུ – ‘‘བྷགཝཏཱ ཝསྶིཀསཱཊིཀཱ ཨནུཉྙཱཏཱ’’ཏི, པཊིཀཙྩེཝ [པཊིགཙྩེཝ (སཱི.)] ཝསྶིཀསཱཊིཀཙཱིཝརཾ པརིཡེསནྟི, པཊིཀཙྩེཝ ཀཏྭཱ ནིཝཱསེནྟི, ཛིཎྞཱཡ ཝསྶིཀསཱཊིཀཱཡ ནགྒཱ ཀཱཡཾ ཨོཝསྶཱཔེནྟི. ཡེ ཏེ བྷིཀྑཱུ ཨཔྤིཙྪཱ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ པཊིཀཙྩེཝ ཝསྶིཀསཱཊིཀཙཱིཝརཾ པརིཡེསིསྶནྟི, པཊིཀཙྩེཝ ཀཏྭཱ ནིཝཱསེསྶནྟི, ཛིཎྞཱཡ ¶ ཝསྶིཀསཱཊིཀཱཡ ནགྒཱ ཀཱཡཾ ཨོཝསྶཱཔེསྶནྟཱི’’ཏི! ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ, པཊིཀཙྩེཝ ཝསྶིཀསཱཊིཀཙཱིཝརཾ པརིཡེསཐ? པཊིཀཙྩེཝ ཀཏྭཱ ནིཝཱསེཐ? ཛིཎྞཱཡ ཝསྶིཀསཱཊིཀཱཡ ནགྒཱ ཀཱཡཾ ཨོཝསྶཱཔེཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ མོགྷཔུརིསཱ, པཊིཀཙྩེཝ ཝསྶིཀསཱཊིཀཙཱིཝརཾ པརིཡེསིསྶཐ, པཊིཀཙྩེཝ ཀཏྭཱ ནིཝཱསེསྶཐ, ཛིཎྞཱཡ ཝསྶིཀསཱཊིཀཱཡ ནགྒཱ ཀཱཡཾ ཨོཝསྶཱཔེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༦༢༧. ‘‘མཱསོ སེསོ གིམྷཱན’ནྟི བྷིཀྑུནཱ ཝསྶིཀསཱཊིཀཙཱིཝརཾ པརིཡེསིཏབྦཾ ¶ ; ‘ཨདྡྷམཱསོ ¶ སེསོ གིམྷཱན’ནྟི ཀཏྭཱ ནིཝཱསེཏབྦཾ ¶ . ‘ཨོརེན ཙེ མཱསོ སེསོ གིམྷཱན’ནྟི ཝསྶིཀསཱཊིཀཙཱིཝརཾ པརིཡེསེཡྻ, ‘ཨོརེནདྡྷམཱསོ སེསོ གིམྷཱན’ནྟི ཀཏྭཱ ནིཝཱསེཡྻ, ནིསྶགྒིཡཾ པཱཙིཏྟིཡ’’ནྟི.

༦༢༨. ‘མཱསོ སེསོ གིམྷཱན’ནྟི བྷིཀྑུནཱ ཝསྶིཀསཱཊིཀཙཱིཝརཾ པརིཡེསིཏབྦནྟི. ཡེ མནུསྶཱ པུབྦེཔི ཝསྶིཀསཱཊིཀཙཱིཝརཾ དེནྟི ཏེ ཨུཔསངྐམིཏྭཱ ཨེཝམསྶུ ཝཙནཱིཡཱ – ‘‘ཀཱལོ ཝསྶིཀསཱཊིཀཱཡ, སམཡོ ཝསྶིཀསཱཊིཀཱཡ, ཨཉྙེཔི མནུསྶཱ ཝསྶིཀསཱཊིཀཙཱིཝརཾ དེནྟཱི’’ཏི. ན ཝཏྟབྦཱ – ‘‘དེཐ མེ ཝསྶིཀསཱཊིཀཙཱིཝརཾ, ཨཱཧརཐ མེ ཝསྶིཀསཱཊིཀཙཱིཝརཾ, པརིཝཏྟེཐ མེ ཝསྶིཀསཱཊིཀཙཱིཝརཾ, ཙེཏཱཔེཐ མེ ཝསྶིཀསཱཊིཀཙཱིཝར’’ནྟི.

‘ཨདྡྷམཱསོ སེསོ གིམྷཱན’ནྟི ཀཏྭཱ ནིཝཱསེཏབྦནྟི. ཨདྡྷམཱསེ སེསེ གིམྷཱནེ ཀཏྭཱ ནིཝཱསེཏབྦཾ.

‘ཨོརེན ཙེ མཱསོ སེསོ གིམྷཱན’ནྟི ཨཏིརེཀམཱསེ སེས གིམྷཱནེ ཝསྶིཀསཱཊིཀཙཱིཝརཾ པརིཡེསཏི, ནིསྶགྒིཡཾ པཱཙིཏྟིཡཾ.

‘ཨོརེནདྡྷམཱསོ སེསོ གིམྷཱན’ནྟི ཨཏིརེཀདྡྷམཱསེ སེསེ གིམྷཱནེ ཀཏྭཱ ནིཝཱསེཏི, ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ཨིདཾ མེ, བྷནྟེ ¶ , ཝསྶིཀསཱཊིཀཙཱིཝརཾ ཨཏིརེཀམཱསེ སེསེ གིམྷཱནེ པརིཡིཊྛཾ ཨཏིརེཀདྡྷམཱསེ ¶ སེསེ གིམྷཱནེ ཀཏྭཱ པརིདཧིཏཾ ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱིཏི.…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༦༢༩. ཨཏིརེཀམཱསེ སེསེ གིམྷཱནེ ཨཏིརེཀསཉྙཱི ཝསྶིཀསཱཊིཀཙཱིཝརཾ པརིཡེསཏི, ནིསྶགྒིཡཾ པཱཙིཏྟིཡཾ. ཨཏིརེཀམཱསེ སེསེ གིམྷཱནེ ཝེམཏིཀོ ཝསྶིཀསཱཊིཀཙཱིཝརཾ པརིཡེསཏི, ནིསྶགྒིཡཾ པཱཙིཏྟིཡཾ. ཨཏིརེཀམཱསེ སེསེ གིམྷཱནེ ཨཱུནཀསཉྙཱི ཝསྶིཀསཱཊིཀཙཱིཝརཾ པརིཡེསཏི, ནིསྶགྒིཡཾ པཱཙིཏྟིཡཾ.

ཨཏིརེཀདྡྷམཱསེ སེསེ གིམྷཱནེ ཨཏིརེཀསཉྙཱི ཀཏྭཱ ནིཝཱསེཏི, ནིསྶགྒིཡཾ པཱཙིཏྟིཡཾ. ཨཏིརེཀདྡྷམཱསེ སེསེ གིམྷཱནེ ཝེམཏིཀོ ཀཏྭཱ ནིཝཱསེཏི, ནིསྶགྒིཡཾ པཱཙིཏྟིཡཾ ¶ . ཨཏིརེཀདྡྷམཱསེ སེསེ གིམྷཱནེ ཨཱུནཀསཉྙཱི ཀཏྭཱ ནིཝཱསེཏི, ནིསྶགྒིཡཾ པཱཙིཏྟིཡཾ.

སཏིཡཱ ཝསྶིཀསཱཊིཀཱཡ ནགྒོ ཀཱཡཾ ཨོཝསྶཱཔེཏི, ཨཱཔཏྟི དུཀྐཊསྶ. ཨཱུནཀམཱསེ སེསེ གིམྷཱནེ ཨཏིརེཀསཉྙཱི, ཨཱཔཏྟི དུཀྐཊསྶ. ཨཱུནཀམཱསེ སེསེ གིམྷཱནེ ཝེམཏིཀོ, ཨཱཔཏྟི དུཀྐཊསྶ. ཨཱུནཀམཱསེ སེསེ གིམྷཱནེ ཨཱུནཀསཉྙཱི, ཨནཱཔཏྟི.

ཨཱུནཀདྡྷམཱསེ སེསེ གིམྷཱནེ ཨཏིརེཀསཉྙཱི, ཨཱཔཏྟི དུཀྐཊསྶ. ཨཱུནཀདྡྷམཱསེ སེསེ གིམྷཱནེ ཝེམཏིཀོ ¶ , ཨཱཔཏྟི དུཀྐཊསྶ. ཨཱུནཀདྡྷམཱསེ སེསེ གིམྷཱནེ ཨཱུནཀསཉྙཱི, ཨནཱཔཏྟི.

༦༣༠. ཨནཱཔཏྟི ‘མཱསོ སེསོ གིམྷཱན’ནྟི ཝསྶིཀསཱཊིཀཙཱིཝརཾ པརིཡེསཏི ¶ , ‘ཨདྡྷམཱསོ སེསོ གིམྷཱན’ནྟི ཀཏྭཱ ནིཝཱསེཏི, ‘ཨཱུནཀམཱསོ སེསོ གིམྷཱན’ནྟི ཝསྶིཀསཱཊིཀཙཱིཝརཾ པརིཡེསཏི, ‘ཨཱུནཀདྡྷམཱསོ སེསོ གིམྷཱན’ནྟི ཀཏྭཱ ནིཝཱསེཏི, པརིཡིཊྛཱཡ ཝསྶིཀསཱཊིཀཱཡ ཝསྶཾ ཨུཀྐཌྜྷིཡྻཏི, ནིཝཏྠཱཡ ཝསྶིཀསཱཊིཀཱཡ ཝསྶཾ ཨུཀྐཌྜྷིཡྻཏི, དྷོཝིཏྭཱ ནིཀྑིཔིཏབྦཾ; སམཡེ ནིཝཱསེཏབྦཾ, ཨཙྪིནྣཙཱིཝརསྶ, ནཊྛཙཱིཝརསྶ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཝསྶིཀསཱཊིཀསིཀྑཱཔདཾ ནིཊྛིཏཾ ཙཏུཏྠཾ.

༥. ཙཱིཝརཨཙྪིནྡནསིཀྑཱཔདཾ

༦༣༡. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུཔནནྡོ སཀྱཔུཏྟོ བྷཱཏུནོ སདྡྷིཝིཧཱརིཀཾ བྷིཀྑུཾ ཨེཏདཝོཙ – ‘‘ཨེཧཱཝུསོ, ཛནཔདཙཱརིཀཾ པཀྐམིསྶཱམཱ’’ཏི. ‘‘ནཱཧཾ, བྷནྟེ, གམིསྶཱམི; དུབྦལཙཱིཝརོམྷཱི’’ཏི. ‘‘ཨེཧཱཝུསོ, ཨཧཾ ཏེ ཙཱིཝརཾ དསྶཱམཱི’’ཏི ཏསྶ ཙཱིཝརཾ ཨདཱསི. ཨསྶོསི ཁོ སོ བྷིཀྑུ – ‘‘བྷགཝཱ ཀིར ཛནཔདཙཱརིཀཾ པཀྐམིསྶཏཱི’’ཏི. ཨཐ ཁོ ཏསྶ བྷིཀྑུནོ ཨེཏདཧོསི – ‘‘ན དཱནཱཧཾ ཨཱཡསྨཏཱ ཨུཔནནྡེན སཀྱཔུཏྟེན སདྡྷིཾ ཛནཔདཙཱརིཀཾ ¶ པཀྐམིསྶཱམི, བྷགཝཏཱ སདྡྷིཾ ཛནཔདཙཱརིཀཾ པཀྐམིསྶཱམཱི’’ཏི. ཨཐ ཁོ ཨཱཡསྨཱ ཨུཔནནྡོ སཀྱཔུཏྟོ ཏཾ བྷིཀྑུཾ ཨེཏདཝོཙ – ‘‘ཨེཧི དཱནི, ཨཱཝུསོ, ཛནཔདཙཱརིཀཾ པཀྐམིསྶཱམཱ’’ཏི. ‘‘ནཱཧཾ, བྷནྟེ, ཏཡཱ སདྡྷིཾ ཛནཔདཙཱརིཀཾ པཀྐམིསྶཱམི, བྷགཝཏཱ སདྡྷིཾ ཛནཔདཙཱརིཀཾ པཀྐམིསྶཱམཱི’’ཏི. ‘‘ཡམྤི ཏྱཱཧཾ, ཨཱཝུསོ, ཙཱིཝརཾ ཨདཱསིཾ, མཡཱ སདྡྷིཾ ཛནཔདཙཱརིཀཾ པཀྐམིསྶཏཱི’’ཏི, ཀུཔིཏོ ཨནཏྟམནོ ཨཙྪིནྡི.

ཨཐ ཁོ སོ བྷིཀྑུ བྷིཀྑཱུནཾ ཨེཏམཏྠཾ ཨཱརོཙེསི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ བྷིཀྑུསྶ སཱམཾ ཙཱིཝརཾ དཏྭཱ ཀུཔིཏོ ཨནཏྟམནོ ཨཙྪིནྡིསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ ཨུཔནནྡཾ སཀྱཔུཏྟཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ¶ ཀིར ཏྭཾ, ཨུཔནནྡ, བྷིཀྑུསྶ སཱམཾ ཙཱིཝརཾ དཏྭཱ ཀུཔིཏོ ཨནཏྟམནོ ཨཙྪིནྡཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས ¶ , བྷིཀྑུསྶ སཱམཾ ཙཱིཝརཾ དཏྭཱ ཀུཔིཏོ ཨནཏྟམནོ ཨཙྪིནྡིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༦༣༢. ‘‘ཡོ པན བྷིཀྑུ བྷིཀྑུསྶ སཱམཾ ཙཱིཝརཾ དཏྭཱ ཀུཔིཏོ ཨནཏྟམནོ ཨཙྪིནྡེཡྻ ཝཱ ཨཙྪིནྡཱཔེཡྻ ཝཱ, ནིསྶགྒིཡཾ པཱཙིཏྟིཡ’’ནྟི.

༦༣༣. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུསྶཱཏི ¶ ཨཉྙསྶ བྷིཀྑུསྶ.

སཱམནྟི སཡཾ དཏྭཱ.

ཙཱིཝརཾ ནཱམ ཚནྣཾ ཙཱིཝརཱནཾ ཨཉྙཏརཾ ཙཱིཝརཾ, ཝིཀཔྤནུཔགཾ པཙྪིམཾ.

ཀུཔིཏོ ¶ ཨནཏྟམནོཏི ཨནབྷིརདྡྷོ ཨཱཧཏཙིཏྟོ ཁིལཛཱཏོ.

ཨཙྪིནྡེཡྻཱཏི སཡཾ ཨཙྪིནྡཏི, ནིསྶགྒིཡཾ པཱཙིཏྟིཡཾ [ནིསྶགྒིཡཾ ཧོཏི (སྱཱ.)].

ཨཙྪིནྡཱཔེཡྻཱཏི ཨཉྙཾ ཨཱཎཱཔེཏི, ཨཱཔཏྟི དུཀྐཊསྶ. སཀིཾ ཨཱཎཏྟོ བཧུཀམྤི ཨཙྪིནྡཏི, ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ཨིདཾ མེ, བྷནྟེ, ཙཱིཝརཾ བྷིཀྑུསྶ སཱམཾ དཏྭཱ ཨཙྪིནྣཾ ནིསྶགྒིཡཾ ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི ¶ …པེ… དདེཡྻུནྟི…པེ… ཨཱཡསྨཏོ དམྨཱིཏི.

༦༣༤. ཨུཔསམྤནྣེ ཨུཔསམྤནྣསཉྙཱི ཙཱིཝརཾ དཏྭཱ ཀུཔིཏོ ཨནཏྟམནོ ཨཙྪིནྡཏི ཝཱ ཨཙྪིནྡཱཔེཏི ཝཱ, ནིསྶགྒིཡཾ པཱཙིཏྟིཡཾ. ཨུཔསམྤནྣེ ཝེམཏིཀོ ཙཱིཝརཾ དཏྭཱ ཀུཔིཏོ ཨནཏྟམནོ ཨཙྪིནྡཏི ཝཱ ཨཙྪིནྡཱཔེཏི ཝཱ, ནིསྶགྒིཡཾ པཱཙིཏྟིཡཾ. ཨུཔསམྤནྣེ ཨནུཔསམྤནྣསཉྙཱི ཙཱིཝརཾ དཏྭཱ ཀུཔིཏོ ཨནཏྟམནོ ཨཙྪིནྡཏི ཝཱ ཨཙྪིནྡཱཔེཏི ཝཱ, ནིསྶགྒིཡཾ པཱཙིཏྟིཡཾ.

ཨཉྙཾ པརིཀྑཱརཾ དཏྭཱ ཀུཔིཏོ ཨནཏྟམནོ ཨཙྪིནྡཏི ཝཱ ཨཙྪིནྡཱཔེཏི ཝཱ, ཨཱཔཏྟི དུཀྐཊསྶ. ཨནུཔསམྤནྣསྶ ཙཱིཝརཾ ཝཱ ཨཉྙཾ ཝཱ པརིཀྑཱརཾ དཏྭཱ ཀུཔིཏོ ཨནཏྟམནོ ཨཙྪིནྡཏི ཝཱ ཨཙྪིནྡཱཔེཏི ཝཱ, ཨཱཔཏྟི དུཀྐཊསྶ. ཨནུཔསམྤནྣེ ཨུཔསམྤནྣསཉྙཱི, ཨཱཔཏྟི དུཀྐཊསྶ. ཨནུཔསམྤནྣེ ཝེམཏིཀོ, ཨཱཔཏྟི དུཀྐཊསྶ. ཨནུཔསམྤནྣེ ཨནུཔསམྤནྣསཉྙཱི, ཨཱཔཏྟི དུཀྐཊསྶ.

༦༣༥. ཨནཱཔཏྟི – སོ ཝཱ དེཏི, ཏསྶ ཝཱ ཝིསྶསནྟོ གཎྷཱཏི, ཨུམྨཏྟཀསྶ ཨཱདིཀམྨིཀསྶཱཏི.

ཙཱིཝརཨཙྪིནྡནསིཀྑཱཔདཾ ནིཊྛིཏཾ པཉྩམཾ.

༦. སུཏྟཝིཉྙཏྟིསིཀྑཱཔདཾ

༦༣༦. ཏེན ¶ ¶ ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཙཱིཝརཀཱརསམཡེ ¶ བཧུཾ སུཏྟཾ ཝིཉྙཱཔེསུཾ. ཀཏེཔི ཙཱིཝརེ བཧུཾ སུཏྟཾ ཨཝསིཊྛཾ ཧོཏི. ཨཐ ཁོ ཚབྦགྒིཡཱནཾ བྷིཀྑཱུནཾ ཨེཏདཧོསི – ‘‘ཧནྡ མཡཾ, ཨཱཝུསོ, ཨཉྙམྤི སུཏྟཾ ཝིཉྙཱཔེཏྭཱ ཏནྟཝཱཡེཧི ཙཱིཝརཾ ཝཱཡཱཔེམཱ’’ཏི. ཨཐ ཁོ ཚབྦགྒིཡཱ བྷིཀྑཱུ ཨཉྙམྤི སུཏྟཾ ཝིཉྙཱཔེཏྭཱ ཏནྟཝཱཡེཧི ཙཱིཝརཾ ཝཱཡཱཔེསུཾ. ཝཱིཏེཔི ཙཱིཝརེ བཧུཾ སུཏྟཾ ཨཝསིཊྛཾ ཧོཏི. དུཏིཡམྤི ཁོ ཚབྦགྒིཡཱ བྷིཀྑཱུ ཨཉྙམྤི སུཏྟཾ ཝིཉྙཱཔེཏྭཱ ཏནྟཝཱཡེཧི ཙཱིཝརཾ ཝཱཡཱཔེསུཾ. ཝཱིཏེཔི ཙཱིཝརེ བཧུཾ སུཏྟཾ ཨཝསིཊྛཾ ཧོཏི. ཏཏིཡམྤི ཁོ ཚབྦགྒིཡཱ བྷིཀྑཱུ ཨཉྙམྤི སུཏྟཾ ཝིཉྙཱཔེཏྭཱ ཏནྟཝཱཡེཧི ཙཱིཝརཾ ཝཱཡཱཔེསུཾ. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ སཱམཾ སུཏྟཾ ཝིཉྙཱཔེཏྭཱ ཏནྟཝཱཡེཧི ཙཱིཝརཾ ཝཱཡཱཔེསྶནྟཱི’’ཏི!

ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ སཱམཾ སུཏྟཾ ཝིཉྙཱཔེཏྭཱ ཏནྟཝཱཡེཧི ཙཱིཝརཾ ཝཱཡཱཔེསྶནྟཱི’’ཏི! ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ ¶ , སཱམཾ སུཏྟཾ ཝིཉྙཱཔེཏྭཱ ཏནྟཝཱཡེཧི ཙཱིཝརཾ ཝཱཡཱཔེཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, སཱམཾ སུཏྟཾ ཝིཉྙཱཔེཏྭཱ ཏནྟཝཱཡེཧི ཙཱིཝརཾ ཝཱཡཱཔེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༦༣༧. ‘‘ཡོ པན བྷིཀྑུ སཱམཾ སུཏྟཾ ཝིཉྙཱཔེཏྭཱ ཏནྟཝཱཡེཧི ཙཱིཝརཾ ཝཱཡཱཔེཡྻ, ནིསྶགྒིཡཾ པཱཙིཏྟིཡ’’ནྟི.

༦༣༨. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

སཱམནྟི ¶ སཡཾ ཝིཉྙཱཔེཏྭཱ.

སུཏྟཾ ནཱམ ཚ སུཏྟཱནི – ཁོམཾ ཀཔྤཱསིཀཾ ཀོསེཡྻཾ ཀམྦལཾ སཱཎཾ བྷངྒཾ.

ཏནྟཝཱཡེཧཱིཏི ¶ པེསཀཱརེཧི ཝཱཡཱཔེཏི, པཡོགེ པཡོགེ དུཀྐཊཾ [ཝཱཡཱཔེཏི, པཡོགེ དུཀྐཊཾ (སྱཱ.)]. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ ¶ པན, བྷིཀྑཝེ, ནིསྶཛྫིཏབྦཾ…པེ… ཨིདཾ མེ, བྷནྟེ, ཙཱིཝརཾ སཱམཾ སུཏྟཾ ཝིཉྙཱཔེཏྭཱ ཏནྟཝཱཡེཧི ཝཱཡཱཔིཏཾ ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༦༣༩. ཝཱཡཱཔིཏེ ཝཱཡཱཔིཏསཉྙཱི, ནིསྶགྒིཡཾ པཱཙིཏྟིཡཾ. ཝཱཡཱཔིཏེ ཝེམཏིཀོ, ནིསྶགྒིཡཾ པཱཙིཏྟིཡཾ. ཝཱཡཱཔིཏེ ཨཝཱཡཱཔིཏསཉྙཱི, ནིསྶགྒིཡཾ པཱཙིཏྟིཡཾ.

ཨཝཱཡཱཔིཏེ ཝཱཡཱཔིཏསཉྙཱི, ཨཱཔཏྟི དུཀྐཊསྶ. ཨཝཱཡཱཔིཏེ ཝེམཏིཀོ, ཨཱཔཏྟི དུཀྐཊསྶ. ཨཝཱཡཱཔིཏེ ¶ ཨཝཱཡཱཔིཏསཉྙཱི, ཨནཱཔཏྟི.

༦༤༠. ཨནཱཔཏྟི – ཙཱིཝརཾ སིབྦེཏུཾ, ཨཱཡོགེ, ཀཱཡབནྡྷནེ, ཨཾསབནྡྷཀེ [ཨཾསཝཊྚཀེ (སཱི.)], པཏྟཏྠཝིཀཱཡ, པརིསྶཱཝནེ, ཉཱཏཀཱནཾ, པཝཱརིཏཱནཾ, ཨཉྙསྶཏྠཱཡ, ཨཏྟནོ དྷནེན, ཨུམྨཏྟཀསྶ, ཨཱདིཀམྨིཀསྶཱཏི.

སུཏྟཝིཉྙཏྟིསིཀྑཱཔདཾ ནིཊྛིཏཾ ཚཊྛཾ.

༧. མཧཱཔེསཀཱརསིཀྑཱཔདཾ

༦༤༡. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཉྙཏརོ པུརིསོ པཝཱསཾ གཙྪནྟོ པཛཱཔཏིཾ ཨེཏདཝོཙ – ‘‘སུཏྟཾ དྷཱརཡིཏྭཱ ཨམུཀསྶ ཏནྟཝཱཡསྶ དེཧི, ཙཱིཝརཾ ཝཱཡཱཔེཏྭཱ ནིཀྑིཔ, ཨཱགཏོ ཨཡྻཾ ཨུཔནནྡཾ ཙཱིཝརེན ཨཙྪཱདེསྶཱམཱི’’ཏི. ཨསྶོསི ཁོ ཨཉྙཏརོ པིཎྜཙཱརིཀོ བྷིཀྑུ ཏསྶ པུརིསསྶ ¶ ཨིམཾ ཝཱཙཾ བྷཱསམཱནསྶ. ཨཐ ཁོ སོ བྷིཀྑུ ཡེནཱཡསྨཱ ཨུཔནནྡོ སཀྱཔུཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨུཔནནྡཾ སཀྱཔུཏྟཾ ཨེཏདཝོཙ – ‘‘མཧཱཔུཉྙོསི ཏྭཾ, ཨཱཝུསོ ཨུཔནནྡ, ཨམུཀསྨིཾ ཨོཀཱསེ ཨཉྙཏརོ པུརིསོ པཝཱསཾ གཙྪནྟོ ¶ པཛཱཔཏིཾ ཨེཏདཝོཙ – ‘‘སུཏྟཾ དྷཱརཡིཏྭཱ ཨམུཀསྶ ཏནྟཝཱཡསྶ དེཧི, ཙཱིཝརཾ ཝཱཡཱཔེཏྭཱ ནིཀྑིཔ, ཨཱགཏོ ཨཡྻཾ ཨུཔནནྡཾ ཙཱིཝརེན ཨཙྪཱདེསྶཱམཱི’’ཏི. ‘‘ཨཏྠཱཝུསོ, མཾ སོ ཨུཔཊྛཱཀོ’’ཏི. སོཔི ཁོ ཏནྟཝཱཡོ ཨཱཡསྨཏོ ཨུཔནནྡསྶ སཀྱཔུཏྟསྶ ཨུཔཊྛཱཀོ ཧོཏི. ཨཐ ཁོ ཨཱཡསྨཱ ཨུཔནནྡོ སཀྱཔུཏྟོ ཡེན སོ ཏནྟཝཱཡོ ཏེནུཔསངྐམི; ཨུཔསངྐམིཏྭཱ ཏཾ ཏནྟཝཱཡཾ ཨེཏདཝོཙ – ‘‘ཨིདཾ ཁོ, ཨཱཝུསོ, ཙཱིཝརཾ མཾ ཨུདྡིསྶ ཝིཡྻཏི; ཨཱཡཏཉྩ ཀརོཧི ཝིཏྠཏཉྩ. ཨཔྤིཏཉྩ སུཝཱིཏཉྩ སུཔྤཝཱཡིཏཉྩ སུཝིལེཁིཏཉྩ ¶ སུཝིཏཙྪིཏཉྩ ཀརོཧཱི’’ཏི. ‘‘ཨེཏེ ཁོ མེ, བྷནྟེ, སུཏྟཾ དྷཱརཡིཏྭཱ ཨདཾསུ; ཨིམིནཱ སུཏྟེན ཙཱིཝརཾ ཝིནཱཧཱི’’ཏི. ‘‘ན, བྷནྟེ, སཀྐཱ ཨཱཡཏཾ ཝཱ ཝིཏྠཏཾ ཝཱ ཨཔྤིཏཾ ཝཱ ཀཱཏུཾ. སཀྐཱ ¶ ཙ ཁོ, བྷནྟེ, སུཝཱིཏཉྩ སུཔྤཝཱཡིཏཉྩ སུཝིལེཁིཏཉྩ སུཝིཏཙྪིཏཉྩ ཀཱཏུ’’ནྟི. ‘‘ཨིངྒྷ ཏྭཾ, ཨཱཝུསོ, ཨཱཡཏཉྩ ཀརོཧི ཝིཏྠཏཉྩ ཨཔྤིཏཉྩ. ན ཏེན སུཏྟེན པཊིབདྡྷཾ བྷཝིསྶཏཱི’’ཏི.

ཨཐ ཁོ སོ ཏནྟཝཱཡོ ཡཐཱབྷཏཾ སུཏྟཾ ཏནྟེ ཨུཔནེཏྭཱ ཡེན སཱ ཨིཏྠཱི ཏེནུཔསངྐམི; ཨུཔསངྐམིཏྭཱ ཏཾ ཨིཏྠིཾ ཨེཏདཝོཙ – ‘‘སུཏྟེན, ཨཡྻེ, ཨཏྠོ’’ཏི. ‘‘ནནུ ཏྭཾ ཨཡྻོ [ཨཡྻ (སྱཱ.)] མཡཱ ཝུཏྟོ – ‘ཨིམིནཱ སུཏྟེན ཙཱིཝརཾ ཝིནཱཧཱི’’’ཏི. ‘‘སཙྩཱཧཾ, ཨཡྻེ, ཏཡཱ ཝུཏྟོ – ‘ཨིམིནཱ སུཏྟེན ཙཱིཝརཾ ཝིནཱཧཱི’ཏི. ཨཔིཙ, མཾ ཨཡྻོ ཨུཔནནྡོ ཨེཝམཱཧ – ‘ཨིངྒྷ ཏྭཾ, ཨཱཝུསོ, ཨཱཡཏཉྩ ཀརོཧི ཝིཏྠཏཉྩ ཨཔྤིཏཉྩ, ན ཏེན སུཏྟེན པཊིབདྡྷཾ བྷཝིསྶཏཱི’’’ཏི. ཨཐ ཁོ སཱ ཨིཏྠཱི ཡཏྟཀཾཡེཝ སུཏྟཾ པཋམཾ ཨདཱསི ཏཏྟཀཾ པཙྪཱ ཨདཱསི. ཨསྶོསི ཁོ ཨཱཡསྨཱ ཨུཔནནྡོ སཀྱཔུཏྟོ – ‘‘སོ ཀིར པུརིསོ པཝཱསཏོ ཨཱགཏོ’’ཏི. ཨཐ ཁོ ཨཱཡསྨཱ ཨུཔནནྡོ སཀྱཔུཏྟོ ཡེན ཏསྶ པུརིསསྶ ནིཝེསནཾ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཨཐ ཁོ སོ པུརིསོ ཡེནཱཡསྨཱ ཨུཔནནྡོ སཀྱཔུཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨུཔནནྡཾ སཀྱཔུཏྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ¶ ཁོ སོ པུརིསོ པཛཱཔཏིཾ ཨེཏདཝོཙ – ‘‘ཝཱིཏཾ ཏཾ ཙཱིཝར’’ནྟི? ‘‘ཨཱམཱཡྻ, ཝཱིཏཾ ཏཾ ཙཱིཝར’’ནྟི. ‘‘ཨཱཧར, ཨཡྻཾ ཨུཔནནྡཾ ཙཱིཝརེན ཨཙྪཱདེསྶཱམཱི’’ཏི. ཨཐ ཁོ སཱ ཨིཏྠཱི ཏཾ ཙཱིཝརཾ ནཱིཧརིཏྭཱ སཱམིཀསྶ དཏྭཱ ཨེཏམཏྠཾ ཨཱརོཙེསི. ཨཐ ཁོ སོ པུརིསོ ཨཱཡསྨཏོ ཨུཔནནྡསྶ སཀྱཔུཏྟསྶ ¶ ཙཱིཝརཾ དཏྭཱ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘མཧིཙྪཱ ཨིམེ སམཎཱ ¶ སཀྱཔུཏྟིཡཱ ཨསནྟུཊྛཱ. ནཡིམེ སུཀརཱ ཙཱིཝརེན ཨཙྪཱདེཏུཾ. ཀཐཉྷི ནཱམ ཨཡྻོ ཨུཔནནྡོ མཡཱ པུབྦེ ཨཔྤཝཱརིཏོ ཏནྟཝཱཡེ [གཧཔཏིཀསྶ ཏནྟཝཱཡེ (ཀ.)] ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫིསྶཏཱི’’ཏི.

ཨསྶོསུཾ ཁོ བྷིཀྑཱུ ཏསྶ པུརིསསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ པུབྦེ ཨཔྤཝཱརིཏོ གཧཔཏིཀསྶ ཏནྟཝཱཡེ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫིསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ ཨུཔནནྡཾ སཀྱཔུཏྟཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, ཨུཔནནྡ, པུབྦེ ཨཔྤཝཱརིཏོ གཧཔཏིཀསྶ ཏནྟཝཱཡེ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫཱི’’ཏི? ‘‘སཙྩཾ, བྷགཝཱ’’ཏི. ‘‘ཉཱཏཀོ ཏེ, ཨུཔནནྡ, ཨཉྙཱཏཀོ’’ཏི? ‘‘ཨཉྙཱཏཀོ, བྷགཝཱ’’ཏི. ‘‘ཨཉྙཱཏཀོ, མོགྷཔུརིས, ཨཉྙཱཏཀསྶ ན ཛཱནཱཏི པཏིརཱུཔཾ ཝཱ ཨཔྤཏིརཱུཔཾ ཝཱ སནྟཾ ཝཱ ཨསནྟཾ ཝཱ. ཏཏྠ ནཱམ ཏྭཾ, མོགྷཔུརིས, པུབྦེ ཨཔྤཝཱརིཏོ ¶ ཨཉྙཱཏཀསྶ གཧཔཏིཀསྶ ¶ ཏནྟཝཱཡེ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༦༤༢. ‘‘བྷིཀྑུཾ པནེཝ ཨུདྡིསྶ ཨཉྙཱཏཀོ གཧཔཏི ཝཱ གཧཔཏཱནཱི ཝཱ ཏནྟཝཱཡེཧི ཙཱིཝརཾ ཝཱཡཱཔེཡྻ, ཏཏྲ ཙེ སོ བྷིཀྑུ པུབྦེ ཨཔྤཝཱརིཏོ ཏནྟཝཱཡེ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫེཡྻ – ‘ཨིདཾ ཁོ, ཨཱཝུསོ, ཙཱིཝརཾ མཾ ཨུདྡིསྶ ཝིཡྻཏི. ཨཱཡཏཉྩ ཀརོཐ ཝིཏྠཏཉྩ. ཨཔྤིཏཉྩ སུཝཱིཏཉྩ སུཔྤཝཱཡིཏཉྩ སུཝིལེཁིཏཉྩ སུཝིཏཙྪིཏཉྩ ཀརོཐ. ཨཔྤེཝ ནཱམ མཡམྤི ཨཱཡསྨནྟཱནཾ ཀིཉྩིམཏྟཾ ཨནུཔདཛྫེཡྻཱམཱ’ཏི. ཨེཝཉྩ སོ བྷིཀྑུ ཝཏྭཱ ཀིཉྩིམཏྟཾ ཨནུཔདཛྫེཡྻ ཨནྟམསོ པིཎྜཔཱཏམཏྟམྤི, ནིསྶགྒིཡཾ པཱཙིཏྟིཡ’’ནྟི.

༦༤༣. བྷིཀྑུཾ པནེཝ ཨུདྡིསྶཱཏི བྷིཀྑུསྶཏྠཱཡ བྷིཀྑུཾ ཨཱརམྨཎཾ ཀརིཏྭཱ བྷིཀྑུཾ ཨཙྪཱདེཏུཀཱམོ.

ཨཉྙཱཏཀོ ནཱམ མཱཏིཏོ ཝཱ པིཏིཏོ ཝཱ ཡཱཝ སཏྟམཱ པིཏཱམཧཡུགཱ ཨསམྦདྡྷོ.

གཧཔཏི ¶ ¶ ནཱམ ཡོ ཀོཙི ཨགཱརཾ ཨཛ྄ཛྷཱཝསཏི.

གཧཔཏཱནཱི ནཱམ ཡཱ ཀཱཙི ཨགཱརཾ ཨཛ྄ཛྷཱཝསཏི.

ཏནྟཝཱཡེཧཱིཏི པེསཀཱརེཧི.

ཙཱིཝརཾ ནཱམ ཚནྣཾ ཙཱིཝརཱནཾ ཨཉྙཏརཾ ཙཱིཝརཾ ཝིཀཔྤནུཔགཾ པཙྪིམཾ.

ཝཱཡཱཔེཡྻཱཏི ཝིནཱཔེཏི.

ཏཏྲ ཙེ སོ བྷིཀྑཱུཏི ཡཾ བྷིཀྑུཾ ཨུདྡིསྶ ཙཱིཝརཾ ཝིཡྻཏི སོ ¶ བྷིཀྑུ.

པུབྦེ ཨཔྤཝཱརིཏོཏི པུབྦེ ཨཝུཏྟོ ཧོཏི – ‘‘ཀཱིདིསེན ཏེ, བྷནྟེ, ཙཱིཝརེན ཨཏྠོ, ཀཱིདིསཾ ཏེ ཙཱིཝརཾ ཝཱཡཱཔེམཱི’’ཏི?

ཏནྟཝཱཡེ ཨུཔསངྐམིཏྭཱཏི གྷརཾ གནྟྭཱ ཡཏྠ ཀཏྠཙི ཨུཔསངྐམིཏྭཱ.

ཙཱིཝརེ ཝིཀཔྤཾ ཨཱཔཛྫེཡྻཱཏི – ‘‘ཨིདཾ ཁོ, ཨཱཝུསོ, ཙཱིཝརཾ མཾ ཨུདྡིསྶ ཝིཡྻཏི, ཨཱཡཏཉྩ ཀརོཐ ཝིཏྠཏཉྩ. ཨཔྤིཏཉྩ སུཝཱིཏཉྩ སུཔྤཝཱཡིཏཉྩ སུཝིལེཁིཏཉྩ སུཝིཏཙྪིཏཉྩ ཀརོཐ. ཨཔྤེཝ ནཱམ མཡམྤི ཨཱཡསྨནྟཱནཾ ཀིཉྩིམཏྟཾ ཨནུཔདཛྫེཡྻཱམཱ’’ཏི.

ཨེཝཉྩ སོ བྷིཀྑུ ཝཏྭཱ ཀིཉྩིམཏྟཾ ཨནུཔདཛྫེཡྻ ཨནྟམསོ པིཎྜཔཱཏམཏྟམྤཱིཏི. པིཎྜཔཱཏོ ནཱམ ཡཱགུཔི བྷཏྟམྤི ཁཱདནཱིཡམྤི ¶ ཙུཎྞཔིཎྜོཔི དནྟཀཊྛམྤི དསིཀསུཏྟམྤི, ཨནྟམསོ དྷམྨམྤི བྷཎཏི.

ཏསྶ ཝཙནེན ཨཱཡཏཾ ཝཱ ཝིཏྠཏཾ ཝཱ ཨཔྤིཏཾ ཝཱ ཀརོཏི, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ཨིདཾ མེ, བྷནྟེ, ཙཱིཝརཾ པུབྦེ ཨཔྤཝཱརིཏོ ཨཉྙཱཏཀསྶ ¶ གཧཔཏིཀསྶ ཏནྟཝཱཡེ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔནྣཾ ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༦༤༤. ཨཉྙཱཏཀེ ཨཉྙཱཏཀསཉྙཱི པུབྦེ ཨཔྤཝཱརིཏོ གཧཔཏིཀསྶ ཏནྟཝཱཡེ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫཏི, ནིསྶགྒིཡཾ པཱཙིཏྟིཡཾ. ཨཉྙཱཏཀེ ཝེམཏིཀོ པུབྦེ ཨཔྤཝཱརིཏོ གཧཔཏིཀསྶ ཏནྟཝཱཡེ ¶ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫཏི, ནིསྶགྒིཡཾ པཱཙིཏྟིཡཾ. ཨཉྙཱཏཀེ ཉཱཏཀསཉྙཱི པུབྦེ ཨཔྤཝཱརིཏོ གཧཔཏིཀསྶ ཏནྟཝཱཡེ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫཏི, ནིསྶགྒིཡཾ པཱཙིཏྟིཡཾ.

ཉཱཏཀེ ¶ ཨཉཱཏཀསཉྙཱི, ཨཱཔཏྟི དུཀྐཊསྶ. ཉཱཏཀེ ཝེམཏིཀོ, ཨཱཔཏྟི དུཀྐཊསྶ. ཉཱཏཀེ ཉཱཏཀསཉྙཱི, ཨནཱཔཏྟི.

༦༤༥. ཨནཱཔཏྟི – ཉཱཏཀཱནཾ, པཝཱརིཏཱནཾ, ཨཉྙསྶཏྠཱཡ, ཨཏྟནོ དྷནེན, མཧགྒྷཾ ཝཱཡཱཔེཏུཀཱམསྶ ཨཔྤགྒྷཾ ཝཱཡཱཔེཏི, ཨུམྨཏྟཀསྶ, ཨཱདིཀམྨིཀསྶཱཏི.

མཧཱཔེསཀཱརསིཀྑཱཔདཾ ནིཊྛིཏཾ སཏྟམཾ.

༨. ཨཙྩེཀཙཱིཝརསིཀྑཱཔདཾ

༦༤༦. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཉྙཏརོ མཧཱམཏྟོ པཝཱསཾ གཙྪནྟོ བྷིཀྑཱུནཾ སནྟིཀེ དཱུཏཾ པཱཧེསི – ‘‘ཨཱགཙྪནྟུ བྷདནྟཱ ཝསྶཱཝཱསིཀཾ དསྶཱམཱི’’ཏི. བྷིཀྑཱུ – ‘ཝསྶཾཝུཊྛཱནཾ བྷགཝཏཱ ཝསྶཱཝཱསིཀཾ ཨནུཉྙཱཏ’ནྟི, ཀུཀྐུཙྩཱཡནྟཱ ནཱགམཾསུ. ཨཐ ཁོ སོ མཧཱམཏྟོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ བྷདནྟཱ མཡཱ དཱུཏེ པཧིཏེ ནཱགཙྪིསྶནྟི! ཨཧཉྷི སེནཱཡ གཙྪཱམི. དུཛྫཱནཾ ཛཱིཝིཏཾ དུཛྫཱནཾ མརཎ’’ནྟི. ཨསྶོསུཾ ཁོ བྷིཀྑཱུ ཏསྶ མཧཱམཏྟསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ¶ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཨཙྩེཀཙཱིཝརཾ པཊིགྒཧེཏྭཱ ནིཀྑིཔིཏུ’’ནྟི.

༦༤༧. ཏེན ཁོ པན སམཡེན བྷིཀྑཱུ – ‘‘བྷགཝཏཱ ཨནུཉྙཱཏཾ ཨཙྩེཀཙཱིཝརཾ པཊིགྒཧེཏྭཱ ནིཀྑིཔིཏུ’’ནྟི ¶ , ཨཙྩེཀཙཱིཝརཱནི པཊིགྒཧེཏྭཱ ཙཱིཝརཀཱལསམཡཾ ཨཏིཀྐཱམེནྟི. ཏཱནི ཙཱིཝརཱནི ཙཱིཝརཝཾསེ བྷཎྜིཀཱབདྡྷཱནི ཏིཊྛནྟི. ཨདྡས ཁོ ཨཱཡསྨཱ ཨཱནནྡོ སེནཱསནཙཱརིཀཾ ཨཱཧིཎྜནྟོ ཏཱནི ཙཱིཝརཱནི ཙཱིཝརཝཾསེ བྷཎྜིཀཱབདྡྷཱནི. ཏིཊྛནྟེ དིསྭཱ བྷིཀྑཱུ ཨེཏདཝོཙ ¶ – ‘‘ཀསྶིམཱནི, ཨཱཝུསོ, ཙཱིཝརཱནི ཙཱིཝརཝཾསེ བྷཎྜིཀཱབདྡྷཱནི ཏིཊྛནྟཱི’’ཏི? ‘‘ཨམྷཱཀཾ, ཨཱཝུསོ, ཨཙྩེཀཙཱིཝརཱནཱི’’ཏི. ‘‘ཀཱིཝཙིརཾ པནཱཝུསོ, ཨིམཱནི ཙཱིཝརཱནི ནིཀྑིཏྟཱནཱི’’ཏི? ཨཐ ཁོ ཏེ བྷིཀྑཱུ ཨཱཡསྨཏོ ¶ ཨཱནནྡསྶ ཡཐཱནིཀྑིཏྟཾ ཨཱརོཙེསུཾ. ཨཱཡསྨཱ ཨཱནནྡོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ བྷིཀྑཱུ ཨཙྩེཀཙཱིཝརཾ པཊིགྒཧེཏྭཱ ཙཱིཝརཀཱལསམཡཾ ཨཏིཀྐཱམེསྶནྟཱི’’ཏི! ཨཐ ཁོ ཨཱཡསྨཱ ཨཱནནྡོ ཏེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསི…པེ… – ‘‘སཙྩཾ ཀིར, བྷིཀྑཝེ, བྷིཀྑཱུ ཨཙྩེཀཙཱིཝརཾ པཊིགྒཧེཏྭཱ ཙཱིཝརཀཱལསམཡཾ ཨཏིཀྐཱམེནྟཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ཨཙྩེཀཙཱིཝརཾ པཊིགྒཧེཏྭཱ ཙཱིཝརཀཱལསམཡཾ ཨཏིཀྐཱམེསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༦༤༨. ‘‘དསཱཧཱནཱགཏཾ ཀཏྟིཀཏེམཱསིཀཔུཎྞམཾ བྷིཀྑུནོ པནེཝ ཨཙྩེཀཙཱིཝརཾ ཨུཔྤཛྫེཡྻ, ཨཙྩེཀཾ མཉྙམཱནེན བྷིཀྑུནཱ པཊིགྒཧེཏབྦཾ, པཊིགྒཧེཏྭཱ ཡཱཝ ཙཱིཝརཀཱལསམཡཾ ནིཀྑིཔིཏབྦཾ. ཏཏོ ཙེ ཨུཏྟརི ནིཀྑིཔེཡྻ, ནིསྶགྒིཡཾ པཱཙིཏྟིཡ’’ནྟི.

༦༤༩. དསཱཧཱནཱགཏནྟི དསཱཧཱནཱགཏཱཡ པཝཱརཎཱཡ.

ཀཏྟིཀཏེམཱསིཀཔུཎྞམནྟི པཝཱརཎཱ ཀཏྟིཀཱ ཝུཙྩཏི.

ཨཙྩེཀཙཱིཝརཾ ནཱམ སེནཱཡ ཝཱ གནྟུཀཱམོ ཧོཏི, པཝཱསཾ ཝཱ གནྟུཀཱམོ ཧོཏི, གིལཱནོ ¶ ཝཱ ཧོཏི, གབྦྷིནཱི ཝཱ ཧོཏི, ཨསྶདྡྷསྶ ཝཱ སདྡྷཱ ཨུཔྤནྣཱ ཧོཏི, ཨཔྤསནྣསྶ ཝཱ ¶ པསཱདོ ཨུཔྤནྣོ ཧོཏི, སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཱགཙྪནྟུ བྷདནྟཱ ཝསྶཱཝཱསིཀཾ དསྶཱམཱི’’ཏི, ཨེཏཾ ཨཙྩེཀཙཱིཝརཾ ནཱམ.

ཨཙྩེཀཾ མཉྙམཱནེན བྷིཀྑུནཱ པཊིགྒཧེཏབྦཾ པཊིགྒཧེཏྭཱ ཡཱཝ ཙཱིཝརཀཱལསམཡཾ ནིཀྑིཔིཏབྦནྟི སཉྙཱཎཾ ཀཏྭཱ ནིཀྑིཔིཏབྦཾ – ‘‘ཨིདཾ ཨཙྩེཀཙཱིཝར’’ནྟི.

ཙཱིཝརཀཱལསམཡོ ནཱམ ཨནཏྠཏེ ཀཐིནེ ཝསྶཱནསྶ པཙྪིམོ མཱསོ, ཨཏྠཏེ ཀཐིནེ པཉྩམཱསཱ.

ཏཏོ ¶ ཙེ ཨུཏྟརི ནིཀྑིཔེཡྻཱཏི ཨནཏྠཏེ ཀཐིནེ ཝསྶཱནསྶ པཙྪིམཾ དིཝསཾ ཨཏིཀྐཱམེཏི, ནིསྶགྒིཡཾ པཱཙིཏྟིཡཾ [ནིསྶགྒིཡཾ ཧོཏི (སྱཱ.)]. ཨཏྠཏེ ཀཐིནེ ཀཐིནུདྡྷཱརདིཝསཾ ¶ ཨཏིཀྐཱམེཏི, ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ཨིདཾ མེ, བྷནྟེ, ཨཙྩེཀཙཱིཝརཾ ཙཱིཝརཀཱལསམཡཾ ཨཏིཀྐཱམིཏཾ ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༦༥༠. ཨཙྩེཀཙཱིཝརེ ཨཙྩེཀཙཱིཝརསཉྙཱི ཙཱིཝརཀཱལསམཡཾ ཨཏིཀྐཱམེཏི, ནིསྶགྒིཡཾ པཱཙིཏྟིཡཾ. ཨཙྩེཀཙཱིཝརེ ཝེམཏིཀོ ཙཱིཝརཀཱལསམཡཾ ཨཏིཀྐཱམེཏི, ནིསྶགྒིཡཾ པཱཙིཏྟིཡཾ. ཨཙྩེཀཙཱིཝརེ ཨནཙྩེཀཙཱིཝརསཉྙཱི ཙཱིཝརཀཱལསམཡཾ ཨཏིཀྐཱམེཏི, ནིསྶགྒིཡཾ པཱཙིཏྟིཡཾ. ཨནདྷིཊྛིཏེ ཨདྷིཊྛིཏསཉྙཱི ¶ …པེ… ཨཝིཀཔྤིཏེ ཝིཀཔྤིཏསཉྙཱི… ཨཝིསྶཛྫིཏེ ཝིསྶཛྫིཏསཉྙཱི… ཨནཊྛེ ནཊྛསཉྙཱི… ཨཝིནཊྛེ ཝིནཊྛསཉྙཱི… ཨདཌྜྷེ དཌྜྷསཉྙཱི… ཨཝིལུཏྟེ ཝིལུཏྟསཉྙཱི ཙཱིཝརཀཱལསམཡཾ ཨཏིཀྐཱམེཏི, ནིསྶགྒིཡཾ པཱཙིཏྟིཡཾ.

ནིསྶགྒིཡཾ ཙཱིཝརཾ ཨནིསྶཛྫིཏྭཱ པརིབྷུཉྫཏི, ཨཱཔཏྟི དུཀྐཊསྶ. ཨནཙྩེཀཙཱིཝརེ ཨཙྩེཀཙཱིཝརསཉྙཱི, ཨཱཔཏྟི དུཀྐཊསྶ. ཨནཙྩེཀཙཱིཝརེ ཝེམཏིཀོ, ཨཱཔཏྟི དུཀྐཊསྶ. ཨནཙྩེཀཙཱིཝརེ ཨནཙྩེཀཙཱིཝརསཉྙཱི, ཨནཱཔཏྟི.

༦༥༡. ཨནཱཔཏྟི – ཨནྟོསམཡེ ཨདྷིཊྛེཏི, ཝིཀཔྤེཏི, ཝིསྶཛྫེཏི, ནསྶཏི, ཝིནསྶཏི, ¶ ཌཡ྄ཧཏི, ཨཙྪིནྡིཏྭཱ གཎྷནྟི, ཝིསྶཱསཾ གཎྷནྟི, ཨུམྨཏྟཀསྶ, ཨཱདིཀམྨིཀསྶཱཏི.

ཨཙྩེཀཙཱིཝརསིཀྑཱཔདཾ ནིཊྛིཏཾ ཨཊྛམཾ.

༩. སཱསངྐསིཀྑཱཔདཾ

༦༥༢. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན བྷིཀྑཱུ ཝུཏྠཝསྶཱ ཨཱརཉྙཀེསུ སེནཱསནེསུ ཝིཧརནྟི. ཀཏྟིཀཙོརཀཱ བྷིཀྑཱུ – ‘‘ལདྡྷལཱབྷཱ’’ཏི པརིཔཱཏེནྟི. བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཨཱརཉྙཀེསུ སེནཱསནེསུ ཝིཧརནྟེན ཏིཎྞཾ ཙཱིཝརཱནཾ ཨཉྙཏརཾ ཙཱིཝརཾ ཨནྟརགྷརེ ནིཀྑིཔིཏུ’’ནྟི.

ཏེན ¶ ཁོ པན སམཡེན བྷིཀྑཱུ – ‘‘བྷགཝཏཱ ཨནུཉྙཱཏཾ ཨཱརཉྙཀེསུ སེནཱསནེསུ ཝིཧརནྟེན ཏིཎྞཾ ཙཱིཝརཱནཾ ¶ ཨཉྙཏརཾ ཙཱིཝརཾ ཨནྟརགྷརེ ནིཀྑིཔིཏུ’’ནྟི ཏིཎྞཾ ཙཱིཝརཱནཾ ཨཉྙཏརཾ ཙཱིཝརཾ ཨནྟརགྷརེ ནིཀྑིཔིཏྭཱ ཨཏིརེཀཚཱརཏྟཾ ཝིཔྤཝསནྟི. ཏཱནི ཙཱིཝརཱནི ནསྶནྟིཔི ཝིནསྶནྟིཔི ཌཡ྄ཧནྟིཔི ཨུནྡཱུརེཧིཔི ཁཛྫནྟི. བྷིཀྑཱུ དུཙྩོལཱ༹ ཧོནྟི ལཱུཁཙཱིཝརཱ. བྷིཀྑཱུ ཨེཝམཱཧཾསུ – ‘‘ཀིསྶ ཏུམྷེ, ཨཱཝུསོ, དུཙྩོལཱ༹ ལཱུཁཙཱིཝརཱ’’ཏི? ཨཐ ཁོ ཏེ བྷིཀྑཱུ བྷིཀྑཱུནཾ ཨེཏམཏྠཾ ཨཱརོཙེསུཾ. ཡེ ཏེ བྷིཀྑཱུ ཨཔྤིཙྪཱ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑཱུ ཏིཎྞཾ ཙཱིཝརཱནཾ ཨཉྙཏརཾ ཙཱིཝརཾ ཨནྟརགྷརེ ནིཀྑིཔིཏྭཱ ཨཏིརེཀཚཱརཏྟཾ ཝིཔྤཝསིསྶནྟཱི’’ཏི! ཨཐ ཁོ ཏེ བྷིཀྑཱུ ཏེ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ཀིར, བྷིཀྑཝེ ¶ , བྷིཀྑཱུ ཏིཎྞཾ ཙཱིཝརཱནཾ ཨཉྙཏརཾ ཙཱིཝརཾ ཨནྟརགྷརེ ནིཀྑིཔིཏྭཱ ཨཏིརེཀཚཱརཏྟཾ ཝིཔྤཝསནྟཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ཏིཎྞཾ ཙཱིཝརཱནཾ ཨཉྙཏརཾ ཙཱིཝརཾ ཨནྟརགྷརེ ནིཀྑིཔིཏྭཱ ཨཏིརེཀཚཱརཏྟཾ ཝིཔྤཝསིསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༦༥༣. ‘‘ཨུཔཝསྶཾ ¶ ཁོ པན ཀཏྟིཀཔུཎྞམཾ ཡཱནི ཁོ པན ཏཱནི ཨཱརཉྙཀཱནི སེནཱསནཱནི སཱསངྐསམྨཏཱནི སཔྤཊིབྷཡཱནི ཏཐཱརཱུཔེསུ བྷིཀྑུ སེནཱསནེསུ ཝིཧརནྟོ ཨཱཀངྑམཱནོ ཏིཎྞཾ ཙཱིཝརཱནཾ ཨཉྙཏརཾ ཙཱིཝརཾ ཨནྟརགྷརེ ནིཀྑིཔེཡྻ, སིཡཱ ཙ ཏསྶ བྷིཀྑུནོ ཀོཙིདེཝ པཙྩཡོ ཏེན ཙཱིཝརེན ཝིཔྤཝཱསཱཡ. ཚཱརཏྟཔརམཾ ཏེན བྷིཀྑུནཱ ཏེན ཙཱིཝརེན ཝིཔྤཝསིཏབྦཾ. ཏཏོ ཙེ ཨུཏྟརི ཝིཔྤཝསེཡྻ, ཨཉྙཏྲ བྷིཀྑུསམྨུཏིཡཱ, ནིསྶགྒིཡཾ པཱཙིཏྟིཡ’’ནྟི.

༦༥༤. ཨུཔཝསྶཾ ཁོ པནཱཏི ཝུཊྛཝསྶཱནཾ.

ཀཏྟིཀཔུཎྞམནྟི ཀཏྟིཀཙཱཏུམཱསིནཱི ཝུཙྩཏི.

[པཱཙི. ༥༧༣] ཡཱནི ཁོ པན ཏཱནི ཨཱརཉྙཀཱནི སེནཱསནཱནཱིཏི ཨཱརཉྙཀཾ ནཱམ སེནཱསནཾ པཉྩདྷནུསཏིཀཾ པཙྪིམཾ.

[པཱཙི. ༥༧༣] སཱསངྐཾ ནཱམ ཨཱརཱམེ ཨཱརཱམཱུཔཙཱརེ ཙོརཱནཾ ནིཝིཊྛོཀཱསོ དིསྶཏི, བྷུཏྟོཀཱསོ དིསྶཏི, ཋིཏོཀཱསོ དིསྶཏི, ནིསིནྣོཀཱསོ དིསྶཏི, ནིཔནྣོཀཱསོ དིསྶཏི.

[པཱཙི. ༥༧༣] སཔྤཊིབྷཡཾ ¶ ནཱམ ཨཱརཱམེ ཨཱརཱམཱུཔཙཱརེ ཙོརེཧི མནུསྶཱ ཧཏཱ དིསྶནྟི, ཝིལུཏྟཱ དིསྶནྟི, ཨཱཀོཊིཏཱ དིསྶནྟི ¶ .

[པཱཙི. ༥༧༣] ཏཐཱརཱུཔེསུ བྷིཀྑུ སེནཱསནེསུ ཝིཧརནྟོཏི ཨེཝརཱུཔེསུ བྷིཀྑུ སེནཱསནེསུ ཝིཧརནྟོ.

ཨཱཀངྑམཱནོཏི ¶ ཨིཙྪམཱནོ.

ཏིཎྞཾ ཙཱིཝརཱནཾ ཨཉྙཏརཾ ཙཱིཝརནྟི སངྒྷཱཊིཾ ཝཱ ཨུཏྟརཱསངྒཾ ཝཱ ཨནྟརཝཱསཀཾ ཝཱ.

ཨནྟརགྷརེ ནིཀྑིཔེཡྻཱཏི སམནྟཱ གོཙརགཱམེ ནིཀྑིཔེཡྻ.

སིཡཱ ཙ ཏསྶ བྷིཀྑུནོ ཀོཙིདེཝ པཙྩཡོ ཏེན ཙཱིཝརེན ཝིཔྤཝཱསཱཡཱཏི སིཡཱ པཙྩཡོ སིཡཱ ཀརཎཱིཡཾ.

ཚཱརཏྟཔརམཾ ¶ ཏེན བྷིཀྑུནཱ ཏེན ཙཱིཝརེན ཝིཔྤཝསིཏབྦནྟི ཚཱརཏྟཔརམཏཱ ཝིཔྤཝསིཏབྦཾ.

ཨཉྙཏྲ བྷིཀྑུསམྨུཏིཡཱཏི ཋཔེཏྭཱ བྷིཀྑུསམྨུཏིཾ.

ཏཏོ ཙེ ཨུཏྟརི ཝིཔྤཝསེཡྻཱཏི སཏྟམེ ཨརུཎུགྒམནེ ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ. ‘‘ཨིདཾ མེ, བྷནྟེ, ཙཱིཝརཾ ཨཏིརེཀཚཱརཏྟཾ ཝིཔྤཝུཊྛཾ, ཨཉྙཏྲ བྷིཀྑུསམྨུཏིཡཱ, ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱི’’ཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༦༥༥. ཨཏིརེཀཚཱརཏྟེ ཨཏིརེཀསཉྙཱི ཝིཔྤཝསཏི, ཨཉྙཏྲ བྷིཀྑུསམྨུཏིཡཱ, ནིསྶགྒིཡཾ པཱཙིཏྟིཡཾ. ཨཏིརེཀཚཱརཏྟེ ཝེམཏིཀོ ཝིཔྤཝསཏི, ཨཉྙཏྲ བྷིཀྑུསམྨུཏིཡཱ, ནིསྶགྒིཡཾ པཱཙིཏྟིཡཾ. ཨཏིརེཀཚཱརཏྟེ ཨཱུནཀསཉྙཱི ཝིཔྤཝསཏི, ཨཉྙཏྲ བྷིཀྑུསམྨུཏིཡཱ, ནིསྶགྒིཡཾ པཱཙིཏྟིཡཾ. ཨཔྤཙྩུདྡྷཊེ པཙྩུདྡྷཊསཉྙཱི…པེ… ཨཝིསྶཛྫིཏེ ཝིསྶཛྫིཏསཉྙཱི… ཨནཊྛེ ནཊྛསཉྙཱི… ཨཝིནཊྛེ ཝིནཊྛསཉྙཱི… ཨདཌྜྷེ དཌྜྷསཉྙཱི ¶ … ཨཝིལུཏྟེ ཝིལུཏྟསཉྙཱི ཝིཔྤཝསཏི, ཨཉྙཏྲ བྷིཀྑུསམྨུཏིཡཱ, ནིསྶགྒིཡཾ པཱཙིཏྟིཡཾ.

ནིསྶགྒིཡཾ ཙཱིཝརཾ ཨནིསྶཛྫིཏྭཱ པརིབྷུཉྫཏི, ཨཱཔཏྟི དུཀྐཊསྶ. ཨཱུནཀཚཱརཏྟེ ཨཏིརེཀསཉྙཱི, ཨཱཔཏྟི དུཀྐཊསྶ. ཨཱུནཀཚཱརཏྟེ ཝེམཏིཀོ, ཨཱཔཏྟི དུཀྐཊསྶ. ཨཱུནཀཚཱརཏྟེ ཨཱུནཀསཉྙཱི, ཨནཱཔཏྟི.

༦༥༦. ཨནཱཔཏྟི ¶ – ཚཱརཏྟཾ ཝིཔྤཝསཏི, ཨཱུནཀཚཱརཏྟཾ ཝིཔྤཝསཏི, ཚཱརཏྟཾ ཝིཔྤཝསིཏྭཱ པུན གཱམསཱིམཾ ཨོཀྐམིཏྭཱ ཝསིཏྭཱ པཀྐམཏི, ཨནྟོ ཚཱརཏྟཾ པཙྩུདྡྷརཏི, ཝིསྶཛྫེཏི, ནསྶཏི, ཝིནསྶཏི, ཌཡ྄ཧཏི, ཨཙྪིནྡིཏྭཱ གཎྷནྟི, ཝིསྶཱསཾ གཎྷནྟི, བྷིཀྑུསམྨུཏིཡཱ, ཨུམྨཏྟཀསྶ, ཨཱདིཀམྨིཀསྶཱཏི.

སཱསངྐསིཀྑཱཔདཾ ནིཊྛིཏཾ ནཝམཾ.

༡༠. པརིཎཏསིཀྑཱཔདཾ

༦༥༧. ཏེན ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན སཱཝཏྠིཡཾ ཨཉྙཏརསྶ པཱུགསྶ སངྒྷསྶ སཙཱིཝརབྷཏྟཾ པཊིཡཏྟཾ ཧོཏི – ‘‘བྷོཛེཏྭཱ ཙཱིཝརེན ཨཙྪཱདེསྶཱམཱ’’ཏི. ཨཐ ཁོ ཚབྦགྒིཡཱ བྷིཀྑཱུ ཡེན སོ པཱུགོ ཏེནུཔསངྐམིཾསུ; ཨུཔསངྐམིཏྭཱ ཏཾ པཱུགཾ ཨེཏདཝོཙུཾ – ‘‘དེཐཱཝུསོ, ཨམྷཱཀཾ ཨིམཱནི ཙཱིཝརཱནཱི’’ཏི. ‘‘ན མཡཾ, བྷནྟེ, དསྶཱམ. ཨམྷཱཀཾ སངྒྷསྶ ཨནུཝསྶཾ སཙཱིཝརབྷིཀྑཱ པཉྙཏྟཱ’’ཏི. ‘‘བཧཱུ, ཨཱཝུསོ, སངྒྷསྶ དཱཡཀཱ, བཧཱུ སངྒྷསྶ བྷཏྟཱ [བྷདྡཱ (ཀ.)]. མཡཾ ཏུམྷེ ནིསྶཱཡ ཏུམྷེ སམྤསྶནྟཱ ཨིདྷ ཝིཧརཱམ. ཏུམྷེ ཙེ ཨམྷཱཀཾ ན དསྶཐ, ཨཐ ཀོ ཙརཧི ཨམྷཱཀཾ དསྶཏི? དེཐཱཝུསོ, ཨམྷཱཀཾ ཨིམཱནི ཙཱིཝརཱནཱི’’ཏི. ཨཐ ཁོ སོ པཱུགོ ཚབྦགྒིཡེཧི བྷིཀྑཱུཧི ནིཔྤཱིལི༹ཡམཱནོ ཡཐཱཔཊིཡཏྟཾ ཙཱིཝརཾ ཚབྦགྒིཡཱནཾ བྷིཀྑཱུནཾ དཏྭཱ སངྒྷཾ བྷཏྟེན པརིཝིསི. ཡེ ཏེ བྷིཀྑཱུ ཛཱནནྟི སངྒྷསྶ སཙཱིཝརབྷཏྟཾ པཊིཡཏྟཾ, ན ཙ ཛཱནནྟི ཚབྦགྒིཡཱནཾ བྷིཀྑཱུནཾ དིནྣནྟི, ཏེ ཨེཝམཱཧཾསུ – ‘‘ཨོཎོཛེཐཱཝུསོ, སངྒྷསྶ ཙཱིཝར’’ནྟི. ‘‘ནཏྠི, བྷནྟེ. ཡཐཱཔཊིཡཏྟཾ ཙཱིཝརཾ ཨཡྻཱ ཚབྦགྒིཡཱ ཨཏྟནོ པརིཎཱམེསུ’’ནྟི. ཡེ ཏེ བྷིཀྑཱུ ཨཔྤིཙྪཱ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཛཱནཾ སངྒྷིཀཾ ལཱབྷཾ པརིཎཏཾ ཨཏྟནོ པརིཎཱམེསྶནྟཱི’’ཏི ¶ ! ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ, ཛཱནཾ སངྒྷིཀཾ ལཱབྷཾ པརིཎཏཾ ཨཏྟནོ པརིཎཱམེཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཛཱནཾ སངྒྷིཀཾ ལཱབྷཾ པརིཎཏཾ ཨཏྟནོ ¶ པརིཎཱམེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༦༥༨. ‘‘ཡོ པན བྷིཀྑུ ཛཱནཾ སངྒྷིཀཾ ལཱབྷཾ པརིཎཏཾ ཨཏྟནོ པརིཎཱམེཡྻ, ནིསྶགྒིཡཾ པཱཙིཏྟིཡ’’ནྟི.

༦༥༩. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

[པཱཙི. ༤༩༡] ཛཱནཱཏི ¶ ནཱམ སཱམཾ ཝཱ ཛཱནཱཏི ཨཉྙེ ཝཱ ཏསྶ ཨཱརོཙེནྟི སོ ཝཱ ཨཱརོཙེཏི.

[པཱཙི. ༤༩༡] སངྒྷིཀཾ ¶ ནཱམ སངྒྷསྶ དིནྣཾ ཧོཏི པརིཙྩཏྟཾ.

[པཱཙི. ༤༩༡] ལཱབྷོ ནཱམ ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརཱ. ཨནྟམསོ ཙུཎྞཔིཎྜོཔི, དནྟཀཊྛམྤི, དསིཀསུཏྟམྤི.

[པཱཙི. ༤༩༡] པརིཎཏཾ ནཱམ དསྶཱམ ཀརིསྶཱམཱཏི ཝཱཙཱ བྷིནྣཱ ཧོཏི.

ཨཏྟནོ པརིཎཱམེཏི, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ཨིདཾ མེ, བྷནྟེ, ཛཱནཾ སངྒྷིཀཾ ལཱབྷཾ པརིཎཏཾ ཨཏྟནོ པརིཎཱམིཏཾ ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཱཡསྨཏོ དམྨཱིཏི.

༦༦༠. པརིཎཏེ ¶ པརིཎཏསཉྙཱི ཨཏྟནོ པརིཎཱམེཏི, ནིསྶགྒིཡཾ པཱཙིཏྟིཡཾ.

པརིཎཏེ ཝེམཏིཀོ ཨཏྟནོ པརིཎཱམེཏི, ཨཱཔཏྟི དུཀྐཊསྶ. པརིཎཏེ ཨཔརིཎཏསཉྙཱི ཨཏྟནོ པརིཎཱམེཏི, ཨནཱཔཏྟི. སངྒྷསྶ པརིཎཏཾ ཨཉྙསངྒྷསྶ ཝཱ ཙེཏིཡསྶ ཝཱ པརིཎཱམེཏི, ཨཱཔཏྟི དུཀྐཊསྶ. ཙེཏིཡསྶ པརིཎཏཾ ཨཉྙཙེཏིཡསྶ ཝཱ སངྒྷསྶ ཝཱ པུགྒལསྶ ཝཱ པརིཎཱམེཏི, ཨཱཔཏྟི དུཀྐཊསྶ. པུགྒལསྶ པརིཎཏཾ ཨཉྙཔུགྒལསྶ ཝཱ སངྒྷསྶ ཝཱ ཙེཏིཡསྶ ཝཱ པརིཎཱམེཏི, ཨཱཔཏྟི དུཀྐཊསྶ. ཨཔརིཎཏེ པརིཎཏསཉྙཱི, ཨཱཔཏྟི དུཀྐཊསྶ. ཨཔརིཎཏེ ཝེམཏིཀོ, ཨཱཔཏྟི དུཀྐཊསྶ. ཨཔརིཎཏེ ཨཔརིཎཏསཉྙཱི, ཨནཱཔཏྟི.

༦༦༡. ཨནཱཔཏྟི ¶ ཀཏྠ དེམཱཏི པུཙྪིཡམཱནོ ཡཏྠ ཏུམྷཱཀཾ དེཡྻདྷམྨོ པརིབྷོགཾ ཝཱ ལབྷེཡྻ པཊིསངྑཱརཾ ཝཱ ལབྷེཡྻ ཙིརཊྛིཏིཀོ ཝཱ ཨསྶ ཡཏྠ ཝཱ པན ཏུམྷཱཀཾ ཙིཏྟཾ པསཱིདཏི ཏཏྠ དེཐཱཏི བྷཎཏི, ཨུམྨཏྟཀསྶ, ཨཱདིཀམྨིཀསྶཱཏི.

པརིཎཏསིཀྑཱཔདཾ ནིཊྛིཏཾ དསམཾ.

པཏྟཝགྒོ ཏཏིཡོ.

ཏསྶུདྡཱནཾ ¶ –

དྭེ ཙ པཏྟཱནི བྷེསཛྫཾ, ཝསྶིཀཱ དཱནཔཉྩམཾ;

སཱམཾ ཝཱཡཱཔནཙྩེཀོ, སཱསངྐཾ སངྒྷིཀེན ཙཱཏི.

༦༦༢. ཨུདྡིཊྛཱ ¶ ཁོ, ཨཱཡསྨནྟོ, ཏིཾས ནིསྶགྒིཡཱ པཱཙིཏྟིཡཱ དྷམྨཱ. ཏཏྠཱཡསྨནྟེ པུཙྪཱམི – ‘ཀཙྩིཏྠ པརིསུདྡྷཱ’? དུཏིཡམྤི པུཙྪཱམི – ‘ཀཙྩིཏྠ པརིསུདྡྷཱ’? ཏཏིཡམྤི པུཙྪཱམི – ‘ཀཙྩིཏྠ པརིསུདྡྷཱ’? པརིསུདྡྷེཏྠཱཡསྨནྟོ, ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི.

ནིསྶགྒིཡཀཎྜཾ ནིཊྛིཏཾ.

པཱརཱཛིཀཔཱལི༹ ནིཊྛིཏཱ.