📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

ཝིནཡཔིཊཀེ

པཱཙིཏྟིཡཔཱལི༹

༥. པཱཙིཏྟིཡཀཎྜཾ

༡. མུསཱཝཱདཝགྒོ

༡. མུསཱཝཱདསིཀྑཱཔདཾ

ཨིམེ ¶ ཁོ པནཱཡསྨནྟོ དྭེནཝུཏི པཱཙིཏྟིཡཱ

དྷམྨཱ ཨུདྡེསཾ ཨཱགཙྪནྟི.

༡. ཏེན ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཧཏྠཀོ སཀྱཔུཏྟོ ཝཱདཀྑིཏྟོ ཧོཏི. སོ ཏིཏྠིཡེཧི སདྡྷིཾ སལླཔནྟོ ¶ ཨཝཛཱནིཏྭཱ པཊིཛཱནཱཏི, པཊིཛཱནིཏྭཱ ཨཝཛཱནཱཏི, ཨཉྙེནཉྙཾ པཊིཙརཏི, སམྤཛཱནམུསཱ བྷཱསཏི, སངྐེཏཾ ཀཏྭཱ ཝིསཾཝཱདེཏི. ཏིཏྠིཡཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཧཏྠཀོ སཀྱཔུཏྟོ ཨམྷེཧི སདྡྷིཾ སལླཔནྟོ ཨཝཛཱནིཏྭཱ པཊིཛཱནིསྶཏི, པཊིཛཱནིཏྭཱ ཨཝཛཱནིསྶཏི, ཨཉྙེནཉྙཾ པཊིཙརིསྶཏི, སམྤཛཱནམུསཱ བྷཱསིསྶཏི, སངྐེཏཾ ཀཏྭཱ ཝིསཾཝཱདེསྶཏཱི’’ཏི!

ཨསྶོསུཾ ཁོ བྷིཀྑཱུ ཏེསཾ ཏིཏྠིཡཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ ཡེན ཧཏྠཀོ སཀྱཔུཏྟོ ཏེནུཔསངྐམིཾསུ; ཨུཔསངྐམིཏྭཱ ཧཏྠཀཾ སཀྱཔུཏྟཾ ཨེཏདཝོཙུཾ – ‘‘སཙྩཾ ཀིར ཏྭཾ, ཨཱཝུསོ ཧཏྠཀ, ཏིཏྠིཡེཧི སདྡྷིཾ སལླཔནྟོ ཨཝཛཱནིཏྭཱ པཊིཛཱནཱསི, པཊིཛཱནིཏྭཱ ཨཝཛཱནཱསི, ཨཉྙེནཉྙཾ པཊིཙརསི, སམྤཛཱནམུསཱ བྷཱསསི, སངྐེཏཾ ཀཏྭཱ ཝིསཾཝཱདེསཱི’’ཏི? ‘‘ཨེཏེ ཁོ, ཨཱཝུསོ, ཏིཏྠིཡཱ ¶ ནཱམ ཡེན ཀེནཙི ཛེཏབྦཱ; ནེཝ ཏེསཾ ཛཡོ ¶ དཱཏབྦོ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཧཏྠཀོ སཀྱཔུཏྟོ ཏིཏྠིཡེཧི སདྡྷིཾ སལླཔནྟོ ཨཝཛཱནིཏྭཱ པཊིཛཱནིསྶཏི, པཊིཛཱནིཏྭཱ ¶ ཨཝཛཱནིསྶཏི, ཨཉྙེནཉྙཾ པཊིཙརིསྶཏི, སམྤཛཱནམུསཱ བྷཱསིསྶཏི, སངྐེཏཾ ཀཏྭཱ ཝིསཾཝཱདེསྶཏཱི’’ཏི!

ཨཐ ཁོ ཏེ བྷིཀྑཱུ ཧཏྠཀཾ སཀྱཔུཏྟཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཧཏྠཀཾ སཀྱཔུཏྟཾ པཊིཔུཙྪི – ‘‘སཙྩཾ ཀིར ཏྭཾ, ཧཏྠཀ, ཏིཏྠིཡེཧི སདྡྷིཾ སལླཔནྟོ ཨཝཛཱནིཏྭཱ པཊིཛཱནཱསི, པཊིཛཱནིཏྭཱ ཨཝཛཱནཱསི, ཨཉྙེནཉྙཾ པཊིཙརསི, སམྤཛཱནམུསཱ བྷཱསསི, སངྐེཏཾ ཀཏྭཱ ཝིསཾཝཱདེསཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, ཏིཏྠིཡེཧི སདྡྷིཾ སལླཔནྟོ ཨཝཛཱནིཏྭཱ པཊིཛཱནིསྶསི, པཊིཛཱནིཏྭཱ ཨཝཛཱནིསྶསི, ཨཉྙེནཉྙཾ པཊིཙརིསྶསི, སམྤཛཱནམུསཱ བྷཱསིསྶསི, སངྐེཏཾ ཀཏྭཱ ཝིསཾཝཱདེསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢. ‘‘སམྤཛཱནམུསཱཝཱདེ པཱཙིཏྟིཡ’’ནྟི.

༣. སམྤཛཱནམུསཱཝཱདོ ནཱམ ཝིསཾཝཱདནཔུརེཀྑཱརསྶ ཝཱཙཱ, གིརཱ, བྱཔྤཐོ, ཝཙཱིབྷེདོ, ཝཱཙསིཀཱ ཝིཉྙཏྟི, ཨཊྛ ཨནརིཡཝོཧཱརཱ – ཨདིཊྛཾ དིཊྛཾ མེཏི, ཨསྶུཏཾ སུཏཾ མེཏི, ཨམུཏཾ མུཏཾ ¶ མེཏི, ཨཝིཉྙཱཏཾ ཝིཉྙཱཏཾ མེཏི, དིཊྛཾ ཨདིཊྛཾ མེཏི, སུཏཾ ཨསྶུཏཾ མེཏི ¶ , མུཏཾ ཨམུཏཾ མེཏི, ཝིཉྙཱཏཾ ཨཝིཉྙཱཏཾ མེཏི.

ཨདིཊྛཾ ནཱམ ན ཙཀྑུནཱ དིཊྛཾ. ཨསྶུཏཾ ནཱམ ན སོཏེན སུཏཾ. ཨམུཏཾ ནཱམ ན གྷཱནེན གྷཱཡིཏཾ, ན ཛིཝ྄ཧཱཡ སཱཡིཏཾ, ན ཀཱཡེན ཕུཊྛཾ. ཨཝིཉྙཱཏཾ ནཱམ ན མནསཱ ཝིཉྙཱཏཾ. དིཊྛཾ ནཱམ ཙཀྑུནཱ དིཊྛཾ. སུཏཾ ནཱམ སོཏེན སུཏཾ. མུཏཾ ནཱམ གྷཱནེན གྷཱཡིཏཾ, ཛིཝ྄ཧཱཡ སཱཡིཏཾ, ཀཱཡེན ཕུཊྛཾ. ཝིཉྙཱཏཾ ནཱམ མནསཱ ཝིཉྙཱཏཾ.

༤. ཏཱིཧཱཀཱརེཧི ‘‘ཨདིཊྛཾ དིཊྛཾ མེ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ – པུབྦེཝསྶ ཧོཏི ‘‘མུསཱ བྷཎིསྶ’’ནྟི, བྷཎནྟསྶ ཧོཏི ‘‘མུསཱ བྷཎཱམཱི’’ཏི, བྷཎིཏསྶ ཧོཏི ‘‘མུསཱ མཡཱ བྷཎིཏ’’ནྟི.

ཙཏཱུཧཱཀཱརེཧི ¶ ‘‘ཨདིཊྛཾ དིཊྛཾ མེ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ – པུབྦེཝསྶ ཧོཏི ‘‘མུསཱ བྷཎིསྶ’’ནྟི, བྷཎནྟསྶ ཧོཏི ‘‘མུསཱ བྷཎཱམཱི’’ཏི, བྷཎིཏསྶ ཧོཏི ‘‘མུསཱ མཡཱ བྷཎིཏ’’ནྟི, ཝིནིདྷཱཡ དིཊྛིཾ.

པཉྩཧཱཀཱརེཧི ‘‘ཨདིཊྛཾ དིཊྛཾ མེ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ – པུབྦེཝསྶ ཧོཏི ‘‘མུསཱ བྷཎིསྶ’’ནྟི, བྷཎནྟསྶ ཧོཏི ‘‘མུསཱ བྷཎཱམཱི’’ཏི, བྷཎིཏསྶ ཧོཏི ‘‘མུསཱ མཡཱ བྷཎིཏ’’ནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ.

ཚཧཱཀཱརེཧི ¶ ‘‘ཨདིཊྛཾ དིཊྛཾ མེ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ – པུབྦེཝསྶ ཧོཏི ‘‘མུསཱ བྷཎིསྶ’’ནྟི, བྷཎནྟསྶ ཧོཏི ‘‘མུསཱ བྷཎཱམཱི’’ཏི, བྷཎིཏསྶ ཧོཏི ‘‘མུསཱ མཡཱ བྷཎིཏ’’ནྟི ¶ , ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ.

སཏྟཧཱཀཱརེཧི ‘‘ཨདིཊྛཾ དིཊྛཾ མེ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ’’ – པུབྦེཝསྶ ཧོཏི ‘‘མུསཱ བྷཎིསྶ’’ནྟི, བྷཎནྟསྶ ཧོཏི ‘‘མུསཱ བྷཎཱམཱི’’ཏི, བྷཎིཏསྶ ཧོཏི ‘‘མུསཱ མཡཱ བྷཎིཏ’’ནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

༥. ཏཱིཧཱཀཱརེཧི ‘‘ཨསྶུཏཾ སུཏཾ མེ’’ཏི…པེ… ཨམུཏཾ མུཏཾ མེཏི…པེ… ཨཝིཉྙཱཏཾ ¶ ཝིཉྙཱཏཾ མེཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ – པུབྦེཝསྶ ཧོཏི ‘‘མུསཱ བྷཎིསྶ’’ནྟི, བྷཎནྟསྶ ཧོཏི ‘‘མུསཱ བྷཎཱམཱི’’ཏི, བྷཎིཏསྶ ཧོཏི ‘‘མུསཱ མཡཱ བྷཎིཏ’’ནྟི.

ཙཏཱུཧཱཀཱརེཧི…པེ… པཉྩཧཱཀཱརེཧི…པེ… ཚཧཱཀཱརེཧི…པེ… སཏྟཧཱཀཱརེཧི ‘‘ཨཝིཉྙཱཏཾ ཝིཉྙཱཏཾ མེ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ – པུབྦེཝསྶ ཧོཏི ‘‘མུསཱ བྷཎིསྶ’’ནྟི, བྷཎནྟསྶ ཧོཏི ‘‘མུསཱ བྷཎཱམཱི’’ཏི, བྷཎིཏསྶ ཧོཏི ‘‘མུསཱ མཡཱ བྷཎིཏནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

༦. ཏཱིཧཱཀཱརེཧི ‘‘ཨདིཊྛཾ དིཊྛཉྩ མེ སུཏཉྩཱ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ…པེ… ཏཱིཧཱཀཱརེཧི ‘‘ཨདིཊྛཾ དིཊྛཉྩ མེ མུཏཉྩཱ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ…པེ… ཏཱིཧཱཀཱརེཧི ‘‘ཨདིཊྛཾ དིཊྛཉྩ མེ ཝིཉྙཱཏཉྩཱ’’ཏི ¶ སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ ¶ …པེ… ཏཱིཧཱཀཱརེཧི ཨདིཊྛཾ ‘‘དིཊྛཉྩ མེ སུཏཉྩ མུཏཉྩཱ’’ཏི…པེ… ཏཱིཧཱཀཱརེཧི ཨདིཊྛཾ ‘‘དིཊྛཉྩ མེ སུཏཉྩ ཝིཉྙཱཏཉྩཱ’’ཏི…པེ… ཏཱིཧཱཀཱརེཧི ཨདིཊྛཾ ‘‘དིཊྛཉྩ མེ སུཏཉྩ མུཏཉྩ ཝིཉྙཱཏཉྩཱ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ…པེ….

ཏཱིཧཱཀཱརེཧི ཨསྶུཏཾ ‘‘སུཏཉྩ མེ མུཏཉྩཱ’’ཏི…པེ… ཏཱིཧཱཀཱརེཧི ཨསྶུཏཾ ‘‘སུཏཉྩ མེ ཝིཉྙཱཏཉྩཱ’’ཏི…པེ… ཏཱིཧཱཀཱརེཧི ཨསྶུཏཾ ‘‘སུཏཉྩ མེ དིཊྛཉྩཱ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ…པེ… ཏཱིཧཱཀཱརེཧི ཨསྶུཏཾ ‘‘སུཏཉྩ མེ མུཏཉྩ ཝིཉྙཱཏཉྩཱ’’ཏི…པེ… ཏཱིཧཱཀཱརེཧི ཨསྶུཏཾ ‘‘སུཏཉྩ མེ མུཏཉྩ དིཊྛཉྩཱ’’ཏི…པེ… ཏཱིཧཱཀཱརེཧི ཨསྶུཏཾ ‘‘སུཏཉྩ མེ མུཏཉྩ ཝིཉྙཱཏཉྩ དིཊྛཉྩཱ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ…པེ….

ཏཱིཧཱཀཱརེཧི ཨམུཏཾ ‘‘མུཏཉྩ མེ ཝིཉྙཱཏཉྩཱ’’ཏི…པེ… ཏཱིཧཱཀཱརེཧི ཨམུཏཾ ‘‘མུཏཉྩ མེ དིཊྛཉྩཱ’’ཏི…པེ… ཏཱིཧཱཀཱརེཧི ཨམུཏཾ ‘‘མུཏཉྩ མེ སུཏཉྩཱ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ…པེ… ཏཱིཧཱཀཱརེཧི ཨམུཏཾ ‘‘མུཏཉྩ མེ ཝིཉྙཱཏཉྩ དིཊྛཉྩཱ’’ཏི…པེ… ཏཱིཧཱཀཱརེཧི ཨམུཏཾ ‘‘མུཏཉྩ མེ ཝིཉྙཱཏཉྩ སུཏཉྩཱ’’ཏི…པེ… ཏཱིཧཱཀཱརེཧི ཨམུཏཾ ‘‘མུཏཉྩ མེ ཝིཉྙཱཏཉྩ དིཊྛཉྩ སུཏཉྩཱ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ…པེ….

ཏཱིཧཱཀཱརེཧི ¶ ཨཝིཉྙཱཏཾ ‘‘ཝིཉྙཱཏཉྩ མེ དིཊྛཉྩཱ’’ཏི…པེ… ཏཱིཧཱཀཱརེཧི ཨཝིཉྙཱཏཾ ‘‘ཝིཉྙཱཏཉྩ མེ སུཏཉྩཱ’’ཏི…པེ… ཏཱིཧཱཀཱརེཧི ཨཝིཉྙཱཏཾ ‘‘ཝིཉྙཱཏཉྩ མེ མུཏཉྩཱ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ…པེ… ཏཱིཧཱཀཱརེཧི ཨཝིཉྙཱཏཾ ‘‘ཝིཉྙཱཏཉྩ མེ དིཊྛཉྩ སུཏཉྩཱ’’ཏི…པེ… ཏཱིཧཱཀཱརེཧི ཨཝིཉྙཱཏཾ ‘‘ཝིཉྙཱཏཉྩ མེ དིཊྛཉྩ མུཏཉྩཱ’’ཏི…པེ… ཏཱིཧཱཀཱརེཧི ཨཝིཉྙཱཏཾ ‘‘ཝིཉྙཱཏཉྩ མེ དིཊྛཉྩ སུཏཉྩ མུཏཉྩཱ’’ཏི སམྤཛཱནམུསཱ བྷཎནྟསྶ ཨཱཔཏྟི ¶ པཱཙིཏྟིཡསྶ…པེ….

༧. ཏཱིཧཱཀཱརེཧི དིཊྛཾ ‘‘ཨདིཊྛཾ མེ’’ཏི…པེ… སུཏཾ ‘‘ཨསྶུཏཾ མེ’’ཏི…པེ… མུཏཾ ‘‘ཨམུཏཾ མེ’’ཏི…པེ… ཝིཉྙཱཏཾ ‘‘ཨཝིཉྙཱཏཾ མེ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ…པེ….

༨. ཏཱིཧཱཀཱརེཧི དིཊྛཾ ‘‘སུཏཾ མེ’’ཏི…པེ… ཏཱིཧཱཀཱརེཧི དིཊྛཾ ‘‘མུཏཾ ¶ མེ’’ཏི…པེ… ཏཱིཧཱཀཱརེཧི དིཊྛཾ ‘‘ཝིཉྙཱཏཾ མེ’’ཏི སམྤཛཱནམུསཱ བྷཎནྟསྶ ཨཱཔཏྟི ¶ པཱཙིཏྟིཡསྶ…པེ… ཏཱིཧཱཀཱརེཧི དིཊྛཾ ‘‘སུཏཉྩ མེ མུཏཉྩཱ’’ཏི…པེ… ཏཱིཧཱཀཱརེཧི དིཊྛཾ ‘‘སུཏཉྩ མེ ཝིཉྙཱཏཉྩཱ’’ཏི…པེ… ཏཱིཧཱཀཱརེཧི དིཊྛཾ ‘‘སུཏཉྩ མེ མུཏཉྩ ¶ ཝིཉྙཱཏཉྩཱ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ…པེ….

ཏཱིཧཱཀཱརེཧི སུཏཾ ‘‘མུཏཾ མེ’’ཏི…པེ… ཏཱིཧཱཀཱརེཧི སུཏཾ ‘‘ཝིཉྙཱཏཾ མེ’’ཏི…པེ… ཏཱིཧཱཀཱརེཧི སུཏཾ ‘‘དིཊྛཾ མེ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ…པེ… ཏཱིཧཱཀཱརེཧི སུཏཾ ‘‘མུཏཉྩ མེ ཝིཉྙཱཏཉྩཱ’’ཏི…པེ… ཏཱིཧཱཀཱརེཧི སུཏཾ ‘‘མུཏཉྩ མེ དིཊྛཉྩཱ’’ཏི…པེ… ཏཱིཧཱཀཱརེཧི སུཏཾ ‘‘མུཏཉྩ མེ ཝིཉྙཱཏཉྩ དིཊྛཉྩཱ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ…པེ….

ཏཱིཧཱཀཱརེཧི མུཏཾ ‘‘ཝིཉྙཱཏཾ མེ’’ཏི…པེ… ཏཱིཧཱཀཱརེཧི མུཏཾ ‘‘དིཊྛཾ མེ’’ཏི…པེ… ཏཱིཧཱཀཱརེཧི མུཏཾ ‘‘སུཏཾ མེ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ…པེ… ཏཱིཧཱཀཱརེཧི མུཏཾ ‘‘ཝིཉྙཱཏཉྩ མེ དིཊྛཉྩཱ’’ཏི…པེ… ཏཱིཧཱཀཱརེཧི མུཏཾ ‘‘ཝིཉྙཱཏཉྩ མེ སུཏཉྩཱ’’ཏི…པེ… ཏཱིཧཱཀཱརེཧི མུཏཾ ‘‘ཝིཉྙཱཏཉྩ མེ དིཊྛཉྩ སུཏཉྩཱ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ…པེ….

ཏཱིཧཱཀཱརེཧི ཝིཉྙཱཏཾ ‘‘དིཊྛཾ མེ’’ཏི…པེ… ཏཱིཧཱཀཱརེཧི ཝིཉྙཱཏཾ ‘‘སུཏཾ མེ’’ཏི ¶ …པེ… ཏཱིཧཱཀཱརེཧི ཝིཉྙཱཏཾ ‘‘མུཏཾ མེ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ…པེ… ཏཱིཧཱཀཱརེཧི ཝིཉྙཱཏཾ ‘‘དིཊྛཉྩ མེ སུཏཉྩཱ’’ཏི…པེ… ཏཱིཧཱཀཱརེཧི ཝིཉྙཱཏཾ ‘‘དིཊྛཉྩ མེ མུཏཉྩཱ’’ཏི…པེ… ཏཱིཧཱཀཱརེཧི ཝིཉྙཱཏཾ ‘‘དིཊྛཉྩ མེ སུཏཉྩ མུཏཉྩཱ’’ཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ…པེ….

༩. ཏཱིཧཱཀཱརེཧི དིཊྛེ ཝེམཏིཀོ དིཊྛཾ ནོཀཔྤེཏི, དིཊྛཾ ནསྶརཏི ¶ , དིཊྛཾ པམུཊྛོ ཧོཏི…པེ… སུཏེ ཝེམཏིཀོ སུཏཾ ནོཀཔྤེཏི, སུཏཾ ནསྶརཏི, སུཏཾ པམུཊྛོ ཧོཏི…པེ… མུཏེ ཝེམཏིཀོ མུཏཾ ནོཀཔྤེཏི, མུཏཾ ནསྶརཏི, མུཏཾ པམུཊྛོ ཧོཏི…པེ… ཝིཉྙཱཏེ ཝེམཏིཀོ ཝིཉྙཱཏཾ ནོཀཔྤེཏི, ཝིཉྙཱཏཾ ནསྶརཏི, ཝིཉྙཱཏཾ པམུཊྛོ ཧོཏི… ཝིཉྙཱཏཉྩ མེ དིཊྛཉྩཱཏི…པེ… ཝིཉྙཱཏཾ པམུཊྛོ ཧོཏི ཝིཉྙཱཏཉྩ མེ སུཏཉྩཱཏི…པེ… ཝིཉྙཱཏཾ པམུཊྛོ ཧོཏི; ཝིཉྙཱཏཉྩ མེ མུཏཉྩཱཏི…པེ… ཝིཉྙཱཏཾ པམུཊྛོ ཧོཏི; ཝིཉྙཱཏཉྩ མེ དིཊྛཉྩ སུཏཉྩཱཏི…པེ… ཝིཉྙཱཏཾ པམུཊྛོ ¶ ཧོཏི; ཝིཉྙཱཏཉྩ མེ དིཊྛཉྩ མུཏཉྩཱཏི…པེ… ཝིཉྙཱཏཾ པམུཊྛོ ཧོཏི; ཝིཉྙཱཏཉྩ མེ དིཊྛཉྩ སུཏཉྩ མུཏཉྩཱཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ.

༡༠. ཙཏཱུཧཱཀཱརེཧི…པེ… པཉྩཧཱཀཱརེཧི…པེ… ཚཧཱཀཱརེཧི…པེ… སཏྟཧཱཀཱརེཧི…པེ… ཝིཉྙཱཏཾ པམུཊྛོ ཧོཏི, ཝིཉྙཱཏཉྩ མེ དིཊྛཉྩ སུཏཉྩ མུཏཉྩཱཏི སམྤཛཱནམུསཱ བྷཎནྟསྶ ཨཱཔཏྟི པཱཙིཏྟིཡསྶ – པུབྦེཝསྶ ཧོཏི ‘‘མུསཱ བྷཎིསྶ’’ནྟི, བྷཎནྟསྶ ཧོཏི ‘‘མུསཱ བྷཎཱམཱི’’ཏི, བྷཎིཏསྶ ཧོཏི ‘‘མུསཱ ¶ མཡཱ བྷཎིཏ’’ནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ.

༡༡. ཨནཱཔཏྟི དཝཱ བྷཎཏི, རཝཱ བྷཎཏི [དཝཱཡ བྷཎཏི, རཝཱཡ བྷཎཏི (སྱཱ.)]. ‘‘དཝཱ བྷཎཏི ནཱམ སཧསཱ བྷཎཏི. རཝཱ བྷཎཏི ནཱམ ‘ཨཉྙཾ བྷཎིསྶཱམཱི’ཏི ཨཉྙཾ བྷཎཏི’’. ཨུམྨཏྟཀསྶ, ཨཱདིཀམྨིཀསྶཱཏི.

མུསཱཝཱདསིཀྑཱཔདཾ ནིཊྛིཏཾ པཋམཾ.

༢. ཨོམསཝཱདསིཀྑཱཔདཾ

༡༢. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ ¶ . ཏེན ཁོ པན སམཡེན ཚབྦགྒིཡཱ བྷིཀྑཱུ པེསལེཧི བྷིཀྑཱུཧི སདྡྷིཾ བྷཎྜནྟཱ [བྷཎྜེནྟཱ (ཨིཏིཔི)] པེསལེ བྷིཀྑཱུ ཨོམསནྟི – ཛཱཏིཡཱཔི, ནཱམེནཔི, གོཏྟེནཔི, ཀམྨེནཔི, སིཔྤེནཔི, ཨཱབཱདྷེནཔི, ལིངྒེནཔི, ཀིལེསེནཔི, ཨཱཔཏྟིཡཱཔི; ཧཱིནེནཔི ཨཀྐོསེན ཁུཾསེནྟི ཝམྦྷེནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ པེསལེཧི བྷིཀྑཱུཧི སདྡྷིཾ བྷཎྜནྟཱ པེསལེ བྷིཀྑཱུ ¶ ཨོམསིསྶནྟི – ཛཱཏིཡཱཔི, ནཱམེནཔི, གོཏྟེནཔི, ཀམྨེནཔི, སིཔྤེནཔི, ཨཱབཱདྷེནཔི, ལིངྒེནཔི, ཀིལེསེནཔི, ཨཱཔཏྟིཡཱཔི; ཧཱིནེནཔི ཨཀྐོསེན ཁུཾསེསྶནྟི ཝམྦྷེསྶནྟཱི’’ཏི!

ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ཀིར ཏུམྷེ, བྷིཀྑཝེ, པེསལེཧི ¶ བྷིཀྑཱུཧི སདྡྷིཾ བྷཎྜནྟཱ པེསལེ བྷིཀྑཱུ ཨོམསཐ – ཛཱཏིཡཱཔི…པེ… ཧཱིནེནཔི ཨཀྐོསེན ཁུཾསེཐ ཝམྦྷེཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, པེསལེཧི བྷིཀྑཱུཧི སདྡྷིཾ བྷཎྜནྟཱ པེསལེ བྷིཀྑཱུ ཨོམསིསྶཐ – ཛཱཏིཡཱཔི…པེ… ཧཱིནེནཔི ཨཀྐོསེན ཁུཾསེསྶཐ ཝམྦྷེསྶཐ ¶ ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༡༣. ‘‘བྷཱུཏཔུབྦཾ, བྷིཀྑཝེ, ཏཀྐསིལཱཡཾ [ཏཀྐསཱིལཱཡཾ (ཀ.)] ཨཉྙཏརསྶ བྲཱཧྨཎསྶ ནནྡིཝིསཱལོ ནཱམ བལཱིབདྡོ [བལིཝདྡོ (སཱི.), བལིབདྡོ (སྱཱ.)] ཨཧོསི. ཨཐ ཁོ, བྷིཀྑཝེ, ནནྡིཝིསཱལོ བལཱིབདྡོ ཏཾ བྲཱཧྨཎཾ ཨེཏདཝོཙ – ‘‘གཙྪ ཏྭཾ, བྲཱཧྨཎ, སེཊྛིནཱ སདྡྷིཾ སཧསྶེན ཨབྦྷུཏཾ ཀརོཧི – མཡ྄ཧཾ བལཱིབདྡོ སཀཊསཏཾ ཨཏིབདྡྷཾ པཝཊྚེསྶཏཱི’’ཏི. ཨཐ ཁོ, བྷིཀྑཝེ, སོ བྲཱཧྨཎོ སེཊྛིནཱ སདྡྷིཾ སཧསྶེན ཨབྦྷུཏཾ ཨཀཱསི – མཡ྄ཧཾ བལཱིབདྡོ སཀཊསཏཾ ཨཏིབདྡྷཾ པཝཊྚེསྶཏཱིཏི. ཨཐ ཁོ, བྷིཀྑཝེ, སོ བྲཱཧྨཎོ སཀཊསཏཾ ཨཏིབནྡྷིཏྭཱ ནནྡིཝིསཱལཾ བལཱིབདྡཾ ཡུཉྫིཏྭཱ ཨེཏདཝོཙ – ‘‘གཙྪ, ཀཱུཊ [ཨཉྪ ཀཱུཊ (སཱི. སྱཱ.)], ཝཧསྶུ, ཀཱུཊཱ’ཏི. ཨཐ ཁོ, བྷིཀྑཝེ, ནནྡིཝིསཱལོ བལཱིབདྡོ ཏཏྠེཝ ཨཊྛཱསི. ཨཐ ཁོ, བྷིཀྑཝེ, སོ བྲཱཧྨཎོ སཧསྶེན པརཱཛིཏོ པཛ྄ཛྷཱཡི. ཨཐ ཁོ, བྷིཀྑཝེ, ནནྡིཝིསཱལོ བལཱིབདྡོ ཏཾ བྲཱཧྨཎཾ ཨེཏདཝོཙ – ‘‘ཀིསྶ ཏྭཾ, བྲཱཧྨཎ, པཛ྄ཛྷཱཡསཱི’’ཏི? ‘ཏཐཱ ཧི པནཱཧཾ, བྷོ, ཏཡཱ སཧསྶེན པརཱཛིཏོ’’ཏི. ‘ཀིསྶ པན མཾ ཏྭཾ, བྲཱཧྨཎ, ཨཀཱུཊཾ ཀཱུཊཝཱདེན པཱཔེསི? གཙྪ ཏྭཾ, བྲཱཧྨཎ, སེཊྛིནཱ སདྡྷིཾ དྭཱིཧི སཧསྶེཧི ཨབྦྷུཏཾ ཀརོཧི – ‘‘མཡ྄ཧཾ བལཱིབདྡོ སཀཊསཏཾ ཨཏིབདྡྷཾ པཝཊྚེསྶཏཱི’’ཏི. ‘‘མཱ ཙ མཾ ཨཀཱུཊཾ ཀཱུཊཝཱདེན པཱཔེསཱི’’ཏི. ཨཐ ཁོ, བྷིཀྑཝེ, སོ བྲཱཧྨཎོ སེཊྛིནཱ ¶ སདྡྷིཾ དྭཱིཧི སཧསྶེཧི ཨབྦྷུཏཾ ཨཀཱསི – ‘‘མཡ྄ཧཾ བལཱིབདྡོ སཀཊསཏཾ ཨཏིབདྡྷཾ པཝཊྚེསྶཏཱི’’ཏི. ཨཐ ཁོ, བྷིཀྑཝེ, སོ བྲཱཧྨཎོ ¶ སཀཊསཏཾ ཨཏིབནྡྷིཏྭཱ ནནྡིཝིསཱལཾ བལཱིབདྡཾ ཡུཉྫིཏྭཱ ཨེཏདཝོཙ – ‘‘ཨཙྪ, བྷདྲ, ཝཧསྶུ, བྷདྲཱ’’ཏི. ཨཐ ཁོ, བྷིཀྑཝེ, ནནྡིཝིསཱལོ བལཱིབདྡོ སཀཊསཏཾ ཨཏིབདྡྷཾ པཝཊྚེསི.

[ཛཱ. ༡.༡.༢༨ ནནྡིཝིསཱལཛཱཏཀེཔི, ཏཏྠ པན མནུཉྙསདྡོ དིསྶཏི] ‘‘མནཱཔམེཝ ¶ བྷཱསེཡྻ, ནཱ, མནཱཔཾ ཀུདཱཙནཾ;

མནཱཔཾ བྷཱསམཱནསྶ, གརུཾ བྷཱརཾ ཨུདབྦཧི;

དྷནཉྩ ནཾ ཨལཱབྷེསི, ཏེན ཙ, ཏྟམནོ ཨཧཱུཏི.

‘‘ཏདཱཔི ¶ མེ, བྷིཀྑཝེ, ཨམནཱཔཱ ཁུཾསནཱ ཝམྦྷནཱ. ཀིམངྒཾ པན ཨེཏརཧི མནཱཔཱ བྷཝིསྶཏི ཁུཾསནཱ ཝམྦྷནཱ? ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ…. ‘‘ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༤. ‘‘ཨོམསཝཱདེ པཱཙིཏྟིཡ’’ནྟི.

༡༥. ཨོམསཝཱདོ ནཱམ དསཧི ཨཱཀཱརེཧི ཨོམསཏི – ཛཱཏིཡཱཔི, ནཱམེནཔི, གོཏྟེནཔི, ཀམྨེནཔི, སིཔྤེནཔི, ཨཱབཱདྷེནཔི, ལིངྒེནཔི, ཀིལེསེནཔི, ཨཱཔཏྟིཡཱཔི, ཨཀྐོསེནཔི.

ཛཱཏི ནཱམ དྭེ ཛཱཏིཡོ – ཧཱིནཱ ཙ ཛཱཏི ཨུཀྐཊྛཱ ཙ ཛཱཏི. ཧཱིནཱ ནཱམ ཛཱཏི – ཙཎྜཱལཛཱཏི, ཝེནཛཱཏི, ནེསཱདཛཱཏི, རཐཀཱརཛཱཏི, པུཀྐུསཛཱཏི. ཨེསཱ ཧཱིནཱ ནཱམ ཛཱཏི. ཨུཀྐཊྛཱ ནཱམ ཛཱཏི – ཁཏྟིཡཛཱཏི, བྲཱཧྨཎཛཱཏི. ཨེསཱ ཨུཀྐཊྛཱ ནཱམ ཛཱཏི.

ནཱམཾ ནཱམ དྭེ ནཱམཱནི – ཧཱིནཉྩ ནཱམཾ ཨུཀྐཊྛཉྩ ནཱམཾ ¶ . ཧཱིནཾ ནཱམ ནཱམཾ – ཨཝཀཎྞཀཾ, ཛཝཀཎྞཀཾ, དྷནིཊྛཀཾ, སཝིཊྛཀཾ, ཀུལཝཌྜྷཀཾ, ཏེསུ ཏེསུ ཝཱ པན ཛནཔདེསུ ཨོཉྙཱཏཾ ཨཝཉྙཱཏཾ ཧཱིལི༹ཏཾ པརིབྷཱུཏཾ ཨཙིཏྟཱིཀཏཾ, ཨེཏཾ ཧཱིནཾ ནཱམ ནཱམཾ. ཨུཀྐཊྛཾ ནཱམ ནཱམཾ – བུདྡྷཔྤཊིསཾཡུཏྟཾ, དྷམྨཔྤཊིསཾཡུཏྟཾ, སངྒྷཔྤཊིསཾཡུཏྟཾ, ཏེསུ ཏེསུ ཝཱ པན ཛནཔདེསུ ཨནོཉྙཱཏཾ ཨནཝཉྙཱཏཾ ཨཧཱིལི༹ཏཾ ཨཔརིབྷཱུཏཾ ཙིཏྟཱིཀཏཾ, ཨེཏཾ ཨུཀྐཊྛཾ ནཱམ ནཱམཾ.

གོཏྟཾ ནཱམ དྭེ གོཏྟཱནི – ཧཱིནཉྩ གོཏྟཾ ཨུཀྐཊྛཉྩ གོཏྟཾ. ཧཱིནཾ ནཱམ གོཏྟཾ – ཀོསིཡགོཏྟཾ, བྷཱརདྭཱཛགོཏྟཾ, ཏེསུ ཏེསུ ཝཱ པན ཛནཔདེསུ ཨོཉྙཱཏཾ ཨཝཉྙཱཏཾ ཧཱིལི༹ཏཾ པརིབྷཱུཏཾ ¶ ཨཙིཏྟཱིཀཏཾ, ཨེཏཾ ཧཱིནཾ ནཱམ གོཏྟཾ. ཨུཀྐཊྛཾ ནཱམ གོཏྟཾ – གོཏམགོཏྟཾ, མོགྒལླཱནགོཏྟཾ, ཀཙྩཱནགོཏྟཾ, ཝཱསིཊྛགོཏྟཾ, ཏེསུ ཏེསུ ཝཱ པན ཛནཔདེསུ ཨནོཉྙཱཏཾ ཨནཝཉྙཱཏཾ ཨཧཱིལི༹ཏཾ ཨཔརིབྷཱུཏཾ ཙིཏྟཱིཀཏཾ, ཨེཏཾ ཨུཀྐཊྛཾ ནཱམ གོཏྟཾ.

ཀམྨཾ ནཱམ དྭེ ཀམྨཱནི – ཧཱིནཉྩ ཀམྨཾ ཨུཀྐཊྛཉྩ ཀམྨཾ. ཧཱིནཾ ནཱམ ཀམྨཾ – ཀོཊྛཀཀམྨཾ, པུཔྥཚཌྜཀཀམྨཾ, ཏེསུ ཏེསུ ཝཱ པན ཛནཔདེསུ ཨོཉྙཱཏཾ ཨཝཉྙཱཏཾ ཧཱིལི༹ཏཾ པརིབྷཱུཏཾ ཨཙིཏྟཱིཀཏཾ, ཨེཏཾ ཧཱིནཾ ནཱམ ཀམྨཾ. ཨུཀྐཊྛཾ ནཱམ ཀམྨཾ – ཀསི, ¶ ཝཎིཛྫཱ, གོརཀྑཱ, ཏེསུ ཏེསུ ཝཱ པན ཛནཔདེསུ ཨནོཉྙཱཏཾ ཨནཝཉྙཱཏཾ ཨཧཱིལི༹ཏཾ ཨཔརིབྷཱུཏཾ ཙིཏྟཱིཀཏཾ. ཨེཏཾ ཨུཀྐཊྛཾ ནཱམ ཀམྨཾ.

སིཔྤཾ ནཱམ དྭེ སིཔྤཱནི – ཧཱིནཉྩ སིཔྤཾ ཨུཀྐཊྛཉྩ ¶ སིཔྤཾ ¶ . ཧཱིནཾ ནཱམ སིཔྤཾ – ནལ༹ཀཱརསིཔྤཾ, ཀུམྦྷཀཱརསིཔྤཾ, པེསཀཱརསིཔྤཾ, ཙམྨཀཱརསིཔྤཾ, ནཧཱཔིཏསིཔྤཾ, ཏེསུ ཏེསུ ཝཱ པན ཛནཔདེསུ ཨོཉྙཱཏཾ ཨཝཉྙཱཏཾ ཧཱིལི༹ཏཾ པརིབྷཱུཏཾ ཨཙིཏྟཱིཀཏཾ. ཨེཏཾ ཧཱིནཾ ནཱམ སིཔྤཾ. ཨུཀྐཊྛཾ ནཱམ སིཔྤཾ – མུདྡཱ, གཎནཱ, ལེཁཱ, ཏེསུ ཏེསུ ཝཱ པན ཛནཔདེསུ ཨནོཉྙཱཏཾ ཨནཝཉྙཱཏཾ ཨཧཱིལི༹ཏཾ ཨཔརིབྷཱུཏཾ ཙིཏྟཱིཀཏཾ, ཨེཏཾ ཨུཀྐཊྛཾ ནཱམ སིཔྤཾ.

སབྦེཔི ཨཱབཱདྷཱ ཧཱིནཱ, ཨཔིཙ མདྷུམེཧོ ཨཱབཱདྷོ ཨུཀྐཊྛོ.

ལིངྒཾ ནཱམ དྭེ ལིངྒཱནི – ཧཱིནཉྩ ལིངྒཾ ཨུཀྐཊྛཉྩ ལིངྒཾ. ཧཱིནཾ ནཱམ ལིངྒཾ – ཨཏིདཱིགྷཾ, ཨཏིརསྶཾ, ཨཏིཀཎྷཾ, ཨཙྩོདཱཏཾ, ཨེཏཾ ཧཱིནཾ ནཱམ ལིངྒཾ. ཨུཀྐཊྛཾ ནཱམ ལིངྒཾ – ནཱཏིདཱིགྷཾ, ནཱཏིརསྶཾ, ནཱཏིཀཎྷཾ, ནཱཙྩོདཱཏཾ. ཨེཏཾ ཨུཀྐཊྛཾ ནཱམ ལིངྒཾ.

སབྦེཔི ཀིལེསཱ ཧཱིནཱ.

སབྦཱཔི ཨཱཔཏྟིཡོ ཧཱིནཱ. ཨཔིཙ, སོཏཱཔཏྟིསམཱཔཏྟི ཨུཀྐཊྛཱ.

ཨཀྐོསོ ནཱམ དྭེ ཨཀྐོསཱ – ཧཱིནོ ཙ ཨཀྐོསོ ཨུཀྐཊྛོ ཙ ཨཀྐོསོ. ཧཱིནོ ནཱམ ཨཀྐོསོ – ཨོཊྛོསི, མེཎྜོསི, གོཎོསི, གདྲབྷོསི, ཏིརཙྪཱནགཏོསི, ནེརཡིཀོསི; ནཏྠི ཏུཡ྄ཧཾ སུགཏི, དུགྒཏི ཡེཝ ཏུཡ྄ཧཾ པཱཊིཀངྑཱཏི, ཡཀཱརེན ཝཱ བྷཀཱརེན ཝཱ, ཀཱཊཀོཊཙིཀཱཡ ཝཱ, ཨེསོ ཧཱིནོ ནཱམ ཨཀྐོསོ. ཨུཀྐཊྛོ ¶ ནཱམ ཨཀྐོསོ – པཎྜིཏོསི, བྱཏྟོསི ¶ , མེདྷཱཝཱིསི, བཧུསྶུཏོསི, དྷམྨཀཐིཀོསི, ནཏྠི ཏུཡ྄ཧཾ དུགྒཏི, སུགཏིཡེཝ ཏུཡ྄ཧཾ པཱཊིཀངྑཱཏི, ཨེསོ ཨུཀྐཊྛོ ནཱམ ཨཀྐོསོ.

༡༦. ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཧཱིནཾ ཝདེཏི, ཙཎྜཱལཾ ཝེནཾ ནེསཱདཾ རཐཀཱརཾ པུཀྐུསཾ – ‘‘ཙཎྜཱལོསི, ཝེནོསི, ནེསཱདོསི, རཐཀཱརོསི, པུཀྐུསོསཱི’’ཏི བྷཎཏི [ཝདེཏཱིཏི ཨུདྡེསོ. བྷཎཏཱིཏི ཝིཏྠཱརོ (ཝཛིརབུདྡྷི)], ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ¶ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཨུཀྐཊྛཾ ཝདེཏི, ཁཏྟིཡཾ བྲཱཧྨཎཾ – ‘‘ཙཎྜཱལོསི, ཝེནོསི, ནེསཱདོསི, རཐཀཱརོསི, པུཀྐུསོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨུཀྐཊྛེན ཧཱིནཾ ཝདེཏི, ཙཎྜཱལཾ ཝེནཾ ནེསཱདཾ རཐཀཱརཾ པུཀྐུསཾ – ‘‘ཁཏྟིཡོསི, བྲཱཧྨཎོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨུཀྐཊྛེན ཨུཀྐཊྛཾ ཝདེཏི, ཁཏྟིཡཾ བྲཱཧྨཎཾ – ‘‘ཁཏྟིཡོསི, ¶ བྲཱཧྨཎོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

༡༧. ཨུཔསམྤནྣོ ¶ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཧཱིནཾ ཝདེཏི, ཨཝཀཎྞཀཾ ¶ ཛཝཀཎྞཀཾ དྷནིཊྛཀཾ སཝིཊྛཀཾ ཀུལཝཌྜྷཀཾ – ‘‘ཨཝཀཎྞཀོསི, ཛཝཀཎྞཀོསི, དྷནིཊྛཀོསི, སཝིཊྛཀོསི, ཀུལཝཌྜྷཀོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཨུཀྐཊྛཾ ཝདེཏི, བུདྡྷརཀྑིཏཾ དྷམྨརཀྑིཏཾ སངྒྷརཀྑིཏཾ – ‘‘ཨཝཀཎྞཀོསི, ཛཝཀཎྞཀོསི, དྷནིཊྛཀོསི, སཝིཊྛཀོསི, ཀུལཝཌྜྷཀོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨུཀྐཊྛེན ཧཱིནཾ ཝདེཏི, ཨཝཀཎྞཀཾ ཛཝཀཎྞཀཾ དྷནིཊྛཀཾ སཝིཊྛཀཾ ཀུལཝཌྜྷཀཾ – ‘‘བུདྡྷརཀྑིཏོསི, དྷམྨརཀྑིཏོསི, སངྒྷརཀྑིཏོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨུཀྐཊྛེན ཨུཀཊྛཾ ཝདེཏི, བུདྡྷརཀྑིཏཾ དྷམྨརཀྑིཏཾ སངྒྷརཀྑིཏཾ – ‘‘བུདྡྷརཀྑིཏོསི, དྷམྨརཀྑིཏོསི, སངྒྷརཀྑིཏོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

༡༨. ཨུཔསམྤནྣོ ¶ ¶ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཧཱིནཾ ཝདེཏི, ཀོསིཡཾ བྷཱརདྭཱཛཾ – ‘‘ཀོསིཡོསི, བྷཱརདྭཱཛོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཨུཀྐཊྛཾ ཝདེཏི, གོཏམཾ མོགྒལླཱནཾ ཀཙྩཱནཾ ཝཱསིཊྛཾ – ‘‘ཀོསིཡོསི, བྷཱརདྭཱཛོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨུཀྐཊྛེན ཧཱིནཾ ཝདེཏི, ཀོསིཡཾ བྷཱརདྭཱཛཾ – ‘‘གོཏམོསི, མོགྒལླཱནོསི, ཀཙྩཱནོསི, ཝཱསིཊྛོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨུཀྐཊྛེན ཨུཀྐཊྛཾ ཝདེཏི, གོཏམཾ མོགྒལླཱནཾ ཀཙྩཱནཾ ཝཱསིཊྛཾ – ‘‘གོཏམོསི, མོགྒལླཱནོསི, ཀཙྩཱནོསི, ཝཱསིཊྛོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

༡༩. ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཧཱིནཾ ཝདེཏི, ཀོཊྛཀཾ པུཔྥཚཌྜཀཾ – ‘‘ཀོཊྛཀོསི, པུཔྥཚཌྜཀོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཨུཀྐཊྛཾ ཝདེཏི, ཀསྶཀཾ ཝཱཎིཛཾ གོརཀྑཾ – ‘‘ཀོཊྛཀོསི, པུཔྥཚཌྜཀོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ¶ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ¶ ཨུཀྐཊྛེན ཧཱིནཾ ཝདེཏི, ཀོཊྛཀཾ པུཔྥཚཌྜཀཾ – ‘‘ཀསྶཀོསི, ཝཱཎིཛོསི, གོརཀྑོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨུཀྐཊྛེན ཨུཀྐཊྛཾ ཝདེཏི, ཀསྶཀཾ ཝཱཎིཛཾ གོརཀྑཾ – ‘‘ཀསྶཀོསི, ཝཱཎིཛོསི, གོརཀྑོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

༢༠. ཨུཔསམྤནྣོ ¶ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཧཱིནཾ ཝདེཏི, ནལ༹ཀཱརཾ ཀུམྦྷཀཱརཾ པེསཀཱརཾ ཙམྨཀཱརཾ ནཧཱཔིཏཾ – ‘‘ནལ༹ཀཱརོསི, ཀུམྦྷཀཱརོསི, པེསཀཱརོསི, ཙམྨཀཱརོསི, ནཧཱཔིཏོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཨུཀྐཊྛཾ ཝདེཏི, མུདྡིཀཾ གཎཀཾ ལེཁཀཾ – ‘‘ནལ༹ཀཱརོསི, ཀུམྦྷཀཱརོསི, པེསཀཱརོསི, ཙམྨཀཱརོསི, ནཧཱཔིཏོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨུཀྐཊྛེན ཧཱིནཾ ཝདེཏི, ནལ༹ཀཱརཾ ཀུམྦྷཀཱརཾ པེསཀཱརཾ ཙམྨཀཱརཾ ནཧཱཔིཏཾ – ‘‘མུདྡིཀོསི, གཎཀོསི, ལེཁཀོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ¶ ཨུཀྐཊྛེན ཨུཀྐཊྛཾ ཝདེཏི, མུདྡིཀཾ གཎཀཾ ལེཁཀཾ – ‘‘མུདྡིཀོསི, གཎཀོསི, ལེཁཀོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

༢༡. ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཧཱིནཾ ཝདེཏི, ཀུཊྛིཀཾ གཎྜིཀཾ ཀིལཱསིཀཾ སོསིཀཾ ཨཔམཱརིཀཾ – ‘‘ཀུཊྛིཀོསི, གཎྜིཀོསི, ཀིལཱསིཀོསི, སོསིཀོསི, ཨཔམཱརིཀོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ¶ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཨུཀྐཊྛཾ ཝདེཏི, མདྷུམེཧིཀཾ – ‘‘ཀུཊྛིཀོསི, གཎྜིཀོསི, ཀིལཱསིཀོསི, སོསིཀོསི, ཨཔམཱརིཀོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨུཀྐཊྛེན ཧཱིནཾ ཝདེཏི, ཀུཊྛིཀཾ གཎྜིཀཾ ཀིལཱསིཀཾ སོསིཀཾ ཨཔམཱརིཀཾ – ‘‘མདྷུམེཧིཀོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ¶ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨུཀྐཊྛེན ཨུཀྐཊྛཾ ཝདེཏི, མདྷུམེཧིཀཾ – ‘‘མདྷུམེཧིཀོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

༢༢. ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཧཱིནཾ ཝདེཏི, ཨཏིདཱིགྷཾ ཨཏིརསྶཾ ཨཏིཀཎྷཾ ཨཙྩོདཱཏཾ ¶ – ‘‘ཨཏིདཱིགྷོསི, ཨཏིརསྶོསི, ཨཏིཀཎྷོསི, ཨཙྩོདཱཏོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཨུཀྐཊྛཾ ཝདེཏི, ནཱཏིདཱིགྷཾ ནཱཏིརསྶཾ ནཱཏིཀཎྷཾ ནཱཙྩོདཱཏཾ – ‘‘ཨཏིདཱིགྷོསི, ཨཏིརསྶོསི, ཨཏིཀཎྷོསི, ཨཙྩོདཱཏོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨུཀྐཊྛེན ཧཱིནཾ ཝདེཏི, ཨཏིདཱིགྷཾ ཨཏིརསྶཾ ཨཏིཀཎྷཾ ཨཙྩོདཱཏཾ – ‘‘ནཱཏིདཱིགྷོསི, ནཱཏིརསྶོསི, ནཱཏིཀཎྷོསི, ནཱཙྩོདཱཏོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨུཀྐཊྛེན ཨུཀྐཊྛཾ ཝདེཏི, ནཱཏིདཱིགྷཾ ནཱཏིརསྶཾ ནཱཏིཀཎྷཾ ¶ ནཱཙྩོདཱཏཾ – ‘‘ནཱཏིདཱིགྷོསི, ནཱཏིརསྶོསི, ནཱཏིཀཎྷོསི, ནཱཙྩོདཱཏོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

༢༣. ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཧཱིནཾ ཝདེཏི, རཱགཔརིཡུཊྛིཏཾ དོསཔརིཡུཊྛིཏཾ མོཧཔརིཡུཊྛིཏཾ – ‘‘རཱགཔརིཡུཊྛིཏོསི, དོསཔརིཡུཊྛིཏོསི, མོཧཔརིཡུཊྛིཏོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ¶ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཨུཀྐཊྛཾ ཝདེཏི, ཝཱིཏརཱགཾ ཝཱིཏདོསཾ ཝཱིཏམོཧཾ – ‘‘རཱགཔརིཡུཊྛིཏོསི ¶ , དོསཔརིཡུཊྛིཏོསི, མོཧཔརིཡུཊྛིཏོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨུཀྐཊྛེན ཧཱིནཾ ཝདེཏི, རཱགཔརིཡུཊྛིཏཾ དོསཔརིཡུཊྛིཏཾ མོཧཔརིཡུཊྛིཏཾ ¶ – ‘‘ཝཱིཏརཱགོསི, ཝཱིཏདོསོསི, ཝཱིཏམོཧོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨུཀྐཊྛེན ཨུཀྐཊྛཾ ཝདེཏི, ཝཱིཏརཱགཾ ཝཱིཏདོསཾ ཝཱིཏམོཧཾ – ‘‘ཝཱིཏརཱགོསི, ཝཱིཏདོསོསི, ཝཱིཏམོཧོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

༢༤. ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཧཱིནཾ ཝདེཏི, པཱརཱཛིཀཾ ཨཛ྄ཛྷཱཔནྣཾ སངྒྷཱདིསེསཾ ཨཛ྄ཛྷཱཔནྣཾ ཐུལླཙྩཡཾ ཨཛ྄ཛྷཱཔནྣཾ པཱཙིཏྟིཡཾ ཨཛ྄ཛྷཱཔནྣཾ པཱཊིདེསནཱིཡཾ ཨཛ྄ཛྷཱཔནྣཾ དུཀྐཊཾ ཨཛ྄ཛྷཱཔནྣཾ དུབྦྷཱསིཏཾ ཨཛ྄ཛྷཱཔནྣཾ – ‘‘པཱརཱཛིཀཾ ཨཛ྄ཛྷཱཔནྣོསི, སངྒྷཱདིསེསཾ ཨཛ྄ཛྷཱཔནྣོསི, ཐུལླཙྩཡཾ ཨཛ྄ཛྷཱཔནྣོསི, པཱཙིཏྟིཡཾ ཨཛ྄ཛྷཱཔནྣོསི, པཱཊིདེསནཱིཡཾ ཨཛ྄ཛྷཱཔནྣོསི, དུཀྐཊཾ ཨཛ྄ཛྷཱཔནྣོསི, དུབྦྷཱསིཏཾ ཨཛ྄ཛྷཱཔནྣོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཨུཀྐཊྛཾ ཝདེཏི, སོཏཱཔནྣཾ – ‘‘པཱརཱཛིཀཾ ཨཛ྄ཛྷཱཔནྣོསི…པེ… ¶ དུབྦྷཱསིཏཾ ཨཛ྄ཛྷཱཔནྣོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨུཀྐཊྛེན ཧཱིནཾ ཝདེཏི, པཱརཱཛིཀཾ ཨཛ྄ཛྷཱཔནྣཾ…པེ… དུབྦྷཱསིཏཾ ཨཛ྄ཛྷཱཔནྣཾ – ‘‘སོཏཱཔནྣོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨུཀྐཊྛེན ཨུཀྐཊྛཾ ཝདེཏི, སོཏཱཔནྣཾ – ‘‘སོཏཱཔནྣོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

༢༥. ཨུཔསམྤནྣོ ¶ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཧཱིནཾ ཝདེཏི, ཨོཊྛཾ མེཎྜཾ གོཎཾ གདྲབྷཾ ཏིརཙྪཱནགཏཾ ནེརཡིཀཾ – ‘‘ཨོཊྛོསི, མེཎྜོསི, གོཎོསི, གདྲབྷོསི, ཏིརཙྪཱནགཏོསི, ནེརཡིཀོསི, ནཏྠི ཏུཡ྄ཧཾ སུགཏི, དུགྒཏི ཡེཝ ཏུཡ྄ཧཾ པཱཊིཀངྑཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ¶ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཨུཀྐཊྛཾ ཝདེཏི, པཎྜིཏཾ བྱཏྟཾ མེདྷཱཝི བཧུསྶུཏཾ དྷམྨཀཐིཀཾ – ‘‘ཨོཊྛོསི, མེཎྜོསི, གོཎོསི, གདྲབྷོསི, ཏིརཙྪཱནགཏོསི, ནེརཡིཀོསི; ནཏྠི ཏུཡ྄ཧཾ སུགཏི, དུགྒཏི ཡེཝ ཏུཡ྄ཧཾ པཱཊིཀངྑཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ¶ ཨུཀྐཊྛེན ཧཱིནཾ ཝདེཏི, ཨོཊྛཾ མེཎྜཾ གོཎཾ གདྲབྷཾ ཏིརཙྪཱནགཏཾ ནེརཡིཀཾ – ‘‘པཎྜིཏོསི, བྱཏྟོསི, མེདྷཱཝཱིསི, བཧུསྶུཏོསི, དྷམྨཀཐིཀོསི, ནཏྠི ཏུཡ྄ཧཾ དུགྒཏི, སུགཏི ཡེཝ ཏུཡ྄ཧཾ པཱཊིཀངྑཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨུཀྐཊྛེན ཨུཀྐཊྛཾ ཝདེཏི, པཎྜིཏཾ བྱཏྟཾ མེདྷཱཝིཾ བཧུསྶུཏཾ དྷམྨཀཐིཀཾ – ‘‘པཎྜིཏོསི, བྱཏྟོསི, མེདྷཱཝཱིསི, བཧུསྶུཏོསི, དྷམྨཀཐིཀོསི, ནཏྠི ཏུཡ྄ཧཾ དུགྒཏི, སུགཏི ཡེཝ ཏུཡ྄ཧཾ པཱཊིཀངྑཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

༢༦. ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨེཝཾ ཝདེཏི, ‘‘སནྟི ཨིདྷེཀཙྩེ ཙཎྜཱལཱ ཝེནཱ ནེསཱདཱ རཐཀཱརཱ པུཀྐུསཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུཀྐཊསྶ.

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨེཝཾ ཝདེཏི, ‘‘སནྟི ཨིདྷེཀཙྩེ ཁཏྟིཡཱ, བྲཱཧྨཎཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུཀྐཊསྶ.

༢༧. ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨེཝཾ ¶ ཝདེཏི, ‘‘སནྟི ཨིདྷེཀཙྩེ ཨཝཀཎྞཀཱ ཛཝཀཎྞཀཱ དྷནིཊྛཀཱ སཝིཊྛཀཱ ཀུལཝཌྜྷཀཱ’’ཏི བྷཎཏི…པེ…. ‘‘སནྟི ཨིདྷེཀཙྩེ བུདྡྷརཀྑིཏཱ དྷམྨརཀྑིཏཱ ¶ སངྒྷརཀྑིཏཱ’’ཏི བྷཎཏི ¶ …པེ…. ‘‘སནྟི ཨིདྷེཀཙྩེ ཀོསིཡཱ བྷཱརདྭཱཛཱ’’ཏི བྷཎཏི…པེ…. ‘‘སནྟི ཨིདྷེཀཙྩེ གོཏམཱ མོགྒལླཱནཱ ཀཙྩཱནཱ ཝཱསིཊྛཱ’’ཏི བྷཎཏི…པེ…. ‘‘སནྟི ཨིདྷེཀཙྩེ ཀོཊྛཀཱ པུཔྥཚཌྜཀཱ’’ཏི བྷཎཏི…པེ…. ‘‘སནྟི ཨིདྷེཀཙྩེ ཀསྶཀཱ ཝཱཎིཛཱ གོརཀྑཱ’’ཏི བྷཎཏི…པེ…. ‘‘སནྟི ཨིདྷེཀཙྩེ ནལ༹ཀཱརཱ ཀུམྦྷཀཱརཱ ¶ པེསཀཱརཱ ཙམྨཀཱརཱ ནཧཱཔིཏཱ’’ཏི བྷཎཏི…པེ…. ‘‘སནྟི ཨིདྷེཀཙྩེ མུདྡིཀཱ གཎཀཱ ལེཁཀཱ’’ཏི བྷཎཏི…པེ…. ‘‘སནྟི ཨིདྷེཀཙྩེ ཀུཊྛིཀཱ གཎྜིཀཱ ཀིལཱསིཀཱ སོསིཀཱ ཨཔམཱརིཀཱ’’ཏི བྷཎཏི…པེ…. ‘‘སནྟི ཨིདྷེཀཙྩེ མདྷུམེཧིཀཱ’’ཏི བྷཎཏི…པེ…. ‘‘སནྟི ཨིདྷེཀཙྩེ ཨཏིདཱིགྷཱ ཨཏིརསྶཱ ཨཏིཀཎྷཱ ཨཙྩོདཱཏཱ’’ཏི བྷཎཏི…པེ…. ‘‘སནྟི ཨིདྷེཀཙྩེ ནཱཏིདཱིགྷཱ ནཱཏིརསྶཱ ནཱཏིཀཎྷཱ ནཱཙྩོདཱཏཱ’’ཏི བྷཎཏི…པེ…. ‘‘སནྟི ཨིདྷེཀཙྩེ རཱགཔརིཡུཊྛིཏཱ དོསཔརིཡུཊྛིཏཱ མོཧཔརིཡུཊྛིཏཱ’’ཏི བྷཎཏི…པེ…. ‘‘སནྟི ཨིདྷེཀཙྩེ ཝཱིཏརཱགཱ ཝཱིཏདོསཱ ཝཱིཏམོཧཱ’’ཏི བྷཎཏི…པེ…. ‘‘སནྟི ཨིདྷེཀཙྩེ པཱརཱཛིཀཾ ཨཛ྄ཛྷཱཔནྣཱ…པེ… དུབྦྷཱསིཏཾ ཨཛ྄ཛྷཱཔནྣཱ’’ཏི བྷཎཏི…པེ…. ‘‘སནྟི ཨིདྷེཀཙྩེ སོཏཱཔནྣཱ’’ཏི བྷཎཏི…པེ…. ‘‘སནྟི ཨིདྷེཀཙྩེ ཨོཊྛཱ མེཎྜཱ གོཎཱ གདྲབྷཱ ཏིརཙྪཱནགཏཱ ནེརཡིཀཱ, ནཏྠི ཏེསཾ སུགཏི, དུགྒཏིཡེཝ ཏེསཾ པཱཊིཀངྑཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུཀྐཊསྶ.

༢༨. ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ¶ ཨེཝཾ ཝདེཏི, ‘‘སནྟི ཨིདྷེཀཙྩེ པཎྜིཏཱ བྱཏྟཱ, མེདྷཱཝཱི བཧུསྶུཏཱ དྷམྨཀཐིཀཱ, ནཏྠི ཏེསཾ དུགྒཏི, སུགཏིཡེཝ ཏེསཾ པཱཊིཀངྑཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུཀྐཊསྶ.

༢༩. ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨེཝཾ ཝདེཏི, ‘‘ཡེ ནཱུན ཙཎྜཱལཱ ཝེནཱ ནེསཱདཱ རཐཀཱརཱ པུཀྐུསཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུཀྐཊསྶ…པེ….

ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨེཝཾ ཝདེཏི, ‘‘ཡེ ནཱུན པཎྜིཏཱ བྱཏྟཱ མེདྷཱཝཱི བཧུསྶུཏཱ དྷམྨཀཐིཀཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུཀྐཊསྶ.

༣༠. ཨུཔསམྤནྣོ ཨུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨེཝཾ ཝདེཏི, ‘‘ན མཡཾ ཙཎྜཱལཱ ཝེནཱ ནེསཱདཱ རཐཀཱརཱ པུཀྐུསཱ’’ཏི བྷཎཏི…པེ…. ‘‘ན མཡཾ པཎྜིཏཱ བྱཏྟཱ ¶ མེདྷཱཝཱི བཧུསྶུཏཱ དྷམྨཀཐིཀཱ, ནཏྠམྷཱཀཾ དུགྒཏི, སུགཏིཡེཝ ཨམྷཱཀཾ པཱཊིཀངྑཱ’’ཏི བྷཎཏི. ཨཱཔཏྟི ཝཱཙཱཡ, ཝཱཙཱཡ དུཀྐཊསྶ.

༣༡. ཨུཔསམྤནྣོ ¶ ཨནུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཧཱིནེན ཧཱིནཾ ཝདེཏི,…པེ… ཧཱིནེན ཨུཀྐཊྛཾ ཝདེཏི…པེ… ཨུཀྐཊྛེན ཧཱིནཾ ཝདེཏི…པེ… ཨུཀྐཊྛེན ཨུཀྐཊྛཾ ཝདེཏི, པཎྜིཏཾ བྱཏྟཾ མེདྷཱཝིཾ བཧུསྶུཏཾ དྷམྨཀཐིཀཾ – ‘‘པཎྜིཏོསི, བྱཏྟོསི, མེདྷཱཝཱིསི, བཧུསྶུཏོསི, དྷམྨཀཐིཀོསི, ནཏྠི ཏུཡ྄ཧཾ དུགྒཏི, སུགཏིཡེཝ ཏུཡ྄ཧཾ པཱཊིཀངྑཱ’’ཏི ¶ བྷཎཏི, ཨཱཔཏྟི ཝཱཙཱཡ, ཝཱཙཱཡ དུཀྐཊསྶ.

ཨུཔསམྤནྣོ ཨནུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨེཝཾ ཝདེཏི, ‘‘སནྟི ཨིདྷེཀཙྩེ ཙཎྜཱལཱ ཝེནཱ ནེསཱདཱ རཐཀཱརཱ པུཀྐུསཱ’’ཏི བྷཎཏི…པེ…. ‘‘སནྟི ཨིདྷེཀཙྩེ པཎྜིཏཱ བྱཏྟཱ མེདྷཱཝཱི བཧུསྶུཏཱ དྷམྨཀཐིཀཱ, ནཏྠི ཏེསཾ དུགྒཏི, སུགཏིཡེཝ ཏེསཾ པཱཊིཀངྑཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུཀྐཊསྶ.

ཨུཔསམྤནྣོ ཨནུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨེཝཾ ཝདེཏི, ‘‘ཡེ ནཱུན ཙཎྜཱལཱ ཝེནཱ ནེསཱདཱ རཐཀཱརཱ པུཀྐུསཱ’’ཏི བྷཎཏི…པེ…. ‘‘ཡེ ནཱུན པཎྜིཏཱ བྱཏྟཱ མེདྷཱཝཱི བཧུསྶུཏཱ དྷམྨཀཐིཀཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུཀྐཊསྶ.

ཨུཔསམྤནྣོ ཨནུཔསམྤནྣཾ ཁུཾསེཏུཀཱམོ ཝམྦྷེཏུཀཱམོ མངྐུཀཏྟུཀཱམོ ཨེཝཾ ཝདེཏི, ‘‘ན མཡཾ ཙཎྜཱལཱ ཝེནཱ ནེསཱདཱ རཐཀཱརཱ པུཀྐུསཱ’’ཏི བྷཎཏི…པེ…. ‘‘ན མཡཾ པཎྜིཏཱ བྱཏྟཱ མེདྷཱཝཱི བཧུསྶུཏཱ དྷམྨཀཐིཀཱ, ནཏྠམྷཱཀཾ ¶ དུགྒཏི, སུགཏིཡེཝ ཨམྷཱཀཾ པཱཊིཀངྑཱ’’ཏི བྷཎཏི. ཨཱཔཏྟི ཝཱཙཱཡ, ཝཱཙཱཡ དུཀྐཊསྶ.

༣༢. ཨུཔསམྤནྣོ ཨུཔསམྤནྣཾ ན ཁུཾསེཏུཀཱམོ ན ཝམྦྷེཏུཀཱམོ ན མངྐུཀཏྟུཀཱམོ, དཝཀམྱཏཱ ཧཱིནེན ཧཱིནཾ ཝདེཏི, ཙཎྜཱལཾ ཝེནཾ ནེསཱདཾ རཐཀཱརཾ པུཀྐུསཾ – ‘‘ཙཎྜཱལོསི, ཝེནོསི, ནེསཱདོསི, རཐཀཱརོསི ¶ , པུཀྐུསོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུབྦྷཱསིཏསྶ.

ཨུཔསམྤནྣོ ཨུཔསམྤནྣཾ ན ཁུཾསེཏུཀཱམོ ན ཝམྦྷེཏུཀཱམོ ན མངྐུཀཏྟུཀཱམོ, དཝཀམྱཏཱ ཧཱིནེན ¶ ཨུཀྐཊྛཾ ཝདེཏི, ཁཏྟིཡཾ བྲཱཧྨཎཾ – ‘‘ཙཎྜཱལོསི, ཝེནོསི, ནེསཱདོསི, རཐཀཱརོསི, པུཀྐུསོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུབྦྷཱསིཏསྶ.

ཨུཔསམྤནྣོ ¶ ཨུཔསམྤནྣཾ ན ཁུཾསེཏུཀཱམོ ན ཝམྦྷེཏུཀཱམོ ན མངྐུཀཏྟུཀཱམོ, དཝཀམྱཏཱ ཨུཀྐཊྛེན ཧཱིནཾ ཝདེཏི, ཙཎྜཱལཾ ཝེནཾ ནེསཱདཾ རཐཀཱརཾ པུཀྐུསཾ – ‘‘ཁཏྟིཡོསི, བྲཱཧྨཎོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུབྦྷཱསིཏསྶ.

ཨུཔསམྤནྣོ ཨུཔསམྤནྣཾ ན ཁུཾསེཏུཀཱམོ ན ཝམྦྷེཏུཀཱམོ ན མངྐུཀཏྟུཀཱམོ, དཝཀམྱཏཱ ཨུཀྐཊྛེན ཨུཀྐཊྛཾ ཝདེཏི, ཁཏྟིཡཾ བྲཱཧྨཎཾ – ‘‘ཁཏྟིཡོསི, བྲཱཧྨཎོསཱི’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུབྦྷཱསིཏསྶ.

ཨུཔསམྤནྣོ ཨུཔསམྤནྣཾ ན ཁུཾསེཏུཀཱམོ ན ཝམྦྷེཏུཀཱམོ ན མངྐུཀཏྟུཀཱམོ, དཝཀམྱཏཱ ཧཱིནེན ཧཱིནཾ ཝདེཏི…པེ… ཧཱིནེན ཨུཀྐཊྛཾ ཝདེཏི…པེ… ཨུཀྐཊྛེན ཧཱིནཾ ཝདེཏི…པེ… ཨུཀྐཊྛེན ཨུཀྐཊྛཾ ཝདེཏི, པཎྜིཏཾ བྱཏྟཾ མེདྷཱཝིཾ བཧུསྶུཏཾ དྷམྨཀཐིཀཾ – ‘‘པཎྜིཏོསི, བྱཏྟོསི, མེདྷཱཝཱིསི, བཧུསྶུཏོསི, དྷམྨཀཐིཀོསི, ནཏྠི ཏུཡ྄ཧཾ དུགྒཏི, སུགཏི ཡེཝ ཏུཡ྄ཧཾ པཱཊིཀངྑཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུབྦྷཱསིཏསྶ.

༣༣. ཨུཔསམྤནྣོ ཨུཔསམྤནྣཾ ན ཁུཾསེཏུཀཱམོ ན ཝམྦྷེཏུཀཱམོ ན ¶ མངྐུཀཏྟུཀཱམོ, དཝཀམྱཏཱ ཨེཝཾ ཝདེཏི, ‘‘སནྟི ཨིདྷེཀཙྩེ ཙཎྜཱལཱ ཝེནཱ ནེསཱདཱ རཐཀཱརཱ པུཀྐུསཱ’’ཏི བྷཎཏི…པེ…. ‘‘སནྟི ཨིདྷེཀཙྩེ པཎྜིཏཱ བྱཏྟཱ མེདྷཱཝཱི བཧུསྶུཏཱ དྷམྨཀཐིཀཱ, ནཏྠི ཏེསཾ དུགྒཏི, སུགཏི ཡེཝ ཏེསཾ པཱཊིཀངྑཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུབྦྷཱསིཏསྶ.

ཨུཔསམྤནྣོ ཨུཔསམྤནྣཾ ན ཁུཾསེཏུཀཱམོ ན ཝམྦྷེཏུཀཱམོ ན མངྐུཀཏྟུཀཱམོ, དཝཀམྱཏཱ ཨེཝཾ ཝདེཏི, ‘‘ཡེ ནཱུན ཙཎྜཱལཱ ཝེནཱ ནེསཱདཱ རཐཀཱརཱ པུཀྐུསཱ’’ཏི བྷཎཏི…པེ…. ‘‘ཡེ ནཱུན པཎྜིཏཱ བྱཏྟཱ མེདྷཱཝཱི བཧུསྶུཏཱ དྷམྨཀཐིཀཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུབྦྷཱསིཏསྶ.

ཨུཔསམྤནྣོ ཨུཔསམྤནྣཾ ན ཁུཾསེཏུཀཱམོ ན ཝམྦྷེཏུཀཱམོ ན མངྐུཀཏྟུཀཱམོ, དཝཀམྱཏཱ ཨེཝཾ ཝདེཏི, ‘‘ན མཡཾ ཙཎྜཱལཱ ཝེནཱ ནེསཱདཱ རཐཀཱརཱ པུཀྐུསཱ’’ཏི བྷཎཏི…པེ…. ‘‘ན མཡཾ པཎྜིཏཱ ¶ བྱཏྟཱ མེདྷཱཝཱི བཧུསྶུཏཱ དྷམྨཀཐིཀཱ, ནཏྠམྷཱཀཾ དུགྒཏི, སུགཏིཡེཝ ཨམྷཱཀཾ པཱཊིཀངྑཱ’’ཏི བྷཎཏི. ཨཱཔཏྟི ཝཱཙཱཡ, ཝཱཙཱཡ དུབྦྷཱསིཏསྶ.

༣༤. ཨུཔསམྤནྣོ ¶ ཨནུཔསམྤནྣཾ ན ཁུཾསེཏུཀཱམོ ན ཝམྦྷེཏུཀཱམོ ན མངྐུཀཏྟུཀཱམོ, དཝཀམྱཏཱ ཧཱིནེན ཧཱིནཾ ཝདེཏི…པེ… ཧཱིནེན ཨུཀྐཊྛཾ ཝདེཏི…པེ… ཨུཀྐཊྛེན ཧཱིནཾ ཝདེཏི…པེ… ཨུཀྐཊྛེན ཨུཀྐཊྛཾ ཝདེཏི, པཎྜིཏཾ བྱཏྟཾ མེདྷཱཝིཾ བཧུསྶུཏཾ དྷམྨཀཐིཀཾ – ‘‘པཎྜིཏོསི ¶ , བྱཏྟོསི, མེདྷཱཝཱིསི, བཧུསྶུཏོསི དྷམྨཀཐིཀོསི, ནཏྠི ཏུཡ྄ཧཾ དུགྒཏི; སུགཏི ཡེཝ ཏུཡ྄ཧཾ པཱཊིཀངྑཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུབྦྷཱསིཏསྶ.

ཨུཔསམྤནྣོ ཨནུཔསམྤནྣཾ ན ཁུཾསེཏུཀཱམོ ན ཝམྦྷེཏུཀཱམོ ན མངྐུཀཏྟུཀཱམོ, དཝཀམྱཏཱ ཨེཝཾ ཝདེཏི, ‘‘སནྟི ཨིདྷེཀཙྩེ ཙཎྜཱལཱ ཝེནཱ ནེསཱདཱ རཐཀཱརཱ པུཀྐུསཱ’’ཏི བྷཎཏི…པེ…. ‘‘སནྟི ཨིདྷེཀཙྩེ པཎྜིཏཱ བྱཏྟཱ མེདྷཱཝཱི བཧུསྶུཏཱ དྷམྨཀཐིཀཱ, ནཏྠི ཏེསཾ དུགྒཏི, སུགཏི ཡེཝ ཏེསཾ པཱཊིཀངྑཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུབྦྷཱསིཏསྶ.

ཨུཔསམྤནྣོ ཨནུཔསམྤནྣཾ ན ཁུཾསེཏུཀཱམོ ན ཝམྦྷེཏུཀཱམོ ན མངྐུཀཏྟུཀཱམོ, དཝཀམྱཏཱ ཨེཝཾ ཝདེཏི, ‘‘ཡེ ནཱུན ཙཎྜཱལཱ ཝེནཱ ནེསཱདཱ རཐཀཱརཱ པུཀྐུསཱ’’ཏི བྷཎཏི…པེ…. ‘‘ཡེ ནཱུན པཎྜིཏཱ བྱཏྟཱ མེདྷཱཝཱི བཧུསྶུཏཱ དྷམྨཀཐིཀཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུབྦྷཱསིཏསྶ.

ཨུཔསམྤནྣོ ཨནུཔསམྤནྣཾ ན ཁུཾསེཏུཀཱམོ ན ཝམྦྷེཏུཀཱམོ ན མངྐུཀཏྟུཀཱམོ, དཝཀམྱཏཱ ཨེཝཾ ཝདེཏི, ‘‘ན མཡཾ ཙཎྜཱལཱ ཝེནཱ ནེསཱདཱ རཐཀཱརཱ པུཀྐུསཱ’’ཏི བྷཎཏི…པེ…. ‘‘ན མཡཾ པཎྜིཏཱ བྱཏྟཱ མེདྷཱཝཱི བཧུསྶུཏཱ དྷམྨཀཐིཀཱ, ནཏྠམྷཱཀཾ དུགྒཏི, སུགཏི ཡེཝ ཨམྷཱཀཾ པཱཊིཀངྑཱ’’ཏི བྷཎཏི, ཨཱཔཏྟི ཝཱཙཱཡ, ཝཱཙཱཡ དུབྦྷཱསིཏསྶ.

༣༥. ཨནཱཔཏྟི ¶ ཨཏྠཔུརེཀྑཱརསྶ, དྷམྨཔུརེཀྑཱརསྶ, ཨནུསཱསནིཔུརེཀྑཱརསྶ, ཨུམྨཏྟཀསྶ, ཁིཏྟཙིཏྟསྶ, ཝེདནཱཊྚསྶ, ཨཱདིཀམྨིཀསྶཱཏི.

ཨོམསཝཱདསིཀྑཱཔདཾ ནིཊྛིཏཾ དུཏིཡཾ.

༣. པེསུཉྙསིཀྑཱཔདཾ

༣༦. ཏེན ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ བྷིཀྑཱུནཾ ¶ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ པེསུཉྙཾ ཨུཔསཾཧརནྟི; ཨིམསྶ སུཏྭཱ ཨམུསྶ ཨཀྑཱཡནྟི, ཨིམསྶ བྷེདཱཡ; ཨམུསྶ སུཏྭཱ ཨིམསྶ ཨཀྑཱཡནྟི, ཨམུསྶ བྷེདཱཡ. ཏེན ཨནུཔྤནྣཱནི ཙེཝ བྷཎྜནཱནི ཨུཔྤཛྫནྟི, ཨུཔྤནྣཱནི ཙ བྷཎྜནཱནི བྷིཡྻོབྷཱཝཱཡ ཝེཔུལླཱཡ སཾཝཏྟནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ བྷིཀྑཱུནཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ པེསུཉྙཾ ཨུཔསཾཧརིསྶནྟི, ཨིམསྶ སུཏྭཱ ཨམུསྶ ཨཀྑཱཡིསྶནྟི, ཨིམསྶ བྷེདཱཡ; ཨམུསྶ སུཏྭཱ ཨིམསྶ ཨཀྑཱཡིསྶནྟི, ཨམུསྶ བྷེདཱཡ! ཏེན ཨནུཔྤནྣཱནི ཙེཝ བྷཎྜནཱནི ཨུཔྤཛྫནྟི, ཨུཔྤནྣཱནི ཙ བྷཎྜནཱནི བྷིཡྻོབྷཱཝཱཡ ཝེཔུལླཱཡ སཾཝཏྟནྟཱི’’ཏི. ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ, བྷིཀྑཱུནཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ པེསུཉྙཾ ཨུཔསཾཧརཐ, ཨིམསྶ སུཏྭཱ ཨམུསྶ ཨཀྑཱཡཐ, ཨིམསྶ བྷེདཱཡ, ཨམུསྶ སུཏྭཱ ཨིམསྶ ཨཀྑཱཡཐ, ཨམུསྶ བྷེདཱཡ? ཏེན ཨནུཔྤནྣཱནི ཙེཝ བྷཎྜནཱནི ཨུཔྤཛྫནྟི, ཨུཔྤནྣཱནི ཙ བྷཎྜནཱནི བྷིཡྻོབྷཱཝཱཡ ཝེཔུལླཱཡ སཾཝཏྟནྟཱི’’ཏི? ‘‘སཙྩཾ ¶ , བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, བྷིཀྑཱུནཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ པེསུཉྙཾ ཨུཔསཾཧརིསྶཐ! ཨིམསྶ སུཏྭཱ ཨམུསྶ ཨཀྑཱཡིསྶཐ, ཨིམསྶ བྷེདཱཡ! ཨམུསྶ སུཏྭཱ ཨིམསྶ ཨཀྑཱཡིསྶཐ, ཨམུསྶ བྷེདཱཡ! ཏེན ཨནུཔྤནྣཱནི ཙེཝ བྷཎྜནཱནི ཨུཔྤཛྫནྟི, ཨུཔྤནྣཱནི ཙ བྷཎྜནཱནི བྷིཡྻོབྷཱཝཱཡ ཝེཔུལླཱཡ སཾཝཏྟནྟི. ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ. པསནྣཱནཾ ཝཱ བྷིཡྻོབྷཱཝཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༧. ‘‘བྷིཀྑུཔེསུཉྙེ པཱཙིཏྟིཡ’’ནྟི.

༣༨. པེསུཉྙཾ ནཱམ དྭཱིཧཱཀཱརེཧི པེསུཉྙཾ ཧོཏི – པིཡཀམྱསྶ ཝཱ བྷེདཱདྷིཔྤཱཡསྶ ཝཱ. དསཧཱཀཱརེཧི པེསུཉྙཾ ཨུཔསཾཧརཏི – ཛཱཏིཏོཔི, ནཱམཏོཔི, གོཏྟཏོཔི, ཀམྨཏོཔི, སིཔྤཏོཔི, ཨཱབཱདྷཏོཔི, ལིངྒཏོཔི, ཀིལེསཏོཔི, ཨཱཔཏྟིཏོཔི, ཨཀྐོསཏོཔི.

ཛཱཏི ¶ ནཱམ དྭེ ཛཱཏིཡོ – ཧཱིནཱ ཙ ཛཱཏི ཨུཀྐཊྛཱ ཙ ཛཱཏི. ཧཱིནཱ ནཱམ ཛཱཏི – ཙཎྜཱལཛཱཏི ཝེནཛཱཏི ནེསཱདཛཱཏི རཐཀཱརཛཱཏི པུཀྐུསཛཱཏི ¶ . ཨེསཱ ཧཱིནཱ ནཱམ ཛཱཏི. ཨུཀྐཊྛཱ ནཱམ ཛཱཏི – ཁཏྟིཡཛཱཏི བྲཱཧྨཎཛཱཏི. ཨེསཱ ཨུཀྐཊྛཱ ནཱམ ཛཱཏི…པེ….

ཨཀྐོསོ ནཱམ དྭེ ཨཀྐོསཱ – ཧཱིནོ ཙ ཨཀྐོསོ ཨུཀྐཊྛོ ཙ ཨཀྐོསོ. ཧཱིནོ ནཱམ ཨཀྐོསོ – ཨོཊྛོསི, མེཎྜོསི, གོཎོསི, གདྲབྷོསི, ཏིརཙྪཱནགཏོསི, ནེརཡིཀོསི; ནཏྠི ཏུཡ྄ཧཾ སུགཏི; དུགྒཏི ཡེཝ ཏུཡ྄ཧཾ པཱཊིཀངྑཱཏི, ཡཀཱརེན ཝཱ བྷཀཱརེན ཝཱ ཀཱཊཀོཊཙིཀཱཡ ཝཱ. ཨེསོ ¶ ཧཱིནོ ནཱམ ¶ ཨཀྐོསོ. ཨུཀྐཊྛོ ནཱམ ཨཀྐོསོ – པཎྜིཏོསི, བྱཏྟོསི, མེདྷཱཝཱིསི, བཧུསྶུཏོསི, དྷམྨཀཐིཀོསི; ནཏྠི ཏུཡ྄ཧཾ དུགྒཏི; སུགཏི ཡེཝ ཏུཡ྄ཧཾ པཱཊིཀངྑཱཏི. ཨེསོ ཨུཀྐཊྛོ ནཱམ ཨཀྐོསོ.

༣༩. ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘ཙཎྜཱལོ ཝེནོ ནེསཱདོ རཐཀཱརོ པུཀྐུསོ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘ཁཏྟིཡོ བྲཱཧྨཎོ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘ཨཝཀཎྞཀོ ཛཝཀཎྞཀོ དྷནིཊྛཀོ སཝིཊྛཀོ ཀུལཝཌྜྷཀོ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘བུདྡྷརཀྑིཏོ དྷམྨརཀྑིཏོ སངྒྷརཀྑིཏོ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘ཀོསིཡོ བྷཱརདྭཱཛོ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ¶ ¶ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘གོཏམོ མོགྒལླཱནོ ཀཙྩཱནོ ཝཱསིཊྛོ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ¶ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘ཀོཊྛཀོ པུཔྥཚཌྜཀོ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘ཀསྶཀོ ཝཱཎིཛོ གོརཀྑོ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘ནལ༹ཀཱརོ ཀུམྦྷཀཱརོ པེསཀཱརོ ཙམྨཀཱརོ ནཧཱཔིཏོ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘མུདྡིཀོ གཎཀོ ལེཁཀོ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

༤༠. ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘ཀུཊྛིཀོ གཎྜིཀོ ཀིལཱསིཀོ སོསིཀོ ཨཔམཱརིཀོ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ¶ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘མདྷུམེཧིཀོ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘ཨཏིདཱིགྷོ ཨཏིརསྶོ ཨཏིཀཎྷོ ཨཙྩོདཱཏོ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘ནཱཏིདཱིགྷོ ¶ ནཱཏིརསྶོ ནཱཏིཀཎྷོ ནཱཙྩོདཱཏོ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘རཱགཔརིཡུཊྛིཏོ དོསཔརིཡུཊྛིཏོ མོཧཔརིཡུཊྛིཏོ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ¶ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘ཝཱིཏརཱགོ ཝཱིཏདོསོ ཝཱིཏམོཧོ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘པཱརཱཛིཀཾ ཨཛ྄ཛྷཱཔནྣོ, སངྒྷཱདིསེསཾ ཨཛ྄ཛྷཱཔནྣོ, ཐུལླཙྩཡཾ ཨཛ྄ཛྷཱཔནྣོ, པཱཙིཏྟིཡཾ ཨཛ྄ཛྷཱཔནྣོ ¶ , པཱཊིདེསནཱིཡཾ ཨཛ྄ཛྷཱཔནྣོ, དུཀྐཊཾ ཨཛ྄ཛྷཱཔནྣོ, དུབྦྷཱསིཏཾ ཨཛ྄ཛྷཱཔནྣོ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘སོཏཱཔནྣོ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘ཨོཊྛོ མེཎྜོ གོཎོ གདྲབྷོ ཏིརཙྪཱནགཏོ ནེརཡིཀོ, ནཏྠི ཏསྶ སུགཏི, དུགྒཏིཡེཝ ཏསྶ པཱཊིཀངྑཱ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ཏཾ ‘པཎྜིཏོ བྱཏྟོ མེདྷཱཝཱི བཧུསྶུཏོ དྷམྨཀཐིཀོ, ནཏྠི ཏསྶ དུགྒཏི, སུགཏི ཡེཝ ཏསྶ པཱཊིཀངྑཱ’ཏི བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

༤༡. ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ‘སནྟི ཨིདྷེཀཙྩེ ཙཎྜཱལཱ ཝེནཱ ནེསཱདཱ རཐཀཱརཱ, པུཀྐུསཱ’ཏི བྷཎཏི, ན སོ ཨཉྙཾ བྷཎཏི, ཏཉྙེཝ བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ དུཀྐཊསྶ.

ཨུཔསམྤནྣོ ¶ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ‘སནྟི ཨིདྷེཀཙྩེ ཁཏྟིཡཱ བྲཱཧྨཎཱ’ཏི བྷཎཏི, ན སོ ཨཉྙཾ བྷཎཏི, ཏཉྙེཝ བྷཎཏཱི’ཏི. ཨཱཔཏྟི ¶ ཝཱཙཱཡ, ཝཱཙཱཡ དུཀྐཊསྶ…པེ….

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ‘སནྟི ཨིདྷེཀཙྩེ པཎྜིཏཱ བྱཏྟཱ མེདྷཱཝཱི བཧུསྶུཏཱ དྷམྨཀཐིཀཱ, ནཏྠི ཏེསཾ དུགྒཏི, སུགཏི ཡེཝ ཏེསཾ པཱཊིཀངྑཱ’ཏི བྷཎཏི, ན ¶ སོ ཨཉྙཾ བྷཎཏི, ཏཉྙེཝ བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ དུཀྐཊསྶ.

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ‘ཡེ ནཱུན ཙཎྜཱལཱ ཝེནཱ ནེསཱདཱ རཐཀཱརཱ པུཀྐུསཱ’ཏི བྷཎཏི, ན སོ ཨཉྙཾ བྷཎཏི, ཏཉྙེཝ བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ དུཀྐཊསྶ.

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ‘ཡེ ནཱུན པཎྜིཏཱ བྱཏྟཱ མེདྷཱཝཱི བཧུསྶུཏཱ དྷམྨཀཐིཀཱ’ཏི བྷཎཏི, ན སོ ཨཉྙཾ བྷཎཏི, ཏཉྙེཝ བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ དུཀྐཊསྶ.

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི – ‘‘ཨིཏྠནྣཱམོ ‘ན མཡཾ ཙཎྜཱལཱ ཝེནཱ ནེསཱདཱ རཐཀཱརཱ པུཀྐུསཱ’ཏི བྷཎཏི, ན སོ ཨཉྙཾ བྷཎཏི, ཏཉྙེཝ བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ དུཀྐཊསྶ.

ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི ¶ – ‘‘ཨིཏྠནྣཱམོ ‘ན མཡཾ པཎྜིཏཱ བྱཏྟཱ མེདྷཱཝཱི བཧུསྶུཏཱ དྷམྨཀཐིཀཱ, ནཏྠམྷཱཀཾ དུགྒཏི, སུགཏི ཡེཝ ཨམྷཱཀཾ པཱཊིཀངྑཱ’ཏི བྷཎཏི, ན སོ ཨཉྙཾ ¶ བྷཎཏི, ཏཉྙེཝ བྷཎཏཱི’’ཏི. ཨཱཔཏྟི ཝཱཙཱཡ, ཝཱཙཱཡ དུཀྐཊསྶ.

༤༢. ཨུཔསམྤནྣོ ཨུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི; ཨཱཔཏྟི ཝཱཙཱཡ, ཝཱཙཱཡ པཱཙིཏྟིཡསྶ.

ཨུཔསམྤནྣོ ¶ ཨུཔསམྤནྣསྶ སུཏྭཱ ཨནུཔསམྤནྣསྶ པེསུཉྙཾ ཨུཔསཾཧརཏི, ཨཱཔཏྟི དུཀྐཊསྶ.

ཨུཔསམྤནྣོ ཨནུཔསམྤནྣསྶ སུཏྭཱ ཨུཔསམྤནྣསྶ པེསུཉྙཾ ཨུཔསཾཧརཏི, ཨཱཔཏྟི དུཀྐཊསྶ.

ཨུཔསམྤནྣོ ཨནུཔསམྤནྣསྶ སུཏྭཱ ཨནུཔསམྤནྣསྶ པེསུཉྙཾ ཨུཔསཾཧརཏི, ཨཱཔཏྟི དུཀྐཊསྶ.

༤༣. ཨནཱཔཏྟི ནཔིཡཀམྱསྶ, ནབྷེདཱདྷིཔྤཱཡསྶ, ཨུམྨཏྟཀསྶ, ཨཱདིཀམྨིཀསྶཱཏི.

པེསུཉྙསིཀྑཱཔདཾ ནིཊྛིཏཾ ཏཏིཡཾ.

༤. པདསོདྷམྨསིཀྑཱཔདཾ

༤༤. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཔཱསཀེ པདསོ དྷམྨཾ ཝཱཙེནྟི. ཨུཔཱསཀཱ བྷིཀྑཱུསུ ཨགཱརཝཱ ཨཔྤཏིསྶཱ ཨསབྷཱགཝུཏྟིཀཱ ཝིཧརནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨུཔཱསཀེ པདསོ དྷམྨཾ ཝཱཙེསྶནྟི! ཨུཔཱསཀཱ བྷིཀྑཱུསུ ཨགཱརཝཱ ཨཔྤཏིསྶཱ ཨསབྷཱགཝུཏྟིཀཱ ཝིཧརནྟཱི’’ཏི. ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ, ཨུཔཱསཀེ པདསོ དྷམྨཾ ཝཱཙེཐ; ཨུཔཱསཀཱ བྷིཀྑཱུསུ ཨགཱརཝཱ ཨཔྤཏིསྶཱ ཨསབྷཱགཝུཏྟིཀཱ ཝིཧརནྟཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཨུཔཱསཀེ པདསོ དྷམྨཾ ཝཱཙེསྶཐ! ཨུཔཱསཀཱ བྷིཀྑཱུསུ ཨགཱརཝཱ ཨཔྤཏིསྶཱ ཨསབྷཱགཝུཏྟིཀཱ ཝིཧརནྟི! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ པསནྣཱནཾ ཝཱ བྷིཡྻོབྷཱཝཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༥. ‘‘ཡོ པན བྷིཀྑུ ཨནུཔསམྤནྣཾ པདསོ དྷམྨཾ ཝཱཙེཡྻ པཱཙིཏྟིཡ’’ནྟི.

༤༦. ཡོ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨནུཔསམྤནྣོ ནཱམ བྷིཀྑུཉྩ བྷིཀྑུནིཉྩ ཋཔེཏྭཱ ཨཝསེསོ ཨནུཔསམྤནྣོ ནཱམ.

པདསོ ¶ ནཱམ པདཾ, ¶ ཨནུཔདཾ, ཨནྭཀྑརཾ, ཨནུབྱཉྫནཾ.

པདཾ ནཱམ ཨེཀཏོ པཊྛཔེཏྭཱ ཨེཀཏོ ཨོསཱཔེནྟི. ཨནུཔདཾ ནཱམ པཱཊེཀྐཾ པཊྛཔེཏྭཱ ཨེཀཏོ ཨོསཱཔེནྟི. ཨནྭཀྑརཾ ནཱམ ‘‘རཱུཔཾ ཨནིཙྩ’’ནྟི ཝུཙྩམཱནོ, ‘‘རུ’’ནྟི ཨོཔཱཏེཏི. ཨནུབྱཉྫནཾ ནཱམ ‘‘རཱུཔཾ ཨནིཙྩ’’ནྟི ཝུཙྩམཱནོ, ‘‘ཝེདནཱ ཨནིཙྩཱ’’ཏི སདྡཾ ནིཙྪཱརེཏི.

ཡཉྩ ¶ པདཾ, ཡཉྩ ཨནུཔདཾ, ཡཉྩ ཨནྭཀྑརཾ, ཡཉྩ ཨནུབྱཉྫནཾ – སབྦམེཏཾ པདསོ [པདསོ དྷམྨོ (ཨིཏིཔི)] ནཱམ.

དྷམྨོ ནཱམ བུདྡྷབྷཱསིཏོ, སཱཝཀབྷཱསིཏོ, ཨིསིབྷཱསིཏོ, དེཝཏཱབྷཱསིཏོ, ཨཏྠཱུཔསཉྷིཏོ, དྷམྨཱུཔསཉྷིཏོ.

ཝཱཙེཡྻཱཏི པདེན ཝཱཙེཏི, པདེ པདེ ཨཱཔཏྟི པཱཙིཏྟིཡསྶ. ཨཀྑརཱཡ ཝཱཙེཏི, ཨཀྑརཀྑརཱཡ ཨཱཔཏྟི པཱཙིཏྟིཡསྶ.

༤༧. ཨནུཔསམྤནྣེ ཨནུཔསམྤནྣསཉྙཱི པདསོ དྷམྨཾ ཝཱཙེཏི, ཨཱཔཏྟི པཱཙིཏྟིཡསྶ. ཨནུཔསམྤནྣེ ཝེམཏིཀོ པདསོ དྷམྨཾ ཝཱཙེཏི, ཨཱཔཏྟི པཱཙིཏྟིཡསྶ. ཨནུཔསམྤནྣེ ཨུཔསམྤནྣསཉྙཱི པདསོ དྷམྨཾ ཝཱཙེཏི, ཨཱཔཏྟི པཱཙིཏྟིཡསྶ.

ཨུཔསམྤནྣེ ཨནུཔསམྤནྣསཉྙཱི, ཨཱཔཏྟི དུཀྐཊསྶ. ཨུཔསམྤནྣེ ཝེམཏིཀོ, ཨཱཔཏྟི དུཀྐཊསྶ. ཨུཔསམྤནྣེ ཨུཔསམྤནྣསཉྙཱི, ཨནཱཔཏྟི.

༤༨. ཨནཱཔཏྟི ཨེཀཏོ ཨུདྡིསཱཔེནྟོ, ཨེཀཏོ སཛ྄ཛྷཱཡཾ ཀརོནྟོ ¶ , ཡེབྷུཡྻེན པགུཎཾ གནྠཾ བྷཎནྟཾ ཨོཔཱཏེཏི, ཨོསཱརེནྟཾ ཨོཔཱཏེཏི, ཨུམྨཏྟཀསྶ, ཨཱདིཀམྨིཀསྶཱཏི.

པདསོདྷམྨསིཀྑཱཔདཾ ནིཊྛིཏཾ ཙཏུཏྠཾ.

༥. སཧསེཡྻསིཀྑཱཔདཾ

༤༩. ཏེན ¶ ¶ སམཡེན བུདྡྷོ བྷགཝཱ ཨཱལ༹ཝིཡཾ ཝིཧརཏི ཨགྒཱལ༹ཝེ ཙེཏིཡེ. ཏེན ཁོ པན སམཡེན ཨུཔཱསཀཱ ཨཱརཱམཾ ཨཱགཙྪནྟི དྷམྨསྶཝནཱཡ. དྷམྨེ བྷཱསིཏེ ཐེརཱ བྷིཀྑཱུ ཡཐཱཝིཧཱརཾ གཙྪནྟི. ནཝཀཱ བྷིཀྑཱུ ཏཏྠེཝ ཨུཔཊྛཱནསཱལཱཡཾ ཨུཔཱསཀེཧི སདྡྷིཾ མུཊྛསྶཏཱི, ཨསམྤཛཱནཱ, ནགྒཱ, ཝིཀཱུཛམཱནཱ, ཀཱཀཙྪམཱནཱ སེཡྻཾ ཀཔྤེནྟི. ཨུཔཱསཀཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷདནྟཱ མུཊྛསྶཏཱི ཨསམྤཛཱནཱ ནགྒཱ ཝིཀཱུཛམཱནཱ ཀཱཀཙྪམཱནཱ སེཡྻཾ ཀཔྤེསྶནྟཱི’’ཏི! ཨསྶོསུཾ ཁོ བྷིཀྑཱུ ཏེསཾ ཨུཔཱསཀཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ¶ ཝིཔཱཙེནྟི – ‘‘ཀཐཉྷི ནཱམ བྷིཀྑཱུ ཨནུཔསམྤནྣེན ¶ སཧསེཡྻཾ ཀཔྤེསྶནྟཱི’’ཏི! ཨཐ ཁོ ཏེ བྷིཀྑཱུ ཏེ ནཝཀེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, བྷིཀྑཱུ ཨནུཔསམྤནྣེན སཧསེཡྻཾ ཀཔྤེནྟཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ཨནུཔསམྤནྣེན སཧསེཡྻཾ ཀཔྤེསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ ཨནུཔསམྤནྣེན སཧསེཡྻཾ ཀཔྤེཡྻ པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༥༠. ཨཐ ¶ ཁོ བྷགཝཱ ཨཱལ༹ཝིཡཾ ཡཐཱབྷིརནྟཾ ཝིཧརིཏྭཱ ཡེན ཀོསམྦཱི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན ཀོསམྦཱི ཏདཝསརི. ཏཏྲ སུདཾ བྷགཝཱ ཀོསམྦིཡཾ ཝིཧརཏི བདརིཀཱརཱམེ. བྷིཀྑཱུ ཨཱཡསྨནྟཾ རཱཧུལཾ ཨེཏདཝོཙུཾ – ‘‘བྷགཝཏཱ, ཨཱཝུསོ རཱཧུལ, སིཀྑཱཔདཾ པཉྙཏྟཾ – ‘ན ཨནུཔསམྤནྣེན སཧསེཡྻཱ ཀཔྤེཏབྦཱ’ཏི. སེཡྻཾ, ཨཱཝུསོ རཱཧུལ, ཛཱནཱཧཱི’’ཏི. ཨཐ ཁོ ཨཱཡསྨཱ རཱཧུལོ སེཡྻཾ ཨལབྷམཱནོ ཝཙྩཀུཊིཡཱ སེཡྻཾ ཀཔྤེསི. ཨཐ ཁོ བྷགཝཱ རཏྟིཡཱ པཙྩཱུསསམཡཾ པཙྩུཊྛཱཡ ཡེན ཝཙྩཀུཊི ཏེནུཔསངྐམི; ཨུཔསངྐམིཏྭཱ ཨུཀྐཱསི. ཨཱཡསྨཱཔི རཱཧུལོ ཨུཀྐཱསི. ‘‘ཀོ ཨེཏྠཱ’’ཏི? ‘‘ཨཧཾ, བྷགཝཱ, རཱཧུལོ’’ཏི. ‘‘ཀིསྶ ཏྭཾ, རཱཧུལ, ཨིདྷ ནིསིནྣོསཱི’’ཏི? ཨཐ ཁོ ཨཱཡསྨཱ རཱཧུལོ བྷགཝཏོ ཨེཏམཏྠཾ ཨཱརོཙེསི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ¶ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཨནུཔསམྤནྣེན དིརཏྟཏིརཏྟཾ སཧསེཡྻཾ ཀཔྤེཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༡. ‘‘ཡོ པན བྷིཀྑུ ཨནུཔསམྤནྣེན ཨུཏྟརིདིརཏྟཏིརཏྟཾ སཧསེཡྻཾ ཀཔྤེཡྻ, པཱཙིཏྟིཡ’’ནྟི.

༥༢. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨནུཔསམྤནྣོ ནཱམ བྷིཀྑུཾ ཋཔེཏྭཱ ཨཝསེསོ ཨནུཔསམྤནྣོ ནཱམ.

ཨུཏྟརིདིརཏྟཏིརཏྟནྟི ¶ ¶ ཨཏིརེཀདིརཏྟཏིརཏྟཾ.

སཧཱཏི ¶ ཨེཀཏོ.

སེཡྻཱ ནཱམ སབྦཙྪནྣཱ, སབྦཔརིཙྪནྣཱ, ཡེབྷུཡྻེནཙྪནྣཱ, ཡེབྷུཡྻེན པརིཙྪནྣཱ.

སེཡྻཾ ཀཔྤེཡྻཱཏི ཙཏུཏྠེ དིཝསེ ཨཏྠངྒཏེ སཱུརིཡེ, ཨནུཔསམྤནྣེ ནིཔནྣེ, བྷིཀྑུ ནིཔཛྫཏི, ཨཱཔཏྟི པཱཙིཏྟིཡསྶ. བྷིཀྑུ ནིཔནྣེ, ཨནུཔསམྤནྣོ ནིཔཛྫཏི, ཨཱཔཏྟི པཱཙིཏྟིཡསྶ. ཨུབྷོ ཝཱ ནིཔཛྫནྟི, ཨཱཔཏྟི པཱཙིཏྟིཡསྶ. ཨུཊྛཧིཏྭཱ པུནཔྤུནཾ ནིཔཛྫནྟི, ཨཱཔཏྟི པཱཙིཏྟིཡསྶ.

༥༣. ཨནུཔསམྤནྣེ ཨནུཔསམྤནྣསཉྙཱི ཨུཏྟརིདིརཏྟཏིརཏྟཾ སཧསེཡྻཾ ཀཔྤེཏི, ཨཱཔཏྟི པཱཙིཏྟིཡསྶ. ཨནུཔསམྤནྣེ ཝེམཏིཀོ ཨུཏྟརིདིརཏྟཏིརཏྟཾ སཧསེཡྻཾ ཀཔྤེཏི, ཨཱཔཏྟི པཱཙིཏྟིཡསྶ. ཨནུཔསམྤནྣེ ཨུཔསམྤནྣསཉྙཱི ཨུཏྟརིདིརཏྟཏིརཏྟཾ སཧསེཡྻཾ ཀཔྤེཏི, ཨཱཔཏྟི པཱཙིཏྟིཡསྶ.

ཨུཔཌྜྷཙྪནྣེ ཨུཔཌྜྷཔརིཙྪནྣེ, ཨཱཔཏྟི དུཀྐཊསྶ. ཨུཔསམྤནྣེ ཨནུཔསམྤནྣསཉྙཱི, ཨཱཔཏྟི དུཀྐཊསྶ. ཨུཔསམྤནྣེ ཝེམཏིཀོ, ཨཱཔཏྟི དུཀྐཊསྶ. ཨུཔསམྤནྣེ ཨུཔསམྤནྣསཉྙཱི, ཨནཱཔཏྟི.

༥༤. ཨནཱཔཏྟི ¶ དྭེཏིསྶོ རཏྟིཡོ ཝསཏི, ཨཱུནཀདྭེཏིསྶོ རཏྟིཡོ ཝསཏི, དྭེ རཏྟིཡོ ཝསིཏྭཱ ཏཏིཡཱཡ རཏྟིཡཱ པུརཱརུཎཱ ནིཀྑམིཏྭཱ པུན ཝསཏི, སབྦཙྪནྣེ, སབྦཨཔརིཙྪནྣེ, སབྦཔརིཙྪནྣེ སབྦཨཙྪནྣེ [ཝསཏི, སབྦཨཙྪནྣེ སབྦཨཔརིཙྪནྣེ, (སཱི.)], ཡེབྷུཡྻེན ཨཙྪནྣེ, ཡེབྷུཡྻེན ཨཔརིཙྪནྣེ, ཨནུཔསམྤནྣེ ནིཔནྣེ བྷིཀྑུ ནིསཱིདཏི, བྷིཀྑུ ནིཔནྣེ ཨནུཔསམྤནྣོ ¶ ནིསཱིདཏི, ཨུབྷོ ཝཱ ནིསཱིདནྟི, ཨུམྨཏྟཀསྶ, ཨཱདིཀམྨིཀསྶཱཏི.

སཧསེཡྻསིཀྑཱཔདཾ ནིཊྛིཏཾ པཉྩམཾ.

༦. དུཏིཡསཧསེཡྻསིཀྑཱཔདཾ

༥༥. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨནུརུདྡྷོ ཀོསལེསུ ¶ ཛནཔདེ [ཨེཏྠ ཨམྦཊྛསུཏྟཱདིཊཱིཀཱ ཨོལོཀེཏབྦཱ] སཱཝཏྠིཾ གཙྪནྟོ སཱཡཾ ཨཉྙཏརཾ གཱམཾ ཨུཔགཙྪི. ཏེན ཁོ པན སམཡེན ཏསྨིཾ གཱམེ ཨཉྙཏརིསྶཱ ཨིཏྠིཡཱ ཨཱཝསཐཱགཱརཾ པཉྙཏྟཾ ཧོཏི. ཨཐ ཁོ ཨཱཡསྨཱ ཨནུརུདྡྷོ ཡེན སཱ ཨིཏྠཱི ཏེནུཔསངྐམི; ཨུཔསངྐམིཏྭཱ ཏཾ ཨིཏྠིཾ ཨེཏདཝོཙ – ‘‘སཙེ ཏེ, བྷགིནི, ཨགརུ, ཝསེཡྻཱམ ཨེཀརཏྟཾ ཨཱཝསཐཱགཱརེ’’ཏི. ‘‘ཝསེཡྻཱཐ, བྷནྟེ’’ཏི. ཨཉྙེཔི ཨདྡྷིཀཱ ཡེན སཱ ཨིཏྠཱི ཏེནུཔསངྐམིཾསུ; ཨུཔསངྐམིཏྭཱ ཏཾ ཨིཏྠིཾ ཨེཏདཝོཙུཾ – ‘‘སཙེ ཏེ, ཨཡྻེ, ཨགརུ ཝསེཡྻཱམ ཨེཀརཏྟཾ ཨཱཝསཐཱགཱརེ’’ཏི ¶ . ‘‘ཨེསོ ཁོ ཨཡྻོ སམཎོ པཋམཾ ཨུཔགཏོ; སཙེ སོ ཨནུཛཱནཱཏི, ཝསེཡྻཱཐཱ’’ཏི. ཨཐ ཁོ ཏེ ཨདྡྷིཀཱ ཡེནཱཡསྨཱ ཨནུརུདྡྷོ ཏེནུཔསངྐམིཾསུ; ཨུཔསངྐམིཏྭཱ ཨཱཡསྨནྟཾ ཨནུརུདྡྷཾ ཨེཏདཝོཙུཾ – ‘‘སཙེ ཏེ, བྷནྟེ, ཨགརུ, ཝསེཡྻཱམ ཨེཀརཏྟཾ ཨཱཝསཐཱགཱརེ’’ཏི. ‘‘ཝསེཡྻཱཐ, ཨཱཝུསོ’’ཏི. ཨཐ ཁོ སཱ ཨིཏྠཱི ཨཱཡསྨནྟེ ཨནུརུདྡྷེ སཧ དསྶནེན པཊིབདྡྷཙིཏྟཱ ཨཧོསི. ཨཐ ཁོ སཱ ཨིཏྠཱི ཡེནཱཡསྨཱ ཨནུརུདྡྷོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨནུརུདྡྷཾ ཨེཏདཝོཙ – ‘‘ཨཡྻོ, བྷནྟེ, ཨིམེཧི མནུསྶེཧི ཨཱཀིཎྞོ ན ཕཱསུ ཝིཧརིསྶཏི. སཱདྷཱཧཾ, བྷནྟེ, ཨཡྻསྶ ¶ མཉྩཀཾ ཨབྦྷནྟརཾ པཉྙཔེཡྻ’’ནྟི. ཨདྷིཝཱསེསི ཁོ ཨཱཡསྨཱ ཨནུརུདྡྷོ ཏུཎྷཱིབྷཱཝེན. ཨཐ ཁོ སཱ ཨིཏྠཱི ཨཱཡསྨཏོ ཨནུརུདྡྷསྶ མཉྩཀཾ ཨབྦྷནྟརཾ པཉྙཔེཏྭཱ ཨལངྐཏཔྤཊིཡཏྟཱ གནྡྷགནྡྷིནཱི ཡེནཱཡསྨཱ ཨནུརུདྡྷོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨནུརུདྡྷཾ ཨེཏདཝོཙ – ‘‘ཨཡྻོ, བྷནྟེ, ཨབྷིརཱུཔོ དསྶནཱིཡོ པཱསཱདིཀོ, ཨཧཾ ཙམྷི ཨབྷིརཱུཔཱ དསྶནཱིཡཱ པཱསཱདིཀཱ. སཱདྷཱཧཾ, བྷནྟེ, ཨཡྻསྶ པཛཱཔཏི བྷཝེཡྻ’’ནྟི. ཨེཝཾ ཝུཏྟེ ཨཱཡསྨཱ ཨནུརུདྡྷོ ཏུཎྷཱི ཨཧོསི. དུཏིཡམྤི ཁོ…པེ… ཏཏིཡམྤི ཁོ སཱ ཨིཏྠཱི ཨཱཡསྨནྟཾ ཨནུརུདྡྷཾ ཨེཏདཝོཙ – ‘‘ཨཡྻོ, བྷནྟེ, ཨབྷིརཱུཔོ ¶ དསྶནཱིཡོ པཱསཱདིཀོ, ཨཧཉྩམྷི ཨབྷིརཱུཔཱ དསྶནཱིཡཱ པཱསཱདིཀཱ. སཱདྷུ, བྷནྟེ, ཨཡྻོ མཉྩེཝ པཊིཙྪཏུ [སམྤཊིཙྪཏུ (སྱཱ.)] སབྦཉྩ སཱཔཏེཡྻ’’ནྟི. ཏཏིཡམྤི ཁོ ཨཱཡསྨཱ ཨནུརུདྡྷོ ཏུཎྷཱི ཨཧོསི. ཨཐ ཁོ སཱ ཨིཏྠཱི སཱཊཀཾ ནིཀྑིཔིཏྭཱ ཨཱཡསྨཏོ ཨནུརུདྡྷསྶ པུརཏོ ཙངྐམཏིཔི ཏིཊྛཏིཔི ནིསཱིདཏིཔི སེཡྻམྤི ཀཔྤེཏི. ཨཐ ཁོ ཨཱཡསྨཱ ཨནུརུདྡྷོ ཨིནྡྲིཡཱནི ཨོཀྑིཔིཏྭཱ ཏཾ ཨིཏྠིཾ ནེཝ ཨོལོཀེསི ནཔི ཨཱལཔི. ཨཐ ཁོ ¶ སཱ ཨིཏྠཱི – ‘‘ཨཙྪརིཡཾ ཝཏ བྷོ, ཨབྦྷུཏཾ ཝཏ བྷོ! བཧཱུ མེ མནུསྶཱ སཏེནཔི སཧསྶེནཔི པཧིཎནྟི. ཨཡཾ པན སམཎོ – མཡཱ སཱམཾ ཡཱཙིཡམཱནོ – ན ཨིཙྪཏི མཉྩེཝ པཊིཙྪིཏུཾ སབྦཉྩ སཱཔཏེཡྻ’’ནྟི སཱཊཀཾ ནིཝཱསེཏྭཱ ཨཱཡསྨཏོ ཨནུརུདྡྷསྶ པཱདེསུ སིརསཱ ¶ ནིཔཏིཏྭཱ ཨཱཡསྨནྟཾ ཨནུརུདྡྷཾ ཨེཏདཝོཙ – ‘‘ཨཙྩཡོ མཾ, བྷནྟེ, ཨཙྩགམཱ ཡཐཱབཱལཾ ཡཐཱམཱུལ༹ྷཾ ཡཐཱཨཀུསལཾ ཡཱཧཾ ཨེཝམཀཱསིཾ. ཏསྶཱ མེ, བྷནྟེ, ཨཡྻོ ཨཙྩཡཾ ཨཙྩཡཏོ པཊིགྒཎྷཱཏུ ཨཱཡཏིཾ སཾཝརཱཡཱ’’ཏི. ‘‘ཏགྒྷ ཏྭཾ, བྷགིནི, ཨཙྩཡོ ཨཙྩགམཱ ཡཐཱབཱལཾ ཡཐཱམཱུལ༹ྷཾ ཡཐཱཨཀུསལཾ ཡཱ ཏྭཾ ཨེཝམཀཱསི. ཡཏོ ཙ ཁོ ཏྭཾ, བྷགིནི, ཨཙྩཡཾ ཨཙྩཡཏོ དིསྭཱ ཡཐཱདྷམྨཾ ¶ པཊིཀརོསི, ཏཾ ཏེ མཡཾ པཊིགྒཎྷཱམ. ཝུདྡྷི ཧེསཱ, བྷགིནི, ཨརིཡསྶ ཝིནཡེ ཡོ ཨཙྩཡཾ ཨཙྩཡཏོ དིསྭཱ ཡཐཱདྷམྨཾ པཊིཀརོཏི ཨཱཡཏིཉྩ སཾཝརཾ ཨཱཔཛྫཏཱི’’ཏི.

ཨཐ ཁོ སཱ ཨིཏྠཱི ཏསྶཱ རཏྟིཡཱ ཨཙྩཡེན ཨཱཡསྨནྟཾ ཨནུརུདྡྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེཏྭཱ སམྤཝཱརེཏྭཱ, ཨཱཡསྨནྟཾ ཨནུརུདྡྷཾ བྷུཏྟཱཝིཾ ཨོནཱིཏཔཏྟཔཱཎིཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཏཾ ཨིཏྠིཾ ཨཱཡསྨཱ ཨནུརུདྡྷོ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ སཱ ཨིཏྠཱི – ཨཱཡསྨཏཱ ཨནུརུདྡྷེན དྷམྨིཡཱ ཀཐཱཡ སནྡསྶིཏཱ སམཱདཔིཏཱ སམུཏྟེཛིཏཱ སམྤཧཾསིཏཱ – ཨཱཡསྨནྟཾ ཨནུརུདྡྷཾ ཨེཏདཝོཙ – ‘‘ཨབྷིཀྐནྟཾ, བྷནྟེ, ཨབྷིཀྐནྟཾ, བྷནྟེ! སེཡྻཐཱཔི, བྷནྟེ, ནིཀྐུཛྫིཏཾ ཝཱ ཨུཀྐུཛྫེཡྻ, པཊིཙྪནྣཾ ཝཱ ཝིཝརེཡྻ, མཱུལ༹ྷསྶ ཝཱ མགྒཾ ཨཱཙིཀྑེཡྻ, ཨནྡྷཀཱརེ ཝཱ ཏེལཔཛྫོཏཾ དྷཱརེཡྻ – ཙཀྑུམནྟོ རཱུཔཱནི ¶ དཀྑནྟཱིཏི, ཨེཝམེཝཾ ཨཡྻེན ཨནུརུདྡྷེན ཨནེཀཔརིཡཱཡེན དྷམྨོ པཀཱསིཏོ. ཨེསཱཧཾ, བྷནྟེ, ཏཾ བྷགཝནྟཾ སརཎཾ གཙྪཱམི དྷམྨཉྩ བྷིཀྑུསངྒྷཉྩ. ཨུཔཱསིཀཾ མཾ ཨཡྻོ དྷཱརེཏུ ཨཛྫཏགྒེ པཱཎུཔེཏཾ སརཎཾ གཏ’’ནྟི.

ཨཐ ཁོ ཨཱཡསྨཱ ཨནུརུདྡྷོ སཱཝཏྠིཡཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨནུརུདྡྷོ མཱཏུགཱམེན སཧསེཡྻཾ ཀཔྤེསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ ཨནུརུདྡྷཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, ཨནུརུདྡྷ, མཱཏུགཱམེན ¶ སཧསེཡྻཾ ཀཔྤེསཱི’’ཏི? ‘‘སཙྩཾ, བྷགཝཱ’’ཏི ¶ . ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, ཨནུརུདྡྷ, མཱཏུགཱམེན སཧསེཡྻཾ ཀཔྤེསྶསི! ནེཏཾ, ཨནུརུདྡྷ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༦. ‘‘ཡོ པན བྷིཀྑུ མཱཏུགཱམེན སཧསེཡྻཾ ཀཔྤེཡྻ པཱཙིཏྟིཡ’’ནྟི.

༥༧. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

མཱཏུགཱམོ ནཱམ མནུསྶིཏྠཱི, ན ཡཀྑཱི [ཡཀྑིནཱི (ཀ.)], ན པེཏཱི, ན ཏིརཙྪཱནགཏཱ; ཨནྟམསོ ཏདཧུཛཱཏཱཔི དཱརིཀཱ, པགེཝ མཧཏྟརཱི.

སཧཱཏི ཨེཀཏོ.

སེཡྻཱ ནཱམ སབྦཙྪནྣཱ, སབྦཔརིཙྪནྣཱ, ཡེབྷུཡྻེནཙྪནྣཱ, ཡེབྷུཡྻེན པརིཙྪནྣཱ.

སེཡྻཾ ¶ ཀཔྤེཡྻཱཏི ཨཏྠངྒཏེ སཱུརིཡེ, མཱཏུགཱམེ ནིཔནྣེ བྷིཀྑུ ནིཔཛྫཏི, ཨཱཔཏྟི ¶ པཱཙིཏྟིཡསྶ. བྷིཀྑུ ནིཔནྣེ མཱཏུགཱམོ ནིཔཛྫཏི, ཨཱཔཏྟི པཱཙིཏྟིཡསྶ. ཨུབྷོ ཝཱ ནིཔཛྫནྟི, ཨཱཔཏྟི པཱཙིཏྟིཡསྶ. ཨུཊྛཧིཏྭཱ པུནཔྤུནཾ ནིཔཛྫནྟི, ཨཱཔཏྟི པཱཙིཏྟིཡསྶ.

༥༨. མཱཏུགཱམེ མཱཏུགཱམསཉྙཱི སཧསེཡྻཾ ཀཔྤེཏི, ཨཱཔཏྟི པཱཙིཏྟིཡསྶ. མཱཏུགཱམེ ཝེམཏིཀོ སཧསེཡྻཾ ཀཔྤེཏི, ཨཱཔཏྟི པཱཙིཏྟིཡསྶ. མཱཏུགཱམེ ཨམཱཏུགཱམསཉྙཱི སཧསེཡྻཾ ཀཔྤེཏི, ཨཱཔཏྟི པཱཙིཏྟིཡསྶ.

ཨུཔཌྜྷཙྪནྣེ ཨུཔཌྜྷཔརིཙྪནྣེ, ཨཱཔཏྟི དུཀྐཊསྶ. ཡཀྑིཡཱ ཝཱ པེཏིཡཱ ཝཱ པཎྜཀེན ཝཱ ཏིརཙྪཱནགཏིཏྠིཡཱ ཝཱ སཧསེཡྻཾ ཀཔྤེཏི, ཨཱཔཏྟི དུཀྐཊསྶ. ཨམཱཏུགཱམེ མཱཏུགཱམསཉྙཱི, ཨཱཔཏྟི དུཀྐཊསྶ. ཨམཱཏུགཱམེ ཝེམཏིཀོ, ཨཱཔཏྟི དུཀྐཊསྶ. ཨམཱཏུགཱམེ ཨམཱཏུགཱམསཉྙཱི, ཨནཱཔཏྟི.

༥༩. ཨནཱཔཏྟི ¶ སབྦཙྪནྣེ སབྦཨཔརིཙྪནྣེ, སབྦཔརིཙྪནྣེ སབྦཨཙྪནྣེ [ཨནཱཔཏྟི སབྦཨཙྪནྣེ སབྦཨཔརིཙྪནྣེ, (སཱི.)], ཡེབྷུཡྻེན ཨཙྪནྣེ, ཡེབྷུཡྻེན ཨཔརིཙྪནྣེ, མཱཏུགཱམེ ནིཔནྣེ བྷིཀྑུ ནིསཱིདཏི ¶ , བྷིཀྑུ ནིཔནྣེ མཱཏུགཱམོ ནིསཱིདཏི, ཨུབྷོ ཝཱ ནིསཱིདནྟི, ཨུམྨཏྟཀསྶ, ཨཱདིཀམྨིཀསྶཱཏི.

དུཏིཡསཧསེཡྻསིཀྑཱཔདཾ ནིཊྛིཏཾ ཚཊྛཾ.

༧. དྷམྨདེསནཱསིཀྑཱཔདཾ

༦༠. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུདཱཡཱི སཱཝཏྠིཡཾ ཀུལཱུཔཀོ ཧོཏི, བཧུཀཱནི ཀུལཱནི ཨུཔསངྐམཏི. ཨཐ ཁོ ཨཱཡསྨཱ ཨུདཱཡཱི པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན ཨཉྙཏརཾ ཀུལཾ ཏེནུཔསངྐམི. ཏེན ཁོ པན སམཡེན གྷརཎཱི ནིཝེསནདྭཱརེ ནིསིནྣཱ ཧོཏི, གྷརསུཎྷཱ ཨཱཝསཐདྭཱརེ ནིསིནྣཱ ཧོཏི. ཨཐ ཁོ ཨཱཡསྨཱ ཨུདཱཡཱི ཡེན གྷརཎཱི ཏེནུཔསངྐམི; ཨུཔསངྐམིཏྭཱ གྷརཎིཡཱ ཨུཔཀཎྞཀེ དྷམྨཾ དེསེསི. ཨཐ ཁོ གྷརསུཎྷཱཡ ཨེཏདཧོསི – ‘‘ཀི ནུ ཁོ སོ སམཎོ སསྶུཡཱ ཛཱརོ ཨུདཱཧུ ཨོབྷཱསཏཱི’’ཏི?

ཨཐ ཁོ ཨཱཡསྨཱ ཨུདཱཡཱི གྷརཎིཡཱ ཨུཔཀཎྞཀེ དྷམྨཾ དེསེཏྭཱ ཡེན གྷརསུཎྷཱ ཏེནུཔསངྐམི; ཨུཔསངྐམིཏྭཱ གྷརསུཎྷཱཡ ཨུཔཀཎྞཀེ དྷམྨཾ དེསེསི. ཨཐ ཁོ གྷརཎིཡཱ ཨེཏདཧོསི – ‘‘ཀིཾ ནུ ཁོ སོ སམཎོ གྷརསུཎྷཱཡ ཛཱརོ ཨུདཱཧུ ཨོབྷཱསཏཱི’’ཏི ¶ ? ཨཐ ཁོ ཨཱཡསྨཱ ཨུདཱཡཱི གྷརསུཎྷཱཡ ཨུཔཀཎྞཀེ དྷམྨཾ དེསེཏྭཱ པཀྐཱམི. ཨཐ ཁོ གྷརཎཱི གྷརསུཎྷཾ ཨེཏདཝོཙ – ‘‘ཧེ ཛེ, ཀིཾ ཏེ ཨེསོ སམཎོ ཨཝོཙཱ’’ཏི? ‘‘དྷམྨཾ མེ, ཨཡྻེ, དེསེསི’’. ‘‘ཨཡྻཱཡ པན ཀིཾ ཨཝོཙཱ’’ཏི? ‘‘མཡ྄ཧམྤི དྷམྨཾ དེསེསཱི’’ཏི. ཏཱ ¶ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻོ ཨུདཱཡཱི མཱཏུགཱམསྶ ཨུཔཀཎྞཀེ དྷམྨཾ དེསེསྶཏི! ནནུ ནཱམ ཝིསྶཊྛེན ཝིཝཊེན དྷམྨོ དེསེཏབྦོ’’ཏི?

ཨསྶོསུཾ ཁོ བྷིཀྑཱུ ཏཱསཾ ཨིཏྠཱིནཾ ཨུཛ྄ཛྷཱཡནྟཱིནཾ ཁིཡྻནྟཱིནཾ ཝིཔཱཙེནྟཱིནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུདཱཡཱི མཱཏུགཱམསྶ དྷམྨཾ དེསེསྶཏཱི’’ཏི! ཨཐ ཁོ ཏེ བྷིཀྑཱུ ¶ ཨཱཡསྨནྟཾ ཨུདཱཡིཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, ཨུདཱཡི, མཱཏུགཱམསྶ དྷམྨཾ དེསེསཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ¶ ནཱམ ཏྭཾ, མོགྷཔུརིས, མཱཏུགཱམསྶ དྷམྨཾ དེསེསྶསི. ནེཏཾ མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ མཱཏུགཱམསྶ དྷམྨཾ དེསེཡྻ པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༦༡. ཏེན ཁོ པན སམཡེན ཨུཔཱསིཀཱ བྷིཀྑཱུ པསྶིཏྭཱ ཨེཏདཝོཙུཾ – ‘‘ཨིངྒྷཱཡྻཱ དྷམྨཾ དེསེཐཱ’’ཏི. ‘‘ན, བྷགིནཱི, ཀཔྤཏི མཱཏུགཱམསྶ དྷམྨཾ དེསེཏུ’’ནྟི. ‘‘ཨིངྒྷཱཡྻཱ ཚཔྤཉྩཝཱཙཱཧི དྷམྨཾ དེསེཐ, སཀྐཱ ཨེཏྟཀེནཔི དྷམྨོ ཨཉྙཱཏུ’’ནྟི. ‘‘ན, བྷགིནཱི, ཀཔྤཏི མཱཏུགཱམསྶ དྷམྨཾ དེསེཏུ’’ནྟི. ཀུཀྐུཙྩཱཡནྟཱ ན དེསེསུཾ. ཨུཔཱསིཀཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ ཨམྷེཧི ཡཱཙིཡམཱནཱ དྷམྨཾ ན དེསེསྶནྟཱི’’ཏི! ཨསྶོསུཾ ཁོ བྷིཀྑཱུ ཏཱསཾ ཨུཔཱསིཀཱནཾ ¶ ཨུཛ྄ཛྷཱཡནྟཱིནཾ ཁིཡྻནྟཱིནཾ ཝིཔཱཙེནྟཱིནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, མཱཏུགཱམསྶ ཚཔྤཉྩཝཱཙཱཧི དྷམྨཾ དེསེཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑཱུ མཱཏུགཱམསྶ ཨུཏྟརིཚཔྤཉྩཝཱཙཱཧི དྷམྨཾ དེསེཡྻ, པཱཙིཏྟིཡ’’ནྟི.

ཨེཝཉྩིདཾ ¶ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༦༢. ཏེན ཁོ པན སམཡེན ཚབྦགྒིཡཱ བྷིཀྑཱུ – ‘‘བྷགཝཏཱ ཨནུཉྙཱཏཾ མཱཏུགཱམསྶ ཚཔྤཉྩཝཱཙཱཧི དྷམྨཾ དེསེཏུ’’ནྟི ཏེ ཨཝིཉྙུཾ པུརིསཝིགྒཧཾ ཨུཔནིསཱིདཱཔེཏྭཱ མཱཏུགཱམསྶ ཨུཏྟརིཚཔྤཉྩཝཱཙཱཧི དྷམྨཾ དེསེནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨཝིཉྙུཾ པུརིསཝིགྒཧཾ ཨུཔནིསཱིདཱཔེཏྭཱ མཱཏུགཱམསྶ ཨུཏྟརིཚཔྤཉྩཝཱཙཱཧི དྷམྨཾ དེསེསྶནྟཱི’’ཏི!

ཨཐ ¶ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ, ཨཝིཉྙུཾ པུརིསཝིགྒཧཾ ཨུཔནིསཱིདཱཔེཏྭཱ མཱཏུགཱམསྶ ཨུཏྟརིཚཔྤཉྩཝཱཙཱཧི དྷམྨཾ དེསེཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི ¶ བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཨཝིཉྙུཾ པུརིསཝིགྒཧཾ ཨུཔནིསཱིདཱཔེཏྭཱ མཱཏུགཱམསྶ ཨུཏྟརིཚཔྤཉྩཝཱཙཱཧི དྷམྨཾ དེསེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ ¶ –

༦༣. ‘‘ཡོ པན བྷིཀྑུ མཱཏུགཱམསྶ ཨུཏྟརིཚཔྤཉྩཝཱཙཱཧི དྷམྨཾ དེསེཡྻ, ཨཉྙཏྲ ཝིཉྙུནཱ པུརིསཝིགྒཧེན, པཱཙིཏྟིཡ’’ནྟི.

༦༤. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

མཱཏུགཱམོ ནཱམ མནུསྶིཏྠཱི; ན ཡཀྑཱི ན པེཏཱི ན ཏིརཙྪཱནགཏཱ; ཝིཉྙཱུ, པཊིབལཱ སུབྷཱསིཏདུབྦྷཱསིཏཾ དུཊྛུལླཱདུཊྛུལླཾ ཨཱཛཱནིཏུཾ.

ཨུཏྟརིཚཔྤཉྩཝཱཙཱཧཱིཏི ཨཏིརེཀཚཔྤཉྩཝཱཙཱཧི.

དྷམྨོ ནཱམ བུདྡྷབྷཱསིཏོ, སཱཝཀབྷཱསིཏོ, ཨིསིབྷཱསིཏོ, དེཝཏཱབྷཱསིཏོ, ཨཏྠཱུཔསཉྷིཏོ, དྷམྨཱུཔསཉྷིཏོ.

དེསེཡྻཱཏི པདེན དེསེཏི, པདེ པདེ ཨཱཔཏྟི པཱཙིཏྟིཡསྶ. ཨཀྑརཱཡ དེསེཏི, ཨཀྑརཀྑརཱཡ ཨཱཔཏྟི པཱཙིཏྟིཡསྶ.

ཨཉྙཏྲ ཝིཉྙུནཱ པུརིསཝིགྒཧེནཱཏི ཋཔེཏྭཱ ཝིཉྙུཾ པུརིསཝིགྒཧཾ. ཝིཉྙཱུ ནཱམ པུརིསཝིགྒཧོ, པཊིབལོ ཧོཏི སུབྷཱསིཏདུབྦྷཱསིཏཾ དུཊྛུལླཱདུཊྛུལླཾ ཨཱཛཱནིཏུཾ.

༦༥. མཱཏུགཱམེ མཱཏུགཱམསཉྙཱི ཨུཏྟརིཚཔྤཉྩཝཱཙཱཧི དྷམྨཾ དེསེཏི, ཨཉྙཏྲ ཝིཉྙུནཱ པུརིསཝིགྒཧེན, ཨཱཔཏྟི པཱཙིཏྟིཡསྶ. མཱཏུགཱམེ ཝེམཏིཀོ ཨུཏྟརིཚཔྤཉྩཝཱཙཱཧི དྷམྨཾ དེསེཏི, ཨཉྙཏྲ ཝིཉྙུནཱ པུརིསཝིགྒཧེན, ཨཱཔཏྟི པཱཙིཏྟིཡསྶ. མཱཏུགཱམེ ཨམཱཏུགཱམསཉྙཱི ཨུཏྟརིཚཔྤཉྩཝཱཙཱཧི དྷམྨཾ དེསེཏི, ཨཉྙཏྲ ཝིཉྙུནཱ པུརིསཝིགྒཧེན, ཨཱཔཏྟི པཱཙིཏྟིཡསྶ.

ཡཀྑིཡཱ ¶ ¶ ཝཱ པེཏིཡཱ ཝཱ པཎྜཀསྶ ཝཱ ¶ ཏིརཙྪཱནགཏམནུསྶཝིགྒཧིཏྠིཡཱ ཝཱ ཨུཏྟརིཚཔྤཉྩཝཱཙཱཧི ¶ དྷམྨཾ དེསེཏི, ཨཉྙཏྲ ཝིཉྙུནཱ པུརིསཝིགྒཧེན, ཨཱཔཏྟི དུཀྐཊསྶ. ཨམཱཏུགཱམེ མཱཏུགཱམསཉྙཱི, ཨཱཔཏྟི དུཀྐཊསྶ. ཨམཱཏུགཱམེ ཝེམཏིཀོ, ཨཱཔཏྟི དུཀྐཊསྶ. ཨམཱཏུགཱམེ ཨམཱཏུགཱམསཉྙཱི, ཨནཱཔཏྟི.

༦༦. ཨནཱཔཏྟི ཝིཉྙུནཱ པུརིསཝིགྒཧེན, ཚཔྤཉྩཝཱཙཱཧི དྷམྨཾ དེསེཏི, ཨཱུནཀཚཔྤཉྩཝཱཙཱཧི དྷམྨཾ དེསེཏི, ཨུཊྛཧིཏྭཱ པུན ནིསཱིདིཏྭཱ དེསེཏི, མཱཏུགཱམོ ཨུཊྛཧིཏྭཱ པུན ནིསཱིདཏི ཏསྨིཾ དེསེཏི, ཨཉྙསྶ མཱཏུགཱམསྶ དེསེཏི, པཉྷཾ པུཙྪཏི, པཉྷཾ པུཊྛོ ཀཐེཏི, ཨཉྙསྶཏྠཱཡ བྷཎནྟཾ མཱཏུགཱམོ སུཎཱཏི, ཨུམྨཏྟཀསྶ, ཨཱདིཀམྨིཀསྶཱཏི.

དྷམྨདེསནཱསིཀྑཱཔདཾ ནིཊྛིཏཾ སཏྟམཾ.

༨. བྷཱུཏཱརོཙནསིཀྑཱཔདཾ

༦༧. [པཱརཱ. ༡༩༣] ཏེན ¶ སམཡེན བུདྡྷོ བྷགཝཱ ཝེསཱལིཡཾ ཝིཧརཏི མཧཱཝནེ ཀཱུཊཱགཱརསཱལཱཡཾ. ཏེན ཁོ པན སམཡེན སམྦཧུལཱ སནྡིཊྛཱ སམྦྷཏྟཱ བྷིཀྑཱུ ཝགྒུམུདཱཡ ནདིཡཱ ཏཱིརེ ཝསྶཾ ཨུཔགཙྪིཾསུ. ཏེན ཁོ པན སམཡེན ཝཛྫཱི དུབྦྷིཀྑཱ ཧོཏི – དྭཱིཧིཏིཀཱ སེཏཊྛིཀཱ སལཱཀཱཝུཏྟཱ, ན སུཀརཱ ཨུཉྪེན པགྒཧེན ཡཱཔེཏུཾ. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘ཨེཏརཧི ཁོ ཝཛྫཱི དུབྦྷིཀྑཱ – དྭཱིཧིཏིཀཱ སེཏཊྛིཀཱ སལཱཀཱཝུཏྟཱ, ན སུཀརཱ ཨུཉྪེན པགྒཧེན ཡཱཔེཏུཾ. ཀེན ནུ ཁོ མཡཾ ཨུཔཱཡེན སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསེཡྻཱམ, ན ཙ པིཎྜཀེན ཀིལམེཡྻཱམཱ’’ཏི? ཨེཀཙྩེ ཨེཝམཱཧཾསུ – ‘‘ཧནྡ མཡཾ, ཨཱཝུསོ, གིཧཱིནཾ ཀམྨནྟཾ ཨདྷིཊྛེམ. ཨེཝཾ ཏེ ཨམྷཱཀཾ དཱཏུཾ མཉྙིསྶནྟི. ཨེཝཾ མཡཾ སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསིསྶཱམ, ན ཙ པིཎྜཀེན ཀིལམིསྶཱམཱ’’ཏི. ཨེཀཙྩེ ཨེཝམཱཧཾསུ – ‘‘ཨལཾ, ཨཱཝུསོ, ཀིཾ གིཧཱིནཾ ཀམྨནྟཾ ཨདྷིཊྛིཏེན? ཧནྡ མཡཾ, ཨཱཝུསོ, གིཧཱིནཾ དཱུཏེཡྻཾ ཧརཱམ. ཨེཝཾ ཏེ ཨམྷཱཀཾ དཱཏུཾ མཉྙིསྶནྟི. ཨེཝཾ མཡཾ སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསིསྶཱམ, ན ཙ པིཎྜཀེན ཀིལམིསྶཱམཱ’’ཏི. ཨེཀཙྩེ ཨེཝམཱཧཾསུ – ‘‘ཨལཾ, ཨཱཝུསོ; ¶ ཀིཾ གིཧཱིནཾ ཀམྨནྟཾ ཨདྷིཊྛིཏེན! ཀིཾ གིཧཱིནཾ དཱུཏེཡྻཾ ཧཊེན! ཧནྡ མཡཾ, ཨཱཝུསོ, གིཧཱིནཾ ཨཉྙམཉྙསྶ ཨུཏྟརིམནུསྶདྷམྨསྶ ཝཎྞཾ བྷཱསིསྶཱམ ¶ – ‘ཨསུཀོ བྷིཀྑུ པཋམསྶ ཛྷཱནསྶ ¶ ལཱབྷཱི, ཨསུཀོ བྷིཀྑུ དུཏིཡསྶ ཛྷཱནསྶ ལཱབྷཱི, ཨསུཀོ བྷིཀྑུ ཏཏིཡསྶ ཛྷཱནསྶ ལཱབྷཱི, ཨསུཀོ བྷིཀྑུ ཙཏུཏྠསྶ ཛྷཱནསྶ ¶ ལཱབྷཱི, ཨསུཀོ བྷིཀྑུ སོཏཱཔནྣོ, ཨསུཀོ བྷིཀྑུ སཀདཱགཱམཱི, ཨསུཀོ བྷིཀྑུ ཨནཱགཱམཱི, ཨསུཀོ བྷིཀྑུ ཨརཧཱ, ཨསུཀོ བྷིཀྑུ ཏེཝིཛྫོ, ཨསུཀོ བྷིཀྑུ ཚལ༹བྷིཉྙོཏི. ཨེཝཾ ཏེ ཨམྷཱཀཾ དཱཏུཾ མཉྙིསྶནྟི. ཨེཝཾ མཡཾ སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསིསྶཱམ, ན ཙ པིཎྜཀེན ཀིལམིསྶཱམཱ’’ཏི. ཨེསོ ཡེཝ ཁོ, ཨཱཝུསོ, སེཡྻོ, ཡོ ཨམྷཱཀཾ གིཧཱིནཾ ཨཉྙམཉྙསྶ ཨུཏྟརིམནུསྶདྷམྨསྶ ཝཎྞོ བྷཱསིཏོ’’ཏི.

ཨཐ ཁོ ཏེ བྷིཀྑཱུ གིཧཱིནཾ ཨཉྙམཉྙསྶ ཨུཏྟརིམནུསྶདྷམྨསྶ ཝཎྞཾ བྷཱསིཾསུ – ‘‘ཨསུཀོ བྷིཀྑུ པཋམསྶ ཛྷཱནསྶ ལཱབྷཱི…པེ… ཨསུཀོ བྷིཀྑུ ཚལ༹བྷིཉྙོ’’ཏི. ཨཐ ཁོ ཏེ མནུསྶཱ – ‘‘ལཱབྷཱ ཝཏ ནོ, སུལདྡྷཾ ཝཏ ནོ, ཡེསཾ ནོ ཨེཝརཱུཔཱ བྷིཀྑཱུ ཝསྶཾ ཨུཔགཏཱ, ན ཝཏ ནོ ཨིཏོ པུབྦེ ཨེཝརཱུཔཱ བྷིཀྑཱུ ཝསྶཾ ཨུཔགཏཱ, ཡཐཡིམེ བྷིཀྑཱུ སཱིལཝནྟོ ཀལྱཱཎདྷམྨཱ’’ཏི. ཏེ ན ཏཱདིསཱནི བྷོཛནཱནི ཨཏྟནཱ བྷུཉྫནྟི, མཱཏཱཔིཏཱུནཾ དེནྟི པུཏྟདཱརསྶ དེནྟི དཱསཀམྨཀརཔོརིསསྶ དེནྟི མིཏྟཱམཙྩཱནཾ དེནྟི ཉཱཏིསཱལོཧིཏཱནཾ དེནྟི ཡཱདིསཱནི བྷིཀྑཱུནཾ དེནྟི. ན ཏཱདིསཱནི ཁཱདནཱིཡཱནི སཱཡནཱིཡཱནི པཱནཱནི ཨཏྟནཱ ཁཱདནྟི སཱཡནྟི པིཝནྟི [ཨཏྟནཱ པིཝནྟི (སྱཱ. ཀ.)] མཱཏཱཔིཏཱུནཾ དེནྟི པུཏྟདཱརསྶ དེནྟི དཱསཀམྨཀརཔོརིསསྶ དེནྟི མིཏྟཱམཙྩཱནཾ དེནྟི ཉཱཏིསཱལོཧིཏཱནཾ དེནྟི ¶ , ཡཱདིསཱནི བྷིཀྑཱུནཾ དེནྟི. ཨཐ ཁོ ཏེ བྷིཀྑཱུ ཝཎྞཝཱ ཨཧེསུཾ པཱིཎིནྡྲིཡཱ པསནྣམུཁཝཎྞཱ ཝིཔྤསནྣཚཝིཝཎྞཱ.

༦༨. ཨཱཙིཎྞཾ ཁོ པནེཏཾ ཝསྶཾཝུཊྛཱནཾ བྷིཀྑཱུནཾ བྷགཝནྟཾ དསྶནཱཡ ཨུཔསངྐམིཏུཾ. ཨཐ ཁོ ཏེ བྷིཀྑཱུ ཝསྶཾཝུཊྛཱ ཏེམཱསཙྩཡེན སེནཱསནཾ སཾསཱམེཏྭཱ པཏྟཙཱིཝརམཱདཱཡ ཡེན ཝེསཱལཱི ཏེན པཀྐམིཾསུ. ཨནུཔུབྦེན ཡེན ཝེསཱལཱི མཧཱཝནཾ ཀཱུཊཱགཱརསཱལཱ ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཏེན ཁོ པན སམཡེན དིསཱསུ ཝསྶཾཝུཊྛཱ བྷིཀྑཱུ ཀིསཱ ཧོནྟི ལཱུཁཱ དུབྦཎྞཱ ¶ ཨུཔྤཎྜུཔྤཎྜུཀཛཱཏཱ དྷམནིསནྠཏགཏྟཱ. ཝགྒུམུདཱཏཱིརིཡཱ པན བྷིཀྑཱུ ཝཎྞཝཱ ཧོནྟི པཱིཎིནྡྲིཡཱ པསནྣམུཁཝཎྞཱ ཝིཔྤསནྣཚཝིཝཎྞཱ. ཨཱཙིཎྞཾ ཁོ པནེཏཾ བུདྡྷཱནཾ བྷགཝནྟཱནཾ ཨཱགནྟུཀེཧི བྷིཀྑཱུཧི སདྡྷིཾ པཊིསམྨོདིཏུཾ. ཨཐ ཁོ བྷགཝཱ ཝགྒུམུདཱཏཱིརིཡེ བྷིཀྑཱུ ཨེཏདཝོཙ ¶ – ‘‘ཀཙྩི, བྷིཀྑཝེ, ཁམནཱིཡཾ, ཀཙྩི ཡཱཔནཱིཡཾ, ཀཙྩི སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསིཏྠ, ན ཙ པིཎྜཀེན ཀིལམིཏྠཱ’’ཏི? ‘‘ཁམནཱིཡཾ བྷགཝཱ, ཡཱཔནཱིཡཾ བྷགཝཱ. སམགྒཱ ཙ མཡཾ, བྷནྟེ, སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསིམྷཱ, ན ཙ པིཎྜཀེན ཀིལམིམྷཱ’’ཏི. ཛཱནནྟཱཔི ཏཐཱགཏཱ པུཙྪནྟི, ཛཱནནྟཱཔི ན པུཙྪནྟི. ཀཱལཾ ཝིདིཏྭཱ པུཙྪནྟི ¶ , ཀཱལཾ ཝིདིཏྭཱ ན པུཙྪནྟི. ཨཏྠསཉྷིཏཾ ཏཐཱགཏཱ པུཙྪནྟི, ནོ ཨནཏྠསཉྷིཏཾ. ཨནཏྠསཉྷིཏེ སེཏུགྷཱཏོ ཏཐཱགཏཱནཾ. དྭཱིཧཱཀཱརེཧི བུདྡྷཱ ¶ བྷགཝནྟོ བྷིཀྑཱུ པཊིཔུཙྪནྟི – དྷམྨཾ ཝཱ དེསེསྶཱམ, སཱཝཀཱནཾ ཝཱ སིཀྑཱཔདཾ པཉྙཔེསྶཱམཱཏི.

ཨཐ ཁོ བྷགཝཱ ཝགྒུམུདཱཏཱིརིཡེ བྷིཀྑཱུ ཨེཏདཝོཙ – ‘‘ཡཐཱ ཀཐཾ པན ཏུམྷེ, བྷིཀྑཝེ, སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསིཏྠ, ན ཙ པིཎྜཀེན ཀིལམིཏྠཱ’’ཏི? ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘ཀཙྩི པན ཝོ, བྷིཀྑཝེ, བྷཱུཏ’’ནྟི? ‘‘བྷཱུཏཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, བྷིཀྑཝེ, ཨུདརསྶ ཀཱརཎཱ གིཧཱིནཾ ཨཉྙམཉྙསྶ ཨུཏྟརིམནུསྶདྷམྨསྶ ཝཎྞཾ བྷཱསིསྶཐ! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༦༩. ‘‘ཡོ པན བྷིཀྑུ ཨནུཔསམྤནྣསྶ ཨུཏྟརིམནུསྶདྷམྨཾ ཨཱརོཙེཡྻ བྷཱུཏསྨིཾ, པཱཙིཏྟིཡ’’ནྟི.

༧༠. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨནུཔསམྤནྣོ ནཱམ བྷིཀྑུཉྩ བྷིཀྑུནིཉྩ ཋཔེཏྭཱ, ཨཝསེསོ ཨནུཔསམྤནྣོ ནཱམ.

[པཱརཱ. ༡༩༨] ཨུཏྟརིམནུསྶདྷམྨོ ནཱམ ཛྷཱནཾ, ཝིམོཀྑོ, སམཱདྷི, སམཱཔཏྟི, ཉཱཎདསྶནཾ, མགྒབྷཱཝནཱ, ཕལསཙྪིཀིརིཡཱ, ཀིལེསཔྤཧཱནཾ, ཝིནཱིཝརཎཏཱ ཙིཏྟསྶ, སུཉྙཱགཱརེ ཨབྷིརཏི.

[པཱརཱ. ༡༩༩] ཛྷཱནནྟི ¶ པཋམཾ ཛྷཱནཾ, དུཏིཡཾ ཛྷཱནཾ, ཏཏིཡཾ ཛྷཱནཾ, ཙཏུཏྠཾ ཛྷཱནཾ.

[པཱརཱ. ༡༩༩] ཝིམོཀྑོཏི སུཉྙཏོ ཝིམོཀྑོ, ཨནིམིཏྟོ ཝིམོཀྑོ, ཨཔྤཎིཧིཏོ ཝིམོཀྑོ.

[པཱརཱ. ༡༩༩] སམཱདྷཱིཏི སུཉྙཏོ སམཱདྷི, ཨནིམིཏྟོ སམཱདྷི, ཨཔྤཎིཧིཏོ ¶ སམཱདྷི.

[པཱརཱ. ༡༩༩] སམཱཔཏྟཱིཏི སུཉྙཏཱ སམཱཔཏྟི, ཨནིམིཏྟཱ སམཱཔཏྟི, ཨཔྤཎིཧིཏཱ སམཱཔཏྟི.

[པཱརཱ. ༡༩༩] ཉཱཎདསྶནནྟི ¶ ¶ ཏིསྶོ ཝིཛྫཱ.

[པཱརཱ. ༡༩༩] མགྒབྷཱཝནཱཏི ཙཏྟཱརོ སཏིཔཊྛཱནཱ, ཙཏྟཱརོ སམྨཔྤདྷཱནཱ, ཙཏྟཱརོ ཨིདྡྷིཔཱདཱ, པཉྩིནྡྲིཡཱནི, པཉྩ བལཱནི, སཏྟ བོཛ྄ཛྷངྒཱ, ཨརིཡོ ཨཊྛངྒིཀོ མགྒོ.

[པཱརཱ. ༡༩༩] ཕལསཙྪིཀིརིཡཱཏི སོཏཱཔཏྟིཕལསྶ སཙྪིཀིརིཡཱ, སཀདཱགཱམིཕལསྶ སཙྪིཀིརིཡཱ, ཨནཱགཱམིཕལསྶ སཙྪིཀིརིཡཱ, ཨརཧཏྟསྶ [ཨརཧཏྟཕལསྶ (སྱཱ.)] སཙྪིཀིརིཡཱ.

[པཱརཱ. ༡༩༩] ཀིལེསཔྤཧཱནནྟི རཱགསྶ པཧཱནཾ, དོསསྶ པཧཱནཾ, མོཧསྶ པཧཱནཾ.

[པཱརཱ. ༡༩༩] ཝིནཱིཝརཎཏཱ ཙིཏྟསྶཱཏི རཱགཱ ཙིཏྟཾ ཝིནཱིཝརཎཏཱ, དོསཱ ཙིཏྟཾ ཝིནཱིཝརཎཏཱ, མོཧཱ ཙིཏྟཾ ཝིནཱིཝརཎཏཱ.

[པཱརཱ. ༡༩༩] སུཉྙཱགཱརེ ཨབྷིརཏཱིཏི པཋམེན ཛྷཱནེན སུཉྙཱགཱརེ ཨབྷིརཏི, དུཏིཡེན ཛྷཱནེན སུཉྙཱགཱརེ ཨབྷིརཏི, ཏཏིཡེན ཛྷཱནེན སུཉྙཱགཱརེ ཨབྷིརཏི, ཙཏུཏྠེན ཛྷཱནེན སུཉྙཱགཱརེ ཨབྷིརཏི.

༧༡. ཨཱརོཙེཡྻཱཏི ཨནུཔསམྤནྣསྶ – ‘‘པཋམཾ ཛྷཱནཾ སམཱཔཛྫི’’ནྟི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘པཋམཾ ཛྷཱནཾ སམཱཔཛྫཱམཱི’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘པཋམཾ ཛྷཱནཾ སམཱཔནྣོ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ¶ ཨནུཔསམྤནྣསྶ – ‘‘པཋམསྶ ཛྷཱནསྶ ལཱབྷིམྷཱི’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ¶ ཨནུཔསམྤནྣསྶ – ‘‘པཋམསྶ ཛྷཱནསྶ ཝསིམྷཱི’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘པཋམཾ ¶ ཛྷཱནཾ སཙྪིཀཏཾ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘དུཏིཡཾ ཛྷཱནཾ… ཏཏིཡཾ ཛྷཱནཾ… ཙཏུཏྠཾ ཛྷཱནཾ སམཱཔཛྫིཾ, སམཱཔཛྫཱམི, སམཱཔནྣོ; ཙཏུཏྠསྶ ཛྷཱནསྶ ལཱབྷིམྷི, ཝསིམྷི; ཙཏུཏྠཾ ཛྷཱནཾ སཙྪིཀཏཾ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘སུཉྙཏཾ ཝིམོཀྑཾ… ཨནིམིཏྟཾ ཝིམོཀྑཾ… ཨཔྤཎིཧིཏཾ ཝིམོཀྑཾ… སུཉྙཏཾ སམཱདྷིཾ… ཨནིམིཏྟཾ སམཱདྷིཾ… ཨཔྤཎིཧིཏཾ སམཱདྷིཾ སམཱཔཛྫིཾ, སམཱཔཛྫཱམི, སམཱཔནྣོ; ཨཔྤཎིཧིཏསྶ སམཱདྷིསྶ ལཱབྷིམྷི, ཝསིམྷི; ཨཔྤཎིཧིཏོ སམཱདྷི སཙྪིཀཏོ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘སུཉྙཏཾ སམཱཔཏྟིཾ… ཨནིམིཏྟཾ སམཱཔཏྟིཾ… ཨཔྤཎིཧིཏཾ སམཱཔཏྟིཾ སམཱཔཛྫིཾ, སམཱཔཛྫཱམི, སམཱཔནྣོ; ཨཔྤཎིཧིཏཱཡ སམཱཔཏྟིཡཱ ལཱབྷིམྷི, ཝསིམྷི; ཨཔྤཎིཧིཏཱ སམཱཔཏྟི སཙྪིཀཏཱ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘ཏིསྶོ ཝིཛྫཱ སམཱཔཛྫིཾ, སམཱཔཛྫཱམི, སམཱཔནྣོ; ཏིསྶནྣཾ ཝིཛྫཱནཾ ལཱབྷིམྷི, ཝསིམྷི; ཏིསྶོ ཝིཛྫཱ སཙྪིཀཏཱ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘ཙཏྟཱརོ ¶ སཏིཔཊྛཱནེ… ཙཏྟཱརོ སམྨཔྤདྷཱནེ… ཙཏྟཱརོ ཨིདྡྷིཔཱདེ སམཱཔཛྫིཾ, སམཱཔཛྫཱམི, སམཱཔནྣོ; ཙཏུནྣཾ ཨིདྡྷིཔཱདཱནཾ ལཱབྷིམྷི, ཝསིམྷི; ཙཏྟཱརོ ཨིདྡྷིཔཱདཱ ¶ སཙྪིཀཏཱ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘པཉྩིནྡྲིཡཱནི… པཉྩ བལཱནི སམཱཔཛྫིཾ, སམཱཔཛྫཱམི ¶ , སམཱཔནྣོ; པཉྩནྣཾ བལཱནཾ ལཱབྷིམྷི, ཝསིམྷི; པཉྩ བལཱནི སཙྪིཀཏཱནི མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ¶ ཨནུཔསམྤནྣསྶ – ‘‘སཏྟ བོཛ྄ཛྷངྒེ སམཱཔཛྫིཾ, སམཱཔཛྫཱམི, སམཱཔནྣོ; སཏྟནྣཾ བོཛ྄ཛྷངྒཱནཾ ལཱབྷིམྷི, ཝསིམྷི; སཏྟ བོཛ྄ཛྷངྒཱ སཙྪིཀཏཱ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘ཨརིཡཾ ཨཊྛངྒིཀཾ མགྒཾ སམཱཔཛྫིཾ, སམཱཔཛྫཱམི, སམཱཔནྣོ; ཨརིཡསྶ ཨཊྛངྒིཀསྶ མགྒསྶ ལཱབྷིམྷི, ཝསིམྷི; ཨརིཡོ ཨཊྛངྒིཀོ མགྒོ སཙྪིཀཏོ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘སོཏཱཔཏྟིཕལཾ… སཀདཱགཱམིཕལཾ… ཨནཱགཱམིཕལཾ… ཨརཧཏྟཾ སམཱཔཛྫིཾ, སམཱཔཛྫཱམི, སམཱཔནྣོ; ཨརཧཏྟསྶ ལཱབྷིམྷི, ཝསིམྷི; ཨརཧཏྟཾ [ཨརཧཏྟཕལཾ (སྱཱ.)] སཙྪིཀཏཾ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘རཱགོ མེ ཙཏྟོ… དོསོ མེ ཙཏྟོ… མོཧོ མེ ཙཏྟོ, ཝནྟོ, མུཏྟོ, པཧཱིནོ, པཊིནིསྶཊྛོ, ཨུཀྑེཊིཏོ ¶ , སམུཀྑེཊིཏོ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘རཱགཱ མེ ཙིཏྟཾ ཝིནཱིཝརཎཾ… དོསཱ མེ ཙིཏྟ ཝིནཱིཝརཎཾ… མོཧཱ མེ ཙིཏྟཾ ཝིནཱིཝརཎ’’ནྟི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘སུཉྙཱགཱརེ པཋམཾ ཛྷཱནཾ… དུཏིཡཾ ཛྷཱནཾ… ཏཏིཡཾ ཛྷཱནཾ… ཙཏུཏྠཾ ཛྷཱནཾ སམཱཔཛྫིཾ, སམཱཔཛྫཱམི, སམཱཔནྣོ; སུཉྙཱགཱརེ ཙཏུཏྠསྶ ཛྷཱནསྶ ལཱབྷིམྷི, ཝསིམྷི; སུཉྙཱགཱརེ ཙཏུཏྠཾ ཛྷཱནཾ སཙྪིཀཏཾ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

༧༢. ཨཱརོཙེཡྻཱཏི ཨནུཔསམྤནྣསྶ – ‘‘པཋམཉྩ ཛྷཱནཾ དུཏིཡཉྩ ཛྷཱནཾ སམཱཔཛྫིཾ, སམཱཔཛྫཱམི, སམཱཔནྣོ; པཋམསྶ ཙ ཛྷཱནསྶ དུཏིཡསྶ ཙ ཛྷཱནསྶ ལཱབྷིམྷི, ཝསིམྷི; པཋམཉྩ ཛྷཱནཾ དུཏིཡཉྩ ཛྷཱནཾ སཙྪིཀཏཾ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ¶ ཨནུཔསམྤནྣསྶ – ‘‘པཋམཉྩ ཛྷཱནཾ ཏཏིཡཉྩ ཛྷཱནཾ… པཋམཉྩ ཛྷཱནཾ ཙཏུཏྠཉྩ ཛྷཱནཾ སམཱཔཛྫིཾ, སམཱཔཛྫཱམི, སམཱཔནྣོ; པཋམསྶ ཙ ཛྷཱནསྶ ཙཏུཏྠསྶ ཙ ཛྷཱནསྶ ལཱབྷིམྷི, ཝསིམྷི; པཋམཉྩ ཛྷཱནཾ ཙཏུཏྠཉྩ ཛྷཱནཾ སཙྪིཀཏཾ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ¶ ཨནུཔསམྤནྣསྶ – ‘‘པཋམཉྩ ཛྷཱནཾ སུཉྙཏཉྩ ཝིམོཀྑཾ… ཨནིམིཏྟཉྩ ཝིམོཀྑཾ… ཨཔྤཎིཧིཏཉྩ ཝིམོཀྑཾ… སུཉྙཏཉྩ ¶ སམཱདྷིཾ… ཨནིམིཏྟཉྩ སམཱདྷིཾ… ཨཔྤཎིཧིཏཉྩ སམཱདྷིཾ སམཱཔཛྫིཾ, སམཱཔཛྫཱམི, སམཱཔནྣོ; པཋམསྶ ཙ ཛྷཱནསྶ ཨཔྤཎིཧིཏསྶ ཙ སམཱདྷིསྶ ལཱབྷིམྷི, ཝསིམྷི; པཋམཉྩ ཛྷཱནཾ ཨཔྤཎིཧིཏོ ཙ སམཱདྷི སཙྪིཀཏོ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘པཋམཉྩ ཛྷཱནཾ སུཉྙཏཉྩ སམཱཔཏྟིཾ… ཨནིམིཏྟཉྩ སམཱཔཏྟིཾ… ཨཔྤཎིཧིཏཉྩ སམཱཔཏྟིཾ སམཱཔཛྫིཾ, སམཱཔཛྫཱམི, སམཱཔནྣོ; པཋམསྶ ཙ ཛྷཱནསྶ ཨཔྤཎིཧིཏཱཡ ཙ སམཱཔཏྟིཡཱ ལཱབྷིམྷི, ཝསིམྷི; པཋམཉྩ ཛྷཱནཾ ཨཔྤཎིཧིཏཱ ཙ སམཱཔཏྟི སཙྪིཀཏཱ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘པཋམཉྩ ཛྷཱནཾ ཏིསྶོ ཙ ཝིཛྫཱ སམཱཔཛྫིཾ, སམཱཔཛྫཱམི, སམཱཔནྣོ; པཋམསྶ ཙ ཛྷཱནསྶ ཏིསྶནྣཉྩ ཝིཛྫཱནཾ ལཱབྷིམྷི, ཝསིམྷི; པཋམཉྩ ཛྷཱནཾ ཏིསྶོ ཙ ཝིཛྫཱ སཙྪིཀཏཱ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘པཋམཉྩ ¶ ཛྷཱནཾ ཙཏྟཱརོ ཙ སཏིཔཊྛཱནེ…པེ… ཙཏྟཱརོ ཙ སམྨཔྤདྷཱནེ… ཙཏྟཱརོ ཙ ཨིདྡྷིཔཱདེ སམཱཔཛྫིཾ, སམཱཔཛྫཱམི, སམཱཔནྣོ; པཋམསྶ ཙ ཛྷཱནསྶ ཙཏུནྣཉྩ ཨིདྡྷིཔཱདཱནཾ ལཱབྷིམྷི, ཝསིམྷི; པཋམཉྩ ཛྷཱནཾ ཙཏྟཱརོ ཙ ཨིདྡྷིཔཱདཱ སཙྪིཀཏཱ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ¶ ཨནུཔསམྤནྣསྶ – ‘‘པཋམཉྩ ཛྷཱནཾ, པཉྩ ཙ ཨིནྡྲིཡཱནི… པཉྩ ཙ བལཱནི སམཱཔཛྫིཾ, སམཱཔཛྫཱམི, སམཱཔནྣོ; པཋམསྶ ཙ ཛྷཱནསྶ པཉྩནྣཉྩ བལཱནཾ ལཱབྷིམྷི, ཝསིམྷི; པཋམཉྩ ཛྷཱནཾ པཉྩ ཙ བལཱནི སཙྪིཀཏཱནི མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ¶ ཨནུཔསམྤནྣསྶ – ‘‘པཋམཉྩ ཛྷཱནཾ སཏྟ ཙ བོཛ྄ཛྷངྒེ སམཱཔཛྫིཾ, སམཱཔཛྫཱམི, སམཱཔནྣོ; པཋམསྶ ཙ ཛྷཱནསྶ སཏྟནྣཉྩ བོཛ྄ཛྷངྒཱནཾ ལཱབྷིམྷི, ཝསིམྷི; པཋམཉྩ ཛྷཱནཾ སཏྟ ཙ བོཛ྄ཛྷངྒཱ སཙྪིཀཏཱ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘པཋམཉྩ ཛྷཱནཾ ཨརིཡཉྩ ཨཊྛངྒིཀཾ མགྒཾ སམཱཔཛྫིཾ, སམཱཔཛྫཱམི, སམཱཔནྣོ; པཋམསྶ ཙ ཛྷཱནསྶ ཨརིཡསྶ ཙ ཨཊྛངྒིཀསྶ ¶ མགྒསྶ ལཱབྷིམྷི, ཝསིམྷི; པཋམཉྩ ཛྷཱནཾ ཨརིཡོ ཙ ཨཊྛངྒིཀོ མགྒོ སཙྪིཀཏོ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘པཋམཉྩ ཛྷཱནཾ སོཏཱཔཏྟིཕལཉྩ… སཀདཱགཱམིཕལཉྩ… ཨནཱགཱམིཕལཉྩ… ཨརཧཏྟཉྩ [ཨརཧཏྟཕལཉྩ (སྱཱ.)] སམཱཔཛྫིཾ, སམཱཔཛྫཱམི, སམཱཔནྣོ; པཋམསྶ ཙ ཛྷཱནསྶ ཨརཧཏྟསྶ [ཨརཧཏྟཕལསྶ (སྱཱ.)] ཙ ལཱབྷིམྷི, ཝསིམྷི; པཋམཉྩ ཛྷཱནཾ ཨརཧཏྟཉྩ སཙྪིཀཏཾ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ¶ ཨནུཔསམྤནྣསྶ – ‘‘པཋམཉྩ ཛྷཱནཾ སམཱཔཛྫིཾ, སམཱཔཛྫཱམི, སམཱཔནྣོ… རཱགོ ཙ མེ ཙཏྟོ… དོསོ ཙ མེ ཙཏྟོ… མོཧོ ཙ མེ ཙཏྟོ, ཝནྟོ, མུཏྟོ, པཧཱིནོ, པཊིནིསྶཊྛོ, ཨུཀྑེཊིཏོ, སམུཀྑེཊིཏོ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘པཋམཉྩ ཛྷཱནཾ སམཱཔཛྫིཾ, སམཱཔཛྫཱམི, སམཱཔནྣོ… རཱགཱ ཙ མེ ཙིཏྟཾ ཝིནཱིཝརཎཾ… དོསཱ ཙ མེ ཙིཏྟཾ ཝིནཱིཝརཎཾ… མོཧཱ ཙ མེ ཙིཏྟཾ ཝིནཱིཝརཎ’’ནྟི བྷཎནྟསྶ ཨཱཔཏྟི པཱཙིཏྟིཡསྶ.

༧༣. ཨཱརོཙེཡྻཱཏི ཨནུཔསམྤནྣསྶ – ‘‘དུཏིཡཉྩ ཛྷཱནཾ ཏཏིཡཉྩ ཛྷཱནཾ… དུཏིཡཉྩ ཛྷཱནཾ ཙཏུཏྠཉྩ ཛྷཱནཾ སམཱཔཛྫིཾ, སམཱཔཛྫཱམི, སམཱཔནྣོ; དུཏིཡསྶ ཙ ཛྷཱནསྶ ཙཏུཏྠསྶ ཙ ཛྷཱནསྶ ལཱབྷིམྷི, ཝསིམྷི; དུཏིཡཉྩ ཛྷཱནཾ ཙཏུཏྠཉྩ ཛྷཱནཾ སཙྪིཀཏཾ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ཨནུཔསམྤནྣསྶ – ‘‘དུཏིཡཉྩ ཛྷཱནཾ སུཉྙཏཉྩ ཝིམོཀྑཾ…པེ… མོཧཱ ཙ མེ ཙིཏྟཾ ཝིནཱིཝརཎ’’ནྟི བྷཎནྟསྶ ཨཱཔཏྟི པཱཙིཏྟིཡསྶ.

ཨཱརོཙེཡྻཱཏི ¶ ཨནུཔསམྤནྣསྶ – ‘‘དུཏིཡཉྩ ཛྷཱནཾ པཋམཉྩ ཛྷཱནཾ སམཱཔཛྫིཾ, སམཱཔཛྫཱམི, སམཱཔནྣོ; དུཏིཡསྶ ཙ ཛྷཱནསྶ པཋམསྶ ཙ ཛྷཱནསྶ ལཱབྷིམྷི, ཝསིམྷི; དུཏིཡཉྩ ཛྷཱནཾ པཋམཉྩ ཛྷཱནཾ སཙྪིཀཏཾ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ…པེ….

མཱུལཾ སཾཁིཏྟཾ.

ཨཱརོཙེཡྻཱཏི ཨནུཔསམྤནྣསྶ – ‘‘མོཧཱ ཙ མེ ཙིཏྟཾ ཝིནཱིཝརཎཾ, པཋམཉྩ ཛྷཱནཾ ¶ སམཱཔཛྫིཾ, སམཱཔཛྫཱམི, སམཱཔནྣོ; མོཧཱ ཙ མེ ཙིཏྟཾ ཝིནཱིཝརཎཾ, པཋམསྶ ¶ ཙ ཛྷཱནསྶ ལཱབྷིམྷི, ཝསིམྷི; མོཧཱ ཙ མེ ཙིཏྟཾ ཝིནཱིཝརཎཾ, པཋམཉྩ ཛྷཱནཾ སཙྪིཀཏཾ མཡཱ’’ཏི བྷཎནྟསྶ ཨཱཔཏྟི པཱཙིཏྟིཡསྶ…པེ….

ཨཱརོཙེཡྻཱཏི ཨནུཔསམྤནྣསྶ – ‘‘མོཧཱ ཙ མེ ཙིཏྟཾ ཝིནཱིཝརཎཾ, དོསཱ ཙ མེ ཙིཏྟཾ ཝིནཱིཝརཎ’’ནྟི བྷཎནྟསྶ ཨཱཔཏྟི པཱཙིཏྟིཡསྶ…པེ….

ཨཱརོཙེཡྻཱཏི ཨནུཔསམྤནྣསྶ – ‘‘པཋམཉྩ ཛྷཱནཾ དུཏིཡཉྩ ཛྷཱནཾ ཏཏིཡཉྩ ཛྷཱནཾ ཙཏུཏྠཉྩ ཛྷཱནཾ སུཉྙཏཉྩ ཝིམོཀྑཾ ཨནིམིཏྟཉྩ ཝིམོཀྑཾ ཨཔྤཎིཧིཏཉྩ ཝིམོཀྑཾ སུཉྙཏཉྩ སམཱདྷིཾ ཨནིམིཏྟཉྩ སམཱདྷིཾ ཨཔྤཎིཧིཏཉྩ སམཱདྷིཾ སུཉྙཏཉྩ སམཱཔཏྟིཾ ཨནིམིཏྟཉྩ སམཱཔཏྟིཾ ཨཔྤཎིཧིཏཉྩ སམཱཔཏྟིཾ ཏིསྶོ ཙ ཝིཛྫཱ ཙཏྟཱརོ ཙ སཏིཔཊྛཱནེ ཙཏྟཱརོ ཙ སམྨཔྤདྷཱནེ ཙཏྟཱརོ ཙ ཨིདྡྷིཔཱདེ པཉྩ ཙ ཨིནྡྲིཡཱནི པཉྩ ཙ བལཱནི སཏྟ ཙ བོཛ྄ཛྷངྒེ ཨརིཡཉྩ ཨཊྛངྒིཀཾ མགྒཾ སོཏཱཔཏྟིཕལཉྩ ¶ སཀདཱགཱམིཕལཉྩ ཨནཱགཱམིཕལཉྩ ཨརཧཏྟཉྩ [ཨརཧཏྟཕལཉྩ (སྱཱ.)] སམཱཔཛྫིཾ…པེ… རཱགོ ཙ མེ ཙཏྟོ, དོསོ ཙ མེ ཙཏྟོ, མོཧོ ཙ མེ ཙཏྟོ, ཝནྟོ, མུཏྟོ, པཧཱིནོ, པཊིནིསྶཊྛོ, ཨུཀྑེཊིཏོ སམུཀྑེཊིཏོ, རཱགཱ ཙ མེ ཙིཏྟཾ ཝིནཱིཝརཎཾ, དོསཱ ཙ མེ ཙིཏྟཾ ཝིནཱིཝརཎཾ, མོཧཱ ཙ མེ ཙིཏྟཾ ཝིནཱིཝརཎ’’ནྟི བྷཎནྟསྶ ཨཱཔཏྟི པཱཙིཏྟིཡསྶ.

༧༤. ཨཱརོཙེཡྻཱཏི ཨནུཔསམྤནྣསྶ – ‘‘པཋམཾ ཛྷཱནཾ སམཱཔཛྫི’’ནྟི ¶ ཝཏྟུཀཱམོ ‘‘དུཏིཡཾ ཛྷཱནཾ སམཱཔཛྫི’’ནྟི བྷཎནྟསྶ པཊིཝིཛཱནནྟསྶ ཨཱཔཏྟི པཱཙིཏྟིཡསྶ, ན པཊིཝིཛཱནནྟསྶ ཨཱཔཏྟི དུཀྐཊསྶ.

ཨཱརོཙེཡྻཱཏི ¶ ཨནུཔསམྤནྣསྶ – ‘‘པཋམཾ ཛྷཱནཾ སམཱཔཛྫི’’ནྟི ཝཏྟུཀཱམོ ‘‘ཏཏིཡཾ ཛྷཱནཾ…པེ… ཙཏུཏྠཾ ཛྷཱནཾ, སུཉྙཏཾ ཝིམོཀྑཾ, ཨནིམིཏྟཾ ཝིམོཀྑཾ, ཨཔྤཎིཧིཏཾ ཝིམོཀྑཾ, སུཉྙཏཾ སམཱདྷིཾ, ཨནིམིཏྟཾ སམཱདྷིཾ, ཨཔྤཎིཧིཏཾ སམཱདྷིཾ, སུཉྙཏཾ སམཱཔཏྟིཾ, ཨནིམིཏྟཾ སམཱཔཏྟིཾ, ཨཔྤཎིཧིཏཾ སམཱཔཏྟིཾ, ཏིསྶོ ཝིཛྫཱ, ཙཏྟཱརོ སཏིཔཊྛཱནེ, ཙཏྟཱརོ སམྨཔྤདྷཱནེ, ཙཏྟཱརོ ཨིདྡྷིཔཱདེ, པཉྩིནྡྲིཡཱནི, པཉྩ བལཱནི, སཏྟ བོཛ྄ཛྷངྒེ, ཨརིཡཾ ཨཊྛངྒིཀཾ མགྒཾ, སོཏཱཔཏྟིཕལཾ, སཀདཱགཱམིཕལཾ, ཨནཱགཱམིཕལཾ, ཨརཧཏྟཾ [ཨརཧཏྟཕལཾ (སྱཱ.)] སམཱཔཛྫིཾ…པེ… རཱགོ མེ ཙཏྟོ, དོསོ མེ ཙཏྟོ, མོཧོ མེ ཙཏྟོ, ཝནྟོ, མུཏྟོ, པཧཱིནོ; པཊིནིསྶཊྛོ, ཨུཀྑེཊིཏོ, སམུཀྑེཊིཏོ; རཱགཱ མེ ཙིཏྟཾ ཝིནཱིཝརཎཾ, དོསཱ མེ ཙིཏྟཾ ཝིནཱིཝརཎཾ, མོཧཱ མེ ཙིཏྟཾ ཝིནཱིཝརཎ’’ནྟི བྷཎནྟསྶ པཊིཝིཛཱནནྟསྶ ཨཱཔཏྟི པཱཙིཏྟིཡསྶ, ན པཊིཝིཛཱནནྟསྶ ཨཱཔཏྟི དུཀྐཊསྶ.

ཨཱརོཙེཡྻཱཏི ¶ ཨནུཔསམྤནྣསྶ – ‘‘དུཏིཡཾ ཛྷཱནཾ སམཱཔཛྫི’’ནྟི ཝཏྟུཀཱམོ…པེ… ‘‘མོཧཱ མེ ཙིཏྟཾ ཝིནཱིཝརཎ’’ནྟི བྷཎནྟསྶ པཊིཝིཛཱནནྟསྶ ཨཱཔཏྟི པཱཙིཏྟིཡསྶ, ན པཊིཝིཛཱནནྟསྶ ཨཱཔཏྟི དུཀྐཊསྶ…པེ….

ཨཱརོཙེཡྻཱཏི ཨནུཔསམྤནྣསྶ – ‘‘དུཏིཡཾ ཛྷཱནཾ སམཱཔཛྫི’’ནྟི ཝཏྟུཀཱམོ – ‘‘པཋམཾ ཛྷཱནཾ སམཱཔཛྫི’’ནྟི བྷཎནྟསྶ ¶ པཊིཝིཛཱནནྟསྶ ཨཱཔཏྟི པཱཙིཏྟིཡསྶ, ན པཊིཝིཛཱནནྟསྶ ཨཱཔཏྟི དུཀྐཊསྶ…པེ….

མཱུལཾ སཾཁིཏྟཾ.

ཨཱརོཙེཡྻཱཏི ཨནུཔསམྤནྣསྶ – ‘‘མོཧཱ མེ ཙིཏྟཾ ཝིནཱིཝརཎ’’ནྟི ཝཏྟུཀཱམོ – ‘‘པཋམཾ ཛྷཱནཾ སམཱཔཛྫི’’ནྟི བྷཎནྟསྶ པཊིཝིཛཱནནྟསྶ ཨཱཔཏྟི པཱཙིཏྟིཡསྶ, ན པཊིཝིཛཱནནྟསྶ ཨཱཔཏྟི དུཀྐཊསྶ…པེ….

ཨཱརོཙེཡྻཱཏི ཨནུཔསམྤནྣསྶ – ‘‘མོཧཱ མེ ཙིཏྟཾ ཝིནཱིཝརཎ’’ནྟི ཝཏྟུཀཱམོ – ‘‘དོསཱ མེ ཙིཏྟཾ ཝིནཱིཝརཎ’’ནྟི བྷཎནྟསྶ པཊིཝིཛཱནནྟསྶ ཨཱཔཏྟི པཱཙིཏྟིཡསྶ, ན པཊིཝིཛཱནནྟསྶ ཨཱཔཏྟི དུཀྐཊསྶ…པེ….

ཨཱརོཙེཡྻཱཏི ཨནུཔསམྤནྣསྶ – ‘‘པཋམཉྩ ཛྷཱནཾ དུཏིཡཉྩ ཛྷཱནཾ ཏཏིཡཉྩ ཛྷཱནཾ ཙཏུཏྠཉྩ ཛྷཱནཾ ¶ …པེ… དོསཱ ཙ མེ ཙིཏྟཾ ཝིནཱིཝརཎ’’ནྟི ཝཏྟུཀཱམོ – ‘‘མོཧཱ མེ ཙིཏྟཾ ཝིནཱིཝརཎ’’ནྟི བྷཎནྟསྶ པཊིཝིཛཱནནྟསྶ ཨཱཔཏྟི པཱཙིཏྟིཡསྶ, ན པཊིཝིཛཱནནྟསྶ ཨཱཔཏྟི དུཀྐཊསྶ.

ཨཱརོཙེཡྻཱཏི ཨནུཔསམྤནྣསྶ – ‘‘དུཏིཡཉྩ ཛྷཱནཾ ཏཏིཡཉྩ ཛྷཱནཾ ཙཏུཏྠཉྩ ཛྷཱནཾ…པེ… མོཧཱ ཙ མེ ཙིཏྟཾ ཝིནཱིཝརཎ’’ནྟི ཝཏྟུཀཱམོ – ‘‘པཋམཾ ཛྷཱནཾ སམཱཔཛྫི’’ནྟི བྷཎནྟསྶ པཊིཝིཛཱནནྟསྶ ཨཱཔཏྟི པཱཙིཏྟིཡསྶ, ན པཊིཝིཛཱནནྟསྶ ཨཱཔཏྟི དུཀྐཊསྶ…པེ….

༧༥. ཨཱརོཙེཡྻཱཏི ཨནུཔསམྤནྣསྶ – ‘‘ཡོ ཏེ ཝིཧཱརེ ཝསི སོ བྷིཀྑུ པཋམཾ ཛྷཱནཾ སམཱཔཛྫི, སམཱཔཛྫཏི, སམཱཔནྣོ; སོ བྷིཀྑུ ¶ པཋམསྶ ཛྷཱནསྶ ལཱབྷཱི, ཝསཱི; ཏེན བྷིཀྑུནཱ པཋམཾ ཛྷཱནཾ སཙྪིཀཏ’’ནྟི བྷཎནྟསྶ ཨཱཔཏྟི དུཀྐཊསྶ.

ཨཱརོཙེཡྻཱཏི ཨནུཔསམྤནྣསྶ – ‘‘ཡོ ཏེ ཝིཧཱརེ ཝསི སོ བྷིཀྑུ དུཏིཡཾ ཛྷཱནཾ…པེ… ཏཏིཡཾ ཛྷཱནཾ ཙཏུཏྠཾ ཛྷཱནཾ སམཱཔཛྫི, སམཱཔཛྫཏི, སམཱཔནྣོ; སོ བྷིཀྑུ ཙཏུཏྠསྶ ཛྷཱནསྶ ལཱབྷཱི, ཝསཱི; ཏེན བྷིཀྑུནཱ ཙཏུཏྠཾ ཛྷཱནཾ སཙྪིཀཏ’’ནྟི བྷཎནྟསྶ ཨཱཔཏྟི དུཀྐཊསྶ.

ཨཱརོཙེཡྻཱཏི ¶ ཨནུཔསམྤནྣསྶ – ‘‘ཡོ ཏེ ཝིཧཱརེ ཝསི སོ བྷིཀྑུ སུཉྙཏཾ ཝིམོཀྑཾ…པེ… ཨནིམིཏྟཾ ཝིམོཀྑཾ ཨཔྤཎིཧིཏཾ ཝིམོཀྑཾ སུཉྙཏཾ སམཱདྷིཾ ཨནིམིཏྟཾ སམཱདྷིཾ ཨཔྤཎིཧིཏཾ སམཱདྷིཾ སམཱཔཛྫི, སམཱཔཛྫཏི, སམཱཔནྣོ; སོ བྷིཀྑུ ཨཔྤཎིཧིཏསྶ སམཱདྷིསྶ ལཱབྷཱི, ཝསཱི; ཏེན བྷིཀྑུནཱ ཨཔྤཎིཧིཏོ སམཱདྷི སཙྪིཀཏོ’’ཏི བྷཎནྟསྶ ཨཱཔཏྟི དུཀྐཊསྶ.

ཨཱརོཙེཡྻཱཏི ཨནུཔསམྤནྣསྶ – ‘‘ཡོ ཏེ ཝིཧཱརེ ཝསི སོ བྷིཀྑུ སུཉྙཏཾ སམཱཔཏྟིཾ…པེ… ཨནིམིཏྟཾ སམཱཔཏྟིཾ ཨཔྤཎིཧིཏཾ སམཱཔཏྟིཾ སམཱཔཛྫི, སམཱཔཛྫཏི, སམཱཔནྣོ; ཨཔྤཎིཧིཏཱཡ སམཱཔཏྟིཡཱ ལཱབྷཱི, ཝསཱི; ཏེན བྷིཀྑུནཱ ཨཔྤཎིཧིཏཱ སམཱཔཏྟི སཙྪིཀཏཱ’’ཏི བྷཎནྟསྶ ཨཱཔཏྟི དུཀྐཊསྶ.

ཨཱརོཙེཡྻཱཏི ཨནུཔསམྤནྣསྶ – ‘‘ཡོ ཏེ ཝིཧཱརེ ཝསི སོ བྷིཀྑུ ཏིསྶོ ཝིཛྫཱ ¶ …པེ… ཙཏྟཱརོ སཏིཔཊྛཱནེ, ཙཏྟཱརོ སམྨཔྤདྷཱནེ, ཙཏྟཱརོ ཨིདྡྷིཔཱདེ, པཉྩིནྡྲིཡཱནི, པཉྩ བལཱནི, སཏྟ བོཛྷངྒེ, ཨརིཡཾ ཨཊྛངྒིཀཾ མགྒཾ, སོཏཱཔཏྟིཕལཾ, སཀདཱགཱམིཕལཾ, ཨནཱགཱམིཕལཾ, ཨརཧཏྟཾ [ཨརཧཏྟཕལཾ (སྱཱ.)] སམཱཔཛྫི…པེ… སམཱཔཛྫཏི, སམཱཔནྣོ…པེ… ཏསྶ བྷིཀྑུནོ རཱགོ ཙཏྟོ, དོསོ ཙཏྟོ, མོཧོ ¶ ཙཏྟོ, ཝནྟོ, མུཏྟོ, པཧཱིནོ, པཊིནིསྶཊྛོ, ཨུཀྑེཊིཏོ, སམུཀྑེཊིཏོ; ཏསྶ བྷིཀྑུནོ རཱགཱ ཙིཏྟཾ ཝིནཱིཝརཎཾ, དོསཱ ཙིཏྟཾ ཝིནཱིཝརཎཾ, མོཧཱ ཙིཏྟཾ ཝིནཱིཝརཎ’’ནྟི བྷཎནྟསྶ ཨཱཔཏྟི དུཀྐཊསྶ.

ཨཱརོཙེཡྻཱཏི ¶ ཨནུཔསམྤནྣསྶ – ‘‘ཡོ ཏེ ཝིཧཱརེ ཝསི སོ བྷིཀྑུ སུཉྙཱགཱརེ པཋམཾ ཛྷཱནཾ…པེ… དུཏིཡཾ ཛྷཱནཾ ཏཏིཡཾ ཛྷཱནཾ ཙཏུཏྠཾ ཛྷཱནཾ སམཱཔཛྫི, སམཱཔཛྫཏི, སམཱཔནྣོ; སོ བྷིཀྑུ སུཉྙཱགཱརེ ཙཏུཏྠསྶ ཛྷཱནསྶ ལཱབྷཱི, ཝསཱི; ཏེན བྷིཀྑུནཱ སུཉྙཱགཱརེ ཙཏུཏྠཾ ཛྷཱནཾ སཙྪིཀཏ’’ནྟི བྷཎནྟསྶ ཨཱཔཏྟི དུཀྐཊསྶ.

ཨཱརོཙེཡྻཱཏི ཨནུཔསམྤནྣསྶ – ‘‘ཡོ ཏེ ཙཱིཝརཾ པརིབྷུཉྫི, ཡོ ཏེ པིཎྜཔཱཏཾ པརིབྷུཉྫི, ཡོ ཏེ སེནཱསནཾ པརིབྷུཉྫི, ཡོ ཏེ གིལཱནཔྤཙྩཡབྷེསཛྫཔརིཀྑཱརཾ པརིབྷུཉྫི སོ བྷིཀྑུ སུཉྙཱགཱརེ ཙཏུཏྠཾ ཛྷཱནཾ སམཱཔཛྫི, སམཱཔཛྫཏི, སམཱཔནྣོ; སོ བྷིཀྑུ སུཉྙཱགཱརེ ཙཏུཏྠསྶ ཛྷཱནསྶ ལཱབྷཱི, ཝསཱི; ཏེན བྷིཀྑུནཱ སུཉྙཱགཱརེ ཙཏུཏྠཾ ཛྷཱནཾ སཙྪིཀཏ’’ནྟི བྷཎནྟསྶ ཨཱཔཏྟི དུཀྐཊསྶ.

༧༦. ཨཱརོཙེཡྻཱཏི ¶ ཨནུཔསམྤནྣསྶ – ‘‘ཡེན ཏེ ཝིཧཱརོ པརིབྷུཏྟོ…པེ… ཡེན ཏེ ཙཱིཝརཾ པརིབྷུཏྟཾ, ཡེན ཏེ པིཎྜཔཱཏོ པརིབྷུཏྟོ, ཡེན ཏེ སེནཱསནཾ པརིབྷུཏྟཾ, ཡེན ཏེ གིལཱནཔྤཙྩཡབྷེསཛྫཔརིཀྑཱརོ པརིབྷུཏྟོ སོ བྷིཀྑུ སུཉྙཱགཱརེ ཙཏུཏྠཾ ཛྷཱནཾ སམཱཔཛྫི, སམཱཔཛྫཏི, སམཱཔནྣོ; སོ བྷིཀྑུ སུཉྙཱགཱརེ ཙཏུཏྠསྶ ཛྷཱནསྶ ལཱབྷཱི, ཝསཱི; ཏེན བྷིཀྑུནཱ སུཉྙཱགཱརེ ཙཏུཏྠཾ ཛྷཱནཾ སཙྪིཀཏ’’ནྟི བྷཎནྟསྶ ཨཱཔཏྟི དུཀྐཊསྶ.

ཨཱརོཙེཡྻཱཏི ཨནུཔསམྤནྣསྶ – ‘‘ཡཾ ཏྭཾ ཨཱགམྨ ཝིཧཱརཾ ཨདཱསི…པེ… ཙཱིཝརཾ ཨདཱསི, པིཎྜཔཱཏཾ ཨདཱསི, སེནཱསནཾ ཨདཱསི, གིལཱནཔྤཙྩཡབྷེསཛྫཔརིཀྑཱརཾ ¶ ཨདཱསི སོ བྷིཀྑུ སུཉྙཱགཱརེ ཙཏུཏྠཾ ཛྷཱནཾ སམཱཔཛྫི, སམཱཔཛྫཏི, སམཱཔནྣོ; སོ བྷིཀྑུ སུཉྙཱགཱརེ ཙཏུཏྠསྶ ཛྷཱནསྶ ལཱབྷཱི, ཝསཱི; ཏེན བྷིཀྑུནཱ སུཉྙཱགཱརེ ཙཏུཏྠཾ ཛྷཱནཾ སཙྪིཀཏ’’ནྟི བྷཎནྟསྶ ཨཱཔཏྟི དུཀྐཊསྶ.

༧༧. ཨནཱཔཏྟི ¶ ཨུཔསམྤནྣསྶ, བྷཱུཏཾ ཨཱརོཙེཏི, ཨཱདིཀམྨིཀསྶཱཏི.

བྷཱུཏཱརོཙནསིཀྑཱཔདཾ ནིཊྛིཏཾ ཨཊྛམཾ.

༩. དུཊྛུལླཱརོཙནསིཀྑཱཔདཾ

༧༨. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུཔནནྡོ སཀྱཔུཏྟོ ཚབྦགྒིཡེཧི བྷིཀྑཱུཧི སདྡྷིཾ བྷཎྜནཀཏོ ཧོཏི. སོ སཉྩེཏནིཀཾ སུཀྐཝིསྶཊྛིཾ ཨཱཔཏྟིཾ ཨཱཔཛྫིཏྭཱ སངྒྷཾ ཏསྶཱ ཨཱཔཏྟིཡཱ པརིཝཱསཾ ཡཱཙི. ཏསྶ སངྒྷོ ཏསྶཱ ཨཱཔཏྟིཡཱ པརིཝཱསཾ ཨདཱསི. ཏེན ཁོ པན སམཡེན སཱཝཏྠིཡཾ ཨཉྙཏརསྶ པཱུགསྶ སངྒྷབྷཏྟཾ ཧོཏི. སོ པརིཝསནྟོ བྷཏྟགྒེ ཨཱསནཔརིཡནྟེ ནིསཱིདི. ཚབྦགྒིཡཱ བྷིཀྑཱུ ཏེ ཨུཔཱསཀེ ཨེཏདཝོཙུཾ – ‘‘ཨེསོ, ཨཱཝུསོ, ཨཱཡསྨཱ ཨུཔནནྡོ སཀྱཔུཏྟོ ཏུམྷཱཀཾ སམྦྷཱཝིཏོ ཀུལཱུཔཀོ; ཡེནེཝ ཧཏྠེན སདྡྷཱདེཡྻཾ བྷུཉྫཏི ཏེནེཝ ཧཏྠེན ཨུཔཀྐམིཏྭཱ ཨསུཙིཾ མོཙེསི. སོ སཉྩེཏནིཀཾ སུཀྐཝིསྶཊྛིཾ ཨཱཔཏྟིཾ ¶ ཨཱཔཛྫིཏྭཱ སངྒྷཾ ཏསྶཱ ཨཱཔཏྟིཡཱ པརིཝཱསཾ ཡཱཙི. ཏསྶ སངྒྷོ ཏསྶཱ ཨཱཔཏྟིཡཱ པརིཝཱསཾ ཨདཱསི ¶ . སོ པརིཝསནྟོ ཨཱསནཔརིཡནྟེ ནིསིནྣོ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ བྷིཀྑུསྶ དུཊྛུལླཾ ཨཱཔཏྟིཾ ཨནུཔསམྤནྣསྶ ཨཱརོཙེསྶནྟཱི’’ཏི…པེ… ‘‘སཙྩཾ ཀིར ཏུམྷེ, བྷིཀྑཝེ, བྷིཀྑུསྶ དུཊྛུལླཾ ཨཱཔཏྟིཾ ཨནུཔསམྤནྣསྶ ཨཱརོཙེཐཱ’’ཏི? ‘‘སཙྩཾ ¶ , བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, བྷིཀྑུསྶ དུཊྛུལླཾ ཨཱཔཏྟིཾ ཨནུཔསམྤནྣསྶ ཨཱརོཙེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༧༩. ‘‘ཡོ པན བྷིཀྑུ བྷིཀྑུསྶ དུཊྛུལླཾ ཨཱཔཏྟིཾ ཨནུཔསམྤནྣསྶ ཨཱརོཙེཡྻ, ཨཉྙཏྲ བྷིཀྑུསམྨུཏིཡཱ [བྷིཀྑུསམྨཏིཡཱ (སྱཱ.)], པཱཙིཏྟིཡ’’ནྟི.

༨༠. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུསྶཱཏི ཨཉྙསྶ བྷིཀྑུསྶ.

དུཊྛུལླཱ ¶ ནཱམ ཨཱཔཏྟི – ཙཏྟཱརི ཙ པཱརཱཛིཀཱནི, ཏེརས ཙ སངྒྷཱདིསེསཱ.

ཨནུཔསམྤནྣོ ནཱམ བྷིཀྑུཉྩ བྷིཀྑུནིཉྩ ཋཔེཏྭཱ ཨཝསེསོ ཨནུཔསམྤནྣོ ནཱམ.

ཨཱརོཙེཡྻཱཏི ཨཱརོཙེཡྻ ཨིཏྠིཡཱ ཝཱ པུརིསསྶ ཝཱ གཧཊྛསྶ ཝཱ པབྦཛིཏསྶ ཝཱ.

ཨཉྙཏྲ བྷིཀྑུསམྨུཏིཡཱཏི ཋཔེཏྭཱ བྷིཀྑུསམྨུཏིཾ.

ཨཏྠི བྷིཀྑུསམྨུཏི ཨཱཔཏྟིཔརིཡནྟཱ, ན ཀུལཔརིཡནྟཱ. ཨཏྠི བྷིཀྑུསམྨུཏི ཀུལཔརིཡནྟཱ, ན ཨཱཔཏྟིཔརིཡནྟཱ, ཨཏྠི བྷིཀྑུསམྨུཏི ཨཱཔཏྟིཔརིཡནྟཱ ཙ ཀུལཔརིཡནྟཱ ཙ, ཨཏྠི བྷིཀྑུསམྨུཏི ནེཝ ཨཱཔཏྟིཔརིཡནྟཱ ན ཀུལཔརིཡནྟཱ.

ཨཱཔཏྟིཔརིཡནྟཱ ནཱམ ཨཱཔཏྟིཡོ པརིགྒཧིཏཱཡོ ཧོནྟི – ‘‘ཨེཏྟཀཱཧི ཨཱཔཏྟཱིཧི ཨཱརོཙེཏབྦོ’’ཏི.

ཀུལཔརིཡནྟཱ ¶ ནཱམ ཀུལཱནི པརིགྒཧིཏཱནི ཧོནྟི – ‘‘ཨེཏྟཀེསུ ཀུལེསུ ཨཱརོཙེཏབྦོ’’ཏི. ཨཱཔཏྟིཔརིཡནྟཱ ཙ ཀུལཔརིཡནྟཱ ཙ ནཱམ ཨཱཔཏྟིཡོ ¶ ཙ པརིགྒཧིཏཱཡོ ཧོནྟི, ཀུལཱནི ཙ པརིགྒཧིཏཱནི ཧོནྟི – ‘‘ཨེཏྟཀཱཧི ཨཱཔཏྟཱིཧི ཨེཏྟཀེསུ ཀུལེསུ ཨཱརོཙེཏབྦོ’’ཏི. ནེཝ ཨཱཔཏྟིཔརིཡནྟཱ ན ཀུལཔརིཡནྟཱ ནཱམ ཨཱཔཏྟིཡོ ཙ ཨཔརིགྒཧིཏཱཡོ ཧོནྟི, ཀུལཱནི ཙ ཨཔརིགྒཧིཏཱནི ཧོནྟི – ‘‘ཨེཏྟཀཱཧི ཨཱཔཏྟཱིཧི ཨེཏྟཀེསུ ཀུལེསུ ཨཱརོཙེཏབྦོ’’ཏི.

༨༡. ཨཱཔཏྟིཔརིཡནྟེ ཡཱ ཨཱཔཏྟིཡོ པརིགྒཧིཏཱཡོ ཧོནྟི, ཏཱ ཨཱཔཏྟིཡོ ཋཔེཏྭཱ ཨཉྙཱཧི ཨཱཔཏྟཱིཧི ཨཱརོཙེཏི, ཨཱཔཏྟི པཱཙིཏྟིཡསྶ.

ཀུལཔརིཡནྟེ ཡཱནི ཀུལཱནི པརིགྒཧིཏཱནི ཧོནྟི, ¶ ཏཱནི ཀུལཱནི ཋཔེཏྭཱ ཨཉྙེསུ ཀུལེསུ ཨཱརོཙེཏི, ཨཱཔཏྟི པཱཙིཏྟིཡསྶ.

ཨཱཔཏྟིཔརིཡནྟེ ཙ ཀུལཔརིཡནྟེ ཙ ཡཱ ཨཱཔཏྟིཡོ པརིགྒཧིཏཱཡོ ཧོནྟི, ཏཱ ཨཱཔཏྟིཡོ ¶ ཋཔེཏྭཱ ཡཱནི ཀུལཱནི པརིགྒཧིཏཱནི ཧོནྟི, ཏཱནི ཀུལཱནི ཋཔེཏྭཱ ཨཉྙཱཧི ཨཱཔཏྟཱིཧི ཨཉྙེསུ ཀུལེསུ ཨཱརོཙེཏི, ཨཱཔཏྟི པཱཙིཏྟིཡསྶ.

ནེཝ ཨཱཔཏྟིཔརིཡནྟེ ན ཀུལཔརིཡནྟེ, ཨནཱཔཏྟི.

༨༢. དུཊྛུལླཱཡ ཨཱཔཏྟིཡཱ དུཊྛུལླཱཔཏྟིསཉྙཱི ཨནུཔསམྤནྣསྶ ཨཱརོཙེཏི, ཨཉྙཏྲ བྷིཀྑུསམྨུཏིཡཱ, ཨཱཔཏྟི པཱཙིཏྟིཡསྶ.

དུཊྛུལླཱཡ ཨཱཔཏྟིཡཱ ཝེམཏིཀོ ཨནུཔསམྤནྣསྶ ཨཱརོཙེཏི, ཨཉྙཏྲ བྷིཀྑུསམྨུཏིཡཱ, ཨཱཔཏྟི པཱཙིཏྟིཡསྶ.

དུཊྛུལླཱཡ ཨཱཔཏྟིཡཱ ཨདུཊྛུལླཱཔཏྟིསཉྙཱི ཨནུཔསམྤནྣསྶ ཨཱརོཙེཏི, ཨཉྙཏྲ བྷིཀྑུསམྨུཏིཡཱ, ཨཱཔཏྟི པཱཙིཏྟིཡསྶ.

ཨདུཊྛུལླཾ ¶ ཨཱཔཏྟིཾ ཨཱརོཙེཏི, ཨཱཔཏྟི དུཀྐཊསྶ.

ཨནུཔསམྤནྣསྶ དུཊྛུལླཾ ཝཱ ཨདུཊྛུལླཾ ཝཱ ཨཛ྄ཛྷཱཙཱརཾ ཨཱརོཙེཏི, ཨཱཔཏྟི དུཀྐཊསྶ.

ཨདུཊྛུལླཱཡ ¶ ཨཱཔཏྟིཡཱ དུཊྛུལླཱཔཏྟིསཉྙཱི, ཨཱཔཏྟི དུཀྐཊསྶ.

ཨདུཊྛུལླཱཡ ཨཱཔཏྟིཡཱ ཝེམཏིཀོ, ཨཱཔཏྟི དུཀྐཊསྶ.

ཨདུཊྛུལླཱཡ ཨཱཔཏྟིཡཱ ཨདུཊྛུལླཱཔཏྟིསཉྙཱི, ཨཱཔཏྟི དུཀྐཊསྶ.

༨༣. ཨནཱཔཏྟི ཝཏྠུཾ ཨཱརོཙེཏི ནོ ཨཱཔཏྟིཾ, ཨཱཔཏྟིཾ ཨཱརོཙེཏི ནོ ཝཏྠུཾ, བྷིཀྑུསམྨུཏིཡཱ, ཨུམྨཏྟཀསྶ, ཨཱདིཀམྨིཀསྶཱཏི.

དུཊྛུལླཱརོཙནསིཀྑཱཔདཾ ནིཊྛིཏཾ ནཝམཾ.

༡༠. པཐཝཱིཁཎནསིཀྑཱཔདཾ

༨༤. ཏེན ¶ ¶ སམཡེན བུདྡྷོ བྷགཝཱ ཨཱལ༹ཝིཡཾ ཝིཧརཏི ཨགྒཱལ༹ཝེ ཙེཏིཡེ. ཏེན ཁོ པན སམཡེན ཨཱལ༹ཝཀཱ [ཨཱལ༹ཝིཀཱ (སྱཱ.)] བྷིཀྑཱུ ནཝཀམྨཾ ཀརོནྟཱ པཐཝིཾ ཁཎནྟིཔི ཁཎཱཔེནྟིཔི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ པཐཝིཾ ཁཎིསྶནྟིཔི ཁཎཱཔེསྶནྟིཔི! ཨེཀིནྡྲིཡཾ སམཎཱ སཀྱཔུཏྟིཡཱ ཛཱིཝཾ ཝིཧེཋེནྟཱི’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱལ༹ཝཀཱ བྷིཀྑཱུ པཐཝིཾ ཁཎིསྶནྟིཔི ཁཎཱཔེསྶནྟིཔཱི’’ཏི…པེ… ‘‘སཙྩཾ ཀིར ཏུམྷེ, བྷིཀྑཝེ, པཐཝིཾ ཁཎཐཔི ཁཎཱཔེཐཔཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, པཐཝིཾ ཁཎིསྶཐཔི ཁཎཱཔེསྶཐཔི! ཛཱིཝསཉྙིནོ ཧི, མོགྷཔུརིསཱ, ¶ མནུསྶཱ པཐཝིཡཱ. ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༨༥. ‘‘ཡོ པན བྷིཀྑུ པཐཝིཾ ཁཎེཡྻ ཝཱ ཁཎཱཔེཡྻ ཝཱ, པཱཙིཏྟིཡ’’ནྟི.

༨༦. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

པཐཝཱི ནཱམ དྭེ པཐཝིཡོ ¶ – ཛཱཏཱ ཙ པཐཝཱི ཨཛཱཏཱ ཙ པཐཝཱི.

ཛཱཏཱ ¶ ནཱམ པཐཝཱི – སུདྡྷཔཾསུ སུདྡྷམཏྟིཀཱ ཨཔྤཔཱསཱཎཱ ཨཔྤསཀྑརཱ ཨཔྤཀཋལཱ ཨཔྤམརུམྦཱ ཨཔྤཝཱལིཀཱ, ཡེབྷུཡྻེནཔཾསུཀཱ, ཡེབྷུཡྻེནམཏྟིཀཱ. ཨདཌྜྷཱཔི ཝུཙྩཏི ཛཱཏཱ པཐཝཱི. ཡོཔི པཾསུཔུཉྫོ ཝཱ མཏྟིཀཱཔུཉྫོ ཝཱ ཨཏིརེཀཙཱཏུམཱསཾ ཨོཝཊྛོ, ཨཡམྤི ཝུཙྩཏི ཛཱཏཱ པཐཝཱི.

ཨཛཱཏཱ ནཱམ པཐཝཱི – སུདྡྷཔཱསཱཎཱ སུདྡྷསཀྑརཱ སུདྡྷཀཋལཱ སུདྡྷམརུམྦཱ སུདྡྷཝཱལིཀཱ ཨཔྤཔཾསུཀཱ ཨཔྤམཏྟིཀཱ, ཡེབྷུཡྻེནཔཱསཱཎཱ, ཡེབྷུཡྻེནསཀྑརཱ, ཡེབྷུཡྻེནཀཋལཱ, ཡེབྷུཡྻེནམརུམྦཱ, ཡེབྷུཡྻེནཝཱལིཀཱ. དཌྜྷཱཔི ཝུཙྩཏི ཨཛཱཏཱ པཐཝཱི. ཡོཔི པཾསུཔུཉྫོ ཝཱ མཏྟིཀཱཔུཉྫོ ཝཱ ཨོམཀཙཱཏུམཱསཾ ཨོཝཊྛོ, ཨཡམྤི ཝུཙྩཏི ཨཛཱཏཱ པཐཝཱི.

ཁཎེཡྻཱཏི ¶ སཡཾ ཁཎཏི, ཨཱཔཏྟི པཱཙིཏྟིཡསྶ.

ཁཎཱཔེཡྻཱཏི ཨཉྙཾ ཨཱཎཱཔེཏི, ཨཱཔཏྟི པཱཙིཏྟིཡསྶ. སཀིཾ ཨཱཎཏྟོ བཧུཀམྤི ཁཎཏི, ཨཱཔཏྟི པཱཙིཏྟིཡསྶ.

༨༧. པཐཝིཡཱ པཐཝིསཉྙཱི ཁཎཏི ཝཱ ཁཎཱཔེཏི ཝཱ, བྷིནྡཏི ཝཱ བྷེདཱཔེཏི ཝཱ, དཧཏི ཝཱ དཧཱཔེཏི ཝཱ, ཨཱཔཏྟི པཱཙིཏྟིཡསྶ.

པཐཝིཡཱ ཝེམཏིཀོ ཁཎཏི ཝཱ ཁཎཱཔེཏི ཝཱ, བྷིནྡཏི ཝཱ བྷེདཱཔེཏི ཝཱ, དཧཏི ཝཱ དཧཱཔེཏི ཝཱ, ཨཱཔཏྟི དུཀྐཊསྶ.

པཐཝིཡཱ ཨཔཐཝིསཉྙཱི ཁཎཏི ཝཱ ཁཎཱཔེཏི ཝཱ, བྷིནྡཏི ཝཱ བྷེདཱཔེཏི ཝཱ, དཧཏི ¶ ཝཱ དཧཱཔེཏི ཝཱ, ཨནཱཔཏྟི.

ཨཔཐཝིཡཱ པཐཝིསཉྙཱི, ཨཱཔཏྟི དུཀྐཊསྶ. ཨཔཐཝིཡཱ ཝེམཏིཀོ, ཨཱཔཏྟི དུཀྐཊསྶ. ཨཔཐཝིཡཱ ཨཔཐཝིསཉྙཱི, ཨནཱཔཏྟི.

༨༨. ཨནཱཔཏྟི – ‘‘ཨིམཾ ཛཱན, ཨིམཾ དེཧི, ཨིམཾ ཨཱཧར, ཨིམིནཱ ཨཏྠོ, ཨིམཾ ཀཔྤིཡཾ ཀརོཧཱི’’ཏི བྷཎཏི, ཨསཉྩིཙྩ, ཨསཏིཡཱ, ཨཛཱནནྟསྶ, ཨུམྨཏྟཀསྶ, ཨཱདིཀམྨིཀསྶཱཏི.

པཐཝཱིཁཎནསིཀྑཱཔདཾ ནིཊྛིཏཾ དསམཾ.

མུསཱཝཱདཝགྒོ པཋམོ.

ཏསྶུདྡཱནཾ –

མུསཱ ¶ ཨོམསཔེསུཉྙཾ, པདསེཡྻཱཡ ཝེ དུཝེ;

ཨཉྙཏྲ ཝིཉྙུནཱ བྷཱུཏཱ, དུཊྛུལླཱཔཏྟི ཁཎནཱཏི.

༢. བྷཱུཏགཱམཝགྒོ

༡. བྷཱུཏགཱམསིཀྑཱཔདཾ

༨༩. ཏེན ¶ ¶ ¶ སམཡེན བུདྡྷོ བྷགཝཱ ཨཱལ༹ཝིཡཾ ཝིཧརཏི ཨགྒཱལ༹ཝེ ཙེཏིཡེ. ཏེན ཁོ པན སམཡེན ཨཱལ༹ཝཀཱ བྷིཀྑཱུ ནཝཀམྨཾ ཀརོནྟཱ རུཀྑཾ ཚིནྡནྟིཔི ཚེདཱཔེནྟིཔི. ཨཉྙཏརོཔི ཨཱལ༹ཝཀོ བྷིཀྑུ རུཀྑཾ ཚིནྡཏི. ཏསྨིཾ རུཀྑེ ཨདྷིཝཏྠཱ དེཝཏཱ ཏཾ བྷིཀྑུཾ ཨེཏདཝོཙ – ‘‘མཱ, བྷནྟེ, ཨཏྟནོ བྷཝནཾ ཀཏྟུཀཱམོ མཡ྄ཧཾ བྷཝནཾ ཚིནྡཱི’’ཏི. སོ བྷིཀྑུ ཨནཱདིཡནྟོ ཚིནྡི ཡེཝ, ཏསྶཱ ཙ དེཝཏཱཡ དཱརཀསྶ བཱཧུཾ ཨཱཀོཊེསི. ཨཐ ཁོ ཏསྶཱ དེཝཏཱཡ ཨེཏདཧོསི – ‘‘ཡཾནྣཱུནཱཧཾ ཨིམཾ བྷིཀྑུཾ ཨིདྷེཝ ཛཱིཝིཏཱ ཝོརོཔེཡྻ’’ནྟི. ཨཐ ཁོ ཏསྶཱ དེཝཏཱཡ ཨེཏདཧོསི – ‘‘ན ཁོ མེཏཾ པཏིརཱུཔཾ ཡཱཧཾ ཨིམཾ བྷིཀྑུཾ ཨིདྷེཝ ཛཱིཝིཏཱ ཝོརོཔེཡྻཾ. ཡནྣཱུནཱཧཾ བྷགཝཏོ ཨེཏམཏྠཾ ཨཱརོཙེཡྻ’’ནྟི. ཨཐ ཁོ སཱ དེཝཏཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝཏོ ཨེཏམཏྠཾ ཨཱརོཙེསི. ‘‘སཱདྷུ སཱདྷུ དེཝཏེ! སཱདྷུ ཁོ ཏྭཾ, དེཝཏེ, ཏཾ བྷིཀྑུཾ ཛཱིཝིཏཱ ན ཝོརོཔེསི. སཙཛྫ ཏྭཾ, དེཝཏེ, ཏཾ བྷིཀྑུཾ ཛཱིཝིཏཱ ཝོརོཔེཡྻཱསི, བཧུཉྩ ཏྭཾ, དེཝཏེ, ཨཔུཉྙཾ པསཝེཡྻཱསི. གཙྪ ཏྭཾ, དེཝཏེ, ཨམུཀསྨིཾ ཨོཀཱསེ རུཀྑོ ཝིཝིཏྟོ ཏསྨིཾ ཨུཔགཙྪཱ’’ཏི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ རུཀྑཾ ཚིནྡིསྶནྟིཔི ཚེདཱཔེསྶནྟིཔི ཨེཀིནྡྲིཡཾ ¶ སམཎཱ སཀྱཔུཏྟིཡཱ ཛཱིཝཾ ཝིཧེཋེསྶནྟཱི’’ཏི!

ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱལ༹ཝཀཱ བྷིཀྑཱུ རུཀྑཾ ཚིནྡིསྶནྟིཔི ཚེདཱཔེསྶནྟིཔཱི’’ཏི…པེ… ‘‘སཙྩཾ ཀིར ཏུམྷེ, བྷིཀྑཝེ, རུཀྑཾ ཚིནྡཐཱཔི ཚེདཱཔེཐཱཔཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, རུཀྑཾ ཚིནྡིསྶཐཱཔི, ཚེདཱཔེསྶཐཱཔི! ཛཱིཝསཉྙིནོ ཧི, མོགྷཔུརིསཱ, མནུསྶཱ རུཀྑསྨིཾ, ¶ ནེཏཾ མོགྷཔུརིསཱ ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༩༠. ‘‘བྷཱུཏགཱམཔཱཏབྱཏཱཡ པཱཙིཏྟིཡ’’ནྟི.

༩༡. བྷཱུཏགཱམོ ¶ ནཱམ པཉྩ བཱིཛཛཱཏཱནི – མཱུལབཱིཛཾ, ཁནྡྷབཱིཛཾ, ཕལུ༹བཱིཛཾ, ཨགྒབཱིཛཾ, བཱིཛབཱིཛམེཝ [བཱིཛབཱིཛཉྩེཝ (ཨིཏིཔི)] པཉྩམཾ.

མཱུལབཱིཛཾ ¶ ནཱམ – ཧལིདྡི, སིངྒིཝེརཾ, ཝཙཱ, ཝཙཏྟཾ, ཨཏིཝིསཱ, ཀཊུཀརོཧིཎཱི, ཨུསཱིརཾ, བྷདྡམཱུཏྟཀཾ, ཡཱནི ཝཱ པནཉྙཱནིཔི ཨཏྠི མཱུལེ ཛཱཡནྟི, མཱུལེ སཉྫཱཡནྟི, ཨེཏཾ མཱུལབཱིཛཾ ནཱམ.

ཁནྡྷབཱིཛཾ ནཱམ – ཨསྶཏྠོ, ནིགྲོདྷོ, པིལཀྑོ, ཨུདུམྦརོ, ཀཙྪཀོ, ཀཔིཏྠནོ, ཡཱནི ཝཱ པནཉྙཱནིཔི ཨཏྠི ཁནྡྷེ ཛཱཡནྟི, ཁནྡྷེ སཉྫཱཡནྟི, ཨེཏཾ ཁནྡྷབཱིཛཾ ནཱམ.

ཕལུ༹བཱིཛཾ ནཱམ – ཨུཙྪུ, ཝེལུ༹, ནལོ༹, ཡཱནི ཝཱ པནཉྙཱནིཔི ཨཏྠི པབྦེ ཛཱཡནྟི, པབྦེ ¶ སཉྫཱཡནྟི, ཨེཏཾ ཕལུ༹བཱིཛཾ ནཱམ.

ཨགྒབཱིཛཾ ནཱམ – ཨཛྫུཀཾ, ཕཎིཛྫཀཾ, ཧིརིཝེརཾ, ཡཱནི ཝཱ པནཉྙཱནིཔི ཨཏྠི ཨགྒེ ཛཱཡནྟི, ཨགྒེ སཉྫཱཡནྟི, ཨེཏཾ ཨགྒབཱིཛཾ ནཱམ.

བཱིཛབཱིཛཾ ནཱམ – པུབྦཎྞཾ, ཨཔརཎྞཾ, ཡཱནི ཝཱ པནཉྙཱནིཔི ཨཏྠི བཱིཛེ ཛཱཡནྟི, བཱིཛེ སཉྫཱཡནྟི, ཨེཏཾ བཱིཛབཱིཛཾ ནཱམ.

༩༢. བཱིཛེ བཱིཛསཉྙཱི ཚིནྡཏི ཝཱ ཚེདཱཔེཏི ཝཱ, བྷིནྡཏི ཝཱ བྷེདཱཔེཏི ཝཱ, པཙཏི ཝཱ པཙཱཔེཏི ཝཱ, ཨཱཔཏྟི པཱཙིཏྟིཡསྶ. བཱིཛེ ཝེམཏིཀོ ཚིནྡཏི ཝཱ ཚེདཱཔེཏི ཝཱ, བྷིནྡཏི ཝཱ བྷེདཱཔེཏི ཝཱ, པཙཏི ཝཱ པཙཱཔེཏི ཝཱ, ཨཱཔཏྟི དུཀྐཊསྶ. བཱིཛེ ཨབཱིཛསཉྙཱི ཚིནྡཏི ཝཱ ཚེདཱཔེཏི ཝཱ, བྷིནྡཏི ཝཱ བྷེདཱཔེཏི ཝཱ, པཙཏི ཝཱ པཙཱཔེཏི ཝཱ, ཨནཱཔཏྟི. ཨབཱིཛེ བཱིཛསཉྙཱི ཨཱཔཏྟི དུཀྐཊསྶ. ཨབཱིཛེ ཝེམཏིཀོ, ཨཱཔཏྟི དུཀྐཊསྶ. ཨབཱིཛེ ཨབཱིཛསཉྙཱི, ཨནཱཔཏྟི.

༩༣. ཨནཱཔཏྟི – ‘‘ཨིམཾ ཛཱན, ཨིམཾ དེཧི, ཨིམཾ ཨཱཧར, ཨིམིནཱ ཨཏྠོ, ཨིམཾ ཀཔྤིཡཾ ཀརོཧཱི’’ཏི བྷཎཏི, ཨསཉྩིཙྩ, ཨསྶཏིཡཱ, ཨཛཱནནྟསྶ, ཨུམྨཏྟཀསྶ, ཨཱདིཀམྨིཀསྶཱཏི.

བྷཱུཏགཱམསིཀྑཱཔདཾ ནིཊྛིཏཾ པཋམཾ.

༢. ཨཉྙཝཱདཀསིཀྑཱཔདཾ

༩༤. ཏེན ¶ ¶ ¶ སམཡེན བུདྡྷོ བྷགཝཱ ཀོསམྦིཡཾ ཝིཧརཏི གྷོསིཏཱརཱམེ. ཏེན ཁོ པན སམཡེན ཨཱཡསྨཱ ཚནྣོ ཨནཱཙཱརཾ ཨཱཙརིཏྭཱ སངྒྷམཛ྄ཛྷེ ཨཱཔཏྟིཡཱ ཨནུཡུཉྫཱིཡམཱནོ ཨཉྙེནཉྙཾ པཊིཙརཏི – ‘‘ཀོ ཨཱཔནྣོ, ཀིཾ ཨཱཔནྣོ, ཀིསྨིཾ ཨཱཔནྣོ, ཀཐཾ ཨཱཔནྣོ, ཀཾ བྷཎཐ, ཀིཾ བྷཎཐཱ’’ཏི? ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཚནྣོ སངྒྷམཛ྄ཛྷེ ཨཱཔཏྟིཡཱ ཨནུཡུཉྫཱིཡམཱནོ ཨཉྙེནཉྙཾ པཊིཙརིསྶཏི – ཀོ ཨཱཔནྣོ, ཀིཾ ཨཱཔནྣོ, ཀིསྨིཾ ཨཱཔནྣོ, ཀཐཾ ཨཱཔནྣོ, ཀཾ བྷཎཐ, ཀིཾ བྷཎཐཱ’’ཏི…པེ… སཙྩཾ ཀིར ཏྭཾ, ཚནྣ, སངྒྷམཛ྄ཛྷེ ཨཱཔཏྟིཡཱ ཨནུཡུཉྫཱིཡམཱནོ ཨཉྙེནཉྙཾ པཊིཙརསི – ཀོ ཨཱཔནྣོ, ཀིཾ ཨཱཔནྣོ, ཀིསྨིཾ ཨཱཔནྣོ, ཀཐཾ ཨཱཔནྣོ, ཀཾ བྷཎཐ, ཀིཾ བྷཎཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, སངྒྷམཛ྄ཛྷེ ཨཱཔཏྟིཡཱ ཨནུཡུཉྫཱིཡམཱནོ ཨཉྙེནཉྙཾ པཊིཙརིསྶསི – ཀོ ཨཱཔནྣོ, ཀིཾ ཨཱཔནྣོ, ཀིསྨིཾ ཨཱཔནྣོ, ཀཐཾ ཨཱཔནྣོ, ཀཾ བྷཎཐ, ཀིཾ བྷཎཐཱཏི! ནེཏཾ, ¶ མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, སངྒྷོ ཚནྣསྶ བྷིཀྑུནོ ཨཉྙཝཱདཀཾ རོཔེཏུ. ཨེཝཉྩ པན, བྷིཀྑཝེ ¶ , རོཔེཏབྦཾ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༩༥. ‘‘སུཎཱཏུ མེ, བྷནྟེ, སངྒྷོ. ཨཡཾ ཚནྣོ བྷིཀྑུ སངྒྷམཛ྄ཛྷེ ཨཱཔཏྟིཡཱ ཨནུཡུཉྫཱིཡམཱནོ ཨཉྙེནཉྙཾ པཊིཙརཏི. ཡདི སངྒྷསྶ པཏྟཀལླཾ, སངྒྷོ ཚནྣསྶ བྷིཀྑུནོ ཨཉྙཝཱདཀཾ རོཔེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཚནྣོ བྷིཀྑུ སངྒྷམཛ྄ཛྷེ ཨཱཔཏྟིཡཱ ཨནུཡུཉྫཱིཡམཱནོ ཨཉྙེནཉྙཾ པཊིཙརཏི. སངྒྷོ ཚནྣསྶ བྷིཀྑུནོ ཨཉྙཝཱདཀཾ རོཔེཏི. ཡསྶཱཡསྨཏོ ཁམཏི ཚནྣསྶ བྷིཀྑུནོ ཨཉྙཝཱདཀསྶ རོཔནཱ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘རོཔིཏཾ སངྒྷེན ཚནྣསྶ བྷིཀྑུནོ ཨཉྙཝཱདཀཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨཐ ¶ ¶ ཁོ བྷགཝཱ ཨཱཡསྨནྟཾ ཚནྣཾ ཨནེཀཔརིཡཱཡེན ཝིགརཧིཏྭཱ དུབྦྷརཏཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཨཉྙཝཱདཀེ པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༩༦. ཏེན ཁོ པན སམཡེན ཨཱཡསྨཱ ཚནྣོ སངྒྷམཛ྄ཛྷེ ཨཱཔཏྟིཡཱ ཨནུཡུཉྫཱིཡམཱནོ ‘‘ཨཉྙེནཉྙཾ པཊིཙརནྟོ – ‘‘ཨཱཔཏྟིཾ ཨཱཔཛྫིསྶཱམཱི’’ཏི ཏུཎྷཱིབྷཱུཏོ སངྒྷཾ ཝིཧེསེཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཚནྣོ སངྒྷམཛ྄ཛྷེ ཨཱཔཏྟིཡཱ ཨནུཡུཉྫཱིཡམཱནོ ཏུཎྷཱིབྷཱུཏོ སངྒྷཾ ཝིཧེསེསྶཏཱི’’ཏི…པེ… ¶ སཙྩཾ ཀིར ཏྭཾ, ཚནྣ, སངྒྷམཛ྄ཛྷེ ཨཱཔཏྟིཡཱ ཨནུཡུཉྫཱིཡམཱནོ ཏུཎྷཱིབྷཱུཏོ སངྒྷཾ ཝིཧེསེསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, སངྒྷམཛ྄ཛྷེ ཨཱཔཏྟིཡཱ ཨནུཡུཉྫཱིཡམཱནོ ཏུཎྷཱིབྷཱུཏོ སངྒྷཾ ཝིཧེསེསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, སངྒྷོ ཚནྣསྶ བྷིཀྑུནོ ཝིཧེསཀཾ རོཔེཏུ. ཨེཝཉྩ པན, བྷིཀྑཝེ, རོཔེཏབྦཾ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༩༧. ‘‘སུཎཱཏུ མེ, བྷནྟེ, སངྒྷོ. ཨཡཾ ཚནྣོ བྷིཀྑུ སངྒྷམཛ྄ཛྷེ ཨཱཔཏྟིཡཱ ཨནུཡུཉྫཱིཡམཱནོ ཏུཎྷཱིབྷཱུཏོ སངྒྷཾ ཝིཧེསེཏི. ཡདི སངྒྷསྶ པཏྟཀལླཾ, སངྒྷོ ཚནྣསྶ བྷིཀྑུནོ ཝིཧེསཀཾ རོཔེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཚནྣོ བྷིཀྑུ སངྒྷམཛ྄ཛྷེ ཨཱཔཏྟིཡཱ ཨནུཡུཉྫཱིཡམཱནོ ཏུཎྷཱིབྷཱུཏོ སངྒྷཾ ཝིཧེསེཏི. སངྒྷོ ཚནྣསྶ བྷིཀྑུནོ ཝིཧེསཀཾ རོཔེཏི. ཡསྶཱཡསྨཱཏོ ཁམཏི ཚནྣསྶ བྷིཀྑུནོ ཝིཧེསཀསྶ རོཔནཱ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘རོཔིཏཾ སངྒྷེན ཚནྣསྶ བྷིཀྑུནོ ཝིཧེསཀཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨཐ ¶ ཁོ བྷགཝཱ ཨཱཡསྨནྟཾ ཚནྣཾ ཨནེཀཔརིཡཱཡེན ཝིགརཧིཏྭཱ དུབྦྷརཏཱཡ…པེ… ¶ ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༩༨. ‘‘ཨཉྙཝཱདཀེ ¶ ཝིཧེསཀེ པཱཙིཏྟིཡ’’ནྟི.

༩༩. ཨཉྙཝཱདཀོ ¶ ནཱམ སངྒྷམཛ྄ཛྷེ ཝཏྠུསྨིཾ ཝཱ ཨཱཔཏྟིཡཱ ཝཱ ཨནུཡུཉྫཱིཡམཱནོ ཏཾ ན ཀཐེཏུཀཱམོ ཏཾ ན ཨུགྒྷཱཊེཏུཀཱམོ ཨཉྙེནཉྙཾ པཊིཙརཏི – ‘‘ཀོ ཨཱཔནྣོ, ཀིཾ ཨཱཔནྣོ, ཀིསྨིཾ ཨཱཔནྣོ, ཀཐཾ ཨཱཔནྣོ, ཀཾ བྷཎཐ, ཀིཾ བྷཎཐཱ’’ཏི. ཨེསོ ཨཉྙཝཱདཀོ ནཱམ.

ཝིཧེསཀོ ནཱམ སངྒྷམཛ྄ཛྷེ ཝཏྠུསྨིཾ ཝཱ ཨཱཔཏྟིཡཱ ཝཱ ཨནུཡུཉྫཱིཡམཱནོ ཏཾ ན ཀཐེཏུཀཱམོ ཏཾ ན ཨུགྒྷཱཊེཏུཀཱམོ ཏུཎྷཱིབྷཱུཏོ སངྒྷཾ ཝིཧེསེཏི. ཨེསོ ཝིཧེསཀོ ནཱམ.

༡༠༠. ཨཱརོཔིཏེ ཨཉྙཝཱདཀེ སངྒྷམཛ྄ཛྷེ ཝཏྠུསྨིཾ ཝཱ ཨཱཔཏྟིཡཱ ཝཱ ཨནུཡུཉྫཱིཡམཱནོ ཏཾ ན ཀཐེཏུཀཱམོ ཏཾ ན ཨུགྒྷཱཊེཏུཀཱམོ ཨཉྙེནཉྙཾ པཊིཙརཏི – ‘‘ཀོ ཨཱཔནྣོ, ཀིཾ ཨཱཔནྣོ, ཀིསྨིཾ ཨཱཔནྣོ, ཀཐཾ ཨཱཔནྣོ, ཀཾ བྷཎཐ, ཀིཾ བྷཎཐཱ’’ཏི, ཨཱཔཏྟི དུཀྐཊསྶ. ཨཱརོཔིཏེ ཝིཧེསཀེ སངྒྷམཛ྄ཛྷེ ཝཏྠུསྨིཾ ཝཱ ཨཱཔཏྟིཡཱ ཝཱ ཨནུཡུཉྫཱིཡམཱནོ ཏཾ ན ཀཐེཏུཀཱམོ ཏཾ ན ཨུགྒྷཱཊེཏུཀཱམོ ཏུཎྷཱིབྷཱུཏོ སངྒྷཾ ཝིཧེསེཏི, ཨཱཔཏྟི དུཀྐཊསྶ. རོཔིཏེ ཨཉྙཝཱདཀེ སངྒྷམཛ྄ཛྷེ ཝཏྠུསྨིཾ ཝཱ ཨཱཔཏྟིཡཱ ཝཱ ཨནུཡུཉྫཱིཡམཱནོ ཏཾ ན ཀཐེཏུཀཱམོ ཏཾ ན ཨུགྒྷཱཊེཏུཀཱམོ ཨཉྙེནཉྙཾ པཊིཙརཏི – ‘‘ཀོ ཨཱཔནྣོ, ཀིཾ ཨཱཔནྣོ, ཀིསྨིཾ ཨཱཔནྣོ, ཀཐཾ ཨཱཔནྣོ, ཀཾ བྷཎཐ, ཀིཾ བྷཎཐཱ’’ཏི, ཨཱཔཏྟི པཱཙིཏྟིཡསྶ ¶ . རོཔིཏེ ཝིཧེསཀེ སངྒྷམཛ྄ཛྷེ ཝཏྠུསྨིཾ ཝཱ ཨཱཔཏྟིཡཱ ཝཱ ཨནུཡུཉྫཱིཡམཱནོ ཏཾ ན ཀཐེཏུཀཱམོ ཏཾ ན ཨུགྒྷཱཊེཏུཀཱམོ ཏུཎྷཱིབྷཱུཏོ སངྒྷཾ ཝིཧེསེཏི, ཨཱཔཏྟི པཱཙིཏྟིཡསྶ.

༡༠༡. དྷམྨཀམྨེ དྷམྨཀམྨསཉྙཱི ཨཉྙཝཱདཀེ ཝིཧེསཀེ, ཨཱཔཏྟི པཱཙིཏྟིཡསྶ. དྷམྨཀམྨེ ཝེམཏིཀོ ཨཉྙཝཱདཀེ ཝིཧེསཀེ, ཨཱཔཏྟི པཱཙིཏྟིཡསྶ. དྷམྨཀམྨེ ཨདྷམྨཀམྨསཉྙཱི ཨཉྙཝཱདཀེ ཝིཧེསཀེ, ཨཱཔཏྟི པཱཙིཏྟིཡསྶ. ཨདྷམྨཀམྨེ དྷམྨཀམྨསཉྙཱི, ཨཱཔཏྟི དུཀྐཊསྶ. ཨདྷམྨཀམྨེ ཝེམཏིཀོ, ཨཱཔཏྟི དུཀྐཊསྶ. ཨདྷམྨཀམྨེ ཨདྷམྨཀམྨསཉྙཱི, ཨཱཔཏྟི དུཀྐཊསྶ.

༡༠༢. ཨནཱཔཏྟི ¶ ཨཛཱནནྟོ པུཙྪཏི, གིལཱནོ ཝཱ ན ཀཐེཏི; ‘‘སངྒྷསྶ བྷཎྜནཾ ཝཱ ¶ ཀལཧོ ཝཱ ཝིགྒཧོ ཝཱ ཝིཝཱདོ ཝཱ བྷཝིསྶཏཱི’’ཏི ན ཀཐེཏི; ‘‘སངྒྷབྷེདོ ཝཱ སངྒྷརཱཛི ཝཱ བྷཝིསྶཏཱི’’ཏི ན ཀཐེཏི; ‘‘ཨདྷམྨེན ཝཱ ཝགྒེན ཝཱ ནཀམྨཱརཧསྶ ཝཱ ཀམྨཾ ཀརིསྶཏཱི’’ཏི ན ཀཐེཏི; ཨུམྨཏྟཀསྶ, ཨཱདིཀམྨིཀསྶཱཏི.

ཨཉྙཝཱདཀསིཀྑཱཔདཾ ནིཊྛིཏཾ དུཏིཡཾ.

༣. ཨུཛ྄ཛྷཱཔནཀསིཀྑཱཔདཾ

༡༠༣. ཏེན ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན ཨཱཡསྨཱ དབྦོ མལླཔུཏྟོ སངྒྷསྶ སེནཱསནཉྩ པཉྙཔེཏི བྷཏྟཱནི ཙ ཨུདྡིསཏི. ཏེན ཁོ པན སམཡེན མེཏྟིཡབྷཱུམཛཀཱ [མེཏྟིཡབྷཱུམྨཛཀཱ (སཱི. སྱཱ.)] བྷིཀྑཱུ ནཝཀཱ ཙེཝ ཧོནྟི ཨཔྤཔུཉྙཱ ཙ ¶ . ཡཱནི སངྒྷསྶ ལཱམཀཱནི སེནཱསནཱནི ཏཱནི ཏེསཾ པཱཔུཎནྟི ལཱམཀཱནི ཙ བྷཏྟཱནི. ཏེ ཨཱཡསྨནྟཾ དབྦཾ མལླཔུཏྟཾ བྷིཀྑཱུ ཨུཛ྄ཛྷཱཔེནྟི – ‘‘ཚནྡཱཡ དབྦོ མལླཔུཏྟོ སེནཱསནཾ པཉྙཔེཏི, ཚནྡཱཡ ཙ བྷཏྟཱནི ཨུདྡིསཏཱི’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ མེཏྟིཡབྷཱུམཛཀཱ བྷིཀྑཱུ ཨཱཡསྨནྟཾ དབྦཾ མལླཔུཏྟཾ བྷིཀྑཱུ ཨུཛ྄ཛྷཱཔེསྶནྟཱི’’ཏི…པེ… ‘‘སཙྩཾ ཀིར ཏུམྷེ, བྷིཀྑཝེ, དབྦཾ མལླཔུཏྟཾ བྷིཀྑཱུ ཨུཛ྄ཛྷཱཔེཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, དབྦཾ མལླཔུཏྟཾ བྷིཀྑཱུ ཨུཛ྄ཛྷཱཔེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཨུཛ྄ཛྷཱཔནཀེ པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༡༠༤. ཏེན ¶ ཁོ པན སམཡེན མེཏྟིཡབྷཱུམཛཀཱ བྷིཀྑཱུ – ‘‘བྷགཝཏཱ ཨུཛ྄ཛྷཱཔནཀཾ པཊིཀྑིཏྟ’’ནྟི, ‘‘ཨེཏྟཱཝཏཱ བྷིཀྑཱུ སོསྶནྟཱི’’ཏི [ཝིཧེསིསྶནྟཱིཏི (ཨིཏིཔི)] བྷིཀྑཱུནཾ སཱམནྟཱ ཨཱཡསྨནྟཾ དབྦཾ མལླཔུཏྟཾ ཁིཡྻནྟི – ‘‘ཚནྡཱཡ དབྦོ མལླཔུཏྟོ སེནཱསནཾ ¶ པཉྙཔེཏི, ཚནྡཱཡ ཙ བྷཏྟཱནི ཨུདྡིསཏཱི’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ མེཏྟིཡབྷཱུམཛཀཱ བྷིཀྑཱུ ཨཱཡསྨནྟཾ དབྦཾ མལླཔུཏྟཾ ཁིཡྻིསྶནྟཱི’’ཏི…པེ… ‘‘སཙྩཾ ཀིར ཏུམྷེ, བྷིཀྑཝེ, དབྦཾ མལླཔུཏྟཾ ཁིཡྻཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི ¶ བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, དབྦཾ མལླཔུཏྟཾ ཁིཡྻིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༠༥. ‘‘ཨུཛ྄ཛྷཱཔནཀེ ཁིཡྻནཀེ པཱཙིཏྟིཡ’’ནྟི.

༡༠༦. ཨུཛ྄ཛྷཱཔནཀཾ ནཱམ ཨུཔསམྤནྣཾ སངྒྷེན སམྨཏཾ སེནཱསནཔཉྙཱཔཀཾ ཝཱ བྷཏྟུདྡེསཀཾ ཝཱ ཡཱགུབྷཱཛཀཾ ཝཱ ཕལབྷཱཛཀཾ ཝཱ ཁཛྫབྷཱཛཀཾ ཝཱ ཨཔྤམཏྟཀཝིསྶཛྫཀཾ ཝཱ ཨཝཎྞཾ ཀཏྟུཀཱམོ, ཨཡསཾ ཀཏྟུཀཱམོ, མངྐུཀཏྟུཀཱམོ, ཨུཔསམྤནྣཾ ཨུཛ྄ཛྷཱཔེཏི ཝཱ ཁིཡྻཏི ཝཱ, ཨཱཔཏྟི པཱཙིཏྟིཡསྶ. དྷམྨཀམྨེ དྷམྨཀམྨསཉྙཱི ཨུཛ྄ཛྷཱཔནཀེ ཁིཡྻནཀེ ཨཱཔཏྟི པཱཙིཏྟིཡསྶ. དྷམྨཀམྨེ ཝེམཏིཀོ ཨུཛ྄ཛྷཱཔནཀེ ཁིཡྻནཀེ ཨཱཔཏྟི ¶ པཱཙིཏྟིཡསྶ. དྷམྨཀམྨེ ཨདྷམྨཀམྨསཉྙཱི ཨུཛ྄ཛྷཱཔནཀེ ཁིཡྻནཀེ ཨཱཔཏྟི པཱཙིཏྟིཡསྶ.

ཨནུཔསམྤནྣཾ ཨུཛ྄ཛྷཱཔེཏི ཝཱ ཁིཡྻཏི ཝཱ, ཨཱཔཏྟི དུཀྐཊསྶ. ཨུཔསམྤནྣཾ སངྒྷེན ཨསམྨཏཾ སེནཱསནཔཉྙཱཔཀཾ ཝཱ བྷཏྟུདྡེསཀཾ ཝཱ ཡཱགུབྷཱཛཀཾ ཝཱ ཕལབྷཱཛཀཾ ཝཱ ཁཛྫབྷཱཛཀཾ ཝཱ ཨཔྤམཏྟཀཝིསྶཛྫཀཾ ཝཱ ཨཝཎྞཾ ཀཏྟུཀཱམོ, ཨཡསཾ ཀཏྟུཀཱམོ, མངྐུཀཏྟུཀཱམོ, ཨུཔསམྤནྣཾ ཝཱ ཨནུཔསམྤནྣཾ ཝཱ ཨུཛ྄ཛྷཱཔེཏི ཝཱ ཁིཡྻཏི ཝཱ, ཨཱཔཏྟི དུཀྐཊསྶ. ཨནུཔསམྤནྣཾ སངྒྷེན སམྨཏཾ ཝཱ ཨསམྨཏཾ ཝཱ སེནཱསནཔཉྙཱཔཀཾ ཝཱ བྷཏྟུདྡེསཀཾ ཝཱ ཡཱགུབྷཱཛཀཾ ཝཱ ཕལབྷཱཛཀཾ ཝཱ ཁཛྫབྷཱཛཀཾ ཝཱ ཨཔྤམཏྟཀཝིསྶཛྫཀཾ ཝཱ ཨཝཎྞཾ ཀཏྟུཀཱམོ, ཨཡསཾ ཀཏྟུཀཱམོ, མངྐུཀཏྟུཀཱམོ, ཨུཔསམྤནྣཾ ཝཱ ཨནུཔསམྤནྣཾ ཝཱ ཨུཛ྄ཛྷཱཔེཏི ཝཱ ཁིཡྻཏི ¶ ཝཱ, ཨཱཔཏྟི དུཀྐཊསྶ. ཨདྷམྨཀམྨེ དྷམྨཀམྨསཉྙཱི, ཨཱཔཏྟི དུཀྐཊསྶ. ཨདྷམྨཀམྨེ ཝེམཏིཀོ, ཨཱཔཏྟི དུཀྐཊསྶ. ཨདྷམྨཀམྨེ ཨདྷམྨཀམྨསཉྙཱི ཨཱཔཏྟི དུཀྐཊསྶ.

༡༠༧. ཨནཱཔཏྟི པཀཏིཡཱ ཚནྡཱ དོསཱ མོཧཱ བྷཡཱ ཀརོནྟཾ ཨུཛ྄ཛྷཱཔེཏི ཝཱ ཁིཡྻཏི ཝཱ, ཨུམྨཏྟཀསྶ, ཨཱདིཀམྨིཀསྶཱཏི.

ཨུཛ྄ཛྷཱཔནཀསིཀྑཱཔདཾ ནིཊྛིཏཾ ཏཏིཡཾ.

༤. པཋམསེནཱསནསིཀྑཱཔདཾ

༡༠༨. ཏེན ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན བྷིཀྑཱུ ཧེམནྟིཀེ ཀཱལེ ཨཛ྄ཛྷོཀཱསེ སེནཱསནཾ པཉྙཔེཏྭཱ ཀཱཡཾ ཨོཏཱཔེནྟཱ ཀཱལེ ཨཱརོཙིཏེ ཏཾ པཀྐམནྟཱ ནེཝ ཨུདྡྷརིཾསུ ན ཨུདྡྷརཱཔེསུཾ, ཨནཱཔུཙྪཱ པཀྐམིཾསུ. སེནཱསནཾ ཨོཝཊྛཾ ཧོཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཾ ཧི ནཱམ བྷིཀྑཱུ ཨཛ྄ཛྷོཀཱསེ སེནཱསནཾ པཉྙཔེཏྭཱ ཏཾ པཀྐམནྟཱ ནེཝ ཨུདྡྷརིསྶནྟི ན ཨུདྡྷརཱཔེསྶནྟི, ཨནཱཔུཙྪཱ པཀྐམིསྶནྟི, སེནཱསནཾ ཨོཝཊྛ’’ནྟི! ཨཐ ཁོ ཏེ བྷིཀྑཱུ ཏེ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ཀིར, བྷིཀྑཝེ, བྷིཀྑཱུ ཨཛ྄ཛྷོཀཱསེ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༠༩. ‘‘ཡོ པན བྷིཀྑུ སངྒྷིཀཾ མཉྩཾ ཝཱ པཱིཋཾ ཝཱ བྷིསིཾ ཝཱ ཀོཙྪཾ ཝཱ ཨཛ྄ཛྷོཀཱསེ ¶ སནྠརིཏྭཱ ཝཱ སནྠརཱཔེཏྭཱ ཝཱ ཏཾ པཀྐམནྟོ ནེཝ ཨུདྡྷརེཡྻ ན ཨུདྡྷརཱཔེཡྻ, ཨནཱཔུཙྪཾ ཝཱ གཙྪེཡྻ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༡༡༠. ཏེན ཁོ པན སམཡེན བྷིཀྑཱུ ཨཛ྄ཛྷོཀཱསེ ཝསིཏྭཱ ཀཱལསྶེཝ སེནཱསནཾ ཨབྷིཧརནྟི. ཨདྡསཱ ཁོ བྷགཝཱ ཏེ བྷིཀྑཱུ ཀཱལསྶེཝ སེནཱསནཾ ཨབྷིཧརནྟེ. དིསྭཱན ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཨཊྛ མཱསེ ཨཝསྶིཀསངྐེཏེ [ཝསིཏུཾ ཨཝསྶིཀསཾཀེཏེ (ཨིཏིཔི)] མཎྜཔེ ¶ ཝཱ རུཀྑམཱུལེ ཝཱ ཡཏྠ ཀཱཀཱ ཝཱ ཀུལལཱ ཝཱ ན ཨཱུཧདནྟི ཏཏྠ སེནཱསནཾ ནིཀྑིཔིཏུ’’ནྟི.

༡༡༡. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

སངྒྷིཀཾ ནཱམ སངྒྷསྶ དིནྣཾ ཧོཏི པརིཙྩཏྟཾ.

མཉྩོ ¶ ནཱམ ཙཏྟཱརོ མཉྩཱ – མསཱརཀོ, བུནྡིཀཱབདྡྷོ, ཀུལཱི༹རཔཱདཀོ, ཨཱཧཙྩཔཱདཀོ.

པཱིཋཾ ¶ ནཱམ ཙཏྟཱརི པཱིཋཱནི – མསཱརཀཾ, བུནྡིཀཱབདྡྷཾ, ཀུལཱི༹རཔཱདཀཾ, ཨཱཧཙྩཔཱདཀཾ.

བྷིསི ནཱམ པཉྩ བྷིསིཡོ – ཨུཎྞབྷིསི, ཙོལ༹བྷིཏི, ཝཱཀབྷིསི, ཏིཎབྷིསི, པཎྞབྷིསི.

ཀོཙྪཾ ནཱམ – ཝཱཀམཡཾ ཝཱ ཨུསཱིརམཡཾ ཝཱ མུཉྫམཡཾ ཝཱ པབྦཛམཡཾ [བབྦཛམཡཾ (སཱི.)] ཝཱ ཨནྟོ སཾཝེཋེཏྭཱ བདྡྷཾ ཧོཏི.

སནྠརིཏྭཱཏི སཡཾ སནྠརིཏྭཱ.

སནྠརཱཔེཏྭཱཏི ཨཉྙཾ སནྠརཱཔེཏྭཱ. ཨནུཔསམྤནྣཾ སནྠརཱཔེཏི, ཏསྶ ¶ པལིབོདྷོ. ཨུཔསམྤནྣཾ སནྠརཱཔེཏི, སནྠཱརཀསྶ [སནྠཏསྶ (ཨིཏིཔི)] པལིབོདྷོ.

ཏཾ པཀྐམནྟོ ནེཝ ཨུདྡྷརེཡྻཱཏི ན སཡཾ ཨུདྡྷརེཡྻ.

ན ཨུདྡྷརཱཔེཡྻཱཏི ན ཨཉྙཾ ཨུདྡྷརཱཔེཡྻ.

ཨནཱཔུཙྪཾ ཝཱ གཙྪེཡྻཱཏི བྷིཀྑུཾ ཝཱ སཱམཎེརཾ ཝཱ ཨཱརཱམིཀཾ ཝཱ ཨནཱཔུཙྪཱ མཛ྄ཛྷིམསྶ པུརིསསྶ ལེཌྜུཔཱཏཾ ཨཏིཀྐམནྟསྶ ཨཱཔཏྟི པཱཙིཏྟིཡསྶ.

༡༡༢. སངྒྷིཀེ སངྒྷིཀསཉྙཱི ཨཛ྄ཛྷོཀཱསེ སནྠརིཏྭཱ ཝཱ སནྠརཱཔེཏྭཱ ཝཱ ཏཾ པཀྐམནྟོ ནེཝ ཨུདྡྷརེཡྻ ན ཨུདྡྷརཱཔེཡྻ ཨནཱཔུཙྪཾ ཝཱ གཙྪེཡྻ, ཨཱཔཏྟི པཱཙིཏྟིཡསྶ. སངྒྷིཀེ ཝེམཏིཀོ…པེ… སངྒྷིཀེ པུགྒལིཀསཉྙཱི ཨཛ྄ཛྷོཀཱསེ སནྠརིཏྭཱ ཝཱ སནྠརཱཔེཏྭཱ ཝཱ ཏཾ པཀྐམནྟོ ནེཝ ཨུདྡྷརེཡྻ ན ཨུདྡྷརཱཔེཡྻ, ཨནཱཔུཙྪཾ ཝཱ གཙྪེཡྻ, ཨཱཔཏྟི པཱཙིཏྟིཡསྶ.

ཙིམིལིཀཾ ཝཱ ཨུཏྟརཏྠརཎཾ ཝཱ བྷཱུམཏྠརཎཾ ཝཱ ཏཊྚིཀཾ ཝཱ ཙམྨཁཎྜཾ ཝཱ པཱདཔུཉྪནིཾ ཝཱ ¶ ཕལཀཔཱིཋཾ ཝཱ ཨཛ྄ཛྷོཀཱསེ སནྠརིཏྭཱ ཝཱ སནྠརཱཔེཏྭཱ ཝཱ ཏཾ པཀྐམནྟོ ནེཝ ཨུདྡྷརེཡྻ ན ཨུདྡྷརཱཔེཡྻ, ཨནཱཔུཙྪཾ ཝཱ གཙྪེཡྻ, ཨཱཔཏྟི དུཀྐཊསྶ. པུགྒལིཀེ སངྒྷིཀསཉྙཱི, ཨཱཔཏྟི དུཀྐཊསྶ. པུགྒལིཀེ ཝེམཏིཀོ, ཨཱཔཏྟི དུཀྐཊསྶ. པུགྒལིཀེ པུགྒལིཀསཉྙཱི ཨཉྙསྶ པུགྒལིཀེ, ཨཱཔཏྟི དུཀྐཊསྶ. ཨཏྟནོ པུགྒལིཀེ ཨནཱཔཏྟི.

༡༡༣. ཨནཱཔཏྟི ¶ ¶ ཨུདྡྷརིཏྭཱ གཙྪཏི, ཨུདྡྷརཱཔེཏྭཱ གཙྪཏི, ཨཱཔུཙྪཾ གཙྪཏི, ཨོཏཱཔེནྟོ གཙྪཏི, ཀེནཙི པལིབུདྡྷཾ ཧོཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

པཋམསེནཱསནསིཀྑཱཔདཾ ནིཊྛིཏཾ ཙཏུཏྠཾ.

༥. དུཏིཡསེནཱསནསིཀྑཱཔདཾ

༡༡༤. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན སཏྟརསཝགྒིཡཱ བྷིཀྑཱུ སཧཱཡཀཱ ཧོནྟི. ཏེ ཝསནྟཱཔི ཨེཀཏོཝ ཝསནྟི, པཀྐམནྟཱཔི ཨེཀཏོཝ པཀྐམནྟི. ཏེ ཨཉྙཏརསྨིཾ སངྒྷིཀེ ཝིཧཱརེ སེཡྻཾ སནྠརིཏྭཱ ཏཾ པཀྐམནྟཱ ནེཝ ཨུདྡྷརིཾསུ ན ཨུདྡྷརཱཔེསུཾ, ཨནཱཔུཙྪཱ པཀྐམིཾསུ. སེནཱསནཾ ཨུཔཙིཀཱཧི ཁཱཡིཏཾ ཧོཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སཏྟརསཝགྒིཡཱ བྷིཀྑཱུ སངྒྷིཀེ ཝིཧཱརེ སེཡྻཾ སནྠརིཏྭཱ ཏཾ པཀྐམནྟཱ ནེཝ ཨུདྡྷརིསྶནྟི ན ཨུདྡྷརཱཔེསྶནྟི, ཨནཱཔུཙྪཱ པཀྐམིསྶནྟི, སེནཱསནཾ ཨུཔཙིཀཱཧི ཁཱཡིཏ’’ནྟི! ཨཐ ཁོ ཏེ བྷིཀྑཱུ སཏྟརསཝགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, སཏྟརསཝགྒིཡཱ བྷིཀྑཱུ སངྒྷིཀེ ཝིཧཱརེ སེཡྻཾ སནྠརིཏྭཱ ཏཾ པཀྐམནྟཱ ནེཝ ཨུདྡྷརིཾསུ ན ཨུདྡྷརཱཔེསུཾ, ཨནཱཔུཙྪཱ པཀྐམིཾསུ, སེནཱསནཾ ཨུཔཙིཀཱཧི ཁཱཡིཏ’’ནྟི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ སངྒྷིཀེ ཝིཧཱརེ སེཡྻཾ སནྠརིཏྭཱ ཏཾ པཀྐམནྟཱ ནེཝ ཨུདྡྷརིསྶནྟི ན ཨུདྡྷརཱཔེསྶནྟི, ཨནཱཔུཙྪཱ པཀྐམིསྶནྟི, སེནཱསནཾ ཨུཔཙིཀཱཧི ཁཱཡིཏཾ! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན ¶ , བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༡༥. ‘‘ཡོ པན བྷིཀྑུ སངྒྷིཀེ ཝིཧཱརེ སེཡྻཾ སནྠརིཏྭཱ ཝཱ སནྠརཱཔེཏྭཱ ཝཱ ཏཾ པཀྐམནྟོ ནེཝ ཨུདྡྷརེཡྻ ན ཨུདྡྷརཱཔེཡྻ, ཨནཱཔུཙྪཾ ཝཱ གཙྪེཡྻ, པཱཙིཏྟིཡ’’ནྟི.

༡༡༦. ཡོ ¶ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

སངྒྷིཀོ ནཱམ ཝིཧཱརོ སངྒྷསྶ དིནྣོ ཧོཏི པརིཙྩཏྟོ.

སེཡྻཾ ནཱམ བྷིསི, ཙིམིལིཀཱ ཨུཏྟརཏྠརཎཾ, བྷཱུམཏྠརཎཾ, ཏཊྚིཀཱ, ཙམྨཁཎྜོ, ནིསཱིདནཾ, པཙྩཏྠརཎཾ, ཏིཎསནྠཱརོ, པཎྞསནྠཱརོ.

སནྠརིཏྭཱཏི སཡཾ སནྠརིཏྭཱ.

སནྠརཱཔེཏྭཱཏི ཨཉྙཾ སནྠརཱཔེཏྭཱ.

ཏཾ པཀྐམནྟོ ནེཝ ཨུདྡྷརེཡྻཱཏི ན སཡཾ ཨུདྡྷརེཡྻ.

ན ཨུདྡྷརཱཔེཡྻཱཏི ན ཨཉྙཾ ཨུདྡྷརཱཔེཡྻ.

ཨནཱཔུཙྪཾ ཝཱ གཙྪེཡྻཱཏི བྷིཀྑུཾ ཝཱ སཱམཎེརཾ ཝཱ ཨཱརཱམིཀཾ ¶ ཝཱ ཨནཱཔུཙྪཱ པརིཀྑིཏྟསྶ ཨཱརཱམསྶ པརིཀྑེཔཾ ཨཏིཀྐམནྟསྶ ཨཱཔཏྟི པཱཙིཏྟིཡསྶ. ཨཔརིཀྑིཏྟསྶ ཨཱརཱམསྶ ཨུཔཙཱརཾ ཨཏིཀྐམནྟསྶ ཨཱཔཏྟི པཱཙིཏྟིཡསྶ. སངྒྷིཀེ སངྒྷིཀསཉྙཱི སེཡྻཾ སནྠརིཏྭཱ ཝཱ སནྠརཱཔེཏྭཱ ཝཱ ཏཾ པཀྐམནྟོ ནེཝ ཨུདྡྷརེཡྻ ན ཨུདྡྷརཱཔེཡྻ, ཨནཱཔུཙྪཾ ཝཱ གཙྪེཡྻ, ཨཱཔཏྟི པཱཙིཏྟིཡསྶ. སངྒྷིཀེ ཝེམཏིཀོ སེཡྻཾ སནྠརིཏྭཱ ཝཱ སནྠརཱཔེཏྭཱ ཝཱ ཏཾ པཀྐམནྟོ ནེཝ ཨུདྡྷརེཡྻ ན ཨུདྡྷརཱཔེཡྻ, ཨནཱཔུཙྪཾ ཝཱ གཙྪེཡྻ, ཨཱཔཏྟི པཱཙིཏྟིཡསྶ. སངྒྷིཀེ པུགྒལིཀསཉྙཱི སེཡྻཾ སནྠརིཏྭཱ ཝཱ སནྠརཱཔེཏྭཱ ¶ ཝཱ ཏཾ པཀྐམནྟོ ནེཝ ཨུདྡྷརེཡྻ ན ཨུདྡྷརཱཔེཡྻ, ཨནཱཔུཙྪཾ ཝཱ གཙྪེཡྻ, ཨཱཔཏྟི པཱཙིཏྟིཡསྶ.

༡༡༧. ཝིཧཱརསྶ ཨུཔཙཱརེ ཝཱ ཨུཔཊྛཱནསཱལཱཡཾ ཝཱ མཎྜཔེ ཝཱ རུཀྑམཱུལེ ཝཱ སེཡྻཾ སནྠརིཏྭཱ ཝཱ སནྠརཱཔེཏྭཱ ཝཱ ཏཾ པཀྐམནྟོ ནེཝ ཨུདྡྷརེཡྻ ན ཨུདྡྷརཱཔེཡྻ, ཨནཱཔུཙྪཾ ཝཱ གཙྪེཡྻ, ཨཱཔཏྟི དུཀྐཊསྶ. མཉྩཾ ཝཱ པཱིཋཾ ཝཱ ཝིཧཱརེ ཝཱ ཝིཧཱརསྶཱུཔཙཱརེ ཝཱ ཨུཔཊྛཱནསཱལཱཡཾ ཝཱ མཎྜཔེ ཝཱ རུཀྑམཱུལེ ཝཱ སནྠརིཏྭཱ ཝཱ སནྠརཱཔེཏྭཱ ཝཱ ཏཾ པཀྐམནྟོ ནེཝ ཨུདྡྷརེཡྻ ན ཨུདྡྷརཱཔེཡྻ, ཨནཱཔུཙྪཾ ཝཱ གཙྪེཡྻ, ཨཱཔཏྟི དུཀྐཊསྶ.

པུགྒལིཀེ ¶ སངྒྷིཀསཉྙཱི, ཨཱཔཏྟི དུཀྐཊསྶ. པུགྒལིཀེ ཝེམཏིཀོ, ཨཱཔཏྟི དུཀྐཊསྶ. པུགྒལིཀེ པུགྒལིཀསཉྙཱི ཨཉྙསྶ པུགྒལིཀེ ཨཱཔཏྟི དུཀྐཊསྶ. ཨཏྟནོ པུགྒལིཀེ ཨནཱཔཏྟི.

༡༡༨. ཨནཱཔཏྟི ¶ ཨུདྡྷརིཏྭཱ གཙྪཏི, ཨུདྡྷརཱཔེཏྭཱ གཙྪཏི, ཨཱཔུཙྪཾ གཙྪཏི, ཀེནཙི པལིབུདྡྷཾ ཧོཏི, སཱཔེཀྑོ གནྟྭཱ ཏཏྠ ཋིཏོ ཨཱཔུཙྪཏི, ཀེནཙི པལིབུདྡྷོ ཧོཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

དུཏིཡསེནཱསནསིཀྑཱཔདཾ ནིཊྛིཏཾ པཉྩམཾ.

༦. ཨནུཔཁཛྫསིཀྑཱཔདཾ

༡༡༩. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཝརསེཡྻཱཡོ པལིབུནྡྷེནྟི, ཐེརཱ བྷིཀྑཱུ ཝུཊྛཱཔེནྟི [ཨེཏྠ ཏེ ཨིཏི ཀམྨཔདཾ ཨཱུནཾ ཝིཡ དིསྶཏི]. ཨཐ ཁོ ཚབྦགྒིཡཱནཾ བྷིཀྑཱུནཾ ཨེཏདཧོསི – ‘‘ཀེན ནུ ཁོ མཡཾ ཨུཔཱཡེན ཨིདྷེཝ ཝསྶཾ ཝསེཡྻཱམཱ’’ཏི? ཨཐ ཁོ ཚབྦགྒིཡཱ བྷིཀྑཱུ ཐེརེ བྷིཀྑཱུ ཨནུཔཁཛྫ སེཡྻཾ ཀཔྤེནྟི – ཡསྶ སམྦཱདྷོ བྷཝིསྶཏི སོ པཀྐམིསྶཏཱིཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཐེརེ བྷིཀྑཱུ ཨནུཔཁཛྫ སེཡྻཾ ཀཔྤེསྶནྟཱི’’ཏི! ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ ¶ …པེ… ‘‘སཙྩཾ ཀིར ཏུམྷེ, བྷིཀྑཝེ, ཐེརེ བྷིཀྑཱུ ཨནུཔཁཛྫ སེཡྻཾ ཀཔྤེཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཐེརེ བྷིཀྑཱུ ཨནུཔཁཛྫ སེཡྻཾ ཀཔྤེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༢༠. ‘‘ཡོ པན བྷིཀྑུ སངྒྷིཀེ ཝིཧཱརེ ཛཱནཾ པུབྦུཔགཏཾ བྷིཀྑུཾ ཨནུཔཁཛྫ སེཡྻཾ ཀཔྤེཡྻ – ཡསྶ སམྦཱདྷོ བྷཝིསྶཏི སོ པཀྐམིསྶཏཱི’ཏི, ཨེཏདེཝ པཙྩཡཾ ཀརིཏྭཱ ཨནཉྙཾ, པཱཙིཏྟིཡ’’ནྟི.

༡༢༡. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ༢.༠༢༥༡ ཨཏྠེ ཨདྷིཔྤེཏོ བྷིཀྑཱུཏི.

སངྒྷིཀོ ¶ ནཱམ ཝིཧཱརོ སངྒྷསྶ དིནྣོ ཧོཏི པརིཙྩཏྟོ.

ཛཱནཱཏི ¶ ནཱམ ཝུཌྜྷོཏི ཛཱནཱཏི, གིལཱནོཏི ཛཱནཱཏི, སངྒྷེན དིནྣོཏི ཛཱནཱཏི.

ཨནུཔཁཛྫཱཏི ཨནུཔཝིསིཏྭཱ.

སེཡྻཾ ཀཔྤེཡྻཱཏི མཉྩསྶ ཝཱ པཱིཋསྶ ཝཱ པཝིསནྟསྶ ཝཱ ནིཀྑམནྟསྶ ཝཱ ཨུཔཙཱརེ སེཡྻཾ སནྠརཏི ཝཱ སནྠརཱཔེཏི ཝཱ, ཨཱཔཏྟི དུཀྐཊསྶ. ཨབྷིནིསཱིདཏི ཝཱ ཨབྷིནིཔཛྫཏི ཝཱ, ཨཱཔཏྟི པཱཙིཏྟིཡསྶ.

ཨེཏདེཝ པཙྩཡཾ ཀརིཏྭཱ ཨནཉྙནྟི ན ཨཉྙོ ཀོཙི པཙྩཡོ ཧོཏི ཨནུཔཁཛྫ སེཡྻཾ ཀཔྤེཏུཾ.

༡༢༢. སངྒྷིཀེ སངྒྷིཀསཉྙཱི ཨནུཔཁཛྫ སེཡྻཾ ཀཔྤེཏི, ཨཱཔཏྟི པཱཙིཏྟིཡསྶ. སངྒྷིཀེ ཝེམཏིཀོ ཨནུཔཁཛྫ སེཡྻཾ ཀཔྤེཏི, ཨཱཔཏྟི པཱཙིཏྟིཡསྶ. སངྒྷིཀེ པུགྒལིཀསཉྙཱི ཨནུཔཁཛྫ སེཡྻཾ ཀཔྤེཏི, ཨཱཔཏྟི པཱཙིཏྟིཡསྶ.

མཉྩསྶ ཝཱ པཱིཋསྶ ཝཱ པཝིསནྟསྶ ཝཱ ནིཀྑམནྟསྶ ཝཱ ཨུཔཙཱརཾ ཋཔེཏྭཱ སེཡྻཾ སནྠརཏི ཝཱ སནྠརཱཔེཏི ཝཱ, ཨཱཔཏྟི དུཀྐཊསྶ. ཨབྷིནིསཱིདཏི ཝཱ ཨབྷིནིཔཛྫཏི ཝཱ, ཨཱཔཏྟི དུཀྐཊསྶ. ཝིཧཱརསྶ ཨུཔཙཱརེ ཝཱ ཨུཔཊྛཱནསཱལཱཡཾ ཝཱ མཎྜཔེ ཝཱ རུཀྑམཱུལེ ཝཱ ཨཛ྄ཛྷོཀཱསེ ཝཱ སེཡྻཾ སནྠརཏི ཝཱ སནྠརཱཔེཏི ཝཱ, ཨཱཔཏྟི དུཀྐཊསྶ. ཨབྷིནིསཱིདཏི ཝཱ ཨབྷིནིཔྤཛྫཏི ཝཱ, ཨཱཔཏྟི དུཀྐཊསྶ. པུགྒལིཀེ སངྒྷིཀསཉྙཱི, ཨཱཔཏྟི དུཀྐཊསྶ. པུགྒལིཀེ ཝེམཏིཀོ, ཨཱཔཏྟི དུཀྐཊསྶ. པུགྒལིཀེ པུགྒལིཀསཉྙཱི ཨཉྙསྶ པུགྒལིཀེ ཨཱཔཏྟི དུཀྐཊསྶ ¶ . ཨཏྟནོ པུགྒལིཀེ ཨནཱཔཏྟི.

༡༢༣. ཨནཱཔཏྟི གིལཱནོ པཝིསཏི, སཱིཏེན ཝཱ ཨུཎྷེན ཝཱ པཱིལི༹ཏོ པཝིསཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཨནུཔཁཛྫསིཀྑཱཔདཾ ནིཊྛིཏཾ ཚཊྛཾ.

༧. ནིཀྐཌྜྷནསིཀྑཱཔདཾ

༡༢༤. ཏེན ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན སཏྟརསཝགྒིཡཱ བྷིཀྑཱུ ཨཉྙཏརཾ པཙྩནྟིམཾ མཧཱཝིཧཱརཾ པཊིསངྑརོནྟི – ‘‘ཨིདྷ མཡཾ ཝསྶཾ ཝསིསྶཱམཱ’’ཏི ¶ . ཨདྡསཾསུ ཁོ ཚབྦགྒིཡཱ བྷིཀྑཱུ སཏྟརསཝགྒིཡེ བྷིཀྑཱུ ཝིཧཱརཾ པཊིསངྑརོནྟེ. དིསྭཱན ཨེཝམཱཧཾསུ – ‘‘ཨིམེ, ཨཱཝུསོ, སཏྟརསཝགྒིཡཱ བྷིཀྑཱུ ཝིཧཱརཾ པཊིསངྑརོནྟི. ཧནྡ ནེ ཝུཊྛཱཔེསྶཱམཱ’’ཏི! ཨེཀཙྩེ ཨེཝམཱཧཾསུ – ‘‘ཨཱགམེཐཱཝུསོ, ཡཱཝ པཊིསངྑརོནྟི; པཊིསངྑཏེ ཝུཊྛཱཔེསྶཱམཱ’’ཏི.

ཨཐ ཁོ ཚབྦགྒིཡཱ བྷིཀྑཱུ སཏྟརསཝགྒིཡེ བྷིཀྑཱུ ཨེཏདཝོཙུཾ – ‘‘ཨུཊྛེཐཱཝུསོ, ཨམྷཱཀཾ ཝིཧཱརོ པཱཔུཎཱཏཱི’’ཏི. ‘‘ནནུ, ཨཱཝུསོ, པཊིཀཙྩེཝ [པཊིགཙྩེཝ (སཱི.)] ཨཱཙིཀྑིཏབྦཾ, མཡཉྩཉྙཾ པཊིསངྑརེཡྻཱམཱ’’ཏི. ‘‘ནནུ, ཨཱཝུསོ, སངྒྷིཀོ ཝིཧཱརོ’’ཏི? ‘‘ཨཱམཱཝུསོ, སངྒྷིཀོ ཝིཧཱརོ’’ཏི. ‘‘ཨུཊྛེཐཱཝུསོ, ཨམྷཱཀཾ ཝིཧཱརོ པཱཔུཎཱཏཱི’’ཏི. ‘‘མཧལླཀོ, ཨཱཝུསོ, ཝིཧཱརོ. ཏུམྷེཔི ཝསཐ, མཡམྤི ཝསིསྶཱམཱ’’ཏི. ‘‘ཨུཊྛེཐཱཝུསོ, ཨམྷཱཀཾ ཝིཧཱརོ པཱཔུཎཱཏཱི’’ཏི ཀུཔིཏཱ ཨནཏྟམནཱ གཱིཝཱཡཾ གཧེཏྭཱ ནིཀྐཌྜྷནྟི. ཏེ ནིཀྐཌྜྷཱིཡམཱནཱ རོདནྟི. བྷིཀྑཱུ ཨེཝམཱཧཾསུ – ‘‘ཀིསྶ ཏུམྷེ, ཨཱཝུསོ, རོདཐཱ’’ཏི? ‘‘ཨིམེ, ཨཱཝུསོ, ཚབྦགྒིཡཱ བྷིཀྑཱུ ཀུཔིཏཱ ཨནཏྟམནཱ ཨམྷེ སངྒྷིཀཱ ཝིཧཱརཱ ནིཀྐཌྜྷནྟཱི’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ¶ ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཀུཔིཏཱ ཨནཏྟམནཱ བྷིཀྑཱུ སངྒྷིཀཱ ཝིཧཱརཱ ནིཀྐཌྜྷིསྶནྟཱི’’ཏི! ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ, ཀུཔིཏཱ ཨནཏྟམནཱ བྷིཀྑཱུ སངྒྷིཀཱ ཝིཧཱརཱ ནིཀྐཌྜྷཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཀུཔིཏཱ ཨནཏྟམནཱ བྷིཀྑཱུ སངྒྷིཀཱ ཝིཧཱརཱ ནིཀྐཌྜྷིསྶཐ? ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༢༥. ‘‘ཡོ པན བྷིཀྑུ བྷིཀྑུཾ ཀུཔིཏོ ཨནཏྟམནོ སངྒྷིཀཱ ཝིཧཱརཱ ནིཀྐཌྜྷེཡྻ ཝཱ ནིཀྐཌྜྷཱཔེཡྻ ཝཱ, པཱཙིཏྟིཡ’’ནྟི.

༡༢༦. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུནྟི ¶ ¶ ཨཉྙཾ བྷིཀྑུཾ.

ཀུཔིཏོ ¶ ཨནཏྟམནོཏི ཨནབྷིརདྡྷོ ཨཱཧཏཙིཏྟོ ཁིལཛཱཏོ.

སངྒྷིཀོ ནཱམ ཝིཧཱརོ སངྒྷསྶ དིནྣོ ཧོཏི པརིཙྩཏྟོ.

ནིཀྐཌྜྷེཡྻཱཏི གབྦྷེ གཧེཏྭཱ པམུཁཾ ནིཀྐཌྜྷཏི, ཨཱཔཏྟི པཱཙིཏྟིཡསྶ. པམུཁེ གཧེཏྭཱ བཧི ནིཀྐཌྜྷཏི, ཨཱཔཏྟི པཱཙིཏྟིཡསྶ. ཨེཀེན པཡོགེན བཧུཀེཔི དྭཱརེ ཨཏིཀྐཱམེཏི, ཨཱཔཏྟི པཱཙིཏྟིཡསྶ.

ནིཀྐཌྜྷཱཔེཡྻཱཏི ཨཉྙཾ ཨཱཎཱཔེཏི, ཨཱཔཏྟི པཱཙིཏྟིཡསྶ [དུཀྐཊསྶ (ཀཏྠཙི)]. སཀིཾ ཨཱཎཏྟོ བཧུཀེཔི དྭཱརེ ཨཏིཀྐཱམེཏི, ཨཱཔཏྟི པཱཙིཏྟིཡསྶ.

༡༢༧. སངྒྷིཀེ ¶ སངྒྷིཀསཉྙཱི ཀུཔིཏོ ཨནཏྟམནོ ནིཀྐཌྜྷཏི ཝཱ ནིཀྐཌྜྷཱཔེཏི ཝཱ, ཨཱཔཏྟི པཱཙིཏྟིཡསྶ. སངྒྷིཀེ ཝེམཏིཀོ ཀུཔིཏོ ཨནཏྟམནོ ནིཀྐཌྜྷཏི ཝཱ ནིཀྐཌྜྷཱཔེཏི ཝཱ, ཨཱཔཏྟི པཱཙིཏྟིཡསྶ. སངྒྷིཀེ པུགྒལིཀསཉྙཱི ཀུཔིཏོ ཨནཏྟམནོ ནིཀྐཌྜྷཏི ཝཱ ནིཀྐཌྜྷཱཔེཏི ཝཱ, ཨཱཔཏྟི པཱཙིཏྟིཡསྶ.

ཏསྶ པརིཀྑཱརཾ ནིཀྐཌྜྷཏི ཝཱ ནིཀྐཌྜྷཱཔེཏི ཝཱ, ཨཱཔཏྟི དུཀྐཊསྶ. ཝིཧཱརསྶ ཨུཔཙཱརཱ ཝཱ ཨུཔཊྛཱནསཱལཱཡ ཝཱ མཎྜཔཱ ཝཱ རུཀྑམཱུལཱ ཝཱ ཨཛ྄ཛྷོཀཱསཱ ཝཱ ནིཀྐཌྜྷཏི ཝཱ ནིཀྐཌྜྷཱཔེཏི ཝཱ, ཨཱཔཏྟི དུཀྐཊསྶ. ཏསྶ པརིཀྑཱརཾ ནིཀྐཌྜྷཏི ཝཱ ནིཀྐཌྜྷཱཔེཏི ཝཱ, ཨཱཔཏྟི དུཀྐཊསྶ. ཨནུཔསམྤནྣཾ ཝིཧཱརཱ ཝཱ ཝིཧཱརསྶ ཨུཔཙཱརཱ ཝཱ ཨུཔཊྛཱནསཱལཱཡ ཝཱ མཎྜཔཱ ཝཱ རུཀྑམཱུལཱ ཝཱ ཨཛ྄ཛྷོཀཱསཱ ཝཱ ནིཀྐཌྜྷཏི ཝཱ ནིཀྐཌྜྷཱཔེཏི ཝཱ, ཨཱཔཏྟི དུཀྐཊསྶ. ཏསྶ པརིཀྑཱརཾ ནིཀྐཌྜྷཏི ཝཱ ནིཀྐཌྜྷཱཔེཏི ཝཱ, ཨཱཔཏྟི དུཀྐཊསྶ.

པུགྒལིཀེ སངྒྷིཀསཉྙཱི, ཨཱཔཏྟི དུཀྐཊསྶ. པུགྒལིཀེ ཝེམཏིཀོ, ཨཱཔཏྟི དུཀྐཊསྶ. པུགྒལིཀེ པུགྒལིཀསཉྙཱི ཨཉྙསྶ པུགྒལིཀེ ཨཱཔཏྟི དུཀྐཊསྶ. ཨཏྟནོ པུགྒལིཀེ ཨནཱཔཏྟི.

༡༢༨. ཨནཱཔཏྟི ཨལཛྫིཾ ནིཀྐཌྜྷཏི ཝཱ ནིཀྐཌྜྷཱཔེཏི ཝཱ, ཏསྶ པརིཀྑཱརཾ ནིཀྐཌྜྷཏི ¶ ཝཱ ནིཀྐཌྜྷཱཔེཏི ཝཱ, ཨུམྨཏྟཀཾ ནིཀྐཌྜྷཏི ཝཱ ནིཀྐཌྜྷཱཔེཏི ཝཱ, ཏསྶ པརིཀྑཱརཾ ནིཀྐཌྜྷཏི ཝཱ ¶ ནིཀྐཌྜྷཱཔེཏི ཝཱ, བྷཎྜནཀཱརཀཾ ཀལཧཀཱརཀཾ ཝིཝཱདཀཱརཀཾ བྷསྶཀཱརཀཾ སངྒྷེ ཨདྷིཀརཎཀཱརཀཾ ནིཀྐཌྜྷཏི ཝཱ ནིཀྐཌྜྷཱཔེཏི ¶ ཝཱ, ཏསྶ པརིཀྑཱརཾ ནིཀྐཌྜྷཏི ཝཱ ནིཀྐཌྜྷཱཔེཏི ཝཱ, ཨནྟེཝཱསིཀཾ ཝཱ སདྡྷིཝིཧཱརིཀཾ ཝཱ ན སམྨཱ ཝཏྟནྟཾ ནིཀྐཌྜྷཏི ཝཱ ནིཀྐཌྜྷཱཔེཏི ཝཱ, ཏསྶ པརིཀྑཱརཾ ནིཀྐཌྜྷཏི ཝཱ ནིཀྐཌྜྷཱཔེཏི ཝཱ, ཨུམྨཏྟཀསྶ, ཨཱདིཀམྨིཀསྶཱཏི.

ནིཀྐཌྜྷནསིཀྑཱཔདཾ ནིཊྛིཏཾ སཏྟམཾ.

༨. ཝེཧཱསཀུཊིསིཀྑཱཔདཾ

༡༢༩. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ¶ དྭེ བྷིཀྑཱུ སངྒྷིཀེ ཝིཧཱརེ ཨུཔརིཝེཧཱསཀུཊིཡཱ ཝིཧརནྟི?. ཨེཀོ ཧེཊྛཱ ཝིཧརཏི [ཝིཧརནྟི, ཨེཀོ ཧེཊྛཱ (?)], ཨེཀོ ཨུཔརི. ཨུཔརིམོ བྷིཀྑུ ཨཱཧཙྩཔཱདཀཾ མཉྩཾ སཧསཱ ཨབྷིནིསཱིདི. མཉྩཔཱདོ ནིཔྤཏིཏྭཱ [པཏིཏྭཱ (སྱཱ.)] ཧེཊྛིམསྶ བྷིཀྑུནོ མཏྠཀེ ཨཝཏྠཱསི. སོ བྷིཀྑུ ཝིསྶརམཀཱསི. བྷིཀྑཱུ ཨུཔདྷཱཝིཏྭཱ ཏཾ བྷིཀྑུཾ ཨེཏདཝོཙུཾ – ‘‘ཀིསྶ ཏྭཾ, ཨཱཝུསོ, ཝིསྶརམཀཱསཱི’’ཏི? ཨཐ ཁོ སོ བྷིཀྑུ བྷིཀྑཱུནཾ ཨེཏམཏྠཾ ཨཱརོཙེསི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུ སངྒྷིཀེ ཝིཧཱརེ ཨུཔརིཝེཧཱསཀུཊིཡཱ ཨཱཧཙྩཔཱདཀཾ མཉྩཾ སཧསཱ ཨབྷིནིསཱིདིསྶཏཱི’’ཏི! ཨཐ ཁོ ཏེ བྷིཀྑཱུ ཏཾ བྷིཀྑུཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, བྷིཀྑུ, སངྒྷིཀེ ཝིཧཱརེ ཨུཔརིཝེཧཱསཀུཊིཡཱ ཨཱཧཙྩཔཱདཀཾ མཉྩཾ སཧསཱ ཨབྷིནིསཱིདསཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, སངྒྷིཀེ ཝིཧཱརེ ཨུཔརིཝེཧཱསཀུཊིཡཱ ཨཱཧཙྩཔཱདཀཾ མཉྩཾ སཧསཱ ཨབྷིནིསཱིདིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༣༠. ‘‘ཡོ པན བྷིཀྑུ སངྒྷིཀེ ཝིཧཱརེ ཨུཔརིཝེཧཱསཀུཊིཡཱ ཨཱཧཙྩཔཱདཀཾ མཉྩཾ ཝཱ པཱིཋཾ ¶ ཝཱ ཨབྷིནིསཱིདེཡྻ ཝཱ ཨབྷིནིཔཛྫེཡྻ ཝཱ, པཱཙིཏྟིཡ’’ནྟི.

༡༣༡. ཡོ ¶ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

སངྒྷིཀོ ནཱམ ཝིཧཱརོ སངྒྷསྶ དིནྣོ ཧོཏི པརིཙྩཏྟོ.

ཝེཧཱསཀུཊི ནཱམ མཛ྄ཛྷིམསྶ པུརིསསྶ ཨསཱིསགྷཊྚཱ.

ཨཱཧཙྩཔཱདཀོ ནཱམ མཉྩོ ཨངྒེ ཝིཛ྄ཛྷིཏྭཱ ཋིཏོ ཧོཏི. ཨཱཧཙྩཔཱདཀཾ ནཱམ པཱིཋཾ ཨངྒེ ཝིཛ྄ཛྷིཏྭཱ ཋིཏཾ ཧོཏི.

ཨབྷིནིསཱིདེཡྻཱཏི ཏསྨིཾ ཨབྷིནིསཱིདཏི, ཨཱཔཏྟི པཱཙིཏྟིཡསྶ.

ཨབྷིནིཔཛྫེཡྻཱཏི ཏསྨིཾ ཨབྷིནིཔཛྫཏི, ཨཱཔཏྟི པཱཙིཏྟིཡསྶ.

༡༣༢. སངྒྷིཀེ སངྒྷིཀསཉྙཱི ཨུཔརིཝེཧཱསཀུཊིཡཱ ཨཱཧཙྩཔཱདཀཾ མཉྩཾ ཝཱ པཱིཋཾ ཝཱ ཨབྷིནིསཱིདཏི ཝཱ ཨབྷིནིཔཛྫཏི ཝཱ, ཨཱཔཏྟི པཱཙིཏྟིཡསྶ. སངྒྷིཀེ ཝེམཏིཀོ…པེ… སངྒྷིཀེ པུགྒལིཀསཉྙཱི ཨུཔརིཝེཧཱསཀུཊིཡཱ ཨཱཧཙྩཔཱདཀཾ མཉྩཾ ཝཱ པཱིཋཾ ཝཱ ཨབྷིནིསཱིདཏི ཝཱ ཨབྷིནིཔཛྫཏི ཝཱ, ཨཱཔཏྟི པཱཙིཏྟིཡསྶ.

པུགྒལིཀེ སངྒྷིཀསཉྙཱི, ཨཱཔཏྟི དུཀྐཊསྶ. པུགྒལིཀེ ཝེམཏིཀོ, ཨཱཔཏྟི དུཀྐཊསྶ. པུགྒལིཀེ པུགྒལིཀསཉྙཱི ཨཉྙསྶ པུགྒལིཀེ, ཨཱཔཏྟི དུཀྐཊསྶ. ཨཏྟནོ པུགྒལིཀེ, ཨནཱཔཏྟི.

༡༣༣. ཨནཱཔཏྟི – ཨཝེཧཱསཀུཊིཡཱ སཱིསགྷཊྚཱཡ ཧེཊྛཱ ཨཔརིབྷོགཾ ¶ ཧོཏི, པདརསཉྩིཏཾ ཧོཏི, པཊཱཎི དིནྣཱ ཧོཏི, ཏསྨིཾ ཋིཏོ གཎྷཏི ཝཱ ལགྒེཏི ཝཱ, ཨུམྨཏྟཀསྶ, ཨཱདིཀམྨིཀསྶཱཏི.

ཝེཧཱསཀུཊིསིཀྑཱཔདཾ ནིཊྛིཏཾ ཨཊྛམཾ.

༩. མཧལླཀཝིཧཱརསིཀྑཱཔདཾ

༡༣༤. ཏེན ¶ ¶ ¶ སམཡེན བུདྡྷོ བྷགཝཱ ཀོསམྦིཡཾ ཝིཧརཏི གྷོསིཏཱརཱམེ. ཏེན ཁོ པན སམཡེན ཨཱཡསྨཏོ ཚནྣསྶ ཨུཔཊྛཱཀོ མཧཱམཏྟོ ཨཱཡསྨཏོ ཚནྣསྶ ཝིཧཱརཾ ཀཱརཱཔེཏི. ཨཐ ཁོ ཨཱཡསྨཱ ཚནྣོ ཀཏཔརིཡོསིཏཾ ཝིཧཱརཾ པུནཔྤུནཾ ཚཱདཱཔེཏི, པུནཔྤུནཾ ¶ ལེཔཱཔེཏི. ཨཏིབྷཱརིཏོ ཝིཧཱརོ པརིཔཏི. ཨཐ ཁོ ཨཱཡསྨཱ ཚནྣོ ཏིཎཉྩ ཀཊྛཉྩ སཾཀཌྜྷནྟོ ཨཉྙཏརསྶ བྲཱཧྨཎསྶ ཡཝཁེཏྟཾ དཱུསེསི. ཨཐ ཁོ སོ བྲཱཧྨཎོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ བྷདནྟཱ ཨམྷཱཀཾ ཡཝཁེཏྟཾ དཱུསེསྶནྟཱི’’ཏི! ཨསྶོསུཾ ཁོ བྷིཀྑཱུ ཏསྶ བྲཱཧྨཎསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཚནྣོ ཀཏཔརིཡོསིཏཾ ཝིཧཱརཾ པུནཔྤུནཾ ཚཱདཱཔེསྶཏི, པུནཔྤུནཾ ལེཔཱཔེསྶཏི, ཨཏིབྷཱརིཏོ ཝིཧཱརོ པརིཔཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ ཚནྣཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, ཚནྣ, ཀཏཔརིཡོསིཏཾ ཝིཧཱརཾ པུནཔྤུནཾ ཚཱདཱཔེསི, པུནཔྤུནཾ ལེཔཱཔེསི, ཨཏིབྷཱརིཏོ ཝིཧཱརོ པརིཔཏཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, ཀཏཔརིཡོསིཏཾ ཝིཧཱརཾ པུནཔྤུནཾ ཚཱདཱཔེསྶསི, པུནཔྤུནཾ ལེཔཱཔེསྶསི ¶ , ཨཏིབྷཱརིཏོ ཝིཧཱརོ པརིཔཏི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༣༥. ‘‘མཧལླཀཾ པན བྷིཀྑུནཱ ཝིཧཱརཾ ཀཱརཡམཱནེན ཡཱཝདྭཱརཀོསཱ ཨགྒལ༹ཊྛཔནཱཡ ཨཱལོཀསནྡྷིཔརིཀམྨཱཡ དྭཏྟིཙྪདནསྶ པརིཡཱཡ ཨཔྤཧརིཏེ ཋིཏེན ཨདྷིཊྛཱཏབྦཾ. ཏཏོ ཙེ ཨུཏྟརིཾ ཨཔྤཧརིཏེཔི ཋིཏོ ཨདྷིཊྛཧེཡྻ པཱཙིཏྟིཡ’’ནྟི.

༡༣༦. མཧལླཀོ ནཱམ ཝིཧཱརོ སསྶཱམིཀོ ཝུཙྩཏི.

ཝིཧཱརོ ནཱམ ཨུལླིཏྟོ ཝཱ ཧོཏི ཨཝལིཏྟོ ཝཱ ཨུལླིཏྟཱཝལིཏྟོ ཝཱ.

ཀཱརཡམཱནེནཱཏི ཀརོནྟོ ཝཱ ཀཱརཱཔེནྟོ ཝཱ.

ཡཱཝ དྭཱརཀོསཱཏི པིཊྛསངྒྷཱཊསྶ [པཱིཋསཾགྷཱཊསྶ (ཨིཏིཔི), པིཊྛིསངྒྷཱཊསྶ (སྱཱ.)] སམནྟཱ ཧཏྠཔཱསཱ.

ཨགྒལ༹ཊྛཔནཱཡཱཏི ¶ དྭཱརཊྛཔནཱཡ.

ཨཱལོཀསནྡྷིཔརིཀམྨཱཡཱཏི ཝཱཏཔཱནཔརིཀམྨཱཡ སེཏཝཎྞཾ ཀཱལ༹ཝཎྞཾ གེརུཀཔརིཀམྨཾ མཱལཱཀམྨཾ ལཏཱཀམྨཾ མཀརདནྟཀཾ པཉྩཔཊིཀཾ.

དྭཏྟིཙྪདནསྶ ¶ ¶ པརིཡཱཡཾ ཨཔྤཧརིཏེ ཋིཏེན ཨདྷིཊྛཱཏབྦནྟི – ཧརིཏཾ ནཱམ པུབྦཎྞཾ ཨཔརཎྞཾ. སཙེ ཧརིཏེ ཋིཏོ ཨདྷིཊྛཱཏི, ཨཱཔཏྟི དུཀྐཊསྶ. མགྒེན ཚཱདེནྟསྶ དྭེ མགྒེ ཨདྷིཊྛཧིཏྭཱ ཏཏིཡཾ མགྒཾ ཨཱཎཱཔེཏྭཱ པཀྐམིཏབྦཾ. པརིཡཱཡེན ཚཱདེནྟསྶ དྭེ པརིཡཱཡེ ཨདྷིཊྛཧིཏྭཱ ཏཏིཡཾ པརིཡཱཡཾ ཨཱཎཱཔེཏྭཱ པཀྐམིཏབྦཾ.

༡༣༧. ཏཏོ ཙེ ཨུཏྟརི ཨཔྤཧརིཏེཔི ཋིཏོ ཨདྷིཊྛཧེཡྻཱཏི ཨིཊྛཀཱཡ ༢.༠༢༦༢ ཚཱདེནྟསྶ ཨིཊྛཀིཊྛཀཱཡ ཨཱཔཏྟི པཱཙིཏྟིཡསྶ. སིལཱཡ ཚཱདེནྟསྶ སིལཱཡ སིལཱཡ ཨཱཔཏྟི པཱཙིཏྟིཡསྶ. སུདྷཱཡ ཚཱདེནྟསྶ པིཎྜེ པིཎྜེ ཨཱཔཏྟི པཱཙིཏྟིཡསྶ. ཏིཎེན ཚཱདེནྟསྶ ཀརལེ༹ ཀརལེ༹ ཨཱཔཏྟི པཱཙིཏྟིཡསྶ. པཎྞེན ཚཱདེནྟསྶ པཎྞེ པཎྞེ ཨཱཔཏྟི པཱཙིཏྟིཡསྶ.

ཨཏིརེཀདྭཏྟིཔརིཡཱཡེ ཨཏིརེཀསཉྙཱི ཨདྷིཊྛཱཏི, ཨཱཔཏྟི པཱཙིཏྟིཡསྶ. ཨཏིརེཀདྭཏྟིཔརིཡཱཡེ ཝེམཏིཀོ ཨདྷིཊྛཱཏི, ཨཱཔཏྟི པཱཙིཏྟིཡསྶ. ཨཏིརེཀདྭཏྟིཔརིཡཱཡེ ཨཱུནཀསཉྙཱི ཨདྷིཊྛཱཏི, ཨཱཔཏྟི པཱཙིཏྟིཡསྶ.

ཨཱུནཀདྭཏྟིཔརིཡཱཡེ ཨཏིརེཀསཉྙཱི, ཨཱཔཏྟི དུཀྐཊསྶ. ཨཱུནཀདྭཏྟིཔརིཡཱཡེ ཝེམཏིཀོ, ཨཱཔཏྟི དུཀྐཊསྶ. ཨཱུནཀདྭཏྟིཔརིཡཱཡེ ཨཱུནཀསཉྙཱི, ཨནཱཔཏྟི.

༡༣༨. ཨནཱཔཏྟི དྭཏྟིཔརིཡཱཡེ, ཨཱུནཀདྭཏྟིཔརིཡཱཡེ, ལེཎེ, གུཧཱཡ, ཏིཎཀུཊིཀཱཡ, ཨཉྙསྶཏྠཱཡ, ཨཏྟནོ དྷནེན, ཝཱསཱགཱརཾ ཋཔེཏྭཱ སབྦཏྠ ཨནཱཔཏྟི, ཨུམྨཏྟཀསྶ, ཨཱདིཀམྨིཀསྶཱཏི.

མཧལླཀཝིཧཱརསིཀྑཱཔདཾ ནིཊྛིཏཾ ནཝམཾ.

༡༠. སཔྤཱཎཀསིཀྑཱཔདཾ

༡༣༩. ཏེན ¶ ¶ སམཡེན བུདྡྷོ བྷགཝཱ ཨཱལ༹ཝིཡཾ ཝིཧརཏི ཨགྒཱལ༹ཝེ ཙེཏིཡེ. ཏེན ཁོ པན སམཡེན ཨཱལ༹ཝཀཱ བྷིཀྑཱུ ནཝཀམྨཾ ཀརོནྟཱ ཛཱནཾ སཔྤཱཎཀཾ ཨུདཀཾ ཏིཎམྤི མཏྟིཀམྤི སིཉྩནྟིཔི སིཉྩཱཔེནྟིཔི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱལ༹ཝཀཱ ¶ བྷིཀྑཱུ ཛཱནཾ སཔྤཱཎཀཾ ཨུདཀཾ ཏིཎམྤི མཏྟིཀམྤི སིཉྩིསྶནྟིཔི སིཉྩཱཔེསྶནྟིཔཱི’’ཏི! ཨཐ ཁོ ཏེ བྷིཀྑཱུ ཨཱལ༹ཝཀེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏུམྷེ, བྷིཀྑཝེ, ཛཱནཾ སཔྤཱཎཀཾ ཨུདཀཾ ཏིཎམྤི མཏྟིཀམྤི སིཉྩཐཔི སིཉྩཱཔེཐཔཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཛཱནཾ སཔྤཱཎཀཾ ཨུདཀཾ ཏིཎམྤི མཏྟིཀམྤི སིཉྩིསྶཐཔི སིཉྩཱཔེསྶཐཔི! ནེཏཾ, ¶ མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༤༠. ‘‘ཡོ པན བྷིཀྑུ ཛཱནཾ སཔྤཱཎཀཾ ཨུདཀཾ ཏིཎཾ ཝཱ མཏྟིཀཾ ཝཱ སིཉྩེཡྻ ཝཱ སིཉྩཱཔེཡྻ ཝཱ, པཱཙིཏྟིཡ’’ནྟི.

༡༤༡. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཛཱནཱཏི ནཱམ [ཛཱནཾ ནཱམ (སྱཱ.)] སཱམཾ ཝཱ ཛཱནཱཏི ཨཉྙེ ཝཱ ཏསྶ ཨཱརོཙེནྟི.

སིཉྩེཡྻཱཏི སཡཾ སིཉྩཏི, ཨཱཔཏྟི པཱཙིཏྟིཡསྶ.

སིཉྩཱཔེཡྻཱཏི ¶ ཨཉྙཾ ཨཱཎཱཔེཏི, ཨཱཔཏྟི པཱཙིཏྟིཡསྶ [ཨཱཔཏྟི དུཀྐཊསྶ (ཀཏྠཙི)]. སཀིཾ ཨཱཎཏྟོ བཧུཀམྤི སིཉྩཏི, ཨཱཔཏྟི པཱཙིཏྟིཡསྶ.

༡༤༢. སཔྤཱཎཀེ སཔྤཱཎཀསཉྙཱི ཏིཎཾ ཝཱ མཏྟིཀཾ ཝཱ སིཉྩཏི ཝཱ སིཉྩཱཔེཏི ཝཱ, ཨཱཔཏྟི པཱཙིཏྟིཡསྶ. སཔྤཱཎཀེ ཝེམཏིཀོ ཏིཎཾ ཝཱ མཏྟིཀཾ ཝཱ སིཉྩཏི ཝཱ སིཉྩཱཔེཏི ཝཱ, ཨཱཔཏྟི དུཀྐཊསྶ. སཔྤཱཎཀེ ཨཔྤཱཎཀསཉྙཱི ཏིཎཾ ཝཱ མཏྟིཀཾ ཝཱ སིཉྩཏི ¶ ཝཱ སིཉྩཱཔེཏི ཝཱ, ཨནཱཔཏྟི. ཨཔྤཱཎཀེ སཔྤཱཎཀསཉྙཱི, ཨཱཔཏྟི དུཀྐཊསྶ. ཨཔྤཱཎཀེ ཝེམཏིཀོ, ཨཱཔཏྟི དུཀྐཊསྶ. ཨཔྤཱཎཀེ ཨཔྤཱཎཀསཉྙཱི, ཨནཱཔཏྟི.

༡༤༣. ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, ཨུམྨཏྟཀསྶ, ཨཱདིཀམྨིཀསྶཱཏི.

སཔྤཱཎཀསིཀྑཱཔདཾ ནིཊྛིཏཾ དསམཾ.

བྷཱུཏགཱམཝགྒོ དུཏིཡོ.

ཏསྶུདྡཱནཾ –

བྷཱུཏཾ ¶ ཨཉྙཱཡ ཨུཛ྄ཛྷཱཡཾ, པཀྐམནྟེན ཏེ དུཝེ;

པུབྦེ ནིཀྐཌྜྷནཱཧཙྩ, དྭཱརཾ སཔྤཱཎཀེན ཙཱཏི.

༣. ཨོཝཱདཝགྒོ

༡. ཨོཝཱདསིཀྑཱཔདཾ

༡༤༤. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཐེརཱ བྷིཀྑཱུ བྷིཀྑུནིཡོ ཨོཝདནྟཱ ལཱབྷིནོ ཧོནྟི ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརཱནཾ. ཨཐ ཁོ ཚབྦགྒིཡཱནཾ བྷིཀྑཱུནཾ ཨེཏདཧོསི – ‘‘ཨེཏརཧི ཁོ, ཨཱཝུསོ, ཐེརཱ བྷིཀྑཱུ བྷིཀྑུནིཡོ ཨོཝདནྟཱ ལཱབྷིནོ ཧོནྟི ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརཱནཾ. ཧནྡཱཝུསོ, མཡམྤི བྷིཀྑུནིཡོ ཨོཝདཱམཱ’’ཏི. ཨཐ ཁོ ཚབྦགྒིཡཱ བྷིཀྑཱུ བྷིཀྑུནིཡོ ཨུཔསངྐམིཏྭཱ ཨེཏདཝོཙུཾ – ‘‘ཨམྷེཔི, ¶ བྷགིནིཡོ, ཨུཔསངྐམཐ; མཡམྤི ཨོཝདིསྶཱམཱ’’ཏི.

ཨཐ ཁོ ཏཱ བྷིཀྑུནིཡོ ཡེན ཚབྦགྒིཡཱ བྷིཀྑཱུ ཏེནུཔསངྐམིཾསུ; ཨུཔསངྐམིཏྭཱ ཚབྦགྒིཡེ བྷིཀྑཱུ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨཐ ཁོ ཚབྦགྒིཡཱ བྷིཀྑཱུ བྷིཀྑུནཱིནཾ ¶ པརིཏྟཉྙེཝ དྷམྨིཾ ཀཐཾ ཀཏྭཱ དིཝསཾ ཏིརཙྪཱནཀཐཱཡ ཝཱིཏིནཱམེཏྭཱ ཨུཡྻོཛེསུཾ – ‘‘གཙྪཐ, བྷགིནིཡོ’’ཏི. ཨཐ ཁོ ཏཱ བྷིཀྑུནིཡོ ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཾསུ. ཨེཀམནྟཾ ཋིཏཱ ཁོ ཏཱ བྷིཀྑུནིཡོ བྷགཝཱ ཨེཏདཝོཙ – ‘‘ཀཙྩི, བྷིཀྑུནིཡོ, ཨོཝཱདོ ཨིདྡྷོ ཨཧོསཱི’’ཏི? ‘‘ཀུཏོ, བྷནྟེ, ཨོཝཱདོ ཨིདྡྷོ བྷཝིསྶཏི! ཨཡྻཱ ཚབྦགྒིཡཱ པརིཏྟཉྙེཝ དྷམྨིཾ ཀཐཾ ཀཏྭཱ དིཝསཾ ཏིརཙྪཱནཀཐཱཡ ཝཱིཏིནཱམེཏྭཱ ཨུཡྻོཛེསུ’’ནྟི. ཨཐ ཁོ བྷགཝཱ ཏཱ བྷིཀྑུནིཡོ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི ¶ . ཨཐ ཁོ ཏཱ བྷིཀྑུནིཡོ བྷགཝཏཱ དྷམྨིཡཱ ཀཐཱཡ སནྡསྶིཏཱ སམཱདཔིཏཱ སམུཏྟེཛིཏཱ སམྤཧཾསིཏཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐམིཾསུ.

ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཚབྦགྒིཡེ བྷིཀྑཱུ པཊིཔུཙྪི – ‘‘སཙྩཾ ཀིར ཏུམྷེ, བྷིཀྑཝེ, བྷིཀྑུནཱིནཾ ¶ པརིཏྟཉྙེཝ དྷམྨིཾ ཀཐཾ ཀཏྭཱ དིཝསཾ ཏིརཙྪཱནཀཐཱཡ ཝཱིཏིནཱམེཏྭཱ ཨུཡྻོཛེཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, བྷིཀྑུནཱིནཾ པརིཏྟཉྙེཝ དྷམྨིཾ ཀཐཾ ཀཏྭཱ དིཝསཾ ཏིརཙྪཱནཀཐཱཡ ཝཱིཏིནཱམེཏྭཱ ཨུཡྻོཛེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, བྷིཀྑུནོཝཱདཀཾ སམྨནྣིཏུཾ. ཨེཝཉྩ པན, བྷིཀྑཝེ, སམྨནྣིཏབྦོ. པཋམཾ བྷིཀྑུ ཡཱཙིཏབྦོ. ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༤༥. ‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུཾ བྷིཀྑུནོཝཱདཀཾ སམྨནྣེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ བྷིཀྑུཾ བྷིཀྑུནོཝཱདཀཾ སམྨནྣཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ བྷིཀྑུནོཝཱདཀསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ བྷིཀྑུཾ ¶ བྷིཀྑུནོཝཱདཀཾ སམྨནྣཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ བྷིཀྑུནོཝཱདཀསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ ¶ སངྒྷེན ཨིཏྠནྣཱམོ བྷིཀྑུ བྷིཀྑུནོཝཱདཀོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨཐ ཁོ བྷགཝཱ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ ¶ དུབྦྷརཏཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༤༦. ‘‘ཡོ པན བྷིཀྑུ ཨསམྨཏོ བྷིཀྑུནིཡོ ཨོཝདེཡྻ པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༡༤༧. ཏེན ཁོ པན སམཡེན ཐེརཱ བྷིཀྑཱུ སམྨཏཱ བྷིཀྑུནིཡོ ཨོཝདནྟཱ ཏཐེཝ ལཱབྷིནོ ཧོནྟི ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརཱནཾ. ཨཐ ཁོ ཚབྦགྒིཡཱནཾ བྷིཀྑཱུནཾ ཨེཏདཧོསི – ‘‘ཨེཏརཧི ཁོ, ཨཱཝུསོ, ཐེརཱ བྷིཀྑཱུ སམྨཏཱ བྷིཀྑུནིཡོ ཨོཝདནྟཱ ཏཐེཝ ¶ ལཱབྷིནོ ཧོནྟི ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརཱནཾ. ཧནྡཱཝུསོ, མཡམྤི ནིསྶཱིམཾ གནྟྭཱ ཨཉྙམཉྙཾ བྷིཀྑུནོཝཱདཀཾ སམྨནྣིཏྭཱ བྷིཀྑུནིཡོ ཨོཝདཱམཱ’’ཏི. ཨཐ ཁོ ཚབྦགྒིཡཱ བྷིཀྑཱུ ནིསྶཱིམཾ གནྟྭཱ ཨཉྙམཉྙཾ བྷིཀྑུནོཝཱདཀཾ སམྨནྣིཏྭཱ བྷིཀྑུནིཡོ ཨུཔསངྐམིཏྭཱ ཨེཏདཝོཙུཾ – ‘‘མཡམྤི, བྷགིནིཡོ, སམྨཏཱ. ཨམྷེཔི ཨུཔསངྐམཐ. མཡམྤི ཨོཝདིསྶཱམཱ’’ཏི.

ཨཐ ཁོ ཏཱ བྷིཀྑུནིཡོ ཡེན ཚབྦགྒིཡཱ བྷིཀྑཱུ ཏེནུཔསངྐམིཾསུ; ཨུཔསངྐམིཏྭཱ ཚབྦགྒིཡེ བྷིཀྑཱུ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨཐ ཁོ ཚབྦགྒིཡཱ བྷིཀྑཱུ ¶ བྷིཀྑུནཱིནཾ པརིཏྟཉྙེཝ དྷམྨིཾ ཀཐཾ ཀཏྭཱ དིཝསཾ ཏིརཙྪཱནཀཐཱཡ ཝཱིཏིནཱམེཏྭཱ ཨུཡྻོཛེསུཾ – ‘‘གཙྪཐ བྷགིནིཡོ’’ཏི. ཨཐ ཁོ ཏཱ བྷིཀྑུནིཡོ ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཾསུ. ཨེཀམནྟཾ ཋིཏཱ ཁོ ཏཱ བྷིཀྑུནིཡོ བྷགཝཱ ཨེཏདཝོཙ – ‘‘ཀཙྩི, བྷིཀྑུནིཡོ, ཨོཝཱདོ ཨིདྡྷོ ཨཧོསཱི’’ཏི? ‘‘ཀུཏོ, བྷནྟེ, ཨོཝཱདོ ཨིདྡྷོ བྷཝིསྶཏི! ཨཡྻཱ ཚབྦགྒིཡཱ པརིཏྟཉྙེཝ དྷམྨིཾ ཀཐཾ ཀཏྭཱ དིཝསཾ ཏིརཙྪཱནཀཐཱཡ ཝཱིཏིནཱམེཏྭཱ ཨུཡྻོཛེསུ’’ནྟི.

ཨཐ ཁོ བྷགཝཱ ཏཱ བྷིཀྑུནིཡོ དྷམྨིཡཱ ཀཐཱཡ སནྡསྶེསི…པེ… ཨཐ ཁོ ཏཱ བྷིཀྑུནིཡོ བྷགཝཏཱ དྷམྨིཡཱ ཀཐཱཡ སནྡསྶིཏཱ སམཱདཔིཏཱ སམུཏྟེཛིཏཱ སམྤཧཾསིཏཱ བྷགཝནྟཾ ཨབྷིཝཱདེཏྭཱ ¶ པདཀྑིཎཾ ཀཏྭཱ པཀྐམིཾསུ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཚབྦགྒིཡེ བྷིཀྑཱུ པཊིཔུཙྪི – ‘‘སཙྩཾ ཀིར ཏུམྷེ, བྷིཀྑཝེ, བྷིཀྑུནཱིནཾ པརིཏྟཉྙེཝ དྷམྨིཾ ཀཐཾ ཀཏྭཱ དིཝསཾ ཏིརཙྪཱནཀཐཱཡ ཝཱིཏིནཱམེཏྭཱ ཨུཡྻོཛེཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, བྷིཀྑུནཱིནཾ པརིཏྟཉྙེཝ དྷམྨིཾ ཀཐཾ ཀཏྭཱ དིཝསཾ ཏིརཙྪཱནཀཐཱཡ ཝཱིཏིནཱམེཏྭཱ ཨུཡྻོཛེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཨཊྛཧངྒེཧི སམནྣཱགཏཾ བྷིཀྑུཾ བྷིཀྑུནོཝཱདཀཾ སམྨནྣིཏུཾ. སཱིལཝཱ ཧོཏི ¶ , པཱཏིམོཀྑསཾཝརསཾཝུཏོ ཝིཧརཏི ཨཱཙཱརགོཙརསམྤནྣོ ཨཎུམཏྟེསུ ཝཛྫེསུ བྷཡདསྶཱཝཱི, སམཱདཱཡ སིཀྑཏི སིཀྑཱཔདེསུ; བཧུསྶུཏོ ཧོཏི སུཏདྷརོ སུཏསནྣིཙཡོ, ཡེ ཏེ དྷམྨཱ ཨཱདིཀལྱཱཎཱ མཛ྄ཛྷེཀལྱཱཎཱ ¶ པརིཡོསཱནཀལྱཱཎཱ སཱཏྠཾ སབྱཉྫནཾ ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ ཨབྷིཝདནྟི ཏཐཱརཱུཔཱསྶ དྷམྨཱ བཧུསྶུཏཱ ཧོནྟི དྷཱཏཱ ཝཙསཱ པརིཙིཏཱ མནསཱ ཨནུཔེཀྑིཏཱ དིཊྛིཡཱ སུཔྤཊིཝིདྡྷཱ; ཨུབྷཡཱནི ཁོ པནསྶ པཱཏིམོཀྑཱནི ཝིཏྠཱརེན སྭཱགཏཱནི ཧོནྟི སུཝིབྷཏྟཱནི སུཔྤཝཏྟཱིནི སུཝིནིཙྪིཏཱནི སུཏྟསོ ཨནུབྱཉྫནསོ; ཀལྱཱཎཝཱཙོ ཧོཏི ཀལྱཱཎཝཱཀྐརཎོ; ཡེབྷུཡྻེན བྷིཀྑུནཱིནཾ པིཡོ ཧོཏི མནཱཔོ; པཊིབལོ ཧོཏི བྷིཀྑུནིཡོ ཨོཝདིཏུཾ; ན ཁོ པནེཏཾ [པན ཏཾ (?)] བྷགཝནྟཾ ཨུདྡིསྶ པབྦཛིཏཱཡ ཀཱསཱཡཝཏྠཝསནཱཡ གརུདྷམྨཾ ཨཛ྄ཛྷཱཔནྣཔུབྦོ ཧོཏི; ཝཱིསཏིཝསྶོ ཝཱ ཧོཏི ཨཏིརེཀཝཱིསཏིཝསྶོ ཝཱ – ཨནུཛཱནཱམི, བྷིཀྑཝེ, ཨིམེཧི ཨཊྛཧངྒེཧི སམནྣཱགཏཾ བྷིཀྑུཾ བྷིཀྑུནོཝཱདཀཾ སམྨནྣིཏུ’’ནྟི.

༡༤༨. ཡོ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨསམྨཏོ ནཱམ ཉཏྟིཙཏུཏྠེན ཀམྨེན ཨསམྨཏོ.

བྷིཀྑུནིཡོ ནཱམ ཨུབྷཏོསངྒྷེ ཨུཔསམྤནྣཱ.

ཨོཝདེཡྻཱཏི ཨཊྛཧི གརུདྷམྨེཧི ཨོཝདཏི, ཨཱཔཏྟི པཱཙིཏྟིཡསྶ. ཨཉྙེན དྷམྨེན ཨོཝདཏི, ཨཱཔཏྟི དུཀྐཊསྶ. ཨེཀཏོཨུཔསམྤནྣཾ ཨོཝདཏི, ཨཱཔཏྟི དུཀྐཊསྶ.

༡༤༩. ཏེན ¶ ¶ སམྨཏེན བྷིཀྑུནཱ པརིཝེཎཾ སམྨཛྫིཏྭཱ པཱནཱིཡཾ པརིབྷོཛནཱིཡཾ ཨུཔཊྛཱཔེཏྭཱ ཨཱསནཾ པཉྙཔེཏྭཱ དུཏིཡཾ གཧེཏྭཱ ནིསཱིདིཏབྦཾ. བྷིཀྑུནཱིཧི ཏཏྠ གནྟྭཱ ཏཾ བྷིཀྑུཾ ཨབྷིཝཱདེཏྭཱ ཨེཀམནྟཾ ནིསཱིདིཏབྦཾ. ཏེན བྷིཀྑུནཱ པུཙྪིཏབྦཱ – ‘‘སམགྒཱཏྠ, བྷགིནིཡོ’’ཏི? སཙེ ‘‘སམགྒཱམྷཱཡྻཱ’’ཏི བྷཎནྟི, ‘‘ཝཏྟནྟི, བྷགིནིཡོ, ཨཊྛ གརུདྷམྨཱ’’ཏི? སཙེ ‘‘ཝཏྟནྟཱཡྻཱ’’ཏི བྷཎནྟི, ‘‘ཨེསོ, བྷགིནིཡོ, ཨོཝཱདོ’’ཏི ནིཡྻཱདེཏབྦོ [ནིཡྻཱཏེཏབྦོ (ཨིཏིཔི)]. སཙེ ‘‘ན ཝཏྟནྟཱཡྻཱ’’ཏི བྷཎནྟི, ཨོསཱརེཏབྦཱ. ‘‘ཝསྶསཏཱུཔསམྤནྣཱཡ བྷིཀྑུནིཡཱ ཏདཧུཔསམྤནྣསྶ བྷིཀྑུནོ ཨབྷིཝཱདནཾ པཙྩུཊྛཱནཾ ཨཉྫལིཀམྨཾ སཱམཱིཙིཀམྨཾ ཀཱཏབྦཾ; ཨཡམྤི དྷམྨོ སཀྐཏྭཱ གརུཀཏྭཱ མཱནེཏྭཱ པཱུཛེཏྭཱ ¶ ཡཱཝཛཱིཝཾ ཨནཏིཀྐམནཱིཡོ. ན བྷིཀྑུནིཡཱ ཨབྷིཀྑུཀེ ཨཱཝཱསེ ཝསྶཾ ཝསིཏབྦཾ; ཨཡམྤི དྷམྨོ སཀྐཏྭཱ གརུཀཏྭཱ མཱནེཏྭཱ པཱུཛེཏྭཱ ཡཱཝཛཱིཝཾ ཨནཏིཀྐམནཱིཡོ. ཨནྭདྡྷམཱསཾ བྷིཀྑུནིཡཱ བྷིཀྑུསངྒྷཏོ དྭེ དྷམྨཱ པཙྩཱསཱིསིཏབྦཱ [པཙྩཱསིཾསིཏབྦཱ (ཨིཏིཔི)] ཨུཔོསཐཔུཙྪཀཉྩ ཨོཝཱདུཔསངྐམནཉྩ, ཨཡམྤི དྷམྨོ…པེ… ཝསྶཾ ཝུཊྛཱཡ བྷིཀྑུནིཡཱ ཨུབྷཏོསངྒྷེ ཏཱིཧི ཋཱནེཧི པཝཱརེཏབྦཾ དིཊྛེན ཝཱ སུཏེན ཝཱ པརིསངྐཱཡ ཝཱ; ཨཡམྤི དྷམྨོ…པེ… གརུདྷམྨཾ ཨཛ྄ཛྷཱཔནྣཱཡ བྷིཀྑུནིཡཱ ཨུབྷཏོསངྒྷེ པཀྑམཱནཏྟཾ ཙརིཏབྦཾ; ཨཡམྤི ¶ དྷམྨོ…པེ… དྭེ ཝསྶཱནི ཚསུ དྷམྨེསུ སིཀྑིཏསིཀྑཱཡ སིཀྑམཱནཱཡ ཨུབྷཏོསངྒྷེ ཨུཔསམྤདཱ པརིཡེསིཏབྦཱ; ཨཡམྤི དྷམྨོ…པེ… ན བྷིཀྑུནིཡཱ ཀེན ཙི པརིཡཱཡེན བྷིཀྑུ ཨཀྐོསིཏབྦོ པརིབྷཱསིཏབྦོ; ཨཡམྤི དྷམྨོ…པེ… ཨཛྫཏགྒེ ཨོཝཊོ བྷིཀྑུནཱིནཾ བྷིཀྑཱུསུ ཝཙནཔཐོ, ཨནོཝཊོ བྷིཀྑཱུནཾ བྷིཀྑུནཱིསུ ཝཙནཔཐོ; ཨཡམྤི དྷམྨོ སཀྐཏྭཱ གརུཀཏྭཱ མཱནེཏྭཱ པཱུཛེཏྭཱ ཡཱཝཛཱིཝཾ ཨནཏིཀྐམནཱིཡོ’’ཏི.

སཙེ ‘‘སམགྒཱམྷཱཡྻཱ’’ཏི བྷཎནྟཾ ཨཉྙཾ དྷམྨཾ བྷཎཏི, ཨཱཔཏྟི དུཀྐཊསྶ. སཙེ ‘‘ཝགྒཱམྷཱཡྻཱ’’ཏི བྷཎནྟཾ ཨཊྛ གརུདྷམྨེ བྷཎཏི, ཨཱཔཏྟི དུཀྐཊསྶ. ཨོཝཱདཾ ཨནིཡྻཱདེཏྭཱ ཨཉྙཾ དྷམྨཾ བྷཎཏི, ཨཱཔཏྟི དུཀྐཊསྶ.

༡༥༠. ཨདྷམྨཀམྨེ ¶ ཨདྷམྨཀམྨསཉྙཱི ཝགྒཾ བྷིཀྑུནིསངྒྷཾ ཝགྒསཉྙཱི ཨོཝདཏི, ཨཱཔཏྟི པཱཙིཏྟིཡསྶ. ཨདྷམྨཀམྨེ ཨདྷམྨཀམྨསཉྙཱི ཝགྒཾ བྷིཀྑུནཱིསངྒྷཾ ཝེམཏིཀོ ཨོཝདཏི, ཨཱཔཏྟི པཱཙིཏྟིཡསྶ. ཨདྷམྨཀམྨེ ཨདྷམྨཀམྨསཉྙཱི ཝགྒཾ བྷིཀྑུནིསངྒྷཾ སམགྒསཉྙཱི ཨོཝདཏི, ཨཱཔཏྟི པཱཙིཏྟིཡསྶ.

ཨདྷམྨཀམྨེ ཝེམཏིཀོ ཝགྒཾ བྷིཀྑུནིསངྒྷཾ ཝགྒསཉྙཱི ཨོཝདཏི, ཨཱཔཏྟི པཱཙིཏྟིཡསྶ. ཨདྷམྨཀམྨེ ཝེམཏིཀོ ཝགྒཾ བྷིཀྑུནིསངྒྷཾ ཝེམཏིཀོ ཨོཝདཏི, ཨཱཔཏྟི པཱཙིཏྟིཡསྶ ¶ . ཨདྷམྨཀམྨེ ཝེམཏིཀོ ཝགྒཾ བྷིཀྑུནིསངྒྷཾ སམགྒསཉྙཱི ཨོཝདཏི, ཨཱཔཏྟི པཱཙིཏྟིཡསྶ.

ཨདྷམྨཀམྨེ ¶ དྷམྨཀམྨསཉྙཱི ཝགྒཾ བྷིཀྑུནིསངྒྷཾ ཝགྒསཉྙཱི ཨོཝདཏི, ཨཱཔཏྟི པཱཙིཏྟིཡསྶ. ཨདྷམྨཀམྨེ དྷམྨཀམྨསཉྙཱི ཝགྒཾ བྷིཀྑུནིསངྒྷཾ ཝེམཏིཀོ ཨོཝདཏི, ཨཱཔཏྟི པཱཙིཏྟིཡསྶ. ཨདྷམྨཀམྨེ དྷམྨཀམྨསཉྙཱི ཝགྒཾ བྷིཀྑུནིསངྒྷཾ སམགྒསཉྙཱི ཨོཝདཏི, ཨཱཔཏྟི པཱཙིཏྟིཡསྶ.

ཨདྷམྨཀམྨེ ¶ ཨདྷམྨཀམྨསཉྙཱི སམགྒཾ བྷིཀྑུནིསངྒྷཾ ཝགྒསཉྙཱི ཨོཝདཏི, ཨཱཔཏྟི པཱཙིཏྟིཡསྶ. ཨདྷམྨཀམྨེ ཨདྷམྨཀམྨསཉྙཱི སམགྒཾ བྷིཀྑུནིསངྒྷཾ ཝེམཏིཀོ ཨོཝདཏི, ཨཱཔཏྟི པཱཙིཏྟིཡསྶ. ཨདྷམྨཀམྨེ ཨདྷམྨཀམྨསཉྙཱི སམགྒཾ བྷིཀྑུནིསངྒྷཾ སམགྒསཉྙཱི ཨོཝདཏི, ཨཱཔཏྟི པཱཙིཏྟིཡསྶ.

ཨདྷམྨཀམྨེ ཝེམཏིཀོ སམགྒཾ བྷིཀྑུནིསངྒྷཾ ཝགྒསཉྙཱི ཨོཝདཏི…པེ… ཝེམཏིཀོ ཨོཝདཏི…པེ… སམགྒསཉྙཱི ཨོཝདཏི, ཨཱཔཏྟི པཱཙིཏྟིཡསྶ.

ཨདྷམྨཀམྨེ དྷམྨཀམྨསཉྙཱི སམགྒཾ བྷིཀྑུནིསངྒྷཾ ཝགྒསཉྙཱི ཨོཝདཏི…པེ… ཝེམཏིཀོ ཨོཝདཏི…པེ… སམགྒསཉྙཱི ཨོཝདཏི, ཨཱཔཏྟི པཱཙིཏྟིཡསྶ.

༡༥༡. དྷམྨཀམྨེ ཨདྷམྨཀམྨསཉྙཱི ཝགྒཾ བྷིཀྑུནིསངྒྷཾ ཝགྒསཉྙཱི ཨོཝདཏི, ཨཱཔཏྟི དུཀྐཊསྶ. དྷམྨཀམྨེ ཨདྷམྨཀམྨསཉྙཱི ཝགྒཾ བྷིཀྑུནིསངྒྷཾ ཝེམཏིཀོ ཨོཝདཏི…པེ… སམགྒསཉྙཱི ཨོཝདཏི, ཨཱཔཏྟི དུཀྐཊསྶ.

དྷམྨཀམྨེ ཝེམཏིཀོ ཝགྒཾ བྷིཀྑུནིསངྒྷཾ ཝགྒསཉྙཱི ཨོཝདཏི…པེ… ཝེམཏིཀོ ཨོཝདཏི…པེ… སམགྒསཉྙཱི ཨོཝདཏི, ཨཱཔཏྟི དུཀྐཊསྶ.

དྷམྨཀམྨེ ¶ དྷམྨཀམྨསཉྙཱི ཝགྒཾ བྷིཀྑུནིསངྒྷཾ ཝགྒསཉྙཱི ཨོཝདཏི…པེ… ཝེམཏིཀོ ཨོཝདཏི…པེ… སམགྒསཉྙཱི ཨོཝདཏི, ཨཱཔཏྟི དུཀྐཊསྶ.

དྷམྨཀམྨེ ¶ ཨདྷམྨཀམྨསཉྙཱི སམགྒཾ བྷིཀྑུནིསངྒྷཾ ཝགྒསཉྙཱི ཨོཝདཏི…པེ… ཝེམཏིཀོ ཨོཝདཏི…པེ… སམགྒསཉྙཱི ཨོཝདཏི, ཨཱཔཏྟི དུཀྐཊསྶ.

དྷམྨཀམྨེ ཝེམཏིཀོ སམགྒཾ བྷིཀྑུནིསངྒྷཾ ཝགྒསཉྙཱི ཨོཝདཏི…པེ… ཝེམཏིཀོ ཨོཝདཏི…པེ… སམགྒསཉྙཱི ཨོཝདཏི, ཨཱཔཏྟི དུཀྐཊསྶ.

དྷམྨཀམྨེ དྷམྨཀམྨསཉྙཱི སམགྒཾ བྷིཀྑུནིསངྒྷཾ ཝགྒསཉྙཱི ཨོཝདཏི, ཨཱཔཏྟི དུཀྐཊསྶ. དྷམྨཀམྨེ དྷམྨཀམྨསཉྙཱི སམགྒཾ བྷིཀྑུནིསངྒྷཾ ཝེམཏིཀོ ཨོཝདཏི, ཨཱཔཏྟི དུཀྐཊསྶ. དྷམྨཀམྨེ དྷམྨཀམྨསཉྙཱི སམགྒཾ བྷིཀྑུནིསངྒྷཾ སམགྒསཉྙཱི ཨོཝདཏི, ཨནཱཔཏྟི.

༡༥༢. ཨནཱཔཏྟི ཨུདྡེསཾ དེནྟོ, པརིཔུཙྪཾ དེནྟོ, ‘‘ཨོསཱརེཧི ཨཡྻཱ’’ཏི ཝུཙྩམཱནོ, ཨོསཱརེཏི, པཉྷཾ པུཙྪཏི, པཉྷཾ པུཊྛོ ཀཐེཏི, ཨཉྙསྶཏྠཱཡ བྷཎནྟཾ བྷིཀྑུནིཡོ སུཎནྟི, སིཀྑམཱནཱཡ, སཱམཎེརིཡཱ, ཨུམྨཏྟཀསྶ, ཨཱདིཀམྨིཀསྶཱཏི.

ཨོཝཱདསིཀྑཱཔདཾ ནིཊྛིཏཾ པཋམཾ.

༢. ཨཏྠངྒཏསིཀྑཱཔདཾ

༡༥༣. ཏེན ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཐེརཱ བྷིཀྑཱུ བྷིཀྑུནིཡོ ཨོཝདནྟི པརིཡཱཡེན. ཏེན ཁོ པན སམཡེན ཨཱཡསྨཏོ ཙཱུལ༹པནྠཀསྶ པརིཡཱཡོ ཧོཏི བྷིཀྑུནིཡོ ཨོཝདིཏུཾ. བྷིཀྑུནིཡོ ཨེཝམཱཧཾསུ – ‘‘ན དཱནི ཨཛྫ ཨོཝཱདོ ཨིདྡྷོ བྷཝིསྶཏི, ཏཉྙེཝ དཱནི ཨུདཱནཾ ཨཡྻོ ཙཱུལ༹པནྠཀོ པུནཔྤུནཾ བྷཎིསྶཏཱི’’ཏི. ཨཐ ཁོ ཏཱ བྷིཀྑུནིཡོ ཡེནཱཡསྨཱ ཙཱུལ༹པནྠཀོ ཏེནུཔསངྐམིཾསུ; ཨུཔསངྐམིཏྭཱ ཨཱཡསྨནྟཾ ཙཱུལ༹པནྠཀཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣཱ ཁོ ཏཱ བྷིཀྑུནིཡོ ཨཱཡསྨཱ ཙཱུལ༹པནྠཀོ ཨེཏདཝོཙ – ‘‘སམགྒཱཏྠ, བྷགིནིཡོ’’ཏི? ‘‘སམགྒཱམྷཱཡྻཱ’’ཏི. ‘‘ཝཏྟནྟི, བྷགིནིཡོ, ཨཊྛ གརུདྷམྨཱ’’ཏི? ‘‘ཝཏྟནྟཱཡྻཱ’’ཏི. ‘‘ཨེསོ, བྷགིནིཡོ, ཨོཝཱདོ’’ཏི ནིཡྻཱདེཏྭཱ ཨིམཾ ཨུདཱནཾ པུནཔྤུནཾ ཨབྷཱསི –

[ཨུདཱ. ༣༧] ‘‘ཨདྷིཙེཏསོ ¶ ཨཔྤམཛྫཏོ, མུནིནོ མོནཔཐེསུ སིཀྑཏོ;

སོཀཱ ན བྷཝནྟི ཏཱདིནོ, ཨུཔསནྟསྶ སདཱ སཏཱིམཏོ’’ཏི.

བྷིཀྑུནིཡོ ཨེཝམཱཧཾསུ – ‘‘ནནུ ཨཝོཙུམྷཱ – ན དཱནི ཨཛྫ ཨོཝཱདོ ཨིདྡྷོ བྷཝིསྶཏི, ཏཉྙེཝ དཱནི ཨུདཱནཾ ཨཡྻོ ཙཱུལ༹པནྠཀོ པུནཔྤུནཾ ¶ བྷཎིསྶཏཱི’’ཏི! ཨསྶོསི ཁོ ཨཱཡསྨཱ ཙཱུལ༹པནྠཀོ ཏཱསཾ བྷིཀྑུནཱིནཾ ཨིམཾ ཀཐཱསལླཱཔཾ. ཨཐ ཁོ ཨཱཡསྨཱ ཙཱུལ༹པནྠཀོ ཝེཧཱསཾ ཨབྦྷུགྒནྟྭཱ ཨཱཀཱསེ ཨནྟལིཀྑེ ཙངྐམཏིཔི ཏིཊྛཏིཔི ནིསཱིདཏིཔི སེཡྻམྤི ཀཔྤེཏི དྷཱུམཱཡཏིཔི པཛྫལཏིཔི ཨནྟརདྷཱཡཏིཔི, ཏཉྩེཝ [ཏཉྙེཝ (ཨིཏིཔི)] ཨུདཱནཾ བྷཎཏི ཨཉྙཉྩ བཧུཾ བུདྡྷཝཙནཾ. བྷིཀྑུནིཡོ ཨེཝམཱཧཾསུ – ‘‘ཨཙྪརིཡཾ ཝཏ བྷོ, ཨབྦྷུཏཾ ཝཏ བྷོ, ན ཝཏ ནོ ཨིཏོ པུབྦེ ཨོཝཱདོ ཨེཝཾ ཨིདྡྷོ བྷཱུཏཔུབྦོ ཡཐཱ ཨཡྻསྶ ཙཱུལ༹པནྠཀསྶཱ’’ཏི. ཨཐ ཁོ ཨཱཡསྨཱ ཙཱུལ༹པནྠཀོ ཏཱ བྷིཀྑུནིཡོ ཡཱཝ སམནྡྷཀཱརཱ ཨོཝདིཏྭཱ ཨུཡྻོཛེསི – གཙྪཐ བྷགིནིཡོཏི.

ཨཐ ¶ ཁོ ཏཱ བྷིཀྑུནིཡོ ནགརདྭཱརེ ཐཀིཏེ བཧིནགརེ ཝསིཏྭཱ ཀཱལསྶེཝ ནགརཾ པཝིསནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཨབྲཧྨཙཱརིནིཡོ ཨིམཱ བྷིཀྑུནིཡོ; ཨཱརཱམེ བྷིཀྑཱུཧི སདྡྷིཾ ཝསིཏྭཱ ཨིདཱནི ནགརཾ པཝིསནྟཱི’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ¶ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཙཱུལ༹པནྠཀོ ཨཏྠངྒཏེ སཱུརིཡེ བྷིཀྑུནིཡོ ཨོཝདིསྶཏཱི’’ཏི…པེ… ‘‘སཙྩཾ ཀིར ཏྭཾ, ཙཱུལ༹པནྠཀ, ཨཏྠངྒཏེ སཱུརིཡེ བྷིཀྑུནིཡོ ཨོཝདསཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, ཙཱུལ༹པནྠཀ, ཨཏྠངྒཏེ སཱུརིཡེ བྷིཀྑུནིཡོ ཨོཝདིསྶསི! ནེཏཾ, ཙཱུལ༹པནྠཀ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༥༤. ‘‘སམྨཏོཔི ¶ ཙེ བྷིཀྑུ ཨཏྠངྒཏེ སཱུརིཡེ བྷིཀྑུནིཡོ ཨོཝདེཡྻ, པཱཙིཏྟིཡ’’ནྟི.

༡༥༥. སམྨཏོ ནཱམ ཉཏྟིཙཏུཏྠེན ཀམྨེན སམྨཏོ.

ཨཏྠངྒཏེ སཱུརིཡེཏི ཨོགྒཏེ སཱུརིཡེ.

བྷིཀྑུནཱི ¶ ནཱམ ཨུབྷཏོསངྒྷེ ཨུཔསམྤནྣཱ.

ཨོཝདེཡྻཱཏི ཨཊྛཧི ཝཱ གརུདྷམྨེཧི ཨཉྙེན ཝཱ དྷམྨེན ཨོཝདཏི, ཨཱཔཏྟི པཱཙིཏྟིཡསྶ.

༡༥༦. ཨཏྠངྒཏེ ཨཏྠངྒཏསཉྙཱི ཨོཝདཏི, ཨཱཔཏྟི པཱཙིཏྟིཡསྶ. ཨཏྠངྒཏེ ཝེམཏིཀོ ཨོཝདཏི, ཨཱཔཏྟི པཱཙིཏྟིཡསྶ. ཨཏྠངྒཏེ ཨནཏྠངྒཏསཉྙཱི ཨོཝདཏི, ཨཱཔཏྟི པཱཙིཏྟིཡསྶ.

ཨེཀཏོཨུཔསམྤནྣཱཡ ཨོཝདཏི, ཨཱཔཏྟི དུཀྐཊསྶ. ཨནཏྠངྒཏེ ཨཏྠངྒཏསཉྙཱི, ཨཱཔཏྟི དུཀྐཊསྶ. ཨནཏྠངྒཏེ ཝེམཏིཀོ, ཨཱཔཏྟི དུཀྐཊསྶ. ཨནཏྠངྒཏེ ཨནཏྠངྒཏསཉྙཱི, ཨནཱཔཏྟི.

༡༥༧. ཨནཱཔཏྟི ཨུདྡེསཾ དེནྟོ, པརིཔུཙྪཾ དེནྟོ, ‘‘ཨོསཱརེཧི ཨཡྻཱ’’ཏི ཝུཙྩམཱནོ, ཨོསཱརེཏི, པཉྷཾ པུཙྪཏི, པཉྷཾ པུཊྛོ ཀཐེཏི, ཨཉྙསྶཏྠཱཡ བྷཎནྟཾ བྷིཀྑུནིཡོ སུཎནྟི, སིཀྑམཱནཱཡ སཱམཎེརིཡཱ, ཨུམྨཏྟཀསྶ, ཨཱདིཀམྨིཀསྶཱཏི.

ཨཏྠངྒཏསིཀྑཱཔདཾ ནིཊྛིཏཾ དུཏིཡཾ.

༣. བྷིཀྑུནུཔསྶཡསིཀྑཱཔདཾ

༡༥༨. ཏེན ¶ ¶ སམཡེན བུདྡྷོ བྷགཝཱ སཀྐེསུ ཝིཧརཏི ཀཔིལཝཏྠུསྨིཾ ནིགྲོདྷཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ བྷིཀྑུནུཔསྶཡཾ ཨུཔསངྐམིཏྭཱ ཚབྦགྒིཡཱ བྷིཀྑུནིཡོ ཨོཝདནྟི. བྷིཀྑུནིཡོ ཚབྦགྒིཡཱ བྷིཀྑུནིཡོ ཨེཏདཝོཙུཾ – ‘‘ཨེཐཱཡྻེ, ཨོཝཱདཾ ¶ གམིསྶཱམཱ’’ཏི. ‘‘ཡམྤི [ཡཾ ཧི (ཀ.)] མཡཾ, ཨཡྻེ, གཙྪེཡྻཱམ ཨོཝཱདསྶ ཀཱརཎཱ, ཨཡྻཱ ཚབྦགྒིཡཱ ཨིདྷེཝ ཨཱགནྟྭཱ ཨམྷེ ཨོཝདནྟཱི’’ཏི. བྷིཀྑུནིཡོ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ བྷིཀྑུནུཔསྶཡཾ ཨུཔསངྐམིཏྭཱ བྷིཀྑུནིཡོ ཨོཝདིསྶནྟཱི’’ཏི [ཚབྦགྒིཡཱ བྷིཀྑུནིཡོ ཨོཝཱདཾ ན གཙྪིསྶནྟཱིཏི (སཱི.)]! ཨཐ ཁོ ཏཱ བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ བྷིཀྑུནུཔསྶཡཾ ཨུཔསངྐམིཏྭཱ བྷིཀྑུནིཡོ ཨོཝདིསྶནྟཱི’’ཏི…པེ… ‘‘སཙྩཾ ཀིར ཏུམྷེ, བྷིཀྑཝེ ¶ , བྷིཀྑུནུཔསྶཡཾ ཨུཔསངྐམིཏྭཱ བྷིཀྑུནིཡོ ཨོཝདཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, བྷིཀྑུནུཔསྶཡཾ ཨུཔསངྐམིཏྭཱ བྷིཀྑུནིཡོ ཨོཝདིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ བྷིཀྑུནུཔསྶཡཾ ཨུཔསངྐམིཏྭཱ བྷིཀྑུནིཡོ ཨོཝདེཡྻ, པཱཙིཏྟིཡ’’ནྟི.

ཨེཝཉྩིདཾ ¶ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༡༥༩. ཏེན ཁོ པན སམཡེན མཧཱཔཛཱཔཏི གོཏམཱི གིལཱནཱ ཧོཏི. ཐེརཱ བྷིཀྑཱུ ཡེན མཧཱཔཛཱཔཏི གོཏམཱི ཏེནུཔསངྐམིཾསུ; ཨུཔསངྐམིཏྭཱ མཧཱཔཛཱཔཏིཾ གོཏམིཾ ཨེཏདཝོཙུཾ – ‘‘ཀཙྩི ཏེ, གོཏམི, ཁམནཱིཡཾ ཀཙྩི ཡཱཔནཱིཡ’’ནྟི? ‘‘ན མེ, ཨཡྻཱ, ཁམནཱིཡཾ ན ཡཱཔནཱིཡཾ’’. ‘‘ཨིངྒྷཡྻཱ, དྷམྨཾ དེསེཐཱ’’ཏི. ‘‘ན, བྷགིནི, ཀཔྤཏི བྷིཀྑུནུཔསྶཡཾ ཨུཔསངྐམིཏྭཱ བྷིཀྑུནིཡོ དྷམྨཾ དེསེཏུ’’ནྟི ཀུཀྐུཙྩཱཡནྟཱ ན དེསེསུཾ. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན མཧཱཔཛཱཔཏི གོཏམཱི ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ནིསཛྫ ཁོ བྷགཝཱ མཧཱཔཛཱཔཏིཾ གོཏམིཾ ཨེཏདཝོཙ – ‘‘ཀཙྩི ཏེ, གོཏམི, ཁམནཱིཡཾ ཀཙྩི ཡཱཔནཱིཡ’’ནྟི ¶ ? ‘‘པུབྦེ མེ, བྷནྟེ, ཐེརཱ བྷིཀྑཱུ ཨཱགནྟྭཱ དྷམྨཾ དེསེནྟི. ཏེན མེ ཕཱསུ ཧོཏི. ཨིདཱནི པན – ‘‘བྷགཝཏཱ པཊིཀྑིཏྟ’’ནྟི, ཀུཀྐུཙྩཱཡནྟཱ ན དེསེནྟི. ཏེན མེ ན ཕཱསུ ཧོཏཱི’’ཏི. ཨཐ ཁོ བྷགཝཱ མཧཱཔཛཱཔཏིཾ གོཏམིཾ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, བྷིཀྑུནུཔསྶཡཾ ཨུཔསངྐམིཏྭཱ གིལཱནཾ བྷིཀྑུནིཾ ཨོཝདིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༦༠. ‘‘ཡོ ¶ པན བྷིཀྑུ བྷིཀྑུནུཔསྶཡཾ ཨུཔསངྐམིཏྭཱ བྷིཀྑུནིཡོ ཨོཝདེཡྻ, ཨཉྙཏྲ སམཡཱ, པཱཙིཏྟིཡཾ ¶ . ཏཏྠཱཡཾ སམཡོ. གིལཱནཱ ཧོཏི བྷིཀྑུནཱི – ཨཡཾ ཏཏྠ སམཡོ’’ཏི.

༡༦༡. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུནུཔསྶཡོ ¶ ནཱམ ཡཏྠ བྷིཀྑུནིཡོ ཨེཀརཏྟམྤི ཝསནྟི.

ཨུཔསངྐམིཏྭཱཏི ཏཏྠ གནྟྭཱ.

བྷིཀྑུནཱི ནཱམ ཨུབྷཏོསངྒྷེ ཨུཔསམྤནྣཱ.

ཨོཝདེཡྻཱཏི ཨཊྛཧི གརུདྷམྨེཧི ཨོཝདཏི, ཨཱཔཏྟི པཱཙིཏྟིཡསྶ.

ཨཉྙཏྲ སམཡཱཏི ཋཔེཏྭཱ སམཡཾ.

གིལཱནཱ ནཱམ བྷིཀྑུནཱི ན སཀྐོཏི ཨོཝཱདཱཡ ཝཱ སཾཝཱསཱཡ ཝཱ གནྟུཾ.

༡༦༢. ཨུཔསམྤནྣཱཡ ཨུཔསམྤནྣསཉྙཱི བྷིཀྑུནུཔསྶཡཾ ཨུཔསངྐམིཏྭཱ ཨཉྙཏྲ སམཡཱ ཨོཝདཏི, ཨཱཔཏྟི པཱཙིཏྟིཡསྶ. ཨུཔསམྤནྣཱཡ ཝེམཏིཀོ བྷིཀྑུནུཔསྶཡཾ ཨུཔསངྐམིཏྭཱ ཨཉྙཏྲ སམཡཱ ཨོཝདཏི, ཨཱཔཏྟི པཱཙིཏྟིཡསྶ. ཨུཔསམྤནྣཱཡ ཨནུཔསམྤནྣསཉྙཱི བྷིཀྑུནུཔསྶཡཾ ཨུཔསངྐམིཏྭཱ ཨཉྙཏྲ སམཡཱ ཨོཝདཏི, ཨཱཔཏྟི པཱཙིཏྟིཡསྶ.

ཨཉྙེན དྷམྨེན ཨོཝདཏི, ཨཱཔཏྟི དུཀྐཊསྶ. ཨེཀཏོཨུཔསམྤནྣཱཡ ཨོཝདཏི, ཨཱཔཏྟི དུཀྐཊསྶ. ཨནུཔསམྤནྣཱཡ ཨུཔསམྤནྣསཉྙཱི, ཨཱཔཏྟི དུཀྐཊསྶ ¶ . ཨནུཔསམྤནྣཱཡ ཝེམཏིཀོ, ཨཱཔཏྟི དུཀྐཊསྶ. ཨནུཔསམྤནྣཱཡ ཨནུཔསམྤནྣསཉྙཱི, ཨནཱཔཏྟི.

༡༦༣. ཨནཱཔཏྟི སམཡེ, ཨུདྡེསཾ དེནྟོ, པརིཔུཙྪཾ དེནྟོ, ‘‘ཨོསཱརེཧི ¶ ཨཡྻཱ’’ཏི ཝུཙྩམཱནོ ཨོསཱརེཏི, པཉྷཾ པུཙྪཏི, པཉྷཾ པུཊྛོ ཀཐེཏི, ཨཉྙསྶཏྠཱཡ བྷཎནྟཾ བྷིཀྑུནིཡོ སུཎནྟི, སིཀྑམཱནཱཡ སཱམཎེརིཡཱ, ཨུམྨཏྟཀསྶ, ཨཱདིཀམྨིཀསྶཱཏི.

བྷིཀྑུནུཔསྶཡསིཀྑཱཔདཾ ནིཊྛིཏཾ ཏཏིཡཾ.

༤. ཨཱམིསསིཀྑཱཔདཾ

༡༦༤. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ ¶ . ཏེན ཁོ པན སམཡེན ཐེརཱ བྷིཀྑཱུ བྷིཀྑུནིཡོ ཨོཝདནྟཱ ལཱབྷིནོ ཧོནྟི ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརཱནཾ. ཚབྦགྒིཡཱ བྷིཀྑཱུ ཨེཝཾ ཝདནྟི – ‘‘ན བཧུཀཏཱ ཐེརཱ བྷིཀྑཱུ བྷིཀྑུནིཡོ ཨོཝདིཏུཾ; ཨཱམིསཧེཏུ ཐེརཱ བྷིཀྑཱུ བྷིཀྑུནིཡོ ¶ ཨོཝདནྟཱི’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨེཝཾ ཝཀྑནྟི – ‘ན བཧུཀཏཱ ཐེརཱ བྷིཀྑཱུ བྷིཀྑུནིཡོ ཨོཝདིཏུཾ; ཨཱམིསཧེཏུ ཐེརཱ བྷིཀྑཱུ བྷིཀྑུནིཡོ ཨོཝདནྟཱི’’’ཏི…པེ… ‘‘སཙྩཾ ཀིར ཏུམྷེ, བྷིཀྑཝེ, ཨེཝཾ ཝདེཐ – ‘ན བཧུཀཏཱ ཐེརཱ བྷིཀྑཱུ བྷིཀྑུནིཡོ ཨོཝདིཏུཾ; ཨཱམིསཧེཏུ ཐེརཱ བྷིཀྑཱུ བྷིཀྑུནིཡོ ཨོཝདནྟཱི’’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཨེཝཾ ཝཀྑཐ – ན བཧུཀཏཱ ཐེརཱ བྷིཀྑཱུ བྷིཀྑུནིཡོ ཨོཝདིཏུཾ; ཨཱམིསཧེཏུ ཐེརཱ བྷིཀྑཱུ བྷིཀྑུནིཡོ ཨོཝདནྟཱིཏི! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༦༥. ‘‘ཡོ པན བྷིཀྑུ ཨེཝཾ ཝདེཡྻ – ‘ཨཱམིསཧེཏུ ཐེརཱ བྷིཀྑཱུ བྷིཀྑུནིཡོ ཨོཝནྡཏཱི’ཏི, པཱཙིཏྟིཡ’’ནྟི.

༡༦༦. ཡོ ¶ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨཱམིསཧེཏཱུཏི ཙཱིཝརཧེཏུ པིཎྜཔཱཏཧེཏུ སེནཱསནཧེཏུ གིལཱནཔྤཙྩཡབྷེསཛྫཔརིཀྑཱརཧེཏུ སཀྐཱརཧེཏུ གརུཀཱརཧེཏུ མཱནནཧེཏུ ཝནྡནཧེཏུ པཱུཛནཧེཏུ.

ཨེཝཾ ཝདེཡྻཱཏི ཨུཔསམྤནྣཾ སངྒྷེན སམྨཏཾ བྷིཀྑུནོཝཱདཀཾ ཨཝཎྞཾ ཀཏྟུཀཱམོ ཨཡསཾ ཀཏྟུཀཱམོ མངྐུཀཏྟུཀཱམོ ཨེཝཾ ཝདེཏི – ‘‘ཙཱིཝརཧེཏུ པིཎྜཔཱཏཧེཏུ སེནཱསནཧེཏུ གིལཱནཔྤཙྩཡབྷེསཛྫཔརིཀྑཱརཧེཏུ སཀྐཱརཧེཏུ གརུཀཱརཧེཏུ མཱནནཧེཏུ ཝནྡནཧེཏུ པཱུཛནཧེཏུ ཨོཝདཏཱི’’ཏི བྷཎཏི, ཨཱཔཏྟི པཱཙིཏྟིཡསྶ.

༡༦༧. དྷམྨཀམྨེ དྷམྨཀམྨསཉྙཱི ཨེཝཾ ཝདེཏི, ཨཱཔཏྟི པཱཙིཏྟིཡསྶ. དྷམྨཀམྨེ ཝེམཏིཀོ ཨེཝཾ ཝདེཏི, ཨཱཔཏྟི པཱཙིཏྟིཡསྶ. དྷམྨཀམྨེ ཨདྷམྨཀམྨསཉྙཱི ཨེཝཾ ཝདེཏི, ཨཱཔཏྟི པཱཙིཏྟིཡསྶ.

ཨུཔསམྤནྣཾ ¶ སངྒྷེན ཨསམྨཏཾ བྷིཀྑུནོཝཱདཀཾ ཨཝཎྞཾ ཀཏྟུཀཱམོ ཨཡསཾ ཀཏྟུཀཱམོ མངྐུཀཏྟུཀཱམོ ཨེཝཾ ཝདེཏི – ‘‘ཙཱིཝརཧེཏུ…པེ… པཱུཛནཧེཏུ ཨོཝདཏཱི’’ཏི བྷཎཏི, ཨཱཔཏྟི དུཀྐཊསྶ. ཨནུཔསམྤནྣཾ སངྒྷེན སམྨཏཾ ཝཱ ཨསམྨཏཾ ཝཱ བྷིཀྑུནོཝཱདཀཾ ཨཝཎྞཾ ཀཏྟུཀཱམོ ཨཡསཾ ཀཏྟུཀཱམོ མངྐུཀཏྟུཀཱམོ ཨེཝཾ ཝདེཏི ¶ – ‘‘ཙཱིཝརཧེཏུ པིཎྜཔཱཏཧེཏུ སེནཱསནཧེཏུ གིལཱནཔྤཙྩཡབྷེསཛྫཔརིཀྑཱརཧེཏུ སཀྐཱརཧེཏུ གརུཀཱརཧེཏུ མཱནནཧེཏུ ཝནྡནཧེཏུ པཱུཛནཧེཏུ ཨོཝདཏཱི’’ཏི བྷཎཏི, ཨཱཔཏྟི དུཀྐཊསྶ. ཨདྷམྨཀམྨེ དྷམྨཀམྨསཉྙཱི, ཨཱཔཏྟི དུཀྐཊསྶ. ཨདྷམྨཀམྨེ ཝེམཏིཀོ, ཨཱཔཏྟི དུཀྐཊསྶ. ཨདྷམྨཀམྨེ ཨདྷམྨཀམྨསཉྙཱི, ཨཱཔཏྟི དུཀྐཊསྶ.

༡༦༨. ཨནཱཔཏྟི པཀཏིཡཱ ཙཱིཝརཧེཏུ པིཎྜཔཱཏཧེཏུ སེནཱསནཧེཏུ གིལཱནཔྤཙྩཡབྷེསཛྫཔརིཀྑཱརཧེཏུ སཀྐཱརཧེཏུ གརུཀཱརཧེཏུ མཱནནཧེཏུ ཝནྡནཧེཏུ པཱུཛནཧེཏུ ཨོཝདནྟཾ བྷཎཏི, ཨུམྨཏྟཀསྶ, ཨཱདིཀམྨིཀསྶཱཏི.

ཨཱམིསསིཀྑཱཔདཾ ནིཊྛིཏཾ ཙཏུཏྠཾ.

༥. ཙཱིཝརདཱནསིཀྑཱཔདཾ

༡༦༩. ཏེན ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཉྙཏརོ བྷིཀྑུ སཱཝཏྠིཡཾ ཨཉྙཏརིསྶཱ ཝིསིཁཱཡ པིཎྜཱཡ ཙརཏི. ཨཉྙཏརཱཔི བྷིཀྑུནཱི ཏསྶཱ ཝིསིཁཱཡ པིཎྜཱཡ ཙརཏི. ཨཐ ཁོ སོ བྷིཀྑུ ཏཾ བྷིཀྑུནིཾ ཨེཏདཝོཙ – ‘‘གཙྪ, བྷགིནི, ཨམུཀསྨིཾ ཨོཀཱསེ བྷིཀྑཱ དིཡྻཏཱི’’ཏི. སཱཔི ཁོ ཨེཝམཱཧ – ‘‘གཙྪཱཡྻ, ཨམུཀསྨིཾ ཨོཀཱསེ བྷིཀྑཱ དིཡྻཏཱི’’ཏི. ཏེ ཨབྷིཎྷདསྶནེན སནྡིཊྛཱ ཨཧེསུཾ. ཏེན ཁོ པན སམཡེན སངྒྷསྶ ཙཱིཝརཾ བྷཱཛཱིཡཏི. ཨཐ ཁོ སཱ བྷིཀྑུནཱི ཨོཝཱདཾ གནྟྭཱ ཡེན སོ བྷིཀྑུ ཏེནུཔསངྐམི; ཨུཔསངྐམིཏྭཱ ཏཾ བྷིཀྑུཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏཾ ཁོ ཏཾ བྷིཀྑུནིཾ སོ བྷིཀྑུ ཨེཏདཝོཙ – ‘‘ཨཡཾ མེ, བྷགིནི, ཙཱིཝརཔཊིཝཱིསོ [པཊིཝིཾསོ (སཱི.), པཊིཝིསོ (ཨིཏིཔི)]; སཱདིཡིསྶསཱི’’ཏི? ‘‘ཨཱམཱཡྻ, དུབྦལཙཱིཝརཱམྷཱི’’ཏི.

ཨཐ ཁོ སོ བྷིཀྑུ ཏསྶཱ བྷིཀྑུནིཡཱ ཙཱིཝརཾ ཨདཱསི. སོཔི ཁོ བྷིཀྑུ དུབྦལཙཱིཝརོ ཧོཏི. བྷིཀྑཱུ ཏཾ བྷིཀྑུཾ ཨེཏདཝོཙུཾ – ‘‘ཀརོཧི དཱནི ཏེ, ཨཱཝུསོ, ཙཱིཝར’’ནྟི ¶ . ཨཐ ཁོ སོ བྷིཀྑུ བྷིཀྑཱུནཾ ཨེཏམཏྠཾ ཨཱརོཙེསི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུ བྷིཀྑུནིཡཱ ཙཱིཝརཾ དསྶཏཱི’’ཏི…པེ… ‘‘སཙྩཾ ཀིར ཏྭཾ, བྷིཀྑུ, བྷིཀྑུནིཡཱ ཙཱིཝརཾ ཨདཱསཱི’’ཏི? ‘‘སཙྩཾ, བྷགཝཱ’’ཏི. ‘‘ཉཱཏིཀཱ ཏེ ¶ , བྷིཀྑུ, ཨཉྙཱཏིཀཱ’’ཏི? ‘‘ཨཉྙཱཏིཀཱ, བྷགཝཱ’’ཏི. ‘‘ཨཉྙཱཏཀོ, མོགྷཔུརིས, ཨཉྙཱཏིཀཱཡ ན ཛཱནཱཏི པཏིརཱུཔཾ ཝཱ ཨཔྤཏིརཱུཔཾ ཝཱ སནྟཾ ཝཱ ཨསནྟཾ ཝཱ. ཀཐཉྷི ནཱམ ཏྭཾ, མོགྷཔུརིས, ཨཉྙཱཏིཀཱཡ བྷིཀྑུནིཡཱ ཙཱིཝརཾ དསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ ཨཉྙཱཏིཀཱཡ བྷིཀྑུནིཡཱ ཙཱིཝརཾ དདེཡྻ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༡༧༠. ཏེན ཁོ པན སམཡེན བྷིཀྑཱུ ཀུཀྐུཙྩཱཡནྟཱ བྷིཀྑུནཱིནཾ པཱརིཝཏྟཀཾ [པཱརིཝཊྚཀཾ (ཨིཏིཔི)] ཙཱིཝརཾ ན དེནྟི. བྷིཀྑུནིཡོ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ ཨམྷཱཀཾ པཱརིཝཏྟཀཾ ཙཱིཝརཾ ¶ ན དསྶནྟཱི’’ཏི! ཨསྶོསུཾ ཁོ བྷིཀྑཱུ ¶ ཏཱསཾ བྷིཀྑུནཱིནཾ ཨུཛ྄ཛྷཱཡནྟཱིནཾ ཁིཡྻནྟཱིནཾ ཝིཔཱཙེནྟཱིནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, པཉྩནྣཾ པཱརིཝཏྟཀཾ དཱཏུཾ. བྷིཀྑུསྶ, བྷིཀྑུནིཡཱ, སིཀྑམཱནཱཡ, སཱམཎེརསྶ, སཱམཎེརིཡཱ – ཨནུཛཱནཱམི, བྷིཀྑཝེ, ཨིམེསཾ པཉྩནྣཾ པཱརིཝཏྟཀཾ དཱཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༧༡. ‘‘ཡོ པན བྷིཀྑུ ཨཉྙཱཏིཀཱཡ བྷིཀྑུནིཡཱ ཙཱིཝརཾ དདེཡྻ, ཨཉྙཏྲ པཱརིཝཏྟཀཱ, པཱཙིཏྟིཡ’’ནྟི.

༡༧༢. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨཉྙཱཏིཀཱ ནཱམ མཱཏིཏོ ཝཱ ¶ པིཏིཏོ ཝཱ ཡཱཝ སཏྟམཱ པིཏཱམཧཡུགཱ ཨསམྦདྡྷཱ.

བྷིཀྑུནཱི ¶ ནཱམ ཨུབྷཏོསངྒྷེ ཨུཔསམྤནྣཱ.

ཙཱིཝརཾ ནཱམ ཚནྣཾ ཙཱིཝརཱནཾ ཨཉྙཏརཾ ཙཱིཝརཾ ཝིཀཔྤནུཔགཾ པཙྪིམཾ [ཝིཀཔྤནུཔགཔཙྪིམཾ (སཱི.)].

ཨཉྙཏྲ པཱརིཝཏྟཀཱཏི ཋཔེཏྭཱ པཱརིཝཏྟཀཾ དེཏི, ཨཱཔཏྟི པཱཙིཏྟིཡསྶ.

༡༧༣. ཨཉྙཱཏིཀཱཡ ཨཉྙཱཏིཀསཉྙཱི ཙཱིཝརཾ དེཏི, ཨཉྙཏྲ པཱརིཝཏྟཀཱ, ཨཱཔཏྟི པཱཙིཏྟིཡསྶ. ཨཉྙཱཏིཀཱཡ ཝེམཏིཀོ ཙཱིཝརཾ དེཏི, ཨཉྙཏྲ པཱརིཝཏྟཀཱ, ཨཱཔཏྟི པཱཙིཏྟིཡསྶ. ཨཉྙཱཏིཀཱཡ ཉཱཏིཀསཉྙཱི ཙཱིཝརཾ དེཏི, ཨཉྙཏྲ པཱརིཝཏྟཀཱ, ཨཱཔཏྟི པཱཙིཏྟིཡསྶ.

ཨེཀཏོ ཨུཔསམྤནྣཱཡ ཙཱིཝརཾ དེཏི, ཨཉྙཏྲ པཱརིཝཏྟཀཱ, ཨཱཔཏྟི དུཀྐཊསྶ. ཉཱཏིཀཱཡ ཨཉྙཱཏིཀསཉྙཱི, ཨཱཔཏྟི དུཀྐཊསྶ. ཉཱཏིཀཱཡ ཝེམཏིཀོ, ཨཱཔཏྟི དུཀྐཊསྶ. ཉཱཏིཀཱཡ ཉཱཏིཀསཉྙཱི, ཨནཱཔཏྟི.

༡༧༤. ཨནཱཔཏྟི ཉཱཏིཀཱཡ, པཱརིཝཏྟཀཾ པརིཏྟེན ཝཱ ཝིཔུལཾ, ཝིཔུལེན ཝཱ པརིཏྟཾ, བྷིཀྑུནཱི ཝིསྶཱསཾ གཎྷཱཏི, ཏཱཝཀཱལིཀཾ གཎྷཱཏི, ཙཱིཝརཾ ཋཔེཏྭཱ ཨཉྙཾ པརིཀྑཱརཾ དེཏི, སིཀྑམཱནཱཡ, སཱམཎེརིཡཱ, ཨུམྨཏྟཀསྶ, ཨཱདིཀམྨིཀསྶཱཏི.

ཙཱིཝརདཱནསིཀྑཱཔདཾ ནིཊྛིཏཾ པཉྩམཾ.

༦. ཙཱིཝརསིབྦནསིཀྑཱཔདཾ

༡༧༥. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུདཱཡཱི པཊྚོ [པཊྛོ (སཱི. སྱཱ.)] ཧོཏི ཙཱིཝརཀམྨཾ ཀཱཏུཾ. ཨཉྙཏརཱ ¶ བྷིཀྑུནཱི ཡེནཱཡསྨཱ ཨུདཱཡཱི ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨུདཱཡིཾ ཨེཏདཝོཙ – ‘‘སཱདྷུ མེ, བྷནྟེ, ཨཡྻོ ཙཱིཝརཾ སིབྦཏཱུ’’ཏི. ཨཐ ཁོ ཨཱཡསྨཱ ཨུདཱཡཱི ཏསྶཱ བྷིཀྑུནིཡཱ ཙཱིཝརཾ སིབྦིཏྭཱ སུརཏྟཾ སུཔརིཀམྨཀཏཾ ཀཏྭཱ མཛ྄ཛྷེ པཊིབྷཱནཙིཏྟཾ ཝུཊྛཱཔེཏྭཱ སཾཧརིཏྭཱ ནིཀྑིཔི. ཨཐ ཁོ སཱ བྷིཀྑུནཱི ཡེནཱཡསྨཱ ཨུདཱཡཱི ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨུདཱཡིཾ ཨེཏདཝོཙ – ‘‘ཀཧཾ ཏཾ, བྷནྟེ, ཙཱིཝར’’ནྟི? ‘‘ཧནྡ, བྷགིནི ¶ , ཨིམཾ ཙཱིཝརཾ ཡཐཱསཾཧཊཾ ཧརིཏྭཱ ནིཀྑིཔིཏྭཱ ཡདཱ བྷིཀྑུནིསངྒྷོ ཨོཝཱདཾ ཨཱགཙྪཏི ཏདཱ ཨིམཾ ཙཱིཝརཾ པཱརུཔིཏྭཱ བྷིཀྑུནིསངྒྷསྶ པིཊྛིཏོ པིཊྛིཏོ ཨཱགཙྪཱ’’ཏི. ཨཐ ཁོ སཱ བྷིཀྑུནཱི ཏཾ ཙཱིཝརཾ ཡཐཱསཾཧཊཾ ཧརིཏྭཱ ནིཀྑིཔིཏྭཱ ཡདཱ བྷིཀྑུནིསངྒྷོ ཨོཝཱདཾ ཨཱགཙྪཏི ཏདཱ ཏཾ ཙཱིཝརཾ པཱརུཔིཏྭཱ བྷིཀྑུནིསངྒྷསྶ པིཊྛིཏོ པིཊྛིཏོ ཨཱགཙྪཏི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཡཱཝ ཚིནྣིཀཱ ཨིམཱ བྷིཀྑུནིཡོ དྷུཏྟིཀཱ ཨཧིརིཀཱཡོ, ཡཏྲ ཧི ནཱམ ཙཱིཝརེ པཊིབྷཱནཙིཏྟཾ ཝུཊྛཱཔེསྶནྟཱི’’ཏི!

བྷིཀྑུནིཡོ ཨེཝམཱཧཾསུ – ‘‘ཀསྶིདཾ ཀམྨ’’ནྟི? ‘‘ཨཡྻསྶ ཨུདཱཡིསྶཱ’’ཏི. ‘‘ཡེཔི ཏེ ཚིནྣཀཱ དྷུཏྟཀཱ ཨཧིརིཀཱ ཏེསམྤི ཨེཝརཱུཔཾ ¶ ན སོབྷེཡྻ, ཀིཾ པན ཨཡྻསྶ ཨུདཱཡིསྶཱ’’ཏི! ཨཐ ཁོ ཏཱ བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུདཱཡཱི བྷིཀྑུནིཡཱ ཙཱིཝརཾ སིབྦིསྶཏཱི’’ཏི…པེ… སཙྩཾ ཀིར ཏྭཾ, ཨུདཱཡི, བྷིཀྑུནིཡཱ ཙཱིཝརཾ སིབྦསཱི’’ཏི? ‘‘སཙྩཾ, བྷགཝཱ’’ཏི. ‘‘ཉཱཏིཀཱ ཏེ, ཨུདཱཡི, ཨཉྙཱཏིཀཱ’’ཏི? ‘‘ཨཉྙཱཏིཀཱ, བྷགཝཱ’’ཏི. ‘‘ཨཉྙཱཏཀོ, མོགྷཔུརིས, ཨཉྙཱཏིཀཱཡ ན ཛཱནཱཏི པཏིརཱུཔཾ ཝཱ ཨཔྤཏིརཱུཔཾ ཝཱ པཱསཱདིཀཾ ཝཱ ཨཔཱསཱདིཀཾ ཝཱ. ཀཐཉྷི ནཱམ ཏྭཾ, མོགྷཔུརིས, ཨཉྙཱཏིཀཱཡ བྷིཀྑུནིཡཱ ཙཱིཝརཾ སིབྦིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༧༦. ‘‘ཡོ ¶ པན བྷིཀྑུ ཨཉྙཱཏིཀཱཡ བྷིཀྑུནིཡཱ ཙཱིཝརཾ སིབྦེཡྻ ཝཱ སིབྦཱཔེཡྻ ཝཱ, པཱཙིཏྟིཡ’’ནྟི.

༡༧༧. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨཉྙཱཏིཀཱ ནཱམ མཱཏིཏོ ཝཱ པིཏིཏོ ཝཱ ཡཱཝ སཏྟམཱ པིཏཱམཧཡུགཱ ཨསམྦདྡྷཱ.

བྷིཀྑུནཱི ནཱམ ཨུབྷཏོསངྒྷེ ཨུཔསམྤནྣཱ.

ཙཱིཝརཾ ནཱམ ཚནྣཾ ཙཱིཝརཱནཾ ཨཉྙཏརཾ ཙཱིཝརཾ.

སིབྦེཡྻཱཏི ¶ ¶ སཡཾ སིབྦཏི ཨཱརཱཔཐེ ཨཱརཱཔཐེ ཨཱཔཏྟི པཱཙིཏྟིཡསྶ.

སིབྦཱཔེཡྻཱཏི ཨཉྙཾ ཨཱཎཱཔེཏི, ཨཱཔཏྟི པཱཙིཏྟིཡསྶ. སཀིཾ ཨཱཎཏྟོ བཧུཀམྤི སིབྦཏི, ཨཱཔཏྟི པཱཙིཏྟིཡསྶ.

༡༧༨. ཨཉྙཱཏིཀཱཡ ¶ ཨཉྙཱཏིཀསཉྙཱི ཙཱིཝརཾ སིབྦཏི ཝཱ སིབྦཱཔེཏི ཝཱ, ཨཱཔཏྟི པཱཙིཏྟིཡསྶ. ཨཉྙཱཏིཀཱཡ ཝེམཏིཀོ ཙཱིཝརཾ སིབྦཏི ཝཱ སིབྦཱཔེཏི ཝཱ, ཨཱཔཏྟི པཱཙིཏྟིཡསྶ. ཨཉྙཱཏིཀཱཡ ཉཱཏིཀསཉྙཱི ཙཱིཝརཾ སིབྦཏི ཝཱ སིབྦཱཔེཏི ཝཱ, ཨཱཔཏྟི པཱཙིཏྟིཡསྶ.

ཨེཀཏོཨུཔསམྤནྣཱཡ ཙཱིཝརཾ སིབྦཏི ཝཱ སིབྦཱཔེཏི ཝཱ, ཨཱཔཏྟི དུཀྐཊསྶ. ཉཱཏིཀཱཡ ཨཉྙཱཏིཀསཉྙཱི, ཨཱཔཏྟི དུཀྐཊསྶ. ཉཱཏིཀཱཡ ཝེམཏིཀོ, ཨཱཔཏྟི དུཀྐཊསྶ. ཉཱཏིཀཱཡ ཉཱཏིཀསཉྙཱི, ཨནཱཔཏྟི.

༡༧༩. ཨནཱཔཏྟི ཉཱཏིཀཱཡ, ཙཱིཝརཾ ཋཔེཏྭཱ ཨཉྙཾ པརིཀྑཱརཾ སིབྦཏི ཝཱ སིབྦཱཔེཏི ཝཱ, སིཀྑམཱནཱཡ, སཱམཎེརིཡཱ, ཨུམྨཏྟཀསྶ, ཨཱདིཀམྨིཀསྶཱཏི.

ཙཱིཝརསིབྦནསིཀྑཱཔདཾ ནིཊྛིཏཾ ཚཊྛཾ.

༧. སཾཝིདྷཱནསིཀྑཱཔདཾ

༡༨༠. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ བྷིཀྑུནཱིཧི ¶ སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཡཐེཝ མཡཾ སཔཛཱཔཏིཀཱ ཨཱཧིཎྜཱམ, ཨེཝམེཝིམེ སམཎཱ སཀྱཔུཏྟིཡཱ བྷིཀྑུནཱིཧི སདྡྷིཾ སཾཝིདྷཱཡ ཨཱཧིཎྜནྟཱི’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ བྷིཀྑུནཱིཧི སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫིསྶནྟཱི’’ཏི…པེ… ‘‘སཙྩཾ ཀིར ཏུམྷེ, བྷིཀྑཝེ, བྷིཀྑུནཱིཧི སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ¶ ནཱམ ཏུམྷེ, མོགྷཔུརིསཱ, བྷིཀྑུནཱིཧི སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ.

‘‘ཡོ པན བྷིཀྑུ བྷིཀྑུནིཡཱ སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫེཡྻ, ཨནྟམསོ གཱམནྟརམྤི, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༡༨༡. ཏེན ཁོ པན སམཡེན སམྦཧུལཱ བྷིཀྑཱུ ཙ བྷིཀྑུནིཡོ ¶ ཙ སཱཀེཏཱ ¶ སཱཝཏྠིཾ ཨདྡྷཱནམགྒཔྤཊིཔནྣཱ ཧོནྟི. ཨཐ ཁོ ཏཱ བྷིཀྑུནིཡོ ཏེ བྷིཀྑཱུ ཨེཏདཝོཙུཾ – ‘‘མཡམྤི ཨཡྻེཧི སདྡྷིཾ གམིསྶཱམཱ’’ཏི. ‘‘ན, བྷགིནཱི, ཀཔྤཏི བྷིཀྑུནིཡཱ སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫིཏུཾ. ཏུམྷེ ཝཱ པཋམཾ གཙྪཐ མཡཾ ཝཱ གམིསྶཱམཱ’’ཏི. ‘‘ཨཡྻཱ, བྷནྟེ, ཨགྒཔུརིསཱ. ཨཡྻཱཝ པཋམཾ གཙྪནྟཱུ’’ཏི. ཨཐ ཁོ ཏཱསཾ བྷིཀྑུནཱིནཾ པཙྪཱ གཙྪནྟཱིནཾ ཨནྟརཱམགྒེ ཙོརཱ ཨཙྪིནྡིཾསུ ཙ དཱུསེསུཉྩ. ཨཐ ཁོ ཏཱ བྷིཀྑུནིཡོ སཱཝཏྠིཾ གནྟྭཱ བྷིཀྑུནཱིནཾ ཨེཏམཏྠཾ ཨཱརོཙེསུཾ. བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, སཏྠགམནཱིཡེ མགྒེ སཱསངྐསམྨཏེ སཔྤཊིབྷཡེ བྷིཀྑུནིཡཱ སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༨༢. ‘‘ཡོ པན བྷིཀྑུ བྷིཀྑུནིཡཱ སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫེཡྻ, ཨནྟམསོ གཱམནྟརམྤི, ཨཉྙཏྲ སམཡཱ, པཱཙིཏྟིཡཾ. ཏཏྠཱཡཾ སམཡོ ¶ . སཏྠགམནཱིཡོ ཧོཏི མགྒོ སཱསངྐསམྨཏོ སཔྤཊིབྷཡོ – ཨཡཾ ཏཏྠ སམཡོ’’ཏི.

༡༨༣. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུནཱི ནཱམ ཨུབྷཏོསངྒྷེ ཨུཔསམྤནྣཱ.

སདྡྷིནྟི ¶ ཨེཀཏོ.

སཾཝིདྷཱཡཱཏི – ‘‘གཙྪཱམ, བྷགིནི, གཙྪཱམཱཡྻ; གཙྪཱམཱཡྻ, གཙྪཱམ, བྷགིནི; ཨཛྫ ཝཱ ཧིཡྻོ ¶ ཝཱ པརེ ཝཱ གཙྪཱམཱ’’ཏི སཾཝིདཧཏི, ཨཱཔཏྟི དུཀྐཊསྶ.

ཨནྟམསོ གཱམནྟརམྤཱིཏི ཀུཀྐུཊསམྤཱཏེ གཱམེ, གཱམནྟརེ གཱམནྟརེ ཨཱཔཏྟི པཱཙིཏྟིཡསྶ. ཨགཱམཀེ ཨརཉྙེ, ཨདྡྷཡོཛནེ ཨདྡྷཡོཛནེ ཨཱཔཏྟི པཱཙིཏྟིཡསྶ.

ཨཉྙཏྲ སམཡཱཏི ཋཔེཏྭཱ སམཡཾ.

སཏྠགམནཱིཡོ ནཱམ མགྒོ ན སཀྐཱ ཧོཏི ཝིནཱ སཏྠེན གནྟུཾ.

སཱསངྐཾ ནཱམ ཏསྨིཾ མགྒེ [ཡསྨིཾ མགྒེ (?)] ཙོརཱནཾ ནིཝིཊྛོཀཱསོ དིསྶཏི, བྷུཏྟོཀཱསོ དིསྶཏི, ཋིཏོཀཱསོ དིསྶཏི, ནིསིནྣོཀཱསོ དིསྶཏི, ནིཔནྣོཀཱསོ དིསྶཏི.

སཔྤཊིབྷཡཾ ནཱམ ཏསྨིཾ མགྒེ ཙོརེཧི མནུསྶཱ ཧཏཱ དིསྶནྟི, ཝིལུཏྟཱ དིསྶནྟི, ཨཱཀོཊིཏཱ དིསྶནྟི, སཔྤཊིབྷཡཾ ¶ གནྟྭཱ ཨཔྤཊིབྷཡཾ དསྶེཏྭཱ ཨུཡྻོཛེཏབྦཱ – ‘‘གཙྪཐ བྷགིནིཡོ’’ཏི.

༡༨༤. སཾཝིདཧིཏེ སཾཝིདཧིཏསཉྙཱི ཨེཀདྡྷཱནམགྒཾ པཊིཔཛྫཏི, ཨནྟམསོ གཱམནྟརམྤི, ཨཉྙཏྲ སམཡཱ, ཨཱཔཏྟི པཱཙིཏྟིཡསྶ. སཾཝིདཧིཏེ ཝེམཏིཀོ ཨེཀདྡྷཱནམགྒཾ པཊིཔཛྫཏི, ཨནྟམསོ གཱམནྟརམྤི, ཨཉྙཏྲ སམཡཱ, ཨཱཔཏྟི པཱཙིཏྟིཡསྶ. སཾཝིདཧིཏེ, ཨསཾཝིདཧིཏསཉྙཱི ཨེཀདྡྷཱནམགྒཾ པཊིཔཛྫཏི, ཨནྟམསོ གཱམནྟརམྤི, ཨཉྙཏྲ སམཡཱ, ཨཱཔཏྟི པཱཙིཏྟིཡསྶ.

བྷིཀྑུ སཾཝིདཧཏི བྷིཀྑུནཱི ན སཾཝིདཧཏི, ཨཱཔཏྟི དུཀྐཊསྶ. ཨསཾཝིདཧིཏེ སཾཝིདཧིཏསཉྙཱི, ཨཱཔཏྟི དུཀྐཊསྶ. ཨསཾཝིདཧིཏེ ཝེམཏིཀོ, ཨཱཔཏྟི དུཀྐཊསྶ. ཨསཾཝིདཧིཏེ ཨསཾཝིདཧིཏསཉྙཱི, ཨནཱཔཏྟི.

༡༨༥. ཨནཱཔཏྟི ¶ ¶ སམཡེ, ཨསཾཝིདཧིཏྭཱ གཙྪཏི, བྷིཀྑུནཱི སཾཝིདཧཏི ¶ , བྷིཀྑུ ན སཾཝིདཧཏི, ཝིསངྐེཏེན གཙྪནྟི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

སཾཝིདྷཱནསིཀྑཱཔདཾ ནིཊྛིཏཾ སཏྟམཾ.

༨. ནཱཝཱབྷིརུཧནསིཀྑཱཔདཾ

༡༨༦. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ བྷིཀྑུནཱིཧི སདྡྷིཾ སཾཝིདྷཱཡ ཨེཀཾ ནཱཝཾ [ཨེཀནཱཝཾ (སྱཱ.)] ཨབྷིརུཧནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཡཐེཝ མཡཾ སཔཛཱཔཏིཀཱ ནཱཝཱཡ [ཨེཀནཱཝཱཡ (སྱཱ.)] ཀཱིལཱ༹མ, ཨེཝམེཝིམེ སམཎཱ སཀྱཔུཏྟིཡཱ བྷིཀྑུནཱིཧི སདྡྷིཾ སཾཝིདྷཱཡ ནཱཝཱཡ ཀཱིལ༹ནྟཱི’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ བྷིཀྑུནཱིཧི སདྡྷིཾ སཾཝིདྷཱཡ ཨེཀཾ ནཱཝཾ ཨབྷིརུཧིསྶནྟཱི’’ཏི…པེ… ‘‘སཙྩཾ ཀིར ཏུམྷེ, བྷིཀྑཝེ, བྷིཀྑུནཱིཧི སདྡྷིཾ སཾཝིདྷཱཡ ཨེཀཾ ནཱཝཾ ཨབྷིརུཧཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, བྷིཀྑུནཱིཧི སདྡྷིཾ སཾཝིདྷཱཡ ཨེཀཾ ནཱཝཾ ཨབྷིརུཧིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ བྷིཀྑུནིཡཱ སདྡྷིཾ སཾཝིདྷཱཡ ཨེཀཾ ནཱཝཾ [ཨེཀནཱཝཾ (སྱཱ.)] ཨབྷིརུཧེཡྻ, ཨུདྡྷཾགཱམིནིཾ ཝཱ ཨདྷོགཱམིནིཾ ¶ ཝཱ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༡༨༧. ཏེན ¶ ཁོ པན སམཡེན སམྦཧུལཱ བྷིཀྑཱུ ཙ བྷིཀྑུནིཡོ ཙ སཱཀེཏཱ སཱཝཏྠིཾ ཨདྡྷཱནམགྒཔྤཊིཔནྣཱ ཧོནྟི. ཨནྟརཱམགྒེ ནདཱི ཏརིཏབྦཱ [ཨུཏྟརིཏབྦཱ (སྱཱ.)] ཧོཏི. ཨཐ ཁོ ཏཱ བྷིཀྑུནིཡོ ཏེ བྷིཀྑཱུ ཨེཏདཝོཙུཾ – ‘‘མཡམྤི ཨཡྻེཧི སདྡྷིཾ ཨུཏྟརིསྶཱམཱ’’ཏི. ‘‘ན, བྷགིནཱི, ཀཔྤཏི བྷིཀྑུནིཡཱ སདྡྷིཾ སཾཝིདྷཱཡ ཨེཀཾ ནཱཝཾ ཨབྷིརུཧིཏུཾ; ཏུམྷེ ཝཱ པཋམཾ ཨུཏྟརཐ མཡཾ ཝཱ ཨུཏྟརིསྶཱམཱ’’ཏི ¶ . ‘‘ཨཡྻཱ, བྷནྟེ, ཨགྒཔུརིསཱ. ཨཡྻཱཝ པཋམཾ ཨུཏྟརནྟཱུ’’ཏི. ཨཐ ཁོ ཏཱསཾ བྷིཀྑུནཱིནཾ པཙྪཱ ཨུཏྟརནྟཱིནཾ ཙོརཱ ཨཙྪིནྡིཾསུ ཙ དཱུསེསུཉྩ ¶ . ཨཐ ཁོ ཏཱ བྷིཀྑུནིཡོ སཱཝཏྠིཾ གནྟྭཱ བྷིཀྑུནཱིནཾ ཨེཏམཏྠཾ ཨཱརོཙེསུཾ. བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཏིརིཡཾ ཏརཎཱཡ བྷིཀྑུནིཡཱ སདྡྷིཾ སཾཝིདྷཱཡ ཨེཀཾ ནཱཝཾ ཨབྷིརུཧིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༨༨. ‘‘ཡོ པན བྷིཀྑུ བྷིཀྑུནིཡཱ སདྡྷིཾ སཾཝིདྷཱཡ ཨེཀཾ ནཱཝཾ ཨབྷིརུཧེཡྻ ཨུདྡྷཾགཱམིནིཾ ཝཱ ཨདྷོགཱམིནིཾ ཝཱ, ཨཉྙཏྲ ཏིརིཡཾ ཏརཎཱཡ, པཱཙིཏྟིཡ’’ནྟི.

༡༨༩. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུནཱི ནཱམ ཨུབྷཏོསངྒྷེ ཨུཔསམྤནྣཱ ¶ .

སདྡྷིནྟི ཨེཀཏོ.

སཾཝིདྷཱཡཱཏི ‘‘ཨབྷིརུཧཱམ, བྷགིནི, ཨབྷིརུཧཱམཱཡྻ; ཨབྷིརུཧཱམཱཡྻ, ཨབྷིརུཧཱམ, བྷགིནི; ཨཛྫ ཝཱ ཧིཡྻོ ཝཱ པརེ ཝཱ ཨབྷིརུཧཱམཱ’’ཏི སཾཝིདཧཏི ཨཱཔཏྟི དུཀྐཊསྶ.

བྷིཀྑུནིཡཱ ཨབྷིརུལ༹ྷེ བྷིཀྑུ ཨབྷིརུཧཏི, ཨཱཔཏྟི པཱཙིཏྟིཡསྶ. བྷིཀྑུམྷི ཨབྷིརུལ༹ྷེ བྷིཀྑུནཱི ཨབྷིརུཧཏི, ཨཱཔཏྟི པཱཙིཏྟིཡསྶ. ཨུབྷོ ཝཱ ཨབྷིརུཧནྟི, ཨཱཔཏྟི པཱཙིཏྟིཡསྶ.

ཨུདྡྷཾགཱམིནིནྟི ཨུཛྫཝནིཀཱཡ.

ཨདྷོགཱམིནིནྟི ཨོཛཝནིཀཱཡ.

ཨཉྙཏྲ ཏིརིཡཾ ཏརཎཱཡཱཏི ཋཔེཏྭཱ ཏིརིཡཾ ཏརཎཾ.

ཀུཀྐུཊསམྤཱཏེ གཱམེ, གཱམནྟརེ གཱམནྟརེ ཨཱཔཏྟི པཱཙིཏྟིཡསྶ. ཨགཱམཀེ ཨརཉྙེ, ཨཌྜྷཡོཛནེ ཨཌྜྷཡོཛནེ ཨཱཔཏྟི པཱཙིཏྟིཡསྶ.

༡༩༠. སཾཝིདཧིཏེ ¶ སཾཝིདཧིཏསཉྙཱི ཨེཀཾ ནཱཝཾ ཨབྷིརུཧཏི ཨུདྡྷཾགཱམིནིཾ ཝཱ ཨདྷོགཱམིནིཾ ཝཱ, ཨཉྙཏྲ ཏིརིཡཾ ཏརཎཱཡ ¶ , ཨཱཔཏྟི པཱཙིཏྟིཡསྶ. སཾཝིདཧིཏེ ¶ ཝེམཏིཀོ ཨེཀཾ ནཱཝཾ ཨབྷིརུཧཏི ཨུདྡྷཾགཱམིནིཾ ཝཱ ཨདྷོགཱམིནིཾ ཝཱ, ཨཉྙཏྲ ཏིརིཡཾ ཏརཎཱཡ, ཨཱཔཏྟི པཱཙིཏྟིཡསྶ. སཾཝིདཧིཏེ ཨསཾཝིདཧིཏསཉྙཱི ཨེཀཾ ནཱཝཾ ཨབྷིརུཧཏི ཨུདྡྷཾགཱམིནིཾ ཝཱ ཨདྷོགཱམིནིཾ ཝཱ, ཨཉྙཏྲ ཏིརིཡཾ ཏརཎཱཡ, ཨཱཔཏྟི པཱཙིཏྟིཡསྶ.

བྷིཀྑུ སཾཝིདཧཏི, བྷིཀྑུནཱི ན སཾཝིདཧཏི, ཨཱཔཏྟི དུཀྐཊསྶ. ཨསཾཝིདཧིཏེ སཾཝིདཧིཏསཉྙཱི, ཨཱཔཏྟི དུཀྐཊསྶ. ཨསཾཝིདཧིཏེ ཝེམཏིཀོ, ཨཱཔཏྟི དུཀྐཊསྶ. ཨསཾཝིདཧིཏེ, ཨསཾཝིདཧིཏསཉྙཱི, ཨནཱཔཏྟི.

༡༩༡. ཨནཱཔཏྟི ཏིརིཡཾ ཏརཎཱཡ, ཨསཾཝིདཧིཏྭཱ ཨབྷིརུཧནྟི, བྷིཀྑུནཱི ¶ སཾཝིདཧཏི, བྷིཀྑུ ན སཾཝིདཧཏི, ཝིསངྐེཏེན ཨབྷིརུཧནྟི, ཨཱཔདཱསུ ཨུམྨཏྟཀསྶ, ཨཱདིཀམྨིསྶཱཏི.

ནཱཝཱབྷིརུཧནསིཀྑཱཔདཾ ནིཊྛིཏཾ ཨཊྛམཾ.

༩. པརིཔཱཙིཏསིཀྑཱཔདཾ

༡༩༢. ཏེན ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན ཐུལླནནྡཱ བྷིཀྑུནཱི ཨཉྙཏརསྶ ཀུལསྶ ཀུལཱུཔིཀཱ ཧོཏི ནིཙྩབྷཏྟིཀཱ. ཏེན ཙ གཧཔཏིནཱ ཐེརཱ བྷིཀྑཱུ ནིམནྟིཏཱ ཧོནྟི. ཨཐ ཁོ ཐུལླནནྡཱ བྷིཀྑུནཱི པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན ཏཾ ཀུལཾ ཏེནུཔསངྐམི; ཨུཔསངྐམིཏྭཱ ཏཾ གཧཔཏིཾ ཨེཏདཝོཙ – ‘‘ཀིམིདཾ, གཧཔཏི, པཧཱུཏཾ ཁཱདནཱིཡཾ བྷོཛནཱིཡཾ པཊིཡཏྟ’’ནྟི? ‘‘ཐེརཱ མཡཱ, ཨཡྻེ, ནིམནྟིཏཱ’’ཏི. ‘‘ཀེ པན ཏེ, གཧཔཏི, ཐེརཱ’’ཏི? ‘‘ཨཡྻོ སཱརིཔུཏྟོ ཨཡྻོ མཧཱམོགྒལླཱནོ ཨཡྻོ མཧཱཀཙྩཱནོ ཨཡྻོ མཧཱཀོཊྛིཀོ ཨཡྻོ མཧཱཀཔྤིནོ ཨཡྻོ མཧཱཙུནྡོ ཨཡྻོ ཨནུརུདྡྷོ ཨཡྻོ རེཝཏོ ཨཡྻོ ཨུཔཱལི ཨཡྻོ ཨཱནནྡོ ཨཡྻོ རཱཧུལོ’’ཏི. ‘‘ཀིཾ པན ཏྭཾ, གཧཔཏི, མཧཱནཱགེ ཏིཊྛམཱནེ ཙེཊཀེ ནིམནྟེསཱི’’ཏི?

‘‘ཀེ པན ཏེ, ཨཡྻེ, མཧཱནཱགཱ’’ཏི? ‘‘ཨཡྻོ དེཝདཏྟོ ཨཡྻོ ཀོཀཱལིཀོ ཨཡྻོ ཀཊམོདཀཏིསྶཀོ [ཀཊམོརཀཏིསྶཀོ (སཱི.) ཀཏམོརཀཏིསྶཀོ (སྱཱ.)] ཨཡྻོ ཁཎྜདེཝིཡཱ པུཏྟོ ¶ ཨཡྻོ སམུདྡདཏྟོ’’ཏི. ཨཡཾ ཙརཧི ཐུལླནནྡཱཡ ¶ བྷིཀྑུནིཡཱ ཨནྟརཱ ཀཐཱ ཝིཔྤཀཏཱ, ཨཐ ཏེ ཐེརཱ བྷིཀྑཱུ པཝིསིཾསུ. ‘‘སཙྩཾ མཧཱནཱགཱ ཁོ ཏཡཱ, གཧཔཏི, ནིམནྟིཏཱ’’ཏི. ‘‘ཨིདཱནེཝ ཁོ ཏྭཾ, ཨཡྻེ, ཙེཊཀེ ཨཀཱསི; ཨིདཱནི ¶ མཧཱནཱགེ’’ཏི. གྷརཏོ ཙ ནིཀྐཌྜྷི, ནིཙྩབྷཏྟཉྩ པཙྪིནྡི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ དེཝདཏྟོ ཛཱནཾ བྷིཀྑུནིཔརིཔཱཙིཏཾ པིཎྜཔཱཏཾ བྷུཉྫིསྶཏཱི’’ཏི…པེ… ‘‘སཙྩཾ ཀིར ཏྭཾ, དེཝདཏྟ, ཛཱནཾ བྷིཀྑུནིཔརིཔཱཙིཏཾ པིཎྜཔཱཏཾ བྷུཉྫསཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, ཛཱནཾ བྷིཀྑུནིཔརིཔཱཙིཏཾ པིཎྜཔཱཏཾ བྷུཉྫིསྶསི. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ ¶ པན བྷིཀྑུ ཛཱནཾ བྷིཀྑུནིཔརིཔཱཙིཏཾ པིཎྜཔཱཏཾ བྷུཉྫེཡྻ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༡༩༣. ཏེན ཁོ པན སམཡེན ཨཉྙཏརོ བྷིཀྑུ རཱཛགཧཱ པབྦཛིཏོ ཉཱཏིཀུལཾ ཨགམཱསི. མནུསྶཱ – ‘‘ཙིརསྶམྤི བྷདནྟོ ཨཱགཏོ’’ཏི སཀྐཙྩཾ བྷཏྟཾ ཨཀཾསུ. ཏསྶ ཀུལསྶ ཀུལཱུཔིཀཱ བྷིཀྑུནཱི ཏེ མནུསྶེ ཨེཏདཝོཙ – ‘‘དེཐཡྻསྶ, ཨཱཝུསོ, བྷཏྟ’’ནྟི. ཨཐ ཁོ སོ བྷིཀྑུ – ‘‘བྷགཝཏཱ པཊིཀྑིཏྟཾ ཛཱནཾ བྷིཀྑུནིཔརིཔཱཙིཏཾ པིཎྜཔཱཏཾ བྷུཉྫིཏུ’’ནྟི ཀུཀྐུཙྩཱཡནྟོ ན པཊིགྒཧེསི. ནཱསཀྑི པིཎྜཱཡ ཙརིཏུཾ, ཚིནྣབྷཏྟོ ཨཧོསི. ཨཐ ཁོ སོ བྷིཀྑུ ཨཱརཱམཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ¶ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, པུབྦེ གིཧིསམཱརམྦྷེ ཛཱནཾ བྷིཀྑུནིཔརིཔཱཙིཏཾ པིཎྜཔཱཏཾ བྷུཉྫིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༩༤. ‘‘ཡོ པན བྷིཀྑུ ཛཱནཾ བྷིཀྑུནིཔརིཔཱཙིཏཾ པིཎྜཔཱཏཾ བྷུཉྫེཡྻ, ཨཉྙཏྲ པུབྦེ གིཧིསམཱརམྦྷཱ, པཱཙིཏྟིཡ’’ནྟི.

༡༩༥. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཛཱནཱཏི ¶ ¶ ནཱམ སཱམཾ ཝཱ ཛཱནཱཏི ཨཉྙེ ཝཱ ཏསྶ ཨཱརོཙེནྟི སཱ ཝཱ ཨཱརོཙེཏི.

བྷིཀྑུནཱི ནཱམ ཨུབྷཏོསངྒྷེ ཨུཔསམྤནྣཱ.

པརིཔཱཙེཏི ནཱམ པུབྦེ ཨདཱཏུཀཱམཱནཾ ཨཀཏྟུཀཱམཱནཾ – ‘‘ཨཡྻོ བྷཱཎཀོ, ཨཡྻོ བཧུསྶུཏོ, ཨཡྻོ སུཏྟནྟིཀོ, ཨཡྻོ ཝིནཡདྷརོ, ཨཡྻོ དྷམྨཀཐིཀོ, དེཐ ཨཡྻསྶ, ཀརོཐ ཨཡྻསྶཱ’’ཏི ཨེསཱ པརིཔཱཙེཏི ནཱམ.

པིཎྜཔཱཏོ ནཱམ པཉྩནྣཾ བྷོཛནཱནཾ ཨཉྙཏརཾ བྷོཛནཾ.

ཨཉྙཏྲ པུབྦེ གིཧིསམཱརམྦྷཱཏི ཋཔེཏྭཱ གིཧིསམཱརམྦྷཾ.

གིཧིསམཱརམྦྷོ ནཱམ ཉཱཏཀཱ ཝཱ ཧོནྟི པཝཱརིཏཱ ཝཱ པཀཏིཔཊིཡཏྟཾ ཝཱ.

ཨཉྙཏྲ པུབྦེ གིཧིསམཱརམྦྷཱ བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ, ཨཱཔཏྟི པཱཙིཏྟིཡསྶ.

༡༩༦. པརིཔཱཙིཏེ ¶ པརིཔཱཙིཏསཉྙཱི བྷུཉྫཏི, ཨཉྙཏྲ པུབྦེ གིཧིསམཱརམྦྷཱ, ཨཱཔཏྟི པཱཙིཏྟིཡསྶ. པརིཔཱཙིཏེ ཝེམཏིཀོ བྷུཉྫཏི, ཨཉྙཏྲ པུབྦེ གིཧིསམཱརམྦྷཱ, ཨཱཔཏྟི དུཀྐཊསྶ. པརིཔཱཙིཏེ ¶ ཨཔརིཔཱཙིཏསཉྙཱི བྷུཉྫཏི, ཨཉྙཏྲ པུབྦེ གིཧིསམཱརམྦྷཱ, ཨནཱཔཏྟི. ཨེཀཏོཨུཔསམྤནྣཱཡ པརིཔཱཙིཏཾ བྷུཉྫཏི, ཨཉྙཏྲ པུབྦེ གིཧིསམཱརམྦྷཱ, ཨཱཔཏྟི དུཀྐཊསྶ. ཨཔརིཔཱཙིཏེ པརིཔཱཙིཏསཉྙཱི, ཨཱཔཏྟི དུཀྐཊསྶ. ཨཔརིཔཱཙིཏྟེ ཝེམཏིཀོ, ཨཱཔཏྟི དུཀྐཊསྶ. ཨཔརིཔཱཙིཏེ ཨཔརིཔཱཙིཏསཉྙཱི, ཨནཱཔཏྟི.

༡༩༧. ཨནཱཔཏྟི པུབྦེ གིཧིསམཱརམྦྷེ, སིཀྑམཱནཱ པརིཔཱཙེཏི, སཱམཎེརཱི པརིཔཱཙེཏི, པཉྩ བྷོཛནཱནི ཋཔེཏྭཱ སབྦཏྠ ཨནཱཔཏྟི, ཨུམྨཏྟཀསྶ, ཨཱདིཀམྨིཀསྶཱཏི.

པརིཔཱཙིཏསིཀྑཱཔདཾ ནིཊྛིཏཾ ནཝམཾ.

༡༠. རཧོནིསཛྫསིཀྑཱཔདཾ

༡༩༨. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཏོ ཨུདཱཡིསྶ ¶ པུརཱཎདུཏིཡིཀཱ བྷིཀྑུནཱིསུ པབྦཛིཏཱ ཧོཏི. སཱ ཨཱཡསྨཏོ ཨུདཱཡིསྶ སནྟིཀེ ཨབྷིཀྑཎཾ ཨཱགཙྪཏི, ཨཱཡསྨཱཔི ཨུདཱཡཱི ཏསྶཱ བྷིཀྑུནིཡཱ སནྟིཀེ ཨབྷིཀྑཎཾ གཙྪཏི. ཏེན ཁོ པན སམཡེན ཨཱཡསྨཱ ཨུདཱཡཱི ཏསྶཱ བྷིཀྑུནིཡཱ སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེསི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུདཱཡཱི བྷིཀྑུནིཡཱ སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེསྶཏཱི’’ཏི…པེ… སཙྩཾ ཀིར ཏྭཾ, ཨུདཱཡི, བྷིཀྑུནིཡཱ སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, བྷིཀྑུནིཡཱ སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེསྶསི! ནེཏཾ, མོགྷཔུརིས ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༡༩༩. ‘‘ཡོ པན བྷིཀྑུ བྷིཀྑུནིཡཱ སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེཡྻ, པཱཙིཏྟིཡ’’ནྟི.

༢༠༠. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུནཱི ནཱམ ཨུབྷཏོསངྒྷེ ཨུཔསམྤནྣཱ ¶ .

སདྡྷིནྟི ཨེཀཏོ.

ཨེཀོ ཨེཀཱཡཱཏི བྷིཀྑུ ཙེཝ ཧོཏི བྷིཀྑུནཱི ཙ.

[པཱཙི. ༢༨༦, ༢༩༡; པཱརཱ. ༤༤༥,༤༥༤] རཧོ ¶ ནཱམ ཙཀྑུསྶ རཧོ སོཏསྶ རཧོ. ཙཀྑུསྶ རཧོ ནཱམ ན སཀྐཱ ཧོཏི ཨཀྑིཾ ཝཱ ནིཁཎཱིཡམཱནེ བྷམུཀཾ ཝཱ ཨུཀྑིཔཱིཡམཱནེ སཱིསཾ ཝཱ ཨུཀྑིཔཱིཡམཱནེ པསྶིཏུཾ. སོཏསྶ རཧོ ནཱམ ན སཀྐཱ ཧོཏི པཀཏིཀཐཱ སོཏུཾ.

ནིསཛྫཾ ¶ ཀཔྤེཡྻཱཏི བྷིཀྑུནིཡཱ ནིསིནྣཱཡ བྷིཀྑུ ཨུཔནིསིནྣོ ཝཱ ཧོཏི ཨུཔནིཔནྣོ ཝཱ, ཨཱཔཏྟི པཱཙིཏྟིཡསྶ.

བྷིཀྑུ ནིསིནྣེ བྷིཀྑུནཱི ཨུཔནིསིནྣཱ ཝཱ ཧོཏི ཨུཔནིཔནྣཱ ཝཱ, ཨཱཔཏྟི པཱཙིཏྟིཡསྶ. ཨུབྷོ ཝཱ ནིསིནྣཱ ཧོནྟི ཨུབྷོ ཝཱ ནིཔནྣཱ, ཨཱཔཏྟི པཱཙིཏྟིཡསྶ.

༢༠༡. རཧོ ¶ རཧོསཉྙཱི ཨེཀོ ཨེཀཱཡ ནིསཛྫཾ ཀཔྤེཏི, ཨཱཔཏྟི པཱཙིཏྟིཡསྶ. རཧོ ཝེམཏིཀོ ཨེཀོ ཨེཀཱཡ ནིསཛྫཾ ཀཔྤེཏི, ཨཱཔཏྟི པཱཙིཏྟིཡསྶ. རཧོ ཨརཧོསཉྙཱི ཨེཀོ ཨེཀཱཡ ནིསཛྫཾ ཀཔྤེཏི, ཨཱཔཏྟི པཱཙིཏྟིཡསྶ.

ཨརཧོ རཧོསཉྙཱི, ཨཱཔཏྟི དུཀྐཊསྶ. ཨརཧོ ཝེམཏིཀོ, ཨཱཔཏྟི དུཀྐཊསྶ. ཨརཧོ ཨརཧོསཉྙཱི, ཨནཱཔཏྟི.

༢༠༢. ཨནཱཔཏྟི ཡོ ཀོཙི ཝིཉྙཱུ དུཏིཡོ ཧོཏི, ཏིཊྛཏི ན ནིསཱིདཏི, ཨརཧོཔེཀྑོ, ཨཉྙཝིཧིཏོ ནིསཱིདཏི, ཨུམྨཏྟཀསྶ, ཨཱདིཀམྨིཀསྶཱཏི.

རཧོནིསཛྫསིཀྑཱཔདཾ ནིཊྛིཏཾ དསམཾ.

ཨོཝཱདཝགྒོ ཏཏིཡོ.

ཏསྶུདྡཱནཾ –

ཨསམྨཏཨཏྠངྒཏཱུ ¶ , པསྶཡཱམིསདཱནེན;

སིབྦཏི ཨདྡྷཱནཾ ནཱཝཾ བྷུཉྫེཡྻ, ཨེཀོ ཨེཀཱཡ ཏེ དསཱཏི.

༤. བྷོཛནཝགྒོ

༡. ཨཱཝསཐཔིཎྜསིཀྑཱཔདཾ

༢༠༣. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན སཱཝཏྠིཡཱ ཨཝིདཱུརེ ཨཉྙཏརསྶ པཱུགསྶ ཨཱཝསཐཔིཎྜོ པཉྙཏྟོ ཧོཏི. ཚབྦགྒིཡཱ བྷིཀྑཱུ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ སཱཝཏྠིཾ པིཎྜཱཡ པཝིསིཏྭཱ པིཎྜཾ ཨལབྷམཱནཱ ཨཱཝསཐཾ ཨགམཾསུ. མནུསྶཱ – ‘‘ཙིརསྶམྤི བྷདནྟཱ ཨཱགཏཱ’’ཏི ཏེ སཀྐཙྩཾ པརིཝིསིཾསུ. ཨཐ ཁོ ཚབྦགྒིཡཱ བྷིཀྑཱུ དུཏིཡམྤི དིཝསཾ…པེ… ཏཏིཡམྤི དིཝསཾ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ སཱཝཏྠིཾ པིཎྜཱཡ པཝིསིཏྭཱ པིཎྜཾ ཨལབྷམཱནཱ ཨཱཝསཐཾ གནྟྭཱ བྷུཉྫིཾསུ. ཨཐ ཁོ ཚབྦགྒིཡཱནཾ བྷིཀྑཱུནཾ ཨེཏདཧོསི – ‘‘ཀིཾ མཡཾ ཀརིསྶཱམ ཨཱརཱམཾ གནྟྭཱ! ཧིཡྻོཔི ཨིདྷེཝ ཨཱགནྟབྦཾ བྷཝིསྶཏཱི’’ཏི, ཏཏྠེཝ ཨནུཝསིཏྭཱ ཨནུཝསིཏྭཱ ¶ ཨཱཝསཐཔིཎྜཾ བྷུཉྫནྟི. ཏིཏྠིཡཱ ཨཔསཀྐནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ¶ སམཎཱ སཀྱཔུཏྟིཡཱ ཨནུཝསིཏྭཱ ཨནུཝསིཏྭཱ ཨཱཝསཐཔིཎྜཾ བྷུཉྫིསྶནྟི! ནཡིམེསཉྙེཝ ཨཱཝསཐཔིཎྜོ པཉྙཏྟོ; སབྦེསཉྙེཝ ཨཱཝསཐཔིཎྜོ པཉྙཏྟོ’’ཏི.

ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ཀཐཉྷི ནཱམ ཚབྦགྒིཡཱ བྷིཀྑཱུ ཨནུཝསིཏྭཱ ཨནུཝསིཏྭཱ ཨཱཝསཐཔིཎྜཾ བྷུཉྫིསྶནྟཱིཏི…པེ… ¶ སཙྩཾ ཀིར ཏུམྷེ, བྷིཀྑཝེ, ཨནུཝསིཏྭཱ ཨནུཝསིཏྭཱ ཨཱཝསཐཔིཎྜཾ བྷུཉྫཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཨནུཝསིཏྭཱ ཨནུཝསིཏྭཱ ཨཱཝསཐཔིཎྜཾ བྷུཉྫིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཨེཀོ ཨཱཝསཐཔིཎྜོ བྷུཉྫིཏབྦོ. ཏཏོ ཙེ ཨུཏྟརིཾ བྷུཉྫེཡྻ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༠༤. ཏེན ¶ ཁོ པན སམཡེན ཨཱཡསྨཱ སཱརིཔུཏྟོ ཀོསལེསུ ཛནཔདེ སཱཝཏྠིཾ གཙྪནྟོ ཡེན ཨཉྙཏརོ ཨཱཝསཐོ ཏེནུཔསངྐམི. མནུསྶཱ – ‘‘ཙིརསྶམྤི ཐེརོ ཨཱགཏོ’’ཏི སཀྐཙྩཾ པརིཝིསིཾསུ. ཨཐ ཁོ ཨཱཡསྨཏོ སཱརིཔུཏྟསྶ བྷུཏྟཱཝིསྶ ཁརོ ཨཱབཱདྷོ ཨུཔྤཛྫི, ནཱསཀྑི ཏམྷཱ ཨཱཝསཐཱ པཀྐམིཏུཾ. ཨཐ ཁོ ཏེ མནུསྶཱ དུཏིཡམྤི དིཝསཾ ཨཱཡསྨནྟཾ སཱརིཔུཏྟཾ ཨེཏདཝོཙུཾ – ‘‘བྷུཉྫཐ, བྷནྟེ’’ཏི. ཨཐ ཁོ ཨཱཡསྨཱ སཱརིཔུཏྟོ – ‘‘བྷགཝཏཱ པཊིཀྑིཏྟཾ ཨནུཝསིཏྭཱ ཨནུཝསིཏྭཱ ཨཱཝསཐཔིཎྜཾ བྷུཉྫིཏུ’’ནྟི ཀུཀྐུཙྩཱཡནྟོ ན པཊིགྒཧེསི; ཚིནྣབྷཏྟོ ཨཧོསི. ཨཐ ཁོ ཨཱཡསྨཱ སཱརིཔུཏྟོ སཱཝཏྠིཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི ¶ – ‘‘ཨནུཛཱནཱམི, བྷིཀྑཝེ, གིལཱནེན བྷིཀྑུནཱ ཨནུཝསིཏྭཱ ཨནུཝསིཏྭཱ ཨཱཝསཐཔིཎྜཾ བྷུཉྫིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༠༥. ‘‘ཨགིལཱནེན བྷིཀྑུནཱ ཨེཀོ ཨཱཝསཐཔིཎྜོ བྷུཉྫིཏབྦོ. ཏཏོ ཙེ ཨུཏྟརི བྷུཉྫེཡྻ, པཱཙིཏྟིཡ’’ནྟི.

༢༠༦. ཨགིལཱནོ ¶ ནཱམ སཀྐོཏི ཏམྷཱ ཨཱཝསཐཱ པཀྐམིཏུཾ.

གིལཱནོ ནཱམ ན སཀྐོཏི ཏམྷཱ ཨཱཝསཐཱ པཀྐམིཏུཾ.

ཨཱཝསཐཔིཎྜོ ¶ ནཱམ པཉྩནྣཾ བྷོཛནཱནཾ ཨཉྙཏརཾ བྷོཛནཾ – སཱལཱཡ ཝཱ མཎྜཔེ ཝཱ རུཀྑམཱུལེ ཝཱ ཨཛ྄ཛྷོཀཱསེ ཝཱ ཨནོདིསྶ ཡཱཝདཏྠོ པཉྙཏྟོ ཧོཏི. ཨགིལཱནེན བྷིཀྑུནཱ སཀིཾ བྷུཉྫིཏབྦོ. ཏཏོ ཙེ ཨུཏྟརི ‘བྷུཉྫིསྶཱམཱི’ཏི པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

༢༠༧. ཨགིལཱནོ ཨགིལཱནསཉྙཱི ཏཏུཏྟརི ཨཱཝསཐཔིཎྜཾ བྷུཉྫཏི, ཨཱཔཏྟི པཱཙིཏྟིཡསྶ. ཨགིལཱནོ ཝེམཏིཀོ ཏཏུཏྟརི ཨཱཝསཐཔིཎྜཾ བྷུཉྫཏི, ཨཱཔཏྟི པཱཙིཏྟིཡསྶ. ཨགིལཱནོ གིལཱནསཉྙཱི ཏཏུཏྟརིཾ ཨཱཝསཐཔིཎྜཾ བྷུཉྫཏི, ཨཱཔཏྟི པཱཙིཏྟིཡསྶ.

གིལཱནོ ¶ ཨགིལཱནསཉྙཱི, ཨཱཔཏྟི དུཀྐཊསྶ. གིལཱནོ ཝེམཏིཀོ ཨཱཔཏྟི དུཀྐཊསྶ. གིལཱནོ གིལཱནསཉྙཱི, ཨནཱཔཏྟི.

༢༠༨. ཨནཱཔཏྟི གིལཱནསྶ, ཨགིལཱནོ སཀིཾ བྷུཉྫཏི, གཙྪནྟོ, ཝཱ ཨཱགཙྪནྟོ ཝཱ བྷུཉྫཏི, སཱམིཀཱ ནིམནྟེཏྭཱ བྷོཛེནྟི, ཨོདིསྶ ¶ པཉྙཏྟོ ཧོཏི, ན ཡཱཝདཏྠོ པཉྙཏྟོ ཧོཏི, པཉྩ བྷོཛནཱནི ཋཔེཏྭཱ སབྦཏྠ ཨནཱཔཏྟི, ཨུམྨཏྟཀསྶ, ཨཱདིཀམྨིཀསྶཱཏི.

ཨཱཝསཐཔིཎྜསིཀྑཱཔདཾ ནིཊྛིཏཾ པཋམཾ.

༢. གཎབྷོཛནསིཀྑཱཔདཾ

༢༠༩. ཏེན ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན དེཝདཏྟོ པརིཧཱིནལཱབྷསཀྐཱརོ སཔརིསོ ཀུལེསུ ཝིཉྙཱཔེཏྭཱ ཝིཉྙཱཔེཏྭཱ བྷུཉྫཏི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཀུལེསུ ཝིཉྙཱཔེཏྭཱ ཝིཉྙཱཔེཏྭཱ བྷུཉྫིསྶནྟི! ཀསྶ སམྤནྣཾ ན མནཱཔཾ, ཀསྶ སཱདུཾ ན རུཙྩཏཱི’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ¶ ཁིཡྻནྟི ཝིཔཱཙེནྟི – ‘‘ཀཐཉྷི ནཱམ དེཝདཏྟོ སཔརིསོ ཀུལེསུ ཝིཉྙཱཔེཏྭཱ ཝིཉྙཱཔེཏྭཱ བྷུཉྫིསྶཏཱི’’ཏི…པེ… སཙྩཾ ཀིར ཏྭཾ, དེཝདཏྟ, སཔརིསོ ཀུལེསུ ཝིཉྙཱཔེཏྭཱ ཝིཉྙཱཔེཏྭཱ བྷུཉྫསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, སཔརིསོ ཀུལེསུ ཝིཉྙཱཔེཏྭཱ ཝིཉྙཱཔེཏྭཱ བྷུཉྫིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘གཎབྷོཛནེ པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༡༠. ཏེན ¶ ¶ ཁོ པན སམཡེན མནུསྶཱ གིལཱནེ བྷིཀྑཱུ བྷཏྟེན ནིམནྟེནྟི. བྷིཀྑཱུ ཀུཀྐུཙྩཱཡནྟཱ ནཱདྷིཝཱསེནྟི – ‘‘པཊིཀྑིཏྟཾ བྷགཝཏཱ གཎབྷོཛན’’ནྟི. བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི ¶ – ‘‘ཨནུཛཱནཱམི, བྷིཀྑཝེ, གིལཱནེན བྷིཀྑུནཱ གཎབྷོཛནཾ བྷུཉྫིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘གཎབྷོཛནེ, ཨཉྙཏྲ སམཡཱ, པཱཙིཏྟིཡཾ. ཏཏྠཱཡཾ སམཡོ. གིལཱནསམཡོ – ཨཡཾ ཏཏྠ སམཡོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༡༡. ཏེན ཁོ པན སམཡེན མནུསྶཱ ཙཱིཝརདཱནསམཡེ སཙཱིཝརབྷཏྟཾ པཊིཡཱདེཏྭཱ བྷིཀྑཱུ ནིམནྟེནྟི – ‘‘བྷོཛེཏྭཱ ཙཱིཝརེན ཨཙྪཱདེསྶཱམཱ’’ཏི. བྷིཀྑཱུ ཀུཀྐུཙྩཱཡནྟཱ ནཱདྷིཝཱསེནྟི – ‘‘པཊིཀྑིཏྟཾ བྷགཝཏཱ གཎབྷོཛན’’ནྟི. ཙཱིཝརཾ པརིཏྟཾ ཨུཔྤཛྫཏི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, ཙཱིཝརདཱནསམཡེ གཎབྷོཛནཾ བྷུཉྫིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘གཎབྷོཛནེ, ཨཉྙཏྲ སམཡཱ, པཱཙིཏྟིཡཾ. ཏཏྠཱཡཾ སམཡོ. གིལཱནསམཡོ, ཙཱིཝརདཱནསམཡོ – ཨཡཾ ཏཏྠ སམཡོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༡༢. ཏེན ཁོ པན སམཡེན མནུསྶཱ ཙཱིཝརཀཱརཀེ བྷིཀྑཱུ བྷཏྟེན ནིམནྟེནྟི. བྷིཀྑཱུ ཀུཀྐུཙྩཱཡནྟཱ ནཱདྷིཝཱསེནྟི – ‘‘པཊིཀྑིཏྟཾ བྷགཝཏཱ ¶ གཎབྷོཛན’’ནྟི ¶ . བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, ཙཱིཝརཀཱརསམཡེ གཎབྷོཛནཾ བྷུཉྫིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘གཎབྷོཛནེ, ཨཉྙཏྲ སམཡཱ, པཱཙིཏྟིཡཾ. ཏཏྠཱཡཾ སམཡོ. གིལཱནསམཡོ, ཙཱིཝརདཱནསམཡོ, ཙཱིཝརཀཱརསམཡོ – ཨཡཾ ཏཏྠ སམཡོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༡༣. ཏེན ཁོ པན སམཡེན བྷིཀྑཱུ མནུསྶེཧི སདྡྷིཾ ཨདྡྷཱནཾ ¶ གཙྪནྟི. ཨཐ ཁོ ¶ ཏེ བྷིཀྑཱུ ཏེ མནུསྶེ ཨེཏདཝོཙུཾ – ‘‘མུཧུཏྟཾ, ཨཱཝུསོ, ཨཱགམེཐ; པིཎྜཱཡ ཙརིསྶཱམཱ’’ཏི. ཏེ ཨེཝམཱཧཾསུ – ‘‘ཨིདྷེཝ, བྷནྟེ, བྷུཉྫཐཱ’’ཏི. བྷིཀྑཱུ ཀུཀྐུཙྩཱཡནྟཱ ན པཊིགྒཎྷནྟི – ‘‘པཊིཀྑིཏྟཾ བྷགཝཏཱ གཎབྷོཛན’’ནྟི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, ཨདྡྷཱནགམནསམཡེ གཎབྷོཛནཾ བྷུཉྫིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘གཎབྷོཛནེ, ཨཉྙཏྲ སམཡཱ, པཱཙིཏྟིཡཾ. ཏཏྠཱཡཾ སམཡོ. གིལཱནསམཡོ, ཙཱིཝརདཱནསམཡོ, ཙཱིཝརཀཱརསམཡོ, ཨདྡྷཱནགམནསམཡོ – ཨཡཾ ཏཏྠ སམཡོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༡༤. ཏེན ཁོ པན སམཡེན བྷིཀྑཱུ མནུསྶེཧི སདྡྷིཾ ནཱཝཱཡ གཙྪནྟི. ཨཐ ཁོ ཏེ བྷིཀྑཱུ ཏེ མནུསྶེ ཨེཏདཝོཙུཾ – ‘‘མུཧུཏྟཾ, ཨཱཝུསོ, ཏཱིརཾ ཨུཔནེཐ; པིཎྜཱཡ ཙརིསྶཱམཱ’’ཏི. ཏེ ཨེཝམཱཧཾསུ ¶ – ‘‘ཨིདྷེཝ, བྷནྟེ, བྷུཉྫཐཱ’’ཏི. བྷིཀྑཱུ ཀུཀྐུཙྩཱཡནྟཱ ན པཊིགྒཎྷནྟི – ‘‘པཊིཀྑིཏྟཾ བྷགཝཏཱ གཎབྷོཛན’’ནྟི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, ནཱཝཱབྷིརུཧནསམཡེ གཎབྷོཛནཾ བྷུཉྫིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘གཎབྷོཛནེ, ཨཉྙཏྲ སམཡཱ, པཱཙིཏྟིཡཾ. ཏཏྠཱཡཾ སམཡོ. གིལཱནསམཡོ, ཙཱིཝརདཱནསམཡོ, ཙཱིཝརཀཱརསམཡོ, ཨདྡྷཱནགམནསམཡོ, ནཱཝཱབྷིརུཧནསམཡོ – ཨཡཾ ཏཏྠ སམཡོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༡༥. ཏེན ¶ ༠ ཁོ པན སམཡེན དིསཱསུ ཝསྶཾཝུཊྛཱ བྷིཀྑཱུ རཱཛགཧཾ ཨཱགཙྪནྟི བྷགཝནྟཾ དསྶནཱཡ. མནུསྶཱ ནཱནཱཝེརཛྫཀེ བྷིཀྑཱུ པསྶིཏྭཱ བྷཏྟེན ནིམནྟེནྟི. བྷིཀྑཱུ ཀུཀྐུཙྩཱཡནྟཱ ནཱདྷིཝཱསེནྟི – ‘‘པཊིཀྑིཏྟཾ བྷགཝཏཱ གཎབྷོཛན’’ནྟི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, མཧཱསམཡེ གཎབྷོཛནཾ བྷུཉྫིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘གཎབྷོཛནེ ¶ , ཨཉྙཏྲ སམཡཱ, པཱཙིཏྟིཡཾ. ཏཏྠཱཡཾ སམཡོ. གིལཱནསམཡོ, ཙཱིཝརདཱནསམཡོ, ཙཱིཝརཀཱརསམཡོ, ཨདྡྷཱནགམནསམཡོ, ནཱཝཱབྷིརུཧནསམཡོ, མཧཱསམཡོ – ཨཡཾ ཏཏྠ སམཡོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༡༦. ཏེན ¶ ཁོ པན སམཡེན རཉྙོ མཱགདྷསྶ སེནིཡསྶ བིམྦིསཱརསྶ ཉཱཏིསཱལོཧིཏོ ཨཱཛཱིཝཀེསུ པབྦཛིཏོ ཧོཏི. ཨཐ ཁོ སོ ¶ ཨཱཛཱིཝཀོ ཡེན རཱཛཱ མཱགདྷོ སེནིཡོ བིམྦིསཱརོ ཏེནུཔསངྐམི; ཨུཔསངྐམིཏྭཱ རཱཛཱནཾ མཱགདྷཾ སེནིཡཾ བིམྦིསཱརཾ ཨེཏདཝོཙ – ‘‘ཨིཙྪཱམཧཾ, མཧཱརཱཛ, སབྦཔཱསཎྜིཀབྷཏྟཾ ཀཱཏུ’’ནྟི. ‘‘སཙེ ཏྭཾ, བྷནྟེ, བུདྡྷཔྤམུཁཾ བྷིཀྑུསངྒྷཾ པཋམཾ བྷོཛེཡྻཱསི’’. ‘‘ཨེཝཾ ཀརེཡྻཱམཱི’’ཏི. ཨཐ ཁོ སོ ཨཱཛཱིཝཀོ བྷིཀྑཱུནཾ སནྟིཀེ དཱུཏཾ པཱཧེསི – ‘‘ཨདྷིཝཱསེནྟུ མེ བྷིཀྑཱུ སྭཱཏནཱཡ བྷཏྟ’’ནྟི. བྷིཀྑཱུ ཀུཀྐུཙྩཱཡནྟཱ ནཱདྷིཝཱསེནྟི – ‘‘པཊིཀྑིཏྟཾ བྷགཝཏཱ གཎབྷོཛན’’ནྟི. ཨཐ ཁོ སོ ཨཱཛཱིཝཀོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝཏཱ སདྡྷིཾ སམྨོདི, སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏོ ཁོ སོ ཨཱཛཱིཝཀོ བྷགཝནྟཾ ཨེཏདཝོཙ – ‘‘བྷཝམྤི གོཏམོ པབྦཛིཏོ, ཨཧམྤི པབྦཛིཏོ; ཨརཧཏི པབྦཛིཏོ པབྦཛིཏསྶ པིཎྜཾ པཊིགྒཧེཏུཾ. ཨདྷིཝཱསེཏུ མེ བྷཝཾ གོཏམོ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ཁོ སོ ཨཱཛཱིཝཀོ བྷགཝཏོ ཨདྷིཝཱསནཾ ཝིདིཏྭཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, སམཎབྷཏྟསམཡེ གཎབྷོཛནཾ བྷུཉྫིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༡༧. གཎབྷོཛནེ ¶ , ཨཉྙཏྲ སམཡཱ, པཱཙིཏྟིཡཾ. ཏཏྠཱཡཾ སམཡོ. གིལཱནསམཡོ, ཙཱིཝརདཱནསམཡོ, ཙཱིཝརཀཱརསམཡོ, ཨདྡྷཱནགམནསམཡོ, ནཱཝཱབྷིརུཧནསམཡོ, མཧཱསམཡོ, སམཎབྷཏྟསམཡོ – ཨཡཾ ཏཏྠ སམཡོ’’ཏི.

༢༡༨. གཎབྷོཛནཾ ¶ ནཱམ ཡཏྠ ཙཏྟཱརོ བྷིཀྑཱུ པཉྩནྣཾ བྷོཛནཱནཾ ཨཉྙཏརེན བྷོཛནེན ནིམནྟིཏཱ བྷུཉྫནྟི. ཨེཏཾ གཎབྷོཛནཾ ནཱམ.

ཨཉྙཏྲ སམཡཱཏི ཋཔེཏྭཱ སམཡཾ.

གིལཱནསམཡོ ¶ ནཱམ ཨནྟམསོ པཱདཱཔི ཕལིཏཱ [ཕཱལིཏཱ (སྱཱ. ཀ.)] ཧོནྟི. ‘‘གིལཱནསམཡོ’’ཏི བྷུཉྫིཏབྦཾ.

ཙཱིཝརདཱནསམཡོ ནཱམ ཨནཏྠཏེ ཀཐིནེ ཝསྶཱནསྶ པཙྪིམོ མཱསོ, ཨཏྠཏེ ཀཐིནེ པཉྩམཱསཱ. ‘‘ཙཱིཝརདཱནསམཡོ’’ཏི བྷུཉྫིཏབྦཾ.

ཙཱིཝརཀཱརསམཡོ ནཱམ ཙཱིཝརེ ཀཡིརམཱནེ. ‘‘ཙཱིཝརཀཱརསམཡོ’’ཏི བྷུཉྫིཏབྦཾ.

ཨདྡྷཱནགམནསམཡོ ¶ ནཱམ ‘‘ཨདྡྷཡོཛནཾ གཙྪིསྶཱམཱི’’ཏི བྷུཉྫིཏབྦཾ, གཙྪནྟེན བྷུཉྫིཏབྦཾ, གཏེན བྷུཉྫིཏབྦཾ.

ནཱཝཱབྷིརུཧནསམཡོ ནཱམ ‘‘ནཱཝཾ ཨབྷིརུཧིསྶཱམཱི’’ཏི བྷུཉྫིཏབྦཾ, ཨཱརུལ༹ྷེན བྷུཉྫིཏབྦཾ, ཨོརུལ༹ྷེན བྷུཉྫིཏབྦཾ.

མཧཱསམཡོ ནཱམ ཡཏྠ དྭེ ཏཡོ བྷིཀྑཱུ པིཎྜཱཡ ཙརིཏྭཱ ཡཱཔེནྟི, ཙཏུཏྠེ ཨཱགཏེ ན ཡཱཔེནྟི. ‘‘མཧཱསམཡོ’’ཏི བྷུཉྫིཏབྦཾ.

སམཎབྷཏྟསམཡོ ནཱམ ཡོ ཀོཙི པརིབྦཱཛཀསམཱཔནྣོ བྷཏྟཾ ཀརོཏི. ‘‘སམཎབྷཏྟསམཡོ’’ཏི བྷུཉྫིཏབྦཾ.

‘‘ཨཉྙཏྲ སམཡཱ བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

༢༡༩. གཎབྷོཛནེ གཎབྷོཛནསཉྙཱི, ཨཉྙཏྲ སམཡཱ, བྷུཉྫཏི, ཨཱཔཏྟི པཱཙིཏྟིཡསྶ. གཎབྷོཛནེ ཝེམཏིཀོ, ཨཉྙཏྲ སམཡཱ, བྷུཉྫཏི, ཨཱཔཏྟི པཱཙིཏྟིཡསྶ. གཎབྷོཛནེ ནགཎབྷོཛནསཉྙཱི, ཨཉྙཏྲ སམཡཱ, བྷུཉྫཏི, ཨཱཔཏྟི པཱཙིཏྟིཡསྶ.

ནགཎབྷོཛནེ ¶ གཎབྷོཛནསཉྙཱི ¶ , ཨཱཔཏྟི དུཀྐཊསྶ. ནགཎབྷོཛནེ ཝེམཏིཀོ, ཨཱཔཏྟི དུཀྐཊསྶ. ནགཎབྷོཛནེ ནགཎབྷོཛནསཉྙཱི, ཨནཱཔཏྟི.

༢༢༠. ཨནཱཔཏྟི ¶ སམཡེ, དྭེ ཏཡོ ཨེཀཏོ བྷུཉྫནྟི, པིཎྜཱཡ ཙརིཏྭཱ ཨེཀཏོ སནྣིཔཏིཏྭཱ བྷུཉྫནྟི, ནིཙྩབྷཏྟཾ, སལཱཀབྷཏྟཾ, པཀྑིཀཾ, ཨུཔོསཐིཀཾ, པཱཊིཔདིཀཾ, པཉྩ བྷོཛནཱནི ཋཔེཏྭཱ སབྦཏྠ ཨནཱཔཏྟི, ཨུམྨཏྟཀསྶ, ཨཱདིཀམྨིཀསྶཱཏི.

གཎབྷོཛནསིཀྑཱཔདཾ ནིཊྛིཏཾ དུཏིཡཾ.

༣. པརམྤརབྷོཛནསིཀྑཱཔདཾ

༢༢༡. ཏེན ¶ སམཡེན བུདྡྷོ བྷགཝཱ ཝེསཱལིཡཾ ཝིཧརཏི མཧཱཝནེ ཀཱུཊཱགཱརསཱལཱཡཾ. ཏེན ཁོ པན སམཡེན ཝེསཱལིཡཾ པཎཱིཏཱནཾ བྷཏྟཱནཾ བྷཏྟཔཊིཔཱཊི ཨདྷིཊྛིཏཱ ཧོཏི. ཨཐ ཁོ ཨཉྙཏརསྶ དལིདྡསྶ ཀམྨཀཱརསྶ [ཀམྨཀརསྶ (སཱི.)] ཨེཏདཧོསི – ‘‘ན ཁོ ཨིདཾ ཨོརཀཾ བྷཝིསྶཏི ཡཐཡིམེ མནུསྶཱ སཀྐཙྩཾ བྷཏྟཾ ཀརོནྟི; ཡཾནཱུནཱཧམྤི བྷཏྟཾ ཀརེཡྻ’’ནྟི. ཨཐ ཁོ སོ དལིདྡོ ཀམྨཀཱརོ ཡེན ཀིརཔཏིཀོ ཏེནུཔསངྐམི; ཨུཔསངྐམིཏྭཱ ཏཾ ཀིརཔཏིཀཾ ཨེཏདཝོཙ – ‘‘ཨིཙྪཱམཧཾ, ཨཡྻཔུཏྟ, བུདྡྷཔྤམུཁསྶ ¶ བྷིཀྑུསངྒྷསྶ བྷཏྟཾ ཀཱཏུཾ. དེཧི མེ ཝེཏན’’ནྟི. སོཔི ཁོ ཀིརཔཏིཀོ སདྡྷོ ཧོཏི པསནྣོ. ཨཐ ཁོ སོ ཀིརཔཏིཀོ ཏསྶ དལིདྡསྶ ཀམྨཀཱརསྶ ཨབྦྷཱཏིརེཀཾ [ཨཏིརེཀཾ (སྱཱ.)] ཝེཏནཾ ཨདཱསི. ཨཐ ཁོ སོ དལིདྡོ ཀམྨཀཱརོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སོ དལིདྡོ ཀམྨཀཱརོ བྷགཝནྟཾ ཨེཏདཝོཙ – ‘‘ཨདྷིཝཱསེཏུ མེ, བྷནྟེ, བྷགཝཱ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’ཏི. ‘‘མཧཱ ཁོ, ཨཱཝུསོ, བྷིཀྑུསངྒྷོ. ཛཱནཱཧཱི’’ཏི. ‘‘ཧོཏུ [ཧོཏུ མེ (ཀ.)] བྷནྟེ, མཧཱ བྷིཀྑུསངྒྷོ. བཧཱུ མེ བདརཱ པཊིཡཏྟཱ བདརམིསྶེན པེཡྻཱ པརིཔཱུརིསྶནྟཱི’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན.

ཨཐ ¶ ཁོ སོ དལིདྡོ ཀམྨཀཱརོ བྷགཝཏོ ¶ ཨདྷིཝཱསནཾ ཝིདིཏྭཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨསྶོསུཾ ཁོ བྷིཀྑཱུ – ‘‘དལིདྡེན ཀིར ཀམྨཀཱརེན སྭཱཏནཱཡ བུདྡྷཔྤམུཁོ བྷིཀྑུསངྒྷོ ནིམནྟིཏོ, བདརམིསྶེན པེཡྻཱ པརིཔཱུརིསྶནྟཱི’’ཏི. ཏེ ཀཱལསྶེཝ པིཎྜཱཡ ཙརིཏྭཱ བྷུཉྫིཾསུ. ཨསྶོསུཾ ཁོ མནུསྶཱ – ‘‘དལིདྡེན ཀིར ཀམྨཀཱརེན བུདྡྷཔྤམུཁོ བྷིཀྑུསངྒྷོ ནིམནྟིཏོ’’ཏི. ཏེ དལིདྡསྶ ཀམྨཀཱརསྶ པཧཱུཏཾ ཁཱདནཱིཡཾ བྷོཛནཱིཡཾ ཨབྷིཧརིཾསུ. ཨཐ ཁོ སོ དལིདྡོ ཀམྨཀཱརོ ཏསྶཱ རཏྟིཡཱ ཨཙྩཡེན པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ བྷགཝཏོ ཀཱལཾ ཨཱརོཙཱཔེསི – ‘‘ཀཱལོ, བྷནྟེ, ནིཊྛིཏཾ བྷཏྟ’’ནྟི.

ཨཐ ¶ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན ཏསྶ དལིདྡསྶ ཀམྨཀཱརསྶ ནིཝེསནཾ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི སདྡྷིཾ བྷིཀྑུསངྒྷེན. ཨཐ ཁོ སོ དལིདྡོ ཀམྨཀཱརོ བྷཏྟགྒེ བྷིཀྑཱུ པརིཝིསཏི. བྷིཀྑཱུ ཨེཝམཱཧཾསུ – ‘‘ཐོཀཾ, ཨཱཝུསོ, དེཧི. ཐོཀཾ, ཨཱཝུསོ, དེཧཱི’’ཏི. ‘‘མཱ ཁོ ཏུམྷེ, བྷནྟེ, ‘ཨཡཾ དལིདྡོ ཀམྨཀཱརོ’ཏི ཐོཀཾ ཐོཀཾ པཊིགྒཎྷིཏྠ. པཧཱུཏཾ མེ ཁཱདནཱིཡཾ བྷོཛནཱིཡཾ པཊིཡཏྟཾ.

པཊིགྒཎྷཐ, བྷནྟེ, ཡཱཝདཏྠ’’ནྟི. ‘‘ན ཁོ མཡཾ, ཨཱཝུསོ, ཨེཏཾཀཱརཎཱ ཐོཀཾ ཐོཀཾ པཊིགྒཎྷཱམ. ཨཔིཙ, མཡཾ ཀཱལསྶེཝ པིཎྜཱཡ ཙརིཏྭཱ བྷུཉྫིམྷཱ; ཏེན མཡཾ ཐོཀཾ ཐོཀཾ པཊིགྒཎྷཱམཱ’’ཏི.

ཨཐ ཁོ སོ དལིདྡོ ཀམྨཀཱརོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ ¶ བྷདནྟཱ མཡཱ ནིམནྟིཏཱ ཨཉྙཏྲ བྷུཉྫིསྶནྟི! ན ཙཱཧཾ པཊིབལོ ཡཱཝདཏྠཾ དཱཏུ’’ནྟི? ཨསྶོསུཾ ཁོ བྷིཀྑཱུ ཏསྶ དལིདྡསྶ ཀམྨཀཱརསྶ ¶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑཱུ ཨཉྙཏྲ ནིམནྟིཏཱ ཨཉྙཏྲ བྷུཉྫིསྶནྟཱི’’ཏི…པེ… སཙྩཾ ཀིར, བྷིཀྑཝེ, བྷིཀྑཱུ ཨཉྙཏྲ ནིམནྟིཏཱ ཨཉྙཏྲ བྷུཉྫནྟཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ཨཉྙཏྲ ནིམནྟིཏཱ ཨཉྙཏྲ བྷུཉྫིསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘པརམྤརབྷོཛནེ ¶ པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༢༢. ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཨཉྙཏརོ བྷིཀྑུ པིཎྜཔཱཏཾ ཨཱདཱཡ ཡེན སོ བྷིཀྑུ ཏེནུཔསངྐམི; ཨུཔསངྐམིཏྭཱ ཏཾ བྷིཀྑུཾ ཨེཏདཝོཙ – ‘‘བྷུཉྫཱཧི, ཨཱཝུསོ’’ཏི. ‘‘ཨལཾ, ཨཱཝུསོ, ཨཏྠི མེ བྷཏྟཔཙྩཱསཱ’’ཏི. ཏསྶ བྷིཀྑུནོ པིཎྜཔཱཏོ ཨུསྶཱུརེ [ཨུསྶཱུརེན (ཀ.)] ཨཱཧརཱིཡིཏྠ. སོ བྷིཀྑུ ན ཙིཏྟརཱུཔཾ བྷུཉྫི. བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, གིལཱནེན བྷིཀྑུནཱ པརམྤརབྷོཛནཾ བྷུཉྫིཏུཾ. ཨེཝཉྩ པན ¶ , བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘པརམྤརབྷོཛནེ, ¶ ཨཉྙཏྲ སམཡཱ, པཱཙིཏྟིཡཾ. ཏཏྠཱཡཾ སམཡོ. གིལཱནསམཡོ – ཨཡཾ ཏཏྠ སམཡོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༢༣. ཏེན ཁོ པན སམཡེན མནུསྶཱ ཙཱིཝརདཱནསམཡེ སཙཱིཝརབྷཏྟཾ པཊིཡཱདེཏྭཱ [པཊིཡཱདཱཔེཏྭཱ (ཨིཏིཔི)] བྷིཀྑཱུ ནིམནྟེནྟི – ‘‘བྷོཛེཏྭཱ ཙཱིཝརེན ཨཙྪཱདེསྶཱམཱ’’ཏི. བྷིཀྑཱུ ཀུཀྐུཙྩཱཡནྟཱ ནཱདྷིཝཱསེནྟི – ‘‘པཊིཀྑིཏྟཾ བྷགཝཏཱ པརམྤརབྷོཛན’’ནྟི. ཙཱིཝརཾ པརིཏྟཾ ཨུཔྤཛྫཏི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, ཙཱིཝརདཱནསམཡེ པརམྤརབྷོཛནཾ བྷུཉྫིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘པརམྤརབྷོཛནེ, ཨཉྙཏྲ སམཡཱ, པཱཙིཏྟིཡཾ. ཏཏྠཱཡཾ སམཡོ. གིལཱནསམཡོ, ཙཱིཝརདཱནསམཡོ – ཨཡཾ ཏཏྠ སམཡོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༢༤. ཏེན ཁོ པན སམཡེན མནུསྶཱ ཙཱིཝརཀཱརཀེ བྷིཀྑཱུ བྷཏྟེན ནིམནྟེནྟི. བྷིཀྑཱུ ཀུཀྐུཙྩཱཡནྟཱ ནཱདྷིཝཱསེནྟི – ‘‘པཊིཀྑིཏྟཾ བྷགཝཏཱ པརམྤརབྷོཛན’’ནྟི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, ཙཱིཝརཀཱརསམཡེ པརམྤརབྷོཛནཾ བྷུཉྫིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༢༥. ‘‘པརམྤརབྷོཛནེ, ¶ ཨཉྙཏྲ སམཡཱ, པཱཙིཏྟིཡཾ. ཏཏྠཱཡཾ སམཡོ. གིལཱནསམཡོ, ཙཱིཝརདཱནསམཡོ, ཙཱིཝརཀཱརསམཡོ – ཨཡཾ ཏཏྠ སམཡོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༢༦. ཨཐ ¶ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ¶ ཨཱཡསྨཏཱ ཨཱནནྡེན པཙྪཱསམཎེན ཡེན ཨཉྙཏརཾ ཀུལཾ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཨཐ ཁོ ཏེ མནུསྶཱ བྷགཝཏོ ཙ ཨཱཡསྨཏོ ཙ ཨཱནནྡསྶ བྷོཛནཾ ཨདཾསུ. ཨཱཡསྨཱ ཨཱནནྡོ ཀུཀྐུཙྩཱཡནྟོ ན པཊིགྒཎྷཱཏི. ‘‘གཎྷཱཧི [པཏིགཎྷཱཧི (སཱི.)], ཨཱནནྡཱ’’ཏི. ‘‘ཨལཾ, བྷགཝཱ ¶ , ཨཏྠི མེ བྷཏྟཔཙྩཱསཱ’’ཏི. ‘‘ཏེནཧཱནནྡ, ཝིཀཔྤེཏྭཱ གཎྷཱཧཱི’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཝིཀཔྤེཏྭཱ [བྷཏྟཔཙྩཱསཾ ཝིཀཔྤེཏྭཱ (སྱཱ.)] པརམྤརབྷོཛནཾ བྷུཉྫིཏུཾ. ཨེཝཉྩ པན, བྷིཀྑཝེ, ཝིཀཔྤེཏབྦཾ – ‘མཡ྄ཧཾ བྷཏྟཔཙྩཱསཾ ཨིཏྠནྣཱམསྶ དམྨཱི’’’ཏི.

༢༢༧. པརམྤརབྷོཛནཾ ནཱམ པཉྩནྣཾ བྷོཛནཱནཾ ཨཉྙཏརེན བྷོཛནེན ནིམནྟིཏོ, ཏཾ ཋཔེཏྭཱ ཨཉྙཾ པཉྩནྣཾ བྷོཛནཱནཾ ཨཉྙཏརཾ བྷོཛནཾ བྷུཉྫཏི, ཨེཏཾ པརམྤརབྷོཛནཾ ནཱམ.

ཨཉྙཏྲ སམཡཱཏི ཋཔེཏྭཱ སམཡཾ.

གིལཱནསམཡོ ནཱམ ན སཀྐོཏི ཨེཀཱསནེ ནིསིནྣོ ཡཱཝདཏྠཾ བྷུཉྫིཏུཾ. ‘‘གིལཱནསམཡོ’’ཏི བྷུཉྫིཏབྦཾ.

ཙཱིཝརདཱནསམཡོ ནཱམ ཨནཏྠཏེ ཀཐིནེ ཝསྶཱནསྶ པཙྪིམོ མཱསོ, ཨཏྠཏེ ཀཐིནེ པཉྩ མཱསཱ. ‘‘ཙཱིཝརདཱནསམཡོ’’ཏི བྷུཉྫིཏབྦཾ.

ཙཱིཝརཀཱརསམཡོ ནཱམ ཙཱིཝརེ ཀཡིརམཱནེ. ‘‘ཙཱིཝརཀཱརསམཡོ’’ཏི བྷུཉྫིཏབྦཾ.

‘‘ཨཉྙཏྲ སམཡཱ བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ¶ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

༢༢༨. པརམྤརབྷོཛནེ ¶ པརམྤརབྷོཛནསཉྙཱི, ཨཉྙཏྲ སམཡཱ, བྷུཉྫཏི, ཨཱཔཏྟི པཱཙིཏྟིཡསྶ. པརམྤརབྷོཛནེ ཝེམཏིཀོ, ཨཉྙཏྲ སམཡཱ, བྷུཉྫཏི, ཨཱཔཏྟི པཱཙིཏྟིཡསྶ. པརམྤརབྷོཛནེ ནཔརམྤརབྷོཛནསཉྙཱི, ཨཉྙཏྲ སམཡཱ, བྷུཉྫཏི, ཨཱཔཏྟི པཱཙིཏྟིཡསྶ.

ནཔརམྤརབྷོཛནེ པརམྤརབྷོཛནསཉྙཱི, ཨཱཔཏྟི དུཀྐཊསྶ. ནཔརམྤརབྷོཛནེ ཝེམཏིཀོ, ཨཱཔཏྟི དུཀྐཊསྶ. ནཔརམྤརབྷོཛནེ ནཔརམྤརབྷོཛནསཉྙཱི, ཨནཱཔཏྟི.

༢༢༩. ཨནཱཔཏྟི སམཡེ, ཝིཀཔྤེཏྭཱ བྷུཉྫཏི, དྭེ ཏཡོ ནིམནྟནེ ཨེཀཏོ བྷུཉྫཏི, ནིམནྟནཔཊིཔཱཊིཡཱ བྷུཉྫཏི, སཀལེན གཱམེན ནིམནྟིཏོ ཏསྨིཾ གཱམེ ཡཏྠ ཀཏྠཙི བྷུཉྫཏི ¶ , སཀལེན པཱུགེན ནིམནྟིཏོ ཏསྨིཾ པཱུགེ ཡཏྠ ཀཏྠཙི བྷུཉྫཏི, ནིམནྟིཡམཱནོ བྷིཀྑཾ གཧེསྶཱམཱིཏི བྷཎཏི, ནིཙྩབྷཏྟེ, སལཱཀབྷཏྟེ, པཀྑིཀེ, ཨུཔོསཐིཀེ, པཱཊིཔདིཀེ, པཉྩ བྷོཛནཱནི ཋཔེཏྭཱ སབྦཏྠ ཨནཱཔཏྟི, ཨུམྨཏྟཀསྶ, ཨཱདིཀམྨིཀསྶཱཏི.

པརམྤརབྷོཛནསིཀྑཱཔདཾ ནིཊྛིཏཾ ཏཏིཡཾ.

༤. ཀཱཎམཱཏུསིཀྑཱཔདཾ

༢༣༠. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ¶ ཀཱཎམཱཏཱ ཨུཔཱསིཀཱ སདྡྷཱ ཧོཏི པསནྣཱ. ཀཱཎཱ གཱམཀེ ཨཉྙཏརསྶ པུརིསསྶ དིནྣཱ ཧོཏི. ཨཐ ཁོ ཀཱཎཱ མཱཏུགྷརཾ ཨགམཱསི ཀེནཙིདེཝ ཀརཎཱིཡེན. ཨཐ ཁོ ཀཱཎཱཡ སཱམིཀོ ཀཱཎཱཡ སནྟིཀེ དཱུཏཾ པཱཧེསི – ‘‘ཨཱགཙྪཏུ ཀཱཎཱ, ཨིཙྪཱམི ཀཱཎཱཡ ཨཱགཏ’’ནྟི. ཨཐ ཁོ ཀཱཎམཱཏཱ ཨུཔཱསིཀཱ ‘‘ཀིསྨིཾ ཝིཡ རིཏྟཧཏྠཾ གནྟུ’’ནྟི པཱུཝཾ [པཱུཔཾ (ཎྭཱདི)] པཙི. པཀྐེ པཱུཝེ ཨཉྙཏརོ པིཎྜཙཱརིཀོ བྷིཀྑུ ཀཱཎམཱཏཱཡ ཨུཔཱསིཀཱཡ ནིཝེསནཾ པཱཝིསི. ཨཐ ཁོ ཀཱཎམཱཏཱ ཨུཔཱསིཀཱ ཏསྶ བྷིཀྑུནོ པཱུཝཾ དཱཔེསི. སོ ནིཀྑམིཏྭཱ ཨཉྙསྶ ཨཱཙིཀྑི. ཏསྶཔི པཱུཝཾ དཱཔེསི. སོཔི ནིཀྑམིཏྭཱ ཨཉྙསྶ ཨཱཙིཀྑི. ཏསྶཔི པཱུཝཾ ¶ དཱཔེསི. ཡཐཱཔཊིཡཏྟཾ པཱུཝཾ པརིཀྑཡཾ ཨགམཱསི. དུཏིཡམྤི ཁོ ཀཱཎཱཡ སཱམིཀོ ཀཱཎཱཡ སནྟིཀེ དཱུཏཾ པཱཧེསི – ‘‘ཨཱགཙྪཏུ ཀཱཎཱ, ཨིཙྪཱམི ཀཱཎཱཡ ཨཱགཏ’’ནྟི. དུཏིཡམྤི ཁོ ཀཱཎམཱཏཱ ཨུཔཱསིཀཱ ‘‘ཀིསྨིཾ ཝིཡ རིཏྟཧཏྟཾ གནྟུ’’ནྟི པཱུཝཾ པཙི. པཀྐེ པཱུཝེ ཨཉྙཏརོ པིཎྜཙཱརིཀོ བྷིཀྑུ ཀཱཎམཱཏཱཡ ཨུཔཱསིཀཱཡ ནིཝེསནཾ པཱཝིསི. ཨཐ ཁོ ཀཱཎམཱཏཱ ཨུཔཱསིཀཱ ཏསྶ བྷིཀྑུནོ པཱུཝཾ དཱཔེསི. སོ ནིཀྑམིཏྭཱ ཨཉྙསྶ ཨཱཙིཀྑི. ཏསྶཔི པཱུཝཾ ¶ དཱཔེསི. སོཔི ནིཀྑམིཏྭཱ ཨཉྙསྶ ཨཱཙིཀྑི. ཏསྶཔི པཱུཝཾ དཱཔེསི. ཡཐཱཔཊིཡཏྟཾ པཱུཝཾ པརིཀྑཡཾ ཨགམཱསི. ཏཏིཡམྤི ཁོ ཀཱཎཱཡ སཱམིཀོ ཀཱཎཱཡ སནྟིཀེ དཱུཏཾ པཱཧེསི – ‘‘ཨཱགཙྪཏུ ཀཱཎཱ, ཨིཙྪཱམི ཀཱཎཱཡ ཨཱགཏཾ. སཙེ ཀཱཎཱ ནཱགཙྪིསྶཏི, ཨཧཾ ཨཉྙཾ པཛཱཔཏིཾ ཨཱནེསྶཱམཱི’’ཏི. ཏཏིཡམྤི ཁོ ཀཱཎམཱཏཱ ཨུཔཱསིཀཱ ཀིསྨིཾ ཝིཡ རིཏྟཧཏྠཾ གནྟུནྟི པཱུཝཾ པཙི. པཀྐེ པཱུཝེ ཨཉྙཏརོ པིཎྜཙཱརིཀོ བྷིཀྑུ ཀཱཎམཱཏཱཡ ཨུཔཱསིཀཱཡ ནིཝེསནཾ པཱཝིསི. ཨཐ ཁོ ཀཱཎམཱཏཱ ཨུཔཱསིཀཱ ཏསྶ བྷིཀྑུནོ པཱུཝཾ དཱཔེསི. སོ ནིཀྑམིཏྭཱ ཨཉྙསྶ ཨཱཙིཀྑི. ཏསྶཔི པཱུཝཾ དཱཔེསི. སོཔི ནིཀྑམིཏྭཱ ཨཉྙསྶ ཨཱཙིཀྑི. ཏསྶཔི ¶ པཱུཝཾ དཱཔེསི. ཡཐཱཔཊིཡཏྟཾ པཱུཝཾ པརིཀྑཡཾ ཨགམཱསི. ཨཐ ཁོ ཀཱཎཱཡ སཱམིཀོ ཨཉྙཾ པཛཱཔཏིཾ ཨཱནེསི.

ཨསྶོསི ཁོ ཀཱཎཱ – ‘‘ཏེན ཀིར པུརིསེན ཨཉྙཱ པཛཱཔཏི ཨཱནཱིཏཱ’’ཏི. སཱ རོདནྟཱི ཨཊྛཱསི. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན ཀཱཎམཱཏཱཡ ཨུཔཱསིཀཱཡ ནིཝེསནཾ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཨཐ ཁོ ཀཱཎམཱཏཱ ཨུཔཱསིཀཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཀཱཎམཱཏརཾ ཨུཔཱསིཀཾ བྷགཝཱ ཨེཏདཝོཙ – ‘‘ཀིསྶཱཡཾ ཀཱཎཱ རོདཏཱི’’ཏི? ཨཐ ཁོ ཀཱཎམཱཏཱ ཨུཔཱསིཀཱ བྷགཝཏོ ཨེཏམཏྠཾ ཨཱརོཙེསི. ཨཐ ཁོ བྷགཝཱ ཀཱཎམཱཏརཾ ཨུཔཱསིཀཾ དྷམྨིཡཱ ཀཐཱཡ ¶ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ པཀྐཱམི.

༢༣༡. ཏེན ཁོ པན སམཡེན ཨཉྙཏརོ སཏྠོ རཱཛགཧཱ པཊིཡཱལོཀཾ གནྟུཀཱམོ ཧོཏི. ཨཉྙཏརོ པིཎྜཙཱརིཀོ བྷིཀྑུ ཏཾ སཏྠཾ པིཎྜཱཡ པཱཝིསི. ཨཉྙཏརོ ཨུཔཱསཀོ ཏསྶ བྷིཀྑུནོ སཏྟུཾ ¶ དཱཔེསི. སོ ནིཀྑམིཏྭཱ ཨཉྙསྶ ཨཱཙིཀྑི. ཏསྶཔི སཏྟུཾ དཱཔེསི. སོ ནིཀྑམིཏྭཱ ཨཉྙསྶ ཨཱཙིཀྑི. ཏསྶཔི སཏྟུཾ དཱཔེསི. ཡཐཱཔཊིཡཏྟཾ པཱཐེཡྻཾ པརིཀྑཡཾ ཨགམཱསི ¶ . ཨཐ ཁོ སོ ཨུཔཱསཀོ ཏེ མནུསྶེ ཨེཏདཝོཙ – ‘‘ཨཛྫཎྷོ, ཨཡྻཱ, ཨཱགམེཐ, ཡཐཱཔཊིཡཏྟཾ པཱཐེཡྻཾ ཨཡྻཱནཾ དིནྣཾ. པཱཐེཡྻཾ པཊིཡཱདེསྶཱམཱི’’ཏི. ‘‘ནཱཡྻོ [ནཱཡྻ (སྱཱ.)] སཀྐཱ ཨཱགམེཏུཾ, པཡཱཏོ སཏྠོ’’ཏི ཨགམཾསུ. ཨཐ ཁོ ཏསྶ ཨུཔཱསཀསྶ པཱཐེཡྻཾ པཊིཡཱདེཏྭཱ པཙྪཱ གཙྪནྟསྶ ཙོརཱ ཨཙྪིནྡིཾསུ. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ན མཏྟཾ ཛཱནིཏྭཱ པཊིགྒཧེསྶནྟི! ཨཡཾ ཨིམེསཾ དཏྭཱ པཙྪཱ གཙྪནྟོ ཙོརེཧི ཨཙྪིནྣོ’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, བྷིཀྑཱུནཾ སིཀྑཱཔདཾ པཉྙཔེསྶཱམི ¶ དས ཨཏྠཝསེ པཊིཙྩ – སངྒྷསུཊྛུཏཱཡ, སངྒྷཕཱསུཏཱཡ…པེ… ཝིནཡཱནུགྒཧཱཡ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༣༢. ‘‘བྷིཀྑུཾ པནེཝ ཀུལཾ ཨུཔགཏཾ པཱུཝེཧི ཝཱ མནྠེཧི ཝཱ ཨབྷིཧཊྛུཾ པཝཱརེཡྻ, ཨཱཀངྑམཱནེན བྷིཀྑུནཱ དྭཏྟིཔཏྟཔཱུརཱ པཊིགྒཧེཏབྦཱ ཏཏོ ཙེ ཨུཏྟརི པཊིགྒཎྷེཡྻ པཱཙིཏྟིཡཾ. དྭཏྟིཔཏྟཔཱུརེ ¶ པཊིགྒཧེཏྭཱ ཏཏོ ནཱིཧརིཏྭཱ བྷིཀྑཱུཧི སདྡྷིཾ སཾཝིབྷཛིཏབྦཾ. ཨཡཾ ཏཏྠ སཱམཱིཙཱི’’ཏི.

༢༣༣. བྷིཀྑུཾ པནེཝ ཀུལཾ ཨུཔགཏནྟི ཀུལཾ ནཱམ ཙཏྟཱརི ཀུལཱནི – ཁཏྟིཡཀུལཾ, བྲཱཧྨཎཀུལཾ, ཝེསྶཀུལཾ, སུདྡཀུལཾ.

ཨུཔགཏནྟི ཏཏྠ གཏཾ.

པཱུཝཾ ནཱམ ཡཾཀིཉྩི པཧེཎཀཏྠཱཡ པཊིཡཏྟཾ.

མནྠཾ ནཱམ ཡཾཀིཉྩི པཱཐེཡྻཏྠཱཡ པཊིཡཏྟཾ.

ཨབྷིཧཊྛུཾ པཝཱརེཡྻཱཏི ཡཱཝཏཀཾ ཨིཙྪསི ཏཱཝཏཀཾ གཎྷཱཧཱིཏི.

ཨཱཀངྑམཱནེནཱཏི ཨིཙྪམཱནེན.

དྭཏྟིཔཏྟཔཱུརཱ པཊིགྒཧེཏབྦཱཏི དྭེཏཡོ པཏྟཔཱུརཱ པཊིགྒཧེཏབྦཱ.

ཏཏོ ¶ ཙེ ཨུཏྟརི པཊིགཎྷེཡྻཱཏི ཏཏུཏྟརི པཊིགྒཎྷཱཏི, ཨཱཔཏྟི པཱཙིཏྟིཡསྶ.

དྭཏྟིཔཏྟཔཱུརེ པཊིགྒཧེཏྭཱ ཏཏོ ནིཀྑམནྟེན བྷིཀྑུཾ པསྶིཏྭཱ ཨཱཙིཀྑིཏབྦཾ – ‘‘ཨམུཏྲ མཡཱ དྭཏྟིཔཏྟཔཱུརཱ པཊིགྒཧིཏཱ, མཱ ཁོ ཏཏྠ པཊིགྒཎྷཱི’’ཏི. སཙེ པསྶིཏྭཱ ན ཨཱཙིཀྑཏི, ཨཱཔཏྟི དུཀྐཊསྶ. སཙེ ཨཱཙིཀྑིཏེ པཊིགྒཎྷཱཏི, ཨཱཔཏྟི དུཀྐཊསྶ.

ཏཏོ ¶ ¶ ནཱིཧརིཏྭཱ བྷིཀྑཱུཧི སདྡྷིཾ སཾཝིབྷཛིཏབྦནྟི པཊིཀྐམནཾ ནཱིཧརིཏྭཱ སཾཝིབྷཛིཏབྦཾ.

ཨཡཾ ཏཏྠ སཱམཱིཙཱིཏི ཨཡཾ ཏཏྠ ཨནུདྷམྨཏཱ.

༢༣༤. ཨཏིརེཀདྭཏྟིཔཏྟཔཱུརེ ཨཏིརེཀསཉྙཱི པཊིགྒཎྷཱཏི, ཨཱཔཏྟི པཱཙིཏྟིཡསྶ. ཨཏིརེཀདྭཏྟིཔཏྟཔཱུརེ ¶ ཝེམཏིཀོ པཊིགྒཎྷཱཏི, ཨཱཔཏྟི པཱཙིཏྟིཡསྶ. ཨཏིརེཀདྭཏྟིཔཏྟཔཱུརེ ཨཱུནཀསཉྙཱི པཊིགྒཎྷཱཏི, ཨཱཔཏྟི པཱཙིཏྟིཡསྶ.

ཨཱུནཀདྭཏྟིཔཏྟཔཱུརེ ཨཏིརེཀསཉྙཱི, ཨཱཔཏྟི དུཀྐཊསྶ. ཨཱུནཀདྭཏྟིཔཏྟཔཱུརེ ཝེམཏིཀོ, ཨཱཔཏྟི དུཀྐཊསྶ. ཨཱུནཀདྭཏྟིཔཏྟཔཱུརེ ཨཱུནཀསཉྙཱི, ཨནཱཔཏྟི.

༢༣༥. ཨནཱཔཏྟི དྭཏྟིཔཏྟཔཱུརེ པཊིགྒཎྷཱཏི, ཨཱུནཀདྭཏྟིཔཏྟཔཱུརེ པཊིགྒཎྷཱཏི, ན པཧེཎཀཏྠཱཡ ན པཱཐེཡྻཏྠཱཡ པཊིཡཏྟཾ དེནྟི, པཧེཎཀཏྠཱཡ ཝཱ པཱཐེཡྻཏྠཱཡ ཝཱ པཊིཡཏྟསེསཀཾ དེནྟི, གམནེ པཊིཔྤསྶདྡྷེ དེནྟི, ཉཱཏཀཱནཾ པཝཱརིཏཱནཾ, ཨཉྙསྶཏྠཱཡ, ཨཏྟནོ དྷནེན, ཨུམྨཏྟཀསྶ, ཨཱདིཀམྨིཀསྶཱཏི.

ཀཱཎམཱཏུསིཀྑཱཔདཾ ནིཊྛིཏཾ ཙཏུཏྠཾ.

༥. པཋམཔཝཱརཎཱསིཀྑཱཔདཾ

༢༣༦. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཉྙཏརོ བྲཱཧྨཎོ བྷིཀྑཱུ ནིམནྟེཏྭཱ བྷོཛེསི. བྷིཀྑཱུ བྷུཏྟཱཝཱི པཝཱརིཏཱ ཉཱཏིཀུལཱནི ¶ གནྟྭཱ ཨེཀཙྩེ བྷུཉྫིཾསུ ཨེཀཙྩེ པིཎྜཔཱཏཾ ཨཱདཱཡ ཨགམཾསུ. ཨཐ ཁོ སོ བྲཱཧྨཎོ པཊིཝིསྶཀེ [པཊིཝིསཀེ (ཡོཛནཱ)] ཨེཏདཝོཙ – ‘‘བྷིཀྑཱུ མཡཱ ཨཡྻཱ སནྟཔྤིཏཱ. ཨེཐ, ཏུམྷེཔི སནྟཔྤེསྶཱམཱི’’ཏི. ཏེ ཨེཝམཱཧཾསུ – ‘‘ཀིཾ ཏྭཾ, ཨཡྻོ [ཨཡྻ (སྱཱ.)], ཨམྷེ སནྟཔྤེསྶསི? ཡེཔི ཏཡཱ ནིམནྟིཏཱ ཏེཔི ཨམྷཱཀཾ གྷརཱནི ཨཱགནྟྭཱ ཨེཀཙྩེ བྷུཉྫིཾསུ ཨེཀཙྩེ པིཎྜཔཱཏཾ ཨཱདཱཡ ཨགམཾསཱུ’’ཏི!

ཨཐ ཁོ སོ བྲཱཧྨཎོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ བྷདནྟཱ ཨམྷཱཀཾ གྷརེ བྷུཉྫིཏྭཱ ཨཉྙཏྲ བྷུཉྫིསྶནྟི! ན ཙཱཧཾ པཊིབལོ ཡཱཝདཏྠཾ དཱཏུ’’ནྟི! ཨསྶོསུཾ ཁོ བྷིཀྑཱུ ཏསྶ བྲཱཧྨཎསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑཱུ བྷུཏྟཱཝཱི པཝཱརིཏཱ ཨཉྙཏྲ བྷུཉྫིསྶནྟཱི’’ཏི…པེ… སཙྩཾ ཀིར, བྷིཀྑཝེ, བྷིཀྑཱུ བྷུཏྟཱཝཱི པཝཱརིཏཱ ཨཉྙཏྲ བྷུཉྫནྟཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ བྷུཏྟཱཝཱི ¶ པཝཱརིཏཱ ཨཉྙཏྲ བྷུཉྫིསྶནྟི ¶ ! ནེཏཾ, བྷིཀྑཝེ, ཨཔྤསནྣཱནཾ ¶ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ བྷུཏྟཱཝཱི པཝཱརིཏོ ཁཱདནཱིཡཾ ཝཱ བྷོཛནཱིཡཾ ཝཱ ཁཱདེཡྻ ཝཱ བྷུཉྫེཡྻ ཝཱ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༣༧. ཏེན ཁོ པན སམཡེན བྷིཀྑཱུ གིལཱནཱནཾ བྷིཀྑཱུནཾ པཎཱིཏེ པིཎྜཔཱཏེ ནཱིཧརནྟི. གིལཱནཱ ན ཙིཏྟརཱུཔཾ བྷུཉྫནྟི. ཏཱནི བྷིཀྑཱུ ཚཊྚེནྟི. ཨསྶོསི ཁོ བྷགཝཱ ཨུཙྩཱསདྡཾ མཧཱསདྡཾ ཀཱཀོརཝསདྡཾ. སུཏྭཱན ཨཱཡསྨནྟཾ ཨཱནནྡཾ ཨཱམནྟེསི – ‘‘ཀིཾ ནུ ཁོ སོ, ཨཱནནྡ, ཨུཙྩཱསདྡོ མཧཱསདྡོ ཀཱཀོརཝསདྡོ’’ཏི? ཨཐ ཁོ ཨཱཡསྨཱ ཨཱནནྡོ བྷགཝཏོ ཨེཏམཏྠཾ ཨཱརོཙེསི. ‘‘བྷུཉྫེཡྻུཾ པནཱནནྡ, བྷིཀྑཱུ གིལཱནཱཏིརིཏྟ’’ནྟི. ‘‘ན བྷུཉྫེཡྻུཾ, བྷགཝཱ’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི བྷིཀྑཝེ, གིལཱནསྶ ཙ ཨགིལཱནསྶ ཙ ཨཏིརིཏྟཾ བྷུཉྫིཏུཾ. ཨེཝཉྩ པན, བྷིཀྑཝེ, ཨཏིརིཏྟཾ ཀཱཏབྦཾ – ‘‘ཨལམེཏཾ སབྦ’’ནྟི. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༣༨. ‘‘ཡོ ¶ པན བྷིཀྑུ བྷུཏྟཱཝཱི པཝཱརིཏོ ཨནཏིརིཏྟཾ ཁཱདནཱིཡཾ ཝཱ བྷོཛནཱིཡཾ ཝཱ ཁཱདེཡྻ ཝཱ བྷུཉྫེཡྻ ཝཱ, པཱཙིཏྟིཡ’’ནྟི.

༢༣༩. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷུཏྟཱཝཱི ནཱམ པཉྩནྣཾ བྷོཛནཱནཾ ¶ ཨཉྙཏརཾ བྷོཛནཾ ཨནྟམསོ ཀུསགྒེནཔི བྷུཏྟཾ ཧོཏི.

པཝཱརིཏོ ནཱམ ཨསནཾ པཉྙཱཡཏི, བྷོཛནཾ པཉྙཱཡཏི, ཧཏྠཔཱསེ ཋིཏོ ཨབྷིཧརཏི, པཊིཀྑེཔོ པཉྙཱཡཏི.

ཨནཏིརིཏྟཾ ནཱམ ཨཀཔྤིཡཀཏཾ ཧོཏི, ཨཔྤཊིགྒཧིཏཀཏཾ ཧོཏི, ཨནུཙྩཱརིཏཀཏཾ ཧོཏི ¶ , ཨཧཏྠཔཱསེ ཀཏཾ ཧོཏི, ཨབྷུཏྟཱཝིནཱ ཀཏཾ ཧོཏི, བྷུཏྟཱཝིནཱ པཝཱརིཏེན ཨཱསནཱ ཝུཊྛིཏེན ཀཏཾ ཧོཏི, ‘‘ཨལམེཏཾ སབྦནྟི ཨཝུཏྟཾ ཧོཏི, ན གིལཱནཱཏིརིཏྟཾ ཧོཏི’’ – ཨེཏཾ ཨནཏིརིཏྟཾ ནཱམ.

ཨཏིརིཏྟཾ ནཱམ ཀཔྤིཡཀཏཾ ཧོཏི, པཊིགྒཧིཏཀཏཾ ཧོཏི, ཨུཙྩཱརིཏཀཏཾ ཧོཏི, ཧཏྠཔཱསེ ཀཏཾ ཧོཏི, བྷུཏྟཱཝིནཱ ཀཏཾ ཧོཏི, བྷུཏྟཱཝིནཱ པཝཱརིཏེན ཨཱསནཱ ཨཝུཊྛིཏེན ཀཏཾ ཧོཏི, ‘‘ཨལམེཏཾ སབྦ’’ནྟི ཝུཏྟཾ ཧོཏི, གིལཱནཱཏིརིཏྟཾ ཧོཏི – ཨེཏཾ ཨཏིརིཏྟཾ ནཱམ.

ཁཱདནཱིཡཾ ¶ ནཱམ པཉྩ བྷོཛནཱནི – ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ ཋཔེཏྭཱ ཨཝསེསཾ ཁཱདནཱིཡཾ ནཱམ.

བྷོཛནཱིཡཾ ནཱམ པཉྩ བྷོཛནཱནི – ཨོདནོ, ཀུམྨཱསོ, སཏྟུ, མཙྪོ, མཾསཾ.

‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

༢༤༠. ཨནཏིརིཏྟེ ཨནཏིརིཏྟསཉྙཱི ཁཱདནཱིཡཾ ཝཱ བྷོཛནཱིཡཾ ཝཱ ཁཱདཏི ཝཱ བྷུཉྫཏི ཝཱ, ཨཱཔཏྟི པཱཙིཏྟིཡསྶ. ཨནཏིརིཏྟེ ཝེམཏིཀོ ཁཱདནཱིཡཾ ཝཱ བྷོཛནཱིཡཾ ཝཱ ཁཱདཏི ཝཱ བྷུཉྫཏི ཝཱ, ཨཱཔཏྟི པཱཙིཏྟིཡསྶ. ཨནཏིརིཏྟེ ཨཏིརིཏྟསཉྙཱི ཁཱདནཱིཡཾ ཝཱ བྷོཛནཱིཡཾ ཝཱ ཁཱདཏི ཝཱ བྷུཉྫཏི ཝཱ, ཨཱཔཏྟི པཱཙིཏྟིཡསྶ.

ཡཱམཀཱལིཀཾ ¶ ¶ སཏྟཱཧཀཱལིཀཾ ཡཱཝཛཱིཝིཀཾ ཨཱཧཱརཏྠཱཡ པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི དུཀྐཊསྶ. ཨཏིརིཏྟེ ཨནཏིརིཏྟསཉྙཱི, ཨཱཔཏྟི དུཀྐཊསྶ. ཨཏིརིཏྟེ ཝེམཏིཀོ, ཨཱཔཏྟི དུཀྐཊསྶ. ཨཏིརིཏྟེ ཨཏིརིཏྟསཉྙཱི, ཨནཱཔཏྟི.

༢༤༡. ཨནཱཔཏྟི ཨཏིརིཏྟཾ ཀཱརཱཔེཏྭཱ བྷུཉྫཏི, ‘‘ཨཏིརིཏྟཾ ཀཱརཱཔེཏྭཱ བྷུཉྫིསྶཱམཱི’’ཏི པཊིགྒཎྷཱཏི, ཨཉྙསྶཏྠཱཡ ཧརནྟོ གཙྪཏི, གིལཱནསྶ སེསཀཾ བྷུཉྫཏི, ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ སཏི པཙྩཡེ པརིབྷུཉྫཏི, ཨུམྨཏྟཀསྶ, ཨཱདིཀམྨིཀསྶཱཏི.

པཋམཔཝཱརཎཱསིཀྑཱཔདཾ ནིཊྛིཏཾ པཉྩམཾ.

༦. དུཏིཡཔཝཱརཎཱསིཀྑཱཔདཾ

༢༤༢. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན དྭེ བྷིཀྑཱུ ཀོསལེསུ ཛནཔདེ སཱཝཏྠིཾ ཨདྡྷཱནམགྒཔྤཊིཔནྣཱ ཧོནྟི. ཨེཀོ བྷིཀྑུ ཨནཱཙཱརཾ ཨཱཙརཏི. དུཏིཡོ བྷིཀྑུ ཏཾ བྷིཀྑུཾ ཨེཏདཝོཙ – ‘‘མཱཝུསོ, ཨེཝརཱུཔམཀཱསི, ནེཏཾ ཀཔྤཏཱི’’ཏི. སོ ཏསྨིཾ ཨུཔནནྡྷི. ཨཐ ཁོ ཏེ བྷིཀྑཱུ སཱཝཏྠིཾ ཨགམཾསུ. ཏེན ཁོ པན སམཡེན སཱཝཏྠིཡཾ ཨཉྙཏརསྶ པཱུགསྶ སངྒྷབྷཏྟཾ ཧོཏི. དུཏིཡོ བྷིཀྑུ བྷུཏྟཱཝཱི པཝཱརིཏོ ཧོཏི. ཨུཔནདྡྷོ [ཨུཔནནྡྷོ (ཀ.)] བྷིཀྑུ ཉཱཏིཀུལཾ གནྟྭཱ པིཎྜཔཱཏཾ ཨཱདཱཡ ཡེན སོ བྷིཀྑུ ཏེནུཔསངྐམི; ཨུཔསངྐམིཏྭཱ ཏཾ བྷིཀྑུཾ ཨེཏདཝོཙ – ‘‘བྷུཉྫཱཧི, ཨཱཝུསོ’’ཏི. ‘‘ཨལཾ, ཨཱཝུསོ, པརིཔུཎྞོམྷཱི’’ཏི. ‘‘སུནྡརོ, ཨཱཝུསོ, པིཎྜཔཱཏོ, བྷུཉྫཱཧཱི’’ཏི. ཨཐ ཁོ སོ བྷིཀྑུ ཏེན བྷིཀྑུནཱ ནིཔྤཱིལི༹ཡམཱནོ ཏཾ པིཎྜཔཱཏཾ བྷུཉྫི. ཨུཔནདྡྷོ བྷིཀྑུ ¶ ཏཾ བྷིཀྑུཾ ཨེཏདཝོཙ – ‘‘ཏྭམྤི [ཏྭཾ ཧི (སྱཱ.)] ནཱམ, ཨཱཝུསོ, མཾ ཝཏྟབྦཾ མཉྙསི ཡཾ ཏྭཾ བྷུཏྟཱཝཱི པཝཱརིཏོ ཨནཏིརིཏྟཾ བྷོཛནཾ བྷུཉྫསཱི’’ཏི. ‘‘ནནུ, ཨཱཝུསོ, ཨཱཙིཀྑིཏབྦ’’ནྟི. ‘‘ནནུ, ཨཱཝུསོ, པུཙྪིཏབྦ’’ནྟི.

ཨཐ ཁོ སོ བྷིཀྑུ བྷིཀྑཱུནཾ ཨེཏམཏྠཾ ཨཱརོཙེསི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུ ¶ བྷིཀྑུཾ བྷུཏྟཱཝིཾ པཝཱརིཏཾ ཨནཏིརིཏྟེན བྷོཛནེན ཨབྷིཧཊྛུཾ ¶ པཝཱརེསྶཏཱི’’ ཏི…པེ… སཙྩཾ ཀིར ཏྭཾ, བྷིཀྑུ, བྷིཀྑུཾ བྷུཏྟཱཝིཾ པཝཱརིཏཾ ཨནཏིརིཏྟེན བྷོཛནེན ཨབྷིཧཊྛུཾ པཝཱརེསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, བྷིཀྑུཾ བྷུཏྟཱཝིཾ པཝཱརིཏཾ ཨནཏིརིཏྟེན བྷོཛནེན ཨབྷིཧཊྛུཾ པཝཱརེསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན བྷིཀྑཝེ ཨིམཾ སིཀྑཱཔདཾ ཨུདྡིསེཡྻཱཐ –

༢༤༣. ‘‘ཡོ པན བྷིཀྑུ བྷིཀྑུཾ བྷུཏྟཱཝིཾ པཝཱརིཏཾ ཨནཏིརིཏྟེན ཁཱདནཱིཡེན ཝཱ བྷོཛནཱིཡེན ཝཱ ཨབྷིཧཊྛུཾ པཝཱརེཡྻ – ‘ཧནྡ, བྷིཀྑུ, ཁཱད ཝཱ བྷུཉྫ ཝཱ’ཏི, ཛཱནཾ ཨཱསཱདནཱཔེཀྑོ, བྷུཏྟསྨིཾ, པཱཙིཏྟིཡ’’ནྟི.

༢༤༤. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུནྟི ¶ ཨཉྙཾ བྷིཀྑུཾ.

བྷུཏྟཱཝཱི ནཱམ པཉྩནྣཾ བྷོཛནཱནཾ ཨཉྙཏརཾ བྷོཛནཾ, ཨནྟམསོ ཀུསགྒེནཔི བྷུཏྟཾ ཧོཏི.

པཝཱརིཏོ ནཱམ ཨསནཾ པཉྙཱཡཏི, བྷོཛནཾ པཉྙཱཡཏི, ཧཏྠཔཱསེ ཋིཏོ ཨབྷིཧརཏི, པཊིཀྑེཔོ པཉྙཱཡཏི.

ཨནཏིརིཏྟཾ ནཱམ ཨཀཔྤིཡཀཏཾ ཧོཏི, ཨཔྤཊིགྒཧིཏཀཏཾ ཧོཏི, ཨནུཙྩཱརིཏཀཏཾ ཧོཏི, ཨཧཏྠཔཱསེ ཀཏཾ ཧོཏི, ཨབྷུཏྟཱཝིནཱ ཀཏཾ ཧོཏི, བྷུཏྟཱཝིནཱ པཝཱརིཏེན ཨཱསནཱ ཝུཊྛིཏེན ཀཏཾ ཧོཏི, ‘‘ཨལམེཏཾ སབྦ’’ནྟི ཨཝུཏྟཾ ཧོཏི, ན གིལཱནཱཏིརིཏྟཾ ཧོཏི – ཨེཏཾ ཨནཏིརིཏྟཾ ནཱམ.

ཁཱདནཱིཡཾ ནཱམ པཉྩ བྷོཛནཱནི – ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ ཋཔེཏྭཱ ཨཝསེསཾ ཁཱདནཱིཡཾ ནཱམ.

བྷོཛནཱིཡཾ ནཱམ ¶ པཉྩ བྷོཛནཱནི – ཨོདནོ, ཀུམྨཱསོ, སཏྟུ, མཙྪོ, མཾསཾ.

ཨབྷིཧཊྛུཾ པཝཱརེཡྻཱཏི ཡཱཝཏཀཾ ཨིཙྪསི ཏཱཝཏཀཾ གཎྷཱཧཱིཏི.

ཛཱནཱཏི ¶ ནཱམ སཱམཾ ཝཱ ཛཱནཱཏི, ཨཉྙེ ཝཱ ཏསྶ ཨཱརོཙེནྟི, སོ ཝཱ ཨཱརོཙེཏི.

ཨཱསཱདནཱཔེཀྑོཏི ‘‘ཨིམིནཱ ཨིམཾ ཙོདེསྶཱམི སཱརེསྶཱམི པཊིཙོདེསྶཱམི པཊིསཱརེསྶཱམི མངྐུ ཀརིསྶཱམཱི’’ཏི ཨབྷིཧརཏི, ཨཱཔཏྟི དུཀྐཊསྶ. ཏསྶ ཝཙནེན ‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི དུཀྐཊསྶ. བྷོཛནཔརིཡོསཱནེ ཨཱཔཏྟི པཱཙིཏྟིཡསྶ.

༢༤༥. པཝཱརིཏེ པཝཱརིཏསཉྙཱི ཨནཏིརིཏྟེན ཁཱདནཱིཡེན ཝཱ བྷོཛནཱིཡེན ཝཱ ཨབྷིཧཊྛུཾ པཝཱརེཏི, ཨཱཔཏྟི པཱཙིཏྟིཡསྶ. པཝཱརིཏེ ཝེམཏིཀོ ཨནཏིརིཏྟེན ཁཱདནཱིཡེན ཝཱ བྷོཛནཱིཡེན ཝཱ ཨབྷིཧཊྛུཾ པཝཱརེཏི, ཨཱཔཏྟི དུཀྐཊསྶ. པཝཱརིཏེ ཨཔྤཝཱརིཏསཉྙཱི ཨནཏིརིཏྟེན ¶ ཁཱདནཱིཡེན ཝཱ བྷོཛནཱིཡེན ཝཱ ཨབྷིཧཊྛུཾ པཝཱརེཏི, ཨནཱཔཏྟི. ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ ཨཱཧཱརཏྠཱཡ ཨབྷིཧརཏི, ཨཱཔཏྟི དུཀྐཊསྶ. ཏསྶ ཝཙནེན ‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི དུཀྐཊསྶ. ཨཔྤཝཱརིཏེ པཝཱརིཏསཉྙཱི ¶ , ཨཱཔཏྟི དུཀྐཊསྶ. ཨཔྤཝཱརིཏེ ཝེམཏིཀོ, ཨཱཔཏྟི དུཀྐཊསྶ. ཨཔྤཝཱརིཏེ ཨཔྤཝཱརིཏསཉྙཱི, ཨནཱཔཏྟི.

༢༤༦. ཨནཱཔཏྟི ཨཏིརིཏྟཾ ཀཱརཱཔེཏྭཱ དེཏི, ‘‘ཨཏིརིཏྟཾ ཀཱརཱཔེཏྭཱ ¶ བྷུཉྫཱཧཱི’’ཏི དེཏི, ཨཉྙསྶཏྠཱཡ ཧརནྟོ གཙྪཱཧཱིཏི དེཏི, གིལཱནསྶ སེསཀཾ དེཏི, ‘‘ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ སཏི པཙྩཡེ པརིབྷུཉྫཱ’’ཏི དེཏི, ཨུམྨཏྟཀསྶ, ཨཱདིཀམྨིཀསྶཱཏི.

དུཏིཡཔཝཱརཎཱསིཀྑཱཔདཾ ནིཊྛིཏཾ ཚཊྛཾ.

༧. ཝིཀཱལབྷོཛནསིཀྑཱཔདཾ

༢༤༧. ཏེན ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན རཱཛགཧེ གིརགྒསམཛྫོ ཧོཏི. སཏྟརསཝགྒིཡཱ བྷིཀྑཱུ གིརགྒསམཛྫཾ དསྶནཱཡ ཨགམཾསུ. མནུསྶཱ སཏྟརསཝགྒིཡེ བྷིཀྑཱུ པསྶིཏྭཱ ནཧཱཔེཏྭཱ ཝིལིམྤེཏྭཱ བྷོཛེཏྭཱ ཁཱདནཱིཡཾ ¶ ཨདཾསུ. སཏྟརསཝགྒིཡཱ བྷིཀྑཱུ ཁཱདནཱིཡཾ ཨཱདཱཡ ཨཱརཱམཾ གནྟྭཱ ཚབྦགྒིཡེ བྷིཀྑཱུ ཨེཏདཝོཙུཾ – ‘‘གཎྷཱཐཱཝུསོ, ཁཱདནཱིཡཾ ཁཱདཐཱ’’ཏི. ‘‘ཀུཏོ ཏུམྷེཧི, ཨཱཝུསོ, ཁཱདནཱིཡཾ ལདྡྷ’’ནྟི? སཏྟརསཝགྒིཡཱ བྷིཀྑཱུ ཚབྦགྒིཡཱནཾ བྷིཀྑཱུནཾ ཨེཏམཏྠཾ ཨཱརོཙེསུཾ. ‘‘ཀིཾ པན ཏུམྷེ, ཨཱཝུསོ, ཝིཀཱལེ བྷོཛནཾ བྷུཉྫཐཱ’’ཏི? ‘‘ཨེཝམཱཝུསོ’’ཏི. ཚབྦགྒིཡཱ བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སཏྟརསཝགྒིཡཱ བྷིཀྑཱུ ཝིཀཱལེ བྷོཛནཾ བྷུཉྫིསྶནྟཱི’’ཏི! ཨཐ ཁོ ཚབྦགྒིཡཱ བྷིཀྑཱུ བྷིཀྑཱུནཾ ཨེཏམཏྠཾ ཨཱརོཙེསུཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སཏྟརསཝགྒིཡཱ བྷིཀྑཱུ ཝིཀཱལེ བྷོཛནཾ བྷུཉྫིསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, ཝིཀཱལེ བྷོཛནཾ བྷུཉྫཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཝིཀཱལེ བྷོཛནཾ བྷུཉྫིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༤༨. ཡོ ¶ པན བྷིཀྑུ ཝིཀཱལེ ཁཱདནཱིཡཾ ¶ ཝཱ བྷོཛནཱིཡཾ ཝཱ ཁཱདེཡྻ ཝཱ བྷུཉྫེཡྻ ཝཱ, པཱཙིཏྟིཡ’’ནྟི.

༢༤༩. ཡོ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཝིཀཱལོ ནཱམ མཛ྄ཛྷནྷིཀེ ཝཱིཏིཝཏྟེ ཡཱཝ ཨརུཎུགྒམནཱ.

ཁཱདནཱིཡཾ ནཱམ པཉྩ བྷོཛནཱནི – ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ ཋཔེཏྭཱ ཨཝསེསཾ ཁཱདནཱིཡཾ ནཱམ.

བྷོཛནཱིཡཾ ནཱམ པཉྩ བྷོཛནཱནི – ཨོདནོ, ཀུམྨཱསོ, སཏྟུ, མཙྪོ, མཾསཾ.

‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

༢༥༠. ཝིཀཱལེ ཝིཀཱལསཉྙཱི ཁཱདནཱིཡཾ ཝཱ བྷོཛནཱིཡཾ ཝཱ ཁཱདཏི ཝཱ བྷུཉྫཏི ཝཱ, ཨཱཔཏྟི པཱཙིཏྟིཡསྶ. ཝིཀཱལེ ཝེམཏིཀོ ཁཱདནཱིཡཾ ཝཱ བྷོཛནཱིཡཾ ཝཱ ཁཱདཏི ཝཱ བྷུཉྫཏི ཝཱ, ཨཱཔཏྟི པཱཙིཏྟིཡསྶ. ཝིཀཱལེ ¶ ཀཱལསཉྙཱི ཁཱདནཱིཡཾ ཝཱ བྷོཛནཱིཡཾ ཝཱ ཁཱདཏི ཝཱ བྷུཉྫཏི ཝཱ, ཨཱཔཏྟི པཱཙིཏྟིཡསྶ.

ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ ཨཱཧཱརཏྠཱཡ པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི དུཀྐཊསྶ. ཀཱལེ ཝིཀཱལསཉྙཱི, ཨཱཔཏྟི དུཀྐཊསྶ. ཀཱལེ ཝེམཏིཀོ, ཨཱཔཏྟི དུཀྐཊསྶ. ཀཱལེ ཀཱལསཉྙཱི, ཨནཱཔཏྟི.

༢༥༡. ཨནཱཔཏྟི ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ སཏི པཙྩཡེ པརིབྷུཉྫཏི, ཨུམྨཏྟཀསྶ, ཨཱདིཀམྨིཀསྶཱཏི.

ཝིཀཱལབྷོཛནསིཀྑཱཔདཾ ནིཊྛིཏཾ སཏྟམཾ.

༨. སནྣིདྷིཀཱརཀསིཀྑཱཔདཾ

༢༥༢. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཏོ ཨཱནནྡསྶ ཨུཔཛ྄ཛྷཱཡོ ཨཱཡསྨཱ བེལཊྛསཱིསོ [བེལཊྛིསཱིསོ (སཱི.) ཝེལ༹ཊྛསཱིསོ (སྱཱ.)] ཨརཉྙེ ཝིཧརཏི. སོ པིཎྜཱཡ ཙརིཏྭཱ སུཀྑཀུརཾ ཨཱརཱམཾ ཧརིཏྭཱ སུཀྑཱཔེཏྭཱ ནིཀྑིཔཏི. ཡདཱ ཨཱཧཱརེན ཨཏྠོ ཧོཏི, ཏདཱ ཨུདཀེན ཏེམེཏྭཱ ཏེམེཏྭཱ བྷུཉྫཏི, ཙིརེན གཱམཾ པིཎྜཱཡ པཝིསཏི. བྷིཀྑཱུ ཨཱཡསྨནྟཾ བེལཊྛསཱིསཾ ཨེཏདཝོཙུཾ – ‘‘ཀིསྶ ཏྭཾ, ཨཱཝུསོ, ཙིརེན གཱམཾ པིཎྜཱཡ པཝིསསཱི’’ཏི? ཨཐ ཁོ ཨཱཡསྨཱ བེལཊྛསཱིསོ བྷིཀྑཱུནཾ ཨེཏམཏྠཾ ཨཱརོཙེསི. ‘‘ཀིཾ པན ཏྭཾ, ཨཱཝུསོ, སནྣིདྷིཀཱརཀཾ བྷོཛནཾ བྷུཉྫསཱི’’ཏི? ‘‘ཨེཝམཱཝུསོ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ བེལཊྛསཱིསོ སནྣིདྷིཀཱརཀཾ བྷོཛནཾ བྷུཉྫིསྶཏཱི’’ཏི…པེ… སཙྩཾ ཀིར ཏྭཾ, བེལཊྛསཱིས, སནྣིདྷིཀཱརཀཾ བྷོཛནཾ བྷུཉྫསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, བེལཊྛསཱིས, སནྣིདྷིཀཱརཀཾ བྷོཛནཾ བྷུཉྫིསྶསི! ནེཏཾ, བེལཊྛསཱིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༥༣. ‘‘ཡོ ¶ པན བྷིཀྑུ སནྣིདྷིཀཱརཀཾ ཁཱདནཱིཡཾ ཝཱ བྷོཛནཱིཡཾ ཝཱ ¶ ཁཱདེཡྻ ཝཱ བྷུཉྫེཡྻ ཝཱ, པཱཙིཏྟིཡ’’ནྟི.

༢༥༤. ཡོ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

སནྣིདྷིཀཱརཀཾ ནཱམ ཨཛྫ པཊིགྒཧིཏཾ ཨཔརཛྫུ ཁཱདིཏཾ ཧོཏི.

ཁཱདནཱིཡཾ ནཱམ པཉྩ བྷོཛནཱནི – ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ ཋཔེཏྭཱ ཨཝསེསཾ ཁཱདནཱིཡཾ ནཱམ.

བྷོཛནཱིཡཾ ནཱམ པཉྩ བྷོཛནཱནི – ཨོདནོ, ཀུམྨཱསོ, སཏྟུ, མཙྪོ, མཾསཾ.

‘‘ཁཱདིསྶཱམི ¶ བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

༢༥༥. སནྣིདྷིཀཱརཀེ སནྣིདྷིཀཱརཀསཉྙཱི ཁཱདནཱིཡཾ ཝཱ བྷོཛནཱིཡཾ ཝཱ ཁཱདཏི ཝཱ བྷུཉྫཏི ཝཱ, ཨཱཔཏྟི པཱཙིཏྟིཡསྶ. སནྣིདྷིཀཱརཀེ ཝེམཏིཀོ ཁཱདནཱིཡཾ ཝཱ བྷོཛནཱིཡཾ ཝཱ ཁཱདཏི ཝཱ བྷུཉྫཏི ཝཱ, ཨཱཔཏྟི པཱཙིཏྟིཡསྶ. སནྣིདྷིཀཱརཀེ ཨསནྣིདྷིཀཱརཀསཉྙཱི ཁཱདནཱིཡཾ ཝཱ བྷོཛནཱིཡཾ ཝཱ ཁཱདཏི ཝཱ བྷུཉྫཏི ཝཱ, ཨཱཔཏྟི པཱཙིཏྟིཡསྶ.

ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ ཨཱཧཱརཏྠཱཡ པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི དུཀྐཊསྶ. ཨསནྣིདྷིཀཱརཀེ སནྣིདྷིཀཱརཀསཉྙཱི, ཨཱཔཏྟི དུཀྐཊསྶ. ཨསནྣིདྷིཀཱརཀེ ཝེམཏིཀོ, ཨཱཔཏྟི དུཀྐཊསྶ. ཨསནྣིདྷིཀཱརཀེ ཨསནྣིདྷིཀཱརཀསཉྙཱི, ཨནཱཔཏྟི.

༢༥༦. ཨནཱཔཏྟི ཡཱཝཀཱལིཀཾ ཡཱཝཀཱལེ ནིདཧིཏྭཱ བྷུཉྫཏི, ཡཱམཀཱལིཀཾ ཡཱམེ ནིདཧིཏྭཱ བྷུཉྫཏི, སཏྟཱཧཀཱལིཀཾ སཏྟཱཧཾ ནིདཧིཏྭཱ ¶ བྷུཉྫཏི, ཡཱཝཛཱིཝིཀཾ སཏི པཙྩཡེ པརིབྷུཉྫཏི, ཨུམྨཏྟཀསྶ, ཨཱདིཀམྨིཀསྶཱཏི.

སནྣིདྷིཀཱརཀསིཀྑཱཔདཾ ནིཊྛིཏཾ ཨཊྛམཾ.

༩. པཎཱིཏབྷོཛནསིཀྑཱཔདཾ

༢༥༧. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫིསྶནྟི! ཀསྶ སམྤནྣཾ ན མནཱཔཾ, ཀསྶ སཱདུཾ ན རུཙྩཏཱི’’ཏི!! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫིསྶནྟཱི’’ཏི ¶ …པེ… སཙྩཾ ཀིར ཏུམྷེ, བྷིཀྑཝེ, པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ ¶ …པེ… ཀཐཉྷི ནཱམ ཏུམྷེ, མོགྷཔུརིསཱ, པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡཱནི ཁོ པན ཏཱནི པཎཱིཏབྷོཛནཱནི, སེཡྻཐིདཾ – སཔྤི ནཝནཱིཏཾ ཏེལཾ མདྷུ ཕཱཎིཏཾ མཙྪོ མཾསཾ ཁཱིརཾ དདྷི. ཡོ པན བྷིཀྑུ ཨེཝརཱུཔཱནི པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ ¶ བྷུཉྫེཡྻ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༥༨. ཏེན ཁོ པན སམཡེན བྷིཀྑཱུ གིལཱནཱ ཧོནྟི. གིལཱནཔུཙྪཀཱ བྷིཀྑཱུ གིལཱནེ བྷིཀྑཱུ ཨེཏདཝོཙུཾ – ‘‘ཀཙྩཱཝུསོ ཁམནཱིཡཾ, ཀཙྩི ཡཱཔནཱིཡ’’ནྟི? ‘‘པུབྦེ མཡཾ, ཨཱཝུསོ, པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫཱམ, ཏེན ནོ ཕཱསུ ཧོཏི; ཨིདཱནི པན ‘‘བྷགཝཏཱ པཊིཀྑིཏྟ’’ནྟི ཀུཀྐུཙྩཱཡནྟཱ ན ཝིཉྙཱཔེམ, ཏེན ནོ ན ཕཱསུ ཧོཏཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, གིལཱནེན བྷིཀྑུནཱ པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༥༩. ‘‘ཡཱནི ¶ ཁོ པན ཏཱནི པཎཱིཏབྷོཛནཱནི, སེཡྻཐིདཾ – སཔྤི ནཝནཱིཏཾ ཏེལཾ མདྷུ ཕཱཎིཏཾ མཙྪོ མཾསཾ ཁཱིརཾ དདྷི. ཡོ པན བྷིཀྑུ ཨེཝརཱུཔཱནི པཎཱིཏབྷོཛནཱནི ཨགིལཱནོ ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫེཡྻ, པཱཙིཏྟིཡ’’ནྟི.

༢༦༠. ཡཱནི ཁོ པན ཏཱནི པཎཱིཏབྷོཛནཱནཱིཏི སཔྤི ནཱམ གོསཔྤི ཝཱ ཨཛིཀཱསཔྤི ཝཱ མཧིཾསསཔྤི ཝཱ, ཡེསཾ མཾསཾ ཀཔྤཏི ཏེསཾ སཔྤི.

ནཝནཱིཏཾ ནཱམ ཏེསཉྙེཝ ནཝནཱིཏཾ.

ཏེལཾ ནཱམ ཏིལཏེལཾ སཱསཔཏེལཾ མདྷུཀཏེལཾ ཨེརཎྜཏེལཾ ཝསཱཏེལཾ.

མདྷུ ¶ ནཱམ མཀྑིཀཱམདྷུ ¶ .

ཕཱཎིཏཾ ནཱམ ཨུཙྪུམྷཱ ནིབྦཏྟཾ.

མཙྪོ ནཱམ ཨུདཀོ [ཨུདཀཙརོ (སྱཱ. ཀ.)] ཝུཙྩཏི.

མཾསཾ ནཱམ ཡེསཾ མཾསཾ ཀཔྤཏི, ཏེསཾ མཾསཾ.

ཁཱིརཾ ནཱམ གོཁཱིརཾ ཝཱ ཨཛིཀཱཁཱིརཾ ཝཱ མཧིཾསཁཱིརཾ ཝཱ, ཡེསཾ མཾསཾ ཀཔྤཏི, ཏེསཾ ཁཱིརཾ.

དདྷི ནཱམ ཏེསཉྙེཝ དདྷི.

ཡོ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨེཝརཱུཔཱནི པཎཱིཏབྷོཛནཱནཱིཏི ཏཐཱརཱུཔཱནི པཎཱིཏབྷོཛནཱནི.

ཨགིལཱནོ ནཱམ ཡསྶ ཝིནཱ པཎཱིཏབྷོཛནཱནི ཕཱསུ ཧོཏི.

གིལཱནོ ནཱམ ཡསྶ ཝིནཱ པཎཱིཏབྷོཛནཱནི ན ཕཱསུ ཧོཏི.

ཨགིལཱནོ ཨཏྟནོ ཨཏྠཱཡ ཝིཉྙཱཔེཏི, པཡོགེ [པཡོགེ པཡོགེ (ཀ.)] དུཀྐཊཾ. པཊིལཱབྷེན ‘‘བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

༢༦༡. ཨགིལཱནོ ཨགིལཱནསཉྙཱི པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫཏི, ཨཱཔཏྟི པཱཙིཏྟིཡསྶ. ཨགིལཱནོ ཝེམཏིཀོ ¶ པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫཏི, ཨཱཔཏྟི པཱཙིཏྟིཡསྶ. ཨགིལཱནོ གིལཱནསཉྙཱི པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫཏི, ཨཱཔཏྟི པཱཙིཏྟིཡསྶ.

གིལཱནོ ¶ ཨགིལཱནསཉྙཱི, ཨཱཔཏྟི དུཀྐཊསྶ. གིལཱནོ ཝེམཏིཀོ, ཨཱཔཏྟི དུཀྐཊསྶ. གིལཱནོ གིལཱནསཉྙཱི ཨནཱཔཏྟི.

༢༦༢. ཨནཱཔཏྟི ¶ གིལཱནསྶ, གིལཱནོ ཧུཏྭཱ ཝིཉྙཱཔེཏྭཱ ཨགིལཱནོ བྷུཉྫཏི, གིལཱནསྶ སེསཀཾ བྷུཉྫཏི, ཉཱཏཀཱནཾ པཝཱརིཏཱནཾ ཨཉྙསྶཏྠཱཡ ཨཏྟནོ དྷནེན, ཨུམྨཏྟཀསྶ, ཨཱདིཀམྨིཀསྶཱཏི.

པཎཱིཏབྷོཛནསིཀྑཱཔདཾ ནིཊྛིཏཾ ནཝམཾ.

༡༠. དནྟཔོནསིཀྑཱཔདཾ

༢༦༣. ཏེན ¶ སམཡེན བུདྡྷོ བྷགཝཱ ཝེསཱལིཡཾ ཝིཧརཏི མཧཱཝནེ ཀཱུཊཱགཱརསཱལཱཡཾ. ཏེན ཁོ པན སམཡེན ཨཉྙཏརོ བྷིཀྑུ སབྦཔཾསུཀཱུལིཀོ སུསཱནེ ཝིཧརཏི. སོ མནུསྶེཧི དིཡྻམཱནཾ ན ཨིཙྪཏི པཊིགྒཧེཏུཾ, སུསཱནེཔི རུཀྑམཱུལེཔི ཨུམྨཱརེཔི ཨཡྻཝོསཱཊིཏཀཱནི སཱམཾ གཧེཏྭཱ པརིབྷུཉྫཏི [བྷུཉྫཏི (སྱཱ.)]. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡཾ བྷིཀྑུ ཨམྷཱཀཾ ཨཡྻཝོསཱཊིཏཀཱནི སཱམཾ གཧེཏྭཱ པརིབྷུཉྫིསྶཏི! ཐེརོཡཾ བྷིཀྑུ ཝཋརོ མནུསྶམཾསཾ མཉྙེ ཁཱདཏཱི’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུ ཨདིནྣཾ མུཁདྭཱརཾ ཨཱཧཱརཾ ཨཱཧརིསྶཏཱི’’ཏི…པེ… སཙྩཾ ཀིར ཏྭཾ, བྷིཀྑུ, ཨདིནྣཾ མུཁདྭཱརཾ ཨཱཧཱརཾ ཨཱཧརསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, ཨདིནྣཾ མུཁདྭཱརཾ ཨཱཧཱརཾ ཨཱཧརིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ ¶ པན བྷིཀྑུ ཨདིནྣཾ མུཁདྭཱརཾ ཨཱཧཱརཾ ཨཱཧརེཡྻ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༦༤. ཏེན ¶ ཁོ པན སམཡེན བྷིཀྑཱུ ཨུདཀདནྟཔོནེ [ཨུདཀདནྟཔོཎེ (སྱཱ. ཀ.)] ཀུཀྐུཙྩཱཡནྟི ¶ . བྷགཝཏོ ཨེཏམཏྠཾ ¶ ཨཱརོཙེསུཾ…པེ… ‘‘ཨནུཛཱནཱམི, བྷིཀྑཝེ, ཨུདཀདནྟཔོནཾ སཱམཾ གཧེཏྭཱ པརིབྷུཉྫིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༦༥. ‘‘ཡོ པན བྷིཀྑུ ཨདིནྣཾ མུཁདྭཱརཾ ཨཱཧཱརཾ ཨཱཧརེཡྻ, ཨཉྙཏྲ ཨུདཀདནྟཔོནཱ, པཱཙིཏྟིཡ’’ནྟི.

༢༦༦. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨདིནྣཾ ནཱམ ཨཔྤཊིགྒཧིཏཀཾ ཝུཙྩཏི.

དིནྣཾ ནཱམ ཀཱཡེན ཝཱ ཀཱཡཔཊིབདྡྷེན ཝཱ ནིསྶགྒིཡེན ཝཱ དེནྟེ ཧཏྠཔཱསེ ཋིཏོ ཀཱཡེན ཝཱ ཀཱཡཔཊིབདྡྷེན ཝཱ པཊིགྒཎྷཱཏི, ཨེཏཾ དིནྣཾ ནཱམ.

ཨཱཧཱརོ ནཱམ ཨུདཀདནྟཔོནཾ ཋཔེཏྭཱ ཡཾཀིཉྩི ཨཛ྄ཛྷོཧརཎཱིཡཾ, ཨེསོ ཨཱཧཱརོ ནཱམ.

ཨཉྙཏྲ ཨུདཀདནྟཔོནཱཏི ཋཔེཏྭཱ ཨུདཀདནྟཔོནཾ.

‘‘ཁཱདིསྶཱམི བྷུཉྫིསྶཱམཱི’’ཏི གཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

༢༦༧. ཨཔྤཊིགྒཧིཏཀེ ཨཔྤཊིགྒཧིཏཀསཉྙཱི ཨདིནྣཾ མུཁདྭཱརཾ ཨཱཧཱརཾ ཨཱཧཱརེཏི, ཨཉྙཏྲ ཨུདཀདནྟཔོནཱ, ཨཱཔཏྟི པཱཙིཏྟིཡསྶ. ཨཔྤཊིགྒཧིཏཀེ ཝེམཏིཀོ ཨདིནྣཾ མུཁདྭཱརཾ ཨཱཧཱརཾ ཨཱཧཱརེཏི, ཨཉྙཏྲ ཨུདཀདནྟཔོནཱ, ཨཱཔཏྟི པཱཙིཏྟིཡསྶ. ཨཔྤཊིགྒཧིཏཀེ པཊིགྒཧིཏཀསཉྙཱི ཨདིནྣཾ མུཁདྭཱརཾ ཨཱཧཱརཾ ཨཱཧཱརེཏི, ཨཉྙཏྲ ཨུདཀདནྟཔོནཱ, ཨཱཔཏྟི པཱཙིཏྟིཡསྶ.

པཊིགྒཧིཏཀེ ཨཔྤཊིགྒཧིཏཀསཉྙཱི, ཨཱཔཏྟི དུཀྐཊསྶ. པཊིགྒཧིཏཀེ ཝེམཏིཀོ, ཨཱཔཏྟི ¶ དུཀྐཊསྶ. པཊིགྒཧིཏཀེ པཊིགྒཧིཏཀསཉྙཱི, ཨནཱཔཏྟི.

༢༦༨. ཨནཱཔཏྟི ¶ ¶ ཨུདཀདནྟཔོནེ, ཙཏྟཱརི མཧཱཝིཀཏཱནི སཏི པཙྩཡེ ཨསཏི ཀཔྤིཡཀཱརཀེ སཱམཾ གཧེཏྭཱ པརིབྷུཉྫཏི, ཨུམྨཏྟཀསྶ, ཨཱདིཀམྨིཀསྶཱཏི.

དནྟཔོནསིཀྑཱཔདཾ ནིཊྛིཏཾ དསམཾ.

བྷོཛནཝགྒོ ཙཏུཏྠོ.

ཏསྶུདྡཱནཾ –

པིཎྜོ གཎཾ པརཾ པཱུཝཾ, དྭེ ཙ ཝུཏྟཱ པཝཱརཎཱ;

ཝིཀཱལེ སནྣིདྷཱི ཁཱིརཾ, དནྟཔོནེན ཏེ དསཱཏི.

༥. ཨཙེལཀཝགྒོ

༡. ཨཙེལཀསིཀྑཱཔདཾ

༢༦༩. ཏེན ¶ ¶ སམཡེན བུདྡྷོ བྷགཝཱ ཝེསཱལིཡཾ ཝིཧརཏི མཧཱཝནེ ཀཱུཊཱགཱརསཱལཱཡཾ. ཏེན ཁོ པན སམཡེན སངྒྷསྶ ཁཱདནཱིཡཾ ཨུསྶནྣཾ ཧོཏི. ཨཐ ཁོ ཨཱཡསྨཱ ཨཱནནྡོ བྷགཝཏོ ཨེཏམཏྠཾ ཨཱརོཙེསི. ‘‘ཏེནཧཱནནྡ, ཝིགྷཱསཱདཱནཾ པཱུཝཾ དེཧཱི’’ཏི. ‘‘ཨེཝཾ བྷནྟེ’’ཏི ཁོ ཨཱཡསྨཱ ཨཱནནྡོ བྷགཝཏོ པཊིསྶུཎིཏྭཱ ཝིགྷཱསཱདེ པཊིཔཱཊིཡཱ ནིསཱིདཱཔེཏྭཱ ཨེཀེཀཾ པཱུཝཾ དེནྟོ ཨཉྙཏརིསྶཱ པརིབྦཱཛིཀཱཡ ཨེཀཾ མཉྙམཱནོ དྭེ པཱུཝེ ཨདཱསི. སཱམནྟཱ པརིབྦཱཛིཀཱཡོ ཏཾ པརིབྦཱཛིཀཾ ཨེཏདཝོཙུཾ – ‘‘ཛཱརོ ཏེ ཨེསོ སམཎོ’’ཏི. ‘‘ན མེ སོ སམཎོ ཛཱརོ, ཨེཀཾ མཉྙམཱནོ དྭེ པཱུཝེ ཨདཱསཱི’’ཏི. དུཏིཡམྤི ཁོ…པེ… ཏཏིཡམྤི ཁོ ཨཱཡསྨཱ ཨཱནནྡོ ཨེཀེཀཾ པཱུཝཾ དེནྟོ ཏསྶཱཡེཝ པརིབྦཱཛིཀཱཡ ཨེཀཾ མཉྙམཱནོ དྭེ པཱུཝེ ཨདཱསི. སཱམནྟཱ པརིབྦཱཛིཀཱཡོ ཏཾ པརིབྦཱཛིཀཾ ཨེཏདཝོཙུཾ – ‘‘ཛཱརོ ཏེ ཨེསོ སམཎོ’’ཏི. ‘‘ན མེ སོ སམཎོ ཛཱརོ, ཨེཀཾ མཉྙམཱནོ དྭེ པཱུཝེ ཨདཱསཱི’’ཏི. ‘‘ཛཱརོ ན ཛཱརོ’’ཏི བྷཎྜིཾསུ. ཨཉྙཏརོཔི ཨཱཛཱིཝཀོ པརིཝེསནཾ ཨགམཱསི. ཨཉྙཏརོ བྷིཀྑུ པཧཱུཏེན སཔྤིནཱ ཨོདནཾ མདྡིཏྭཱ ཏསྶ ཨཱཛཱིཝཀསྶ ¶ མཧནྟཾ པིཎྜཾ ཨདཱསི. ཨཐ ཁོ སོ ཨཱཛཱིཝཀོ ཏཾ པིཎྜཾ ཨཱདཱཡ ཨགམཱསི. ཨཉྙཏརོ ཨཱཛཱིཝཀོ ཏཾ ཨཱཛཱིཝཀཾ ཨེཏདཝོཙ – ‘‘ཀུཏོ ¶ ཏཡཱ, ཨཱཝུསོ, པིཎྜོ ལདྡྷོ’’ཏི? ‘‘ཏསྶཱཝུསོ, ¶ སམཎསྶ གོཏམསྶ མུཎྜགཧཔཏིཀསྶ པརིཝེསནཱཡ ལདྡྷོ’’ཏི.

ཨསྶོསུཾ ཁོ ཨུཔཱསཀཱ ཏེསཾ ཨཱཛཱིཝཀཱནཾ ཨིམཾ ཀཐཱསལླཱཔཾ. ཨཐ ཁོ ཏེ ཨུཔཱསཀཱ ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣཱ ཁོ ཏེ ཨུཔཱསཀཱ བྷགཝནྟཾ ཨེཏདཝོཙུཾ – ‘‘ཨིམེ, བྷནྟེ, ཏིཏྠིཡཱ ཨཝཎྞཀཱམཱ བུདྡྷསྶ ཨཝཎྞཀཱམཱ དྷམྨསྶ ཨཝཎྞཀཱམཱ སངྒྷསྶ. སཱདྷུ, བྷནྟེ, ཨཡྻཱ ཏིཏྠིཡཱནཾ སཧཏྠཱ ན དདེཡྻུ’’ནྟི. ཨཐ ཁོ བྷགཝཱ ཏེ ཨུཔཱསཀེ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ ཏེ ཨུཔཱསཀཱ བྷགཝཏཱ དྷམྨིཡཱ ཀཐཱཡ སནྡསྶིཏཱ སམཱདཔིཏཱ སམུཏྟེཛིཏཱ སམྤཧཾསིཏཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐམིཾསུ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, བྷིཀྑཱུནཾ སིཀྑཱཔདཾ པཉྙཔེསྶཱམི དས ཨཏྠཝསེ པཊིཙྩ – སངྒྷསུཊྛུཏཱཡ, སངྒྷཕཱསུཏཱཡ ¶ …པེ… སདྡྷམྨཊྛིཏིཡཱ, ཝིནཡཱནུགྒཧཱཡ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༧༠. ‘‘ཡོ པན བྷིཀྑུ ཨཙེལཀསྶ ཝཱ པརིབྦཱཛཀསྶ ཝཱ པརིབྦཱཛིཀཱཡ ཝཱ ¶ སཧཏྠཱ ཁཱདནཱིཡཾ ཝཱ བྷོཛནཱིཡཾ ཝཱ དདེཡྻ, པཱཙིཏྟིཡ’’ནྟི.

༢༧༡. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨཙེལཀོ ནཱམ ཡོ ཀོཙི པརིབྦཱཛཀསམཱཔནྣོ ནགྒོ.

པརིབྦཱཛཀོ ནཱམ བྷིཀྑུཉྩ སཱམཎེརཉྩ ཋཔེཏྭཱ ཡོ ཀོཙི པརིབྦཱཛཀསམཱཔནྣོ.

པརིབྦཱཛིཀཱ ནཱམ བྷིཀྑུནིཉྩ སིཀྑམཱནཉྩ སཱམཎེརིཉྩ ཋཔེཏྭཱ ཡཱ ཀཱཙི པརིབྦཱཛིཀསམཱཔནྣཱ.

ཁཱདནཱིཡཾ ནཱམ པཉྩ བྷོཛནཱནི – ཨུདཀདནྟཔོནཾ ཋཔེཏྭཱ ཨཝསེསཾ ཁཱདནཱིཡཾ ནཱམ.

བྷོཛནཱིཡཾ ¶ ¶ ནཱམ པཉྩ བྷོཛནཱནི – ཨོདནོ, ཀུམྨཱསོ, སཏྟུ, མཙྪོ, མཾསཾ.

དདེཡྻཱཏི ཀཱཡེན ཝཱ ཀཱཡཔཊིབདྡྷེན ཝཱ ནིསྶགྒིཡེན ཝཱ དེཏི, ཨཱཔཏྟི པཱཙིཏྟིཡསྶ.

༢༧༢. ཏིཏྠིཡེ ཏིཏྠིཡསཉྙཱི སཧཏྠཱ ཁཱདནཱིཡཾ ཝཱ བྷོཛནཱིཡཾ ཝཱ དེཏི, ཨཱཔཏྟི པཱཙིཏྟིཡསྶ. ཏིཏྠིཡེ ཝེམཏིཀོ སཧཏྠཱ ཁཱདནཱིཡཾ ཝཱ བྷོཛནཱིཡཾ ཝཱ དེཏི, ཨཱཔཏྟི པཱཙིཏྟིཡསྶ. ཏིཏྠིཡེ ཨཏིཏྠིཡསཉྙཱི སཧཏྠཱ ཁཱདནཱིཡཾ ཝཱ བྷོཛནཱིཡཾ ཝཱ དེཏི, ཨཱཔཏྟི པཱཙིཏྟིཡསྶ.

ཨུདཀདནྟཔོནཾ དེཏི, ཨཱཔཏྟི དུཀྐཊསྶ. ཨཏིཏྠིཡེ ཏིཏྠིཡསཉྙཱི, ཨཱཔཏྟི དུཀྐཊསྶ. ཨཏིཏྠིཡེ ཝེམཏིཀོ, ཨཱཔཏྟི དུཀྐཊསྶ. ཨཏིཏྠིཡེ ཨཏིཏྠིཡསཉྙཱི, ཨནཱཔཏྟི.

༢༧༣. ཨནཱཔཏྟི དཱཔེཏི ན དེཏི, ཨུཔནིཀྑིཔིཏྭཱ དེཏི, བཱཧིརཱལེཔཾ དེཏི, ཨུམྨཏྟཀསྶ, ཨཱདིཀམྨིཀསྶཱཏི.

ཨཙེལཀསིཀྑཱཔདཾ ནིཊྛིཏཾ པཋམཾ.

༢. ཨུཡྻོཛནསིཀྑཱཔདཾ

༢༧༤. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུཔནནྡོ སཀྱཔུཏྟོ བྷཱཏུནོ སདྡྷིཝིཧཱརིཀཾ བྷིཀྑུཾ ཨེཏདཝོཙ – ‘‘ཨེཧཱཝུསོ, གཱམཾ པིཎྜཱཡ པཝིསིསྶཱམཱ’’ཏི. ཏསྶ ཨདཱཔེཏྭཱ ཨུཡྻོཛེསི – ‘‘གཙྪཱཝུསོ, ན མེ ཏཡཱ སདྡྷིཾ ཀཐཱ ཝཱ ནིསཛྫཱ ཝཱ ཕཱསུ ཧོཏི, ཨེཀཀསྶ མེ ཀཐཱ ¶ ཝཱ ནིསཛྫཱ ཝཱ ཕཱསུ ཧོཏཱི’’ཏི. ཨཐ ཁོ སོ བྷིཀྑུ ཨུཔཀཊྛེ ཀཱལེ ནཱསཀྑི པིཎྜཱཡ ཙརིཏུཾ, པཊིཀྐམནེཔི བྷཏྟཝིསྶགྒཾ ན སམྦྷཱཝེསི, ཚིནྣབྷཏྟོ ཨཧོསི. ཨཐ ཁོ སོ བྷིཀྑུ ཨཱརཱམཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ བྷིཀྑུཾ – ‘ཨེཧཱཝུསོ, གཱམཾ པིཎྜཱཡ པཝིསིསྶཱམཱ’ཏི ཏསྶ ཨདཱཔེཏྭཱ ¶ ཨུཡྻོཛེསྶཏཱི’’ཏི ¶ …པེ… སཙྩཾ ཀིར ཏྭཾ, ཨུཔནནྡ, བྷིཀྑུཾ – ‘‘ཨེཧཱཝུསོ, གཱམཾ པིཎྜཱཡ པཝིསིསྶཱམཱ’’ཏི ཏསྶ ཨདཱཔེཏྭཱ ཨུཡྻོཛེསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, བྷིཀྑུཾ – ‘‘ཨེཧཱཝུསོ, གཱམཾ པིཎྜཱཡ པཝིསིསྶཱམཱ’’ཏི ཏསྶ ཨདཱཔེཏྭཱ ཨུཡྻོཛེསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ ¶ , ཨིམཾ སིཀྑཱཔདཾ ཨུདྡིསེཡྻཱཐ –

༢༧༥. ‘‘ཡོ པན བྷིཀྑུ བྷིཀྑུཾ – ‘‘ཨེཧཱཝུསོ, གཱམཾ ཝཱ ནིགམཾ ཝཱ པིཎྜཱཡ པཝིསིསྶཱམཱ’ཏི ཏསྶ དཱཔེཏྭཱ ཝཱ ཨདཱཔེཏྭཱ ཝཱ ཨུཡྻོཛེཡྻ – ‘གཙྪཱཝུསོ, ན མེ ཏཡཱ སདྡྷིཾ ཀཐཱ ཝཱ ནིསཛྫཱ ཝཱ ཕཱསུ ཧོཏི, ཨེཀཀསྶ མེ ཀཐཱ ཝཱ ནིསཛྫཱ ཝཱ ཕཱསུ ཧོཏཱི’ཏི, ཨེཏདེཝ པཙྩཡཾ ཀརིཏྭཱ ཨནཉྙཾ, པཱཙིཏྟིཡ’’ནྟི.

༢༧༦. ཡོ པནཱཏི ཡོ, ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུནྟི ཨཉྙཾ བྷིཀྑུཾ.

ཨེཧཱཝུསོ, གཱམཾ ཝཱ ནིགམཾ ཝཱཏི གཱམོཔི ནིགམོཔི ནགརམྤི, གཱམོ ཙེཝ ནིགམོ ཙ.

ཏསྶ དཱཔེཏྭཱཏི ཡཱགུཾ ཝཱ བྷཏྟཾ ཝཱ ཁཱདནཱིཡཾ ཝཱ བྷོཛནཱིཡཾ ཝཱ དཱཔེཏྭཱ.

ཨདཱཔེཏྭཱཏི ན ཀིཉྩི དཱཔེཏྭཱ.

ཨུཡྻོཛེཡྻཱཏི མཱཏུགཱམེན སདྡྷིཾ ཧསིཏུཀཱམོ ཀཱིལི༹ཏུཀཱམོ རཧོ ནིསཱིདིཏུཀཱམོ ཨནཱཙཱརཾ ཨཱཙརིཏུཀཱམོ ཨེཝཾ ཝདེཏི – ‘‘གཙྪཱཝུསོ, ན མེ ཏཡཱ སདྡྷིཾ ཀཐཱ ཝཱ ནིསཛྫཱ ཝཱ ཕཱསུ ཧོཏི, ཨེཀཀསྶ མེ ཀཐཱ ཝཱ ནིསཛྫཱ ཝཱ ཕཱསུ ཧོཏཱི’’ཏི ཨུཡྻོཛེཏི, ཨཱཔཏྟི དུཀྐཊསྶ. དསྶནཱུཔཙཱརཾ ཝཱ སཝནཱུཔཙཱརཾ ཝཱ ཝིཛཧནྟསྶ ཨཱཔཏྟི དུཀྐཊསྶ. ཝིཛཧིཏེ, ཨཱཔཏྟི པཱཙིཏྟིཡསྶ.

ཨེཏདེཝ པཙྩཡཾ ཀརིཏྭཱ ཨནཉྙནྟི ན ཨཉྙོ ཀོཙི པཙྩཡོ ཧོཏི ཨུཡྻོཛེཏུཾ.

༢༧༧. ཨུཔསམྤནྣེ ¶ ¶ ཨུཔསམྤནྣསཉྙཱི ཨུཡྻོཛེཏི, ཨཱཔཏྟི པཱཙིཏྟིཡསྶ ¶ . ཨུཔསམྤནྣེ ཝེམཏིཀོ ཨུཡྻོཛེཏི, ཨཱཔཏྟི པཱཙིཏྟིཡསྶ. ཨུཔསམྤནྣེ ཨནུཔསམྤནྣསཉྙཱི ཨུཡྻོཛེཏི, ཨཱཔཏྟི པཱཙིཏྟིཡསྶ.

ཀལིསཱསནཾ ཨཱརོཔེཏི, ཨཱཔཏྟི དུཀྐཊསྶ. ཨནུཔསམྤནྣཾ ཨུཡྻོཛེཏི, ཨཱཔཏྟི དུཀྐཊསྶ. ཀལིསཱསནཾ ཨཱརོཔེཏི, ཨཱཔཏྟི དུཀྐཊསྶ. ཨནུཔསམྤནྣེ ¶ ཨུཔསམྤནྣསཉྙཱི, ཨཱཔཏྟི དུཀྐཊསྶ. ཨནུཔསམྤནྣེ ཝེམཏིཀོ, ཨཱཔཏྟི དུཀྐཊསྶ. ཨནུཔསམྤནྣེ ཨནུཔསམྤནྣསཉྙཱི, ཨཱཔཏྟི དུཀྐཊསྶ.

༢༧༨. ཨནཱཔཏྟི ‘‘ཨུབྷོ ཨེཀཏོ ན ཡཱཔེསྶཱམཱ’’ཏི ཨུཡྻོཛེཏི, ‘‘མཧགྒྷཾ བྷཎྜཾ པསྶིཏྭཱ ལོབྷདྷམྨཾ ཨུཔྤཱདེསྶཏཱི’’ཏི ཨུཡྻོཛེཏི, ‘‘མཱཏུགཱམཾ པསྶིཏྭཱ ཨནབྷིརཏིཾ ཨུཔྤཱདེསྶཏཱི’’ཏི ཨུཡྻོཛེཏི, ‘‘གིལཱནསྶ ཝཱ ཨོཧིཡྻཀསྶ ཝཱ ཝིཧཱརཔཱལསྶ ཝཱ ཡཱགུཾ ཝཱ བྷཏྟཾ ཝཱ ཁཱདནཱིཡཾ ཝཱ བྷོཛནཱིཡཾ ཝཱ ནཱིཧརཱ’’ཏི ཨུཡྻོཛེཏི, ན ཨནཱཙཱརཾ ཨཱཙརིཏུཀཱམོ, སཏི ཀརཎཱིཡེ ཨུཡྻོཛེཏི, ཨུམྨཏྟཀསྶ, ཨཱདིཀམྨིཀསྶཱཏི.

ཨུཡྻོཛནསིཀྑཱཔདཾ ནིཊྛིཏཾ དུཏིཡཾ.

༣. སབྷོཛནསིཀྑཱཔདཾ

༢༧༩. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུཔནནྡོ སཀྱཔུཏྟོ སཧཱཡཀསྶ གྷརཾ གནྟྭཱ ཏསྶ པཛཱཔཏིཡཱ སདྡྷིཾ སཡནིགྷརེ [སཡནཱིགྷརེ (སྱཱ.)] ནིསཛྫཾ ཀཔྤེསི. ཨཐ ཁོ སོ པུརིསོ ཡེནཱཡསྨཱ ཨུཔནནྡོ སཀྱཔུཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨུཔནནྡཾ སཀྱཔུཏྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སོ པུརིསོ པཛཱཔཏིཾ ཨེཏདཝོཙ – ‘‘དདེཧཱཡྻསྶ བྷིཀྑ’’ནྟི. ཨཐ ཁོ སཱ ཨིཏྠཱི ཨཱཡསྨཏོ ཨུཔནནྡསྶ སཀྱཔུཏྟསྶ བྷིཀྑཾ ཨདཱསི. ཨཐ ཁོ སོ པུརིསོ ཨཱཡསྨནྟཾ ཨུཔནནྡཾ སཀྱཔུཏྟཾ ཨེཏདཝོཙ – ‘‘གཙྪཐ, བྷནྟེ, ཡཏོ ཨཡྻསྶ བྷིཀྑཱ དིནྣཱ’’ཏི. ཨཐ ཁོ སཱ ཨིཏྠཱི སལླཀྑེཏྭཱ – ‘‘པརིཡུཊྛིཏོ ཨཡཾ པུརིསོ’’ཏི, ཨཱཡསྨནྟཾ ཨུཔནནྡཾ སཀྱཔུཏྟཾ ཨེཏདཝོཙ ¶ – ‘‘ནིསཱིདཐ, བྷནྟེ, མཱ ཨགམིཏྠཱ’’ཏི. དུཏིཡམྤི ཁོ སོ པུརིསོ…པེ… ཏཏིཡམྤི ཁོ སོ པུརིསོ ཨཱཡསྨནྟཾ ཨུཔནནྡཾ སཀྱཔུཏྟཾ ཨེཏདཝོཙ ¶ – ‘‘གཙྪཐ, བྷནྟེ, ཡཏོ ཨཡྻསྶ བྷིཀྑཱ དིནྣཱ’’ཏི. ཏཏིཡམྤི ཁོ སཱ ཨིཏྠཱི ཨཱཡསྨནྟཾ ཨུཔནནྡཾ སཀྱཔུཏྟཾ ཨེཏདཝོཙ – ‘‘ནིསཱིདཐ, བྷནྟེ, མཱ ཨགམིཏྠཱ’’ཏི.

ཨཐ ཁོ སོ པུརིསོ ནིཀྑམིཏྭཱ བྷིཀྑཱུ ཨུཛ྄ཛྷཱཔེསི – ‘‘ཨཡཾ, བྷནྟེ, ཨཡྻོ ཨུཔནནྡོ མཡ྄ཧཾ པཛཱཔཏིཡཱ སདྡྷིཾ སཡནིགྷརེ ནིསིནྣོ. སོ མཡཱ ¶ ཨུཡྻོཛཱིཡམཱནོ ན ཨིཙྪཏི གནྟུཾ. བཧུཀིཙྩཱ མཡཾ བཧུཀརཎཱིཡཱ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ སབྷོཛནེ ཀུལེ ཨནུཔཁཛྫ ¶ ནིསཛྫཾ ཀཔྤེསྶཏཱི’’ཏི…པེ… སཙྩཾ ཀིར ཏྭཾ, ཨུཔནནྡ, སབྷོཛནེ ཀུལེ ཨནུཔཁཛྫ ནིསཛྫཾ ཀཔྤེསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, སབྷོཛནེ ཀུལེ ཨནུཔཁཛྫ ནིསཛྫཾ ཀཔྤེསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༨༠. ‘‘ཡོ པན བྷིཀྑུ སབྷོཛནེ ཀུལེ ཨནུཔཁཛྫ ནིསཛྫཾ ཀཔྤེཡྻ, པཱཙིཏྟིཡ’’ནྟི.

༢༨༡. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

སབྷོཛནཾ ནཱམ ཀུལཾ ཨིཏྠཱི ཙེཝ ཧོཏི པུརིསོ ཙ, ཨིཏྠཱི ཙ པུརིསོ ཙ ཨུབྷོ ཨནིཀྑནྟཱ ཧོནྟི, ཨུབྷོ ཨཝཱིཏརཱགཱ.

ཨནུཔཁཛྫཱཏི ཨནུཔཝིསིཏྭཱ.

ནིསཛྫཾ ཀཔྤེཡྻཱཏི མཧལླཀེ གྷརེ པིཊྛསངྒྷཱཊསྶ [པིཊྛིསངྒྷཱཊསྶ (སྱཱ.)] ཧཏྠཔཱསཾ ཝིཛཧིཏྭཱ ནིསཱིདཏི, ཨཱཔཏྟི པཱཙིཏྟིཡསྶ. ཁུདྡཀེ གྷརེ པིཊྛིཝཾསཾ ཨཏིཀྐམིཏྭཱ ནིསཱིདཏི, ཨཱཔཏྟི པཱཙིཏྟིཡསྶ.

༢༨༢. སཡནིགྷརེ སཡནིགྷརསཉྙཱི སབྷོཛནེ ཀུལེ ཨནུཔཁཛྫ ནིསཛྫཾ ཀཔྤེཏི, ཨཱཔཏྟི པཱཙིཏྟིཡསྶ. སཡནིགྷརེ ཝེམཏིཀོ སབྷོཛནེ ཀུལེ ¶ ཨནུཔཁཛྫ ནིསཛྫཾ ཀཔྤེཏི, ཨཱཔཏྟི ¶ པཱཙིཏྟིཡསྶ. སཡནིགྷརེ ནསཡནིགྷརསཉྙཱི ¶ སབྷོཛནེ ཀུལེ ཨནུཔཁཛྫ ནིསཛྫཾ ཀཔྤེཏི, ཨཱཔཏྟི པཱཙིཏྟིཡསྶ.

ནསཡནིགྷརེ སཡནིགྷརསཉྙཱི, ཨཱཔཏྟི དུཀྐཊསྶ. ནསཡནིགྷརེ ཝེམཏིཀོ, ཨཱཔཏྟི དུཀྐཊསྶ. ནསཡནིགྷརེ ནསཡནིགྷརསཉྙཱི, ཨནཱཔཏྟི.

༢༨༣. ཨནཱཔཏྟི མཧལླཀེ གྷརེ པིཊྛསངྒྷཱཊསྶ ཧཏྠཔཱསཾ ཨཝིཛཧིཏྭཱ ནིསཱིདཏི, ཁུདྡཀེ གྷརེ པིཊྛིཝཾསཾ ཨནཏིཀྐམིཏྭཱ ནིསཱིདཏི, བྷིཀྑུ དུཏིཡོ ཧོཏི, ཨུབྷོ ནིཀྑནྟཱ ཧོནྟི, ཨུབྷོ ཝཱིཏརཱགཱ, ནསཡནིགྷརེ, ཨུམྨཏྟཀསྶ, ཨཱདིཀམྨིཀསྶཱཏི.

སབྷོཛནསིཀྑཱཔདཾ ནིཊྛིཏཾ ཏཏིཡཾ.

༤. རཧོཔཊིཙྪནྣསིཀྑཱཔདཾ

༢༨༤. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུཔནནྡོ སཀྱཔུཏྟོ སཧཱཡཀསྶ གྷརཾ གནྟྭཱ ཏསྶ པཛཱཔཏིཡཱ སདྡྷིཾ རཧོ པཊིཙྪནྣེ ཨཱསནེ ¶ ནིསཛྫཾ ཀཔྤེསི. ཨཐ ཁོ སོ པུརིསོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ ཨཡྻོ ཨུཔནནྡོ མཡ྄ཧཾ པཛཱཔཏིཡཱ སདྡྷིཾ རཧོ པཊིཙྪནྣེ ཨཱསནེ ནིསཛྫཾ ཀཔྤེསྶཏཱི’’ཏི! ཨསྶོསུཾ ཁོ བྷིཀྑཱུ ཏསྶ པུརིསསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ མཱཏུགཱམེན སདྡྷིཾ རཧོ པཊིཙྪནྣེ ཨཱསནེ ནིསཛྫཾ ཀཔྤེསྶཏཱིཏི…པེ… སཙྩཾ ཀིར ཏྭཾ, ཨུཔནནྡ, མཱཏུགཱམེན སདྡྷིཾ རཧོ པཊིཙྪནྣེ ཨཱསནེ ནིསཛྫཾ ཀཔྤེསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, མཱཏུགཱམེན སདྡྷིཾ རཧོ པཊིཙྪནྣེ ཨཱསནེ ནིསཛྫཾ ཀཔྤེསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༨༥. ‘‘ཡོ ¶ པན བྷིཀྑུ མཱཏུགཱམེན སདྡྷིཾ རཧོ པཊིཙྪནྣེ ཨཱསནེ ནིསཛྫཾ ཀཔྤེཡྻ, པཱཙིཏྟིཡ’’ནྟི.

༢༨༦. ཡོ ¶ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

མཱཏུགཱམོ ནཱམ མནུསྶིཏྠཱི, ན ཡཀྑཱི ན པེཏཱི ན ཏིརཙྪཱནགཏཱ, ཨནྟམསོ ཏདཧུཛཱཏཱཔི དཱརིཀཱ, པགེཝ མཧཏྟརཱི.

སདྡྷིནྟི ཨེཀཏོ.

[པཱཙི. ༢༠༠,༢༩༡; པཱརཱ. ༤༤༥,༤༥༤] རཧོ ནཱམ ཙཀྑུསྶ རཧོ སོཏསྶ རཧོ. ཙཀྑུསྶ རཧོ ནཱམ ན སཀྐཱ ཧོཏི ཨཀྑིཾ ཝཱ ནིཁཎཱིཡམཱནེ བྷམུཀཾ ཝཱ ཨུཀྑིཔཱིཡམཱནེ སཱིསཾ ཝཱ ཨུཀྑིཔཱིཡམཱནེ པསྶིཏུཾ. སོཏསྶ རཧོ ནཱམ ན སཀྐཱ ཧོཏི པཀཏིཀཐཱ སོཏུཾ.

[པཱརཱ. ༤༤༥] པཊིཙྪནྣཾ ནཱམ ཨཱསནཾ ཀུཊྚེན [ཀུཌྜེན (སཱི. སྱཱ.)] ཝཱ ཀཝཱཊེན ཝཱ ཀིལཉྫེན ཝཱ སཱཎིཔཱཀཱརེན ཝཱ རུཀྑེན ཝཱ ཐམྦྷེན ཝཱ ཀོཏྠལི༹ཡཱ [ཀོཊྛལི༹ཡཱ (སཱི. སྱཱ.) ཀོཏྠལི༹ཀཱཡ (ཀ.)] ཝཱ, ཡེན ཀེནཙི པཊིཙྪནྣཾ ཧོཏི.

ནིསཛྫཾ ཀཔྤེཡྻཱཏི མཱཏུགཱམེ ནིསིནྣེ བྷིཀྑུ ཨུཔནིསིནྣོ ཝཱ ཧོཏི ཨུཔནིཔནྣོ ཝཱ, ཨཱཔཏྟི པཱཙིཏྟིཡསྶ. བྷིཀྑུ ནིསིནྣེ མཱཏུགཱམོ ཨུཔནིསིནྣོ ཝཱ ཧོཏི ཨུཔནིཔནྣོ ཝཱ, ཨཱཔཏྟི པཱཙིཏྟིཡསྶ. ཨུབྷོ ཝཱ ནིསིནྣཱ ཧོནྟི ཨུབྷོ ཝཱ ནིཔནྣཱ, ཨཱཔཏྟི པཱཙིཏྟིཡསྶ.

༢༨༧. མཱཏུགཱམེ མཱཏུགཱམསཉྙཱི རཧོ པཊིཙྪནྣེ ཨཱསནེ ནིསཛྫཾ ཀཔྤེཏི, ཨཱཔཏྟི པཱཙིཏྟིཡསྶ. མཱཏུགཱམེ ཝེམཏིཀོ རཧོ པཊིཙྪནྣེ ཨཱསནེ ནིསཛྫཾ ཀཔྤེཏི, ཨཱཔཏྟི པཱཙིཏྟིཡསྶ. མཱཏུགཱམེ ཨམཱཏུགཱམསཉྙཱི རཧོ པཊིཙྪནྣེ ཨཱསནེ ནིསཛྫཾ ཀཔྤེཏི, ཨཱཔཏྟི པཱཙིཏྟིཡསྶ.

ཡཀྑིཡཱ ཝཱ པེཏིཡཱ ཝཱ པཎྜཀེན ཝཱ ¶ ཏིརཙྪཱནགཏཱཡ ཝཱ མནུསྶཝིགྒཧིཏྠིཡཱ ཝཱ སདྡྷིཾ རཧོ པཊིཙྪནྣེ ཨཱསནེ ནིསཛྫཾ ཀཔྤེཏི, ཨཱཔཏྟི དུཀྐཊསྶ. ཨམཱཏུགཱམེ མཱཏུགཱམསཉྙཱི, ཨཱཔཏྟི ¶ དུཀྐཊསྶ. ཨམཱཏུགཱམེ ཝེམཏིཀོ, ཨཱཔཏྟི དུཀྐཊསྶ. ཨམཱཏུགཱམེ ཨམཱཏུགཱམསཉྙཱི, ཨནཱཔཏྟི.

༢༨༨. ཨནཱཔཏྟི ¶ ¶ ཡོ ཀོཙི ཝིཉྙཱུ པུརིསོ དུཏིཡོ ཧོཏི, ཏིཊྛཏི ན ནིསཱིདཏི, ཨརཧོཔེཀྑོ, ཨཉྙཝིཧིཏོ ནིསཱིདཏི, ཨུམྨཏྟཀསྶ, ཨཱདིཀམྨིཀསྶཱཏི.

རཧོཔཊིཙྪནྣསིཀྑཱཔདཾ ནིཊྛིཏཾ ཙཏུཏྠཾ.

༥. རཧོནིསཛྫསིཀྑཱཔདཾ

༢༨༩. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུཔནནྡོ སཀྱཔུཏྟོ སཧཱཡཀསྶ གྷརཾ གནྟྭཱ ཏསྶ པཛཱཔཏིཡཱ སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེསི. ཨཐ ཁོ སོ པུརིསོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ ཨཡྻོ ཨུཔནནྡོ མཡ྄ཧཾ པཛཱཔཏིཡཱ སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེསྶཏཱི’’ཏི! ཨསྶོསུཾ ཁོ བྷིཀྑཱུ ཏསྶ པུརིསསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ མཱཏུགཱམེན སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེསྶཏཱི’’ཏི…པེ… སཙྩཾ ཀིར ཏྭཾ, ཨུཔནནྡ, མཱཏུགཱམེན སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, མཱཏུགཱམེན སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པཱསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༩༠. ‘‘ཡོ པན བྷིཀྑུ མཱཏུགཱམེན སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེཡྻ, པཱཙིཏྟིཡ’’ནྟི.

༢༩༡. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ¶ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

མཱཏུགཱམོ ནཱམ མནུསྶིཏྠཱི, ན ཡཀྑཱི ན པེཏཱི ན ཏིརཙྪཱནགཏཱ, ཝིཉྙཱུ པཊིབལཱ སུབྷཱསིཏདུབྦྷཱསིཏཾ དུཊྛུལླཱདུཊྛུལླཾ ཨཱཛཱནིཏུཾ.

སདྡྷིནྟི ཨེཀཏོ.

ཨེཀོ ¶ ཨེཀཱཡཱཏི བྷིཀྑུ ཙེཝ ཧོཏི མཱཏུགཱམོ ཙ.

[པཱཙི. ༢༠༠,༢༨༦; པཱརཱ. ༤༤༥,༤༥༤] རཧོ ¶ ནཱམ ཙཀྑུསྶ རཧོ, སོཏསྶ རཧོ. ཙཀྑུསྶ རཧོ ནཱམ ན སཀྐཱ ཧོཏི ཨཀྑིཾ ཝཱ ནིཁཎཱིཡམཱནེ བྷམུཀཾ ཝཱ ཨུཀྑིཔཱིཡམཱནེ སཱིསཾ ཝཱ ཨུཀྑིཔཱིཡམཱནེ པསྶིཏུཾ. སོཏསྶ རཧོ ནཱམ ན སཀྐཱ ཧོཏི པཀཏིཀཐཱ སོཏུཾ.

ནིསཛྫཾ ཀཔྤེཡྻཱཏི མཱཏུགཱམེ ནིསིནྣེ བྷིཀྑུ ཨུཔནིསིནྣོ ཝཱ ཧོཏི ཨུཔནིཔནྣོ ཝཱ, ཨཱཔཏྟི པཱཙིཏྟིཡསྶ. བྷིཀྑུ ནིསིནྣེ མཱཏུགཱམོ ཨུཔནིསིནྣོ ཝཱ ཧོཏི ཨུཔནིཔནྣོ ཝཱ, ཨཱཔཏྟི པཱཙིཏྟིཡསྶ. ཨུབྷོ ཝཱ ནིསིནྣཱ ཧོནྟི ཨུབྷོ ཝཱ ནིཔནྣཱ, ཨཱཔཏྟི པཱཙིཏྟིཡསྶ.

༢༩༢. མཱཏུགཱམེ མཱཏུགཱམསཉྙཱི ཨེཀོ ཨེཀཱཡ རཧོ ནིསཛྫཾ ཀཔྤེཏི, ཨཱཔཏྟི པཱཙིཏྟིཡསྶ. མཱཏུགཱམེ ཝེམཏིཀོ ཨེཀོ ཨེཀཱཡ རཧོ ནིསཛྫཾ ཀཔྤེཏི, ཨཱཔཏྟི པཱཙིཏྟིཡསྶ. མཱཏུགཱམེ ཨམཱཏུགཱམསཉྙཱི ཨེཀོ ཨེཀཱཡ རཧོ ནིསཛྫཾ ཀཔྤེཏི, ཨཱཔཏྟི པཱཙིཏྟིཡསྶ.

ཡཀྑིཡཱ ཝཱ པེཏིཡཱ ཝཱ པཎྜཀེན ཝཱ ཏིརཙྪཱནགཏམནུསྶཝིགྒཧིཏྠིཡཱ ཝཱ [ཏིརཙྪཱནགཏཱཡ ཝཱ མནུསྶཝིགྒཧིཏྠིཡཱ ཝཱ (ཀ.)] སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེཏི, ཨཱཔཏྟི དུཀྐཊསྶ. ཨམཱཏུགཱམེ མཱཏུགཱམསཉྙཱི, ཨཱཔཏྟི དུཀྐཊསྶ. ཨམཱཏུགཱམེ ཝེམཏིཀོ, ཨཱཔཏྟི དུཀྐཊསྶ. ཨམཱཏུགཱམེ ¶ ཨམཱཏུགཱམསཉྙཱི, ཨནཱཔཏྟི.

༢༩༣. ཨནཱཔཏྟི ཡོ ཀོཙི ཝིཉྙཱུ པུརིསོ དུཏིཡོ ཧོཏི, ཏིཊྛཏི ན ནིསཱིདཏི, ཨརཧོཔེཀྑོ ཨཉྙཝིཧིཏོ ནིསཱིདཏི, ཨུམྨཏྟཀསྶ, ཨཱདིཀམྨིཀསྶཱཏི.

རཧོནིསཛྫསིཀྑཱཔདཾ ནིཊྛིཏཾ པཉྩམཾ.

༦. ཙཱརིཏྟསིཀྑཱཔདཾ

༢༩༤. ཏེན ¶ ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན ཨཱཡསྨཏོ ཨུཔནནྡསྶ སཀྱཔུཏྟསྶ ¶ ཨུཔཊྛཱཀཀུལཾ ཨཱཡསྨནྟཾ ཨུཔནནྡཾ སཀྱཔུཏྟཾ བྷཏྟེན ནིམནྟེསི. ཨཉྙེཔི བྷིཀྑཱུ བྷཏྟེན ནིམནྟེསི. ཏེན ཁོ པན སམཡེན ཨཱཡསྨཱ ཨུཔནནྡོ ¶ སཀྱཔུཏྟོ པུརེབྷཏྟཾ, ཀུལཱནི པཡིརུཔཱསཏི. ཨཐ ཁོ ཏེ བྷིཀྑཱུ ཏེ མནུསྶེ ཨེཏདཝོཙུཾ – ‘‘དེཐཱཝུསོ བྷཏྟ’’ནྟི. ‘‘ཨཱགམེཐ, བྷནྟེ, ཡཱཝཱཡྻོ ཨུཔནནྡོ ཨཱགཙྪཏཱི’’ཏི. དུཏིཡམྤི ཁོ ཏེ བྷིཀྑཱུ…པེ… ཏཏིཡམྤི ཁོ ཏེ བྷིཀྑཱུ ཏེ མནུསྶེ ཨེཏདཝོཙུཾ – ‘‘དེཐཱཝུསོ, བྷཏྟཾ; པུརེ ཀཱལོ ཨཏིཀྐམཏཱི’’ཏི. ‘‘ཡམྤི མཡཾ, བྷནྟེ, བྷཏྟཾ ཀརིམྷཱ ཨཡྻསྶ ཨུཔནནྡསྶ ཀཱརཎཱ. ཨཱགམེཐ, བྷནྟེ, ཡཱཝཱཡྻོ ཨུཔནནྡོ ཨཱགཙྪཏཱི’’ཏི.

ཨཐ ཁོ ཨཱཡསྨཱ ཨུཔནནྡོ སཀྱཔུཏྟོ པུརེབྷཏྟཾ ཀུལཱནི པཡིརུཔཱསིཏྭཱ དིཝཱ ཨཱགཙྪཏི. བྷིཀྑཱུ ན ཙིཏྟརཱུཔཾ བྷུཉྫིཾསུ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ ནིམནྟིཏོ སབྷཏྟོ སམཱནོ པུརེབྷཏྟཾ ཀུལེསུ ཙཱརིཏྟཾ ཨཱཔཛྫིསྶཏཱི’’ཏི…པེ… སཙྩཾ ཀིར ཏྭཾ, ཨུཔནནྡ, ནིམནྟིཏོ སབྷཏྟོ སམཱནོ པུརེབྷཏྟཾ ཀུལེསུ ཙཱརིཏྟཾ ¶ ཨཱཔཛྫསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, ནིམནྟིཏོ སབྷཏྟོ སམཱནོ པུརེབྷཏྟཾ ཀུལེསུ ཙཱརིཏྟཾ ཨཱཔཛྫིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ ནིམནྟིཏོ སབྷཏྟོ སམཱནོ པུརེབྷཏྟཾ ཀུལེསུ ཙཱརིཏྟཾ ཨཱཔཛྫེཡྻ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༩༥. [མཧཱཝ. ༢༧༧] ཏེན ཁོ པན སམཡེན ཨཱཡསྨཏོ ཨུཔནནྡསྶ སཀྱཔུཏྟསྶ ཨུཔཊྛཱཀཀུལཾ སངྒྷསྶཏྠཱཡ ཁཱདནཱིཡཾ པཱཧེསི – ‘‘ཨཡྻསྶ ཨུཔནནྡསྶ དསྶེཏྭཱ སངྒྷསྶ དཱཏབྦ’’ནྟི. ཏེན ཁོ པན སམཡེན ཨཱཡསྨཱ ཨུཔནནྡོ སཀྱཔུཏྟོ གཱམཾ པིཎྜཱཡ པཝིཊྛོ ཧོཏི. ཨཐ ཁོ ཏེ མནུསྶཱ ཨཱརཱམཾ གནྟྭཱ བྷིཀྑཱུ པུཙྪིཾསུ – ‘‘ཀཧཾ, བྷནྟེ, ཨཡྻོ ཨུཔནནྡོ’’ཏི ¶ ? ‘‘ཨེསཱཝུསོ, ཨཱཡསྨཱ ཨུཔནནྡོ སཀྱཔུཏྟོ གཱམཾ པིཎྜཱཡ པཝིཊྛོ’’ཏི. ‘‘ཨིདཾ, བྷནྟེ, ཁཱདནཱིཡཾ ཨཡྻསྶ ཨུཔནནྡསྶ དསྶེཏྭཱ སངྒྷསྶ དཱཏབྦ’’ནྟི. བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ ¶ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, པཊིགྒཧེཏྭཱ ནིཀྑིཔཐ ཡཱཝ ཨུཔནནྡོ ཨཱགཙྪཏཱི’’ཏི.

ཨཐ ཁོ ཨཱཡསྨཱ ཨུཔནནྡོ སཀྱཔུཏྟོ – ‘‘བྷགཝཏཱ པཊིཀྑིཏྟཾ པུརེབྷཏྟཾ ཀུལེསུ ཙཱརིཏྟཾ ¶ ཨཱཔཛྫིཏུ’’ནྟི པཙྪཱབྷཏྟཾ ཀུལཱནི ¶ པཡིརུཔཱསིཏྭཱ དིཝཱ པཊིཀྐམི, ཁཱདནཱིཡཾ ཨུསྶཱརིཡིཏྠ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ པཙྪཱབྷཏྟཾ ཀུལེསུ ཙཱརིཏྟཾ ཨཱཔཛྫིསྶཏཱི’’ཏི…པེ… སཙྩཾ ཀིར ཏྭཾ, ཨུཔནནྡ, པཙྪཱབྷཏྟཾ ཀུལེསུ ཙཱརིཏྟཾ ཨཱཔཛྫསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, པཙྪཱབྷཏྟཾ ཀུལེསུ ཙཱརིཏྟཾ ཨཱཔཛྫིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན བྷིཀྑཝེ ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ ནིམནྟིཏོ སབྷཏྟོ སམཱནོ པུརེབྷཏྟཾ ཝཱ པཙྪཱབྷཏྟཾ ཝཱ ཀུལེསུ ཙཱརིཏྟཾ ཨཱཔཛྫེཡྻ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༩༦. ཏེན ཁོ པན སམཡེན བྷིཀྑཱུ ཙཱིཝརདཱནསམཡེ ཀུཀྐུཙྩཱཡནྟཱ ཀུལཱནི ན པཡིརུཔཱསནྟི. ཙཱིཝརཾ པརིཏྟཾ ཨུཔྤཛྫཏི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, ཙཱིཝརདཱནསམཡེ ཀུལཱནི པཡིརུཔཱསིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ ནིམནྟིཏོ སབྷཏྟོ སམཱནོ པུརེབྷཏྟཾ ཝཱ པཙྪཱབྷཏྟཾ ཝཱ ཀུལེསུ ཙཱརིཏྟཾ ཨཱཔཛྫེཡྻ, ཨཉྙཏྲ སམཡཱ, པཱཙིཏྟིཡཾ. ཏཏྠཱཡཾ སམཡོ. ཙཱིཝརདཱནསམཡོ – ཨཡཾ ཏཏྠ སམཡོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༩༧. ཏེན ¶ ཁོ པན སམཡེན བྷིཀྑཱུ ཙཱིཝརཀམྨཾ ཀརོནྟི, ཨཏྠོ ཙ ཧོཏི སཱུཙིཡཱཔི སུཏྟེནཔི སཏྠཀེནཔི. བྷིཀྑཱུ ཀུཀྐུཙྩཱཡནྟཱ ཀུལཱནི ན པཡིརུཔཱསནྟི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, ཙཱིཝརཀཱརསམཡེ ཀུལཱནི པཡིརུཔཱསིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ ¶ པན བྷིཀྑུ ནིམནྟིཏོ སབྷཏྟོ སམཱནོ པུརེབྷཏྟཾ ཝཱ པཙྪཱབྷཏྟཾ ཝཱ ཀུལེསུ ཙཱརིཏྟཾ ཨཱཔཛྫེཡྻ ¶ , ཨཉྙཏྲ སམཡཱ, པཱཙིཏྟིཡཾ ¶ . ཏཏྠཱཡཾ སམཡོ. ཙཱིཝརདཱནསམཡོ, ཙཱིཝརཀཱརསམཡོ – ཨཡཾ ཏཏྠ སམཡོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༢༩༨. ཏེན ཁོ པན སམཡེན བྷིཀྑཱུ གིལཱནཱ ཧོནྟི, ཨཏྠོ ཙ ཧོཏི བྷེསཛྫེཧི. བྷིཀྑཱུ ཀུཀྐུཙྩཱཡནྟཱ ཀུལཱནི ན པཡིརུཔཱསནྟི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, སནྟཾ བྷིཀྑུཾ ཨཱཔུཙྪཱ ཀུལཱནི པཡིརུཔཱསིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༢༩༩. ‘‘ཡོ པན བྷིཀྑུ ནིམནྟིཏོ སབྷཏྟོ སམཱནོ སནྟཾ བྷིཀྑུཾ ཨནཱཔུཙྪཱ པུརེབྷཏྟཾ ཝཱ པཙྪཱབྷཏྟཾ ཝཱ ཀུལེསུ ཙཱརིཏྟཾ ཨཱཔཛྫེཡྻ, ཨཉྙཏྲ སམཡཱ, པཱཙིཏྟིཡཾ. ཏཏྠཱཡཾ སམཡོ. ཙཱིཝརདཱནསམཡོ, ཙཱིཝརཀཱརསམཡོ – ཨཡཾ ཏཏྠ སམཡོ’’ཏི.

༣༠༠. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ནིམནྟིཏོ ནཱམ པཉྩནྣཾ བྷོཛནཱནཾ ཨཉྙཏརེན བྷོཛནེན ནིམནྟིཏོ.

སབྷཏྟོ ནཱམ ཡེན ནིམནྟིཏོ ¶ ཏེན སབྷཏྟོ.

སནྟཾ ནཱམ བྷིཀྑུཾ སཀྐཱ ཧོཏི ཨཱཔུཙྪཱ པཝིསིཏུཾ.

ཨསནྟཾ ནཱམ བྷིཀྑུཾ ན སཀྐཱ ཧོཏི ཨཱཔུཙྪཱ པཝིསིཏུཾ.

པུརེབྷཏྟཾ ནཱམ ཡེན ནིམནྟིཏོ ཏཾ ཨབྷུཏྟཱཝཱི.

པཙྪཱབྷཏྟཾ ནཱམ ཡེན ནིམནྟིཏོ ཏཾ ཨནྟམསོ ཀུསགྒེནཔི [ཨརུཎུགྒམནེཔི (སཱི.)] བྷུཏྟཾ ཧོཏི.

ཀུལཾ ནཱམ ཙཏྟཱརི ཀུལཱནི – ཁཏྟིཡཀུལཾ, བྲཱཧྨཎཀུལཾ, ཝེསྶཀུལཾ, སུདྡཀུལཾ.

ཀུལེསུ ¶ ཙཱརིཏྟཾ ཨཱཔཛྫེཡྻཱཏི ཨཉྙསྶ གྷརཱུཔཙཱརཾ ཨོཀྐམནྟསྶ ཨཱཔཏྟི དུཀྐཊསྶ. པཋམཾ པཱདཾ ཨུམྨཱརཾ ཨཏིཀྐཱམེཏི, ཨཱཔཏྟི དུཀྐཊསྶ. དུཏིཡཾ པཱདཾ ཨཏིཀྐཱམེཏི, ཨཱཔཏྟི པཱཙིཏྟིཡསྶ.

ཨཉྙཏྲ ¶ སམཡཱཏི ཋཔེཏྭཱ སམཡཾ.

ཙཱིཝརདཱནསམཡོ ནཱམ ཨནཏྠཏེ ཀཐིནེ ཝསྶཱནསྶ པཙྪིམོ མཱསོ, ཨཏྠཏེ ཀཐིནེ པཉྩ མཱསཱ.

ཙཱིཝརཀཱརསམཡོ ནཱམ ཙཱིཝརེ ཀཡིརམཱནེ.

༣༠༡. ནིམནྟིཏེ ནིམནྟིཏསཉྙཱི སནྟཾ བྷིཀྑུཾ ཨནཱཔུཙྪཱ པུརེབྷཏྟཾ ཝཱ པཙྪཱབྷཏྟཾ ཝཱ ཀུལེསུ ཙཱརིཏྟཾ ཨཱཔཛྫཏི, ཨཉྙཏྲ སམཡཱ, ཨཱཔཏྟི པཱཙིཏྟིཡསྶ. ནིམནྟིཏེ ཝེམཏིཀོ སནྟཾ བྷིཀྑུཾ ཨནཱཔུཙྪཱ པུརེབྷཏྟཾ ཝཱ པཙྪཱབྷཏྟཾ ཝཱ ཀུལེསུ ཙཱརིཏྟཾ ཨཱཔཛྫཏི, ཨཉྙཏྲ སམཡཱ, ཨཱཔཏྟི པཱཙིཏྟིཡསྶ. ནིམནྟིཏེ ཨནིམནྟིཏསཉྙཱི སནྟཾ བྷིཀྑུཾ ཨནཱཔུཙྪཱ པུརེབྷཏྟཾ ཝཱ པཙྪཱབྷཏྟཾ ཝཱ ཀུལེསུ ཙཱརིཏྟཾ ཨཱཔཛྫཏི, ཨཉྙཏྲ སམཡཱ, ཨཱཔཏྟི པཱཙིཏྟིཡསྶ.

ཨནིམནྟིཏེ ནིམནྟིཏསཉྙཱི, ཨཱཔཏྟི དུཀྐཊསྶ. ཨནིམནྟིཏེ ཝེམཏིཀོ ¶ , ཨཱཔཏྟི དུཀྐཊསྶ. ཨནིམནྟིཏེ ཨནིམནྟིཏསཉྙཱི, ཨནཱཔཏྟི.

༣༠༢. ཨནཱཔཏྟི ¶ སམཡེ, སནྟཾ བྷིཀྑུཾ ཨཱཔུཙྪཱ པཝིསཏི, ཨསནྟཾ བྷིཀྑུཾ ཨནཱཔུཙྪཱ པཝིསཏི, ཨཉྙསྶ གྷརེན མགྒོ ཧོཏི, གྷརཱུཔཙཱརེན མགྒོ ཧོཏི, ཨནྟརཱརཱམཾ གཙྪཏི, བྷིཀྑུནུཔསྶཡཾ གཙྪཏི, ཏིཏྠིཡསེཡྻཾ གཙྪཏི, པཊིཀྐམནཾ གཙྪཏི, བྷཏྟིཡགྷརཾ གཙྪཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཙཱརིཏྟསིཀྑཱཔདཾ ནིཊྛིཏཾ ཚཊྛཾ.

༧. མཧཱནཱམསིཀྑཱཔདཾ

༣༠༣. ཏེན ¶ ¶ སམཡེན བུདྡྷོ བྷགཝཱ སཀྐེསུ ཝིཧརཏི ཀཔིལཝཏྠུསྨིཾ ནིགྲོདྷཱརཱམེ. ཏེན ཁོ པན སམཡེན མཧཱནཱམསྶ སཀྐསྶ བྷེསཛྫཾ ཨུསྶནྣཾ ཧོཏི. ཨཐ ཁོ མཧཱནཱམོ སཀྐོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ མཧཱནཱམོ སཀྐོ བྷགཝནྟཾ ཨེཏདཝོཙ – ‘‘ཨིཙྪཱམཧཾ, བྷནྟེ, སངྒྷཾ ཙཏུམཱསཾ [ཙཏུམྨཱསཾ (སཱི.) ཙཱཏུམཱསཾ (སྱཱ.)] བྷེསཛྫེན པཝཱརེཏུ’’ནྟི. ‘‘སཱདྷུ སཱདྷུ ¶ , མཧཱནཱམ! ཏེན ཧི ཏྭཾ, མཧཱནཱམ, སངྒྷཾ ཙཏུམཱསཾ བྷེསཛྫེན པཝཱརེཧཱི’’ཏི. བྷིཀྑཱུ ཀུཀྐུཙྩཱཡནྟཱ ནཱདྷིཝཱསེནྟི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, ཙཏུམཱསཾ བྷེསཛྫཔྤཙྩཡཔཝཱརཎཾ སཱདིཏུནྟི.

༣༠༤. ཏེན ཁོ པན སམཡེན བྷིཀྑཱུ མཧཱནཱམཾ སཀྐཾ པརིཏྟཾ བྷེསཛྫཾ ཝིཉྙཱཔེནྟི. ཏཐེཝ མཧཱནཱམསྶ སཀྐསྶ བྷེསཛྫཾ ཨུསྶནྣཾ ཧོཏི. དུཏིཡམྤི ཁོ མཧཱནཱམོ སཀྐོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ མཧཱནཱམོ སཀྐོ བྷགཝནྟཾ ཨེཏདཝོཙ – ‘‘ཨིཙྪཱམཧཾ, བྷནྟེ, སངྒྷཾ ཨཔརམྤི ཙཏུམཱསཾ བྷེསཛྫེན པཝཱརེཏུ’’ནྟི. ‘‘སཱདྷུ སཱདྷུ, མཧཱནཱམ! ཏེན ཧི ཏྭཾ, མཧཱནཱམ, སངྒྷཾ ཨཔརམྤི ཙཏུམཱསཾ བྷེསཛྫེན པཝཱརེཧཱི’’ཏི. བྷིཀྑཱུ ཀུཀྐུཙྩཱཡནྟཱ ནཱདྷིཝཱསེནྟི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, པུན པཝཱརཎམྤི སཱདིཏུནྟི.

༣༠༥. ཏེན ¶ ཁོ པན སམཡེན བྷིཀྑཱུ མཧཱནཱམཾ སཀྐཾ པརིཏྟཾཡེཝ བྷེསཛྫཾ ཝིཉྙཱཔེནྟི. ཏཐེཝ མཧཱནཱམསྶ སཀྐསྶ བྷེསཛྫཾ ཨུསྶནྣཾ ཧོཏི. ཏཏིཡམྤི ཁོ མཧཱནཱམོ ¶ སཀྐོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ མཧཱནཱམོ སཀྐོ བྷགཝནྟཾ ཨེཏདཝོཙ – ‘‘ཨིཙྪཱམཧཾ, བྷནྟེ, སངྒྷཾ ཡཱཝཛཱིཝཾ བྷེསཛྫེན པཝཱརེཏུ’’ནྟི. ‘‘སཱདྷུ སཱདྷུ, མཧཱནཱམ! ཏེན ཧི ཏྭཾ, མཧཱནཱམ, སངྒྷཾ ཡཱཝཛཱིཝཾ བྷེསཛྫེན པཝཱརེཧཱི’’ཏི. བྷིཀྑཱུ ཀུཀྐུཙྩཱཡནྟཱ ནཱདྷིཝཱསེནྟི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, ནིཙྩཔཝཱརཎམྤི སཱདིཏུནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ དུནྣིཝཏྠཱ ཧོནྟི དུཔྤཱརུཏཱ ཨནཱཀཔྤསམྤནྣཱ. མཧཱནཱམོ སཀྐོ ཝཏྟཱ ཧོཏི – ‘‘ཀིསྶ ཏུམྷེ, བྷནྟེ, དུནྣིཝཏྠཱ དུཔྤཱརུཏཱ ཨནཱཀཔྤསམྤནྣཱ? ནནུ ནཱམ པབྦཛིཏེན སུནིཝཏྠེན བྷཝིཏབྦཾ སུཔཱརུཏེན ཨཱཀཔྤསམྤནྣེནཱ’’ཏི? ཚབྦགྒིཡཱ བྷིཀྑཱུ མཧཱནཱམེ སཀྐེ ཨུཔནནྡྷིཾསུ. ཨཐ ཁོ ཚབྦགྒིཡཱནཾ ¶ བྷིཀྑཱུནཾ ཨེཏདཧོསི – ‘‘ཀེན ནུ ཁོ མཡཾ ཨུཔཱཡེན མཧཱནཱམཾ སཀྐཾ མངྐུ ཀརེཡྻཱམཱ’’ཏི? ཨཐ ཁོ ཚབྦགྒིཡཱནཾ བྷིཀྑཱུནཾ ཨེཏདཧོསི – ‘‘མཧཱནཱམེན ཁོ, ཨཱཝུསོ, སཀྐེན སངྒྷོ བྷེསཛྫེན པཝཱརིཏོ. ཧནྡ མཡཾ, ཨཱཝུསོ, མཧཱནཱམཾ སཀྐཾ ¶ སཔྤིཾ ¶ ཝིཉྙཱཔེམཱ’’ཏི. ཨཐ ཁོ ཚབྦགྒིཡཱ བྷིཀྑཱུ ཡེན མཧཱནཱམོ སཀྐོ ཏེནུཔསངྐམིཾསུ; ཨུཔསངྐམིཏྭཱ མཧཱནཱམཾ སཀྐཾ ཨེཏདཝོཙུཾ – ‘‘དོཎེན, ཨཱཝུསོ, སཔྤིནཱ ཨཏྠོ’’ཏི. ‘‘ཨཛྫཎྷོ, བྷནྟེ, ཨཱགམེཐ. མནུསྶཱ ཝཛཾ གཏཱ སཔྤིཾ ཨཱཧརིཏུཾ. ཀཱལཾ ཨཱཧརིསྶཐཱ’’ཏི [ཀཱལེ ཧརིསྶཐཱཏི (སྱཱ.)].

དུཏིཡམྤི ཁོ…པེ… ཏཏིཡམྤི ཁོ ཚབྦགྒིཡཱ བྷིཀྑཱུ མཧཱནཱམཾ སཀྐཾ ཨེཏདཝོཙུཾ – ‘‘དོཎེན, ཨཱཝུསོ, སཔྤིནཱ ཨཏྠོ’’ཏི. ‘‘ཨཛྫཎྷོ, བྷནྟེ, ཨཱགམེཐ. མནུསྶཱ ཝཛཾ གཏཱ སཔྤིཾ ཨཱཧརིཏུཾ. ཀཱལཾ ཨཱཧརིསྶཐཱ’’ཏི. ‘‘ཀིཾ པན ཏཡཱ, ཨཱཝུསོ, ཨདཱཏུཀཱམེན པཝཱརིཏེན, ཡཾ ཏྭཾ པཝཱརེཏྭཱ ན དེསཱི’’ཏི! ཨཐ ཁོ མཧཱནཱམོ སཀྐོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ བྷདནྟཱ – ‘ཨཛྫཎྷོ, བྷནྟེ, ཨཱགམེཐཱ’ཏི ཝུཙྩམཱནཱ ནཱགམེསྶནྟཱི’’ཏི! ཨསྶོསུཾ ཁོ བྷིཀྑཱུ མཧཱནཱམསྶ སཀྐསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ མཧཱནཱམེན སཀྐེན – ‘ཨཛྫཎྷོ, བྷནྟེ, ཨཱགམེཐཱ’ཏི ཝུཙྩམཱནཱ ནཱགམེསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, མཧཱནཱམེན སཀྐེན – ‘‘ཨཛྫཎྷོ, བྷནྟེ, ཨཱགམེཐཱ’’ཏི ཝུཙྩམཱནཱ ནཱགམེཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, མཧཱནཱམེན སཀྐེན – ‘‘ཨཛྫཎྷོ, བྷནྟེ ཨཱགམེཐཱ’’ཏི ཝུཙྩམཱནཱ ནཱགམེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ ཨིམཾ སིཀྑཱཔདཾ ¶ ཨུདྡིསེཡྻཱཐ –

༣༠༦. ‘‘ཨགིལཱནེན བྷིཀྑུནཱ ཙཏུམཱསཔྤཙྩཡཔཝཱརཎཱ སཱདིཏབྦཱ ¶ , ཨཉྙཏྲ པུནཔཝཱརཎཱཡ, ཨཉྙཏྲ ནིཙྩཔཝཱརཎཱཡ; ཏཏོ ཙེ ཨུཏྟརི སཱདིཡེཡྻ, པཱཙིཏྟིཡ’’ནྟི.

༣༠༧. ཨགིལཱནེན བྷིཀྑུནཱ ཙཏུམཱསཔྤཙྩཡཔཝཱརཎཱ སཱདིཏབྦཱཏི གིལཱནཔྤཙྩཡཔཝཱརཎཱ སཱདིཏབྦཱ.

པུནཔཝཱརཎཱཔི སཱདིཏབྦཱཏི ཡདཱ གིལཱནོ བྷཝིསྶཱམི ཏདཱ ཝིཉྙཱཔེསྶཱམཱིཏི.

ནིཙྩཔཝཱརཎཱཔི སཱདིཏབྦཱཏི ཡདཱ གིལཱནོ བྷཝིསྶཱམི ཏདཱ ཝིཉྙཱཔེསྶཱམཱིཏི.

ཏཏོ ¶ ¶ ཙེ ཨུཏྟརི སཱདིཡེཡྻཱཏི ཨཏྠི པཝཱརཎཱ བྷེསཛྫཔརིཡནྟཱ ན རཏྟིཔརིཡནྟཱ, ཨཏྠི པཝཱརཎཱ རཏྟིཔརིཡནྟཱ ན བྷེསཛྫཔརིཡནྟཱ, ཨཏྠི པཝཱརཎཱ བྷེསཛྫཔརིཡནྟཱ ཙ རཏྟིཔརིཡནྟཱ ཙ, ཨཏྠི པཝཱརཎཱ ནེཝ བྷེསཛྫཔརིཡནྟཱ ན རཏྟིཔརིཡནྟཱ.

བྷེསཛྫཔརིཡནྟཱ ནཱམ བྷེསཛྫཱནི པརིགྒཧིཏཱནི ཧོནྟི – ‘‘ཨེཏྟཀེཧི བྷེསཛྫེཧི པཝཱརེམཱི’’ཏི. རཏྟིཔརིཡནྟཱ ནཱམ རཏྟིཡོ པརིགྒཧིཏཱཡོ ཧོནྟི – ‘‘ཨེཏྟཀཱསུ རཏྟཱིསུ པཝཱརེམཱི’’ཏི. བྷེསཛྫཔརིཡནྟཱ ཙ རཏྟིཔརིཡནྟཱ ཙ ནཱམ བྷེསཛྫཱནི ཙ པརིགྒཧིཏཱནི ཧོནྟི རཏྟིཡོ ཙ པརིགྒཧིཏཱཡོ ཧོནྟི – ‘‘ཨེཏྟཀེཧི བྷེསཛྫེཧི ཨེཏྟཀཱསུ རཏྟཱིསུ པཝཱརེམཱི’’ཏི. ནེཝ བྷེསཛྫཔརིཡནྟཱ ན རཏྟིཔརིཡནྟཱ ནཱམ བྷེསཛྫཱནི ཙ ཨཔརིགྒཧིཏཱནི ཧོནྟི རཏྟིཡོ ཙ ཨཔརིགྒཧིཏཱཡོ ཧོནྟི.

༣༠༨. བྷེསཛྫཔརིཡནྟེ ¶ – ཡེཧི བྷེསཛྫེཧི པཝཱརིཏོ ཧོཏི ཏཱནི བྷེསཛྫཱནི ཋཔེཏྭཱ ཨཉྙཱནི བྷེསཛྫཱནི ཝིཉྙཱཔེཏི, ཨཱཔཏྟི པཱཙིཏྟིཡསྶ. རཏྟིཔརིཡནྟེ – ཡཱསུ རཏྟཱིསུ པཝཱརིཏོ ཧོཏི, ཏཱ རཏྟིཡོ ཋཔེཏྭཱ ཨཉྙཱསུ རཏྟཱིསུ ཝིཉྙཱཔེཏི, ཨཱཔཏྟི པཱཙིཏྟིཡསྶ. བྷེསཛྫཔརིཡནྟེ ཙ རཏྟིཔརིཡནྟེ ཙ – ཡེཧི བྷེསཛྫེཧི པཝཱརིཏོ ཧོཏི, ཏཱནི བྷེསཛྫཱནི ཋཔེཏྭཱ ཡཱསུ རཏྟཱིསུ པཝཱརིཏོ ཧོཏི, ཏཱ རཏྟིཡོ ཋཔེཏྭཱ ཨཉྙཱནི བྷེསཛྫཱནི ཨཉྙཱསུ རཏྟཱིསུ ཝིཉྙཱཔེཏི, ཨཱཔཏྟི པཱཙིཏྟིཡསྶ. ནེཝ བྷེསཛྫཔརིཡནྟེ ན རཏྟིཔརིཡནྟེ, ཨནཱཔཏྟི.

༣༠༩. ན བྷེསཛྫེན ཀརཎཱིཡེན [ཀརཎཱིཡེ (སཱི. སྱཱ.)] བྷེསཛྫཾ ཝིཉྙཱཔེཏི, ཨཱཔཏྟི པཱཙིཏྟིཡསྶ. ཨཉྙེན བྷེསཛྫེན ཀརཎཱིཡེན ཨཉྙཾ བྷེསཛྫཾ ཝིཉྙཱཔེཏི, ཨཱཔཏྟི པཱཙིཏྟིཡསྶ. ཏཏུཏྟརི ཏཏུཏྟརིསཉྙཱི བྷེསཛྫཾ ཝིཉྙཱཔེཏི, ཨཱཔཏྟི པཱཙིཏྟིཡསྶ. ཏཏུཏྟརི ཝེམཏིཀོ བྷེསཛྫཾ ཝིཉྙཱཔེཏི, ཨཱཔཏྟི པཱཙིཏྟིཡསྶ. ཏཏུཏྟརི ནཏཏུཏྟརིསཉྙཱི བྷེསཛྫཾ ཝིཉྙཱཔེཏི, ཨཱཔཏྟི པཱཙིཏྟིཡསྶ.

ནཏཏུཏྟརི ཏཏུཏྟརིསཉྙཱི, ཨཱཔཏྟི དུཀྐཊསྶ. ནཏཏུཏྟརི ཝེམཏིཀོ, ཨཱཔཏྟི དུཀྐཊསྶ. ནཏཏུཏྟརི ནཏཏུཏྟརིསཉྙཱི, ཨནཱཔཏྟི.

༣༡༠. ཨནཱཔཏྟི ¶ ཡེཧི བྷེསཛྫེཧི པཝཱརིཏོ ཧོཏི ཏཱནི བྷེསཛྫཱནི ཝིཉྙཱཔེཏི, ཡཱསུ རཏྟཱིསུ པཝཱརིཏོ ཧོཏི ཏཱསུ རཏྟཱིསུ ཝིཉྙཱཔེཏི ¶ , ‘‘ཨིམེཧི ཏཡཱ ¶ བྷེསཛྫེཧི པཝཱརིཏཱམྷ ¶ , ཨམྷཱཀཉྩ ཨིམིནཱ ཙ ཨིམིནཱ ཙ བྷེསཛྫེན ཨཏྠོ’’ཏི ཨཱཙིཀྑིཏྭཱ ཝིཉྙཱཔེཏི, ‘‘ཡཱསུ ཏཡཱ རཏྟཱིསུ པཝཱརིཏཱམྷ ཏཱཡོ ཙ རཏྟིཡོ ཝཱིཏིཝཏྟཱ ཨམྷཱཀཉྩ བྷེསཛྫེན ཨཏྠོ’’ཏི ཨཱཙིཀྑིཏྭཱ ཝིཉྙཱཔེཏི, ཉཱཏཀཱནཾ པཝཱརིཏཱནཾ, ཨཉྙསྶཏྠཱཡ, ཨཏྟནོ དྷནེན, ཨུམྨཏྟཀསྶ, ཨཱདིཀམྨིཀསྶཱཏི.

མཧཱནཱམསིཀྑཱཔདཾ ནིཊྛིཏཾ སཏྟམཾ.

༨. ཨུཡྻུཏྟསེནཱསིཀྑཱཔདཾ

༣༡༡. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན རཱཛཱ པསེནདི ཀོསལོ སེནཱཡ ཨབྦྷུཡྻཱཏོ ཧོཏི. ཚབྦགྒིཡཱ བྷིཀྑཱུ ཨུཡྻུཏྟཾ སེནཾ དསྶནཱཡ ཨགམཾསུ. ཨདྡསཱ ཁོ རཱཛཱ པསེནདི ཀོསལོ ཚབྦགྒིཡེ བྷིཀྑཱུ དཱུརཏོཝ ཨཱགཙྪནྟེ. དིསྭཱན པཀྐོསཱཔེཏྭཱ ཨེཏདཝོཙ – ‘‘ཀིསྶ ཏུམྷེ, བྷནྟེ, ཨཱགཏཏྠཱ’’ཏི? ‘‘མཧཱརཱཛཱནཾ མཡཾ དཊྛུཀཱམཱ’’ [མཧཱརཱཛ མཧཱརཱཛཱནཾ མཡཾ དཊྛུཀཱམཱ (ཀ.)] ཏི. ‘‘ཀིཾ, བྷནྟེ, མཾ དིཊྛེན ཡུདྡྷཱབྷིནནྡིནཾ [ཡུདྡྷཱབྷིནནྡིནཱ (ཀ.)]; ནནུ བྷགཝཱ པསྶིཏབྦོ’’ཏི? མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཨུཡྻུཏྟཾ སེནཾ དསྶནཱཡ ཨཱགཙྪིསྶནྟི! ཨམྷཱཀམྤི ཨལཱབྷཱ, ཨམྷཱཀམྤི དུལླདྡྷཾ, ཡེ མཡཾ ཨཱཛཱིཝསྶ ཧེཏུ པུཏྟདཱརསྶ ཀཱརཎཱ སེནཱཡ ཨཱགཙྪཱམཱ’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨུཡྻུཏྟཾ སེནཾ དསྶནཱཡ གཙྪིསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, ཨུཡྻུཏྟཾ སེནཾ དསྶནཱཡ གཙྪཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཨུཡྻུཏྟཾ སེནཾ དསྶནཱཡ གཙྪིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ¶ ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ ¶ པན བྷིཀྑུ ཨུཡྻུཏྟཾ སེནཾ དསྶནཱཡ གཙྪེཡྻ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༣༡༢. ཏེན ¶ ཁོ པན སམཡེན ཨཉྙཏརསྶ བྷིཀྑུནོ མཱཏུལོ སེནཱཡ གིལཱནོ ཧོཏི ¶ . སོ ཏསྶ བྷིཀྑུནོ སནྟིཀེ དཱུཏཾ པཱཧེསི – ‘‘ཨཧཉྷི སེནཱཡ གིལཱནོ. ཨཱགཙྪཏུ བྷདནྟོ. ཨིཙྪཱམི བྷདནྟསྶ ཨཱགཏ’’ནྟི. ཨཐ ཁོ ཏསྶ བྷིཀྑུནོ ཨེཏདཧོསི – ‘‘བྷགཝཏཱ སིཀྑཱཔདཾ པཉྙཏྟཾ – ‘ན ཨུཡྻུཏྟཾ སེནཾ དསྶནཱཡ གནྟབྦ’ནྟི. ཨཡཉྩ མེ མཱཏུལོ སེནཱཡ གིལཱནོ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཏཐཱརཱུཔཔྤཙྩཡཱ སེནཱཡ གནྟུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༡༣. ‘‘ཡོ པན བྷིཀྑུ ཨུཡྻུཏྟཾ སེནཾ དསྶནཱཡ གཙྪེཡྻ, ཨཉྙཏྲ ཏཐཱརཱུཔཔྤཙྩཡཱ, པཱཙིཏྟིཡ’’ནྟི.

༣༡༤. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨུཡྻུཏྟཱ ནཱམ སེནཱ གཱམཏོ ནིཀྑམིཏྭཱ ནིཝིཊྛཱ ཝཱ ཧོཏི པཡཱཏཱ ཝཱ.

སེནཱ ནཱམ ཧཏྠཱི ཨསྶཱ རཐཱ པཏྟཱི. དྭཱདསཔུརིསོ ཧཏྠཱི, ཏིཔུརིསོ ཨསྶོ, ཙཏུཔུརིསོ རཐོ, ཙཏྟཱརོ པུརིསཱ སརཧཏྠཱ པཏྟི. དསྶནཱཡ གཙྪཏི, ཨཱཔཏྟི དུཀྐཊསྶ. ཡཏྠ ཋིཏོ པསྶཏི, ཨཱཔཏྟི ¶ པཱཙིཏྟིཡསྶ. དསྶནཱུཔཙཱརཾ ཝིཛཧིཏྭཱ པུནཔྤུནཾ པསྶཏི, ཨཱཔཏྟི པཱཙིཏྟིཡསྶ.

ཨཉྙཏྲ ཏཐཱརཱུཔཔྤཙྩཡཱཏི ཋཔེཏྭཱ ཏཐཱརཱུཔཔྤཙྩཡཾ.

༣༡༥. ཨུཡྻུཏྟེ ཨུཡྻུཏྟསཉྙཱི དསྶནཱཡ གཙྪཏི, ཨཉྙཏྲ ཏཐཱརཱུཔཔྤཙྩཡཱ, ཨཱཔཏྟི པཱཙིཏྟིཡསྶ. ཨུཡྻུཏྟེ ཝེམཏིཀོ དསྶནཱཡ གཙྪཏི, ཨཉྙཏྲ ཏཐཱརཱུཔཔྤཙྩཡཱ, ཨཱཔཏྟི པཱཙིཏྟིཡསྶ. ཨུཡྻུཏྟེ ཨནུཡྻུཏྟསཉྙཱི དསྶནཱཡ གཙྪཏི, ཨཉྙཏྲ ཏཐཱརཱུཔཔྤཙྩཡཱ, ཨཱཔཏྟི པཱཙིཏྟིཡསྶ.

ཨེཀམེཀཾ ¶ དསྶནཱཡ གཙྪཏི, ཨཱཔཏྟི དུཀྐཊསྶ. ཡཏྠ ཋིཏོ པསྶཏི, ཨཱཔཏྟི དུཀྐཊསྶ. དསྶནཱུཔཙཱརཾ ཝིཛཧིཏྭཱ པུནཔྤུནཾ པསྶཏི, ཨཱཔཏྟི དུཀྐཊསྶ. ཨནུཡྻུཏྟེ ཨུཡྻུཏྟསཉྙཱི ¶ , ཨཱཔཏྟི དུཀྐཊསྶ. ཨནུཡྻུཏྟེ ཝེམཏིཀོ, ཨཱཔཏྟི དུཀྐཊསྶ. ཨནུཡྻུཏྟེ ཨནུཡྻུཏྟསཉྙཱི, ཨནཱཔཏྟི.

༣༡༦. ཨནཱཔཏྟི ཨཱརཱམེ ཋིཏོ པསྶཏི, བྷིཀྑུསྶ ཋིཏོཀཱསཾ ཝཱ ནིསིནྣོཀཱསཾ ཝཱ ནིཔནྣོཀཱསཾ ཝཱ ཨཱགཙྪཏི, པཊིཔཐཾ གཙྪནྟོ པསྶཏི, ཏཐཱརཱུཔཔྤཙྩཡཱ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཨུཡྻུཏྟསེནཱསིཀྑཱཔདཾ ནིཊྛིཏཾ ཨཊྛམཾ.

༩. སེནཱཝཱསསིཀྑཱཔདཾ

༣༡༧. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ སཏི ཀརཎཱིཡེ སེནཾ གནྟྭཱ ཨཏིརེཀཏིརཏྟཾ སེནཱཡ ཝསནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ སེནཱཡ ཝསིསྶནྟི! ཨམྷཱཀམྤི ཨལཱབྷཱ, ཨམྷཱཀམྤི དུལླདྡྷཾ, ཡེ མཡཾ ཨཱཛཱིཝསྶ ཧེཏུ པུཏྟདཱརསྶ ཀཱརཎཱ སེནཱཡ པཊིཝསཱམཱ’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨཏིརེཀཏིརཏྟཾ སེནཱཡ ཝསིསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, ཨཏིརེཀཏིརཏྟཾ སེནཱཡ ཝསཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཨཏིརེཀཏིརཏྟཾ སེནཱཡ ཝསིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༡༨. ‘‘སིཡཱ ཙ ཏསྶ བྷིཀྑུནོ ཀོཙིདེཝ པཙྩཡོ སེནཾ གམནཱཡ, དིརཏྟཏིརཏྟཾ ཏེན བྷིཀྑུནཱ སེནཱཡ ཝསིཏབྦཾ. ཏཏོ ཙེ ཨུཏྟརིཾ ཝསེཡྻ, པཱཙིཏྟིཡ’’ནྟི.

༣༡༩. སིཡཱ ཙ ཏསྶ བྷིཀྑུནོ ཀོཙིདེཝ པཙྩཡོ སེནཾ གམནཱཡཱཏི ¶ སིཡཱ པཙྩཡོ སིཡཱ ཀརཎཱིཡཾ.

དིརཏྟཏིརཏྟཾ ¶ ¶ ཏེན བྷིཀྑུནཱ སེནཱཡ ཝསིཏབྦནྟི དྭེཏིསྶོ རཏྟིཡོ ཝསིཏབྦཾ.

ཏཏོ ཙེ ཨུཏྟརི ཝསེཡྻཱཏི ཙཏུཏྠེ དིཝསེ ཨཏྠངྒཏེ སཱུརིཡེ སེནཱཡ ཝསཏི, ཨཱཔཏྟི པཱཙིཏྟིཡསྶ.

༣༢༠. ཨཏིརེཀཏིརཏྟེ ཨཏིརེཀསཉྙཱི སེནཱཡ ཝསཏི, ཨཱཔཏྟི པཱཙིཏྟིཡསྶ. ཨཏིརེཀཏིརཏྟེ ཝེམཏིཀོ སེནཱཡ ཝསཏི, ཨཱཔཏྟི པཱཙིཏྟིཡསྶ. ཨཏིརེཀཏིརཏྟེ ཨཱུནཀསཉྙཱི སེནཱཡ ཝསཏི, ཨཱཔཏྟི པཱཙིཏྟིཡསྶ.

ཨཱུནཀཏིརཏྟེ ཨཏིརེཀསཉྙཱི, ཨཱཔཏྟི དུཀྐཊསྶ. ཨཱུནཀཏིརཏྟེ ཝེམཏིཀོ, ཨཱཔཏྟི དུཀྐཊསྶ. ཨཱུནཀཏིརཏྟེ ཨཱུནཀསཉྙཱི, ཨནཱཔཏྟི.

༣༢༡. ཨནཱཔཏྟི དྭེཏིསྶོ རཏྟིཡོ ཝསཏི, ཨཱུནཀདྭེཏིསྶོ རཏྟིཡོ ཝསཏི, དྭེ རཏྟིཡོ ཝསིཏྭཱ ཏཏིཡཱཡ རཏྟིཡཱ པུརཱརུཎཱ ནིཀྑམིཏྭཱ པུན ཝསཏི, གིལཱནོ ཝསཏི, གིལཱནསྶ ཀརཎཱིཡེན ཝསཏི, སེནཱ ¶ ཝཱ པཊིསེནཱཡ རུདྡྷཱ ཧོཏི, ཀེནཙི པལིབུདྡྷོ ཧོཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

སེནཱཝཱསསིཀྑཱཔདཾ ནིཊྛིཏཾ ནཝམཾ.

༡༠. ཨུཡྻོདྷིཀསིཀྑཱཔདཾ

༣༢༢. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ དིརཏྟཏིརཏྟཾ སེནཱཡ ཝསམཱནཱ ཨུཡྻོདྷིཀམྤི བལགྒམྤི སེནཱབྱཱུཧམྤི ཨནཱིཀདསྶནམྤི གཙྪནྟི. ཨཉྙཏརོཔི ཚབྦགྒིཡོ བྷིཀྑུ ཨུཡྻོདྷིཀཾ གནྟྭཱ ཀཎྜེན པཊིཝིདྡྷོ ཧོཏི. མནུསྶཱ ཏཾ བྷིཀྑུཾ ཨུཔྤཎྜེསུཾ – ‘‘ཀཙྩི, བྷནྟེ, སུཡུདྡྷཾ ཨཧོསི, ཀཏི ཏེ ལཀྑཱནི ལདྡྷཱནཱི’’ཏི? སོ བྷིཀྑུ ཏེཧི མནུསྶེཧི ཨུཔྤཎྜཱིཡམཱནོ མངྐུ ཨཧོསི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཨུཡྻོདྷིཀཾ དསྶནཱཡ ཨཱགཙྪིསྶནྟི! ཨམྷཱཀམྤི ཨལཱབྷཱ, ཨམྷཱཀམྤི དུལླདྡྷཾ, ཡེ མཡཾ ཨཱཛཱིཝསྶ ཧེཏུ ¶ པུཏྟདཱརསྶ ཀཱརཎཱ ཨུཡྻོདྷིཀཾ ཨཱགཙྪཱམཱ’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ ¶ . ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨུཡྻོདྷིཀཾ དསྶནཱཡ གཙྪིསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, ཨུཡྻོདྷིཀཾ དསྶནཱཡ གཙྪཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཨུཡྻོདྷིཀཾ དསྶནཱཡ གཙྪིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ ¶ , ཨིམཾ སིཀྑཱཔདཾ ཨུདྡིསེཡྻཱཐ –

༣༢༣. ‘‘དིརཏྟཏིརཏྟཾ ཙེ བྷིཀྑུ སེནཱཡ ཝསམཱནོ ཨུཡྻོདྷིཀཾ ཝཱ བལགྒཾ ཝཱ སེནཱབྱཱུཧཾ ཝཱ ཨནཱིཀདསྶནཾ ཝཱ གཙྪེཡྻ, པཱཙིཏྟིཡ’’ནྟི.

༣༢༤. དིརཏྟཏིརཏྟཾ ཙེ བྷིཀྑུ སེནཱཡ ཝསམཱནོཏི དྭེཏིསྶོ རཏྟིཡོ ཝསམཱནོ.

ཨུཡྻོདྷིཀཾ ནཱམ ཡཏྠ སམྤཧཱརོ དིསྶཏི.

བལགྒཾ ནཱམ ཨེཏྟཀཱ ཧཏྠཱི, ཨེཏྟཀཱ ཨསྶཱ, ཨེཏྟཀཱ རཐཱ, ཨེཏྟཀཱ པཏྟཱི.

སེནཱབྱཱུཧཾ ནཱམ ཨིཏོ ཧཏྠཱི ཧོནྟུ, ཨིཏོ ཨསྶཱ ཧོནྟུ, ཨིཏོ རཐཱ ཧོནྟུ, ཨིཏོ པཏྟིཀཱ ཧོནྟུ.

ཨནཱིཀཾ ནཱམ ཧཏྠཱནཱིཀཾ, ཨསྶཱནཱིཀཾ ¶ , རཐཱནཱིཀཾ, པཏྟཱནཱིཀཾ. ཏཡོ ཧཏྠཱི པཙྪིམཾ ཧཏྠཱནཱིཀཾ, ཏཡོ ཨསྶཱ པཙྪིམཾ ཨསྶཱནཱིཀཾ, ཏཡོ རཐཱ པཙྪིམཾ རཐཱནཱིཀཾ, ཙཏྟཱརོ པུརིསཱ སརཧཏྠཱ པཏྟཱི པཙྪིམཾ པཏྟཱནཱིཀཾ. དསྶནཱཡ གཙྪཏི, ཨཱཔཏྟི དུཀྐཊསྶ. ཡཏྠ ཋིཏོ པསྶཏི, ཨཱཔཏྟི པཱཙིཏྟིཡསྶ. དསྶནཱུཔཙཱརཾ ཝིཛཧིཏྭཱ པུནཔྤུནཾ པསྶཏི, ཨཱཔཏྟི པཱཙིཏྟིཡསྶ.

ཨེཀམེཀཾ དསྶནཱཡ གཙྪཏི, ཨཱཔཏྟི དུཀྐཊསྶ. ཡཏྠ ཋིཏོ པསྶཏི, ཨཱཔཏྟི དུཀྐཊསྶ. དསྶནཱུཔཙཱརཾ ཝིཛཧིཏྭཱ པུནཔྤུནཾ པསྶཏི, ཨཱཔཏྟི དུཀྐཊསྶ.

༣༢༥. ཨནཱཔཏྟི ¶ ཨཱརཱམེ ཋིཏོ པསྶཏི, བྷིཀྑུསྶ ཋིཏོཀཱསཾ ཝཱ ནིསིནྣོཀཱསཾ ཝཱ ¶ ནིཔནྣོཀཱསཾ ཝཱ ཨཱགནྟྭཱ སམྤཧཱརོ དིསྶཏི, པཊིཔཐཾ གཙྪནྟོ པསྶཏི, སཏི ཀརཎཱིཡེ གནྟྭཱ པསྶཏི ¶ , ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཨུཡྻོདྷིཀསིཀྑཱཔདཾ ནིཊྛིཏཾ དསམཾ.

ཨཙེལཀཝགྒོ པཉྩམོ.

ཏསྶུདྡཱནཾ –

པཱུཝཾ ཀཐོཔནནྡསྶ, ཏཡཾཔཊྛཱཀམེཝ ཙ;

མཧཱནཱམོ པསེནདི, སེནཱཝིདྡྷོ ཨིམེ དསཱཏི [ཨཙེལཀཾ ཨུཡྻོཛཉྩ, སབྷོཛནཾ དུཝེ རཧོ; སབྷཏྟཀཉྩ བྷེསཛྫཾ, ཨུཡྻུཏྟཾ སེནུཡྻོདྷིཀཾ].

༦. སུརཱཔཱནཝགྒོ

༡. སུརཱཔཱནསིཀྑཱཔདཾ

༣༢༦. ཏེན ¶ ¶ སམཡེན བུདྡྷོ བྷགཝཱ ཙེཏིཡེསུ ཙཱརིཀཾ ཙརམཱནོ ཡེན བྷདྡཝཏིཀཱ ཏེན པཱཡཱསི. ཨདྡསཾསུ ཁོ གོཔཱལཀཱ པསུཔཱལཀཱ ཀསྶཀཱ པཐཱཝིནོ བྷགཝནྟཾ དཱུརཏོཝ ཨཱགཙྪནྟཾ. དིསྭཱན བྷགཝནྟཾ ཨེཏདཝོཙུཾ – ‘‘མཱ ཁོ, བྷནྟེ, བྷགཝཱ ཨམྦཏིཏྠཾ ཨགམཱསི. ཨམྦཏིཏྠེ, བྷནྟེ, ཛཊིལསྶ ཨསྶམེ ནཱགོ པཊིཝསཏི ཨིདྡྷིམཱ ཨཱསིཝིསོ [ཨཱསཱིཝིསོ (སཱི. སྱཱ.)] གྷོརཝིསོ. སོ བྷགཝནྟཾ མཱ ཝིཧེཋེསཱི’’ཏི. ཨེཝཾ ཝུཏྟེ བྷགཝཱ ཏུཎྷཱི ཨཧོསི. དུཏིཡམྤི ཁོ…པེ… ཏཏིཡམྤི ཁོ གོཔཱལཀཱ པསུཔཱལཀཱ ཀསྶཀཱ པཐཱཝིནོ བྷགཝནྟཾ ཨེཏདཝོཙུཾ – ‘‘མཱ ཁོ, བྷནྟེ, བྷགཝཱ ཨམྦཏིཏྠཾ ཨགམཱསི. ཨམྦཏིཏྠེ, བྷནྟེ, ཛཊིལསྶ ཨསྶམེ ནཱགོ པཊིཝསཏི ཨིདྡྷིམཱ ཨཱསིཝིསོ གྷོརཝིསོ. སོ བྷགཝནྟཾ མཱ ཝིཧེཋེསཱི’’ཏི. ཏཏིཡམྤི ཁོ བྷགཝཱ ཏུཎྷཱི ཨཧོསི.

ཨཐ ཁོ བྷགཝཱ ཨནུཔུབྦེན ཙཱརིཀཾ ཙརམཱནོ ཡེན བྷདྡཝཏིཀཱ ཏདཝསརི. ཏཏྲ སུདཾ བྷགཝཱ བྷདྡཝཏིཀཱཡཾ ཝིཧརཏི ¶ . ཨཐ ཁོ ཨཱཡསྨཱ སཱགཏོ ཡེན ཨམྦཏིཏྠསྶ [ཨམྦཏིཏྠཀསྶ (སཱི.), ཨམྦཏིཏྠཾ (སྱཱ.)] ཛཊིལསྶ ཨསྶམོ ཏེནུཔསངྐམི ¶ ; ཨུཔསངྐམིཏྭཱ ཨགྱཱགཱརཾ པཝིསིཏྭཱ ཏིཎསནྠཱརཀཾ པཉྙཔེཏྭཱ ནིསཱིདི པལླངྐཾ ཨཱབྷུཛིཏྭཱ ཨུཛུཾ ཀཱཡཾ པཎིདྷཱཡ པརིམུཁཾ སཏིཾ ཨུཔཊྛཔེཏྭཱ. ཨདྡསཱ ཁོ སོ ནཱགོ ཨཱཡསྨནྟཾ སཱགཏཾ པཝིཊྛཾ ¶ . དིསྭཱན དུམྨནོ [དུཀྑཱི དུམྨནོ (སཱི. སྱཱ.)] པདྷཱུཔཱཡི [པདྷཱུཔཱསི (སྱཱ. ཀ.)]. ཨཱཡསྨཱཔི སཱགཏོ པདྷཱུཔཱཡི [པདྷཱུཔཱསི (སྱཱ. ཀ.)]. ཨཐ ཁོ སོ ནཱགོ མཀྑཾ ཨསཧམཱནོ པཛྫལི. ཨཱཡསྨཱཔི སཱགཏོ ཏེཛོདྷཱཏུཾ སམཱཔཛྫིཏྭཱ པཛྫལི. ཨཐ ཁོ ཨཱཡསྨཱ སཱགཏོ ཏསྶ ནཱགསྶ ཏེཛསཱ ཏེཛཾ པརིཡཱདིཡིཏྭཱ ཡེན བྷདྡཝཏིཀཱ ཏེནུཔསངྐམི. ཨཐ ཁོ བྷགཝཱ བྷདྡཝཏིཀཱཡཾ ཡཐཱབྷིརནྟཾ ཝིཧརིཏྭཱ ཡེན ཀོསམྦཱི ཏེན ཙཱརིཀཾ པཀྐཱམི. ཨསྶོསུཾ ཁོ ཀོསམྦིཀཱ ཨུཔཱསཀཱ – ‘‘ཨཡྻོ ཀིར སཱགཏོ ཨམྦཏིཏྠིཀེན ནཱགེན སདྡྷིཾ སངྒཱམེསཱི’’ཏི.

ཨཐ ཁོ བྷགཝཱ ཨནུཔུབྦེན ཙཱརིཀཾ ཙརམཱནོ ཡེན ཀོསམྦཱི ཏདཝསརི. ཨཐ ཁོ ཀོསམྦིཀཱ ཨུཔཱསཀཱ བྷགཝཏོ པཙྩུགྒམནཾ ཀརིཏྭཱ ཡེནཱཡསྨཱ སཱགཏོ ཏེནུཔསངྐམིཾསུ; ཨུཔསངྐམིཏྭཱ ཨཱཡསྨནྟཾ སཱགཏཾ ཨབྷིཝཱདེཏྭཱ ཨེཀམནྟཾ ཨཊྛཾསུ. ཨེཀམནྟཾ ཋིཏཱ ཁོ ཀོསམྦིཀཱ ¶ ཨུཔཱསཀཱ ཨཱཡསྨནྟཾ སཱགཏཾ ཨེཏདཝོཙུཾ – ‘‘ཀིཾ, བྷནྟེ, ཨཡྻཱནཾ དུལླབྷཉྩ མནཱཔཉྩ, ཀིཾ པཊིཡཱདེམཱ’’ཏི? ཨེཝཾ ཝུཏྟེ ཚབྦགྒིཡཱ བྷིཀྑཱུ ཀོསམྦིཀེ ཨུཔཱསཀེ ཨེཏདཝོཙུཾ – ‘‘ཨཏྠཱཝུསོ, ཀཱཔོཏིཀཱ ནཱམ པསནྣཱ བྷིཀྑཱུནཾ དུལླབྷཱ ཙ མནཱཔཱ ཙ, ཏཾ པཊིཡཱདེཐཱ’’ཏི. ཨཐ ཁོ ཀོསམྦིཀཱ ཨུཔཱསཀཱ གྷརེ གྷརེ ཀཱཔོཏིཀཾ པསནྣཾ པཊིཡཱདེཏྭཱ ཨཱཡསྨནྟཾ སཱགཏཾ པིཎྜཱཡ པཝིཊྛཾ དིསྭཱན ཨཱཡསྨནྟཾ སཱགཏཾ ཨེཏདཝོཙུཾ – ‘‘པིཝཏུ, བྷནྟེ, ཨཡྻོ སཱགཏོ ཀཱཔོཏིཀཾ པསནྣཾ, པིཝཏུ ¶ , བྷནྟེ, ཨཡྻོ སཱགཏོ ཀཱཔོཏིཀཾ པསནྣ’’ནྟི. ཨཐ ཁོ ཨཱཡསྨཱ སཱགཏོ གྷརེ གྷརེ ཀཱཔོཏིཀཾ པསནྣཾ པིཝིཏྭཱ ནགརམྷཱ ནིཀྑམནྟོ ནགརདྭཱརེ པརིཔཏི.

ཨཐ ཁོ བྷགཝཱ སམྦཧུལེཧི བྷིཀྑཱུཧི སདྡྷིཾ ནགརམྷཱ ནིཀྑམནྟོ ཨདྡས ཨཱཡསྨནྟཾ སཱགཏཾ ནགརདྭཱརེ པརིཔཏནྟཾ. དིསྭཱན བྷིཀྑཱུ ཨཱམནྟེསི – ‘‘གཎྷཐ, བྷིཀྑཝེ, སཱགཏ’’ནྟི. ‘‘ཨེཝཾ, བྷནྟེ’’ཏི ཁོ ཏེ བྷིཀྑཱུ བྷགཝཏོ པཊིསྶུཎིཏྭཱ ཨཱཡསྨནྟཾ སཱགཏཾ ཨཱརཱམཾ ནེཏྭཱ ཡེན བྷགཝཱ ཏེན སཱིསཾ ཀཏྭཱ ནིཔཱཏེསུཾ. ཨཐ ཁོ ཨཱཡསྨཱ སཱགཏོ པརིཝཏྟིཏྭཱ ཡེན བྷགཝཱ ཏེན པཱདེ ཀརིཏྭཱ སེཡྻཾ ཀཔྤེསི ¶ . ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘ནནུ, བྷིཀྑཝེ, པུབྦེ སཱགཏོ ཏཐཱགཏེ སགཱརཝོ ཨཧོསི སཔྤཏིསྶོ’’ཏི ¶ ? ‘‘ཨེཝཾ, བྷནྟེ’’. ‘‘ཨཔི ནུ ཁོ, བྷིཀྑཝེ, སཱགཏོ ཨེཏརཧི ཏཐཱགཏེ སགཱརཝོ སཔྤཏིསྶོ’’ཏི? ‘‘ནོ ཧེཏཾ, བྷནྟེ’’. ‘‘ནནུ, བྷིཀྑཝེ, སཱགཏོ ཨམྦཏིཏྠིཀེན ནཱགེན [ཌེཌྜུབྷེནཱཔི (སཱི. སྱཱ.)] སདྡྷིཾ སངྒཱམེསཱི’’ཏི? ‘‘ཨེཝཾ, བྷནྟེ’’. ‘‘ཨཔི ནུ ཁོ, བྷིཀྑཝེ, སཱགཏོ ཨེཏརཧི པཧོཏི ནཱགེན སདྡྷིཾ སངྒཱམེཏུ’’ནྟི? ‘‘ནོ ཧེཏཾ, བྷནྟེ’’. ‘‘ཨཔི ནུ ཁོ, བྷིཀྑཝེ, ཏཾ པཱཏབྦཾ ཡཾ པིཝིཏྭཱ ཝིསཉྙཱི ཨསྶཱ’’ཏི? ‘‘ནོ ཧེཏཾ, བྷནྟེ’’. ‘‘ཨནནུཙྪཝིཀཾ, བྷིཀྑཝེ, སཱགཏསྶ ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ, བྷིཀྑཝེ, སཱགཏོ མཛྫཾ པིཝིསྶཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ ¶ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༢༧. ‘‘སུརཱམེརཡཔཱནེ པཱཙིཏྟིཡ’’ནྟི.

༣༢༨. སུརཱ ནཱམ པིཊྛསུརཱ པཱུཝསུརཱ ཨོདནསུརཱ ཀིཎྞཔཀྑིཏྟཱ སམྦྷཱརསཾཡུཏྟཱ.

མེརཡོ ནཱམ པུཔྥཱསཝོ ཕལཱསཝོ མདྷྭཱསཝོ གུལཱ༹སཝོ སམྦྷཱརསཾཡུཏྟོ.

པིཝེཡྻཱཏི ¶ ཨནྟམསོ ཀུསགྒེནཔི པིཝཏི, ཨཱཔཏྟི པཱཙིཏྟིཡསྶ.

མཛྫེ མཛྫསཉྙཱི པིཝཏི, ཨཱཔཏྟི པཱཙིཏྟིཡསྶ. མཛྫེ ཝེམཏིཀོ པིཝཏི, ཨཱཔཏྟི པཱཙིཏྟིཡསྶ. མཛྫེ ཨམཛྫསཉྙཱི པིཝཏི, ཨཱཔཏྟི པཱཙིཏྟིཡསྶ.

ཨམཛྫེ མཛྫསཉྙཱི, ཨཱཔཏྟི དུཀྐཊསྶ. ཨམཛྫེ ཝེམཏིཀོ, ཨཱཔཏྟི དུཀྐཊསྶ. ཨམཛྫེ ཨམཛྫསཉྙཱི, ཨནཱཔཏྟི.

༣༢༩. ཨནཱཔཏྟི ཨམཛྫཉྩ ཧོཏི མཛྫཝཎྞཾ མཛྫགནྡྷཾ མཛྫརསཾ ཏཾ པིཝཏི, སཱུཔསམྤཱཀེ, མཾསསམྤཱཀེ, ཏེལསམྤཱཀེ, ཨཱམལཀཕཱཎིཏེ, ཨམཛྫཾ ཨརིཊྛཾ པིཝཏི, ཨུམྨཏྟཀསྶ, ཨཱདིཀམྨིཀསྶཱཏི.

སུརཱཔཱནསིཀྑཱཔདཾ ནིཊྛིཏཾ པཋམཾ.

༢. ཨངྒུལིཔཏོདཀསིཀྑཱཔདཾ

༣༣༠. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ སཏྟརསཝགྒིཡཾ བྷིཀྑུཾ ཨངྒུལིཔཏོདཀེན ཧཱསེསུཾ. སོ བྷིཀྑུ ཨུཏྟནྟོ ཨནསྶཱསཀོ ཀཱལམཀཱསི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ བྷིཀྑུཾ ཨངྒུལིཔཏོདཀེན ¶ ཧཱསེསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, བྷིཀྑུཾ ཨངྒུལིཔཏོདཀེན ཧཱསེཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, བྷིཀྑུཾ ཨངྒུལིཔཏོདཀེན ཧཱསེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༣༡. ‘‘ཨངྒུལིཔཏོདཀེ པཱཙིཏྟིཡ’’ནྟི.

༣༣༢. ཨངྒུལིཔཏོདཀོ ནཱམ [ཨངྒུལིཔཏོདཀོ ནཱམ ཨངྒུལིཡཱཔི ཏུདནྟི (སྱཱ.)] ཨུཔསམྤནྣོ ཨུཔསམྤནྣཾ ཧསཱདྷིཔྤཱཡོ [ཧསྶཱདྷིཔྤཱཡོ (སཱི. སྱཱ.)] ཀཱཡེན ཀཱཡཾ ཨཱམསཏི, ཨཱཔཏྟི པཱཙིཏྟིཡསྶ. ཨུཔསམྤནྣེ ཨུཔསམྤནྣསཉྙཱི ཨངྒུལིཔཏོདཀེན ཧཱསེཏི, ཨཱཔཏྟི པཱཙིཏྟིཡསྶ. ཨུཔསམྤནྣེ ཝེམཏིཀོ ཨངྒུལིཔཏོདཀེན ཧཱསེཏི, ཨཱཔཏྟི པཱཙིཏྟིཡསྶ ¶ . ཨུཔསམྤནྣེ ཨནུཔསམྤནྣསཉྙཱི ཨངྒུལིཔཏོདཀེན ¶ ཧཱསེཏི, ཨཱཔཏྟི པཱཙིཏྟིཡསྶ.

ཀཱཡེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ. ཀཱཡཔཊིབདྡྷེན ཀཱཡཾ ཨཱམསཏི, ཨཱཔཏྟི དུཀྐཊསྶ. ཀཱཡཔཊིབདྡྷེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ཀཱཡཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ནིསྶགྒིཡཾ ཨཱམསཏི, ཨཱཔཏྟི དུཀྐཊསྶ.

༣༣༣. ཨནུཔསམྤནྣཾ ཀཱཡེན ཀཱཡཾ ཨཱམསཏི, ཨཱཔཏྟི དུཀྐཊསྶ. ཀཱཡེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ. ཀཱཡཔཊིབདྡྷེན ཀཱཡཾ ཨཱམསཏི, ཨཱཔཏྟི དུཀྐཊསྶ. ཀཱཡཔཊིབདྡྷེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ཀཱཡཾ ཨཱམསཏི, ཨཱཔཏྟི དུཀྐཊསྶ ¶ . ནིསྶགྒིཡེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ནིསྶགྒིཡཾ ཨཱམསཏི, ཨཱཔཏྟི དུཀྐཊསྶ. ཨནུཔསམྤནྣེ ཨུཔསམྤནྣསཉྙཱི, ཨཱཔཏྟི དུཀྐཊསྶ. ཨནུཔསམྤནྣེ ཝེམཏིཀོ, ཨཱཔཏྟི དུཀྐཊསྶ. ཨནུཔསམྤནྣེ ཨནུཔསམྤནྣསཉྙཱི, ཨཱཔཏྟི དུཀྐཊསྶ.

༣༣༤. ཨནཱཔཏྟི ན ཧསཱདྷིཔྤཱཡོ, སཏི ཀརཎཱིཡེ ཨཱམསཏི, ཨུམྨཏྟཀསྶ, ཨཱདིཀམྨིཀསྶཱཏི.

ཨངྒུལིཔཏོདཀསིཀྑཱཔདཾ ནིཊྛིཏཾ དུཏིཡཾ.

༣. ཧསདྷམྨསིཀྑཱཔདཾ

༣༣༥. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན སཏྟརསཝགྒིཡཱ བྷིཀྑཱུ ཨཙིརཝཏིཡཱ ནདིཡཱ ¶ ཨུདཀེ ཀཱིལ༹ནྟི. ཏེན ཁོ པན སམཡེན རཱཛཱ པསེནདི ཀོསལོ མལླིཀཱཡ དེཝིཡཱ སདྡྷིཾ ཨུཔརིཔཱསཱདཝརགཏོ ཧོཏི. ཨདྡསཱ ཁོ རཱཛཱ པསེནདི ཀོསལོ སཏྟརསཝགྒིཡེ བྷིཀྑཱུ ཨཙིརཝཏིཡཱ ནདིཡཱ ཨུདཀེ ཀཱིལ༹ནྟེ. དིསྭཱན མལླིཀཾ དེཝིཾ ཨེཏདཝོཙ – ‘‘ཨེཏེ ཏེ, མལླིཀེ, ཨརཧནྟོ ཨུདཀེ ཀཱིལ༹ནྟཱི’’ཏི. ‘‘ནིསྶཾསཡཾ ཁོ, མཧཱརཱཛ, བྷགཝཏཱ སིཀྑཱཔདཾ ཨཔཉྙཏྟཾ. ཏེ ཝཱ བྷིཀྑཱུ ཨཔྤཀཏཉྙུནོ’’ཏི. ཨཐ ཁོ རཉྙོ པསེནདིསྶ ཀོསལསྶ ཨེཏདཧོསི – ‘‘ཀེན ནུ ཁོ ཨཧཾ ཨུཔཱཡེན བྷགཝཏོ ཙ ན ཨཱརོཙེཡྻཾ, བྷགཝཱ ཙ ཛཱནེཡྻ ཨིམེ ¶ བྷིཀྑཱུ ཨུདཀེ ཀཱིལི༹ཏཱ’’ཏི? ཨཐ ཁོ རཱཛཱ པསེནདི ཀོསལོ སཏྟརསཝགྒིཡེ བྷིཀྑཱུ པཀྐོསཱཔེཏྭཱ མཧནྟཾ གུལ༹པིཎྜཾ ཨདཱསི – ‘‘ཨིམཾ, བྷནྟེ, གུལ༹པིཎྜཾ བྷགཝཏོ དེཐཱ’’ཏི. སཏྟརསཝགྒིཡཱ བྷིཀྑཱུ ཏཾ གུལ༹པིཎྜཾ ཨཱདཱཡ ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝནྟཾ ཨེཏདཝོཙུཾ – ‘‘ཨིམཾ, བྷནྟེ, གུལ༹པིཎྜཾ རཱཛཱ པསེནདི ཀོསལོ བྷགཝཏོ དེཏཱི’’ཏི. ‘‘ཀཧཾ པན ཏུམྷེ, བྷིཀྑཝེ, རཱཛཱ ཨདྡསཱ’’ཏི. ‘‘ཨཙིརཝཏིཡཱ ནདིཡཱ, བྷགཝཱ, ཨུདཀེ ཀཱིལ༹ནྟེ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཨུདཀེ ཀཱིལི༹སྶཐ! ནེཏཾ ¶ , མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༣༦. ‘‘ཨུདཀེ ¶ ཧསདྷམྨེ [ཧསྶདྷམྨེ (སཱི. སྱཱ.)] པཱཙིཏྟིཡ’’ནྟི.

༣༣༧. ཨུདཀེ ཧསདྷམྨོ ནཱམ ཨུཔརིགོཔྥཀེ ཨུདཀེ ཧསཱདྷིཔྤཱཡོ ནིམུཛྫཏི ཝཱ ཨུམྨུཛྫཏི ཝཱ པལཝཏི ཝཱ, ཨཱཔཏྟི པཱཙིཏྟིཡསྶ.

༣༣༨. ཨུདཀེ ཧསདྷམྨེ ཧསདྷམྨསཉྙཱི, ཨཱཔཏྟི པཱཙིཏྟིཡསྶ. ཨུདཀེ ཧསདྷམྨེ ཝེམཏིཀོ, ཨཱཔཏྟི པཱཙིཏྟིཡསྶ. ཨུདཀེ ཧསདྷམྨེ ཨཧསདྷམྨསཉྙཱི, ཨཱཔཏྟི པཱཙིཏྟིཡསྶ.

ཧེཊྛཱགོཔྥཀེ ཨུདཀེ ཀཱིལ༹ཏི, ཨཱཔཏྟི དུཀྐཊསྶ. ཨུདཀེ ནཱཝཱཡ ཀཱིལ༹ཏི, ཨཱཔཏྟི དུཀྐཊསྶ. ཧཏྠེན ཝཱ པཱདེན ཝཱ ཀཊྛེན ཝཱ ཀཋལཱཡ ཝཱ ཨུདཀཾ པཧརཏི, ཨཱཔཏྟི དུཀྐཊསྶ. བྷཱཛནགཏཾ ཨུདཀཾ ཝཱ ཀཉྫིཀཾ ཝཱ ཁཱིརཾ ཝཱ ཏཀྐཾ ཝཱ རཛནཾ ཝཱ པསྶཱཝཾ ཝཱ ཙིཀྑལླཾ ཝཱ ཀཱིལ༹ཏི, ཨཱཔཏྟི དུཀྐཊསྶ.

ཨུདཀེ ཨཧསདྷམྨེ ཧསདྷམྨསཉྙཱི, ཨཱཔཏྟི དུཀྐཊསྶ. ཨུདཀེ ཨཧསདྷམྨེ ཝེམཏིཀོ, ཨཱཔཏྟི དུཀྐཊསྶ. ཨུདཀེ ཨཧསདྷམྨེ ཨཧསདྷམྨསཉྙཱི, ཨནཱཔཏྟི.

༣༣༩. ཨནཱཔཏྟི ན ཧསཱདྷིཔྤཱཡོ, སཏི ཀརཎཱིཡེ ཨུདཀཾ ཨོཏརིཏྭཱ ནིམུཛྫཏི ¶ ཝཱ ཨུམྨུཛྫཏི ཝཱ པལཝཏི ཝཱ, པཱརཾ གཙྪནྟོ ནིམུཛྫཏི ¶ ཝཱ ཨུམྨུཛྫཏི ཝཱ པལཝཏི ཝཱ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཧསདྷམྨསིཀྑཱཔདཾ ནིཊྛིཏཾ ཏཏིཡཾ.

༤. ཨནཱདརིཡསིཀྑཱཔདཾ

༣༤༠. ཏེན ¶ ¶ སམཡེན བུདྡྷོ བྷགཝཱ ཀོསམྦིཡཾ ཝིཧརཏི གྷོསིཏཱརཱམེ. ཏེན ཁོ པན སམཡེན ཨཱཡསྨཱ ཚནྣོ ཨནཱཙཱརཾ ཨཱཙརཏི. བྷིཀྑཱུ ཨེཝམཱཧཾསུ – ‘‘མཱཝུསོ ཚནྣ, ཨེཝརཱུཔཾ ཨཀཱསི. ནེཏཾ ཀཔྤཏཱི’’ཏི. སོ ཨནཱདརིཡཾ པཊིཙྩ ཀརོཏིཡེཝ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཚནྣོ ཨནཱདརིཡཾ ཀརིསྶཏཱི’’ཏི…པེ… སཙྩཾ ཀིར ཏྭཾ, ཚནྣ, ཨནཱདརིཡཾ ཀརོསཱིཏི ¶ ? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, ཨནཱདརིཡཾ ཀརིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༤༡. ‘‘ཨནཱདརིཡེ པཱཙིཏྟིཡ’’ནྟི.

༣༤༢. ཨནཱདརིཡཾ ནཱམ དྭེ ཨནཱདརིཡཱནི – པུགྒལཱནཱདརིཡཉྩ དྷམྨཱནཱདརིཡཉྩ.

པུགྒལཱནཱདརིཡཾ ནཱམ ཨུཔསམྤནྣེན པཉྙཏྟེན ཝུཙྩམཱནོ – ‘‘ཨཡཾ ཨུཀྑིཏྟཀོ ཝཱ ཝམྦྷིཏོ ཝཱ གརཧིཏོ ཝཱ, ཨིམསྶ ཝཙནཾ ཨཀཏཾ བྷཝིསྶཏཱི’’ཏི ཨནཱདརིཡཾ ཀརོཏི, ཨཱཔཏྟི པཱཙིཏྟིཡསྶ.

དྷམྨཱནཱདརིཡཾ ནཱམ ཨུཔསམྤནྣེན པཉྙཏྟེན ཝུཙྩམཱནོ ‘‘ཀཐཱཡཾ ནསྶེཡྻ ཝཱ ཝིནསྶེཡྻ ཝཱ ཨནྟརདྷཱཡེཡྻ ཝཱ’’, ཏཾ ཝཱ ན སིཀྑིཏུཀཱམོ ཨནཱདརིཡཾ ཀརོཏི, ཨཱཔཏྟི པཱཙིཏྟིཡསྶ.

༣༤༣. ཨུཔསམྤནྣེ ¶ ཨུཔསམྤནྣསཉྙཱི ཨནཱདརིཡཾ ཀརོཏི, ཨཱཔཏྟི པཱཙིཏྟིཡསྶ. ཨུཔསམྤནྣེ ཝེམཏིཀོ ཨནཱདརིཡཾ ཀརོཏི, ཨཱཔཏྟི པཱཙིཏྟིཡསྶ. ཨུཔསམྤནྣེ ཨནུཔསམྤནྣསཉྙཱི ཨནཱདརིཡཾ ཀརོཏི, ཨཱཔཏྟི པཱཙིཏྟིཡསྶ.

ཨཔཉྙཏྟེན ཝུཙྩམཱནོ – ‘‘ཨིདཾ ན སལླེཁཱཡ ན དྷུཏཏྠཱཡ ན པཱསཱདིཀཏཱཡ ན ཨཔཙཡཱཡ ན ཝཱིརིཡཱརམྦྷཱཡ སཾཝཏྟཏཱི’’ཏི ཨནཱདརིཡཾ ཀརོཏི, ཨཱཔཏྟི དུཀྐཊསྶ. ཨནུཔསམྤནྣེན པཉྙཏྟེན ཝཱ ཨཔཉྙཏྟེན ཝཱ ཝུཙྩམཱནོ – ‘‘ཨིདཾ ན སལླེཁཱཡ ན དྷུཏཏྠཱཡ ན ¶ པཱསཱདིཀཏཱཡ ན ཨཔཙཡཱཡ ན ཝཱིརིཡཱརམྦྷཱཡ སཾཝཏྟཏཱི’’ཏི ཨནཱདརིཡཾ ཀརོཏི, ཨཱཔཏྟི ¶ དུཀྐཊསྶ.

ཨནུཔསམྤནྣེ ཨུཔསམྤནྣསཉྙཱི ཨཱཔཏྟི དུཀྐཊསྶ. ཨནུཔསམྤནྣེ ཝེམཏིཀོ, ཨཱཔཏྟི དུཀྐཊསྶ. ཨནུཔསམྤནྣེ ཨནུཔསམྤནྣསཉྙཱི, ཨཱཔཏྟི དུཀྐཊསྶ.

༣༤༤. ཨནཱཔཏྟི – ‘‘ཨེཝཾ ཨམྷཱཀཾ ཨཱཙརིཡཱནཾ ཨུགྒཧོ པརིཔུཙྪཱ’’ཏི བྷཎཏི, ཨུམྨཏྟཀསྶ, ཨཱདིཀམྨིཀསྶཱཏི.

ཨནཱདརིཡསིཀྑཱཔདཾ ནིཊྛིཏཾ ཙཏུཏྠཾ.

༥. བྷིཾསཱཔནསིཀྑཱཔདཾ

༣༤༥. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ སཏྟརསཝགྒིཡེ བྷིཀྑཱུ བྷིཾསཱཔེནྟི. ཏེ བྷིཾསཱཔཱིཡམཱནཱ རོདནྟི. བྷིཀྑཱུ ཨེཝམཱཧཾསུ – ‘‘ཀིསྶ ཏུམྷེ, ཨཱཝུསོ, རོདཐཱ’’ཏི? ‘‘ཨིམེ, ཨཱཝུསོ, ཚབྦགྒིཡཱ བྷིཀྑཱུ ཨམྷེ བྷིཾསཱཔེནྟཱི’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ བྷིཀྑུཾ བྷིཾསཱཔེསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, བྷིཀྑུཾ བྷིཾསཱཔེཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, བྷིཀྑུཾ བྷིཾསཱཔེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༤༦. ‘‘ཡོ པན བྷིཀྑུ བྷིཀྑུཾ བྷིཾསཱཔེཡྻ, པཱཙིཏྟིཡ’’ནྟི.

༣༤༧. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུནྟི ཨཉྙཾ བྷིཀྑུཾ.

བྷིཾསཱཔེཡྻཱཏི ¶ ཨུཔསམྤནྣོ ཨུཔསམྤནྣཾ བྷིཾསཱཔེཏུཀཱམོ རཱུཔཾ ཝཱ སདྡཾ ཝཱ གནྡྷཾ ཝཱ རསཾ ཝཱ ཕོཊྛབྦཾ ཝཱ ཨུཔསཾཧརཏི. བྷཱཡེཡྻ ཝཱ སོ ན ཝཱ བྷཱཡེཡྻ, ཨཱཔཏྟི པཱཙིཏྟིཡསྶ. ཙོརཀནྟཱརཾ ཝཱ ཝཱལ༹ཀནྟཱརཾ ཝཱ པིསཱཙཀནྟཱརཾ ཝཱ ཨཱཙིཀྑཏི. བྷཱཡེཡྻ ཝཱ སོ ¶ ན ཝཱ བྷཱཡེཡྻ, ཨཱཔཏྟི པཱཙིཏྟིཡསྶ.

༣༤༨. ཨུཔསམྤནྣེ ཨུཔསམྤནྣསཉྙཱི བྷིཾསཱཔེཏི, ཨཱཔཏྟི པཱཙིཏྟིཡསྶ. ཨུཔསམྤནྣེ ཝེམཏིཀོ བྷིཾསཱཔེཏི, ཨཱཔཏྟི པཱཙིཏྟིཡསྶ. ‘ཨུཔསམྤནྣེ ཨནུཔསམྤནྣསཉྙཱི བྷིཾསཱཔེཏི, ཨཱཔཏྟི པཱཙིཏྟིཡསྶ.

ཨནུཔསམྤནྣཾ བྷིཾསཱཔེཏུཀཱམོ རཱུཔཾ ཝཱ སདྡཾ ཝཱ གནྡྷཾ ཝཱ རསཾ ཝཱ ཕོཊྛབྦཾ ཝཱ ཨུཔསཾཧརཏི. བྷཱཡེཡྻ ཝཱ སོ ན ཝཱ བྷཱཡེཡྻ, ཨཱཔཏྟི དུཀྐཊསྶ. ཙོརཀནྟཱརཾ ཝཱ ཝཱལ༹ཀནྟཱརཾ ཝཱ པིསཱཙཀནྟཱརཾ ཝཱ ཨཱཙིཀྑཏི. བྷཱཡེཡྻ ཝཱ སོ ན ཝཱ བྷཱཡེཡྻ, ཨཱཔཏྟི དུཀྐཊསྶ ¶ . ཨནུཔསམྤནྣེ ཨུཔསམྤནྣསཉྙཱི, ཨཱཔཏྟི དུཀྐཊསྶ. ཨནུཔསམྤནྣེ ¶ ཝེམཏིཀོ, ཨཱཔཏྟི དུཀྐཊསྶ. ཨནུཔསམྤནྣེ ཨནུཔསམྤནྣསཉྙཱི, ཨཱཔཏྟི དུཀྐཊསྶ.

༣༤༩. ཨནཱཔཏྟི ན བྷིཾསཱཔེཏུཀཱམོ རཱུཔཾ ཝཱ སདྡཾ ཝཱ གནྡྷཾ ཝཱ རསཾ ཝཱ ཕོཊྛབྦཾ ཝཱ ཨུཔསཾཧརཏི, ཙོརཀནྟཱརཾ ཝཱ ཝཱལ༹ཀནྟཱརཾ ཝཱ པིསཱཙཀནྟཱརཾ ཝཱ ཨཱཙིཀྑཏི, ཨུམྨཏྟཀསྶ, ཨཱདིཀམྨིཀསྶཱཏི.

བྷིཾསཱཔནསིཀྑཱཔདཾ ནིཊྛིཏཾ པཉྩམཾ.

༦. ཛོཏིཀསིཀྑཱཔདཾ

༣༥༠. ཏེན ¶ སམཡེན བུདྡྷོ བྷགཝཱ བྷགྒེསུ ཝིཧརཏི སུཾསུམཱརགིརེ [སུཾསུམཱརགིརེ (སཱི. སྱཱ.) སཾསུམཱརགིརེ (ཀ.)] བྷེསཀལཱ༹ཝནེ མིགདཱཡེ. ཏེན ཁོ པན སམཡེན བྷིཀྑཱུ ཧེམནྟིཀེ ཀཱལེ ཨཉྙཏརཾ མཧནྟཾ སུསིརཀཊྛཾ ཛོཏིཾ སམཱདཧིཏྭཱ ཝིསིབྦེསུཾ. ཏསྨིཉྩ སུསིརེ ཀཎྷསཔྤོ ཨགྒིནཱ སནྟཏྟོ ནིཀྑམིཏྭཱ བྷིཀྑཱུ པརིཔཱཏེསི. བྷིཀྑཱུ ཏཧཾ ཏཧཾ ཨུཔདྷཱཝིཾསུ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑཱུ ཛོཏིཾ སམཱདཧིཏྭཱ ཝིསིབྦེསྶནྟཱི’’ཏི…པེ… སཙྩཾ ཀིར, བྷིཀྑཝེ, བྷིཀྑཱུ ཛོཏིཾ སམཱདཧིཏྭཱ ཝིསིབྦེནྟཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ ¶ , མོགྷཔུརིསཱ ཛོཏིཾ སམཱདཧིཏྭཱ ཝིསིབྦེསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ ཝིསིབྦནཱཔེཀྑོ ཛོཏིཾ སམཱདཧེཡྻ ཝཱ སམཱདཧཱཔེཡྻ ཝཱ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༣༥༡. ཏེན ཁོ པན སམཡེན བྷིཀྑཱུ གིལཱནཱ ཧོནྟི. གིལཱནཔུཙྪཀཱ བྷིཀྑཱུ གིལཱནེ བྷིཀྑཱུ ཨེཏདཝོཙུཾ – ‘‘ཀཙྩཱཝུསོ, ཁམནཱིཡཾ, ཀཙྩི ཡཱཔནཱིཡ’’ནྟི? ‘‘པུབྦེ མཡཾ, ཨཱཝུསོ, ཛོཏིཾ སམཱདཧིཏྭཱ ཝིསིབྦེམ; ཏེན ¶ ནོ ཕཱསུ ཧོཏི. ཨིདཱནི པན ‘‘བྷགཝཏཱ པཊིཀྑིཏྟ’’ནྟི ཀུཀྐུཙྩཱཡནྟཱ ¶ ན ཝིསིབྦེམ, ཏེན ནོ ན ཕཱསུ ཧོཏཱི’’ཏི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, གིལཱནེན བྷིཀྑུནཱ ཛོཏིཾ སམཱདཧིཏྭཱ ཝཱ སམཱདཧཱཔེཏྭཱ ཝཱ ཝིསིབྦེཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ ཨགིལཱནོ ཝིསིབྦནཱཔེཀྑོ ཛོཏིཾ སམཱདཧེཡྻ ¶ ཝཱ སམཱདཧཱཔེཡྻ ཝཱ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༣༥༢. ཏེན ཁོ པན སམཡེན བྷིཀྑཱུ པདཱིཔེཔི ཛོཏིཀེཔི ཛནྟཱགྷརེཔི ཀུཀྐུཙྩཱཡནྟི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, ཏཐཱརཱུཔཔྤཙྩཡཱ ཛོཏིཾ སམཱདཧིཏུཾ སམཱདཧཱཔེཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༥༣. ‘‘ཡོ པན བྷིཀྑུ ཨགིལཱནོ ཝིསིབྦནཱཔེཀྑོ ཛོཏིཾ སམཱདཧེཡྻ ཝཱ སམཱདཧཱཔེཡྻ ཝཱ, ཨཉྙཏྲ ཏཐཱརཱུཔཔྤཙྩཡཱ, པཱཙིཏྟིཡ’’ནྟི.

༣༥༤. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨགིལཱནོ ¶ ནཱམ ཡསྶ ཝིནཱ ཨགྒིནཱ ཕཱསུ ཧོཏི.

གིལཱནོ ནཱམ ཡསྶ ཝིནཱ ཨགྒིནཱ ན ཕཱསུ ཧོཏི.

ཝིསིབྦནཱཔེཀྑོཏི ཏཔྤིཏུཀཱམོ.

ཛོཏི ནཱམ ཨགྒི ཝུཙྩཏི.

སམཱདཧེཡྻཱཏི སཡཾ སམཱདཧཏི, ཨཱཔཏྟི པཱཙིཏྟིཡསྶ.

སམཱདཧཱཔེཡྻཱཏི ¶ ཨཉྙཾ ཨཱཎཱཔེཏི, ཨཱཔཏྟི པཱཙིཏྟིཡསྶ. སཀིཾ ཨཱཎཏྟོ བཧུཀམྤི སམཱདཧཏི, ཨཱཔཏྟི པཱཙིཏྟིཡསྶ.

ཨཉྙཏྲ ཏཐཱ རཱུཔཔྤཙྩཡཱཏི ཋཔེཏྭཱ ཏཐཱརཱུཔཔྤཙྩཡཾ.

༣༥༥. ཨགིལཱནོ ཨགིལཱནསཉྙཱི ཝིསིབྦནཱཔེཀྑོ ཛོཏིཾ སམཱདཧཏི ཝཱ སམཱདཧཱཔེཏི ཝཱ, ཨཉྙཏྲ ཏཐཱརཱུཔཔྤཙྩཡཱ, ཨཱཔཏྟི པཱཙིཏྟིཡསྶ. ཨགིལཱནོ ཝེམཏིཀོ ཝིསིབྦནཱཔེཀྑོ ཛོཏིཾ སམཱདཧཏི ¶ ཝཱ སམཱདཧཱཔེཏི ཝཱ, ཨཉྙཏྲ ཏཐཱརཱུཔཔྤཙྩཡཱ, ཨཱཔཏྟི པཱཙིཏྟིཡསྶ. ཨགིལཱནོ གིལཱནསཉྙཱི ཝིསིབྦནཱཔེཀྑོ ཛོཏིཾ སམཱདཧཏི ཝཱ སམཱདཧཱཔེཏི ཝཱ, ཨཉྙཏྲ ཏཐཱརཱུཔཔྤཙྩཡཱ, ཨཱཔཏྟི པཱཙིཏྟིཡསྶ.

པཊིལཱཏཾ ཨུཀྑིཔཏི, ཨཱཔཏྟི དུཀྐཊསྶ. གིལཱནོ ཨགིལཱནསཉྙཱི, ཨཱཔཏྟི དུཀྐཊསྶ. གིལཱནོ ཝེམཏིཀོ, ཨཱཔཏྟི དུཀྐཊསྶ. གིལཱནོ གིལཱནསཉྙཱི, ཨནཱཔཏྟི.

༣༥༦. ཨནཱཔཏྟི གིལཱནསྶ, ཨཉྙེན ཀཏཾ ཝིསིབྦེཏི, ཝཱིཏཙྩིཏངྒཱརཾ ཝིསིབྦེཏི, པདཱིཔེ ཛོཏིཀེ ཛནྟཱགྷརེ ཏཐཱརཱུཔཔྤཙྩཡཱ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཛོཏིཀསིཀྑཱཔདཾ ནིཊྛིཏཾ ཚཊྛཾ.

༧. ནཧཱནསིཀྑཱཔདཾ

༣༥༧. ཏེན ¶ ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན བྷིཀྑཱུ ཏཔོདེ ནཧཱཡནྟི. ཏེན ཁོ པན སམཡེན [ཨཐ ཁོ (སཱི. སྱཱ.)] རཱཛཱ མཱགདྷོ སེནིཡོ བིམྦིསཱརོ ‘‘སཱིསཾ ནཧཱཡིསྶཱམཱི’’ཏི ཏཔོདཾ ¶ གནྟྭཱ – ‘‘ཡཱཝཱཡྻཱ ནཧཱཡནྟཱི’’ཏི ཨེཀམནྟཾ པཊིམཱནེསི. བྷིཀྑཱུ ཡཱཝ སམནྡྷཀཱརཱ ནཧཱཡིཾསུ. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཝིཀཱལེ སཱིསཾ ནཧཱཡིཏྭཱ, ནགརདྭཱརེ ཐཀིཏེ བཧིནགརེ ཝསིཏྭཱ, ཀཱལསྶེཝ ཨསམྦྷིནྣེན ཝིལེཔནེན ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ རཱཛཱནཾ མཱགདྷཾ སེནིཡཾ བིམྦིསཱརཾ བྷགཝཱ ཨེཏདཝོཙ – ‘‘ཀིསྶ ཏྭཾ, མཧཱརཱཛ, ཀཱལསྶེཝ ཨཱགཏོ ཨསམྦྷིནྣེན ཝིལེཔནེནཱ’’ཏི? ཨཐ ཁོ རཱཛཱ མཱགདྷོ སེནིཡོ བིམྦིསཱརོ བྷགཝཏོ ཨེཏམཏྠཾ ཨཱརོཙེསི. ཨཐ ཁོ བྷགཝཱ རཱཛཱནཾ མཱགདྷཾ སེནིཡཾ བིམྦིསཱརཾ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ བྷགཝཏཱ དྷམྨིཡཱ ཀཐཱཡ སནྡསྶིཏོ སམཱདཔིཏོ སམུཏྟེཛིཏོ སམྤཧཾསིཏོ ཨུཊྛཱཡཱསནཱ ¶ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, བྷིཀྑཱུ རཱཛཱནམྤི པསྶིཏྭཱ ན མཏྟཾ ¶ ཛཱནིཏྭཱ ནཧཱཡནྟཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ རཱཛཱནམྤི པསྶིཏྭཱ ན མཏྟཾ ཛཱནིཏྭཱ ནཧཱཡིསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ ཨོརེནདྡྷམཱསཾ ནཧཱཡེཡྻ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༣༥༨. ཏེན ཁོ པན སམཡེན བྷིཀྑཱུ ཨུཎྷསམཡེ པརིལཱ༹ཧསམཡེ ཀུཀྐུཙྩཱཡནྟཱ ན ནཧཱཡནྟི, སེདགཏེན གཏྟེན སཡནྟི. ཙཱིཝརམྤི སེནཱསནམྤི དུསྶཏི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, ཨུཎྷསམཡེ པརིལཱ༹ཧསམཡེ ཨོརེནདྡྷམཱསཾ ནཧཱཡིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ ¶ པན བྷིཀྑུ ཨོརེནདྡྷམཱསཾ ནཧཱཡེཡྻ, ཨཉྙཏྲ སམཡཱ, པཱཙིཏྟིཡཾ. ཏཏྠཱཡཾ སམཡོ. དིཡཌྜྷོ མཱསོ སེསོ གིམྷཱནནྟི [གིམྷཱནཾ (ཨིཏིཔི)] ཝསྶཱནསྶ པཋམོ མཱསོ ཨིཙྩེཏེ ཨཌྜྷཏེཡྻམཱསཱ ཨུཎྷསམཡོ པརིལཱ༹ཧསམཡོ – ཨཡཾ ཏཏྠ སམཡོ’’ཏི.

ཨེཝཉྩིདཾ ¶ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༣༥༩. ཏེན ཁོ པན སམཡེན བྷིཀྑཱུ གིལཱནཱ ཧོནྟི. གིལཱནཔུཙྪཀཱ བྷིཀྑཱུ གིལཱནེ བྷིཀྑཱུ ཨེཏདཝོཙུཾ – ‘‘ཀཙྩཱཝུསོ, ཁམནཱིཡཾ, ཀཙྩི ¶ ཡཱཔནཱིཡ’’ནྟི? ‘‘པུབྦེ མཡཾ, ཨཱཝུསོ, ཨོརེནདྡྷམཱསཾ ནཧཱཡཱམ, ཏེན ནོ ཕཱསུ ཧོཏི; ཨིདཱནི པན ‘‘བྷགཝཏཱ པཊིཀྑིཏྟ’’ནྟི ཀུཀྐུཙྩཱཡནྟཱ ན ནཧཱཡཱམ, ཏེན ནོ ན ཕཱསུ ཧོཏཱི’’ཏི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, གིལཱནེན བྷིཀྑུནཱ ཨོརེནདྡྷམཱསཾ ནཧཱཡིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ ཨོརེནདྡྷམཱསཾ ནཧཱཡེཡྻ, ཨཉྙཏྲ སམཡཱ, པཱཙིཏྟིཡཾ. ཏཏྠཱཡཾ སམཡོ. དིཡཌྜྷོ མཱསོ སེསོ གིམྷཱནནྟི [གིམྷཱནཾ (ཨིཏིཔི)] ཝསྶཱནསྶ ¶ པཋམོ མཱསོ ཨིཙྩེཏེ ཨཌྜྷཏེཡྻམཱསཱ ཨུཎྷསམཡོ, པརིལཱ༹ཧསམཡོ, གིལཱནསམཡོ – ཨཡཾ ཏཏྠ སམཡོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༣༦༠. ཏེན ཁོ པན སམཡེན བྷིཀྑཱུ ནཝཀམྨཾ ཀཏྭཱ ཀུཀྐུཙྩཱཡནྟཱ ན ནཧཱཡནྟི. ཏེ སེདགཏེན གཏྟེན སཡནྟི. ཙཱིཝརམྤི སེནཱསནམྤི དུསྶཏི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, ཀམྨསམཡེ ཨོརེནདྡྷམཱསཾ ནཧཱཡིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ ཨོརེནདྡྷམཱསཾ ནཧཱཡེཡྻ, ཨཉྙཏྲ སམཡཱ, པཱཙིཏྟིཡཾ. ཏཏྠཱཡཾ སམཡོ. དིཡཌྜྷོ མཱསོ སེསོ གིམྷཱནནྟི ཝསྶཱནསྶ པཋམོ མཱསོ ཨིཙྩེཏེ ཨཌྜྷཏེཡྻམཱསཱ ཨུཎྷསམཡོ, པརིལཱ༹ཧསམཡོ, གིལཱནསམཡོ, ཀམྨསམཡོ – ཨཡཾ ཏཏྠ སམཡོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༣༦༡. ཏེན ¶ ¶ ཁོ པན སམཡེན བྷིཀྑཱུ ཨདྡྷཱནཾ གནྟྭཱ ཀུཀྐུཙྩཱཡནྟཱ ན ནཧཱཡནྟི. ཏེ སེདགཏེན གཏྟེན སཡནྟི. ཙཱིཝརམྤི སེནཱསནམྤི དུསྶཏི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, ཨདྡྷཱནགམནསམཡེ ཨོརེནདྡྷམཱསཾ ནཧཱཡིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ ཨོརེནདྡྷམཱསཾ ནཧཱཡེཡྻ, ཨཉྙཏྲ སམཡཱ, པཱཙིཏྟིཡཾ. ཏཏྠཱཡཾ སམཡོ. དིཡཌྜྷོ མཱསོ སེསོ གིམྷཱནནྟི ཝསྶཱནསྶ པཋམོ མཱསོ ཨིཙྩེཏེ ཨཌྜྷཏེཡྻམཱསཱ ཨུཎྷསམཡོ, པརིལཱ༹ཧསམཡོ, གིལཱནསམཡོ, ཀམྨསམཡོ, ཨདྡྷཱནགམནསམཡོ – ཨཡཾ ཏཏྠ སམཡོ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༣༦༢. ཏེན ཁོ པན སམཡེན སམྦཧུལཱ བྷིཀྑཱུ ཨཛ྄ཛྷོཀཱསེ ཙཱིཝརཀམྨཾ ཀརོནྟཱ སརཛེན ཝཱཏེན ཨོཀིཎྞཱ ཧོནྟི. དེཝོ ཙ ཐོཀཾ ཐོཀཾ ཕུསཱཡཏི. བྷིཀྑཱུ ཀུཀྐུཙྩཱཡནྟཱ ན ནཧཱཡནྟི, ཀིལིནྣེན ¶ གཏྟེན སཡནྟི. ཙཱིཝརམྤི སེནཱསནམྤི ¶ དུསྶཏི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, ཝཱཏཝུཊྛིསམཡེ ཨོརེནདྡྷམཱསཾ ནཧཱཡིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༦༣. ‘‘ཡོ པན བྷིཀྑུ ཨོརེནདྡྷམཱསཾ ནཧཱཡེཡྻ, ཨཉྙཏྲ སམཡཱ, པཱཙིཏྟིཡཾ. ཏཏྠཱཡཾ སམཡོ. དིཡཌྜྷོ མཱསོ སེསོ གིམྷཱནནྟི ཝསྶཱནསྶ པཋམོ མཱསོ ཨིཙྩེཏེ ཨཌྜྷཏེཡྻམཱསཱ ཨུཎྷསམཡོ, པརིལཱ༹ཧསམཡོ, གིལཱནསམཡོ, ཀམྨསམཡོ, ཨདྡྷཱནགམནསམཡོ, ཝཱཏཝུཊྛིསམཡོ ¶ – ཨཡཾ ཏཏྠ སམཡོ’’ཏི.

༣༦༤. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨོརེནདྡྷམཱསནྟི ཨཱུནཀདྡྷམཱསཾ.

ནཧཱཡེཡྻཱཏི ཙུཎྞེན ཝཱ མཏྟིཀཱཡ ཝཱ ནཧཱཡཏི, པཡོགེ པཡོགེ དུཀྐཊཾ. ནཧཱནཔརིཡོསཱནེ, ཨཱཔཏྟི པཱཙིཏྟིཡསྶ.

ཨཉྙཏྲ ¶ སམཡཱཏི ཋཔེཏྭཱ སམཡཾ.

ཨུཎྷསམཡོ ནཱམ དིཡཌྜྷོ མཱསོ སེསོ གིམྷཱནཾ. པརིལཱ༹ཧསམཡོ ནཱམ ཝསྶཱནསྶ པཋམོ མཱསོ ‘‘ཨིཙྩེཏེ ཨཌྜྷཏེཡྻམཱསཱ ཨུཎྷསམཡོ པརིལཱ༹ཧསམཡོ’’ཏི ནཧཱཡིཏབྦཾ.

གིལཱནསམཡོ ནཱམ ཡསྶ ཝིནཱ ནཧཱནེན ན ཕཱསུ ཧོཏི. གིལཱནསམཡོཏི ནཧཱཡིཏབྦཾ.

ཀམྨསམཡོ ནཱམ ཨནྟམསོ པརིཝེཎམྤི སམྨཊྛཾ ཧོཏི. ‘‘ཀམྨསམཡོ’’ཏི ནཧཱཡིཏབྦཾ.

ཨདྡྷཱནགམནསམཡོ ནཱམ ‘‘ཨདྡྷཡོཛནཾ གཙྪིསྶཱམཱི’’ཏི ནཧཱཡིཏབྦཾ, གཙྪནྟེན ནཧཱཡིཏབྦཾ, གཏེན ནཧཱཡིཏབྦཾ.

ཝཱཏཝུཊྛིསམཡོ ནཱམ བྷིཀྑཱུ སརཛེན ཝཱཏེན ཨོཀིཎྞཱ ཧོནྟི, དྭེ ཝཱ ཏཱིཎི ཝཱ ཨུདཀཕུསིཏཱནི ཀཱཡེ པཏིཏཱནི ཧོནྟི. ‘‘ཝཱཏཝུཊྛིསམཡོ’’ཏི ནཧཱཡིཏབྦཾ.

༣༦༥. ཨཱུནཀདྡྷམཱསེ ཨཱུནཀསཉྙཱི, ཨཉྙཏྲ སམཡཱ, ནཧཱཡཏི, ཨཱཔཏྟི པཱཙིཏྟིཡསྶ. ཨཱུནཀདྡྷམཱསེ ཝེམཏིཀོ, ཨཉྙཏྲ སམཡཱ, ནཧཱཡཏི, ཨཱཔཏྟི ¶ པཱཙིཏྟིཡསྶ. ཨཱུནཀདྡྷམཱསེ ཨཏིརེཀསཉྙཱི, ཨཉྙཏྲ སམཡཱ, ནཧཱཡཏི, ཨཱཔཏྟི པཱཙིཏྟིཡསྶ.

ཨཏིརེཀདྡྷམཱསེ ཨཱུནཀསཉྙཱི, ཨཱཔཏྟི དུཀྐཊསྶ. ཨཏིརེཀདྡྷམཱསེ ཝེམཏིཀོ ¶ , ཨཱཔཏྟི དུཀྐཊསྶ. ཨཏིརེཀདྡྷམཱསེ ཨཏིརེཀསཉྙཱི, ཨནཱཔཏྟི.

༣༦༦. ཨནཱཔཏྟི སམཡེ, ཨདྡྷམཱསཾ ནཧཱཡཏི, ཨཏིརེཀདྡྷམཱསཾ ནཧཱཡཏི, པཱརཾ གཙྪནྟོ ནཧཱཡཏི, སབྦཔཙྩནྟིམེསུ ཛནཔདེསུ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ནཧཱནསིཀྑཱཔདཾ ནིཊྛིཏཾ སཏྟམཾ.

༨. དུབྦཎྞཀརཎསིཀྑཱཔདཾ

༣༦༧. ཏེན ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན སམྦཧུལཱ བྷིཀྑཱུ ཙ པརིབྦཱཛཀཱ ཙ སཱཀེཏཱ སཱཝཏྠིཾ ཨདྡྷཱནམགྒཔྤཊིཔནྣཱ ཧོནྟི. ཨནྟརཱམགྒེ ཙོརཱ ནིཀྑམིཏྭཱ ཏེ ཨཙྪིནྡིཾསུ. སཱཝཏྠིཡཱ རཱཛབྷཊཱ ནིཀྑམིཏྭཱ ཏེ ཙོརེ སབྷཎྜེ གཧེཏྭཱ བྷིཀྑཱུནཾ སནྟིཀེ དཱུཏཾ པཱཧེསུཾ – ‘‘ཨཱགཙྪནྟུ, བྷདནྟཱ, སཀཾ སཀཾ ཙཱིཝརཾ སཉྫཱནིཏྭཱ གཎྷནྟཱུ’’ཏི. བྷིཀྑཱུ ན སཉྫཱནནྟི. ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷདནྟཱ ཨཏྟནོ ཨཏྟནོ ཙཱིཝརཾ ན སཉྫཱནིསྶནྟཱི’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུནཾ ཏདནུཙྪཝིཀཾ ཏདནུལོམིཀཾ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, བྷིཀྑཱུནཾ སིཀྑཱཔདཾ པཉྙཔེསྶཱམི དས ཨཏྠཝསེ པཊིཙྩ – སངྒྷསུཊྛུཏཱཡ, སངྒྷཕཱསུཏཱཡ…པེ… སདྡྷམྨཊྛིཏིཡཱ, ཝིནཡཱནུགྒཧཱཡ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༦༨. ‘‘ནཝཾ པན བྷིཀྑུནཱ ཙཱིཝརལཱབྷེན ཏིཎྞཾ དུབྦཎྞཀརཎཱནཾ ཨཉྙཏརཾ དུབྦཎྞཀརཎཾ ཨཱདཱཏབྦཾ – ནཱིལཾ ཝཱ ཀདྡམཾ ཝཱ ཀཱལ༹སཱམཾ ཝཱ. ཨནཱདཱ ¶ ཙེ བྷིཀྑུ ཏིཎྞཾ དུབྦཎྞཀརཎཱནཾ ཨཉྙཏརཾ དུབྦཎྞཀརཎཾ ¶ ནཝཾ ཙཱིཝརཾ པརིབྷུཉྫེཡྻ, པཱཙིཏྟིཡ’’ནྟི.

༣༦༩. ནཝཾ ནཱམ ཨཀཏཀཔྤཾ ཝུཙྩཏི.

ཙཱིཝརཾ ནཱམ ཚནྣཾ ཙཱིཝརཱནཾ ཨཉྙཏརཾ ཙཱིཝརཾ.

ཏིཎྞཾ དུབྦཎྞཀརཎཱནཾ ཨཉྙཏརཾ དུབྦཎྞཀརཎཾ ཨཱདཱཏབྦནྟི ཨནྟམསོ ཀུསགྒེནཔི ཨཱདཱཏབྦཾ.

ནཱིལཾ ནཱམ དྭེ ནཱིལཱནི – ཀཾསནཱིལཾ, པལཱསནཱིལཾ.

ཀདྡམོ ནཱམ ཨོདཀོ ཝུཙྩཏི.

ཀཱལ༹སཱམཾ ¶ ནཱམ ཡཾཀིཉྩི ཀཱལ༹སཱམཀཾ [ཀཱལ༹ཀཾ (སཱི. སྱཱ.)].

ཨནཱདཱ ཙེ བྷིཀྑུ ཏིཎྞཾ དུབྦཎྞཀརཎཱནཾ ཨཉྙཏརཾ དུབྦཎྞཀརཎནྟི ཨནྟམསོ ཀུསགྒེནཔི ཨནཱདིཡིཏྭཱ ཏིཎྞཾ ¶ དུབྦཎྞཀརཎཱནཾ ཨཉྙཏརཾ དུབྦཎྞཀརཎཾ ནཝཾ ཙཱིཝརཾ པརིབྷུཉྫཏི, ཨཱཔཏྟི པཱཙིཏྟིཡསྶ.

༣༧༠. ཨནཱདིནྣེ ཨནཱདིནྣསཉྙཱི པརིབྷུཉྫཏི, ཨཱཔཏྟི པཱཙིཏྟིཡསྶ. ཨནཱདིནྣེ ཝེམཏིཀོ པརིབྷུཉྫཏི, ཨཱཔཏྟི པཱཙིཏྟིཡསྶ. ཨནཱདིནྣེ ཨཱདིནྣསཉྙཱི པརིབྷུཉྫཏི, ཨཱཔཏྟི པཱཙིཏྟིཡསྶ.

ཨཱདིནྣེ ཨནཱདིནྣསཉྙཱི, ཨཱཔཏྟི དུཀྐཊསྶ. ཨཱདིནྣེ ཝེམཏིཀོ, ཨཱཔཏྟི དུཀྐཊསྶ. ཨཱདིནྣེ ཨཱདིནྣསཉྙཱི, ཨནཱཔཏྟི.

༣༧༡. ཨནཱཔཏྟིཨཱདིཡིཏྭཱ པརིབྷུཉྫཏི, ཀཔྤོ ནཊྛོ ཧོཏི, ཀཔྤཀཏོཀཱསོ ཛིཎྞོ ཧོཏི, ཀཔྤཀཏེན ཨཀཔྤཀཏཾ སཾསིབྦིཏཾ ཧོཏི, ཨགྒལེ༹ ཨནུཝཱཏེ པརིབྷཎྜེ, ཨུམྨཏྟཀསྶ, ཨཱདིཀམྨིཀསྶཱཏི.

དུབྦཎྞཀརཎསིཀྑཱཔདཾ ནིཊྛིཏཾ ཨཊྛམཾ.

༩. ཝིཀཔྤནསིཀྑཱཔདཾ

༣༧༢. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུཔནནྡོ ¶ སཀྱཔུཏྟོ བྷཱཏུནོ སདྡྷིཝིཧཱརིཀསྶ བྷིཀྑུནོ སཱམཾ ཙཱིཝརཾ ཝིཀཔྤེཏྭཱ ཨཔྤཙྩུདྡྷཱརཎཾ [ཨཔཙྩུདྡྷཱརཀཾ (སཱི. སྱཱ.)] པརིབྷུཉྫཏི. ཨཐ ཁོ སོ བྷིཀྑུ བྷིཀྑཱུནཾ ཨེཏམཏྠཾ ཨཱརོཙེསི – ‘‘ཨཡཾ, ཨཱཝུསོ, ཨཱཡསྨཱ ཨུཔནནྡོ སཀྱཔུཏྟོ མཡ྄ཧཾ ཙཱིཝརཾ སཱམཾ ཝིཀཔྤེཏྭཱ ཨཔྤཙྩུདྡྷཱརཎཾ པརིབྷུཉྫཏཱི’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ བྷིཀྑུསྶ སཱམཾ ཙཱིཝརཾ ཝིཀཔྤེཏྭཱ ཨཔྤཙྩུདྡྷཱརཎཾ པརིབྷུཉྫིསྶཏཱི’’ཏི…པེ… སཙྩཾ ཀིར ཏྭཾ, ཨུཔནནྡ, བྷིཀྑུསྶ སཱམཾ ཙཱིཝརཾ ཝིཀཔྤེཏྭཱ ཨཔྤཙྩུདྡྷཱརཎཾ པརིབྷུཉྫསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, བྷིཀྑུསྶ སཱམཾ ཙཱིཝརཾ ¶ ཝིཀཔྤེཏྭཱ ཨཔྤཙྩུདྡྷཱརཎཾ པརིབྷུཉྫིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༧༣. ‘‘ཡོ པན བྷིཀྑུ བྷིཀྑུསྶ ཝཱ བྷིཀྑུནིཡཱ ཝཱ སིཀྑམཱནཱཡ ཝཱ སཱམཎེརསྶ ཝཱ སཱམཎེརིཡཱ ཝཱ སཱམཾ ཙཱིཝརཾ ཝིཀཔྤེཏྭཱ ཨཔྤཙྩུདྡྷཱརཎཾ [ཨཔཙྩུདྡྷཱརཀཾ (སཱི. སྱཱ.)] པརིབྷུཉྫེཡྻ, པཱཙིཏྟིཡ’’ནྟི.

༣༧༤. ཡོ པནཱཏི ¶ ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུསྶཱཏི ¶ ཨཉྙསྶ བྷིཀྑུསྶ.

བྷིཀྑུནཱི ནཱམ ཨུབྷཏོསངྒྷེ ཨུཔསམྤནྣཱ.

སིཀྑམཱནཱ ནཱམ དྭེ ཝསྶཱནི ཚསུ དྷམྨེསུ སིཀྑིཏསིཀྑཱ.

སཱམཎེརོ ནཱམ དསསིཀྑཱཔདིཀོ.

སཱམཎེརཱི ནཱམ དསསིཀྑཱཔདིཀཱ.

སཱམནྟི སཡཾ ཝིཀཔྤེཏྭཱ.

ཙཱིཝརཾ ནཱམ ཚནྣཾ ཙཱིཝརཱནཾ ཨཉྙཏརཾ ཙཱིཝརཾ ཝིཀཔྤནུཔགཾ པཙྪིམཾ.

ཝིཀཔྤནཱ ནཱམ དྭེ ཝིཀཔྤནཱ – སམྨུཁཱཝིཀཔྤནཱ ཙ པརམྨུཁཱཝིཀཔྤནཱ ཙ.

སམྨུཁཱཝིཀཔྤནཱ ནཱམ ‘‘ཨིམཾ ཙཱིཝརཾ ཏུཡ྄ཧཾ ཝིཀཔྤེམི ཨིཏྠནྣཱམསྶ ཝཱ’’ཏི.

པརམྨུཁཱཝིཀཔྤནཱ ¶ ནཱམ ‘‘ཨིམཾ ཙཱིཝརཾ ཝིཀཔྤནཏྠཱཡ ཏུཡ྄ཧཾ དམྨཱི’’ཏི. ཏེན ཝཏྟབྦོ – ‘‘ཀོ ཏེ མིཏྟོ ཝཱ སནྡིཊྛོ ཝཱ’’ཏི? ‘‘ཨིཏྠནྣཱམོ ཙ ཨིཏྠནྣཱམོ ཙཱ’’ཏི. ཏེན ཝཏྟབྦོ – ‘‘ཨཧཾ ཏེསཾ དམྨི, ཏེསཾ སནྟཀཾ པརིབྷུཉྫ ཝཱ ཝིསྶཛྫེཧི ཝཱ ཡཐཱཔཙྩཡཾ ཝཱ ཀརོཧཱི’’ཏི.

ཨཔྤཙྩུདྡྷཱརཎཾ ¶ ནཱམ ཏསྶ ཝཱ ཨདིནྣཾ, ཏསྶ ཝཱ ཨཝིསྶསནྟོ པརིབྷུཉྫཏི, ཨཱཔཏྟི པཱཙིཏྟིཡསྶ.

༣༧༥. ཨཔྤཙྩུདྡྷཱརཎེ ཨཔྤཙྩུདྡྷཱརཎསཉྙཱི པརིབྷུཉྫཏི, ཨཱཔཏྟི པཱཙིཏྟིཡསྶ. ཨཔྤཙྩུདྡྷཱརཎེ ཝེམཏིཀོ པརིབྷུཉྫཏི, ཨཱཔཏྟི པཱཙིཏྟིཡསྶ. ཨཔྤཙྩུདྡྷཱརཎེ ཨཔྤཙྩུདྡྷཱརཎསཉྙཱི པརིབྷུཉྫཏི, ཨཱཔཏྟི པཱཙིཏྟིཡསྶ.

ཨདྷིཊྛེཏི ཝཱ ཝིསྶཛྫེཏི ཝཱ, ཨཱཔཏྟི དུཀྐཊསྶ. པཙྩུདྡྷཱརཎེ ཨཔྤཙྩུདྡྷཱརཎསཉྙཱི, ཨཱཔཏྟི དུཀྐཊསྶ ¶ . པཙྩུདྡྷཱརཎེ ཝེམཏིཀོ, ཨཱཔཏྟི དུཀྐཊསྶ. པཙྩུདྡྷཱརཎེ པཙྩུདྡྷཱརཎསཉྙཱི, ཨནཱཔཏྟི.

༣༧༦. ཨནཱཔཏྟི སོ ཝཱ དེཏི, ཏསྶ ཝཱ ཝིསྶསནྟོ པརིབྷུཉྫཏི, ཨུམྨཏྟཀསྶ, ཨཱདིཀམྨིཀསྶཱཏི.

ཝིཀཔྤནསིཀྑཱཔདཾ ནིཊྛིཏཾ ནཝམཾ.

༡༠. ཙཱིཝརཨཔནིདྷཱནསིཀྑཱཔདཾ

༣༧༧. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན སཏྟརསཝགྒིཡཱ བྷིཀྑཱུ ཨསནྣིཧིཏཔརིཀྑཱརཱ ཧོནྟི. ཚབྦགྒིཡཱ བྷིཀྑཱུ སཏྟརསཝགྒིཡཱནཾ བྷིཀྑཱུནཾ པཏྟམྤི ཙཱིཝརམྤི ཨཔནིདྷེནྟི. སཏྟརསཝགྒིཡཱ བྷིཀྑཱུ ཚབྦགྒིཡེ བྷིཀྑཱུ ཨེཏདཝོཙུཾ – ‘‘དེཐཱཝུསོ, ཨམྷཱཀཾ ¶ པཏྟམྤི ཙཱིཝརམྤཱི’’ཏི. ཚབྦགྒིཡཱ བྷིཀྑཱུ ཧསནྟི, ཏེ རོདནྟི. བྷིཀྑཱུ ཨེཝམཱཧཾསུ – ‘‘ཀིསྶ ཏུམྷེ, ཨཱཝུསོ, རོདཐཱ’’ཏི? ‘‘ཨིམེ, ཨཱཝུསོ, ཚབྦགྒིཡཱ བྷིཀྑཱུ ཨམྷཱཀཾ པཏྟམྤི ཙཱིཝརམྤི ཨཔནིདྷེནྟཱི’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ བྷིཀྑཱུནཾ པཏྟམྤི ¶ ཙཱིཝརམྤི ཨཔནིདྷེསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, བྷིཀྑཱུནཾ པཏྟམྤི ཙཱིཝརམྤི ཨཔནིདྷེཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, བྷིཀྑཱུནཾ པཏྟམྤི ཙཱིཝརམྤི ཨཔནིདྷེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༧༨. ‘‘ཡོ ¶ པན བྷིཀྑུ བྷིཀྑུསྶ པཏྟཾ ཝཱ ཙཱིཝརཾ ཝཱ ནིསཱིདནཾ ཝཱ སཱུཙིགྷརཾ ཝཱ ཀཱཡབནྡྷནཾ ཝཱ ཨཔནིདྷེཡྻ ཝཱ ཨཔནིདྷཱཔེཡྻ ཝཱ, ཨནྟམསོ ཧསཱཔེཀྑོཔི, པཱཙིཏྟིཡ’’ནྟི.

༣༧༩. ཡོ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུསྶཱཏི ཨཉྙསྶ བྷིཀྑུསྶ.

པཏྟོ ནཱམ དྭེ པཏྟཱ – ཨཡོཔཏྟོ, མཏྟིཀཱཔཏྟོ.

ཙཱིཝརཾ ནཱམ ཚནྣཾ ཙཱིཝརཱནཾ ཨཉྙཏརཾ ཙཱིཝརཾ, ཝིཀཔྤནུཔགཾ པཙྪིམཾ.

ནིསཱིདནཾ ནཱམ སདསཾ ཝུཙྩཏི.

སཱུཙིགྷརཾ ནཱམ སསཱུཙིཀཾ ཝཱ ཨསཱུཙིཀཾ ཝཱ.

ཀཱཡབནྡྷནཾ ནཱམ དྭེ ཀཱཡབནྡྷནཱནི – པཊྚིཀཱ, སཱུཀརནྟཀཾ.

ཨཔནིདྷེཡྻ ཝཱཏི སཡཾ ཨཔནིདྷེཏི, ཨཱཔཏྟི པཱཙིཏྟིཡསྶ.

ཨཔནིདྷཱཔེཡྻ ཝཱཏི ཨཉྙཾ ཨཱཎཱཔེསི, ཨཱཔཏྟི པཱཙིཏྟིཡསྶ. ཨཔནིདྷཱཔེཡྻ ཝཱ ཏི ཨཡྻཾ ཨཱཎཱཔེཏི, ཨཱཔཏྟི པཱཙིཏྟིཡསྶ. སཀིཾ ཨཱཎཏྟོ བཧུཀམྤི ཨཔནིདྷེཏི, ཨཱཔཏྟི པཱཙིཏྟིཡསྶ.

ཨནྟམསོ ཧསཱཔེཀྑོཔཱིཏི ཀཱིལཱ༹དྷིཔྤཱཡོ.

༣༨༠. ཨུཔསམྤནྣེ ཨུཔསམྤནྣསཉྙཱི པཏྟཾ ཝཱ ཙཱིཝརཾ ཝཱ ནིསཱིདནཾ ཝཱ སཱུཙིགྷརཾ ཝཱ ཀཱཡབནྡྷནཾ ཝཱ ཨཔནིདྷེཏི ཝཱ ཨཔནིདྷཱཔེཏི ཝཱ, ཨནྟམསོ ཧསཱཔེཀྑོཔི, ཨཱཔཏྟི པཱཙིཏྟིཡསྶ. ཨུཔསམྤནྣེ ཝེམཏིཀོ…པེ… ཨུཔསམྤནྣེ ཨནུཔསམྤནྣསཉྙཱི པཏྟཾ ཝཱ ཙཱིཝརཾ ཝཱ ནིསཱིདནཾ ཝཱ སཱུཙིགྷརཾ ཝཱ ཀཱཡབནྡྷནཾ ཝཱ ཨཔནིདྷེཏི ཝཱ ཨཔནིདྷཱཔེཏི ཝཱ, ཨནྟམསོ ཧསཱཔེཀྑོཔི, ཨཱཔཏྟི པཱཙིཏྟིཡསྶ.

ཨཉྙཾ ¶ ¶ པརིཀྑཱརཾ ཨཔནིདྷེཏི ཝཱ ཨཔནིདྷཱཔེཏི ཝཱ, ཨནྟམསོ ཧསཱཔེཀྑོཔི, ཨཱཔཏྟི དུཀྐཊསྶ. ཨནུཔསམྤནྣསྶ པཏྟཾ ཝཱ ཙཱིཝརཾ ¶ ཝཱ ཨཉྙཾ ཝཱ པརིཀྑཱརཾ ཨཔནིདྷེཏི ཝཱ ཨཔནིདྷཱཔེཏི ཝཱ, ཨནྟམསོ ཧསཱཔེཀྑོཔི, ཨཱཔཏྟི དུཀྐཊསྶ. ཨནུཔསམྤནྣེ ཨུཔསམྤནྣསཉྙཱི, ཨཱཔཏྟི དུཀྐཊསྶ ¶ . ཨནུཔསམྤནྣེ ཝེམཏིཀོ, ཨཱཔཏྟི དུཀྐཊསྶ. ཨནུཔསམྤནྣེ ཨནུཔསམྤནྣསཉྙཱི, ཨཱཔཏྟི དུཀྐཊསྶ.

༣༨༡. ཨནཱཔཏྟི ནཧསཱདྷིཔྤཱཡོ, དུནྣིཀྑིཏྟཾ པཊིསཱམེཏི, ‘‘དྷམྨིཾ ཀཐཾ ཀཏྭཱ དསྶཱམཱི’’ཏི པཊིསཱམེཏི, ཨུམྨཏྟཀསྶ, ཨཱདིཀམྨིཀསྶཱཏི.

ཙཱིཝརཨཔནིདྷཱནསིཀྑཱཔདཾ ནིཊྛིཏཾ དསམཾ.

སུརཱཔཱནཝགྒོ ཚཊྛོ.

ཏསྶུདྡཱནཾ –

སུརཱ ཨངྒུལི ཧཱསོ ཙ [ཏོཡཉྩ (ཨིཏིཔི)], ཨནཱདརིཡཉྩ བྷིཾསནཾ;

ཛོཏིནཧཱནདུབྦཎྞཾ, སཱམཾ ཨཔནིདྷེན ཙཱཏི.

༧. སཔྤཱཎཀཝགྒོ

༡. སཉྩིཙྩསིཀྑཱཔདཾ

༣༨༢. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུདཱཡཱི ཨིསྶཱསོ ཧོཏི, ཀཱཀཱ ཙསྶ ཨམནཱཔཱ ཧོནྟི. སོ ཀཱཀེ ཝིཛ྄ཛྷིཏྭཱ ཝིཛ྄ཛྷིཏྭཱ སཱིསཾ ཚིནྡིཏྭཱ སཱུལེ པཊིཔཱཊིཡཱ ཋཔེསི. བྷིཀྑཱུ ཨེཝམཱཧཾསུ – ‘‘ཀེནིམེ, ཨཱཝུསོ, ཀཱཀཱ ཛཱིཝིཏཱ ཝོརོཔིཏཱ’’ཏི? ‘‘མཡཱ, ཨཱཝུསོ. ཨམནཱཔཱ མེ ཀཱཀཱ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུདཱཡཱི སཉྩིཙྩ པཱཎཾ ཛཱིཝིཏཱ ཝོརོཔེསྶཏཱི’’ཏི…པེ… སཙྩཾ ཀིར ཏྭཾ, ཨུདཱཡི, སཉྩིཙྩ པཱཎཾ ཛཱིཝིཏཱ ཝོརོཔེསཱིཏི? ‘‘སཙྩཾ ¶ , བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, སཉྩིཙྩ པཱཎཾ ཛཱིཝིཏཱ ཝོརོཔེསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༨༣. ‘‘ཡོ ¶ པན བྷིཀྑུ སཉྩིཙྩ པཱཎཾ ཛཱིཝིཏཱ ཝོརོཔེཡྻ, པཱཙིཏྟིཡ’’ནྟི.

༣༨༤. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

སཉྩིཙྩཱཏི ཛཱནནྟོ སཉྫཱནནྟོ ཙེཙྩ ཨབྷིཝིཏརིཏྭཱ ཝཱིཏིཀྐམོ.

པཱཎོ ནཱམ ཏིརཙྪཱནགཏཔཱཎོ ཝུཙྩཏི.

ཛཱིཝིཏཱ ཝོརོཔེཡྻཱཏི ཛཱིཝིཏིནྡྲིཡཾ ཨུཔཙྪིནྡཏི ཨུཔརོདྷེཏི ¶ སནྟཏིཾ ཝིཀོཔེཏི, ཨཱཔཏྟི པཱཙིཏྟིཡསྶ.

༣༨༥. པཱཎེ ¶ པཱཎསཉྙཱི ཛཱིཝིཏཱ ཝོརོཔེཏི, ཨཱཔཏྟི པཱཙིཏྟིཡསྶ. པཱཎེ ཝེམཏིཀོ ཛཱིཝིཏཱ ཝོརོཔེཏི, ཨཱཔཏྟི དུཀྐཊསྶ. པཱཎེ ཨཔྤཱཎསཉྙཱི ཛཱིཝིཏཱ ཝོརོཔེཏི, ཨནཱཔཏྟི. ཨཔྤཱཎེ པཱཎསཉྙཱི, ཨཱཔཏྟི དུཀྐཊསྶ. ཨཔྤཱཎེ ཝེམིཏཀོ, ཨཱཔཏྟི དུཀྐཊསྶ. ཨཔྤཱཎེ ཨཔྤཱཎསཉྙཱི, ཨནཱཔཏྟི.

༣༨༦. ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, ནམརཎཱདྷིཔྤཱཡསྶ, ཨུམྨཏྟཀསྶ, ཨཱདིཀམྨིཀསྶཱཏི.

སཉྩིཙྩསིཀྑཱཔདཾ ནིཊྛིཏཾ པཋམཾ.

༢. སཔྤཱཎཀསིཀྑཱཔདཾ

༣༨༧. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཛཱནཾ སཔྤཱཎཀཾ ཨུདཀཾ པརིབྷུཉྫནྟི. ཡེ ¶ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཛཱནཾ སཔྤཱཎཀཾ ཨུདཀཾ པརིབྷུཉྫིསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, ཛཱནཾ སཔྤཱཎཀཾ ཨུདཀཾ པརིབྷུཉྫཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཛཱནཾ སཔྤཱཎཀཾ ཨུདཀཾ པརིབྷུཉྫིསྶཐ! ནེཏཾ ¶ , མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༨༨. ‘‘ཡོ པན བྷིཀྑུ ཛཱནཾ སཔྤཱཎཀཾ ཨུདཀཾ པརིབྷུཉྫེཡྻ, པཱཙིཏྟིཡ’’ནྟི.

༣༨༩. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཛཱནཱཏི ནཱམ སཱམཾ ཝཱ ཛཱནཱཏི, ཨཉྙེ ཝཱ ཏསྶ ཨཱརོཙེནྟི. ‘‘སཔྤཱཎཀ’’ནྟི ཛཱནནྟོ, ‘‘པརིབྷོགེན མརིསྶནྟཱི’’ཏི ཛཱནནྟོ པརིབྷུཉྫཏི, ཨཱཔཏྟི པཱཙིཏྟིཡསྶ.

༣༩༠. སཔྤཱཎཀེ སཔྤཱཎཀསཉྙཱི པརིབྷུཉྫཏི, ཨཱཔཏྟི པཱཙིཏྟིཡསྶ. སཔྤཱཎཀེ ཝེམཏིཀོ པརིབྷུཉྫཏི, ཨཱཔཏྟི དུཀྐཊསྶ ¶ . སཔྤཱཎཀེ ཨཔྤཱཎཀསཉྙཱི པརིབྷུཉྫཏི, ཨནཱཔཏྟི. ཨཔྤཱཎཀེ སཔྤཱཎཀསཉྙཱི, ཨཱཔཏྟི དུཀྐཊསྶ. ཨཔྤཱཎཀེ ཝེམཏིཀོ, ཨཱཔཏྟི དུཀྐཊསྶ. ཨཔྤཱཎཀེ ཨཔྤཱཎཀསཉྙཱི, ཨནཱཔཏྟི.

༣༩༡. ཨནཱཔཏྟི ‘‘སཔྤཱཎཀ’’ནྟི ཨཛཱནནྟོ, ‘‘ཨཔྤཱཎཀ’’ནྟི ཛཱནནྟོ, ‘‘པརིབྷོགེན ན མརིསྶནྟཱི’’ཏི ཛཱནནྟོ པརིབྷུཉྫཏི, ཨུམྨཏྟཀསྶ, ཨཱདིཀམྨིཀསྶཱཏི.

སཔྤཱཎཀསིཀྑཱཔདཾ ནིཊྛིཏཾ དུཏིཡཾ.

༣. ཨུཀྐོཊནསིཀྑཱཔདཾ

༣༩༢. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཛཱནཾ ཡཐཱདྷམྨཾ ནིཧཏཱདྷིཀརཎཾ པུནཀམྨཱཡ ཨུཀྐོཊེནྟི – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨཾ ཨནིཧཏཾ དུནྣིཧཏཾ ¶ པུན ནིཧནིཏབྦ’’ནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཛཱནཾ ཡཐཱདྷམྨཾ ནིཧཏཱདྷིཀརཎཾ པུནཀམྨཱཡ ཨུཀྐོཊེསྶནྟཱི’’ཏི ¶ …པེ… སཙྩཾ ཀིར ཏུམྷེ, བྷིཀྑཝེ, ཛཱནཾ ཡཐཱདྷམྨཾ ནིཧཏཱདྷིཀརཎཾ པུནཀམྨཱཡ ཨུཀྐོཊེཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཛཱནཾ ཡཐཱདྷམྨཾ ནིཧཏཱདྷིཀརཎཾ པུནཀམྨཱཡ ཨུཀྐོཊེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༩༣. ‘‘ཡོ པན བྷིཀྑུ ཛཱནཾ ཡཐཱདྷམྨཾ ནིཧཏཱདྷིཀརཎཾ པུནཀམྨཱཡ ཨུཀྐོཊེཡྻ, པཱཙིཏྟིཡ’’ནྟི.

༣༩༤. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཛཱནཱཏི ནཱམ སཱམཾ ཝཱ ཛཱནཱཏི, ཨཉྙེ ཝཱ ཏསྶ ཨཱརོཙེནྟི, སོ ཝཱ ཨཱརོཙེཏི.

ཡཐཱདྷམྨཾ ནཱམ དྷམྨེན ཝིནཡེན སཏྠུསཱསནེན ཀཏཾ, ཨེཏཾ ཡཐཱདྷམྨཾ ནཱམ.

ཨདྷིཀརཎཾ ¶ ནཱམ ཙཏྟཱརི ཨདྷིཀརཎཱནི – ཝིཝཱདཱདྷིཀརཎཾ, ཨནུཝཱདཱདྷིཀརཎཾ, ཨཱཔཏྟཱདྷིཀརཎཾ, ཀིཙྩཱདྷིཀརཎཾ.

པུནཀམྨཱཡ ཨུཀྐོཊེཡྻཱཏི ‘‘ཨཀཏཾ ཀམྨཾ དུཀྐཊཾ ཀམྨཾ པུནཀཱཏབྦཾ ཀམྨཾ ཨནིཧཏཾ དུནྣིཧཏཾ པུན ནིཧནིཏབྦཾ’’ཏི ཨུཀྐོཊེཏི, ཨཱཔཏྟི པཱཙིཏྟིཡསྶ.

༣༩༥. དྷམྨཀམྨེ དྷམྨཀམྨསཉྙཱི ཨུཀྐོཊེཏི, ཨཱཔཏྟི པཱཙིཏྟིཡསྶ. དྷམྨཀམྨེ ཝེམཏིཀོ ཨུཀྐོཊེཏི, ཨཱཔཏྟི དུཀྐཊསྶ. དྷམྨཀམྨེ ཨདྷམྨཀམྨསཉྙཱི ཨུཀྐོཊེཏི, ཨནཱཔཏྟི. ཨདྷམྨཀམྨེ དྷམྨཀམྨསཉྙཱི, ཨཱཔཏྟི དུཀྐཊསྶ. ཨདྷམྨཀམྨེ ཝེམཏིཀོ, ཨཱཔཏྟི དུཀྐཊསྶ. ཨདྷམྨཀམྨེ ཨདྷམྨཀམྨསཉྙཱི, ཨནཱཔཏྟི.

༣༩༦. ཨནཱཔཏྟི ¶ ‘‘ཨདྷམྨེན ཝཱ ཝགྒེན ཝཱ ན ཀམྨཱརཧསྶ ཝཱ ཀམྨཾ ཀཏ’’ནྟི ཛཱནནྟོ ཨུཀྐོཊེཏི, ཨུམྨཏྟཀསྶ, ཨཱདིཀམྨིཀསྶཱཏི.

ཨུཀྐོཊནསིཀྑཱཔདཾ ནིཊྛིཏཾ ཏཏིཡཾ.

༤. དུཊྛུལླསིཀྑཱཔདཾ

༣༩༧. ཏེན ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུཔནནྡོ སཀྱཔུཏྟོ སཉྩེཏནིཀཾ སུཀྐཝིསྶཊྛིཾ ཨཱཔཏྟིཾ ཨཱཔཛྫིཏྭཱ བྷཱཏུནོ སདྡྷིཝིཧཱརིཀསྶ བྷིཀྑུནོ ཨཱརོཙེསི – ‘‘ཨཧཾ, ཨཱཝུསོ, སཉྩེཏནིཀཾ སུཀྐཝིསྶཊྛིཾ ཨཱཔཏྟིཾ ཨཱཔནྣོ. མཱ ཀསྶཙི ཨཱརོཙེཧཱི’’ཏི. ཏེན ཁོ པན སམཡེན ཨཉྙཏརོ བྷིཀྑུ སཉྩེཏནིཀཾ སུཀྐཝིསྶཊྛིཾ ཨཱཔཏྟིཾ ཨཱཔཛྫིཏྭཱ སངྒྷཾ ཏསྶཱ ཨཱཔཏྟིཡཱ པརིཝཱསཾ ཡཱཙི. ཏསྶ སངྒྷོ ཏསྶཱ ཨཱཔཏྟིཡཱ པརིཝཱསཾ ཨདཱསི. སོ པརིཝསནྟོ ཏཾ བྷིཀྑུཾ པསྶིཏྭཱ ཨེཏདཝོཙ – ‘‘ཨཧཾ, ཨཱཝུསོ, སཉྩེཏནིཀཾ སུཀྐཝིསྶཊྛིཾ ཨཱཔཏྟིཾ ཨཱཔཛྫིཏྭཱ སངྒྷཾ ཏསྶཱ ཨཱཔཏྟིཡཱ པརིཝཱསཾ ཡཱཙིཾ, ཏསྶ མེ སངྒྷོ ཏསྶཱ ཨཱཔཏྟིཡཱ པརིཝཱསཾ ཨདཱསི, སོཧཾ པརིཝསཱམི, ཝེདིཡཱམཧཾ [ཝེདཡཱམཧཾ (སྱཱ.)], ཨཱཝུསོ, ཝེདིཡཏཱི’’ཏི མཾ ཨཱཡསྨཱ དྷཱརེཏཱུ’’ཏི.

‘‘ཀིཾ ནུ ཁོ, ཨཱཝུསོ, ཡོ ཨཉྙོཔི ཨིམཾ ཨཱཔཏྟིཾ ཨཱཔཛྫཏི སོཔི ཨེཝཾ ཀརོཏཱི’’ཏི? ‘‘ཨེཝམཱཝུསོ’’ཏི. ‘‘ཨཡཾ, ཨཱཝུསོ, ཨཱཡསྨཱ ཨུཔནནྡོ སཀྱཔུཏྟོ སཉྩེཏནིཀཾ སུཀྐཝིསྶཊྛིཾ ཨཱཔཏྟིཾ ཨཱཔཛྫིཏྭཱ [ཨཱཔཛྫི (?)] སོ མེ ཨཱརོཙེཏི མཱ ཀསྶཙི ཨཱརོཙེཧཱི’’ཏི. ‘‘ཀིཾ པན ¶ ཏྭཾ, ཨཱཝུསོ, པཊིཙྪཱདེསཱི’’ཏི? ‘‘ཨེཝམཱཝུསོ’’ཏི. ཨཐ ཁོ སོ བྷིཀྑུ བྷིཀྑཱུནཾ ཨེཏམཏྠཾ ཨཱརོཙེསི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུ བྷིཀྑུསྶ ཛཱནཾ དུཊྛུལླཾ ཨཱཔཏྟིཾ པཊིཙྪཱདེསྶཏཱི’’ཏི…པེ… སཙྩཾ ཀིར ཏྭཾ, བྷིཀྑུ, བྷིཀྑུསྶ ཛཱནཾ དུཊྛུལླཾ ཨཱཔཏྟིཾ པཊིཙྪཱདེསཱིཏི. ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, བྷིཀྑུསྶ ཛཱནཾ དུཊྛུལླཾ ཨཱཔཏྟིཾ པཊིཙྪཱདེསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༣༩༨. ‘‘ཡོ ¶ པན བྷིཀྑུ བྷིཀྑུསྶ ཛཱནཾ དུཊྛུལླཾ ཨཱཔཏྟིཾ པཊིཙྪཱདེཡྻ, པཱཙིཏྟིཡ’’ནྟི.

༣༩༩. ཡོ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུསྶཱཏི ཨཉྙསྶ བྷིཀྑུསྶ.

ཛཱནཱཏི ནཱམ སཱམཾ ཝཱ ཛཱནཱཏི ཨཉྙེ ཝཱ ཏསྶ ཨཱརོཙེནྟི, སོ ཝཱ ཨཱརོཙེཏི.

དུཊྛུལླཱ ¶ ནཱམ ཨཱཔཏྟི ཙཏྟཱརི ཙ པཱརཱཛིཀཱནི ཏེརས ཙ སངྒྷཱདིསེསཱ.

པཊིཙྪཱདེཡྻཱཏི ‘‘ཨིམཾ ཛཱནིཏྭཱ ཙོདེསྶནྟི, སཱརེསྶནྟི ཁུཾསེསྶནྟི, ཝམྦྷེསྶནྟི, མངྐུཾ ཀརིསྶནྟི ནཱརོཙེསྶཱམཱི’’ཏི དྷུརཾ ནིཀྑིཏྟམཏྟེ, ཨཱཔཏྟི པཱཙིཏྟིཡསྶ.

༤༠༠. དུཊྛུལླཱཡ ཨཱཔཏྟིཡཱ དུཊྛུལླཱཔཏྟིསཉྙཱི པཊིཙྪཱདེཏི, ཨཱཔཏྟི པཱཙིཏྟིཡསྶ. དུཊྛུལླཱཡ ཨཱཔཏྟིཡཱ ཝེམཏིཀོ པཊིཙྪཱདེཏི ¶ , ཨཱཔཏྟི དུཀྐཊསྶ. དུཊྛུལླཱཡ ཨཱཔཏྟིཡཱ ཨདུཊྛུལླཱཔཏྟིསཉྙཱི པཊིཙྪཱདེཏི, ཨཱཔཏྟི དུཀྐཊསྶ. ཨདུཊྛུལླཾ ཨཱཔཏྟིཾ པཊིཙྪཱདེཏི, ཨཱཔཏྟི དུཀྐཊསྶ. ཨནུཔསམྤནྣསྶ དུཊྛུལླཾ ཝཱ ཨདུཊྛུལླཾ ཝཱ ཨཛ྄ཛྷཱཙཱརཾ པཊིཙྪཱདེཏི, ཨཱཔཏྟི དུཀྐཊསྶ. ཨདུཊྛུལླཱཡ ཨཱཔཏྟིཡཱ དུཊྛུལླཱཔཏྟིསཉྙཱི, ཨཱཔཏྟི དུཀྐཊསྶ. ཨདུཊྛུལླཱཡ ཨཱཔཏྟིཡཱ ཝེམཏིཀོ, ཨཱཔཏྟི དུཀྐཊསྶ. ཨདུཊྛུལླཱཡ ཨཱཔཏྟིཡཱ ཨདུཊྛུལླཱཔཏྟིསཉྙཱི, ཨཱཔཏྟི དུཀྐཊསྶ.

༤༠༡. ཨནཱཔཏྟི – ‘‘སངྒྷསྶ བྷཎྜནཾ ཝཱ ཀལཧོ ཝཱ ཝིགྒཧོ ཝཱ ཝིཝཱདོ ཝཱ བྷཝིསྶཏཱི’’ཏི ནཱརོཙེཏི, ‘‘སངྒྷབྷེདོ ཝཱ སངྒྷརཱཛི ཝཱ བྷཝིསྶཏཱི’’ཏི ནཱརོཙེཏི, ‘‘ཨཡཾ ཀཀྑལོ༹ ཕརུསོ ཛཱིཝིཏནྟརཱཡཾ ཝཱ བྲཧྨཙརིཡནྟརཱཡཾ ཝཱ ཀརིསྶཏཱི’’ཏི ནཱརོཙེཏི, ཨཉྙེ པཏིརཱུཔེ བྷིཀྑཱུ ཨཔསྶནྟོ ནཱརོཙེཏི, ནཚཱདེཏུཀཱམོ ནཱརོཙེཏི, ‘‘པཉྙཱཡིསྶཏི སཀེན ཀམྨེནཱ’’ཏི ནཱརོཙེཏི, ཨུམྨཏྟཀསྶ, ཨཱདིཀམྨིཀསྶཱཏི.

དུཊྛུལླསིཀྑཱཔདཾ ནིཊྛིཏཾ ཙཏུཏྠཾ.

༥. ཨཱུནཝཱིསཏིཝསྶསིཀྑཱཔདཾ

༤༠༢. ཏེན ¶ ¶ ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. [ཨིདཾ ཝཏྠུ མཧཱཝ. ༩༩] ཏེན ཁོ པན སམཡེན རཱཛགཧེ སཏྟརསཝགྒིཡཱ དཱརཀཱ སཧཱཡཀཱ ཧོནྟི. ཨུཔཱལིདཱརཀོ ཏེསཾ པཱམོཀྑོ ཧོཏི. ཨཐ ཁོ ཨུཔཱལིསྶ མཱཏཱཔིཏཱུནཾ ཨེཏདཧོསི – ‘‘ཀེན ནུ ཁོ ཨུཔཱཡེན ཨུཔཱལི ཨམྷཱཀཾ ཨཙྩཡེན སུཁཉྩ ཛཱིཝེཡྻ ན ཙ ཀིལམེཡྻཱ’’ཏི? ཨཐ ཁོ ཨུཔཱལིསྶ མཱཏཱཔིཏཱུནཾ ཨེཏདཧོསི – ‘‘སཙེ ཁོ ཨུཔཱལི ལེཁཾ སིཀྑེཡྻ, ཨེཝཾ ཁོ ཨུཔཱལི ཨམྷཱཀཾ ཨཙྩཡེན སུཁཉྩ ཛཱིཝེཡྻ, ན ཙ ཀིལམེཡྻཱ’’ཏི. ཨཐ ཁོ ཨུཔཱལིསྶ མཱཏཱཔིཏཱུནཾ ཨེཏདཧོསི – ‘‘སཙེ ཁོ ཨུཔཱལི ལེཁཾ སིཀྑིསྶཏི, ཨངྒུལིཡོ ¶ དུཀྑཱ བྷཝིསྶནྟི. སཙེ ཁོ ཨུཔཱལི གཎནཾ སིཀྑེཡྻ, ཨེཝཾ ཁོ ཨུཔཱལི ཨམྷཱཀཾ ཨཙྩཡེན སུཁཉྩ ཛཱིཝེཡྻ ན ཙ ཀིལམེཡྻཱ’’ཏི. ཨཐ ཁོ ཨུཔཱལིསྶ མཱཏཱཔིཏཱུནཾ ཨེཏདཧོསི – ‘‘སཙེ ཁོ ཨུཔཱལི གཎནཾ སིཀྑིསྶཏི, ཨུརསྶ དུཀྑོ བྷཝིསྶཏི. སཙེ ཁོ ཨུཔཱལི རཱུཔཾ སིཀྑེཡྻ, ཨེཝཾ ཁོ ཨུཔཱལི ཨམྷཱཀཾ ཨཙྩཡེན སུཁཉྩ ཛཱིཝེཡྻ ན ཙ ཀིལམེཡྻཱ’’ཏི. ཨཐ ཁོ ཨུཔཱལིསྶ མཱཏཱཔིཏཱུནཾ ཨེཏདཧོསི – ‘‘སཙེ ཁོ ཨུཔཱལི རཱུཔཾ སིཀྑིསྶཏི, ཨཀྑཱིནི དུཀྑཱ བྷཝིསྶནྟི. ཨིམེ ཁོ སམཎཱ སཀྱཔུཏྟིཡཱ སུཁསཱིལཱ སུཁསམཱཙཱརཱ སུབྷོཛནཱནི བྷུཉྫིཏྭཱ ནིཝཱཏེསུ སཡནེསུ ¶ སཡནྟི. སཙེ ཁོ ཨུཔཱལི སམཎེསུ སཀྱཔུཏྟིཡེསུ པབྦཛེཡྻ, ཨེཝཾ ཁོ ཨུཔཱལི ཨམྷཱཀཾ ཨཙྩཡེན སུཁཉྩ ཛཱིཝེཡྻ, ན ཙ ཀིལམེཡྻཱ’’ཏི.

ཨསྶོསི ཁོ ཨུཔཱལིདཱརཀོ མཱཏཱཔིཏཱུནཾ ཨིམཾ ཀཐཱསལླཱཔཾ. ཨཐ ཁོ ཨུཔཱལིདཱརཀོ ཡེན ཏེ དཱརཀཱ ཏེནུཔསངྐམི; ཨུཔསངྐམིཏྭཱ ཏེ དཱརཀེ ཨེཏདཝོཙ – ‘‘ཨེཐ མཡཾ, ཨཡྻཱ, སམཎེསུ སཀྱཔུཏྟིཡེསུ པབྦཛིསྶཱམཱ’’ཏི. ‘‘སཙེ ཁོ ཏྭཾ, ཨཡྻ, པབྦཛིསྶསི, ཨེཝཾ མཡམྤི པབྦཛིསྶཱམཱ’’ཏི. ཨཐ ཁོ ཏེ དཱརཀཱ ཨེཀམེཀསྶ མཱཏཱཔིཏརོ ཨུཔསངྐམིཏྭཱ ཨེཏདཝོཙུཾ – ‘‘ཨནུཛཱནཱཐ མཾ ཨགཱརསྨཱ ཨནགཱརིཡཾ པབྦཛྫཱཡཱ’’ཏི. ཨཐ ཁོ ཏེསཾ དཱརཀཱནཾ མཱཏཱཔིཏརོ – ‘‘སབྦེཔིམེ དཱརཀཱ སམཱནཙྪནྡཱ ཀལྱཱཎཱདྷིཔྤཱཡཱ’’ཏི ཨནུཛཱནིཾསུ. ཏེ བྷིཀྑཱུ ཨུཔསངྐམིཏྭཱ པབྦཛྫཾ ཡཱཙིཾསུ. ཏེ བྷིཀྑཱུ པབྦཱཛེསུཾ ཨུཔསམྤཱདེསུཾ. ཏེ རཏྟིཡཱ པཙྩཱུསསམཡཾ པཙྩུཊྛཱཡ རོདནྟི – ‘‘ཡཱགུཾ དེཐ ¶ , བྷཏྟཾ དེཐ, ཁཱདནཱིཡཾ དེཐཱ’’ཏི. བྷིཀྑཱུ ཨེཝམཱཧཾསུ – ‘‘ཨཱགམེཐ, ཨཱཝུསོ, ཡཱཝ རཏྟི ཝིབྷཱཡཏི. སཙེ ཡཱགུ བྷཝིསྶཏི, པིཝིསྶཐ. སཙེ བྷཏྟཾ བྷཝིསྶཏི, བྷུཉྫིསྶཐ. སཙེ ཁཱདནཱིཡཾ བྷཝིསྶཏི, ཁཱདིསྶཐ. ནོ ཙེ བྷཝིསྶཏི ཡཱགུ ཝཱ བྷཏྟཾ ཝཱ ཁཱདནཱིཡཾ ཝཱ, པིཎྜཱཡ ཙརིཏྭཱ བྷུཉྫིསྶཐཱ’’ཏི. ཨེཝམྤི ཁོ ¶ ཏེ བྷིཀྑཱུ བྷིཀྑཱུཧི ཝུཙྩམཱནཱ རོདནྟིཡེཝ – ‘‘ཡཱགུཾ དེཐ, བྷཏྟཾ དེཐ, ཁཱདནཱིཡཾ དེཐཱ’’ཏི. སེནཱསནཾ ཨཱུཧདནྟིཔི ཨུམྨིཧནྟིཔི.

ཨསྶོསི ¶ ཁོ བྷགཝཱ རཏྟིཡཱ པཙྩཱུསསམཡཾ པཙྩུཊྛཱཡ དཱརཀསདྡཾ. སུཏྭཱན ཨཱཡསྨནྟཾ ཨཱནནྡཾ ཨཱམནྟེསི – ‘‘ཀིཾ ནུ ཁོ སོ, ཨཱནནྡ, དཱརཀསདྡོ’’ཏི? ཨཐ ཁོ ཨཱཡསྨཱ ཨཱནནྡོ བྷགཝཏོ ཨེཏམཏྠཾ ཨཱརོཙེསི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ¶ ཀིར, བྷིཀྑཝེ, བྷིཀྑཱུ ཛཱནཾ ཨཱུནཝཱིསཏིཝསྶཾ པུགྒལཾ ཨུཔསམྤཱདེནྟཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ཛཱནཾ ཨཱུནཝཱིསཏིཝསྶཾ པུགྒལཾ ཨུཔསམྤཱདེསྶནྟི! ཨཱུནཀཝཱིསཏིཝསྶོ, བྷིཀྑཝེ, པུགྒལོ ཨཀྑམོ ཧོཏི སཱིཏསྶ ཨུཎྷསྶ ཛིགྷཙྪཱཡ པིཔཱསཱཡ ཌཾསམཀསཝཱཏཱཏཔསརཱིསཔསམྥསྶཱནཾ དུརུཏྟཱནཾ དུརཱགཏཱནཾ ཝཙནཔཐཱནཾ ཨུཔྤནྣཱནཾ སཱརཱིརིཀཱནཾ ཝེདནཱནཾ དུཀྑཱནཾ ཏིབྦཱནཾ ཁརཱནཾ ཀཊུཀཱནཾ ཨསཱཏཱནཾ ཨམནཱཔཱནཾ པཱཎཧརཱནཾ ཨནདྷིཝཱསཀཛཱཏིཀོ ཧོཏི. ཝཱིསཏིཝསྶོཝ ཁོ, བྷིཀྑཝེ, པུགྒལོ ཁམོ ཧོཏི སཱིཏསྶ ཨུཎྷསྶ…པེ… པཱཎཧརཱནཾ ཨདྷིཝཱསཀཛཱཏིཀོ ཧོཏི. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༠༣. ‘‘ཡོ པན བྷིཀྑུ ཛཱནཾ ཨཱུནཝཱིསཏིཝསྶཾ པུགྒལཾ ཨུཔསམྤཱདེཡྻ, སོ ཙ པུགྒལོ ཨནུཔསམྤནྣོ ¶ , ཏེ ཙ བྷིཀྑཱུ གཱརཡ྄ཧཱ, ཨིདཾ ཏསྨིཾ པཱཙིཏྟིཡ’’ནྟི.

༤༠༤. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཛཱནཱཏི ནཱམ སཱམཾ ཝཱ ཛཱནཱཏི, ཨཉྙེ ཝཱ ཏསྶ ཨཱརོཙེནྟི, སོ ཝཱ ཨཱརོཙེཏི.

ཨཱུནཝཱིསཏིཝསྶོ ¶ ནཱམ ཨཔྤཏྟཝཱིསཏིཝསྶོ.

‘‘ཨུཔསམྤཱདེསྶཱམཱི’’ཏི གཎཾ ཝཱ ཨཱཙརིཡཾ ཝཱ པཏྟཾ ཝཱ ཙཱིཝརཾ ཝཱ པརིཡེསཏི, སཱིམཾ ཝཱ སམྨནྣཏི [སམྨནཏི (ཀ.)], ཨཱཔཏྟི དུཀྐཊསྶ. ཉཏྟིཡཱ དུཀྐཊཾ. དྭཱིཧི ཀམྨཝཱཙཱཧི དུཀྐཊཱ. ཀམྨཝཱཙཱཔརིཡོསཱནེ ཨུཔཛ྄ཛྷཱཡསྶ ཨཱཔཏྟི པཱཙིཏྟིཡསྶ. གཎསྶ ཙ ཨཱཙརིཡསྶ ཙ ཨཱཔཏྟི དུཀྐཊསྶ.

༤༠༥. ཨཱུནཝཱིསཏིཝསྶེ ¶ ཨཱུནཝཱིསཏིཝསྶསཉྙཱི ཨུཔསམྤཱདེཏི, ཨཱཔཏྟི པཱཙིཏྟིཡསྶ. ཨཱུནཝཱིསཏིཝསྶེ ཝེམཏིཀོ ཨུཔསམྤཱདེཏི, ཨཱཔཏྟི དུཀྐཊསྶ. ཨཱུནཝཱིསཏིཝསྶེ པརིཔུཎྞཝཱིསཏིཝསྶསཉྙཱི ཨུཔསམྤཱདེཏི, ཨནཱཔཏྟི. པརིཔུཎྞཝཱིསཏིཝསྶེ ཨཱུནཝཱིསཏིཝསྶསཉྙཱི, ཨཱཔཏྟི དུཀྐཊསྶ. པརིཔུཎྞཝཱིསཏིཝསྶེ ཝེམཏིཀོ, ཨཱཔཏྟི དུཀྐཊསྶ. པརིཔུཎྞཝཱིསཏིཝསྶེ པརིཔུཎྞཝཱིསཏིཝསྶསཉྙཱི, ཨནཱཔཏྟི.

༤༠༦. ཨནཱཔཏྟི ཨཱུནཝཱིསཏིཝསྶཾ པརིཔུཎྞཝཱིསཏིཝསྶསཉྙཱི ཨུཔསམྤཱདེཏི, པརིཔུཎྞཝཱིསཏིཝསྶཾ པརིཔུཎྞཝཱིསཏིཝསྶསཉྙཱི ཨུཔསམྤཱདེཏི, ཨུམྨཏྟཀསྶ, ཨཱདིཀམྨིཀསྶཱཏི.

ཨཱུནཝཱིསཏིཝསྶསིཀྑཱཔདཾ ནིཊྛིཏཾ པཉྩམཾ.

༦. ཐེཡྻསཏྠསིཀྑཱཔདཾ

༤༠༧. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཉྙཏརོ སཏྠོ རཱཛགཧཱ པཊིཡཱལོཀཾ གནྟུཀཱམོ ཧོཏི. ཨཉྙཏརོ བྷིཀྑུ ཏེ མནུསྶེ ཨེཏདཝོཙ – ‘‘ཨཧམྤཱཡསྨནྟེཧི སདྡྷིཾ གམིསྶཱམཱི’’ཏི. ‘‘མཡཾ ཁོ, བྷནྟེ, སུངྐཾ པརིཧརིསྶཱམཱ’’ཏི. ‘‘པཛཱནཱཐཱཝུསོ’’ཏི. ཨསྶོསུཾ ཁོ ཀམྨིཡཱ [ཀམྨིཀཱ (སཱི. སྱཱ.)] – ‘‘སཏྠོ ཀིར སུངྐཾ པརིཧརིསྶཏཱི’’ཏི. ཏེ མགྒེ པརིཡུཊྛིཾསུ. ཨཐ ཁོ ཏེ ཀམྨིཀཱ ཏཾ སཏྠཾ གཧེཏྭཱ ཨཙྪིནྡིཏྭཱ ཏཾ བྷིཀྑུཾ ཨེཏདཝོཙུཾ – ‘‘ཀིསྶ ཏྭཾ, བྷནྟེ, ཛཱནཾ ཐེཡྻསཏྠེན སདྡྷིཾ གཙྪསཱི’’ཏི? པལིབུནྡྷེཏྭཱ མུཉྩིཾསུ. ཨཐ ཁོ སོ བྷིཀྑུ སཱཝཏྠིཾ གནྟྭཱ བྷིཀྑཱུནཾ ཨེཏམཏྠཾ ¶ ཨཱརོཙེསི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུ ཛཱནཾ ཐེཡྻསཏྠེན སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫིསྶཏཱི’’ཏི…པེ… སཙྩཾ ཀིར ཏྭཾ, བྷིཀྑུ, ཛཱནཾ ཐེཡྻསཏྠེན སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, ཛཱནཾ ཐེཡྻསཏྠེན སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༠༨. ‘‘ཡོ ¶ པན བྷིཀྑུ ཛཱནཾ ཐེཡྻསཏྠེན ¶ སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫེཡྻ, ཨནྟམསོ གཱམནྟརམྤི, པཱཙིཏྟིཡ’’ནྟི.

༤༠༩. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཛཱནཱཏི ནཱམ སཱམཾ ཝཱ ཛཱནཱཏི, ཨཉྙེ ཝཱ ཏསྶ ཨཱརོཙེནྟི, སོ ཝཱ ཨཱརོཙེཏི.

ཐེཡྻསཏྠོ ནཱམ ཙོརཱ ཀཏཀམྨཱ ཝཱ ཧོནྟི ཨཀཏཀམྨཱ ཝཱ, རཱཛཱནཾ ཝཱ ཐེཡྻཾ གཙྪནྟི སུངྐཾ ཝཱ པརིཧརནྟི.

སདྡྷིནྟི ཨེཀཏོ.

སཾཝིདྷཱཡཱཏི – ‘‘གཙྪཱམཱཝུསོ, གཙྪཱམ བྷནྟེ; གཙྪཱམ བྷནྟེ, གཙྪཱམཱཝུསོ, ཨཛྫ ཝཱ ཧིཡྻོ ཝཱ པརེ ཝཱ གཙྪཱམཱ’’ཏི སཾཝིདཧཏི, ཨཱཔཏྟི དུཀྐཊསྶ.

ཨནྟམསོ གཱམནྟརམྤཱིཏི ཀུཀྐུཊསམྤཱཏེ གཱམེ གཱམནྟརེ གཱམནྟརེ ཨཱཔཏྟི པཱཙིཏྟིཡསྶ. ཨགཱམཀེ ཨརཉྙེ ཨདྡྷཡོཛནེ ཨདྡྷཡོཛནེ ཨཱཔཏྟི པཱཙིཏྟིཡསྶ.

༤༡༠. ཐེཡྻསཏྠེ ¶ ཐེཡྻསཏྠསཉྙཱི སཾཝིདྷཱཡ ཨེཀདྡྷཱནམགྒཾ པཊིཔཛྫཏི, ཨནྟམསོ གཱམནྟརམྤི, ཨཱཔཏྟི པཱཙིཏྟིཡསྶ. ཐེཡྻསཏྠེ ཝེམཏིཀོ སཾཝིདྷཱཡ ཨེཀདྡྷཱནམགྒཾ པཊིཔཛྫཏི, ཨནྟམསོ གཱམནྟརམྤི, ཨཱཔཏྟི དུཀྐཊསྶ. ཐེཡྻསཏྠེ ཨཐེཡྻསཏྠསཉྙཱི སཾཝིདྷཱཡ ཨེཀདྡྷཱནམགྒཾ པཊིཔཛྫཏི, ཨནྟམསོ གཱམནྟརམྤི, ཨནཱཔཏྟི. བྷིཀྑུ སཾཝིདཧཏི, མནུསྶཱ ན སཾཝིདཧནྟི, ཨཱཔཏྟི ¶ དུཀྐཊསྶ. ཨཐེཡྻསཏྠེ ཐེཡྻསཏྠསཉྙཱི, ཨཱཔཏྟི དུཀྐཊསྶ. ཨཐེཡྻསཏྠེ ཝེམཏིཀོ, ཨཱཔཏྟི དུཀྐཊསྶ. ཨཐེཡྻསཏྠེ ཨཐེཡྻསཏྠསཉྙཱི ¶ ཨནཱཔཏྟི.

༤༡༡. ཨནཱཔཏྟི ཨསཾཝིདཧིཏྭཱ གཙྪཏི, མནུསྶཱ སཾཝིདཧནྟི བྷིཀྑུ ན སཾཝིདཧཏི, ཝིསངྐེཏེན གཙྪཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཐེཡྻསཏྠསིཀྑཱཔདཾ ནིཊྛིཏཾ ཚཊྛཾ.

༧. སཾཝིདྷཱནསིཀྑཱཔདཾ

༤༡༢. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཉྙཏརོ བྷིཀྑུ ཀོསལེསུ ཛནཔདེ སཱཝཏྠིཾ གཙྪནྟོ ཨཉྙཏརེན གཱམདྭཱརེན ཨཏིཀྐམཏི. ཨཉྙཏརཱ ཨིཏྠཱི སཱམིཀེན སཧ བྷཎྜིཏྭཱ གཱམཏོ ནིཀྑམིཏྭཱ ཏཾ བྷིཀྑུཾ པསྶིཏྭཱ ཨེཏདཝོཙ – ‘‘ཀཧཾ, བྷནྟེ, ཨཡྻོ གམིསྶཏཱི’’ཏི? ‘‘སཱཝཏྠིཾ ཁོ ཨཧཾ, བྷགིནི, གམིསྶཱམཱི’’ཏི. ‘‘ཨཧཾ ཨཡྻེན སདྡྷིཾ གམིསྶཱམཱི’’ཏི. ‘‘ཨེཡྻཱསི, བྷགིནཱི’’ཏི. ཨཐ ཁོ ཏསྶཱ ཨིཏྠིཡཱ སཱམིཀོ གཱམཏོ ནིཀྑམིཏྭཱ མནུསྶེ པུཙྪི – ‘‘ཨཔཱཡྻོ [ཨཔཡྻཱ (སཱི. སྱཱ.)] ཨེཝརཱུཔིཾ ཨིཏྠིཾ པསྶེཡྻཱཐཱ’’ཏི? ‘‘ཨེསཱཡྻོ, པབྦཛིཏེན སཧ གཙྪཏཱི’’ཏི. ཨཐ ཁོ སོ པུརིསོ ཨནུབནྡྷིཏྭཱ ཏཾ བྷིཀྑུཾ གཧེཏྭཱ ཨཱཀོཊེཏྭཱ མུཉྩི. ཨཐ ཁོ སོ བྷིཀྑུ ཨཉྙཏརསྨིཾ རུཀྑམཱུལེ པདྷཱུཔེནྟོ ནིསཱིདི. ཨཐ ཁོ སཱ ཨིཏྠཱི ཏཾ པུརིསཾ ཨེཏདཝོཙ – ‘‘ནཱཡྻོ སོ བྷིཀྑུ མཾ ནིཔྤཱཏེསི; ཨཔིཙ, ཨཧམེཝ ཏེན བྷིཀྑུནཱ སདྡྷིཾ གཙྪཱམི; ཨཀཱརཀོ སོ བྷིཀྑུ; གཙྪ, ནཾ ཁམཱཔེཧཱི’’ཏི. ཨཐ ཁོ སོ པུརིསོ ཏཾ བྷིཀྑུཾ ཁམཱཔེསི. ཨཐ ཁོ སོ བྷིཀྑུ སཱཝཏྠིཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུ མཱཏུགཱམེན སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫིསྶཏཱི’’ཏི…པེ… སཙྩཾ ཀིར ཏྭཾ, བྷིཀྑུ, མཱཏུགཱམེན ¶ སདྡྷིཾ ¶ སཾཝིདྷཱཡ ཨེཀདྡྷཱནམགྒཾ པཊིཔཛྫསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, མཱཏུགཱམེན ¶ སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ, ཨུདྡིསེཡྻཱཐ –

༤༡༣. ‘‘ཡོ པན བྷིཀྑུ མཱཏུགཱམེན སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫེཡྻ, ཨནྟམསོ གཱམནྟརམྤི, པཱཙིཏྟིཡ’’ནྟི.

༤༡༤. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

མཱཏུགཱམོ ནཱམ མནུསྶིཏྠཱི, ན ཡཀྑཱི ན པེཏཱི ན ཏིརཙྪཱནགཏཱ ཝིཉྙཱུ པཊིབལཱ སུབྷཱསིཏདུབྦྷཱསིཏཾ དུཊྛུལླཱདུཊྛུལླཾ ཨཱཛཱནིཏུཾ.

སདྡྷིནྟི ¶ ཨེཀཏོ.

སཾཝིདྷཱཡཱཏི – ‘‘གཙྪཱམ བྷགིནི, གཙྪཱམཱཡྻ, གཙྪཱམཱཡྻ, གཙྪཱམ བྷགིནི, ཨཛྫ ཝཱ ཧིཡྻོ ཝཱ པརེ ཝཱ གཙྪཱམཱ’’ཏི སཾཝིདཧཏི, ཨཱཔཏྟི དུཀྐཊསྶ.

ཨནྟམསོ གཱམནྟརམྤཱིཏི ཀུཀྐུཊསམྤཱཏེ གཱམེ གཱམནྟརེ གཱམནྟརེ ཨཱཔཏྟི པཱཙིཏྟིཡསྶ. ཨགཱམཀེ ཨརཉྙེ ཨདྡྷཡོཛནེ ཨདྡྷཡོཛནེ ཨཱཔཏྟི པཱཙིཏྟིཡསྶ.

༤༡༥. མཱཏུགཱམེ མཱཏུགཱམསཉྙཱི སཾཝིདྷཱཡ ཨེཀདྡྷཱནམགྒཾ པཊིཔཛྫཏི, ཨནྟམསོ གཱམནྟརམྤི, ཨཱཔཏྟི པཱཙིཏྟིཡསྶ. མཱཏུགཱམེ ཝེམཏིཀོ སཾཝིདྷཱཡ ཨེཀདྡྷཱནམགྒཾ པཊིཔཛྫཏི, ཨནྟམསོ གཱམནྟརམྤི, ཨཱཔཏྟི པཱཙིཏྟིཡསྶ. མཱཏུགཱམེ ཨམཱཏུགཱམསཉྙཱི སཾཝིདྷཱཡ ¶ ཨེཀདྡྷཱནམགྒཾ པཊིཔཛྫཏི, ཨནྟམསོ གཱམནྟརམྤི, ཨཱཔཏྟི པཱཙིཏྟིཡསྶ.

བྷིཀྑུ སཾཝིདཧཏི མཱཏུགཱམོ ན སཾཝིདཧཏི, ཨཱཔཏྟི དུཀྐཊསྶ. ཡཀྑིཡཱ ཝཱ པེཏིཡཱ པཎྜཀེན ཝཱ ཏིརཙྪཱནགཏམནུསྶཝིགྒཧིཏྠིཡཱ ཝཱ སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫཏི, ཨནྟམསོ གཱམནྟརམྤི, ཨཱཔཏྟི དུཀྐཊསྶ. ཨམཱཏུགཱམེ མཱཏུགཱམསཉྙཱི, ཨཱཔཏྟི དུཀྐཊསྶ. ཨམཱཏུགཱམེ ཝེམཏིཀོ, ཨཱཔཏྟི དུཀྐཊསྶ. ཨམཱཏུགཱམེ ཨམཱཏུགཱམསཉྙཱི, ཨནཱཔཏྟི.

༤༡༦. ཨནཱཔཏྟི ¶ ཨསཾཝིདཧིཏྭཱ གཙྪཏི, མཱཏུགཱམོ སཾཝིདཧཏི བྷིཀྑུ ན སཾཝིདཧཏི, ཝིསངྐེཏེན གཙྪཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

སཾཝིདྷཱནསིཀྑཱཔདཾ ནིཊྛིཏཾ སཏྟམཾ.

༨. ཨརིཊྛསིཀྑཱཔདཾ

༤༡༧. [ཨིདཾ ཝཏྠུ ཙཱུལ༹ཝ. ༦༥; མ. ནི. ༡.༢༣༤] ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨརིཊྛསྶ ནཱམ བྷིཀྑུནོ གདྡྷབཱདྷིཔུབྦསྶ ¶ [གནྡྷབཱདྷིཔུབྦསྶ (སྱཱ. ཀ.)] ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ ཧོཏི – ‘‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’’ཏི. ཨསྶོསུཾ ཁོ སམྦཧུལཱ བྷིཀྑཱུ ¶ – ‘‘ཨརིཊྛསྶ ཀིར ནཱམ བྷིཀྑུནོ གདྡྷབཱདྷིཔུབྦསྶ ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ – ‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ, ཏེ པཊིསེཝཏོ ནཱལཾ ཨནྟརཱཡཱཡཱ’’’ཏི. ཨཐ ཁོ ཏེ བྷིཀྑཱུ ཡེན ཨརིཊྛོ བྷིཀྑུ གདྡྷབཱདྷིཔུབྦོ ཏེནུཔསངྐམིཾསུ; ཨུཔསངྐམིཏྭཱ ཨརིཊྛཾ བྷིཀྑུཾ གདྡྷབཱདྷིཔུབྦཾ ཨེཏདཝོཙུཾ – ‘‘སཙྩཾ ཀིར ཏེ, ཨཱཝུསོ ཨརིཊྛ, ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ – ‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ, ཏེ པཊིསེཝཏོ ནཱལཾ ཨནྟརཱཡཱཡཱ’’ཏི? ‘‘ཨེཝཾབྱཱཁོ ཨཧཾ, ཨཱཝུསོ, བྷགཝཏཱ དྷམྨཾ དེསིཏཾ ཨཱཛཱནཱམི – ‘ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’’’ཏི.

‘‘མཱ, ཨཱཝུསོ ཨརིཊྛ, ཨེཝཾ ཨཝཙ. མཱ བྷགཝནྟཾ ཨབྦྷཱཙིཀྑི. ན ཧི སཱདྷུ བྷགཝཏོ ཨབྦྷཀྑཱནཾ [ཨབྦྷཱཙིཀྑནཾ (ཨིཏིཔི)]. ན ཧི བྷགཝཱ ཨེཝཾ ཝདེཡྻ ¶ . ཨནེཀཔརིཡཱཡེནཱཝུསོ ཨརིཊྛ, ཨནྟརཱཡིཀཱ དྷམྨཱ ཨནྟརཱཡིཀཱ ཝུཏྟཱ བྷགཝཏཱ. ཨལཉྩ པན ཏེ པཊིསེཝཏོ ཨནྟརཱཡཱཡ. ཨཔྤསྶཱདཱ ཀཱམཱ ཝུཏྟཱ བྷགཝཏཱ བཧུདུཀྑཱ བཧུཔཱཡཱསཱ, ཨཱདཱིནཝོ ཨེཏྠ བྷིཡྻོ. ཨཊྛིཀངྐལཱུཔམཱ ཀཱམཱ ཝུཏྟཱ བྷགཝཏཱ བཧུདུཀྑཱ བཧུཔཱཡཱསཱ, ཨཱདཱིནཝོ ¶ ཨེཏྠ བྷིཡྻོ. མཾསཔེསཱུཔམཱ ཀཱམཱ ཝུཏྟཱ བྷགཝཏཱ…པེ… ཏིཎུཀྐཱུཔམཱ ཀཱམཱ ཝུཏྟཱ བྷགཝཏཱ… ཨངྒཱརཀཱསཱུཔམཱ ཀཱམཱ ཝུཏྟཱ བྷགཝཏཱ… སུཔིནཀཱུཔམཱ ཀཱམཱ ཝུཏྟཱ བྷགཝཏཱ… ཡཱཙིཏཀཱུཔམཱ ཀཱམཱ ཝུཏྟཱ བྷགཝཏཱ… རུཀྑཕལཱུཔམཱ ཀཱམཱ ཝུཏྟཱ བྷགཝཏཱ… ཨསིསཱུནཱུཔམཱ ཀཱམཱ ཝུཏྟཱ བྷགཝཏཱ… སཏྟིསཱུལཱུཔམཱ ཀཱམཱ ཝུཏྟཱ བྷགཝཏཱ… སཔྤསིརཱུཔམཱ ཀཱམཱ ཝུཏྟཱ བྷགཝཏཱ བཧུདུཀྑཱ བཧུཔཱཡཱསཱ, ཨཱདཱིནཝོ ཨེཏྠ བྷིཡྻོ’’ཏི.

ཨེཝམྤི ཁོ ཨརིཊྛོ བྷིཀྑུ གདྡྷབཱདྷིཔུབྦོ ཏེཧི བྷིཀྑཱུཧི ཝུཙྩམཱནོ ཏཐེཝ ཏཾ པཱཔཀཾ དིཊྛིགཏཾ ཐཱམསཱ པརཱམཱསཱ ཨབྷིནིཝིསྶ ཝོཧརཏི – ‘‘ཨེཝཾབྱཱཁོ ཨཧཾ, ཨཱཝུསོ, བྷགཝཏཱ དྷམྨཾ དེསིཏཾ ཨཱཛཱནཱམི, – ‘ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ, ཏེ པཊིསེཝཏོ ནཱལཾ ཨནྟརཱཡཱཡཱ’’’ཏི. ཡཏོ ཙ ཁོ ཏེ བྷིཀྑཱུ ནཱསཀྑིཾསུ ཨརིཊྛཾ བྷིཀྑུཾ གདྡྷབཱདྷིཔུབྦཾ ཨེཏསྨཱ པཱཔཀཱ དིཊྛིགཏཱ ཝིཝེཙེཏུཾ, ཨཐ ཁོ ཏེ བྷིཀྑཱུ ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝཏོ ཨེཏམཏྠཾ ཨཱརོཙེསུཾ. ཨཐ ¶ ཁོ བྷགཝཱ ཨེཏསྨིཾ ནིདཱནེ ¶ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཨརིཊྛཾ བྷིཀྑུཾ གདྡྷབཱདྷིཔུབྦཾ པཊིཔུཙྪི – ‘‘སཙྩཾ ཀིར ཏེ, ཨརིཊྛ, ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ – ‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’’’ཏི ¶ ? ‘‘ཨེཝཾབྱཱཁོ ཨཧཾ, བྷནྟེ, བྷགཝཏཱ དྷམྨཾ དེསིཏཾ ཨཱཛཱནཱམི – ‘ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’’’ཏི.

ཀསྶ ནུ ཁོ ནཱམ ཏྭཾ, མོགྷཔུརིས, མཡཱ ཨེཝཾ དྷམྨཾ དེསིཏཾ ཨཱཛཱནཱསི? ནནུ མཡཱ, མོགྷཔུརིས, ཨནེཀཔརིཡཱཡེན ཨནྟརཱཡིཀཱ དྷམྨཱ ཨནྟརཱཡིཀཱ ཝུཏྟཱ. ཨལཉྩ པན ཏེ པཊིསེཝཏོ ཨནྟརཱཡཱཡ. ཨཔྤསྶཱདཱ ཀཱམཱ ཝུཏྟཱ མཡཱ བཧུདུཀྑཱ བཧུཔཱཡཱསཱ, ཨཱདཱིནཝོ ཨེཏྠ བྷིཡྻོ. ཨཊྛིཀངྐལཱུཔམཱ ཀཱམཱ ཝུཏྟཱ མཡཱ…པེ… མཾསཔེསཱུཔམཱ ཀཱམཱ ཝུཏྟཱ མཡཱ… ཏིཎུཀྐཱུཔམཱ ཀཱམཱ ཝུཏྟཱ མཡཱ… ཨངྒཱརཀཱསཱུཔམཱ ཀཱམཱ ཝུཏྟཱ མཡཱ… སུཔིནཀཱུཔམཱ ཀཱམཱ ཝུཏྟཱ མཡཱ… ཡཱཙིཏཀཱུཔམཱ ཀཱམཱ ཝུཏྟཱ མཡཱ… རུཀྑཕལཱུཔམཱ ཀཱམཱ ཝུཏྟཱ མཡཱ… ཨསིསཱུནཱུཔམཱ ཀཱམཱ ཝུཏྟཱ མཡཱ… སཏྟིསཱུལཱུཔམཱ ཀཱམཱ ཝུཏྟཱ མཡཱ… སཔྤསིརཱུཔམཱ ཀཱམཱ ¶ ཝུཏྟཱ མཡཱ བཧུདུཀྑཱ བཧུཔཱཡཱསཱ, ཨཱདཱིནཝོ ཨེཏྠ བྷིཡྻོ. ཨཐ ཙ པན ཏྭཾ, མོགྷཔུརིས, ཨཏྟནཱ དུགྒཧིཏེན ཨམྷེ ¶ ཙེཝ ཨབྦྷཱཙིཀྑསི, ཨཏྟཱནཉྩ ཁཎསི, བཧུཉྩ ཨཔུཉྙཾ པསཝསི. ཏཉྷི ཏེ, མོགྷཔུརིས, བྷཝིསྶཏི དཱིགྷརཏྟཾ ཨཧིཏཱཡ དུཀྑཱཡ. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ…. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༡༨. ‘‘ཡོ པན བྷིཀྑུ ཨེཝཾ ཝདེཡྻ – ‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ, ཏེ པཊིསེཝཏོ ནཱལཾ ཨནྟརཱཡཱཡཱ’ཏི སོ བྷིཀྑུ བྷིཀྑཱུཧི ཨེཝམསྶ ཝཙནཱིཡོ – ‘མཱཡསྨཱ ཨེཝཾ ཨཝཙ, མཱ བྷགཝནྟཾ ཨབྦྷཱཙིཀྑི, ན ཧི སཱདྷུ བྷགཝཏོ ཨབྦྷཀྑཱནཾ, ན ཧི བྷགཝཱ ཨེཝཾ ཝདེཡྻ, ཨནེཀཔརིཡཱཡེནཱཝུསོ, ཨནྟརཱཡིཀཱ དྷམྨཱ ཨནྟརཱཡིཀཱ ཝུཏྟཱ བྷགཝཏཱ, ཨལཉྩ པན ཏེ པཊིསེཝཏོ ཨནྟརཱཡཱཡཱ’ཏི. ཨེཝཉྩ [ཨེཝཉྩ པན (ཀ.)] སོ བྷིཀྑུ བྷིཀྑཱུཧི ཝུཙྩམཱནོ ཏཐེཝ པགྒཎྷེཡྻ, སོ བྷིཀྑུ བྷིཀྑཱུཧི ཡཱཝཏཏིཡཾ སམནུབྷཱསིཏབྦོ ཏསྶ པཊིནིསྶགྒཱཡ. ཡཱཝཏཏིཡཉྩེ སམནུབྷཱསིཡམཱནོ ཏཾ པཊིནིསྶཛྫེཡྻ, ཨིཙྩེཏཾ ཀུསལཾ, ནོ ཙེ པཊིནིསྶཛྫེཡྻ, པཱཙིཏྟིཡ’’ནྟི.

༤༡༩. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨེཝཾ ཝདེཡྻཱཏི – ‘‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’’ཏི.

སོ ¶ བྷིཀྑཱུཏི ཡོ སོ ཨེཝཾཝཱདཱི བྷིཀྑུ.

བྷིཀྑཱུཧཱིཏི ཨཉྙེཧི ¶ བྷིཀྑཱུཧི. ཡེ པསྶནྟི ཡེ སུཎནྟི ཏེཧི ཝཏྟབྦོ – ‘‘མཱཡསྨཱ ཨེཝཾ ཨཝཙ, མཱ བྷགཝནྟཾ ཨབྦྷཱཙིཀྑི, ན ཧི སཱདྷུ བྷགཝཏོ ཨབྦྷཀྑཱནཾ, ན ཧི བྷགཝཱ ཨེཝཾ ཝདེཡྻ, ཨནེཀཔརིཡཱཡེནཱཝུསོ ཨནྟརཱཡིཀཱ དྷམྨཱ ཨནྟརཱཡིཀཱ ཝུཏྟཱ བྷགཝཏཱ. ཨལཉྩ པན ཏེ པཊིསེཝཏོ ཨནྟརཱཡཱཡཱ’’ཏི. དུཏིཡམྤི ཝཏྟབྦོ. ཏཏིཡམྤི ཝཏྟབྦོ. སཙེ པཊིནིསྶཛྫཏི ¶ , ཨིཙྩེཏཾ ཀུསལཾ; ནོ ཙེ པཊིནིསྶཛྫཏི, ཨཱཔཏྟི དུཀྐཊསྶ. སུཏྭཱ ན ཝདནྟི, ཨཱཔཏྟི དུཀྐཊསྶ. སོ བྷིཀྑུ སངྒྷམཛ྄ཛྷམྤི ¶ ཨཱཀཌྜྷིཏྭཱ ཝཏྟབྦོ – ‘‘མཱཡསྨཱ ཨེཝཾ ཨཝཙ, མཱ བྷགཝནྟཾ ཨབྦྷཱཙིཀྑི, ན ཧི སཱདྷུ བྷགཝཏོ ཨབྦྷཀྑཱནཾ, ན ཧི བྷགཝཱ ཨེཝཾ ཝདེཡྻ, ཨནེཀཔརིཡཱཡེནཱཝུསོ ཨནྟརཱཡིཀཱ དྷམྨཱ ཨནྟརཱཡིཀཱ ཝུཏྟཱ བྷགཝཏཱ. ཨལཉྩ པན ཏེ པཊིསེཝཏོ ཨནྟརཱཡཱཡཱ’’ཏི. དུཏིཡམྤི ཝཏྟབྦོ. ཏཏིཡམྤི ཝཏྟབྦོ. སཙེ པཊིནིསྶཛྫཏི, ཨིཙྩེཏཾ ཀུསལཾ. ནོ ཙེ པཊིནིསྶཛྫཏི, ཨཱཔཏྟི དུཀྐཊསྶ. སོ བྷིཀྑུ སམནུབྷཱསིཏབྦོ. ཨེཝཉྩ པན, བྷིཀྑཝེ, སམནུབྷཱསིཏབྦོ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༤༢༠. ‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམསྶ བྷིཀྑུནོ ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ – ‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ, ཏེ པཊིསེཝཏོ ནཱལཾ ཨནྟརཱཡཱཡཱ’ཏི. སོ ཏཾ དིཊྛིཾ ན པཊིནིསྶཛྫཏི. ཡདི ¶ སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུཾ སམནུབྷཱསེཡྻ – ཏསྶཱ དིཊྛིཡཱ པཊིནིསྶགྒཱཡ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམསྶ བྷིཀྑུནོ ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ – ‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ, ཏེ པཊིསེཝཏོ ནཱལཾ ཨནྟརཱཡཱཡཱ’ཏི. སོ ཏཾ དིཊྛིཾ ན པཊིནིསྶཛྫཏི. སངྒྷོ ཨིཏྠནྣཱམཾ བྷིཀྑུཾ སམནུབྷཱསཏི ཏསྶཱ དིཊྛིཡཱ པཊིནིསྶགྒཱཡ. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ སམནུབྷཱསནཱ, ཏསྶཱ དིཊྛིཡཱ པཊིནིསྶགྒཱཡ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི – ‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམསྶ བྷིཀྑུནོ ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ – ‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’ཏི ¶ . སོ ཏཾ དིཊྛིཾ ན པཊིནིསྶཛྫཏི. སངྒྷོ ཨིཏྠནྣཱམཾ བྷིཀྑུཾ སམནུབྷཱསཏི ཏསྶཱ དིཊྛིཡཱ པཊིནིསྶགྒཱཡ. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ སམནུབྷཱསནཱ, ཏསྶཱ དིཊྛིཡཱ པཊིནིསྶགྒཱཡ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམནུབྷཊྛོ ¶ སངྒྷེན ཨིཏྠནྣཱམོ བྷིཀྑུ, ཏསྶཱ དིཊྛིཡཱ པཊིནིསྶགྒཱཡ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཉཏྟིཡཱ ¶ དུཀྐཊཾ. དྭཱིཧི ཀམྨཝཱཙཱཧི དུཀྐཊཱ. ཀམྨཝཱཙཱཔརིཡོསཱནེ ཨཱཔཏྟི པཱཙིཏྟིཡསྶ.

༤༢༡. དྷམྨཀམྨེ དྷམྨཀམྨསཉྙཱི ན པཊིནིསྶཛྫཏི, ཨཱཔཏྟི པཱཙིཏྟིཡསྶ. དྷམྨཀམྨེ ཝེམཏིཀོ ན པཊིནིསྶཛྫཏི, ཨཱཔཏྟི པཱཙིཏྟིཡསྶ དྷམྨཀམྨེ ཨདྷམྨཀམྨསཉྙཱི ན པཊིནིསྶཛྫཏི, ཨཱཔཏྟི པཱཙིཏྟིཡསྶ.

ཨདྷམྨཀམྨེ དྷམྨཀམྨསཉྙཱི, ཨཱཔཏྟི དུཀྐཊསྶ. ཨདྷམྨཀམྨེ ཝེམཏིཀོ, ཨཱཔཏྟི དུཀྐཊསྶ. ཨདྷམྨཀམྨེ ཨདྷམྨཀམྨསཉྙཱི, ཨཱཔཏྟི དུཀྐཊསྶ.

༤༢༢. ཨནཱཔཏྟི ཨསམནུབྷཱསནྟསྶ, པཊིནིསྶཛྫནྟསྶ, ཨུམྨཏྟཀསྶཱཏི.

ཨརིཊྛསིཀྑཱཔདཾ ནིཊྛིཏཾ ཨཊྛམཾ.

༩. ཨུཀྑིཏྟསམྦྷོགསིཀྑཱཔདཾ

༤༢༣. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཛཱནཾ ཏཐཱཝཱདིནཱ ཨརིཊྛེན བྷིཀྑུནཱ [བྷིཀྑུནཱ གདྡྷབཱདྷིཔུབྦེན (?)] ཨཀཊཱནུདྷམྨེན ཏཾ དིཊྛིཾ ཨཔྤཊིནིསྶཊྛེན སདྡྷིཾ སམྦྷུཉྫནྟིཔི སཾཝསནྟིཔི སཧཱཔི སེཡྻཾ ཀཔྤེནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ཀཐཉྷི ནཱམ ཚབྦགྒིཡཱ བྷིཀྑཱུ ཛཱནཾ ཏཐཱཝཱདིནཱ ཨརིཊྛེན བྷིཀྑུནཱ [བྷིཀྑུནཱ གདྡྷབཱདྷིཔུབྦེན (?)] ཨཀཊཱནུདྷམྨེན ཏཾ དིཊྛིཾ ཨཔྤཊིནིསྶཊྛེན སདྡྷིཾ སམྦྷུཉྫིསྶནྟིཔི སཾཝསིསྶནྟིཔི སཧཱཔི སེཡྻཾ ཀཔྤེསྶནྟཱིཏི…པེ… སཙྩཾ ཀིར ཏུམྷེ, བྷིཀྑཝེ, ཛཱནཾ ཏཐཱཝཱདིནཱ ཨརིཊྛེན བྷིཀྑུནཱ [བྷིཀྑུནཱ གདྡྷབཱདྷིཔུབྦེན (?)] ཨཀཊཱནུདྷམྨེན ¶ ཏཾ དིཊྛིཾ ཨཔྤཊིནིསྶཊྛེན སདྡྷིཾ སམྦྷུཉྫཐཱཔི སཾཝསཐཱཔི སཧཱཔི སེཡྻཾ ཀཔྤེཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཛཱནཾ ཏཐཱཝཱདིནཱ ཨརིཊྛེན བྷིཀྑུནཱ [བྷིཀྑུནཱ གདྡྷབཱདྷིཔུབྦནེ (?)] ཨཀཊཱནུདྷམྨེན ཏཾ དིཊྛིཾ ཨཔྤཊིནིསྶཊྛེན སདྡྷིཾ སམྦྷུཉྫིསྶཐཱཔི སཾཝསིསྶཐཱཔི སཧཱཔི སེཡྻཾ ཀཔྤེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༢༤. ‘‘ཡོ ¶ པན བྷིཀྑུ ཛཱནཾ ཏཐཱཝཱདིནཱ བྷིཀྑུནཱ ཨཀཊཱནུདྷམྨེན ཏཾ དིཊྛིཾ ཨཔྤཊིནིསྶཊྛེན སདྡྷིཾ སམྦྷུཉྫེཡྻ ཝཱ སཾཝསེཡྻ ཝཱ སཧ ཝཱ སེཡྻཾ ¶ ཀཔྤེཡྻ, པཱཙིཏྟིཡ’’ནྟི.

༤༢༥. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཛཱནཱཏི ནཱམ སཱམཾ ཝཱ ཛཱནཱཏི, ཨཉྙེ ཝཱ ཏསྶ ཨཱརོཙེནྟི, སོ ཝཱ ཨཱརོཙེཏི.

ཏཐཱཝཱདིནཱཏི – ‘‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ, ཏེ པཊིསེཝཏོ ནཱལཾ ཨནྟརཱཡཱཡཱ’’ཏི ཨེཝཾ ཝཱདིནཱ.

ཨཀཊཱནུདྷམྨོ ནཱམ ཨུཀྑིཏྟོ ཨནོསཱརིཏོ.

ཏཾ དིཊྛིཾ ཨཔྤཊིནིསྶཊྛེན སདྡྷིནྟི ཨེཏཾ དིཊྛིཾ ཨཔྤཊིནིསྶཊྛེན སདྡྷིཾ.

སམྦྷུཉྫེཡྻ ཝཱཏི སམྦྷོགོ ནཱམ དྭེ སམྦྷོགཱ – ཨཱམིསསམྦྷོགོ ཙ དྷམྨསམྦྷོགོ ཙ. ཨཱམིསསམྦྷོགོ ནཱམ ཨཱམིསཾ དེཏི ཝཱ པཊིགྒཎྷཱཏི ཝཱ, ཨཱཔཏྟི པཱཙིཏྟིཡསྶ. དྷམྨསམྦྷོགོ ནཱམ ཨུདྡིསཏི ཝཱ ཨུདྡིསཱཔེཏི ཝཱ, པདེན ཨུདྡིསཏི ཝཱ ཨུདྡིསཱཔེཏི ཝཱ, པདེ པདེ ཨཱཔཏྟི པཱཙིཏྟིཡསྶ. ཨཀྑརཱཡ ཨུདྡིསཏི ཝཱ ཨུདྡིསཱཔེཏི ཝཱ, ཨཀྑརཀྑརཱཡ ཨཱཔཏྟི པཱཙིཏྟིཡསྶ.

སཾཝསེཡྻ ¶ ཝཱཏི ཨུཀྑིཏྟཀེན སདྡྷིཾ ཨུཔོསཐཾ ཝཱ པཝཱརཎཾ ཝཱ སངྒྷཀམྨཾ ཝཱ ཀརོཏི, ཨཱཔཏྟི པཱཙིཏྟིཡསྶ.

སཧ ¶ ཝཱ སེཡྻཾ ཀཔྤེཡྻཱཏི ཨེཀཙྪནྣེ ཨུཀྑིཏྟཀེ ནིཔནྣེ བྷིཀྑུ ནིཔཛྫཏི, ཨཱཔཏྟི པཱཙིཏྟིཡསྶ. བྷིཀྑུ ནིཔནྣེ ཨུཀྑིཏྟཀོ ནིཔཛྫཏི, ཨཱཔཏྟི པཱཙིཏྟིཡསྶ. ཨུབྷོ ཝཱ ནིཔཛྫནྟི, ཨཱཔཏྟི པཱཙིཏྟིཡསྶ. ཨུཊྛཧིཏྭཱ པུནཔྤུནཾ ནིཔཛྫནྟི, ཨཱཔཏྟི པཱཙིཏྟིཡསྶ.

༤༢༦. ཨུཀྑིཏྟཀེ ¶ ཨུཀྑིཏྟཀསཉྙཱི སམྦྷུཉྫཏི ཝཱ སཾཝསཏི ཝཱ སཧ ཝཱ སེཡྻཾ ཀཔྤེཏི, ཨཱཔཏྟི པཱཙིཏྟིཡསྶ. ཨུཀྑིཏྟཀེ ཝེམཏིཀོ སམྦྷུཉྫཏི ཝཱ སཾཝསཏི ཝཱ སཧ ཝཱ སེཡྻཾ ཀཔྤེཏི, ཨཱཔཏྟི དུཀྐཊསྶ. ཨུཀྑིཏྟཀེ ཨནུཀྑིཏྟཀསཉྙཱི སམྦྷུཉྫཏི ཝཱ སཾཝསཏི ཝཱ སཧ ཝཱ སེཡྻཾ ཀཔྤེཏི, ཨནཱཔཏྟི ¶ . ཨནུཀྑིཏྟཀེ ཨུཀྑིཏྟཀསཉྙཱི, ཨཱཔཏྟི དུཀྐཊསྶ. ཨནུཀྑིཏྟཀེ ཝེམཏིཀོ, ཨཱཔཏྟི དུཀྐཊསྶ. ཨནུཀྑིཏྟཀེ ཨནུཀྑིཏྟཀསཉྙཱི, ཨནཱཔཏྟི.

༤༢༧. ཨནཱཔཏྟི ཨནུཀྑིཏྟོཏི ཛཱནཱཏི, ཨུཀྑིཏྟོ ཨོསཱརིཏོཏི ཛཱནཱཏི, ཨུཀྑིཏྟོ ཏཾ དིཊྛིཾ པཊིནིསྶཊྛོཏི ཛཱནཱཏི, ཨུམྨཏྟཀསྶ, ཨཱདིཀམྨིཀསྶཱཏི.

ཨུཀྑིཏྟསམྦྷོགསིཀྑཱཔདཾ ནིཊྛིཏཾ ནཝམཾ.

༡༠. ཀཎྚཀསིཀྑཱཔདཾ

༤༢༨. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཀཎྚཀསྶ [ཀཎྜཀསྶ (སྱཱ. ཀ.)] ནཱམ སམཎུདྡེསསྶ ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ ཧོཏི – ‘‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’’ཏི. ཨསྶོསུཾ ཁོ སམྦཧུལཱ བྷིཀྑཱུ ཀཎྚཀསྶ ནཱམ ཀིར སམཎུདྡེསསྶ ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ – ‘‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ, ཏེ པཊིསེཝཏོ ནཱལཾ ཨནྟརཱཡཱཡཱ’’ཏི. ཨཐ ཁོ ཏེ བྷིཀྑཱུ ཡེན ཀཎྚཀོ སམཎུདྡེསོ ཏེནུཔསངྐམིཾསུ; ཨུཔསངྐམིཏྭཱ ཀཎྚཀཾ སམཎུདྡེསཾ ཨེཏདཝོཙུཾ – ‘‘སཙྩཾ ཀིར ཏེ, ཨཱཝུསོ ཀཎྚཀ, ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ – ‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ཡཐཱ ཡེ’མེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’’’ཏི? ‘‘ཨེཝཾབྱཱཁོ ཨཧཾ, བྷནྟེ, བྷགཝཏཱ དྷམྨཾ དེསིཏཾ ཨཱཛཱནཱམི – ‘ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’’’ཏི.

མཱ ¶ , ཨཱཝུསོ ཀཎྚཀ, ཨེཝཾ ཨཝཙ. མཱ བྷགཝནྟཾ ཨབྦྷཱཙིཀྑི. ན ཧི སཱདྷུ བྷགཝཏོ ཨབྦྷཀྑཱནཾ. ན ཧི བྷགཝཱ ཨེཝཾ ཝདེཡྻ. ཨནེཀཔརིཡཱཡེན, ཨཱཝུསོ ཀཎྚཀ, ཨནྟརཱཡིཀཱ ¶ དྷམྨཱ ཨནྟརཱཡིཀཱ ཝུཏྟཱ བྷགཝཏཱ. ཨལཉྩ ¶ པན ཏེ པཊིསེཝཏོ ཨནྟརཱཡཱཡ. ཨཔྤསྶཱདཱ ཀཱམཱ ཝུཏྟཱ བྷགཝཏཱ བཧུདུཀྑཱ བཧུཔཱཡཱསཱ, ཨཱདཱིནཝོ ཨེཏྠ བྷིཡྻོ…པེ… ཨེཝམྤི ཁོ ཀཎྚཀོ སམཎུདྡེསོ ཏེཧི བྷིཀྑཱུཧི ཝུཙྩམཱནོ ཏཐེཝ ཏཾ པཱཔཀཾ དིཊྛིགཏཾ ཐཱམསཱ པརཱམཱསཱ ཨབྷིནིཝིསྶ ཝོཧརཏི – ‘‘ཨེཝཾབྱཱཁོ ཨཧཾ, བྷནྟེ, བྷགཝཏཱ དྷམྨཾ དེསིཏཾ ཨཱཛཱནཱམི – ‘ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’’’ཏི.

ཡཏོ ཙ ཁོ ཏེ བྷིཀྑཱུ ནཱསཀྑིཾསུ ཀཎྚཀཾ སམཎུདྡེསཾ ཨེཏསྨཱ པཱཔཀཱ དིཊྛིགཏཱ ཝིཝེཙེཏུཾ, ཨཐ ཁོ ཏེ བྷིཀྑཱུ ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཀཎྚཀཾ སམཎུདྡེསཾ པཊིཔུཙྪི – ‘‘སཙྩཾ ཀིར ཏེ, ཀཎྚཀ, ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ – ‘ཏཐཱཧཾ བྷགཝཏཱ ¶ དྷམྨཾ དེསིཏཾ ཨཱཛཱནཱམི, ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’’’ཏི? ‘‘ཨེཝཾབྱཱཁོ ཨཧཾ, བྷནྟེ, བྷགཝཏཱ དྷམྨཾ དེསིཏཾ ཨཱཛཱནཱམི – ‘ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’’’ཏི.

‘‘ཀསྶ ནུ ཁོ ནཱམ ཏྭཾ, མོགྷཔུརིས, མཡཱ ཨེཝཾ དྷམྨཾ དེསིཏཾ ཨཱཛཱནཱསི? ནནུ མཡཱ, མོགྷཔུརིས, ཨནེཀཔརིཡཱཡེན ཨནྟརཱཡིཀཱ དྷམྨཱ ཨནྟརཱཡིཀཱ ཝུཏྟཱ, ཨལཉྩ པན ཏེ པཊིསེཝཏོ ཨནྟརཱཡཱཡ? ཨཔྤསྶཱདཱ ཀཱམཱ ཝུཏྟཱ མཡཱ བཧུདུཀྑཱ བཧུཔཱཡཱསཱ, ཨཱདཱིནཝོ ཨེཏྠ བྷིཡྻོ. ཨཊྛིཀངྐལཱུཔམཱ ཀཱམཱ ཝུཏྟཱ མཡཱ…པེ… སཔྤསིརཱུཔམཱ ཀཱམཱ ཝུཏྟཱ མཡཱ བཧུདུཀྑཱ བཧུཔཱཡཱསཱ, ཨཱདཱིནཝོ ཨེཏྠ བྷིཡྻོ. ཨཐ ཙ པན ཏྭཾ, མོགྷཔུརིས, ཨཏྟནཱ དུགྒཧིཏེན ཨམྷེ ཙེཝ ཨབྦྷཱཙིཀྑསི ཨཏྟཱནཉྩ ཁཎསི བཧུཉྩ ཨཔུཉྙཾ པསཝསི. ཏཉྷི ཏེ, མོགྷཔུརིས, བྷཝིསྶཏི དཱིགྷརཏྟཾ ཨཧིཏཱཡ དུཀྑཱཡ. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ¶ པསནྣཱནཉྩ ཨེཀཙྩཱནཾ ཨཉྙཐཏྟཱཡཱ’’ཏི. ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, སངྒྷོ ཀཎྚཀཾ སམཎུདྡེསཾ ནཱསེཏུ. ཨེཝཉྩ པན, བྷིཀྑཝེ, ནཱསེཏབྦོ – ཨཛྫཏགྒེ ཏེ, ཨཱཝུསོ ཀཎྚཀ, ན ¶ ཙེཝ སོ བྷགཝཱ སཏྠཱ ཨཔདིསིཏབྦོ. ཡམྤི ཙཉྙེ སམཎུདྡེསཱ ལབྷནྟི བྷིཀྑཱུཧི སདྡྷིཾ དིརཏྟཏིརཏྟཾ སཧསེཡྻཾ སཱཔི ¶ ཏེ ནཏྠི. ཙར པིརེ ཝིནསྶཱ’’ཏི. ཨཐ ཁོ སངྒྷོ ཀཎྚཀཾ སམཎུདྡེསཾ ནཱསེསི.

ཏེན ¶ ཁོ པན སམཡེན ཚབྦགྒིཡཱ བྷིཀྑཱུ ཛཱནཾ ཏཐཱནཱསིཏཾ ཀཎྚཀཾ སམཎུདྡེསཾ ཨུཔལཱཔེནྟིཔི ཨུཔཊྛཱཔེནྟིཔི སམྦྷུཉྫནྟིཔི སཧཱཔི སེཡྻཾ ཀཔྤེནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཛཱནཾ ཏཐཱནཱསིཏཾ ཀཎྚཀཾ སམཎུདྡེསཾ ཨུཔལཱཔེསྶནྟིཔི ཨུཔཊྛཱཔེསྶནྟིཔི སམྦྷུཉྫིསྶནྟིཔི སཧཱཔི སེཡྻཾ ཀཔྤེསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, ཛཱནཾ ཏཐཱནཱསིཏཾ ཀཎྚཀཾ སམཎུདྡེསཾ ཨུཔལཱཔེཐཱཔི ཨུཔཊྛཱཔེཐཱཔི སམྦྷུཉྫཐཱཔི སཧཱཔི སེཡྻཾ ཀཔྤེཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཛཱནཾ ཏཐཱནཱསིཏཾ ཀཎྚཀཾ སམཎུདྡེསཾ ཨུཔལཱཔེསྶཐཱཔི ཨུཔཊྛཱཔེསྶཐཱཔི སམྦྷུཉྫིསྶཐཱཔི སཧཱཔི སེཡྻཾ ཀཔྤེསྶཐ ¶ ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༢༩. ‘‘སམཎུདྡེསོཔི ཙེ ཨེཝཾ ཝདེཡྻ – ‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’ཏི, སོ སམཎུདྡེསོ བྷིཀྑཱུཧི ཨེཝམསྶ ཝཙནཱིཡོ – ‘མཱཝུསོ སམཎུདྡེས, ཨེཝཾ ཨཝཙ, མཱ བྷགཝནྟཾ ཨབྦྷཱཙིཀྑི, ན ཧི སཱདྷུ བྷགཝཏོ ཨབྦྷཀྑཱནཾ, ན ཧི བྷགཝཱ ཨེཝཾ ཝདེཡྻ. ཨནེཀཔརིཡཱཡེནཱཝུསོ སམཎུདྡེས, ཨནྟརཱཡིཀཱ དྷམྨཱ ཨནྟརཱཡིཀཱ ཝུཏྟཱ བྷགཝཏཱ. ཨལཉྩ པན ཏེ པཊིསེཝཏོ ཨནྟརཱཡཱཡཱ’ཏི. ཨེཝཉྩ [ཨེཝཉྩ པན (ཀ.)] སོ སམཎུདྡེསོ བྷིཀྑཱུཧི ཝུཙྩམཱནོ ཏཐེཝ པགྒཎྷེཡྻ, སོ སམཎུདྡེསོ བྷིཀྑཱུཧི ཨེཝམསྶ ཝཙནཱིཡོ – ‘ཨཛྫཏགྒེ ཏེ, ཨཱཝུསོ སམཎུདྡེས, ན ཙེཝ སོ བྷགཝཱ སཏྠཱ ཨཔདིསིཏབྦོ. ཡམྤི ཙཉྙེ སམཎུདྡེསཱ ལབྷནྟི བྷིཀྑཱུཧི སདྡྷིཾ དིརཏྟཏིརཏྟཾ སཧསེཡྻཾ སཱཔི ཏེ ནཏྠི. ཙར པིརེ ཝིནསྶཱ’ཏི. ཡོ པན བྷིཀྑུ ཛཱནཾ ཏཐཱནཱསིཏཾ སམཎུདྡེསཾ ཨུཔལཱཔེཡྻ ཝཱ ཨུཔཊྛཱཔེཡྻ ཝཱ སམྦྷུཉྫེཡྻ ཝཱ སཧ ཝཱ སེཡྻཾ ཀཔྤེཡྻ, པཱཙིཏྟིཡ’’ནྟི.

༤༣༠. སམཎུདྡེསོ ནཱམ སཱམཎེརོ ཝུཙྩཏི.

ཨེཝཾ ¶ ཝདེཡྻཱཏི – ‘‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ, ཏེ པཊིསེཝཏོ ནཱལཾ ཨནྟརཱཡཱཡཱ’’ཏི.

སོ ¶ སམཎུདྡེསོཏི ¶ ཡོ སོ ཨེཝཾཝཱདཱི སམཎུདྡེསོ.

བྷིཀྑཱུཧཱིཏི ¶ ཨཉྙེཧི བྷིཀྑཱུཧི, ཡེ པསྶནྟི ཡེ སུཎནྟི ཏེཧི ཝཏྟབྦོ – ‘‘མཱ, ཨཱཝུསོ སམཎུདྡེས, ཨེཝཾ ཨཝཙ. མཱ བྷགཝནྟཾ ཨབྦྷཱཙིཀྑི. ན ཧི སཱདྷུ བྷགཝཏོ ཨབྦྷཀྑཱནཾ. ན ཧི བྷགཝཱ ཨེཝཾ ཝདེཡྻ. ཨནེཀཔརིཡཱཡེནཱཝུསོ སམཎུདྡེས, ཨནྟརཱཡིཀཱ དྷམྨཱ ཨནྟརཱཡིཀཱ ཝུཏྟཱ བྷགཝཏཱ. ཨལཉྩ པན ཏེ པཊིསེཝཏོ ཨནྟརཱཡཱཡཱ’’ཏི. དུཏིཡམྤི ཝཏྟབྦོ… ཏཏིཡམྤི ཝཏྟབྦོ…པེ… སཙེ པཊིནིསྶཛྫཏི ཨིཙྩེཏཾ ཀུསལཾ, ནོ ཙེ པཊིནིསྶཛྫཏི སོ སམཎུདྡེསོ བྷིཀྑཱུཧི ཨེཝམསྶ ཝཙནཱིཡོ – ‘‘ཨཛྫཏགྒེ ཏེ, ཨཱཝུསོ སམཎུདྡེས, ན ཙེཝ སོ བྷགཝཱ སཏྠཱ ཨཔདིསིཏབྦོ. ཡམྤི ཙཉྙེ སམཎུདྡེསཱ ལབྷནྟི བྷིཀྑཱུཧི སདྡྷིཾ དིརཏྟཏིརཏྟཾ སཧསེཡྻཾ སཱཔི ཏེ ནཏྠི. ཙར པིརེ ཝིནསྶཱ’’ཏི.

ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཛཱནཱཏི ནཱམ སཱམཾ ཝཱ ཛཱནཱཏི, ཨཉྙེ ཝཱ ཏསྶ ཨཱརོཙེནྟི, སོ ཝཱ ཨཱརོཙེཏི.

ཏཐཱནཱསིཏནྟི ཨེཝཾ ནཱསིཏཾ.

སམཎུདྡེསོ ནཱམ སཱམཎེརོ ཝུཙྩཏི.

ཨུཔལཱཔེཡྻ ཝཱཏི ཏསྶ པཏྟཾ ཝཱ ཙཱིཝརཾ ཝཱ ཨུདྡེསཾ ཝཱ པརིཔུཙྪཾ ཝཱ དསྶཱམཱིཏི ཨུཔལཱཔེཏི, ཨཱཔཏྟི པཱཙིཏྟིཡསྶ.

ཨུཔཊྛཱཔེཡྻ ཝཱཏི ཏསྶ ཙུཎྞཾ ཝཱ མཏྟིཀཾ ཝཱ དནྟཀཊྛཾ ཝཱ མུཁོདཀཾ ཝཱ སཱདིཡཏི, ཨཱཔཏྟི པཱཙིཏྟིཡསྶ.

སམྦྷུཉྫེཡྻ ཝཱཏི ¶ སམྦྷོགོ ནཱམ དྭེ སམྦྷོགཱ – ཨཱམིསསམྦྷོགོ ཙ དྷམྨསམྦྷོགོ ཙ. ཨཱམིསསམྦྷོགོ ནཱམ ཨཱམིསཾ དེཏི ཝཱ པཊིགྒཎྷཱཏི ཝཱ, ཨཱཔཏྟི པཱཙིཏྟིཡསྶ. དྷམྨསམྦྷོགོ ནཱམ ཨུདྡིསཏི ཝཱ ཨུདྡིསཱཔེཏི ཝཱ, པདེན ཨུདྡིསཏི ཝཱ ཨུདྡིསཱཔེཏི ཝཱ, པདེ པདེ ཨཱཔཏྟི ¶ པཱཙིཏྟིཡསྶ. ཨཀྑརཱཡ ཨུདྡིསཏི ཝཱ ཨུདྡིསཱཔེཏི ཝཱ, ཨཀྑརཀྑརཱཡ ཨཱཔཏྟི པཱཙིཏྟིཡསྶ.

སཧ ¶ ཝཱ སེཡྻཾ ཀཔྤེཡྻཱཏི ཨེཀཙྪནྣེ ནཱསིཏཀེ སམཎུདྡེསེ ནིཔནྣེ བྷིཀྑུ ནིཔཛྫཏི, ཨཱཔཏྟི པཱཙིཏྟིཡསྶ. བྷིཀྑུ ནིཔནྣེ ནཱསིཏཀོ སམཎུདྡེསོ ནིཔཛྫཏི, ཨཱཔཏྟི པཱཙིཏྟིཡསྶ. ཨུབྷོ ཝཱ ནིཔཛྫནྟི, ཨཱཔཏྟི པཱཙིཏྟིཡསྶ. ཨུཊྛཧིཏྭཱ པུནཔྤུནཾ ནིཔཛྫནྟི, ཨཱཔཏྟི པཱཙིཏྟིཡསྶ.

༤༣༡. ནཱསིཏཀེ ནཱསིཏཀསཉྙཱི ཨུཔལཱཔེཏི ཝཱ ཨུཔཊྛཱཔེཏི ཝཱ སམྦྷུཉྫཏི ཝཱ སཧ ཝཱ སེཡྻཾ ཀཔྤེཏི, ཨཱཔཏྟི པཱཙིཏྟིཡསྶ. ནཱསིཏཀེ ཝེམཏིཀོ ཨུཔལཱཔེཏི ཝཱ ཨུཔཊྛཱཔེཏི ཝཱ སམྦྷུཉྫཏི ཝཱ སཧ ཝཱ སེཡྻཾ ཀཔྤེཏི, ཨཱཔཏྟི དུཀྐཊསྶ. ནཱསིཏཀེ ཨནཱསིཏཀསཉྙཱི ཨུཔལཱཔེཏི ཝཱ ཨུཔཊྛཱཔེཏི ཝཱ སམྦྷུཉྫཏི ཝཱ སཧ ཝཱ སེཡྻཾ ཀཔྤེཏི, ཨནཱཔཏྟི. ཨནཱསིཏཀེ ནཱསིཏཀསཉྙཱི, ཨཱཔཏྟི དུཀྐཊསྶ. ཨནཱསིཏཀེ ཝེམཏིཀོ, ཨཱཔཏྟི དུཀྐཊསྶ. ཨནཱསིཏཀེ ཨནཱསིཏཀསཉྙཱི, ཨནཱཔཏྟི.

༤༣༢. ཨནཱཔཏྟི ¶ ཨནཱསིཏཀོཏི ཛཱནཱཏི, ཏཾ དིཊྛིཾ པཊིནིསྶཊྛོཏི ཛཱནཱཏི, ཨུམྨཏྟཀསྶ, ཨཱདིཀམྨིཀསྶཱཏི.

ཀཎྚཀསིཀྑཱཔདཾ ནིཊྛིཏཾ དསམཾ.

སཔྤཱཎཀཝགྒོ སཏྟམོ.

ཏསྶུདྡཱནཾ –

སཉྩིཙྩཝདྷསཔྤཱཎཾ, ཨུཀྐོཊཾ དུཊྛུལླཚཱདནཾ;

ཨཱུནཝཱིསཏི སཏྠཉྩ, སཾཝིདྷཱནཾ ཨརིཊྛཀཾ;

ཨུཀྑིཏྟཾ ཀཎྚཀཉྩེཝ, དས སིཀྑཱཔདཱ ཨིམེཏི.

༨. སཧདྷམྨིཀཝགྒོ

༡. སཧདྷམྨིཀསིཀྑཱཔདཾ

༤༣༣. ཏེན ¶ ¶ ¶ སམཡེན བུདྡྷོ བྷགཝཱ ཀོསམྦིཡཾ ཝིཧརཏི གྷོསིཏཱརཱམེ. ཏེན ཁོ པན སམཡེན ཨཱཡསྨཱ ཚནྣོ ཨནཱཙཱརཾ ¶ ཨཱཙརཏི. བྷིཀྑཱུ ཨེཝམཱཧཾསུ – ‘‘མཱཝུསོ ཚནྣ, ཨེཝརཱུཔཾ ཨཀཱསི. ནེཏཾ ཀཔྤཏཱི’’ཏི. སོ ཨེཝཾ ཝདེཏི – ‘‘ན ཏཱཝཱཧཾ, ཨཱཝུསོ, ཨེཏསྨིཾ སིཀྑཱཔདེ སིཀྑིསྶཱམི ཡཱཝ ན ཨཉྙཾ བྷིཀྑུཾ བྱཏྟཾ ཝིནཡདྷརཾ པརིཔུཙྪཱམཱི’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཚནྣོ བྷིཀྑཱུཧི སཧདྷམྨིཀཾ ཝུཙྩམཱནོ ཨེཝཾ ཝཀྑཏི – ན ཏཱཝཱཧཾ, ཨཱཝུསོ, ཨེཏསྨིཾ སིཀྑཱཔདེ སིཀྑིསྶཱམི ཡཱཝ ན ཨཉྙཾ བྷིཀྑུཾ བྱཏྟཾ ཝིནཡདྷརཾ པརིཔུཙྪཱམཱི’’ཏི…པེ… སཙྩཾ ཀིར ཏྭཾ, ཚནྣ, བྷིཀྑཱུཧི སཧདྷམྨིཀཾ ཝུཙྩམཱནོ ཨེཝཾ ཝདེསི – ‘‘ན ཏཱཝཱཧཾ, ཨཱཝུསོ, ཨེཏསྨིཾ སིཀྑཱཔདེ སིཀྑིསྶཱམི ཡཱཝ ན ཨཉྙཾ བྷིཀྑུཾ བྱཏྟཾ ཝིནཡདྷརཾ པརིཔུཙྪཱམཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, བྷིཀྑཱུཧི སཧདྷམྨིཀཾ ཝུཙྩམཱནོ ཨེཝཾ ཝཀྑསི – ‘‘ན ཏཱཝཱཧཾ, ཨཱཝུསོ, ཨེཏསྨིཾ སིཀྑཱཔདེ སིཀྑིསྶཱམི ཡཱཝ ན ཨཉྙཾ བྷིཀྑུཾ བྱཏྟཾ ཝིནཡདྷརཾ པརིཔུཙྪཱམཱི’’ཏི. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༣༤. ‘‘ཡོ པན བྷིཀྑུ བྷིཀྑཱུཧི སཧདྷམྨིཀཾ ཝུཙྩམཱནོ ཨེཝཾ ཝདེཡྻ ¶ – ‘ན ཏཱཝཱཧཾ, ཨཱཝུསོ, ཨེཏསྨིཾ སིཀྑཱཔདེ སིཀྑིསྶཱམི ཡཱཝ ན ཨཉྙཾ བྷིཀྑུཾ བྱཏྟཾ ཝིནཡདྷརཾ པརིཔུཙྪཱམཱི’ཏི, པཱཙིཏྟིཡཾ. སིཀྑམཱནེན, བྷིཀྑཝེ, བྷིཀྑུནཱ ཨཉྙཱཏབྦཾ པརིཔུཙྪིཏབྦཾ པརིཔཉྷིཏབྦཾ. ཨཡཾ ཏཏྠ སཱམཱིཙཱི’’ཏི.

༤༣༥. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑཱུཧཱིཏི ཨཉྙེཧི བྷིཀྑཱུཧི.

སཧདྷམྨིཀཾ ¶ ནཱམ ཡཾ བྷགཝཏཱ པཉྙཏྟཾ སིཀྑཱཔདཾ ཨེཏཾ སཧདྷམྨིཀཾ ནཱམ. ཏེན ཝུཙྩམཱནོ ཨེཝཾ ཝདེཏི [ཝདེཡྻ (ཀ.)] – ‘‘ན ཏཱཝཱཧཾ, ཨཱཝུསོ, ཨེཏསྨིཾ སིཀྑཱཔདེ སིཀྑིསྶཱམི ཡཱཝ ན ཨཉྙཾ བྷིཀྑུཾ བྱཏྟཾ ཝིནཡདྷརཾ པརིཔུཙྪཱམཱི’’ཏི [ཨིམཱནི པདཱནི སྱཱ. པོཏྠཀེ ན དིསྶནྟི]. པཎྜིཏཾ བྱཏྟཾ [ཨིམཱནི པདཱནི སྱཱ. པོཏྠཀེ ན དིསྶནྟི] མེདྷཱཝིཾ བཧུསྶུཏཾ དྷམྨཀཐིཀཾ པརིཔུཙྪཱམཱིཏི བྷཎཏི, ཨཱཔཏྟི པཱཙིཏྟིཡསྶ.

༤༣༦. ཨུཔསམྤནྣེ ¶ ཨུཔསམྤནྣསཉྙཱི ཨེཝཾ ཝདེཏི, ཨཱཔཏྟི པཱཙིཏྟིཡསྶ. ཨུཔསམྤནྣེ ཝེམཏིཀོ ཨེཝཾ ཝདེཏི, ཨཱཔཏྟི པཱཙིཏྟིཡསྶ. ཨུཔསམྤནྣེ ཨནུཔསམྤནྣསཉྙཱི ¶ ཨེཝཾ ཝདེཏི, ཨཱཔཏྟི པཱཙིཏྟིཡསྶ.

ཨཔཉྙཏྟེན ཝུཙྩམཱནོ – ‘‘ཨིདཾ ན སལླེཁཱཡ ན དྷུཏཏྠཱཡ ན པཱསཱདིཀཏཱཡ ན ཨཔཙཡཱཡ ན ཝཱིརིཡཱརམྦྷཱཡ སཾཝཏྟཏཱི’’ཏི ཨེཝཾ ཝདེཏི, ‘‘ན ཏཱཝཱཧཾ, ཨཱཝུསོ, ཨེཏསྨིཾ སིཀྑཱཔདེ སིཀྑིསྶཱམི ཡཱཝ ན ཨཉྙཾ བྷིཀྑུཾ བྱཏྟཾ ཝིནཡདྷརཾ པཎྜིཏཾ མེདྷཱཝིཾ བཧུསྶུཏཾ དྷམྨཀཐིཀཾ པརིཔུཙྪཱམཱི’’ཏི བྷཎཏི, ཨཱཔཏྟི དུཀྐཊསྶ.

ཨནུཔསམྤནྣེན པཉྙཏྟེན ཝཱ ཨཔཉྙཏྟེན ཝཱ ཝུཙྩམཱནོ ¶ – ‘‘ཨིདཾ ན སལླེཁཱཡ ན དྷུཏཏྠཱཡ ན པཱསཱདིཀཏཱཡ ན ཨཔཙཡཱཡ ན ཝཱིརིཡཱརམྦྷཱཡ སཾཝཏྟཏཱི’’ཏི ཨེཝཾ ཝདེཏི, ‘‘ན ཏཱཝཱཧཾ, ཨཱཝུསོ, ཨེཏསྨིཾ སིཀྑཱཔདེ སིཀྑིསྶཱམི ཡཱཝ ན ཨཉྙཾ བྷིཀྑུཾ བྱཏྟཾ ཝིནཡདྷརཾ པཎྜིཏཾ མེདྷཱཝིཾ བཧུསྶུཏཾ དྷམྨཀཐིཀཾ པརིཔུཙྪཱམཱི’’ཏི བྷཎཏི, ཨཱཔཏྟི དུཀྐཊསྶ. ཨནུཔསམྤནྣེ ཨུཔསམྤནྣསཉྙཱི, ཨཱཔཏྟི དུཀྐཊསྶ. ཨནུཔསམྤནྣེ ཝེམཏིཀོ, ཨཱཔཏྟི དུཀྐཊསྶ. ཨནུཔསམྤནྣེ ཨནུཔསམྤནྣསཉྙཱི, ཨཱཔཏྟི དུཀྐཊསྶ.

སིཀྑམཱནེནཱཏི སིཀྑིཏུཀཱམེན.

ཨཉྙཱཏབྦནྟི ཛཱནིཏབྦཾ.

པརིཔུཙྪིཏབྦནྟི ‘‘ཨིདཾ, བྷནྟེ, ཀཐཾ; ཨིམསྶ ཝཱ ཀྭཏྠོ’’ཏི?

པརིཔཉྷིཏབྦནྟི ཙིནྟེཏབྦཾ ཏུལཡིཏབྦཾ.

ཨཡཾ ཏཏྠ སཱམཱིཙཱིཏི ཨཡཾ ཏཏྠ ཨནུདྷམྨཏཱ.

༤༣༧. ཨནཱཔཏྟི ¶ ‘‘ཛཱནིསྶཱམི སིཀྑིསྶཱམཱི’’ཏི བྷཎཏི, ཨུམྨཏྟཀསྶ, ཨཱདིཀམྨིཀསྶཱཏི.

སཧདྷམྨིཀསིཀྑཱཔདཾ ནིཊྛིཏཾ པཋམཾ.

༢. ཝིལེཁནསིཀྑཱཔདཾ

༤༣༨. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. [ཨིདཾ ཝཏྠུ ཙཱུལ༹ཝ. ༣༢༠] ཏེན ཁོ པན སམཡེན བྷགཝཱ བྷིཀྑཱུནཾ ཨནེཀཔརིཡཱཡེན ཝིནཡཀཐཾ ཀཐེཏི, ཝིནཡསྶ ཝཎྞཾ བྷཱསཏི, ཝིནཡཔརིཡཏྟིཡཱ ¶ ཝཎྞཾ བྷཱསཏི, ཨཱདིསྶ ཨཱདིསྶ ཨཱཡསྨཏོ ཨུཔཱལིསྶ ཝཎྞཾ བྷཱསཏི. བྷིཀྑཱུནཾ ཨེཏདཧོསི [བྷིཀྑཱུ བྷགཝཱ (སྱཱ. ཀ.)] – ‘‘བྷགཝཱ ཁོ ཨནེཀཔརིཡཱཡེན ཝིནཡཀཐཾ ཀཐེཏི, ཝིནཡསྶ ཝཎྞཾ བྷཱསཏི, ཝིནཡཔརིཡཏྟིཡཱ ཝཎྞཾ བྷཱསཏི, ཨཱདིསྶ ཨཱདིསྶ ཨཱཡསྨཏོ ཨུཔཱལིསྶ ཝཎྞཾ བྷཱསཏི. ཧནྡ མཡཾ, ཨཱཝུསོ, ཨཱཡསྨཏོ ཨུཔཱལིསྶ སནྟིཀེ ཝིནཡཾ པརིཡཱཔུཎཱམཱ’’ཏི, ཏེ ཙ བཧཱུ བྷིཀྑཱུ ཐེརཱ ཙ ནཝཱ ཙ མཛ྄ཛྷིམཱ ཙ ཨཱཡསྨཏོ ཨུཔཱལིསྶ སནྟིཀེ ཝིནཡཾ པརིཡཱཔུཎནྟི.

ཨཐ ཁོ ཚབྦགྒིཡཱནཾ བྷིཀྑཱུནཾ ཨེཏདཧོསི ¶ – ‘‘ཨེཏརཧི ཁོ, ཨཱཝུསོ, བཧཱུ བྷིཀྑཱུ ཐེརཱ ཙ ནཝཱ ཙ མཛ྄ཛྷིམཱ ཙ ཨཱཡསྨཏོ ཨུཔཱལིསྶ སནྟིཀེ ཝིནཡཾ པརིཡཱཔུཎནྟི. སཙེ ཨིམེ ཝིནཡེ པཀཏཉྙུནོ བྷཝིསྶནྟི ཨམྷེ ཡེནིཙྪཀཾ ཡདིཙྪཀཾ ཡཱཝདིཙྪཀཾ ཨཱཀཌྜྷིསྶནྟི པརིཀཌྜྷིསྶནྟི. ཧནྡ མཡཾ, ཨཱཝུསོ, ཝིནཡཾ ཝིཝཎྞེམཱ’’ཏི. ཨཐ ཁོ ཚབྦགྒིཡཱ བྷིཀྑཱུ བྷིཀྑཱུ ཨུཔསངྐམིཏྭཱ ཨེཝཾ ཝདནྟི – ‘‘ཀིཾ པནིམེཧི ཁུདྡཱནུཁུདྡཀེཧི སིཀྑཱཔདེཧི ཨུདྡིཊྛེཧི, ཡཱཝདེཝ ཀུཀྐུཙྩཱཡ ཝིཧེསཱཡ ཝིལེཁཱཡ སཾཝཏྟནྟཱི’’ཏི! ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ཀཐཉྷི ¶ ནཱམ ཚབྦགྒིཡཱ བྷིཀྑཱུ ཝིནཡཾ ཝིཝཎྞེསྶནྟཱིཏི…པེ… སཙྩཾ ཀིར ཏུམྷེ, བྷིཀྑཝེ, ཝིནཡཾ ཝིཝཎྞེཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཝིནཡཾ ཝིཝཎྞེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༣༩. ‘‘ཡོ པན བྷིཀྑུ པཱཏིམོཀྑེ ཨུདྡིསྶམཱནེ ཨེཝཾ ཝདེཡྻ – ‘ཀིཾ པནིམེཧི ཁུདྡཱནུཁུདྡཀེཧི ¶ སིཀྑཱཔདེཧི ཨུདྡིཊྛེཧི, ཡཱཝདེཝ ཀུཀྐུཙྩཱཡ ཝིཧེསཱཡ ཝིལེཁཱཡ སཾཝཏྟནྟཱི’ཏི, སིཀྑཱཔདཝིཝཎྞཀེ པཱཙིཏྟིཡ’’ནྟི.

༤༤༠. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

པཱཏིམོཀྑེ ཨུདྡིསྶམཱནེཏི ཨུདྡིསནྟེ ཝཱ ཨུདྡིསཱཔེནྟེ ཝཱ སཛ྄ཛྷཱཡཾ ཝཱ ཀརོནྟེ.

ཨེཝཾ ¶ ཝདེཡྻཱཏི – ‘‘ཀིཾ པནིམེཧི ཁུདྡཱནུཁུདྡཀེཧི སིཀྑཱཔདེཧི ཨུདྡིཊྛེཧི, ཡཱཝདེཝ ཀུཀྐུཙྩཱཡ ཝིཧེསཱཡ ཝིལེཁཱཡ སཾཝཏྟནྟཱིཏི. ‘‘ཡེ ཨིམཾ པརིཡཱཔུཎནྟི ཏེསཾ ཀུཀྐུཙྩཾ ཧོཏི, ཝིཧེསཱ ཧོཏི, ཝིལེཁཱ ཧོཏི, ཡེ ཨིམཾ ན པརིཡཱཔུཎནྟི ཏེསཾ ཀུཀྐུཙྩཾ ན ཧོཏི ཝིཧེསཱ ན ཧོཏི ཝིལེཁཱ ན ཧོཏི. ཨནུདྡིཊྛཾ ཨིདཾ ཝརཾ, ཨནུགྒཧིཏཾ ཨིདཾ ཝརཾ, ཨཔརིཡཱཔུཊཾ ཨིདཾ ཝརཾ, ཨདྷཱརིཏཾ ཨིདཾ ཝརཾ, ཝིནཡོ ཝཱ ཨནྟརདྷཱཡཏུ, ཨིམེ ཝཱ བྷིཀྑཱུ ཨཔཀཏཉྙུནོ ཧོནྟཱུ’’ཏི ཨུཔསམྤནྣསྶ ཝིནཡཾ ཝིཝཎྞེཏི, ཨཱཔཏྟི པཱཙིཏྟིཡསྶ.

༤༤༡. ཨུཔསམྤནྣེ ཨུཔསམྤནྣསཉྙཱི ཝིནཡཾ ཝིཝཎྞེཏི, ཨཱཔཏྟི པཱཙིཏྟིཡསྶ ¶ . ཨུཔསམྤནྣེ ཝེམཏིཀོ ཝིནཡཾ ཝིཝཎྞེཏི, ཨཱཔཏྟི པཱཙིཏྟིཡསྶ. ཨུཔསམྤནྣེ ཨནུཔསམྤནྣསཉྙཱི ཝིནཡཾ ཝིཝཎྞེཏི, ཨཱཔཏྟི པཱཙིཏྟིཡསྶ.

ཨཉྙཾ དྷམྨཾ ཝིཝཎྞེཏི, ཨཱཔཏྟི དུཀྐཊསྶ. ཨནུཔསམྤནྣསྶ ཝིནཡཾ ཝཱ ཨཉྙཾ ཝཱ དྷམྨཾ ཝིཝཎྞེཏི, ཨཱཔཏྟི དུཀྐཊསྶ. ཨནུཔསམྤནྣེ ཨུཔསམྤནྣསཉྙཱི, ཨཱཔཏྟི དུཀྐཊསྶ. ཨནུཔསམྤནྣེ ¶ ཝེམཏིཀོ, ཨཱཔཏྟི དུཀྐཊསྶ. ཨནུཔསམྤནྣེ ཨནུཔསམྤནྣསཉྙཱི, ཨཱཔཏྟི དུཀྐཊསྶ.

༤༤༢. ཨནཱཔཏྟི ན ཝིཝཎྞེཏུཀཱམོ, ‘‘ཨིངྒྷ ཏྭཾ སུཏྟནྟེ ཝཱ གཱཐཱཡོ ཝཱ ཨབྷིདྷམྨཾ ཝཱ པརིཡཱཔུཎསྶུ, པཙྪཱ ཝིནཡཾ པརིཡཱཔུཎིསྶསཱི’’ཏི བྷཎཏི, ཨུམྨཏྟཀསྶ, ཨཱདིཀམྨིཀསྶཱཏི.

ཝིལེཁནསིཀྑཱཔདཾ ནིཊྛིཏཾ དུཏིཡཾ.

༣. མོཧནསིཀྑཱཔདཾ

༤༤༣. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨནཱཙཱརཾ ཨཱཙརིཏྭཱ ‘‘ཨཉྙཱཎཀེན ཨཱཔནྣཱཏི ཛཱནནྟཱུ’’ཏི པཱཏིམོཀྑེ ཨུདྡིསྶམཱནེ ཨེཝཾ ཝདནྟི – ‘‘ཨིདཱནེཝ ཁོ མཡཾ ཛཱནཱམ, ཨཡམྤི ཀིར དྷམྨོ སུཏྟཱགཏོ སུཏྟཔརིཡཱཔནྣོ ཨནྭདྡྷམཱསཾ ཨུདྡེསཾ ཨཱགཙྪཏཱི’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ པཱཏིམོཀྑེ ཨུདྡིསྶམཱནེ ཨེཝཾ ཝཀྑནྟི – ཨིདཱནེཝ ཁོ མཡཾ ཛཱནཱམ ¶ , ཨཡམྤི ཀིར དྷམྨོ སུཏྟཱགཏོ སུཏྟཔརིཡཱཔནྣོ ཨནྭདྡྷམཱསཾ ཨུདྡེསཾ ཨཱགཙྪཏཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, པཱཏིམོཀྑེ ཨུདྡིསྶམཱནེ ཨེཝཾ ཝདེཐ – ‘‘ཨིདཱནེཝ ཁོ མཡཾ ཛཱནཱམ, ཨཡམྤི ཀིར དྷམྨོ སུཏྟཱགཏོ སུཏྟཔརིཡཱཔནྣོ ཨནྭདྡྷམཱསཾ ཨུདྡེསཾ ཨཱགཙྪཏཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, པཱཏིམོཀྑེ ཨུདྡིསྶམཱནེ ཨེཝཾ ཝཀྑཐ – ‘‘ཨིདཱནེཝ ཁོ མཡཾ ཛཱནཱམ, ཨཡམྤི ཀིར དྷམྨོ སུཏྟཱགཏོ སུཏྟཔརིཡཱཔནྣོ ཨནྭདྡྷམཱསཾ ཨུདྡེསཾ ཨཱགཙྪཏཱི’’ཏི! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༤༤. ‘‘ཡོ པན བྷིཀྑུ ཨནྭདྡྷམཱསཾ ¶ པཱཏིམོཀྑེ ཨུདྡིསྶམཱནེ ཨེཝཾ ཝདེཡྻ – ‘ཨིདཱནེཝ ཁོ ཨཧཾ ཛཱནཱམི, ཨཡམྤི ཀིར དྷམྨོ སུཏྟཱགཏོ སུཏྟཔརིཡཱཔནྣོ ཨནྭདྡྷམཱསཾ ཨུདྡེསཾ ཨཱགཙྪཏཱི’ཏི. ཏཉྩེ བྷིཀྑུཾ ཨཉྙེ བྷིཀྑཱུ ཛཱནེཡྻུཾ ནིསིནྣཔུབྦཾ ཨིམིནཱ བྷིཀྑུནཱ དྭཏྟིཀྑཏྟུཾ པཱཏིམོཀྑེ ཨུདྡིསྶམཱནེ, ཀོ པན ཝཱདོ བྷིཡྻོ [བྷིཡྻོཏི (སྱཱ.)], ན ཙ ཏསྶ བྷིཀྑུནོ ཨཉྙཱཎཀེན མུཏྟི ཨཏྠི, ཡཉྩ ཏཏྠ ཨཱཔཏྟིཾ ཨཱཔནྣོ ཏཉྩ ཡཐཱདྷམྨོ ཀཱརེཏབྦོ, ཨུཏྟརི ཙསྶ མོཧོ ཨཱརོཔེཏབྦོ – ‘ཏསྶ ཏེ, ཨཱཝུསོ, ཨལཱབྷཱ, ཏསྶ ཏེ དུལླདྡྷཾ, ཡཾ ཏྭཾ པཱཏིམོཀྑེ ཨུདྡིསྶམཱནེ ན སཱདྷུཀཾ ཨཊྛིཾ ཀཏྭཱ [ཨཊྛིཀཏྭཱ (སྱཱ. ཀ.)] མནསི ཀརོསཱི’ཏི. ཨིདཾ ཏསྨིཾ མོཧནཀེ པཱཙིཏྟིཡ’’ནྟི.

༤༤༥. ཡོ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨནྭདྡྷམཱསནྟི ཨནུཔོསཐིཀཾ.

པཱཏིམོཀྑེ ཨུདྡིསྶམཱནེཏི ཨུདྡིསནྟེ.

ཨེཝཾ ¶ ཝདེཡྻཱཏི ཨནཱཙཱརཾ ཨཱཙརིཏྭཱ – ‘‘ཨཉྙཱཎཀེན ཨཱཔནྣོཏི ཛཱནནྟཱུ’’ཏི པཱཏིམོཀྑེ ཨུདྡིསྶམཱནེ ཨེཝཾ ཝདེཏི – ‘‘ཨིདཱནེཝ ཁོ ཨཧཾ ཛཱནཱམི, ཨཡམྤི ཀིར དྷམྨོ སུཏྟཱགཏོ སུཏྟཔརིཡཱཔནྣོ ཨནྭདྡྷམཱསཾ ཨུདྡེསཾ ཨཱགཙྪཏཱི’’ཏི, ཨཱཔཏྟི དུཀྐཊསྶ.

ཏཉྩེ ¶ མོཧེཏུཀཱམཾ བྷིཀྑུཾ ཨཉྙེ བྷིཀྑཱུ ཛཱནེཡྻུཾ ནིསིནྣཔུབྦཾ ཨིམིནཱ བྷིཀྑུནཱ དྭཏྟིཀྑཏྟུཾ པཱཏིམོཀྑེ ཨུདྡིསྶམཱནེ, ཀོ ¶ པན ཝཱདོ བྷིཡྻོ, ན ཙ ཏསྶ བྷིཀྑུནོ ཨཉྙཱཎཀེན མུཏྟི ཨཏྠི, ཡཉྩ ཏཏྠ ཨཱཔཏྟིཾ ཨཱཔནྣོ, ཏཉྩ ཡཐཱདྷམྨོ ཀཱརེཏབྦོ, ཨུཏྟརི ཙསྶ མོཧོ ཨཱརོཔེཏབྦོ. ཨེཝཉྩ པན, བྷིཀྑཝེ, ཨཱརོཔེཏབྦོ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༤༤༦. ‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ པཱཏིམོཀྑེ ཨུདྡིསྶམཱནེ ན སཱདྷུཀཾ ཨཊྛིཾ ཀཏྭཱ མནསི ཀརོཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམསྶ བྷིཀྑུནོ མོཧཾ ཨཱརོཔེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ པཱཏིམོཀྑེ ཨུདྡིསྶམཱནེ ན སཱདྷུཀཾ ཨཊྛིཾ ཀཏྭཱ མནསི ཀརོཏི. སངྒྷོ ཨིཏྠནྣཱམསྶ བྷིཀྑུནོ མོཧཾ ཨཱརོཔེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ མོཧསྶ ཨཱརོཔནཱ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཨཱརོཔིཏོ སངྒྷེན ཨིཏྠནྣཱམསྶ བྷིཀྑུནོ མོཧོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨནཱརོཔིཏེ མོཧེ མོཧེཏི, ཨཱཔཏྟི དུཀྐཊསྶ. ཨཱརོཔིཏེ མོཧེ མོཧེཏི, ཨཱཔཏྟི པཱཙིཏྟིཡསྶ.

༤༤༧. དྷམྨཀམྨེ དྷམྨཀམྨསཉྙཱི, ཨཱཔཏྟི པཱཙིཏྟིཡསྶ. དྷམྨཀམྨེ ཝེམཏིཀོ, ཨཱཔཏྟི པཱཙིཏྟིཡསྶ. དྷམྨཀམྨེ ཨདྷམྨཀམྨསཉྙཱི མོཧེཏི, ཨཱཔཏྟི པཱཙིཏྟིཡསྶ.

ཨདྷམྨཀམྨེ དྷམྨཀམྨསཉྙཱི, ཨཱཔཏྟི དུཀྐཊསྶ. ཨདྷམྨཀམྨེ ཝེམཏིཀོ ¶ , ཨཱཔཏྟི དུཀྐཊསྶ. ཨདྷམྨཀམྨེ ཨདྷམྨཀམྨསཉྙཱི, ཨཱཔཏྟི དུཀྐཊསྶ.

༤༤༨. ཨནཱཔཏྟི ¶ ན ཝིཏྠཱརེན སུཏཾ ཧོཏི, ཨཱུནཀདྭཏྟིཀྑཏྟུཾ ཝིཏྠཱརེན སུཏཾ ཧོཏི, ན མོཧེཏུཀཱམསྶ, ཨུམྨཏྟཀསྶ, ཨཱདིཀམྨིཀསྶཱཏི.

མོཧནསིཀྑཱཔདཾ ནིཊྛིཏཾ ཏཏིཡཾ.

༤. པཧཱརསིཀྑཱཔདཾ

༤༤༩. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ¶ ཚབྦགྒིཡཱ བྷིཀྑཱུ ཀུཔིཏཱ ཨནཏྟམནཱ སཏྟརསཝགྒིཡཱནཾ བྷིཀྑཱུནཾ པཧཱརཾ དེནྟི. ཏེ རོདནྟི. བྷིཀྑཱུ ཨེཝམཱཧཾསུ – ‘‘ཀིསྶ ཏུམྷེ, ཨཱཝུསོ, རོདཐཱ’’ཏི? ‘‘ཨིམེ, ཨཱཝུསོ, ཚབྦགྒིཡཱ བྷིཀྑཱུ ཀུཔིཏཱ ཨནཏྟམནཱ ཨམྷཱཀཾ པཧཱརཾ དེནྟཱི’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཀུཔིཏཱ ཨནཏྟམནཱ བྷིཀྑཱུནཾ པཧཱརཾ དསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, ཀུཔིཏཱ ཨནཏྟམནཱ བྷིཀྑཱུནཾ པཧཱརཾ དེཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཀུཔིཏཱ ཨནཏྟམནཱ བྷིཀྑཱུནཾ པཧཱརཾ དསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༥༠. ‘‘ཡོ པན བྷིཀྑུ བྷིཀྑུསྶ ཀུཔིཏོ ཨནཏྟམནོ པཧཱརཾ དདེཡྻ, པཱཙིཏྟིཡ’’ནྟི.

༤༥༡. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུསྶཱཏི ཨཉྙསྶ བྷིཀྑུསྶ.

ཀུཔིཏོ ཨནཏྟམནོཏི ཨནབྷིརདྡྷོ ཨཱཧཏཙིཏྟོ ཁིལཛཱཏོ.

པཧཱརཾ དདེཡྻཱཏི ཀཱཡེན ཝཱ ཀཱཡཔཊིབདྡྷེན ཝཱ ནིསྶགྒིཡེན ཝཱ ཨནྟམསོ ཨུཔྤལཔཏྟེནཔི ¶ པཧཱརཾ དེཏི, ཨཱཔཏྟི པཱཙིཏྟིཡསྶ.

༤༥༢. ཨུཔསམྤནྣེ ¶ ཨུཔསམྤནྣསཉྙཱི ཀུཔིཏོ ཨནཏྟམནོ པཧཱརཾ དེཏི, ཨཱཔཏྟི པཱཙིཏྟིཡསྶ. ཨུཔསམྤནྣེ ཝེམཏིཀོ ཀུཔིཏོ ཨནཏྟམནོ པཧཱརཾ དེཏི, ཨཱཔཏྟི པཱཙིཏྟིཡསྶ. ཨུཔསམྤནྣེ ཨནུཔསམྤནྣསཉྙཱི ཀུཔིཏོ ཨནཏྟམནོ པཧཱརཾ དེཏི, ཨཱཔཏྟི པཱཙིཏྟིཡསྶ.

ཨནུཔསམྤནྣསྶ ཀུཔིཏོ ཨནཏྟམནོ པཧཱརཾ དེཏི, ཨཱཔཏྟི དུཀྐཊསྶ. ཨནུཔསམྤནྣེ ཨུཔསམྤནྣསཉྙཱི, ཨཱཔཏྟི དུཀྐཊསྶ. ཨནུཔསམྤནྣེ ཝེམཏིཀོ ¶ , ཨཱཔཏྟི དུཀྐཊསྶ. ཨནུཔསམྤནྣེ ཨནུཔསམྤནྣསཉྙཱི, ཨཱཔཏྟི དུཀྐཊསྶ.

༤༥༣. ཨནཱཔཏྟི ཀེནཙི ཝིཧེཋཱིཡམཱནོ མོཀྑཱདྷིཔྤཱཡོ པཧཱརཾ དེཏི, ཨུམྨཏྟཀསྶ, ཨཱདིཀམྨིཀསྶཱཏི.

པཧཱརསིཀྑཱཔདཾ ནིཊྛིཏཾ ཙཏུཏྠཾ.

༥. ཏལསཏྟིཀསིཀྑཱཔདཾ

༤༥༤. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཀུཔིཏཱ ཨནཏྟམནཱ སཏྟརསཝགྒིཡཱནཾ ¶ བྷིཀྑཱུནཾ ཏལསཏྟིཀཾ ཨུགྒིརནྟི. ཏེ པཧཱརསམུཙྩིཏཱ རོདནྟི. བྷིཀྑཱུ ཨེཝམཱཧཾསུ – ‘‘ཀིསྶ ཏུམྷེ, ཨཱཝུསོ, རོདཐཱ’’ཏི? ‘‘ཨིམེ, ཨཱཝུསོ, ཚབྦགྒིཡཱ བྷིཀྑཱུ ཀུཔིཏཱ ཨནཏྟམནཱ ཨམྷཱཀཾ ཏལསཏྟིཀཾ ཨུགྒིརནྟཱི’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཀུཔིཏཱ ཨནཏྟམནཱ སཏྟརསཝགྒིཡཱནཾ བྷིཀྑཱུནཾ ཏལསཏྟིཀཾ ཨུགྒིརིསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, ཀུཔིཏཱ ཨནཏྟམནཱ སཏྟརསཝགྒིཡཱནཾ བྷིཀྑཱུནཾ ཏལསཏྟིཀཾ ཨུགྒིརཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཀུཔིཏཱ ཨནཏྟམནཱ སཏྟརསཝགྒིཡཱནཾ བྷིཀྑཱུནཾ ཏལསཏྟིཀཾ ཨུགྒིརིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༥༥. ‘‘ཡོ པན བྷིཀྑུ བྷིཀྑུསྶ ཀུཔིཏོ ཨནཏྟམནོ ཏལསཏྟིཀཾ ཨུགྒིརེཡྻ, པཱཙིཏྟིཡ’’ནྟི.

༤༥༦. ཡོ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུསྶཱཏི ཨཉྙསྶ བྷིཀྑུསྶ.

ཀུཔིཏོ ཨནཏྟམནོཏི ཨནབྷིརདྡྷོ ཨཱཧཏཙིཏྟོ ཁིལཛཱཏོ.

ཏལསཏྟིཀཾ ¶ ཨུགྒིརེཡྻཱཏི ¶ ཀཱཡཾ ཝཱ ཀཱཡཔཊིབདྡྷཾ ཝཱ ཨནྟམསོ ཨུཔྤལཔཏྟམྤི ཨུཙྩཱརེཏི, ཨཱཔཏྟི པཱཙིཏྟིཡསྶ.

༤༥༧. ཨུཔསམྤནྣེ ཨུཔསམྤནྣསཉྙཱི ཀུཔིཏོ ཨནཏྟམནོ ཏལསཏྟིཀཾ ཨུགྒིརཏི, ཨཱཔཏྟི པཱཙིཏྟིཡསྶ. ཨུཔསམྤནྣེ ཝེམཏིཀོ ཀུཔིཏོ ཨནཏྟམནོ ཏལསཏྟིཀཾ ཨུགྒིརཏི, ཨཱཔཏྟི པཱཙིཏྟིཡསྶ. ཨུཔསམྤནྣེ ཨནུཔསམྤནྣསཉྙཱི ཀུཔིཏོ ཨནཏྟམནོ ཏལསཏྟིཀཾ ཨུགྒིརཏི, ཨཱཔཏྟི པཱཙིཏྟིཡསྶ.

ཨནུཔསམྤནྣསྶ ཀུཔིཏོ ཨནཏྟམནོ ཏལསཏྟིཀཾ ཨུགྒིརཏི, ཨཱཔཏྟི དུཀྐཊསྶ. ཨནུཔསམྤནྣེ ཨུཔསམྤནྣསཉྙཱི, ཨཱཔཏྟི དུཀྐཊསྶ. ཨནུཔསམྤནྣེ ཝེམཏིཀོ, ཨཱཔཏྟི དུཀྐཊསྶ. ཨནུཔསམྤནྣེ ཨནུཔསམྤནྣསཉྙཱི, ཨཱཔཏྟི དུཀྐཊསྶ.

༤༥༨. ཨནཱཔཏྟི ཀེནཙི ཝིཧེཋཱིཡམཱནོ མོཀྑཱདྷིཔྤཱཡོ ཏལསཏྟིཀཾ ཨུགྒིརཏི, ཨུམྨཏྟཀསྶ, ཨཱདིཀམྨིཀསྶཱཏི.

ཏལསཏྟིཀསིཀྑཱཔདཾ ནིཊྛིཏཾ པཉྩམཾ.

༦. ཨམཱུལཀསིཀྑཱཔདཾ

༤༥༩. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ བྷིཀྑུཾ ཨམཱུལཀེན སངྒྷཱདིསེསེན ཨནུདྡྷཾསེནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ བྷིཀྑུཾ ཨམཱུལཀེན སངྒྷཱདིསེསེན ཨནུདྡྷཾསེསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, བྷིཀྑུཾ ཨམཱུལཀེན སངྒྷཱདིསེསེན ཨནུདྡྷཾསེཐཱཏི ¶ ? ‘‘སཙྩཾ, བྷགཝཱ’’ཏི. ཝིགརཧི ¶ བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, བྷིཀྑུཾ ཨམཱུལཀེན སངྒྷཱདིསེསེན ཨནུདྡྷཾསེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༦༠. ‘‘ཡོ པན བྷིཀྑུ བྷིཀྑུཾ ཨམཱུལཀེན སངྒྷཱདིསེསེན ཨནུདྡྷཾསེཡྻ, པཱཙིཏྟིཡ’’ནྟི.

༤༦༡. ཡོ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུནྟི ཨཉྙཾ བྷིཀྑུཾ.

ཨམཱུལཀཾ ནཱམ ཨདིཊྛཾ ཨསྶུཏཾ ཨཔརིསངྐིཏཾ.

སངྒྷཱདིསེསེནཱཏི ཏེརསནྣཾ ཨཉྙཏརེན.

ཨནུདྡྷཾསེཡྻཱཏི ཙོདེཏི ཝཱ ཙོདཱཔེཏི ཝཱ, ཨཱཔཏྟི པཱཙིཏྟིཡསྶ.

༤༦༢. ཨུཔསམྤནྣེ ཨུཔསམྤནྣསཉྙཱི ཨམཱུལཀེན སངྒྷཱདིསེསེན ཨནུདྡྷཾསེཏི ¶ , ཨཱཔཏྟི པཱཙིཏྟིཡསྶ. ཨུཔསམྤནྣེ ཝེམཏིཀོ ཨམཱུལཀེན སངྒྷཱདིསེསེན ཨནུདྡྷཾསེཏི, ཨཱཔཏྟི པཱཙིཏྟིཡསྶ. ཨུཔསམྤནྣེ ཨནུཔསམྤནྣསཉྙཱི ཨམཱུལཀེན སངྒྷཱདིསེསེན ཨནུདྡྷཾསེཏི, ཨཱཔཏྟི པཱཙིཏྟིཡསྶ.

ཨཱཙཱརཝིཔཏྟིཡཱ ཝཱ དིཊྛིཝིཔཏྟིཡཱ ཝཱ ཨནུདྡྷཾསེཏི, ཨཱཔཏྟི དུཀྐཊསྶ. ཨནུཔསམྤནྣཾ ཨནུདྡྷཾསེཏི, ཨཱཔཏྟི དུཀྐཊསྶ. ཨནུཔསམྤནྣེ ཨུཔསམྤནྣསཉྙཱི, ཨཱཔཏྟི དུཀྐཊསྶ. ཨནུཔསམྤནྣེ ཝེམཏིཀོ, ཨཱཔཏྟི དུཀྐཊསྶ. ཨནུཔསམྤནྣེ ཨནུཔསམྤནྣསཉྙཱི, ཨཱཔཏྟི དུཀྐཊསྶ.

༤༦༣. ཨནཱཔཏྟི ཏཐཱསཉྙཱི ཙོདེཏི, ཝཱ ཙོདཱཔེཏི ཝཱ, ཨུམྨཏྟཀསྶ, ཨཱདིཀམྨིཀསྶཱཏི.

ཨམཱུལཀསིཀྑཱཔདཾ ནིཊྛིཏཾ ཚཊྛཾ.

༧. སཉྩིཙྩསིཀྑཱཔདཾ

༤༦༤. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ སཏྟརསཝགྒིཡཱནཾ བྷིཀྑཱུནཾ སཉྩིཙྩ ཀུཀྐུཙྩཾ ཨུཔདཧནྟི – ‘‘བྷགཝཏཱ, ཨཱཝུསོ, སིཀྑཱཔདཾ པཉྙཏྟཾ – ‘ན ཨཱུནཝཱིསཏིཝསྶོ པུགྒལོ ཨུཔསམྤཱདེཏབྦོ’ཏི. ཏུམྷེ ཙ ཨཱུནཝཱིསཏིཝསྶཱ ཨུཔསམྤནྣཱ. ཀཙྩི ནོ ཏུམྷེ ཨནུཔསམྤནྣཱ’’ཏི? ཏེ རོདནྟི. བྷིཀྑཱུ ཨེཝམཱཧཾསུ – ‘‘ཀིསྶ ཏུམྷེ, ཨཱཝུསོ, རོདཐཱ’’ཏི? ‘‘ཨིམེ ¶ , ཨཱཝུསོ, ཚབྦགྒིཡཱ བྷིཀྑཱུ ཨམྷཱཀཾ སཉྩིཙྩ ཀུཀྐུཙྩཾ ཨུཔདཧནྟཱི’’ཏི ¶ . ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ བྷིཀྑཱུནཾ སཉྩིཙྩ ཀུཀྐུཙྩཾ ཨུཔདཧིསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, བྷིཀྑཱུནཾ སཉྩིཙྩ ཀུཀྐུཙྩཾ ཨུཔདཧཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, བྷིཀྑཱུནཾ སཉྩིཙྩ ཀུཀྐུཙྩཾ ཨུཔདཧིསྶཐ! ནེཏཾ, མོགྷཔུརིསཱ ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༦༥. ‘‘ཡོ པན བྷིཀྑུ བྷིཀྑུསྶ སཉྩིཙྩ ཀུཀྐུཙྩཾ ཨུཔདཧེཡྻ [ཨུཔྤཱདེཡྻ (ཨིཏིཔི)] – ‘ཨིཏིསྶ མུཧུཏྟམྤི ཨཕཱསུ བྷཝིསྶཏཱི’ཏི ཨེཏདེཝ པཙྩཡཾ ཀརིཏྭཱ ཨནཉྙཾ, པཱཙིཏྟིཡ’’ནྟི.

༤༦༦. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ¶ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑུསྶཱཏི ཨཉྙསྶ བྷིཀྑུསྶ.

སཉྩིཙྩཱཏི ཛཱནནྟོ སཉྫཱནནྟོ ཙེཙྩ ཨབྷིཝིཏརིཏྭཱ ཝཱིཏིཀྐམོ.

ཀུཀྐུཙྩཾ ཨུཔདཧེཡྻཱཏི ‘‘ཨཱུནཝཱིསཏིཝསྶོ མཉྙེ ཏྭཾ ཨུཔསམྤནྣོ, ཝིཀཱལེ མཉྙེ ཏཡཱ བྷུཏྟཾ, མཛྫཾ མཉྙེ ཏཡཱ པཱིཏཾ, མཱཏུགཱམེན སདྡྷིཾ རཧོ མཉྙེ ཏཡཱ ནིསིནྣ’’ནྟི ཀུཀྐུཙྩཾ ཨུཔདཧཏི, ཨཱཔཏྟི པཱཙིཏྟིཡསྶ.

ཨེཏདེཝ ¶ པཙྩཡཾ ཀརིཏྭཱ, ཨནཉྙནྟི ན ཨཉྙོ ཀོཙི པཙྩཡོ ཧོཏི ཀུཀྐུཙྩཾ ཨུཔདཧིཏུཾ.

༤༦༧. ཨུཔསམྤནྣེ ཨུཔསམྤནྣསཉྙཱི སཉྩིཙྩ ཀུཀྐུཙྩཾ ཨུཔདཧཏི, ཨཱཔཏྟི པཱཙིཏྟིཡསྶ. ཨུཔསམྤནྣེ ཝེམཏིཀོ སཉྩིཙྩ ཀུཀྐུཙྩཾ ཨུཔདཧཏི, ཨཱཔཏྟི པཱཙིཏྟིཡསྶ. ཨུཔསམྤནྣེ ཨནུཔསམྤནྣསཉྙཱི སཉྩིཙྩ ཀུཀྐུཙྩཾ ཨུཔདཧཏི, ཨཱཔཏྟི པཱཙིཏྟིཡསྶ.

ཨནུཔསམྤནྣསྶ སཉྩིཙྩ ཀུཀྐུཙྩཾ ཨུཔདཧཏི, ཨཱཔཏྟི དུཀྐཊསྶ. ཨནུཔསམྤནྣེ ཨུཔསམྤནྣསཉྙཱི, ཨཱཔཏྟི དུཀྐཊསྶ. ཨནུཔསམྤནྣེ ཝེམཏིཀོ, ཨཱཔཏྟི དུཀྐཊསྶ. ཨནུཔསམྤནྣེ ཨནུཔསམྤནྣསཉྙཱི, ཨཱཔཏྟི དུཀྐཊསྶ.

༤༦༨. ཨནཱཔཏྟི ¶ ན ཀུཀྐུཙྩཾ ཨུཔདཧིཏུཀཱམོ ‘‘ཨཱུནཝཱིསཏིཝསྶོ མཉྙེ ཏྭཾ ཨུཔསམྤནྣོ, ཝིཀཱལེ མཉྙེ ཏཡཱ བྷུཏྟཾ, མཛྫཾ མཉྙེ ཏཡཱ པཱིཏཾ, མཱཏུགཱམེན སདྡྷིཾ རཧོ མཉྙེ ཏཡཱ ནིསིནྣཾ, ཨིངྒྷ ཛཱནཱཧི, མཱ ཏེ པཙྪཱ ཀུཀྐུཙྩཾ ཨཧོསཱི’’ཏི བྷཎཏི, ཨུམྨཏྟཀསྶ, ཨཱདིཀམྨིཀསྶཱཏི.

སཉྩིཙྩསིཀྑཱཔདཾ ནིཊྛིཏཾ སཏྟམཾ.

༨. ཨུཔསྶུཏིསིཀྑཱཔདཾ

༤༦༩. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ པེསལེཧི བྷིཀྑཱུཧི སདྡྷིཾ བྷཎྜནྟི. པེསལཱ བྷིཀྑཱུ ཨེཝཾ ཝདནྟི – ‘‘ཨལཛྫིནོ ཨིམེ, ཨཱཝུསོ, ཚབྦགྒིཡཱ བྷིཀྑཱུ. ན སཀྐཱ ཨིམེཧི སཧ བྷཎྜིཏུ’’ནྟི. ཚབྦགྒིཡཱ བྷིཀྑཱུ ཨེཝཾ ཝདནྟི – ‘‘ཀིསྶ ཏུམྷེ, ཨཱཝུསོ, ཨམྷེ ཨལཛྫིཝཱདེན པཱཔེཐཱ’’ཏི? ‘‘ཀཧཾ པན ཏུམྷེ, ཨཱཝུསོ, ཨསྶུཏྠཱ’’ཏི? ‘‘མཡཾ ཨཱཡསྨནྟཱནཾ ཨུཔསྶུཏིཾ [ཨུཔསྶུཏི (?)] ཏིཊྛམྷཱ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ བྷིཀྑཱུནཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཨུཔསྶུཏིཾ [ཨུཔསྶུཏི (?)] ཏིཊྛིསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, བྷིཀྑཱུནཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཨུཔསྶུཏིཾ [ཨུཔསྶུཏི (?)] ཏིཊྛཐཱཏི? ‘‘སཙྩ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, བྷིཀྑཱུནཾ བྷཎྜནཛཱཏཱནཾ ¶ ཀལཧཛཱཏཱནཾ ཝིཝཱདཱཔནྣཱནཾ ཨུཔསྶུཏིཾ [ཨུཔསྶུཏི (?)] ཏིཊྛིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༧༠. ‘‘ཡོ པན བྷིཀྑུ བྷིཀྑཱུནཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཨུཔསྶུཏིཾ ཏིཊྛེཡྻ – ‘ཡཾ ཨིམེ བྷཎིསྶནྟི ཏཾ སོསྶཱམཱི’ཏི ཨེཏདེཝ པཙྩཡཾ ཀརིཏྭཱ ཨནཉྙཾ, པཱཙིཏྟིཡ’’ནྟི.

༤༧༡. ཡོ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

བྷིཀྑཱུནནྟི ¶ ཨཉྙེསཾ བྷིཀྑཱུནཾ.

བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནནྟི ཨདྷིཀརཎཛཱཏཱནཾ.

ཨུཔསྶུཏིཾ ཏིཊྛེཡྻཱཏི ‘‘ཨིམེསཾ སུཏྭཱ ཙོདེསྶཱམི སཱརེསྶཱམི པཊིཙོདེསྶཱམི པཊིསཱརེསྶཱམི མངྐཱུ ཀརིསྶཱམཱི’’ཏི གཙྪཏི, ཨཱཔཏྟི དུཀྐཊསྶ. ཡཏྠ ཋིཏོ སུཎཱཏི, ཨཱཔཏྟི པཱཙིཏྟིཡསྶ. པཙྪཏོ གཙྪནྟོ ཏུརིཏོ གཙྪཏི སོསྶཱམཱིཏི, ཨཱཔཏྟི དུཀྐཊསྶ. ཡཏྠ ཋིཏོ སུཎཱཏི, ཨཱཔཏྟི པཱཙིཏྟིཡསྶ. པུརཏོ གཙྪནྟོ ཨོཧིཡྻཏི སོསྶཱམཱིཏི, ཨཱཔཏྟི དུཀྐཊསྶ. ཡཏྠ ཋིཏོ སུཎཱཏི, ཨཱཔཏྟི པཱཙིཏྟིཡསྶ. བྷིཀྑུསྶ ཋིཏོཀཱསཾ ཝཱ ནིསིནྣོཀཱསཾ ཝཱ ནིཔནྣོཀཱསཾ ཝཱ ཨཱགནྟྭཱ མནྟེནྟཾ ཨུཀྐཱསིཏབྦཾ ¶ , ཝིཛཱནཱཔེཏབྦཾ, ནོ ཙེ ཨུཀྐཱསེཡྻ ཝཱ ཝིཛཱནཱཔེཡྻ ཝཱ, ཨཱཔཏྟི པཱཙིཏྟིཡསྶ.

ཨེཏདེཝ པཙྩཡཾ ཀརིཏྭཱ ཨནཉྙནྟི ན ཨཉྙོ ཀོཙི པཙྩཡོ ཧོཏི ཨུཔསྶུཏིཾ ཏིཊྛིཏུཾ.

༤༧༢. ཨུཔསམྤནྣེ ཨུཔསམྤནྣསཉྙཱི ཨུཔསྶུཏིཾ ཏིཊྛཏི, ཨཱཔཏྟི པཱཙིཏྟིཡསྶ. ཨུཔསམྤནྣེ ཝེམཏིཀོ ཨུཔསྶུཏིཾ ཏིཊྛཏི, ཨཱཔཏྟི པཱཙིཏྟིཡསྶ. ཨུཔསམྤནྣེ ཨནུཔསམྤནྣསཉྙཱི ཨུཔསྶུཏིཾ ཏིཊྛཏི, ཨཱཔཏྟི པཱཙིཏྟིཡསྶ.

ཨནུཔསམྤནྣསྶ ཨུཔསྶུཏིཾ ཏིཊྛཏི, ཨཱཔཏྟི དུཀྐཊསྶ. ཨནུཔསམྤནྣེ ཨུཔསམྤནྣསཉྙཱི, ཨཱཔཏྟི དུཀྐཊསྶ. ཨནུཔསམྤནྣེ ཝེམཏིཀོ, ཨཱཔཏྟི ¶ དུཀྐཊསྶ. ཨནུཔསམྤནྣེ ¶ ཨནུཔསམྤནྣསཉྙཱི, ཨཱཔཏྟི དུཀྐཊསྶ.

༤༧༣. ཨནཱཔཏྟི – ‘‘ཨིམེསཾ སུཏྭཱ ཨོརམིསྶཱམི ཝིརམིསྶཱམི ཝཱུཔསམིསྶཱམི [ཝཱུཔསམེསྶཱམི (སཱི.)] ཨཏྟཱནཾ པརིམོཙེསྶཱམཱི’’ཏི གཙྪཏི, ཨུམྨཏྟཀསྶ, ཨཱདིཀམྨིཀསྶཱཏི.

ཨུཔསྶུཏིསིཀྑཱཔདཾ ནིཊྛིཏཾ ཨཊྛམཾ.

༩. ཀམྨཔཊིབཱཧནསིཀྑཱཔདཾ

༤༧༤. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨནཱཙཱརཾ ཨཱཙརིཏྭཱ ཨེཀམེཀསྶ ཀམྨེ ཀཡིརམཱནེ པཊིཀྐོསནྟི. ཏེན ཁོ པན སམཡེན སངྒྷོ སནྣིཔཏིཏོ ཧོཏི ཀེནཙིདེཝ ཀརཎཱིཡེན. ཚབྦགྒིཡཱ བྷིཀྑཱུ ཙཱིཝརཀམྨཾ ཀརོནྟཱ ཨེཀསྶ ཚནྡཾ ཨདཾསུ. ཨཐ ཁོ སངྒྷོ – ‘‘ཨཡཾ, ཨཱཝུསོ, ཚབྦགྒིཡོ བྷིཀྑུ ཨེཀཀོ ཨཱགཏོ, ཧནྡསྶ མཡཾ ཀམྨཾ ཀརོམཱ’’ཏི ཏསྶ ཀམྨཾ ཨཀཱསི. ཨཐ ཁོ སོ བྷིཀྑུ ཡེན ཚབྦགྒིཡཱ བྷིཀྑཱུ ཏེནུཔསངྐམི. ཚབྦགྒིཡཱ བྷིཀྑཱུ ཏཾ བྷིཀྑུཾ ཨེཏདཝོཙུཾ – ‘‘ཀིཾ, ཨཱཝུསོ, སངྒྷོ ཨཀཱསཱི’’ཏི? ‘‘སངྒྷོ མེ, ཨཱཝུསོ, ཀམྨཾ ཨཀཱསཱི’’ཏི. ‘‘ན མཡཾ, ཨཱཝུསོ, ཨེཏདཏྠཱཡ ཚནྡཾ ཨདམྷཱ – ‘‘ཏུཡ྄ཧཾ ཀམྨཾ ཀརིསྶཏཱི’’ཏི. སཙེ ཙ མཡཾ ཛཱནེཡྻཱམ ‘‘ཏུཡ྄ཧཾ ཀམྨཾ ཀརིསྶཏཱི’’ཏི, ན མཡཾ ཚནྡཾ དདེཡྻཱམཱ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ དྷམྨིཀཱནཾ ཀམྨཱནཾ ཚནྡཾ དཏྭཱ པཙྪཱ ཁཱིཡནདྷམྨཾ [ཁིཡྻདྷམྨཾ (ཨིཏིཔི)] ཨཱཔཛྫིསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, དྷམྨིཀཱནཾ ཀམྨཱནཾ ¶ ཚནྡཾ དཏྭཱ པཙྪཱ ཁཱིཡནདྷམྨཾ [ཁིཡྻདྷམྨཾ (ཨིཏིཔི)] ཨཱཔཛྫཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, དྷམྨིཀཱནཾ ཀམྨཱནཾ ཚནྡཾ དཏྭཱ པཙྪཱ ཁཱིཡནདྷམྨཾ ¶ [ཁིཡྻདྷམྨཾ (ཨིཏིཔི)] ཨཱཔཛྫིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༧༥. ‘‘ཡོ པན བྷིཀྑུ དྷམྨིཀཱནཾ ཀམྨཱནཾ ཚནྡཾ དཏྭཱ པཙྪཱ ཁཱིཡནདྷམྨཾ ཨཱཔཛྫེཡྻ, པཱཙིཏྟིཡ’’ནྟི.

༤༧༦. ཡོ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

དྷམྨིཀཾ ནཱམ ཀམྨཾ ཨཔལོཀནཀམྨཾ ཉཏྟིཀམྨཾ ཉཏྟིདུཏིཡཀམྨཾ ཉཏྟིཙཏུཏྠཀམྨཾ དྷམྨེན ཝིནཡེན སཏྠུསཱསནེན ཀཏཾ, ཨེཏཾ དྷམྨིཀཾ ནཱམ ཀམྨཾ. ཚནྡཾ དཏྭཱ ཁིཡྻཏི ཨཱཔཏྟི པཱཙིཏྟིཡསྶ.

༤༧༧. དྷམྨཀམྨེ ¶ དྷམྨཀམྨསཉྙཱི ཚནྡཾ དཏྭཱ ཁིཡྻཏི, ཨཱཔཏྟི པཱཙིཏྟིཡསྶ. དྷམྨཀམྨེ ཝེམཏིཀོ ཚནྡཾ དཏྭཱ ཁིཡྻཏི, ཨཱཔཏྟི དུཀྐཊསྶ. དྷམྨཀམྨེ ཨདྷམྨཀམྨསཉྙཱི ཚནྡཾ དཏྭཱ ཁིཡྻཏི, ཨནཱཔཏྟི. ཨདྷམྨཀམྨེ དྷམྨཀམྨསཉྙཱི, ཨཱཔཏྟི དུཀྐཊསྶ. ཨདྷམྨཀམྨེ ཝེམཏིཀོ, ཨཱཔཏྟི དུཀྐཊསྶ. ཨདྷམྨཀམྨེ ཨདྷམྨཀམྨསཉྙཱི, ཨནཱཔཏྟི.

༤༧༨. ཨནཱཔཏྟི – ‘‘ཨདྷམྨེན ཝཱ ཝགྒེན ཝཱ ན ཀམྨཱརཧསྶ ཝཱ ཀམྨཾ ཀཏ’’ནྟི ཛཱནནྟོ ཁིཡྻཏི, ཨུམྨཏྟཀསྶ, ཨཱདིཀམྨིཀསྶཱཏི.

ཀམྨཔཊིབཱཧནསིཀྑཱཔདཾ ནིཊྛིཏཾ ནཝམཾ.

༡༠. ཚནྡཾཨདཏྭཱགམནསིཀྑཱཔདཾ

༤༧༩. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན སངྒྷོ སནྣིཔཏིཏོ ཧོཏི ཀེནཙིདེཝ ཀརཎཱིཡེན. ཚབྦགྒིཡཱ བྷིཀྑཱུ ཙཱིཝརཀམྨཾ ཀརོནྟཱ ཨེཀསྶ ཚནྡཾ ཨདཾསུ. ཨཐ ཁོ སངྒྷོ ‘‘ཡསྶཏྠཱཡ སནྣིཔཏིཏོ ཏཾ ཀམྨཾ ཀརིསྶཱམཱི’’ཏི ཉཏྟིཾ ཋཔེསི. ཨཐ ཁོ སོ བྷིཀྑུ – ‘‘ཨེཝམེཝིམེ ཨེཀམེཀསྶ ཀམྨཾ ཀརོནྟི, ཀསྶ ཏུམྷེ ཀམྨཾ ཀརིསྶཐཱ’’ཏི ཚནྡཾ ཨདཏྭཱ ཨུཊྛཱཡཱསནཱ པཀྐཱམི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུ སངྒྷེ ཝིནིཙྪཡཀཐཱཡ ཝཏྟམཱནཱཡ ¶ ཚནྡཾ ཨདཏྭཱ ཨུཊྛཱཡཱསནཱ པཀྐམིསྶཏཱི’’ཏི…པེ… སཙྩཾ ཀིར ཏྭཾ, བྷིཀྑུ, སངྒྷེ ཝིནིཙྪཡཀཐཱཡ ཝཏྟམཱནཱཡ ཚནྡཾ ཨདཏྭཱ ཨུཊྛཱཡཱསནཱ པཀྐམསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, སངྒྷེ ཝིནིཙྪཡཀཐཱཡ ཝཏྟམཱནཱཡ ཚནྡཾ ཨདཏྭཱ ཨུཊྛཱཡཱསནཱ པཀྐམིསྶསི ¶ ! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༨༠. ‘‘ཡོ པན བྷིཀྑུ སངྒྷེ ཝིནིཙྪཡཀཐཱཡ ཝཏྟམཱནཱཡ ཚནྡཾ ཨདཏྭཱ ཨུཊྛཱཡཱསནཱ པཀྐམེཡྻ, པཱཙིཏྟིཡ’’ནྟི.

༤༨༡. ཡོ ¶ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

སངྒྷེ ཝིནིཙྪཡཀཐཱ ནཱམ ཝཏྠུ ཝཱ ཨཱརོཙིཏཾ ཧོཏི ཨཝིནིཙྪིཏཾ, ཉཏྟི ཝཱ ཋཔིཏཱ ཧོཏི, ཀམྨཝཱཙཱ ཝཱ ཝིཔྤཀཏཱ ཧོཏི.

ཚནྡཾ ཨདཏྭཱ ཨུཊྛཱཡཱསནཱ པཀྐམེཡྻཱཏི – ‘‘ཀཐཾ ཨིདཾ ཀམྨཾ ཀུཔྤཾ ཨསྶ ཝགྒཾ ཨསྶ ན ཀརེཡྻཱ’’ཏི གཙྪཏི, ཨཱཔཏྟི དུཀྐཊསྶ. པརིསཱཡ ཧཏྠཔཱསཾ ཝིཛཧནྟསྶ ཨཱཔཏྟི དུཀྐཊསྶ. ཝིཛཧིཏེ ཨཱཔཏྟི པཱཙིཏྟིཡསྶ.

༤༨༢. དྷམྨཀམྨེ དྷམྨཀམྨསཉྙཱི ཚནྡཾ ཨདཏྭཱ ཨུཊྛཱཡཱསནཱ པཀྐམཏི, ཨཱཔཏྟི པཱཙིཏྟིཡསྶ. དྷམྨཀམྨེ ཝེམཏིཀོ ཚནྡཾ ཨདཏྭཱ ཨུཊྛཱཡཱསནཱ པཀྐམཏི, ཨཱཔཏྟི དུཀྐཊསྶ. དྷམྨཀམྨེ ཨདྷམྨཀམྨསཉྙཱི ཚནྡཾ ཨདཏྭཱ ཨུཊྛཱཡཱསནཱ པཀྐམཏི, ཨནཱཔཏྟི. ཨདྷམྨཀམྨེ དྷམྨཀམྨསཉྙཱི, ཨཱཔཏྟི དུཀྐཊསྶ. ཨདྷམྨཀམྨེ ཝེམཏིཀོ, ཨཱཔཏྟི དུཀྐཊསྶ. ཨདྷམྨཀམྨེ ཨདྷམྨཀམྨསཉྙཱི, ཨནཱཔཏྟི.

༤༨༣. ཨནཱཔཏྟི – ‘‘སངྒྷསྶ བྷཎྜནཾ ཝཱ ཀལཧོ ཝཱ ཝིགྒཧོ ཝཱ ཝིཝཱདོ ཝཱ བྷཝིསྶཏཱི’’ཏི གཙྪཏི, ‘‘སངྒྷབྷེདོ ཝཱ སངྒྷརཱཛི ཝཱ བྷཝིསྶཏཱི’’ཏི གཙྪཏི, ‘‘ཨདྷམྨེན ཝཱ ཝགྒེན ཝཱ ན ཀམྨཱརཧསྶ ཝཱ ཀམྨཾ ཀརིསྶཏཱི’’ཏི གཙྪཏི, གིལཱནོ གཙྪཏི, གིལཱནསྶ ཀརཎཱིཡེན གཙྪཏི, ཨུཙྩཱརེན ཝཱ པསྶཱཝེན ཝཱ པཱིལི༹ཏོ གཙྪཏི, ‘‘ན ཀམྨཾ ¶ ཀོཔེཏུཀཱམོ པུན པཙྩཱགམིསྶཱམཱི’’ཏི གཙྪཏི, ཨུམྨཏྟཀསྶ, ཨཱདིཀམྨིཀསྶཱཏི.

ཚནྡཾ ཨདཏྭཱ གམནསིཀྑཱཔདཾ ནིཊྛིཏཾ དསམཾ.

༡༡. དུབྦལསིཀྑཱཔདཾ

༤༨༤. ཏེན ¶ ¶ ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན ཨཱཡསྨཱ དབྦོ མལླཔུཏྟོ སངྒྷསྶ སེནཱསནཉྩ པཉྙཔེཏི བྷཏྟཱནི ཙ ཨུདྡིསཏི. སོ ཙཱཡསྨཱ དུབྦལཙཱིཝརོ ཧོཏི. ཏེན ཁོ པན སམཡེན སངྒྷསྶ ཨེཀཾ ཙཱིཝརཾ ཨུཔྤནྣཾ ཧོཏི. ཨཐ ཁོ སངྒྷོ ཏཾ ཙཱིཝརཾ ཨཱཡསྨཏོ དབྦསྶ མལླཔུཏྟསྶ ཨདཱསི ¶ . ཚབྦགྒིཡཱ བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཡཐཱསནྠུཏཾ བྷིཀྑཱུ སངྒྷིཀཾ ལཱབྷཾ པརིཎཱམེནྟཱི’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ སམགྒེན སངྒྷེན ཙཱིཝརཾ དཏྭཱ པཙྪཱ ཁཱིཡནདྷམྨཾ ཨཱཔཛྫིསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, སམགྒེན སངྒྷེན ཙཱིཝརཾ དཏྭཱ པཙྪཱ ཁཱིཡནདྷམྨཾ ཨཱཔཛྫཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, སམགྒེན སངྒྷེན ཙཱིཝརཾ དཏྭཱ པཙྪཱ ཁཱིཡནདྷམྨཾ ཨཱཔཛྫིསྶཐ! ནེཏཾ, མོགྷཔུརིསཱ, ཨཔྤསནྣཱནཾ, ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༨༥. ‘‘ཡོ པན བྷིཀྑུ སམགྒེན སངྒྷེན ཙཱིཝརཾ དཏྭཱ པཙྪཱ ཁཱིཡནདྷམྨཾ ཨཱཔཛྫེཡྻ ‘ཡཐཱསནྠུཏཾ བྷིཀྑཱུ སངྒྷིཀཾ ལཱབྷཾ པརིཎཱམེནྟཱི’ཏི, པཱཙིཏྟིཡ’’ནྟི.

༤༨༦. ཡོ ¶ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

སམགྒོ ནཱམ སངྒྷོ སམཱནསཾཝཱསཀོ སམཱནསཱིམཱཡཾ ཋིཏོ.

ཙཱིཝརཾ ནཱམ ཚནྣཾ ཙཱིཝརཱནཾ ཨཉྙཏརཾ ཙཱིཝརཾ ཝིཀཔྤནུཔགཾ པཙྪིམཾ.

དཏྭཱཏི སཡཾ དཏྭཱ.

ཡཐཱསནྠུཏཾ ནཱམ ཡཐཱམིཏྟཏཱ ཡཐཱསནྡིཊྛཏཱ ཡཐཱསམྦྷཏྟཏཱ ཡཐཱསམཱནུཔཛ྄ཛྷཱཡཀཏཱ ཡཐཱསམཱནཱཙརིཡཀཏཱ.

སངྒྷིཀཾ ¶ ནཱམ སངྒྷསྶ དིནྣཾ ཧོཏི པརིཙྩཏྟཾ.

ལཱབྷོ ནཱམ ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརཱ, ཨནྟམསོ ཙུཎྞཔིཎྜོཔི, དནྟཀཊྛམྤི, དསིཀསུཏྟམྤི.

པཙྪཱ ¶ ཁཱིཡནདྷམྨཾ ཨཱཔཛྫེཡྻཱཏི ཨུཔསམྤནྣསྶ སངྒྷེན སམྨཏསྶ སེནཱསནཔཉྙཱཔཀསྶ ཝཱ བྷཏྟུདྡེསཀསྶ ཝཱ ཡཱགུབྷཱཛཀསྶ ཝཱ ཕལབྷཱཛཀསྶ ཝཱ ཁཛྫབྷཱཛཀསྶ ཝཱ ཨཔྤམཏྟཀཝིསྶཛྫཀསྶ ཝཱ ཙཱིཝརཾ དིནྣེ ཁིཡྻཏི, ཨཱཔཏྟི པཱཙིཏྟིཡསྶ.

༤༨༧. དྷམྨཀམྨེ དྷམྨཀམྨསཉྙཱི ཙཱིཝརཾ དིནྣེ ཁིཡྻཏི, ཨཱཔཏྟི པཱཙིཏྟིཡསྶ. དྷམྨཀམྨེ ཝེམཏིཀོ ཙཱིཝརཾ དིནྣེ ཁིཡྻཏི, ཨཱཔཏྟི པཱཙིཏྟིཡསྶ. དྷམྨཀམྨེ ཨདྷམྨཀམྨསཉྙཱི ཙཱིཝརཾ དིནྣེ ཁིཡྻཏི, ཨཱཔཏྟི པཱཙིཏྟིཡསྶ.

ཨཉྙཾ ¶ པརིཀྑཱརཾ དིནྣེ ཁིཡྻཏི, ཨཱཔཏྟི དུཀྐཊསྶ. ཨུཔསམྤནྣསྶ སངྒྷེན ཨསམྨཏསྶ སེནཱསནཔཉྙཱཔཀསྶ ཝཱ བྷཏྟུདྡེསཀསྶ ཝཱ ཡཱགུབྷཱཛཀསྶ ཝཱ ཕལབྷཱཛཀསྶ ཝཱ ཁཛྫབྷཱཛཀསྶ ཝཱ ཨཔྤམཏྟཀཝིསྶཛྫཀསྶ ཝཱ ཙཱིཝརཾ ཝཱ ཨཉྙཾ ཝཱ པརིཀྑཱརཾ དིནྣེ ཁིཡྻཏི, ཨཱཔཏྟི དུཀྐཊསྶ. ཨནུཔསམྤནྣསྶ སངྒྷེན ¶ སམྨཏསྶ ཝཱ ཨསམྨཏསྶ ཝཱ སེནཱསནཔཉྙཱཔཀསྶ ཝཱ བྷཏྟུདྡེསཀསྶ ཝཱ ཡཱགུབྷཱཛཀསྶ ཝཱ ཕལབྷཱཛཀསྶ ཝཱ ཁཛྫབྷཱཛཀསྶ ཝཱ ཨཔྤམཏྟཀཝིསྶཛྫཀསྶ ཝཱ ཙཱིཝརཾ ཝཱ ཨཉྙཾ ཝཱ པརིཀྑཱརཾ དིནྣེ ཁིཡྻཏི, ཨཱཔཏྟི དུཀྐཊསྶ. ཨདྷམྨཀམྨེ དྷམྨཀམྨསཉྙཱི, ཨཱཔཏྟི དུཀྐཊསྶ. ཨདྷམྨཀམྨེ ཝེམཏིཀོ, ཨཱཔཏྟི དུཀྐཊསྶ. ཨདྷམྨཀམྨེ ཨདྷམྨཀམྨསཉྙཱི, ཨནཱཔཏྟི.

༤༨༨. ཨནཱཔཏྟི – པཀཏིཡཱ ཚནྡཱ དོསཱ མོཧཱ བྷཡཱ ཀརོནྟཾ ‘‘ཀྭཏྠོ ཏསྶ དིནྣེན ལདྡྷཱཔི ཝིནིཔཱཏེསྶཏི ན སམྨཱ ཨུཔནེསྶཏཱི’’ཏི ཁིཡྻཏི, ཨུམྨཏྟཀསྶ, ཨཱདིཀམྨིཀསྶཱཏི.

དུབྦལསིཀྑཱཔདཾ ནིཊྛིཏཾ ཨེཀཱདསམཾ.

༡༢. པརིཎཱམནསིཀྑཱཔདཾ

༤༨༩. [ཨིདཾ ཝཏྠུ པཱརཱ. ༦༥༧] ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན སཱཝཏྠིཡཾ ཨཉྙཏརསྶ པཱུགསྶ སངྒྷསྶ སཙཱིཝརབྷཏྟཾ པཊིཡཏྟཾ ཧོཏི – ‘‘བྷོཛེཏྭཱ ཙཱིཝརེན ཨཙྪཱདེསྶཱམཱ’’ཏི. ཨཐ ཁོ ཚབྦགྒིཡཱ བྷིཀྑཱུ ཡེན སོ པཱུགོ ཏེནུཔསངྐམིཾསུ; ཨུཔསངྐམིཏྭཱ ཏཾ པཱུགཾ ཨེཏདཝོཙུཾ – ‘‘དེཐཱཝུསོ, ཨིམཱནི ཙཱིཝརཱནི ཨིམེསཾ བྷིཀྑཱུན’’ནྟི. ‘‘ན མཡཾ, བྷནྟེ, དསྶཱམ. ཨམྷཱཀཾ སངྒྷསྶ ཨནུཝསྶཾ སཙཱིཝརབྷིཀྑཱ པཉྙཏྟཱ’’ཏི. ‘‘བཧཱུ, ཨཱཝུསོ, སངྒྷསྶ དཱཡཀཱ, བཧཱུ སངྒྷསྶ བྷཏྟཱ [བྷདྡཱ (ཀ.)]. ཨིམེ ཏུམྷེ ནིསྶཱཡ ཏུམྷེ སམྤསྶནྟཱ ཨིདྷ ཝིཧརནྟི. ཏུམྷེ ཙེ ཨིམེསཾ ན དསྶཐ, ཨཐ ཀོ ¶ ཙརཧི ཨིམེསཾ དསྶཏི? དེཐཱཝུསོ, ཨིམཱནི ཙཱིཝརཱནི ཨིམེསཾ བྷིཀྑཱུན’’ནྟི. ཨཐ ཁོ སོ པཱུགོ ཚབྦགྒིཡེཧི བྷིཀྑཱུཧི ནིཔྤཱིལི༹ཡམཱནོ ཡཐཱཔཊིཡཏྟཾ ཙཱིཝརཾ ཚབྦགྒིཡཱནཾ བྷིཀྑཱུནཾ དཏྭཱ སངྒྷཾ བྷཏྟེན པརིཝིསི. ཡེ ཏེ བྷིཀྑཱུ ཛཱནནྟི ¶ སངྒྷསྶ སཙཱིཝརབྷཏྟཾ པཊིཡཏྟཾ ‘‘ན ཙ ཛཱནནྟི ཚབྦགྒིཡཱནཾ བྷིཀྑཱུནཾ དིནྣ’’ནྟི ཏེ ཨེཝམཱཧཾསུ – ‘‘ཨོཎོཛེཐཱཝུསོ, སངྒྷསྶ ཙཱིཝར’’ནྟི. ‘‘ནཏྠི, བྷནྟེ. ཡཐཱཔཊིཡཏྟཾ ཙཱིཝརཾ ཨཡྻཱ ཚབྦགྒིཡཱ ཨཡྻཱནཾ ཚབྦགྒིཡཱནཾ པརིཎཱམེསུ’’ནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཛཱནཾ སངྒྷིཀཾ ལཱབྷཾ པརིཎཏཾ པུགྒལསྶ པརིཎཱམེསྶནྟཱི’’ཏི…པེ… ¶ སཙྩཾ ཀིར ཏུམྷེ, བྷིཀྑཝེ, ཛཱནཾ སངྒྷིཀཾ ལཱབྷཾ པརིཎཏཾ པུགྒལསྶ པརིཎཱམེཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཛཱནཾ སངྒྷིཀཾ ལཱབྷཾ པརིཎཏཾ པུགྒལསྶ པརིཎཱམེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༩༠. ‘‘ཡོ པན བྷིཀྑུ ཛཱནཾ སངྒྷིཀཾ ལཱབྷཾ པརིཎཏཾ པུགྒལསྶ པརིཎཱམེཡྻ, པཱཙིཏྟིཡ’’ནྟི.

༤༩༡. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཛཱནཱཏི ནཱམ སཱམཾ ཝཱ ཛཱནཱཏི, ཨཉྙེ ཝཱ ཏསྶ ཨཱརོཙེནྟི, སོ ཝཱ ཨཱརོཙེཏི.

སངྒྷིཀཾ ¶ ནཱམ སངྒྷསྶ དིནྣཾ ཧོཏི པརིཙྩཏྟཾ.

ལཱབྷོ ནཱམ ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརཱ, ཨནྟམསོ ཙུཎྞཔིཎྜོཔི, དནྟཀཊྛམྤི, དསིཀསུཏྟམྤི.

པརིཎཏཾ ནཱམ ‘‘དསྶཱམ ཀརིསྶཱམཱ’’ཏི ཝཱཙཱ བྷིནྣཱ ཧོཏི, ཏཾ པུགྒལསྶ པརིཎཱམེཏི, ཨཱཔཏྟི པཱཙིཏྟིཡསྶ.

༤༩༢. པརིཎཏེ པརིཎཏསཉྙཱི པུགྒལསྶ པརིཎཱམེཏི, ཨཱཔཏྟི པཱཙིཏྟིཡསྶ. པརིཎཏེ ཝེམཏིཀོ པུགྒལསྶ པརིཎཱམེཏི, ཨཱཔཏྟི དུཀྐཊསྶ. པརིཎཏེ ཨཔརིཎཏསཉྙཱི པུགྒལསྶ པརིཎཱམེཏི, ཨནཱཔཏྟི. སངྒྷསྶ པརིཎཏཾ ཨཉྙསངྒྷསྶ ཝཱ ཙེཏིཡསྶ ཝཱ པརིཎཱམེཏི, ཨཱཔཏྟི དུཀྐཊསྶ. ཙེཏིཡསྶ པརིཎཏཾ ཨཉྙཙེཏིཡསྶ ¶ ཝཱ སངྒྷསྶ ཝཱ པུགྒལསྶ ཝཱ པརིཎཱམེཏི, ཨཱཔཏྟི དུཀྐཊསྶ. པུགྒལསྶ པརིཎཏཾ ཨཉྙཔུགྒལསྶ ཝཱ སངྒྷསྶ ཝཱ ཙེཏིཡསྶ ཝཱ པརིཎཱམེཏི, ཨཱཔཏྟི དུཀྐཊསྶ ¶ . ཨཔརིཎཏེ པརིཎཏསཉྙཱི, ཨཱཔཏྟི དུཀྐཊསྶ. ཨཔརིཎཏེ ཝེམཏིཀོ ¶ , ཨཱཔཏྟི དུཀྐཊསྶ. ཨཔརིཎཏེ ཨཔརིཎཏསཉྙཱི, ཨནཱཔཏྟི.

༤༩༣. ཨནཱཔཏྟི – ‘‘ཀཏྠ དེམཱ’’ཏི པུཙྪཱིཡམཱནོ – ‘‘ཡཏྠ ཏུམྷཱཀཾ དེཡྻདྷམྨོ པརིབྷོགཾ ཝཱ ལབྷེཡྻ པཊིསངྑཱརཾ ཝཱ ལབྷེཡྻ ཙིརཊྛིཏིཀོ ཝཱ ཨསྶ ཡཏྠ ཝཱ པན ཏུམྷཱཀཾ ཙིཏྟཾ པསཱིདཏི ཏཏྠ དེཐཱ’’ཏི བྷཎཏི, ཨུམྨཏྟཀསྶ, ཨཱདིཀམྨིཀསྶཱཏི.

པརིཎཱམནསིཀྑཱཔདཾ ནིཊྛིཏཾ དྭཱདསམཾ.

སཧདྷམྨིཀཝགྒོ ཨཊྛམོ.

ཏསྶུདྡཱནཾ –

སཧདྷམྨ-ཝིཝཎྞཉྩ, མོཧཱཔནཾ པཧཱརཀཾ;

ཏལསཏྟི ཨམཱུལཉྩ, སཉྩིཙྩ ཙ ཨུཔསྶུཏི;

པཊིབཱཧནཚནྡཉྩ, དབྦཉྩ པརིཎཱམནནྟི.

༩. རཏནཝགྒོ

༡. ཨནྟེཔུརསིཀྑཱཔདཾ

༤༩༤. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན རཱཛཱ པསེནདི ཀོསལོ ཨུཡྻཱནཔཱལཾ ཨཱཎཱཔེསི – ‘‘གཙྪ, བྷཎེ, ཨུཡྻཱནཾ སོདྷེཧི. ཨུཡྻཱནཾ གམིསྶཱམཱ’’ཏི. ‘‘ཨེཝཾ, དེཝཱ’’ཏི ཁོ སོ ཨུཡྻཱནཔཱལོ རཉྙོ པསེནདིསྶ ཀོསལསྶ པཊིསྶུཏྭཱ ཨུཡྻཱནཾ སོདྷེནྟོ ཨདྡས བྷགཝནྟཾ ཨཉྙཏརསྨིཾ རུཀྑམཱུལེ ནིསིནྣཾ. དིསྭཱན ཡེན རཱཛཱ པསེནདི ཀོསལོ ཏེནུཔསངྐམི; ཨུཔསངྐམིཏྭཱ རཱཛཱནཾ པསེནདིཾ ཀོསལཾ ཨེཏདཝོཙ – ‘‘སུདྡྷཾ, དེཝ, ཨུཡྻཱནཾ. ཨཔིཙ, བྷགཝཱ ཏཏྠ ནིསིནྣོ’’ཏི. ‘‘ཧོཏུ, བྷཎེ! མཡཾ བྷགཝནྟཾ པཡིརུཔཱསིསྶཱམཱ’’ཏི. ཨཐ ཁོ རཱཛཱ པསེནདི ཀོསལོ ཨུཡྻཱནཾ གནྟྭཱ ཡེན བྷགཝཱ ཏེནུཔསངྐམི. ཏེན ཁོ པན སམཡེན ཨཉྙཏརོ ཨུཔཱསཀོ བྷགཝནྟཾ པཡིརུཔཱསནྟོ ནིསིནྣོ ཧོཏི. ཨདྡསཱ ཁོ རཱཛཱ པསེནདི ཀོསལོ ཏཾ ཨུཔཱསཀཾ བྷགཝནྟཾ པཡིརུཔཱསནྟཾ ནིསིནྣཾ. དིསྭཱན བྷཱིཏོ ཨཊྛཱསི. ཨཐ ཁོ རཉྙོ པསེནདིསྶ ཀོསལསྶ ཨེཏདཧོསི – ‘‘ནཱརཧཏཱཡཾ པུརིསོ པཱཔོ ཧོཏུཾ ¶ , ཡཐཱ བྷགཝནྟཾ པཡིརུཔཱསཏཱི’’ཏི. ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨཐ ཁོ སོ ཨུཔཱསཀོ བྷགཝཏོ གཱརཝེན རཱཛཱནཾ ¶ པསེནདིཾ ཀོསལཾ ནེཝ ཨབྷིཝཱདེསི ན པཙྩུཊྛཱསི. ཨཐ ཁོ རཱཛཱ པསེནདི ¶ ཀོསལོ ཨནཏྟམནོ ཨཧོསི – ‘‘ཀཐཉྷི ནཱམཱཡཾ པུརིསོ མཡི ཨཱགཏེ ནེཝ ཨབྷིཝཱདེསྶཏི ན པཙྩུཊྛེསྶཏཱི’’ཏི! ཨཐ ཁོ བྷགཝཱ རཱཛཱནཾ པསེནདིཾ ཀོསལཾ ཨནཏྟམནཾ ཝིདིཏྭཱ རཱཛཱནཾ པསེནདིཾ ཀོསལཾ ཨེཏདཝོཙ – ‘‘ཨེསོ ཁོ, མཧཱརཱཛ, ཨུཔཱསཀོ བཧུསྶུཏོ ཨཱགཏཱགམོ ཀཱམེསུ ཝཱིཏརཱགོ’’ཏི. ཨཐ ཁོ རཉྙོ པསེནདིསྶ ཀོསལསྶ ཨེཏདཧོསི – ‘‘ནཱརཧཏཱཡཾ ཨུཔཱསཀོ ཨོརཀོ ཧོཏུཾ, བྷགཝཱཔི ཨིམསྶ ཝཎྞཾ བྷཱསཏཱི’’ཏི. ཏཾ ཨུཔཱསཀཾ ཨེཏདཝོཙ – ‘‘ཝདེཡྻཱསི, ཨུཔཱསཀ, ཡེན ཨཏྠོ’’ཏི. ‘‘སུཊྛུ, དེཝཱ’’ཏི. ཨཐ ཁོ བྷགཝཱ རཱཛཱནཾ པསེནདིཾ ཀོསལཾ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ རཱཛཱ པསེནདི ཀོསལོ བྷགཝཏཱ དྷམྨིཡཱ ཀཐཱཡ སནྡསྶིཏོ སམཱདཔིཏོ སམུཏྟེཛིཏོ སམྤཧཾསིཏོ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི.

༤༩༥. ཏེན ¶ ཁོ པན སམཡེན རཱཛཱ པསེནདི ཀོསལོ ཨུཔརིཔཱསཱདཝརགཏོ ཧོཏི. ཨདྡསཱ ཁོ རཱཛཱ པསེནདི ཀོསལོ ཏཾ ཨུཔཱསཀཾ རཐིཀཱཡ [རཐིཡཱཡ (ཨིཏིཔི)] ཚཏྟཔཱཎིཾ གཙྪནྟཾ. དིསྭཱན པཀྐོསཱཔེཏྭཱ ཨེཏདཝོཙ – ‘‘ཏྭཾ ཀིར, ཨུཔཱསཀ, བཧུསྶུཏོ ཨཱགཏཱགམོ. སཱདྷུ, ཨུཔཱསཀ, ཨམྷཱཀཾ ཨིཏྠཱགཱརཾ དྷམྨཾ ཝཱཙེཧཱི’’ཏི. ‘‘ཡམཧཾ [ཡམྤཱཧཾ (སཱི.)], དེཝ, ཛཱནཱམི ཨཡྻཱནཾ ཝཱཧསཱ, ཨཡྻཱཝ དེཝསྶ ཨིཏྠཱགཱརཾ དྷམྨཾ ཝཱཙེསྶནྟཱི’’ཏི. ཨཐ ཁོ རཱཛཱ པསེནདི ཀོསལོ – ‘‘སཙྩཾ ཁོ ཨུཔཱསཀོ ཨཱཧཱ’’ཏི ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ¶ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ རཱཛཱ པསེནདི ཀོསལོ བྷགཝནྟཾ ཨེཏདཝོཙ – ‘‘སཱདྷུ, བྷནྟེ, བྷགཝཱ ཨེཀཾ བྷིཀྑུཾ ཨཱཎཱཔེཏུ ཡོ ཨམྷཱཀཾ ཨིཏྠཱགཱརཾ དྷམྨཾ ཝཱཙེསྶཏཱི’’ཏི. ཨཐ ཁོ བྷགཝཱ རཱཛཱནཾ པསེནདིཾ ཀོསལཾ དྷམྨིཡཱ ཀཐཱཡ སནྡསྶེསི…པེ… པདཀྑིཎཾ ཀཏྭཱ པཀྐཱམི. ཨཐ ཁོ བྷགཝཱ ཨཱཡསྨནྟཾ ཨཱནནྡཾ ཨཱམནྟེསི – ‘‘ཏེནཧཱནནྡ, རཉྙོ ཨིཏྠཱགཱརཾ དྷམྨཾ ཝཱཙེཧཱི’’ཏི. ‘‘ཨེཝཾ, བྷནྟེ’’ཏི ཁོ ཨཱཡསྨཱ ཨཱནནྡོ བྷགཝཏོ ¶ པཊིསྶུཏྭཱ ཀཱལེན ཀཱལཾ པཝིསིཏྭཱ རཉྙོ ཨིཏྠཱགཱརཾ དྷམྨཾ ཝཱཙེཏི. ཨཐ ཁོ ཨཱཡསྨཱ ཨཱནནྡོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན རཉྙོ པསེནདིསྶ ཀོསལསྶ ནིཝེསནཾ ཏེནུཔསངྐམི.

༤༩༦. ཏེན ཁོ པན སམཡེན རཱཛཱ པསེནདི ཀོསལོ མལླིཀཱཡ དེཝིཡཱ སདྡྷིཾ སཡནགཏོ ཧོཏི. ཨདྡསཱ ཁོ མལླིཀཱ དེཝཱི ཨཱཡསྨནྟཾ ཨཱནནྡཾ དཱུརཏོཝ ཨཱགཙྪནྟཾ. དིསྭཱན སཧསཱ ཝུཊྛཱསི; པཱིཏཀམཊྛཾ ¶ དུསྶཾ པབྷསྶིཏྠ. ཨཐ ཁོ ཨཱཡསྨཱ ཨཱནནྡོ ཏཏོཝ པཊིནིཝཏྟིཏྭཱ ཨཱརཱམཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨཱནནྡོ པུབྦེ ཨཔྤཊིསཾཝིདིཏོ རཉྙོ ཨནྟེཔུརཾ པཝིསིསྶཏཱི’’ཏི…པེ… སཙྩཾ ¶ ཀིར ཏྭཾ, ཨཱནནྡ, པུབྦེ ཨཔྤཊིསཾཝིདིཏོ རཉྙོ ཨནྟེཔུརཾ པཝིསསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, ཨཱནནྡ, པུབྦེ ཨཔྤཊིསཾཝིདིཏོ རཉྙོ ཨནྟེཔུརཾ པཝིསིསྶསི! ནེཏཾ, ཨཱནནྡ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༤༩༧. [ཨ. ནི. ༡༠.༤༥] ‘‘དསཡིམེ, བྷིཀྑཝེ, ཨཱདཱིནཝཱ རཱཛནྟེཔུརཔྤཝེསནེ. ཀཏམེ དས? ཨིདྷ, བྷིཀྑཝེ, རཱཛཱ མཧེསིཡཱ སདྡྷིཾ ནིསིནྣོ ཧོཏི, ཏཏྠ བྷིཀྑུ པཝིསཏི. མཧེསཱི ཝཱ བྷིཀྑུཾ དིསྭཱ སིཏཾ པཱཏུཀརོཏི. བྷིཀྑུ ཝཱ མཧེསིཾ དིསྭཱ སིཏཾ པཱཏུཀརོཏི. ཏཏྠ རཉྙོ ཨེཝཾ ཧོཏི – ‘‘ཨདྡྷཱ ཨིམེསཾ ཀཏཾ ཝཱ ཀརིསྶནྟི ཝཱ’’ཏི. ཨཡཾ, བྷིཀྑཝེ, པཋམོ ཨཱདཱིནཝོ རཱཛནྟེཔུརཔྤཝེསནེ.

‘‘པུན ¶ ཙཔརཾ, བྷིཀྑཝེ, རཱཛཱ བཧུཀིཙྩོ བཧུཀརཎཱིཡོ. ཨཉྙཏརཾ ཨིཏྠིཾ གནྟྭཱ ནསྶརཏི. སཱ ཏེན གབྦྷཾ གཎྷི. ཏཏྠ རཉྙོ ཨེཝཾ ཧོཏི – ‘‘ན ཁོ ཨིདྷ ཨཉྙོ ཀོཙི པཝིསཏི ཨཉྙཏྲ པབྦཛིཏེན. སིཡཱ ནུ ཁོ པབྦཛིཏསྶ ཀམྨ’’ནྟི. ཨཡཾ, བྷིཀྑཝེ, དུཏིཡོ ཨཱདཱིནཝོ རཱཛནྟེཔུརཔྤཝེསནེ.

‘‘པུན ཙཔརཾ, བྷིཀྑཝེ, རཉྙོ ཨནྟེཔུརེ ཨཉྙཏརཾ རཏནཾ ནསྶཏི. ཏཏྠ རཉྙོ ཨེཝཾ ཧོཏི – ‘‘ན ཁོ ཨིདྷ ཨཉྙོ ཀོཙི པཝིསཏི ཨཉྙཏྲ པབྦཛིཏེན. སིཡཱ ནུ ཁོ པབྦཛིཏསྶ ཀམྨ’’ནྟི. ཨཡཾ, བྷིཀྑཝེ, ཏཏིཡོ ཨཱདཱིནཝོ རཱཛནྟེཔུརཔྤཝེསནེ.

‘‘པུན ¶ ¶ ཙཔརཾ, བྷིཀྑཝེ, རཉྙོ ཨནྟེཔུརེ ཨབྦྷནྟརཱ གུཡ྄ཧམནྟཱ བཧིདྡྷཱ སམྦྷེདཾ གཙྪནྟི. ཏཏྠ རཉྙོ ཨེཝཾ ཧོཏི – ‘‘ན ཁོ ཨིདྷ ཨཉྙོ ཀོཙི པཝིསཏི ཨཉྙཏྲ པབྦཛིཏེན. སིཡཱ ནུ ཁོ པབྦཛིཏསྶ ཀམྨ’’ནྟི. ཨཡཾ, བྷིཀྑཝེ, ཙཏུཏྠོ ཨཱདཱིནཝོ རཱཛནྟེཔུརཔྤཝེསནེ.

‘‘པུན ཙཔརཾ, བྷིཀྑཝེ, རཉྙོ ཨནྟེཔུརེ པུཏྟོ ཝཱ པིཏརཾ པཏྠེཏི པིཏཱ ཝཱ པུཏྟཾ པཏྠེཏི. ཏེསཾ ཨེཝཾ ཧོཏི – ‘‘ན ཁོ ཨིདྷ ཨཉྙོ ཀོཙི པཝིསཏི ཨཉྙཏྲ པབྦཛིཏེན. སིཡཱ ནུ ཁོ པབྦཛིཏསྶ ཀམྨ’’ནྟི. ཨཡཾ, བྷིཀྑཝེ, པཉྩམོ ཨཱདཱིནཝོ རཱཛནྟེཔུརཔྤཝེསནེ.

‘‘པུན ཙཔརཾ, བྷིཀྑཝེ, རཱཛཱ ནཱིཙཊྛཱནིཡཾ ཨུཙྩེ ཋཱནེ ཋཔེཏི. ཡེསཾ ཏཾ ཨམནཱཔཾ ཏེསཾ ཨེཝཾ ཧོཏི – ‘‘རཱཛཱ ཁོ པབྦཛིཏེན སཾསཊྛོ. སིཡཱ ནུ ཁོ པབྦཛིཏསྶ ཀམྨ’’ནྟི. ཨཡཾ, བྷིཀྑཝེ, ཚཊྛོ ཨཱདཱིནཝོ, རཱཛནྟེཔུརཔྤཝེསནེ.

‘‘པུན ཙཔརཾ, བྷིཀྑཝེ, རཱཛཱ ཨུཙྩཊྛཱནིཡཾ ནཱིཙེ ཋཱནེ ཋཔེཏི. ཡེསཾ ཏཾ ཨམནཱཔཾ ཏེསཾ ཨེཝཾ ཧོཏི – ‘‘རཱཛཱ ཁོ པབྦཛིཏེན སཾསཊྛོ. སིཡཱ ནུ ཁོ པབྦཛིཏསྶ ཀམྨ’’ནྟི. ཨཡཾ ¶ , བྷིཀྑཝེ, སཏྟམོ ཨཱདཱིནཝོ རཱཛནྟེཔུརཔྤཝེསནེ.

‘‘པུན ཙཔརཾ, བྷིཀྑཝེ, རཱཛཱ ཨཀཱལེ སེནཾ ཨུཡྻོཛེཏི. ཡེསཾ ཏཾ ཨམནཱཔཾ ཏེསཾ ཨེཝཾ ཧོཏི – ‘‘རཱཛཱ ཁོ པབྦཛིཏེན སཾསཊྛོ. སིཡཱ ནུ ཁོ པབྦཛིཏསྶ ཀམྨ’’ནྟི. ཨཡཾ, བྷིཀྑཝེ, ཨཊྛམོ ཨཱདཱིནཝོ རཱཛནྟེཔུརཔྤཝེསནེ.

‘‘པུན ¶ ¶ ཙཔརཾ, བྷིཀྑཝེ, རཱཛཱ ཀཱལེ སེནཾ ཨུཡྻོཛེཏྭཱ ཨནྟརཱམགྒཏོ ནིཝཏྟཱཔེཏི. ཡེསཾ ཏཾ ཨམནཱཔཾ ཏེསཾ ཨེཝཾ ཧོཏི – ‘‘‘རཱཛཱ ཁོ པབྦཛིཏེན སཾསཊྛོ. སིཡཱ ནུ ཁོ པབྦཛིཏསྶ ཀམྨ’’ནྟི. ཨཡཾ, བྷིཀྑཝེ, ནཝམོ ཨཱདཱིནཝོ རཱཛནྟེཔུརཔྤཝེསནེ.

‘‘པུན ཙཔརཾ, བྷིཀྑཝེ, རཉྙོ རཱཛནྟེཔུརཾ ཧཏྠིསམྨདྡཾ ཨསྶསམྨདྡཾ རཐསམྨདྡཾ རཛྫནཱིཡཱནི [རཛྫནཱིཡཱནི (ཀ.)] རཱུཔསདྡགནྡྷརསཕོཊྛབྦཱནི, ཡཱནི ན པབྦཛིཏསྶ སཱརུཔྤཱནི. ཨཡཾ, བྷིཀྑཝེ, དསམོ ཨཱདཱིནཝོ རཱཛནྟེཔུརཔྤཝེསནེ. ཨིམེ ཁོ, བྷིཀྑཝེ, དས ཨཱདཱིནཝཱ རཱཛནྟེཔུརཔྤཝེསནེ’’ཏི. ཨཐ ཁོ བྷགཝཱ ཨཱཡསྨནྟཾ ཨཱནནྡཾ ¶ ཨནེཀཔརིཡཱཡེན ཝིགརཧིཏྭཱ དུབྦྷརཏཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༤༩༨. ‘‘ཡོ པན བྷིཀྑུ རཉྙོ ཁཏྟིཡསྶ མུདྡྷཱཝསིཏྟསྶ [མུདྡྷཱབྷིསིཏྟསྶ (སྱཱ.)] ཨནིཀྑནྟརཱཛཀེ ཨནིགྒཏརཏནཀེ པུབྦེ ཨཔྤཊིསཾཝིདིཏོ ཨིནྡཁཱིལཾ ཨཏིཀྐཱམེཡྻ, པཱཙིཏྟིཡ’’ནྟི.

༤༩༩. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཁཏྟིཡོ ནཱམ ཨུབྷཏོ སུཛཱཏོ ཧོཏི, མཱཏིཏོ ཙ པིཏིཏོ ཙ སཾསུདྡྷགཧཎིཀོ, ཡཱཝ སཏྟམཱ པིཏཱམཧཡུགཱ ཨཀྑིཏྟོ ཨནུཔཀུཊྛོ ཛཱཏིཝཱདེན.

མུདྡྷཱཝསིཏྟོ ནཱམ ¶ ཁཏྟིཡཱབྷིསེཀེན ཨབྷིསིཏྟོ ཧོཏི.

ཨནིཀྑནྟརཱཛཀེཏི རཱཛཱ སཡནིགྷརཱ ཨནིཀྑནྟོ ཧོཏི.

ཨནིགྒཏརཏནཀེཏི མཧེསཱི སཡནིགྷརཱ ཨནིཀྑནྟཱ ཧོཏི, ཨུབྷོ ཝཱ ཨནིཀྑནྟཱ ཧོནྟི.

པུབྦེ ཨཔྤཊིསཾཝིདིཏོཏི པུབྦེ ཨནཱམནྟེཏྭཱ.

ཨིནྡཁཱིལོ ནཱམ སཡནིགྷརསྶ ཨུམྨཱརོ ཝུཙྩཏི.

སཡནིགྷརཾ ¶ ནཱམ ཡཏྠ ཀཏྠཙི རཉྙོ སཡནཾ པཉྙཏྟཾ ཧོཏི, ཨནྟམསོ སཱཎིཔཱཀཱརཔརིཀྑིཏྟམྤི.

ཨིནྡཁཱིལཾ ཨཏིཀྐཱམེཡྻཱཏི པཋམཾ པཱདཾ ཨུམྨཱརཾ ཨཏིཀྐཱམེཏི, ཨཱཔཏྟི དུཀྐཊསྶ. དུཏིཡཾ པཱདཾ ཨཏིཀྐཱམེཏི, ཨཱཔཏྟི པཱཙིཏྟིཡསྶ.

༥༠༠. ཨཔྤཊིསཾཝིདིཏེ ཨཔྤཊིསཾཝིདིཏསཉྙཱི ཨིནྡཁཱིལཾ ཨཏིཀྐཱམེཏི, ཨཱཔཏྟི པཱཙིཏྟིཡསྶ. ཨཔྤཊིསཾཝིདིཏེ ཝེམཏིཀོ ཨིནྡཁཱིལཾ ཨཏིཀྐཱམེཏི, ཨཱཔཏྟི པཱཙིཏྟིཡསྶ. ཨཔྤཊིསཾཝིདིཏེ པཊིསཾཝིདིཏསཉྙཱི ཨིནྡཁཱིལཾ ཨཏིཀྐཱམེཏི, ཨཱཔཏྟི པཱཙིཏྟིཡསྶ.

པཊིསཾཝིདིཏེ ཨཔྤཊིསཾཝིདིཏསཉྙཱི, ཨཱཔཏྟི དུཀྐཊསྶ. པཊིསཾཝིདིཏེ ཝེམཏིཀོ, ཨཱཔཏྟི དུཀྐཊསྶ. པཊིསཾཝིདིཏེ པཊིསཾཝིདིཏསཉྙཱི, ཨནཱཔཏྟི.

༥༠༡. ཨནཱཔཏྟི ¶ ¶ པཊིསཾཝིདིཏེ, ན ཁཏྟིཡོ ཧོཏི, ན ཁཏྟིཡཱབྷིསེཀེན ཨབྷིསིཏྟོ ཧོཏི, རཱཛཱ སཡནིགྷརཱ ནིཀྑནྟོ ཧོཏི, མཧེསཱི སཡནིགྷརཱ ནིཀྑནྟཱ ཧོཏི, ཨུབྷོ ཝཱ ནིཀྑནྟཱ ཧོནྟི, ན སཡནིགྷརེ, ཨུམྨཏྟཀསྶ, ཨཱདིཀམྨིཀསྶཱཏི.

ཨནྟེཔུརསིཀྑཱཔདཾ ནིཊྛིཏཾ པཋམཾ.

༢. རཏནསིཀྑཱཔདཾ

༥༠༢. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཉྙཏརོ བྷིཀྑུ ཨཙིརཝཏིཡཱ ནདིཡཱ ནཧཱཡཏི. ཨཉྙཏརོཔི བྲཱཧྨཎོ པཉྩསཏཱནཾ ཐཝིཀཾ ཐལེ ནིཀྑིཔིཏྭཱ ཨཙིརཝཏིཡཱ ནདིཡཱ ནཧཱཡནྟོ ཝིསྶརིཏྭཱ ཨགམཱསི. ཨཐ ཁོ སོ བྷིཀྑུ – ‘‘ཏསྶཱཡཾ བྲཱཧྨཎསྶ ཐཝིཀཱ, མཱ ཨིདྷ ནསྶཱི’’ཏི ཨགྒཧེསི. ཨཐ ཁོ སོ བྲཱཧྨཎོ སརིཏྭཱ ཏུརིཏོ ཨཱདྷཱཝིཏྭཱ ཏཾ བྷིཀྑུཾ ཨེཏདཝོཙ – ‘‘ཨཔི མེ, བྷོ, ཐཝིཀཾ པསྶེཡྻཱསཱི’’ཏི? ‘‘ཧནྡ, བྲཱཧྨཎཱ’’ཏི ཨདཱསི. ཨཐ ཁོ ཏསྶ བྲཱཧྨཎསྶ ཨེཏདཧོསི – ‘‘ཀེན ནུ ཁོ ཨཧཾ ཨུཔཱཡེན ཨིམསྶ བྷིཀྑུནོ པུཎྞཔཏྟཾ ན དདེཡྻ’’ནྟི! ‘‘ན མེ, བྷོ, པཉྩསཏཱནི, སཧསྶཾ མེ’’ཏི པལིབུནྡྷེཏྭཱ མུཉྩི. ཨཐ ཁོ སོ བྷིཀྑུ ཨཱརཱམཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ¶ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུ རཏནཾ ཨུགྒཧེསྶཏཱི’’ཏི…པེ… སཙྩཾ ཀིར ཏྭཾ, བྷིཀྑུ, རཏནཾ ཨུགྒཧེསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, རཏནཾ ཨུགྒཧེསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ ¶ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ རཏནཾ ཝཱ རཏནསམྨཏཾ ཝཱ ཨུགྒཎྷེཡྻ ཝཱ ཨུགྒཎྷཱཔེཡྻ ཝཱ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༥༠༣. ཏེན ཁོ པན སམཡེན སཱཝཏྠིཡཱ ཨུསྶཝོ ཧོཏི. མནུསྶཱ ཨལངྐཏཔྤཊིཡཏྟཱ ཨུཡྻཱནཾ གཙྪནྟི. ཝིསཱཁཱཔི མིགཱརམཱཏཱ ཨལངྐཏཔྤཊིཡཏྟཱ ¶ ‘‘ཨུཡྻཱནཾ གམིསྶཱམཱི’’ཏི གཱམཏོ ¶ ནིཀྑམིཏྭཱ – ‘‘ཀྱཱཧཾ ཀརིསྶཱམི ཨུཡྻཱནཾ གནྟྭཱ, ཡཾནཱུནཱཧཾ བྷགཝནྟཾ པཡིརུཔཱསེཡྻ’’ནྟི ཨཱབྷརཎཾ ཨོམུཉྩིཏྭཱ ཨུཏྟརཱསངྒེན བྷཎྜིཀཾ བནྡྷིཏྭཱ དཱསིཡཱ ཨདཱསི – ‘‘ཧནྡ, ཛེ, ཨིམཾ བྷཎྜིཀཾ གཎྷཱཧཱི’’ཏི. ཨཐ ཁོ ཝིསཱཁཱ མིགཱརམཱཏཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཝིསཱཁཾ མིགཱརམཱཏརཾ བྷགཝཱ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ ཝིསཱཁཱ མིགཱརམཱཏཱ བྷགཝཏཱ དྷམྨིཡཱ ཀཐཱཡ སནྡསྶིཏཱ སམཱདཔིཏཱ སམུཏྟེཛིཏཱ སམྤཧཾསིཏཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ཁོ སཱ དཱསཱི ཏཾ བྷཎྜིཀཾ ཝིསྶརིཏྭཱ ཨགམཱསི. བྷིཀྑཱུ པསྶིཏྭཱ བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, ཨུགྒཧེཏྭཱ ནིཀྑིཔཐཱ’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, རཏནཾ ཝཱ རཏནསམྨཏཾ ཝཱ ཨཛ྄ཛྷཱརཱམེ ཨུགྒཧེཏྭཱ ཝཱ ཨུགྒཧཱཔེཏྭཱ ཝཱ ནིཀྑིཔིཏུཾ – ‘‘ཡསྶ བྷཝིསྶཏི ¶ སོ ཧརིསྶཏཱི’’ཏི. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ རཏནཾ ཝཱ རཏནསམྨཏཾ ཝཱ, ཨཉྙཏྲ ཨཛ྄ཛྷཱརཱམཱ, ཨུགྒཎྷེཡྻ ཝཱ ཨུགྒཎྷཱཔེཡྻ ཝཱ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༥༠༤. ཏེན ¶ ཁོ པན སམཡེན ཀཱསཱིསུ ཛནཔདེ ཨནཱཐཔིཎྜིཀསྶ གཧཔཏིསྶ ཀམྨནྟགཱམོ ཧོཏི. ཏེན ཙ གཧཔཏིནཱ ཨནྟེཝཱསཱི ཨཱཎཏྟོ ཧོཏི – ‘‘སཙེ བྷདནྟཱ ཨཱགཙྪནྟི བྷཏྟཾ ཀརེཡྻཱསཱི’’ཏི. ཏེན ཁོ པན སམཡེན སམྦཧུལཱ བྷིཀྑཱུ ཀཱསཱིསུ ཛནཔདེ ཙཱརིཀཾ ཙརམཱནཱ ཡེན ཨནཱཐཔིཎྜིཀསྶ གཧཔཏིསྶ ཀམྨནྟགཱམོ ཏེནུཔསངྐམིཾསུ. ཨདྡསཱ ཁོ སོ པུརིསོ ཏེ བྷིཀྑཱུ དཱུརཏོཝ ཨཱགཙྪནྟེ. དིསྭཱན ཡེན ཏེ བྷིཀྑཱུ ཏེནུཔསངྐམི; ཨུཔསངྐམིཏྭཱ ཏེ བྷིཀྑཱུ ཨབྷིཝཱདེཏྭཱ ཨེཏདཝོཙ – ‘‘ཨདྷིཝཱསེནྟུ, བྷནྟེ, ཨཡྻཱ སྭཱཏནཱཡ གཧཔཏིནོ བྷཏྟ’’ནྟི. ཨདྷིཝཱསེསུཾ ཁོ ཏེ བྷིཀྑཱུ ཏུཎྷཱིབྷཱཝེན. ཨཐ ཁོ སོ པུརིསོ ཏསྶཱ རཏྟིཡཱ ཨཙྩཡེན པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ ཀཱལཾ ཨཱརོཙཱཔེཏྭཱ ཨངྒུལིམུདྡིཀཾ ཨོམུཉྩིཏྭཱ ཏེ བྷིཀྑཱུ བྷཏྟེན པརིཝིསིཏྭཱ – ‘‘ཨཡྻཱ བྷུཉྫིཏྭཱ གཙྪནྟུ, ཨཧམྤི ཀམྨནྟཾ གམིསྶཱམཱི’’ཏི ཨངྒུལིམུདྡིཀཾ ¶ ཝིསྶརིཏྭཱ ཨགམཱསི. བྷིཀྑཱུ པསྶིཏྭཱ ¶ – ‘‘སཙེ མཡཾ གམིསྶཱམ ནསྶིསྶཏཱཡཾ ཨངྒུལིམུདྡིཀཱ’’ཏི ཏཏྠེཝ ཨཙྪིཾསུ. ཨཐ ཁོ སོ པུརིསོ ཀམྨནྟཱ ཨཱགཙྪནྟོ ཏེ བྷིཀྑཱུ པསྶིཏྭཱ ཨེཏདཝོཙ – ‘‘ཀིསྶ, བྷནྟེ, ཨཡྻཱ ཨིདྷེཝ ¶ ཨཙྪནྟཱི’’ཏི? ཨཐ ཁོ ཏེ བྷིཀྑཱུ ཏསྶ པུརིསསྶ ཨེཏམཏྠཾ ཨཱརོཙེཏྭཱ སཱཝཏྠིཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསུཾ. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, རཏནཾ ཝཱ རཏནསམྨཏཾ ཝཱ ཨཛ྄ཛྷཱརཱམེ ཝཱ ཨཛ྄ཛྷཱཝསཐེ ཝཱ ཨུགྒཧེཏྭཱ ཝཱ ཨུགྒཧཱཔེཏྭཱ ཝཱ ནིཀྑིཔིཏུཾ – ཡསྶ བྷཝིསྶཏི སོ ཧརིསྶཏཱི’’ཏི. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༠༥. ‘‘ཡོ པན བྷིཀྑུ རཏནཾ ཝཱ རཏནསམྨཏཾ ཝཱ, ཨཉྙཏྲ ཨཛ྄ཛྷཱརཱམཱ ཝཱ ཨཛ྄ཛྷཱཝསཐཱ ཝཱ, ཨུགྒཎྷེཡྻ ཝཱ ཨུགྒཎྷཱཔེཡྻ ཝཱ, པཱཙིཏྟིཡཾ. རཏནཾ ཝཱ པན བྷིཀྑུནཱ རཏནསམྨཏཾ ཝཱ ཨཛ྄ཛྷཱརཱམེ ཝཱ ཨཛ྄ཛྷཱཝསཐེ ཝཱ ཨུགྒཧེཏྭཱ ཝཱ ཨུགྒཧཱཔེཏྭཱ ཝཱ ནིཀྑིཔིཏབྦཾ – ‘ཡསྶ བྷཝིསྶཏི སོ ཧརིསྶཏཱི’ཏི. ཨཡཾ ཏཏྠ སཱམཱིཙཱི’’ཏི.

༥༠༦. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

རཏནཾ ནཱམ མུཏྟཱ མཎི ཝེལུ༹རིཡོ སངྑོ སིལཱ པཝཱལཾ རཛཏཾ ཛཱཏརཱུཔཾ ལོཧིཏངྐོ [ལོཧིཏཀོ (?)] མསཱརགལླཾ.

རཏནསམྨཏཾ ¶ ནཱམ ཡཾ མནུསྶཱནཾ ཨུཔབྷོགཔརིབྷོགཾ, ཨེཏཾ རཏནསམྨཏཾ ནཱམ.

ཨཉྙཏྲ ཨཛ྄ཛྷཱརཱམཱ ཝཱ ཨཛ྄ཛྷཱཝསཐཱ ཝཱཏི ཋཔེཏྭཱ ཨཛ྄ཛྷཱརཱམཾ ཨཛ྄ཛྷཱཝསཐཾ.

ཨཛ྄ཛྷཱརཱམོ ནཱམ པརིཀྑིཏྟསྶ ཨཱརཱམསྶ ཨནྟོ ཨཱརཱམོ, ཨཔརིཀྑིཏྟསྶ ཨུཔཙཱརོ.

ཨཛ྄ཛྷཱཝསཐོ ནཱམ པརིཀྑིཏྟསྶ ཨཱཝསཐསྶ ཨནྟོ ¶ ཨཱཝསཐོ, ཨཔརིཀྑིཏྟསྶ ཨུཔཙཱརོ.

ཨུགྒཎྷེཡྻཱཏི ¶ སཡཾ གཎྷཱཏི, ཨཱཔཏྟི པཱཙིཏྟིཡསྶ.

ཨུགྒཎྷཱཔེཡྻཱཏི ཨཉྙཾ གཱཧཱཔེཏི, ཨཱཔཏྟི པཱཙིཏྟིཡསྶ.

རཏནཾ ཝཱ པན བྷིཀྑུནཱ རཏནསམྨཏཾ ཝཱ ཨཛ྄ཛྷཱརཱམེ ཝཱ ཨཛ྄ཛྷཱཝསཐེ ཝཱ ཨུགྒཧེཏྭཱ ཝཱ ཨུགྒཧཱཔེཏྭཱ ཝཱ ནིཀྑིཔིཏབྦནྟི རཱུཔེན ཝཱ ནིམིཏྟེན ཝཱ སཉྙཱཎཾ ཀཏྭཱ ནིཀྑིཔིཏྭཱ ཨཱཙིཀྑིཏབྦཾ – ‘‘ཡསྶ བྷཎྜཾ ནཊྛཾ སོ ཨཱགཙྪཏཱུ’’ཏི. སཙེ ཏཏྠ ཨཱགཙྪཏི སོ ཝཏྟབྦོ – ‘‘ཨཱཝུསོ, ཀཱིདིསཾ ཏེ བྷཎྜ’’ནྟི? སཙེ རཱུཔེན ཝཱ ནིམིཏྟེན ཝཱ སམྤཱདེཏི དཱཏབྦཾ, ནོ ཙེ སམྤཱདེཏི ‘‘ཝིཙིནཱཧི ཨཱཝུསོ’’ཏི ཝཏྟབྦོ. ཏམྷཱ ཨཱཝཱསཱ པཀྐམནྟེན ཡེ ཏཏྠ ཧོནྟི བྷིཀྑཱུ པཏིརཱུཔཱ, ཏེསཾ ཧཏྠེ ནིཀྑིཔིཏྭཱ ¶ པཀྐམིཏབྦཾ. ནོ ཙེ ཧོནྟི བྷིཀྑཱུ པཏིརཱུཔཱ, ཡེ ཏཏྠ ཧོནྟི གཧཔཏིཀཱ པཏིརཱུཔཱ, ཏེསཾ ཧཏྠེ ནིཀྑིཔིཏྭཱ པཀྐམིཏབྦཾ.

ཨཡཾ ཏཏྠ སཱམཱིཙཱིཏི ཨཡཾ ཏཏྠ ཨནུདྷམྨཏཱ.

༥༠༧. ཨནཱཔཏྟི རཏནཾ ཝཱ རཏནསམྨཏཾ ཝཱ ཨཛ྄ཛྷཱརཱམེ ཝཱ ཨཛ྄ཛྷཱཝསཐེ ཝཱ ཨུགྒཧེཏྭཱ ཝཱ ཨུགྒཧཱཔེཏྭཱ ཝཱ ནིཀྑིཔཏི – ‘‘ཡསྶ བྷཝིསྶཏི སོ ཧརིསྶཏཱི’’ཏི, རཏནསམྨཏཾ ཝིསྶཱསཾ གཎྷཱཏི, ཏཱཝཀཱལིཀཾ གཎྷཱཏི, པཾསུཀཱུལསཉྙིསྶ, ཨུམྨཏྟཀསྶ, ཨཱདིཀམྨིཀསྶཱཏི.

རཏནསིཀྑཱཔདཾ ནིཊྛིཏཾ དུཏིཡཾ.

༣. ཝིཀཱལགཱམཔྤཝིསནསིཀྑཱཔདཾ

༥༠༨. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཝིཀཱལེ གཱམཾ པཝིསིཏྭཱ སབྷཱཡཾ ནིསཱིདིཏྭཱ ཨནེཀཝིཧིཏཾ ཏིརཙྪཱནཀཐཾ ཀཐེནྟི, སེཡྻཐིདཾ – [ཨིམཱ ཏིརཙྪཱནཀཐཱཡོ དཱི. ༡.༡༧; མ. ནི. ༢.༢༢༣; སཾ. ནི. ¶ ; ཨ. ནི. ༡༠.༦༩] རཱཛཀཐཾ ཙོརཀཐཾ མཧཱམཏྟཀཐཾ སེནཱཀཐཾ བྷཡཀཐཾ ཡུདྡྷཀཐཾ ཨནྣཀཐཾ པཱནཀཐཾ ཝཏྠཀཐཾ སཡནཀཐཾ མཱལཱཀཐཾ གནྡྷཀཐཾ ཉཱཏིཀཐཾ ཡཱནཀཐཾ གཱམཀཐཾ ནིགམཀཐཾ ནགརཀཐཾ ཛནཔདཀཐཾ ཨིཏྠིཀཐཾ [ཨིཏྠིཀཐཾ པུརིསཀཐཾ (ཀ.) མཛ྄ཛྷིམཔཎྞཱསཊྛཀཐཱ ༡༥༦ པིཊྛེ ཨོལོཀེཏབྦཱ] སཱུརཀཐཾ ཝིསིཁཱཀཐཾ ཀུམྦྷཊྛཱནཀཐཾ པུབྦཔེཏཀཐཾ ནཱནཏྟཀཐཾ ¶ ལོཀཀྑཱཡིཀཾ སམུདྡཀྑཱཡིཀཾ ཨིཏིབྷཝཱབྷཝཀཐཾ ཨིཏི ཝཱ. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཝིཀཱལེ གཱམཾ པཝིསིཏྭཱ སབྷཱཡཾ ནིསཱིདིཏྭཱ ཨནེཀཝིཧིཏཾ ཏིརཙྪཱནཀཐཾ ཀཐེསྶནྟི, སེཡྻཐིདཾ – རཱཛཀཐཾ ཙོརཀཐཾ…པེ… ཨིཏིབྷཝཱབྷཝཀཐཾ ཨིཏི ཝཱ, སེཡྻཐཱཔི གིཧཱི ཀཱམབྷོགིནོ’’ཏི!

ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཝིཀཱལེ ¶ གཱམཾ པཝིསིཏྭཱ སབྷཱཡཾ ནིསཱིདིཏྭཱ ཨནེཀཝིཧིཏཾ ཏིརཙྪཱནཀཐཾ ཀཐེསྶནྟི, སེཡྻཐིདཾ – རཱཛཀཐཾ ཙོརཀཐཾ…པེ… ཨིཏིབྷཝཱབྷཝཀཐཾ ཨིཏི ཝཱ’’ཏི…པེ… སཙྩཾ ཀིར ཏུམྷེ, བྷིཀྑཝེ, ཝིཀཱལེ གཱམཾ པཝིསིཏྭཱ སབྷཱཡཾ ནིསཱིདིཏྭཱ ཨནེཀཝིཧིཏཾ ཏིརཙྪཱནཀཐཾ ཀཐེཐ, སེཡྻཐིདཾ – རཱཛཀཐཾ ཙོརཀཐཾ…པེ… ཨིཏིབྷཝཱབྷཝཀཐཾ ཨིཏི ཝཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཝིཀཱལེ གཱམཾ པཝིསིཏྭཱ སབྷཱཡཾ ནིསཱིདིཏྭཱ ཨནེཀཝིཧིཏཾ ཏིརཙྪཱནཀཐཾ ཀཐེསྶཐ, སེཡྻཐིདཾ – རཱཛཀཐཾ ཙོརཀཐཾ…པེ… ཨིཏིབྷཝཱབྷཝཀཐཾ ཨིཏི ཝཱ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ ¶ པན བྷིཀྑུ ཝིཀཱལེ གཱམཾ པཝིསེཡྻ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༥༠༩. ཏེན ཁོ པན སམཡེན སམྦཧུལཱ བྷིཀྑཱུ ཀོསལེསུ ཛནཔདེ སཱཝཏྠིཾ གཙྪནྟཱ སཱཡཾ ཨཉྙཏརཾ གཱམཾ ཨུཔགཙྪིཾསུ. མནུསྶཱ ཏེ བྷིཀྑཱུ པསྶིཏྭཱ ཨེཏདཝོཙུཾ – ‘‘པཝིསཐ, བྷནྟེ’’ཏི ¶ . ཨཐ ཁོ ཏེ བྷིཀྑཱུ – ‘‘བྷགཝཏཱ པཊིཀྑིཏྟཾ ཝིཀཱལེ གཱམཾ པཝིསིཏུ’’ནྟི ཀུཀྐུཙྩཱཡནྟཱ ན པཝིསིཾསུ. ཙོརཱ ཏེ བྷིཀྑཱུ ཨཙྪིནྡིཾསུ. ཨཐ ཁོ ཏེ བྷིཀྑཱུ སཱཝཏྠིཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསུཾ. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཨཱཔུཙྪཱ ¶ ཝིཀཱལེ གཱམཾ པཝིསིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ ¶ པན བྷིཀྑུ ཨནཱཔུཙྪཱ ཝིཀཱལེ གཱམཾ པཝིསེཡྻ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༥༡༠. ཏེན ཁོ པན སམཡེན ཨཉྙཏརོ བྷིཀྑུ ཀོསལེསུ ཛནཔདེ སཱཝཏྠིཾ གཙྪནྟོ སཱཡཾ ཨཉྙཏརཾ གཱམཾ ཨུཔགཙྪི. མནུསྶཱ ཏཾ བྷིཀྑུཾ པསྶིཏྭཱ ཨེཏདཝོཙུཾ – ‘‘པཝིསཐ, བྷནྟེ’’ཏི. ཨཐ ཁོ སོ བྷིཀྑུ – ‘‘བྷགཝཏཱ པཊིཀྑིཏྟཾ ཨནཱཔུཙྪཱ ཝིཀཱལེ གཱམཾ པཝིསིཏུ’’ནྟི ཀུཀྐུཙྩཱཡནྟོ ན པཱཝིསི. ཙོརཱ ཏཾ བྷིཀྑུཾ ཨཙྪིནྡིཾསུ. ཨཐ ཁོ སོ བྷིཀྑུ སཱཝཏྠིཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, སནྟཾ བྷིཀྑུཾ ཨཱཔུཙྪཱ ཝིཀཱལེ གཱམཾ པཝིསིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡོ པན བྷིཀྑུ སནྟཾ བྷིཀྑུཾ ཨནཱཔུཙྪཱ ཝིཀཱལེ གཱམཾ པཝིསེཡྻ, པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༥༡༡. ཏེན ¶ ཁོ པན སམཡེན ཨཉྙཏརོ བྷིཀྑུ ཨཧིནཱ དཊྛོ ཧོཏི. ཨཉྙཏརོ བྷིཀྑུ ‘‘ཨགྒིཾ ཨཱཧརིསྶཱམཱི’’ཏི གཱམཾ གཙྪཏི. ཨཐ ཁོ སོ བྷིཀྑུ – ‘‘བྷགཝཏཱ པཊིཀྑིཏྟཾ སནྟཾ བྷིཀྑུཾ ཨནཱཔུཙྪཱ ཝིཀཱལེ གཱམཾ པཝིསིཏུ’’ནྟི ཀུཀྐུཙྩཱཡནྟོ ན པཱཝིསི…པེ… བྷགཝཏོ ཨེཏམཏྠཾ ཨཱརོཙེསུཾ ¶ . ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཏཐཱརཱུཔེ ཨཙྩཱཡིཀེ ¶ ཀརཎཱིཡེ སནྟཾ བྷིཀྑུཾ ཨནཱཔུཙྪཱ ཝིཀཱལེ གཱམཾ པཝིསིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༡༢. ‘‘ཡོ པན བྷིཀྑུ སནྟཾ བྷིཀྑུཾ ཨནཱཔུཙྪཱ ཝིཀཱལེ གཱམཾ པཝིསེཡྻ, ཨཉྙཏྲ ཏཐཱརཱུཔཱ ཨཙྩཱཡིཀཱ ཀརཎཱིཡཱ, པཱཙིཏྟིཡ’’ནྟི.

༥༡༣. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

སནྟོ ¶ ནཱམ བྷིཀྑུ སཀྐཱ ཧོཏི ཨཱཔུཙྪཱ པཝིསིཏུཾ.

ཨསནྟོ ནཱམ བྷིཀྑུ ན སཀྐཱ ཧོཏི ཨཱཔུཙྪཱ པཝིསིཏུཾ.

ཝིཀཱལོ ནཱམ མཛ྄ཛྷནྷིཀེ ཝཱིཏིཝཏྟེ ཡཱཝ ཨརུཎུགྒམནཱ.

གཱམཾ པཝིསེཡྻཱཏི པརིཀྑིཏྟསྶ གཱམསྶ པརིཀྑེཔཾ ཨཏིཀྐམནྟསྶ ཨཱཔཏྟི པཱཙིཏྟིཡསྶ. ཨཔརིཀྑིཏྟསྶ གཱམསྶ ཨུཔཙཱརཾ ཨོཀྐམནྟསྶ ཨཱཔཏྟི པཱཙིཏྟིཡསྶ.

ཨཉྙཏྲ ཏཐཱརཱུཔཱ ཨཙྩཱཡིཀཱ ཀརཎཱིཡཱཏི ཋཔེཏྭཱ ཏཐཱརཱུཔཾ ཨཙྩཱཡིཀཾ ཀརཎཱིཡཾ.

༥༡༤. ཝིཀཱལེ ཝིཀཱལསཉྙཱི སནྟཾ བྷིཀྑུཾ ཨནཱཔུཙྪཱ གཱམཾ པཝིསཏི, ཨཉྙཏྲ ཏཐཱརཱུཔཱ ཨཙྩཱཡིཀཱ ཀརཎཱིཡཱ, ཨཱཔཏྟི པཱཙིཏྟིཡསྶ. ཝིཀཱལེ ཝེམཏིཀོ སནྟཾ བྷིཀྑུཾ ཨནཱཔུཙྪཱ གཱམཾ པཝིསཏི, ཨཉྙཏྲ ཏཐཱརཱུཔཱ ཨཙྩཱཡིཀཱ ཀརཎཱིཡཱ, ཨཱཔཏྟི པཱཙིཏྟིཡསྶ. ཝིཀཱལེ ཀཱལསཉྙཱི སནྟཾ བྷིཀྑུཾ ཨནཱཔུཙྪཱ གཱམཾ པཝིསཏི, ཨཉྙཏྲ ཏཐཱརཱུཔཱ ཨཙྩཱཡིཀཱ ཀརཎཱིཡཱ, ཨཱཔཏྟི པཱཙིཏྟིཡསྶ.

ཀཱལེ ཝིཀཱལསཉྙཱི ¶ , ཨཱཔཏྟི དུཀྐཊསྶ. ཀཱལེ ཝེམཏིཀོ, ཨཱཔཏྟི དུཀྐཊསྶ. ཀཱལེ ཀཱལསཉྙཱི, ཨནཱཔཏྟི.

༥༡༥. ཨནཱཔཏྟི ཏཐཱརཱུཔེ ཨཙྩཱཡིཀེ ཀརཎཱིཡེ, སནྟཾ བྷིཀྑུཾ ཨཱཔུཙྪཱ པཝིསཏི, ཨསནྟཾ ¶ བྷིཀྑུཾ ཨནཱཔུཙྪཱ པཝིསཏི, ཨནྟརཱརཱམཾ གཙྪཏི, བྷིཀྑུནུཔསྶཡཾ གཙྪཏི, ཏིཏྠིཡསེཡྻཾ གཙྪཏི, པཊིཀྐམནཾ གཙྪཏི, གཱམེན མགྒོ ཧོཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཝིཀཱལགཱམཔྤཝིསནསིཀྑཱཔདཾ ནིཊྛིཏཾ ཏཏིཡཾ.

༤. སཱུཙིགྷརསིཀྑཱཔདཾ

༥༡༦. ཏེན ¶ ¶ སམཡེན བུདྡྷོ བྷགཝཱ སཀྐེསུ ཝིཧརཏི ཀཔིལཝཏྠུསྨིཾ ནིགྲོདྷཱརཱམེ. ཏེན ཁོ པན སམཡེན ཨཉྙཏརེན དནྟཀཱརེན བྷིཀྑཱུ པཝཱརིཏཱ ཧོནྟི – ‘‘ཡེསཾ ཨཡྻཱནཾ སཱུཙིགྷརེན ཨཏྠོ ¶ ཨཧཾ སཱུཙིགྷརེནཱ’’ཏི. ཏེན ཁོ པན སམཡེན བྷིཀྑཱུ བཧཱུ སཱུཙིགྷརེ ཝིཉྙཱཔེནྟི. ཡེསཾ ཁུདྡཀཱ སཱུཙིགྷརཱ ཏེ མཧནྟེ སཱུཙིགྷརེ ཝིཉྙཱཔེནྟི. ཡེསཾ མཧནྟཱ སཱུཙིགྷརཱ ཏེ ཁུདྡཀེ སཱུཙིགྷརེ ཝིཉྙཱཔེནྟི. ཨཐ ཁོ སོ དནྟཀཱརོ བྷིཀྑཱུནཾ བཧཱུ སཱུཙིགྷརེ ཀརོནྟོ ན སཀྐོཏི ཨཉྙཾ ཝིཀྐཱཡིཀཾ བྷཎྜཾ ཀཱཏུཾ, ཨཏྟནཱཔི ན ཡཱཔེཏི, པུཏྟདཱརོཔིསྶ ཀིལམཏི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ན མཏྟཾ ཛཱནིཏྭཱ བཧཱུ སཱུཙིགྷརེ ཝིཉྙཱཔེསྶནྟི! ཨཡཾ ཨིམེསཾ བཧཱུ སཱུཙིགྷརེ ཀརོནྟོ ན སཀྐོཏི ཨཉྙཾ ཝིཀྐཱཡིཀཾ བྷཎྜཾ ཀཱཏུཾ, ཨཏྟནཱཔི ན ཡཱཔེཏི, པུཏྟདཱརོཔིསྶ ཀིལམཏཱི’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑཱུ ན མཏྟཾ ཛཱནིཏྭཱ བཧཱུ སཱུཙིགྷརེ ཝིཉྙཱཔེསྶནྟཱི’’ཏི…པེ… སཙྩཾ ཀིར, བྷིཀྑཝེ, བྷིཀྑཱུ ན མཏྟཾ ཛཱནིཏྭཱ བཧཱུ སཱུཙིགྷརེ ཝིཉྙཱཔེནྟཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ན མཏྟཾ ¶ ཛཱནིཏྭཱ བཧཱུ སཱུཙིགྷརེ ཝིཉྙཱཔེསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༡༧. ‘‘ཡོ པན བྷིཀྑུ ཨཊྛིམཡཾ ཝཱ དནྟམཡཾ ཝཱ ཝིསཱཎམཡཾ ཝཱ སཱུཙིགྷརཾ ཀཱརཱཔེཡྻ བྷེདནཀཾ, པཱཙིཏྟིཡ’’ནྟི.

༥༡༨. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨཊྛི ¶ ནཱམ ཡཾ ཀིཉྩི ཨཊྛི.

དནྟོ ནཱམ ཧཏྠིདནྟོ ཝུཙྩཏི.

ཝིསཱཎཾ ནཱམ ཡཾ ཀིཉྩི ཝིསཱཎཾ.

ཀཱརཱཔེཡྻཱཏི ཀརོཏི ཝཱ ཀཱརཱཔེཏི ཝཱ, པཡོགེ དུཀྐཊཾ. པཊིལཱབྷེན བྷིནྡིཏྭཱ པཱཙིཏྟིཡཾ དེསེཏབྦཾ.

༥༡༩. ཨཏྟནཱ ཝིཔྤཀཏཾ ཨཏྟནཱ པརིཡོསཱཔེཏི, ཨཱཔཏྟི པཱཙིཏྟིཡསྶ. ཨཏྟནཱ ཝིཔྤཀཏཾ པརེཧི པརིཡོསཱཔེཏི [པརིཡོསཱཝཱཔེཏི (ཀ.)], ཨཱཔཏྟི པཱཙིཏྟིཡསྶ ¶ . པརེཧི ཝིཔྤཀཏཾ ཨཏྟནཱ པརིཡོསཱཔེཏི, ཨཱཔཏྟི པཱཙིཏྟིཡསྶ. པརེཧི ¶ ཝིཔྤཀཏཾ པརེཧི པརིཡོསཱཔེཏི [པརིཡོསཱཝཱཔེཏི (ཀ.)], ཨཱཔཏྟི པཱཙིཏྟིཡསྶ.

ཨཉྙསྶཏྠཱཡ ཀརོཏི ཝཱ ཀཱརཱཔེཏི ཝཱ, ཨཱཔཏྟི དུཀྐཊསྶ. ཨཉྙེན ཀཏཾ པཊིལབྷིཏྭཱ པརིབྷུཉྫཏི, ཨཱཔཏྟི དུཀྐཊསྶ.

༥༢༠. ཨནཱཔཏྟི གཎྛིཀཱཡ [གཎྜིཀཱཡ (སྱཱ.)], ཨརཎིཀེ, ཝིདྷེ [ཝཱིཋེ (སཱི.), ཝཱིཐེ (སྱཱ.)], ཨཉྫནིཡཱ, ཨཉྫནིསལཱཀཱཡ, ཝཱསིཛཊེ, ཨུདཀཔུཉྪནིཡཱ, ཨུམྨཏྟཀསྶ, ཨཱདིཀམྨིཀསྶཱཏི.

སཱུཙིགྷརསིཀྑཱཔདཾ ནིཊྛིཏཾ ཙཏུཏྠཾ.

༥. མཉྩཔཱིཋསིཀྑཱཔདཾ

༥༢༡. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུཔནནྡོ སཀྱཔུཏྟོ ཨུཙྩེ མཉྩེ སཡཏི. ཨཐ ཁོ བྷགཝཱ སམྦཧུལེཧི བྷིཀྑཱུཧི སདྡྷིཾ སེནཱསནཙཱརིཀཾ ཨཱཧིཎྜནྟོ ཡེནཱཡསྨཏོ ཨུཔནནྡསྶ སཀྱཔུཏྟསྶ ཝིཧཱརོ ཏེནུཔསངྐམི. ཨདྡསཱ ཁོ ཨཱཡསྨཱ ཨུཔནནྡོ སཀྱཔུཏྟོ བྷགཝནྟཾ དཱུརཏོཝ ཨཱགཙྪནྟཾ. དིསྭཱན བྷགཝནྟཾ ཨེཏདཝོཙ – ‘‘ཨཱགཙྪཏུ མེ, བྷནྟེ, བྷགཝཱ སཡནཾ པསྶཏཱུ’’ཏི. ཨཐ ཁོ བྷགཝཱ ཏཏོཝ པཊིནིཝཏྟིཏྭཱ བྷིཀྑཱུ ཨཱམནྟེསི – ‘‘ཨཱསཡཏོ, བྷིཀྑཝེ, མོགྷཔུརིསོ ¶ ཝེདིཏབྦོ’’ཏི. ཨཐ ཁོ བྷགཝཱ ཨཱཡསྨནྟཾ ཨུཔནནྡཾ སཀྱཔུཏྟཾ ཨནེཀཔརིཡཱཡེན ཝིགརཧིཏྭཱ དུབྦྷརཏཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༢༢. ‘‘ནཝཾ པན བྷིཀྑུནཱ མཉྩཾ ཝཱ པཱིཋཾ ཝཱ ཀཱརཡམཱནེན ཨཊྛངྒུལཔཱདཀཾ ཀཱརེཏབྦཾ སུགཏངྒུལེན, ཨཉྙཏྲ ཧེཊྛིམཱཡ ཨཊནིཡཱ; ཏཾ ཨཏིཀྐཱམཡཏོ ཚེདནཀཾ པཱཙིཏྟིཡ’’ནྟི.

༥༢༣. ནཝཾ ནཱམ ཀརཎཾ ཨུཔཱདཱཡ ཝུཙྩཏི.

མཉྩོ ¶ ནཱམ ཙཏྟཱརོ མཉྩཱ – མསཱརཀོ, བུནྡིཀཱབདྡྷོ, ཀུལཱི༹རཔཱདཀོ, ཨཱཧཙྩཔཱདཀོ.

པཱིཋཾ ནཱམ ཙཏྟཱརི པཱིཋཱནི – མསཱརཀཾ, བུནྡིཀཱབདྡྷཾ, ཀུལཱི༹རཔཱདཀཾ, ཨཱཧཙྩཔཱདཀཾ.

ཀཱརཡམཱནེནཱཏི ཀརོནྟོ ཝཱ ཀཱརཱཔེནྟོ ཝཱ.

ཨཊྛངྒུལཔཱདཀཾ ¶ ཀཱརེཏབྦཾ སུགཏངྒུལེན, ཨཉྙཏྲ ཧེཊྛིམཱཡ ¶ ཨཊནིཡཱཏི ཋཔེཏྭཱ ཧེཊྛིམཾ ཨཊནིཾ; ཏཾ ཨཏིཀྐཱམེཏྭཱ ཀརོཏི ཝཱ ཀཱརཱཔེཏི ཝཱ, པཡོགེ དུཀྐཊཾ, པཊིལཱབྷེན ཚིནྡིཏྭཱ པཱཙིཏྟིཡཾ དེསེཏབྦཾ.

༥༢༤. ཨཏྟནཱ ཝིཔྤཀཏཾ ཨཏྟནཱ པརིཡོསཱཔེཏི, ཨཱཔཏྟི པཱཙིཏྟིཡསྶ. ཨཏྟནཱ ཝིཔྤཀཏཾ པརེཧི པརིཡོསཱཔེཏི, ཨཱཔཏྟི པཱཙིཏྟིཡསྶ. པརེཧི ཝིཔྤཀཏཾ ཨཏྟནཱ པརིཡོསཱཔེཏི, ཨཱཔཏྟི པཱཙིཏྟིཡསྶ. པརེཧི ཝིཔྤཀཏཾ པརེཧི པརིཡོསཱཔེཏི, ཨཱཔཏྟི པཱཙིཏྟིཡསྶ.

ཨཉྙསྶཏྠཱཡ ཀརོཏི ཝཱ ཀཱརཱཔེཏི ཝཱ, ཨཱཔཏྟི དུཀྐཊསྶ. ཨཉྙེན ཀཏཾ པཊིལབྷིཏྭཱ པརིབྷུཉྫཏི, ཨཱཔཏྟི དུཀྐཊསྶ.

༥༢༥. ཨནཱཔཏྟི པམཱཎིཀཾ ཀརོཏི, ཨཱུནཀཾ ཀརོཏི, ཨཉྙེན ཀཏཾ པམཱཎཱཏིཀྐནྟཾ པཊིལབྷིཏྭཱ ཚིནྡིཏྭཱ པརིབྷུཉྫཏི, ཨུམྨཏྟཀསྶ, ཨཱདིཀམྨིཀསྶཱཏི.

མཉྩཔཱིཋསིཀྑཱཔདཾ ནིཊྛིཏཾ པཉྩམཾ.

༦. ཏཱུལོནདྡྷསིཀྑཱཔདཾ

༥༢༦. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ མཉྩམྤི པཱིཋམྤི ཏཱུལོནདྡྷཾ ཀཱརཱཔེནྟི. མནུསྶཱ ཝིཧཱརཙཱརིཀཾ ཨཱཧིཎྜནྟཱ པསྶིཏྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ མཉྩམྤི པཱིཋམྤི ཏཱུལོནདྡྷཾ ཀཱརཱཔེསྶནྟི, སེཡྻཐཱཔི གིཧཱི ཀཱམབྷོགིནོ’’ཏི ¶ ! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ མཉྩམྤི པཱིཋམྤི ཏཱུལོནདྡྷཾ ཀཱརཱཔེསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, མཉྩམྤི པཱིཋམྤི ཏཱུལོནདྡྷཾ ཀཱརཱཔེཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, མཉྩམྤི པཱིཋམྤི ཏཱུལོནདྡྷཾ ཀཱརཱཔེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༢༧. ‘‘ཡོ པན བྷིཀྑུ མཉྩཾ ཝཱ པཱིཋཾ ཝཱ ཏཱུལོནདྡྷཾ ཀཱརཱཔེཡྻ, ཨུདྡཱལནཀཾ པཱཙིཏྟིཡ’’ནྟི.

༥༢༨. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

མཉྩོ ནཱམ ཙཏྟཱརོ མཉྩཱ – མསཱརཀོ, བུནྡིཀཱབདྡྷོ, ཀུལཱི༹རཔཱདཀོ, ཨཱཧཙྩཔཱདཀོ.

པཱིཋཾ ¶ ནཱམ ཙཏྟཱརི པཱིཋཱནི – མསཱརཀཾ, བུནྡིཀཱབདྡྷཾ, ཀུལཱི༹རཔཱདཀཾ, ཨཱཧཙྩཔཱདཀཾ.

ཏཱུལཾ ¶ ནཱམ ཏཱིཎི ཏཱུལཱནི – རུཀྑཏཱུལཾ, ལཏཱཏཱུལཾ, པོཊཀིཏཱུལཾ.

ཀཱརཱཔེཡྻཱཏི ཀརོཏི ཝཱ ཀཱརཱཔེཏི ཝཱ, པཡོགེ དུཀྐཊཾ. པཊིལཱབྷེན ཨུདྡཱལེཏྭཱ པཱཙིཏྟིཡཾ དེསེཏབྦཾ.

༥༢༩. ཨཏྟནཱ ¶ ཝིཔྤཀཏཾ ཨཏྟནཱ པརིཡོསཱཔེཏི, ཨཱཔཏྟི པཱཙིཏྟིཡསྶ. ཨཏྟནཱ ཝིཔྤཀཏཾ པརེཧི པརིཡོསཱཔེཏི, ཨཱཔཏྟི པཱཙིཏྟིཡསྶ. པརེཧི ཝིཔྤཀཏཾ ཨཏྟནཱ པརིཡོསཱཔེཏི, ཨཱཔཏྟི པཱཙིཏྟིཡསྶ. པརེཧི ཝིཔྤཀཏཾ པརེཧི པརིཡོསཱཔེཏི, ཨཱཔཏྟི པཱཙིཏྟིཡསྶ.

ཨཉྙསྶཏྠཱཡ ཀརོཏི ཝཱ ཀཱརཱཔེཏི ཝཱ, ཨཱཔཏྟི དུཀྐཊསྶ. ཨཉྙེན ཀཏཾ པཊིལབྷིཏྭཱ པརིབྷུཉྫཏི, ཨཱཔཏྟི དུཀྐཊསྶ.

༥༣༠. ཨནཱཔཏྟི ཨཱཡོགེ, ཀཱཡབནྡྷནེ, ཨཾསབདྡྷཀེ, པཏྟཐཝིཀཱཡ, པརིསྶཱཝནེ, བིབྦོཧནཾ ཀརོཏི, ཨཉྙེན ཀཏཾ པཊིལབྷིཏྭཱ ཨུདྡཱལེཏྭཱ པརིབྷུཉྫཏི, ཨུམྨཏྟཀསྶ, ཨཱདིཀམྨིཀསྶཱཏི.

ཏཱུལོནདྡྷསིཀྑཱཔདཾ ནིཊྛིཏཾ ཚཊྛཾ.

༧. ནིསཱིདནསིཀྑཱཔདཾ

༥༣༡. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན བྷགཝཏཱ བྷིཀྑཱུནཾ ནིསཱིདནཾ ཨནུཉྙཱཏཾ ཧོཏི. ཚབྦགྒིཡཱ བྷིཀྑཱུ – ‘‘བྷགཝཏཱ ནིསཱིདནཾ ཨནུཉྙཱཏ’’ནྟི ཨཔྤམཱཎིཀཱནི ནིསཱིདནཱནི དྷཱརེནྟི. མཉྩསྶཔི པཱིཋསྶཔི པུརཏོཔི པཙྪཏོཔི ཨོལམྦེནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨཔྤམཱཎིཀཱནི ནིསཱིདནཱནི དྷཱརེསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, ཨཔྤམཱཎིཀཱནི ནིསཱིདནཱནི དྷཱརེཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཨཔྤམཱཎིཀཱནི ནིསཱིདནཱནི དྷཱརེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ནིསཱིདནཾ པན བྷིཀྑུནཱ ཀཱརཡམཱནེན པམཱཎིཀཾ ཀཱརེཏབྦཾ. ཏཏྲིདཾ པམཱཎཾ – དཱིགྷསོ དྭེ ཝིདཏྠིཡོ, སུགཏཝིདཏྠིཡཱ; ཏིརིཡཾ དིཡཌྜྷཾ. ཏཾ ཨཏིཀྐཱམཡཏོ ཚེདནཀཾ པཱཙིཏྟིཡ’’ནྟི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༥༣༢. ཏེན ¶ ¶ ཁོ པན སམཡེན ཨཱཡསྨཱ ཨུདཱཡཱི མཧཱཀཱཡོ ཧོཏི. སོ བྷགཝཏོ པུརཏོ ནིསཱིདནཾ པཉྙཔེཏྭཱ སམནྟཏོ སམཉྪམཱནོ ནིསཱིདཏི. ཨཐ ཁོ བྷགཝཱ ཨཱཡསྨནྟཾ ཨུདཱཡིཾ ཨེཏདཝོཙ – ‘‘ཀིསྶ ¶ ཏྭཾ, ཨུདཱཡི, ནིསཱིདནཾ སམནྟཏོ སམཉྪསི; སེཡྻཐཱཔི པུརཱཎཱསིཀོཊྛོ’’ཏི? ‘‘ཏཐཱ ཧི པན, བྷནྟེ, བྷགཝཏཱ བྷིཀྑཱུནཾ ཨཏིཁུདྡཀཾ ནིསཱིདནཾ ཨནུཉྙཱཏ’’ནྟི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ནིསཱིདནསྶ དསཾ ཝིདཏྠིཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༣༣. ‘‘ནིསཱིདནཾ པན བྷིཀྑུནཱ ཀཱརཡམཱནེན པམཱཎིཀཾ ཀཱརེཏབྦཾ. ཏཏྲིདཾ པམཱཎཾ – དཱིགྷསོ དྭེ ཝིདཏྠིཡོ, སུགཏཝིདཏྠིཡཱ; ཏིརིཡཾ དིཡཌྜྷཾ. དསཱ ཝིདཏྠི. ཏཾ ཨཏིཀྐཱམཡཏོ ཚེདནཀཾ པཱཙིཏྟིཡ’’ནྟི.

༥༣༤. ནིསཱིདནཾ ནཱམ སདསཾ ཝུཙྩཏི.

ཀཱརཡམཱནེནཱཏི ¶ ཀརོནྟོ ཝཱ ཀཱརཱཔེནྟོ ཝཱ པམཱཎིཀཾ ཀཱརེཏབྦཾ. ཏཏྲིདཾ པམཱཎཾ – དཱིགྷསོ དྭེ ཝིདཏྠིཡོ, སུགཏཝིདཏྠིཡཱ; ཏིརིཡཾ དིཡཌྜྷཾ. དསཱ ཝིདཏྠི. ཏཾ ཨཏིཀྐཱམེཏྭཱ ཀརོཏི ཝཱ ཀཱརཱཔེཏི ཝཱ, པཡོགེ དུཀྐཊཾ. པཊིལཱབྷེན ཚིནྡིཏྭཱ པཱཙིཏྟིཡཾ དེསེཏབྦཾ.

༥༣༥. ཨཏྟནཱ ཝིཔྤཀཏཾ ཨཏྟནཱ པརིཡོསཱཔེཏི, ཨཱཔཏྟི པཱཙིཏྟིཡསྶ. ཨཏྟནཱ ཝིཔྤཀཏཾ པརེཧི པརིཡོསཱཔེཏི, ཨཱཔཏྟི པཱཙིཏྟིཡསྶ. པརེཧི ཝིཔྤཀཏཾ ཨཏྟནཱ པརིཡོསཱཔེཏི, ཨཱཔཏྟི པཱཙིཏྟིཡསྶ. པརེཧི ཝིཔྤཀཏཾ པརེཧི པརིཡོསཱཔེཏི, ཨཱཔཏྟི པཱཙིཏྟིཡསྶ.

ཨཉྙསྶཏྠཱཡ ཀརོཏི ཝཱ ཀཱརཱཔེཏི ཝཱ, ཨཱཔཏྟི དུཀྐཊསྶ. ཨཉྙེན ཀཏཾ པཊིལབྷིཏྭཱ པརིབྷུཉྫཏི, ཨཱཔཏྟི དུཀྐཊསྶ.

༥༣༦. ཨནཱཔཏྟི ¶ པམཱཎིཀཾ ཀརོཏི, ཨཱུནཀཾ ཀརོཏི, ཨཉྙེན ཀཏཾ པམཱཎཱཏིཀྐནྟཾ པཊིལབྷིཏྭཱ ཚིནྡིཏྭཱ པརིབྷུཉྫཏི, ཝིཏཱནཾ ཝཱ བྷཱུམཏྠརཎཾ ཝཱ སཱཎིཔཱཀཱརཾ ཝཱ བྷིསིཾ ཝཱ བིབྦོཧནཾ ཝཱ ཀརོཏི, ཨུམྨཏྟཀསྶ, ཨཱདིཀམྨིཀསྶཱཏི.

ནིསཱིདནསིཀྑཱཔདཾ ནིཊྛིཏཾ སཏྟམཾ.

༨. ཀཎྜུཔྤཊིཙྪཱདིསིཀྑཱཔདཾ

༥༣༧. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན བྷགཝཏཱ བྷིཀྑཱུནཾ ཀཎྜུཔྤཊིཙྪཱདི ཨནུཉྙཱཏཱ ཧོཏི ¶ . ཚབྦགྒིཡཱ བྷིཀྑཱུ – ‘‘བྷགཝཏཱ ཀཎྜུཔྤཊིཙྪཱདི ཨནུཉྙཱཏཱ’’ཏི ཨཔྤམཱཎིཀཱཡོ ཀཎྜུཔྤཊིཙྪཱདིཡོ དྷཱརེནྟི; པུརཏོཔི པཙྪཏོཔི ཨཱཀཌྜྷནྟཱ ཨཱཧིཎྜནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨཔྤམཱཎིཀཱཡོ ཀཎྜུཔྤཊིཙྪཱདིཡོ དྷཱརེསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, ཨཔྤམཱཎིཀཱཡོ ཀཎྜུཔྤཊིཙྪཱདིཡོ དྷཱརེཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཨཔྤམཱཎིཀཱཡོ ཀཎྜུཔྤཊིཙྪཱདིཡོ དྷཱརེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ¶ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༣༨. ‘‘ཀཎྜུཔྤཊིཙྪཱདིཾ པན བྷིཀྑུནཱ ཀཱརཡམཱནེན པམཱཎིཀཱ ཀཱརེཏབྦཱ. ཏཏྲིདཾ པམཱཎཾ – དཱིགྷསོ ཙཏསྶོ ཝིདཏྠིཡོ, སུགཏཝིདཏྠིཡཱ; ཏིརིཡཾ དྭེ ཝིདཏྠིཡོ. ཏཾ ཨཏིཀྐཱམཡཏོ ཚེདནཀཾ པཱཙིཏྟིཡ’’ནྟི.

༥༣༩. ཀཎྜུཔྤཊིཙྪཱདི ནཱམ ཡསྶ ཨདྷོནཱབྷི ཨུབྦྷཛཱཎུམཎྜལཾ ཀཎྜུ ཝཱ པཱིལ༹ཀཱ ཝཱ ཨསྶཱཝོ ཝཱ ཐུལླཀཙྪུ ཝཱ ཨཱབཱདྷོ, ཏསྶ པཊིཙྪཱདནཏྠཱཡ.

ཀཱརཡམཱནེནཱཏི ཀརོནྟོ ཝཱ ཀཱརཱཔེནྟོ ཝཱ ¶ . པམཱཎིཀཱ ཀཱརེཏབྦཱ. ཏཏྲིདཾ པམཱཎཾ – དཱིགྷསོ ཙཏསྶོ ཝིདཏྠིཡོ, སུགཏཝིདཏྠིཡཱ; ཏིརིཡཾ དྭེ ཝིདཏྠིཡོ. ཏཾ ཨཏིཀྐཱམེཏྭཱ ཀརོཏི ཝཱ ཀཱརཱཔེཏི ཝཱ, པཡོགེ དུཀྐཊཾ. པཊིལཱབྷེན ཚིནྡིཏྭཱ པཱཙིཏྟིཡཾ དེསེཏབྦཾ.

༥༤༠. ཨཏྟནཱ ཝིཔྤཀཏཾ ཨཏྟནཱ པརིཡོསཱཔེཏི, ཨཱཔཏྟི པཱཙིཏྟིཡསྶ. ཨཏྟནཱ ཝིཔྤཀཏཾ པརེཧི པརིཡོསཱཔེཏི, ཨཱཔཏྟི པཱཙིཏྟིཡསྶ. པརེཧི ཝིཔྤཀཏཾ ཨཏྟནཱ པརིཡོསཱཔེཏི, ཨཱཔཏྟི པཱཙིཏྟིཡསྶ. པརེཧི ཝིཔྤཀཏཾ པརེཧི པརིཡོསཱཔེཏི, ཨཱཔཏྟི པཱཙིཏྟིཡསྶ.

ཨཉྙསྶཏྠཱཡ ¶ ཀརོཏི ཝཱ ཀཱརཱཔེཏི ཝཱ, ཨཱཔཏྟི དུཀྐཊསྶ. ཨཉྙེན ཀཏཾ པཊིལབྷིཏྭཱ པརིབྷུཉྫཏི, ཨཱཔཏྟི དུཀྐཊསྶ.

༥༤༡. ཨནཱཔཏྟི པམཱཎིཀཾ ཀརོཏི, ཨཱུནཀཾ ཀརོཏི, ཨཉྙེན ཀཏཾ པམཱཎཱཏིཀྐནྟཾ པཊིལབྷིཏྭཱ ཚིནྡིཏྭཱ པརིབྷུཉྫཏི, ཝིཏཱནཾ ཝཱ བྷཱུམཏྠརཎཾ ཝཱ སཱཎིཔཱཀཱརཾ ཝཱ བྷིསིཾ ཝཱ བིབྦོཧནཾ ཝཱ ཀརོཏི, ཨུམྨཏྟཀསྶ, ཨཱདིཀམྨིཀསྶཱཏི.

ཀཎྜུཔྤཊིཙྪཱདིསིཀྑཱཔདཾ ནིཊྛིཏཾ ཨཊྛམཾ.

༩. ཝསྶིཀསཱཊིཀཱསིཀྑཱཔདཾ

༥༤༢. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན བྷགཝཏཱ བྷིཀྑཱུནཾ ཝསྶིཀསཱཊིཀཱ ཨནུཉྙཱཏཱ ཧོཏི. ཚབྦགྒིཡཱ བྷིཀྑཱུ – ‘‘བྷགཝཏཱ ཝསྶིཀསཱཊིཀཱ ཨནུཉྙཱཏཱ’’ཏི ཨཔྤམཱཎིཀཱཡོ ཝསྶིཀསཱཊིཀཱཡོ དྷཱརེནྟི. པུརཏོཔི པཙྪཏོཔི ཨཱཀཌྜྷནྟཱ ཨཱཧིཎྜནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨཔྤམཱཎིཀཱཡོ ཝསྶིཀསཱཊིཀཱཡོ དྷཱརེསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, ཨཔྤམཱཎིཀཱཡོ ཝསྶིཀསཱཊིཀཱཡོ དྷཱརེཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཨཔྤམཱཎིཀཱཡོ ཝསྶིཀསཱཊིཀཱཡོ དྷཱརེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༤༣. ‘‘ཝསྶིཀསཱཊིཀཾ པན བྷིཀྑུནཱ ཀཱརཡམཱནེན པམཱཎིཀཱ ཀཱརེཏབྦཱ. ཏཏྲིདཾ པམཱཎཾ – དཱིགྷསོ ཚ ཝིདཏྠིཡོ, སུགཏཝིདཏྠིཡཱ; ཏིརིཡཾ ཨཌྜྷཏེཡྻཱ. ཏཾ ཨཏིཀྐཱམཡཏོ ཚེདནཀཾ པཱཙིཏྟིཡ’’ནྟི.

༥༤༤. ཝསྶིཀསཱཊིཀཱ ¶ ནཱམ ཝསྶཱནསྶ ཙཏུམཱསཏྠཱཡ.

ཀཱརཡམཱནེནཱཏི ཀརོནྟོ ཝཱ ཀཱརཱཔེནྟོ ཝཱ. པམཱཎིཀཱ ཀཱརེཏབྦཱ ¶ . ཏཏྲིདཾ པམཱཎཾ – དཱིགྷསོ ¶ ཚ ཝིདཏྠིཡོ, སུགཏཝིདཏྠིཡཱ; ཏིརིཡཾ ཨཌྜྷཏེཡྻཱ. ཏཾ ཨཏིཀྐཱམེཏྭཱ ཀརོཏི ཝཱ ཀཱརཱཔེཏི ཝཱ, པཡོགེ དུཀྐཊཾ. པཊིལཱབྷེན ཚིནྡིཏྭཱ པཱཙིཏྟིཡཾ དེསེཏབྦཾ.

༥༤༥. ཨཏྟནཱ ཝིཔྤཀཏཾ ཨཏྟནཱ པརིཡོསཱཔེཏི, ཨཱཔཏྟི པཱཙིཏྟིཡསྶ. ཨཏྟནཱ ཝིཔྤཀཏཾ པརེཧི པརིཡོསཱཔེཏི, ཨཱཔཏྟི པཱཙིཏྟིཡསྶ. པརེཧི ཝིཔྤཀཏཾ ཨཏྟནཱ པརིཡོསཱཔེཏི, ཨཱཔཏྟི པཱཙིཏྟིཡསྶ. པརེཧི ཝིཔྤཀཏཾ པརེཧི པརིཡོསཱཔེཏི, ཨཱཔཏྟི པཱཙིཏྟིཡསྶ.

ཨཉྙསྶཏྠཱཡ ཀརོཏི ཝཱ ཀཱརཱཔེཏི ཝཱ, ཨཱཔཏྟི དུཀྐཊསྶ. ཨཉྙེན ཀཏཾ པཊིལབྷིཏྭཱ པརིབྷུཉྫཏི, ཨཱཔཏྟི དུཀྐཊསྶ.

༥༤༦. ཨནཱཔཏྟི ¶ པམཱཎིཀཾ ཀརོཏི, ཨཱུནཀཾ ཀརོཏི, ཨཉྙེན ཀཏཾ པམཱཎཱཏིཀྐནྟཾ པཊིལབྷིཏྭཱ ཚིནྡིཏྭཱ པརིབྷུཉྫཏི, ཝིཏཱནཾ ཝཱ བྷཱུམཏྠརཎཾ ཝཱ སཱཎིཔཱཀཱརཾ ཝཱ བྷིསིཾ ཝཱ བིབྦོཧནཾ ཝཱ ཀརོཏི, ཨུམྨཏྟཀསྶ, ཨཱདིཀམྨིཀསྶཱཏི.

ཝསྶིཀསཱཊིཀཱསིཀྑཱཔདཾ ནིཊྛིཏཾ ནཝམཾ.

༡༠. ནནྡསིཀྑཱཔདཾ

༥༤༧. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ནནྡོ བྷགཝཏོ མཱཏུཙྪཱཔུཏྟོ ཨབྷིརཱུཔོ ཧོཏི དསྶནཱིཡོ པཱསཱདིཀོ ཙཏུརངྒུལོམཀོ བྷགཝཏཱ [བྷགཝཏོ (ཀ.)]. སོ སུགཏཙཱིཝརཔྤམཱཎཾ ཙཱིཝརཾ དྷཱརེཏི. ཨདྡསཾསུ ཁོ ཐེརཱ བྷིཀྑཱུ ཨཱཡསྨནྟཾ ནནྡཾ དཱུརཏོཝ ཨཱགཙྪནྟཾ. དིསྭཱན – ‘‘བྷགཝཱ ཨཱགཙྪཏཱི’’ཏི ཨཱསནཱ ཝུཊྛཧནྟི. ཏེ ཨུཔགཏེ ཛཱནིཏྭཱ [ཨུཔགཏཾ སཉྫཱནིཏྭཱ (སྱཱ.), ཨུཔགཏེ སཉྫཱནིཏྭཱ (སཱི.)] ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ནནྡོ སུགཏཙཱིཝརཔྤམཱཎཾ ཙཱིཝརཾ དྷཱརེསྶཏཱི’’ཏི…པེ… སཙྩཾ ཀིར ཏྭཾ, ནནྡ, སུགཏཙཱིཝརཔྤམཱཎཾ ཙཱིཝརཾ དྷཱརེསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, ནནྡ, སུགཏཙཱིཝརཔྤམཱཎཾ ཙཱིཝརཾ དྷཱརེསྶསི! ནེཏཾ, ནནྡ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༤༨. ‘‘ཡོ པན བྷིཀྑུ སུགཏཙཱིཝརཔྤམཱཎཾ ཙཱིཝརཾ ཀཱརཱཔེཡྻ ཨཏིརེཀཾ ཝཱ, ཚེདནཀཾ པཱཙིཏྟིཡཾ ¶ . ཏཏྲིདཾ སུགཏསྶ སུགཏཙཱིཝརཔྤམཱཎཾ – དཱིགྷསོ ནཝ ཝིདཏྠིཡོ, སུགཏཝིདཏྠིཡཱ; ཏིརིཡཾ ཚ ཝིདཏྠིཡོ. ཨིདཾ སུགཏསྶ སུགཏཙཱིཝརཔྤམཱཎ’’ནྟི.

༥༤༩. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

སུགཏཙཱིཝརཔྤམཱཎཾ ¶ [སུགཏཙཱིཝརཾ (ཀ.)] ནཱམ དཱིགྷསོ ནཝ ཝིདཏྠིཡོ, སུགཏཝིདཏྠིཡཱ; ཏིརིཡཾ ཚ ཝིདཏྠིཡོ.

ཀཱརཱཔེཡྻཱཏི ཀརོཏི ¶ ཝཱ ཀཱརཱཔེཏི ཝཱ, པཡོགེ དུཀྐཊཾ. པཊིལཱབྷེན ཚིནྡིཏྭཱ པཱཙིཏྟིཡཾ དེསེཏབྦཾ.

༥༥༠. ཨཏྟནཱ ཝིཔྤཀཏཾ ཨཏྟནཱ པརིཡོསཱཔེཏི, ཨཱཔཏྟི པཱཙིཏྟིཡསྶ. ཨཏྟནཱ ཝིཔྤཀཏཾ པརེཧི པརིཡོསཱཔེཏི, ཨཱཔཏྟི པཱཙིཏྟིཡསྶ. པརེཧི ཝིཔྤཀཏཾ ཨཏྟནཱ པརིཡོསཱཔེཏི, ཨཱཔཏྟི པཱཙིཏྟིཡསྶ. པརེཧི ཝིཔྤཀཏཾ པརེཧི པརིཡོསཱཔེཏི, ཨཱཔཏྟི པཱཙིཏྟིཡསྶ.

ཨཉྙསྶཏྠཱཡ ཀརོཏི ཝཱ ཀཱརཱཔེཏི ཝཱ, ཨཱཔཏྟི དུཀྐཊསྶ. ཨཉྙེན ཀཏཾ པཊིལབྷིཏྭཱ པརིབྷུཉྫཏི, ཨཱཔཏྟི དུཀྐཊསྶ.

༥༥༡. ཨནཱཔཏྟི ཨཱུནཀཾ ཀརོཏི, ཨཉྙེན ཀཏཾ པཊིལབྷིཏྭཱ ཚིནྡིཏྭཱ ¶ པརིབྷུཉྫཏི, ཝིཏཱནཾ ཝཱ བྷཱུམཏྠརཎཾ ཝཱ སཱཎིཔཱཀཱརཾ ཝཱ བྷིསིཾ ཝཱ བིབྦོཧནཾ ཝཱ ཀརོཏི, ཨུམྨཏྟཀསྶ, ཨཱདིཀམྨིཀསྶཱཏི.

ནནྡསིཀྑཱཔདཾ ནིཊྛིཏཾ དསམཾ.

རཏནཝགྒོ [རཱཛཝགྒོ (སཱི.)] ནཝམོ.

ཏསྶུདྡཱནཾ –

རཉྙོ ཙ རཏནཾ སནྟཾ, སཱུཙི མཉྩཉྩ ཏཱུལིཀཾ;

ནིསཱིདནཉྩ ཀཎྜུཉྩ, ཝསྶིཀཱ སུགཏེན ཙཱཏི.

ཨུདྡིཊྛཱ ¶ ¶ ཁོ, ཨཱཡསྨནྟོ, དྭེནཝུཏི པཱཙིཏྟིཡཱ དྷམྨཱ. ཏཏྠཱཡསྨནྟེ པུཙྪཱམི – ‘‘ཀཙྩིཏྠ པརིསུདྡྷཱ’’? དུཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? ཏཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? པརིསུདྡྷེཏྠཱཡསྨནྟོ, ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི.

ཁུདྡཀཾ སམཏྟཾ.

པཱཙིཏྟིཡཀཎྜཾ ནིཊྛིཏཾ.

༦. པཱཊིདེསནཱིཡཀཎྜཾ

༡. པཋམཔཱཊིདེསནཱིཡསིཀྑཱཔདཾ

ཨིམེ ¶ ¶ ¶ ཁོ པནཱཡསྨནྟོ ཙཏྟཱརོ པཱཊིདེསནཱིཡཱ

དྷམྨཱ ཨུདྡེསཾ ཨཱགཙྪནྟི.

༥༥༢. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཉྙཏརཱ བྷིཀྑུནཱི སཱཝཏྠིཡཾ པིཎྜཱཡ ཙརིཏྭཱ པཊིཀྐམནཀཱལེ ཨཉྙཏརཾ བྷིཀྑུཾ པསྶིཏྭཱ ཨེཏདཝོཙ – ‘‘ཧནྡཱཡྻ, བྷིཀྑཾ པཊིགྒཎྷཱ’’ཏི. ‘‘སུཊྛུ, བྷགིནཱི’’ཏི སབྦེཝ ཨགྒཧེསི. སཱ ཨུཔཀཊྛེ ཀཱལེ ནཱསཀྑི པིཎྜཱཡ ཙརིཏུཾ, ཚིནྣབྷཏྟཱ ཨཧོསི. ཨཐ ཁོ སཱ བྷིཀྑུནཱི དུཏིཡམྤི དིཝསཾ…པེ… ཏཏིཡམྤི དིཝསཾ སཱཝཏྠིཡཾ པིཎྜཱཡ ཙརིཏྭཱ པཊིཀྐམནཀཱལེ ཏཾ བྷིཀྑུཾ པསྶིཏྭཱ ཨེཏདཝོཙ – ‘‘ཧནྡཱཡྻ, བྷིཀྑཾ པཊིགྒཎྷཱ’’ཏི. ‘‘སུཊྛུ, བྷགིནཱི’’ཏི སབྦེཝ ཨགྒཧེསི. སཱ ཨུཔཀཊྛེ ཀཱལེ ནཱསཀྑི པིཎྜཱཡ ཙརིཏུཾ, ཚིནྣབྷཏྟཱ ཨཧོསི. ཨཐ ཁོ སཱ བྷིཀྑུནཱི ཙཏུཏྠེ དིཝསེ རཐིཀཱཡ པཝེདྷེནྟཱི གཙྪཏི. སེཊྛི གཧཔཏི རཐེན པཊིཔཐཾ ཨཱགཙྪནྟོ ཏཾ བྷིཀྑུནིཾ ཨེཏདཝོཙ – ‘‘ཨཔེཧཱཡྻེ’’ཏི. སཱ ཝོཀྐམནྟཱི ཏཏྠེཝ པརིཔཏི. སེཊྛི གཧཔཏི ཏཾ བྷིཀྑུནིཾ ཁམཱཔེསི – ‘‘ཁམཱཧཱཡྻེ, མཡཱསི པཱཏིཏཱ’’ཏི. ‘‘ནཱཧཾ, གཧཔཏི, ཏཡཱ པཱཏིཏཱ. ཨཔིཙ, ཨཧམེཝ དུབྦལཱ’’ཏི. ‘‘ཀིསྶ པན ཏྭཾ, ཨཡྻེ, དུབྦལཱ’’ཏི? ཨཐ ཁོ སཱ ¶ བྷིཀྑུནཱི སེཊྛིསྶ གཧཔཏིསྶ ཨེཏམཏྠཾ ཨཱརོཙེསི. སེཊྛི གཧཔཏི ཏཾ བྷིཀྑུནིཾ གྷརཾ ནེཏྭཱ བྷོཛེཏྭཱ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ བྷདནྟཱ བྷིཀྑུནིཡཱ ཧཏྠཏོ ཨཱམིསཾ པཊིགྒཧེསྶནྟི! ཀིཙྪལཱབྷོ མཱཏུགཱམོ’’ཏི!

ཨསྶོསུཾ ¶ ཁོ བྷིཀྑཱུ ཏསྶ སེཊྛིསྶ གཧཔཏིསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུ བྷིཀྑུནིཡཱ ཧཏྠཏོ ཨཱམིསཾ པཊིགྒཧེསྶཏཱི’’ཏི ¶ …པེ… སཙྩཾ ཀིར ཏྭཾ, བྷིཀྑུ, བྷིཀྑུནིཡཱ ཧཏྠཏོ ཨཱམིསཾ པཊིགྒཧེསཱིཏི ¶ ? ‘‘སཙྩཾ, བྷགཝཱ’’ཏི. ‘‘ཉཱཏིཀཱ ཏེ, བྷིཀྑུ, ཨཉྙཱཏིཀཱ’’ཏི? ‘‘ཨཉྙཱཏིཀཱ, བྷགཝཱ’’ཏི. ‘‘ཨཉྙཱཏཀོ, མོགྷཔུརིས, ཨཉྙཱཏིཀཱཡ ན ཛཱནཱཏི པཏིརཱུཔཾ ཝཱ ཨཔྤཏིརཱུཔཾ ཝཱ སནྟཾ ཝཱ ཨསནྟཾ ཝཱ. ཀཐཉྷི ནཱམ ཏྭཾ, མོགྷཔུརིས, ཨཉྙཱཏིཀཱཡ བྷིཀྑུནིཡཱ ཧཏྠཏོ ཨཱམིསཾ པཊིགྒཧེསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༥༣. ‘‘ཡོ པན བྷིཀྑུ ཨཉྙཱཏིཀཱཡ བྷིཀྑུནིཡཱ ཨནྟརགྷརཾ པཝིཊྛཱཡ ཧཏྠཏོ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ ཁཱདེཡྻ ཝཱ བྷུཉྫེཡྻ ཝཱ, པཊིདེསེཏབྦཾ ཏེན བྷིཀྑུནཱ – ‘གཱརཡ྄ཧཾ, ཨཱཝུསོ, དྷམྨཾ ཨཱཔཛྫིཾ ཨསཔྤཱཡཾ པཱཊིདེསནཱིཡཾ, ཏཾ པཊིདེསེམཱི’’’ཏི.

༥༥༤. ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཨཉྙཱཏིཀཱ ནཱམ མཱཏིཏོ ཝཱ ¶ . པིཏིཏོ ཝཱ ཡཱཝ སཏྟམཱ པིཏཱམཧཡུགཱ ཨསམྦདྡྷཱ.

བྷིཀྑུནཱི ནཱམ ཨུབྷཏོསངྒྷེ ཨུཔསམྤནྣཱ.

ཨནྟརགྷརཾ ནཱམ རཐིཀཱ བྱཱུཧཾ སིངྒྷཱཊཀཾ གྷརཾ.

ཁཱདནཱིཡཾ ནཱམ པཉྩ བྷོཛནཱནི – ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ ཋཔེཏྭཱ ཨཝསེསཾ ཁཱདནཱིཡཾ ནཱམ.

བྷོཛནཱིཡཾ ནཱམ པཉྩ བྷོཛནཱནི – ཨོདནོ, ཀུམྨཱསོ, སཏྟུ, མཙྪོ, མཾསཾ. ‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ.

༥༥༥. ཨཉྙཱཏིཀཱཡ ཨཉྙཱཏིཀསཉྙཱི ཨནྟརགྷརཾ པཝིཊྛཱཡ ཧཏྠཏོ ཁཱདནཱིཡཾ ཝཱ བྷོཛནཱིཡཾ ¶ ཝཱ སཧཏྠཱ པཊིགྒཧེཏྭཱ ཁཱདཏི ཝཱ བྷུཉྫཏི ཝཱ, ཨཱཔཏྟི པཱཊིདེསནཱིཡསྶ. ཨཉྙཱཏིཀཱཡ ཝེམཏིཀོ ཨནྟརགྷརཾ པཝིཊྛཱཡ ཧཏྠཏོ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ ཁཱདཏི ཝཱ བྷུཉྫཏི ཝཱ, ཨཱཔཏྟི པཱཊིདེསནཱིཡསྶ. ཨཉྙཱཏིཀཱཡ ¶ ཉཱཏིཀསཉྙཱི ཨནྟརགྷརཾ པཝིཊྛཱཡ ཧཏྠཏོ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ ཁཱདཏི ཝཱ བྷུཉྫཏི ཝཱ, ཨཱཔཏྟི པཱཊིདེསནཱིཡསྶ.

ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ ཨཱཧཱརཏྠཱཡ པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི དུཀྐཊསྶ. ཨེཀཏོཨུཔསམྤནྣཱཡ ཧཏྠཏོ ཁཱདནཱིཡཾ ཝཱ བྷོཛནཱིཡཾ ཝཱ – ‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི དུཀྐཊསྶ. ཉཱཏིཀཱཡ ཨཉྙཱཏིཀསཉྙཱི, ཨཱཔཏྟི དུཀྐཊསྶ. ཉཱཏིཀཱཡ ཝེམཏིཀོ, ཨཱཔཏྟི དུཀྐཊསྶ. ཉཱཏིཀཱཡ ¶ ཉཱཏིཀསཉྙཱི, ཨནཱཔཏྟི.

༥༥༦. ཨནཱཔཏྟི ཉཱཏིཀཱཡ, དཱཔེཏི ན དེཏི, ཨུཔནིཀྑིཔིཏྭཱ དེཏི ཨནྟརཱརཱམེ, བྷིཀྑུནུཔསྶཡེ, ཏིཏྠིཡསེཡྻཱཡ, པཊིཀྐམནེ ¶ , གཱམཏོ ནཱིཧརིཏྭཱ དེཏི, ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ ‘‘སཏི པཙྩཡེ པརིབྷུཉྫཱ’’ཏི དེཏི, སིཀྑམཱནཱཡ, སཱམཎེརིཡཱ, ཨུམྨཏྟཀསྶ, ཨཱདིཀམྨིཀསྶཱཏི.

པཋམཔཱཊིདེསནཱིཡསིཀྑཱཔདཾ ནིཊྛིཏཾ.

༢. དུཏིཡཔཱཊིདེསནཱིཡསིཀྑཱཔདཾ

༥༥༧. ཏེན ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན བྷིཀྑཱུ ཀུལེསུ ནིམནྟིཏཱ བྷུཉྫནྟི. ཚབྦགྒིཡཱ བྷིཀྑུནིཡོ ཚབྦགྒིཡཱནཾ བྷིཀྑཱུནཾ ཝོསཱསནྟིཡོ ཋིཏཱ ཧོནྟི – ‘‘ཨིདྷ སཱུཔཾ དེཐ, ཨིདྷ ཨོདནཾ དེཐཱ’’ཏི. ཚབྦགྒིཡཱ བྷིཀྑཱུ ཡཱཝདཏྠཾ བྷུཉྫནྟི. ཨཉྙེ བྷིཀྑཱུ ན ཙིཏྟརཱུཔཾ བྷུཉྫནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ བྷིཀྑུནིཡོ ཝོསཱསནྟིཡོ ན ནིཝཱརེསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, བྷིཀྑུནིཡོ ཝོསཱསནྟིཡོ ན ནིཝཱརེཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ …པེ… ཀཐཉྷི ནཱམ ཏུམྷེ, མོགྷཔུརིསཱ, བྷིཀྑུནིཡོ ཝོསཱསནྟིཡོ ན ནིཝཱརེསྶཐ ¶ ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༥༨. ‘‘བྷིཀྑཱུ ¶ པནེཝ ཀུལེསུ ནིམནྟིཏཱ བྷུཉྫནྟི, ཏཏྲ ཙེ སཱ [ཏཏྲ ཙེ (སྱཱ.)] བྷིཀྑུནཱི ཝོསཱསམཱནརཱུཔཱ ཋིཏཱ ཧོཏི – ‘ཨིདྷ སཱུཔཾ དེཐ, ཨིདྷ ཨོདནཾ དེཐཱ’ཏི, ཏེཧི བྷིཀྑཱུཧི སཱ བྷིཀྑུནཱི ཨཔསཱདེཏབྦཱ – ‘ཨཔསཀྐ ཏཱཝ, བྷགིནི, ཡཱཝ བྷིཀྑཱུ བྷུཉྫནྟཱི’ཏི. ཨེཀསྶ ཙེཔི [ཨེཀསྶཔི ཙེ (སཱི. སྱཱ.)] བྷིཀྑུནོ ན པཊིབྷཱསེཡྻ ཏཾ བྷིཀྑུནིཾ ཨཔསཱདེཏུཾ – ‘ཨཔསཀྐ ཏཱཝ, བྷགིནི, ཡཱཝ བྷིཀྑཱུ བྷུཉྫནྟཱི’ཏི པཊིདེསེཏབྦཾ ¶ ཏེཧི བྷིཀྑཱུཧི – ‘གཱརཡ྄ཧཾ, ཨཱཝུསོ, དྷམྨཾ ཨཱཔཛྫིམྷཱ ཨསཔྤཱཡཾ པཱཊིདེསནཱིཡཾ, ཏཾ པཊིདེསེམཱ’’’ཏི.

༥༥༩. བྷིཀྑཱུ པནེཝ ཀུལེསུ ནིམནྟིཏཱ བྷུཉྫནྟཱིཏི ཀུལཾ ནཱམ ཙཏྟཱརི ཀུལཱནི – ཁཏྟིཡཀུལཾ, བྲཱཧྨཎཀུལཾ, ཝེསྶཀུལཾ, སུདྡཀུལཾ.

ནིམནྟིཏཱ བྷུཉྫནྟཱིཏི པཉྩནྣཾ བྷོཛནཱནཾ ཨཉྙཏརེན བྷོཛནེན ནིམནྟིཏཱ བྷུཉྫནྟི.

བྷིཀྑུནཱི ནཱམ ཨུབྷཏོསངྒྷེ ཨུཔསམྤནྣཱ.

ཝོསཱསནྟཱི ¶ ནཱམ ཡཐཱམིཏྟཏཱ ཡཐཱསནྡིཊྛཏཱ ཡཐཱསམྦྷཏྟཏཱ ཡཐཱསམཱནུཔཛ྄ཛྷཱཡཀཏཱ ཡཐཱསམཱནཱཙརིཡཀཏཱ – ‘‘ཨིདྷ སཱུཔཾ དེཐ, ཨིདྷ ཨོདནཾ དེཐཱ’’ཏི. ཨེསཱ ཝོསཱསནྟཱི ནཱམ.

ཏེཧི བྷིཀྑཱུཧཱིཏི བྷུཉྫམཱནེཧི བྷིཀྑཱུཧི.

སཱ བྷིཀྑུནཱིཏི ཡཱ སཱ ཝོསཱསནྟཱི བྷིཀྑུནཱི.

ཏེཧི བྷིཀྑཱུཧི སཱ བྷིཀྑུནཱི ཨཔསཱདེཏབྦཱ – ‘‘ཨཔསཀྐ ཏཱཝ, བྷགིནི, ཡཱཝ བྷིཀྑཱུ བྷུཉྫནྟཱི’’ཏི. ཨེཀསྶ ཙེཔི [ཨེཀསྶཔི ཙེ (སཱི. སྱཱ.)] བྷིཀྑུནོ ཨནཔསཱདིཏོ [ཨནཔསཱདིཏེ (སཱི. སྱཱ.)] – ‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ.

༥༦༠. ཨུཔསམྤནྣཱཡ ཨུཔསམྤནྣསཉྙཱི ཝོསཱསནྟིཡཱ ན ནིཝཱརེཏི, ཨཱཔཏྟི པཱཊིདེསནཱིཡསྶ ¶ . ཨུཔསམྤནྣཱཡ ཝེམཏིཀོ ཝོསཱསནྟིཡཱ ན ནིཝཱརེཏི, ཨཱཔཏྟི པཱཊིདེསནཱིཡསྶ. ཨུཔསམྤནྣཱཡ ཨནུཔསམྤནྣསཉྙཱི ཝོསཱསནྟིཡཱ ན ནིཝཱརེཏི, ཨཱཔཏྟི པཱཊིདེསནཱིཡསྶ.

ཨེཀཏོཨུཔསམྤནྣཱཡ ¶ ཝོསཱསནྟིཡཱ ན ནིཝཱརེཏི, ཨཱཔཏྟི དུཀྐཊསྶ. ཨནུཔསམྤནྣཱཡ ཨུཔསམྤནྣསཉྙཱི, ཨཱཔཏྟི དུཀྐཊསྶ. ཨནུཔསམྤནྣཱཡ ¶ ཝེམཏིཀོ, ཨཱཔཏྟི དུཀྐཊསྶ. ཨནུཔསམྤནྣཱཡ ཨནུཔསམྤནྣསཉྙཱི, ཨནཱཔཏྟི.

༥༦༡. ཨནཱཔཏྟི ཨཏྟནོ བྷཏྟཾ དཱཔེཏི ན དེཏི, ཨཉྙེསཾ བྷཏྟཾ དེཏི ན དཱཔེཏི, ཡཾ ན དིནྣཾ ཏཾ དཱཔེཏི, ཡཏྠ ན དིནྣཾ ཏཏྠ དཱཔེཏི, སབྦེསཾ སམཀཾ དཱཔེཏི, སིཀྑམཱནཱ ཝོསཱསཏི, སཱམཎེརཱི ཝོསཱསཏི, པཉྩ བྷོཛནཱནི ཋཔེཏྭཱ སབྦཏྠ, ཨནཱཔཏྟི, ཨུམྨཏྟཀསྶ, ཨཱདིཀམྨིཀསྶཱཏི.

དུཏིཡཔཱཊིདེསནཱིཡསིཀྑཱཔདཾ ནིཊྛིཏཾ.

༣. ཏཏིཡཔཱཊིདེསནཱིཡསིཀྑཱཔདཾ

༥༦༢. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན སཱཝཏྠིཡཾ ཨཉྙཏརཾ ཀུལཾ ཨུབྷཏོཔསནྣཾ ཧོཏི. སདྡྷཱཡ ཝཌྜྷཏི, བྷོགེན ཧཱཡཏི, ཡཾ ཏསྨིཾ ཀུལེ ཨུཔྤཛྫཏི པུརེབྷཏྟཾ ཁཱདནཱིཡཾ ཝཱ བྷོཛནཱིཡཾ ཝཱ ཏཾ སབྦཾ བྷིཀྑཱུནཾ ཝིསྶཛྫེཏྭཱ ཨཔྤེཀདཱ ཨནསིཏཱ ཨཙྪནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ན མཏྟཾ ཛཱནིཏྭཱ པཊིགྒཧེསྶནྟི! ཨིམེ ཨིམེསཾ དཏྭཱ ཨཔྤེཀདཱ ཨནསིཏཱ ཨཙྪནྟཱི’’ཏི!! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ¶ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཡཾ ཀུལཾ སདྡྷཱཡ ཝཌྜྷཏི, བྷོགེན ཧཱཡཏི ཨེཝརཱུཔསྶ ཀུལསྶ ཉཏྟིདུཏིཡེན ཀམྨེན སེཀྑསམྨུཏིཾ དཱཏུཾ. ཨེཝཉྩ པན, བྷིཀྑཝེ, དཱཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༥༦༣. ‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམཾ ཀུལཾ སདྡྷཱཡ ཝཌྜྷཏི, བྷོགེན ཧཱཡཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམསྶ ཀུལསྶ སེཀྑསམྨུཏིཾ དདེཡྻ. ཨེསཱ ཉཏྟི.

‘‘སུཎཱཏུ ¶ ¶ མེ, བྷནྟེ, སངྒྷོ. ཨིཏྠནྣཱམཾ ཀུལཾ སདྡྷཱཡ ཝཌྜྷཏི, བྷོགེན ¶ ཧཱཡཏི. སངྒྷོ ཨིཏྠནྣཱམསྶ ཀུལསྶ སེཀྑསམྨུཏིཾ དེཏི. ཡསྶཱཡསྨཏོ ཁམཏི ཨིཏྠནྣཱམསྶ ཀུལསྶ སེཀྑསམྨུཏིཡཱ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དིནྣཱ སངྒྷེན ཨིཏྠནྣཱམསྶ ཀུལསྶ སེཀྑསམྨུཏི. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡཱནི ཁོ པན ཏཱནི སེཀྑསམྨཏཱནི ཀུལཱནི, ཡོ པན བྷིཀྑུ ཏཐཱརཱུཔེསུ སེཀྑསམྨཏེསུ ཀུལེསུ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ ཁཱདེཡྻ ཝཱ བྷུཉྫེཡྻ ཝཱ, པཊིདེསེཏབྦཾ ཏེན བྷིཀྑུནཱ – ‘གཱརཡ྄ཧཾ, ཨཱཝུསོ, དྷམྨཾ ཨཱཔཛྫིཾ ཨསཔྤཱཡཾ པཱཊིདེསནཱིཡཾ ཏཾ པཊིདེསེམཱི’’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༥༦༤. ཏེན ཁོ པན སམཡེན སཱཝཏྠིཡཾ ཨུསྶཝོ ཧོཏི. མནུསྶཱ བྷིཀྑཱུ ནིམནྟེཏྭཱ བྷོཛེནྟི. ཏམྤི ཁོ ཀུལཾ བྷིཀྑཱུ ནིམནྟེསི. བྷིཀྑཱུ ཀུཀྐུཙྩཱཡནྟཱ ནཱདྷིཝཱསེནྟི – ‘‘པཊིཀྑིཏྟཾ བྷགཝཏཱ སེཀྑསམྨཏེསུ ཀུལེསུ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ ཁཱདིཏུཾ བྷུཉྫིཏུ’’ནྟི. ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀིཾ ནུ ཁོ ནཱམ ཨམྷཱཀཾ ཛཱིཝིཏེན ཡཾ ཨཡྻཱ ཨམྷཱཀཾ ན པཊིགྒཎྷནྟཱི’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ནིམནྟིཏེན སེཀྑསམྨཏེསུ ཀུལེསུ ཁཱདནཱིཡཾ ཝཱ བྷོཛནཱིཡཾ ¶ ཝཱ སཧཏྠཱ པཊིགྒཧེཏྭཱ ཁཱདིཏུཾ བྷུཉྫིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡཱནི ཁོ པན ཏཱནི སེཀྑསམྨཏཱནི ཀུལཱནི, ཡོ པན བྷིཀྑུ ཏཐཱརཱུཔེསུ སེཀྑསམྨཏེསུ ཀུལེསུ པུབྦེ ཨནིམནྟིཏོ ¶ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ ཁཱདེཡྻ ¶ ཝཱ བྷུཉྫེཡྻ ཝཱ ¶ , པཊིདེསེཏབྦཾ ཏེན བྷིཀྑུནཱ – ‘གཱརཡ྄ཧཾ, ཨཱཝུསོ, དྷམྨཾ ཨཱཔཛྫིཾ ཨསཔྤཱཡཾ པཱཊིདེསནཱིཡཾ, ཏཾ པཊིདེསེམཱི’’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༥༦༥. ཏེན ཁོ པན སམཡེན ཨཉྙཏརོ བྷིཀྑུ ཏསྶ ཀུལསྶ ཀུལཱུཔཀོ ཧོཏི. ཨཐ ཁོ སོ བྷིཀྑུ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན ཏཾ ཀུལཾ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཏེན ཁོ པན སམཡེན སོ བྷིཀྑུ གིལཱནོ ཧོཏི. ཨཐ ཁོ ཏེ མནུསྶཱ ཏཾ བྷིཀྑུཾ ཨེཏདཝོཙུཾ – ‘‘བྷུཉྫཐ, བྷནྟེ’’ཏི. ཨཐ ཁོ སོ བྷིཀྑུ – ‘‘བྷགཝཏཱ པཊིཀྑིཏྟཾ ཨནིམནྟིཏེན སེཀྑསམྨཏེསུ ཀུལེསུ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ ཁཱདིཏུཾ བྷུཉྫིཏུ’’ནྟི ཀུཀྐུཙྩཱཡནྟོ ན པཊིགྒཧེསི; ནཱསཀྑི པིཎྜཱཡ ཙརིཏུཾ; ཚིནྣབྷཏྟོ ཨཧོསི. ཨཐ ཁོ སོ བྷིཀྑུ ཨཱརཱམཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, གིལཱནེན བྷིཀྑུནཱ སེཀྑསམྨཏེསུ ཀུལེསུ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ ཁཱདིཏུཾ ¶ བྷུཉྫིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༦༦. ‘‘ཡཱནི ཁོ པན ཏཱནི སེཀྑསམྨཏཱནི ཀུལཱནི, ཡོ པན བྷིཀྑུ ཏཐཱརཱུཔེསུ སེཀྑསམྨཏེསུ ཀུལེསུ པུབྦེ ཨནིམནྟིཏོ ཨགིལཱནོ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ ཁཱདེཡྻ ཝཱ བྷུཉྫེཡྻ ཝཱ, པཊིདེསེཏབྦཾ ཏེན བྷིཀྑུནཱ – ‘གཱརཡ྄ཧཾ, ཨཱཝུསོ, དྷམྨཾ ཨཱཔཛྫིཾ ཨསཔྤཱཡཾ པཱཊིདེསནཱིཡཾ, ཏཾ པཊིདེསེམཱི’’ཏི.

༥༦༧. ཡཱནི ཁོ པན ཏཱནི སེཀྑསམྨཏཱནི ཀུལཱནཱིཏི སེཀྑསམྨཏཾ ནཱམ ཀུལཾ ཡཾ ཀུལཾ སདྡྷཱཡ ཝཌྜྷཏི, བྷོགེན ཧཱཡཏི. ཨེཝརཱུཔསྶ ཀུལསྶ ཉཏྟིདུཏིཡེན ཀམྨེན སེཀྑསམྨུཏི དིནྣཱ ཧོཏི.

ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཏཐཱརཱུཔེསུ སེཀྑསམྨཏེསུ ཀུལེསཱུཏི ཨེཝརཱུཔེསུ སེཀྑསམྨཏེསུ ཀུལེསུ.

ཨནིམནྟིཏོ ¶ ¶ ནཱམ ཨཛྫཏནཱཡ ཝཱ སྭཱཏནཱཡ ཝཱ ཨནིམནྟིཏོ, གྷརཱུཔཙཱརཾ ཨོཀྐམནྟེ ནིམནྟེཏི, ཨེསོ ཨནིམནྟིཏོ ནཱམ.

ནིམནྟིཏོ ¶ ནཱམ ཨཛྫཏནཱཡ ཝཱ སྭཱཏནཱཡ ཝཱ ནིམནྟིཏོ, གྷརཱུཔཙཱརཾ ཨནོཀྐམནྟེ ནིམནྟེཏི, ཨེསོ ནིམནྟིཏོ ནཱམ.

ཨགིལཱནོ ནཱམ སཀྐོཏི པིཎྜཱཡ ཙརིཏུཾ.

གིལཱནོ ནཱམ ན སཀྐོཏི པིཎྜཱཡ ཙརིཏུཾ.

ཁཱདནཱིཡཾ ནཱམ པཉྩ བྷོཛནཱནི – ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ ཋཔེཏྭཱ ཨཝསེསཾ ཁཱདནཱིཡཾ ནཱམ.

བྷོཛནཱིཡཾ ནཱམ པཉྩ བྷོཛནཱནི – ཨོདནོ, ཀུམྨཱསོ, སཏྟུ, མཙྪོ, མཾསཾ.

ཨནིམནྟིཏོ ཨགིལཱནོ ‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ ¶ . ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ.

༥༦༨. སེཀྑསམྨཏེ སེཀྑསམྨཏསཉྙཱི ཨནིམནྟིཏོ ཨགིལཱནོ ཁཱདནཱིཡཾ ཝཱ བྷོཛནཱིཡཾཝ སཧཏྠཱ པཊིགྒཧེཏྭཱ ཁཱདཏི ཝཱ བྷུཉྫཏི ཝཱ, ཨཱཔཏྟི པཱཊིདེསནཱིཡསྶ. སེཀྑསམྨཏེ ཝེམཏིཀོ…པེ… སེཀྑསམྨཏེ ཨསེཀྑསམྨཏསཉྙཱི ཨནིམནྟིཏོ ཨགིལཱནོ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ ཁཱདཏི ཝཱ བྷུཉྫཏི ཝཱ, ཨཱཔཏྟི པཱཊིདེསནཱིཡསྶ.

ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ ཨཱཧཱརཏྠཱཡ པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི དུཀྐཊསྶ. ཨསེཀྑསམྨཏེ སེཀྑསམྨཏསཉྙཱི, ཨཱཔཏྟི དུཀྐཊསྶ. ཨསེཀྑསམྨཏེ ཝེམཏིཀོ, ཨཱཔཏྟི དུཀྐཊསྶ. ཨསེཀྑསམྨཏེ ཨསེཀྑསམྨཏསཉྙཱི, ཨནཱཔཏྟི.

༥༦༩. ཨནཱཔཏྟི ནིམནྟིཏསྶ, གིལཱནསྶ, ནིམནྟིཏསྶ ཝཱ གིལཱནསྶ ཝཱ སེསཀཾ བྷུཉྫཏི ¶ , ཨཉྙེསཾ བྷིཀྑཱ ཏཏྠ པཉྙཏྟཱ ཧོཏི, གྷརཏོ ནཱིཧརིཏྭཱ དེནྟི, ནིཙྩབྷཏྟེ, སལཱཀབྷཏྟེ, པཀྑིཀེ, ཨུཔོསཐིཀེ, པཱཊིཔདིཀེ, ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ – ‘‘སཏི པཙྩཡེ པརིབྷུཉྫཱ’’ཏི དེཏི, ཨུམྨཏྟཀསྶ, ཨཱདིཀམྨིཀསྶཱཏི.

ཏཏིཡཔཱཊིདེསནཱིཡསིཀྑཱཔདཾ ནིཊྛིཏཾ.

༤. ཙཏུཏྠཔཱཊིདེསནཱིཡསིཀྑཱཔདཾ

༥༧༠. ཏེན ¶ ¶ སམཡེན བུདྡྷོ བྷགཝཱ སཀྐེསུ ཝིཧརཏི ཀཔིལཝཏྠུསྨིཾ ནིགྲོདྷཱརཱམེ. ཏེན ཁོ པན སམཡེན སཱཀིཡདཱསཀཱ ཨཝརུདྡྷཱ ཧོནྟི. སཱཀིཡཱནིཡོ ཨིཙྪནྟི ཨཱརཉྙཀེསུ སེནཱསནེསུ བྷཏྟཾ ཀཱཏུཾ. ཨསྶོསུཾ ཁོ སཱཀིཡདཱསཀཱ – ‘‘སཱཀིཡཱནིཡོ ཀིར ཨཱརཉྙཀེསུ སེནཱསནེསུ བྷཏྟཾ ཀཏྟུཀཱམཱ’’ཏི. ཏེ མགྒེ པརིཡུཊྛིཾསུ. སཱཀིཡཱནིཡོ ¶ པཎཱིཏཾ ཁཱདནཱིཡཾ བྷོཛནཱིཡཾ ཨཱདཱཡ ཨཱརཉྙཀཾ སེནཱསནཾ ཨགམཾསུ. སཱཀིཡདཱསཀཱ ནིཀྑམིཏྭཱ སཱཀིཡཱནིཡོ ཨཙྪིནྡིཾསུ ཙ དཱུསེསུཉྩ. སཱཀིཡཱ ནིཀྑམིཏྭཱ ཏེ ཙོརེ སབྷཎྜེ [སཧ བྷཎྜེན (ཀ.)] གཧེཏྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷདནྟཱ ཨཱརཱམེ ཙོརེ པཊིཝསནྟེ ནཱརོཙེསྶནྟཱི’’ཏི! ཨསྶོསུཾ ཁོ བྷིཀྑཱུ སཱཀིཡཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, བྷིཀྑཱུནཾ སིཀྑཱཔདཾ པཉྙཔེསྶཱམི དས ཨཏྠཝསེ པཊིཙྩ – སངྒྷསུཊྛུཏཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ཡཱནི ཁོ པན ཏཱནི ཨཱརཉྙཀཱནི སེནཱསནཱནི སཱསངྐསམྨཏཱནི སཔྤཊིབྷཡཱནི, ཡོ པན བྷིཀྑུ ཏཐཱརཱུཔེསུ སེནཱསནེསུ [སེནཱསནེསུ ཝིཧརནྟོ (སཱི. སྱཱ.)] པུབྦེ ཨཔྤཊིསཾཝིདིཏཾ ཁཱདནཱིཡཾ ¶ ཝཱ བྷོཛནཱིཡཾ ཝཱ ཨཛ྄ཛྷཱརཱམེ སཧཏྠཱ པཊིགྒཧེཏྭཱ ཁཱདེཡྻ ཝཱ བྷུཉྫེཡྻ ཝཱ, པཊིདེསེཏབྦཾ ཏེན བྷིཀྑུནཱ – ‘གཱརཡ྄ཧཾ, ཨཱཝུསོ, དྷམྨཾ ཨཱཔཛྫིཾ ཨསཔྤཱཡཾ པཱཊིདེསནཱིཡཾ ཏཾ པཊིདེསེམཱི’’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༥༧༡. ཏེན ཁོ པན སམཡེན ཨཉྙཏརོ བྷིཀྑུ ཨཱརཉྙཀེསུ སེནཱསནེསུ གིལཱནོ ཧོཏི ¶ . མནུསྶཱ ཁཱདནཱིཡཾ ཝཱ བྷོཛནཱིཡཾ ཝཱ ཨཱདཱཡ ཨཱརཉྙཀཾ སེནཱསནཾ ཨགམཾསུ. ཨཐ ཁོ ཏེ མནུསྶཱ ཏཾ བྷིཀྑུཾ ཨེཏདཝོཙུཾ – ‘‘བྷུཉྫཐ, བྷནྟེ’’ཏི. ཨཐ ཁོ སོ བྷིཀྑུ – ‘‘བྷགཝཏཱ པཊིཀྑིཏྟཾ ཨཱརཉྙཀེསུ སེནཱསནེསུ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ ¶ པཊིགྒཧེཏྭཱ ཁཱདིཏུཾ བྷུཉྫིཏུ’’ནྟི ཀུཀྐུཙྩཱཡནྟོ ན པཊིགྒཧེསི, ནཱསཀྑི པིཎྜཱཡ ཙརིཏུཾ [པཝིསིཏུཾ (ཀ.)], ཚིནྣབྷཏྟོ ཨཧོསི. ཨཐ ཁོ སོ བྷིཀྑུ བྷིཀྑཱུནཾ ཨེཏམཏྠཾ ཨཱརོཙེསི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, གིལཱནེན བྷིཀྑུནཱ ཨཱརཉྙཀེསུ སེནཱསནེསུ པུབྦེ ཨཔྤཊིསཾཝིདིཏཾ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ ཁཱདིཏུཾ བྷུཉྫིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

༥༧༢. ‘‘ཡཱནི ཁོ པན ཏཱནི ཨཱརཉྙཀཱནི སེནཱསནཱནི སཱསངྐསམྨཏཱནི སཔྤཊིབྷཡཱནི, ཡོ པན བྷིཀྑུ ཏཐཱརཱུཔེསུ སེནཱསནེསུ ¶ པུབྦེ ཨཔྤཊིསཾཝིདིཏཾ ཁཱདནཱིཡཾ ཝཱ བྷོཛནཱིཡཾ ཝཱ ཨཛ྄ཛྷཱརཱམེ སཧཏྠཱ པཊིགྒཧེཏྭཱ ཨགིལཱནོ ཁཱདེཡྻ ཝཱ བྷུཉྫེཡྻ ཝཱ, པཊིདེསེཏབྦཾ ཏེན བྷིཀྑུནཱ – ‘གཱརཡ྄ཧཾ, ཨཱཝུསོ, དྷམྨཾ ¶ ཨཱཔཛྫིཾ ཨསཔྤཱཡཾ པཱཊིདེསནཱིཡཾ, ཏཾ པཊིདེསེམཱི’’’ཏི.

༥༧༣. ཡཱནི ཁོ པན ཏཱནི ཨཱརཉྙཀཱནི སེནཱསནཱནཱིཏི ཨཱརཉྙཀཾ ནཱམ སེནཱསནཾ པཉྩདྷནུསཏིཀཾ པཙྪིམཾ.

སཱསངྐཾ ནཱམ ཨཱརཱམེ ཨཱརཱམཱུཔཙཱརེ ཙོརཱནཾ ནིཝིཊྛོཀཱསོ དིསྶཏི, བྷུཏྟོཀཱསོ དིསྶཏི, ཋིཏོཀཱསོ དིསྶཏི, ནིསིནྣོཀཱསོ དིསྶཏི, ནིཔནྣོཀཱསོ དིསྶཏི.

སཔྤཊིབྷཡཾ ནཱམ ཨཱརཱམེ ཨཱརཱམཱུཔཙཱརེ ཙོརེཧི མནུསྶཱ ཧཏཱ དིསྶནྟི, ཝིལུཏྟཱ དིསྶནྟི, ཨཱཀོཊིཏཱ དིསྶནྟི.

ཡོ པནཱཏི ཡོ ཡཱདིསོ…པེ… བྷིཀྑཱུཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི.

ཏཐཱརཱུཔེསུ སེནཱསནེསཱུཏི ཨེཝརཱུཔེསུ སེནཱསནེསུ.

ཨཔྤཊིསཾཝིདིཏཾ ¶ ནཱམ པཉྩནྣཾ པཊིསཾཝིདིཏཾ, ཨེཏཾ ཨཔྤཊིསཾཝིདིཏཾ ནཱམ. ཨཱརཱམཾ ཨཱརཱམཱུཔཙཱརཾ ཋཔེཏྭཱ པཊིསཾཝིདིཏཾ, ཨེཏཾ [ཨེཏམྤི (སཱི.)] ཨཔྤཊིསཾཝིདིཏཾ ནཱམ.

པཊིསཾཝིདིཏཾ ¶ ནཱམ ཡོ ཀོཙི ཨིཏྠཱི ཝཱ པུརིསོ ཝཱ ཨཱརཱམཾ ཨཱརཱམཱུཔཙཱརཾ ཨཱགནྟྭཱ ཨཱརོཙེཏི – ‘‘ཨིཏྠནྣཱམསྶ, བྷནྟེ, ཁཱདནཱིཡཾ ཝཱ བྷོཛནཱིཡཾ ཝཱ ཨཱཧརིསྶནྟཱི’’ཏི. སཙེ སཱསངྐཾ ཧོཏི, སཱསངྐནྟི ཨཱཙིཀྑིཏབྦཾ; སཙེ སཔྤཊིབྷཡཾ ཧོཏི, སཔྤཊིབྷཡནྟི ཨཱཙིཀྑིཏབྦཾ; སཙེ – ‘‘ཧོཏུ, བྷནྟེ, ཨཱཧརིཡིསྶཏཱི’’ཏི བྷཎཏི, ཙོརཱ ཝཏྟབྦཱ – ‘‘མནུསྶཱ ཨིདྷཱུཔཙརནྟི ཨཔསཀྐཐཱ’’ཏི. ཡཱགུཡཱ པཊིསཾཝིདིཏེ ཏསྶཱ པརིཝཱརོ ཨཱཧརིཡྻཏི, ཨེཏཾ པཊིསཾཝིདིཏཾ ནཱམ. བྷཏྟེན པཊིསཾཝིདིཏེ ཏསྶ པརིཝཱརོ ཨཱཧརིཡྻཏི, ཨེཏཾ པཊིསཾཝིདིཏཾ ནཱམ ¶ . ཁཱདནཱིཡེན པཊིསཾཝིདིཏེ ཏསྶ པརིཝཱརོ ཨཱཧརིཡྻཏི, ཨེཏཾ པཊིསཾཝིདིཏཾ ནཱམ. ཀུལེན པཊིསཾཝིདིཏེ ཡོ ཏསྨིཾ ཀུལེ མནུསྶོ ཁཱདནཱིཡཾ ཝཱ བྷོཛནཱིཡཾ ཝཱ ཨཱཧརཏི, ཨེཏཾ པཊིསཾཝིདིཏཾ ནཱམ. གཱམེན པཊིསཾཝིདིཏེ ཡོ ཏསྨིཾ གཱམེ མནུསྶོ ཁཱདནཱིཡཾ ཝཱ བྷོཛནཱིཡཾ ཝཱ ཨཱཧརཏི, ཨེཏཾ པཊིསཾཝིདིཏཾ ནཱམ. པཱུགེན པཊིསཾཝིདིཏེ ཡོ ཏསྨིཾ པཱུགེ མནུསྶོ ཁཱདནཱིཡཾ ཝཱ བྷོཛནཱིཡཾ ཝཱ ཨཱཧརཏི, ཨེཏཾ པཊིསཾཝིདིཏཾ ནཱམ.

ཁཱདནཱིཡཾ ནཱམ པཉྩ བྷོཛནཱནི – ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ ཋཔེཏྭཱ ཨཝསེསཾ ཁཱདནཱིཡཾ ནཱམ.

བྷོཛནཱིཡཾ ནཱམ པཉྩ བྷོཛནཱནི – ཨོདནོ, ཀུམྨཱསོ, སཏྟུ, མཙྪོ, མཾསཾ.

ཨཛ྄ཛྷཱརཱམོ ནཱམ པརིཀྑིཏྟསྶ ཨཱརཱམསྶ ཨནྟོཨཱརཱམོ. ཨཔརིཀྑིཏྟསྶ ཨུཔཙཱརོ.

ཨགིལཱནོ ནཱམ སཀྐོཏི པིཎྜཱཡ ཙརིཏུཾ [གནྟུཾ (ཀ.)].

གིལཱནོ ནཱམ ན སཀྐོཏི པིཎྜཱཡ ཙརིཏུཾ [གནྟུཾ (ཀ.)].

ཨཔྤཊིསཾཝིདིཏཾ ¶ ཨགིལཱནོ ‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ.

༥༧༤. ཨཔྤཊིསཾཝིདིཏེ ཨཔྤཊིསཾཝིདིཏསཉྙཱི ཁཱདནཱིཡཾ ཝཱ བྷོཛནཱིཡཾ ཝཱ ཨཛ྄ཛྷཱརཱམེ སཧཏྠཱ ¶ པཊིགྒཧེཏྭཱ ཨགིལཱནོ ཁཱདཏི ཝཱ བྷུཉྫཏི ཝཱ, ཨཱཔཏྟི པཱཊིདེསནཱིཡསྶ. ཨཔྤཊིསཾཝིདིཏེ ཝེམཏིཀོ ཁཱདནཱིཡཾ ཝཱ བྷོཛནཱིཡཾ ¶ ཝཱ ཨཛ྄ཛྷཱརཱམེ སཧཏྠཱ པཊིགྒཧེཏྭཱ ཨགིལཱནོ ¶ ཁཱདཏི ཝཱ བྷུཉྫཏི ཝཱ, ཨཱཔཏྟི པཱཊིདེསནཱིཡསྶ. ཨཔྤཊིསཾཝིདིཏེ པཊིསཾཝིདིཏསཉྙཱི ཁཱདནཱིཡཾ ཝཱ བྷོཛནཱིཡཾ ཝཱ ཨཛ྄ཛྷཱརཱམེ སཧཏྠཱ པཊིགྒཧེཏྭཱ ཨགིལཱནོ ཁཱདཏི ཝཱ བྷུཉྫཏི ཝཱ, ཨཱཔཏྟི པཱཊིདེསནཱིཡསྶ.

ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ ཨཱཧཱརཏྠཱཡ པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི དུཀྐཊསྶ. པཊིསཾཝིདིཏེ ཨཔྤཊིསཾཝིདིཏསཉྙཱི, ཨཱཔཏྟི དུཀྐཊསྶ. པཊིསཾཝིདིཏེ ཝེམཏིཀོ, ཨཱཔཏྟི དུཀྐཊསྶ. པཊིསཾཝིདིཏེ པཊིསཾཝིདིཏསཉྙཱི, ཨནཱཔཏྟི.

༥༧༥. ཨནཱཔཏྟི པཊིསཾཝིདིཏེ, གིལཱནསྶ, པཊིསཾཝིདིཏེ ཝཱ གིལཱནསྶ ཝཱ སེསཀཾ བྷུཉྫཏི, བཧཱརཱམེ པཊིགྒཧེཏྭཱ ཨནྟོཨཱརཱམེ བྷུཉྫཏི, ཏཏྠ ཛཱཏཀཾ མཱུལཾ ཝཱ ཏཙཾ ཝཱ པཏྟཾ ཝཱ པུཔྥཾ ཝཱ ཕལཾ ཝཱ བྷུཉྫཏི, ཡཱམཀཱལིཀཾ སཏྟཱཧཀཱལིཀཾ ཡཱཝཛཱིཝིཀཾ སཏི པཙྩཡེ པརིབྷུཉྫཏི, ཨུམྨཏྟཀསྶ, ཨཱདིཀམྨིཀསྶཱཏི.

ཙཏུཏྠཔཱཊིདེསནཱིཡསིཀྑཱཔདཾ ནིཊྛིཏཾ.

ཨུདྡིཊྛཱ ཁོ, ཨཱཡསྨནྟོ, ཙཏྟཱརོ པཱཊིདེསནཱིཡཱ དྷམྨཱ. ཏཏྠཱཡསྨནྟེ པུཙྪཱམི – ‘‘ཀཙྩིཏྠ པརིསུདྡྷཱ’’? དུཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? ཏཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? པརིསུདྡྷེཏྠཱཡསྨནྟོ, ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི.

པཱཊིདེསནཱིཡཀཎྜཾ ནིཊྛིཏཾ.

༧. སེཁིཡཀཎྜཾ

༡. པརིམཎྜལཝགྒོ

ཨིམེ ཁོ པནཱཡསྨནྟོ སེཁིཡཱ

དྷམྨཱ ཨུདྡེསཾ ཨཱགཙྪནྟི.

༥༧༦. ཏེན ¶ ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ པུརཏོཔི པཙྪཏོཔི ཨོལམྦེནྟཱ ནིཝཱསེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ པུརཏོཔི པཙྪཏོཔི ཨོལམྦེནྟཱ ནིཝཱསེསྶནྟི, སེཡྻཐཱཔི གིཧཱི ཀཱམབྷོགིནོ’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ པུརཏོཔི པཙྪཏོཔི ཨོལམྦེནྟཱ ནིཝཱསེསྶནྟཱི’’ཏི! ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཚབྦགྒིཡེ བྷིཀྑཱུ པཊིཔུཙྪི – ‘‘སཙྩཾ ཀིར ཏུམྷེ, བྷིཀྑཝེ, པུརཏོཔི པཙྪཏོཔི ཨོལམྦེནྟཱ ནིཝཱསེཐཱ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, པུརཏོཔི པཙྪཏོཔི ཨོལམྦེནྟཱ ནིཝཱསེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ¶ ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘པརིམཎྜལཾ ནིཝཱསེསྶཱམཱིཏི སིཀྑཱ ཀརཎཱིཡཱ’’ཏི.

པརིམཎྜལཾ ¶ ནིཝཱསེཏབྦཾ ནཱབྷིམཎྜལཾ ཛཱཎུམཎྜལཾ པཊིཙྪཱདེནྟེན. ཡོ ཨནཱདརིཡཾ པཊིཙྩ པུརཏོ ཝཱ པཙྪཏོ ཝཱ ཨོལམྦེནྟོ ནིཝཱསེཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཨཱཔདཱསུ, ཨུམྨཏྟཀསྶ,

ཨཱདིཀམྨིཀསྶཱཏི.

པཋམསིཀྑཱཔདཾ ནིཊྛིཏཾ.

༥༧༧. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ པུརཏོཔི པཙྪཏོཔི ཨོལམྦེནྟཱ པཱརུཔནྟི…པེ….

‘‘པརིམཎྜལཾ པཱརུཔིསྶཱམཱིཏི སིཀྑཱ ཀརཎཱིཡཱ’’ཏི.

པརིམཎྜལཾ པཱརུཔིཏབྦཾ ཨུབྷོ ཀཎྞེ སམཾ ཀཏྭཱ. ཡོ ¶ ཨནཱདརིཡཾ པཊིཙྩ པུརཏོ ཝཱ པཙྪཏོ ཝཱ ཨོལམྦེནྟོ པཱརུཔཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཨཱཔདཱསུ, ཨུམྨཏྟཀསྶ,

ཨཱདིཀམྨིཀསྶཱཏི.

དུཏིཡསིཀྑཱཔདཾ ནིཊྛིཏཾ.

༥༧༨. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཀཱཡཾ ཝིཝརིཏྭཱ ཨནྟརགྷརེ གཙྪནྟི…པེ….

‘‘སུཔྤཊིཙྪནྣོ ཨནྟརགྷརེ ¶ གམིསྶཱམཱིཏི སིཀྑཱ ཀརཎཱིཡཱ’’ཏི.

སུཔྤཊིཙྪནྣེན ཨནྟརགྷརེ གནྟབྦཾ. ཡོ ཨནཱདརིཡཾ པཊིཙྩ ཀཱཡཾ ཝིཝརིཏྭཱ ཨནྟརགྷརེ གཙྪཏི, ཨཱཔཏྟི དུཀྐཊསྶ.

ཨནཱཔཏྟི ¶ ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཨཱཔདཱསུ, ཨུམྨཏྟཀསྶ,

ཨཱདིཀམྨིཀསྶཱཏི.

ཏཏིཡསིཀྑཱཔདཾ ནིཊྛིཏཾ.

༥༧༩. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཀཱཡཾ ཝིཝརིཏྭཱ ཨནྟརགྷརེ ནིསཱིདནྟི…པེ….

‘‘སུཔྤཊིཙྪནྣོ ཨནྟརགྷརེ ནིསཱིདིསྶཱམཱིཏི སིཀྑཱ ཀརཎཱིཡཱ’’ཏི.

སུཔྤཊིཙྪནྣེན ཨནྟརགྷརེ ནིསཱིདིཏབྦཾ. ཡོ ཨནཱདརིཡཾ པཊིཙྩ ཀཱཡཾ ཝིཝརིཏྭཱ ཨནྟརགྷརེ ནིསཱིདཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཝཱསཱུཔགཏསྶ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཙཏུཏྠསིཀྑཱཔདཾ ནིཊྛིཏཾ.

༥༨༠. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཧཏྠམྤི པཱདམྤི ཀཱིལཱ༹པེནྟཱ ཨནྟརགྷརེ གཙྪནྟི…པེ….

‘‘སུསཾཝུཏོ ཨནྟརགྷརེ གམིསྶཱམཱིཏི སིཀྑཱ ཀརཎཱིཡཱ’’ཏི.

སུསཾཝུཏེན ཨནྟརགྷརེ གནྟབྦཾ. ཡོ ཨནཱདརིཡཾ པཊིཙྩ ཧཏྠཾ ཝཱ པཱདཾ ཝཱ ཀཱིལཱ༹པེནྟོ ཨནྟརགྷརེ གཙྪཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཨུམྨཏྟཀསྶ, ཨཱདིཀམྨིཀསྶཱཏི.

པཉྩམསིཀྑཱཔདཾ ནིཊྛིཏཾ.

༥༨༡. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ¶ ཧཏྠམྤི པཱདམྤི ཀཱིལཱ༹པེནྟཱ ཨནྟརགྷརེ ནིསཱིདནྟི…པེ….

‘‘སུསཾཝུཏོ ཨནྟརགྷརེ ནིསཱིདིསྶཱམཱིཏི སིཀྑཱ ཀརཎཱིཡཱ’’ཏི.

སུསཾཝུཏེན ཨནྟརགྷརེ ནིསཱིདིཏབྦཾ. ཡོ ཨནཱདརིཡཾ པཊིཙྩ ཧཏྠཾ ཝཱ པཱདཾ ཝཱ ཀཱིལཱ༹པེནྟོ ཨནྟརགྷརེ ནིསཱིདཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཨུམྨཏྟཀསྶ, ཨཱདིཀམྨིཀསྶཱཏི.

ཚཊྛསིཀྑཱཔདཾ ནིཊྛིཏཾ.

༥༨༢. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཏཧཾ ཏཧཾ ཨོལོཀེནྟཱ ཨནྟརགྷརེ གཙྪནྟི…པེ….

‘‘ཨོཀྑིཏྟཙཀྑུ ཨནྟརགྷརེ གམིསྶཱམཱིཏི སིཀྑཱ ཀརཎཱིཡཱ’’ཏི.

ཨོཀྑིཏྟཙཀྑུནཱ ཨནྟརགྷརེ གནྟབྦཾ ཡུགམཏྟཾ པེཀྑནྟེན. ཡོ ཨནཱདརིཡཾ པཊིཙྩ ཏཧཾ ཏཧཾ ཨོལོཀེནྟོ ཨནྟརགྷརེ གཙྪཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཨཱཔདཱསུ, ཨུམྨཏྟཀསྶ,

ཨཱདིཀམྨིཀསྶཱཏི.

སཏྟམསིཀྑཱཔདཾ ནིཊྛིཏཾ.

༥༨༣. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཏཧཾ ཏཧཾ ཨོལོཀེནྟཱ ཨནྟརགྷརེ ནིསཱིདནྟི…པེ….

‘‘ཨོཀྑིཏྟཙཀྑུ ¶ ཨནྟརགྷརེ ནིསཱིདིསྶཱམཱིཏི སིཀྑཱ ཀརཎཱིཡཱ’’ཏི.

ཨོཀྑིཏྟཙཀྑུནཱ ཨནྟརགྷརེ ནིསཱིདིཏབྦཾ ཡུགམཏྟཾ པེཀྑནྟེན. ཡོ ཨནཱདརིཡཾ པཊིཙྩ ཏཧཾ ཏཧཾ ཨོལོཀེནྟོ ཨནྟརགྷརེ ནིསཱིདཏི, ཨཱཔཏྟི དུཀྐཊསྶ.

ཨནཱཔཏྟི ¶ ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཨཱཔདཱསུ, ཨུམྨཏྟཀསྶ,

ཨཱདིཀམྨིཀསྶཱཏི.

ཨཊྛམསིཀྑཱཔདཾ ནིཊྛིཏཾ.

༥༨༤. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཀྑིཏྟཀཱཡ ཨནྟརགྷརེ གཙྪནྟི…པེ….

‘‘ན ཨུཀྑིཏྟཀཱཡ ཨནྟརགྷརེ གམིསྶཱམཱིཏི སིཀྑཱ ཀརཎཱིཡཱ’’ཏི.

ན ཨུཀྑིཏྟཀཱཡ ཨནྟརགྷརེ གནྟབྦཾ. ཡོ ཨནཱདརིཡཾ པཊིཙྩ ཨེཀཏོ ཝཱ ཨུབྷཏོ ཝཱ ཨུཀྑིཔིཏྭཱ ཨནྟརགྷརེ གཙྪཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཨཱཔདཱསུ, ཨུམྨཏྟཀསྶ,

ཨཱདིཀམྨིཀསྶཱཏི.

ནཝམསིཀྑཱཔདཾ ནིཊྛིཏཾ.

༥༨༥. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཀྑིཏྟཀཱཡ ཨནྟརགྷརེ ནིསཱིདནྟི…པེ….

‘‘ན ཨུཀྑིཏྟཀཱཡ ཨནྟརགྷརེ ནིསཱིདིསྶཱམཱིཏི སིཀྑཱ ཀརཎཱིཡཱ’’ཏི.

ན ཨུཀྑིཏྟཀཱཡ ཨནྟརགྷརེ ནིསཱིདིཏབྦཾ. ཡོ ཨནཱདརིཡཾ པཊིཙྩ ཨེཀཏོ ཝཱ ཨུབྷཏོ ཝཱ ཨུཀྑིཔིཏྭཱ ཨནྟརགྷརེ ནིསཱིདཏི, ཨཱཔཏྟི དུཀྐཊསྶ.

ཨནཱཔཏྟི ¶ ¶ ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཝཱསཱུཔགཏསྶ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

དསམསིཀྑཱཔདཾ ནིཊྛིཏཾ.

པརིམཎྜལཝགྒོ པཋམོ.

༢. ཨུཛྫགྒྷིཀཝགྒོ

༥༨༦. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ མཧཱཧསིཏཾ ཧསནྟཱ ཨནྟརགྷརེ གཙྪནྟི…པེ….

‘‘ན ཨུཛྫགྒྷིཀཱཡ ཨནྟརགྷརེ གམིསྶཱམཱིཏི སིཀྑཱ ཀརཎཱིཡཱ’’ཏི.

ན ཨུཛྫགྒྷིཀཱཡ ཨནྟརགྷརེ གནྟབྦཾ. ཡོ ཨནཱདརིཡཾ པཊིཙྩ མཧཱཧསིཏཾ ཧསནྟོ ཨནྟརགྷརེ གཙྪཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཧསནཱིཡསྨིཾ ཝཏྠུསྨིཾ མིཧིཏམཏྟཾ ཀརོཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

པཋམསིཀྑཱཔདཾ ནིཊྛིཏཾ.

༥༨༧. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ མཧཱཧསིཏཾ ཧསནྟཱ ཨནྟརགྷརེ ནིསཱིདནྟི…པེ….

‘‘ན ཨུཛྫགྒྷིཀཱཡ ཨནྟརགྷརེ ནིསཱིདིསྶཱམཱིཏི སིཀྑཱ ཀརཎཱིཡཱ’’ཏི.

ན ¶ ཨུཛྫགྒྷིཀཱཡ ཨནྟརགྷརེ ནིསཱིདིཏབྦཾ. ཡོ ཨནཱདརིཡཾ པཊིཙྩ མཧཱཧསིཏཾ ཧསནྟོ ཨནྟརགྷརེ ནིསཱིདཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཧསནཱིཡསྨིཾ ཝཏྠུསྨིཾ མིཧིཏམཏྟཾ ཀརོཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

དུཏིཡསིཀྑཱཔདཾ ནིཊྛིཏཾ.

༥༨༨. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཙྩཱསདྡཾ མཧཱསདྡཾ ཀརོནྟཱ ཨནྟརགྷརེ གཙྪནྟི…པེ….

‘‘ཨཔྤསདྡོ ཨནྟརགྷརེ གམིསྶཱམཱིཏི སིཀྑཱ ཀརཎཱིཡཱ’’ཏི.

ཨཔྤསདྡེན ཨནྟརགྷརེ གནྟབྦཾ. ཡོ ཨནཱདརིཡཾ པཊིཙྩ ཨུཙྩཱསདྡཾ མཧཱསདྡཾ ཀརོནྟོ ཨནྟརགྷརེ གཙྪཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཏཏིཡསིཀྑཱཔདཾ ནིཊྛིཏཾ.

༥༨༩. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཙྩཱསདྡཾ མཧཱསདྡཾ ཀརོནྟཱ ཨནྟརགྷརེ ནིསཱིདནྟི…པེ….

‘‘ཨཔྤསདྡོ ཨནྟརགྷརེ ནིསཱིདིསྶཱམཱིཏི སིཀྑཱ ཀརཎཱིཡཱ’’ཏི.

ཨཔྤསདྡེན ཨནྟརགྷརེ ནིསཱིདིཏབྦཾ. ཡོ ཨནཱདརིཡཾ པཊིཙྩ ཨུཙྩཱསདྡཾ མཧཱསདྡཾ ཀརོནྟོ ཨནྟརགྷརེ ནིསཱིདཏི, ཨཱཔཏྟི དུཀྐཊསྶ.

ཨནཱཔཏྟི ¶ ཨསཉྩིཙྩ…པེ… ཨཱདིཀམྨིཀསྶཱཏི.

ཙཏུཏྠསིཀྑཱཔདཾ ནིཊྛིཏཾ.

༥༩༠. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ ¶ པན སམཡེན ཚབྦགྒིཡཱ བྷིཀྑཱུ ཀཱཡཔྤཙཱལཀཾ ཨནྟརགྷརེ གཙྪནྟི ཀཱཡཾ ཨོལམྦེནྟཱ…པེ….

‘‘ན ཀཱཡཔྤཙཱལཀཾ ཨནྟརགྷརེ གམིསྶཱམཱིཏི སིཀྑཱ ཀརཎཱིཡཱ’’ཏི.

ན ཀཱཡཔྤཙཱལཀཾ ཨནྟརགྷརེ གནྟབྦཾ. ཀཱཡཾ པགྒཧེཏྭཱ གནྟབྦཾ ¶ . ཡོ ཨནཱདརིཡཾ པཊིཙྩ ཀཱཡཔྤཙཱལཀཾ ཨནྟརགྷརེ གཙྪཏི ཀཱཡཾ ཨོལམྦེནྟོ, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

པཉྩམསིཀྑཱཔདཾ ནིཊྛིཏཾ.

༥༩༡. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཀཱཡཔྤཙཱལཀཾ ཨནྟརགྷརེ ནིསཱིདནྟི, ཀཱཡཾ ཨོལམྦེནྟཱ…པེ….

‘‘ན ཀཱཡཔྤཙཱལཀཾ ཨནྟརགྷརེ ནིསཱིདིསྶཱམཱིཏི སིཀྑཱ ཀརཎཱིཡཱ’’ཏི.

ན ཀཱཡཔྤཙཱལཀཾ ཨནྟརགྷརེ ནིསཱིདིཏབྦཾ. ཀཱཡཾ པགྒཧེཏྭཱ ནིསཱིདིཏབྦཾ. ཡོ ཨནཱདརིཡཾ པཊིཙྩ ཀཱཡཔྤཙཱལཀཾ ཨནྟརགྷརེ ནིསཱིདཏི ཀཱཡཾ ཨོལམྦེནྟོ, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཝཱསཱུཔགཏསྶ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཚཊྛསིཀྑཱཔདཾ ནིཊྛིཏཾ.

༥༩༢. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ བཱཧུཔྤཙཱལཀཾ ཨནྟརགྷརེ གཙྪནྟི བཱཧུཾ ཨོལམྦེནྟཱ…པེ….

‘‘ན བཱཧུཔྤཙཱལཀཾ ཨནྟརགྷརེ གམིསྶཱམཱིཏི སིཀྑཱ ཀརཎཱིཡཱ’’ཏི.

ན བཱཧུཔྤཙཱལཀཾ ཨནྟརགྷརེ གནྟབྦཾ. བཱཧུཾ པགྒཧེཏྭཱ གནྟབྦཾ. ཡོ ཨནཱདརིཡཾ པཊིཙྩ བཱཧུཔྤཙཱལཀཾ ཨནྟརགྷརེ གཙྪཏི བཱཧུཾ ཨོལམྦེནྟོ, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

སཏྟམསིཀྑཱཔདཾ ནིཊྛིཏཾ.

༥༩༣. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ བཱཧུཔྤཙཱལཀཾ ཨནྟརགྷརེ ནིསཱིདནྟི བཱཧུཾ ཨོལམྦེནྟཱ…པེ….

‘‘ན བཱཧུཔྤཙཱལཀཾ ཨནྟརགྷརེ ནིསཱིདིསྶཱམཱིཏི སིཀྑཱ ཀརཎཱིཡཱ’’ཏི.

ན བཱཧུཔྤཙཱལཀཾ ཨནྟརགྷརེ ནིསཱིདིཏབྦཾ. བཱཧུཾ པགྒཧེཏྭཱ ནིསཱིདིཏབྦཾ. ཡོ ཨནཱདརིཡཾ པཊིཙྩ བཱཧུཔྤཙཱལཀཾ ཨནྟརགྷརེ ནིསཱིདཏི བཱཧུཾ ཨོལམྦེནྟོ, ཨཱཔཏྟི དུཀྐཊསྶ.

ཨནཱཔཏྟི ¶ ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཝཱསཱུཔགཏསྶ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཨཊྛམསིཀྑཱཔདཾ ནིཊྛིཏཾ.

༥༩༤. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜཀསྶ ཨཱརཱམེ ¶ . ཏེན ཁོ པན སམཡེན ཚབྦགྒིཡཱ བྷིཀྑཱུ སཱིསཔྤཙཱལཀཾ ཨནྟརགྷརེ གཙྪནྟི སཱིསཾ ཨོལམྦེནྟཱ…པེ….

‘‘ན སཱིསཔྤཙཱལཀཾ ཨནྟརགྷརེ གམིསྶཱམཱིཏི སིཀྑཱ ཀརཎཱིཡཱ’’ཏི.

ན སཱིསཔྤཙཱལཀཾ ཨནྟརགྷརེ གནྟབྦཾ. སཱིསཾ པགྒཧེཏྭཱ གནྟབྦཾ. ཡོ ཨནཱདརིཡཾ པཊིཙྩ སཱིསཔྤཙཱལཀཾ ཨནྟརགྷརེ གཙྪཏི སཱིསཾ ཨོལམྦེནྟོ, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

ནཝམསིཀྑཱཔདཾ ནིཊྛིཏཾ.

༥༩༥. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ སཱིསཔྤཙཱལཀཾ ཨནྟརགྷརེ ནིསཱིདནྟི སཱིསཾ ཨོལམྦེནྟཱ…པེ….

‘‘ན སཱིསཔྤཙཱལཀཾ ཨནྟརགྷརེ ནིསཱིདིསྶཱམཱིཏི སིཀྑཱ ཀརཎཱིཡཱ’’ཏི.

ན སཱིསཔྤཙཱལཀཾ ཨནྟརགྷརེ ནིསཱིདིཏབྦཾ. སཱིསཾ པགྒཧེཏྭཱ ནིསཱིདིཏབྦཾ ¶ . ཡོ ཨནཱདརིཡཾ པཊིཙྩ སཱིསཔྤཙཱལཀཾ ཨནྟརགྷརེ ནིསཱིདཏི སཱིསཾ ཨོལམྦེནྟོ, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཝཱསཱུཔགཏསྶ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

དསམསིཀྑཱཔདཾ ནིཊྛིཏཾ.

ཨུཛྫགྒྷིཀཝགྒོ དུཏིཡོ.

༣. ཁམྦྷཀཏཝགྒོ

༥༩༦. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཁམྦྷཀཏཱ ཨནྟརགྷརེ གཙྪནྟི…པེ….

‘‘ན ཁམྦྷཀཏོ ཨནྟརགྷརེ གམིསྶཱམཱིཏི སིཀྑཱ ཀརཎཱིཡཱ’’ཏི.

ན ¶ ཁམྦྷཀཏེན ཨནྟརགྷརེ གནྟབྦཾ. ཡོ ཨནཱདརིཡཾ པཊིཙྩ ཨེཀཏོ ཝཱ ཨུབྷཏོ ཝཱ ཁམྦྷཾ ཀཏྭཱ ཨནྟརགྷརེ གཙྪཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

པཋམསིཀྑཱཔདཾ ནིཊྛིཏཾ.

༥༩༧. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཁམྦྷཀཏཱ ཨནྟརགྷརེ ནིསཱིདནྟི…པེ….

‘‘ན ཁམྦྷཀཏོ ཨནྟརགྷརེ ནིསཱིདིསྶཱམཱིཏི སིཀྑཱ ཀརཎཱིཡཱ’’ཏི.

ན ཁམྦྷཀཏེན ཨནྟརགྷརེ ནིསཱིདིཏབྦཾ. ཡོ ཨནཱདརིཡཾ པཊིཙྩ ཨེཀཏོ ཝཱ ཨུབྷཏོ ཝཱ ཁམྦྷཾ ཀཏྭཱ ཨནྟརགྷརེ ནིསཱིདཏི, ཨཱཔཏྟི ¶ དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཝཱསཱུཔགཏསྶ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

དུཏིཡསིཀྑཱཔདཾ ནིཊྛིཏཾ.

༥༩༨. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ སསཱིསཾ པཱརུཔིཏྭཱ ཨནྟརགྷརེ གཙྪནྟི…པེ….

‘‘ན ཨོགུཎྛིཏོ ཨནྟརགྷརེ གམིསྶཱམཱིཏི སིཀྑཱ ཀརཎཱིཡཱ’’ཏི.

ན ཨོགུཎྛིཏེན ཨནྟརགྷརེ གནྟབྦཾ. ཡོ ཨནཱདརིཡཾ པཊིཙྩ སསཱིསཾ པཱརུཔིཏྭཱ ཨནྟརགྷརེ གཙྪཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

ཏཏིཡསིཀྑཱཔདཾ ནིཊྛིཏཾ.

༥༩༩. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ སསཱིསཾ པཱརུཔིཏྭཱ ཨནྟརགྷརེ ནིསཱིདནྟི…པེ….

‘‘ན ཨོགུཎྛིཏོ ཨནྟརགྷརེ ནིསཱིདིསྶཱམཱིཏི སིཀྑཱ ཀརཎཱིཡཱ’’ཏི.

ན ཨོགུཎྛིཏེན ཨནྟརགྷརེ ནིསཱིདིཏབྦཾ. ཡོ ཨནཱདརིཡཾ པཊིཙྩ སསཱིསཾ པཱརུཔིཏྭཱ ཨནྟརགྷརེ ནིསཱིདཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཝཱསཱུཔགཏསྶ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཙཏུཏྠསིཀྑཱཔདཾ ནིཊྛིཏཾ.

༦༠༠. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཀྐུཊིཀཱཡ ཨནྟརགྷརེ གཙྪནྟི…པེ….

‘‘ན ¶ ཨུཀྐུཊིཀཱཡ ཨནྟརགྷརེ གམིསྶཱམཱིཏི སིཀྑཱ ཀརཎཱིཡཱ’’ཏི.

ན ¶ ཨུཀྐུཊིཀཱཡ ཨནྟརགྷརེ གནྟབྦཾ. ཡོ ཨནཱདརིཡཾ པཊིཙྩ ཨུཀྐུཊིཀཱཡ ཨནྟརགྷརེ གཙྪཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

པཉྩམསིཀྑཱཔདཾ ནིཊྛིཏཾ.

༦༠༡. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ པལླཏྠིཀཱཡ [པལླཏྟིཀཱཡ (ཀ.)] ཨནྟརགྷརེ ནིསཱིདནྟི…པེ….

‘‘ན པལླཏྠིཀཱཡ ཨནྟརགྷརེ ནིསཱིདིསྶཱམཱིཏི སིཀྑཱ ཀརཎཱིཡཱ’’ཏི.

ན པལླཏྠིཀཱཡ ཨནྟརགྷརེ ནིསཱིདིཏབྦཾ. ཡོ ཨནཱདརིཡཾ པཊིཙྩ ཧཏྠཔལླཏྠིཀཱཡ ཝཱ དུསྶཔལླཏྠིཀཱཡ ཝཱ ཨནྟརགྷརེ ནིསཱིདཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཝཱསཱུཔགཏསྶ, ཨཱཔདཱསུ,

ཨུམྨཏྟཀསྶ, ཨཱདིཀམྨིཀསྶཱཏི.

ཚཊྛསིཀྑཱཔདཾ ནིཊྛིཏཾ.

༦༠༢. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ ¶ པན སམཡེན ཚབྦགྒིཡཱ བྷིཀྑཱུ ཨསཀྐཙྩཾ པིཎྜཔཱཏཾ པཊིགྒཎྷནྟི ཚཌྜེཏུཀཱམཱ ཝིཡ…པེ….

‘‘སཀྐཙྩཾ པིཎྜཔཱཏཾ པཊིགྒཧེསྶཱམཱིཏི སིཀྑཱ ཀརཎཱིཡཱ’’ཏི.

སཀྐཙྩཾ པིཎྜཔཱཏོ པཊིགྒཧེཏབྦོ. ཡོ ཨནཱདརིཡཾ པཊིཙྩ ཨསཀྐཙྩཾ པིཎྜཔཱཏཾ པཊིགྒཎྷཱཏི ཚཌྜེཏུཀཱམོ ཝིཡ, ཨཱཔཏྟི དུཀྐཊསྶ.

ཨནཱཔཏྟི ¶ ¶ ཨསཉྩིཙྩ…པེ… ཨཱདིཀམྨིཀསྶཱཏི.

སཏྟམསིཀྑཱཔདཾ ནིཊྛིཏཾ.

༦༠༣. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཏཧཾ ཏཧཾ ཨོལོཀེནྟཱ པིཎྜཔཱཏཾ པཊིགྒཎྷནྟི, ཨཱཀིརནྟེཔི ཨཏིཀྐནྟེཔི [ཨཏིཀྐམནྟེཔི (སཱི.)] ན ཛཱནནྟི…པེ….

‘‘པཏྟསཉྙཱི པིཎྜཔཱཏཾ པཊིགྒཧེསྶཱམཱིཏི སིཀྑཱ ཀརཎཱིཡཱ’’ཏི.

པཏྟསཉྙིནཱ པིཎྜཔཱཏོ པཊིགྒཧེཏབྦོ. ཡོ ཨནཱདརིཡཾ པཊིཙྩ ཏཧཾ ཏཧཾ ཨོལོཀེནྟོ པིཎྜཔཱཏཾ པཊིགྒཎྷཱཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

ཨཊྛམསིཀྑཱཔདཾ ནིཊྛིཏཾ.

༦༠༤. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ པིཎྜཔཱཏཾ པཊིགྒཎྷནྟཱ སཱུཔཉྙེཝ བཧུཾ པཊིགྒཎྷནྟི…པེ….

‘‘སམསཱུཔཀཾ པིཎྜཔཱཏཾ པཊིགྒཧེསྶཱམཱིཏི སིཀྑཱ ཀརཎཱིཡཱ’’ཏི.

སཱུཔོ ནཱམ དྭེ སཱུཔཱ – མུགྒསཱུཔོ, མཱསསཱུཔོ. ཧཏྠཧཱརིཡོ སམསཱུཔཀོ པིཎྜཔཱཏོ པཊིགྒཧེཏབྦོ. ཡོ ཨནཱདརིཡཾ པཊིཙྩ སཱུཔཉྙེཝ བཧུཾ པཊིགྒཎྷཱཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, རསརསེ, ཉཱཏཀཱནཾ པཝཱརིཏཱནཾ, ཨཉྙསྶཏྠཱཡ, ཨཏྟནོ དྷནེན, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ནཝམསིཀྑཱཔདཾ ནིཊྛིཏཾ.

༦༠༥. ཏེན ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཐཱུཔཱིཀཏཾ པིཎྜཔཱཏཾ པཊིགྒཎྷནྟི…པེ….

‘‘སམཏིཏྟིཀཾ [སམཏིཏྠིཀཾ (ཀ.)] པིཎྜཔཱཏཾ པཊིགྒཧེསྶཱམཱིཏི སིཀྑཱ ཀརཎཱིཡཱ’’ཏི.

སམཏིཏྟིཀོ ¶ [སམཏིཏྠིཀཾ (ཀ.)] པིཎྜཔཱཏོ པཊིགྒཧེཏབྦོ. ཡོ ཨནཱདརིཡཾ པཊིཙྩ ཐཱུཔཱིཀཏཾ པིཎྜཔཱཏཾ པཊིགྒཎྷཱཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

དསམསིཀྑཱཔདཾ ནིཊྛིཏཾ.

ཁམྦྷཀཏཝགྒོ ཏཏིཡོ.

༤. སཀྐཙྩཝགྒོ

༦༠༦. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨསཀྐཙྩཾ པིཎྜཔཱཏཾ བྷུཉྫནྟི ཨབྷུཉྫིཏུཀཱམཱ ཝིཡ…པེ….

‘‘སཀྐཙྩཾ པིཎྜཔཱཏཾ བྷུཉྫིསྶཱམཱིཏི སིཀྑཱ ཀརཎཱིཡཱ’’ཏི.

སཀྐཙྩཾ པིཎྜཔཱཏོ བྷུཉྫིཏབྦོ. ཡོ ཨནཱདརིཡཾ པཊིཙྩ ཨསཀྐཙྩཾ པིཎྜཔཱཏཾ བྷུཉྫཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཨཱཔདཱསུ, ཨུམྨཏྟཀསྶ,

ཨཱདིཀམྨིཀསྶཱཏི.

པཋམསིཀྑཱཔདཾ ནིཊྛིཏཾ.

༦༠༧. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཏཧཾ ཏཧཾ ཨོལོཀེནྟཱ པིཎྜཔཱཏཾ བྷུཉྫནྟི, ཨཱཀིརནྟེཔི ཨཏིཀྐནྟེཔི ན ཛཱནནྟི…པེ… ¶ .

‘‘པཏྟསཉྙཱི ¶ པིཎྜཔཱཏཾ བྷུཉྫིསྶཱམཱིཏི སིཀྑཱ ཀརཎཱིཡཱ’’ཏི.

པཏྟསཉྙིནཱ པིཎྜཔཱཏོ བྷུཉྫིཏབྦོ. ཡོ ཨནཱདརིཡཾ པཊིཙྩ ཏཧཾ ཏཧཾ ཨོལོཀེནྟོ པིཎྜཔཱཏཾ བྷུཉྫཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

དུཏིཡསིཀྑཱཔདཾ ནིཊྛིཏཾ.

༦༠༨. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཏཧཾ ཏཧཾ ཨོམསིཏྭཱ [ཨོམདྡིཏྭཱ (ཀ.)] པིཎྜཔཱཏཾ བྷུཉྫནྟི…པེ….

‘‘སཔདཱནཾ པིཎྜཔཱཏཾ བྷུཉྫིསྶཱམཱིཏི སིཀྑཱ ཀརཎཱིཡཱ’’ཏི.

སཔདཱནཾ པིཎྜཔཱཏོ བྷུཉྫིཏབྦོ. ཡོ ཨནཱདརིཡཾ པཊིཙྩ ཏཧཾ ཏཧཾ ཨོམསིཏྭཱ [ཨོམདྡིཏྭཱ (ཀ.)] པིཎྜཔཱཏཾ བྷུཉྫཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཨཉྙེསཾ དེནྟོ ཨོམསཏི, ཨཉྙསྶ བྷཱཛནེ ཨཱཀིརནྟོ ཨོམསཏི, ཨུཏྟརིབྷངྒེ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཏཏིཡསིཀྑཱཔདཾ ནིཊྛིཏཾ.

༦༠༩. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ ¶ . ཏེན ཁོ པན སམཡེན ཚབྦགྒིཡཱ བྷིཀྑཱུ པིཎྜཔཱཏཾ བྷུཉྫནྟཱ སཱུཔཉྙེཝ བཧུཾ བྷུཉྫནྟི…པེ….

‘‘སམསཱུཔཀཾ པིཎྜཔཱཏཾ བྷུཉྫིསྶཱམཱིཏི སིཀྑཱ ཀརཎཱིཡཱ’’ཏི.

སཱུཔོ ནཱམ དྭེ སཱུཔཱ – མུགྒསཱུཔོ, མཱསསཱུཔོ ཧཏྠཧཱརིཡོ. སམསཱུཔཀོ པིཎྜཔཱཏོ བྷུཉྫིཏབྦོ. ཡོ ཨནཱདརིཡཾ པཊིཙྩ སཱུཔཉྙེཝ བཧུཾ བྷུཉྫཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, རསརསེ ¶ , ཉཱཏཀཱནཾ པཝཱརིཏཱནཾ, ཨཏྟནོ དྷནེན, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཙཏུཏྠསིཀྑཱཔདཾ ནིཊྛིཏཾ.

༦༡༠. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཐཱུཔཀཏོ ཨོམདྡིཏྭཱ པིཎྜཔཱཏཾ བྷུཉྫནྟི…པེ….

‘‘ན ཐཱུཔཀཏོ ཨོམདྡིཏྭཱ པིཎྜཔཱཏཾ བྷུཉྫིསྶཱམཱིཏི སིཀྑཱ ཀརཎཱིཡཱ’’ཏི.

ན ཐཱུཔཀཏོ ཨོམདྡིཏྭཱ པིཎྜཔཱཏོ བྷུཉྫིཏབྦོ. ཡོ ཨནཱདརིཡཾ པཊིཙྩ ཐཱུཔཀཏོ ཨོམདྡིཏྭཱ པིཎྜཔཱཏཾ བྷུཉྫཏི ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, པརིཏྟཀེ སེསེ ཨེཀཏོ སཾཀཌྜྷིཏྭཱ ཨོམདྡིཏྭཱ བྷུཉྫཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

པཉྩམསིཀྑཱཔདཾ ནིཊྛིཏཾ.

༦༡༡. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ སཱུཔམྤི བྱཉྫནམྤི ཨོདནེན པཊིཙྪཱདེནྟི བྷིཡྻོཀམྱཏཾ ཨུཔཱདཱཡ…པེ….

‘‘ན ¶ སཱུཔཾ ཝཱ བྱཉྫནཾ ཝཱ ཨོདནེན པཊིཙྪཱདེསྶཱམི བྷིཡྻོཀམྱཏཾ ཨུཔཱདཱཡཱཏི སིཀྑཱ ཀརཎཱིཡཱ’’ཏི.

ན སཱུཔཾ ཝཱ བྱཉྫནཾ ཝཱ ཨོདནེན པཊིཙྪཱདེཏབྦཾ བྷིཡྻོཀམྱཏཾ ཨུཔཱདཱཡ. ཡོ ཨནཱདརིཡཾ པཊིཙྩ སཱུཔཾ ཝཱ བྱཉྫནཾ ཝཱ ཨོདནེན པཊིཙྪཱདེཏི བྷིཡྻོཀམྱཏཾ ཨུཔཱདཱཡ, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, སཱམིཀཱ པཊིཙྪཱདེཏྭཱ དེནྟི, ན བྷིཡྻོཀམྱཏཾ ཨུཔཱདཱཡ, ཨཱཔདཱསུ, ཨུམྨཏྟཀསྶ ¶ , ཨཱདིཀམྨིཀསྶཱཏི.

ཚཊྛསིཀྑཱཔདཾ ནིཊྛིཏཾ.

༦༡༢. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ སཱུཔམྤི ཨོདནམྤི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ སཱུཔམྤི ཨོདནམྤི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫིསྶནྟི! ཀསྶ སམྤནྣཾ ན མནཱཔཾ ¶ ! ཀསྶ སཱདུཾ ན རུཙྩཏཱི’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ སཱུཔམྤི ཨོདནམྤི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫིསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, སཱུཔམྤི ཨོདནམྤི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, སཱུཔམྤི ཨོདནམྤི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ན སཱུཔཾ ཝཱ ཨོདནཾ ཝཱ ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫིསྶཱམཱིཏི སིཀྑཱ ཀརཎཱིཡཱ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༦༡༣. ཏེན ¶ ཁོ པན སམཡེན བྷིཀྑཱུ གིལཱནཱ ཧོནྟི. གིལཱནཔུཙྪཀཱ བྷིཀྑཱུ གིལཱནེ བྷིཀྑཱུ ཨེཏདཝོཙུཾ – ‘‘ཀཙྩཱཝུསོ, ཁམནཱིཡཾ, ཀཙྩི ཡཱཔནཱིཡ’’ནྟི? ‘‘པུབྦེ མཡཾ, ཨཱཝུསོ, སཱུཔམྤི ཨོདནམྤི ཨཏྟནོ ཨཏྠཱཡ ¶ ཝིཉྙཱཔེཏྭཱ བྷུཉྫཱམ, ཏེན ནོ ཕཱསུ ཧོཏི. ཨིདཱནི པན – ‘‘བྷགཝཏཱ པཊིཀྑིཏྟ’’ནྟི ཀུཀྐུཙྩཱཡནྟཱ ན ཝིཉྙཱཔེམ, ཏེན ནོ ན ཕཱསུ ཧོཏཱི’’ཏི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, གིལཱནེན བྷིཀྑུནཱ སཱུཔམྤི ཨོདནམྤི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫིཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ན སཱུཔཾ ཝཱ ཨོདནཾ ཝཱ ཨགིལཱནོ ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫིསྶཱམཱིཏི སིཀྑཱ ཀརཎཱིཡཱ’’ཏི.

ན སཱུཔཾ ཝཱ ཨོདནཾ ཝཱ ཨགིལཱནེན ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫིཏབྦཾ. ཡོ ཨནཱདརིཡཾ པཊིཙྩ སཱུཔཾ ཝཱ ཨོདནཾ ཝཱ ཨགིལཱནོ ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཉཱཏཀཱནཾ པཝཱརིཏཱནཾ, ཨཉྙསྶཏྠཱཡ, ཨཏྟནོ དྷནེན, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

སཏྟམསིཀྑཱཔདཾ ནིཊྛིཏཾ.

༦༡༤. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཛ྄ཛྷཱནསཉྙཱི པརེསཾ པཏྟཾ ཨོལོཀེནྟི…པེ….

‘‘ན ཨུཛ྄ཛྷཱནསཉྙཱི པརེསཾ པཏྟཾ ཨོལོཀེསྶཱམཱིཏི སིཀྑཱ ཀརཎཱིཡཱ’’ཏི.

ན ཨུཛ྄ཛྷཱནསཉྙིནཱ པརེསཾ པཏྟོ ཨོལོཀེཏབྦོ. ཡོ ཨནཱདརིཡཾ པཊིཙྩ ཨུཛ྄ཛྷཱནསཉྙཱི པརེསཾ པཏྟཾ ཨོལོཀེཏི, ཨཱཔཏྟི དུཀྐཊསྶ.

ཨནཱཔཏྟི ¶ ཨསཉྩིཙྩ, ཨསྶཏིཡཱ, ཨཛཱནནྟསྶ, ‘‘དསྶཱམཱི’’ཏི ཝཱ ¶ ‘‘དཱཔེསྶཱམཱི’’ཏི ཝཱ ཨོལོཀེཏི, ན ཨུཛ྄ཛྷཱནསཉྙིསྶ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཨཊྛམསིཀྑཱཔདཾ ནིཊྛིཏཾ.

༦༡༥. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ མཧནྟཾ ཀབལ༹ཾ ཀརོནྟི…པེ….

‘‘ནཱཏིམཧནྟཾ ཀབལ༹ཾ ཀརིསྶཱམཱིཏི སིཀྑཱ ཀརཎཱིཡཱ’’ཏི.

ནཱཏིམཧནྟོ ཀབལོ༹ ཀཱཏབྦོ. ཡོ ཨནཱདརིཡཾ པཊིཙྩ མཧནྟཾ ཀབལ༹ཾ ཀརོཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཁཛྫཀེ, ཕལཱཕལེ, ཨུཏྟརིབྷངྒེ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ནཝམསིཀྑཱཔདཾ ནིཊྛིཏཾ.

༦༡༦. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ དཱིགྷཾ ཨཱལོཔཾ ཀརོནྟི…པེ….

‘‘པརིམཎྜལཾ ཨཱལོཔཾ ཀརིསྶཱམཱིཏི སིཀྑཱ ཀརཎཱིཡཱ’’ཏི.

པརིམཎྜལོ ཨཱལོཔོ ཀཱཏབྦོ. ཡོ ཨནཱདརིཡཾ པཊིཙྩ དཱིགྷཾ ཨཱལོཔཾ ཀརོཏི, ཨཱཔཏྟི དུཀྐཊསྶ.

ཨནཱཔཏྟི ¶ ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཁཛྫཀེ, ཕལཱཕལེ, ཨུཏྟརིབྷངྒེ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

དསམསིཀྑཱཔདཾ ནིཊྛིཏཾ.

སཀྐཙྩཝགྒོ ཙཏུཏྠོ.

༥. ཀབལ༹ཝགྒོ

༦༡༧. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨནཱཧཊེ ཀབལེ༹ མུཁདྭཱརཾ ཝིཝརནྟི…པེ….

‘‘ན ¶ ཨནཱཧཊེ ཀབལེ༹ མུཁདྭཱརཾ ཝིཝརིསྶཱམཱིཏི སིཀྑཱ ཀརཎཱིཡཱ’’ཏི.

ན ཨནཱཧཊེ ཀབལེ༹ མུཁདྭཱརཾ ཝིཝརིཏབྦཾ. ཡོ ཨནཱདརིཡཾ པཊིཙྩ ཨནཱཧཊེ ཀབལེ༹ མུཁདྭཱརཾ ཝིཝརཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

པཋམསིཀྑཱཔདཾ ནིཊྛིཏཾ.

༦༡༨. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ བྷུཉྫམཱནཱ སབྦཾ ཧཏྠཾ མུཁེ པཀྑིཔནྟི…པེ….

‘‘ན བྷུཉྫམཱནོ སབྦཾ ཧཏྠཾ མུཁེ པཀྑིཔིསྶཱམཱིཏི སིཀྑཱཀརཎཱིཡཱ’’ཏི.

ན བྷུཉྫམཱནེན སབྦོ ཧཏྠོ མུཁེ པཀྑིཔིཏབྦོ. ཡོ ཨནཱདརིཡཾ པཊིཙྩ བྷུཉྫམཱནོ སབྦཾ ཧཏྠཾ མུཁེ པཀྑིཔཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

དུཏིཡསིཀྑཱཔདཾ ནིཊྛིཏཾ.

༦༡༩. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ སཀབལེ༹ན མུཁེན བྱཱཧརནྟི…པེ….

‘‘ན ¶ སཀབལེ༹ན མུཁེན བྱཱཧརིསྶཱམཱིཏི སིཀྑཱ ཀརཎཱིཡཱ’’ཏི.

ན སཀབལེ༹ན མུཁེན བྱཱཧརིཏབྦཾ. ཡོ ཨནཱདརིཡཾ པཊིཙྩ སཀབལེ༹ན ¶ མུཁེན བྱཱཧརཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

ཏཏིཡསིཀྑཱཔདཾ ནིཊྛིཏཾ.

༦༢༠. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ པིཎྜུཀྑེཔཀཾ བྷུཉྫནྟི…པེ….

‘‘ན པིཎྜུཀྑེཔཀཾ བྷུཉྫིསྶཱམཱིཏི སིཀྑཱ ཀརཎཱིཡཱ’’ཏི.

ན པིཎྜུཀྑེཔཀཾ བྷུཉྫིཏབྦཾ. ཡོ ཨནཱདརིཡཾ པཊིཙྩ པིཎྜུཀྑེཔཀཾ བྷུཉྫཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཁཛྫཀེ, ཕལཱཕལེ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཙཏུཏྠསིཀྑཱཔདཾ ནིཊྛིཏཾ.

༦༢༡. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཀབལཱ༹ཝཙྪེདཀཾ བྷུཉྫནྟི…པེ….

‘‘ན ¶ ཀབལཱ༹ཝཙྪེདཀཾ བྷུཉྫིསྶཱམཱིཏི སིཀྑཱ ཀརཎཱིཡཱ’’ཏི.

ན ¶ ཀབལཱ༹ཝཙྪེདཀཾ བྷུཉྫིཏབྦཾ. ཡོ ཨནཱདརིཡཾ པཊིཙྩ ཀབལཱ༹ཝཙྪེདཀཾ བྷུཉྫཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཁཛྫཀེ ཕལཱཕལེ, ཨུཏྟརིབྷངྒེ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

པཉྩམསིཀྑཱཔདཾ ནིཊྛིཏཾ.

༦༢༢. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨཝགཎྜཀཱརཀཾ བྷུཉྫནྟི…པེ….

‘‘ན ¶ ཨཝགཎྜཀཱརཀཾ བྷུཉྫིསྶཱམཱིཏི སིཀྑཱ ¶ ཀརཎཱིཡཱ’’ཏི.

ན ཨཝགཎྜཀཱརཀཾ བྷུཉྫིཏབྦཾ. ཡོ ཨནཱདརིཡཾ པཊིཙྩ ཨེཀཏོ ཝཱ ཨུབྷཏོ ཝཱ གཎྜཾ ཀཏྭཱ བྷུཉྫཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཕལཱཕལེ, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཚཊྛསིཀྑཱཔདཾ ནིཊྛིཏཾ.

༦༢༣. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཧཏྠནིདྡྷུནཀཾ བྷུཉྫནྟི…པེ….

‘‘ན ཧཏྠནིདྡྷུནཀཾ བྷུཉྫིསྶཱམཱིཏི སིཀྑཱ ཀརཎཱིཡཱ’’ཏི.

ན ཧཏྠནིདྡྷུནཀཾ བྷུཉྫིཏབྦཾ. ཡོ ཨནཱདརིཡཾ པཊིཙྩ ཧཏྠནིདྡྷུནཀཾ བྷུཉྫཏི, ཨཱཔཏྟི དུཀྐཊསྶ.

ཨནཱཔཏྟི ¶ ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཀཙཝརཾ ཚཌྜེནྟོ ཧཏྠཾ ནིདྡྷུནཱཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

སཏྟམསིཀྑཱཔདཾ ནིཊྛིཏཾ.

༦༢༤. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ སིཏྠཱཝཀཱརཀཾ བྷུཉྫནྟི…པེ….

‘‘ན སིཏྠཱཝཀཱརཀཾ བྷུཉྫིསྶཱམཱིཏི སིཀྑཱ ཀརཎཱིཡཱ’’ཏི.

ན སིཏྠཱཝཀཱརཀཾ བྷུཉྫིཏབྦཾ. ཡོ ཨནཱདརིཡཾ པཊིཙྩ སིཏྠཱཝཀཱརཀཾ བྷུཉྫཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཀཙཝརཾ ¶ ཚཌྜེནྟོ སིཏྠཾ ཚཌྜཡཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི ¶ .

ཨཊྛམསིཀྑཱཔདཾ ནིཊྛིཏཾ.

༦༢༥. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཛིཝ྄ཧཱནིཙྪཱརཀཾ བྷུཉྫནྟི…པེ….

‘‘ན ¶ ཛིཝ྄ཧཱནིཙྪཱརཀཾ བྷུཉྫིསྶཱམཱིཏི སིཀྑཱ ཀརཎཱིཡཱ’’ཏི.

ན ཛིཝ྄ཧཱནིཙྪཱརཀཾ བྷུཉྫིཏབྦཾ. ཡོ ཨནཱདརིཡཾ པཊིཙྩ ཛིཝ྄ཧཱནིཙྪཱརཀཾ བྷུཉྫཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

ནཝམསིཀྑཱཔདཾ ནིཊྛིཏཾ.

༦༢༦. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཙཔུཙཔུཀཱརཀཾ བྷུཉྫནྟི…པེ….

‘‘ན ཙཔུཙཔུཀཱརཀཾ བྷུཉྫིསྶཱམཱིཏི སིཀྑཱ ཀརཎཱིཡཱ’’ཏི.

ན ཙཔུཙཔུཀཱརཀཾ བྷུཉྫིཏབྦཾ. ཡོ ཨནཱདརིཡཾ པཊིཙྩ ཙཔུཙཔུཀཱརཀཾ བྷུཉྫཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

དསམསིཀྑཱཔདཾ ནིཊྛིཏཾ.

ཀབལ༹ཝགྒོ པཉྩམོ.

༦. སུརུསུརུཝགྒོ

༦༢༧. ཏེན སམཡེན བུདྡྷོ བྷགཝཱ ཀོསམྦིཡཾ ཝིཧརཏི གྷོསིཏཱརཱམེ. ཏེན ཁོ པན སམཡེན ཨཉྙཏརེན བྲཱཧྨཎེན སངྒྷསྶ པཡོཔཱནཾ ¶ པཊིཡཏྟཾ ཧོཏི. བྷིཀྑཱུ སུརུསུརུཀཱརཀཾ ཁཱིརཾ པིཝནྟི. ཨཉྙཏརོ ནཊཔུབྦཀོ བྷིཀྑུ ཨེཝམཱཧ – ‘‘སབྦོཡཾ མཉྙེ སངྒྷོ སཱིཏཱིཀཏོ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུ སངྒྷཾ ཨཱརབྦྷ དཝཾ ཀརིསྶཏཱི’’ཏི…པེ… སཙྩཾ ཀིར ཏྭཾ, བྷིཀྑུ, སངྒྷཾ ཨཱརབྦྷ དཝཾ ཨཀཱསཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, སངྒྷཾ ཨཱརབྦྷ དཝཾ ཀརིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, བུདྡྷཾ ཝཱ དྷམྨཾ ཝཱ ¶ སངྒྷཾ ཝཱ ཨཱརབྦྷ དཝོ ཀཱཏབྦོ. ཡོ ཀརེཡྻ, ཨཱཔཏྟི དུཀྐཊསྶཱ’’ཏི. ཨཐ ཁོ བྷགཝཱ ཏཾ བྷིཀྑུཾ ཨནེཀཔརིཡཱཡེན ཝིགརཧིཏྭཱ དུབྦྷརཏཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ན ¶ སུརུསུརུཀཱརཀཾ བྷུཉྫིསྶཱམཱིཏི སིཀྑཱ ཀརཎཱིཡཱ’’ཏི.

ན སུརུསུརུཀཱརཀཾ ¶ བྷུཉྫིཏབྦཾ. ཡོ ཨནཱདརིཡཾ པཊིཙྩ སུརུསུརུཀཱརཀཾ བྷུཉྫཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

པཋམསིཀྑཱཔདཾ ནིཊྛིཏཾ.

༦༢༨. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཧཏྠནིལླེཧཀཾ བྷུཉྫནྟི…པེ….

‘‘ན ཧཏྠནིལླེཧཀཾ བྷུཉྫིསྶཱམཱིཏི སིཀྑཱ ཀརཎཱིཡཱ’’ཏི.

ན ¶ ཧཏྠནིལླེཧཀཾ བྷུཉྫིཏབྦཾ. ཡོ ཨནཱདརིཡཾ པཊིཙྩ ཧཏྠནིལླེཧཀཾ བྷུཉྫཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

དུཏིཡསིཀྑཱཔདཾ ནིཊྛིཏཾ.

༦༢༩. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ པཏྟནིལླེཧཀཾ བྷུཉྫནྟི…པེ….

‘‘ན པཏྟནིལླེཧཀཾ བྷུཉྫིསྶཱམཱིཏི སིཀྑཱ ཀརཎཱིཡཱ’’ཏི.

ན པཏྟནིལླེཧཀཾ བྷུཉྫིཏབྦཾ. ཡོ ཨནཱདརིཡཾ པཊིཙྩ པཏྟནིལླེཧཀཾ བྷུཉྫཏི, ཨཱཔཏྟི དུཀྐཊསྶ.

ཨནཱཔཏྟི ¶ ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, པརིཏྟཀེ སེསེ ཨེཀཏོ སངྐཌྜྷིཏྭཱ ནིལླེཧིཏྭཱ བྷུཉྫཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཏཏིཡསིཀྑཱཔདཾ ནིཊྛིཏཾ.

༦༣༠. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨོཊྛནིལླེཧཀཾ བྷུཉྫནྟི…པེ….

‘‘ན ཨོཊྛནིལླེཧཀཾ བྷུཉྫིསྶཱམཱིཏི སིཀྑཱ ཀརཎཱིཡཱ’’ཏི.

ན ཨོཊྛནིལླེཧཀཾ བྷུཉྫིཏབྦཾ. ཡོ ཨནཱདརིཡཾ པཊིཙྩ ཨོཊྛནིལླེཧཀཾ བྷུཉྫཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

ཙཏུཏྠསིཀྑཱཔདཾ ནིཊྛིཏཾ.

༦༣༡. ཏེན སམཡེན བུདྡྷོ བྷགཝཱ བྷགྒེསུ ཝིཧརཏི སུསུམཱརགིརེ [སུཾསུམཱརགིརེ (སཱི. སྱཱ.), སཾསུམཱརགིརེ (ཀ.)] བྷེསཀལཱ༹ཝནེ ¶ མིགདཱཡེ. ཏེན ཁོ པན སམཡེན བྷིཀྑཱུ ཀོཀནདེ [ཀོཀནུདེ (ཀ.)] པཱསཱདེ སཱམིསེན ཧཏྠེན པཱནཱིཡཐཱལཀཾ པཊིགྒཎྷནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ སཱམིསེན ཧཏྠེན པཱནཱིཡཐཱལཀཾ པཊིགྒཧེསྶནྟི, སེཡྻཐཱཔི གིཧཱི ཀཱམབྷོགིནོ’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑཱུ སཱམིསེན ཧཏྠེན པཱནཱིཡཐཱལཀཾ པཊིགྒཧེསྶནྟཱི’’ཏི…པེ… སཙྩཾ ཀིར, བྷིཀྑཝེ, བྷིཀྑཱུ སཱམིསེན ཧཏྠེན པཱནཱིཡཐཱལཀཾ པཊིགྒཎྷནྟཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ སཱམིསེན ཧཏྠེན པཱནཱིཡཐཱལཀཾ པཊིགྒཧེསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ན སཱམིསེན ཧཏྠེན པཱནཱིཡཐཱལཀཾ པཊིགྒཧེསྶཱམཱིཏི སིཀྑཱ ཀརཎཱིཡཱ’’ཏི.

ན ¶ ¶ སཱམིསེན ཧཏྠེན པཱནཱིཡཐཱལཀོ པཊིགྒཧེཏབྦོ. ཡོ ཨནཱདརིཡཾ པཊིཙྩ སཱམིསེན ཧཏྠེན པཱནཱིཡཐཱལཀཾ པཊིགྒཎྷཱཏི, ཨཱཔཏྟི དུཀྐཊསྶ.

ཨནཱཔཏྟི ¶ ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ‘‘དྷོཝིསྶཱམཱི’’ཏི ཝཱ ‘‘དྷོཝཱཔེསྶཱམཱི’’ཏི ཝཱ པཊིགྒཎྷཱཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

པཉྩམསིཀྑཱཔདཾ ནིཊྛིཏཾ.

༦༣༢. ཏེན ¶ སམཡེན བུདྡྷོ བྷགཝཱ བྷགྒེསུ ཝིཧརཏི སུསུམཱརགིརེ བྷེསཀལཱ༹ཝནེ མིགདཱཡེ. ཏེན ཁོ པན སམཡེན བྷིཀྑཱུ ཀོཀནདེ པཱསཱདེ སསིཏྠཀཾ པཏྟདྷོཝནཾ ཨནྟརགྷརེ ཚཌྜེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ སསིཏྠཀཾ པཏྟདྷོཝནཾ ཨནྟརགྷརེ ཚཌྜེསྶནྟི, སེཡྻཐཱཔི གིཧཱི ཀཱམབྷོགིནོ’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑཱུ སསིཏྠཀཾ པཏྟདྷོཝནཾ ཨནྟརགྷརེ ཚཌྜེསྶནྟཱི’’ཏི…པེ… སཙྩཾ ཀིར, བྷིཀྑཝེ, བྷིཀྑཱུ སསིཏྠཀཾ པཏྟདྷོཝནཾ ཨནྟརགྷརེ ཚཌྜེནྟཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ སསིཏྠཀཾ པཏྟདྷོཝནཾ ཨནྟརགྷརེ ཚཌྜེསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ན སསིཏྠཀཾ པཏྟདྷོཝནཾ ཨནྟརགྷརེ ཚཌྜེསྶཱམཱིཏི སིཀྑཱ ཀརཎཱིཡཱ’’ཏི.

ན སསིཏྠཀཾ པཏྟདྷོཝནཾ ཨནྟརགྷརེ ཚཌྜེཏབྦཾ. ཡོ ཨནཱདརིཡཾ པཊིཙྩ སསིཏྠཀཾ པཏྟདྷོཝནཾ ཨནྟརགྷརེ ཚཌྜེཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཨུདྡྷརིཏྭཱ ཝཱ བྷིནྡིཏྭཱ ཝཱ པཊིགྒཧེ ཝཱ ནཱིཧརིཏྭཱ ཝཱ ཚཌྜེཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཚཊྛསིཀྑཱཔདཾ ནིཊྛིཏཾ.

༦༣༣. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཚཏྟཔཱཎིསྶ དྷམྨཾ དེསེནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཚཏྟཔཱཎིསྶ ¶ དྷམྨཾ དེསེསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, ཚཏྟཔཱཎིསྶ དྷམྨཾ དེསེཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཚཏྟཔཱཎིསྶ དྷམྨཾ དེསེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ན ཚཏྟཔཱཎིསྶ དྷམྨཾ དེསེསྶཱམཱིཏི སིཀྑཱ ཀརཎཱིཡཱ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༦༣༤. ཏེན ཁོ པན སམཡེན བྷིཀྑཱུ ཚཏྟཔཱཎིསྶ གིལཱནསྶ དྷམྨཾ ¶ དེསེཏུཾ ཀུཀྐུཙྩཱཡནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཚཏྟཔཱཎིསྶ གིལཱནསྶ དྷམྨཾ ན དེསེསྶནྟཱི’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཚཏྟཔཱཎིསྶ གིལཱནསྶ དྷམྨཾ དེསེཏུཾ. ཨེཝཉྩ པན ¶ , བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ན ཚཏྟཔཱཎིསྶ ཨགིལཱནསྶ དྷམྨཾ དེསེསྶཱམཱིཏི སིཀྑཱ ཀརཎཱིཡཱ’’ཏི.

ཚཏྟཾ ནཱམ ཏཱིཎི ཚཏྟཱནི – སེཏཙྪཏྟཾ, ཀིལཉྫཙྪཏྟཾ, པཎྞཙྪཏྟཾ མཎྜལབདྡྷཾ སལཱཀབདྡྷཾ.

དྷམྨོ ནཱམ བུདྡྷབྷཱསིཏོ སཱཝཀབྷཱསིཏོ ཨིསིབྷཱསིཏོ དེཝཏཱབྷཱསིཏོ ཨཏྠཱུཔསཉྷིཏོ དྷམྨཱུཔསཉྷིཏོ.

དེསེཡྻཱཏི པདེན དེསེཏི, པདེ པདེ ཨཱཔཏྟི དུཀྐཊསྶ. ཨཀྑརཱཡ དེསེཏི, ཨཀྑརཀྑརཱཡ ¶ ཨཱཔཏྟི དུཀྐཊསྶ. ན ཚཏྟཔཱཎིསྶ ཨགིལཱནསྶ དྷམྨོ དེསེཏབྦོ. ཡོ ཨནཱདརིཡཾ པཊིཙྩ ཚཏྟཔཱཎིསྶ ཨགིལཱནསྶ དྷམྨཾ དེསེཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

སཏྟམསིཀྑཱཔདཾ ནིཊྛིཏཾ.

༦༣༥. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ དཎྜཔཱཎིསྶ དྷམྨཾ དེསེནྟི…པེ….

‘‘ན དཎྜཔཱཎིསྶ ཨགིལཱནསྶ དྷམྨཾ དེསེསྶཱམཱིཏི སིཀྑཱ ཀརཎཱིཡཱ’’ཏི.

དཎྜོ ནཱམ མཛ྄ཛྷིམསྶ པུརིསསྶ ཙཏུཧཏྠོ དཎྜོ. ཏཏོ ཨུཀྐཊྛོ ཨདཎྜོ, ཨོམཀོ ཨདཎྜོ.

ན དཎྜཔཱཎིསྶ ཨགིལཱནསྶ དྷམྨོ དེསེཏབྦོ. ཡོ ཨནཱདརིཡཾ པཊིཙྩ དཎྜཔཱཎིསྶ ཨགིལཱནསྶ དྷམྨཾ དེསེཏི, ཨཱཔཏྟི དུཀྐཊསྶ.

ཨནཱཔཏྟི ¶ ཨསཉྩིཙྩ…པེ… ཨཱདིཀམྨིཀསྶཱཏི.

ཨཊྛམསིཀྑཱཔདཾ ནིཊྛིཏཾ.

༦༣༦. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ སཏྠཔཱཎིསྶ དྷམྨཾ དེསེནྟི…པེ….

‘‘ན སཏྠཔཱཎིསྶ ཨགིལཱནསྶ དྷམྨཾ དེསེསྶཱམཱིཏི སིཀྑཱ ཀརཎཱིཡཱ’’ཏི.

སཏྠཾ ¶ ནཱམ ཨེཀཏོདྷཱརཾ ཨུབྷཏོདྷཱརཾ པཧརཎཾ.

ན ¶ སཏྠཔཱཎིསྶ ཨགིལཱནསྶ དྷམྨོ དེསེཏབྦོ. ཡོ ཨནཱདརིཡཾ པཊིཙྩ སཏྠཔཱཎིསྶ ཨགིལཱནསྶ དྷམྨཾ དེསེཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

ནཝམསིཀྑཱཔདཾ ནིཊྛིཏཾ.

༦༣༧. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨཱཝུདྷཔཱཎིསྶ དྷམྨཾ དེསེནྟི…པེ….

‘‘ན ཨཱཝུདྷཔཱཎིསྶ ཨགིལཱནསྶ དྷམྨཾ དེསེསྶཱམཱིཏི སིཀྑཱ ཀརཎཱིཡཱ’’ཏི.

ཨཱཝུདྷཾ ནཱམ ཙཱཔོ ཀོདཎྜོ.

ན ¶ ཨཱཝུདྷཔཱཎིསྶ ཨགིལཱནསྶ དྷམྨོ དེསེཏབྦོ. ཡོ ཨནཱདརིཡཾ པཊིཙྩ ཨཱཝུདྷཔཱཎིསྶ ཨགིལཱནསྶ དྷམྨཾ དེསེཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

དསམསིཀྑཱཔདཾ ནིཊྛིཏཾ.

སུརུསུརུཝགྒོ ཚཊྛོ.

༧. པཱདུཀཝགྒོ

༦༣༨. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ པཱདུཀཱརུལ༹ྷསྶ དྷམྨཾ དེསེནྟི…པེ….

‘‘ན ¶ པཱདུཀཱརུལ༹ྷསྶ ཨགིལཱནསྶ དྷམྨཾ དེསེསྶཱམཱིཏི སིཀྑཱ ཀརཎཱིཡཱ’’ཏི.

ན པཱདུཀཱརུལ༹ྷསྶ ཨགིལཱནསྶ དྷམྨོ དེསེཏབྦོ. ཡོ ཨནཱདརིཡཾ པཊིཙྩ ཨཀྐནྟསྶ ཝཱ པཊིམུཀྐསྶ ཝཱ ཨོམུཀྐསྶ ཝཱ ཨགིལཱནསྶ དྷམྨཾ དེསེཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

པཋམསིཀྑཱཔདཾ ནིཊྛིཏཾ.

༦༣༩. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཔཱཧནཱརུལ༹ྷསྶ དྷམྨཾ དེསེནྟི…པེ….

‘‘ན ཨུཔཱཧནཱརུལ༹ྷསྶ ཨགིལཱནསྶ དྷམྨཾ དེསེསྶཱམཱིཏི སིཀྑཱཀརཎཱིཡཱ’’ཏི.

ན ཨུཔཱཧནཱརུལ༹ྷསྶ ཨགིལཱནསྶ དྷམྨོ དེསེཏབྦོ. ཡོ ཨནཱདརིཡཾ པཊིཙྩ ཨཀྐནྟསྶ ཝཱ པཊིམུཀྐསྶ ཝཱ ཨོམུཀྐསྶ ཝཱ ཨགིལཱནསྶ དྷམྨཾ དེསེཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

དུཏིཡསིཀྑཱཔདཾ ནིཊྛིཏཾ.

༦༤༠. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཡཱནགཏསྶ དྷམྨཾ དེསེནྟི…པེ….

‘‘ན ཡཱནགཏསྶ ཨགིལཱནསྶ དྷམྨཾ དེསེསྶཱམཱིཏི སིཀྑཱ ཀརཎཱིཡཱ’’ཏི.

ཡཱནཾ ¶ ནཱམ ཝཡ྄ཧཾ རཐོ སཀཊཾ སནྡམཱནིཀཱ སིཝིཀཱ པཱཊངྐཱི.

ན ཡཱནགཏསྶ ཨགིལཱནསྶ དྷམྨོ དེསེཏབྦོ. ཡོ ཨནཱདརིཡཾ པཊིཙྩ ཡཱནགཏསྶ ཨགིལཱནསྶ དྷམྨཾ དེསེཏི, ཨཱཔཏྟི དུཀྐཊསྶ.

ཨནཱཔཏྟི ¶ ཨསཉྩིཙྩ…པེ… ཨཱདིཀམྨིཀསྶཱཏི.

ཏཏིཡསིཀྑཱཔདཾ ནིཊྛིཏཾ.

༦༤༡. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ ¶ པན སམཡེན ཚབྦགྒིཡཱ བྷིཀྑཱུ སཡནགཏསྶ དྷམྨཾ དེསེནྟི…པེ….

‘‘ན སཡནགཏསྶ ཨགིལཱནསྶ དྷམྨཾ དེསེསྶཱམཱིཏི སིཀྑཱ ཀརཎཱིཡཱ’’ཏི.

ན སཡནགཏསྶ ཨགིལཱནསྶ དྷམྨོ དེསེཏབྦོ. ཡོ ཨནཱདརིཡཾ པཊིཙྩ ཨནྟམསོ ཚམཱཡམྤི ནིཔནྣསྶ སཡནགཏསྶ ཨགིལཱནསྶ དྷམྨཾ དེསེཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

ཙཏུཏྠསིཀྑཱཔདཾ ནིཊྛིཏཾ.

༦༤༢. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ པལླཏྠིཀཱཡ ནིསིནྣསྶ དྷམྨཾ དེསེནྟི…པེ….

‘‘ན པལླཏྠིཀཱཡ ནིསིནྣསྶ ཨགིལཱནསྶ དྷམྨཾ དེསེསྶཱམཱིཏི སིཀྑཱ ཀརཎཱིཡཱ’’ཏི.

ན ¶ པལླཏྠིཀཱཡ ནིསིནྣསྶ ཨགིལཱནསྶ དྷམྨོ དེསེཏབྦོ. ཡོ ཨནཱདརིཡཾ པཊིཙྩ ཧཏྠཔལླཏྠིཀཱཡ ཝཱ དུསྶཔལླཏྠིཀཱཡ ཝཱ ནིསིནྣསྶ ཨགིལཱནསྶ དྷམྨཾ དེསེཏི, ཨཱཔཏྟི དུཀྐཊསྶ.

ཨནཱཔཏྟི ¶ ཨསཉྩིཙྩ…པེ… ཨཱདིཀམྨིཀསྶཱཏི.

པཉྩམསིཀྑཱཔདཾ ནིཊྛིཏཾ.

༦༤༣. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཝེཋིཏསཱིསསྶ དྷམྨཾ དེསེནྟི…པེ….

‘‘ན ཝེཋིཏསཱིསསྶ ཨགིལཱནསྶ དྷམྨཾ དེསེསྶཱམཱིཏི སིཀྑཱ ཀརཎཱིཡཱ’’ཏི.

ཝེཋིཏསཱིསོ ནཱམ ཀེསནྟཾ ན དསྶཱཔེཏྭཱ ཝེཋིཏོ ཧོཏི.

ན ཝེཋིཏསཱིསསྶ ཨགིལཱནསྶ དྷམྨོ དེསེཏབྦོ. ཡོ ཨནཱདརིཡཾ པཊིཙྩ ཝེཋིཏསཱིསསྶ ཨགིལཱནསྶ དྷམྨཾ དེསེཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཀེསནྟཾ ཝིཝརཱཔེཏྭཱ དེསེཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཚཊྛསིཀྑཱཔདཾ ནིཊྛིཏཾ.

༦༤༤. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨོགུཎྛིཏསཱིསསྶ དྷམྨཾ དེསེནྟི…པེ….

‘‘ན ཨོགུཎྛིཏསཱིསསྶ ཨགིལཱནསྶ དྷམྨཾ དེསེསྶཱམཱིཏི སིཀྑཱ ཀརཎཱིཡཱ’’ཏི.

ཨོགུཎྛིཏསཱིསོ ¶ ནཱམ སསཱིསཾ པཱརུཏོ ཝུཙྩཏི.

ན ཨོགུཎྛིཏསཱིསསྶ ཨགིལཱནསྶ དྷམྨོ དེསེཏབྦོ. ཡོ ཨནཱདརིཡཾ པཊིཙྩ ཨོགུཎྛིཏསཱིསསྶ ཨགིལཱནསྶ དྷམྨཾ དེསེཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, སཱིསཾ ཝིཝརཱཔེཏྭཱ དེསེཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

སཏྟམསིཀྑཱཔདཾ ནིཊྛིཏཾ.

༦༤༥. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ¶ ཚམཱཡ ནིསཱིདིཏྭཱ ཨཱསནེ ནིསིནྣསྶ དྷམྨཾ དེསེནྟི…པེ….

‘‘ན ཚམཱཡཾ ནིསཱིདིཏྭཱ ཨཱསནེ ནིསིནྣསྶ ཨགིལཱནསྶ དྷམྨཾ དེསེསྶཱམཱིཏི སིཀྑཱ ཀརཎཱིཡཱ’’ཏི.

ན ཚམཱཡཾ ནིསཱིདིཏྭཱ [ནིསིནྣེན (ཨཊྛཀཐཱ)] ཨཱསནེ ནིསིནྣསྶ ཨགིལཱནསྶ དྷམྨོ དེསེཏབྦོ. ཡོ ཨནཱདརིཡཾ པཊིཙྩ ཚམཱཡཾ ནིསཱིདིཏྭཱ ཨཱསནེ ནིསིནྣསྶ ཨགིལཱནསྶ དྷམྨཾ དེསེཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

ཨཊྛམསིཀྑཱཔདཾ ནིཊྛིཏཾ.

༦༤༦. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ནཱིཙེ ཨཱསནེ ནིསཱིདིཏྭཱ ཨུཙྩེ ཨཱསནེ ནིསིནྣསྶ དྷམྨཾ དེསེནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ནཱིཙེ ཨཱསནེ ནིསཱིདིཏྭཱ ཨུཙྩེ ཨཱསནེ ནིསིནྣསྶ དྷམྨཾ དེསེསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, ནཱིཙེ ཨཱསནེ ནིསཱིདིཏྭཱ ཨུཙྩེ ཨཱསནེ ནིསིནྣསྶ དྷམྨཾ དེསེཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ནཱིཙེ ཨཱསནེ ནིསཱིདིཏྭཱ ཨུཙྩེ ཨཱསནེ ནིསིནྣསྶ དྷམྨཾ དེསེསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༦༤༧. ‘‘བྷཱུཏཔུབྦཾ ¶ , བྷིཀྑཝེ, བཱརཱཎསིཡཾ ཨཉྙཏརསྶ ཚཔཀསྶ [ཚཝཀསྶ (སྱཱ.)] པཛཱཔཏི གབྦྷིནཱི ཨཧོསི. ཨཐ ཁོ, བྷིཀྑཝེ, སཱ ཚཔཀཱི ཏཾ ཚཔཀཾ ཨེཏདཝོཙ – ‘གབྦྷིནཱིམྷི, ཨཡྻཔུཏྟ! ཨིཙྪཱམི ཨམྦཾ ཁཱདིཏུ’ནྟི. ‘ནཏྠི ཨམྦཾ [ཨམྦོ (སྱཱ.)], ཨཀཱལོ ཨམྦསྶཱ’ཏི. ‘སཙེ ན ལབྷིསྶཱམི མརིསྶཱམཱི’ཏི. ཏེན ཁོ པན སམཡེན, རཉྙོ ཨམྦོ དྷུཝཕལོ ཧོཏི. ཨཐ ཁོ, བྷིཀྑཝེ, སོ ཚཔཀོ ཡེན སོ ཨམྦོ ཏེནུཔསངྐམི; ཨུཔསངྐམིཏྭཱ ཏཾ ཨམྦཾ ཨབྷིརུཧིཏྭཱ ནིལཱིནོ ཨཙྪི ¶ . ཨཐ ཁོ, བྷིཀྑཝེ, རཱཛཱ པུརོཧིཏེན བྲཱཧྨཎེན སདྡྷིཾ ཡེན སོ ཨམྦོ ཏེནུཔསངྐམི; ཨུཔསངྐམིཏྭཱ ཨུཙྩེ ཨཱསནེ ནིསཱིདིཏྭཱ མནྟཾ པརིཡཱཔུཎཱཏི ¶ . ཨཐ ཁོ, བྷིཀྑཝེ ¶ , ཏསྶ ཚཔཀསྶ ཨེཏདཧོསི – ‘ཡཱཝ ཨདྷམྨིཀོ ཨཡཾ རཱཛཱ, ཡཏྲ ཧི ནཱམ ཨུཙྩེ ཨཱསནེ ནིསཱིདིཏྭཱ མནྟཾ པརིཡཱཔུཎིསྶཏི. ཨཡཉྩ བྲཱཧྨཎོ ཨདྷམྨིཀོ, ཡཏྲ ཧི ནཱམ ནཱིཙེ ཨཱསནེ ནིསཱིདིཏྭཱ ཨུཙྩེ ཨཱསནེ ནིསིནྣསྶ མནྟཾ ཝཱཙེསྶཏི. ཨཧཉྩམྷི ཨདྷམྨིཀོ, ཡོཧཾ ཨིཏྠིཡཱ ཀཱརཎཱ རཉྙོ ཨམྦཾ ཨཝཧརཱམི. སབྦམིདཾ ཙརིམཾ ཀཏ’ནྟི ཏཏྠེཝ པརིཔཏི.

[ཨིམཱ གཱཐཱཡོ ཛཱ. ༡.༤.༣༣-༣༥ ཛཱཏཀེ ཨཉྙཐཱ དིསྶནྟི] ‘‘ཨུབྷོ ཨཏྠཾ ན ཛཱནནྟི, ཨུབྷོ དྷམྨཾ ན པསྶརེ;

ཡོ ཙཱཡཾ མནྟཾ ཝཱཙེཏི, ཡོ ཙཱདྷམྨེནདྷཱིཡཏི.

‘‘སཱལཱིནཾ ཨོདནོ བྷུཏྟོ, སུཙིམཾསཱུཔསེཙནོ;

ཏསྨཱ དྷམྨེ ན ཝཏྟཱམི, དྷམྨོ ཨརིཡེབྷི ཝཎྞིཏོ.

‘‘དྷིརཏྠུ ¶ ཏཾ དྷནལཱབྷཾ, ཡསལཱབྷཉྩ བྲཱཧྨཎ;

ཡཱ ཝུཏྟི ཝིནིཔཱཏེན, ཨདྷམྨཙརཎེན ཝཱ.

‘‘པརིབྦཛ མཧཱབྲཧྨེ, པཙནྟཉྙེཔི པཱཎིནོ;

མཱ ཏྭཾ ཨདྷམྨོ ཨཱཙརིཏོ, ཨསྨཱ ཀུམྦྷམིཝཱབྷིདཱ’’ཏི.

‘‘ཏདཱཔི མེ, བྷིཀྑཝེ, ཨམནཱཔཱ ནཱིཙེ ཨཱསནེ ནིསཱིདིཏྭཱ ཨུཙྩེ ཨཱསནེ ནིསིནྣསྶ མནྟཾ ཝཱཙེཏུཾ, ཀིམངྒ པན ཨེཏརཧི ན ཨམནཱཔཱ བྷཝིསྶཏི ནཱིཙེ ཨཱསནེ ནིསཱིདིཏྭཱ ཨུཙྩེ ཨཱསནེ ནིསིནྣསྶ དྷམྨཾ དེསེཏུཾ. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ན ནཱིཙེ ཨཱསནེ ནིསཱིདིཏྭཱ ཨུཙྩེ ཨཱསནེ ནིསིནྣསྶ ཨགིལཱནསྶ དྷམྨཾ དེསེསྶཱམཱིཏི སིཀྑཱ ཀརཎཱིཡཱ’’ཏི.

ན ནཱིཙེ ཨཱསནེ ནིསཱིདིཏྭཱ ཨུཙྩེ ཨཱསནེ ནིསིནྣསྶ ཨགིལཱནསྶ དྷམྨོ དེསེཏབྦོ. ཡོ ཨནཱདརིཡཾ པཊིཙྩ ནཱིཙེ ཨཱསནེ ནིསཱིདིཏྭཱ ཨུཙྩེ ཨཱསནེ ནིསིནྣསྶ ཨགིལཱནསྶ དྷམྨཾ དེསེཏི, ཨཱཔཏྟི དུཀྐཊསྶ.

ཨནཱཔཏྟི ¶ ཨསཉྩིཙྩ…པེ… ཨཱདིཀམྨིཀསྶཱཏི.

ནཝམསིཀྑཱཔདཾ ནིཊྛིཏཾ.

༦༤༨. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཋིཏཱ ནིསིནྣསྶ དྷམྨཾ དེསེནྟི…པེ….

‘‘ན ¶ ཋིཏོ ནིསིནྣསྶ ཨགིལཱནསྶ དྷམྨཾ དེསེསྶཱམཱིཏི སིཀྑཱ ཀརཎཱིཡཱ’’ཏི.

ན ¶ ཋིཏེན ནིསིནྣསྶ ཨགིལཱནསྶ དྷམྨོ དེསེཏབྦོ. ཡོ ཨནཱདརིཡཾ པཊིཙྩ ཋིཏོ ནིསིནྣསྶ ཨགིལཱནསྶ དྷམྨཾ དེསེཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

དསམསིཀྑཱཔདཾ ནིཊྛིཏཾ.

༦༤༩. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ པཙྪཏོ གཙྪནྟཱ པུརཏོ གཙྪནྟསྶ དྷམྨཾ དེསེནྟི…པེ….

‘‘ན པཙྪཏོ གཙྪནྟོ པུརཏོ གཙྪནྟསྶ ཨགིལཱནསྶ དྷམྨཾ དེསེསྶཱམཱིཏི སིཀྑཱ ཀརཎཱིཡཱ’’ཏི.

ན པཙྪཏོ གཙྪནྟེན པུརཏོ གཙྪནྟསྶ ཨགིལཱནསྶ དྷམྨོ དེསེཏབྦོ. ཡོ ཨནཱདརིཡཾ པཊིཙྩ པཙྪཏོ གཙྪནྟོ པུརཏོ གཙྪནྟསྶ ཨགིལཱནསྶ དྷམྨཾ དེསེཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

ཨེཀཱདསམསིཀྑཱཔདཾ ནིཊྛིཏཾ.

༦༥༠. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཔྤཐེན གཙྪནྟཱ པཐེན གཙྪནྟསྶ དྷམྨཾ དེསེནྟི…པེ….

‘‘ན ཨུཔྤཐེན གཙྪནྟོ པཐེན གཙྪནྟསྶ ཨགིལཱནསྶ དྷམྨཾ དེསེསྶཱམཱིཏི སིཀྑཱ ཀརཎཱིཡཱ’’ཏི.

ན ཨུཔྤཐེན གཙྪནྟེན པཐེན གཙྪནྟསྶ ཨགིལཱནསྶ དྷམྨོ དེསེཏབྦོ. ཡོ ཨནཱདརིཡཾ པཊིཙྩ ཨུཔྤཐེན གཙྪནྟོ པཐེན གཙྪནྟསྶ ¶ ཨགིལཱནསྶ དྷམྨཾ དེསེཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

དྭཱདསམསིཀྑཱཔདཾ ནིཊྛིཏཾ.

༦༥༡. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཋིཏཱ ཨུཙྩཱརམྤི པསྶཱཝམྤི ཀརོནྟི…པེ….

‘‘ན ཋིཏོ ཨགིལཱནོ ཨུཙྩཱརཾ ཝཱ པསྶཱཝཾ ཝཱ ཀརིསྶཱམཱིཏི སིཀྑཱ ཀརཎཱིཡཱ’’ཏི.

ན ཋིཏེན ཨགིལཱནེན ཨུཙྩཱརོ ཝཱ པསྶཱཝོ ཝཱ ཀཱཏབྦོ. ཡོ ཨནཱདརིཡཾ པཊིཙྩ ཋིཏོ ཨགིལཱནོ ཨུཙྩཱརཾ ཝཱ པསྶཱཝཾ ཝཱ ཀརོཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ…པེ… ཨཱདིཀམྨིཀསྶཱཏི.

ཏེརསམསིཀྑཱཔདཾ ནིཊྛིཏཾ.

༦༥༢. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཧརིཏེ ཨུཙྩཱརམྤི པསྶཱཝམྤི ཁེལ༹མྤི ཀརོནྟི…པེ….

‘‘ན ¶ ཧརིཏེ ཨགིལཱནོ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརིསྶཱམཱིཏི སིཀྑཱ ཀརཎཱིཡཱ’’ཏི.

ན ཧརིཏེ ཨགིལཱནེན ཨུཙྩཱརོ ཝཱ པསྶཱཝོ ཝཱ ཁེལོ༹ ཝཱ ཀཱཏབྦོ. ཡོ ཨནཱདརིཡཾ པཊིཙྩ ཧརིཏེ ཨགིལཱནོ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོཏི, ཨཱཔཏྟི དུཀྐཊསྶ.

ཨནཱཔཏྟི ¶ ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཨཔྤཧརིཏེ ཀཏོ ཧརིཏཾ ཨོཏྠརཏི, ཨཱཔདཱསུ, ཨུམྨཏྟཀསྶ, ཨཱདིཀམྨིཀསྶཱཏི.

ཙུདྡསམསིཀྑཱཔདཾ ནིཊྛིཏཾ.

༦༥༣. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨུདཀེ ཨུཙྩཱརམྤི པསྶཱཝམྤི ཁེལ༹མྤི ཀརོནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི ¶ – ‘‘ཀཐཉྷི ནཱམ སམཎཱ སཀྱཔུཏྟིཡཱ ཨུདཀེ ཨུཙྩཱརམྤི པསྶཱཝམྤི ཁེལ༹མྤི ཀརིསྶནྟི, སེཡྻཐཱཔི གིཧཱི ཀཱམབྷོགིནོ’’ཏི! ཨསྶོསུཾ ¶ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨུདཀེ ཨུཙྩཱརམྤི པསྶཱཝམྤི ཁེལ༹མྤི ཀརིསྶནྟཱི’’ཏི…པེ… སཙྩཾ ཀིར ཏུམྷེ, བྷིཀྑཝེ, ཨུདཀེ ཨུཙྩཱརམྤི པསྶཱཝམྤི ཁེལ༹མྤི ཀརོཐཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏུམྷེ, མོགྷཔུརིསཱ, ཨུདཀེ ཨུཙྩཱརམྤི པསྶཱཝམྤི ཁེལ༹མྤི ཀརིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ན ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརིསྶཱམཱིཏི སིཀྑཱ ཀརཎཱིཡཱ’’ཏི.

ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི.

༦༥༤. ཏེན ཁོ པན སམཡེན གིལཱནཱ བྷིཀྑཱུ ཨུདཀེ ཨུཙྩཱརམྤི པསྶཱཝམྤི ¶ ཁེལ༹མྤི ཀཱཏུཾ ཀུཀྐུཙྩཱཡནྟི. བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, གིལཱནེན བྷིཀྑུནཱ ¶ ཨུདཀེ ཨུཙྩཱརམྤི པསྶཱཝམྤི ཁེལ༹མྤི ཀཱཏུཾ. ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –

‘‘ན ཨུདཀེ ཨགིལཱནོ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརིསྶཱམཱིཏི སིཀྑཱ ཀརཎཱིཡཱ’’ཏི.

ན ཨུདཀེ ཨགིལཱནེན ཨུཙྩཱརོ ཝཱ པསྶཱཝོ ཝཱ ཁེལོ༹ ཝཱ ཀཱཏབྦོ. ཡོ ཨནཱདརིཡཾ པཊིཙྩ ཨུདཀེ ཨགིལཱནོ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོཏི, ཨཱཔཏྟི དུཀྐཊསྶ.

ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟསྶ, གིལཱནསྶ, ཐལེ ཀཏོ ཨུདཀཾ ཨོཏྠརཏི, ཨཱཔདཱསུ, ཨུམྨཏྟཀསྶ, ཁིཏྟཙིཏྟསྶ, ཝེདནཱཊྚསྶ, ཨཱདིཀམྨིཀསྶཱཏི.

པནྣརསམསིཀྑཱཔདཾ ནིཊྛིཏཾ.

པཱདུཀཝགྒོ སཏྟམོ.

ཨུདྡིཊྛཱ ¶ ཁོ, ཨཱཡསྨནྟོ, སེཁིཡཱ དྷམྨཱ. ཏཏྠཱཡསྨནྟེ པུཙྪཱམི – ‘‘ཀཙྩིཏྠ པརིསུདྡྷཱ’’? དུཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? ཏཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? པརིསུདྡྷེཏྠཱཡསྨནྟོ, ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི.

སེཁིཡཱ ནིཊྛིཏཱ.

སེཁིཡཀཎྜཾ ནིཊྛིཏཾ.

༨. ཨདྷིཀརཎསམཐཱ

ཨིམེ ཁོ པནཱཡསྨནྟོ སཏྟ ཨདྷིཀརཎསམཐཱ

དྷམྨཱ ཨུདྡེསཾ ཨཱགཙྪནྟི.

༦༥༥. ཨུཔྤནྣུཔྤནྣཱནཾ ¶ ¶ ¶ ཨདྷིཀརཎཱནཾ སམཐཱཡ ཝཱུཔསམཱཡ སམྨུཁཱཝིནཡོ དཱཏབྦོ, སཏིཝིནཡོ དཱཏབྦོ, ཨམཱུལ༹ྷཝིནཡོ དཱཏབྦོ, པཊིཉྙཱཡ ཀཱརེཏབྦཾ, ཡེབྷུཡྻསིཀཱ, ཏསྶཔཱཔིཡསིཀཱ, ཏིཎཝཏྠཱརཀོཏི.

ཨུདྡིཊྛཱ ཁོ, ཨཱཡསྨནྟོ, སཏྟ ཨདྷིཀརཎསམཐཱ དྷམྨཱ. ཏཏྠཱཡསྨནྟེ པུཙྪཱམི – ‘‘ཀཙྩིཏྠ པརིསུདྡྷཱ’’? དུཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? ཏཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? པརིསུདྡྷེཏྠཱཡསྨནྟོ, ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི.

ཨདྷིཀརཎསམཐཱ ནིཊྛིཏཱ.

ཨུདྡིཊྛཾ ཁོ, ཨཱཡསྨནྟོ, ནིདཱནཾ; ཨུདྡིཊྛཱ ཙཏྟཱརོ པཱརཱཛིཀཱ དྷམྨཱ; ཨུདྡིཊྛཱ ཏེརས སངྒྷཱདིསེསཱ དྷམྨཱ; ཨུདྡིཊྛཱ དྭེ ཨནིཡཏཱ དྷམྨཱ; ཨུདྡིཊྛཱ ཏིཾས ནིསྶགྒིཡཱ པཱཙིཏྟིཡཱ དྷམྨཱ; ཨུདྡིཊྛཱ དྭེནཝུཏི པཱཙིཏྟིཡཱ དྷམྨཱ; ཨུདྡིཊྛཱ ཙཏྟཱརོ པཱཊིདེསནཱིཡཱ དྷམྨཱ; ཨུདྡིཊྛཱ སེཁིཡཱ དྷམྨཱ; ཨུདྡིཊྛཱ སཏྟ ཨདྷིཀརཎསམཐཱ དྷམྨཱ. ཨེཏྟཀཾ ཏསྶ བྷགཝཏོ སུཏྟཱགཏཾ སུཏྟཔརིཡཱཔནྣཾ ཨནྭདྡྷམཱསཾ ཨུདྡེསཾ ཨཱགཙྪཏི. ཏཏྠ སབྦེཧེཝ སམགྒེཧི སམྨོདམཱནེཧི ཨཝིཝདམཱནེཧི སིཀྑིཏབྦནྟི.

མཧཱཝིབྷངྒོ ནིཊྛིཏོ.

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

བྷིཀྑུནཱིཝིབྷངྒོ

༡. པཱརཱཛིཀཀཎྜཾ (བྷིཀྑུནཱིཝིབྷངྒོ)

༡. པཋམཔཱརཱཛིཀཾ

༦༥༦. ཏེན ¶ ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན སཱལ༹ྷོ མིགཱརནཏྟཱ བྷིཀྑུནིསངྒྷསྶ ཝིཧཱརཾ ཀཏྟུཀཱམོ ཧོཏི. ཨཐ ཁོ སཱལ༹ྷོ མིགཱརནཏྟཱ བྷིཀྑུནིཡོ ཨུཔསངྐམིཏྭཱ ཨེཏདཝོཙ – ‘‘ཨིཙྪཱམཧཾ, ཨཡྻེ, བྷིཀྑུནིསངྒྷསྶ ཝིཧཱརཾ ཀཱཏུཾ. དེཐ མེ ནཝཀམྨིཀཾ བྷིཀྑུནི’’ནྟི. ཏེན ཁོ པན སམཡེན ཙཏསྶོ བྷགིནིཡོ བྷིཀྑུནཱིསུ པབྦཛིཏཱ ཧོནྟི – ནནྡཱ, ནནྡཝཏཱི, སུནྡརཱིནནྡཱ, ཐུལླནནྡཱཏི. ཏཱསུ སུནྡརཱིནནྡཱ བྷིཀྑུནཱི ཏརུཎཔབྦཛིཏཱ ཨབྷིརཱུཔཱ ཧོཏི དསྶནཱིཡཱ པཱསཱདིཀཱ པཎྜིཏཱ བྱཏྟཱ མེདྷཱཝིནཱི དཀྑཱ ཨནལསཱ, ཏཏྲུཔཱཡཱཡ ཝཱིམཾསཱཡ སམནྣཱགཏཱ, ཨལཾ ཀཱཏུཾ ཨལཾ སཾཝིདྷཱཏུཾ. ཨཐ ཁོ བྷིཀྑུནིསངྒྷོ སུནྡརཱིནནྡཾ བྷིཀྑུནིཾ སམྨནྣིཏྭཱ སཱལ༹ྷསྶ མིགཱརནཏྟུནོ ནཝཀམྨིཀཾ ཨདཱསི. ཏེན ཁོ པན སམཡེན སུནྡརཱིནནྡཱ བྷིཀྑུནཱི སཱལ༹ྷསྶ ¶ མིགཱརནཏྟུནོ ནིཝེསནཾ ཨབྷིཀྑཎཾ གཙྪཏི – ‘‘ཝཱསིཾ དེཐ, པརསུཾ [ཕརསུཾ (སྱཱ. ཀ.)] དེཐ, ཀུཋཱརིཾ [ཀུདྷཱརིཾ (ཀ.)] དེཐ, ཀུདྡཱལཾ དེཐ, ནིཁཱདནཾ དེཐཱ’’ཏི. སཱལ༹ྷོཔི མིགཱརནཏྟཱ བྷིཀྑུནུཔསྶཡཾ ཨབྷིཀྑཎཾ ¶ གཙྪཏི ཀཏཱཀཏཾ ཛཱནིཏུཾ. ཏེ ཨབྷིཎྷདསྶནེན པཊིབདྡྷཙིཏྟཱ ཨཧེསུཾ.

ཨཐ ཁོ སཱལ༹ྷོ མིགཱརནཏྟཱ སུནྡརཱིནནྡཾ བྷིཀྑུནིཾ དཱུསེཏུཾ ཨོཀཱསཾ ཨལབྷམཱནོ ཨེཏདེཝཏྠཱཡ བྷིཀྑུནིསངྒྷསྶ བྷཏྟཾ ཨཀཱསི. ཨཐ ཁོ སཱལ༹ྷོ མིགཱརནཏྟཱ བྷཏྟགྒེ ཨཱསནཾ པཉྙཔེནྟོ – ‘‘ཨེཏྟཀཱ བྷིཀྑུནིཡོ ཨཡྻཱཡ སུནྡརཱིནནྡཱཡ ཝུཌྜྷཏརཱ’’ཏི ཨེཀམནྟཾ ཨཱསནཾ པཉྙཔེསི ‘‘ཨེཏྟཀཱ ནཝཀཏརཱ’’ཏི – ཨེཀམནྟཾ ཨཱསནཾ པཉྙཔེསི. པཊིཙྪནྣེ ཨོཀཱསེ ¶ ནིཀཱུཊེ སུནྡརཱིནནྡཱཡ བྷིཀྑུནིཡཱ ¶ ཨཱསནཾ པཉྙཔེསི, ཡཐཱ ཐེརཱ བྷིཀྑུནིཡོ ཛཱནེཡྻུཾ – ‘‘ནཝཀཱནཾ བྷིཀྑུནཱིནཾ སནྟིཀེ ནིསིནྣཱ’’ཏི; ནཝཀཱཔི བྷིཀྑུནིཡོ ཛཱནེཡྻུཾ – ‘‘ཐེརཱནཾ བྷིཀྑུནཱིནཾ སནྟིཀེ ནིསིནྣཱ’’ཏི. ཨཐ ཁོ སཱལ༹ྷོ མིགཱརནཏྟཱ བྷིཀྑུནིསངྒྷསྶ ཀཱལཾ ཨཱརོཙཱཔེསི – ‘‘ཀཱལོ, ཨཡྻེ, ནིཊྛིཏཾ བྷཏྟ’’ནྟི. སུནྡརཱིནནྡཱ བྷིཀྑུནཱི སལླཀྑེཏྭཱ – ‘‘ན བཧུཀཏོ སཱལ༹ྷོ མིགཱརནཏྟཱ བྷིཀྑུནིསངྒྷསྶ བྷཏྟཾ ཨཀཱསི; མཾ སོ དཱུསེཏུཀཱམོ. སཙཱཧཾ གམིསྶཱམི ཝིསྶརོ མེ བྷཝིསྶཏཱི’’ཏི, ཨནྟེཝཱསིནིཾ བྷིཀྑུནིཾ ཨཱཎཱཔེསི – ‘‘གཙྪ མེ པིཎྜཔཱཏཾ ནཱིཧར. ཡོ ཙེ མཾ པུཙྪཏི, ‘གིལཱནཱ’ཏི པཊིཝེདེཧཱི’’ཏི. ‘‘ཨེཝཾ, ཨཡྻེ’’ཏི ཁོ སཱ བྷིཀྑུནཱི སུནྡརཱིནནྡཱཡ བྷིཀྑུནིཡཱ པཙྩསྶོསི.

ཏེན ཁོ པན སམཡེན སཱལ༹ྷོ མིགཱརནཏྟཱ བཧིདྭཱརཀོཊྛཀེ ཋིཏོ ཧོཏི སུནྡརཱིནནྡཾ བྷིཀྑུནིཾ པཊིཔུཙྪནྟོ – ‘‘ཀཧཾ, ཨཡྻེ, ཨཡྻཱ སུནྡརཱིནནྡཱ? ཀཧཾ, ཨཡྻེ, ཨཡྻཱ སུནྡརཱིནནྡཱ’’ཏི? ཨེཝཾ ¶ ཝུཏྟེ སུནྡརཱིནནྡཱཡ བྷིཀྑུནིཡཱ ཨནྟེཝཱསིནཱི བྷིཀྑུནཱི སཱལ༹ྷཾ མིགཱརནཏྟཱརཾ ཨེཏདཝོཙ – ‘‘གིལཱནཱཝུསོ; པིཎྜཔཱཏཾ ནཱིཧརིསྶཱམཱི’’ཏི. ཨཐ ཁོ སཱལ༹ྷོ མིགཱརནཏྟཱ – ‘‘ཡམྤཱཧཾ ཨཏྠཱཡ [ཡཾཔཱཧཾ (སྱཱ.)] བྷིཀྑུནིསངྒྷསྶ བྷཏྟཾ ཨཀཱསིཾ ཨཡྻཱཡ སུནྡརཱིནནྡཱཡ ཀཱརཎཱ’’ཏི མནུསྶེ ཨཱཎཱཔེཏྭཱ – ‘‘བྷིཀྑུནིསངྒྷཾ བྷཏྟེན པརིཝིསཐཱ’’ཏི ཝཏྭཱ ཡེན བྷིཀྑུནུཔསྶཡོ ཏེནུཔསངྐམི. ཏེན ཁོ པན སམཡེན སུནྡརཱིནནྡཱ བྷིཀྑུནཱི བཧཱརཱམཀོཊྛཀེ ཋིཏཱ ཧོཏི སཱལ༹ྷཾ མིགཱརནཏྟཱརཾ པཏིམཱནེནྟཱི. ཨདྡསཱ ཁོ སུནྡརཱིནནྡཱ བྷིཀྑུནཱི སཱལ༹ྷཾ མིགཱརནཏྟཱརཾ དཱུརཏོཝ ཨཱགཙྪནྟཾ. དིསྭཱན ཨུཔསྶཡཾ པཝིསིཏྭཱ སསཱིསཾ པཱརུཔིཏྭཱ མཉྩཀེ ནིཔཛྫི. ཨཐ ཁོ སཱལ༹ྷོ མིགཱརནཏྟཱ ཡེན སུནྡརཱིནནྡཱ བྷིཀྑུནཱི ཏེནུཔསངྐམི; ཨུཔསངྐམིཏྭཱ སུནྡརཱིནནྡཾ བྷིཀྑུནིཾ ཨེཏདཝོཙ – ‘‘ཀིཾ ཏེ, ཨཡྻེ, ཨཕཱསུ, ཀིསྶ ནིཔནྣཱསཱི’’ཏི? ‘‘ཨེཝཉྷེཏཾ, ཨཱཝུསོ, ཧོཏི ཡཱ ཨནིཙྪནྟཾ ཨིཙྪཏཱི’’ཏི. ‘‘ཀྱཱཧཾ ཏཾ, ཨཡྻེ ¶ , ན ཨིཙྪིསྶཱམི? ཨཔི ཙཱཧཾ ཨོཀཱསཾ ན ལབྷཱམི ཏཾ དཱུསེཏུ’’ནྟི. ཨཝསྶུཏོ ཨཝསྶུཏཱཡ སུནྡརཱིནནྡཱཡ བྷིཀྑུནིཡཱ ཀཱཡསཾསགྒཾ སམཱཔཛྫི.

ཏེན ཁོ པན སམཡེན ཨཉྙཏརཱ བྷིཀྑུནཱི ཛརཱདུབྦལཱ ཙརཎགིལཱནཱ སུནྡརཱིནནྡཱཡ བྷིཀྑུནིཡཱ ཨཝིདཱུརེ ནིཔནྣཱ ཧོཏི. ཨདྡསཱ ཁོ སཱ བྷིཀྑུནཱི ¶ སཱལ༹ྷཾ མིགཱརནཏྟཱརཾ ཨཝསྶུཏཾ ཨཝསྶུཏཱཡ སུནྡརཱིནནྡཱཡ བྷིཀྑུནིཡཱ ཀཱཡསཾསགྒཾ ¶ སམཱཔཛྫནྟཾ. དིསྭཱན ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ ཨཡྻཱ སུནྡརཱིནནྡཱ ཨཝསྶུཏཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡིསྶཏཱི’’ཏི ¶ ! ཨཐ ཁོ སཱ བྷིཀྑུནཱི བྷིཀྑུནཱིནཾ ཨེཏམཏྠཾ ཨཱརོཙེསི. ཡཱ ཏཱ བྷིཀྑུནིཡོ ཨཔྤིཙྪཱ སནྟུཊྛཱ ལཛྫིནིཡོ ཀུཀྐུཙྩིཀཱ སིཀྑཱཀཱམཱ ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ སུནྡརཱིནནྡཱ ཨཝསྶུཏཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡིསྶཏཱི’’ཏི! ཨཐ ཁོ ཏཱ བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ. ཡེ ཏེ བྷིཀྑཱུ ཨཔྤིཙྪཱ སནྟུཊྛཱ ལཛྫིནོ ཀུཀྐུཙྩཀཱ སིཀྑཱཀཱམཱ ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སུནྡརཱིནནྡཱ བྷིཀྑུནཱི ཨཝསྶུཏཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡིསྶཏཱི’’ཏི!

ཨཐ ཁོ ཏེ བྷིཀྑཱུ སུནྡརཱིནནྡཾ བྷིཀྑུནིཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, སུནྡརཱིནནྡཱ བྷིཀྑུནཱི ཨཝསྶུཏཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡཏཱི’’ཏི [སཱདིཡཱིཏི (ཀ.)]? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, བྷིཀྑཝེ, སུནྡརཱིནནྡཱཡ བྷིཀྑུནིཡཱ ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ, བྷིཀྑཝེ, སུནྡརཱིནནྡཱ བྷིཀྑུནཱི ཨཝསྶུཏཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡིསྶཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ པསནྣཱནཾ ཝཱ བྷིཡྻོབྷཱཝཱཡ. ཨཐ ཁྭེཏཾ, བྷིཀྑཝེ ¶ , ཨཔྤསནྣཱནཉྩེཝ ཨཔྤསཱདཱཡ པསནྣཱནཉྩ ཨེཀཙྩཱནཾ ཨཉྙཐཏྟཱཡཱ’’ཏི. ཨཐ ཁོ བྷགཝཱ སུནྡརཱིནནྡཾ བྷིཀྑུནིཾ ཨནེཀཔརིཡཱཡེན ཝིགརཧིཏྭཱ དུབྦྷརཏཱཡ དུཔྤོསཏཱཡ མཧིཙྪཏཱཡ ཨསནྟུཊྛིཏཱཡ [ཨསནྟུཊྛཏཱཡ (སྱཱ.), ཨསནྟུཊྛིཡཱ (ཀ.)] སངྒཎིཀཱཡ ཀོསཛྫསྶ ཨཝཎྞཾ བྷཱསིཏྭཱ, ཨནེཀཔརིཡཱཡེན སུབྷརཏཱཡ སུཔོསཏཱཡ ཨཔྤིཙྪསྶ སནྟུཊྛསྶ [སནྟུཊྛིཡཱ (ཀ.)] སལླེཁསྶ དྷུཏསྶ པཱསཱདིཀསྶ ཨཔཙཡསྶ ཝཱིརིཡཱརམྦྷསྶ ཝཎྞཾ བྷཱསིཏྭཱ, བྷིཀྑཱུནཾ ཏདནུཙྪཝིཀཾ ཏདནུལོམིཀཾ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, བྷིཀྑུནཱིནཾ སིཀྑཱཔདཾ པཉྙཔེསྶཱམི དས ཨཏྠཝསེ ¶ པཊིཙྩ – སངྒྷསུཊྛུཏཱཡ, སངྒྷཕཱསུཏཱཡ, དུམྨངྐཱུནཾ བྷིཀྑུནཱིནཾ ནིགྒཧཱཡ ¶ , པེསལཱནཾ བྷིཀྑུནཱིནཾ ཕཱསུཝིཧཱརཱཡ, དིཊྛདྷམྨིཀཱནཾ ཨཱསཝཱནཾ སཾཝརཱཡ, སམྤརཱཡིཀཱནཾ ཨཱསཝཱནཾ པཊིགྷཱཏཱཡ, ཨཔྤསནྣཱནཾ པསཱདཱཡ, པསནྣཱནཾ བྷིཡྻོབྷཱཝཱཡ, སདྡྷམྨཊྛིཏིཡཱ ཝིནཡཱནུགྒཧཱཡ. ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༦༥༧. ‘‘ཡཱ པན བྷིཀྑུནཱི ཨཝསྶུཏཱ ཨཝསྶུཏསྶ པུརིསཔུགྒལསྶ ཨདྷཀྑཀཾ ཨུབྦྷཛཱཎུམཎྜལཾ ཨཱམསནཾ ཝཱ པརཱམསནཾ ཝཱ གཧཎཾ ཝཱ ཚུཔནཾ ཝཱ པཊིཔཱིལ༹ནཾ ཝཱ སཱདིཡེཡྻ, ཨཡམྤི པཱརཱཛིཀཱ ཧོཏི ཨསཾཝཱསཱ ཨུབྦྷཛཱཎུམཎྜལིཀཱ’’ཏི.

༦༥༨. ཡཱ ¶ པནཱཏི ཡཱ ཡཱདིསཱ ཡཐཱཡུཏྟཱ ཡཐཱཛཙྩཱ ཡཐཱནཱམཱ ཡཐཱགོཏྟཱ ཡཐཱསཱིལཱ ཡཐཱཝིཧཱརིནཱི ཡཐཱགོཙརཱ ཐེརཱ ཝཱ ནཝཱ ཝཱ མཛ྄ཛྷིམཱ ཝཱ, ཨེསཱ ཝུཙྩཏི ཡཱ པནཱཏི.

བྷིཀྑུནཱིཏི བྷིཀྑིཀཱཏི བྷིཀྑུནཱི; བྷིཀྑཱཙརིཡཾ ཨཛ྄ཛྷུཔགཏཱཏི བྷིཀྑུནཱི; བྷིནྣཔཊདྷརཱཏི བྷིཀྑུནཱི ¶ ; སམཉྙཱཡ བྷིཀྑུནཱི; པཊིཉྙཱཡ བྷིཀྑུནཱི; ཨེཧི བྷིཀྑུནཱིཏི བྷིཀྑུནཱི; ཏཱིཧི སརཎགམནེཧི ཨུཔསམྤནྣཱཏི བྷིཀྑུནཱི; བྷདྲཱ བྷིཀྑུནཱི; སཱརཱ བྷིཀྑུནཱི; སེཁཱ བྷིཀྑུནཱི; ཨསེཁཱ བྷིཀྑུནཱི; སམགྒེན ཨུབྷཏོསངྒྷེན ཉཏྟིཙཏུཏྠེན ཀམྨེན ཨཀུཔྤེན ཋཱནཱརཧེན ཨུཔསམྤནྣཱཏི བྷིཀྑུནཱི. ཏཏྲ ཡཱཡཾ བྷིཀྑུནཱི སམགྒེན ཨུབྷཏོསངྒྷེན ཉཏྟིཙཏུཏྠེན ཀམྨེན ཨཀུཔྤེན ཋཱནཱརཧེན ཨུཔསམྤནྣཱ, ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཨཝསྶུཏཱ ནཱམ སཱརཏྟཱ ཨཔེཀྑཝཏཱི པཊིབདྡྷཙིཏྟཱ.

ཨཝསྶུཏོ ནཱམ སཱརཏྟོ ཨཔེཀྑཝཱ པཊིབདྡྷཙིཏྟོ.

པུརིསཔུགྒལོ ནཱམ མནུསྶཔུརིསོ ན ཡཀྑོ ན པེཏོ ན ཏིརཙྪཱནགཏོ ཝིཉྙཱུ པཊིབལོ ཀཱཡསཾསགྒཾ སམཱཔཛྫིཏུཾ.

ཨདྷཀྑཀནྟི ཧེཊྛཀྑཀཾ.

ཨུབྦྷཛཱཎུམཎྜལནྟི ཨུཔརིཛཱཎུམཎྜལཾ.

ཨཱམསནཾ ¶ ནཱམ ཨཱམཊྛམཏྟཾ.

པརཱམསནཾ ནཱམ ཨིཏོཙིཏོ ཙ སཉྩོཔནཾ.

གཧཎཾ ནཱམ གཧིཏམཏྟཾ.

ཚུཔནཾ ནཱམ ཕུཊྛམཏྟཾ.

པཊིཔཱིལ༹ནཾ ¶ ཝཱ སཱདིཡེཡྻཱཏི ཨངྒཾ གཧེཏྭཱ ནིཔྤཱིལ༹ནཾ སཱདིཡཏི.

ཨཡམྤཱིཏི པུརིམཱཡོ ཨུཔཱདཱཡ ཝུཙྩཏི.

པཱརཱཛིཀཱ ཧོཏཱིཏི སེཡྻཐཱཔི ནཱམ པུརིསོ སཱིསཙྪིནྣོ ཨབྷབྦོ ཏེན སརཱིརབནྡྷནེན ཛཱིཝིཏུཾ, ཨེཝམེཝ བྷིཀྑུནཱི ཨཝསྶུཏཱ ཨཝསྶུཏསྶ པུརིསཔུགྒལསྶ ཨདྷཀྑཀཾ ཨུབྦྷཛཱཎུམཎྜལཾ ¶ ཨཱམསནཾ ཝཱ པརཱམསནཾ ཝཱ གཧཎཾ ཝཱ ཚུཔནཾ ཝཱ པཊིཔཱིལ༹ནཾ ཝཱ སཱདིཡནྟཱི ཨསྶམཎཱི ཧོཏི ཨསཀྱདྷཱིཏཱ. ཏེན ཝུཙྩཏི པཱརཱཛིཀཱ ཧོཏཱིཏི.

ཨསཾཝཱསཱཏི སཾཝཱསོ ནཱམ ཨེཀཀམྨཾ ཨེཀུདྡེསོ སམསིཀྑཏཱ, ཨེསོ སཾཝཱསོ ནཱམ. སོ ཏཱཡ སདྡྷིཾ ནཏྠི, ཏེན ཝུཙྩཏི ཨསཾཝཱསཱཏི.

༦༥༩. ཨུབྷཏོཨཝསྶུཏེ ཨདྷཀྑཀཾ ཨུབྦྷཛཱཎུམཎྜལཾ ཀཱཡེན ཀཱཡཾ ཨཱམསཏི, ཨཱཔཏྟི པཱརཱཛིཀསྶ. ཀཱཡེན ཀཱཡཔཊིབདྡྷཾ ཨཱམསཏི, ཨཱཔཏྟི ཐུལླཙྩཡསྶ. ཀཱཡཔཊིབདྡྷེན ཀཱཡཾ ཨཱམསཏི, ཨཱཔཏྟི ཐུལླཙྩཡསྶ. ཀཱཡཔཊིབདྡྷེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ.

ནིསྶགྒིཡེན ཀཱཡཾ ཨཱམསཏི ¶ , ཨཱཔཏྟི དུཀྐཊསྶ. ནིསྶགྒིཡེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ནིསྶགྒིཡཾ ཨཱམསཏི, ཨཱཔཏྟི དུཀྐཊསྶ.

ཨུབྦྷཀྑཀཾ ཨདྷོཛཱཎུམཎྜལཾ ཀཱཡེན ཀཱཡཾ ཨཱམསཏི, ཨཱཔཏྟི ཐུལླཙྩཡསྶ. ཀཱཡེན ཀཱཡཔཊིབདྡྷཾ ¶ ཨཱམསཏི, ཨཱཔཏྟི དུཀྐཊསྶ. ཀཱཡཔཊིབདྡྷེན ཀཱཡཾ ཨཱམསཏི, ཨཱཔཏྟི དུཀྐཊསྶ. ཀཱཡཔཊིབདྡྷེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ.

ནིསྶགྒིཡེན ཀཱཡཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ནིསྶགྒིཡཾ ཨཱམསཏི, ཨཱཔཏྟི དུཀྐཊསྶ.

༦༦༠. ཨེཀཏོཨཝསྶུཏེ ཨདྷཀྑཀཾ ཨུབྦྷཛཱཎུམཎྜལཾ ཀཱཡེན ཀཱཡཾ ཨཱམསཏི ¶ , ཨཱཔཏྟི ཐུལླཙྩཡསྶ. ཀཱཡེན ཀཱཡཔཊིབདྡྷཾ ཨཱམསཏི ¶ , ཨཱཔཏྟི དུཀྐཊསྶ. ཀཱཡཔཊིབདྡྷེན ཀཱཡཾ ཨཱམསཏི, ཨཱཔཏྟི དུཀྐཊསྶ. ཀཱཡཔཊིབདྡྷེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ.

ནིསྶགྒིཡེན ཀཱཡཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ནིསྶགྒིཡཾ ཨཱམསཏི, ཨཱཔཏྟི དུཀྐཊསྶ.

ཨུབྦྷཀྑཀཾ ཨདྷོཛཱཎུམཎྜལཾ ཀཱཡེན ཀཱཡཾ ཨཱམསཏི, ཨཱཔཏྟི དུཀྐཊསྶ. ཀཱཡེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ. ཀཱཡཔཊིབདྡྷེན ཀཱཡཾ ཨཱམསཏི, ཨཱཔཏྟི དུཀྐཊསྶ. ཀཱཡཔཊིབདྡྷེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ.

ནིསྶགྒིཡེན ཀཱཡཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ནིསྶགྒིཡཾ ཨཱམསཏི, ཨཱཔཏྟི དུཀྐཊསྶ.

༦༦༡. ཨུབྷཏོཨཝསྶུཏེ ཡཀྑསྶ ཝཱ པེཏསྶ ཝཱ པཎྜཀསྶ ཝཱ ཏིརཙྪཱནགཏམནུསྶཝིགྒཧསྶ ཝཱ ཨདྷཀྑཀཾ ཨུབྦྷཛཱཎུམཎྜལཾ ཀཱཡེན ཀཱཡཾ ཨཱམསཏི, ཨཱཔཏྟི ཐུལླཙྩཡསྶ. ཀཱཡེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ. ཀཱཡཔཊིབདྡྷེན ཀཱཡཾ ཨཱམསཏི, ཨཱཔཏྟི དུཀྐཊསྶ. ཀཱཡཔཊིབདྡྷེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ.

ནིསྶགྒིཡེན ཀཱཡཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ¶ ནིསྶགྒིཡཾ ཨཱམསཏི, ཨཱཔཏྟི དུཀྐཊསྶ.

ཨུབྦྷཀྑཀཾ ¶ ཨདྷོཛཱཎུམཎྜལཾ ཀཱཡེན ཀཱཡཾ ཨཱམསཏི, ཨཱཔཏྟི དུཀྐཊསྶ. ཀཱཡེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ. ཀཱཡཔཊིབདྡྷེན ཀཱཡཾ ཨཱམསཏི, ཨཱཔཏྟི དུཀྐཊསྶ. ཀཱཡཔཊིབདྡྷེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ.

ནིསྶགྒིཡེན ཀཱཡཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ནིསྶགྒིཡཾ ཨཱམསཏི, ཨཱཔཏྟི དུཀྐཊསྶ.

༦༦༢. ཨེཀཏོཨཝསྶུཏེ ¶ ཨདྷཀྑཀཾ ཨུབྦྷཛཱཎུམཎྜལཾ ཀཱཡེན ཀཱཡཾ ཨཱམསཏི, ཨཱཔཏྟི དུཀྐཊསྶ. ཀཱཡེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ. ཀཱཡཔཊིབདྡྷེན ཀཱཡཾ ཨཱམསཏི, ཨཱཔཏྟི དུཀྐཊསྶ. ཀཱཡཔཊིབདྡྷེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ.

ནིསྶགྒིཡེན ཀཱཡཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ནིསྶགྒིཡཾ ཨཱམསཏི, ཨཱཔཏྟི དུཀྐཊསྶ.

ཨུབྦྷཀྑཀཾ ཨདྷོཛཱཎུམཎྜལཾ ཀཱཡེན ཀཱཡཾ ཨཱམསཏི, ཨཱཔཏྟི དུཀྐཊསྶ. ཀཱཡེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ. ཀཱཡཔཊིབདྡྷེན ཀཱཡཾ ཨཱམསཏི, ཨཱཔཏྟི དུཀྐཊསྶ. ཀཱཡཔཊིབདྡྷེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ.

ནིསྶགྒིཡེན ཀཱཡཾ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ཀཱཡཔཊིབདྡྷཾ ¶ ཨཱམསཏི, ཨཱཔཏྟི དུཀྐཊསྶ. ནིསྶགྒིཡེན ནིསྶགྒིཡཾ ཨཱམསཏི, ཨཱཔཏྟི དུཀྐཊསྶ.

༦༦༣. ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟིཡཱ, ཨསཱདིཡནྟིཡཱ, ཨུམྨཏྟིཀཱཡ, ཁིཏྟཙིཏྟཱཡ, ཝེདནཱཊྚཱཡ, ཨཱདིཀམྨིཀཱཡཱཏི.

པཋམཔཱརཱཛིཀཾ སམཏྟཾ [བྷིཀྑུནིཝིབྷངྒེ སིཀྑཱཔདགཎནཱ བྷིཀྑཱུཧི§ཨསཱདྷཱརཎཝསེན པཀཱསིཏཱཏི ཝེདིཏབྦཱ].

༢. དུཏིཡཔཱརཱཛིཀཾ

༦༦༤. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན སུནྡརཱིནནྡཱ བྷིཀྑུནཱི སཱལ༹ྷེན མིགཱརནཏྟུནཱ གབྦྷིནཱི ཧོཏི ¶ . ཡཱཝ གབྦྷོ ཏརུཎོ ཨཧོསི ཏཱཝ ཚཱདེསི. པརིཔཀྐེ གབྦྷེ ཝིབྦྷམིཏྭཱ ཝིཛཱཡི. བྷིཀྑུནིཡོ ཐུལླནནྡཾ བྷིཀྑུནིཾ ཨེཏདཝོཙུཾ – ‘‘སུནྡརཱིནནྡཱ ཁོ, ཨཡྻེ, ཨཙིརཝིབྦྷནྟཱ ཝིཛཱཏཱ. ཀཙྩི ནོ སཱ བྷིཀྑུནཱིཡེཝ སམཱནཱ གབྦྷིནཱི’’ཏི? ‘‘ཨེཝཾ, ཨཡྻེ’’ཏི. ‘‘ཀིསྶ པན ཏྭཾ, ཨཡྻེ, ཛཱནཾ པཱརཱཛིཀཾ དྷམྨཾ ཨཛ྄ཛྷཱཔནྣཾ བྷིཀྑུནིཾ ནེཝཏྟནཱ པཊིཙོདེསི ན གཎསྶ ཨཱརོཙེསཱི’’ཏི? ‘‘ཡོ ཨེཏིསྶཱ ཨཝཎྞོ མཡ྄ཧེསོ ཨཝཎྞོ, ཡཱ ཨེཏིསྶཱ ཨཀིཏྟི མཡ྄ཧེསཱ ཨཀིཏྟི, ཡོ ཨེཏིསྶཱ ཨཡསོ མཡ྄ཧེསོ ཨཡསོ, ཡོ ཨེཏིསྶཱ ཨལཱབྷོ མཡ྄ཧེསོ ¶ ཨལཱབྷོ. ཀྱཱཧཾ, ཨཡྻེ, ཨཏྟནོ ཨཝཎྞཾ ཨཏྟནོ ཨཀིཏྟིཾ ཨཏྟནོ ཨཡསཾ ཨཏྟནོ ཨལཱབྷཾ པརེསཾ ཨཱརོཙེསྶཱམཱི’’ཏི? ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ ཐུལླནནྡཱ ཛཱནཾ པཱརཱཛིཀཾ དྷམྨཾ ཨཛ྄ཛྷཱཔནྣཾ བྷིཀྑུནིཾ ནེཝཏྟནཱ པཊིཙོདེསྶཏི ན གཎསྶ ཨཱརོཙེསྶཏཱི’’ཏི! ཨཐ ཁོ ཏཱ བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ. བྷིཀྑཱུ [ཡེ ཏེ བྷིཀྑཱུ…པེ… (?)] བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ¶ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, ཐུལླནནྡཱ བྷིཀྑུནཱི ཛཱནཾ པཱརཱཛིཀཾ དྷམྨཾ ཨཛ྄ཛྷཱཔནྣཾ བྷིཀྑུནིཾ ནེཝཏྟནཱ པཊིཙོདེཏི [པཊིཙོདེསི… ཨཱརོཙེསཱིཏི (ཀ.)] ན གཎསྶ ཨཱརོཙེཏཱི’’ཏི [པཊིཙོདེསི… ཨཱརོཙེསཱིཏི (ཀ.)]? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, ཐུལླནནྡཱ བྷིཀྑུནཱི ཛཱནཾ པཱརཱཛིཀཾ དྷམྨཾ ཨཛ྄ཛྷཱཔནྣཾ བྷིཀྑུནིཾ ནེཝཏྟནཱ པཊིཙོདེསྶཏི ན གཎསྶ ཨཱརོཙེསྶཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༦༦༥. ‘‘ཡཱ པན བྷིཀྑུནཱི ཛཱནཾ པཱརཱཛིཀཾ དྷམྨཾ ཨཛ྄ཛྷཱཔནྣཾ བྷིཀྑུནིཾ ནེཝཏྟནཱ པཊིཙོདེཡྻ ན གཎསྶ ཨཱརོཙེཡྻ, ཡདཱ ཙ སཱ ཋིཏཱ ཝཱ ཨསྶ ཙུཏཱ ཝཱ ནཱསིཏཱ ཝཱ ཨཝསྶཊཱ ཝཱ, སཱ པཙྪཱ ཨེཝཾ ཝདེཡྻ – ‘པུབྦེཝཱཧཾ, ཨཡྻེ, ཨཉྙཱསིཾ ཨེཏཾ བྷིཀྑུནིཾ ཨེཝརཱུཔཱ ཙ ཨེཝརཱུཔཱ ཙ སཱ བྷགིནཱིཏི ¶ , ནོ ཙ ཁོ ཨཏྟནཱ པཊིཙོདེསྶཾ ན གཎསྶ ཨཱརོཙེསྶ’ནྟི, ཨཡམྤི པཱརཱཛིཀཱ ཧོཏི ཨསཾཝཱསཱ ཝཛྫཔྤཊིཙྪཱདིཀཱ’’ཏི.

༦༦༦. ཡཱ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཛཱནཱཏི ནཱམ སཱམཾ ཝཱ ཛཱནཱཏི, ཨཉྙེ ¶ ཝཱ ཏསྶཱ ཨཱརོཙེནྟི, སཱ ཝཱ ཨཱརོཙེཏི.

པཱརཱཛིཀཾ དྷམྨཾ ཨཛ྄ཛྷཱཔནྣནྟི ཨཊྛནྣཾ པཱརཱཛིཀཱནཾ ཨཉྙཏརཾ པཱརཱཛིཀཾ ཨཛ྄ཛྷཱཔནྣཾ.

ནེཝཏྟནཱ ¶ པཊིཙོདེཡྻཱཏི ན སཡཾ ཙོདེཡྻ.

ན གཎསྶ ཨཱརོཙེཡྻཱཏི ན ཨཉྙཱསཾ བྷིཀྑུནཱིནཾ ཨཱརོཙེཡྻ.

ཡདཱ ¶ ཙ སཱ ཋིཏཱ ཝཱ ཨསྶ ཙུཏཱ ཝཱཏི ཋིཏཱ ནཱམ སལིངྒེ ཋིཏཱ ཝུཙྩཏི. ཙུཏཱ ནཱམ ཀཱལངྐཏཱ ཝུཙྩཏི. ནཱསིཏཱ ནཱམ སཡཾ ཝཱ ཝིབྦྷནྟཱ ཧོཏི ཨཉྙེཧི ཝཱ ནཱསིཏཱ. ཨཝསྶཊཱ ནཱམ ཏིཏྠཱཡཏནཾ སངྐནྟཱ ཝུཙྩཏི. སཱ པཙྪཱ ཨེཝཾ ཝདེཡྻ – ‘‘པུབྦེཝཱཧཾ, ཨཡྻེ, ཨཉྙཱསིཾ ཨེཏཾ བྷིཀྑུནིཾ ཨེཝརཱུཔཱ ཙ ཨེཝརཱུཔཱ ཙ སཱ བྷགིནཱི’’ཏི.

ནོ ཙ ཁོ ཨཏྟནཱ པཊིཙོདེསྶནྟི སཡཾ ཝཱ ན ཙོདེསྶཾ.

ན གཎསྶ ཨཱརོཙེསྶནྟི ན ཨཉྙཱསཾ བྷིཀྑུནཱིནཾ ཨཱརོཙེསྶཾ.

ཨཡམྤཱིཏི པུརིམཱཡོ ཨུཔཱདཱཡ ཝུཙྩཏི.

པཱརཱཛིཀཱ ཧོཏཱིཏི སེཡྻཐཱཔི ནཱམ པཎྜུཔལཱསོ བནྡྷནཱ པམུཏྟོ ཨབྷབྦོ ཧརིཏཏྠཱཡ, ཨེཝམེཝ བྷིཀྑུནཱི ཛཱནཾ པཱརཱཛིཀཾ དྷམྨཾ ཨཛ྄ཛྷཱཔནྣཾ བྷིཀྑུནིཾ ནེཝཏྟནཱ པཊིཙོདེསྶཱམི ན གཎསྶ ཨཱརོཙེསྶཱམཱིཏི དྷུརཾ ནིཀྑིཏྟམཏྟེ ཨསྶམཎཱི ཧོཏི ཨསཀྱདྷཱིཏཱ. ཏེན ཝུཙྩཏི པཱརཱཛིཀཱ ¶ ཧོཏཱིཏི.

ཨསཾཝཱསཱཏི སཾཝཱསོ ནཱམ ཨེཀཀམྨཾ ཨེཀུདྡེསོ སམསིཀྑཏཱ. ཨེསོ སཾཝཱསོ ནཱམ. སོ ཏཱཡ སདྡྷིཾ ནཏྠི. ཏེན ཝུཙྩཏི ཨསཾཝཱསཱཏི.

༦༦༧. ཨནཱཔཏྟི ‘‘སངྒྷསྶ བྷཎྜནཾ ཝཱ ཀལཧོ ཝཱ ཝིགྒཧོ ཝཱ ཝིཝཱདོ ཝཱ བྷཝིསྶཏཱི’’ཏི ནཱརོཙེཏི, ‘‘སངྒྷབྷེདོ ཝཱ སངྒྷརཱཛི ཝཱ བྷཝིསྶཏཱི’’ཏི ནཱརོཙེཏི, ‘‘ཨཡཾ ཀཀྑལཱ༹ ཕརུསཱ ཛཱིཝིཏནྟརཱཡཾ ཝཱ བྲཧྨཙརིཡནྟརཱཡཾ ཝཱ ཀརིསྶཏཱི’’ཏི ནཱརོཙེཏི, ཨཉྙཱ པཏིརཱུཔཱ བྷིཀྑུནིཡོ ཨཔསྶནྟཱི ནཱརོཙེཏི, ནཙྪཱདེཏུཀཱམཱ ནཱརོཙེཏི, པཉྙཱཡིསྶཏི སཀེན ཀམྨེནཱཏི ནཱརོཙེཏི, ཨུམྨཏྟིཀཱཡ…པེ… ཨཱདིཀམྨིཀཱཡཱཏི.

དུཏིཡཔཱརཱཛིཀཾ སམཏྟཾ.

༣. ཏཏིཡཔཱརཱཛིཀཾ

༦༦༨. ཏེན ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཐུལླནནྡཱ བྷིཀྑུནཱི སམགྒེན སངྒྷེན ཨུཀྑིཏྟཾ ཨརིཊྛཾ བྷིཀྑུཾ གདྡྷབཱདྷིཔུབྦཾ ཨནུཝཏྟཏི. ཡཱ ¶ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ ཐུལླནནྡཱ བྷིཀྑུནཱི སམགྒེན སངྒྷེན ཨུཀྑིཏྟཾ ཨརིཊྛཾ བྷིཀྑུཾ གདྡྷབཱདྷིཔུབྦཾ ཨནུཝཏྟིསྶཏཱི’’ཏི…པེ… སཙྩཾ ཀིར, བྷིཀྑཝེ, ཐུལླནནྡཱ བྷིཀྑུནཱི སམགྒེན སངྒྷེན ཨུཀྑིཏྟཾ ཨརིཊྛཾ བྷིཀྑུཾ གདྡྷབཱདྷིཔུབྦཾ ཨནུཝཏྟཏཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, ཐུལླནནྡཱ བྷིཀྑུནཱི སམགྒེན སངྒྷེན ཨུཀྑིཏྟཾ ཨརིཊྛཾ བྷིཀྑུཾ གདྡྷབཱདྷིཔུབྦཾ ཨནུཝཏྟིསྶཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༦༦༩. ‘‘ཡཱ པན བྷིཀྑུནཱི སམགྒེན སངྒྷེན ཨུཀྑིཏྟཾ བྷིཀྑུཾ དྷམྨེན ཝིནཡེན སཏྠུསཱསནེན ཨནཱདརཾ ཨཔྤཊིཀཱརཾ ཨཀཏསཧཱཡཾ ཏམནུཝཏྟེཡྻ, སཱ བྷིཀྑུནཱི བྷིཀྑུནཱིཧི ཨེཝམསྶ ཝཙནཱིཡཱ – ‘ཨེསོ ཁོ, ཨཡྻེ, བྷིཀྑུ སམགྒེན སངྒྷེན ཨུཀྑིཏྟོ དྷམྨེན ཝིནཡེན སཏྠུསཱསནེན ཨནཱདརོ ཨཔྤཊིཀཱརོ ཨཀཏསཧཱཡོ, མཱཡྻེ, ཨེཏཾ བྷིཀྑུཾ ཨནུཝཏྟཱི’ཏི. ཨེཝཉྩ སཱ བྷིཀྑུནཱི བྷིཀྑུནཱིཧི ཝུཙྩམཱནཱ ཏཐེཝ པགྒཎྷེཡྻ, སཱ བྷིཀྑུནཱི བྷིཀྑུནཱིཧི ཡཱཝཏཏིཡཾ ¶ སམནུབྷཱསིཏབྦཱ ཏསྶ པཊིནིསྶགྒཱཡ. ཡཱཝཏཏིཡཾ ཙེ སམནུབྷཱསིཡམཱནཱ ཏཾ པཊིནིསྶཛྫེཡྻ, ཨིཙྩེཏཾ ཀུསལཾ. ནོ ཙེ པཊིནིསྶཛྫེཡྻ, ཨཡམྤི པཱརཱཛིཀཱ ཧོཏི ཨསཾཝཱསཱ ཨུཀྑིཏྟཱནུཝཏྟིཀཱ’’ཏི.

༦༧༠. ཡཱ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

སམགྒོ ནཱམ སངྒྷོ སམཱནསཾཝཱསཀོ སམཱནསཱིམཱཡཾ ཋིཏོ.

ཨུཀྑིཏྟོ ནཱམ ཨཱཔཏྟིཡཱ ཨདསྶནེ ཝཱ ཨཔྤཊིཀམྨེ ཝཱ ཨཔྤཊིནིསྶགྒེ ཝཱ [ཨདསྶནེན ཝཱ ཨཔྤཊིཀམྨེན ཝཱ ཨཔྤཊིནིསྶགྒེན ཝཱ (ཀ.), ཨདསྶནེ ཝཱ ཨཔྤཊིཀམྨེ ཝཱ པཱཔིཀཱཡ དིཊྛིཡཱ ཨཔྤཊིནིསྶགྒེ ཝཱ (?)] ཨུཀྑིཏྟོ.

དྷམྨེན ཝིནཡེནཱཏི ཡེན དྷམྨེན ཡེན ཝིནཡེན.

སཏྠུསཱསནེནཱཏི ¶ ཛིནསཱསནེན བུདྡྷསཱསནེན.

ཨནཱདརོ ནཱམ སངྒྷཾ ཝཱ གཎཾ ཝཱ པུགྒལཾ ཝཱ ཀམྨཾ ཝཱ ནཱདིཡཏི.

ཨཔྤཊིཀཱརོ ནཱམ ཨུཀྑིཏྟོ ཨནོསཱརིཏོ.

ཨཀཏསཧཱཡོ ¶ ནཱམ སམཱནསཾཝཱསཀཱ བྷིཀྑཱུ ཝུཙྩནྟི སཧཱཡཱ. སོ ཏེཧི སདྡྷིཾ ནཏྠི, ཏེན ཝུཙྩཏི ཨཀཏསཧཱཡོཏི.

ཏམནུཝཏྟེཡྻཱཏི ¶ ཡཾདིཊྛིཀོ སོ ཧོཏི ཡཾཁནྟིཀོ ཡཾརུཙིཀོ, སཱཔི ཏཾདིཊྛིཀཱ ཧོཏི ཏཾཁནྟིཀཱ ཏཾརུཙིཀཱ.

སཱ བྷིཀྑུནཱིཏི ཡཱ སཱ ཨུཀྑིཏྟཱནུཝཏྟིཀཱ བྷིཀྑུནཱི.

བྷིཀྑུནཱིཧཱིཏི ཨཉྙཱཧི བྷིཀྑུནཱིཧི. ཡཱ པསྶནྟི ཡཱ སུཎནྟི ཏཱཧི ཝཏྟབྦཱ – ‘‘ཨེསོ ཁོ, ཨཡྻེ, བྷིཀྑུ སམགྒེན སངྒྷེན ཨུཀྑིཏྟོ དྷམྨེན ཝིནཡེན སཏྠུསཱསནེན ཨནཱདརོ ཨཔྤཊིཀཱརོ ཨཀཏསཧཱཡོ. མཱཡྻེ, ཨེཏཾ བྷིཀྑུཾ ¶ ཨནུཝཏྟཱི’’ཏི. དུཏིཡམྤི ཝཏྟབྦཱ. ཏཏིཡམྤི ཝཏྟབྦཱ. སཙེ པཊིནིསྶཛྫཏི, ཨིཙྩེཏཾ ཀུསལཾ; ནོ ཙེ པཊིནིསྶཛྫཏི, ཨཱཔཏྟི དུཀྐཊསྶ. སུཏྭཱ ན ཝདནྟི, ཨཱཔཏྟི དུཀྐཊསྶ. སཱ བྷིཀྑུནཱི སངྒྷམཛ྄ཛྷམྤི ཨཱཀཌྜྷིཏྭཱ ཝཏྟབྦཱ – ‘‘ཨེསོ ཁོ, ཨཡྻེ, བྷིཀྑུ སམགྒེན སངྒྷེན ཨུཀྑིཏྟོ དྷམྨེན ཝིནཡེན སཏྠུསཱསནེན ཨནཱདརོ ཨཔྤཊིཀཱརོ ཨཀཏསཧཱཡོ. མཱཡྻེ, ཨེཏཾ བྷིཀྑུཾ ཨནུཝཏྟཱི’’ཏི. དུཏིཡམྤི ཝཏྟབྦཱ. ཏཏིཡམྤི ཝཏྟབྦཱ. སཙེ པཊིནིསྶཛྫཏི, ཨིཙྩེཏཾ ཀུསལཾ. ནོ ཙེ པཊིནིསྶཛྫཏི, ཨཱཔཏྟི དུཀྐཊསྶ. སཱ བྷིཀྑུནཱི སམནུབྷཱསིཏབྦཱ. ཨེཝཉྩ པན, བྷིཀྑཝེ, སམནུབྷཱསིཏབྦཱ. བྱཏྟཱཡ བྷིཀྑུནིཡཱ པཊིབལཱཡ སངྒྷོ ཉཱཔེཏབྦོ –

༦༧༡. ‘‘སུཎཱཏུ མེ, ཨཡྻེ, སངྒྷོ. ཨཡཾ ཨིཏྠནྣཱམཱ བྷིཀྑུནཱི སམགྒེན སངྒྷེན ཨུཀྑིཏྟཾ བྷིཀྑུཾ དྷམྨེན ཝིནཡེན སཏྠུསཱསནེན ཨནཱདརཾ ཨཔྤཊིཀཱརཾ ཨཀཏསཧཱཡཾ ཏམནུཝཏྟཏི, སཱ ཏཾ ཝཏྠུཾ ན པཊིནིསྶཛྫཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུནིཾ སམནུབྷཱསེཡྻ ཏསྶ ཝཏྠུསྶ པཊིནིསྶགྒཱཡ. ཨེསཱ ཉཏྟི.

‘‘སུཎཱཏུ ¶ མེ, ཨཡྻེ, སངྒྷོ. ཨཡཾ ཨིཏྠནྣཱམཱ བྷིཀྑུནཱི སམགྒེན སངྒྷེན ཨུཀྑིཏྟཾ བྷིཀྑུཾ དྷམྨེན ཝིནཡེན སཏྠུསཱསནེན ཨནཱདརཾ ཨཔྤཊིཀཱརཾ ཨཀཏསཧཱཡཾ ཏམནུཝཏྟཏི. སཱ ཏཾ ཝཏྠུཾ ན པཊིནིསྶཛྫཏི. སངྒྷོ ཨིཏྠནྣཱམཾ བྷིཀྑུནིཾ སམནུབྷཱསཏི ཏསྶ ཝཏྠུསྶ པཊིནིསྶགྒཱཡ. ཡསྶཱ ཨཡྻཱཡ ཁམཏི ཨིཏྠནྣཱམཱཡ བྷིཀྑུནིཡཱ སམནུབྷཱསནཱ ཏསྶ ཝཏྠུསྶ པཊིནིསྶགྒཱཡ, སཱ ཏུཎྷསྶ; ཡསྶཱ ¶ ནཀྑམཏི, སཱ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘སམནུབྷཊྛཱ སངྒྷེན ཨིཏྠནྣཱམཱ བྷིཀྑུནཱི ཏསྶ ཝཏྠུསྶ པཊིནིསྶགྒཱཡ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཉཏྟིཡཱ ¶ དུཀྐཊཾ, དྭཱིཧི ཀམྨཝཱཙཱཧི ཐུལླཙྩཡཱ, ཀམྨཝཱཙཱ པརིཡོསཱནེ ཨཱཔཏྟི པཱརཱཛིཀསྶ.

ཨཡམྤཱིཏི པུརིམཱཡོ ཨུཔཱདཱཡ ཝུཙྩཏི.

པཱརཱཛིཀཱ ཧོཏཱིཏི སེཡྻཐཱཔི ནཱམ པུཐུསིལཱ དྭེདྷཱ བྷིནྣཱ ཨཔྤཊིསནྡྷིཀཱ ཧོཏི, ཨེཝམེཝ བྷིཀྑུནཱི ཡཱཝཏཏིཡཾ སམནུབྷཱསནཱཡ ¶ ན པཊིནིསྶཛྫནྟཱི ཨསྶམཎཱི ཧོཏི ཨསཀྱདྷཱིཏཱ. ཏེན ཝུཙྩཏི པཱརཱཛིཀཱ ཧོཏཱིཏི.

ཨསཾཝཱསཱཏི སཾཝཱསོ ནཱམ ཨེཀཀམྨཾ ཨེཀུདྡེསོ སམསིཀྑཏཱ. ཨེསོ སཾཝཱསོ ནཱམ. སོ ཏཱཡ སདྡྷིཾ ནཏྠི. ཏེན ཝུཙྩཏི ཨསཾཝཱསཱཏི.

༦༧༢. དྷམྨཀམྨེ དྷམྨཀམྨསཉྙཱ ན པཊིནིསྶཛྫཏི, ཨཱཔཏྟི པཱརཱཛིཀསྶ. དྷམྨཀམྨེ ཝེམཏིཀཱ ན པཊིནིསྶཛྫཏི, ཨཱཔཏྟི པཱརཱཛིཀསྶ. དྷམྨཀམྨེ ཨདྷམྨཀམྨསཉྙཱ ན པཊིནིསྶཛྫཏི, ཨཱཔཏྟི པཱརཱཛིཀསྶ.

ཨདྷམྨཀམྨེ དྷམྨཀམྨསཉྙཱ, ཨཱཔཏྟི དུཀྐཊསྶ. ཨདྷམྨཀམྨེ ཝེམཏིཀཱ, ཨཱཔཏྟི དུཀྐཊསྶ. ཨདྷམྨཀམྨེ ཨདྷམྨཀམྨསཉྙཱ, ཨཱཔཏྟི དུཀྐཊསྶ.

༦༧༣. ཨནཱཔཏྟི ¶ ཨསམནུབྷཱསནྟིཡཱ, པཊིནིསྶཛྫནྟིཡཱ, ཨུམྨཏྟིཀཱཡ…པེ… ཨཱདིཀམྨིཀཱཡཱཏི.

ཏཏིཡཔཱརཱཛིཀཾ སམཏྟཾ.

༤. ཙཏུཏྠཔཱརཱཛིཀཾ

༦༧༤. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑུནིཡོ ཨཝསྶུཏཱ ཨཝསྶུཏསྶ པུརིསཔུགྒལསྶ ཧཏྠགྒཧཎམྤི སཱདིཡནྟི, སངྒྷཱཊིཀཎྞགྒཧཎམྤི སཱདིཡནྟི, སནྟིཊྛནྟིཔི, སལླཔནྟིཔི, སངྐེཏམྤི གཙྪནྟི, པུརིསསྶཔི ཨབྦྷཱགམནཾ སཱདིཡནྟི, ཚནྣམྤི ཨནུཔཝིསནྟི, ཀཱཡམྤི ཏདཏྠཱཡ ཨུཔསཾཧརནྟི ཨེཏསྶ ཨསདྡྷམྨསྶ པཊིསེཝནཏྠཱཡ. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ¶ ནཱམ ཚབྦགྒིཡཱ བྷིཀྑུནིཡོ ཨཝསྶུཏཱ ཨཝསྶུཏསྶ པུརིསཔུགྒལསྶ ཧཏྠགྒཧཎམྤི སཱདིཡིསྶནྟི, སངྒྷཱཊིཀཎྞགྒཧཎམྤི སཱདིཡིསྶནྟི, སནྟིཊྛིསྶནྟིཔི, སལླཔིསྶནྟིཔི, སངྐེཏམྤི གཙྪིསྶནྟི, པུརིསསྶཔི ཨབྦྷཱགམནཾ སཱདིཡིསྶནྟི, ཚནྣམྤི ཨནུཔཝིསིསྶནྟི, ཀཱཡམྤི ཏདཏྠཱཡ ཨུཔསཾཧརིསྶནྟི ཨེཏསྶ ཨསདྡྷམྨསྶ པཊིསེཝནཏྠཱཡཱ’’ཏི…པེ… སཙྩཾ ཀིར, བྷིཀྑཝེ, ཚབྦགྒིཡཱ བྷིཀྑུནིཡོ ཨཝསྶུཏཱ ཨཝསྶུཏསྶ པུརིསཔུགྒལསྶ ཧཏྠགྒཧཎམྤི སཱདིཡནྟི, སངྒྷཱཊིཀཎྞགྒཧཎམྤི སཱདིཡནྟི, སནྟིཊྛནྟིཔི, སལླཔནྟིཔི, སངྐེཏམྤི གཙྪནྟི, པུརིསསྶཔི ཨབྦྷཱགམནཾ སཱདིཡནྟི, ཚནྣམྤི ཨནུཔཝིསནྟི, ཀཱཡམྤི ཏདཏྠཱཡ ཨུཔསཾཧརནྟི ཨེཏསྶ ཨསདྡྷམྨསྶ པཊིསེཝནཏྠཱཡཱཏི? ‘‘སཙྩཾ, བྷགཝཱ’’ཏི. ཝིགརཧི ¶ བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, ཚབྦགྒིཡཱ བྷིཀྑུནིཡོ ཨཝསྶུཏཱ ཨཝསྶུཏསྶ པུརིསཔུགྒལསྶ ཧཏྠགྒཧཎམྤི སཱདིཡིསྶནྟི, སངྒྷཱཊིཀཎྞགྒཧཎམྤི སཱདིཡིསྶནྟི, སནྟིཊྛིསྶནྟིཔི, སལླཔིསྶནྟིཔི, སངྐེཏམྤི གཙྪིསྶནྟི, པུརིསསྶཔི ཨབྦྷཱགམནཾ སཱདིཡིསྶནྟི, ཚནྣམྤི ཨནུཔཝིསིསྶནྟི, ཀཱཡམྤི ཏདཏྠཱཡ ཨུཔསཾཧརིསྶནྟི ཨེཏསྶ ཨསདྡྷམྨསྶ པཊིསེཝནཏྠཱཡ! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༦༧༥. ‘‘ཡཱ པན བྷིཀྑུནཱི ཨཝསྶུཏཱ ཨཝསྶུཏསྶ པུརིསཔུགྒལསྶ ཧཏྠགྒཧཎཾ ཝཱ སཱདིཡེཡྻ, སངྒྷཱཊིཀཎྞགྒཧཎཾ ཝཱ སཱདིཡེཡྻ, སནྟིཊྛེཡྻ ཝཱ, སལླཔེཡྻ ཝཱ, སངྐེཏཾ ཝཱ ¶ གཙྪེཡྻ ¶ , པུརིསསྶ ཝཱ ཨབྦྷཱགམནཾ སཱདིཡེཡྻ, ཚནྣཾ ཝཱ ཨནུཔཝིསེཡྻ, ཀཱཡཾ ཝཱ ཏདཏྠཱཡ ཨུཔསཾཧརེཡྻ ཨེཏསྶ ཨསདྡྷམྨསྶ པཊིསེཝནཏྠཱཡ, ཨཡམྤི པཱརཱཛིཀཱ ཧོཏི ཨསཾཝཱསཱ ཨཊྛཝཏྠུཀཱ’’ཏི.

༦༧༦. ཡཱ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཨཝསྶུཏཱ ནཱམ སཱརཏྟཱ ཨཔེཀྑཝཏཱི པཊིབདྡྷཙིཏྟཱ.

ཨཝསྶུཏོ ནཱམ སཱརཏྟོ ཨཔེཀྑཝཱ པཊིབདྡྷཙིཏྟོ.

པུརིསཔུགྒལོ ནཱམ མནུསྶཔུརིསོ, ན ཡཀྑོ ན པེཏོ ན ཏིརཙྪཱནགཏོ ཝིཉྙཱུ པཊིབལོ ཀཱཡསཾསགྒཾ སམཱཔཛྫིཏུཾ.

ཧཏྠགྒཧཎཾ ¶ ¶ ཝཱ སཱདིཡེཡྻཱཏི ཧཏྠོ ནཱམ ཀཔྤརཾ ཨུཔཱདཱཡ ཡཱཝ ཨགྒནཁཱ. ཨེཏསྶ ཨསདྡྷམྨསྶ པཊིསེཝནཏྠཱཡ ཨུབྦྷཀྑཀཾ ཨདྷོཛཱཎུམཎྜལཾ གཧཎཾ སཱདིཡཏི, ཨཱཔཏྟི ཐུལླཙྩཡསྶ.

སངྒྷཱཊིཀཎྞགྒཧཎཾ ཝཱ སཱདིཡེཡྻཱཏི ཨེཏསྶ ཨསདྡྷམྨསྶ པཊིསེཝནཏྠཱཡ ནིཝཏྠཾ ཝཱ པཱརུཏཾ ཝཱ གཧཎཾ སཱདིཡཏི, ཨཱཔཏྟི ཐུལླཙྩཡསྶ.

སནྟིཊྛེཡྻ ཝཱཏི ཨེཏསྶ ཨསདྡྷམྨསྶ པཊིསེཝནཏྠཱཡ པུརིསསྶ ཧཏྠཔཱསེ ཏིཊྛཏི, ཨཱཔཏྟི ཐུལླཙྩཡསྶ.

སལླཔེཡྻ ཝཱཏི ཨེཏསྶ ཨསདྡྷམྨསྶ པཊིསེཝནཏྠཱཡ པུརིསསྶ ཧཏྠཔཱསེ ཋིཏཱ སལླཔཏི, ཨཱཔཏྟི ཐུལླཙྩཡསྶ.

སངྐེཏཾ ཝཱ གཙྪེཡྻཱཏི ཨེཏསྶ ཨསདྡྷམྨསྶ པཊིསེཝནཏྠཱཡ པུརིསེན – ‘‘ཨིཏྠནྣཱམཾ ཨོཀཱསཾ [ཨིདཾ པདཾ ཨཊྛཀཐཱཡཾ ན དིསྶཏི] ཨཱགཙྪཱ’’ཏི – ཝུཏྟཱ གཙྪཏི. པདེ པདེ ཨཱཔཏྟི དུཀྐཊསྶ. པུརིསསྶ ཧཏྠཔཱསཾ ཨོཀྐནྟམཏྟེ ཨཱཔཏྟི ཐུལླཙྩཡསྶ.

པུརིསསྶ ¶ ཝཱ ཨབྦྷཱགམནཾ སཱདིཡེཡྻཱཏི ཨེཏསྶ ཨསདྡྷམྨསྶ པཊིསེཝནཏྠཱཡ པུརིསསྶ ཨབྦྷཱགམནཾ སཱདིཡཏི, ཨཱཔཏྟི དུཀྐཊསྶ. ཧཏྠཔཱསཾ ཨོཀྐནྟམཏྟེ ཨཱཔཏྟི ཐུལླཙྩཡསྶ.

ཚནྣཾ ཝཱ ཨནུཔཝིསེཡྻཱཏི ཨེཏསྶ ཨསདྡྷམྨསྶ པཊིསེཝནཏྠཱཡ ཡེན ཀེནཙི པཊིཙྪནྣཾ ཨོཀཱསཾ པཝིཊྛམཏྟེ ཨཱཔཏྟི ཐུལླཙྩཡསྶ.

ཀཱཡཾ ཝཱ ཏདཏྠཱཡ ཨུཔསཾཧརེཡྻཱཏི ཨེཏསྶ ཨསདྡྷམྨསྶ པཊིསེཝནཏྠཱཡ པུརིསསྶ ཧཏྠཔཱསེ ཋིཏཱ ཀཱཡཾ ཨུཔསཾཧརཏི, ཨཱཔཏྟི ཐུལླཙྩཡསྶ.

ཨཡམྤཱིཏི པུརིམཱཡོ ཨུཔཱདཱཡ ཝུཙྩཏི.

པཱརཱཛིཀཱ ཧོཏཱིཏི སེཡྻཐཱཔི ¶ ནཱམ ཏཱལོ མཏྠཀཙྪིནྣོ ཨབྷབྦོ པུན ཝིརུལ༹ྷིཡཱ ཨེཝམེཝ བྷིཀྑུནཱི ཨཊྛམཾ ཝཏྠུཾ ¶ པརིཔཱུརེནྟཱི ཨསྶམཎཱི ཧོཏི ཨསཀྱདྷཱིཏཱ. ཏེན ཝུཙྩཏི པཱརཱཛིཀཱ ཧོཏཱིཏི.

ཨསཾཝཱསཱཏི ¶ སཾཝཱསོ ནཱམ ཨེཀཀམྨཾ ཨེཀུདྡེསོ སམསིཀྑཏཱ. ཨེསོ སཾཝཱསོ ནཱམ. སོ ཏཱཡ སདྡྷིཾ ནཏྠི. ཏེན ཝུཙྩཏི ཨསཾཝཱསཱཏི.

༦༧༧. ཨནཱཔཏྟི ཨསཉྩིཙྩ, ཨསྶཏིཡཱ, ཨཛཱནནྟིཡཱ, ཨསཱདིཡནྟིཡཱ, ཨུམྨཏྟིཀཱཡ, ཁིཏྟཙིཏྟཱཡ, ཝེདནཱཊྚཱཡ, ཨཱདིཀམྨིཀཱཡཱཏི.

ཙཏུཏྠཔཱརཱཛིཀཾ སམཏྟཾ.

ཨུདྡིཊྛཱ ཁོ, ཨཡྻཱཡོ, ཨཊྛ པཱརཱཛིཀཱ དྷམྨཱ. ཡེསཾ བྷིཀྑུནཱི ཨཉྙཏརཾ ཝཱ ཨཉྙཏརཾ ཝཱ ཨཱཔཛྫིཏྭཱ ན ལབྷཏི བྷིཀྑུནཱིཧི སདྡྷིཾ སཾཝཱསཾ, ཡཐཱ པུརེ ཏཐཱ པཙྪཱ, པཱརཱཛིཀཱ ཧོཏི ཨསཾཝཱསཱ. ཏཏྠཱཡྻཱཡོ པུཙྪཱམི – ‘‘ཀཙྩིཏྠ པརིསུདྡྷཱ’’? དུཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? ཏཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? པརིསུདྡྷེཏྠཱཡྻཱཡོ, ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི.

བྷིཀྑུནིཝིབྷངྒེ པཱརཱཛིཀཀཎྜཾ ནིཊྛིཏཾ.

༢. སངྒྷཱདིསེསཀཎྜཾ (བྷིཀྑུནཱིཝིབྷངྒོ)

༡. པཋམསངྒྷཱདིསེསསིཀྑཱཔདཾ

ཨིམེ ཁོ པནཱཡྻཱཡོ སཏྟརས སངྒྷཱདིསེསཱ

དྷམྨཱ ཨུདྡེསཾ ཨཱགཙྪནྟི.

༦༧༨. ཏེན ¶ ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཉྙཏརོ ཨུཔཱསཀོ བྷིཀྑུནིསངྒྷསྶ ཨུདོསིཏཾ [ཨུདྡོསིཏཾ (སཱི. སྱཱ.)] དཏྭཱ ཀཱལངྐཏོ ཧོཏི. ཏསྶ དྭེ པུཏྟཱ ཧོནྟི – ཨེཀོ ཨསྶདྡྷོ ཨཔྤསནྣོ, ཨེཀོ སདྡྷོ པསནྣོ. ཏེ པེཏྟིཀཾ སཱཔཏེཡྻཾ ཝིབྷཛིཾསུ. ཨཐ ཁོ སོ ཨསྶདྡྷོ ཨཔྤསནྣོ ཏཾ སདྡྷཾ པསནྣཾ ཨེཏདཝོཙ – ‘‘ཨམྷཱཀཾ ཨུདོསིཏོ, ཏཾ བྷཱཛེམཱ’’ཏི. ཨེཝཾ ཝུཏྟེ སོ སདྡྷོ པསནྣོ ཏཾ ཨསྶདྡྷཾ ཨཔྤསནྣཾ ཨེཏདཝོཙ – ‘‘མཱཡྻོ, ཨེཝཾ ཨཝཙ. ཨམྷཱཀཾ པིཏུནཱ བྷིཀྑུནིསངྒྷསྶ དིནྣོ’’ཏི. དུཏིཡམྤི ཁོ སོ ཨསྶདྡྷོ ཨཔྤསནྣོ ཏཾ སདྡྷཾ པསནྣཾ ཨེཏདཝོཙ – ‘‘ཨམྷཱཀཾ ཨུདོསིཏོ, ཏཾ བྷཱཛེམཱ’’ཏི. ཨཐ ཁོ སོ སདྡྷོ པསནྣོ ཏཾ ཨསྶདྡྷཾ ཨཔྤསནྣཾ ཨེཏདཝོཙ – ‘‘མཱཡྻོ, ཨེཝཾ ཨཝཙ. ཨམྷཱཀཾ པིཏུནཱ བྷིཀྑུནིསངྒྷསྶ དིནྣོ’’ཏི. ཏཏིཡམྤི ཁོ སོ ཨསྶདྡྷོ ཨཔྤསནྣོ ཏཾ སདྡྷཾ པསནྣཾ ཨེཏདཝོཙ – ‘‘ཨམྷཱཀཾ ཨུདོསིཏོ, ཏཾ བྷཱཛེམཱ’’ཏི. ཨཐ ཁོ སོ སདྡྷོ པསནྣོ – ‘‘སཙེ མཡ྄ཧཾ ¶ བྷཝིསྶཏི, ཨཧམྤི བྷིཀྑུནིསངྒྷསྶ དསྶཱམཱི’’ཏི – ཏཾ ཨསྶདྡྷཾ ཨཔྤསནྣཾ ཨེཏདཝོཙ – ‘‘བྷཱཛེམཱ’’ཏི. ཨཐ ཁོ སོ ཨུདོསིཏོ ཏེཧི བྷཱཛཱིཡམཱནོ ཏསྶ ཨསྶདྡྷསྶ ཨཔྤསནྣསྶ པཱཔུཎཱཏི [པཱཔུཎི (སྱཱ.)]. ཨཐ ཁོ སོ ཨསྶདྡྷོ ཨཔྤསནྣོ བྷིཀྑུནིཡོ ཨུཔསངྐམིཏྭཱ ཨེཏདཝོཙ – ‘‘ནིཀྑམཐཱཡྻེ, ཨམྷཱཀཾ ཨུདོསིཏོ’’ཏི.

ཨེཝཾ ¶ ཝུཏྟེ ཐུལླནནྡཱ བྷིཀྑུནཱི ཏཾ པུརིསཾ ཨེཏདཝོཙ – ‘‘མཱཡྻོ, ཨེཝཾ ཨཝཙ, ཏུམྷཱཀཾ པིཏུནཱ བྷིཀྑུནིསངྒྷསྶ དིནྣོ’’ཏི. ‘‘དིནྣོ ན དིནྣོ’’ཏི ཝོཧཱརིཀེ མཧཱམཏྟེ པུཙྪིཾསུ. མཧཱམཏྟཱ ཨེཝམཱཧཾསུ – ‘‘ཀོ, ཨཡྻེ, ཛཱནཱཏི བྷིཀྑུནིསངྒྷསྶ དིནྣོ’’ཏི? ཨེཝཾ ཝུཏྟེ ཐུལླནནྡཱ བྷིཀྑུནཱི ཏེ མཧཱམཏྟེ ཨེཏདཝོཙ ¶ – ‘‘ཨཔི ནཱཡྻོ [ཨཔི ནྭཡྻཱ (སྱཱ.), ཨཔི ནཱཡྻོ (ཀ.)] ཏུམྷེཧི དིཊྛཾ ཝཱ སུཏཾ ཝཱ སཀྑིཾ ཋཔཡིཏྭཱ དཱནཾ དིཡྻམཱན’’ནྟི ¶ ? ཨཐ ཁོ ཏེ མཧཱམཏྟཱ – ‘‘སཙྩཾ ཁོ ཨཡྻཱ ཨཱཧཱ’’ཏི ཏཾ ཨུདོསིཏཾ བྷིཀྑུནིསངྒྷསྶ ཨཀཾསུ. ཨཐ ཁོ སོ པུརིསོ པརཱཛིཏོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཨསྶམཎིཡོ ཨིམཱ མུཎྜཱ བནྡྷཀིནིཡོ. ཀཐཉྷི ནཱམ ཨམྷཱཀཾ ཨུདོསིཏཾ ཨཙྪིནྡཱཔེསྶནྟཱི’’ཏི! ཐུལླནནྡཱ བྷིཀྑུནཱི མཧཱམཏྟཱནཾ ཨེཏམཏྠཾ ཨཱརོཙེསི. མཧཱམཏྟཱ ཏཾ པུརིསཾ དཎྜཱཔེསུཾ. ཨཐ ཁོ སོ པུརིསོ དཎྜིཏོ བྷིཀྑུནཱུཔསྶཡསྶ ཨཝིདཱུརེ ཨཱཛཱིཝཀསེཡྻཾ ཀཱརཱཔེཏྭཱ ཨཱཛཱིཝཀེ ཨུཡྻོཛེསི – ‘‘ཨེཏཱ བྷིཀྑུནིཡོ ཨཙྩཱཝདཐཱ’’ཏི.

ཐུལླནནྡཱ བྷིཀྑུནཱི མཧཱམཏྟཱནཾ ཨེཏམཏྠཾ ཨཱརོཙེསི. མཧཱམཏྟཱ ཏཾ པུརིསཾ བནྡྷཱཔེསུཾ. མནུསྶཱ ཨུཛ྄ཛྷཱཡནྟི ¶ ཁིཡྻནྟི ཝིཔཱཙེནྟི – ‘‘པཋམཾ བྷིཀྑུནིཡོ ཨུདོསིཏཾ ཨཙྪིནྡཱཔེསུཾ, དུཏིཡཾ དཎྜཱཔེསུཾ, ཏཏིཡཾ བནྡྷཱཔེསུཾ. ཨིདཱནི གྷཱཏཱཔེསྶནྟཱི’’ཏི! ཨསྶོསུཾ ཁོ བྷིཀྑུནིཡོ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ ཐུལླནནྡཱ ཨུསྶཡཝཱདིཀཱ ཝིཧརིསྶཏཱི’’ཏི! ཨཐ ཁོ ཏཱ བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ…པེ… སཙྩཾ ཀིར, བྷིཀྑཝེ, ཐུལླནནྡཱ བྷིཀྑུནཱི ཨུསྶཡཝཱདིཀཱ ཝིཧརཏཱིཏི. ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, ཐུལླནནྡཱ བྷིཀྑུནཱི ཨུསྶཡཝཱདིཀཱ ཝིཧརིསྶཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༦༧༩. ‘‘ཡཱ པན བྷིཀྑུནཱི ཨུསྶཡཝཱདིཀཱ ཝིཧརེཡྻ གཧཔཏིནཱ ཝཱ གཧཔཏིཔུཏྟེན ཝཱ དཱསེན ཝཱ ཀམྨཀཱརེན [ཀམྨཀརེན (སཱི. སྱཱ.)] ཝཱ ཨནྟམསོ སམཎཔརིབྦཱཛཀེནཱཔི, ཨཡཾ བྷིཀྑུནཱི པཋམཱཔཏྟིཀཾ དྷམྨཾ ཨཱཔནྣཱ ནིསྶཱརཎཱིཡཾ སངྒྷཱདིསེས’’ནྟི.

༦༨༠. ཡཱ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཨུསྶཡཝཱདིཀཱ ནཱམ ཨཌྜཀཱརིཀཱ ཝུཙྩཏི.

གཧཔཏི ¶ ནཱམ ཡོ ཀོཙི ཨགཱརཾ ཨཛ྄ཛྷཱཝསཏི.

གཧཔཏིཔུཏྟོ ¶ ནཱམ ཡེ ཀེཙི པུཏྟབྷཱཏརོ.

དཱསོ ནཱམ ཨནྟོཛཱཏོ དྷནཀྐཱིཏོ ཀརམརཱནཱིཏོ ¶ .

ཀམྨཀཱརོ ནཱམ བྷཊཀོ ཨཱཧཏཀོ.

སམཎཔརིབྦཱཛཀོ ནཱམ བྷིཀྑུཉྩ བྷིཀྑུནིཉྩ སིཀྑམཱནཉྩ སཱམཎེརཉྩ སཱམཎེརིཉྩ ཋཔེཏྭཱ ཡོ ཀོཙི པརིབྦཱཛཀསམཱཔནྣོ.

ཨཌྜཾ ¶ ཀརིསྶཱམཱིཏི དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ. ཨེཀསྶ ཨཱརོཙེཏི, ཨཱཔཏྟི དུཀྐཊསྶ. དུཏིཡསྶ ཨཱརོཙེཏི, ཨཱཔཏྟི ཐུལླཙྩཡསྶ. ཨཌྜཔརིཡོསཱནེ ཨཱཔཏྟི སངྒྷཱདིསེསསྶ.

པཋམཱཔཏྟིཀནྟི སཧ ཝཏྠུཛ྄ཛྷཱཙཱརཱ ཨཱཔཛྫཏི ཨསམནུབྷཱསནཱཡ.

ནིསྶཱརཎཱིཡནྟི སངྒྷམྷཱ ནིསྶཱརཱིཡཏི.

སངྒྷཱདིསེསནྟི སངྒྷོཝ ཏསྶཱ ཨཱཔཏྟིཡཱ མཱནཏྟཾ དེཏི མཱུལཱཡ པཊིཀསྶཏི ཨབྦྷེཏི, ན སམྦཧུལཱ ན ཨེཀཱ བྷིཀྑུནཱི. ཏེན ཝུཙྩཏི ‘‘སངྒྷཱདིསེསོ’’ཏི. ཏསྶེཝ ཨཱཔཏྟིནིཀཱཡསྶ ནཱམཀམྨཾ ཨདྷིཝཙནཾ. ཏེནཔི ཝུཙྩཏི ‘‘སངྒྷཱདིསེསོ’’ཏི.

༦༨༡. ཨནཱཔཏྟི མནུསྶེཧི ཨཱཀཌྜྷཱིཡམཱནཱ གཙྪཏི, ཨཱརཀྑཾ ཡཱཙཏི, ཨནོདིསྶ ཨཱཙིཀྑཏི, ཨུམྨཏྟིཀཱཡ…པེ… ཨཱདིཀམྨིཀཱཡཱཏི.

པཋམསངྒྷཱདིསེསསིཀྑཱཔདཾ ནིཊྛིཏཾ.

༢. དུཏིཡསངྒྷཱདིསེསསིཀྑཱཔདཾ

༦༨༢. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཝེསཱལིཡཾ ཨཉྙཏརསྶ ལིཙྪཝིསྶ པཛཱཔཏི ཨཏིཙཱརིནཱི ཧོཏི. ཨཐ ཁོ སོ ལིཙྪཝི ¶ ཏཾ ཨིཏྠིཾ ཨེཏདཝོཙ – ‘‘སཱདྷུ ཝིརམཱཧི, ཨནཏྠཾ ཁོ ཏེ ཀརིསྶཱམཱི’’ཏི. ཨེཝམྤི སཱ ཝུཙྩམཱནཱ ནཱདིཡི. ཏེན ཁོ པན སམཡེན ཝེསཱལིཡཾ ལིཙྪཝིགཎོ སནྣིཔཏིཏོ ཧོཏི ཀེནཙིདེཝ ཀརཎཱིཡེན. ཨཐ ཁོ སོ ལིཙྪཝི ཏེ ལིཙྪཝཡོ ཨེཏདཝོཙ – ‘‘ཨེཀཾ མེ, ཨཡྻོ ¶ , ཨིཏྠིཾ ཨནུཛཱནཱཐཱ’’ཏི. ‘‘ཀཱ ནཱམ སཱ’’ཏི? ‘‘མཡ྄ཧཾ པཛཱཔཏི ཨཏིཙརཏི, ཏཾ གྷཱཏེསྶཱམཱི’’ཏི. ‘‘ཛཱནཱཧཱི’’ཏི. ཨསྶོསི ཁོ སཱ ཨིཏྠཱི – ‘‘སཱམིཀོ ཀིར མཾ གྷཱཏེཏུཀཱམོ’’ཏི. ཝརབྷཎྜཾ ཨཱདཱཡ སཱཝཏྠིཾ གནྟྭཱ ཏིཏྠིཡེ ཨུཔསངྐམིཏྭཱ པབྦཛྫཾ ཡཱཙི. ཏིཏྠིཡཱ ན ཨིཙྪིཾསུ པབྦཱཛེཏུཾ. བྷིཀྑུནིཡོ ཨུཔསངྐམིཏྭཱ པབྦཛྫཾ ཡཱཙི. བྷིཀྑུནིཡོཔི ན ཨིཙྪིཾསུ པབྦཱཛེཏུཾ. ཐུལླནནྡཾ བྷིཀྑུནིཾ ཨུཔསངྐམིཏྭཱ བྷཎྜཀཾ དསྶེཏྭཱ པབྦཛྫཾ ཡཱཙི. ཐུལླནནྡཱ བྷིཀྑུནཱི བྷཎྜཀཾ གཧེཏྭཱ པབྦཱཛེསི.

ཨཐ ཁོ སོ ལིཙྪཝི ཏཾ ཨིཏྠིཾ གཝེསནྟོ སཱཝཏྠིཾ གནྟྭཱ བྷིཀྑུནཱིསུ པབྦཛིཏཾ དིསྭཱན ཡེན རཱཛཱ པསེནདི ཀོསལོ ཏེནུཔསངྐམི; ཨུཔསངྐམིཏྭཱ ¶ རཱཛཱནཾ པསེནདིཾ ཀོསལཾ ཨེཏདཝོཙ – ‘‘པཛཱཔཏི མེ, དེཝ, ཝརབྷཎྜཾ ཨཱདཱཡ སཱཝཏྠིཾ ཨནུཔྤཏྟཱ. ཏཾ དེཝོ ཨནུཛཱནཱཏཱུ’’ཏི. ‘‘ཏེན ཧི, བྷཎེ, ཝིཙིནིཏྭཱ ཨཱཙིཀྑཱ’’ཏི. ‘‘དིཊྛཱ, དེཝ, བྷིཀྑུནཱིསུ པབྦཛིཏཱ’’ཏི. ‘‘སཙེ, བྷཎེ, བྷིཀྑུནཱིསུ པབྦཛིཏཱ, ན སཱ ལབྦྷཱ ཀིཉྩི ཀཱཏུཾ. སྭཱཀྑཱཏོ བྷགཝཏཱ དྷམྨོ, ཙརཏུ བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. ཨཐ ཁོ སོ ལིཙྪཝི ཨུཛ྄ཛྷཱཡཏི ཁིཡྻཏི ཝིཔཱཙེཏི ¶ – ‘‘ཀཐཉྷི ནཱམ བྷིཀྑུནིཡོ ཙོརིཾ པབྦཱཛེསྶནྟཱི’’ཏི! ཨསྶོསུཾ ཁོ བྷིཀྑུནིཡོ ཏསྶ ལིཙྪཝིསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ ཐུལླནནྡཱ ཙོརིཾ པབྦཱཛེསྶཏཱི’’ཏི! ཨཐ ཁོ ཏཱ བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ…པེ… སཙྩཾ ཀིར, བྷིཀྑཝེ, ཐུལླནནྡཱ བྷིཀྑུནཱི ཙོརིཾ པབྦཱཛེཏཱིཏི [པབྦཱཛེསཱིཏི (ཀ.)]? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, ཐུལླནནྡཱ བྷིཀྑུནཱི ཙོརིཾ པབྦཱཛེསྶཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༦༨༣. ‘‘ཡཱ ¶ པན བྷིཀྑུནཱི ཛཱནཾ ཙོརིཾ ཝཛ྄ཛྷཾ ཝིདིཏཾ ཨནཔལོཀེཏྭཱ རཱཛཱནཾ ཝཱ སངྒྷཾ ཝཱ གཎཾ ཝཱ པཱུགཾ ཝཱ སེཎིཾ ཝཱ ཨཉྙཏྲ ཀཔྤཱ ཝུཊྛཱཔེཡྻ, ཨཡམྤི བྷིཀྑུནཱི པཋམཱཔཏྟིཀཾ དྷམྨཾ ཨཱཔནྣཱ ནིསྶཱརཎཱིཡཾ སངྒྷཱདིསེས’’ནྟི.

༦༨༤. ཡཱ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཛཱནཱཏི ¶ ནཱམ སཱམཾ ཝཱ ཛཱནཱཏི ཨཉྙེ ཝཱ ཏསྶཱ ཨཱརོཙེནྟི, སཱ ཝཱ ཨཱརོཙེཏི.

ཙོརཱི ནཱམ ཡཱ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཨདིནྣཾ ཐེཡྻསངྑཱཏཾ ཨཱདིཡཏི, ཨེསཱ ཙོརཱི ནཱམ.

ཝཛ྄ཛྷཱ ནཱམ ཡཾ ཀཏྭཱ ཝཛ྄ཛྷཔྤཏྟཱ ཧོཏི.

ཝིདིཏཱ ནཱམ ཨཉྙེཧི མནུསྶེཧི ཉཱཏཱ ཧོཏི ¶ ‘‘ཝཛ྄ཛྷཱ ཨེསཱ’’ཏི.

ཨནཔལོཀེཏྭཱཏི ཨནཱཔུཙྪཱ.

རཱཛཱ ནཱམ ཡཏྠ རཱཛཱ ཨནུསཱསཏི, རཱཛཱ ཨཔལོཀེཏབྦོ.

སངྒྷོ ནཱམ བྷིཀྑུནིསངྒྷོ ཝུཙྩཏི, བྷིཀྑུནིསངྒྷོ ཨཔལོཀེཏབྦོ.

གཎོ ནཱམ ཡཏྠ གཎོ ཨནུསཱསཏི, གཎོ ཨཔལོཀེཏབྦོ.

པཱུགོ ནཱམ ཡཏྠ པཱུགོ ཨནུསཱསཏི, པཱུགོ ཨཔལོཀེཏབྦོ.

སེཎི ནཱམ ཡཏྠ སེཎི ཨནུསཱསཏི, སེཎི ཨཔལོཀེཏབྦོ.

ཨཉྙཏྲ ¶ ཀཔྤཱཏི ཋཔེཏྭཱ ཀཔྤཾ. ཀཔྤཾ ནཱམ དྭེ ཀཔྤཱནི – ཏིཏྠིཡེསུ ཝཱ པབྦཛིཏཱ ཧོཏི ཨཉྙཱསུ ཝཱ བྷིཀྑུནཱིསུ པབྦཛིཏཱ. ཨཉྙཏྲ ཀཔྤཱ ‘‘ཝུཊྛཱཔེསྶཱམཱི’’ཏི གཎཾ ཝཱ ཨཱཙརིནིཾ ¶ ཝཱ པཏྟཾ ཝཱ ཙཱིཝརཾ ཝཱ པརིཡེསཏི, སཱིམཾ ཝཱ སམྨནྣཏི, ཨཱཔཏྟི དུཀྐཊསྶ. ཉཏྟིཡཱ དུཀྐཊཾ. དྭཱིཧི ཀམྨཝཱཙཱཧི ཐུལླཙྩཡཱ. ཀམྨཝཱཙཱཔརིཡོསཱནེ ཨུཔཛ྄ཛྷཱཡཱཡ ཨཱཔཏྟི སངྒྷཱདིསེསསྶ. གཎསྶ ཙ ཨཱཙརིནིཡཱ ཙ ཨཱཔཏྟི དུཀྐཊསྶ.

ཨཡམྤཱིཏི པུརིམཾ ཨུཔཱདཱཡ ཝུཙྩཏི.

པཋམཱཔཏྟིཀནྟི སཧ ཝཏྠུཛ྄ཛྷཱཙཱརཱ ཨཱཔཛྫཏི ཨསམནུབྷཱསནཱཡ.

ནིསྶཱརཎཱིཡནྟི སངྒྷམྷཱ ནིསྶཱརཱིཡཏི.

སངྒྷཱདིསེསནྟི…པེ… ཏེནཔི ཝུཙྩཏི སངྒྷཱདིསེསོཏི.

༦༨༥. ཙོརིཡཱ ཙོརིསཉྙཱ ཨཉྙཏྲ ཀཔྤཱ ཝུཊྛཱཔེཏི, ཨཱཔཏྟི སངྒྷཱདིསེསསྶ. ཙོརིཡཱ ཝེམཏིཀཱ ཨཉྙཏྲ ཀཔྤཱ ཝུཊྛཱཔེཏི, ཨཱཔཏྟི ¶ དུཀྐཊསྶ. ཙོརིཡཱ ཨཙོརིསཉྙཱ ཨཉྙཏྲ ཀཔྤཱ ¶ ཝུཊྛཱཔེཏི, ཨནཱཔཏྟི. ཨཙོརིཡཱ ཙོརིསཉྙཱ, ཨཱཔཏྟི དུཀྐཊསྶ. ཨཙོརིཡཱ ཝེམཏིཀཱ, ཨཱཔཏྟི དུཀྐཊསྶ. ཨཙོརིཡཱ ཨཙོརིསཉྙཱ, ཨནཱཔཏྟི.

༦༨༦. ཨནཱཔཏྟི ཨཛཱནནྟཱི ཝུཊྛཱཔེཏི, ཨཔལོཀེཏྭཱ ཝུཊྛཱཔེཏི, ཀཔྤཀཏཾ ཝུཊྛཱཔེཏི, ཨུམྨཏྟིཀཱཡ, ཨཱདིཀམྨིཀཱཡཱཏི.

དུཏིཡསངྒྷཱདིསེསསིཀྑཱཔདཾ ནིཊྛིཏཾ.

༣. ཏཏིཡསངྒྷཱདིསེསསིཀྑཱཔདཾ

༦༨༧. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན བྷདྡཱཡ ཀཱཔིལཱནིཡཱ ཨནྟེཝཱསིནཱི བྷིཀྑུནཱི བྷིཀྑུནཱིཧི སདྡྷིཾ བྷཎྜིཏྭཱ གཱམཀཾ [གཱམཀེ (སྱཱ.)] ཉཱཏིཀུལཾ ཨགམཱསི. བྷདྡཱ ཀཱཔིལཱནཱི ཏཾ བྷིཀྑུནིཾ ཨཔསྶནྟཱི བྷིཀྑུནིཡོ པུཙྪི – ‘‘ཀཧཾ ཨིཏྠནྣཱམཱ, ན དིསྶཏཱི’’ཏི! ‘‘བྷིཀྑུནཱིཧི སདྡྷིཾ, ཨཡྻེ, བྷཎྜིཏྭཱ ན དིསྶཏཱི’’ཏི. ‘‘ཨམྨཱ, ཨམུཀསྨིཾ གཱམཀེ ཨེཏིསྶཱ ཉཱཏིཀུལཾ. ཏཏྠ གནྟྭཱ ཝིཙིནཐཱ’’ཏི. བྷིཀྑུནིཡོ ཏཏྠ གནྟྭཱ ཏཾ བྷིཀྑུནིཾ པསྶིཏྭཱ ཨེཏདཝོཙུཾ – ‘‘ཀིསྶ ཏྭཾ, ཨཡྻེ ¶ , ཨེཀིཀཱ ཨཱགཏཱ, ཀཙྩིསི ཨཔྤདྷཾསིཏཱ’’ཏི? ‘‘ཨཔྤདྷཾསིཏཱམྷི, ཨཡྻེ’’ཏི. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུནཱི ཨེཀཱ གཱམནྟརཾ གཙྪིསྶཏཱི’’ཏི…པེ… སཙྩཾ ཀིར, བྷིཀྑཝེ, བྷིཀྑུནཱི ཨེཀཱ གཱམནྟརཾ གཙྪཏཱིཏི? ‘‘སཙྩཾ, བྷགཝཱ’’ཏི. ཝིགརཧི ¶ བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ ¶ , བྷིཀྑུནཱི ཨེཀཱ གཱམནྟརཾ གཙྪིསྶཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

‘‘ཡཱ པན བྷིཀྑུནཱི ཨེཀཱ གཱམནྟརཾ གཙྪེཡྻ, ཨཡམྤི བྷིཀྑུནཱི པཋམཱཔཏྟིཀཾ དྷམྨཾ ཨཱཔནྣཱ ནིསྶཱརཎཱིཡཾ སངྒྷཱདིསེས’’ནྟི.

ཨེཝཉྩིདཾ བྷགཝཏཱ བྷིཀྑུནཱིནཾ སིཀྑཱཔདཾ པཉྙཏྟཾ ཧོཏི.

༦༨༨. ཏེན ¶ ཁོ པན སམཡེན དྭེ བྷིཀྑུནིཡོ སཱཀེཏཱ སཱཝཏྠིཾ ཨདྡྷཱནམགྒཔྤཊིཔནྣཱ ཧོནྟི. ཨནྟརཱམགྒེ ནདཱི ཏརིཏབྦཱ ཧོཏི. ཨཐ ཁོ ཏཱ བྷིཀྑུནིཡོ ནཱཝིཀེ ཨུཔསངྐམིཏྭཱ ཨེཏདཝོཙུཾ – ‘‘སཱདྷུ ནོ, ཨཱཝུསོ, ཏཱརེཐཱ’’ཏི. ‘‘ནཱཡྻེ, སཀྐཱ ཨུབྷོ སཀིཾ ཏཱརེཏུ’’ནྟི. ཨེཀོ ཨེཀཾ ཨུཏྟཱརེསི. ཨུཏྟིཎྞོ ཨུཏྟིཎྞཾ དཱུསེསི. ཨནུཏྟིཎྞོ ཨནུཏྟིཎྞཾ དཱུསེསི. ཏཱ པཙྪཱ སམཱགནྟྭཱ པུཙྪིཾསུ – ‘‘ཀཙྩིསི, ཨཡྻེ, ཨཔྤདྷཾསིཏཱ’’ཏི? ‘‘པདྷཾསིཏཱམྷི, ཨཡྻེ! ཏྭཾ པན, ཨཡྻེ, ཨཔྤདྷཾསིཏཱ’’ཏི? ‘‘པདྷཾསིཏཱམྷི, ཨཡྻེ’’ཏི. ཨཐ ཁོ ཏཱ བྷིཀྑུནིཡོ སཱཝཏྠིཾ གནྟྭཱ བྷིཀྑུནཱིནཾ ཨེཏམཏྠཾ ཨཱརོཙེསུཾ. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུནཱི ཨེཀཱ ནདཱིཔཱརཾ གཙྪིསྶཏཱི’’ཏི! ཨཐ ཁོ ཏཱ བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ཀིར, བྷིཀྑཝེ, བྷིཀྑུནཱི ཨེཀཱ ནདཱིཔཱརཾ གཙྪཏཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, བྷིཀྑུནཱི ཨེཀཱ ནདཱིཔཱརཾ གཙྪིསྶཏི! ནེཏཾ ¶ , བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

‘‘ཡཱ པན བྷིཀྑུནཱི ཨེཀཱ ཝཱ གཱམནྟརཾ གཙྪེཡྻ, ཨེཀཱ ཝཱ ནདཱིཔཱརཾ གཙྪེཡྻ, ཨཡམྤི བྷིཀྑུནཱི པཋམཱཔཏྟིཀཾ དྷམྨཾ ཨཱཔནྣཱ ནིསྶཱརཎཱིཡཾ སངྒྷཱདིསེས’’ནྟི.

ཨེཝཉྩིདཾ བྷགཝཏཱ བྷིཀྑུནཱིནཾ སིཀྑཱཔདཾ པཉྙཏྟཾ ཧོཏི.

༦༨༩. ཏེན ¶ ཁོ པན སམཡེན སམྦཧུལཱ བྷིཀྑུནིཡོ ཀོསལེསུ ཛནཔདེ སཱཝཏྠིཾ གཙྪནྟཱ [གནྟྭཱ (ཀ.)] སཱཡཾ ཨཉྙཏརཾ གཱམཾ ཨུཔགཙྪིཾསུ. ཏཏྠ ཨཉྙཏརཱ བྷིཀྑུནཱི ཨབྷིརཱུཔཱ ཧོཏི དསྶནཱིཡཱ པཱསཱདིཀཱ. ཨཉྙཏརོ པུརིསོ ཏསྶཱ བྷིཀྑུནིཡཱ སཧ དསྶནེན པཊིབདྡྷཙིཏྟོ ཧོཏི. ཨཐ ཁོ སོ པུརིསོ ཏཱསཾ བྷིཀྑུནཱིནཾ སེཡྻཾ པཉྙཔེནྟོ ཏསྶཱ བྷིཀྑུནིཡཱ སེཡྻཾ ¶ ཨེཀམནྟཾ པཉྙཱཔེསི. ཨཐ ཁོ སཱ བྷིཀྑུནཱི སལླཀྑེཏྭཱ – ‘‘པརིཡུཊྛིཏོ ཨཡཾ པུརིསོ; སཙེ རཏྟིཾ ཨཱགཙྪིསྶཏི, ཝིསྶརོ མེ བྷཝིསྶཏཱི’’ཏི, བྷིཀྑུནིཡོ ཨནཱཔུཙྪཱ ཨཉྙཏརཾ ཀུལཾ གནྟྭཱ སེཡྻཾ ཀཔྤེསི. ཨཐ ཁོ སོ པུརིསོ རཏྟིཾ ¶ ཨཱགནྟྭཱ ཏཾ བྷིཀྑུནིཾ གཝེསནྟོ བྷིཀྑུནིཡོ གྷཊྚེསི. བྷིཀྑུནིཡོ ཏཾ བྷིཀྑུནིཾ ཨཔསྶནྟིཡོ ཨེཝམཱཧཾསུ – ‘‘ནིསྶཾསཡཾ ཁོ སཱ བྷིཀྑུནཱི པུརིསེན སདྡྷིཾ ནིཀྑནྟཱ’’ཏི.

ཨཐ ཁོ སཱ བྷིཀྑུནཱི ཏསྶཱ རཏྟིཡཱ ཨཙྩཡེན ཡེན ཏཱ བྷིཀྑུནིཡོ ཏེནུཔསངྐམི. བྷིཀྑུནིཡོ ཏཾ བྷིཀྑུནིཾ ཨེཏདཝོཙུཾ – ‘‘ཀིསྶ ཏྭཾ, ཨཡྻེ, པུརིསེན སདྡྷིཾ ནིཀྑནྟཱ’’ཏི? ‘‘ནཱཧཾ, ཨཡྻེ, པུརིསེན སདྡྷིཾ ནིཀྑནྟཱ’’ཏི. བྷིཀྑུནཱིནཾ ཨེཏམཏྠཾ ¶ ཨཱརོཙེསི. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུནཱི ཨེཀཱ རཏྟིཾ ཝིཔྤཝསིསྶཏཱི’’ཏི…པེ… སཙྩཾ ཀིར, བྷིཀྑཝེ, བྷིཀྑུནཱི ཨེཀཱ རཏྟིཾ ཝིཔྤཝསཱིཏི [ཝིཔྤཝསཱིཏི (ཀ.)]? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, བྷིཀྑུནཱི ཨེཀཱ རཏྟིཾ ཝིཔྤཝསིསྶཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

‘‘ཡཱ པན བྷིཀྑུནཱི ཨེཀཱ ཝཱ གཱམནྟརཾ གཙྪེཡྻ, ཨེཀཱ ཝཱ ནདཱིཔཱརཾ གཙྪེཡྻ, ཨེཀཱ ཝཱ རཏྟིཾ ཝིཔྤཝསེཡྻ, ཨཡམྤི བྷིཀྑུནཱི པཋམཱཔཏྟིཀཾ དྷམྨཾ ཨཱཔནྣཱ ནིསྶཱརཎཱིཡཾ སངྒྷཱདིསེས’’ནྟི.

ཨེཝཉྩིདཾ བྷགཝཏཱ བྷིཀྑུནཱིནཾ སིཀྑཱཔདཾ པཉྙཏྟཾ ཧོཏི.

༦༩༠. ཏེན ཁོ པན སམཡེན སམྦཧུལཱ བྷིཀྑུནིཡོ ཀོསལེསུ ཛནཔདེ སཱཝཏྠིཾ ཨདྡྷཱནམགྒཔྤཊིཔནྣཱ ཧོནྟི. ཏཏྠ ཨཉྙཏརཱ བྷིཀྑུནཱི ཝཙྩེན པཱིལི༹ཏཱ ཨེཀིཀཱ ཨོཧཱིཡིཏྭཱ [ཨོཧིཡིཏྭཱ (ཀ.)] པཙྪཱ ཨགམཱསི. མནུསྶཱ ཏཾ བྷིཀྑུནིཾ པསྶིཏྭཱ དཱུསེསུཾ. ཨཐ ཁོ སཱ བྷིཀྑུནཱི ཡེན ཏཱ བྷིཀྑུནིཡོ ཏེནུཔསངྐམི. བྷིཀྑུནིཡོ ཏཾ བྷིཀྑུནིཾ ཨེཏདཝོཙུཾ – ‘‘ཀིསྶ ཏྭཾ, ཨཡྻེ, ཨེཀིཀཱ ཨོཧཱིནཱ, ཀཙྩིསི ཨཔྤདྷཾསིཏཱ’’ཏི? ‘‘པདྷཾསིཏཱམྷི, ཨཡྻེ’’ཏི. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ཀཐཉྷི ¶ ནཱམ བྷིཀྑུནཱི ཨེཀཱ གཎམྷཱ ཨོཧཱིཡིསྶཏཱིཏི…པེ… སཙྩཾ ཀིར, བྷིཀྑཝེ, བྷིཀྑུནཱི ཨེཀཱ གཎམྷཱ ཨོཧཱིཡཏཱིཏི? ‘‘སཙྩཾ, བྷགཝཱ’’ཏི ¶ . ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, བྷིཀྑུནཱི ཨེཀཱ གཎམྷཱ ཨོཧཱིཡིསྶཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༦༩༡. ‘‘ཡཱ ¶ པན བྷིཀྑུནཱི ཨེཀཱ ཝཱ གཱམནྟརཾ གཙྪེཡྻ, ཨེཀཱ ཝཱ ནདཱིཔཱརཾ གཙྪེཡྻ, ཨེཀཱ ཝཱ རཏྟིཾ ཝིཔྤཝསེཡྻ, ཨེཀཱ ཝཱ གཎམྷཱ ཨོཧཱིཡེཡྻ, ཨཡམྤི བྷིཀྑུནཱི པཋམཱཔཏྟིཀཾ ¶ དྷམྨཾ ཨཱཔནྣཱ ནིསྶཱརཎཱིཡཾ སངྒྷཱདིསེས’’ནྟི.

༦༩༢. ཡཱ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཨེཀཱ ཝཱ གཱམནྟརཾ གཙྪེཡྻཱཏི པརིཀྑིཏྟསྶ གཱམསྶ པརིཀྑེཔཾ པཋམཾ པཱདཾ ཨཏིཀྐཱམེནྟིཡཱ ཨཱཔཏྟི ཐུལླཙྩཡསྶ, དུཏིཡཾ པཱདཾ ཨཏིཀྐཱམེནྟིཡཱ ཨཱཔཏྟི སངྒྷཱདིསེསསྶ.

ཨཔརིཀྑིཏྟསྶ གཱམསྶ ཨུཔཙཱརཾ པཋམཾ པཱདཾ ཨཏིཀྐཱམེནྟིཡཱ ཨཱཔཏྟི ཐུལླཙྩཡསྶ. དུཏིཡཾ པཱདཾ ཨཏིཀྐཱམེནྟིཡཱ ཨཱཔཏྟི སངྒྷཱདིསེསསྶ.

ཨེཀཱ ཝཱ ནདཱིཔཱརཾ གཙྪེཡྻཱཏི ནདཱི ནཱམ ཏིམཎྜལཾ པཊིཙྪཱདེཏྭཱ ཡཏྠ ཀཏྠཙི ཨུཏྟརནྟིཡཱ བྷིཀྑུནིཡཱ ཨནྟརཝཱསཀོ ཏེམིཡཏི. པཋམཾ པཱདཾ ཨུཏྟརནྟིཡཱ ཨཱཔཏྟི ཐུལླཙྩཡསྶ. དུཏིཡཾ པཱདཾ ཨུཏྟརནྟིཡཱ ཨཱཔཏྟི སངྒྷཱདིསེསསྶ.

ཨེཀཱ ཝཱ རཏྟིཾ ཝིཔྤཝསེཡྻཱཏི སཧ ཨརུཎུགྒམནཱ དུཏིཡིཀཱཡ བྷིཀྑུནིཡཱ ཧཏྠཔཱསཾ ཝིཛཧནྟིཡཱ ཨཱཔཏྟི ཐུལླཙྩཡསྶ. ཝིཛཧིཏེ ཨཱཔཏྟི སངྒྷཱདིསེསསྶ.

ཨེཀཱ ཝཱ གཎམྷཱ ཨོཧཱིཡེཡྻཱཏི ཨགཱམཀེ ཨརཉྙེ དུཏིཡིཀཱཡ བྷིཀྑུནིཡཱ དསྶནཱུཔཙཱརཾ ཝཱ ¶ སཝནཱུཔཙཱརཾ ཝཱ ཝིཛཧནྟིཡཱ ཨཱཔཏྟི ཐུལླཙྩཡསྶ. ཝིཛཧིཏེ ཨཱཔཏྟི སངྒྷཱདིསེསསྶ.

ཨཡམྤཱིཏི ¶ པུརིམཱཡོ ཨུཔཱདཱཡ ཝུཙྩཏི.

པཋམཱཔཏྟིཀནྟི སཧ ཝཏྠུཛ྄ཛྷཱཙཱརཱ ཨཱཔཛྫཏི ཨསམནུབྷཱསནཱཡ.

ནིསྶཱརཎཱིཡནྟི སངྒྷམྷཱ ནིསྶཱརཱིཡཏི.

སངྒྷཱདིསེསོཏི…པེ… ཏེནཔི ཝུཙྩཏི སངྒྷཱདིསེསོཏི.

༦༩༣. ཨནཱཔཏྟི དུཏིཡིཀཱ བྷིཀྑུནཱི པཀྐནྟཱ ཝཱ ཧོཏི ཝིབྦྷནྟཱ ཝཱ ཀཱལངྐཏཱ ཝཱ པཀྑསངྐནྟཱ ཝཱ, ཨཱཔདཱསུ, ཨུམྨཏྟིཀཱཡ, ཨཱདིཀམྨིཀཱཡཱཏི.

ཏཏིཡསངྒྷཱདིསེསསིཀྑཱཔདཾ ནིཊྛིཏཾ.

༤. ཙཏུཏྠསངྒྷཱདིསེསསིཀྑཱཔདཾ

༦༩༤. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཙཎྜཀཱལཱི༹ བྷིཀྑུནཱི བྷཎྜནཀཱརིཀཱ ཧོཏི ཀལཧཀཱརིཀཱ ཝིཝཱདཀཱརིཀཱ བྷསྶཀཱརིཀཱ སངྒྷེ ཨདྷིཀརཎཀཱརིཀཱ. ཐུལླནནྡཱ བྷིཀྑུནཱི ཏསྶཱ ཀམྨེ ཀརཱིཡམཱནེ པཊིཀྐོསཏི. ཏེན ཁོ པན སམཡེན ཐུལླནནྡཱ བྷིཀྑུནཱི གཱམཀཾ ཨགམཱསི ཀེནཙིདེཝ ཀརཎཱིཡེན. ཨཐ ཁོ བྷིཀྑུནིསངྒྷོ – ‘‘ཐུལླནནྡཱ བྷིཀྑུནཱི པཀྐནྟཱ’’ཏི ¶ , ཙཎྜཀཱལི༹ཾ བྷིཀྑུནིཾ ཨཱཔཏྟིཡཱ ཨདསྶནེ [ཨདསྶནེན (ཀ.)] ཨུཀྑིཔི. ཐུལླནནྡཱ བྷིཀྑུནཱི གཱམཀེ ཏཾ ཀརཎཱིཡཾ ཏཱིརེཏྭཱ པུནདེཝ སཱཝཏྠིཾ པཙྩཱགཙྪི. ཙཎྜཀཱལཱི༹ ¶ བྷིཀྑུནཱི ཐུལླནནྡཱཡ བྷིཀྑུནིཡཱ ཨཱགཙྪནྟིཡཱ ནེཝ ཨཱསནཾ པཉྙཔེསི ན པཱདོདཀཾ པཱདཔཱིཋཾ པཱདཀཋལིཀཾ ཨུཔནིཀྑིཔི ན པཙྩུགྒནྟྭཱ པཏྟཙཱིཝརཾ པཊིགྒཧེསི ན པཱནཱིཡེན ཨཱཔུཙྪི. ཐུལླནནྡཱ བྷིཀྑུནཱི ཙཎྜཀཱལི༹ཾ བྷིཀྑུནིཾ ཨེཏདཝོཙ – ‘‘ཀིསྶ ཏྭཾ, ཨཡྻེ, མཡི ཨཱགཙྪནྟིཡཱ ནེཝ ཨཱསནཾ པཉྙཔེསི ན པཱདོདཀཾ པཱདཔཱིཋཾ པཱདཀཋལིཀཾ ཨུཔནིཀྑིཔི ན པཙྩུགྒནྟྭཱ པཏྟཙཱིཝརཾ པཊིགྒཧེསི ན པཱནཱིཡེན ཨཱཔུཙྪཱི’’ཏི? ‘‘ཨེཝཉྷེཏཾ, ཨཡྻེ, ཧོཏི ཡཐཱ ཏཾ ཨནཱཐཱཡཱ’’ཏི. ‘‘ཀིསྶ པན ཏྭཾ, ཨཡྻེ, ཨནཱཐཱ’’ཏི? ‘‘ཨིམཱ མཾ, ཨཡྻེ, བྷིཀྑུནིཡོ – ‘‘ཨཡཾ ཨནཱཐཱ ཨཔྤཉྙཱཏཱ, ནཏྠི ཨིམིསྶཱ ཀཱཙི པཊིཝཏྟཱ’’ཏི, ཨཱཔཏྟིཡཱ ཨདསྶནེ [ཨདསྶནེན (ཀ.)] ཨུཀྑིཔིཾསཱུ’’ཏི.

ཐུལླནནྡཱ ¶ བྷིཀྑུནཱི – ‘‘བཱལཱ ཨེཏཱ ཨབྱཏྟཱ ཨེཏཱ, ནེཝ ཛཱནནྟི ཀམྨཾ ཝཱ ཀམྨདོསཾ ཝཱ ཀམྨཝིཔཏྟིཾ ཝཱ ཀམྨསམྤཏྟིཾ ཝཱ. མཡཾ ཁོ ཛཱནཱམ ཀམྨམྤི ཀམྨདོསམྤི ཀམྨཝིཔཏྟིམྤི ཀམྨསམྤཏྟིམྤི. མཡཾ ཁོ ཨཀཏཾ ཝཱ ཀམྨཾ ཀཱརེཡྻཱམ ཀཏཾ ཝཱ ཀམྨཾ ཀོཔེཡྻཱམཱ’’ཏི, ལཧུཾ ལཧུཾ བྷིཀྑུནིསངྒྷཾ སནྣིཔཱཏེཏྭཱ ཙཎྜཀཱལི༹ཾ བྷིཀྑུནིཾ ཨོསཱརེསི. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ ཐུལླནནྡཱ སམགྒེན སངྒྷེན ཨུཀྑིཏྟཾ བྷིཀྑུནིཾ དྷམྨེན ཝིནཡེན སཏྠུསཱསནེན ཨནཔལོཀེཏྭཱ ཀཱརཀསངྒྷཾ ཨནཉྙཱཡ གཎསྶ ཚནྡཾ ཨོསཱརེསྶཏཱི’’ཏི…པེ… སཙྩཾ ཀིར, བྷིཀྑཝེ, ཐུལླནནྡཱ བྷིཀྑུནཱི སམགྒེན སངྒྷེན ཨུཀྑིཏྟཾ བྷིཀྑུནིཾ དྷམྨེན ཝིནཡེན སཏྠུསཱསནེན ཨནཔལོཀེཏྭཱ ¶ ཀཱརཀསངྒྷཾ ཨནཉྙཱཡ གཎསྶ ཚནྡཾ ཨོསཱརེཏཱིཏི [ཨོསཱརེསཱིཏི (ཀ.)]? ‘‘སཙྩཾ ¶ , བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, ཐུལླནནྡཱ བྷིཀྑུནཱི སམགྒེན སངྒྷེན ཨུཀྑིཏྟཾ བྷིཀྑུནིཾ དྷམྨེན ཝིནཡེན སཏྠུསཱསནེན ཨནཔལོཀེཏྭཱ ཀཱརཀསངྒྷཾ ཨནཉྙཱཡ གཎསྶ ཚནྡཾ ཨོསཱརེསྶཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༦༩༥. ‘‘ཡཱ པན བྷིཀྑུནཱི སམགྒེན སངྒྷེན ཨུཀྑིཏྟཾ བྷིཀྑུནིཾ དྷམྨེན ཝིནཡེན སཏྠུསཱསནེན ཨནཔལོཀེཏྭཱ ཀཱརཀསངྒྷཾ ཨནཉྙཱཡ གཎསྶ ཚནྡཾ ཨོསཱརེཡྻ, ཨཡམྤི བྷིཀྑུནཱི པཋམཱཔཏྟིཀཾ དྷམྨཾ ཨཱཔནྣཱ ནིསྶཱརཎཱིཡཾ སངྒྷཱདིསེས’’ནྟི.

༦༩༦. ཡཱ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

སམགྒོ ནཱམ སངྒྷོ སམཱནསཾཝཱསཀོ སམཱནསཱིམཱཡཾ ཋིཏོ.

ཨུཀྑིཏྟཱ ¶ ནཱམ ཨཱཔཏྟིཡཱ ཨདསྶནེ ཝཱ ཨཔྤཊིཀམྨེ ཝཱ ཨཔྤཊིནིསྶགྒེ ཝཱ [ཨདསྶནེན ཝཱ ཨཔྤཊིཀམྨེན ཝཱ ཨཔྤཊིནིསྶགྒེན ཝཱ (ཀ.), ཨདསྶནེ ཝཱ ཨཔྤཊིཀམྨེ ཝཱ པཱཔིཀཱཡ དིཊྛིཡཱ ཨཔྤཊིནིསྶགྒེ ཝཱ (?)] ཨུཀྑིཏྟཱ.

དྷམྨེན ཝིནཡེནཱཏི ཡེན དྷམྨེན ཡེན ཝིནཡེན.

སཏྠུསཱསནེནཱཏི ཛིནསཱསནེན བུདྡྷསཱསནེན.

ཨནཔལོཀེཏྭཱ ¶ ཀཱརཀསངྒྷནྟི ཀམྨཀཱརཀསངྒྷཾ ཨནཱཔུཙྪཱ.

ཨནཉྙཱཡ གཎསྶ ཚནྡནྟི གཎསྶ ཚནྡཾ ཨཛཱནིཏྭཱ.

‘‘ཨོསཱརེསྶཱམཱི’’ཏི གཎཾ ཝཱ པརིཡེསཏི, སཱིམཾ ཝཱ སམྨནྣཏི ¶ , ཨཱཔཏྟི དུཀྐཊསྶ. ཉཏྟིཡཱ དུཀྐཊཾ, དྭཱིཧི ཀམྨཝཱཙཱཧི ཐུལླཙྩཡཱ, ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

ཨཡམྤཱིཏི པུརིམཱཡོ ཨུཔཱདཱཡ ཝུཙྩཏི.

པཋམཱཔཏྟིཀནྟི སཧ ཝཏྠུཛ྄ཛྷཱཙཱརཱ ཨཱཔཛྫཏི ཨསམནུབྷཱསནཱཡ.

ནིསྶཱརཎཱིཡནྟི སངྒྷམྷཱ ནིསྶཱརཱིཡཏི.

སངྒྷཱདིསེསོཏི…པེ… ཏེནཔི ཝུཙྩཏི སངྒྷཱདིསེསོཏི.

༦༩༧. དྷམྨཀམྨེ ¶ དྷམྨཀམྨསཉྙཱ ཨོསཱརེཏི, ཨཱཔཏྟི སངྒྷཱདིསེསསྶ. དྷམྨཀམྨེ ཝེམཏིཀཱ ཨོསཱརེཏི ཨཱཔཏྟི སངྒྷཱདིསེསསྶ. དྷམྨཀམྨེ ཨདྷམྨཀམྨསཉྙཱ ཨོསཱརེཏི, ཨཱཔཏྟི སངྒྷཱདིསེསསྶ.

ཨདྷམྨཀམྨེ དྷམྨཀམྨསཉྙཱ, ཨཱཔཏྟི དུཀྐཊསྶ. ཨདྷམྨཀམྨེ ཝེམཏིཀཱ, ཨཱཔཏྟི དུཀྐཊསྶ. ཨདྷམྨཀམྨེ ཨདྷམྨཀམྨསཉྙཱ, ཨཱཔཏྟི དུཀྐཊསྶ.

༦༩༨. ཨནཱཔཏྟི ཀམྨཀཱརཀསངྒྷཾ ཨཔལོཀེཏྭཱ ཨོསཱརེཏི, གཎསྶ ཚནྡཾ ཛཱནིཏྭཱ ཨོསཱརེཏི, ཝཏྟེ ཝཏྟནྟིཾ ཨོསཱརེཏི, ཨསནྟེ ཀམྨཀཱརཀསངྒྷེ ཨོསཱརེཏི, ཨུམྨཏྟིཀཱཡ, ཨཱདིཀམྨིཀཱཡཱཏི.

ཙཏུཏྠསངྒྷཱདིསེསསིཀྑཱཔདཾ ནིཊྛིཏཾ.

༥. པཉྩམསངྒྷཱདིསེསསིཀྑཱཔདཾ

༦༩༩. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན སུནྡརཱིནནྡཱ བྷིཀྑུནཱི ཨབྷིརཱུཔཱ ཧོཏི དསྶནཱིཡཱ པཱསཱདིཀཱ. མནུསྶཱ བྷཏྟགྒེ སུནྡརཱིནནྡཾ ¶ བྷིཀྑུནིཾ པསྶིཏྭཱ ཨཝསྶུཏཱ ཨཝསྶུཏཱཡ སུནྡརཱིནནྡཱཡ བྷིཀྑུནིཡཱ ཨགྒམགྒཱནི བྷོཛནཱནི དེནྟི. སུནྡརཱིནནྡཱ བྷིཀྑུནཱི ཡཱཝདཏྠཾ བྷུཉྫཏི; ཨཉྙཱ བྷིཀྑུནིཡོ ན ཙིཏྟརཱུཔཾ ལབྷནྟི. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ སུནྡརཱིནནྡཱ ཨཝསྶུཏཱ ཨཝསྶུཏསྶ པུརིསཔུགྒལསྶ ཧཏྠཏོ ཁཱདནཱིཡཾ ཝཱ བྷོཛནཱིཡཾ ¶ ཝཱ སཧཏྠཱ པཊིགྒཧེཏྭཱ ཁཱདིསྶཏི བྷུཉྫིསྶཏཱི’’ཏི…པེ… སཙྩཾ ཀིར, བྷིཀྑཝེ, སུནྡརཱིནནྡཱ བྷིཀྑུནཱི ཨཝསྶུཏཱ ཨཝསྶུཏསྶ པུརིསཔུགྒལསྶ ཧཏྠཏོ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ ཁཱདཏི བྷུཉྫཏཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, སུནྡརཱིནནྡཱ བྷིཀྑུནཱི ཨཝསྶུཏཱ ཨཝསྶུཏསྶ པུརིསཔུགྒལསྶ ཧཏྠཏོ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ ཁཱདིསྶཏི བྷུཉྫིསྶཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༧༠༠. ‘‘ཡཱ ¶ པན བྷིཀྑུནཱི ཨཝསྶུཏཱ ཨཝསྶུཏསྶ པུརིསཔུགྒལསྶ ཧཏྠཏོ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ ཁཱདེཡྻ ཝཱ བྷུཉྫེཡྻ ཝཱ, ཨཡམྤི བྷིཀྑུནཱི པཋམཱཔཏྟིཀཾ དྷམྨཾ ཨཱཔནྣཱ ནིསྶཱརཎཱིཡཾ སངྒྷཱདིསེས’’ནྟི.

༧༠༡. ཡཱ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཨཝསྶུཏཱ ནཱམ སཱརཏྟཱ ཨཔེཀྑཝཏཱི པཊིབདྡྷཙིཏྟཱ.

ཨཝསྶུཏོ ནཱམ སཱརཏྟོ ཨཔེཀྑཝཱ པཊིབདྡྷཙིཏྟོ.

པུརིསཔུགྒལོ ¶ ནཱམ མནུསྶཔུརིསོ, ན ཡཀྑོ ན པེཏོ ན ཏིརཙྪཱནགཏོ, ཝིཉྙཱུ པཊིབལོ སཱརཛྫིཏུཾ.

ཁཱདནཱིཡཾ ¶ ནཱམ པཉྩ བྷོཛནཱནི – ཨུདཀདནྟཔོནཾ ཋཔེཏྭཱ ཨཝསེསཾ ཁཱདནཱིཡཾ ནཱམ.

བྷོཛནཱིཡཾ ནཱམ པཉྩ བྷོཛནཱནི – ཨོདནོ, ཀུམྨཱསོ, སཏྟུ, མཙྪོ, མཾསཾ.

‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི ཐུལླཙྩཡསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི སངྒྷཱདིསེསསྶ.

ཨཡམྤཱིཏི པུརིམཱཡོ ཨུཔཱདཱཡ ཝུཙྩཏི.

པཋམཱཔཏྟིཀནྟི སཧ ཝཏྠུཛ྄ཛྷཱཙཱརཱ ཨཱཔཛྫཏི ཨསམནུབྷཱསནཱཡ.

ནིསྶཱརཎཱིཡནྟི སངྒྷམྷཱ ནིསྶཱརཱིཡཏི.

སངྒྷཱདིསེསོཏི…པེ… ཏེནཔི ཝུཙྩཏི སངྒྷཱདིསེསོཏི.

ཨུདཀདནྟཔོནཾ པཊིགྒཎྷཱཏི, ཨཱཔཏྟི དུཀྐཊསྶ. ཨེཀཏོཨཝསྶུཏེ ‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ.

༧༠༢. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི ཐུལླཙྩཡསྶ. ཨུདཀདནྟཔོནཾ པཊིགྒཎྷཱཏི, ཨཱཔཏྟི དུཀྐཊསྶ. ཨུབྷཏོཨཝསྶུཏེ ཡཀྑསྶ ཝཱ པེཏསྶ ཝཱ པཎྜཀསྶ ཝཱ ཏིརཙྪཱནགཏམནུསྶཝིགྒཧསྶ ཝཱ ཧཏྠཏོ ‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ¶ ཨཱཔཏྟི ཐུལླཙྩཡསྶ. ཨུདཀདནྟཔོནཾ པཊིགྒཎྷཱཏི, ཨཱཔཏྟི དུཀྐཊསྶ. ཨེཀཏོཨཝསྶུཏེ ‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི དུཀྐཊསྶ. ཨུདཀདནྟཔོནཾ པཊིགྒཎྷཱཏི, ཨཱཔཏྟི དུཀྐཊསྶ.

༧༠༣. ཨནཱཔཏྟི ¶ ¶ ཨུབྷཏོཨནཝསྶུཏཱ ཧོནྟི, ‘‘ཨནཝསྶུཏོ’’ཏི ཛཱནནྟཱི པཊིགྒཎྷཱཏི, ཨུམྨཏྟིཀཱཡ, ཨཱདིཀམྨིཀཱཡཱཏི.

པཉྩམསངྒྷཱདིསེསསིཀྑཱཔདཾ ནིཊྛིཏཾ.

༦. ཚཊྛསངྒྷཱདིསེསསིཀྑཱཔདཾ

༧༠༤. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན སུནྡརཱིནནྡཱ བྷིཀྑུནཱི ཨབྷིརཱུཔཱ ཧོཏི དསྶནཱིཡཱ པཱསཱདིཀཱ. མནུསྶཱ བྷཏྟགྒེ སུནྡརཱིནནྡཾ བྷིཀྑུནིཾ པསྶིཏྭཱ ཨཝསྶུཏཱ སུནྡརཱིནནྡཱཡ བྷིཀྑུནིཡཱ ཨགྒམགྒཱནི བྷོཛནཱནི དེནྟི. སུནྡརཱིནནྡཱ བྷིཀྑུནཱི ཀུཀྐུཙྩཱཡནྟཱི ན པཊིགྒཎྷཱཏི. ཨནནྟརིཀཱ བྷིཀྑུནཱི སུནྡརཱིནནྡཾ བྷིཀྑུནིཾ ཨེཏདཝོཙ – ‘‘ཀིསྶ ཏྭཾ, ཨཡྻེ, ན པཊིགྒཎྷཱསཱི’’ཏི? ‘‘ཨཝསྶུཏཱ, ཨཡྻེ’’ཏི. ‘‘ཏྭཾ པན, ཨཡྻེ, ཨཝསྶུཏཱ’’ཏི? ‘‘ནཱཧཾ, ཨཡྻེ, ཨཝསྶུཏཱ’’ཏི. ‘‘ཀིཾ ཏེ, ཨཡྻེ, ཨེསོ པུརིསཔུགྒལོ ཀརིསྶཏི ཨཝསྶུཏོ ཝཱ ཨནཝསྶུཏོ ཝཱ, ཡཏོ ཏྭཾ ཨནཝསྶུཏཱ. ཨིངྒྷཾ, ཨཡྻེ, ཡཾ ཏེ ཨེསོ པུརིསཔུགྒལོ དེཏི ཁཱདནཱིཡཾ ཝཱ ¶ བྷོཛནཱིཡཾ ཝཱ ཏཾ ཏྭཾ སཧཏྠཱ པཊིགྒཧེཏྭཱ ཁཱད ཝཱ, བྷུཉྫ ཝཱ’’ཏི.

ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུནཱི ཨེཝཾ ཝཀྑཏི – ‘ཀིཾ ཏེ, ཨཡྻེ, ཨེསོ པུརིསཔུགྒལོ ཀརིསྶཏི ཨཝསྶུཏོ ཝཱ ཨནཝསྶུཏོ ཝཱ, ཡཏོ ཏྭཾ ཨནཝསྶུཏཱ. ཨིངྒྷ, ཨཡྻེ, ཡཾ ཏེ ཨེསོ པུརིསཔུགྒལོ དེཏི ཁཱདནཱིཡཾ ཝཱ བྷོཛནཱིཡཾ ཝཱ ཏཾ ཏྭཾ སཧཏྠཱ པཊིགྒཧེཏྭཱ ཁཱད ཝཱ བྷུཉྫ ཝཱ’’ཏི…པེ… སཙྩཾ ཀིར, བྷིཀྑཝེ, བྷིཀྑུནཱི ཨེཝཾ ཝདེཏི – ‘‘ཀིཾ ཏེ, ཨཡྻེ, ཨེསོ པུརིསཔུགྒལོ ཀརིསྶཏི ཨཝསྶུཏོ ཝཱ ཨནཝསྶུཏོ ཝཱ ཡཏོ ཏྭཾ ཨནཝསྶུཏཱ! ཨིངྒྷ, ཨཡྻེ, ཡཾ ཏེ ཨེསོ པུརིསཔུགྒལོ དེཏི ཁཱདནཱིཡཾ ཝཱ བྷོཛནཱིཡཾ ཝཱ ཏཾ ཏྭཾ སཧཏྠཱ པཊིགྒཧེཏྭཱ ཁཱད ཝཱ བྷུཉྫ ཝཱ’’ཏི? ‘‘སཙྩཾ, བྷགཝཱ’’ཏི. ཝིགརཧི ¶ བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, བྷིཀྑུནཱི ཨེཝཾ ཝཀྑཏི – ‘‘ཀིཾ ཏེ, ཨཡྻེ, ཨེསོ པུརིསཔུགྒལོ ཀརིསྶཏི ཨཝསྶུཏོ ཝཱ ཨནཝསྶུཏོ ཝཱ ཡཏོ ཏྭཾ ཨནཝསྶུཏཱ; ཨིངྒྷ, ཨཡྻེ, ཡཾ ཏེ ཨེསོ པུརིསཔུགྒལོ དེཏི ཁཱདནཱིཡཾ ཝཱ བྷོཛནཱིཡཾ ཝཱ ཏཾ ཏྭཾ སཧཏྠཱ པཊིགྒཧེཏྭཱ ཁཱད ཝཱ བྷུཉྫ ཝཱ’’. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༧༠༥. ‘‘ཡཱ པན བྷིཀྑུནཱི ཨེཝཾ ཝདེཡྻ – ‘ཀིཾ ཏེ, ཨཡྻེ, ཨེསོ པུརིསཔུགྒལོ ཀརིསྶཏི ཨཝསྶུཏོ ཝཱ ཨནཝསྶུཏོ ཝཱ, ཡཏོ ཏྭཾ ཨནཝསྶུཏཱ. ཨིངྒྷ, ཨཡྻེ, ཡཾ ཏེ ཨེསོ པུརིསཔུགྒལོ དེཏི ཁཱདནཱིཡཾ ཝཱ བྷོཛནཱིཡཾ ཝཱ ཏཾ ཏྭཾ སཧཏྠཱ པཊིགྒཧེཏྭཱ ཁཱད ཝཱ བྷུཉྫ ཝཱ’ཏི, ཨཡམྤི བྷིཀྑུནཱི པཋམཱཔཏྟིཀཾ དྷམྨཾ ཨཱཔནྣཱ ནིསྶཱརཎཱིཡཾ སངྒྷཱདིསེས’’ནྟི.

༧༠༦. ཡཱ ¶ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཨེཝཾ ཝདེཡྻཱཏི – ‘‘ཀིཾ ཏེ, ཨཡྻེ, ཨེསོ པུརིསཔུགྒལོ ཀརིསྶཏི ཨཝསྶུཏོ ཝཱ ཨནཝསྶུཏོ ཝཱ, ཡཏོ ཏྭཾ ¶ ཨནཝསྶུཏཱ. ཨིངྒྷ, ཨཡྻེ, ཡཾ ཏེ ཨེསོ པུརིསཔུགྒལོ དེཏི ཁཱདནཱིཡཾ ཝཱ བྷོཛནཱིཡཾ ཝཱ ཏཾ ཏྭཾ སཧཏྠཱ པཊིགྒཧེཏྭཱ ཁཱད ཝཱ བྷུཉྫ ཝཱ’’ཏི ཨུཡྻོཛེཏི, ཨཱཔཏྟི དུཀྐཊསྶ. ཏསྶཱ ཝཙནེན ‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ¶ ཨཱཔཏྟི ཐུལླཙྩཡསྶ. བྷོཛནཔརིཡོསཱནེ ཨཱཔཏྟི སངྒྷཱདིསེསསྶ.

ཨཡམྤཱིཏི པུརིམཱཡོ ཨུཔཱདཱཡ ཝུཙྩཏི.

པཋམཱཔཏྟིཀནྟི སཧ ཝཏྠུཛ྄ཛྷཱཙཱརཱ ཨཱཔཛྫཏི ཨསམནུབྷཱསནཱཡ.

ནིསྶཱརཎཱིཡནྟི སངྒྷམྷཱ ནིསྶཱརཱིཡཏི.

སངྒྷཱདིསེསོཏི…པེ… ཏེནཔི ཝུཙྩཏི སངྒྷཱདིསེསོཏི.

ཨུདཀདནྟཔོནཾ ‘‘པཊིགྒཎྷཱ’’ཏི ཨུཡྻོཛེཏི, ཨཱཔཏྟི དུཀྐཊསྶ. ཏསྶཱ ཝཙནེན ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ.

༧༠༧. ཨེཀཏོཨཝསྶུཏེ ¶ ཡཀྑསྶ ཝཱ པེཏསྶ ཝཱ པཎྜཀསྶ ཝཱ ཏིརཙྪཱནགཏམནུསྶཝིགྒཧསྶ ཝཱ ཧཏྠཏོ ཁཱདནཱིཡཾ ཝཱ བྷོཛནཱིཡཾ ཝཱ ‘‘ཁཱད ཝཱ བྷུཉྫ ཝཱ’’ཏི ཨུཡྻོཛེཏི, ཨཱཔཏྟི དུཀྐཊསྶ. ཏསྶཱ ཝཙནེན ‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ. ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི དུཀྐཊསྶ. བྷོཛནཔརིཡོསཱནེ ཨཱཔཏྟི ཐུལླཙྩཡསྶ. ཨུདཀདནྟཔོནཾ པཊིགྒཎྷཱཏི ཨུཡྻོཛེཏི, ཨཱཔཏྟི དུཀྐཊསྶ. ཏསྶཱ ཝཙནེན ‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ.

༧༠༨. ཨནཱཔཏྟི ‘‘ཨནཝསྶུཏོ’’ཏི ཛཱནནྟཱི ཨུཡྻོཛེཏི, ‘‘ཀུཔིཏཱ ན ¶ པཊིགྒཎྷཱཏཱི’’ཏི ¶ ཨུཡྻོཛེཏི, ‘‘ཀུལཱནུདྡཡཏཱཡ ན པཊིགྒཎྷཱཏཱི’’ཏི ཨུཡྻོཛེཏི, ཨུམྨཏྟིཀཱཡ, ཨཱདིཀམྨིཀཱཡཱཏི.

ཚཊྛསངྒྷཱདིསེསསིཀྑཱཔདཾ ནིཊྛིཏཾ.

༧. སཏྟམསངྒྷཱདིསེསསིཀྑཱཔདཾ

༧༠༩. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཙཎྜཀཱལཱི༹ བྷིཀྑུནཱི བྷིཀྑུནཱིཧི སདྡྷིཾ བྷཎྜིཏྭཱ ཀུཔིཏཱ ཨནཏྟམནཱ ཨེཝཾ ཝདེཏི – ‘‘བུདྡྷཾ པཙྩཱཙིཀྑཱམི, དྷམྨཾ པཙྩཱཙིཀྑཱམི, སངྒྷཾ པཙྩཱཙིཀྑཱམི, སིཀྑཾ པཙྩཱཙིཀྑཱམི. ཀིནྣུམཱཝ སམཎིཡོ ཡཱ སམཎིཡོ སཀྱདྷཱིཏརོ, སནྟཉྙཱཔི སམཎིཡོ ལཛྫིནིཡོ ཀུཀྐུཙྩིཀཱ སིཀྑཱཀཱམཱ ཏཱསཱཧཾ སནྟིཀེ བྲཧྨཙརིཡཾ ཙརིསྶཱམཱི’’ཏི. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ ཙཎྜཀཱལཱི༹ [ཙཎྜཀཱལཱི༹ བྷིཀྑུནཱི (ཀ.)] ཀུཔིཏཱ ཨནཏྟམནཱ ཨེཝཾ ཝཀྑཏི – བུདྡྷཾ པཙྩཱཙིཀྑཱམི…པེ… སིཀྑཾ པཙྩཱཙིཀྑཱམི. ཀིནྣུམཱཝ སམཎིཡོ ཡཱ སམཎིཡོ སཀྱདྷཱིཏརོ, སནྟཉྙཱཔི སམཎིཡོ ལཛྫིནིཡོ ཀུཀྐུཙྩིཀཱ སིཀྑཱཀཱམཱ ཏཱསཱཧཾ སནྟིཀེ བྲཧྨཙརིཡཾ ཙརིསྶཱམཱི’’ཏི…པེ… སཙྩཾ ཀིར, བྷིཀྑཝེ, ཙཎྜཀཱལཱི༹ བྷིཀྑུནཱི ཀུཔིཏཱ ཨནཏྟམནཱ ཨེཝཾ ཝདེཏི – ‘‘བུདྡྷཾ པཙྩཱཙིཀྑཱམི…པེ… སིཀྑཾ པཙྩཱཙིཀྑཱམི. ཀིནྣུམཱཝ སམཎིཡོ ཡཱ སམཎིཡོ སཀྱདྷཱིཏརོ, སནྟཉྙཱཔི སམཎིཡོ ལཛྫིནིཡོ ཀུཀྐུཙྩིཀཱ ¶ སིཀྑཱཀཱམཱ, ཏཱསཱཧཾ སནྟིཀེ བྲཧྨཙརིཡཾ ཙརིསྶཱམཱི’’ཏི ¶ ? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, ཙཎྜཀཱལཱི༹ བྷིཀྑུནཱི ཀུཔིཏཱ ཨནཏྟམནཱ ཨེཝཾ ¶ ཝཀྑཏི – ‘‘བུདྡྷཾ པཙྩཱཙིཀྑཱམི…པེ… སིཀྑཾ པཙྩཱཙིཀྑཱམི. ཀིནྣུམཱཝ སམཎིཡོ ཡཱ སམཎིཡོ སཀྱདྷཱིཏརོ, སནྟཉྙཱཔི སམཎིཡོ ལཛྫིནིཡོ ཀུཀྐུཙྩིཀཱ སིཀྑཱཀཱམཱ, ཏཱསཱཧཾ སནྟིཀེ བྲཧྨཙརིཡཾ ཙརིསྶཱམཱི’’ཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༧༡༠. ‘‘ཡཱ པན བྷིཀྑུནཱི ཀུཔིཏཱ ཨནཏྟམནཱ ཨེཝཾ ཝདེཡྻ – ‘བུདྡྷཾ པཙྩཱཙིཀྑཱམི, དྷམྨཾ པཙྩཱཙིཀྑཱམི, སངྒྷཾ པཙྩཱཙིཀྑཱམི, སིཀྑཾ པཙྩཱཙིཀྑཱམི. ཀིནྣུམཱཝ སམཎིཡོ ཡཱ སམཎིཡོ སཀྱདྷཱིཏརོ! སནྟཉྙཱཔི སམཎིཡོ ལཛྫིནིཡོ ཀུཀྐུཙྩིཀཱ སིཀྑཱཀཱམཱ, ཏཱསཱཧཾ སནྟིཀེ ¶ བྲཧྨཙརིཡཾ ཙརིསྶཱམཱི’ཏི, སཱ བྷིཀྑུནཱི བྷིཀྑུནཱིཧི ཨེཝམསྶ ཝཙནཱིཡཱ – ‘མཱཡྻེ, ཀུཔིཏཱ ཨནཏྟམནཱ ཨེཝཾ ཨཝཙ – བུདྡྷཾ པཙྩཱཙིཀྑཱམི, དྷམྨཾ པཙྩཱཙིཀྑཱམི, སངྒྷཾ པཙྩཱཙིཀྑཱམི, སིཀྑཾ པཙྩཱཙིཀྑཱམི. ཀིནྣུམཱཝ སམཎིཡོ ཡཱ སམཎིཡོ སཀྱདྷཱིཏརོ! སནྟཉྙཱཔི སམཎིཡོ ལཛྫིནིཡོ ཀུཀྐུཙྩིཀཱ སིཀྑཱཀཱམཱ, ཏཱསཱཧཾ སནྟིཀེ བྲཧྨཙརིཡཾ ཙརིསྶཱམཱིཏི, ཨབྷིརམཱཡྻེ, སྭཱཀྑཱཏོ དྷམྨོ; ཙར བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’ཏི. ཨེཝཉྩ སཱ བྷིཀྑུནཱི བྷིཀྑུནཱིཧི ཝུཙྩམཱནཱ ཏཐེཝ པགྒཎྷེཡྻ, སཱ བྷིཀྑུནཱི བྷིཀྑུནཱིཧི ཡཱཝཏཏིཡཾ སམནུབྷཱསིཏབྦཱ ཏསྶ པཊིནིསྶགྒཱཡ. ཡཱཝཏཏིཡཉྩེ སམནུབྷཱསཱིཡམཱནཱ ཏཾ པཊིནིསྶཛྫེཡྻ ཨིཙྩེཏཾ ཀུསལཾ; ནོ ཙེ པཊིནིསྶཛྫེཡྻ ¶ , ཨཡམྤི བྷིཀྑུནཱི ཡཱཝཏཏིཡཀཾ དྷམྨཾ ཨཱཔནྣཱ ནིསྶཱརཎཱིཡཾ སངྒྷཱདིསེས’’ནྟི.

༧༡༡. ཡཱ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཀུཔིཏཱ ཨནཏྟམནཱཏི ཨནབྷིརདྡྷཱ ཨཱཧཏཙིཏྟཱ ཁིལཛཱཏཱ.

ཨེཝཾ ཝདེཡྻཱཏི – ‘‘བུདྡྷཾ པཙྩཱཙིཀྑཱམི…པེ… སིཀྑཾ པཙྩཱཙིཀྑཱམི. ཀིནྣུམཱཝ སམཎིཡོ ཡཱ སམཎིཡོ སཀྱདྷཱིཏརོ! སནྟཉྙཱཔི སམཎིཡོ ལཛྫིནིཡོ ཀུཀྐུཙྩིཀཱ སིཀྑཱཀཱམཱ, ཏཱསཱཧཾ སནྟིཀེ བྲཧྨཙརིཡཾ ཙརིསྶཱམཱི’’ཏི.

སཱ ¶ བྷིཀྑུནཱིཏི ཡཱ སཱ ཨེཝཾཝཱདིནཱི བྷིཀྑུནཱི. བྷིཀྑུནཱིཧཱིཏི ཨཉྙཱཧི བྷིཀྑུནཱིཧི.

ཡཱ པསྶནྟི ཡཱ སུཎནྟི ཏཱཧི ཝཏྟབྦཱ – ‘‘མཱཡྻེ, ཀུཔིཏཱ ཨནཏྟམནཱ ཨེཝཾ ཨཝཙ – ‘བུདྡྷཾ པཙྩཱཙིཀྑཱམི…པེ… སིཀྑཾ པཙྩཱཙིཀྑཱམི. ཀིནྣུམཱཝ སམཎིཡོ ཡཱ སམཎིཡོ སཀྱདྷཱིཏརོ! སནྟཉྙཱཔི སམཎིཡོ ལཛྫིནིཡོ ཀུཀྐུཙྩིཀཱ སིཀྑཱཀཱམཱ, ཏཱསཱཧཾ སནྟིཀེ བྲཧྨཙརིཡཾ ཙརིསྶཱམཱི’ཏི. ཨབྷིརམཱཡྻེ, སྭཱཀྑཱཏོ དྷམྨོ; ཙར བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. དུཏིཡམྤི ཝཏྟབྦཱ. ཏཏིཡམྤི ཝཏྟབྦཱ. སཙེ པཊིནིསྶཛྫཏི ཨིཙྩེཏཾ ཀུསལཾ, ནོ ཙེ པཊིནིསྶཛྫཏི ཨཱཔཏྟི དུཀྐཊསྶ. སུཏྭཱ ན ཝདནྟི, ཨཱཔཏྟི དུཀྐཊསྶ. སཱ བྷིཀྑུནཱི སངྒྷམཛ྄ཛྷམྤི ཨཱཀཌྜྷིཏྭཱ ཝཏྟབྦཱ – ‘‘མཱཡྻེ, ཀུཔིཏཱ ཨནཏྟམནཱ ཨེཝཾ ཨཝཙ – ‘བུདྡྷཾ པཙྩཱཙིཀྑཱམི…པེ… སིཀྑཾ པཙྩཱཙིཀྑཱམི ¶ . ཀིནྣུམཱཝ ¶ སམཎིཡོ ཡཱ སམཎིཡོ སཀྱདྷཱིཏརོ! སནྟཉྙཱཔི སམཎིཡོ ལཛྫིནིཡོ ཀུཀྐུཙྩིཀཱ སིཀྑཱཀཱམཱ, ཏཱསཱཧཾ སནྟིཀེ བྲཧྨཙརིཡཾ ཙརིསྶཱམཱི’ཏི. ཨབྷིརམཱཡྻེ, སྭཱཀྑཱཏོ དྷམྨོ; ཙར བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. དུཏིཡམྤི ཝཏྟབྦཱ. ཏཏིཡམྤི ཝཏྟབྦཱ. སཙེ པཊིནིསྶཛྫཏི ཨིཙྩེཏཾ ཀུསལཾ, ནོ ཙེ པཊིནིསྶཛྫཏི ཨཱཔཏྟི དུཀྐཊསྶ. སཱ བྷིཀྑུནཱི སམནུབྷཱསིཏབྦཱ. ཨེཝཉྩ པན, བྷིཀྑཝེ, སམནུབྷཱསིཏབྦཱ. བྱཏྟཱཡ བྷིཀྑུནིཡཱ པཊིབལཱཡ སངྒྷོ ཉཱཔེཏབྦོ –

༧༡༢. ‘‘སུཎཱཏུ མེ, ཨཡྻེ, སངྒྷོ. ཨཡཾ ཨིཏྠནྣཱམཱ བྷིཀྑུནཱི ཀུཔིཏཱ ཨནཏྟམནཱ ཨེཝཾ ཝདེཏི – ‘བུདྡྷཾ པཙྩཱཙིཀྑཱམི, དྷམྨཾ པཙྩཱཙིཀྑཱམི, སངྒྷཾ པཙྩཱཙིཀྑཱམི, སིཀྑཾ པཙྩཱཙིཀྑཱམི. ཀིནྣུམཱཝ སམཎིཡོ ཡཱ སམཎིཡོ སཀྱདྷཱིཏརོ! སནྟཉྙཱཔི སམཎིཡོ ལཛྫིནིཡོ ཀུཀྐུཙྩིཀཱ སིཀྑཱཀཱམཱ ཏཱསཱཧཾ སནྟིཀེ བྲཧྨཙརིཡཾ ཙརིསྶཱམཱི’ཏི. སཱ ཏཾ ཝཏྠུཾ ན པཊིནིསྶཛྫཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུནིཾ ¶ སམནུབྷཱསེཡྻ ཏསྶ ཝཏྠུསྶ པཊིནིསྶགྒཱཡ. ཨེསཱ ཉཏྟི.

‘‘སུཎཱཏུ མེ, ཨཡྻེ, སངྒྷོ. ཨཡཾ ཨིཏྠནྣཱམཱ བྷིཀྑུནཱི ཀུཔིཏཱ ཨནཏྟམནཱ ཨེཝཾ ཝདེཏི – ‘བུདྡྷཾ པཙྩཱཙིཀྑཱམི…པེ… སིཀྑཾ པཙྩཱཙིཀྑཱམི. ཀིནྣུམཱཝ སམཎིཡོ ཡཱ སམཎིཡོ སཀྱདྷཱིཏརོ! སནྟཉྙཱཔི སམཎིཡོ ལཛྫིནིཡོ ཀུཀྐུཙྩིཀཱ སིཀྑཱཀཱམཱ, ཏཱསཱཧཾ ¶ སནྟིཀེ བྲཧྨཙརིཡཾ ཙརིསྶཱམཱི’ཏི ¶ . སཱ ཏཾ ཝཏྠུཾ ན པཊིནིསྶཛྫཏི. སངྒྷོ ཨིཏྠནྣཱམཾ བྷིཀྑུནིཾ སམནུབྷཱསཏི ཏསྶ ཝཏྠུསྶ པཊིནིསྶགྒཱཡ. ཡསྶཱ ཨཡྻཱཡ ཁམཏི ཨིཏྠནྣཱམཱཡ བྷིཀྑུནིཡཱ སམནུབྷཱསནཱ ཏསྶ ཝཏྠུསྶ པཊིནིསྶགྒཱཡ, སཱ ཏུཎྷསྶ; ཡསྶཱ ནཀྑམཏི སཱ, བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘སམནུབྷཊྛཱ སངྒྷེན ཨིཏྠནྣཱམཱ བྷིཀྑུནཱི ཏསྶ ཝཏྠུསྶ པཊིནིསྶགྒཱཡ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཉཏྟིཡཱ དུཀྐཊཾ. དྭཱིཧི ཀམྨཝཱཙཱཧི ཐུལླཙྩཡཱ. ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ. སངྒྷཱདིསེསཾ ཨཛ྄ཛྷཱཔཛྫནྟིཡཱ ཉཏྟིཡཱ དུཀྐཊཾ, དྭཱིཧི ཀམྨཝཱཙཱཧི ཐུལླཙྩཡཱ པཊིཔྤསྶམྦྷནྟི.

ཨཡམྤཱིཏི ¶ པུརིམཱཡོ ཨུཔཱདཱཡ ཝུཙྩཏི.

ཡཱཝཏཏིཡཀནྟི ཡཱཝཏཏིཡཾ སམནུབྷཱསནཱཡ ཨཱཔཛྫཏི, ན སཧ ཝཏྠུཛ྄ཛྷཱཙཱརཱ.

ནིསྶཱརཎཱིཡནྟི སངྒྷམྷཱ ནིསྶཱརཱིཡཏི.

སངྒྷཱདིསེསོཏི…པེ… ཏེནཔི ཝུཙྩཏི སངྒྷཱདིསེསོཏི.

༧༡༣. དྷམྨཀམྨེ དྷམྨཀམྨསཉྙཱ ན པཊིནིསྶཛྫཏི, ཨཱཔཏྟི སངྒྷཱདིསེསསྶ. དྷམྨཀམྨེ ཝེམཏིཀཱ ན པཊིནིསྶཛྫཏི, ཨཱཔཏྟི སངྒྷཱདིསེསསྶ. དྷམྨཀམྨེ ཨདྷམྨཀམྨསཉྙཱ ན པཊིནིསྶཛྫཏི, ཨཱཔཏྟི སངྒྷཱདིསེསསྶ.

ཨདྷམྨཀམྨེ དྷམྨཀམྨསཉྙཱ, ཨཱཔཏྟི དུཀྐཊསྶ ¶ . ཨདྷམྨཀམྨེ ཝེམཏིཀཱ, ཨཱཔཏྟི དུཀྐཊསྶ. ཨདྷམྨཀམྨེ ཨདྷམྨཀམྨསཉྙཱ, ཨཱཔཏྟི དུཀྐཊསྶ.

༧༡༤. ཨནཱཔཏྟི ཨསམནུབྷཱསནྟིཡཱ, པཊིནིསྶཛྫནྟིཡཱ, ཨུམྨཏྟིཀཱཡ, ཨཱདིཀམྨིཀཱཡཱཏི.

སཏྟམསངྒྷཱདིསེསསིཀྑཱཔདཾ ནིཊྛིཏཾ.

༨. ཨཊྛམསངྒྷཱདིསེསསིཀྑཱཔདཾ

༧༡༥. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཙཎྜཀཱལཱི༹ བྷིཀྑུནཱི ཀིསྨིཉྩིདེཝ ཨདྷིཀརཎེ པཙྩཱཀཏཱ ཀུཔིཏཱ ཨནཏྟམནཱ ཨེཝཾ ཝདེཏི – ‘‘ཚནྡགཱམིནིཡོ ཙ ¶ བྷིཀྑུནིཡོ, དོསགཱམིནིཡོ ཙ བྷིཀྑུནིཡོ, མོཧགཱམིནིཡོ ཙ བྷིཀྑུནིཡོ, བྷཡགཱམིནིཡོ ཙ བྷིཀྑུནིཡོ’’ཏི. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ ཙཎྜཀཱལཱི༹ ཀིསྨིཉྩིདེཝ ཨདྷིཀརཎེ པཙྩཱཀཏཱ ཀུཔིཏཱ ཨནཏྟམནཱ ཨེཝཾ ཝཀྑཏི – ཚནྡགཱམིནིཡོ ཙ བྷིཀྑུནིཡོ…པེ… བྷཡགཱམིནིཡོ ཙ བྷིཀྑུནིཡོ’’ཏི…པེ… སཙྩཾ ཀིར, བྷིཀྑཝེ, ཙཎྜཀཱལཱི༹ བྷིཀྑུནཱི ཀིསྨིཉྩིདེཝ ཨདྷིཀརཎེ པཙྩཱཀཏཱ ཀུཔིཏཱ ཨནཏྟམནཱ ¶ ཨེཝཾ ཝདེཏི – ‘‘ཚནྡགཱམིནིཡོ ཙ བྷིཀྑུནིཡོ…པེ… བྷཡགཱམིནིཡོ ཙ བྷིཀྑུནིཡོ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, ཙཎྜཀཱལཱི༹ བྷིཀྑུནཱི ཀིསྨིཉྩིདེཝ ¶ ཨདྷིཀརཎེ པཙྩཱཀཏཱ ཀུཔིཏཱ ཨནཏྟམནཱ ཨེཝཾ ཝཀྑཏི – ‘‘ཚནྡགཱམིནིཡོ ཙ བྷིཀྑུནིཡོ…པེ… བྷཡགཱམིནིཡོ ཙ བྷིཀྑུནིཡོ’’ཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༧༡༦. ‘‘ཡཱ པན བྷིཀྑུནཱི ཀིསྨིཉྩིདེཝ ཨདྷིཀརཎེ པཙྩཱཀཏཱ ཀུཔིཏཱ ཨནཏྟམནཱ ཨེཝཾ ཝདེཡྻ – ‘ཚནྡགཱམིནིཡོ ཙ བྷིཀྑུནིཡོ, དོསགཱམིནིཡོ ཙ བྷིཀྑུནིཡོ, མོཧགཱམིནིཡོ ཙ བྷིཀྑུནིཡོ, བྷཡགཱམིནིཡོ ཙ བྷིཀྑུནིཡོ’ཏི, སཱ བྷིཀྑུནཱི བྷིཀྑུནཱིཧི ཨེཝམསྶ ཝཙནཱིཡཱ – ‘མཱཡྻེ, ཀིསྨིཉྩིདེཝ ཨདྷིཀརཎེ པཙྩཱཀཏཱ ཀུཔིཏཱ ཨནཏྟམནཱ ཨེཝཾ ཨཝཙ – ཚནྡགཱམིནིཡོ ཙ བྷིཀྑུནིཡོ དོསགཱམིནིཡོ ཙ བྷིཀྑུནིཡོ མོཧགཱམིནིཡོ ཙ བྷིཀྑུནིཡོ བྷཡགཱམིནིཡོ ཙ བྷིཀྑུནིཡོཏི. ཨཡྻཱ ཁོ ཚནྡཱཔི གཙྪེཡྻ, དོསཱཔི གཙྪེཡྻ, མོཧཱཔི གཙྪེཡྻ, བྷཡཱཔི གཙྪེཡྻཱ’ཏི. ཨེཝཉྩ སཱ བྷིཀྑུནཱི བྷིཀྑུནཱིཧི ཝུཙྩམཱནཱ ཏཐེཝ པགྒཎྷེཡྻ, སཱ བྷིཀྑུནཱི བྷིཀྑུནཱིཧི ཡཱཝཏཏིཡཾ སམནུབྷཱསིཏབྦཱ ཏསྶ པཊིནིསྶགྒཱཡ. ཡཱཝཏཏིཡཉྩེ སམནུབྷཱསཱིཡམཱནཱ ཏཾ པཊིནིསྶཛྫེཡྻ, ཨིཙྩེཏཾ ཀུསལཾ; ནོ ཙེ པཊིནིསྶཛྫེཡྻ, ཨཡམྤི བྷིཀྑུནཱི ཡཱཝཏཏིཡཀཾ དྷམྨཾ ཨཱཔནྣཱ ནིསྶཱརཎཱིཡཾ སངྒྷཱདིསེས’’ནྟི.

༧༡༧. ཡཱ ¶ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཀིསྨིཉྩིདེཝ ཨདྷིཀརཎེཏི ཨདྷིཀརཎཾ ནཱམ ཙཏྟཱརི ཨདྷིཀརཎཱནི – ཝིཝཱདཱདྷིཀརཎཾ, ཨནུཝཱདཱདྷིཀརཎཾ, ཨཱཔཏྟཱདྷིཀརཎཾ, ཀིཙྩཱདྷིཀརཎཾ.

པཙྩཱཀཏཱ ནཱམ པརཱཛིཏཱ ཝུཙྩཏི.

ཀུཔིཏཱ ཨནཏྟམནཱཏི ¶ ཨནབྷིརདྡྷཱ ཨཱཧཏཙིཏྟཱ ཁིལཛཱཏཱ.

ཨེཝཾ ཝདེཡྻཱཏི – ‘‘ཚནྡགཱམིནིཡོ ཙ བྷིཀྑུནིཡོ…པེ… བྷཡགཱམིནིཡོ ཙ བྷིཀྑུནིཡོ’’ཏི.

སཱ ¶ བྷིཀྑུནཱིཏི ཡཱ སཱ ཨེཝཾཝཱདིནཱི བྷིཀྑུནཱི.

བྷིཀྑུནཱིཧཱིཏི ཨཉྙཱཧི བྷིཀྑུནཱིཧི.

ཡཱ པསྶནྟི ཡཱ སུཎནྟི ཏཱཧི ཝཏྟབྦཱ – ‘‘མཱཡྻེ, ཀིསྨིཉྩིདེཝ ཨདྷིཀརཎེ པཙྩཱཀཏཱ ཀུཔིཏཱ ཨནཏྟམནཱ ཨེཝཾ ཨཝཙ – ‘ཚནྡགཱམིནིཡོ ཙ བྷིཀྑུནིཡོ…པེ… བྷཡགཱམིནིཡོ ཙ བྷིཀྑུནིཡོ’ཏི. ཨཡྻཱ ཁོ ཚནྡཱཔི གཙྪེཡྻ…པེ… བྷཡཱཔི གཙྪེཡྻཱ’’ཏི. དུཏིཡམྤི ཝཏྟབྦཱ. ཏཏིཡམྤི ཝཏྟབྦཱ. སཙེ པཊིནིསྶཛྫཏི, ཨིཙྩེཏཾ ཀུསལཾ; ནོ ཙེ པཊིནིསྶཛྫཏི, ཨཱཔཏྟི དུཀྐཊསྶ. སུཏྭཱ ན ཝདནྟི, ཨཱཔཏྟི དུཀྐཊསྶ. སཱ བྷིཀྑུནཱི སངྒྷམཛ྄ཛྷམྤི ཨཱཀཌྜྷིཏྭཱ ཝཏྟབྦཱ – ‘‘མཱཡྻེ, ཀིསྨིཉྩིདེཝ ཨདྷིཀརཎེ པཙྩཱཀཏཱ ཀུཔིཏཱ ཨནཏྟམནཱ ཨེཝཾ ཨཝཙ – ‘ཚནྡགཱམིནིཡོ ཙ བྷིཀྑུནིཡོ…པེ… བྷཡགཱམིནིཡོ ཙ བྷིཀྑུནིཡོ’ཏི. ཨཡྻཱ ཁོ ཚནྡཱཔི གཙྪེཡྻ…པེ… བྷཡཱཔི གཙྪེཡྻཱ’’ཏི. དུཏིཡམྤི ཝཏྟབྦཱ. ཏཏིཡམྤི ཝཏྟབྦཱ. སཙེ པཊིནིསྶཛྫཏི, ཨིཙྩེཏཾ ཀུསལཾ; ནོ ཙེ པཊིནིསྶཛྫཏི, ཨཱཔཏྟི དུཀྐཊསྶ. སཱ བྷིཀྑུནཱི སམནུབྷཱསིཏབྦཱ. ཨེཝཉྩ པན, བྷིཀྑཝེ, སམནུབྷཱསིཏབྦཱ. བྱཏྟཱཡ བྷིཀྑུནིཡཱ པཊིབལཱཡ སངྒྷོ ཉཱཔེཏབྦོ –

༧༡༨. ‘‘སུཎཱཏུ མེ, ཨཡྻེ, སངྒྷོ. ཨཡཾ ཨིཏྠནྣཱམཱ བྷིཀྑུནཱི ཀིསྨིཉྩིདེཝ ཨདྷིཀརཎེ པཙྩཱཀཏཱ ཀུཔིཏཱ ཨནཏྟམནཱ ཨེཝཾ ཝདེཏི – ‘ཚནྡགཱམིནིཡོ ¶ ཙ བྷིཀྑུནིཡོ…པེ… བྷཡགཱམིནིཡོ ཙ བྷིཀྑུནིཡོ’ཏི. སཱ ཏཾ ཝཏྠུཾ ན པཊིནིསྶཛྫཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུནིཾ སམནུབྷཱསེཡྻ ཏསྶ ཝཏྠུསྶ པཊིནིསྶགྒཱཡ. ཨེསཱ ཉཏྟི.

‘‘སུཎཱཏུ ¶ མེ, ཨཡྻེ, སངྒྷོ. ཨཡཾ ཨིཏྠནྣཱམཱ བྷིཀྑུནཱི ཀིསྨིཉྩིདེཝ ཨདྷིཀརཎེ པཙྩཱཀཏཱ ཀུཔིཏཱ ཨནཏྟམནཱ ཨེཝཾ ཝདེཏི – ‘ཚནྡགཱམིནིཡོ ཙ བྷིཀྑུནིཡོ…པེ… བྷཡགཱམིནིཡོ ཙ བྷིཀྑུནིཡོ’ཏི. སཱ ཏཾ ཝཏྠུཾ ན པཊིནིསྶཛྫཏི. སངྒྷོ ཨིཏྠནྣཱམཾ བྷིཀྑུནིཾ སམནུབྷཱསཏི ཏསྶ ཝཏྠུསྶ པཊིནིསྶགྒཱཡ. ཡསྶཱ ཨཡྻཱཡ ཁམཏི ཨིཏྠནྣཱམཱཡ བྷིཀྑུནིཡཱ སམནུབྷཱསནཱ ཏསྶ ཝཏྠུསྶ པཊིནིསྶགྒཱཡ, སཱ ཏུཎྷསྶ; ཡསྶཱ ནཀྑམཏི, སཱ བྷཱསེཡྻ.

‘‘དུཏིཡམྤི ¶ ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘སམནུབྷཊྛཱ སངྒྷེན ཨིཏྠནྣཱམཱ བྷིཀྑུནཱི ཏསྶ ཝཏྠུསྶ པཊིནིསྶགྒཱཡ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཉཏྟིཡཱ དུཀྐཊཾ. དྭཱིཧི ཀམྨཝཱཙཱཧི ཐུལླཙྩཡཱ. ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ. སངྒྷཱདིསེསཾ ཨཛ྄ཛྷཱཔཛྫནྟིཡཱ ཉཏྟིཡཱ དུཀྐཊཾ. དྭཱིཧི ཀམྨཝཱཙཱཧི ཐུལླཙྩཡཱ པཊིཔྤསྶམྦྷནྟི.

ཨཡམྤཱིཏི པུརིམཱཡོ ཨུཔཱདཱཡ ཝུཙྩཏི.

ཡཱཝཏཏིཡཀནྟི ཡཱཝཏཏིཡཾ སམནུབྷཱསནཱཡ ཨཱཔཛྫཏི, ན སཧ ཝཏྠུཛ྄ཛྷཱཙཱརཱ.

ནིསྶཱརཎཱིཡནྟི སངྒྷམྷཱ ནིསྶཱརཱིཡཏི.

སངྒྷཱདིསེསོཏི…པེ… ཏེནཔི ཝུཙྩཏི ¶ སངྒྷཱདིསེསོཏི.

༧༡༩. དྷམྨཀམྨེ དྷམྨཀམྨསཉྙཱ ན པཊིནིསྶཛྫཏི, ཨཱཔཏྟི སངྒྷཱདིསེསྶ. དྷམྨཀམྨེ ཝེམཏིཀཱ ན པཊིནིསྶཛྫཏི, ཨཱཔཏྟི སངྒྷཱདིསེསསྶ. དྷམྨཀམྨེ ཨདྷམྨཀམྨསཉྙཱ ན པཊིནིསྶཛྫཏི, ཨཱཔཏྟི སངྒྷཱདིསེསསྶ.

ཨདྷམྨཀམྨེ དྷམྨཀམྨསཉྙཱ, ཨཱཔཏྟི དུཀྐཊསྶ. ཨདྷམྨཀམྨེ ཝེམཏིཀཱ, ཨཱཔཏྟི དུཀྐཊསྶ. ཨདྷམྨཀམྨེ ཨདྷམྨཀམྨསཉྙཱ ཨཱཔཏྟི དུཀྐཊསྶ.

༧༢༠. ཨནཱཔཏྟི ཨསམནུབྷཱསནྟིཡཱ, པཊིནིསྶཛྫནྟིཡཱ, ཨུམྨཏྟིཀཱཡ, ཨཱདིཀམྨིཀཱཡཱཏི ¶ .

ཨཊྛམསངྒྷཱདིསེསསིཀྑཱཔདཾ ནིཊྛིཏཾ.

༩. ནཝམསངྒྷཱདིསེསསིཀྑཱཔདཾ

༧༢༡. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཐུལླནནྡཱཡ བྷིཀྑུནིཡཱ ཨནྟེཝཱསིཀཱ བྷིཀྑུནིཡོ སཾསཊྛཱ ཝིཧརནྟི པཱཔཱཙཱརཱ པཱཔསདྡཱ པཱཔསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུནིཡོ སཾསཊྛཱ ཝིཧརིསྶནྟི པཱཔཱཙཱརཱ པཱཔསདྡཱ པཱཔསིལོཀཱ བྷིཀྑུནིསངྒྷསྶ ཝིཧེསིཀཱ ¶ ཨཉྙམཉྙིསྶཱ ཝཛྫཔྤཊིཙྪཱདིཀཱ’’ཏི…པེ… སཙྩཾ ཀིར, བྷིཀྑཝེ, བྷིཀྑུནིཡོ སཾསཊྛཱ ཝིཧརནྟི པཱཔཱཙཱརཱ པཱཔསདྡཱ པཱཔསིལོཀཱ བྷིཀྑུནིསངྒྷསྶ ཝིཧེསིཀཱ ཨཉྙམཉྙིསྶཱ ཝཛྫཔྤཊིཙྪཱདིཀཱཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, བྷིཀྑུནིཡོ སཾསཊྛཱ ཝིཧརིསྶནྟི པཱཔཱཙཱརཱ པཱཔསདྡཱ པཱཔསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༧༢༢. ‘‘བྷིཀྑུནིཡོ པནེཝ སཾསཊྛཱ ཝིཧརནྟི པཱཔཱཙཱརཱ པཱཔསདྡཱ པཱཔསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཏཱ བྷིཀྑུནིཡོ བྷིཀྑུནཱིཧི ཨེཝམསྶུ ཝཙནཱིཡཱ – ‘བྷགིནིཡོ ཁོ སཾསཊྛཱ ཝིཧརནྟི པཱཔཱཙཱརཱ པཱཔསདྡཱ པཱཔསིལོཀཱ, བྷིཀྑུནིསངྒྷསྶ ཝིཧེསིཀཱ ཨཉྙམཉྙིསྶཱ ཝཛྫཔྤཊིཙྪཱདིཀཱ. ཝིཝིཙྩཐཱཡྻེ. ཝིཝེཀཉྙེཝ བྷགིནཱིནཾ སངྒྷོ ཝཎྞེཏཱི’ཏི. ཨེཝཉྩ ཏཱ བྷིཀྑུནིཡོ བྷིཀྑུནཱིཧི ཝུཙྩམཱནཱ ཏཐེཝ པགྒཎྷེཡྻུཾ, ཏཱ བྷིཀྑུནིཡོ བྷིཀྑུནཱིཧི ཡཱཝཏཏིཡཾ སམནུབྷཱསིཏབྦཱ ཏསྶ པཊིནིསྶགྒཱཡ. ཡཱཝཏཏིཡཉྩེ སམནུབྷཱསཱིཡམཱནཱ ཏཾ པཊིནིསྶཛྫེཡྻུཾ, ཨིཙྩེཏཾ ཀུསལཾ; ནོ ཙེ པཊིནིསྶཛྫེཡྻུཾ, ཨིམཱཔི བྷིཀྑུནིཡོ ཡཱཝཏཏིཡཀཾ དྷམྨཾ ཨཱཔནྣཱ ནིསྶཱརཎཱིཡཾ སངྒྷཱདིསེས’’ནྟི.

༧༢༣. བྷིཀྑུནིཡོ པནེཝཱཏི ཨུཔསམྤནྣཱཡོ ཝུཙྩནྟི.

སཾསཊྛཱ ཝིཧརནྟཱིཏི སཾསཊྛཱ ནཱམ ཨནནུལོམིཀེན ཀཱཡིཀཝཱཙསིཀེན སཾསཊྛཱ ཝིཧརནྟི.

པཱཔཱཙཱརཱཏི ¶ ¶ པཱཔཀེན ཨཱཙཱརེན སམནྣཱགཏཱ.

པཱཔསདྡཱཏི ¶ པཱཔཀེན ཀིཏྟིསདྡེན ཨབྦྷུགྒཏཱ.

པཱཔསིལོཀཱཏི པཱཔཀེན མིཙྪཱཛཱིཝེན ཛཱིཝིཏཾ ཀཔྤེནྟི.

བྷིཀྑུནིསངྒྷསྶ ཝིཧེསིཀཱཏི ཨཉྙམཉྙིསྶཱ ཀམྨེ ¶ ཀརཱིཡམཱནེ པཊིཀྐོསནྟི.

ཨཉྙམཉྙིསྶཱ ཝཛྫཔྤཊིཙྪཱདིཀཱཏི ཨཉྙམཉྙཾ ཝཛྫཾ པཊིཙྪཱདེནྟི.

ཏཱ བྷིཀྑུནིཡོཏི ཡཱ ཏཱ སཾསཊྛཱ བྷིཀྑུནིཡོ.

བྷིཀྑུནཱིཧཱིཏི ཨཉྙཱཧི བྷིཀྑུནཱིཧི.

ཡཱ པསྶནྟི ཡཱ སུཎནྟི ཏཱཧི ཝཏྟབྦཱ – ‘‘བྷགིནིཡོ ཁོ སཾསཊྛཱ ཝིཧརནྟི པཱཔཱཙཱརཱ པཱཔསདྡཱ པཱཔསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཝིཝིཙྩཐཱཡྻེ. ཝིཝེཀཉྙེཝ བྷགིནཱིནཾ སངྒྷོ ཝཎྞེཏཱི’’ཏི. དུཏིཡམྤི ཝཏྟབྦཱ. ཏཏིཡམྤི ཝཏྟབྦཱ. སཙེ པཊིནིསྶཛྫནྟི, ཨིཙྩེཏཾ ཀུསལཾ; ནོ ཙེ པཊིནིསྶཛྫནྟི, ཨཱཔཏྟི དུཀྐཊསྶ. སུཏྭཱ ན ཝདནྟི, ཨཱཔཏྟི དུཀྐཊསྶ. ཏཱ བྷིཀྑུནིཡོ སངྒྷམཛ྄ཛྷམྤི ཨཱཀཌྜྷིཏྭཱ ཝཏྟབྦཱ – ‘‘བྷགིནིཡོ ཁོ སཾསཊྛཱ ཝིཧརནྟི པཱཔཱཙཱརཱ པཱཔསདྡཱ པཱཔསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཝིཝིཙྩཐཱཡྻེ. ཝིཝེཀཉྙེཝ བྷགིནཱིནཾ སངྒྷོ ཝཎྞེཏཱི’’ཏི. དུཏིཡམྤི ཝཏྟབྦཱ. ཏཏིཡམྤི ཝཏྟབྦཱ. སཙེ པཊིནིསྶཛྫནྟི, ཨིཙྩེཏཾ ཀུསལཾ; ནོ ཙེ པཊིནིསྶཛྫནྟི, ཨཱཔཏྟི དུཀྐཊསྶ. ཏཱ བྷིཀྑུནིཡོ སམནུབྷཱསིཏབྦཱ. ཨེཝཉྩ པན, བྷིཀྑཝེ, སམནུབྷཱསིཏབྦཱ. བྱཏྟཱཡ བྷིཀྑུནིཡཱ པཊིབལཱཡ སངྒྷོ ཉཱཔེཏབྦོ –

༧༢༤. ‘‘སུཎཱཏུ ¶ མེ, ཨཡྻེ, སངྒྷོ. ཨིཏྠནྣཱམཱ ཙ ཨིཏྠནྣཱམཱ ཙ བྷིཀྑུནིཡོ སཾསཊྛཱ ཝིཧརནྟི པཱཔཱཙཱརཱ པཱཔསདྡཱ པཱཔསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཏཱ ཏཾ ཝཏྠུཾ ན པཊིནིསྶཛྫནྟི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཉྩ ཨིཏྠནྣཱམཉྩ བྷིཀྑུནིཡོ སམནུབྷཱསེཡྻ ཏསྶ ཝཏྠུསྶ པཊིནིསྶགྒཱཡ. ཨེསཱ ཉཏྟི.

‘‘སུཎཱཏུ ¶ མེ, ཨཡྻེ, སངྒྷོ. ཨིཏྠནྣཱམཱ ཙ ཨིཏྠནྣཱམཱ ཙ བྷིཀྑུནིཡོ སཾསཊྛཱ ཝིཧརནྟི པཱཔཱཙཱརཱ པཱཔསདྡཱ པཱཔསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཏཱ ཏཾ ཝཏྠུཾ ན པཊིནིསྶཛྫནྟི. སངྒྷོ ¶ ཨིཏྠནྣཱམཉྩ ཨིཏྠནྣཱམཉྩ བྷིཀྑུནིཡོ སམནུབྷཱསཏི ཏསྶ ཝཏྠུསྶ པཊིནིསྶགྒཱཡ. ཡསྶཱ ཨཡྻཱཡ ཁམཏི ཨིཏྠནྣཱམཱཡ ཙ ཨིཏྠནྣཱམཱཡ ཙ བྷིཀྑུནཱིནཾ སམནུབྷཱསནཱ ཏསྶ ཝཏྠུསྶ པཊིནིསྶགྒཱཡ, སཱ ཏུཎྷསྶ; ཡསྶཱ ནཀྑམཏི, སཱ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘སམནུབྷཊྛཱ སངྒྷེན, ཨིཏྠནྣཱམཱ ཙ ཨིཏྠནྣཱམཱ ཙ བྷིཀྑུནིཡོ ཏསྶ ཝཏྠུསྶ པཊིནིསྶགྒཱཡ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཉཏྟིཡཱ དུཀྐཊཾ, དྭཱིཧི ཀམྨཝཱཙཱཧི ཐུལླཙྩཡཱ, ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ. སངྒྷཱདིསེསཾ ཨཛ྄ཛྷཱཔཛྫནྟཱིནཾ ཉཏྟིཡཱ དུཀྐཊཾ དྭཱིཧི ཀམྨཝཱཙཱཧི ཐུལླཙྩཡཱ པཊིཔྤསྶམྦྷནྟི. དྭེ ཏིསྶོ ཨེཀཏོ སམནུབྷཱསིཏབྦཱ. ཏཏུཏྟརི ན ¶ སམནུབྷཱསིཏབྦཱ.

ཨིམཱཔི བྷིཀྑུནིཡོཏི པུརིམཱཡོ ཨུཔཱདཱཡ ཝུཙྩནྟི.

ཡཱཝཏཏིཡཀནྟི ཡཱཝཏཏིཡཾ སམནུབྷཱསནཱཡ ཨཱཔཛྫནྟི, ན སཧ ཝཏྠུཛ྄ཛྷཱཙཱརཱ.

ནིསྶཱརཎཱིཡནྟི སངྒྷམྷཱ ནིསྶཱརཱིཡཏི.

སངྒྷཱདིསེསོཏི…པེ… ཏེནཔི ཝུཙྩཏི སངྒྷཱདིསེསོཏི.

༧༢༥. དྷམྨཀམྨེ དྷམྨཀམྨསཉྙཱ ན པཊིནིསྶཛྫནྟི, ཨཱཔཏྟི སངྒྷཱདིསེསསྶ. དྷམྨཀམྨེ ཝེམཏིཀཱ ན པཊིནིསྶཛྫནྟི, ཨཱཔཏྟི སངྒྷཱདིསེསསྶ. དྷམྨཀམྨེ ཨདྷམྨཀམྨསཉྙཱ ན པཊིནིསྶཛྫནྟི, ཨཱཔཏྟི སངྒྷཱདིསེསསྶ.

ཨདྷམྨཀམྨེ དྷམྨཀམྨསཉྙཱ, ཨཱཔཏྟི དུཀྐཊསྶ. ཨདྷམྨཀམྨེ ཝེམཏིཀཱ, ཨཱཔཏྟི དུཀྐཊསྶ. ཨདྷམྨཀམྨེ ཨདྷམྨཀམྨསཉྙཱ, ཨཱཔཏྟི དུཀྐཊསྶ.

༧༢༦. ཨནཱཔཏྟི ¶ ཨསམནུབྷཱསནྟཱིནཾ, པཊིནིསྶཛྫནྟཱིནཾ, ཨུམྨཏྟིཀཱནཾ, ཨཱདིཀམྨིཀཱནནྟི.

ནཝམསངྒྷཱདིསེསསིཀྑཱཔདཾ ནིཊྛིཏཾ.

༡༠. དསམསངྒྷཱདིསེསསིཀྑཱཔདཾ

༧༢༧. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཐུལླནནྡཱ བྷིཀྑུནཱིསངྒྷེན སམནུབྷཊྛཱ བྷིཀྑུནིཡོ ཨེཝཾ ཝདེཏི – ‘‘སཾསཊྛཱཝ ཨཡྻེ, ཏུམྷེ ཝིཧརཐ. མཱ ཏུམྷེ ནཱནཱ ཝིཧརིཏྠ. སནྟི སངྒྷེ ཨཉྙཱཔི བྷིཀྑུནིཡོ ཨེཝཱཙཱརཱ ཨེཝཾསདྡཱ ཨེཝཾསིལོཀཱ, བྷིཀྑུནིསངྒྷསྶ ¶ ¶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཏཱ སངྒྷོ ན ཀིཉྩི ཨཱཧ. ཏུམྷཉྙེཝ [ཏུམྷེཡེཝ (སྱཱ.)] སངྒྷོ ཨུཉྙཱཡ པརིབྷཝེན ཨཀྑནྟིཡཱ ཝེབྷསྶིཡཱ [ཝེབྷསྶཱ (སཱི. སྱཱ.)] དུབྦལྱཱ ཨེཝམཱཧ – ‘བྷགིནིཡོ ཁོ སཾསཊྛཱ ཝིཧརནྟི པཱཔཱཙཱརཱ པཱཔསདྡཱ པཱཔསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཝིཝིཙྩཐཱཡྻེ. ཝིཝེཀཉྙེཝ བྷགིནཱིནཾ སངྒྷོ ཝཎྞེཏཱི’’’ཏི. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ཀཐཉྷི ནཱམ ཨཡྻཱ ཐུལླནནྡཱ བྷིཀྑུནཱི སངྒྷེན སམནུབྷཊྛཱ བྷིཀྑུནིཡོ ཨེཝཾ ཝཀྑཏི – སཾསཊྛཱཝ ཨཡྻེ, ཏུམྷེ ཝིཧརཐ. མཱ ཏུམྷེ ནཱནཱ ཝིཧརིཏྠ. སནྟི སངྒྷེ ཨཉྙཱཔི བྷིཀྑུནིཡོ…པེ… ཝིཝིཙྩཐཱཡྻེ. ཝིཝེཀཉྙེཝ བྷགིནཱིནཾ སངྒྷོ ཝཎྞེཏཱིཏི…པེ… སཙྩཾ ཀིར, བྷིཀྑཝེ, ཐུལླནནྡཱ བྷིཀྑུནཱི སངྒྷེན སམནུབྷཊྛཱ བྷིཀྑུནིཡོ ཨེཝཾ ཝདེཏི – སཾསཊྛཱཝ ཨཡྻེ ཏུམྷེ ཝིཧརཐ. མཱ ཏུམྷེ ནཱནཱ ཝིཧརིཏྠ. སནྟི སངྒྷེ ཨཉྙཱཔི བྷིཀྑུནིཡོ ཨེཝཱཙཱརཱ ཨེཝཾསདྡཱ ཨེཝཾསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཏཱ སངྒྷོ ན ཀིཉྩི ཨཱཧ. ཏུམྷཉྙེཝ སངྒྷོ ཨུཉྙཱཡ པརིབྷཝེན ཨཀྑནྟིཡཱ ཝེབྷསྶིཡཱ དུབྦལྱཱ ཨེཝམཱཧ – བྷགིནིཡོ ཁོ སཾསཊྛཱ ཝིཧརནྟི པཱཔཱཙཱརཱ པཱཔསདྡཱ པཱཔསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཝིཝིཙྩཐཱཡྻེ. ཝིཝེཀཉྙེཝ བྷགིནཱིནཾ སངྒྷོ ཝཎྞེཏཱིཏི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, ཐུལླནནྡཱ བྷིཀྑུནཱི སངྒྷེན སམནུབྷཊྛཱ བྷིཀྑུནིཡོ ཨེཝཾ ཝཀྑཏི – སཾསཊྛཱཝ ཨཡྻེ, ཏུམྷེ ཝིཧརཐ. མཱ ཏུམྷེ ནཱནཱ ཝིཧརིཏྠ. སནྟི སངྒྷེ ཨཉྙཱཔི བྷིཀྑུནིཡོ…པེ… ཝིཝིཙྩཐཱཡྻེ. ཝིཝེཀཉྙེཝ བྷགིནཱིནཾ སངྒྷོ ཝཎྞེཏཱིཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༧༢༨. ‘‘ཡཱ ¶ ¶ པན བྷིཀྑུནཱི ཨེཝཾ ཝདེཡྻ ¶ – ‘སཾསཊྛཱཝ ཨཡྻེ, ཏུམྷེ ཝིཧརཐ. མཱ ཏུམྷེ ནཱནཱ ཝིཧརིཏྠ. སནྟི སངྒྷེ ཨཉྙཱཔི བྷིཀྑུནིཡོ ཨེཝཱཙཱརཱ ཨེཝཾསདྡཱ ཨེཝཾསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཏཱ སངྒྷོ ན ཀིཉྩི ཨཱཧ. ཏུམྷཉྙེཝ སངྒྷོ ཨུཉྙཱཡ པརིབྷཝེན ཨཀྑནྟིཡཱ ཝེབྷསྶིཡཱ དུབྦལྱཱ ཨེཝམཱཧ – བྷགིནིཡོ ཁོ སཾསཊྛཱ ཝིཧརནྟི པཱཔཱཙཱརཱ པཱཔསདྡཱ པཱཔསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཝིཝིཙྩཐཱཡྻེ. ཝིཝེཀཉྙེཝ བྷགིནཱིནཾ སངྒྷོ ཝཎྞེཏཱི’ཏི. སཱ བྷིཀྑུནཱི བྷིཀྑུནཱིཧི ཨེཝམསྶ ཝཙནཱིཡཱ – ‘མཱ, ཨཡྻེ, ཨེཝཾ ཨཝཙ – སཾསཊྛཱཝ ཨཡྻེ, ཏུམྷེ ཝིཧརཐ. མཱ ཏུམྷེ ནཱནཱ ཝིཧརིཏྠ. སནྟི སངྒྷེ ཨཉྙཱཔི བྷིཀྑུནིཡོ ཨེཝཱཙཱརཱ ཨེཝཾསདྡཱ ཨེཝཾསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཏཱ སངྒྷོ ན ཀིཉྩི ཨཱཧ. ཏུམྷཉྙེཝ སངྒྷོ ཨུཉྙཱཡ པརིབྷཝེན ཨཀྑནྟིཡཱ ཝེབྷསྶིཡཱ དུབྦལྱཱ ཨེཝམཱཧ – བྷགིནིཡོ ཁོ སཾསཊྛཱ ཝིཧརནྟི པཱཔཱཙཱརཱ པཱཔསདྡཱ པཱཔསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཝིཝིཙྩཐཱཡྻེ. ཝིཝེཀཉྙེཝ བྷགིནཱིནཾ སངྒྷོ ཝཎྞེཏཱི’ཏི. ཨེཝཉྩ སཱ བྷིཀྑུནཱི བྷིཀྑུནཱིཧི ཝུཙྩམཱནཱ ཏཐེཝ པགྒཎྷེཡྻ, སཱ བྷིཀྑུནཱི བྷིཀྑུནཱིཧི ཡཱཝཏཏིཡཾ སམནུབྷཱསིཏབྦཱ ཏསྶ པཊིནིསྶགྒཱཡ. ཡཱཝཏཏིཡཉྩེ སམནུབྷཱསཱིཡམཱནཱ ཏཾ པཊིནིསྶཛྫེཡྻ, ཨིཙྩེཏཾ ཀུསལཾ; ནོ ཙེ པཊིནིསྶཛྫེཡྻ, ཨཡམྤི བྷིཀྑུནཱི ཡཱཝཏཏིཡཀཾ དྷམྨཾ ཨཱཔནྣཱ ནིསྶཱརཎཱིཡཾ སངྒྷཱདིསེས’’ནྟི.

༧༢༩. ཡཱ ¶ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཨེཝཾ ཝདེཡྻཱཏི – ‘‘སཾསཊྛཱཝ ཨཡྻེ, ཏུམྷེ ཝིཧརཐ. མཱ ཏུམྷེ ནཱནཱ ཝིཧརིཏྠ. སནྟི སངྒྷེ ཨཉྙཱཔི བྷིཀྑུནིཡོ ཨེཝཱཙཱརཱ ཨེཝཾསདྡཱ ཨེཝཾསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཏཱ སངྒྷོ ན ཀིཉྩི ཨཱཧ’’.

ཏུམྷཉྙེཝ སངྒྷོ ཨུཉྙཱཡཱཏི ཨཝཉྙཱཡ.

པརིབྷཝེནཱཏི པཱརིབྷབྱཏཱ.

ཨཀྑནྟིཡཱཏི ཀོཔེན.

ཝེབྷསྶིཡཱཏི ¶ ¶ ཝིབྷསྶཱིཀཏཱ [ཝིབྷསྶིཀཏཱཡ (སཱི.)].

དུབྦལྱཱཏི ¶ ཨཔཀྑཏཱ.

ཨེཝམཱཧ – ‘‘བྷགིནིཡོ ཁོ སཾསཊྛཱ ཝིཧརནྟི པཱཔཱཙཱརཱ པཱཔསདྡཱ པཱཔསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཝིཙིཙྩཐཱཡྻེ. ཝིཝེཀཉྙེཝ བྷགིནཱིནཾ སངྒྷོ ཝཎྞེཏཱི’’ཏི.

སཱ བྷིཀྑུནཱིཏི ཡཱ སཱ ཨེཝཾཝཱདིནཱི བྷིཀྑུནཱི.

བྷིཀྑུནཱིཧཱིཏི ཨཉྙཱཧི བྷིཀྑུནཱིཧི.

ཡཱ པསྶནྟི ཡཱ སུཎནྟི ཏཱཧི ཝཏྟབྦཱ – ‘‘མཱཡྻེ, ཨེཝཾ ཨཝཙ – ‘སཾསཊྛཱཝ ཨཡྻེ, ཏུམྷེ ཝིཧརཐ. མཱ ཏུམྷེ ནཱནཱ ཝིཧརིཏྠ. སནྟི སངྒྷེ ཨཉྙཱཔི བྷིཀྑུནིཡོ…པེ… ཝིཝིཙྩཐཱཡྻེ. ཝིཝེཀཉྙེཝ བྷགིནཱིནཾ སངྒྷོ ཝཎྞེཏཱི’’ཏི. དུཏིཡམྤི ¶ ཝཏྟབྦཱ. ཏཏིཡམྤི ཝཏྟབྦཱ. སཙེ པཊིནིསྶཛྫཏི, ཨིཙྩེཏཾ ཀུསལཾ; ནོ ཙེ པཊིནིསྶཛྫཏི, ཨཱཔཏྟི དུཀྐཊསྶ. སུཏྭཱ ན ཝདནྟི, ཨཱཔཏྟི དུཀྐཊསྶ. སཱ བྷིཀྑུནཱི སངྒྷམཛ྄ཛྷམྤི ཨཱཀཌྜྷིཏྭཱ ཝཏྟབྦཱ – ‘‘མཱཡྻེ, ཨེཝཾ ཨཝཙ – ‘སཾསཊྛཱཝ ཨཡྻེ, ཏུམྷེ ཝིཧརཐ. མཱ ཏུམྷེ ནཱནཱ ཝིཧརིཏྠ. སནྟི སངྒྷེ ཨཉྙཱཔི བྷིཀྑུནིཡོ…པེ… ཝིཝིཙྩཐཱཡྻེ. ཝིཝེཀཉྙེཝ བྷགིནཱིནཾ སངྒྷོ ཝཎྞེཏཱི’’’ཏི. དུཏིཡམྤི ཝཏྟབྦཱ. ཏཏིཡམྤི ཝཏྟབྦཱ. སཙེ པཊིནིསྶཛྫཏི, ཨིཙྩེཏཾ ཀུསལཾ; ནོ ཙེ པཊིནིསྶཛྫཏི, ཨཱཔཏྟི དུཀྐཊསྶ. སཱ བྷིཀྑུནཱི སམནུབྷཱསིཏབྦཱ. ཨེཝཉྩ པན, བྷིཀྑཝེ, སམནུབྷཱསིཏབྦཱ. བྱཏྟཱཡ བྷིཀྑུནིཡཱ པཊིབལཱཡ སངྒྷོ ཉཱཔེཏབྦོ –

༧༣༠. ‘‘སུཎཱཏུ མེ, ཨཡྻེ, སངྒྷོ. ཨཡཾ ཨིཏྠནྣཱམཱ བྷིཀྑུནཱི སངྒྷེན སམནུབྷཊྛཱ བྷིཀྑུནིཡོ ཨེཝཾ ཝདེཏི – ‘སཾསཊྛཱཝ ཨཡྻེ, ཏུམྷེ ཝིཧརཐ. མཱ ཏུམྷེ ནཱནཱ ཝིཧརིཏྠ. སནྟི སངྒྷེ ཨཉྙཱཔི བྷིཀྑུནིཡོ ཨེཝཱཙཱརཱ ཨེཝཾསདྡཱ ཨེཝཾསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཏཱ སངྒྷོ ན ཀིཉྩི ཨཱཧ. ཏུམྷཉྙེཝ སངྒྷོ ཨུཉྙཱཡ པརིབྷཝེན ཨཀྑནྟིཡཱ ཝེབྷསྶིཡཱ དུབྦལྱཱ ཨེཝམཱཧ – བྷགིནིཡོ ཁོ སཾསཊྛཱ ཝིཧརནྟི པཱཔཱཙཱརཱ ¶ པཱཔསདྡཱ པཱཔསིལོཀཱ, བྷིཀྑུནིསངྒྷསྶ ཝིཧེསིཀཱ ཨཉྙམཉྙིསྶཱ ཝཛྫཔྤཊིཙྪཱདིཀཱ ¶ . ཝིཝིཙྩཐཱཡྻེ. ཝིཝེཀཉྙེཝ བྷགིནཱིནཾ སངྒྷོ ཝཎྞེཏཱི’ཏི. སཱ ཏཾ ཝཏྠུཾ ན པཊིནིསྶཛྫཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུནིཾ སམནུབྷཱསེཡྻ ཏསྶ ཝཏྠུསྶ པཊིནིསྶགྒཱཡ. ཨེསཱ ཉཏྟི.

‘‘སུཎཱཏུ ¶ མེ, ཨཡྻེ, སངྒྷོ. ཨཡཾ ཨིཏྠནྣཱམཱ བྷིཀྑུནཱི སངྒྷེན སམནུབྷཊྛཱ བྷིཀྑུནིཡོ ཨེཝཾ ཝདེཏི – ‘སཾསཊྛཱཝ ཨཡྻེ, ཏུམྷེ ཝིཧརཐ. མཱ ཏུམྷེ ནཱནཱ ཝིཧརིཏྠ. སནྟི སངྒྷེ ཨཉྙཱཔི བྷིཀྑུནིཡོ ཨེཝཱཙཱརཱ ཨེཝཾསདྡཱ ཨེཝཾསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཏཱ སངྒྷོ ན ཀིཉྩི ཨཱཧ. ཏུམྷཉྙེཝ སངྒྷོ ཨུཉྙཱཡ པརིབྷཝེན ཨཀྑནྟིཡཱ ཝེབྷསྶིཡཱ དུབྦལྱཱ ཨེཝམཱཧ – བྷགིནིཡོ ཁོ སཾསཊྛཱ ཝིཧརནྟི པཱཔཱཙཱརཱ པཱཔསདྡཱ པཱཔསིལོཀཱ, བྷིཀྑུནིསངྒྷསྶ ཝིཧེསིཀཱ, ཨཉྙམཉྙིསྶཱ ཝཛྫཔྤཊིཙྪཱདིཀཱ. ཝིཝིཙྩཐཱཡྻེ. ཝིཝེཀཉྙེཝ བྷགིནཱིནཾ སངྒྷོ ཝཎྞེཏཱི’ཏི. སཱ ཏཾ ཝཏྠུཾ ན པཊིནིསྶཛྫཏི. སངྒྷོ ཨིཏྠནྣཱམཾ བྷིཀྑུནིཾ སམནུབྷཱསཏི ཏསྶ ཝཏྠུསྶ པཊིནིསྶགྒཱཡ. ཡསྶཱ ཨཡྻཱཡ ཁམཏི ཨིཏྠནྣཱམཱཡ བྷིཀྑུནིཡཱ སམནུབྷཱསནཱ ཏསྶ ཝཏྠུསྶ པཊིནིསྶགྒཱཡ, སཱ ཏུཎྷསྶ; ཡསྶཱ ནཀྑམཏི, སཱ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘སམནུབྷཊྛཱ སངྒྷེན ཨིཏྠནྣཱམཱ བྷིཀྑུནཱི ཏསྶ ཝཏྠུསྶ པཊིནིསྶགྒཱཡ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཉཏྟིཡཱ དུཀྐཊཾ, དྭཱིཧི ཀམྨཝཱཙཱཧི ཐུལླཙྩཡཱ, ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ. སངྒྷཱདིསེསཾ ཨཛ྄ཛྷཱཔཛྫནྟིཡཱ ཉཏྟིཡཱ དུཀྐཊཾ, དྭཱིཧི ཀམྨཝཱཙཱཧི ཐུལླཙྩཡཱ པཊིཔྤསྶམྦྷནྟི.

ཨཡམྤཱིཏི པུརིམཱཡོ ཨུཔཱདཱཡ ཝུཙྩཏི.

ཡཱཝཏཏིཡཀནྟི ཡཱཝཏཏིཡཾ སམནུབྷཱསནཱཡ ཨཱཔཛྫཏི, ན སཧཝཏྠུཛ྄ཛྷཱཙཱརཱ.

ནིསྶཱརཎཱིཡནྟི སངྒྷམྷཱ ནིསྶཱརཱིཡཏི.

སངྒྷཱདིསེསོཏི ¶ སངྒྷོཝ ཏསྶཱ ཨཱཔཏྟིཡཱ མཱནཏྟཾ དེཏི, མཱུལཱཡ པཊིཀསྶཏི, ཨབྦྷེཏི, ན སམྦཧུལཱ ན ཨེཀཱ བྷིཀྑུནཱི. ཏེན ཝུཙྩཏི ‘‘སངྒྷཱདིསེསོ’’ཏི. ཏསྶེཝ ཨཱཔཏྟིནིཀཱཡསྶ ནཱམཀམྨཾ ཨདྷིཝཙནཾ, ཏེནཔི ཝུཙྩཏི ‘‘སངྒྷཱདིསེསོ’’ཏི.

༧༣༡. དྷམྨཀམྨེ དྷམྨཀམྨསཉྙཱ ན པཊིནིསྶཛྫཏི, ཨཱཔཏྟི སངྒྷཱདིསེསསྶ ¶ . དྷམྨཀམྨེ ཝེམཏིཀཱ ན པཊིནིསྶཛྫཏི, ཨཱཔཏྟི སངྒྷཱདིསེསསྶ. དྷམྨཀམྨེ ཨདྷམྨཀམྨསཉྙཱ ན པཊིནིསྶཛྫཏི, ཨཱཔཏྟི སངྒྷཱདིསེསསྶ.

ཨདྷམྨཀམྨེ ¶ དྷམྨཀམྨསཉྙཱ, ཨཱཔཏྟི དུཀྐཊསྶ. ཨདྷམྨཀམྨེ ཝེམཏིཀཱ, ཨཱཔཏྟི དུཀྐཊསྶ. ཨདྷམྨཀམྨེ ཨདྷམྨཀམྨསཉྙཱ, ཨཱཔཏྟི དུཀྐཊསྶ.

༧༣༢. ཨནཱཔཏྟི ཨསམནུབྷཱསནྟིཡཱ, པཊིནིསྶཛྫནྟིཡཱ, ཨུམྨཏྟིཀཱཡ, ཨཱདིཀམྨིཀཱཡཱཏི.

དསམསངྒྷཱདིསེསསིཀྑཱཔདཾ ནིཊྛིཏཾ.

ཨུདྡིཊྛཱ ཁོ, ཨཡྻཱཡོ, སཏྟརས སངྒྷཱདིསེསཱ དྷམྨཱ – ནཝ པཋམཱཔཏྟིཀཱ, ཨཊྛ ཡཱཝཏཏིཡཀཱ. ཡེསཾ བྷིཀྑུནཱི ཨཉྙཏརཾ ཝཱ ཨཉྙཏརཾ ཝཱ ཨཱཔཛྫཏི, ཏཱཡ བྷིཀྑུནིཡཱ ཨུབྷཏོསངྒྷེ པཀྑམཱནཏྟཾ ཙརིཏབྦཾ. ཙིཎྞམཱནཏྟཱ བྷིཀྑུནཱི ཡཏྠ སིཡཱ ཝཱིསཏིགཎོ བྷིཀྑུནིསངྒྷོ ཏཏྠ (སཱ བྷིཀྑུནཱི) [( ) (ཀཏྠཔི ནཏྠི)] ཨབྦྷེཏབྦཱ. ཨེཀཱཡཔི ཙེ ཨཱུནོ ཝཱིསཏིགཎོ བྷིཀྑུནིསངྒྷོ ཏཾ བྷིཀྑུནིཾ ཨབྦྷེཡྻ. སཱ ཙ བྷིཀྑུནཱི ཨནབྦྷིཏཱ, ཏཱ ཙ བྷིཀྑུནིཡོ གཱརཡ྄ཧཱ, ཨཡཾ ཏཏྠ སཱམཱིཙི.

ཏཏྠཱཡྻཱཡོ པུཙྪཱམི – ‘‘ཀཙྩིཏྠ པརིསུདྡྷཱ’’? དུཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? ཏཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? པརིསུདྡྷེཏྠཱཡྻཱཡོ, ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི.

སཏྟརསཀཾ ནིཊྛིཏཾ.

བྷིཀྑུནིཝིབྷངྒེ སངྒྷཱདིསེསཀཎྜཾ ནིཊྛིཏཾ.

༣. ནིསྶགྒིཡཀཎྜཾ (བྷིཀྑུནཱིཝིབྷངྒོ)

༡. པཏྟཝགྒོ

༡. པཋམསིཀྑཱཔདཾ

ཨིམེ ཁོ པནཱཡྻཱཡོ ཏིཾས ནིསྶགྒིཡཱ པཱཙིཏྟིཡཱ

དྷམྨཱ ཨུདྡེསཾ ཨཱགཙྪནྟི.

༧༣༣. ཏེན ¶ ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑུནིཡོ བཧཱུ པཏྟེ སནྣིཙཡཾ ཀརོནྟི. མནུསྶཱ ཝིཧཱརཙཱརིཀཾ ཨཱཧིཎྜནྟཱ པསྶིཏྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུནིཡོ བཧཱུ པཏྟེ སནྣིཙཡཾ ཀརིསྶནྟི, པཏྟཝཱཎིཛྫཾ ཝཱ བྷིཀྑུནིཡོ ཀརིསྶནྟི, ཨཱམཏྟིཀཱཔཎཾ ཝཱ པསཱརེསྶནྟཱི’’ཏི! ཨསྶོསུཾ ཁོ བྷིཀྑུནིཡོ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑུནིཡོ པཏྟསནྣིཙཡཾ ཀརིསྶནྟཱི’’ཏི…པེ… སཙྩཾ ཀིར, བྷིཀྑཝེ, ཚབྦགྒིཡཱ བྷིཀྑུནིཡོ པཏྟསནྣིཙཡཾ ཀརོནྟཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, ཚབྦགྒིཡཱ བྷིཀྑུནིཡོ པཏྟསནྣིཙཡཾ ཀརིསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༧༣༤. ‘‘ཡཱ པན བྷིཀྑུནཱི པཏྟསནྣིཙཡཾ ཀརེཡྻ ¶ , ནིསྶགྒིཡཾ པཱཙིཏྟིཡ’’ནྟི.

༧༣༥. ཡཱ ¶ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

པཏྟོ ནཱམ དྭེ པཏྟཱ – ཨཡོཔཏྟོ, མཏྟིཀཱཔཏྟོ. ཏཡོ པཏྟསྶ ཝཎྞཱ – ཨུཀྐཊྛོ པཏྟོ, མཛ྄ཛྷིམོ པཏྟོ, ཨོམཀོ པཏྟོ. ཨུཀྐཊྛོ ནཱམ པཏྟོ ཨཌྜྷཱལ༹ྷཀོདནཾ གཎྷཱཏི ཙཏུབྷཱགཾ ཁཱདནཾ ཏདུཔིཡཾ བྱཉྫནཾ. མཛ྄ཛྷིམོ ནཱམ པཏྟོ ནཱལི༹ཀོདནཾ གཎྷཱཏི ཙཏུབྷཱགཾ ཁཱདནཾ ཏདུཔིཡཾ བྱཉྫནཾ. ཨོམཀོ ¶ ནཱམ པཏྟོ པཏྠོདནཾ གཎྷཱཏི ཙཏུབྷཱགཾ ཁཱདནཾ ཏདུཔིཡཾ བྱཉྫནཾ. ཏཏོ ཨུཀྐཊྛོ ཨཔཏྟོ ཨོམཀོ ཨཔཏྟོ.

སནྣིཙཡཾ ཀརེཡྻཱཏི ཨནདྷིཊྛིཏོ ཨཝིཀཔྤིཏོ.

ནིསྶགྒིཡོ ¶ ཧོཏཱིཏི སཧ ཨརུཎུགྒམནཱ ནིསྶགྒིཡོ ཧོཏི. ནིསྶཛྫིཏབྦོ སངྒྷསྶ ཝཱ གཎསྶ ཝཱ ཨེཀབྷིཀྑུནིཡཱ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦོ. ཏཱཡ བྷིཀྑུནིཡཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑུནཱིནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཡཾ མེ, ཨཡྻེ, པཏྟོ རཏྟཱཏིཀྐནྟོ ནིསྶགྒིཡོ, ཨིམཱཧཾ སངྒྷསྶ ནིསྶཛྫཱམཱི’’ཏི. ནིསྶཛྫིཏྭཱ ¶ ཨཱཔཏྟི དེསེཏབྦཱ. བྱཏྟཱཡ བྷིཀྑུནིཡཱ པཊིབལཱཡ ཨཱཔཏྟི པཊིགྒཧེཏབྦཱ. ནིསྶཊྛཔཏྟོ དཱཏབྦོ –

‘‘སུཎཱཏུ མེ, ཨཡྻེ, སངྒྷོ. ཨཡཾ པཏྟོ ཨིཏྠནྣཱམཱཡ བྷིཀྑུནིཡཱ ནིསྶགྒིཡོ སངྒྷསྶ ནིསྶཊྛོ. ཡདི སངྒྷསྶ པཏྟཀལླཾ, སངྒྷོ ཨིམཾ པཏྟཾ ཨིཏྠནྣཱམཱཡ བྷིཀྑུནིཡཱ དདེཡྻཱ’’ཏི.

ཏཱཡ བྷིཀྑུནིཡཱ སམྦཧུལཱ བྷིཀྑུནིཡོ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑུནཱིནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶུ ཝཙནཱིཡཱ – ‘‘ཨཡཾ མེ, ཨཡྻཱཡོ, པཏྟོ རཏྟཱཏིཀྐནྟོ ནིསྶགྒིཡོ, ཨིམཱཧཾ ཨཡྻཱནཾ ནིསྶཛྫཱམཱི’’ཏི. ནིསྶཛྫིཏྭཱ ཨཱཔཏྟི དེསེཏབྦཱ. བྱཏྟཱཡ བྷིཀྑུནིཡཱ པཊིབལཱཡ ཨཱཔཏྟི པཊིགྒཧེཏབྦཱ. ནིསྶཊྛཔཏྟོ དཱཏབྦོ –

‘‘སུཎནྟུ མེ ཨཡྻཱཡོ. ཨཡཾ པཏྟོ ཨིཏྠནྣཱམཱཡ བྷིཀྑུནིཡཱ ནིསྶགྒིཡོ ཨཡྻཱནཾ ནིསྶཊྛོ. ཡདི ཨཡྻཱནཾ པཏྟཀལླཾ, ཨཡྻཱཡོ ཨིམཾ པཏྟཾ ཨིཏྠནྣཱམཱཡ བྷིཀྑུནིཡཱ དདེཡྻུ’’ནྟི.

ཏཱཡ ¶ བྷིཀྑུནིཡཱ ཨེཀཾ བྷིཀྑུནིཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡཱ – ‘‘ཨཡཾ མེ, ཨཡྻེ, པཏྟོ རཏྟཱཏིཀྐནྟོ ནིསྶགྒིཡོ. ཨིམཱཧཾ ཨཡྻཱཡ ནིསྶཛྫཱམཱི’’ཏི. ནིསྶཛྫིཏྭཱ ཨཱཔཏྟི དེསེཏབྦཱ. ཏཱཡ བྷིཀྑུནིཡཱ ཨཱཔཏྟི པཊིགྒཧེཏབྦཱ. ནིསྶཊྛཔཏྟོ དཱཏབྦོ – ‘‘ཨིམཾ པཏྟཾ ཨཡྻཱཡ དམྨཱི’’ཏི.

༧༣༦. རཏྟཱཏིཀྐནྟེ ¶ ཨཏིཀྐནྟསཉྙཱ, ནིསྶགྒིཡཾ པཱཙིཏྟིཡཾ. རཏྟཱཏིཀྐནྟེ ཝེམཏིཀཱ, ནིསྶགྒིཡཾ པཱཙིཏྟིཡཾ. རཏྟཱཏིཀྐནྟེ ཨནཏིཀྐནྟསཉྙཱ, ནིསྶགྒིཡཾ པཱཙིཏྟིཡཾ. ཨནདྷིཊྛིཏེ ཨདྷིཊྛིཏསཉྙཱ, ནིསྶགྒིཡཾ པཱཙིཏྟིཡཾ. ཨཝིཀཔྤིཏེ ཝིཀཔྤིཏསཉྙཱ, ནིསྶགྒིཡཾ པཱཙིཏྟིཡཾ. ཨཝིསྶཛྫིཏེ ¶ ཝིསྶཛྫིཏསཉྙཱ ¶ , ནིསྶགྒིཡཾ པཱཙིཏྟིཡཾ. ཨནཊྛེ ནཊྛསཉྙཱ… ཨཝིནཊྛེ ཝིནཊྛསཉྙཱ… ཨབྷིནྣེ བྷིནྣསཉྙཱ… ཨཝིལུཏྟེ ཝིལུཏྟསཉྙཱ, ནིསྶགྒིཡཾ པཱཙིཏྟིཡཾ.

ནིསྶགྒིཡཾ པཏྟཾ ཨནིསྶཛྫིཏྭཱ པརིབྷུཉྫཏི, ཨཱཔཏྟི དུཀྐཊསྶ. རཏྟཱནཏིཀྐནྟེ ཨཏིཀྐནྟསཉྙཱ, ཨཱཔཏྟི དུཀྐཊསྶ. རཏྟཱནཏིཀྐནྟེ ཝེམཏིཀཱ, ཨཱཔཏྟི དུཀྐཊསྶ. རཏྟཱནཏིཀྐནྟེ ཨནཏིཀྐནྟསཉྙཱ ཨནཱཔཏྟི.

༧༣༧. ཨནཱཔཏྟི ཨནྟོཨརུཎེ ཨདྷིཊྛེཏི, ཝིཀཔྤེཏི, ཝིསྶཛྫེཏི, ནསྶཏི, ཝིནསྶཏི, བྷིཛྫཏི, ཨཙྪིནྡིཏྭཱ གཎྷནྟི, ཝིསྶཱསཾ གཎྷནྟི, ཨུམྨཏྟིཀཱཡ, ཨཱདིཀམྨིཀཱཡཱཏི.

ཏེན ཁོ པན སམཡེན ཚབྦགྒིཡཱ བྷིཀྑུནིཡོ ནིསྶཊྛཔཏྟཾ ན དེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ནིསྶཊྛཔཏྟོ ན དཱཏབྦོ. ཡཱ ན དདེཡྻ, ཨཱཔཏྟི དུཀྐཊསྶཱཏི.

པཋམསིཀྑཱཔདཾ ནིཊྛིཏཾ.

༢. དུཏིཡསིཀྑཱཔདཾ

༧༣༨. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ ¶ . ཏེན ཁོ པན སམཡེན སམྦཧུལཱ བྷིཀྑུནིཡོ གཱམཀཱཝཱསེ ཝསྶཾཝུཊྛཱ [ཝསྶཾཝུཏྠཱ (སཱི. སྱཱ.)] སཱཝཏྠིཾ ཨགམཾསུ ཝཏྟསམྤནྣཱ ཨིརིཡཱཔཐསམྤནྣཱ དུཙྩོལཱ༹ ལཱུཁཙཱིཝརཱ. ཨུཔཱསཀཱ ཏཱ བྷིཀྑུནིཡོ པསྶིཏྭཱ – ‘‘ཨིམཱ བྷིཀྑུནིཡོ ཝཏྟསམྤནྣཱ ཨིརིཡཱཔཐསམྤནྣཱ དུཙྩོལཱ༹ ལཱུཁཙཱིཝརཱ, ཨིམཱ བྷིཀྑུནིཡོ ཨཙྪིནྣཱ བྷཝིསྶནྟཱི’’ཏི བྷིཀྑུནིསངྒྷསྶ ཨཀཱལཙཱིཝརཾ ཨདཾསུ. ཐུལླནནྡཱ བྷིཀྑུནཱི – ‘‘ཨམྷཱཀཾ ཀཐིནཾ ཨཏྠཏཾ ཀཱལཙཱིཝར’’ནྟི ཨདྷིཊྛཧིཏྭཱ བྷཱཛཱཔེསི. ཨུཔཱསཀཱ ཏཱ བྷིཀྑུནིཡོ པསྶིཏྭཱ ཨེཏདཝོཙུཾ – ‘‘ཨཔཡྻཱཧི ཙཱིཝརཾ ལདྡྷ’’ནྟི? ‘‘ན མཡཾ, ཨཱཝུསོ, ཙཱིཝརཾ ལབྷཱམ. ཨཡྻཱ ཐུལླནནྡཱ – ‘ཨམྷཱཀཾ ཀཐིནཾ ཨཏྠཏཾ ཀཱལཙཱིཝར’ནྟི ཨདྷིཊྛཧིཏྭཱ བྷཱཛཱཔེསཱི’’ཏི. ཨུཔཱསཀཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ ཐུལླནནྡཱ ཨཀཱལཙཱིཝརཾ ‘ཀཱལཙཱིཝར’ནྟི ཨདྷིཊྛཧིཏྭཱ བྷཱཛཱཔེསྶཏཱི’’ཏི! ཨསྶོསུཾ ¶ ཁོ བྷིཀྑུནིཡོ ཏེསཾ ཨུཔཱསཀཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ ཐུལླནནྡཱ ཨཀཱལཙཱིཝརཾ ‘ཀཱལཙཱིཝར’ནྟི ཨདྷིཊྛཧིཏྭཱ བྷཱཛཱཔེསྶཏཱི’’ཏི! ཨཐ ཁོ ཏཱ བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ ¶ …པེ… སཙྩཾ ཀིར, བྷིཀྑཝེ ¶ , ཐུལླནནྡཱ བྷིཀྑུནཱི ཨཀཱལཙཱིཝརཾ ‘‘ཀཱལཙཱིཝར’’ནྟི ཨདྷིཊྛཧིཏྭཱ བྷཱཛཱཔེཏཱིཏི [བྷཱཛཱཔེསཱིཏི (ཀ.)]? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, ཐུལླནནྡཱ བྷིཀྑུནཱི ཨཀཱལཙཱིཝརཾ ‘‘ཀཱལཙཱིཝར’’ནྟི ཨདྷིཊྛཧིཏྭཱ བྷཱཛཱཔེསྶཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༧༣༩. ‘‘ཡཱ པན བྷིཀྑུནཱི ཨཀཱལཙཱིཝརཾ ‘ཀཱལཙཱིཝར’ནྟི ཨདྷིཊྛཧིཏྭཱ བྷཱཛཱཔེཡྻ, ནིསྶགྒིཡཾ པཱཙིཏྟིཡ’’ནྟི.

༧༤༠. ཡཱ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཨཀཱལཙཱིཝརཾ ནཱམ ཨནཏྠཏེ ཀཐིནེ ཨེཀཱདསམཱསེ ཨུཔྤནྣཾ, ཨཏྠཏེ ཀཐིནེ སཏྟམཱསེ ཨུཔྤནྣཾ, ཀཱལེཔི ཨཱདིསྶ དིནྣཾ, ཨེཏཾ ཨཀཱལཙཱིཝརཾ ནཱམ.

ཨཀཱལཙཱིཝརཾ ‘‘ཀཱལཙཱིཝར’’ནྟི ཨདྷིཊྛཧིཏྭཱ བྷཱཛཱཔེཏི, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ ཨེཀབྷིཀྑུནིཡཱ ཝཱ. ཨེཝཉྩ པན ¶ , བྷིཀྑཝེ, ནིསྶཛྫིཏབྦཾ…པེ… ཨིདཾ མེ, ཨཡྻེ, ཨཀཱལཙཱིཝརཾ ‘‘ཀཱལཙཱིཝར’ནྟི ཨདྷིཊྛཧིཏྭཱ བྷཱཛཱཔིཏཾ ནིསྶགྒིཡཾ, ཨིམཱཧཾ སངྒྷསྶ ནིསྶཛྫཱམཱི’’ཏི…པེ… དདེཡྻཱཏི…པེ… དདེཡྻུནྟི…པེ… ཨཡྻཱཡ དམྨཱིཏི.

༧༤༡. ཨཀཱལཙཱིཝརེ ཨཀཱལཙཱིཝརསཉྙཱ ‘‘ཀཱལཙཱིཝར’’ནྟི ཨདྷིཊྛཧིཏྭཱ བྷཱཛཱཔེཏི, ནིསྶགྒིཡཾ པཱཙིཏྟིཡཾ. ཨཀཱལཙཱིཝརེ ཝེམཏིཀཱ ‘‘ཀཱལཙཱིཝར’’ནྟི ¶ ཨདྷིཊྛཧིཏྭཱ བྷཱཛཱཔེཏི, ཨཱཔཏྟི དུཀྐཊསྶ. ཨཀཱལཙཱིཝརེ ཀཱལཙཱིཝརསཉྙཱ ‘‘ཀཱལཙཱིཝར’’ནྟི ཨདྷིཊྛཧིཏྭཱ བྷཱཛཱཔེཏི ¶ , ཨནཱཔཏྟི. ཀཱལཙཱིཝརེ ཨཀཱལཙཱིཝརསཉྙཱ, ཨཱཔཏྟི དུཀྐཊསྶ. ཀཱལཙཱིཝརེ ཝེམཏིཀཱ, ཨཱཔཏྟི དུཀྐཊསྶ. ཀཱལཙཱིཝརེ ཀཱལཙཱིཝརསཉྙཱ, ཨནཱཔཏྟི.

༧༤༢. ཨནཱཔཏྟི ཨཀཱལཙཱིཝརཾ ཀཱལཙཱིཝརསཉྙཱ བྷཱཛཱཔེཏི, ཀཱལཙཱིཝརཾ ཀཱལཙཱིཝརསཉྙཱ བྷཱཛཱཔེཏི, ཨུམྨཏྟིཀཱཡ, ཨཱདིཀམྨིཀཱཡཱཏི.

དུཏིཡསིཀྑཱཔདཾ ནིཊྛིཏཾ.

༣. ཏཏིཡསིཀྑཱཔདཾ

༧༤༣. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཐུལླནནྡཱ བྷིཀྑུནཱི ཨཉྙཏརཱཡ བྷིཀྑུནིཡཱ སདྡྷིཾ ཙཱིཝརཾ པརིཝཏྟེཏྭཱ པརིབྷུཉྫི. ཨཐ ཁོ སཱ བྷིཀྑུནཱི ཏཾ ཙཱིཝརཾ སངྒྷརིཏྭཱ [སཾཧརིཏྭཱ (ཀ.)] ནིཀྑིཔི. ཐུལླནནྡཱ བྷིཀྑུནཱི ཏཾ བྷིཀྑུནིཾ ཨེཏདཝོཙ – ‘‘ཡཾ ཏེ, ཨཡྻེ, མཡཱ ¶ སདྡྷིཾ ཙཱིཝརཾ པརིཝཏྟིཏཾ, ཀཧཾ ཏཾ ཙཱིཝར’’ནྟི? ཨཐ ཁོ སཱ བྷིཀྑུནཱི ཏཾ ཙཱིཝརཾ ནཱིཧརིཏྭཱ ཐུལླནནྡཱཡ བྷིཀྑུནིཡཱ དསྶེསི. ཐུལླནནྡཱ བྷིཀྑུནཱི ¶ ཏཾ བྷིཀྑུནིཾ ཨེཏདཝོཙ – ‘‘ཧནྡཱཡྻེ, ཏུཡ྄ཧཾ ཙཱིཝརཾ, ཨཱཧར མེ’ཏཾ ཙཱིཝརཾ, ཡཾ ཏུཡ྄ཧཾ ཏུཡ྄ཧམེཝེཏཾ, ཡཾ མཡ྄ཧཾ མཡ྄ཧམེཝེཏཾ, ཨཱཧར མེ’ཏཾ, སཀཾ པཙྩཱཧརཱ’’ཏི ཨཙྪིནྡི. ཨཐ ཁོ སཱ བྷིཀྑུནཱི བྷིཀྑུནཱིནཾ ཨེཏམཏྠཾ ཨཱརོཙེསི. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ ཐུལླནནྡཱ བྷིཀྑུནིཡཱ སདྡྷིཾ ཙཱིཝརཾ པརིཝཏྟེཏྭཱ ཨཙྪིནྡིསྶཏཱི’’ཏི! ཨཐ ཁོ ཏཱ བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ. བྷིཀྑཱུ བྷགཝཏོ ཨེཏམཏྠཾ ཨཱརཱཙེསུཾ…པེ… སཙྩཾ ཀིར, བྷིཀྑཝེ, ཐུལླནནྡཱ བྷིཀྑུནཱི བྷིཀྑུནིཡཱ སདྡྷིཾ ཙཱིཝརཾ པརིཝཏྟེཏྭཱ ཨཙྪིནྡཏཱིཏི [ཨཙྪིནྡཱིཏི (ཀ.)]? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, ཐུལླནནྡཱ བྷིཀྑུནཱི ¶ བྷིཀྑུནིཡཱ སདྡྷིཾ ཙཱིཝརཾ པརིཝཏྟེཏྭཱ ཨཙྪིནྡིསྶཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༧༤༤. ‘‘ཡཱ ¶ པན བྷིཀྑུནཱི བྷིཀྑུནིཡཱ སདྡྷིཾ ཙཱིཝརཾ པརིཝཏྟེཏྭཱ སཱ པཙྪཱ ཨེཝཾ ཝདེཡྻ – ‘ཧནྡཱཡྻེ, ཏུཡ྄ཧཾ ཙཱིཝརཾ ཨཱཧར, མེཏཾ ཙཱིཝརཾ, ཡཾ ཏུཡ྄ཧཾ ཏུཡ྄ཧམེཝེཏཾ, ཡཾ མཡ྄ཧཾ མཡ྄ཧམེཝེཏཾ, ཨཱཧར མེཏཾ, སཀཾ པཙྩཱཧརཱ’ཏི ཨཙྪིནྡེཡྻ ཝཱ ཨཙྪིནྡཱཔེཡྻ ཝཱ, ནིསྶགྒིཡཾ པཱཙིཏྟིཡ’’ནྟི.

༧༤༥. ཡཱ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

བྷིཀྑུནིཡཱ སདྡྷིནྟི ཨཉྙཱཡ བྷིཀྑུནིཡཱ སདྡྷིཾ.

ཙཱིཝརཾ ནཱམ ཚནྣཾ ཙཱིཝརཱནཾ ཨཉྙཏརཾ ཙཱིཝརཾ ཝིཀཔྤནུཔགཾ ¶ པཙྪིམཾ.

པརིཝཏྟེཏྭཱཏི པརིཏྟེན ཝཱ ཝིཔུལཾ, ཝིཔུལེན ཝཱ པརིཏྟཾ.

ཨཙྪིནྡེཡྻཱཏི སཡཾ ཨཙྪིནྡཏི ནིསྶགྒིཡཾ པཱཙིཏྟིཡཾ.

ཨཙྪིནྡཱཔེཡྻཱཏི ཨཉྙཾ ཨཱཎཱཔེཏི, ཨཱཔཏྟི དུཀྐཊསྶ. སཀིཾ ཨཱཎཏྟཱ བཧུཀམྤི ཨཙྪིནྡཏི, ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ ཨེཀབྷིཀྑུནིཡཱ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ‘‘ཨིདཾ མེ ཨཡྻེ ཙཱིཝརཾ བྷིཀྑུནིཡཱ སདྡྷིཾ པརིཝཏྟེཏྭཱ ཨཙྪིནྣཾ ནིསྶགྒིཡཾ, ཨིམཱཧཾ སངྒྷསྶ ནིསྶཛྫཱམཱི’’ཏི…པེ… དདེཡྻཱཏི…པེ… དདེཡྻུནྟི…པེ… ཨཡྻཱཡ དམྨཱིཏི.

༧༤༦. ཨུཔསམྤནྣཱཡ ཨུཔསམྤནྣསཉྙཱ ཙཱིཝརཾ པརིཝཏྟེཏྭཱ ཨཙྪིནྡཏི ཝཱ ཨཙྪིནྡཱཔེཏི ཝཱ, ནིསྶགྒིཡཾ པཱཙིཏྟིཡཾ. ཨུཔསམྤནྣཱཡ ¶ ཝེམཏིཀཱ ཙཱིཝརཾ པརིཝཏྟེཏྭཱ ཨཙྪིནྡཏི ཝཱ ཨཙྪིནྡཱཔེཏི ཝཱ, ནིསྶགྒིཡཾ པཱཙིཏྟིཡཾ. ཨུཔསམྤནྣཱཡ ཨནུཔསམྤནྣསཉྙཱ ཙཱིཝརཾ པརིཝཏྟེཏྭཱ ཨཙྪིནྡཏི ཝཱ ཨཙྪིནྡཱཔེཏི ཝཱ, ནིསྶགྒིཡཾ པཱཙིཏྟིཡཾ.

ཨཉྙཾ ¶ པརིཀྑཱརཾ པརིཝཏྟེཏྭཱ ཨཙྪིནྡཏི ཝཱ ཨཙྪིནྡཱཔེཏི ཝཱ, ཨཱཔཏྟི དུཀྐཊསྶ. ཨནུཔསམྤནྣཱཡ སདྡྷིཾ ཙཱིཝརཾ ཝཱ ཨཉྙཾ ཝཱ པརིཀྑཱརཾ པརིཝཏྟེཏྭཱ ཨཙྪིནྡཏི ཝཱ ཨཙྪིནྡཱཔེཏི ཝཱ, ཨཱཔཏྟི དུཀྐཊསྶ. ཨནུཔསམྤནྣཱཡ ཨུཔསམྤནྣསཉྙཱ, ཨཱཔཏྟི དུཀྐཊསྶ. ཨནུཔསམྤནྣཱཡ ཝེམཏིཀཱ, ཨཱཔཏྟི ¶ དུཀྐཊསྶ. ཨནུཔསམྤནྣཱཡ ཨནུཔསམྤནྣསཉྙཱ, ཨཱཔཏྟི དུཀྐཊསྶ.

༧༤༧. ཨནཱཔཏྟི སཱ ཝཱ དེཏི, ཏསྶཱ ཝཱ ཝིསྶསནྟཱི གཎྷཱཏི, ཨུམྨཏྟིཀཱཡ, ཨཱདིཀམྨིཀཱཡཱཏི.

ཏཏིཡསིཀྑཱཔདཾ ནིཊྛིཏཾ.

༤. ཙཏུཏྠསིཀྑཱཔདཾ

༧༤༨. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཐུལླནནྡཱ བྷིཀྑུནཱི གིལཱནཱ ཧོཏི. ཨཐ ཁོ ཨཉྙཏརོ ཨུཔཱསཀོ ཡེན ཐུལླནནྡཱ བྷིཀྑུནཱི ཏེནུཔསངྐམི; ཨུཔསངྐམིཏྭཱ ཐུལླནནྡཾ བྷིཀྑུནིཾ ཨེཏདཝོཙ – ‘‘ཀིཾ ཏེ, ཨཡྻེ, ཨཕཱསུ, ཀིཾ ཨཱཧརཱིཡཏཱུ’’ཏི? ‘‘སཔྤིནཱ མེ, ཨཱཝུསོ, ཨཏྠོ’’ཏི. ཨཐ ཁོ སོ ཨུཔཱསཀོ ཨཉྙཏརསྶ ཨཱཔཎིཀསྶ གྷརཱ ཀཧཱཔཎསྶ སཔྤིཾ ཨཱཧརིཏྭཱ ཐུལླནནྡཱཡ བྷིཀྑུནིཡཱ ཨདཱསི. ཐུལླནནྡཱ བྷིཀྑུནཱི ཨེཝམཱཧ – ‘‘ན མེ, ཨཱཝུསོ, སཔྤིནཱ ཨཏྠོ; ཏེལེན མེ ཨཏྠོ’’ཏི. ཨཐ ཁོ སོ ཨུཔཱསཀོ ཡེན སོ ཨཱཔཎིཀོ ཏེནུཔསངྐམི; ཨུཔསངྐམིཏྭཱ ཏཾ ཨཱཔཎིཀཾ ཨེཏདཝོཙ – ‘‘ན ཀིརཱཡྻོ ཨཡྻཱཡ སཔྤིནཱ ཨཏྠོ, ཏེལེན ཨཏྠོ. ཧནྡ ཏེ སཔྤིཾ, ཏེལཾ མེ དེཧཱི’’ཏི. ‘‘སཙེ མཡཾ ཨཡྻོ ཝིཀྐཱིཏཾ བྷཎྜཾ ¶ པུན ཨཱདིཡིསྶཱམ [ཨཱཧརིསྶཱམ (ཀ.)], ཀདཱ ཨམྷཱཀཾ བྷཎྜཾ ཝིཀྐཱཡིསྶཏི [ཝིཀྐཱིཡིསྶཏི (?)]; སཔྤིསྶ ཀཡེན སཔྤི ཧཊཾ, ཏེལསྶ ཀཡཾ ཨཱཧར, ཏེལཾ ཧརིསྶསཱི’’ཏི. ཨཐ ཁོ སོ ཨུཔཱསཀོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ ཨཡྻཱ ཐུལླནནྡཱ ཨཉྙཾ ཝིཉྙཱཔེཏྭཱ ཨཉྙཾ ཝིཉྙཱཔེསྶཏཱི’’ཏི! ཨསྶོསུཾ ཁོ བྷིཀྑུནིཡོ ཏསྶ ཨུཔཱསཀསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི…པེ… ཨཐ ཁོ ཏཱ བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ཀིར, བྷིཀྑཝེ, ཐུལླནནྡཱ བྷིཀྑུནཱི ཨཉྙཾ ཝིཉྙཱཔེཏྭཱ ཨཉྙཾ ཝིཉྙཱཔེཏཱིཏི [ཝིཉྙཱཔེསཱིཏི (ཀ.)]? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ ¶ …པེ… ཀཐཉྷི ¶ ནཱམ, བྷིཀྑཝེ, ཐུལླནནྡཱ བྷིཀྑུནཱི ཨཉྙཾ ཝིཉྙཱཔེཏྭཱ ཨཉྙཾ ཝིཉྙཱཔེསྶཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༧༤༩. ‘‘ཡཱ པན བྷིཀྑུནཱི ཨཉྙཾ ཝིཉྙཱཔེཏྭཱ ཨཉྙཾ ཝིཉྙཱཔེཡྻ, ནིསྶགྒིཡཾ པཱཙིཏྟིཡ’’ནྟི.

༧༥༠. ཡཱ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཨཉྙཾ ¶ ཝིཉྙཱཔེཏྭཱཏི ཡཾ ཀིཉྩི ཝིཉྙཱཔེཏྭཱ.

ཨཉྙཾ ཝིཉྙཱཔེཡྻཱཏི ཏཾ ཋཔེཏྭཱ ཨཉྙཾ ཝིཉྙཱཔེཏི, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ¶ ཝཱ གཎསྶ ཝཱ ཨེཀབྷིཀྑུནིཡཱ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ‘‘ཨིདཾ མེ ཨཡྻེ ཨཉྙཾ ཝིཉྙཱཔེཏྭཱ ཨཉྙཾ ཝིཉྙཱཔིཏཾ ནིསྶགྒིཡཾ, ཨིམཱཧཾ སངྒྷསྶ ནིསྶཛྫཱམཱིཏི…པེ… དདེཡྻཱཏི…པེ… དདེཡྻུནྟི…པེ… ཨཡྻཱཡ དམྨཱི’’ཏི.

༧༥༡. ཨཉྙེ ཨཉྙསཉྙཱ ཨཉྙཾ ཝིཉྙཱཔེཏི, ནིསྶགྒིཡཾ པཱཙིཏྟིཡཾ. ཨཉྙེ ཝེམཏིཀཱ ཨཉྙཾ ཝིཉྙཱཔེཏི, ནིསྶགྒིཡཾ པཱཙིཏྟིཡཾ. ཨཉྙེ ཨནཉྙསཉྙཱ ཨཉྙཾ ཝིཉྙཱཔེཏི, ནིསྶགྒིཡཾ པཱཙིཏྟིཡཾ.

ཨནཉྙེ ཨཉྙསཉྙཱ ཨནཉྙཾ ཝིཉྙཱཔེཏི, ཨཱཔཏྟི དུཀྐཊསྶ. ཨནཉྙེ ཝེམཏིཀཱ ཨནཉྙཾ ཝིཉྙཱཔེཏི, ཨཱཔཏྟི དུཀྐཊསྶ. ཨནཉྙེ ཨནཉྙསཉྙཱ, ཨནཱཔཏྟི.

༧༥༢. ཨནཱཔཏྟི ཏཉྙེཝ [ཏཉྩེཝ (སྱཱ.)] ཝིཉྙཱཔེཏི, ཨཉྙཉྩ ཝིཉྙཱཔེཏི, ཨཱནིསཾསཾ དསྶེཏྭཱ ཝིཉྙཱཔེཏི, ཨུམྨཏྟིཀཱཡ, ཨཱདིཀམྨིཀཱཡཱཏི.

ཙཏུཏྠསིཀྑཱཔདཾ ནིཊྛིཏཾ.

༥. པཉྩམསིཀྑཱཔདཾ

༧༥༣. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཐུལླནནྡཱ བྷིཀྑུནཱི གིལཱནཱ ཧོཏི. ཨཐ ཁོ ཨཉྙཏརོ ཨུཔཱསཀོ ཡེན ཐུལླནནྡཱ བྷིཀྑུནཱི ཏེནུཔསངྐམི; ཨུཔསངྐམིཏྭཱ ཐུལླནནྡཾ བྷིཀྑུནིཾ ཨེཏདཝོཙ – ‘‘ཀཙྩི, ཨཡྻེ, ཁམནཱིཡཾ ཀཙྩི ཡཱཔནཱིཡ’’ནྟི? ‘‘ན མེ, ཨཱཝུསོ, ཁམནཱིཡཾ, ན ཡཱཔནཱིཡ’’ནྟི. ‘‘ཨམུཀསྶ, ཨཡྻེ, ཨཱཔཎིཀསྶ གྷརེ ཀཧཱཔཎཾ ¶ ནིཀྑིཔིསྶཱམི, ཏཏོ ཡཾ ཨིཙྪེཡྻཱསི ཏཾ ཨཱཧརཱཔེཡྻཱསཱི’’ཏི. ཐུལླནནྡཱ བྷིཀྑུནཱི ཨཉྙཏརཾ སིཀྑམཱནཾ ཨཱཎཱཔེསི – ‘‘གཙྪ, སིཀྑམཱནེ, ཨམུཀསྶ ཨཱཔཎིཀསྶ གྷརཱ ཀཧཱཔཎསྶ ཏེལཾ ཨཱཧརཱ’’ཏི. ཨཐ ཁོ སཱ སིཀྑམཱནཱ ཏསྶ ¶ ཨཱཔཎིཀསྶ གྷརཱ ཀཧཱཔཎསྶ ཏེལཾ ¶ ཨཱཧརིཏྭཱ ཐུལླནནྡཱཡ བྷིཀྑུནིཡཱ ཨདཱསི. ཐུལླནནྡཱ བྷིཀྑུནཱི ཨེཝམཱཧ – ‘‘ན མེ, སིཀྑམཱནེ, ཏེལེན ཨཏྠོ, སཔྤིནཱ མེ ཨཏྠོ’’ཏི. ཨཐ ཁོ སཱ སིཀྑམཱནཱ ཡེན སོ ཨཱཔཎིཀོ ཏེནུཔསངྐམི; ཨུཔསངྐམིཏྭཱ ཏཾ ཨཱཔཎིཀཾ ཨེཏདཝོཙ – ‘‘ན ཀིར, ཨཱཝུསོ, ཨཡྻཱཡ ཏེལེན ཨཏྠོ, སཔྤིནཱ ཨཏྠོ, ཧནྡ ཏེ ཏེལཾ, སཔྤིཾ མེ དེཧཱི’’ཏི. ‘‘སཙེ མཡཾ, ཨཡྻེ, ཝིཀྐཱིཏཾ བྷཎྜཾ པུན ཨཱདིཡིསྶཱམ, ཀདཱ ཨམྷཱཀཾ བྷཎྜཾ ཝིཀྐཱཡིསྶཏི! ཏེལསྶ ཀཡེན ཏེལཾ ཧཊཾ, སཔྤིསྶ ཀཡཾ ཨཱཧར, སཔྤིཾ ཧརིསྶསཱི’’ཏི. ཨཐ ཁོ སཱ སིཀྑམཱནཱ རོདནྟཱི ཨཊྛཱསི. བྷིཀྑུནིཡོ ཏཾ སིཀྑམཱནཾ ཨེཏདཝོཙུཾ – ‘‘ཀིསྶ ཏྭཾ, སིཀྑམཱནེ, རོདསཱི’’ཏི? ཨཐ ཁོ སཱ སིཀྑམཱནཱ བྷིཀྑུནཱིནཾ ཨེཏམཏྠཾ ཨཱརོཙེསི. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ ཐུལླནནྡཱ ཨཉྙཾ ཙེཏཱཔེཏྭཱ ཨཉྙཾ ཙེཏཱཔེསྶཏཱི’’ཏི…པེ… སཙྩཾ ཀིར, བྷིཀྑཝེ, ཐུལླནནྡཱ བྷིཀྑུནཱི ཨཉྙཾ ཙེཏཱཔེཏྭཱ ཨཉྙཾ ཙེཏཱཔེཏཱིཏི [ཙེཏཱཔེསཱིཏི (ཀ.)]? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, ཐུལླནནྡཱ བྷིཀྑུནཱི ཨཉྙཾ ཙེཏཱཔེཏྭཱ ¶ ཨཉྙཾ ཙེཏཱཔེསྶཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༧༥༤. ‘‘ཡཱ པན བྷིཀྑུནཱི ཨཉྙཾ ཙེཏཱཔེཏྭཱ ཨཉྙཾ ཙེཏཱཔེཡྻ, ནིསྶགྒིཡཾ པཱཙིཏྟིཡ’’ནྟི.

༧༥༥. ཡཱ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཨཉྙཾ ¶ ཙེཏཱཔེཏྭཱཏི ཡཾ ཀིཉྩི ཙེཏཱཔེཏྭཱ.

ཨཉྙཾ ཙེཏཱཔེཡྻཱཏི ཏཾ ཋཔེཏྭཱ ཨཉྙཾ ཙེཏཱཔེཏི, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ ཨེཀབྷིཀྑུནིཡཱ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ‘‘ཨིདཾ མེ, ཨཡྻེ, ཨཉྙཾ ཙེཏཱཔེཏྭཱ ཨཉྙཾ ཙེཏཱཔིཏཾ ནིསྶགྒིཡཾ, ཨིམཱཧཾ སངྒྷསྶ ནིསྶཛྫཱམཱི’’ཏི…པེ… དདེཡྻཱཏི…པེ… དདེཡྻུནྟི…པེ… ཨཡྻཱཡ དམྨཱིཏི.

༧༥༦. ཨཉྙེ ¶ ཨཉྙསཉྙཱ ཨཉྙཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨཉྙེ ཝེམཏིཀཱ ཨཉྙཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨཉྙེ ཨནཉྙསཉྙཱ ཨཉྙཾ ཙེཏཱཔེཏི, ནིསྶགྒིཡཾ པཱཙིཏྟིཡཾ.

ཨནཉྙེ ཨཉྙསཉྙཱ ཨནཉྙཾ ཙེཏཱཔེཏི, ཨཱཔཏྟི དུཀྐཊསྶ. ཨནཉྙེ ཝེམཏིཀཱ ཨནཉྙཾ ཙེཏཱཔེཏི, ཨཱཔཏྟི དུཀྐཊསྶ. ཨནཉྙེ ཨནཉྙསཉྙཱ ཨནཱཔཏྟི.

༧༥༧. ཨནཱཔཏྟི ཏཉྙེཝ [ཏཉྩེཝ (སྱཱ.)] ཙེཏཱཔེཏི, ཨཉྙཉྩ ཙེཏཱཔེཏི, ཨཱནིསཾསཾ དསྶེཏྭཱ ཙེཏཱཔེཏི, ཨུམྨཏྟིཀཱཡ, ཨཱདིཀམྨིཀཱཡཱཏི.

པཉྩམསིཀྑཱཔདཾ ནིཊྛིཏཾ.

༦. ཚཊྛསིཀྑཱཔདཾ

༧༥༨. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨུཔཱསཀཱ བྷིཀྑུནིསངྒྷསྶ ཙཱིཝརཏྠཱཡ ཚནྡཀཾ སངྒྷརིཏྭཱ ཨཉྙཏརསྶ པཱཝཱརིཀསྶ གྷརེ པརིཀྑཱརཾ ནིཀྑིཔིཏྭཱ བྷིཀྑུནིཡོ ཨུཔསངྐམིཏྭཱ ཨེཏདཝོཙུཾ – ‘‘ཨམུཀསྶ, ཨཡྻེ, པཱཝཱརིཀསྶ གྷརེ ཙཱིཝརཏྠཱཡ པརིཀྑཱརོ ནིཀྑིཏྟོ, ཏཏོ ཙཱིཝརཾ ཨཱཧརཱཔེཏྭཱ བྷཱཛེཐཱ’’ཏི. བྷིཀྑུནིཡོ ཏེན པརིཀྑཱརེན བྷེསཛྫཾ ཙེཏཱཔེཏྭཱ པརིབྷུཉྫིཾསུ. ཨུཔཱསཀཱ ཛཱནིཏྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན སངྒྷིཀེན ཨཉྙཾ ཙེཏཱཔེསྶནྟཱི’’ཏི! ཨསྶོསུཾ ཁོ བྷིཀྑུནིཡོ ཏེསཾ ཨུཔཱསཀཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡཱ ཏཱ བྷིཀྑུནིཡོ ¶ ཨཔྤིཙྪཱ ¶ …པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན སངྒྷིཀེན ཨཉྙཾ ཙེཏཱཔེསྶནྟཱི’’ཏི…པེ… སཙྩཾ ཀིར, བྷིཀྑཝེ, བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན སངྒྷིཀེན ཨཉྙཾ ཙེཏཱཔེནྟཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, བྷིཀྑུནིཡོ ཨཉྙདཏྠིཀེན ¶ པརིཀྑཱརེན ཨཉྙུདྡིསིཀེན སངྒྷིཀེན ཨཉྙཾ ཙེཏཱཔེསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ¶ ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༧༥༩. ‘‘ཡཱ པན བྷིཀྑུནཱི ཨཉྙདཏྠིཀེན པརིཀྑཱརེན ཨཉྙུདྡིསིཀེན སངྒྷིཀེན ཨཉྙཾ ཙེཏཱཔེཡྻ, ནིསྶགྒིཡཾ པཱཙིཏྟིཡ’’ནྟི.

༧༦༠. ཡཱ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཨཉྙདཏྠིཀེན པརིཀྑཱརེན ཨཉྙུདྡིསིཀེནཱཏི ཨཉྙསྶཏྠཱཡ དིནྣེན.

སངྒྷིཀེནཱཏི སངྒྷསྶ, ན གཎསྶ, ན ཨེཀབྷིཀྑུནིཡཱ.

ཨཉྙཾ ཙེཏཱཔེཡྻཱཏི ཡཾཨཏྠཱཡ དིནྣཾ, ཏཾ ཋཔེཏྭཱ ཨཉྙཾ ཙེཏཱཔེཏི, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ ཨེཀབྷིཀྑུནིཡཱ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ‘‘ཨིདཾ མེ, ཨཡྻེ, ཨཉྙདཏྠིཀེན པརིཀྑཱརེན ཨཉྙུདྡིསིཀེན སངྒྷིཀེན ཨཉྙཾ ཙེཏཱཔིཏཾ ནིསྶགྒིཡཾ, ཨིམཱཧཾ སངྒྷསྶ ནིསྶཛྫཱམཱི’’ཏི.…པེ… དདེཡྻཱཏི…པེ… དདེཡྻུནྟི…པེ… ཨཡྻཱཡ དམྨཱིཏི.

༧༦༡. ཨཉྙདཏྠིཀེ ཨཉྙདཏྠིཀསཉྙཱ ཨཉྙཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨཉྙདཏྠིཀེ ཝེམཏིཀཱ ཨཉྙཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨཉྙདཏྠིཀེ ཨནཉྙདཏྠིཀསཉྙཱ ཨཉྙཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ནིསྶཊྛཾ པཊིལབྷིཏྭཱ ཡཐཱདཱནེ ཨུཔནེཏབྦཾ.

ཨནཉྙདཏྠིཀེ ¶ ཨཉྙདཏྠིཀསཉྙཱ, ཨཱཔཏྟི དུཀྐཊསྶ. ཨནཉྙདཏྠིཀེ ཝེམཏིཀཱ, ཨཱཔཏྟི དུཀྐཊསྶ. ཨནཉྙདཏྠིཀེ ཨནཉྙདཏྠིཀསཉྙཱ, ཨནཱཔཏྟི.

༧༦༢. ཨནཱཔཏྟི ¶ སེསཀཾ ཨུཔནེཏི, སཱམིཀེ ཨཔལོཀེཏྭཱ ཨུཔནེཏི, ཨཱཔདཱསུ, ཨུམྨཏྟིཀཱཡ, ཨཱདིཀམྨིཀཱཡཱཏི.

ཚཊྛསིཀྑཱཔདཾ ནིཊྛིཏཾ.

༧. སཏྟམསིཀྑཱཔདཾ

༧༦༣. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨུཔཱསཀཱ བྷིཀྑུནིསངྒྷསྶ ཙཱིཝརཏྠཱཡ ཚནྡཀཾ སངྒྷརིཏྭཱ ཨཉྙཏརསྶ པཱཝཱརིཀསྶ གྷརེ པརིཀྑཱརཾ ནིཀྑིཔིཏྭཱ ¶ བྷིཀྑུནིཡོ ཨུཔསངྐམིཏྭཱ ཨེཏདཝོཙུཾ – ‘‘ཨམུཀསྶ, ཨཡྻེ, པཱཝཱརིཀསྶ གྷརེ ཙཱིཝརཏྠཱཡ པརིཀྑཱརོ ནིཀྑིཏྟོ, ཏཏོ ཙཱིཝརཾ ཨཱཧརཱཔེཏྭཱ བྷཱཛེཐཱ’’ཏི. བྷིཀྑུནིཡོ ཏེན ཙ པརིཀྑཱརེན སཡམྤི ཡཱཙིཏྭཱ བྷེསཛྫཾ ཙེཏཱཔེཏྭཱ པརིབྷུཉྫིཾསུ. ཨུཔཱསཀཱ ཛཱནིཏྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན སངྒྷིཀེན སཉྙཱཙིཀེན ཨཉྙཾ ཙེཏཱཔེསྶནྟཱི’’ཏི…པེ… སཙྩཾ ཀིར, བྷིཀྑཝེ, བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན སངྒྷིཀེན སཉྙཱཙིཀེན ཨཉྙཾ ཙེཏཱཔེནྟཱིཏི? ‘‘སཙྩཾ, བྷགཝཱ’’ཏི. ཝིགརཧི ¶ བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན སངྒྷིཀེན སཉྙཱཙིཀེན ཨཉྙཾ ཙེཏཱཔེསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༧༦༤. ‘‘ཡཱ པན བྷིཀྑུནཱི ཨཉྙདཏྠིཀེན པརིཀྑཱརེན ཨཉྙུདྡིསིཀེན སངྒྷིཀེན སཉྙཱཙིཀེན ཨཉྙཾ ཙེཏཱཔེཡྻ, ནིསྶགྒིཡཾ པཱཙིཏྟིཡ’’ནྟི.

༧༦༥. ཡཱ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཨཉྙདཏྠིཀེན ¶ པརིཀྑཱརེན ཨཉྙུདྡིསིཀེནཱཏི ཨཉྙསྶཏྠཱཡ དིནྣེན.

སངྒྷིཀེནཱཏི སངྒྷསྶ, ན གཎསྶ, ན ཨེཀབྷིཀྑུནིཡཱ.

སཉྙཱཙིཀེནཱཏི སཡཾ ཡཱཙིཏྭཱ.

ཨཉྙཾ ཙེཏཱཔེཡྻཱཏི ཡཾཨཏྠཱཡ དིནྣཾ ཏཾ ཋཔེཏྭཱ ཨཉྙཾ ཙེཏཱཔེཏི, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ ཨེཀབྷིཀྑུནིཡཱ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ‘‘ཨིདཾ མེ, ཨཡྻེ, ཨཉྙདཏྠིཀེན པརིཀྑཱརེན ཨཉྙུདྡིསིཀེན ¶ སངྒྷིཀེན སཉྙཱཙིཀེན ཨཉྙཾ ཙེཏཱཔིཏཾ ནིསྶགྒིཡཾ, ཨིམཱཧཾ སངྒྷསྶ ནིསྶཛྫཱམཱི’’ཏི…པེ… དདེཡྻཱཏི…པེ… དདེཡྻུནྟི…པེ… ཨཡྻཱཡ དམྨཱིཏི.

༧༦༦. ཨཉྙདཏྠིཀེ ཨཉྙདཏྠིཀསཉྙཱ ཨཉྙཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨཉྙདཏྠིཀེ ཝེམཏིཀཱ ཨཉྙཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨཉྙདཏྠིཀེ ཨནཉྙདཏྠིཀསཉྙཱ ཨཉྙཾ ཙེཏཱཔེཏི ¶ , ནིསྶགྒིཡཾ པཱཙིཏྟིཡཾ. ནིསྶཊྛཾ པཊིལབྷིཏྭཱ ཡཐཱདཱནེ ཨུཔནེཏབྦཾ.

ཨནཉྙདཏྠིཀེ ཨཉྙདཏྠིཀསཉྙཱ, ཨཱཔཏྟི དུཀྐཊསྶ. ཨནཉྙདཏྠིཀེ ཝེམཏིཀཱ, ཨཱཔཏྟི དུཀྐཊསྶ. ཨནཉྙདཏྠིཀེ ཨནཉྙདཏྠིཀསཉྙཱ, ཨནཱཔཏྟི.

༧༦༧. ཨནཱཔཏྟི སེསཀཾ ཨུཔནེཏི, སཱམིཀེ ཨཔལོཀེཏྭཱ ཨུཔནེཏི, ཨཱཔདཱསུ, ཨུམྨཏྟིཀཱཡ, ཨཱདིཀམྨིཀཱཡཱཏི.

སཏྟམསིཀྑཱཔདཾ ནིཊྛིཏཾ.

༨. ཨཊྛམསིཀྑཱཔདཾ

༧༦༨. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཉྙཏརསྶ པཱུགསྶ པརིཝེཎཝཱསིཀཱ བྷིཀྑུནིཡོ ཡཱགུཡཱ ཀིལམནྟི. ཨཐ ཁོ སོ པཱུགོ བྷིཀྑུནཱིནཾ ཡཱགུཨཏྠཱཡ ཚནྡཀཾ སངྒྷརིཏྭཱ ཨཉྙཏརསྶ ཨཱཔཎིཀསྶ ¶ གྷརེ པརིཀྑཱརཾ ནིཀྑིཔིཏྭཱ བྷིཀྑུནིཡོ ཨུཔསངྐམིཏྭཱ ཨེཏདཝོཙ – ‘‘ཨམུཀསྶ, ཨཡྻེ, ཨཱཔཎིཀསྶ གྷརེ ཡཱགུཨཏྠཱཡ པརིཀྑཱརོ ནིཀྑིཏྟོ, ཏཏོ ཏཎྜུལཾ ཨཱཧརཱཔེཏྭཱ ཡཱགུཾ པཙཱཔེཏྭཱ པརིབྷུཉྫཐཱ’’ཏི. བྷིཀྑུནིཡོ ཏེན པརིཀྑཱརེན བྷེསཛྫཾ ཙེཏཱཔེཏྭཱ པརིབྷུཉྫིཾསུ. སོ པཱུགོ ཛཱནིཏྭཱ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན ཨཉྙཾ ཙེཏཱཔེསྶནྟཱི’’ཏི…པེ… ¶ སཙྩཾ ཀིར, བྷིཀྑཝེ, བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན ¶ ཨཉྙཾ ཙེཏཱཔེནྟཱིཏི? ‘‘སཙྩཾ, བྷགཝཱ’’ཏི ¶ . ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན ཨཉྙཾ ཙེཏཱཔེསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༧༦༩. ‘‘ཡཱ པན བྷིཀྑུནཱི ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན ཨཉྙཾ ཙེཏཱཔེཡྻ, ནིསྶགྒིཡཾ པཱཙིཏྟིཡ’’ནྟི.

༧༧༠. ཡཱ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཨཉྙདཏྠིཀེན པརིཀྑཱརེན ཨཉྙུདྡིསིཀེནཱཏི ཨཉྙསྶཏྠཱཡ དིནྣེན.

མཧཱཛནིཀེནཱཏི གཎསྶ, ན སངྒྷསྶ, ན ཨེཀབྷིཀྑུནིཡཱ.

ཨཉྙཾ ཙེཏཱཔེཡྻཱཏི ཡཾཨཏྠཱཡ དིནྣཾ ཏཾ ཋཔེཏྭཱ ཨཉྙཾ ཙེཏཱཔེཏི, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ ཨེཀབྷིཀྑུནིཡཱ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ‘‘ཨིདཾ མེ, ཨཡྻེ, ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན ཨཉྙཾ ཙེཏཱཔིཏཾ ནིསྶགྒིཡཾ ཨིམཱཧཾ སངྒྷསྶ ནིསྶཛྫཱམཱི’’ཏི…པེ… དདེཡྻཱཏི…པེ… དདེཡྻུནྟི…པེ… ཨཡྻཱཡ དམྨཱིཏི.

༧༧༡. ཨཉྙདཏྠིཀེ ¶ ཨཉྙདཏྠིཀསཉྙཱ ཨཉྙཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨཉྙདཏྠིཀེ ཝེམཏིཀཱ ཨཉྙཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨཉྙདཏྠིཀེ ཨནཉྙདཏྠིཀསཉྙཱ ¶ ཨཉྙཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ནིསྶཊྛཾ པཊིལབྷིཏྭཱ ཡཐཱདཱནེ ཨུཔནེཏབྦཾ.

ཨནཉྙདཏྠིཀེ ཨཉྙདཏྠིཀསཉྙཱ, ཨཱཔཏྟི དུཀྐཊསྶ. ཨནཉྙདཏྠིཀེ ཝེམཏིཀཱ, ཨཱཔཏྟི དུཀྐཊསྶ. ཨནཉྙདཏྠིཀེ ཨནཉྙདཏྠིཀསཉྙཱ, ཨནཱཔཏྟི.

༧༧༢. ཨནཱཔཏྟི སེསཀཾ ཨུཔནེཏི, སཱམིཀེ ཨཔལོཀེཏྭཱ ཨུཔནེཏི, ཨཱཔདཱསུ, ཨུམྨཏྟིཀཱཡ, ཨཱདིཀམྨིཀཱཡཱཏི.

ཨཊྛམསིཀྑཱཔདཾ ནིཊྛིཏཾ.

༩. ནཝམསིཀྑཱཔདཾ

༧༧༣. ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཉྙཏརསྶ པཱུགསྶ པརིཝེཎཝཱསིཀཱ བྷིཀྑུནིཡོ ཡཱགུཡཱ ཀིལམནྟི. ཨཐ ཁོ སོ པཱུགོ བྷིཀྑུནཱིནཾ ཡཱགུཨཏྠཱཡ ཚནྡཀཾ སངྒྷརིཏྭཱ ཨཉྙཏརསྶ ཨཱཔཎིཀསྶ གྷརེ པརིཀྑཱརཾ ནིཀྑིཔིཏྭཱ བྷིཀྑུནིཡོ ཨུཔསངྐམིཏྭཱ ཨེཏདཝོཙ – ‘‘ཨམུཀསྶ, ཨཡྻེ, ཨཱཔཎིཀསྶ གྷརེ ཡཱགུཨཏྠཱཡ པརིཀྑཱརོ ནིཀྑིཏྟོ. ཏཏོ ཏཎྜུལེ ཨཱཧརཱཔེཏྭཱ ཡཱགུཾ པཙཱཔེཏྭཱ པརིབྷུཉྫཐཱ’’ཏི. བྷིཀྑུནིཡོ ཏེན ཙ པརིཀྑཱརེན སཡམྤི ཡཱཙིཏྭཱ བྷེསཛྫཾ ཙེཏཱཔེཏྭཱ པརིབྷུཉྫིཾསུ. སོ པཱུགོ ཛཱནིཏྭཱ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ¶ ནཱམ བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན སཉྙཱཙིཀེན ཨཉྙཾ ཙེཏཱཔེསྶནྟཱི’’ཏི…པེ… སཙྩཾ ཀིར, བྷིཀྑཝེ, བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན སཉྙཱཙིཀེན ཨཉྙཾ ཙེཏཱཔེནྟཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན སཉྙཱཙིཀེན ཨཉྙཾ ཙེཏཱཔེསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༧༧༤. ‘‘ཡཱ པན བྷིཀྑུནཱི ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན སཉྙཱཙིཀེན ཨཉྙཾ ཙེཏཱཔེཡྻ, ནིསྶགྒིཡཾ པཱཙིཏྟིཡ’’ནྟི.

༧༧༥. ཡཱ ¶ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཨཉྙདཏྠིཀེན པརིཀྑཱརེན ཨཉྙུདྡིསིཀེནཱཏི ཨཉྙསྶཏྠཱཡ དིནྣེན.

མཧཱཛནིཀེནཱཏི གཎསྶ, ན སངྒྷསྶ, ན ཨེཀབྷིཀྑུནིཡཱ.

སཉྙཱཙིཀེནཱཏི སཡཾ ཡཱཙིཏྭཱ.

ཨཉྙཾ ཙེཏཱཔེཡྻཱཏི ཡཾཨཏྠཱཡ དིནྣཾ ཏཾ ཋཔེཏྭཱ ཨཉྙཾ ཙེཏཱཔེཏི, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ ¶ སངྒྷསྶ ཝཱ ¶ གཎསྶ ཝཱ ཨེཀབྷིཀྑུནིཡཱ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ‘‘ཨིདཾ མེ, ཨཡྻེ, ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན སཉྙཱཙིཀེན ཨཉྙཾ ཙེཏཱཔིཏཾ ནིསྶགྒིཡཾ. ཨིམཱཧཾ སངྒྷསྶ ནིསྶཛྫཱམཱི’’ཏི…པེ… དདེཡྻཱཏི…པེ… དདེཡྻུནྟི…པེ… ཨཡྻཱཡ དམྨཱིཏི.

༧༧༦. ཨཉྙདཏྠིཀེ ཨཉྙདཏྠིཀསཉྙཱ ཨཉྙཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨཉྙདཏྠིཀེ ཝེམཏིཀཱ ཨཉྙཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨཉྙདཏྠིཀེ ཨནཉྙདཏྠིཀསཉྙཱ ཨཉྙཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ནིསྶཊྛཾ པཊིལབྷིཏྭཱ ཡཐཱདཱནེ ཨུཔནེཏབྦཾ.

ཨནཉྙདཏྠིཀེ ཨཉྙདཏྠིཀསཉྙཱ, ཨཱཔཏྟི དུཀྐཊསྶ. ཨནཉྙདཏྠིཀེ ཝེམཏིཀཱ, ཨཱཔཏྟི དུཀྐཊསྶ. ཨནཉྙདཏྠིཀེ ཨནཉྙདཏྠིཀསཉྙཱ ཨནཱཔཏྟི.

༧༧༧. ཨནཱཔཏྟི སེསཀཾ ཨུཔནེཏི, སཱམིཀེ ཨཔལོཀེཏྭཱ ཨུཔནེཏི, ཨཱཔདཱསུ, ཨུམྨཏྟིཀཱཡ, ཨཱདིཀམྨིཀཱཡཱཏི.

ནཝམསིཀྑཱཔདཾ ནིཊྛིཏཾ.

༡༠. དསམསིཀྑཱཔདཾ

༧༧༨. ཏེན ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཐུལླནནྡཱ བྷིཀྑུནཱི བཧུསྶུཏཱ ཧོཏི བྷཱཎིཀཱ ཝིསཱརདཱ པཊྚཱ དྷམྨིཾ ཀཐཾ ཀཱཏུཾ. བཧཱུ མནུསྶཱ ཐུལླནནྡཾ བྷིཀྑུནིཾ པཡིརུཔཱསནྟི. ཏེན ཁོ པན སམཡེན ¶ ཐུལླནནྡཱཡ བྷིཀྑུནིཡཱ པརིཝེཎཾ ཨུནྡྲིཡཏི [ཨུདྲཱིཡཏི (སྱཱ.)]. མནུསྶཱ ཐུལླནནྡཾ བྷིཀྑུནིཾ ཨེཏདཝོཙུཾ – ‘‘ཀིསྶིདཾ ཏེ, ཨཡྻེ, པརིཝེཎཾ ཨུནྡྲིཡཏཱི’’ཏི? ‘‘ནཏྠཱཝུསོ, དཱཡཀཱ, ནཏྠི ཀཱརཀཱ’’ཏི. ཨཐ ཁོ ཏེ མནུསྶཱ ཐུལླནནྡཱཡ བྷིཀྑུནིཡཱ པརིཝེཎཏྠཱཡ ཚནྡཀཾ སངྒྷརིཏྭཱ ཐུལླནནྡཱཡ བྷིཀྑུནིཡཱ པརིཀྑཱརཾ ཨདཾསུ. ཐུལླནནྡཱ བྷིཀྑུནཱི ཏེན ཙ པརིཀྑཱརེན སཡམྤི ཡཱཙིཏྭཱ བྷེསཛྫཾ ཙེཏཱཔེཏྭཱ པརིབྷུཉྫི. མནུསྶཱ ཛཱནིཏྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ ཐུལླནནྡཱ ཨཉྙདཏྠིཀེན པརིཀྑཱརེན ཨཉྙུདྡིསིཀེན པུགྒལིཀེན སཉྙཱཙིཀེན ཨཉྙཾ ཙེཏཱཔེསྶཏཱི’’ཏི…པེ… སཙྩཾ ¶ ཀིར, བྷིཀྑཝེ, ཐུལླནནྡཱ བྷིཀྑུནཱི ཨཉྙདཏྠིཀེན པརིཀྑཱརེན ཨཉྙུདྡིསིཀེན པུགྒལིཀེན སཉྙཱཙིཀེན ཨཉྙཾ ཙེཏཱཔེཏཱིཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, ཐུལླནནྡཱ བྷིཀྑུནཱི ཨཉྙདཏྠིཀེན པརིཀྑཱརེན ཨཉྙུདྡིསིཀེན པུགྒལིཀེན སཉྙཱཙིཀེན ཨཉྙཾ ཙེཏཱཔེསྶཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༧༧༩. ‘‘ཡཱ པན བྷིཀྑུནཱི ཨཉྙདཏྠིཀེན པརིཀྑཱརེན ཨཉྙུདྡིསིཀེན པུགྒལིཀེན སཉྙཱཙིཀེན ཨཉྙཾ ཙེཏཱཔེཡྻ, ནིསྶགྒིཡཾ པཱཙིཏྟིཡ’’ནྟི.

༧༨༠. ཡཱ པནཱཏི ཡཱ ཡཱདིསཱ…པེ… བྷིཀྑུནཱིཏི…པེ… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི.

ཨཉྙདཏྠིཀེན པརིཀྑཱརེན ཨཉྙུདྡིསིཀེནཱཏི ¶ ཨཉྙསྶཏྠཱཡ དིནྣེན.

པུགྒལིཀེནཱཏི ཨེཀཱཡ བྷིཀྑུནིཡཱ, ན སངྒྷསྶ, ན གཎསྶ.

སཉྙཱཙིཀེནཱཏི སཡཾ ཡཱཙིཏྭཱ.

ཨཉྙཾ ¶ ཙེཏཱཔེཡྻཱཏི ཡཾཨཏྠཱཡ དིནྣཾ ཏཾ ཋཔེཏྭཱ ཨཉྙཾ ཙེཏཱཔེཏི, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ ཨེཀབྷིཀྑུནིཡཱ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ‘‘ཨིདཾ མེ, ཨཡྻེ, ཨཉྙདཏྠིཀེན པརིཀྑཱརེན ཨཉྙུདྡིསིཀེན པུགྒལིཀེན སཉྙཱཙིཀེན ཨཉྙཾ ཙེཏཱཔིཏཾ ནིསྶགྒིཡཾ, ཨིམཱཧཾ སངྒྷསྶ ནིསྶཛྫཱམཱི’’ཏི…པེ… དདེཡྻཱཏི…པེ… དདེཡྻུནྟི…པེ… ཨཡྻཱཡ དམྨཱིཏི.

༧༨༡. ཨཉྙདཏྠིཀེ ཨཉྙདཏྠིཀསཉྙཱ ཨཉྙཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨཉྙདཏྠིཀེ ཝེམཏིཀཱ ཨཉྙཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨཉྙདཏྠིཀེ ཨནཉྙདཏྠིཀསཉྙཱ ཨཉྙཾ ཙེཏཱཔེཏི, ནིསྶགྒིཡཾ པཱཙིཏྟིཡཾ. ནིསྶཊྛཾ པཊིལབྷིཏྭཱ ཡཐཱདཱནེ ཨུཔནེཏབྦཾ.

ཨནཉྙདཏྠིཀེ ཨཉྙདཏྠིཀསཉྙཱ, ཨཱཔཏྟི དུཀྐཊསྶ. ཨནཉྙདཏྠིཀེ ཝེམཏིཀཱ, ཨཱཔཏྟི དུཀྐཊསྶ. ཨནཉྙདཏྠིཀེ ཨནཉྙདཏྠིཀསཉྙཱ, ཨནཱཔཏྟི.

༧༨༢. ཨནཱཔཏྟི སེསཀཾ ཨུཔནེཏི, སཱམིཀེ ཨཔལོཀེཏྭཱ ཨུཔནེཏི, ཨཱཔདཱསུ, ཨུམྨཏྟིཀཱཡ, ཨཱདིཀམྨིཀཱཡཱཏི.

དསམསིཀྑཱཔདཾ ནིཊྛིཏཾ.

༡༡. ཨེཀཱདསམསིཀྑཱཔདཾ

༧༨༣. ཏེན ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཐུལླནནྡཱ བྷིཀྑུནཱི བཧུསྶུཏཱ ཧོཏི བྷཱཎིཀཱ ཝིསཱརདཱ པཊྚཱ དྷམྨིཾ ཀཐཾ ཀཱཏུཾ. ཨཐ ཁོ རཱཛཱ པསེནདི ཀོསལོ སཱིཏཀཱལེ མཧགྒྷཾ ཀམྦལཾ པཱརུཔིཏྭཱ ཡེན ཐུལླནནྡཱ བྷིཀྑུནཱི ཏེནུཔསངྐམི; ཨུཔསངྐམིཏྭཱ ཐུལླནནྡཾ བྷིཀྑུནིཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ རཱཛཱནཾ པསེནདིཾ ཀོསལཾ ཐུལླནནྡཱ བྷིཀྑུནཱི དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ རཱཛཱ པསེནདི ཀོསལོ ཐུལླནནྡཱཡ བྷིཀྑུནིཡཱ དྷམྨིཡཱ ཀཐཱཡ སནྡསྶིཏོ སམཱདཔིཏོ སམུཏྟེཛིཏོ སམྤཧཾསིཏོ ཐུལླནནྡཾ བྷིཀྑུནིཾ ཨེཏདཝོཙ – ‘‘ཝདེཡྻཱསི, ཨཡྻེ, ཡེན ཨཏྠོ’’ཏི? ‘‘སཙེ མེ ཏྭཾ, མཧཱརཱཛ, དཱཏུཀཱམོསི, ཨིམཾ ཀམྦལཾ དེཧཱི’’ཏི. ཨཐ ཁོ རཱཛཱ པསེནདི ¶ ཀོསལོ ཐུལླནནྡཱཡ བྷིཀྑུནིཡཱ ཀམྦལཾ དཏྭཱ ཨུཊྛཱཡཱསནཱ ཐུལླནནྡཾ བྷིཀྑུནིཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘མཧིཙྪཱ ཨིམཱ བྷིཀྑུནིཡོ ཨསནྟུཊྛཱ. ཀཐཉྷི ནཱམ རཱཛཱནཾ ཀམྦལཾ ཝིཉྙཱཔེསྶནྟཱི’’ཏི! ཨསྶོསུཾ ཁོ བྷིཀྑུནིཡོ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ ཐུལླནནྡཱ ¶ རཱཛཱནཾ ཀམྦལཾ ཝིཉྙཱཔེསྶཏཱི’’ཏི…པེ… སཙྩཾ ཀིར, བྷིཀྑཝེ, ཐུལླནནྡཱ བྷིཀྑུནཱི རཱཛཱནཾ ཀམྦལཾ ཝིཉྙཱཔེཏཱིཏི [ཝིཉྙཱཔེསཱིཏི (ཀ.)]? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, ཐུལླནནྡཱ བྷིཀྑུནཱི རཱཛཱནཾ ཀམྦལཾ ཝིཉྙཱཔེསྶཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –

༧༨༤. ‘‘གརུཔཱཝུརཎཾ [པཱཔུརཎཾ (སཱི. སྱཱ.)] པན བྷིཀྑུནིཡཱ ཙེཏཱཔེནྟིཡཱ ཙཏུཀྐཾསཔརམཾ ཙེཏཱཔེཏབྦཾ. ཏཏོ ཙེ ཨུཏྟརི ཙེཏཱཔེཡྻ, ནིསྶགྒིཡཾ པཱཙིཏྟིཡ’’ནྟི.

༧༨༥. གརུཔཱཝུརཎཾ ¶ ནཱམ ཡཾ ཀིཉྩི སཱིཏཀཱལེ པཱཝུརཎཾ.

ཙེཏཱཔེནྟིཡཱཏི ཝིཉྙཱཔེནྟིཡཱ.

ཙཏུཀྐཾསཔརམཾ ¶ ཙེཏཱཔེཏབྦནྟི སོལ༹སཀཧཱཔཎགྒྷནཀཾ ཙེཏཱཔེཏབྦཾ.

ཏཏོ ཙེ ཨུཏྟརི ཙེཏཱཔེཡྻཱཏི ཏཏུཏྟརི ཝིཉྙཱཔེཏི, པཡོགེ དུཀྐཊཾ. པཊིལཱབྷེན ནིསྶགྒིཡཾ ཧོཏི. ནིསྶཛྫིཏབྦཾ སངྒྷསྶ ཝཱ གཎསྶ ཝཱ ཨེཀབྷིཀྑུནིཡཱ ཝཱ. ཨེཝཉྩ པན, བྷིཀྑཝེ, ནིསྶཛྫིཏབྦཾ…པེ… ‘‘ཨིདཾ མེ, ཨཡྻེ, གརུཔཱཝུརཎཾ ཨཏིརེཀཙཏུཀྐཾསཔརམཾ ཙེཏཱཔིཏཾ ནིསྶགྒིཡཾ, ཨིམཱཧཾ སངྒྷསྶ ནིསྶཛྫཱམཱི’’ཏི…པེ… དདེཡྻཱཏི…པེ… དདེཡྻུནྟི…པེ… ཨཡྻཱཡ དམྨཱིཏི.

༧༨༦. ཨཏིརེཀཙཏུཀྐཾསེ ཨཏིརེཀསཉྙཱ ཙེཏཱཔེཏི, ནིསྶགྒིཡཾ པཱཙིཏྟིཡཾ. ཨཏིརེཀཙཏུཀྐཾསེ ཝེམཏིཀཱ ཙེཏཱཔེཏི, ནིསྶགྒིཡཾ པཱཙིཏྟིཡཾ ¶ . ཨཏིརེཀཙཏུཀྐཾསེ ཨཱུནཀསཉྙཱ ཙེཏཱཔེཏི, ནིསྶགྒིཡཾ པཱཙིཏྟིཡཾ.

ཨཱུནཀཙཏུཀྐཾསེ ¶ ཨཏིརེཀསཉྙཱ, ཨཱཔཏྟི དུཀྐཊསྶ. ཨཱུནཀཙཏུཀྐཾསེ ཝེམཏིཀཱ, ཨཱཔཏྟི དུཀྐཊསྶ. ཨཱུནཀཙཏུཀྐཾསེ ཨཱུནཀསཉྙཱ, ཨནཱཔཏྟི.

༧༨༧. ཨནཱཔཏྟི ཙཏུཀྐཾསཔརམཾ ཙེཏཱཔེཏི, ཨཱུནཀཙཏུཀྐཾསཔརམཾ ཙེཏཱཔེཏི, ཉཱཏཀཱནཾ, པཝཱརིཏཱནཾ, ཨཉྙསྶཏྠཱཡ, ཨཏྟནོ དྷནེན, མཧགྒྷཾ ཙེཏཱཔེཏུཀཱམསྶ ཨཔྤགྒྷཾ ཙེཏཱཔེཏི, ཨུམྨཏྟིཀཱཡ, ཨཱདིཀམྨིཀཱཡཱཏི.

ཨེཀཱདསམསིཀྑཱཔདཾ ནིཊྛིཏཾ.

༡༢. དྭཱདསམསིཀྑཱཔདཾ

༧༨༨. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཐུལླནནྡཱ བྷིཀྑུནཱི བཧུསྶུཏཱ ཧོཏི བྷཱཎིཀཱ ཝིསཱརདཱ པཊྚཱ དྷམྨིཾ ཀཐཾ ཀཱཏུཾ. ཨཐ ཁོ རཱཛཱ པསེནདི ཀོསལོ ཨུཎྷཀཱལེ མཧགྒྷཾ ཁོམཾ པཱརུཔིཏྭཱ ཡེན ཐུལླནནྡཱ བྷིཀྑུནཱི ཏེནུཔསངྐམི; ཨུཔསངྐམིཏྭཱ ཐུལླནནྡཾ ¶ བྷིཀྑུནིཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ རཱཛཱནཾ པསེནདིཾ ཀོསལཾ ཐུལླནནྡཱ བྷིཀྑུནཱི དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ རཱཛཱ པསེནདི ཀོསལོ ཐུལླནནྡཱཡ བྷིཀྑུནིཡཱ དྷམྨིཡཱ ཀཐཱཡ སནྡསྶིཏོ སམཱདཔིཏོ སམུཏྟེཛིཏོ སམྤཧཾསིཏོ ཐུལླནནྡཾ བྷིཀྑུནིཾ ཨེཏདཝོཙ – ‘‘ཝདེཡྻཱསི, ཨཡྻེ, ཡེན ཨཏྠོ’’ཏི ¶ . ‘‘སཙེ མེ ཏྭཾ, མཧཱརཱཛ, དཱཏུཀཱམོསི, ཨིམཾ ཁོམཾ དེཧཱི’’ཏི. ཨཐ ཁོ རཱཛཱ པསེནདི ཀོསལོ ཐུལླནནྡཱཡ བྷིཀྑུནིཡཱ ཁོམཾ དཏྭཱ ཨུཊྛཱཡཱསནཱ ཐུལླནནྡཾ བྷིཀྑུནིཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘མཧིཙྪཱ ཨིམཱ བྷིཀྑུནིཡོ ཨསནྟུཊྛཱ. ཀཐཉྷི ནཱམ རཱཛཱནཾ ཁོམཾ ཝིཉྙཱཔེསྶནྟཱི’’ཏི! ཨསྶོསུཾ ཁོ བྷིཀྑུནིཡོ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡཱ ཏཱ བྷིཀྑུནིཡོ ཨཔྤིཙྪཱ…པེ… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻཱ ཐུལླནནྡཱ རཱཛཱནཾ ཁོམཾ ཝིཉྙཱཔེསྶཏཱི’’ཏི…པེ… སཙྩཾ ཀིར, བྷིཀྑཝེ, ཐུལླནནྡཱ བྷིཀྑུནཱི རཱཛཱནཾ ཁོམཾ ཝིཉྙཱཔེཏཱིཏི [ཝིཉྙཱཔེསཱིཏི (ཀ.)]? ‘‘སཙྩཾ, བྷགཝཱཏི’’. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, ཐུལླནནྡཱ བྷིཀྑུནཱི རཱཛཱནཾ ཁོམཾ ཝིཉྙཱཔེསྶཏི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –