📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

ཝིནཡཔིཊཀེ

མཧཱཝགྒཔཱལི༹

༡. མཧཱཁནྡྷཀོ

༡. བོདྷིཀཐཱ

༡. [ཨུདཱ. ༡ ཨཱདཡོ] ཏེན སམཡེན བུདྡྷོ བྷགཝཱ ཨུརུཝེལཱཡཾ ཝིཧརཏི ནཛྫཱ ནེརཉྫརཱཡ ཏཱིརེ བོདྷིརུཀྑམཱུལེ པཋམཱབྷིསམྦུདྡྷོ. ཨཐ ཁོ བྷགཝཱ བོདྷིརུཀྑམཱུལེ སཏྟཱཧཾ ཨེཀཔལླངྐེན ནིསཱིདི ཝིམུཏྟིསུཁཔཊིསཾཝེདཱི [ཝིམུཏྟིསུཁཾ པཊིསཾཝེདཱི (ཀ.)]. ཨཐ ཁོ བྷགཝཱ རཏྟིཡཱ པཋམཾ ཡཱམཾ པཊིཙྩསམུཔྤཱདཾ ཨནུལོམཔཊིལོམཾ མནསཱཀཱསི – ‘‘ཨཝིཛྫཱཔཙྩཡཱ སངྑཱརཱ, སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱ ནཱམརཱུཔཾ, ནཱམརཱུཔཔཙྩཡཱ སལཱ༹ཡཏནཾ, སལཱ༹ཡཏནཔཙྩཡཱ ཕསྶོ, ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ, ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ སམྦྷཝནྟི – ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. ‘‘ཨཝིཛྫཱཡཏྭེཝ ཨསེསཝིརཱགནིརོདྷཱ སངྑཱརནིརོདྷོ, སངྑཱརནིརོདྷཱ ཝིཉྙཱཎནིརོདྷོ, ཝིཉྙཱཎནིརོདྷཱ ནཱམརཱུཔནིརོདྷོ, ནཱམརཱུཔནིརོདྷཱ སལཱ༹ཡཏནནིརོདྷོ, སལཱ༹ཡཏནནིརོདྷཱ ཕསྶནིརོདྷོ, ཕསྶནིརོདྷཱ ཝེདནཱནིརོདྷོ, ཝེདནཱནིརོདྷཱ ཏཎྷཱནིརོདྷོ, ཏཎྷཱནིརོདྷཱ ཨུཔཱདཱནནིརོདྷོ, ཨུཔཱདཱནནིརོདྷཱ བྷཝནིརོདྷོ, བྷཝནིརོདྷཱ ཛཱཏིནིརོདྷོ, ཛཱཏིནིརོདྷཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ ནིརུཛ྄ཛྷནྟི – ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི.

ཨཐ ཁོ བྷགཝཱ ཨེཏམཏྠཾ ཝིདིཏྭཱ ཏཱཡཾ ཝེལཱཡཾ ཨིམཾ ཨུདཱནཾ ཨུདཱནེསི –

‘‘ཡདཱ ཧཝེ པཱཏུབྷཝནྟི དྷམྨཱ;

ཨཱཏཱཔིནོ ཛྷཱཡཏོ བྲཱཧྨཎསྶ;

ཨཐསྶ ཀངྑཱ ཝཔཡནྟི སབྦཱ;

ཡཏོ པཛཱནཱཏི སཧེཏུདྷམྨ’’ནྟི.

༢. [ཨུདཱ. ༢] ཨཐ ཁོ བྷགཝཱ རཏྟིཡཱ མཛ྄ཛྷིམཾ ཡཱམཾ པཊིཙྩསམུཔྤཱདཾ ཨནུལོམཔཊིལོམཾ མནསཱཀཱསི – ‘‘ཨཝིཛྫཱཔཙྩཡཱ སངྑཱརཱ, སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱ ནཱམརཱུཔཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱི…པེ… ནིརོདྷོ ཧོཏཱི’’ཏི.

ཨཐ ཁོ བྷགཝཱ ཨེཏམཏྠཾ ཝིདིཏྭཱ ཏཱཡཾ ཝེལཱཡཾ ཨིམཾ ཨུདཱནཾ ཨུདཱནེསི –

‘‘ཡདཱ ཧཝེ པཱཏུབྷཝནྟི དྷམྨཱ;

ཨཱཏཱཔིནོ ཛྷཱཡཏོ བྲཱཧྨཎསྶ;

ཨཐསྶ ཀངྑཱ ཝཔཡནྟི སབྦཱ;

ཡཏོ ཁཡཾ པཙྩཡཱནཾ ཨཝེདཱི’’ཏི.

༣. [ཨུདཱ. ༣] ཨཐ ཁོ བྷགཝཱ རཏྟིཡཱ པཙྪིམཾ ཡཱམཾ པཊིཙྩསམུཔྤཱདཾ ཨནུལོམཔཊིལོམཾ མནསཱཀཱསི – ‘‘ཨཝིཛྫཱཔཙྩཡཱ སངྑཱརཱ, སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱ ནཱམརཱུཔཾ…པེ… ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི…པེ… ནིརོདྷོ ཧོཏཱི’’ཏི.

ཨཐ ཁོ བྷགཝཱ ཨེཏམཏྠཾ ཝིདིཏྭཱ ཏཱཡཾ ཝེལཱཡཾ ཨིམཾ ཨུདཱནཾ ཨུདཱནེསི –

‘‘ཡདཱ ཧཝེ པཱཏུབྷཝནྟི དྷམྨཱ;

ཨཱཏཱཔིནོ ཛྷཱཡཏོ བྲཱཧྨཎསྶ;

ཝིདྷཱུཔཡཾ ཏིཊྛཏི མཱརསེནཾ;

སཱུརིཡོཝ [སུརིཡོཝ (སཱི. སྱཱ. ཀཾ.)] ཨོབྷཱསཡམནྟལིཀྑ’’ནྟི.

བོདྷིཀཐཱ ནིཊྛིཏཱ.

༢. ཨཛཔཱལཀཐཱ

༤. [ཨུདཱ. ༤] ཨཐ ཁོ བྷགཝཱ སཏྟཱཧསྶ ཨཙྩཡེན ཏམྷཱ སམཱདྷིམྷཱ ཝུཊྛཧིཏྭཱ བོདྷིརུཀྑམཱུལཱ ཡེན ཨཛཔཱལནིགྲོདྷོ ཏེནུཔསངྐམི, ཨུཔསངྐམིཏྭཱ ཨཛཔཱལནིགྲོདྷམཱུལེ སཏྟཱཧཾ ཨེཀཔལླངྐེན ནིསཱིདི ཝིམུཏྟིསུཁཔཊིསཾཝེདཱི. ཨཐ ཁོ ཨཉྙཏརོ ཧུཾཧུངྐཛཱཏིཀོ བྲཱཧྨཎོ ཡེན བྷགཝཱ ཏེནུཔསངྐམི. ཨུཔསངྐམིཏྭཱ བྷགཝཏཱ སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏོ ཁོ སོ བྲཱཧྨཎོ བྷགཝནྟཾ ཨེཏདཝོཙ – ‘‘ཀིཏྟཱཝཏཱ ནུ ཁོ, བྷོ གོཏམ, བྲཱཧྨཎོ ཧོཏི, ཀཏམེ ཙ པན བྲཱཧྨཎཀརཎཱ [བྲཱཧྨཎཀཱརཀཱ (ཀ.) བྲཱཧྨཎཀརཱཎཱ (?)] དྷམྨཱ’’ཏི? ཨཐ ཁོ བྷགཝཱ ཨེཏམཏྠཾ ཝིདིཏྭཱ ཏཱཡཾ ཝེལཱཡཾ ཨིམཾ ཨུདཱནཾ ཨུདཱནེསི –

[ནེཏྟི. ༡༠༣] ཡོ བྲཱཧྨཎོ བཱཧིཏཔཱཔདྷམྨོ;

ནིཧུཾཧུངྐོ ནིཀྐསཱཝོ ཡཏཏྟོ;

ཝེདནྟགཱུ ཝུསིཏབྲཧྨཙརིཡོ;

དྷམྨེན སོ བྲཧྨཝཱདཾ ཝདེཡྻ;

ཡསྶུསྶདཱ ནཏྠི ཀུཧིཉྩི ལོཀེ’’ཏི.

ཨཛཔཱལཀཐཱ ནིཊྛིཏཱ.

༣. མུཙལིནྡཀཐཱ

༥. [ཨུདཱ. ༡༡] ཨཐ ཁོ བྷགཝཱ སཏྟཱཧསྶ ཨཙྩཡེན ཏམྷཱ སམཱདྷིམྷཱ ཝུཊྛཧིཏྭཱ ཨཛཔཱལནིགྲོདྷམཱུལཱ ཡེན མུཙལིནྡོ ཏེནུཔསངྐམི, ཨུཔསངྐམིཏྭཱ མུཙལིནྡམཱུལེ སཏྟཱཧཾ ཨེཀཔལླངྐེན ནིསཱིདི ཝིམུཏྟིསུཁཔཊིསཾཝེདཱི. ཏེན ཁོ པན སམཡེན མཧཱ ཨཀཱལམེགྷོ ཨུདཔཱདི, སཏྟཱཧཝདྡལིཀཱ སཱིཏཝཱཏདུདྡིནཱི. ཨཐ ཁོ མུཙལིནྡོ ནཱགརཱཛཱ སཀབྷཝནཱ ནིཀྑམིཏྭཱ བྷགཝཏོ ཀཱཡཾ སཏྟཀྑཏྟུཾ བྷོགེཧི པརིཀྑིཔིཏྭཱ ཨུཔརིམུདྡྷནི མཧནྟཾ ཕཎཾ ཀརིཏྭཱ ཨཊྛཱསི – ‘‘མཱ བྷགཝནྟཾ སཱིཏཾ, མཱ བྷགཝནྟཾ ཨུཎྷཾ, མཱ བྷགཝནྟཾ ཌཾསམཀསཝཱཏཱཏཔསརཱིསཔསམྥསྶོ’’ཏི […སིརིཾ སཔ… (སཱི. སྱཱ. ཀཾ.)]. ཨཐ ཁོ མུཙལིནྡོ ནཱགརཱཛཱ སཏྟཱཧསྶ ཨཙྩཡེན ཝིདྡྷཾ ཝིགཏཝལཱཧཀཾ དེཝཾ ཝིདིཏྭཱ བྷགཝཏོ ཀཱཡཱ བྷོགེ ཝིནིཝེཋེཏྭཱ སཀཝཎྞཾ པཊིསཾཧརིཏྭཱ མཱཎཝཀཝཎྞཾ ཨབྷིནིམྨིནིཏྭཱ བྷགཝཏོ པུརཏོ ཨཊྛཱསི པཉྫལིཀོ བྷགཝནྟཾ ནམསྶམཱནོ. ཨཐ ཁོ བྷགཝཱ ཨེཏམཏྠཾ ཝིདིཏྭཱ ཏཱཡཾ ཝེལཱཡཾ ཨིམཾ ཨུདཱནཾ ཨུདཱནེསི –

[ཀཐཱ. ༣༣༨ ཀཐཱཝཏྠུཔཱལི༹ཡམྤི]‘‘སུཁོ ཝིཝེཀོ ཏུཊྛསྶ, སུཏདྷམྨསྶ པསྶཏོ;

ཨབྱཱཔཛྫཾ སུཁཾ ལོཀེ, པཱཎབྷཱུཏེསུ སཾཡམོ.

[ཀཐཱ. ༣༣༨ ཀཐཱཝཏྠུཔཱལི༹ཡམྤི]‘‘སུཁཱ ཝིརཱགཏཱ ལོཀེ, ཀཱམཱནཾ སམཏིཀྐམོ;

ཨསྨིམཱནསྶ ཡོ ཝིནཡོ, ཨེཏཾ ཝེ པརམཾ སུཁ’’ནྟི.

མུཙལིནྡཀཐཱ ནིཊྛིཏཱ.

༤. རཱཛཱཡཏནཀཐཱ

༦. ཨཐ ཁོ བྷགཝཱ སཏྟཱཧསྶ ཨཙྩཡེན ཏམྷཱ སམཱདྷིམྷཱ ཝུཊྛཧིཏྭཱ མུཙལིནྡམཱུལཱ ཡེན རཱཛཱཡཏནཾ ཏེནུཔསངྐམི, ཨུཔསངྐམིཏྭཱ རཱཛཱཡཏནམཱུལེ སཏྟཱཧཾ ཨེཀཔལླངྐེན ནིསཱིདི ཝིམུཏྟིསུཁཔཊིསཾཝེདཱི. ཏེན ཁོ པན སམཡེན ཏཔུསྶ [ཏཔསྶུ (སཱི.)] བྷལླིཀཱ ཝཱཎིཛཱ ཨུཀྐལཱ ཏཾ དེསཾ ཨདྡྷཱནམགྒཔྤཊིཔནྣཱ ཧོནྟི. ཨཐ ཁོ ཏཔུསྶབྷལླིཀཱནཾ ཝཱཎིཛཱནཾ ཉཱཏིསཱལོཧིཏཱ དེཝཏཱ ཏཔུསྶབྷལླིཀེ ཝཱཎིཛེ ཨེཏདཝོཙ – ‘‘ཨཡཾ, མཱརིསཱ, བྷགཝཱ རཱཛཱཡཏནམཱུལེ ཝིཧརཏི པཋམཱབྷིསམྦུདྡྷོ; གཙྪཐ ཏཾ བྷགཝནྟཾ མནྠེན ཙ མདྷུཔིཎྜིཀཱཡ ཙ པཏིམཱནེཐ; ཏཾ ཝོ བྷཝིསྶཏི དཱིགྷརཏྟཾ ཧིཏཱཡ སུཁཱཡཱ’’ཏི. ཨཐ ཁོ ཏཔུསྶབྷལླིཀཱ ཝཱཎིཛཱ མནྠཉྩ མདྷུཔིཎྜིཀཉྩ ཨཱདཱཡ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཾསུ. ཨེཀམནྟཾ ཋིཏཱ ཁོ ཏཔུསྶབྷལླིཀཱ ཝཱཎིཛཱ བྷགཝནྟཾ ཨེཏདཝོཙུཾ – ‘‘པཊིགྒཎྷཱཏུ ནོ, བྷནྟེ, བྷགཝཱ མནྠཉྩ མདྷུཔིཎྜིཀཉྩ, ཡཾ ཨམྷཱཀཾ ཨསྶ དཱིགྷརཏྟཾ ཧིཏཱཡ སུཁཱཡཱ’’ཏི. ཨཐ ཁོ བྷགཝཏོ ཨེཏདཧོསི – ‘‘ན ཁོ ཏཐཱགཏཱ ཧཏྠེསུ པཊིགྒཎྷནྟི. ཀིམྷི ནུ ཁོ ཨཧཾ པཊིགྒཎྷེཡྻཾ མནྠཉྩ མདྷུཔིཎྜིཀཉྩཱ’’ཏི? ཨཐ ཁོ ཙཏྟཱརོ མཧཱརཱཛཱནོ བྷགཝཏོ ཙེཏསཱ ཙེཏོཔརིཝིཏཀྐམཉྙཱཡ ཙཏུདྡིསཱ ཙཏྟཱརོ སེལམཡེ པཏྟེ བྷགཝཏོ ཨུཔནཱམེསུཾ – ‘‘ཨིདྷ, བྷནྟེ, བྷགཝཱ པཊིགྒཎྷཱཏུ མནྠཉྩ མདྷུཔིཎྜིཀཉྩཱ’’ཏི. པཊིགྒཧེསི བྷགཝཱ པཙྩགྒྷེ སེལམཡེ པཏྟེ མནྠཉྩ མདྷུཔིཎྜིཀཉྩ, པཊིགྒཧེཏྭཱ པརིབྷུཉྫི. ཨཐ ཁོ ཏཔུསྶབྷལླིཀཱ ཝཱཎིཛཱ བྷགཝནྟཾ ཨོནཱིཏཔཏྟཔཱཎིཾ ཝིདིཏྭཱ བྷགཝཏོ པཱདེསུ སིརསཱ ནིཔཏིཏྭཱ བྷགཝནྟཾ (ཨོནཱིཏཔཏྟཔཱཎིཾ ཝིདིཏྭཱ བྷགཝཏོ པཱདེསུ སིརསཱ ནིཔཏིཏྭཱ བྷགཝནྟཾ) [( ) སཱི. སྱཱ. པོཏྠཀེསུ ནཏྠི] ཨེཏདཝོཙུཾ – ‘‘ཨེཏེ མཡཾ, བྷནྟེ, བྷགཝནྟཾ སརཎཾ གཙྪཱམ དྷམྨཉྩ, ཨུཔཱསཀེ ནོ བྷགཝཱ དྷཱརེཏུ ཨཛྫཏགྒེ པཱཎུཔེཏེ སརཎཾ གཏེ’’ཏི. ཏེ ཙ ལོཀེ པཋམཾ ཨུཔཱསཀཱ ཨཧེསུཾ དྭེཝཱཙིཀཱ.

རཱཛཱཡཏནཀཐཱ ནིཊྛིཏཱ.

༥. བྲཧྨཡཱཙནཀཐཱ

༧. [ཨཡཾ བྲཧྨཡཱཙནཀཐཱ དཱི. ནི. ༢.༦༤ ཨཱདཡོ; མ. ནི. ༡.༢༨༡ ཨཱདཡོ; མ. ནི. ༢.༣༣༦ ཨཱདཡོ; སཾ. ནི. ༡.༡༧༢ ཨཱདཡོ] ཨཐ ཁོ བྷགཝཱ སཏྟཱཧསྶ ཨཙྩཡེན ཏམྷཱ སམཱདྷིམྷཱ ཝུཊྛཧིཏྭཱ རཱཛཱཡཏནམཱུལཱ ཡེན ཨཛཔཱལནིགྲོདྷོ ཏེནུཔསངྐམི. ཏཏྲ སུདཾ བྷགཝཱ ཨཛཔཱལནིགྲོདྷམཱུལེ ཝིཧརཏི. ཨཐ ཁོ བྷགཝཏོ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘‘ཨདྷིགཏོ ཁོ མྱཱཡཾ དྷམྨོ གམྦྷཱིརོ དུདྡསོ དུརནུབོདྷོ སནྟོ པཎཱིཏོ ཨཏཀྐཱཝཙརོ ནིཔུཎོ པཎྜིཏཝེདནཱིཡོ. ཨཱལཡརཱམཱ ཁོ པནཱཡཾ པཛཱ ཨཱལཡརཏཱ ཨཱལཡསམྨུདིཏཱ. ཨཱལཡརཱམཱཡ ཁོ པན པཛཱཡ ཨཱལཡརཏཱཡ ཨཱལཡསམྨུདིཏཱཡ དུདྡསཾ ཨིདཾ ཋཱནཾ ཡདིདཾ ཨིདཔྤཙྩཡཏཱཔཨཙྩསམུཔྤཱདོ; ཨིདམྤི ཁོ ཋཱནཾ སུདུདྡསཾ ཡདིདཾ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཱཀྑཡོ ཝིརཱགོ ནིརོདྷོ ནིབྦཱནཾ. ཨཧཉྩེཝ ཁོ པན དྷམྨཾ དེསེཡྻཾ, པརེ ཙ མེ ན ཨཱཛཱནེཡྻུཾ, སོ མམསྶ ཀིལམཐོ, སཱ མམསྶ ཝིཧེསཱ’’ཏི. ཨཔིསྶུ བྷགཝནྟཾ ཨིམཱ ཨནཙྪརིཡཱ གཱཐཱཡོ པཊིབྷཾསུ པུབྦེ ཨསྶུཏཔུབྦཱ –

‘‘ཀིཙྪེན མེ ཨདྷིགཏཾ, ཧལཾ དཱནི པཀཱསིཏུཾ;

རཱགདོསཔརེཏེཧི, ནཱཡཾ དྷམྨོ སུསམྦུདྷོ.

‘‘པཊིསོཏགཱམིཾ ནིཔུཎཾ, གམྦྷཱིརཾ དུདྡསཾ ཨཎུཾ;

རཱགརཏྟཱ ན དཀྑནྟི, ཏམོཁནྡྷེན ཨཱཝུཊཱ [ཨཱཝཊཱ (སཱི.)]’’ཏི.

ཨིཏིཧ བྷགཝཏོ པཊིསཉྩིཀྑཏོ ཨཔྤོསྶུཀྐཏཱཡ ཙིཏྟཾ ནམཏི, ནོ དྷམྨདེསནཱཡ.

༨. ཨཐ ཁོ བྲཧྨུནོ སཧམྤཏིསྶ བྷགཝཏོ ཙེཏསཱ ཙེཏོཔརིཝིཏཀྐམཉྙཱཡ ཨེཏདཧོསི – ‘‘ནསྶཏི ཝཏ བྷོ ལོཀོ, ཝིནསྶཏི ཝཏ བྷོ ལོཀོ, ཡཏྲ ཧི ནཱམ ཏཐཱགཏསྶ ཨརཧཏོ སམྨཱསམྦུདྡྷསྶ ཨཔྤོསྶུཀྐཏཱཡ ཙིཏྟཾ ནམཏི [ནམིསྶཏི (?)], ནོ དྷམྨདེསནཱཡཱ’’ཏི. ཨཐ ཁོ བྲཧྨཱ སཧམྤཏི – སེཡྻཐཱཔི ནཱམ བལཝཱ པུརིསོ སམིཉྫིཏཾ ཝཱ བཱཧཾ པསཱརེཡྻ, པསཱརིཏཾ ཝཱ བཱཧཾ སམིཉྫེཡྻ ཨེཝམེཝ – བྲཧྨལོཀེ ཨནྟརཧིཏོ བྷགཝཏོ པུརཏོ པཱཏུརཧོསི. ཨཐ ཁོ བྲཧྨཱ སཧམྤཏི ཨེཀཾསཾ ཨུཏྟརཱསངྒཾ ཀརིཏྭཱ དཀྑིཎཛཱཎུམཎྜལཾ པཐཝིཡཾ ནིཧནྟྭཱ ཡེན བྷགཝཱ ཏེནཉྫལིཾ པཎཱམེཏྭཱ བྷགཝནྟཾ ཨེཏདཝོཙ – ‘‘དེསེཏུ, བྷནྟེ, བྷགཝཱ དྷམྨཾ, དེསེཏུ སུགཏོ དྷམྨཾ. སནྟི སཏྟཱ ཨཔྤརཛཀྑཛཱཏིཀཱ, ཨསྶཝནཏཱ དྷམྨསྶ པརིཧཱཡནྟི, བྷཝིསྶནྟི དྷམྨསྶ ཨཉྙཱཏཱརོ’’ཏི. ཨིདམཝོཙ བྲཧྨཱ སཧམྤཏི, ཨིདཾ ཝཏྭཱན ཨཐཱཔརཾ ཨེཏདཝོཙ –

‘‘པཱཏུརཧོསི མགདྷེསུ པུབྦེ;

དྷམྨོ ཨསུདྡྷོ སམལེཧི ཙིནྟིཏོ;

ཨཔཱཔུརེཏཾ [ཨཝཱཔུརེཏཾ (སཱི.)] ཨམཏསྶ དྭཱརཾ;

སུཎནྟུ དྷམྨཾ ཝིམལེནཱནུབུདྡྷཾ.

‘‘སེལེ ཡཐཱ པབྦཏམུདྡྷནིཊྛིཏོ;

ཡཐཱཔི པསྶེ ཛནཏཾ སམནྟཏོ;

ཏཐཱུཔམཾ དྷམྨམཡཾ སུམེདྷ;

པཱསཱདམཱརུཡ྄ཧ སམནྟཙཀྑུ;

སོཀཱཝཏིཎྞཾ ཛནཏམཔེཏསོཀོ;

ཨཝེཀྑསྶུ ཛཱཏིཛརཱབྷིབྷཱུཏཾ.

‘‘ཨུཊྛེཧི ཝཱིར ཝིཛིཏསངྒཱམ;

སཏྠཝཱཧ ཨཎཎ [ཨནཎ (ཀ.)] ཝིཙར ལོཀེ;

དེསསྶུ [དེསེཏུ (ཀ.)] བྷགཝཱ དྷམྨཾ;

ཨཉྙཱཏཱརོ བྷཝིསྶནྟཱི’’ཏི.

[[ ] སཱི. སྱཱ. པོཏྠཀེསུ ནཏྠི, མཱུལཔཎྞཱསཀེསུ པཱསརཱསིསུཏྠེ བྲཧྨཡཱཙནཱ སཀིཾ ཡེཝ ཨཱགཏཱ] [ ཨེཝཾ ཝུཏྟེ བྷགཝཱ བྲཧྨཱནཾ སཧམྤཏིཾ ཨེཏདཝོཙ – ‘‘མཡ྄ཧམྤི ཁོ, བྲཧྨེ, ཨེཏདཧོསི – ‘ཨདྷིགཏོ ཁོ མྱཱཡཾ དྷམྨོ གམྦྷཱིརོ དུདྡསོ དུརནུབོདྷོ སནྟོ པཎཱིཏོ ཨཏཀྐཱཝཙརོ ནིཔུཎོ པཎྜིཏཝེདནཱིཡོ. ཨཱལཡརཱམཱ ཁོ པནཱཡཾ པཛཱ ཨཱལཡརཏཱ ཨཱལཡསམྨུདིཏཱ. ཨཱལཡརཱམཱཡ ཁོ པན པཛཱཡ ཨཱལཡརཏཱཡ ཨཱལཡསམྨུདིཏཱཡ དུདྡསཾ ཨིདཾ ཋཱནཾ ཡདིདཾ ཨིདཔྤཙྩཡཏཱཔཊིཙྩསམུཔྤཱདོ; ཨིདམྤི ཁོ ཋཱནཾ སུདུདྡསཾ ཡདིདཾ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཱཀྑཡོ ཝིརཱགོ ནིརོདྷོ ནིབྦཱནཾ. ཨཧཉྩེཝ ཁོ པན དྷམྨཾ དེསེཡྻཾ, པརེ ཙ མེ ན ཨཱཛཱནེཡྻུཾ, སོ མམསྶ ཀིལམཐོ, སཱ མམསྶ ཝིཧེསཱ’ཏི. ཨཔིསྶུ མཾ, བྲཧྨེ, ཨིམཱ ཨནཙྪརིཡཱ གཱཐཱཡོ པཊིབྷཾསུ པུབྦེ ཨསྶུཏཔུབྦཱ –

‘ཀིཙྪེན མེ ཨདྷིགཏཾ, ཧལཾ དཱནི པཀཱསིཏུཾ;

རཱགདོསཔརེཏེཧི, ནཱཡཾ དྷམྨོ སུསམྦུདྷོ.

‘པཊིསོཏགཱམིཾ ནིཔུཎཾ, གམྦྷཱིརཾ དུདྡསཾ ཨཎུཾ;

རཱགརཏྟཱ ན དཀྑནྟི, ཏམོཁནྡྷེན ཨཱཝུཊཱ’ཏི.

ཨིཏིཧ མེ, བྲཧྨེ, པཊིསཉྩིཀྑཏོ ཨཔྤོསྶུཀྐཏཱཡ ཙིཏྟཾ ནམཏི ནོ དྷམྨདེསནཱཡཱ’’ཏི.

དུཏིཡམྤི ཁོ བྲཧྨཱ སཧམྤཏི བྷགཝནྟཾ ཨེཏདཝོཙ – ‘‘དེསེཏུ, བྷནྟེ, བྷགཝཱ དྷམྨཾ, དེསེཏུ སུགཏོ དྷམྨཾ; སནྟི སཏྟཱ ཨཔྤརཛཀྑཛཱཏིཀཱ, ཨསྶཝནཏཱ དྷམྨསྶ པརིཧཱཡནྟི, བྷཝིསྶནྟི དྷམྨསྶ ཨཉྙཱཏཱརོ’’ཏི. ཨིདམཝོཙ བྲཧྨཱ སཧམྤཏི, ཨིདཾ ཝཏྭཱན ཨཐཱཔརཾ ཨེཏདཝོཙ –

‘‘པཱཏུརཧོསི མགདྷེསུ པུབྦེ;

དྷམྨོ ཨསུདྡྷོ སམལེཧི ཙིནྟིཏོ;

ཨཔཱཔུརེཏཾ ཨམཏསྶ དྭཱརཾ;

སུཎནྟུ དྷམྨཾ ཝིམལེནཱནུབུདྡྷཾ.

‘‘སེལེ ཡཐཱ པབྦཏམུདྡྷནིཊྛིཏོ;

ཡཐཱཔི པསྶེ ཛནཏཾ སམནྟཏོ;

ཏཐཱུཔམཾ དྷམྨམཡཾ སུམེདྷ;

པཱསཱདམཱརུཡ྄ཧ སམནྟཙཀྑུ;

སོཀཱཝཏིཎྞཾ ཛནཏམཔེཏསོཀོ;

ཨཝེཀྑསྶུ ཛཱཏིཛརཱབྷིབྷཱུཏཾ.

‘‘ཨུཊྛེཧི ཝཱིར ཝིཛིཏསངྒཱམ;

སཏྠཝཱཧ ཨཎཎ ཝིཙར ལོཀེ;

དེསསྶུ བྷགཝཱ དྷམྨཾ;

ཨཉྙཱཏཱརོ བྷཝིསྶནྟཱི’’ཏི.

དུཏིཡམྤི ཁོ བྷགཝཱ བྲཧྨཱནཾ སཧམྤཏིཾ ཨེཏདཝོཙ – ‘‘མཡ྄ཧམྤི ཁོ, བྲཧྨེ, ཨེཏདཧོསི – ‘ཨདྷིགཏོ ཁོ མྱཱཡཾ དྷམྨོ གམྦྷཱིརོ དུདྡསོ དུརནུབོདྷོ སནྟོ པཎཱིཏོ ཨཏཀྐཱཝཙརོ ནིཔུཎོ པཎྜིཏཝེདནཱིཡོ. ཨཱལཡརཱམཱ ཁོ པནཱཡཾ པཛཱ ཨཱལཡརཏཱ ཨཱལཡསམྨུདིཏཱ. ཨཱལཡརཱམཱཡ ཁོ པན པཛཱཡ ཨཱལཡརཏཱཡ ཨཱལཡསམྨུདིཏཱཡ དུདྡསཾ ཨིདཾ ཋཱནཾ ཡདིདཾ ཨིདཔྤཙྩཡཏཱཔཊིཙྩསམུཔྤཱདོ; ཨིདམྤི ཁོ ཋཱནཾ སུདུདྡསཾ ཡདིདཾ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཱཀྑཡོ ཝིརཱགོ ནིརོདྷོ ནིབྦཱནཾ. ཨཧཉྩེཝ ཁོ པན དྷམྨཾ དེསེཡྻཾ, པརེ ཙ མེ ན ཨཱཛཱནེཡྻུཾ, སོ མམསྶ ཀིལམཐོ, སཱ མམསྶ ཝིཧེསཱ’ཏི. ཨཔིསྶུ མཾ, བྲཧྨེ, ཨིམཱ ཨནཙྪརིཡཱ གཱཐཱཡོ པཊིབྷཾསུ པུབྦེ ཨསྶུཏཔུབྦཱ –

‘ཀིཙྪེན མེ ཨདྷིགཏཾ, ཧལཾ དཱནི པཀཱསིཏུཾ;

རཱགདོསཔརེཏེཧི, ནཱཡཾ དྷམྨོ སུསམྦུདྷོ.

‘པཊིསོཏགཱམིཾ ནིཔུཎཾ, གམྦྷཱིརཾ དུདྡསཾ ཨཎུཾ;

རཱགརཏྟཱ ན དཀྑནྟི, ཏམོཁནྡྷེན ཨཱཝུཊཱ’ཏི.

ཨིཏིཧ མེ, བྲཧྨེ, པཊིསཉྩིཀྑཏོ ཨཔྤོསྶུཀྐཏཱཡ ཙིཏྟཾ ནམཏི, ནོ དྷམྨདེསནཱཡཱ’’ཏི.

ཏཏིཡམྤི ཁོ བྲཧྨཱ སཧམྤཏི བྷགཝནྟཾ ཨེཏདཝོཙ – ‘‘དེསེཏུ, བྷནྟེ, བྷགཝཱ དྷམྨཾ, དེསེཏུ སུགཏོ དྷམྨཾ. སནྟི སཏྟཱ ཨཔྤརཛཀྑཛཱཏིཀཱ, ཨསྶཝནཏཱ དྷམྨསྶ པརིཧཱཡནྟི, བྷཝིསྶནྟི དྷམྨསྶ ཨཉྙཱཏཱརོ’’ཏི. ཨིདམཝོཙ བྲཧྨཱ སཧམྤཏི, ཨིདཾ ཝཏྭཱན ཨཐཱཔརཾ ཨེཏདཝོཙ –

‘‘པཱཏུརཧོསི མགདྷེསུ པུབྦེ;

དྷམྨོ ཨསུདྡྷོ སམལེཧི ཙིནྟིཏོ;

ཨཔཱཔུརེཏཾ ཨམཏསྶ དྭཱརཾ;

སུཎནྟུ དྷམྨཾ ཝིམལེནཱནུབུདྡྷཾ.

‘‘སེལེ ཡཐཱ པབྦཏམུདྡྷནིཊྛིཏོ;

ཡཐཱཔི པསྶེ ཛནཏཾ སམནྟཏོ;

ཏཐཱུཔམཾ དྷམྨམཡཾ སུམེདྷ;

པཱསཱདམཱརུཡ྄ཧ སམནྟཙཀྑུ;

སོཀཱཝཏིཎྞཾ ཛནཏམཔེཏསོཀོ;

ཨཝེཀྑསྶུ ཛཱཏིཛརཱབྷིབྷཱུཏཾ.

‘‘ཨུཊྛེཧི ཝཱིར ཝིཛིཏསངྒཱམ;

སཏྠཝཱཧ ཨཎཎ ཝིཙར ལོཀེ;

དེསསྶུ བྷགཝཱ དྷམྨཾ;

ཨཉྙཱཏཱརོ བྷཝིསྶནྟཱི’’ཏི.

༩. ཨཐ ཁོ བྷགཝཱ བྲཧྨུནོ ཙ ཨཛ྄ཛྷེསནཾ ཝིདིཏྭཱ སཏྟེསུ ཙ ཀཱརུཉྙཏཾ པཊིཙྩ བུདྡྷཙཀྑུནཱ ལོཀཾ ཝོལོཀེསི. ཨདྡསཱ ཁོ བྷགཝཱ བུདྡྷཙཀྑུནཱ ལོཀཾ ཝོལོཀེནྟོ སཏྟེ ཨཔྤརཛཀྑེ མཧཱརཛཀྑེ ཏིཀྑིནྡྲིཡེ མུདིནྡྲིཡེ སྭཱཀཱརེ དྭཱཀཱརེ སུཝིཉྙཱཔཡེ དུཝིཉྙཱཔཡེ, ཨཔྤེཀཙྩེ པརལོཀཝཛྫབྷཡདསྶཱཝིནེ [དསྶཱཝིནོ (སཱི. སྱཱ. ཀཾ.)] ཝིཧརནྟེ, ཨཔྤེཀཙྩེ ན པརལོཀཝཛྫབྷཡདསྶཱཝིནེ ཝིཧརནྟེ. སེཡྻཐཱཔི ནཱམ ཨུཔྤལིནིཡཾ ཝཱ པདུམིནིཡཾ ཝཱ པུཎྜརཱིཀིནིཡཾ ཝཱ ཨཔྤེཀཙྩཱནི ཨུཔྤལཱནི ཝཱ པདུམཱནི ཝཱ པུཎྜརཱིཀཱནི ཝཱ ཨུདཀེ ཛཱཏཱནི ཨུདཀེ སཾཝཌྜྷཱནི ཨུདཀཱནུགྒཏཱནི ཨནྟོ ནིམུགྒཔོསཱིནི, ཨཔྤེཀཙྩཱནི ཨུཔྤལཱནི ཝཱ པདུམཱནི ཝཱ པུཎྜརཱིཀཱནི ཝཱ ཨུདཀེ ཛཱཏཱནི ཨུདཀེ སཾཝཌྜྷཱནི སམོདཀཾ ཋིཏཱནི, ཨཔྤེཀཙྩཱནི ཨུཔྤལཱནི ཝཱ པདུམཱནི ཝཱ པུཎྜརཱིཀཱནི ཝཱ ཨུདཀེ ཛཱཏཱནི ཨུདཀེ སཾཝཌྜྷཱནི ཨུདཀཾ ཨཙྩུགྒམྨ ཋིཏཱནི [ཏིཊྛནྟི (སཱི. སྱཱ.)] ཨནུཔལིཏྟཱནི ཨུདཀེན, ཨེཝམེཝཾ བྷགཝཱ བུདྡྷཙཀྑུནཱ ལོཀཾ ཝོལོཀེནྟོ ཨདྡས སཏྟེ ཨཔྤརཛཀྑེ མཧཱརཛཀྑེ ཏིཀྑིནྡྲིཡེ མུདིནྡྲིཡེ སྭཱཀཱརེ དྭཱཀཱརེ སུཝིཉྙཱཔཡེ དུཝིཉྙཱཔཡེ, ཨཔྤེཀཙྩེ པརལོཀཝཛྫབྷཡདསྶཱཝིནེ ཝིཧརནྟེ, ཨཔྤེཀཙྩེ ན པརལོཀཝཛྫབྷཡདསྶཱཝིནེ ཝིཧརནྟེ; དིསྭཱན བྲཧྨཱནཾ སཧམྤཏིཾ གཱཐཱཡ པཙྩབྷཱསི –

‘‘ཨཔཱརུཏཱ ཏེསཾ ཨམཏསྶ དྭཱརཱ;

ཡེ སོཏཝནྟོ པམུཉྩནྟུ སདྡྷཾ;

ཝིཧིཾསསཉྙཱི པགུཎཾ ན བྷཱསིཾ;

དྷམྨཾ པཎཱིཏཾ མནུཛེསུ བྲཧྨེ’’ཏི.

ཨཐ ཁོ བྲཧྨཱ སཧམྤཏི ‘‘ཀཏཱཝཀཱསོ ཁོམྷི བྷགཝཏཱ དྷམྨདེསནཱཡཱ’’ཏི བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ ཏཏྠེཝནྟརདྷཱཡི.

བྲཧྨཡཱཙནཀཐཱ ནིཊྛིཏཱ.

༦. པཉྩཝགྒིཡཀཐཱ

༡༠. [མ. ནི. ༡.༢༨༤ ཨཱདཡོ; མ. ནི. ༢.༣༣༩ ཨཱདཡོ] ཨཐ ཁོ བྷགཝཏོ ཨེཏདཧོསི – ‘‘ཀསྶ ནུ ཁོ ཨཧཾ པཋམཾ དྷམྨཾ དེསེཡྻཾ? ཀོ ཨིམཾ དྷམྨཾ ཁིཔྤམེཝ ཨཱཛཱནིསྶཏཱི’’ཏི? ཨཐ ཁོ བྷགཝཏོ ཨེཏདཧོསི – ‘‘ཨཡཾ ཁོ ཨཱལཱ༹རོ ཀཱལཱམོ པཎྜིཏོ བྱཏྟོ མེདྷཱཝཱི དཱིགྷརཏྟཾ ཨཔྤརཛཀྑཛཱཏིཀོ; ཡཾནཱུནཱཧཾ ཨཱལཱ༹རསྶ ཀཱལཱམསྶ པཋམཾ དྷམྨཾ དེསེཡྻཾ, སོ ཨིམཾ དྷམྨཾ ཁིཔྤམེཝ ཨཱཛཱནིསྶཏཱི’’ཏི. ཨཐ ཁོ ཨནྟརཧིཏཱ དེཝཏཱ བྷགཝཏོ ཨཱརོཙེསི – ‘‘སཏྟཱཧཀཱལངྐཏོ, བྷནྟེ, ཨཱལཱ༹རོ ཀཱལཱམོ’’ཏི. བྷགཝཏོཔི ཁོ ཉཱཎཾ ཨུདཔཱདི – ‘‘སཏྟཱཧཀཱལངྐཏོ ཨཱལཱ༹རོ ཀཱལཱམོ’’ཏི. ཨཐ ཁོ བྷགཝཏོ ཨེཏདཧོསི – ‘‘མཧཱཛཱནིཡོ ཁོ ཨཱལཱ༹རོ ཀཱལཱམོ; སཙེ ཧི སོ ཨིམཾ དྷམྨཾ སུཎེཡྻ, ཁིཔྤམེཝ ཨཱཛཱནེཡྻཱ’’ཏི. ཨཐ ཁོ བྷགཝཏོ ཨེཏདཧོསི – ‘‘ཀསྶ ནུ ཁོ ཨཧཾ པཋམཾ དྷམྨཾ དེསེཡྻཾ? ཀོ ཨིམཾ དྷམྨཾ ཁིཔྤམེཝ ཨཱཛཱནིསྶཏཱི’’ཏི? ཨཐ ཁོ བྷགཝཏོ ཨེཏདཧོསི – ‘‘ཨཡཾ ཁོ ཨུདཀོ [ཨུདྡཀོ (སཱི. སྱཱ.)] རཱམཔུཏྟོ པཎྜིཏོ བྱཏྟོ མེདྷཱཝཱི དཱིགྷརཏྟཾ ཨཔྤརཛཀྑཛཱཏིཀོ; ཡཾནཱུནཱཧཾ ཨུདཀསྶ རཱམཔུཏྟསྶ པཋམཾ དྷམྨཾ དེསེཡྻཾ, སོ ཨིམཾ དྷམྨཾ ཁིཔྤམེཝ ཨཱཛཱནིསྶཏཱི’’ཏི. ཨཐ ཁོ ཨནྟརཧིཏཱ དེཝཏཱ བྷགཝཏོ ཨཱརོཙེསི – ‘‘ཨབྷིདོསཀཱལངྐཏོ, བྷནྟེ, ཨུདཀོ རཱམཔུཏྟོ’’ཏི. བྷགཝཏོཔི ཁོ ཉཱཎཾ ཨུདཔཱདི – ‘‘ཨབྷིདོསཀཱལངྐཏོ ཨུདཀོ རཱམཔུཏྟོ’’ཏི. ཨཐ ཁོ བྷགཝཏོ ཨེཏདཧོསི – ‘‘མཧཱཛཱནིཡོ ཁོ ཨུདཀོ རཱམཔུཏྟོ; སཙེ ཧི སོ ཨིམཾ དྷམྨཾ སུཎེཡྻ, ཁིཔྤམེཝ ཨཱཛཱནེཡྻཱ’’ཏི

ཨཐ ཁོ བྷགཝཏོ ཨེཏདཧོསི – ‘‘ཀསྶ ནུ ཁོ ཨཧཾ པཋམཾ དྷམྨཾ དེསེཡྻཾ? ཀོ ཨིམཾ དྷམྨཾ ཁིཔྤམེཝ ཨཱཛཱནིསྶཏཱི’’ཏི? ཨཐ ཁོ བྷགཝཏོ ཨེཏདཧོསི – ‘‘བཧུཀཱརཱ ཁོ མེ པཉྩཝགྒིཡཱ བྷིཀྑཱུ, ཡེ མཾ པདྷཱནཔཧིཏཏྟཾ ཨུཔཊྛཧིཾསུ; ཡཾནཱུནཱཧཾ པཉྩཝགྒིཡཱནཾ བྷིཀྑཱུནཾ པཋམཾ དྷམྨཾ དེསེཡྻ’’ནྟི. ཨཐ ཁོ བྷགཝཏོ ཨེཏདཧོསི – ‘‘ཀཧཾ ནུ ཁོ ཨེཏརཧི པཉྩཝགྒིཡཱ བྷིཀྑཱུ ཝིཧརནྟཱི’’ཏི? ཨདྡསཱ ཁོ བྷགཝཱ དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན པཉྩཝགྒིཡེ བྷིཀྑཱུ བཱརཱཎསིཡཾ ཝིཧརནྟེ ཨིསིཔཏནེ མིགདཱཡེ. ཨཐ ཁོ བྷགཝཱ ཨུརུཝེལཱཡཾ ཡཐཱབྷིརནྟཾ ཝིཧརིཏྭཱ ཡེན བཱརཱཎསཱི ཏེན ཙཱརིཀཾ པཀྐཱམི.

༡༡. ཨདྡསཱ ཁོ ཨུཔཀོ ཨཱཛཱིཝཀོ བྷགཝནྟཾ ཨནྟརཱ ཙ གཡཾ ཨནྟརཱ ཙ བོདྷིཾ ཨདྡྷཱནམགྒཔྤཊིཔནྣཾ, དིསྭཱན བྷགཝནྟཾ ཨེཏདཝོཙ – ‘‘ཝིཔྤསནྣཱནི ཁོ ཏེ, ཨཱཝུསོ, ཨིནྡྲིཡཱནི, པརིསུདྡྷོ ཚཝིཝཎྞོ པརིཡོདཱཏོ. ཀཾསི ཏྭཾ, ཨཱཝུསོ, ཨུདྡིསྶ པབྦཛིཏོ? ཀོ ཝཱ ཏེ སཏྠཱ? ཀསྶ ཝཱ ཏྭཾ དྷམྨཾ རོཙེསཱི’’ཏི? ཨེཝཾ ཝུཏྟེ བྷགཝཱ ཨུཔཀཾ ཨཱཛཱིཝཀཾ གཱཐཱཧི ཨཛ྄ཛྷབྷཱསི –

[དྷ. པ. ༣༥༣; ཀཐཱ. ༤༠༥] ‘‘སབྦཱབྷིབྷཱུ སབྦཝིདཱུཧམསྨི,

སབྦེསུ དྷམྨེསུ ཨནཱུཔལིཏྟོ;

སབྦཉྫཧོ ཏཎྷཱཀྑཡེ ཝིམུཏྟོ,

སཡཾ ཨབྷིཉྙཱཡ ཀམུདྡིསེཡྻཾ.

[མི. པ. ༤.༥.༡༡ མིལིནྡཔཉྷེཔི; ཀཐཱ. ༤༠༥] ‘‘ན མེ ཨཱཙརིཡོ ཨཏྠི, སདིསོ མེ ན ཝིཛྫཏི;

སདེཝཀསྨིཾ ལོཀསྨིཾ, ནཏྠི མེ པཊིཔུགྒལོ.

[ཀཐཱ. ༤༠༥ ཀཐཱཝཏྠུཔཱལི༹ཡམྤི] ‘‘ཨཧཉྷི ཨརཧཱ ལོཀེ, ཨཧཾ སཏྠཱ ཨནུཏྟརོ;

ཨེཀོམྷི སམྨཱསམྦུདྡྷོ, སཱིཏིབྷཱུཏོསྨི ནིབྦུཏོ.

[ཀཐཱ. ༤༠༥ ཀཐཱཝཏྠུཔཱལི༹ཡམྤི]‘‘དྷམྨཙཀྐཾ པཝཏྟེཏུཾ, གཙྪཱམི ཀཱསིནཾ པུརཾ;

ཨནྡྷཱིབྷཱུཏསྨིཾ ལོཀསྨིཾ, ཨཱཧཉྪཾ [ཨཱཧཉྙིཾ (ཀ.)] ཨམཏདུནྡུབྷི’’ནྟི.

ཡཐཱ ཁོ ཏྭཾ, ཨཱཝུསོ, པཊིཛཱནཱསི, ཨརཧསི ཨནནྟཛིནོཏི.

[ཀཐཱ. ༤༠༥ ཀཐཱཝཏྠུཔཱལི༹ཡམྤི] ‘‘མཱདིསཱ ཝེ ཛིནཱ ཧོནྟི, ཡེ པཏྟཱ ཨཱསཝཀྑཡཾ;

ཛིཏཱ མེ པཱཔཀཱ དྷམྨཱ, ཏསྨཱཧམུཔཀ [ཏསྨཱཧམུཔཀཱ (སཱི.)] ཛིནོ’’ཏི.

ཨེཝཾ ཝུཏྟེ ཨུཔཀོ ཨཱཛཱིཝཀོ ཧུཔེཡྻཔཱཝུསོཏི [ཧུཝེཡྻཔཱཝུསོ (སཱི.) ཧུཝེཡྻཱཝུསོ (སྱཱ.)] ཝཏྭཱ སཱིསཾ ཨོཀམྤེཏྭཱ ཨུམྨགྒཾ གཧེཏྭཱ པཀྐཱམི.

༡༢. ཨཐ ཁོ བྷགཝཱ ཨནུཔུབྦེན ཙཱརིཀཾ ཙརམཱནོ ཡེན བཱརཱཎསཱི ཨིསིཔཏནཾ མིགདཱཡོ, ཡེན པཉྩཝགྒིཡཱ བྷིཀྑཱུ ཏེནུཔསངྐམི. ཨདྡསཾསུ ཁོ པཉྩཝགྒིཡཱ བྷིཀྑཱུ བྷགཝནྟཾ དཱུརཏོཝ ཨཱགཙྪནྟཾ; དིསྭཱན ཨཉྙམཉྙཾ ཀཏིཀཾ [ཨིདཾ པདཾ ཀེསུཙི ནཏྠི] སཎྛཔེསུཾ – ‘‘ཨཡཾ, ཨཱཝུསོ, སམཎོ གོཏམོ ཨཱགཙྪཏི, བཱཧུལླིཀོ པདྷཱནཝིབྦྷནྟོ ཨཱཝཏྟོ བཱཧུལླཱཡ. སོ ནེཝ ཨབྷིཝཱདེཏབྦོ, ན པཙྩུཊྛཱཏབྦོ, ནཱསྶ པཏྟཙཱིཝརཾ པཊིགྒཧེཏབྦཾ; ཨཔི ཙ ཁོ ཨཱསནཾ ཋཔེཏབྦཾ, སཙེ སོ ཨཱཀངྑིསྶཏི ནིསཱིདིསྶཏཱི’’ཏི. ཡཐཱ ཡཐཱ ཁོ བྷགཝཱ པཉྩཝགྒིཡེ བྷིཀྑཱུ ཨུཔསངྐམཏི, ཏཐཱ ཏཐཱ [ཏཐཱ ཏཐཱ ཏེ (སཱི. སྱཱ.)] པཉྩཝགྒིཡཱ བྷིཀྑཱུ ནཱསཀྑིཾསུ སཀཱཡ ཀཏིཀཱཡ སཎྛཱཏུཾ. ཨསཎྛཧནྟཱ བྷགཝནྟཾ པཙྩུགྒནྟྭཱ ཨེཀོ བྷགཝཏོ པཏྟཙཱིཝརཾ པཊིགྒཧེསི, ཨེཀོ ཨཱསནཾ པཉྙཔེསི, ཨེཀོ པཱདོདཀཾ, ཨེཀོ པཱདཔཱིཋཾ, ཨེཀོ པཱདཀཋལིཀཾ ཨུཔནིཀྑིཔི. ནིསཱིདི བྷགཝཱ པཉྙཏྟེ ཨཱསནེ; ནིསཛྫ ཁོ བྷགཝཱ པཱདེ པཀྑཱལེསི. ཨཔིསྶུ [ཨཔི ཙ ཁོ (པཱསརཱསིསུཏྠ)] བྷགཝནྟཾ ནཱམེན ཙ ཨཱཝུསོཝཱདེན ཙ སམུདཱཙརནྟི. ཨེཝཾ ཝུཏྟེ བྷགཝཱ པཉྩཝགྒིཡེ བྷིཀྑཱུ ཨེཏདཝོཙ – ‘‘མཱ, བྷིཀྑཝེ, ཏཐཱགཏཾ ནཱམེན ཙ ཨཱཝུསོཝཱདེན ཙ སམུདཱཙརཐ [སམུདཱཙརིཏྠ (སཱི. སྱཱ.)]. ཨརཧཾ, བྷིཀྑཝེ, ཏཐཱགཏོ སམྨཱསམྦུདྡྷོ, ཨོདཧཐ, བྷིཀྑཝེ, སོཏཾ, ཨམཏམདྷིགཏཾ, ཨཧམནུསཱསཱམི, ཨཧཾ དྷམྨཾ དེསེམི. ཡཐཱནུསིཊྛཾ ཏཐཱ པཊིཔཛྫམཱནཱ [ཡཐཱནུསིཊྛཾ པཊིཔཛྫམཱནཱ (སྱཱ.)] ནཙིརསྶེཝ – ཡསྶཏྠཱཡ ཀུལཔུཏྟཱ སམྨདེཝ ཨགཱརསྨཱ ཨནགཱརིཡཾ པབྦཛནྟི ཏདནུཏྟརཾ – བྲཧྨཙརིཡཔརིཡོསཱནཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརིསྶཐཱ’’ཏི. ཨེཝཾ ཝུཏྟེ པཉྩཝགྒིཡཱ བྷིཀྑཱུ བྷགཝནྟཾ ཨེཏདཝོཙུཾ – ‘‘ཏཱཡཔི ཁོ ཏྭཾ, ཨཱཝུསོ གོཏམ, ཨིརིཡཱཡ [ཙརིཡཱཡ (སྱཱ.)], ཏཱཡ པཊིཔདཱཡ, ཏཱཡ དུཀྐརཀཱརིཀཱཡ ནེཝཛ྄ཛྷགཱ ཨུཏྟརི མནུསྶདྷམྨཱ [ཨུཏྟརིམནུསྶདྷམྨཾ (སྱཱ. ཀ.)] ཨལམརིཡཉཱཎདསྶནཝིསེསཾ, ཀིཾ པན ཏྭཾ ཨེཏརཧི, བཱཧུལླིཀོ པདྷཱནཝིབྦྷནྟོ ཨཱཝཏྟོ བཱཧུལླཱཡ, ཨདྷིགམིསྶསི ཨུཏྟརི མནུསྶདྷམྨཱ ཨལམརིཡཉཱཎདསྶནཝིསེས’’ནྟི? ཨེཝཾ ཝུཏྟེ བྷགཝཱ པཉྩཝགྒིཡེ བྷིཀྑཱུ ཨེཏདཝོཙ – ‘‘ན, བྷིཀྑཝེ, ཏཐཱགཏོ བཱཧུལླིཀོ, ན པདྷཱནཝིབྦྷནྟོ, ན ཨཱཝཏྟོ བཱཧུལླཱཡ; ཨརཧཾ, བྷིཀྑཝེ, ཏཐཱགཏོ སམྨཱསམྦུདྡྷོ. ཨོདཧཐ, བྷིཀྑཝེ, སོཏཾ, ཨམཏམདྷིགཏཾ, ཨཧམནུསཱསཱམི, ཨཧཾ དྷམྨཾ དེསེམི. ཡཐཱནུསིཊྛཾ ཏཐཱ པཊིཔཛྫམཱནཱ ནཙིརསྶེཝ – ཡསྶཏྠཱཡ ཀུལཔུཏྟཱ སམྨདེཝ ཨགཱརསྨཱ ཨནགཱརིཡཾ པབྦཛནྟི ཏདནུཏྟརཾ – བྲཧྨཙརིཡཔརིཡོསཱནཾ དིཊྛེཝདྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརིསྶཐཱ’’ཏི. དུཏིཡམྤི ཁོ པཉྩཝགྒིཡཱ བྷིཀྑཱུ བྷགཝནྟཾ ཨེཏདཝོཙུཾ…པེ…. དུཏིཡམྤི ཁོ བྷགཝཱ པཉྩཝགྒིཡེ བྷིཀྑཱུ ཨེཏདཝོཙ…པེ…. ཏཏིཡམྤི ཁོ པཉྩཝགྒིཡཱ བྷིཀྑཱུ བྷགཝནྟཾ ཨེཏདཝོཙུཾ – ‘‘ཏཱཡཔི ཁོ ཏྭཾ, ཨཱཝུསོ གོཏམ, ཨིརིཡཱཡ, ཏཱཡ པཊིཔདཱཡ, ཏཱཡ དུཀྐརཀཱརིཀཱཡ ནེཝཛ྄ཛྷགཱ ཨུཏྟརི མནུསྶདྷམྨཱ ཨལམརིཡཉཱཎདསྶནཝིསེསཾ, ཀིཾ པན ཏྭཾ ཨེཏརཧི, བཱཧུལླིཀོ པདྷཱནཝིབྦྷནྟོ ཨཱཝཏྟོ བཱཧུལླཱཡ, ཨདྷིགམིསྶསི ཨུཏྟརི མནུསྶདྷམྨཱ ཨལམརིཡཉཱཎདསྶནཝིསེས’’ནྟི? ཨེཝཾ ཝུཏྟེ བྷགཝཱ པཉྩཝགྒིཡེ བྷིཀྑཱུ ཨེཏདཝོཙ – ‘‘ཨབྷིཛཱནཱཐ མེ ནོ ཏུམྷེ, བྷིཀྑཝེ, ཨིཏོ པུབྦེ ཨེཝརཱུཔཾ པབྷཱཝིཏམེཏ’’ནྟི [བྷཱསིཏམེཏནྟི (སཱི. སྱཱ. ཀ.) ཊཱིཀཱཡོ ཨོལོཀེཏབྦཱ]? ‘‘ནོཧེཏཾ, བྷནྟེ’’. ཨརཧཾ, བྷིཀྑཝེ, ཏཐཱགཏོ སམྨཱསམྦུདྡྷོ, ཨོདཧཐ, བྷིཀྑཝེ, སོཏཾ, ཨམཏམདྷིགཏཾ, ཨཧམནུསཱསཱམི, ཨཧཾ དྷམྨཾ དེསེམི. ཡཐཱནུསིཊྛཾ ཏཐཱ པཊིཔཛྫམཱནཱ ནཙིརསྶེཝ – ཡསྶཏྠཱཡ ཀུལཔུཏྟཱ སམྨདེཝ ཨགཱརསྨཱ ཨནགཱརིཡཾ པབྦཛནྟི ཏདནུཏྟརཾབྲཧྨཙརིཡཔརིཡོསཱནཾ དིཊྛེཝདྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརིསྶཐཱཏི. ཨསཀྑི ཁོ བྷགཝཱ པཉྩཝགྒིཡེ བྷིཀྑཱུ སཉྙཱཔེཏུཾ. ཨཐ ཁོ པཉྩཝགྒིཡཱ བྷིཀྑཱུ བྷགཝནྟཾ སུསྶཱུསིཾསུ, སོཏཾ ཨོདཧིཾསུ, ཨཉྙཱ ཙིཏྟཾ ཨུཔཊྛཱཔེསུཾ.

༡༣. ཨཐ ཁོ བྷགཝཱ པཉྩཝགྒིཡེ བྷིཀྑཱུ ཨཱམནྟེསི –

‘‘[སཾ. ནི. ༥.༡༠༨༡ ཨཱདཡོ] དྭེམེ, བྷིཀྑཝེ, ཨནྟཱ པབྦཛིཏེན ན སེཝིཏབྦཱ. ཀཏམེ དྭེ [ཨིདཾ པདདྭཡཾ སཱི. སྱཱ. པོཏྠཀེསུ ནཏྠི]? ཡོ ཙཱཡཾ ཀཱམེསུ ཀཱམསུཁལླིཀཱནུཡོགོ ཧཱིནོ གམྨོ པོཐུཛྫནིཀོ ཨནརིཡོ ཨནཏྠསཾཧིཏོ, ཡོ ཙཱཡཾ ཨཏྟཀིལམཐཱནུཡོགོ དུཀྑོ ཨནརིཡོ ཨནཏྠསཾཧིཏོ. ཨེཏེ ཁོ, བྷིཀྑཝེ, ཨུབྷོ ཨནྟེ ཨནུཔགམྨ, མཛ྄ཛྷིམཱ པཊིཔདཱ ཏཐཱགཏེན ཨབྷིསམྦུདྡྷཱ, ཙཀྑུཀརཎཱི ཉཱཎཀརཎཱི ཨུཔསམཱཡ ཨབྷིཉྙཱཡ སམྦོདྷཱཡ ནིབྦཱནཱཡ སཾཝཏྟཏི. ཀཏམཱ ཙ སཱ, བྷིཀྑཝེ, མཛ྄ཛྷིམཱ པཊིཔདཱ ཏཐཱགཏེན ཨབྷིསམྦུདྡྷཱ, ཙཀྑུཀརཎཱི ཉཱཎཀརཎཱི ཨུཔསམཱཡ ཨབྷིཉྙཱཡ སམྦོདྷཱཡ ནིབྦཱནཱཡ སཾཝཏྟཏི? ཨཡམེཝ ཨརིཡོ ཨཊྛངྒིཀོ མགྒོ, སེཡྻཐིདཾ – སམྨཱདིཊྛི, སམྨཱསངྐཔྤོ, སམྨཱཝཱཙཱ, སམྨཱཀམྨནྟོ, སམྨཱཨཱཛཱིཝོ, སམྨཱཝཱཡཱམོ, སམྨཱསཏི, སམྨཱསམཱདྷི. ཨཡཾ ཁོ སཱ, བྷིཀྑཝེ, མཛ྄ཛྷིམཱ པཊིཔདཱ ཏཐཱགཏེན ཨབྷིསམྦུདྡྷཱ, ཙཀྑུཀརཎཱི ཉཱཎཀརཎཱི ཨུཔསམཱཡ ཨབྷིཉྙཱཡ སམྦོདྷཱཡ ནིབྦཱནཱཡ སཾཝཏྟཏི.

༡༤. ‘‘ཨིདཾ ཁོ པན, བྷིཀྑཝེ, དུཀྑཾ ཨརིཡསཙྩཾ. ཛཱཏིཔི དུཀྑཱ, ཛརཱཔི དུཀྑཱ, བྱཱདྷིཔི དུཀྑོ, མརཎམྤི དུཀྑཾ, ཨཔྤིཡེཧི སམྤཡོགོ དུཀྑོ, པིཡེཧི ཝིཔྤཡོགོ དུཀྑོ, ཡམྤིཙྪཾ ན ལབྷཏི ཏམྤི དུཀྑཾ. སཾཁིཏྟེན, པཉྩུཔཱདཱནཀྑནྡྷཱ [པཉྩུཔཱདཱནཁནྡྷཱཔི (ཀ)] དུཀྑཱ. ‘‘ཨིདཾ ཁོ པན, བྷིཀྑཝེ, དུཀྑསམུདཡཾ [ཨེཏྠ ‘‘ཨིདཾ དུཀྑཾ ཨརིཡསཙྩནྟི ཨཱདཱིསུ དུཀྑསམུདཡོ དུཀྑནིརོདྷོཏི ཝཏྟབྦེ དུཀྑསམུདཡཾ དུཀྑནིརོདྷནྟི ལིངྒཝིཔལླཱསོ ཏཏོ’’ཏི པཊིསམྦྷིདཱམགྒཊྛཀཐཱཡཾ ཝུཏྟཾ. ཝིསུདྡྷིམགྒཊཱིཀཱཡཾ པན ཨུཔྤཱདོ བྷཡནྟིཔཱཋཝཎྞནཱཡཾ ‘‘སཏིཔི དྭིནྣཾ པདཱནཾ སམཱནཱདྷིཀརཎབྷཱཝེ ལིངྒབྷེདོ གཧིཏོ, ཡཐཱ དུཀྑསམུདཡོ ཨརིཡསཙྩ’’ནྟི ཝུཏྟཾ. ཏེསུ དུཀྑསམུདཡོ ཨརིཡསཙྩ’’ནྟི སཀལིངྒིཀཔཱཋོ ‘‘དུཀྑནིརོདྷགཱམིནཱི པཊིཔདཱ ཨརིཡསཙྩ’’ནྟི པཱལི༹ཡཱ སམེཏི.] ཨརིཡསཙྩཾ – ཡཱཡཾ ཏཎྷཱ པོནོབྦྷཝིཀཱ [པོནོབྷཝིཀཱ (ཀ.)] ནནྡཱིརཱགསཧགཏཱ [ནནྡིརཱགསཧགཏཱ (སཱི. སྱཱ.)] ཏཏྲཏཏྲཱབྷིནནྡིནཱི, སེཡྻཐིདཾ – ཀཱམཏཎྷཱ, བྷཝཏཎྷཱ, ཝིབྷཝཏཎྷཱ.

‘‘ཨིདཾ ཁོ པན, བྷིཀྑཝེ, དུཀྑནིརོདྷཾ ཨརིཡསཙྩཾ – ཡོ ཏསྶཱ ཡེཝ ཏཎྷཱཡ ཨསེསཝིརཱགནིརོདྷོ, ཙཱགོ, པཊིནིསྶགྒོ, མུཏྟི, ཨནཱལཡོ. ‘‘ཨིདཾ ཁོ པན, བྷིཀྑཝེ, དུཀྑནིརོདྷགཱམིནཱི པཊིཔདཱ ཨརིཡསཙྩཾ – ཨཡམེཝ ཨརིཡོ ཨཊྛངྒིཀོ མགྒོ, སེཡྻཐིདཾ – སམྨཱདིཊྛི, སམྨཱསངྐཔྤོ, སམྨཱཝཱཙཱ, སམྨཱཀམྨནྟོ, སམྨཱཨཱཛཱིཝོ, སམྨཱཝཱཡཱམོ, སམྨཱསཏི, སམྨཱསམཱདྷི.

༡༥. ‘‘ཨིདཾ དུཀྑཾ ཨརིཡསཙྩནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི. ཏཾ ཁོ པནིདཾ དུཀྑཾ ཨརིཡསཙྩཾ པརིཉྙེཡྻནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི. ཏཾ ཁོ པནིདཾ དུཀྑཾ ཨརིཡསཙྩཾ པརིཉྙཱཏནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི.

‘‘ཨིདཾ དུཀྑསམུདཡཾ ཨརིཡསཙྩནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི. ཏཾ ཁོ པནིདཾ དུཀྑསམུདཡཾ ཨརིཡསཙྩཾ པཧཱཏབྦནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི. ཏཾ ཁོ པནིདཾ དུཀྑསམུདཡཾ ཨརིཡསཙྩཾ པཧཱིནནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི.

‘‘ཨིདཾ དུཀྑནིརོདྷཾ ཨརིཡསཙྩནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི. ཏཾ ཁོ པནིདཾ དུཀྑནིརོདྷཾ ཨརིཡསཙྩཾ སཙྪིཀཱཏབྦནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི. ཏཾ ཁོ པནིདཾ དུཀྑནིརོདྷཾ ཨརིཡསཙྩཾ སཙྪིཀཏནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི.

‘‘ཨིདཾ དུཀྑནིརོདྷགཱམིནཱི པཊིཔདཱ ཨརིཡསཙྩནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི. ཏཾ ཁོ པནིདཾ དུཀྑནིརོདྷགཱམིནཱི པཊིཔདཱ ཨརིཡསཙྩཾ བྷཱཝེཏབྦནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི. ཏཾ ཁོ པནིདཾ དུཀྑནིརོདྷགཱམིནཱི པཊིཔདཱ ཨརིཡསཙྩཾ བྷཱཝིཏནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི.

༡༦. ‘‘ཡཱཝཀཱིཝཉྩ མེ, བྷིཀྑཝེ, ཨིམེསུ ཙཏཱུསུ ཨརིཡསཙྩེསུ ཨེཝཾ ཏིཔརིཝཊྚཾ དྭཱདསཱཀཱརཾ ཡཐཱབྷཱུཏཾ ཉཱཎདསྶནཾ ན སུཝིསུདྡྷཾ ཨཧོསི, ནེཝ ཏཱཝཱཧཾ, བྷིཀྑཝེ, སདེཝཀེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ཨནུཏྟརཾ སམྨཱསམྦོདྷིཾ ཨབྷིསམྦུདྡྷོཏི པཙྩཉྙཱསིཾ. ཡཏོ ཙ ཁོ མེ, བྷིཀྑཝེ, ཨིམེསུ ཙཏཱུསུ ཨརིཡསཙྩེསུ ཨེཝཾ ཏིཔརིཝཊྚཾ དྭཱདསཱཀཱརཾ ཡཐཱབྷཱུཏཾ ཉཱཎདསྶནཾ སུཝིསུདྡྷཾ ཨཧོསི, ཨཐཱཧཾ, བྷིཀྑཝེ, སདེཝཀེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ཨནུཏྟརཾ སམྨཱསམྦོདྷིཾ ཨབྷིསམྦུདྡྷོཏི [ཨབྷིསམྦུདྡྷོ (སཱི. སྱཱ.)] པཙྩཉྙཱསིཾ. ཉཱཎཉྩ པན མེ དསྶནཾ ཨུདཔཱདི – ཨཀུཔྤཱ མེ ཝིམུཏྟི, ཨཡམནྟིམཱ ཛཱཏི, ནཏྠི དཱནི པུནབྦྷཝོ’’ཏི. ཨིདམཝོཙ བྷགཝཱ ཨཏྟམནཱ པཉྩཝགྒིཡཱ བྷིཀྑཱུ བྷགཝཏོ བྷཱསིཏཾ ཨབྷིནནྡུནྟི [ཨིདམཝོཙ…པེ… ཨབྷིནནྡུནྟིཝཱཀྱཾ སཱི. སྱཱ. པོཏྠཀེསུ ནཏྠི].

ཨིམསྨིཉྩ པན ཝེཡྻཱཀརཎསྨིཾ བྷཉྙམཱནེ ཨཱཡསྨཏོ ཀོཎྜཉྙསྶ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ‘‘ཡཾ ཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨ’’ནྟི.

༡༧. པཝཏྟིཏེ ཙ པན བྷགཝཏཱ དྷམྨཙཀྐེ, བྷུམྨཱ དེཝཱ སདྡམནུསྶཱཝེསུཾ – ‘‘ཨེཏཾ བྷགཝཏཱ བཱརཱཎསིཡཾ ཨིསིཔཏནེ མིགདཱཡེ ཨནུཏྟརཾ དྷམྨཙཀྐཾ པཝཏྟིཏཾ, ཨཔྤཊིཝཏྟིཡཾ སམཎེན ཝཱ བྲཱཧྨཎེན ཝཱ དེཝེན ཝཱ མཱརེན ཝཱ བྲཧྨུནཱ ཝཱ ཀེནཙི ཝཱ ལོཀསྨི’’ནྟི. བྷུམྨཱནཾ དེཝཱནཾ སདྡཾ སུཏྭཱ ཙཱཏུམཧཱརཱཛིཀཱ དེཝཱ སདྡམནུསྶཱཝེསུཾ…པེ… ཙཱཏུམཧཱརཱཛིཀཱནཾ དེཝཱནཾ སདྡཾ སུཏྭཱ ཏཱཝཏིཾསཱ དེཝཱ…པེ… ཡཱམཱ དེཝཱ…པེ… ཏུསིཏཱ དེཝཱ…པེ… ནིམྨཱནརཏཱི དེཝཱ…པེ… པརནིམྨིཏཝསཝཏྟཱི དེཝཱ…པེ… བྲཧྨཀཱཡིཀཱ དེཝཱ སདྡམནུསྶཱཝེསུཾ – ‘‘ཨེཏཾ བྷགཝཏཱ བཱརཱཎསིཡཾ ཨིསིཔཏནེ མིགདཱཡེ ཨནུཏྟརཾ དྷམྨཙཀྐཾ པཝཏྟིཏཾ ཨཔྤཊིཝཏྟིཡཾ སམཎེན ཝཱ བྲཱཧྨཎེན ཝཱ དེཝེན ཝཱ མཱརེན ཝཱ བྲཧྨུནཱ ཝཱ ཀེནཙི ཝཱ ལོཀསྨི’’ནྟི. ཨིཏིཧ, ཏེན ཁཎེན, ཏེན ལཡེན [ཏེན ལཡེནཱཏི པདདྭཡཾ སཱི. སྱཱ. པོཏྠཀེསུ ནཏྠི] ཏེན མུཧུཏྟེན ཡཱཝ བྲཧྨལོཀཱ སདྡོ ཨབྦྷུགྒཙྪི. ཨཡཉྩ དསསཧསྶིལོཀདྷཱཏུ སཾཀམྤི སམྤཀམྤི སམྤཝེདྷི; ཨཔྤམཱཎོ ཙ ཨུལཱ༹རོ ཨོབྷཱསོ ལོཀེ པཱཏུརཧོསི, ཨཏིཀྐམྨ དེཝཱནཾ དེཝཱནུབྷཱཝཾ. ཨཐ ཁོ བྷགཝཱ ཨིམཾ ཨུདཱནཾ ཨུདཱནེསི – ‘‘ཨཉྙཱསི ཝཏ, བྷོ ཀོཎྜཉྙོ, ཨཉྙཱསི ཝཏ བྷོ ཀོཎྜཉྙོ’’ཏི. ཨིཏི ཧིདཾ ཨཱཡསྨཏོ ཀོཎྜཉྙསྶ ‘ཨཉྙཱསིཀོཎྜཉྙོ’ ཏྭེཝ ནཱམཾ ཨཧོསི.

༡༨. ཨཐ ཁོ ཨཱཡསྨཱ ཨཉྙཱསིཀོཎྜཉྙོ དིཊྛདྷམྨོ པཏྟདྷམྨོ ཝིདིཏདྷམྨོ པརིཡོགཱལ༹ྷདྷམྨོ ཏིཎྞཝིཙིཀིཙྪོ ཝིགཏཀཐཾཀཐོ ཝེསཱརཛྫཔྤཏྟོ ཨཔརཔྤཙྩཡོ སཏྠུསཱསནེ བྷགཝནྟཾ ཨེཏདཝོཙ – ‘‘ལབྷེཡྻཱཧཾ, བྷནྟེ, བྷགཝཏོ སནྟིཀེ པབྦཛྫཾ, ལབྷེཡྻཾ ཨུཔསམྤད’’ནྟི. ‘‘ཨེཧི བྷིཀྑཱུ’’ཏི བྷགཝཱ ཨཝོཙ – ‘‘སྭཱཀྑཱཏོ དྷམྨོ, ཙར བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. སཱཝ ཏསྶ ཨཱཡསྨཏོ ཨུཔསམྤདཱ ཨཧོསི.

༡༩. ཨཐ ཁོ བྷགཝཱ ཏདཝསེསེ བྷིཀྑཱུ དྷམྨིཡཱ ཀཐཱཡ ཨོཝདི ཨནུསཱསི. ཨཐ ཁོ ཨཱཡསྨཏོ ཙ ཝཔྤསྶ ཨཱཡསྨཏོ ཙ བྷདྡིཡསྶ བྷགཝཏཱ དྷམྨིཡཱ ཀཐཱཡ ཨོཝདིཡམཱནཱནཾ ཨནུསཱསིཡམཱནཱནཾ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨནྟི.

ཏེ དིཊྛདྷམྨཱ པཏྟདྷམྨཱ ཝིདིཏདྷམྨཱ པརིཡོགཱལ༹ྷདྷམྨཱ ཏིཎྞཝིཙིཀིཙྪཱ ཝིགཏཀཐཾཀཐཱ ཝེསཱརཛྫཔྤཏྟཱ ཨཔརཔྤཙྩཡཱ སཏྠུསཱསནེ བྷགཝནྟཾ ཨེཏདཝོཙུཾ – ‘‘ལབྷེཡྻཱམ མཡཾ, བྷནྟེ, བྷགཝཏོ སནྟིཀེ པབྦཛྫཾ, ལབྷེཡྻཱམ ཨུཔསམྤད’’ནྟི. ‘‘ཨེཐ བྷིཀྑཝོ’’ཏི བྷགཝཱ ཨཝོཙ – ‘‘སྭཱཀྑཱཏོ དྷམྨོ, ཙརཐ བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. སཱཝ ཏེསཾ ཨཱཡསྨནྟཱནཾ ཨུཔསམྤདཱ ཨཧོསི.

ཨཐ ཁོ བྷགཝཱ ཏདཝསེསེ བྷིཀྑཱུ ནཱིཧཱརབྷཏྟོ དྷམྨིཡཱ ཀཐཱཡ ཨོཝདི ཨནུསཱསི. ཡཾ ཏཡོ བྷིཀྑཱུ པིཎྜཱཡ ཙརིཏྭཱ ཨཱཧརནྟི, ཏེན ཚབྦགྒོ ཡཱཔེཏི. ཨཐ ཁོ ཨཱཡསྨཏོ ཙ མཧཱནཱམསྶ ཨཱཡསྨཏོ ཙ ཨསྶཛིསྶ བྷགཝཏཱ དྷམྨིཡཱ ཀཐཱཡ ཨོཝདིཡམཱནཱནཾ ཨནུསཱསིཡམཱནཱནཾ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨནྟི. ཏེ དིཊྛདྷམྨཱ པཏྟདྷམྨཱ ཝིདིཏདྷམྨཱ པརིཡོགཱལ༹ྷདྷམྨཱ ཏིཎྞཝིཙིཀིཙྪཱ ཝིགཏཀཐཾཀཐཱ ཝེསཱརཛྫཔྤཏྟཱ ཨཔརཔྤཙྩཡཱ སཏྠུསཱསནེ བྷགཝནྟཾ ཨེཏདཝོཙུཾ – ‘‘ལབྷེཡྻཱམ མཡཾ, བྷནྟེ, བྷགཝཏོ སནྟིཀེ པབྦཛྫཾ, ལབྷེཡྻཱམ ཨུཔསམྤད’’ནྟི. ‘‘ཨེཐ བྷིཀྑཝོ’’ཏི བྷགཝཱ ཨཝོཙ – ‘‘སྭཱཀྑཱཏོ དྷམྨོ, ཙརཐ བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. སཱཝ ཏེསཾ ཨཱཡསྨནྟཱནཾ ཨུཔསམྤདཱ ཨཧོསི.

༢༠. ཨཐ ཁོ བྷགཝཱ པཉྩཝགྒིཡེ བྷིཀྑཱུ ཨཱམནྟེསི –

[སཾ. ནི. ༣.༥༩ ཨཱདཡོ] ‘‘རཱུཔཾ, བྷིཀྑཝེ, ཨནཏྟཱ. རཱུཔཉྩ ཧིདཾ, བྷིཀྑཝེ, ཨཏྟཱ ཨབྷཝིསྶ, ནཡིདཾ རཱུཔཾ ཨཱབཱདྷཱཡ སཾཝཏྟེཡྻ, ལབྦྷེཐ ཙ རཱུཔེ – ‘ཨེཝཾ མེ རཱུཔཾ ཧོཏུ, ཨེཝཾ མེ རཱུཔཾ མཱ ཨཧོསཱི’ཏི. ཡསྨཱ ཙ ཁོ, བྷིཀྑཝེ, རཱུཔཾ ཨནཏྟཱ, ཏསྨཱ རཱུཔཾ ཨཱབཱདྷཱཡ སཾཝཏྟཏི, ན ཙ ལབྦྷཏི རཱུཔེ – ‘ཨེཝཾ མེ རཱུཔཾ ཧོཏུ, ཨེཝཾ མེ རཱུཔཾ མཱ ཨཧོསཱི’ཏི. ཝེདནཱ, ཨནཏྟཱ. ཝེདནཱ ཙ ཧིདཾ, བྷིཀྑཝེ, ཨཏྟཱ ཨབྷཝིསྶ, ནཡིདཾ ཝེདནཱ ཨཱབཱདྷཱཡ སཾཝཏྟེཡྻ, ལབྦྷེཐ ཙ ཝེདནཱཡ – ‘ཨེཝཾ མེ ཝེདནཱ ཧོཏུ, ཨེཝཾ མེ ཝེདནཱ མཱ ཨཧོསཱི’ཏི. ཡསྨཱ ཙ ཁོ, བྷིཀྑཝེ, ཝེདནཱ ཨནཏྟཱ, ཏསྨཱ ཝེདནཱ ཨཱབཱདྷཱཡ སཾཝཏྟཏི, ན ཙ ལབྦྷཏི ཝེདནཱཡ – ‘ཨེཝཾ མེ ཝེདནཱ ཧོཏུ, ཨེཝཾ མེ ཝེདནཱ མཱ ཨཧོསཱི’ཏི. སཉྙཱ, ཨནཏྟཱ. སཉྙཱ ཙ ཧིདཾ, བྷིཀྑཝེ, ཨཏྟཱ ཨབྷཝིསྶ, ནཡིདཾ སཉྙཱ ཨཱབཱདྷཱཡ སཾཝཏྟེཡྻ, ལབྦྷེཐ ཙ སཉྙཱཡ – ‘ཨེཝཾ མེ སཉྙཱ ཧོཏུ, ཨེཝཾ མེ སཉྙཱ མཱ ཨཧོསཱི’ཏི. ཡསྨཱ ཙ ཁོ, བྷིཀྑཝེ, སཉྙཱ ཨནཏྟཱ, ཏསྨཱ སཉྙཱ ཨཱབཱདྷཱཡ སཾཝཏྟཏི, ན ཙ ལབྦྷཏི སཉྙཱཡ – ‘ཨེཝཾ མེ སཉྙཱ ཧོཏུ, ཨེཝཾ མེ སཉྙཱ མཱ ཨཧོསཱི’ཏི. སངྑཱརཱ, ཨནཏྟཱ. སངྑཱརཱ ཙ ཧིདཾ, བྷིཀྑཝེ, ཨཏྟཱ ཨབྷཝིསྶཾསུ, ནཡིདཾ [ནཡིམེ (ཀ.)] སངྑཱརཱ ཨཱབཱདྷཱཡ སཾཝཏྟེཡྻུཾ, ལབྦྷེཐ ཙ སངྑཱརེསུ – ‘ཨེཝཾ མེ སངྑཱརཱ ཧོནྟུ, ཨེཝཾ མེ སངྑཱརཱ མཱ ཨཧེསུ’ནྟི. ཡསྨཱ ཙ ཁོ, བྷིཀྑཝེ, སངྑཱརཱ ཨནཏྟཱ, ཏསྨཱ སངྑཱརཱ ཨཱབཱདྷཱཡ སཾཝཏྟནྟི, ན ཙ ལབྦྷཏི སངྑཱརེསུ – ‘ཨེཝཾ མེ སངྑཱརཱ ཧོནྟུ, ཨེཝཾ མེ སངྑཱརཱ མཱ ཨཧེསུ’ནྟི. ཝིཉྙཱཎཾ, ཨནཏྟཱ. ཝིཉྙཱཎཉྩ ཧིདཾ, བྷིཀྑཝེ, ཨཏྟཱ ཨབྷཝིསྶ, ནཡིདཾ ཝིཉྙཱཎཾ ཨཱབཱདྷཱཡ སཾཝཏྟེཡྻ, ལབྦྷེཐ ཙ ཝིཉྙཱཎེ – ‘ཨེཝཾ མེ ཝིཉྙཱཎཾ ཧོཏུ, ཨེཝཾ མེ ཝིཉྙཱཎཾ མཱ ཨཧོསཱི’ཏི. ཡསྨཱ ཙ ཁོ, བྷིཀྑཝེ, ཝིཉྙཱཎཾ ཨནཏྟཱ, ཏསྨཱ ཝིཉྙཱཎཾ ཨཱབཱདྷཱཡ སཾཝཏྟཏི, ན ཙ ལབྦྷཏི ཝིཉྙཱཎེ – ‘ཨེཝཾ མེ ཝིཉྙཱཎཾ ཧོཏུ, ཨེཝཾ མེ ཝིཉྙཱཎཾ མཱ ཨཧོསཱི’ཏི.

༢༡. ‘‘ཏཾ ཀིཾ མཉྙཐ, བྷིཀྑཝེ, རཱུཔཾ ནིཙྩཾ ཝཱ ཨནིཙྩཾ ཝཱཏི? ཨནིཙྩཾ, བྷནྟེ. ཡཾ པནཱནིཙྩཾ དུཀྑཾ ཝཱ ཏཾ སུཁཾ ཝཱཏི? དུཀྑཾ, བྷནྟེ. ཡཾ པནཱནིཙྩཾ དུཀྑཾ ཝིཔརིཎཱམདྷམྨཾ, ཀལླཾ ནུ ཏཾ སམནུཔསྶིཏུཾ – ཨེཏཾ མམ, ཨེསོཧམསྨི, ཨེསོ མེ ཨཏྟཱཏི? ནོ ཧེཏཾ, བྷནྟེ. ཝེདནཱ ནིཙྩཱ ཝཱ ཨནིཙྩཱ ཝཱཏི? ཨནིཙྩཱ, བྷནྟེ. ཡཾ པནཱནིཙྩཾ དུཀྑཾ ཝཱ ཏཾ སུཁཾ ཝཱཏི? དུཀྑཾ, བྷནྟེ. ཡཾ པནཱནིཙྩཾ དུཀྑཾ ཝིཔརིཎཱམདྷམྨཾ, ཀལླཾ ནུ ཏཾ སམནུཔསྶིཏུཾ – ཨེཏཾ མམ, ཨེསོཧམསྨི, ཨེསོ མེ ཨཏྟཱཏི? ནོ ཧེཏཾ, བྷནྟེ. སཉྙཱ ནིཙྩཱ ཝཱ ཨནིཙྩཱ ཝཱཏི? ཨནིཙྩཱ, བྷནྟེ. ཡཾ པནཱནིཙྩཾ དུཀྑཾ ཝཱ ཏཾ སུཁཾ ཝཱཏི? དུཀྑཾ, བྷནྟེ. ཡཾ པནཱནིཙྩཾ དུཀྑཾ ཝིཔརིཎཱམདྷམྨཾ, ཀལླཾ ནུ ཏཾ སམནུཔསྶིཏུཾ – ཨེཏཾ མམ, ཨེསོཧམསྨི, ཨེསོ མེ ཨཏྟཱཏི? ནོ ཧེཏཾ, བྷནྟེ. སངྑཱརཱ ནིཙྩཱ ཝཱ ཨནིཙྩཱ ཝཱཏི? ཨནིཙྩཱ, བྷནྟེ. ཡཾ པནཱནིཙྩཾ, དུཀྑཾ ཝཱ ཏཾ སུཁཾ ཝཱཏི? དུཀྑཾ, བྷནྟེ. ཡཾ པནཱནིཙྩཾ དུཀྑཾ ཝིཔརིཎཱམདྷམྨཾ, ཀལླཾ ནུ ཏཾ སམནུཔསྶིཏུཾ – ཨེཏཾ མམ, ཨེསོཧམསྨི, ཨེསོ མེ ཨཏྟཱཏི? ནོ ཧེཏཾ, བྷནྟེ. ཝིཉྙཱཎཾ ནིཙྩཾ ཝཱ ཨནིཙྩཾ ཝཱཏི? ཨནིཙྩཾ, བྷནྟེ. ཡཾ པནཱནིཙྩཾ, དུཀྑཾ ཝཱ ཏཾ སུཁཾ ཝཱཏི? དུཀྑཾ, བྷནྟེ. ཡཾ པནཱནིཙྩཾ དུཀྑཾ ཝིཔརིཎཱམདྷམྨཾ, ཀལླཾ ནུ ཏཾ སམནུཔསྶིཏུཾ – ཨེཏཾ མམ, ཨེསོཧམསྨི, ཨེསོ མེ ཨཏྟཱཏི? ནོ ཧེཏཾ, བྷནྟེ.

༢༢. ‘‘ཏསྨཱཏིཧ, བྷིཀྑཝེ, ཡཾ ཀིཉྩི རཱུཔཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ [ཡཾ དཱུརེ ཝཱ (སྱཱ.)] སནྟིཀེ ཝཱ, སབྦཾ རཱུཔཾ – ནེཏཾ མམ, ནེསོཧམསྨི, ན མེསོ ཨཏྟཱཏི – ཨེཝམེཏཾ ཡཐཱབྷཱུཏཾ སམྨཔྤཉྙཱཡ དཊྛབྦཾ. ཡཱ ཀཱཙི ཝེདནཱ ཨཏཱིཏཱནཱགཏཔཙྩུཔྤནྣཱ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཱ ཝཱ སུཁུམཱ ཝཱ ཧཱིནཱ ཝཱ པཎཱིཏཱ ཝཱ ཡཱ དཱུརེ སནྟིཀེ ཝཱ, སབྦཱ ཝེདནཱ – ནེཏཾ མམ, ནེསོཧམསྨི, ན མེསོ ཨཏྟཱཏི – ཨེཝམེཏཾ ཡཐཱབྷཱུཏཾ སམྨཔྤཉྙཱཡ དཊྛབྦཾ. ཡཱ ཀཱཙི སཉྙཱ ཨཏཱིཏཱནཱགཏཔཙྩུཔྤནྣཱ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཱ ཝཱ སུཁུམཱ ཝཱ ཧཱིནཱ ཝཱ པཎཱིཏཱ ཝཱ ཡཱ དཱུརེ སནྟིཀེ ཝཱ, སབྦཱ སཉྙཱ – ནེཏཾ མམ, ནེསོཧམསྨི, ན མེསོ ཨཏྟཱཏི – ཨེཝམེཏཾ ཡཐཱབྷཱུཏཾ སམྨཔྤཉྙཱཡ དཊྛབྦཾ. ཡེ ཀེཙི སངྑཱརཱ ཨཏཱིཏཱནཱགཏཔཙྩུཔྤནྣཱ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཱ ཝཱ སུཁུམཱ ཝཱ ཧཱིནཱ ཝཱ པཎཱིཏཱ ཝཱ ཡེ དཱུརེ སནྟིཀེ ཝཱ, སབྦེ སངྑཱརཱ – ནེཏཾ མམ, ནེསོཧམསྨི, ན མེསོ ཨཏྟཱཏི – ཨེཝམེཏཾ ཡཐཱབྷཱུཏཾ སམྨཔྤཉྙཱཡ དཊྛབྦཾ. ཡཾ ཀིཉྩི ཝིཉྙཱཎཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ སནྟིཀེ ཝཱ, སབྦཾ ཝིཉྙཱཎཾ – ནེཏཾ མམ, ནེསོཧམསྨི, ན མེསོ ཨཏྟཱཏི – ཨེཝམེཏཾ ཡཐཱབྷཱུཏཾ སམྨཔྤཉྙཱཡ དཊྛབྦཾ.

༢༣. ‘‘ཨེཝཾ པསྶཾ, བྷིཀྑཝེ, སུཏཝཱ ཨརིཡསཱཝཀོ རཱུཔསྨིམྤི ནིབྦིནྡཏི, ཝེདནཱཡཔི ནིབྦིནྡཏི, སཉྙཱཡཔི ནིབྦིནྡཏི, སངྑཱརེསུཔི ནིབྦིནྡཏི, ཝིཉྙཱཎསྨིམྤི ནིབྦིནྡཏི; ནིབྦིནྡཾ ཝིརཛྫཏི; ཝིརཱགཱ ཝིམུཙྩཏི; ཝིམུཏྟསྨིཾ ཝིམུཏྟམིཏི ཉཱཎཾ ཧོཏི, ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱཏཱི’’ཏི.

༢༤. ཨིདམཝོཙ བྷགཝཱ. ཨཏྟམནཱ པཉྩཝགྒིཡཱ བྷིཀྑཱུ བྷགཝཏོ བྷཱསིཏཾ ཨབྷིནནྡུནྟི [ཨབྷིནནྡུཾ (སྱཱ.)]. ཨིམསྨིཉྩ པན ཝེཡྻཱཀརཎསྨིཾ བྷཉྙམཱནེ པཉྩཝགྒིཡཱནཾ བྷིཀྑཱུནཾ ཨནུཔཱདཱཡ ཨཱསཝེཧི ཙིཏྟཱནི ཝིམུཙྩིཾསུ. ཏེན ཁོ པན སམཡེན ཚ ལོཀེ ཨརཧནྟོ ཧོནྟི.

པཉྩཝགྒིཡཀཐཱ ནིཊྛིཏཱ.

པཋམབྷཱཎཝཱརོ.

༧. པབྦཛྫཱཀཐཱ

༢༥. ཏེན ཁོ པན སམཡེན བཱརཱཎསིཡཾ ཡསོ ནཱམ ཀུལཔུཏྟོ སེཊྛིཔུཏྟོ སུཁུམཱལོ ཧོཏི. ཏསྶ ཏཡོ པཱསཱདཱ ཧོནྟི – ཨེཀོ ཧེམནྟིཀོ, ཨེཀོ གིམྷིཀོ, ཨེཀོ ཝསྶིཀོ. སོ ཝསྶིཀེ པཱསཱདེ ཙཏྟཱརོ མཱསེ [ཝསྶིཀེ པཱསཱདེ ཝསྶིཀེ ཙཏྟཱརོ མཱསེ (སཱི.)] ནིཔྤུརིསེཧི ཏཱུརིཡེཧི པརིཙཱརཡམཱནོ ན ཧེཊྛཱཔཱསཱདཾ ཨོརོཧཏི. ཨཐ ཁོ ཡསསྶ ཀུལཔུཏྟསྶ པཉྩཧི ཀཱམགུཎེཧི སམཔྤིཏསྶ སམངྒཱིབྷཱུཏསྶ པརིཙཱརཡམཱནསྶ པཊིཀཙྩེཝ [པཊིགཙྩེཝ (སཱི.)] ནིདྡཱ ཨོཀྐམི, པརིཛནསྶཔི ནིདྡཱ ཨོཀྐམི, སབྦརཏྟིཡོ ཙ ཏེལཔདཱིཔོ ཛྷཱཡཏི. ཨཐ ཁོ ཡསོ ཀུལཔུཏྟོ པཊིཀཙྩེཝ པབུཛ྄ཛྷིཏྭཱ ཨདྡས སཀཾ པརིཛནཾ སུཔནྟཾ – ཨཉྙིསྶཱ ཀཙྪེ ཝཱིཎཾ, ཨཉྙིསྶཱ ཀཎྛེ མུདིངྒཾ, ཨཉྙིསྶཱ ཀཙྪེ ཨཱལ༹མྦརཾ, ཨཉྙཾ ཝིཀེསིཀཾ, ཨཉྙཾ ཝིཀྑེལི༹ཀཾ, ཨཉྙཱ ཝིཔྤལཔནྟིཡོ, ཧཏྠཔྤཏྟཾ སུསཱནཾ མཉྙེ. དིསྭཱནསྶ ཨཱདཱིནཝོ པཱཏུརཧོསི, ནིབྦིདཱཡ ཙིཏྟཾ སཎྛཱསི. ཨཐ ཁོ ཡསོ ཀུལཔུཏྟོ ཨུདཱནཾ ཨུདཱནེསི – ‘‘ཨུཔདྡུཏཾ ཝཏ བྷོ, ཨུཔསྶཊྛཾ ཝཏ བྷོ’’ཏི.

ཨཐ ཁོ ཡསོ ཀུལཔུཏྟོ སུཝཎྞཔཱདུཀཱཡོ ཨཱརོཧིཏྭཱ ཡེན ནིཝེསནདྭཱརཾ ཏེནུཔསངྐམི. ཨམནུསྶཱ དྭཱརཾ ཝིཝརིཾསུ – མཱ ཡསསྶ ཀུལཔུཏྟསྶ ཀོཙི ཨནྟརཱཡམཀཱསི ཨགཱརསྨཱ ཨནགཱརིཡཾ པབྦཛྫཱཡཱཏི. ཨཐ ཁོ ཡསོ ཀུལཔུཏྟོ ཡེན ནགརདྭཱརཾ ཏེནུཔསངྐམི. ཨམནུསྶཱ དྭཱརཾ ཝིཝརིཾསུ – མཱ ཡསསྶ ཀུལཔུཏྟསྶ ཀོཙི ཨནྟརཱཡམཀཱསི ཨགཱརསྨཱ ཨནགཱརིཡཾ པབྦཛྫཱཡཱཏི. ཨཐ ཁོ ཡསོ ཀུལཔུཏྟོ ཡེན ཨིསིཔཏནཾ མིགདཱཡོ ཏེནུཔསངྐམི.

༢༦. ཏེན ཁོ པན སམཡེན བྷགཝཱ རཏྟིཡཱ པཙྩཱུསསམཡཾ པཙྩུཊྛཱཡ ཨཛ྄ཛྷོཀཱསེ ཙངྐམཏི. ཨདྡསཱ ཁོ བྷགཝཱ ཡསཾ ཀུལཔུཏྟཾ དཱུརཏོཝ ཨཱགཙྪནྟཾ, དིསྭཱན ཙངྐམཱ ཨོརོཧིཏྭཱ པཉྙཏྟེ ཨཱསནེ ནིསཱིདི. ཨཐ ཁོ ཡསོ ཀུལཔུཏྟོ བྷགཝཏོ ཨཝིདཱུརེ ཨུདཱནཾ ཨུདཱནེསི – ‘‘ཨུཔདྡུཏཾ ཝཏ བྷོ, ཨུཔསྶཊྛཾ ཝཏ བྷོ’’ཏི. ཨཐ ཁོ བྷགཝཱ ཡསཾ ཀུལཔུཏྟཾ ཨེཏདཝོཙ – ‘‘ཨིདཾ ཁོ, ཡས, ཨནུཔདྡུཏཾ, ཨིདཾ ཨནུཔསྶཊྛཾ. ཨེཧི ཡས, ནིསཱིད, དྷམྨཾ ཏེ དེསེསྶཱམཱི’’ཏི. ཨཐ ཁོ ཡསོ ཀུལཔུཏྟོ – ཨིདཾ ཀིར ཨནུཔདྡུཏཾ, ཨིདཾ ཨནུཔསྶཊྛནྟི ཧཊྛོ ཨུདགྒོ སུཝཎྞཔཱདུཀཱཧི ཨོརོཧིཏྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣསྶ ཁོ ཡསསྶ ཀུལཔུཏྟསྶ བྷགཝཱ ཨནུཔུབྦིཾ ཀཐཾ ཀཐེསི, སེཡྻཐིདཾ – དཱནཀཐཾ སཱིལཀཐཾ སགྒཀཐཾ, ཀཱམཱནཾ ཨཱདཱིནཝཾ ཨོཀཱརཾ སཾཀིལེསཾ, ནེཀྑམྨེ ཨཱནིསཾསཾ པཀཱསེསི. ཡདཱ བྷགཝཱ ཨཉྙཱསི ཡསཾ ཀུལཔུཏྟཾ ཀལླཙིཏྟཾ, མུདུཙིཏྟཾ, ཝིནཱིཝརཎཙིཏྟཾ, ཨུདགྒཙིཏྟཾ, པསནྣཙིཏྟཾ, ཨཐ ཡཱ བུདྡྷཱནཾ སཱམུཀྐཾསིཀཱ དྷམྨདེསནཱ ཏཾ པཀཱསེསི – དུཀྑཾ, སམུདཡཾ, ནིརོདྷཾ, མགྒཾ. སེཡྻཐཱཔི ནཱམ སུདྡྷཾ ཝཏྠཾ ཨཔགཏཀཱལ༹ཀཾ སམྨདེཝ རཛནཾ པཊིགྒཎྷེཡྻ, ཨེཝམེཝ ཡསསྶ ཀུལཔུཏྟསྶ ཏསྨིཾཡེཝ ཨཱསནེ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨནྟི.

༢༧. ཨཐ ཁོ ཡསསྶ ཀུལཔུཏྟསྶ མཱཏཱ པཱསཱདཾ ཨབྷིརུཧིཏྭཱ ཡསཾ ཀུལཔུཏྟཾ ཨཔསྶནྟཱི ཡེན སེཊྛི གཧཔཏི ཏེནུཔསངྐམི, ཨུཔསངྐམིཏྭཱ སེཊྛིཾ གཧཔཏིཾ ཨེཏདཝོཙ – ‘‘པུཏྟོ ཏེ, གཧཔཏི, ཡསོ ན དིསྶཏཱི’’ཏི. ཨཐ ཁོ སེཊྛི གཧཔཏི ཙཏུདྡིསཱ ཨསྶདཱུཏེ ཨུཡྻོཛེཏྭཱ སཱམཾཡེཝ ཡེན ཨིསིཔཏནཾ མིགདཱཡོ ཏེནུཔསངྐམི. ཨདྡསཱ ཁོ སེཊྛི གཧཔཏི སུཝཎྞཔཱདུཀཱནཾ ནིཀྑེཔཾ, དིསྭཱན ཏཾཡེཝ ཨནུགམཱསི [ཨནུགམཱ (སཱི. སྱཱ.)]. ཨདྡསཱ ཁོ བྷགཝཱ སེཊྛིཾ གཧཔཏིཾ དཱུརཏོཝ ཨཱགཙྪནྟཾ, དིསྭཱན བྷགཝཏོ ཨེཏདཧོསི – ‘‘ཡཾནཱུནཱཧཾ ཏཐཱརཱུཔཾ ཨིདྡྷཱབྷིསངྑཱརཾ ཨབྷིསངྑརེཡྻཾ ཡཐཱ སེཊྛི གཧཔཏི ཨིདྷ ནིསིནྣོ ཨིདྷ ནིསིནྣཾ ཡསཾ ཀུལཔུཏྟཾ ན པསྶེཡྻཱ’’ཏི. ཨཐ ཁོ བྷགཝཱ ཏཐཱརཱུཔཾ ཨིདྡྷཱབྷིསངྑཱརཾ ཨབྷིསངྑརེསི. ཨཐ ཁོ སེཊྛི གཧཔཏི ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨེཏདཝོཙ – ‘‘ཨཔི, བྷནྟེ, བྷགཝཱ ཡསཾ ཀུལཔུཏྟཾ པསྶེཡྻཱ’’ཏི? ཏེན ཧི, གཧཔཏི, ནིསཱིད, ཨཔྤེཝ ནཱམ ཨིདྷ ནིསིནྣོ ཨིདྷ ནིསིནྣཾ ཡསཾ ཀུལཔུཏྟཾ པསྶེཡྻཱསཱིཏི. ཨཐ ཁོ སེཊྛི གཧཔཏི – ཨིདྷེཝ ཀིརཱཧཾ ནིསིནྣོ ཨིདྷ ནིསིནྣཾ ཡསཾ ཀུལཔུཏྟཾ པསྶིསྶཱམཱིཏི ཧཊྛོ ཨུདགྒོ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣསྶ ཁོ སེཊྛིསྶ གཧཔཏིསྶ བྷགཝཱ ཨནུཔུབྦིཾ ཀཐཾ ཀཐེསི, སེཡྻཐིདཾ – དཱནཀཐཾ སཱིལཀཐཾ སགྒཀཐཾ, ཀཱམཱནཾ ཨཱདཱིནཝཾ ཨོཀཱརཾ སཾཀིལེསཾ, ནེཀྑམྨེ ཨཱནིསཾསཾ པཀཱསེསི. ཡདཱ བྷགཝཱ ཨཉྙཱསི སེཊྛིཾ གཧཔཏིཾ ཀལླཙིཏྟཾ, མུདུཙིཏྟཾ, ཝིནཱིཝརཎཙིཏྟཾ, ཨུདགྒཙིཏྟཾ, པསནྣཙིཏྟཾ, ཨཐ ཡཱ བུདྡྷཱནཾ སཱམུཀྐཾསིཀཱ དྷམྨདེསནཱ, ཏཾ པཀཱསེསི – དུཀྑཾ, སམུདཡཾ, ནིརོདྷཾ, མགྒཾ. སེཡྻཐཱཔི ནཱམ སུདྡྷཾ ཝཏྠཾ ཨཔགཏཀཱལ༹ཀཾ སམྨདེཝ རཛནཾ པཊིགྒཎྷེཡྻ ཨེཝམེཝ སེཊྛིསྶ གཧཔཏིསྶ ཏསྨིཾཡེཝ ཨཱསནེ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨནྟི. ཨཐ ཁོ སེཊྛི གཧཔཏི དིཊྛདྷམྨོ པཏྟདྷམྨོ ཝིདིཏདྷམྨོ པརིཡོགཱལ༹ྷདྷམྨོ ཏིཎྞཝིཙིཀིཙྪོ ཝིགཏཀཐཾཀཐོ ཝེསཱརཛྫཔྤཏྟོ ཨཔརཔྤཙྩཡོ སཏྠུསཱསནེ བྷགཝནྟཾ ཨེཏདཝོཙ – ‘‘ཨབྷིཀྐནྟཾ, བྷནྟེ, ཨབྷིཀྐནྟཾ, བྷནྟེ, སེཡྻཐཱཔི, བྷནྟེ, ནིཀྐུཛྫིཏཾ [ནིཀུཛྫིཏཾ (ཀ.)] ཝཱ ཨུཀྐུཛྫེཡྻ, པཊིཙྪནྣཾ ཝཱ ཝིཝརེཡྻ, མཱུལ༹ྷསྶ ཝཱ མགྒཾ ཨཱཙིཀྑེཡྻ, ཨནྡྷཀཱརེ ཝཱ ཏེལཔཛྫོཏཾ དྷཱརེཡྻ – ཙཀྑུམནྟོ རཱུཔཱནི དཀྑནྟཱིཏི – ཨེཝམེཝཾ བྷགཝཏཱ ཨནེཀཔརིཡཱཡེན དྷམྨོ པཀཱསིཏོ. ཨེསཱཧཾ, བྷནྟེ, བྷགཝནྟཾ སརཎཾ གཙྪཱམི, དྷམྨཉྩ, བྷིཀྑུསངྒྷཉྩ. ཨུཔཱསཀཾ མཾ བྷགཝཱ དྷཱརེཏུ ཨཛྫཏགྒེ པཱཎུཔེཏཾ སརཎཾ གཏ’’ནྟི. སོཝ ལོཀེ པཋམཾ ཨུཔཱསཀོ ཨཧོསི ཏེཝཱཙིཀོ.

༢༨. ཨཐ ཁོ ཡསསྶ ཀུལཔུཏྟསྶ པིཏུནོ དྷམྨེ དེསིཡམཱནེ ཡཐཱདིཊྛཾ ཡཐཱཝིདིཏཾ བྷཱུམིཾ པཙྩཝེཀྑནྟསྶ ཨནུཔཱདཱཡ ཨཱསཝེཧི ཙིཏྟཾ ཝིམུཙྩི. ཨཐ ཁོ བྷགཝཏོ ཨེཏདཧོསི – ‘‘ཡསསྶ ཁོ ཀུལཔུཏྟསྶ པིཏུནོ དྷམྨེ དེསིཡམཱནེ ཡཐཱདིཊྛཾ ཡཐཱཝིདིཏཾ བྷཱུམིཾ པཙྩཝེཀྑནྟསྶ ཨནུཔཱདཱཡ ཨཱསཝེཧི ཙིཏྟཾ ཝིམུཏྟཾ. ཨབྷབྦོ ཁོ ཡསོ ཀུལཔུཏྟོ ཧཱིནཱཡཱཝཏྟིཏྭཱ ཀཱམེ པརིབྷུཉྫིཏུཾ, སེཡྻཐཱཔི པུབྦེ ཨགཱརིཀབྷཱུཏོ; ཡཾནཱུནཱཧཾ ཏཾ ཨིདྡྷཱབྷིསངྑཱརཾ པཊིཔྤསྶམྦྷེཡྻ’’ནྟི. ཨཐ ཁོ བྷགཝཱ ཏཾ ཨིདྡྷཱབྷིསངྑཱརཾ པཊིཔྤསྶམྦྷེསི. ཨདྡསཱ ཁོ སེཊྛི གཧཔཏི ཡསཾ ཀུལཔུཏྟཾ ནིསིནྣཾ, དིསྭཱན ཡསཾ ཀུལཔུཏྟཾ ཨེཏདཝོཙ – ‘‘མཱཏཱ ཏེ ཏཱཏ, ཡས, པརིདེཝ [པརིདེཝཱི (ཀ.)] སོཀསམཱཔནྣཱ, དེཧི མཱཏུཡཱ ཛཱིཝིཏ’’ནྟི. ཨཐ ཁོ ཡསོ ཀུལཔུཏྟོ བྷགཝནྟཾ ཨུལློཀེསི. ཨཐ ཁོ བྷགཝཱ སེཊྛིཾ གཧཔཏིཾ ཨེཏདཝོཙ – ‘‘ཏཾ ཀིཾ མཉྙསི, གཧཔཏི, ཡསྶ སེཀྑེན ཉཱཎེན སེཀྑེན དསྶནེན དྷམྨོ དིཊྛོ ཝིདིཏོ སེཡྻཐཱཔི ཏཡཱ? ཏསྶ ཡཐཱདིཊྛཾ ཡཐཱཝིདིཏཾ བྷཱུམིཾ པཙྩཝེཀྑནྟསྶ ཨནུཔཱདཱཡ ཨཱསཝེཧི ཙིཏྟཾ ཝིམུཏྟཾ. བྷབྦོ ནུ ཁོ སོ, གཧཔཏི, ཧཱིནཱཡཱཝཏྟིཏྭཱ ཀཱམེ པརིབྷུཉྫིཏུཾ སེཡྻཐཱཔི པུབྦེ ཨགཱརིཀབྷཱུཏོ’’ཏི? ‘‘ནོ ཧེཏཾ, བྷནྟེ’’. ‘‘ཡསསྶ ཁོ, གཧཔཏི, ཀུལཔུཏྟསྶ སེཀྑེན ཉཱཎེན སེཀྑེན དསྶནེན དྷམྨོ དིཊྛོ ཝིདིཏོ སེཡྻཐཱཔི ཏཡཱ. ཏསྶ ཡཐཱདིཊྛཾ ཡཐཱཝིདིཏཾ བྷཱུམིཾ པཙྩཝེཀྑནྟསྶ ཨནུཔཱདཱཡ ཨཱསཝེཧི ཙིཏྟཾ ཝིམུཏྟཾ. ཨབྷབྦོ ཁོ, གཧཔཏི, ཡསོ ཀུལཔུཏྟོ ཧཱིནཱཡཱཝཏྟིཏྭཱ ཀཱམེ པརིབྷུཉྫིཏུཾ སེཡྻཐཱཔི པུབྦེ ཨགཱརིཀབྷཱུཏོ’’ཏི. ‘‘ལཱབྷཱ, བྷནྟེ, ཡསསྶ ཀུལཔུཏྟསྶ, སུལདྡྷཾ, བྷནྟེ, ཡསསྶ ཀུལཔུཏྟསྶ, ཡཐཱ ཡསསྶ ཀུལཔུཏྟསྶ ཨནུཔཱདཱཡ ཨཱསཝེཧི ཙིཏྟཾ ཝིམུཏྟཾ. ཨདྷིཝཱསེཏུ མེ, བྷནྟེ, བྷགཝཱ ཨཛྫཏནཱཡ བྷཏྟཾ ཡསེན ཀུལཔུཏྟེན པཙྪཱསམཎེནཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ཁོ སེཊྛི གཧཔཏི བྷགཝཏོ ཨདྷིཝཱསནཾ ཝིདིཏྭཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ཁོ ཡསོ ཀུལཔུཏྟོ ཨཙིརཔཀྐནྟེ སེཊྛིམྷི གཧཔཏིམྷི བྷགཝནྟཾ ཨེཏདཝོཙ – ‘‘ལབྷེཡྻཱཧཾ, བྷནྟེ, བྷགཝཏོ སནྟིཀེ པབྦཛྫཾ, ལབྷེཡྻཾ ཨུཔསམྤད’’ནྟི. ‘‘ཨེཧི བྷིཀྑཱུ’’ཏི བྷགཝཱ ཨཝོཙ – ‘‘སྭཱཀྑཱཏོ དྷམྨོ, ཙར བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. སཱཝ ཏསྶ ཨཱཡསྨཏོ ཨུཔསམྤདཱ ཨཧོསི. ཏེན ཁོ པན སམཡེན སཏྟ ལོཀེ ཨརཧནྟོ ཧོནྟི.

ཡསསྶ པབྦཛྫཱ ནིཊྛིཏཱ.

༢༩. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཨཱཡསྨཏཱ ཡསེན པཙྪཱསམཎེན ཡེན སེཊྛིསྶ གཧཔཏིསྶ ནིཝེསནཾ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཨཐ ཁོ ཨཱཡསྨཏོ ཡསསྶ མཱཏཱ ཙ པུརཱཎདུཏིཡིཀཱ ཙ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཏཱསཾ བྷགཝཱ ཨནུཔུབྦིཾ ཀཐཾ ཀཐེསི, སེཡྻཐིདཾ – དཱནཀཐཾ སཱིལཀཐཾ སགྒཀཐཾ, ཀཱམཱནཾ ཨཱདཱིནཝཾ ཨོཀཱརཾ སཾཀིལེསཾ, ནེཀྑམྨེ ཨཱནིསཾསཾ པཀཱསེསི. ཡདཱ ཏཱ བྷགཝཱ ཨཉྙཱསི ཀལླཙིཏྟཱ, མུདུཙིཏྟཱ, ཝིནཱིཝརཎཙིཏྟཱ, ཨུདགྒཙིཏྟཱ, པསནྣཙིཏྟཱ, ཨཐ ཡཱ བུདྡྷཱནཾ སཱམུཀྐཾསིཀཱ དྷམྨདེསནཱ ཏཾ པཀཱསེསི – དུཀྑཾ, སམུདཡཾ, ནིརོདྷཾ, མགྒཾ. སེཡྻཐཱཔི ནཱམ སུདྡྷཾ ཝཏྠཾ ཨཔགཏཀཱལ༹ཀཾ སམྨདེཝ རཛནཾ པཊིགྒཎྷེཡྻ, ཨེཝམེཝ ཏཱསཾ ཏསྨིཾཡེཝ ཨཱསནེ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨནྟི. ཏཱ དིཊྛདྷམྨཱ པཏྟདྷམྨཱ ཝིདིཏདྷམྨཱ པརིཡོགཱལ༹ྷདྷམྨཱ ཏིཎྞཝིཙིཀིཙྪཱ ཝིགཏཀཐཾཀཐཱ ཝེསཱརཛྫཔྤཏྟཱ ཨཔརཔྤཙྩཡཱ སཏྠུསཱསནེ བྷགཝནྟཾ ཨེཏདཝོཙུཾ – ‘‘ཨབྷིཀྐནྟཾ, བྷནྟེ, ཨབྷིཀྐནྟཾ, བྷནྟེ…པེ… ཨེཏཱ མཡཾ, བྷནྟེ, བྷགཝནྟཾ སརཎཾ གཙྪཱམ, དྷམྨཉྩ, བྷིཀྑུསངྒྷཉྩ. ཨུཔཱསིཀཱཡོ ནོ བྷགཝཱ དྷཱརེཏུ ཨཛྫཏགྒེ པཱཎུཔེཏཱ སརཎཾ གཏཱ’’ཏི. ཏཱ ཙ ལོཀེ པཋམཾ ཨུཔཱསིཀཱ ཨཧེསུཾ ཏེཝཱཙིཀཱ.

ཨཐ ཁོ ཨཱཡསྨཏོ ཡསསྶ མཱཏཱ ཙ པིཏཱ ཙ པུརཱཎདུཏིཡིཀཱ ཙ བྷགཝནྟཉྩ ཨཱཡསྨནྟཉྩ ཡསཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེཏྭཱ སམྤཝཱརེཏྭཱ, བྷགཝནྟཾ བྷུཏྟཱཝིཾ ཨོནཱིཏཔཏྟཔཱཎིཾ, ཨེཀམནྟཾ ནིསཱིདིཾསུ. ཨཐ ཁོ བྷགཝཱ ཨཱཡསྨཏོ ཡསསྶ མཱཏརཉྩ པིཏརཉྩ པུརཱཎདུཏིཡིཀཉྩ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ པཀྐཱམི.

༣༠. ཨསྶོསུཾ ཁོ ཨཱཡསྨཏོ ཡསསྶ ཙཏྟཱརོ གིཧིསཧཱཡཀཱ བཱརཱཎསིཡཾ སེཊྛཱནུསེཊྛཱིནཾ ཀུལཱནཾ པུཏྟཱ – ཝིམལོ, སུབཱཧུ, པུཎྞཛི, གཝམྤཏི – ཡསོ ཀིར ཀུལཔུཏྟོ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛིཏོཏི. སུཏྭཱན ནེསཾ ཨེཏདཧོསི – ‘‘ན ཧི ནཱུན སོ ཨོརཀོ དྷམྨཝིནཡོ, ན སཱ ཨོརཀཱ པབྦཛྫཱ, ཡཏྠ ཡསོ ཀུལཔུཏྟོ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛིཏོ’’ཏི. ཏེ [ཏེ ཙཏྟཱརོ ཛནཱ (ཀ.)] ཡེནཱཡསྨཱ ཡསོ ཏེནུཔསངྐམིཾསུ, ཨུཔསངྐམིཏྭཱ ཨཱཡསྨནྟཾ ཡསཾ ཨབྷིཝཱདེཏྭཱ ཨེཀམནྟཾ ཨཊྛཾསུ. ཨཐ ཁོ ཨཱཡསྨཱ ཡསོ ཏེ ཙཏྟཱརོ གིཧིསཧཱཡཀེ ཨཱདཱཡ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཡསོ བྷགཝནྟཾ ཨེཏདཝོཙ – ‘‘ཨིམེ མེ, བྷནྟེ, ཙཏྟཱརོ གིཧིསཧཱཡཀཱ བཱརཱཎསིཡཾ སེཊྛཱནུསེཊྛཱིནཾ ཀུལཱནཾ པུཏྟཱ – ཝིམལོ, སུབཱཧུ, པུཎྞཛི, གཝམྤཏི. ཨིམེ [ཨིམེ ཙཏྟཱརོ (ཀ.)] བྷགཝཱ ཨོཝདཏུ ཨནུསཱསཏཱུ’’ཏི. ཏེསཾ བྷགཝཱ ཨནུཔུབྦིཾ ཀཐཾ ཀཐེསི, སེཡྻཐིདཾ – དཱནཀཐཾ སཱིལཀཐཾ སགྒཀཐཾ ཀཱམཱནཾ ཨཱདཱིནཝཾ ཨོཀཱརཾ སཾཀིལེསཾ ནེཀྑམྨེ ཨཱནིསཾསཾ པཀཱསེསི, ཡདཱ ཏེ བྷགཝཱ ཨཉྙཱསི ཀལླཙིཏྟེ མུདུཙིཏྟེ ཝིནཱིཝརཎཙིཏྟེ ཨུདགྒཙིཏྟེ པསནྣཙིཏྟེ, ཨཐ ཡཱ བུདྡྷཱནཾ སཱམུཀྐཾསིཀཱ དྷམྨདེསནཱ, ཏཾ པཀཱསེསི དུཀྑཾ སམུདཡཾ ནིརོདྷཾ མགྒཾ, སེཡྻཐཱཔི ནཱམ སུདྡྷཾ ཝཏྠཾ ཨཔགཏཀཱལ༹ཀཾ སམྨདེཝ རཛནཾ པཊིགྒཎྷེཡྻ, ཨེཝམེཝ ཏེསཾ ཏསྨིཾཡེཝ ཨཱསནེ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི ‘‘ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨ’’ནྟི. ཏེ དིཊྛདྷམྨཱ པཏྟདྷམྨཱ ཝིདིཏདྷམྨཱ པརིཡོགཱལ༹ྷདྷམྨཱ ཏིཎྞཝིཙིཀིཙྪཱ ཝིགཏཀཐཾཀཐཱ ཝེསཱརཛྫཔྤཏྟཱ ཨཔརཔྤཙྩཡཱ སཏྠུསཱསནེ བྷགཝནྟཾ ཨེཏདཝོཙུཾ – ‘‘ལབྷེཡྻཱམ མཡཾ, བྷནྟེ, བྷགཝཏོ སནྟིཀེ པབྦཛྫཾ, ལབྷེཡྻཱམ ཨུཔསམྤད’’ནྟི. ‘‘ཨེཐ བྷིཀྑཝོ’’ཏི བྷགཝཱ ཨཝོཙ – ‘‘སྭཱཀྑཱཏོ དྷམྨོ, ཙརཐ བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. སཱཝ ཏེསཾ ཨཱཡསྨནྟཱནཾ ཨུཔསམྤདཱ ཨཧོསི. ཨཐ ཁོ བྷགཝཱ ཏེ བྷིཀྑཱུ དྷམྨིཡཱ ཀཐཱཡ ཨོཝདི ཨནུསཱསི. ཏེསཾ བྷགཝཏཱ དྷམྨིཡཱ ཀཐཱཡ ཨོཝདིཡམཱནཱནཾ ཨནུསཱསིཡམཱནཱནཾ ཨནུཔཱདཱཡ ཨཱསཝེཧི ཙིཏྟཱནི ཝིམུཙྩིཾསུ. ཏེན ཁོ པན སམཡེན ཨེཀཱདས ལོཀེ ཨརཧནྟོ ཧོནྟི.

ཙཏུགིཧིསཧཱཡཀཔབྦཛྫཱ ནིཊྛིཏཱ.

༣༡. ཨསྶོསུཾ ཁོ ཨཱཡསྨཏོ ཡསསྶ པཉྙཱསམཏྟཱ གིཧིསཧཱཡཀཱ ཛཱནཔདཱ པུབྦཱནུཔུབྦཀཱནཾ ཀུལཱནཾ པུཏྟཱ – ཡསོ ཀིར ཀུལཔུཏྟོ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛིཏོཏི. སུཏྭཱན ནེསཾ ཨེཏདཧོསི – ‘‘ན ཧི ནཱུན སོ ཨོརཀོ དྷམྨཝིནཡོ, ན སཱ ཨོརཀཱ པབྦཛྫཱ, ཡཏྠ ཡསོ ཀུལཔུཏྟོ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛིཏོ’’ཏི. ཏེ ཡེནཱཡསྨཱ ཡསོ ཏེནུཔསངྐམིཾསུ, ཨུཔསངྐམིཏྭཱ ཨཱཡསྨནྟཾ ཡསཾ ཨབྷིཝཱདེཏྭཱ ཨེཀམནྟཾ ཨཊྛཾསུ. ཨཐ ཁོ ཨཱཡསྨཱ ཡསོ ཏེ པཉྙཱསམཏྟེ གིཧིསཧཱཡཀེ ཨཱདཱཡ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཡསོ བྷགཝནྟཾ ཨེཏདཝོཙ – ‘‘ཨིམེ མེ, བྷནྟེ, པཉྙཱསམཏྟཱ གིཧིསཧཱཡཀཱ ཛཱནཔདཱ པུབྦཱནུཔུབྦཀཱནཾ ཀུལཱནཾ པུཏྟཱ. ཨིམེ བྷགཝཱ ཨོཝདཏུ ཨནུསཱསཏཱུ’’ཏི. ཏེསཾ བྷགཝཱ ཨནུཔུབྦིཾ ཀཐཾ ཀཐེསི, སེཡྻཐིདཾ – དཱནཀཐཾ སཱིལཀཐཾ སགྒཀཐཾ ཀཱམཱནཾ ཨཱདཱིནཝཾ ཨོཀཱརཾ སཾཀིལེསཾ ནེཀྑམྨེ ཨཱནིསཾསཾ པཀཱསེསི. ཡདཱ ཏེ བྷགཝཱ ཨཉྙཱསི ཀལླཙིཏྟེ མུདུཙིཏྟེ ཝིནཱིཝརཎཙིཏྟེ ཨུདགྒཙིཏྟེ པསནྣཙིཏྟེ, ཨཐ ཡཱ བུདྡྷཱནཾ སཱམུཀྐཾསིཀཱ དྷམྨདེསནཱ, ཏཾ པཀཱསེསི དུཀྑཾ སམུདཡཾ ནིརོདྷཾ མགྒཾ, སེཡྻཐཱཔི ནཱམ སུདྡྷཾ ཝཏྠཾ ཨཔགཏཀཱལ༹ཀཾ སམྨདེཝ རཛནཾ པཊིགྒཎྷེཡྻ, ཨེཝམེཝ ཏེསཾ ཏསྨིཾཡེཝ ཨཱསནེ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨནྟི. ཏེ དིཊྛདྷམྨཱ པཏྟདྷམྨཱ ཝིདིཏདྷམྨཱ པརིཡོགཱལ༹ྷདྷམྨཱ ཏིཎྞཝིཙིཀིཙྪཱ ཝིགཏཀཐཾཀཐཱ ཝེསཱརཛྫཔྤཏྟཱ ཨཔརཔྤཙྩཡཱ སཏྠུསཱསནེ བྷགཝནྟཾ ཨེཏདཝོཙུཾ – ‘‘ལབྷེཡྻཱམ མཡཾ, བྷནྟེ, བྷགཝཏོ སནྟིཀེ པབྦཛྫཾ, ལབྷེཡྻཱམ ཨུཔསམྤད’’ནྟི. ‘‘ཨེཐ བྷིཀྑཝོ’’ཏི བྷགཝཱ ཨཝོཙ – ‘‘སྭཱཀྑཱཏོ དྷམྨོ, ཙརཐ བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. སཱཝ ཏེསཾ ཨཱཡསྨནྟཱནཾ ཨུཔསམྤདཱ ཨཧོསི. ཨཐ ཁོ བྷགཝཱ ཏེ བྷིཀྑཱུ དྷམྨིཡཱ ཀཐཱཡ ཨོཝདི ཨནུསཱསི. ཏེསཾ བྷགཝཏཱ དྷམྨིཡཱ ཀཐཱཡ ཨོཝདིཡམཱནཱནཾ ཨནུསཱསིཡམཱནཱནཾ ཨནུཔཱདཱཡ ཨཱསཝེཧི ཙིཏྟཱནི ཝིམུཙྩིཾསུ. ཏེན ཁོ པན སམཡེན ཨེཀསཊྛི ལོཀེ ཨརཧནྟོ ཧོནྟི.

པཉྙཱསགིཧིསཧཱཡཀཔབྦཛྫཱ ནིཊྛིཏཱ.

ནིཊྛིཏཱ ཙ པབྦཛྫཱཀཐཱ.

༨. མཱརཀཐཱ

༣༢. ཨཐ ཁོ བྷགཝཱ ཏེ བྷིཀྑཱུ ཨཱམནྟེསི [སཾ. ནི. ༡.༡༤༡ མཱརསཾཡུཏྟེཔི] – ‘‘མུཏྟཱཧཾ, བྷིཀྑཝེ, སབྦཔཱསེཧི, ཡེ དིབྦཱ ཡེ ཙ མཱནུསཱ. ཏུམྷེཔི, བྷིཀྑཝེ, མུཏྟཱ སབྦཔཱསེཧི, ཡེ དིབྦཱ ཡེ ཙ མཱནུསཱ. ཙརཐ, བྷིཀྑཝེ, ཙཱརིཀཾ བཧུཛནཧིཏཱཡ བཧུཛནསུཁཱཡ ལོཀཱནུཀམྤཱཡ ཨཏྠཱཡ ཧིཏཱཡ སུཁཱཡ དེཝམནུསྶཱནཾ. མཱ ཨེཀེན དྭེ ཨགམིཏྠ. དེསེཐ, བྷིཀྑཝེ, དྷམྨཾ ཨཱདིཀལྱཱཎཾ མཛ྄ཛྷེཀལྱཱཎཾ པརིཡོསཱནཀལྱཱཎཾ སཱཏྠཾ སབྱཉྫནཾ ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ པཀཱསེཐ. སནྟི སཏྟཱ ཨཔྤརཛཀྑཛཱཏིཀཱ, ཨསྶཝནཏཱ དྷམྨསྶ པརིཧཱཡནྟི, བྷཝིསྶནྟི དྷམྨསྶ ཨཉྙཱཏཱརོ. ཨཧམྤི, བྷིཀྑཝེ, ཡེན ཨུརུཝེལཱ སེནཱནིགམོ ཏེནུཔསངྐམིསྶཱམི དྷམྨདེསནཱཡཱ’’ཏི.

༣༣. ཨཐ ཁོ མཱརོ པཱཔིམཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ གཱཐཱཡ ཨཛ྄ཛྷབྷཱསི –

‘‘བདྡྷོསི སབྦཔཱསེཧི, ཡེ དིབྦཱ ཡེ ཙ མཱནུསཱ;

མཧཱབནྡྷནབདྡྷོསི, ན མེ སམཎ མོཀྑསཱི’’ཏི.

‘‘མུཏྟཱཧཾ [མུཏྟོཧཾ (སཱི. སྱཱ.)] སབྦཔཱསེཧི, ཡེ དིབྦཱ ཡེ ཙ མཱནུསཱ;

མཧཱབནྡྷནམུཏྟོམྷི, ནིཧཏོ ཏྭམསི ཨནྟཀཱཏི.

[སཾ. ནི. ༡.༡༥༡ མཱརསཾཡུཏྟེཔི] ‘‘ཨནྟལིཀྑཙརོ པཱསོ, ཡྭཱཡཾ ཙརཏི མཱནསོ;

ཏེན ཏཾ བཱདྷཡིསྶཱམི, ན མེ སམཎ མོཀྑསཱིཏི.

[སཾ. ནི. ༡.༡༡༥༡ མཱརསཾཡུཏྟེཔི] ‘‘རཱུཔཱ སདྡཱ རསཱ གནྡྷཱ, ཕོཊྛབྦཱ ཙ མནོརམཱ;

ཨེཏྠ མེ ཝིགཏོ ཚནྡོ, ནིཧཏོ ཏྭམསི ཨནྟཀཱ’’ཏི.

ཨཐ ཁོ མཱརོ པཱཔིམཱ – ཛཱནཱཏི མཾ བྷགཝཱ, ཛཱནཱཏི མཾ སུགཏོཏི དུཀྑཱི དུམྨནོ

ཏཏྠེཝནྟརདྷཱཡཱིཏི.

མཱརཀཐཱ ནིཊྛིཏཱ.

༩. པབྦཛྫཱུཔསམྤདཱཀཐཱ

༣༤. ཏེན ཁོ པན སམཡེན བྷིཀྑཱུ ནཱནཱདིསཱ ནཱནཱཛནཔདཱ པབྦཛྫཱཔེཀྑེ ཙ ཨུཔསམྤདཱཔེཀྑེ ཙ ཨཱནེནྟི – བྷགཝཱ ནེ པབྦཱཛེསྶཏི ཨུཔསམྤཱདེསྶཏཱིཏི. ཏཏྠ བྷིཀྑཱུ ཙེཝ ཀིལམནྟི པབྦཛྫཱཔེཀྑཱ ཙ ཨུཔསམྤདཱཔེཀྑཱ ཙ. ཨཐ ཁོ བྷགཝཏོ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘‘ཨེཏརཧི ཁོ བྷིཀྑཱུ ནཱནཱདིསཱ ནཱནཱཛནཔདཱ པབྦཛྫཱཔེཀྑེ ཙ ཨུཔསམྤདཱཔེཀྑེ ཙ ཨཱནེནྟི – བྷགཝཱ ནེ པབྦཱཛེསྶཏི ཨུཔསམྤཱདེསྶཏཱིཏི. ཏཏྠ བྷིཀྑཱུ ཙེཝ ཀིལམནྟི པབྦཛྫཱཔེཀྑཱ ཙ ཨུཔསམྤདཱཔེཀྑཱ ཙ. ཡཾནཱུནཱཧཾ བྷིཀྑཱུནཾ ཨནུཛཱནེཡྻཾ – ཏུམྷེཝ དཱནི, བྷིཀྑཝེ, ཏཱསུ ཏཱསུ དིསཱསུ ཏེསུ ཏེསུ ཛནཔདེསུ པབྦཱཛེཐ ཨུཔསམྤཱདེཐཱ’’ཏི. ཨཐ ཁོ བྷགཝཱ སཱཡནྷསམཡཾ པཊིསལླཱནཱ ཝུཊྛིཏོ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨིདྷ མཡ྄ཧཾ, བྷིཀྑཝེ, རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘ཨེཏརཧི ཁོ བྷིཀྑཱུ ནཱནཱདིསཱ ནཱནཱཛནཔདཱ པབྦཛྫཱཔེཀྑེ ཙ ཨུཔསམྤདཱཔེཀྑེ ཙ ཨཱནེནྟི བྷགཝཱ ནེ པབྦཱཛེསྶཏི ཨུཔསམྤཱདེསྶཏཱིཏི, ཏཏྠ བྷིཀྑཱུ ཙེཝ ཀིལམནྟི པབྦཛྫཱཔེཀྑཱ ཙ ཨུཔསམྤདཱཔེཀྑཱ ཙ, ཡཾནཱུནཱཧཾ བྷིཀྑཱུནཾ ཨནུཛཱནེཡྻཾ ཏུམྷེཝ དཱནི, བྷིཀྑཝེ, ཏཱསུ ཏཱསུ དིསཱསུ ཏེསུ ཏེསུ ཛནཔདེསུ པབྦཱཛེཐ ཨུཔསམྤཱདེཐཱ’’’ཏི, ཨནུཛཱནཱམི, བྷིཀྑཝེ, ཏུམྷེཝ དཱནི ཏཱསུ ཏཱསུ དིསཱསུ ཏེསུ ཏེསུ ཛནཔདེསུ པབྦཱཛེཐ ཨུཔསམྤཱདེཐ. ཨེཝཉྩ པན, བྷིཀྑཝེ, པབྦཱཛེཏབྦོ ཨུཔསམྤཱདེཏབྦོ –

པཋམཾ ཀེསམསྶུཾ ཨོཧཱརཱཔེཏྭཱ [ཨོཧཱརེཏྭཱ (ཀ.)], ཀཱསཱཡཱནི ཝཏྠཱནི ཨཙྪཱདཱཔེཏྭཱ, ཨེཀཾསཾ ཨུཏྟརཱསངྒཾ ཀཱརཱཔེཏྭཱ, བྷིཀྑཱུནཾ པཱདེ ཝནྡཱཔེཏྭཱ, ཨུཀྐུཊིཀཾ ནིསཱིདཱཔེཏྭཱ, ཨཉྫལིཾ པགྒཎྷཱཔེཏྭཱ, ཨེཝཾ ཝདེཧཱིཏི ཝཏྟབྦོ – བུདྡྷཾ སརཎཾ གཙྪཱམི, དྷམྨཾ སརཎཾ གཙྪཱམི, སངྒྷཾ སརཎཾ གཙྪཱམི; དུཏིཡམྤི བུདྡྷཾ སརཎཾ གཙྪཱམི, དུཏིཡམྤི དྷམྨཾ སརཎཾ གཙྪཱམི, དུཏིཡམྤི སངྒྷཾ སརཎཾ གཙྪཱམི; ཏཏིཡམྤི བུདྡྷཾ སརཎཾ གཙྪཱམི, ཏཏིཡམྤི དྷམྨཾ སརཎཾ གཙྪཱམི, ཏཏིཡམྤི སངྒྷཾ སརཎཾ གཙྪཱམཱི’’ཏི. ‘‘ཨནུཛཱནཱམི, བྷིཀྑཝེ, ཨིམེཧི ཏཱིཧི སརཎགམནེཧི པབྦཛྫཾ ཨུཔསམྤད’’ནྟི.

ཏཱིཧི སརཎགམནེཧི ཨུཔསམྤདཱཀཐཱ ནིཊྛིཏཱ.

༡༠. དུཏིཡམཱརཀཐཱ

༣༥. ཨཐ ཁོ བྷགཝཱ ཝསྶཾཝུཊྛོ [ཝསྶཾཝུཏྠོ (སཱི.)] བྷིཀྑཱུ ཨཱམནྟེསི [སཾ. ནི. ༡.༡༥༥] – ‘‘མཡ྄ཧཾ ཁོ, བྷིཀྑཝེ, ཡོནིསོ མནསིཀཱརཱ ཡོནིསོ སམྨཔྤདྷཱནཱ ཨནུཏྟརཱ ཝིམུཏྟི ཨནུཔྤཏྟཱ, ཨནུཏྟརཱ ཝིམུཏྟི སཙྪིཀཏཱ. ཏུམྷེཔི, བྷིཀྑཝེ, ཡོནིསོ མནསིཀཱརཱ ཡོནིསོ སམྨཔྤདྷཱནཱ ཨནུཏྟརཾ ཝིམུཏྟིཾ ཨནུཔཱཔུཎཱཐ, ཨནུཏྟརཾ ཝིམུཏྟིཾ སཙྪིཀརོཐཱ’’ཏི. ཨཐ ཁོ མཱརོ པཱཔིམཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ གཱཐཱཡ ཨཛ྄ཛྷབྷཱསི –

‘‘བདྡྷོསི མཱརཔཱསེཧི, ཡེ དིབྦཱ ཡེ ཙ མཱནུསཱ;

མཧཱབནྡྷནབདྡྷོསི [མཱརབནྡྷནབདྡྷོསི (སཱི. སྱཱ.)], ན མེ སམཎ མོཀྑསཱི’’ཏི.

‘‘མུཏྟཱཧཾ མཱརཔཱསེཧི, ཡེ དིབྦཱ ཡེ ཙ མཱནུསཱ;

མཧཱབནྡྷནམུཏྟོམྷི [མཱརབནྡྷནམུཏྟོམྷི (སཱི. སྱཱ.)], ནིཧཏོ ཏྭམསི ཨནྟཀཱ’’ཏི.

ཨཐ ཁོ མཱརོ པཱཔིམཱ – ཛཱནཱཏི མཾ བྷགཝཱ, ཛཱནཱཏི མཾ སུགཏོཏི དུཀྑཱི དུམྨནོ

ཏཏྠེཝནྟརདྷཱཡི.

དུཏིཡམཱརཀཐཱ ནིཊྛིཏཱ.

༡༡. བྷདྡཝགྒིཡཝཏྠུ

༣༦. ཨཐ ཁོ བྷགཝཱ བཱརཱཎསིཡཾ ཡཐཱབྷིརནྟཾ ཝིཧརིཏྭཱ ཡེན ཨུརུཝེལཱ ཏེན ཙཱརིཀཾ པཀྐཱམི. ཨཐ ཁོ བྷགཝཱ མགྒཱ ཨོཀྐམྨ ཡེན ཨཉྙཏརོ ཝནསཎྜོ ཏེནུཔསངྐམི, ཨུཔསངྐམིཏྭཱ ཏཾ ཝནསཎྜཾ ཨཛ྄ཛྷོགཱཧེཏྭཱ ཨཉྙཏརསྨིཾ རུཀྑམཱུལེ ནིསཱིདི. ཏེན ཁོ པན སམཡེན ཏིཾསམཏྟཱ བྷདྡཝགྒིཡཱ སཧཱཡཀཱ སཔཛཱཔཏིཀཱ ཏསྨིཾ ཝནསཎྜེ པརིཙཱརེནྟི. ཨེཀསྶ པཛཱཔཏི ནཱཧོསི; ཏསྶ ཨཏྠཱཡ ཝེསཱི ཨཱནཱིཏཱ ཨཧོསི. ཨཐ ཁོ སཱ ཝེསཱི ཏེསུ པམཏྟེསུ པརིཙཱརེནྟེསུ བྷཎྜཾ ཨཱདཱཡ པལཱཡིཏྠ. ཨཐ ཁོ ཏེ སཧཱཡཀཱ སཧཱཡཀསྶ ཝེཡྻཱཝཙྩཾ ཀརོནྟཱ, ཏཾ ཨིཏྠིཾ གཝེསནྟཱ, ཏཾ ཝནསཎྜཾ ཨཱཧིཎྜནྟཱ ཨདྡསཾསུ བྷགཝནྟཾ ཨཉྙཏརསྨིཾ རུཀྑམཱུལེ ནིསིནྣཾ. དིསྭཱན ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨེཏདཝོཙུཾ – ‘‘ཨཔི, བྷནྟེ, བྷགཝཱ ཨེཀཾ ཨིཏྠིཾ པསྶེཡྻཱ’’ཏི? ‘‘ཀིཾ པན ཝོ, ཀུམཱརཱ, ཨིཏྠིཡཱ’’ཏི? ‘‘ཨིདྷ མཡཾ, བྷནྟེ, ཏིཾསམཏྟཱ བྷདྡཝགྒིཡཱ སཧཱཡཀཱ སཔཛཱཔཏིཀཱ ཨིམསྨིཾ ཝནསཎྜེ པརིཙཱརིམྷཱ. ཨེཀསྶ པཛཱཔཏི ནཱཧོསི; ཏསྶ ཨཏྠཱཡ ཝེསཱི ཨཱནཱིཏཱ ཨཧོསི. ཨཐ ཁོ སཱ, བྷནྟེ, ཝེསཱི ཨམྷེསུ པམཏྟེསུ པརིཙཱརེནྟེསུ བྷཎྜཾ ཨཱདཱཡ པལཱཡིཏྠ. ཏེ མཡཾ, བྷནྟེ, སཧཱཡཀཱ སཧཱཡཀསྶ ཝེཡྻཱཝཙྩཾ ཀརོནྟཱ, ཏཾ ཨིཏྠིཾ གཝེསནྟཱ, ཨིམཾ ཝནསཎྜཾ ཨཱཧིཎྜཱམཱ’’ཏི. ‘‘ཏཾ ཀིཾ མཉྙཐ ཝོ, ཀུམཱརཱ, ཀཏམཾ ནུ ཁོ ཏུམྷཱཀཾ ཝརཾ – ཡཾ ཝཱ ཏུམྷེ ཨིཏྠིཾ གཝེསེཡྻཱཐ, ཡཾ ཝཱ ཨཏྟཱནཾ གཝེསེཡྻཱཐཱ’’ཏི? ‘‘ཨེཏདེཝ, བྷནྟེ, ཨམྷཱཀཾ ཝརཾ ཡཾ མཡཾ ཨཏྟཱནཾ གཝེསེཡྻཱམཱ’’ཏི. ‘‘ཏེན ཧི ཝོ, ཀུམཱརཱ, ནིསཱིདཐ, དྷམྨཾ ཝོ དེསེསྶཱམཱི’’ཏི. ‘‘ཨེཝཾ, བྷནྟེ’’ཏི ཁོ ཏེ བྷདྡཝགྒིཡཱ སཧཱཡཀཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཏེསཾ བྷགཝཱ ཨནུཔུབྦིཾ ཀཐཾ ཀཐེསི, སེཡྻཐིདཾ – དཱནཀཐཾ སཱིལཀཐཾ སགྒཀཐཾ ཀཱམཱནཾ ཨཱདཱིནཝཾ ཨོཀཱརཾ སཾཀིལེསཾ ནེཀྑམྨེ ཨཱནིསཾསཾ པཀཱསེསི, ཡདཱ ཏེ བྷགཝཱ ཨཉྙཱསི ཀལླཙིཏྟེ མུདུཙིཏྟེ ཝིནཱིཝརཎཙིཏྟེ ཨུདགྒཙིཏྟེ པསནྣཙིཏྟེ, ཨཐ ཡཱ བུདྡྷཱནཾ སཱམུཀྐཾསིཀཱ དྷམྨདེསནཱ, ཏཾ པཀཱསེསི དུཀྑཾ སམུདཡཾ ནིརོདྷཾ མགྒཾ, སེཡྻཐཱཔི ནཱམ སུདྡྷཾ ཝཏྠཾ ཨཔགཏཀཱལ༹ཀཾ སམྨདེཝ རཛནཾ པཊིགྒཎྷེཡྻ, ཨེཝམེཝ ཏེསཾ ཏསྨིཾཡེཝ ཨཱསནེ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི ‘‘ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨ’’ནྟི. ཏེ དིཊྛདྷམྨཱ པཏྟདྷམྨཱ ཝིདིཏདྷམྨཱ པརིཡོགཱལ༹ྷདྷམྨཱ ཏིཎྞཝིཙིཀིཙྪཱ ཝིགཏཀཐཾཀཐཱ ཝེསཱརཛྫཔྤཏྟཱ ཨཔརཔྤཙྩཡཱ སཏྠུསཱསནེ བྷགཝནྟཾ ཨེཏདཝོཙུཾ – ‘‘ལབྷེཡྻཱམ མཡཾ, བྷནྟེ, བྷགཝཏོ སནྟིཀེ པབྦཛྫཾ, ལབྷེཡྻཱམ ཨུཔསམྤད’’ནྟི. ‘‘ཨེཐ བྷིཀྑཝོ’’ཏི བྷགཝཱ ཨཝོཙ – ‘‘སྭཱཀྑཱཏོ དྷམྨོ, ཙརཐ བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. སཱཝ ཏེསཾ ཨཱཡསྨནྟཱནཾ ཨུཔསམྤདཱ ཨཧོསི.

བྷདྡཝགྒིཡསཧཱཡཀཱནཾ ཝཏྠུ ནིཊྛིཏཾ.

དུཏིཡབྷཱཎཝཱརོ.

༡༢. ཨུརུཝེལཔཱཊིཧཱརིཡཀཐཱ

༣༧. ཨཐ ཁོ བྷགཝཱ ཨནུཔུབྦེན ཙཱརིཀཾ ཙརམཱནོ ཡེན ཨུརུཝེལཱ ཏདཝསརི. ཏེན ཁོ པན སམཡེན ཨུརུཝེལཱཡཾ ཏཡོ ཛཊིལཱ པཊིཝསནྟི – ཨུརུཝེལཀསྶཔོ, ནདཱིཀསྶཔོ, གཡཱཀསྶཔོཏི. ཏེསུ ཨུརུཝེལཀསྶཔོ ཛཊིལོ པཉྩནྣཾ ཛཊིལསཏཱནཾ ནཱཡཀོ ཧོཏི, ཝིནཱཡཀོ ཨགྒོ པམུཁོ པཱམོཀྑོ. ནདཱིཀསྶཔོ ཛཊིལོ ཏིཎྞཾ ཛཊིལསཏཱནཾ ནཱཡཀོ ཧོཏི, ཝིནཱཡཀོ ཨགྒོ པམུཁོ པཱམོཀྑོ. གཡཱཀསྶཔོ ཛཊིལོ དྭིནྣཾ ཛཊིལསཏཱནཾ ནཱཡཀོ ཧོཏི, ཝིནཱཡཀོ ཨགྒོ པམུཁོ པཱམོཀྑོ. ཨཐ ཁོ བྷགཝཱ ཡེན ཨུརུཝེལཀསྶཔསྶ ཛཊིལསྶ ཨསྶམོ ཏེནུཔསངྐམི, ཨུཔསངྐམིཏྭཱ ཨུརུཝེལཀསྶཔཾ ཛཊིལཾ ཨེཏདཝོཙ – ‘‘སཙེ ཏེ, ཀསྶཔ, ཨགརུ, ཝསེཡྻཱམ ཨེཀརཏྟཾ ཨགྱཱགཱརེ’’ཏི? ‘‘ན ཁོ མེ, མཧཱསམཎ, གརུ, ཙཎྜེཏྠ ནཱགརཱཛཱ ཨིདྡྷིམཱ ཨཱསིཝིསོ གྷོརཝིསོ, སོ ཏཾ མཱ ཝིཧེཋེསཱི’’ཏི. དུཏིཡམྤི ཁོ བྷགཝཱ ཨུརུཝེལཀསྶཔཾ ཛཊིལཾ ཨེཏདཝོཙ – ‘‘སཙེ ཏེ, ཀསྶཔ, ཨགརུ, ཝསེཡྻཱམ ཨེཀརཏྟཾ ཨགྱཱགཱརེ’’ཏི? ‘‘ན ཁོ མེ, མཧཱསམཎ, གརུ, ཙཎྜེཏྠ ནཱགརཱཛཱ ཨིདྡྷིམཱ ཨཱསིཝིསོ གྷོརཝིསོ, སོ ཏཾ མཱ ཝིཧེཋེསཱི’’ཏི. ཏཏིཡམྤི ཁོ བྷགཝཱ ཨུརུཝེལཀསྶཔཾ ཛཊིལཾ ཨེཏདཝོཙ – ‘‘སཙེ ཏེ, ཀསྶཔ, ཨགརུ, ཝསེཡྻཱམ ཨེཀརཏྟཾ ཨགྱཱགཱརེ’’ཏི? ‘‘ན ཁོ མེ, མཧཱསམཎ, གརུ, ཙཎྜེཏྠ ནཱགརཱཛཱ ཨིདྡྷིམཱ ཨཱསིཝིསོ གྷོརཝིསོ, སོ ཏཾ མཱ ཝིཧེཋེསཱི’’ཏི. ‘‘ཨཔྤེཝ མཾ ན ཝིཧེཋེཡྻ, ཨིངྒྷ ཏྭཾ, ཀསྶཔ, ཨནུཛཱནཱཧི ཨགྱཱགཱར’’ནྟི. ‘‘ཝིཧར, མཧཱསམཎ, ཡཐཱསུཁ’’ནྟི. ཨཐ ཁོ བྷགཝཱ ཨགྱཱགཱརཾ པཝིསིཏྭཱ ཏིཎསནྠཱརཀཾ པཉྙཔེཏྭཱ ནིསཱིདི པལླངྐཾ ཨཱབྷུཛིཏྭཱ ཨུཛུཾ ཀཱཡཾ པཎིདྷཱཡ པརིམུཁཾ སཏིཾ ཨུཔཊྛཔེཏྭཱ.

༣༨. ཨདྡསཱ ཁོ སོ ནཱགོ བྷགཝནྟཾ པཝིཊྛཾ, དིསྭཱན དུམྨནོ [དུཀྑཱི དུམྨནོ (སཱི. སྱཱ.)] པདྷཱུཔཱཡི [པཁཱུཔཱསི (ཀ.)]. ཨཐ ཁོ བྷགཝཏོ ཨེཏདཧོསི – ‘‘ཡཾནཱུནཱཧཾ ཨིམསྶ ནཱགསྶ ཨནུཔཧཙྩ ཚཝིཉྩ ཙམྨཉྩ མཾསཉྩ ནྷཱརུཉྩ ཨཊྛིཉྩ ཨཊྛིམིཉྫཉྩ ཏེཛསཱ ཏེཛཾ པརིཡཱདིཡེཡྻ’’ནྟི. ཨཐ ཁོ བྷགཝཱ ཏཐཱརཱུཔཾ ཨིདྡྷཱབྷིསངྑཱརཾ ཨབྷིསངྑརིཏྭཱ པདྷཱུཔཱཡི. ཨཐ ཁོ སོ ནཱགོ མཀྑཾ ཨསཧམཱནོ པཛྫལི. བྷགཝཱཔི ཏེཛོདྷཱཏུཾ སམཱཔཛྫིཏྭཱ པཛྫལི. ཨུབྷིནྣཾ སཛོཏིབྷཱུཏཱནཾ ཨགྱཱགཱརཾ ཨཱདིཏྟཾ ཝིཡ ཧོཏི སམྤཛྫལིཏཾ སཛོཏིབྷཱུཏཾ. ཨཐ ཁོ ཏེ ཛཊིལཱ ཨགྱཱགཱརཾ པརིཝཱརེཏྭཱ ཨེཝམཱཧཾསུ – ‘‘ཨབྷིརཱུཔོ ཝཏ བྷོ མཧཱསམཎོ ནཱགེན ཝིཧེཋིཡཏཱི’’ཏི. ཨཐ ཁོ བྷགཝཱ ཏསྶཱ རཏྟིཡཱ ཨཙྩཡེན ཏསྶ ནཱགསྶ ཨནུཔཧཙྩ ཚཝིཉྩ ཙམྨཉྩ མཾསཉྩ ནྷཱརུཉྩ ཨཊྛིཉྩ ཨཊྛིམིཉྫཉྩ ཏེཛསཱ ཏེཛཾ པརིཡཱདིཡིཏྭཱ པཏྟེ པཀྑིཔིཏྭཱ ཨུརུཝེལཀསྶཔསྶ ཛཊིལསྶ དསྶེསི – ‘‘ཨཡཾ ཏེ, ཀསྶཔ, ནཱགོ པརིཡཱདིནྣོ [པརིཡཱདིཎྞོ (ཀ.)] ཨསྶ ཏེཛསཱ ཏེཛོ’’ཏི. ཨཐ ཁོ ཨུརུཝེལཀསྶཔསྶ ཛཊིལསྶ ཨེཏདཧོསི – ‘‘མཧིདྡྷིཀོ ཁོ མཧཱསམཎོ མཧཱནུབྷཱཝོ, ཡཏྲ ཧི ནཱམ ཙཎྜསྶ ནཱགརཱཛསྶ ཨིདྡྷིམཏོ ཨཱསིཝིསསྶ གྷོརཝིསསྶ ཏེཛསཱ ཏེཛཾ པརིཡཱདིཡིསྶཏི, ནཏྭེཝ ཙ ཁོ ཨརཧཱ ཡཐཱ ཨཧ’’ནྟི.

༣༩.

ནེརཉྫརཱཡཾ བྷགཝཱ, ཨུརུཝེལཀསྶཔཾ ཛཊིལཾ ཨཝོཙ;

‘‘སཙེ ཏེ ཀསྶཔ ཨགརུ, ཝིཧརེམུ ཨཛྫཎྷོ ཨགྒིསཱལམྷཱི’’ཏི [ཨགྒིསརཎམྷཱིཏི (སཱི. སྱཱ.)].

‘‘ན ཁོ མེ མཧཱསམཎ གརུ;

ཕཱསུཀཱམོཝ ཏཾ ནིཝཱརེམི;

ཙཎྜེཏྠ ནཱགརཱཛཱ;

ཨིདྡྷིམཱ ཨཱསིཝིསོ གྷོརཝིསོ;

སོ ཏཾ མཱ ཝིཧེཋེསཱི’’ཏི.

‘‘ཨཔྤེཝ མཾ ན ཝིཧེཋེཡྻ;

ཨིངྒྷ ཏྭཾ ཀསྶཔ ཨནུཛཱནཱཧི ཨགྱཱགཱར’’ནྟི;

དིནྣནྟི ནཾ ཝིདིཏྭཱ;

ཨབྷཱིཏོ [ཨསམྦྷཱིཏོ (སཱི.)] པཱཝིསི བྷཡམཏཱིཏོ.

དིསྭཱ ཨིསིཾ པཝིཊྛཾ, ཨཧིནཱགོ དུམྨནོ པདྷཱུཔཱཡི;

སུམནམནསོ ཨདྷིམནོ [ཨཝིམནོ (ཀཏྠཙི), ནཝིམནོ (སྱཱ.)], མནུསྶནཱགོཔི ཏཏྠ པདྷཱུཔཱཡི.

མཀྑཉྩ ཨསཧམཱནོ, ཨཧིནཱགོ པཱཝཀོཝ པཛྫལི;

ཏེཛོདྷཱཏུསུ ཀུསལོ, མནུསྶནཱགོཔི ཏཏྠ པཛྫལི.

ཨུབྷིནྣཾ སཛོཏིབྷཱུཏཱནཾ;

ཨགྱཱགཱརཾ ཨཱདིཏྟཾ ཧོཏི སམྤཛྫལིཏཾ སཛོཏིབྷཱུཏཾ;

ཨུདིཙྪརེ ཛཊིལཱ;

‘‘ཨབྷིརཱུཔོ ཝཏ བྷོ མཧཱསམཎོ;

ནཱགེན ཝིཧེཋིཡཏཱི’’ཏི བྷཎནྟི.

ཨཐ ཏསྶཱ རཏྟིཡཱ [ཨཐ རཏྟིཡཱ (སཱི. སྱཱ.)] ཨཙྩཡེན;

ཧཏཱ ནཱགསྶ ཨཙྩིཡོ ཧོནྟི [ཨཧིནཱགསྶ ཨཙྩིཡོ ན ཧོནྟི (སཱི. སྱཱ.)];

ཨིདྡྷིམཏོ པན ཋིཏཱ [ཨིདྡྷིམཏོ པནུཊྛིཏཱ (སཱི.)];

ཨནེཀཝཎྞཱ ཨཙྩིཡོ ཧོནྟི.

ནཱིལཱ ཨཐ ལོཧིཏིཀཱ;

མཉྫིཊྛཱ པཱིཏཀཱ ཕལིཀཝཎྞཱཡོ;

ཨངྒཱིརསསྶ ཀཱཡེ;

ཨནེཀཝཎྞཱ ཨཙྩིཡོ ཧོནྟི.

པཏྟམྷི ཨོདཧིཏྭཱ;

ཨཧིནཱགཾ བྲཱཧྨཎསྶ དསྶེསི;

‘‘ཨཡཾ ཏེ ཀསྶཔ ནཱགོ;

པརིཡཱདིནྣོ ཨསྶ ཏེཛསཱ ཏེཛོ’’ཏི.

ཨཐ ཁོ ཨུརུཝེལཀསྶཔོ ཛཊིལོ བྷགཝཏོ ཨིམིནཱ ཨིདྡྷིཔཱཊིཧཱརིཡེན ཨབྷིཔྤསནྣོ བྷགཝནྟཾ ཨེཏདཝོཙ – ‘‘ཨིདྷེཝ, མཧཱསམཎ, ཝིཧར, ཨཧཾ ཏེ [ཏེ ཨུཔཊྛཱམི (ཨིཏིཔི)] དྷུཝབྷཏྟེནཱ’’ཏི.

པཋམཾ པཱཊིཧཱརིཡཾ.

༤༠. ཨཐ ཁོ བྷགཝཱ ཨུརུཝེལཀསྶཔསྶ ཛཊིལསྶ ཨསྶམསྶ ཨཝིདཱུརེ ཨཉྙཏརསྨིཾ ཝནསཎྜེ ཝིཧཱསི. ཨཐ ཁོ ཙཏྟཱརོ མཧཱརཱཛཱནོ ཨབྷིཀྐནྟཱཡ རཏྟིཡཱ ཨབྷིཀྐནྟཝཎྞཱ ཀེཝལཀཔྤཾ ཝནསཎྜཾ ཨོབྷཱསེཏྭཱ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཙཏུདྡིསཱ ཨཊྛཾསུ སེཡྻཐཱཔི མཧནྟཱ ཨགྒིཀྑནྡྷཱ. ཨཐ ཁོ ཨུརུཝེལཀསྶཔོ ཛཊིལོ ཏསྶཱ རཏྟིཡཱ ཨཙྩཡེན ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨེཏདཝོཙ – ‘‘ཀཱལོ, མཧཱསམཎ, ནིཊྛིཏཾ བྷཏྟཾ. ཀེ ནུ ཁོ ཏེ, མཧཱསམཎ, ཨབྷིཀྐནྟཱཡ རཏྟིཡཱ ཨབྷིཀྐནྟཝཎྞཱ ཀེཝལཀཔྤཾ ཝནསཎྜཾ ཨོབྷཱསེཏྭཱ ཡེན ཏྭཾ ཏེནུཔསངྐམིཾསུ, ཨུཔསངྐམིཏྭཱ ཏཾ ཨབྷིཝཱདེཏྭཱ ཙཏུདྡིསཱ ཨཊྛཾསུ ‘‘སེཡྻཐཱཔི མཧནྟཱ ཨགྒིཀྑནྡྷཱ’’ཏི. ‘‘ཨེཏེ ཁོ, ཀསྶཔ, ཙཏྟཱརོ མཧཱརཱཛཱནོ ཡེནཱཧཾ ཏེནུཔསངྐམིཾསུ དྷམྨསྶཝནཱཡཱ’’ཏི. ཨཐ ཁོ ཨུརུཝེལཀསྶཔསྶ ཛཊིལསྶ ཨེཏདཧོསི – ‘‘མཧིདྡྷིཀོ ཁོ མཧཱསམཎོ མཧཱནུབྷཱཝོ, ཡཏྲ ཧི ནཱམ ཙཏྟཱརོཔི མཧཱརཱཛཱནོ ཨུཔསངྐམིསྶནྟི དྷམྨསྶཝནཱཡ, ན ཏྭེཝ ཙ ཁོ ཨརཧཱ ཡཐཱ ཨཧ’’ནྟི. ཨཐ ཁོ བྷགཝཱ ཨུརུཝེལཀསྶཔསྶ ཛཊིལསྶ བྷཏྟཾ བྷུཉྫིཏྭཱ ཏསྨིཾཡེཝ ཝནསཎྜེ ཝིཧཱསི.

དུཏིཡཾ པཱཊིཧཱརིཡཾ.

༤༡. ཨཐ ཁོ སཀྐོ དེཝཱནམིནྡོ ཨབྷིཀྐནྟཱཡ རཏྟིཡཱ ཨབྷིཀྐནྟཝཎྞོ ཀེཝལཀཔྤཾ ཝནསཎྜཾ ཨོབྷཱསེཏྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི སེཡྻཐཱཔི མཧཱཨགྒིཀྑནྡྷོ, པུརིམཱཧི ཝཎྞནིབྷཱཧི ཨབྷིཀྐནྟཏརོ ཙ པཎཱིཏཏརོ ཙ. ཨཐ ཁོ ཨུརུཝེལཀསྶཔོ ཛཊིལོ ཏསྶཱ རཏྟིཡཱ ཨཙྩཡེན ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨེཏདཝོཙ – ‘‘ཀཱལོ, མཧཱསམཎ, ནིཊྛིཏཾ བྷཏྟཾ. ཀོ ནུ ཁོ སོ, མཧཱསམཎ, ཨབྷིཀྐནྟཱཡ རཏྟིཡཱ ཨབྷིཀྐནྟཝཎྞོ ཀེཝལཀཔྤཾ ཝནསཎྜཾ ཨོབྷཱསེཏྭཱ ཡེན ཏྭཾ ཏེནུཔསངྐམི, ཨུཔསངྐམིཏྭཱ ཏཾ ཨབྷིཝཱདེཏྭཱ ཨེཀམནྟཾ ཨཊྛཱསི སེཡྻཐཱཔི མཧཱཨགྒིཀྑནྡྷོ, པུརིམཱཧི ཝཎྞནིབྷཱཧི ཨབྷིཀྐནྟཏརོ ཙ པཎཱིཏཏརོ ཙཱ’’ཏི? ‘‘ཨེསོ ཁོ, ཀསྶཔ, སཀྐོ དེཝཱནམིནྡོ ཡེནཱཧཾ ཏེནུཔསངྐམི དྷམྨསྶཝནཱཡཱ’’ཏི. ཨཐ ཁོ ཨུརུཝེལཀསྶཔསྶ ཛཊིལསྶ ཨེཏདཧོསི – ‘‘མཧིདྡྷིཀོ ཁོ མཧཱསམཎོ མཧཱནུབྷཱཝོ, ཡཏྲ ཧི ནཱམ སཀྐོཔི དེཝཱནམིནྡོ ཨུཔསངྐམིསྶཏི དྷམྨསྶཝནཱཡ, ན ཏྭེཝ ཙ ཁོ ཨརཧཱ ཡཐཱ ཨཧ’’ནྟི. ཨཐ ཁོ བྷགཝཱ ཨུརུཝེལཀསྶཔསྶ ཛཊིལསྶ བྷཏྟཾ བྷུཉྫིཏྭཱ ཏསྨིཾཡེཝ ཝནསཎྜེ ཝིཧཱསི.

ཏཏིཡཾ པཱཊིཧཱརིཡཾ.

༤༢. ཨཐ ཁོ བྲཧྨཱ སཧམྤཏི ཨབྷིཀྐནྟཱཡ རཏྟིཡཱ ཨབྷིཀྐནྟཝཎྞོ ཀེཝལཀཔྤཾ ཝནསཎྜཾ ཨོབྷཱསེཏྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི སེཡྻཐཱཔི མཧཱཨགྒིཀྑནྡྷོ, པུརིམཱཧི ཝཎྞནིབྷཱཧི ཨབྷིཀྐནྟཏརོ ཙ པཎཱིཏཏརོ ཙ. ཨཐ ཁོ ཨུརུཝེལཀསྶཔོ ཛཊིལོ ཏསྶཱ རཏྟིཡཱ ཨཙྩཡེན ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨེཏདཝོཙ – ‘‘ཀཱལོ, མཧཱསམཎ, ནིཊྛིཏཾ བྷཏྟཾ. ཀོ ནུ ཁོ སོ, མཧཱསམཎ, ཨབྷིཀྐནྟཱཡ རཏྟིཡཱ ཨབྷིཀྐནྟཝཎྞོ ཀེཝལཀཔྤཾ ཝནསཎྜཾ ཨོབྷཱསེཏྭཱ ཡེན ཏྭཾ ཏེནུཔསངྐམི, ཨུཔསངྐམིཏྭཱ ཏཾ ཨབྷིཝཱདེཏྭཱ ཨེཀམནྟཾ ཨཊྛཱསི སེཡྻཐཱཔི མཧཱཨགྒིཀྑནྡྷོ, པུརིམཱཧི ཝཎྞནིབྷཱཧི ཨབྷིཀྐནྟཏརོ ཙ པཎཱིཏཏརོ ཙཱ’’ཏི? ‘‘ཨེསོ ཁོ, ཀསྶཔ, བྲཧྨཱ སཧམྤཏི ཡེནཱཧཾ ཏེནུཔསངྐམི དྷམྨསྶཝནཱཡཱ’’ཏི. ཨཐ ཁོ ཨུརུཝེལཀསྶཔསྶ ཛཊིལསྶ ཨེཏདཧོསི – ‘‘མཧིདྡྷིཀོ ཁོ མཧཱསམཎོ མཧཱནུབྷཱཝོ, ཡཏྲ ཧི ནཱམ བྲཧྨཱཔི སཧམྤཏི ཨུཔསངྐམིསྶཏི དྷམྨསྶཝནཱཡ, ན ཏྭེཝ ཙ ཁོ ཨརཧཱ ཡཐཱ ཨཧ’’ནྟི. ཨཐ ཁོ བྷགཝཱ ཨུརུཝེལཀསྶཔསྶ ཛཊིལསྶ བྷཏྟཾ བྷུཉྫིཏྭཱ ཏསྨིཾཡེཝ ཝནསཎྜེ ཝིཧཱསི.

ཙཏུཏྠཾ པཱཊིཧཱརིཡཾ.

༤༣. ཏེན ཁོ པན སམཡེན ཨུརུཝེལཀསྶཔསྶ ཛཊིལསྶ མཧཱཡཉྙོ པཙྩུཔཊྛིཏོ ཧོཏི, ཀེཝལཀཔྤཱ ཙ ཨངྒམགདྷཱ པཧཱུཏཾ ཁཱདནཱིཡཾ བྷོཛནཱིཡཾ ཨཱདཱཡ ཨབྷིཀྐམིཏུཀཱམཱ ཧོནྟི. ཨཐ ཁོ ཨུརུཝེལཀསྶཔསྶ ཛཊིལསྶ ཨེཏདཧོསི – ‘‘ཨེཏརཧི ཁོ མེ མཧཱཡཉྙོ པཙྩུཔཊྛིཏོ, ཀེཝལཀཔྤཱ ཙ ཨངྒམགདྷཱ པཧཱུཏཾ ཁཱདནཱིཡཾ བྷོཛནཱིཡཾ ཨཱདཱཡ ཨབྷིཀྐམིསྶནྟི. སཙེ མཧཱསམཎོ མཧཱཛནཀཱཡེ ཨིདྡྷིཔཱཊིཧཱརིཡཾ ཀརིསྶཏི, མཧཱསམཎསྶ ལཱབྷསཀྐཱརོ ཨབྷིཝཌྜྷིསྶཏི, མམ ལཱབྷསཀྐཱརོ པརིཧཱཡིསྶཏི. ཨཧོ ནཱུན མཧཱསམཎོ སྭཱཏནཱཡ ནཱགཙྪེཡྻཱ’’ཏི. ཨཐ ཁོ བྷགཝཱ ཨུརུཝེལཀསྶཔསྶ ཛཊིལསྶ ཙེཏསཱ ཙེཏོཔརིཝིཏཀྐམཉྙཱཡ ཨུཏྟརཀུརུཾ གནྟྭཱ ཏཏོ པིཎྜཔཱཏཾ ཨཱཧརིཏྭཱ ཨནོཏཏྟདཧེ པརིབྷུཉྫིཏྭཱ ཏཏྠེཝ དིཝཱཝིཧཱརཾ ཨཀཱསི. ཨཐ ཁོ ཨུརུཝེལཀསྶཔོ ཛཊིལོ ཏསྶཱ རཏྟིཡཱ ཨཙྩཡེན ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨེཏདཝོཙ – ‘‘ཀཱལོ, མཧཱསམཎ, ནིཊྛིཏཾ བྷཏྟཾ. ཀིཾ ནུ ཁོ, མཧཱསམཎ, ཧིཡྻོ ནཱགམཱསི? ཨཔི ཙ མཡཾ ཏཾ སརཱམ – ཀིཾ ནུ ཁོ མཧཱསམཎོ ནཱགཙྪཏཱིཏི? ཁཱདནཱིཡསྶ ཙ བྷོཛནཱིཡསྶ ཙ ཏེ པཊིཝཱིསོ [པཊིཝིཾསོ (སཱི.), པཊིཝིསོ (སྱཱ.)] ཋཔིཏོ’’ཏི. ནནུ ཏེ, ཀསྶཔ, ཨེཏདཧོསི – ‘‘‘ཨེཏརཧི ཁོ མེ མཧཱཡཉྙོ པཙྩུཔཊྛིཏོ, ཀེཝལཀཔྤཱ ཙ ཨངྒམགདྷཱ པཧཱུཏཾ ཁཱདནཱིཡཾ བྷོཛནཱིཡཾ ཨཱདཱཡ ཨབྷིཀྐམིསྶནྟི, སཙེ མཧཱསམཎོ མཧཱཛནཀཱཡེ ཨིདྡྷིཔཱཊིཧཱརིཡཾ ཀརིསྶཏི, མཧཱསམཎསྶ ལཱབྷསཀྐཱརོ ཨབྷིཝཌྜྷིསྶཏི, མམ ལཱབྷསཀྐཱརོ པརིཧཱཡིསྶཏི, ཨཧོ ནཱུན མཧཱསམཎོ སྭཱཏནཱཡ ནཱགཙྪེཡྻཱ’ཏི. སོ ཁོ ཨཧཾ, ཀསྶཔ, ཏཝ ཙེཏསཱ ཙེཏོཔརིཝིཏཀྐཾ ཨཉྙཱཡ ཨུཏྟརཀུརུཾ གནྟྭཱ ཏཏོ པིཎྜཔཱཏཾ ཨཱཧརིཏྭཱ ཨནོཏཏྟདཧེ པརིབྷུཉྫིཏྭཱ ཏཏྠེཝ དིཝཱཝིཧཱརཾ ཨཀཱསི’’ནྟི. ཨཐ ཁོ ཨུརུཝེལཀསྶཔསྶ ཛཊིལསྶ ཨེཏདཧོསི – ‘‘མཧིདྡྷིཀོ ཁོ མཧཱསམཎོ མཧཱནུབྷཱཝོ, ཡཏྲ ཧི ནཱམ ཙེཏསཱཔི ཙིཏྟཾ པཛཱནིསྶཏི, ན ཏྭེཝ ཙ ཁོ ཨརཧཱ ཡཐཱ ཨཧ’’ནྟི. ཨཐ ཁོ བྷགཝཱ ཨུརུཝེལཀསྶཔསྶ ཛཊིལསྶ བྷཏྟཾ བྷུཉྫིཏྭཱ ཏསྨིཾཡེཝ ཝནསཎྜེ ཝིཧཱསི.

པཉྩམཾ པཱཊིཧཱརིཡཾ.

༤༤. ཏེན ཁོ པན སམཡེན བྷགཝཏོ པཾསུཀཱུལཾ ཨུཔྤནྣཾ ཧོཏི. ཨཐ ཁོ བྷགཝཏོ ཨེཏདཧོསི – ‘‘ཀཏྠ ནུ ཁོ ཨཧཾ པཾསུཀཱུལཾ དྷོཝེཡྻ’’ནྟི? ཨཐ ཁོ སཀྐོ དེཝཱནམིནྡོ བྷགཝཏོ ཙེཏསཱ ཙེཏོཔརིཝིཏཀྐམཉྙཱཡ པཱཎིནཱ པོཀྑརཎིཾ ཁཎིཏྭཱ བྷགཝནྟཾ ཨེཏདཝོཙ – ‘‘ཨིདྷ, བྷནྟེ, བྷགཝཱ པཾསུཀཱུལཾ དྷོཝཏཱུ’’ཏི. ཨཐ ཁོ བྷགཝཏོ ཨེཏདཧོསི – ‘‘ཀིམྷི ནུ ཁོ ཨཧཾ པཾསུཀཱུལཾ པརིམདྡེཡྻ’’ནྟི? ཨཐ ཁོ སཀྐོ དེཝཱནམིནྡོ བྷགཝཏོ ཙེཏསཱ ཙེཏོཔརིཝིཏཀྐམཉྙཱཡ མཧཏིཾ སིལཾ ཨུཔནིཀྑིཔི – ཨིདྷ, བྷནྟེ, བྷགཝཱ པཾསུཀཱུལཾ པརིམདྡཏཱུཏི. ཨཐ ཁོ བྷགཝཏོ ཨེཏདཧོསི – ‘‘ཀིམྷི ནུ ཁོ ཨཧཾ [ཨཧཾ པཾསུཀཱུལཾ (ཀ.)] ཨཱལམྦིཏྭཱ ཨུཏྟརེཡྻ’’ནྟི? ཨཐ ཁོ ཀཀུདྷེ ཨདྷིཝཏྠཱ དེཝཏཱ བྷགཝཏོ ཙེཏསཱ ཙེཏོཔརིཝིཏཀྐམཉྙཱཡ སཱཁཾ ཨོནཱམེསི – ཨིདྷ, བྷནྟེ, བྷགཝཱ ཨཱལམྦིཏྭཱ ཨུཏྟརཏཱུཏི. ཨཐ ཁོ བྷགཝཏོ ཨེཏདཧོསི – ‘‘ཀིམྷི ནུ ཁོ ཨཧཾ པཾསུཀཱུལཾ ཝིསྶཛྫེཡྻ’’ནྟི? ཨཐ ཁོ སཀྐོ དེཝཱནམིནྡོ བྷགཝཏོ ཙེཏསཱ ཙེཏོཔརིཝིཏཀྐམཉྙཱཡ མཧཏིཾ སིལཾ ཨུཔནིཀྑིཔི – ཨིདྷ, བྷནྟེ, བྷགཝཱ པཾསུཀཱུལཾ ཝིསྶཛྫེཏཱུཏི. ཨཐ ཁོ ཨུརུཝེལཀསྶཔོ ཛཊིལོ ཏསྶཱ རཏྟིཡཱ ཨཙྩཡེན ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨེཏདཝོཙ – ‘‘ཀཱལོ, མཧཱསམཎ, ནིཊྛིཏཾ བྷཏྟཾ. ཀིཾ ནུ ཁོ, མཧཱསམཎ, ནཱཡཾ པུབྦེ ཨིདྷ པོཀྑརཎཱི, སཱཡཾ ཨིདྷ པོཀྑརཎཱི. ནཡིམཱ སིལཱ པུབྦེ ཨུཔནིཀྑིཏྟཱ. ཀེནིམཱ སིལཱ ཨུཔནིཀྑིཏྟཱ? ནཡིམསྶ ཀཀུདྷསྶ པུབྦེ སཱཁཱ ཨོནཏཱ, སཱཡཾ སཱཁཱ ཨོནཏཱ’’ཏི. ཨིདྷ མེ, ཀསྶཔ, པཾསུཀཱུལཾ ཨུཔྤནྣཾ ཨཧོསི. ཏསྶ མཡ྄ཧཾ, ཀསྶཔ, ཨེཏདཧོསི – ‘‘ཀཏྠ ནུ ཁོ ཨཧཾ པཾསུཀཱུལཾ དྷོཝེཡྻ’’ནྟི? ཨཐ ཁོ, ཀསྶཔ, སཀྐོ དེཝཱནམིནྡོ མམ ཙེཏསཱ ཙེཏོཔརིཝིཏཀྐམཉྙཱཡ པཱཎིནཱ པོཀྑརཎིཾ ཁཎིཏྭཱ མཾ ཨེཏདཝོཙ – ‘‘ཨིདྷ, བྷནྟེ, བྷགཝཱ པཾསུཀཱུལཾ དྷོཝཏཱུ’’ཏི. སཱཡཾ ཀསྶཔ ཨམནུསྶེན པཱཎིནཱ ཁཎིཏཱ པོཀྑརཎཱི. ཏསྶ མཡ྄ཧཾ, ཀསྶཔ, ཨེཏདཧོསི – ‘‘ཀིམྷི ནུ ཁོ ཨཧཾ པཾསུཀཱུལཾ པརིམདྡེཡྻ’’ནྟི? ཨཐ ཁོ, ཀསྶཔ, སཀྐོ དེཝཱནམིནྡོ མམ ཙེཏསཱ ཙེཏོཔརིཝིཏཀྐམཉྙཱཡ མཧཏིཾ སིལཾ ཨུཔནིཀྑིཔི – ‘‘ཨིདྷ, བྷནྟེ, བྷགཝཱ པཾསུཀཱུལཾ པརིམདྡཏཱུ’’ཏི. སཱཡཾ ཀསྶཔ ཨམནུསྶེན ཨུཔནིཀྑིཏྟཱ སིལཱ. ཏསྶ མཡ྄ཧཾ, ཀསྶཔ, ཨེཏདཧོསི – ‘‘ཀིམྷི ནུ ཁོ ཨཧཾ ཨཱལམྦིཏྭཱ ཨུཏྟརེཡྻ’’ནྟི? ཨཐ ཁོ, ཀསྶཔ, ཀཀུདྷེ ཨདྷིཝཏྠཱ དེཝཏཱ ཛ མམ ཙེཏསཱ ཙེཏོཔརིཝིཏཀྐམཉྙཱཡ སཱཁཾ ཨོནཱམེསི – ‘‘ཨིདྷ, བྷནྟེ, བྷགཝཱ ཨཱལམྦིཏྭཱ ཨུཏྟརཏཱུ’’ཏི. སྭཱཡཾ ཨཱཧརཧཏྠོ ཀཀུདྷོ. ཏསྶ མཡ྄ཧཾ, ཀསྶཔ, ཨེཏདཧོསི – ‘‘ཀིམྷི ནུ ཁོ ཨཧཾ པཾསུཀཱུལཾ ཝིསྶཛྫེཡྻ’’ནྟི? ཨཐ ཁོ, ཀསྶཔ, སཀྐོ དེཝཱནམིནྡོ མམ ཙེཏསཱ ཙེཏོཔརིཝིཏཀྐམཉྙཱཡ མཧཏིཾ སིལཾ ཨུཔནིཀྑིཔི – ‘‘ཨིདྷ, བྷནྟེ, བྷགཝཱ པཾསུཀཱུལཾ ཝིསྶཛྫེཏཱུ’’ཏི. སཱཡཾ ཀསྶཔ ཨམནུསྶེན ཨུཔནིཀྑིཏྟཱ སིལཱཏི. ཨཐ ཁོ ཨུརུཝེལཀསྶཔསྶ ཛཊིལསྶ ཨེཏདཧོསི – ‘‘མཧིདྡྷིཀོ ཁོ མཧཱསམཎོ མཧཱནུབྷཱཝོ, ཡཏྲ ཧི ནཱམ སཀྐོཔི དེཝཱནམིནྡོ ཝེཡྻཱཝཙྩཾ ཀརིསྶཏི, ན ཏྭེཝ ཙ ཁོ ཨརཧཱ ཡཐཱ ཨཧ’’ནྟི. ཨཐ ཁོ བྷགཝཱ ཨུརུཝེལཀསྶཔསྶ ཛཊིལསྶ བྷཏྟཾ བྷུཉྫིཏྭཱ ཏསྨིཾཡེཝ ཝནསཎྜེ ཝིཧཱསི.

ཨཐ ཁོ ཨུརུཝེལཀསྶཔོ ཛཊིལོ ཏསྶཱ རཏྟིཡཱ ཨཙྩཡེན ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝཏོ ཀཱལཾ ཨཱརོཙེསི – ‘‘ཀཱལོ, མཧཱསམཎ, ནིཊྛིཏཾ བྷཏྟ’’ནྟི. ‘‘གཙྪ ཏྭཾ, ཀསྶཔ, ཨཱཡཱམཧ’’ནྟི ཨུརུཝེལཀསྶཔཾ ཛཊིལཾ ཨུཡྻོཛེཏྭཱ ཡཱཡ ཛམྦུཡཱ ‘ཛམྦུདཱིཔོ’ པཉྙཱཡཏི, ཏཏོ ཕལཾ གཧེཏྭཱ པཋམཏརཾ ཨཱགནྟྭཱ ཨགྱཱགཱརེ ནིསཱིདི. ཨདྡསཱ ཁོ ཨུརུཝེལཀསྶཔོ ཛཊིལོ བྷགཝནྟཾ ཨགྱཱགཱརེ ནིསིནྣཾ, དིསྭཱན བྷགཝནྟཾ ཨེཏདཝོཙ – ‘‘ཀཏམེན ཏྭཾ, མཧཱསམཎ, མགྒེན ཨཱགཏོ? ཨཧཾ ཏཡཱ པཋམཏརཾ པཀྐནྟོ, སོ ཏྭཾ པཋམཏརཾ ཨཱགནྟྭཱ ཨགྱཱགཱརེ ནིསིནྣོ’’ཏི. ‘‘ཨིདྷཱཧཾ, ཀསྶཔ, ཏཾ ཨུཡྻོཛེཏྭཱ ཡཱཡ ཛམྦུཡཱ ‘ཛམྦུདཱིཔོ’ པཉྙཱཡཏི, ཏཏོ ཕལཾ གཧེཏྭཱ པཋམཏརཾ ཨཱགནྟྭཱ ཨགྱཱགཱརེ ནིསིནྣོ. ཨིདཾ ཁོ, ཀསྶཔ, ཛམྦུཕལཾ ཝཎྞསམྤནྣཾ གནྡྷསམྤནྣཾ རསསམྤནྣཾ. སཙེ ཨཱཀངྑསི པརིབྷུཉྫཱ’’ཏི. ‘‘ཨལཾ, མཧཱསམཎ, ཏྭཾཡེཝ ཏཾ ཨརཧསི, ཏྭཾཡེཝ ཏཾ [ཏྭཾཡེཝེཏཾ ཨཱཧརསི, ཏྭཾཡེཝེཏཾ (སཱི. སྱཱ.)] པརིབྷུཉྫཱཧཱི’’ཏི. ཨཐ ཁོ ཨུརུཝེལཀསྶཔསྶ ཛཊིལསྶ ཨེཏདཧོསི – ‘‘མཧིདྡྷིཀོ ཁོ མཧཱསམཎོ མཧཱནུབྷཱཝོ, ཡཏྲ ཧི ནཱམ མཾ པཋམཏརཾ ཨུཡྻོཛེཏྭཱ ཡཱཡ ཛམྦུཡཱ ‘ཛམྦུདཱིཔོ’ པཉྙཱཡཏི, ཏཏོ ཕལཾ གཧེཏྭཱ པཋམཏརཾ ཨཱགནྟྭཱ ཨགྱཱགཱརེ ནིསཱིདིསྶཏི, ན ཏྭེཝ ཙ ཁོ ཨརཧཱ ཡཐཱ ཨཧ’’ནྟི. ཨཐ ཁོ བྷགཝཱ ཨུརུཝེལཀསྶཔསྶ ཛཊིལསྶ བྷཏྟཾ བྷུཉྫིཏྭཱ ཏསྨིཾཡེཝ ཝནསཎྜེ ཝིཧཱསི.

༤༥. ཨཐ ཁོ ཨུརུཝེལཀསྶཔོ ཛཊིལོ ཏསྶཱ རཏྟིཡཱ ཨཙྩཡེན ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝཏོ ཀཱལཾ ཨཱརོཙེསི – ‘‘ཀཱལོ, མཧཱསམཎ, ནིཊྛིཏཾ བྷཏྟ’’ནྟི. གཙྪ ཏྭཾ, ཀསྶཔ, ཨཱཡཱམཧནྟི ཨུརུཝེལཀསྶཔཾ ཛཊིལཾ ཨུཡྻོཛེཏྭཱ ཡཱཡ ཛམྦུཡཱ ‘ཛམྦུདཱིཔོ’ པཉྙཱཡཏི, ཏསྶཱ ཨཝིདཱུརེ ཨམྦོ…པེ… ཏསྶཱ ཨཝིདཱུརེ ཨཱམལཀཱི…པེ… ཏསྶཱ ཨཝིདཱུརེ ཧརཱིཏཀཱི…པེ… ཏཱཝཏིཾསཾ གནྟྭཱ པཱརིཙྪཏྟཀཔུཔྥཾ གཧེཏྭཱ པཋམཏརཾ ཨཱགནྟྭཱ ཨགྱཱགཱརེ ནིསཱིདི. ཨདྡསཱ ཁོ ཨུརུཝེལཀསྶཔོ ཛཊིལོ བྷགཝནྟཾ ཨགྱཱགཱརེ ནིསིནྣཾ, དིསྭཱན བྷགཝནྟཾ ཨེཏདཝོཙ – ‘‘ཀཏམེན ཏྭཾ, མཧཱསམཎ, མགྒེན ཨཱགཏོ? ཨཧཾ ཏཡཱ པཋམཏརཾ པཀྐནྟོ, སོ ཏྭཾ པཋམཏརཾ ཨཱགནྟྭཱ ཨགྱཱགཱརེ ནིསིནྣོ’’ཏི. ‘‘ཨིདྷཱཧཾ, ཀསྶཔ, ཏཾ ཨུཡྻོཛེཏྭཱ ཏཱཝཏིཾསཾ གནྟྭཱ པཱརིཙྪཏྟཀཔུཔྥཾ གཧེཏྭཱ པཋམཏརཾ ཨཱགནྟྭཱ ཨགྱཱགཱརེ ནིསིནྣོ. ཨིདཾ ཁོ, ཀསྶཔ, པཱརིཙྪཏྟཀཔུཔྥཾ ཝཎྞསམྤནྣཾ གནྡྷསམྤནྣཾ [སུགནྡྷིཀཾ (ཀ.)]. (སཙེ ཨཱཀངྑསི གཎྷཱ’’ཏི. ‘‘ཨལཾ, མཧཱསམཎ, ཏྭཾཡེཝ ཏཾ ཨརཧསི, ཏྭཾཡེཝ ཏཾ གཎྷཱ’’ཏི) [( ) སཱི. སྱཱ. པོཏྠཀེསུ ནཏྠི]. ཨཐ ཁོ ཨུརུཝེལཀསྶཔསྶ ཛཊིལསྶ ཨེཏདཧོསི – ‘‘མཧིདྡྷིཀོ ཁོ མཧཱསམཎོ མཧཱནུབྷཱཝོ, ཡཏྲ ཧི ནཱམ མཾ པཋམཏརཾ ཨུཡྻོཛེཏྭཱ ཏཱཝཏིཾསཾ གནྟྭཱ པཱརིཙྪཏྟཀཔུཔྥཾ གཧེཏྭཱ པཋམཏརཾ ཨཱགནྟྭཱ ཨགྱཱགཱརེ ནིསཱིདིསྶཏི, ན ཏྭེཝ ཙ ཁོ ཨརཧཱ ཡཐཱ ཨཧ’’ནྟི.

༤༦. ཏེན ཁོ པན སམཡེན ཏེ ཛཊིལཱ ཨགྒིཾ པརིཙརིཏུཀཱམཱ ན སཀྐོནྟི ཀཊྛཱནི ཕཱལེཏུཾ. ཨཐ ཁོ ཏེསཾ ཛཊིལཱནཾ ཨེཏདཧོསི – ‘‘ནིསྶཾསཡཾ ཁོ མཧཱསམཎསྶ ཨིདྡྷཱནུབྷཱཝོ, ཡཐཱ མཡཾ ན སཀྐོམ ཀཊྛཱནི ཕཱལེཏུ’’ནྟི. ཨཐ ཁོ བྷགཝཱ ཨུརུཝེལཀསྶཔཾ ཛཊིལཾ ཨེཏདཝོཙ – ‘‘ཕཱལིཡནྟུ, ཀསྶཔ, ཀཊྛཱནཱི’’ཏི. ‘‘ཕཱལིཡནྟུ, མཧཱསམཎཱ’’ཏི. སཀིདེཝ པཉྩ ཀཊྛསཏཱནི ཕཱལིཡིཾསུ. ཨཐ ཁོ ཨུརུཝེལཀསྶཔསྶ ཛཊིལསྶ ཨེཏདཧོསི – ‘‘མཧིདྡྷིཀོ ཁོ མཧཱསམཎོ མཧཱནུབྷཱཝོ, ཡཏྲ ཧི ནཱམ ཀཊྛཱནིཔི ཕཱལིཡིསྶནྟི, ན ཏྭེཝ ཙ ཁོ ཨརཧཱ ཡཐཱ ཨཧ’’ནྟི.

༤༧. ཏེན ཁོ པན སམཡེན ཏེ ཛཊིལཱ ཨགྒིཾ པརིཙརིཏུཀཱམཱ ན སཀྐོནྟི ཨགྒིཾ ཨུཛྫལེཏུཾ [ཛཱལེཏུཾ (སཱི.), ཨུཛྫལིཏུཾ (ཀ.)]. ཨཐ ཁོ ཏེསཾ ཛཊིལཱནཾ ཨེཏདཧོསི – ‘‘ནིསྶཾསཡཾ ཁོ མཧཱསམཎསྶ ཨིདྡྷཱནུབྷཱཝོ, ཡཐཱ མཡཾ ན སཀྐོམ ཨགྒིཾ ཨུཛྫལེཏུ’’ནྟི. ཨཐ ཁོ བྷགཝཱ ཨུརུཝེལཀསྶཔཾ ཛཊིལཾ ཨེཏདཝོཙ – ‘‘ཨུཛྫལིཡནྟུ, ཀསྶཔ, ཨགྒཱི’’ཏི. ‘‘ཨུཛྫལིཡནྟུ, མཧཱསམཎཱ’’ཏི. སཀིདེཝ པཉྩ ཨགྒིསཏཱནི ཨུཛྫལིཡིཾསུ. ཨཐ ཁོ ཨུརུཝེལཀསྶཔསྶ ཛཊིལསྶ ཨེཏདཧོསི – ‘‘མཧིདྡྷིཀོ ཁོ མཧཱསམཎོ མཧཱནུབྷཱཝོ, ཡཏྲ ཧི ནཱམ ཨགྒཱིཔི ཨུཛྫལིཡིསྶནྟི, ན ཏྭེཝ ཙ ཁོ ཨརཧཱ ཡཐཱ ཨཧ’’ནྟི.

༤༨. ཏེན ཁོ པན སམཡེན ཏེ ཛཊིལཱ ཨགྒིཾ པརིཙརིཏྭཱ ན སཀྐོནྟི ཨགྒིཾ ཝིཛ྄ཛྷཱཔེཏུཾ. ཨཐ ཁོ ཏེསཾ ཛཊིལཱནཾ ཨེཏདཧོསི – ‘‘ནིསྶཾསཡཾ ཁོ མཧཱསམཎསྶ ཨིདྡྷཱནུབྷཱཝོ, ཡཐཱ མཡཾ ན སཀྐོམ ཨགྒིཾ ཝིཛ྄ཛྷཱཔེཏུ’’ནྟི. ཨཐ ཁོ བྷགཝཱ ཨུརུཝེལཀསྶཔཾ ཛཊིལཾ ཨེཏདཝོཙ – ‘‘ཝིཛ྄ཛྷཱཡནྟུ, ཀསྶཔ, ཨགྒཱི’’ཏི. ‘‘ཝིཛ྄ཛྷཱཡནྟུ, མཧཱསམཎཱ’’ཏི. སཀིདེཝ པཉྩ ཨགྒིསཏཱནི ཝིཛ྄ཛྷཱཡིཾསུ. ཨཐ ཁོ ཨུརུཝེལཀསྶཔསྶ ཛཊིལསྶ ཨེཏདཧོསི – ‘‘མཧིདྡྷིཀོ ཁོ མཧཱསམཎོ མཧཱནུབྷཱཝོ, ཡཏྲ ཧི ནཱམ ཨགྒཱིཔི ཝིཛ྄ཛྷཱཡིསྶནྟི, ན ཏྭེཝ ཙ ཁོ ཨརཧཱ ཡཐཱ ཨཧ’’ནྟི.

༤༩. ཏེན ཁོ པན སམཡེན ཏེ ཛཊིལཱ སཱིཏཱསུ ཧེམནྟིཀཱསུ རཏྟཱིསུ ཨནྟརཊྛཀཱསུ ཧིམཔཱཏསམཡེ ནཛྫཱ ནེརཉྫརཱཡ ཨུམྨུཛྫནྟིཔི, ནིམུཛྫནྟིཔི, ཨུམྨུཛྫནནིམུཛྫནམྤི ཀརོནྟི. ཨཐ ཁོ བྷགཝཱ པཉྩམཏྟཱནི མནྡཱམུཁིསཏཱནི ཨབྷིནིམྨིནི, ཡཏྠ ཏེ ཛཊིལཱ ཨུཏྟརིཏྭཱ ཝིསིབྦེསུཾ. ཨཐ ཁོ ཏེསཾ ཛཊིལཱནཾ ཨེཏདཧོསི – ‘‘ནིསྶཾསཡཾ ཁོ མཧཱསམཎསྶ ཨིདྡྷཱནུབྷཱཝོ, ཡཐཡིམཱ མནྡཱམུཁིཡོ ནིམྨིཏཱ’’ཏི. ཨཐ ཁོ ཨུརུཝེལཀསྶཔསྶ ཛཊིལསྶ ཨེཏདཧོསི – ‘‘མཧིདྡྷིཀོ ཁོ མཧཱསམཎོ མཧཱནུབྷཱཝོ, ཡཏྲ ཧི ནཱམ ཏཱཝ བཧཱུ མནྡཱམུཁིཡོཔི ཨབྷིནིམྨིནིསྶཏི, ན ཏྭེཝ ཙ ཁོ ཨརཧཱ ཡཐཱ ཨཧ’’ནྟི.

༥༠. ཏེན ཁོ པན སམཡེན མཧཱ ཨཀཱལམེགྷོ པཱཝསྶི, མཧཱ ཨུདཀཝཱཧཀོ སཉྫཱཡི. ཡསྨིཾ པདེསེ བྷགཝཱ ཝིཧརཏི, སོ པདེསོ ཨུདཀེན ན ཨོཏྠཊོ [ཨུདཀེན ཨོཏྠཊོ (སཱི. སྱཱ.)] ཧོཏི. ཨཐ ཁོ བྷགཝཏོ ཨེཏདཧོསི – ‘‘ཡཾནཱུནཱཧཾ སམནྟཱ ཨུདཀཾ ཨུསྶཱརེཏྭཱ མཛ྄ཛྷེ རེཎུཧཏཱཡ བྷཱུམིཡཱ ཙངྐམེཡྻ’’ནྟི. ཨཐ ཁོ བྷགཝཱ སམནྟཱ ཨུདཀཾ ཨུསྶཱརེཏྭཱ མཛ྄ཛྷེ རེཎུཧཏཱཡ བྷཱུམིཡཱ ཙངྐམི. ཨཐ ཁོ ཨུརུཝེལཀསྶཔོ ཛཊིལོ – མཱཧེཝ ཁོ མཧཱསམཎོ ཨུདཀེན ཝཱུལ༹ྷོ ཨཧོསཱིཏི ནཱཝཱཡ སམྦཧུལེཧི ཛཊིལེཧི སདྡྷིཾ ཡསྨིཾ པདེསེ བྷགཝཱ ཝིཧརཏི ཏཾ པདེསཾ ཨགམཱསི. ཨདྡསཱ ཁོ ཨུརུཝེལཀསྶཔོ ཛཊིལོ བྷགཝནྟཾ སམནྟཱ ཨུདཀཾ ཨུསྶཱརེཏྭཱ མཛ྄ཛྷེ རེཎུཧཏཱཡ བྷཱུམིཡཱ ཙངྐམནྟཾ, དིསྭཱན བྷགཝནྟཾ ཨེཏདཝོཙ – ‘‘ཨིདཾ ནུ ཏྭཾ, མཧཱསམཎཱ’’ཏི? ‘‘ཨཡམཧམསྨི [ཨཱམ ཨཧམསྨི (སྱཱ.)], ཀསྶཔཱ’’ཏི བྷགཝཱ ཝེཧཱསཾ ཨབྦྷུགྒནྟྭཱ ནཱཝཱཡ པཙྩུཊྛཱསི. ཨཐ ཁོ ཨུརུཝེལཀསྶཔསྶ ཛཊིལསྶ ཨེཏདཧོསི – ‘‘མཧིདྡྷིཀོ ཁོ མཧཱསམཎོ མཧཱནུབྷཱཝོ, ཡཏྲ ཧི ནཱམ ཨུདཀམྤི ན པཝཱཧིསྶཏི [ནཔྤསཧིསྶཏི (སཱི.)], ན ཏྭེཝ ཙ ཁོ ཨརཧཱ ཡཐཱ ཨཧ’’ནྟི.

༥༡. ཨཐ ཁོ བྷགཝཏོ ཨེཏདཧོསི – ‘‘ཙིརམྤི ཁོ ཨིམསྶ མོགྷཔུརིསསྶ ཨེཝཾ བྷཝིསྶཏི – ‘མཧིདྡྷིཀོ ཁོ མཧཱསམཎོ མཧཱནུབྷཱཝོ, ན ཏྭེཝ ཙ ཁོ ཨརཧཱ ཡཐཱ ཨཧ’ནྟི; ཡཾནཱུནཱཧཾ ཨིམཾ ཛཊིལཾ སཾཝེཛེཡྻ’’ནྟི. ཨཐ ཁོ བྷགཝཱ ཨུརུཝེལཀསྶཔཾ ཛཊིལཾ ཨེཏདཝོཙ – ‘‘ནེཝ ཙ ཁོ ཏྭཾ, ཀསྶཔ, ཨརཧཱ, ནཱཔི ཨརཧཏྟམགྒསམཱཔནྣོ. སཱཔི ཏེ པཊིཔདཱ ནཏྠི, ཡཱཡ ཏྭཾ ཨརཧཱ ཝཱ ཨསྶསི, ཨརཧཏྟམགྒཾ ཝཱ སམཱཔནྣོ’’ཏི. ཨཐ ཁོ ཨུརུཝེལཀསྶཔོ ཛཊིལོ བྷགཝཏོ པཱདེསུ སིརསཱ ནིཔཏིཏྭཱ བྷགཝནྟཾ ཨེཏདཝོཙ – ‘‘ལབྷེཡྻཱཧཾ, བྷནྟེ, བྷགཝཏོ སནྟིཀེ པབྦཛྫཾ, ལབྷེཡྻཾ ཨུཔསམྤད’’ནྟི. ཏྭཾ ཁོསི, ཀསྶཔ, པཉྩནྣཾ ཛཊིལསཏཱནཾ ནཱཡཀོ ཝིནཱཡཀོ ཨགྒོ པམུཁོ པཱམོཀྑོ. ཏེཔི ཏཱཝ ཨཔལོཀེཧི, ཡཐཱ ཏེ མཉྙིསྶནྟི ཏཐཱ ཏེ ཀརིསྶནྟཱིཏི. ཨཐ ཁོ ཨུརུཝེལཀསྶཔོ ཛཊིལོ ཡེན ཏེ ཛཊིལཱ ཏེནུཔསངྐམི, ཨུཔསངྐམིཏྭཱ ཏེ ཛཊིལེ ཨེཏདཝོཙ – ‘‘ཨིཙྪཱམཧཾ, བྷོ, མཧཱསམཎེ བྲཧྨཙརིཡཾ ཙརིཏུཾ, ཡཐཱ བྷཝནྟོ མཉྙནྟི ཏཐཱ ཀརོནྟཱུ’’ཏི. ‘‘ཙིརཔཊིཀཱ མཡཾ, བྷོ, མཧཱསམཎེ ཨབྷིཔྤསནྣཱ, སཙེ བྷཝཾ, མཧཱསམཎེ བྲཧྨཙརིཡཾ ཙརིསྶཏི, སབྦེཝ མཡཾ མཧཱསམཎེ བྲཧྨཙརིཡཾ ཙརིསྶཱམཱ’’ཏི. ཨཐ ཁོ ཏེ ཛཊིལཱ ཀེསམིསྶཾ ཛཊཱམིསྶཾ ཁཱརིཀཱཛམིསྶཾ ཨགྒིཧུཏམིསྶཾ ཨུདཀེ པཝཱཧེཏྭཱ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝཏོ པཱདེསུ སིརསཱ ནིཔཏིཏྭཱ བྷགཝནྟཾ ཨེཏདཝོཙུཾ – ‘‘ལབྷེཡྻཱམ མཡཾ, བྷནྟེ, བྷགཝཏོ སནྟིཀེ པབྦཛྫཾ, ལབྷེཡྻཱམ ཨུཔསམྤད’’ནྟི. ‘‘ཨེཐ བྷིཀྑཝོ’’ཏི བྷགཝཱ ཨཝོཙ – ‘‘སྭཱཀྑཱཏོ དྷམྨོ, ཙརཐ བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. སཱཝ ཏེསཾ ཨཱཡསྨནྟཱནཾ ཨུཔསམྤདཱ ཨཧོསི.

༥༢. ཨདྡསཱ ཁོ ནདཱིཀསྶཔོ ཛཊིལོ ཀེསམིསྶཾ ཛཊཱམིསྶཾ ཁཱརིཀཱཛམིསྶཾ ཨགྒིཧུཏམིསྶཾ ཨུདཀེ ཝུཡ྄ཧམཱནེ, དིསྭཱནསྶ ཨེཏདཧོསི – ‘‘མཱཧེཝ མེ བྷཱཏུནོ ཨུཔསགྒོ ཨཧོསཱི’’ཏི. ཛཊིལེ པཱཧེསི – གཙྪཐ མེ བྷཱཏརཾ ཛཱནཱཐཱཏི. སཱམཉྩ ཏཱིཧི ཛཊིལསཏེཧི སདྡྷིཾ ཡེནཱཡསྨཱ ཨུརུཝེལཀསྶཔོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ ཨུརུཝེལཀསྶཔཾ ཨེཏདཝོཙ – ‘‘ཨིདཾ ནུ ཁོ, ཀསྶཔ, སེཡྻོ’’ཏི? ‘‘ཨཱམཱཝུསོ, ཨིདཾ སེཡྻོ’’ཏི. ཨཐ ཁོ ཏེ ཛཊིལཱ ཀེསམིསྶཾ ཛཊཱམིསྶཾ ཁཱརིཀཱཛམིསྶཾ ཨགྒིཧུཏམིསྶཾ ཨུདཀེ པཝཱཧེཏྭཱ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝཏོ པཱདེསུ སིརསཱ ནིཔཏིཏྭཱ བྷགཝནྟཾ ཨེཏདཝོཙུཾ – ‘‘ལབྷེཡྻཱམ མཡཾ, བྷནྟེ, བྷགཝཏོ སནྟིཀེ པབྦཛྫཾ, ལབྷེཡྻཱམ ཨུཔསམྤད’’ནྟི. ‘‘ཨེཐ བྷིཀྑཝོ’’ཏི བྷགཝཱ ཨཝོཙ – ‘‘སྭཱཀྑཱཏོ དྷམྨོ, ཙརཐ བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. སཱཝ ཏེསཾ ཨཱཡསྨནྟཱནཾ ཨུཔསམྤདཱ ཨཧོསི.

༥༣. ཨདྡསཱ ཁོ གཡཱཀསྶཔོ ཛཊིལོ ཀེསམིསྶཾ ཛཊཱམིསྶཾ ཁཱརིཀཱཛམིསྶཾ ཨགྒིཧུཏམིསྶཾ ཨུདཀེ ཝུཡ྄ཧམཱནེ, དིསྭཱནསྶ ཨེཏདཧོསི – ‘‘མཱཧེཝ མེ བྷཱཏཱུནཾ ཨུཔསགྒོ ཨཧོསཱི’’ཏི. ཛཊིལེ པཱཧེསི – གཙྪཐ མེ བྷཱཏརོ ཛཱནཱཐཱཏི. སཱམཉྩ དྭཱིཧི ཛཊིལསཏེཧི སདྡྷིཾ ཡེནཱཡསྨཱ ཨུརུཝེལཀསྶཔོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ ཨུརུཝེལཀསྶཔཾ ཨེཏདཝོཙ – ‘‘ཨིདཾ ནུ ཁོ, ཀསྶཔ, སེཡྻོ’’ཏི? ‘‘ཨཱམཱཝུསོ, ཨིདཾ སེཡྻོ’’ཏི. ཨཐ ཁོ ཏེ ཛཊིལཱ ཀེསམིསྶཾ ཛཊཱམིསྶཾ ཁཱརིཀཱཛམིསྶཾ ཨགྒིཧུཏམིསྶཾ ཨུདཀེ པཝཱཧེཏྭཱ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝཏོ པཱདེསུ སིརསཱ ནིཔཏིཏྭཱ བྷགཝནྟཾ ཨེཏདཝོཙུཾ – ‘‘ལབྷེཡྻཱམ མཡཾ, བྷནྟེ, བྷགཝཏོ སནྟིཀེ པབྦཛྫཾ, ལབྷེཡྻཱམ ཨུཔསམྤད’’ནྟི. ‘‘ཨེཐ བྷིཀྑཝོ’’ཏི བྷགཝཱ ཨཝོཙ – ‘‘སྭཱཀྑཱཏོ དྷམྨོ, ཙརཐ བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. སཱཝ ཏེསཾ ཨཱཡསྨནྟཱནཾ ཨུཔསམྤདཱ ཨཧོསི.

བྷགཝཏོ ཨདྷིཊྛཱནེན པཉྩ ཀཊྛསཏཱནི ན ཕཱལིཡིཾསུ, ཕཱལིཡིཾསུ; ཨགྒཱི ན ཨུཛྫལིཡིཾསུ, ཨུཛྫལིཡིཾསུ; ན ཝིཛ྄ཛྷཱཡིཾསུ, ཝིཛ྄ཛྷཱཡིཾསུ; པཉྩམནྡཱམུཁིསཏཱནི ཨབྷིནིམྨིནི. ཨེཏེན ནཡེན ཨཌྜྷུཌྜྷཔཱཊིཧཱརིཡསཧསྶཱནི ཧོནྟི.

༥༤. ཨཐ ཁོ བྷགཝཱ ཨུརུཝེལཱཡཾ ཡཐཱབྷིརནྟཾ ཝིཧརིཏྭཱ ཡེན གཡཱསཱིསཾ ཏེན པཀྐཱམི མཧཏཱ བྷིཀྑུསངྒྷེན སདྡྷིཾ བྷིཀྑུསཧསྶེན སབྦེཧེཝ པུརཱཎཛཊིལེཧི. ཏཏྲ སུདཾ བྷགཝཱ གཡཱཡཾ ཝིཧརཏི གཡཱསཱིསེ སདྡྷིཾ བྷིཀྑུསཧསྶེན. ཏཏྲ ཁོ བྷགཝཱ བྷིཀྑཱུ ཨཱམནྟེསི –

[སཾ. ནི. ༤.༢༩] ‘‘སབྦཾ, བྷིཀྑཝེ, ཨཱདིཏྟཾ. ཀིཉྩ, བྷིཀྑཝེ, སབྦཾ ཨཱདིཏྟཾ? ཙཀྑུ ཨཱདིཏྟཾ, རཱུཔཱ ཨཱདིཏྟཱ, ཙཀྑུཝིཉྙཱཎཾ ཨཱདིཏྟཾ, ཙཀྑུསམྥསྶོ ཨཱདིཏྟོ, ཡམིདཾ ཙཀྑུསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི ཨཱདིཏྟཾ. ཀེན ཨཱདིཏྟཾ? རཱགགྒིནཱ དོསགྒིནཱ མོཧགྒིནཱ ཨཱདིཏྟཾ, ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི ཨཱདིཏྟནྟི ཝདཱམི. སོཏཾ ཨཱདིཏྟཾ, སདྡཱ ཨཱདིཏྟཱ, སོཏཝིཉྙཱཎཾ ཨཱདིཏྟཾ, སོཏསམྥསྶོ ཨཱདིཏྟོ, ཡམིདཾ སོཏསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི ཨཱདིཏྟཾ. ཀེན ཨཱདིཏྟཾ? རཱགགྒིནཱ དོསགྒིནཱ མོཧགྒིནཱ ཨཱདིཏྟཾ, ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི ཨཱདིཏྟནྟི ཝདཱམི. གྷཱནཾ ཨཱདིཏྟཾ, གནྡྷཱ ཨཱདིཏྟཱ, གྷཱནཝིཉྙཱཎཾ ཨཱདིཏྟཾ, གྷཱནསམྥསྶོ ཨཱདིཏྟོ, ཡམིདཾ གྷཱནསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི ཨཱདིཏྟཾ. ཀེན ཨཱདིཏྟཾ? རཱགགྒིནཱ དོསགྒིནཱ མོཧགྒིནཱ ཨཱདིཏྟཾ, ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི ཨཱདིཏྟནྟི ཝདཱམི. ཛིཝ྄ཧཱ ཨཱདིཏྟཱ, རསཱ ཨཱདིཏྟཱ, ཛིཝ྄ཧཱཝིཉྙཱཎཾ ཨཱདིཏྟཾ ཛིཝ྄ཧཱསམྥསྶོ ཨཱདིཏྟོ, ཡམིདཾ ཛིཝ྄ཧཱསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི ཨཱདིཏྟཾ. ཀེན ཨཱདིཏྟཾ? རཱགགྒིནཱ དོསགྒིནཱ མོཧགྒིནཱ ཨཱདིཏྟཾ, ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི ཨཱདིཏྟནྟི ཝདཱམི. ཀཱཡོ ཨཱདིཏྟོ, ཕོཊྛབྦཱ ཨཱདིཏྟཱ, ཀཱཡཝིཉྙཱཎཾ ཨཱདིཏྟཾ ཀཱཡསམྥསྶོ ཨཱདིཏྟོ, ཡམིདཾ ཀཱཡསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི ཨཱདིཏྟཾ. ཀེན ཨཱདིཏྟཾ? རཱགགྒིནཱ དོསགྒིནཱ མོཧགྒིནཱ ཨཱདིཏྟཾ, ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི ཨཱདིཏྟནྟི ཝདཱམི. མནོ ཨཱདིཏྟོ, དྷམྨཱ ཨཱདིཏྟཱ, མནོཝིཉྙཱཎཾ ཨཱདིཏྟཾ མནོསམྥསྶོ ཨཱདིཏྟོ, ཡམིདཾ མནོསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི ཨཱདིཏྟཾ. ཀེན ཨཱདིཏྟཾ? རཱགགྒིནཱ དོསགྒིནཱ མོཧགྒིནཱ ཨཱདིཏྟཾ, ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི ཨཱདིཏྟནྟི ཝདཱམི.

‘‘ཨེཝཾ པསྶཾ, བྷིཀྑཝེ, སུཏཝཱ ཨརིཡསཱཝཀོ ཙཀྑུསྨིམྤི ནིབྦིནྡཏི, རཱུཔེསུཔི ནིབྦིནྡཏི, ཙཀྑུཝིཉྙཱཎེཔི ནིབྦིནྡཏི, ཙཀྑུསམྥསྶེཔི ནིབྦིནྡཏི, ཡམིདཾ ཙཀྑུསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ, ཏསྨིམྤི ནིབྦིནྡཏི. སོཏསྨིམྤི ནིབྦིནྡཏི, སདྡེསུཔི ནིབྦིནྡཏི…པེ… གྷཱནསྨིམྤི ནིབྦིནྡཏི, གནྡྷེསུཔི ནིབྦིནྡཏི…པེ… ཛིཝ྄ཧཱཡཔི ནིབྦིནྡཏི, རསེསུཔི ནིབྦིནྡཏི…པེ… ཀཱཡསྨིམྤི ནིབྦིནྡཏི, ཕོཊྛབྦེསུཔི ནིབྦིནྡཏི…པེ… མནསྨིམྤི ནིབྦིནྡཏི, དྷམྨེསུཔི ནིབྦིནྡཏི, མནོཝིཉྙཱཎེཔི ནིབྦིནྡཏི, མནོསམྥསྶེཔི ནིབྦིནྡཏི, ཡམིདཾ མནོསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏསྨིམྤི ནིབྦིནྡཏི, ནིབྦིནྡཾ ཝིརཛྫཏི, ཝིརཱགཱ ཝིམུཙྩཏི, ཝིམུཏྟསྨིཾ ཝིམུཏྟམིཏི ཉཱཎཾ ཧོཏི. ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱཏི པཛཱནཱཏཱི’’ཏི.

ཨིམསྨིཉྩ པན ཝེཡྻཱཀརཎསྨིཾ བྷཉྙམཱནེ ཏསྶ བྷིཀྑུསཧསྶསྶ ཨནུཔཱདཱཡ ཨཱསཝེཧི ཙིཏྟཱནི ཝིམུཙྩིཾསུ.

ཨཱདིཏྟཔརིཡཱཡསུཏྟཾ ནིཊྛིཏཾ.

ཨུརུཝེལཔཱཊིཧཱརིཡཾ ཏཏིཡབྷཱཎཝཱརོ ནིཊྛིཏོ.

༡༣. བིམྦིསཱརསམཱགམཀཐཱ

༥༥. ཨཐ ཁོ བྷགཝཱ གཡཱསཱིསེ ཡཐཱབྷིརནྟཾ ཝིཧརིཏྭཱ ཡེན རཱཛགཧཾ ཏེན ཙཱརིཀཾ པཀྐཱམི, མཧཏཱ བྷིཀྑུསངྒྷེན སདྡྷིཾ བྷིཀྑུསཧསྶེན སབྦེཧེཝ པུརཱཎཛཊིལེཧི. ཨཐ ཁོ བྷགཝཱ ཨནུཔུབྦེན ཙཱརིཀཾ ཙརམཱནོ ཡེན རཱཛགཧཾ ཏདཝསརི. ཏཏྲ སུདཾ བྷགཝཱ རཱཛགཧེ ཝིཧརཏི ལཊྛིཝནེ [ལཊྛིཝནུཡྻཱནེ (སྱཱ.)] སུཔྤཏིཊྛེ ཙེཏིཡེ. ཨསྶོསི ཁོ རཱཛཱ མཱགདྷོ སེནིཡོ བིམྦིསཱརོ – སམཎོ ཁལུ བྷོ གོཏམོ སཀྱཔུཏྟོ སཀྱཀུལཱ པབྦཛིཏོ རཱཛགཧཾ ཨནུཔྤཏྟོ རཱཛགཧེ ཝིཧརཏི ལཊྛིཝནེ སུཔྤཏིཊྛེ ཙེཏིཡེ. ཏཾ ཁོ པན བྷགཝནྟཾ [བྷཝནྟཾ (ཀ.)] གོཏམཾ ཨེཝཾ ཀལྱཱཎོ ཀིཏྟིསདྡོ ཨབྦྷུགྒཏོ – ཨིཏིཔི སོ བྷགཝཱ ཨརཧཾ སམྨཱསམྦུདྡྷོ ཝིཛྫཱཙརཎསམྤནྣོ སུགཏོ ལོཀཝིདཱུ ཨནུཏྟརོ པུརིསདམྨསཱརཐི སཏྠཱ དེཝམནུསྶཱནཾ བུདྡྷོ བྷགཝཱ [བྷགཝཱཏི (ཀ.)]. སོ ཨིམཾ ལོཀཾ སདེཝཀཾ སམཱརཀཾ སབྲཧྨཀཾ སསྶམཎབྲཱཧྨཎིཾ པཛཾ སདེཝམནུསྶཾ སཡཾ ཨབྷིཉྙཱ སཙྪིཀཏྭཱ པཝེདེཏི. སོ དྷམྨཾ དེསེཏི ཨཱདིཀལྱཱཎཾ མཛ྄ཛྷེཀལྱཱཎཾ པརིཡོསཱནཀལྱཱཎཾ སཱཏྠཾ སབྱཉྫནཾ ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ པཀཱསེཏི. སཱདྷུ ཁོ པན ཏཐཱརཱུཔཱནཾ ཨརཧཏཾ དསྶནཾ ཧོཏཱིཏི.

ཨཐ ཁོ རཱཛཱ མཱགདྷོ སེནིཡོ བིམྦིསཱརོ དྭཱདསནཧུཏེཧི [དྭཱདསནིཡུཏེཧི (ཡོཛནཱ)] མཱགདྷིཀེཧི བྲཱཧྨཎགཧཔཏིཀེཧི པརིཝུཏོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཏེཔི ཁོ དྭཱདསནཧུཏཱ མཱགདྷིཀཱ བྲཱཧྨཎགཧཔཏིཀཱ ཨཔྤེཀཙྩེ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ, ཨཔྤེཀཙྩེ བྷགཝཏཱ སདྡྷིཾ སམྨོདིཾསུ, སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདིཾསུ, ཨཔྤེཀཙྩེ ཡེན བྷགཝཱ ཏེནཉྫལིཾ པཎཱམེཏྭཱ ཨེཀམནྟཾ ནིསཱིདིཾསུ, ཨཔྤེཀཙྩེ བྷགཝཏོ སནྟིཀེ ནཱམགོཏྟཾ སཱཝེཏྭཱ ཨེཀམནྟཾ ནིསཱིདིཾསུ, ཨཔྤེཀཙྩེ ཏུཎྷཱིབྷཱུཏཱ ཨེཀམནྟཾ ནིསཱིདིཾསུ. ཨཐ ཁོ ཏེསཾ དྭཱདསནཧུཏཱནཾ [དྭཱདསནིཡུཏཱནཾ (ཡོཛནཱ)] མཱགདྷིཀཱནཾ བྲཱཧྨཎགཧཔཏིཀཱནཾ ཨེཏདཧོསི – ‘‘ཀིཾ ནུ ཁོ མཧཱསམཎོ ཨུརུཝེལཀསྶཔེ བྲཧྨཙརིཡཾ ཙརཏི, ཨུདཱཧུ ཨུརུཝེལཀསྶཔོ མཧཱསམཎེ བྲཧྨཙརིཡཾ ཙརཏཱི’’ཏི? ཨཐ ཁོ བྷགཝཱ ཏེསཾ དྭཱདསནཧུཏཱནཾ མཱགདྷིཀཱནཾ བྲཱཧྨཎགཧཔཏིཀཱནཾ ཙེཏསཱ ཙེཏོཔརིཝིཏཀྐམཉྙཱཡ ཨཱཡསྨནྟཾ ཨུརུཝེལཀསྶཔཾ གཱཐཱཡ ཨཛ྄ཛྷབྷཱསི –

‘‘ཀིམེཝ དིསྭཱ ཨུརུཝེལཝཱསི, པཧཱསི ཨགྒིཾ ཀིསཀོཝདཱནོ;

པུཙྪཱམི ཏཾ ཀསྶཔ, ཨེཏམཏྠཾ ཀཐཾ པཧཱིནཾ ཏཝ ཨགྒིཧུཏྟནྟི.

‘‘རཱུཔེ ཙ སདྡེ ཙ ཨཐོ རསེ ཙ;

ཀཱམིཏྠིཡོ ཙཱབྷིཝདནྟི ཡཉྙཱ;

ཨེཏཾ མལནྟི ཨུཔདྷཱིསུ ཉཏྭཱ;

ཏསྨཱ ན ཡིཊྛེ ན ཧུཏེ ཨརཉྫིནྟི.

‘‘ཨེཏྠེཝ ཏེ མནོ ན རམིཏྠ (ཀསྶཔཱཏི བྷགཝཱ);

རཱུཔེསུ སདྡེསུ ཨཐོ རསེསུ;

ཨཐ ཀོ ཙརཧི དེཝམནུསྶལོཀེ;

རཏོ མནོ ཀསྶཔ, བྲཱུཧི མེཏནྟི.

‘‘དིསྭཱ པདཾ སནྟམནཱུཔདྷཱིཀཾ;

ཨཀིཉྩནཾ ཀཱམབྷཝེ ཨསཏྟཾ;

ཨནཉྙཐཱབྷཱཝིམནཉྙནེཡྻཾ;

ཏསྨཱ ན ཡིཊྛེ ན ཧུཏེ ཨརཉྫི’’ནྟི.

༥༦. ཨཐ ཁོ ཨཱཡསྨཱ ཨུརུཝེལཀསྶཔོ ཨུཊྛཱཡཱསནཱ ཨེཀཾསཾ ཨུཏྟརཱསངྒཾ ཀརིཏྭཱ བྷགཝཏོ པཱདེསུ སིརསཱ ནིཔཏིཏྭཱ བྷགཝནྟཾ ཨེཏདཝོཙ – ‘‘སཏྠཱ མེ, བྷནྟེ, བྷགཝཱ, སཱཝཀོཧམསྨི; སཏྠཱ མེ, བྷནྟེ, བྷགཝཱ, སཱཝཀོཧམསྨཱི’’ཏི. ཨཐ ཁོ ཏེསཾ དྭཱདསནཧུཏཱནཾ མཱགདྷིཀཱནཾ བྲཱཧྨཎགཧཔཏིཀཱནཾ ཨེཏདཧོསི – ‘‘ཨུརུཝེལཀསྶཔོ མཧཱསམཎེ བྲཧྨཙརིཡཾ ཙརཏཱི’’ཏི. ཨཐ ཁོ བྷགཝཱ ཏེསཾ དྭཱདསནཧུཏཱནཾ མཱགདྷིཀཱནཾ བྲཱཧྨཎགཧཔཏིཀཱནཾ ཙེཏསཱ ཙེཏོཔརིཝིཏཀྐམཉྙཱཡ ཨནུཔུབྦིཾ ཀཐཾ ཀཐེསི, སེཡྻཐིདཾ – དཱནཀཐཾ སཱིལཀཐཾ སགྒཀཐཾ ཀཱམཱནཾ ཨཱདཱིནཝཾ ཨོཀཱརཾ སཾཀིལེསཾ ནེཀྑམྨེ ཨཱནིསཾསཾ པཀཱསེསི. ཡདཱ ཏེ བྷགཝཱ ཨཉྙཱསི ཀལླཙིཏྟེ མུདུཙིཏྟེ ཝིནཱིཝརཎཙིཏྟེ ཨུདགྒཙིཏྟེ པསནྣཙིཏྟེ, ཨཐ ཡཱ བུདྡྷཱནཾ སཱམུཀྐཾསིཀཱ དྷམྨདེསནཱ, ཏཾ པཀཱསེསི – དུཀྑཾ, སམུདཡཾ, ནིརོདྷཾ, མགྒཾ. སེཡྻཐཱཔི ནཱམ སུདྡྷཾ ཝཏྠཾ ཨཔགཏཀཱལ༹ཀཾ སམྨདེཝ རཛནཾ པཊིགྒཎྷེཡྻ, ཨེཝམེཝ ཨེཀཱདསནཧུཏཱནཾ མཱགདྷིཀཱནཾ བྲཱཧྨཎགཧཔཏིཀཱནཾ བིམྦིསཱརཔྤམུཁཱནཾ ཏསྨིཾ ཡེཝ ཨཱསནེ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨནྟི. ཨེཀནཧུཏཾ ཨུཔཱསཀཏྟཾ པཊིཝེདེསི.

༥༧. ཨཐ ཁོ རཱཛཱ མཱགདྷོ སེནིཡོ བིམྦིསཱརོ དིཊྛདྷམྨོ པཏྟདྷམྨོ ཝིདིཏདྷམྨོ པརིཡོགཱལ༹ྷདྷམྨོ ཏིཎྞཝིཙིཀིཙྪོ ཝིགཏཀཐཾཀཐོ ཝེསཱརཛྫཔྤཏྟོ ཨཔརཔྤཙྩཡོ སཏྠུསཱསནེ བྷགཝནྟཾ ཨེཏདཝོཙ – ‘‘པུབྦེ མེ, བྷནྟེ, ཀུམཱརསྶ སཏོ པཉྩ ཨསྶཱསཀཱ ཨཧེསུཾ, ཏེ མེ ཨེཏརཧི སམིདྡྷཱ. པུབྦེ མེ, བྷནྟེ, ཀུམཱརསྶ སཏོ ཨེཏདཧོསི – ‘ཨཧོ ཝཏ མཾ རཛྫེ ཨབྷིསིཉྩེཡྻུ’ནྟི, ཨཡཾ ཁོ མེ, བྷནྟེ, པཋམོ ཨསྶཱསཀོ ཨཧོསི, སོ མེ ཨེཏརཧི སམིདྡྷོ. ‘ཏསྶ ཙ མེ ཝིཛིཏཾ ཨརཧཾ སམྨཱསམྦུདྡྷོ ཨོཀྐམེཡྻཱ’ཏི, ཨཡཾ ཁོ མེ, བྷནྟེ, དུཏིཡོ ཨསྶཱསཀོ ཨཧོསི, སོ མེ ཨེཏརཧི སམིདྡྷོ. ‘ཏཉྩཱཧཾ བྷགཝནྟཾ པཡིརུཔཱསེཡྻ’ནྟི, ཨཡཾ ཁོ མེ, བྷནྟེ, ཏཏིཡོ ཨསྶཱསཀོ ཨཧོསི, སོ མེ ཨེཏརཧི སམིདྡྷོ. ‘སོ ཙ མེ བྷགཝཱ དྷམྨཾ དེསེཡྻཱ’ཏི, ཨཡཾ ཁོ མེ, བྷནྟེ, ཙཏུཏྠོ ཨསྶཱསཀོ ཨཧོསི, སོ མེ ཨེཏརཧི སམིདྡྷོ. ‘ཏསྶ ཙཱཧཾ བྷགཝཏོ དྷམྨཾ ཨཱཛཱནེཡྻ’ནྟི, ཨཡཾ ཁོ མེ, བྷནྟེ, པཉྩམོ ཨསྶཱསཀོ ཨཧོསི, སོ མེ ཨེཏརཧི སམིདྡྷོ. པུབྦེ མེ, བྷནྟེ, ཀུམཱརསྶ སཏོ ཨིམེ པཉྩ ཨསྶཱསཀཱ ཨཧེསུཾ, ཏེ མེ ཨེཏརཧི སམིདྡྷཱ. ཨབྷིཀྐནྟཾ, བྷནྟེ, ཨབྷིཀྐནྟཾ, བྷནྟེ, སེཡྻཐཱཔི, བྷནྟེ, ནིཀྐུཛྫིཏཾ ཝཱ ཨུཀྐུཛྫེཡྻ, པཊིཙྪནྣཾ ཝཱ ཝིཝརེཡྻ, མཱུལ༹ྷསྶ ཝཱ མགྒཾ ཨཱཙིཀྑེཡྻ, ཨནྡྷཀཱརེ ཝཱ ཏེལཔཛྫོཏཾ དྷཱརེཡྻ ཙཀྑུམནྟོ རཱུཔཱནི དཀྑནྟཱིཏི – ཨེཝམེཝཾ བྷགཝཏཱ ཨནེཀཔརིཡཱཡེན དྷམྨོ པཀཱསིཏོ. ཨེསཱཧཾ, བྷནྟེ, བྷགཝནྟཾ སརཎཾ གཙྪཱམི, དྷམྨཉྩ, བྷིཀྑུསངྒྷཉྩ. ཨུཔཱསཀཾ མཾ [མཾ བྷནྟེ (ཀ.)], བྷགཝཱ དྷཱརེཏུ ཨཛྫཏགྒེ པཱཎུཔེཏཾ སརཎཾ གཏཾ, ཨདྷིཝཱསེཏུ ཙ མེ, བྷནྟེ, བྷགཝཱ, སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ཁོ རཱཛཱ མཱགདྷོ སེནིཡོ བིམྦིསཱརོ བྷགཝཏོ ཨདྷིཝཱསནཾ ཝིདིཏྭཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཏསྶཱ རཏྟིཡཱ ཨཙྩཡེན པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ བྷགཝཏོ ཀཱལཾ ཨཱརོཙཱཔེསི – ‘‘ཀཱལོ, བྷནྟེ, ནིཊྛིཏཾ བྷཏྟ’’ནྟི.

༥༨. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ རཱཛགཧཾ པཱཝིསི མཧཏཱ བྷིཀྑུསངྒྷེན སདྡྷིཾ བྷིཀྑུསཧསྶེན སབྦེཧེཝ པུརཱཎཛཊིལེཧི. ཏེན ཁོ པན སམཡེན སཀྐོ དེཝཱནམིནྡོ མཱཎཝཀཝཎྞཾ ཨབྷིནིམྨིནིཏྭཱ བུདྡྷཔྤམུཁསྶ བྷིཀྑུསངྒྷསྶ པུརཏོ པུརཏོ གཙྪཏི ཨིམཱ གཱཐཱཡོ གཱཡམཱནོ –

‘‘དནྟོ དནྟེཧི སཧ པུརཱཎཛཊིལེཧི, ཝིཔྤམུཏྟོ ཝིཔྤམུཏྟེཧི;

སིངྒཱིནིཀྑསཝཎྞོ, རཱཛགཧཾ པཱཝིསི བྷགཝཱ.

‘‘མུཏྟོ མུཏྟེཧི སཧ པུརཱཎཛཊིལེཧི, ཝིཔྤམུཏྟོ ཝིཔྤམུཏྟེཧི;

སིངྒཱིནིཀྑསཝཎྞོ, རཱཛགཧཾ པཱཝིསི བྷགཝཱ.

‘‘ཏིཎྞོ ཏིཎྞེཧི སཧ པུརཱཎཛཊིལེཧི;

ཝིཔྤམུཏྟོ ཝིཔྤམུཏྟེཧི;

སིངྒཱིནིཀྑསུཝཎྞོ;

རཱཛགཧཾ པཱཝིསི བྷགཝཱ.

‘‘སནྟོ སནྟེཧི སཧ པུརཱཎཛཊིལེཧི;

ཝིཔྤམུཏྟོ ཝིཔྤམུཏྟེཧི;

སིངྒཱིནིཀྑསཝཎྞོ;

རཱཛགཧཾ པཱཝིསི བྷགཝཱ.

‘‘དསཝཱསོ དསབལོ, དསདྷམྨཝིདཱུ དསབྷི ཙུཔེཏོ;

སོ དསསཏཔརིཝཱརོ [པརིཝཱརཀོ (ཀ.)] རཱཛགཧཾ, པཱཝིསི བྷགཝཱ’’ཏི.

མནུསྶཱ སཀྐཾ དེཝཱནམིནྡཾ པསྶིཏྭཱ ཨེཝམཱཧཾསུ – ‘‘ཨབྷིརཱུཔོ ཝཏཱཡཾ མཱཎཝཀོ, དསྶནཱིཡོ ཝཏཱཡཾ མཱཎཝཀོ, པཱསཱདིཀོ ཝཏཱཡཾ མཱཎཝཀོ. ཀསྶ ནུ ཁོ ཨཡཾ མཱཎཝཀོ’’ཏི? ཨེཝཾ ཝུཏྟེ སཀྐོ དེཝཱནམིནྡོ ཏེ མནུསྶེ གཱཐཱཡ ཨཛ྄ཛྷབྷཱསི –

‘‘ཡོ དྷཱིརོ སབྦདྷི དནྟོ, སུདྡྷོ ཨཔྤཊིཔུགྒལོ;

ཨརཧཾ སུགཏོ ལོཀེ, ཏསྶཱཧཾ པརིཙཱརཀོ’’ཏི.

༥༩. ཨཐ ཁོ བྷགཝཱ ཡེན རཉྙོ མཱགདྷསྶ སེནིཡསྶ བིམྦིསཱརསྶ ནིཝེསནཾ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི སདྡྷིཾ བྷིཀྑུསངྒྷེན. ཨཐ ཁོ རཱཛཱ མཱགདྷོ སེནིཡོ བིམྦིསཱརོ བུདྡྷཔྤམུཁཾ བྷིཀྑུསངྒྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེཏྭཱ སམྤཝཱརེཏྭཱ བྷགཝནྟཾ བྷུཏྟཱཝིཾ ཨོནཱིཏཔཏྟཔཱཎིཾ ཨེཀམནྟཾ ནིསཱིདི. ཨེཀམནྟཾ ནིསིནྣསྶ ཁོ རཉྙོ མཱགདྷསྶ སེནིཡསྶ བིམྦིསཱརསྶ ཨེཏདཧོསི [ཙཱུལ༹ཝ. ༣༠༧] – ‘‘ཀཏྠ ནུ ཁོ བྷགཝཱ ཝིཧརེཡྻ? ཡཾ ཨསྶ གཱམཏོ ནེཝ ཨཝིདཱུརེ ན ཨཙྩཱསནྣེ, གམནཱགམནསམྤནྣཾ, ཨཏྠིཀཱནཾ ཨཏྠིཀཱནཾ མནུསྶཱནཾ ཨབྷིཀྐམནཱིཡཾ, དིཝཱ ཨཔྤཱཀིཎྞཾ [ཨཔྤཀིཎྞཾ (སཱི. སྱཱ.), ཨབྦྷོཀིཎྞཾ (ཀ.)], རཏྟིཾ ཨཔྤསདྡཾ ཨཔྤནིགྒྷོསཾ ཝིཛནཝཱཏཾ, མནུསྶརཱཧསྶེཡྻཀཾ, པཊིསལླཱནསཱརུཔྤ’’ནྟི. ཨཐ ཁོ རཉྙོ མཱགདྷསྶ སེནིཡསྶ བིམྦིསཱརསྶ ཨེཏདཧོསི – ‘‘ཨིདཾ ཁོ ཨམྷཱཀཾ ཝེལུ༹ཝནཾ ཨུཡྻཱནཾ གཱམཏོ ནེཝ ཨཝིདཱུརེ ན ཨཙྩཱསནྣེ གམནཱགམནསམྤནྣཾ ཨཏྠིཀཱནཾ ཨཏྠིཀཱནཾ མནུསྶཱནཾ ཨབྷིཀྐམནཱིཡཾ དིཝཱ ཨཔྤཱཀིཎྞཾ རཏྟིཾ ཨཔྤསདྡཾ ཨཔྤནིགྒྷོསཾ ཝིཛནཝཱཏཾ མནུསྶརཱཧསྶེཡྻཀཾ པཊིསལླཱནསཱརུཔྤཾ. ཡཾནཱུནཱཧཾ ཝེལུ༹ཝནཾ ཨུཡྻཱནཾ བུདྡྷཔྤམུཁསྶ བྷིཀྑུསངྒྷསྶ དདེཡྻ’’ནྟི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ སོཝཎྞམཡཾ བྷིངྐཱརཾ གཧེཏྭཱ བྷགཝཏོ ཨོཎོཛེསི – ‘‘ཨེཏཱཧཾ, བྷནྟེ, ཝེལུ༹ཝནཾ ཨུཡྻཱནཾ བུདྡྷཔྤམུཁསྶ བྷིཀྑུསངྒྷསྶ དམྨཱི’’ཏི. པཊིགྒཧེསི བྷགཝཱ ཨཱརཱམཾ. ཨཐ ཁོ བྷགཝཱ རཱཛཱནཾ མཱགདྷཾ སེནིཡཾ བིམྦིསཱརཾ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཨཱརཱམ’’ནྟི.

བིམྦིསཱརསམཱགམཀཐཱ ནིཊྛིཏཱ.

༡༤. སཱརིཔུཏྟམོགྒལླཱནཔབྦཛྫཱཀཐཱ

༦༠. ཏེན ཁོ པན སམཡེན སཉྩཡོ [སཉྫཡོ (སཱི. སྱཱ.)] པརིབྦཱཛཀོ རཱཛགཧེ པཊིཝསཏི མཧཏིཡཱ པརིབྦཱཛཀཔརིསཱཡ སདྡྷིཾ ཨཌྜྷཏེཡྻེཧི པརིབྦཱཛཀསཏེཧི. ཏེན ཁོ པན སམཡེན སཱརིཔུཏྟམོགྒལླཱནཱ སཉྩཡེ པརིབྦཱཛཀེ བྲཧྨཙརིཡཾ ཙརནྟི. ཏེཧི ཀཏིཀཱ ཀཏཱ ཧོཏི – ཡོ པཋམཾ ཨམཏཾ ཨདྷིགཙྪཏི, སོ ཨིཏརསྶ ཨཱརོཙེཏཱུཏི. ཨཐ ཁོ ཨཱཡསྨཱ ཨསྶཛི པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ རཱཛགཧཾ པིཎྜཱཡ པཱཝིསི པཱསཱདིཀེན ཨབྷིཀྐནྟེན པཊིཀྐནྟེན ཨཱལོཀིཏེན ཝིལོཀིཏེན སམིཉྫིཏེན པསཱརིཏེན, ཨོཀྑིཏྟཙཀྑུ ཨིརིཡཱཔཐསམྤནྣོ. ཨདྡསཱ ཁོ སཱརིཔུཏྟོ པརིབྦཱཛཀོ ཨཱཡསྨནྟཾ ཨསྶཛིཾ རཱཛགཧེ པིཎྜཱཡ ཙརནྟཾ པཱསཱདིཀེན ཨབྷིཀྐནྟེན པཊིཀྐནྟེན ཨཱལོཀིཏེན ཝིལོཀིཏེན སམིཉྫིཏེན པསཱརིཏེན ཨོཀྑིཏྟཙཀྑུཾ ཨིརིཡཱཔཐསམྤནྣཾ. དིསྭཱནསྶ ཨེཏདཧོསི – ‘‘ཡེ ཝཏ ལོཀེ ཨརཧནྟོ ཝཱ ཨརཧཏྟམགྒཾ ཝཱ སམཱཔནྣཱ, ཨཡཾ ཏེསཾ བྷིཀྑུ ཨཉྙཏརོ. ཡཾནཱུནཱཧཾ ཨིམཾ བྷིཀྑུཾ ཨུཔསངྐམིཏྭཱ པུཙྪེཡྻཾ – ‘ཀཾསི ཏྭཾ, ཨཱཝུསོ, ཨུདྡིསྶ པབྦཛིཏོ, ཀོ ཝཱ ཏེ སཏྠཱ, ཀསྶ ཝཱ ཏྭཾ དྷམྨཾ རོཙེསཱི’’’ཏི? ཨཐ ཁོ སཱརིཔུཏྟསྶ པརིབྦཱཛཀསྶ ཨེཏདཧོསི – ‘‘ཨཀཱལོ ཁོ ཨིམཾ བྷིཀྑུཾ པུཙྪིཏུཾ, ཨནྟརགྷརཾ པཝིཊྛོ པིཎྜཱཡ ཙརཏི. ཡཾནཱུནཱཧཾ ཨིམཾ བྷིཀྑུཾ པིཊྛིཏོ པིཊྛིཏོ ཨནུབནྡྷེཡྻཾ, ཨཏྠིཀེཧི ཨུཔཉྙཱཏཾ མགྒ’’ནྟི. ཨཐ ཁོ ཨཱཡསྨཱ ཨསྶཛི རཱཛགཧེ པིཎྜཱཡ ཙརིཏྭཱ པིཎྜཔཱཏཾ ཨཱདཱཡ པཊིཀྐམི. ཨཐ ཁོ སཱརིཔུཏྟོཔི པརིབྦཱཛཀོ ཡེནཱཡསྨཱ ཨསྶཛི ཏེནུཔསངྐམི, ཨུཔསངྐམིཏྭཱ ཨཱཡསྨཏཱ ཨསྶཛིནཱ སདྡྷིཾ སམྨོདི, སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏོ ཁོ སཱརིཔུཏྟོ པརིབྦཱཛཀོ ཨཱཡསྨནྟཾ ཨསྶཛིཾ ཨེཏདཝོཙ – ‘‘ཝིཔྤསནྣཱནི ཁོ ཏེ, ཨཱཝུསོ, ཨིནྡྲིཡཱནི, པརིསུདྡྷོ ཚཝིཝཎྞོ པརིཡོདཱཏོ. ཀཾསི ཏྭཾ, ཨཱཝུསོ, ཨུདྡིསྶ པབྦཛིཏོ, ཀོ ཝཱ ཏེ སཏྠཱ, ཀསྶ ཝཱ ཏྭཾ དྷམྨཾ རོཙེསཱི’’ཏི? ‘‘ཨཏྠཱཝུསོ, མཧཱསམཎོ སཀྱཔུཏྟོ སཀྱཀུལཱ པབྦཛིཏོ, ཏཱཧཾ བྷགཝནྟཾ ཨུདྡིསྶ པབྦཛིཏོ, སོ ཙ མེ བྷགཝཱ སཏྠཱ, ཏསྶ ཙཱཧཾ བྷགཝཏོ དྷམྨཾ རོཙེམཱི’’ཏི. ‘‘ཀིཾཝཱདཱི པནཱཡསྨཏོ སཏྠཱ, ཀིམཀྑཱཡཱི’’ཏི? ‘‘ཨཧཾ ཁོ, ཨཱཝུསོ, ནཝོ ཨཙིརཔབྦཛིཏོ, ཨདྷུནཱགཏོ ཨིམཾ དྷམྨཝིནཡཾ, ན ཏཱཧཾ སཀྐོམི ཝིཏྠཱརེན དྷམྨཾ དེསེཏུཾ, ཨཔི ཙ ཏེ སཾཁིཏྟེན ཨཏྠཾ ཝཀྑཱམཱི’’ཏི. ཨཐ ཁོ སཱརིཔུཏྟོ པརིབྦཱཛཀོ ཨཱཡསྨནྟཾ ཨསྶཛིཾ ཨེཏདཝོཙ – ‘‘ཧོཏུ, ཨཱཝུསོ –

‘‘ཨཔྤཾ ཝཱ བཧུཾ ཝཱ བྷཱསསྶུ, ཨཏྠཾཡེཝ མེ བྲཱུཧི;

ཨཏྠེནེཝ མེ ཨཏྠོ, ཀིཾ ཀཱཧསི བྱཉྫནཾ བཧུ’’ནྟི.

ཨཐ ཁོ ཨཱཡསྨཱ ཨསྶཛི སཱརིཔུཏྟསྶ པརིབྦཱཛཀསྶ ཨིམཾ དྷམྨཔརིཡཱཡཾ ཨབྷཱསི –

[ཨཔ. ༡.༡.༢༨༦ ཐེརཱཔདཱནེཔི] ‘‘ཡེ དྷམྨཱ ཧེཏུཔྤབྷཝཱ, ཏེསཾ ཧེཏུཾ ཏཐཱགཏོ ཨཱཧ;

ཏེསཉྩ ཡོ ནིརོདྷོ, ཨེཝཾཝཱདཱི མཧཱསམཎོ’’ཏི.

ཨཐ ཁོ སཱརིཔུཏྟསྶ པརིབྦཱཛཀསྶ ཨིམཾ དྷམྨཔརིཡཱཡཾ སུཏྭཱ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ‘‘ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨ’’ནྟི.

[ཨཔ. ༡.༡.༢༨༩ ཐེརཱཔདཱནེཔི] ཨེསེཝ དྷམྨོ ཡདི ཏཱཝདེཝ, པཙྩབྱཏྠ པདམསོཀཾ;

ཨདིཊྛཾ ཨབྦྷཏཱིཏཾ, བཧུཀེཧི ཀཔྤནཧུཏེཧཱིཏི.

༦༡. ཨཐ ཁོ སཱརིཔུཏྟོ པརིབྦཱཛཀོ ཡེན མོགྒལླཱནོ པརིབྦཱཛཀོ ཏེནུཔསངྐམི. ཨདྡསཱ ཁོ མོགྒལླཱནོ པརིབྦཱཛཀོ སཱརིཔུཏྟཾ པརིབྦཱཛཀཾ དཱུརཏོཝ ཨཱགཙྪནྟཾ, དིསྭཱན སཱརིཔུཏྟཾ པརིབྦཱཛཀཾ ཨེཏདཝོཙ – ‘‘ཝིཔྤསནྣཱནི ཁོ ཏེ, ཨཱཝུསོ, ཨིནྡྲིཡཱནི, པརིསུདྡྷོ ཚཝིཝཎྞོ པརིཡོདཱཏོ. ཀཙྩི ནུ ཏྭཾ, ཨཱཝུསོ, ཨམཏཾ ཨདྷིགཏོ’’ཏི? ‘‘ཨཱམཱཝུསོ, ཨམཏཾ ཨདྷིགཏོ’’ཏི. ‘‘ཡཐཱཀཐཾ པན ཏྭཾ, ཨཱཝུསོ, ཨམཏཾ ཨདྷིགཏོ’’ཏི? ‘‘ཨིདྷཱཧཾ, ཨཱཝུསོ, ཨདྡསཾ ཨསྶཛིཾ བྷིཀྑུཾ རཱཛགཧེ པིཎྜཱཡ ཙརནྟཾ པཱསཱདིཀེན ཨབྷིཀྐནྟེན པཊིཀྐནྟེན ཨཱལོཀིཏེན ཝིལོཀིཏེན སམིཉྫིཏེན པསཱརིཏེན ཨོཀྑིཏྟཙཀྑུཾ ཨིརིཡཱཔཐསམྤནྣཾ. དིསྭཱན མེ ཨེཏདཧོསི – ‘ཡེ ཝཏ ལོཀེ ཨརཧནྟོ ཝཱ ཨརཧཏྟམགྒཾ ཝཱ སམཱཔནྣཱ, ཨཡཾ ཏེསཾ བྷིཀྑུ ཨཉྙཏརོ. ཡཾནཱུནཱཧཾ ཨིམཾ བྷིཀྑུཾ ཨུཔསངྐམིཏྭཱ པུཙྪེཡྻཾ – ཀཾསི ཏྭཾ, ཨཱཝུསོ ཨུདྡིསྶ པབྦཛིཏོ, ཀོ ཝཱ ཏེ སཏྠཱ, ཀསྶ ཝཱ ཏྭཾ དྷམྨཾ རོཙེསཱི’’’ཏི. ཏསྶ མཡ྄ཧཾ, ཨཱཝུསོ, ཨེཏདཧོསི – ‘‘ཨཀཱལོ ཁོ ཨིམཾ བྷིཀྑུཾ པུཙྪིཏུཾ ཨནྟརགྷརཾ པཝིཊྛོ པིཎྜཱཡ ཙརཏི, ཡཾནཱུནཱཧཾ ཨིམཾ བྷིཀྑུཾ པིཊྛིཏོ པིཊྛིཏོ ཨནུབནྡྷེཡྻཾ ཨཏྠིཀེཧི ཨུཔཉྙཱཏཾ མགྒ’’ནྟི. ཨཐ ཁོ, ཨཱཝུསོ, ཨསྶཛི བྷིཀྑུ རཱཛགཧེ པིཎྜཱཡ ཙརིཏྭཱ པིཎྜཔཱཏཾ ཨཱདཱཡ པཊིཀྐམི. ཨཐ ཁྭཱཧཾ, ཨཱཝུསོ, ཡེན ཨསྶཛི བྷིཀྑུ ཏེནུཔསངྐམིཾ, ཨུཔསངྐམིཏྭཱ ཨསྶཛིནཱ བྷིཀྑུནཱ སདྡྷིཾ སམྨོདིཾ, སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ཨཊྛཱསིཾ. ཨེཀམནྟཾ ཋིཏོ ཁོ ཨཧཾ, ཨཱཝུསོ, ཨསྶཛིཾ བྷིཀྑུཾ ཨེཏདཝོཙཾ – ‘‘ཝིཔྤསནྣཱནི ཁོ ཏེ, ཨཱཝུསོ, ཨིནྡྲིཡཱནི, པརིསུདྡྷོ ཚཝིཝཎྞོ པརིཡོདཱཏོ. ‘ཀཾསི ཏྭཾ, ཨཱཝུསོ, ཨུདྡིསྶ པབྦཛིཏོ, ཀོ ཝཱ ཏེ སཏྠཱ, ཀསྶ ཝཱ ཏྭཾ དྷམྨཾ རོཙེསཱི’’’ཏི? ‘ཨཏྠཱཝུསོ, མཧཱསམཎོ སཀྱཔུཏྟོ སཀྱཀུལཱ པབྦཛིཏོ, ཏཱཧཾ བྷགཝནྟཾ ཨུདྡིསྶ པབྦཛིཏོ, སོ ཙ མེ བྷགཝཱ སཏྠཱ, ཏསྶ ཙཱཧཾ བྷགཝཏོ དྷམྨཾ རོཙེམཱི’ཏི. ‘ཀིཾཝཱདཱི པནཱཡསྨཏོ སཏྠཱ ཀིམཀྑཱཡཱི’ཏི. ‘ཨཧཾ ཁོ, ཨཱཝུསོ, ནཝོ ཨཙིརཔབྦཛིཏོ ཨདྷུནཱགཏོ ཨིམཾ དྷམྨཝིནཡཾ, ན ཏཱཧཾ སཀྐོམི ཝིཏྠཱརེན དྷམྨཾ དེསེཏུཾ, ཨཔི ཙ ཏེ སཾཁིཏྟེན ཨཏྠཾ ཝཀྑཱམཱི’’’ཏི. ཨཐ ཁྭཱཧཾ, ཨཱཝུསོ, ཨསྶཛིཾ བྷིཀྑུཾ ཨེཏདཝོཙཾ – ‘‘ཧོཏུ, ཨཱཝུསོ,

ཨཔྤཾ ཝཱ བཧུཾ ཝཱ བྷཱསསྶུ, ཨཏྠཾཡེཝ མེ བྲཱུཧི;

ཨཏྠེནེཝ མེ ཨཏྠོ, ཀིཾ ཀཱཧསི བྱཉྫནཾ བཧུ’’ནྟི.

ཨཐ ཁོ, ཨཱཝུསོ, ཨསྶཛི བྷིཀྑུ ཨིམཾ དྷམྨཔརིཡཱཡཾ ཨབྷཱསི –

‘‘ཡེ དྷམྨཱ ཧེཏུཔྤབྷཝཱ, ཏེསཾ ཧེཏུཾ ཏཐཱགཏོ ཨཱཧ;

ཏེསཉྩ ཡོ ནིརོདྷོ, ཨེཝཾཝཱདཱི མཧཱསམཎོ’’ཏི.

ཨཐ ཁོ མོགྒལླཱནསྶ པརིབྦཱཛཀསྶ ཨིམཾ དྷམྨཔརིཡཱཡཾ སུཏྭཱ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨནྟི.

ཨེསེཝ དྷམྨོ ཡདི ཏཱཝདེཝ, པཙྩབྱཏྠ པདམསོཀཾ;

ཨདིཊྛཾ ཨབྦྷཏཱིཏཾ, བཧུཀེཧི ཀཔྤནཧུཏེཧཱིཏི.

༦༢. ཨཐ ཁོ མོགྒལླཱནོ པརིབྦཱཛཀོ སཱརིཔུཏྟཾ པརིབྦཱཛཀཾ ཨེཏདཝོཙ ‘‘གཙྪཱམ མཡཾ, ཨཱཝུསོ, བྷགཝཏོ སནྟིཀེ, སོ ནོ བྷགཝཱ སཏྠཱ’’ཏི. ‘‘ཨིམཱནི ཁོ, ཨཱཝུསོ, ཨཌྜྷཏེཡྻཱནི པརིབྦཱཛཀསཏཱནི ཨམྷེ ནིསྶཱཡ ཨམྷེ སམྤསྶནྟཱ ཨིདྷ ཝིཧརནྟི, ཏེཔི ཏཱཝ ཨཔལོཀེམ [ཨཔལོཀཱམ (ཀ)]. ཡཐཱ ཏེ མཉྙིསྶནྟི, ཏཐཱ ཏེ ཀརིསྶནྟཱི’’ཏི. ཨཐ ཁོ སཱརིཔུཏྟམོགྒལླཱནཱ ཡེན ཏེ པརིབྦཱཛཀཱ ཏེནུཔསངྐམིཾསུ, ཨུཔསངྐམིཏྭཱ ཏེ པརིབྦཱཛཀེ ཨེཏདཝོཙུཾ – ‘‘གཙྪཱམ མཡཾ, ཨཱཝུསོ, བྷགཝཏོ སནྟིཀེ, སོ ནོ བྷགཝཱ སཏྠཱ’’ཏི. ‘‘མཡཾ ཨཱཡསྨནྟེ ནིསྶཱཡ ཨཱཡསྨནྟེ སམྤསྶནྟཱ ཨིདྷ ཝིཧརཱམ, སཙེ ཨཱཡསྨནྟཱ མཧཱསམཎེ བྲཧྨཙརིཡཾ ཙརིསྶནྟི, སབྦེཝ མཡཾ མཧཱསམཎེ བྲཧྨཙརིཡཾ ཙརིསྶཱམཱ’’ཏི. ཨཐ ཁོ སཱརིཔུཏྟམོགྒལླཱནཱ ཡེན སཉྩཡོ པརིབྦཱཛཀོ ཏེནུཔསངྐམིཾསུ, ཨུཔསངྐམིཏྭཱ སཉྩཡཾ པརིབྦཱཛཀཾ ཨེཏདཝོཙུཾ – ‘‘གཙྪཱམ མཡཾ, ཨཱཝུསོ, བྷགཝཏོ སནྟིཀེ, སོ ནོ བྷགཝཱ སཏྠཱ’’ཏི. ‘‘ཨལཾ, ཨཱཝུསོ, མཱ ཨགམིཏྠ, སབྦེཝ ཏཡོ ཨིམཾ གཎཾ པརིཧརིསྶཱམཱ’’ཏི. དུཏིཡམྤི ཁོ…པེ… ཏཏིཡམྤི ཁོ སཱརིཔུཏྟམོགྒལླཱནཱ སཉྩཡཾ པརིབྦཱཛཀཾ ཨེཏདཝོཙུཾ – ‘‘གཙྪཱམ མཡཾ, ཨཱཝུསོ, བྷགཝཏོ སནྟིཀེ, སོ ནོ བྷགཝཱ སཏྠཱ’’ཏི. ‘‘ཨལཾ, ཨཱཝུསོ, མཱ ཨགམིཏྠ, སབྦེཝ ཏཡོ ཨིམཾ གཎཾ པརིཧརིསྶཱམཱ’’ཏི. ཨཐ ཁོ སཱརིཔུཏྟམོགྒལླཱནཱ ཏཱནི ཨཌྜྷཏེཡྻཱནི པརིབྦཱཛཀསཏཱནི ཨཱདཱཡ ཡེན ཝེལུ༹ཝནཾ ཏེནུཔསངྐམིཾསུ. སཉྩཡསྶ པན པརིབྦཱཛཀསྶ ཏཏྠེཝ ཨུཎྷཾ ལོཧིཏཾ མུཁཏོ ཨུགྒཉྪི.

ཨདྡསཱ ཁོ བྷགཝཱ [བྷགཝཱཏེ (ཀ)] སཱརིཔུཏྟམོགྒལླཱནེ དཱུརཏོཝ ཨཱགཙྪནྟེ, དིསྭཱན བྷིཀྑཱུ ཨཱམནྟེསི – ‘‘ཨེཏེ, བྷིཀྑཝེ, དྭེ སཧཱཡཀཱ ཨཱགཙྪནྟི, ཀོལིཏོ ཨུཔཏིསྶོ ཙ. ཨེཏཾ མེ སཱཝཀཡུགཾ བྷཝིསྶཏི ཨགྒཾ བྷདྡཡུག’’ནྟི.

གམྦྷཱིརེ ཉཱཎཝིསཡེ, ཨནུཏྟརེ ཨུཔདྷིསངྑཡེ;

ཝིམུཏྟེ ཨཔྤཏྟེ ཝེལུ༹ཝནཾ, ཨཐ ནེ སཏྠཱ བྱཱཀཱསི.

ཨེཏེ དྭེ སཧཱཡཀཱ, ཨཱགཙྪནྟི ཀོལིཏོ ཨུཔཏིསྶོ ཙ;

ཨེཏཾ མེ སཱཝཀཡུགཾ, བྷཝིསྶཏི ཨགྒཾ བྷདྡཡུགནྟི.

ཨཐ ཁོ སཱརིཔུཏྟམོགྒལླཱནཱ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ

བྷགཝཏོ པཱདེསུ སིརསཱ ནིཔཏིཏྭཱ བྷགཝནྟཾ ཨེཏདཝོཙུཾ – ‘‘ལབྷེཡྻཱམ མཡཾ, བྷནྟེ, བྷགཝཏོ སནྟིཀེ པབྦཛྫཾ, ལབྷེཡྻཱམ ཨུཔསམྤད’’ནྟི. ‘‘ཨེཐ བྷིཀྑཝོ’’ཏི བྷགཝཱ ཨཝོཙ – ‘‘སྭཱཀྑཱཏོ དྷམྨོ, ཙརཐ བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. སཱཝ ཏེསཾ ཨཱཡསྨནྟཱནཾ ཨུཔསམྤདཱ ཨཧོསི.

ཨབྷིཉྙཱཏཱནཾ པབྦཛྫཱ

༦༣. ཏེན ཁོ པན སམཡེན ཨབྷིཉྙཱཏཱ ཨབྷིཉྙཱཏཱ མཱགདྷིཀཱ ཀུལཔུཏྟཱ བྷགཝཏི བྲཧྨཙརིཡཾ ཙརནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ཨཔུཏྟཀཏཱཡ པཊིཔནྣོ སམཎོ གོཏམོ, ཝེདྷབྱཱཡ པཊིཔནྣོ སམཎོ གོཏམོ, ཀུལུཔཙྪེདཱཡ པཊིཔནྣོ སམཎོ གོཏམོ, ཨིདཱནི ཨནེན ཛཊིལསཧསྶཾ པབྦཱཛིཏཾ, ཨིམཱནི ཙ ཨཌྜྷཏེཡྻཱནི པརིབྦཱཛཀསཏཱནི སཉྩཡཱནི [སཉྫེཡྻཱནི (སཱི.), སཉྫཡཱནི (སྱཱ.)] པབྦཱཛིཏཱནི. ཨིམེ ཙ ཨབྷིཉྙཱཏཱ ཨབྷིཉྙཱཏཱ མཱགདྷིཀཱ ཀུལཔུཏྟཱ སམཎེ གོཏམེ བྲཧྨཙརིཡཾ ཙརནྟཱིཏི. ཨཔིསྶུ བྷིཀྑཱུ དིསྭཱ ཨིམཱཡ གཱཐཱཡ ཙོདེནྟི –

‘‘ཨཱགཏོ ཁོ མཧཱསམཎོ, མཱགདྷཱནཾ གིརིབྦཛཾ;

སབྦེ སཉྩཡེ ནེཏྭཱན [སཉྫེཡྻཀེ ནེཏྭཱ (སཱི.)], ཀཾསུ དཱནི ནཡིསྶཏཱི’’ཏི.

ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ན, བྷིཀྑཝེ, སོ སདྡོ ཙིརཾ བྷཝིསྶཏི, སཏྟཱཧམེཝ བྷཝིསྶཏི, སཏྟཱཧསྶ ཨཙྩཡེན ཨནྟརདྷཱཡིསྶཏི. ཏེན ཧི, བྷིཀྑཝེ, ཡེ ཏུམྷེ ཨིམཱཡ གཱཐཱཡ ཙོདེནྟི –

‘‘ཨཱགཏོ ཁོ མཧཱསམཎོ, མཱགདྷཱནཾ གིརིབྦཛཾ;

སབྦེ སཉྩཡེ ནེཏྭཱན, ཀཾསུ དཱནི ནཡིསྶཏཱི’’ཏི.

ཏེ ཏུམྷེ ཨིམཱཡ གཱཐཱཡ པཊིཙོདེཐ –

‘‘ནཡནྟི ཝེ མཧཱཝཱིརཱ, སདྡྷམྨེན ཏཐཱགཏཱ;

དྷམྨེན ནཡམཱནཱནཾ [ནཱིཡམཱནཱནཾ (ཀ.)], ཀཱ ཨུསཱུཡཱ [ཨུསྶུཡཱ (ཀ.)] ཝིཛཱནཏ’’ནྟི.

ཏེན ཁོ པན སམཡེན མནུསྶཱ བྷིཀྑཱུ དིསྭཱ ཨིམཱཡ གཱཐཱཡ ཙོདེནྟི –

‘‘ཨཱགཏོ ཁོ མཧཱསམཎོ, མཱགདྷཱནཾ གིརིབྦཛཾ;

སབྦེ སཉྩཡེ ནེཏྭཱན, ཀཾསུ དཱནི ནཡིསྶཏཱི’’ཏི.

བྷིཀྑཱུ ཏེ མནུསྶེ ཨིམཱཡ གཱཐཱཡ པཊིཙོདེནྟི –

‘‘ནཡནྟི ཝེ མཧཱཝཱིརཱ, སདྡྷམྨེན ཏཐཱགཏཱ;

དྷམྨེན ནཡམཱནཱནཾ, ཀཱ ཨུསཱུཡཱ ཝིཛཱནཏ’’ནྟི.

མནུསྶཱ དྷམྨེན ཀིར སམཎཱ སཀྱཔུཏྟིཡཱ ནེནྟི ནོ ཨདྷམྨེནཱཏི སཏྟཱཧམེཝ སོ སདྡོ ཨཧོསི, སཏྟཱཧསྶ ཨཙྩཡེན ཨནྟརདྷཱཡི.

སཱརིཔུཏྟམོགྒལླཱནཔབྦཛྫཱཀཐཱ ནིཊྛིཏཱ.

ཙཏུཏྠབྷཱཎཝཱརོ ནིཊྛིཏོ.

༡༥. ཨུཔཛ྄ཛྷཱཡཝཏྟཀཐཱ

༦༤. ཏེན ཁོ པན སམཡེན བྷིཀྑཱུ ཨནུཔཛ྄ཛྷཱཡཀཱ ཨནཱཙརིཡཀཱ [ཨིདཾ པདཾ སཱི. སྱཱ. པོཏྠཀེསུ ནཏྠི] ཨནོཝདིཡམཱནཱ ཨནནུསཱསིཡམཱནཱ དུནྣིཝཏྠཱ དུཔྤཱརུཏཱ ཨནཱཀཔྤསམྤནྣཱ པིཎྜཱཡ ཙརནྟི; མནུསྶཱནཾ [ཏེ མནུསྶཱནཾ (ཀ.)] བྷུཉྫམཱནཱནཾ ཨུཔརིབྷོཛནེཔི ཨུཏྟིཊྛཔཏྟཾ ཨུཔནཱམེནྟི, ཨུཔརིཁཱདནཱིཡེཔི ཨུཏྟིཊྛཔཏྟཾ ཨུཔནཱམེནྟི, ཨུཔརིསཱཡནཱིཡེཔི ཨུཏྟིཊྛཔཏྟཾ ཨུཔནཱམེནྟི, ཨུཔརིཔཱནཱིཡེཔི ཨུཏྟིཊྛཔཏྟཾ ཨུཔནཱམེནྟི; སཱམཾ སཱུཔམྤི ཨོདནམྤི ཝིཉྙཱཔེཏྭཱ བྷུཉྫནྟི; བྷཏྟགྒེཔི ཨུཙྩཱསདྡཱ མཧཱསདྡཱ ཝིཧརནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ དུནྣིཝཏྠཱ དུཔྤཱརུཏཱ ཨནཱཀཔྤསམྤནྣཱ པིཎྜཱཡ ཙརིསྶནྟི; མནུསྶཱནཾ བྷུཉྫམཱནཱནཾ, ཨུཔརིབྷོཛནེཔི ཨུཏྟིཊྛཔཏྟཾ ཨུཔནཱམེསྶནྟི, ཨུཔརིཁཱདནཱིཡེཔི ཨུཏྟིཊྛཔཏྟཾ ཨུཔནཱམེསྶནྟི, ཨུཔརིསཱཡནཱིཡེཔི ཨུཏྟིཊྛཔཏྟཾ ཨུཔནཱམེསྶནྟི, ཨུཔརིཔཱནཱིཡེཔི ཨུཏྟིཊྛཔཏྟཾ ཨུཔནཱམེསྶནྟི; སཱམཾ སཱུཔམྤི ཨོདནམྤི ཝིཉྙཱཔེཏྭཱ བྷུཉྫིསྶནྟི; བྷཏྟགྒེཔི ཨུཙྩཱསདྡཱ མཧཱསདྡཱ ཝིཧརིསྶནྟི སེཡྻཐཱཔི བྲཱཧྨཎཱ བྲཱཧྨཎབྷོཛནེ’’ཏི.

ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ སནྟུཊྛཱ ལཛྫིནོ ཀུཀྐུཙྩཀཱ སིཀྑཱཀཱམཱ, ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑཱུ དུནྣིཝཏྠཱ དུཔྤཱརུཏཱ ཨནཱཀཔྤསམྤནྣཱ པིཎྜཱཡ ཙརིསྶནྟི; མནུསྶཱནཾ བྷུཉྫམཱནཱནཾ, ཨུཔརིབྷོཛནེཔི ཨུཏྟིཊྛཔཏྟཾ ཨུཔནཱམེསྶནྟི, ཨུཔརིཁཱདནཱིཡེཔི ཨུཏྟིཊྛཔཏྟཾ ཨུཔནཱམེསྶནྟི, ཨུཔརིསཱཡནཱིཡེཔི ཨུཏྟིཊྛཔཏྟཾ ཨུཔནཱམེསྶནྟི, ཨུཔརིཔཱནཱིཡེཔི ཨུཏྟིཊྛཔཏྟཾ ཨུཔནཱམེསྶནྟི; སཱམཾ སཱུཔམྤི ཨོདནམྤི ཝིཉྙཱཔེཏྭཱ བྷུཉྫིསྶནྟི; བྷཏྟགྒེཔི ཨུཙྩཱསདྡཱ མཧཱསདྡཱ ཝིཧརིསྶནྟཱི’’ཏི. ཨཐ ཁོ ཏེ བྷིཀྑཱུ…པེ… བྷགཝཏོ ཨེཏམཏྠཾ ཨཱརོཙེསུཾ.

ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, བྷིཀྑཱུ དུནྣིཝཏྠཱ དུཔྤཱརུཏཱ ཨནཱཀཔྤསམྤནྣཱ པིཎྜཱཡ ཙརནྟི, མནུསྶཱནཾ བྷུཉྫམཱནཱནཾ ཨུཔརི བྷོཛནེཔི ཨུཏྟིཊྛཔཏྟཾ ཨུཔནཱམེནྟི, ཨུཔརིཁཱདནཱིཡེཔི ཨུཏྟིཊྛཔཏྟཾ ཨུཔནཱམེནྟི, ཨུཔརིསཱཡནཱིཡེཔི ཨུཏྟིཊྛཔཏྟཾ ཨུཔནཱམེནྟི, ཨུཔརིཔཱནཱིཡེཔི ཨུཏྟིཊྛཔཏྟཾ ཨུཔནཱམེནྟི, སཱམཾ སཱུཔམྤི ཨོདནམྤི ཝིཉྙཱཔེཏྭཱ བྷུཉྫནྟི, བྷཏྟགྒེཔི ཨུཙྩཱསདྡཱ མཧཱསདྡཱ ཝིཧརནྟཱི’’ཏི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, བྷིཀྑཝེ, ཏེསཾ མོགྷཔུརིསཱནཾ ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏེ, བྷིཀྑཝེ, མོགྷཔུརིསཱ དུནྣིཝཏྠཱ དུཔྤཱརུཏཱ ཨནཱཀཔྤསམྤནྣཱ པིཎྜཱཡ ཙརིསྶནྟི, མནུསྶཱནཾ བྷུཉྫམཱནཱནཾ ཨུཔརིབྷོཛནེཔི ཨུཏྟིཊྛཔཏྟཾ ཨུཔནཱམེསྶནྟི, ཨུཔརིཁཱདནཱིཡེཔི ཨུཏྟིཊྛཔཏྟཾ ཨུཔནཱམེསྶནྟི, ཨུཔརིསཱཡནཱིཡེཔི ཨུཏྟིཊྛཔཏྟཾ ཨུཔནཱམེསྶནྟི, ཨུཔརིཔཱནཱིཡེཔི ཨུཏྟིཊྛཔཏྟཾ ཨུཔནཱམེསྶནྟི, སཱམཾ སཱུཔམྤི ཨོདནམྤི ཝིཉྙཱཔེཏྭཱ བྷུཉྫིསྶནྟི, བྷཏྟགྒེཔི ཨུཙྩཱསདྡཱ མཧཱསདྡཱ ཝིཧརིསྶནྟི. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ, པསནྣཱནཾ ཝཱ བྷིཡྻོབྷཱཝཱཡ. ཨཐ ཁྭེཏཾ, བྷིཀྑཝེ, ཨཔྤསནྣཱནཉྩེཝ ཨཔྤསཱདཱཡ, པསནྣཱནཉྩ ཨེཀཙྩཱནཾ ཨཉྙཐཏྟཱཡཱ’’ཏི. ཨཐ ཁོ བྷགཝཱ ཏེ བྷིཀྑཱུ ཨནེཀཔརིཡཱཡེན ཝིགརཧིཏྭཱ དུབྦྷརཏཱཡ དུཔྤོསཏཱཡ མཧིཙྪཏཱཡ ཨསནྟུཊྛིཏཱཡ [ཨསནྟུཊྛིཡཱ (སཱི.), ཨསནྟུཊྛཏཱཡ (སྱཱ)] སངྒཎིཀཱཡ ཀོསཛྫསྶ ཨཝཎྞཾ བྷཱསིཏྭཱ ཨནེཀཔརིཡཱཡེན སུབྷརཏཱཡ སུཔོསཏཱཡ ཨཔྤིཙྪསྶ སནྟུཊྛསྶ སལླེཁསྶ དྷུཏསྶ པཱསཱདིཀསྶ ཨཔཙཡསྶ ཝཱིརིཡཱརམྦྷསྶ [ཝིརིཡཱརམྦྷསྶ (སཱི. སྱཱ.)] ཝཎྞཾ བྷཱསིཏྭཱ བྷིཀྑཱུནཾ ཏདནུཙྪཝིཀཾ ཏདནུལོམིཀཾ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༦༥. ‘‘ཨནུཛཱནཱམི, བྷིཀྑཝེ, ཨུཔཛ྄ཛྷཱཡཾ. ཨུཔཛ྄ཛྷཱཡོ, བྷིཀྑཝེ, སདྡྷིཝིཧཱརིཀམྷི པུཏྟཙིཏྟཾ ཨུཔཊྛཔེསྶཏི, སདྡྷིཝིཧཱརིཀོ ཨུཔཛ྄ཛྷཱཡམྷི པིཏུཙིཏྟཾ ཨུཔཊྛཔེསྶཏི. ཨེཝཾ ཏེ ཨཉྙམཉྙཾ སགཱརཝཱ སཔྤཏིསྶཱ སབྷཱགཝུཏྟིནོ ཝིཧརནྟཱ ཨིམསྨིཾ དྷམྨཝིནཡེ ཝུཌྜྷིཾ ཝིརུལ༹ྷིཾ ཝེཔུལླཾ ཨཱཔཛྫིསྶནྟི. ཨེཝཉྩ པན, བྷིཀྑཝེ, ཨུཔཛ྄ཛྷཱཡོ གཧེཏབྦོ – ཨེཀཾསཾ ཨུཏྟརཱསངྒཾ ཀརིཏྭཱ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘ཨུཔཛ྄ཛྷཱཡོ མེ, བྷནྟེ, ཧོཧི; ཨུཔཛ྄ཛྷཱཡོ མེ, བྷནྟེ, ཧོཧི; ཨུཔཛ྄ཛྷཱཡོ མེ, བྷནྟེ, ཧོཧཱི’ཏི. སཱཧཱུཏི ཝཱ ལཧཱུཏི ཝཱ ཨོཔཱཡིཀནྟི ཝཱ པཏིརཱུཔནྟི ཝཱ པཱསཱདིཀེན སམྤཱདེཧཱིཏི ཝཱ ཀཱཡེན ཝིཉྙཱཔེཏི, ཝཱཙཱཡ ཝིཉྙཱཔེཏི, ཀཱཡེན ཝཱཙཱཡ [ན ཝཱཙཱཡ (ཀ.)] ཝིཉྙཱཔེཏི, གཧིཏོ ཧོཏི ཨུཔཛ྄ཛྷཱཡོ; ན ཀཱཡེན ཝིཉྙཱཔེཏི, ན ཝཱཙཱཡ ཝིཉྙཱཔེཏི, ན ཀཱཡེན ཝཱཙཱཡ ཝིཉྙཱཔེཏི, ན གཧིཏོ ཧོཏི ཨུཔཛ྄ཛྷཱཡོ.

༦༦. [ཙཱུལ༹ཝ. ༣༧༦ ཨཱདཡོ]‘‘སདྡྷིཝིཧཱརིཀེན, བྷིཀྑཝེ, ཨུཔཛ྄ཛྷཱཡམྷི སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ –

‘‘ཀཱལསྶེཝ ཝུཊྛཱཡ ཨུཔཱཧནཱ ཨོམུཉྩིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ དནྟཀཊྛཾ དཱཏབྦཾ, མུཁོདཀཾ དཱཏབྦཾ, ཨཱསནཾ པཉྙཔེཏབྦཾ. སཙེ ཡཱགུ ཧོཏི, བྷཱཛནཾ དྷོཝིཏྭཱ ཡཱགུ ཨུཔནཱམེཏབྦཱ. ཡཱགུཾ པཱིཏསྶ ཨུདཀཾ དཏྭཱ བྷཱཛནཾ པཊིགྒཧེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན དྷོཝིཏྭཱ པཊིསཱམེཏབྦཾ. ཨུཔཛ྄ཛྷཱཡམྷི ཝུཊྛིཏེ ཨཱསནཾ ཨུདྡྷརིཏབྦཾ. སཙེ སོ དེསོ ཨུཀླཱཔོ ཧོཏི, སོ དེསོ སམྨཛྫིཏབྦོ.

‘‘སཙེ ཨུཔཛ྄ཛྷཱཡོ གཱམཾ པཝིསིཏུཀཱམོ ཧོཏི, ནིཝཱསནཾ དཱཏབྦཾ, པཊིནིཝཱསནཾ པཊིགྒཧེཏབྦཾ, ཀཱཡབནྡྷནཾ དཱཏབྦཾ, སགུཎཾ ཀཏྭཱ སངྒྷཱཊིཡོ དཱཏབྦཱ, དྷོཝིཏྭཱ པཏྟོ སོདཀོ [སཨུདཀོ (ཀ.)] དཱཏབྦོ. སཙེ ཨུཔཛ྄ཛྷཱཡོ པཙྪཱསམཎཾ ཨཱཀངྑཏི, ཏིམཎྜལཾ པཊིཙྪཱདེནྟེན པརིམཎྜལཾ ནིཝཱསེཏྭཱ ཀཱཡབནྡྷནཾ བནྡྷིཏྭཱ སགུཎཾ ཀཏྭཱ སངྒྷཱཊིཡོ པཱརུཔིཏྭཱ གཎྛིཀཾ པཊིམུཉྩིཏྭཱ དྷོཝིཏྭཱ པཏྟཾ གཧེཏྭཱ ཨུཔཛ྄ཛྷཱཡསྶ པཙྪཱསམཎེན ཧོཏབྦཾ. ནཱཏིདཱུརེ གནྟབྦཾ, ནཱཙྩཱསནྣེ གནྟབྦཾ, པཏྟཔརིཡཱཔནྣཾ པཊིགྒཧེཏབྦཾ. ན ཨུཔཛ྄ཛྷཱཡསྶ བྷཎམཱནསྶ ཨནྟརནྟརཱ ཀཐཱ ཨོཔཱཏེཏབྦཱ. ཨུཔཛ྄ཛྷཱཡོ ཨཱཔཏྟིསཱམནྟཱ བྷཎམཱནོ ནིཝཱརེཏབྦོ.

‘‘ནིཝཏྟནྟེན པཋམཏརཾ ཨཱགནྟྭཱ ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཏབྦཾ, པཙྩུགྒནྟྭཱ པཏྟཙཱིཝརཾ པཊིགྒཧེཏབྦཾ, པཊིནིཝཱསནཾ དཱཏབྦཾ, ནིཝཱསནཾ པཊིགྒཧེཏབྦཾ. སཙེ ཙཱིཝརཾ སིནྣཾ ཧོཏི, མུཧུཏྟཾ ཨུཎྷེ ཨོཏཱཔེཏབྦཾ, ན ཙ ཨུཎྷེ ཙཱིཝརཾ ནིདཧིཏབྦཾ; ཙཱིཝརཾ སངྒྷརིཏབྦཾ, ཙཱིཝརཾ སངྒྷརནྟེན ཙཏུརངྒུལཾ ཀཎྞཾ ཨུསྶཱརེཏྭཱ ཙཱིཝརཾ སངྒྷརིཏབྦཾ – མཱ མཛ྄ཛྷེ བྷངྒོ ཨཧོསཱིཏི. ཨོབྷོགེ ཀཱཡབནྡྷནཾ ཀཱཏབྦཾ.

‘‘སཙེ པིཎྜཔཱཏོ ཧོཏི, ཨུཔཛ྄ཛྷཱཡོ ཙ བྷུཉྫིཏུཀཱམོ ཧོཏི, ཨུདཀཾ དཏྭཱ པིཎྜཔཱཏོ ཨུཔནཱམེཏབྦོ. ཨུཔཛ྄ཛྷཱཡོ པཱནཱིཡེན པུཙྪིཏབྦོ. བྷུཏྟཱཝིསྶ ཨུདཀཾ དཏྭཱ པཏྟཾ པཊིགྒཧེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན དྷོཝིཏྭཱ ཝོདཀཾ ཀཏྭཱ མུཧུཏྟཾ ཨུཎྷེ ཨོཏཱཔེཏབྦོ, ན ཙ ཨུཎྷེ པཏྟོ ནིདཧིཏབྦོ. པཏྟཙཱིཝརཾ ནིཀྑིཔིཏབྦཾ. པཏྟཾ ནིཀྑིཔནྟེན ཨེཀེན ཧཏྠེན པཏྟཾ གཧེཏྭཱ ཨེཀེན ཧཏྠེན ཧེཊྛཱམཉྩཾ ཝཱ ཧེཊྛཱཔཱིཋཾ ཝཱ པརཱམསིཏྭཱ པཏྟོ ནིཀྑིཔིཏབྦོ. ན ཙ ཨནནྟརཧིཏཱཡ བྷཱུམིཡཱ པཏྟོ ནིཀྑིཔིཏབྦོ. ཙཱིཝརཾ ནིཀྑིཔནྟེན ཨེཀེན ཧཏྠེན ཙཱིཝརཾ གཧེཏྭཱ ཨེཀེན ཧཏྠེན ཙཱིཝརཝཾསཾ ཝཱ ཙཱིཝརརཛྫུཾ ཝཱ པམཛྫིཏྭཱ པཱརཏོ ཨནྟཾ ཨོརཏོ བྷོགཾ ཀཏྭཱ ཙཱིཝརཾ ནིཀྑིཔིཏབྦཾ. ཨུཔཛ྄ཛྷཱཡམྷི ཝུཊྛིཏེ ཨཱསནཾ ཨུདྡྷརིཏབྦཾ, པཱདོདཀཾ པཱདཔཱིཋཾ པཱདཀཐལིཀཾ པཊིསཱམེཏབྦཾ. སཙེ སོ དེསོ ཨུཀླཱཔོ ཧོཏི, སོ དེསོ སམྨཛྫིཏབྦོ.

‘‘སཙེ ཨུཔཛ྄ཛྷཱཡོ ནཧཱཡིཏུཀཱམོ ཧོཏི, ནཧཱནཾ པཊིཡཱདེཏབྦཾ. སཙེ སཱིཏེན ཨཏྠོ ཧོཏི, སཱིཏཾ པཊིཡཱདེཏབྦཾ. སཙེ ཨུཎྷེན ཨཏྠོ ཧོཏི, ཨུཎྷཾ པཊིཡཱདེཏབྦཾ.

‘‘སཙེ ཨུཔཛ྄ཛྷཱཡོ ཛནྟཱགྷརཾ པཝིསིཏུཀཱམོ ཧོཏི, ཙུཎྞཾ སནྣེཏབྦཾ, མཏྟིཀཱ ཏེམེཏབྦཱ, ཛནྟཱགྷརཔཱིཋཾ ཨཱདཱཡ ཨུཔཛ྄ཛྷཱཡསྶ པིཊྛིཏོ པིཊྛིཏོ གནྟྭཱ ཛནྟཱགྷརཔཱིཋཾ དཏྭཱ ཙཱིཝརཾ པཊིགྒཧེཏྭཱ ཨེཀམནྟཾ ནིཀྑིཔིཏབྦཾ, ཙུཎྞཾ དཱཏབྦཾ, མཏྟིཀཱ དཱཏབྦཱ. སཙེ ཨུསྶཧཏི, ཛནྟཱགྷརཾ པཝིསིཏབྦཾ. ཛནྟཱགྷརཾ པཝིསནྟེན མཏྟིཀཱཡ མུཁཾ མཀྑེཏྭཱ པུརཏོ ཙ པཙྪཏོ ཙ པཊིཙྪཱདེཏྭཱ ཛནྟཱགྷརཾ པཝིསིཏབྦཾ. ན ཐེརེ བྷིཀྑཱུ ཨནུཔཁཛྫ ནིསཱིདིཏབྦཾ. ན ནཝཱ བྷིཀྑཱུ ཨཱསནེན པཊིབཱཧིཏབྦཱ. ཛནྟཱགྷརེ ཨུཔཛ྄ཛྷཱཡསྶ པརིཀམྨཾ ཀཱཏབྦཾ. ཛནྟཱགྷརཱ ནིཀྑམནྟེན ཛནྟཱགྷརཔཱིཋཾ ཨཱདཱཡ པུརཏོ ཙ པཙྪཏོ ཙ པཊིཙྪཱདེཏྭཱ ཛནྟཱགྷརཱ ནིཀྑམིཏབྦཾ.

‘‘ཨུདཀེཔི ཨུཔཛ྄ཛྷཱཡསྶ པརིཀམྨཾ ཀཱཏབྦཾ. ནཧཱཏེན པཋམཏརཾ ཨུཏྟརིཏྭཱ ཨཏྟནོ གཏྟཾ ཝོདཀཾ ཀཏྭཱ ནིཝཱསེཏྭཱ ཨུཔཛ྄ཛྷཱཡསྶ གཏྟཏོ ཨུདཀཾ པམཛྫིཏབྦཾ, ནིཝཱསནཾ དཱཏབྦཾ, སངྒྷཱཊི དཱཏབྦཱ, ཛནྟཱགྷརཔཱིཋཾ ཨཱདཱཡ པཋམཏརཾ ཨཱགནྟྭཱ ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཏབྦཾ, ཨུཔཛ྄ཛྷཱཡོ པཱནཱིཡེན པུཙྪིཏབྦོ. སཙེ ཨུདྡིསཱཔེཏུཀཱམོ ཧོཏི, ཨུདྡིསིཏབྦོ. སཙེ པརིཔུཙྪིཏུཀཱམོ ཧོཏི, པརིཔུཙྪིཏབྦོ.

‘‘ཡསྨིཾ ཝིཧཱརེ ཨུཔཛ྄ཛྷཱཡོ ཝིཧརཏི, སཙེ སོ ཝིཧཱརོ ཨུཀླཱཔོ ཧོཏི, སཙེ ཨུསྶཧཏི, སོདྷེཏབྦོ. ཝིཧཱརཾ སོདྷེནྟེན པཋམཾ པཏྟཙཱིཝརཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ. ནིསཱིདནཔཙྩཏྠརཎཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ. བྷིསིབིབྦོཧནཾ [བྷིསིབིམྦོཧནཾ (སཱི. སྱཱ.)] ནཱིཧརིཏྭཱ ཨེཀམནྟཾ ནིཀྑིཔིཏབྦཾ. མཉྩོ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ནཱིཧརིཏྭཱ ཨེཀམནྟཾ ནིཀྑིཔིཏབྦོ. པཱིཋཾ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ནཱིཧརིཏྭཱ ཨེཀམནྟཾ ནིཀྑིཔིཏབྦཾ. མཉྩཔཊིཔཱདཀཱ ནཱིཧརིཏྭཱ ཨེཀམནྟཾ ནིཀྑིཔིཏབྦཱ. ཁེལ༹མལླཀོ ནཱིཧརིཏྭཱ ཨེཀམནྟཾ ནིཀྑིཔིཏབྦོ. ཨཔསྶེནཕལཀཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ. བྷཱུམཏྠརཎཾ ཡཐཱཔཉྙཏྟཾ སལླཀྑེཏྭཱ ནཱིཧརིཏྭཱ ཨེཀམནྟཾ ནིཀྑིཔིཏབྦཾ. སཙེ ཝིཧཱརེ སནྟཱནཀཾ ཧོཏི, ཨུལློཀཱ པཋམཾ ཨོཧཱརེཏབྦཾ, ཨཱལོཀསནྡྷིཀཎྞབྷཱགཱ པམཛྫིཏབྦཱ. སཙེ གེརུཀཔརིཀམྨཀཏཱ བྷིཏྟི ཀཎྞཀིཏཱ ཧོཏི, ཙོལ༹ཀཾ ཏེམེཏྭཱ པཱིལེ༹ཏྭཱ པམཛྫིཏབྦཱ. སཙེ ཀཱལ༹ཝཎྞཀཏཱ བྷཱུམི ཀཎྞཀིཏཱ ཧོཏི, ཙོལ༹ཀཾ ཏེམེཏྭཱ པཱིལེ༹ཏྭཱ པམཛྫིཏབྦཱ. སཙེ ཨཀཏཱ ཧོཏི བྷཱུམི, ཨུདཀེན པརིཔྥོསིཏྭཱ སམྨཛྫིཏབྦཱ – མཱ ཝིཧཱརོ རཛེན ཨུཧཉྙཱིཏི. སངྐཱརཾ ཝིཙིནིཏྭཱ ཨེཀམནྟཾ ཚཌྜེཏབྦཾ.

‘‘བྷཱུམཏྠརཎཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. མཉྩཔཊིཔཱདཀཱ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦཱ. མཉྩོ ཨོཏཱཔེཏྭཱ སོདྷེཏྭཱ པཔྥོཊེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦོ. པཱིཋཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. བྷིསིབིབྦོཧནཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. ནིསཱིདནཔཙྩཏྠརཎཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. ཁེལ༹མལླཀོ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦོ. ཨཔསྶེནཕལཀཾ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦཾ. པཏྟཙཱིཝརཾ ནིཀྑིཔིཏབྦཾ. པཏྟཾ ནིཀྑིཔནྟེན ཨེཀེན ཧཏྠེན པཏྟཾ གཧེཏྭཱ ཨེཀེན ཧཏྠེན ཧེཊྛཱམཉྩཾ ཝཱ ཧེཊྛཱཔཱིཋཾ ཝཱ པརཱམསིཏྭཱ པཏྟོ ནིཀྑིཔིཏབྦོ. ན ཙ ཨནནྟརཧིཏཱཡ བྷཱུམིཡཱ པཏྟོ ནིཀྑིཔིཏབྦོ. ཙཱིཝརཾ ནིཀྑིཔནྟེན ཨེཀེན ཧཏྠེན ཙཱིཝརཾ གཧེཏྭཱ ཨེཀེན ཧཏྠེན ཙཱིཝརཝཾསཾ ཝཱ ཙཱིཝརརཛྫུཾ ཝཱ པམཛྫིཏྭཱ པཱརཏོ ཨནྟཾ ཨོརཏོ བྷོགཾ ཀཏྭཱ ཙཱིཝརཾ ནིཀྑིཔིཏབྦཾ.

‘‘སཙེ པུརཏྠིམཱ སརཛཱ ཝཱཏཱ ཝཱཡནྟི, པུརཏྠིམཱ ཝཱཏཔཱནཱ ཐཀེཏབྦཱ. སཙེ པཙྪིམཱ སརཛཱ ཝཱཏཱ ཝཱཡནྟི, པཙྪིམཱ ཝཱཏཔཱནཱ ཐཀེཏབྦཱ. སཙེ ཨུཏྟརཱ སརཛཱ ཝཱཏཱ ཝཱཡནྟི, ཨུཏྟརཱ ཝཱཏཔཱནཱ ཐཀེཏབྦཱ. སཙེ དཀྑིཎཱ སརཛཱ ཝཱཏཱ ཝཱཡནྟི, དཀྑིཎཱ ཝཱཏཔཱནཱ ཐཀེཏབྦཱ. སཙེ སཱིཏཀཱལོ ཧོཏི, དིཝཱ ཝཱཏཔཱནཱ ཝིཝརིཏབྦཱ, རཏྟིཾ ཐཀེཏབྦཱ. སཙེ ཨུཎྷཀཱལོ ཧོཏི, དིཝཱ ཝཱཏཔཱནཱ ཐཀེཏབྦཱ, རཏྟིཾ ཝིཝརིཏབྦཱ.

‘‘སཙེ པརིཝེཎཾ ཨུཀླཱཔཾ ཧོཏི, པརིཝེཎཾ སམྨཛྫིཏབྦཾ. སཙེ ཀོཊྛཀོ ཨུཀླཱཔོ ཧོཏི, ཀོཊྛཀོ སམྨཛྫིཏབྦོ. སཙེ ཨུཔཊྛཱནསཱལཱ ཨུཀླཱཔཱ ཧོཏི, ཨུཔཊྛཱནསཱལཱ སམྨཛྫིཏབྦཱ. སཙེ ཨགྒིསཱལཱ ཨུཀླཱཔཱ ཧོཏི, ཨགྒིསཱལཱ སམྨཛྫིཏབྦཱ. སཙེ ཝཙྩཀུཊི ཨུཀླཱཔཱ ཧོཏི, ཝཙྩཀུཊི སམྨཛྫིཏབྦཱ. སཙེ པཱནཱིཡཾ ན ཧོཏི, པཱནཱིཡཾ ཨུཔཊྛཱཔེཏབྦཾ. སཙེ པརིབྷོཛནཱིཡཾ ན ཧོཏི, པརིབྷོཛནཱིཡཾ ཨུཔཊྛཱཔེཏབྦཾ. སཙེ ཨཱཙམནཀུམྦྷིཡཱ ཨུདཀཾ ན ཧོཏི, ཨཱཙམནཀུམྦྷིཡཱ ཨུདཀཾ ཨཱསིཉྩིཏབྦཾ.

‘‘སཙེ ཨུཔཛ྄ཛྷཱཡསྶ ཨནབྷིརཏི ཨུཔྤནྣཱ ཧོཏི, སདྡྷིཝིཧཱརིཀེན ཝཱུཔཀཱསེཏབྦོ, ཝཱུཔཀཱསཱཔེཏབྦོ, དྷམྨཀཐཱ ཝཱསྶ ཀཱཏབྦཱ. སཙེ ཨུཔཛ྄ཛྷཱཡསྶ ཀུཀྐུཙྩཾ ཨུཔྤནྣཾ ཧོཏི, སདྡྷིཝིཧཱརིཀེན ཝིནོདེཏབྦཾ, ཝིནོདཱཔེཏབྦཾ, དྷམྨཀཐཱ ཝཱསྶ ཀཱཏབྦཱ. སཙེ ཨུཔཛ྄ཛྷཱཡསྶ དིཊྛིགཏཾ ཨུཔྤནྣཾ ཧོཏི, སདྡྷིཝིཧཱརིཀེན ཝིཝེཙེཏབྦཾ, ཝིཝེཙཱཔེཏབྦཾ, དྷམྨཀཐཱ ཝཱསྶ ཀཱཏབྦཱ. སཙེ ཨུཔཛ྄ཛྷཱཡོ གརུདྷམྨཾ ཨཛ྄ཛྷཱཔནྣོ ཧོཏི པརིཝཱསཱརཧོ, སདྡྷིཝིཧཱརིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨུཔཛ྄ཛྷཱཡསྶ པརིཝཱསཾ དདེཡྻཱཏི. སཙེ ཨུཔཛ྄ཛྷཱཡོ མཱུལཱཡ པཊིཀསྶནཱརཧོ ཧོཏི, སདྡྷིཝིཧཱརིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨུཔཛ྄ཛྷཱཡཾ མཱུལཱཡ པཊིཀསྶེཡྻཱཏི. སཙེ ཨུཔཛ྄ཛྷཱཡོ མཱནཏྟཱརཧོ ཧོཏི, སདྡྷིཝིཧཱརིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨུཔཛ྄ཛྷཱཡསྶ མཱནཏྟཾ དདེཡྻཱཏི. སཙེ ཨུཔཛ྄ཛྷཱཡོ ཨབྦྷཱནཱརཧོ ཧོཏི, སདྡྷིཝིཧཱརིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨུཔཛ྄ཛྷཱཡཾ ཨབྦྷེཡྻཱཏི. སཙེ སངྒྷོ ཨུཔཛ྄ཛྷཱཡསྶ ཀམྨཾ ཀཏྟུཀཱམོ ཧོཏི ཏཛྫནཱིཡཾ ཝཱ ནིཡསྶཾ [ནིཡསཾ (ཀ.)] ཝཱ པབྦཱཛནཱིཡཾ ཝཱ པཊིསཱརཎཱིཡཾ ཝཱ ཨུཀྑེཔནཱིཡཾ ཝཱ, སདྡྷིཝིཧཱརིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨུཔཛ྄ཛྷཱཡསྶ ཀམྨཾ ན ཀརེཡྻ ལཧུཀཱཡ ཝཱ པརིཎཱམེཡྻཱཏི. ཀཏཾ ཝཱ པནསྶ ཧོཏི སངྒྷེན ཀམྨཾ ཏཛྫནཱིཡཾ ཝཱ ནིཡསྶཾ ཝཱ པབྦཱཛནཱིཡཾ ཝཱ པཊིསཱརཎཱིཡཾ ཝཱ ཨུཀྑེཔནཱིཡཾ ཝཱ, སདྡྷིཝིཧཱརིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ ཨུཔཛ྄ཛྷཱཡོ སམྨཱ ཝཏྟེཡྻ, ལོམཾ པཱཏེཡྻ, ནེཏྠཱརཾ ཝཏྟེཡྻ, སངྒྷོ ཏཾ ཀམྨཾ པཊིཔྤསྶམྦྷེཡྻཱཏི.

‘‘སཙེ ཨུཔཛ྄ཛྷཱཡསྶ ཙཱིཝརཾ དྷོཝིཏབྦཾ ཧོཏི, སདྡྷིཝིཧཱརིཀེན དྷོཝིཏབྦཾ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨུཔཛ྄ཛྷཱཡསྶ ཙཱིཝརཾ དྷོཝིཡེཐཱཏི. སཙེ ཨུཔཛ྄ཛྷཱཡསྶ ཙཱིཝརཾ ཀཱཏབྦཾ ཧོཏི, སདྡྷིཝིཧཱརིཀེན ཀཱཏབྦཾ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨུཔཛ྄ཛྷཱཡསྶ ཙཱིཝརཾ ཀརིཡེཐཱཏི. སཙེ ཨུཔཛ྄ཛྷཱཡསྶ རཛནཾ པཙིཏབྦཾ ཧོཏི, སདྡྷིཝིཧཱརིཀེན པཙིཏབྦཾ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨུཔཛ྄ཛྷཱཡསྶ རཛནཾ པཙིཡེཐཱཏི. སཙེ ཨུཔཛ྄ཛྷཱཡསྶ ཙཱིཝརཾ རཛིཏབྦཾ [རཛེཏབྦཾ (སཱི. སྱཱ.)] ཧོཏི, སདྡྷིཝིཧཱརིཀེན རཛིཏབྦཾ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨུཔཛ྄ཛྷཱཡསྶ ཙཱིཝརཾ རཛིཡེཐཱཏི. ཙཱིཝརཾ རཛནྟེན [རཛེནྟེན (སཱི. སྱཱ.)] སཱདྷུཀཾ སམྤརིཝཏྟཀཾ སམྤརིཝཏྟཀཾ རཛིཏབྦཾ, ན ཙ ཨཙྪིནྣེ ཐེཝེ པཀྐམིཏབྦཾ.

‘‘ན ཨུཔཛ྄ཛྷཱཡཾ ཨནཱཔུཙྪཱ ཨེཀཙྩསྶ པཏྟོ དཱཏབྦོ, ན ཨེཀཙྩསྶ པཏྟོ པཊིགྒཧེཏབྦོ; ན ཨེཀཙྩསྶ ཙཱིཝརཾ དཱཏབྦཾ, ན ཨེཀཙྩསྶ ཙཱིཝརཾ པཊིགྒཧེཏབྦཾ; ན ཨེཀཙྩསྶ པརིཀྑཱརོ དཱཏབྦོ, ན ཨེཀཙྩསྶ པརིཀྑཱརོ པཊིགྒཧེཏབྦོ; ན ཨེཀཙྩསྶ ཀེསཱ ཚེདེཏབྦཱ [ཚེཏྟབྦཱ (སཱི.), ཚེདིཏབྦཱ (ཀ.)], ན ཨེཀཙྩེན ཀེསཱ ཚེདཱཔེཏབྦཱ; ན ཨེཀཙྩསྶ པརིཀམྨཾ ཀཱཏབྦཾ, ན ཨེཀཙྩེན པརིཀམྨཾ ཀཱརཱཔེཏབྦཾ; ན ཨེཀཙྩསྶ ཝེཡྻཱཝཙྩོ [ཝེཡྻཱཝཙྩཾ (ཀཏྠཙི)] ཀཱཏབྦོ, ན ཨེཀཙྩེན ཝེཡྻཱཝཙྩོ ཀཱརཱཔེཏབྦོ; ན ཨེཀཙྩསྶ པཙྪཱསམཎེན ཧོཏབྦཾ, ན ཨེཀཙྩོ པཙྪཱསམཎོ ཨཱདཱཏབྦོ; ན ཨེཀཙྩསྶ པིཎྜཔཱཏོ ནཱིཧརིཏབྦོ, ན ཨེཀཙྩེན པིཎྜཔཱཏོ ནཱིཧརཱཔེཏབྦོ; ན ཨུཔཛ྄ཛྷཱཡཾ ཨནཱཔུཙྪཱ གཱམོ པཝིསིཏབྦོ; ན སུསཱནཾ གནྟབྦཾ; ན དིསཱ པཀྐམིཏབྦཱ. སཙེ ཨུཔཛ྄ཛྷཱཡོ གིལཱནོ ཧོཏི, ཡཱཝཛཱིཝཾ ཨུཔཊྛཱཏབྦོ; ཝུཊྛཱནམསྶ ཨཱགམེཏབྦ’’ནྟི.

ཨུཔཛ྄ཛྷཱཡཝཏྟཾ ནིཊྛིཏཾ.

༡༦. སདྡྷིཝིཧཱརིཀཝཏྟཀཐཱ

༦༧. [ཙཱུལ༹ཝ. ༣༧༨ ཨཱདཡོ] ‘‘ཨུཔཛ྄ཛྷཱཡེན, བྷིཀྑཝེ, སདྡྷིཝིཧཱརིཀམྷི སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ –

‘‘ཨུཔཛ྄ཛྷཱཡེན, བྷིཀྑཝེ, སདྡྷིཝིཧཱརིཀོ སངྒཧེཏབྦོ ཨནུགྒཧེཏབྦོ ཨུདྡེསེན པརིཔུཙྪཱཡ ཨོཝཱདེན ཨནུསཱསནིཡཱ. སཙེ ཨུཔཛ྄ཛྷཱཡསྶ པཏྟོ ཧོཏི, སདྡྷིཝིཧཱརིཀསྶ པཏྟོ ན ཧོཏི, ཨུཔཛ྄ཛྷཱཡེན སདྡྷིཝིཧཱརིཀསྶ པཏྟོ དཱཏབྦོ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ སདྡྷིཝིཧཱརིཀསྶ པཏྟོ ཨུཔྤཛྫིཡེཐཱཏི. སཙེ ཨུཔཛ྄ཛྷཱཡསྶ ཙཱིཝརཾ ཧོཏི, སདྡྷིཝིཧཱརིཀསྶ ཙཱིཝརཾ ན ཧོཏི, ཨུཔཛ྄ཛྷཱཡེན སདྡྷིཝིཧཱརིཀསྶ ཙཱིཝརཾ དཱཏབྦཾ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ སདྡྷིཝིཧཱརིཀསྶ ཙཱིཝརཾ ཨུཔྤཛྫིཡེཐཱཏི. སཙེ ཨུཔཛ྄ཛྷཱཡསྶ པརིཀྑཱརོ ཧོཏི, སདྡྷིཝིཧཱརིཀསྶ པརིཀྑཱརོ ན ཧོཏི, ཨུཔཛ྄ཛྷཱཡེན སདྡྷིཝིཧཱརིཀསྶ པརིཀྑཱརོ དཱཏབྦོ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ སདྡྷིཝིཧཱརིཀསྶ པརིཀྑཱརོ ཨུཔྤཛྫིཡེཐཱཏི.

‘‘སཙེ སདྡྷིཝིཧཱརིཀོ གིལཱནོ ཧོཏི, ཀཱལསྶེཝ ཨུཊྛཱཡ དནྟཀཊྛཾ དཱཏབྦཾ, མུཁོདཀཾ དཱཏབྦཾ, ཨཱསནཾ པཉྙཔེཏབྦཾ. སཙེ ཡཱགུ ཧོཏི, བྷཱཛནཾ དྷོཝིཏྭཱ ཡཱགུ ཨུཔནཱམེཏབྦཱ. ཡཱགུཾ པཱིཏསྶ ཨུདཀཾ དཏྭཱ བྷཱཛནཾ པཊིགྒཧེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན དྷོཝིཏྭཱ པཊིསཱམེཏབྦཾ. སདྡྷིཝིཧཱརིཀམྷི ཝུཊྛིཏེ ཨཱསནཾ ཨུདྡྷརིཏབྦཾ. སཙེ སོ དེསོ ཨུཀླཱཔོ ཧོཏི, སོ དེསོ སམྨཛྫིཏབྦོ.

‘‘སཙེ སདྡྷིཝིཧཱརིཀོ གཱམཾ པཝིསིཏུཀཱམོ ཧོཏི, ནིཝཱསནཾ དཱཏབྦཾ, པཊིནིཝཱསནཾ པཊིགྒཧེཏབྦཾ, ཀཱཡབནྡྷནཾ དཱཏབྦཾ, སགུཎཾ ཀཏྭཱ སངྒྷཱཊིཡོ དཱཏབྦཱ, དྷོཝིཏྭཱ པཏྟོ སོདཀོ དཱཏབྦོ. ཨེཏྟཱཝཏཱ ནིཝཏྟིསྶཏཱིཏི ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཏབྦཾ, པཙྩུགྒནྟྭཱ པཏྟཙཱིཝརཾ པཊིགྒཧེཏབྦཾ, པཊིནིཝཱསནཾ དཱཏབྦཾ, ནིཝཱསནཾ པཊིགྒཧེཏབྦཾ. སཙེ ཙཱིཝརཾ སིནྣཾ ཧོཏི, མུཧུཏྟཾ ཨུཎྷེ ཨོཏཱཔེཏབྦཾ, ན ཙ ཨུཎྷེ ཙཱིཝརཾ ནིདཧིཏབྦཾ; ཙཱིཝརཾ སངྒྷརིཏབྦཾ, ཙཱིཝརཾ སངྒྷརནྟེན ཙཏུརངྒུལཾ ཀཎྞཾ ཨུསྶཱརེཏྭཱ ཙཱིཝརཾ སངྒྷརིཏབྦཾ – མཱ མཛ྄ཛྷེ བྷངྒོ ཨཧོསཱིཏི. ཨོབྷོགེ ཀཱཡབནྡྷནཾ ཀཱཏབྦཾ.

‘‘སཙེ པིཎྜཔཱཏོ ཧོཏི, སདྡྷིཝིཧཱརིཀོ ཙ བྷུཉྫིཏུཀཱམོ ཧོཏི, ཨུདཀཾ དཏྭཱ པིཎྜཔཱཏོ ཨུཔནཱམེཏབྦོ. སདྡྷིཝིཧཱརིཀོ པཱནཱིཡེན པུཙྪིཏབྦོ. བྷུཏྟཱཝིསྶ ཨུདཀཾ དཏྭཱ པཏྟཾ པཊིགྒཧེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན དྷོཝིཏྭཱ ཝོདཀཾ ཀཏྭཱ མུཧུཏྟཾ ཨུཎྷེ ཨོཏཱཔེཏབྦོ, ན ཙ ཨུཎྷེ པཏྟོ ནིདཧིཏབྦོ. པཏྟཙཱིཝརཾ ནིཀྑིཔིཏབྦཾ. པཏྟཾ ནིཀྑིཔནྟེན ཨེཀེན ཧཏྠེན པཏྟཾ གཧེཏྭཱ ཨེཀེན ཧཏྠེན ཧེཊྛཱམཉྩཾ ཝཱ ཧེཊྛཱཔཱིཋཾ ཝཱ པརཱམསིཏྭཱ པཏྟོ ནིཀྑིཔིཏབྦོ. ན ཙ ཨནནྟརཧིཏཱཡ བྷཱུམིཡཱ པཏྟོ ནིཀྑིཔིཏབྦོ. ཙཱིཝརཾ ནིཀྑིཔནྟེན ཨེཀེན ཧཏྠེན ཙཱིཝརཾ གཧེཏྭཱ ཨེཀེན ཧཏྠེན ཙཱིཝརཝཾསཾ ཝཱ ཙཱིཝརརཛྫུཾ ཝཱ པམཛྫིཏྭཱ པཱརཏོ ཨནྟཾ ཨོརཏོ བྷོགཾ ཀཏྭཱ ཙཱིཝརཾ ནིཀྑིཔིཏབྦཾ. སདྡྷིཝིཧཱརིཀམྷི ཝུཊྛིཏེ ཨཱསནཾ ཨུདྡྷརིཏབྦཾ, པཱདོདཀཾ པཱདཔཱིཋཾ པཱདཀཐལིཀཾ པཊིསཱམེཏབྦཾ. སཙེ སོ དེསོ ཨུཀླཱཔོ ཧོཏི, སོ དེསོ སམྨཛྫིཏབྦོ.

‘‘སཙེ སདྡྷིཝིཧཱརིཀོ ནཧཱཡིཏུཀཱམོ ཧོཏི, ནཧཱནཾ པཊིཡཱདེཏབྦཾ. སཙེ སཱིཏེན ཨཏྠོ ཧོཏི, སཱིཏཾ པཊིཡཱདེཏབྦཾ. སཙེ ཨུཎྷེན ཨཏྠོ ཧོཏི, ཨུཎྷཾ པཊིཡཱདེཏབྦཾ.

‘‘སཙེ སདྡྷིཝིཧཱརིཀོ ཛནྟཱགྷརཾ པཝིསིཏུཀཱམོ ཧོཏི, ཙུཎྞཾ སནྣེཏབྦཾ, མཏྟིཀཱ ཏེམེཏབྦཱ, ཛནྟཱགྷརཔཱིཋཾ ཨཱདཱཡ གནྟྭཱ ཛནྟཱགྷརཔཱིཋཾ དཏྭཱ ཙཱིཝརཾ པཊིགྒཧེཏྭཱ ཨེཀམནྟཾ ནིཀྑིཔིཏབྦཾ, ཙུཎྞཾ དཱཏབྦཾ, མཏྟིཀཱ དཱཏབྦཱ. སཙེ ཨུསྶཧཏི, ཛནྟཱགྷརཾ པཝིསིཏབྦཾ. ཛནྟཱགྷརཾ པཝིསནྟེན མཏྟིཀཱཡ མུཁཾ མཀྑེཏྭཱ པུརཏོ ཙ པཙྪཏོ ཙ པཊིཙྪཱདེཏྭཱ ཛནྟཱགྷརཾ པཝིསིཏབྦཾ. ན ཐེརེ བྷིཀྑཱུ ཨནུཔཁཛྫ ནིསཱིདིཏབྦཾ. ན ནཝཱ བྷིཀྑཱུ ཨཱསནེན པཊིབཱཧིཏབྦཱ. ཛནྟཱགྷརེ སདྡྷིཝིཧཱརིཀསྶ པརིཀམྨཾ ཀཱཏབྦཾ. ཛནྟཱགྷརཱ ནིཀྑམནྟེན ཛནྟཱགྷརཔཱིཋཾ ཨཱདཱཡ པུརཏོ ཙ པཙྪཏོ ཙ པཊིཙྪཱདེཏྭཱ ཛནྟཱགྷརཱ ནིཀྑམིཏབྦཾ.

‘‘ཨུདཀེཔི སདྡྷིཝིཧཱརིཀསྶ པརིཀམྨཾ ཀཱཏབྦཾ. ནཧཱཏེན པཋམཏརཾ ཨུཏྟརིཏྭཱ ཨཏྟནོ གཏྟཾ ཝོདཀཾ ཀཏྭཱ ནིཝཱསེཏྭཱ སདྡྷིཝིཧཱརིཀསྶ གཏྟཏོ ཨུདཀཾ པམཛྫིཏབྦཾ, ནིཝཱསནཾ དཱཏབྦཾ, སངྒྷཱཊི དཱཏབྦཱ. ཛནྟཱགྷརཔཱིཋཾ ཨཱདཱཡ པཋམཏརཾ ཨཱགནྟྭཱ ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཏབྦཾ. སདྡྷིཝིཧཱརིཀོ པཱནཱིཡེན པུཙྪིཏབྦོ.

‘‘ཡསྨིཾ ཝིཧཱརེ སདྡྷིཝིཧཱརིཀོ ཝིཧརཏི, སཙེ སོ ཝིཧཱརོ ཨུཀླཱཔོ ཧོཏི, སཙེ ཨུསྶཧཏི, སོདྷེཏབྦོ. ཝིཧཱརཾ སོདྷེནྟེན པཋམཾ པཏྟཙཱིཝརཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; ནིསཱིདནཔཙྩཏྠརཎཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; བྷིསིབིབྦོཧནཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; མཉྩོ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ནཱིཧརིཏྭཱ ཨེཀམནྟཾ ནིཀྑིཔིཏབྦོ; པཱིཋཾ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན ཨསངྒྷཊྚེནྟེན ཀཝཱཊཔིཊྛཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; མཉྩཔཊིཔཱདཀཱ ནཱིཧརིཏྭཱ ཨེཀམནྟཾ ནིཀྑིཔིཏབྦཱ; ཁེལ༹མལླཀོ ནཱིཧརིཏྭཱ ཨེཀམནྟཾ ནིཀྑིཔིཏབྦོ; ཨཔསྶེནཕལཀཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; བྷཱུམཏྠརཎཾ ཡཐཱཔཉྙཏྟཾ སལླཀྑེཏྭཱ ནཱིཧརིཏྭཱ ཨེཀམནྟཾ ནིཀྑིཔིཏབྦཾ. སཙེ ཝིཧཱརེ སནྟཱནཀཾ ཧོཏི, ཨུལློཀཱ པཋམཾ ཨོཧཱརེཏབྦཾ, ཨཱལོཀསནྡྷིཀཎྞབྷཱགཱ པམཛྫིཏབྦཱ. སཙེ གེརུཀཔརིཀམྨཀཏཱ བྷིཏྟི ཀཎྞཀིཏཱ ཧོཏི, ཙོལ༹ཀཾ ཏེམེཏྭཱ པཱིལེ༹ཏྭཱ པམཛྫིཏབྦཱ. སཙེ ཀཱལ༹ཝཎྞཀཏཱ བྷཱུམི ཀཎྞཀིཏཱ ཧོཏི, ཙོལ༹ཀཾ ཏེམེཏྭཱ པཱིལེ༹ཏྭཱ པམཛྫིཏབྦཱ. སཙེ ཨཀཏཱ ཧོཏི བྷཱུམི, ཨུདཀེན པརིཔྥོསིཏྭཱ སམྨཛྫིཏབྦཱ – མཱ ཝིཧཱརོ རཛེན ཨུཧཉྙཱིཏི. སངྐཱརཾ ཝིཙིནིཏྭཱ ཨེཀམནྟཾ ཚཌྜེཏབྦཾ.

‘‘བྷཱུམཏྠརཎཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. མཉྩཔཊིཔཱདཀཱ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦཱ. མཉྩོ ཨོཏཱཔེཏྭཱ སོདྷེཏྭཱ པཔྥོཊེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦོ. པཱིཋཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. བྷིསིབིབྦོཧནཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. ནིསཱིདནཔཙྩཏྠརཎཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. ཁེལ༹མལླཀོ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦོ. ཨཔསྶེནཕལཀཾ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦཾ. པཏྟཙཱིཝརཾ ནིཀྑིཔིཏབྦཾ. པཏྟཾ ནིཀྑིཔནྟེན ཨེཀེན ཧཏྠེན པཏྟཾ གཧེཏྭཱ ཨེཀེན ཧཏྠེན ཧེཊྛཱམཉྩཾ ཝཱ ཧེཊྛཱཔཱིཋཾ ཝཱ པརཱམསིཏྭཱ པཏྟོ ནིཀྑིཔིཏབྦོ. ན ཙ ཨནནྟརཧིཏཱཡ བྷཱུམིཡཱ པཏྟོ ནིཀྑིཔིཏབྦོ. ཙཱིཝརཾ ནིཀྑིཔནྟེན ཨེཀེན ཧཏྠེན ཙཱིཝརཾ གཧེཏྭཱ ཨེཀེན ཧཏྠེན ཙཱིཝརཝཾསཾ ཝཱ ཙཱིཝརརཛྫུཾ ཝཱ པམཛྫིཏྭཱ པཱརཏོ ཨནྟཾ ཨོརཏོ བྷོགཾ ཀཏྭཱ ཙཱིཝརཾ ནིཀྑིཔིཏབྦཾ.

‘‘སཙེ པུརཏྠིམཱ སརཛཱ ཝཱཏཱ ཝཱཡནྟི, པུརཏྠིམཱ ཝཱཏཔཱནཱ ཐཀེཏབྦཱ. སཙེ པཙྪིམཱ སརཛཱ ཝཱཏཱ ཝཱཡནྟི, པཙྪིམཱ ཝཱཏཔཱནཱ ཐཀེཏབྦཱ. སཙེ ཨུཏྟརཱ སརཛཱ ཝཱཏཱ ཝཱཡནྟི, ཨུཏྟརཱ ཝཱཏཔཱནཱ ཐཀེཏབྦཱ. སཙེ དཀྑིཎཱ སརཛཱ ཝཱཏཱ ཝཱཡནྟི, དཀྑིཎཱ ཝཱཏཔཱནཱ ཐཀེཏབྦཱ. སཙེ སཱིཏཀཱལོ ཧོཏི, དིཝཱ ཝཱཏཔཱནཱ ཝིཝརིཏབྦཱ, རཏྟིཾ ཐཀེཏབྦཱ. སཙེ ཨུཎྷཀཱལོ ཧོཏི, དིཝཱ ཝཱཏཔཱནཱ ཐཀེཏབྦཱ, རཏྟིཾ ཝིཝརིཏབྦཱ.

‘‘སཙེ པརིཝེཎཾ ཨུཀླཱཔཾ ཧོཏི, པརིཝེཎཾ སམྨཛྫིཏབྦཾ. སཙེ ཀོཊྛཀོ ཨུཀླཱཔོ ཧོཏི, ཀོཊྛཀོ སམྨཛྫིཏབྦོ. སཙེ ཨུཔཊྛཱནསཱལཱ ཨུཀླཱཔཱ ཧོཏི, ཨུཔཊྛཱནསཱལཱ སམྨཛྫིཏབྦཱ. སཙེ ཨགྒིསཱལཱ ཨུཀླཱཔཱ ཧོཏི, ཨགྒིསཱལཱ སམྨཛྫིཏབྦཱ. སཙེ ཝཙྩཀུཊི ཨུཀླཱཔཱ ཧོཏི, ཝཙྩཀུཊི སམྨཛྫིཏབྦཱ. སཙེ པཱནཱིཡཾ ན ཧོཏི, པཱནཱིཡཾ ཨུཔཊྛཱཔེཏབྦཾ. སཙེ པརིབྷོཛནཱིཡཾ ན ཧོཏི, པརིབྷོཛནཱིཡཾ ཨུཔཊྛཱཔེཏབྦཾ. སཙེ ཨཱཙམནཀུམྦྷིཡཱ ཨུདཀཾ ན ཧོཏི, ཨཱཙམནཀུམྦྷིཡཱ ཨུདཀཾ ཨཱསིཉྩིཏབྦཾ.

‘‘སཙེ སདྡྷིཝིཧཱརིཀསྶ ཨནབྷིརཏི ཨུཔྤནྣཱ ཧོཏི, ཨུཔཛ྄ཛྷཱཡེན ཝཱུཔཀཱསེཏབྦོ, ཝཱུཔཀཱསཱཔེཏབྦོ, དྷམྨཀཐཱ ཝཱསྶ ཀཱཏབྦཱ. སཙེ སདྡྷིཝིཧཱརིཀསྶ ཀུཀྐུཙྩཾ ཨུཔྤནྣཾ ཧོཏི, ཨུཔཛ྄ཛྷཱཡེན ཝིནོདེཏབྦཾ, ཝིནོདཱཔེཏབྦཾ, དྷམྨཀཐཱ ཝཱསྶ ཀཱཏབྦཱ. སཙེ སདྡྷིཝིཧཱརིཀསྶ དིཊྛིགཏཾ ཨུཔྤནྣཾ ཧོཏི, ཨུཔཛ྄ཛྷཱཡེན ཝིཝེཙེཏབྦཾ, ཝིཝེཙཱཔེཏབྦཾ, དྷམྨཀཐཱ ཝཱསྶ ཀཱཏབྦཱ. སཙེ སདྡྷིཝིཧཱརིཀོ གརུདྷམྨཾ ཨཛ྄ཛྷཱཔནྣོ ཧོཏི པརིཝཱསཱརཧོ, ཨུཔཛ྄ཛྷཱཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ སདྡྷིཝིཧཱརིཀསྶ པརིཝཱསཾ དདེཡྻཱཏི. སཙེ སདྡྷིཝིཧཱརིཀོ མཱུལཱཡ པཊིཀསྶནཱརཧོ ཧོཏི, ཨུཔཛ྄ཛྷཱཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ སདྡྷིཝིཧཱརིཀཾ མཱུལཱཡ པཊིཀསྶེཡྻཱཏི. སཙེ སདྡྷིཝིཧཱརིཀོ མཱནཏྟཱརཧོ ཧོཏི, ཨུཔཛ྄ཛྷཱཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ སདྡྷིཝིཧཱརིཀསྶ མཱནཏྟཾ དདེཡྻཱཏི. སཙེ སདྡྷིཝིཧཱརིཀོ ཨབྦྷཱནཱརཧོ ཧོཏི, ཨུཔཛ྄ཛྷཱཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ སདྡྷིཝིཧཱརིཀཾ ཨབྦྷེཡྻཱཏི. སཙེ སངྒྷོ སདྡྷིཝིཧཱརིཀསྶ ཀམྨཾ ཀཏྟུཀཱམོ ཧོཏི, ཏཛྫནཱིཡཾ ཝཱ ནིཡསྶཾ ཝཱ པབྦཱཛནཱིཡཾ ཝཱ པཊིསཱརཎཱིཡཾ ཝཱ ཨུཀྑེཔནཱིཡཾ ཝཱ, ཨུཔཛ྄ཛྷཱཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ སདྡྷིཝིཧཱརིཀསྶ ཀམྨཾ ན ཀརེཡྻ, ལཧུཀཱཡ ཝཱ པརིཎཱམེཡྻཱཏི. ཀཏཾ ཝཱ པནསྶ ཧོཏི སངྒྷེན ཀམྨཾ, ཏཛྫནཱིཡཾ ཝཱ ནིཡསྶཾ ཝཱ པབྦཱཛནཱིཡཾ ཝཱ པཊིསཱརཎཱིཡཾ ཝཱ ཨུཀྑེཔནཱིཡཾ ཝཱ, ཨུཔཛ྄ཛྷཱཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སདྡྷིཝིཧཱརིཀོ སམྨཱ ཝཏྟེཡྻ, ལོམཾ པཱཏེཡྻ, ནེཏྠཱརཾ ཝཏྟེཡྻ, སངྒྷོ ཏཾ ཀམྨཾ པཊིཔྤསྶམྦྷེཡྻཱཏི.

‘‘སཙེ སདྡྷིཝིཧཱརིཀསྶ ཙཱིཝརཾ དྷོཝིཏབྦཾ ཧོཏི, ཨུཔཛ྄ཛྷཱཡེན ཨཱཙིཀྑིཏབྦཾ ཨེཝཾ དྷོཝེཡྻཱསཱིཏི, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ སདྡྷིཝིཧཱརིཀསྶ ཙཱིཝརཾ དྷོཝིཡེཐཱཏི. སཙེ སདྡྷིཝིཧཱརིཀསྶ ཙཱིཝརཾ ཀཱཏབྦཾ ཧོཏི, ཨུཔཛ྄ཛྷཱཡེན ཨཱཙིཀྑིཏབྦཾ ཨེཝཾ ཀརེཡྻཱསཱིཏི, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ སདྡྷིཝིཧཱརིཀསྶ ཙཱིཝརཾ ཀརིཡེཐཱཏི. སཙེ སདྡྷིཝིཧཱརིཀསྶ རཛནཾ པཙིཏབྦཾ ཧོཏི, ཨུཔཛ྄ཛྷཱཡེན ཨཱཙིཀྑིཏབྦཾ ཨེཝཾ པཙེཡྻཱསཱིཏི, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ སདྡྷིཝིཧཱརིཀསྶ རཛནཾ པཙིཡེཐཱཏི. སཙེ སདྡྷིཝིཧཱརིཀསྶ ཙཱིཝརཾ རཛིཏབྦཾ ཧོཏི, ཨུཔཛ྄ཛྷཱཡེན ཨཱཙིཀྑིཏབྦཾ, ཨེཝཾ རཛེཡྻཱསཱིཏི, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ སདྡྷིཝིཧཱརིཀསྶ ཙཱིཝརཾ རཛིཡེཐཱཏི. ཙཱིཝརཾ རཛནྟེན སཱདྷུཀཾ སམྤརིཝཏྟཀཾ སམྤརིཝཏྟཀཾ རཛིཏབྦཾ. ན ཙ ཨཙྪིནྣེ ཐེཝེ པཀྐམིཏབྦཾ. སཙེ སདྡྷིཝིཧཱརིཀོ གིལཱནོ ཧོཏི, ཡཱཝཛཱིཝཾ ཨུཔཊྛཱཏབྦོ, ཝུཊྛཱནམསྶ ཨཱགམེཏབྦ’’ནྟི.

སདྡྷིཝིཧཱརིཀཝཏྟཾ ནིཊྛིཏཾ.

༡༧. པཎཱམིཏཀཐཱ

༦༨. ཏེན ཁོ པན སམཡེན སདྡྷིཝིཧཱརིཀཱ ཨུཔཛ྄ཛྷཱཡེསུ ན སམྨཱ ཝཏྟནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སདྡྷིཝིཧཱརིཀཱ ཨུཔཛ྄ཛྷཱཡེསུ ན སམྨཱ ཝཏྟིསྶནྟཱི’’ཏི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ཀིར, བྷིཀྑཝེ, སདྡྷིཝིཧཱརིཀཱ ཨུཔཛ྄ཛྷཱཡེསུ ན སམྨཱ ཝཏྟནྟཱིཏི? སཙྩཾ བྷགཝཱཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ, བྷིཀྑཝེ, སདྡྷིཝིཧཱརིཀཱ ཨུཔཛ྄ཛྷཱཡེསུ ན སམྨཱ ཝཏྟིསྶནྟཱིཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, སདྡྷིཝིཧཱརིཀེན ཨུཔཛ྄ཛྷཱཡམྷི ན སམྨཱ ཝཏྟིཏབྦཾ. ཡོ ན སམྨཱ ཝཏྟེཡྻ, ཨཱཔཏྟི དུཀྐཊསྶཱ’’ཏི. ནེཝ སམྨཱ ཝཏྟནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨསམྨཱཝཏྟནྟཾ པཎཱམེཏུཾ. ཨེཝཉྩ པན, བྷིཀྑཝེ, པཎཱམེཏབྦོ – ‘‘པཎཱམེམི ཏ’’ནྟི ཝཱ, ‘‘མཱཡིདྷ པཊིཀྐམཱི’’ཏི ཝཱ, ‘‘ནཱིཧར ཏེ པཏྟཙཱིཝར’’ནྟི ཝཱ, ‘‘ནཱཧཾ ཏཡཱ ཨུཔཊྛཱཏབྦོ’’ཏི ཝཱ, ཀཱཡེན ཝིཉྙཱཔེཏི, ཝཱཙཱཡ ཝིཉྙཱཔེཏི, ཀཱཡེན ཝཱཙཱཡ ཝིཉྙཱཔེཏི, པཎཱམིཏོ ཧོཏི སདྡྷིཝིཧཱརིཀོ; ན ཀཱཡེན ཝིཉྙཱཔེཏི, ན ཝཱཙཱཡ ཝིཉྙཱཔེཏི, ན ཀཱཡེན ཝཱཙཱཡ ཝིཉྙཱཔེཏི, ན པཎཱམིཏོ ཧོཏི སདྡྷིཝིཧཱརིཀོཏི.

ཏེན ཁོ པན སམཡེན སདྡྷིཝིཧཱརིཀཱ པཎཱམིཏཱ ན ཁམཱཔེནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཁམཱཔེཏུནྟི. ནེཝ ཁམཱཔེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, པཎཱམིཏེན ན ཁམཱཔེཏབྦོ. ཡོ ན ཁམཱཔེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན ཨུཔཛ྄ཛྷཱཡཱ ཁམཱཔིཡམཱནཱ ན ཁམནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཁམིཏུནྟི. ནེཝ ཁམནྟི. སདྡྷིཝིཧཱརིཀཱ པཀྐམནྟིཔི ཝིབྦྷམནྟིཔི ཏིཏྠིཡེསུཔི སངྐམནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཁམཱཔིཡམཱནེན ན ཁམིཏབྦཾ. ཡོ ན ཁམེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན ཨུཔཛ྄ཛྷཱཡཱ སམྨཱཝཏྟནྟཾ པཎཱམེནྟི, ཨསམྨཱཝཏྟནྟཾ ན པཎཱམེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སམྨཱཝཏྟནྟོ པཎཱམེཏབྦོ. ཡོ པཎཱམེཡྻ, ཨཱཔཏྟི དུཀྐཊསྶ. ན ཙ, བྷིཀྑཝེ, ཨསམྨཱཝཏྟནྟོ ན པཎཱམེཏབྦོ. ཡོ ན པཎཱམེཡྻ, ཨཱཔཏྟི དུཀྐཊསྶཱཏི.

‘‘པཉྩཧི, བྷིཀྑཝེ, ཨངྒེཧི སམནྣཱགཏོ སདྡྷིཝིཧཱརིཀོ པཎཱམེཏབྦོ. ཨུཔཛ྄ཛྷཱཡམྷི ནཱདྷིམཏྟཾ པེམཾ ཧོཏི, ནཱདྷིམཏྟོ པསཱདོ ཧོཏི, ནཱདྷིམཏྟཱ ཧིརཱི ཧོཏི, ནཱདྷིམཏྟོ གཱརཝོ ཧོཏི, ནཱདྷིམཏྟཱ བྷཱཝནཱ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏོ སདྡྷིཝིཧཱརིཀོ པཎཱམེཏབྦོ.

‘‘པཉྩཧི, བྷིཀྑཝེ, ཨངྒེཧི སམནྣཱགཏོ སདྡྷིཝིཧཱརིཀོ ན པཎཱམེཏབྦོ. ཨུཔཛ྄ཛྷཱཡམྷི ཨདྷིམཏྟཾ པེམཾ ཧོཏི, ཨདྷིམཏྟོ པསཱདོ ཧོཏི, ཨདྷིམཏྟཱ ཧིརཱི ཧོཏི, ཨདྷིམཏྟོ གཱརཝོ ཧོཏི, ཨདྷིམཏྟཱ བྷཱཝནཱ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏོ སདྡྷིཝིཧཱརིཀོ ན པཎཱམེཏབྦོ.

‘‘པཉྩཧི, བྷིཀྑཝེ, ཨངྒེཧི སམནྣཱགཏོ སདྡྷིཝིཧཱརིཀོ ཨལཾ པཎཱམེཏུཾ. ཨུཔཛ྄ཛྷཱཡམྷི ནཱདྷིམཏྟཾ པེམཾ ཧོཏི, ནཱདྷིམཏྟོ པསཱདོ ཧོཏི, ནཱདྷིམཏྟཱ ཧིརཱི ཧོཏི, ནཱདྷིམཏྟཱ གཱརཝོ ཧོཏི, ནཱདྷིམཏྟཱ བྷཱཝནཱ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏོ སདྡྷིཝིཧཱརིཀོ ཨལཾ པཎཱམེཏུཾ.

‘‘པཉྩཧི, བྷིཀྑཝེ, ཨངྒེཧི སམནྣཱགཏོ སདྡྷིཝིཧཱརིཀོ ནཱལཾ པཎཱམེཏུཾ. ཨུཔཛ྄ཛྷཱཡམྷི ཨདྷིམཏྟཾ པེམཾ ཧོཏི, ཨདྷིམཏྟོ པསཱདོ ཧོཏི, ཨདྷིམཏྟཱ ཧིརཱི ཧོཏི, ཨདྷིམཏྟོ གཱརཝོ ཧོཏི, ཨདྷིམཏྟཱ བྷཱཝནཱ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏོ སདྡྷིཝིཧཱརིཀོ ནཱལཾ པཎཱམེཏུཾ.

‘‘པཉྩཧི, བྷིཀྑཝེ, ཨངྒེཧི སམནྣཱགཏཾ སདྡྷིཝིཧཱརིཀཾ ཨཔྤཎཱམེནྟོ ཨུཔཛ྄ཛྷཱཡོ སཱཏིསཱརོ ཧོཏི, པཎཱམེནྟོ ཨནཏིསཱརོ ཧོཏི. ཨུཔཛ྄ཛྷཱཡམྷི ནཱདྷིམཏྟཾ པེམཾ ཧོཏི, ནཱདྷིམཏྟོ པསཱདོ ཧོཏི, ནཱདྷིམཏྟཱ ཧིརཱི ཧོཏི, ནཱདྷིམཏྟོ གཱརཝོ ཧོཏི, ནཱདྷིམཏྟཱ བྷཱཝནཱ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏཾ སདྡྷིཝིཧཱརིཀཾ ཨཔྤཎཱམེནྟོ ཨུཔཛ྄ཛྷཱཡོ སཱཏིསཱརོ ཧོཏི, པཎཱམེནྟོ ཨནཏིསཱརོ ཧོཏི.

‘‘པཉྩཧི, བྷིཀྑཝེ, ཨངྒེཧི སམནྣཱགཏཾ སདྡྷིཝིཧཱརིཀཾ པཎཱམེནྟོ ཨུཔཛ྄ཛྷཱཡོ སཱཏིསཱརོ ཧོཏི, ཨཔྤཎཱམེནྟོ ཨནཏིསཱརོ ཧོཏི. ཨུཔཛ྄ཛྷཱཡམྷི ཨདྷིམཏྟཾ པེམཾ ཧོཏི, ཨདྷིམཏྟོ པསཱདོ ཧོཏི, ཨདྷིམཏྟཱ ཧིརཱི ཧོཏི, ཨདྷིམཏྟོ གཱརཝོ ཧོཏི, ཨདྷིམཏྟཱ བྷཱཝནཱ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏཾ སདྡྷིཝིཧཱརིཀཾ པཎཱམེནྟོ ཨུཔཛ྄ཛྷཱཡོ སཱཏིསཱརོ ཧོཏི, ཨཔྤཎཱམེནྟོ ཨནཏིསཱརོ ཧོཏཱི’’ཏི.

༦༩. ཏེན ཁོ པན སམཡེན ཨཉྙཏརོ བྲཱཧྨཎོ བྷིཀྑཱུ ཨུཔསངྐམིཏྭཱ པབྦཛྫཾ ཡཱཙི. ཏཾ བྷིཀྑཱུ ན ཨིཙྪིཾསུ པབྦཱཛེཏུཾ. སོ བྷིཀྑཱུསུ པབྦཛྫཾ ཨལབྷམཱནོ ཀིསོ ཨཧོསི ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ. ཨདྡསཱ ཁོ བྷགཝཱ ཏཾ བྲཱཧྨཎཾ ཀིསཾ ལཱུཁཾ དུབྦཎྞཾ ཨུཔྤཎྜུཔྤཎྜུཀཛཱཏཾ དྷམནིསནྠཏགཏྟཾ, དིསྭཱན བྷིཀྑཱུ ཨཱམནྟེསི – ‘‘ཀིཾ ནུ ཁོ སོ, བྷིཀྑཝེ, བྲཱཧྨཎོ ཀིསོ ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ’’ཏི? ཨེསོ, བྷནྟེ, བྲཱཧྨཎོ བྷིཀྑཱུ ཨུཔསངྐམིཏྭཱ པབྦཛྫཾ ཡཱཙི. ཏཾ བྷིཀྑཱུ ན ཨིཙྪིཾསུ པབྦཱཛེཏུཾ. སོ བྷིཀྑཱུསུ པབྦཛྫཾ ཨལབྷམཱནོ ཀིསོ ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོཏི. ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘ཀོ ནུ ཁོ, བྷིཀྑཝེ, ཏསྶ བྲཱཧྨཎསྶ ཨདྷིཀཱརཾ སརསཱི’’ཏི? ཨེཝཾ ཝུཏྟེ ཨཱཡསྨཱ སཱརིཔུཏྟོ བྷགཝནྟཾ ཨེཏདཝོཙ – ‘‘ཨཧཾ ཁོ, བྷནྟེ, ཏསྶ བྲཱཧྨཎསྶ ཨདྷིཀཱརཾ སརཱམཱི’’ཏི. ‘‘ཀིཾ པན ཏྭཾ, སཱརིཔུཏྟ, ཏསྶ བྲཱཧྨཎསྶ ཨདྷིཀཱརཾ སརསཱི’’ཏི? ‘‘ཨིདྷ མེ, བྷནྟེ, སོ བྲཱཧྨཎོ རཱཛགཧེ པིཎྜཱཡ ཙརནྟསྶ ཀཊཙྪུབྷིཀྑཾ དཱཔེསི. ཨིམཾ ཁོ ཨཧཾ, བྷནྟེ, ཏསྶ བྲཱཧྨཎསྶ ཨདྷིཀཱརཾ སརཱམཱི’’ཏི. ‘‘སཱདྷུ སཱདྷུ, སཱརིཔུཏྟ, ཀཏཉྙུནོ ཧི, སཱརིཔུཏྟ, སཔྤུརིསཱ ཀཏཝེདིནོ. ཏེན ཧི ཏྭཾ, སཱརིཔུཏྟ, ཏཾ བྲཱཧྨཎཾ པབྦཱཛེཧི ཨུཔསམྤཱདེཧཱི’’ཏི. ‘‘ཀཐཱཧཾ, བྷནྟེ, ཏཾ བྲཱཧྨཎཾ པབྦཱཛེམི ཨུཔསམྤཱདེམཱི’’ཏི? ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ཡཱ སཱ, བྷིཀྑཝེ, མཡཱ ཏཱིཧི སརཎགམནེཧི ཨུཔསམྤདཱ ཨནུཉྙཱཏཱ, ཏཾ ཨཛྫཏགྒེ པཊིཀྑིཔཱམི. ཨནུཛཱནཱམི, བྷིཀྑཝེ, ཉཏྟིཙཏུཏྠེན ཀམྨེན ཨུཔསམྤཱདེཏུཾ [ཨུཔསམྤདཾ (སཱི. སྱཱ.)]. ཨེཝཉྩ པན, བྷིཀྑཝེ, ཨུཔསམྤཱདེཏབྦོ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༧༠. ‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ ཨིཏྠནྣཱམསྶ ཨཱཡསྨཏོ ཨུཔསམྤདཱཔེཀྑོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ ཨུཔསམྤཱདེཡྻ ཨིཏྠནྣཱམེན ཨུཔཛ྄ཛྷཱཡེན. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ ཨིཏྠནྣཱམསྶ ཨཱཡསྨཏོ ཨུཔསམྤདཱཔེཀྑོ. སངྒྷོ ཨིཏྠནྣཱམཾ ཨུཔསམྤཱདེཏི ཨིཏྠནྣཱམེན ཨུཔཛ྄ཛྷཱཡེན. ཡསྶཱཡསྨཏོ ཁམཏི ཨིཏྠནྣཱམསྶ ཨུཔསམྤདཱ ཨིཏྠནྣཱམེན ཨུཔཛ྄ཛྷཱཡེན, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ ཨིཏྠནྣཱམསྶ ཨཱཡསྨཏོ ཨུཔསམྤདཱཔེཀྑོ. སངྒྷོ ཨིཏྠནྣཱམཾ ཨུཔསམྤཱདེཏི ཨིཏྠནྣཱམེན ཨུཔཛ྄ཛྷཱཡེན. ཡསྶཱཡསྨཏོ ཁམཏི ཨིཏྠནྣཱམསྶ ཨུཔསམྤདཱ ཨིཏྠནྣཱམེན ཨུཔཛ྄ཛྷཱཡེན, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ ཨིཏྠནྣཱམསྶ ཨཱཡསྨཏོ ཨུཔསམྤདཱཔེཀྑོ. སངྒྷོ ཨིཏྠནྣཱམཾ ཨུཔསམྤཱདེཏི ཨིཏྠནྣཱམེན ཨུཔཛ྄ཛྷཱཡེན. ཡསྶཱཡསྨཏོ ཁམཏི ཨིཏྠནྣཱམསྶ ཨུཔསམྤདཱ ཨིཏྠནྣཱམེན ཨུཔཛ྄ཛྷཱཡེན, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཨུཔསམྤནྣོ སངྒྷེན ཨིཏྠནྣཱམོ ཨིཏྠནྣཱམེན ཨུཔཛ྄ཛྷཱཡེན. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༧༡. ཏེན ཁོ པན སམཡེན ཨཉྙཏརོ བྷིཀྑུ ཨུཔསམྤནྣསམནནྟརཱ ཨནཱཙཱརཾ ཨཱཙརཏི. བྷིཀྑཱུ ཨེཝམཱཧཾསུ – ‘‘མཱཝུསོ, ཨེཝརཱུཔཾ ཨཀཱསི, ནེཏཾ ཀཔྤཏཱི’’ཏི. སོ ཨེཝམཱཧ – ‘‘ནེཝཱཧཾ ཨཱཡསྨནྟེ ཡཱཙིཾ ཨུཔསམྤཱདེཐ མནྟི. ཀིསྶ མཾ ཏུམྷེ ཨཡཱཙིཏཱ ཨུཔསམྤཱདིཏྠཱ’’ཏི? བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨཡཱཙིཏེན ཨུཔསམྤཱདེཏབྦོ. ཡོ ཨུཔསམྤཱདེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཡཱཙིཏེན ཨུཔསམྤཱདེཏུཾ. ཨེཝཉྩ པན, བྷིཀྑཝེ, ཡཱཙིཏབྦོ. ཏེན ཨུཔསམྤདཱཔེཀྑེན སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘སངྒྷཾ, བྷནྟེ, ཨུཔསམྤདཾ ཡཱཙཱམི, ཨུལླུམྤཏུ མཾ, བྷནྟེ, སངྒྷོ ཨནུཀམྤཾ ཨུཔཱདཱཡཱ’’ཏི. དུཏིཡམྤི ཡཱཙིཏབྦོ. ཏཏིཡམྤི ཡཱཙིཏབྦོ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༧༢. ‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ ཨིཏྠནྣཱམསྶ ཨཱཡསྨཏོ ཨུཔསམྤདཱཔེཀྑོ. ཨིཏྠནྣཱམོ སངྒྷཾ ཨུཔསམྤདཾ ཡཱཙཏི ཨིཏྠནྣཱམེན ཨུཔཛ྄ཛྷཱཡེན. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ ཨུཔསམྤཱདེཡྻ ཨིཏྠནྣཱམེན ཨུཔཛ྄ཛྷཱཡེན. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ ཨིཏྠནྣཱམསྶ ཨཱཡསྨཏོ ཨུཔསམྤདཱཔེཀྑོ. ཨིཏྠནྣཱམོ སངྒྷཾ ཨུཔསམྤདཾ ཡཱཙཏི ཨིཏྠནྣཱམེན ཨུཔཛ྄ཛྷཱཡེན. སངྒྷོ ཨིཏྠནྣཱམཾ ཨུཔསམྤཱདེཏི ཨིཏྠནྣཱམེན ཨུཔཛ྄ཛྷཱཡེན. ཡསྶཱཡསྨཏོ ཁམཏི ཨིཏྠནྣཱམསྶ ཨུཔསམྤདཱ ཨིཏྠནྣཱམེན ཨུཔཛ྄ཛྷཱཡེན, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘ཨུཔསམྤནྣོ སངྒྷེན ཨིཏྠནྣཱམོ ཨིཏྠནྣཱམེན ཨུཔཛ྄ཛྷཱཡེན. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༧༣. ཏེན ཁོ པན སམཡེན རཱཛགཧེ པཎཱིཏཱནཾ བྷཏྟཱནཾ བྷཏྟཔཊིཔཱཊི ཨཊྛིཏཱ [ཨདྷིཊྛིཏཱ (ཀ.)] ཧོཏི. ཨཐ ཁོ ཨཉྙཏརསྶ བྲཱཧྨཎསྶ ཨེཏདཧོསི – ‘‘ཨིམེ ཁོ སམཎཱ སཀྱཔུཏྟིཡཱ སུཁསཱིལཱ སུཁསམཱཙཱརཱ, སུབྷོཛནཱནི བྷུཉྫིཏྭཱ ནིཝཱཏེསུ སཡནེསུ སཡནྟི. ཡཾནཱུནཱཧཾ སམཎེསུ སཀྱཔུཏྟིཡེསུ པབྦཛེཡྻ’’ནྟི. ཨཐ ཁོ སོ བྲཱཧྨཎོ བྷིཀྑཱུ ཨུཔསངྐམིཏྭཱ པབྦཛྫཾ ཡཱཙི. ཏཾ བྷིཀྑཱུ པབྦཱཛེསུཾ ཨུཔསམྤཱདེསུཾ. ཏསྨིཾ པབྦཛིཏེ བྷཏྟཔཊིཔཱཊི ཁཱིཡིཏྠ. བྷིཀྑཱུ ཨེཝམཱཧཾསུ – ‘‘ཨེཧི དཱནི, ཨཱཝུསོ, པིཎྜཱཡ ཙརིསྶཱམཱ’’ཏི. སོ ཨེཝམཱཧ – ‘‘ནཱཧཾ, ཨཱཝུསོ, ཨེཏཾཀཱརཎཱ པབྦཛིཏོ པིཎྜཱཡ ཙརིསྶཱམཱིཏི. སཙེ མེ དསྶཐ བྷུཉྫིསྶཱམི, ནོ ཙེ མེ དསྶཐ ཝིབྦྷམིསྶཱམཱི’’ཏི. ‘‘ཀིཾ པན ཏྭཾ, ཨཱཝུསོ, ཨུདརསྶ ཀཱརཎཱ པབྦཛིཏོ’’ཏི? ‘‘ཨེཝམཱཝུསོ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ཀཐཉྷི ནཱམ བྷིཀྑུ ཨེཝཾ སྭཱཀྑཱཏེ དྷམྨཝིནཡེ ཨུདརསྶ ཀཱརཎཱ པབྦཛིསྶཏཱིཏི. ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ཀིར ཏྭཾ, བྷིཀྑུ, ཨུདརསྶ ཀཱརཎཱ པབྦཛིཏོཏི? སཙྩཾ བྷགཝཱཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ཏྭཾ, མོགྷཔུརིས, ཨེཝཾ སྭཱཀྑཱཏེ དྷམྨཝིནཡེ ཨུདརསྶ ཀཱརཎཱ པབྦཛིསྶསི. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ པསནྣཱནཾ ཝཱ བྷིཡྻོབྷཱཝཱཡ’’…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཨུཔསམྤཱདེནྟེན ཙཏྟཱརོ ནིསྶཡེ ཨཱཙིཀྑིཏུཾ – པིཎྜིཡཱལོཔབྷོཛནཾ ནིསྶཱཡ པབྦཛྫཱ, ཏཏྠ ཏེ ཡཱཝཛཱིཝཾ ཨུསྶཱཧོ ཀརཎཱིཡོ; ཨཏིརེཀལཱབྷོ – སངྒྷབྷཏྟཾ, ཨུདྡེསབྷཏྟཾ, ནིམནྟནཾ, སལཱཀབྷཏྟཾ, པཀྑིཀཾ, ཨུཔོསཐིཀཾ, པཱཊིཔདིཀཾ. པཾསུཀཱུལཙཱིཝརཾ ནིསྶཱཡ པབྦཛྫཱ, ཏཏྠ ཏེ ཡཱཝཛཱིཝཾ ཨུསྶཱཧོ ཀརཎཱིཡོ; ཨཏིརེཀལཱབྷོ – ཁོམཾ, ཀཔྤཱསིཀཾ, ཀོསེཡྻཾ, ཀམྦལཾ, སཱཎཾ, བྷངྒཾ. རུཀྑམཱུལསེནཱསནཾ ནིསྶཱཡ པབྦཛྫཱ, ཏཏྠ ཏེ ཡཱཝཛཱིཝཾ ཨུསྶཱཧོ ཀརཎཱིཡོ; ཨཏིརེཀལཱབྷོ – ཝིཧཱརོ, ཨཌྜྷཡོགོ, པཱསཱདོ, ཧམྨིཡཾ, གུཧཱ. པཱུཏིམུཏྟབྷེསཛྫཾ ནིསྶཱཡ པབྦཛྫཱ, ཏཏྠ ཏེ ཡཱཝཛཱིཝཾ ཨུསྶཱཧོ ཀརཎཱིཡོ; ཨཏིརེཀལཱབྷོ – སཔྤི, ནཝནཱིཏཾ, ཏེལཾ, མདྷུ, ཕཱཎིཏ’’ནྟི.

པཎཱམིཏཀཐཱ ནིཊྛིཏཱ.

ཨུཔཛ྄ཛྷཱཡཝཏྟབྷཱཎཝཱརོ ནིཊྛིཏོ པཉྩམོ.

པཉྩམབྷཱཎཝཱརོ

༡༨. ཨཱཙརིཡཝཏྟཀཐཱ

༧༤. ཏེན ཁོ པན སམཡེན ཨཉྙཏརོ མཱཎཝཀོ བྷིཀྑཱུ ཨུཔསངྐམིཏྭཱ པབྦཛྫཾ ཡཱཙི. ཏསྶ བྷིཀྑཱུ པཊིཀཙྩེཝ ནིསྶཡེ ཨཱཙིཀྑིཾསུ. སོ ཨེཝམཱཧ – ‘‘སཙེ མེ, བྷནྟེ, པབྦཛིཏེ ནིསྶཡེ ཨཱཙིཀྑེཡྻཱཐ, ཨབྷིརམེཡྻཱམཧཾ [ཨབྷིརམེཡྻཉྩཱཧཾ (སཱི.), ཨབྷིརམེཡྻཾ སྭཱཧཾ (ཀ.)]. ན དཱནཱཧཾ, བྷནྟེ, པབྦཛིསྶཱམི; ཛེགུཙྪཱ མེ ནིསྶཡཱ པཊིཀཱུལཱ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, པཊིཀཙྩེཝ ནིསྶཡཱ ཨཱཙིཀྑིཏབྦཱ. ཡོ ཨཱཙིཀྑེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨུཔསམྤནྣསམནནྟརཱ ནིསྶཡེ ཨཱཙིཀྑིཏུནྟི.

ཏེན ཁོ པན སམཡེན བྷིཀྑཱུ དུཝགྒེནཔི ཏིཝགྒེནཔི གཎེན ཨུཔསམྤཱདེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨཱུནདསཝགྒེན གཎེན ཨུཔསམྤཱདེཏབྦོ. ཡོ ཨུཔསམྤཱདེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, དསཝགྒེན ཝཱ ཨཏིརེཀདསཝགྒེན ཝཱ གཎེན ཨུཔསམྤཱདེཏུནྟི.

༧༥. ཏེན ཁོ པན སམཡེན བྷིཀྑཱུ ཨེཀཝསྶཱཔི དུཝསྶཱཔི སདྡྷིཝིཧཱརིཀཾ ཨུཔསམྤཱདེནྟི. ཨཱཡསྨཱཔི ཨུཔསེནོ ཝངྒནྟཔུཏྟོ ཨེཀཝསྶོ སདྡྷིཝིཧཱརིཀཾ ཨུཔསམྤཱདེསི. སོ ཝསྶཾཝུཊྛོ དུཝསྶོ ཨེཀཝསྶཾ སདྡྷིཝིཧཱརིཀཾ ཨཱདཱཡ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨཱཙིཎྞཾ ཁོ པནེཏཾ བུདྡྷཱནཾ བྷགཝནྟཱནཾ ཨཱགནྟུཀེཧི བྷིཀྑཱུཧི སདྡྷིཾ པཊིསམྨོདིཏུཾ. ཨཐ ཁོ བྷགཝཱ ཨཱཡསྨནྟཾ ཨུཔསེནཾ ཝངྒནྟཔུཏྟཾ ཨེཏདཝོཙ – ‘‘ཀཙྩི, བྷིཀྑུ, ཁམནཱིཡཾ, ཀཙྩི ཡཱཔནཱིཡཾ, ཀཙྩི ཏྭཾ ཨཔྤཀིལམཐེན ཨདྡྷཱནཾ ཨཱགཏོ’’ཏི? ‘‘ཁམནཱིཡཾ, བྷགཝཱ, ཡཱཔནཱིཡཾ, བྷགཝཱ. ཨཔྤཀིལམཐེན མཡཾ, བྷནྟེ, ཨདྡྷཱནཾ ཨཱགཏཱ’’ཏི. ཛཱནནྟཱཔི ཏཐཱགཏཱ པུཙྪནྟི, ཛཱནནྟཱཔི ན པུཙྪནྟི, ཀཱལཾ ཝིདིཏྭཱ པུཙྪནྟི, ཀཱལཾ ཝིདིཏྭཱ ན པུཙྪནྟི; ཨཏྠསཾཧིཏཾ ཏཐཱགཏཱ པུཙྪནྟི; ནོ ཨནཏྠསཾཧིཏཾ. ཨནཏྠསཾཧིཏེ སེཏུགྷཱཏོ ཏཐཱགཏཱནཾ. དྭཱིཧི ཨཱཀཱརེཧི བུདྡྷཱ བྷགཝནྟོ བྷིཀྑཱུ པཊིཔུཙྪནྟི – དྷམྨཾ ཝཱ དེསེསྶཱམ, སཱཝཀཱནཾ ཝཱ སིཀྑཱཔདཾ པཉྙཔེསྶཱམཱཏི. ཨཐ ཁོ བྷགཝཱ ཨཱཡསྨནྟཾ ཨུཔསེནཾ ཝངྒནྟཔུཏྟཾ ཨེཏདཝོཙ – ‘‘ཀཏིཝསྶོསི ཏྭཾ, བྷིཀྑཱུ’’ཏི? ‘‘དུཝསྶོཧཾ, བྷགཝཱ’’ཏི. ‘‘ཨཡཾ པན བྷིཀྑུ ཀཏིཝསྶོ’’ཏི? ‘‘ཨེཀཝསྶོ, བྷགཝཱ’’ཏི. ‘‘ཀིཾ ཏཱཡཾ བྷིཀྑུ ཧོཏཱི’’ཏི? ‘‘སདྡྷིཝིཧཱརིཀོ མེ, བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིས, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏྭཾ, མོགྷཔུརིས, ཨཉྙེཧི ཨོཝདིཡོ ཨནུསཱསིཡོ ཨཉྙཾ ཨོཝདིཏུཾ ཨནུསཱསིཏུཾ མཉྙིསྶསི. ཨཏིལཧུཾ ཁོ ཏྭཾ, མོགྷཔུརིས, བཱཧུལླཱཡ ཨཱཝཏྟོ, ཡདིདཾ གཎབནྡྷིཀཾ. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ པསནྣཱནཾ ཝཱ བྷིཡྻོབྷཱཝཱཡ’’…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཨཱུནདསཝསྶེན ཨུཔསམྤཱདེཏབྦོ. ཡོ ཨུཔསམྤཱདེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, དསཝསྶེན ཝཱ ཨཏིརེཀདསཝསྶེན ཝཱ ཨུཔསམྤཱདེཏུ’’ནྟི.

༧༦. ཏེན ཁོ པན སམཡེན བྷིཀྑཱུ – དསཝསྶམྷཱ དསཝསྶམྷཱཏི – བཱལཱ ཨབྱཏྟཱ ཨུཔསམྤཱདེནྟི. དིསྶནྟི ཨུཔཛ྄ཛྷཱཡཱ བཱལཱ, སདྡྷིཝིཧཱརིཀཱ པཎྜིཏཱ. དིསྶནྟི ཨུཔཛ྄ཛྷཱཡཱ ཨབྱཏྟཱ, སདྡྷིཝིཧཱརིཀཱ བྱཏྟཱ. དིསྶནྟི ཨུཔཛ྄ཛྷཱཡཱ ཨཔྤསྶུཏཱ, སདྡྷིཝིཧཱརིཀཱ བཧུསྶུཏཱ. དིསྶནྟི ཨུཔཛ྄ཛྷཱཡཱ དུཔྤཉྙཱ, སདྡྷིཝིཧཱརིཀཱ པཉྙཝནྟོ. ཨཉྙཏརོཔི ཨཉྙཏིཏྠིཡཔུབྦོ ཨུཔཛ྄ཛྷཱཡེན སཧདྷམྨིཀཾ ཝུཙྩམཱནོ ཨུཔཛ྄ཛྷཱཡསྶ ཝཱདཾ ཨཱརོཔེཏྭཱ ཏཾཡེཝ ཏིཏྠཱཡཏནཾ སངྐམི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ཀཐཉྷི ནཱམ བྷིཀྑཱུ – དསཝསྶམྷཱ དསཝསྶམྷཱཏི – བཱལཱ ཨབྱཏྟཱ ཨུཔསམྤཱདེསྶནྟི. དིསྶནྟི ཨུཔཛ྄ཛྷཱཡཱ བཱལཱ སདྡྷིཝིཧཱརིཀཱ པཎྜིཏཱ, དིསྶནྟི ཨུཔཛ྄ཛྷཱཡཱ ཨབྱཏྟཱ སདྡྷིཝིཧཱརིཀཱ བྱཏྟཱ, དིསྶནྟི ཨུཔཛ྄ཛྷཱཡཱ ཨཔྤསྶུཏཱ སདྡྷིཝིཧཱརིཀཱ བཧུསྶུཏཱ, དིསྶནྟི ཨུཔཛ྄ཛྷཱཡཱ དུཔྤཉྙཱ, སདྡྷིཝིཧཱརིཀཱ པཉྙཝནྟོཏི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘སཙྩཾ ཀིར, བྷིཀྑཝེ, བྷིཀྑཱུ – དསཝསྶམྷཱ དསཝསྶམྷཱཏི – བཱལཱ ཨབྱཏྟཱ ཨུཔསམྤཱདེནྟི. དིསྶནྟི ཨུཔཛ྄ཛྷཱཡཱ བཱལཱ, སདྡྷིཝིཧཱརིཀཱ པཎྜིཏཱ, དིསྶནྟི ཨུཔཛ྄ཛྷཱཡཱ ཨབྱཏྟཱ སདྡྷིཝིཧཱརིཀཱ བྱཏྟཱ, དིསྶནྟི ཨུཔཛ྄ཛྷཱཡཱ ཨཔྤསྶུཏཱ, སདྡྷིཝིཧཱརིཀཱ བཧུསྶུཏཱ, དིསྶནྟི ཨུཔཛ྄ཛྷཱཡཱ དུཔྤཉྙཱ, སདྡྷིཝིཧཱརིཀཱ པཉྙཝནྟོ’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ – དསཝསྶམྷཱ དསཝསྶམྷཱཏི – བཱལཱ ཨབྱཏྟཱ ཨུཔསམྤཱདེསྶནྟི. དིསྶནྟི ཨུཔཛ྄ཛྷཱཡཱ བཱལཱ, སདྡྷིཝིཧཱརིཀཱ པཎྜིཏཱ, དིསྶནྟི ཨུཔཛ྄ཛྷཱཡཱ ཨབྱཏྟཱ སདྡྷིཝིཧཱརིཀཱ བྱཏྟཱ, དིསྶནྟི ཨུཔཛ྄ཛྷཱཡཱ ཨཔྤསྶུཏཱ, སདྡྷིཝིཧཱརིཀཱ བཧུསྶུཏཱ, དིསྶནྟི ཨུཔཛ྄ཛྷཱཡཱ དུཔྤཉྙཱ, སདྡྷིཝིཧཱརིཀཱ པཉྙཝནྟོ. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, བཱལེན ཨབྱཏྟེན ཨུཔསམྤཱདེཏབྦོ. ཡོ ཨུཔསམྤཱདེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, བྱཏྟེན བྷིཀྑུནཱ པཊིབལེན དསཝསྶེན ཝཱ ཨཏིརེཀདསཝསྶེན ཝཱ ཨུཔསམྤཱདེཏུ’’ནྟི.

༧༧. ཏེན ཁོ པན སམཡེན བྷིཀྑཱུ ཨུཔཛ྄ཛྷཱཡེསུ པཀྐནྟེསུཔི ཝིབྦྷནྟེསུཔི ཀཱལངྐཏེསུཔི པཀྑསངྐནྟེསུཔི ཨནཱཙརིཡཀཱ ཨནོཝདིཡམཱནཱ ཨནནུསཱསིཡམཱནཱ དུནྣིཝཏྠཱ དུཔྤཱརུཏཱ ཨནཱཀཔྤསམྤནྣཱ པིཎྜཱཡ ཙརནྟི, མནུསྶཱནཾ བྷུཉྫམཱནཱནཾ ཨུཔརིབྷོཛནེཔི ཨུཏྟིཊྛཔཏྟཾ ཨུཔནཱམེནྟི, ཨུཔརིཁཱདནཱིཡེཔི – ཨུཔརིསཱཡནཱིཡེཔི – ཨུཔརིཔཱནཱིཡེཔི ཨུཏྟིཊྛཔཏྟཾ ཨུཔནཱམེནྟི; སཱམཾ སཱུཔམྤི ཨོདནམྤི ཝིཉྙཱཔེཏྭཱ བྷུཉྫནྟི; བྷཏྟགྒེཔི ཨུཙྩཱསདྡཱ མཧཱསདྡཱ ཝིཧརནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ དུནྣིཝཏྠཱ དུཔྤཱརུཏཱ ཨནཱཀཔྤསམྤནྣཱ པིཎྜཱཡ ཙརིསྶནྟི; མནུསྶཱནཾ བྷུཉྫམཱནཱནཾ ཨུཔརིབྷོཛནེཔི ཨུཏྟིཊྛཔཏྟཾ ཨུཔནཱམེསྶནྟི, ཨུཔརིཁཱདནཱིཡེཔི – ཨུཔརིསཱཡནཱིཡེཔི – ཨུཔརིཔཱནཱིཡེཔི ཨུཏྟིཊྛཔཏྟཾ ཨུཔནཱམེསྶནྟི; སཱམཾ སཱུཔམྤི ཨོདནམྤི ཝིཉྙཱཔེཏྭཱ བྷུཉྫིསྶནྟི; བྷཏྟགྒེཔི ཨུཙྩཱསདྡཱ མཧཱསདྡཱ ཝིཧརིསྶནྟི, སེཡྻཐཱཔི བྲཱཧྨཎཱ བྲཱཧྨཎབྷོཛནེ’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ …པེ… ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. སཙྩཾ ཀིར, བྷིཀྑཝེ…པེ… སཙྩཾ, བྷགཝཱཏི…པེ… ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

‘‘ཨནུཛཱནཱམི, བྷིཀྑཝེ, ཨཱཙརིཡཾ. ཨཱཙརིཡོ, བྷིཀྑཝེ, ཨནྟེཝཱསིཀམྷི པུཏྟཙིཏྟཾ ཨུཔཊྛཱཔེསྶཏི, ཨནྟེཝཱསིཀོ ཨཱཙརིཡམྷི པིཏུཙིཏྟཾ ཨུཔཊྛཱཔེསྶཏི. ཨེཝཾ ཏེ ཨཉྙམཉྙཾ སགཱརཝཱ སཔྤཏིསྶཱ སབྷཱགཝུཏྟིནོ ཝིཧརནྟཱ ཨིམསྨིཾ དྷམྨཝིནཡེ ཝུདྡྷིཾ ཝིརུལ༹ྷིཾ ཝེཔུལླཾ ཨཱཔཛྫིསྶནྟི. ཨནུཛཱནཱམི, བྷིཀྑཝེ, དསཝསྶཾ ནིསྶཱཡ ཝཏྠུཾ, དསཝསྶེན ནིསྶཡཾ དཱཏུཾ. ཨེཝཉྩ པན, བྷིཀྑཝེ, ཨཱཙརིཡོ གཧེཏབྦོ. ཨེཀཾསཾ ཨུཏྟརཱསངྒཾ ཀརིཏྭཱ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘ཨཱཙརིཡོ མེ, བྷནྟེ, ཧོཧི, ཨཱཡསྨཏོ ནིསྶཱཡ ཝཙྪཱམི; ཨཱཙརིཡོ མེ, བྷནྟེ, ཧོཧི, ཨཱཡསྨཏོ ནིསྶཱཡ ཝཙྪཱམི; ཨཱཙརིཡོ མེ, བྷནྟེ, ཧོཧི, ཨཱཡསྨཏོ ནིསྶཱཡ ཝཙྪཱམཱི’ཏི. ‘སཱཧཱུཏི’ ཝཱ ‘ལཧཱུཏི’ ཝཱ ‘ཨོཔཱཡིཀ’ནྟི ཝཱ ‘པཏིརཱུཔ’ནྟི ཝཱ ‘པཱསཱདིཀེན སམྤཱདེཧཱི’ཏི ཝཱ ཀཱཡེན ཝིཉྙཱཔེཏི, ཝཱཙཱཡ ཝིཉྙཱཔེཏི, ཀཱཡེན ཝཱཙཱཡ ཝིཉྙཱཔེཏི, གཧིཏོ ཧོཏི ཨཱཙརིཡོ; ན ཀཱཡེན ཝིཉྙཱཔེཏི, ན ཝཱཙཱཡ ཝིཉྙཱཔེཏི, ན ཀཱཡེན ཝཱཙཱཡ ཝིཉྙཱཔེཏི, ན གཧིཏོ ཧོཏི ཨཱཙརིཡོ.

༧༨. [ཙཱུལ༹ཝ. ༣༨༠ ཨཱདཡོ] ‘‘ཨནྟེཝཱསིཀེན, བྷིཀྑཝེ, ཨཱཙརིཡམྷི སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ –

‘‘ཀཱལསྶེཝ ཨུཊྛཱཡ ཨུཔཱཧནཾ ཨོམུཉྩིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ དནྟཀཊྛཾ དཱཏབྦཾ, མུཁོདཀཾ དཱཏབྦཾ, ཨཱསནཾ པཉྙཔེཏབྦཾ. སཙེ ཡཱགུ ཧོཏི, བྷཱཛནཾ དྷོཝིཏྭཱ ཡཱགུ ཨུཔནཱམེཏབྦཱ. ཡཱགུཾ པཱིཏསྶ ཨུདཀཾ དཏྭཱ བྷཱཛནཾ པཊིགྒཧེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན དྷོཝིཏྭཱ པཊིསཱམེཏབྦཾ. ཨཱཙརིཡམྷི ཝུཊྛིཏེ ཨཱསནཾ ཨུདྡྷརིཏབྦཾ. སཙེ སོ དེསོ ཨུཀླཱཔོ ཧོཏི, སོ དེསོ སམྨཛྫིཏབྦོ.

‘‘སཙེ ཨཱཙརིཡོ གཱམཾ པཝིསིཏུཀཱམོ ཧོཏི, ནིཝཱསནཾ དཱཏབྦཾ, པཊིནིཝཱསནཾ པཊིགྒཧེཏབྦཾ, ཀཱཡབནྡྷནཾ དཱཏབྦཾ, སགུཎཾ ཀཏྭཱ སངྒྷཱཊིཡོ དཱཏབྦཱ, དྷོཝིཏྭཱ པཏྟོ སོདཀོ དཱཏབྦོ. སཙེ ཨཱཙརིཡོ པཙྪཱསམཎཾ ཨཱཀངྑཏི, ཏིམཎྜལཾ པཊིཙྪཱདེནྟེན པརིམཎྜལཾ ནིཝཱསེཏྭཱ ཀཱཡབནྡྷནཾ བནྡྷིཏྭཱ སགུཎཾ ཀཏྭཱ སངྒྷཱཊིཡོ པཱརུཔིཏྭཱ གཎྛིཀཾ པཊིམུཉྩིཏྭཱ དྷོཝིཏྭཱ པཏྟཾ གཧེཏྭཱ ཨཱཙརིཡསྶ པཙྪཱསམཎེན ཧོཏབྦཾ. ནཱཏིདཱུརེ གནྟབྦཾ, ནཱཙྩཱསནྣེ གནྟབྦཾ, པཏྟཔརིཡཱཔནྣཾ པཊིགྒཧེཏབྦཾ. ན ཨཱཙརིཡསྶ བྷཎམཱནསྶ ཨནྟརནྟརཱ ཀཐཱ ཨོཔཱཏེཏབྦཱ. ཨཱཙརིཡོ ཨཱཔཏྟིསཱམནྟཱ བྷཎམཱནོ ནིཝཱརེཏབྦོ.

‘‘ནིཝཏྟནྟེན པཋམཏརཾ ཨཱགནྟྭཱ ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཏབྦཾ, པཙྩུགྒནྟྭཱ པཏྟཙཱིཝརཾ པཊིགྒཧེཏབྦཾ, པཊིནིཝཱསནཾ དཱཏབྦཾ, ནིཝཱསནཾ པཊིགྒཧེཏབྦཾ. སཙེ ཙཱིཝརཾ སིནྣཾ ཧོཏི, མུཧུཏྟཾ ཨུཎྷེ ཨོཏཱཔེཏབྦཾ, ན ཙ ཨུཎྷེ ཙཱིཝརཾ ནིདཧིཏབྦཾ. ཙཱིཝརཾ སངྒྷརིཏབྦཾ. ཙཱིཝརཾ སངྒྷརནྟེན ཙཏུརངྒུལཾ ཀཎྞཾ ཨུསྶཱརེཏྭཱ ཙཱིཝརཾ སངྒྷརིཏབྦཾ – མཱ མཛ྄ཛྷེ བྷངྒོ ཨཧོསཱིཏི. ཨོབྷོགེ ཀཱཡབནྡྷནཾ ཀཱཏབྦཾ.

‘‘སཙེ པིཎྜཔཱཏོ ཧོཏི, ཨཱཙརིཡོ ཙ བྷུཉྫིཏུཀཱམོ ཧོཏི, ཨུདཀཾ དཏྭཱ པིཎྜཔཱཏོ ཨུཔནཱམེཏབྦོ. ཨཱཙརིཡོ པཱནཱིཡེན པུཙྪིཏབྦོ. བྷུཏྟཱཝིསྶ ཨུདཀཾ དཏྭཱ པཏྟཾ པཊིགྒཧེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན དྷོཝིཏྭཱ ཝོདཀཾ ཀཏྭཱ མུཧུཏྟཾ ཨུཎྷེ ཨོཏཱཔེཏབྦོ, ན ཙ ཨུཎྷེ པཏྟོ ནིདཧིཏབྦོ. པཏྟཙཱིཝརཾ ནིཀྑིཔིཏབྦཾ. པཏྟཾ ནིཀྑིཔནྟེན ཨེཀེན ཧཏྠེན པཏྟཾ གཧེཏྭཱ ཨེཀེན ཧཏྠེན ཧེཊྛཱམཉྩཾ ཝཱ ཧེཊྛཱཔཱིཋཾ ཝཱ པརཱམསིཏྭཱ པཏྟོ ནིཀྑིཔིཏབྦོ. ན ཙ ཨནནྟརཧིཏཱཡ བྷཱུམིཡཱ པཏྟོ ནིཀྑིཔིཏབྦོ. ཙཱིཝརཾ ནིཀྑིཔནྟེན ཨེཀེན ཧཏྠེན ཙཱིཝརཾ གཧེཏྭཱ ཨེཀེན ཧཏྠེན ཙཱིཝརཝཾསཾ ཝཱ ཙཱིཝརརཛྫུཾ ཝཱ པམཛྫིཏྭཱ པཱརཏོ ཨནྟཾ ཨོརཏོ བྷོགཾ ཀཏྭཱ ཙཱིཝརཾ ནིཀྑིཔིཏབྦཾ. ཨཱཙརིཡམྷི ཝུཊྛིཏེ ཨཱསནཾ ཨུདྡྷརིཏབྦཾ, པཱདོདཀཾ པཱདཔཱིཋཾ པཱདཀཐལིཀཾ པཊིསཱམེཏབྦཾ. སཙེ སོ དེསོ ཨུཀླཱཔོ ཧོཏི, སོ དེསོ སམྨཛྫིཏབྦོ.

‘‘སཙེ ཨཱཙརིཡོ ནཧཱཡིཏུཀཱམོ ཧོཏི, ནཧཱནཾ པཊིཡཱདེཏབྦཾ. སཙེ སཱིཏེན ཨཏྠོ ཧོཏི, སཱིཏཾ པཊིཡཱདེཏབྦཾ. སཙེ ཨུཎྷེན ཨཏྠོ ཧོཏི, ཨུཎྷཾ པཊིཡཱདེཏབྦཾ.

‘‘སཙེ ཨཱཙརིཡོ ཛནྟཱགྷརཾ པཝིསིཏུཀཱམོ ཧོཏི, ཙུཎྞཾ སནྣེཏབྦཾ, མཏྟིཀཱ ཏེམེཏབྦཱ, ཛནྟཱགྷརཔཱིཋཾ ཨཱདཱཡ ཨཱཙརིཡསྶ པིཊྛིཏོ པིཊྛིཏོ གནྟྭཱ ཛནྟཱགྷརཔཱིཋཾ དཏྭཱ ཙཱིཝརཾ པཊིགྒཧེཏྭཱ ཨེཀམནྟཾ ནིཀྑིཔིཏབྦཾ, ཙུཎྞཾ དཱཏབྦཾ, མཏྟིཀཱ དཱཏབྦཱ. སཙེ ཨུསྶཧཏི, ཛནྟཱགྷརཾ པཝིསིཏབྦཾ. ཛནྟཱགྷརཾ པཝིསནྟེན མཏྟིཀཱཡ མུཁཾ མཀྑེཏྭཱ པུརཏོ ཙ པཙྪཏོ ཙ པཊིཙྪཱདེཏྭཱ ཛནྟཱགྷརཾ པཝིསིཏབྦཾ. ན ཐེརེ བྷིཀྑཱུ ཨནུཔཁཛྫ ནིསཱིདིཏབྦཾ. ན ནཝཱ བྷིཀྑཱུ ཨཱསནེན པཊིབཱཧིཏབྦཱ. ཛནྟཱགྷརེ ཨཱཙརིཡསྶ པརིཀམྨཾ ཀཱཏབྦཾ. ཛནྟཱགྷརཱ ནིཀྑམནྟེན ཛནྟཱགྷརཔཱིཋཾ ཨཱདཱཡ པུརཏོ ཙ པཙྪཏོ ཙ པཊིཙྪཱདེཏྭཱ ཛནྟཱགྷརཱ ནིཀྑམིཏབྦཾ.

‘‘ཨུདཀེཔི ཨཱཙརིཡསྶ པརིཀམྨཾ ཀཱཏབྦཾ. ནཧཱཏེན པཋམཏརཾ ཨུཏྟརིཏྭཱ ཨཏྟནོ གཏྟཾ ཝོདཀཾ ཀཏྭཱ ནིཝཱསེཏྭཱ ཨཱཙརིཡསྶ གཏྟཏོ ཨུདཀཾ པམཛྫིཏབྦཾ, ནིཝཱསནཾ དཱཏབྦཾ, སངྒྷཱཊི དཱཏབྦཱ, ཛནྟཱགྷརཔཱིཋཾ ཨཱདཱཡ པཋམཏརཾ ཨཱགནྟྭཱ ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཏབྦཾ. ཨཱཙརིཡོ པཱནཱིཡེན པུཙྪིཏབྦོ. སཙེ ཨུདྡིསཱཔེཏུཀཱམོ ཧོཏི, ཨུདྡིསཱཔེཏབྦོ. སཙེ པརིཔུཙྪིཏུཀཱམོ ཧོཏི, པརིཔུཙྪིཏབྦོ.

‘‘ཡསྨིཾ ཝིཧཱརེ ཨཱཙརིཡོ ཝིཧརཏི, སཙེ སོ ཝིཧཱརོ ཨུཀླཱཔོ ཧོཏི, སཙེ ཨུསྶཧཏི, སོདྷེཏབྦོ. ཝིཧཱརཾ སོདྷེནྟེན པཋམཾ པཏྟཙཱིཝརཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; ནིསཱིདནཔཙྩཏྠརཎཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; བྷིསིབིབྦོཧནཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; མཉྩོ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ནཱིཧརིཏྭཱ ཨེཀམནྟཾ ནིཀྑིཔིཏབྦོ; པཱིཋཾ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ནཱིཧརིཏྭཱ ཨེཀམནྟཾ ནིཀྑིཔིཏབྦཾ; མཉྩཔཊིཔཱདཀཱ ནཱིཧརིཏྭཱ ཨེཀམནྟཾ ནིཀྑིཔིཏབྦཱ; ཁེལ༹མལླཀོ ནཱིཧརིཏྭཱ ཨེཀམནྟཾ ནིཀྑིཔིཏབྦོ; ཨཔསྶེནཕལཀཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; བྷཱུམཏྠརཎཾ ཡཐཱཔཉྙཏྟཾ སལླཀྑེཏྭཱ ནཱིཧརིཏྭཱ ཨེཀམནྟཾ ནིཀྑིཔིཏབྦཾ. སཙེ ཝིཧཱརེ སནྟཱནཀཾ ཧོཏི, ཨུལློཀཱ པཋམཾ ཨོཧཱརེཏབྦཾ, ཨཱལོཀསནྡྷིཀཎྞབྷཱགཱ པམཛྫིཏབྦཱ. སཙེ གེརུཀཔརིཀམྨཀཏཱ བྷིཏྟི ཀཎྞཀིཏཱ ཧོཏི, ཙོལ༹ཀཾ ཏེམེཏྭཱ པཱིལེ༹ཏྭཱ པམཛྫིཏབྦཱ. སཙེ ཀཱལ༹ཝཎྞཀཏཱ བྷཱུམི ཀཎྞཀིཏཱ ཧོཏི, ཙོལ༹ཀཾ ཏེམེཏྭཱ པཱིལེ༹ཏྭཱ པམཛྫིཏབྦཱ. སཙེ ཨཀཏཱ ཧོཏི བྷཱུམི, ཨུདཀེན པརིཔྥོསིཏྭཱ སམྨཛྫིཏབྦཱ – མཱ ཝིཧཱརོ རཛེན ཨུཧཉྙཱིཏི. སངྐཱརཾ ཝིཙིནིཏྭཱ ཨེཀམནྟཾ ཚཌྜེཏབྦཾ.

‘‘བྷཱུམཏྠརཎཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. མཉྩཔཊིཔཱདཀཱ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦཱ. མཉྩོ ཨོཏཱཔེཏྭཱ སོདྷེཏྭཱ པཔྥོཊེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦོ. པཱིཋཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. བྷིསིབིབྦོཧནཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. ནིསཱིདནཔཙྩཏྠརཎཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. ཁེལ༹མལླཀོ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦོ. ཨཔསྶེནཕལཀཾ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦཾ. པཏྟཙཱིཝརཾ ནིཀྑིཔིཏབྦཾ. པཏྟཾ ནིཀྑིཔནྟེན ཨེཀེན ཧཏྠེན པཏྟཾ གཧེཏྭཱ ཨེཀེན ཧཏྠེན ཧེཊྛཱམཉྩཾ ཝཱ ཧེཊྛཱཔཱིཋཾ ཝཱ པརཱམསིཏྭཱ པཏྟོ ནིཀྑིཔིཏབྦོ. ན ཙ ཨནནྟརཧིཏཱཡ བྷཱུམིཡཱ པཏྟོ ནིཀྑིཔིཏབྦོ. ཙཱིཝརཾ ནིཀྑིཔནྟེན ཨེཀེན ཧཏྠེན ཙཱིཝརཾ གཧེཏྭཱ ཨེཀེན ཧཏྠེན ཙཱིཝརཝཾསཾ ཝཱ ཙཱིཝརརཛྫུཾ ཝཱ པམཛྫིཏྭཱ པཱརཏོ ཨནྟཾ ཨོརཏོ བྷོགཾ ཀཏྭཱ ཙཱིཝརཾ ནིཀྑིཔིཏབྦཾ.

‘‘སཙེ པུརཏྠིམཱ སརཛཱ ཝཱཏཱ ཝཱཡནྟི, པུརཏྠིམཱ ཝཱཏཔཱནཱ ཐཀེཏབྦཱ. སཙེ པཙྪིམཱ སརཛཱ ཝཱཏཱ ཝཱཡནྟི, པཙྪིམཱ ཝཱཏཔཱནཱ ཐཀེཏབྦཱ. སཙེ ཨུཏྟརཱ སརཛཱ ཝཱཏཱ ཝཱཡནྟི, ཨུཏྟརཱ ཝཱཏཔཱནཱ ཐཀེཏབྦཱ. སཙེ དཀྑིཎཱ སརཛཱ ཝཱཏཱ ཝཱཡནྟི, དཀྑིཎཱ ཝཱཏཔཱནཱ ཐཀེཏབྦཱ. སཙེ སཱིཏཀཱལོ ཧོཏི, དིཝཱ ཝཱཏཔཱནཱ ཝིཝརིཏབྦཱ, རཏྟིཾ ཐཀེཏབྦཱ. སཙེ ཨུཎྷཀཱལོ ཧོཏི, དིཝཱ ཝཱཏཔཱནཱ ཐཀེཏབྦཱ, རཏྟིཾ ཝིཝརིཏབྦཱ.

‘‘སཙེ པརིཝེཎཾ ཨུཀླཱཔཾ ཧོཏི, པརིཝེཎཾ སམྨཛྫིཏབྦཾ. སཙེ ཀོཊྛཀོ ཨུཀླཱཔོ ཧོཏི, ཀོཊྛཀོ སམྨཛྫིཏབྦོ. སཙེ ཨུཔཊྛཱནསཱལཱ ཨུཀླཱཔཱ ཧོཏི, ཨུཔཊྛཱནསཱལཱ སམྨཛྫིཏབྦཱ. སཙེ ཨགྒིསཱལཱ ཨུཀླཱཔཱ ཧོཏི, ཨགྒིསཱལཱ སམྨཛྫིཏབྦཱ. སཙེ ཝཙྩཀུཊི ཨུཀླཱཔཱ ཧོཏི, ཝཙྩཀུཊི སམྨཛྫིཏབྦཱ. སཙེ པཱནཱིཡཾ ན ཧོཏི, པཱནཱིཡཾ ཨུཔཊྛཱཔེཏབྦཾ. སཙེ པརིབྷོཛནཱིཡཾ ན ཧོཏི, པརིབྷོཛནཱིཡཾ ཨུཔཊྛཱཔེཏབྦཾ. སཙེ ཨཱཙམནཀུམྦྷིཡཾ ཨུདཀཾ ན ཧོཏི, ཨཱཙམནཀུམྦྷིཡཱ ཨུདཀཾ ཨཱསིཉྩིཏབྦཾ.

‘‘སཙེ ཨཱཙརིཡསྶ ཨནབྷིརཏི ཨུཔྤནྣཱ ཧོཏི, ཨནྟེཝཱསིཀེན ཝཱུཔཀཱསེཏབྦོ, ཝཱུཔཀཱསཱཔེཏབྦོ, དྷམྨཀཐཱ ཝཱསྶ ཀཱཏབྦཱ. སཙེ ཨཱཙརིཡསྶ ཀུཀྐུཙྩཾ ཨུཔྤནྣཾ ཧོཏི, ཨནྟེཝཱསིཀེན ཝིནོདེཏབྦཾ, ཝིནོདཱཔེཏབྦཾ, དྷམྨཀཐཱ ཝཱསྶ ཀཱཏབྦཱ. སཙེ ཨཱཙརིཡསྶ དིཊྛིགཏཾ ཨུཔྤནྣཾ ཧོཏི, ཨནྟེཝཱསིཀེན ཝིཝེཙེཏབྦཾ, ཝིཝེཙཱཔེཏབྦཾ, དྷམྨཀཐཱ ཝཱསྶ ཀཱཏབྦཱ. སཙེ ཨཱཙརིཡོ གརུདྷམྨཾ ཨཛ྄ཛྷཱཔནྣོ ཧོཏི པརིཝཱསཱརཧོ, ཨནྟེཝཱསིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨཱཙརིཡསྶ པརིཝཱསཾ དདེཡྻཱཏི. སཙེ ཨཱཙརིཡོ མཱུལཱཡ པཊིཀསྶནཱརཧོ ཧོཏི, ཨནྟེཝཱསིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨཱཙརིཡཾ མཱུལཱཡ པཊིཀསྶེཡྻཱཏི. སཙེ ཨཱཙརིཡོ མཱནཏྟཱརཧོ ཧོཏི, ཨནྟེཝཱསིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨཱཙརིཡསྶ མཱནཏྟཾ དདེཡྻཱཏི. སཙེ ཨཱཙརིཡོ ཨབྦྷཱནཱརཧོ ཧོཏི, ཨནྟེཝཱསིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨཱཙརིཡཾ ཨབྦྷེཡྻཱཏི. སཙེ སངྒྷོ ཨཱཙརིཡསྶ ཀམྨཾ ཀཏྟུཀཱམོ ཧོཏི, ཏཛྫནཱིཡཾ ཝཱ ནིཡསྶཾ ཝཱ པབྦཱཛནཱིཡཾ ཝཱ པཊིསཱརཎཱིཡཾ ཝཱ ཨུཀྑེཔནཱིཡཾ ཝཱ, ཨནྟེཝཱསིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨཱཙརིཡསྶ ཀམྨཾ ན ཀརེཡྻ, ལཧུཀཱཡ ཝཱ པརིཎཱམེཡྻཱཏི. ཀཏཾ ཝཱ པནསྶ ཧོཏི སངྒྷེན ཀམྨཾ, ཏཛྫནཱིཡཾ ཝཱ ནིཡསྶཾ ཝཱ པབྦཱཛནཱིཡཾ ཝཱ པཊིསཱརཎཱིཡཾ ཝཱ ཨུཀྑེཔནཱིཡཾ ཝཱ, ཨནྟེཝཱསིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ ཨཱཙརིཡོ སམྨཱ ཝཏྟེཡྻ, ལོམཾ པཱཏེཡྻ, ནེཏྠཱརཾ ཝཏྟེཡྻ, སངྒྷོ ཏཾ ཀམྨཾ པཊིཔྤསྶམྦྷེཡྻཱཏི.

‘‘སཙེ ཨཱཙརིཡསྶ ཙཱིཝརཾ དྷོཝིཏབྦཾ ཧོཏི, ཨནྟེཝཱསིཀེན དྷོཝིཏབྦཾ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨཱཙརིཡསྶ ཙཱིཝརཾ དྷོཝིཡེཐཱཏི. སཙེ ཨཱཙརིཡསྶ ཙཱིཝརཾ ཀཱཏབྦཾ ཧོཏི, ཨནྟེཝཱསིཀེན ཀཱཏབྦཾ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨཱཙརིཡསྶ ཙཱིཝརཾ ཀརིཡེཐཱཏི. སཙེ ཨཱཙརིཡསྶ རཛནཾ པཙིཏབྦཾ ཧོཏི, ཨནྟེཝཱསིཀེན པཙིཏབྦཾ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨཱཙརིཡསྶ རཛནཾ པཙིཡེཐཱཏི. སཙེ ཨཱཙརིཡསྶ ཙཱིཝརཾ རཛིཏབྦཾ ཧོཏི, ཨནྟེཝཱསིཀེན རཛིཏབྦཾ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨཱཙརིཡསྶ ཙཱིཝརཾ རཛིཡེཐཱཏི. ཙཱིཝརཾ རཛནྟེན སཱདྷུཀཾ སམྤརིཝཏྟཀཾ སམྤརིཝཏྟཀཾ རཛིཏབྦཾ, ན ཙ ཨཙྪིནྣེ ཐེཝེ པཀྐམིཏབྦཾ.

‘‘ན ཨཱཙརིཡཾ ཨནཱཔུཙྪཱ ཨེཀཙྩསྶ པཏྟོ དཱཏབྦོ, ན ཨེཀཙྩསྶ པཏྟོ པཊིགྒཧེཏབྦོ; ན ཨེཀཙྩསྶ ཙཱིཝརཾ དཱཏབྦཾ; ན ཨེཀཙྩསྶ ཙཱིཝརཾ པཊིགྒཧེཏབྦཾ; ན ཨེཀཙྩསྶ པརིཀྑཱརོ དཱཏབྦོ; ན ཨེཀཙྩསྶ པརིཀྑཱརོ པཊིགྒཧེཏབྦོ; ན ཨེཀཙྩསྶ ཀེསཱ ཚེདེཏབྦཱ; ན ཨེཀཙྩེན ཀེསཱ ཚེདཱཔེཏབྦཱ; ན ཨེཀཙྩསྶ པརིཀམྨཾ ཀཱཏབྦཾ; ན ཨེཀཙྩེན པརིཀམྨཾ ཀཱརཱཔེཏབྦཾ; ན ཨེཀཙྩསྶ ཝེཡྻཱཝཙྩོ ཀཱཏབྦོ; ན ཨེཀཙྩེན ཝེཡྻཱཝཙྩོ ཀཱརཱཔེཏབྦོ; ན ཨེཀཙྩསྶ པཙྪཱསམཎེན ཧོཏབྦཾ; ན ཨེཀཙྩོ པཙྪཱསམཎོ ཨཱདཱཏབྦོ; ན ཨེཀཙྩསྶ པིཎྜཔཱཏོ ནཱིཧརིཏབྦོ; ན ཨེཀཙྩེན པིཎྜཔཱཏོ ནཱིཧརཱཔེཏབྦོ. ན ཨཱཙརིཡཾ ཨནཱཔུཙྪཱ གཱམོ པཝིསིཏབྦོ, ན སུསཱནཾ གནྟབྦཾ, ན དིསཱ པཀྐམིཏབྦཱ. སཙེ ཨཱཙརིཡོ གིལཱནོ ཧོཏི, ཡཱཝཛཱིཝཾ ཨུཔཊྛཱཏབྦོ, ཝུཊྛཱནམསྶ ཨཱགམེཏབྦ’’ནྟི.

ཨཱཙརིཡཝཏྟཾ ནིཊྛིཏཾ.

༡༩. ཨནྟེཝཱསིཀཝཏྟཀཐཱ

༧༩. [ཙཱུལ༹ཝ. ༣༨༡-༣༨༢] ‘‘ཨཱཙརིཡེན, བྷིཀྑཝེ, ཨནྟེཝཱསིཀམྷི སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ –

‘‘ཨཱཙརིཡེན, བྷིཀྑཝེ, ཨནྟེཝཱསིཀོ སངྒཧེཏབྦོ ཨནུགྒཧེཏབྦོ ཨུདྡེསེན པརིཔུཙྪཱཡ ཨོཝཱདེན ཨནུསཱསནིཡཱ. སཙེ ཨཱཙརིཡསྶ པཏྟོ ཧོཏི, ཨནྟེཝཱསིཀསྶ པཏྟོ ན ཧོཏི, ཨཱཙརིཡེན ཨནྟེཝཱསིཀསྶ པཏྟོ དཱཏབྦོ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨནྟེཝཱསིཀསྶ པཏྟོ ཨུཔྤཛྫིཡེཐཱཏི. སཙེ ཨཱཙརིཡསྶ ཙཱིཝརཾ ཧོཏི, ཨནྟེཝཱསིཀསྶ ཙཱིཝརཾ ན ཧོཏི, ཨཱཙརིཡེན ཨནྟེཝཱསིཀསྶ ཙཱིཝརཾ དཱཏབྦཾ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨནྟེཝཱསིཀསྶ ཙཱིཝརཾ ཨུཔྤཛྫིཡེཐཱཏི. སཙེ ཨཱཙརིཡསྶ པརིཀྑཱརོ ཧོཏི, ཨནྟེཝཱསིཀསྶ པརིཀྑཱརོ ན ཧོཏི, ཨཱཙརིཡེན ཨནྟེཝཱསིཀསྶ པརིཀྑཱརོ དཱཏབྦོ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨནྟེཝཱསིཀསྶ པརིཀྑཱརོ ཨུཔྤཛྫིཡེཐཱཏི.

‘‘སཙེ ཨནྟེཝཱསིཀོ གིལཱནོ ཧོཏི, ཀཱལསྶེཝ ཨུཊྛཱཡ དནྟཀཊྛཾ དཱཏབྦཾ, མུཁོདཀཾ དཱཏབྦཾ, ཨཱསནཾ པཉྙཔེཏབྦཾ. སཙེ ཡཱགུ ཧོཏི, བྷཱཛནཾ དྷོཝིཏྭཱ ཡཱགུ ཨུཔནཱམེཏབྦཱ. ཡཱགུཾ པཱིཏསྶ ཨུདཀཾ དཏྭཱ བྷཱཛནཾ པཊིགྒཧེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན དྷོཝིཏྭཱ པཊིསཱམེཏབྦཾ. ཨནྟེཝཱསིཀམྷི ཝུཊྛིཏེ ཨཱསནཾ ཨུདྡྷརིཏབྦཾ. སཙེ སོ དེསོ ཨུཀླཱཔོ ཧོཏི, སོ དེསོ སམྨཛྫིཏབྦོ.

‘‘སཙེ ཨནྟེཝཱསིཀོ གཱམཾ པཝིསིཏུཀཱམོ ཧོཏི, ནིཝཱསནཾ དཱཏབྦཾ, པཊིནིཝཱསནཾ པཊིགྒཧེཏབྦཾ, ཀཱཡབནྡྷནཾ དཱཏབྦཾ, སགུཎཾ ཀཏྭཱ སངྒྷཱཊིཡོ དཱཏབྦཱ, དྷོཝིཏྭཱ པཏྟོ སོདཀོ དཱཏབྦོ.

‘‘ཨེཏྟཱཝཏཱ ནིཝཏྟིསྶཏཱིཏི ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཏབྦཾ, པཙྩུགྒནྟྭཱ པཏྟཙཱིཝརཾ པཊིགྒཧེཏབྦཾ, པཊིནིཝཱསནཾ དཱཏབྦཾ, ནིཝཱསནཾ པཊིགྒཧེཏབྦཾ. སཙེ ཙཱིཝརཾ སིནྣཾ ཧོཏི, མུཧུཏྟཾ ཨུཎྷེ ཨོཏཱཔེཏབྦཾ, ན ཙ ཨུཎྷེ ཙཱིཝརཾ ནིདཧིཏབྦཾ. ཙཱིཝརཾ སངྒྷརིཏབྦཾ. ཙཱིཝརཾ སངྒྷརནྟེན ཙཏུརངྒུལཾ ཀཎྞཾ ཨུསྶཱརེཏྭཱ ཙཱིཝརཾ སངྒྷརིཏབྦཾ – མཱ མཛ྄ཛྷེ བྷངྒོ ཨཧོསཱིཏི. ཨོབྷོགེ ཀཱཡབནྡྷནཾ ཀཱཏབྦཾ.

‘‘སཙེ པིཎྜཔཱཏོ ཧོཏི, ཨནྟེཝཱསིཀོ ཙ བྷུཉྫིཏུཀཱམོ ཧོཏི, ཨུདཀཾ དཏྭཱ པིཎྜཔཱཏོ ཨུཔནཱམེཏབྦོ. ཨནྟེཝཱསིཀོ པཱནཱིཡེན པུཙྪིཏབྦོ. བྷུཏྟཱཝིསྶ ཨུདཀཾ དཏྭཱ པཏྟཾ པཊིགྒཧེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན དྷོཝིཏྭཱ ཝོདཀཾ ཀཏྭཱ མུཧུཏྟཾ ཨུཎྷེ ཨོཏཱཔེཏབྦོ, ན ཙ ཨུཎྷེ པཏྟོ ནིདཧིཏབྦོ. པཏྟཙཱིཝརཾ ནིཀྑིཔིཏབྦཾ. པཏྟཾ ནིཀྑིཔནྟེན ཨེཀེན ཧཏྠེན པཏྟཾ གཧེཏྭཱ ཨེཀེན ཧཏྠེན ཧེཊྛཱམཉྩཾ ཝཱ ཧེཊྛཱཔཱིཋཾ ཝཱ པརཱམསིཏྭཱ པཏྟོ ནིཀྑིཔིཏབྦོ. ན ཙ ཨནནྟརཧིཏཱཡ བྷཱུམིཡཱ པཏྟོ ནིཀྑིཔིཏབྦོ. ཙཱིཝརཾ ནིཀྑིཔནྟེན ཨེཀེན ཧཏྠེན ཙཱིཝརཾ གཧེཏྭཱ ཨེཀེན ཧཏྠེན ཙཱིཝརཝཾསཾ ཝཱ ཙཱིཝརརཛྫུཾ ཝཱ པམཛྫིཏྭཱ པཱརཏོ ཨནྟཾ ཨོརཏོ བྷོགཾ ཀཏྭཱ ཙཱིཝརཾ ནིཀྑིཔིཏབྦཾ. ཨནྟེཝཱསིཀམྷི ཝུཊྛིཏེ ཨཱསནཾ ཨུདྡྷརིཏབྦཾ, པཱདོདཀཾ པཱདཔཱིཋཾ པཱདཀཐལིཀཾ པཊིསཱམེཏབྦཾ. སཙེ སོ དེསོ ཨུཀླཱཔོ ཧོཏི, སོ དེསོ སམྨཛྫིཏབྦོ.

‘‘སཙེ ཨནྟེཝཱསིཀོ ནཧཱཡིཏུཀཱམོ ཧོཏི, ནཧཱནཾ པཊིཡཱདེཏབྦཾ. སཙེ སཱིཏེན ཨཏྠོ ཧོཏི, སཱིཏཾ པཊིཡཱདེཏབྦཾ. སཙེ ཨུཎྷེན ཨཏྠོ ཧོཏི, ཨུཎྷཾ པཊིཡཱདེཏབྦཾ.

‘‘སཙེ ཨནྟེཝཱསིཀོ ཛནྟཱགྷརཾ པཝིསིཏུཀཱམོ ཧོཏི, ཙུཎྞཾ སནྣེཏབྦཾ, མཏྟིཀཱ ཏེམེཏབྦཱ, ཛནྟཱགྷརཔཱིཋཾ ཨཱདཱཡ གནྟྭཱ ཛནྟཱགྷརཔཱིཋཾ དཏྭཱ ཙཱིཝརཾ པཊིགྒཧེཏྭཱ ཨེཀམནྟཾ ནིཀྑིཔིཏབྦཾ, ཙུཎྞཾ དཱཏབྦཾ, མཏྟིཀཱ དཱཏབྦཱ. སཙེ ཨུསྶཧཏི, ཛནྟཱགྷརཾ པཝིསིཏབྦཾ. ཛནྟཱགྷརཾ པཝིསནྟེན མཏྟིཀཱཡ མུཁཾ མཀྑེཏྭཱ པུརཏོ ཙ པཙྪཏོ ཙ པཊིཙྪཱདེཏྭཱ ཛནྟཱགྷརཾ པཝིསིཏབྦཾ. ན ཙ ཐེརེ བྷིཀྑཱུ ཨནུཔཁཛྫ ནིསཱིདིཏབྦཾ, ན ནཝཱ བྷིཀྑཱུ ཨཱསནེན པཊིབཱཧིཏབྦཱ. ཛནྟཱགྷརེ ཨནྟེཝཱསིཀསྶ པརིཀམྨཾ ཀཱཏབྦཾ. ཛནྟཱགྷརཱ ནིཀྑམནྟེན ཛནྟཱགྷརཔཱིཋཾ ཨཱདཱཡ པུརཏོ ཙ པཙྪཏོ ཙ པཊིཙྪཱདེཏྭཱ ཛནྟཱགྷརཱ ནིཀྑམིཏབྦཾ.

‘‘ཨུདཀེཔི ཨནྟེཝཱསིཀསྶ པརིཀམྨཾ ཀཱཏབྦཾ. ནཧཱཏེན པཋམཏརཾ ཨུཏྟརིཏྭཱ ཨཏྟནོ གཏྟཾ ཝོདཀཾ ཀཏྭཱ ནིཝཱསེཏྭཱ ཨནྟེཝཱསིཀསྶ གཏྟཏོ ཨུདཀཾ པམཛྫིཏབྦཾ, ནིཝཱསནཾ དཱཏབྦཾ, སངྒྷཱཊི དཱཏབྦཱ, ཛནྟཱགྷརཔཱིཋཾ ཨཱདཱཡ པཋམཏརཾ ཨཱགནྟྭཱ ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཏབྦཾ. ཨནྟེཝཱསིཀོ པཱནཱིཡེན པུཙྪིཏབྦོ.

‘‘ཡསྨིཾ ཝིཧཱརེ ཨནྟེཝཱསིཀོ ཝིཧརཏི, སཙེ སོ ཝིཧཱརོ ཨུཀླཱཔོ ཧོཏི, སཙེ ཨུསྶཧཏི, སོདྷེཏབྦོ. ཝིཧཱརཾ སོདྷེནྟེན པཋམཾ པཏྟཙཱིཝརཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; ནིསཱིདནཔཙྩཏྠརཎཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; བྷིསིབིབྦོཧནཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; མཉྩོ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ནཱིཧརིཏྭཱ ཨེཀམནྟཾ ནིཀྑིཔིཏབྦོ; པཱིཋཾ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ནཱིཧརིཏྭཱ ཨེཀམནྟཾ ནིཀྑིཔིཏབྦཾ; མཉྩཔཊིཔཱདཀཱ ནཱིཧརིཏྭཱ ཨེཀམནྟཾ ནིཀྑིཔིཏབྦཱ; ཁེལ༹མལླཀོ ནཱིཧརིཏྭཱ ཨེཀམནྟཾ ནིཀྑིཔིཏབྦོ; ཨཔསྶེནཕལཀཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; བྷཱུམཏྠརཎཾ ཡཐཱཔཉྙཏྟཾ སལླཀྑེཏྭཱ ནཱིཧརིཏྭཱ ཨེཀམནྟཾ ནིཀྑིཔིཏབྦཾ. སཙེ ཝིཧཱརེ སནྟཱནཀཾ ཧོཏི, ཨུལློཀཱ པཋམཾ ཨོཏཱརེཏབྦཾ, ཨཱལོཀསནྡྷིཀཎྞབྷཱགཱ པམཛྫིཏབྦཱ. སཙེ གེརུཀཔརིཀམྨཀཏཱ བྷིཏྟི ཀཎྞཀིཏཱ ཧོཏི, ཙོལ༹ཀཾ ཏེམེཏྭཱ པཱིལེ༹ཏྭཱ པམཛྫིཏབྦཱ. སཙེ ཀཱལ༹ཝཎྞཀཏཱ བྷཱུམི ཀཎྞཀིཏཱ ཧོཏི, ཙོལ༹ཀཾ ཏེམེཏྭཱ པཱིལེ༹ཏྭཱ པམཛྫིཏབྦཱ. སཙེ ཨཀཏཱ ཧོཏི བྷཱུམི, ཨུདཀེན པརིཔྥོསིཏྭཱ སམྨཛྫིཏབྦཱ – མཱ ཝིཧཱརོ རཛེན ཨུཧཉྙཱིཏི. སངྐཱརཾ ཝིཙིནིཏྭཱ ཨེཀམནྟཾ ཚཌྜེཏབྦཾ.

‘‘བྷཱུམཏྠརཎཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. མཉྩཔཊིཔཱདཀཱ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦཱ. མཉྩོ ཨོཏཱཔེཏྭཱ སོདྷེཏྭཱ པཔྥོཊེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦོ. པཱིཋཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. བྷིསིབིབྦོཧནཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. ནིསཱིདནཔཙྩཏྠརཎཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. ཁེལ༹མལླཀོ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦོ. ཨཔསྶེནཕལཀཾ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦཾ. པཏྟཙཱིཝརཾ ནིཀྑིཔིཏབྦཾ. པཏྟཾ ནིཀྑིཔནྟེན ཨེཀེན ཧཏྠེན པཏྟཾ གཧེཏྭཱ ཨེཀེན ཧཏྠེན ཧེཊྛཱམཉྩཾ ཝཱ ཧེཊྛཱཔཱིཋཾ ཝཱ པརཱམསིཏྭཱ པཏྟོ ནིཀྑིཔིཏབྦོ. ན ཙ ཨནནྟརཧིཏཱཡ བྷཱུམིཡཱ པཏྟོ ནིཀྑིཔིཏབྦོ. ཙཱིཝརཾ ནིཀྑིཔནྟེན ཨེཀེན ཧཏྠེན ཙཱིཝརཾ གཧེཏྭཱ ཨེཀེན ཧཏྠེན ཙཱིཝརཝཾསཾ ཝཱ ཙཱིཝརརཛྫུཾ ཝཱ པམཛྫིཏྭཱ པཱརཏོ ཨནྟཾ ཨོརཏོ བྷོགཾ ཀཏྭཱ ཙཱིཝརཾ ནིཀྑིཔིཏབྦཾ.

‘‘སཙེ པུརཏྠིམཱ སརཛཱ ཝཱཏཱ ཝཱཡནྟི, པུརཏྠིམཱ ཝཱཏཔཱནཱ ཐཀེཏབྦཱ. སཙེ པཙྪིམཱ སརཛཱ ཝཱཏཱ ཝཱཡནྟི, པཙྪིམཱ ཝཱཏཔཱནཱ ཐཀེཏབྦཱ. སཙེ ཨུཏྟརཱ སརཛཱ ཝཱཏཱ ཝཱཡནྟི, ཨུཏྟརཱ ཝཱཏཔཱནཱ ཐཀེཏབྦཱ. སཙེ དཀྑིཎཱ སརཛཱ ཝཱཏཱ ཝཱཡནྟི, དཀྑིཎཱ ཝཱཏཔཱནཱ ཐཀེཏབྦཱ. སཙེ སཱིཏཀཱལོ ཧོཏི, དིཝཱ ཝཱཏཔཱནཱ ཝིཝརིཏབྦཱ, རཏྟིཾ ཐཀེཏབྦཱ. སཙེ ཨུཎྷཀཱལོ ཧོཏི, དིཝཱ ཝཱཏཔཱནཱ ཐཀེཏབྦཱ, རཏྟིཾ ཝིཝརིཏབྦཱ.

‘‘སཙེ པརིཝེཎཾ ཨུཀླཱཔཾ ཧོཏི, པརིཝེཎཾ སམྨཛྫིཏབྦཾ. སཙེ ཀོཊྛཀོ ཨུཀླཱཔོ ཧོཏི, ཀོཊྛཀོ སམྨཛྫིཏབྦོ. སཙེ ཨུཔཊྛཱནསཱལཱ ཨུཀླཱཔཱ ཧོཏི, ཨུཔཊྛཱནསཱལཱ སམྨཛྫིཏབྦཱ. སཙེ ཨགྒིསཱལཱ ཨུཀླཱཔཱ ཧོཏི, ཨགྒིསཱལཱ སམྨཛྫིཏབྦཱ. སཙེ ཝཙྩཀུཊི ཨུཀླཱཔཱ ཧོཏི, ཝཙྩཀུཊི སམྨཛྫིཏབྦཱ. སཙེ པཱནཱིཡཾ ན ཧོཏི, པཱནཱིཡཾ ཨུཔཊྛཱཔེཏབྦཾ. སཙེ པརིབྷོཛནཱིཡཾ ན ཧོཏི, པརིབྷོཛནཱིཡཾ ཨུཔཊྛཱཔེཏབྦཾ. སཙེ ཨཱཙམནཀུམྦྷིཡཱ ཨུདཀཾ ན ཧོཏི, ཨཱཙམནཀུམྦྷིཡཱ ཨུདཀཾ ཨཱསིཉྩིཏབྦཾ.

‘‘སཙེ ཨནྟེཝཱསིཀསྶ ཨནབྷིརཏི ཨུཔྤནྣཱ ཧོཏི, ཨཱཙརིཡེན ཝཱུཔཀཱསེཏབྦོ, ཝཱུཔཀཱསཱཔེཏབྦོ, དྷམྨཀཐཱ ཝཱསྶ ཀཱཏབྦཱ. སཙེ ཨནྟེཝཱསིཀསྶ ཀུཀྐུཙྩཾ ཨུཔྤནྣཾ ཧོཏི, ཨཱཙརིཡེན ཝིནོདེཏབྦཾ, ཝིནོདཱཔེཏབྦཾ, དྷམྨཀཐཱ ཝཱསྶ ཀཱཏབྦཱ. སཙེ ཨནྟེཝཱསིཀསྶ དིཊྛིགཏཾ ཨུཔྤནྣཾ ཧོཏི, ཨཱཙརིཡེན ཝིཝེཙེཏབྦཾ, ཝིཝེཙཱཔེཏབྦཾ, དྷམྨཀཐཱ ཝཱསྶ ཀཱཏབྦཱ. སཙེ ཨནྟེཝཱསིཀོ གརུདྷམྨཾ ཨཛ྄ཛྷཱཔནྣོ ཧོཏི པརིཝཱསཱརཧོ, ཨཱཙརིཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ, ཨནྟེཝཱསིཀསྶ པརིཝཱསཾ དདེཡྻཱཏི. སཙེ ཨནྟེཝཱསིཀོ མཱུལཱཡ པཊིཀསྶནཱརཧོ ཧོཏི, ཨཱཙརིཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨནྟེཝཱསིཀཾ མཱུལཱཡ པཊིཀསྶེཡྻཱཏི. སཙེ ཨནྟེཝཱསིཀོ མཱནཏྟཱརཧོ ཧོཏི, ཨཱཙརིཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨནྟེཝཱསིཀསྶ མཱནཏྟཾ དདེཡྻཱཏི. སཙེ ཨནྟེཝཱསིཀོ ཨབྦྷཱནཱརཧོ ཧོཏི, ཨཱཙརིཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨནྟེཝཱསིཀཾ ཨབྦྷེཡྻཱཏི. སཙེ སངྒྷོ ཨནྟེཝཱསིཀསྶ ཀམྨཾ ཀཏྟུཀཱམོ ཧོཏི, ཏཛྫནཱིཡཾ ཝཱ ནིཡསྶཾ ཝཱ པབྦཱཛནཱིཡཾ ཝཱ པཊིསཱརཎཱིཡཾ ཝཱ ཨུཀྑེཔནཱིཡཾ ཝཱ, ཨཱཙརིཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨནྟེཝཱསིཀསྶ ཀམྨཾ ན ཀརེཡྻ, ལཧུཀཱཡ ཝཱ པརིཎཱམེཡྻཱཏི. ཀཏཾ ཝཱ པནསྶ ཧོཏི སངྒྷེན ཀམྨཾ, ཏཛྫནཱིཡཾ ཝཱ ནིཡསྶཾ ཝཱ པབྦཱཛནཱིཡཾ ཝཱ པཊིསཱརཎཱིཡཾ ཝཱ ཨུཀྑེཔནཱིཡཾ ཝཱ, ཨཱཙརིཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ ཨནྟེཝཱསིཀོ སམྨཱ ཝཏྟེཡྻ, ལོམཾ པཱཏེཡྻ, ནེཏྠཱརཾ ཝཏྟེཡྻ, སངྒྷོ ཏཾ ཀམྨཾ པཊིཔྤསྶམྦྷེཡྻཱཏི.

‘‘སཙེ ཨནྟེཝཱསིཀསྶ ཙཱིཝརཾ དྷོཝིཏབྦཾ ཧོཏི, ཨཱཙརིཡེན ཨཱཙིཀྑིཏབྦཾ – ‘ཨེཝཾ དྷོཝེཡྻཱསཱི’ཏི, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨནྟེཝཱསིཀསྶ ཙཱིཝརཾ དྷོཝིཡེཐཱཏི. སཙེ ཨནྟེཝཱསིཀསྶ ཙཱིཝརཾ ཀཱཏབྦཾ ཧོཏི, ཨཱཙརིཡེན ཨཱཙིཀྑིཏབྦཾ – ‘ཨེཝཾ ཀརེཡྻཱསཱི’ཏི, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨནྟེཝཱསིཀསྶ ཙཱིཝརཾ ཀརིཡེཐཱཏི. སཙེ ཨནྟེཝཱསིཀསྶ རཛནཾ པཙིཏབྦཾ ཧོཏི, ཨཱཙརིཡེན ཨཱཙིཀྑིཏབྦཾ – ‘ཨེཝཾ པཙེཡྻཱསཱི’ཏི, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨནྟེཝཱསིཀསྶ རཛནཾ པཙིཡེཐཱཏི. སཙེ ཨནྟེཝཱསིཀསྶ ཙཱིཝརཾ རཛིཏབྦཾ ཧོཏི, ཨཱཙརིཡེན ཨཱཙིཀྑིཏབྦཾ – ‘ཨེཝཾ རཛེཡྻཱསཱི’ཏི, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨནྟེཝཱསིཀསྶ ཙཱིཝརཾ རཛིཡེཐཱཏི. ཙཱིཝརཾ རཛནྟེན སཱདྷུཀཾ སམྤརིཝཏྟཀཾ སམྤརིཝཏྟཀཾ རཛིཏབྦཾ, ན ཙ ཨཙྪིནྣེ ཐེཝེ པཀྐམིཏབྦཾ. སཙེ ཨནྟེཝཱསིཀོ གིལཱནོ ཧོཏི, ཡཱཝཛཱིཝཾ ཨུཔཊྛཱཏབྦོ, ཝུཊྛཱནམསྶ ཨཱགམེཏབྦ’’ནྟི.

ཨནྟེཝཱསིཀཝཏྟཾ ནིཊྛིཏཾ.

ཚཊྛབྷཱཎཝཱརོ.

༢༠. པཎཱམནཱ ཁམཱཔནཱ

༨༠. ཏེན ཁོ པན སམཡེན ཨནྟེཝཱསིཀཱ ཨཱཙརིཡེསུ ན སམྨཱ ཝཏྟནྟི…པེ… བྷགཝཏོ ཨེཏམཏྠཾ ཨཱརོཙེསུཾ…པེ… ན, བྷིཀྑཝེ, ཨནྟེཝཱསིཀེན ཨཱཙརིཡམྷི ན སམྨཱ ཝཏྟིཏབྦཾ. ཡོ ན སམྨཱ ཝཏྟེཡྻ, ཨཱཔཏྟི དུཀྐཊསྶཱཏི. ནེཝ སམྨཱ ཝཏྟནྟི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, ཨསམྨཱཝཏྟནྟཾ པཎཱམེཏུཾ. ཨེཝཉྩ པན, བྷིཀྑཝེ, པཎཱམེཏབྦོ – པཎཱམེམི ཏནྟི ཝཱ, མཱཡིདྷ པཊིཀྐམཱིཏི ཝཱ, ནཱིཧར ཏེ པཏྟཙཱིཝརནྟི ཝཱ, ནཱཧཾ ཏཡཱ ཨུཔཊྛཱཏབྦོཏི ཝཱ. ཀཱཡེན ཝིཉྙཱཔེཏི, ཝཱཙཱཡ ཝིཉྙཱཔེཏི, ཀཱཡེན ཝཱཙཱཡ ཝིཉྙཱཔེཏི, པཎཱམིཏོ ཧོཏི ཨནྟེཝཱསིཀོ; ན ཀཱཡེན ཝིཉྙཱཔེཏི, ན ཝཱཙཱཡ ཝིཉྙཱཔེཏི, ན ཀཱཡེན ཝཱཙཱཡ ཝིཉྙཱཔེཏི, ན པཎཱམིཏོ ཧོཏི ཨནྟེཝཱསིཀོཏི.

ཏེན ཁོ པན སམཡེན ཨནྟེཝཱསིཀཱ པཎཱམིཏཱ ན ཁམཱཔེནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཁམཱཔེཏུནྟི. ནེཝ ཁམཱཔེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, པཎཱམིཏེན ན ཁམཱཔེཏབྦོ. ཡོ ན ཁམཱཔེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན ཨཱཙརིཡཱ ཁམཱཔིཡམཱནཱ ན ཁམནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཁམིཏུནྟི. ནེཝ ཁམནྟི. ཨནྟེཝཱསིཀཱ པཀྐམནྟིཔི ཝིབྦྷམནྟིཔི ཏིཏྠིཡེསུཔི སངྐམནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཁམཱཔིཡམཱནེན ན ཁམིཏབྦཾ. ཡོ ན ཁམེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན ཨཱཙརིཡཱ སམྨཱཝཏྟནྟཾ པཎཱམེནྟི, ཨསམྨཱཝཏྟནྟཾ ན པཎཱམེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སམྨཱཝཏྟནྟོ པཎཱམེཏབྦོ. ཡོ པཎཱམེཡྻ, ཨཱཔཏྟི དུཀྐཊསྶ. ན ཙ, བྷིཀྑཝེ, ཨསམྨཱཝཏྟནྟོ ན པཎཱམེཏབྦོ. ཡོ ན པཎཱམེཡྻ, ཨཱཔཏྟི དུཀྐཊསྶ.

༨༡. ‘‘པཉྩཧི, བྷིཀྑཝེ, ཨངྒེཧི སམནྣཱགཏོ ཨནྟེཝཱསིཀོ པཎཱམེཏབྦོ. ཨཱཙརིཡམྷི ནཱདྷིམཏྟཾ པེམཾ ཧོཏི, ནཱདྷིམཏྟོ པསཱདོ ཧོཏི, ནཱདྷིམཏྟཱ ཧིརཱི ཧོཏི, ནཱདྷིམཏྟོ གཱརཝོ ཧོཏི, ནཱདྷིམཏྟཱ བྷཱཝནཱ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏོ ཨནྟེཝཱསིཀོ པཎཱམེཏབྦོ.

‘‘པཉྩཧི, བྷིཀྑཝེ, ཨངྒེཧི སམནྣཱགཏོ ཨནྟེཝཱསིཀོ ན པཎཱམེཏབྦོ. ཨཱཙརིཡམྷི ཨདྷིམཏྟཾ པེམཾ ཧོཏི, ཨདྷིམཏྟོ པསཱདོ ཧོཏི, ཨདྷིམཏྟཱ ཧིརཱི ཧོཏི, ཨདྷིམཏྟོ གཱརཝོ ཧོཏི, ཨདྷིམཏྟཱ བྷཱཝནཱ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏོ ཨནྟེཝཱསིཀོ ན པཎཱམེཏབྦོ.

‘‘པཉྩཧི, བྷིཀྑཝེ, ཨངྒེཧི སམནྣཱགཏོ ཨནྟེཝཱསིཀོ ཨལཾ པཎཱམེཏུཾ. ཨཱཙརིཡམྷི ནཱདྷིམཏྟཾ པེམཾ ཧོཏི, ནཱདྷིམཏྟོ པསཱདོ ཧོཏི, ནཱདྷིམཏྟཱ ཧིརཱི ཧོཏི, ནཱདྷིམཏྟོ གཱརཝོ ཧོཏི, ནཱདྷིམཏྟཱ བྷཱཝནཱ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏོ ཨནྟེཝཱསིཀོ ཨལཾ པཎཱམེཏུཾ.

‘‘པཉྩཧི, བྷིཀྑཝེ, ཨངྒེཧི སམནྣཱགཏོ ཨནྟེཝཱསིཀོ ནཱལཾ པཎཱམེཏུཾ. ཨཱཙརིཡམྷི ཨདྷིམཏྟཾ པེམཾ ཧོཏི, ཨདྷིམཏྟོ པསཱདོ ཧོཏི, ཨདྷིམཏྟཱ ཧིརཱི ཧོཏི, ཨདྷིམཏྟོ གཱརཝོ ཧོཏི, ཨདྷིམཏྟཱ བྷཱཝནཱ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏོ ཨནྟེཝཱསིཀོ ནཱལཾ པཎཱམེཏུཾ.

‘‘པཉྩཧི, བྷིཀྑཝེ, ཨངྒེཧི སམནྣཱགཏཾ ཨནྟེཝཱསིཀཾ ཨཔྤཎཱམེནྟོ ཨཱཙརིཡོ སཱཏིསཱརོ ཧོཏི, པཎཱམེནྟོ ཨནཏིསཱརོ ཧོཏི. ཨཱཙརིཡམྷི ནཱདྷིམཏྟཾ པེམཾ ཧོཏི, ནཱདྷིམཏྟོ པསཱདོ ཧོཏི, ནཱདྷིམཏྟཱ ཧིརཱི ཧོཏི, ནཱདྷིམཏྟོ གཱརཝོ ཧོཏི, ནཱདྷིམཏྟཱ བྷཱཝནཱ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏཾ ཨནྟེཝཱསིཀཾ ཨཔྤཎཱམེནྟོ ཨཱཙརིཡོ སཱཏིསཱརོ ཧོཏི, པཎཱམེནྟོ ཨནཏིསཱརོ ཧོཏི.

‘‘པཉྩཧི, བྷིཀྑཝེ, ཨངྒེཧི སམནྣཱགཏཾ ཨནྟེཝཱསིཀཾ པཎཱམེནྟོ ཨཱཙརིཡོ སཱཏིསཱརོ ཧོཏི, ཨཔྤཎཱམེནྟོ ཨནཏིསཱརོ ཧོཏི. ཨཱཙརིཡམྷི ཨདྷིམཏྟཾ པེམཾ ཧོཏི, ཨདྷིམཏྟོ པསཱདོ ཧོཏི, ཨདྷིམཏྟཱ ཧིརཱི ཧོཏི, ཨདྷིམཏྟོ གཱརཝོ ཧོཏི, ཨདྷིམཏྟཱ བྷཱཝནཱ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏཾ ཨནྟེཝཱསིཀཾ པཎཱམེནྟོ ཨཱཙརིཡོ སཱཏིསཱརོ ཧོཏི, ཨཔྤཎཱམེནྟོ ཨནཏིསཱརོ ཧོཏཱི’’ཏི.

པཎཱམནཱ ཁམཱཔནཱ ནིཊྛིཏཱ.

༢༡. བཱལཨབྱཏྟཝཏྠུ

༨༢. ཏེན ཁོ པན སམཡེན བྷིཀྑཱུ, དསཝསྶམྷཱ དསཝསྶམྷཱཏི, བཱལཱ ཨབྱཏྟཱ ནིསྶཡཾ དེནྟི. དིསྶནྟི ཨཱཙརིཡཱ བཱལཱ, ཨནྟེཝཱསིཀཱ པཎྜིཏཱ. དིསྶནྟི ཨཱཙརིཡཱ ཨབྱཏྟཱ, ཨནྟེཝཱསིཀཱ བྱཏྟཱ. དིསྶནྟི ཨཱཙརིཡཱ ཨཔྤསྶུཏཱ, ཨནྟེཝཱསིཀཱ བཧུསྶུཏཱ. དིསྶནྟི ཨཱཙརིཡཱ དུཔྤཉྙཱ, ཨནྟེཝཱསིཀཱ པཉྙཝནྟོ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑཱུ, དསཝསྶམྷཱ དསཝསྶམྷཱཏི, བཱལཱ ཨབྱཏྟཱ ནིསྶཡཾ དསྶནྟི. དིསྶནྟི ཨཱཙརིཡཱ བཱལཱ ཨནྟེཝཱསིཀཱ པཎྜིཏཱ, དིསྶནྟི ཨཱཙརིཡཱ ཨབྱཏྟཱ ཨནྟེཝཱསིཀཱ བྱཏྟཱ, དིསྶནྟི ཨཱཙརིཡཱ ཨཔྤསྶུཏཱ ཨནྟེཝཱསིཀཱ བཧུསྶུཏཱ, དིསྶནྟི ཨཱཙརིཡཱ དུཔྤཉྙཱ ཨནྟེཝཱསིཀཱ པཉྙཝནྟོ’’ཏི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ཀིར, བྷིཀྑཝེ, བྷིཀྑཱུ, དསཝསྶམྷཱ དསཝསྶམྷཱཏི, བཱལཱ ཨབྱཏྟཱ ནིསྶཡཾ དེནྟི…པེ… སཙྩཾ, བྷགཝཱཏི. ཝིགརཧི བུདྡྷོ བྷགཝཱ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, བཱལེན ཨབྱཏྟེན ནིསྶཡོ དཱཏབྦོ. ཡོ དདེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, བྱཏྟེན བྷིཀྑུནཱ པཊིབལེན དསཝསྶེན ཝཱ ཨཏིརེཀདསཝསྶེན ཝཱ ནིསྶཡཾ དཱཏུ’’ནྟི.

བཱལཨབྱཏྟཝཏྠུ ནིཊྛིཏཾ.

༢༢. ནིསྶཡཔཊིཔྤསྶདྡྷིཀཐཱ

༨༣. ཏེན ཁོ པན སམཡེན བྷིཀྑཱུ ཨཱཙརིཡུཔཛ྄ཛྷཱཡེསུ པཀྐནྟེསུཔི ཝིབྦྷནྟེསུཔི ཀཱལངྐཏེསུཔི པཀྑསངྐནྟེསུཔི ནིསྶཡཔཊིཔྤསྶདྡྷིཡོ ན ཛཱནནྟི. བྷགཝཏོ ཨེཏམཏྠཾ ཨཱརོཙེསུཾ.

‘‘པཉྩིམཱ, བྷིཀྑཝེ, ནིསྶཡཔཊིཔྤསྶདྡྷིཡོ ཨུཔཛ྄ཛྷཱཡམྷཱ – ཨུཔཛ྄ཛྷཱཡོ པཀྐནྟོ ཝཱ ཧོཏི, ཝིབྦྷནྟོ ཝཱ, ཀཱལངྐཏོ ཝཱ, པཀྑསངྐནྟོ ཝཱ, ཨཱཎཏྟིཡེཝ པཉྩམཱི. ཨིམཱ ཁོ, བྷིཀྑཝེ, པཉྩ ནིསྶཡཔཊིཔྤསྶདྡྷིཡོ ཨུཔཛ྄ཛྷཱཡམྷཱ.

‘‘ཚཡིམཱ, བྷིཀྑཝེ, ནིསྶཡཔཊིཔྤསྶདྡྷིཡོ ཨཱཙརིཡམྷཱ – ཨཱཙརིཡོ པཀྐནྟོ ཝཱ ཧོཏི, ཝིབྦྷནྟོ ཝཱ, ཀཱལངྐཏོ ཝཱ, པཀྑསངྐནྟོ ཝཱ, ཨཱཎཏྟིཡེཝ པཉྩམཱི, ཨུཔཛ྄ཛྷཱཡེན ཝཱ སམོདྷཱནགཏོ ཧོཏི. ཨིམཱ ཁོ, བྷིཀྑཝེ, ཚ ནིསྶཡཔཊིཔྤསྶདྡྷིཡོ ཨཱཙརིཡམྷཱ’’.

ནིསྶཔཊིཔྤསྶདྡྷིཀཐཱ ནིཊྛིཏཱ.

༢༣. ཨུཔསམྤཱདེཏབྦཔཉྩཀཾ

༨༤. ‘‘པཉྩཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ. ན ཨསེཀྑེན [ན ཨསེཁེན (ཀ.)] སཱིལཀྑནྡྷེན སམནྣཱགཏོ ཧོཏི, ན ཨསེཀྑེན སམཱདྷིཀྑནྡྷེན སམནྣཱགཏོ ཧོཏི, ན ཨསེཀྑེན པཉྙཱཀྑནྡྷེན སམནྣཱགཏོ ཧོཏི, ན ཨསེཀྑེན ཝིམུཏྟིཀྑནྡྷེན སམནྣཱགཏོ ཧོཏི, ན ཨསེཀྑེན ཝིམུཏྟིཉཱཎདསྶནཀྑནྡྷེན སམནྣཱགཏོ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ.

‘‘པཉྩཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ. ཨསེཀྑེན སཱིལཀྑནྡྷེན སམནྣཱགཏོ ཧོཏི, ཨསེཀྑེན སམཱདྷིཀྑནྡྷེན སམནྣཱགཏོ ཧོཏི, ཨསེཀྑེན པཉྙཱཀྑནྡྷེན སམནྣཱགཏོ ཧོཏི, ཨསེཀྑེན ཝིམུཏྟིཀྑནྡྷེན སམནྣཱགཏོ ཧོཏི, ཨསེཀྑེན ཝིམུཏྟིཉཱཎདསྶནཀྑནྡྷེན སམནྣཱགཏོ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ. ཨཏྟནཱ ན ཨསེཀྑེན སཱིལཀྑནྡྷེན སམནྣཱགཏོ ཧོཏི, ན པརཾ ཨསེཀྑེ སཱིལཀྑནྡྷེ སམཱདཔེཏཱ; ཨཏྟནཱ ན ཨསེཀྑེན སམཱདྷིཀྑནྡྷེན སམནྣཱགཏོ ཧོཏི, ན པརཾ ཨསེཀྑེ སམཱདྷིཀྑནྡྷེ སམཱདཔེཏཱ; ཨཏྟནཱ ན ཨསེཀྑེན པཉྙཱཀྑནྡྷེན སམནྣཱགཏོ ཧོཏི, ན པརཾ ཨསེཀྑེ པཉྙཱཀྑནྡྷེ སམཱདཔེཏཱ; ཨཏྟནཱ ན ཨསེཀྑེན ཝིམུཏྟིཀྑནྡྷེན སམནྣཱགཏོ ཧོཏི, ན པརཾ ཨསེཀྑེ ཝིམུཏྟིཀྑནྡྷེ སམཱདཔེཏཱ; ཨཏྟནཱ ན ཨསེཀྑེན ཝིམུཏྟིཉཱཎདསྶནཀྑནྡྷེན སམནྣཱགཏོ ཧོཏི, ན པརཾ ཨསེཀྑེ ཝིམུཏྟིཉཱཎདསྶནཀྑནྡྷེ སམཱདཔེཏཱ – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ.

‘‘པཉྩཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ. ཨཏྟནཱ ཨསེཀྑེན སཱིལཀྑནྡྷེན སམནྣཱགཏོ ཧོཏི, པརཾ ཨསེཀྑེ སཱིལཀྑནྡྷེ སམཱདཔེཏཱ; ཨཏྟནཱ ཨསེཀྑེན སམཱདྷིཀྑནྡྷེན སམནྣཱགཏོ ཧོཏི, པརཾ ཨསེཀྑེ སམཱདྷིཀྑནྡྷེ སམཱདཔེཏཱ; ཨཏྟནཱ ཨསེཀྑེན པཉྙཱཀྑནྡྷེན སམནྣཱགཏོ ཧོཏི, པརཾ ཨསེཀྑེ པཉྙཱཀྑནྡྷེ སམཱདཔེཏཱ; ཨཏྟནཱ ཨསེཀྑེན ཝིམུཏྟིཀྑནྡྷེན སམནྣཱགཏོ ཧོཏི, པརཾ ཨསེཀྑེ ཝིམུཏྟིཀྑནྡྷེ སམཱདཔེཏཱ; ཨཏྟནཱ ཨསེཀྑེན ཝིམུཏྟིཉཱཎདསྶནཀྑནྡྷེན སམནྣཱགཏོ ཧོཏི, པརཾ ཨསེཀྑེ ཝིམུཏྟིཉཱཎདསྶནཀྑནྡྷེ སམཱདཔེཏཱ – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ. ཨསྶདྡྷོ ཧོཏི, ཨཧིརིཀོ ཧོཏི, ཨནོཏྟཔྤཱི ཧོཏི, ཀུསཱིཏོ ཧོཏི, མུཊྛསྶཏི ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ.

‘‘པཉྩཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ. སདྡྷོ ཧོཏི, ཧིརིམཱ ཧོཏི, ཨོཏྟཔྤཱི ཧོཏི, ཨཱརདྡྷཝཱིརིཡོ ཧོཏི, ཨུཔཊྛིཏསྶཏི ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ. ཨདྷིསཱིལེ སཱིལཝིཔནྣོ ཧོཏི, ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨཏིདིཊྛིཡཱ དིཊྛིཝིཔནྣོ ཧོཏི, ཨཔྤསྶུཏོ ཧོཏི, དུཔྤཉྙོ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ.

‘‘པཉྩཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ. ན ཨདྷིསཱིལེ སཱིལཝིཔནྣོ ཧོཏི, ན ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ན ཨཏིདིཊྛིཡཱ དིཊྛིཝིཔནྣོ ཧོཏི, བཧུསྶུཏོ ཧོཏི, པཉྙཝཱ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ. ན པཊིབལོ ཧོཏི ཨནྟེཝཱསིཾ ཝཱ སདྡྷིཝིཧཱརིཾ ཝཱ གིལཱནཾ ཨུཔཊྛཱཏུཾ ཝཱ ཨུཔཊྛཱཔེཏུཾ ཝཱ, ཨནབྷིརཏཾ [ཨནབྷིརཏིཾ (སྱཱ.), ཨུཔྤནྣཾ ཨནབྷིརཏིཾ (ཀ.)] ཝཱུཔཀཱསེཏུཾ ཝཱ ཝཱུཔཀཱསཱཔེཏུཾ ཝཱ, ཨུཔྤནྣཾ ཀུཀྐུཙྩཾ དྷམྨཏོ ཝིནོདེཏུཾ [ཝིནོདེཏུཾ ཝཱ ཝིནོདཱཔེཏུཾ ཝཱ (སབྦཏྠ, ཝིམཏིཝིནོདནཱི ཊཱིཀཱ ཨོལོཀེཏབྦཱ)] ཨཱཔཏྟིཾ ན ཛཱནཱཏི, ཨཱཔཏྟིཡཱ ཝུཊྛཱནཾ ན ཛཱནཱཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ.

‘‘པཉྩཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ. པཊིབལོ ཧོཏི ཨནྟེཝཱསིཾ ཝཱ སདྡྷིཝིཧཱརིཾ ཝཱ གིལཱནཾ ཨུཔཊྛཱཏུཾ ཝཱ ཨུཔཊྛཱཔེཏུཾ ཝཱ, ཨནབྷིརཏཾ ཝཱུཔཀཱསེཏུཾ ཝཱ ཝཱུཔཀཱསཱཔེཏུཾ ཝཱ, ཨུཔྤནྣཾ ཀུཀྐུཙྩཾ དྷམྨཏོ ཝིནོདེཏུཾ ཨཱཔཏྟིཾ ཛཱནཱཏི, ཨཱཔཏྟིཡཱ ཝུཊྛཱནཾ ཛཱནཱཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ. ན པཊིབལོ ཧོཏི ཨནྟེཝཱསིཾ ཝཱ སདྡྷིཝིཧཱརིཾ ཝཱ ཨབྷིསམཱཙཱརིཀཱཡ སིཀྑཱཡ སིཀྑཱཔེཏུཾ, ཨཱདིབྲཧྨཙརིཡཀཱཡ སིཀྑཱཡ ཝིནེཏུཾ, ཨབྷིདྷམྨེ ཝིནེཏུཾ, ཨབྷིཝིནཡེ ཝིནེཏུཾ, ཨུཔྤནྣཾ དིཊྛིགཏཾ དྷམྨཏོ ཝིཝེཙེཏུཾ – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ.

‘‘པཉྩཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ. པཊིབལོ ཧོཏི ཨནྟེཝཱསིཾ ཝཱ སདྡྷིཝིཧཱརིཾ ཝཱ ཨབྷིསམཱཙཱརིཀཱཡ སིཀྑཱཡ སིཀྑཱཔེཏུཾ, ཨཱདིབྲཧྨཙརིཡཀཱཡ སིཀྑཱཡ ཝིནེཏུཾ, ཨབྷིདྷམྨེ ཝིནེཏུཾ, ཨབྷིཝིནཡེ ཝིནེཏུཾ, ཨུཔྤནྣཾ དིཊྛིགཏཾ དྷམྨཏོ ཝིཝེཙེཏུཾ – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ. ཨཱཔཏྟིཾ ན ཛཱནཱཏི, ཨནཱཔཏྟིཾ ན ཛཱནཱཏི, ལཧུཀཾ ཨཱཔཏྟིཾ ན ཛཱནཱཏི, གརུཀཾ ཨཱཔཏྟིཾ ན ཛཱནཱཏི, ཨུབྷཡཱནི ཁོ པནསྶ པཱཏིམོཀྑཱནི ཝིཏྠཱརེན ན སྭཱགཏཱནི ཧོནྟི ན སུཝིབྷཏྟཱནི ན སུཔྤཝཏྟཱིནི ན སུཝིནིཙྪིཏཱནི སུཏྟསོ ཨནུབྱཉྫནསོ – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ.

‘‘པཉྩཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ. ཨཱཔཏྟིཾ ཛཱནཱཏི, ཨནཱཔཏྟིཾ ཛཱནཱཏི, ལཧུཀཾ ཨཱཔཏྟིཾ ཛཱནཱཏི, གརུཀཾ ཨཱཔཏྟིཾ ཛཱནཱཏི, ཨུབྷཡཱནི ཁོ པནསྶ པཱཏིམོཀྑཱནི ཝིཏྠཱརེན སྭཱགཏཱནི ཧོནྟི སུཝིབྷཏྟཱནི སུཔྤཝཏྟཱིནི སུཝིནིཙྪིཏཱནི སུཏྟསོ ཨནུབྱཉྫནསོ – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ. ཨཱཔཏྟིཾ ན ཛཱནཱཏི, ཨནཱཔཏྟིཾ ན ཛཱནཱཏི, ལཧུཀཾ ཨཱཔཏྟིཾ ན ཛཱནཱཏི, གརུཀཾ ཨཱཔཏྟིཾ ན ཛཱནཱཏི, ཨཱུནདསཝསྶོ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ.

‘‘པཉྩཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ. ཨཱཔཏྟིཾ ཛཱནཱཏི, ཨནཱཔཏྟིཾ ཛཱནཱཏི, ལཧུཀཾ ཨཱཔཏྟིཾ ཛཱནཱཏི, གརུཀཾ ཨཱཔཏྟིཾ ཛཱནཱཏི, དསཝསྶོ ཝཱ ཧོཏི ཨཏིརེཀདསཝསྶོ ཝཱ – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ’’ཏི.

ཨུཔསམྤཱདེཏབྦཔཉྩཀཾ ནིཊྛིཏཾ.

༢༤. ཨུཔསམྤཱདེཏབྦཚཀྐཾ

༨༥. ‘‘ཚཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ. ན ཨསེཀྑེན སཱིལཀྑནྡྷེན སམནྣཱགཏོ ཧོཏི, ན ཨསེཀྑེན སམཱདྷིཀྑནྡྷེན སམནྣཱགཏོ ཧོཏི, ན ཨསེཀྑེན པཉྙཱཀྑནྡྷེན སམནྣཱགཏོ ཧོཏི, ན ཨསེཀྑེན ཝིམུཏྟིཀྑནྡྷེན སམནྣཱགཏོ ཧོཏི, ན ཨསེཀྑེན ཝིམུཏྟིཉཱཎདསྶནཀྑནྡྷེན སམནྣཱགཏོ ཧོཏི, ཨཱུནདསཝསྶོ ཧོཏི – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ.

‘‘ཚཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ. ཨསེཀྑེན སཱིལཀྑནྡྷེན སམནྣཱགཏོ ཧོཏི, ཨསེཀྑེན སམཱདྷིཀྑནྡྷེན སམནྣཱགཏོ ཧོཏི, ཨསེཀྑེན པཉྙཱཀྑནྡྷེན སམནྣཱགཏོ ཧོཏི, ཨསེཀྑེན ཝིམུཏྟིཀྑནྡྷེན སམནྣཱགཏོ ཧོཏི, ཨསེཀྑེན ཝིམུཏྟིཉཱཎདསྶནཀྑནྡྷེན སམནྣཱགཏོ ཧོཏི, དསཝསྶོ ཝཱ ཧོཏི ཨཏིརེཀདསཝསྶོ ཝཱ – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ.

‘‘ཨཔརེཧིཔི, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ. ཨཏྟནཱ ན ཨསེཀྑེན སཱིལཀྑནྡྷེན སམནྣཱགཏོ ཧོཏི, ན པརཾ ཨསེཀྑེ སཱིལཀྑནྡྷེ སམཱདཔེཏཱ; ཨཏྟནཱ ན ཨསེཀྑེན སམཱདྷིཀྑནྡྷེན སམནྣཱགཏོ ཧོཏི, ན པརཾ ཨསེཀྑེ སམཱདྷིཀྑནྡྷེ སམཱདཔེཏཱ; ཨཏྟནཱ ན ཨསེཀྑེན པཉྙཱཀྑནྡྷེན སམནྣཱགཏོ ཧོཏི, ན པརཾ ཨསེཀྑེ པཉྙཱཀྑནྡྷེ སམཱདཔེཏཱ; ཨཏྟནཱ ན ཨསེཀྑེན ཝིམུཏྟིཀྑནྡྷེན སམནྣཱགཏོ ཧོཏི, ན པརཾ ཨསེཀྑེ ཝིམུཏྟིཀྑནྡྷེ སམཱདཔེཏཱ; ཨཏྟནཱ ན ཨསེཀྑེན ཝིམུཏྟིཉཱཎདསྶནཀྑནྡྷེན སམནྣཱགཏོ ཧོཏི, ན པརཾ ཨསེཀྑེ ཝིམུཏྟིཉཱཎདསྶནཀྑནྡྷེ སམཱདཔེཏཱ; ཨཱུནདསཝསྶོ ཧོཏི – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ.

‘‘ཚཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ. ཨཏྟནཱ ཨསེཀྑེན སཱིལཀྑནྡྷེན སམནྣཱགཏོ ཧོཏི, པརཾ ཨསེཀྑེ སཱིལཀྑནྡྷེ སམཱདཔེཏཱ ཨཏྟནཱ ཨསེཀྑེན སམཱདྷིཀྑནྡྷེན སམནྣཱགཏོ ཧོཏི, པརཾ ཨསེཀྑེ སམཱདྷིཀྑནྡྷེ སམཱདཔེཏཱ. ཨཏྟནཱ ཨསེཀྑེན པཉྙཱཀྑནྡྷེན སམནྣཱགཏོ ཧོཏི, པརཾ ཨསེཀྑེ པཉྙཱཀྑནྡྷེ སམཱདཔེཏཱ. ཨཏྟནཱ ཨསེཀྑེན ཝིམུཏྟིཀྑནྡྷེན སམནྣཱགཏོ ཧོཏི, པརཾ ཨསེཀྑེ ཝིམུཏྟིཀྑནྡྷེ སམཱདཔེཏཱ. ཨཏྟནཱ ཨསེཀྑེན ཝིམུཏྟིཉཱཎདསྶནཀྑནྡྷེན སམནྣཱགཏོ ཧོཏི, པརཾ ཨསེཀྑེ ཝིམུཏྟིཉཱཎདསྶནཀྑནྡྷེ སམཱདཔེཏཱ; དསཝསྶོ ཝཱ ཧོཏི ཨཏིརེཀདསཝསྶོ ཝཱ – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ.

‘‘ཨཔརེཧིཔི, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ. ཨསྶདྡྷོ ཧོཏི, ཨཧིརིཀོ ཧོཏི, ཨནོཏྟཔྤཱི ཧོཏི, ཀུསཱིཏོ ཧོཏི, མུཊྛསྶཏི ཧོཏི, ཨཱུནདསཝསྶོ ཧོཏི – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ.

‘‘ཚཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ. སདྡྷོ ཧོཏི, ཧིརིམཱ ཧོཏི, ཨོཏྟཔྤཱི ཧོཏི, ཨཱརདྡྷཝཱིརིཡོ ཧོཏི, ཨུཔཊྛིཏསྶཏི ཧོཏི, དསཝསྶོ ཝཱ ཧོཏི ཨཏིརེཀདསཝསྶོ ཝཱ – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ.

‘‘ཨཔརེཧིཔི, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ. ཨདྷིསཱིལེ སཱིལཝིཔནྣོ ཧོཏི, ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨཏིདིཊྛིཡཱ དིཊྛིཝིཔནྣོ ཧོཏི, ཨཔྤསྶུཏོ ཧོཏི, དུཔྤཉྙོ ཧོཏི, ཨཱུནདསཝསྶོ ཧོཏི – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ.

‘‘ཚཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ. ན ཨདྷིསཱིལེ སཱིལཝིཔནྣོ ཧོཏི, ན ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ན ཨཏིདིཊྛིཡཱ དིཊྛིཝིཔནྣོ ཧོཏི, བཧུསྶུཏོ ཧོཏི, པཉྙཝཱ ཧོཏི, དསཝསྶོ ཝཱ ཧོཏི ཨཏིརེཀདསཝསྶོ ཝཱ – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ.

‘‘ཨཔརེཧིཔི, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ. ན པཊིབལོ ཧོཏི ཨནྟེཝཱསིཾ ཝཱ སདྡྷིཝིཧཱརིཾ ཝཱ གིལཱནཾ ཨུཔཊྛཱཏུཾ ཝཱ ཨུཔཊྛཱཔེཏུཾ ཝཱ, ཨནབྷིརཏཾ ཝཱུཔཀཱསེཏུཾ ཝཱ ཝཱུཔཀཱསཱཔེཏུཾ ཝཱ, ཨུཔྤནྣཾ ཀུཀྐུཙྩཾ དྷམྨཏོ ཝིནོདེཏུཾ, ཨཱཔཏྟིཾ ན ཛཱནཱཏི, ཨཱཔཏྟིཡཱ ཝུཊྛཱནཾ ན ཛཱནཱཏི, ཨཱུནདསཝསྶོ ཧོཏི – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ.

‘‘ཚཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ. པཊིབལོ ཧོཏི ཨནྟེཝཱསིཾ ཝཱ སདྡྷིཝིཧཱརིཾ ཝཱ གིལཱནཾ ཨུཔཊྛཱཏུཾ ཝཱ ཨུཔཊྛཱཔེཏུཾ ཝཱ, ཨནབྷིརཏཾ ཝཱུཔཀཱསེཏུཾ ཝཱ ཝཱུཔཀཱསཱཔེཏུཾ ཝཱ, ཨུཔྤནྣཾ ཀུཀྐུཙྩཾ དྷམྨཏོ ཝིནོདེཏུཾ, ཨཱཔཏྟིཾ ཛཱནཱཏི, ཨཱཔཏྟིཡཱ ཝུཊྛཱནཾ ཛཱནཱཏི, དསཝསྶོ ཝཱ ཧོཏི ཨཏིརེཀདསཝསྶོ ཝཱ – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ.

‘‘ཨཔརེཧིཔི, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ. ན པཊིབལོ ཧོཏི ཨནྟེཝཱསིཾ ཝཱ སདྡྷིཝིཧཱརིཾ ཝཱ ཨབྷིསམཱཙཱརིཀཱཡ སིཀྑཱཡ སིཀྑཱཔེཏུཾ, ཨཱདིབྲཧྨཙརིཡཀཱཡ སིཀྑཱཡ ཝིནེཏུཾ, ཨབྷིདྷམྨེ ཝིནེཏུཾ, ཨབྷིཝིནཡེ ཝིནེཏུཾ, ཨུཔྤནྣཾ དིཊྛིགཏཾ དྷམྨཏོ ཝིཝེཙེཏུཾ, ཨཱུནདསཝསྶོ ཧོཏི – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ.

‘‘ཚཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ. པཊིབལོ ཧོཏི ཨནྟེཝཱསིཾ ཝཱ སདྡྷིཝིཧཱརིཾ ཝཱ ཨབྷིསམཱཙཱརིཀཱཡ སིཀྑཱཡ སིཀྑཱཔེཏུཾ ཨཱདིབྲཧྨཙརིཡཀཱཡ སིཀྑཱཡ ཝིནེཏུཾ, ཨབྷིདྷམྨེ ཝིནེཏུཾ, ཨབྷིཝིནཡེ ཝིནེཏུཾ, ཨུཔྤནྣཾ དིཊྛིགཏཾ དྷམྨཏོ ཝིཝེཙེཏུཾ, དསཝསྶོ ཝཱ ཧོཏི ཨཏིརེཀདསཝསྶོ ཝཱ – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ.

‘‘ཨཔརེཧིཔི, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ. ཨཱཔཏྟིཾ ན ཛཱནཱཏི, ཨནཱཔཏྟིཾ ན ཛཱནཱཏི, ལཧུཀཾ ཨཱཔཏྟིཾ ན ཛཱནཱཏི, གརུཀཾ ཨཱཔཏྟིཾ ན ཛཱནཱཏི, ཨུབྷཡཱནི ཁོ པནསྶ པཱཏིམོཀྑཱནི ཝིཏྠཱརེན ན སྭཱགཏཱནི ཧོནྟི ན སུཝིབྷཏྟཱནི ན སུཔྤཝཏྟཱིནི ན སུཝིནིཙྪིཏཱནི སུཏྟསོ ཨནུབྱཉྫནསོ, ཨཱུནདསཝསྶོ ཧོཏི – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ.

‘‘ཚཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ. ཨཱཔཏྟིཾ ཛཱནཱཏི, ཨནཱཔཏྟིཾ ཛཱནཱཏི, ལཧུཀཾ ཨཱཔཏྟིཾ ཛཱནཱཏི, གརུཀཾ ཨཱཔཏྟིཾ ཛཱནཱཏི, ཨུབྷཡཱནི ཁོ པནསྶ པཱཏིམོཀྑཱནི ཝིཏྠཱརེན སྭཱགཏཱནི ཧོནྟི སུཝིབྷཏྟཱནི སུཔྤཝཏྟཱིནི སུཝིནིཙྪིཏཱནི སུཏྟསོ ཨནུབྱཉྫནསོ, དསཝསྶོ ཝཱ ཧོཏི ཨཏིརེཀདསཝསྶོ ཝཱ – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ’’ཏི.

ཨུཔསམྤཱདེཏབྦཚཀྐཾ ནིཊྛིཏཾ.

༢༥. ཨཉྙཏིཏྠིཡཔུབྦཀཐཱ

༨༦. ཏེན ཁོ པན སམཡེན ཡོ སོ ཨཉྙཏིཏྠིཡཔུབྦོ [ཡོ སོ པསུརཔརིབྦཱཛཀོ ཨཉྙཏིཏྠིཡཔུབྦོ (ཀ.)] པཛ྄ཛྷཱཡེན སཧདྷམྨིཀཾ ཝུཙྩམཱནོ ཨུཔཛ྄ཛྷཱཡསྶ ཝཱདཾ ཨཱརོཔེཏྭཱ ཏཾཡེཝ ཏིཏྠཱཡཏནཾ སངྐམི. སོ པུན པཙྩཱགནྟྭཱ བྷིཀྑཱུ ཨུཔསམྤདཾ ཡཱཙི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཡོ སོ, བྷིཀྑཝེ, ཨཉྙཏིཏྠིཡཔུབྦོ ཨུཔཛ྄ཛྷཱཡེན སཧདྷམྨིཀཾ ཝུཙྩམཱནོ ཨུཔཛ྄ཛྷཱཡསྶ ཝཱདཾ ཨཱརོཔེཏྭཱ ཏཾཡེཝ ཏིཏྠཱཡཏནཾ སངྐནྟོ, སོ ཨཱགཏོ ན ཨུཔསམྤཱདེཏབྦོ. ཡོ སོ, བྷིཀྑཝེ, ཨཉྙོཔི ཨཉྙཏིཏྠིཡཔུབྦོ ཨིམསྨིཾ དྷམྨཝིནཡེ ཨཱཀངྑཏི པབྦཛྫཾ, ཨཱཀངྑཏི ཨུཔསམྤདཾ, ཏསྶ ཙཏྟཱརོ མཱསེ པརིཝཱསོ དཱཏབྦོ. ཨེཝཉྩ པན, བྷིཀྑཝེ, དཱཏབྦོ – པཋམཾ ཀེསམསྶུཾ ཨོཧཱརཱཔེཏྭཱ ཀཱསཱཡཱནི ཝཏྠཱནི ཨཙྪཱདཱཔེཏྭཱ ཨེཀཾསཾ ཨུཏྟརཱསངྒཾ ཀཱརཱཔེཏྭཱ བྷིཀྑཱུནཾ པཱདེ ཝནྡཱཔེཏྭཱ ཨུཀྐུཊིཀཾ ནིསཱིདཱཔེཏྭཱ ཨཉྫལིཾ པགྒཎྷཱཔེཏྭཱ ཨེཝཾ ཝདེཧཱིཏི ཝཏྟབྦོ – ‘‘བུདྡྷཾ སརཎཾ གཙྪཱམི, དྷམྨཾ སརཎཾ གཙྪཱམི, སངྒྷཾ སརཎཾ གཙྪཱམི; དུཏིཡམྤི བུདྡྷཾ སརཎཾ གཙྪཱམི, དུཏིཡམྤི དྷམྨཾ སརཎཾ གཙྪཱམི, དུཏིཡམྤི སངྒྷཾ སརཎཾ གཙྪཱམི; ཏཏིཡམྤི བུདྡྷཾ སརཎཾ གཙྪཱམི, ཏཏིཡམྤི དྷམྨཾ སརཎཾ གཙྪཱམི, ཏཏིཡམྤི སངྒྷཾ སརཎཾ གཙྪཱམཱི’’ཏི.

ཏེན, བྷིཀྑཝེ, ཨཉྙཏིཏྠིཡཔུབྦེན སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཧཾ, བྷནྟེ, ཨཉྙཏིཏྠིཡཔུབྦོ ཨིམསྨིཾ དྷམྨཝིནཡེ ཨཱཀངྑཱམི ཨུཔསམྤདཾ. སོཧཾ, བྷནྟེ, སངྒྷཾ ཙཏྟཱརོ མཱསེ པརིཝཱསཾ ཡཱཙཱམཱི’’ཏི. དུཏིཡམྤི ཡཱཙིཏབྦོ. ཏཏིཡམྤི ཡཱཙིཏབྦོ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ ཨཉྙཏིཏྠིཡཔུབྦོ ཨིམསྨིཾ དྷམྨཝིནཡེ ཨཱཀངྑཏི ཨུཔསམྤདཾ. སོ སངྒྷཾ ཙཏྟཱརོ མཱསེ པརིཝཱསཾ ཡཱཙཏི. ཡདི སངྒྷསྶ པཏྟཀལླཾ སངྒྷོ ཨིཏྠནྣཱམསྶ ཨཉྙཏིཏྠིཡཔུབྦསྶ ཙཏྟཱརོ མཱསེ པརིཝཱསཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ ཨཉྙཏིཏྠིཡཔུབྦོ ཨིམསྨིཾ དྷམྨཝིནཡེ ཨཱཀངྑཏི ཨུཔསམྤདཾ. སོ སངྒྷཾ ཙཏྟཱརོ མཱསེ པརིཝཱསཾ ཡཱཙཏི. སངྒྷོ ཨིཏྠནྣཱམསྶ ཨཉྙཏིཏྠིཡཔུབྦསྶ ཙཏྟཱརོ མཱསེ པརིཝཱསཾ དེཏི. ཡསྶཱཡསྨཏོ ཁམཏི ཨིཏྠནྣཱམསྶ ཨཉྙཏིཏྠིཡཔུབྦསྶ ཙཏྟཱརོ མཱསེ པརིཝཱསསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དིནྣོ སངྒྷེན ཨིཏྠནྣཱམསྶ ཨཉྙཏིཏྠིཡཔུབྦསྶ ཙཏྟཱརོ མཱསེ པརིཝཱསོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༨༧. ‘‘ཨེཝཾ ཁོ, བྷིཀྑཝེ, ཨཉྙཏིཏྠིཡཔུབྦོ ཨཱརཱདྷཀོ ཧོཏི, ཨེཝཾ ཨནཱརཱདྷཀོ. ཀཐཉྩ, བྷིཀྑཝེ, ཨཉྙཏིཏྠིཡཔུབྦོ ཨནཱརཱདྷཀོ ཧོཏི? ཨིདྷ, བྷིཀྑཝེ, ཨཉྙཏིཏྠིཡཔུབྦོ ཨཏིཀཱལེན གཱམཾ པཝིསཏི, ཨཏིདིཝཱ པཊིཀྐམཏི. ཨེཝམྤི, བྷིཀྑཝེ, ཨཉྙཏིཏྠིཡཔུབྦོ ཨནཱརཱདྷཀོ ཧོཏི.

‘‘པུན ཙཔརཾ, བྷིཀྑཝེ, ཨཉྙཏིཏྠིཡཔུབྦོ ཝེསིཡཱགོཙརོ ཝཱ ཧོཏི, ཝིདྷཝཱགོཙརོ ཝཱ ཧོཏི, ཐུལླཀུམཱརིཀཱགོཙརོ ཝཱ ཧོཏི, པཎྜཀགོཙརོ ཝཱ ཧོཏི, བྷིཀྑུནིགོཙརོ ཝཱ ཧོཏི. ཨེཝམྤི, བྷིཀྑཝེ, ཨཉྙཏིཏྠིཡཔུབྦོ ཨནཱརཱདྷཀོ ཧོཏི.

‘‘པུན ཙཔརཾ, བྷིཀྑཝེ, ཨཉྙཏིཏྠིཡཔུབྦོ ཡཱནི ཏཱནི སབྲཧྨཙཱརཱིནཾ ཨུཙྩཱཝཙཱནི ཀརཎཱིཡཱནི, ཏཏྠ ན དཀྑོ ཧོཏི, ན ཨནལསོ, ན ཏཏྲུཔཱཡཱཡ ཝཱིམཾསཱཡ སམནྣཱགཏོ, ན ཨལཾ ཀཱཏུཾ, ན ཨལཾ སཾཝིདྷཱཏུཾ. ཨེཝམྤི, བྷིཀྑཝེ, ཨཉྙཏིཏྠིཡཔུབྦོ ཨནཱརཱདྷཀོ ཧོཏི.

‘‘པུན ཙཔརཾ, བྷིཀྑཝེ, ཨཉྙཏིཏྠིཡཔུབྦོ ན ཏིབྦཙྪནྡོ ཧོཏི ཨུདྡེསེ, པརིཔུཙྪཱཡ, ཨདྷིསཱིལེ, ཨདྷིཙིཏྟེ, ཨདྷིཔཉྙཱཡ. ཨེཝམྤི, བྷིཀྑཝེ, ཨཉྙཏིཏྠིཡཔུབྦོ ཨནཱརཱདྷཀོ ཧོཏི.

‘‘པུན ཙཔརཾ, བྷིཀྑཝེ, ཨཉྙཏིཏྠིཡཔུབྦོ ཡསྶ ཏིཏྠཱཡཏནཱ སངྐནྟོ ཧོཏི, ཏསྶ སཏྠུནོ ཏསྶ དིཊྛིཡཱ ཏསྶ ཁནྟིཡཱ ཏསྶ རུཙིཡཱ ཏསྶ ཨཱདཱཡསྶ ཨཝཎྞེ བྷཉྙམཱནེ ཀུཔིཏོ ཧོཏི ཨནཏྟམནོ ཨནབྷིརདྡྷོ, བུདྡྷསྶ ཝཱ དྷམྨསྶ ཝཱ སངྒྷསྶ ཝཱ ཨཝཎྞེ བྷཉྙམཱནེ ཨཏྟམནོ ཧོཏི ཨུདགྒོ ཨབྷིརདྡྷོ. ཡསྶ ཝཱ པན ཏིཏྠཱཡཏནཱ སངྐནྟོ ཧོཏི, ཏསྶ སཏྠུནོ ཏསྶ དིཊྛིཡཱ ཏསྶ ཁནྟིཡཱ ཏསྶ རུཙིཡཱ ཏསྶ ཨཱདཱཡསྶ ཝཎྞེ བྷཉྙམཱནེ ཨཏྟམནོ ཧོཏི ཨུདགྒོ ཨབྷིརདྡྷོ, བུདྡྷསྶ ཝཱ དྷམྨསྶ ཝཱ སངྒྷསྶ ཝཱ ཝཎྞེ བྷཉྙམཱནེ ཀུཔིཏོ ཧོཏི ཨནཏྟམནོ ཨནབྷིརདྡྷོ. ཨིདཾ, བྷིཀྑཝེ, སངྒྷཱཏནིཀཾ ཨཉྙཏིཏྠིཡཔུབྦསྶ ཨནཱརཱདྷནཱིཡསྨིཾ. ཨེཝམྤི ཁོ, བྷིཀྑཝེ, ཨཉྙཏིཏྠིཡཔུབྦོ ཨནཱརཱདྷཀོ ཧོཏི. ཨེཝཾ ཨནཱརཱདྷཀོ ཁོ, བྷིཀྑཝེ, ཨཉྙཏིཏྠིཡཔུབྦོ ཨཱགཏོ ན ཨུཔསམྤཱདེཏབྦོ.

‘‘ཀཐཉྩ, བྷིཀྑཝེ, ཨཉྙཏིཏྠིཡཔུབྦོ ཨཱརཱདྷཀོ ཧོཏི? ཨིདྷ, བྷིཀྑཝེ, ཨཉྙཏིཏྠིཡཔུབྦོ ནཱཏིཀཱལེན གཱམཾ པཝིསཏི ནཱཏིདིཝཱ པཊིཀྐམཏི. ཨེཝམྤི, བྷིཀྑཝེ, ཨཉྙཏིཏྠིཡཔུབྦོ ཨཱརཱདྷཀོ ཧོཏི.

‘‘པུན ཙཔརཾ, བྷིཀྑཝེ, ཨཉྙཏིཏྠིཡཔུབྦོ ན ཝེསིཡཱགོཙརོ ཧོཏི, ན ཝིདྷཝཱགོཙརོ ཧོཏི, ན ཐུལླཀུམཱརིཀཱགོཙརོ ཧོཏི, ན པཎྜཀགོཙརོ ཧོཏི, ན བྷིཀྑུནིགོཙརོ ཧོཏི. ཨེཝམྤི, བྷིཀྑཝེ, ཨཉྙཏིཏྠིཡཔུབྦོ ཨཱརཱདྷཀོ ཧོཏི.

‘‘པུན ཙཔརཾ, བྷིཀྑཝེ, ཨཉྙཏིཏྠིཡཔུབྦོ ཡཱནི ཏཱནི སབྲཧྨཙཱརཱིནཾ ཨུཙྩཱཝཙཱནི ཀརཎཱིཡཱནི, ཏཏྠ དཀྑོ ཧོཏི, ཨནལསོ, ཏཏྲུཔཱཡཱཡ ཝཱིམཾསཱཡ སམནྣཱགཏོ, ཨལཾ ཀཱཏུཾ, ཨལཾ སཾཝིདྷཱཏུཾ. ཨེཝམྤི, བྷིཀྑཝེ, ཨཉྙཏིཏྠིཡཔུབྦོ ཨཱརཱདྷཀོ ཧོཏི.

‘‘པུན ཙཔརཾ, བྷིཀྑཝེ, ཨཉྙཏིཏྠིཡཔུབྦོ ཏིབྦཙྪནྡོ ཧོཏི ཨུདྡེསེ, པརིཔུཙྪཱཡ, ཨདྷིསཱིལེ, ཨདྷིཙིཏྟེ, ཨདྷིཔཉྙཱཡ. ཨེཝམྤི, བྷིཀྑཝེ, ཨཉྙཏིཏྠིཡཔུབྦོ ཨཱརཱདྷཀོ ཧོཏི.

‘‘པུན ཙཔརཾ, བྷིཀྑཝེ, ཨཉྙཏིཏྠིཡཔུབྦོ ཡསྶ ཏིཏྠཱཡཏནཱ སངྐནྟོ ཧོཏི, ཏསྶ སཏྠུནོ ཏསྶ དིཊྛིཡཱ ཏསྶ ཁནྟིཡཱ ཏསྶ རུཙིཡཱ ཏསྶ ཨཱདཱཡསྶ ཨཝཎྞེ བྷཉྙམཱནེ ཨཏྟམནོ ཧོཏི ཨུདགྒོ ཨབྷིརདྡྷོ, བུདྡྷསྶ ཝཱ དྷམྨསྶ ཝཱ སངྒྷསྶ ཝཱ ཨཝཎྞེ བྷཉྙམཱནེ ཀུཔིཏོ ཧོཏི ཨནཏྟམནོ ཨནབྷིརདྡྷོ. ཡསྶ ཝཱ པན ཏིཏྠཱཡཏནཱ སངྐནྟོ ཧོཏི, ཏསྶ སཏྠུནོ ཏསྶ དིཊྛིཡཱ ཏསྶ ཁནྟིཡཱ ཏསྶ རུཙིཡཱ ཏསྶ ཨཱདཱཡསྶ ཝཎྞེ བྷཉྙམཱནེ ཀུཔིཏོ ཧོཏི ཨནཏྟམནོ ཨནབྷིརདྡྷོ, བུདྡྷསྶ ཝཱ དྷམྨསྶ ཝཱ སངྒྷསྶ ཝཱ ཝཎྞེ བྷཉྙམཱནེ ཨཏྟམནོ ཧོཏི ཨུདགྒོ ཨབྷིརདྡྷོ. ཨིདཾ, བྷིཀྑཝེ, སངྒྷཱཏནིཀཾ ཨཉྙཏིཏྠིཡཔུབྦསྶ ཨཱརཱདྷནཱིཡསྨིཾ. ཨེཝམྤི ཁོ, བྷིཀྑཝེ, ཨཉྙཏིཏྠིཡཔུབྦོ ཨཱརཱདྷཀོ ཧོཏི. ཨེཝཾ ཨཱརཱདྷཀོ ཁོ, བྷིཀྑཝེ, ཨཉྙཏིཏྠིཡཔུབྦོ ཨཱགཏོ ཨུཔསམྤཱདེཏབྦོ.

‘‘སཙེ, བྷིཀྑཝེ, ཨཉྙཏིཏྠིཡཔུབྦོ ནགྒོ ཨཱགཙྪཏི, ཨུཔཛ྄ཛྷཱཡམཱུལཀཾ ཙཱིཝརཾ པརིཡེསིཏབྦཾ. སཙེ ཨཙྪིནྣཀེསོ ཨཱགཙྪཏི, སངྒྷོ ཨཔལོཀེཏབྦོ བྷཎྜུཀམྨཱཡ. ཡེ ཏེ, བྷིཀྑཝེ, ཨགྒིཀཱ ཛཊིལཀཱ, ཏེ ཨཱགཏཱ ཨུཔསམྤཱདེཏབྦཱ, ན ཏེསཾ པརིཝཱསོ དཱཏབྦོ. ཏཾ ཀིསྶ ཧེཏུ? ཀམྨཝཱདིནོ ཨེཏེ, བྷིཀྑཝེ, ཀིརིཡཝཱདིནོ. སཙེ, བྷིཀྑཝེ, ཛཱཏིཡཱ སཱཀིཡོ ཨཉྙཏིཏྠིཡཔུབྦོ ཨཱགཙྪཏི, སོ ཨཱགཏོ ཨུཔསམྤཱདེཏབྦོ, ན ཏསྶ པརིཝཱསོ དཱཏབྦོ. ཨིམཱཧཾ, བྷིཀྑཝེ, ཉཱཏཱིནཾ ཨཱཝེཎིཀཾ པརིཧཱརཾ དམྨཱི’’ཏི.

ཨཉྙཏིཏྠིཡཔུབྦཀཐཱ ནིཊྛིཏཱ.

སཏྟམབྷཱཎཝཱརོ.

༢༦. པཉྩཱབཱདྷཝཏྠུ

༨༨. ཏེན ཁོ པན སམཡེན མགདྷེསུ པཉྩ ཨཱབཱདྷཱ ཨུསྶནྣཱ ཧོནྟི – ཀུཊྛཾ, གཎྜོ, ཀིལཱསོ, སོསོ, ཨཔམཱརོ. མནུསྶཱ པཉྩཧི ཨཱབཱདྷེཧི ཕུཊྛཱ ཛཱིཝཀཾ ཀོམཱརབྷཙྩཾ ཨུཔསངྐམིཏྭཱ ཨེཝཾ ཝདནྟི – ‘‘སཱདྷུ ནོ, ཨཱཙརིཡ, ཏིཀིཙྪཱཧཱི’’ཏི. ‘‘ཨཧཾ ཁྭཡྻོ, བཧུཀིཙྩོ བཧུཀརཎཱིཡོ; རཱཛཱ ཙ མེ མཱགདྷོ སེནིཡོ བིམྦིསཱརོ ཨུཔཊྛཱཏབྦོ ཨིཏྠཱགཱརཉྩ བུདྡྷཔྤམུཁོ ཙ བྷིཀྑུསངྒྷོ; ནཱཧཾ སཀྐོམི ཏིཀིཙྪིཏུ’’ནྟི. ‘‘སབྦཾ སཱཔཏེཡྻཉྩ ཏེ, ཨཱཙརིཡ, ཧོཏུ; མཡཉྩ ཏེ དཱསཱ; སཱདྷུ, ནོ, ཨཱཙརིཡ, ཏིཀིཙྪཱཧཱི’’ཏི. ‘‘ཨཧཾ ཁྭཡྻོ, བཧུཀིཙྩོ བཧུཀརཎཱིཡོ རཱཛཱ ཙ མེ མཱགདྷོ སེནིཡོ བིམྦིསཱརོ ཨུཔཊྛཱཏབྦོ ཨིཏྠཱགཱརཉྩ བུདྡྷཔྤམུཁོ ཙ བྷིཀྑུསངྒྷོ; ནཱཧཾ སཀྐོམི ཏིཀིཙྪིཏུ’’ནྟི. ཨཐ ཁོ ཏེསཾ མནུསྶཱནཾ ཨེཏདཧོསི – ‘‘ཨིམེ ཁོ སམཎཱ སཀྱཔུཏྟིཡཱ སུཁསཱིལཱ སུཁསམཱཙཱརཱ, སུབྷོཛནཱནི བྷུཉྫིཏྭཱ ནིཝཱཏེསུ སཡནེསུ སཡནྟི. ཡཾནཱུན མཡཾ སམཎེསུ སཀྱཔུཏྟིཡེསུ པབྦཛེཡྻཱམ. ཏཏྠ བྷིཀྑཱུ ཙེཝ ཨུཔཊྛཧིསྶནྟི, ཛཱིཝཀོ ཙ ཀོམཱརབྷཙྩོ ཏིཀིཙྪིསྶཏཱི’’ཏི. ཨཐ ཁོ ཏེ མནུསྶཱ བྷིཀྑཱུ ཨུཔསངྐམིཏྭཱ པབྦཛྫཾ ཡཱཙིཾསུ. ཏེ བྷིཀྑཱུ པབྦཱཛེསུཾ, ཨུཔསམྤཱདེསུཾ. ཏེ བྷིཀྑཱུ ཙེཝ ཨུཔཊྛཧིཾསུ ཛཱིཝཀོ ཙ ཀོམཱརབྷཙྩོ ཏིཀིཙྪི. ཏེན ཁོ པན སམཡེན བྷིཀྑཱུ བཧཱུ གིལཱནེ བྷིཀྑཱུ ཨུཔཊྛཧནྟཱ ཡཱཙནབཧུལཱ ཝིཉྙཏྟིབཧུལཱ ཝིཧརནྟི – གིལཱནབྷཏྟཾ དེཐ, གིལཱནུཔཊྛཱཀབྷཏྟཾ དེཐ, གིལཱནབྷེསཛྫཾ དེཐཱཏི. ཛཱིཝཀོཔི ཀོམཱརབྷཙྩོ བཧཱུ གིལཱནེ བྷིཀྑཱུ ཏིཀིཙྪནྟོ ཨཉྙཏརཾ རཱཛཀིཙྩཾ པརིཧཱཔེསི.

༨༩. ཨཉྙཏརོཔི པུརིསོ པཉྩཧི ཨཱབཱདྷེཧི ཕུཊྛོ ཛཱིཝཀཾ ཀོམཱརབྷཙྩཾ ཨུཔསངྐམིཏྭཱ ཨེཏདཝོཙ – ‘‘སཱདྷུ མཾ, ཨཱཙརིཡ, ཏིཀིཙྪཱཧཱི’’ཏི. ‘‘ཨཧཾ ཁྭཡྻོ, བཧུཀིཙྩོ, བཧུཀརཎཱིཡོ, རཱཛཱ ཙ མེ མཱགདྷོ སེནིཡོ བིམྦིསཱརོ ཨུཔཊྛཱཏབྦོ ཨིཏྠཱགཱརཉྩ བུདྡྷཔྤམུཁོ ཙ བྷིཀྑུསངྒྷོ; ནཱཧཾ སཀྐོམི ཏིཀིཙྪིཏུ’’ནྟི. ‘‘སབྦཾ སཱཔཏེཡྻཉྩ ཏེ, ཨཱཙརིཡ, ཧོཏུ, ཨཧཉྩ ཏེ དཱསོ; སཱདྷུ མཾ, ཨཱཙརིཡ, ཏིཀིཙྪཱཧཱི’’ཏི. ‘‘ཨཧཾ ཁྭཡྻོ, བཧུཀིཙྩོ བཧུཀརཎཱིཡོ, རཱཛཱ ཙ མེ མཱགདྷོ སེནིཡོ བིམྦིསཱརོ ཨུཔཊྛཱཏབྦོ ཨིཏྠཱགཱརཉྩ བུདྡྷཔྤམུཁོ ཙ བྷིཀྑུསངྒྷོ, ནཱཧཾ སཀྐོམི ཏིཀིཙྪིཏུ’’ནྟི. ཨཐ ཁོ ཏསྶ པུརིསསྶ ཨེཏདཧོསི – ‘‘ཨིམེ ཁོ སམཎཱ སཀྱཔུཏྟིཡཱ སུཁསཱིལཱ སུཁསམཱཙཱརཱ, སུབྷོཛནཱནི བྷུཉྫིཏྭཱ ནིཝཱཏེསུ སཡནེསུ སཡནྟི. ཡཾནཱུནཱཧཾ སམཎེསུ སཀྱཔུཏྟིཡེསུ པབྦཛེཡྻཾ. ཏཏྠ བྷིཀྑཱུ ཙེཝ ཨུཔཊྛཧིསྶནྟི, ཛཱིཝཀོ ཙ ཀོམཱརབྷཙྩོ ཏིཀིཙྪིསྶཏི. སོམྷི [སོཧཾ (བཧཱུསུ, ཝིམཏིཝིནོདནཱིཊཱིཀཱ ཨོལོཀེཏབྦཱ)] ཨརོགོ ཝིབྦྷམིསྶཱམཱི’’ཏི. ཨཐ ཁོ སོ པུརིསོ བྷིཀྑུ ཨུཔསངྐམིཏྭཱ པབྦཛྫཾ ཡཱཙི. ཏཾ བྷིཀྑཱུ པབྦཱཛེསུཾ, ཨུཔསམྤཱདེསུཾ. ཏཾ བྷིཀྑཱུ ཙེཝ ཨུཔཊྛཧིཾསུ, ཛཱིཝཀོ ཙ ཀོམཱརབྷཙྩོ ཏིཀིཙྪི. སོ ཨརོགོ ཝིབྦྷམི. ཨདྡསཱ ཁོ ཛཱིཝཀོ ཀོམཱརབྷཙྩོ ཏཾ པུརིསཾ ཝིབྦྷནྟཾ, དིསྭཱན ཏཾ པུརིསཾ ཨེཏདཝོཙ – ‘‘ནནུ ཏྭཾ, ཨཡྻོ, བྷིཀྑཱུསུ པབྦཛིཏོ ཨཧོསཱི’’ཏི? ‘‘ཨེཝཾ, ཨཱཙརིཡཱ’’ཏི. ‘‘ཀིསྶ པན ཏྭཾ, ཨཡྻོ, ཨེཝརཱུཔམཀཱསཱི’’ཏི? ཨཐ ཁོ སོ པུརིསོ ཛཱིཝཀསྶ ཀོམཱརབྷཙྩསྶ ཨེཏམཏྠཾ ཨཱརོཙེསི. ཛཱིཝཀོ ཀོམཱརབྷཙྩོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ བྷདནྟཱ [བྷདྡནྟཱ (ཀ.)] པཉྩཧི ཨཱབཱདྷེཧི ཕུཊྛཾ པབྦཱཛེསྶནྟཱི’’ཏི. ཨཐ ཁོ ཛཱིཝཀོ ཀོམཱརབྷཙྩོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཛཱིཝཀོ ཀོམཱརབྷཙྩོ བྷགཝནྟཾ ཨེཏདཝོཙ – ‘‘སཱདྷུ, བྷནྟེ, ཨཡྻཱ པཉྩཧི ཨཱབཱདྷེཧི ཕུཊྛཾ ན པབྦཱཛེཡྻུ’’ནྟི. ཨཐ ཁོ བྷགཝཱ ཛཱིཝཀཾ ཀོམཱརབྷཙྩཾ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ ཛཱིཝཀོ ཀོམཱརབྷཙྩོ བྷགཝཏཱ དྷམྨིཡཱ ཀཐཱཡ སནྡསྶིཏོ སམཱདཔིཏོ སམུཏྟེཛིཏོ སམྤཧཾསིཏོ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, པཉྩཧི ཨཱབཱདྷེཧི ཕུཊྛོ པབྦཱཛེཏབྦོ. ཡོ པབྦཱཛེཡྻ, ཨཱཔཏྟི དུཀྐཊསྶཱ’’ཏི.

པཉྩཱབཱདྷཝཏྠུ ནིཊྛིཏཾ.

༢༧. རཱཛབྷཊཝཏྠུ

༩༠. ཏེན ཁོ པན སམཡེན རཉྙོ མཱགདྷསྶ སེནིཡསྶ བིམྦིསཱརསྶ པཙྩནྟོ ཀུཔིཏོ ཧོཏི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ སེནཱནཱཡཀེ མཧཱམཏྟེ ཨཱཎཱཔེསི – ‘‘གཙྪཐ, བྷཎེ, པཙྩནྟཾ ཨུཙྩིནཐཱ’’ཏི. ‘‘ཨེཝཾ, དེཝཱ’’ཏི ཁོ སེནཱནཱཡཀཱ མཧཱམཏྟཱ རཉྙོ མཱགདྷསྶ སེནིཡསྶ བིམྦིསཱརསྶ པཙྩསྶོསུཾ. ཨཐ ཁོ ཨབྷིཉྙཱཏཱནཾ ཨབྷིཉྙཱཏཱནཾ ཡོདྷཱནཾ ཨེཏདཧོསི – ‘‘མཡཾ ཁོ ཡུདྡྷཱབྷིནནྡིནོ གཙྪནྟཱ པཱཔཉྩ ཀརོམ, བཧུཉྩ ཨཔུཉྙཾ པསཝཱམ. ཀེན ནུ ཁོ མཡཾ ཨུཔཱཡེན པཱཔཱ ཙ ཝིརམེཡྻཱམ ཀལྱཱཎཉྩ ཀརེཡྻཱམཱ’’ཏི? ཨཐ ཁོ ཏེསཾ ཡོདྷཱནཾ ཨེཏདཧོསི – ‘‘ཨིམེ ཁོ སམཎཱ སཀྱཔུཏྟིཡཱ དྷམྨཙཱརིནོ སམཙཱརིནོ བྲཧྨཙཱརིནོ སཙྩཝཱདིནོ སཱིལཝནྟོ ཀལྱཱཎདྷམྨཱ. སཙེ ཁོ མཡཾ སམཎེསུ སཀྱཔུཏྟིཡེསུ པབྦཛེཡྻཱམ, ཨེཝཾ མཡཾ པཱཔཱ ཙ ཝིརམེཡྻཱམ ཀལྱཱཎཉྩ ཀརེཡྻཱམཱ’’ཏི. ཨཐ ཁོ ཏེ ཡོདྷཱ བྷིཀྑཱུ ཨུཔསངྐམིཏྭཱ པབྦཛྫཾ ཡཱཙིཾསུ. ཏེ བྷིཀྑཱུ པབྦཱཛེསུཾ, ཨུཔསམྤཱདེསུཾ. སེནཱནཱཡཀཱ མཧཱམཏྟཱ རཱཛབྷཊེ པུཙྪིཾསུ – ‘‘ཀིཾ ནུ ཁོ, བྷཎེ, ཨིཏྠནྣཱམོ ཙ ཨིཏྠནྣཱམོ ཙ ཡོདྷཱ ན དིསྶནྟཱི’’ཏི? ‘‘ཨིཏྠནྣཱམོ ཙ ཨིཏྠནྣཱམོ ཙ, སཱམི, ཡོདྷཱ བྷིཀྑཱུསུ པབྦཛིཏཱ’’ཏི. སེནཱནཱཡཀཱ མཧཱམཏྟཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ རཱཛབྷཊཾ པབྦཱཛེསྶནྟཱི’’ཏི. སེནཱནཱཡཀཱ མཧཱམཏྟཱ རཉྙོ མཱགདྷསྶ སེནིཡསྶ བིམྦིསཱརསྶ ཨེཏམཏྠཾ ཨཱརོཙེསུཾ. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཝོཧཱརིཀེ མཧཱམཏྟེ པུཙྪི – ‘‘ཡོ, བྷཎེ, རཱཛབྷཊཾ པབྦཱཛེཏི, ཀིཾ སོ པསཝཏཱི’’ཏི? ‘‘ཨུཔཛ྄ཛྷཱཡསྶ, དེཝ, སཱིསཾ ཚེཏབྦཾ, ཨནུསྶཱཝཀསྶ [ཨནུསཱཝཀསྶ (ཀ.)] ཛིཝ྄ཧཱ ཨུདྡྷརིཏབྦཱ, གཎསྶ ཨུཔཌྜྷཕཱསུཀཱ བྷཉྫིཏབྦཱ’’ཏི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ རཱཛཱ མཱགདྷོ སེནིཡོ བིམྦིསཱརོ བྷགཝནྟཾ ཨེཏདཝོཙ – ‘‘སནྟི, བྷནྟེ, རཱཛཱནོ ཨསྶདྡྷཱ ཨཔྤསནྣཱ. ཏེ ཨཔྤམཏྟཀེནཔི བྷིཀྑཱུ ཝིཧེཋེཡྻུཾ. སཱདྷུ, བྷནྟེ, ཨཡྻཱ རཱཛབྷཊཾ ན པབྦཱཛེཡྻུ’’ནྟི. ཨཐ ཁོ བྷགཝཱ རཱཛཱནཾ མཱགདྷཾ སེནིཡཾ བིམྦིསཱརཾ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ བྷགཝཏཱ དྷམྨིཡཱ ཀཐཱཡ སནྡསྶིཏོ སམཱདཔིཏོ སམུཏྟེཛིཏོ སམྤཧཾསིཏོ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, རཱཛབྷཊོ པབྦཱཛེཏབྦོ. ཡོ པབྦཱཛེཡྻ, ཨཱཔཏྟི དུཀྐཊསྶཱ’’ཏི.

རཱཛབྷཊཝཏྠུ ནིཊྛིཏཾ.

༢༨. ཨངྒུལིམཱལཙོརཝཏྠུ

༩༡. ཏེན ཁོ པན སམཡེན ཙོརོ ཨངྒུལིམཱལོ བྷིཀྑཱུསུ པབྦཛིཏོ ཧོཏི. མནུསྶཱ པསྶིཏྭཱ ཨུབྦིཛྫནྟིཔི, ཨུཏྟསནྟིཔི, པལཱཡནྟིཔི, ཨཉྙེནཔི གཙྪནྟི, ཨཉྙེནཔི མུཁཾ ཀརོནྟི, དྭཱརམྤི ཐཀེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ དྷཛབནྡྷཾ ཙོརཾ པབྦཱཛེསྶནྟཱི’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ན, བྷིཀྑཝེ, དྷཛབནྡྷོ ཙོརོ པབྦཱཛེཏབྦོ. ཡོ པབྦཱཛེཡྻ, ཨཱཔཏྟི དུཀྐཊསྶཱཏི.

ཨངྒུལིམཱལཙོརཝཏྠུ ནིཊྛིཏཾ.

༢༩. ཀཱརབྷེདཀཙོརཝཏྠུ

༩༢. ཏེན ཁོ པན སམཡེན རཉྙཱ མཱགདྷེན སེནིཡེན བིམྦིསཱརེན ཨནུཉྙཱཏཾ ཧོཏི – ‘‘ཡེ སམཎེསུ སཀྱཔུཏྟིཡེསུ པབྦཛནྟི, ན ཏེ ལབྦྷཱ ཀིཉྩི ཀཱཏུཾ; སྭཱཀྑཱཏོ དྷམྨོ, ཙརནྟུ བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. ཏེན ཁོ པན སམཡེན ཨཉྙཏརོ པུརིསོ ཙོརིཀཾ ཀཏྭཱ ཀཱརཱཡ བདྡྷོ ཧོཏི. སོ ཀཱརཾ བྷིནྡིཏྭཱ པལཱཡིཏྭཱ བྷིཀྑཱུསུ པབྦཛིཏོ ཧོཏི. མནུསྶཱ པསྶིཏྭཱ ཨེཝམཱཧཾསུ – ‘‘ཨཡཾ སོ ཀཱརབྷེདཀོ ཙོརོ. ཧནྡ, ནཾ ནེམཱ’’ཏི. ཨེཀཙྩེ ཨེཝམཱཧཾསུ – ‘‘མཱཡྻོ, ཨེཝཾ ཨཝཙུཏྠ. ཨནུཉྙཱཏཾ རཉྙཱ མཱགདྷེན སེནིཡེན བིམྦིསཱརེན – ‘‘ཡེ སམཎེསུ སཀྱཔུཏྟིཡེསུ པབྦཛནྟི, ན ཏེ ལབྦྷཱ ཀིཉྩི ཀཱཏུཾ; སྭཱཀྑཱཏོ དྷམྨོ, ཙརནྟུ བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཨབྷཡཱུཝརཱ ཨིམེ སམཎཱ སཀྱཔུཏྟིཡཱ, ནཡིམེ ལབྦྷཱ ཀིཉྩི ཀཱཏུཾ. ཀཐཉྷི ནཱམ སམཎཱ སཀྱཔུཏྟིཡཱ ཀཱརབྷེདཀཾ ཙོརཾ པབྦཱཛེསྶནྟཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཀཱརབྷེདཀོ ཙོརོ པབྦཱཛེཏབྦོ. ཡོ པབྦཱཛེཡྻ, ཨཱཔཏྟི དུཀྐཊསྶཱཏི.

ཀཱརབྷེདཀཙོརཝཏྠུ ནིཊྛིཏཾ.

༣༠. ལིཁིཏཀཙོརཝཏྠུ

༩༣. ཏེན ཁོ པན སམཡེན ཨཉྙཏརོ པུརིསོ ཙོརིཀཾ ཀཏྭཱ པལཱཡིཏྭཱ བྷིཀྑཱུསུ པབྦཛིཏོ ཧོཏི. སོ ཙ རཉྙོ ཨནྟེཔུརེ ལིཁིཏོ ཧོཏི – ཡཏྠ པསྶཏི, ཏཏྠ ཧནྟབྦོཏི. མནུསྶཱ པསྶིཏྭཱ ཨེཝམཱཧཾསུ – ‘‘ཨཡཾ སོ ལིཁིཏཀོ ཙོརོ. ཧནྡ, ནཾ ཧནཱམཱ’’ཏི. ཨེཀཙྩེ ཨེཝམཱཧཾསུ – ‘‘མཱཡྻོ, ཨེཝཾ ཨཝཙུཏྠ. ཨནུཉྙཱཏཾ རཉྙཱ མཱགདྷེན སེནིཡེན བིམྦིསཱརེན ‘‘ཡེ སམཎེསུ སཀྱཔུཏྟིཡེསུ པབྦཛནྟི, ན ཏེ ལབྦྷཱ ཀིཉྩི ཀཱཏུཾ, སྭཱཀྑཱཏོ དྷམྨོ, ཙརནྟུ བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཨབྷཡཱུཝརཱ ཨིམེ སམཎཱ སཀྱཔུཏྟིཡཱ, ནཡིམེ ལབྦྷཱ ཀིཉྩི ཀཱཏུཾ. ཀཐཉྷི ནཱམ སམཎཱ སཀྱཔུཏྟིཡཱ ལིཁིཏཀཾ ཙོརཾ པབྦཱཛེསྶནྟཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ལིཁིཏཀོ ཙོརོ པབྦཱཛེཏབྦོ. ཡོ པབྦཱཛེཡྻ, ཨཱཔཏྟི དུཀྐཊསྶཱཏི.

ལིཁིཏཀཙོརཝཏྠུ ནིཊྛིཏཾ.

༣༡. ཀསཱཧཏཝཏྠུ

༩༤. ཏེན ཁོ པན སམཡེན ཨཉྙཏརོ པུརིསོ ཀསཱཧཏོ ཀཏདཎྜཀམྨོ བྷིཀྑཱུསུ པབྦཛིཏོ ཧོཏི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཀསཱཧཏཾ ཀཏདཎྜཀམྨཾ པབྦཱཛེསྶནྟཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཀསཱཧཏོ ཀཏདཎྜཀམྨོ པབྦཱཛེཏབྦོ. ཡོ པབྦཱཛེཡྻ, ཨཱཔཏྟི དུཀྐཊསྶཱཏི.

ཀསཱཧཏཝཏྠུ ནིཊྛིཏཾ.

༣༢. ལཀྑཎཱཧཏཝཏྠུ

༩༥. ཏེན ཁོ པན སམཡེན ཨཉྙཏརོ པུརིསོ ལཀྑཎཱཧཏོ ཀཏདཎྜཀམྨོ བྷིཀྑཱུསུ པབྦཛིཏོ ཧོཏི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ལཀྑཎཱཧཏཾ ཀཏདཎྜཀམྨཾ པབྦཱཛེསྶནྟཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ལཀྑཎཱཧཏོ ཀཏདཎྜཀམྨོ པབྦཱཛེཏབྦོ. ཡོ པབྦཱཛེཡྻ, ཨཱཔཏྟི དུཀྐཊསྶཱཏི.

ལཀྑཎཱཧཏཝཏྠུ ནིཊྛིཏཾ.

༣༣. ཨིཎཱཡིཀཝཏྠུ

༩༦. ཏེན ཁོ པན སམཡེན ཨཉྙཏརོ པུརིསོ ཨིཎཱཡིཀོ པལཱཡིཏྭཱ བྷིཀྑཱུསུ པབྦཛིཏོ ཧོཏི. དྷནིཡཱ པསྶིཏྭཱ ཨེཝམཱཧཾསུ – ‘‘ཨཡཾ སོ ཨམྷཱཀཾ ཨིཎཱཡིཀོ. ཧནྡ, ནཾ ནེམཱ’’ཏི. ཨེཀཙྩེ ཨེཝམཱཧཾསུ – ‘‘མཱཡྻོ, ཨེཝཾ ཨཝཙུཏྠ. ཨནུཉྙཱཏཾ རཉྙཱ མཱགདྷེན སེནིཡེན བིམྦིསཱརེན – ‘‘ཡེ སམཎེསུ སཀྱཔུཏྟིཡེསུ པབྦཛནྟི, ན ཏེ ལབྦྷཱ ཀིཉྩི ཀཱཏུཾ; སྭཱཀྑཱཏོ དྷམྨོ, ཙརནྟུ བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཨབྷཡཱུཝརཱ ཨིམེ སམཎཱ སཀྱཔུཏྟིཡཱ. ནཡིམེ ལབྦྷཱ ཀིཉྩི ཀཱཏུཾ. ཀཐཉྷི ནཱམ སམཎཱ སཀྱཔུཏྟིཡཱ ཨིཎཱཡིཀཾ པབྦཱཛེསྶནྟཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨིཎཱཡིཀོ པབྦཱཛེཏབྦོ. ཡོ པབྦཱཛེཡྻ, ཨཱཔཏྟི དུཀྐཊསྶཱཏི.

ཨིཎཱཡིཀཝཏྠུ ནིཊྛིཏཾ.

༣༤. དཱསཝཏྠུ

༩༧. ཏེན ཁོ པན སམཡེན ཨཉྙཏརོ དཱསོ པལཱཡིཏྭཱ བྷིཀྑཱུསུ པབྦཛིཏོ ཧོཏི. ཨཡྻཀཱ [ཨཡྻིཀཱ (ཀ.), ཨཡིརཀཱ (སཱི.)] པསྶིཏྭཱ ཨེཝམཱཧཾསུ – ‘‘ཨཡཾ སོ ཨམྷཱཀཾ དཱསོ. ཧནྡ, ནཾ ནེམཱ’’ཏི. ཨེཀཙྩེ ཨེཝམཱཧཾསུ – ‘‘མཱཡྻོ, ཨེཝཾ ཨཝཙུཏྠ, ཨནུཉྙཱཏཾ རཉྙཱ མཱགདྷེན སེནིཡེན བིམྦིསཱརེན ‘‘ཡེ སམཎེསུ སཀྱཔུཏྟིཡེསུ པབྦཛནྟི, ན ཏེ ལབྦྷཱ ཀིཉྩི ཀཱཏུཾ, སྭཱཀྑཱཏོ དྷམྨོ, ཙརནྟུ བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཨབྷཡཱུཝརཱ ཨིམེ སམཎཱ སཀྱཔུཏྟིཡཱ, ནཡིམེ ལབྦྷཱ ཀིཉྩི ཀཱཏུཾ. ཀཐཉྷི ནཱམ སམཎཱ སཀྱཔུཏྟིཡཱ དཱསཾ པབྦཱཛེསྶནྟཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, དཱསོ པབྦཱཛེཏབྦོ. ཡོ པབྦཱཛེཡྻ, ཨཱཔཏྟི དུཀྐཊསྶཱཏི.

དཱསཝཏྠུ ནིཊྛིཏཾ.

༣༥. ཀམྨཱརབྷཎྜུཝཏྠུ

༩༨. ཏེན ཁོ པན སམཡེན ཨཉྙཏརོ ཀམྨཱརབྷཎྜུ མཱཏཱཔིཏཱུཧི སདྡྷིཾ བྷཎྜིཏྭཱ ཨཱརཱམཾ གནྟྭཱ བྷིཀྑཱུསུ པབྦཛིཏོ ཧོཏི. ཨཐ ཁོ ཏསྶ ཀམྨཱརབྷཎྜུསྶ མཱཏཱཔིཏརོ ཏཾ ཀམྨཱརབྷཎྜུཾ ཝིཙིནནྟཱ ཨཱརཱམཾ གནྟྭཱ བྷིཀྑཱུ པུཙྪིཾསུ – ‘‘ཨཔི, བྷནྟེ, ཨེཝརཱུཔཾ དཱརཀཾ པསྶེཡྻཱཐཱ’’ཏི? བྷིཀྑཱུ ཨཛཱནཾཡེཝ ཨཱཧཾསུ – ‘‘ན ཛཱནཱམཱ’’ཏི, ཨཔསྶཾཡེཝ ཨཱཧཾསུ – ‘‘ན པསྶཱམཱ’’ཏི. ཨཐ ཁོ ཏསྶ ཀམྨཱརབྷཎྜུསྶ མཱཏཱཔིཏརོ ཏཾ ཀམྨཱརབྷཎྜུཾ ཝིཙིནནྟཱ བྷིཀྑཱུསུ པབྦཛིཏཾ དིསྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཨལཛྫིནོ ཨིམེ སམཎཱ སཀྱཔུཏྟིཡཱ, དུསྶཱིལཱ མུསཱཝཱདིནོ. ཛཱནཾཡེཝ ཨཱཧཾསུ – ‘ན ཛཱནཱམཱ’ཏི, པསྶཾཡེཝ ཨཱཧཾསུ – ‘ན པསྶཱམཱ’ཏི. ཨཡཾ དཱརཀོ བྷིཀྑཱུསུ པབྦཛིཏོ’’ཏི. ཨསྶོསུཾ ཁོ བྷིཀྑཱུ ཏསྶ ཀམྨཱརབྷཎྜུསྶ མཱཏཱཔིཏཱུནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སངྒྷཾ ཨཔལོཀེཏུཾ བྷཎྜུཀམྨཱཡཱཏི.

ཀམྨཱརབྷཎྜུཝཏྠུ ནིཊྛིཏཾ.

༣༦. ཨུཔཱལིདཱརཀཝཏྠུ

༩༩. [ཨིདཾ ཝཏྠུ པཱཙི. ༤༠༢ ཨཱདཡོ] ཏེན ཁོ པན སམཡེན རཱཛགཧེ སཏྟརསཝགྒིཡཱ དཱརཀཱ སཧཱཡཀཱ ཧོནྟི. ཨུཔཱལིདཱརཀོ ཏེསཾ པཱམོཀྑོ ཧོཏི. ཨཐ ཁོ ཨུཔཱལིསྶ མཱཏཱཔིཏཱུནཾ ཨེཏདཧོསི – ‘‘ཀེན ནུ ཁོ ཨུཔཱཡེན ཨུཔཱལི ཨམྷཱཀཾ ཨཙྩཡེན སུཁཉྩ ཛཱིཝེཡྻ, ན ཙ ཀིལམེཡྻཱ’’ཏི? ཨཐ ཁོ ཨུཔཱལིསྶ མཱཏཱཔིཏཱུནཾ ཨེཏདཧོསི – ‘‘སཙེ ཁོ ཨུཔཱལི ལེཁཾ སིཀྑེཡྻ, ཨེཝཾ ཁོ ཨུཔཱལི ཨམྷཱཀཾ ཨཙྩཡེན སུཁཉྩ ཛཱིཝེཡྻ, ན ཙ ཀིལམེཡྻཱ’’ཏི. ཨཐ ཁོ ཨུཔཱལིསྶ མཱཏཱཔིཏཱུནཾ ཨེཏདཧོསི – ‘‘སཙེ ཁོ ཨུཔཱལི ལེཁཾ སིཀྑིསྶཏི, ཨངྒུལིཡོ དུཀྑཱ བྷཝིསྶནྟི. སཙེ ཁོ ཨུཔཱལི གཎནཾ སིཀྑེཡྻ, ཨེཝཾ ཁོ ཨུཔཱལི ཨམྷཱཀཾ ཨཙྩཡེན སུཁཉྩ ཛཱིཝེཡྻ, ན ཙ ཀིལམེཡྻཱ’’ཏི. ཨཐ ཁོ ཨུཔཱལིསྶ མཱཏཱཔིཏཱུནཾ ཨེཏདཧོསི – ‘‘སཙེ ཁོ ཨུཔཱལི གཎནཾ སིཀྑིསྶཏི, ཨུརསྶ དུཀྑོ བྷཝིསྶཏི. སཙེ ཁོ ཨུཔཱལི རཱུཔཾ སིཀྑེཡྻ, ཨེཝཾ ཁོ ཨུཔཱལི ཨམྷཱཀཾ ཨཙྩཡེན སུཁཉྩ ཛཱིཝེཡྻ, ན ཙ ཀིལམེཡྻཱ’’ཏི. ཨཐ ཁོ ཨུཔཱལིསྶ མཱཏཱཔིཏཱུནཾ ཨེཏདཧོསི – ‘‘སཙེ ཁོ ཨུཔཱལི རཱུཔཾ སིཀྑིསྶཏི, ཨཀྑཱིནི དུཀྑཱ བྷཝིསྶནྟི. ཨིམེ ཁོ སམཎཱ སཀྱཔུཏྟིཡཱ སུཁསཱིལཱ སུཁསམཱཙཱརཱ, སུབྷོཛནཱནི བྷུཉྫིཏྭཱ ནིཝཱཏེསུ སཡནེསུ སཡནྟི. སཙེ ཁོ ཨུཔཱལི སམཎེསུ སཀྱཔུཏྟིཡེསུ པབྦཛེཡྻ, ཨེཝཾ ཁོ ཨུཔཱལི ཨམྷཱཀཾ ཨཙྩཡེན སུཁཉྩ ཛཱིཝེཡྻ, ན ཙ ཀིལམེཡྻཱ’’ཏི.

ཨསྶོསི ཁོ ཨུཔཱལིདཱརཀོ མཱཏཱཔིཏཱུནཾ ཨིམཾ ཀཐཱསལླཱཔཾ. ཨཐ ཁོ ཨུཔཱལིདཱརཀོ ཡེན ཏེ དཱརཀཱ ཏེནུཔསངྐམི, ཨུཔསངྐམིཏྭཱ ཏེ དཱརཀེ ཨེཏདཝོཙ – ‘‘ཨེཐ མཡཾ, ཨཡྻཱ, སམཎེསུ སཀྱཔུཏྟིཡེསུ པབྦཛིསྶཱམཱ’’ཏི. ‘‘སཙེ ཁོ ཏྭཾ, ཨཡྻ, པབྦཛིསྶསི, ཨེཝཾ མཡམྤི པབྦཛིསྶཱམཱ’’ཏི. ཨཐ ཁོ ཏེ དཱརཀཱ ཨེཀམེཀསྶ མཱཏཱཔིཏརོ ཨུཔསངྐམིཏྭཱ ཨེཏདཝོཙུཾ – ‘‘ཨནུཛཱནཱཐ མཾ ཨགཱརསྨཱ ཨནཱགཱརིཡཾ པབྦཛྫཱཡཱ’’ཏི. ཨཐ ཁོ ཏེསཾ དཱརཀཱནཾ མཱཏཱཔིཏརོ – ‘‘སབྦེཔིམེ དཱརཀཱ སམཱནཙྪནྡཱ ཀལྱཱཎཱདྷིཔྤཱཡཱ’’ཏི – ཨནུཛཱནིཾསུ. ཏེ བྷིཀྑཱུ ཨུཔསངྐམིཏྭཱ པབྦཛྫཾ ཡཱཙིཾསུ. ཏེ བྷིཀྑཱུ པབྦཱཛེསུཾ ཨུཔསམྤཱདེསུཾ. ཏེ རཏྟིཡཱ པཙྩཱུསསམཡཾ པཙྩུཊྛཱཡ རོདནྟི – ‘‘ཡཱགུཾ དེཐ, བྷཏྟཾ དེཐ, ཁཱདནཱིཡཾ དེཐཱ’’ཏི. བྷིཀྑཱུ ཨེཝམཱཧཾསུ – ‘‘ཨཱགམེཐ, ཨཱཝུསོ, ཡཱཝ རཏྟི ཝིབྷཱཡཏི. སཙེ ཡཱགུ བྷཝིསྶཏི པིཝིསྶཐ, སཙེ བྷཏྟཾ བྷཝིསྶཏི བྷུཉྫིསྶཐ, སཙེ ཁཱདནཱིཡཾ བྷཝིསྶཏི ཁཱདིསྶཐ; ནོ ཙེ བྷཝིསྶཏི ཡཱགུ ཝཱ བྷཏྟཾ ཝཱ ཁཱདནཱིཡཾ ཝཱ, པིཎྜཱཡ ཙརིཏྭཱ བྷུཉྫིསྶཐཱ’’ཏི. ཨེཝམྤི ཁོ ཏེ བྷིཀྑཱུ བྷིཀྑཱུཧི ཝུཙྩམཱནཱ རོདནྟིཡེཝ ‘‘ཡཱགུཾ དེཐ, བྷཏྟཾ དེཐ, ཁཱདནཱིཡཾ དེཐཱ’’ཏི; སེནཱསནཾ ཨུཧདནྟིཔི ཨུམྨིཧནྟིཔི.

ཨསྶོསི ཁོ བྷགཝཱ རཏྟིཡཱ པཙྩཱུསསམཡཾ པཙྩུཊྛཱཡ དཱརཀསདྡཾ. སུཏྭཱན ཨཱཡསྨནྟཾ ཨཱནནྡཾ ཨཱམནྟེསི – ‘‘ཀིཾ ནུ ཁོ སོ, ཨཱནནྡ, དཱརཀསདྡོ’’ཏི? ཨཐ ཁོ ཨཱཡསྨཱ ཨཱནནྡོ བྷགཝཏོ ཨེཏམཏྠཾ ཨཱརོཙེསི…པེ… ‘‘སཙྩཾ ཀིར, བྷིཀྑཝེ, བྷིཀྑཱུ ཛཱནཾ ཨཱུནཝཱིསཏིཝསྶཾ པུགྒལཾ ཨུཔསམྤཱདེནྟཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ཛཱནཾ ཨཱུནཝཱིསཏིཝསྶཾ པུགྒལཾ ཨུཔསམྤཱདེསྶནྟི. ཨཱུནཝཱིསཏིཝསྶོ, བྷིཀྑཝེ, པུགྒལོ ཨཀྑམོ ཧོཏི སཱིཏསྶ ཨུཎྷསྶ ཛིགྷཙྪཱཡ པིཔཱསཱཡ ཌཾསམཀསཝཱཏཱཏཔསརཱིསཔསམྥསྶཱནཾ དུརུཏྟཱནཾ དུརཱགཏཱནཾ ཝཙནཔཐཱནཾ ཨུཔྤནྣཱནཾ སཱརཱིརིཀཱནཾ ཝེདནཱནཾ དུཀྑཱནཾ ཏིབྦཱནཾ ཁརཱནཾ ཀཊུཀཱནཾ ཨསཱཏཱནཾ ཨམནཱཔཱནཾ པཱཎཧརཱནཾ ཨནདྷིཝཱསཀཛཱཏིཀོ ཧོཏི. ཝཱིསཏིཝསྶོཝ ཁོ, བྷིཀྑཝེ, པུགྒལོ ཁམོ ཧོཏི སཱིཏསྶ ཨུཎྷསྶ ཛིགྷཙྪཱཡ པིཔཱསཱཡ ཌཾསམཀསཝཱཏཱཏཔསརཱིསཔསམྥསྶཱནཾ དུརུཏྟཱནཾ དུརཱགཏཱནཾ ཝཙནཔཐཱནཾ, ཨུཔྤནྣཱནཾ སཱརཱིརིཀཱནཾ ཝེདནཱནཾ དུཀྑཱནཾ ཏིབྦཱནཾ ཁརཱནཾ ཀཊུཀཱནཾ ཨསཱཏཱནཾ ཨམནཱཔཱནཾ པཱཎཧརཱནཾ ཨདྷིཝཱསཀཛཱཏིཀོ ཧོཏི. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ, པསནྣཱནཾ ཝཱ བྷིཡྻོབྷཱཝཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཛཱནཾ ཨཱུནཝཱིསཏིཝསྶོ པུགྒལོ ཨུཔསམྤཱདེཏབྦོ. ཡོ ཨུཔསམྤཱདེཡྻ, ཡཐཱདྷམྨོ ཀཱརེཏབྦོ’’ཏི.

ཨུཔཱལིདཱརཀཝཏྠུ ནིཊྛིཏཾ.

༣༧. ཨཧིཝཱཏཀརོགཝཏྠུ

༡༠༠. ཏེན ཁོ པན སམཡེན ཨཉྙཏརཾ ཀུལཾ ཨཧིཝཱཏཀརོགེན ཀཱལངྐཏཾ ཧོཏི. ཏསྶ པིཏཱཔུཏྟཀཱ སེསཱ ཧོནྟི. ཏེ བྷིཀྑཱུསུ པབྦཛིཏྭཱ ཨེཀཏོཝ པིཎྜཱཡ ཙརནྟི. ཨཐ ཁོ སོ དཱརཀོ པིཏུནོ བྷིཀྑཱཡ དིནྣཱཡ ཨུཔདྷཱཝིཏྭཱ ཨེཏདཝོཙ – ‘‘མཡ྄ཧམྤི, ཏཱཏ, དེཧི; མཡ྄ཧམྤི, ཏཱཏ, དེཧཱི’’ཏི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཨབྲཧྨཙཱརིནོ ཨིམེ སམཎཱ སཀྱཔུཏྟིཡཱ. ཨཡམྤི དཱརཀོ བྷིཀྑུནིཡཱ ཛཱཏོ’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨཱུནཔནྣརསཝསྶོ དཱརཀོ པབྦཱཛེཏབྦོ. ཡོ པབྦཱཛེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན ཨཱཡསྨཏོ ཨཱནནྡསྶ ཨུཔཊྛཱཀཀུལཾ སདྡྷཾ པསནྣཾ ཨཧིཝཱཏཀརོགེན ཀཱལངྐཏཾ ཧོཏི, དྭེ ཙ དཱརཀཱ སེསཱ ཧོནྟི. ཏེ པོརཱཎཀེན ཨཱཙིཎྞཀཔྤེན བྷིཀྑཱུ པསྶིཏྭཱ ཨུཔདྷཱཝནྟི. བྷིཀྑཱུ ཨཔསཱདེནྟི. ཏེ བྷིཀྑཱུཧི ཨཔསཱདིཡམཱནཱ རོདནྟི. ཨཐ ཁོ ཨཱཡསྨཏོ ཨཱནནྡསྶ ཨེཏདཧོསི – ‘‘བྷགཝཏཱ པཉྙཏྟཾ ‘ན ཨཱུནཔནྣརསཝསྶོ དཱརཀོ པབྦཱཛེཏབྦོ’ཏི. ཨིམེ ཙ དཱརཀཱ ཨཱུནཔནྣརསཝསྶཱ. ཀེན ནུ ཁོ ཨུཔཱཡེན ཨིམེ དཱརཀཱ ན ཝིནསྶེཡྻུ’’ནྟི? ཨཐ ཁོ ཨཱཡསྨཱ ཨཱནནྡོ བྷགཝཏོ ཨེཏམཏྠཾ ཨཱརོཙེསི. ཨུསྶཧནྟི པན ཏེ, ཨཱནནྡ, དཱརཀཱ ཀཱཀེ ཨུཌྜཱཔེཏུནྟི? ཨུསྶཧནྟི, བྷགཝཱཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཨཱུནཔནྣརསཝསྶཾ དཱརཀཾ ཀཱཀུཌྜེཔཀཾ པབྦཱཛེཏུ’’ནྟི.

ཨཧིཝཱཏཀརོགཝཏྠུ ནིཊྛིཏཾ.

༣༨. ཀཎྚཀཝཏྠུ

༡༠༡. ཏེན ཁོ པན སམཡེན ཨཱཡསྨཏོ ཨུཔནནྡསྶ སཀྱཔུཏྟསྶ དྭེ སཱམཎེརཱ ཧོནྟི – ཀཎྚཀོ ཙ མཧཀོ ཙ. ཏེ ཨཉྙམཉྙཾ དཱུསེསུཾ. བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སཱམཎེརཱ ཨེཝརཱུཔཾ ཨནཱཙཱརཾ ཨཱཙརིསྶནྟཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨེཀེན དྭེ སཱམཎེརཱ ཨུཔཊྛཱཔེཏབྦཱ. ཡོ ཨུཔཊྛཱཔེཡྻ, ཨཱཔཏྟི དུཀྐཊསྶཱཏི.

ཀཎྚཀཝཏྠུ ནིཊྛིཏཾ.

༣༩. ཨཱཧུནྡརིཀཝཏྠུ

༡༠༢. ཏེན ཁོ པན སམཡེན བྷགཝཱ ཏཏྠེཝ རཱཛགཧེ ཝསྶཾ ཝསི, ཏཏྠ ཧེམནྟཾ, ཏཏྠ གིམྷཾ. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཨཱཧུནྡརིཀཱ སམཎཱནཾ སཀྱཔུཏྟིཡཱནཾ དིསཱ ཨནྡྷཀཱརཱ, ན ཨིམེསཾ དིསཱ པཀྑཱཡནྟཱི’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨཱཡསྨནྟཾ ཨཱནནྡཾ ཨཱམནྟེསི – ‘‘གཙྪཱནནྡ, ཨཝཱཔུརཎཾ [ཨཔཱཔུརཎཾ (ཀ.)] ཨཱདཱཡ ཨནུཔརིཝེཎིཡཾ བྷིཀྑཱུནཾ ཨཱརོཙེཧི – ‘‘ཨིཙྪཏཱཝུསོ བྷགཝཱ དཀྑིཎཱགིརིཾ ཙཱརིཀཾ པཀྐམིཏུཾ. ཡསྶཱཡསྨཏོ ཨཏྠོ, སོ ཨཱགཙྪཏཱུ’’ཏི. ཨེཝཾ, བྷནྟེ, ཏི ཁོ ཨཱཡསྨཱ ཨཱནནྡོ བྷགཝཏོ པཊིསྶུཎིཏྭཱ ཨཝཱཔུརཎཾ ཨཱདཱཡ ཨནུཔརིཝེཎིཡཾ བྷིཀྑཱུནཾ ཨཱརོཙེསི – ‘ཨིཙྪཏཱཝུསོ བྷགཝཱ དཀྑིཎཱགིརིཾ ཙཱརིཀཾ པཀྐམིཏུཾ. ཡསྶཱཡསྨཏོ ཨཏྠོ, སོ ཨཱགཙྪཏཱུ’’’ཏི. བྷིཀྑཱུ ཨེཝམཱཧཾསུ – ‘‘བྷགཝཏཱ, ཨཱཝུསོ ཨཱནནྡ, པཉྙཏྟཾ དསཝསྶཱནི ནིསྶཱཡ ཝཏྠུཾ, དསཝསྶེན ནིསྶཡཾ དཱཏུཾ. ཏཏྠ ཙ ནོ གནྟབྦཾ བྷཝིསྶཏི, ནིསྶཡོ ཙ གཧེཏབྦོ བྷཝིསྶཏི, ཨིཏྟརོ ཙ ཝཱསོ བྷཝིསྶཏི, པུན ཙ པཙྩཱགནྟབྦཾ བྷཝིསྶཏི, པུན ཙ ནིསྶཡོ གཧེཏབྦོ བྷཝིསྶཏི. སཙེ ཨམྷཱཀཾ ཨཱཙརིཡུཔཛ྄ཛྷཱཡཱ གམིསྶནྟི, མཡམྤི གམིསྶཱམ; ནོ ཙེ ཨམྷཱཀཾ ཨཱཙརིཡུཔཛ྄ཛྷཱཡཱ གམིསྶནྟི, མཡམྤི ན གམིསྶཱམ. ལཧུཙིཏྟཀཏཱ ནོ, ཨཱཝུསོ ཨཱནནྡ, པཉྙཱཡིསྶཏཱི’’ཏི. ཨཐ ཁོ བྷགཝཱ ཨོགཎེན བྷིཀྑུསངྒྷེན དཀྑིཎཱགིརིཾ ཙཱརིཀཾ པཀྐཱམི.

ཨཱཧུནྡརིཀཝཏྠུ ནིཊྛིཏཾ.

༤༠. ནིསྶཡམུཙྩནཀཀཐཱ

༡༠༣. ཨཐ ཁོ བྷགཝཱ དཀྑིཎཱགིརིསྨིཾ ཡཐཱབྷིརནྟཾ ཝིཧརིཏྭཱ པུནདེཝ རཱཛགཧཾ པཙྩཱགཙྪི. ཨཐ ཁོ བྷགཝཱ ཨཱཡསྨནྟཾ ཨཱནནྡཾ ཨཱམནྟེསི – ‘‘ཀིཾ ནུ ཁོ, ཨཱནནྡ, ཏཐཱགཏོ ཨོགཎེན བྷིཀྑུསངྒྷེན དཀྑིཎཱགིརིཾ ཙཱརིཀཾ པཀྐནྟོ’’ཏི? ཨཐ ཁོ ཨཱཡསྨཱ ཨཱནནྡོ བྷགཝཏོ ཨེཏམཏྠཾ ཨཱརོཙེསི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, བྱཏྟེན བྷིཀྑུནཱ པཊིབལེན པཉྩཝསྶཱནི ནིསྶཱཡ ཝཏྠུཾ, ཨབྱཏྟེན ཡཱཝཛཱིཝཾ.

‘‘པཉྩཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ན ཨནིསྶིཏེན ཝཏྠབྦཾ. ན ཨསེཀྑེན སཱིལཀྑནྡྷེན སམནྣཱགཏོ ཧོཏི ན ཨསེཀྑེན སམཱདྷིཀྑནྡྷེན, ན ཨསེཀྑེན པཉྙཱཀྑནྡྷེན ན ཨསེཀྑེན ཝིམུཏྟིཀྑནྡྷེན ན ཨསེཀྑེན ཝིམུཏྟིཉཱཎདསྶནཀྑནྡྷེན སམནྣཱགཏོ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨནིསྶིཏེན ཝཏྠབྦཾ.

‘‘པཉྩཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ. ཨསེཀྑེན སཱིལཀྑནྡྷེན སམནྣཱགཏོ ཧོཏི ཨསེཀྑེན སམཱདྷིཀྑནྡྷེན. ཨསེཀྑེན པཉྙཱཀྑནྡྷེན… ཨསེཀྑེན ཝིམུཏྟིཀྑནྡྷེན… ཨསེཀྑེན ཝིམུཏྟིཉཱཎདསྶནཀྑནྡྷེན སམནྣཱགཏོ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨནིསྶིཏེན ཝཏྠབྦཾ. ཨསྶདྡྷོ ཧོཏི, ཨཧིརིཀོ ཧོཏི, ཨནོཏྟཔྤཱི ཧོཏི, ཀུསཱིཏོ ཧོཏི, མུཊྛསྶཏི ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨནིསྶིཏེན ཝཏྠབྦཾ.

‘‘པཉྩཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ. སདྡྷོ ཧོཏི, ཧིརིམཱ ཧོཏི, ཨོཏྟཔྤཱི ཧོཏི, ཨཱརདྡྷཝཱིརིཡོ ཧོཏི, ཨུཔཊྛིཏསྶཏི ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨནིསྶིཏེན ཝཏྠབྦཾ. ཨདྷིསཱིལེ སཱིལཝིཔནྣོ ཧོཏི, ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨཏིདིཊྛིཡཱ དིཊྛིཝིཔནྣོ ཧོཏི, ཨཔྤསྶུཏོ ཧོཏི, དུཔྤཉྙོ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨནིསྶིཏེན ཝཏྠབྦཾ.

‘‘པཉྩཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ. ན ཨདྷིསཱིལེ སཱིལཝིཔནྣོ ཧོཏི, ན ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ན ཨཏིདིཊྛིཡཱ དིཊྛིཝིཔནྣོ ཧོཏི, བཧུསྶུཏོ ཧོཏི, པཉྙཝཱ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨནིསྶིཏེན ཝཏྠབྦཾ. ཨཱཔཏྟིཾ ན ཛཱནཱཏི, ཨནཱཔཏྟིཾ ན ཛཱནཱཏི, ལཧུཀཾ ཨཱཔཏྟིཾ ན ཛཱནཱཏི, གརུཀཾ ཨཱཔཏྟིཾ ན ཛཱནཱཏི, ཨུབྷཡཱནི ཁོ པནསྶ པཱཏིམོཀྑཱནི ཝིཏྠཱརེན ན སྭཱགཏཱནི ཧོནྟི ན སུཝིབྷཏྟཱནི ན སུཔྤཝཏྟཱིནི ན སུཝིནིཙྪིཏཱནི སུཏྟསོ ཨནུབྱཉྫནསོ – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨནིསྶིཏེན ཝཏྠབྦཾ.

‘‘པཉྩཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ. ཨཱཔཏྟིཾ ཛཱནཱཏི, ཨནཱཔཏྟིཾ ཛཱནཱཏི, ལཧུཀཾ ཨཱཔཏྟིཾ ཛཱནཱཏི, གརུཀཾ ཨཱཔཏྟིཾ ཛཱནཱཏི, ཨུབྷཡཱནི ཁོ པནསྶ པཱཏིམོཀྑཱནི ཝིཏྠཱརེན སྭཱགཏཱནི ཧོནྟི སུཝིབྷཏྟཱནི སུཔྤཝཏྟཱིནི སུཝིནིཙྪིཏཱནི སུཏྟསོ ཨནུབྱཉྫནསོ – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨནིསྶིཏེན ཝཏྠབྦཾ. ཨཱཔཏྟིཾ ན ཛཱནཱཏི, ཨནཱཔཏྟིཾ ན ཛཱནཱཏི, ལཧུཀཾ ཨཱཔཏྟིཾ ན ཛཱནཱཏི, གརུཀཾ ཨཱཔཏྟིཾ ན ཛཱནཱཏི, ཨཱུནཔཉྩཝསྶོ ཧོཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ན ཨནིསྶིཏེན ཝཏྠབྦཾ.

‘‘པཉྩཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ. ཨཱཔཏྟིཾ ཛཱནཱཏི, ཨནཱཔཏྟིཾ ཛཱནཱཏི, ལཧུཀཾ ཨཱཔཏྟིཾ ཛཱནཱཏི, གརུཀཾ ཨཱཔཏྟིཾ ཛཱནཱཏི, པཉྩཝསྶོ ཝཱ ཧོཏི ཨཏིརེཀ པཉྩཝསྶོ ཝཱ – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ.

ནིསྶཡམུཙྩནཀཀཐཱ ནིཊྛིཏཱ.

པཉྩཀདསཝཱརོ ནིཊྛིཏོ.

༡༠༤. ‘‘ཚཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ན ཨནིསྶིཏེན ཝཏྠབྦཾ. ན ཨསེཀྑེན སཱིལཀྑནྡྷེན སམནྣཱགཏོ ཧོཏི, ན ཨསེཀྑེན སམཱདྷིཀྑནྡྷེན, ན ཨསེཀྑེན པཉྙཱཀྑནྡྷེན, ན ཨསེཀྑེན ཝིམུཏྟིཀྑནྡྷེན, ན ཨསེཀྑེན ཝིམུཏྟིཉཱཎདསྶནཀྑནྡྷེན སམནྣཱགཏོ ཧོཏི, ཨཱུནཔཉྩཝསྶོ ཧོཏི – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨནིསྶིཏེན ཝཏྠབྦཾ.

‘‘ཚཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ. ཨསེཀྑེན སཱིལཀྑནྡྷེན སམནྣཱགཏོ ཧོཏི, ཨསེཀྑེན སམཱདྷིཀྑནྡྷེན, ཨསེཀྑེན པཉྙཱཀྑནྡྷེན, ཨསེཀྑེན ཝིམུཏྟིཀྑནྡྷེན, ཨསེཀྑེན ཝིམུཏྟིཉཱཎདསྶནཀྑནྡྷེན སམནྣཱགཏོ ཧོཏི, པཉྩཝསྶོ ཝཱ ཧོཏི ཨཏིརེཀཔཉྩཝསྶོ ཝཱ – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ.

‘‘ཨཔརེཧིཔི, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨནིསྶིཏེན ཝཏྠབྦཾ. ཨསྶདྡྷོ ཧོཏི, ཨཧིརིཀོ ཧོཏི, ཨནོཏྟཔྤཱི ཧོཏི, ཀུསཱིཏོ ཧོཏི, མུཊྛསྶཏི ཧོཏི, ཨཱུནཔཉྩཝསྶོ ཧོཏི – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨནིསྶིཏེན ཝཏྠབྦཾ.

‘‘ཚཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ. སདྡྷོ ཧོཏི, ཧིརིམཱ ཧོཏི, ཨོཏྟཔྤཱི ཧོཏི, ཨཱརདྡྷཝཱིརིཡོ ཧོཏི, ཨུཔཊྛིཏསྶཏི ཧོཏི, པཉྩཝསྶོ ཝཱ ཧོཏི ཨཏིརེཀཔཉྩཝསྶོ ཝཱ – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ.

‘‘ཨཔརེཧིཔི, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨནིསྶིཏེན ཝཏྠབྦཾ. ཨདྷིསཱིལེ སཱིལཝིཔནྣོ ཧོཏི, ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨཏིདིཊྛིཡཱ དིཊྛིཝིཔནྣོ ཧོཏི, ཨཔྤསྶུཏོ ཧོཏི, དུཔྤཉྙོ ཧོཏི, ཨཱུནཔཉྩཝསྶོ ཧོཏི – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨནིསྶིཏེན ཝཏྠབྦཾ.

‘‘ཚཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ. ན ཨདྷིསཱིལེ སཱིལཝིཔནྣོ ཧོཏི, ན ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ན ཨཏིདིཊྛིཡཱ དིཊྛིཝིཔནྣོ ཧོཏི, བཧུསྶུཏོ ཧོཏི, པཉྙཝཱ ཧོཏི, པཉྩཝསྶོ ཝཱ ཧོཏི ཨཏིརེཀཔཉྩཝསྶོ ཝཱ – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ.

‘‘ཨཔརེཧིཔི, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨནིསྶིཏེན ཝཏྠབྦཾ. ཨཱཔཏྟིཾ ན ཛཱནཱཏི, ཨནཱཔཏྟིཾ ན ཛཱནཱཏི, ལཧུཀཾ ཨཱཔཏྟིཾ ན ཛཱནཱཏི, གརུཀཾ ཨཱཔཏྟིཾ ན ཛཱནཱཏི, ཨུབྷཡཱནི ཁོ པནསྶ པཱཏིམོཀྑཱནི ཝིཏྠཱརེན ན སྭཱགཏཱནི ཧོནྟི ན སུཝིབྷཏྟཱནི ན སུཔྤཝཏྟཱིནི ན སུཝིནིཙྪིཏཱནི སུཏྟསོ ཨནུབྱཉྫནསོ, ཨཱུནཔཉྩཝསྶོ ཧོཏི – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ན ཨནིསྶིཏེན ཝཏྠབྦཾ.

‘‘ཚཧི, བྷིཀྑཝེ, ཨངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ. ཨཱཔཏྟིཾ ཛཱནཱཏི, ཨནཱཔཏྟིཾ ཛཱནཱཏི, ལཧུཀཾ ཨཱཔཏྟིཾ ཛཱནཱཏི, གརུཀཾ ཨཱཔཏྟིཾ ཛཱནཱཏི, ཨུབྷཡཱནི ཁོ པནསྶ པཱཏིམོཀྑཱནི ཝིཏྠཱརེན སྭཱགཏཱནི ཧོནྟི སུཝིབྷཏྟཱནི སུཔྤཝཏྟཱིནི སུཝིནིཙྪིཏཱནི སུཏྟསོ ཨནུབྱཉྫནསོ, པཉྩཝསྶོ ཝཱ ཧོཏི ཨཏིརེཀཔཉྩཝསྶོ ཝཱ – ཨིམེཧི ཁོ, བྷིཀྑཝེ, ཚཧངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦ’’ནྟི.

ཨབྷཡཱུཝརབྷཱཎཝཱརོ ནིཊྛིཏོ ཨཊྛམོ.

ཨཊྛམབྷཱཎཝཱརོ.

༤༡. རཱཧུལཝཏྠུ

༡༠༥. ཨཐ ཁོ བྷགཝཱ རཱཛགཧེ ཡཐཱབྷིརནྟཾ ཝིཧརིཏྭཱ ཡེན ཀཔིལཝཏྠུ ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན ཀཔིལཝཏྠུ ཏདཝསརི. ཏཏྲ སུདཾ བྷགཝཱ སཀྐེསུ ཝིཧརཏི ཀཔིལཝཏྠུསྨིཾ ནིགྲོདྷཱརཱམེ. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན སུདྡྷོདནསྶ སཀྐསྶ ནིཝེསནཾ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཨཐ ཁོ རཱཧུལམཱཏཱ དེཝཱི རཱཧུལཾ ཀུམཱརཾ ཨེཏདཝོཙ – ‘‘ཨེསོ ཏེ, རཱཧུལ, པིཏཱ. གཙྪསྶུ [གཙྪསྶ (སྱཱ.)], དཱཡཛྫཾ ཡཱཙཱཧཱི’’ཏི. ཨཐ ཁོ རཱཧུལོ ཀུམཱརོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝཏོ པུརཏོ, ཨཊྛཱསི – ‘‘སུཁཱ ཏེ, སམཎ, ཚཱཡཱ’’ཏི. ཨཐ ཁོ བྷགཝཱ ཨུཊྛཱཡཱསནཱ པཀྐཱམི. ཨཐ ཁོ རཱཧུལོ ཀུམཱརོ བྷགཝནྟཾ པིཊྛིཏོ པིཊྛིཏོ ཨནུབནྡྷི – ‘‘དཱཡཛྫཾ མེ, སམཎ, དེཧི; དཱཡཛྫཾ མེ, སམཎ, དེཧཱི’’ཏི. ཨཐ ཁོ བྷགཝཱ ཨཱཡསྨནྟཾ སཱརིཔུཏྟཾ ཨཱམནྟེསི – ‘‘ཏེན ཧི ཏྭཾ, སཱརིཔུཏྟ, རཱཧུལཾ ཀུམཱརཾ པབྦཱཛེཧཱི’’ཏི. ‘‘ཀཐཱཧཾ, བྷནྟེ, རཱཧུལཾ ཀུམཱརཾ པབྦཱཛེམཱི’’ཏི? ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཏཱིཧི སརཎགམནེཧི སཱམཎེརཔབྦཛྫཾ. ཨེཝཉྩ པན, བྷིཀྑཝེ, པབྦཱཛེཏབྦོ – པཋམཾ ཀེསམསྶུཾ ཨོཧཱརཱཔེཏྭཱ ཀཱསཱཡཱནི ཝཏྠཱནི ཨཙྪཱདཱཔེཏྭཱ ཨེཀཾསཾ ཨུཏྟརཱསངྒཾ ཀཱརཱཔེཏྭཱ བྷིཀྑཱུནཾ པཱདེ ཝནྡཱཔེཏྭཱ ཨུཀྐུཊིཀཾ ནིསཱིདཱཔེཏྭཱ ཨཉྫལིཾ པགྒཎྷཱཔེཏྭཱ ཨེཝཾ ཝདེཧཱིཏི ཝཏྟབྦོ – བུདྡྷཾ སརཎཾ གཙྪཱམི, དྷམྨཾ སརཎཾ གཙྪཱམི, སངྒྷཾ སརཎཾ གཙྪཱམི; དུཏིཡམྤི བུདྡྷཾ སརཎཾ གཙྪཱམི, དུཏིཡམྤི དྷམྨཾ སརཎཾ གཙྪཱམི, དུཏིཡམྤི སངྒྷཾ སརཎཾ གཙྪཱམི; ཏཏིཡམྤི བུདྡྷཾ སརཎཾ གཙྪཱམི, ཏཏིཡམྤི དྷམྨཾ སརཎཾ གཙྪཱམི, ཏཏིཡམྤི སངྒྷཾ སརཎཾ གཙྪཱམཱིཏི. ཨནུཛཱནཱམི, བྷིཀྑཝེ, ཨིམེཧི ཏཱིཧི སརཎགམནེཧི སཱམཎེརཔབྦཛྫ’’ནྟི. ཨཐ ཁོ ཨཱཡསྨཱ སཱརིཔུཏྟོ རཱཧུལཾ ཀུམཱརཾ པབྦཱཛེསི.

ཨཐ ཁོ སུདྡྷོདནོ སཀྐོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སུདྡྷོདནོ སཀྐོ བྷགཝནྟཾ ཨེཏདཝོཙ – ‘‘ཨེཀཱཧཾ, བྷནྟེ, བྷགཝནྟཾ ཝརཾ ཡཱཙཱམཱི’’ཏི. ‘‘ཨཏིཀྐནྟཝརཱ ཁོ, གོཏམ, ཏཐཱགཏཱ’’ཏི. ‘‘ཡཉྩ, བྷནྟེ, ཀཔྤཏི, ཡཉྩ ཨནཝཛྫ’’ནྟི. ‘‘ཝདེཧི, གོཏམཱ’’ཏི. ‘‘བྷགཝཏི མེ, བྷནྟེ, པབྦཛིཏེ ཨནཔྤཀཾ དུཀྑཾ ཨཧོསི, ཏཐཱ ནནྡེ, ཨདྷིམཏྟཾ རཱཧུལེ. པུཏྟཔེམཾ, བྷནྟེ, ཚཝིཾ ཚིནྡཏི, ཚཝིཾ ཚེཏྭཱ ཙམྨཾ ཚིནྡཏི, ཙམྨཾ ཚེཏྭཱ མཾསཾ ཚིནྡཏི, མཾསཾ ཚེཏྭཱ ནྷཱརུཾ ཚིནྡཏི, ནྷཱརུཾ ཚེཏྭཱ ཨཊྛིཾ ཚིནྡཏི, ཨཊྛིཾ ཚེཏྭཱ ཨཊྛིམིཉྫཾ ཨཱཧཙྩ ཏིཊྛཏི. སཱདྷུ, བྷནྟེ, ཨཡྻཱ ཨནནུཉྙཱཏཾ མཱཏཱཔིཏཱུཧི པུཏྟཾ ན པབྦཱཛེཡྻུ’’ནྟི. ཨཐ ཁོ བྷགཝཱ སུདྡྷོདནཾ སཀྐཾ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ སུདྡྷོདནོ སཀྐོ བྷགཝཏཱ དྷམྨིཡཱ ཀཐཱཡ སནྡསྶིཏོ སམཱདཔིཏོ སམུཏྟེཛིཏོ སམྤཧཾསིཏོ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཨནནུཉྙཱཏོ མཱཏཱཔིཏཱུཧི པུཏྟོ པབྦཱཛེཏབྦོ. ཡོ པབྦཱཛེཡྻ, ཨཱཔཏྟི དུཀྐཊསྶཱ’’ཏི.

ཨཐ ཁོ བྷགཝཱ ཀཔིལཝཏྠུསྨིཾ ཡཐཱབྷིརནྟཾ ཝིཧརིཏྭཱ ཡེན སཱཝཏྠི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན སཱཝཏྠི ཏདཝསརི. ཏཏྲ སུདཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཏོ སཱརིཔུཏྟསྶ ཨུཔཊྛཱཀཀུལཾ ཨཱཡསྨཏོ སཱརིཔུཏྟསྶ སནྟིཀེ དཱརཀཾ པཱཧེསི – ‘‘ཨིམཾ དཱརཀཾ ཐེརོ པབྦཱཛེཏཱུ’’ཏི. ཨཐ ཁོ ཨཱཡསྨཏོ སཱརིཔུཏྟསྶ ཨེཏདཧོསི – ‘‘བྷགཝཏཱ པཉྙཏྟཾ ‘ན ཨེཀེན དྭེ སཱམཎེརཱ ཨུཔཊྛཱཔེཏབྦཱ’ཏི. ཨཡཉྩ མེ རཱཧུལོ སཱམཎེརོ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསི. ཨནུཛཱནཱམི, བྷིཀྑཝེ, བྱཏྟེན བྷིཀྑུནཱ པཊིབལེན ཨེཀེན དྭེ སཱམཎེརེ ཨུཔཊྛཱཔེཏུཾ, ཡཱཝཏཀེ ཝཱ པན ཨུསྶཧཏི ཨོཝདིཏུཾ ཨནུསཱསིཏུཾ ཏཱཝཏཀེ ཨུཔཊྛཱཔེཏུནྟི.

རཱཧུལཝཏྠུ ནིཊྛིཏཾ.

༤༢. སིཀྑཱཔདཀཐཱ

༡༠༦. ཨཐ ཁོ སཱམཎེརཱནཾ ཨེཏདཧོསི – ‘‘ཀཏི ནུ ཁོ ཨམྷཱཀཾ སིཀྑཱཔདཱནི, ཀཏྠ ཙ ཨམྷེཧི སིཀྑིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, སཱམཎེརཱནཾ དས སིཀྑཱཔདཱནི, ཏེསུ ཙ སཱམཎེརེཧི སིཀྑིཏུཾ – པཱཎཱཏིཔཱཏཱ ཝེརམཎཱི [ཝེརམཎི, ཝེརམཎིཾ (ཀ.)], ཨདིནྣཱདཱནཱ ཝེརམཎཱི, ཨབྲཧྨཙརིཡཱ ཝེརམཎཱི, མུསཱཝཱདཱ ཝེརམཎཱི, སུརཱམེརཡམཛྫཔམཱདཊྛཱནཱ ཝེརམཎཱི, ཝིཀཱལབྷོཛནཱ ཝེརམཎཱི, ནཙྩགཱིཏཝཱདིཏཝིསཱུཀདསྶནཱ ཝེརམཎཱི, མཱལཱགནྡྷཝིལེཔནདྷཱརཎམཎྜནཝིབྷཱུསནཊྛཱནཱ ཝེརམཎཱི, ཨུཙྩཱསཡནམཧཱསཡནཱ ཝེརམཎཱི, ཛཱཏརཱུཔརཛཏཔཊིགྒཧཎཱ ཝེརམཎཱི. ཨནུཛཱནཱམི, བྷིཀྑཝེ, སཱམཎེརཱནཾ ཨིམཱནི དས སིཀྑཱཔདཱནི, ཨིམེསུ ཙ སཱམཎེརེཧི སིཀྑིཏུནྟི.

སིཀྑཱཔདཀཐཱ ནིཊྛིཏཱ.

༤༣. དཎྜཀམྨཝཏྠུ

༡༠༧. ཏེན ཁོ པན སམཡེན སཱམཎེརཱ བྷིཀྑཱུསུ ཨགཱརཝཱ ཨཔྤཏིསྶཱ ཨསབྷཱགཝུཏྟིཀཱ ཝིཧརནྟི. བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སཱམཎེརཱ བྷིཀྑཱུསུ ཨགཱརཝཱ ཨཔྤཏིསྶཱ ཨསབྷཱགཝུཏྟིཀཱ ཝིཧརིསྶནྟཱི’’ཏི. བྷགཝཏོ ཨེཏམཏྠཾ ཨཱརོཙེསུཾ…པེ… ཨནུཛཱནཱམི, བྷིཀྑཝེ, པཉྩཧངྒེཧི སམནྣཱགཏསྶ སཱམཎེརསྶ དཎྜཀམྨཾ ཀཱཏུཾ. བྷིཀྑཱུནཾ ཨལཱབྷཱཡ པརིསཀྐཏི, བྷིཀྑཱུནཾ ཨནཏྠཱཡ པརིསཀྐཏི, བྷིཀྑཱུནཾ ཨཝཱསཱཡ པརིསཀྐཏི, བྷིཀྑཱུ ཨཀྐོསཏི པརིབྷཱསཏི, བྷིཀྑཱུ བྷིཀྑཱུཧི བྷེདེཏི – ཨནུཛཱནཱམི, བྷིཀྑཝེ, ཨིམེཧི པཉྩཧངྒེཧི སམནྣཱགཏསྶ སཱམཎེརསྶ དཎྜཀམྨཾ ཀཱཏུནྟི.

ཨཐ ཁོ བྷིཀྑཱུནཾ ཨེཏདཧོསི – ‘‘ཀིཾ ནུ ཁོ དཎྜཀམྨཾ ཀཱཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨཱཝརཎཾ ཀཱཏུནྟི.

ཏེན ཁོ པན སམཡེན བྷིཀྑཱུ སཱམཎེརཱནཾ སབྦཾ སངྒྷཱརཱམཾ ཨཱཝརཎཾ ཀརོནྟི. སཱམཎེརཱ ཨཱརཱམཾ པཝིསིཏུཾ ཨལབྷམཱནཱ པཀྐམནྟིཔི, ཝིབྦྷམནྟིཔི, ཏིཏྠིཡེསུཔི སངྐམནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སབྦོ སངྒྷཱརཱམོ ཨཱཝརཎཾ ཀཱཏབྦོ. ཡོ ཀརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཡཏྠ ཝཱ ཝསཏི, ཡཏྠ ཝཱ པཊིཀྐམཏི, ཏཏྠ ཨཱཝརཎཾ ཀཱཏུནྟི.

ཏེན ཁོ པན སམཡེན བྷིཀྑཱུ སཱམཎེརཱནཾ མུཁདྭཱརིཀཾ ཨཱཧཱརཾ ཨཱཝརཎཾ ཀརོནྟི. མནུསྶཱ ཡཱགུཔཱནམྤི སངྒྷབྷཏྟམྤི ཀརོནྟཱ སཱམཎེརེ ཨེཝཾ ཝདེནྟི – ‘‘ཨེཐ, བྷནྟེ, ཡཱགུཾ པིཝཐ; ཨེཐ, བྷནྟེ, བྷཏྟཾ བྷུཉྫཐཱ’’ཏི. སཱམཎེརཱ ཨེཝཾ ཝདེནྟི – ‘‘ནཱཝུསོ, ལབྦྷཱ. བྷིཀྑཱུཧི ཨཱཝརཎཾ ཀཏ’’ནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷདནྟཱ སཱམཎེརཱནཾ མུཁདྭཱརིཀཾ ཨཱཧཱརཾ ཨཱཝརཎཾ ཀརིསྶནྟཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, མུཁདྭཱརིཀོ ཨཱཧཱརོ ཨཱཝརཎཾ ཀཱཏབྦོ. ཡོ ཀརེཡྻ, ཨཱཔཏྟི དུཀྐཊསྶཱཏི.

དཎྜཀམྨཝཏྠུ ནིཊྛིཏཾ.

༤༤. ཨནཱཔུཙྪཱཝརཎཝཏྠུ

༡༠༨. ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཔཛ྄ཛྷཱཡེ ཨནཱཔུཙྪཱ སཱམཎེརཱནཾ ཨཱཝརཎཾ ཀརོནྟི. ཨུཔཛ྄ཛྷཱཡཱ གཝེསནྟི – ཀཐཾ [ཀཧཾ (ཀ.)] ནུ ཁོ ཨམྷཱཀཾ སཱམཎེརཱ ན དིསྶནྟཱིཏི. བྷིཀྑཱུ ཨེཝམཱཧཾསུ – ‘‘ཚབྦགྒིཡེཧི, ཨཱཝུསོ, བྷིཀྑཱུཧི ཨཱཝརཎཾ ཀཏ’’ནྟི. ཨུཔཛ྄ཛྷཱཡཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨམྷེ ཨནཱཔུཙྪཱ ཨམྷཱཀཾ སཱམཎེརཱནཾ ཨཱཝརཎཾ ཀརིསྶནྟཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨུཔཛ྄ཛྷཱཡེ ཨནཱཔུཙྪཱ ཨཱཝརཎཾ ཀཱཏབྦཾ. ཡོ ཀརེཡྻ, ཨཱཔཏྟི དུཀྐཊསྶཱཏི.

ཨནཱཔུཙྪཱཝརཎཝཏྠུ ནིཊྛིཏཾ.

༤༥. ཨཔལཱལ༹ནཝཏྠུ

ཏེན ཁོ པན སམཡེན ཚབྦགྒིཡཱ བྷིཀྑཱུ ཐེརཱནཾ བྷིཀྑཱུནཾ སཱམཎེརེ ཨཔལཱལེ༹ནྟི. ཐེརཱ སཱམཾ དནྟཀཊྛམྤི མུཁོདཀམྤི གཎྷནྟཱ ཀིལམནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨཉྙསྶ པརིསཱ ཨཔལཱལེ༹ཏབྦཱ. ཡོ ཨཔལཱལེ༹ཡྻ, ཨཱཔཏྟི དུཀྐཊསྶཱ ཏི.

ཨཔལཱལ༹ནཝཏྠུ ནིཊྛིཏཾ.

༤༦. ཀཎྚཀསཱམཎེརཝཏྠུ

ཏེན ཁོ པན སམཡེན ཨཱཡསྨཏོ ཨུཔནནྡསྶ སཀྱཔུཏྟསྶ ཀཎྚཀོ ནཱམ སཱམཎེརོ ཀཎྚཀིཾ ནཱམ བྷིཀྑུནིཾ དཱུསེསི. བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སཱམཎེརོ ཨེཝརཱུཔཾ ཨནཱཙཱརཾ ཨཱཙརིསྶཏཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, དསཧངྒེཧི སམནྣཱགཏཾ སཱམཎེརཾ ནཱསེཏུཾ. པཱཎཱཏིཔཱཏཱི ཧོཏི, ཨདིནྣཱདཱཡཱི ཧོཏི, ཨབྲཧྨཙཱརཱི ཧོཏི, མུསཱཝཱདཱི ཧོཏི, མཛྫཔཱཡཱི ཧོཏི, བུདྡྷསྶ ཨཝཎྞཾ བྷཱསཏི, དྷམྨསྶ ཨཝཎྞཾ བྷཱསཏི, སངྒྷསྶ ཨཝཎྞཾ བྷཱསཏི, མིཙྪཱདིཊྛིཀོ ཧོཏི, བྷིཀྑུནིདཱུསཀོ ཧོཏི – ཨནུཛཱནཱམི, བྷིཀྑཝེ, ཨིམེཧི དསཧངྒེཧི སམནྣཱགཏཾ སཱམཎེརཾ ནཱསེཏུནྟི.

༤༧. པཎྜཀཝཏྠུ

༡༠༩. ཏེན ཁོ པན སམཡེན ཨཉྙཏརོ པཎྜཀོ བྷིཀྑཱུསུ པབྦཛིཏོ ཧོཏི. སོ དཧརེ དཧརེ བྷིཀྑཱུ ཨུཔསངྐམིཏྭཱ ཨེཝཾ ཝདེཏི – ‘‘ཨེཐ, མཾ ཨཱཡསྨནྟོ དཱུསེཐཱ’’ཏི. བྷིཀྑཱུ ཨཔསཱདེནྟི – ‘‘ནསྶ, པཎྜཀ, ཝིནསྶ, པཎྜཀ, ཀོ ཏཡཱ ཨཏྠོ’’ཏི. སོ བྷིཀྑཱུཧི ཨཔསཱདིཏོ མཧནྟེ མཧནྟེ མོལི༹གལླེ སཱམཎེརེ ཨུཔསངྐམིཏྭཱ ཨེཝཾ ཝདེཏི – ‘‘ཨེཐ, མཾ ཨཱཝུསོ དཱུསེཐཱ’’ཏི. སཱམཎེརཱ ཨཔསཱདེནྟི – ‘‘ནསྶ, པཎྜཀ, ཝིནསྶ, པཎྜཀ, ཀོ ཏཡཱ ཨཏྠོ’’ཏི. སོ སཱམཎེརེཧི ཨཔསཱདིཏོ ཧཏྠིབྷཎྜེ ཨསྶབྷཎྜེ ཨུཔསངྐམིཏྭཱ ཨེཝཾ ཝདེཏི – ‘‘ཨེཐ, མཾ, ཨཱཝུསོ, དཱུསེཐཱ’’ཏི. ཧཏྠིབྷཎྜཱ ཨསྶབྷཎྜཱ དཱུསེསུཾ. ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘པཎྜཀཱ ཨིམེ སམཎཱ སཀྱཔུཏྟིཡཱ. ཡེཔི ཨིམེསཾ ན པཎྜཀཱ, ཏེཔི ཨིམེ པཎྜཀེ དཱུསེནྟི. ཨེཝཾ ཨིམེ སབྦེཝ ཨབྲཧྨཙཱརིནོ’’ཏི. ཨསྶོསུཾ ཁོ བྷིཀྑཱུ ཏེསཾ ཧཏྠིབྷཎྜཱནཾ ཨསྶབྷཎྜཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. པཎྜཀོ, བྷིཀྑཝེ, ཨནུཔསམྤནྣོ ན ཨུཔསམྤཱདེཏབྦོ, ཨུཔསམྤནྣོ ནཱསེཏབྦོཏི.

༤༨. ཐེཡྻསཾཝཱསཀཝཏྠུ

༡༡༠. ཏེན ཁོ པན སམཡེན ཨཉྙཏརོ པུརཱཎཀུལཔུཏྟོ ཁཱིཎཀོལཉྙོ སུཁུམཱལོ ཧོཏི. ཨཐ ཁོ ཏསྶ པུརཱཎཀུལཔུཏྟསྶ ཁཱིཎཀོལཉྙསྶ ཨེཏདཧོསི – ‘‘ཨཧཾ ཁོ སུཁུམཱལོ, ན པཊིབལོ ཨནདྷིགཏཾ ཝཱ བྷོགཾ ཨདྷིགནྟུཾ, ཨདྷིགཏཾ ཝཱ བྷོགཾ ཕཱཏིཾ ཀཱཏུཾ. ཀེན ནུ ཁོ ཨཧཾ ཨུཔཱཡེན སུཁཉྩ ཛཱིཝེཡྻཾ, ན ཙ ཀིལམེཡྻ’’ནྟི? ཨཐ ཁོ ཏསྶ པུརཱཎཀུལཔུཏྟསྶ ཁཱིཎཀོལཉྙསྶ ཨེཏདཧོསི – ‘‘ཨིམེ ཁོ སམཎཱ སཀྱཔུཏྟིཡཱ སུཁསཱིལཱ སུཁསམཱཙཱརཱ, སུབྷོཛནཱནི བྷུཉྫིཏྭཱ ནིཝཱཏེསུ སཡནེསུ སཡནྟི. ཡཾནཱུནཱཧཾ སཱམཾ པཏྟཙཱིཝརཾ པཊིཡཱདེཏྭཱ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨཱརཱམཾ གནྟྭཱ བྷིཀྑཱུཧི སདྡྷིཾ སཾཝསེཡྻ’’ནྟི. ཨཐ ཁོ སོ པུརཱཎཀུལཔུཏྟོ ཁཱིཎཀོལཉྙོ སཱམཾ པཏྟཙཱིཝརཾ པཊིཡཱདེཏྭཱ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨཱརཱམཾ གནྟྭཱ བྷིཀྑཱུ ཨབྷིཝཱདེཏི. བྷིཀྑཱུ ཨེཝམཱཧཾསུ – ‘‘ཀཏིཝསྶོསི ཏྭཾ, ཨཱཝུསོ’’ཏི? ཀིཾ ཨེཏཾ, ཨཱཝུསོ, ཀཏིཝསྶོ ནཱམཱཏི? ཀོ པན ཏེ, ཨཱཝུསོ, ཨུཔཛ྄ཛྷཱཡོཏི? ཀིཾ ཨེཏཾ, ཨཱཝུསོ, ཨུཔཛ྄ཛྷཱཡོ ནཱམཱཏི? བྷིཀྑཱུ ཨཱཡསྨནྟཾ ཨུཔཱལིཾ ཨེཏདཝོཙུཾ – ‘‘ཨིངྒྷཱཝུསོ ཨུཔཱལི, ཨིམཾ པབྦཛིཏཾ ཨནུཡུཉྫཱཧཱི’’ཏི. ཨཐ ཁོ སོ པུརཱཎཀུལཔུཏྟོ ཁཱིཎཀོལཉྙོ ཨཱཡསྨཏཱ ཨུཔཱལིནཱ ཨནུཡུཉྫིཡམཱནོ ཨེཏམཏྠཾ ཨཱརོཙེསི. ཨཱཡསྨཱ ཨུཔཱལི བྷིཀྑཱུནཾ ཨེཏམཏྠཾ ཨཱརོཙེསི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཐེཡྻསཾཝཱསཀོ, བྷིཀྑཝེ, ཨནུཔསམྤནྣོ ན ཨུཔསམྤཱདེཏབྦོ, ཨུཔསམྤནྣོ ནཱསེཏབྦོཏི. ཏིཏྠིཡཔཀྐནྟཀོ, བྷིཀྑཝེ, ཨནུཔསམྤནྣོ ན ཨུཔསམྤཱདེཏབྦོ, ཨུཔསམྤནྣོ ནཱསེཏབྦོཏི.

༤༩. ཏིརཙྪཱནགཏཝཏྠུ

༡༡༡. ཏེན ཁོ པན སམཡེན ཨཉྙཏརོ ནཱགོ ནཱགཡོནིཡཱ ཨཊྚཱིཡཏི ཧརཱཡཏི ཛིགུཙྪཏི. ཨཐ ཁོ ཏསྶ ནཱགསྶ ཨེཏདཧོསི – ‘‘ཀེན ནུ ཁོ ཨཧཾ ཨུཔཱཡེན ནཱགཡོནིཡཱ ཙ པརིམུཙྩེཡྻཾ ཁིཔྤཉྩ མནུསྶཏྟཾ པཊིལབྷེཡྻ’’ནྟི. ཨཐ ཁོ ཏསྶ ནཱགསྶ ཨེཏདཧོསི – ‘‘ཨིམེ ཁོ སམཎཱ སཀྱཔུཏྟིཡཱ དྷམྨཙཱརིནོ སམཙཱརིནོ བྲཧྨཙཱརིནོ སཙྩཝཱདིནོ སཱིལཝནྟོ ཀལྱཱཎདྷམྨཱ. སཙེ ཁོ ཨཧཾ སམཎེསུ སཀྱཔུཏྟིཡེསུ པབྦཛེཡྻཾ, ཨེཝཱཧཾ ནཱགཡོནིཡཱ ཙ པརིམུཙྩེཡྻཾ, ཁིཔྤཉྩ མནུསྶཏྟཾ པཊིལབྷེཡྻ’’ནྟི. ཨཐ ཁོ སོ ནཱགོ མཱཎཝཀཝཎྞེན བྷིཀྑཱུ ཨུཔསངྐམིཏྭཱ པབྦཛྫཾ ཡཱཙི. ཏཾ བྷིཀྑཱུ པབྦཱཛེསུཾ, ཨུཔསམྤཱདེསུཾ. ཏེན ཁོ པན སམཡེན སོ ནཱགོ ཨཉྙཏརེན བྷིཀྑུནཱ སདྡྷིཾ པཙྩནྟིམེ ཝིཧཱརེ པཊིཝསཏི. ཨཐ ཁོ སོ བྷིཀྑུ རཏྟིཡཱ པཙྩཱུསསམཡཾ པཙྩུཊྛཱཡ ཨཛ྄ཛྷོཀཱསེ ཙངྐམཏི. ཨཐ ཁོ སོ ནཱགོ ཏསྶ བྷིཀྑུནོ ནིཀྑནྟེ ཝིསྶཊྛོ ནིདྡཾ ཨོཀྐམི. སབྦོ ཝིཧཱརོ ཨཧིནཱ པུཎྞོ, ཝཱཏཔཱནེཧི བྷོགཱ ནིཀྑནྟཱ ཧོནྟི. ཨཐ ཁོ སོ བྷིཀྑུ ཝིཧཱརཾ པཝིསིསྶཱམཱིཏི ཀཝཱཊཾ པཎཱམེནྟོ ཨདྡས སབྦཾ ཝིཧཱརཾ ཨཧིནཱ པུཎྞཾ, ཝཱཏཔཱནེཧི བྷོགེ ནིཀྑནྟེ, དིསྭཱན བྷཱིཏོ ཝིསྶརམཀཱསི. བྷིཀྑཱུ ཨུཔདྷཱཝིཏྭཱ ཏཾ བྷིཀྑུཾ ཨེཏདཝོཙུཾ – ‘‘ཀིསྶ ཏྭཾ, ཨཱཝུསོ, ཝིསྶརམཀཱསཱི’’ཏི? ‘‘ཨཡཾ, ཨཱཝུསོ, སབྦོ ཝིཧཱརོ ཨཧིནཱ པུཎྞོ, ཝཱཏཔཱནེཧི བྷོགཱ ནིཀྑནྟཱ’’ཏི. ཨཐ ཁོ སོ ནཱགོ ཏེན སདྡེན པཊིབུཛ྄ཛྷིཏྭཱ སཀེ ཨཱསནེ ནིསཱིདི. བྷིཀྑཱུ ཨེཝམཱཧཾསུ – ‘‘ཀོསི ཏྭཾ, ཨཱཝུསོ’’ཏི? ‘‘ཨཧཾ, བྷནྟེ, ནཱགོ’’ཏི. ‘‘ཀིསྶ པན ཏྭཾ, ཨཱཝུསོ, ཨེཝརཱུཔཾ ཨཀཱསཱི’’ཏི? ཨཐ ཁོ སོ ནཱགོ བྷིཀྑཱུནཾ ཨེཏམཏྠཾ ཨཱརོཙེསི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཏཾ ནཱགཾ ཨེཏདཝོཙ – ‘‘ཏུམྷེ ཁོཏྠ ནཱགཱ ཨཝིརུལ༹ྷིདྷམྨཱ ཨིམསྨིཾ དྷམྨཝིནཡེ. གཙྪ ཏྭཾ, ནཱག, ཏཏྠེཝ ཙཱཏུདྡསེ པནྣརསེ ཨཊྛམིཡཱ ཙ པཀྑསྶ ཨུཔོསཐཾ ཨུཔཝས, ཨེཝཾ ཏྭཾ ནཱགཡོནིཡཱ ཙ པརིམུཙྩིསྶསི, ཁིཔྤཉྩ མནུསྶཏྟཾ པཊིལབྷིསྶསཱི’’ཏི. ཨཐ ཁོ སོ ནཱགོ ཨཝིརུལ༹ྷིདྷམྨོ ཀིརཱཧཾ ཨིམསྨིཾ དྷམྨཝིནཡེཏི དུཀྑཱི དུམྨནོ ཨསྶཱུནི པཝཏྟཡམཱནོ ཝིསྶརཾ ཀཏྭཱ པཀྐཱམི. ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘དྭེམེ, བྷིཀྑཝེ, པཙྩཡཱ ནཱགསྶ སབྷཱཝཔཱཏུཀམྨཱཡ. ཡདཱ ཙ སཛཱཏིཡཱ མེཐུནཾ དྷམྨཾ པཊིསེཝཏི, ཡདཱ ཙ ཝིསྶཊྛོ ནིདྡཾ ཨོཀྐམཏི – ཨིམེ ཁོ, བྷིཀྑཝེ, དྭེ པཙྩཡཱ ནཱགསྶ སབྷཱཝཔཱཏུཀམྨཱཡ. ཏིརཙྪཱནགཏོ, བྷིཀྑཝེ, ཨནུཔསམྤནྣོ ན ཨུཔསམྤཱདེཏབྦོ, ཨུཔསམྤནྣོ ནཱསེཏབྦོ’’ཏི.

༥༠. མཱཏུགྷཱཏཀཝཏྠུ

༡༡༢. ཏེན ཁོ པན སམཡེན ཨཉྙཏརོ མཱཎཝཀོ མཱཏརཾ ཛཱིཝིཏཱ ཝོརོཔེསི. སོ ཏེན པཱཔཀེན ཀམྨེན ཨཊྚཱིཡཏི ཧརཱཡཏི ཛིགུཙྪཏི. ཨཐ ཁོ ཏསྶ མཱཎཝཀསྶ ཨེཏདཧོསི – ‘‘ཀེན ནུ ཁོ ཨཧཾ ཨུཔཱཡེན ཨིམསྶ པཱཔཀསྶ ཀམྨསྶ ནིཀྑནྟིཾ ཀརེཡྻ’’ནྟི? ཨཐ ཁོ ཏསྶ མཱཎཝཀསྶ ཨེཏདཧོསི – ‘‘ཨིམེ ཁོ སམཎཱ སཀྱཔུཏྟིཡཱ དྷམྨཙཱརིནོ སམཙཱརིནོ བྲཧྨཙཱརིནོ སཙྩཝཱདིནོ སཱིལཝནྟོ ཀལྱཱཎདྷམྨཱ. སཙེ ཁོ ཨཧཾ སམཎེསུ སཀྱཔུཏྟིཡེསུ པབྦཛེཡྻཾ, ཨེཝཱཧཾ ཨིམསྶ པཱཔཀསྶ ཀམྨསྶ ནིཀྑནྟིཾ ཀརེཡྻ’’ནྟི. ཨཐ ཁོ སོ མཱཎཝཀོ བྷིཀྑཱུ ཨུཔསངྐམིཏྭཱ པབྦཛྫཾ ཡཱཙི. བྷིཀྑཱུ ཨཱཡསྨནྟཾ ཨུཔཱལིཾ ཨེཏདཝོཙུཾ – ‘‘པུབྦེཔི ཁོ, ཨཱཝུསོ ཨུཔཱལི, ནཱགོ མཱཎཝཀཝཎྞེན བྷིཀྑཱུསུ པབྦཛིཏོ. ཨིངྒྷཱཝུསོ ཨུཔཱལི, ཨིམཾ མཱཎཝཀཾ ཨནུཡུཉྫཱཧཱི’’ཏི. ཨཐ ཁོ སོ མཱཎཝཀོ ཨཱཡསྨཏཱ ཨུཔཱལིནཱ ཨནུཡུཉྫཱིཡམཱནོ ཨེཏམཏྠཾ ཨཱརོཙེསི. ཨཱཡསྨཱ ཨུཔཱལི བྷིཀྑཱུནཾ ཨེཏམཏྠཾ ཨཱརོཙེསི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… མཱཏུགྷཱཏཀོ, བྷིཀྑཝེ, ཨནུཔསམྤནྣོ ན ཨུཔསམྤཱདེཏབྦོ, ཨུཔསམྤནྣོ ནཱསེཏབྦོཏི.

༥༡. པིཏུགྷཱཏཀཝཏྠུ

༡༡༣. ཏེན ཁོ པན སམཡེན ཨཉྙཏརོ མཱཎཝཀོ པིཏརཾ ཛཱིཝིཏཱ ཝོརོཔེསི. སོ ཏེན པཱཔཀེན ཀམྨེན ཨཊྚཱིཡཏི ཧརཱཡཏི ཛིགུཙྪཏི. ཨཐ ཁོ ཏསྶ མཱཎཝཀསྶ ཨེཏདཧོསི ‘‘ཀེན ནུ ཁོ ཨཧཾ ཨུཔཱཡེན ཨིམསྶ པཱཔཀསྶ ཀམྨསྶ ནིཀྑནྟིཾ ཀརེཡྻ’’ནྟི. ཨཐ ཁོ ཏསྶ མཱཎཝཀསྶ ཨེཏདཧོསི ‘‘ཨིམེ ཁོ སམཎཱ སཀྱཔུཏྟིཡཱ དྷམྨཙཱརིནོ སམཙཱརིནོ བྲཧྨཙཱརིནོ སཙྩཝཱདིནོ སཱིལཝནྟོ ཀལྱཱཎདྷམྨཱ, སཙེ ཁོ ཨཧཾ སམཎེསུ སཀྱཔུཏྟིཡེསུ པབྦཛེཡྻཾ, ཨེཝཱཧཾ ཨིམསྶ པཱཔཀསྶ ཀམྨསྶ ནིཀྑནྟིཾ ཀརེཡྻ’’ནྟི. ཨཐ ཁོ སོ མཱཎཝཀོ བྷིཀྑཱུ ཨུཔསངྐམིཏྭཱ པབྦཛྫཾ ཡཱཙི. བྷིཀྑཱུ ཨཱཡསྨནྟཾ ཨུཔཱལིཾ ཨེཏདཝོཙུཾ – ‘‘པུབྦེཔི ཁོ, ཨཱཝུསོ ཨུཔཱལི, ནཱགོ མཱཎཝཀཝཎྞེན བྷིཀྑཱུསུ པབྦཛིཏོ, ཨིངྒྷཱཝུསོ, ཨུཔཱལི, ཨིམཾ མཱཎཝཀཾ ཨནུཡུཉྫཱཧཱི’’ཏི. ཨཐ ཁོ སོ མཱཎཝཀོ ཨཱཡསྨཏཱ ཨུཔཱལིནཱ ཨནུཡུཉྫཱིཡམཱནོ ཨེཏམཏྠཾ ཨཱརོཙེསི. ཨཱཡསྨཱ ཨུཔཱལི བྷིཀྑཱུནཾ ཨེཏམཏྠཾ ཨཱརོཙེསི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. པིཏུགྷཱཏཀོ, བྷིཀྑཝེ, ཨནུཔསམྤནྣོ ན ཨུཔསམྤཱདེཏབྦོ, ཨུཔསམྤནྣོ ནཱསེཏབྦོཏི.

༥༢. ཨརཧནྟགྷཱཏཀཝཏྠུ

༡༡༤. ཏེན ཁོ པན སམཡེན སམྦཧུལཱ བྷིཀྑཱུ སཱཀེཏཱ སཱཝཏྠིཾ ཨདྡྷཱནམགྒཔྤཊིཔནྣཱ ཧོནྟི. ཨནྟརཱམགྒེ ཙོརཱ ནིཀྑམིཏྭཱ ཨེཀཙྩེ བྷིཀྑཱུ ཨཙྪིནྡིཾསུ, ཨེཀཙྩེ བྷིཀྑཱུ ཧནིཾསུ. སཱཝཏྠིཡཱ རཱཛབྷཊཱ ནིཀྑམིཏྭཱ ཨེཀཙྩེ ཙོརེ ཨགྒཧེསུཾ, ཨེཀཙྩེ ཙོརཱ པལཱཡིཾསུ. ཡེ ཏེ པལཱཡིཾསུ ཏེ བྷིཀྑཱུསུ པབྦཛིཾསུ, ཡེ ཏེ གཧིཏཱ ཏེ ཝདྷཱཡ ཨོནིཡྻནྟི. ཨདྡསཾསུ ཁོ ཏེ པལཱཡིཏྭཱ པབྦཛིཏཱ ཏེ ཙོརེ ཝདྷཱཡ ཨོནིཡྻམཱནེ, དིསྭཱན ཨེཝམཱཧཾསུ – ‘‘སཱདྷུ ཁོ མཡཾ པལཱཡིམྷཱ, སཙཱ ཙ [སཙེ ཙ, སཙཛྫ (ཨཊྛཀཐཱཡཾ པཱཋནྟརཱ)] མཡཾ གཡ྄ཧེཡྻཱམ [གཎྷེཡྻཱམ (ཀ.)], མཡམྤི ཨེཝམེཝ ཧཉྙེཡྻཱམཱ’’ཏི. བྷིཀྑཱུ ཨེཝམཱཧཾསུ – ‘‘ཀིཾ པན ཏུམྷེ, ཨཱཝུསོ, ཨཀཏྠཱ’’ཏི? ཨཐ ཁོ ཏེ པབྦཛིཏཱ བྷིཀྑཱུནཾ ཨེཏམཏྠཾ ཨཱརོཙེསུཾ. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨརཧནྟོ ཨེཏེ, བྷིཀྑཝེ, བྷིཀྑཱུ. ཨརཧནྟགྷཱཏཀོ, བྷིཀྑཝེ, ཨནུཔསམྤནྣོ ན ཨུཔསམྤཱདེཏབྦོ, ཨུཔསམྤནྣོ ནཱསེཏབྦོཏི.

༥༣. བྷིཀྑུནཱིདཱུསཀཝཏྠུ

༡༡༥. ཏེན ཁོ པན སམཡེན སམྦཧུལཱ བྷིཀྑུནིཡོ སཱཀེཏཱ སཱཝཏྠིཾ ཨདྡྷཱནམགྒཔྤཊིཔནྣཱ ཧོནྟི. ཨནྟརཱམགྒེ ཙོརཱ ནིཀྑམིཏྭཱ ཨེཀཙྩཱ བྷིཀྑུནིཡོ ཨཙྪིནྡིཾསུ, ཨེཀཙྩཱ བྷིཀྑུནིཡོ དཱུསེསུཾ. སཱཝཏྠིཡཱ རཱཛབྷཊཱ ནིཀྑམིཏྭཱ ཨེཀཙྩེ ཙོརེ ཨགྒཧེསུཾ, ཨེཀཙྩེ ཙོརཱ པལཱཡིཾསུ. ཡེ ཏེ པལཱཡིཾསུ, ཏེ བྷིཀྑཱུསུ པབྦཛིཾསུ. ཡེ ཏེ གཧིཏཱ, ཏེ ཝདྷཱཡ ཨོནིཡྻནྟི. ཨདྡསཾསུ ཁོ ཏེ པལཱཡིཏྭཱ པབྦཛིཏཱ ཏེ ཙོརེ ཝདྷཱཡ ཨོནིཡྻམཱནེ, དིསྭཱན ཨེཝམཱཧཾསུ ‘‘སཱདྷུ ཁོ མཡཾ པལཱཡིམྷཱ, སཙཱ ཙ མཡཾ གཡ྄ཧེཡྻཱམ, མཡམྤི ཨེཝམེཝ ཧཉྙེཡྻཱམཱ’’ཏི. བྷིཀྑཱུ ཨེཝམཱཧཾསུ ‘‘ཀིཾ པན ཏུམྷེ, ཨཱཝུསོ, ཨཀཏྠཱ’’ཏི. ཨཐ ཁོ ཏེ པབྦཛིཏཱ བྷིཀྑཱུནཾ ཨེཏམཏྠཾ ཨཱརོཙེསུཾ. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. བྷིཀྑུནིདཱུསཀོ, བྷིཀྑཝེ, ཨནུཔསམྤནྣོ ན ཨུཔསམྤཱདེཏབྦོ, ཨུཔསམྤནྣོ ནཱསེཏབྦོཏི. སངྒྷབྷེདཀོ, བྷིཀྑཝེ, ཨནུཔསམྤནྣོ ན ཨུཔསམྤཱདེཏབྦོ, ཨུཔསམྤནྣོ ནཱསེཏབྦོཏི. ལོཧིཏུཔྤཱདཀོ, བྷིཀྑཝེ, ཨནུཔསམྤནྣོ ན ཨུཔསམྤཱདེཏབྦོ, ཨུཔསམྤནྣོ ནཱསེཏབྦོཏི.

༥༤. ཨུབྷཏོབྱཉྫནཀཝཏྠུ

༡༡༦. ཏེན ཁོ པན སམཡེན ཨཉྙཏརོ ཨུབྷཏོབྱཉྫནཀོ བྷིཀྑཱུསུ པབྦཛིཏོ ཧོཏི. སོ ཀརོཏིཔི ཀཱརཱཔེཏིཔི. བྷགཝཏོ ཨེཏམཏྠཾ ཨཱརོཙེསུཾ. ཨུབྷཏོབྱཉྫནཀོ, བྷིཀྑཝེ, ཨནུཔསམྤནྣོ ན ཨུཔསམྤཱདེཏབྦོ, ཨུཔསམྤནྣོ ནཱསེཏབྦོཏི.

༥༥. ཨནུཔཛ྄ཛྷཱཡཀཱདིཝཏྠཱུནི

༡༡༧. ཏེན ཁོ པན སམཡེན བྷིཀྑཱུ ཨནུཔཛ྄ཛྷཱཡཀཾ ཨུཔསམྤཱདེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨནུཔཛ྄ཛྷཱཡཀོ ཨུཔསམྤཱདེཏབྦོ. ཡོ ཨུཔསམྤཱདེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན བྷིཀྑཱུ སངྒྷེན ཨུཔཛ྄ཛྷཱཡེན ཨུཔསམྤཱདེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སངྒྷེན ཨུཔཛ྄ཛྷཱཡེན ཨུཔསམྤཱདེཏབྦོ. ཡོ ཨུཔསམྤཱདེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན བྷིཀྑཱུ གཎེན ཨུཔཛ྄ཛྷཱཡེན ཨུཔསམྤཱདེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, གཎེན ཨུཔཛ྄ཛྷཱཡེན ཨུཔསམྤཱདེཏབྦོ. ཡོ ཨུཔསམྤཱདེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན བྷིཀྑཱུ པཎྜཀུཔཛ྄ཛྷཱཡེན ཨུཔསམྤཱདེནྟི…པེ… ཐེཡྻསཾཝཱསཀུཔཛ྄ཛྷཱཡེན ཨུཔསམྤཱདེནྟི…པེ… ཏིཏྠིཡཔཀྐནྟཀུཔཛ྄ཛྷཱཡེན ཨུཔསམྤཱདེནྟི …པེ… ཏིརཙྪཱནགཏུཔཛ྄ཛྷཱཡེན ཨུཔསམྤཱདེནྟི…པེ… མཱཏུགྷཱཏཀུཔཛ྄ཛྷཱཡེན ཨུཔསམྤཱདེནྟི…པེ… པིཏུགྷཱཏཀུཔཛ྄ཛྷཱཡེན ཨུཔསམྤཱདེནྟི…པེ… ཨརཧནྟགྷཱཏཀུཔཛ྄ཛྷཱཡེན ཨུཔསམྤཱདེནྟི…པེ… བྷིཀྑུནིདཱུསཀུཔཛ྄ཛྷཱཡེན ཨུཔསམྤཱདེནྟི…པེ… སངྒྷབྷེདཀུཔཛ྄ཛྷཱཡེན ཨུཔསམྤཱདེནྟི…པེ… ལོཧིཏུཔྤཱདཀུཔཛ྄ཛྷཱཡེན ཨུཔསམྤཱདེནྟི…པེ… ཨུབྷཏོབྱཉྫནཀུཔཛ྄ཛྷཱཡེན ཨུཔསམྤཱདེནྟི བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, པཎྜཀུཔཛ྄ཛྷཱཡེན ཨུཔསམྤཱདེཏབྦོ…པེ… ན, བྷིཀྑཝེ, ཐེཡྻསཾཝཱསཀུཔཛ྄ཛྷཱཡེན ཨུཔསམྤཱདེཏབྦོ…པེ… ན, བྷིཀྑཝེ, ཏིཏྠིཡཔཀྐནྟཀུཔཛ྄ཛྷཱཡེན ཨུཔསམྤཱདེཏབྦོ…པེ… ན, བྷིཀྑཝེ, ཏིརཙྪཱནགཏུཔཛ྄ཛྷཱཡེན ཨུཔསམྤཱདེཏབྦོ…པེ… ན, བྷིཀྑཝེ, མཱཏུགྷཱཏཀུཔཛ྄ཛྷཱཡེན ཨུཔསམྤཱདེཏབྦོ …པེ… ན, བྷིཀྑཝེ, པིཏུགྷཱཏཀུཔཛ྄ཛྷཱཡེན ཨུཔསམྤཱདེཏབྦོ…པེ… ན, བྷིཀྑཝེ, ཨརཧནྟགྷཱཏཀུཔཛ྄ཛྷཱཡེན ཨུཔསམྤཱདེཏབྦོ…པེ… ན, བྷིཀྑཝེ, བྷིཀྑུནིདཱུསཀུཔཛ྄ཛྷཱཡེན ཨུཔསམྤཱདེཏབྦོ …པེ… ན, བྷིཀྑཝེ, སངྒྷབྷེདཀུཔཛ྄ཛྷཱཡེན ཨུཔསམྤཱདེཏབྦོ…པེ… ན, བྷིཀྑཝེ, ལོཧིཏུཔྤཱདཀུཔཛ྄ཛྷཱཡེན ཨུཔསམྤཱདེཏབྦོ…པེ… ན, བྷིཀྑཝེ, ཨུབྷཏོབྱཉྫནཀུཔཛ྄ཛྷཱཡེན ཨུཔསམྤཱདེཏབྦོ. ཡོ ཨུཔསམྤཱདེཡྻ, ཨཱཔཏྟི དུཀྐཊསྶཱཏི.

༥༦. ཨཔཏྟཀཱདིཝཏྠུ

༡༡༨. ཏེན ཁོ པན སམཡེན བྷིཀྑཱུ ཨཔཏྟཀཾ ཨུཔསམྤཱདེནྟི. ཧཏྠེསུ པིཎྜཱཡ ཙརནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི ཏིཏྠིཡཱཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨཔཏྟཀོ ཨུཔསམྤཱདེཏབྦོ. ཡོ ཨུཔསམྤཱདེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན བྷིཀྑཱུ ཨཙཱིཝརཀཾ ཨུཔསམྤཱདེནྟི. ནགྒཱ པིཎྜཱཡ ཙརནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི ཏིཏྠིཡཱཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨཙཱིཝརཀོ ཨུཔསམྤཱདེཏབྦོ. ཡོ ཨུཔསམྤཱདེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན བྷིཀྑཱུ ཨཔཏྟཙཱིཝརཀཾ ཨུཔསམྤཱདེནྟི. ནགྒཱ ཧཏྠེསུ པིཎྜཱཡ ཙརནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི ཏིཏྠིཡཱཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨཔཏྟཙཱིཝརཀོ ཨུཔསམྤཱདེཏབྦོ. ཡོ ཨུཔསམྤཱདེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན བྷིཀྑཱུ ཡཱཙིཏཀེན པཏྟེན ཨུཔསམྤཱདེནྟི. ཨུཔསམྤནྣེ པཏྟཾ པཊིཧརནྟི. ཧཏྠེསུ པིཎྜཱཡ ཙརནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི ཏིཏྠིཡཱཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཡཱཙིཏཀེན པཏྟེན ཨུཔསམྤཱདེཏབྦོ. ཡོ ཨུཔསམྤཱདེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན བྷིཀྑཱུ ཡཱཙིཏཀེན ཙཱིཝརེན ཨུཔསམྤཱདེནྟི. ཨུཔསམྤནྣེ ཙཱིཝརཾ པཊིཧརནྟི. ནགྒཱ པིཎྜཱཡ ཙརནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི ཏིཏྠིཡཱཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཡཱཙིཏཀེན ཙཱིཝརེན ཨུཔསམྤཱདེཏབྦོ. ཡོ ཨུཔསམྤཱདེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན བྷིཀྑཱུ ཡཱཙིཏཀེན པཏྟཙཱིཝརེན ཨུཔསམྤཱདེནྟི. ཨུཔསམྤནྣེ པཏྟཙཱིཝརཾ པཊིཧརནྟི. ནགྒཱ ཧཏྠེསུ པིཎྜཱཡ ཙརནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི ཏིཏྠིཡཱཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཡཱཙིཏཀེན པཏྟཙཱིཝརེན ཨུཔསམྤཱདེཏབྦོ. ཡོ ཨུཔསམྤཱདེཡྻ, ཨཱཔཏྟི དུཀྐཊསྶཱཏི.

ནཨུཔསམྤཱདེཏབྦེཀཝཱིསཏིཝཱརོ ནིཊྛིཏོ.

༥༧. ནཔབྦཱཛེཏབྦདྭཏྟིཾསཝཱརོ

༡༡༩. ཏེན ཁོ པན སམཡེན བྷིཀྑཱུ ཧཏྠཙྪིནྣཾ པབྦཱཛེནྟི…པེ… པཱདཙྪིནྣཾ པབྦཱཛེནྟི…པེ… ཧཏྠཔཱདཙྪིནྣཾ པབྦཱཛེནྟི…པེ… ཀཎྞཙྪིནྣཾ པབྦཱཛེནྟི…པེ… ནཱསཙྪིནྣཾ པབྦཱཛེནྟི…པེ… ཀཎྞནཱསཙྪིནྣཾ པབྦཱཛེནྟི…པེ… ཨངྒུལིཙྪིནྣཾ པབྦཱཛེནྟི…པེ… ཨལ༹ཙྪིནྣཾ པབྦཱཛེནྟི…པེ… ཀཎྜརཙྪིནྣཾ པབྦཱཛེནྟི…པེ… ཕཎཧཏྠཀཾ པབྦཱཛེནྟི…པེ… ཁུཛྫཾ པབྦཱཛེནྟི…པེ… ཝཱམནཾ པབྦཱཛེནྟི…པེ… གལགཎྜིཾ པབྦཱཛེནྟི…པེ… ལཀྑཎཱཧཏཾ པབྦཱཛེནྟི…པེ… ཀསཱཧཏཾ པབྦཱཛེནྟི…པེ… ལིཁིཏཀཾ པབྦཱཛེནྟི…པེ… སཱིཔདིཾ པབྦཱཛེནྟི…པེ… པཱཔརོགིཾ པབྦཱཛེནྟི…པེ… པརིསདཱུསཀཾ པབྦཱཛེནྟི…པེ… ཀཱཎཾ པབྦཱཛེནྟི…པེ… ཀུཎིཾ པབྦཱཛེནྟི…པེ… ཁཉྫཾ པབྦཱཛེནྟི…པེ… པཀྑཧཏཾ པབྦཱཛེནྟི…པེ… ཚིནྣིརིཡཱཔཐཾ པབྦཱཛེནྟི…པེ… ཛརཱདུབྦལཾ པབྦཱཛེནྟི…པེ… ཨནྡྷཾ པབྦཱཛེནྟི…པེ… མཱུགཾ པབྦཱཛེནྟི…པེ… བདྷིརཾ པབྦཱཛེནྟི…པེ… ཨནྡྷམཱུགཾ པབྦཱཛེནྟི…པེ… ཨནྡྷབདྷིརཾ པབྦཱཛེནྟི…པེ… མཱུགབདྷིརཾ པབྦཱཛེནྟི…པེ… ཨནྡྷམཱུགབདྷིརཾ པབྦཱཛེནྟི. བྷགཝཏོ ཨེཏམཏྠཾ ཨཱརོཙེསུཾ…པེ… ན, བྷིཀྑཝེ, ཧཏྠཙྪིནྣོ པབྦཱཛེཏབྦོ…པེ… ན, བྷིཀྑཝེ, པཱདཙྪིནྣོ པབྦཱཛེཏབྦོ…པེ… ན, བྷིཀྑཝེ, ཧཏྠཔཱདཙྪིནྣོ པབྦཱཛེཏབྦོ…པེ… ན, བྷིཀྑཝེ, ཀཎྞཙྪིནྣོ པབྦཱཛེཏབྦོ…པེ… ན, བྷིཀྑཝེ, ནཱསཙྪིནྣོ པབྦཱཛེཏབྦོ…པེ… ན, བྷིཀྑཝེ, ཀཎྞནཱསཙྪིནྣོ པབྦཱཛེཏབྦོ…པེ… ན, བྷིཀྑཝེ, ཨངྒུལིཙྪིནྣོ པབྦཱཛེཏབྦོ…པེ… ན, བྷིཀྑཝེ, ཨལ༹ཙྪིནྣོ པབྦཱཛེཏབྦོ…པེ… ན, བྷིཀྑཝེ, ཀཎྜརཙྪིནྣོ པབྦཱཛེཏབྦོ…པེ… ན, བྷིཀྑཝེ, ཕཎཧཏྠཀོ པབྦཱཛེཏབྦོ…པེ… ན, བྷིཀྑཝེ, ཁུཛྫོ པབྦཱཛེཏབྦོ…པེ… ན, བྷིཀྑཝེ, ཝཱམནོ པབྦཱཛེཏབྦོ…པེ… ན, བྷིཀྑཝེ, གལགཎྜཱི པབྦཱཛེཏབྦོ…པེ… ན, བྷིཀྑཝེ, ལཀྑཎཱཧཏོ པབྦཱཛེཏབྦོ…པེ… ན, བྷིཀྑཝེ, ཀསཱཧཏོ པབྦཱཛེཏབྦོ…པེ… ན, བྷིཀྑཝེ, ལིཁིཏཀོ པབྦཱཛེཏབྦོ…པེ… ན, བྷིཀྑཝེ, སཱིཔདཱི པབྦཱཛེཏབྦོ…པེ… ན, བྷིཀྑཝེ, པཱཔརོགཱི པབྦཱཛེཏབྦོ…པེ… ན, བྷིཀྑཝེ, པརིསདཱུསཀོ པབྦཱཛེཏབྦོ…པེ… ན, བྷིཀྑཝེ, ཀཱཎོ པབྦཱཛེཏབྦོ…པེ… ན, བྷིཀྑཝེ, ཀུཎཱི པབྦཱཛེཏབྦོ…པེ… ན, བྷིཀྑཝེ, ཁཉྫོ པབྦཱཛེཏབྦོ…པེ… ན, བྷིཀྑཝེ, པཀྑཧཏོ པབྦཱཛེཏབྦོ…པེ… ན, བྷིཀྑཝེ, ཚིནྣིརིཡཱཔཐོ པབྦཱཛེཏབྦོ…པེ… ན, བྷིཀྑཝེ, ཛརཱདུབྦལོ པབྦཱཛེཏབྦོ…པེ… ན, བྷིཀྑཝེ, ཨནྡྷོ པབྦཱཛེཏབྦོ…པེ… ན, བྷིཀྑཝེ, མཱུགོ པབྦཱཛེཏབྦོ…པེ… ན, བྷིཀྑཝེ, བདྷིརོ པབྦཱཛེཏབྦོ…པེ… ན, བྷིཀྑཝེ, ཨནྡྷམཱུགོ པབྦཱཛེཏབྦོ…པེ… ན, བྷིཀྑཝེ, ཨནྡྷབདྷིརོ པབྦཱཛེཏབྦོ…པེ… ན, བྷིཀྑཝེ, མཱུགབདྷིརོ པབྦཱཛེཏབྦོ…པེ… ན, བྷིཀྑཝེ, ཨནྡྷམཱུགབདྷིརོ པབྦཱཛེཏབྦོ. ཡོ པབྦཱཛེཡྻ, ཨཱཔཏྟི དུཀྐཊསྶཱཏི.

ནཔབྦཱཛེཏབྦདྭཏྟིཾསཝཱརོ ནིཊྛིཏོ.

དཱཡཛྫབྷཱཎཝཱརོ ནིཊྛིཏོ ནཝམོ.

༥༨. ཨལཛྫཱིནིསྶཡཝཏྠཱུནི

༡༢༠. ཏེན ཁོ པན སམཡེན ཚབྦགྒིཡཱ བྷིཀྑཱུ ཨལཛྫཱིནཾ ནིསྶཡཾ དེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨལཛྫཱིནཾ ནིསྶཡོ དཱཏབྦོ. ཡོ དདེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན བྷིཀྑཱུ ཨལཛྫཱིནཾ ནིསྶཱཡ ཝསནྟི. ཏེཔི ནཙིརསྶེཝ ཨལཛྫིནོ ཧོནྟི པཱཔཀཱབྷིཀྑཱུ. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨལཛྫཱིནཾ ནིསྶཱཡ ཝཏྠབྦཾ. ཡོ ཝསེཡྻ, ཨཱཔཏྟི དུཀྐཊསྶཱཏི.

ཨཐ ཁོ བྷིཀྑཱུནཾ ཨེཏདཧོསི – ‘‘བྷགཝཏཱ པཉྙཏྟཾ ‘ན ཨལཛྫཱིནཾ ནིསྶཡོ དཱཏབྦོ, ན ཨལཛྫཱིནཾ ནིསྶཱཡ ཝཏྠབྦ’ནྟི. ཀཐཾ ནུ ཁོ མཡཾ ཛཱནེཡྻཱམ ལཛྫིཾ ཝཱ ཨལཛྫིཾ ཝཱ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཙཏཱུཧཔཉྩཱཧཾ ཨཱགམེཏུཾ ཡཱཝ བྷིཀྑུསབྷཱགཏཾ ཛཱནཱམཱིཏི.

༥༩. གམིཀཱདིནིསྶཡཝཏྠཱུནི

༡༢༡. ཏེན ཁོ པན སམཡེན ཨཉྙཏརོ བྷིཀྑུ ཀོསལེསུ ཛནཔདེ ཨདྡྷཱནམགྒཔྤཊིཔནྣོ ཧོཏི. ཨཐ ཁོ ཏསྶ བྷིཀྑུནོ ཨེཏདཧོསི – ‘‘བྷགཝཏཱ པཉྙཏྟཾ ‘ན ཨནིསྶིཏེན ཝཏྠབྦ’ནྟི. ཨཧཉྩམྷི ནིསྶཡཀརཎཱིཡོ ཨདྡྷཱནམགྒཔྤཊིཔནྣོ, ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨདྡྷཱནམགྒཔྤཊིཔནྣེན བྷིཀྑུནཱ ནིསྶཡཾ ཨལབྷམཱནེན ཨནིསྶིཏེན ཝཏྠུནྟི.

ཏེན ཁོ པན སམཡེན དྭེ བྷིཀྑཱུ ཀོསལེསུ ཛནཔདེ ཨདྡྷཱནམགྒཔྤཊིཔནྣཱ ཧོནྟི. ཏེ ཨཉྙཏརཾ ཨཱཝཱསཾ ཨུཔགཙྪིཾསུ. ཏཏྠ ཨེཀོ བྷིཀྑུ གིལཱནོ ཧོཏི. ཨཐ ཁོ ཏསྶ གིལཱནསྶ བྷིཀྑུནོ ཨེཏདཧོསི – ‘‘བྷགཝཏཱ པཉྙཏྟཾ ‘ན ཨནིསྶིཏེན ཝཏྠབྦ’ནྟི. ཨཧཉྩམྷི ནིསྶཡཀརཎཱིཡོ གིལཱནོ, ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, གིལཱནེན བྷིཀྑུནཱ ནིསྶཡཾ ཨལབྷམཱནེན ཨནིསྶིཏེན ཝཏྠུནྟི.

ཨཐ ཁོ ཏསྶ གིལཱནུཔཊྛཱཀསྶ བྷིཀྑུནོ ཨེཏདཧོསི – ‘‘བྷགཝཏཱ པཉྙཏྟཾ ‘ན ཨནིསྶིཏེན ཝཏྠབྦ’ནྟི. ཨཧཉྩམྷི ནིསྶཡཀརཎཱིཡོ, ཨཡཉྩ བྷིཀྑུ གིལཱནོ, ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, གིལཱནུཔཊྛཱཀེན བྷིཀྑུནཱ ནིསྶཡཾ ཨལབྷམཱནེན ཡཱཙིཡམཱནེན ཨནིསྶིཏེན ཝཏྠུནྟི.

ཏེན ཁོ པན སམཡེན ཨཉྙཏརོ བྷིཀྑུ ཨརཉྙེ ཝིཧརཏི. ཏསྶ ཙ ཏསྨིཾ སེནཱསནེ ཕཱསུ ཧོཏི. ཨཐ ཁོ ཏསྶ བྷིཀྑུནོ ཨེཏདཧོསི – ‘‘བྷགཝཏཱ པཉྙཏྟཾ ‘ན ཨནིསྶིཏེན ཝཏྠབྦ’ནྟི. ཨཧཉྩམྷི ནིསྶཡཀརཎཱིཡོ ཨརཉྙེ ཝིཧརཱམི, མཡ྄ཧཉྩ ཨིམསྨིཾ སེནཱསནེ ཕཱསུ ཧོཏི, ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨཱརཉྙིཀེན བྷིཀྑུནཱ ཕཱསུཝིཧཱརཾ སལླཀྑེནྟེན ནིསྶཡཾ ཨལབྷམཱནེན ཨནིསྶིཏེན ཝཏྠུཾ – ཡདཱ པཏིརཱུཔོ ནིསྶཡདཱཡཀོ ཨཱགཙྪིསྶཏི, ཏདཱ ཏསྶ ནིསྶཱཡ ཝསིསྶཱམཱིཏི.

༦༠. གོཏྟེན ཨནུསྶཱཝནཱནུཛཱནནཱ

༡༢༢. ཏེན ཁོ པན སམཡེན ཨཱཡསྨཏོ མཧཱཀསྶཔསྶ ཨུཔསམྤདཱཔེཀྑོ ཧོཏི. ཨཐ ཁོ ཨཱཡསྨཱ མཧཱཀསྶཔོ ཨཱཡསྨཏོ ཨཱནནྡསྶ སནྟིཀེ དཱུཏཾ པཱཧེསི – ཨཱགཙྪཏུ ཨཱནནྡོ ཨིམཾ ཨནུསྶཱཝེསྶཏཱུཏི [ཨནུསྶཱཝེསྶཏཱིཏི (སྱཱ.)]. ཨཱཡསྨཱ ཨཱནནྡོ ཨེཝམཱཧ – ‘‘ནཱཧཾ ཨུསྶཧཱམི ཐེརསྶ ནཱམཾ གཧེཏུཾ, གརུ མེ ཐེརོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, གོཏྟེནཔི ཨནུསྶཱཝེཏུནྟི.

༦༡. དྭེཨུཔསམྤདཱཔེཀྑཱདིཝཏྠུ

༡༢༣. ཏེན ཁོ པན སམཡེན ཨཱཡསྨཏོ མཧཱཀསྶཔསྶ དྭེ ཨུཔསམྤདཱཔེཀྑཱ ཧོནྟི. ཏེ ཝིཝདནྟི – ཨཧཾ པཋམཾ ཨུཔསམྤཛྫིསྶཱམི, ཨཧཾ པཋམཾ ཨུཔསམྤཛྫིསྶཱམཱིཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, དྭེ ཨེཀཱནུསྶཱཝནེ ཀཱཏུནྟི.

ཏེན ཁོ པན སམཡེན སམྦཧུལཱནཾ ཐེརཱནཾ ཨུཔསམྤདཱཔེཀྑཱ ཧོནྟི. ཏེ ཝིཝདནྟི – ཨཧཾ པཋམཾ ཨུཔསམྤཛྫིསྶཱམི, ཨཧཾ པཋམཾ ཨུཔསམྤཛྫིསྶཱམཱིཏི. ཐེརཱ ཨེཝམཱཧཾསུ – ‘‘ཧནྡ, མཡཾ, ཨཱཝུསོ, སབྦེཝ ཨེཀཱནུསྶཱཝནེ ཀརོམཱ’’ཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, དྭེ ཏཡོ ཨེཀཱནུསྶཱཝནེ ཀཱཏུཾ, ཏཉྩ ཁོ ཨེཀེན ཨུཔཛ྄ཛྷཱཡེན, ན ཏྭེཝ ནཱནུཔཛ྄ཛྷཱཡེནཱཏི.

༦༢. གབྦྷཝཱིསཱུཔསམྤདཱནུཛཱནནཱ

༡༢༤. ཏེན ཁོ པན སམཡེན ཨཱཡསྨཱ ཀུམཱརཀསྶཔོ གབྦྷཝཱིསོ ཨུཔསམྤནྣོ ཨཧོསི. ཨཐ ཁོ ཨཱཡསྨཏོ ཀུམཱརཀསྶཔསྶ ཨེཏདཧོསི – ‘‘བྷགཝཏཱ པཉྙཏྟཾ ‘ན ཨཱུནཝཱིསཏིཝསྶོ པུགྒལོ ཨུཔསམྤཱདེཏབྦོ’ཏི. ཨཧཉྩམྷི གབྦྷཝཱིསོ ཨུཔསམྤནྣོ. ཨུཔསམྤནྣོ ནུ ཁོམྷི, ནནུ ཁོ ཨུཔསམྤནྣོ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཡཾ, བྷིཀྑཝེ, མཱཏུཀུཙྪིསྨིཾ པཋམཾ ཙིཏྟཾ ཨུཔྤནྣཾ, པཋམཾ ཝིཉྙཱཎཾ པཱཏུབྷཱུཏཾ, ཏདུཔཱདཱཡ སཱཝསྶ ཛཱཏི. ཨནུཛཱནཱམི, བྷིཀྑཝེ, གབྦྷཝཱིསཾ ཨུཔསམྤཱདེཏུནྟི.

༦༣. ཨུཔསམྤདཱཝིདྷི

༡༢༥. ཏེན ཁོ པན སམཡེན ཨུཔསམྤནྣཱ དིསྶནྟི ཀུཊྛིཀཱཔི གཎྜིཀཱཔི ཀིལཱསིཀཱཔི སོསིཀཱཔི ཨཔམཱརིཀཱཔི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨུཔསམྤཱདེནྟེན ཏེརས [ཏསྶ (ཀ.)] ཨནྟརཱཡིཀེ དྷམྨེ པུཙྪིཏུཾ. ཨེཝཉྩ པན, བྷིཀྑཝེ, པུཙྪིཏབྦོ – ‘‘སནྟི ཏེ ཨེཝརཱུཔཱ ཨཱབཱདྷཱ – ཀུཊྛཾ, གཎྜོ, ཀིལཱསོ, སོསོ, ཨཔམཱརོ? མནུསྶོསི? པུརིསོསི? བྷུཛིསྶོསི? ཨཎཎོསི? ནསི རཱཛབྷཊོ? ཨནུཉྙཱཏོསི མཱཏཱཔིཏཱུཧི? པརིཔུཎྞཝཱིསཏིཝསྶོསི? པརིཔུཎྞཾ ཏེ པཏྟཙཱིཝརཾ? ཀིཾནཱམོསི? ཀོནཱམོ ཏེ ཨུཔཛ྄ཛྷཱཡོ’’ཏི?

ཏེན ཁོ པན སམཡེན བྷིཀྑཱུ ཨནནུསིཊྛེ ཨུཔསམྤདཱཔེཀྑེ ཨནྟརཱཡིཀེ དྷམྨེ པུཙྪནྟི. ཨུཔསམྤདཱཔེཀྑཱ ཝིཏྠཱཡནྟི, མངྐཱུ ཧོནྟི, ན སཀྐོནྟི ཝིསྶཛྫེཏུཾ. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཋམཾ ཨནུསཱསིཏྭཱ པཙྪཱ ཨནྟརཱཡིཀེ དྷམྨེ པུཙྪིཏུནྟི.

ཏཏྠེཝ སངྒྷམཛ྄ཛྷེ ཨནུསཱསནྟི. ཨུཔསམྤདཱཔེཀྑཱ ཏཐེཝ ཝིཏྠཱཡནྟི, མངྐཱུ ཧོནྟི, ན སཀྐོནྟི ཝིསྶཛྫེཏུཾ. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨེཀམནྟཾ ཨནུསཱསིཏྭཱ སངྒྷམཛ྄ཛྷེ ཨནྟརཱཡིཀེ དྷམྨེ པུཙྪིཏུཾ. ཨེཝཉྩ པན, བྷིཀྑཝེ, ཨནུསཱསིཏབྦོ –

༡༢༦. པཋམཾ ཨུཔཛ྄ཛྷཾ གཱཧཱཔེཏབྦོ. ཨུཔཛ྄ཛྷཾ གཱཧཱཔེཏྭཱ པཏྟཙཱིཝརཾ ཨཱཙིཀྑིཏབྦཾ – ཨཡཾ ཏེ པཏྟོ, ཨཡཾ སངྒྷཱཊི, ཨཡཾ ཨུཏྟརཱསངྒོ, ཨཡཾ ཨནྟརཝཱསཀོ. གཙྪ, ཨམུམྷི ཨོཀཱསེ ཏིཊྛཱཧཱིཏི.

བཱལཱ ཨབྱཏྟཱ ཨནུསཱསནྟི. དུརནུསིཊྛཱ ཨུཔསམྤདཱཔེཀྑཱ ཝིཏྠཱཡནྟི, མངྐཱུ ཧོནྟི, ན སཀྐོནྟི ཝིསྶཛྫེཏུཾ. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, བཱལེན ཨབྱཏྟེན ཨནུསཱསིཏབྦོ. ཡོ ཨནུསཱསེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, བྱཏྟེན བྷིཀྑུནཱ པཊིབལེན ཨནུསཱསིཏུནྟི.

ཨསམྨཏཱ ཨནུསཱསནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨསམྨཏེན ཨནུསཱསིཏབྦོ. ཡོ ཨནུསཱསེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, སམྨཏེན ཨནུསཱསིཏུཾ. ཨེཝཉྩ པན, བྷིཀྑཝེ, སམྨནྣིཏབྦོ [སམྨནིཏབྦོ (ཀ.)] – ཨཏྟནཱ ཝཱ [ཨཏྟནཱཝ (སྱཱ.)] ཨཏྟཱནཾ སམྨནྣིཏབྦཾ, པརེན ཝཱ པརོ སམྨནྣིཏབྦོ.

ཀཐཉྩ ཨཏྟནཱཝ ཨཏྟཱནཾ སམྨནྣིཏབྦཾ? བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ – ‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམོ ཨིཏྠནྣཱམསྶ ཨཱཡསྨཏོ ཨུཔསམྤདཱཔེཀྑོ. ཡདི སངྒྷསྶ པཏྟཀལླཾ, ཨཧཾ ཨིཏྠནྣཱམཾ ཨནུསཱསེཡྻ’’ནྟི. ཨེཝཾ ཨཏྟནཱཝ ཨཏྟཱནཾ སམྨནྣིཏབྦཾ.

ཀཐཉྩ པན པརེན པརོ སམྨནྣིཏབྦོ? བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ – ‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམོ ཨིཏྠནྣཱམསྶ ཨཱཡསྨཏོ ཨུཔསམྤདཱཔེཀྑོ. ཡདི སངྒྷསྶ པཏྟཀལླཾ, ཨིཏྠནྣཱམོ ཨིཏྠནྣཱམཾ ཨནུསཱསེཡྻཱ’’ཏི. ཨེཝཾ པརེན པརོ སམྨནྣིཏབྦོ.

ཏེན སམྨཏེན བྷིཀྑུནཱ ཨུཔསམྤདཱཔེཀྑོ ཨུཔསངྐམིཏྭཱ ཨེཝམསྶ ཝཙནཱིཡོ – ‘‘སུཎསི, ཨིཏྠནྣཱམ, ཨཡཾ ཏེ སཙྩཀཱལོ བྷཱུཏཀཱལོ. ཡཾ ཛཱཏཾ ཏཾ སངྒྷམཛ྄ཛྷེ པུཙྪནྟེ སནྟཾ ཨཏྠཱིཏི ཝཏྟབྦཾ, ཨསནྟཾ ནཏྠཱི’’ཏི ཝཏྟབྦཾ. མཱ ཁོ ཝིཏྠཱཡི, མཱ ཁོ མངྐུ ཨཧོསི. ཨེཝཾ ཏཾ པུཙྪིསྶནྟི – ‘‘སནྟི ཏེ ཨེཝརཱུཔཱ ཨཱབཱདྷཱ – ཀུཊྛཾ, གཎྜོ, ཀིལཱསོ, སོསོ, ཨཔམཱརོ? མནུསྶོསི? པུརིསོསི? བྷུཛིསྶོསི? ཨཎཎོསི? ནསི རཱཛབྷཊོ? ཨནུཉྙཱཏོསི མཱཏཱཔིཏཱུཧི? པརིཔུཎྞཝཱིསཏིཝསྶོསི? པརིཔུཎྞཾ ཏེ པཏྟཙཱིཝརཾ? ཀིཾནཱམོསི? ཀོནཱམོ ཏེ ཨུཔཛ྄ཛྷཱཡོ’’ཏི?

ཨེཀཏོ ཨཱགཙྪནྟི. ན, བྷིཀྑཝེ, ཨེཀཏོ ཨཱགནྟབྦཾ. ཨནུསཱསཀེན པཋམཏརཾ ཨཱགནྟྭཱ སངྒྷོ ཉཱཔེཏབྦོ – ‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམོ ཨིཏྠནྣཱམསྶ ཨཱཡསྨཏོ ཨུཔསམྤདཱཔེཀྑོ. ཨནུསིཊྛོ སོ མཡཱ. ཡདི སངྒྷསྶ པཏྟཀལླཾ, ཨིཏྠནྣཱམོ ཨཱགཙྪེཡྻཱ’’ཏི. ཨཱགཙྪཱཧཱིཏི ཝཏྟབྦོ.

ཨེཀཾསཾ ཨུཏྟརཱསངྒཾ ཀཱརཱཔེཏྭཱ བྷིཀྑཱུནཾ པཱདེ ཝནྡཱཔེཏྭཱ ཨུཀྐུཊིཀཾ ནིསཱིདཱཔེཏྭཱ ཨཉྫལིཾ པགྒཎྷཱཔེཏྭཱ ཨུཔསམྤདཾ ཡཱཙཱཔེཏབྦོ – ‘‘སངྒྷཾ, བྷནྟེ, ཨུཔསམྤདཾ ཡཱཙཱམི. ཨུལླུམྤཏུ མཾ, བྷནྟེ, སངྒྷོ ཨནུཀམྤཾ ཨུཔཱདཱཡ. དུཏིཡམྤི, བྷནྟེ, སངྒྷཾ ཨུཔསམྤདཾ ཡཱཙཱམི. ཨུལླུམྤཏུ མཾ, བྷནྟེ, སངྒྷོ ཨནུཀམྤཾ ཨུཔཱདཱཡ. ཏཏིཡམྤི, བྷནྟེ, སངྒྷཾ ཨུཔསམྤདཾ ཡཱཙཱམི. ཨུལླུམྤཏུ མཾ, བྷནྟེ, སངྒྷོ ཨནུཀམྤཾ ཨུཔཱདཱཡཱ’’ཏི. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ ཨིཏྠནྣཱམསྶ ཨཱཡསྨཏོ ཨུཔསམྤདཱཔེཀྑོ. ཡདི སངྒྷསྶ པཏྟཀལླཾ, ཨཧཾ ཨིཏྠནྣཱམཾ ཨནྟརཱཡིཀེ དྷམྨེ པུཙྪེཡྻ’’ནྟི? སུཎསི, ཨིཏྠནྣཱམ, ཨཡཾ ཏེ སཙྩཀཱལོ བྷཱུཏཀཱལོ. ཡཾ ཛཱཏཾ ཏཾ པུཙྪཱམི. སནྟཾ ཨཏྠཱིཏི ཝཏྟབྦཾ, ཨསནྟཾ ནཏྠཱིཏི ཝཏྟབྦཾ. སནྟི ཏེ ཨེཝརཱུཔཱ ཨཱབཱདྷཱ – ཀུཊྛཾ གཎྜོ ཀིལེསོ སོསོ ཨཔམཱརོ, མནུསྶོསི, པུརིསོསི, བྷུཛིསྶོསི, ཨཎཎོསི, ནསི རཱཛབྷཊོ, ཨནུཉྙཱཏོསི མཱཏཱཔིཏཱུཧི, པརིཔུཎྞཝཱིསཏིཝསྶོསི, པརིཔུཎྞཾ ཏེ པཏྟཙཱིཝརཾ, ཀིཾནཱམོསི, ཀོནཱམོ ཏེ ཨུཔཛ྄ཛྷཱཡོཏི? བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༢༧. ‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ ཨིཏྠནྣཱམསྶ ཨཱཡསྨཏོ ཨུཔསམྤདཱཔེཀྑོ, པརིསུདྡྷོ ཨནྟརཱཡིཀེཧི དྷམྨེཧི, པརིཔུཎྞསྶ པཏྟཙཱིཝརཾ. ཨིཏྠནྣཱམོ སངྒྷཾ ཨུཔསམྤདཾ ཡཱཙཏི ཨིཏྠནྣཱམེན ཨུཔཛ྄ཛྷཱཡེན. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ ཨུཔསམྤཱདེཡྻ ཨིཏྠནྣཱམེན ཨུཔཛ྄ཛྷཱཡེན. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ ཨིཏྠནྣཱམསྶ ཨཱཡསྨཏོ ཨུཔསམྤདཱཔེཀྑོ, པརིསུདྡྷོ ཨནྟརཱཡིཀེཧི དྷམྨེཧི, པརིཔུཎྞསྶ པཏྟཙཱིཝརཾ. ཨིཏྠནྣཱམོ སངྒྷཾ ཨུཔསམྤདཾ ཡཱཙཏི ཨིཏྠནྣཱམེན ཨུཔཛ྄ཛྷཱཡེན. སངྒྷོ ཨིཏྠནྣཱམཾ ཨུཔསམྤཱདེཏི ཨིཏྠནྣཱམེན ཨུཔཛ྄ཛྷཱཡེན. ཡསྶཱཡསྨཏོ ཁམཏི ཨིཏྠནྣཱམསྶ ཨུཔསམྤདཱ ཨིཏྠནྣཱམེན ཨུཔཛ྄ཛྷཱཡེན, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ ཨིཏྠནྣཱམསྶ ཨཱཡསྨཏོ ཨུཔསམྤདཱཔེཀྑོ, པརིསུདྡྷོ ཨནྟརཱཡིཀེཧི དྷམྨེཧི, པརིཔུཎྞསྶ པཏྟཙཱིཝརཾ. ཨིཏྠནྣཱམོ སངྒྷཾ ཨུཔསམྤདཾ ཡཱཙཏི ཨིཏྠནྣཱམེན ཨུཔཛ྄ཛྷཱཡེན. སངྒྷོ ཨིཏྠནྣཱམཾ ཨུཔསམྤཱདེཏི ཨིཏྠནྣཱམེན ཨུཔཛ྄ཛྷཱཡེན. ཡསྶཱཡསྨཏོ ཁམཏི ཨིཏྠནྣཱམསྶ ཨུཔསམྤདཱ ཨིཏྠནྣཱམེན ཨུཔཛ྄ཛྷཱཡེན, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ ཨིཏྠནྣཱམསྶ ཨཱཡསྨཏོ ཨུཔསམྤདཱཔེཀྑོ, པརིསུདྡྷོ ཨནྟརཱཡིཀེཧི དྷམྨེཧི, པརིཔུཎྞསྶ པཏྟཙཱིཝརཾ. ཨིཏྠནྣཱམོ སངྒྷཾ ཨུཔསམྤདཾ ཡཱཙཏི ཨིཏྠནྣཱམེན ཨུཔཛ྄ཛྷཱཡེན. སངྒྷོ ཨིཏྠནྣཱམཾ ཨུཔསམྤཱདེཏི ཨིཏྠནྣཱམེན ཨུཔཛ྄ཛྷཱཡེན. ཡསྶཱཡསྨཏོ ཁམཏི ཨིཏྠནྣཱམསྶ ཨུཔསམྤདཱ ཨིཏྠནྣཱམེན ཨུཔཛ྄ཛྷཱཡེན, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཨུཔསམྤནྣོ སངྒྷེན ཨིཏྠནྣཱམོ ཨིཏྠནྣཱམེན ཨུཔཛ྄ཛྷཱཡེན. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨུཔསམྤདཱཀམྨཾ ནིཊྛིཏཾ.

༦༤. ཙཏྟཱརོ ནིསྶཡཱ

༡༢༨. ཏཱཝདེཝ ཚཱཡཱ མེཏབྦཱ, ཨུཏུཔྤམཱཎཾ ཨཱཙིཀྑིཏབྦཾ, དིཝསབྷཱགོ ཨཱཙིཀྑིཏབྦོ, སངྒཱིཏི ཨཱཙིཀྑིཏབྦཱ, ཙཏྟཱརོ ནིསྶཡཱ ཨཱཙིཀྑིཏབྦཱ [ཨཱཙིཀྑིཏབྦཱ, ཙཏྟཱརི ཨཀརཎཱིཡཱནི ཨཱཙིཀྑིཏབྦཱནི. (ཀ.)] –

‘‘པིཎྜིཡཱལོཔབྷོཛནཾ ནིསྶཱཡ པབྦཛྫཱ. ཏཏྠ ཏེ ཡཱཝཛཱིཝཾ ཨུསྶཱཧོ ཀརཎཱིཡོ. ཨཏིརེཀལཱབྷོ – སངྒྷབྷཏྟཾ, ཨུདྡེསབྷཏྟཾ, ནིམནྟནཾ, སལཱཀབྷཏྟཾ, པཀྑིཀཾ, ཨུཔོསཐིཀཾ, པཱཊིཔདིཀཾ.

‘‘པཾསུཀཱུལཙཱིཝརཾ ནིསྶཱཡ པབྦཛྫཱ. ཏཏྠ ཏེ ཡཱཝཛཱིཝཾ ཨུསྶཱཧོ ཀརཎཱིཡོ. ཨཏིརེཀལཱབྷོ – ཁོམཾ, ཀཔྤཱསིཀཾ, ཀོསེཡྻཾ, ཀམྦལཾ, སཱཎཾ, བྷངྒཾ.

‘‘རུཀྑམཱུལསེནཱསནཾ ནིསྶཱཡ པབྦཛྫཱ. ཏཏྠ ཏེ ཡཱཝཛཱིཝཾ ཨུསྶཱཧོ ཀརཎཱིཡོ. ཨཏིརེཀལཱབྷོ – ཝིཧཱརོ, ཨཌྜྷཡོགོ, པཱསཱདོ, ཧམྨིཡཾ, གུཧཱ.

‘‘པཱུཏིམུཏྟབྷེསཛྫཾ ནིསྶཱཡ པབྦཛྫཱ. ཏཏྠ ཏེ ཡཱཝཛཱིཝཾ ཨུསྶཱཧོ ཀརཎཱིཡོ. ཨཏིརེཀལཱབྷོ – སཔྤི, ནཝནཱིཏཾ, ཏེལཾ, མདྷུ, ཕཱཎིཏ’’ནྟི.

ཙཏྟཱརོ ནིསྶཡཱ ནིཊྛིཏཱ.

༦༥. ཙཏྟཱརི ཨཀརཎཱིཡཱནི

༡༢༩. ཏེན ཁོ པན སམཡེན བྷིཀྑཱུ ཨཉྙཏརཾ བྷིཀྑུཾ ཨུཔསམྤཱདེཏྭཱ ཨེཀཀཾ ཨོཧཱཡ པཀྐམིཾསུ. སོ པཙྪཱ ཨེཀཀོཝ ཨཱགཙྪནྟོ ཨནྟརཱམགྒེ པུརཱཎདུཏིཡིཀཱཡ སམཱགཉྪི. སཱ ཨེཝམཱཧ – ‘‘ཀིཾདཱནི པབྦཛིཏོསཱི’’ཏི? ‘‘ཨཱམ, པབྦཛིཏོམྷཱི’’ཏི. ‘‘དུལླབྷོ ཁོ པབྦཛིཏཱནཾ མེཐུནོ དྷམྨོ; ཨེཧི, མེཐུནཾ དྷམྨཾ པཊིསེཝཱ’’ཏི. སོ ཏསྶཱ མེཐུནཾ དྷམྨཾ པཊིསེཝིཏྭཱ ཙིརེན ཨགམཱསི. བྷིཀྑཱུ ཨེཝམཱཧཾསུ – ‘‘ཀིསྶ ཏྭཾ, ཨཱཝུསོ, ཨེཝཾ ཙིརཾ ཨཀཱསཱི’’ཏི? ཨཐ ཁོ སོ བྷིཀྑུ བྷིཀྑཱུནཾ ཨེཏམཏྠཾ ཨཱརོཙེསི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨུཔསམྤཱདེཏྭཱ དུཏིཡཾ དཱཏུཾ, ཙཏྟཱརི ཙ ཨཀརཎཱིཡཱནི ཨཱཙིཀྑིཏུཾ –

‘‘ཨུཔསམྤནྣེན བྷིཀྑུནཱ མེཐུནོ དྷམྨོ ན པཊིསེཝིཏབྦོ, ཨནྟམསོ ཏིརཙྪཱནགཏཱཡཔི. ཡོ བྷིཀྑུ མེཐུནཾ དྷམྨཾ པཊིསེཝཏི, ཨསྶམཎོ ཧོཏི ཨསཀྱཔུཏྟིཡོ. སེཡྻཐཱཔི ནཱམ པུརིསོ སཱིསཙྪིནྣོ ཨབྷབྦོ ཏེན སརཱིརབནྡྷནེན ཛཱིཝིཏུཾ, ཨེཝམེཝ བྷིཀྑུ མེཐུནཾ དྷམྨཾ པཊིསེཝིཏྭཱ ཨསྶམཎོ ཧོཏི ཨསཀྱཔུཏྟིཡོ. ཏཾ ཏེ ཡཱཝཛཱིཝཾ ཨཀརཎཱིཡཾ.

‘‘ཨུཔསམྤནྣེན བྷིཀྑུནཱ ཨདིནྣཾ ཐེཡྻསངྑཱཏཾ ན ཨཱདཱཏབྦཾ, ཨནྟམསོ ཏིཎསལཱཀཾ ཨུཔཱདཱཡ. ཡོ བྷིཀྑུ པཱདཾ ཝཱ པཱདཱརཧཾ ཝཱ ཨཏིརེཀཔཱདཾ ཝཱ ཨདིནྣཾ ཐེཡྻསངྑཱཏཾ ཨཱདིཡཏི, ཨསྶམཎོ ཧོཏི ཨསཀྱཔུཏྟིཡོ. སེཡྻཐཱཔི ནཱམ པཎྜུཔལཱསོ བནྡྷནཱ པམུཏྟོ ཨབྷབྦོ ཧརིཏཏྠཱཡ, ཨེཝམེཝ བྷིཀྑུ པཱདཾ ཝཱ པཱདཱརཧཾ ཝཱ ཨཏིརེཀཔཱདཾ ཝཱ ཨདིནྣཾ ཐེཡྻསངྑཱཏཾ ཨཱདིཡིཏྭཱ ཨསྶམཎོ ཧོཏི ཨསཀྱཔུཏྟིཡོ. ཏཾ ཏེ ཡཱཝཛཱིཝཾ ཨཀརཎཱིཡཾ.

‘‘ཨུཔསམྤནྣེན བྷིཀྑུནཱ སཉྩིཙྩ པཱཎོ ཛཱིཝིཏཱ ན ཝོརོཔེཏབྦོ, ཨནྟམསོ ཀུནྠཀིཔིལླིཀཾ ཨུཔཱདཱཡ. ཡོ བྷིཀྑུ སཉྩིཙྩ མནུསྶཝིགྒཧཾ ཛཱིཝིཏཱ ཝོརོཔེཏི, ཨནྟམསོ གབྦྷཔཱཏནཾ ཨུཔཱདཱཡ, ཨསྶམཎོ ཧོཏི ཨསཀྱཔུཏྟིཡོ. སེཡྻཐཱཔི ནཱམ པུཐུསིལཱ དྭེདྷཱ བྷིནྣཱ ཨཔྤཊིསནྡྷིཀཱ ཧོཏི, ཨེཝམེཝ བྷིཀྑུ སཉྩིཙྩ མནུསྶཝིགྒཧཾ ཛཱིཝིཏཱ ཝོརོཔེཏྭཱ ཨསྶམཎོ ཧོཏི ཨསཀྱཔུཏྟིཡོ. ཏཾ ཏེ ཡཱཝཛཱིཝཾ ཨཀརཎཱིཡཾ.

‘‘ཨུཔསམྤནྣེན བྷིཀྑུནཱ ཨུཏྟརིམནུསྶདྷམྨོ ན ཨུལླཔིཏབྦོ, ཨནྟམསོ ‘སུཉྙཱགཱརེ ཨབྷིརམཱམཱི’ཏི. ཡོ བྷིཀྑུ པཱཔིཙྪོ ཨིཙྪཱཔཀཏོ ཨསནྟཾ ཨབྷཱུཏཾ ཨུཏྟརིམནུསྶདྷམྨཾ ཨུལླཔཏི ཛྷཱནཾ ཝཱ ཝིམོཀྑཾ ཝཱ སམཱདྷིཾ ཝཱ སམཱཔཏྟིཾ ཝཱ མགྒཾ ཝཱ ཕལཾ ཝཱ, ཨསྶམཎོ ཧོཏི ཨསཀྱཔུཏྟིཡོ. སེཡྻཐཱཔི ནཱམ ཏཱལོ མཏྠཀཙྪིནྣོ ཨབྷབྦོ པུན ཝིརུལ༹ྷིཡཱ, ཨེཝམེཝ བྷིཀྑུ པཱཔིཙྪོ ཨིཙྪཱཔཀཏོ ཨསནྟཾ ཨབྷཱུཏཾ ཨུཏྟརིམནུསྶདྷམྨཾ ཨུལླཔིཏྭཱ ཨསྶམཎོ ཧོཏི ཨསཀྱཔུཏྟིཡོ. ཏཾ ཏེ ཡཱཝཛཱིཝཾ ཨཀརཎཱིཡ’’ནྟི.

ཙཏྟཱརི ཨཀརཎཱིཡཱནི ནིཊྛིཏཱནི.

༦༦. ཨཱཔཏྟིཡཱ ཨདསྶནེ ཨུཀྑིཏྟཀཝཏྠཱུནི

༡༣༠. ཏེན ཁོ པན སམཡེན ཨཉྙཏརོ བྷིཀྑུ ཨཱཔཏྟིཡཱ ཨདསྶནེ ཨུཀྑིཏྟཀོ ཝིབྦྷམི. སོ པུན པཙྩཱགནྟྭཱ བྷིཀྑཱུ ཨུཔསམྤདཾ ཡཱཙི. བྷགཝཏོ ཨེཏམཏྠཾ ཨཱརོཙེསུཾ.

ཨིདྷ པན, བྷིཀྑཝེ, བྷིཀྑུ ཨཱཔཏྟིཡཱ ཨདསྶནེ ཨུཀྑིཏྟཀོ ཝིབྦྷམཏི. སོ པུན པཙྩཱགནྟྭཱ བྷིཀྑཱུ ཨུཔསམྤདཾ ཡཱཙཏི. སོ ཨེཝམསྶ ཝཙནཱིཡོ – ‘‘པསྶིསྶསི ཏཾ ཨཱཔཏྟི’’ནྟི? སཙཱཧཾ པསྶིསྶཱམཱིཏི, པབྦཱཛེཏབྦོ. སཙཱཧཾ ན པསྶིསྶཱམཱིཏི, ན པབྦཱཛེཏབྦོ. པབྦཱཛེཏྭཱ ཝཏྟབྦོ – ‘‘པསྶིསྶསི ཏཾ ཨཱཔཏྟི’’ནྟི? སཙཱཧཾ པསྶིསྶཱམཱིཏི, ཨུཔསམྤཱདེཏབྦོ. སཙཱཧཾ ན པསྶིསྶཱམཱིཏི, ན ཨུཔསམྤཱདེཏབྦོ. ཨུཔསམྤཱདེཏྭཱ ཝཏྟབྦོ – ‘‘པསྶིསྶསི ཏཾ ཨཱཔཏྟི’’ནྟི? སཙཱཧཾ པསྶིསྶཱམཱིཏི, ཨོསཱརེཏབྦོ. སཙཱཧཾ ན པསྶིསྶཱམཱིཏི, ན ཨོསཱརེཏབྦོ. ཨོསཱརེཏྭཱ ཝཏྟབྦོ – ‘‘པསྶསི [པསྶཱཧི (སཱི.)] ཏཾ ཨཱཔཏྟི’’ནྟི? སཙེ པསྶཏི, ཨིཙྩེཏཾ ཀུསལཾ. ནོ ཙེ པསྶཏི, ལབྦྷམཱནཱཡ སཱམགྒིཡཱ པུན ཨུཀྑིཔིཏབྦོ. ཨལབྦྷམཱནཱཡ སཱམགྒིཡཱ ཨནཱཔཏྟི སམྦྷོགེ སཾཝཱསེ.

ཨིདྷ པན, བྷིཀྑཝེ, བྷིཀྑུ ཨཱཔཏྟིཡཱ ཨཔྤཊིཀམྨེ ཨུཀྑིཏྟཀོ ཝིབྦྷམཏི. སོ པུན པཙྩཱགནྟྭཱ བྷིཀྑཱུ ཨུཔསམྤདཾ ཡཱཙཏི. སོ ཨེཝམསྶ ཝཙནཱིཡོ – ‘‘པཊིཀརིསྶསི ཏཾ ཨཱཔཏྟི’’ནྟི? སཙཱཧཾ པཊིཀརིསྶཱམཱིཏི, པབྦཱཛེཏབྦོ. སཙཱཧཾ ན པཊིཀརིསྶཱམཱིཏི, ན པབྦཱཛེཏབྦོ. པབྦཱཛེཏྭཱ ཝཏྟབྦོ – ‘‘པཊིཀརིསྶསི ཏཾ ཨཱཔཏྟི’’ནྟི? སཙཱཧཾ པཊིཀརིསྶཱམཱིཏི, ཨུཔསམྤཱདེཏབྦོ. སཙཱཧཾ ན པཊིཀརིསྶཱམཱིཏི, ན ཨུཔསམྤཱདེཏབྦོ. ཨུཔསམྤཱདེཏྭཱ ཝཏྟབྦོ – ‘‘པཊིཀརིསྶསི ཏཾ ཨཱཔཏྟི’’ནྟི? སཙཱཧཾ པཊིཀརིསྶཱམཱིཏི, ཨོསཱརེཏབྦོ. སཙཱཧཾ ན པཊིཀརིསྶཱམཱིཏི, ན ཨོསཱརེཏབྦོ. ཨོསཱརེཏྭཱ ཝཏྟབྦོ – ‘‘པཊིཀརོཧི ཏཾ ཨཱཔཏྟི’’ནྟི. སཙེ པཊིཀརོཏི, ཨིཙྩེཏཾ ཀུསལཾ. ནོ ཙེ པཊིཀརོཏི ལབྦྷམཱནཱཡ སཱམགྒིཡཱ པུན ཨུཀྑིཔིཏབྦོ. ཨལབྦྷམཱནཱཡ སཱམགྒིཡཱ ཨནཱཔཏྟི སམྦྷོགེ སཾཝཱསེ.

ཨིདྷ པན, བྷིཀྑཝེ, བྷིཀྑུ པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཏྟཀོ ཝིབྦྷམཏི. སོ པུན པཙྩཱགནྟྭཱ བྷིཀྑཱུ ཨུཔསམྤདཾ ཡཱཙཏི. སོ ཨེཝམསྶ ཝཙནཱིཡོ – ‘‘པཊིནིསྶཛྫིསྶསི ཏཾ པཱཔིཀཾ དིཊྛི’’ནྟི? སཙཱཧཾ པཊིནིསྶཛྫིསྶཱམཱིཏི, པབྦཱཛེཏབྦོ. སཙཱཧཾ ན པཊིནིསྶཛྫིསྶཱམཱིཏི, ན པབྦཱཛེཏབྦོ. པབྦཱཛེཏྭཱ ཝཏྟབྦོ – ‘‘པཊིནིསྶཛྫིསྶསི ཏཾ པཱཔིཀཾ དིཊྛི’’ནྟི? སཙཱཧཾ པཊིནིསྶཛྫིསྶཱམཱིཏི, ཨུཔསམྤཱདེཏབྦོ. སཙཱཧཾ ན པཊིནིསྶཛྫིསྶཱམཱིཏི, ན ཨུཔསམྤཱདེཏབྦོ. ཨུཔསམྤཱདེཏྭཱ ཝཏྟབྦོ – ‘‘པཊིནིསྶཛྫིསྶསི ཏཾ པཱཔིཀཾ དིཊྛི’’ནྟི? སཙཱཧཾ པཊིནིསྶཛྫིསྶཱམཱིཏི, ཨོསཱརེཏབྦོ. སཙཱཧཾ ན པཊིནིསྶཛྫིསྶཱམཱིཏི, ན ཨོསཱརེཏབྦོ. ཨོསཱརེཏྭཱ ཝཏྟབྦོ – ‘‘པཊིནིསྶཛྫེཧི ཏཾ པཱཔིཀཾ དིཊྛི’’ནྟི. སཙེ པཊིནིསྶཛྫཏི, ཨིཙྩེཏཾ ཀུསལཾ. ནོ ཙེ པཊིནིསྶཛྫཏི, ལབྦྷམཱནཱཡ སཱམགྒིཡཱ པུན ཨུཀྑིཔིཏབྦོ. ཨལབྦྷམཱནཱཡ སཱམགྒིཡཱ ཨནཱཔཏྟི སམྦྷོགེ སཾཝཱསེཏི.

མཧཱཁནྡྷཀོ པཋམོ.

༦༧. ཏསྶུདྡཱནཾ

༡༣༡.

ཝིནཡམྷི མཧཏྠེསུ, པེསལཱནཾ སུཁཱཝཧེ;

ནིགྒཧཱནཉྩ པཱཔིཙྪེ, ལཛྫཱིནཾ པགྒཧེསུ ཙ.

སཱསནཱདྷཱརཎེ ཙེཝ, སབྦཉྙུཛིནགོཙརེ;

ཨནཉྙཝིསཡེ ཁེམེ, སུཔཉྙཏྟེ ཨསཾསཡེ.

ཁནྡྷཀེ ཝིནཡེ ཙེཝ, པརིཝཱརེ ཙ མཱཏིཀེ;

ཡཐཱཏྠཀཱརཱི ཀུསལོ, པཊིཔཛྫཏི ཡོནིསོ.

ཡོ གཝཾ ན ཝིཛཱནཱཏི, ན སོ རཀྑཏི གོགཎཾ;

ཨེཝཾ སཱིལཾ ཨཛཱནནྟོ, ཀིཾ སོ རཀྑེཡྻ སཾཝརཾ.

པམུཊྛམྷི ཙ སུཏྟནྟེ, ཨབྷིདྷམྨེ ཙ ཏཱཝདེ;

ཝིནཡེ ཨཝིནཊྛམྷི, པུན ཏིཊྛཏི སཱསནཾ.

ཏསྨཱ སངྒཱཧཎཱཧེཏུཾ [སངྒཱཧནཱཧེཏུཾ (ཀ.)], ཨུདྡཱནཾ ཨནུཔུབྦསོ;

པཝཀྑཱམི ཡཐཱཉཱཡཾ, སུཎཱཐ མམ བྷཱསཏོ.

ཝཏྠུ ནིདཱནཾ ཨཱཔཏྟི, ནཡཱ པེཡྻཱལམེཝ ཙ;

དུཀྐརཾ ཏཾ ཨསེསེཏུཾ, ནཡཏོ ཏཾ ཝིཛཱནཐཱཏི.

བོདྷི རཱཛཱཡཏནཉྩ, ཨཛཔཱལོ སཧམྤཏི;

བྲཧྨཱ ཨཱལཱ༹རོ ཨུདཀོ, བྷིཀྑུ ཙ ཨུཔཀོ ཨིསི.

ཀོཎྜཉྙོ ཝཔྤོ བྷདྡིཡོ, མཧཱནཱམོ ཙ ཨསྶཛི;

ཡསོ ཙཏྟཱརོ པཉྙཱས, སབྦེ པེསེསི སོ དིསཱ.

ཝཏྠུ མཱརེཧི ཏིཾསཱ ཙ, ཨུརུཝེལཾ ཏཡོ ཛཊཱི;

ཨགྱཱགཱརཾ མཧཱརཱཛཱ, སཀྐོ བྲཧྨཱ ཙ ཀེཝལཱ.

པཾསུཀཱུལཾ པོཀྑརཎཱི, སིལཱ ཙ ཀཀུདྷོ སིལཱ;

ཛམྦུ ཨམྦོ ཙ ཨཱམལོ, པཱརིཔུཔྥཉྩ ཨཱཧརི.

ཕཱལིཡནྟུ ཨུཛྫལནྟུ, ཝིཛ྄ཛྷཱཡནྟུ ཙ ཀསྶཔ;

ནིམུཛྫནྟི མུཁཱི མེགྷོ, གཡཱ ལཊྛི ཙ མཱགདྷོ.

ཨུཔཏིསྶོ ཀོལིཏོ ཙ, ཨབྷིཉྙཱཏཱ ཙ པབྦཛུཾ;

དུནྣིཝཏྠཱ པཎཱམནཱ, ཀིསོ ལཱུཁོ ཙ བྲཱཧྨཎོ.

ཨནཱཙཱརཾ ཨཱཙརཏི, ཨུདརཾ མཱཎཝོ གཎོ;

ཝསྶཾ བཱལེཧི པཀྐནྟོ, དས ཝསྶཱནི ནིསྶཡོ.

ན ཝཏྟནྟི པཎཱམེཏུཾ, བཱལཱ པསྶདྡྷི པཉྩ ཚ;

ཡོ སོ ཨཉྙོ ཙ ནགྒོ ཙ, ཨཙྪིནྣཛཊིལསཱཀིཡོ.

མགདྷེསུ པཉྩཱབཱདྷཱ, ཨེཀོ རཱཛཱ [བྷཊོ ཙོརོ (སྱཱ.)] ཙ ཨངྒུལི;

མཱགདྷོ ཙ ཨནུཉྙཱསི, ཀཱརཱ ལིཁི ཀསཱཧཏོ.

ལཀྑཎཱ ཨིཎཱ དཱསོ ཙ, བྷཎྜུཀོ ཨུཔཱལི ཨཧི;

སདྡྷཾ ཀུལཾ ཀཎྚཀོ ཙ, ཨཱཧུནྡརིཀམེཝ ཙ.

ཝཏྠུམྷི དཱརཀོ སིཀྑཱ, ཝིཧརནྟི ཙ ཀིཾ ནུ ཁོ;

སབྦཾ མུཁཾ ཨུཔཛ྄ཛྷཱཡེ, ཨཔལཱལ༹ན ཀཎྚཀོ.

པཎྜཀོ ཐེཡྻཔཀྐནྟོ, ཨཧི ཙ མཱཏརཱི པིཏཱ;

ཨརཧནྟབྷིཀྑུནཱིབྷེདཱ, རུཧིརེན ཙ བྱཉྫནཾ.

ཨནུཔཛ྄ཛྷཱཡསངྒྷེན, གཎཔཎྜཀཔཏྟཀོ;

ཨཙཱིཝརཾ ཏདུབྷཡཾ, ཡཱཙིཏེནཔི ཡེ ཏཡོ.

ཧཏྠཱ པཱདཱ ཧཏྠཔཱདཱ, ཀཎྞཱ ནཱསཱ ཏདཱུབྷཡཾ;

ཨངྒུལིཨལ༹ཀཎྜརཾ, ཕཎཾ ཁུཛྫཉྩ ཝཱམནཾ.

གལགཎྜཱི ལཀྑཎཱ ཙེཝ, ཀསཱ ལིཁིཏསཱིཔདཱི;

པཱཔཔརིསདཱུསཱི ཙ, ཀཱཎཾ ཀུཎི ཏཐེཝ ཙ.

ཁཉྫཾ པཀྑཧཏཉྩེཝ, སཙྪིནྣཨིརིཡཱཔཐཾ;

ཛརཱནྡྷམཱུགབདྷིརཾ, ཨནྡྷམཱུགཉྩ ཡཾ ཏཧིཾ.

ཨནྡྷབདྷིརཾ ཡཾ ཝུཏྟཾ, མཱུགབདྷིརམེཝ ཙ;

ཨནྡྷམཱུགབདྷིརཉྩ, ཨལཛྫཱིནཉྩ ནིསྶཡཾ.

ཝཏྠབྦཉྩ ཏཐཱདྡྷཱནཾ, ཡཱཙམཱནེན ལཀྑཎཱ [པེཀྑནཱ (སབྦཏྠ)];

ཨཱགཙྪཏུ ཝིཝདནྟི, ཨེཀུཔཛ྄ཛྷཱཡེན ཀསྶཔོ.

དིསྶནྟི ཨུཔསམྤནྣཱ, ཨཱབཱདྷེཧི ཙ པཱིལི༹ཏཱ;

ཨནནུསིཊྛཱ ཝིཏྠེནྟི, ཏཏྠེཝ ཨནུསཱསནཱ.

སངྒྷེཔི ཙ ཨཐོ བཱལཱ, ཨསམྨཏཱ ཙ ཨེཀཏོ;

ཨུལླུམྤཏུཔསམྤདཱ, ནིསྶཡོ ཨེཀཀོ ཏཡོཏི.

ཨིམམྷི ཁནྡྷཀེ ཝཏྠཱུནི ཨེཀསཏཉྩ དྭཱསཏྟཏི.

མཧཱཁནྡྷཀོ ནིཊྛིཏོ.

༢. ཨུཔོསཐཀྑནྡྷཀོ

༦༨. སནྣིཔཱཏཱནུཛཱནནཱ

༡༣༢. ཏེན སམཡེན བུདྡྷོ བྷགཝཱ རཱཛགཧེ ཝིཧརཏི གིཛ྄ཛྷཀཱུཊེ པབྦཏེ. ཏེན ཁོ པན སམཡེན ཨཉྙཏིཏྠིཡཱ པརིབྦཱཛཀཱ ཙཱཏུདྡསེ པནྣརསེ ཨཊྛམིཡཱ ཙ པཀྑསྶ སནྣིཔཏིཏྭཱ དྷམྨཾ བྷཱསནྟི. ཏེ མནུསྶཱ ཨུཔསངྐམནྟི དྷམྨསྶཝནཱཡ. ཏེ ལབྷནྟི ཨཉྙཏིཏྠིཡེསུ པརིབྦཱཛཀེསུ པེམཾ, ལབྷནྟི པསཱདཾ, ལབྷནྟི ཨཉྙཏིཏྠིཡཱ པརིབྦཱཛཀཱ པཀྑཾ. ཨཐ ཁོ རཉྙོ མཱགདྷསྶ སེནིཡསྶ བིམྦིསཱརསྶ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘‘ཨེཏརཧི ཁོ ཨཉྙཏིཏྠིཡཱ པརིབྦཱཛཀཱ ཙཱཏུདྡསེ པནྣརསེ ཨཊྛམིཡཱ ཙ པཀྑསྶ སནྣིཔཏིཏྭཱ དྷམྨཾ བྷཱསནྟི. ཏེ མནུསྶཱ ཨུཔསངྐམནྟི དྷམྨསྶཝནཱཡ. ཏེ ལབྷནྟི ཨཉྙཏིཏྠིཡེསུ པརིབྦཱཛཀེསུ པེམཾ, ལབྷནྟི པསཱདཾ, ལབྷནྟི ཨཉྙཏིཏྠིཡཱ པརིབྦཱཛཀཱ པཀྑཾ. ཡཾནཱུན ཨཡྻཱཔི ཙཱཏུདྡསེ པནྣརསེ ཨཊྛམིཡཱ ཙ པཀྑསྶ སནྣིཔཏེཡྻུ’’ནྟི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ རཱཛཱ མཱགདྷོ སེནིཡོ བིམྦིསཱརོ བྷགཝནྟཾ ཨེཏདཝོཙ – ‘‘ཨིདྷ མཡ྄ཧཾ, བྷནྟེ, རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི ‘ཨེཏརཧི ཁོ ཨཉྙཏིཏྠིཡཱ པརིབྦཱཛཀཱ ཙཱཏུདྡསེ པནྣརསེ ཨཊྛམིཡཱ ཙ པཀྑསྶ སནྣིཔཏིཏྭཱ དྷམྨཾ བྷཱསནྟི. ཏེ མནུསྶཱ ཨུཔསངྐམནྟི དྷམྨསྶཝནཱཡ. ཏེ ལབྷནྟི ཨཉྙཏིཏྠིཡེསུ པརིབྦཱཛཀེསུ པེམཾ, ལབྷནྟི པསཱདཾ, ལབྷནྟི ཨཉྙཏིཏྠིཡཱ པརིབྦཱཛཀཱ པཀྑཾ. ཡཾནཱུན ཨཡྻཱཔི ཙཱཏུདྡསེ པནྣརསེ ཨཊྛམིཡཱ ཙ པཀྑསྶ སནྣིཔཏེཡྻུ’ནྟི. སཱདྷུ, བྷནྟེ, ཨཡྻཱཔི ཙཱཏུདྡསེ པནྣརསེ ཨཊྛམིཡཱ ཙ པཀྑསྶ སནྣིཔཏེཡྻུ’’ནྟི. ཨཐ ཁོ བྷགཝཱ རཱཛཱནཾ མཱགདྷཾ སེནིཡཾ བིམྦིསཱརཾ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ བྷགཝཏཱ དྷམྨིཡཱ ཀཐཱཡ སནྡསྶིཏོ སམཱདཔིཏོ སམུཏྟེཛིཏོ སམྤཧཾསིཏོ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཙཱཏུདྡསེ པནྣརསེ ཨཊྛམིཡཱ ཙ པཀྑསྶ སནྣིཔཏིཏུ’’ནྟི.

ཏེན ཁོ པན སམཡེན བྷིཀྑཱུ – བྷགཝཏཱ ཨནུཉྙཱཏཱ ཙཱཏུདྡསེ པནྣརསེ ཨཊྛམིཡཱ ཙ པཀྑསྶ སནྣིཔཏིཏུནྟི – ཙཱཏུདྡསེ པནྣརསེ ཨཊྛམིཡཱ ཙ པཀྑསྶ སནྣིཔཏིཏྭཱ ཏུཎྷཱི ནིསཱིདནྟི. ཏེ མནུསྶཱ ཨུཔསངྐམནྟི དྷམྨསྶཝནཱཡ. ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཙཱཏུདྡསེ པནྣརསེ ཨཊྛམིཡཱ ཙ པཀྑསྶ སནྣིཔཏིཏྭཱ ཏུཎྷཱི ནིསཱིདིསྶནྟི, སེཡྻཐཱཔི མཱུགསཱུཀརཱ. ནནུ ནཱམ སནྣིཔཏིཏེཧི དྷམྨོ བྷཱསིཏབྦོ’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཙཱཏུདྡསེ པནྣརསེ ཨཊྛམིཡཱ ཙ པཀྑསྶ སནྣིཔཏིཏྭཱ དྷམྨཾ བྷཱསིཏུ’’ནྟི.

༦༩. པཱཏིམོཀྑུདྡེསཱནུཛཱནནཱ

༡༣༣. ཨཐ ཁོ བྷགཝཏོ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘‘ཡཾནཱུནཱཧཾ ཡཱནི མཡཱ བྷིཀྑཱུནཾ པཉྙཏྟཱནི སིཀྑཱཔདཱནི, ཏཱནི ནེསཾ པཱཏིམོཀྑུདྡེསཾ ཨནུཛཱནེཡྻཾ. སོ ནེསཾ བྷཝིསྶཏི ཨུཔོསཐཀམྨ’’ནྟི. ཨཐ ཁོ བྷགཝཱ སཱཡནྷསམཡཾ པཊིསལླཱནཱ ཝུཊྛིཏོ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ཨིདྷ མཡ྄ཧཾ, བྷིཀྑཝེ, རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི ‘ཡཾནཱུནཱཧཾ ཡཱནི མཡཱ བྷིཀྑཱུནཾ པཉྙཏྟཱནི སིཀྑཱཔདཱནི, ཏཱནི ནེསཾ པཱཏིམོཀྑུདྡེསཾ ཨནུཛཱནེཡྻཾ. སོ ནེསཾ བྷཝིསྶཏི ཨུཔོསཐཀམྨ’ནྟི. ཨནུཛཱནཱམི, བྷིཀྑཝེ, པཱཏིམོཀྑཾ ཨུདྡིསིཏུཾ. ཨེཝཉྩ པན, བྷིཀྑཝེ, ཨུདྡིསིཏབྦཾ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༣༤. ‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨུཔོསཐཾ ཀརེཡྻ, པཱཏིམོཀྑཾ ཨུདྡིསེཡྻ. ཀིཾ སངྒྷསྶ པུབྦཀིཙྩཾ? པཱརིསུདྡྷིཾ ཨཱཡསྨནྟོ ཨཱརོཙེཐ. པཱཏིམོཀྑཾ ཨུདྡིསིསྶཱམི. ཏཾ སབྦེཝ སནྟཱ སཱདྷུཀཾ སུཎོམ མནསི ཀརོམ. ཡསྶ སིཡཱ ཨཱཔཏྟི, སོ ཨཱཝིཀརེཡྻ. ཨསནྟིཡཱ ཨཱཔཏྟིཡཱ ཏུཎྷཱི བྷཝིཏབྦཾ. ཏུཎྷཱིབྷཱཝེན ཁོ པནཱཡསྨནྟེ པརིསུདྡྷཱཏི ཝེདིསྶཱམི. ཡཐཱ ཁོ པན པཙྩེཀཔུཊྛསྶ ཝེཡྻཱཀརཎཾ ཧོཏི, ཨེཝམེཝཾ [ཨེཝམེཝ (ཀ)] ཨེཝརཱུཔཱཡ པརིསཱཡ ཡཱཝཏཏིཡཾ ཨནུསྶཱཝིཏཾ ཧོཏི. ཡོ པན བྷིཀྑུ ཡཱཝཏཏིཡཾ ཨནུསྶཱཝིཡམཱནེ སརམཱནོ སནྟིཾ ཨཱཔཏྟིཾ ནཱཝིཀརེཡྻ, སམྤཛཱནམུསཱཝཱདསྶ ཧོཏི. སམྤཛཱནམུསཱཝཱདོ ཁོ པནཱཡསྨནྟོ ཨནྟརཱཡིཀོ དྷམྨོ ཝུཏྟོ བྷགཝཏཱ. ཏསྨཱ, སརམཱནེན བྷིཀྑུནཱ ཨཱཔནྣེན ཝིསུདྡྷཱཔེཀྑེན སནྟཱི ཨཱཔཏྟི ཨཱཝིཀཱཏབྦཱ; ཨཱཝིཀཏཱ ཧིསྶ ཕཱསུ ཧོཏཱི’’ཏི.

༡༣༥. པཱཏིམོཀྑནྟི ཨཱདིམེཏཾ མུཁམེཏཾ པམུཁམེཏཾ ཀུསལཱནཾ དྷམྨཱནཾ. ཏེན ཝུཙྩཏི པཱཏིམོཀྑནྟི. ཨཱཡསྨནྟོཏི པིཡཝཙནམེཏཾ གརུཝཙནམེཏཾ སགཱརཝསཔྤཏིསྶཱདྷིཝཙནམེཏཾ ཨཱཡསྨནྟོཏི. ཨུདྡིསིསྶཱམཱིཏི ཨཱཙིཀྑིསྶཱམི དེསེསྶཱམི པཉྙཔེསྶཱམི པཊྛཔེསྶཱམི ཝིཝརིསྶཱམི ཝིབྷཛིསྶཱམི ཨུཏྟཱནིཾ ཀརིསྶཱམི [ཨུཏྟཱནཱི ཀརིསྶཱམི (སཱི. སྱཱ.)] པཀཱསེསྶཱམི. ཏནྟི པཱཏིམོཀྑཾ ཝུཙྩཏི. སབྦེཝ སནྟཱཏི ཡཱཝཏིཀཱ ཏསྶཱ པརིསཱཡ ཐེརཱ ཙ ནཝཱ ཙ མཛ྄ཛྷིམཱ ཙ, ཨེཏེ ཝུཙྩནྟི སབྦེཝ སནྟཱཏི. སཱདྷུཀཾ སུཎོམཱཏི ཨཊྛིཾ ཀཏྭཱ མནསི ཀཏྭཱ སབྦཙེཏསཱ [སབྦཾ ཙེཏསཱ (སྱཱ. ཀ.)] སམནྣཱཧརཱམ. མནསི ཀརོམཱཏི ཨེཀགྒཙིཏྟཱ ཨཝིཀྑིཏྟཙིཏྟཱ ཨཝིསཱཧཊཙིཏྟཱ ནིསཱམེམ. ཡསྶ སིཡཱ ཨཱཔཏྟཱིཏི ཐེརསྶ ཝཱ ནཝསྶ ཝཱ མཛ྄ཛྷིམསྶ ཝཱ, པཉྩནྣཾ ཝཱ ཨཱཔཏྟིཀྑནྡྷཱནཾ ཨཉྙཏརཱ ཨཱཔཏྟི, སཏྟནྣཾ ཝཱ ཨཱཔཏྟིཀྑནྡྷཱནཾ ཨཉྙཏརཱ ཨཱཔཏྟི. སོ ཨཱཝིཀརེཡྻཱཏི སོ དེསེཡྻ, སོ ཝིཝརེཡྻ, སོ ཨུཏྟཱནིཾ ཀརེཡྻ, སོ པཀཱསེཡྻ སངྒྷམཛ྄ཛྷེ ཝཱ གཎམཛ྄ཛྷེ ཝཱ ཨེཀཔུགྒལེ ཝཱ. ཨསནྟཱི ནཱམ ཨཱཔཏྟི ཨནཛ྄ཛྷཱཔནྣཱ ཝཱ ཧོཏི, ཨཱཔཛྫིཏྭཱ ཝཱ ཝུཊྛིཏཱ. ཏུཎྷཱི བྷཝིཏབྦནྟི ཨདྷིཝཱསེཏབྦཾ ན བྱཱཧརིཏབྦཾ. པརིསུདྡྷཱཏི ཝེདིསྶཱམཱིཏི ཛཱནིསྶཱམི དྷཱརེསྶཱམི. ཡཐཱ ཁོ པན པཙྩེཀཔུཊྛསྶ ཝེཡྻཱཀརཎཾ ཧོཏཱིཏི ཡཐཱ ཨེཀེན ཨེཀོ པུཊྛོ བྱཱཀརེཡྻ, ཨེཝམེཝ ཏསྶཱ པརིསཱཡ ཛཱནིཏབྦཾ མཾ པུཙྪཏཱིཏི. ཨེཝརཱུཔཱ ནཱམ པརིསཱ བྷིཀྑུཔརིསཱ ཝུཙྩཏི. ཡཱཝཏཏིཡཾ ཨནུསྶཱཝིཏཾ ཧོཏཱིཏི སཀིམྤི ཨནུསྶཱཝིཏཾ ཧོཏི, དུཏིཡམྤི ཨནུསྶཱཝིཏཾ ཧོཏི, ཏཏིཡམྤི ཨནུསྶཱཝིཏཾ ཧོཏི. སརམཱནོཏི ཛཱནམཱནོ སཉྫཱནམཱནོ. སནྟཱི ནཱམ ཨཱཔཏྟི ཨཛ྄ཛྷཱཔནྣཱ ཝཱ ཧོཏི, ཨཱཔཛྫིཏྭཱ ཝཱ ཨཝུཊྛིཏཱ. ནཱཝིཀརེཡྻཱཏི ན དེསེཡྻ, ན ཝིཝརེཡྻ, ན ཨུཏྟཱནིཾ ཀརེཡྻ, ན པཀཱསེཡྻ སངྒྷམཛ྄ཛྷེ ཝཱ གཎམཛ྄ཛྷེ ཝཱ ཨེཀཔུགྒལེ ཝཱ. སམྤཛཱནམུསཱཝཱདསྶ ཧོཏཱིཏི. སམྤཛཱནམུསཱཝཱདེ ཀིཾ ཧོཏི? དུཀྐཊཾ ཧོཏི. ཨནྟརཱཡིཀོ དྷམྨོ ཝུཏྟོ བྷགཝཏཱཏི. ཀིསྶ ཨནྟརཱཡིཀོ? པཋམསྶ ཛྷཱནསྶ ཨདྷིགམཱཡ ཨནྟརཱཡིཀོ, དུཏིཡསྶ ཛྷཱནསྶ ཨདྷིགམཱཡ ཨནྟརཱཡིཀོ, ཏཏིཡསྶ ཛྷཱནསྶ ཨདྷིགམཱཡ ཨནྟརཱཡིཀོ, ཙཏུཏྠསྶ ཛྷཱནསྶ ཨདྷིགམཱཡ ཨནྟརཱཡིཀོ, ཛྷཱནཱནཾ ཝིམོཀྑཱནཾ སམཱདྷཱིནཾ སམཱཔཏྟཱིནཾ ནེཀྑམྨཱནཾ ནིསྶརཎཱནཾ པཝིཝེཀཱནཾ ཀུསལཱནཾ དྷམྨཱནཾ ཨདྷིགམཱཡ ཨནྟརཱཡིཀོ. ཏསྨཱཏི ཏངྐཱརཎཱ. སརམཱནེནཱཏི ཛཱནམཱནེན སཉྫཱནམཱནེན. ཝིསུདྡྷཱཔེཀྑེནཱཏི ཝུཊྛཱཏུཀཱམེན ཝིསུཛ྄ཛྷིཏུཀཱམེན. སནྟཱི ནཱམ ཨཱཔཏྟི ཨཛ྄ཛྷཱཔནྣཱ ཝཱ ཧོཏི, ཨཱཔཛྫིཏྭཱ ཝཱ ཨཝུཊྛིཏཱ. ཨཱཝིཀཱཏབྦཱཏི ཨཱཝིཀཱཏབྦཱ སངྒྷམཛ྄ཛྷེ ཝཱ གཎམཛ྄ཛྷེ ཝཱ ཨེཀཔུགྒལེ ཝཱ. ཨཱཝིཀཏཱ ཧིསྶ ཕཱསུ ཧོཏཱིཏི. ཀིསྶ ཕཱསུ ཧོཏི? པཋམསྶ ཛྷཱནསྶ ཨདྷིགམཱཡ ཕཱསུ ཧོཏི, དུཏིཡསྶ ཛྷཱནསྶ ཨདྷིགམཱཡ ཕཱསུ ཧོཏི, ཏཏིཡསྶ ཛྷཱནསྶ ཨདྷིགམཱཡ ཕཱསུ ཧོཏི, ཙཏུཏྠསྶ ཛྷཱནསྶ ཨདྷིགམཱཡ ཕཱསུ ཧོཏི, ཛྷཱནཱནཾ ཝིམོཀྑཱནཾ སམཱདྷཱིནཾ སམཱཔཏྟཱིནཾ ནེཀྑམྨཱནཾ ནིསྶརཎཱནཾ པཝིཝེཀཱནཾ ཀུསལཱནཾ དྷམྨཱནཾ ཨདྷིགམཱཡ ཕཱསུ ཧོཏཱིཏི.

༡༣༦. ཏེན ཁོ པན སམཡེན བྷིཀྑཱུ – བྷགཝཏཱ པཱཏིམོཀྑུདྡེསོ ཨནུཉྙཱཏོཏི – དེཝསིཀཾ པཱཏིམོཀྑཾ ཨུདྡིསནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, དེཝསིཀཾ པཱཏིམོཀྑཾ ཨུདྡིསིཏབྦཾ. ཡོ ཨུདྡིསེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨུཔོསཐེ པཱཏིམོཀྑཾ ཨུདྡིསིཏུནྟི.

ཏེན ཁོ པན སམཡེན བྷིཀྑཱུ – བྷགཝཏཱ ཨུཔོསཐེ པཱཏིམོཀྑུདྡེསོ ཨནུཉྙཱཏོཏི – པཀྑསྶ ཏིཀྑཏྟུཾ པཱཏིམོཀྑཾ ཨུདྡིསནྟི, ཙཱཏུདྡསེ པནྣརསེ ཨཊྛམིཡཱ ཙ པཀྑསྶ. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, པཀྑསྶ ཏིཀྑཏྟུཾ པཱཏིམོཀྑཾ ཨུདྡིསིཏབྦཾ. ཡོ ཨུདྡིསེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, སཀིཾ པཀྑསྶ ཙཱཏུདྡསེ ཝཱ པནྣརསེ ཝཱ པཱཏིམོཀྑཾ ཨུདྡིསིཏུནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཡཐཱཔརིསཱཡ པཱཏིམོཀྑཾ ཨུདྡིསནྟི སཀཱཡ སཀཱཡ པརིསཱཡ. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཡཐཱཔརིསཱཡ པཱཏིམོཀྑཾ ཨུདྡིསིཏབྦཾ སཀཱཡ སཀཱཡ པརིསཱཡ. ཡོ ཨུདྡིསེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, སམགྒཱནཾ ཨུཔོསཐཀམྨནྟི.

ཨཐ ཁོ བྷིཀྑཱུནཾ ཨེཏདཧོསི – ‘‘བྷགཝཏཱ པཉྙཏྟཾ ‘སམགྒཱནཾ ཨུཔོསཐཀམྨ’ནྟི. ཀིཏྟཱཝཏཱ ནུ ཁོ སཱམགྒཱི ཧོཏི, ཡཱཝཏཱ ཨེཀཱཝཱསོ, ཨུདཱཧུ སབྦཱ པཐཝཱི’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨེཏྟཱཝཏཱ སཱམགྒཱི ཡཱཝཏཱ ཨེཀཱཝཱསོཏི.

༧༠. མཧཱཀཔྤིནཝཏྠུ

༡༣༧. ཏེན ཁོ པན སམཡེན ཨཱཡསྨཱ མཧཱཀཔྤིནོ རཱཛགཧེ ཝིཧརཏི མདྡཀུཙྪིམྷི མིགདཱཡེ. ཨཐ ཁོ ཨཱཡསྨཏོ མཧཱཀཔྤིནསྶ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘‘གཙྪེཡྻཾ ཝཱཧཾ ཨུཔོསཐཾ ན ཝཱ གཙྪེཡྻཾ, གཙྪེཡྻཾ ཝཱཧཾ སངྒྷཀམྨཾ ན ཝཱ གཙྪེཡྻཾ, ཨཐ ཁྭཱཧཾ ཝིསུདྡྷོ པརམཱཡ ཝིསུདྡྷིཡཱ’’ཏི? ཨཐ ཁོ བྷགཝཱ ཨཱཡསྨཏོ མཧཱཀཔྤིནསྶ ཙེཏསཱ ཙེཏོཔརིཝིཏཀྐམཉྙཱཡ – སེཡྻཐཱཔི ནཱམ བལཝཱ པུརིསོ སམིཉྫིཏཾ ཝཱ བཱཧཾ པསཱརེཡྻ, པསཱརིཏཾ ཝཱ བཱཧཾ སམིཉྫེཡྻ, ཨེཝམེཝ – གིཛ྄ཛྷཀཱུཊེ པབྦཏེ ཨནྟརཧིཏོ མདྡཀུཙྪིམྷི མིགདཱཡེ ཨཱཡསྨཏོ མཧཱཀཔྤིནསྶ སམྨུཁེ པཱཏུརཧོསི. ནིསཱིདི བྷགཝཱ པཉྙཏྟེ ཨཱསནེ. ཨཱཡསྨཱཔི ཁོ མཧཱཀཔྤིནོ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨཱཡསྨནྟཾ མཧཱཀཔྤིནཾ བྷགཝཱ ཨེཏདཝོཙ – ‘‘ནནུ ཏེ, ཀཔྤིན, རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – གཙྪེཡྻཾ ཝཱཧཾ ཨུཔོསཐཾ ན ཝཱ གཙྪེཡྻཾ, གཙྪེཡྻཾ ཝཱཧཾ སངྒྷཀམྨཾ ན ཝཱ གཙྪེཡྻཾ, ཨཐ ཁྭཱཧཾ ཝིསུདྡྷོ པརམཱཡ ཝིསུདྡྷིཡཱ’’ཏི? ‘‘ཨེཝཾ, བྷནྟེ’’. ‘‘ཏུམྷེ ཙེ བྲཱཧྨཎཱ ཨུཔོསཐཾ ན སཀྐརིསྶཐ ན གརུཀརིསྶཐ [ན གརུཾ ཀརིསྶཐ (ཀ.)] ན མཱནེསྶཐ ན པཱུཛེསྶཐ, ཨཐ ཀོ ཙརཧི ཨུཔོསཐཾ སཀྐརིསྶཏི གརུཀརིསྶཏི མཱནེསྶཏི པཱུཛེསྶཏི? གཙྪ ཏྭཾ, བྲཱཧྨཎ, ཨུཔོསཐཾ, མཱ ནོ ཨགམཱསི. གཙྪ ཏྭཾ སངྒྷཀམྨཾ, མཱ ནོ ཨགམཱསཱི’’ཏི. ‘‘ཨེཝཾ, བྷནྟེ’’ཏི ཁོ ཨཱཡསྨཱ མཧཱཀཔྤིནོ བྷགཝཏོ པཙྩསྶོསི. ཨཐ ཁོ བྷགཝཱ ཨཱཡསྨནྟཾ མཧཱཀཔྤིནཾ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ – སེཡྻཐཱཔི ནཱམ བལཝཱ པུརིསོ སམིཉྫིཏཾ ཝཱ བཱཧཾ པསཱརེཡྻ, པསཱརིཏཾ ཝཱ བཱཧཾ སམིཉྫེཡྻ, ཨེཝམེཝ – མདྡཀུཙྪིམྷི མིགདཱཡེ ཨཱཡསྨཏོ མཧཱཀཔྤིནསྶ སམྨུཁེ ཨནྟརཧིཏོ གིཛ྄ཛྷཀཱུཊེ པབྦཏེ པཱཏུརཧོསི.

༧༡. སཱིམཱནུཛཱནནཱ

༡༣༨. ཨཐ ཁོ བྷིཀྑཱུནཾ ཨེཏདཧོསི – ‘‘བྷགཝཏཱ པཉྙཏྟཾ ‘ཨེཏྟཱཝཏཱ སཱམགྒཱི ཡཱཝཏཱ ཨེཀཱཝཱསོ’ཏི, ཀིཏྟཱཝཏཱ ནུ ཁོ ཨེཀཱཝཱསོ ཧོཏཱི’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སཱིམཾ སམྨནྣིཏུཾ. ཨེཝཉྩ པན, བྷིཀྑཝེ, སམྨནྣིཏབྦཱ – པཋམཾ ནིམིཏྟཱ ཀིཏྟེཏབྦཱ – པབྦཏནིམིཏྟཾ, པཱསཱཎནིམིཏྟཾ, ཝནནིམིཏྟཾ, རུཀྑནིམིཏྟཾ, མགྒནིམིཏྟཾ, ཝམྨིཀནིམིཏྟཾ, ནདཱིནིམིཏྟཾ, ཨུདཀནིམིཏྟཾ. ནིམིཏྟེ ཀིཏྟེཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༣༩. ‘‘སུཎཱཏུ མེ, བྷནྟེ, སངྒྷོ. ཡཱཝཏཱ སམནྟཱ ནིམིཏྟཱ ཀིཏྟིཏཱ. ཡདི སངྒྷསྶ པཏྟཀལླཾ, སངྒྷོ ཨེཏེཧི ནིམིཏྟེཧི སཱིམཾ སམྨནྣེཡྻ སམཱནསཾཝཱསཾ ཨེཀུཔོསཐཾ [ཨེཀཱུཔོསཐཾ (ཀ.)]. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཡཱཝཏཱ སམནྟཱ ནིམིཏྟཱ ཀིཏྟིཏཱ. སངྒྷོ ཨེཏེཧི ནིམིཏྟེཧི སཱིམཾ སམྨནྣཏི སམཱནསཾཝཱསཾ ཨེཀུཔོསཐཾ. ཡསྶཱཡསྨཏོ ཁམཏི ཨེཏེཧི ནིམིཏྟེཧི སཱིམཱཡ སམྨུཏི [སམྨཏི (སྱཱ.)] སམཱནསཾཝཱསཱཡ ཨེཀུཔོསཐཱཡ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ. སམྨཏཱ སཱིམཱ སངྒྷེན ཨེཏེཧི ནིམིཏྟེཧི སམཱནསཾཝཱསཱ ཨེཀུཔོསཐཱ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༡༤༠. ཏེན ཁོ པན སམཡེན ཚབྦགྒིཡཱ བྷིཀྑཱུ – བྷགཝཏཱ སཱིམཱསམྨུཏི ཨནུཉྙཱཏཱཏི – ཨཏིམཧཏིཡོ སཱིམཱཡོ སམྨནྣནྟི, ཙཏུཡོཛནིཀཱཔི པཉྩཡོཛནིཀཱཔི ཚཡོཛནིཀཱཔི. བྷིཀྑཱུ ཨུཔོསཐཾ ཨཱགཙྪནྟཱ ཨུདྡིསྶམཱནེཔི པཱཏིམོཀྑེ ཨཱགཙྪནྟི, ཨུདྡིཊྛམཏྟེཔི ཨཱགཙྪནྟི, ཨནྟརཱཔི པརིཝསནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨཏིམཧཏཱི སཱིམཱ སམྨནྣིཏབྦཱ, ཙཏུཡོཛནིཀཱ ཝཱ པཉྩཡོཛནིཀཱ ཝཱ ཚཡོཛནིཀཱ ཝཱ. ཡོ སམྨནྣེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཏིཡོཛནཔརམཾ སཱིམཾ སམྨནྣིཏུནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ནདཱིཔཱརསཱིམཾ [ནདཱིཔཱརཾ སཱིམཾ (སཱི. སྱཱ.)] སམྨནྣནྟི. ཨུཔོསཐཾ ཨཱགཙྪནྟཱ བྷིཀྑཱུཔི ཝུཡ྄ཧནྟི, པཏྟཱཔི ཝུཡ྄ཧནྟི, ཙཱིཝརཱནིཔི ཝུཡ྄ཧནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ནདཱིཔཱརསཱིམཱ སམྨནྣིཏབྦཱ. ཡོ སམྨནྣེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཡཏྠསྶ དྷུཝནཱཝཱ ཝཱ དྷུཝསེཏུ ཝཱ, ཨེཝརཱུཔཾ ནདཱིཔཱརསཱིམཾ སམྨནྣིཏུནྟི.

༧༢. ཨུཔོསཐཱགཱརཀཐཱ

༡༤༡. ཏེན ཁོ པན སམཡེན བྷིཀྑཱུ ཨནུཔརིཝེཎིཡཾ པཱཏིམོཀྑཾ ཨུདྡིསནྟི ཨསངྐེཏེན. ཨཱགནྟུཀཱ བྷིཀྑཱུ ན ཛཱནནྟི – ‘‘ཀཏྠ ཝཱ ཨཛྫུཔོསཐོ ཀརཱིཡིསྶཏཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨནུཔརིཝེཎིཡཾ པཱཏིམོཀྑཾ ཨུདྡིསིཏབྦཾ ཨསངྐེཏེན. ཡོ ཨུདྡིསེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨུཔོསཐཱགཱརཾ སམྨནྣིཏྭཱ ཨུཔོསཐཾ ཀཱཏུཾ, ཡཾ སངྒྷོ ཨཱཀངྑཏི ཝིཧཱརཾ ཝཱ ཨཌྜྷཡོགཾ ཝཱ པཱསཱདཾ ཝཱ ཧམྨིཡཾ ཝཱ གུཧཾ ཝཱ. ཨེཝཉྩ པན, བྷིཀྑཝེ, སམྨནྣིཏབྦཾ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ ཝིཧཱརཾ ཨུཔོསཐཱགཱརཾ སམྨནྣེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ ཝིཧཱརཾ ཨུཔོསཐཱགཱརཾ སམྨནྣཏི. ཡསྶཱཡསྨཏོ ཁམཏི ཨིཏྠནྣཱམསྶ ཝིཧཱརསྶ ཨུཔོསཐཱགཱརསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ. སམྨཏོ སངྒྷེན ཨིཏྠནྣཱམོ ཝིཧཱརོ ཨུཔོསཐཱགཱརཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཏེན ཁོ པན སམཡེན ཨཉྙཏརསྨིཾ ཨཱཝཱསེ དྭེ ཨུཔོསཐཱགཱརཱནི སམྨཏཱནི ཧོནྟི. བྷིཀྑཱུ ཨུབྷཡཏྠ སནྣིཔཏནྟི – ‘‘ཨིདྷ ཨུཔོསཐོ ཀརཱིཡིསྶཏི, ཨིདྷ ཨུཔོསཐོ ཀརཱིཡིསྶཏཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨེཀསྨིཾ ཨཱཝཱསེ དྭེ ཨུཔོསཐཱགཱརཱནི སམྨནྣིཏབྦཱནི. ཡོ སམྨནྣེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨེཀཾ སམཱུཧནིཏྭཱ [སམུཧནིཏྭཱ (ཀ.)] ཨེཀཏྠ ཨུཔོསཐཾ ཀཱཏུཾ. ཨེཝཉྩ པན, བྷིཀྑཝེ, སམཱུཧནྟབྦཾ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ ཨུཔོསཐཱགཱརཾ སམཱུཧནེཡྻ [སམུཧནེཡྻ (ཀ.)]. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ ཨུཔོསཐཱགཱརཾ སམཱུཧནཏི. ཡསྶཱཡསྨཏོ ཁམཏི ཨིཏྠནྣཱམསྶ ཨུཔོསཐཱགཱརསྶ སམུགྒྷཱཏོ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ. སམཱུཧཏཾ སངྒྷེན ཨིཏྠནྣཱམཾ ཨུཔོསཐཱགཱརཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༧༣. ཨུཔོསཐཔྤམུཁཱནུཛཱནནཱ

༡༤༢. ཏེན ཁོ པན སམཡེན ཨཉྙཏརསྨིཾ ཨཱཝཱསེ ཨཏིཁུདྡཀཾ ཨུཔོསཐཱགཱརཾ སམྨཏཾ ཧོཏི, ཏདཧུཔོསཐེ མཧཱབྷིཀྑུསངྒྷོ སནྣིཔཏིཏོ ཧོཏི. བྷིཀྑཱུ ཨསམྨཏཱཡ བྷཱུམིཡཱ ནིསིནྣཱ པཱཏིམོཀྑཾ ཨསྶོསུཾ. ཨཐ ཁོ ཏེསཾ བྷིཀྑཱུནཾ ཨེཏདཧོསི ‘‘བྷགཝཏཱ པཉྙཏྟཾ ‘ཨུཔོསཐཱགཱརཾ སམྨནྣིཏྭཱ ཨུཔོསཐོ ཀཱཏབྦོ’ཏི, མཡཉྩམྷཱ ཨསམྨཏཱཡ བྷཱུམིཡཱ ནིསིནྣོ པཱཏིམོཀྑཾ ཨསྶུམྷཱ, ཀཏོ ནུ ཁོ ཨམྷཱཀཾ ཨུཔོསཐོ, ཨཀཏོ ནུ ཁོ’’ཏི. བྷགཝཏོ ཨེཏམཏྠཾ ཨཱརོཙེསུཾ. སམྨཏཱཡ ཝཱ, བྷིཀྑཝེ, བྷཱུམིཡཱ ནིསིནྣཱ ཨསམྨཏཱཡ ཝཱ ཡཏོ པཱཏིམོཀྑཾ སུཎཱཏི, ཀཏོཝསྶ ཨུཔོསཐོ. ཏེན ཧི, བྷིཀྑཝེ, སངྒྷོ ཡཱཝ མཧནྟཾ ཨུཔོསཐཔྤམུཁཾ [ཨུཔོསཐམུཁཾ (སྱཱ.)] ཨཱཀངྑཏི, ཏཱཝ མཧནྟཾ ཨུཔོསཐཔྤམུཁཾ སམྨནྣཏུ. ཨེཝཉྩ པན, བྷིཀྑཝེ, སམྨནྣིཏབྦཾ. པཋམཾ ནིམིཏྟཱ ཀིཏྟེཏབྦཱ. ནིམིཏྟེ ཀིཏྟེཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡཱཝཏཱ སམནྟཱ ནིམིཏྟཱ ཀིཏྟིཏཱ. ཡདི སངྒྷསྶ པཏྟཀལླཾ, སངྒྷོ ཨེཏེཧི ནིམིཏྟེཧི ཨུཔོསཐཔྤམུཁཾ སམྨནྣེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཡཱཝཏཱ སམནྟཱ ནིམིཏྟཱ ཀིཏྟིཏཱ. སངྒྷོ ཨེཏེཧི ནིམིཏྟེཧི ཨུཔོསཐཔྤམུཁཾ སམྨནྣཏི. ཡསྶཱཡསྨཏོ ཁམཏི ཨེཏེཧི ནིམིཏྟེཧི ཨུཔོསཐཔྤམུཁསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ. སམྨཏཾ སངྒྷེན ཨེཏེཧི ནིམིཏྟེཧི ཨུཔོསཐཔྤམུཁཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཏེན ཁོ པན སམཡེན ཨཉྙཏརསྨིཾ ཨཱཝཱསེ ཏདཧུཔོསཐེ ནཝཀཱ བྷིཀྑཱུ པཋམཏརཾ སནྣིཔཏིཏྭཱ – ‘‘ན ཏཱཝ ཐེརཱ ཨཱགཙྪནྟཱི’’ཏི – པཀྐམིཾསུ. ཨུཔོསཐོ ཝིཀཱལེ ཨཧོསི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཏདཧུཔོསཐེ ཐེརེཧི བྷིཀྑཱུཧི པཋམཏརཾ སནྣིཔཏིཏུནྟི.

ཏེན ཁོ པན སམཡེན རཱཛགཧེ སམྦཧུལཱ ཨཱཝཱསཱ སམཱནསཱིམཱ ཧོནྟི. ཏཏྠ བྷིཀྑཱུ ཝིཝདནྟི – ‘‘ཨམྷཱཀཾ ཨཱཝཱསེ ཨུཔོསཐོ ཀརཱིཡཏུ, ཨམྷཱཀཾ ཨཱཝཱསེ ཨུཔོསཐོ ཀརཱིཡཏཱུ’’ཏི. བྷགཝཏོ ཨེཏམཏྠཾ ཨཱརོཙེསུཾ. ཨིདྷ པན, བྷིཀྑཝེ, སམྦཧུལཱ ཨཱཝཱསཱ སམཱནསཱིམཱ ཧོནྟི. ཏཏྠ བྷིཀྑཱུ ཝིཝདནྟི – ‘‘ཨམྷཱཀཾ ཨཱཝཱསེ ཨུཔོསཐོ ཀརཱིཡཏུ, ཨམྷཱཀཾ ཨཱཝཱསེ ཨུཔོསཐོ ཀརཱིཡཏཱུ’’ཏི. ཏེཧི, བྷིཀྑཝེ, བྷིཀྑཱུཧི སབྦེཧེཝ ཨེཀཛ྄ཛྷཾ སནྣིཔཏིཏྭཱ ཨུཔོསཐོ ཀཱཏབྦོ. ཡཏྠ ཝཱ པན ཐེརོ བྷིཀྑུ ཝིཧརཏི, ཏཏྠ སནྣིཔཏིཏྭཱ ཨུཔོསཐོ ཀཱཏབྦོ, ན ཏྭེཝ ཝགྒེན སངྒྷེན ཨུཔོསཐོ ཀཱཏབྦོ. ཡོ ཀརེཡྻ, ཨཱཔཏྟི དུཀྐཊསྶཱཏི.

༧༤. ཨཝིཔྤཝཱསསཱིམཱནུཛཱནནཱ

༡༤༣. ཏེན ཁོ པན སམཡེན ཨཱཡསྨཱ མཧཱཀསྶཔོ ཨནྡྷཀཝིནྡཱ རཱཛགཧཾ ཨུཔོསཐཾ ཨཱགཙྪནྟོ ཨནྟརཱམགྒེ ནདིཾ ཏརནྟོ མནཾ ཝཱུལ༹ྷོ ཨཧོསི, ཙཱིཝརཱནིསྶ [ཏེན ཙཱིཝརཱནིསྶ (ཀ.)] ཨལླཱནི. བྷིཀྑཱུ ཨཱཡསྨནྟཾ མཧཱཀསྶཔཾ ཨེཏདཝོཙུཾ – ‘‘ཀིསྶ ཏེ, ཨཱཝུསོ, ཙཱིཝརཱནི ཨལླཱནཱི’’ཏི? ‘‘ཨིདྷཱཧཾ, ཨཱཝུསོ, ཨནྡྷཀཝིནྡཱ རཱཛགཧཾ ཨུཔོསཐཾ ཨཱགཙྪནྟོ ཨནྟརཱམགྒེ ནདིཾ ཏརནྟོ མནམྷི ཝཱུལ༹ྷོ. ཏེན མེ ཙཱིཝརཱནི ཨལླཱནཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ཡཱ སཱ, བྷིཀྑཝེ, སངྒྷེན སཱིམཱ སམྨཏཱ སམཱནསཾཝཱསཱ ཨེཀུཔོསཐཱ, སངྒྷོ ཏཾ སཱིམཾ ཏིཙཱིཝརེན ཨཝིཔྤཝཱསཾ སམྨནྣཏུ. ཨེཝཉྩ པན, བྷིཀྑཝེ, སམྨནྣིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡཱ སཱ སངྒྷེན སཱིམཱ སམྨཏཱ སམཱནསཾཝཱསཱ ཨེཀུཔོསཐཱ, ཡདི སངྒྷསྶ པཏྟཀལླཾ སངྒྷོ ཏཾ སཱིམཾ ཏིཙཱིཝརེན ཨཝིཔྤཝཱསཾ སམྨནྣེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཡཱ སཱ སངྒྷེན སཱིམཱ སམྨཏཱ སམཱནསཾཝཱསཱ ཨེཀུཔོསཐཱ, སངྒྷོ ཏཾ སཱིམཾ ཏིཙཱིཝརེན ཨཝིཔྤཝཱསཾ སམྨནྣཏི. ཡསྶཱཡསྨཏོ ཁམཏི ཨེཏིསྶཱ སཱིམཱཡ ཏིཙཱིཝརེན ཨཝིཔྤཝཱསཱཡ [ཨཝིཔྤཝཱསསྶ (སྱཱ.)] སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ. སམྨཏཱ སཱ སཱིམཱ སངྒྷེན ཏིཙཱིཝརེན ཨཝིཔྤཝཱསཱ [ཨཝིཔྤཝཱསོ (སྱཱ.)]. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཏེན ཁོ པན སམཡེན བྷིཀྑཱུ བྷགཝཏཱ ཏིཙཱིཝརེན ཨཝིཔྤཝཱསསམྨུཏི ཨནུཉྙཱཏཱཏི ཨནྟརགྷརེ ཙཱིཝརཱནི ནིཀྑིཔནྟི. ཏཱནི ཙཱིཝརཱནི ནསྶནྟིཔི ཌཡ྄ཧནྟིཔི ཨུནྡཱུརེཧིཔི ཁཛྫནྟི. བྷིཀྑཱུ དུཙྩོལཱ༹ ཧོནྟི ལཱུཁཙཱིཝརཱ. བྷིཀྑཱུ ཨེཝམཱཧཾསུ – ‘‘ཀིསྶ ཏུམྷེ, ཨཱཝུསོ, དུཙྩོལཱ༹ ལཱུཁཙཱིཝརཱ’’ཏི? ‘‘ཨིདྷ མཡཾ, ཨཱཝུསོ, བྷགཝཏཱ ཏིཙཱིཝརེན ཨཝིཔྤཝཱསསམྨུཏི ཨནུཉྙཱཏཱཏི ཨནྟརགྷརེ ཙཱིཝརཱནི ནིཀྑིཔིམྷཱ. ཏཱནི ཙཱིཝརཱནི ནཊྛཱནིཔི དཌྜྷཱནིཔི, ཨུནྡཱུརེཧིཔི ཁཱཡིཏཱནི, ཏེན མཡཾ དུཙྩོལཱ༹ ལཱུཁཙཱིཝརཱ’’ཏི. བྷགཝཏོ ཨེཏམཏྠཾ ཨཱརོཙེསུཾ. ཡཱ སཱ, བྷིཀྑཝེ, སངྒྷེན སཱིམཱ སམྨཏཱ སམཱནསཾཝཱསཱ ཨེཀུཔོསཐཱ, སངྒྷོ ཏཾ སཱིམཾ ཏིཙཱིཝརེན ཨཝིཔྤཝཱསཾ སམྨནྣཏུ, ཋཔེཏྭཱ གཱམཉྩ གཱམཱུཔཙཱརཉྩ. ཨེཝཉྩ པན, བྷིཀྑཝེ, སམྨནྣིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༤༤. ‘‘སུཎཱཏུ མེ, བྷནྟེ, སངྒྷོ. ཡཱ སཱ སངྒྷེན སཱིམཱ སམྨཏཱ སམཱནསཾཝཱསཱ ཨེཀུཔོསཐཱ ཡདི སངྒྷསྶ པཏྟཀལླཾ, སངྒྷོ ཏཾ སཱིམཾ ཏིཙཱིཝརེན ཨཝིཔྤཝཱསཾ སམྨནྣེཡྻ, ཋཔེཏྭཱ གཱམཉྩ གཱམཱུཔཙཱརཉྩ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཡཱ སཱ སངྒྷེན སཱིམཱ སམྨཏཱ སམཱནསཾཝཱསཱ ཨེཀུཔོསཐཱ, སངྒྷོ ཏཾ སཱིམཾ ཏིཙཱིཝརེན ཨཝིཔྤཝཱསཾ སམྨནྣཏི, ཋཔེཏྭཱ གཱམཉྩ གཱམཱུཔཙཱརཉྩ. ཡསྶཱཡསྨཏོ ཁམཏི ཨེཏིསྶཱ སཱིམཱཡ ཏིཙཱིཝརེན ཨཝིཔྤཝཱསཱཡ [ཨཝིཔྤཝཱསསྶ (སྱཱ.)] སམྨུཏི, ཋཔེཏྭཱ གཱམཉྩ གཱམཱུཔཙཱརཉྩ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ. སམྨཏཱ སཱ སཱིམཱ སངྒྷེན ཏིཙཱིཝརེན ཨཝིཔྤཝཱསཱ [ཨཝིཔྤཝཱསོ (སྱཱ.)], ཋཔེཏྭཱ གཱམཉྩ གཱམཱུཔཙཱརཉྩ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༧༥. སཱིམཱསམཱུཧནན

‘‘སཱིམཾ, བྷིཀྑཝེ, སམྨནྣནྟེན པཋམཾ སམཱནསཾཝཱསསཱིམཱ [སམཱནསཾཝཱསཱ སཱིམཱ (སྱཱ.)] སམྨནྣིཏབྦཱ, པཙྪཱ ཏིཙཱིཝརེན ཨཝིཔྤཝཱསོ སམྨནྣིཏབྦོ. སཱིམཾ, བྷིཀྑཝེ, སམཱུཧནནྟེན པཋམཾ ཏིཙཱིཝརེན ཨཝིཔྤཝཱསོ སམཱུཧནྟབྦོ, པཙྪཱ སམཱནསཾཝཱསསཱིམཱ སམཱུཧནྟབྦཱ. ཨེཝཉྩ པན, བྷིཀྑཝེ, ཏིཙཱིཝརེན ཨཝིཔྤཝཱསོ སམཱུཧནྟབྦོ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༤༥. ‘‘སུཎཱཏུ མེ, བྷནྟེ, སངྒྷོ. ཡོ སོ སངྒྷེན ཏིཙཱིཝརེན ཨཝིཔྤཝཱསོ སམྨཏོ, ཡདི སངྒྷསྶ པཏྟཀལླཾ, སངྒྷོ ཏཾ ཏིཙཱིཝརེན ཨཝིཔྤཝཱསཾ སམཱུཧནེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཡོ སོ སངྒྷེན ཏིཙཱིཝརེན ཨཝིཔྤཝཱསོ སམྨཏོ, སངྒྷོ ཏཾ ཏིཙཱིཝརེན ཨཝིཔྤཝཱསཾ སམཱུཧནཏི. ཡསྶཱཡསྨཏོ ཁམཏི ཨེཏསྶ ཏིཙཱིཝརེན ཨཝིཔྤཝཱསསྶ སམུགྒྷཱཏོ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ. སམཱུཧཏོ སོ སངྒྷེན ཏིཙཱིཝརེན ཨཝིཔྤཝཱསོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨེཝཉྩ པན, བྷིཀྑཝེ, སཱིམཱ [སམཱནསཾཝཱསཱ སཱིམཱ (སྱཱ.)]. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༤༦. ‘‘སུཎཱཏུ མེ, བྷནྟེ, སངྒྷོ. ཡཱ སཱ སངྒྷེན སཱིམཱ སམྨཏཱ སམཱནསཾཝཱསཱ ཨེཀུཔོསཐཱ, ཡདི སངྒྷསྶ པཏྟཀལླཾ, སངྒྷོ ཏཾ སཱིམཾ སམཱུཧནེཡྻ སམཱནསཾཝཱསཾ ཨེཀུཔོསཐཾ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཡཱ སཱ སངྒྷེན སཱིམཱ སམྨཏཱ སམཱནསཾཝཱསཱ ཨེཀུཔོསཐཱ, སངྒྷོ ཏཾ སཱིམཾ སམཱུཧནཏི སམཱནསཾཝཱསཾ ཨེཀུཔོསཐཾ. ཡསྶཱཡསྨཏོ ཁམཏི ཨེཏིསྶཱ སཱིམཱཡ སམཱནསཾཝཱསཱཡ ཨེཀུཔོསཐཱཡ སམུགྒྷཱཏོ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ. སམཱུཧཏཱ སཱ སཱིམཱ སངྒྷེན སམཱནསཾཝཱསཱ ཨེཀུཔོསཐཱ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༧༦. གཱམསཱིམཱདི

༡༤༧. ཨསམྨཏཱཡ, བྷིཀྑཝེ, སཱིམཱཡ ཨཊྛཔིཏཱཡ, ཡཾ གཱམཾ ཝཱ ནིགམཾ ཝཱ ཨུཔནིསྶཱཡ ཝིཧརཏི, ཡཱ ཏསྶ ཝཱ གཱམསྶ གཱམསཱིམཱ, ནིགམསྶ ཝཱ ནིགམསཱིམཱ, ཨཡཾ ཏཏྠ སམཱནསཾཝཱསཱ ཨེཀུཔོསཐཱ. ཨགཱམཀེ ཙེ, བྷིཀྑཝེ, ཨརཉྙེ སམནྟཱ སཏྟབྦྷནྟརཱ, ཨཡཾ ཏཏྠ སམཱནསཾཝཱསཱ ཨེཀུཔོསཐཱ. སབྦཱ, བྷིཀྑཝེ, ནདཱི ཨསཱིམཱ; སབྦོ སམུདྡོ ཨསཱིམོ; སབྦོ ཛཱཏསྶརོ ཨསཱིམོ. ནདིཡཱ ཝཱ, བྷིཀྑཝེ, སམུདྡེ ཝཱ ཛཱཏསྶརེ ཝཱ ཡཾ མཛ྄ཛྷིམསྶ པུརིསསྶ སམནྟཱ ཨུདཀུཀྑེཔཱ, ཨཡཾ ཏཏྠ སམཱནསཾཝཱསཱ ཨེཀུཔོསཐཱཏི.

༡༤༨. ཏེན ཁོ པན སམཡེན ཚབྦགྒིཡཱ བྷིཀྑཱུ སཱིམཱཡ སཱིམཾ སམྦྷིནྡནྟི. བྷགཝཏོ ཨེཏམཏྠཾ ཨཱརོཙེསུཾ. ཡེསཾ, བྷིཀྑཝེ, སཱིམཱ པཋམཾ སམྨཏཱ ཏེསཾ ཏཾ ཀམྨཾ དྷམྨིཀཾ ཨཀུཔྤཾ ཋཱནཱརཧཾ. ཡེསཾ, བྷིཀྑཝེ, སཱིམཱ པཙྪཱ སམྨཏཱ ཏེསཾ ཏཾ ཀམྨཾ ཨདྷམྨིཀཾ ཀུཔྤཾ ཨཊྛཱནཱརཧཾ. ན, བྷིཀྑཝེ, སཱིམཱཡ སཱིམཱ སམྦྷིནྡིཏབྦཱ. ཡོ སམྦྷིནྡེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ སཱིམཱཡ སཱིམཾ ཨཛ྄ཛྷོཏྠརནྟི. བྷགཝཏོ ཨེཏམཏྠཾ ཨཱརོཙེསུཾ. ཡེསཾ, བྷིཀྑཝེ, སཱིམཱ པཋམཾ སམྨཏཱ ཏེསཾ ཏཾ ཀམྨཾ དྷམྨིཀཾ ཨཀུཔྤཾ ཋཱནཱརཧཾ. ཡེསཾ, བྷིཀྑཝེ, སཱིམཱ པཙྪཱ སམྨཏཱ ཏེསཾ ཏཾ ཀམྨཾ ཨདྷམྨིཀཾ ཀུཔྤཾ ཨཊྛཱནཱརཧཾ. ན, བྷིཀྑཝེ, སཱིམཱཡ སཱིམཱ ཨཛ྄ཛྷོཏྠརིཏབྦཱ. ཡོ ཨཛ྄ཛྷོཏྠརེཡྻ, ཨཱཔཏྟི དུཀྐཊསྶཱཏི. ཨནུཛཱནཱམི, བྷིཀྑཝེ, སཱིམཾ སམྨནྣནྟེན སཱིམནྟརིཀཾ ཋཔེཏྭཱ སཱིམཾ སམྨནྣིཏུནྟི.

༧༧. ཨུཔོསཐབྷེདཱདི

༡༤༩. ཨཐ ཁོ བྷིཀྑཱུནཾ ཨེཏདཧོསི – ‘‘ཀཏི ནུ ཁོ ཨུཔོསཐཱ’’ཏི? བྷགཝཏོ ཨེཏམཏྠཾ ཨཱརོཙེསུཾ. དྭེམེ, བྷིཀྑཝེ, ཨུཔོསཐཱ – ཙཱཏུདྡསིཀོ ཙ པནྣརསིཀོ ཙ. ཨིམེ ཁོ, བྷིཀྑཝེ, དྭེ ཨུཔོསཐཱཏི.

ཨཐ ཁོ བྷིཀྑཱུནཾ ཨེཏདཧོསི – ‘‘ཀཏི ནུ ཁོ ཨུཔོསཐཀམྨཱནཱི’’ཏི? བྷགཝཏོ ཨེཏམཏྠཾ ཨཱརོཙེསུཾ. ཙཏྟཱརིམཱནི, བྷིཀྑཝེ, ཨུཔོསཐཀམྨཱནི – ཨདྷམྨེན ཝགྒཾ ཨུཔོསཐཀམྨཾ, ཨདྷམྨེན སམགྒཾ ཨུཔོསཐཀམྨཾ, དྷམྨེན ཝགྒཾ ཨུཔོསཐཀམྨཾ, དྷམྨེན སམགྒཾ ཨུཔོསཐཀམྨནྟི. ཏཏྲ, བྷིཀྑཝེ, ཡདིདཾ ཨདྷམྨེན ཝགྒཾ ཨུཔོསཐཀམྨཾ, ན, བྷིཀྑཝེ, ཨེཝརཱུཔཾ ཨུཔོསཐཀམྨཾ, ཀཱཏབྦཾ. ན ཙ མཡཱ ཨེཝརཱུཔཾ ཨུཔོསཐཀམྨཾ ཨནུཉྙཱཏཾ. ཏཏྲ, བྷིཀྑཝེ, ཡདིདཾ ཨདྷམྨེན སམགྒཾ ཨུཔོསཐཀམྨཾ, ན, བྷིཀྑཝེ, ཨེཝརཱུཔཾ ཨུཔོསཐཀམྨཾ ཀཱཏབྦཾ. ན ཙ མཡཱ ཨེཝརཱུཔཾ ཨུཔོསཐཀམྨཾ ཨནུཉྙཱཏཾ. ཏཏྲ, བྷིཀྑཝེ, ཡདིདཾ དྷམྨེན ཝགྒཾ ཨུཔོསཐཀམྨཾ, ན, བྷིཀྑཝེ, ཨེཝརཱུཔཾ ཨུཔོསཐཀམྨཾ ཀཱཏབྦཾ. ན ཙ མཡཱ ཨེཝརཱུཔཾ ཨུཔོསཐཀམྨཾ ཨནུཉྙཱཏཾ. ཏཏྲ, བྷིཀྑཝེ, ཡདིདཾ དྷམྨེན སམགྒཾ ཨུཔོསཐཀམྨཾ, ཨེཝརཱུཔཾ, བྷིཀྑཝེ, ཨུཔོསཐཀམྨཾ ཀཱཏབྦཾ, ཨེཝརཱུཔཉྩ མཡཱ ཨུཔོསཐཀམྨཾ ཨནུཉྙཱཏཾ. ཏསྨཱཏིཧ, བྷིཀྑཝེ, ཨེཝརཱུཔཾ ཨུཔོསཐཀམྨཾ ཀརིསྶཱམ ཡདིདཾ དྷམྨེན སམགྒནྟི – ཨེཝཉྷི ཝོ, བྷིཀྑཝེ, སིཀྑིཏབྦནྟི.

༧༨. སཾཁིཏྟེན པཱཏིམོཀྑུདྡེསཱདི

༡༥༠. ཨཐ ཁོ བྷིཀྑཱུནཾ ཨེཏདཧོསི – ‘‘ཀཏི ནུ ཁོ པཱཏིམོཀྑུདྡེསཱ’’ཏི? བྷགཝཏོ ཨེཏམཏྠཾ ཨཱརོཙེསུཾ. པཉྩིམེ, བྷིཀྑཝེ, པཱཏིམོཀྑུདྡེསཱ – ནིདཱནཾ ཨུདྡིསིཏྭཱ ཨཝསེསཾ སུཏེན སཱཝེཏབྦཾ. ཨཡཾ པཋམོ པཱཏིམོཀྑུདྡེསོ. ནིདཱནཾ ཨུདྡིསིཏྭཱ ཙཏྟཱརི པཱརཱཛིཀཱནི ཨུདྡིསིཏྭཱ ཨཝསེསཾ སུཏེན སཱཝེཏབྦཾ. ཨཡཾ དུཏིཡོ པཱཏིམོཀྑུདྡེསོ. ནིདཱནཾ ཨུདྡིསིཏྭཱ ཙཏྟཱརི པཱརཱཛིཀཱནི ཨུདྡིསིཏྭཱ ཏེརས སངྒྷཱདིསེསེ ཨུདྡིསིཏྭཱ ཨཝསེསཾ སུཏེན སཱཝེཏབྦཾ. ཨཡཾ ཏཏིཡོ པཱཏིམོཀྑུདྡེསོ. ནིདཱནཾ ཨུདྡིསིཏྭཱ ཙཏྟཱརི པཱརཱཛིཀཱནི ཨུདྡིསིཏྭཱ ཏེརས སངྒྷཱདིསེསེ ཨུདྡིསིཏྭཱ དྭེ ཨནིཡཏེ ཨུདྡིསིཏྭཱ ཨཝསེསཾ སུཏེན སཱཝེཏབྦཾ. ཨཡཾ ཙཏུཏྠོ པཱཏིམོཀྑུདྡེསོ. ཝིཏྠཱརེནེཝ པཉྩམོ. ཨིམེ ཁོ, བྷིཀྑཝེ, པཉྩ པཱཏིམོཀྑུདྡེསཱཏི.

ཏེན ཁོ པན སམཡེན བྷིཀྑཱུ – བྷགཝཏཱ སཾཁིཏྟེན པཱཏིམོཀྑུདྡེསོ ཨནུཉྙཱཏོཏི – སབྦཀཱལཾ སཾཁིཏྟེན པཱཏིམོཀྑཾ ཨུདྡིསནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སཾཁིཏྟེན པཱཏིམོཀྑཾ ཨུདྡིསིཏབྦཾ. ཡོ ཨུདྡིསེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན ཀོསལེསུ ཛནཔདེ ཨཉྙཏརསྨིཾ ཨཱཝཱསེ ཏདཧུཔོསཐེ སཝརབྷཡཾ [སཾཙརབྷཡཾ (སྱཱ.)] ཨཧོསི. བྷིཀྑཱུ ནཱསཀྑིཾསུ ཝིཏྠཱརེན པཱཏིམོཀྑཾ ཨུདྡིསིཏུཾ. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སཏི ཨནྟརཱཡེ སཾཁིཏྟེན པཱཏིམོཀྑཾ ཨུདྡིསིཏུནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཨསཏིཔི ཨནྟརཱཡེ སཾཁིཏྟེན པཱཏིམོཀྑཾ ཨུདྡིསནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨསཏི ཨནྟརཱཡེ སཾཁིཏྟེན པཱཏིམོཀྑཾ ཨུདྡིསིཏབྦཾ. ཡོ ཨུདྡིསེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, སཏི ཨནྟརཱཡེ སཾཁིཏྟེན པཱཏིམོཀྑཾ ཨུདྡིསིཏུཾ. ཏཏྲིམེ ཨནྟརཱཡཱ – རཱཛནྟརཱཡོ, ཙོརནྟརཱཡོ, ཨགྱནྟརཱཡོ, ཨུདཀནྟརཱཡོ, མནུསྶནྟརཱཡོ, ཨམནུསྶནྟརཱཡོ, ཝཱལ༹ནྟརཱཡོ, སརཱིསཔནྟརཱཡོ, ཛཱིཝིཏནྟརཱཡོ, བྲཧྨཙརིཡནྟརཱཡོཏི. ཨནུཛཱནཱམི, བྷིཀྑཝེ, ཨེཝརཱུཔེསུ ཨནྟརཱཡེསུ སཾཁིཏྟེན པཱཏིམོཀྑཾ ཨུདྡིསིཏུཾ, ཨསཏི ཨནྟརཱཡེ ཝིཏྠཱརེནཱཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ སངྒྷམཛ྄ཛྷེ ཨནཛ྄ཛྷིཊྛཱ དྷམྨཾ བྷཱསནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སངྒྷམཛ྄ཛྷེ ཨནཛ྄ཛྷིཊྛེན དྷམྨོ བྷཱསིཏབྦོ. ཡོ བྷཱསེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཐེརེན བྷིཀྑུནཱ སཱམཾ ཝཱ དྷམྨཾ བྷཱསིཏུཾ པརཾ ཝཱ ཨཛ྄ཛྷེསིཏུནྟི.

༧༩. ཝིནཡཔུཙྪནཀཐཱ

༡༥༡. ཏེན ཁོ པན སམཡེན ཚབྦགྒིཡཱ བྷིཀྑཱུ སངྒྷམཛ྄ཛྷེ ཨསམྨཏཱ ཝིནཡཾ པུཙྪནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སངྒྷམཛ྄ཛྷེ ཨསམྨཏེན ཝིནཡོ པུཙྪིཏབྦོ. ཡོ པུཙྪེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, སངྒྷམཛ྄ཛྷེ སམྨཏེན ཝིནཡཾ པུཙྪིཏུཾ. ཨེཝཉྩ པན, བྷིཀྑཝེ, སམྨནྣིཏབྦོ – ཨཏྟནཱ ཝཱ [ཨཏྟནཱཝ (སྱཱ.)] ཨཏྟཱནཾ སམྨནྣིཏབྦཾ, པརེན ཝཱ པརོ སམྨནྣིཏབྦོ. ཀཐཉྩ ཨཏྟནཱཝ ཨཏྟཱནཾ སམྨནྣིཏབྦཾ? བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, ཨཧཾ ཨིཏྠནྣཱམཾ ཝིནཡཾ པུཙྪེཡྻ’’ནྟི. ཨེཝཾ ཨཏྟནཱཝ ཨཏྟཱནཾ སམྨནྣིཏབྦཾ.

ཀཐཉྩ པརེན པརོ སམྨནྣིཏབྦོ? བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, ཨིཏྠནྣཱམོ ཨིཏྠནྣཱམཾ ཝིནཡཾ པུཙྪེཡྻཱ’’ཏི. ཨེཝཾ པརེན པརོ སམྨནྣིཏབྦོཏི.

ཏེན ཁོ པན སམཡེན པེསལཱ བྷིཀྑཱུ སངྒྷམཛ྄ཛྷེ སམྨཏཱ ཝིནཡཾ པུཙྪནྟི. ཚབྦགྒིཡཱ བྷིཀྑཱུ ལབྷནྟི ཨཱགྷཱཏཾ, ལབྷནྟི ཨཔྤཙྩཡཾ, ཝདྷེན ཏཛྫེནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སངྒྷམཛ྄ཛྷེ སམྨཏེནཔི པརིསཾ ཨོལོཀེཏྭཱ པུགྒལཾ ཏུལཡིཏྭཱ ཝིནཡཾ པུཙྪིཏུནྟི.

༨༠. ཝིནཡཝིསྶཛྫནཀཐཱ

༡༥༢. ཏེན ཁོ པན སམཡེན ཚབྦགྒིཡཱ བྷིཀྑཱུ སངྒྷམཛ྄ཛྷེ ཨསམྨཏཱ ཝིནཡཾ ཝིསྶཛྫེནྟི [ཝིསྶཛྫནྟི (ཀ.)]. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སངྒྷམཛ྄ཛྷེ ཨསམྨཏེན ཝིནཡོ ཝིསྶཛྫེཏབྦོ. ཡོ ཝིསྶཛྫེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, སངྒྷམཛ྄ཛྷེ སམྨཏེན ཝིནཡཾ ཝིསྶཛྫེཏུཾ. ཨེཝཉྩ པན, བྷིཀྑཝེ, སམྨནྣིཏབྦཾ. ཨཏྟནཱ ཝཱ [ཨཏྟནཱཝ (སྱཱ.)] ཨཏྟཱནཾ སམྨནྣིཏབྦཾ, པརེན ཝཱ པརོ སམྨནྣིཏབྦོ. ཀཐཉྩ ཨཏྟནཱཝ ཨཏྟཱནཾ སམྨནྣིཏབྦཾ? བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, ཨཧཾ ཨིཏྠནྣཱམེན ཝིནཡཾ པུཊྛོ ཝིསྶཛྫེཡྻ’’ནྟི. ཨེཝཾ ཨཏྟནཱཝ ཨཏྟཱནཾ སམྨནྣིཏབྦཾ.

ཀཐཉྩ པརེན པརོ སམྨནྣིཏབྦོ? བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, ཨིཏྠནྣཱམོ ཨིཏྠནྣཱམེན ཝིནཡཾ པུཊྛོ ཝིསྶཛྫེཡྻཱ’’ཏི. ཨེཝཾ པརེན པརོ སམྨནྣིཏབྦོཏི.

ཏེན ཁོ པན སམཡེན པེསལཱ བྷིཀྑཱུ སངྒྷམཛ྄ཛྷེ སམྨཏཱ ཝིནཡཾ ཝིསྶཛྫེནྟི. ཚབྦགྒིཡཱ བྷིཀྑཱུ ལབྷནྟི ཨཱགྷཱཏཾ, ལབྷནྟི ཨཔྤཙྩཡཾ, ཝདྷེན ཏཛྫེནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སངྒྷམཛ྄ཛྷེ སམྨཏེནཔི པརིསཾ ཨོལོཀེཏྭཱ པུགྒལཾ ཏུལཡིཏྭཱ ཝིནཡཾ ཝིསྶཛྫེཏུནྟི.

༨༡. ཙོདནཱཀཐཱ

༡༥༣. ཏེན ཁོ པན སམཡེན ཚབྦགྒིཡཱ བྷིཀྑཱུ ཨནོཀཱསཀཏཾ བྷིཀྑུཾ ཨཱཔཏྟིཡཱ ཙོདེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨནོཀཱསཀཏོ བྷིཀྑུ ཨཱཔཏྟིཡཱ ཙོདེཏབྦོ. ཡོ ཙོདེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨོཀཱསཾ ཀཱརཱཔེཏྭཱ ཨཱཔཏྟིཡཱ ཙོདེཏུཾ – ཀརོཏུ ཨཱཡསྨཱ ཨོཀཱསཾ, ཨཧཾ ཏཾ ཝཏྟུཀཱམོཏི.

ཏེན ཁོ པན སམཡེན པེསལཱ བྷིཀྑཱུ ཚབྦགྒིཡེ བྷིཀྑཱུ ཨོཀཱསཾ ཀཱརཱཔེཏྭཱ ཨཱཔཏྟིཡཱ ཙོདེནྟི. ཚབྦགྒིཡཱ བྷིཀྑཱུ ལབྷནྟི ཨཱགྷཱཏཾ, ལབྷནྟི ཨཔྤཙྩཡཾ, ཝདྷེན ཏཛྫེནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཀཏེཔི ཨོཀཱསེ པུགྒལཾ ཏུལཡིཏྭཱ ཨཱཔཏྟིཡཱ ཙོདེཏུནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ – པུརམྷཱཀཾ པེསལཱ བྷིཀྑཱུ ཨོཀཱསཾ ཀཱརཱཔེནྟཱིཏི – པཊིཀཙྩེཝ སུདྡྷཱནཾ བྷིཀྑཱུནཾ ཨནཱཔཏྟིཀཱནཾ ཨཝཏྠུསྨིཾ ཨཀཱརཎེ ཨོཀཱསཾ ཀཱརཱཔེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སུདྡྷཱནཾ བྷིཀྑཱུནཾ ཨནཱཔཏྟིཀཱནཾ ཨཝཏྠུསྨིཾ ཨཀཱརཎེ ཨོཀཱསོ ཀཱརཱཔེཏབྦོ. ཡོ ཀཱརཱཔེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, པུགྒལཾ ཏུལཡིཏྭཱ ཨོཀཱསཾ ཀཱཏུ [ཀཱརཱཔེཏུཾ (སྱཱ.)] ནྟི.

༨༢. ཨདྷམྨཀམྨཔཊིཀྐོསནཱདི

༡༥༤. ཏེན ཁོ པན སམཡེན ཚབྦགྒིཡཱ བྷིཀྑཱུ སངྒྷམཛ྄ཛྷེ ཨདྷམྨཀམྨཾ ཀརོནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨདྷམྨཀམྨཾ ཀཱཏབྦཾ. ཡོ ཀརེཡྻ, ཨཱཔཏྟི དུཀྐཊསྶཱཏི. ཀརོནྟིཡེཝ ཨདྷམྨཀམྨཾ. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨདྷམྨཀམྨེ ཀཡིརམཱནེ པཊིཀྐོསིཏུནྟི.

ཏེན ཁོ པན སམཡེན པེསལཱ བྷིཀྑཱུ ཚབྦགྒིཡེཧི བྷིཀྑཱུཧི ཨདྷམྨཀམྨེ ཀཡིརམཱནེ པཊིཀྐོསནྟི. ཚབྦགྒིཡཱ བྷིཀྑཱུ ལབྷནྟི ཨཱགྷཱཏཾ, ལབྷནྟི ཨཔྤཙྩཡཾ, ཝདྷེན ཏཛྫེནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, དིཊྛིམྤི ཨཱཝིཀཱཏུནྟི. ཏེསཾཡེཝ སནྟིཀེ དིཊྛིཾ ཨཱཝིཀརོནྟི. ཚབྦགྒིཡཱ བྷིཀྑཱུ ལབྷནྟི ཨཱགྷཱཏཾ, ལབྷནྟི ཨཔྤཙྩཡཾ, ཝདྷེན ཏཛྫེནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཙཏཱུཧི པཉྩཧི པཊིཀྐོསིཏུཾ, དྭཱིཧི ཏཱིཧི དིཊྛིཾ ཨཱཝིཀཱཏུཾ, ཨེཀེན ཨདྷིཊྛཱཏུཾ – ‘ན མེཏཾ ཁམཏཱི’ཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ སངྒྷམཛ྄ཛྷེ པཱཏིམོཀྑཾ ཨུདྡིསམཱནཱ སཉྩིཙྩ ན སཱཝེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, པཱཏིམོཀྑུདྡེསཀེན སཉྩིཙྩ ན སཱཝེཏབྦཾ. ཡོ ན སཱཝེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན ཨཱཡསྨཱ ཨུདཱཡཱི སངྒྷསྶ པཱཏིམོཀྑུདྡེསཀོ ཧོཏི ཀཱཀསྶརཀོ. ཨཐ ཁོ ཨཱཡསྨཏོ ཨུདཱཡིསྶ ཨེཏདཧོསི – ‘‘བྷགཝཏཱ པཉྙཏྟཾ ‘པཱཏིམོཀྑུདྡེསཀེན སཱཝེཏབྦ’ནྟི, ཨཧཉྩམྷི ཀཱཀསྶརཀོ, ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཱཏིམོཀྑུདྡེསཀེན ཝཱཡམིཏུཾ – ‘ཀཐཾ སཱཝེཡྻ’ནྟི. ཝཱཡམནྟསྶ ཨནཱཔཏྟཱིཏི.

ཏེན ཁོ པན སམཡེན དེཝདཏྟོ སགཧཊྛཱཡ པརིསཱཡ པཱཏིམོཀྑཾ ཨུདྡིསཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སགཧཊྛཱཡ པརིསཱཡ པཱཏིམོཀྑཾ ཨུདྡིསིཏབྦཾ. ཡོ ཨུདྡིསེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ སངྒྷམཛ྄ཛྷེ ཨནཛ྄ཛྷིཊྛཱ པཱཏིམོཀྑཾ ཨུདྡིསནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སངྒྷམཛ྄ཛྷེ ཨནཛ྄ཛྷིཊྛེན པཱཏིམོཀྑཾ ཨུདྡིསིཏབྦཾ. ཡོ ཨུདྡིསེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཐེརཱདྷིཀཾ [ཐེརཱདྷེཡྻཾ (ཨཊྛཀཐཱཡཾ པཱཋནྟརཾ)] པཱཏིམོཀྑནྟི.

ཨཉྙཏིཏྠིཡབྷཱཎཝཱརོ ནིཊྛིཏོ པཋམོ [ཨེཀཱདསམོ (ཀ.)].

༨༣. པཱཏིམོཀྑུདྡེསཀཨཛ྄ཛྷེསནཱདི

༡༥༥. ཨཐ ཁོ བྷགཝཱ རཱཛགཧེ ཡཐཱབྷིརནྟཾ ཝིཧརིཏྭཱ ཡེན ཙོདནཱཝཏྠུ ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན ཙོདནཱཝཏྠུ ཏདཝསརི. ཏེན ཁོ པན སམཡེན ཨཉྙཏརསྨིཾ ཨཱཝཱསེ སམྦཧུལཱ བྷིཀྑཱུ ཝིཧརནྟི. ཏཏྠ ཐེརོ བྷིཀྑུ བཱལོ ཧོཏི ཨབྱཏྟོ. སོ ན ཛཱནཱཏི ཨུཔོསཐཾ ཝཱ ཨུཔོསཐཀམྨཾ ཝཱ, པཱཏིམོཀྑཾ ཝཱ པཱཏིམོཀྑུདྡེསཾ ཝཱ. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘བྷགཝཏཱ པཉྙཏྟཾ ‘ཐེརཱདྷིཀཾ པཱཏིམོཀྑ’ནྟི, ཨཡཉྩ ཨམྷཱཀཾ ཐེརོ བཱལོ ཨབྱཏྟོ, ན ཛཱནཱཏི ཨུཔོསཐཾ ཝཱ ཨུཔོསཐཀམྨཾ ཝཱ, པཱཏིམོཀྑཾ ཝཱ པཱཏིམོཀྑུདྡེསཾ ཝཱ. ཀཐཾ ནུ ཁོ ཨམྷེཧི པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཡོ ཏཏྠ བྷིཀྑུ བྱཏྟོ པཊིབལོ ཏསྶཱདྷེཡྻཾ པཱཏིམོཀྑནྟི.

ཏེན ཁོ པན སམཡེན ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ བྷིཀྑཱུ ཝིཧརནྟི བཱལཱ ཨབྱཏྟཱ. ཏེ ན ཛཱནནྟི ཨུཔོསཐཾ ཝཱ ཨུཔོསཐཀམྨཾ ཝཱ, པཱཏིམོཀྑཾ ཝཱ པཱཏིམོཀྑུདྡེསཾ ཝཱ. ཏེ ཐེརཾ ཨཛ྄ཛྷེསིཾསུ – ‘‘ཨུདྡིསཏུ, བྷནྟེ, ཐེརོ པཱཏིམོཀྑ’’ནྟི. སོ ཨེཝམཱཧ – ‘‘ན མེ, ཨཱཝུསོ, ཝཏྟཏཱི’’ཏི. དུཏིཡཾ ཐེརཾ ཨཛ྄ཛྷེསིཾསུ – ‘‘ཨུདྡིསཏུ, བྷནྟེ, ཐེརོ པཱཏིམོཀྑ’’ནྟི. སོཔི ཨེཝམཱཧ – ‘‘ན མེ, ཨཱཝུསོ, ཝཏྟཏཱི’’ཏི. ཏཏིཡཾ ཐེརཾ ཨཛ྄ཛྷེསིཾསུ – ‘‘ཨུདྡིསཏུ, བྷནྟེ, ཐེརོ པཱཏིམོཀྑ’’ནྟི. སོཔི ཨེཝམཱཧ – ‘‘ན མེ, ཨཱཝུསོ, ཝཏྟཏཱི’’ཏི. ཨེཏེནེཝ ཨུཔཱཡེན ཡཱཝ སངྒྷནཝཀཾ ཨཛ྄ཛྷེསིཾསུ – ‘‘ཨུདྡིསཏུ ཨཱཡསྨཱ པཱཏིམོཀྑ’’ནྟི. སོཔི ཨེཝམཱཧ – ‘‘ན མེ, བྷནྟེ, ཝཏྟཏཱི’’ཏི. བྷགཝཏོ ཨེཏམཏྠཾ ཨཱརོཙེསུཾ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ བྷིཀྑཱུ ཝིཧརནྟི བཱལཱ ཨབྱཏྟཱ. ཏེ ན ཛཱནནྟི ཨུཔོསཐཾ ཝཱ ཨུཔོསཐཀམྨཾ ཝཱ, པཱཏིམོཀྑཾ ཝཱ པཱཏིམོཀྑུདྡེསཾ ཝཱ. ཏེ ཐེརཾ ཨཛ྄ཛྷེསནྟི – ‘‘ཨུདྡིསཏུ, བྷནྟེ, ཐེརོ པཱཏིམོཀྑ’’ནྟི. སོ ཨེཝཾ ཝདེཏི – ‘‘ན མེ, ཨཱཝུསོ, ཝཏྟཏཱི’’ཏི. དུཏིཡཾ ཐེརཾ ཨཛ྄ཛྷེསནྟི – ‘‘ཨུདྡིསཏུ, བྷནྟེ, ཐེརོ པཱཏིམོཀྑ’’ནྟི. སོཔི ཨེཝཾ ཝདེཏི – ‘‘ན མེ, ཨཱཝུསོ, ཝཏྟཏཱི’’ཏི. ཏཏིཡཾ ཐེརཾ ཨཛ྄ཛྷེསནྟི – ‘‘ཨུདྡིསཏུ, བྷནྟེ, ཐེརོ པཱཏིམོཀྑ’’ནྟི. སོཔི ཨེཝཾ ཝདེཏི – ‘‘ན མེ, ཨཱཝུསོ, ཝཏྟཏཱི’’ཏི. ཨེཏེནེཝ ཨུཔཱཡེན ཡཱཝ སངྒྷནཝཀཾ ཨཛ྄ཛྷེསནྟི – ‘‘ཨུདྡིསཏུ ཨཱཡསྨཱ པཱཏིམོཀྑ’’ནྟི. སོཔི ཨེཝཾ ཝདེཏི – ‘‘ན མེ, བྷནྟེ, ཝཏྟཏཱི’’ཏི. ཏེཧི, བྷིཀྑཝེ, བྷིཀྑཱུཧི ཨེཀོ བྷིཀྑུ སཱམནྟཱ ཨཱཝཱསཱ སཛྫུཀཾ པཱཧེཏབྦོ – གཙྪཱཝུསོ, སཾཁིཏྟེན ཝཱ ཝིཏྠཱརེན ཝཱ པཱཏིམོཀྑཾ པརིཡཱཔུཎིཏྭཱན ཨཱགཙྪཱཧཱིཏི.

ཨཐ ཁོ བྷིཀྑཱུནཾ ཨེཏདཧོསི – ‘‘ཀེན ནུ ཁོ པཱཧེཏབྦོ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཐེརེན བྷིཀྑུནཱ ནཝཾ བྷིཀྑུཾ ཨཱཎཱཔེཏུནྟི. ཐེརེན ཨཱཎཏྟཱ ནཝཱ བྷིཀྑཱུ ན གཙྪནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཐེརེན ཨཱཎཏྟེན ཨགིལཱནེན ན གནྟབྦཾ. ཡོ ན གཙྪེཡྻ, ཨཱཔཏྟི དུཀྐཊསྶཱཏི.

༨༤. པཀྑགཎནཱདིཨུགྒཧཎཱནུཛཱནནཱ

༡༥༦. ཨཐ ཁོ བྷགཝཱ ཙོདནཱཝཏྠུསྨིཾ ཡཐཱབྷིརནྟཾ ཝིཧརིཏྭཱ པུནདེཝ རཱཛགཧཾ པཙྩཱགཉྪི.

ཏེན ཁོ པན སམཡེན མནུསྶཱ བྷིཀྑཱུ པིཎྜཱཡ ཙརནྟེ པུཙྪནྟི – ‘‘ཀཏིམཱི, བྷནྟེ, པཀྑསྶཱ’’ཏི? བྷིཀྑཱུ ཨེཝམཱཧཾསུ – ‘‘ན ཁོ མཡཾ, ཨཱཝུསོ, ཛཱནཱམཱ’’ཏི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘པཀྑགཎནམཏྟམམྤིམེ སམཎཱ སཀྱཔུཏྟིཡཱ ན ཛཱནནྟི, ཀིཾ པནིམེ ཨཉྙཾ ཀིཉྩི ཀལྱཱཎཾ ཛཱནིསྶནྟཱི’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཀྑགཎནཾ ཨུགྒཧེཏུནྟི. ཨཐ ཁོ བྷིཀྑཱུནཾ ཨེཏདཧོསི – ‘‘ཀེན ནུ ཁོ པཀྑགཎནཱ ཨུགྒཧེཏབྦཱ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སབྦེཧེཝ པཀྑགཎནཾ ཨུགྒཧེཏུནྟི.

༡༥༧. ཏེན ཁོ པན སམཡེན མནུསྶཱ བྷིཀྑཱུ པིཎྜཱཡ ཙརནྟེ པུཙྪནྟི – ‘‘ཀཱིཝཏིཀཱ, བྷནྟེ, བྷིཀྑཱུ’’ཏི? བྷིཀྑཱུ ཨེཝམཱཧཾསུ – ‘‘ན ཁོ མཡཾ, ཨཱཝུསོ, ཛཱནཱམཱ’’ཏི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཨཉྙམཉྙམྤིམེ སམཎཱ སཀྱཔུཏྟིཡཱ ན ཛཱནནྟི, ཀིཾ པནིམེ ཨཉྙཾ ཀིཉྩི ཀལྱཱཎཾ ཛཱནིསྶནྟཱི’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, བྷིཀྑཱུ གཎེཏུནྟི.

ཨཐ ཁོ བྷིཀྑཱུནཾ ཨེཏདཧོསི – ‘‘ཀདཱ ནུ ཁོ བྷིཀྑཱུ གཎེཏབྦཱ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཏདཧུཔོསཐེ ནཱམགྒེན [ནཱམམཏྟེན (སྱཱ.), གཎམགྒེན (ཀ.)] གཎེཏུཾ, སལཱཀཾ ཝཱ གཱཧེཏུནྟི.

༡༥༨. ཏེན ཁོ པན སམཡེན བྷིཀྑཱུ ཨཛཱནནྟཱ ཨཛྫུཔོསཐོཏི དཱུརཾ གཱམཾ པིཎྜཱཡ ཙརནྟི. ཏེ ཨུདྡིསྶམཱནེཔི པཱཏིམོཀྑེ ཨཱགཙྪནྟི, ཨུདྡིཊྛམཏྟེཔི ཨཱགཙྪནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨཱརོཙེཏུཾ ‘ཨཛྫུཔོསཐོ’ཏི.

ཨཐ ཁོ བྷིཀྑཱུནཾ ཨེཏདཧོསི – ‘‘ཀེན ནུ ཁོ ཨཱརོཙེཏབྦོ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཐེརེན བྷིཀྑུནཱ ཀཱལཝཏོ ཨཱརོཙེཏུནྟི.

ཏེན ཁོ པན སམཡེན ཨཉྙཏརོ ཐེརོ ཀཱལཝཏོ ནསྶརཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, བྷཏྟཀཱལེཔི ཨཱརོཙེཏུནྟི.

བྷཏྟཀཱལེཔི ནསྶརཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཡཾ ཀཱལཾ སརཏི, ཏཾ ཀཱལཾ ཨཱརོཙེཏུནྟི.

༨༥. པུབྦཀརཎཱནུཛཱནནཱ

༡༥༩. ཏེན ཁོ པན སམཡེན ཨཉྙཏརསྨིཾ ཨཱཝཱསེ ཨུཔོསཐཱགཱརཾ ཨུཀླཱཔཾ ཧོཏི. ཨཱགནྟུཀཱ བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཝཱསིཀཱ བྷིཀྑཱུ ཨུཔོསཐཱགཱརཾ ན སམྨཛྫིསྶནྟཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨུཔོསཐཱགཱརཾ སམྨཛྫིཏུནྟི.

ཨཐ ཁོ བྷིཀྑཱུནཾ ཨེཏདཧོསི – ‘‘ཀེན ནུ ཁོ ཨུཔོསཐཱགཱརཾ སམྨཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཐེརེན བྷིཀྑུནཱ ནཝཾ བྷིཀྑུཾ ཨཱཎཱཔེཏུནྟི.

ཐེརེན ཨཱཎཏྟཱ ནཝཱ བྷིཀྑཱུ ན སམྨཛྫནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཐེརེན ཨཱཎཏྟེན ཨགིལཱནེན ན སམྨཛྫིཏབྦཾ. ཡོ ན སམྨཛྫེཡྻ, ཨཱཔཏྟི དུཀྐཊསྶཱཏི.

༡༦༠. ཏེན ཁོ པན སམཡེན ཨུཔོསཐཱགཱརེ ཨཱསནཾ ཨཔཉྙཏྟཾ ཧོཏི. བྷིཀྑཱུ ཚམཱཡཾ ནིསཱིདནྟི, གཏྟཱནིཔི ཙཱིཝརཱནིཔི པཾསུཀིཏཱནི ཧོནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨུཔོསཐཱགཱརེ ཨཱསནཾ པཉྙཔེཏུནྟི.

ཨཐ ཁོ བྷིཀྑཱུནཾ ཨེཏདཧོསི – ‘‘ཀེན ནུ ཁོ ཨུཔོསཐཱགཱརེ ཨཱསནཾ པཉྙཔེཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཐེརེན བྷིཀྑུནཱ ནཝཾ བྷིཀྑུཾ ཨཱཎཱཔེཏུནྟི.

ཐེརེན ཨཱཎཏྟཱ ནཝཱ བྷིཀྑཱུ ན པཉྙཔེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཐེརེན ཨཱཎཏྟེན ཨགིལཱནེན ན པཉྙཔེཏབྦཾ. ཡོ ན པཉྙཔེཡྻ, ཨཱཔཏྟི དུཀྐཊསྶཱཏི.

༡༦༡. ཏེན ཁོ པན སམཡེན ཨུཔོསཐཱགཱརེ པདཱིཔོ ན ཧོཏི. བྷིཀྑཱུ ཨནྡྷཀཱརེ ཀཱཡམྤི ཙཱིཝརམྤི ཨཀྐམནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨུཔོསཐཱགཱརེ པདཱིཔཾ ཀཱཏུནྟི.

ཨཐ ཁོ བྷིཀྑཱུནཾ ཨེཏདཧོསི – ‘‘ཀེན ནུ ཁོ ཨུཔོསཐཱགཱརེ པདཱིཔོ ཀཱཏབྦོ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཐེརེན བྷིཀྑུནཱ ནཝཾ བྷིཀྑུཾ ཨཱཎཱཔེཏུནྟི.

ཐེརེན ཨཱཎཏྟཱ ནཝཱ བྷིཀྑཱུ ན པདཱིཔེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཐེརེན ཨཱཎཏྟེན ཨགིལཱནེན ན པདཱིཔེཏབྦོ. ཡོ ན པདཱིཔེཡྻ, ཨཱཔཏྟི དུཀྐཊསྶཱཏི.

༡༦༢. ཏེན ཁོ པན སམཡེན ཨཉྙཏརསྨིཾ ཨཱཝཱསེ ཨཱཝཱསིཀཱ བྷིཀྑཱུ ནེཝ པཱནཱིཡཾ ཨུཔཊྛཱཔེནྟི, ན པརིབྷོཛནཱིཡཾ ཨུཔཊྛཱཔེནྟི. ཨཱགནྟུཀཱ བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཝཱསིཀཱ བྷིཀྑཱུ ནེཝ པཱནཱིཡཾ ཨུཔཊྛཱཔེསྶནྟི, ན པརིབྷོཛནཱིཡཾ ཨུཔཊྛཱཔེསྶནྟཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཱནཱིཡཾ པརིབྷོཛནཱིཡཾ ཨུཔཊྛཱཔེཏུནྟི.

ཨཐ ཁོ བྷིཀྑཱུནཾ ཨེཏདཧོསི – ‘‘ཀེན ནུ ཁོ པཱནཱིཡཾ པརིབྷོཛནཱིཡཾ ཨུཔཊྛཱཔེཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཐེརེན བྷིཀྑུནཱ ནཝཾ བྷིཀྑུཾ ཨཱཎཱཔེཏུནྟི.

ཐེརེན ཨཱཎཏྟཱ ནཝཱ བྷིཀྑཱུ ན ཨུཔཊྛཱཔེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཐེརེན ཨཱཎཏྟེན ཨགིལཱནེན ན ཨུཔཊྛཱཔེཏབྦཾ. ཡོ ན ཨུཔཊྛཱཔེཡྻ, ཨཱཔཏྟི དུཀྐཊསྶཱཏི.

༨༦. དིསཾགམིཀཱདིཝཏྠུ

༡༦༣. ཏེན ཁོ པན སམཡེན སམྦཧུལཱ བྷིཀྑཱུ བཱལཱ ཨབྱཏྟཱ དིསཾགམིཀཱ ཨཱཙརིཡུཔཛ྄ཛྷཱཡེ ན ཨཱཔུཙྪིཾསུ [ན ཨཱཔུཙྪིཾསུ (ཀ.)]. བྷགཝཏོ ཨེཏམཏྠཾ ཨཱརོཙེསུཾ.

ཨིདྷ པན, བྷིཀྑཝེ, སམྦཧུལཱ བྷིཀྑཱུ བཱལཱ ཨབྱཏྟཱ དིསཾགམིཀཱ ཨཱཙརིཡུཔཛ྄ཛྷཱཡེ ན ཨཱཔུཙྪནྟི [ན ཨཱཔུཙྪནྟི (ཀ.)]. ཏེ [ཏེཧི (ཀ.)], བྷིཀྑཝེ, ཨཱཙརིཡུཔཛ྄ཛྷཱཡེཧི པུཙྪིཏབྦཱ – ‘‘ཀཧཾ གམིསྶཐ, ཀེན སདྡྷིཾ གམིསྶཐཱ’’ཏི? ཏེ ཙེ, བྷིཀྑཝེ, བཱལཱ ཨབྱཏྟཱ ཨཉྙེ བཱལེ ཨབྱཏྟེ ཨཔདིསེཡྻུཾ, ན, བྷིཀྑཝེ, ཨཱཙརིཡུཔཛ྄ཛྷཱཡེཧི ཨནུཛཱནིཏབྦཱ. ཨནུཛཱནེཡྻུཾ ཙེ, ཨཱཔཏྟི དུཀྐཊསྶ. ཏེ ཙ, བྷིཀྑཝེ, བཱལཱ ཨབྱཏྟཱ ཨནནུཉྙཱཏཱ ཨཱཙརིཡུཔཛ྄ཛྷཱཡེཧི གཙྪེཡྻུཾ ཙེ, ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ སམྦཧུལཱ བྷིཀྑཱུ ཝིཧརནྟི བཱལཱ ཨབྱཏྟཱ. ཏེ ན ཛཱནནྟི ཨུཔོསཐཾ ཝཱ ཨུཔོསཐཀམྨཾ ཝཱ, པཱཏིམོཀྑཾ ཝཱ པཱཏིམོཀྑུདྡེསཾ ཝཱ. ཏཏྠ ཨཉྙོ བྷིཀྑུ ཨཱགཙྪཏི བཧུསྶུཏོ ཨཱགཏཱགམོ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ བྱཏྟོ མེདྷཱཝཱི ལཛྫཱི ཀུཀྐུཙྩཀོ སིཀྑཱཀཱམོ. ཏེཧི, བྷིཀྑཝེ, བྷིཀྑཱུཧི སོ བྷིཀྑུ སངྒཧེཏབྦོ ཨནུགྒཧེཏབྦོ ཨུཔལཱཔེཏབྦོ ཨུཔཊྛཱཔེཏབྦོ ཙུཎྞེན མཏྟིཀཱཡ དནྟཀཊྛེན མུཁོདཀེན. ནོ ཙེ སངྒཎྷེཡྻུཾ ཨནུགྒཎྷེཡྻུཾ ཨུཔལཱཔེཡྻུཾ ཨུཔཊྛཱཔེཡྻུཾ ཙུཎྞེན མཏྟིཀཱཡ དནྟཀཊྛེན མུཁོདཀེན, ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ བྷིཀྑཱུ ཝིཧརནྟི བཱལཱ ཨབྱཏྟཱ. ཏེ ན ཛཱནནྟི ཨུཔོསཐཾ ཝཱ ཨུཔོསཐཀམྨཾ ཝཱ, པཱཏིམོཀྑཾ ཝཱ པཱཏིམོཀྑུདྡེསཾ ཝཱ. ཏེཧི, བྷིཀྑཝེ, བྷིཀྑཱུཧི ཨེཀོ བྷིཀྑུ སཱམནྟཱ ཨཱཝཱསཱ སཛྫུཀཾ པཱཧེཏབྦོ – ‘‘གཙྪཱཝུསོ, སཾཁིཏྟེན ཝཱ ཝིཏྠཱརེན ཝཱ པཱཏིམོཀྑཾ པརིཡཱཔུཎིཏྭཱ ཨཱགཙྪཱ’’ཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཏེཧི, བྷིཀྑཝེ, བྷིཀྑཱུཧི སབྦེཧེཝ ཡཏྠ ཛཱནནྟི ཨུཔོསཐཾ ཝཱ ཨུཔོསཐཀམྨཾ ཝཱ པཱཏིམོཀྑཾ ཝཱ པཱཏིམོཀྑུདྡེསཾ ཝཱ, སོ ཨཱཝཱསོ གནྟབྦོ. ནོ ཙེ གཙྪེཡྻུཾ, ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ སམྦཧུལཱ བྷིཀྑཱུ ཝསྶཾ ཝསནྟི བཱལཱ ཨབྱཏྟཱ. ཏེ ན ཛཱནནྟི ཨུཔོསཐཾ ཝཱ ཨུཔོསཐཀམྨཾ ཝཱ པཱཏིམོཀྑཾ ཝཱ པཱཏིམོཀྑུདྡེསཾ ཝཱ. ཏེཧི, བྷིཀྑཝེ, བྷིཀྑཱུཧི ཨེཀོ བྷིཀྑུ སཱམནྟཱ ཨཱཝཱསཱ སཛྫུཀཾ པཱཧེཏབྦོ – ‘‘གཙྪཱཝུསོ, སཾཁིཏྟེན ཝཱ ཝིཏྠཱརེན ཝཱ པཱཏིམོཀྑཾ པརིཡཱཔུཎིཏྭཱ ཨཱགཙྪཱ’’ཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཨེཀོ བྷིཀྑུ སཏྟཱཧཀཱལིཀཾ པཱཧེཏབྦོ – ‘‘གཙྪཱཝུསོ, སཾཁིཏྟེན ཝཱ ཝིཏྠཱརེན ཝཱ པཱཏིམོཀྑཾ པརིཡཱཔུཎིཏྭཱ ཨཱགཙྪཱ’’ཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ན, བྷིཀྑཝེ, ཏེཧི བྷིཀྑཱུཧི ཏསྨིཾ ཨཱཝཱསེ ཝསྶཾ ཝསིཏབྦཾ. ཝསེཡྻུཾ ཙེ, ཨཱཔཏྟི དུཀྐཊསྶཱཏི.

༨༧. པཱརིསུདྡྷིདཱནཀཐཱ

༡༦༤. ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘སནྣིཔཏཐ, བྷིཀྑཝེ, སངྒྷོ ཨུཔོསཐཾ ཀརིསྶཏཱི’’ཏི. ཨེཝཾ ཝུཏྟེ ཨཉྙཏརོ བྷིཀྑུ བྷགཝནྟཾ ཨེཏདཝོཙ – ‘‘ཨཏྠི, བྷནྟེ, བྷིཀྑུ གིལཱནོ, སོ ཨནཱགཏོ’’ཏི. ཨནུཛཱནཱམི, བྷིཀྑཝེ, གིལཱནེན བྷིཀྑུནཱ པཱརིསུདྡྷིཾ དཱཏུཾ. ཨེཝཉྩ པན, བྷིཀྑཝེ, དཱཏབྦཱ – ཏེན གིལཱནེན བྷིཀྑུནཱ ཨེཀཾ བྷིཀྑུཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘པཱརིསུདྡྷིཾ དམྨི, པཱརིསུདྡྷིཾ མེ ཧར, པཱརིསུདྡྷིཾ མེ ཨཱརོཙེཧཱི’’ཏི. ཀཱཡེན ཝིཉྙཱཔེཏི, ཝཱཙཱཡ ཝིཉྙཱཔེཏི, ཀཱཡེན ཝཱཙཱཡ ཝིཉྙཱཔེཏི, དིནྣཱ ཧོཏི པཱརིསུདྡྷི. ན ཀཱཡེན ཝིཉྙཱཔེཏི, ན ཝཱཙཱཡ ཝིཉྙཱཔེཏི, ན ཀཱཡེན ཝཱཙཱཡ ཝིཉྙཱཔེཏི, ན དིནྣཱ ཧོཏི པཱརིསུདྡྷི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, སོ, བྷིཀྑཝེ, གིལཱནོ བྷིཀྑུ མཉྩེན ཝཱ པཱིཋེན ཝཱ སངྒྷམཛ྄ཛྷེ ཨཱནེཏྭཱ ཨུཔོསཐོ ཀཱཏབྦོ. སཙེ, བྷིཀྑཝེ, གིལཱནུཔཊྛཱཀཱནཾ བྷིཀྑཱུནཾ ཨེཝཾ ཧོཏི – ‘‘སཙེ ཁོ མཡཾ གིལཱནཾ ཋཱནཱ ཙཱཝེསྶཱམ, ཨཱབཱདྷོ ཝཱ ཨབྷིཝཌྜྷིསྶཏི ཀཱལཾཀིརིཡཱ ཝཱ བྷཝིསྶཏཱི’’ཏི, ན, བྷིཀྑཝེ, གིལཱནོ བྷིཀྑུ ཋཱནཱ ཙཱཝེཏབྦོ. སངྒྷེན ཏཏྠ གནྟྭཱ ཨུཔོསཐོ ཀཱཏབྦོ. ན ཏྭེཝ ཝགྒེན སངྒྷེན ཨུཔོསཐོ ཀཱཏབྦོ. ཀརེཡྻ ཙེ, ཨཱཔཏྟི དུཀྐཊསྶ.

པཱརིསུདྡྷིཧཱརཀོ ཙེ, བྷིཀྑཝེ, དིནྣཱཡ པཱརིསུདྡྷིཡཱ ཏཏྠེཝ པཀྐམཏི, ཨཉྙསྶ དཱཏབྦཱ པཱརིསུདྡྷི. པཱརིསུདྡྷིཧཱརཀོ ཙེ, བྷིཀྑཝེ, དིནྣཱཡ པཱརིསུདྡྷིཡཱ ཏཏྠེཝ ཝིབྦྷམཏི,…པེ… ཀཱལཾ ཀརོཏི – སཱམཎེརོ པཊིཛཱནཱཏི – སིཀྑཾ པཙྩཀྑཱཏཀོ པཊིཛཱནཱཏི – ཨནྟིམཝཏྠུཾ ཨཛ྄ཛྷཱཔནྣཀོ པཊིཛཱནཱཏི – ཨུམྨཏྟཀོ པཊིཛཱནཱཏི – ཁིཏྟཙིཏྟོ པཊིཛཱནཱཏི – ཝེདནཱཊྚོ པཊིཛཱནཱཏི – ཨཱཔཏྟིཡཱ ཨདསྶནེ ཨུཀྑིཏྟཀོ པཊིཛཱནཱཏི – ཨཱཔཏྟིཡཱ ཨཔྤཊིཀམྨེ ཨུཀྑིཏྟཀོ པཊིཛཱནཱཏི – པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཏྟཀོ པཊིཛཱནཱཏི – པཎྜཀོ པཊིཛཱནཱཏི – ཐེཡྻསཾཝཱསཀོ པཊིཛཱནཱཏི – ཏིཏྠིཡཔཀྐནྟཀོ པཊིཛཱནཱཏི – ཏིརཙྪཱནགཏོ པཊིཛཱནཱཏི – མཱཏུགྷཱཏཀོ པཊིཛཱནཱཏི – པིཏུགྷཱཏཀོ པཊིཛཱནཱཏི – ཨརཧནྟགྷཱཏཀོ པཊིཛཱནཱཏི – བྷིཀྑུནིདཱུསཀོ པཊིཛཱནཱཏི – སངྒྷབྷེདཀོ པཊིཛཱནཱཏི – ལོཧིཏུཔྤཱདཀོ པཊིཛཱནཱཏི – ཨུབྷཏོབྱཉྫནཀོ པཊིཛཱནཱཏི, ཨཉྙསྶ དཱཏབྦཱ པཱརིསུདྡྷི.

པཱརིསུདྡྷིཧཱརཀོ ཙེ, བྷིཀྑཝེ, དིནྣཱཡ པཱརིསུདྡྷིཡཱ ཨནྟརཱམགྒེ པཀྐམཏི, ཨནཱཧཊཱ ཧོཏི པཱརིསུདྡྷི. པཱརིསུདྡྷིཧཱརཀོ ཙེ, བྷིཀྑཝེ, དིནྣཱཡ པཱརིསུདྡྷིཡཱ ཨནྟརཱམགྒེ ཝིབྦྷམཏི,…པེ… ཨུབྷཏོབྱཉྫནཀོ པཊིཛཱནཱཏི, ཨནཱཧཊཱ ཧོཏི པཱརིསུདྡྷི.

པཱརིསུདྡྷིཧཱརཀོ ཙེ, བྷིཀྑཝེ, དིནྣཱཡ པཱརིསུདྡྷིཡཱ སངྒྷཔྤཏྟོ པཀྐམཏི, ཨཱཧཊཱ ཧོཏི པཱརིསུདྡྷི. པཱརིསུདྡྷིཧཱརཀོ ཙེ, བྷིཀྑཝེ, དིནྣཱཡ པཱརིསུདྡྷིཡཱ སངྒྷཔྤཏྟོ ཝིབྦྷམཏི,…པེ… ཨུབྷཏོབྱཉྫནཀོ པཊིཛཱནཱཏི, ཨཱཧཊཱ ཧོཏི པཱརིསུདྡྷི.

པཱརིསུདྡྷིཧཱརཀོ ཙེ, བྷིཀྑཝེ, དིནྣཱཡ པཱརིསུདྡྷིཡཱ སངྒྷཔྤཏྟོ སུཏྟོ ན ཨཱརོཙེཏི, པམཏྟོ ན ཨཱརོཙེཏི, སམཱཔནྣོ ན ཨཱརོཙེཏི, ཨཱཧཊཱ ཧོཏི པཱརིསུདྡྷི. པཱརིསུདྡྷིཧཱརཀསྶ ཨནཱཔཏྟི.

པཱརིསུདྡྷིཧཱརཀོ ཙེ, བྷིཀྑཝེ, དིནྣཱཡ པཱརིསུདྡྷིཡཱ སངྒྷཔྤཏྟོ སཉྩིཙྩ ན ཨཱརོཙེཏི, ཨཱཧཊཱ ཧོཏི པཱརིསུདྡྷི. པཱརིསུདྡྷིཧཱརཀསྶ ཨཱཔཏྟི དུཀྐཊསྶཱཏི.

༨༨. ཚནྡདཱནཀཐཱ

༡༦༥. ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘སནྣིཔཏཐ, བྷིཀྑཝེ, སངྒྷོ ཀམྨཾ ཀརིསྶཏཱི’’ཏི. ཨེཝཾ ཝུཏྟེ ཨཉྙཏརོ བྷིཀྑུ བྷགཝནྟཾ ཨེཏདཝོཙ – ‘‘ཨཏྠི, བྷནྟེ, བྷིཀྑུ གིལཱནོ, སོ ཨནཱགཏོ’’ཏི. ཨནུཛཱནཱམི, བྷིཀྑཝེ, གིལཱནེན བྷིཀྑུནཱ ཚནྡཾ དཱཏུཾ. ཨེཝཉྩ པན, བྷིཀྑཝེ, དཱཏབྦོ. ཏེན གིལཱནེན བྷིཀྑུནཱ ཨེཀཾ བྷིཀྑུཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཚནྡཾ དམྨི, ཚནྡཾ མེ ཧར, ཚནྡཾ མེ ཨཱརོཙེཧཱི’’ཏི. ཀཱཡེན ཝིཉྙཱཔེཏི, ཝཱཙཱཡ ཝིཉྙཱཔེཏི, ཀཱཡེན ཝཱཙཱཡ ཝིཉྙཱཔེཏི, དིནྣོ ཧོཏི ཚནྡོ. ན ཀཱཡེན ཝིཉྙཱཔེཏི, ན ཝཱཙཱཡ ཝིཉྙཱཔེཏི, ན ཀཱཡེན ཝཱཙཱཡ ཝིཉྙཱཔེཏི, ན དིནྣོ ཧོཏི ཚནྡོ. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, སོ, བྷིཀྑཝེ, གིལཱནོ བྷིཀྑུ མཉྩེན ཝཱ པཱིཋེན ཝཱ སངྒྷམཛ྄ཛྷེ ཨཱནེཏྭཱ ཀམྨཾ ཀཱཏབྦཾ. སཙེ, བྷིཀྑཝེ, གིལཱནུཔཊྛཱཀཱནཾ བྷིཀྑཱུནཾ ཨེཝཾ ཧོཏི – ‘‘སཙེ ཁོ མཡཾ གིལཱནཾ ཋཱནཱ ཙཱཝེསྶཱམ, ཨཱབཱདྷོ ཝཱ ཨབྷིཝཌྜྷིསྶཏི ཀཱལཾཀིརིཡཱ ཝཱ བྷཝིསྶཏཱི’’ཏི, ན, བྷིཀྑཝེ, གིལཱནོ བྷིཀྑུ ཋཱནཱ ཙཱཝེཏབྦོ. སངྒྷེན ཏཏྠ གནྟྭཱ ཀམྨཾ ཀཱཏབྦཾ. ན ཏྭེཝ ཝགྒེན སངྒྷེན ཀམྨཾ ཀཱཏབྦཾ. ཀརེཡྻ ཙེ, ཨཱཔཏྟི དུཀྐཊསྶ.

ཚནྡཧཱརཀོ ཙེ, བྷིཀྑཝེ, དིནྣེ ཚནྡེ ཏཏྠེཝ པཀྐམཏི, ཨཉྙསྶ དཱཏབྦོ ཚནྡོ. ཚནྡཧཱརཀོ ཙེ, བྷིཀྑཝེ, དིནྣེ ཚནྡེ ཏཏྠེཝ ཝིབྦྷམཏི…པེ… ཀཱལཾཀརོཏི – སཱམཎེརོ པཊིཛཱནཱཏི – སིཀྑཾ པཙྩཀྑཱཏཀོ པཊིཛཱནཱཏི – ཨནྟིམཝཏྠུཾ ཨཛ྄ཛྷཱཔནྣཀོ པཊིཛཱནཱཏི – ཨུམྨཏྟཀོ པཊིཛཱནཱཏི – ཁིཏྟཙིཏྟོ པཊིཛཱནཱཏི – ཝེདནཱཊྚོ པཊིཛཱནཱཏི – ཨཱཔཏྟིཡཱ ཨདསྶནེ ཨུཀྑིཏྟཀོ པཊིཛཱནཱཏི – ཨཱཔཏྟིཡཱ ཨཔྤཊིཀམྨེ ཨུཀྑིཏྟཀོ པཊིཛཱནཱཏི – པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཏྟཀོ པཊིཛཱནཱཏི – པཎྜཀོ པཊིཛཱནཱཏི – ཐེཡྻསཾཝཱསཀོ པཊིཛཱནཱཏི – ཏིཏྠིཡཔཀྐནྟཀོ པཊིཛཱནཱཏི – ཏིརཙྪཱནགཏོ པཊིཛཱནཱཏི – མཱཏུགྷཱཏཀོ པཊིཛཱནཱཏི – པིཏུགྷཱཏཀོ པཊིཛཱནཱཏི – ཨརཧནྟགྷཱཏཀོ པཊིཛཱནཱཏི – བྷིཀྑུནིདཱུསཀོ པཊིཛཱནཱཏི – སངྒྷབྷེདཀོ པཊིཛཱནཱཏི – ལོཧིཏུཔྤཱདཀོ པཊིཛཱནཱཏི – ཨུབྷཏོབྱཉྫནཀོ པཊིཛཱནཱཏི, ཨཉྙསྶ དཱཏབྦོ ཚནྡོ.

ཚནྡཧཱརཀོ ཙེ, བྷིཀྑཝེ, དིནྣེ ཚནྡེ ཨནྟརཱམགྒེ པཀྐམཏི, ཨནཱཧཊོ ཧོཏི ཚནྡོ. ཚནྡཧཱརཀོ ཙེ, བྷིཀྑཝེ, དིནྣེ ཚནྡེ ཨནྟརཱམགྒེ ཝིབྦྷམཏི…པེ… ཨུབྷཏོབྱཉྫནཀོ པཊིཛཱནཱཏི, ཨནཱཧཊོ ཧོཏི ཚནྡོ.

ཚནྡཧཱརཀོ ཙེ, བྷིཀྑཝེ, དིནྣེ ཚནྡེ སངྒྷཔྤཏྟོ པཀྐམཏི, ཨཱཧཊོ ཧོཏི ཚནྡོ. ཚནྡཧཱརཀོ ཙེ, བྷིཀྑཝེ, དིནྣེ ཚནྡེ སངྒྷཔྤཏྟོ ཝིབྦྷམཏི…པེ… ཨུབྷཏོབྱཉྫནཀོ པཊིཛཱནཱཏི, ཨཱཧཊོ ཧོཏི ཚནྡོ.

ཚནྡཧཱརཀོ ཙེ, བྷིཀྑཝེ, དིནྣེ ཚནྡེ སངྒྷཔྤཏྟོ སུཏྟོ ན ཨཱརོཙེཏི, པམཏྟོ ན ཨཱརོཙེཏི, སམཱཔནྣོ ན ཨཱརོཙེཏི, ཨཱཧཊོ ཧོཏི ཚནྡོ. ཚནྡཧཱརཀསྶ ཨནཱཔཏྟི.

ཚནྡཧཱརཀོ ཙེ, བྷིཀྑཝེ, དིནྣེ ཚནྡེ སངྒྷཔྤཏྟོ སཉྩིཙྩ ན ཨཱརོཙེཏི, ཨཱཧཊོ ཧོཏི ཚནྡོ. ཚནྡཧཱརཀསྶ ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཏདཧུཔོསཐེ པཱརིསུདྡྷིཾ དེནྟེན ཚནྡམྤི དཱཏུཾ, སནྟི སངྒྷསྶ ཀརཎཱིཡནྟི.

༨༩. ཉཱཏཀཱདིགྒཧཎཀཐཱ

༡༦༦. ཏེན ཁོ པན སམཡེན ཨཉྙཏརཾ བྷིཀྑུཾ ཏདཧུཔོསཐེ ཉཱཏཀཱ གཎྷིཾསུཾ. བྷགཝཏོ ཨེཏམཏྠཾ ཨཱརོཙེསུཾ.

ཨིདྷ པན, བྷིཀྑཝེ, བྷིཀྑུཾ ཏདཧུཔོསཐེ ཉཱཏཀཱ གཎྷནྟི. ཏེ ཉཱཏཀཱ བྷིཀྑཱུཧི ཨེཝམསྶུ ཝཙནཱིཡཱ – ‘‘ཨིངྒྷ, ཏུམྷེ ཨཱཡསྨནྟོ ཨིམཾ བྷིཀྑུཾ མུཧུཏྟཾ མུཉྩཐ, ཡཱཝཱཡཾ བྷིཀྑུ ཨུཔོསཐཾ ཀརོཏཱི’’ཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཏེ ཉཱཏཀཱ བྷིཀྑཱུཧི ཨེཝམསྶུ ཝཙནཱིཡཱ – ‘‘ཨིངྒྷ, ཏུམྷེ ཨཱཡསྨནྟོ མུཧུཏྟཾ ཨེཀམནྟཾ ཧོཐ, ཡཱཝཱཡཾ བྷིཀྑུ པཱརིསུདྡྷིཾ དེཏཱི’’ཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཏེ ཉཱཏཀཱ བྷིཀྑཱུཧི ཨེཝམསྶུ ཝཙནཱིཡཱ – ‘‘ཨིངྒྷ, ཏུམྷེ ཨཱཡསྨནྟོ ཨིམཾ བྷིཀྑུཾ མུཧུཏྟཾ ནིསྶཱིམཾ ནེཐ, ཡཱཝ སངྒྷོ ཨུཔོསཐཾ ཀརོཏཱི’’ཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ན ཏྭེཝ ཝགྒེན སངྒྷེན ཨུཔོསཐོ ཀཱཏབྦོ. ཀརེཡྻ ཙེ, ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, བྷིཀྑུཾ ཏདཧུཔོསཐེ རཱཛཱནོ གཎྷནྟི,…པེ… ཙོརཱ གཎྷནྟི – དྷུཏྟཱ གཎྷནྟི – བྷིཀྑུཔཙྩཏྠིཀཱ གཎྷནྟི, ཏེ བྷིཀྑུཔཙྩཏྠིཀཱ བྷིཀྑཱུཧི ཨེཝམསྶུ ཝཙནཱིཡཱ – ‘‘ཨིངྒྷ, ཏུམྷེ ཨཱཡསྨནྟོ ཨིམཾ བྷིཀྑུཾ མུཧུཏྟཾ མུཉྩཐ, ཡཱཝཱཡཾ བྷིཀྑུ ཨུཔོསཐཾ ཀརོཏཱི’’ཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཏེ བྷིཀྑུཔཙྩཏྠིཀཱ བྷིཀྑཱུཧི ཨེཝམསྶུ ཝཙནཱིཡཱ – ‘‘ཨིངྒྷ, ཏུམྷེ ཨཱཡསྨནྟོ མུཧུཏྟཾ ཨེཀམནྟཾ ཧོཐ, ཡཱཝཱཡཾ བྷིཀྑུ པཱརིསུདྡྷིཾ དེཏཱི’’ཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཏེ བྷིཀྑུཔཙྩཏྠིཀཱ བྷིཀྑཱུཧི ཨེཝམསྶུ ཝཙནཱིཡཱ – ‘‘ཨིངྒྷ, ཏུམྷེ ཨཱཡསྨནྟོ ཨིམཾ བྷིཀྑུཾ མུཧུཏྟཾ ནིསྶཱིམཾ ནེཐ, ཡཱཝ སངྒྷོ ཨུཔོསཐཾ ཀརོཏཱི’’ཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ན ཏྭེཝ ཝགྒེན སངྒྷེན ཨུཔོསཐོ ཀཱཏབྦོ. ཀརེཡྻ ཙེ, ཨཱཔཏྟི དུཀྐཊསྶཱཏི.

༩༠. ཨུམྨཏྟཀསམྨུཏི

༡༦༧. ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘སནྣིཔཏཐ, བྷིཀྑཝེ, ཨཏྠི སངྒྷསྶ ཀརཎཱིཡ’’ནྟི. ཨེཝཾ ཝུཏྟེ ཨཉྙཏརོ བྷིཀྑུ བྷགཝནྟཾ ཨེཏདཝོཙ – ‘‘ཨཏྠི, བྷནྟེ, གགྒོ ནཱམ བྷིཀྑུ ཨུམྨཏྟཀོ, སོ ཨནཱགཏོ’’ཏི.

‘‘དྭེམེ, བྷིཀྑཝེ, ཨུམྨཏྟཀཱ – ཨཏྠི, བྷིཀྑཝེ, བྷིཀྑུ ཨུམྨཏྟཀོ སརཏིཔི ཨུཔོསཐཾ ནཔི སརཏི, སརཏིཔི སངྒྷཀམྨཾ ནཔི སརཏི, ཨཏྠི ནེཝ སརཏི; ཨཱགཙྪཏིཔི ཨུཔོསཐཾ ནཔི ཨཱགཙྪཏི, ཨཱགཙྪཏིཔི སངྒྷཀམྨཾ ནཔི ཨཱགཙྪཏི, ཨཏྠི ནེཝ ཨཱགཙྪཏི. ཏཏྲ, བྷིཀྑཝེ, ཡྭཱཡཾ ཨུམྨཏྟཀོ སརཏིཔི ཨུཔོསཐཾ ནཔི སརཏི, སརཏིཔི སངྒྷཀམྨཾ ནཔི སརཏི, ཨཱགཙྪཏིཔི ཨུཔོསཐཾ ནཔི ཨཱགཙྪཏི, ཨཱགཙྪཏིཔི སངྒྷཀམྨཾ ནཔི ཨཱགཙྪཏི, ཨནུཛཱནཱམི, བྷིཀྑཝེ, ཨེཝརཱུཔསྶ ཨུམྨཏྟཀསྶ ཨུམྨཏྟཀསམྨུཏྟིཾ དཱཏུཾ. ཨེཝཉྩ པན, བྷིཀྑཝེ, དཱཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. གགྒོ བྷིཀྑུ ཨུམྨཏྟཀོ – སརཏིཔི ཨུཔོསཐཾ ནཔི སརཏི, སརཏིཔི སངྒྷཀམྨཾ ནཔི སརཏི, ཨཱགཙྪཏིཔི ཨུཔོསཐཾ ནཔི ཨཱགཙྪཏི, ཨཱགཙྪཏིཔི སངྒྷཀམྨཾ ནཔི ཨཱགཙྪཏི. ཡདི སངྒྷསྶ པཏྟཀལླཾ, སངྒྷོ གགྒསྶ བྷིཀྑུནོ ཨུམྨཏྟཀསྶ ཨུམྨཏྟཀསམྨུཏིཾ དདེཡྻ. སརེཡྻ ཝཱ གགྒོ བྷིཀྑུ ཨུཔོསཐཾ ན ཝཱ སརེཡྻ, སརེཡྻ ཝཱ སངྒྷཀམྨཾ ན ཝཱ སརེཡྻ, ཨཱགཙྪེཡྻ ཝཱ ཨུཔོསཐཾ ན ཝཱ ཨཱགཙྪེཡྻ, ཨཱགཙྪེཡྻ ཝཱ སངྒྷཀམྨཾ ན ཝཱ ཨཱགཙྪེཡྻ, སངྒྷོ སཧ ཝཱ གགྒེན ཝིནཱ ཝཱ གགྒེན ཨུཔོསཐཾ ཀརེཡྻ, སངྒྷཀམྨཾ ཀརེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. གགྒོ བྷིཀྑུ ཨུམྨཏྟཀོ – སརཏིཔི ཨུཔོསཐཾ ནཔི སརཏི, སརཏིཔི སངྒྷཀམྨཾ ནཔི སརཏི, ཨཱགཙྪཏིཔི ཨུཔོསཐཾ ནཔི ཨཱགཙྪཏི, ཨཱགཙྪཏིཔི སངྒྷཀམྨཾ ནཔི ཨཱགཙྪཏི. སངྒྷོ གགྒསྶ བྷིཀྑུནོ ཨུམྨཏྟཀསྶ ཨུམྨཏྟཀསམྨུཏིཾ དེཏི. སརེཡྻ ཝཱ གགྒོ བྷིཀྑུ ཨུཔོསཐཾ ན ཝཱ སརེཡྻ, སརེཡྻ ཝཱ སངྒྷཀམྨཾ ན ཝཱ སརེཡྻཾ, ཨཱགཙྪེཡྻ ཝཱ ཨུཔོསཐཾ ན ཝཱ ཨཱགཙྪེཡྻ, ཨཱགཙྪེཡྻ ཝཱ སངྒྷཀམྨཾ ན ཝཱ ཨཱགཙྪེཡྻ, སངྒྷོ སཧ ཝཱ གགྒེན, ཝིནཱ ཝཱ གགྒེན ཨུཔོསཐཾ ཀརིསྶཏི, སངྒྷཀམྨཾ ཀརིསྶཏི. ཡསྶཱཡསྨཏོ ཁམཏི གགྒསྶ བྷིཀྑུནོ ཨུམྨཏྟཀསྶ ཨུམྨཏྟཀསམྨུཏིཡཱ དཱནཾ – སརེཡྻ ཝཱ གགྒོ བྷིཀྑུ ཨུཔོསཐཾ ན ཝཱ སརེཡྻ, སརེཡྻ ཝཱ སངྒྷཀམྨཾ ན ཝཱ སརེཡྻ, ཨཱགཙྪེཡྻ ཝཱ ཨུཔོསཐཾ ན ཝཱ ཨཱགཙྪེཡྻ, ཨཱགཙྪེཡྻ ཝཱ སངྒྷཀམྨཾ ན ཝཱ ཨཱགཙྪེཡྻ, སངྒྷོ སཧ ཝཱ གགྒེན, ཝིནཱ ཝཱ གགྒེན ཨུཔོསཐཾ ཀརིསྶཏི, སངྒྷཀམྨཾ ཀརིསྶཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དིནྣཱ སངྒྷེན གགྒསྶ བྷིཀྑུནོ ཨུམྨཏྟཀསྶ ཨུམྨཏྟཀསམྨུཏི. སརེཡྻ ཝཱ གགྒོ བྷིཀྑུ ཨུཔོསཐཾ ན ཝཱ སརེཡྻ, སརེཡྻ ཝཱ སངྒྷཀམྨཾ ན ཝཱ སརེཡྻ, ཨཱགཙྪེཡྻ ཝཱ ཨུཔོསཐཾ ན ཝཱ ཨཱགཙྪེཡྻ, ཨཱགཙྪེཡྻ ཝཱ སངྒྷཀམྨཾ ན ཝཱ ཨཱགཙྪེཡྻ, སངྒྷོ སཧ ཝཱ གགྒེན ཝིནཱ ཝཱ གགྒེན ཨུཔོསཐཾ ཀརིསྶཏི, སངྒྷཀམྨཾ ཀརིསྶཏི. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༩༡. སངྒྷུཔོསཐཱདིཔྤབྷེདཾ

༡༦༨. ཏེན ཁོ པན སམཡེན ཨཉྙཏརསྨིཾ ཨཱཝཱསེ ཏདཧུཔོསཐེ ཙཏྟཱརོ བྷིཀྑཱུ ཝིཧརནྟི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘བྷགཝཏཱ པཉྙཏྟཾ ‘ཨུཔོསཐོ ཀཱཏབྦོ’ཏི, མཡཉྩམྷཱ ཙཏྟཱརོ ཛནཱ, ཀཐཾ ནུ ཁོ ཨམྷེཧི ཨུཔོསཐོ ཀཱཏབྦོ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཙཏུནྣཾ པཱཏིམོཀྑཾ ཨུདྡིསིཏུནྟི.

ཏེན ཁོ པན སམཡེན ཨཉྙཏརསྨིཾ ཨཱཝཱསེ ཏདཧུཔོསཐེ ཏཡོ བྷིཀྑཱུ ཝིཧརནྟི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘བྷགཝཏཱ ཨནུཉྙཱཏཾ ཙཏུནྣཾ པཱཏིམོཀྑཾ ཨུདྡིསིཏུཾ, མཡཉྩམྷཱ ཏཡོ ཛནཱ, ཀཐཾ ནུ ཁོ ཨམྷེཧི ཨུཔོསཐོ ཀཱཏབྦོ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཏིཎྞཾ པཱརིསུདྡྷིཨུཔོསཐཾ ཀཱཏུཾ. ཨེཝཉྩ པན, བྷིཀྑཝེ, ཀཱཏབྦོ. བྱཏྟེན བྷིཀྑུནཱ པཊིབལེན ཏེ བྷིཀྑཱུ ཉཱཔེཏབྦཱ –

‘‘སུཎནྟུ མེ ཨཱཡསྨནྟཱ. ཨཛྫུཔོསཐོ པནྣརསོ. ཡདཱཡསྨནྟཱནཾ པཏྟཀལླཾ, མཡཾ ཨཉྙམཉྙཾ པཱརིསུདྡྷིཨུཔོསཐཾ ཀརེཡྻཱམཱ’’ཏི.

ཐེརེན བྷིཀྑུནཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཏེ བྷིཀྑཱུ ཨེཝམསྶུ ཝཙནཱིཡཱ – ‘‘པརིསུདྡྷོ ཨཧཾ, ཨཱཝུསོ; པརིསུདྡྷོཏི མཾ དྷཱརེཐ. པརིསུདྡྷོ ཨཧཾ, ཨཱཝུསོ; པརིསུདྡྷོཏི མཾ དྷཱརེཐ. པརིསུདྡྷོ ཨཧཾ, ཨཱཝུསོ; པརིསུདྡྷོཏི མཾ དྷཱརེཐཱ’’ཏི.

ནཝཀེན བྷིཀྑུནཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཏེ བྷིཀྑཱུ ཨེཝམསྶུ ཝཙནཱིཡཱ – ‘‘པརིསུདྡྷོ ཨཧཾ, བྷནྟེ; པརིསུདྡྷོཏི མཾ དྷཱརེཐ. པརིསུདྡྷོ ཨཧཾ, བྷནྟེ; པརིསུདྡྷོཏི མཾ དྷཱརེཐ. པརིསུདྡྷོ ཨཧཾ, བྷནྟེ; པརིསུདྡྷོཏི མཾ དྷཱརེཐཱ’’ཏི.

ཏེན ཁོ པན སམཡེན ཨཉྙཏརསྨིཾ ཨཱཝཱསེ ཏདཧུཔོསཐེ དྭེ བྷིཀྑཱུ ཝིཧརནྟི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘བྷགཝཏཱ ཨནུཉྙཱཏཾ ཙཏུནྣཾ པཱཏིམོཀྑཾ ཨུདྡིསིཏུཾ, ཏིཎྞནྣཾ པཱརིསུདྡྷིཨུཔོསཐཾ ཀཱཏུཾ. མཡཉྩམྷཱ དྭེ ཛནཱ. ཀཐཾ ནུ ཁོ ཨམྷེཧི ཨུཔོསཐོ ཀཱཏབྦོ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, དྭིནྣཾ པཱརིསུདྡྷིཨུཔོསཐཾ ཀཱཏུཾ. ཨེཝཉྩ པན, བྷིཀྑཝེ, ཀཱཏབྦོ. ཐེརེན བྷིཀྑུནཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ནཝོ བྷིཀྑུ ཨེཝམསྶ ཝཙནཱིཡོ – ‘‘པརིསུདྡྷོ ཨཧཾ, ཨཱཝུསོ; པརིསུདྡྷོཏི མཾ དྷཱརེཧི. པརིསུདྡྷོ ཨཧཾ, ཨཱཝུསོ; པརིསུདྡྷོཏི མཾ དྷཱརེཧི. པརིསུདྡྷོ ཨཧཾ, ཨཱཝུསོ; པརིསུདྡྷོཏི མཾ དྷཱརེཧཱི’’ཏི.

ནཝཀེན བྷིཀྑུནཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཐེརོ བྷིཀྑུ ཨེཝམསྶ ཝཙནཱིཡོ – ‘‘པརིསུདྡྷོ ཨཧཾ, བྷནྟེ; པརིསུདྡྷོཏི མཾ དྷཱརེཐ. པརིསུདྡྷོ ཨཧཾ, བྷནྟེ; པརིསུདྡྷོཏི མཾ དྷཱརེཐ. པརིསུདྡྷོ ཨཧཾ, བྷནྟེ; པརིསུདྡྷོཏི མཾ དྷཱརེཐཱ’’ཏི.

ཏེན ཁོ པན སམཡེན ཨཉྙཏརསྨིཾ ཨཱཝཱསེ ཏདཧུཔོསཐེ ཨེཀོ བྷིཀྑུ ཝིཧརཏི. ཨཐ ཁོ ཏསྶ བྷིཀྑུནོ ཨེཏདཧོསི – ‘‘བྷགཝཏཱ ཨནུཉྙཱཏཾ ཙཏུནྣཾ པཱཏིམོཀྑཾ ཨུདྡིསིཏུཾ, ཏིཎྞནྣཾ པཱརིསུདྡྷིཨུཔོསཐཾ ཀཱཏུཾ, དྭིནྣཾ པཱརིསུདྡྷིཨུཔོསཐཾ ཀཱཏུཾ. ཨཧཉྩམྷི ཨེཀཀོ. ཀཐཾ ནུ ཁོ མཡཱ ཨུཔོསཐོ ཀཱཏབྦོ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ ཨེཀོ བྷིཀྑུ ཝིཧརཏི. ཏེན, བྷིཀྑཝེ, བྷིཀྑུནཱ ཡཏྠ བྷིཀྑཱུ པཊིཀྐམནྟི ཨུཔཊྛཱནསཱལཱཡ ཝཱ, མཎྜཔེ ཝཱ, རུཀྑམཱུལེ ཝཱ, སོ དེསོ སམྨཛྫིཏྭཱ པཱནཱིཡཾ པརིབྷོཛནཱིཡཾ ཨུཔཊྛཱཔེཏྭཱ ཨཱསནཾ པཉྙཔེཏྭཱ པདཱིཔཾ ཀཏྭཱ ནིསཱིདིཏབྦཾ. སཙེ ཨཉྙེ བྷིཀྑཱུ ཨཱགཙྪནྟི, ཏེཧི སདྡྷིཾ ཨུཔོསཐོ ཀཱཏབྦོ. ནོ ཙེ ཨཱགཙྪནྟི, ཨཛྫ མེ ཨུཔོསཐོཏི ཨདྷིཊྛཱཏབྦོ. ནོ ཙེ ཨདྷིཊྛཧེཡྻ, ཨཱཔཏྟི དུཀྐཊསྶ.

ཏཏྲ, བྷིཀྑཝེ, ཡཏྠ ཙཏྟཱརོ བྷིཀྑཱུ ཝིཧརནྟི, ན ཨེཀསྶ པཱརིསུདྡྷིཾ ཨཱཧརིཏྭཱ ཏཱིཧི པཱཏིམོཀྑཾ ཨུདྡིསིཏབྦཾ. ཨུདྡིསེཡྻུཾ ཙེ, ཨཱཔཏྟི དུཀྐཊསྶ. ཏཏྲ, བྷིཀྑཝེ, ཡཏྠ ཏཡོ བྷིཀྑཱུ ཝིཧརནྟི, ན ཨེཀསྶ པཱརིསུདྡྷིཾ ཨཱཧརིཏྭཱ དྭཱིཧི པཱརིསུདྡྷིཨུཔོསཐོ ཀཱཏབྦོ. ཀརེཡྻུཾ ཙེ, ཨཱཔཏྟི དུཀྐཊསྶ. ཏཏྲ, བྷིཀྑཝེ, ཡཏྠ དྭེ བྷིཀྑཱུ ཝིཧརནྟི, ན ཨེཀསྶ པཱརིསུདྡྷིཾ ཨཱཧརིཏྭཱ ཨེཀེན ཨདྷིཊྛཱཏབྦོ. ཨདྷིཊྛཧེཡྻ ཙེ, ཨཱཔཏྟི དུཀྐཊསྶཱཏི.

༩༢. ཨཱཔཏྟིཔཊིཀམྨཝིདྷི

༡༦༩. ཏེན ཁོ པན སམཡེན ཨཉྙཏརོ བྷིཀྑུ ཏདཧུཔོསཐེ ཨཱཔཏྟིཾ ཨཱཔནྣོ ཧོཏི. ཨཐ ཁོ ཏསྶ བྷིཀྑུནོ ཨེཏདཧོསི – ‘‘བྷགཝཏཱ པཉྙཏྟཾ ‘ན སཱཔཏྟིཀེན ཨུཔོསཐོ ཀཱཏབྦོ’ཏི. ཨཧཉྩམྷི ཨཱཔཏྟིཾ ཨཱཔནྣོ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨིདྷ པན, བྷིཀྑཝེ, བྷིཀྑུ ཏདཧུཔོསཐེ ཨཱཔཏྟིཾ ཨཱཔནྣོ ཧོཏི. ཏེན, བྷིཀྑཝེ, བྷིཀྑུནཱ ཨེཀཾ བྷིཀྑུཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཧཾ, ཨཱཝུསོ, ཨིཏྠནྣཱམཾ ཨཱཔཏྟིཾ ཨཱཔནྣོ, ཏཾ པཊིདེསེམཱི’’ཏི. ཏེན ཝཏྟབྦོ – ‘‘པསྶསཱི’’ཏི. ‘‘ཨཱམ པསྶཱམཱི’’ཏི. ‘‘ཨཱཡཏིཾ སཾཝརེཡྻཱསཱི’’ཏི.

ཨིདྷ པན, བྷིཀྑཝེ, བྷིཀྑུ ཏདཧུཔོསཐེ ཨཱཔཏྟིཡཱ ཝེམཏིཀོ ཧོཏི. ཏེན, བྷིཀྑཝེ, བྷིཀྑུནཱ ཨེཀཾ བྷིཀྑུཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཧཾ, ཨཱཝུསོ, ཨིཏྠནྣཱམཱཡ ཨཱཔཏྟིཡཱ ཝེམཏིཀོ; ཡདཱ ནིབྦེམཏིཀོ བྷཝིསྶཱམི, ཏདཱ ཏཾ ཨཱཔཏྟིཾ པཊིཀརིསྶཱམཱི’’ཏི ཝཏྭཱ ཨུཔོསཐོ ཀཱཏབྦོ, པཱཏིམོཀྑཾ སོཏབྦཾ, ན ཏྭེཝ ཏཔྤཙྩཡཱ ཨུཔོསཐསྶ ཨནྟརཱཡོ ཀཱཏབྦོཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ སབྷཱགཾ ཨཱཔཏྟིཾ དེསེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སབྷཱགཱ ཨཱཔཏྟི དེསེཏབྦཱ. ཡོ དེསེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ སབྷཱགཾ ཨཱཔཏྟིཾ པཊིགྒཎྷནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སབྷཱགཱ ཨཱཔཏྟི པཊིགྒཧེཏབྦཱ. ཡོ པཊིགྒཎྷེཡྻ, ཨཱཔཏྟི དུཀྐཊསྶཱཏི.

༩༣. ཨཱཔཏྟིཨཱཝིཀརཎཝིདྷི

༡༧༠. ཏེན ཁོ པན སམཡེན ཨཉྙཏརོ བྷིཀྑུ པཱཏིམོཀྑེ ཨུདྡིསྶམཱནེ ཨཱཔཏྟིཾ སརཏི. ཨཐ ཁོ ཏསྶ བྷིཀྑུནོ ཨེཏདཧོསི – ‘‘བྷགཝཏཱ པཉྙཏྟཾ ‘ན སཱཔཏྟིཀེན ཨུཔོསཐོ ཀཱཏབྦོ’ཏི. ཨཧཉྩམྷི ཨཱཔཏྟིཾ ཨཱཔནྣོ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ.

ཨིདྷ པན, བྷིཀྑཝེ, བྷིཀྑུ པཱཏིམོཀྑེ ཨུདྡིསྶམཱནེ ཨཱཔཏྟིཾ སརཏི. ཏེན, བྷིཀྑཝེ, བྷིཀྑུནཱ སཱམནྟོ བྷིཀྑུ ཨེཝམསྶ ཝཙནཱིཡོ – ‘‘ཨཧཾ, ཨཱཝུསོ, ཨིཏྠནྣཱམཾ ཨཱཔཏྟིཾ ཨཱཔནྣོ. ཨིཏོ ཝུཊྛཧིཏྭཱ ཏཾ ཨཱཔཏྟིཾ པཊིཀརིསྶཱམཱི’’ཏི ཝཏྭཱ ཨུཔོསཐོ ཀཱཏབྦོ, པཱཏིམོཀྑཾ སོཏབྦཾ, ན ཏྭེཝ ཏཔྤཙྩཡཱ ཨུཔོསཐསྶ ཨནྟརཱཡོ ཀཱཏབྦོ.

ཨིདྷ པན, བྷིཀྑཝེ, བྷིཀྑུ པཱཏིམོཀྑེ ཨུདྡིསྶམཱནེ ཨཱཔཏྟིཡཱ ཝེམཏིཀོ ཧོཏི. ཏེན, བྷིཀྑཝེ, བྷིཀྑུནཱ སཱམནྟོ བྷིཀྑུ ཨེཝམསྶ ཝཙནཱིཡོ – ‘‘ཨཧཾ, ཨཱཝུསོ, ཨིཏྠནྣཱམཱཡ ཨཱཔཏྟིཡཱ ཝེམཏིཀོ. ཡདཱ ནིབྦེམཏིཀོ བྷཝིསྶཱམི, ཏདཱ ཏཾ ཨཱཔཏྟིཾ པཊིཀརིསྶཱམཱི’’ཏི ཝཏྭཱ ཨུཔོསཐོ ཀཱཏབྦོ, པཱཏིམོཀྑཾ སོཏབྦཾ; ན ཏྭེཝ ཏཔྤཙྩཡཱ ཨུཔོསཐསྶ ཨནྟརཱཡོ ཀཱཏབྦོཏི.

༩༤. སབྷཱགཱཔཏྟིཔཊིཀམྨཝིདྷི

༡༧༡. ཏེན ཁོ པན སམཡེན ཨཉྙཏརསྨིཾ ཨཱཝཱསེ ཏདཧུཔོསཐེ སབྦོ སངྒྷོ སབྷཱགཾ ཨཱཔཏྟིཾ ཨཱཔནྣོ ཧོཏི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘བྷགཝཏཱ པཉྙཏྟཾ ‘ན སབྷཱགཱ ཨཱཔཏྟི དེསེཏབྦཱ, ན སབྷཱགཱ ཨཱཔཏྟི པཊིགྒཧེཏབྦཱ’ཏི. ཨཡཉྩ སབྦོ སངྒྷོ སབྷཱགཾ ཨཱཔཏྟིཾ ཨཱཔནྣོ. ཀཐཾ ནུ ཁོ ཨམྷེཧི པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སབྦོ སངྒྷོ སབྷཱགཾ ཨཱཔཏྟིཾ ཨཱཔནྣོ ཧོཏི. ཏེཧི, བྷིཀྑཝེ, བྷིཀྑཱུཧི ཨེཀོ བྷིཀྑུ སཱམནྟཱ ཨཱཝཱསཱ སཛྫུཀཾ པཱཧེཏབྦོ – གཙྪཱཝུསོ, ཏཾ ཨཱཔཏྟིཾ པཊིཀརིཏྭཱ ཨཱགཙྪ; མཡཾ ཏེ སནྟིཀེ ཨཱཔཏྟིཾ པཊིཀརིསྶཱམཱཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ སབྦོ སངྒྷོ སབྷཱགཾ ཨཱཔཏྟིཾ ཨཱཔནྣོ. ཡདཱ ཨཉྙཾ བྷིཀྑུཾ སུདྡྷཾ ཨནཱཔཏྟིཀཾ པསྶིསྶཏི, ཏདཱ ཏསྶ སནྟིཀེ ཏཾ ཨཱཔཏྟིཾ པཊིཀརིསྶཏཱི’’ཏི ཝཏྭཱ ཨུཔོསཐོ ཀཱཏབྦོ, པཱཏིམོཀྑཾ ཨུདྡིསིཏབྦཾ, ན ཏྭེཝ ཏཔྤཙྩཡཱ ཨུཔོསཐསྶ ཨནྟརཱཡོ ཀཱཏབྦོ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སབྦོ སངྒྷོ སབྷཱགཱཡ ཨཱཔཏྟིཡཱ ཝེམཏིཀོ ཧོཏི. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ སབྦོ སངྒྷོ སབྷཱགཱཡ ཨཱཔཏྟིཡཱ ཝེམཏིཀོ. ཡདཱ ནིབྦེམཏིཀོ བྷཝིསྶཏི, ཏདཱ ཏཾ ཨཱཔཏྟིཾ པཊིཀརིསྶཏཱི’’ཏི ཝཏྭཱ ཨུཔོསཐོ ཀཱཏབྦོ, པཱཏིམོཀྑཾ ཨུདྡིསིཏབྦཾ; ན ཏྭེཝ ཏཔྤཙྩཡཱ ཨུཔོསཐསྶ ཨནྟརཱཡོ ཀཱཏབྦོ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཝསྶཱུཔགཏོ སངྒྷོ སབྷཱགཾ ཨཱཔཏྟིཾ ཨཱཔནྣོ ཧོཏི. ཏེཧི, བྷིཀྑཝེ, བྷིཀྑཱུཧི ཨེཀོ བྷིཀྑུ སཱམནྟཱ ཨཱཝཱསཱ སཛྫུཀཾ པཱཧེཏབྦོ – གཙྪཱཝུསོ, ཏཾ ཨཱཔཏྟིཾ པཊིཀརིཏྭཱ ཨཱགཙྪ; མཡཾ ཏེ སནྟིཀེ ཏཾ ཨཱཔཏྟིཾ པཊིཀརིསྶཱམཱཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཨེཀོ བྷིཀྑུ སཏྟཱཧཀཱལིཀཾ པཱཧེཏབྦོ – གཙྪཱཝུསོ, ཏཾ ཨཱཔཏྟིཾ པཊིཀརིཏྭཱ ཨཱགཙྪ; མཡཾ ཏེ སནྟིཀེ ཏཾ ཨཱཔཏྟིཾ པཊིཀརིསྶཱམཱཏི.

ཏེན ཁོ པན སམཡེན ཨཉྙཏརསྨིཾ ཨཱཝཱསེ སབྦོ སངྒྷོ སབྷཱགཾ ཨཱཔཏྟིཾ ཨཱཔནྣོ ཧོཏི. སོ ན ཛཱནཱཏི ཏསྶཱ ཨཱཔཏྟིཡཱ ནཱམགོཏྟཾ. ཏཏྠ ཨཉྙོ བྷིཀྑུ ཨཱགཙྪཏི བཧུསྶུཏོ ཨཱགཏཱགམོ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ བྱཏྟོ མེདྷཱཝཱི ལཛྫཱི ཀུཀྐུཙྩཀོ སིཀྑཱཀཱམོ. ཏམེནཾ ཨཉྙཏརོ བྷིཀྑུ ཡེན སོ བྷིཀྑུ ཏེནུཔསངྐམི, ཨུཔསངྐམིཏྭཱ ཏཾ བྷིཀྑུཾ ཨེཏདཝོཙ – ‘‘ཡོ ནུ ཁོ, ཨཱཝུསོ, ཨེཝཉྩེཝཉྩ ཀརོཏི, ཀིཾ ནཱམ སོ ཨཱཔཏྟིཾ ཨཱཔཛྫཏཱི’’ཏི? སོ ཨེཝམཱཧ – ‘‘ཡོ ཁོ, ཨཱཝུསོ, ཨེཝཉྩེཝཉྩ ཀརོཏི, ཨིམཾ ནཱམ སོ ཨཱཔཏྟིཾ ཨཱཔཛྫཏི. ཨིམཾ ནཱམ ཏྭཾ, ཨཱཝུསོ, ཨཱཔཏྟིཾ ཨཱཔནྣོ; པཊིཀརོཧི ཏཾ ཨཱཔཏྟི’’ནྟི. སོ ཨེཝམཱཧ – ‘‘ན ཁོ ཨཧཾ, ཨཱཝུསོ, ཨེཀོཝ ཨིམཾ ཨཱཔཏྟིཾ ཨཱཔནྣོ; ཨཡཾ སབྦོ སངྒྷོ ཨིམཾ ཨཱཔཏྟིཾ ཨཱཔནྣོ’’ཏི. སོ ཨེཝམཱཧ – ‘‘ཀིཾ ཏེ, ཨཱཝུསོ, ཀརིསྶཏི པརོ ཨཱཔནྣོ ཝཱ ཨནཱཔནྣོ ཝཱ. ཨིངྒྷ, ཏྭཾ, ཨཱཝུསོ, སཀཱཡ ཨཱཔཏྟིཡཱ ཝུཊྛཱཧཱི’’ཏི. ཨཐ ཁོ སོ བྷིཀྑུ ཏསྶ བྷིཀྑུནོ ཝཙནེན ཏཾ ཨཱཔཏྟིཾ པཊིཀརིཏྭཱ ཡེན ཏེ བྷིཀྑཱུ ཏེནུཔསངྐམི, ཨུཔསངྐམིཏྭཱ ཏེ བྷིཀྑཱུ ཨེཏདཝོཙ – ‘‘ཡོ ཀིར, ཨཱཝུསོ, ཨེཝཉྩེཝཉྩ ཀརོཏི, ཨིམཾ ནཱམ སོ ཨཱཔཏྟིཾ ཨཱཔཛྫཏི. ཨིམཾ ནཱམ ཏུམྷེ, ཨཱཝུསོ, ཨཱཔཏྟིཾ ཨཱཔནྣཱ; པཊིཀརོཐ ཏཾ ཨཱཔཏྟི’’ནྟི. ཨཐ ཁོ ཏེ བྷིཀྑཱུ ན ཨིཙྪིཾསུ ཏསྶ བྷིཀྑུནོ ཝཙནེན ཏཾ ཨཱཔཏྟིཾ པཊིཀཱཏུཾ. བྷགཝཏོ ཨེཏམཏྠཾ ཨཱརོཙེསུཾ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ སབྦོ སངྒྷོ སབྷཱགཾ ཨཱཔཏྟིཾ ཨཱཔནྣོ ཧོཏི. སོ ན ཛཱནཱཏི ཏསྶཱ ཨཱཔཏྟིཡཱ ནཱམགོཏྟཾ. ཏཏྠ ཨཉྙོ བྷིཀྑུ ཨཱགཙྪཏི བཧུསྶུཏོ ཨཱགཏཱགམོ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ བྱཏྟོ མེདྷཱཝཱི ལཛྫཱི ཀུཀྐུཙྩཀོ སིཀྑཱཀཱམོ. ཏམེནཾ ཨཉྙཏརོ བྷིཀྑུ ཡེན སོ བྷིཀྑུ ཏེནུཔསངྐམི, ཨུཔསངྐམིཏྭཱ ཏཾ བྷིཀྑུཾ ཨེཝཾ ཝདེཏི – ‘‘ཡོ ནུ ཁོ, ཨཱཝུསོ, ཨེཝཉྩེཝཉྩ ཀརོཏི, ཀིཾ ནཱམ སོ ཨཱཔཏྟིཾ ཨཱཔཛྫཏཱི’’ཏི? སོ ཨེཝཾ ཝདེཏི – ‘‘ཡོ ཁོ, ཨཱཝུསོ, ཨེཝཉྩེཝཉྩ ཀརོཏི, ཨིམཾ ནཱམ སོ ཨཱཔཏྟིཾ ཨཱཔཛྫཏི. ཨིམཾ ནཱམ ཏྭཾ, ཨཱཝུསོ, ཨཱཔཏྟིཾ ཨཱཔནྣོ; པཊིཀརོཧི ཏཾ ཨཱཔཏྟི’’ནྟི. སོ ཨེཝཾ ཝདེཏི – ‘‘ན ཁོ ཨཧཾ, ཨཱཝུསོ, ཨེཀོཝ ཨིམཾ ཨཱཔཏྟིཾ ཨཱཔནྣོ. ཨཡཾ སབྦོ སངྒྷོ ཨིམཾ ཨཱཔཏྟིཾ ཨཱཔནྣོ’’ཏི. སོ ཨེཝཾ ཝདེཏི – ‘‘ཀིཾ ཏེ, ཨཱཝུསོ, ཀརིསྶཏི པརོ ཨཱཔནྣོ ཝཱ ཨནཱཔནྣོ ཝཱ. ཨིངྒྷ, ཏྭཾ, ཨཱཝུསོ, སཀཱཡ ཨཱཔཏྟིཡཱ ཝུཊྛཱཧཱི’’ཏི. སོ ཙེ, བྷིཀྑཝེ, བྷིཀྑུ ཏསྶ བྷིཀྑུནོ ཝཙནེན ཏཾ ཨཱཔཏྟིཾ པཊིཀརིཏྭཱ ཡེན ཏེ བྷིཀྑཱུ ཏེནུཔསངྐམི, ཨུཔསངྐམིཏྭཱ ཏེ བྷིཀྑཱུ ཨེཝཾ ཝདེཏི – ‘‘ཡོ ཀིར, ཨཱཝུསོ, ཨེཝཉྩེཝཉྩ ཀརོཏི ཨིམཾ ནཱམ སོ ཨཱཔཏྟིཾ ཨཱཔཛྫཏི, ཨིམཾ ནཱམ ཏུམྷེ ཨཱཝུསོ ཨཱཔཏྟིཾ ཨཱཔནྣཱ, པཊིཀརོཐ ཏཾ ཨཱཔཏྟི’’ནྟི. ཏེ ཙེ, བྷིཀྑཝེ, བྷིཀྑཱུ ཏསྶ བྷིཀྑུནོ ཝཙནེན ཏཾ ཨཱཔཏྟིཾ པཊིཀརེཡྻུཾ, ཨིཙྩེཏཾ ཀུསལཾ. ནོ ཙེ པཊིཀརེཡྻུཾ, ན ཏེ, བྷིཀྑཝེ, བྷིཀྑཱུ ཏེན བྷིཀྑུནཱ ཨཀཱམཱ ཝཙནཱིཡཱཏི.

ཙོདནཱཝཏྠུབྷཱཎཝཱརོ ནིཊྛིཏོ དུཏིཡོ.

༩༥. ཨནཱཔཏྟིཔནྣརསཀཾ

༡༧༢. ཏེན ཁོ པན སམཡེན ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏིཾསུ ཙཏྟཱརོ ཝཱ ཨཏིརེཀཱ ཝཱ. ཏེ ན ཛཱནིཾསུ ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ ཨུཔོསཐཾ ཨཀཾསུ, པཱཏིམོཀྑཾ ཨུདྡིསིཾསུ. ཏེཧི ཨུདྡིསྶམཱནེ པཱཏིམོཀྑེ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪིཾསུ བཧུཏརཱ. བྷགཝཏོ ཨེཏམཏྠཾ ཨཱརོཙེསུཾ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིསྶམཱནེ པཱཏིམོཀྑེ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཱཏིམོཀྑཾ ཨུདྡིསིཏབྦཾ. ཨུདྡེསཀཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིསྶམཱནེ པཱཏིམོཀྑེ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. ཨུདྡིཊྛཾ སུཨུདྡིཊྛཾ, ཨཝསེསཾ སོཏབྦཾ. ཨུདྡེསཀཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ན ཛཱནནྟི ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱཏི, ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ ཨུཔོསཐཾ ཀརོནྟི པཱཏིམོཀྑཾ ཨུདྡིསནྟི. ཏེཧི ཨུདྡིསྶམཱནེ པཱཏིམོཀྑེ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. ཨུདྡིཊྛཾ སུཨུདྡིཊྛཾ, ཨཝསེསཾ སོཏབྦཾ. ཨུདྡེསཀཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ན ཛཱནནྟི ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱཏི, ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ ཨུཔོསཐཾ ཀརོནྟི པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཱཏིམོཀྑཾ ཨུདྡིསིཏབྦཾ. ཨུདྡེསཀཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ན ཛཱནནྟི ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱཏི, ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ ཨུཔོསཐཾ ཀརོནྟི པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ན ཛཱནནྟི ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱཏི, ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ ཨུཔོསཐཾ ཀརོནྟི པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ན ཛཱནནྟི ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱཏི, ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ ཨུཔོསཐཾ ཀརོནྟི པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, ཨཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཱཏིམོཀྑཾ ཨུདྡིསིཏབྦཾ. ཨུདྡེསཀཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ན ཛཱནནྟི ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱཏི, ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ ཨུཔོསཐཾ ཀརོནྟི པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, ཨཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ན ཛཱནནྟི ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱཏི, ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒཱསཉྙིནོ ཨུཔོསཐཾ ཀརོནྟི པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, ཨཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ན ཛཱནནྟི ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱཏི, ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ ཨུཔོསཐཾ ཀརོནྟི པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, ཨེཀཙྩཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཱཏིམོཀྑཾ ཨུདྡིསིཏབྦཾ. ཨུདྡེསཀཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ན ཛཱནནྟི ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱཏི, ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ ཨུཔོསཐཾ ཀརོནྟི པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, ཨེཀཙྩཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ན ཛཱནནྟི ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱཏི, ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ ཨུཔོསཐཾ ཀརོནྟི པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, ཨེཀཙྩཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ན ཛཱནནྟི ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱཏི, ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ ཨུཔོསཐཾ ཀརོནྟི པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, སབྦཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཱཏིམོཀྑཾ ཨུདྡིསིཏབྦཾ. ཨུདྡེསཀཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ན ཛཱནནྟི ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱཏི, ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ ཨུཔོསཐཾ ཀརོནྟི པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, སབྦཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ན ཛཱནནྟི ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱཏི, ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ ཨུཔོསཐཾ ཀརོནྟི པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, སབྦཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨནཱཔཏྟི.

ཨནཱཔཏྟིཔནྣརསཀཾ ནིཊྛིཏཾ.

༩༦. ཝགྒཱཝགྒསཉྙཱིཔནྣརསཀཾ

༡༧༣. ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ ཝགྒསཉྙིནོ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིསྶམཱནེ པཱཏིམོཀྑེ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཱཏིམོཀྑཾ ཨུདྡིསིཏབྦཾ. ཨུདྡེསཀཱནཾ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱཏི, ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ ཨུཔོསཐཾ ཀརོནྟི པཱཏིམོཀྑཾ ཨུདྡིསནྟི. ཏེཧི ཨུདྡིསྶམཱནེ པཱཏིམོཀྑེ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. ཨུདྡིཊྛཾ སུཨུདྡིཊྛཾ, ཨཝསེསཾ སོཏབྦཾ. ཨུདྡེསཀཱནཾ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱཏི ཏེ དྷམྨསཉྙིནོ ཝིནཡསཉྙིནོ ཝགྒཱ ཝགྒསཉྙིནོ ཨུཔོསཐཾ ཀརོནྟི པཱཏིམོཀྑཾ ཨུདྡིསནྟི. ཏེཧི ཨུདྡིསྶམཱནེ པཱཏིམོཀྑེ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. ཨུདྡིཊྛཾ སུཨུདྡིཊྛཾ, ཨཝསེསཾ སོཏབྦཾ. ཨུདྡེསཀཱནཾ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ ཝགྒསཉྙིནོ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ…པེ… ཨཝུཊྛིཏཱཡ པརིསཱཡ…པེ… ཨེཀཙྩཱཡ ཝུཊྛིཏཱཡ པརིསཱཡ…པེ… སབྦཱཡ ཝུཊྛིཏཱཡ པརིསཱཡ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ…པེ… སམསམཱ…པེ… ཐོཀཏརཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨཱཔཏྟི དུཀྐཊསྶ.

ཝགྒཱཝགྒསཉྙིཔནྣརསཀཾ ནིཊྛིཏཾ.

༩༧. ཝེམཏིཀཔནྣརསཀཾ

༡༧༤. ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ, ཀཔྤཏི ནུ ཁོ ཨམྷཱཀཾ ཨུཔོསཐོ ཀཱཏུཾ ན ནུ ཁོ ཀཔྤཏཱིཏི, ཝེམཏིཀཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིསྶམཱནེ པཱཏིམོཀྑེ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཱཏིམོཀྑཾ ཨུདྡིསིཏབྦཾ. ཨུདྡེསཀཱནཾ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི, ཏེ ‘‘ཀཔྤཏི ནུ ཁོ ཨམྷཱཀཾ ཨུཔོསཐོ ཀཱཏུཾ, ན ནུ ཁོ ཀཔྤཏཱི’’ཏི, ཝེམཏིཀཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིསྶམཱནེ པཱཏིམོཀྑེ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. ཨུདྡིཊྛཾ སུཨུདྡིཊྛཾ, ཨཝསེསཾ སོཏབྦཾ. ཨུདྡེསཀཱནཾ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱཏི, ཏེ ཀཔྤཏི ནུ ཁོ ཨམྷཱཀཾ ཨུཔོསཐོ ཀཱཏུཾ, ན ནུ ཁོ ཀཔྤཏཱིཏི, ཝེམཏིཀཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིསྶམཱནེ པཱཏིམོཀྑེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. ཨུདྡིཊྛཾ སུཨུདྡིཊྛཾ, ཨཝསེསཾ སོཏབྦཾ. ཨུདྡེསཀཱནཾ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ, ‘‘ཀཔྤཏི ནུ ཁོ ཨམྷཱཀཾ ཨུཔོསཐོ ཀཱཏུཾ ན ནུ ཁོ ཀཔྤཏཱི’’ཏི, ཝེམཏིཀཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ,…པེ… ཨཝུཊྛིཏཱཡ པརིསཱཡ…པེ… ཨེཀཙྩཱཡ ཝུཊྛིཏཱཡ པརིསཱཡ…པེ… སབྦཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ…པེ… སམསམཱ…པེ… ཐོཀཏརཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨཱཔཏྟི དུཀྐཊསྶ.

ཝེམཏིཀཔནྣརསཀཾ ནིཊྛིཏཾ.

༩༨. ཀུཀྐུཙྩཔཀཏཔནྣརསཀཾ

༡༧༥. ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ཀཔྤཏེཝ ཨམྷཱཀཾ ཨུཔོསཐོ ཀཱཏུཾ ནཱམྷཱཀཾ ན ཀཔྤཏཱི’’ཏི, ཀུཀྐུཙྩཔཀཏཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིསྶམཱནེ པཱཏིམོཀྑེ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཱཏིམོཀྑཾ ཨུདྡིསིཏབྦཾ. ཨུདྡེསཀཱནཾ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ཀཔྤཏེཝ ཨམྷཱཀཾ ཨུཔོསཐོ ཀཱཏུཾ ནཱམྷཱཀཾ ན ཀཔྤཏཱི’’ཏི, ཀུཀྐུཙྩཔཀཏཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིསྶམཱནེ པཱཏིམོཀྑེ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. ཨུདྡིཊྛཾ སུཨུདྡིཊྛཾ, ཨཝསེསཾ སོཏབྦཾ. ཨུདྡེསཀཱནཾ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ཀཔྤཏེཝ ཨམྷཱཀཾ ཨུཔོསཐོ ཀཱཏུཾ, ནཱམྷཱཀཾ ན ཀཔྤཏཱི’’ཏི, ཀུཀྐུཙྩཔཀཏཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིསྶམཱནེ པཱཏིམོཀྑེ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. ཨུདྡིཊྛཾ སུཨུདྡིཊྛཾ, ཨཝསེསཾ སོཏབྦཾ. ཨུདྡེསཀཱནཾ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ཀཔྤཏེཝ ཨམྷཱཀཾ ཨུཔོསཐོ ཀཱཏུཾ ནཱམྷཱཀཾ ན ཀཔྤཏཱི’’ཏི, ཀུཀྐུཙྩཔཀཏཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ,…པེ… ཨཝུཊྛིཏཱཡ པརིསཱཡ…པེ… ཨེཀཙྩཱཡ ཝུཊྛིཏཱཡ པརིསཱཡ…པེ… སབྦཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ…པེ… སམསམཱ …པེ… ཐོཀཏརཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨཱཔཏྟི དུཀྐཊསྶ.

ཀུཀྐུཙྩཔཀཏཔནྣརསཀཾ ནིཊྛིཏཾ.

༩༩. བྷེདཔུརེཀྑཱརཔནྣརསཀཾ

༡༧༦. ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིསྶམཱནེ པཱཏིམོཀྑེ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཱཏིམོཀྑཾ ཨུདྡིསིཏབྦཾ. ཨུདྡེསཀཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིསྶམཱནེ པཱཏིམོཀྑེ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. ཨུདྡིཊྛཾ སུཨུདྡིཊྛཾ, ཨཝསེསཾ སོཏབྦཾ. ཨུདྡེསཀཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིསྶམཱནེ པཱཏིམོཀྑེ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. ཨུདྡིཊྛཾ སུཨུདྡིཊྛཾ, ཨཝསེསཾ སོཏབྦཾ. ཨུདྡེསཀཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཱཏིམོཀྑཾ ཨུདྡིསིཏབྦཾ. ཨུདྡེསཀཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི བྷེདཔུརེཀྑཱརཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, ཨཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཱཏིམོཀྑཾ ཨུདྡིསིཏབྦཾ. ཨུདྡེསཀཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, ཨཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, ཨཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, ཨེཀཙྩཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཱཏིམོཀྑཾ ཨུདྡིསིཏབྦཾ. ཨུདྡེསཀཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, ཨེཀཙྩཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, ཨེཀཙྩཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, སབྦཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཱཏིམོཀྑཾ ཨུདྡིསིཏབྦཾ. ཨུདྡེསཀཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, སབྦཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ ཨུཔོསཐཾ ཀརོནྟི, པཱཏིམོཀྑཾ ཨུདྡིསནྟི. ཏེཧི ཨུདྡིཊྛམཏྟེ པཱཏིམོཀྑེ, སབྦཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. ཨུདྡིཊྛཾ སུཨུདྡིཊྛཾ, ཏེསཾ སནྟིཀེ པཱརིསུདྡྷི ཨཱརོཙེཏབྦཱ. ཨུདྡེསཀཱནཾ ཨཱཔཏྟི ཐུལླཙྩཡསྶ.

བྷེདཔུརེཀྑཱརཔནྣརསཀཾ ནིཊྛིཏཾ.

པཉྩཝཱིསཏིཀཱ ནིཊྛིཏཱ.

༡༠༠. སཱིམོཀྐནྟིཀཔེཡྻཱལཾ

༡༧༧. ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཉྙེ ཨཱཝཱསིཀཱ བྷིཀྑཱུ ཨནྟོསཱིམཾ ཨོཀྐམནྟཱི’’ཏི …པེ… ཏེ ན ཛཱནནྟི ‘‘ཨཉྙེ ཨཱཝཱསིཀཱ བྷིཀྑཱུ ཨནྟོསཱིམཾ ཨོཀྐནྟཱ’’ཏི…པེ… ཏེ ན པསྶནྟི ཨཉྙེ ཨཱཝཱསིཀེ བྷིཀྑཱུ ཨནྟོསཱིམཾ ཨོཀྐམནྟེ …པེ… ཏེ ན པསྶནྟི ཨཉྙེ ཨཱཝཱསིཀེ བྷིཀྑཱུ ཨནྟོསཱིམཾ ཨོཀྐནྟེ…པེ… ཏེ ན སུཎནྟི ‘‘ཨཉྙེ ཨཱཝཱསིཀཱ བྷིཀྑཱུ ཨནྟོསཱིམཾ ཨོཀྐམནྟཱི’’ཏི…པེ… ཏེ ན སུཎནྟི ‘‘ཨཉྙེ ཨཱཝཱསིཀཱ བྷིཀྑཱུ ཨནྟོསཱིམཾ ཨོཀྐནྟཱ’’ཏི…པེ….

ཨཱཝཱསིཀེན ཨཱཝཱསིཀཱ ཨེཀསཏཔཉྩསཏྟཏི ཏིཀནཡཏོ, ཨཱཝཱསིཀེན ཨཱགནྟུཀཱ, ཨཱགནྟུཀེན ཨཱཝཱསིཀཱ, ཨཱགནྟུཀེན ཨཱགནྟུཀཱ པེཡྻཱལམུཁེན སཏྟ ཏིཀསཏཱནི ཧོནྟི.

༡༧༨. ཨིདྷ པན, བྷིཀྑཝེ, ཨཱཝཱསིཀཱནཾ བྷིཀྑཱུནཾ ཙཱཏུདྡསོ ཧོཏི, ཨཱགནྟུཀཱནཾ པནྣརསོ. སཙེ ཨཱཝཱསིཀཱ བཧུཏརཱ ཧོནྟི, ཨཱགནྟུཀེཧི ཨཱཝཱསིཀཱནཾ ཨནུཝཏྟིཏབྦཾ. སཙེ སམསམཱ ཧོནྟི, ཨཱགནྟུཀེཧི ཨཱཝཱསིཀཱནཾ ཨནུཝཏྟིཏབྦཾ. སཙེ ཨཱགནྟུཀཱ བཧུཏརཱ ཧོནྟི, ཨཱཝཱསིཀེཧི ཨཱགནྟུཀཱནཾ ཨནུཝཏྟིཏབྦཾ.

ཨིདྷ པན, བྷིཀྑཝེ, ཨཱཝཱསིཀཱནཾ བྷིཀྑཱུནཾ པནྣརསོ ཧོཏི, ཨཱགནྟུཀཱནཾ ཙཱཏུདྡསོ. སཙེ ཨཱཝཱསིཀཱ བཧུཏརཱ ཧོནྟི, ཨཱགནྟུཀེཧི ཨཱཝཱསིཀཱནཾ ཨནུཝཏྟིཏབྦཾ. སཙེ སམསམཱ ཧོནྟི, ཨཱགནྟུཀེཧི ཨཱཝཱསིཀཱནཾ ཨནུཝཏྟིཏབྦཾ. སཙེ ཨཱགནྟུཀཱ བཧུཏརཱ ཧོནྟི, ཨཱཝཱསིཀེཧི ཨཱགནྟུཀཱནཾ ཨནུཝཏྟིཏབྦཾ.

ཨིདྷ པན, བྷིཀྑཝེ, ཨཱཝཱསིཀཱནཾ བྷིཀྑཱུནཾ པཱཊིཔདོ ཧོཏི, ཨཱགནྟུཀཱནཾ པནྣརསོ. སཙེ ཨཱཝཱསིཀཱ བཧུཏརཱ ཧོནྟི, ཨཱཝཱསིཀེཧི ཨཱགནྟུཀཱནཾ ནཱཀཱམཱ དཱཏབྦཱ སཱམགྒཱི. ཨཱགནྟུཀེཧི ནིསྶཱིམཾ གནྟྭཱ ཨུཔོསཐོ ཀཱཏབྦོ. སཙེ སམསམཱ ཧོནྟི, ཨཱཝཱསིཀེཧི ཨཱགནྟུཀཱནཾ ནཱཀཱམཱ དཱཏབྦཱ སཱམགྒཱི. ཨཱགནྟུཀེཧི ནིསྶཱིམཾ གནྟྭཱ ཨུཔོསཐོ ཀཱཏབྦོ. སཙེ ཨཱགནྟུཀཱ བཧུཏརཱ ཧོནྟི, ཨཱཝཱསིཀེཧི ཨཱགནྟུཀཱནཾ སཱམགྒཱི ཝཱ དཱཏབྦཱ ནིསྶཱིམཾ ཝཱ གནྟབྦཾ.

ཨིདྷ པན, བྷིཀྑཝེ, ཨཱཝཱསིཀཱནཾ བྷིཀྑཱུནཾ པནྣརསོ ཧོཏི, ཨཱགནྟུཀཱནཾ

པཱཊིཔདོ. སཙེ ཨཱཝཱསིཀཱ བཧུཏརཱ ཧོནྟི, ཨཱགནྟུཀེཧི ཨཱཝཱསིཀཱནཾ སཱམགྒཱི ཝཱ དཱཏབྦཱ ནིསྶཱིམཾ ཝཱ གནྟབྦཾ. སཙེ སམསམཱ ཧོནྟི, ཨཱགནྟུཀེཧི ཨཱཝཱསིཀཱནཾ སཱམགྒཱི ཝཱ དཱཏབྦཱ ནིསྶཱིམཾ ཝཱ གནྟབྦཾ. སཙེ ཨཱགནྟུཀཱ བཧུཏརཱ ཧོནྟི, ཨཱགནྟུཀེཧི ཨཱཝཱསིཀཱནཾ ནཱཀཱམཱ དཱཏབྦཱ སཱམགྒཱི. ཨཱཝཱསིཀེཧི ནིསྶཱིམཾ གནྟྭཱ ཨུཔོསཐོ ཀཱཏབྦོ.

སཱིམོཀྐནྟིཀཔེཡྻཱལཾ ནིཊྛིཏཾ.

༡༠༡. ལིངྒཱདིདསྶནཾ

༡༧༩. ཨིདྷ པན, བྷིཀྑཝེ, ཨཱགནྟུཀཱ བྷིཀྑཱུ པསྶནྟི ཨཱཝཱསིཀཱནཾ བྷིཀྑཱུནཾ ཨཱཝཱསིཀཱཀཱརཾ, ཨཱཝཱསིཀལིངྒཾ, ཨཱཝཱསིཀནིམིཏྟཾ, ཨཱཝཱསིཀུདྡེསཾ, སུཔཉྙཏྟཾ མཉྩཔཱིཋཾ, བྷིསིབིབྦོཧནཾ, པཱནཱིཡཾ པརིབྷོཛནཱིཡཾ སཱུཔཊྛིཏཾ, པརིཝེཎཾ སུསམྨཊྛཾ; པསྶིཏྭཱ ཝེམཏིཀཱ ཧོནྟི – ‘‘ཨཏྠི ནུ ཁོ ཨཱཝཱསིཀཱ བྷིཀྑཱུ ནཏྠི ནུ ཁོ’’ཏི. ཏེ ཝེམཏིཀཱ ན ཝིཙིནནྟི; ཨཝིཙིནིཏྭཱ ཨུཔོསཐཾ ཀརོནྟི. ཨཱཔཏྟི དུཀྐཊསྶ. ཏེ ཝེམཏིཀཱ ཝིཙིནནྟི; ཝིཙིནིཏྭཱ ན པསྶནྟི; ཨཔསྶིཏྭཱ ཨུཔོསཐཾ ཀརོནྟི. ཨནཱཔཏྟི. ཏེ ཝེམཏིཀཱ ཝིཙིནནྟི; ཝིཙིནིཏྭཱ པསྶནྟི; པསྶིཏྭཱ ཨེཀཏོ ཨུཔོསཐཾ ཀརོནྟི. ཨནཱཔཏྟི. ཏེ ཝེམཏིཀཱ ཝིཙིནནྟི; ཝིཙིནིཏྭཱ པསྶནྟི; པསྶིཏྭཱ པཱཊེཀྐཾ ཨུཔོསཐཾ ཀརོནྟི. ཨཱཔཏྟི དུཀྐཊསྶ. ཏེ ཝེམཏིཀཱ ཝིཙིནནྟི; ཝིཙིནིཏྭཱ པསྶནྟི; པསྶིཏྭཱ – ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ ཨུཔོསཐཾ ཀརོནྟི. ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཱགནྟུཀཱ བྷིཀྑཱུ སུཎནྟི ཨཱཝཱསིཀཱནཾ བྷིཀྑཱུནཾ ཨཱཝཱསིཀཱཀཱརཾ, ཨཱཝཱསིཀལིངྒཾ, ཨཱཝཱསིཀནིམིཏྟཾ, ཨཱཝཱསིཀུདྡེསཾ, ཙངྐམནྟཱནཾ པདསདྡཾ, སཛ྄ཛྷཱཡསདྡཾ, ཨུཀྐཱསིཏསདྡཾ, ཁིཔིཏསདྡཾ; སུཏྭཱ ཝེམཏིཀཱ ཧོནྟི – ‘‘ཨཏྠི ནུ ཁོ ཨཱཝཱསིཀཱ བྷིཀྑཱུ ནཏྠི ནུ ཁོ’’ཏི. ཏེ ཝེམཏིཀཱ ན ཝིཙིནནྟི; ཨཝིཙིནིཏྭཱ ཨུཔོསཐཾ ཀརོནྟི. ཨཱཔཏྟི དུཀྐཊསྶ. ཏེ ཝེམཏིཀཱ ཝིཙིནནྟི; ཝིཙིནིཏྭཱ ན པསྶནྟི; ཨཔསྶིཏྭཱ ཨུཔོསཐཾ ཀརོནྟི. ཨནཱཔཏྟི. ཏེ ཝེམཏིཀཱ ཝིཙིནནྟི; ཝིཙིནིཏྭཱ པསྶནྟི; པསྶིཏྭཱ ཨེཀཏོ ཨུཔོསཐཾ ཀརོནྟི. ཨནཱཔཏྟི. ཏེ ཝེམཏིཀཱ ཝིཙིནནྟི; ཝིཙིནིཏྭཱ པསྶནྟི; པསྶིཏྭཱ པཱཊེཀྐཾ ཨུཔོསཐཾ ཀརོནྟི. ཨཱཔཏྟི དུཀྐཊསྶ. ཏེ ཝེམཏིཀཱ ཝིཙིནནྟི; ཝིཙིནིཏྭཱ པསྶནྟི; པསྶིཏྭཱ – ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ ཨུཔོསཐཾ ཀརོནྟི. ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཱཝཱསིཀཱ བྷིཀྑཱུ པསྶནྟི ཨཱགནྟུཀཱནཾ བྷིཀྑཱུནཾ ཨཱགནྟུཀཱཀཱརཾ, ཨཱགནྟུཀལིངྒཾ, ཨཱགནྟུཀནིམིཏྟཾ, ཨཱགནྟུཀུདྡེསཾ, ཨཉྙཱཏཀཾ པཏྟཾ, ཨཉྙཱཏཀཾ ཙཱིཝརཾ, ཨཉྙཱཏཀཾ ནིསཱིདནཾ, པཱདཱནཾ དྷོཏཾ, ཨུདཀནིསྶེཀཾ; པསྶིཏྭཱ ཝེམཏིཀཱ ཧོནྟི – ‘‘ཨཏྠི ནུ ཁོ ཨཱགནྟུཀཱ བྷིཀྑཱུ ནཏྠི ནུ ཁོ’’ཏི. ཏེ ཝེམཏིཀཱ ན ཝིཙིནནྟི; ཨཝིཙིནིཏྭཱ ཨུཔོསཐཾ ཀརོནྟི. ཨཱཔཏྟི དུཀྐཊསྶ. ཏེ ཝེམཏིཀཱ ཝིཙིནནྟི; ཝིཙིནིཏྭཱ ན པསྶནྟི; ཨཔསྶིཏྭཱ ཨུཔོསཐཾ ཀརོནྟི. ཨནཱཔཏྟི. ཏེ ཝེམཏིཀཱ ཝིཙིནནྟི; ཝིཙིནིཏྭཱ པསྶནྟི; པསྶིཏྭཱ ཨེཀཏོ ཨུཔོསཐཾ ཀརོནྟི. ཨནཱཔཏྟི. ཏེ ཝེམཏིཀཱ ཝིཙིནནྟི; ཝིཙིནིཏྭཱ པསྶནྟི; པསྶིཏྭཱ པཱཊེཀྐཾ ཨུཔོསཐཾ ཀརོནྟི. ཨཱཔཏྟི དུཀྐཊསྶ. ཏེ ཝེམཏིཀཱ ཝིཙིནནྟི; ཝིཙིནིཏྭཱ པསྶནྟི; པསྶིཏྭཱ – ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ ཨུཔོསཐཾ ཀརོནྟི. ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཱཝཱསིཀཱ བྷིཀྑཱུ སུཎནྟི ཨཱགནྟུཀཱནཾ བྷིཀྑཱུནཾ ཨཱགནྟུཀཱཀཱརཾ, ཨཱགནྟུཀལིངྒཾ, ཨཱགནྟུཀནིམིཏྟཾ, ཨཱགནྟུཀུདྡེསཾ, ཨཱགཙྪནྟཱནཾ པདསདྡཾ, ཨུཔཱཧནཔཔྥོཊནསདྡཾ, ཨུཀྐཱསིཏསདྡཾ, ཁིཔིཏསདྡཾ; སུཏྭཱ ཝེམཏིཀཱ ཧོནྟི – ‘‘ཨཏྠི ནུ ཁོ ཨཱགནྟུཀཱ བྷིཀྑཱུ ནཏྠི ནུ ཁོ’’ཏི. ཏེ ཝེམཏིཀཱ ན ཝིཙིནནྟི; ཨཝིཙིནིཏྭཱ ཨུཔོསཐཾ ཀརོནྟི. ཨཱཔཏྟི དུཀྐཊསྶ. ཏེ ཝེམཏིཀཱ ཝིཙིནནྟི; ཝིཙིནིཏྭཱ ན པསྶནྟི; ཨཔསྶིཏྭཱ ཨུཔོསཐཾ ཀརོནྟི. ཨནཱཔཏྟི. ཏེ ཝེམཏིཀཱ ཝིཙིནནྟི; ཝིཙིནིཏྭཱ པསྶནྟི; པསྶིཏྭཱ ཨེཀཏོ ཨུཔོསཐཾ ཀརོནྟི. ཨནཱཔཏྟི. ཏེ ཝེམཏིཀཱ ཝིཙིནནྟི; ཝིཙིནིཏྭཱ པསྶནྟི; པསྶིཏྭཱ པཱཊེཀྐཾ ཨུཔོསཐཾ ཀརོནྟི. ཨཱཔཏྟི དུཀྐཊསྶ. ཏེ ཝེམཏིཀཱ ཝིཙིནནྟི; ཝིཙིནིཏྭཱ པསྶནྟི; པསྶིཏྭཱ – ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ ཨུཔོསཐཾ ཀརོནྟི. ཨཱཔཏྟི ཐུལླཙྩཡསྶ.

ལིངྒཱདིདསྶནཾ ནིཊྛིཏཾ.

༡༠༢. ནཱནཱསཾཝཱསཀཱདཱིཧི ཨུཔོསཐཀརཎཾ

༡༨༠. ཨིདྷ པན, བྷིཀྑཝེ, ཨཱགནྟུཀཱ བྷིཀྑཱུ པསྶནྟི ཨཱཝཱསིཀེ བྷིཀྑཱུ ནཱནཱསཾཝཱསཀེ. ཏེ སམཱནསཾཝཱསཀདིཊྛིཾ པཊིལབྷནྟི; སམཱནསཾཝཱསཀདིཊྛིཾ པཊིལབྷིཏྭཱ ན པུཙྪནྟི; ཨཔུཙྪིཏྭཱ ཨེཀཏོ ཨུཔོསཐཾ ཀརོནྟི. ཨནཱཔཏྟི. ཏེ པུཙྪནྟི; པུཙྪིཏྭཱ ནཱབྷིཝིཏརནྟི; ཨནབྷིཝིཏརིཏྭཱ ཨེཀཏོ ཨུཔོསཐཾ ཀརོནྟི. ཨཱཔཏྟི དུཀྐཊསྶ. ཏེ པུཙྪནྟི; པུཙྪིཏྭཱ ནཱབྷིཝིཏརནྟི; ཨནབྷིཝིཏརིཏྭཱ པཱཊེཀྐཾ ཨུཔོསཐཾ ཀརོནྟི. ཨནཱཔཏྟི.

ཨིདྷ པན, བྷིཀྑཝེ, ཨཱགནྟུཀཱ བྷིཀྑཱུ པསྶནྟི ཨཱཝཱསིཀེ བྷིཀྑཱུ སམཱནསཾཝཱསཀེ. ཏེ ནཱནཱསཾཝཱསཀདིཊྛིཾ པཊིལབྷནྟི; ནཱནཱསཾཝཱསཀདིཊྛིཾ པཊིལབྷིཏྭཱ ན པུཙྪནྟི; ཨཔུཙྪིཏྭཱ ཨེཀཏོ ཨུཔོསཐཾ ཀརོནྟི. ཨཱཔཏྟི དུཀྐཊསྶ. ཏེ པུཙྪནྟི; པུཙྪིཏྭཱ ཨབྷིཝིཏརནྟི; ཨབྷིཝིཏརིཏྭཱ པཱཊེཀྐཾ ཨུཔོསཐཾ ཀརོནྟི. ཨཱཔཏྟི དུཀྐཊསྶ. ཏེ པུཙྪནྟི; པུཙྪིཏྭཱ ཨབྷིཝིཏརནྟི; ཨབྷིཝིཏརིཏྭཱ ཨེཀཏོ ཨུཔོསཐཾ ཀརོནྟི. ཨནཱཔཏྟི.

ཨིདྷ པན, བྷིཀྑཝེ, ཨཱཝཱསིཀཱ བྷིཀྑཱུ པསྶནྟི ཨཱགནྟུཀེ བྷིཀྑཱུ ནཱནཱསཾཝཱསཀེ. ཏེ སམཱནསཾཝཱསཀདིཊྛིཾ པཊིལབྷནྟི; སམཱནསཾཝཱསཀདིཊྛིཾ པཊིལབྷིཏྭཱ ན པུཙྪནྟི; ཨཔུཙྪིཏྭཱ ཨེཀཏོ ཨུཔོསཐཾ ཀརོནྟི. ཨནཱཔཏྟི. ཏེ པུཙྪནྟི; པུཙྪིཏྭཱ ནཱབྷིཝིཏརནྟི; ཨནབྷིཝིཏརིཏྭཱ ཨེཀཏོ ཨུཔོསཐཾ ཀརོནྟི. ཨཱཔཏྟི དུཀྐཊསྶ. ཏེ པུཙྪནྟི; པུཙྪིཏྭཱ ནཱབྷིཝིཏརནྟི; ཨནབྷིཝིཏརིཏྭཱ པཱཊེཀྐཾ ཨུཔོསཐཾ ཀརོནྟི. ཨནཱཔཏྟི.

ཨིདྷ པན, བྷིཀྑཝེ, ཨཱཝཱསིཀཱ བྷིཀྑཱུ པསྶནྟི ཨཱགནྟུཀེ བྷིཀྑཱུ སམཱནསཾཝཱསཀེ. ཏེ ནཱནཱསཾཝཱསཀདིཊྛིཾ པཊིལབྷནྟི; ནཱནཱསཾཝཱསཀདིཊྛིཾ པཊིལབྷིཏྭཱ ན པུཙྪནྟི; ཨཔུཙྪིཏྭཱ ཨེཀཏོ ཨུཔོསཐཾ ཀརོནྟི. ཨཱཔཏྟི དུཀྐཊསྶ. ཏེ པུཙྪནྟི; པུཙྪིཏྭཱ ཨབྷིཝིཏརནྟི; ཨབྷིཝིཏརིཏྭཱ པཱཊེཀྐཾ ཨུཔོསཐཾ ཀརོནྟི. ཨཱཔཏྟི དུཀྐཊསྶ. ཏེ པུཙྪནྟི; པུཙྪིཏྭཱ ཨབྷིཝིཏརནྟི; ཨབྷིཝིཏརིཏྭཱ ཨེཀཏོ ཨུཔོསཐཾ ཀརོནྟི. ཨནཱཔཏྟི.

ནཱནཱསཾཝཱསཀཱདཱིཧི ཨུཔོསཐཀརཎཾ ནིཊྛིཏཾ.

༡༠༣. ནགནྟབྦཝཱརོ

༡༨༡. ན, བྷིཀྑཝེ, ཏདཧུཔོསཐེ སབྷིཀྑུཀཱ ཨཱཝཱསཱ ཨབྷིཀྑུཀོ ཨཱཝཱསོ གནྟབྦོ, ཨཉྙཏྲ སངྒྷེན ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུཔོསཐེ སབྷིཀྑུཀཱ ཨཱཝཱསཱ ཨབྷིཀྑུཀོ ཨནཱཝཱསོ གནྟབྦོ, ཨཉྙཏྲ སངྒྷེན ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུཔོསཐེ སབྷིཀྑུཀཱ ཨཱཝཱསཱ ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ སངྒྷེན ཨཉྙཏྲ ཨནྟརཱཡཱ.

ན, བྷིཀྑཝེ, ཏདཧུཔོསཐེ སབྷིཀྑུཀཱ ཨནཱཝཱསཱ ཨབྷིཀྑུཀོ ཨཱཝཱསོ གནྟབྦོ, ཨཉྙཏྲ སངྒྷེན ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུཔོསཐེ སབྷིཀྑུཀཱ ཨནཱཝཱསཱ ཨབྷིཀྑུཀོ ཨནཱཝཱསོ གནྟབྦོ, ཨཉྙཏྲ སངྒྷེན ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུཔོསཐེ སབྷིཀྑུཀཱ ཨནཱཝཱསཱ ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ སངྒྷེན ཨཉྙཏྲ ཨནྟརཱཡཱ.

ན, བྷིཀྑཝེ, ཏདཧུཔོསཐེ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ ཨབྷིཀྑུཀོ ཨཱཝཱསོ གནྟབྦོ, ཨཉྙཏྲ སངྒྷེན ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུཔོསཐེ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ ཨབྷིཀྑུཀོ ཨནཱཝཱསོ གནྟབྦོ, ཨཉྙཏྲ སངྒྷེན ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུཔོསཐེ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ སངྒྷེན ཨཉྙཏྲ ཨནྟརཱཡཱ.

ན, བྷིཀྑཝེ, ཏདཧུཔོསཐེ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུཔོསཐེ སབྷིཀྑུཀཱ ཨཱཝཱསཱ སབྷིཀྑུཀོ ཨནཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུཔོསཐེ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན ཨཉྙཏྲ ཨནྟརཱཡཱ.

ན, བྷིཀྑཝེ, ཏདཧུཔོསཐེ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུཔོསཐེ སབྷིཀྑུཀཱ ཨནཱཝཱསཱ སབྷིཀྑུཀོ ཨནཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུཔོསཐེ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན ཨཉྙཏྲ ཨནྟརཱཡཱ.

ན, བྷིཀྑཝེ, ཏདཧུཔོསཐེ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུཔོསཐེ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨནཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུཔོསཐེ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན ཨཉྙཏྲ ཨནྟརཱཡཱ.

ནགནྟབྦཝཱརོ ནིཊྛིཏོ.

༡༠༤. གནྟབྦཝཱརོ

༡༨༢. གནྟབྦོ, བྷིཀྑཝེ, ཏདཧུཔོསཐེ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ – ‘‘སཀྐོམི ཨཛྫེཝ གནྟུ’’ནྟི. གནྟབྦོ, བྷིཀྑཝེ, ཏདཧུཔོསཐེ སབྷིཀྑུཀཱ ཨཱཝཱསཱ སབྷིཀྑུཀོ ཨནཱཝཱསོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ – ‘‘སཀྐོམི ཨཛྫེཝ གནྟུ’’ནྟི.

གནྟབྦོ, བྷིཀྑཝེ, ཏདཧུཔོསཐེ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ…པེ… སབྷིཀྑུཀོ ཨནཱཝཱསོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ – ‘‘སཀྐོམི ཨཛྫེཝ གནྟུ’’ནྟི.

གནྟབྦོ, བྷིཀྑཝེ, ཏདཧུཔོསཐེ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨཱཝཱསོ…པེ… སབྷིཀྑུཀོ ཨནཱཝཱསོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ – ‘‘སཀྐོམི ཨཛྫེཝ གནྟུ’’ནྟི.

གནྟབྦཝཱརོ ནིཊྛིཏོ.

༡༠༥. ཝཛྫནཱིཡཔུགྒལསནྡསྶནཱ

༡༨༣. ན, བྷིཀྑཝེ, བྷིཀྑུནིཡཱ ནིསིནྣཔརིསཱཡ པཱཏིམོཀྑཾ ཨུདྡིསིཏབྦཾ. ཡོ ཨུདྡིསེཡྻ, ཨཱཔཏྟི དུཀྐཊསྶ. ན སིཀྑམཱནཱཡ…པེ… ན སཱམཎེརསྶ …པེ… ན སཱམཎེརིཡཱ…པེ… ན སིཀྑཱཔཙྩཀྑཱཏཀསྶ…པེ… ན ཨནྟིམཝཏྠུཾ ཨཛ྄ཛྷཱཔནྣཀསྶ ནིསིནྣཔརིསཱཡ པཱཏིམོཀྑཾ ཨུདྡིསིཏབྦཾ. ཡོ ཨུདྡིསེཡྻ, ཨཱཔཏྟི དུཀྐཊསྶ.

ན ཨཱཔཏྟིཡཱ ཨདསྶནེ ཨུཀྑིཏྟཀསྶ ནིསིནྣཔརིསཱཡ པཱཏིམོཀྑཾ ཨུདྡིསིཏབྦཾ. ཡོ ཨུདྡིསེཡྻ, ཡཐཱདྷམྨོ ཀཱརེཏབྦོ. ན ཨཱཔཏྟིཡཱ ཨཔྤཊིཀམྨེ ཨུཀྑིཏྟཀསྶ ནིསིནྣཔརིསཱཡ…པེ… ན པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཏྟཀསྶ ནིསིནྣཔརིསཱཡ པཱཏིམོཀྑཾ ཨུདྡིསིཏབྦཾ. ཡོ ཨུདྡིསེཡྻ, ཡཐཱདྷམྨོ ཀཱརེཏབྦོ.

ན པཎྜཀསྶ ནིསིནྣཔརིསཱཡ པཱཏིམོཀྑཾ ཨུདྡིསིཏབྦཾ. ཡོ ཨུདྡིསེཡྻ, ཨཱཔཏྟི དུཀྐཊསྶ. ན ཐེཡྻསཾཝཱསཀསྶ…པེ… ན ཏིཏྠིཡཔཀྐནྟཀསྶ…པེ… ན ཏིརཙྪཱནགཏསྶ…པེ… ན མཱཏུགྷཱཏཀསྶ…པེ… ན པིཏུགྷཱཏཀསྶ…པེ… ན ཨརཧནྟགྷཱཏཀསྶ…པེ… ན བྷིཀྑུནིདཱུསཀསྶ…པེ… ན སངྒྷབྷེདཀསྶ…པེ… ན ལོཧིཏུཔྤཱདཀསྶ…པེ… ན ཨུབྷཏོབྱཉྫནཀསྶ ནིསིནྣཔརིསཱཡ པཱཏིམོཀྑཾ ཨུདྡིསིཏབྦཾ. ཡོ ཨུདྡིསེཡྻ, ཨཱཔཏྟི དུཀྐཊསྶ.

ན, བྷིཀྑཝེ, པཱརིཝཱསིཀཔཱརིསུདྡྷིདཱནེན ཨུཔོསཐོ ཀཱཏབྦོ, ཨཉྙཏྲ ཨཝུཊྛིཏཱཡ པརིསཱཡ. ན ཙ, བྷིཀྑཝེ, ཨནུཔོསཐེ ཨུཔོསཐོ ཀཱཏབྦོ, ཨཉྙཏྲ སངྒྷསཱམགྒིཡཱཏི.

ཝཛྫནཱིཡཔུགྒལསནྡསྶནཱ ནིཊྛིཏཱ.

ཏཏིཡབྷཱཎཝཱརོ ནིཊྛིཏོ.

ཨུཔོསཐཀྑནྡྷཀོ དུཏིཡོ.

༡༠༦. ཏསྶུདྡཱནཾ

ཏིཏྠིཡཱ བིམྦིསཱརོ ཙ, སནྣིཔཏིཏུཾ ཏུཎྷིཀཱ;

དྷམྨཾ རཧོ པཱཏིམོཀྑཾ, དེཝསིཀཾ ཏདཱ སཀིཾ.

ཡཐཱཔརིསཱ སམགྒཾ, སཱམགྒཱི མདྡཀུཙྪི ཙ;

སཱིམཱ མཧཏཱི ནདིཡཱ, ཨནུ དྭེ ཁུདྡཀཱནི ཙ.

ནཝཱ རཱཛགཧེ ཙེཝ, སཱིམཱ ཨཝིཔྤཝཱསནཱ;

སམྨནྣེ [སམྨནེ (ཀ.)] པཋམཾ སཱིམཾ, པཙྪཱ སཱིམཾ སམཱུཧནེ.

ཨསམྨཏཱ གཱམསཱིམཱ, ནདིཡཱ སམུདྡེ སརེ;

ཨུདཀུཀྑེཔོ བྷིནྡནྟི, ཏཐེཝཛ྄ཛྷོཏྠརནྟི ཙ.

ཀཏི ཀམྨཱནི ཨུདྡེསོ, སཝརཱ ཨསཏཱིཔི ཙ;

དྷམྨཾ ཝིནཡཾ ཏཛྫེནྟི, པུན ཝིནཡཏཛྫནཱ.

ཙོདནཱ ཀཏེ ཨོཀཱསེ, ཨདྷམྨཔྤཊིཀྐོསནཱ;

ཙཏུཔཉྩཔརཱ ཨཱཝི, སཉྩིཙྩ ཙེཔི ཝཱཡམེ.

སགཧཊྛཱ ཨནཛ྄ཛྷིཊྛཱ, ཙོདནམྷི ན ཛཱནཏི;

སམྦཧུལཱ ན ཛཱནནྟི, སཛྫུཀཾ ན ཙ གཙྪརེ.

ཀཏིམཱི ཀཱིཝཏིཀཱ དཱུརེ, ཨཱརོཙེཏུཉྩ ནསྶརི;

ཨུཀླཱཔཾ ཨཱསནཾ དཱིཔོ, དིསཱ ཨཉྙོ བཧུསྶུཏོ.

སཛྫུཀཾ [སཛྫུཝསྶརུཔོསཐོ (ཀ.)] ཝསྶུཔོསཐོ, སུདྡྷིཀམྨཉྩ ཉཱཏཀཱ;

གགྒོ ཙཏུཏཡོ དྭེཀོ, ཨཱཔཏྟིསབྷཱགཱ སརི.

སབྦོ སངྒྷོ ཝེམཏིཀོ, ན ཛཱནནྟི བཧུསྶུཏོ;

བཧཱུ སམསམཱ ཐོཀཱ, པརིསཱ ཨཝུཊྛིཏཱཡ ཙ.

ཨེཀཙྩཱ ཝུཊྛིཏཱ སབྦཱ, ཛཱནནྟི ཙ ཝེམཏིཀཱ;

ཀཔྤཏེཝཱཏི ཀུཀྐུཙྩཱ, ཛཱནཾ པསྶཾ སུཎནྟི ཙ.

ཨཱཝཱསིཀེན ཨཱགནྟུ, ཙཱཏུཔནྣརསོ པུན;

པཱཊིཔདོ པནྣརསོ, ལིངྒསཾཝཱསཀཱ ཨུབྷོ.

པཱརིཝཱསཱནུཔོསཐོ, ཨཉྙཏྲ སངྒྷསཱམགྒིཡཱ;

ཨེཏེ ཝིབྷཏྟཱ ཨུདྡཱནཱ, ཝཏྠུཝིབྷཱུཏཀཱརཎཱཏི.

ཨིམསྨིཾ ཁནྡྷཀེ ཝཏྠཱུནི ཚཨསཱིཏི.

ཨུཔོསཐཀྑནྡྷཀོ ནིཊྛིཏོ.

༣. ཝསྶཱུཔནཱཡིཀཀྑནྡྷཀོ

༡༠༧. ཝསྶཱུཔནཱཡིཀཱནུཛཱནནཱ

༡༨༤. ཏེན སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན བྷགཝཏཱ བྷིཀྑཱུནཾ ཝསྶཱཝཱསོ ཨཔཉྙཏྟོ ཧོཏི. ཏེཨིདྷ བྷིཀྑཱུ ཧེམནྟམྤི གིམྷམྤི ཝསྶམྤི ཙཱརིཀཾ ཙརནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཧེམནྟམྤི གིམྷམྤི ཝསྶམྤི ཙཱརིཀཾ ཙརིསྶནྟི, ཧརིཏཱནི ཏིཎཱནི སམྨདྡནྟཱ, ཨེཀིནྡྲིཡཾ ཛཱིཝཾ ཝིཧེཋེནྟཱ, བཧཱུ ཁུདྡཀེ པཱཎེ སངྒྷཱཏཾ ཨཱཔཱདེནྟཱ. ཨིམེ ཧི ནཱམ ཨཉྙཏིཏྠིཡཱ དུརཀྑཱཏདྷམྨཱ ཝསྶཱཝཱསཾ ཨལླཱིཡིསྶནྟི སངྐསཱཡིསྶནྟི. ཨིམེ ཧི ནཱམ སཀུནྟཀཱ རུཀྑགྒེསུ ཀུལཱཝཀཱནི ཀརིཏྭཱ ཝསྶཱཝཱསཾ ཨལླཱིཡིསྶནྟི སངྐསཱཡིསྶནྟི [སངྐཱསཡིསྶནྟི (སཱི. སྱཱ.)]. ཨིམེ པན སམཎཱ སཀྱཔུཏྟིཡཱ ཧེམནྟམྤི གིམྷམྤི ཝསྶམྤི ཙཱརིཀཾ ཙརནྟི, ཧརིཏཱནི ཏིཎཱནི སམྨདྡནྟཱ, ཨེཀིནྡྲིཡཾ ཛཱིཝཾ ཝིཧེཋེནྟཱ, བཧཱུ ཁུདྡཀེ པཱཎེ སངྒྷཱཏཾ ཨཱཔཱདེནྟཱ’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཝསྶཾ ཨུཔགནྟུ’’ནྟི. ཨཐ ཁོ བྷིཀྑཱུནཾ ཨེཏདཧོསི – ‘‘ཀདཱ ནུ ཁོ ཝསྶཾ ཨུཔགནྟབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཝསྶཱནེ ཝསྶཾ ཨུཔགནྟུནྟི.

ཨཐ ཁོ བྷིཀྑཱུནཾ ཨེཏདཧོསི – ‘‘ཀཏི ནུ ཁོ ཝསྶཱུཔནཱཡིཀཱ’’ཏི? བྷགཝཏོ ཨེཏམཏྠཾ

ཨཱརོཙེསུཾ. དྭེམཱ, བྷིཀྑཝེ, ཝསྶཱུཔནཱཡིཀཱ – པུརིམིཀཱ, པཙྪིམིཀཱ. ཨཔརཛྫུགཏཱཡ ཨཱསཱལ༹ྷིཡཱ པུརིམིཀཱ ཨུཔགནྟབྦཱ, མཱསགཏཱཡ ཨཱསཱལ༹ྷིཡཱ པཙྪིམིཀཱ ཨུཔགནྟབྦཱ – ཨིམཱ ཁོ, བྷིཀྑཝེ, དྭེ ཝསྶཱུཔནཱཡིཀཱཏི.

ཝསྶཱུཔནཱཡིཀཱནུཛཱནནཱ ནིཊྛིཏཱ.

༡༠༨. ཝསྶཱནེ ཙཱརིཀཱཔཊིཀྑེཔཱདི

༡༨༥. ཏེན ཁོ པན སམཡེན ཚབྦགྒིཡཱ བྷིཀྑཱུ ཝསྶཾ ཨུཔགནྟྭཱ ཨནྟརཱཝསྶཾ ཙཱརིཀཾ ཙརནྟི. མནུསྶཱ ཏཐེཝ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཧེམནྟམྤི གིམྷམྤི ཝསྶམྤི ཙཱརིཀཾ ཙརིསྶནྟི, ཧརིཏཱནི ཏིཎཱནི སམྨདྡནྟཱ, ཨེཀིནྡྲིཡཾ ཛཱིཝཾ ཝིཧེཋེནྟཱ, བཧཱུ ཁུདྡཀེ པཱཎེ སངྒྷཱཏཾ ཨཱཔཱདེནྟཱ. ཨིམེ ཧི ནཱམ ཨཉྙཏིཏྠིཡཱ དུརཀྑཱཏདྷམྨཱ ཝསྶཱཝཱསཾ ཨལླཱིཡིསྶནྟི སངྐསཱཡིསྶནྟི. ཨིམེ ཧི ནཱམ སཀུནྟཀཱ རུཀྑགྒེསུ ཀུལཱཝཀཱནི ཀརིཏྭཱ ཝསྶཱཝཱསཾ ཨལླཱིཡིསྶནྟི སངྐསཱཡིསྶནྟི. ཨིམེ པན སམཎཱ སཀྱཔུཏྟིཡཱ ཧེམནྟམྤི གིམྷམྤི ཝསྶམྤི ཙཱརིཀཾ ཙརནྟི, ཧརིཏཱནི ཏིཎཱནི སམྨདྡནྟཱ, ཨེཀིནྡྲིཡཾ ཛཱིཝཾ ཝིཧེཋེནྟཱ, བཧཱུ ཁུདྡཀེ པཱཎེ སངྒྷཱཏཾ ཨཱཔཱདེནྟཱ’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཝསྶཾ ཨུཔགནྟྭཱ ཨནྟརཱཝསྶཾ ཙཱརིཀཾ ཙརིསྶནྟཱི’’ཏི? ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཝསྶཾ ཨུཔགནྟྭཱ པུརིམཾ ཝཱ ཏེམཱསཾ པཙྪིམཾ ཝཱ ཏེམཱསཾ ཨཝསིཏྭཱ ཙཱརིཀཱ པཀྐམིཏབྦཱ. ཡོ པཀྐམེཡྻ, ཨཱཔཏྟི དུཀྐཊསྶཱ’’ཏི.

༡༨༦. ཏེན ཁོ པན སམཡེན ཚབྦགྒིཡཱ བྷིཀྑཱུ ན ཨིཙྪནྟི ཝསྶཾ ཨུཔགནྟུཾ. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཝསྶཾ ན ཨུཔགནྟབྦཾ. ཡོ ན ཨུཔགཙྪེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཏདཧུ ཝསྶཱུཔནཱཡིཀཱཡ ཝསྶཾ ཨནུཔགནྟུཀཱམཱ སཉྩིཙྩ ཨཱཝཱསཾ ཨཏིཀྐམནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཏདཧུ ཝསྶཱུཔནཱཡིཀཱཡ ཝསྶཾ ཨནུཔགནྟུཀཱམེན སཉྩིཙྩ ཨཱཝཱསོ ཨཏིཀྐམིཏབྦོ. ཡོ ཨཏིཀྐམེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན རཱཛཱ མཱགདྷོ སེནིཡོ བིམྦིསཱརོ ཝསྶཾ ཨུཀྐཌྜྷིཏུཀཱམོ

བྷིཀྑཱུནཾ སནྟིཀེ དཱུཏཾ པཱཧེསི – ཡདི པནཱཡྻཱ ཨཱགམེ ཛུཎྷེ ཝསྶཾ ཨུཔགཙྪེཡྻུནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, རཱཛཱུནཾ ཨནུཝཏྟིཏུནྟི.

ཝསྶཱནེ ཙཱརིཀཱཔཊིཀྑེཔཱདི ནིཊྛིཏཱ.

༡༠༩. སཏྟཱཧཀརཎཱིཡཱནུཛཱནནཱ

༡༨༧. ཨཐ ཁོ བྷགཝཱ རཱཛགཧེ ཡཐཱབྷིརནྟཾ ཝིཧརིཏྭཱ ཡེན སཱཝཏྠི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན སཱཝཏྠི ཏདཝསརི. ཏཏྲ སུདཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཀོསལེསུ ཛནཔདེ ཨུདེནེན ཨུཔཱསཀེན སངྒྷཾ ཨུདྡིསྶ ཝིཧཱརོ ཀཱརཱཔིཏོ ཧོཏི. སོ བྷིཀྑཱུནཾ སནྟིཀེ དཱུཏཾ པཱཧེསི – ‘‘ཨཱགཙྪནྟུ བྷདནྟཱ, ཨིཙྪཱམི དཱནཉྩ དཱཏུཾ, དྷམྨཉྩ སོཏུཾ, བྷིཀྑཱུ ཙ པསྶིཏུ’’ནྟི. བྷིཀྑཱུ ཨེཝམཱཧཾསུ – ‘‘བྷགཝཏཱ, ཨཱཝུསོ, པཉྙཏྟཾ ‘ན ཝསྶཾ ཨུཔགནྟྭཱ པུརིམཾ ཝཱ ཏེམཱསཾ པཙྪིམཾ ཝཱ ཏེམཱསཾ ཨཝསིཏྭཱ ཙཱརིཀཱ པཀྐམིཏབྦཱ’ཏི. ཨཱགམེཏུ ཨུདེནོ ཨུཔཱསཀོ, ཡཱཝ བྷིཀྑཱུ ཝསྶཾ ཝསནྟི. ཝསྶཾཝུཊྛཱ ཨཱགམིསྶནྟི. སཙེ པནསྶ ཨཙྩཱཡིཀཾ ཀརཎཱིཡཾ, ཏཏྠེཝ ཨཱཝཱསིཀཱནཾ བྷིཀྑཱུནཾ སནྟིཀེ ཝིཧཱརཾ པཏིཊྛཱཔེཏཱུ’’ཏི. ཨུདེནོ ཨུཔཱསཀོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ བྷདནྟཱ མཡཱ པཧིཏེ ན ཨཱགཙྪིསྶནྟི. ཨཧཉྷི དཱཡཀོ ཀཱརཀོ སངྒྷུཔཊྛཱཀོ’’ཏི. ཨསྶོསུཾ ཁོ བྷིཀྑཱུ ཨུདེནསྶ ཨུཔཱསཀསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, སཏྟནྣཾ སཏྟཱཧཀརཎཱིཡེན པཧིཏེ གནྟུཾ, ན ཏྭེཝ ཨཔྤཧིཏེ. བྷིཀྑུསྶ, བྷིཀྑུནིཡཱ, སིཀྑམཱནཱཡ, སཱམཎེརསྶ, སཱམཎེརིཡཱ, ཨུཔཱསཀསྶ, ཨུཔཱསིཀཱཡ – ཨནུཛཱནཱམི, བྷིཀྑཝེ, ཨིམེསཾ སཏྟནྣཾ སཏྟཱཧཀརཎཱིཡེན པཧིཏེ གནྟུཾ, ན ཏྭེཝ ཨཔྤཧིཏེ. སཏྟཱཧཾ སནྣིཝཏྟོ ཀཱཏབྦོ’’.

༡༨༨. ཨིདྷ པན, བྷིཀྑཝེ, ཨུཔཱསཀེན སངྒྷཾ ཨུདྡིསྶ ཝིཧཱརོ ཀཱརཱཔིཏོ ཧོཏི. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཱགཙྪནྟུ བྷདནྟཱ, ཨིཙྪཱམི དཱནཉྩ དཱཏུཾ, དྷམྨཉྩ སོཏུཾ, བྷིཀྑཱུ ཙ པསྶིཏུ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, པཧིཏེ, ན ཏྭེཝ ཨཔྤཧིཏེ. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, ཨུཔཱསཀེན སངྒྷཾ ཨུདྡིསྶ ཨཌྜྷཡོགོ ཀཱརཱཔིཏོ ཧོཏི…པེ… པཱསཱདོ ཀཱརཱཔིཏོ ཧོཏི… ཧམྨིཡཾ ཀཱརཱཔིཏཾ ཧོཏི… གུཧཱ ཀཱརཱཔིཏཱ ཧོཏི… པརིཝེཎཾ ཀཱརཱཔིཏཾ ཧོཏི… ཀོཊྛཀོ ཀཱརཱཔིཏོ ཧོཏི… ཨུཔཊྛཱནསཱལཱ ཀཱརཱཔིཏཱ ཧོཏི… ཨགྒིསཱལཱ ཀཱརཱཔིཏཱ ཧོཏི… ཀཔྤིཡཀུཊི ཀཱརཱཔིཏཱ ཧོཏི… ཝཙྩཀུཊི ཀཱརཱཔིཏཱ ཧོཏི… ཙངྐམོ ཀཱརཱཔིཏོ ཧོཏི … ཙངྐམནསཱལཱ ཀཱརཱཔིཏཱ ཧོཏི… ཨུདཔཱནོ ཀཱརཱཔིཏོ ཧོཏི … ཨུདཔཱནསཱལཱ ཀཱརཱཔིཏཱ ཧོཏི… ཛནྟཱགྷརཾ ཀཱརཱཔིཏཾ ཧོཏི… ཛནྟཱགྷརསཱལཱ ཀཱརཱཔིཏཱ ཧོཏི… པོཀྑརཎཱི ཀཱརཱཔིཏཱ ཧོཏི… མཎྜཔོ ཀཱརཱཔིཏོ ཧོཏི… ཨཱརཱམོ ཀཱརཱཔིཏོ ཧོཏི… ཨཱརཱམཝཏྠུ ཀཱརཱཔིཏཾ ཧོཏི. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཱགཙྪནྟུ བྷདནྟཱ, ཨིཙྪཱམི དཱནཉྩ དཱཏུཾ, དྷམྨཉྩ སོཏུཾ, བྷིཀྑཱུ ཙ པསྶིཏུ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, པཧིཏེ, ན ཏྭེཝ ཨཔྤཧིཏེ. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, ཨུཔཱསཀེན སམྦཧུལེ བྷིཀྑཱུ ཨུདྡིསྶ…པེ… ཨེཀཾ བྷིཀྑུཾ ཨུདྡིསྶ ཝིཧཱརོ ཀཱརཱཔིཏོ ཧོཏི… ཨཌྜྷཡོགོ ཀཱརཱཔིཏོ ཧོཏི… པཱསཱདོ ཀཱརཱཔིཏོ ཧོཏི … ཧམྨིཡཾ ཀཱརཱཔིཏཾ ཧོཏི… གུཧཱ ཀཱརཱཔིཏཱ ཧོཏི… པརིཝེཎཾ ཀཱརཱཔིཏཾ ཧོཏི… ཀོཊྛཀོ ཀཱརཱཔིཏོ ཧོཏི… ཨུཔཊྛཱནསཱལཱ ཀཱརཱཔིཏཱ ཧོཏི… ཨགྒིསཱལཱ ཀཱརཱཔིཏཱ ཧོཏི… ཀཔྤིཡཀུཊི ཀཱརཱཔིཏཱ ཧོཏི… ཝཙྩཀུཊི ཀཱརཱཔིཏཱ ཧོཏི… ཙངྐམོ ཀཱརཱཔིཏོ ཧོཏི… ཙངྐམནསཱལཱ ཀཱརཱཔིཏཱ ཧོཏི… ཨུདཔཱནོ ཀཱརཱཔིཏོ ཧོཏི… ཨུདཔཱནསཱལཱ ཀཱརཱཔིཏཱ ཧོཏི… ཛནྟཱགྷརཾ ཀཱརཱཔིཏཾ ཧོཏི… ཛནྟཱགྷརསཱལཱ ཀཱརཱཔིཏཱ ཧོཏི… པོཀྑརཎཱི ཀཱརཱཔིཏཱ ཧོཏི… མཎྜཔོ ཀཱརཱཔིཏོ ཧོཏི… ཨཱརཱམོ ཀཱརཱཔིཏོ ཧོཏི… ཨཱརཱམཝཏྠུ ཀཱརཱཔིཏཾ ཧོཏི. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཱགཙྪནྟུ བྷདནྟཱ, ཨིཙྪཱམི དཱནཉྩ དཱཏུཾ, དྷམྨཉྩ སོཏུཾ, བྷིཀྑཱུ ཙ པསྶིཏུ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, པཧིཏེ, ན ཏྭེཝ ཨཔྤཧིཏེ. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, ཨུཔཱསཀེན བྷིཀྑུནིསངྒྷཾ ཨུདྡིསྶ…པེ… སམྦཧུལཱ བྷིཀྑུནིཡོ ཨུདྡིསྶ…པེ… ཨེཀཾ བྷིཀྑུནིཾ ཨུདྡིསྶ…པེ… སམྦཧུལཱ སིཀྑམཱནཱཡོ ཨུདྡིསྶ…པེ… ཨེཀཾ སིཀྑམཱནཾ ཨུདྡིསྶ…པེ… སམྦཧུལེ སཱམཎེརེ ཨུདྡིསྶ…པེ… ཨེཀཾ སཱམཎེརཾ ཨུདྡིསྶ…པེ… སམྦཧུལཱ སཱམཎེརིཡོ ཨུདྡིསྶ…པེ… ཨེཀཾ སཱམཎེརིཾ ཨུདྡིསྶ ཝིཧཱརོ ཀཱརཱཔིཏོ ཧོཏི…པེ… ཨཌྜྷཡོགོ ཀཱརཱཔིཏོ ཧོཏི… པཱསཱདོ ཀཱརཱཔིཏོ ཧོཏི… ཧམྨིཡཾ ཀཱརཱཔིཏཾ ཧོཏི… གུཧཱ ཀཱརཱཔིཏཱ ཧོཏི… པརིཝེཎཾ ཀཱརཱཔིཏཾ ཧོཏི… ཀོཊྛཀོ ཀཱརཱཔིཏོ ཧོཏི… ཨུཔཊྛཱནསཱལཱ ཀཱརཱཔིཏཱ ཧོཏི… ཨགྒིསཱལཱ ཀཱརཱཔིཏཱ ཧོཏི … ཀཔྤིཡཀུཊི ཀཱརཱཔིཏཱ ཧོཏི… ཙངྐམོ ཀཱརཱཔིཏོ ཧོཏི… ཙངྐམནསཱལཱ ཀཱརཱཔིཏཱ ཧོཏི… ཨུདཔཱནོ ཀཱརཱཔིཏོ ཧོཏི… ཨུདཔཱནསཱལཱ ཀཱརཱཔིཏཱ ཧོཏི… པོཀྑརཎཱི ཀཱརཱཔིཏཱ ཧོཏི… མཎྜཔོ ཀཱརཱཔིཏོ ཧོཏི… ཨཱརཱམོ ཀཱརཱཔིཏོ ཧོཏི… ཨཱརཱམཝཏྠུ ཀཱརཱཔིཏཾ ཧོཏི. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཱགཙྪནྟུ བྷདནྟཱ, ཨིཙྪཱམི དཱནཉྩ དཱཏུཾ, དྷམྨཉྩ སོཏུཾ, བྷིཀྑཱུ ཙ པསྶིཏུ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, པཧིཏེ, ན ཏྭེཝ ཨཔྤཧིཏེ. སཏྟཱཧཾ སནྣིཝཏྟོ ཀཱཏབྦོ.

༡༨༩. ཨིདྷ པན, བྷིཀྑཝེ, ཨུཔཱསཀེན ཨཏྟནོ ཨཏྠཱཡ ནིཝེསནཾ ཀཱརཱཔིཏཾ ཧོཏི…པེ… སཡནིགྷརཾ ཀཱརཱཔིཏཾ ཧོཏི… ཨུདོསིཏོ ཀཱརཱཔིཏོ ཧོཏི… ཨཊྚོ ཀཱརཱཔིཏོ ཧོཏི… མཱལོ༹ ཀཱརཱཔིཏོ ཧོཏི… ཨཱཔཎོ ཀཱརཱཔིཏོ ཧོཏི… ཨཱཔཎསཱལཱ ཀཱརཱཔིཏཱ ཧོཏི… པཱསཱདོ ཀཱརཱཔིཏོ ཧོཏི… ཧམྨིཡཾ ཀཱརཱཔིཏཾ ཧོཏི… གུཧཱ ཀཱརཱཔིཏཱ ཧོཏི… པརིཝེཎཾ ཀཱརཱཔིཏཾ ཧོཏི… ཀོཊྛཀོ ཀཱརཱཔིཏོ ཧོཏི… ཨུཔཊྛཱནསཱལཱ ཀཱརཱཔིཏཱ ཧོཏི… ཨགྒིསཱལཱ ཀཱརཱཔིཏཱ ཧོཏི… རསཝཏཱི ཀཱརཱཔིཏཱ ཧོཏི… ཙངྐམོ ཀཱརཱཔིཏོ ཧོཏི… ཙངྐམནསཱལཱ ཀཱརཱཔིཏཱ ཧོཏི… ཨུདཔཱནོ ཀཱརཱཔིཏོ ཧོཏི… ཨུདཔཱནསཱལཱ ཀཱརཱཔིཏཱ ཧོཏི… པོཀྑརཎཱི ཀཱརཱཔིཏཱ ཧོཏི… མཎྜཔོ ཀཱརཱཔིཏོ ཧོཏི… ཨཱརཱམོ ཀཱརཱཔིཏོ ཧོཏི … ཨཱརཱམཝཏྠུ ཀཱརཱཔིཏཾ ཧོཏི… པུཏྟསྶ ཝཱ ཝཱརེཡྻཾ ཧོཏི… དྷཱིཏུཡཱ ཝཱ ཝཱརེཡྻཾ ཧོཏི… གིལཱནོ ཝཱ ཧོཏི… ཨབྷིཉྙཱཏཾ ཝཱ སུཏྟནྟཾ བྷཎཏི. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘ཨཱགཙྪནྟུ བྷདནྟཱ, ཨིམཾ སུཏྟནྟཾ པརིཡཱཔུཎིསྶནྟི, པུརཱཡཾ སུཏྟནྟོ ན པལུཛྫཏཱི’ཏི. ཨཉྙཏརཾ ཝཱ པནསྶ ཀིཙྩཾ ཧོཏི – ཀརཎཱིཡཾ ཝཱ, སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཱགཙྪནྟུ བྷདནྟཱ, ཨིཙྪཱམི དཱནཉྩ དཱཏུཾ, དྷམྨཉྩ སོཏུཾ, བྷིཀྑཱུ ཙ པསྶིཏུ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, པཧིཏེ, ན ཏྭེཝ ཨཔྤཧིཏེ. སཏྟཱཧཾ སནྣིཝཏྟོ ཀཱཏབྦོ.

༡༩༠. ཨིདྷ པན, བྷིཀྑཝེ, ཨུཔཱསིཀཱཡ སངྒྷཾ ཨུདྡིསྶ ཝིཧཱརོ ཀཱརཱཔིཏོ ཧོཏི. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཱགཙྪནྟུ ཨཡྻཱ, ཨིཙྪཱམི དཱནཉྩ དཱཏུཾ, དྷམྨཉྩ སོཏུཾ, བྷིཀྑཱུ ཙ པསྶིཏུ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, པཧིཏེ, ན ཏྭེཝ ཨཔྤཧིཏེ. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, ཨུཔཱསིཀཱཡ སངྒྷཾ ཨུདྡིསྶ ཨཌྜྷཡོགོ ཀཱརཱཔིཏོ ཧོཏི…པེ… པཱསཱདོ ཀཱརཱཔིཏོ ཧོཏི… ཧམྨིཡཾ ཀཱརཱཔིཏཾ ཧོཏི… གུཧཱ ཀཱརཱཔིཏཱ ཧོཏི… པརིཝེཎཾ ཀཱརཱཔིཏཾ ཧོཏི… ཀོཊྛཀོ ཀཱརཱཔིཏོ ཧོཏི… ཨུཔཊྛཱནསཱལཱ ཀཱརཱཔིཏཱ ཧོཏི… ཨགྒིསཱལཱ ཀཱརཱཔིཏཱ ཧོཏི… ཀཔྤིཡཀུཊི ཀཱརཱཔིཏཱ ཧོཏི… ཝཙྩཀུཊི ཀཱརཱཔིཏཱ ཧོཏི… ཙངྐམོ ཀཱརཱཔིཏོ ཧོཏི… ཙངྐམནསཱལཱ ཀཱརཱཔིཏཱ ཧོཏི… ཨུདཔཱནོ ཀཱརཱཔིཏོ ཧོཏི… ཨུདཔཱནསཱལཱ ཀཱརཱཔིཏཱ ཧོཏི… ཛནྟཱགྷརཾ ཀཱརཱཔིཏཾ ཧོཏི… ཛནྟཱགྷརསཱལཱ ཀཱརཱཔིཏཱ ཧོཏི… པོཀྑརཎཱི ཀཱརཱཔིཏཱ ཧོཏི… མཎྜཔོ ཀཱརཱཔིཏོ ཧོཏི… ཨཱརཱམོ ཀཱརཱཔིཏོ ཧོཏི… ཨཱརཱམཝཏྠུ ཀཱརཱཔིཏཾ ཧོཏི. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཱགཙྪནྟུ ཨཡྻཱ, ཨིཙྪཱམི དཱནཉྩ དཱཏུཾ, དྷམྨཉྩ སོཏུཾ, བྷིཀྑཱུ ཙ པསྶིཏུ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, པཧིཏེ, ན ཏྭེཝ ཨཔྤཧིཏེ. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, ཨུཔཱསིཀཱཡ སམྦཧུལེ བྷིཀྑཱུ ཨུདྡིསྶ…པེ… ཨེཀཾ བྷིཀྑུཾ ཨུདྡིསྶ…པེ… བྷིཀྑུནིསངྒྷཾ ཨུདྡིསྶ…པེ… སམྦཧུལཱ བྷིཀྑུནིཡོ ཨུདྡིསྶ…པེ… ཨེཀཾ བྷིཀྑུནིཾ ཨུདྡིསྶ…པེ… སམྦཧུལཱ སིཀྑམཱནཱཡོ ཨུདྡིསྶ…པེ… ཨེཀཾ སིཀྑམཱནཾ ཨུདྡིསྶ…པེ… སམྦཧུལེ སཱམཎེརེ ཨུདྡིསྶ…པེ… ཨེཀཾ སཱམཎེརཾ ཨུདྡིསྶ…པེ… སམྦཧུལཱ སཱམཎེརིཡོ ཨུདྡིསྶ…པེ… ཨེཀཾ སཱམཎེརིཾ ཨུདྡིསྶ…པེ….

༡༩༡. ཨིདྷ པན, བྷིཀྑཝེ, ཨུཔཱསིཀཱཡ ཨཏྟནོ ཨཏྠཱཡ ནིཝེསནཾ ཀཱརཱཔིཏཾ ཧོཏི…པེ… སཡནིགྷརཾ ཀཱརཱཔིཏཾ ཧོཏི… ཨུདོསིཏོ ཀཱརཱཔིཏོ ཧོཏི… ཨཊྚོ ཀཱརཱཔིཏོ ཧོཏི… མཱལོ༹ ཀཱརཱཔིཏོ ཧོཏི… ཨཱཔཎོ ཀཱརཱཔིཏོ ཧོཏི… ཨཱཔཎསཱལཱ ཀཱརཱཔིཏཱ ཧོཏི… པཱསཱདོ ཀཱརཱཔིཏོ ཧོཏི… ཧམྨིཡཾ ཀཱརཱཔིཏཾ ཧོཏི… གུཧཱ ཀཱརཱཔིཏཱ ཧོཏི… པརིཝེཎཾ ཀཱརཱཔིཏཾ ཧོཏི… ཀོཊྛཀོ ཀཱརཱཔིཏོ ཧོཏི… ཨུཔཊྛཱནསཱལཱ ཀཱརཱཔིཏཱ ཧོཏི… ཨགྒིསཱལཱ ཀཱརཱཔིཏཱ ཧོཏི… རསཝཏཱི ཀཱརཱཔིཏཱ ཧོཏི… ཙངྐམོ ཀཱརཱཔིཏོ ཧོཏི… ཙངྐམནསཱལཱ ཀཱརཱཔིཏཱ ཧོཏི… ཨུདཔཱནོ ཀཱརཱཔིཏོ ཧོཏི … ཨུདཔཱནསཱལཱ ཀཱརཱཔིཏཱ ཧོཏི… པོཀྑརཎཱི ཀཱརཱཔིཏཱ ཧོཏི… མཎྜཔོ ཀཱརཱཔིཏོ ཧོཏི… ཨཱརཱམོ ཀཱརཱཔིཏོ ཧོཏི… ཨཱརཱམཝཏྠུ ཀཱརཱཔིཏཾ ཧོཏི… པུཏྟསྶ ཝཱ ཝཱརེཡྻཾ ཧོཏི… དྷཱིཏུཡཱ ཝཱ ཝཱརེཡྻཾ ཧོཏི… གིལཱནཱ ཝཱ ཧོཏི… ཨབྷིཉྙཱཏཾ ཝཱ སུཏྟནྟཾ བྷཎཏི. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཱགཙྪནྟུ ཨཡྻཱ, ཨིམཾ སུཏྟནྟཾ པརིཡཱཔུཎིསྶནྟི, པུརཱཡཾ སུཏྟནྟོ པལུཛྫཏཱི’’ཏི. ཨཉྙཏརཾ ཝཱ པནསྶཱ ཀིཙྩཾ ཧོཏི ཀརཎཱིཡཾ ཝཱ, སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཱགཙྪནྟུ ཨཡྻཱ, ཨིཙྪཱམི དཱནཉྩ དཱཏུཾ, དྷམྨཉྩ སོཏུཾ, བྷིཀྑཱུ ཙ པསྶིཏུ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, པཧིཏེ, ན ཏྭེཝ ཨཔྤཧིཏེ. སཏྟཱཧཾ སནྣིཝཏྟོ ཀཱཏབྦོ.

༡༩༢. ཨིདྷ པན, བྷིཀྑཝེ, བྷིཀྑུནཱ སངྒྷཾ ཨུདྡིསྶ…པེ… བྷིཀྑུནིཡཱ སངྒྷཾ ཨུདྡིསྶ… སིཀྑམཱནཱཡ སངྒྷཾ ཨུདྡིསྶ… སཱམཎེརེན སངྒྷཾ ཨུདྡིསྶ… སཱམཎེརིཡཱ སངྒྷཾ ཨུདྡིསྶ … སམྦཧུལེ བྷིཀྑཱུ ཨུདྡིསྶ… ཨེཀཾ བྷིཀྑུཾ ཨུདྡིསྶ… བྷིཀྑུནིསངྒྷཾ ཨུདྡིསྶ… སམྦཧུལཱ བྷིཀྑུནིཡོ ཨུདྡིསྶ… ཨེཀཾ བྷིཀྑུནིཾ ཨུདྡིསྶ… སམྦཧུལཱ སིཀྑམཱནཱཡོ ཨུདྡིསྶ… ཨེཀཾ སིཀྑམཱནཾ ཨུདྡིསྶ… སམྦཧུལེ སཱམཎེརེ ཨུདྡིསྶ… ཨེཀཾ སཱམཎེརཾ ཨུདྡིསྶ… སམྦཧུལཱ སཱམཎེརིཡོ ཨུདྡིསྶ… ཨེཀཾ སཱམཎེརིཾ ཨུདྡིསྶ… ཨཏྟནོ ཨཏྠཱཡ ཝིཧཱརོ ཀཱརཱཔིཏོ ཧོཏི…པེ… ཨཌྜྷཡོགོ ཀཱརཱཔིཏོ ཧོཏི… པཱསཱདོ ཀཱརཱཔིཏོ ཧོཏི… ཧམྨིཡཾ ཀཱརཱཔིཏཾ ཧོཏི… གུཧཱ ཀཱརཱཔིཏཱ ཧོཏི… པརིཝེཎཾ ཀཱརཱཔིཏཾ ཧོཏི … ཀོཊྛཀོ ཀཱརཱཔིཏོ ཧོཏི… ཨུཔཊྛཱནསཱལཱ ཀཱརཱཔིཏཱ ཧོཏི… ཨགྒིསཱལཱ ཀཱརཱཔིཏཱ ཧོཏི… ཀཔྤིཡཀུཊི ཀཱརཱཔིཏཱ ཧོཏི… ཙངྐམོ ཀཱརཱཔིཏོ ཧོཏི… ཙངྐམནསཱལཱ ཀཱརཱཔིཏཱ ཧོཏི… ཨུདཔཱནོ ཀཱརཱཔིཏོ ཧོཏི… ཨུདཔཱནསཱལཱ ཀཱརཱཔིཏཱ ཧོཏི… པོཀྑརཎཱི ཀཱརཱཔིཏཱ ཧོཏི… མཎྜཔོ ཀཱརཱཔིཏོ ཧོཏི… ཨཱརཱམོ ཀཱརཱཔིཏོ ཧོཏི… ཨཱརཱམཝཏྠུ ཀཱརཱཔིཏཾ ཧོཏི. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ… ‘‘ཨཱགཙྪནྟུ ཨཡྻཱ, ཨིཙྪཱམི དཱནཉྩ དཱཏུཾ, དྷམྨཉྩ སོཏུཾ, བྷིཀྑཱུ ཙ པསྶིཏུ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, པཧིཏེ, ན ཏྭེཝ ཨཔྤཧིཏེ. སཏྟཱཧཾ སནྣིཝཏྟོ ཀཱཏབྦོཏི.

སཏྟཱཧཀརཎཱིཡཱནུཛཱནཏཱ ནིཊྛིཏཱ.

༡༡༠. པཉྩནྣཾ ཨཔྤཧིཏེཔི ཨནུཛཱནནཱ

༡༩༣. ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. སོ བྷིཀྑཱུནཾ སནྟིཀེ དཱུཏཾ པཱཧེསི – ‘‘ཨཧཉྷི གིལཱནོ, ཨཱགཙྪནྟུ བྷིཀྑཱུ, ཨིཙྪཱམི བྷིཀྑཱུནཾ ཨཱགཏ’’ནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཉྩནྣཾ སཏྟཱཧཀརཎཱིཡེན ཨཔྤཧིཏེཔི གནྟུཾ, པགེཝ པཧིཏེ. བྷིཀྑུསྶ, བྷིཀྑུནིཡཱ, སིཀྑམཱནཱཡ, སཱམཎེརསྶ, སཱམཎེརིཡཱ – ཨནུཛཱནཱམི, བྷིཀྑཝེ, ཨིམེསཾ པཉྩནྣཾ སཏྟཱཧཀརཎཱིཡེན ཨཔྤཧིཏེཔི གནྟུཾ, པགེཝ པཧིཏེ. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུ གིལཱནོ ཧོཏི. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཧཉྷི གིལཱནོ, ཨཱགཙྪནྟུ བྷིཀྑཱུ, ཨིཙྪཱམི བྷིཀྑཱུནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘གིལཱནབྷཏྟཾ ཝཱ པརིཡེསིསྶཱམི, གིལཱནུཔཊྛཱཀབྷཏྟཾ ཝཱ པརིཡེསིསྶཱམི, གིལཱནབྷེསཛྫཾ ཝཱ པརིཡེསིསྶཱམི, པུཙྪིསྶཱམི ཝཱ, ཨུཔཊྛཧིསྶཱམི ཝཱ’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུསྶ ཨནབྷིརཏི ཨུཔྤནྣཱ ཧོཏི. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨནབྷིརཏི མེ ཨུཔྤནྣཱ, ཨཱགཙྪནྟུ བྷིཀྑཱུ, ཨིཙྪཱམི བྷིཀྑཱུནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘ཨནབྷིརཏཾ ཝཱུཔཀཱསེསྶཱམི ཝཱ, ཝཱུཔཀཱསཱཔེསྶཱམི ཝཱ, དྷམྨཀཐཾ ཝཱསྶ ཀརིསྶཱམཱི’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུསྶ ཀུཀྐུཙྩཾ ཨུཔྤནྣཾ ཧོཏི. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཀུཀྐུཙྩཾ མེ ཨུཔྤནྣཾ, ཨཱགཙྪནྟུ བྷིཀྑཱུ, ཨིཙྪཱམི བྷིཀྑཱུནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘ཀུཀྐུཙྩཾ ཝིནོདེསྶཱམི ཝཱ, ཝིནོདཱཔེསྶཱམི ཝཱ, དྷམྨཀཐཾ ཝཱསྶ ཀརིསྶཱམཱི’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུསྶ དིཊྛིགཏཾ ཨུཔྤནྣཾ ཧོཏི. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘དིཊྛིགཏཾ མེ ཨུཔྤནྣཾ, ཨཱགཙྪནྟུ བྷིཀྑཱུ, ཨིཙྪཱམི བྷིཀྑཱུནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘དིཊྛིགཏཾ ཝིཝེཙེསྶཱམི ཝཱ, ཝིཝེཙཱཔེསྶཱམི ཝཱ, དྷམྨཀཐཾ ཝཱསྶ ཀརིསྶཱམཱི’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུ གརུདྷམྨཾ ཨཛ྄ཛྷཱཔནྣོ ཧོཏི པརིཝཱསཱརཧོ. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཧཉྷི གརུདྷམྨཾ ཨཛ྄ཛྷཱཔནྣོ པརིཝཱསཱརཧོ, ཨཱགཙྪནྟུ བྷིཀྑཱུ, ཨིཙྪཱམི བྷིཀྑཱུནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘པརིཝཱསདཱནཾ ཨུསྶུཀྐཾ ཀརིསྶཱམི ཝཱ, ཨནུསྶཱཝེསྶཱམི ཝཱ, གཎཔཱུརཀོ ཝཱ བྷཝིསྶཱམཱི’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུ མཱུལཱཡ པཊིཀསྶནཱརཧོ ཧོཏི. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཧཉྷི མཱུལཱཡ པཊིཀསྶནཱརཧོ, ཨཱགཙྪནྟུ བྷིཀྑཱུ, ཨིཙྪཱམི བྷིཀྑཱུནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘མཱུལཱཡ པཊིཀསྶནཾ ཨུསྶུཀྐཾ ཀརིསྶཱམི ཝཱ, ཨནུསྶཱཝེསྶཱམི ཝཱ, གཎཔཱུརཀོ ཝཱ བྷཝིསྶཱམཱི’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུ མཱནཏྟཱརཧོ ཧོཏི. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཧཉྷི མཱནཏྟཱརཧོ, ཨཱགཙྪནྟུ བྷིཀྑཱུ, ཨིཙྪཱམི བྷིཀྑཱུནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘མཱནཏྟདཱནཾ ཨུསྶུཀྐཾ ཀརིསྶཱམི ཝཱ, ཨནུསྶཱཝེསྶཱམི ཝཱ, གཎཔཱུརཀོ ཝཱ བྷཝིསྶཱམཱི’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུ ཨབྦྷཱནཱརཧོ ཧོཏི. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཧཉྷི ཨབྦྷཱནཱརཧོ, ཨཱགཙྪནྟུ བྷིཀྑཱུ, ཨིཙྪཱམི བྷིཀྑཱུནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘ཨབྦྷཱནཾ ཨུསྶུཀྐཾ ཀརིསྶཱམི ཝཱ, ཨནུསྶཱཝེསྶཱམི ཝཱ, གཎཔཱུརཀོ ཝཱ བྷཝིསྶཱམཱི’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུསྶ སངྒྷོ ཀམྨཾ ཀཏྟུཀཱམོ ཧོཏི ཏཛྫནཱིཡཾ ཝཱ, ནིཡསྶཾ ཝཱ, པབྦཱཛནཱིཡཾ ཝཱ, པཊིསཱརཎཱིཡཾ ཝཱ, ཨུཀྑེཔནཱིཡཾ ཝཱ. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘སངྒྷོ མེ ཀམྨཾ ཀཏྟུཀཱམོ, ཨཱགཙྪནྟུ བྷིཀྑཱུ, ཨིཙྪཱམི བྷིཀྑཱུནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘ཀིནྟི ནུ ཁོ སངྒྷོ ཀམྨཾ ན ཀརེཡྻ, ལཧུཀཱཡ ཝཱ པརིཎཱམེཡྻཱ’’ཏི. སཏྟཱཧཾ སནྣིཝཏྟོ ཀཱཏབྦོ.

ཀཏཾ ཝཱ པནསྶ ཧོཏི སངྒྷེན ཀམྨཾ ཏཛྫནཱིཡཾ ཝཱ ནིཡསྶཾ ཝཱ པབྦཱཛནཱིཡཾ ཝཱ པཊིསཱརཎཱིཡཾ ཝཱ ཨུཀྑེཔནཱིཡཾ ཝཱ. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ ‘‘སངྒྷོ མེ ཀམྨཾ ཨཀཱསི, ཨཱགཙྪནྟུ བྷིཀྑཱུ, ཨིཙྪཱམི བྷིཀྑཱུནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘ཀིནྟི ནུ ཁོ སམྨཱ ཝཏྟེཡྻ, ལོམཾ པཱཏེཡྻ, ནེཏྠཱརཾ ཝཏྟེཡྻ, སངྒྷོ ཏཾ ཀམྨཾ པཊིཔྤསྶམྦྷེཡྻཱ’’ཏི. སཏྟཱཧཾ སནྣིཝཏྟོ ཀཱཏབྦོ.

༡༩༤. ཨིདྷ པན, བྷིཀྑཝེ, བྷིཀྑུནཱི གིལཱནཱ ཧོཏི. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཧཉྷི གིལཱནཱ, ཨཱགཙྪནྟུ ཨཡྻཱ, ཨིཙྪཱམི ཨཡྻཱནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘གིལཱནབྷཏྟཾ ཝཱ པརིཡེསིསྶཱམི, གིལཱནུཔཊྛཱཀབྷཏྟཾ ཝཱ པརིཡེསིསྶཱམི, གིལཱནབྷེསཛྫཾ ཝཱ པརིཡེསིསྶཱམི, པུཙྪིསྶཱམི ཝཱ, ཨུཔཊྛཧིསྶཱམི ཝཱ’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུནིཡཱ ཨནབྷིརཏི ཨུཔྤནྣཱ ཧོཏི. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨནབྷིརཏི མེ ཨུཔྤནྣཱ, ཨཱགཙྪནྟུ ཨཡྻཱ, ཨིཙྪཱམི ཨཡྻཱནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘ཨནབྷིརཏཾ ཝཱུཔཀཱསེསྶཱམི ཝཱ, ཝཱུཔཀཱསཱཔེསྶཱམི ཝཱ, དྷམྨཀཐཾ ཝཱསྶཱ ཀརིསྶཱམཱི’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུནིཡཱ ཀུཀྐུཙྩཾ ཨུཔྤནྣཾ ཧོཏི. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཀུཀྐུཙྩཾ མེ ཨུཔྤནྣཾ, ཨཱགཙྪནྟུ ཨཡྻཱ, ཨིཙྪཱམི ཨཡྻཱནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘ཀུཀྐུཙྩཾ ཝིནོདེསྶཱམི ཝཱ, ཝིནོདཱཔེསྶཱམི ཝཱ, དྷམྨཀཐཾ ཝཱསྶཱ ཀརིསྶཱམཱི’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུནིཡཱ དིཊྛིགཏཾ ཨུཔྤནྣཾ ཧོཏི. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘དིཊྛིགཏཾ མེ ཨུཔྤནྣཾ, ཨཱགཙྪནྟུ ཨཡྻཱ, ཨིཙྪཱམི ཨཡྻཱནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘དིཊྛིགཏཾ ཝིཝེཙེསྶཱམི ཝཱ, ཝིཝེཙཱཔེསྶཱམི ཝཱ, དྷམྨཀཐཾ ཝཱསྶཱ ཀརིསྶཱམཱི’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུནཱི གརུདྷམྨཾ ཨཛ྄ཛྷཱཔནྣཱ ཧོཏི མཱནཏྟཱརཧཱ. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཧཉྷི གརུདྷམྨཾ ཨཛ྄ཛྷཱཔནྣཱ མཱནཏྟཱརཧཱ, ཨཱགཙྪནྟུ ཨཡྻཱ, ཨིཙྪཱམི ཨཡྻཱནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘མཱནཏྟདཱནཾ ཨུསྶུཀྐཾ ཀརིསྶཱམཱི’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུནཱི མཱུལཱཡ པཊིཀསྶནཱརཧཱ ཧོཏི. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཧཉྷི མཱུལཱཡ པཊིཀསྶནཱརཧཱ, ཨཱགཙྪནྟུ ཨཡྻཱ, ཨིཙྪཱམི ཨཡྻཱནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘མཱུལཱཡ པཊིཀསྶནཾ ཨུསྶུཀྐཾ ཀརིསྶཱམཱི’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུནཱི ཨབྦྷཱནཱརཧཱ ཧོཏི. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཧཉྷི ཨབྦྷཱནཱརཧཱ, ཨཱགཙྪནྟུ ཨཡྻཱ, ཨིཙྪཱམི ཨཡྻཱནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘ཨབྦྷཱནཾ ཨུསྶུཀྐཾ ཀརིསྶཱམཱི’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུནིཡཱ སངྒྷོ ཀམྨཾ ཀཏྟུཀཱམོ ཧོཏི – ཏཛྫནཱིཡཾ ཝཱ, ནིཡསྶཾ ཝཱ, པབྦཱཛནཱིཡཾ ཝཱ, པཊིསཱརཎཱིཡཾ ཝཱ, ཨུཀྑེཔནཱིཡཾ ཝཱ. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘སངྒྷོ མེ ཀམྨཾ ཀཏྟུཀཱམོ, ཨཱགཙྪནྟུ ཨཡྻཱ, ཨིཙྪཱམི ཨཡྻཱནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘ཀིནྟི ནུ ཁོ སངྒྷོ ཀམྨཾ ན ཀརེཡྻ, ལཧུཀཱཡ ཝཱ པརིཎཱམེཡྻཱ’’ཏི. སཏྟཱཧཾ སནྣིཝཏྟོ ཀཱཏབྦོ.

ཀཏཾ ཝཱ པནསྶཱ ཧོཏི སངྒྷེན ཀམྨཾ – ཏཛྫནཱིཡཾ ཝཱ, ནིཡསྶཾ ཝཱ, པབྦཱཛནཱིཡཾ ཝཱ, པཊིསཱརཎཱིཡཾ ཝཱ, ཨུཀྑེཔནཱིཡཾ ཝཱ. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘སངྒྷོ མེ ཀམྨཾ ཨཀཱསི, ཨཱགཙྪནྟུ ཨཡྻཱ, ཨིཙྪཱམི ཨཡྻཱནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘ཀིནྟི ནུ ཁོ སམྨཱ ཝཏྟེཡྻ, ལོམཾ པཱཏེཡྻ, ནེཏྠཱརཾ ཝཏྟེཡྻ, སངྒྷོ ཏཾ ཀམྨཾ པཊིཔྤསྶམྦྷེཡྻཱ’’ཏི. སཏྟཱཧཾ སནྣིཝཏྟོ ཀཱཏབྦོ.

༡༩༥. ཨིདྷ པན, བྷིཀྑཝེ, སིཀྑམཱནཱ གིལཱནཱ ཧོཏི. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཧཉྷི གིལཱནཱ, ཨཱགཙྪནྟུ ཨཡྻཱ, ཨིཙྪཱམི ཨཡྻཱནཾ ཨཱགཏ’’ནྟི – གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘གིལཱནབྷཏྟཾ ཝཱ པརིཡེསིསྶཱམི, གིལཱནུཔཊྛཱཀབྷཏྟཾ ཝཱ པརིཡེསིསྶཱམི, གིལཱནབྷེསཛྫཾ ཝཱ པརིཡེསིསྶཱམི, པུཙྪིསྶཱམི ཝཱ, ཨུཔཊྛཧིསྶཱམི ཝཱ’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, སིཀྑམཱནཱཡ ཨནབྷིརཏི ཨུཔྤནྣཱ ཧོཏི…པེ… སིཀྑམཱནཱཡ ཀུཀྐུཙྩཾ ཨུཔྤནྣཾ ཧོཏི… སིཀྑམཱནཱཡ དིཊྛིགཏཾ ཨུཔྤནྣཾ ཧོཏི… སིཀྑམཱནཱཡ སིཀྑཱ ཀུཔིཏཱ ཧོཏི. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘སིཀྑཱ མེ ཀུཔིཏཱ, ཨཱགཙྪནྟུ ཨཡྻཱ, ཨིཙྪཱམི ཨཡྻཱནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘སིཀྑཱསམཱདཱནཾ ཨུསྶུཀྐཾ ཀརིསྶཱམཱི’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, སིཀྑམཱནཱ ཨུཔསམྤཛྫིཏུཀཱམཱ ཧོཏི. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཧཉྷི ཨུཔསམྤཛྫིཏུཀཱམཱ, ཨཱགཙྪནྟུ ཨཡྻཱ, ཨིཙྪཱམི ཨཡྻཱནཾ ཨཱགཏ’’ནྟི གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ཨུཔསམྤདཾ ཨུསྶུཀྐཾ ཀརིསྶཱམི ཝཱ, ཨནུསྶཱཝེསྶཱམི ཝཱ, གཎཔཱུརཀོ ཝཱ བྷཝིསྶཱམཱིཏི. སཏྟཱཧཾ སནྣིཝཏྟོ ཀཱཏབྦོ.

༡༩༦. ཨིདྷ པན, བྷིཀྑཝེ, སཱམཎེརོ གིལཱནོ ཧོཏི. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཧཉྷི གིལཱནོ, ཨཱགཙྪནྟུ བྷིཀྑཱུ, ཨིཙྪཱམི བྷིཀྑཱུནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘གིལཱནབྷཏྟཾ ཝཱ པརིཡེསིསྶཱམི, གིལཱནུཔཊྛཱཀབྷཏྟཾ ཝཱ པརིཡེསིསྶཱམི, གིལཱནབྷེསཛྫཾ ཝཱ པརིཡེསིསྶཱམི, པུཙྪིསྶཱམི ཝཱ, ཨུཔཊྛཧིསྶཱམི ཝཱ’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, སཱམཎེརསྶ ཨནབྷིརཏི ཨུཔྤནྣཱ ཧོཏི…པེ… སཱམཎེརསྶ ཀུཀྐུཙྩཾ ཨུཔྤནྣཾ ཧོཏི… སཱམཎེརསྶ དིཊྛིགཏཾ ཨུཔྤནྣཾ ཧོཏི… སཱམཎེརོ ཝསྶཾ པུཙྪིཏུཀཱམོ ཧོཏི. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཧཉྷི ཝསྶཾ པུཙྪིཏུཀཱམོ, ཨཱགཙྪནྟུ བྷིཀྑཱུ, ཨིཙྪཱམི བྷིཀྑཱུནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘པུཙྪིསྶཱམི ཝཱ, ཨཱཙིཀྑིསྶཱམི ཝཱ’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, སཱམཎེརོ ཨུཔསམྤཛྫིཏུཀཱམོ ཧོཏི. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཧཉྷི ཨུཔསམྤཛྫིཏུཀཱམོ, ཨཱགཙྪནྟུ བྷིཀྑཱུ, ཨིཙྪཱམི བྷིཀྑཱུནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘ཨུཔསམྤདཾ ཨུསྶུཀྐཾ ཀརིསྶཱམི ཝཱ, ཨནུསྶཱཝེསྶཱམི ཝཱ, གཎཔཱུརཀོ ཝཱ བྷཝིསྶཱམཱི’’ཏི. སཏྟཱཧཾ སནྣིཝཏྟོ ཀཱཏབྦོ.

༡༩༧. ཨིདྷ པན, བྷིཀྑཝེ, སཱམཎེརཱི གིལཱནཱ ཧོཏི. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཧཉྷི གིལཱནཱ, ཨཱགཙྪནྟུ ཨཡྻཱ, ཨིཙྪཱམི ཨཡྻཱནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘གིལཱནབྷཏྟཾ ཝཱ པརིཡེསིསྶཱམི, གིལཱནུཔཊྛཱཀབྷཏྟཾ ཝཱ པརིཡེསིསྶཱམི, གིལཱནབྷེསཛྫཾ ཝཱ པརིཡེསིསྶཱམི, པུཙྪིསྶཱམི ཝཱ, ཨུཔཊྛཧིསྶཱམི ཝཱ’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, སཱམཎེརིཡཱ ཨནབྷིརཏི ཨུཔྤནྣཱ ཧོཏི…པེ… སཱམཎེརིཡཱ ཀུཀྐུཙྩཾ ཨུཔྤནྣཾ ཧོཏི… སཱམཎེརིཡཱ དིཊྛིགཏཾ ཨུཔྤནྣཾ ཧོཏི… སཱམཎེརཱི ཝསྶཾ པུཙྪིཏུཀཱམཱ ཧོཏི. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཧཉྷི ཝསྶཾ པུཙྪིཏུཀཱམཱ, ཨཱགཙྪནྟུ ཨཡྻཱ, ཨིཙྪཱམི ཨཡྻཱནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘པུཙྪིསྶཱམི ཝཱ, ཨཱཙིཀྑིསྶཱམི ཝཱ’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, སཱམཎེརཱི སིཀྑཾ སམཱདིཡིཏུཀཱམཱ ཧོཏི. སཱ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཧཉྷི སིཀྑཾ སམཱདིཡིཏུཀཱམཱ, ཨཱགཙྪནྟུ ཨཡྻཱ, ཨིཙྪཱམི ཨཡྻཱནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘སིཀྑཱསམཱདཱནཾ ཨུསྶུཀྐཾ ཀརིསྶཱམཱི’’ཏི. སཏྟཱཧཾ སནྣིཝཏྟོ ཀཱཏབྦོཏི.

པཉྩནྣཾ ཨཔྤཧིཏེཔི ཨནུཛཱནནཱ ནིཊྛིཏཱ.

༡༡༡. སཏྟནྣཾ ཨཔྤཧིཏེཔི ཨནུཛཱནནཱ

༡༩༨. ཏེན ཁོ པན སམཡེན ཨཉྙཏརསྶ བྷིཀྑུནོ མཱཏཱ གིལཱནཱ ཧོཏི. སཱ པུཏྟསྶ སནྟིཀེ དཱུཏཾ པཱཧེསི – ‘‘ཨཧཉྷི གིལཱནཱ, ཨཱགཙྪཏུ མེ པུཏྟོ, ཨིཙྪཱམི པུཏྟསྶ ཨཱགཏ’’ནྟི. ཨཐ ཁོ ཏསྶ བྷིཀྑུནོ ཨེཏདཧོསི – ‘‘བྷགཝཏཱ པཉྙཏྟཾ སཏྟནྣཾ སཏྟཱཧཀརཎཱིཡེན པཧིཏེ གནྟུཾ, ན ཏྭེཝ ཨཔྤཧིཏེ; པཉྩནྣཾ སཏྟཱཧཀརཎཱིཡེན ཨཔྤཧིཏེཔི གནྟུཾ, པགེཝ པཧིཏེཏི. ཨཡཉྩ མེ མཱཏཱ གིལཱནཱ, སཱ ཙ ཨནུཔཱསིཀཱ, ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སཏྟནྣཾ སཏྟཱཧཀརཎཱིཡེན ཨཔྤཧིཏེཔི གནྟུཾ, པགེཝ པཧིཏེ. བྷིཀྑུསྶ, བྷིཀྑུནིཡཱ, སིཀྑམཱནཱཡ, སཱམཎེརསྶ, སཱམཎེརིཡཱ, མཱཏུཡཱ ཙ པིཏུསྶ ཙ – ཨནུཛཱནཱམི, བྷིཀྑཝེ, ཨིམེསཾ སཏྟནྣཾ སཏྟཱཧཀརཎཱིཡེན ཨཔྤཧིཏེཔི གནྟུཾ, པགེཝ པཧིཏེ. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུསྶ མཱཏཱ གིལཱནཱ ཧོཏི. སཱ ཙེ པུཏྟསྶ སནྟིཀེ དཱུཏཾ པཧིཎེཡྻ – ‘‘ཨཧཉྷི གིལཱནཱ, ཨཱགཙྪཏུ མེ པུཏྟོ, ཨིཙྪཱམི པུཏྟསྶ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘གིལཱནབྷཏྟཾ ཝཱ པརིཡེསིསྶཱམི, གིལཱནུཔཊྛཱཀབྷཏྟཾ ཝཱ པརིཡེསིསྶཱམི, གིལཱནབྷེསཛྫཾ ཝཱ པརིཡེསིསྶཱམི, པུཙྪིསྶཱམི ཝཱ, ཨུཔཊྛཧིསྶཱམི ཝཱ’’ཏི. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུསྶ པིཏཱ གིལཱནོ ཧོཏི. སོ ཙེ པུཏྟསྶ སནྟིཀེ དཱུཏཾ པཧིཎེཡྻ – ‘‘ཨཧཉྷི གིལཱནོ, ཨཱགཙྪཏུ མེ པུཏྟོ, ཨིཙྪཱམི པུཏྟསྶ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, ཨཔྤཧིཏེཔི, པགེཝ པཧིཏེ – ‘‘གིལཱནབྷཏྟཾ ཝཱ པརིཡེསིསྶཱམི, གིལཱནུཔཊྛཱཀབྷཏྟཾ ཝཱ པརིཡེསིསྶཱམི, གིལཱནབྷེསཛྫཾ ཝཱ པརིཡེསིསྶཱམི, པུཙྪིསྶཱམི ཝཱ, ཨུཔཊྛཧིསྶཱམི ཝཱ’’ཏི. སཏྟཱཧཾ སནྣིཝཏྟོ ཀཱཏབྦོ.

སཏྟནྣཾ ཨཔྤཧིཏེཔི ཨནུཛཱནནཱ ནིཊྛིཏཱ.

༡༡༢. པཧིཏེཡེཝ ཨནུཛཱནནཱ

༡༩༩ . ཨིདྷ པན, བྷིཀྑཝེ, བྷིཀྑུསྶ བྷཱཏཱ གིལཱནོ ཧོཏི. སོ ཙེ བྷཱཏུནོ སནྟིཀེ དཱུཏཾ པཧིཎེཡྻ – ‘‘ཨཧཉྷི གིལཱནོ, ཨཱགཙྪཏུ མེ བྷཱཏཱ, ཨིཙྪཱམི བྷཱཏུནོ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, པཧིཏེ, ན ཏྭེཝ ཨཔྤཧིཏེ. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུསྶ བྷགིནཱི གིལཱནཱ ཧོཏི. སཱ ཙེ བྷཱཏུནོ སནྟིཀེ དཱུཏཾ པཧིཎེཡྻ – ‘‘ཨཧཉྷི གིལཱནཱ, ཨཱགཙྪཏུ མེ བྷཱཏཱ, ཨིཙྪཱམི བྷཱཏུནོ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, པཧིཏེ, ན ཏྭེཝ ཨཔྤཧིཏེ. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུསྶ ཉཱཏཀོ གིལཱནོ ཧོཏི. སོ ཙེ བྷིཀྑུསྶ སནྟིཀེ དཱུཏཾ པཧིཎེཡྻ – ‘‘ཨཧཉྷི གིལཱནོ, ཨཱགཙྪཏུ བྷདནྟོ, ཨིཙྪཱམི བྷདནྟསྶ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, པཧིཏེ, ན ཏྭེཝ ཨཔྤཧིཏེ. སཏྟཱཧཾ སནྣིཝཏྟོ ཀཱཏབྦོ.

ཨིདྷ པན, བྷིཀྑཝེ, བྷིཀྑུགཏིཀོ གིལཱནོ ཧོཏི. སོ ཙེ བྷིཀྑཱུནཾ སནྟིཀེ དཱུཏཾ པཧིཎེཡྻ – ‘‘ཨཧཉྷི གིལཱནོ, ཨཱགཙྪནྟུ བྷདནྟཱ, ཨིཙྪཱམི བྷདནྟཱནཾ ཨཱགཏ’’ནྟི, གནྟབྦཾ, བྷིཀྑཝེ, སཏྟཱཧཀརཎཱིཡེན, པཧིཏེ, ན ཏྭེཝ ཨཔྤཧིཏེ. སཏྟཱཧཾ སནྣིཝཏྟོ ཀཱཏབྦོ.

ཏེན ཁོ པན སམཡེན སངྒྷསྶ ཝིཧཱརོ ཨུནྡྲིཡཏི. ཨཉྙཏརེན ཨུཔཱསཀེན ཨརཉྙེ བྷཎྜཾ ཚེདཱཔིཏཾ ཧོཏི. སོ བྷིཀྑཱུནཾ སནྟིཀེ དཱུཏཾ པཱཧེསི – ‘‘སཙེ བྷདནྟཱ ཏཾ བྷཎྜཾ ཨཱཝཧཱཔེཡྻུཾ, དཛྫཱཧཾ ཏཾ བྷཎྜ’’ནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སངྒྷཀརཎཱིཡེན གནྟུཾ. སཏྟཱཧཾ སནྣིཝཏྟོ ཀཱཏབྦོཏི.

པཧིཏེཡེཝ ཨནུཛཱནནཱ ནིཊྛིཏཱ.

ཝསྶཱཝཱསབྷཱཎཝཱརོ ནིཊྛིཏོ.

༡༡༣. ཨནྟརཱཡེ ཨནཱཔཏྟིཝསྶཙྪེདཝཱརོ

༢༠༠. ཏེན ཁོ པན སམཡེན ཀོསལེསུ ཛནཔདེ ཨཉྙཏརསྨིཾ ཨཱཝཱསེ ཝསྶཱུཔགཏཱ བྷིཀྑཱུ ཝཱལེ༹ཧི ཨུབྦཱལ༹ྷཱ ཧོནྟི. གཎྷིཾསུཔི པརིཔཱཏིཾསུཔི. བྷགཝཏོ ཨེཏམཏྠཾ ཨཱརོཙེསུཾ.

ཨིདྷ པན, བྷིཀྑཝེ, ཝསྶཱུཔགཏཱ བྷིཀྑཱུ ཝཱལེ༹ཧི ཨུབྦཱལ༹ྷཱ ཧོནྟི. གཎྷནྟིཔི པརིཔཱཏེནྟིཔི. ཨེསེཝ ཨནྟརཱཡོཏི པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏཱ བྷིཀྑཱུ སརཱིསཔེཧི ཨུབྦཱལ༹ྷཱ ཧོནྟི. ཌཾསནྟིཔི པརིཔཱཏེནྟིཔི. ཨེསེཝ ཨནྟརཱཡོཏི པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏཱ བྷིཀྑཱུ ཙོརེཧི ཨུབྦཱལ༹ྷཱ ཧོནྟི. ཝིལུམྤནྟིཔི ཨཱཀོཊེནྟིཔི. ཨེསེཝ ཨནྟརཱཡོཏི པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏཱ བྷིཀྑཱུ པིསཱཙེཧི ཨུབྦཱལ༹ྷཱ ཧོནྟི. ཨཱཝིསནྟིཔི ཧནནྟིཔི [ཨོཛམྤི ཧརནྟི (སཱི.), ཧརནྟིཔི (སྱཱ.)]. ཨེསེཝ ཨནྟརཱཡོཏི པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏཱནཾ བྷིཀྑཱུནཾ གཱམོ ཨགྒིནཱ དཌྜྷོ ཧོཏི. བྷིཀྑཱུ པིཎྜཀེན ཀིལམནྟི. ཨེསེཝ ཨནྟརཱཡོཏི པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏཱནཾ བྷིཀྑཱུནཾ སེནཱསནཾ ཨགྒིནཱ དཌྜྷཾ ཧོཏི. བྷིཀྑཱུ སེནཱསནེན ཀིལམནྟི. ཨེསེཝ ཨནྟརཱཡོཏི པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏཱནཾ བྷིཀྑཱུནཾ གཱམོ ཨུདཀེན ཝཱུལ༹ྷོ ཧོཏི. བྷིཀྑཱུ པིཎྜཀེན ཀིལམནྟི. ཨེསེཝ ཨནྟརཱཡོཏི པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏཱནཾ བྷིཀྑཱུནཾ སེནཱསནཾ ཨུདཀེན ཝཱུལ༹ྷཾ ཧོཏི. བྷིཀྑཱུ སེནཱསནེན ཀིལམནྟི. ཨེསེཝ ཨནྟརཱཡོཏི པཀྐམིཏབྦཾ. ཨནཱཔཏྟི ཝསྶཙྪེདསྶཱཏི.

༢༠༡. ཏེན ཁོ པན སམཡེན ཨཉྙཏརསྨིཾ ཨཱཝཱསེ ཝསྶཱུཔགཏཱནཾ བྷིཀྑཱུནཾ གཱམོ ཙོརེཧི ཝུཊྛཱསི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཡེན གཱམོ ཏེན གནྟུནྟི.

གཱམོ དྭེདྷཱ བྷིཛྫིཏྠ. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཡེན བཧུཏརཱ ཏེན གནྟུནྟི.

བཧུཏརཱ ཨསྶདྡྷཱ ཧོནྟི ཨཔྤསནྣཱ. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཡེན སདྡྷཱ པསནྣཱ ཏེན གནྟུནྟི.

ཏེན ཁོ པན སམཡེན ཀོསལེསུ ཛནཔདེ ཨཉྙཏརསྨིཾ ཨཱཝཱསེ ཝསྶཱུཔགཏཱ བྷིཀྑཱུ ན ལབྷིཾསུ ལཱུཁསྶ ཝཱ པཎཱིཏསྶ ཝཱ བྷོཛནསྶ ཡཱཝདཏྠཾ པཱརིཔཱུརིཾ. བྷགཝཏོ ཨེཏམཏྠཾ ཨཱརོཙེསུཾ.

ཨིདྷ པན, བྷིཀྑཝེ, ཝསྶཱུཔགཏཱ བྷིཀྑཱུ ན ལབྷནྟི ལཱུཁསྶ ཝཱ པཎཱིཏསྶ ཝཱ བྷོཛནསྶ ཡཱཝདཏྠཾ པཱརིཔཱུརིཾ. ཨེསེཝ ཨནྟརཱཡོཏི པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏཱ བྷིཀྑཱུ ལབྷནྟི ལཱུཁསྶ ཝཱ པཎཱིཏསྶ ཝཱ བྷོཛནསྶ ཡཱཝདཏྠཾ པཱརིཔཱུརིཾ, ན ལབྷནྟི སཔྤཱཡཱནི བྷོཛནཱནི. ཨེསེཝ ཨནྟརཱཡོཏི པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏཱ བྷིཀྑཱུ ལབྷནྟི ལཱུཁསྶ ཝཱ པཎཱིཏསྶ ཝཱ བྷོཛནསྶ ཡཱཝདཏྠཾ པཱརིཔཱུརིཾ, ལབྷནྟི སཔྤཱཡཱནི བྷོཛནཱནི, ན ལབྷནྟི སཔྤཱཡཱནི བྷེསཛྫཱནི. ཨེསེཝ ཨནྟརཱཡོཏི པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏཱ བྷིཀྑཱུ ལབྷནྟི ལཱུཁསྶ ཝཱ པཎཱིཏསྶ ཝཱ བྷོཛནསྶ ཡཱཝདཏྠཾ པཱརིཔཱུརིཾ, ལབྷནྟི སཔྤཱཡཱནི བྷོཛནཱནི, ལབྷནྟི སཔྤཱཡཱནི བྷེསཛྫཱནི, ན ལབྷནྟི པཏིརཱུཔཾ ཨུཔཊྛཱཀཾ. ཨེསེཝ ཨནྟརཱཡོཏི པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏཾ བྷིཀྑུཾ ཨིཏྠཱི ནིམནྟེཏི – ‘‘ཨེཧི, བྷནྟེ, ཧིརཉྙཾ ཝཱ ཏེ དེམི, སུཝཎྞཾ ཝཱ ཏེ དེམི, ཁེཏྟཾ ཝཱ ཏེ དེམི, ཝཏྠུཾ ཝཱ ཏེ དེམི, གཱཝུཾ ཝཱ ཏེ དེམི, གཱཝིཾ ཝཱ ཏེ དེམི, དཱསཾ ཝཱ ཏེ དེམི, དཱསིཾ ཝཱ ཏེ དེམི, དྷཱིཏརཾ ཝཱ ཏེ དེམི བྷརིཡཏྠཱཡ, ཨཧཾ ཝཱ ཏེ བྷརིཡཱ ཧོམི, ཨཉྙཾ ཝཱ ཏེ བྷརིཡཾ ཨཱནེམཱི’’ཏི. ཏཏྲ ཙེ བྷིཀྑུནོ ཨེཝཾ ཧོཏི, ‘ལཧུཔརིཝཏྟཾ ཁོ ཙིཏྟཾ ཝུཏྟཾ བྷགཝཏཱ, སིཡཱཔི མེ བྲཧྨཙརིཡསྶ ཨནྟརཱཡོ’ཏི, པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏཾ བྷིཀྑུཾ ཝེསཱི ནིམནྟེཏི…པེ… ཐུལླཀུམཱརཱི ནིམནྟེཏི… པཎྜཀོ ནིམནྟེཏི… ཉཱཏཀཱ ནིམནྟེནྟི… རཱཛཱནོ ནིམནྟེནྟི… ཙོརཱ ནིམནྟེནྟི… དྷུཏྟཱ ནིམནྟེནྟི – ‘‘ཨེཧི, བྷནྟེ, ཧིརཉྙཾ ཝཱ ཏེ དེམ, སུཝཎྞཾ ཝཱ ཏེ དེམ, ཁེཏྟཾ ཝཱ ཏེ དེམ, ཝཏྠུཾ ཝཱ ཏེ དེམ, གཱཝུཾ ཝཱ ཏེ དེམ, གཱཝིཾ ཝཱ ཏེ དེམ, དཱསཾ ཝཱ ཏེ དེམ, དཱསིཾ ཝཱ ཏེ དེམ, དྷཱིཏརཾ ཝཱ ཏེ དེམ བྷརིཡཏྠཱཡ, ཨཉྙཾ ཝཱ ཏེ བྷརིཡཾ ཨཱནེམཱ’’ཏི. ཏཏྲ ཙེ བྷིཀྑུནོ ཨེཝཾ ཧོཏི, ‘ལཧུཔརིཝཏྟཾ ཁོ ཙིཏྟཾ ཝུཏྟཾ བྷགཝཏཱ, སིཡཱཔི མེ བྲཧྨཙརིཡསྶ ཨནྟརཱཡོ’ཏི, པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏོ བྷིཀྑུ ཨསྶཱམིཀཾ ནིདྷིཾ པསྶཏི. ཏཏྲ ཙེ བྷིཀྑུནོ ཨེཝཾ ཧོཏི, ‘ལཧུཔརིཝཏྟཾ ཁོ ཙིཏྟཾ ཝུཏྟཾ བྷགཝཏཱ, སིཡཱཔི མེ བྲཧྨཙརིཡསྶ ཨནྟརཱཡོ’ཏི, པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨནྟརཱཡེ ཨནཱཔཏྟིཝསྶཙྪེདཝཱརོ ནིཊྛིཏོ.

༡༡༤. སངྒྷབྷེདེ ཨནཱཔཏྟིཝསྶཙྪེདཝཱརོ

༢༠༢. ཨིདྷ པན, བྷིཀྑཝེ, ཝསྶཱུཔགཏོ བྷིཀྑུ པསྶཏི སམྦཧུལེ བྷིཀྑཱུ སངྒྷབྷེདཱཡ པརཀྐམནྟེ. ཏཏྲ ཙེ བྷིཀྑུནོ ཨེཝཾ ཧོཏི, ‘གརུཀོ ཁོ སངྒྷབྷེདོ ཝུཏྟོ བྷགཝཏཱ; མཱ མཡི སམྨུཁཱིབྷཱུཏེ སངྒྷོ བྷིཛྫཱི’ཏི, པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏོ བྷིཀྑུ སུཎཱཏི – ‘‘ཨསུཀསྨིཾ ཀིར ཨཱཝཱསེ སམྦཧུལཱ བྷིཀྑཱུ སངྒྷབྷེདཱཡ པརཀྐམནྟཱི’’ཏི. ཏཏྲ ཙེ བྷིཀྑུནོ ཨེཝཾ ཧོཏི, ‘གརུཀོ ཁོ སངྒྷབྷེདོ ཝུཏྟོ བྷགཝཏཱ; མཱ མཡི སམྨུཁཱིབྷཱུཏེ སངྒྷོ བྷིཛྫཱི’ཏི, པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏོ བྷིཀྑུ སུཎཱཏི – ‘‘ཨསུཀསྨིཾ ཀིར ཨཱཝཱསེ སམྦཧུལཱ བྷིཀྑཱུ སངྒྷབྷེདཱཡ པརཀྐམནྟཱི’’ཏི. ཏཏྲ ཙེ བྷིཀྑུནོ ཨེཝཾ ཧོཏི – ‘‘ཏེ ཁོ མེ བྷིཀྑཱུ མིཏྟཱ. ཏྱཱཧཾ ཝཀྑཱམི ‘གརུཀོ ཁོ, ཨཱཝུསོ, སངྒྷབྷེདོ ཝུཏྟོ བྷགཝཏཱ; མཱཡསྨནྟཱནཾ སངྒྷབྷེདོ རུཙྩིཏྠཱ’ཏི. ཀརིསྶནྟི མེ ཝཙནཾ, སུསྶཱུསིསྶནྟི, སོཏཾ ཨོདཧིསྶནྟཱི’’ཏི, པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏོ བྷིཀྑུ སུཎཱཏི – ‘‘ཨསུཀསྨིཾ ཀིར ཨཱཝཱསེ སམྦཧུལཱ བྷིཀྑཱུ སངྒྷབྷེདཱཡ པརཀྐམནྟཱི’’ཏི. ཏཏྲ ཙེ བྷིཀྑུནོ ཨེཝཾ ཧོཏི – ‘‘ཏེ ཁོ མེ བྷིཀྑཱུ ན མིཏྟཱ; ཨཔི ཙ ཡེ ཏེསཾ མིཏྟཱ, ཏེ མེ མིཏྟཱ. ཏྱཱཧཾ ཝཀྑཱམི. ཏེ ཝུཏྟཱ ཏེ ཝཀྑནྟི ‘གརུཀོ ཁོ, ཨཱཝུསོ, སངྒྷབྷེདོ ཝུཏྟོ བྷགཝཏཱ; མཱཡསྨནྟཱནཾ སངྒྷབྷེདོ རུཙྩིཏྠཱ’ཏི. ཀརིསྶནྟི ཏེསཾ ཝཙནཾ, སུསྶཱུསིསྶནྟི, སོཏཾ ཨོདཧིསྶནྟཱི’’ཏི, པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏོ བྷིཀྑུ སུཎཱཏི – ‘‘ཨསུཀསྨིཾ ཀིར ཨཱཝཱསེ སམྦཧུལེཧི བྷིཀྑཱུཧི སངྒྷོ བྷིནྣོ’’ཏི. ཏཏྲ ཙེ བྷིཀྑུནོ ཨེཝཾ ཧོཏི – ‘‘ཏེ ཁོ མེ བྷིཀྑཱུ མིཏྟཱ. ཏྱཱཧཾ ཝཀྑཱམི ‘གརུཀོ ཁོ, ཨཱཝུསོ, སངྒྷབྷེདོ ཝུཏྟོ བྷགཝཏཱ; མཱཡསྨནྟཱནཾ སངྒྷབྷེདོ རུཙྩིཏྠཱ’ཏི. ཀརིསྶནྟི མེ ཝཙནཾ, སུསྶཱུསིསྶནྟི, སོཏཾ ཨོདཧིསྶནྟཱི’’ཏི, པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏོ བྷིཀྑུ སུཎཱཏི – ‘‘ཨསུཀསྨིཾ ཀིར ཨཱཝཱསེ སམྦཧུལེཧི བྷིཀྑཱུཧི སངྒྷོ བྷིནྣོ’’ཏི. ཏཏྲ ཙེ བྷིཀྑུནོ ཨེཝཾ ཧོཏི – ‘‘ཏེ ཁོ མེ བྷིཀྑཱུ ན མིཏྟཱ; ཨཔི ཙ, ཡེ ཏེསཾ མིཏྟཱ ཏེ མེ མིཏྟཱ. ཏྱཱཧཾ ཝཀྑཱམི. ཏེ ཝུཏྟཱ ཏེ ཝཀྑནྟི ‘གརུཀོ ཁོ, ཨཱཝུསོ, སངྒྷབྷེདོ ཝུཏྟོ བྷགཝཏཱ; མཱཡསྨནྟཱནཾ སངྒྷབྷེདོ རུཙྩིཏྠཱ’ཏི. ཀརིསྶནྟི ཏེསཾ ཝཙནཾ, སུསྶཱུསིསྶནྟི, སོཏཾ ཨོདཧིསྶནྟཱི’’ཏི, པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏོ བྷིཀྑུ སུཎཱཏི – ‘‘ཨམུཀསྨིཾ ཀིར ཨཱཝཱསེ སམྦཧུལཱ བྷིཀྑུནིཡོ སངྒྷབྷེདཱཡ པརཀྐམནྟཱི’’ཏི. ཏཏྲ ཙེ བྷིཀྑུནོ ཨེཝཾ ཧོཏི – ‘‘ཏཱ ཁོ མེ བྷིཀྑུནིཡོ མིཏྟཱ. ཏཱཧཾ ཝཀྑཱམི ‘གརུཀོ ཁོ, བྷགིནིཡོ, སངྒྷབྷེདོ ཝུཏྟོ བྷགཝཏཱ; མཱ བྷགིནཱིནཾ སངྒྷབྷེདོ རུཙྩིཏྠཱ’ཏི. ཀརིསྶནྟི མེ ཝཙནཾ, སུསྶཱུསིསྶནྟི, སོཏཾ ཨོདཧིསྶནྟཱི’’ཏི, པཀྐམིཏབྦཾ. ཨནཱཔཏྟི ཝསྶཙྪེདསྶ.

ཨིདྷ པན, བྷིཀྑཝེ, ཝསྶཱུཔགཏོ བྷིཀྑུ སུཎཱཏི – ‘‘ཨམུཀསྨིཾ ཀིར ཨཱཝཱསེ སམྦཧུལཱ བྷིཀྑུནིཡོ སངྒྷབྷེདཱཡ པརཀྐམནྟཱི’’ཏི. ཏཏྲ ཙེ བྷིཀྑུནོ ཨེཝཾ ཧོཏི – ‘‘ཏཱ ཁོ མེ བྷིཀྑུནིཡོ ན མིཏྟཱ. ཨཔི ཙ, ཡཱ ཏཱསཾ མིཏྟཱ, ཏཱ མེ མིཏྟཱ. ཏཱཧཾ ཝཀྑཱམི. ཏཱ ཝུཏྟཱ ཏཱ ཝཀྑནྟི ‘གརུཀོ ཁོ, བྷགིནིཡོ, སངྒྷབྷེདོ ཝུཏྟོ བྷགཝཏཱ. མཱ བྷགིནཱིནཾ སངྒྷབྷེདོ རུཙྩིཏྠཱ’ཏི. ཀརིསྶནྟི ཏཱསཾ ཝཙནཾ, སུསྶཱུསིསྶནྟི, སོཏཾ ཨོདཧིསྶནྟཱི’’ཏི, པཀྐམིཏབྦཾ. ཨནཱཔཏྟི ཝསྶཙྪེདསྶཏི.

ཨིདྷ པན, བྷིཀྑཝེ, ཝསྶཱུཔགཏོ བྷིཀྑུ སུཎཱཏི – ‘‘ཨམུཀསྨིཾ ཀིར ཨཱཝཱསེ སམྦཧུལཱཧི བྷིཀྑུནཱིཧི སངྒྷོ བྷིནྣོ’’ཏི. ཏཏྲ ཙེ བྷིཀྑུནོ ཨེཝཾ ཧོཏི – ‘‘ཏཱ ཁོ མེ བྷིཀྑུནིཡོ མིཏྟཱ. ཏཱཧཾ ཝཀྑཱམི ‘གརུཀོ ཁོ, བྷགིནིཡོ, སངྒྷབྷེདོ ཝུཏྟོ བྷགཝཏཱ. མཱ བྷགིནཱིནཾ སངྒྷབྷེདོ རུཙྩིཏྠཱ’ཏི. ཀརིསྶནྟི མེ ཝཙནཾ, སུསྶཱུསིསྶནྟི, སོཏཾ ཨོདཧིསྶནྟཱི’’ཏི, པཀྐམིཏབྦཾ. ཨནཱཔཏྟི ཝསྶཙྪེདསྶཏི.

ཨིདྷ པན, བྷིཀྑཝེ, ཝསྶཱུཔགཏོ བྷིཀྑུ སུཎཱཏི – ‘‘ཨམུཀསྨིཾ ཀིར ཨཱཝཱསེ སམྦཧུལཱཧི བྷིཀྑུནཱིཧི སངྒྷོ བྷིནྣོ’’ཏི. ཏཏྲ ཙེ བྷིཀྑུནོ ཨེཝཾ ཧོཏི – ‘‘ཏཱ ཁོ མེ བྷིཀྑུནིཡོ ན མིཏྟཱ. ཨཔི ཙ, ཡཱ ཏཱསཾ མིཏྟཱ ཏཱ མེ མིཏྟཱ. ཏཱཧཾ ཝཀྑཱམི. ཏཱ ཝུཏྟཱ ཏཱ ཝཀྑནྟི ‘གརུཀོ ཁོ, བྷགིནིཡོ [ཨཡྻཱཡོ (སཱི.)], སངྒྷབྷེདོ ཝུཏྟོ བྷགཝཏཱ; མཱ བྷགིནཱིནཾ [ཨཡྻཱནཾ (སཱི.)] སངྒྷབྷེདོ རུཙྩིཏྠཱ’ཏི. ཀརིསྶནྟི ཏཱསཾ ཝཙནཾ, སུསྶཱུསིསྶནྟི, སོཏཾ ཨོདཧིསྶནྟཱི’’ཏི, པཀྐམིཏབྦཾ. ཨནཱཔཏྟི ཝསྶཙྪེདསྶཱཏི.

སངྒྷབྷེདེ ཨནཱཔཏྟིཝསྶཙྪེདཝཱརོ ནིཊྛིཏོ.

༡༡༥. ཝཛཱདཱིསུ ཝསྶཱུཔགམནཾ

༢༠༣. ཏེན ཁོ པན སམཡེན ཨཉྙཏརོ བྷིཀྑུ ཝཛེ ཝསྶཾ ཨུཔགནྟུཀཱམོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཝཛེ ཝསྶཾ ཨུཔགནྟུནྟི. ཝཛོ ཝུཊྛཱསི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཡེན ཝཛོ ཏེན གནྟུནྟི.

ཏེན ཁོ པན སམཡེན ཨཉྙཏརོ བྷིཀྑུ ཨུཔཀཊྛཱཡ ཝསྶཱུཔནཱཡིཀཱཡ སཏྠེན གནྟུཀཱམོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སཏྠེ ཝསྶཾ ཨུཔགནྟུནྟི.

ཏེན ཁོ པན སམཡེན ཨཉྙཏརོ བྷིཀྑུ ཨུཔཀཊྛཱཡ ཝསྶཱུཔནཱཡིཀཱཡ ནཱཝཱཡ གནྟུཀཱམོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ནཱཝཱཡ ཝསྶཾ ཨུཔགནྟུནྟི.

ཝཛཱདཱིསུ ཝསྶཱུཔགམནཾ ནིཊྛིཏཾ.

༡༡༦. ཝསྶཾ ཨནུཔགནྟབྦཊྛཱནཱནི

༢༠༤. ཏེན ཁོ པན སམཡེན བྷིཀྑཱུ རུཀྑསུསིརེ ཝསྶཾ ཨུཔགཙྪནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘སེཡྻཐཱཔི པིསཱཙིལླིཀཱ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, རུཀྑསུསིརེ ཝསྶཾ ཨུཔགནྟབྦཾ. ཡོ ཨུཔགཙྪེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན བྷིཀྑཱུ རུཀྑཝིཊབྷིཡཱ ཝསྶཾ ཨུཔགཙྪནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘སེཡྻཐཱཔི མིགལུདྡཀཱ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, རུཀྑཝིཊབྷིཡཱ ཝསྶཾ ཨུཔགནྟབྦཾ. ཡོ ཨུཔགཙྪེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན བྷིཀྑཱུ ཨཛ྄ཛྷོཀཱསེ ཝསྶཾ ཨུཔགཙྪནྟི. དེཝེ ཝསྶནྟེ རུཀྑམཱུལམྤི ནིབྦཀོསམྤི ཨུཔདྷཱཝནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨཛ྄ཛྷོཀཱསེ ཝསྶཾ ཨུཔགནྟབྦཾ. ཡོ ཨུཔགཙྪེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན བྷིཀྑཱུ ཨསེནཱསནིཀཱ ཝསྶཾ ཨུཔགཙྪནྟི. སཱིཏེནཔི ཀིལམནྟི, ཨུཎྷེནཔི ཀིལམནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨསེནཱསནིཀེན ཝསྶཾ ཨུཔགནྟབྦཾ. ཡོ ཨུཔགཙྪེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན བྷིཀྑཱུ ཚཝཀུཊིཀཱཡ ཝསྶཾ ཨུཔགཙྪནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘སེཡྻཐཱཔི ཚཝཌཱཧཀཱ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཚཝཀུཊིཀཱཡ ཝསྶཾ ཨུཔགནྟབྦཾ. ཡོ ཨུཔགཙྪེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན བྷིཀྑཱུ ཚཏྟེ ཝསྶཾ ཨུཔགཙྪནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘སེཡྻཐཱཔི གོཔཱལཀཱ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཚཏྟེ ཝསྶཾ ཨུཔགནྟབྦཾ. ཡོ ཨུཔགཙྪེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན བྷིཀྑཱུ ཙཱཊིཡཱ ཝསྶཾ ཨུཔགཙྪནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘སེཡྻཐཱཔི ཏིཏྠིཡཱ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཙཱཊིཡཱ ཝསྶཾ ཨུཔགནྟབྦཾ. ཡོ ཨུཔགཙྪེཡྻ, ཨཱཔཏྟི དུཀྐཊསྶཱཏི.

ཝསྶཾ ཨནུཔགནྟབྦཊྛཱནཱནི ནིཊྛིཏཱ.

༡༡༧. ཨདྷམྨིཀཀཏིཀཱ

༢༠༥. ཏེན ཁོ པན སམཡེན སཱཝཏྠིཡཱ སངྒྷེན ཨེཝརཱུཔཱ ཀཏིཀཱ ཀཏཱ ཧོཏི – ཨནྟརཱཝསྶཾ ན པབྦཱཛེཏབྦནྟི. ཝིསཱཁཱཡ མིགཱརམཱཏུཡཱ ནཏྟཱ བྷིཀྑཱུ ཨུཔསངྐམིཏྭཱ པབྦཛྫཾ ཡཱཙི. བྷིཀྑཱུ ཨེཝམཱཧཾསུ – ‘‘སངྒྷེན ཁོ, ཨཱཝུསོ, ཨེཝརཱུཔཱ ཀཏིཀཱ ཀཏཱ ‘ཨནྟརཱཝསྶཾ ན པབྦཱཛེཏབྦ’ནྟི. ཨཱགམེཧི, ཨཱཝུསོ, ཡཱཝ བྷིཀྑཱུ ཝསྶཾ ཝསནྟི. ཝསྶཾཝུཊྛཱ པབྦཱཛེསྶནྟཱི’’ཏི. ཨཐ ཁོ ཏེ བྷིཀྑཱུ ཝསྶཾཝུཊྛཱ ཝིསཱཁཱཡ མིགཱརམཱཏུཡཱ ནཏྟཱརཾ ཨེཏདཝོཙུཾ – ‘‘ཨེཧི, དཱནི, ཨཱཝུསོ, པབྦཛཱཧཱི’’ཏི. སོ ཨེཝམཱཧ – ‘‘སཙཱཧཾ, བྷནྟེ, པབྦཛིཏོ ཨསྶཾ, ཨབྷིརམེཡྻཱམཧཾ [ཨབྷིརམེཡྻཾ ཙཱཧཾ (སཱི.)]. ན དཱནཱཧཾ, བྷནྟེ, པབྦཛིསྶཱམཱི’’ཏི. ཝིསཱཁཱ མིགཱརམཱཏཱ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ ཨཡྻཱ ཨེཝརཱུཔཾ ཀཏིཀཾ ཀརིསྶནྟི ‘ན ཨནྟརཱཝསྶཾ པབྦཱཛེཏབྦ’ནྟི. ཀཾ ཀཱལཾ དྷམྨོ ན ཙརིཏབྦོ’’ཏི? ཨསྶོསུཾ ཁོ བྷིཀྑཱུ ཝིསཱཁཱཡ མིགཱརམཱཏུཡཱ ཨུཛ྄ཛྷཱཡནྟིཡཱ ཁིཡྻནྟིཡཱ ཝིཔཱཙེནྟིཡཱ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨེཝརཱུཔཱ ཀཏིཀཱ ཀཱཏབྦཱ – ‘ན ཨནྟརཱཝསྶཾ པབྦཱཛེཏབྦ’ནྟི. ཡོ ཀརེཡྻ, ཨཱཔཏྟི དུཀྐཊསྶཱཏི.

ཨདྷམྨིཀཀཏིཀཱ ནིཊྛིཏཱ.

༡༡༨. པཊིསྶཝདུཀྐཊཱཔཏྟི

༢༠༦. ཏེན ཁོ པན སམཡེན ཨཱཡསྨཏཱ ཨུཔནནྡེན སཀྱཔུཏྟེན རཉྙོ པསེནདིསྶ ཀོསལསྶ ཝསྶཱཝཱསོ པཊིསྶུཏོ ཧོཏི པུརིམིཀཱཡ. སོ ཏཾ ཨཱཝཱསཾ གཙྪནྟོ ཨདྡས ཨནྟརཱམགྒེ དྭེ ཨཱཝཱསེ བཧུཙཱིཝརཀེ. ཏསྶ ཨེཏདཧོསི – ‘‘ཡཾནཱུནཱཧཾ ཨིམེསུ དྭཱིསུ ཨཱཝཱསེསུ ཝསྶཾ ཝསེཡྻཾ. ཨེཝཾ མེ བཧུཾ ཙཱིཝརཾ [བཧུཙཱིཝརཾ (ཀ.)] ཨུཔྤཛྫིསྶཏཱི’’ཏི. སོ ཏེསུ དྭཱིསུ ཨཱཝཱསེསུ ཝསྶཾ ཝསི. རཱཛཱ པསེནདི ཀོསལོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ ཨཡྻོ ཨུཔནནྡོ སཀྱཔུཏྟོ ཨམྷཱཀཾ ཝསྶཱཝཱསཾ པཊིསྶུཎིཏྭཱ ཝིསཾཝཱདེསྶཏི. ནནུ བྷགཝཏཱ ཨནེཀཔརིཡཱཡེན མུསཱཝཱདོ གརཧིཏོ, མུསཱཝཱདཱ ཝེརམཎཱི པསཏྠཱ’’ཏི. ཨསྶོསུཾ ཁོ བྷིཀྑཱུ རཉྙོ པསེནདིསྶ ཀོསལསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ རཉྙོ པསེནདིསྶ ཀོསལསྶ ཝསྶཱཝཱསཾ པཊིསྶུཎིཏྭཱ ཝིསཾཝཱདེསྶཏི. ནནུ བྷགཝཏཱ ཨནེཀཔརིཡཱཡེན མུསཱཝཱདོ གརཧིཏོ, མུསཱཝཱདཱ ཝེརམཎཱི པསཏྠཱ’’ཏི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཨཱཡསྨནྟཾ ཨུཔནནྡཾ སཀྱཔུཏྟཾ པཊིཔུཙྪི – ‘‘སཙྩཾ ཀིར ཏྭཾ, ཨུཔནནྡ, རཉྙོ པསེནདིསྶ ཀོསལསྶ ཝསྶཱཝཱསཾ པཊིསྶུཎིཏྭཱ ཝིསཾཝཱདེསཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, རཉྙོ པསེནདིསྶ ཀོསལསྶ ཝསྶཱཝཱསཾ པཊིསྶུཎིཏྭཱ ཝིསཾཝཱདེསྶསི. ནནུ མཡཱ, མོགྷཔུརིས, ཨནེཀཔརིཡཱཡེན མུསཱཝཱདོ གརཧིཏོ, མུསཱཝཱདཱ ཝེརམཎཱི པསཏྠཱ. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༢༠༧. ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པུརིམིཀཱཡ. སོ ཏཾ ཨཱཝཱསཾ གཙྪནྟོ པསྶཏི ཨནྟརཱམགྒེ དྭེ ཨཱཝཱསེ བཧུཙཱིཝརཀེ. ཏསྶ ཨེཝཾ ཧོཏི – ‘‘ཡཾནཱུནཱཧཾ ཨིམེསུ དྭཱིསུ ཨཱཝཱསེསུ ཝསྶཾ ཝསེཡྻཾ. ཨེཝཾ མེ བཧུཾ ཙཱིཝརཾ ཨུཔྤཛྫིསྶཏཱི’’ཏི. སོ ཏེསུ དྭཱིསུ ཨཱཝཱསེསུ ཝསྶཾ ཝསཏི. ཏསྶ, བྷིཀྑཝེ, བྷིཀྑུནོ པུརིམིཀཱ ཙ ན པཉྙཱཡཏི, པཊིསྶཝེ ཙ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པུརིམིཀཱཡ. སོ ཏཾ ཨཱཝཱསཾ གཙྪནྟོ བཧིདྡྷཱ ཨུཔོསཐཾ ཀརོཏི, པཱཊིཔདེ [པཱཊིཔདེན (ཀ.)] ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ ཏདཧེཝ ཨཀརཎཱིཡོ པཀྐམཏི. ཏསྶ, བྷིཀྑཝེ, བྷིཀྑུནོ པུརིམིཀཱ ཙ ན པཉྙཱཡཏི, པཊིསྶཝེ ཙ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པུརིམིཀཱཡ. སོ ཏཾ ཨཱཝཱསཾ གཙྪནྟོ བཧིདྡྷཱ ཨུཔོསཐཾ ཀརོཏི, པཱཊིཔདེ ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ ཏདཧེཝ སཀརཎཱིཡོ པཀྐམཏི. ཏསྶ, བྷིཀྑཝེ, བྷིཀྑུནོ པུརིམིཀཱ ཙ ན པཉྙཱཡཏི, པཊིསྶཝེ ཙ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པུརིམིཀཱཡ. སོ ཏཾ ཨཱཝཱསཾ གཙྪནྟོ བཧིདྡྷཱ ཨུཔོསཐཾ ཀརོཏི, པཱཊིཔདེ ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ དྭཱིཧཏཱིཧཾ ཝསིཏྭཱ ཨཀརཎཱིཡོ པཀྐམཏི. ཏསྶ, བྷིཀྑཝེ, བྷིཀྑུནོ པུརིམིཀཱ ཙ ན པཉྙཱཡཏི, པཊིསྶཝེ ཙ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པུརིམིཀཱཡ. སོ ཏཾ ཨཱཝཱསཾ གཙྪནྟོ བཧིདྡྷཱ ཨུཔོསཐཾ ཀརོཏི, པཱཊིཔདེ ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ དྭཱིཧཏཱིཧཾ ཝསིཏྭཱ སཀརཎཱིཡོ པཀྐམཏི. ཏསྶ, བྷིཀྑཝེ, བྷིཀྑུནོ པུརིམིཀཱ ཙ ན པཉྙཱཡཏི, པཊིསྶཝེ ཙ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པུརིམིཀཱཡ. སོ ཏཾ ཨཱཝཱསཾ གཙྪནྟོ བཧིདྡྷཱ ཨུཔོསཐཾ ཀརོཏི, པཱཊིཔདེ ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ དྭཱིཧཏཱིཧཾ ཝསིཏྭཱ སཏྟཱཧཀརཎཱིཡེན པཀྐམཏི. སོ ཏཾ སཏྟཱཧཾ བཧིདྡྷཱ ཝཱིཏིནཱམེཏི. ཏསྶ, བྷིཀྑཝེ, བྷིཀྑུནོ པུརིམིཀཱ ཙ ན པཉྙཱཡཏི, པཊིསྶཝེ ཙ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པུརིམིཀཱཡ. སོ ཏཾ ཨཱཝཱསཾ གཙྪནྟོ བཧིདྡྷཱ ཨུཔོསཐཾ ཀརོཏི, པཱཊིཔདེ ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ དྭཱིཧཏཱིཧཾ ཝསིཏྭཱ སཏྟཱཧཀརཎཱིཡེན པཀྐམཏི. སོ ཏཾ སཏྟཱཧཾ ཨནྟོ སནྣིཝཏྟཾ ཀརོཏི. ཏསྶ, བྷིཀྑཝེ, བྷིཀྑུནོ པུརིམིཀཱ ཙ པཉྙཱཡཏི, པཊིསྶཝེ ཙ ཨནཱཔཏྟི.

ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པུརིམིཀཱཡ. སོ ཏཾ ཨཱཝཱསཾ གཙྪནྟོ བཧིདྡྷཱ ཨུཔོསཐཾ ཀརོཏི, པཱཊིཔདེ ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ སཏྟཱཧཾ ཨནཱགཏཱཡ པཝཱརཎཱཡ སཀརཎཱིཡོ པཀྐམཏི. ཨཱགཙྪེཡྻ ཝཱ སོ, བྷིཀྑཝེ, བྷིཀྑུ ཏཾ ཨཱཝཱསཾ ན ཝཱ ཨཱགཙྪེཡྻ, ཏསྶ, བྷིཀྑཝེ, བྷིཀྑུནོ པུརིམིཀཱ ཙ པཉྙཱཡཏི, པཊིསྶཝེ ཙ ཨནཱཔཏྟི.

ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པུརིམིཀཱཡ. སོ ཏཾ ཨཱཝཱསཾ གནྟྭཱ ཨུཔོསཐཾ ཀརོཏི, པཱཊིཔདེ ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ ཏདཧེཝ ཨཀརཎཱིཡོ པཀྐམཏི. ཏསྶ, བྷིཀྑཝེ, བྷིཀྑུནོ པུརིམིཀཱ ཙ ན པཉྙཱཡཏི, པཊིསྶཝེ ཙ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པུརིམིཀཱཡ. སོ ཏཾ ཨཱཝཱསཾ གནྟྭཱ ཨུཔོསཐཾ ཀརོཏི, པཱཊིཔདེ ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ ཏདཧེཝ སཀརཎཱིཡོ པཀྐམཏི…པེ… སོ དྭཱིཧཏཱིཧཾ ཝསིཏྭཱ ཨཀརཎཱིཡོ པཀྐམཏི…པེ… སོ དྭཱིཧཏཱིཧཾ ཝསིཏྭཱ སཀརཎཱིཡོ པཀྐམཏི…པེ… སོ དྭཱིཧཏཱིཧཾ ཝསིཏྭཱ སཏྟཱཧཀརཎཱིཡེན པཀྐམཏི. སོ ཏཾ སཏྟཱཧཾ བཧིདྡྷཱ ཝཱིཏིནཱམེཏི. ཏསྶ, བྷིཀྑཝེ, བྷིཀྑུནོ པུརིམིཀཱ ཙ ན པཉྙཱཡཏི, པཊིསྶཝེ ཙ ཨཱཔཏྟི དུཀྐཊསྶ…པེ… སོ དྭཱིཧཏཱིཧཾ ཝསིཏྭཱ སཏྟཱཧཀརཎཱིཡེན པཀྐམཏི. སོ ཏཾ སཏྟཱཧཾ ཨནྟོ སནྣིཝཏྟཾ ཀརོཏི. ཏསྶ, བྷིཀྑཝེ, བྷིཀྑུནོ པུརིམིཀཱ ཙ པཉྙཱཡཏི, པཊིསྶཝེ ཙ ཨནཱཔཏྟི…པེ… སོ སཏྟཱཧཾ ཨནཱགཏཱཡ པཝཱརཎཱཡ སཀརཎཱིཡོ པཀྐམཏི. ཨཱགཙྪེཡྻ ཝཱ སོ, བྷིཀྑཝེ, བྷིཀྑུ ཏཾ ཨཱཝཱསཾ ན ཝཱ ཨཱགཙྪེཡྻ, ཏསྶ, བྷིཀྑཝེ, བྷིཀྑུནོ པུརིམིཀཱ ཙ པཉྙཱཡཏི, པཊིསྶཝེ ཙ ཨནཱཔཏྟི.

༢༠༨. ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པཙྪིམིཀཱཡ. སོ ཏཾ ཨཱཝཱསཾ གཙྪནྟོ བཧིདྡྷཱ ཨུཔོསཐཾ ཀརོཏི, པཱཊིཔདེ ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ ཏདཧེཝ ཨཀརཎཱིཡོ པཀྐམཏི. ཏསྶ, བྷིཀྑཝེ, བྷིཀྑུནོ པཙྪིམིཀཱ ཙ ན པཉྙཱཡཏི, པཊིསྶཝེ ཙ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པཙྪིམིཀཱཡ. སོ ཏཾ ཨཱཝཱསཾ གཙྪནྟོ བཧིདྡྷཱ ཨུཔོསཐཾ ཀརོཏི, པཱཊིཔདེ ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ ཏདཧེཝ སཀརཎཱིཡོ པཀྐམཏི. ཏསྶ, བྷིཀྑཝེ, བྷིཀྑུནོ པཙྪིམིཀཱ ཙ ན པཉྙཱཡཏི, པཊིསྶཝེ ཙ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པཙྪིམིཀཱཡ. སོ ཏཾ ཨཱཝཱསཾ གཙྪནྟོ བཧིདྡྷཱ ཨུཔོསཐཾ ཀརོཏི, པཱཊིཔདེ ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ དྭཱིཧཏཱིཧཾ ཝསིཏྭཱ ཨཀརཎཱིཡོ པཀྐམཏི. ཏསྶ, བྷིཀྑཝེ, བྷིཀྑུནོ པཙྪིམིཀཱ ཙ ན པཉྙཱཡཏི, པཊིསྶཝེ ཙ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པཙྪིམིཀཱཡ. སོ ཏཾ ཨཱཝཱསཾ གཙྪནྟོ བཧིདྡྷཱ ཨུཔོསཐཾ ཀརོཏི, པཱཊིཔདེ ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ དྭཱིཧཏཱིཧཾ ཝསིཏྭཱ སཀརཎཱིཡོ པཀྐམཏི. ཏསྶ, བྷིཀྑཝེ, བྷིཀྑུནོ པཙྪིམིཀཱ ཙ ན པཉྙཱཡཏི, པཊིསྶཝེ ཙ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པཙྪིམིཀཱཡ. སོ ཏཾ ཨཱཝཱསཾ གཙྪནྟོ བཧིདྡྷཱ ཨུཔོསཐཾ ཀརོཏི, པཱཊིཔདེ ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ དྭཱིཧཏཱིཧཾ ཝསིཏྭཱ སཏྟཱཧཀརཎཱིཡེན པཀྐམཏི. སོ ཏཾ སཏྟཱཧཾ བཧིདྡྷཱ ཝཱིཏིནཱམེཏི. ཏསྶ, བྷིཀྑཝེ, བྷིཀྑུནོ པཙྪིམིཀཱ ཙ ན པཉྙཱཡཏི, པཊིསྶཝེ ཙ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པཙྪིམིཀཱཡ. སོ ཏཾ ཨཱཝཱསཾ གཙྪནྟོ བཧིདྡྷཱ ཨུཔོསཐཾ ཀརོཏི, པཱཊིཔདེ ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ དྭཱིཧཏཱིཧཾ ཝསིཏྭཱ སཏྟཱཧཀརཎཱིཡེན པཀྐམཏི. སོ ཏཾ སཏྟཱཧཾ ཨནྟོ སནྣིཝཏྟཾ ཀརོཏི. ཏསྶ, བྷིཀྑཝེ, བྷིཀྑུནོ པཙྪིམིཀཱ ཙ པཉྙཱཡཏི, པཊིསྶཝེ ཙ ཨནཱཔཏྟི.

ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པཙྪིམིཀཱཡ. སོ ཏཾ ཨཱཝཱསཾ གཙྪནྟོ བཧིདྡྷཱ ཨུཔོསཐཾ ཀརོཏི, པཱཊིཔདེ ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ སཏྟཱཧཾ ཨནཱགཏཱཡ ཀོམུདིཡཱ ཙཱཏུམཱསིནིཡཱ སཀརཎཱིཡོ པཀྐམཏི. ཨཱགཙྪེཡྻ ཝཱ སོ, བྷིཀྑཝེ, བྷིཀྑུ ཏཾ ཨཱཝཱསཾ ན ཝཱ ཨཱགཙྪེཡྻ, ཏསྶ, བྷིཀྑཝེ, བྷིཀྑུནོ པཙྪིམིཀཱ ཙ པཉྙཱཡཏི, པཊིསྶཝེ ཙ ཨནཱཔཏྟི.

ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པཙྪིམིཀཱཡ. སོ ཏཾ ཨཱཝཱསཾ གནྟྭཱ ཨུཔོསཐཾ ཀརོཏི, པཱཊིཔདེ ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ ཏདཧེཝ ཨཀརཎཱིཡོ པཀྐམཏི. ཏསྶ, བྷིཀྑཝེ, བྷིཀྑུནོ པཙྪིམིཀཱ ཙ ན པཉྙཱཡཏི, པཊིསྶཝེ ཙ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པཙྪིམིཀཱཡ. སོ ཏཾ ཨཱཝཱསཾ གནྟྭཱ ཨུཔོསཐཾ ཀརོཏི, པཱཊིཔདེ ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ ཏདཧེཝ སཀརཎཱིཡོ པཀྐམཏི…པེ… སོ དྭཱིཧཏཱིཧཾ ཝསིཏྭཱ ཨཀརཎཱིཡོ པཀྐམཏི …པེ… སོ དྭཱིཧཏཱིཧཾ ཝསིཏྭཱ སཀརཎཱིཡོ པཀྐམཏི…པེ… སོ དྭཱིཧཏཱིཧཾ ཝསིཏྭཱ སཏྟཱཧཀརཎཱིཡེན པཀྐམཏི. སོ ཏཾ སཏྟཱཧཾ བཧིདྡྷཱ ཝཱིཏིནཱམེཏི. ཏསྶ, བྷིཀྑཝེ, བྷིཀྑུནོ པཙྪིམིཀཱ ཙ ན པཉྙཱཡཏི, པཊིསྶཝེ ཙ ཨཱཔཏྟི དུཀྐཊསྶ…པེ… སོ དྭཱིཧཏཱིཧཾ ཝསིཏྭཱ སཏྟཱཧཀརཎཱིཡེན པཀྐམཏི. སོ ཏཾ སཏྟཱཧཾ ཨནྟོ སནྣིཝཏྟཾ ཀརོཏི. ཏསྶ བྷིཀྑཝེ, བྷིཀྑུནོ པཙྪིམིཀཱ ཙ པཉྙཱཡཏི, པཊིསྶཝེ ཙ ཨནཱཔཏྟི.

ཨིདྷ པན, བྷིཀྑཝེ, བྷིཀྑུནཱ ཝསྶཱཝཱསོ པཊིསྶུཏོ ཧོཏི པཙྪིམིཀཱཡ. སོ ཏཾ ཨཱཝཱསཾ གནྟྭཱ ཨུཔོསཐཾ ཀརོཏི, པཱཊིཔདེ ཝིཧཱརཾ ཨུཔེཏི, སེནཱསནཾ པཉྙཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི, པརིཝེཎཾ སམྨཛྫཏི. སོ སཏྟཱཧཾ ཨནཱགཏཱཡ ཀོམུདིཡཱ ཙཱཏུམཱསིནིཡཱ སཀརཎཱིཡོ པཀྐམཏི. ཨཱགཙྪེཡྻ ཝཱ སོ, བྷིཀྑཝེ, བྷིཀྑུ ཏཾ ཨཱཝཱསཾ ན ཝཱ ཨཱགཙྪེཡྻ, ཏསྶ, བྷིཀྑཝེ, བྷིཀྑུནོ པཙྪིམིཀཱ ཙ པཉྙཱཡཏི, པཊིསྶཝེ ཙ ཨནཱཔཏྟཱིཏི.

པཊིསྶཝདུཀྐཊཱཔཏྟི ནིཊྛིཏཱ.

ཝསྶཱུཔནཱཡིཀཀྑནྡྷཀོ ཏཏིཡོ.

༡༡༩. ཏསྶུདྡཱནཾ

ཨུཔགནྟུཾ ཀདཱ ཙེཝ, ཀཏི ཨནྟརཱཝསྶ ཙ;

ན ཨིཙྪནྟི ཙ སཉྩིཙྩ, ཨུཀྐཌྜྷིཏུཾ ཨུཔཱསཀོ.

གིལཱནོ མཱཏཱ ཙ པིཏཱ, བྷཱཏཱ ཙ ཨཐ ཉཱཏཀོ;

བྷིཀྑུགཏིཀོ ཝིཧཱརོ, ཝཱལཱ༹ ཙཱཔི སརཱིསཔཱ.

ཙོརོ ཙེཝ པིསཱཙཱ ཙ, དཌྜྷཱ ཏདུབྷཡེན ཙ;

ཝཱུལ༹ྷོདཀེན ཝུཊྛཱསི, བཧུཏརཱ ཙ དཱཡཀཱ.

ལཱུཁཔྤཎཱིཏསཔྤཱཡ, བྷེསཛྫུཔཊྛཀེན ཙ;

ཨིཏྠཱི ཝེསཱི ཀུམཱརཱི ཙ, པཎྜཀོ ཉཱཏཀེན ཙ.

རཱཛཱ ཙོརཱ དྷུཏྟཱ ནིདྷི, བྷེདཨཊྛཝིདྷེན [བྷེདཱ ཨཊྛཝིདྷེན (སཱི. སྱཱ.)] ཙ;

ཝཛསཏྠཱ ཙ ནཱཝཱ ཙ, སུསིརེ ཝིཊབྷིཡཱ ཙ.

ཨཛ྄ཛྷོཀཱསེ ཝསྶཱཝཱསོ, ཨསེནཱསནིཀེན ཙ;

ཚཝཀུཊིཀཱ ཚཏྟེ ཙ, ཙཱཊིཡཱ ཙ ཨུཔེནྟི ཏེ.

ཀཏིཀཱ པཊིསྶུཎིཏྭཱ, བཧིདྡྷཱ ཙ ཨུཔོསཐཱ;

པུརིམིཀཱ པཙྪིམིཀཱ, ཡཐཱཉཱཡེན ཡོཛཡེ.

ཨཀརཎཱི པཀྐམཏི, སཀརཎཱི ཏཐེཝ ཙ;

དྭཱིཧཏཱིཧཱ ཙ པུན ཙ [དྭཱིཧཏཱིཧཾ ཝསིཏྭཱན (སཱི.)], སཏྟཱཧཀརཎཱིཡེན ཙ.

སཏྟཱཧནཱགཏཱ ཙེཝ, ཨཱགཙྪེཡྻ ན ཨེཡྻ ཝཱ;

ཝཏྠུདྡཱནེ ཨནྟརིཀཱ, ཏནྟིམགྒཾ ནིསཱམཡེཏི.

ཨིམམྷི ཁནྡྷཀེ ཝཏྠཱུནི དྭེཔཎྞཱས.

ཝསྶཱུཔནཱཡིཀཀྑནྡྷཀོ ནིཊྛིཏོ.

༤. པཝཱརཎཱཀྑནྡྷཀོ

༡༢༠. ཨཕཱསུཀཝིཧཱརོ

༢༠༩. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན སམྦཧུལཱ སནྡིཊྛཱ སམྦྷཏྟཱ བྷིཀྑཱུ ཀོསལེསུ ཛནཔདེ ཨཉྙཏརསྨིཾ ཨཱཝཱསེ ཝསྶཾ ཨུཔགཙྪིཾསུ. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘ཀེན ནུ ཁོ མཡཾ ཨུཔཱཡེན སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསེཡྻཱམ, ན ཙ པིཎྜཀེན ཀིལམེཡྻཱམཱ’’ཏི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘སཙེ ཁོ མཡཾ ཨཉྙམཉྙཾ ནེཝ ཨཱལཔེཡྻཱམ ན སལླཔེཡྻཱམ – ཡོ པཋམཾ གཱམཏོ པིཎྜཱཡ པཊིཀྐམེཡྻ སོ ཨཱསནཾ པཉྙཔེཡྻ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔེཡྻ, ཨཝཀྐཱརཔཱཏིཾ དྷོཝིཏྭཱ ཨུཔཊྛཱཔེཡྻ, པཱནཱིཡཾ པརིབྷོཛནཱིཡཾ ཨུཔཊྛཱཔེཡྻ; ཡོ པཙྪཱ གཱམཏོ པིཎྜཱཡ པཊིཀྐམེཡྻ, སཙསྶ བྷུཏྟཱཝསེསོ, སཙེ ཨཱཀངྑེཡྻ བྷུཉྫེཡྻ, ནོ ཙེ ཨཱཀངྑེཡྻ ཨཔྤཧརིཏེ ཝཱ ཚཌྜེཡྻ, ཨཔྤཱཎཀེ ཝཱ ཨུདཀེ ཨོཔིལཱཔེཡྻ; སོ ཨཱསནཾ ཨུདྡྷརེཡྻ, པཱདོདཀཾ པཱདཔཱིཋཾ པཱདཀཐལིཀཾ པཊིསཱམེཡྻ, ཨཝཀྐཱརཔཱཏིཾ དྷོཝིཏྭཱ པཊིསཱམེཡྻ, པཱནཱིཡཾ པརིབྷོཛནཱིཡཾ པཊིསཱམེཡྻ, བྷཏྟགྒཾ སམྨཛྫེཡྻ; ཡོ པསྶེཡྻ པཱནཱིཡགྷཊཾ ཝཱ པརིབྷོཛནཱིཡགྷཊཾ ཝཱ ཝཙྩགྷཊཾ ཝཱ རིཏྟཾ ཏུཙྪཾ སོ ཨུཔཊྛཱཔེཡྻ; སཙསྶ ཧོཏི ཨཝིསཡ྄ཧཾ, ཧཏྠཝིཀཱརེན དུཏིཡཾ ཨཱམནྟེཏྭཱ ཧཏྠཝིལངྒྷཀེན ཨུཔཊྛཱཔེཡྻ; ན ཏྭེཝ ཏཔྤཙྩཡཱ ཝཱཙཾ བྷིནྡེཡྻ – ཨེཝཾ ཁོ མཡཾ སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསེཡྻཱམ, ན ཙ པིཎྜཀེན ཀིལམེཡྻཱམཱ’’ཏི. ཨཐ ཁོ ཏེ བྷིཀྑཱུ ཨཉྙམཉྙཾ ནེཝ ཨཱལཔིཾསུ, ན སལླཔིཾསུ. ཡོ པཋམཾ གཱམཏོ པིཎྜཱཡ པཊིཀྐམཏི, སོ ཨཱསནཾ པཉྙཔེཏི, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔཏི, ཨཝཀྐཱརཔཱཏིཾ དྷོཝིཏྭཱ ཨུཔཊྛཱཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི. ཡོ པཙྪཱ གཱམཏོ པིཎྜཱཡ པཊིཀྐམཏི, སཙེ ཧོཏི བྷུཏྟཱཝསེསོ, སཙེ ཨཱཀངྑཏི བྷུཉྫཏི, ནོ ཙེ ཨཱཀངྑཏི ཨཔྤཧརིཏེ ཝཱ ཚཌྜེཏི, ཨཔྤཱཎཀེ ཝཱ ཨུདཀེ ཨོཔིལཱཔེཏི; སོ ཨཱསནཾ ཨུདྡྷརཏི, པཱདོདཀཾ པཱདཔཱིཋཾ པཱདཀཐལིཀཾ པཊིསཱམེཏི, ཨཝཀྐཱརཔཱཏིཾ དྷོཝིཏྭཱ པཊིསཱམེཏི, པཱནཱིཡཾ པརིབྷོཛནཱིཡཾ པཊིསཱམེཏི, བྷཏྟགྒཾ སམྨཛྫཏི. ཡོ པསྶཏི པཱནཱིཡགྷཊཾ ཝཱ པརིབྷོཛནཱིཡགྷཊཾ ཝཱ ཝཙྩགྷཊཾ ཝཱ རིཏྟཾ ཏུཙྪཾ སོ ཨུཔཊྛཱཔེཏི. སཙསྶ ཧོཏི ཨཝིསཡ྄ཧཾ, ཧཏྠཝིཀཱརེན དུཏིཡཾ ཨཱམནྟེཏྭཱ ཧཏྠཝིལངྒྷཀེན ཨུཔཊྛཱཔེཏི, ན ཏྭེཝ ཏཔྤཙྩཡཱ ཝཱཙཾ བྷིནྡཏི.

ཨཱཙིཎྞཾ ཁོ པནེཏཾ ཝསྶཾཝུཊྛཱནཾ བྷིཀྑཱུནཾ བྷགཝནྟཾ དསྶནཱཡ ཨུཔསངྐམིཏུཾ. ཨཐ ཁོ ཏེ བྷིཀྑཱུ ཝསྶཾཝུཊྛཱ ཏེམཱསཙྩཡེན སེནཱསནཾ སཾསཱམེཏྭཱ པཏྟཙཱིཝརམཱདཱཡ ཡེན སཱཝཏྠི ཏེན པཀྐམིཾསུ. ཨནུཔུབྦེན ཡེན སཱཝཏྠི ཛེཏཝནཾ ཨནཱཐཔིཎྜིཀསྶ ཨཱརཱམོ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨཱཙིཎྞཾ ཁོ པནེཏཾ བུདྡྷཱནཾ བྷགཝནྟཱནཾ ཨཱགནྟུཀེཧི བྷིཀྑཱུཧི སདྡྷིཾ པཊིསམྨོདིཏུཾ. ཨཐ ཁོ བྷགཝཱ ཏེ བྷིཀྑཱུ ཨེཏདཝོཙ – ‘‘ཀཙྩི, བྷིཀྑཝེ, ཁམནཱིཡཾ, ཀཙྩི ཡཱཔནཱིཡཾ, ཀཙྩི སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསིཏྠ, ན ཙ པིཎྜཀེན ཀིལམིཏྠཱ’’ཏི? ‘‘ཁམནཱིཡཾ བྷགཝཱ, ཡཱཔནཱིཡཾ བྷགཝཱ. སམགྒཱ ཙ མཡཾ, བྷནྟེ, སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསིམྷཱ, ན ཙ པིཎྜཀེན ཀིལམིམྷཱ’’ཏི. ཛཱནནྟཱཔི ཏཐཱགཏཱ པུཙྪནྟི, ཛཱནནྟཱཔི ན པུཙྪནྟི. ཀཱལཾ ཝིདིཏྭཱ པུཙྪནྟི, ཀཱལཾ ཝིདིཏྭཱ ན པུཙྪནྟི. ཨཏྠསཾཧིཏཾ ཏཐཱགཏཱ པུཙྪནྟི, ནོ ཨནཏྠསཾཧིཏཾ. ཨནཏྠསཾཧིཏེ སེཏུགྷཱཏོ ཏཐཱགཏཱནཾ. དྭཱིཧཱཀཱརེཧི བུདྡྷཱ བྷགཝནྟོ བྷིཀྑཱུ པཊིཔུཙྪནྟི – དྷམྨཾ ཝཱ དེསེསྶཱམ, སཱཝཀཱནཾ ཝཱ སིཀྑཱཔདཾ པཉྙཔེསྶཱམཱཏི. ཨཐ ཁོ བྷགཝཱ ཏེ བྷིཀྑཱུ ཨེཏདཝོཙ – ‘‘ཡཐཱཀཐཾ པན ཏུམྷེ, བྷིཀྑཝེ, སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསིཏྠ, ན ཙ པིཎྜཀེན ཀིལམིཏྠཱ’’ཏི.

ཨིདྷ མཡཾ, བྷནྟེ, སམྦཧུལཱ སནྡིཊྛཱ སམྦྷཏྟཱ བྷིཀྑཱུ ཀོསལེསུ ཛནཔདེ ཨཉྙཏརསྨིཾ ཨཱཝཱསེ ཝསྶཾ ཨུཔགཙྪིམྷཱ. ཏེསཾ ནོ, བྷནྟེ, ཨམྷཱཀཾ ཨེཏདཧོསི – ‘‘ཀེན ནུ ཁོ མཡཾ ཨུཔཱཡེན སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསེཡྻཱམ, ན ཙ པིཎྜཀེན ཀིལམེཡྻཱམཱ’’ཏི. ཏེསཾ ནོ, བྷནྟེ, ཨམྷཱཀཾ ཨེཏདཧོསི – ‘‘སཙེ ཁོ མཡཾ ཨཉྙམཉྙཾ ནེཝ ཨཱལཔེཡྻཱམ ན སལླཔེཡྻཱམ – ཡོ པཋམཾ གཱམཏོ པིཎྜཱཡ པཊིཀྐམེཡྻ སོ ཨཱསནཾ པཉྙཔེཡྻ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔེཡྻ, ཨཝཀྐཱརཔཱཏིཾ དྷོཝིཏྭཱ ཨུཔཊྛཱཔེཡྻ, པཱནཱིཡཾ པརིབྷོཛནཱིཡཾ ཨུཔཊྛཱཔེཡྻ; ཡོ པཙྪཱ གཱམཏོ པིཎྜཱཡ པཊིཀྐམེཡྻ, སཙསྶ བྷུཏྟཱཝསེསོ, སཙེ ཨཱཀངྑེཡྻ བྷུཉྫེཡྻ, ནོ ཙེ ཨཱཀངྑེཡྻ ཨཔྤཧརིཏེ ཝཱ ཚཌྜེཡྻ, ཨཔྤཱཎཀེ ཝཱ ཨུདཀེ ཨོཔིལཱཔེཡྻ; སོ ཨཱསནཾ ཨུདྡྷརེཡྻ, པཱདོདཀཾ པཱདཔཱིཋཾ པཱདཀཐལིཀཾ པཊིསཱམེཡྻ, ཨཝཀྐཱརཔཱཏིཾ དྷོཝིཏྭཱ པཊིསཱམེཡྻ, པཱནཱིཡཾ པརིབྷོཛནཱིཡཾ པཊིསཱམེཡྻ, བྷཏྟགྒཾ སམྨཛྫེཡྻ; ཡོ པསྶེཡྻ པཱནཱིཡགྷཊཾ ཝཱ པརིབྷོཛནཱིཡགྷཊཾ ཝཱ ཝཙྩགྷཊཾ ཝཱ རིཏྟཾ ཏུཙྪཾ སོ ཨུཔཊྛཱཔེཡྻ; སཙསྶ ཧོཏི ཨཝིསཡ྄ཧཾ, ཧཏྠཝིཀཱརེན དུཏིཡཾ ཨཱམནྟེཏྭཱ ཧཏྠཝིལངྒྷཀེན ཨུཔཊྛཱཔེཡྻ; ན ཏྭེཝ ཏཔྤཙྩཡཱ ཝཱཙཾ བྷིནྡེཡྻ – ཨེཝཾ ཁོ མཡཾ སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསེཡྻཱམ, ན ཙ པིཎྜཀེན ཀིལམེཡྻཱམཱ’’ཏི. ཨཐ ཁོ མཡཾ, བྷནྟེ, ཨཉྙམཉྙཾ ནེཝ ཨཱལཔིམྷཱ ན སལླཝིམྷཱ. ཡོ པཋམཾ གཱམཏོ པིཎྜཱཡ པཊིཀྐམཏི སོ ཨཱསནཾ པཉྙཔེཏི, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔཏི, ཨཝཀྐཱརཔཱཏིཾ དྷོཝིཏྭཱ ཨུཔཊྛཱཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི. ཡོ པཙྪཱ གཱམཏོ པིཎྜཱཡ པཊིཀྐམཏི, སཙེ ཧོཏི བྷུཏྟཱཝསེསོ, སཙེ ཨཱཀངྑཏི བྷུཉྫཏི, ནོ ཙེ ཨཱཀངྑཏི ཨཔྤཧརིཏེ ཝཱ ཚཌྜེཏི, ཨཔྤཱཎཀེ ཝཱ ཨུདཀེ ཨོཔིལཱཔེཏི, སོ ཨཱསནཾ ཨུདྡྷརཏི, པཱདོདཀཾ པཱདཔཱིཋཾ པཱདཀཐལིཀཾ པཊིསཱམེཏི, ཨཝཀྐཱརཔཱཏིཾ དྷོཝིཏྭཱ པཊིསཱམེཏི, པཱནཱིཡཾ པརིབྷོཛནཱིཡཾ པཊིསཱམེཏི, བྷཏྟགྒཾ སམྨཛྫཏི. ཡོ པསྶཏི པཱནཱིཡགྷཊཾ ཝཱ པརིབྷོཛནཱིཡགྷཊཾ ཝཱ ཝཙྩགྷཊཾ ཝཱ རིཏྟཾ ཏུཙྪཾ སོ ཨུཔཊྛཱཔེཏི. སཙསྶ ཧོཏི ཨཝིསཡ྄ཧཾ, ཧཏྠཝིཀཱརེན དུཏིཡཾ ཨཱམནྟེཏྭཱ ཧཏྠཝིལངྒྷཀེན ཨུཔཊྛཱཔེཏི, ན ཏྭེཝ ཏཔྤཙྩཡཱ ཝཱཙཾ བྷིནྡཏི. ཨེཝཾ ཁོ མཡཾ, བྷནྟེ, སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསིམྷཱ, ན ཙ པིཎྜཀེན ཀིལམིམྷཱཏི.

ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘ཨཕཱསུཉྙེཝ [ཨཕཱསུཀཉྙེཝ (སཱི.)] ཀིརམེ [ཀིརིམེ (ཀ.)], བྷིཀྑཝེ, མོགྷཔུརིསཱ ཝུཊྛཱ [ཝུཏྠཱ (ཀ.)] སམཱནཱ ཕཱསུམྷཱ [ཕཱསུཀམྷཱ (སཱི.)] ཝུཊྛཱཏི པཊིཛཱནནྟི. པསུསཾཝཱསཉྙེཝ ཀིརམེ, བྷིཀྑཝེ, མོགྷཔུརིསཱ ཝུཊྛཱ སམཱནཱ ཕཱསུམྷཱ ཝུཊྛཱཏི པཊིཛཱནནྟི. ཨེལ༹ཀསཾཝཱསཉྙེཝ ཀིརམེ, བྷིཀྑཝེ, མོགྷཔུརིསཱ ཝུཊྛཱ སམཱནཱ ཕཱསུམྷཱ ཝུཊྛཱཏི པཊིཛཱནནྟི. སཔཏྟསཾཝཱསཉྙེཝ ཀིརམེ, བྷིཀྑཝེ, མོགྷཔུརིསཱ ཝུཊྛཱ སམཱནཱ ཕཱསུམྷཱ ཝུཊྛཱཏི པཊིཛཱནནྟི. ཀཐཉྷི ནཱམིམེ, བྷིཀྑཝེ, མོགྷཔུརིསཱ མཱུགབྦཏཾ ཏིཏྠིཡསམཱདཱནཾ སམཱདིཡིསྶ’’ནྟི. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ན, བྷིཀྑཝེ, མཱུགབྦཏཾ ཏིཏྠིཡསམཱདཱནཾ སམཱདིཡིཏབྦཾ. ཡོ སམཱདིཡེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཝསྶཾཝུཊྛཱནཾ བྷིཀྑཱུནཾ ཏཱིཧི ཋཱནེཧི པཝཱརེཏུཾ – དིཊྛེན ཝཱ སུཏེན ཝཱ པརིསངྐཱཡ ཝཱ. སཱ ཝོ བྷཝིསྶཏི ཨཉྙམཉྙཱནུལོམཏཱ ཨཱཔཏྟིཝུཊྛཱནཏཱ ཝིནཡཔུརེཀྑཱརཏཱ. ཨེཝཉྩ པན, བྷིཀྑཝེ, པཝཱརེཏབྦཾ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༢༡༠. ‘‘སུཎཱཏུ མེ, བྷནྟེ, སངྒྷོ. ཨཛྫ པཝཱརཎཱ. ཡདི སངྒྷསྶ པཏྟཀལླཾ, སངྒྷོ པཝཱརེཡྻཱ’’ཏི.

ཐེརེན བྷིཀྑུནཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘སངྒྷཾ, ཨཱཝུསོ, པཝཱརེམི དིཊྛེན ཝཱ སུཏེན ཝཱ པརིསངྐཱཡ ཝཱ. ཝདནྟུ མཾ ཨཱཡསྨནྟོ ཨནུཀམྤཾ ཨུཔཱདཱཡ. པསྶནྟོ པཊིཀརིསྶཱམི. དུཏིཡམྤི, ཨཱཝུསོ, སངྒྷཾ པཝཱརེམི དིཊྛེན ཝཱ སུཏེན ཝཱ པརིསངྐཱཡ ཝཱ. ཝདནྟུ མཾ ཨཱཡསྨནྟོ ཨནུཀམྤཾ ཨུཔཱདཱཡ. པསྶནྟོ པཊིཀརིསྶཱམི. ཏཏིཡམྤི, ཨཱཝུསོ, སངྒྷཾ པཝཱརེམི དིཊྛེན ཝཱ སུཏེན ཝཱ པརིསངྐཱཡ ཝཱ. ཝདནྟུ མཾ ཨཱཡསྨནྟོ ཨནུཀམྤཾ ཨུཔཱདཱཡ. པསྶནྟོ པཊིཀརིསྶཱམཱི’’ཏི.

ནཝཀེན བྷིཀྑུནཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘སངྒྷཾ, བྷནྟེ, པཝཱརེམི དིཊྛེན ཝཱ སུཏེན ཝཱ པརིསངྐཱཡ ཝཱ. ཝདནྟུ མཾ ཨཱཡསྨནྟོ ཨནུཀམྤཾ ཨུཔཱདཱཡ. པསྶནྟོ པཊིཀརིསྶཱམི. དུཏིཡམྤི, བྷནྟེ, སངྒྷཾ…པེ… ཏཏིཡམྤི, བྷནྟེ, སངྒྷཾ པཝཱརེམི དིཊྛེན ཝཱ སུཏེན ཝཱ པརིསངྐཱཡ ཝཱ. ཝདནྟུ མཾ ཨཱཡསྨནྟོ ཨནུཀམྤཾ ཨུཔཱདཱཡ. པསྶནྟོ པཊིཀརིསྶཱམཱི’’ཏི.

༢༡༡. ཏེན ཁོ པན སམཡེན ཚབྦགྒིཡཱ བྷིཀྑཱུ ཐེརེསུ བྷིཀྑཱུསུ ཨུཀྐུཊིཀཾ ནིསིནྣེསུ པཝཱརཡམཱནེསུ ཨཱསནེསུ ཨཙྪནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཐེརེསུ བྷིཀྑཱུསུ ཨུཀྐུཊིཀཾ ནིསིནྣེསུ པཝཱརཡམཱནེསུ ཨཱསནེསུ ཨཙྪིསྶནྟཱི’’ཏི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, ཚབྦགྒིཡཱ བྷིཀྑཱུ ཐེརེསུ བྷིཀྑཱུསུ ཨུཀྐུཊིཀཾ ནིསིནྣེསུ པཝཱརཡམཱནེསུ ཨཱསནེསུ ཨཙྪནྟཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ཐེརེསུ བྷིཀྑཱུསུ ཨུཀྐུཊིཀཾ ནིསིནྣེསུ པཝཱརཡམཱནེསུ ཨཱསནེསུ ཨཙྪིསྶ’’ནྟི. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ, པསནྣཱནཾ ཝཱ བྷིཡྻོབྷཱཝཱཡ…པེ… ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཐེརེསུ བྷིཀྑཱུསུ ཨུཀྐུཊིཀཾ ནིསིནྣེསུ པཝཱརཡམཱནེསུ ཨཱསནེསུ ཨཙྪིཏབྦཾ. ཡོ ཨཙྪེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, སབྦེཧེཝ ཨུཀྐུཊིཀཾ ནིསིནྣེཧི པཝཱརེཏུ’’ནྟི.

ཏེན ཁོ པན སམཡེན ཨཉྙཏརོ ཐེརོ ཛརཱདུབྦལོ ཡཱཝ སབྦེ པཝཱརེནྟཱིཏི [ཡཱཝ སབྦེ པཝཱརེནྟི (སྱཱ.)] ཨུཀྐུཊིཀཾ ནིསིནྣོ ཨཱགམཡམཱནོ མུཙྪིཏོ པཔཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཏདམནྟརཱ ཨུཀྐུཊིཀཾ ནིསཱིདིཏུཾ ཡཱཝ པཝཱརེཏི, པཝཱརེཏྭཱ ཨཱསནེ ནིསཱིདིཏུནྟི.

ཨཕཱསུཀཝིཧཱརོ ནིཊྛིཏོ.

༡༢༡. པཝཱརཎཱབྷེདཱ

༢༡༢. ཨཐ ཁོ བྷིཀྑཱུནཾ ཨེཏདཧོསི – ‘‘ཀཏི ནུ ཁོ པཝཱརཎཱ’’ཏི? བྷགཝཏོ ཨེཏམཏྠཾ ཨཱརོཙེསུཾ. དྭེམཱ, བྷིཀྑཝེ, པཝཱརཎཱ – ཙཱཏུདྡསིཀཱ ཙ པནྣརསིཀཱ ཙ. ཨིམཱ ཁོ, བྷིཀྑཝེ, དྭེ པཝཱརཎཱཏི.

ཨཐ ཁོ བྷིཀྑཱུནཾ ཨེཏདཧོསི – ‘‘ཀཏི ནུ ཁོ པཝཱརཎཀམྨཱནཱི’’ཏི? [པཝཱརཎཱཀམྨཱནཱིཏི (སྱཱ.)] བྷགཝཏོ ཨེཏམཏྠཾ ཨཱརོཙེསུཾ. ཙཏྟཱརིམཱནི, བྷིཀྑཝེ, པཝཱརཎཀམྨཱནི – ཨདྷམྨེན ཝགྒཾ པཝཱརཎཀམྨཾ, ཨདྷམྨེན སམགྒཾ པཝཱརཎཀམྨཾ, དྷམྨེན ཝགྒཾ པཝཱརཎཀམྨཾ, དྷམྨེན སམགྒཾ པཝཱརཎཀམྨཾ. ཏཏྲ, བྷིཀྑཝེ, ཡདིདཾ ཨདྷམྨེན ཝགྒཾ པཝཱརཎཀམྨཾ, ན, བྷིཀྑཝེ, ཨེཝརཱུཔཾ པཝཱརཎཀམྨཾ ཀཱཏབྦཾ; ན ཙ མཡཱ ཨེཝརཱུཔཾ པཝཱརཎཀམྨཾ ཨནུཉྙཱཏཾ. ཏཏྲ, བྷིཀྑཝེ, ཡདིདཾ ཨདྷམྨེན སམགྒཾ པཝཱརཎཀམྨཾ, ན, བྷིཀྑཝེ, ཨེཝརཱུཔཾ པཝཱརཎཀམྨཾ ཀཱཏབྦཾ; ན ཙ མཡཱ ཨེཝརཱུཔཾ པཝཱརཎཀམྨཾ ཨནུཉྙཱཏཾ. ཏཏྲ, བྷིཀྑཝེ, ཡདིདཾ དྷམྨེན ཝགྒཾ པཝཱརཎཀམྨཾ, ན, བྷིཀྑཝེ, ཨེཝརཱུཔཾ པཝཱརཎཀམྨཾ ཀཱཏབྦཾ; ན ཙ མཡཱ ཨེཝརཱུཔཾ པཝཱརཎཀམྨཾ ཨནུཉྙཱཏཾ. ཏཏྲ, བྷིཀྑཝེ, ཡདིདཾ དྷམྨེན སམགྒཾ པཝཱརཎཀམྨཾ, ཨེཝརཱུཔཾ, བྷིཀྑཝེ, པཝཱརཎཀམྨཾ ཀཱཏབྦཾ; ཨེཝརཱུཔཉྩ མཡཱ པཝཱརཎཀམྨཾ ཨནུཉྙཱཏཾ. ཏསྨཱཏིཧ, བྷིཀྑཝེ, ཨེཝརཱུཔཾ པཝཱརཎཀམྨཾ ཀརིསྶཱམ ཡདིདཾ དྷམྨེན སམགྒནྟི, ཨེཝཉྷི ཝོ, བྷིཀྑཝེ, སིཀྑིཏབྦནྟི.

པཝཱརཎཱབྷེདཱ ནིཊྛིཏཱ.

༡༢༢. པཝཱརཎཱདཱནཱནུཛཱནནཱ

༢༡༣. ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘སནྣིཔཏཐ, བྷིཀྑཝེ. སངྒྷོ པཝཱརེསྶཏཱི’’ཏི. ཨེཝཾ ཝུཏྟེ ཨཉྙཏརོ བྷིཀྑུ བྷགཝནྟཾ ཨེཏདཝོཙ – ‘‘ཨཏྠི, བྷནྟེ, བྷིཀྑུ གིལཱནོ, སོ ཨནཱགཏོ’’ཏི. ཨནུཛཱནཱམི, བྷིཀྑཝེ, གིལཱནེན བྷིཀྑུནཱ པཝཱརཎཾ དཱཏུཾ. ཨེཝཉྩ པན, བྷིཀྑཝེ, དཱཏབྦཱ – ཏེན གིལཱནེན བྷིཀྑུནཱ ཨེཀཾ བྷིཀྑུཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘པཝཱརཎཾ དམྨི, པཝཱརཎཾ མེ ཧར, པཝཱརཎཾ མེ ཨཱརོཙེཧི, མམཏྠཱཡ པཝཱརེཧཱི’’ཏི ཀཱཡེན ཝིཉྙཱཔེཏི, ཝཱཙཱཡ ཝིཉྙཱཔེཏི, ཀཱཡེན ཝཱཙཱཡ ཝིཉྙཱཔེཏི, དིནྣཱ ཧོཏི པཝཱརཎཱ; ན ཀཱཡེན ཝིཉྙཱཔེཏི, ན ཝཱཙཱཡ ཝིཉྙཱཔེཏི, ན ཀཱཡེན ཝཱཙཱཡ ཝིཉྙཱཔེཏི, ན དིནྣཱ ཧོཏི པཝཱརཎཱ. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, སོ, བྷིཀྑཝེ, གིལཱནོ བྷིཀྑུ མཉྩེན ཝཱ པཱིཋེན ཝཱ སངྒྷམཛ྄ཛྷེ ཨཱནེཏྭཱ པཝཱརེཏབྦཾ. སཙེ, བྷིཀྑཝེ, གིལཱནུཔཊྛཱཀཱནཾ བྷིཀྑཱུནཾ ཨེཏདཧོསི – ‘‘སཙེ ཁོ མཡཾ གིལཱནཾ ཋཱནཱ ཙཱཝེསྶཱམ, ཨཱབཱདྷོ ཝཱ ཨབྷིཝཌྜྷིསྶཏི, ཀཱལཾཀིརིཡཱ ཝཱ བྷཝིསྶཏཱི’’ཏི ན, བྷིཀྑཝེ, གིལཱནོ བྷིཀྑུ ཋཱནཱ ཙཱཝེཏབྦོ. སངྒྷེན ཏཏྠ གནྟྭཱ པཝཱརེཏབྦཾ; ན ཏྭེཝ ཝགྒེན སངྒྷེན པཝཱརེཏབྦཾ. པཝཱརེཡྻ ཙེ, ཨཱཔཏྟི དུཀྐཊསྶ.

པཝཱརཎཧཱརཀོ [པཝཱརཎཱཧཱརཀོ (སྱཱ.)] ཙེ, བྷིཀྑཝེ, དིནྣཱཡ པཝཱརཎཱཡ ཏཏྠེཝ པཀྐམཏི, ཨཉྙསྶ དཱཏབྦཱ པཝཱརཎཱ. པཝཱརཎཧཱརཀོ ཙེ, བྷིཀྑཝེ, དིནྣཱཡ པཝཱརཎཱཡ ཏཏྠེཝ ཝིབྦྷམཏི…པེ… ཀཱལཾཀརོཏི… སཱམཎེརོ པཊིཛཱནཱཏི… སིཀྑཾ པཙྩཀྑཱཏཀོ པཊིཛཱནཱཏི… ཨནྟིམཝཏྠུཾ ཨཛ྄ཛྷཱཔནྣཀོ པཊིཛཱནཱཏི… ཨུམྨཏྟཀོ པཊིཛཱནཱཏི… ཁིཏྟཙིཏྟོ པཊིཛཱནཱཏི… ཝེདནཱཊྚོ པཊིཛཱནཱཏི… ཨཱཔཏྟིཡཱ ཨདསྶནེ ཨུཀྑིཏྟཀོ པཊིཛཱནཱཏི… ཨཱཔཏྟིཡཱ ཨཔྤཊིཀམྨེ ཨུཀྑིཏྟཀོ པཊིཛཱནཱཏི… པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཏྟཀོ པཊིཛཱནཱཏི… པཎྜཀོ པཊིཛཱནཱཏི… ཐེཡྻསཾཝཱསཀོ པཊིཛཱནཱཏི… ཏིཏྠིཡཔཀྐནྟཀོ པཊིཛཱནཱཏི… ཏིརཙྪཱནགཏོ པཊིཛཱནཱཏི… མཱཏུགྷཱཏཀོ པཊིཛཱནཱཏི… པིཏུགྷཱཏཀོ པཊིཛཱནཱཏི… ཨརཧནྟགྷཱཏཀོ པཊིཛཱནཱཏི… བྷིཀྑུནིདཱུསཀོ པཊིཛཱནཱཏི… སངྒྷབྷེདཀོ པཊིཛཱནཱཏི … ལོཧིཏུཔྤཱདཀོ པཊིཛཱནཱཏི… ཨུབྷཏོབྱཉྫནཀོ པཊིཛཱནཱཏི, ཨཉྙསྶ དཱཏབྦཱ པཝཱརཎཱ.

པཝཱརཎཧཱརཀོ ཙེ, བྷིཀྑཝེ, དིནྣཱཡ པཝཱརཎཱཡ ཨནྟརཱམགྒེ པཀྐམཏི, ཨནཱཧཊཱ ཧོཏི པཝཱརཎཱ. པཝཱརཎཧཱརཀོ ཙེ, བྷིཀྑཝེ, དིནྣཱཡ པཝཱརཎཱཡ ཨནྟརཱམགྒེ ཝིབྦྷམཏི…པེ… ཀཱལཾཀརོཏི… སཱམཎེརོ པཊིཛཱནཱཏི… སིཀྑཾ པཙྩཀྑཱཏཀོ པཊིཛཱནཱཏི… ཨནྟིམཝཏྠུཾ ཨཛ྄ཛྷཱཔནྣཀོ པཊིཛཱནཱཏི… ཨུམྨཏྟཀོ པཊིཛཱནཱཏི… ཁིཏྟཙིཏྟོ པཊིཛཱནཱཏི… ཝེདནཱཊྚོ པཊིཛཱནཱཏི… ཨཱཔཏྟིཡཱ ཨདསྶནེ ཨུཀྑིཏྟཀོ པཊིཛཱནཱཏི… ཨཱཔཏྟིཡཱ ཨཔྤཊིཀམྨེ ཨུཀྑིཏྟཀོ པཊིཛཱནཱཏི… པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཏྟཀོ པཊིཛཱནཱཏི… པཎྜཀོ པཊིཛཱནཱཏི… ཐེཡྻསཾཝཱསཀོ པཊིཛཱནཱཏི… ཏིཏྠིཡཔཀྐནྟཀོ པཊིཛཱནཱཏི… ཏིརཙྪཱནགཏོ པཊིཛཱནཱཏི… མཱཏུགྷཱཏཀོ པཊིཛཱནཱཏི… པིཏུགྷཱཏཀོ པཊིཛཱནཱཏི… ཨརཧནྟགྷཱཏཀོ པཊིཛཱནཱཏི… བྷིཀྑུནིདཱུསཀོ པཊིཛཱནཱཏི… སངྒྷབྷེདཀོ པཊིཛཱནཱཏི… ལོཧིཏུཔྤཱདཀོ པཊིཛཱནཱཏི… ཨུབྷཏོབྱཉྫནཀོ པཊིཛཱནཱཏི, ཨནཱཧཊཱ ཧོཏི པཝཱརཎཱ.

པཝཱརཎཧཱརཀོ ཙེ, བྷིཀྑཝེ, དིནྣཱཡ པཝཱརཎཱཡ སངྒྷཔྤཏྟོ པཀྐམཏི, ཨཱཧཊཱ ཧོཏི པཝཱརཎཱ. པཝཱརཎཧཱརཀོ ཙེ, བྷིཀྑཝེ, དིནྣཱཡ པཝཱརཎཱཡ སངྒྷཔྤཏྟོ ཝིབྦྷམཏི…པེ… ཀཱལཾཀརོཏི… སཱམཎེརོ པཊིཛཱནཱཏི… སིཀྑཾ པཙྩཀྑཱཏཀོ པཊིཛཱནཱཏི… ཨནྟིམཝཏྠུཾ ཨཛ྄ཛྷཱཔནྣཀོ པཊིཛཱནཱཏི… ཨུམྨཏྟཀོ པཊིཛཱནཱཏི… ཁིཏྟཙིཏྟོ པཊིཛཱནཱཏི… ཝེདནཱཊྚོ པཊིཛཱནཱཏི… ཨཱཔཏྟིཡཱ ཨདསྶནེ ཨུཀྑིཏྟཀོ པཊིཛཱནཱཏི… ཨཱཔཏྟིཡཱ ཨཔྤཊིཀམྨེ ཨུཀྑིཏྟཀོ པཊིཛཱནཱཏི… པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཏྟཀོ པཊིཛཱནཱཏི… པཎྜཀོ པཊིཛཱནཱཏི… ཐེཡྻསཾཝཱསཀོ པཊིཛཱནཱཏི… ཏིཏྠིཡཔཀྐནྟཀོ པཊིཛཱནཱཏི… ཏིརཙྪཱནགཏོ པཊིཛཱནཱཏི… མཱཏུགྷཱཏཀོ པཊིཛཱནཱཏི… པིཏུགྷཱཏཀོ པཊིཛཱནཱཏི… ཨརཧནྟགྷཱཏཀོ པཊིཛཱནཱཏི… བྷིཀྑུནིདཱུསཀོ པཊིཛཱནཱཏི… སངྒྷབྷེདཀོ པཊིཛཱནཱཏི… ལོཧིཏུཔྤཱདཀོ པཊིཛཱནཱཏི… ཨུབྷཏོབྱཉྫནཀོ པཊིཛཱནཱཏི, ཨཱཧཊཱ ཧོཏི པཝཱརཎཱ.

པཝཱརཎཧཱརཀོ ཙེ, བྷིཀྑཝེ, དིནྣཱཡ པཝཱརཎཱཡ སངྒྷཔྤཏྟོ སུཏྟོ ནཱརོཙེཏི, ཨཱཧཊཱ ཧོཏི པཝཱརཎཱ. པཝཱརཎཧཱརཀསྶ ཨནཱཔཏྟི. པཝཱརཎཧཱརཀོ ཙེ, བྷིཀྑཝེ, དིནྣཱཡ པཝཱརཎཱཡ སངྒྷཔྤཏྟོ པམཏྟོ ནཱརོཙེཏི…པེ… སམཱཔནྣོ ནཱརོཙེཏི, ཨཱཧཊཱ ཧོཏི པཝཱརཎཱ. པཝཱརཎཧཱརཀསྶ ཨནཱཔཏྟི.

པཝཱརཎཧཱརཀོ ཙེ, བྷིཀྑཝེ, དིནྣཱཡ པཝཱརཎཱཡ སངྒྷཔྤཏྟོ སཉྩིཙྩ ནཱརོཙེཏི, ཨཱཧཊཱ ཧོཏི པཝཱརཎཱ. པཝཱརཎཧཱརཀསྶ ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཏདཧུ པཝཱརཎཱཡ པཝཱརཎཾ དེནྟེན ཚནྡམྤི དཱཏུཾ, སནྟི སངྒྷསྶ ཀརཎཱིཡནྟི.

པཝཱརཎཱདཱནཱནུཛཱནནཱ ནིཊྛིཏཱ.

༡༢༣. ཉཱཏཀཱདིགྒཧཎཀཐཱ

༢༡༤. ཏེན ཁོ པན སམཡེན ཨཉྙཏརཾ བྷིཀྑུཾ ཏདཧུ པཝཱརཎཱཡ ཉཱཏཀཱ གཎྷིཾསུ. བྷགཝཏོ ཨེཏམཏྠཾ ཨཱརོཙེསུཾ. ཨིདྷ པན, བྷིཀྑཝེ, བྷིཀྑུཾ ཏདཧུ པཝཱརཎཱཡ ཉཱཏཀཱ གཎྷནྟི. ཏེ ཉཱཏཀཱ བྷིཀྑཱུཧི ཨེཝམསྶུ ཝཙནཱིཡཱ – ‘‘ཨིངྒྷ, ཏུམྷེ ཨཱཡསྨནྟོ ཨིམཾ བྷིཀྑུཾ མུཧུཏྟཾ མུཉྩཐ, ཡཱཝཱཡཾ བྷིཀྑུ པཝཱརེཏཱི’’ཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཏེ ཉཱཏཀཱ བྷིཀྑཱུཧི ཨེཝམསྶུ ཝཙནཱིཡཱ – ‘‘ཨིངྒྷ, ཏུམྷེ ཨཱཡསྨནྟོ མུཧུཏྟཾ ཨེཀམནྟཾ ཧོཐ, ཡཱཝཱཡཾ བྷིཀྑུ པཝཱརཎཾ དེཏཱི’’ཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཏེ ཉཱཏཀཱ བྷིཀྑཱུཧི ཨེཝམསྶུ ཝཙནཱིཡཱ – ‘‘ཨིངྒྷ, ཏུམྷེ ཨཱཡསྨནྟོ ཨིམཾ བྷིཀྑུཾ མུཧུཏྟཾ ནིསྶཱིམཾ ནེཐ, ཡཱཝ སངྒྷོ པཝཱརེཏཱི’’ཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ན ཏྭེཝ ཝགྒེན སངྒྷེན པཝཱརེཏབྦཾ. པཝཱརེཡྻ ཙེ, ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, བྷིཀྑུཾ ཏདཧུ པཝཱརཎཱཡ རཱཛཱནོ གཎྷནྟི…པེ… ཙོརཱ གཎྷནྟི … དྷུཏྟཱ གཎྷནྟི… བྷིཀྑུཔཙྩཏྠིཀཱ གཎྷནྟི. ཏེ བྷིཀྑུཔཙྩཏྠིཀཱ བྷིཀྑཱུཧི ཨེཝམསྶུ ཝཙནཱིཡཱ – ‘‘ཨིངྒྷ, ཏུམྷེ ཨཱཡསྨནྟོ ཨིམཾ བྷིཀྑུཾ མུཧུཏྟཾ མུཉྩཐ, ཡཱཝཱཡཾ བྷིཀྑུ པཝཱརེཏཱི’’ཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཏེ བྷིཀྑུཔཙྩཏྠིཀཱ བྷིཀྑཱུཧི ཨེཝམསྶུ ཝཙནཱིཡཱ – ‘‘ཨིངྒྷ, ཏུམྷེ ཨཱཡསྨནྟོ མུཧུཏྟཾ ཨེཀམནྟཾ ཧོཐ, ཡཱཝཱཡཾ བྷིཀྑུ པཝཱརཎཾ དེཏཱི’’ཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཏེ བྷིཀྑུཔཙྩཏྠིཀཱ བྷིཀྑཱུཧི ཨེཝམསྶུ ཝཙནཱིཡཱ – ‘‘ཨིངྒྷ, ཏུམྷེ ཨཱཡསྨནྟོ ཨིམཾ བྷིཀྑུཾ མུཧུཏྟཾ ནིསྶཱིམཾ ནེཐ, ཡཱཝ སངྒྷོ པཝཱརེཏཱི’’ཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ན ཏྭེཝ ཝགྒེན སངྒྷེན པཝཱརེཏབྦཾ. པཝཱརེཡྻ ཙེ, ཨཱཔཏྟི དུཀྐཊསྶཱཏི.

ཉཱཏཀཱདིགྒཧཎཀཐཱ ནིཊྛིཏཱ.

༡༢༤. སངྒྷཔཝཱརཎཱདིཔྤབྷེདཱ

༢༡༥. ཏེན ཁོ པན སམཡེན ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ པཉྩ བྷིཀྑཱུ ཝིཧརནྟི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘བྷགཝཏཱ པཉྙཏྟཾ ‘སངྒྷེན པཝཱརེཏབྦ’ནྟི. མཡཉྩམྷཱ པཉྩ ཛནཱ. ཀཐཾ ནུ ཁོ ཨམྷེཧི པཝཱརེཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཉྩནྣཾ སངྒྷེ པཝཱརེཏུནྟི.

༢༡༦. ཏེན ཁོ པན སམཡེན ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ ཙཏྟཱརོ བྷིཀྑཱུ ཝིཧརནྟི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘བྷགཝཏཱ ཨནུཉྙཱཏཾ པཉྩནྣཾ སངྒྷེ པཝཱརེཏུནྟི. མཡཉྩམྷཱ ཙཏྟཱརོ ཛནཱ. ཀཐཾ ནུ ཁོ ཨམྷེཧི པཝཱརེཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཙཏུནྣཾ ཨཉྙམཉྙཾ པཝཱརེཏུཾ. ཨེཝཉྩ པན, བྷིཀྑཝེ, པཝཱརེཏབྦཾ. བྱཏྟེན བྷིཀྑུནཱ པཊིབལེན ཏེ བྷིཀྑཱུ ཉཱཔེཏབྦཱ –

‘‘སུཎནྟུ མེ ཨཱཡསྨནྟོ. ཨཛྫ པཝཱརཎཱ. ཡདཱཡསྨནྟཱནཾ པཏྟཀལླཾ, མཡཾ ཨཉྙམཉྙཾ པཝཱརེཡྻཱམཱ’’ཏི.

ཐེརེན བྷིཀྑུནཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཏེ བྷིཀྑཱུ ཨེཝམསྶུ ཝཙནཱིཡཱ – ‘‘ཨཧཾ, ཨཱཝུསོ, ཨཱཡསྨནྟེ པཝཱརེམི དིཊྛེན ཝཱ སུཏེན ཝཱ པརིསངྐཱཡ ཝཱ. ཝདནྟུ མཾ ཨཱཡསྨནྟོ ཨནུཀམྤཾ ཨུཔཱདཱཡ. པསྶནྟོ པཊིཀརིསྶཱམི. དུཏིཡམྤི…པེ… ཏཏིཡམྤི ཨཧཾ, ཨཱཝུསོ, ཨཱཡསྨནྟེ པཝཱརེམི དིཊྛེན ཝཱ སུཏེན ཝཱ པརིསངྐཱཡ ཝཱ. ཝདནྟུ མཾ ཨཱཡསྨནྟོ ཨནུཀམྤཾ ཨུཔཱདཱཡ. པསྶནྟོ པཊིཀརིསྶཱམཱི’’ཏི.

ནཝཀེན བྷིཀྑུནཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཏེ བྷིཀྑཱུ ཨེཝམསྶུ ཝཙནཱིཡཱ – ‘‘ཨཧཾ, བྷནྟེ, ཨཱཡསྨནྟེ པཝཱརེམི དིཊྛེན ཝཱ སུཏེན ཝཱ པརིསངྐཱཡ ཝཱ. ཝདནྟུ མཾ ཨཱཡསྨནྟོ ཨནུཀམྤཾ ཨུཔཱདཱཡ. པསྶནྟོ པཊིཀརིསྶཱམི. དུཏིཡམྤི…པེ… ཏཏིཡམྤི ཨཧཾ, བྷནྟེ, ཨཱཡསྨནྟེ པཝཱརེམི དིཊྛེན ཝཱ སུཏེན ཝཱ པརིསངྐཱཡ ཝཱ. ཝདནྟུ མཾ ཨཱཡསྨནྟོ ཨནུཀམྤཾ ཨུཔཱདཱཡ. པསྶནྟོ པཊིཀརིསྶཱམཱི’’ཏི.

ཏེན ཁོ པན སམཡེན ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ ཏཡོ བྷིཀྑཱུ ཝིཧརནྟི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘བྷགཝཏཱ ཨནུཉྙཱཏཾ པཉྩནྣཾ སངྒྷེ པཝཱརེཏུཾ, ཙཏུནྣཾ ཨཉྙམཉྙཾ པཝཱརེཏུཾ. མཡཉྩམྷཱ ཏཡོ ཛནཱ. ཀཐཾ ནུ ཁོ ཨམྷེཧི པཝཱརེཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཏིཎྞཾ ཨཉྙམཉྙཾ པཝཱརེཏུཾ. ཨེཝཉྩ པན, བྷིཀྑཝེ, པཝཱརེཏབྦཾ. བྱཏྟེན བྷིཀྑུནཱ པཊིབལེན ཏེ བྷིཀྑཱུ ཉཱཔེཏབྦཱ –

‘‘སུཎནྟུ མེ ཨཱཡསྨནྟཱ. ཨཛྫ པཝཱརཎཱ. ཡདཱཡསྨནྟཱནཾ པཏྟཀལླཾ, མཡཾ ཨཉྙམཉྙཾ པཝཱརེཡྻཱམཱ’’ཏི.

ཐེརེན བྷིཀྑུནཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཏེ བྷིཀྑཱུ ཨེཝམསྶུ ཝཙནཱིཡཱ – ‘‘ཨཧཾ, ཨཱཝུསོ, ཨཱཡསྨནྟེ པཝཱརེམི དིཊྛེན ཝཱ སུཏེན ཝཱ པརིསངྐཱཡ ཝཱ. ཝདནྟུ མཾ ཨཱཡསྨནྟཱ ཨནུཀམྤཾ ཨུཔཱདཱཡ. པསྶནྟོ པཊིཀརིསྶཱམི. དུཏིཡམྤི…པེ… ཏཏིཡམྤི ཨཧཾ, ཨཱཝུསོ, ཨཱཡསྨནྟེ པཝཱརེམི དིཊྛེན ཝཱ སུཏེན ཝཱ པརིསངྐཱཡ ཝཱ. ཝདནྟུ མཾ ཨཱཡསྨནྟཱ ཨནུཀམྤཾ ཨུཔཱདཱཡ. པསྶནྟོ པཊིཀརིསྶཱམཱི’’ཏི.

ནཝཀེན བྷིཀྑུནཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཏེ བྷིཀྑཱུ ཨེཝམསྶུ ཝཙནཱིཡཱ – ‘‘ཨཧཾ, བྷནྟེ, ཨཱཡསྨནྟེ པཝཱརེམི དིཊྛེན ཝཱ སུཏེན ཝཱ པརིསངྐཱཡ ཝཱ. ཝདནྟུ མཾ ཨཱཡསྨནྟཱ ཨནུཀམྤཾ ཨུཔཱདཱཡ. པསྶནྟོ པཊིཀརིསྶཱམི. དུཏིཡམྤི…པེ… ཏཏིཡམྤི ཨཧཾ, བྷནྟེ, ཨཱཡསྨནྟེ པཝཱརེམི དིཊྛེན ཝཱ སུཏེན ཝཱ པརིསངྐཱཡ ཝཱ. ཝདནྟུ མཾ ཨཱཡསྨནྟཱ ཨནུཀམྤཾ ཨུཔཱདཱཡ. པསྶནྟོ པཊིཀརིསྶཱམཱི’’ཏི.

༢༡༧. ཏེན ཁོ པན སམཡེན ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ དྭེ བྷིཀྑཱུ ཝིཧརནྟི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘བྷགཝཏཱ ཨནུཉྙཱཏཾ པཉྩནྣཾ སངྒྷེ པཝཱརེཏུཾ, ཙཏུནྣཾ ཨཉྙམཉྙཾ པཝཱརེཏུཾ, ཏིཎྞཾ ཨཉྙམཉྙཾ པཝཱརེཏུཾ. མཡཉྩམྷཱ དྭེ ཛནཱ. ཀཐཾ ནུ ཁོ ཨམྷེཧི པཝཱརེཏབྦ’’ནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, དྭིནྣཾ ཨཉྙམཉྙཾ པཝཱརེཏུཾ. ཨེཝཉྩ པན, བྷིཀྑཝེ, པཝཱརེཏབྦཾ. ཐེརེན བྷིཀྑུནཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ནཝོ བྷིཀྑུ ཨེཝམསྶ ཝཙནཱིཡོ – ‘‘ཨཧཾ, ཨཱཝུསོ, ཨཱཡསྨནྟཾ པཝཱརེམི དིཊྛེན ཝཱ སུཏེན ཝཱ པརིསངྐཱཡ ཝཱ. ཝདཏུ མཾ ཨཱཡསྨཱ ཨནུཀམྤཾ ཨུཔཱདཱཡ. པསྶནྟོ པཊིཀརིསྶཱམི. དུཏིཡམྤི…པེ… ཏཏིཡམྤི ཨཧཾ, ཨཱཝུསོ, ཨཱཡསྨནྟཾ པཝཱརེམི དིཊྛེན ཝཱ སུཏེན ཝཱ པརིསངྐཱཡ ཝཱ. ཝདཏུ མཾ ཨཱཡསྨཱ ཨནུཀམྤཾ ཨུཔཱདཱཡ. པསྶནྟོ པཊིཀརིསྶཱམཱི’’ཏི.

ནཝཀེན བྷིཀྑུནཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཐེརོ བྷིཀྑུ ཨེཝམསྶ ཝཙནཱིཡོ – ‘‘ཨཧཾ, བྷནྟེ, ཨཱཡསྨནྟཾ པཝཱརེམི དིཊྛེན ཝཱ སུཏེན ཝཱ པརིསངྐཱཡ ཝཱ. ཝདཏུ མཾ ཨཱཡསྨཱ ཨནུཀམྤཾ ཨུཔཱདཱཡ. པསྶནྟོ པཊིཀརིསྶཱམི. དུཏིཡམྤི…པེ… ཏཏིཡམྤི ཨཧཾ, བྷནྟེ, ཨཱཡསྨནྟཾ པཝཱརེམི དིཊྛེན ཝཱ སུཏེན ཝཱ པརིསངྐཱཡ ཝཱ. ཝདཏུ མཾ ཨཱཡསྨཱ ཨནུཀམྤཾ ཨུཔཱདཱཡ. པསྶནྟོ པཊིཀརིསྶཱམཱི’’ཏི.

༢༡༨. ཏེན ཁོ པན སམཡེན ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ ཨེཀོ བྷིཀྑུ ཝིཧརཏི. ཨཐ ཁོ ཏསྶ བྷིཀྑུནོ ཨེཏདཧོསི – ‘‘བྷགཝཏཱ ཨནུཉྙཱཏཾ པཉྩནྣཾ སངྒྷེ པཝཱརེཏུཾ, ཙཏུནྣཾ ཨཉྙམཉྙཾ པཝཱརེཏུཾ, ཏིཎྞཾ ཨཉྙམཉྙཾ པཝཱརེཏུཾ, དྭིནྣཾ ཨཉྙམཉྙཾ པཝཱརེཏུཾ. ཨཧཉྩམྷི ཨེཀཀོ. ཀཐཾ ནུ ཁོ མཡཱ པཝཱརེཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ ཨེཀོ བྷིཀྑུ ཝིཧརཏི. ཏེན, བྷིཀྑཝེ, བྷིཀྑུནཱ ཡཏྠ བྷིཀྑཱུ པཊིཀྐམནྟི ཨུཔཊྛཱནསཱལཱཡ ཝཱ མཎྜཔེ ཝཱ རུཀྑམཱུལེ ཝཱ, སོ དེསོ སམྨཛྫིཏྭཱ པཱནཱིཡཾ པརིབྷོཛནཱིཡཾ ཨུཔཊྛཱཔེཏྭཱ ཨཱསནཾ པཉྙཔེཏྭཱ པདཱིཔཾ ཀཏྭཱ ནིསཱིདིཏབྦཾ. སཙེ ཨཉྙེ བྷིཀྑཱུ ཨཱགཙྪནྟི, ཏེཧི སདྡྷིཾ པཝཱརེཏབྦཾ; ནོ ཙེ ཨཱགཙྪནྟི, ‘ཨཛྫ མེ པཝཱརཎཱ’ཏི ཨདྷིཊྛཱཏབྦཾ. ནོ ཙེ ཨདྷིཊྛེཡྻ, ཨཱཔཏྟི དུཀྐཊསྶ.

ཏཏྲ, བྷིཀྑཝེ, ཡཏྠ པཉྩ བྷིཀྑཱུ ཝིཧརནྟི, ན ཨེཀསྶ པཝཱརཎཾ ཨཱཧརིཏྭཱ

ཙཏཱུཧི སངྒྷེ པཝཱརེཏབྦཾ. པཝཱརེཡྻུཾ ཙེ, ཨཱཔཏྟི དུཀྐཊསྶ. ཏཏྲ, བྷིཀྑཝེ, ཡཏྠ ཙཏྟཱརོ བྷིཀྑཱུ ཝིཧརནྟི, ན ཨེཀསྶ པཝཱརཎཾ ཨཱཧརིཏྭཱ ཏཱིཧི ཨཉྙམཉྙཾ པཝཱརེཏབྦཾ. པཝཱརེཡྻུཾ ཙེ, ཨཱཔཏྟི དུཀྐཊསྶ. ཏཏྲ, བྷིཀྑཝེ, ཡཏྠ ཏཡོ བྷིཀྑཱུ ཝིཧརནྟི, ན ཨེཀསྶ པཝཱརཎཾ ཨཱཧརིཏྭཱ དྭཱིཧི ཨཉྙམཉྙཾ པཝཱརེཏབྦཾ. པཝཱརེཡྻུཾ ཙེ, ཨཱཔཏྟི དུཀྐཊསྶ. ཏཏྲ, བྷིཀྑཝེ, ཡཏྠ དྭེ བྷིཀྑཱུ ཝིཧརནྟི, ན ཨེཀསྶ པཝཱརཎཾ ཨཱཧརིཏྭཱ ཨེཀེན ཨདྷིཊྛཱཏབྦཾ. ཨདྷིཊྛེཡྻ ཙེ, ཨཱཔཏྟི དུཀྐཊསྶཱཏི.

སངྒྷཔཝཱརཎཱདིཔྤབྷེདཱ ནིཊྛིཏཱ.

༡༢༥. ཨཱཔཏྟིཔཊིཀམྨཝིདྷི

༢༡༩. ཏེན ཁོ པན སམཡེན ཨཉྙཏརོ བྷིཀྑུ ཏདཧུ པཝཱརཎཱཡ ཨཱཔཏྟིཾ ཨཱཔནྣོ ཧོཏི. ཨཐ ཁོ ཏསྶ བྷིཀྑུནོ ཨེཏདཧོསི – ‘‘བྷགཝཏཱ པཉྙཏྟཾ ‘ན སཱཔཏྟིཀེན པཝཱརེཏབྦ’ནྟི. ཨཧཉྩམྷི ཨཱཔཏྟིཾ ཨཱཔནྣོ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ [ཨཱརོཙེསི (ཀ.)].

ཨིདྷ པན, བྷིཀྑཝེ, བྷིཀྑུ ཏདཧུ པཝཱརཎཱཡ ཨཱཔཏྟིཾ ཨཱཔནྣོ ཧོཏི. ཏེན, བྷིཀྑཝེ, བྷིཀྑུནཱ ཨེཀཾ བྷིཀྑུཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཧཾ, ཨཱཝུསོ, ཨིཏྠནྣཱམཾ ཨཱཔཏྟིཾ ཨཱཔནྣོ, ཏཾ པཊིདེསེམཱི’’ཏི. ཏེན ཝཏྟབྦོ – ‘‘པསྶསཱི’’ཏི. ཨཱམ པསྶཱམཱིཏི. ཨཱཡཏིཾ སཾཝརེཡྻཱསཱིཏི.

ཨིདྷ པན, བྷིཀྑཝེ, བྷིཀྑུ ཏདཧུ པཝཱརཎཱཡ ཨཱཔཏྟིཡཱ ཝེམཏིཀོ ཧོཏི. ཏེན, བྷིཀྑཝེ, བྷིཀྑུནཱ ཨེཀཾ བྷིཀྑུཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཧཾ, ཨཱཝུསོ, ཨིཏྠནྣཱམཱཡ ཨཱཔཏྟིཡཱ ཝེམཏིཀོ; ཡདཱ ནིབྦེམཏིཀོ བྷཝིསྶཱམི ཏདཱ ཏཾ ཨཱཔཏྟིཾ པཊིཀརིསྶཱམཱི’’ཏི ཝཏྭཱ པཝཱརེཏབྦཾ; ན ཏྭེཝ ཏཔྤཙྩཡཱ པཝཱརཎཱཡ ཨནྟརཱཡོ ཀཱཏབྦོཏི.

ཨཱཔཏྟིཔཊིཀམྨཝིདྷི ནིཊྛིཏཱ.

༡༢༦. ཨཱཔཏྟིཨཱཝིཀརཎཝིདྷི

༢༢༠. ཏེན ཁོ པན སམཡེན ཨཉྙཏརོ བྷིཀྑུ པཝཱརཡམཱནོ ཨཱཔཏྟིཾ སརཏི. ཨཐ ཁོ ཏསྶ བྷིཀྑུནོ ཨེཏདཧོསི – ‘‘བྷགཝཏཱ པཉྙཏྟཾ ‘ན སཱཔཏྟིཀེན པཝཱརེཏབྦ’ནྟི. ཨཧཉྩམྷི ཨཱཔཏྟིཾ ཨཱཔནྣོ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ.

ཨིདྷ པན, བྷིཀྑཝེ, བྷིཀྑུ པཝཱརཡམཱནོ ཨཱཔཏྟིཾ སརཏི. ཏེན, བྷིཀྑཝེ, བྷིཀྑུནཱ སཱམནྟོ བྷིཀྑུ ཨེཝམསྶ ཝཙནཱིཡོ – ‘‘ཨཧཾ, ཨཱཝུསོ, ཨིཏྠནྣཱམཾ ཨཱཔཏྟིཾ ཨཱཔནྣོ. ཨིཏོ ཝུཊྛཧིཏྭཱ ཏཾ ཨཱཔཏྟིཾ པཊིཀརིསྶཱམཱི’’ཏི ཝཏྭཱ པཝཱརེཏབྦཾ; ན ཏྭེཝ ཏཔྤཙྩཡཱ པཝཱརཎཱཡ ཨནྟརཱཡོ ཀཱཏབྦོ.

ཨིདྷ པན, བྷིཀྑཝེ, བྷིཀྑུ པཝཱརཡམཱནོ ཨཱཔཏྟིཡཱ ཝེམཏིཀོ ཧོཏི. ཏེན, བྷིཀྑཝེ,

བྷིཀྑུནཱ སཱམནྟོ བྷིཀྑུ ཨེཝམསྶ ཝཙནཱིཡོ – ‘‘ཨཧཾ, ཨཱཝུསོ, ཨིཏྠནྣཱམཱཡ ཨཱཔཏྟིཡཱ ཝེམཏིཀོ; ཡདཱ ནིབྦེམཏིཀོ བྷཝིསྶཱམི ཏདཱ ཏཾ ཨཱཔཏྟིཾ པཊིཀརིསྶཱམཱི’’ཏི ཝཏྭཱ པཝཱརེཏབྦཾ; ན ཏྭེཝ ཏཔྤཙྩཡཱ པཝཱརཎཱཡ ཨནྟརཱཡོ ཀཱཏབྦོཏི.

ཨཱཔཏྟི ཨཱཝིཀརཎཝིདྷི ནིཊྛིཏཱ.

༡༢༧. སབྷཱགཱཔཏྟིཔཊིཀམྨཝིདྷི

༢༢༡. ཏེན ཁོ པན སམཡེན ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སབྦོ སངྒྷོ སབྷཱགཾ ཨཱཔཏྟིཾ ཨཱཔནྣོ ཧོཏི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘བྷགཝཏཱ པཉྙཏྟཾ ‘ན སབྷཱགཱ ཨཱཔཏྟི དེསེཏབྦཱ, ན སབྷཱགཱ ཨཱཔཏྟི པཊིགྒཧེཏབྦཱ’ཏི. ཨཡཉྩ སབྦོ སངྒྷོ སབྷཱགཾ ཨཱཔཏྟིཾ ཨཱཔནྣོ. ཀཐཾ ནུ ཁོ ཨམྷེཧི པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སབྦོ སངྒྷོ སབྷཱགཾ ཨཱཔཏྟིཾ ཨཱཔནྣོ ཧོཏི. ཏེཧི, བྷིཀྑཝེ, བྷིཀྑཱུཧི ཨེཀོ བྷིཀྑུ སཱམནྟཱ ཨཱཝཱསཱ སཛྫུཀཾ པཱཧེཏབྦོ – གཙྪཱཝུསོ, ཏཾ ཨཱཔཏྟིཾ པཊིཀརིཏྭཱ ཨཱགཙྪ, མཡཾ ཏེ སནྟིཀེ ཏཾ ཨཱཔཏྟིཾ པཊིཀརིསྶཱམཱཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ སབྦོ སངྒྷོ སབྷཱགཾ ཨཱཔཏྟིཾ ཨཱཔནྣོ. ཡདཱ ཨཉྙཾ བྷིཀྑུཾ སུདྡྷཾ ཨནཱཔཏྟིཀཾ པསྶིསྶཏི ཏདཱ ཏསྶ སནྟིཀེ ཏཾ ཨཱཔཏྟིཾ པཊིཀརིསྶཏཱི’’ཏི ཝཏྭཱ པཝཱརེཏབྦཾ; ན ཏྭེཝ ཏཔྤཙྩཡཱ པཝཱརཎཱཡ ཨནྟརཱཡོ ཀཱཏབྦོ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སབྦོ སངྒྷོ སབྷཱགཱཡ ཨཱཔཏྟིཡཱ ཝེམཏིཀོ ཧོཏི. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ སབྦོ སངྒྷོ སབྷཱགཱཡ ཨཱཔཏྟིཡཱ ཝེམཏིཀོ. ཡདཱ ནིབྦེམཏིཀོ བྷཝིསྶཏི ཏདཱ ཏཾ ཨཱཔཏྟིཾ པཊིཀརིསྶཏཱི’’ཏི ཝཏྭཱ, པཝཱརེཏབྦཾ, ན ཏྭེཝ ཏཔྤཙྩཡཱ པཝཱརཎཱཡ ཨནྟརཱཡོ ཀཱཏབྦོཏི.

སབྷཱགཱཔཏྟིཔཊིཀམྨཝིདྷི ནིཊྛིཏཱ.

པཋམབྷཱཎཝཱརོ ནིཊྛིཏོ.

༡༢༨. ཨནཱཔཏྟིཔནྣརསཀཾ

༢༢༢. ཏེན ཁོ པན སམཡེན ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏིཾསུ, པཉྩ ཝཱ ཨཏིརེཀཱ ཝཱ. ཏེ ན ཛཱནིཾསུ ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ པཝཱརེསུཾ. ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪིཾསུ བཧུཏརཱ. བྷགཝཏོ ཨེཏམཏྠཾ ཨཱརོཙེསུཾ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ པཝཱརེནྟི. ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཝཱརེཏབྦཾ. པཝཱརིཏཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ པཝཱརེནྟི. ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. པཝཱརིཏཱ སུཔྤཝཱརིཏཱ, ཨཝསེསེཧི པཝཱརེཏབྦཾ. པཝཱརིཏཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ པཝཱརེནྟི. ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. པཝཱརིཏཱ སུཔྤཝཱརིཏཱ, ཨཝསེསེཧི པཝཱརེཏབྦཾ. པཝཱརིཏཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ པཝཱརེནྟི. ཏེཧི པཝཱརིཏམཏྟེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཝཱརེཏབྦཾ. པཝཱརིཏཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ པཝཱརེནྟི. ཏེཧི པཝཱརིཏམཏྟེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ པཝཱརེནྟི. ཏེཧི པཝཱརིཏམཏྟེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ པཝཱརེནྟི. ཏེཧི པཝཱརིཏམཏྟེ, ཨཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཝཱརེཏབྦཾ. པཝཱརིཏཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ པཝཱརེནྟི. ཏེཧི པཝཱརིཏམཏྟེ, ཨཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ པཝཱརེནྟི. ཏེཧི པཝཱརིཏམཏྟེ, ཨཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ པཝཱརེནྟི. ཏེཧི པཝཱརིཏམཏྟེ, ཨེཀཙྩཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཝཱརེཏབྦཾ. པཝཱརིཏཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ པཝཱརེནྟི. ཏེཧི པཝཱརིཏམཏྟེ, ཨེཀཙྩཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ པཝཱརེནྟི. ཏེཧི པཝཱརིཏམཏྟེ, ཨེཀཙྩཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ པཝཱརེནྟི. ཏེཧི པཝཱརིཏམཏྟེ, སབྦཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཝཱརེཏབྦཾ. པཝཱརིཏཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ པཝཱརེནྟི. ཏེཧི པཝཱརིཏམཏྟེ, སབྦཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨནཱཔཏྟི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ སམགྒསཉྙིནོ པཝཱརེནྟི. ཏེཧི པཝཱརིཏམཏྟེ, སབྦཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨནཱཔཏྟི.

ཨནཱཔཏྟིཔནྣརསཀཾ ནིཊྛིཏཾ.

༡༢༩. ཝགྒཱཝགྒསཉྙཱིཔནྣརསཀཾ

༢༢༣. ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ ཝགྒསཉྙིནོ པཝཱརེནྟི. ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཝཱརེཏབྦཾ. པཝཱརིཏཱནཾ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ ཝགྒསཉྙིནོ པཝཱརེནྟི. ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. པཝཱརིཏཱ སུཔྤཝཱརིཏཱ, ཨཝསེསེཧི པཝཱརེཏབྦཾ. པཝཱརིཏཱནཾ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ ཝགྒསཉྙིནོ པཝཱརེནྟི. ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. པཝཱརིཏཱ སུཔྤཝཱརིཏཱ, ཨཝསེསེཧི པཝཱརེཏབྦཾ. པཝཱརིཏཱནཾ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ དྷམྨསཉྙིནོ ཝིནཡསཉྙིནོ ཝགྒཱ ཝགྒསཉྙིནོ པཝཱརེནྟི. ཏེཧི པཝཱརིཏམཏྟེ,…པེ… ཨཝུཊྛིཏཱཡ པརིསཱཡ…པེ… ཨེཀཙྩཱཡ ཝུཊྛིཏཱཡ པརིསཱཡ…པེ… སབྦཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ…པེ… སམསམཱ…པེ… ཐོཀཏརཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨཱཔཏྟི དུཀྐཊསྶ.

ཝགྒཱཝགྒསཉྙཱིཔནྣརསཀཾ ནིཊྛིཏཾ.

༡༣༠. ཝེམཏིཀཔནྣརསཀཾ

༢༢༤. ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ཀཔྤཏི ནུ ཁོ ཨམྷཱཀཾ པཝཱརེཏུཾ, ན ནུ ཁོ ཀཔྤཏཱི’’ཏི ཝེམཏིཀཱ པཝཱརེནྟི. ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཝཱརེཏབྦཾ. པཝཱརིཏཱནཾ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ཀཔྤཏི ནུ ཁོ ཨམྷཱཀཾ པཝཱརེཏུཾ, ན ནུ ཁོ ཀཔྤཏཱི’’ཏི ཝེམཏིཀཱ པཝཱརེནྟི. ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. པཝཱརིཏཱ སུཔྤཝཱརིཏཱ, ཨཝསེསེཧི པཝཱརེཏབྦཾ. པཝཱརིཏཱནཾ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ཀཔྤཏི ནུ ཁོ ཨམྷཱཀཾ པཝཱརེཏུཾ, ན ནུ ཁོ ཀཔྤཏཱི’’ཏི ཝེམཏིཀཱ པཝཱརེནྟི. ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. པཝཱརིཏཱ སུཔྤཝཱརིཏཱ, ཨཝསེསེཧི པཝཱརེཏབྦཾ. པཝཱརིཏཱནཾ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ཀཔྤཏི ནུ ཁོ ཨམྷཱཀཾ པཝཱརེཏུཾ, ན ནུ ཁོ ཀཔྤཏཱི’’ཏི ཝེམཏིཀཱ པཝཱརེནྟི. ཏེཧི པཝཱརིཏམཏྟེ…པེ… ཨཝུཊྛིཏཱཡ པརིསཱཡ…པེ… ཨེཀཙྩཱཡ ཝུཊྛིཏཱཡ པརིསཱཡ…པེ… སབྦཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ…པེ… སམསམཱ…པེ… ཐོཀཏརཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨཱཔཏྟི དུཀྐཊསྶ.

ཝེམཏིཀཔནྣརསཀཾ ནིཊྛིཏཾ.

༡༣༡. ཀུཀྐུཙྩཔཀཏཔནྣརསཀཾ

༢༢༥. ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ཀཔྤཏེཝ ཨམྷཱཀཾ པཝཱརེཏུཾ, ནཱམྷཱཀཾ ན ཀཔྤཏཱི’’ཏི ཀུཀྐུཙྩཔཀཏཱ པཝཱརེནྟི. ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཝཱརེཏབྦཾ. པཝཱརིཏཱནཾ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ཀཔྤཏེཝ ཨམྷཱཀཾ པཝཱརེཏུཾ, ནཱམྷཱཀཾ ན ཀཔྤཏཱི’’ཏི ཀུཀྐུཙྩཔཀཏཱ པཝཱརེནྟི. ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. པཝཱརིཏཱ སུཔྤཝཱརིཏཱ, ཨཝསེསེཧི པཝཱརེཏབྦཾ. པཝཱརིཏཱནཾ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ཀཔྤཏེཝ ཨམྷཱཀཾ པཝཱརེཏུཾ, ནཱམྷཱཀཾ ན ཀཔྤཏཱི’’ཏི ཀུཀྐུཙྩཔཀཏཱ པཝཱརེནྟི. ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. པཝཱརིཏཱ སུཔྤཝཱརིཏཱ, ཨཝསེསེཧི [ཨཝསེསེཧི ཏེསཾ སནྟིཀེ (ཀ.)] པཝཱརེཏབྦཾ. པཝཱརིཏཱནཾ ཨཱཔཏྟི དུཀྐཊསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ཀཔྤཏེཝ ཨམྷཱཀཾ པཝཱརེཏུཾ, ནཱམྷཱཀཾ ན ཀཔྤཏཱི’’ཏི ཀུཀྐུཙྩཔཀཏཱ པཝཱརེནྟི. ཏེཧི པཝཱརིཏམཏྟེ,…པེ… ཨཝུཊྛིཏཱཡ པརིསཱཡ…པེ… ཨེཀཙྩཱཡ ཝུཊྛིཏཱཡ པརིསཱཡ…པེ… སབྦཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ…པེ… སམསམཱ…པེ… ཐོཀཏརཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨཱཔཏྟི དུཀྐཊསྶ.

ཀུཀྐུཙྩཔཀཏཔནྣརསཀཾ ནིཊྛིཏཾ.

༡༣༢. བྷེདཔུརེཀྑཱརཔནྣརསཀཾ

༢༢༦. ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི བྷེདཔུརེཀྑཱརཱ པཝཱརེནྟི. ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཝཱརེཏབྦཾ. པཝཱརིཏཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི བྷེདཔུརེཀྑཱརཱ པཝཱརེནྟི. ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. པཝཱརིཏཱ སུཔྤཝཱརིཏཱ, ཨཝསེསེཧི པཝཱརེཏབྦཾ. པཝཱརིཏཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ པཝཱརེནྟི. ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. པཝཱརིཏཱ སུཔྤཝཱརིཏཱ, ཨཝསེསེཧི པཝཱརེཏབྦཾ. པཝཱརིཏཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ པཝཱརེནྟི. ཏེཧི པཝཱརིཏམཏྟེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ, ཏེཧི བྷིཀྑཝེ བྷིཀྑཱུཧི པུན པཝཱརེཏབྦཾ, པཝཱརིཏཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི བྷེདཔུརེཀྑཱརཱ པཝཱརེནྟི. ཏེཧི པཝཱརིཏམཏྟེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི བྷེདཔུརེཀྑཱརཱ པཝཱརེནྟི. ཏེཧི པཝཱརིཏམཏྟེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི བྷེདཔུརེཀྑཱརཱ པཝཱརེནྟི. ཏེཧི པཝཱརིཏམཏྟེ, ཨཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཝཱརེཏབྦཾ. པཝཱརིཏཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི བྷེདཔུརེཀྑཱརཱ པཝཱརེནྟི. ཏེཧི པཝཱརིཏམཏྟེ, ཨཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི བྷེདཔུརེཀྑཱརཱ པཝཱརེནྟི. ཏེཧི པཝཱརིཏམཏྟེ, ཨཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི བྷེདཔུརེཀྑཱརཱ པཝཱརེནྟི. ཏེཧི པཝཱརིཏམཏྟེ, ཨེཀཙྩཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཝཱརེཏབྦཾ. པཝཱརིཏཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི བྷེདཔུརེཀྑཱརཱ པཝཱརེནྟི. ཏེཧི པཝཱརིཏམཏྟེ, ཨེཀཙྩཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི བྷེདཔུརེཀྑཱརཱ པཝཱརེནྟི. ཏེཧི པཝཱརིཏམཏྟེ, ཨེཀཙྩཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི བྷེདཔུརེཀྑཱརཱ པཝཱརེནྟི. ཏེཧི པཝཱརིཏམཏྟེ, སབྦཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ. ཏེཧི, བྷིཀྑཝེ, བྷིཀྑཱུཧི པུན པཝཱརེཏབྦཾ. པཝཱརིཏཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི བྷེདཔུརེཀྑཱརཱ པཝཱརེནྟི. ཏེཧི པཝཱརིཏམཏྟེ, སབྦཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ

བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི. ཏེ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི བྷེདཔུརེཀྑཱརཱ པཝཱརེནྟི. ཏེཧི པཝཱརིཏམཏྟེ, སབྦཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ. པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ. པཝཱརིཏཱནཾ ཨཱཔཏྟི ཐུལླཙྩཡསྶ.

བྷེདཔུརེཀྑཱརཔནྣརསཀཾ ནིཊྛིཏཾ.

པཉྩཝཱིསཏྟིཀཱ ནིཊྛིཏཱ.

༡༣༣. སཱིམོཏྟནྟིཀཔེཡྻཱལཾ

༢༢༧. ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ. ཏེ ན ཛཱནནྟི ‘‘ཨཉྙེ ཨཱཝཱསིཀཱ བྷིཀྑཱུ ཨནྟོསཱིམཾ ཨོཀྐམནྟཱི’’ཏི…པེ… ཏེ ན ཛཱནནྟི ‘‘ཨཉྙེ ཨཱཝཱསིཀཱ བྷིཀྑཱུ ཨནྟོསཱིམཾ ཨོཀྐནྟཱ’’ཏི…པེ… ཏེ ན པསྶནྟི ཨཉྙེ ཨཱཝཱསིཀེ བྷིཀྑཱུ ཨནྟོསཱིམཾ ཨོཀྐམནྟེ…པེ… ཏེ ན པསྶནྟི ཨཉྙེ ཨཱཝཱསིཀེ བྷིཀྑཱུ ཨནྟོསཱིམཾ ཨོཀྐནྟེ…པེ… ཏེ ན སུཎནྟི ‘‘ཨཉྙེ ཨཱཝཱསིཀཱ བྷིཀྑཱུ ཨནྟོསཱིམཾ ཨོཀྐམནྟཱི’’ཏི…པེ… ཏེ ན སུཎནྟི ‘‘ཨཉྙེ ཨཱཝཱསིཀཱ བྷིཀྑཱུ ཨནྟོསཱིམཾ ཨོཀྐནྟཱ’’ཏི…པེ….

ཨཱཝཱསིཀེན ཨཱཝཱསིཀཱ ཨེཀསཏཔཉྩསཏྟཏི ཏིཀནཡཏོ, ཨཱཝཱསིཀེན ཨཱགནྟུཀཱ, ཨཱགནྟུཀེན ཨཱཝཱསིཀཱ, ཨཱགནྟུཀེན ཨཱགནྟུཀཱ, པེཡྻཱལམུཁེན སཏྟ ཏིཀསཏཱནི ཧོནྟི.

སཱིམོཀྐནྟིཀཔེཡྻཱལཾ ནིཊྛིཏཾ.

༡༣༤. དིཝསནཱནཏྟཾ

༢༢༨. ཨིདྷ པན, བྷིཀྑཝེ, ཨཱཝཱསིཀཱནཾ བྷིཀྑཱུནཾ ཙཱཏུདྡསོ ཧོཏི, ཨཱགནྟུཀཱནཾ པནྣརསོ. སཙེ ཨཱཝཱསིཀཱ བཧུཏརཱ ཧོནྟི, ཨཱགནྟུཀེཧི ཨཱཝཱསིཀཱནཾ ཨནུཝཏྟིཏབྦཾ. སཙེ སམསམཱ ཧོནྟི, ཨཱགནྟུཀེཧི ཨཱཝཱསིཀཱནཾ ཨནུཝཏྟིཏབྦཾ. སཙེ ཨཱགནྟུཀཱ བཧུཏརཱ ཧོནྟི, ཨཱཝཱསིཀེཧི ཨཱགནྟུཀཱནཾ ཨནུཝཏྟིཏབྦཾ.

ཨིདྷ པན, བྷིཀྑཝེ, ཨཱཝཱསིཀཱནཾ བྷིཀྑཱུནཾ པནྣརསོ ཧོཏི, ཨཱགནྟུཀཱནཾ ཙཱཏུདྡསོ. སཙེ ཨཱཝཱསིཀཱ བཧུཏརཱ ཧོནྟི, ཨཱགནྟུཀེཧི ཨཱཝཱསིཀཱནཾ ཨནུཝཏྟིཏབྦཾ. སཙེ སམསམཱ ཧོནྟི, ཨཱགནྟུཀེཧི ཨཱཝཱསིཀཱནཾ ཨནུཝཏྟིཏབྦཾ. སཙེ ཨཱགནྟུཀཱ བཧུཏརཱ ཧོནྟི, ཨཱཝཱསིཀེཧི ཨཱགནྟུཀཱནཾ ཨནུཝཏྟིཏབྦཾ.

ཨིདྷ པན, བྷིཀྑཝེ, ཨཱཝཱསིཀཱནཾ བྷིཀྑཱུནཾ པཱཊིཔདོ ཧོཏི, ཨཱགནྟུཀཱནཾ པནྣརསོ. སཙེ ཨཱཝཱསིཀཱ བཧུཏརཱ ཧོནྟི, ཨཱཝཱསིཀེཧི ཨཱགནྟུཀཱནཾ ནཱཀཱམཱ དཱཏབྦཱ སཱམགྒཱི; ཨཱགནྟུཀེཧི ནིསྶཱིམཾ གནྟྭཱ པཝཱརེཏབྦཾ. སཙེ སམསམཱ ཧོནྟི, ཨཱཝཱསིཀེཧི ཨཱགནྟུཀཱནཾ ནཱཀཱམཱ དཱཏབྦཱ སཱམགྒཱི; ཨཱགནྟུཀེཧི ནིསྶཱིམཾ གནྟྭཱ པཝཱརེཏབྦཾ. སཙེ ཨཱགནྟུཀཱ བཧུཏརཱ ཧོནྟི, ཨཱཝཱསིཀེཧི ཨཱགནྟུཀཱནཾ སཱམགྒཱི ཝཱ དཱཏབྦཱ, ནིསྶཱིམཾ ཝཱ གནྟབྦཾ.

ཨིདྷ པན, བྷིཀྑཝེ, ཨཱཝཱསིཀཱནཾ བྷིཀྑཱུནཾ པནྣརསོ ཧོཏི, ཨཱགནྟུཀཱནཾ པཱཊིཔདོ. སཙེ ཨཱཝཱསིཀཱ བཧུཏརཱ ཧོནྟི, ཨཱགནྟུཀེཧི ཨཱཝཱསིཀཱནཾ སཱམགྒཱི ཝཱ དཱཏབྦཱ, ནིསྶཱིམཾ ཝཱ གནྟབྦཾ. སཙེ སམསམཱ ཧོནྟི, ཨཱགནྟུཀེཧི ཨཱཝཱསིཀཱནཾ སཱམགྒཱི ཝཱ དཱཏབྦཱ, ནིསྶཱིམཾ ཝཱ གནྟབྦཾ. སཙེ ཨཱགནྟུཀཱ བཧུཏརཱ ཧོནྟི, ཨཱགནྟུཀེཧི ཨཱཝཱསིཀཱནཾ ནཱཀཱམཱ དཱཏབྦཱ སཱམགྒཱི; ཨཱཝཱསིཀེཧི ནིསྶཱིམཾ གནྟྭཱ པཝཱརེཏབྦཾ.

དིཝསནཱནཏྟཾ ནིཊྛིཏཾ.

༡༣༥. ལིངྒཱདིདསྶནཾ

༢༢༩. ཨིདྷ པན, བྷིཀྑཝེ, ཨཱགནྟུཀཱ བྷིཀྑཱུ པསྶནྟི ཨཱཝཱསིཀཱནཾ བྷིཀྑཱུནཾ ཨཱཝཱསིཀཱཀཱརཾ, ཨཱཝཱསིཀལིངྒཾ, ཨཱཝཱསིཀནིམིཏྟཾ, ཨཱཝཱསིཀུདྡེསཾ, སུཔྤཉྙཏྟཾ མཉྩཔཱིཋཾ བྷིསིབིབྦོཧནཾ, པཱནཱིཡཾ པརིབྷོཛནཱིཡཾ སཔཊྛིཏཾ, པརིཝེཎཾ སུསམྨཊྛཾ; པསྶིཏྭཱ ཝེམཏིཀཱ ཧོནྟི – ‘‘ཨཏྠི ནུ ཁོ ཨཱཝཱསིཀཱ བྷིཀྑཱུ, ནཏྠི ནུ ཁོ’’ཏི. ཏེ ཝེམཏིཀཱ ན ཝིཙིནནྟི, ཨཝིཙིནིཏྭཱ པཝཱརེནྟི. ཨཱཔཏྟི དུཀྐཊསྶ…པེ… ཏེ ཝེམཏིཀཱ ཝིཙིནནྟི, ཝིཙིནིཏྭཱ ན པསྶནྟི, ཨཔསྶིཏྭཱ པཝཱརེནྟི. ཨནཱཔཏྟི. ཏེ ཝེམཏིཀཱ ཝིཙིནནྟི, ཝིཙིནིཏྭཱ པསྶནྟི, པསྶིཏྭཱ ཨེཀཏོ པཝཱརེནྟི. ཨནཱཔཏྟི. ཏེ ཝེམཏིཀཱ ཝིཙིནནྟི, ཝིཙིནིཏྭཱ པསྶནྟི, པསྶིཏྭཱ པཱཊེཀྐཾ པཝཱརེནྟི. ཨཱཔཏྟི དུཀྐཊསྶ. ཏེ ཝེམཏིཀཱ ཝིཙིནནྟི, ཝིཙིནིཏྭཱ པསྶནྟི, པསྶིཏྭཱ – ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི – བྷེདཔུརེཀྑཱརཱ པཝཱརེནྟི. ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཱགནྟུཀཱ བྷིཀྑཱུ སུཎནྟི ཨཱཝཱསིཀཱནཾ བྷིཀྑཱུནཾ ཨཱཝཱསིཀཱཀཱརཾ, ཨཱཝཱསིཀལིངྒཾ, ཨཱཝཱསིཀནིམིཏྟཾ, ཨཱཝཱསིཀུདྡེསཾ, ཙངྐམནྟཱནཾ པདསདྡཾ, སཛ྄ཛྷཱཡསདྡཾ, ཨུཀྐཱསིཏསདྡཾ, ཁིཔིཏསདྡཾ; སུཏྭཱ ཝེམཏིཀཱ ཧོནྟི – ‘‘ཨཏྠི ནུ ཁོ ཨཱཝཱསིཀཱ བྷིཀྑཱུ, ནཏྠི ནུ ཁོ’’ཏི. ཏེ ཝེམཏིཀཱ ན ཝིཙིནནྟི, ཨཝིཙིནིཏྭཱ པཝཱརེནྟི. ཨཱཔཏྟི དུཀྐཊསྶ. ཏེ ཝེམཏིཀཱ ཝིཙིནནྟི, ཝིཙིནིཏྭཱ ན པསྶནྟི, ཨཔསྶིཏྭཱ པཝཱརེནྟི. ཨནཱཔཏྟི. ཏེ ཝེམཏིཀཱ ཝིཙིནནྟི, ཝིཙིནིཏྭཱ པསྶནྟི, པསྶིཏྭཱ ཨེཀཏོ པཝཱརེནྟི. ཨནཱཔཏྟི. ཏེ ཝེམཏིཀཱ ཝིཙིནནྟི, ཝིཙིནིཏྭཱ པསྶནྟི, པསྶིཏྭཱ པཱཊེཀྐཾ པཝཱརེནྟི. ཨཱཔཏྟི དུཀྐཊསྶ. ཏེ ཝེམཏིཀཱ ཝིཙིནནྟི, ཝིཙིནིཏྭཱ པསྶནྟི, པསྶིཏྭཱ ‘‘ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོ’’ཏི བྷེདཔུརེཀྑཱརཱ པཝཱརེནྟི. ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཱཝཱསིཀཱ བྷིཀྑཱུ པསྶནྟི ཨཱགནྟུཀཱནཾ བྷིཀྑཱུནཾ ཨཱགནྟུཀཱཀཱརཾ, ཨཱགནྟུཀལིངྒཾ, ཨཱགནྟུཀནིམིཏྟཾ, ཨཱགནྟུཀུདྡེསཾ, ཨཉྙཱཏཀཾ པཏྟཾ, ཨཉྙཱཏཀཾ ཙཱིཝརཾ, ཨཉྙཱཏཀཾ ནིསཱིདནཾ, པཱདཱནཾ དྷོཏཾ, ཨུདཀནིསྶེཀཾ; པསྶིཏྭཱ ཝེམཏིཀཱ ཧོནྟི – ‘‘ཨཏྠི ནུ ཁོ ཨཱགནྟུཀཱ བྷིཀྑཱུ, ནཏྠི ནུ ཁོ’’ཏི. ཏེ ཝེམཏིཀཱ ན ཝིཙིནནྟི, ཨཝིཙིནིཏྭཱ པཝཱརེནྟི. ཨཱཔཏྟི དུཀྐཊསྶ. ཏེ ཝེམཏིཀཱ ཝིཙིནནྟི, ཝིཙིནིཏྭཱ ན པསྶནྟི, ཨཔསྶིཏྭཱ པཝཱརེནྟི. ཨནཱཔཏྟི. ཏེ ཝེམཏིཀཱ ཝིཙིནནྟི, ཝིཙིནིཏྭཱ པསྶནྟི, པསྶིཏྭཱ ཨེཀཏོ པཝཱརེནྟི. ཨནཱཔཏྟི. ཏེ ཝེམཏིཀཱ ཝིཙིནནྟི, ཝིཙིནིཏྭཱ པསྶནྟི, པསྶིཏྭཱ པཱཊེཀྐཾ པཝཱརེནྟི. ཨཱཔཏྟི དུཀྐཊསྶ. ཏེ ཝེམཏིཀཱ ཝིཙིནནྟི, ཝིཙིནིཏྭཱ པསྶནྟི, པསྶིཏྭཱ – ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོཏི – བྷེདཔུརེཀྑཱརཱ པཝཱརེནྟི. ཨཱཔཏྟི ཐུལླཙྩཡསྶ.

ཨིདྷ པན, བྷིཀྑཝེ, ཨཱཝཱསིཀཱ བྷིཀྑཱུ སུཎནྟི ཨཱགནྟུཀཱནཾ བྷིཀྑཱུནཾ ཨཱགནྟུཀཱཀཱརཾ,

ཨཱགནྟུཀལིངྒཾ, ཨཱགནྟུཀནིམིཏྟཾ, ཨཱགནྟུཀུདྡེསཾ, ཨཱགཙྪནྟཱནཾ པདསདྡཾ, ཨུཔཱཧནཔཔྥོཊནསདྡཾ, ཨུཀྐཱསིཏསདྡཾ, ཁིཔིཏསདྡཾ; སུཏྭཱ ཝེམཏིཀཱ ཧོནྟི – ‘‘ཨཏྠི ནུ ཁོ ཨཱགནྟུཀཱ བྷིཀྑཱུ, ནཏྠི ནུ ཁོ’’ཏི. ཏེ ཝེམཏིཀཱ ན ཝིཙིནནྟི, ཨཝིཙིནིཏྭཱ པཝཱརེནྟི. ཨཱཔཏྟི དུཀྐཊསྶ. ཏེ ཝེམཏིཀཱ ཝིཙིནནྟི, ཝིཙིནིཏྭཱ ན པསྶནྟི, ཨཔསྶིཏྭཱ པཝཱརེནྟི. ཨནཱཔཏྟི. ཏེ ཝེམཏིཀཱ ཝིཙིནནྟི, ཝིཙིནིཏྭཱ པསྶནྟི, པསྶིཏྭཱ ཨེཀཏོ པཝཱརེནྟི. ཨནཱཔཏྟི. ཏེ ཝེམཏིཀཱ ཝིཙིནནྟི, ཝིཙིནིཏྭཱ པསྶནྟི, པསྶིཏྭཱ པཱཊེཀྐཾ པཝཱརེནྟི. ཨཱཔཏྟི དུཀྐཊསྶ. ཏེ ཝེམཏིཀཱ ཝིཙིནནྟི, ཝིཙིནིཏྭཱ པསྶནྟི, པསྶིཏྭཱ – ནསྶནྟེཏེ, ཝིནསྶནྟེཏེ, ཀོ ཏེཧི ཨཏྠོཏི – བྷེདཔུརེཀྑཱརཱ པཝཱརེནྟི. ཨཱཔཏྟི ཐུལླཙྩཡསྶ.

ལིངྒཱདིདསྶནཾ ནིཊྛིཏཾ.

༡༣༦. ནཱནཱསཾཝཱསཀཱདཱིཧི པཝཱརཎཱ

༢༣༠. ཨིདྷ པན, བྷིཀྑཝེ, ཨཱགནྟུཀཱ བྷིཀྑཱུ པསྶནྟི ཨཱཝཱསིཀེ བྷིཀྑཱུ ནཱནཱསཾཝཱསཀེ. ཏེ སམཱནསཾཝཱསཀདིཊྛིཾ པཊིལབྷནྟི, སམཱནསཾཝཱསཀདིཊྛིཾ པཊིལབྷིཏྭཱ ན པུཙྪནྟི, ཨཔུཙྪིཏྭཱ ཨེཀཏོ པཝཱརེནྟི. ཨནཱཔཏྟི. ཏེ པུཙྪནྟི, པུཙྪིཏྭཱ ནཱབྷིཝིཏརནྟི, ཨནབྷིཝིཏརིཏྭཱ ཨེཀཏོ པཝཱརེནྟི. ཨཱཔཏྟི དུཀྐཊསྶ. ཏེ པུཙྪནྟི, པུཙྪིཏྭཱ ནཱབྷིཝིཏརནྟི, ཨནབྷིཝིཏརིཏྭཱ པཱཊེཀྐཾ པཝཱརེནྟི. ཨནཱཔཏྟི.

ཨིདྷ པན, བྷིཀྑཝེ, ཨཱགནྟུཀཱ བྷིཀྑཱུ པསྶནྟི ཨཱཝཱསིཀེ བྷིཀྑཱུ སམཱནསཾཝཱསཀེ. ཏེ ནཱནཱསཾཝཱསཀདིཊྛིཾ པཊིལབྷནྟི, ནཱནཱསཾཝཱསཀདིཊྛིཾ པཊིལབྷིཏྭཱ ན པུཙྪནྟི, ཨཔུཙྪིཏྭཱ ཨེཀཏོ པཝཱརེནྟི. ཨཱཔཏྟི དུཀྐཊསྶ. ཏེ པུཙྪནྟི, པུཙྪིཏྭཱ ཨབྷིཝིཏརནྟི, ཨབྷིཝིཏརིཏྭཱ པཱཊེཀྐཾ པཝཱརེནྟི. ཨཱཔཏྟི དུཀྐཊསྶ. ཏེ པུཙྪནྟི, པུཙྪིཏྭཱ ཨབྷིཝིཏརནྟི, ཨབྷིཝིཏརིཏྭཱ ཨེཀཏོ པཝཱརེནྟི. ཨནཱཔཏྟི.

ཨིདྷ པན, བྷིཀྑཝེ, ཨཱཝཱསིཀཱ བྷིཀྑཱུ པསྶནྟི ཨཱགནྟུཀེ བྷིཀྑཱུ ནཱནཱསཾཝཱསཀེ. ཏེ སམཱནསཾཝཱསཀདིཊྛིཾ པཊིལབྷནྟི, སམཱནསཾཝཱསཀདིཊྛིཾ པཊིལབྷིཏྭཱ ན པུཙྪནྟི, ཨཔུཙྪིཏྭཱ ཨེཀཏོ པཝཱརེནྟི. ཨནཱཔཏྟི. ཏེ པུཙྪནྟི, པུཙྪིཏྭཱ ནཱབྷིཝིཏརནྟི, ཨནབྷིཝིཏརིཏྭཱ ཨེཀཏོ པཝཱརེནྟི. ཨཱཔཏྟི དུཀྐཊསྶ. ཏེ པུཙྪནྟི, པུཙྪིཏྭཱ ནཱབྷིཝིཏརནྟི, ཨནབྷིཝིཏརིཏྭཱ པཱཊེཀྐཾ པཝཱརེནྟི. ཨནཱཔཏྟི.

ཨིདྷ པན, བྷིཀྑཝེ, ཨཱཝཱསིཀཱ བྷིཀྑཱུ པསྶནྟི ཨཱགནྟུཀེ བྷིཀྑཱུ སམཱནསཾཝཱསཀེ. ཏེ ནཱནཱསཾཝཱསཀདིཊྛིཾ པཊིལབྷནྟི, ནཱནཱསཾཝཱསཀདིཊྛིཾ པཊིལབྷིཏྭཱ ན པུཙྪནྟི, ཨཔུཙྪིཏྭཱ ཨེཀཏོ པཝཱརེནྟི. ཨཱཔཏྟི དུཀྐཊསྶ. ཏེ པུཙྪནྟི, པུཙྪིཏྭཱ ཨབྷིཝིཏརནྟི, ཨབྷིཝིཏརིཏྭཱ པཱཊེཀྐཾ པཝཱརེནྟི. ཨཱཔཏྟི དུཀྐཊསྶ. ཏེ པུཙྪནྟི, པུཙྪིཏྭཱ ཨབྷིཝིཏརནྟི, ཨབྷིཝིཏརིཏྭཱ ཨེཀཏོ པཝཱརེནྟི. ཨནཱཔཏྟི.

ནཱནཱསཾཝཱསཀཱདཱིཧི པཝཱརཎཱ ནིཊྛིཏཱ.

༡༣༧. ན གནྟབྦཝཱརོ

༢༣༡. ན, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨཱཝཱསཱ ཨབྷིཀྑུཀོ ཨཱཝཱསོ གནྟབྦོ, ཨཉྙཏྲ སངྒྷེན, ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨཱཝཱསཱ ཨབྷིཀྑུཀོ ཨནཱཝཱསོ གནྟབྦོ, ཨཉྙཏྲ སངྒྷེན, ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨཱཝཱསཱ ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ སངྒྷེན, ཨཉྙཏྲ ཨནྟརཱཡཱ.

ན, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨནཱཝཱསཱ ཨབྷིཀྑུཀོ ཨཱཝཱསོ གནྟབྦོ, ཨཉྙཏྲ སངྒྷེན, ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨནཱཝཱསཱ ཨབྷིཀྑུཀོ ཨནཱཝཱསོ གནྟབྦོ, ཨཉྙཏྲ སངྒྷེན, ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨནཱཝཱསཱ ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ སངྒྷེན, ཨཉྙཏྲ ཨནྟརཱཡཱ.

ན, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ ཨབྷིཀྑུཀོ ཨཱཝཱསོ གནྟབྦོ, ཨཉྙཏྲ སངྒྷེན, ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ ཨབྷིཀྑུཀོ ཨནཱཝཱསོ གནྟབྦོ, ཨཉྙཏྲ སངྒྷེན, ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ སངྒྷེན, ཨཉྙཏྲ ཨནྟརཱཡཱ.

ན, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན, ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨཱཝཱསཱ སབྷིཀྑུཀོ ཨནཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན, ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན, ཨཉྙཏྲ ཨནྟརཱཡཱ.

ན, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན, ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨནཱཝཱསཱ སབྷིཀྑུཀོ ཨནཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན, ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན, ཨཉྙཏྲ ཨནྟརཱཡཱ.

ན, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨཱཝཱསཱ ཝཱ ཨནཱཝཱསཱ

ཝཱ སབྷིཀྑུཀོ ཨཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན, ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨནཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན, ཨཉྙཏྲ ཨནྟརཱཡཱ. ན, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན, ཨཉྙཏྲ ཨནྟརཱཡཱ.

ན གནྟབྦཝཱརོ ནིཊྛིཏོ.

༡༣༨. གནྟབྦཝཱརོ

༢༣༢. གནྟབྦོ, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ ‘‘སཀྐོམི ཨཛྫེཝ གནྟུ’’ནྟི. གནྟབྦོ, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨཱཝཱསཱ སབྷིཀྑུཀོ ཨནཱཝཱསོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ ‘‘སཀྐོམི ཨཛྫེཝ གནྟུ’’ནྟི.

གནྟབྦོ, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ…པེ… སབྷིཀྑུཀོ ཨནཱཝཱསོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ ‘‘སཀྐོམི ཨཛྫེཝ གནྟུ’’ནྟི.

གནྟབྦོ, བྷིཀྑཝེ, ཏདཧུ པཝཱརཎཱཡ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ

ཨཱཝཱསོ…པེ… སབྷིཀྑུཀོ ཨནཱཝཱསོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ ‘‘སཀྐོམི ཨཛྫེཝ གནྟུ’’ནྟི.

གནྟབྦཝཱརོ ནིཊྛིཏོ.

༡༣༩. ཝཛྫནཱིཡཔུགྒལསནྡསྶནཱ

༢༣༣. ན, བྷིཀྑཝེ, བྷིཀྑུནིཡཱ ནིསིནྣཔརིསཱཡ པཝཱརེཏབྦཾ. ཡོ པཝཱརེཡྻ, ཨཱཔཏྟི དུཀྐཊསྶ. ན, བྷིཀྑཝེ, སིཀྑམཱནཱཡ…པེ… ན སཱམཎེརསྶ…པེ… ན སཱམཎེརིཡཱ…པེ… ན སིཀྑཾ པཙྩཀྑཱཏཀསྶ…པེ… ན ཨནྟིམཝཏྠུཾ ཨཛ྄ཛྷཱཔནྣཀསྶ ནིསིནྣཔརིསཱཡ པཝཱརེཏབྦཾ. ཡོ པཝཱརེཡྻ, ཨཱཔཏྟི དུཀྐཊསྶ.

ན ཨཱཔཏྟིཡཱ ཨདསྶནེ ཨུཀྑིཏྟཀསྶ ནིསིནྣཔརིསཱཡ པཝཱརེཏབྦཾ. ཡོ པཝཱརེཡྻ, ཡཐཱདྷམྨོ ཀཱརེཏབྦོ. ན ཨཱཔཏྟིཡཱ ཨཔྤཊིཀམྨེ ཨུཀྑིཏྟཀསྶ…པེ… ན པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཏྟཀསྶ ནིསིནྣཔརིསཱཡ པཝཱརེཏབྦཾ. ཡོ པཝཱརེཡྻ, ཡཐཱདྷམྨོ ཀཱརེཏབྦོ.

ན པཎྜཀསྶ ནིསིནྣཔརིསཱཡ པཝཱརེཏབྦཾ. ཡོ པཝཱརེཡྻ, ཨཱཔཏྟི དུཀྐཊསྶ. ན ཐེཡྻསཾཝཱསཀསྶ…པེ… ན ཏིཏྠིཡཔཀྐནྟཀསྶ…པེ… ན ཏིརཙྪཱནགཏསྶ…པེ… ན མཱཏུགྷཱཏཀསྶ…པེ… ན པིཏུགྷཱཏཀསྶ…པེ… ན ཨརཧནྟགྷཱཏཀསྶ…པེ… ན བྷིཀྑུནིདཱུསཀསྶ …པེ… ན སངྒྷབྷེདཀསྶ…པེ… ན ལོཧིཏུཔྤཱདཀསྶ …པེ… ན ཨུབྷཏོབྱཉྫནཀསྶ ནིསིནྣཔརིསཱཡ པཝཱརེཏབྦཾ. ཡོ པཝཱརེཡྻ, ཨཱཔཏྟི དུཀྐཊསྶ.

ན, བྷིཀྑཝེ, པཱརིཝཱསིཀཔཝཱརཎཱདཱནེན པཝཱརེཏབྦཾ, ཨཉྙཏྲ ཨཝུཊྛིཏཱཡ པརིསཱཡ. ན ཙ, བྷིཀྑཝེ, ཨཔྤཝཱརཎཱཡ པཝཱརེཏབྦཾ, ཨཉྙཏྲ སངྒྷསཱམགྒིཡཱཏི.

ཝཛྫནཱིཡཔུགྒལསནྡསྶནཱ ནིཊྛིཏཱ.

དུཏིཡབྷཱཎཝཱརོ ནིཊྛིཏོ.

༡༤༠. དྭེཝཱཙིཀཱདིཔཝཱརཎཱ

༢༣༤. ཏེན ཁོ པན སམཡེན ཀོསལེསུ ཛནཔདེ ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སཝརབྷཡཾ ཨཧོསི. བྷིཀྑཱུ ནཱསཀྑིཾསུ ཏེཝཱཙིཀཾ པཝཱརེཏུཾ. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, དྭེཝཱཙིཀཾ པཝཱརེཏུནྟི.

བཱལ༹ྷཏརཾ སཝརབྷཡཾ ཨཧོསི. བྷིཀྑཱུ ནཱསཀྑིཾསུ དྭེཝཱཙིཀཾ པཝཱརེཏུཾ. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨེཀཝཱཙིཀཾ པཝཱརེཏུནྟི.

བཱལ༹ྷཏརཾ སཝརབྷཡཾ ཨཧོསི. བྷིཀྑཱུ ནཱསཀྑིཾསུ ཨེཀཝཱཙིཀཾ པཝཱརེཏུཾ. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སམཱནཝསྶིཀཾ པཝཱརེཏུནྟི.

ཏེན ཁོ པན སམཡེན ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ མནུསྶེཧི དཱནཾ དེནྟེཧི ཡེབྷུཡྻེན རཏྟི ཁེཔིཏཱ ཧོཏི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘མནུསྶེཧི དཱནཾ དེནྟེཧི ཡེབྷུཡྻེན རཏྟི ཁེཔིཏཱ. སཙེ སངྒྷོ ཏེཝཱཙིཀཾ པཝཱརེསྶཏི, ཨཔྤཝཱརིཏོཝ སངྒྷོ བྷཝིསྶཏི, ཨཐཱཡཾ རཏྟི ཝིབྷཱཡིསྶཏི. ཀཐཾ ནུ ཁོ ཨམྷེཧི པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ མནུསྶེཧི དཱནཾ དེནྟེཧི ཡེབྷུཡྻེན རཏྟི ཁེཔིཏཱ ཧོཏི. ཏཏྲ ཙེ, བྷིཀྑཝེ, བྷིཀྑཱུནཾ ཨེཝཾ ཧོཏི – ‘‘མནུསྶེཧི དཱནཾ དེནྟེཧི ཡེབྷུཡྻེན རཏྟི ཁེཔིཏཱ. སཙེ སངྒྷོ ཏེཝཱཙིཀཾ པཝཱརེསྶཏི, ཨཔྤཝཱརིཏོཝ སངྒྷོ བྷཝིསྶཏི, ཨཐཱཡཾ རཏྟི ཝིབྷཱཡིསྶཏཱི’’ཏི, བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. མནུསྶེཧི དཱནཾ དེནྟེཧི ཡེབྷུཡྻེན རཏྟི ཁེཔིཏཱ. སཙེ སངྒྷོ ཏེཝཱཙིཀཾ པཝཱརེསྶཏི, ཨཔྤཝཱརིཏོཝ སངྒྷོ བྷཝིསྶཏི, ཨཐཱཡཾ རཏྟི ཝིབྷཱཡིསྶཏི. ཡདི སངྒྷསྶ པཏྟཀལླཾ, སངྒྷོ དྭེཝཱཙིཀཾ, ཨེཀཝཱཙིཀཾ, སམཱནཝསྶིཀཾ པཝཱརེཡྻཱ’’ཏི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ བྷིཀྑཱུཧི དྷམྨཾ བྷཎནྟེཧི…པེ… སུཏྟནྟིཀེཧི སུཏྟནྟཾ སངྒཱཡནྟེཧི… ཝིནཡདྷརེཧི ཝིནཡཾ ཝིནིཙྪིནནྟེཧི… དྷམྨཀཐིཀེཧི དྷམྨཾ སཱཀཙྪནྟེཧི… བྷིཀྑཱུཧི ཀལཧཾ ཀརོནྟེཧི ཡེབྷུཡྻེན རཏྟི ཁེཔིཏཱ ཧོཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘བྷིཀྑཱུཧི ཀལཧཾ ཀརོནྟེཧི ཡེབྷུཡྻེན རཏྟི ཁེཔིཏཱ. སཙེ སངྒྷོ ཏེཝཱཙིཀཾ པཝཱརེསྶཏི, ཨཔྤཝཱརིཏོཝ སངྒྷོ བྷཝིསྶཏི, ཨཐཱཡཾ རཏྟི ཝིབྷཱཡིསྶཏཱི’’ཏི, བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. བྷིཀྑཱུཧི ཀལཧཾ ཀརོནྟེཧི ཡེབྷུཡྻེན རཏྟི ཁེཔིཏཱ. སཙེ སངྒྷོ ཏེཝཱཙིཀཾ པཝཱརེསྶཏི, ཨཔྤཝཱརིཏོཝ སངྒྷོ བྷཝིསྶཏི, ཨཐཱཡཾ རཏྟི ཝིབྷཱཡིསྶཏི. ཡདི སངྒྷསྶ པཏྟཀལླཾ, སངྒྷོ དྭེཝཱཙིཀཾ, ཨེཀཝཱཙིཀཾ, སམཱནཝསྶིཀཾ པཝཱརེཡྻཱ’’ཏི.

ཏེན ཁོ པན སམཡེན ཀོསལེསུ ཛནཔདེ ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ མཧཱབྷིཀྑུསངྒྷོ སནྣིཔཏིཏོ ཧོཏི, པརིཏྟཉྩ ཨནོཝསྶིཀཾ [ཨནོཝསྶཀཾ (ཀ.)] ཧོཏི, མཧཱ ཙ མེགྷོ ཨུགྒཏོ ཧོཏི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘ཨཡཾ ཁོ མཧཱབྷིཀྑུསངྒྷོ སནྣིཔཏིཏོ, པརིཏྟཉྩ ཨནོཝསྶིཀཾ, མཧཱ ཙ མེགྷོ ཨུགྒཏོ. སཙེ སངྒྷོ ཏེཝཱཙིཀཾ པཝཱརེསྶཏི, ཨཔྤཝཱརིཏོཝ སངྒྷོ བྷཝིསྶཏི, ཨཐཱཡཾ མེགྷོ པཝསྶིསྶཏི. ཀཐཾ ནུ ཁོ ཨམྷེཧི པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ མཧཱབྷིཀྑུསངྒྷོ སནྣིཔཏིཏོ ཧོཏི, པརིཏྟཉྩ ཨནོཝསྶིཀཾ ཧོཏི, མཧཱ ཙ མེགྷོ ཨུགྒཏོ ཧོཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ མཧཱབྷིཀྑུསངྒྷོ སནྣིཔཏིཏོ, པརིཏྟཉྩ ཨནོཝསྶིཀཾ, མཧཱ ཙ མེགྷོ ཨུགྒཏོ. སཙེ སངྒྷོ ཏེཝཱཙིཀཾ པཝཱརེསྶཏི, ཨཔྤཝཱརིཏོཝ སངྒྷོ བྷཝིསྶཏི, ཨཐཱཡཾ མེགྷོ པཝསྶིསྶཏཱི’’ཏི. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ མཧཱབྷིཀྑུསངྒྷོ སནྣིཔཏིཏོ, པརིཏྟཉྩ ཨནོཝསྶིཀཾ, མཧཱ ཙ མེགྷོ ཨུགྒཏོ. སཙེ སངྒྷོ ཏེཝཱཙིཀཾ པཝཱརེསྶཏི, ཨཔྤཝཱརིཏོཝ སངྒྷོ བྷཝིསྶཏི, ཨཐཱཡཾ མེགྷོ པཝསྶིསྶཏི. ཡདི སངྒྷསྶ པཏྟཀལླཾ, སངྒྷོ དྭེཝཱཙིཀཾ, ཨེཀཝཱཙིཀཾ, སམཱནཝསྶིཀཾ པཝཱརེཡྻཱ’’ཏི.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ རཱཛནྟརཱཡོ ཧོཏི…པེ… ཙོརནྟརཱཡོ ཧོཏི… ཨགྱནྟརཱཡོ ཧོཏི… ཨུདཀནྟརཱཡོ ཧོཏི… མནུསྶནྟརཱཡོ ཧོཏི… ཨམནུསྶནྟརཱཡོ ཧོཏི… ཝཱལ༹ནྟརཱཡོ ཧོཏི… སརཱིསཔནྟརཱཡོ ཧོཏི… ཛཱིཝིཏནྟརཱཡོ ཧོཏི… བྲཧྨཙརིཡནྟརཱཡོ ཧོཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, བྲཧྨཙརིཡནྟརཱཡོ. སཙེ སངྒྷོ ཏེཝཱཙིཀཾ པཝཱརེསྶཏི, ཨཔྤཝཱརིཏོཝ སངྒྷོ བྷཝིསྶཏི, ཨཐཱཡཾ བྲཧྨཙརིཡནྟརཱཡོ བྷཝིསྶཏཱི’’ཏི, བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ བྲཧྨཙརིཡནྟརཱཡོ. སཙེ སངྒྷོ ཏེཝཱཙིཀཾ པཝཱརེསྶཏི, ཨཔྤཝཱརིཏོཝ སངྒྷོ བྷཝིསྶཏི, ཨཐཱཡཾ བྲཧྨཙརིཡནྟརཱཡོ བྷཝིསྶཏི. ཡདི སངྒྷསྶ པཏྟཀལླཾ, སངྒྷོ དྭེཝཱཙིཀཾ, ཨེཀཝཱཙིཀཾ, སམཱནཝསྶིཀཾ པཝཱརེཡྻཱ’’ཏི.

དྭེཝཱཙིཀཱདིཔཝཱརཎཱ ནིཊྛིཏཱ.

༡༤༡. པཝཱརཎཱཋཔནཾ

༢༣༥. ཏེན ཁོ པན སམཡེན ཚབྦགྒིཡཱ བྷིཀྑཱུ སཱཔཏྟིཀཱ པཝཱརེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སཱཔཏྟིཀེན པཝཱརེཏབྦཾ. ཡོ པཝཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཡོ སཱཔཏྟིཀོ པཝཱརེཏི, ཏསྶ ཨོཀཱསཾ ཀཱརཱཔེཏྭཱ ཨཱཔཏྟིཡཱ ཙོདེཏུནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཨོཀཱསཾ ཀཱརཱཔིཡམཱནཱ ན ཨིཙྪནྟི ཨོཀཱསཾ ཀཱཏུཾ. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨོཀཱསཾ ཨཀརོནྟསྶ པཝཱརཎཾ ཋཔེཏུཾ. ཨེཝཉྩ པན, བྷིཀྑཝེ, ཋཔེཏབྦཱ. ཏདཧུ པཝཱརཎཱཡ ཙཱཏུདྡསེ ཝཱ པནྣརསེ ཝཱ ཏསྨིཾ པུགྒལེ སམྨུཁཱིབྷཱུཏེ སངྒྷམཛ྄ཛྷེ ཨུདཱཧརིཏབྦཾ – ‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམོ པུགྒལོ སཱཔཏྟིཀོ. ཏསྶ པཝཱརཎཾ ཋཔེམི. ན ཏསྨིཾ སམྨུཁཱིབྷཱུཏེ པཝཱརེཏབྦ’’ནྟི. ཋཔིཏཱ ཧོཏི པཝཱརཎཱཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ – པུརམྷཱཀཾ པེསལཱ བྷིཀྑཱུ པཝཱརཎཾ ཋཔེནྟཱིཏི – པཊིཀཙྩེཝ སུདྡྷཱནཾ བྷིཀྑཱུནཾ ཨནཱཔཏྟིཀཱནཾ ཨཝཏྠུསྨིཾ ཨཀཱརཎེ པཝཱརཎཾ ཋཔེནྟི, པཝཱརིཏཱནམྤི པཝཱརཎཾ ཋཔེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སུདྡྷཱནཾ བྷིཀྑཱུནཾ ཨནཱཔཏྟིཀཱནཾ ཨཝཏྠུསྨིཾ ཨཀཱརཎེ པཝཱརཎཱ ཋཔེཏབྦཱ. ཡོ ཋཔེཡྻ, ཨཱཔཏྟི དུཀྐཊསྶ. ན, བྷིཀྑཝེ, པཝཱརིཏཱནམྤི པཝཱརཎཱ ཋཔེཏབྦཱ. ཡོ ཋཔེཡྻ, ཨཱཔཏྟི དུཀྐཊསྶ.

༢༣༦. ཨེཝཾ ཁོ, བྷིཀྑཝེ, ཋཔིཏཱ ཧོཏི པཝཱརཎཱ, ཨེཝཾ ཨཊྛཔིཏཱ. ཀཐཉྩ, བྷིཀྑཝེ, ཨཊྛཔིཏཱ ཧོཏི པཝཱརཎཱ? ཏེཝཱཙིཀཱཡ ཙེ, བྷིཀྑཝེ, པཝཱརཎཱཡ བྷཱསིཏཱཡ ལཔིཏཱཡ པརིཡོསིཏཱཡ པཝཱརཎཾ ཋཔེཏི, ཨཊྛཔིཏཱ ཧོཏི པཝཱརཎཱ. དྭེཝཱཙིཀཱཡ ཙེ, བྷིཀྑཝེ,… ཨེཀཝཱཙིཀཱཡ ཙེ, བྷིཀྑཝེ,… སམཱནཝསྶིཀཱཡ ཙེ, བྷིཀྑཝེ, པཝཱརཎཱཡ བྷཱསིཏཱཡ ལཔིཏཱཡ པརིཡོསིཏཱཡ པཝཱརཎཾ ཋཔེཏི, ཨཊྛཔིཏཱ ཧོཏི པཝཱརཎཱ. ཨེཝཾ ཁོ, བྷིཀྑཝེ, ཨཊྛཔིཏཱ ཧོཏི པཝཱརཎཱ.

ཀཐཉྩ, བྷིཀྑཝེ, ཋཔིཏཱ ཧོཏི པཝཱརཎཱ? ཏེཝཱཙིཀཱཡ, ཙེ, བྷིཀྑཝེ, པཝཱརཎཱཡ བྷཱསིཏཱཡ ལཔིཏཱཡ ཨཔརིཡོསིཏཱཡ པཝཱརཎཾ ཋཔེཏི, ཋཔིཏཱ ཧོཏི པཝཱརཎཱ. དྭེཝཱཙིཀཱཡ ཙེ, བྷིཀྑཝེ,… ཨེཀཝཱཙིཀཱཡ ཙེ, བྷིཀྑཝེ,… སམཱནཝསྶིཀཱཡ ཙེ, བྷིཀྑཝེ, པཝཱརཎཱཡ བྷཱསིཏཱཡ ལཔིཏཱཡ ཨཔརིཡོསིཏཱཡ པཝཱརཎཾ ཋཔེཏི, ཋཔིཏཱ ཧོཏི པཝཱརཎཱ. ཨེཝཾ ཁོ, བྷིཀྑཝེ, ཋཔིཏཱ ཧོཏི པཝཱརཎཱ.

༢༣༧. ཨིདྷ པན, བྷིཀྑཝེ, ཏདཧུ པཝཱརཎཱཡ བྷིཀྑུ བྷིཀྑུསྶ པཝཱརཎཾ ཋཔེཏི. ཏཾ ཙེ བྷིཀྑུཾ ཨཉྙེ བྷིཀྑཱུ ཛཱནནྟི, ‘‘ཨཡཾ ཁོ ཨཱཡསྨཱ ཨཔརིསུདྡྷཀཱཡསམཱཙཱརོ, ཨཔརིསུདྡྷཝཙཱིསམཱཙཱརོ, ཨཔརིསུདྡྷཱཛཱིཝོ, བཱལོ, ཨབྱཏྟོ, ན པཊིབལོ ཨནུཡུཉྫཱིཡམཱནོ ཨནུཡོགཾ དཱཏུ’’ནྟི, ‘ཨལཾ, བྷིཀྑུ, མཱ བྷཎྜནཾ, མཱ ཀལཧཾ, མཱ ཝིགྒཧཾ, མཱ ཝིཝཱད’ནྟི ཨོམདྡིཏྭཱ སངྒྷེན པཝཱརེཏབྦཾ.

ཨིདྷ པན, བྷིཀྑཝེ, ཏདཧུ པཝཱརཎཱཡ བྷིཀྑུ བྷིཀྑུསྶ པཝཱརཎཾ ཋཔེཏི. ཏཾ ཙེ བྷིཀྑུཾ ཨཉྙེ བྷིཀྑཱུ ཛཱནནྟི, ‘‘ཨཡཾ ཁོ ཨཱཡསྨཱ པརིསུདྡྷཀཱཡསམཱཙཱརོ, ཨཔརིསུདྡྷཝཙཱིསམཱཙཱརོ, ཨཔརིསུདྡྷཱཛཱིཝོ, བཱལོ, ཨབྱཏྟོ, ན པཊིབལོ ཨནུཡུཉྫཱིཡམཱནོ ཨནུཡོགཾ དཱཏུ’’ནྟི, ‘ཨལཾ, བྷིཀྑུ, མཱ བྷཎྜནཾ, མཱ ཀལཧཾ, མཱ ཝིགྒཧཾ, མཱ ཝིཝཱད’ནྟི ཨོམདྡིཏྭཱ སངྒྷེན པཝཱརེཏབྦཾ.

ཨིདྷ པན, བྷིཀྑཝེ, ཏདཧུ པཝཱརཎཱཡ བྷིཀྑུ བྷིཀྑུསྶ པཝཱརཎཾ ཋཔེཏི. ཏཾ ཙེ བྷིཀྑུཾ ཨཉྙེ བྷིཀྑཱུ ཛཱནནྟི, ‘‘ཨཡཾ ཁོ ཨཱཡསྨཱ པརིསུདྡྷཀཱཡསམཱཙཱརོ, པརིསུདྡྷཝཙཱིསམཱཙཱརོ, ཨཔརིསུདྡྷཱཛཱིཝོ, བཱལོ, ཨབྱཏྟོ, ན པཊིབལོ ཨནུཡུཉྫཱིཡམཱནོ ཨནུཡོགཾ དཱཏུ’’ནྟི, ‘ཨལཾ, བྷིཀྑུ, མཱ བྷཎྜནཾ, མཱ ཀལཧཾ, མཱ ཝིགྒཧཾ, མཱ ཝིཝཱད’ནྟི ཨོམདྡིཏྭཱ སངྒྷེན པཝཱརེཏབྦཾ.

ཨིདྷ པན, བྷིཀྑཝེ, ཏདཧུ པཝཱརཎཱཡ བྷིཀྑུ བྷིཀྑུསྶ པཝཱརཎཾ ཋཔེཏི. ཏཾ ཙེ བྷིཀྑུཾ ཨཉྙེ བྷིཀྑཱུ ཛཱནནྟི, ‘‘ཨཡཾ ཁོ ཨཱཡསྨཱ པརིསུདྡྷཀཱཡསམཱཙཱརོ, པརིསུདྡྷཝཙཱིསམཱཙཱརོ, པརིསུདྡྷཱཛཱིཝོ, བཱལོ, ཨབྱཏྟོ, ན པཊིབལོ ཨནུཡུཉྫཱིཡམཱནོ ཨནུཡོགཾ དཱཏུ’’ནྟི, ‘ཨལཾ, བྷིཀྑུ, མཱ བྷཎྜནཾ, མཱ ཀལཧཾ, མཱ ཝིགྒཧཾ, མཱ ཝིཝཱད’ནྟི ཨོམདྡིཏྭཱ སངྒྷེན པཝཱརེཏབྦཾ.

ཨིདྷ པན, བྷིཀྑཝེ, ཏདཧུ པཝཱརཎཱཡ བྷིཀྑུ བྷིཀྑུསྶ པཝཱརཎཾ ཋཔེཏི. ཏཾ ཙེ བྷིཀྑུཾ ཨཉྙེ བྷིཀྑཱུ ཛཱནནྟི, ‘‘ཨཡཾ ཁོ ཨཱཡསྨཱ པརིསུདྡྷཀཱཡསམཱཙཱརོ, པརིསུདྡྷཝཙཱིསམཱཙཱརོ, པརིསུདྡྷཱཛཱིཝོ, པཎྜིཏོ, བྱཏྟོ, པཊིབལོ ཨནུཡུཉྫཱིཡམཱནོ ཨནུཡོགཾ དཱཏུ’’ནྟི, སོ ཨེཝམསྶ ཝཙནཱིཡོ, ‘‘ཡཾ ཁོ ཏྭཾ, ཨཱཝུསོ, ཨིམསྶ བྷིཀྑུནོ པཝཱརཎཾ ཋཔེསི, ཀིམྷི ནཾ ཋཔེསི, སཱིལཝིཔཏྟིཡཱ ཝཱ ཋཔེསི, ཨཱཙཱརཝིཔཏྟིཡཱ ཝཱ ཋཔེསི, དིཊྛིཝིཔཏྟིཡཱ ཝཱ ཋཔེསཱི’’ཏི? སོ ཙེ ཨེཝཾ ཝདེཡྻ – ‘‘སཱིལཝིཔཏྟིཡཱ ཝཱ ཋཔེམི, ཨཱཙཱརཝིཔཏྟིཡཱ ཝཱ ཋཔེམི, དིཊྛིཝིཔཏྟིཡཱ ཝཱ ཋཔེམཱི’’ཏི, སོ ཨེཝམསྶ ཝཙནཱིཡོ – ‘‘ཛཱནཱསི པནཱཡསྨཱ སཱིལཝིཔཏྟིཾ, ཛཱནཱསི ཨཱཙཱརཝིཔཏྟིཾ, ཛཱནཱསི དིཊྛིཝིཔཏྟི’’ནྟི? སོ ཙེ ཨེཝཾ ཝདེཡྻ – ‘‘ཛཱནཱམི ཁོ ཨཧཾ, ཨཱཝུསོ, སཱིལཝིཔཏྟིཾ, ཛཱནཱམི ཨཱཙཱརཝིཔཏྟིཾ, ཛཱནཱམི དིཊྛིཝིཔཏྟི’’ནྟི, སོ ཨེཝམསྶ ཝཙནཱིཡོ – ‘‘ཀཏམཱ པནཱཝུསོ, སཱིལཝིཔཏྟི, ཀཏམཱ ཨཱཙཱརཝིཔཏྟི, ཀཏམཱ དིཊྛིཝིཔཏྟཱི’’ཏི? སོ ཙེ ཨེཝཾ ཝདེཡྻ – ‘‘ཙཏྟཱརི པཱརཱཛིཀཱནི, ཏེརས སངྒྷཱདིསེསཱ, ཨཡཾ སཱིལཝིཔཏྟི; ཐུལླཙྩཡཾ, པཱཙིཏྟིཡཾ, པཱཊིདེསནཱིཡཾ, དུཀྐཊཾ, དུབྦྷཱསིཏཾ, ཨཡཾ ཨཱཙཱརཝིཔཏྟི; མིཙྪཱདིཊྛི, ཨནྟགྒཱཧིཀཱདིཊྛི, ཨཡཾ དིཊྛིཝིཔཏྟཱི’’ཏི, སོ ཨེཝམསྶ ཝཙནཱིཡོ – ‘‘ཡཾ ཁོ ཏྭཾ, ཨཱཝུསོ, ཨིམསྶ བྷིཀྑུནོ པཝཱརཎཾ ཋཔེསི, དིཊྛེན ཝཱ ཋཔེསི, སུཏེན ཝཱ ཋཔེསི, པརིསངྐཱཡ ཝཱ ཋཔེསཱི’’ཏི? སོ ཙེ ཨེཝཾ ཝདེཡྻ – ‘‘དིཊྛེན ཝཱ ཋཔེམི, སུཏེན ཝཱ ཋཔེམི, པརིསངྐཱཡ ཝཱ ཋཔེམཱི’’ཏི, སོ ཨེཝམསྶ ཝཙནཱིཡོ – ‘‘ཡཾ ཁོ ཏྭཾ, ཨཱཝུསོ, ཨིམསྶ བྷིཀྑུནོ དིཊྛེན པཝཱརཎཾ ཋཔེསི, ཀིཾ ཏེ དིཊྛཾ, ཀིནྟི ཏེ དིཊྛཾ, ཀདཱ ཏེ དིཊྛཾ, ཀཏྠ ཏེ དིཊྛཾ, པཱརཱཛིཀཾ ཨཛ྄ཛྷཱཔཛྫནྟོ དིཊྛོ, སངྒྷཱདིསེསཾ ཨཛ྄ཛྷཱཔཛྫནྟོ དིཊྛོ, ཐུལླཙྩཡཾ… པཱཙིཏྟིཡཾ… པཱཊིདེསནཱིཡཾ… དུཀྐཊཾ… དུབྦྷཱསིཏཾ ཨཛ྄ཛྷཱཔཛྫནྟོ དིཊྛོ, ཀཏྠ ཙ ཏྭཾ ཨཧོསི, ཀཏྠ ཙཱཡཾ བྷིཀྑུ ཨཧོསི, ཀིཉྩ ཏྭཾ ཀརོསི, ཀིཉྩཱཡཾ བྷིཀྑུ ཀརོཏཱི’’ཏི? སོ ཙེ ཨེཝཾ ཝདེཡྻ – ‘‘ན ཁོ ཨཧཾ, ཨཱཝུསོ, ཨིམསྶ བྷིཀྑུནོ དིཊྛེན པཝཱརཎཾ ཋཔེམི, ཨཔིཙ སུཏེན པཝཱརཎཾ ཋཔེམཱི’’ཏི, སོ ཨེཝམསྶ ཝཙནཱིཡོ – ‘‘ཡཾ ཁོ ཏྭཾ, ཨཱཝུསོ, ཨིམསྶ བྷིཀྑུནོ སུཏེན པཝཱརཎཾ ཋཔེསི, ཀིཾ ཏེ སུཏཾ, ཀིནྟི ཏེ སུཏཾ, ཀདཱ ཏེ སུཏཾ, ཀཏྠ ཏེ སུཏཾ, པཱརཱཛིཀཾ ཨཛ྄ཛྷཱཔནྣོཏི སུཏཾ, སངྒྷཱདིསེསཾ ཨཛ྄ཛྷཱཔནྣོཏི སུཏཾ, ཐུལླཙྩཡཾ… པཱཙིཏྟིཡཾ… པཱཊིདེསནཱིཡཾ… དུཀྐཊཾ… དུབྦྷཱསིཏཾ ཨཛ྄ཛྷཱཔནྣོཏི སུཏཾ, བྷིཀྑུསྶ སུཏཾ, བྷིཀྑུནིཡཱ སུཏཾ, སིཀྑམཱནཱཡ སུཏཾ, སཱམཎེརསྶ སུཏཾ, སཱམཎེརིཡཱ སུཏཾ, ཨུཔཱསཀསྶ སུཏཾ, ཨུཔཱསིཀཱཡ སུཏཾ, རཱཛཱུནཾ སུཏཾ, རཱཛམཧཱམཏྟཱནཾ སུཏཾ, ཏིཏྠིཡཱནཾ སུཏཾ, ཏིཏྠིཡསཱཝཀཱནཾ སུཏ’’ནྟི? སོ ཙེ ཨེཝཾ ཝདེཡྻ – ‘‘ན ཁོ ཨཧཾ, ཨཱཝུསོ, ཨིམསྶ བྷིཀྑུནོ སུཏེན པཝཱརཎཾ ཋཔེམི, ཨཔིཙ པརིསངྐཱཡ པཝཱརཎཾ ཋཔེམཱི’’ཏི, སོ ཨེཝམསྶ ཝཙནཱིཡོ – ‘‘ཡཾ ཁོ ཏྭཾ, ཨཱཝུསོ, ཨིམསྶ བྷིཀྑུནོ པརིསངྐཱཡ པཝཱརཎཾ ཋཔེསི, ཀིཾ པརིསངྐསི, ཀིནྟི པརིསངྐསི, ཀདཱ པརིསངྐསི, ཀཏྠ པརིསངྐསི, པཱརཱཛིཀཾ ཨཛ྄ཛྷཱཔནྣོཏི པརིསངྐསི, སངྒྷཱདིསེསཾ ཨཛ྄ཛྷཱཔནྣོཏི པརིསངྐསི, ཐུལླཙྩཡཾ… པཱཙིཏྟིཡཾ… པཱཊིདེསནཱིཡཾ… དུཀྐཊཾ… དུབྦྷཱསིཏཾ ཨཛ྄ཛྷཱཔནྣོཏི པརིསངྐསི, བྷིཀྑུསྶ སུཏྭཱ པརིསངྐསི, བྷིཀྑུནིཡཱ སུཏྭཱ པརིསངྐསི, སིཀྑམཱནཱཡ སུཏྭཱ པརིསངྐསི, སཱམཎེརསྶ སུཏྭཱ པརིསངྐསི, སཱམཎེརིཡཱ སུཏྭཱ པརིསངྐསི, ཨུཔཱསཀསྶ སུཏྭཱ པརིསངྐསི, ཨུཔཱསིཀཱཡ སུཏྭཱ པརིསངྐསི, རཱཛཱུནཾ སུཏྭཱ པརིསངྐསི, རཱཛམཧཱམཏྟཱནཾ སུཏྭཱ པརིསངྐསི, ཏིཏྠིཡཱནཾ སུཏྭཱ པརིསངྐསི, ཏིཏྠིཡསཱཝཀཱནཾ སུཏྭཱ པརིསངྐསཱི’’ཏི? སོ ཙེ ཨེཝཾ ཝདེཡྻ – ‘‘ན ཁོ ཨཧཾ, ཨཱཝུསོ, ཨིམསྶ བྷིཀྑུནོ པརིསངྐཱཡ པཝཱརཎཾ ཋཔེམི, ཨཔི ཙ ཨཧམྤི ན ཛཱནཱམི ཀེན པནཱཧཾ ཨིམསྶ བྷིཀྑུནོ པཝཱརཎཾ ཋཔེམཱི’’ཏི. སོ ཙེ, བྷིཀྑཝེ, ཙོདཀོ བྷིཀྑུ ཨནུཡོགེན ཝིཉྙཱུནཾ སབྲཧྨཙཱརཱིནཾ ཙིཏྟཾ ན ཨཱརཱདྷེཏི, ཨནནུཝཱདོ ཙུདིཏོ བྷིཀྑཱུཏི ཨལཾ ཝཙནཱཡ. སོ ཙེ, བྷིཀྑཝེ, ཙོདཀོ བྷིཀྑུ ཨནུཡོགེན ཝིཉྙཱུནཾ སབྲཧྨཙཱརཱིནཾ ཙིཏྟཾ ཨཱརཱདྷེཏི, སཱནུཝཱདོ ཙུདིཏོ བྷིཀྑཱུཏི ཨལཾ ཝཙནཱཡ. སོ ཙེ, བྷིཀྑཝེ, ཙོདཀོ བྷིཀྑུ ཨམཱུལཀེན པཱརཱཛིཀེན ཨནུདྡྷཾསིཏཾ པཊིཛཱནཱཏི, སངྒྷཱདིསེསཾ ཨཱརོཔེཏྭཱ སངྒྷེན པཝཱརེཏབྦཾ. སོ ཙེ, བྷིཀྑཝེ, ཙོདཀོ བྷིཀྑུ ཨམཱུལཀེན སངྒྷཱདིསེསེན ཨནུདྡྷཾསིཏཾ པཊིཛཱནཱཏི, ཡཐཱདྷམྨཾ ཀཱརཱཔེཏྭཱ སངྒྷེན པཝཱརེཏབྦཾ. སོ ཙེ, བྷིཀྑཝེ, ཙོདཀོ, བྷིཀྑུ ཨམཱུལཀེན ཐུལླཙྩཡེན… པཱཙིཏྟིཡེན… པཱཊིདེསནཱིཡེན… དུཀྐཊེན… དུབྦྷཱསིཏེན ཨནུདྡྷཾསིཏཾ པཊིཛཱནཱཏི, ཡཐཱདྷམྨཾ ཀཱརཱཔེཏྭཱ སངྒྷེན པཝཱརེཏབྦཾ. སོ ཙེ, བྷིཀྑཝེ, ཙུདིཏོ བྷིཀྑུ པཱརཱཛིཀཾ ཨཛ྄ཛྷཱཔནྣོཏི པཊིཛཱནཱཏི, ནཱསེཏྭཱ སངྒྷེན པཝཱརེཏབྦཾ. སོ ཙེ, བྷིཀྑཝེ, ཙུདིཏོ བྷིཀྑུ སངྒྷཱདིསེསཾ ཨཛ྄ཛྷཱཔནྣོཏི པཊིཛཱནཱཏི, སངྒྷཱདིསེསཾ ཨཱརོཔེཏྭཱ སངྒྷེན པཝཱརེཏབྦཾ. སོ ཙེ, བྷིཀྑཝེ, ཙུདིཏོ བྷིཀྑུ ཐུལླཙྩཡཾ… པཱཙིཏྟིཡཾ… པཱཊིདེསནཱིཡཾ… དུཀྐཊཾ… དུབྦྷཱསིཏཾ ཨཛ྄ཛྷཱཔནྣོཏི པཊིཛཱནཱཏི, ཡཐཱདྷམྨཾ ཀཱརཱཔེཏྭཱ སངྒྷེན པཝཱརེཏབྦཾ.

པཝཱརཎཱཋཔནཾ ནིཊྛིཏཾ.

༡༤༢. ཐུལླཙྩཡཝཏྠུཀཱདི

༢༣༨. ཨིདྷ པན, བྷིཀྑཝེ, བྷིཀྑུ ཏདཧུ པཝཱརཎཱཡ ཐུལླཙྩཡཾ ཨཛ྄ཛྷཱཔནྣོ ཧོཏི. ཨེཀཙྩེ བྷིཀྑཱུ ཐུལླཙྩཡདིཊྛིནོ ཧོནྟི, ཨེཀཙྩེ བྷིཀྑཱུ སངྒྷཱདིསེསདིཊྛིནོ ཧོནྟི. ཡེ ཏེ, བྷིཀྑཝེ, བྷིཀྑཱུ ཐུལླཙྩཡདིཊྛིནོ, ཏེཧི སོ, བྷིཀྑཝེ, བྷིཀྑུ ཨེཀམནྟཾ ཨཔནེཏྭཱ ཡཐཱདྷམྨཾ ཀཱརཱཔེཏྭཱ སངྒྷཾ ཨུཔསངྐམིཏྭཱ ཨེཝམསྶ ཝཙནཱིཡོ – ‘‘ཡཾ ཁོ སོ, ཨཱཝུསོ, བྷིཀྑུ ཨཱཔཏྟིཾ ཨཱཔནྣོ, སཱསྶ ཡཐཱདྷམྨཾ པཊིཀཏཱ. ཡདི སངྒྷསྶ པཏྟཀལླཾ, སངྒྷོ པཝཱརེཡྻཱ’’ཏི.

ཨིདྷ པན, བྷིཀྑཝེ, བྷིཀྑུ ཏདཧུ པཝཱརཎཱཡ ཐུལླཙྩཡཾ ཨཛ྄ཛྷཱཔནྣོ ཧོཏི. ཨེཀཙྩེ བྷིཀྑཱུ ཐུལླཙྩཡདིཊྛིནོ ཧོནྟི, ཨེཀཙྩེ བྷིཀྑཱུ པཱཙིཏྟིཡདིཊྛིནོ ཧོནྟི…པེ… ཨེཀཙྩེ བྷིཀྑཱུ ཐུལླཙྩཡདིཊྛིནོ ཧོནྟི, ཨེཀཙྩེ བྷིཀྑཱུ པཱཊིདེསནཱིཡདིཊྛིནོ ཧོནྟི… ཨེཀཙྩེ བྷིཀྑཱུ ཐུལླཙྩཡདིཊྛིནོ ཧོནྟི, ཨེཀཙྩེ བྷིཀྑཱུ དུཀྐཊདིཊྛིནོ ཧོནྟི… ཨེཀཙྩེ བྷིཀྑཱུ ཐུལླཙྩཡདིཊྛིནོ ཧོནྟི, ཨེཀཙྩེ བྷིཀྑཱུ དུབྦྷཱསིཏདིཊྛིནོ ཧོནྟི. ཡེ ཏེ, བྷིཀྑཝེ, བྷིཀྑཱུ ཐུལླཙྩཡདིཊྛིནོ, ཏེཧི སོ, བྷིཀྑཝེ, བྷིཀྑུ ཨེཀམནྟཾ ཨཔནེཏྭཱ ཡཐཱདྷམྨཾ ཀཱརཱཔེཏྭཱ སངྒྷཾ ཨུཔསངྐམིཏྭཱ ཨེཝམསྶ ཝཙནཱིཡོ – ‘‘ཡཾ ཁོ སོ, ཨཱཝུསོ, བྷིཀྑུ ཨཱཔཏྟིཾ ཨཱཔནྣོ, སཱསྶ ཡཐཱདྷམྨཾ པཊིཀཏཱ. ཡདི སངྒྷསྶ པཏྟཀལླཾ, སངྒྷོ པཝཱརེཡྻཱ’’ཏི.

ཨིདྷ པན, བྷིཀྑཝེ, བྷིཀྑུ ཏདཧུ པཝཱརཎཱཡ པཱཙིཏྟིཡཾ ཨཛ྄ཛྷཱཔནྣོ ཧོཏི…པེ… པཱཊིདེསནཱིཡཾ ཨཛ྄ཛྷཱཔནྣོ ཧོཏི… དུཀྐཊཾ ཨཛ྄ཛྷཱཔནྣོ ཧོཏི… དུབྦྷཱསིཏཾ ཨཛ྄ཛྷཱཔནྣོ ཧོཏི. ཨེཀཙྩེ བྷིཀྑཱུ དུབྦྷཱསིཏདིཊྛིནོ ཧོནྟི, ཨེཀཙྩེ བྷིཀྑཱུ སངྒྷཱདིསེསདིཊྛིནོ ཧོནྟི. ཡེ ཏེ, བྷིཀྑཝེ, བྷིཀྑཱུ དུབྦྷཱསིཏདིཊྛིནོ, ཏེཧི སོ, བྷིཀྑཝེ, བྷིཀྑུ ཨེཀམནྟཾ ཨཔནེཏྭཱ ཡཐཱདྷམྨཾ ཀཱརཱཔེཏྭཱ སངྒྷཾ ཨུཔསངྐམིཏྭཱ ཨེཝམསྶ ཝཙནཱིཡོ – ‘‘ཡཾ ཁོ སོ, ཨཱཝུསོ, བྷིཀྑུ ཨཱཔཏྟིཾ ཨཱཔནྣོ, སཱསྶ ཡཐཱདྷམྨཾ པཊིཀཏཱ. ཡདི སངྒྷསྶ པཏྟཀལླཾ, སངྒྷོ པཝཱརེཡྻཱ’’ཏི.

ཨིདྷ པན, བྷིཀྑཝེ, བྷིཀྑུ ཏདཧུ པཝཱརཎཱཡ དུབྦྷཱསིཏཾ ཨཛ྄ཛྷཱཔནྣོ ཧོཏི. ཨེཀཙྩེ བྷིཀྑཱུ དུབྦྷཱསིཏདིཊྛིནོ ཧོནྟི, ཨེཀཙྩེ བྷིཀྑཱུ ཐུལླཙྩཡདིཊྛིནོ ཧོནྟི…པེ… ཨེཀཙྩེ བྷིཀྑཱུ དུབྦྷཱསིཏདིཊྛིནོ ཧོནྟི, ཨེཀཙྩེ བྷིཀྑཱུ པཱཙིཏྟིཡདིཊྛིནོ ཧོནྟི… ཨེཀཙྩེ བྷིཀྑཱུ དུབྦྷཱསིཏདིཊྛིནོ ཧོནྟི, ཨེཀཙྩེ བྷིཀྑཱུ པཱཊིདེསནཱིཡདིཊྛིནོ ཧོནྟི… ཨེཀཙྩེ བྷིཀྑཱུ དུབྦྷཱསིཏདིཊྛིནོ ཧོནྟི, ཨེཀཙྩེ བྷིཀྑཱུ དུཀྐཊདིཊྛིནོ ཧོནྟི. ཡེ ཏེ, བྷིཀྑཝེ, བྷིཀྑཱུ དུབྦྷཱསིཏདིཊྛིནོ, ཏེཧི སོ, བྷིཀྑཝེ, བྷིཀྑུ ཨེཀམནྟཾ ཨཔནེཏྭཱ ཡཐཱདྷམྨཾ ཀཱརཱཔེཏྭཱ སངྒྷཾ ཨུཔསངྐམིཏྭཱ ཨེཝམསྶ ཝཙནཱིཡོ – ‘‘ཡཾ ཁོ སོ, ཨཱཝུསོ, བྷིཀྑུ ཨཱཔཏྟིཾ ཨཱཔནྣོ, སཱསྶ ཡཐཱདྷམྨཾ པཊིཀཏཱ. ཡདི སངྒྷསྶ པཏྟཀལླཾ, སངྒྷོ པཝཱརེཡྻཱ’’ཏི.

ཐུལླཙྩཡཝཏྠུཀཱདི ནིཊྛིཏཱ.

༡༤༣. ཝཏྠུཋཔནཱདི

༢༣༩. ཨིདྷ པན, བྷིཀྑཝེ, བྷིཀྑུ ཏདཧུ པཝཱརཎཱཡ སངྒྷམཛ྄ཛྷེ ཨུདཱཧརེཡྻ – ‘‘སུཎཱཏུ མེ, བྷནྟེ, སངྒྷོ. ཨིདཾ ཝཏྠུ པཉྙཱཡཏི, ན པུགྒལོ. ཡདི སངྒྷསྶ པཏྟཀལླཾ, ཝཏྠུཾ ཋཔེཏྭཱ སངྒྷོ པཝཱརེཡྻཱ’’ཏི. སོ ཨེཝམསྶ ཝཙནཱིཡོ – ‘‘བྷགཝཏཱ ཁོ, ཨཱཝུསོ, ཝིསུདྡྷཱནཾ པཝཱརཎཱ པཉྙཏྟཱ. སཙེ ཝཏྠུ པཉྙཱཡཏི, ན པུགྒལོ, ཨིདཱནེཝ ནཾ ཝདེཧཱི’’ཏི.

ཨིདྷ པན, བྷིཀྑཝེ, བྷིཀྑུ ཏདཧུ པཝཱརཎཱཡ སངྒྷམཛ྄ཛྷེ ཨུདཱཧརེཡྻ – ‘‘སུཎཱཏུ མེ, བྷནྟེ, སངྒྷོ. ཨཡཾ པུགྒལོ པཉྙཱཡཏི, ན ཝཏྠུ. ཡདི སངྒྷསྶ པཏྟཀལླཾ, པུགྒལཾ ཋཔེཏྭཱ སངྒྷོ པཝཱརེཡྻཱ’’ཏི. སོ ཨེཝམསྶ ཝཙནཱིཡོ – ‘‘བྷགཝཏཱ ཁོ, ཨཱཝུསོ, སམགྒཱནཾ པཝཱརཎཱ པཉྙཏྟཱ. སཙེ པུགྒལོ པཉྙཱཡཏི, ན ཝཏྠུ, ཨིདཱནེཝ ནཾ ཝདེཧཱི’’ཏི.

ཨིདྷ པན, བྷིཀྑཝེ, བྷིཀྑུ ཏདཧུ པཝཱརཎཱཡ སངྒྷམཛ྄ཛྷེ ཨུདཱཧརེཡྻ – ‘‘སུཎཱཏུ མེ, བྷནྟེ, སངྒྷོ. ཨིདཾ ཝཏྠུ ཙ པུགྒལོ ཙ པཉྙཱཡཏི. ཡདི སངྒྷསྶ པཏྟཀལླཾ, ཝཏྠུཉྩ པུགྒལཉྩ ཋཔེཏྭཱ སངྒྷོ པཝཱརེཡྻཱ’’ཏི. སོ ཨེཝམསྶ ཝཙནཱིཡོ – ‘‘བྷགཝཏཱ ཁོ, ཨཱཝུསོ, ཝིསུདྡྷཱནཉྩ སམགྒཱནཉྩ པཝཱརཎཱ པཉྙཏྟཱ. སཙེ ཝཏྠུ ཙ པུགྒལོ ཙ པཉྙཱཡཏི, ཨིདཱནེཝ ནཾ ཝདེཧཱི’’ཏི.

པུབྦེ ཙེ, བྷིཀྑཝེ, པཝཱརཎཱཡ ཝཏྠུ པཉྙཱཡཏི, པཙྪཱ པུགྒལོ, ཀལླཾ ཝཙནཱཡ. པུབྦེ ཙེ, བྷིཀྑཝེ, པཝཱརཎཱཡ པུགྒལོ པཉྙཱཡཏི, པཙྪཱ ཝཏྠུ, ཀལླཾ ཝཙནཱཡ. པུབྦེ ཙེ, བྷིཀྑཝེ, པཝཱརཎཱཡ ཝཏྠུ ཙ པུགྒལོ ཙ པཉྙཱཡཏི, ཏཾ ཙེ ཀཏཱཡ པཝཱརཎཱཡ ཨུཀྐོཊེཏི, ཨུཀྐོཊནཀཾ པཱཙིཏྟིཡནྟི.

ཝཏྠུཋཔནཱདི ནིཊྛིཏཱ.

༡༤༤. བྷཎྜནཀཱརཀཝཏྠུ

༢༤༠. ཏེན ཁོ པན སམཡེན སམྦཧུལཱ སནྡིཊྛཱ སམྦྷཏྟཱ བྷིཀྑཱུ ཀོསལེསུ ཛནཔདེ ཨཉྙཏརསྨིཾ ཨཱཝཱསེ ཝསྶཾ ཨུཔགཙྪིཾསུ. ཏེསཾ སཱམནྟཱ ཨཉྙེ བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ ཝསྶཾ ཨུཔགཙྪིཾསུ – མཡཾ ཏེསཾ བྷིཀྑཱུནཾ ཝསྶཾཝུཊྛཱནཾ པཝཱརཎཱཡ པཝཱརཎཾ ཋཔེསྶཱམཱཏི. ཨསྶོསུཾ ཁོ ཏེ བྷིཀྑཱུ – ‘‘ཨམྷཱཀཾ ཀིར སཱམནྟཱ ཨཉྙེ བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ ཝསྶཾ ཨུཔགཏཱ – མཡཾ ཏེསཾ བྷིཀྑཱུནཾ ཝསྶཾཝུཊྛཱནཾ པཝཱརཎཱཡ པཝཱརཎཾ ཋཔེསྶཱམཱ’’ཏི. ཀཐཾ ནུ ཁོ ཨམྷེཧི པཊིཔཛྫིཏབྦནྟི? བྷགཝཏོ ཨེཏམཏྠཾ ཨཱརོཙེསུཾ.

ཨིདྷ པན, བྷིཀྑཝེ, སམྦཧུལཱ སནྡིཊྛཱ སམྦྷཏྟཱ བྷིཀྑཱུ ཨཉྙཏརསྨིཾ ཨཱཝཱསེ ཝསྶཾ ཨུཔགཙྪནྟི. ཏེསཾ སཱམནྟཱ ཨཉྙེ བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ ཝསྶཾ ཨུཔགཙྪནྟི – མཡཾ ཏེསཾ བྷིཀྑཱུནཾ ཝསྶཾཝུཊྛཱནཾ པཝཱརཎཱཡ པཝཱརཎཾ ཋཔེསྶཱམཱཏི. ཨནུཛཱནཱམི, བྷིཀྑཝེ, ཏེཧི བྷིཀྑཱུཧི དྭེ ཏཡོ ཨུཔོསཐེ ཙཱཏུདྡསིཀེ ཀཱཏུཾ – ཀཐཾ མཡཾ ཏེཧི བྷིཀྑཱུཧི པཋམཏརཾ པཝཱརེཡྻཱམཱཏི. ཏེ ཙེ, བྷིཀྑཝེ, བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ ཏཾ ཨཱཝཱསཾ ཨཱགཙྪནྟི, ཏེཧི, བྷིཀྑཝེ, ཨཱཝཱསིཀེཧི བྷིཀྑཱུཧི ལཧུཾ ལཧུཾ སནྣིཔཏིཏྭཱ པཝཱརེཏབྦཾ, པཝཱརེཏྭཱ ཝཏྟབྦཱ – ‘‘པཝཱརིཏཱ ཁོ མཡཾ, ཨཱཝུསོ; ཡཐཱཡསྨནྟཱ མཉྙནྟི ཏཐཱ ཀརོནྟཱུ’’ཏི. ཏེ ཙེ, བྷིཀྑཝེ, བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ ཨསཾཝིཧིཏཱ ཏཾ ཨཱཝཱསཾ ཨཱགཙྪནྟི, ཏེཧི, བྷིཀྑཝེ, ཨཱཝཱསིཀེཧི བྷིཀྑཱུཧི ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཏབྦཾ, པཙྩུགྒནྟྭཱ པཏྟཙཱིཝརཾ པཊིགྒཧེཏབྦཾ, པཱནཱིཡེན པརིཔུཙྪིཏབྦཱ; ཏེསཾ ཝིཀྑིཏྭཱ [ཝིཀྑིཔཱཔེཏྭཱ (པཊིཝིསོདྷཀཱནཾ མཏི), ཨཱཙིཀྑིཏྭཱ (ཀ.)] ནིསྶཱིམཾ གནྟྭཱ པཝཱརེཏབྦཾ, པཝཱརེཏྭཱ ཝཏྟབྦཱ – ‘‘པཝཱརིཏཱ ཁོ མཡཾ, ཨཱཝུསོ; ཡཐཱཡསྨནྟཱ མཉྙནྟི ཏཐཱ ཀརོནྟཱུ’’ཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཨཱཝཱསིཀེན བྷིཀྑུནཱ བྱཏྟེན པཊིབལེན ཨཱཝཱསིཀཱ བྷིཀྑཱུ ཉཱཔེཏབྦཱ –

‘‘སུཎནྟུ མེ, ཨཱཡསྨནྟོ [ཨཱཡསྨནྟཱ (ཀ.)], ཨཱཝཱསིཀཱ. ཡདཱཡསྨནྟཱནཾ པཏྟཀལླཾ, ཨིདཱནི ཨུཔོསཐཾ ཀརེཡྻཱམ, པཱཏིམོཀྑཾ ཨུདྡིསེཡྻཱམ, ཨཱགམེ ཀཱལེ༹ པཝཱརེཡྻཱམཱ’’ཏི. ཏེ ཙེ, བྷིཀྑཝེ, བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ ཏེ བྷིཀྑཱུ ཨེཝཾ ཝདེཡྻུཾ – ‘‘སཱདྷཱཝུསོ, ཨིདཱནེཝ ནོ པཝཱརེཐཱ’’ཏི, ཏེ ཨེཝམསྶུ ཝཙནཱིཡཱ – ‘‘ཨནིསྶརཱ ཁོ ཏུམྷེ, ཨཱཝུསོ, ཨམྷཱཀཾ པཝཱརཎཱཡ; ན ཏཱཝ མཡཾ པཝཱརེཡྻཱམཱ’’ཏི. ཏེ ཙེ, བྷིཀྑཝེ, བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ ཏཾ ཀཱལ༹ཾ ཨནུཝསེཡྻུཾ, ཨཱཝཱསིཀེན, བྷིཀྑཝེ, བྷིཀྑུནཱ བྱཏྟེན པཊིབལེན ཨཱཝཱསིཀཱ བྷིཀྑཱུ ཉཱཔེཏབྦཱ –

‘‘སུཎནྟུ མེ, ཨཱཡསྨནྟོ, ཨཱཝཱསིཀཱ. ཡདཱཡསྨནྟཱནཾ པཏྟཀལླཾ, ཨིདཱནི ཨུཔོསཐཾ ཀརེཡྻཱམ, པཱཏིམོཀྑཾ ཨུདྡིསེཡྻཱམ, ཨཱགམེ ཛུཎྷེ པཝཱརེཡྻཱམཱ’’ཏི. ཏེ ཙེ, བྷིཀྑཝེ, བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ ཏེ བྷིཀྑཱུ ཨེཝཾ ཝདེཡྻུཾ – ‘‘སཱདྷཱཝུསོ, ཨིདཱནེཝ ནོ པཝཱརེཡྻཱཐཱ’’ཏི, ཏེ ཨེཝམསྶུ ཝཙནཱིཡཱ – ‘‘ཨནིསྶརཱ ཁོ ཏུམྷེ, ཨཱཝུསོ, ཨམྷཱཀཾ པཝཱརཎཱཡ, ན ཏཱཝ མཡཾ པཝཱརེཡྻཱམཱ’’ཏི. ཏེ ཙེ, བྷིཀྑཝེ, བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ ཏམྤི ཛུཎྷཾ ཨནུཝསེཡྻུཾ, ཏེཧི, བྷིཀྑཝེ, བྷིཀྑཱུཧི སབྦེཧེཝ ཨཱགམེ ཛུཎྷེ ཀོམུདིཡཱ ཙཱཏུམཱསིནིཡཱ ཨཀཱམཱ པཝཱརེཏབྦཾ.

ཏེཧི ཙེ, བྷིཀྑཝེ, བྷིཀྑཱུཧི པཝཱརིཡམཱནེ གིལཱནོ ཨགིལཱནསྶ པཝཱརཎཾ ཋཔེཏི, སོ ཨེཝམསྶ ཝཙནཱིཡོ – ‘‘ཨཱཡསྨཱ ཁོ གིལཱནོ. གིལཱནོ ཙ ཨནནུཡོགཀྑམོ ཝུཏྟོ བྷགཝཏཱ. ཨཱགམེཧི, ཨཱཝུསོ, ཡཱཝ ཨརོགོ ཧོསི. ཨརོགོ ཨཱཀངྑམཱནོ ཙོདེསྶསཱི’’ཏི. ཨེཝཉྩེ ཝུཙྩམཱནོ ཙོདེཏི, ཨནཱདརིཡེ པཱཙིཏྟིཡཾ. ཏེཧི ཙེ, བྷིཀྑཝེ, བྷིཀྑཱུཧི པཝཱརིཡམཱནེ ཨགིལཱནོ གིལཱནསྶ པཝཱརཎཾ ཋཔེཏི, སོ ཨེཝམསྶ ཝཙནཱིཡོ – ‘‘ཨཡཾ ཁོ, ཨཱཝུསོ, བྷིཀྑུ གིལཱནོ. གིལཱནོ ཙ ཨནནུཡོགཀྑམོ ཝུཏྟོ བྷགཝཏཱ. ཨཱགམེཧི, ཨཱཝུསོ, ཡཱཝཱཡཾ བྷིཀྑུ ཨརོགོ ཧོཏི. ཨརོགཾ ཨཱཀངྑམཱནོ ཙོདེསྶསཱི’’ཏི. ཨེཝཉྩེ ཝུཙྩམཱནོ ཙོདེཏི, ཨནཱདརིཡེ པཱཙིཏྟིཡཾ. ཏེཧི ཙེ, བྷིཀྑཝེ, བྷིཀྑཱུཧི པཝཱརིཡམཱནེ གིལཱནོ གིལཱནསྶ པཝཱརཎཾ ཋཔེཏི, སོ ཨེཝམསྶ ཝཙནཱིཡོ – ‘‘ཨཱཡསྨནྟཱ ཁོ གིལཱནཱ. གིལཱནོ ཙ ཨནནུཡོགཀྑམོ ཝུཏྟོ བྷགཝཏཱ. ཨཱགམེཧི, ཨཱཝུསོ, ཡཱཝ ཨརོགཱ ཧོཐ. ཨརོགོ ཨརོགཾ ཨཱཀངྑམཱནོ ཙོདེསྶསཱི’’ཏི [ཡཱཝ ཨརོགོ ཧོཏི, ཨརོགཾ ཨཱཀངྑམཱནོ ཙོདེསྶསཱིཏི (ཀ.)]. ཨེཝཉྩེ ཝུཙྩམཱནོ ཙོདེཏི, ཨནཱདརིཡེ པཱཙིཏྟིཡཾ. ཏེཧི ཙེ, བྷིཀྑཝེ, བྷིཀྑཱུཧི པཝཱརིཡམཱནེ ཨགིལཱནོ ཨགིལཱནསྶ པཝཱརཎཾ ཋཔེཏི, ཨུབྷོ སངྒྷེན སམནུཡུཉྫིཏྭཱ སམནུགཱཧིཏྭཱ [སམནུབྷཱསིཏྭཱ (སཱི.)] ཡཐཱདྷམྨཾ ཀཱརཱཔེཏྭཱ སངྒྷེན པཝཱརེཏབྦནྟི.

བྷཎྜནཀཱརཀཝཏྠུ ནིཊྛིཏཾ.

༡༤༥. པཝཱརཎཱསངྒཧོ

༢༤༡. ཏེན ཁོ པན སམཡེན སམྦཧུལཱ སནྡིཊྛཱ སམྦྷཏྟཱ བྷིཀྑཱུ ཀོསལེསུ ཛནཔདེ ཨཉྙཏརསྨིཾ ཨཱཝཱསེ ཝསྶཾ ཨུཔགཙྪིཾསུ. ཏེསཾ སམགྒཱནཾ སམྨོདམཱནཱནཾ ཨཝིཝདམཱནཱནཾ ཝིཧརཏཾ ཨཉྙཏརོ ཕཱསུཝིཧཱརོ ཨདྷིགཏོ ཧོཏི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘ཨམྷཱཀཾ ཁོ སམགྒཱནཾ སམྨོདམཱནཱནཾ ཨཝིཝདམཱནཱནཾ ཝིཧརཏཾ ཨཉྙཏརོ ཕཱསུཝིཧཱརོ ཨདྷིགཏོ. སཙེ མཡཾ ཨིདཱནི པཝཱརེསྶཱམ, སིཡཱཔི བྷིཀྑཱུ པཝཱརེཏྭཱ ཙཱརིཀཾ པཀྐམེཡྻུཾ. ཨེཝཾ མཡཾ ཨིམམྷཱ ཕཱསུཝིཧཱརཱ པརིབཱཧིརཱ བྷཝིསྶཱམ. ཀཐཾ ནུ ཁོ ཨམྷེཧི པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ.

ཨིདྷ པན, བྷིཀྑཝེ, སམྦཧུལཱ སནྡིཊྛཱ སམྦྷཏྟཱ བྷིཀྑཱུ ཨཉྙཏརསྨིཾ ཨཱཝཱསེ ཝསྶཾ ཨུཔགཙྪནྟི. ཏེསཾ སམགྒཱནཾ སམྨོདམཱནཱནཾ ཨཝིཝདམཱནཱནཾ ཝིཧརཏཾ ཨཉྙཏརོ ཕཱསུཝིཧཱརོ ཨདྷིགཏོ ཧོཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨམྷཱཀཾ ཁོ སམགྒཱནཾ སམྨོདམཱནཱནཾ ཨཝིཝདམཱནཱནཾ ཝིཧརཏཾ ཨཉྙཏརོ ཕཱསུཝིཧཱརོ ཨདྷིགཏོ. སཙེ མཡཾ ཨིདཱནི པཝཱརེསྶཱམ, སིཡཱཔི བྷིཀྑཱུ པཝཱརེཏྭཱ ཙཱརིཀཾ པཀྐམེཡྻུཾ. ཨེཝཾ མཡཾ ཨིམམྷཱ ཕཱསུཝིཧཱརཱ པརིབཱཧིརཱ བྷཝིསྶཱམཱ’’ཏི, ཨནུཛཱནཱམི, བྷིཀྑཝེ, ཏེཧི བྷིཀྑཱུཧི པཝཱརཎཱསངྒཧཾ ཀཱཏུཾ. ཨེཝཉྩ པན, བྷིཀྑཝེ, ཀཱཏབྦོ. སབྦེཧེཝ ཨེཀཛ྄ཛྷཾ སནྣིཔཏིཏབྦཾ – སནྣིཔཏིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨམྷཱཀཾ སམགྒཱནཾ སམྨོདམཱནཱནཾ ཨཝིཝདམཱནཱནཾ ཝིཧརཏཾ ཨཉྙཏརོ ཕཱསུཝིཧཱརོ ཨདྷིགཏོ. སཙེ མཡཾ ཨིདཱནི པཝཱརེསྶཱམ, སིཡཱཔི བྷིཀྑཱུ པཝཱརེཏྭཱ ཙཱརིཀཾ པཀྐམེཡྻུཾ. ཨེཝཾ མཡཾ ཨིམམྷཱ ཕཱསུཝིཧཱརཱ པརིབཱཧིརཱ བྷཝིསྶཱམ. ཡདི སངྒྷསྶ པཏྟཀལླཾ, སངྒྷོ པཝཱརཎཱསངྒཧཾ ཀརེཡྻ, ཨིདཱནི ཨུཔོསཐཾ ཀརེཡྻ, པཱཏིམོཀྑཾ ཨུདྡིསེཡྻ, ཨཱགམེ ཛུཎྷེ ཀོམུདིཡཱ ཙཱཏུམཱསིནིཡཱ པཝཱརེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨམྷཱཀཾ སམགྒཱནཾ སམྨོདམཱནཱནཾ ཨཝིཝདམཱནཱནཾ ཝིཧརཏཾ ཨཉྙཏརོ ཕཱསུཝིཧཱརོ ཨདྷིགཏོ. སཙེ མཡཾ ཨིདཱནི པཝཱརེསྶཱམ, སིཡཱཔི བྷིཀྑཱུ པཝཱརེཏྭཱ ཙཱརིཀཾ པཀྐམེཡྻུཾ. ཨེཝཾ མཡཾ ཨིམམྷཱ ཕཱསུཝིཧཱརཱ པརིབཱཧིརཱ བྷཝིསྶཱམ. སངྒྷོ པཝཱརཎཱསངྒཧཾ ཀརོཏི, ཨིདཱནི ཨུཔོསཐཾ ཀརིསྶཏི, པཱཏིམོཀྑཾ ཨུདྡིསིསྶཏི, ཨཱགམེ ཛུཎྷེ ཀོམུདིཡཱ ཙཱཏུམཱསིནིཡཱ པཝཱརེསྶཏི. ཡསྶཱཡསྨཏོ ཁམཏི པཝཱརཎཱསངྒཧསྶ ཀརཎཾ, ཨིདཱནི ཨུཔོསཐཾ ཀརིསྶཏི, པཱཏིམོཀྑཾ ཨུདྡིསིསྶཏི, ཨཱགམེ ཛུཎྷེ ཀོམུདིཡཱ ཙཱཏུམཱསིནིཡཱ པཝཱརེསྶཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཀཏོ སངྒྷེན པཝཱརཎཱསངྒཧོ, ཨིདཱནི ཨུཔོསཐཾ ཀརིསྶཏི, པཱཏིམོཀྑཾ ཨུདྡིསིསྶཏི, ཨཱགམེ ཛུཎྷེ ཀོམུདིཡཱ ཙཱཏུམཱསིནིཡཱ པཝཱརེསྶཏི. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཏེཧི ཙེ, བྷིཀྑཝེ, བྷིཀྑཱུཧི ཀཏེ པཝཱརཎཱསངྒཧེ ཨཉྙཏརོ བྷིཀྑུ ཨེཝཾ ཝདེཡྻ – ‘‘ཨིཙྪཱམཧཾ, ཨཱཝུསོ, ཛནཔདཙཱརིཀཾ པཀྐམིཏུཾ; ཨཏྠི མེ ཛནཔདེ ཀརཎཱིཡ’’ནྟི, སོ ཨེཝམསྶ ཝཙནཱིཡོ – ‘‘སཱདྷཱཝུསོ, པཝཱརེཏྭཱ གཙྪཱཧཱི’’ཏི. སོ ཙེ, བྷིཀྑཝེ, བྷིཀྑུ པཝཱརཡམཱནོ ཨཉྙཏརསྶ བྷིཀྑུནོ པཝཱརཎཾ ཋཔེཏི, སོ ཨེཝམསྶ ཝཙནཱིཡོ – ‘‘ཨནིསྶརོ ཁོ མེ ཏྭཾ, ཨཱཝུསོ, པཝཱརཎཱཡ, ན ཏཱཝཱཧཾ པཝཱརེསྶཱམཱི’’ཏི. ཏསྶ ཙེ, བྷིཀྑཝེ, བྷིཀྑུནོ པཝཱརཡམཱནསྶ ཨཉྙཏརོ བྷིཀྑུ ཏསྶ བྷིཀྑུནོ པཝཱརཎཾ ཋཔེཏི, ཨུབྷོ སངྒྷེན སམནུཡུཉྫིཏྭཱ སམནུགཱཧིཏྭཱ ཡཐཱདྷམྨཾ ཀཱརཱཔེཏབྦཱ. སོ ཙེ, བྷིཀྑཝེ, བྷིཀྑུ ཛནཔདེ ཏཾ ཀརཎཱིཡཾ ཏཱིརེཏྭཱ པུནདེཝ ཨནྟོ ཀོམུདིཡཱ ཙཱཏུམཱསིནིཡཱ ཏཾ ཨཱཝཱསཾ ཨཱགཙྪཏི, ཏེཧི ཙེ, བྷིཀྑཝེ, བྷིཀྑཱུཧི པཝཱརིཡམཱནེ ཨཉྙཏརོ བྷིཀྑུ ཏསྶ བྷིཀྑུནོ པཝཱརཎཾ ཋཔེཏི, སོ ཨེཝམསྶ ཝཙནཱིཡོ – ‘‘ཨནིསྶརོ ཁོ མེ ཏྭཾ, ཨཱཝུསོ, པཝཱརཎཱཡ; པཝཱརིཏོ ཨཧ’’ནྟི. ཏེཧི ཙེ, བྷིཀྑཝེ, བྷིཀྑཱུཧི པཝཱརིཡམཱནེ སོ བྷིཀྑུ ཨཉྙཏརསྶ བྷིཀྑུནོ པཝཱརཎཾ ཋཔེཏི, ཨུབྷོ སངྒྷེན སམནུཡུཉྫིཏྭཱ སམནུགཱཧིཏྭཱ ཡཐཱདྷམྨཾ ཀཱརཱཔེཏྭཱ སངྒྷེན པཝཱརེཏབྦནྟི.

པཝཱརཎཱསངྒཧོ ནིཊྛིཏོ.

པཝཱརཎཱཀྑནྡྷཀོ ཙཏུཏྠོ.

༡༤༦. ཏསྶུདྡཱནཾ

ཝསྶཾཝུཊྛཱ ཀོསལེསུ, ཨགམུཾ སཏྠུ དསྶནཾ;

ཨཕཱསུཾ པསུསཾཝཱསཾ, ཨཉྙམཉྙཱནུལོམཏཱ.

པཝཱརེནྟཱ པཎཱམཉྩ [པཝཱརེནྟཱསནེ དྭེ ཙ (སཱི. སྱཱ.)], ཀམྨཾ གིལཱནཉཱཏཀཱ;

རཱཛཱ ཙོརཱ ཙ དྷུཏྟཱ ཙ, བྷིཀྑུཔཙྩཏྠིཀཱ ཏཐཱ.

པཉྩ ཙཏུཏཡོ དྭེཀོ, ཨཱཔནྣོ ཝེམཏཱི སརི;

སབྦོ སངྒྷོ ཝེམཏིཀོ, བཧཱུ སམཱ ཙ ཐོཀིཀཱ.

ཨཱཝཱསིཀཱ ཙཱཏུདྡས, ལིངྒསཾཝཱསཀཱ ཨུབྷོ;

གནྟབྦཾ ན ནིསིནྣཱཡ, ཚནྡདཱནེ པཝཱརཎཱ [ཚནྡདཱནཔཝཱརཎཱ (ཀ.)].

སཝརེཧི ཁེཔིཏཱ མེགྷོ, ཨནྟརཱ ཙ པཝཱརཎཱ;

ན ཨིཙྪནྟི པུརམྷཱཀཾ, ཨཊྛཔིཏཱ ཙ བྷིཀྑུནོ.

ཀིམྷི ཝཱཏི ཀཏམཉྩ, དིཊྛེན སུཏསངྐཱཡ;

ཙོདཀོ ཙུདིཏཀོ ཙ, ཐུལླཙྩཡཾ ཝཏྠུ བྷཎྜནཾ;

པཝཱརཎཱསངྒཧོ ཙ, ཨནིསྶརོ པཝཱརཡེཏི.

ཨིམམྷི ཁནྡྷཀེ ཝཏྠཱུནི ཚཙཏྟཱརཱིསཱཏི.

པཝཱརཎཱཀྑནྡྷཀོ ནིཊྛིཏོ.

༥. ཙམྨཀྑནྡྷཀོ

༡༤༧. སོཎཀོལི༹ཝིསཝཏྠུ

༢༤༢. ཏེན སམཡེན བུདྡྷོ བྷགཝཱ རཱཛགཧེ ཝིཧརཏི གིཛ྄ཛྷཀཱུཊེ པབྦཏེ. ཏེན ཁོ པན སམཡེན རཱཛཱ མཱགདྷོ སེནིཡོ བིམྦིསཱརོ ཨསཱིཏིཡཱ གཱམསཧསྶེསུ ཨིསྶརིཡཱདྷིཔཙྩཾ རཛྫཾ ཀཱརེཏི. ཏེན ཁོ པན སམཡེན ཙམྤཱཡཾ སོཎོ ནཱམ ཀོལི༹ཝིསོ [ཀོལི༹ཝཱིསོ (སཱི.)] སེཊྛིཔུཏྟོ སུཁུམཱལོ ཧོཏི. ཏསྶ པཱདཏལེསུ ལོམཱནི ཛཱཏཱནི ཧོནྟི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཏཱནི ཨསཱིཏི གཱམིཀསཧསྶཱནི སནྣིཔཱཏཱཔེཏྭཱ ཀེནཙིདེཝ ཀརཎཱིཡེན སོཎསྶ ཀོལི༹ཝིསསྶ སནྟིཀེ དཱུཏཾ པཱཧེསི – ཨཱགཙྪཏུ སོཎོ, ཨིཙྪཱམི སོཎསྶ ཨཱགཏནྟི. ཨཐ ཁོ སོཎསྶ ཀོལི༹ཝིསསྶ མཱཏཱཔིཏརོ སོཎཾ ཀོལི༹ཝིསཾ ཨེཏདཝོཙུཾ – ‘‘རཱཛཱ ཏེ, ཏཱཏ སོཎ, པཱདེ དཀྑིཏུཀཱམོ. མཱ ཁོ ཏྭཾ, ཏཱཏ སོཎ, ཡེན རཱཛཱ ཏེན པཱདེ ཨབྷིཔྤསཱརེཡྻཱསི. རཉྙོ པུརཏོ པལླངྐེན ནིསཱིད. ནིསིནྣསྶ ཏེ རཱཛཱ པཱདེ དཀྑིསྶཏཱི’’ཏི. ཨཐ ཁོ སོཎཾ ཀོལི༹ཝིསཾ སིཝིཀཱཡ ཨཱནེསུཾ. ཨཐ ཁོ སོཎོ ཀོལི༹ཝིསོ ཡེན རཱཛཱ མཱགདྷོ སེནིཡོ བིམྦིསཱརོ ཏེནུཔསངྐམི, ཨུཔསངྐམིཏྭཱ རཱཛཱནཾ མཱགདྷཾ སེནིཡཾ བིམྦིསཱརཾ ཨབྷིཝཱདེཏྭཱ རཉྙོ པུརཏོ པལླངྐེན ནིསཱིདི. ཨདྡསཱ ཁོ རཱཛཱ མཱགདྷོ སེནིཡོ བིམྦིསཱརོ སོཎསྶ ཀོལི༹ཝིསསྶ པཱདཏལེསུ ལོམཱནི ཛཱཏཱནི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཏཱནི ཨསཱིཏི གཱམིཀསཧསྶཱནི དིཊྛདྷམྨིཀེ ཨཏྠེ ཨནུསཱསིཏྭཱ ཨུཡྻོཛེསི – ‘‘ཏུམྷེ ཁྭཏྠ, བྷཎེ, མཡཱ དིཊྛདྷམྨིཀེ ཨཏྠེ ཨནུསཱསིཏཱ; གཙྪཐ, ཏཾ བྷགཝནྟཾ པཡིརུཔཱསཐ; སོ ནོ བྷགཝཱ སམྤརཱཡིཀེ ཨཏྠེ ཨནུསཱསིསྶཏཱི’’ཏི.

ཨཐ ཁོ ཏཱནི ཨསཱིཏི གཱམིཀསཧསྶཱནི ཡེན གིཛ྄ཛྷཀཱུཊོ པབྦཏོ ཏེནུཔསངྐམིཾསུ. ཏེན ཁོ པན སམཡེན ཨཱཡསྨཱ སཱགཏོ བྷགཝཏོ ཨུཔཊྛཱཀོ ཧོཏི. ཨཐ ཁོ ཏཱནི ཨསཱིཏི གཱམིཀསཧསྶཱནི ཡེནཱཡསྨཱ སཱགཏོ ཏེནུཔསངྐམིཾསུ, ཨུཔསངྐམིཏྭཱ ཨཱཡསྨནྟཾ སཱགཏཾ ཨེཏདཝོཙུཾ – ‘‘ཨིམཱནི, བྷནྟེ, ཨསཱིཏི གཱམིཀསཧསྶཱནི ཨིདྷཱུཔསངྐནྟཱནི བྷགཝནྟཾ དསྶནཱཡ; སཱདྷུ མཡཾ, བྷནྟེ, ལབྷེཡྻཱམ བྷགཝནྟཾ དསྶནཱཡཱ’’ཏི. ‘‘ཏེན ཧི ཏུམྷེ ཨཱཡསྨནྟོ མུཧུཏྟཾ ཨིདྷེཝ ཏཱཝ ཧོཐ, ཡཱཝཱཧཾ བྷགཝནྟཾ པཊིཝེདེམཱི’’ཏི. ཨཐ ཁོ ཨཱཡསྨཱ སཱགཏོ ཏེསཾ ཨསཱིཏིཡཱ གཱམིཀསཧསྶཱནཾ པུརཏོ པེཀྑམཱནཱནཾ པཱཊིཀཱཡ ནིམུཛྫིཏྭཱ བྷགཝཏོ པུརཏོ ཨུམྨུཛྫིཏྭཱ བྷགཝནྟཾ ཨེཏདཝོཙ – ‘‘ཨིམཱནི, བྷནྟེ, ཨསཱིཏི གཱམིཀསཧསྶཱནི ཨིདྷཱུཔསངྐནྟཱནི བྷགཝནྟཾ དསྶནཱཡ; ཡསྶ དཱནི, བྷནྟེ, བྷགཝཱ ཀཱལཾ མཉྙཏཱི’’ཏི. ‘‘ཏེན ཧི ཏྭཾ, སཱགཏ, ཝིཧཱརཔཙྪཱཡཱཡཾ ཨཱསནཾ པཉྙཔེཧཱི’’ཏི. ‘‘ཨེཝཾ, བྷནྟེ’’ཏི ཁོ ཨཱཡསྨཱ སཱགཏོ བྷགཝཏོ པཊིསྶུཎིཏྭཱ པཱིཋཾ གཧེཏྭཱ བྷགཝཏོ པུརཏོ ནིམུཛྫིཏྭཱ ཏེསཾ ཨསཱིཏིཡཱ གཱམིཀསཧསྶཱནཾ པུརཏོ པེཀྑམཱནཱནཾ པཱཊིཀཱཡ ཨུམྨུཛྫིཏྭཱ ཝིཧཱརཔཙྪཱཡཱཡཾ ཨཱསནཾ པཉྙཔེཏི. ཨཐ ཁོ བྷགཝཱ ཝིཧཱརཱ ནིཀྑམིཏྭཱ ཝིཧཱརཔཙྪཱཡཱཡཾ པཉྙཏྟེ ཨཱསནེ ནིསཱིདི. ཨཐ ཁོ ཏཱནི ཨསཱིཏི གཱམིཀསཧསྶཱནི ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨཐ ཁོ ཏཱནི ཨསཱིཏི གཱམིཀསཧསྶཱནི ཨཱཡསྨནྟཾཡེཝ སཱགཏཾ སམནྣཱཧརནྟི, ནོ ཏཐཱ བྷགཝནྟཾ. ཨཐ ཁོ བྷགཝཱ ཏེསཾ ཨསཱིཏིཡཱ གཱམིཀསཧསྶཱནཾ ཙེཏསཱ ཙེཏོཔརིཝིཏཀྐམཉྙཱཡ ཨཱཡསྨནྟཾ སཱགཏཾ ཨཱམནྟེསི – ‘‘ཏེན ཧི ཏྭཾ, སཱགཏ, བྷིཡྻོསོམཏྟཱཡ ཨུཏྟརིམནུསྶདྷམྨཾ ཨིདྡྷིཔཱཊིཧཱརིཡཾ དསྶེཧཱི’’ཏི. ‘‘ཨེཝཾ, བྷནྟེ’’ཏི ཁོ ཨཱཡསྨཱ སཱགཏོ བྷགཝཏོ པཊིསྶུཎིཏྭཱ ཝེཧཱསཾ ཨབྦྷུགྒནྟྭཱ ཨཱཀཱསེ ཨནྟལིཀྑེ ཙངྐམཏིཔི, ཏིཊྛཏིཔི, ནིསཱིདཏིཔི, སེཡྻམྤི ཀཔྤེཏི, དྷཱུམཱཡཏིཔི [དྷཱུཔཱཡཏིཔི (སཱི.), པདྷཱུཔཱཡཏིཔི (སྱཱ.)] པཛྫལཏིཔི, ཨནྟརདྷཱཡཏིཔི. ཨཐ ཁོ ཨཱཡསྨཱ སཱགཏོ ཨཱཀཱསེ ཨནྟལིཀྑེ ཨནེཀཝིཧིཏཾ ཨུཏྟརིམནུསྶདྷམྨཾ ཨིདྡྷིཔཱཊིཧཱརིཡཾ དསྶེཏྭཱ བྷགཝཏོ པཱདེསུ སིརསཱ ནིཔཏིཏྭཱ བྷགཝནྟཾ ཨེཏདཝོཙ – ‘‘སཏྠཱ མེ, བྷནྟེ, བྷགཝཱ; སཱཝཀོཧམསྨི. སཏྠཱ མེ, བྷནྟེ, བྷགཝཱ; སཱཝཀོཧམསྨཱི’’ཏི. ཨཐ ཁོ ཏཱནི ཨསཱིཏི གཱམིཀསཧསྶཱནི ‘‘ཨཙྪརིཡཾ ཝཏ བྷོ! ཨབྦྷུཏཾ ཝཏ བྷོ! སཱཝཀོཔི ནཱམ ཨེཝཾ མཧིདྡྷིཀོ བྷཝིསྶཏི, ཨེཝཾ མཧཱནུབྷཱཝོ, ཨཧོ ནཱུན སཏྠཱ’’ཏི བྷགཝནྟཾཡེཝ སམནྣཱཧརནྟི, ནོ ཏཐཱ ཨཱཡསྨནྟཾ སཱགཏཾ.

ཨཐ ཁོ བྷགཝཱ ཏེསཾ ཨསཱིཏིཡཱ གཱམིཀསཧསྶཱནཾ ཙེཏསཱ ཙེཏོཔརིཝིཏཀྐམཉྙཱཡ ཨནུཔུབྦིཾ ཀཐཾ ཀཐེསི, སེཡྻཐིདཾ – དཱནཀཐཾ སཱིལཀཐཾ སགྒཀཐཾ, ཀཱམཱནཾ ཨཱདཱིནཝཾ ཨོཀཱརཾ སཾཀིལེསཾ, ནེཀྑམྨེ ཨཱནིསཾསཾ པཀཱསེསི. ཡདཱ ཏེ བྷགཝཱ ཨཉྙཱསི ཀལླཙིཏྟེ, མུདུཙིཏྟེ, ཝིནཱིཝརཎཙིཏྟེ, ཨུདགྒཙིཏྟེ, པསནྣཙིཏྟེ, ཨཐ ཡཱ བུདྡྷཱནཾ སཱམུཀྐཾསིཀཱ དྷམྨདེསནཱ, ཏཾ པཀཱསེསི – དུཀྑཾ, སམུདཡཾ, ནིརོདྷཾ, མགྒཾ. སེཡྻཐཱཔི ནཱམ སུདྡྷཾ ཝཏྠཾ ཨཔགཏཀཱལ༹ཀཾ སམྨདེཝ རཛནཾ པཊིགྒཎྷེཡྻ, ཨེཝམེཝཾ ཏེསཾ ཨསཱིཏིཡཱ གཱམིཀསཧསྶཱནཾ ཏསྨིཾཡེཝ ཨཱསནེ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ‘‘ཡཾཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨ’’ནྟི. ཏེ དིཊྛདྷམྨཱ པཏྟདྷམྨཱ ཝིདིཏདྷམྨཱ པརིཡོགཱལ༹ྷདྷམྨཱ ཏིཎྞཝིཙིཀིཙྪཱ ཝིགཏཀཐཾཀཐཱ ཝེསཱརཛྫཔྤཏྟཱ ཨཔརཔྤཙྩཡཱ སཏྠུསཱསནེ བྷགཝནྟཾ ཨེཏདཝོཙུཾ – ‘‘ཨབྷིཀྐནྟཾ, བྷནྟེ, ཨབྷིཀྐནྟཾ, བྷནྟེ. སེཡྻཐཱཔི, བྷནྟེ, ནིཀྐུཛྫིཏཾ ཝཱ ཨུཀྐུཛྫེཡྻ, པཊིཙྪནྣཾ ཝཱ ཝིཝརེཡྻ, མཱུལ༹ྷསྶ ཝཱ མགྒཾ ཨཱཙིཀྑེཡྻ, ཨནྡྷཀཱརེ ཝཱ ཏེལཔཛྫོཏཾ དྷཱརེཡྻ – ‘‘ཙཀྑུམནྟོ རཱུཔཱནི དཀྑནྟཱི’’ཏི, ཨེཝམེཝཾ བྷགཝཏཱ ཨནེཀཔརིཡཱཡེན དྷམྨོ པཀཱསིཏོ. ཨེཏེ མཡཾ, བྷནྟེ, བྷགཝནྟཾ སརཎཾ གཙྪཱམ. དྷམྨཉྩ, བྷིཀྑུསངྒྷཉྩ. ཨུཔཱསཀེ ནོ བྷགཝཱ དྷཱརེཏུ ཨཛྫཏགྒེ པཱཎུཔེཏེ སརཎཾ གཏེ’’ཏི.

སོཎསྶ པབྦཛྫཱ

༢༤༣. ཨཐ ཁོ སོཎསྶ ཀོལི༹ཝིསསྶ ཨེཏདཧོསི ‘‘ཡཐཱ ཡཐཱ ཁོ ཨཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ནཡིདཾ སུཀརཾ ཨགཱརཾ ཨཛ྄ཛྷཱཝསཏཱ ཨེཀནྟཔརིཔུཎྞཾ ཨེཀནྟཔརིསུདྡྷཾ སངྑལིཁིཏཾ བྲཧྨཙརིཡཾ ཙརིཏུཾ; ཡཾནཱུནཱཧཾ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛེཡྻ’’ནྟི. ཨཐ ཁོ ཏཱནི ཨསཱིཏི གཱམིཀསཧསྶཱནི བྷགཝཏོ བྷཱསིཏཾ ཨབྷིནནྡིཏྭཱ ཨནུམོདིཏྭཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐམིསུཾ. ཨཐ ཁོ སོཎོ ཀོལི༹ཝིསོ ཨཙིརཔཀྐནྟེསུ ཏེསུ ཨསཱིཏིཡཱ གཱམིཀསཧསྶེསུ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སོཎོ ཀོལི༹ཝིསོ བྷགཝནྟཾ ཨེཏདཝོཙ – ‘‘ཡཐཱ ཡཐཱཧཾ, བྷནྟེ, བྷགཝཏཱ དྷམྨཾ དེསིཏཾ ཨཱཛཱནཱམི, ནཡིདཾ སུཀརཾ ཨགཱརཾ ཨཛ྄ཛྷཱཝསཏཱ ཨེཀནྟཔརིཔུཎྞཾ ཨེཀནྟཔརིསུདྡྷཾ སངྑལིཁིཏཾ བྲཧྨཙརིཡཾ ཙརིཏུཾ. ཨིཙྪཱམཧཾ, བྷནྟེ, ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛིཏུཾ. པབྦཱཛེཏུ མཾ, བྷནྟེ, བྷགཝཱ’’ཏི. ཨལཏྠ ཁོ སོཎོ ཀོལི༹ཝིསོ བྷགཝཏོ སནྟིཀེ པབྦཛྫཾ, ཨལཏྠ ཨུཔསམྤདཾ. ཨཙིརུཔསམྤནྣོ ཙ པནཱཡསྨཱ སོཎོ སཱིཏཝནེ ཝིཧརཏི. ཏསྶ ཨཙྩཱརདྡྷཝཱིརིཡསྶ ཙངྐམཏོ པཱདཱ བྷིཛྫིཾསུ. ཙངྐམོ ལོཧིཏེན ཕུཊོ ཧོཏི, སེཡྻཐཱཔི གཝཱགྷཱཏནཾ. [ཨིཏོ པརཾ ཡཱཝ ཨིམསྶ ཝཏྠུསྶ ཨཝསཱནཾ ཏཱཝ པཱཋོ ཨ. ནི. ༦.༥༥ ཨཱདཡོ] ཨཐ ཁོ ཨཱཡསྨཏོ སོཎསྶ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘‘ཡེ ཁོ ཀེཙི བྷགཝཏོ སཱཝཀཱ ཨཱརདྡྷཝཱིརིཡཱ ཝིཧརནྟི, ཨཧཾ ཏེསཾ ཨཉྙཏརོ. ཨཐ ཙ པན མེ ནཱནུཔཱདཱཡ ཨཱསཝེཧི ཙིཏྟཾ ཝིམུཙྩཏི. སཾཝིཛྫནྟི ཁོ པན མེ ཀུལེ བྷོགཱ; སཀྐཱ བྷོགེ ཙ བྷུཉྫིཏུཾ, པུཉྙཱནི ཙ ཀཱཏུཾ. ཡཾནཱུནཱཧཾ ཧཱིནཱཡཱཝཏྟིཏྭཱ བྷོགེ ཙ བྷུཉྫེཡྻཾ, པུཉྙཱནི ཙ ཀརེཡྻ’’ནྟི. ཨཐ ཁོ བྷགཝཱ ཨཱཡསྨཏོ སོཎསྶ ཙེཏསཱ ཙེཏོཔརིཝིཏཀྐམཉྙཱཡ – སེཡྻཐཱཔི ནཱམ བལཝཱ པུརིསོ སམིཉྫིཏཾ ཝཱ བཱཧཾ པསཱརེཡྻ, པསཱརིཏཾ ཝཱ བཱཧཾ སམིཉྫེཡྻ ཨེཝམེཝ – གིཛ྄ཛྷཀཱུཊེ པབྦཏེ ཨནྟརཧིཏོ སཱིཏཝནེ པཱཏུརཧོསི. ཨཐ ཁོ བྷགཝཱ སམྦཧུལེཧི བྷིཀྑཱུཧི སདྡྷིཾ སེནཱསནཙཱརིཀཾ ཨཱཧིཎྜནྟོ ཡེནཱཡསྨཏོ སོཎསྶ ཙངྐམོ ཏེནུཔསངྐམི. ཨདྡསཱ ཁོ བྷགཝཱ ཨཱཡསྨཏོ སོཎསྶ ཙངྐམཾ ལོཧིཏེན ཕུཊཾ, དིསྭཱན བྷིཀྑཱུ ཨཱམནྟེསི – ‘‘ཀསྶ ནྭཱཡཾ, བྷིཀྑཝེ, ཙངྐམོ ལོཧིཏེན ཕུཊོ, སེཡྻཐཱཔི གཝཱགྷཱཏན’’ནྟི? ‘‘ཨཱཡསྨཏོ, བྷནྟེ, སོཎསྶ ཨཙྩཱརདྡྷཝཱིརིཡསྶ ཙངྐམཏོ པཱདཱ བྷིཛྫིཾསུ. ཏསྶཱཡཾ ཙངྐམོ ལོཧིཏེན ཕུཊོ, སེཡྻཐཱཔི གཝཱགྷཱཏན’’ནྟི.

ཨཐ ཁོ བྷགཝཱ ཡེནཱཡསྨཏོ སོཎསྶ ཝིཧཱརོ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཨཱཡསྨཱཔི ཁོ སོཎོ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨཱཡསྨནྟཾ སོཎཾ བྷགཝཱ ཨེཏདཝོཙ – ‘‘ནནུ ཏེ, སོཎ, རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘ཡེ ཁོ ཀེཙི བྷགཝཏོ སཱཝཀཱ ཨཱརདྡྷཝཱིརིཡཱ ཝིཧརནྟི, ཨཧཾ ཏེསཾ ཨཉྙཏརོ. ཨཐ ཙ པན མེ ནཱནུཔཱདཱཡ ཨཱསཝེཧི ཙིཏྟཾ ཝིམུཙྩཏི. སཾཝིཛྫནྟི ཁོ པན མེ ཀུལེ བྷོགཱ; སཀྐཱ བྷོགེ ཙ བྷུཉྫིཏུཾ, པུཉྙཱནི ཙ ཀཱཏུཾ. ཡཾནཱུནཱཧཾ ཧཱིནཱཡཱཝཏྟིཏྭཱ བྷོགེ ཙ བྷུཉྫེཡྻཾ, པུཉྙཱནི ཙ ཀརེཡྻ’’’ནྟི? ‘‘ཨེཝཾ, བྷནྟེ’’ཏི. ‘‘ཏཾ ཀིཾ མཉྙསི, སོཎ, ཀུསལོ ཏྭཾ པུབྦེ ཨགཱརིཀབྷཱུཏོ ཝཱིཎཱཡ ཏནྟིསྶརེ’’ཏི? ‘‘ཨེཝཾ, བྷནྟེ’’ཏི. ‘‘ཏཾ ཀིཾ མཉྙསི, སོཎ, ཡདཱ ཏེ ཝཱིཎཱཡ ཏནྟིཡོ ཨཙྩཱཡཏཱ ཧོནྟི, ཨཔི ནུ ཏེ ཝཱིཎཱ ཏསྨིཾ སམཡེ སརཝཏཱི ཝཱ ཧོཏི, ཀམྨཉྙཱ ཝཱ’’ཏི? ‘‘ནོ ཧེཏཾ, བྷནྟེ’’ཏི. ‘‘ཏཾ ཀིཾ མཉྙསི, སོཎ, ཡདཱ ཏེ ཝཱིཎཱཡ ཏནྟིཡོ ཨཏིསིཐིལཱ ཧོནྟི, ཨཔི ནུ ཏེ ཝཱིཎཱ ཏསྨིཾ སམཡེ སརཝཏཱི ཝཱ ཧོཏི, ཀམྨཉྙཱ ཝཱ’’ཏི? ‘‘ནོ ཧེཏཾ, བྷནྟེ’’ཏི. ‘‘ཏཾ ཀིཾ མཉྙསི, སོཎ, ཡདཱ ཏེ ཝཱིཎཱཡ ཏནྟིཡོ ནེཝ ཨཙྩཱཡཏཱ ཧོནྟི ནཱཏིསིཐིལཱ, སམེ གུཎེ པཏིཊྛིཏཱ, ཨཔི ནུ ཏེ ཝཱིཎཱ ཏསྨིཾ སམཡེ སརཝཏཱི ཝཱ ཧོཏི, ཀམྨཉྙཱ ཝཱ’’ཏི? ‘‘ཨེཝཾ, བྷནྟེ’’ཏི. ‘‘ཨེཝམེཝ ཁོ, སོཎ, ཨཙྩཱརདྡྷཝཱིརིཡཾ ཨུདྡྷཙྩཱཡ སཾཝཏྟཏི, ཨཏིལཱིནཝཱིརིཡཾ ཀོསཛྫཱཡ སཾཝཏྟཏི. ཏསྨཱཏིཧ ཏྭཾ, སོཎ, ཝཱིརིཡསམཏཾ ཨདྷིཊྛཧ, ཨིནྡྲིཡཱནཉྩ སམཏཾ པཊིཝིཛ྄ཛྷ, ཏཏྠ ཙ ནིམིཏྟཾ གཎྷཱཧཱི’’ཏི. ‘‘ཨེཝཾ, བྷནྟེ’’ཏི ཁོ ཨཱཡསྨཱ སོཎོ བྷགཝཏོ པཙྩསྶོསི. ཨཐ ཁོ བྷགཝཱ ཨཱཡསྨནྟཾ སོཎཾ ཨིམིནཱ ཨོཝཱདེན ཨོཝདིཏྭཱ – སེཡྻཐཱཔི ནཱམ བལཝཱ པུརིསོ སམྨིཉྫིཏཾ ཝཱ བཱཧཾ པསཱརེཡྻ, པསཱརིཏཾ ཝཱ བཱཧཾ སམིཉྫེཡྻ ཨེཝམེཝ – སཱིཏཝནེ ཨཱཡསྨཏོ སོཎསྶ སམྨུཁེ ཨནྟརཧིཏོ གིཛ྄ཛྷཀཱུཊེ པབྦཏེ པཱཏུརཧོསི. ཨཐ ཁོ ཨཱཡསྨཱ སོཎོ ཨཔརེན སམཡེན ཝཱིརིཡསམཏཾ ཨདྷིཊྛཱསི, ཨིནྡྲིཡཱནཉྩ སམཏཾ པཊིཝིཛ྄ཛྷི, ཏཏྠ ཙ ནིམིཏྟཾ ཨགྒཧེསི. ཨཐ ཁོ ཨཱཡསྨཱ སོཎོ, ཨེཀོ ཝཱུཔཀཊྛོ ཨཔྤམཏྟོ ཨཱཏཱཔཱི པཧིཏཏྟོ ཝིཧརནྟོ, ན ཙིརསྶེཝ – ཡསྶཏྠཱཡ ཀུལཔུཏྟཱ སམྨདེཝ ཨགཱརསྨཱ ཨནགཱརིཡཾ པབྦཛནྟི – ཏདནུཏྟརཾ བྲཧྨཙརིཡཔརིཡོསཱནཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧཱསི. ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི ཨབྷིཉྙཱསི. ཨཉྙཏརོ ཙ པནཱཡསྨཱ སོཎོ ཨརཧཏཾ ཨཧོསི.

༢༤༤. ཨཐ ཁོ ཨཱཡསྨཏོ སོཎསྶ ཨརཧཏྟཔྤཏྟསྶ ཨེཏདཧོསི – ‘‘ཡཾནཱུནཱཧཾ བྷགཝཏོ སནྟིཀེ ཨཉྙཾ བྱཱཀརེཡྻ’’ནྟི. ཨཐ ཁོ ཨཱཡསྨཱ སོཎོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ སོཎོ བྷགཝནྟཾ ཨེཏདཝོཙ – ཡོ སོ, བྷནྟེ, བྷིཀྑུ ཨརཧཾ ཁཱིཎཱསཝོ ཝུསིཏཝཱ ཀཏཀརཎཱིཡོ ཨོཧིཏབྷཱརོ ཨནུཔྤཏྟསདཏྠོ པརིཀྑཱིཎབྷཝསཉྙོཛནོ སམྨདཉྙཱ ཝིམུཏྟོ, སོ ཚཊྛཱནཱནི ཨདྷིམུཏྟོ ཧོཏི – ནེཀྑམྨཱདྷིམུཏྟོ ཧོཏི, པཝིཝེཀཱདྷིམུཏྟོ ཧོཏི, ཨབྱཱཔཛྫཱདྷིམུཏྟོ ཧོཏི, ཨུཔཱདཱནཀྑཡཱདྷིམུཏྟོ ཧོཏི, ཏཎྷཀྑཡཱདྷིམུཏྟོ ཧོཏི, ཨསམྨོཧཱདྷིམུཏྟོ ཧོཏི.

‘‘སིཡཱ ཁོ པན, བྷནྟེ, ཨིདྷེཀཙྩསྶ ཨཱཡསྨཏོ ཨེཝམསྶ – ‘ཀེཝལཾ སདྡྷཱམཏྟཀཾ ནཱུན ཨཡམཱཡསྨཱ ནིསྶཱཡ ནེཀྑམྨཱདྷིམུཏྟོ’ཏི, ན ཁོ པནེཏཾ, བྷནྟེ, ཨེཝཾ དཊྛབྦཾ. ཁཱིཎཱསཝོ, བྷནྟེ, བྷིཀྑུ, ཝུསིཏཝཱ, ཀཏཀརཎཱིཡོ, ཀརཎཱིཡམཏྟཱནཾ ཨསམནུཔསྶནྟོ ཀཏསྶ ཝཱ པཊིཙཡཾ ཁཡཱ རཱགསྶ ཝཱིཏརཱགཏྟཱ ནེཀྑམྨཱདྷིམུཏྟོ ཧོཏི, ཁཡཱ དོསསྶ ཝཱིཏདོསཏྟཱ ནེཀྑམྨཱདྷིམུཏྟོ ཧོཏི, ཁཡཱ མོཧསྶ ཝཱིཏམོཧཏྟཱ ནེཀྑམྨཱདྷིམུཏྟོ ཧོཏི.

‘‘སིཡཱ ཁོ པན, བྷནྟེ, ཨིདྷེཀཙྩསྶ ཨཱཡསྨཏོ ཨེཝམསྶ – ‘ལཱབྷསཀྐཱརསིལོཀཾ ནཱུན ཨཡམཱཡསྨཱ ནིཀཱམཡམཱནོ པཝིཝེཀཱདྷིམུཏྟོ’ཏི. ན ཁོ པནེཏཾ, བྷནྟེ, ཨེཝཾ དཊྛབྦཾ. ཁཱིཎཱསཝོ, བྷནྟེ, བྷིཀྑུ, ཝུསིཏཝཱ, ཀཏཀརཎཱིཡོ, ཀརཎཱིཡམཏྟཱནཾ [ཀརཎཱིཡཾ ཨཏྟནོ (ཨངྒུཏྟརཔཱལི༹ཡཾ)] ཨསམནུཔསྶནྟོ ཀཏསྶ ཝཱ པཊིཙཡཾ, ཁཡཱ རཱགསྶ ཝཱིཏརཱགཏྟཱ པཝིཝེཀཱདྷིམུཏྟོ ཧོཏི, ཁཡཱ དོསསྶ ཝཱིཏདོསཏྟཱ པཝིཝེཀཱདྷིམུཏྟོ ཧོཏི, ཁཡཱ མོཧསྶ ཝཱིཏམོཧཏྟཱ པཝིཝེཀཱདྷིམུཏྟོ ཧོཏི.

‘‘སིཡཱ ཁོ པན, བྷནྟེ, ཨིདྷེཀཙྩསྶ ཨཱཡསྨཏོ ཨེཝམསྶ – ‘སཱིལབྦཏཔརཱམཱསཾ ནཱུན ཨཡམཱཡསྨཱ སཱརཏོ པཙྩཱགཙྪནྟོ ཨབྱཱཔཛྫཱདྷིམུཏྟོ’ཏི. ན ཁོ པནེཏཾ, བྷནྟེ, ཨེཝཾ དཊྛབྦཾ. ཁཱིཎཱསཝོ, བྷནྟེ, བྷིཀྑུ, ཝུསིཏཝཱ, ཀཏཀརཎཱིཡོ, ཀརཎཱིཡམཏྟཱནཾ ཨསམནུཔསྶནྟོ ཀཏསྶ ཝཱ པཊིཙཡཾ, ཁཡཱ རཱགསྶ ཝཱིཏརཱགཏྟཱ ཨབྱཱཔཛྫཱདྷིམུཏྟོ ཧོཏི, ཁཡཱ དོསསྶ ཝཱིཏདོསཏྟཱ ཨབྱཱཔཛྫཱདྷིམུཏྟོ ཧོཏི, ཁཡཱ མོཧསྶ ཝཱིཏམོཧཏྟཱ ཨབྱཱཔཛྫཱདྷིམུཏྟོ ཧོཏི.

‘‘ཁཡཱ རཱགསྶ ཝཱིཏརཱགཏྟཱ ཨུཔཱདཱནཀྑཡཱདྷིམུཏྟོ ཧོཏི, ཁཡཱ དོསསྶ ཝཱིཏདོསཏྟཱ ཨུཔཱདཱནཀྑཡཱདྷིམུཏྟོ ཧོཏི, ཁཡཱ མོཧསྶ ཝཱིཏམོཧཏྟཱ ཨུཔཱདཱནཀྑཡཱདྷིམུཏྟོ ཧོཏི.

‘‘ཁཡཱ རཱགསྶ ཝཱིཏརཱགཏྟཱ ཏཎྷཀྑཡཱདྷིམུཏྟོ ཧོཏི, ཁཡཱ དོསསྶ ཝཱིཏདོསཏྟཱ ཏཎྷཀྑཡཱདྷིམུཏྟོ ཧོཏི, ཁཡཱ མོཧསྶ ཝཱིཏམོཧཏྟཱ ཏཎྷཀྑཡཱདྷིམུཏྟོ ཧོཏི.

‘‘ཁཡཱ རཱགསྶ ཝཱིཏརཱགཏྟཱ ཨསམྨོཧཱདྷིམུཏྟོ ཧོཏི, ཁཡཱ དོསསྶ ཝཱིཏདོསཏྟཱ ཨསམྨོཧཱདྷིམུཏྟོ ཧོཏི, ཁཡཱ མོཧསྶ ཝཱིཏམོཧཏྟཱ ཨསམྨོཧཱདྷིམུཏྟོ ཧོཏི.

‘‘ཨེཝཾ སམྨཱ ཝིམུཏྟཙིཏྟསྶ, བྷནྟེ, བྷིཀྑུནོ བྷུསཱ ཙེཔི ཙཀྑུཝིཉྙེཡྻཱ རཱུཔཱ ཙཀྑུསྶ ཨཱཔཱཐཾ ཨཱགཙྪནྟི, ནེཝསྶ ཙིཏྟཾ པརིཡཱདིཡནྟི. ཨམིསྶཱིཀཏམེཝསྶ ཙིཏྟཾ ཧོཏི, ཋིཏཾ, ཨཱནེཉྫཔྤཏྟཾ, ཝཡཉྩསྶཱནུཔསྶཏི. བྷུསཱ ཙེཔི སོཏཝིཉྙེཡྻཱ སདྡཱ…པེ… གྷཱནཝིཉྙེཡྻཱ གནྡྷཱ… ཛིཝ྄ཧཱཝིཉྙེཡྻཱ རསཱ… ཀཱཡཝིཉྙེཡྻཱ ཕོཊྛབྦཱ… མནོཝིཉྙེཡྻཱ དྷམྨཱ མནསྶ ཨཱཔཱཐཾ ཨཱགཙྪནྟི, ནེཝསྶ ཙིཏྟཾ པརིཡཱདིཡནྟི; ཨམིསྶཱིཀཏམེཝསྶ ཙིཏྟཾ ཧོཏི, ཋིཏཾ, ཨཱནེཉྫཔྤཏྟཾ, ཝཡཉྩསྶཱནུཔསྶཏི. སེཡྻཐཱཔི, བྷནྟེ, སེལོ པབྦཏོ ཨཙྪིདྡོ ཨསུསིརོ ཨེཀགྒྷནོ, པུརཏྠིམཱཡ ཙེཔི དིསཱཡ ཨཱགཙྪེཡྻ བྷུསཱ ཝཱཏཝུཊྛི, ནེཝ ནཾ སངྐམྤེཡྻ ན སམྤཀམྤེཡྻ ན སམྤཝེདྷེཡྻ; པཙྪིམཱཡ ཙེཔི དིསཱཡ ཨཱགཙྪེཡྻ བྷུསཱ ཝཱཏཝུཊྛི…པེ… ཨུཏྟརཱཡ ཙེཔི དིསཱཡ…པེ… དཀྑིཎཱཡ ཙེཔི དིསཱཡ ཨཱགཙྪེཡྻ བྷུསཱ ཝཱཏཝུཊྛི, ནེཝ ནཾ སངྐམྤེཡྻ ན སམྤཀམྤེཡྻ ན སམྤཝེདྷེཡྻ, ཨེཝམེཝ ཁོ, བྷནྟེ, ཨེཝཾ སམྨཱ ཝིམུཏྟཙིཏྟསྶ བྷིཀྑུནོ བྷུསཱ ཙེཔི ཙཀྑུཝིཉྙེཡྻཱ རཱུཔཱ ཙཀྑུསྶ ཨཱཔཱཐཾ ཨཱགཙྪནྟི, ནེཝསྶ ཙིཏྟཾ པརིཡཱདིཡནྟི; ཨམིསྶཱིཀཏམེཝསྶ ཙིཏྟཾ ཧོཏི, ཋིཏཾ, ཨཱནེཉྫཔྤཏྟཾ, ཝཡཉྩསྶཱནུཔསྶཏི. བྷུསཱ ཙེཔི སོཏཝིཉྙེཡྻཱ སདྡཱ…པེ… གྷཱནཝིཉྙེཡྻཱ གནྡྷཱ… ཛིཝ྄ཧཱཝིཉྙེཡྻཱ རསཱ… ཀཱཡཝིཉྙེཡྻཱ ཕོཊྛབྦཱ… མནོཝིཉྙེཡྻཱ དྷམྨཱ མནསྶ ཨཱཔཱཐཾ ཨཱགཙྪནྟི, ནེཝསྶ ཙིཏྟཾ པརིཡཱདིཡནྟི; ཨམིསྶཱིཀཏམེཝསྶ ཙིཏྟཾ ཧོཏི, ཋིཏཾ, ཨཱནེཉྫཔྤཏྟཾ, ཝཡཉྩསྶཱནུཔསྶཏཱི’’ཏི.

ནེཀྑམྨཾ ཨདྷིམུཏྟསྶ, པཝིཝེཀཉྩ ཙེཏསོ;

ཨབྱཱཔཛྫཱདྷིམུཏྟསྶ, ཨུཔཱདཱནཀྑཡསྶ ཙ.

ཏཎྷཀྑཡཱདྷིམུཏྟསྶ, ཨསམྨོཧཉྩ ཙེཏསོ;

དིསྭཱ ཨཱཡཏནུཔྤཱདཾ, སམྨཱ ཙིཏྟཾ ཝིམུཙྩཏི.

ཏསྶ སམྨཱཝིམུཏྟསྶ, སནྟཙིཏྟསྶ བྷིཀྑུནོ;

ཀཏསྶ པཊིཙཡོ ནཏྠི, ཀརཎཱིཡཾ ན ཝིཛྫཏི.

སེལོ ཡཐཱ ཨེཀགྒྷནོ, ཝཱཏེན ན སམཱིརཏི;

ཨེཝཾ རཱུཔཱ རསཱ སདྡཱ, གནྡྷཱ ཕསྶཱ ཙ ཀེཝལཱ.

ཨིཊྛཱ དྷམྨཱ ཨནིཊྛཱ ཙ, ན པཝེདྷེནྟི ཏཱདིནོ;

ཋིཏཾ ཙིཏྟཾ ཝིཔྤམུཏྟཾ, ཝཡཉྩསྶཱནུཔསྶཏཱིཏི.

སོཎཀོལི༹ཝིསཝཏྠུ ནིཊྛིཏཾ.

༡༤༨. དིགུཎཱདིཨུཔཱཧནཔཊིཀྑེཔོ

༢༤༥. ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘ཨེཝཾ ཁོ, བྷིཀྑཝེ, ཀུལཔུཏྟཱ ཨཉྙཾ བྱཱཀརོནྟི, ཨཏྠོ ཙ ཝུཏྟོ, ཨཏྟཱ ཙ ཨནུཔནཱིཏོ. ཨཐ ཙ, པནིདྷེཀཙྩེ མོགྷཔུརིསཱ ཧསམཱནཀཾ, མཉྙེ, ཨཉྙཾ བྱཱཀརོནྟི, ཏེ པཙྪཱ ཝིགྷཱཏཾ ཨཱཔཛྫནྟཱི’’ཏི. ཨཐ ཁོ བྷགཝཱ ཨཱཡསྨནྟཾ སོཎཾ ཨཱམནྟེསི – ‘‘ཏྭཾ ཁོསི, སོཎ, སུཁུམཱལོ. ཨནུཛཱནཱམི ཏེ, སོཎ, ཨེཀཔལཱསིཀཾ ཨུཔཱཧན’’ནྟི. ‘‘ཨཧཾ ཁོ, བྷནྟེ, ཨསཱིཏིསཀཊཝཱཧེ ཧིརཉྙཾ ཨོཧཱཡ ཨགཱརསྨཱ ཨནགཱརིཡཾ པབྦཛིཏོ, སཏྟཧཏྠིཀཉྩ ཨནཱིཀཾ. ཨཐཱཧཾ བྷནྟེ ཨེཀཔལཱསིཀཾ ཙེ ཨུཔཱཧནཾ པརིཧརིསྶཱམི, ཏསྶ མེ བྷཝིསྶནྟི ཝཏྟཱརོ ‘སོཎོ ཀོལི༹ཝིསོ ཨསཱིཏིསཀཊཝཱཧེ ཧིརཉྙཾ ཨོཧཱཡ ཨགཱརསྨཱ ཨནགཱརིཡཾ པབྦཛིཏོ, སཏྟཧཏྠིཀཉྩ ཨནཱིཀཾ. སོ དཱནཱཡཾ ཨེཀཔལཱསིཀཱསུ ཨུཔཱཧནཱསུ སཏྟོ’ཏི. སཙེ བྷགཝཱ བྷིཀྑུསངྒྷསྶ ཨནུཛཱནིསྶཏི ཨཧམྤི པརིབྷུཉྫིསྶཱམི; ནོ ཙེ བྷགཝཱ བྷིཀྑུསངྒྷསྶ ཨནུཛཱནིསྶཏི, ཨཧམྤི ན པརིབྷུཉྫིསྶཱམཱི’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཨེཀཔལཱསིཀཾ ཨུཔཱཧནཾ. ན, བྷིཀྑཝེ, དིགུཎཱ ཨུཔཱཧནཱ དྷཱརེཏབྦཱ. ན ཏིགུཎཱ ཨུཔཱཧནཱ དྷཱརེཏབྦཱ. ན གུཎངྒུཎཱུཔཱཧནཱ [གཎངྒཎཱུཔཱཧནཱ (བཧཱུསུ)] དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶཱ’’ཏི.

དིགུཎཱདིཨུཔཱཧནཔཊིཀྑེཔོ ནིཊྛིཏོ.

༡༤༩. སབྦནཱིལིཀཱདིཔཊིཀྑེཔོ

༢༤༦. ཏེན ཁོ པན སམཡེན ཚབྦགྒིཡཱ བྷིཀྑཱུ སབྦནཱིལིཀཱ ཨུཔཱཧནཱཡོ དྷཱརེནྟི…པེ… སབྦཔཱིཏིཀཱ ཨུཔཱཧནཱཡོ དྷཱརེནྟི… སབྦལོཧིཏིཀཱ ཨུཔཱཧནཱཡོ དྷཱརེནྟི… སབྦམཉྫིཊྛིཀཱ [སབྦམཉྫེཊྛིཀཱ (ཀ.)] ཨུཔཱཧནཱཡོ དྷཱརེནྟི … སབྦཀཎྷཱ ཨུཔཱཧནཱཡོ དྷཱརེནྟི… སབྦམཧཱརངྒརཏྟཱ ཨུཔཱཧནཱཡོ དྷཱརེནྟི… སབྦམཧཱནཱམརཏྟཱ ཨུཔཱཧནཱཡོ དྷཱརེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི, ‘‘སེཡྻཐཱཔི གིཧཱི ཀཱམབྷོགིནོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སབྦནཱིལིཀཱ ཨུཔཱཧནཱ དྷཱརེཏབྦཱ…པེ… ན སབྦཔཱིཏིཀཱ ཨུཔཱཧནཱ དྷཱརེཏབྦཱ, ན སབྦལོཧིཏིཀཱ ཨུཔཱཧནཱ དྷཱརེཏབྦཱ, ན སབྦམཉྫིཊྛིཀཱ ཨུཔཱཧནཱ དྷཱརེཏབྦཱ, ན སབྦཀཎྷཱ ཨུཔཱཧནཱ དྷཱརེཏབྦཱ, ན སབྦམཧཱརངྒརཏྟཱ ཨུཔཱཧནཱ དྷཱརེཏབྦཱ, ན སབྦམཧཱནཱམརཏྟཱ ཨུཔཱཧནཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ ནཱིལཀཝདྡྷིཀཱ [ཝཊྚིཀཱ (སཱི.)] ཨུཔཱཧནཱཡོ དྷཱརེནྟི, པཱིཏཀཝདྡྷིཀཱ ཨུཔཱཧནཱཡོ དྷཱརེནྟི, ལོཧིཏཀཝདྡྷིཀཱ ཨུཔཱཧནཱཡོ དྷཱརེནྟི, མཉྫིཊྛིཀཝདྡྷིཀཱ ཨུཔཱཧནཱཡོ དྷཱརེནྟི, ཀཎྷཝདྡྷིཀཱ ཨུཔཱཧནཱཡོ དྷཱརེནྟི, མཧཱརངྒརཏྟཝདྡྷིཀཱ ཨུཔཱཧནཱཡོ དྷཱརེནྟི, མཧཱནཱམརཏྟཝདྡྷིཀཱ ཨུཔཱཧནཱཡོ དྷཱརེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི, ‘‘སེཡྻཐཱཔི གིཧཱི ཀཱམབྷོགིནོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ནཱིལཀཝདྡྷིཀཱ ཨུཔཱཧནཱ དྷཱརེཏབྦཱ…པེ… ན པཱིཏཀཝདྡྷིཀཱ ཨུཔཱཧནཱ དྷཱརེཏབྦཱ, ན ལོཧིཏཀཝདྡྷིཀཱ ཨུཔཱཧནཱ དྷཱརེཏབྦཱ, ན མཉྫིཊྛིཀཝདྡྷིཀཱ ཨུཔཱཧནཱ དྷཱརེཏབྦཱ, ན ཀཎྷཝདྡྷིཀཱ ཨུཔཱཧནཱ དྷཱརེཏབྦཱ, ན མཧཱརངྒརཏྟཝདྡྷིཀཱ ཨུཔཱཧནཱ དྷཱརེཏབྦཱ, ན མཧཱནཱམརཏྟཝདྡྷིཀཱ ཨུཔཱཧནཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཁལླཀབདྡྷཱ […བནྡྷཱ (ཀ.)] ཨུཔཱཧནཱཡོ དྷཱརེནྟི…པེ… པུཊབདྡྷཱ ཨུཔཱཧནཱཡོ དྷཱརེནྟི, པཱལིགུཎྛིམཱ ཨུཔཱཧནཱཡོ དྷཱརེནྟི, ཏཱུལཔུཎྞིཀཱ ཨུཔཱཧནཱཡོ དྷཱརེནྟི, ཏིཏྟིརཔཏྟིཀཱ ཨུཔཱཧནཱཡོ དྷཱརེནྟི, མེཎྜཝིསཱཎཝདྡྷིཀཱ ཨུཔཱཧནཱཡོ དྷཱརེནྟི, ཨཛཝིསཱཎཝདྡྷིཀཱ ཨུཔཱཧནཱཡོ དྷཱརེནྟི, ཝིཙྪིཀཱལི༹ཀཱ ཨུཔཱཧནཱཡོ དྷཱརེནྟི, མོརཔིཉྪ [མོརཔིཉྫ (སཱི. སྱཱ.)] པརིསིབྦིཏཱ ཨུཔཱཧནཱཡོ དྷཱརེནྟི, ཙིཏྲཱ ཨུཔཱཧནཱཡོ དྷཱརེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི, ‘‘སེཡྻཐཱཔི གིཧཱི ཀཱམབྷོགིནོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཁལླཀབདྡྷཱ ཨུཔཱཧནཱ དྷཱརེཏབྦཱ…པེ… ན པུཊབདྡྷཱ ཨུཔཱཧནཱ དྷཱརེཏབྦཱ, ན པཱལིགུཎྛིམཱ ཨུཔཱཧནཱ དྷཱརེཏབྦཱ, ན ཏཱུལཔུཎྞིཀཱ ཨུཔཱཧནཱ དྷཱརེཏབྦཱ, ན ཏིཏྟིརཔཏྟིཀཱ ཨུཔཱཧནཱ དྷཱརེཏབྦཱ, ན མེཎྜཝིསཱཎཝདྡྷིཀཱ ཨུཔཱཧནཱ དྷཱརེཏབྦཱ, ན ཨཛཝིསཱཎཝདྡྷིཀཱ ཨུཔཱཧནཱ དྷཱརེཏབྦཱ, ན ཝིཙྪིཀཱལི༹ཀཱ ཨུཔཱཧནཱ དྷཱརེཏབྦཱ, ན མོརཔིཉྪཔརིསིབྦིཏཱ ཨུཔཱཧནཱ དྷཱརེཏབྦཱ, ན ཙིཏྲཱ ཨུཔཱཧནཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ སཱིཧཙམྨཔརིཀྑཊཱ ཨུཔཱཧནཱཡོ དྷཱརེནྟི…པེ… བྱགྒྷཙམྨཔརིཀྑཊཱ ཨུཔཱཧནཱཡོ དྷཱརེནྟི, དཱིཔིཙམྨཔརིཀྑཊཱ ཨུཔཱཧནཱཡོ དྷཱརེནྟི, ཨཛིནཙམྨཔརིཀྑཊཱ ཨུཔཱཧནཱཡོ དྷཱརེནྟི, ཨུདྡཙམྨཔརིཀྑཊཱ ཨུཔཱཧནཱཡོ དྷཱརེནྟི, མཛྫཱརཙམྨཔརིཀྑཊཱ ཨུཔཱཧནཱཡོ དྷཱརེནྟི, ཀཱལ༹ཀཙམྨཔརིཀྑཊཱ ཨུཔཱཧནཱཡོ དྷཱརེནྟི, ལུཝཀཙམྨཔརིཀྑཊཱ [ཨུལཱུཀཙམྨཔརིཀྑཊཱ (ཡོཛནཱ)] ཨུཔཱཧནཱཡོ དྷཱརེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི, ‘‘སེཡྻཐཱཔི གིཧཱི ཀཱམབྷོགིནོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སཱིཧཙམྨཔརིཀྑཊཱ ཨུཔཱཧནཱ དྷཱརེཏབྦཱ…པེ… ན བྱགྒྷཙམྨཔརིཀྑཊཱ ཨུཔཱཧནཱ དྷཱརེཏབྦཱ, ན དཱིཔིཙམྨཔརིཀྑཊཱ ཨུཔཱཧནཱ དྷཱརེཏབྦཱ, ན ཨཛིནཙམྨཔརིཀྑཊཱ ཨུཔཱཧནཱ དྷཱརེཏབྦཱ, ན ཨུདྡཙམྨཔརིཀྑཊཱ ཨུཔཱཧནཱ དྷཱརེཏབྦཱ, ན མཛྫཱརཙམྨཔརིཀྑཊཱ ཨུཔཱཧནཱ དྷཱརེཏབྦཱ, ན ཀཱལ༹ཀཙམྨཔརིཀྑཊཱ ཨུཔཱཧནཱ དྷཱརེཏབྦཱ, ན ལུཝཀཙམྨཔརིཀྑཊཱ ཨུཔཱཧནཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶཱཏི.

སབྦནཱིལིཀཱདིཔཊིཀྑེཔོ ནིཊྛིཏོ.

༡༥༠. ཨོམུཀྐགུཎངྒུཎཱུཔཱཧནཱནུཛཱནནཱ

༢༤༧. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ རཱཛགཧཾ པིཎྜཱཡ པཱཝིསི, ཨཉྙཏརེན བྷིཀྑུནཱ པཙྪཱསམཎེན. ཨཐ ཁོ སོ བྷིཀྑུ ཁཉྫམཱནོ བྷགཝནྟཾ པིཊྛིཏོ པིཊྛིཏོ ཨནུབནྡྷི. ཨདྡསཱ ཁོ ཨཉྙཏརོ ཨུཔཱསཀོ གུཎངྒུཎཱུཔཱཧནཱ ཨཱརོཧིཏྭཱ བྷགཝནྟཾ དཱུརཏོཝ ཨཱགཙྪནྟཾ; དིསྭཱ ཨུཔཱཧནཱ ཨཱརོཧིཏྭཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཡེན སོ བྷིཀྑུ ཏེནུཔསངྐམི; ཨུཔསངྐམིཏྭཱ ཏཾ བྷིཀྑུཾ ཨབྷིཝཱདེཏྭཱ ཨེཏདཝོཙ – ‘‘ཀིསྶ, བྷནྟེ, ཨཡྻོ ཁཉྫཏཱི’’ཏི? ‘‘པཱདཱ མེ, ཨཱཝུསོ, ཕལིཏཱ’’ཏི [ཕཱལིཏཱཏི (ཀ.)]. ‘‘ཧནྡ, བྷནྟེ, ཨུཔཱཧནཱཡོ’’ཏི. ‘‘ཨལཾ, ཨཱཝུསོ, པཊིཀྑིཏྟཱ བྷགཝཏཱ གུཎངྒུཎཱུཔཱཧནཱ’’ཏི. ‘‘གཎྷཱཧེཏཱ, བྷིཀྑུ, ཨུཔཱཧནཱཡོ’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཨོམུཀྐཾ གུཎངྒུཎཱུཔཱཧནཾ. ན, བྷིཀྑཝེ, ནཝཱ གུཎངྒུཎཱུཔཱཧནཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶཱ’’ཏི.

ཨོམུཀྐགུཎངྒུཎཱུཔཱཧནཱནུཛཱནནཱ ནིཊྛིཏཱ.

༡༥༡. ཨཛ྄ཛྷཱརཱམེ ཨུཔཱཧནཔཊིཀྑེཔོ

༢༤༨. ཏེན ཁོ པན སམཡེན བྷགཝཱ ཨཛ྄ཛྷོཀཱསེ ཨནུཔཱཧནོ ཙངྐམཏི. སཏྠཱ ཨནུཔཱཧནོ ཙངྐམཏཱིཏི, ཐེརཱཔི བྷིཀྑཱུ ཨནུཔཱཧནཱ ཙངྐམནྟི. ཚབྦགྒིཡཱ བྷིཀྑཱུ, སཏྠརི ཨནུཔཱཧནེ ཙངྐམམཱནེ, ཐེརེསུཔི བྷིཀྑཱུསུ ཨནུཔཱཧནེསུ ཙངྐམམཱནེསུ, སཨུཔཱཧནཱ ཙངྐམནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ, སཏྠརི ཨནུཔཱཧནེ ཙངྐམམཱནེ, ཐེརེསུཔི བྷིཀྑཱུསུ ཨནུཔཱཧནེསུ ཙངྐམམཱནེསུ, སཨུཔཱཧནཱ ཙངྐམིསྶནྟཱི’’ཏི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, ཚབྦགྒིཡཱ བྷིཀྑཱུ, སཏྠརི ཨནུཔཱཧནེ ཙངྐམམཱནེ, ཐེརེསུཔི བྷིཀྑཱུསུ ཨནུཔཱཧནེསུ ཙངྐམམཱནེསུ, སཨུཔཱཧནཱ ཙངྐམནྟཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ཏེ, བྷིཀྑཝེ, མོགྷཔུརིསཱ, སཏྠརི ཨནུཔཱཧནེ ཙངྐམམཱནེ, ཐེརེསུཔི བྷིཀྑཱུསུ ཨནུཔཱཧནེསུ ཙངྐམམཱནེསུ, སཨུཔཱཧནཱ ཙངྐམིསྶནྟི. ཨིམེ ཧི ནཱམ, བྷིཀྑཝེ, གིཧཱི ཨོདཱཏཝཏྠཝསནཀཱ ཨབྷིཛཱིཝནིཀསྶ སིཔྤསྶ ཀཱརཎཱ ཨཱཙརིཡེསུ སགཱརཝཱ སཔྤཏིསྶཱ སབྷཱགཝུཏྟིཀཱ ཝིཧརིསྶནྟི. ཨིདྷ ཁོ ཏཾ, བྷིཀྑཝེ, སོབྷེཐ, ཡཾ ཏུམྷེ ཨེཝཾ སྭཱཀྑཱཏེ དྷམྨཝིནཡེ པབྦཛིཏཱ སམཱནཱ ཨཱཙརིཡེསུ ཨཱཙརིཡམཏྟེསུ ཨུཔཛ྄ཛྷཱཡེསུ ཨུཔཛ྄ཛྷཱཡམཏྟེསུ ཨགཱརཝཱ ཨཔྤཏིསྶཱ ཨསབྷཱགཝུཏྟིཀཱ [སགཱརཝཱ སགྒཏིསྶཱ སབྷཱགཝུཏྟིཀཱ (ཀ.)] ཝིཧརེཡྻཱཐ. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཨཱཙརིཡེསུ ཨཱཙརིཡམཏྟེསུ ཨུཔཛ྄ཛྷཱཡེསུ ཨུཔཛ྄ཛྷཱཡམཏྟེསུ ཨནུཔཱཧནེསུ ཙངྐམམཱནེསུ སཨུཔཱཧནེན ཙངྐམིཏབྦཾ. ཡོ ཙངྐམེཡྻ, ཨཱཔཏྟི དུཀྐཊསྶ. ན ཙ, བྷིཀྑཝེ, ཨཛ྄ཛྷཱརཱམེ ཨུཔཱཧནཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶཱ’’ཏི.

༢༤༩. ཏེན ཁོ པན སམཡེན ཨཉྙཏརསྶ བྷིཀྑུནོ པཱདཁིལཱབཱདྷོ ཧོཏི. ཏཾ བྷིཀྑཱུ པརིགྒཧེཏྭཱ ཨུཙྩཱརམྤི པསྶཱཝམྤི ནིཀྑཱམེནྟི. ཨདྡསཱ ཁོ བྷགཝཱ སེནཱསནཙཱརིཀཾ ཨཱཧིཎྜནྟོ ཏེ བྷིཀྑཱུ ཏཾ བྷིཀྑུཾ པརིགྒཧེཏྭཱ ཨུཙྩཱརམྤི པསྶཱཝམྤི ནིཀྑཱམེནྟེ, དིསྭཱན ཡེན ཏེ བྷིཀྑཱུ ཏེནུཔསངྐམི, ཨུཔསངྐམིཏྭཱ ཏེ བྷིཀྑཱུ ཨེཏདཝོཙ – ‘‘ཀིཾ ཨིམསྶ, བྷིཀྑཝེ, བྷིཀྑུནོ ཨཱབཱདྷོ’’ཏི? ‘‘ཨིམསྶ, བྷནྟེ, ཨཱཡསྨཏོ པཱདཁིལཱབཱདྷོ; ཨིམཾ མཡཾ པརིགྒཧེཏྭཱ ཨུཙྩཱརམྤི པསྶཱཝམྤི ནིཀྑཱམེམཱ’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཡསྶ པཱདཱ ཝཱ དུཀྑཱ, པཱདཱ ཝཱ ཕལིཏཱ, པཱདཁིལོ ཝཱ ཨཱབཱདྷོ [པཱདཁིལཱབཱདྷོ ཝཱ (སྱཱ.)] ཨུཔཱཧནཾ དྷཱརེཏུ’’ནྟི.

ཏེན ཁོ པན སམཡེན བྷིཀྑཱུ ཨདྷོཏེཧི པཱདེཧི མཉྩམྤི པཱིཋམྤི ཨབྷིརུཧནྟི; ཙཱིཝརམྤི སེནཱསནམྤི དུསྶཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ‘ཨིདཱནི མཉྩཾ ཝཱ པཱིཋཾ ཝཱ ཨབྷིརུཧིསྶཱམཱི’’ཏི ཨུཔཱཧནཾ དྷཱརེཏུནྟི.

ཏེན ཁོ པན སམཡེན བྷིཀྑཱུ རཏྟིཡཱ ཨུཔོསཐགྒམྤི སནྣིསཛྫམྤི གཙྪནྟཱ ཨནྡྷཀཱརེ ཁཱཎུམྤི ཀཎྚཀམྤི ཨཀྐམནྟི; པཱདཱ དུཀྑཱ ཧོནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨཛ྄ཛྷཱརཱམེ ཨུཔཱཧནཾ དྷཱརེཏུཾ, ཨུཀྐཾ, པདཱིཔཾ, ཀཏྟརདཎྜནྟི.

ཨཛ྄ཛྷཱརཱམེ ཨུཔཱཧནཔཊིཀྑེཔོ ནིཊྛིཏོ.

༡༥༢. ཀཊྛཔཱདུཀཱདིཔཊིཀྑེཔོ

༢༥༠. ཏེན ཁོ པན སམཡེན ཚབྦགྒིཡཱ བྷིཀྑཱུ རཏྟིཡཱ པཙྩཱུསསམཡཾ པཙྩུཊྛཱཡ ཀཊྛཔཱདུཀཱཡོ ཨབྷིརུཧིཏྭཱ ཨཛ྄ཛྷོཀཱསེ ཙངྐམནྟི, ཨུཙྩཱསདྡཱ མཧཱསདྡཱ ཁཊཁཊསདྡཱ, ཨནེཀཝིཧིཏཾ ཏིརཙྪཱནཀཐཾ ཀཐེནྟཱ, སེཡྻཐིདཾ [ཨིམཱ ཏིརཙྪཱནཀཐཱཡོ པཱཙི. ༥༠༨; དཱི. ནི. ༡.༧; མ. ནི. ༢.༢༢༣; སཾ. ནི. ༥.༡༠༨༠; ཨ. ནི. ༡༠.༦༩ ཨཱདཡོ] – རཱཛཀཐཾ, ཙོརཀཐཾ, མཧཱམཏྟཀཐཾ, སེནཱཀཐཾ, བྷཡཀཐཾ, ཡུདྡྷཀཐཾ, ཨནྣཀཐཾ, པཱནཀཐཾ, ཝཏྠཀཐཾ, སཡནཀཐཾ, མཱལཱཀཐཾ, གནྡྷཀཐཾ, ཉཱཏིཀཐཾ, ཡཱནཀཐཾ, གཱམཀཐཾ, ནིགམཀཐཾ, ནགརཀཐཾ, ཛནཔདཀཐཾ, ཨིཏྠིཀཐཾ [ཨིཏྠིཀཐཾ པུརིསཀཐཾ (ཀ.)], སཱུརཀཐཾ, ཝིསིཁཱཀཐཾ, ཀུམྦྷཊྛཱནཀཐཾ, པུབྦཔེཏཀཐཾ, ནཱནཏྟཀཐཾ, ལོཀཀྑཱཡིཀཾ, སམུདྡཀྑཱཡིཀཾ, ཨིཏིབྷཝཱབྷཝཀཐཾ ཨིཏི ཝཱ; ཀཱིཊཀམྤི ཨཀྐམིཏྭཱ མཱརེནྟི, བྷིཀྑཱུཔི སམཱདྷིམྷཱ ཙཱཝེནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ རཏྟིཡཱ པཙྩཱུསསམཡཾ པཙྩུཊྛཱཡ ཀཊྛཔཱདུཀཱཡོ ཨབྷིརུཧིཏྭཱ ཨཛ྄ཛྷོཀཱསེ ཙངྐམིསྶནྟི, ཨུཙྩཱསདྡཱ མཧཱསདྡཱ ཁཊཁཊསདྡཱ ཨནེཀཝིཧིཏཾ ཏིརཙྪཱནཀཐཾ ཀཐེནྟཱ, སེཡྻཐིདཾ – རཱཛཀཐཾ, ཙོརཀཐཾ…པེ… ཨིཏིབྷཝཱབྷཝཀཐཾ ཨིཏི ཝཱ, ཀཱིཊཀམྤི ཨཀྐམིཏྭཱ མཱརེསྶནྟི, བྷིཀྑཱུཔི སམཱདྷིམྷཱ ཙཱཝེསྶནྟཱི’’ཏི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, ཚབྦགྒིཡཱ བྷིཀྑཱུ རཏྟིཡཱ པཙྩཱུསསམཡཾ པཙྩུཊྛཱཡ ཀཊྛཔཱདུཀཱཡོ ཨབྷིརུཧིཏྭཱ ཨཛ྄ཛྷོཀཱསེ ཙངྐམནྟི, ཨུཙྩཱསདྡཱ མཧཱསདྡཱ ཁཊཁཊསདྡཱ, ཨནེཀཝིཧིཏཾ ཏིརཙྪཱནཀཐཾ ཀཐེནྟཱ, སེཡྻཐིདཾ, – རཱཛཀཐཾ, ཙོརཀཐཾ…པེ… ཨིཏིབྷཝཱབྷཝཀཐཾ ཨིཏི ཝཱ, ཀཱིཊཀམྤི ཨཀྐམིཏྭཱ མཱརེནྟི, བྷིཀྑཱུཔི སམཱདྷིམྷཱ ཙཱཝེནྟཱི’’ཏི? ‘‘སཙྩཾ, བྷགཝཱ’’ཏི…པེ… ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཀཊྛཔཱདུཀཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶཱ’’ཏི.

ཨཐ ཁོ བྷགཝཱ རཱཛགཧེ ཡཐཱབྷིརནྟཾ ཝིཧརིཏྭཱ ཡེན བཱརཱཎསཱི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན བཱརཱཎསཱི ཏདཝསརི. ཏཏྲ སུདཾ བྷགཝཱ བཱརཱཎསིཡཾ ཝིཧརཏི ཨིསིཔཏནེ མིགདཱཡེ. ཏེན ཁོ པན སམཡེན ཚབྦགྒིཡཱ བྷིཀྑཱུ – བྷགཝཏཱ ཀཊྛཔཱདུཀཱ པཊིཀྑིཏྟཱཏི – ཏཱལཏརུཎེ ཚེདཱཔེཏྭཱ ཏཱལཔཏྟཔཱདུཀཱཡོ དྷཱརེནྟི; ཏཱནི ཏཱལཏརུཎཱནི ཚིནྣཱནི མིལཱཡནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཏཱལཏརུཎེ ཚེདཱཔེཏྭཱ ཏཱལཔཏྟཔཱདུཀཱཡོ དྷཱརེསྶནྟི; ཏཱནི ཏཱལཏརུཎཱནི ཚིནྣཱནི མིལཱཡནྟི; ཨེཀིནྡྲིཡཾ སམཎཱ སཀྱཔུཏྟིཡཱ ཛཱིཝཾ ཝིཧེཋེནྟཱི’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, ཚབྦགྒིཡཱ བྷིཀྑཱུ ཏཱལཏརུཎེ ཚེདཱཔེཏྭཱ ཏཱལཔཏྟཔཱདུཀཱཡོ དྷཱརེནྟི; ཏཱནི ཏཱལཏརུཎཱནི ཚིནྣཱནི མིལཱཡནྟཱི’’ཏི? སཙྩཾ བྷགཝཱཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ཏཱལཏརུཎེ ཚེདཱཔེཏྭཱ ཏཱལཔཏྟཔཱདུཀཱཡོ དྷཱརེསྶནྟི; ཏཱནི ཏཱལཏརུཎཱནི ཚིནྣཱནི མིལཱཡནྟི. ཛཱིཝསཉྙིནོ ཧི, བྷིཀྑཝེ, མནུསྶཱ རུཀྑསྨིཾ. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཏཱལཔཏྟཔཱདུཀཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ ‘བྷགཝཏཱ ཏཱལཔཏྟཔཱདུཀཱ པཊིཀྑིཏྟཱ’ཏི ཝེལུ༹ཏརུཎེ ཚེདཱཔེཏྭཱ ཝེལུ༹པཏྟཔཱདུཀཱཡོ དྷཱརེནྟི. ཏཱནི ཝེལུ༹ཏརུཎཱནི ཚིནྣཱནི མིལཱཡནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཝེལུ༹ཏརུཎེ ཚེདཱཔེཏྭཱ ཝེལུ༹པཏྟཔཱདུཀཱཡོ དྷཱརེསྶནྟི. ཏཱནི ཝེལུ༹ཏརུཎཱནི ཚིནྣཱནི མིལཱཡནྟི. ཨེཀིནྡྲིཡཾ སམཎཱ སཀྱཔུཏྟིཡཱ ཛཱིཝཾ ཝིཧེཋེནྟཱི’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ཛཱིཝསཉྙིནོ ཧི, བྷིཀྑཝེ, མནུསྶཱ རུཀྑསྨིཾ…པེ… ན, བྷིཀྑཝེ, ཝེལུ༹པཏྟཔཱདུཀཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶཱཏི.

༢༥༡. ཨཐ ཁོ བྷགཝཱ བཱརཱཎསིཡཾ ཡཐཱབྷིརནྟཾ ཝིཧརིཏྭཱ ཡེན བྷདྡིཡཾ ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན བྷདྡིཡཾ ཏདཝསརི. ཏཏྲ སུདཾ བྷགཝཱ བྷདྡིཡེ ཝིཧརཏི ཛཱཏིཡཱ ཝནེ. ཏེན ཁོ པན སམཡེན བྷདྡིཡཱ བྷིཀྑཱུ ཨནེཀཝིཧིཏཾ པཱདུཀམཎྜནཱནུཡོགམནུཡུཏྟཱ ཝིཧརནྟི, ཏིཎཔཱདུཀཾ ཀརོནྟིཔི ཀཱརཱཔེནྟིཔི, མུཉྫཔཱདུཀཾ ཀརོནྟིཔི ཀཱརཱཔེནྟིཔི, པབྦཛཔཱདུཀཾ ཀརོནྟིཔི ཀཱརཱཔེནྟིཔི, ཧིནྟཱལཔཱདུཀཾ ཀརོནྟིཔི ཀཱརཱཔེནྟིཔི, ཀམལཔཱདུཀཾ ཀརོནྟིཔི ཀཱརཱཔེནྟིཔི, ཀམྦལཔཱདུཀཾ ཀརོནྟིཔི ཀཱརཱཔེནྟིཔི, རིཉྩནྟི ཨུདྡེསཾ པརིཔུཙྪཾ ཨདྷིསཱིལཾ ཨདྷིཙིཏྟཾ ཨདྷིཔཉྙཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷདྡིཡཱ བྷིཀྑཱུ ཨནེཀཝིཧིཏཾ པཱདུཀམཎྜནཱནུཡོགམནུཡུཏྟཱ ཝིཧརིསྶནྟི, ཏིཎཔཱདུཀཾ ཀརིསྶནྟིཔི ཀཱརཱཔེསྶནྟིཔི, མུཉྫཔཱདུཀཾ ཀརིསྶནྟིཔི ཀཱརཱཔེསྶནྟིཔི, པབྦཛཔཱདུཀཾ ཀརིསྶནྟིཔི ཀཱརཱཔེསྶནྟིཔི, ཧིནྟཱལཔཱདུཀཾ ཀརིསྶནྟིཔི ཀཱརཱཔེསྶནྟིཔི, ཀམལཔཱདུཀཾ ཀརིསྶནྟིཔི ཀཱརཱཔེསྶནྟིཔི, ཀམྦལཔཱདུཀཾ ཀརིསྶནྟིཔི ཀཱརཱཔེསྶནྟིཔི, རིཉྩིསྶནྟི ཨུདྡེསཾ པརིཔུཙྪཾ ཨདྷིསཱིལཾ ཨདྷིཙིཏྟཾ ཨདྷིཔཉྙ’’ནྟི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, བྷདྡིཡཱ བྷིཀྑཱུ ཨནེཀཝིཧིཏཾ པཱདུཀམཎྜནཱནུཡོགམནུཡུཏྟཱ ཝིཧརནྟི, ཏིཎཔཱདུཀཾ ཀརོནྟིཔི ཀཱརཱཔེནྟིཔི…པེ… རིཉྩནྟི ཨུདྡེསཾ པརིཔུཙྪཾ ཨདྷིསཱིལཾ ཨདྷིཙིཏྟཾ ཨདྷིཔཉྙ’’ནྟི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ཨནེཀཝིཧིཏཾ པཱདུཀམཎྜནཱནུཡོགམནུཡུཏྟཱ ཝིཧརིསྶནྟི, ཏིཎཔཱདུཀཾ ཀརིསྶནྟིཔི ཀཱརཱཔེསྶནྟིཔི…པེ… རིཉྩིསྶནྟི ཨུདྡེསཾ པརིཔུཙྪཾ ཨདྷིསཱིལཾ ཨདྷིཙིཏྟཾ ཨདྷིཔཉྙཾ. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཏིཎཔཱདུཀཱ དྷཱརེཏབྦཱ, ན མུཉྫཔཱདུཀཱ དྷཱརེཏབྦཱ, ན པབྦཛཔཱདུཀཱ དྷཱརེཏབྦཱ, ན ཧིནྟཱལཔཱདུཀཱ དྷཱརེཏབྦཱ, ན ཀམལཔཱདུཀཱ དྷཱརེཏབྦཱ, ན ཀམྦལཔཱདུཀཱ དྷཱརེཏབྦཱ, ན སོཝཎྞམཡཱ པཱདུཀཱ དྷཱརེཏབྦཱ, ན རཱུཔིཡམཡཱ པཱདུཀཱ དྷཱརེཏབྦཱ, ན མཎིམཡཱ པཱདུཀཱ དྷཱརེཏབྦཱ, ན ཝེལུ༹རིཡམཡཱ པཱདུཀཱ དྷཱརེཏབྦཱ, ན ཕལིཀམཡཱ པཱདུཀཱ དྷཱརེཏབྦཱ, ན ཀཾསམཡཱ པཱདུཀཱ དྷཱརེཏབྦཱ, ན ཀཱཙམཡཱ པཱདུཀཱ དྷཱརེཏབྦཱ, ན ཏིཔུམཡཱ པཱདུཀཱ དྷཱརེཏབྦཱ, ན སཱིསམཡཱ པཱདུཀཱ དྷཱརེཏབྦཱ, ན ཏམྦལོཧམཡཱ པཱདུཀཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶ. ན ཙ, བྷིཀྑཝེ, ཀཱཙི སངྐམནིཡཱ པཱདུཀཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཏིསྶོ པཱདུཀཱ དྷུཝཊྛཱནིཡཱ ཨསངྐམནིཡཱཡོ – ཝཙྩཔཱདུཀཾ, པསྶཱཝཔཱདུཀཾ, ཨཱཙམནཔཱདུཀ’’ནྟི.

༢༥༢. ཨཐ ཁོ བྷགཝཱ བྷདྡིཡེ ཡཐཱབྷིརནྟཾ ཝིཧརིཏྭཱ ཡེན སཱཝཏྠི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན སཱཝཏྠི ཏདཝསརི. ཏཏྲ སུདཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨཙིརཝཏིཡཱ ནདིཡཱ གཱཝཱིནཾ ཏརནྟཱིནཾ ཝིསཱཎེསུཔི གཎྷནྟི, ཀཎྞེསུཔི གཎྷནྟི, གཱིཝཱཡཔི གཎྷནྟི, ཚེཔྤཱཔི གཎྷནྟི, པིཊྛིམྤི ཨབྷིརུཧནྟི, རཏྟཙིཏྟཱཔི ཨངྒཛཱཏཾ ཚུཔནྟི, ཝཙྪཏརིམྤི ཨོགཱཧེཏྭཱ མཱརེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ གཱཝཱིནཾ ཏརནྟཱིནཾ ཝིསཱཎེསུཔི གཧེསྶནྟི…པེ… སེཡྻཐཱཔི གིཧཱི ཀཱམབྷོགིནོ’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ཀིར, བྷིཀྑཝེ,…པེ… སཙྩཾ བྷགཝཱཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, གཱཝཱིནཾ ཝིསཱཎེསུ གཧེཏབྦཾ, ན ཀཎྞེསུ གཧེཏབྦཾ, ན གཱིཝཱཡ གཧེཏབྦཾ, ན ཚེཔྤཱཡ གཧེཏབྦཾ, ན པིཊྛི ཨབྷིརུཧིཏབྦཱ. ཡོ ཨབྷིརུཧེཡྻ, ཨཱཔཏྟི དུཀྐཊསྶ. ན ཙ, བྷིཀྑཝེ, རཏྟཙིཏྟེན ཨངྒཛཱཏཾ ཚུཔིཏབྦཾ. ཡོ ཚུཔེཡྻ, ཨཱཔཏྟི ཐུལླཙྩཡསྶ. ན ཝཙྪཏརཱི མཱརེཏབྦཱ. ཡོ མཱརེཡྻ, ཡཐཱདྷམྨོ ཀཱརེཏབྦོ’’ཏི.

ཀཊྛཔཱདུཀཱདིཔཊིཀྑེཔོ ནིཊྛིཏོ.

༡༥༣. ཡཱནཱདིཔཊིཀྑེཔོ

༢༥༣. ཏེན ཁོ པན སམཡེན ཚབྦགྒིཡཱ བྷིཀྑཱུ ཡཱནེན ཡཱཡནྟི, ཨིཏྠིཡུཏྟེནཔི པུརིསནྟརེན, པུརིསཡུཏྟེནཔི ཨིཏྠནྟརེན. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘སེཡྻཐཱཔི གངྒཱམཧིཡཱཡཱ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཡཱནེན ཡཱཡིཏབྦཾ. ཡོ ཡཱཡེཡྻ, ཨཱཔཏྟི དུཀྐཊསྶཱཏི. ཏེན ཁོ པན སམཡེན ཨཉྙཏརོ བྷིཀྑུ ཀོསལེསུ ཛནཔདེ སཱཝཏྠིཾ གཙྪནྟོ བྷགཝནྟཾ དསྶནཱཡ ཨནྟརཱམགྒེ གིལཱནོ ཧོཏི. ཨཐ ཁོ སོ བྷིཀྑུ མགྒཱ ཨོཀྐམྨ ཨཉྙཏརསྨིཾ རུཀྑམཱུལེ ནིསཱིདི. མནུསྶཱ ཏཾ བྷིཀྑུཾ དིསྭཱ ཨེཏདཝོཙུཾ – ‘‘ཀཧཾ, བྷནྟེ, ཨཡྻོ གམིསྶཏཱི’’ཏི? ‘‘སཱཝཏྠིཾ ཁོ ཨཧཾ, ཨཱཝུསོ, གམིསྶཱམི བྷགཝནྟཾ དསྶནཱཡཱ’’ཏི. ‘‘ཨེཧི, བྷནྟེ, གམིསྶཱམཱ’’ཏི. ‘‘ནཱཧཾ, ཨཱཝུསོ, སཀྐོམི, གིལཱནོམྷཱི’’ཏི. ‘‘ཨེཧི, བྷནྟེ, ཡཱནཾ ཨབྷིརུཧཱ’’ཏི. ‘‘ཨལཾ, ཨཱཝུསོ, པཊིཀྑིཏྟཾ བྷགཝཏཱ ཡཱན’’ནྟི ཀུཀྐུཙྩཱཡནྟོ ཡཱནཾ ནཱབྷིརུཧི. ཨཐ ཁོ སོ བྷིཀྑུ སཱཝཏྠིཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, གིལཱནསྶ ཡཱནནྟི. ཨཐ ཁོ བྷིཀྑཱུནཾ ཨེཏདཧོསི – ‘‘ཨིཏྠིཡུཏྟཾ ནུ ཁོ པུརིསཡུཏྟཾ ནུ ཁོ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པུརིསཡུཏྟཾ ཧཏྠཝཊྚཀནྟི.

ཏེན ཁོ པན སམཡེན ཨཉྙཏརསྶ བྷིཀྑུནོ ཡཱནུགྒྷཱཏེན བཱལ༹ྷཏརཾ ཨཕཱསུ ཨཧོསི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སིཝིཀཾ པཱཊངྐིནྟི.

ཡཱནཱདིཔཊིཀྑེཔོ ནིཊྛིཏོ.

༡༥༤. ཨུཙྩཱསཡནམཧཱསཡནཔཊིཀྑེཔོ

༢༥༤. ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཙྩཱསཡནམཧཱསཡནཱནི དྷཱརེནྟི, སེཡྻཐིདཾ – ཨཱསནྡིཾ, པལླངྐཾ, གོནཀཾ, ཙིཏྟཀཾ, པཊིཀཾ, པཊལིཀཾ, ཏཱུལིཀཾ, ཝིཀཏིཀཾ, ཨུདྡྷལོམིཾ [ཨུནྡལོམིཾ (ཀ.), ཨུདྡལོམིཾ (ཀ.)], ཨེཀནྟལོམིཾ, ཀཊྚིསྶཾ, ཀོསེཡྻཾ, ཀུཏྟཀཾ, ཧཏྠཏྠརཾ, ཨསྶཏྠརཾ, རཐཏྠརཾ, ཨཛིནཔཝེཎིཾ, ཀདལིམིགཔཝརཔཙྩཏྠརཎཾ, སཨུཏྟརཙྪདཾ, ཨུབྷཏོལོཧིཏཀཱུཔདྷཱནནྟི. མནུསྶཱ ཝིཧཱརཙཱརིཀཾ ཨཱཧིཎྜནྟཱ པསྶིཏྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘སེཡྻཐཱཔི གིཧཱི ཀཱམབྷོགིནོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨུཙྩཱསཡནམཧཱསཡནཱནི དྷཱརེཏབྦཱནི, སེཡྻཐིདཾ – ཨཱསནྡི, པལླངྐོ, གོནཀོ, ཙིཏྟཀོ, པཊིཀཱ, པཊལིཀཱ, ཏཱུལིཀཱ, ཝིཀཏིཀཱ, ཨུདྡྷལོམི, ཨེཀནྟལོམི, ཀཊྚིསྶཾ, ཀོསེཡྻཾ, ཀུཏྟཀཾ, ཧཏྠཏྠརཾ, ཨསྶཏྠརཾ, རཐཏྠརཾ, ཨཛིནཔཝེཎི, ཀདལིམིགཔཝརཔཙྩཏྠརཎཾ, སཨུཏྟརཙྪདཾ, ཨུབྷཏོལོཧིཏཀཱུཔདྷཱནཾ. ཡོ དྷཱརེཡྻ, ཨཱཔཏྟི དུཀྐཊསྶཱཏི.

ཨུཙྩཱསཡནམཧཱསཡནཔཊིཀྑེཔོ ནིཊྛིཏོ.

༡༥༥. སབྦཙམྨཔཊིཀྑེཔོ

༢༥༥. ཏེན ཁོ པན སམཡེན ཚབྦགྒིཡཱ བྷིཀྑཱུ – བྷགཝཏཱ ཨུཙྩཱསཡནམཧཱསཡནཱནི པཊིཀྑིཏྟཱནཱིཏི – མཧཱཙམྨཱནི དྷཱརེནྟི, སཱིཧཙམྨཾ བྱགྒྷཙམྨཾ དཱིཔིཙམྨཾ. ཏཱནི མཉྩཔྤམཱཎེནཔི ཚིནྣཱནི ཧོནྟི, པཱིཋཔྤམཱཎེནཔི ཚིནྣཱནི ཧོནྟི, ཨནྟོཔི མཉྩེ པཉྙཏྟཱནི ཧོནྟི, བཧིཔི མཉྩེ པཉྙཏྟཱནི ཧོནྟི, ཨནྟོཔི པཱིཋེ པཉྙཏྟཱནི ཧོནྟི, བཧིཔི པཱིཋེ པཉྙཏྟཱནི ཧོནྟི. མནུསྶཱ ཝིཧཱརཙཱརིཀཾ ཨཱཧིཎྜནྟཱ པསྶིཏྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘སེཡྻཐཱཔི གིཧཱི ཀཱམབྷོགིནོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, མཧཱཙམྨཱནི དྷཱརེཏབྦཱནི, སཱིཧཙམྨཾ བྱགྒྷཙམྨཾ དཱིཔིཙམྨཾ. ཡོ དྷཱརེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ – བྷགཝཏཱ མཧཱཙམྨཱནི པཊིཀྑིཏྟཱནཱིཏི – གོཙམྨཱནི དྷཱརེནྟི. ཏཱནི མཉྩཔྤམཱཎེནཔི ཚིནྣཱནི ཧོནྟི, པཱིཋཔྤམཱཎེནཔི ཚིནྣཱནི ཧོནྟི, ཨནྟོཔི མཉྩེ པཉྙཏྟཱནི ཧོནྟི, བཧིཔི མཉྩེ པཉྙཏྟཱནི ཧོནྟི, ཨནྟོཔི པཱིཋེ པཉྙཏྟཱནི ཧོནྟི, བཧིཔི པཱིཋེ པཉྙཏྟཱནི ཧོནྟི. ཨཉྙཏརོཔི པཱཔབྷིཀྑུ ཨཉྙཏརསྶ པཱཔུཔཱསཀསྶ ཀུལཱུཔཀོ ཧོཏི. ཨཐ ཁོ སོ པཱཔབྷིཀྑུ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན ཏསྶ པཱཔུཔཱསཀསྶ ནིཝེསནཾ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཨཐ ཁོ སོ པཱཔུཔཱསཀོ ཡེན སོ པཱཔབྷིཀྑུ ཏེནུཔསངྐམི, ཨུཔསངྐམིཏྭཱ ཏཾ པཱཔབྷིཀྑུཾ ཨབྷིཝཱདེཏྭཱ ཨེཀམནྟཾ ནིསཱིདི. ཏེན ཁོ པན སམཡེན ཏསྶ པཱཔུཔཱསཀསྶ ཝཙྪཀོ ཧོཏི ཏརུཎཀོ ཨབྷིརཱུཔོ དསྶནཱིཡོ པཱསཱདིཀོ ཙིཏྲོ, སེཡྻཐཱཔི དཱིཔིཙྪཱཔོ. ཨཐ ཁོ སོ པཱཔབྷིཀྑུ ཏཾ ཝཙྪཀཾ སཀྐཙྩཾ ཨུཔནིཛ྄ཛྷཱཡཏི. ཨཐ ཁོ སོ པཱཔུཔཱསཀོ ཏཾ པཱཔབྷིཀྑུཾ ཨེཏདཝོཙ – ‘‘ཀིསྶ, བྷནྟེ, ཨཡྻོ ཨིམཾ ཝཙྪཀཾ སཀྐཙྩཾ ཨུཔནིཛ྄ཛྷཱཡཏཱི’’ཏི? ‘‘ཨཏྠོ མེ, ཨཱཝུསོ, ཨིམསྶ ཝཙྪཀསྶ ཙམྨེནཱ’’ཏི. ཨཐ ཁོ སོ པཱཔུཔཱསཀོ ཏཾ ཝཙྪཀཾ ཝདྷིཏྭཱ ཙམྨཾ ཝིདྷུནིཏྭཱ ཏསྶ པཱཔབྷིཀྑུནོ པཱདཱསི. ཨཐ ཁོ སོ པཱཔབྷིཀྑུ ཏཾ ཙམྨཾ སངྒྷཱཊིཡཱ པཊིཙྪཱདེཏྭཱ ཨགམཱསི. ཨཐ ཁོ སཱ གཱཝཱི ཝཙྪགིདྡྷིནཱི ཏཾ པཱཔབྷིཀྑུཾ པིཊྛིཏོ པིཊྛིཏོ ཨནུབནྡྷི. བྷིཀྑཱུ ཨེཝམཱཧཾསུ – ‘‘ཀིསྶ ཏྱཱཡཾ, ཨཱཝུསོ, གཱཝཱི པིཊྛིཏོ པིཊྛིཏོ ཨནུབནྡྷཱི’’ཏི? ‘‘ཨཧམྤི ཁོ, ཨཱཝུསོ, ན ཛཱནཱམི ཀེན [ཀེནཙི (ཀ.)] མྱཱཡཾ གཱཝཱི པིཊྛིཏོ པིཊྛིཏོ ཨནུབནྡྷཱི’’ཏི. ཏེན ཁོ པན སམཡེན ཏསྶ པཱཔབྷིཀྑུནོ སངྒྷཱཊི ལོཧིཏེན མཀྑིཏཱ ཧོཏི. བྷིཀྑཱུ ཨེཝམཱཧཾསུ – ‘‘ཨཡཾ པན ཏེ, ཨཱཝུསོ, སངྒྷཱཊི ཀིཾ ཀཏཱ’’ཏི? ཨཐ ཁོ སོ པཱཔབྷིཀྑུ བྷིཀྑཱུནཾ ཨེཏམཏྠཾ ཨཱརོཙེསི. ‘‘ཀིཾ པན ཏྭཾ, ཨཱཝུསོ, པཱཎཱཏིཔཱཏེ སམཱདཔེསཱི’’ཏི? ‘‘ཨེཝམཱཝུསོ’’ཏི. ཡེ ཏེ བྷིཀྑཱུ ཨཔྤིཙྪཱ ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུ པཱཎཱཏིཔཱཏེ སམཱདཔེསྶཏི, ནནུ བྷགཝཏཱ ཨནེཀཔརིཡཱཡེན པཱཎཱཏིཔཱཏོ གརཧིཏོ, པཱཎཱཏིཔཱཏཱ ཝེརམཎཱི པསཏྠཱ’’ཏི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ.

ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཏཾ པཱཔབྷིཀྑུཾ པཊིཔུཙྪི – ‘‘སཙྩཾ ཀིར ཏྭཾ, བྷིཀྑུ, པཱཎཱཏིཔཱཏེ སམཱདཔེསཱི’’ཏི? སཙྩཾ བྷགཝཱཏི…པེ… ཀཐཉྷི ནཱམ ཏྭཾ, མོགྷཔུརིས, པཱཎཱཏིཔཱཏེ སམཱདཔེསྶསི, ནནུ མཡཱ, མོགྷཔུརིས, ཨནེཀཔརིཡཱཡེན པཱཎཱཏིཔཱཏོ གརཧིཏོ, པཱཎཱཏིཔཱཏཱ ཝེརམཎཱི པསཏྠཱ. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, པཱཎཱཏིཔཱཏེ སམཱདཔེཏབྦཾ. ཡོ སམཱདཔེཡྻ, ཡཐཱདྷམྨོ ཀཱརེཏབྦོ. ན, བྷིཀྑཝེ, གོཙམྨཾ དྷཱརེཏབྦཾ. ཡོ དྷཱརེཡྻ, ཨཱཔཏྟི དུཀྐཊསྶ. ན ཙ, བྷིཀྑཝེ, ཀིཉྩི ཙམྨཾ དྷཱརེཏབྦཾ. ཡོ དྷཱརེཡྻ, ཨཱཔཏྟི དུཀྐཊསྶཱ’’ཏི.

སབྦཙམྨཔཊིཀྑེཔོ ནིཊྛིཏོ.

༡༥༦. གིཧིཝིཀཏཱནུཉྙཱཏཱདི

༢༥༦. ཏེན ཁོ པན སམཡེན མནུསྶཱནཾ མཉྩམྤི པཱིཋམྤི ཙམྨོནདྡྷཱནི ཧོནྟི, ཙམྨཝིནདྡྷཱནི. བྷིཀྑཱུ ཀུཀྐུཙྩཱཡནྟཱ ནཱབྷིནིསཱིདནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, གིཧིཝིཀཏཾ ཨབྷིནིསཱིདིཏུཾ, ན ཏྭེཝ ཨབྷིནིཔཛྫིཏུནྟི.

ཏེན ཁོ པན སམཡེན ཝིཧཱརཱ ཙམྨཝདྡྷེཧི ཨོགུམྥིཡནྟི [ཨོགུམྦྷིཡནྟི (ཀ.)]. བྷིཀྑཱུ ཀུཀྐུཙྩཱཡནྟཱ ནཱབྷིནིསཱིདནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, བནྡྷནམཏྟཾ ཨབྷིནིསཱིདིཏུནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ སཨུཔཱཧནཱ གཱམཾ པཝིསནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘སེཡྻཐཱཔི གིཧཱི ཀཱམབྷོགིནོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སཨུཔཱཧནེན གཱམོ པཝིསིཏབྦོ. ཡོ པཝིསེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི, ན སཀྐོཏི ཝིནཱ ཨུཔཱཧནེན གཱམཾ པཝིསིཏུཾ. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, གིལཱནེན བྷིཀྑུནཱ སཨུཔཱཧནེན གཱམཾ པཝིསིཏུནྟི.

གིཧིཝིཀཏཱནུཉྙཱཏཱདི ནིཊྛིཏཱ.

༡༥༧. སོཎཀུཊིཀཎྞཝཏྠུ

༢༥༧. [ཨུདཱ. ༤༦ སོཀསུཏྟེན སཾསནྡིཏྭཱ པསྶིཏབྦཾ] ཏེན ཁོ པན སམཡེན ཨཱཡསྨཱ མཧཱཀཙྩཱནོ ཨཝནྟཱིསུ ཝིཧརཏི ཀུརརགྷརེ [ཀུརུརགྷརེ (ཀ.)] པཔཏཀེ [པཔཱཏེ (སཱི. སྱཱ.) པཝཏྠེ (ཨུདཱ. ༤༦)] པབྦཏེ. ཏེན ཁོ པན སམཡེན སོཎོ ཨུཔཱསཀོ ཀུཊིཀཎྞོ ཨཱཡསྨཏོ མཧཱཀཙྩཱནསྶ ཨུཔཊྛཱཀོ ཧོཏི. ཨཐ ཁོ སོཎོ ཨུཔཱསཀོ ཀུཊིཀཎྞོ ཡེནཱཡསྨཱ མཧཱཀཙྩཱནོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ མཧཱཀཙྩཱནཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སོཎོ ཨུཔཱསཀོ ཀུཊིཀཎྞོ ཨཱཡསྨནྟཾ མཧཱཀཙྩཱནཾ ཨེཏདཝོཙ – ‘‘ཡཐཱ ཡཐཱཧཾ, བྷནྟེ, ཨཡྻེན མཧཱཀཙྩཱནེན དྷམྨཾ དེསིཏཾ ཨཱཛཱནཱམི, ནཡིདཾ སུཀརཾ ཨགཱརཾ ཨཛ྄ཛྷཱཝསཏཱ ཨེཀནྟཔརིཔུཎྞཾ ཨེཀནྟཔརིསུདྡྷཾ སངྑལིཁིཏཾ བྲཧྨཙརིཡཾ ཙརིཏུཾ. ཨིཙྪཱམཧཾ, བྷནྟེ, ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛིཏུཾ. པབྦཱཛེཏུ མཾ, བྷནྟེ, ཨཡྻོ མཧཱཀཙྩཱནོ’’ཏི. ( ) [(ཨེཝཾ ཝུཏྟེ ཨཱཡསྨཱ མཧཱཀཙྩཱཡནོ སོཎཾ ཨུཔཱསཀཾ ཀུཊིཀཎྞཾ ཨེཏདཝོཙ) (སྱཱ. ཨུདཱ. ༤༦)] ‘‘དུཀྐརཾ ཁོ, སོཎ, ཡཱཝཛཱིཝཾ ཨེཀསེཡྻཾ ཨེཀབྷཏྟཾ བྲཧྨཙརིཡཾ ཙརིཏུཾ. ཨིངྒྷ, ཏྭཾ, སོཎ, ཏཏྠེཝ ཨགཱརིཀབྷཱུཏོ བུདྡྷཱནཾ སཱསནཾ ཨནུཡུཉྫ, ཀཱལཡུཏྟཾ ཨེཀསེཡྻཾ ཨེཀབྷཏྟཾ བྲཧྨཙརིཡ’’ནྟི. ཨཐ ཁོ སོཎསྶ ཨུཔཱསཀསྶ ཀུཊིཀཎྞསྶ ཡོ ཨཧོསི པབྦཛྫཱབྷིསངྑཱརོ སོ པཊིཔྤསྶམྦྷི. དུཏིཡམྤི ཁོ སོཎོ ཨུཔཱསཀོ ཀུཊིཀཎྞོ …པེ… ཏཏིཡམྤི ཁོ སོཎོ ཨུཔཱསཀོ ཀུཊིཀཎྞོ ཡེནཱཡསྨཱ མཧཱཀཙྩཱནོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ མཧཱཀཙྩཱནཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སོཎོ ཨུཔཱསཀོ ཀུཊིཀཎྞོ ཨཱཡསྨནྟཾ མཧཱཀཙྩཱནཾ ཨེཏདཝོཙ – ‘‘ཡཐཱ ཡཐཱཧཾ, བྷནྟེ, ཨཡྻེན མཧཱཀཙྩཱནེན དྷམྨཾ དེསིཏཾ ཨཱཛཱནཱམི, ནཡིདཾ སུཀརཾ ཨགཱརཾ ཨཛ྄ཛྷཱཝསཏཱ ཨེཀནྟཔརིཔུཎྞཾ ཨེཀནྟཔརིསུདྡྷཾ སངྑལིཁིཏཾ བྲཧྨཙརིཡཾ ཙརིཏུཾ. ཨིཙྪཱམཧཾ, བྷནྟེ, ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛིཏུཾ. པབྦཱཛེཏུ མཾ, བྷནྟེ, ཨཡྻོ མཧཱཀཙྩཱནོ’’ཏི. ཨཐ ཁོ ཨཱཡསྨཱ མཧཱཀཙྩཱནོ སོཎཾ ཨུཔཱསཀཾ ཀུཊིཀཎྞཾ པབྦཱཛེསི. ཏེན ཁོ པན སམཡེན ཨཝནྟིདཀྑིཎཱཔཐོ ཨཔྤབྷིཀྑུཀོ ཧོཏི. ཨཐ ཁོ ཨཱཡསྨཱ མཧཱཀཙྩཱནོ ཏིཎྞཾ ཝསྶཱནཾ ཨཙྩཡེན ཀིཙྪེན ཀསིརེན ཏཏོ ཏཏོ དསཝགྒཾ བྷིཀྑུསངྒྷཾ སནྣིཔཱཏཱཔེཏྭཱ ཨཱཡསྨནྟཾ སོཎཾ ཨུཔསམྤཱདེསི.

སོཎཀུཊིཀཎྞཝཏྠུ ནིཊྛིཏཾ.

༡༥༨. མཧཱཀཙྩཱནསྶ པཉྩཝརཔརིདསྶནཱ

ཨཐ ཁོ ཨཱཡསྨཏོ སོཎསྶ ཝསྶཾཝུཊྛསྶ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘‘སུཏོཡེཝ ཁོ མེ སོ བྷགཝཱ ཨེདིསོ ཙ ཨེདིསོ ཙཱཏི, ན ཙ མཡཱ སམྨུཁཱ དིཊྛོ, གཙྪེཡྻཱཧཾ ཏཾ བྷགཝནྟཾ དསྶནཱཡ ཨརཧནྟཾ སམྨཱསམྦུདྡྷཾ, སཙེ མཾ ཨུཔཛ྄ཛྷཱཡོ ཨནུཛཱནེཡྻཱ’’ཏི. ཨཐ ཁོ ཨཱཡསྨཱ སོཎོ སཱཡནྷསམཡཾ པཊིསལླཱནཱ ཝུཊྛིཏོ ཡེནཱཡསྨཱ མཧཱཀཙྩཱནོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ མཧཱཀཙྩཱནཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ སོཎོ ཨཱཡསྨནྟཾ མཧཱཀཙྩཱནཾ ཨེཏདཝོཙ – ‘‘ཨིདྷ མཡ྄ཧཾ, བྷནྟེ, རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘སུཏོ ཡེཝ ཁོ མེ སོ བྷགཝཱ ཨེདིསོ ཙ ཨེདིསོ ཙཱཏི, ན ཙ མཡཱ སམྨུཁཱ དིཊྛོ, གཙྪེཡྻཱཧཾ ཏཾ བྷགཝནྟཾ དསྶནཱཡ ཨརཧནྟཾ སམྨཱསམྦུདྡྷཾ, སཙེ མཾ ཨུཔཛ྄ཛྷཱཡོ ཨནུཛཱནེཡྻཱ’ཏི; གཙྪེཡྻཱཧཾ, བྷནྟེ, ཏཾ བྷགཝནྟཾ དསྶནཱཡ ཨརཧནྟཾ སམྨཱསམྦུདྡྷཾ, སཙེ མཾ ཨུཔཛ྄ཛྷཱཡོ ཨནུཛཱནཱཏཱི’’ཏི. ‘‘སཱདྷུ སཱདྷུ, སོཎ. གཙྪ ཏྭཾ, སོཎ, ཏཾ བྷགཝནྟཾ དསྶནཱཡ ཨརཧནྟཾ སམྨཱསམྦུདྡྷཾ. དཀྑིསྶསི ཏྭཾ, སོཎ, ཏཾ བྷགཝནྟཾ པཱསཱདིཀཾ པསཱདནཱིཡཾ སནྟིནྡྲིཡཾ སནྟམཱནསཾ ཨུཏྟམདམཐསམཐཾ ཨམནུཔྤཏྟཾ དནྟཾ གུཏྟཾ ཡཏིནྡྲིཡཾ ནཱགཾ. ཏེན ཧི ཏྭཾ, སོཎ, མམ ཝཙནེན བྷགཝཏོ པཱདེ སིརསཱ ཝནྡ – ‘ཨུཔཛ྄ཛྷཱཡོ མེ, བྷནྟེ, ཨཱཡསྨཱ མཧཱཀཙྩཱནོ བྷགཝཏོ པཱདེ སིརསཱ ཝནྡཏཱི’’’ཏི. ཨེཝཉྩ ཝདེཧི – ‘‘ཨཝནྟིདཀྑིཎཱཔཐོ, བྷནྟེ, ཨཔྤབྷིཀྑུཀོ, ཏིཎྞཾ མེ ཝསྶཱནཾ ཨཙྩཡེན ཀིཙྪེན ཀསིརེན ཏཏོ ཏཏོ དསཝགྒཾ བྷིཀྑུསངྒྷཾ སནྣིཔཱཏཱཔེཏྭཱ ཨུཔསམྤདཾ ཨལཏྠཾ; ཨཔྤེཝ ནཱམ བྷགཝཱ ཨཝནྟིདཀྑིཎཱཔཐེ ཨཔྤཏརེན གཎེན ཨུཔསམྤདཾ ཨནུཛཱནེཡྻ. ཨཝནྟིདཀྑིཎཱཔཐེ, བྷནྟེ, ཀཎྷུཏྟརཱ བྷཱུམི ཁརཱ གོཀཎྚཀཧཏཱ; ཨཔྤེཝ ནཱམ བྷགཝཱ ཨཝནྟིདཀྑིཎཱཔཐེ གུཎངྒུཎཱུཔཱཧནཾ ཨནུཛཱནེཡྻ. ཨཝནྟིདཀྑིཎཱཔཐེ, བྷནྟེ, ནཧཱནགརུཀཱ མནུསྶཱ ཨུདཀསུདྡྷིཀཱ; ཨཔྤེཝ ནཱམ བྷགཝཱ ཨཝནྟིདཀྑིཎཱཔཐེ དྷུཝནཧཱནཾ ཨནུཛཱནེཡྻ. ཨཝནྟིདཀྑིཎཱཔཐེ, བྷནྟེ, ཙམྨཱནི ཨཏྠརཎཱནི, ཨེལ༹ཀཙམྨཾ ཨཛཙམྨཾ མིགཙམྨཾ. སེཡྻཐཱཔི, བྷནྟེ, མཛ྄ཛྷིམེསུ ཛནཔདེསུ ཨེརགཱུ མོརགཱུ མཛྫཱརཱུ [མཛ྄ཛྷཱརཱུ (ཀ.)] ཛནྟཱུ, ཨེཝམེཝ ཁོ, བྷནྟེ, ཨཝནྟིདཀྑིཎཱཔཐེ ཙམྨཱནི ཨཏྠརཎཱནི, ཨེལ༹ཀཙམྨཾ ཨཛཙམྨཾ མིགཙམྨཾ; ཨཔྤེཝ ནཱམ བྷགཝཱ ཨཝནྟིདཀྑིཎཱཔཐེ ཙམྨཱནི ཨཏྠརཎཱནི ཨནུཛཱནེཡྻ, ཨེལ༹ཀཙམྨཾ ཨཛཙམྨཾ མིགཙམྨཾ. ཨེཏརཧི, བྷནྟེ, མནུསྶཱ ནིསྶཱིམགཏཱནཾ བྷིཀྑཱུནཾ ཙཱིཝརཾ དེནྟི – ‘ཨིམཾ ཙཱིཝརཾ ཨིཏྠནྣཱམསྶ དེམཱ’’’ཏི. ཏེ ཨཱགནྟྭཱ ཨཱརོཙེནྟི – ‘ཨིཏྠནྣཱམེཧི ཏེ, ཨཱཝུསོ, མནུསྶེཧི ཙཱིཝརཾ དིནྣ’ནྟི ཏེ ཀུཀྐུཙྩཱཡནྟཱ ན སཱདིཡནྟི – ‘མཱ ནོ ནིསྶགྒིཡཾ ཨཧོསཱི’ཏི; ཨཔྤེཝ ནཱམ བྷགཝཱ ཙཱིཝརེ པརིཡཱཡཾ ཨཱཙིཀྑེཡྻཱ’’ཏི. ‘‘ཨེཝཾ, བྷནྟེ’’ཏི ཁོ ཨཱཡསྨཱ སོཎོ ཨཱཡསྨཏོ མཧཱཀཙྩཱནསྶ པཊིསྶུཏྭཱ ཨུཊྛཱཡཱསནཱ ཨཱཡསྨནྟཾ མཧཱཀཙྩཱནཾ ཨབྷིཝཱདེཏྭཱ པདཀྑིཎཾ ཀཏྭཱ སེནཱསནཾ སཾསཱམེཏྭཱ པཏྟཙཱིཝརམཱདཱཡ ཡེན སཱཝཏྠི ཏེན པཀྐཱམི. ཨནུཔུབྦེན ཡེན སཱཝཏྠི ཛེཏཝནཾ ཨནཱཐཔིཎྜིཀསྶ ཨཱརཱམོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨཐ ཁོ བྷགཝཱ ཨཱཡསྨནྟཾ ཨཱནནྡཾ ཨཱམནྟེསི – ‘‘ཨིམསྶ, ཨཱནནྡ, ཨཱགནྟུཀསྶ བྷིཀྑུནོ སེནཱསནཾ པཉྙཱཔེཧཱི’’ཏི. ཨཐ ཁོ ཨཱཡསྨཱ ཨཱནནྡོ – ‘‘ཡསྶ ཁོ མཾ བྷགཝཱ ཨཱཎཱཔེཏི, ‘ཨིམསྶ, ཨཱནནྡ, ཨཱགནྟུཀསྶ བྷིཀྑུནོ སེནཱསནཾ པཉྙཱཔེཧཱི’ཏི, ཨིཙྪཏི བྷགཝཱ ཏེན བྷིཀྑུནཱ སདྡྷིཾ ཨེཀཝིཧཱརེ ཝཏྠུཾ, ཨིཙྪཏི བྷགཝཱ ཨཱཡསྨཏཱ སོཎེན སདྡྷིཾ ཨེཀཝིཧཱརེ ཝཏྠུ’’ནྟི – ཡསྨིཾ ཝིཧཱརེ བྷགཝཱ ཝིཧརཏི ཏསྨིཾ ཝིཧཱརེ ཨཱཡསྨཏོ སོཎསྶ སེནཱསནཾ པཉྙཱཔེསི.

༢༥༨. ཨཐ ཁོ བྷགཝཱ བཧུདེཝ རཏྟིཾ ཨཛ྄ཛྷོཀཱསེ ཝཱིཏིནཱམེཏྭཱ ཝིཧཱརཾ པཱཝིསི. ཨཱཡསྨཱཔི ཁོ སོཎོ བཧུདེཝ རཏྟིཾ ཨཛ྄ཛྷོཀཱསེ ཝཱིཏིནཱམེཏྭཱ ཝིཧཱརཾ པཱཝིསི. ཨཐ ཁོ བྷགཝཱ རཏྟིཡཱ པཙྩཱུསསམཡཾ པཙྩུཊྛཱཡ ཨཱཡསྨནྟཾ སོཎཾ ཨཛ྄ཛྷེསི – ‘‘པཊིབྷཱཏུ ཏཾ, བྷིཀྑུ, དྷམྨོ བྷཱསིཏུ’’ནྟི. ‘‘ཨེཝཾ, བྷནྟེ’’ཏི ཁོ ཨཱཡསྨཱ སོཎོ བྷགཝཏོ པཊིསྶུཎིཏྭཱ སབྦཱནེཝ ཨཊྛཀཝགྒིཀཱནི སརེན ཨབྷཱསི. ཨཐ ཁོ བྷགཝཱ ཨཱཡསྨཏོ སོཎསྶ སརབྷཉྙཔརིཡོསཱནེ ཨབྦྷཱནུམོདི – ‘‘སཱདྷུ, སཱདྷུ, བྷིཀྑུ. སུགྒཧིཏཱནི ཁོ ཏེ, བྷིཀྑུ, ཨཊྛཀཝགྒིཀཱནི, སུམནསིཀཏཱནི སཱུཔདྷཱརིཏཱནི. ཀལྱཱཎིཡཱཔི ཝཱཙཱཡ སམནྣཱགཏོ, ཝིསྶཊྛཱཡ, ཨནེལགལཱཡ [ཨནེལ༹གལཱཡ (ཀ.)], ཨཏྠསྶ ཝིཉྙཱཔནིཡཱ. ཀཏིཝསྶོསི ཏྭཾ, བྷིཀྑཱུ’’ཏི? ‘‘ཨེཀཝསྶོཧཾ, བྷགཝཱ’’ཏི. ‘‘ཀིསྶ པན ཏྭཾ, བྷིཀྑུ, ཨེཝཾ ཙིརཾ ཨཀཱསཱི’’ཏི? ‘‘ཙིརཾ དིཊྛོ མེ, བྷནྟེ, ཀཱམེསུ ཨཱདཱིནཝོ, ཨཔི ཙ སམྦཱདྷཱ གྷརཱཝཱསཱ བཧུཀིཙྩཱ བཧུཀརཎཱིཡཱ’’ཏི. ཨཐ ཁོ བྷགཝཱ ཨེཏམཏྠཾ ཝིདིཏྭཱ ཏཱཡཾ ཝེལཱཡཾ ཨིམཾ ཨུདཱནཾ ཨུདཱནེསི –

[ཨུདཱ. ༤༦ ཨུདཱནེཔི] ‘‘དིསྭཱ ཨཱདཱིནཝཾ ལོཀེ, ཉཏྭཱ དྷམྨཾ ནིརཱུཔདྷིཾ;

ཨརིཡོ ན རམཏཱི པཱཔེ, པཱཔེ ན རམཏཱི སུཙཱི’’ཏི.

ཨཐ ཁོ ཨཱཡསྨཱ སོཎོ – པཊིསམྨོདཏི ཁོ མཾ བྷགཝཱ, ཨཡཾ ཁྭསྶ ཀཱལོ ཡཾ མེ ཨུཔཛ྄ཛྷཱཡོ པརིདསྶཱིཏི – ཨུཊྛཱཡཱསནཱ ཨེཀཾསཾ ཨུཏྟརཱསངྒཾ ཀརིཏྭཱ བྷགཝཏོ པཱདེསུ སིརསཱ ནིཔཏིཏྭཱ བྷགཝནྟཾ ཨེཏདཝོཙ – ‘‘ཨུཔཛ྄ཛྷཱཡོ མེ, བྷནྟེ, ཨཱཡསྨཱ མཧཱཀཙྩཱནོ བྷགཝཏོ པཱདེ སིརསཱ ཝནྡཏི, ཨེཝཉྩ ཝདེཏི ཨཝནྟིདཀྑིཎཱཔཐོ, བྷནྟེ, ཨཔྤབྷིཀྑུཀོ. ཏིཎྞཾ མེ ཝསྶཱནཾ ཨཙྩཡེན ཀིཙྪེན ཀསིརེན ཏཏོ ཏཏོ དསཝགྒཾ བྷིཀྑུསངྒྷཾ སནྣིཔཱཏཱཔེཏྭཱ ཨུཔསམྤདཾ ཨལཏྠཾ, ཨཔྤེཝ ནཱམ བྷགཝཱ ཨཝནྟིདཀྑིཎཱཔཐེ ཨཔྤཏརེན གཎེན ཨུཔསམྤདཾ ཨནུཛཱནེཡྻ. ཨཝནྟིདཀྑིཎཱཔཐེ, བྷནྟེ, ཀཎྷུཏྟརཱ བྷཱུམི ཁརཱ གོཀཎྚཀཧཏཱ; ཨཔྤེཝ ནཱམ བྷགཝཱ ཨཝནྟིདཀྑིཎཱཔཐེ གུཎངྒུཎཱུཔཱཧནཾ ཨནུཛཱནེཡྻ. ཨཝནྟིདཀྑིཎཱཔཐེ, བྷནྟེ, ནཧཱནགརུཀཱ མནུསྶཱ ཨུདཀསུདྡྷིཀཱ, ཨཔྤེཝ ནཱམ བྷགཝཱ ཨཝནྟིདཀྑིཎཱཔཐེ དྷུཝནཧཱནཾ ཨནུཛཱནེཡྻ. ཨཝནྟིདཀྑིཎཱཔཐེ, བྷནྟེ, ཙམྨཱནི ཨཏྠརཎཱནི, ཨེལ༹ཀཙམྨཾ ཨཛཙམྨཾ མིགཙམྨཾ. སེཡྻཐཱཔི, བྷནྟེ, མཛ྄ཛྷིམེསུ ཛནཔདེསུ ཨེརགཱུ མོརགཱུ མཛྫཱརཱུ ཛནྟཱུ, ཨེཝམེཝ ཁོ, བྷནྟེ, ཨཝནྟིདཀྑིཎཱཔཐེ ཙམྨཱནི ཨཏྠརཎཱནི, ཨེལ༹ཀཙམྨཾ ཨཛཙམྨཾ མིགཙམྨཾ; ཨཔྤེཝ ནཱམ བྷགཝཱ ཨཝནྟིདཀྑིཎཱཔཐེ ཙམྨཱནི ཨཏྠརཎཱནི ཨནུཛཱནེཡྻ, ཨེལ༹ཀཙམྨཾ ཨཛཙམྨཾ མིགཙམྨཾ. ཨེཏརཧི, བྷནྟེ, མནུསྶཱ ནིསྶཱིམགཏཱནཾ བྷིཀྑཱུནཾ ཙཱིཝརཾ དེནྟི – ‘ཨིམཾ ཙཱིཝརཾ ཨིཏྠནྣཱམསྶ དེམཱ’ཏི. ཏེ ཨཱགནྟྭཱ ཨཱརོཙེནྟི – ‘ཨིཏྠནྣཱམེཧི ཏེ, ཨཱཝུསོ, མནུསྶེཧི ཙཱིཝརཾ དིནྣ’ནྟི. ཏེ ཀུཀྐུཙྩཱཡནྟཱ ན སཱདིཡནྟི – ‘མཱ ནོ ནིསྶགྒིཡཾ ཨཧོསཱི’ཏི; ཨཔྤེཝ ནཱམ བྷགཝཱ ཙཱིཝརེ པརིཡཱཡཾ ཨཱཙིཀྑེཡྻཱ’’ཏི.

༢༥༩. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨཝནྟིདཀྑིཎཱཔཐོ, བྷིཀྑཝེ, ཨཔྤབྷིཀྑུཀོ. ཨནུཛཱནཱམི, བྷིཀྑཝེ, སབྦཔཙྩནྟིམེསུ ཛནཔདེསུ ཝིནཡདྷརཔཉྩམེན གཎེན ཨུཔསམྤདཾ. ཏཏྲིམེ པཙྩནྟིམཱ ཛནཔདཱ – པུརཏྠིམཱཡ དིསཱཡ གཛངྒལཾ [ཀཛངྒལཾ (སཱི. སྱཱ.)] ནཱམ ནིགམོ, ཏསྶ པརེན མཧཱསཱལཱ, ཏཏོ པརཱ པཙྩནྟིམཱ ཛནཔདཱ, ཨོརཏོ མཛ྄ཛྷེ; པུརཏྠིམདཀྑིཎཱཡ དིསཱཡ སལླཝཏཱི [སལལཝཏཱི (སཱི.)] ནཱམ ནདཱི, ཏཏོ པརཱ པཙྩནྟིམཱ ཛནཔདཱ, ཨོརཏོ མཛ྄ཛྷེ; དཀྑིཎཱཡ དིསཱཡ སེཏཀཎྞིཀཾ ནཱམ ནིགམོ, ཏཏོ པརཱ པཙྩནྟིམཱ ཛནཔདཱ, ཨོརཏོ མཛ྄ཛྷེ; པཙྪིམཱཡ དིསཱཡ ཐཱུཎཾ ནཱམ བྲཱཧྨཎགཱམོ, ཏཏོ པརཱ པཙྩནྟིམཱ ཛནཔདཱ, ཨོརཏོ མཛ྄ཛྷེ; ཨུཏྟརཱཡ དིསཱཡ ཨུསཱིརདྡྷཛོ ནཱམ པབྦཏོ, ཏཏོ པརཱ པཙྩནྟིམཱ ཛནཔདཱ, ཨོརཏོ མཛ྄ཛྷེ. ཨནུཛཱནཱམི, བྷིཀྑཝེ, ཨེཝརཱུཔེསུ པཙྩནྟིམེསུ ཛནཔདེསུ ཝིནཡདྷརཔཉྩམེན གཎེན ཨུཔསམྤདཾ. ཨཝནྟིདཀྑིཎཱཔཐེ, བྷིཀྑཝེ, ཀཎྷུཏྟརཱ བྷཱུམི ཁརཱ གོཀཎྚཀཧཏཱ. ཨནུཛཱནཱམི, བྷིཀྑཝེ, སབྦཔཙྩནྟིམེསུ ཛནཔདེསུ གུཎངྒུཎཱུཔཱཧནཾ. ཨཝནྟིདཀྑིཎཱཔཐེ, བྷིཀྑཝེ, ནཧཱནགརུཀཱ མནུསྶཱ ཨུདཀསུདྡྷིཀཱ. ཨནུཛཱནཱམི, བྷིཀྑཝེ, སབྦཔཙྩནྟིམེསུ ཛནཔདེསུ དྷུཝནཧཱནཾ. ཨཝནྟིདཀྑིཎཱཔཐེ, བྷིཀྑཝེ, ཙམྨཱནི ཨཏྠརཎཱནི, ཨེལ༹ཀཙམྨཾ ཨཛཙམྨཾ མིགཙམྨཾ. སེཡྻཐཱཔི, བྷིཀྑཝེ, མཛ྄ཛྷིམེསུ ཛནཔདེསུ ཨེརགཱུ མོརགཱུ མཛྫཱརཱུ ཛནྟཱུ, ཨེཝམེཝ ཁོ, བྷིཀྑཝེ, ཨཝནྟིདཀྑིཎཱཔཐེ ཙམྨཱནི ཨཏྠརཎཱནི, ཨེལ༹ཀཙམྨཾ ཨཛཙམྨཾ མིགཙམྨཾ. ཨནུཛཱནཱམི, བྷིཀྑཝེ, སབྦཔཙྩནྟིམེསུ ཛནཔདེསུ ཙམྨཱནི ཨཏྠརཎཱནི, ཨེལ༹ཀཙམྨཾ ཨཛཙམྨཾ མིགཙམྨཾ. ཨིདྷ པན, བྷིཀྑཝེ, མནུསྶཱ ནིསྶཱིམགཏཱནཾ བྷིཀྑཱུནཾ ཙཱིཝརཾ དེནྟི – ‘ཨིམཾ ཙཱིཝརཾ ཨིཏྠནྣཱམསྶ དེམཱ’ཏི. ཨནུཛཱནཱམི, བྷིཀྑཝེ, སཱདིཏུཾ, ན ཏཱཝ ཏཾ གཎནཱུཔགཾ ཡཱཝ ན ཧཏྠཾ གཙྪཏཱི’’ཏི.

མཧཱཀཙྩཱནསྶ པཉྩཝརཔརིདསྶནཱ ནིཊྛིཏཱ.

ཙམྨཀྑནྡྷཀོ པཉྩམོ.

༡༥༩. ཏསྶུདྡཱནཾ

རཱཛཱ ཙ མཱགདྷོ སོཎོ, ཨསཱིཏིསཧསྶིསྶརོ;

སཱགཏོ གིཛ྄ཛྷཀཱུཊསྨིཾ, བཧུཾ དསྶེཏི ཨུཏྟརིཾ.

པབྦཛྫཱརདྡྷབྷིཛྫིཾསུ, ཝཱིཎཾ ཨེཀཔལཱསིཀཾ;

ནཱིལཱ པཱིཏཱ ལོཧིཏིཀཱ, མཉྫིཊྛཱ ཀཎྷམེཝ ཙ.

མཧཱརངྒམཧཱནཱམཱ, ཝདྡྷིཀཱ ཙ པཊིཀྑིཔི;

ཁལླཀཱ པུཊཔཱལི ཙ, ཏཱུལཏིཏྟིརམེཎྜཛཱ.

ཝིཙྪིཀཱ མོརཙིཏྲཱ ཙ, སཱིཧབྱགྒྷཱ ཙ དཱིཔིཀཱ;

ཨཛིནུདྡཱ མཛྫཱརཱི ཙ, ཀཱལ༹ལུཝཀཔརིཀྑཊཱ.

ཕལིཏུཔཱཧནཱ ཁིལཱ, དྷོཏཁཱཎུཁཊཁཊཱ;

ཏཱལཝེལུ༹ཏིཎཾ ཙེཝ, མུཉྫཔབྦཛཧིནྟཱལཱ.

ཀམལཀམྦལསོཝཎྞཱ, རཱུཔིཀཱ མཎིཝེལུ༹རིཡཱ;

ཕལིཀཱ ཀཾསཀཱཙཱ ཙ, ཏིཔུསཱིསཉྩ ཏམྦཀཱ.

གཱཝཱི ཡཱནཾ གིལཱནོ ཙ, པུརིསཱཡུཏྟསིཝིཀཱ;

སཡནཱནི མཧཱཙམྨཱ, གོཙམྨེཧི ཙ པཱཔཀོ.

གིཧཱིནཾ ཙམྨཝདྡྷེཧི, པཝིསནྟི གིལཱཡནོ;

མཧཱཀཙྩཱཡནོ སོཎོ, སརེན ཨཊྛཀཝགྒིཀཾ.

ཨུཔསམྤདཾ པཉྩཧི, གུཎངྒུཎཱ དྷུཝསིནཱ;

ཙམྨཏྠརཎཱནུཉྙཱསི, ན ཏཱཝ གཎནཱུཔགཾ;

ཨདཱསི མེ ཝརེ པཉྩ, སོཎཏྠེརསྶ ནཱཡཀོཏི.

ཨིམམྷི ཁནྡྷཀེ ཝཏྠཱུནི ཏེསཊྛི.

ཙམྨཀྑནྡྷཀོ ནིཊྛིཏོ.

༦. བྷེསཛྫཀྑནྡྷཀོ

༡༦༠. པཉྩབྷེསཛྫཀཐཱ

༢༦༠. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན བྷིཀྑཱུནཾ སཱརདིཀེན ཨཱབཱདྷེན ཕུཊྛཱནཾ ཡཱགུཔི པཱིཏཱ ཨུགྒཙྪཏི, བྷཏྟམྤི བྷུཏྟཾ ཨུགྒཙྪཏི. ཏེ ཏེན ཀིསཱ ཧོནྟི, ལཱུཁཱ, དུབྦཎྞཱ, ཨུཔྤཎྜུཔྤཎྜུཀཛཱཏཱ, དྷམནིསནྠཏགཏྟཱ. ཨདྡསཱ ཁོ བྷགཝཱ ཏེ བྷིཀྑཱུ ཀིསེ ལཱུཁེ དུབྦཎྞེ ཨུཔྤཎྜུཔྤཎྜུཀཛཱཏེ དྷམནིསནྠཏགཏྟེ, དིསྭཱན ཨཱཡསྨནྟཾ ཨཱནནྡཾ ཨཱམནྟེསི – ‘‘ཀིཾ ནུ ཁོ, ཨཱནནྡ, ཨེཏརཧི བྷིཀྑཱུ ཀིསཱ, ལཱུཁཱ, དུབྦཎྞཱ, ཨུཔྤཎྜུཔྤཎྜུཀཛཱཏཱ, དྷམནིསནྠཏགཏྟཱ’’ཏི? ‘‘ཨེཏརཧི, བྷནྟེ, བྷིཀྑཱུནཾ སཱརདིཀེན ཨཱབཱདྷེན ཕུཊྛཱནཾ ཡཱགུཔི པཱིཏཱ ཨུགྒཙྪཏི, བྷཏྟམྤི བྷུཏྟཾ ཨུགྒཙྪཏི. ཏེ ཏེན ཀིསཱ ཧོནྟི, ལཱུཁཱ, དུབྦཎྞཱ, ཨུཔྤཎྜུཔྤཎྜུཀཛཱཏཱ, དྷམནིསནྠཏགཏྟཱ’’ཏི. ཨཐ ཁོ བྷགཝཏོ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘‘ཨེཏརཧི ཁོ བྷིཀྑཱུནཾ སཱརདིཀེན ཨཱབཱདྷེན ཕུཊྛཱནཾ ཡཱགུཔི པཱིཏཱ ཨུགྒཙྪཏི, བྷཏྟམྤི བྷུཏྟཾ ཨུགྒཙྪཏི. ཏེ ཏེན ཀིསཱ ཧོནྟི, ལཱུཁཱ, དུབྦཎྞཱ, ཨུཔྤཎྜུཔྤཎྜུཀཛཱཏཱ, དྷམནིསནྠཏགཏྟཱ. ཀིཾ ནུ ཁོ ཨཧཾ བྷིཀྑཱུནཾ བྷེསཛྫཾ ཨནུཛཱནེཡྻཾ, ཡཾ བྷེསཛྫཉྩེཝ ཨསྶ བྷེསཛྫསམྨཏཉྩ ལོཀསྶ, ཨཱཧཱརཏྠཉྩ ཕརེཡྻ, ན ཙ ཨོལཱ༹རིཀོ ཨཱཧཱརོ པཉྙཱཡེཡྻཱ’’ཏི? ཨཐ ཁོ བྷགཝཏོ ཨེཏདཧོསི – ‘‘ཨིམཱནི ཁོ པཉྩ བྷེསཛྫཱནི, སེཡྻཐིདཾ – སཔྤི, ནཝནཱིཏཾ, ཏེལཾ, མདྷུ, ཕཱཎིཏཾ; བྷེསཛྫཱནི ཙེཝ བྷེསཛྫསམྨཏཱནི ཙ ལོཀསྶ, ཨཱཧཱརཏྠཉྩ ཕརནྟི, ན ཙ ཨོལཱ༹རིཀོ ཨཱཧཱརོ པཉྙཱཡཏི. ཡཾནཱུནཱཧཾ བྷིཀྑཱུནཾ ཨིམཱནི པཉྩ བྷེསཛྫཱནི ཨནུཛཱནེཡྻཾ, ཀཱལེ པཊིགྒཧེཏྭཱ ཀཱལེ པརིབྷུཉྫིཏུ’’ནྟི. ཨཐ ཁོ བྷགཝཱ སཱཡནྷསམཡཾ པཊིསལླཱནཱ ཝུཊྛིཏོ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨིདྷ མཡ྄ཧཾ, བྷིཀྑཝེ, རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘ཨེཏརཧི ཁོ བྷིཀྑཱུནཾ སཱརདིཀེན ཨཱབཱདྷེན ཕུཊྛཱནཾ ཡཱགུཔི པཱིཏཱ ཨུགྒཙྪཏི, བྷཏྟམྤི བྷུཏྟཾ ཨུགྒཙྪཏི. ཏེ ཏེན ཀིསཱ ཧོནྟི, ལཱུཁཱ, དུབྦཎྞཱ, ཨུཔྤཎྜུཔྤཎྜུཀཛཱཏཱ, དྷམནིསནྠཏགཏྟཱ. ཀིཾ ནུ ཁོ ཨཧཾ བྷིཀྑཱུནཾ བྷེསཛྫཾ ཨནུཛཱནེཡྻཾ, ཡཾ བྷེསཛྫཉྩེཝ ཨསྶ བྷེསཛྫསམྨཏཉྩ ལོཀསྶ, ཨཱཧཱརཏྠཉྩ ཕརེཡྻ, ན ཙ ཨོལཱ༹རིཀོ ཨཱཧཱརོ པཉྙཱཡེཡྻཱ’ཏི. ཏསྶ མཡ྄ཧཾ, བྷིཀྑཝེ, ཨེཏདཧོསི ‘ཨིམཱནི ཁོ པཉྩ བྷེསཛྫཱནི, སེཡྻཐིདཾ – སཔྤི, ནཝནཱིཏཾ, ཏེལཾ, མདྷུ, ཕཱཎིཏཾ; བྷེསཛྫཱནི ཙེཝ བྷེསཛྫསམྨཏཱནི ཙ ལོཀསྶ, ཨཱཧཱརཏྠཉྩ ཕརནྟི, ན ཙ ཨོལཱ༹རིཀོ ཨཱཧཱརོ པཉྙཱཡཏི. ཡཾནཱུནཱཧཾ བྷིཀྑཱུནཾ ཨིམཱནི པཉྩ བྷེསཛྫཱནི ཨནུཛཱནེཡྻཾ, ཀཱལེ པཊིགྒཧེཏྭཱ ཀཱལེ པརིབྷུཉྫིཏུ’ནྟི. ཨནུཛཱནཱམི, བྷིཀྑཝེ, ཏཱནི པཉྩ བྷེསཛྫཱནི ཀཱལེ པཊིགྒཧེཏྭཱ ཀཱལེ པརིབྷུཉྫིཏུ’’ནྟི.

༢༦༡. ཏེན ཁོ པན སམཡེན བྷིཀྑཱུ ཏཱནི པཉྩ བྷེསཛྫཱནི ཀཱལེ པཊིགྒཧེཏྭཱ ཀཱལེ པརིབྷུཉྫནྟི. ཏེསཾ ཡཱནིཔི ཏཱནི པཱཀཏིཀཱནི ལཱུཁཱནི བྷོཛནཱནི ཏཱནིཔི ནཙྪཱདེནྟི, པགེཝ སེནེསིཏཱནི [སེནེསིཀཱནི (སཱི. སྱཱ.), སེནེཧིཀཱནི (ཡོཛནཱ)]. ཏེ ཏེན ཙེཝ སཱརདིཀེན ཨཱབཱདྷེན ཕུཊྛཱ, ཨིམིནཱ ཙ བྷཏྟཱཙྪཱདཀེན [བྷཏྟཱཙྪནྣཀེན (ཀ.)], ཏདུབྷཡེན བྷིཡྻོསོམཏྟཱཡ ཀིསཱ ཧོནྟི, ལཱུཁཱ, དུབྦཎྞཱ, ཨུཔྤཎྜུཔྤཎྜུཀཛཱཏཱ, དྷམནིསནྠཏགཏྟཱ. ཨདྡསཱ ཁོ བྷགཝཱ ཏེ བྷིཀྑཱུ བྷིཡྻོསོམཏྟཱཡ ཀིསེ ལཱུཁེ དུབྦཎྞེ ཨུཔྤཎྜུཔྤཎྜུཀཛཱཏེ དྷམནིསནྠཏགཏྟེ, དིསྭཱན ཨཱཡསྨནྟཾ ཨཱནནྡཾ ཨཱམནྟེསི – ‘‘ཀིཾ ནུ ཁོ, ཨཱནནྡ, ཨེཏརཧི བྷིཀྑཱུ བྷིཡྻོསོམཏྟཱཡ ཀིསཱ, ལཱུཁཱ, དུབྦཎྞཱ, ཨུཔྤཎྜུཔྤཎྜུཀཛཱཏཱ, དྷམནིསནྠཏགཏྟཱ’’ཏི? ‘‘ཨེཏརཧི, བྷནྟེ, བྷིཀྑཱུ ཏཱནི ཙ པཉྩ བྷེསཛྫཱནི ཀཱལེ པཊིགྒཧེཏྭཱ ཀཱལེ པརིབྷུཉྫནྟི. ཏེསཾ ཡཱནིཔི ཏཱནི པཱཀཏིཀཱནི ལཱུཁཱནི བྷོཛནཱནི ཏཱནིཔི ནཙྪཱདེནྟི, པགེཝ སེནེསིཀཱནི. ཏེ ཏེན ཙེཝ སཱརདིཀེན ཨཱབཱདྷེན ཕུཊྛཱ, ཨིམིནཱ ཙ བྷཏྟཱཙྪཱདཀེན, ཏདུབྷཡེན བྷིཡྻོསོམཏྟཱཡ ཀིསཱ, ལཱུཁཱ, དུབྦཎྞཱ, ཨུཔྤཎྜུཔྤཎྜུཀཛཱཏཱ, དྷམནིསནྠཏགཏྟཱ’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཏཱནི པཉྩ བྷེསཛྫཱནི པཊིགྒཧེཏྭཱ ཀཱལེཔི ཝིཀཱལེཔི པརིབྷུཉྫིཏུ’’ནྟི.

༢༦༢. ཏེན ཁོ པན སམཡེན གིལཱནཱནཾ བྷིཀྑཱུནཾ ཝསེཧི བྷེསཛྫེཧི ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཝསཱནི བྷེསཛྫཱནི – ཨཙྪཝསཾ, མཙྪཝསཾ, སུསུཀཱཝསཾ, སཱུཀརཝསཾ, གདྲབྷཝསཾ – ཀཱལེ པཊིགྒཧིཏཾ ཀཱལེ ནིཔྤཀྐཾ [ནིཔཀྐཾ (ཀ.)] ཀཱལེ སཾསཊྛཾ ཏེལཔརིབྷོགེན པརིབྷུཉྫིཏུཾ. ཝིཀཱལེ ཙེ, བྷིཀྑཝེ, པཊིགྒཧིཏཾ ཝིཀཱལེ ནིཔྤཀྐཾ ཝིཀཱལེ སཾསཊྛཾ, ཏཾ ཙེ པརིབྷུཉྫེཡྻ, ཨཱཔཏྟི ཏིཎྞཾ དུཀྐཊཱནཾ. ཀཱལེ ཙེ, བྷིཀྑཝེ, པཊིགྒཧིཏཾ ཝིཀཱལེ ནིཔྤཀྐཾ ཝིཀཱལེ སཾསཊྛཾ, ཏཾ ཙེ པརིབྷུཉྫེཡྻ, ཨཱཔཏྟི དྭིནྣཾ དུཀྐཊཱནཾ. ཀཱལེ ཙེ, བྷིཀྑཝེ, པཊིགྒཧིཏཾ ཀཱལེ ནིཔྤཀྐཾ ཝིཀཱལེ སཾསཊྛཾ, ཏཾ ཙེ པརིབྷུཉྫེཡྻ, ཨཱཔཏྟི དུཀྐཊསྶ. ཀཱལེ ཙེ, བྷིཀྑཝེ, པཊིགྒཧིཏཾ ཀཱལེ ནིཔྤཀྐཾ ཀཱལེ སཾསཊྛཾ, ཏཾ ཙེ པརིབྷུཉྫེཡྻ, ཨནཱཔཏྟཱིཏི.

པཉྩབྷེསཛྫཀཐཱ ནིཊྛིཏཱ.

༡༦༡. མཱུལཱདིབྷེསཛྫཀཐཱ

༢༦༣. ཏེན ཁོ པན སམཡེན གིལཱནཱནཾ བྷིཀྑཱུནཾ མཱུལེཧི བྷེསཛྫེཧི ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, མཱུལཱནི བྷེསཛྫཱནི – ཧལིདྡིཾ, སིངྒིཝེརཾ, ཝཙཾ, ཝཙཏྠཾ [ཝཙཏྠཾ (སཱི. སྱཱ.)], ཨཏིཝིསཾ, ཀཊུཀརོཧིཎིཾ, ཨུསཱིརཾ, བྷདྡམུཏྟཀཾ, ཡཱནི ཝཱ པནཉྙཱནིཔི ཨཏྠི མཱུལཱནི བྷེསཛྫཱནི, ནེཝ ཁཱདནཱིཡེ ཁཱདནཱིཡཏྠཾ ཕརནྟི, ན བྷོཛནཱིཡེ བྷོཛནཱིཡཏྠཾ ཕརནྟི, ཏཱནི – པཊིགྒཧེཏྭཱ ཡཱཝཛཱིཝཾ པརིཧརིཏུཾ; སཏི པཙྩཡེ པརིབྷུཉྫིཏུཾ. ཨསཏི པཙྩཡེ པརིབྷུཉྫནྟསྶ ཨཱཔཏྟི དུཀྐཊསྶཱཏི.

ཏེན ཁོ པན སམཡེན གིལཱནཱནཾ བྷིཀྑཱུནཾ མཱུལེཧི བྷེསཛྫེཧི པིཊྛེཧི ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ནིསདཾ ནིསདཔོཏཀནྟི.

ཏེན ཁོ པན སམཡེན གིལཱནཱནཾ བྷིཀྑཱུནཾ ཀསཱཝེཧི བྷེསཛྫེཧི ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཀསཱཝཱནི [ཀསཱཝབྷེསཛྫཱནི (ཀ.)] བྷེསཛྫཱནི – ནིམྦཀསཱཝཾ, ཀུཊཛཀསཱཝཾ, པཊོལཀསཱཝཾ, ཕགྒཝཀསཱཝཾ, ནཏྟམཱལཀསཱཝཾ, ཡཱནི ཝཱ པནཉྙཱནིཔི ཨཏྠི ཀསཱཝཱནི བྷེསཛྫཱནི ནེཝ ཁཱདནཱིཡེ ཁཱདནཱིཡཏྠཾ ཕརནྟི, ན བྷོཛནཱིཡེ བྷོཛནཱིཡཏྠཾ ཕརནྟི, ཏཱནི – པཊིགྒཧེཏྭཱ ཡཱཝཛཱིཝཾ པརིཧརིཏུཾ; སཏི པཙྩཡེ པརིབྷུཉྫིཏུཾ. ཨསཏི པཙྩཡེ པརིབྷུཉྫནྟསྶ ཨཱཔཏྟི དུཀྐཊསྶཱཏི.

ཏེན ཁོ པན སམཡེན གིལཱནཱནཾ བྷིཀྑཱུནཾ པཎྞེཧི བྷེསཛྫེཧི ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཎྞཱནི བྷེསཛྫཱནི – ནིམྦཔཎྞཾ, ཀུཊཛཔཎྞཾ, པཊོལཔཎྞཾ, སུལསིཔཎྞཾ, ཀཔྤཱསཔཎྞཾ, ཡཱནི ཝཱ པནཉྙཱནིཔི ཨཏྠི པཎྞཱནི བྷེསཛྫཱནི, ནེཝ ཁཱདནཱིཡེ ཁཱདནཱིཡཏྠཾ ཕརནྟི, ན བྷོཛནཱིཡེ བྷོཛནཱིཡཏྠཾ ཕརནྟི…པེ….

ཏེན ཁོ པན སམཡེན གིལཱནཱནཾ བྷིཀྑཱུནཾ ཕལེཧི བྷེསཛྫེཧི ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཕལཱནི བྷེསཛྫཱནི – བིལངྒཾ, པིཔྤལིཾ, མརིཙཾ, ཧརཱིཏཀཾ, ཝིབྷཱིཏཀཾ, ཨཱམལཀཾ, གོཊྛཕལཾ [གོཋཕལཾ (སྱཱ.), ཀོཊྛཕལཾ (ཀ.)], ཡཱནི ཝཱ པནཉྙཱནིཔི ཨཏྠི ཕལཱནི བྷེསཛྫཱནི, ནེཝ ཁཱདནཱིཡེ ཁཱདནཱིཡཏྠཾ ཕརནྟི, ན བྷོཛནཱིཡེ བྷོཛནཱིཡཏྠཾ ཕརནྟི…པེ….

ཏེན ཁོ པན སམཡེན གིལཱནཱནཾ བྷིཀྑཱུནཾ ཛཏཱུཧི བྷེསཛྫེཧི ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཛཏཱུནི བྷེསཛྫཱནི – ཧིངྒུཾ, ཧིངྒུཛཏུཾ, ཧིངྒུསིཔཱཊིཀཾ, ཏཀཾ, ཏཀཔཏྟིཾ, ཏཀཔཎྞིཾ, སཛྫུལསཾ, ཡཱནི ཝཱ པནཉྙཱནིཔི ཨཏྠི ཛཏཱུནི བྷེསཛྫཱནི, ནེཝ ཁཱདནཱིཡེ ཁཱདནཱིཡཏྠཾ ཕརནྟི…པེ….

ཏེན ཁོ པན སམཡེན གིལཱནཱནཾ བྷིཀྑཱུནཾ ལོཎེཧི བྷེསཛྫེཧི ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ལོཎཱནི བྷེསཛྫཱནི – སཱམུདྡཾ, ཀཱལ༹ལོཎཾ, སིནྡྷཝཾ, ཨུབྦྷིདཾ [ཨུབྦྷིརཾ (ཀ.)], བིལཾ [བིལཱ༹ལཾ (སཱི.)], ཡཱནི ཝཱ པནཉྙཱནིཔི ཨཏྠི ལོཎཱནི བྷེསཛྫཱནི, ནེཝ ཁཱདནཱིཡེ ཁཱདནཱིཡཏྠཾ ཕརནྟི, ན བྷོཛནཱིཡེ བྷོཛནཱིཡཏྠཾ ཕརནྟི, ཏཱནི – པཊིགྒཧེཏྭཱ ཡཱཝཛཱིཝཾ པརིཧརིཏུཾ; སཏི པཙྩཡེ པརིབྷུཉྫིཏུཾ. ཨསཏི པཙྩཡེ པརིབྷུཉྫནྟསྶ ཨཱཔཏྟི དུཀྐཊསྶཱཏི.

༢༦༤. ཏེན ཁོ པན སམཡེན ཨཱཡསྨཏོ ཨཱནནྡསྶ ཨུཔཛ྄ཛྷཱཡསྶ ཨཱཡསྨཏོ བེལཊྛསཱིསསྶ ཐུལླཀཙྪཱབཱདྷོ ཧོཏི. ཏསྶ ལསིཀཱཡ ཙཱིཝརཱནི ཀཱཡེ ལགྒནྟི, ཏཱནི བྷིཀྑཱུ ཨུདཀེན ཏེམེཏྭཱ ཏེམེཏྭཱ ཨཔཀཌྜྷནྟི. ཨདྡསཱ ཁོ བྷགཝཱ སེནཱསནཙཱརིཀཾ ཨཱཧིཎྜནྟོ ཏེ བྷིཀྑཱུ ཏཱནི ཙཱིཝརཱནི ཨུདཀེན ཏེམེཏྭཱ ཏེམེཏྭཱ ཨཔཀཌྜྷནྟེ, དིསྭཱན ཡེན ཏེ བྷིཀྑཱུ ཏེནུཔསངྐམི, ཨུཔསངྐམིཏྭཱ ཏེ བྷིཀྑཱུ ཨེཏདཝོཙ – ‘‘ཀིཾ ཨིམསྶ, བྷིཀྑཝེ, བྷིཀྑུནོ ཨཱབཱདྷོ’’ཏི? ‘‘ཨིམསྶ, བྷནྟེ, ཨཱཡསྨཏོ ཐུལླཀཙྪཱབཱདྷོ, ལསིཀཱཡ ཙཱིཝརཱནི ཀཱཡེ ལགྒནྟི, ཏཱནི མཡཾ ཨུདཀེན ཏེམེཏྭཱ ཏེམེཏྭཱ ཨཔཀཌྜྷཱམཱ’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཡསྶ ཀཎྜུ ཝཱ, པིལ༹ཀཱ ཝཱ, ཨསྶཱཝོ ཝཱ, ཐུལླཀཙྪུ ཝཱ ཨཱབཱདྷོ, ཀཱཡོ ཝཱ དུགྒནྡྷོ, ཙུཎྞཱནི བྷེསཛྫཱནི; ཨགིལཱནསྶ ཚཀཎཾ མཏྟིཀཾ རཛནནིཔྤཀྐཾ. ཨནུཛཱནཱམི, བྷིཀྑཝེ, ཨུདུཀྑལཾ མུསལ’’ནྟི.

ཏེན ཁོ པན སམཡེན གིལཱནཱནཾ བྷིཀྑཱུནཾ ཙུཎྞེཧི བྷེསཛྫེཧི ཙཱལིཏེཧི ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཙུཎྞཙཱལིནིནྟི. སཎྷེཧི ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, དུསྶཙཱལིནིནྟི.

ཏེན ཁོ པན སམཡེན ཨཉྙཏརསྶ བྷིཀྑུནོ ཨམནུསྶིཀཱབཱདྷོ ཧོཏི. ཏཾ ཨཱཙརིཡུཔཛ྄ཛྷཱཡཱ ཨུཔཊྛཧནྟཱ ནཱསཀྑིཾསུ ཨརོགཾ ཀཱཏུཾ. སོ སཱུཀརསཱུནཾ གནྟྭཱ ཨཱམཀམཾསཾ ཁཱདི, ཨཱམཀལོཧིཏཾ པིཝི. ཏསྶ སོ ཨམནུསྶིཀཱབཱདྷོ པཊིཔྤསྶམྦྷི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨམནུསྶིཀཱབཱདྷེ ཨཱམཀམཾསཾ ཨཱམཀལོཧིཏནྟི.

༢༦༥. ཏེན ཁོ པན སམཡེན ཨཉྙཏརསྶ བྷིཀྑུནོ ཙཀྑུརོགཱབཱདྷོ ཧོཏི. ཏཾ བྷིཀྑཱུ པརིགྒཧེཏྭཱ ཨུཙྩཱརམྤི པསྶཱཝམྤི ནིཀྑཱམེནྟི. ཨདྡསཱ ཁོ བྷགཝཱ སེནཱསནཙཱརིཀཾ ཨཱཧིཎྜནྟོ ཏེ བྷིཀྑཱུ ཏཾ བྷིཀྑུཾ པརིགྒཧེཏྭཱ ཨུཙྩཱརམྤི པསྶཱཝམྤི ནིཀྑཱམེནྟེ, དིསྭཱན ཡེན ཏེ བྷིཀྑཱུ ཏེནུཔསངྐམི, ཨུཔསངྐམིཏྭཱ ཏེ བྷིཀྑཱུ ཨེཏདཝོཙ – ‘‘ཀིཾ ཨིམསྶ, བྷིཀྑཝེ, བྷིཀྑུནོ ཨཱབཱདྷོ’’ཏི? ‘‘ཨིམསྶ, བྷནྟེ, ཨཱཡསྨཏོ ཙཀྑུརོགཱབཱདྷོ. ཨིམཾ མཡཾ པརིགྒཧེཏྭཱ ཨུཙྩཱརམྤི པསྶཱཝམྤི ནིཀྑཱམེམཱ’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཨཉྫནཾ – ཀཱལ༹ཉྫནཾ, རསཉྫནཾ, སོཏཉྫནཾ, གེརུཀཾ, ཀཔལླ’’ནྟི. ཨཉྫནཱུཔཔིསནེཧི ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཙནྡནཾ, ཏགརཾ, ཀཱལཱ༹ནུསཱརིཡཾ, ཏཱལཱིསཾ, བྷདྡམུཏྟཀནྟི. ཏེན ཁོ པན སམཡེན བྷིཀྑཱུ པིཊྛཱནི ཨཉྫནཱནི ཙརུཀེསུཔི [ཐཱལཀེསུཔི (སཱི. སྱཱ.)] སརཱཝཀེསུཔི ནིཀྑིཔནྟི; ཏིཎཙུཎྞེཧིཔི པཾསུཀེཧིཔི ཨོཀིརིཡནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨཉྫནིནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཙྩཱཝཙཱ ཨཉྫནིཡོ དྷཱརེནྟི – སོཝཎྞམཡཾ, རཱུཔིཡམཡཾ. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘སེཡྻཐཱཔི གིཧཱི ཀཱམབྷོགིནོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨུཙྩཱཝཙཱ ཨཉྫནཱི དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨཊྛིམཡཾ, དནྟམཡཾ, ཝིསཱཎམཡཾ, ནལ༹མཡཾ, ཝེལུ༹མཡཾ, ཀཊྛམཡཾ, ཛཏུམཡཾ, ཕལམཡཾ, ལོཧམཡཾ, སངྑནཱབྷིམཡནྟི.

ཏེན ཁོ པན སམཡེན ཨཉྫནིཡོ ཨཔཱརུཏཱ ཧོནྟི, ཏིཎཙུཎྞེཧིཔི པཾསུཀེཧིཔི ཨོཀིརིཡནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨཔིདྷཱནནྟི. ཨཔིདྷཱནཾ ནིཔཏཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སུཏྟཀེན བནྡྷིཏྭཱ ཨཉྫནིཡཱ བནྡྷིཏུནྟི. ཨཉྫནཱི ཕལཏི [ནིཔཏཏི (ཀ.)]. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སུཏྟཀེན སིབྦེཏུནྟི.

ཏེན ཁོ པན སམཡེན བྷིཀྑཱུ ཨངྒུལིཡཱ ཨཉྫནྟི, ཨཀྑཱིནི དུཀྑཱནི ཧོནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨཉྫནིསལཱཀནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཙྩཱཝཙཱ ཨཉྫནིསལཱཀཱཡོ དྷཱརེནྟི – སོཝཎྞམཡཾ རཱུཔིཡམཡཾ. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི, ‘‘སེཡྻཐཱཔི གིཧཱི ཀཱམབྷོགིནོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨུཙྩཱཝཙཱ ཨཉྫནིསལཱཀཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨཊྛིམཡཾ…པེ… སངྑནཱབྷིམཡནྟི.

ཏེན ཁོ པན སམཡེན ཨཉྫནིསལཱཀཱ བྷཱུམིཡཾ པཏིཏཱ ཕརུསཱ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སལཱཀཋཱནིཡནྟི [སལཱཀོདྷཱནིཡནྟི (སཱི. སྱཱ.)].

ཏེན ཁོ པན སམཡེན བྷིཀྑཱུ ཨཉྫནིམྤི ཨཉྫནིསལཱཀམྤི ཧཏྠེན པརིཧརནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨཉྫནིཏྠཝིཀནྟི. ཨཾསབདྡྷཀོ ན ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨཾསབདྡྷཀཾ བནྡྷནསུཏྟཀནྟི.

༢༦༦. ཏེན ཁོ པན སམཡེན ཨཱཡསྨཏོ པིལིནྡཝཙྪསྶ སཱིསཱབྷིཏཱཔོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, མུདྡྷནི ཏེལཀནྟི. ནཀྑམནིཡོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ནཏྠུཀམྨནྟི. ནཏྠུ གལཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ནཏྠུཀརཎིནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཙྩཱཝཙཱ ནཏྠུཀརཎིཡོ དྷཱརེནྟི – སོཝཎྞམཡཾ རཱུཔིཡམཡཾ. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི, ‘‘སེཡྻཐཱཔི གིཧཱི ཀཱམབྷོགིནོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨུཙྩཱཝཙཱ ནཏྠུཀརཎཱི དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨཊྛིམཡཾ…པེ… སངྑནཱབྷིམཡནྟི. ནཏྠུཾ ཝིསམཾ ཨཱསིཉྩནྟི [ནཏྠུ ཝིསམཾ ཨཱསིཉྩིཡཏི (སཱི. སྱཱ.)]. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཡམཀནཏྠུཀརཎིནྟི. ནཀྑམནིཡོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, དྷཱུམཾ པཱཏུནྟི. ཏཉྙེཝ ཝཊྚིཾ ཨཱལིམྤེཏྭཱ པིཝནྟི, ཀཎྛོ དཧཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, དྷཱུམནེཏྟནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཙྩཱཝཙཱནི དྷཱུམནེཏྟཱནི དྷཱརེནྟི – སོཝཎྞམཡཾ རཱུཔིཡམཡཾ. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨུཙྩཱཝཙཱནི དྷཱུམནེཏྟཱནི དྷཱརེཏབྦཱནི. ཡོ དྷཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨཊྛིམཡཾ…པེ… སངྑནཱབྷིམཡནྟི.

ཏེན ཁོ པན སམཡེན དྷཱུམནེཏྟཱནི ཨཔཱརུཏཱནི ཧོནྟི, པཱཎཀཱ པཝིསནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨཔིདྷཱནནྟི.

ཏེན ཁོ པན སམཡེན བྷིཀྑཱུ དྷཱུམནེཏྟཱནི ཧཏྠེན པརིཧརནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, དྷཱུམནེཏྟཐཝིཀནྟི. ཨེཀཏོ གྷཾསིཡནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཡམཀཐཝིཀནྟི. ཨཾསབདྡྷཀོ ན ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨཾསབདྡྷཀཾ བནྡྷནསུཏྟཀནྟི.

༢༦༧. ཏེན ཁོ པན སམཡེན ཨཱཡསྨཏོ པིལིནྡཝཙྪསྶ ཝཱཏཱབཱདྷོ ཧོཏི. ཝེཛྫཱ ཨེཝམཱཧཾསུ – ‘‘ཏེལཾ པཙིཏབྦ’’ནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཏེལཔཱཀནྟི. ཏསྨིཾ ཁོ པན ཏེལཔཱཀེ མཛྫཾ པཀྑིཔིཏབྦཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཏེལཔཱཀེ མཛྫཾ པཀྑིཔིཏུནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཨཏིཔཀྑིཏྟམཛྫཱནི [ཨཏིཁིཏྟམཛྫཱནི (ཀ.)] ཏེལཱནི པཙནྟི, ཏཱནི པིཝིཏྭཱ མཛྫནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨཏིཔཀྑིཏྟམཛྫཾ ཏེལཾ པཱཏབྦཾ. ཡོ པིཝེཡྻ, ཡཐཱདྷམྨོ ཀཱརེཏབྦོ. ཨནུཛཱནཱམི, བྷིཀྑཝེ, ཡསྨིཾ ཏེལཔཱཀེ མཛྫསྶ ན ཝཎྞོ ན གནྡྷོ ན རསོ པཉྙཱཡཏི, ཨེཝརཱུཔཾ མཛྫཔཀྑིཏྟཾ ཏེལཾ པཱཏུནྟི.

ཏེན ཁོ པན སམཡེན བྷིཀྑཱུནཾ བཧུཾ ཨཏིཔཀྑིཏྟམཛྫཾ ཏེལཾ པཀྐཾ ཧོཏི. ཨཐ ཁོ བྷིཀྑཱུནཾ ཨེཏདཧོསི – ‘‘ཀཐཾ ནུ ཁོ ཨཏིཔཀྑིཏྟམཛྫེ ཏེལེ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨབྦྷཉྫནཾ ཨདྷིཊྛཱཏུནྟི.

ཏེན ཁོ པན སམཡེན ཨཱཡསྨཏོ པིལིནྡཝཙྪསྶ བཧུཏརཾ ཏེལཾ པཀྐཾ ཧོཏི, ཏེལབྷཱཛནཾ ན ཝིཛྫཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཏཱིཎི ཏུམྦཱནི – ལོཧཏུམྦཾ, ཀཊྛཏུམྦཾ, ཕལཏུམྦནྟི.

ཏེན ཁོ པན སམཡེན ཨཱཡསྨཏོ པིལིནྡཝཙྪསྶ ཨངྒཝཱཏོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སེདཀམྨནྟི. ནཀྑམནིཡོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སམྦྷཱརསེདནྟི. ནཀྑམནིཡོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, མཧཱསེདནྟི. ནཀྑམནིཡོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, བྷངྒོདཀནྟི. ནཀྑམནིཡོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨུདཀཀོཊྛཀནྟི.

ཏེན ཁོ པན སམཡེན ཨཱཡསྨཏོ པིལིནྡཝཙྪསྶ པབྦཝཱཏོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ལོཧིཏཾ མོཙེཏུནྟི. ནཀྑམནིཡོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ལོཧིཏཾ མོཙེཏྭཱ ཝིསཱཎེན གཱཧེཏུནྟི [གཧེཏུནྟི (སཱི. སྱཱ.)].

ཏེན ཁོ པན སམཡེན ཨཱཡསྨཏོ པིལིནྡཝཙྪསྶ པཱདཱ ཕལིཏཱ [ཕཱལིཏཱ (ཀ.)] ཧོནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཱདབྦྷཉྫནནྟི. ནཀྑམནིཡོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཛྫཾ ཨབྷིསངྑརིཏུནྟི.

ཏེན ཁོ པན སམཡེན ཨཉྙཏརསྶ བྷིཀྑུནོ གཎྜཱབཱདྷོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སཏྠཀམྨནྟི. ཀསཱཝོདཀེན ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཀསཱཝོདཀནྟི. ཏིལཀཀྐེན ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཏིལཀཀྐནྟི. ཀབལི༹ཀཱཡ ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཀབལི༹ཀནྟི. ཝཎབནྡྷནཙོལེ༹ན ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཝཎབནྡྷནཙོལ༹ནྟི. ཝཎོ ཀཎྜུཝཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སཱསཔཀུཊྚེན [སཱསཔཀུཌྜེན (སཱི. སྱཱ.)] ཕོསིཏུནྟི. ཝཎོ ཀིལིཛྫིཏྠ. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, དྷཱུམཾ ཀཱཏུནྟི. ཝཌྜྷམཾསཾ ཝུཊྛཱཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ལོཎསཀྑརིཀཱཡ ཚིནྡིཏུནྟི. ཝཎོ ན རུཧཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཝཎཏེལནྟི. ཏེལཾ གལཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཝིཀཱསིཀཾ སབྦཾ ཝཎཔཊིཀམྨནྟི.

༢༦༨. ཏེན ཁོ པན སམཡེན ཨཉྙཏརོ བྷིཀྑུ ཨཧིནཱ དཊྛོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཙཏྟཱརི མཧཱཝིཀཊཱནི དཱཏུཾ – གཱུཐཾ, མུཏྟཾ, ཚཱརིཀཾ, མཏྟིཀནྟི. ཨཐ ཁོ བྷིཀྑཱུནཾ ཨེཏདཧོསི – ‘‘ཨཔྤཊིགྒཧིཏཱནི ནུ ཁོ ཨུདཱཧུ པཊིགྒཧེཏབྦཱནཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སཏི ཀཔྤིཡཀཱརཀེ པཊིགྒཧཱཔེཏུཾ, ཨསཏི ཀཔྤིཡཀཱརཀེ སཱམཾ གཧེཏྭཱ པརིབྷུཉྫིཏུནྟི.

ཏེན ཁོ པན སམཡེན ཨཉྙཏརེན བྷིཀྑུནཱ ཝིསཾ པཱིཏཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི བྷིཀྑཝེ གཱུཐཾ པཱཡེཏུནྟི. ཨཐ ཁོ བྷིཀྑཱུནཾ ཨེཏདཧོསི – ‘‘ཨཔྤཊིགྒཧིཏཾ ནུ ཁོ ཨུདཱཧུ པཊིགྒཧེཏབྦོ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཡཾ ཀརོནྟོ པཊིགྒཎྷཱཏི, སྭེཝ པཊིགྒཧོ ཀཏོ, ན པུན [ཀཏོ པན (?)] པཊིགྒཧེཏབྦོཏི.

༢༦༩. ཏེན ཁོ པན སམཡེན ཨཉྙཏརསྶ བྷིཀྑུནོ གྷརདིནྣཀཱབཱདྷོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སཱིཏཱལོལི༹ཾ པཱཡེཏུནྟི.

ཏེན ཁོ པན སམཡེན ཨཉྙཏརོ བྷིཀྑུ དུཊྛགཧཎིཀོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨཱམིསཁཱརཾ པཱཡེཏུནྟི.

ཏེན ཁོ པན སམཡེན ཨཉྙཏརསྶ བྷིཀྑུནོ པཎྜུརོགཱབཱདྷོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, མུཏྟཧརཱིཏཀཾ པཱཡེཏུནྟི.

ཏེན ཁོ པན སམཡེན ཨཉྙཏརསྶ བྷིཀྑུནོ ཚཝིདོསཱབཱདྷོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, གནྡྷཱལེཔཾ ཀཱཏུནྟི.

ཏེན ཁོ པན སམཡེན ཨཉྙཏརོ བྷིཀྑུ ཨབྷིསནྣཀཱཡོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཝིརེཙནཾ པཱཏུནྟི. ཨཙྪཀཉྫིཡཱ ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨཙྪཀཉྫིནྟི. ཨཀཊཡཱུསེན ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨཀཊཡཱུསནྟི. ཀཊཱཀཊེན ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཀཊཱཀཊནྟི. པཊིཙྪཱདནཱིཡེན ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཊིཙྪཱདནཱིཡནྟི.

མཱུལཱདིབྷེསཛྫཀཐཱ ནིཊྛིཏཱ.

༡༦༢. པིལིནྡཝཙྪཝཏྠུ

༢༧༠. [ཨིདཾ ཝཏྠུ པཱརཱ. ༦༡༨ ཨཱདཡོ] ཏེན ཁོ པན སམཡེན ཨཱཡསྨཱ པིལིནྡཝཙྪོ རཱཛགཧེ པབྦྷཱརཾ སོདྷཱཔེཏི ལེཎཾ ཀཏྟུཀཱམོ. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཡེནཱཡསྨཱ པིལིནྡཝཙྪོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ པིལིནྡཝཙྪཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ རཱཛཱ མཱགདྷོ སེནིཡོ བིམྦིསཱརོ ཨཱཡསྨནྟཾ པིལིནྡཝཙྪཾ ཨེཏདཝོཙ – ‘‘ཀིཾ, བྷནྟེ, ཐེརོ ཀཱརཱཔེཏཱི’’ཏི? ‘‘པབྦྷཱརཾ, མཧཱརཱཛ, སོདྷཱཔེམི, ལེཎཾ ཀཏྟུཀཱམོ’’ཏི. ‘‘ཨཏྠོ, བྷནྟེ, ཨཡྻསྶ ཨཱརཱམིཀེནཱ’’ཏི? ‘‘ན ཁོ, མཧཱརཱཛ, བྷགཝཏཱ ཨཱརཱམིཀོ ཨནུཉྙཱཏོ’’ཏི. ‘‘ཏེན ཧི, བྷནྟེ, བྷགཝནྟཾ པཊིཔུཙྪིཏྭཱ མམ ཨཱརོཙེཡྻཱཐཱ’’ཏི. ‘ཨེཝཾ, མཧཱརཱཛཱ’ཏི ཁོ ཨཱཡསྨཱ པིལིནྡཝཙྪོ རཉྙོ མཱགདྷསྶ སེནིཡསྶ བིམྦིསཱརསྶ པཙྩསྶོསི. ཨཐ ཁོ ཨཱཡསྨཱ པིལིནྡཝཙྪོ རཱཛཱནཾ མཱགདྷཾ སེནིཡཾ བིམྦིསཱརཾ དྷམྨིཡཱ ཀཐཱཡ སནྡསྶེསི, སམཱདཔེསི, སམུཏྟེཛེསི, སམྤཧཾསེསི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཨཱཡསྨཏཱ པིལིནྡཝཙྪེན དྷམྨིཡཱ ཀཐཱཡ སནྡསྶིཏོ སམཱདཔིཏོ སམུཏྟེཛིཏོ སམྤཧཾསིཏོ ཨུཊྛཱཡཱསནཱ ཨཱཡསྨནྟཾ པིལིནྡཝཙྪཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི.

ཨཐ ཁོ ཨཱཡསྨཱ པིལིནྡཝཙྪོ བྷགཝཏོ སནྟིཀེ དཱུཏཾ པཱཧེསི – ‘‘རཱཛཱ, བྷནྟེ, མཱགདྷོ སེནིཡོ བིམྦིསཱརོ ཨཱརཱམིཀཾ དཱཏུཀཱམོ. ཀཐཾ ནུ ཁོ, བྷནྟེ, མཡཱ པཊིཔཛྫིཏབྦ’’ནྟི? ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཨཱརཱམིཀ’’ནྟི. དུཏིཡམྤི ཁོ རཱཛཱ མཱགདྷོ སེནིཡོ བིམྦིསཱརོ ཡེནཱཡསྨཱ པིལིནྡཝཙྪོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ པིལིནྡཝཙྪཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ རཱཛཱ མཱགདྷོ སེནིཡོ བིམྦིསཱརོ ཨཱཡསྨནྟཾ པིལིནྡཝཙྪཾ ཨེཏདཝོཙ – ‘‘ཨནུཉྙཱཏོ, བྷནྟེ, བྷགཝཏཱ ཨཱརཱམིཀོ’’ཏི? ‘‘ཨེཝཾ, མཧཱརཱཛཱ’’ཏི. ‘‘ཏེན ཧི, བྷནྟེ, ཨཡྻསྶ ཨཱརཱམིཀཾ དམྨཱི’’ཏི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཨཱཡསྨཏོ པིལིནྡཝཙྪསྶ ཨཱརཱམིཀཾ པཊིསྶུཏྭཱ, ཝིསྶརིཏྭཱ, ཙིརེན སཏིཾ པཊིལབྷིཏྭཱ, ཨཉྙཏརཾ སབྦཏྠཀཾ མཧཱམཏྟཾ ཨཱམནྟེསི – ‘‘ཡོ མཡཱ, བྷཎེ, ཨཡྻསྶ ཨཱརཱམིཀོ པཊིསྶུཏོ, དིནྣོ སོ ཨཱརཱམིཀོ’’ཏི? ‘‘ན ཁོ, དེཝ, ཨཡྻསྶ ཨཱརཱམིཀོ དིནྣོ’’ཏི. ‘‘ཀཱིཝ ཙིརཾ ནུ ཁོ, བྷཎེ, ཨིཏོ [ཨིཏོ རཏྟི (སྱཱ.)] ཧི ཏཾ ཧོཏཱི’’ཏི? ཨཐ ཁོ སོ མཧཱམཏྟོ རཏྟིཡོ གཎེཏྭཱ [ཝིགཎེཏྭཱ (སཱི.)] རཱཛཱནཾ མཱགདྷཾ སེནིཡཾ བིམྦིསཱརཾ ཨེཏདཝོཙ – ‘‘པཉྩ, དེཝ, རཏྟིསཏཱནཱི’’ཏི. ཏེན ཧི, བྷཎེ, ཨཡྻསྶ པཉྩ ཨཱརཱམིཀསཏཱནི དེཧཱིཏི. ‘‘ཨེཝཾ, དེཝཱ’’ཏི ཁོ སོ མཧཱམཏྟོ རཉྙོ མཱགདྷསྶ སེནིཡསྶ བིམྦིསཱརསྶ པཊིསྶུཏྭཱ ཨཱཡསྨཏོ པིལིནྡཝཙྪསྶ པཉྩ ཨཱརཱམིཀསཏཱནི པཱདཱསི, པཱཊིཡེཀྐོ གཱམོ ནིཝིསི. ‘ཨཱརཱམིཀགཱམཀོཏི’པི ནཾ ཨཱཧཾསུ, ‘པིལིནྡགཱམཀོ’ཏིཔི ནཾ ཨཱཧཾསུ.

༢༧༡. ཏེན ཁོ པན སམཡེན ཨཱཡསྨཱ པིལིནྡཝཙྪོ ཏསྨིཾ གཱམཀེ ཀུལཱུཔཀོ ཧོཏི. ཨཐ ཁོ ཨཱཡསྨཱ པིལིནྡཝཙྪོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ པིལིནྡགཱམཾ པིཎྜཱཡ པཱཝིསི. ཏེན ཁོ པན སམཡེན ཏསྨིཾ གཱམཀེ ཨུསྶཝོ ཧོཏི. དཱརཀཱ ཨལངྐཏཱ མཱལཱཀིཏཱ ཀཱིལ༹ནྟི. ཨཐ ཁོ ཨཱཡསྨཱ པིལིནྡཝཙྪོ པིལིནྡགཱམཀེ སཔདཱནཾ པིཎྜཱཡ ཙརམཱནོ ཡེན ཨཉྙཏརསྶ ཨཱརཱམིཀསྶ ནིཝེསནཾ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཏེན ཁོ པན སམཡེན ཏསྶཱ ཨཱརཱམིཀིནིཡཱ དྷཱིཏཱ ཨཉྙེ དཱརཀེ ཨལངྐཏེ མཱལཱཀིཏེ པསྶིཏྭཱ རོདཏི – ‘མཱལཾ མེ དེཐ, ཨལངྐཱརཾ མེ དེཐཱ’ཏི. ཨཐ ཁོ ཨཱཡསྨཱ པིལིནྡཝཙྪོ ཏཾ ཨཱརཱམིཀིནིཾ ཨེཏདཝོཙ – ‘‘ཀིསྶཱཡཾ དཱརིཀཱ རོདཏཱི’’ཏི? ‘‘ཨཡཾ, བྷནྟེ, དཱརིཀཱ ཨཉྙེ དཱརཀེ ཨལངྐཏེ མཱལཱཀིཏེ པསྶིཏྭཱ རོདཏི – ‘མཱལཾ མེ དེཐ, ཨལངྐཱརཾ མེ དེཐཱ’ཏི. ཀུཏོ ཨམྷཱཀཾ དུགྒཏཱནཾ མཱལཱ, ཀུཏོ ཨལངྐཱརོ’’ཏི? ཨཐ ཁོ ཨཱཡསྨཱ པིལིནྡཝཙྪོ ཨཉྙཏརཾ ཏིཎཎྜུཔཀཾ གཧེཏྭཱ ཏཾ ཨཱརཱམིཀིནིཾ ཨེཏདཝོཙ – ‘‘ཧནྡིམཾ ཏིཎཎྜུཔཀཾ ཏསྶཱ དཱརིཀཱཡ སཱིསེ པཊིམུཉྩཱ’’ཏི. ཨཐ ཁོ སཱ ཨཱརཱམིཀིནཱི ཏཾ ཏིཎཎྜུཔཀཾ གཧེཏྭཱ ཏསྶཱ དཱརིཀཱཡ སཱིསེ པཊིམུཉྩི. སཱ ཨཧོསི སུཝཎྞམཱལཱ ཨབྷིརཱུཔཱ, དསྶནཱིཡཱ, པཱསཱདིཀཱ; ནཏྠི ཏཱདིསཱ རཉྙོཔི ཨནྟེཔུརེ སུཝཎྞམཱལཱ. མནུསྶཱ རཉྙོ མཱགདྷསྶ སེནིཡསྶ བིམྦིསཱརསྶ ཨཱརོཙེསུཾ – ‘‘ཨམུཀསྶ, དེཝ, ཨཱརཱམིཀསྶ གྷརེ སུཝཎྞམཱལཱ ཨབྷིརཱུཔཱ, དསྶནཱིཡཱ, པཱསཱདིཀཱ; ནཏྠི ཏཱདིསཱ དེཝསྶཔི ཨནྟེཔུརེ སུཝཎྞམཱལཱ; ཀུཏོ ཏསྶ དུགྒཏསྶ? ནིསྶཾསཡཾ ཙོརིཀཱཡ ཨཱབྷཏཱ’’ཏི.

ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཏཾ ཨཱརཱམིཀཀུལཾ བནྡྷཱཔེསི. དུཏིཡམྤི ཁོ ཨཱཡསྨཱ པིལིནྡཝཙྪོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ པིལིནྡགཱམཾ པིཎྜཱཡ པཱཝིསི. པིལིནྡགཱམཀེ སཔདཱནཾ པིཎྜཱཡ ཙརམཱནོ ཡེན ཏསྶ ཨཱརཱམིཀསྶ ནིཝེསནཾ ཏེནུཔསངྐམི, ཨུཔསངྐམིཏྭཱ པཊིཝིསྶཀེ པུཙྪི – ‘‘ཀཧཾ ཨིམཾ ཨཱརཱམིཀཀུལཾ གཏ’’ནྟི? ‘‘ཨེཏིསྶཱ, བྷནྟེ, སུཝཎྞམཱལཱཡ ཀཱརཎཱ རཉྙཱ བནྡྷཱཔིཏ’’ནྟི. ཨཐ ཁོ ཨཱཡསྨཱ པིལིནྡཝཙྪོ ཡེན རཉྙོ མཱགདྷསྶ སེནིཡསྶ བིམྦིསཱརསྶ ནིཝེསནཾ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཡེནཱཡསྨཱ པིལིནྡཝཙྪོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ པིལིནྡཝཙྪཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ རཱཛཱནཾ མཱགདྷཾ སེནིཡཾ བིམྦིསཱརཾ ཨཱཡསྨཱ པིལིནྡཝཙྪོ ཨེཏདཝོཙ – ‘‘ཀིསྶ, མཧཱརཱཛ, ཨཱརཱམིཀཀུལཾ བནྡྷཱཔིཏ’’ནྟི? ‘‘ཏསྶ, བྷནྟེ, ཨཱརཱམིཀསྶ གྷརེ སུཝཎྞམཱལཱ ཨབྷིརཱུཔཱ, དསྶནཱིཡཱ, པཱསཱདིཀཱ; ནཏྠི ཏཱདིསཱ ཨམྷཱཀམྤི ཨནྟེཔུརེ སུཝཎྞམཱལཱ; ཀུཏོ ཏསྶ དུགྒཏསྶ? ནིསྶཾསཡཾ ཙོརིཀཱཡ ཨཱབྷཏཱ’’ཏི. ཨཐ ཁོ ཨཱཡསྨཱ པིལིནྡཝཙྪོ རཉྙོ མཱགདྷསྶ སེནིཡསྶ བིམྦིསཱརསྶ པཱསཱདཾ སུཝཎྞནྟི ཨདྷིམུཙྩི; སོ ཨཧོསི སབྦསོཝཎྞམཡོ. ‘‘ཨིདཾ པན ཏེ, མཧཱརཱཛ, ཏཱཝ བཧུཾ སུཝཎྞཾ ཀུཏོ’’ཏི? ‘ཨཉྙཱཏཾ, བྷནྟེ, ཨཡྻསྶེཝེསོ ཨིདྡྷཱནུབྷཱཝོ’ཏི ཏཾ ཨཱརཱམིཀཀུལཾ མུཉྩཱཔེསི.

མནུསྶཱ ‘‘ཨཡྻེན ཀིར པིལིནྡཝཙྪེན སརཱཛིཀཱཡ པརིསཱཡ ཨུཏྟརིམནུསྶདྷམྨཾ ཨིདྡྷིཔཱཊིཧཱརིཡཾ དསྶིཏ’’ནྟི ཨཏྟམནཱ ཨབྷིཔྤསནྣཱ ཨཱཡསྨཏོ པིལིནྡཝཙྪསྶ པཉྩ བྷེསཛྫཱནི ཨབྷིཧརིཾསུ, སེཡྻཐིདཾ – སཔྤིཾ, ནཝནཱིཏཾ, ཏེལཾ, མདྷུཾ [སཔྤི ནཝནཱིཏཾ ཏེལཾ མདྷུ (ཀ.)], ཕཱཎིཏཾ. པཀཏིཡཱཔི ཙ ཨཱཡསྨཱ པིལིནྡཝཙྪོ ལཱབྷཱི ཧོཏི པཉྩནྣཾ བྷེསཛྫཱནཾ; ལདྡྷཾ ལདྡྷཾ པརིསཱཡ ཝིསྶཛྫེཏི. པརིསཱ ཙསྶ ཧོཏི བཱཧུལླིཀཱ; ལདྡྷཾ ལདྡྷཾ ཀོལམྦེཔི [ཀོལུ༹མྦེཔི (ཀ.)], གྷཊེཔི, པཱུརེཏྭཱ པཊིསཱམེཏི; པརིསྶཱཝནཱནིཔི, ཐཝིཀཱཡོཔི, པཱུརེཏྭཱ ཝཱཏཔཱནེསུ ལགྒེཏི. ཏཱནི ཨོལཱིནཝིལཱིནཱནི ཏིཊྛནྟི. ཨུནྡཱུརེཧིཔི ཝིཧཱརཱ ཨོཀིཎྞཝིཀིཎྞཱ ཧོནྟི. མནུསྶཱ ཝིཧཱརཙཱརིཀཾ ཨཱཧིཎྜནྟཱ པསྶིཏྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཨནྟོཀོཊྛཱགཱརིཀཱ ཨིམེ སམཎཱ སཀྱཔུཏྟིཡཱ, སེཡྻཐཱཔི རཱཛཱ མཱགདྷོ སེནིཡོ བིམྦིསཱརོ’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ, ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑཱུ ཨེཝརཱུཔཱཡ བཱཧུལླཱཡ ཙེཏེསྶནྟཱི’’ཏི. ཨཐ ཁོ ཏེ བྷིཀྑཱུ ཏེ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, བྷིཀྑཱུ ཨེཝརཱུཔཱཡ བཱཧུལླཱཡ ཙེཏེནྟཱི’’ཏི? ‘‘སཙྩཾ བྷགཝཱཏི…པེ… ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཡཱནི ཁོ པན ཏཱནི གིལཱནཱནཾ བྷིཀྑཱུནཾ པཊིསཱཡནཱིཡཱནི བྷེསཛྫཱནི, སེཡྻཐིདཾ – སཔྤི, ནཝནཱིཏཾ, ཏེལཾ, མདྷུ, ཕཱཎིཏཾ, ཏཱནི པཊིགྒཧེཏྭཱ སཏྟཱཧཔརམཾ སནྣིདྷིཀཱརཀཾ པརིབྷུཉྫིཏབྦཱནི. ཏཾ ཨཏིཀྐཱམཡཏོ ཡཐཱདྷམྨོ ཀཱརེཏབྦོ’’ཏི.

པིལིནྡཝཙྪཝཏྠུ ནིཊྛིཏཾ.

བྷེསཛྫཱནུཉྙཱཏབྷཱཎཝཱརོ ནིཊྛིཏོ པཋམོ.

༡༦༣. གུལཱ༹དིཨནུཛཱནནཱ

༢༧༢. ཨཐ ཁོ བྷགཝཱ སཱཝཏྠིཡཾ ཡཐཱབྷིརནྟཾ ཝིཧརིཏྭཱ ཡེན རཱཛགཧཾ ཏེན ཙཱརིཀཾ པཀྐཱམི. ཨདྡསཱ ཁོ ཨཱཡསྨཱ ཀངྑཱརེཝཏོ ཨནྟརཱམགྒེ གུལ༹ཀརཎཾ, ཨོཀྐམིཏྭཱ གུལེ༹ པིཊྛམྤི ཚཱརིཀམྤི པཀྑིཔནྟེ, དིསྭཱན ‘‘ཨཀཔྤིཡོ གུལོ༹ སཱམིསོ, ན ཀཔྤཏི གུལོ༹ ཝིཀཱལེ པརིབྷུཉྫིཏུ’’ནྟི ཀུཀྐུཙྩཱཡནྟོ སཔརིསོ གུལ༹ཾ ན པརིབྷུཉྫཏི. ཡེཔིསྶ སོཏབྦཾ མཉྙནྟི, ཏེཔི གུལ༹ཾ ན པརིབྷུཉྫནྟི. བྷགཝཏོ ཨེཏམཏྠཾ ཨཱརོཙེསུཾ. ཀིམཏྠཱཡ [ཀིམཏྠིཡཱ (ཀ.)], བྷིཀྑཝེ, གུལེ༹ པིཊྛམྤི ཚཱརིཀམྤི པཀྑིཔནྟཱིཏི? ཐདྡྷཏྠཱཡ [བནྡྷནཏྠཱཡ (སཱི. སྱཱ.)] བྷགཝཱཏི. སཙེ, བྷིཀྑཝེ, ཐདྡྷཏྠཱཡ གུལེ༹ པིཊྛམྤི ཚཱརིཀམྤི པཀྑིཔནྟི, སོ ཙ གུལོ༹ཏྭེཝ སངྑཾ གཙྪཏི. ཨནུཛཱནཱམི, བྷིཀྑཝེ, ཡཐཱསུཁཾ གུལ༹ཾ པརིབྷུཉྫིཏུནྟི.

ཨདྡསཱ ཁོ ཨཱཡསྨཱ ཀངྑཱརེཝཏོ ཨནྟརཱམགྒེ ཝཙྩེ མུགྒཾ ཛཱཏཾ, པསྶིཏྭཱ ‘‘ཨཀཔྤིཡཱ མུགྒཱ; པཀྐཱཔི མུགྒཱ ཛཱཡནྟཱིཏི’’ ཀུཀྐུཙྩཱཡནྟོ སཔརིསོ མུགྒཾ ན པརིབྷུཉྫཏི. ཡེཔིསྶ སོཏབྦཾ མཉྙནྟི, ཏེཔི མུགྒཾ ན པརིབྷུཉྫནྟི. བྷགཝཏོ ཨེཏམཏྠཾ ཨཱརོཙེསུཾ. སཙེ [སཙེཔི (?)], བྷིཀྑཝེ, པཀྐཱཔི མུགྒཱ ཛཱཡནྟི, ཨནུཛཱནཱམི, བྷིཀྑཝེ, ཡཐཱསུཁཾ མུགྒཾ པརིབྷུཉྫིཏུནྟི.

༢༧༣. ཏེན ཁོ པན སམཡེན ཨཉྙཏརསྶ བྷིཀྑུནོ ཨུདརཝཱཏཱབཱདྷོ ཧོཏི. སོ ལོཎསོཝཱིརཀཾ ཨཔཱཡི. ཏསྶ སོ ཨུདརཝཱཏཱབཱདྷོ པཊིཔྤསྶམྦྷི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, གིལཱནསྶ ལོཎསོཝཱིརཀཾ; ཨགིལཱནསྶ ཨུདཀསམྦྷིནྣཾ པཱནཔརིབྷོགེན པརིབྷུཉྫིཏུནྟི.

གུལཱ༹དིཨནུཛཱནནཱ ནིཊྛིཏཱ.

༡༦༤. ཨནྟོཝུཊྛཱདིཔཊིཀྑེཔཀཐཱ

༢༧༤. ཨཐ ཁོ བྷགཝཱ ཨནུཔུབྦེན ཙཱརིཀཾ ཙརམཱནོ ཡེན རཱཛགཧཾ ཏདཝསརི. ཏཏྲ སུདཾ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན བྷགཝཏོ ཨུདརཝཱཏཱབཱདྷོ ཧོཏི. ཨཐ ཁོ ཨཱཡསྨཱ ཨཱནནྡོ – ‘པུབྦེཔི བྷགཝཏོ ཨུདརཝཱཏཱབཱདྷོ ཏེཀཊུལཡཱགུཡཱ ཕཱསུ ཧོཏཱི’ཏི – སཱམཾ ཏིལམྤི, ཏཎྜུལམྤི, མུགྒམྤི ཝིཉྙཱཔེཏྭཱ, ཨནྟོ ཝཱསེཏྭཱ, ཨནྟོ སཱམཾ པཙིཏྭཱ བྷགཝཏོ ཨུཔནཱམེསི – ‘‘པིཝཏུ བྷགཝཱ ཏེཀཊུལཡཱགུ’’ནྟི. ཛཱནནྟཱཔི ཏཐཱགཏཱ པུཙྪནྟི, ཛཱནནྟཱཔི ན པུཙྪནྟི; ཀཱལཾ ཝིདིཏྭཱ པུཙྪནྟི, ཀཱལཾ ཝིདིཏྭཱ ན པུཙྪནྟི; ཨཏྠསཾཧིཏཾ ཏཐཱགཏཱ པུཙྪནྟི, ནོ ཨནཏྠསཾཧིཏཾ. ཨནཏྠསཾཧིཏེ སེཏུགྷཱཏོ ཏཐཱགཏཱནཾ. དྭཱིཧི ཨཱཀཱརེཧི བུདྡྷཱ བྷགཝནྟོ བྷིཀྑཱུ པཊིཔུཙྪནྟི – དྷམྨཾ ཝཱ དེསེསྶཱམ, སཱཝཀཱནཾ ཝཱ སིཀྑཱཔདཾ པཉྙཔེསྶཱམཱཏི. ཨཐ ཁོ བྷགཝཱ ཨཱཡསྨནྟཾ ཨཱནནྡཾ ཨཱམནྟེསི – ‘‘ཀུཏཱཡཾ, ཨཱནནྡ, ཡཱགཱུ’’ཏི? ཨཐ ཁོ ཨཱཡསྨཱ ཨཱནནྡོ བྷགཝཏོ ཨེཏམཏྠཾ ཨཱརོཙེསི. ཝིགརཧི བུདྡྷོ བྷགཝཱ – ‘ཨནནུཙྪཝིཀཾ, ཨཱནནྡ, ཨནནུལོམིཀཾ, ཨཔྤཏིརཱུཔཾ, ཨསྶཱམཎཀཾ, ཨཀཔྤིཡཾ, ཨཀརཎཱིཡཾ. ཀཐཉྷི ནཱམ ཏྭཾ, ཨཱནནྡ, ཨེཝརཱུཔཱཡ བཱཧུལླཱཡ ཙེཏེསྶསི. ཡདཔི, ཨཱནནྡ, ཨནྟོ ཝུཊྛཾ [ཝུཏྠཾ (སཱི. སྱཱ. ཀ.)] ཏདཔི ཨཀཔྤིཡཾ; ཡདཔི ཨནྟོ པཀྐཾ ཏདཔི ཨཀཔྤིཡཾ; ཡདཔི སཱམཾ པཀྐཾ, ཏདཔི ཨཀཔྤིཡཾ. ནེཏཾ, ཨཱནནྡ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཨནྟོ ཝུཊྛཾ, ཨནྟོ པཀྐཾ, སཱམཾ པཀྐཾ པརིབྷུཉྫིཏབྦཾ. ཡོ པརིབྷུཉྫེཡ, ཨཱཔཏྟི དུཀྐཊསྶ. ཨནྟོ ཙེ, བྷིཀྑཝེ, ཝུཊྛཾ, ཨནྟོ པཀྐཾ, སཱམཾ པཀྐཾ ཏཉྩེ པརིབྷུཉྫེཡྻ, ཨཱཔཏྟི ཏིཎྞཾ དུཀྐཊཱནཾ. ཨནྟོ ཙེ, བྷིཀྑཝེ, ཝུཊྛཾ, ཨནྟོ པཀྐཾ, ཨཉྙེཧི པཀྐཾ, ཏཉྩེ པརིབྷུཉྫེཡྻ, ཨཱཔཏྟི དྭིནྣཾ དུཀྐཊཱནཾ. ཨནྟོ ཙེ, བྷིཀྑཝེ, ཝུཊྛཾ, བཧི པཀྐཾ, སཱམཾ པཀྐཾ, ཏཉྩེ པརིབྷུཉྫེཡྻ, ཨཱཔཏྟི དྭིནྣཾ དུཀྐཊཱནཾ. བཧི ཙེ, བྷིཀྑཝེ, ཝུཊྛཾ, ཨནྟོ པཀྐཾ, སཱམཾ པཀྐཾ, ཏཉྩེ པརིབྷུཉྫེཡྻ, ཨཱཔཏྟི དྭིནྣཾ དུཀྐཊཱནཾ. ཨནྟོ ཙེ, བྷིཀྑཝེ, ཝུཊྛཾ, བཧི པཀྐཾ, ཨཉྙེཧི པཀྐཾ, ཏཉྩེ པརིབྷུཉྫེཡྻ, ཨཱཔཏྟི དུཀྐཊསྶ. བཧི ཙེ, བྷིཀྑཝེ, ཝུཊྛཾ, ཨནྟོ པཀྐཾ, ཨཉྙེཧི པཀྐཾ, ཏཉྩེ པརིབྷུཉྫེཡྻ, ཨཱཔཏྟི དུཀྐཊསྶ. བཧི ཙེ, བྷིཀྑཝེ, ཝུཊྛཾ, བཧི པཀྐཾ, སཱམཾ པཀྐཾ, ཏཉྩེ པརིབྷུཉྫེཡྻ, ཨཱཔཏྟི དུཀྐཊསྶ. བཧི ཙེ, བྷིཀྑཝེ, ཝུཊྛཾ, བཧི པཀྐཾ, ཨཉྙེཧི པཀྐཾ, ཏཉྩེ པརིབྷུཉྫེཡྻ, ཨནཱཔཏྟཱི’’’ཏི.

ཏེན ཁོ པན སམཡེན བྷིཀྑཱུ ‘‘བྷགཝཏཱ སཱམཾཔཱཀོ པཊིཀྑིཏྟོ’’ཏི པུན པཱཀེ ཀུཀྐུཙྩཱཡནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པུན པཱཀཾ པཙིཏུནྟི.

ཏེན ཁོ པན སམཡེན རཱཛགཧཾ དུབྦྷིཀྑཾ ཧོཏི. མནུསྶཱ ལོཎམྤི, ཏེལམྤི, ཏཎྜུལམྤི, ཁཱདནཱིཡམྤི ཨཱརཱམཾ ཨཱཧརནྟི. ཏཱནི བྷིཀྑཱུ བཧི ཝཱསེནྟི; ཨུཀྐཔིཎྜཀཱཔི ཁཱདནྟི, ཙོརཱཔི ཧརནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨནྟོ ཝཱསེཏུནྟི. ཨནྟོ ཝཱསེཏྭཱ བཧི པཱཙེནྟི. དམཀཱ པརིཝཱརེནྟི. བྷིཀྑཱུ ཨཝིསྶཊྛཱ པརིབྷུཉྫནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨནྟོ པཙིཏུནྟི. དུབྦྷིཀྑེ ཀཔྤིཡཀཱརཀཱ བཧུཏརཾ ཧརནྟི, ཨཔྤཏརཾ བྷིཀྑཱུནཾ དེནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སཱམཾ པཙིཏུཾ. ཨནུཛཱནཱམི, བྷིཀྑཝེ, ཨནྟོ ཝུཊྛཾ, ཨནྟོ པཀྐཾ, སཱམཾ པཀྐནྟི.

ཨནྟོཝུཊྛཱདིཔཊིཀྑེཔཀཐཱ ནིཊྛིཏཱ.

༡༦༥. ཨུགྒཧིཏཔཊིགྒཧཎཱ

༢༧༥. ཏེན ཁོ པན སམཡེན སམྦཧུལཱ བྷིཀྑཱུ ཀཱསཱིསུ ཝསྶཾཝུཊྛཱ རཱཛགཧཾ གཙྪནྟཱ བྷགཝནྟཾ དསྶནཱཡ ཨནྟརཱམགྒེ ན ལབྷིཾསུ ལཱུཁསྶ ཝཱ པཎཱིཏསྶ ཝཱ བྷོཛནསྶ ཡཱཝདཏྠཾ པཱརིཔཱུརིཾ; བཧུཉྩ ཕལཁཱདནཱིཡཾ ཨཧོསི; ཀཔྤིཡཀཱརཀོ ཙ ན ཨཧོསི. ཨཐ ཁོ ཏེ བྷིཀྑཱུ ཀིལནྟརཱུཔཱ ཡེན རཱཛགཧཾ ཝེལུ༹ཝནཾ ཀལནྡཀནིཝཱཔོ, ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨཱཙིཎྞཾ ཁོ པནེཏཾ བུདྡྷཱནཾ བྷགཝནྟཱནཾ ཨཱགནྟུཀེཧི བྷིཀྑཱུཧི སདྡྷིཾ པཊིསམྨོདིཏུཾ. ཨཐ ཁོ བྷགཝཱ ཏེ བྷིཀྑཱུ ཨེཏདཝོཙ – ‘‘ཀཙྩི, བྷིཀྑཝེ, ཁམནཱིཡཾ, ཀཙྩི ཡཱཔནཱིཡཾ, ཀཙྩིཏྠ ཨཔྤཀིལམཐེན ཨདྡྷཱནཾ ཨཱགཏཱ; ཀུཏོ ཙ ཏུམྷེ, བྷིཀྑཝེ, ཨཱགཙྪཐཱ’’ཏི? ‘‘ཁམནཱིཡཾ བྷགཝཱ, ཡཱཔནཱིཡཾ བྷགཝཱ. ཨིདྷ མཡཾ, བྷནྟེ, ཀཱསཱིསུ ཝསྶཾཝུཊྛཱ རཱཛགཧཾ ཨཱགཙྪནྟཱ བྷགཝནྟཾ དསྶནཱཡ ཨནྟརཱམགྒེ ན ལབྷིམྷཱ ལཱུཁསྶ ཝཱ པཎཱིཏསྶ ཝཱ བྷོཛནསྶ ཡཱཝདཏྠཾ པཱརིཔཱུརིཾ; བཧུཉྩ ཕལཁཱདནཱིཡཾ ཨཧོསི; ཀཔྤིཡཀཱརཀོ ཙ ན ཨཧོསི; ཏེན མཡཾ ཀིལནྟརཱུཔཱ ཨདྡྷཱནཾ ཨཱགཏཱ’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཡཏྠ ཕལཁཱདནཱིཡཾ པསྶཏི, ཀཔྤིཡཀཱརཀོ ཙ ན ཧོཏི, སཱམཾ གཧེཏྭཱ, ཧརིཏྭཱ, ཀཔྤིཡཀཱརཀེ པསྶིཏྭཱ, བྷཱུམིཡཾ ནིཀྑིཔིཏྭཱ, པཊིགྒཧཱཔེཏྭཱ པརིབྷུཉྫིཏུཾ. ཨནུཛཱནཱམི, བྷིཀྑཝེ, ཨུགྒཧིཏཾ པཊིགྒཧིཏུ’’ནྟི.

༢༧༦. ཏེན ཁོ པན སམཡེན ཨཉྙཏརསྶ བྲཱཧྨཎསྶ ནཝཱ ཙ ཏིལཱ ནཝཉྩ མདྷུ ཨུཔྤནྣཱ ཧོནྟི. ཨཐ ཁོ ཏསྶ བྲཱཧྨཎསྶ ཨེཏདཧོསི – ‘‘ཡཾནཱུནཱཧཾ ནཝེ ཙ ཏིལེ ནཝཉྩ མདྷུཾ བུདྡྷཔྤམུཁསྶ བྷིཀྑུསངྒྷསྶ དདེཡྻ’’ནྟི. ཨཐ ཁོ སོ བྲཱཧྨཎོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝཏཱ སདྡྷིཾ པཊིསམྨོདི, སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏོ ཁོ སོ བྲཱཧྨཎོ བྷགཝནྟཾ ཨེཏདཝོཙ – ‘‘ཨདྷིཝཱསེཏུ མེ བྷཝཾ གོཏམོ སྭཱཏནཱཡ བྷཏྟཾ, སདྡྷིཾ བྷིཀྑུསངྒྷེནཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ཁོ སོ བྲཱཧྨཎོ བྷགཝཏོ ཨདྷིཝཱསནཾ ཝིདིཏྭཱ པཀྐཱམི. ཨཐ ཁོ སོ བྲཱཧྨཎོ ཏསྶཱ རཏྟིཡཱ ཨཙྩཡེན པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ བྷགཝཏོ ཀཱལཾ ཨཱརོཙཱཔེསི – ‘‘ཀཱལོ, བྷོ གོཏམ, ནིཊྛིཏཾ བྷཏྟ’’ནྟི. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན ཏསྶ བྲཱཧྨཎསྶ ནིཝེསནཾ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི, སདྡྷིཾ བྷིཀྑུསངྒྷེན. ཨཐ ཁོ སོ བྲཱཧྨཎོ བུདྡྷཔྤམུཁཾ བྷིཀྑུསངྒྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེཏྭཱ སམྤཝཱརེཏྭཱ བྷགཝནྟཾ བྷུཏྟཱཝིཾ ཨོནཱིཏཔཏྟཔཱཎིཾ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཏཾ བྲཱཧྨཎཾ བྷགཝཱ དྷམྨིཡཱ ཀཐཱཡ སནྡསྶེཏྭཱ, སམཱདཔེཏྭཱ, སམུཏྟེཛེཏྭཱ, སམྤཧཾསེཏྭཱ ཨུཊྛཱཡཱསནཱ པཀྐཱམི.

ཨཐ ཁོ ཏསྶ བྲཱཧྨཎསྶ ཨཙིརཔཀྐནྟསྶ བྷགཝཏོ ཨེཏདཧོསི – ‘‘ཡེསཾ ཁོ མཡཱ ཨཏྠཱཡ བུདྡྷཔྤམུཁོ བྷིཀྑུསངྒྷོ ནིམནྟིཏོ, ‘ནཝེ ཙ ཏིལེ ནཝཉྩ མདྷུཾ དསྶཱམཱི’ཏི, ཏེ མཡཱ པམུཊྛཱ དཱཏུཾ. ཡཾནཱུནཱཧཾ ནཝེ ཙ ཏིལེ ནཝཉྩ མདྷུཾ ཀོལམྦེཧི ཙ གྷཊེཧི ཙ ཨཱརཱམཾ ཧརཱཔེཡྻ’’ནྟི. ཨཐ ཁོ སོ བྲཱཧྨཎོ ནཝེ ཙ ཏིལེ ནཝཉྩ མདྷུཾ ཀོལམྦེཧི ཙ གྷཊེཧི ཙ ཨཱརཱམཾ ཧརཱཔེཏྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏོ ཁོ སོ བྲཱཧྨཎོ བྷགཝནྟཾ ཨེཏདཝོཙ – ‘‘ཡེསཾ ཁོ མཡཱ, བྷོ གོཏམ, ཨཏྠཱཡ བུདྡྷཔྤམུཁོ བྷིཀྑུསངྒྷོ ནིམནྟིཏོ, ‘ནཝེ ཙ ཏིལེ ནཝཉྩ མདྷུཾ དསྶཱམཱི’ཏི, ཏེ མཡཱ པམུཊྛཱ དཱཏུཾ. པཊིགྒཎྷཱཏུ མེ བྷཝཾ གོཏམོ ནཝེ ཙ ཏིལེ ནཝཉྩ མདྷུ’’ནྟི. ཏེན ཧི, བྲཱཧྨཎ, བྷིཀྑཱུནཾ དེཧཱིཏི. ཏེན ཁོ པན སམཡེན བྷིཀྑཱུ དུབྦྷིཀྑེ ཨཔྤམཏྟཀེཔི པཝཱརེནྟི, པཊིསངྑཱཔི པཊིཀྑིཔནྟི, སབྦོ ཙ སངྒྷོ པཝཱརིཏོ ཧོཏི. བྷིཀྑཱུ ཀུཀྐུཙྩཱཡནྟཱ ན པཊིགྒཎྷནྟི. པཊིགྒཎྷཐ, བྷིཀྑཝེ, པརིབྷུཉྫཐ. ཨནུཛཱནཱམི, བྷིཀྑཝེ, ཏཏོ ནཱིཧཊཾ བྷུཏྟཱཝིནཱ པཝཱརིཏེན ཨནཏིརིཏྟཾ པརིབྷུཉྫིཏུནྟི.

ཨུགྒཧིཏཔཊིགྒཧཎཱ ནིཊྛིཏཱ.

༡༦༦. པཊིགྒཧིཏཱདིཨནུཛཱནནཱ

༢༧༧. [པཱཙི. ༢༩༥] ཏེན ཁོ པན སམཡེན ཨཱཡསྨཏོ ཨུཔནནྡསྶ སཀྱཔུཏྟསྶ ཨུཔཊྛཱཀཀུལཾ སངྒྷསྶཏྠཱཡ ཁཱདནཱིཡཾ པཱཧེསི – ཨཡྻསྶ ཨུཔནནྡསྶ དསྶེཏྭཱ སངྒྷསྶ དཱཏབྦནྟི. ཏེན ཁོ པན སམཡེན ཨཱཡསྨཱ ཨུཔནནྡོ སཀྱཔུཏྟོ གཱམཾ པིཎྜཱཡ པཝིཊྛོ ཧོཏི. ཨཐ ཁོ ཏེ མནུསྶཱ ཨཱརཱམཾ གནྟྭཱ བྷིཀྑཱུ པུཙྪིཾསུ – ‘‘ཀཧཾ, བྷནྟེ, ཨཡྻོ ཨུཔནནྡོ’’ཏི? ‘‘ཨེསཱཝུསོ, ཨཱཡསྨཱ ཨུཔནནྡོ སཀྱཔུཏྟོ གཱམཾ པིཎྜཱཡ པཝིཊྛོ’’ཏི. ‘‘ཨིདཾ, བྷནྟེ, ཁཱདནཱིཡཾ ཨཡྻསྶ ཨུཔནནྡསྶ དསྶེཏྭཱ སངྒྷསྶ དཱཏབྦ’’ནྟི. བྷགཝཏོ ཨེཏམཏྠཾ ཨཱརོཙེསུཾ. ཏེན ཧི, བྷིཀྑཝེ, པཊིགྒཧེཏྭཱ ནིཀྑིཔཐ ཡཱཝ ཨུཔནནྡོ ཨཱགཙྪཏཱིཏི. ཨཐ ཁོ ཨཱཡསྨཱ ཨུཔནནྡོ སཀྱཔུཏྟོ པུརེབྷཏྟཾ ཀུལཱནི པཡིརུཔཱསིཏྭཱ དིཝཱ ཨཱགཙྪཏི. ཏེན ཁོ པན སམཡེན བྷིཀྑཱུ དུབྦྷིཀྑེ ཨཔྤམཏྟཀེཔི པཝཱརེནྟི, པཊིསངྑཱཔི པཊིཀྑིཔནྟི, སབྦོ ཙ སངྒྷོ པཝཱརིཏོ ཧོཏི, བྷིཀྑཱུ ཀུཀྐུཙྩཱཡནྟཱ ན པཊིགྒཎྷནྟི. པཊིགྒཎྷཐ, བྷིཀྑཝེ, པརིབྷུཉྫཐ. ཨནུཛཱནཱམི, བྷིཀྑཝེ, པུརེབྷཏྟཾ པཊིགྒཧིཏཾ བྷུཏྟཱཝིནཱ པཝཱརིཏེན ཨནཏིརིཏྟཾ པརིབྷུཉྫིཏུནྟི.

༢༧༨. ཨཐ ཁོ བྷགཝཱ རཱཛགཧེ ཡཐཱབྷིརནྟཾ ཝིཧརིཏྭཱ ཡེན སཱཝཏྠི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན སཱཝཏྠི ཏདཝསརི. ཏཏྲ སུདཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཏོ སཱརིཔུཏྟསྶ ཀཱཡཌཱཧཱབཱདྷོ ཧོཏི. ཨཐ ཁོ ཨཱཡསྨཱ མཧཱམོགྒལླཱནོ ཡེནཱཡསྨཱ སཱརིཔུཏྟོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ སཱརིཔུཏྟཾ ཨེཏདཝོཙ – ‘‘པུབྦེ ཏེ, ཨཱཝུསོ སཱརིཔུཏྟ, ཀཱཡཌཱཧཱབཱདྷོ ཀེན ཕཱསུ ཧོཏཱི’’ཏི? ‘‘བྷིསེཧི ཙ མེ, ཨཱཝུསོ, མུལཱ༹ལིཀཱཧི ཙཱ’’ཏི. ཨཐ ཁོ ཨཱཡསྨཱ མཧཱམོགྒལླཱནོ སེཡྻཐཱཔི ནཱམ བལཝཱ པུརིསོ སམྨིཉྫིཏཾ ཝཱ བཱཧཾ པསཱརེཡྻ, པསཱརིཏཾ ཝཱ བཱཧཾ སམིཉྫེཡྻ, ཨེཝམེཝ ཛེཏཝནེ ཨནྟརཧིཏོ མནྡཱཀིནིཡཱ པོཀྑརཎིཡཱ ཏཱིརེ པཱཏུརཧོསི. ཨདྡསཱ ཁོ ཨཉྙཏརོ ནཱགོ ཨཱཡསྨནྟཾ མཧཱམོགྒལླཱནཾ དཱུརཏོཝ ཨཱགཙྪནྟཾ, དིསྭཱན ཨཱཡསྨནྟཾ མཧཱམོགྒལླཱནཾ ཨེཏདཝོཙ – ‘‘ཨེཏུ ཁོ, བྷནྟེ, ཨཡྻོ མཧཱམོགྒལླཱནོ. སྭཱགཏཾ, བྷནྟེ, ཨཡྻསྶ མཧཱམོགྒལླཱནསྶ. ཀེན, བྷནྟེ, ཨཡྻསྶ ཨཏྠོ; ཀིཾ དམྨཱི’’ཏི? ‘‘བྷིསེཧི ཙ མེ, ཨཱཝུསོ, ཨཏྠོ, མུལཱ༹ལིཀཱཧི ཙཱ’’ཏི. ཨཐ ཁོ སོ ནཱགོ ཨཉྙཏརཾ ནཱགཾ ཨཱཎཱཔེསི – ‘‘ཏེན ཧི, བྷཎེ, ཨཡྻསྶ བྷིསེ ཙ མུལཱ༹ལིཀཱཡོ ཙ ཡཱཝདཏྠཾ དེཧཱི’’ཏི. ཨཐ ཁོ སོ ནཱགོ མནྡཱཀིནིཾ པོཀྑརཎིཾ ཨོགཱཧེཏྭཱ, སོཎྜཱཡ བྷིསཉྩ མུལཱ༹ལིཀཉྩ ཨབྦཱཧིཏྭཱ, སུཝིཀྑཱལིཏཾ ཝིཀྑཱལེཏྭཱ, བྷཎྜིཀཾ བནྡྷིཏྭཱ ཡེནཱཡསྨཱ མཧཱམོགྒལླཱནོ ཏེནུཔསངྐམི. ཨཐ ཁོ ཨཱཡསྨཱ མཧཱམོགྒལླཱནོ – སེཡྻཐཱཔི ནཱམ བལཝཱ པུརིསོ སམིཉྫིཏཾ ཝཱ བཱཧཾ པསཱརེཡྻ, པསཱརིཏཾ ཝཱ བཱཧཾ སམིཉྫེཡྻ, ཨེཝམེཝ – མནྡཱཀིནིཡཱ པོཀྑརཎིཡཱ ཏཱིརེ ཨནྟརཧིཏོ ཛེཏཝནེ པཱཏུརཧོསི. སོཔི ཁོ ནཱགོ མནྡཱཀིནིཡཱ པོཀྑརཎིཡཱ ཏཱིརེ ཨནྟརཧིཏོ ཛེཏཝནེ པཱཏུརཧོསི. ཨཐ ཁོ སོ ནཱགོ ཨཱཡསྨཏོ མཧཱམོགྒལླཱནསྶ བྷིསེ ཙ མུལཱ༹ལིཀཱཡོ ཙ པཊིགྒཧཱཔེཏྭཱ ཛེཏཝནེ ཨནྟརཧིཏོ མནྡཱཀིནིཡཱ པོཀྑརཎིཡཱ ཏཱིརེ པཱཏུརཧོསི. ཨཐ ཁོ ཨཱཡསྨཱ མཧཱམོགྒལླཱནོ ཨཱཡསྨཏོ སཱརིཔུཏྟསྶ བྷིསེ ཙ མུལཱ༹ལིཀཱཡོ ཙ ཨུཔནཱམེསི. ཨཐ ཁོ ཨཱཡསྨཏོ སཱརིཔུཏྟསྶ བྷིསེ ཙ མུལཱ༹ལིཀཱཡོ ཙ བྷུཏྟསྶ ཀཱཡཌཱཧཱབཱདྷོ པཊིཔྤསྶམྦྷི. བཧཱུ བྷིསཱ ཙ མུལཱ༹ལིཀཱཡོ ཙ ཨཝསིཊྛཱ ཧོནྟི. ཏེན ཁོ པན སམཡེན བྷིཀྑཱུ དུབྦྷིཀྑེ ཨཔྤམཏྟཀེཔི པཝཱརེནྟི, པཊིསངྑཱཔི པཊིཀྑིཔནྟི, སབྦོ ཙ སངྒྷོ པཝཱརིཏོ ཧོཏི. བྷིཀྑཱུ ཀུཀྐུཙྩཱཡནྟཱ ན པཊིགྒཎྷནྟི. པཊིགྒཎྷཐ, བྷིཀྑཝེ, པརིབྷུཉྫཐ. ཨནུཛཱནཱམི, བྷིཀྑཝེ, ཝནཊྛཾ པོཀྑརཊྛཾ བྷུཏྟཱཝིནཱ པཝཱརིཏེན ཨནཏིརིཏྟཾ པརིབྷུཉྫིཏུནྟི.

ཏེན ཁོ པན སམཡེན སཱཝཏྠིཡཾ བཧུཾ ཕལཁཱདནཱིཡཾ ཨུཔྤནྣཾ ཧོཏི, ཀཔྤིཡཀཱརཀོ ཙ ན ཧོཏི. བྷིཀྑཱུ ཀུཀྐུཙྩཱཡནྟཱ ཕལཾ ན པརིབྷུཉྫནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨབཱིཛཾ ནིབྦཏྟབཱིཛཾ [ནིབྦཊྚབཱིཛཾ (སཱི.), ནིབྦཊབཱིཛཾ (སྱཱ.), ནིཔྤཊྚབཱིཛཾ (ཀ.)] ཨཀཏཀཔྤཾ ཕལཾ པརིབྷུཉྫིཏུནྟི.

པཊིགྒཧིཏཱདི ཨནུཛཱནནཱ ནིཊྛིཏཱ.

༡༦༧. སཏྠཀམྨཔཊིཀྑེཔཀཐཱ

༢༧༩. ཨཐ ཁོ བྷགཝཱ སཱཝཏྠིཡཾ ཡཐཱབྷིརནྟཾ ཝིཧརིཏྭཱ ཡེན རཱཛགཧཾ ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན རཱཛགཧཾ ཏདཝསརི. ཏཏྲ སུདཾ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན ཨཉྙཏརསྶ བྷིཀྑུནོ བྷགནྡལཱབཱདྷོ ཧོཏི. ཨཱཀཱསགོཏྟོ ཝེཛྫོ སཏྠཀམྨཾ ཀརོཏི. ཨཐ ཁོ བྷགཝཱ སེནཱསནཙཱརིཀཾ ཨཱཧིཎྜནྟོ ཡེན ཏསྶ བྷིཀྑུནོ ཝིཧཱརོ ཏེནུཔསངྐམི. ཨདྡསཱ ཁོ ཨཱཀཱསགོཏྟོ ཝེཛྫོ བྷགཝནྟཾ དཱུརཏོཝ ཨཱགཙྪནྟཾ, དིསྭཱན བྷགཝནྟཾ ཨེཏདཝོཙ – ‘‘ཨཱགཙྪཏུ བྷཝཾ གོཏམོ, ཨིམསྶ བྷིཀྑུནོ ཝཙྩམགྒཾ པསྶཏུ, སེཡྻཐཱཔི གོདྷཱམུཁ’’ནྟི. ཨཐ ཁོ བྷགཝཱ – ‘‘སོ མཾ ཁྭཱཡཾ མོགྷཔུརིསོ ཨུཔྤཎྜེཏཱི’’ཏི – ཏཏོཝ པཊིནིཝཏྟིཏྭཱ, ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ, བྷིཀྑཱུ པཊིཔུཙྪི – ‘‘ཨཏྠི ཀིར, བྷིཀྑཝེ, ཨམུཀསྨིཾ ཝིཧཱརེ བྷིཀྑུ གིལཱནོ’’ཏི? ‘‘ཨཏྠི བྷགཝཱ’’ཏི. ‘‘ཀིཾ ཏསྶ, བྷིཀྑཝེ, བྷིཀྑུནོ ཨཱབཱདྷོ’’ཏི? ‘‘ཏསྶ, བྷནྟེ, ཨཱཡསྨཏོ བྷགནྡལཱབཱདྷོ, ཨཱཀཱསགོཏྟོ ཝེཛྫོ སཏྠཀམྨཾ ཀརོཏཱི’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, བྷིཀྑཝེ, ཏསྶ མོགྷཔུརིསསྶ, ཨནནུལོམིཀཾ, ཨཔྤཏིརཱུཔཾ, ཨསྶཱམཎཀཾ, ཨཀཔྤིཡཾ, ཨཀརཎཱིཡཾ. ཀཐཉྷི ནཱམ སོ, བྷིཀྑཝེ, མོགྷཔུརིསོ སམྦཱདྷེ སཏྠཀམྨཾ ཀཱརཱཔེསྶཏི. སམྦཱདྷེ, བྷིཀྑཝེ, སུཁུམཱ ཚཝི, དུརོཔཡོ ཝཎོ, དུཔྤརིཧཱརཾ སཏྠཾ. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, སམྦཱདྷེ སཏྠཀམྨཾ ཀཱརཱཔེཏབྦཾ. ཡོ ཀཱརཱཔེཡྻ, ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ – བྷགཝཏཱ སཏྠཀམྨཾ པཊིཀྑིཏྟནྟི – ཝཏྠིཀམྨཾ ཀཱརཱཔེནྟི. ཡེ ཏེ བྷིཀྑཱུ ཨཔྤིཙྪཱ, ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཝཏྠིཀམྨཾ ཀཱརཱཔེསྶནྟཱི’’ཏི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘སཙྩཾ ཀིར, བྷིཀྑཝེ, ཚབྦགྒིཡཱ བྷིཀྑཱུ ཝཏྠིཀམྨཾ ཀཱརཱཔེནྟཱི’’ཏི? ‘‘སཙྩཾ བྷགཝཱ’’ཏི…པེ… ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, སམྦཱདྷསྶ སཱམནྟཱ དྭངྒུལཱ སཏྠཀམྨཾ ཝཱ ཝཏྠིཀམྨཾ ཝཱ ཀཱརཱཔེཏབྦཾ. ཡོ ཀཱརཱཔེཡྻ, ཨཱཔཏྟི ཐུལླཙྩཡསྶཱ’’ཏི.

སཏྠཀམྨཔཊིཀྑེཔཀཐཱ ནིཊྛིཏཱ.

༡༦༨. མནུསྶམཾསཔཊིཀྑེཔཀཐཱ

༢༨༠. ཨཐ ཁོ བྷགཝཱ རཱཛགཧེ ཡཐཱབྷིརནྟཾ ཝིཧརིཏྭཱ ཡེན བཱརཱཎསཱི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན བཱརཱཎསཱི ཏདཝསརི. ཏཏྲ སུདཾ བྷགཝཱ བཱརཱཎསིཡཾ ཝིཧརཏི ཨིསིཔཏནེ མིགདཱཡེ. ཏེན ཁོ པན སམཡེན བཱརཱཎསིཡཾ སུཔྤིཡོ ཙ ཨུཔཱསཀོ སུཔྤིཡཱ ཙ ཨུཔཱསིཀཱ ཨུབྷཏོཔསནྣཱ ཧོནྟི, དཱཡཀཱ, ཀཱརཀཱ, སངྒྷུཔཊྛཱཀཱ. ཨཐ ཁོ སུཔྤིཡཱ ཨུཔཱསིཀཱ ཨཱརཱམཾ གནྟྭཱ ཝིཧཱརེན ཝིཧཱརཾ པརིཝེཎེན པརིཝེཎཾ ཨུཔསངྐམིཏྭཱ བྷིཀྑཱུ པུཙྪཏི – ‘‘ཀོ, བྷནྟེ, གིལཱནོ, ཀསྶ ཀིཾ ཨཱཧརིཡཏཱུ’’ཏི? ཏེན ཁོ པན སམཡེན ཨཉྙཏརེན བྷིཀྑུནཱ ཝིརེཙནཾ པཱིཏཾ ཧོཏི. ཨཐ ཁོ སོ བྷིཀྑུ སུཔྤིཡཾ ཨུཔཱསིཀཾ ཨེཏདཝོཙ – ‘‘མཡཱ ཁོ, བྷགིནི, ཝིརེཙནཾ པཱིཏཾ. ཨཏྠོ མེ པཊིཙྪཱདནཱིཡེནཱ’’ཏི. ‘‘སུཊྛུ, ཨཡྻ, ཨཱཧརིཡིསྶཏཱི’’ཏི གྷརཾ གནྟྭཱ ཨནྟེཝཱསིཾ ཨཱཎཱཔེསི – ‘‘གཙྪ, བྷཎེ, པཝཏྟམཾསཾ ཛཱནཱཧཱི’’ཏི. ཨེཝཾ, ཨཡྻེཏི ཁོ སོ པུརིསོ སུཔྤིཡཱཡ ཨུཔཱསིཀཱཡ པཊིསྶུཎིཏྭཱ ཀེཝལཀཔྤཾ བཱརཱཎསིཾ ཨཱཧིཎྜནྟོ ན ཨདྡས པཝཏྟམཾསཾ. ཨཐ ཁོ སོ པུརིསོ ཡེན སུཔྤིཡཱ ཨུཔཱསིཀཱ ཏེནུཔསངྐམི, ཨུཔསངྐམིཏྭཱ སུཔྤིཡཾ ཨུཔཱསིཀཾ ཨེཏདཝོཙ – ‘‘ནཏྠཡྻེ པཝཏྟམཾསཾ. མཱགྷཱཏོ ཨཛྫཱ’’ཏི. ཨཐ ཁོ སུཔྤིཡཱཡ ཨུཔཱསིཀཱཡ ཨེཏདཧོསི – ‘‘ཏསྶ ཁོ གིལཱནསྶ བྷིཀྑུནོ པཊིཙྪཱདནཱིཡཾ ཨལབྷནྟསྶ ཨཱབཱདྷོ ཝཱ ཨབྷིཝཌྜྷིསྶཏི, ཀཱལངྐིརིཡཱ ཝཱ བྷཝིསྶཏི. ན ཁོ མེཏཾ པཏིརཱུཔཾ ཡཱཧཾ པཊིསྶུཎིཏྭཱ ན ཧརཱཔེཡྻ’’ནྟི. པོཏྠནིཀཾ གཧེཏྭཱ ཨཱུརུམཾསཾ ཨུཀྐནྟིཏྭཱ དཱསིཡཱ ཨདཱསི – ‘‘ཧནྡ, ཛེ, ཨིམཾ མཾསཾ སམྤཱདེཏྭཱ ཨམུཀསྨིཾ ཝིཧཱརེ བྷིཀྑུ གིལཱནོ, ཏསྶ དཛྫཱཧི. ཡོ ཙ མཾ པུཙྪཏི, ‘གིལཱནཱ’ཏི པཊིཝེདེཧཱི’’ཏི. ཨུཏྟརཱསངྒེན ཨཱུརུཾ ཝེཋེཏྭཱ ཨོཝརཀཾ པཝིསིཏྭཱ མཉྩཀེ ནིཔཛྫི. ཨཐ ཁོ སུཔྤིཡོ ཨུཔཱསཀོ གྷརཾ གནྟྭཱ དཱསིཾ པུཙྪི – ‘‘ཀཧཾ སུཔྤིཡཱ’’ཏི? ‘‘ཨེསཱཡྻ ཨོཝརཀེ ནིཔནྣཱ’’ཏི. ཨཐ ཁོ སུཔྤིཡོ ཨུཔཱསཀོ ཡེན སུཔྤིཡཱ ཨུཔཱསིཀཱ ཏེནུཔསངྐམི, ཨུཔསངྐམིཏྭཱ སུཔྤིཡཾ ཨུཔཱསིཀཾ ཨེཏདཝོཙ – ‘‘ཀིསྶ ནིཔནྣཱསཱི’’ཏི? ‘‘གིལཱནཱམྷཱི’’ཏི. ‘‘ཀིཾ ཏེ ཨཱབཱདྷོ’’ཏི? ཨཐ ཁོ སུཔྤིཡཱ ཨུཔཱསིཀཱ སུཔྤིཡསྶ ཨུཔཱསཀསྶ ཨེཏམཏྠཾ ཨཱརོཙེསི. ཨཐ ཁོ སུཔྤིཡོ ཨུཔཱསཀོ – ཨཙྪརིཡཾ ཝཏ བྷོ! ཨབྦྷུཏཾ ཝཏ བྷོ! ཡཱཝ སདྡྷཱཡཾ སུཔྤིཡཱ པསནྣཱ, ཡཏྲ ཧི ནཱམ ཨཏྟནོཔི མཾསཱནི པརིཙྩཏྟཱནི! ཀིམྤིམཱཡ [ཀིཾ པནིམཱཡ (སཱི. སྱཱ.)] ཨཉྙཾ ཀིཉྩི ཨདེཡྻཾ བྷཝིསྶཏཱིཏི – ཧཊྛོ ཨུདགྒོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སུཔྤིཡོ ཨུཔཱསཀོ བྷགཝནྟཾ ཨེཏདཝོཙ – ‘‘ཨདྷིཝཱསེཏུ མེ, བྷནྟེ, བྷགཝཱ སྭཱཏནཱཡ བྷཏྟཾ, སདྡྷིཾ བྷིཀྑུསངྒྷེནཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ཁོ སུཔྤིཡོ ཨུཔཱསཀོ བྷགཝཏོ ཨདྷིཝཱསནཾ ཝིདིཏྭཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ཁོ སུཔྤིཡོ ཨུཔཱསཀོ ཏསྶཱ རཏྟིཡཱ ཨཙྩཡེན པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ བྷགཝཏོ ཀཱལཾ ཨཱརོཙཱཔེསི – ‘‘ཀཱལོ, བྷནྟེ, ནིཊྛིཏཾ བྷཏྟ’’ནྟི. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན སུཔྤིཡསྶ ཨུཔཱསཀསྶ ནིཝེསནཾ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི, སདྡྷིཾ བྷིཀྑུསངྒྷེན. ཨཐ ཁོ སུཔྤིཡོ ཨུཔཱསཀོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏཾ ཁོ སུཔྤིཡཾ ཨུཔཱསཀཾ བྷགཝཱ ཨེཏདཝོཙ – ‘‘ཀཧཾ སུཔྤིཡཱ’’ཏི? ‘‘གིལཱནཱ བྷགཝཱ’’ཏི. ‘‘ཏེན ཧི ཨཱགཙྪཏཱུ’’ཏི. ‘‘ན བྷགཝཱ ཨུསྶཧཏཱི’’ཏི. ‘‘ཏེན ཧི པརིགྒཧེཏྭཱཔི ཨཱནེཐཱ’’ཏི. ཨཐ ཁོ སུཔྤིཡོ ཨུཔཱསཀོ སུཔྤིཡཾ ཨུཔཱསིཀཾ པརིགྒཧེཏྭཱ ཨཱནེསི. ཏསྶཱ, སཧ དསྶནེན བྷགཝཏོ, ཏཱཝ མཧཱཝཎོ རུལ༹ཧོ ཨཧོསི, སུཙྪཝིལོམཛཱཏོ. ཨཐ ཁོ སུཔྤིཡོ ཙ ཨུཔཱསཀོ སུཔྤིཡཱ ཙ ཨུཔཱསིཀཱ – ‘‘ཨཙྪརིཡཾ ཝཏ བྷོ! ཨབྦྷུཏཾ ཝཏ བྷོ! ཏཐཱགཏསྶ མཧིདྡྷིཀཏཱ མཧཱནུབྷཱཝཏཱ, ཡཏྲ ཧི ནཱམ སཧ དསྶནེན བྷགཝཏོ ཏཱཝ མཧཱཝཎོ རུལ༹ཧོ བྷཝིསྶཏི, སུཙྪཝིལོམཛཱཏོ’’ཏི – ཧཊྛཱ ཨུདགྒཱ བུདྡྷཔྤམུཁཾ བྷིཀྑུསངྒྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེཏྭཱ སམྤཝཱརེཏྭཱ བྷགཝནྟཾ བྷུཏྟཱཝིཾ ཨོནཱིཏཔཏྟཔཱཎིཾ ཨེཀམནྟཾ ནིསཱིདིཾསུ. ཨཐ ཁོ བྷགཝཱ སུཔྤིཡཉྩ ཨུཔཱསཀཾ སུཔྤིཡཉྩ ཨུཔཱསིཀཾ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ པཀྐཱམི.

ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ

པཊིཔུཙྪི – ‘‘ཀོ, བྷིཀྑཝེ, སུཔྤིཡཾ ཨུཔཱསིཀཾ མཾསཾ ཝིཉྙཱཔེསཱི’’ཏི? ཨེཝཾ ཝུཏྟེ སོ བྷིཀྑུ བྷགཝནྟཾ ཨེཏདཝོཙ – ‘‘ཨཧཾ ཁོ, བྷནྟེ, སུཔྤིཡཾ ཨུཔཱསིཀཾ མཾསཾ ཝིཉྙཱཔེསི’’ནྟི. ‘‘ཨཱཧརིཡིཏྠ བྷིཀྑཱུ’’ཏི? ‘‘ཨཱཧརིཡིཏྠ བྷགཝཱ’’ཏི. ‘‘པརིབྷུཉྫི ཏྭཾ བྷིཀྑཱུ’’ཏི? ‘‘པརིབྷུཉྫཱམཧཾ བྷགཝཱ’’ཏི. ‘‘པཊིཝེཀྑི ཏྭཾ བྷིཀྑཱུ’’ཏི? ‘‘ནཱཧཾ བྷགཝཱ པཊིཝེཀྑི’’ནྟི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, ཨཔྤཊིཝེཀྑིཏྭཱ མཾསཾ པརིབྷུཉྫིསྶསི. མནུསྶམཾསཾ ཁོ ཏཡཱ, མོགྷཔུརིས, པརིབྷུཏྟཾ. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘སནྟི, བྷིཀྑཝེ, མནུསྶཱ སདྡྷཱ པསནྣཱ, ཏེཧི ཨཏྟནོཔི མཾསཱནི པརིཙྩཏྟཱནི. ན, བྷིཀྑཝེ, མནུསྶམཾསཾ པརིབྷུཉྫིཏབྦཾ. ཡོ པརིབྷུཉྫེཡྻ, ཨཱཔཏྟི ཐུལླཙྩཡསྶ. ན ཙ, བྷིཀྑཝེ, ཨཔྤཊིཝེཀྑིཏྭཱ མཾསཾ པརིབྷུཉྫིཏབྦཾ. ཡོ པརིབྷུཉྫེཡྻ, ཨཱཔཏྟི དུཀྐཊསྶཱ’’ཏི.

མནུསྶམཾསཔཊིཀྑེཔཀཐཱ ནིཊྛིཏཱ.

༡༦༩. ཧཏྠིམཾསཱདིཔཊིཀྑེཔཀཐཱ

༢༨༡. ཏེན ཁོ པན སམཡེན རཉྙོ ཧཏྠཱི མརནྟི. མནུསྶཱ དུབྦྷིཀྑེ ཧཏྠིམཾསཾ པརིབྷུཉྫནྟི, བྷིཀྑཱུནཾ པིཎྜཱཡ ཙརནྟཱནཾ ཧཏྠིམཾསཾ དེནྟི. བྷིཀྑཱུ ཧཏྠིམཾསཾ པརིབྷུཉྫནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཧཏྠིམཾསཾ པརིབྷུཉྫིསྶནྟི. རཱཛངྒཾ ཧཏྠཱི, སཙེ རཱཛཱ ཛཱནེཡྻ, ན ནེསཾ ཨཏྟམནོ ཨསྶཱ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཧཏྠིམཾསཾ པརིབྷུཉྫིཏབྦཾ. ཡོ པརིབྷུཉྫེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན རཉྙོ ཨསྶཱ མརནྟི. མནུསྶཱ དུབྦྷིཀྑེ ཨསྶམཾསཾ པརིབྷུཉྫནྟི, བྷིཀྑཱུནཾ པིཎྜཱཡ ཙརནྟཱནཾ ཨསྶམཾསཾ དེནྟི. བྷིཀྑཱུ ཨསྶམཾསཾ པརིབྷུཉྫནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཨསྶམཾསཾ པརིབྷུཉྫིསྶནྟི. རཱཛངྒཾ ཨསྶཱ, སཙེ རཱཛཱ ཛཱནེཡྻ, ན ནེསཾ ཨཏྟམནོ ཨསྶཱ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨསྶམཾསཾ པརིབྷུཉྫིཏབྦཾ. ཡོ པརིབྷུཉྫེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན མནུསྶཱ དུབྦྷིཀྑེ སུནཁམཾསཾ པརིབྷུཉྫནྟི, བྷིཀྑཱུནཾ པིཎྜཱཡ ཙརནྟཱནཾ སུནཁམཾསཾ དེནྟི. བྷིཀྑཱུ སུནཁམཾསཾ པརིབྷུཉྫནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ སུནཁམཾསཾ པརིབྷུཉྫིསྶནྟི, ཛེགུཙྪོ སུནཁོ པཊིཀཱུལོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སུནཁམཾསཾ པརིབྷུཉྫིཏབྦཾ. ཡོ པརིབྷུཉྫེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན མནུསྶཱ དུབྦྷིཀྑེ ཨཧིམཾསཾ པརིབྷུཉྫནྟི, བྷིཀྑཱུནཾ པིཎྜཱཡ ཙརནྟཱནཾ ཨཧིམཾསཾ དེནྟི. བྷིཀྑཱུ ཨཧིམཾསཾ པརིབྷུཉྫནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཨཧིམཾསཾ པརིབྷུཉྫིསྶནྟི, ཛེགུཙྪོ ཨཧི པཊིཀཱུལོ’’ཏི. སུཔསྶོཔི [སུཕསྶོ (སཱི.)] ནཱགརཱཛཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏོ ཁོ སུཔསྶོ ནཱགརཱཛཱ བྷགཝནྟཾ ཨེཏདཝོཙ – ‘‘སནྟི, བྷནྟེ, ནཱགཱ ཨསྶདྡྷཱ ཨཔྤསནྣཱ. ཏེ ཨཔྤམཏྟཀེཧིཔི བྷིཀྑཱུ ཝིཧེཋེཡྻུཾ. སཱདྷུ, བྷནྟེ, ཨཡྻཱ ཨཧིམཾསཾ ན པརིབྷུཉྫེཡྻུ’’ནྟི. ཨཐ ཁོ བྷགཝཱ སུཔསྶཾ ནཱགརཱཛཱནཾ དྷམྨིཡཱ ཀཐཱཡ སནྡསྶེསི…པེ… པདཀྑིཎཾ ཀཏྭཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཨཧིམཾསཾ པརིབྷུཉྫིཏབྦཾ. ཡོ པརིབྷུཉྫེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ལུདྡཀཱ སཱིཧཾ ཧནྟྭཱ སཱིཧམཾསཾ [མཾསཾ (ཀ.)] པརིབྷུཉྫནྟི, བྷིཀྑཱུནཾ པིཎྜཱཡ ཙརནྟཱནཾ སཱིཧམཾསཾ དེནྟི. བྷིཀྑཱུ སཱིཧམཾསཾ པརིབྷུཉྫིཏྭཱ ཨརཉྙེ ཝིཧརནྟི. སཱིཧཱ སཱིཧམཾསགནྡྷེན བྷིཀྑཱུ པརིཔཱཏེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སཱིཧམཾསཾ པརིབྷུཉྫིཏབྦཾ. ཡོ པརིབྷུཉྫེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན ལུདྡཀཱ བྱགྒྷཾ ཧནྟྭཱ…པེ… དཱིཔིཾ ཧནྟྭཱ…པེ… ཨཙྪཾ ཧནྟྭཱ…པེ… ཏརཙྪཾ ཧནྟྭཱ ཏརཙྪམཾསཾ པརིབྷུཉྫནྟི, བྷིཀྑཱུནཾ པིཎྜཱཡ ཙརནྟཱནཾ ཏརཙྪམཾསཾ དེནྟི. བྷིཀྑཱུ ཏརཙྪམཾསཾ པརིབྷུཉྫིཏྭཱ ཨརཉྙེ ཝིཧརནྟི. ཏརཙྪཱ ཏརཙྪམཾསགནྡྷེན བྷིཀྑཱུ པརིཔཱཏེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཏརཙྪམཾསཾ པརིབྷུཉྫིཏབྦཾ. ཡོ པརིབྷུཉྫེཡྻ, ཨཱཔཏྟི དུཀྐཊསྶཱཏི.

ཧཏྠིམཾསཱདིཔཊིཀྑེཔཀཐཱ ནིཊྛིཏཱ.

སུཔྤིཡབྷཱཎཝཱརོ ནིཊྛིཏོ དུཏིཡོ.

༡༧༠. ཡཱགུམདྷུགོལ༹ཀཱནུཛཱནནཱ

༢༨༢. ཨཐ ཁོ བྷགཝཱ བཱརཱཎསིཡཾ ཡཐཱབྷིརནྟཾ ཝིཧརིཏྭཱ ཡེན ཨནྡྷཀཝིནྡཾ ཏེན ཙཱརིཀཾ པཀྐཱམི, མཧཏཱ བྷིཀྑུསངྒྷེན སདྡྷིཾ, ཨཌྜྷཏེལསེཧི བྷིཀྑུསཏེཧི. ཏེན ཁོ པན སམཡེན ཛཱནཔདཱ མནུསྶཱ བཧུཾ ལོཎམྤི, ཏེལམྤི, ཏཎྜུལམྤི, ཁཱདནཱིཡམྤི སཀཊེསུ ཨཱརོཔེཏྭཱ བུདྡྷཔྤམུཁསྶ བྷིཀྑུསངྒྷསྶ པིཊྛིཏོ པིཊྛིཏོ ཨནུབནྡྷཱ ཧོནྟི – ཡདཱ པཊིཔཱཊིཾ ལབྷིསྶཱམ ཏདཱ བྷཏྟཾ ཀརིསྶཱམཱཏི, པཉྩམཏྟཱནི ཙ ཝིགྷཱསཱདསཏཱནི. ཨཐ ཁོ བྷགཝཱ ཨནུཔུབྦེན ཙཱརིཀཾ ཙརམཱནོ ཡེན ཨནྡྷཀཝིནྡཾ ཏདཝསརི. ཨཐ ཁོ ཨཉྙཏརསྶ བྲཱཧྨཎསྶ པཊིཔཱཊིཾ ཨལབྷནྟསྶ ཨེཏདཧོསི – ‘‘ཨཏཱིཏཱནི [ཨདྷིཀཱནི (སཱི. སྱཱ.)] ཁོ མེ དྭེ མཱསཱནི བུདྡྷཔྤམུཁཾ བྷིཀྑུསངྒྷཾ ཨནུབནྡྷནྟསྶ ‘ཡདཱ པཊིཔཱཊིཾ ལབྷིསྶཱམི ཏདཱ བྷཏྟཾ ཀརིསྶཱམཱི’ཏི, ན ཙ མེ པཊིཔཱཊི ལབྦྷཏི, ཨཧཉྩམྷི ཨེཀཏྟཀོ [ཨེཀཏོ (སཱི. སྱཱ.)], བཧུ ཙ མེ གྷརཱཝཱསཏྠོ ཧཱཡཏི. ཡཾནཱུནཱཧཾ བྷཏྟགྒཾ ཨོལོཀེཡྻཾ; ཡཾ བྷཏྟགྒེ ནཱསྶ, ཏཾ པཊིཡཱདེཡྻ’’ནྟི. ཨཐ ཁོ སོ བྲཱཧྨཎོ བྷཏྟགྒཾ ཨོལོཀེནྟོ དྭེ ནཱདྡས – ཡཱགུཉྩ མདྷུགོལ༹ཀཉྩ. ཨཐ ཁོ སོ བྲཱཧྨཎོ ཡེནཱཡསྨཱ ཨཱནནྡོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ ཨཱནནྡཾ ཨེཏདཝོཙ – ‘‘ཨིདྷ མེ, བྷོ ཨཱནནྡ, པཊིཔཱཊིཾ ཨལབྷནྟསྶ ཨེཏདཧོསི ‘ཨཏཱིཏཱནི ཁོ མེ དྭེ མཱསཱནི བུདྡྷཔྤམུཁཾ བྷིཀྑུསངྒྷཾ ཨནུབནྡྷནྟསྶ, ཡདཱ པཊིཔཱཊིཾ ལབྷིསྶཱམི ཏདཱ བྷཏྟཾ ཀརིསྶཱམཱིཏི. ན ཙ མེ པཊིཔཱཊི ལབྦྷཏི, ཨཧཉྩམྷི ཨེཀཏྟཀོ, བཧུ ཙ མེ གྷརཱཝཱསཏྠོ ཧཱཡཏི. ཡཾནཱུནཱཧཾ བྷཏྟགྒཾ ཨོལོཀེཡྻཾ; ཡཾ བྷཏྟགྒེ ནཱསྶ, ཏཾ པཊིཡཱདེཡྻ’ནྟི. སོ ཁོ ཨཧཾ, བྷོ ཨཱནནྡ, བྷཏྟགྒཾ ཨོལོཀེནྟོ དྭེ ནཱདྡསཾ – ཡཱགུཉྩ མདྷུགོལ༹ཀཉྩ. སཙཱཧཾ, བྷོ ཨཱནནྡ, པཊིཡཱདེཡྻཾ ཡཱགུཉྩ མདྷུགོལ༹ཀཉྩ, པཊིགྒཎྷེཡྻ མེ བྷཝཾ གོཏམོ’’ཏི? ‘‘ཏེན ཧི, བྲཱཧྨཎ, བྷགཝནྟཾ པཊིཔུཙྪིསྶཱམཱི’’ཏི. ཨཐ ཁོ ཨཱཡསྨཱ ཨཱནནྡོ བྷགཝཏོ ཨེཏམཏྠཾ ཨཱརོཙེསི. ཏེན ཧཱནནྡ, པཊིཡཱདེཏཱུཏི. ཏེན ཧི, བྲཱཧྨཎ, པཊིཡཱདེཧཱིཏི. ཨཐ ཁོ སོ བྲཱཧྨཎོ ཏསྶཱ རཏྟིཡཱ ཨཙྩཡེན པཧཱུཏཾ ཡཱགུཉྩ མདྷུགོལ༹ཀཉྩ པཊིཡཱདཱཔེཏྭཱ བྷགཝཏོ ཨུཔནཱམེསི – པཊིགྒཎྷཱཏུ མེ བྷཝཾ གོཏམོ ཡཱགུཉྩ མདྷུགོལ༹ཀཉྩཱཏི. ཏེན ཧི, བྲཱཧྨཎ, བྷིཀྑཱུནཾ དེཧཱིཏི. བྷིཀྑཱུ ཀུཀྐུཙྩཱཡནྟཱ ན པཊིགྒཎྷནྟི. པཊིགྒཎྷཐ, བྷིཀྑཝེ, པརིབྷུཉྫཐཱཏི. ཨཐ ཁོ སོ བྲཱཧྨཎོ བུདྡྷཔྤམུཁཾ བྷིཀྑུསངྒྷཾ པཧཱུཏཱཡ ཡཱགུཡཱ ཙ མདྷུགོལ༹ཀེན ཙ སཧཏྠཱ སནྟཔྤེཏྭཱ སམྤཝཱརེཏྭཱ བྷགཝནྟཾ དྷོཏཧཏྠཾ ཨོནཱིཏཔཏྟཔཱཎིཾ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཏཾ བྲཱཧྨཎཾ བྷགཝཱ ཨེཏདཝོཙ –

‘‘དསཡིམེ, བྲཱཧྨཎ, ཨཱནིསཾསཱ ཡཱགུཡཱ. ཀཏམེ དས? ཡཱགུཾ དེནྟོ ཨཱཡུཾ དེཏི, ཝཎྞཾ དེཏི, སུཁཾ དེཏི, བལཾ དེཏི, པཊིབྷཱནཾ དེཏི, ཡཱགུ པཱིཏཱ ཁུདྡཾ [ཁུདཾ (སཱི. སྱཱ.)] པཊིཧནཏི, པིཔཱསཾ ཝིནེཏི, ཝཱཏཾ ཨནུལོམེཏི, ཝཏྠིཾ སོདྷེཏི, ཨཱམཱཝསེསཾ པཱཙེཏི – ཨིམེ ཁོ, བྲཱཧྨཎ, དསཱནིསཾསཱ ཡཱགུཡཱ’’ཏི [པཙྪིམཱ པཉྩ ཨཱནིསཾསཱ ཨ. ནི. ༥.༢༠༧].

[ཨ. ནི. ༤.༥༨-༥༩ ཐོཀཾ ཝིསདིསཾ] ཡོ སཉྙཏཱནཾ པརདཏྟབྷོཛིནཾ;

ཀཱལེན སཀྐཙྩ དདཱཏི ཡཱགུཾ;

དསསྶ ཋཱནཱནི ཨནུཔྤཝེཙྪཏི;

ཨཱཡུཉྩ ཝཎྞཉྩ སུཁཾ བལཉྩ.

པཊིབྷཱནམསྶ ཨུཔཛཱཡཏེ ཏཏོ;

ཁུདྡཾ པིཔཱསཉྩ བྱཔནེཏི ཝཱཏཾ;

སོདྷེཏི ཝཏྠིཾ པརིཎཱམེཏི བྷུཏྟཾ;

བྷེསཛྫམེཏཾ སུགཏེན ཝཎྞིཏཾ.

ཏསྨཱ ཧི ཡཱགུཾ ཨལམེཝ དཱཏུཾ;

ནིཙྩཾ མནུསྶེན སུཁཏྠིཀེན;

དིབྦཱནི ཝཱ པཏྠཡཏཱ སུཁཱནི;

མནུསྶསོབྷགྱཏམིཙྪཏཱ ཝཱཏི.

ཨཐ ཁོ བྷགཝཱ ཏཾ བྲཱཧྨཎཾ ཨིམཱཧི གཱཐཱཧི ཨནུམོདིཏྭཱ ཨུཊྛཱཡཱསནཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཡཱགུཉྩ མདྷུགོལ༹ཀཉྩཱ’’ཏི.

ཡཱགུམདྷུགོལ༹ཀཱནུཛཱནནཱ ནིཊྛིཏཱ.

༡༧༡. ཏརུཎཔསནྣམཧཱམཏྟཝཏྠུ

༢༨༣. ཨསྶོསུཾ ཁོ མནུསྶཱ བྷགཝཏཱ ཀིར ཡཱགུ ཨནུཉྙཱཏཱ མདྷུགོལ༹ཀཉྩཱཏི. ཏེ ཀཱལསྶེཝ, བྷོཛྫཡཱགུཾ པཊིཡཱདེནྟི མདྷུགོལ༹ཀཉྩ. བྷིཀྑཱུ ཀཱལསྶེཝ བྷོཛྫཡཱགུཡཱ དྷཱཏཱ མདྷུགོལ༹ཀེན ཙ བྷཏྟགྒེ ན ཙིཏྟརཱུཔཾ པརིབྷུཉྫནྟི. ཏེན ཁོ པན སམཡེན ཨཉྙཏརེན ཏརུཎཔསནྣེན མཧཱམཏྟེན སྭཱཏནཱཡ བུདྡྷཔྤམུཁོ བྷིཀྑུསངྒྷོ ནིམནྟིཏོ ཧོཏི. ཨཐ ཁོ ཏསྶ ཏརུཎཔསནྣསྶ མཧཱམཏྟསྶ ཨེཏདཧོསི – ‘‘ཡཾནཱུནཱཧཾ ཨཌྜྷཏེལསནྣཾ བྷིཀྑུསཏཱནཾ ཨཌྜྷཏེལསཱནི མཾསཔཱཏིསཏཱནི པཊིཡཱདེཡྻཾ, ཨེཀམེཀསྶ བྷིཀྑུནོ ཨེཀམེཀཾ མཾསཔཱཏིཾ ཨུཔནཱམེཡྻ’’ནྟི. ཨཐ ཁོ སོ ཏརུཎཔསནྣོ མཧཱམཏྟོ ཏསྶཱ རཏྟིཡཱ ཨཙྩཡེན པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ ཨཌྜྷཏེལསཱནི ཙ མཾསཔཱཏིསཏཱནི, བྷགཝཏོ ཀཱལཾ ཨཱརོཙཱཔེསི – ‘‘ཀཱལོ, བྷནྟེ, ནིཊྛིཏཾ བྷཏྟ’’ནྟི. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན ཏསྶ ཏརུཎཔསནྣསྶ མཧཱམཏྟསྶ ནིཝེསནཾ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི, སདྡྷིཾ བྷིཀྑུསངྒྷེན. ཨཐ ཁོ སོ ཏརུཎཔསནྣོ མཧཱམཏྟོ བྷཏྟགྒེ བྷིཀྑཱུ པརིཝིསཏི. བྷིཀྑཱུ ཨེཝམཱཧཾསུ – ‘‘ཐོཀཾ, ཨཱཝུསོ, དེཧི; ཐོཀཾ, ཨཱཝུསོ, དེཧཱི’’ཏི. ‘‘མཱ ཁོ ཏུམྷེ, བྷནྟེ, – ‘ཨཡཾ ཏརུཎཔསནྣོ མཧཱམཏྟོ’ཏི – ཐོཀཾ ཐོཀཾ པཊིགྒཎྷཐ. བཧུཾ མེ ཁཱདནཱིཡཾ བྷོཛནཱིཡཾ པཊིཡཏྟཾ, ཨཌྜྷཏེལསཱནི ཙ མཾསཔཱཏིསཏཱནི. ཨེཀམེཀསྶ བྷིཀྑུནོ ཨེཀམེཀཾ མཾསཔཱཏིཾ ཨུཔནཱམེསྶཱམཱིཏི. པཊིགྒཎྷཐ, བྷནྟེ, ཡཱཝདཏྠ’’ནྟི. ‘‘ན ཁོ མཡཾ, ཨཱཝུསོ, ཨེཏཾཀཱརཎཱ ཐོཀཾ ཐོཀཾ པཊིགྒཎྷཱམ, ཨཔི ཙ མཡཾ ཀཱལསྶེཝ བྷོཛྫཡཱགུཡཱ དྷཱཏཱ མདྷུགོལ༹ཀེན ཙ. ཏེན མཡཾ ཐོཀཾ ཐོཀཾ པཊིགྒཎྷཱམཱ’’ཏི. ཨཐ ཁོ སོ ཏརུཎཔསནྣོ མཧཱམཏྟོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ བྷདནྟཱ མཡཱ ནིམནྟིཏཱ ཨཉྙསྶ བྷོཛྫཡཱགུཾ པརིབྷུཉྫིསྶནྟི, ན ཙཱཧཾ པཊིབལོ ཡཱཝདཏྠཾ དཱཏུ’’ནྟི ཀུཔིཏོ ཨནཏྟམནོ ཨཱསཱདནཱཔེཀྑོ བྷིཀྑཱུནཾ པཏྟེ པཱུརེནྟོ ཨགམཱསི – བྷུཉྫཐ ཝཱ ཧརཐ ཝཱཏི. ཨཐ ཁོ སོ ཏརུཎཔསནྣོ མཧཱམཏྟོ བུདྡྷཔྤམུཁཾ བྷིཀྑུསངྒྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེཏྭཱ སམྤཝཱརེཏྭཱ བྷགཝནྟཾ བྷུཏྟཱཝིཾ ཨོནཱིཏཔཏྟཔཱཎིཾ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཏཾ ཏརུཎཔསནྣཾ མཧཱམཏྟཾ བྷགཝཱ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ པཀྐཱམི.

ཨཐ ཁོ ཏསྶ ཏརུཎཔསནྣསྶ མཧཱམཏྟསྶ ཨཙིརཔཀྐནྟསྶ བྷགཝཏོ ཨཧུདེཝ ཀུཀྐུཙྩཾ, ཨཧུ ཝིཔྤཊིསཱརོ – ‘‘ཨལཱབྷཱ ཝཏ མེ, ན ཝཏ མེ ལཱབྷཱ; དུལླདྡྷཾ ཝཏ མེ, ན ཝཏ མེ སུལདྡྷཾ; ཡོཧཾ ཀུཔིཏོ ཨནཏྟམནོ ཨཱསཱདནཱཔེཀྑོ བྷིཀྑཱུནཾ པཏྟེ པཱུརེནྟོ ཨགམཱསིཾ – ‘བྷུཉྫཐ ཝཱ ཧརཐ ཝཱ’ཏི. ཀིཾ ནུ ཁོ མཡཱ བཧུཾ པསུཏཾ པུཉྙཾ ཝཱ ཨཔུཉྙཾ ཝཱ’’ཏི? ཨཐ ཁོ སོ ཏརུཎཔསནྣོ མཧཱམཏྟོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སོ ཏརུཎཔསནྣོ མཧཱམཏྟོ བྷགཝནྟཾ ཨེཏདཝོཙ – ‘‘ཨིདྷ མཡ྄ཧཾ, བྷནྟེ, ཨཙིརཔཀྐནྟསྶ བྷགཝཏོ ཨཧུདེཝ ཀུཀྐུཙྩཾ, ཨཧུ ཝིཔྤཊིསཱརོ ‘ཨལཱབྷཱ ཝཏ མེ, ན ཝཏ མེ ལཱབྷཱ; དུལླདྡྷཾ ཝཏ མེ, ན ཝཏ མེ སུལདྡྷཾ; ཡོཧཾ ཀུཔིཏོ ཨནཏྟམནོ ཨཱསཱདནཱཔེཀྑོ བྷིཀྑཱུནཾ པཏྟེ པཱུརེནྟོ ཨགམཱསིཾ – བྷུཉྫཐ ཝཱ ཧརཐ ཝཱཏི. ཀིཾ ནུ ཁོ མཡཱ བཧུཾ པསུཏཾ, པུཉྙཾ ཝཱ ཨཔུཉྙཾ ཝཱ’ཏི. ཀིཾ ནུ ཁོ མཡཱ, བྷནྟེ, བཧུཾ པསུཏཾ, པུཉྙཾ ཝཱ ཨཔུཉྙཾ ཝཱ’’ཏི? ‘‘ཡདགྒེན ཏཡཱ, ཨཱཝུསོ, སྭཱཏནཱཡ བུདྡྷཔྤམུཁོ བྷིཀྑུསངྒྷོ ནིམནྟིཏོ ཏདགྒེན ཏེ བཧུཾ པུཉྙཾ པསུཏཾ. ཡདགྒེན ཏེ ཨེཀམེཀེན བྷིཀྑུནཱ ཨེཀམེཀཾ སིཏྠཾ པཊིགྒཧིཏཾ ཏདགྒེན ཏེ བཧུཾ པུཉྙཾ པསུཏཾ, སགྒཱ ཏེ ཨཱརདྡྷཱ’’ཏི. ཨཐ ཁོ སོ ཏརུཎཔསནྣོ མཧཱམཏྟོ – ‘‘ལཱབྷཱ ཀིར མེ, སུལདྡྷཾ ཀིར མེ, བཧུཾ ཀིར མཡཱ པུཉྙཾ པསུཏཾ, སགྒཱ ཀིར མེ ཨཱརདྡྷཱ’’ཏི – ཧཊྛོ ཨུདགྒོ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, བྷིཀྑཱུ ཨཉྙཏྲ ནིམནྟིཏཱ ཨཉྙསྶ བྷོཛྫཡཱགུཾ པརིབྷུཉྫནྟཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ཨཉྙཏྲ ནིམནྟིཏཱ ཨཉྙསྶ བྷོཛྫཡཱགུཾ པརིབྷུཉྫིསྶནྟི. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཨཉྙཏྲ ནིམནྟིཏེན ཨཉྙསྶ བྷོཛྫཡཱགུ པརིབྷུཉྫིཏབྦཱ. ཡོ པརིབྷུཉྫེཡྻ, ཡཐཱདྷམྨོ ཀཱརེཏབྦོ’’ཏི.

ཏརུཎཔསནྣམཧཱམཏྟཝཏྠུ ནིཊྛིཏཾ.

༡༧༢. བེལཊྛཀཙྩཱནཝཏྠུ

༢༨༤. ཨཐ ཁོ བྷགཝཱ ཨནྡྷཀཝིནྡེ ཡཐཱབྷིརནྟཾ ཝིཧརིཏྭཱ ཡེན རཱཛགཧཾ ཏེན ཙཱརིཀཾ པཀྐཱམི, མཧཏཱ བྷིཀྑུསངྒྷེན སདྡྷིཾ, ཨཌྜྷཏེལསེཧི བྷིཀྑུསཏེཧི. ཏེན ཁོ པན སམཡེན བེལཊྛོ ཀཙྩཱནོ རཱཛགཧཱ ཨནྡྷཀཝིནྡཾ ཨདྡྷཱནམགྒཔྤཊིཔནྣོ ཧོཏི, པཉྩམཏྟེཧི སཀཊསཏེཧི, སབྦེཧེཝ གུལ༹ཀུམྦྷཔཱུརེཧི. ཨདྡསཱ ཁོ བྷགཝཱ བེལཊྛཾ ཀཙྩཱནཾ དཱུརཏོཝ ཨཱགཙྪནྟཾ, དིསྭཱན མགྒཱ ཨོཀྐམྨ ཨཉྙཏརསྨིཾ རུཀྑམཱུལེ ནིསཱིདི. ཨཐ ཁོ བེལཊྛོ ཀཙྩཱནོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏོ ཁོ བེལཊྛོ ཀཙྩཱནོ བྷགཝནྟཾ ཨེཏདཝོཙ – ‘‘ཨིཙྪཱམཧཾ, བྷནྟེ, ཨེཀམེཀསྶ བྷིཀྑུནོ ཨེཀམེཀཾ གུལ༹ཀུམྦྷཾ དཱཏུ’’ནྟི. ‘‘ཏེན ཧི ཏྭཾ, ཀཙྩཱན, ཨེཀཾཡེཝ གུལ༹ཀུམྦྷཾ ཨཱཧརཱ’’ཏི. ‘‘ཨེཝཾ, བྷནྟེ’’ཏི ཁོ བེལཊྛོ ཀཙྩཱནོ བྷགཝཏོ པཊིསྶུཎིཏྭཱ ཨེཀཾཡེཝ གུལ༹ཀུམྦྷཾ ཨཱདཱཡ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨེཏདཝོཙ – ‘‘ཨཱབྷཏོ [ཨཱཧཊོ (སཱི. སྱཱ. ཀ.)], བྷནྟེ, གུལ༹ཀུམྦྷོ; ཀཐཱཧཾ, བྷནྟེ, པཊིཔཛྫཱམཱི’’ཏི? ‘‘ཏེན ཧི ཏྭཾ, ཀཙྩཱན, བྷིཀྑཱུནཾ གུལ༹ཾ དེཧཱི’’ཏི. ‘‘ཨེཝཾ, བྷནྟེ’’ཏི ཁོ བེལཊྛོ ཀཙྩཱནོ བྷགཝཏོ པཊིསྶུཎིཏྭཱ བྷིཀྑཱུནཾ གུལ༹ཾ དཏྭཱ བྷགཝནྟཾ ཨེཏདཝོཙ – ‘‘དིནྣོ, བྷནྟེ, བྷིཀྑཱུནཾ གུལོ༹, བཧུ ཙཱཡཾ གུལོ༹ ཨཝསིཊྛོ. ཀཐཱཧཾ, བྷནྟེ, པཊིཔཛྫཱམཱི’’ཏི? ‘‘ཏེན ཧི ཏྭཾ, ཀཙྩཱན, བྷིཀྑཱུནཾ གུལ༹ཾ ཡཱཝདཏྠཾ དེཧཱི’’ཏི. ‘‘ཨེཝཾ, བྷནྟེ’’ཏི ཁོ བེལཊྛོ ཀཙྩཱནོ བྷགཝཏོ པཊིསྶུཎིཏྭཱ བྷིཀྑཱུནཾ གུལ༹ཾ ཡཱཝདཏྠཾ དཏྭཱ བྷགཝནྟཾ ཨེཏདཝོཙ – ‘‘དིནྣོ, བྷནྟེ, བྷིཀྑཱུནཾ གུལོ༹ ཡཱཝདཏྠོ, བཧུ ཙཱཡཾ གུལོ༹ ཨཝསིཊྛོ. ཀཐཱཧཾ, བྷནྟེ, པཊིཔཛྫཱམཱི’’ཏི? ‘‘ཏེན ཧི ཏྭཾ, ཀཙྩཱན, བྷིཀྑཱུ གུལེ༹ཧི སནྟཔྤེཧཱི’’ཏི. ‘‘ཨེཝཾ, བྷནྟེ’’ཏི ཁོ བེལཊྛོ ཀཙྩཱནོ བྷགཝཏོ པཊིསྶུཎིཏྭཱ བྷིཀྑཱུ གུལེ༹ཧི སནྟཔྤེསི. ཨེཀཙྩེ བྷིཀྑཱུ པཏྟེཔི པཱུརེསུཾ པརིསྶཱཝནཱནིཔི ཐཝིཀཱཡོཔི པཱུརེསུཾ. ཨཐ ཁོ བེལཊྛོ ཀཙྩཱནོ བྷིཀྑཱུ གུལེ༹ཧི སནྟཔྤེཏྭཱ བྷགཝནྟཾ ཨེཏདཝོཙ – ‘‘སནྟཔྤིཏཱ, བྷནྟེ, བྷིཀྑཱུ གུལེ༹ཧི, བཧུ ཙཱཡཾ གུལོ༹ ཨཝསིཊྛོ. ཀཐཱཧཾ, བྷནྟེ, པཊིཔཛྫཱམཱི’’ཏི? ‘‘ཏེན ཧི ཏྭཾ, ཀཙྩཱན, ཝིགྷཱསཱདཱནཾ གུལ༹ཾ དེཧཱི’’ཏི. ‘‘ཨེཝཾ, བྷནྟེ’’ཏི ཁོ བེལཊྛོ ཀཙྩཱནོ བྷགཝཏོ པཊིསྶུཎིཏྭཱ ཝིགྷཱསཱདཱནཾ གུལ༹ཾ དཏྭཱ བྷགཝནྟཾ ཨེཏདཝོཙ – ‘‘དིནྣོ, བྷནྟེ, ཝིགྷཱསཱདཱནཾ གུལོ༹, བཧུ ཙཱཡཾ གུལོ༹ ཨཝསིཊྛོ. ཀཐཱཧཾ, བྷནྟེ, པཊིཔཛྫཱམཱི’’ཏི? ‘‘ཏེན ཧི ཏྭཾ, ཀཙྩཱན, ཝིགྷཱསཱདཱནཾ གུལ༹ཾ ཡཱཝདཏྠཾ དེཧཱི’’ཏི. ‘‘ཨེཝཾ, བྷནྟེ’’ཏི ཁོ བེལཊྛོ ཀཙྩཱནོ བྷགཝཏོ པཊིསྶུཎིཏྭཱ ཝིགྷཱསཱདཱནཾ གུལ༹ཾ ཡཱཝདཏྠཾ དཏྭཱ བྷགཝནྟཾ ཨེཏདཝོཙ – ‘‘དིནྣོ, བྷནྟེ, ཝིགྷཱསཱདཱནཾ གུལོ༹ ཡཱཝདཏྠོ, བཧུ ཙཱཡཾ གུལོ༹ ཨཝསིཊྛོ. ཀཐཱཧཾ, བྷནྟེ, པཊིཔཛྫཱམཱི’’ཏི? ‘‘ཏེན ཧི ཏྭཾ, ཀཙྩཱན, ཝིགྷཱསཱདེ གུལེ༹ཧི སནྟཔྤེཧཱི’’ཏི. ‘‘ཨེཝཾ, བྷནྟེ’’ཏི ཁོ བེལཊྛོ ཀཙྩཱནོ བྷགཝཏོ པཊིསྶུཎིཏྭཱ ཝིགྷཱསཱདེ གུལེ༹ཧི སནྟཔྤེསི. ཨེཀཙྩེ ཝིགྷཱསཱདཱ ཀོལམྦེཔི གྷཊེཔི པཱུརེསུཾ, པིཊཀཱནིཔི ཨུཙྪངྒེཔི པཱུརེསུཾ. ཨཐ ཁོ བེལཊྛོ ཀཙྩཱནོ ཝིགྷཱསཱདེ གུལེ༹ཧི སནྟཔྤེཏྭཱ བྷགཝནྟཾ ཨེཏདཝོཙ – ‘‘སནྟཔྤིཏཱ, བྷནྟེ, ཝིགྷཱསཱདཱ གུལེ༹ཧི, བཧུ ཙཱཡཾ གུལོ༹ ཨཝསིཊྛོ. ཀཐཱཧཾ, བྷནྟེ, པཊིཔཛྫཱམཱི’’ཏི? ‘‘ནཱཧཾ ཏཾ, ཀཙྩཱན, པསྶཱམི སདེཝཀེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ཡསྶ སོ གུལོ༹ པརིབྷུཏྟོ སམྨཱ པརིཎཱམཾ གཙྪེཡྻ, ཨཉྙཏྲ ཏཐཱགཏསྶ ཝཱ ཏཐཱགཏསཱཝཀསྶ ཝཱ. ཏེན ཧི ཏྭཾ, ཀཙྩཱན, ཏཾ གུལ༹ཾ ཨཔྤཧརིཏེ ཝཱ ཚཌྜེཧི, ཨཔྤཱཎཀེ ཝཱ ཨུདཀེ ཨོཔིལཱཔེཧཱི’’ཏི. ‘‘ཨེཝཾ, བྷནྟེ’’ཏི ཁོ བེལཊྛོ ཀཙྩཱནོ བྷགཝཏོ པཊིསྶུཎིཏྭཱ ཏཾ གུལ༹ཾ ཨཔྤཱཎཀེ ཨུདཀེ ཨོཔིལཱཔེཏི. ཨཐ ཁོ སོ གུལོ༹ ཨུདཀེ པཀྑིཏྟོ ཙིཙྩིཊཱཡཏི ཙིཊིཙིཊཱཡཏི པདྷཱུཔཱཡཏི [སནྡྷཱུཔཱཡཏི (སཱི. སྱཱ.)] སམྤདྷཱུཔཱཡཏི. སེཡྻཐཱཔི ནཱམ ཕཱལོ དིཝསཾསནྟཏྟོ ཨུདཀེ པཀྑིཏྟོ ཙིཙྩིཊཱཡཏི ཙིཊིཙིཊཱཡཏི པདྷཱུཔཱཡཏི སམྤདྷཱུཔཱཡཏི, ཨེཝམེཝ སོ གུལོ༹ ཨུདཀེ པཀྑིཏྟོ ཙིཙྩིཊཱཡཏི ཙིཊིཙིཊཱཡཏི པདྷཱུཔཱཡཏི སམྤདྷཱུཔཱཡཏི.

ཨཐ ཁོ བེལཊྛོ ཀཙྩཱནོ སཾཝིགྒོ ལོམཧཊྛཛཱཏོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣསྶ ཁོ བེལཊྛསྶ ཀཙྩཱནསྶ བྷགཝཱ ཨནུཔུབྦིཾ ཀཐཾ ཀཐེསི, སེཡྻཐིདཾ – ‘‘དཱནཀཐཾ སཱིལཀཐཾ སགྒཀཐཾ, ཀཱམཱནཾ ཨཱདཱིནཝཾ ཨོཀཱརཾ སཾཀིལེསཾ, ནེཀྑམྨེ ཨཱནིསཾསཾ པཀཱསེསི. ཡདཱ བྷགཝཱ ཨཉྙཱསི བེལཊྛཾ ཀཙྩཱནཾ ཀལླཙིཏྟཾ, མུདུཙིཏྟཾ, ཝིནཱིཝརཎཙིཏྟཾ, ཨུདགྒཙིཏྟཾ, པསནྣཙིཏྟཾ, ཨཐ ཡཱ བུདྡྷཱནཾ སཱམུཀྐཾསིཀཱ དྷམྨདེསནཱ, ཏཾ པཀཱསེསི…པེ… ཨེཝམེཝ བེལཊྛསྶ ཀཙྩཱནསྶ ཏསྨིཾཡེཝ ཨཱསནེ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ཡཾ ཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨནྟི. ཨཐ ཁོ བེལཊྛོ ཀཙྩཱནོ དིཊྛདྷམྨོ པཏྟདྷམྨོ ཝིདིཏདྷམྨོ པརིཡོགཱལ༹ྷདྷམྨོ ཏིཎྞཝིཙིཀིཙྪོ ཝིགཏཀཐཾཀཐོ ཝེསཱརཛྫཔྤཏྟོ ཨཔརཔྤཙྩཡོ སཏྠུསཱསནེ བྷགཝནྟཾ ཨེཏདཝོཙ – ‘‘ཨབྷིཀྐནྟཾ, བྷནྟེ. ཨབྷིཀྐནྟཾ, བྷནྟེ. སེཡྻཐཱཔི, བྷནྟེ, ནིཀྐུཛྫིཏཾ ཝཱ ཨུཀྐུཛྫེཡྻ…པེ… ཨེཝམེཝཾ ཁོ བྷགཝཏཱ ཨནེཀཔརིཡཱཡེན དྷམྨོ པཀཱསིཏོ. ཨེསཱཧཾ, བྷནྟེ, བྷགཝནྟཾ སརཎཾ གཙྪཱམི, དྷམྨཉྩ, བྷིཀྑུསངྒྷཉྩ. ཨུཔཱསཀཾ མཾ བྷགཝཱ དྷཱརེཏུ ཨཛྫཏགྒེ པཱཎུཔེཏཾ སརཎགཏ’’ནྟི.

ཨཐ ཁོ བྷགཝཱ ཨནུཔུབྦེན ཙཱརིཀཾ ཙརམཱནོ ཡེན རཱཛགཧཾ ཏདཝསརི. ཏཏྲ སུདཾ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན རཱཛགཧེ གུལོ༹ ཨུསྶནྣོ ཧོཏི. བྷིཀྑཱུ – གིལཱནསྶེཝ བྷགཝཏཱ གུལོ༹ ཨནུཉྙཱཏོ, ནོ ཨགིལཱནསྶཱཏི – ཀུཀྐུཙྩཱཡནྟཱ གུལ༹ཾ ན བྷུཉྫནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, གིལཱནསྶ གུལ༹ཾ, ཨགིལཱནསྶ གུལོ༹དཀནྟི.

བེལཊྛཀཙྩཱནཝཏྠུ ནིཊྛིཏཾ.

༡༧༣. པཱཊལིགཱམཝཏྠུ

༢༨༥. [ཨིཏོ པརཾ མཧཱཝ. ༢༨༦-༢༨༧ ‘ཏིཎྞཱ མེདྷཱཝིནོ ཛནཱ’ཏི པཱཋོ དཱི. ནི. ༢.༡༤༨; ཨུདཱ. ༧༦ ཨཱདཡོ] ཨཐ ཁོ བྷགཝཱ རཱཛགཧེ ཡཐཱབྷིརནྟཾ ཝིཧརིཏྭཱ ཡེན པཱཊལིགཱམོ ཏེན ཙཱརིཀཾ པཀྐཱམི, མཧཏཱ བྷིཀྑུསངྒྷེན སདྡྷིཾ, ཨཌྜྷཏེལསེཧི བྷིཀྑུསཏེཧི. ཨཐ ཁོ བྷགཝཱ ཨནུཔུབྦེན ཙཱརིཀཾ ཙརམཱནོ ཡེན པཱཊལིགཱམོ ཏདཝསརི. ཨསྶོསུཾ ཁོ པཱཊལིགཱམིཀཱ ཨུཔཱསཀཱ – ‘‘བྷགཝཱ ཀིར པཱཊལིགཱམཾ ཨནུཔྤཏྟོ’’ཏི. ཨཐ ཁོ པཱཊལིགཱམིཀཱ ཨུཔཱསཀཱ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣེ ཁོ པཱཊལིགཱམིཀེ ཨུཔཱསཀེ བྷགཝཱ དྷམྨིཡཱ ཀཐཱཡ སནྡསྶེསི, སམཱདཔེསི, སམུཏྟེཛེསི, སམྤཧཾསེསི. ཨཐ ཁོ པཱཊལིགཱམིཀཱ ཨུཔཱསཀཱ བྷགཝཏཱ དྷམྨིཡཱ ཀཐཱཡ སནྡསྶིཏཱ སམཱདཔིཏཱ སམུཏྟེཛིཏཱ སམྤཧཾསིཏཱ བྷགཝནྟཾ ཨེཏདཝོཙུཾ – ‘‘ཨདྷིཝཱསེཏུ ནོ, བྷནྟེ, བྷགཝཱ ཨཱཝསཐཱགཱརཾ སདྡྷིཾ བྷིཀྑུསངྒྷེནཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ཁོ པཱཊལིགཱམིཀཱ ཨུཔཱསཀཱ བྷགཝཏོ ཨདྷིཝཱསནཾ ཝིདིཏྭཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ ཡེན ཨཱཝསཐཱགཱརཾ ཏེནུཔསངྐམིཾསུ, ཨུཔསངྐམིཏྭཱ སབྦསནྠརིཾ ཨཱཝསཐཱགཱརཾ སནྠརིཏྭཱ, ཨཱསནཱནི པཉྙཔེཏྭཱ, ཨུདཀམཎིཀཾ པཏིཊྛཱཔེཏྭཱ, ཏེལཔདཱིཔཾ ཨཱརོཔེཏྭཱ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཾསུ. ཨེཀམནྟཾ ཋིཏཱ ཁོ པཱཊལིགཱམིཀཱ ཨུཔཱསཀཱ བྷགཝནྟཾ ཨེཏདཝོཙུཾ – ‘‘སབྦསནྠརིསནྠཏཾ, བྷནྟེ, ཨཱཝསཐཱགཱརཾ. ཨཱསནཱནི པཉྙཏྟཱནི. ཨུདཀམཎིཀོ པཏིཊྛཱཔིཏོ. ཏེལཔདཱིཔོ ཨཱརོཔིཏོ. ཡསྶདཱནི, བྷནྟེ, བྷགཝཱ ཀཱལཾ མཉྙཏཱི’’ཏི.

ཨཐ ཁོ བྷགཝཱ ནིཝཱསེཏྭཱ པཏྟཙཱིཝརམཱདཱཡ སདྡྷིཾ བྷིཀྑུསངྒྷེན ཡེན ཨཱཝསཐཱགཱརཾ ཏེནུཔསངྐམི; ཨུཔསངྐམིཏྭཱ པཱདེ པཀྑཱལེཏྭཱ ཨཱཝསཐཱགཱརཾ པཝིསིཏྭཱ མཛ྄ཛྷིམཾ ཐམྦྷཾ ནིསྶཱཡ པུརཏྠཱབྷིམུཁོ ནིསཱིདི. བྷིཀྑུསངྒྷོཔི ཁོ པཱདེ པཀྑཱལེཏྭཱ ཨཱཝསཐཱགཱརཾ པཝིསིཏྭཱ པཙྪིམཾ བྷིཏྟིཾ ནིསྶཱཡ པུརཏྠཱབྷིམུཁོ ནིསཱིདི, བྷགཝནྟཾཡེཝ པུརཀྑཏྭཱ. པཱཊལིགཱམིཀཱཔི ཁོ ཨུཔཱསཀཱ པཱདེ པཀྑཱལེཏྭཱ ཨཱཝསཐཱགཱརཾ པཝིསིཏྭཱ པུརཏྠིམཾ བྷིཏྟིཾ ནིསྶཱཡ པཙྪིམཱབྷིམུཁཱ ནིསཱིདིཾསུ, བྷགཝནྟཾཡེཝ པུརཀྑཏྭཱ. ཨཐ ཁོ བྷགཝཱ པཱཊལིགཱམིཀེ ཨུཔཱསཀེ ཨཱམནྟེསི –

[དཱི. ནི. ༣.༣༡༦; ཨ. ནི. ༥.༢༡༣ ཨཱདཡོ], གཧཔཏཡོ, ཨཱདཱིནཝཱ དུསྶཱིལསྶ སཱིལཝིཔཏྟིཡཱ. ཀཏམེ པཉྩ? ཨིདྷ, གཧཔཏཡོ, དུསྶཱིལོ སཱིལཝིཔནྣོ པམཱདཱདྷིཀརཎཾ མཧཏིཾ བྷོགཛཱནིཾ ནིགཙྪཏི. ཨཡཾ པཋམོ ཨཱདཱིནཝོ དུསྶཱིལསྶ སཱིལཝིཔཏྟིཡཱ. པུན ཙཔརཾ, གཧཔཏཡོ, དུསྶཱིལསྶ སཱིལཝིཔནྣསྶ པཱཔཀོ ཀིཏྟིསདྡོ ཨབྦྷུགྒཙྪཏི. ཨཡཾ དུཏིཡོ ཨཱདཱིནཝོ དུསྶཱིལསྶ སཱིལཝིཔཏྟིཡཱ. པུན ཙཔརཾ, གཧཔཏཡོ, དུསྶཱིལོ སཱིལཝིཔནྣོ ཡཉྙདེཝ པརིསཾ ཨུཔསངྐམཏི, ཡདི ཁཏྟིཡཔརིསཾ, ཡདི བྲཱཧྨཎཔརིསཾ, ཡདི གཧཔཏིཔརིསཾ, ཡདི སམཎཔརིསཾ, ཨཝིསཱརདོ ཨུཔསངྐམཏི མངྐུབྷཱུཏོ. ཨཡཾ ཏཏིཡོ ཨཱདཱིནཝོ དུསྶཱིལསྶ སཱིལཝིཔཏྟིཡཱ. པུན ཙཔརཾ, གཧཔཏཡོ, དུསྶཱིལོ སཱིལཝིཔནྣོ སམྨཱུལ༹ྷོ ཀཱལཾཀརོཏི. ཨཡཾ ཙཏུཏྠོ ཨཱདཱིནཝོ དུསྶཱིལསྶ སཱིལཝིཔཏྟིཡཱ. པུན ཙཔརཾ, གཧཔཏཡོ, དུསྶཱིལོ སཱིལཝིཔནྣོ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫཏི. ཨཡཾ པཉྩམོ ཨཱདཱིནཝོ དུསྶཱིལསྶ སཱིལཝིཔཏྟིཡཱ. ཨིམེ ཁོ, གཧཔཏཡོ, པཉྩ ཨཱདཱིནཝཱ དུསྶཱིལསྶ སཱིལཝིཔཏྟིཡཱ.

[དཱི. ནི. ༣.༣༡༦; ཨ. ནི. ༥.༢༡༣ ཨཱདཡོ] ‘‘པཉྩིམེ, གཧཔཏཡོ, ཨཱནིསཾསཱ སཱིལཝཏོ སཱིལསམྤདཱཡ. ཀཏམེ པཉྩ? ཨིདྷ, གཧཔཏཡོ, སཱིལཝཱ སཱིལསམྤནྣོ ཨཔྤམཱདཱདྷིཀརཎཾ མཧནྟཾ བྷོགཀྑནྡྷཾ ཨདྷིགཙྪཏི. ཨཡཾ པཋམོ ཨཱནིསཾསོ སཱིལཝཏོ སཱིལསམྤདཱཡ. པུན ཙཔརཾ, གཧཔཏཡོ, སཱིལཝཏོ སཱིལསམྤནྣསྶ ཀལྱཱཎོ ཀིཏྟིསདྡོ ཨབྦྷུགྒཙྪཏི. ཨཡཾ དུཏིཡོ ཨཱནིསཾསོ སཱིལཝཏོ སཱིལསམྤདཱཡ. པུན ཙཔརཾ, གཧཔཏཡོ, སཱིལཝཱ སཱིལསམྤནྣོ ཡཉྙདེཝ པརིསཾ ཨུཔསངྐམཏི, ཡདི ཁཏྟིཡཔརིསཾ, ཡདི བྲཱཧྨཎཔརིསཾ, ཡདི གཧཔཏིཔརིསཾ, ཡདི སམཎཔརིསཾ, ཝིསཱརདོ ཨུཔསངྐམཏི ཨམངྐུབྷཱུཏོ. ཨཡཾ ཏཏིཡོ ཨཱནིསཾསོ སཱིལཝཏོ སཱིལསམྤདཱཡ. པུན ཙཔརཾ, གཧཔཏཡོ, སཱིལཝཱ སཱིལསམྤནྣོ ཨསམྨཱུལ༹ྷོ ཀཱལཾཀརོཏི. ཨཡཾ ཙཏུཏྠོ ཨཱནིསཾསོ སཱིལཝཏོ སཱིལསམྤདཱཡ. པུན ཙཔརཾ, གཧཔཏཡོ, སཱིལཝཱ སཱིལསམྤནྣོ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫཏི. ཨཡཾ པཉྩམོ ཨཱནིསཾསོ སཱིལཝཏོ སཱིལསམྤདཱཡ. ཨིམེ ཁོ, གཧཔཏཡོ, པཉྩ ཨཱནིསཾསཱ སཱིལཝཏོ སཱིལསམྤདཱཡཱཏི.

ཨཐ ཁོ བྷགཝཱ པཱཊལིགཱམིཀེ ཨུཔཱསཀེ བཧུདེཝ རཏྟིཾ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཡྻོཛེསི – ‘‘ཨབྷིཀྐནྟཱ ཁོ, གཧཔཏཡོ, རཏྟི. ཡསྶདཱནི ཏུམྷེ ཀཱལཾ མཉྙཐཱ’’ཏི. ‘‘ཨེཝཾ, བྷནྟེ’’ཏི, ཁོ པཱཊལིགཱམིཀཱ ཨུཔཱསཀཱ བྷགཝཏོ པཊིསྶུཎིཏྭཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐམིཾསུ. ཨཐ ཁོ བྷགཝཱ ཨཙིརཔཀྐནྟེསུ པཱཊལིགཱམིཀེསུ ཨུཔཱསཀེསུ སུཉྙཱགཱརཾ པཱཝིསི.

པཱཊལིགཱམཝཏྠུ ནིཊྛིཏཾ.

༡༧༤. སུནིདྷཝསྶཀཱརཝཏྠུ

༢༨༦. ཏེན ཁོ པན སམཡེན སུནིདྷཝསྶཀཱརཱ མགདྷམཧཱམཏྟཱ པཱཊལིགཱམེ ནགརཾ མཱཔེནྟི ཝཛྫཱིནཾ པཊིབཱཧཱཡ. ཨདྡསཱ ཁོ བྷགཝཱ རཏྟིཡཱ པཙྩཱུསསམཡཾ པཙྩུཊྛཱཡ དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སམྦཧུལཱ དེཝཏཱཡོ པཱཊལིགཱམེ ཝཏྠཱུནི པརིགྒཎྷནྟིཡོ. ཡསྨིཾ པདེསེ མཧེསཀྑཱ དེཝཏཱ ཝཏྠཱུནི པརིགྒཎྷནྟི, མཧེསཀྑཱནཾ ཏཏྠ རཱཛཱུནཾ རཱཛམཧཱམཏྟཱནཾ ཙིཏྟཱནི ནམནྟི ནིཝེསནཱནི མཱཔེཏུཾ. ཡསྨིཾ པདེསེ མཛ྄ཛྷིམཱ དེཝཏཱ ཝཏྠཱུནི པརིགྒཎྷནྟི, མཛ྄ཛྷིམཱནཾ ཏཏྠ རཱཛཱུནཾ རཱཛམཧཱམཏྟཱནཾ ཙིཏྟཱནི ནམནྟི ནིཝེསནཱནི མཱཔེཏུཾ. ཡསྨིཾ པདེསེ ནཱིཙཱ དེཝཏཱ ཝཏྠཱུནི པརིགྒཎྷནྟི, ནཱིཙཱནཾ ཏཏྠ རཱཛཱུནཾ རཱཛམཧཱམཏྟཱནཾ ཙིཏྟཱནི ནམནྟི ནིཝེསནཱནི མཱཔེཏུཾ. ཨཐ ཁོ བྷགཝཱ ཨཱཡསྨནྟཾ ཨཱནནྡཾ ཨཱམནྟེསི – ‘‘ཀེ ནུ ཁོ ཏེ, ཨཱནནྡ, པཱཊལིགཱམེ ནགརཾ མཱཔེནྟཱི’’ཏི? ‘‘སུནིདྷཝསྶཀཱརཱ, བྷནྟེ, མགདྷམཧཱམཏྟཱ པཱཊལིགཱམེ ནགརཾ མཱཔེནྟི ཝཛྫཱིནཾ པཊིབཱཧཱཡཱ’’ཏི. སེཡྻཐཱཔི, ཨཱནནྡ, དེཝེཧི ཏཱཝཏིཾསེཧི སདྡྷིཾ མནྟེཏྭཱ, ཨེཝམེཝ ཁོ, ཨཱནནྡ, སུནིདྷཝསྶཀཱརཱ མགདྷམཧཱམཏྟཱ པཱཊལིགཱམེ ནགརཾ མཱཔེནྟི ཝཛྫཱིནཾ པཊིབཱཧཱཡ. ཨིདྷཱཧཾ, ཨཱནནྡ, རཏྟིཡཱ པཙྩཱུསསམཡཾ པཙྩུཊྛཱཡ ཨདྡསཾ དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སམྦཧུལཱ དེཝཏཱཡོ པཱཊལིགཱམེ ཝཏྠཱུནི པརིགྒཎྷནྟིཡོ. ཡསྨིཾ པདེསེ མཧེསཀྑཱ དེཝཏཱ ཝཏྠཱུནི པརིགྒཎྷནྟི, མཧེསཀྑཱནཾ ཏཏྠ རཱཛཱུནཾ རཱཛམཧཱམཏྟཱནཾ ཙིཏྟཱནི ནམནྟི ནིཝེསནཱནི མཱཔེཏུཾ. ཡསྨིཾ པདེསེ མཛ྄ཛྷིམཱ དེཝཏཱ ཝཏྠཱུནི པརིགྒཎྷནྟི, མཛ྄ཛྷིམཱནཾ ཏཏྠ རཱཛཱུནཾ རཱཛམཧཱམཏྟཱནཾ ཙིཏྟཱནི ནམནྟི ནིཝེསནཱནི མཱཔེཏུཾ. ཡསྨིཾ པདེསེ ནཱིཙཱ དེཝཏཱ ཝཏྠཱུནི པརིགྒཎྷནྟི, ནཱིཙཱནཾ ཏཏྠ རཱཛཱུནཾ རཱཛམཧཱམཏྟཱནཾ ཙིཏྟཱནི ནམནྟི ནིཝེསནཱནི མཱཔེཏུཾ. ཡཱཝཏཱ, ཨཱནནྡ, ཨརིཡཾ ཨཱཡཏནཾ, ཡཱཝཏཱ ཝཎིཔྤཐོ, ཨིདཾ ཨགྒནགརཾ བྷཝིསྶཏི པཱཊལིཔུཏྟཾ པུཊབྷེདནཾ. པཱཊལིཔུཏྟསྶ ཁོ, ཨཱནནྡ, ཏཡོ ཨནྟརཱཡཱ བྷཝིསྶནྟི – ཨགྒིཏོ ཝཱ ཨུདཀཏོ ཝཱ ཨབྦྷནྟརཏོ ཝཱ མིཐུབྷེདཱཏི.

ཨཐ ཁོ སུནིདྷཝསྶཀཱརཱ མགདྷམཧཱམཏྟཱ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝཏཱ སདྡྷིཾ སམྨོདིཾསུ, སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ཨཊྛཾསུ. ཨེཀམནྟཾ ཋིཏཱ ཁོ སུནིདྷཝསྶཀཱརཱ མགདྷམཧཱམཏྟཱ བྷགཝནྟཾ ཨེཏདཝོཙུཾ – ‘‘ཨདྷིཝཱསེཏུ ནོ བྷཝཾ གོཏམོ ཨཛྫཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ཁོ སུནིདྷཝསྶཀཱརཱ མགདྷམཧཱམཏྟཱ བྷགཝཏོ ཨདྷིཝཱསནཾ ཝིདིཏྭཱ པཀྐམིཾསུ. ཨཐ ཁོ སུནིདྷཝསྶཀཱརཱ མགདྷམཧཱམཏྟཱ པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ བྷགཝཏོ ཀཱལཾ ཨཱརོཙཱཔེསུཾ – ‘‘ཀཱལོ, བྷོ གོཏམ, ནིཊྛིཏཾ བྷཏྟ’’ནྟི. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན སུནིདྷཝསྶཀཱརཱནཾ མགདྷམཧཱམཏྟཱནཾ པརིཝེསནཱ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི སདྡྷིཾ བྷིཀྑུསངྒྷེན. ཨཐ ཁོ སུནིདྷཝསྶཀཱརཱ མགདྷམཧཱམཏྟཱ བུདྡྷཔྤམུཁཾ བྷིཀྑུསངྒྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེཏྭཱ སམྤཝཱརེཏྭཱ བྷགཝནྟཾ བྷུཏྟཱཝིཾ ཨོནཱིཏཔཏྟཔཱཎིཾ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣེ ཁོ སུནིདྷཝསྶཀཱརེ མགདྷམཧཱམཏྟེ བྷགཝཱ ཨིམཱཧི གཱཐཱཧི ཨནུམོདི –

‘‘ཡསྨིཾ པདེསེ ཀཔྤེཏི, ཝཱསཾ པཎྜིཏཛཱཏིཡོ;

སཱིལཝནྟེཏྠ བྷོཛེཏྭཱ, སཉྙཏེ བྲཧྨཙཱརཡོ [བྲཧྨཙཱརིནོ (སྱཱ.)].

‘‘ཡཱ ཏཏྠ དེཝཏཱ ཨཱསུཾ, ཏཱསཾ དཀྑིཎམཱདིསེ;

ཏཱ པཱུཛིཏཱ པཱུཛཡནྟི, མཱནིཏཱ མཱནཡནྟི ནཾ.

‘‘ཏཏོ ནཾ ཨནུཀམྤནྟི, མཱཏཱ པུཏྟཾཝ ཨོརསཾ;

དེཝཏཱནུཀམྤིཏོ པོསོ, སདཱ བྷདྲཱནི པསྶཏཱི’’ཏི.

ཨཐ ཁོ བྷགཝཱ སུནིདྷཝསྶཀཱརེ མགདྷམཧཱམཏྟེ ཨིམཱཧི གཱཐཱཧི ཨནུམོདིཏྭཱ ཨུཊྛཱཡཱསནཱ པཀྐཱམི. ཏེན ཁོ པན སམཡེན སུནིདྷཝསྶཀཱརཱ མགདྷམཧཱམཏྟཱ བྷགཝནྟཾ པིཊྛིཏོ པིཊྛིཏོ ཨནུབནྡྷཱ ཧོནྟི, ‘‘ཡེནཛྫ སམཎོ གོཏམོ དྭཱརེན ནིཀྑམིསྶཏི, ཏཾ གོཏམདྭཱརཾ ནཱམ བྷཝིསྶཏི; ཡེན ཏིཏྠེན གངྒཾ ནདིཾ ཨུཏྟརིསྶཏི, ཏཾ གོཏམཏིཏྠཾ ནཱམ བྷཝིསྶཏཱི’’ཏི. ཨཐ ཁོ བྷགཝཱ ཡེན དྭཱརེན ནིཀྑམི, ཏཾ གོཏམདྭཱརཾ ནཱམ ཨཧོསི. ཨཐ ཁོ བྷགཝཱ ཡེན གངྒཱ ནདཱི ཏེནུཔསངྐམི. ཏེན ཁོ པན སམཡེན གངྒཱ ནདཱི པཱུརཱ ཧོཏི སམཏིཏྟིཀཱ ཀཱཀཔེཡྻཱ. མནུསྶཱ ཨཉྙེ ནཱཝཾ པརིཡེསནྟི, ཨཉྙེ ཨུལུ༹མྤཾ པརིཡེསནྟི, ཨཉྙེ ཀུལླཾ བནྡྷནྟི ཨོརཱ པཱརཾ གནྟུཀཱམཱ. ཨདྡསཱ ཁོ བྷགཝཱ ཏེ མནུསྶེ ཨཉྙེ ནཱཝཾ པརིཡེསནྟེ, ཨཉྙེ ཨུལུ༹མྤཾ པརིཡེསནྟེ, ཨཉྙེ ཀུལླཾ བནྡྷནྟེ ཨོརཱ པཱརཾ གནྟུཀཱམེ, དིསྭཱན སེཡྻཐཱཔི ནཱམ བལཝཱ པུརིསོ སམིཉྫིཏཾ ཝཱ བཱཧཾ པསཱརེཡྻ, པསཱརིཏཾ ཝཱ བཱཧཾ སམིཉྫེཡྻ, ཨེཝམེཝ ཁོ གངྒཱཡ ནདིཡཱ ཨོརིམཏཱིརེ ཨནྟརཧིཏོ པཱརིམཏཱིརེ པཙྩུཊྛཱསི སདྡྷིཾ བྷིཀྑུསངྒྷེན. ཨཐ ཁོ བྷགཝཱ ཨེཏམཏྠཾ ཝིདིཏྭཱ ཏཱཡཾ ཝེལཱཡཾ ཨིམཾ ཨུདཱནཾ ཨུདཱནེསི –

‘‘ཡེ ཏརནྟི ཨཎྞཝཾ སརཾ;

སེཏུཾ ཀཏྭཱན ཝིསཛྫ པལླལཱནི;

ཀུལླཉྷི ཛནོ བནྡྷཏི;

ཏིཎྞཱ མེདྷཱཝིནོ ཛནཱ’’ཏི.

སུནིདྷཝསྶཀཱརཝཏྠུ ནིཊྛིཏཾ.

༡༧༥. ཀོཊིགཱམེ སཙྩཀཐཱ

༢༨༧. ཨཐ ཁོ བྷགཝཱ ཡེན ཀོཊིགཱམོ ཏེནུཔསངྐམི. ཏཏྲ སུདཾ བྷགཝཱ ཀོཊིགཱམེ ཝིཧརཏི. ཏཏྲ ཁོ བྷགཝཱ བྷིཀྑཱུ ཨཱམནྟེསི – [དཱི. ནི. ༢.༡༥༥] ‘‘ཙཏུནྣཾ, བྷིཀྑཝེ, ཨརིཡསཙྩཱནཾ ཨནནུབོདྷཱ ཨཔྤཊིཝེདྷཱ ཨེཝམིདཾ དཱིགྷམདྡྷཱནཾ སནྡྷཱཝིཏཾ སཾསརིཏཾ མམཉྩེཝ ཏུམྷཱཀཉྩ. ཀཏམེསཾ ཙཏུནྣཾ? དུཀྑསྶ, བྷིཀྑཝེ, ཨརིཡསཙྩསྶ ཨནནུབོདྷཱ ཨཔྤཊིཝེདྷཱ ཨེཝམིདཾ དཱིགྷམདྡྷཱནཾ སནྡྷཱཝིཏཾ སཾསརིཏཾ མམཉྩེཝ ཏུམྷཱཀཉྩ. དུཀྑསམུདཡསྶ ཨརིཡསཙྩསྶ…པེ… དུཀྑནིརོདྷསྶ ཨརིཡསཙྩསྶ…པེ… དུཀྑནིརོདྷགཱམིནིཡཱ པཊིཔདཱཡ ཨརིཡསཙྩསྶ ཨནནུབོདྷཱ ཨཔྤཊིཝེདྷཱ ཨེཝམིདཾ དཱིགྷམདྡྷཱནཾ སནྡྷཱཝིཏཾ སཾསརིཏཾ མམཉྩེཝ ཏུམྷཱཀཉྩ. ཏཡིདཾ, བྷིཀྑཝེ, དུཀྑཾ ཨརིཡསཙྩཾ ཨནུབུདྡྷཾ པཊིཝིདྡྷཾ, དུཀྑསམུདཡཾ [དུཀྑསམུདཡོ (སྱཱ.)] ཨརིཡསཙྩཾ ཨནུབུདྡྷཾ པཊིཝིདྡྷཾ, དུཀྑནིརོདྷཾ [དུཀྑནིརོདྷོ (སྱཱ.)] ཨརིཡསཙྩཾ ཨནུབུདྡྷཾ པཊིཝིདྡྷཾ, དུཀྑནིརོདྷགཱམིནཱི པཊིཔདཱ ཨརིཡསཙྩཾ ཨནུབུདྡྷཾ པཊིཝིདྡྷཾ, ཨུཙྪིནྣཱ བྷཝཏཎྷཱ, ཁཱིཎཱ བྷཝནེཏྟི, ནཏྠིདཱནི པུནབྦྷཝོ’’ཏི.

ཙཏུནྣཾ ཨརིཡསཙྩཱནཾ, ཡཐཱབྷཱུཏཾ ཨདསྶནཱ;

སཾསིཏཾ དཱིགྷམདྡྷཱནཾ, ཏཱསུ ཏཱསྭེཝ ཛཱཏིསུ.

ཏཱནི ཨེཏཱནི དིཊྛཱནི, བྷཝནེཏྟི སམཱུཧཏཱ;

ཨུཙྪིནྣཾ མཱུལཾ དུཀྑསྶ, ནཏྠིདཱནི པུནབྦྷཝོཏི.

ཀོཊིགཱམེ སཙྩཀཐཱ ནིཊྛིཏཱ.

༡༧༦. ཨམྦཔཱལཱིཝཏྠུ

༢༨༨. [དཱི. ནི. ༢.༡༦༡ ཨཱདཡོ] ཨསྶོསི ཁོ ཨམྦཔཱལཱི གཎིཀཱ – བྷགཝཱ ཀིར ཀོཊིགཱམཾ ཨནུཔྤཏྟོཏི. ཨཐ ཁོ ཨམྦཔཱལཱི གཎིཀཱ བྷདྲཱནི བྷདྲཱནི ཡཱནཱནི ཡོཛཱཔེཏྭཱ བྷདྲཾ བྷདྲཾ ཡཱནཾ ཨབྷིརུཧིཏྭཱ བྷདྲེཧི བྷདྲེཧི ཡཱནེཧི ཝེསཱལིཡཱ ནིཡྻཱསི བྷགཝནྟཾ དསྶནཱཡ. ཡཱཝཏིཀཱ ཡཱནསྶ བྷཱུམི, ཡཱནེན གནྟྭཱ, ཡཱནཱ པཙྩོརོཧིཏྭཱ, པཏྟིཀཱཝ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨམྦཔཱལིཾ གཎིཀཾ བྷགཝཱ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ ཨམྦཔཱལཱི གཎིཀཱ བྷགཝཏཱ དྷམྨིཡཱ ཀཐཱཡ སནྡསྶིཏཱ སམཱདཔིཏཱ སམུཏྟེཛིཏཱ སམྤཧཾསིཏཱ བྷགཝནྟཾ ཨེཏདཝོཙ – ‘‘ཨདྷིཝཱསེཏུ མེ, བྷནྟེ, བྷགཝཱ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ཁོ ཨམྦཔཱལཱི གཎིཀཱ བྷགཝཏོ ཨདྷིཝཱསནཾ ཝིདིཏྭཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི.

ཨམྦཔཱལཱིཝཏྠུ ནིཊྛིཏཾ.

༡༧༧. ལིཙྪཝཱིཝཏྠུ

༢༨༩. [དཱི. ནི. ༢.༡༦༡ ཨཱདཡོ] ཨསྶོསུཾ ཁོ ཝེསཱལིཀཱ ལིཙྪཝཱི – བྷགཝཱ ཀིར ཀོཊིགཱམཾ ཨནུཔྤཏྟོཏི. ཨཐ ཁོ ཝེསཱལིཀཱ ལིཙྪཝཱི བྷདྲཱནི བྷདྲཱནི ཡཱནཱནི ཡོཛཱཔེཏྭཱ བྷདྲཾ བྷདྲཾ ཡཱནཾ ཨབྷིརུཧིཏྭཱ བྷདྲེཧི བྷདྲེཧི ཡཱནེཧི ཝེསཱལིཡཱ ནིཡྻཱསུཾ བྷགཝནྟཾ དསྶནཱཡ. ཨཔྤེཀཙྩེ ལིཙྪཝཱི ནཱིལཱ ཧོནྟི ནཱིལཝཎྞཱ ནཱིལཝཏྠཱ ནཱིལཱལངྐཱརཱ, ཨཔྤེཀཙྩེ ལིཙྪཝཱི པཱིཏཱ ཧོནྟི པཱིཏཝཎྞཱ པཱིཏཝཏྠཱ པཱིཏཱལངྐཱརཱ, ཨཔྤེཀཙྩེ ལིཙྪཝཱི ལོཧིཏཱ ཧོནྟི ལོཧིཏཝཎྞཱ ལོཧིཏཝཏྠཱ ལོཧིཏཱལངྐཱརཱ, ཨཔྤེཀཙྩེ ལིཙྪཝཱི ཨོདཱཏཱ ཧོནྟི ཨོདཱཏཝཎྞཱ ཨོདཱཏཝཏྠཱ ཨོདཱཏཱལངྐཱརཱ. ཨཐ ཁོ ཨམྦཔཱལཱི གཎིཀཱ དཧརཱནཾ དཧརཱནཾ ལིཙྪཝཱིནཾ ཨཱིསཱཡ ཨཱིསཾ ཡུགེན ཡུགཾ ཙཀྐེན ཙཀྐཾ ཨཀྑེན ཨཀྑཾ པཊིཝཊྚེསི [པཊིཝཏྟེསི (ཀ.)]. ཨཐ ཁོ ཏེ ལིཙྪཝཱི ཨམྦཔཱལིཾ གཎིཀཾ ཨེཏདཝོཙུཾ – ‘‘ཀིསྶ, ཛེ ཨམྦཔཱལི, དཧརཱནཾ དཧརཱནཾ [ཨམྷཱཀཾ དཧརཱནཾ དཧརཱནཾ (སཱི. སྱཱ.)] ལིཙྪཝཱིནཾ ཨཱིསཱཡ ཨཱིསཾ ཡུགེན ཡུགཾ ཙཀྐེན ཙཀྐཾ ཨཀྑེན ཨཀྑཾ པཊིཝཊྚེསཱི’’ཏི? ‘‘ཏཐཱ ཧི པན མཡཱ, ཨཡྻཔུཏྟཱ, སྭཱཏནཱཡ བུདྡྷཔྤམུཁོ བྷིཀྑུསངྒྷོ ནིམནྟིཏོ’’ཏི. ‘‘དེཧི, ཛེ ཨམྦཔཱལི, ཨམྷཱཀཾ ཨེཏཾ བྷཏྟཾ སཏསཧསྶེནཱ’’ཏི. ‘‘སཙེཔི མེ, ཨཡྻཔུཏྟཱ, ཝེསཱལིཾ སཱཧཱརཾ དཛྫེཡྻཱཐ, ནེཝ དཛྫཱཧཾ ཏཾ བྷཏྟ’’ནྟི. ཨཐ ཁོ ཏེ ལིཙྪཝཱི ཨངྒུལིཾ ཕོཊེསུཾ – ‘‘ཛིཏམྷཱ ཝཏ, བྷོ, ཨམྦཀཱཡ, པརཱཛིཏམྷ ཝཏ, བྷོ, ཨམྦཀཱཡཱ’’ཏི. ཨཐ ཁོ ཏེ ལིཙྪཝཱི ཡེན བྷགཝཱ ཏེནུཔསངྐམིཾསུ. ཨདྡསཱ ཁོ བྷགཝཱ ཏེ ལིཙྪཝཱི དཱུརཏོཝ ཨཱགཙྪནྟེ, དིསྭཱན བྷིཀྑཱུ ཨཱམནྟེསི – ‘‘ཡེཧི, བྷིཀྑཝེ, བྷིཀྑཱུཧི དེཝཱ ཏཱཝཏིཾསཱ ཨདིཊྛཔུབྦཱ, ཨོལོཀེཐ, བྷིཀྑཝེ, ལིཙྪཝཱིཔརིསཾ; ཨཔལོཀེཐ, བྷིཀྑཝེ, ལིཙྪཝཱིཔརིསཾ; ཨུཔསཾཧརཐ, བྷིཀྑཝེ, ལིཙྪཝཱིཔརིསཾ ཏཱཝཏིཾསཔརིས’’ནྟི. ཨཐ ཁོ ཏེ ལིཙྪཝཱི ཡཱཝཏིཀཱ ཡཱནསྶ བྷཱུམི, ཡཱནེན གནྟྭཱ ཡཱནཱ པཙྩོརོཧིཏྭཱ པཏྟིཀཱཝ ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣེ ཁོ ཏེ ལིཙྪཝཱི བྷགཝཱ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ ཏེ ལིཙྪཝཱི, བྷགཝཏཱ དྷམྨིཡཱ ཀཐཱཡ སནྡསྶིཏཱ སམཱདཔིཏཱ སམུཏྟེཛིཏཱ སམྤཧཾསིཏཱ བྷགཝནྟཾ ཨེཏདཝོཙུཾ – ‘‘ཨདྷིཝཱསེཏུ ནོ, བྷནྟེ, བྷགཝཱ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’ཏི. ‘‘ཨདྷིཝུཊྛོམྷི, ལིཙྪཝཱི, སྭཱཏནཱཡ ཨམྦཔཱལིཡཱ གཎིཀཱཡ བྷཏྟ’’ནྟི. ཨཐ ཁོ ཏེ ལིཙྪཝཱི ཨངྒུལིཾ ཕོཊེསུཾ – ‘‘ཛིཏམྷ ཝཏ, བྷོ, ཨམྦཀཱཡ, པརཱཛིཏམྷ ཝཏ, བྷོ, ཨམྦཀཱཡཱ’’ཏི. ཨཐ ཁོ ཏེ ལིཙྪཝཱི བྷགཝཏོ བྷཱསིཏཾ ཨབྷིནནྡིཏྭཱ ཨནུམོདིཏྭཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐམིཾསུ.

ཨཐ ཁོ བྷགཝཱ ཀོཊིགཱམེ ཡཐཱབྷིརནྟཾ ཝིཧརིཏྭཱ [མཧཱཔརིནིབྦཱནསུཏྟེ ཨནུསནྡྷི ཨཉྙཐཱ ཨཱགཏོ] ཡེན ནཱཏིཀཱ [ནཱདིཀཱ (སཱི. སྱཱ.)] ཏེནུཔསངྐམི. ཏཏྲ སུདཾ བྷགཝཱ ནཱཏིཀེ ཝིཧརཏི གིཉྫཀཱཝསཐེ. ཨཐ ཁོ ཨམྦཔཱལཱི གཎིཀཱ ཏསྶཱ རཏྟིཡཱ ཨཙྩཡེན སཀེ ཨཱརཱམེ པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ བྷགཝཏོ ཀཱལཾ ཨཱརོཙཱཔེསི – ‘‘ཀཱལོ, བྷནྟེ, ནིཊྛིཏཾ བྷཏྟ’’ནྟི. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན ཨམྦཔཱལིཡཱ གཎིཀཱཡ པརིཝེསནཱ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི སདྡྷིཾ བྷིཀྑུསངྒྷེན. ཨཐ ཁོ ཨམྦཔཱལཱི གཎིཀཱ བུདྡྷཔྤམུཁཾ བྷིཀྑུསངྒྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེཏྭཱ སམྤཝཱརེཏྭཱ བྷགཝནྟཾ བྷུཏྟཱཝིཾ ཨོནཱིཏཔཏྟཔཱཎིཾ ཨེཀམནྟཾ ནིསཱིདི. ཨེཀམནྟཾ ནིསིནྣཱ ཁོ ཨམྦཔཱལཱི གཎིཀཱ བྷགཝནྟཾ ཨེཏདཝོཙ – ‘‘ཨིམཱཧཾ, བྷནྟེ, ཨམྦཝནཾ བུདྡྷཔྤམུཁསྶ བྷིཀྑུསངྒྷསྶ དམྨཱི’’ཏི. པཊིགྒཧེསི བྷགཝཱ ཨཱརཱམཾ. ཨཐ ཁོ བྷགཝཱ ཨམྦཔཱལིཾ གཎིཀཾ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ ཡེན མཧཱཝནཾ ཏེནུཔསངྐམི. ཏཏྲ སུདཾ བྷགཝཱ ཝེསཱལིཡཾ ཝིཧརཏི མཧཱཝནེ ཀཱུཊཱགཱརསཱལཱཡཾ.

ལིཙྪཝཱིཝཏྠུ ནིཊྛིཏཾ.

ལིཙྪཝིབྷཱཎཝཱརོ ནིཊྛིཏོ ཏཏིཡོ.

༡༧༨. སཱིཧསེནཱཔཏིཝཏྠུ

༢༩༠. [ཨ. ནི. ༨.༡༢ ཨཱདཡོ] ཏེན ཁོ པན སམཡེན ཨབྷིཉྙཱཏཱ ཨབྷིཉྙཱཏཱ ལིཙྪཝཱི སནྡྷཱགཱརེ [སནྠཱགཱརེ (སཱི. སྱཱ.)] སནྣིསིནྣཱ སནྣིཔཏིཏཱ ཨནེཀཔརིཡཱཡེན བུདྡྷསྶ ཝཎྞཾ བྷཱསནྟི, དྷམྨསྶ ཝཎྞཾ བྷཱསནྟི, སངྒྷསྶ ཝཎྞཾ བྷཱསནྟི. ཏེན ཁོ པན སམཡེན སཱིཧོ སེནཱཔཏི ནིགཎྛསཱཝཀོ ཏསྶཾ པརིསཱཡཾ ནིསིནྣོ ཧོཏི. ཨཐ ཁོ སཱིཧསྶ སེནཱཔཏིསྶ ཨེཏདཧོསི – ‘‘ནིསྶཾསཡཾ ཁོ སོ བྷགཝཱ ཨརཧཾ སམྨཱསམྦུདྡྷོ བྷཝིསྶཏི, ཏཐཱ ཧིམེ ཨབྷིཉྙཱཏཱ ཨབྷིཉྙཱཏཱ ལིཙྪཝཱི སནྠཱགཱརེ སནྣིསིནྣཱ སནྣིཔཏིཏཱ ཨནེཀཔརིཡཱཡེན བུདྡྷསྶ ཝཎྞཾ བྷཱསནྟི, དྷམྨསྶ ཝཎྞཾ བྷཱསནྟི, སངྒྷསྶ ཝཎྞཾ བྷཱསནྟི. ཡཾནཱུནཱཧཾ ཏཾ བྷགཝནྟཾ དསྶནཱཡ ཨུཔསངྐམེཡྻཾ ཨརཧནྟཾ སམྨཱསམྦུདྡྷ’’ནྟི. ཨཐ ཁོ སཱིཧོ སེནཱཔཏི ཡེན ནིགཎྛོ ནཱཊཔུཏྟོ ཏེནུཔསངྐམི, ཨུཔསངྐམིཏྭཱ ནིགཎྛཾ ནཱཊཔུཏྟཾ ཨེཏདཝོཙ – ‘‘ཨིཙྪཱམཧཾ, བྷནྟེ, སམཎཾ གོཏམཾ དསྶནཱཡ ཨུཔསངྐམིཏུ’’ནྟི. ‘‘ཀིཾ པན ཏྭཾ, སཱིཧ, ཀིརིཡཝཱདོ སམཱནོ ཨཀིརིཡཝཱདཾ སམཎཾ གོཏམཾ དསྶནཱཡ ཨུཔསངྐམིསྶསི? སམཎོ ཧི, སཱིཧ, གོཏམོ ཨཀིརིཡཝཱདོ ཨཀིརིཡཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱི’’ཏི. ཨཐ ཁོ སཱིཧསྶ སེནཱཔཏིསྶ ཡོ ཨཧོསི གམིཀཱབྷིསངྑཱརོ བྷགཝནྟཾ དསྶནཱཡ, སོ པཊིཔྤསྶམྦྷི. དུཏིཡམྤི ཁོ ཨབྷིཉྙཱཏཱ ཨབྷིཉྙཱཏཱ ལིཙྪཝཱི སནྡྷཱགཱརེ སནྣིསིནྣཱ སནྣིཔཏིཏཱ ཨནེཀཔརིཡཱནེན བུདྡྷསྶ ཝཎྞཾ བྷཱསནྟི, དྷམྨསྶ ཝཎྞཾ བྷཱསནྟི, སངྒྷསྶ ཝཎྞཾ བྷཱསནྟི. དུཏིཡམྤི ཁོ སཱིཧསྶ སེནཱཔཏིསྶ ཨེཏདཧོསི – ‘‘ནིསྶཾསཡཾ ཁོ སོ བྷགཝཱ ཨརཧཾ སམྨཱསམྦུདྡྷོ བྷཝིསྶཏི, ཏཐཱ ཧིམེ ཨབྷིཉྙཱཏཱ ཨབྷིཉྙཱཏཱ ལིཙྪཝཱི སནྡྷཱགཱརེ སནྣིསིནྣཱ སནྣིཔཏིཏཱ ཨནེཀཔརིཡཱཡེན བུདྡྷསྶ ཝཎྞཾ བྷཱསནྟི, དྷམྨསྶ ཝཎྞཾ བྷཱསནྟི, སངྒྷསྶ ཝཎྞཾ བྷཱསནྟི. ཡཾནཱུནཱཧཾ ཏཾ བྷགཝནྟཾ དསྶནཱཡ ཨུཔསངྐམེཡྻཾ ཨརཧནྟཾ སམྨཱསམྦུདྡྷ’’ནྟི. དུཏིཡམྤི ཁོ སཱིཧོ སེནཱཔཏི ཡེན ནིགཎྛོ ནཱཊཔུཏྟོ ཏེནུཔསངྐམི, ཨུཔསངྐམིཏྭཱ ནིགཎྛཾ ནཱཊཔུཏྟཾ ཨེཏདཝོཙ – ‘‘ཨིཙྪཱམཧཾ, བྷནྟེ, སམཎཾ གོཏམཾ དསྶནཱཡ ཨུཔསངྐམིཏུ’’ནྟི. ‘‘ཀིཾ པན ཏྭཾ, སཱིཧ, ཀིརིཡཝཱདོ སམཱནོ ཨཀིརིཡཝཱདཾ སམཎཾ གོཏམཾ དསྶནཱཡ ཨུཔསངྐམིསྶསི? སམཎོ ཧི, སཱིཧ, གོཏམོ ཨཀིརིཡཝཱདོ ཨཀིརིཡཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱི’’ཏི. དུཏིཡམྤི ཁོ སཱིཧསྶ སེནཱཔཏིསྶ ཡོ ཨཧོསི གམིཀཱབྷིསངྑཱརོ བྷགཝནྟཾ དསྶནཱཡ, སོ པཊིཔྤསྶམྦྷི. ཏཏིཡམྤི ཁོ ཨབྷིཉྙཱཏཱ ཨབྷིཉྙཱཏཱ ལིཙྪཝཱི སནྡྷཱགཱརེ སནྣིསིནྣཱ སནྣིཔཏིཏཱ ཨནེཀཔརིཡཱཡེན བུདྡྷསྶ ཝཎྞཾ བྷཱསནྟི, དྷམྨསྶ ཝཎྞཾ བྷཱསནྟི, སངྒྷསྶ ཝཎྞཾ བྷཱསནྟི. ཏཏིཡམྤི ཁོ སཱིཧསྶ སེནཱཔཏིསྶ ཨེཏདཧོསི – ‘‘ནིསྶཾསཡཾ ཁོ སོ བྷགཝཱ ཨརཧཾ སམྨཱསམྦུདྡྷོ བྷཝིསྶཏི, ཏཐཱ ཧིམེ ཨབྷིཉྙཱཏཱ ཨབྷིཉྙཱཏཱ ལིཙྪཝཱི སནྡྷཱགཱརེ སནྣིསིནྣཱ སནྣིཔཏིཏཱ ཨནེཀཔརིཡཱཡེན བུདྡྷསྶ ཝཎྞཾ བྷཱསནྟི, དྷམྨསྶ ཝཎྞཾ བྷཱསནྟི, སངྒྷསྶ ཝཎྞཾ བྷཱསནྟི. ཀིཉྷི མེ ཀརིསྶནྟི ནིགཎྛཱ ཨཔལོཀིཏཱ ཝཱ ཨནཔལོཀིཏཱ ཝཱ? ཡཾནཱུནཱཧཾ ཨནཔལོཀེཏྭཱཝ ནིགཎྛེ ཏཾ བྷགཝནྟཾ དསྶནཱཡ ཨུཔསངྐམེཡྻཾ ཨརཧནྟཾ སམྨཱསམྦུདྡྷ’’ནྟི.

ཨཐ ཁོ སཱིཧོ སེནཱཔཏི པཉྩཧི རཐསཏེཧི དིཝཱ དིཝསྶ ཝེསཱལིཡཱ ནིཡྻཱསི བྷགཝནྟཾ དསྶནཱཡ. ཡཱཝཏིཀཱ ཡཱནསྶ བྷཱུམི, ཡཱནེན གནྟྭཱ ཡཱནཱ པཙྩོརོཧིཏྭཱ པཏྟིཀོཝ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སཱིཧོ སེནཱཔཏི བྷགཝནྟཾ ཨེཏདཝོཙ – ‘‘སུཏཾ མེ ཏཾ, བྷནྟེ, ‘ཨཀིརིཡཝཱདོ སམཎོ གོཏམོ ཨཀིརིཡཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱི’ཏི. ཡེ ཏེ, བྷནྟེ, ཨེཝམཱཧཾསུ ‘ཨཀིརིཡཝཱདོ སམཎོ གོཏམོ, ཨཀིརིཡཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱི’ཏི. ཀཙྩི ཏེ, བྷནྟེ, བྷགཝཏོ ཝུཏྟཝཱདིནོ, ན ཙ བྷགཝནྟཾ ཨབྷཱུཏེན ཨབྦྷཱཙིཀྑནྟི, དྷམྨསྶ ཙཱནུདྷམྨཾ བྱཱཀརོནྟི, ན ཙ ཀོཙི སཧདྷམྨིཀོ ཝཱདཱནུཝཱདོ གཱརཡ྄ཧཾ ཋཱནཾ ཨཱགཙྪཏི? ཨནབྦྷཀྑཱཏུཀཱམཱ ཧི མཡཾ, བྷནྟེ, བྷགཝནྟ’’ནྟི.

༢༩༡. ‘‘ཨཏྠི, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཨཀིརིཡཝཱདོ སམཎོ གོཏམོ, ཨཀིརིཡཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི. ཨཏྠི, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཀིརིཡཝཱདོ སམཎོ གོཏམོ ཀིརིཡཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི. ཨཏྠི, སཱིཧ, པརིཡཱཡོ ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཨུཙྪེདཝཱདོ སམཎོ གོཏམོ ཨུཙྪེདཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི. ཨཏྠི, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཛེགུཙྪཱི སམཎོ གོཏམོ, ཛེགུཙྪིཏཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི. ཨཏྠི, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཝེནཡིཀོ སམཎོ གོཏམོ, ཝིནཡཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི. ཨཏྠི, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཏཔསྶཱི སམཎོ གོཏམོ, ཏཔསྶིཏཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི. ཨཏྠི, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཨཔགབྦྷོ སམཎོ གོཏམོ, ཨཔགབྦྷཏཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི. ཨཏྠི, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཨསྶཏྠོ སམཎོ གོཏམོ, ཨསྶཱསཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི.

༢༩༢. ‘‘ཀཏམོ ཙ, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཨཀིརིཡཝཱདོ སམཎོ གོཏམོ, ཨཀིརིཡཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི? ཨཧཉྷི, སཱིཧ, ཨཀིརིཡཾ ཝདཱམི ཀཱཡདུཙྩརིཏསྶ ཝཙཱིདུཙྩརིཏསྶ མནོདུཙྩརིཏསྶ; ཨནེཀཝིཧིཏཱནཾ པཱཔཀཱནཾ ཨཀུསལཱནཾ དྷམྨཱནཾ ཨཀིརིཡཾ ཝདཱམི. ཨཡཾ ཁོ, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཨཀིརིཡཝཱདོ སམཎོ གོཏམོ, ཨཀིརིཡཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི.

‘‘ཀཏམོ ཙ, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཀིརིཡཝཱདོ སམཎོ གོཏམོ, ཀིརིཡཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི? ཨཧཉྷི, སཱིཧ, ཀིརིཡཾ ཝདཱམི ཀཱཡསུཙརིཏསྶ ཝཙཱིསུཙརིཏསྶ མནོསུཙརིཏསྶ, ཨནེཀཝིཧིཏཱནཾ ཀུསལཱནཾ དྷམྨཱནཾ ཀིརིཡཾ ཝདཱམི. ཨཡཾ ཁོ, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཀིརིཡཝཱདོ སམཎོ གོཏམོ, ཀིརིཡཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི.

‘‘ཀཏམོ ཙ, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཨུཙྪེདཝཱདོ སམཎོ གོཏམོ, ཨུཙྪེདཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི? ཨཧཉྷི, སཱིཧ, ཨུཙྪེདཾ ཝདཱམི རཱགསྶ དོསསྶ མོཧསྶ; ཨནེཀཝིཧིཏཱནཾ པཱཔཀཱནཾ ཨཀུསལཱནཾ དྷམྨཱནཾ ཨུཙྪེདཾ ཝདཱམི. ཨཡཾ ཁོ, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཨུཙྪེདཝཱདོ སམཎོ གོཏམོ ཨུཙྪེདཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི.

‘‘ཀཏམོ ཙ, སཱིཧ, པརིཡཱཡོ ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཛེགུཙྪཱི སམཎོ གོཏམོ, ཛེགུཙྪིཏཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི? ཨཧཉྷི, སཱིཧ, ཛིགུཙྪཱམི ཀཱཡདུཙྩརིཏེན ཝཙཱིདུཙྩརིཏེན མནོདུཙྩརིཏེན; ཨནེཀཝིཧིཏཱནཾ པཱཔཀཱནཾ ཨཀུསལཱནཾ དྷམྨཱནཾ སམཱཔཏྟིཡཱ ཛིགུཙྪཱམི. ཨཡཾ ཁོ, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཛེགུཙྪཱི སམཎོ གོཏམོ, ཛེགུཙྪིཏཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི.

‘‘ཀཏམོ ཙ, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཝེནཡིཀོ སམཎོ གོཏམོ, ཝིནཡཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི? ཨཧཉྷི, སཱིཧ, ཝིནཡཱཡ དྷམྨཾ དེསེམི རཱགསྶ དོསསྶ མོཧསྶ; ཨནེཀཝིཧིཏཱནཾ པཱཔཀཱནཾ ཨཀུསལཱནཾ དྷམྨཱནཾ ཝིནཡཱཡ དྷམྨཾ དེསེམི. ཨཡཾ ཁོ, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཝེནཡིཀོ སམཎོ གོཏམོ, ཝིནཡཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི.

‘‘ཀཏམོ ཙ, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཏཔསྶཱི སམཎོ གོཏམོ, ཏཔསྶིཏཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི? ཏཔནཱིཡཱཧཾ, སཱིཧ, པཱཔཀེ ཨཀུསལེ དྷམྨེ ཝདཱམི – ཀཱཡདུཙྩརིཏཾ ཝཙཱིདུཙྩརིཏཾ མནོདུཙྩརིཏཾ. ཡསྶ ཁོ, སཱིཧ, ཏཔནཱིཡཱ པཱཔཀཱ ཨཀུསལཱ དྷམྨཱ པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝངྐཏཱ ཨཱཡཏིཾ ཨནུཔྤཱདདྷམྨཱ, ཏམཧཾ ཏཔསྶཱིཏི ཝདཱམི. ཏཐཱགཏསྶ ཁོ, སཱིཧ, ཏཔནཱིཡཱ པཱཔཀཱ ཨཀུསལཱ དྷམྨཱ པཧཱིནཱ ཨུཙྪཱིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ. ཨཡཾ ཁོ, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ ‘‘ཏཔསྶཱི སམཎོ གོཏམོ ཏཔསྶིཏཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱི’’ཏི.

‘‘ཀཏམོ ཙ, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཨཔགབྦྷོ སམཎོ གོཏམོ ཨཔགབྦྷཏཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི? ཡསྶ ཁོ, སཱིཧ, ཨཱཡཏིཾ གབྦྷསེཡྻཱ པུནབྦྷཝཱབྷིནིབྦཏྟི པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ, ཏམཧཾ ཨཔགབྦྷོཏི ཝདཱམི. ཏཐཱགཏསྶ ཁོ, སཱིཧ, ཨཱཡཏིཾ གབྦྷསེཡྻཱ པུནབྦྷཝཱབྷིནིབྦཏྟི པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ. ཨཡཾ ཁོ, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཨཔགབྦྷོ སམཎོ གོཏམོ, ཨཔགབྦྷཏཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི.

‘‘ཀཏམོ ཙ, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཨསྶཏྠོ སམཎོ གོཏམོ ཨསྶཱསཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱིཏི? ཨཧཉྷི, སཱིཧ, ཨསྶཏྠོ པརམེན ཨསྶཱསེན, ཨསྶཱསཱཡ དྷམྨཾ དེསེམི, ཏེན ཙ སཱཝཀེ ཝིནེམི. ཨཡཾ ཁོ, སཱིཧ, པརིཡཱཡོ, ཡེན མཾ པརིཡཱཡེན སམྨཱ ཝདམཱནོ ཝདེཡྻ – ཨསྶཏྠོ སམཎོ གོཏམོ ཨསྶཱསཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱི’’ཏི.

༢༩༣. ཨེཝཾ ཝུཏྟེ སཱིཧོ སེནཱཔཏི བྷགཝནྟཾ ཨེཏདཝོཙ – ‘‘ཨབྷིཀྐནྟཾ, བྷནྟེ…པེ… ཨུཔཱསཀཾ མཾ བྷགཝཱ དྷཱརེཏུ ཨཛྫཏགྒེ པཱཎུཔེཏཾ སརཎཾ གཏ’’ནྟི. ‘‘ཨནུཝིཙྩཀཱརཾ [ཨནུཝིཛྫཀཱརཾ (ཀ.)] ཁོ, སཱིཧ, ཀརོཧི; ཨནུཝིཙྩཀཱརོ ཏུམྷཱདིསཱནཾ ཉཱཏམནུསྶཱནཾ སཱདྷུ ཧོཏཱི’’ཏི. ‘‘ཨིམིནཱཔཱཧཾ, བྷནྟེ, བྷགཝཏོ བྷིཡྻོསོམཏྟཱཡ ཨཏྟམནོ ཨབྷིརདྡྷོ, ཡཾ མཾ བྷགཝཱ ཨེཝམཱཧ – ‘ཨནུཝིཙྩཀཱརཾ ཁོ, སཱིཧ, ཀརོཧི; ཨནུཝིཙྩཀཱརོ ཏུམྷཱདིསཱནཾ ཉཱཏམནུསྶཱནཾ སཱདྷུ ཧོཏཱི’ཏི. མམཉྷི, བྷནྟེ, ཨཉྙཏིཏྠིཡཱ སཱཝཀཾ ལབྷིཏྭཱ ཀེཝལཀཔྤཾ ཝེསཱལིཾ པཊཱཀཾ པརིཧརེཡྻུཾ – ‘སཱིཧོ ཁོ ཨམྷཱཀཾ སེནཱཔཏི སཱཝཀཏྟཾ ཨུཔགཏོ’ཏི. ཨཐ ཙ པན མཾ བྷགཝཱ ཨེཝམཱཧ – ‘ཨནུཝིཙྩཀཱརཾ ཁོ, སཱིཧ, ཀརོཧི; ཨནུཝིཙྩཀཱརོ ཏུམྷཱདིསཱནཾ ཉཱཏམནུསྶཱནཾ སཱདྷུ ཧོཏཱི’ཏི. ཨེསཱཧཾ, བྷནྟེ, དུཏིཡམྤི བྷགཝནྟཾ སརཎཾ གཙྪཱམི དྷམྨཉྩ བྷིཀྑུསངྒྷཉྩ. ཨུཔཱསཀཾ མཾ བྷགཝཱ དྷཱརེཏུ ཨཛྫཏགྒེ པཱཎུཔེཏཾ སརཎཾ གཏ’’ནྟི. ‘‘དཱིགྷརཏྟཾ ཁོ ཏེ, སཱིཧ, ནིགཎྛཱནཾ ཨོཔཱནབྷཱུཏཾ ཀུལཾ, ཡེན ནེསཾ ཨུཔགཏཱནཾ པིཎྜཀཾ དཱཏབྦཾ མཉྙེཡྻཱསཱི’’ཏི. ‘‘ཨིམིནཱཔཱཧཾ, བྷནྟེ, བྷགཝཏོ བྷིཡྻོསོམཏྟཱཡ ཨཏྟམནོ ཨབྷིརདྡྷོ, ཡཾ མཾ བྷགཝཱ ཨེཝམཱཧ – ‘དཱིགྷརཏྟཾ ཁོ ཏེ, སཱིཧ, ནིགཎྛཱནཾ ཨོཔཱནབྷཱུཏཾ ཀུལཾ, ཡེན ནེསཾ ཨུཔགཏཱནཾ པིཎྜཀཾ དཱཏབྦཾ མཉྙེཡྻཱསཱི’ཏི. སུཏཾ མེ ཏཾ, བྷནྟེ, སམཎོ གོཏམོ ཨེཝམཱཧ – ‘མཡ྄ཧམེཝ དཱནཾ དཱཏབྦཾ, ན ཨཉྙེསཾ དཱནཾ དཱཏབྦཾ; མཡ྄ཧམེཝ སཱཝཀཱནཾ དཱནཾ དཱཏབྦཾ, ན ཨཉྙེསཾ སཱཝཀཱནཾ དཱནཾ དཱཏབྦཾ; མཡ྄ཧམེཝ དིནྣཾ མཧཔྥལཾ, ན ཨཉྙེསཾ དིནྣཾ མཧཔྥལཾ; མཡ྄ཧམེཝ སཱཝཀཱནཾ དིནྣཾ མཧཔྥལཾ, ན ཨཉྙེསཾ སཱཝཀཱནཾ དིནྣཾ མཧཔྥལ’ནྟི. ཨཐ ཙ པན མཾ བྷགཝཱ ནིགཎྛེསུཔི དཱནེ སམཱདཔེཏི. ཨཔི ཙ, བྷནྟེ, མཡམེཏྠ ཀཱལཾ ཛཱནིསྶཱམ. ཨེསཱཧཾ, བྷནྟེ, ཏཏིཡམྤི བྷགཝནྟཾ སརཎཾ གཙྪཱམི དྷམྨཉྩ བྷིཀྑུསངྒྷཉྩ. ཨུཔཱསཀཾ མཾ བྷགཝཱ དྷཱརེཏུ ཨཛྫཏགྒེ པཱཎུཔེཏཾ སརཎཾ གཏ’’ནྟི.

ཨཐ ཁོ བྷགཝཱ སཱིཧསྶ སེནཱཔཏིསྶ ཨནུཔུབྦིཾ ཀཐཾ ཀཐེསི, སེཡྻཐིདཾ – དཱནཀཐཾ…པེ… ཨཔརཔྤཙྩཡོ སཏྠུསཱསནེ བྷགཝནྟཾ ཨེཏདཝོཙ – ‘‘ཨདྷིཝཱསེཏུ མེ, བྷནྟེ, བྷགཝཱ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ཁོ སཱིཧོ སེནཱཔཏི བྷགཝཏོ ཨདྷིཝཱསནཾ ཝིདིཏྭཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི.

༢༩༤. ཨཐ ཁོ སཱིཧོ སེནཱཔཏི ཨཉྙཏརཾ པུརིསཾ ཨཱཎཱཔེསི – ‘‘གཙྪ, བྷཎེ, པཝཏྟམཾསཾ ཛཱནཱཧཱི’’ཏི. ཨཐ ཁོ སཱིཧོ སེནཱཔཏི ཏསྶཱ རཏྟིཡཱ ཨཙྩཡེན པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ བྷགཝཏོ ཀཱལཾ ཨཱརོཙཱཔེསི – ‘‘ཀཱལོ, བྷནྟེ, ནིཊྛིཏཾ བྷཏྟ’’ནྟི. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན སཱིཧསྶ སེནཱཔཏིསྶ ནིཝེསནཾ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི སདྡྷིཾ བྷིཀྑུསངྒྷེན.

ཏེན ཁོ པན སམཡེན སམྦཧུལཱ ནིགཎྛཱ ཝེསཱལིཡཾ རཐིཀཱཡ རཐིཀཾ སིངྒྷཱཊཀེན སིངྒྷཱཊཀཾ བཱཧཱ པགྒཡ྄ཧ ཀནྡནྟི – ‘‘ཨཛྫ སཱིཧེན སེནཱཔཏིནཱ ཐཱུལཾ པསུཾ ཝདྷིཏྭཱ སམཎསྶ གོཏམསྶ བྷཏྟཾ ཀཏཾ, ཏཾ སམཎོ གོཏམོ ཛཱནཾ ཨུདྡིསྶཀཏཾ མཾསཾ པརིབྷུཉྫཏི པཊིཙྩཀམྨ’’ནྟི. ཨཐ ཁོ ཨཉྙཏརོ པུརིསོ ཡེན སཱིཧོ སེནཱཔཏི ཏེནུཔསངྐམི, ཨུཔསངྐམིཏྭཱ སཱིཧསྶ སེནཱཔཏིསྶ ཨུཔཀཎྞཀེ ཨཱརོཙེསི ‘‘ཡགྒྷེ, བྷནྟེ, ཛཱནེཡྻཱསི, ཨེཏེ སམྦཧུལཱ ནིགཎྛཱ ཝེསཱལིཡཾ རཐིཀཱཡ རཐིཀཾ སིངྒྷཱཊཀེན སིངྒྷཱཊཀཾ བཱཧཱ པགྒཡ྄ཧ ཀནྡནྟི – ‘ཨཛྫ སཱིཧེན སེནཱཔཏིནཱ ཐཱུལཾ པསུཾ ཝདྷིཏྭཱ སམཎསྶ གོཏམསྶ བྷཏྟཾ ཀཏཾ, ཏཾ སམཎོ གོཏམོ ཛཱནཾ ཨུདྡིསྶཀཏཾ མཾསཾ པརིབྷུཉྫཏི པཊིཙྩཀམྨ’’’ནྟི. ‘‘ཨལཾ ཨཡྻོ, དཱིགྷརཏྟམྤི ཏེ ཨཱཡསྨནྟཱ ཨཝཎྞཀཱམཱ བུདྡྷསྶ, ཨཝཎྞཀཱམཱ དྷམྨསྶ, ཨཝཎྞཀཱམཱ སངྒྷསྶ; ན ཙ པན ཏེ ཨཱཡསྨནྟཱ ཛིརིདནྟི ཏཾ བྷགཝནྟཾ ཨསཏཱ ཏུཙྪཱ མུསཱ ཨབྷཱུཏེན ཨབྦྷཱཙིཀྑནྟཱ; ན ཙ མཡཾ ཛཱིཝིཏཧེཏུཔི སཉྩིཙྩ པཱཎཾ ཛཱིཝིཏཱ ཝོརོཔེཡྻཱམཱ’’ཏི. ཨཐ ཁོ སཱིཧོ སེནཱཔཏི བུདྡྷཔྤམུཁཾ བྷིཀྑུསངྒྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེཏྭཱ སམྤཝཱརེཏྭཱ བྷགཝནྟཾ བྷུཏྟཱཝིཾ ཨོནཱིཏཔཏྟཔཱཎིཾ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ སཱིཧཾ སེནཱཔཏིཾ བྷགཝཱ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཛཱ ནཾ ཨུདྡིསྶཀཏཾ མཾསཾ པརིབྷུཉྫིཏབྦཾ. ཡོ པརིབྷུཉྫེཡྻ ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཏིཀོཊིཔརིསུདྡྷཾ མཙྪམཾསཾ – ཨདིཊྛཾ ཨསྶུཏཾ ཨཔརིསངྐིཏ’’ནྟི.

སཱིཧསེནཱཔཏིཝཏྠུ ནིཊྛིཏཾ.

༡༧༩. ཀཔྤིཡབྷཱུམིཨནུཛཱནནཱ

༢༩༥. ཏེན ཁོ པན སམཡེན ཝེསཱལཱི སུབྷིཀྑཱ ཧོཏི སུསསྶཱ སུལབྷཔིཎྜཱ, སུཀརཱ ཨུཉྪེན པགྒཧེན ཡཱཔེཏུཾ. ཨཐ ཁོ བྷགཝཏོ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘‘ཡཱནི ཏཱནི མཡཱ བྷིཀྑཱུནཾ ཨནུཉྙཱཏཱནི དུབྦྷིཀྑེ དུསྶསྶེ དུལླབྷཔིཎྜེ ཨནྟོ ཝུཊྛཾ ཨནྟོ པཀྐཾ སཱམཾ པཀྐཾ ཨུགྒཧིཏཔཊིགྒཧིཏཀཾ ཏཏོ ནཱིཧཊཾ པུརེབྷཏྟཾ པཊིགྒཧིཏཾ ཝནཊྛཾ པོཀྑརཊྛཾ, ཨཛྫཱཔི ནུ ཁོ ཏཱནི བྷིཀྑཱུ པརིབྷུཉྫནྟཱི’’ཏི. ཨཐ ཁོ བྷགཝཱ སཱཡནྷསམཡཾ པཊིསལླཱནཱ ཝུཊྛིཏོ ཨཱཡསྨནྟཾ ཨཱནནྡཾ ཨཱམནྟེསི – ‘‘ཡཱནི ཏཱནི, ཨཱནནྡ, མཡཱ བྷིཀྑཱུནཾ ཨནུཉྙཱཏཱནི དུབྦྷིཀྑེ དུསྶསྶེ དུལླབྷཔིཎྜེ ཨནྟོ ཝུཊྛཾ ཨནྟོ པཀྐཾ སཱམཾ པཀྐཾ ཨུགྒཧིཏཔཊིགྒཧིཏཀཾ ཏཏོ ནཱིཧཊཾ པུརེབྷཏྟཾ པཊིགྒཧིཏཾ ཝནཊྛཾ པོཀྑརཊྛཾ, ཨཛྫཱཔི ནུ ཁོ ཏཱནི བྷིཀྑཱུ པརིབྷུཉྫནྟཱི’’ཏི? ‘‘པརིབྷུཉྫནྟི བྷགཝཱ’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཡཱནི ཏཱནི, བྷིཀྑཝེ, མཡཱ བྷིཀྑཱུནཾ ཨནུཉྙཱཏཱནི དུབྦྷིཀྑེ དུསྶསྶེ དུལླབྷཔིཎྜེ ཨནྟོ ཝུཊྛཾ ཨནྟོ པཀྐཾ སཱམཾ པཀྐཾ ཨུགྒཧིཏཔཊིགྒཧིཏཀཾ ཏཏོ ནཱིཧཊཾ པུརེབྷཏྟཾ པཊིགྒཧིཏཾ ཝནཊྛཾ པོཀྑརཊྛཾ, ཏཱནཱཧཾ ཨཛྫཏགྒེ པཊིཀྑིཔཱམི. ན, བྷིཀྑཝེ, ཨནྟོ ཝུཊྛཾ ཨནྟོ པཀྐཾ སཱམཾ པཀྐཾ ཨུགྒཧིཏཔཊིགྒཧིཏཀཾ པརིབྷུཉྫིཏབྦཾ. ཡོ པརིབྷུཉྫེཡྻ, ཨཱཔཏྟི དུཀྐཊསྶ. ན ཙ, བྷིཀྑཝེ, ཏཏོ ནཱིཧཊཾ པུརེབྷཏྟཾ པཊིགྒཧིཏཾ ཝནཊྛཾ པོཀྑརཊྛཾ བྷུཏྟཱཝིནཱ པཝཱརིཏེན ཨནཏིརིཏྟཾ པརིབྷུཉྫིཏབྦཾ. ཡོ པརིབྷུཉྫེཡྻ, ཡཐཱདྷམྨོ ཀཱརེཏབྦོ’’ཏི.

ཏེན ཁོ པན སམཡེན ཛཱནཔདཱ མནུསྶཱ བཧུཾ ལོཎམྤི, ཏེལམྤི, ཏཎྜུལམྤི, ཁཱདནཱིཡམྤི སཀཊེསུ ཨཱརོཔེཏྭཱ བཧཱརཱམཀོཊྛཀེ སཀཊཔརིཝཊྚཾ ཀརིཏྭཱ ཨཙྪནྟི – ཡདཱ པཊིཔཱཊིཾ ལབྷིསྶཱམ, ཏདཱ བྷཏྟཾ ཀརིསྶཱམཱཏི. མཧཱ ཙ མེགྷོ ཨུགྒཏོ ཧོཏི. ཨཐ ཁོ ཏེ མནུསྶཱ ཡེནཱཡསྨཱ ཨཱནནྡོ ཏེནུཔསངྐམིཾསུ, ཨུཔསངྐམིཏྭཱ ཨཱཡསྨནྟཾ ཨཱནནྡཾ ཨེཏདཝོཙུཾ – ‘‘ཨིདྷ, བྷནྟེ ཨཱནནྡ, བཧུཾ ལོཎམྤི, ཏེལམྤི, ཏཎྜུལམྤི, ཁཱདནཱིཡམྤི སཀཊེསུ ཨཱརོཔིཏཱ ཏིཊྛནྟི, མཧཱ ཙ མེགྷོ ཨུགྒཏོ; ཀཐཾ ནུ ཁོ, བྷནྟེ ཨཱནནྡ, པཊིཔཛྫིཏབྦ’’ནྟི? ཨཐ ཁོ ཨཱཡསྨཱ ཨཱནནྡོ བྷགཝཏོ ཨེཏམཏྠཾ ཨཱརོཙེསི. ‘‘ཏེན ཧཱནནྡ, སངྒྷོ པཙྩནྟིམཾ ཝིཧཱརཾ ཀཔྤིཡབྷཱུམིཾ སམྨནྣིཏྭཱ ཏཏྠ ཝཱསེཏུ, ཡཾ སངྒྷོ ཨཱཀངྑཏི ཝིཧཱརཾ ཝཱ ཨཌྜྷཡོགཾ ཝཱ པཱསཱདཾ ཝཱ ཧམྨིཡཾ ཝཱ གུཧཾ ཝཱ. ཨེཝཉྩ པན, བྷིཀྑཝེ, སམྨནྣིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ ཝིཧཱརཾ ཀཔྤིཡབྷཱུམིཾ སམྨནྣེཡྻ, ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ ཝིཧཱརཾ ཀཔྤིཡབྷཱུམིཾ སམྨནྣཏི. ཡསྶཱཡསྨཏོ ཁམཏི ཨིཏྠནྣཱམསྶ ཝིཧཱརསྶ ཀཔྤིཡབྷཱུམིཡཱ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨིཏྠནྣཱམོ ཝིཧཱརོ ཀཔྤིཡབྷཱུམི. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཏེན ཁོ པན སམཡེན མནུསྶཱ ཏཏྠེཝ སམྨུཏིཡཱ [སམྨཏིཀཱཡ (སྱཱ.)] ཀཔྤིཡབྷཱུམིཡཱ ཡཱགུཡོ པཙནྟི, བྷཏྟཱནི པཙནྟི, སཱུཔཱནི སམྤཱདེནྟི, མཾསཱནི ཀོཊྚེནྟི, ཀཊྛཱནི ཕཱལེནྟི. ཨསྶོསི ཁོ བྷགཝཱ རཏྟིཡཱ པཙྩཱུསསམཡཾ པཙྩུཊྛཱཡ ཨུཙྩཱསདྡཾ མཧཱསདྡཾ ཀཱཀོརཝསདྡཾ, སུཏྭཱན ཨཱཡསྨནྟཾ ཨཱནནྡཾ ཨཱམནྟེསི – ‘‘ཀིཾ ནུ ཁོ སོ, ཨཱནནྡ, ཨུཙྩཱསདྡོ མཧཱསདྡོ ཀཱཀོརཝསདྡོ’’ཏི? ‘‘ཨེཏརཧི, བྷནྟེ, མནུསྶཱ ཏཏྠེཝ སམྨུཏིཡཱ ཀཔྤིཡབྷཱུམིཡཱ ཡཱགུཡོ པཙནྟི, བྷཏྟཱནི པཙནྟི, སཱུཔཱནི སམྤཱདེནྟི, མཾསཱནི ཀོཊྚེནྟི, ཀཊྛཱནི ཕཱལེནྟི. སོ ཨེསོ, བྷགཝཱ, ཨུཙྩཱསདྡོ མཧཱསདྡོ ཀཱཀོརཝསདྡོ’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, སམྨུཏི [སམྨཏིཀཱ (སྱཱ.)] ཀཔྤིཡབྷཱུམི པརིབྷུཉྫིཏབྦཱ. ཡོ པརིབྷུཉྫེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཏིསྶོ ཀཔྤིཡབྷཱུམིཡོ – ཨུསྶཱཝནནྟིཀཾ གོནིསཱདིཀཾ གཧཔཏི’’ནྟི.

ཏེན ཁོ པན སམཡེན ཨཱཡསྨཱ ཡསོཛོ གིལཱནོ ཧོཏི. ཏསྶཏྠཱཡ བྷེསཛྫཱནི ཨཱཧརིཡནྟི. ཏཱནི བྷིཀྑཱུ བཧི ཝཱསེནྟི. ཨུཀྐཔིཎྜིཀཱཔི ཁཱདནྟི, ཙོརཱཔི ཧརནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སམྨུཏིཾ ཀཔྤིཡབྷཱུམིཾ པརིབྷུཉྫིཏུཾ. ཨནུཛཱནཱམི, བྷིཀྑཝེ, ཙཏསྶོ ཀཔྤིཡབྷཱུམིཡོ – ཨུསྶཱཝནནྟིཀཾ གོནིསཱདིཀཾ གཧཔཏིཾ སམྨུཏིནྟི.

ཀཔྤིཡབྷཱུམིཨནུཛཱནནཱ ནིཊྛིཏཱ.

སཱིཧབྷཱཎཝཱརོ ནིཊྛིཏོ ཙཏུཏྠོ.

༡༨༠. མེཎྜཀགཧཔཏིཝཏྠུ

༢༩༦. ཏེན ཁོ པན སམཡེན བྷདྡིཡནགརེ མེཎྜཀོ གཧཔཏི པཊིཝསཏི. ཏསྶ ཨེཝརཱུཔོ ཨིདྡྷཱནུབྷཱཝོ ཧོཏི – སཱིསཾ ནཧཱཡིཏྭཱ དྷཉྙཱགཱརཾ སམྨཛྫཱཔེཏྭཱ བཧིདྭཱརེ ནིསཱིདཏི, ཨནྟལིཀྑཱ དྷཉྙསྶ དྷཱརཱ ཨོཔཏིཏྭཱ དྷཉྙཱགཱརཾ པཱུརེཏི. བྷརིཡཱཡ ཨེཝརཱུཔོ ཨིདྡྷཱནུབྷཱཝོ ཧོཏི – ཨེཀཾཡེཝ ཨཱལ༹ྷཀཐཱལིཀཾ ཨུཔནིསཱིདིཏྭཱ ཨེཀཉྩ སཱུཔབྷིཉྫནཀཾ [སཱུཔབྷིཉྫརཀཾ (སཱི.)] དཱསཀམྨཀརཔོརིསཾ བྷཏྟེན པརིཝིསཏི, ན ཏཱཝ ཏཾ ཁིཡྻཏི [ཁཱིཡཏི (སཱི. སྱཱ.)] ཡཱཝ སཱ ན ཝུཊྛཱཏི. པུཏྟསྶ ཨེཝརཱུཔོ ཨིདྡྷཱནུབྷཱཝོ ཧོཏི – ཨེཀཾཡེཝ སཧསྶཐཝིཀཾ གཧེཏྭཱ དཱསཀམྨཀརཔོརིསསྶ ཚམཱསིཀཾ ཝེཏནཾ དེཏི, ན ཏཱཝ ཏཾ ཁིཡྻཏི ཡཱཝསྶ ཧཏྠགཏཱ. སུཎིསཱཡ ཨེཝརཱུཔོ ཨིདྡྷཱནུབྷཱཝོ ཧོཏི – ཨེཀཾཡེཝ ཙཏུདོཎིཀཾ པིཊཀཾ ཨུཔནིསཱིདིཏྭཱ དཱསཀམྨཀརཔོརིསསྶ ཚམཱསིཀཾ བྷཏྟཾ དེཏི, ན ཏཱཝ ཏཾ ཁིཡྻཏི ཡཱཝ སཱ ན ཝུཊྛཱཏི. དཱསསྶ ཨེཝརཱུཔོ ཨིདྡྷཱནུབྷཱཝོ ཧོཏི – ཨེཀེན ནངྒལེན ཀསནྟསྶ སཏྟ སཱིཏཱཡོ གཙྪནྟི.

ཨསྶོསི ཁོ རཱཛཱ མཱགདྷོ སེནིཡོ བིམྦིསཱརོ – ‘‘ཨམྷཱཀཾ ཀིར ཝིཛིཏེ བྷདྡིཡནགརེ མེཎྜཀོ གཧཔཏི པཊིཝསཏི. ཏསྶ ཨེཝརཱུཔོ ཨིདྡྷཱནུབྷཱཝོ – སཱིསཾ ནཧཱཡིཏྭཱ དྷཉྙཱགཱརཾ སམྨཛྫཱཔེཏྭཱ བཧིདྭཱརེ ནིསཱིདཏི, ཨནྟལིཀྑཱ དྷཉྙསྶ དྷཱརཱ ཨོཔཏིཏྭཱ དྷཉྙཱགཱརཾ པཱུརེཏི. བྷརིཡཱཡ ཨེཝརཱུཔོ ཨིདྡྷཱནུབྷཱཝོ – ཨེཀཾཡེཝ ཨཱལ༹ྷཀཐཱལིཀཾ ཨུཔནིསཱིདིཏྭཱ ཨེཀཉྩ སཱུཔབྷིཉྫནཀཾ དཱསཀམྨཀརཔོརིསཾ བྷཏྟེན པརིཝིསཏི, ན ཏཱཝ ཏཾ ཁིཡྻཏི ཡཱཝ སཱ ན ཝུཊྛཱཏི. པུཏྟསྶ ཨེཝརཱུཔོ ཨིདྡྷཱནུབྷཱཝོ – ཨེཀཾཡེཝ སཧསྶཐཝིཀཾ གཧེཏྭཱ དཱསཀམྨཀརཔོརིསསྶ ཚམཱསིཀཾ ཝེཏནཾ དེཏི, ན ཏཱཝ ཏཾ ཁིཡྻཏི ཡཱཝསྶ ཧཏྠགཏཱ. སུཎིསཱཡ ཨེཝརཱུཔོ ཨིདྡྷཱནུབྷཱཝོ – ཨེཀཾཡེཝ ཙཏུདོཎིཀཾ པིཊཀཾ ཨུཔནིསཱིདིཏྭཱ དཱསཀམྨཀརཔོརིསསྶ ཚམཱསིཀཾ བྷཏྟཾ དེཏི, ན ཏཱཝ ཏཾ ཁིཡྻཏི ཡཱཝ སཱ ན ཝུཊྛཱཏི. དཱསསྶ ཨེཝརཱུཔོ ཨིདྡྷཱནུབྷཱཝོ – ཨེཀེན ནངྒལེན ཀསནྟསྶ སཏྟ སཱིཏཱཡོ གཙྪནྟཱི’’ཏི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཨཉྙཏརཾ སབྦཏྠཀཾ མཧཱམཏྟཾ ཨཱམནྟེསི – ‘‘ཨམྷཱཀཾ ཀིར, བྷཎེ, ཝིཛིཏེ བྷདྡིཡནགརེ མེཎྜཀོ གཧཔཏི པཊིཝསཏི. ཏསྶ ཨེཝརཱུཔོ ཨིདྡྷཱནུབྷཱཝོ – སཱིསཾ ནཧཱཡིཏྭཱ དྷཉྙཱགཱརཾ སམྨཛྫཱཔེཏྭཱ བཧིདྭཱརེ ནིསཱིདཏི, ཨནྟལིཀྑཱ དྷཉྙསྶ དྷཱརཱ ཨོཔཏིཏྭཱ དྷཉྙཱགཱརཾ པཱུརེཏི. བྷརིཡཱཡ…པེ… པུཏྟསྶ… སུཎིསཱཡ… དཱསསྶ ཨེཝརཱུཔོ ཨིདྡྷཱནུབྷཱཝོ, ཨེཀེན ནངྒལེན ཀསནྟསྶ སཏྟ སཱིཏཱཡོ གཙྪནྟཱིཏི. གཙྪ, བྷཎེ, ཛཱནཱཧི. ཡཐཱ མཡཱ སཱམཾ དིཊྛོ, ཨེཝཾ ཏཝ དིཊྛོ བྷཝིསྶཏཱི’’ཏི.

༢༩༧. ཨེཝཾ, དེཝཱཏི ཁོ སོ མཧཱམཏྟོ རཉྙོ མཱགདྷསྶ སེནིཡསྶ བིམྦིསཱརསྶ པཊིསྶུཎིཏྭཱ ཙཏུརངྒིནིཡཱ སེནཱཡ ཡེན བྷདྡིཡཾ ཏེན པཱཡཱསི. ཨནུཔུབྦེན ཡེན བྷདྡིཡཾ ཡེན མེཎྜཀོ གཧཔཏི ཏེནུཔསངྐམི; ཨུཔསངྐམིཏྭཱ མེཎྜཀཾ གཧཔཏིཾ ཨེཏདཝོཙ – ‘‘ཨཧཉྷི, གཧཔཏི, རཉྙཱ ཨཱཎཏྟོ ‘ཨམྷཱཀཾ ཀིར, བྷཎེ, ཝིཛིཏེ བྷདྡིཡནགརེ མེཎྜཀོ གཧཔཏི པཊིཝསཏི, ཏསྶ ཨེཝརཱུཔོ ཨིདྡྷཱནུབྷཱཝོ, སཱིསཾ ནཧཱཡིཏྭཱ…པེ… བྷརིཡཱཡ… པུཏྟསྶ… སུཎིསཱཡ… དཱསསྶ ཨེཝརཱུཔོ ཨིདྡྷཱནུབྷཱཝོ, ཨེཀེན ནངྒལེན ཀསནྟསྶ སཏྟ སཱིཏཱཡོ གཙྪནྟཱི’ཏི, གཙྪ, བྷཎེ, ཛཱནཱཧི. ཡཐཱ མཡཱ སཱམཾ དིཊྛོ, ཨེཝཾ ཏཝ དིཊྛོ བྷཝིསྶཏཱི’ཏི. པསྶཱམ ཏེ, གཧཔཏི, ཨིདྡྷཱནུབྷཱཝ’’ནྟི. ཨཐ ཁོ མེཎྜཀོ གཧཔཏི སཱིསཾ ནཧཱཡིཏྭཱ དྷཉྙཱགཱརཾ སམྨཛྫཱཔེཏྭཱ བཧིདྭཱརེ ནིསཱིདི, ཨནྟལིཀྑཱ དྷཉྙསྶ དྷཱརཱ ཨོཔཏིཏྭཱ དྷཉྙཱགཱརཾ པཱུརེསི. ‘‘དིཊྛོ ཏེ, གཧཔཏི, ཨིདྡྷཱནུབྷཱཝོ. བྷརིཡཱཡ ཏེ ཨིདྡྷཱནུབྷཱཝཾ པསྶིསྶཱམཱ’’ཏི. ཨཐ ཁོ མེཎྜཀོ གཧཔཏི བྷརིཡཾ ཨཱཎཱཔེསི – ‘‘ཏེན ཧི ཙཏུརངྒིནིཾ སེནཾ བྷཏྟེན པརིཝིསཱ’’ཏི. ཨཐ ཁོ མེཎྜཀསྶ གཧཔཏིསྶ བྷརིཡཱ ཨེཀཾཡེཝ ཨཱལ༹ྷཀཐཱལིཀཾ ཨུཔནིསཱིདིཏྭཱ ཨེཀཉྩ སཱུཔབྷིཉྫནཀཾ ཙཏུརངྒིནིཾ སེནཾ བྷཏྟེན པརིཝིསི, ན ཏཱཝ ཏཾ ཁིཡྻཏི, ཡཱཝ སཱ ན ཝུཊྛཱཏི. ‘‘དིཊྛོ ཏེ, གཧཔཏི, བྷརིཡཱཡཔི ཨིདྡྷཱནུབྷཱཝོ. པུཏྟསྶ ཏེ ཨིདྡྷཱནུབྷཱཝཾ པསྶིསྶཱམཱ’’ཏི. ཨཐ ཁོ མེཎྜཀོ གཧཔཏི པུཏྟཾ ཨཱཎཱཔེསི – ‘‘ཏེན ཧི ཙཏུརངྒིནིཡཱ སེནཱཡ ཚམཱསིཀཾ ཝེཏནཾ དེཧཱི’’ཏི. ཨཐ ཁོ མེཎྜཀསྶ གཧཔཏིསྶ པུཏྟོ ཨེཀཾཡེཝ སཧསྶཐཝིཀཾ གཧེཏྭཱ ཙཏུརངྒིནིཡཱ སེནཱཡ ཚམཱསིཀཾ ཝེཏནཾ ཨདཱསི, ན ཏཱཝ ཏཾ ཁིཡྻཏི, ཡཱཝསྶ ཧཏྠགཏཱ. ‘‘དིཊྛོ ཏེ, གཧཔཏི, པུཏྟསྶཔི ཨིདྡྷཱནུབྷཱཝོ. སུཎིསཱཡ ཏེ ཨིདྡྷཱནུབྷཱཝཾ པསྶིསྶཱམཱ’’ཏི. ཨཐ ཁོ མེཎྜཀོ གཧཔཏི སུཎིསཾ ཨཱཎཱཔེསི – ‘‘ཏེན ཧི ཙཏུརངྒིནིཡཱ སེནཱཡ ཚམཱསིཀཾ བྷཏྟཾ དེཧཱི’’ཏི. ཨཐ ཁོ མེཎྜཀསྶ གཧཔཏིསྶ སུཎིསཱ ཨེཀཾཡེཝ ཙཏུདོཎིཀཾ པིཊཀཾ ཨུཔནིསཱིདིཏྭཱ ཙཏུརངྒིནིཡཱ སེནཱཡ ཚམཱསིཀཾ བྷཏྟཾ ཨདཱསི, ན ཏཱཝ ཏཾ ཁིཡྻཏི ཡཱཝ སཱ ན ཝུཊྛཱཏི. ‘‘དིཊྛོ ཏེ, གཧཔཏི, སུཎིསཱཡཔི ཨིདྡྷཱནུབྷཱཝོ. དཱསསྶ ཏེ ཨིདྡྷཱནུབྷཱཝཾ པསྶིསྶཱམཱ’’ཏི. ‘‘མཡ྄ཧཾ ཁོ, སཱམི, དཱསསྶ ཨིདྡྷཱནུབྷཱཝོ ཁེཏྟེ པསྶིཏབྦོ’’ཏི. ‘‘ཨལཾ, གཧཔཏི, དིཊྛོ ཏེ དཱསསྶཔི ཨིདྡྷཱནུབྷཱཝོ’’ཏི. ཨཐ ཁོ སོ མཧཱམཏྟོ ཙཏུརངྒིནིཡཱ སེནཱཡ པུནདེཝ རཱཛགཧཾ པཙྩཱགཉྪི. ཡེན རཱཛཱ མཱགདྷོ སེནིཡོ བིམྦིསཱརོ ཏེནུཔསངྐམི; ཨུཔསངྐམིཏྭཱ རཉྙོ མཱགདྷསྶ སེནིཡསྶ བིམྦིསཱརསྶ ཨེཏམཏྠཾ ཨཱརོཙེསི.

༢༩༨. ཨཐ ཁོ བྷགཝཱ ཝེསཱལིཡཾ ཡཐཱབྷིརནྟཾ ཝིཧརིཏྭཱ ཡེན བྷདྡིཡཾ ཏེན ཙཱརིཀཾ པཀྐཱམི མཧཏཱ བྷིཀྑུསངྒྷེན སདྡྷིཾ ཨཌྜྷཏེལསེཧི བྷིཀྑུསཏེཧི. ཨཐ ཁོ བྷགཝཱ ཨནུཔུབྦེན ཙཱརིཀཾ ཙརམཱནོ ཡེན བྷདྡིཡཾ ཏདཝསརི. ཏཏྲ སུདཾ བྷགཝཱ བྷདྡིཡེ ཝིཧརཏི ཛཱཏིཡཱ ཝནེ. ཨསྶོསི ཁོ མེཎྜཀོ གཧཔཏི – ‘‘སམཎོ ཁལུ བྷོ གོཏམོ སཀྱཔུཏྟོ སཀྱཀུལཱ པབྦཛིཏོ བྷདྡིཡཾ ཨནུཔྤཏྟོ བྷདྡིཡེ ཝིཧརཏི ཛཱཏིཡཱ ཝནེ. ཏཾ ཁོ པན བྷགཝནྟཾ གོཏམཾ ཨེཝཾ ཀལྱཱཎོ ཀིཏྟིསདྡོ ཨབྦྷུགྒཏོ – ‘ཨིཏིཔི སོ བྷགཝཱ ཨརཧཾ སམྨཱསམྦུདྡྷོ ཝིཛྫཱཙརཎསམྤནྣོ སུགཏོ ལོཀཝིདཱུ ཨནུཏྟརོ པུརིསདམྨསཱརཐི སཏྠཱ དེཝམནུསྶཱནཾ བུདྡྷོ བྷགཝཱ’ [བྷགཝཱཏི (ཀ.)]. སོ ཨིམཾ ལོཀཾ སདེཝཀཾ སམཱརཀཾ སབྲཧྨཀཾ སསྶམཎབྲཱཧྨཎིཾ པཛཾ སདེཝམནུསྶཾ སཡཾ ཨབྷིཉྙཱ སཙྪིཀཏྭཱ པཝེདེཏི. སོ དྷམྨཾ དེསེཏི ཨཱདིཀལྱཱཎཾ མཛ྄ཛྷེཀལྱཱཎཾ པརིཡོསཱནཀལྱཱཎཾ སཱཏྠཾ སབྱཉྫནཾ ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ པཀཱསེཏི. སཱདྷུ ཁོ པན ཏཐཱརཱུཔཱནཾ ཨརཧཏཾ དསྶནཾ ཧོཏཱི’’ཏི. ཨཐ ཁོ མེཎྜཀོ གཧཔཏི བྷདྲཱནི བྷདྲཱནི ཡཱནཱནི ཡོཛཱཔེཏྭཱ བྷདྲཾ བྷདྲཾ ཡཱནཾ ཨབྷིརུཧིཏྭཱ བྷདྲེཧི བྷདྲེཧི ཡཱནེཧི བྷདྡིཡཱ ནིཡྻཱསི བྷགཝནྟཾ དསྶནཱཡ. ཨདྡསཾསུ ཁོ སམྦཧུལཱ ཏིཏྠིཡཱ མེཎྜཀཾ གཧཔཏིཾ དཱུརཏོཝ ཨཱགཙྪནྟཾ, དིསྭཱན མེཎྜཀཾ གཧཔཏིཾ ཨེཏདཝོཙུཾ – ‘‘ཀཧཾ ཏྭཾ, གཧཔཏི, གཙྪསཱི’’ཏི? ‘‘གཙྪཱམཧཾ, བྷནྟེ, བྷགཝནྟཾ [ཨིདཾ པདཾ སཱི. སྱཱ. པོཏྠཀེསུ ནཏྠི] སམཎཾ གོཏམཾ དསྶནཱཡཱ’’ཏི. ‘‘ཀིཾ པན ཏྭཾ, གཧཔཏི, ཀིརིཡཝཱདོ སམཱནོ ཨཀིརིཡཝཱདཾ སམཎཾ གོཏམཾ དསྶནཱཡ ཨུཔསངྐམིསྶསི? སམཎོ ཧི, གཧཔཏི, གོཏམོ ཨཀིརིཡཝཱདོ ཨཀིརིཡཱཡ དྷམྨཾ དེསེཏི, ཏེན ཙ སཱཝཀེ ཝིནེཏཱི’’ཏི. ཨཐ ཁོ མེཎྜཀསྶ གཧཔཏིསྶ ཨེཏདཧོསི – ‘‘ནིསྶཾསཡཾ, ཁོ སོ བྷགཝཱ ཨརཧཾ སམྨཱསམྦུདྡྷོ བྷཝིསྶཏི, ཡཐཡིམེ ཏིཏྠིཡཱ ཨུསཱུཡནྟཱི’’ཏི. ཡཱཝཏིཀཱ ཡཱནསྶ བྷཱུམི, ཡཱནེན གནྟྭཱ ཡཱནཱ པཙྩོརོཧིཏྭཱ པཏྟིཀོཝ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣསྶ ཁོ མེཎྜཀསྶ གཧཔཏིསྶ བྷགཝཱ ཨནུཔུབྦིཾ ཀཐཾ ཀཐེསི, སེཡྻཐིདཾ – དཱནཀཐཾ…པེ… ཨཔརཔྤཙྩཡོ སཏྠུསཱསནེ བྷགཝནྟཾ ཨེཏདཝོཙ – ‘‘ཨབྷིཀྐནྟཾ, བྷནྟེ…པེ… ཨུཔཱསཀཾ མཾ བྷགཝཱ དྷཱརེཏུ ཨཛྫཏགྒེ པཱཎུཔེཏཾ སརཎཾ གཏཾ. ཨདྷིཝཱསེཏུ ཙ མེ, བྷནྟེ, བྷགཝཱ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ཁོ མེཎྜཀོ གཧཔཏི བྷགཝཏོ ཨདྷིཝཱསནཾ ཝིདིཏྭཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི.

ཨཐ ཁོ མེཎྜཀོ གཧཔཏི ཏསྶཱ རཏྟིཡཱ ཨཙྩཡེན པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ བྷགཝཏོ ཀཱལཾ ཨཱརོཙཱཔེསི – ‘‘ཀཱལོ, བྷནྟེ, ནིཊྛིཏཾ བྷཏྟ’’ནྟི. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན མེཎྜཀསྶ གཧཔཏིསྶ ནིཝེསནཾ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི སདྡྷིཾ བྷིཀྑུསངྒྷེན. ཨཐ ཁོ མེཎྜཀསྶ གཧཔཏིསྶ བྷརིཡཱ ཙ པུཏྟོ ཙ སུཎིསཱ ཙ དཱསོ ཙ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཏེསཾ བྷགཝཱ ཨནུཔུབྦིཾ ཀཐཾ ཀཐེསི, སེཡྻཐིདཾ – དཱནཀཐཾ…པེ… ཨཔརཔྤཙྩཡཱ སཏྠུསཱསནེ བྷགཝནྟཾ ཨེཏདཝོཙུཾ – ‘‘ཨབྷིཀྐནྟཾ, བྷནྟེ…པེ… ཨེཏེ མཡཾ, བྷནྟེ, བྷགཝནྟཾ སརཎཾ གཙྪཱམ དྷམྨཉྩ བྷིཀྑུསངྒྷཉྩ. ཨུཔཱསཀེ ནོ བྷགཝཱ དྷཱརེཏུ ཨཛྫཏགྒེ པཱཎུཔེཏེ སརཎཾ གཏེ’’ཏི. ཨཐ ཁོ མེཎྜཀོ གཧཔཏི བུདྡྷཔྤམུཁཾ བྷིཀྑུསངྒྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེཏྭཱ སམྤཝཱརེཏྭཱ བྷགཝནྟཾ བྷུཏྟཱཝིཾ ཨོནཱིཏཔཏྟཔཱཎིཾ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ མེཎྜཀོ གཧཔཏི བྷགཝནྟཾ ཨེཏདཝོཙ – ‘‘ཡཱཝ, བྷནྟེ, བྷགཝཱ བྷདྡིཡེ ཝིཧརཏི ཏཱཝ ཨཧཾ བུདྡྷཔྤམུཁསྶ བྷིཀྑུསངྒྷསྶ དྷུཝབྷཏྟེནཱ’’ཏི. ཨཐ ཁོ བྷགཝཱ མེཎྜཀཾ གཧཔཏིཾ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ པཀྐཱམི.

མེཎྜཀགཧཔཏིཝཏྠ ནིཊྛིཏཾ.

༡༨༡. པཉྩགོརསཱདིཨནུཛཱནནཱ

༢༩༩. ཨཐ ཁོ བྷགཝཱ བྷདྡིཡེ ཡཐཱབྷིརནྟཾ ཝིཧརིཏྭཱ མེཎྜཀཾ གཧཔཏིཾ ཨནཱཔུཙྪཱ ཡེན ཨངྒུཏྟརཱཔོ ཏེན ཙཱརིཀཾ པཀྐཱམི མཧཏཱ བྷིཀྑུསངྒྷེན སདྡྷིཾ ཨཌྜྷཏེལསེཧི བྷིཀྑུསཏེཧི. ཨསྶོསི ཁོ མེཎྜཀོ གཧཔཏི – ‘‘བྷགཝཱ ཀིར ཡེན ཨངྒུཏྟརཱཔོ ཏེན ཙཱརིཀཾ པཀྐནྟོ མཧཏཱ བྷིཀྑུསངྒྷེན སདྡྷིཾ ཨཌྜྷཏེལསེཧི བྷིཀྑུསཏེཧཱི’’ཏི. ཨཐ ཁོ མེཎྜཀོ གཧཔཏི དཱསེ ཙ ཀམྨཀརེ ཙ ཨཱཎཱཔེསི – ‘‘ཏེན ཧི, བྷཎེ, བཧུཾ ལོཎམྤི, ཏེལམྤི, ཏཎྜུལམྤི, ཁཱདནཱིཡམྤི སཀཊེསུ ཨཱརོཔེཏྭཱ ཨཱགཙྪཐ, ཨཌྜྷཏེལསཱནི ཙ གོཔཱལཀསཏཱནི ཨཌྜྷཏེལསཱནི ཙ དྷེནུསཏཱནི ཨཱདཱཡ ཨཱགཙྪནྟུ, ཡཏྠ བྷགཝནྟཾ པསྶིསྶཱམ ཏཏྠ ཏརུཎེན [དྷཱརུཎྷེན (སཱི. སྱཱ.)] ཁཱིརེན བྷོཛེསྶཱམཱ’’ཏི. ཨཐ ཁོ མེཎྜཀོ གཧཔཏི བྷགཝནྟཾ ཨནྟརཱམགྒེ ཀནྟཱརེ སམྦྷཱཝེསི. ཨཐ ཁོ མེཎྜཀོ གཧཔཏི ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏོ ཁོ མེཎྜཀོ གཧཔཏི བྷགཝནྟཾ ཨེཏདཝོཙ – ‘‘ཨདྷིཝཱསེཏུ མེ, བྷནྟེ, བྷགཝཱ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ཁོ མེཎྜཀོ གཧཔཏི བྷགཝཏོ ཨདྷིཝཱསནཾ ཝིདིཏྭཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི.

ཨཐ ཁོ མེཎྜཀོ གཧཔཏི ཏསྶཱ རཏྟིཡཱ ཨཙྩཡེན པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ བྷགཝཏོ ཀཱལཾ ཨཱརོཙཱཔེསི – ‘‘ཀཱལོ, བྷནྟེ, ནིཊྛིཏཾ བྷཏྟ’’ནྟི. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན མེཎྜཀསྶ གཧཔཏིསྶ པརིཝེསནཱ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི སདྡྷིཾ བྷིཀྑུསངྒྷེན. ཨཐ ཁོ མེཎྜཀོ གཧཔཏི ཨཌྜྷཏེལསཱནི གོཔཱལཀསཏཱནི ཨཱཎཱཔེསི – ‘‘ཏེནཧི, བྷཎེ, ཨེཀམེཀཾ དྷེནུཾ གཧེཏྭཱ ཨེཀམེཀསྶ བྷིཀྑུནོ ཨུཔཏིཊྛཐ ཏརུཎེན ཁཱིརེན བྷོཛེསྶཱམཱ’’ཏི. ཨཐ ཁོ མེཎྜཀོ གཧཔཏི བུདྡྷཔྤམུཁཾ བྷིཀྑུསངྒྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེསི སམྤཝཱརེསི, ཏརུཎེན ཙ ཁཱིརེན. བྷིཀྑཱུ ཀུཀྐུཙྩཱཡནྟཱ ཁཱིརཾ ན པཊིགྒཎྷནྟི. པཊིགྒཎྷཐ, བྷིཀྑཝེ, པརིབྷུཉྫཐཱཏི. ཨཐ ཁོ མེཎྜཀོ གཧཔཏི བུདྡྷཔྤམུཁཾ བྷིཀྑུསངྒྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེཏྭཱ སམྤཝཱརེཏྭཱ ཏརུཎེན ཙ ཁཱིརེན བྷགཝནྟཾ བྷུཏྟཱཝིཾ ཨོནཱིཏཔཏྟཔཱཎིཾ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ མེཎྜཀོ གཧཔཏི བྷགཝནྟཾ ཨེཏདཝོཙ – ‘‘སནྟི, བྷནྟེ, མགྒཱ ཀནྟཱརཱ, ཨཔྤོདཀཱ ཨཔྤབྷཀྑཱ, ན སུཀརཱ ཨཔཱཐེཡྻེན གནྟུཾ. སཱདྷུ, བྷནྟེ, བྷགཝཱ བྷིཀྑཱུནཾ པཱཐེཡྻཾ ཨནུཛཱནཱཏཱུ’’ཏི. ཨཐ ཁོ བྷགཝཱ མེཎྜཀཾ གཧཔཏིཾ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, པཉྩ གོརསེ – ཁཱིརཾ, དདྷིཾ, ཏཀྐཾ, ནཝནཱིཏཾ, སཔྤིཾ. སནྟི, བྷིཀྑཝེ, མགྒཱ ཀནྟཱརཱ ཨཔྤོདཀཱ ཨཔྤབྷཀྑཱ, ན སུཀརཱ ཨཔཱཐེཡྻེན གནྟུཾ. ཨནུཛཱནཱམི, བྷིཀྑཝེ, པཱཐེཡྻཾ པརིཡེསིཏུཾ ཏཎྜུལོ ཏཎྜུལཏྠིཀེན, མུགྒོ མུགྒཏྠིཀེན, མཱསོ མཱསཏྠིཀེན, ལོཎཾ ལོཎཏྠིཀེན, གུལོ༹ གུལ༹ཏྠིཀེན, ཏེལཾ ཏེལཏྠིཀེན, སཔྤི སཔྤིཏྠིཀེན. སནྟི, བྷིཀྑཝེ, མནུསྶཱ, སདྡྷཱ པསནྣཱ, ཏེ ཀཔྤིཡཀཱརཀཱནཾ ཧཏྠེ ཧིརཉྙཾ ཨུཔནིཀྑིཔནྟི – ‘ཨིམིནཱ ཨཡྻསྶ ཡཾ ཀཔྤིཡཾ ཏཾ དེཐཱ’ཏི. ཨནུཛཱནཱམི, བྷིཀྑཝེ, ཡཾ ཏཏོ ཀཔྤིཡཾ ཏཾ སཱདིཏུཾ; ན ཏྭེཝཱཧཾ, བྷིཀྑཝེ, ཀེནཙི པརིཡཱཡེན ཛཱཏརཱུཔརཛཏཾ སཱདིཏབྦཾ པརིཡེསིཏབྦནྟི ཝདཱམཱི’’ཏི.

པཉྩགོརསཱདིཨནུཛཱནནཱ ནིཊྛིཏཱ.

༡༨༢. ཀེཎིཡཛཊིལཝཏྠུ

༣༠༠. [མ. ནི. ༢.༣༩༦ ཨཱདཡོ; སུ. ནི. སེལསུཏྟམྤི པསྶིཏབྦཾ] ཨཐ ཁོ བྷགཝཱ ཨནུཔུབྦེན ཙཱརིཀཾ ཙརམཱནོ ཡེན ཨཱཔཎཾ ཏདཝསརི. ཨསྶོསི ཁོ ཀེཎིཡོ ཛཊིལོ – ‘‘སམཎོ ཁལུ བྷོ གོཏམོ སཀྱཔུཏྟོ སཀྱཀུལཱ པབྦཛིཏོ ཨཱཔཎཾ ཨནུཔྤཏྟོ, ཏཾ ཁོ པན བྷཝནྟཾ གོཏམཾ ཨེཝཾ ཀལྱཱཎོ ཀིཏྟིསདྡོ ཨབྦྷུགྒཏོ…པེ… སཱདྷུ ཁོ པན ཏཐཱརཱུཔཱནཾ ཨརཧཏཾ དསྶནཾ ཧོཏཱི’’ཏི. ཨཐ ཁོ ཀེཎིཡསྶ ཛཊིལསྶ ཨེཏདཧོསི – ‘‘ཀིཾ ནུ ཁོ ཨཧཾ སམཎསྶ གོཏམསྶ ཧརཱཔེཡྻ’’ནྟི. ཨཐ ཁོ ཀེཎིཡསྶ ཛཊིལསྶ ཨེཏདཧོསི – ‘‘ཡེཔི ཁོ ཏེ བྲཱཧྨཎཱནཾ [ཨཡཾ པཱཋོ དཱི. ནི. ༡.༢༨༥, ༥༢༦, ༥༣༦; མ. ནི. ༢.༤༢༧; ཨ. ནི. ༥.༡༩༡-༡༩༢ ཨཱདཡོ] པུབྦཀཱ ཨིསཡོ མནྟཱནཾ ཀཏྟཱརོ མནྟཱནཾ པཝཏྟཱརོ, ཡེསམིདཾ ཨེཏརཧི བྲཱཧྨཎཱ པོརཱཎཾ མནྟཔདཾ གཱིཏཾ པཝུཏྟཾ སམིཧིཏཾ, ཏདནུགཱཡནྟི ཏདནུབྷཱསནྟི, བྷཱསིཏམནུབྷཱསནྟི, ཝཱཙིཏམནུཝཱཙེནྟི, སེཡྻཐིདཾ – ཨཊྛཀོ ཝཱམཀོ ཝཱམདེཝོ ཝེསྶཱམིཏྟོ ཡམཏགྒི [ཡམདགྒི (ཀ.)] ཨངྒཱིརསོ བྷཱརདྭཱཛོ ཝཱསེཊྛོ ཀསྶཔོ བྷགུ [ཨཡཾ པཱཋོ དཱི. ནི. ༡.༢༨༥, ༥༢༦, ༥༣༦; མ. ནི. ༢.༤༢༧; ཨ. ནི. ༥.༡༩༡-༡༩༢ ཨཱདཡོ], རཏྟཱུཔརཏཱ ཝིརཏཱ ཝིཀཱལབྷོཛནཱ, ཏེ ཨེཝརཱུཔཱནི པཱནཱནི སཱདིཡིཾསུ. སམཎོཔི གོཏམོ རཏྟཱུཔརཏོ ཝིརཏོ ཝིཀཱལབྷོཛནཱ, ཨརཧཏི སམཎོཔི གོཏམོ ཨེཝརཱུཔཱནི པཱནཱནི སཱདིཡིཏུ’’ནྟི པཧཱུཏཾ པཱནཾ པཊིཡཱདཱཔེཏྭཱ ཀཱཛེཧི གཱཧཱཔེཏྭཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝཏཱ སདྡྷིཾ སམྨོདི; སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏོ ཁོ ཀེཎིཡོ ཛཊིལོ བྷགཝནྟཾ ཨེཏདཝོཙ – ‘‘པཊིགྒཎྷཱཏུ མེ བྷཝཾ གོཏམོ པཱན’’ནྟི. ཏེན ཧི, ཀེཎིཡ, བྷིཀྑཱུནཾ དེཧཱིཏི. ཨཐ ཁོ ཀེཎིཡོ ཛཊིལོ བྷིཀྑཱུནཾ དེཏི. བྷིཀྑཱུ ཀུཀྐུཙྩཱཡནྟཱ ན པཊིགྒཎྷནྟི. པཊིགྒཎྷཐ, བྷིཀྑཝེ, པརིབྷུཉྫཐཱཏི. ཨཐ ཁོ ཀེཎིཡོ ཛཊིལོ བུདྡྷཔྤམུཁཾ བྷིཀྑུསངྒྷཾ པཧཱུཏེཧི པཱནེཧི སཧཏྠཱ སནྟཔྤེཏྭཱ སམྤཝཱརེཏྭཱ བྷགཝནྟཾ དྷོཏཧཏྠཾ ཨོནཱིཏཔཏྟཔཱཎིཾ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཀེཎིཡཾ ཛཊིལཾ བྷགཝཱ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ ཀེཎིཡོ ཛཊིལོ བྷགཝཏཱ དྷམྨིཡཱ ཀཐཱཡ སནྡསྶིཏོ སམཱདཔིཏོ སམུཏྟེཛིཏོ སམྤཧཾསིཏོ བྷགཝནྟཾ ཨེཏདཝོཙ – ‘‘ཨདྷིཝཱསེཏུ མེ བྷཝཾ གོཏམོ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’ཏི. མཧཱ ཁོ, ཀེཎིཡ, བྷིཀྑུསངྒྷོ ཨཌྜྷཏེལསཱནི བྷིཀྑུསཏཱནི, ཏྭཉྩ བྲཱཧྨཎེསུ ཨབྷིཔྤསནྣོཏི. དུཏིཡམྤི ཁོ ཀེཎིཡོ ཛཊིལོ བྷགཝནྟཾ ཨེཏདཝོཙ – ‘‘ཀིཉྩཱཔི ཁོ, བྷོ གོཏམ, མཧཱ བྷིཀྑུསངྒྷོ ཨཌྜྷཏེལསཱནི བྷིཀྑུསཏཱནི, ཨཧཉྩ བྲཱཧྨཎེསུ ཨབྷིཔྤསནྣོ, ཨདྷིཝཱསེཏུ མེ བྷཝཾ གོཏམོ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’ཏི. མཧཱ ཁོ, ཀེཎིཡ, བྷིཀྑུསངྒྷོ ཨཌྜྷཏེལསཱནི བྷིཀྑུསཏཱནི, ཏྭཉྩ བྲཱཧྨཎེསུ ཨབྷིཔྤསནྣོཏི. ཏཏིཡམྤི ཁོ ཀེཎིཡོ ཛཊིལོ བྷགཝནྟཾ ཨེཏདཝོཙ – ‘‘ཀིཉྩཱཔི ཁོ, བྷོ གོཏམ, མཧཱ བྷིཀྑུསངྒྷོ ཨཌྜྷཏེལསཱནི བྷིཀྑུསཏཱནི, ཨཧཉྩ བྲཱཧྨཎེསུ ཨབྷིཔྤསནྣོ, ཨདྷིཝཱསེཏུ བྷཝཾ གོཏམོ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ཁོ ཀེཎིཡོ ཛཊིལོ བྷགཝཏོ ཨདྷིཝཱསནཾ ཝིདིཏྭཱ ཨུཊྛཱཡཱསནཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཨཊྛ པཱནཱནི – ཨམྦཔཱནཾ ཛམྦུཔཱནཾ ཙོཙཔཱནཾ མོཙཔཱནཾ མདྷཱུཀཔཱནཾ [མདྷུཔཱནཾ (སཱི. སྱཱ.)] མུདྡིཀཔཱནཾ སཱལཱུཀཔཱནཾ ཕཱརུསཀཔཱནཾ. ཨནུཛཱནཱམི, བྷིཀྑཝེ, སབྦཾ ཕལརསཾ ཋཔེཏྭཱ དྷཉྙཕལརསཾ. ཨནུཛཱནཱམི, བྷིཀྑཝེ, སབྦཾ པཏྟརསཾ ཋཔེཏྭཱ ཌཱཀརསཾ. ཨནུཛཱནཱམི, བྷིཀྑཝེ, སབྦཾ པུཔྥརསཾ ཋཔེཏྭཱ མདྷཱུཀཔུཔྥརསཾ. ཨནུཛཱནཱམི, བྷིཀྑཝེ, ཨུཙྪུརས’’ནྟི.

ཨཐ ཁོ ཀེཎིཡོ ཛཊིལོ ཏསྶཱ རཏྟིཡཱ ཨཙྩཡེན སཀེ ཨསྶམེ པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ བྷགཝཏོ ཀཱལཾ ཨཱརོཙཱཔེསི – ‘‘ཀཱལོ, བྷོ གོཏམ, ནིཊྛིཏཾ བྷཏྟ’’ནྟི. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན ཀེཎིཡསྶ ཛཊིལསྶ ཨསྶམོ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི སདྡྷིཾ བྷིཀྑུསངྒྷེན. ཨཐ ཁོ ཀེཎིཡོ ཛཊིལོ བུདྡྷཔྤམུཁཾ བྷིཀྑུསངྒྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེཏྭཱ སམྤཝཱརེཏྭཱ བྷགཝནྟཾ བྷུཏྟཱཝིཾ ཨོནཱིཏཔཏྟཔཱཎིཾ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཀེཎིཡཾ ཛཊིལཾ བྷགཝཱ ཨིམཱཧི གཱཐཱཧི ཨནུམོདི –

‘‘ཨགྒིཧུཏྟམུཁཱ ཡཉྙཱ, སཱཝིཏྟཱི ཚནྡསོ མུཁཾ;

རཱཛཱ མུཁཾ མནུསྶཱནཾ, ནདཱིནཾ སཱགརོ མུཁཾ.

‘‘ནཀྑཏྟཱནཾ མུཁཾ ཙནྡོ, ཨཱདིཙྩོ ཏཔཏཾ མུཁཾ;

པུཉྙཾ ཨཱཀངྑམཱནཱནཾ སངྒྷོ, ཝེ ཡཛཏཾ མུཁ’’ནྟི.

ཨཐ ཁོ བྷགཝཱ ཀེཎིཡཾ ཛཊིལཾ ཨིམཱཧི གཱཐཱཧི ཨནུམོདིཏྭཱ ཨུཊྛཱཡཱསནཱ པཀྐཱམི.

ཀེཎིཡཛཊིལཝཏྠུ ནིཊྛིཏཾ.

༡༨༣. རོཛམལླཝཏྠུ

༣༠༡. ཨཐ ཁོ བྷགཝཱ ཨཱཔཎེ ཡཐཱབྷིརནྟཾ ཝིཧརིཏྭཱ ཡེན ཀུསིནཱརཱ ཏེན ཙཱརིཀཾ པཀྐཱམི མཧཏཱ བྷིཀྑུསངྒྷེན སདྡྷིཾ ཨཌྜྷཏེལསེཧི བྷིཀྑུསཏེཧི. ཨསྶོསུཾ ཁོ ཀོསིནཱརཀཱ མལླཱ – ‘‘བྷགཝཱ ཀིར ཀུསིནཱརཾ ཨཱགཙྪཏི མཧཏཱ བྷིཀྑུསངྒྷེན སདྡྷིཾ ཨཌྜྷཏེལསེཧི བྷིཀྑུསཏེཧཱི’’ཏི. ཏེ སངྒརཾ [སངྐརཾ (ཀ.)] ཨཀཾསུ – ‘‘ཡོ བྷགཝཏོ པཙྩུགྒམནཾ ན ཀརིསྶཏི, པཉྩསཏཱནིསྶ དཎྜོ’’ཏི. ཏེན ཁོ པན སམཡེན རོཛོ མལློ ཨཱཡསྨཏོ ཨཱནནྡསྶ སཧཱཡོ ཧོཏི. ཨཐ ཁོ བྷགཝཱ ཨནུཔུབྦེན ཙཱརིཀཾ ཙརམཱནོ ཡེན ཀུསིནཱརཱ ཏདཝསརི. ཨཐ ཁོ ཀོསིནཱརཀཱ མལླཱ བྷགཝཏོ པཙྩུགྒམནཾ ཨཀཾསུ. ཨཐ ཁོ རོཛོ མལློ བྷགཝཏོ པཙྩུགྒམནཾ ཀརིཏྭཱ ཡེནཱཡསྨཱ ཨཱནནྡོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ ཨཱནནྡཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏཾ ཁོ རོཛཾ མལླཾ ཨཱཡསྨཱ ཨཱནནྡོ ཨེཏདཝོཙ – ‘‘ཨུལཱ༹རཾ ཁོ ཏེ ཨིདཾ, ཨཱཝུསོ རོཛ, ཡཾ ཏྭཾ བྷགཝཏོ པཙྩུགྒམནཾ ཨཀཱསཱི’’ཏི. ‘‘ནཱཧཾ, བྷནྟེ ཨཱནནྡ, བཧུཀཏོ བུདྡྷེ ཝཱ དྷམྨེ ཝཱ སངྒྷེ ཝཱ; ཨཔི ཙ ཉཱཏཱིཧི སངྒརོ ཀཏོ – ‘ཡོ བྷགཝཏོ པཙྩུགྒམནཾ ན ཀརིསྶཏི, པཉྩསཏཱནིསྶ དཎྜོ’’’ཏི; སོ ཁོ ཨཧཾ, བྷནྟེ ཨཱནནྡ, ཉཱཏཱིནཾ དཎྜབྷཡཱ ཨེཝཱཧཾ བྷགཝཏོ པཙྩུགྒམནཾ ཨཀཱསིནྟི. ཨཐ ཁོ ཨཱཡསྨཱ ཨཱནནྡོ ཨནཏྟམནོ ཨཧོསི’ ཀཐཉྷི ནཱམ རོཛོ མལློ ཨེཝཾ ཝཀྑཏཱི’ཏི? ཨཐ ཁོ ཨཱཡསྨཱ ཨཱནནྡོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ – ‘‘ཨཡཾ, བྷནྟེ, རོཛོ མལློ ཨབྷིཉྙཱཏོ ཉཱཏམནུསྶོ. མཧཏྠིཀོ ཁོ པན ཨེཝརཱུཔཱནཾ ཉཱཏམནུསྶཱནཾ ཨིམསྨིཾ དྷམྨཝིནཡེ པསཱདོ. སཱདྷུ, བྷནྟེ, བྷགཝཱ ཏཐཱ ཀརོཏུ, ཡཐཱ རོཛོ མལློ ཨིམསྨིཾ དྷམྨཝིནཡེ པསཱིདེཡྻཱ’’ཏི. ‘‘ན ཁོ ཏཾ, ཨཱནནྡ, དུཀྐརཾ ཏཐཱགཏེན, ཡཐཱ རོཛོ མལློ ཨིམསྨིཾ དྷམྨཝིནཡེ པསཱིདེཡྻཱ’’ཏི.

ཨཐ ཁོ བྷགཝཱ རོཛཾ མལླཾ མེཏྟེན ཙིཏྟེན ཕརིཏྭཱ ཨུཊྛཱཡཱསནཱ ཝིཧཱརཾ པཱཝིསི. ཨཐ ཁོ རོཛོ མལློ བྷགཝཏོ མེཏྟེན ཙིཏྟེན ཕུཊྛོ, སེཡྻཐཱཔི ནཱམ གཱཝིཾ ཏརུཎཝཙྪོ, ཨེཝམེཝ, ཝིཧཱརེན ཝིཧཱརཾ པརིཝེཎེན པརིཝེཎཾ ཨུཔསངྐམིཏྭཱ བྷིཀྑཱུ པུཙྪཏི – ‘‘ཀཧཾ ནུ ཁོ, བྷནྟེ, ཨེཏརཧི སོ བྷགཝཱ ཝིཧརཏི ཨརཧཾ སམྨཱསམྦུདྡྷོ, དསྶནཀཱམཱ ཧི མཡཾ ཏཾ བྷགཝནྟཾ ཨརཧནྟཾ སམྨཱསམྦུདྡྷ’’ནྟི. ‘‘ཨེསཱཝུསོ རོཛ, ཝིཧཱརོ སཾཝུཏདྭཱརོ, ཏེན ཨཔྤསདྡོ ཨུཔསངྐམིཏྭཱ ཨཏརམཱནོ ཨཱལི༹ནྡཾ པཝིསིཏྭཱ ཨུཀྐཱསིཏྭཱ ཨགྒལ༹ཾ ཨཱཀོཊེཧི, ཝིཝརིསྶཏི ཏེ བྷགཝཱ དྭཱར’’ནྟི. ཨཐ ཁོ རོཛོ མལློ ཡེན སོ ཝིཧཱརོ སཾཝུཏདྭཱརོ, ཏེན ཨཔྤསདྡོ ཨུཔསངྐམིཏྭཱ ཨཏརམཱནོ ཨཱལི༹ནྡཾ པཝིསིཏྭཱ ཨུཀྐཱསིཏྭཱ ཨགྒལ༹ཾ ཨཱཀོཊེསི. ཝིཝརི བྷགཝཱ དྭཱརཾ. ཨཐ ཁོ རོཛོ མལློ ཝིཧཱརཾ པཝིསིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣསྶ ཁོ རོཛསྶ མལླསྶ བྷགཝཱ ཨནུཔུབྦིཾ ཀཐཾ ཀཐེསི, སེཡྻཐིདཾ – དཱནཀཐཾ…པེ… ཨཔརཔྤཙྩཡོ སཏྠུསཱསནེ བྷགཝནྟཾ ཨེཏདཝོཙ – ‘‘སཱདྷུ, བྷནྟེ, ཨཡྻཱ མམཉྙེཝ པཊིགྒཎྷེཡྻུཾ ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརཾ, ནོ ཨཉྙེས’’ནྟི. ‘‘ཡེསཾ ཁོ, རོཛ, སེཀྑེན ཉཱཎེན སེཀྑེན དསྶནེན དྷམྨོ དིཊྛོ སེཡྻཐཱཔི ཏཡཱ, ཏེསམྤི ཨེཝཾ ཧོཏི – ‘ཨཧོ ནཱུན ཨཡྻཱ ཨམྷཱཀཉྙེཝ པཊིགྒཎྷེཡྻུཾ ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརཾ, ནོ ཨཉྙེས’ནྟི. ཏེན ཧི, རོཛ, ཏཝ ཙེཝ པཊིགྒཧིསྶནྟི ཨཉྙེསཉྩཱ’’ཏི.

༣༠༢. ཏེན ཁོ པན སམཡེན ཀུསིནཱརཱཡཾ པཎཱིཏཱནཾ བྷཏྟཱནཾ བྷཏྟཔཊིཔཱཊི ཨཊྛིཏཱ ཧོཏི. ཨཐ ཁོ རོཛསྶ མལླསྶ པཊིཔཱཊིཾ ཨལབྷནྟསྶ ཨེཏདཧོསི – ‘‘ཡཾནཱུནཱཧཾ བྷཏྟགྒཾ ཨོལོཀེཡྻཾ, ཡཾ བྷཏྟགྒེ ནཱསྶ, ཏཾ པཊིཡཱདེཡྻ’’ནྟི. ཨཐ ཁོ རོཛོ མལློ བྷཏྟགྒཾ ཨོལོཀེནྟོ དྭེ ནཱདྡས – ཌཱཀཉྩ པིཊྛཁཱདནཱིཡཉྩ. ཨཐ ཁོ རོཛོ མལློ ཡེནཱཡསྨཱ ཨཱནནྡོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ ཨཱནནྡཾ ཨེཏདཝོཙ – ‘‘ཨིདྷ མེ, བྷནྟེ ཨཱནནྡ, པཊིཔཱཊིཾ ཨལབྷནྟསྶ ཨེཏདཧོསི – ‘ཡཾནཱུནཱཧཾ བྷཏྟགྒཾ ཨོལོཀེཡྻཾ, ཡཾ བྷཏྟགྒེ ནཱསྶ, ཏཾ པཊིཡཱདེཡྻ’ནྟི. སོ ཁོ ཨཧཾ, བྷནྟེ ཨཱནནྡ, བྷཏྟགྒཾ ཨོལོཀེནྟོ དྭེ ནཱདྡསཾ – ཌཱཀཉྩ པིཊྛཁཱདནཱིཡཉྩ. སཙཱཧཾ, བྷནྟེ ཨཱནནྡ, པཊིཡཱདེཡྻཾ ཌཱཀཉྩ པིཊྛཁཱདནཱིཡཉྩ, པཊིགྒཎྷེཡྻ མེ བྷགཝཱ’’ཏི? ‘‘ཏེན ཧི, རོཛ, བྷགཝནྟཾ པཊིཔུཙྪིསྶཱམཱི’’ཏི. ཨཐ ཁོ ཨཱཡསྨཱ ཨཱནནྡོ བྷགཝཏོ ཨེཏམཏྠཾ ཨཱརོཙེསི. ‘‘ཏེན ཧཱནནྡ, པཊིཡཱདེཏཱུ’’ཏི. ‘‘ཏེན ཧི, རོཛ, པཊིཡཱདེཧཱི’’ཏི. ཨཐ ཁོ རོཛོ མལློ ཏསྶཱ རཏྟིཡཱ ཨཙྩཡེན པཧཱུཏཾ ཌཱཀཉྩ པིཊྛཁཱདནཱིཡཉྩ པཊིཡཱདཱཔེཏྭཱ བྷགཝཏོ ཨུཔནཱམེསི ‘‘པཊིགྒཎྷཱཏུ མེ, བྷནྟེ, བྷགཝཱ ཌཱཀཉྩ པིཊྛཁཱདནཱིཡཉྩཱ’’ཏི. ‘‘ཏེན ཧི, རོཛ, བྷིཀྑཱུནཾ དེཧཱི’’ཏི. ཨཐ ཁོ རོཛོ མལློ བྷིཀྑཱུནཾ དེཏི. བྷིཀྑཱུ ཀུཀྐུཙྩཱཡནྟཱ ན པཊིགྒཎྷནྟི. ‘‘པཊིགྒཎྷཐ, བྷིཀྑཝེ, པརིབྷུཉྫཐཱ’’ཏི. ཨཐ ཁོ རོཛོ མལློ བུདྡྷཔྤམུཁཾ བྷིཀྑུསངྒྷཾ པཧཱུཏེཧི ཌཱཀེཧི ཙ པིཊྛཁཱདནཱིཡེཧི ཙ སཧཏྠཱ སནྟཔྤེཏྭཱ སམྤཝཱརེཏྭཱ བྷགཝནྟཾ དྷོཏཧཏྠཾ ཨོནཱིཏཔཏྟཔཱཎིཾ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ རོཛཾ མལླཾ བྷགཝཱ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, སབྦཉྩ ཌཱཀཾ སབྦཉྩ པིཊྛཁཱདནཱིཡ’’ནྟི.

རོཛམལླཝཏྠུ ནིཊྛིཏཾ.

༡༨༤. ཝུཌྜྷཔབྦཛིཏཝཏྠུ

༣༠༣. ཨཐ ཁོ བྷགཝཱ ཀུསིནཱརཱཡཾ ཡཐཱབྷིརནྟཾ ཝིཧརིཏྭཱ ཡེན ཨཱཏུམཱ ཏེན ཙཱརིཀཾ པཀྐཱམི མཧཏཱ བྷིཀྑུསངྒྷེན སདྡྷིཾ ཨཌྜྷཏེལསེཧི བྷིཀྑུསཏེཧི. ཏེན ཁོ པན སམཡེན ཨཉྙཏརོ ཝུཌྜྷཔབྦཛིཏོ ཨཱཏུམཱཡཾ པཊིཝསཏི ནཧཱཔིཏཔུབྦོ. ཏསྶ དྭེ དཱརཀཱ ཧོནྟི, མཉྫུཀཱ པཊིབྷཱནེཡྻཀཱ, དཀྑཱ པརིཡོདཱཏསིཔྤཱ སཀེ ཨཱཙརིཡཀེ ནཧཱཔིཏཀམྨེ. ཨསྶོསི ཁོ སོ ཝུཌྜྷཔབྦཛིཏོ – ‘‘བྷགཝཱ ཀིར ཨཱཏུམཾ ཨཱགཙྪཏི མཧཏཱ བྷིཀྑུསངྒྷེན སདྡྷིཾ ཨཌྜྷཏེལསེཧི བྷིཀྑུསཏེཧཱི’’ཏི. ཨཐ ཁོ སོ ཝུཌྜྷཔབྦཛིཏོ ཏེ དཱརཀེ ཨེཏདཝོཙ – ‘‘བྷགཝཱ ཀིར, ཏཱཏཱ, ཨཱཏུམཾ ཨཱགཙྪཏི མཧཏཱ བྷིཀྑུསངྒྷེན སདྡྷིཾ ཨཌྜྷཏེལསེཧི བྷིཀྑུསཏེཧི. གཙྪཐ ཏུམྷེ, ཏཱཏཱ, ཁུརབྷཎྜཾ ཨཱདཱཡ ནཱལི༹ཡཱཝཱཔཀེན ཨནུགྷརཀཾ ཨནུགྷརཀཾ ཨཱཧིཎྜཐ, ལོཎམྤི, ཏེལམྤི, ཏཎྜུལམྤི, ཁཱདནཱིཡམྤི སཾཧརཐ, བྷགཝཏོ ཨཱགཏསྶ ཡཱགུཔཱནཾ ཀརིསྶཱམཱ’’ཏི. ‘‘ཨེཝཾ, ཏཱཏཱ’’ཏི ཁོ ཏེ དཱརཀཱ ཏསྶ ཝུཌྜྷཔབྦཛིཏསྶ པཊིསྶུཎིཏྭཱ ཁུརབྷཎྜཾ ཨཱདཱཡ ནཱལི༹ཡཱཝཱཔཀེན ཨནུགྷརཀཾ ཨནུགྷརཀཾ ཨཱཧིཎྜནྟི, ལོཎམྤི, ཏེལམྤི, ཏཎྜུལམྤི, ཁཱདནཱིཡམྤི སཾཧརནྟཱ. མནུསྶཱ ཏེ དཱརཀེ མཉྫུཀེ པཊིབྷཱནེཡྻཀེ པསྶིཏྭཱ ཡེཔི ན ཀཱརཱཔེཏུཀཱམཱ ཏེཔི ཀཱརཱཔེནྟི, ཀཱརཱཔེཏྭཱཔི བཧུཾ དེནྟི. ཨཐ ཁོ ཏེ དཱརཀཱ བཧུཾ ལོཎམྤི, ཏེལམྤི, ཏཎྜུལམྤི, ཁཱདནཱིཡམྤི སཾཧརིཾསུ.

ཨཐ ཁོ བྷགཝཱ ཨནུཔུབྦེན ཙཱརིཀཾ ཙརམཱནོ ཡེན ཨཱཏུམཱ ཏདཝསརི. ཏཏྲ སུདཾ བྷགཝཱ ཨཱཏུམཱཡཾ ཝིཧརཏི བྷུསཱགཱརེ. ཨཐ ཁོ སོ ཝུཌྜྷཔབྦཛིཏོ ཏསྶཱ རཏྟིཡཱ ཨཙྩཡེན པཧཱུཏཾ ཡཱགུཾ པཊིཡཱདཱཔེཏྭཱ བྷགཝཏོ ཨུཔནཱམེསི – ‘‘པཊིགྒཎྷཱཏུ མེ, བྷནྟེ, བྷགཝཱ ཡཱགུ’’ནྟི. ཛཱནནྟཱཔི ཏཐཱགཏཱ པུཙྪནྟི…པེ… སཱཝཀཱནཾ ཝཱ སིཀྑཱཔདཾ པཉྙཔེསྶཱམཱཏི. ཨཐ ཁོ བྷགཝཱ ཏཾ ཝུཌྜྷཔབྦཛིཏཾ ཨེཏདཝོཙ – ‘‘ཀུཏཱཡཾ, བྷིཀྑུ ཡཱགཱུ’’ཏི? ཨཐ ཁོ སོ ཝུཌྜྷཔབྦཛིཏོ བྷགཝཏོ ཨེཏམཏྠཾ ཨཱརོཙེསི. ཝིགརཧི བུདྡྷོ བྷགཝཱ, ‘‘ཨནནུཙྪཝིཀཾ, མོགྷཔུརིས, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏྭཾ, མོགྷཔུརིས, པབྦཛིཏོ ཨཀཔྤིཡེ སམཱདཔེསྶསི [སམཱདཔེསི (ཀ.)]. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི ‘ན, བྷིཀྑཝེ, པབྦཛིཏེན ཨཀཔྤིཡེ སམཱདཔེཏབྦཾ, ཡོ སམཱདཔེཡྻ, ཨཱཔཏྟི དུཀྐཊསྶ. ན ཙ, བྷིཀྑཝེ, ནཧཱཔིཏཔུབྦེན ཁུརབྷཎྜཾ པརིཧརིཏབྦཾ. ཡོ པརིཧརེཡྻ, ཨཱཔཏྟི དུཀྐཊསྶཱ’’’ཏི.

ཨཐ ཁོ བྷགཝཱ ཨཱཏུམཱཡཾ ཡཐཱབྷིརནྟཾ ཝིཧརིཏྭཱ ཡེན སཱཝཏྠི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན སཱཝཏྠི ཏདཝསརི. ཏཏྲ སུདཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན སཱཝཏྠིཡཾ བཧུཾ ཕལཁཱདནཱིཡཾ ཨུཔྤནྣཾ ཧོཏི. ཨཐ ཁོ བྷིཀྑཱུནཾ ཨེཏདཧོསི – ‘‘ཀིཾ ནུ ཁོ བྷགཝཏཱ ཕལཁཱདནཱིཡཾ ཨནུཉྙཱཏཾ, ཀིཾ ཨནནུཉྙཱཏ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སབྦཾ ཕལཁཱདནཱིཡ’’ནྟི.

༣༠༤. ཏེན ཁོ པན སམཡེན སངྒྷིཀཱནི བཱིཛཱནི པུགྒལིཀཱཡ བྷཱུམིཡཱ རོཔིཡནྟི, པུགྒལིཀཱནི བཱིཛཱནི སངྒྷིཀཱཡ བྷཱུམིཡཱ རོཔིཡནྟི. བྷགཝཏོ ཨེཏམཏྠཾ ཨཱརོཙེསུཾ. སངྒྷིཀཱནི, བྷིཀྑཝེ, བཱིཛཱནི པུགྒལིཀཱཡ བྷཱུམིཡཱ རོཔིཏཱནི བྷཱགཾ དཏྭཱ པརིབྷུཉྫིཏབྦཱནི. པུགྒལིཀཱནི བཱིཛཱནི སངྒྷིཀཱཡ བྷཱུམིཡཱ རོཔིཏཱནི བྷཱགཾ དཏྭཱ པརིབྷུཉྫིཏབྦཱནཱིཏི.

ཝུཌྜྷཔབྦཛིཏཝཏྠུ ནིཊྛིཏཾ.

༡༨༥. ཙཏུམཧཱཔདེསཀཐཱ

༣༠༥. ཏེན ཁོ པན སམཡེན བྷིཀྑཱུནཾ ཀིསྨིཉྩི ཀིསྨིཉྩི ཋཱནེ ཀུཀྐུཙྩཾ ཨུཔྤཛྫཏི – ‘‘ཀིཾ ནུ ཁོ བྷགཝཏཱ ཨནུཉྙཱཏཾ, ཀིཾ ཨནནུཉྙཱཏ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཡཾ, བྷིཀྑཝེ, མཡཱ ‘ཨིདཾ ན ཀཔྤཏཱི’ཏི ཨཔྤཊིཀྑིཏྟཾ ཏཉྩེ ཨཀཔྤིཡཾ ཨནུལོམེཏི, ཀཔྤིཡཾ པཊིབཱཧཏི, ཏཾ ཝོ ན ཀཔྤཏི. ཡཾ, བྷིཀྑཝེ, མཡཱ ‘ཨིདཾ ན ཀཔྤཏཱི’ཏི ཨཔྤཊིཀྑིཏྟཾ ཏཉྩེ ཀཔྤིཡཾ ཨནུལོམེཏི, ཨཀཔྤིཡཾ པཊིབཱཧཏི, ཏཾ ཝོ ཀཔྤཏི. ཡཾ, བྷིཀྑཝེ, མཡཱ ‘ཨིདཾ ཀཔྤཏཱི’ཏི ཨནནུཉྙཱཏཾ ཏཉྩེ ཨཀཔྤིཡཾ ཨནུལོམེཏི, ཀཔྤིཡཾ པཊིབཱཧཏི, ཏཾ ཝོ ན ཀཔྤཏི. ཡཾ, བྷིཀྑཝེ, མཡཱ ‘ཨིདཾ ཀཔྤཏཱི’ཏི ཨནནུཉྙཱཏཾ, ཏཉྩེ ཀཔྤིཡཾ ཨནུལོམེཏི, ཨཀཔྤིཡཾ པཊིབཱཧཏི, ཏཾ ཝོ ཀཔྤཏཱི’’ཏི.

ཨཐ ཁོ བྷིཀྑཱུནཾ ཨེཏདཧོསི – ‘‘ཀཔྤཏི ནུ ཁོ ཡཱཝཀཱལིཀེན ཡཱམཀཱལིཀཾ, ན ནུ ཁོ ཀཔྤཏི? ཀཔྤཏི ནུ ཁོ ཡཱཝཀཱལིཀེན སཏྟཱཧཀཱལིཀཾ, ན ནུ ཁོ ཀཔྤཏི? ཀཔྤཏི ནུ ཁོ ཡཱཝཀཱལིཀེན ཡཱཝཛཱིཝིཀཾ, ན ནུ ཁོ ཀཔྤཏི? ཀཔྤཏི ནུ ཁོ ཡཱམཀཱལིཀེན སཏྟཱཧཀཱལིཀཾ, ན ནུ ཁོ ཀཔྤཏི? ཀཔྤཏི ནུ ཁོ ཡཱམཀཱལིཀེན ཡཱཝཛཱིཝིཀཾ, ན ནུ ཁོ ཀཔྤཏི? ཀཔྤཏི ནུ ཁོ སཏྟཱཧཀཱལིཀེན ཡཱཝཛཱིཝིཀཾ, ན ནུ ཁོ ཀཔྤཏཱི’’ཏི? བྷགཝཏོ ཨེཏམཏྠཾ ཨཱརོཙེསུཾ. ‘‘ཡཱཝཀཱལིཀེན, བྷིཀྑཝེ, ཡཱམཀཱལིཀཾ, ཏདཧུ པཊིགྒཧིཏཾ ཀཱལེ ཀཔྤཏི, ཝིཀཱལེ ན ཀཔྤཏི. ཡཱཝཀཱལིཀེན, བྷིཀྑཝེ, སཏྟཱཧཀཱལིཀཾ, ཏདཧུ པཊིགྒཧིཏཾ ཀཱལེ ཀཔྤཏི, ཝིཀཱལེ ན ཀཔྤཏི. ཡཱཝཀཱལིཀེན, བྷིཀྑཝེ, ཡཱཝཛཱིཝིཀཾ, ཏདཧུ པཊིགྒཧིཏཾ ཀཱལེ ཀཔྤཏི, ཝིཀཱལེ ན ཀཔྤཏི. ཡཱམཀཱལིཀེན, བྷིཀྑཝེ, སཏྟཱཧཀཱལིཀཾ, ཏདཧུ པཊིགྒཧིཏཾ ཡཱམེ ཀཔྤཏི, ཡཱམཱཏིཀྐནྟེ ན ཀཔྤཏི. ཡཱམཀཱལིཀེན, བྷིཀྑཝེ, ཡཱཝཛཱིཝིཀཾ, ཏདཧུ པཊིགྒཧིཏཾ ཡཱམེ ཀཔྤཏི, ཡཱམཱཏིཀྐནྟེ ན ཀཔྤཏི. སཏྟཱཧཀཱལིཀེན, བྷིཀྑཝེ, ཡཱཝཛཱིཝིཀཾ པཊིགྒཧིཏཾ, སཏྟཱཧཾ ཀཔྤཏི, སཏྟཱཧཱཏིཀྐནྟེ ན ཀཔྤཏཱི’’ཏི.

ཙཏུམཧཱཔདེསཀཐཱ ནིཊྛིཏཱ.

བྷེསཛྫཀྑནྡྷཀོ ཚཊྛོ.

༡༨༦. ཏསྶུདྡཱནཾ

སཱརདིཀེ ཝིཀཱལེཔི, ཝསཾ མཱུལེ པིཊྛེཧི ཙ;

ཀསཱཝེཧི པཎྞཾ ཕལཾ, ཛཏུ ལོཎཾ ཚཀཎཉྩ.

ཙུཎྞཾ ཙཱལིནི མཾསཉྩ, ཨཉྫནཾ ཨུཔཔིསནཱི [ཨུཔཔིཾ སནཱི (སཱི.), ཨུཔཔིཾ སནཾ (སྱཱ.)];

ཨཉྫནཱི ཨུཙྩཱཔཱརུཏཱ, སལཱཀཱ སལཱཀཋཱནིཾ [སལཱཀོདྷནཱི (སཱི. སྱཱ.)].

ཐཝིཀཾསབདྡྷཀཾ སུཏྟཾ, མུདྡྷནིཏེལནཏྠུ ཙ;

ནཏྠུཀརཎཱི དྷཱུམཉྩ, ནེཏྟཉྩཱཔིདྷནཏྠཝི.

ཏེལཔཱཀེསུ མཛྫཉྩ, ཨཏིཀྑིཏྟཾ ཨབྦྷཉྫནཾ;

ཏུམྦཾ སེདཾ སམྦྷཱརཉྩ, མཧཱ བྷངྒོདཀཾ ཏཐཱ.

དཀཀོཊྛཾ ལོཧིཏཉྩ, ཝིསཱཎཾ པཱདབྦྷཉྫནཾ;

པཛྫཾ སཏྠཾ ཀསཱཝཉྩ, ཏིལཀཀྐཾ ཀབལི༹ཀཾ.

ཙོལ༹ཾ སཱསཔཀུཊྚཉྩ, དྷཱུམ སཀྑརིཀཱཡ ཙ;

ཝཎཏེལཾ ཝིཀཱསིཀཾ, ཝིཀཊཉྩ པཊིགྒཧཾ.

གཱུཐཾ ཀརོནྟོ ལོལི༹ཉྩ, ཁཱརཾ མུཏྟཧརཱིཏཀཾ;

གནྡྷཱ ཝིརེཙནཉྩེཝ, ཨཙྪཱཀཊཾ ཀཊཱཀཊཾ.

པཊིཙྪཱདནི པབྦྷཱརཱ, ཨཱརཱམ སཏྟཱཧེན ཙ;

གུལ༹ཾ མུགྒཾ སོཝཱིརཉྩ, སཱམཾཔཱཀཱ པུནཱཔཙེ.

པུནཱནུཉྙཱསི དུབྦྷིཀྑེ, ཕལཉྩ ཏིལཁཱདནཱི;

པུརེབྷཏྟཾ ཀཱཡཌཱཧོ, ནིབྦཏྟཉྩ བྷགནྡལཾ.

ཝཏྠིཀམྨཉྩ སུཔྤིཉྩ, མནུསྶམཾསམེཝ ཙ;

ཧཏྠིཨསྶཱ སུནཁོ ཙ, ཨཧི སཱིཧཉྩ དཱིཔིཀཾ [ཧཏྠིཨསྶསུནཁཱཧི, སཱིཧབྱགྒྷཉྩ དཱིཔིཀཾ (སཱི.)].

ཨཙྪཏརཙྪམཾསཉྩ, པཊིཔཱཊི ཙ ཡཱགུ ཙ;

ཏརུཎཾ ཨཉྙཏྲ གུལ༹ཾ, སུནིདྷཱཝསཐཱགཱརཾ.

གངྒཱ ཀོཊིསཙྩཀཐཱ, ཨམྦཔཱལཱི ཙ ལིཙྪཝཱི;

ཨུདྡིསྶ ཀཏཾ སུབྷིཀྑཾ, པུནདེཝ པཊིཀྑིཔི.

མེགྷོ ཡསོ མེཎྜཀོ, ཙ གོརསཾ པཱཐེཡྻཀེན ཙ;

ཀེཎི ཨམྦོ ཛམྦུ ཙོཙ, མོཙམདྷུམུདྡིཀསཱལུཀཾ.

ཕཱརུསཀཱ ཌཱཀཔིཊྛཾ, ཨཱཏུམཱཡཾ ནཧཱཔིཏོ;

སཱཝཏྠིཡཾ ཕལཾ བཱིཛཾ, ཀིསྨིཾ ཋཱནེ ཙ ཀཱལིཀེཏི.

ཨིམམྷི ཁནྡྷཀེ ཝཏྠཱུ ཨེཀསཏཾ ཚཝཏྠུ.

བྷེསཛྫཀྑནྡྷཀོ ནིཊྛིཏོ.

༧. ཀཐིནཀྑནྡྷཀོ

༡༨༧. ཀཐིནཱནུཛཱནནཱ

༣༠༦. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཏིཾསམཏྟཱ པཱཝེཡྻཀཱ [པཱཋེཡྻཀཱ (སཱི. སྱཱ.)] བྷིཀྑཱུ, སབྦེ ཨཱརཉྙིཀཱ སབྦེ པིཎྜཔཱཏིཀཱ སབྦེ པཾསུཀཱུལིཀཱ སབྦེ ཏེཙཱིཝརིཀཱ སཱཝཏྠིཾ ཨཱགཙྪནྟཱ བྷགཝནྟཾ དསྶནཱཡ ཨུཔཀཊྛཱཡ ཝསྶཱུཔནཱཡིཀཱཡ ནཱསཀྑིཾསུ སཱཝཏྠིཡཾ ཝསྶཱུཔནཱཡིཀཾ སམྦྷཱཝེཏུཾ; ཨནྟརཱམགྒེ སཱཀེཏེ ཝསྶཾ ཨུཔགཙྪིཾསུ. ཏེ ཨུཀྐཎྛིཏརཱུཔཱ ཝསྶཾ ཝསིཾསུ – ཨཱསནྣེཝ ནོ བྷགཝཱ ཝིཧརཏི ཨིཏོ ཚསུ ཡོཛནེསུ, ན ཙ མཡཾ ལབྷཱམ བྷགཝནྟཾ དསྶནཱཡཱཏི. ཨཐ ཁོ ཏེ བྷིཀྑཱུ ཝསྶཾཝུཊྛཱ, ཏེམཱསཙྩཡེན ཀཏཱཡ པཝཱརཎཱཡ, དེཝེ ཝསྶནྟེ, ཨུདཀསངྒཧེ ཨུདཀཙིཀྑལླེ ཨོཀཔུཎྞེཧི ཙཱིཝརེཧི ཀིལནྟརཱུཔཱ ཡེན སཱཝཏྠི ཛེཏཝནཾ ཨནཱཐཔིཎྜིཀསྶ ཨཱརཱམོ, ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨཱཙིཎྞཾ ཁོ པནེཏཾ བུདྡྷཱནཾ བྷགཝནྟཱནཾ ཨཱགནྟུཀེཧི བྷིཀྑཱུཧི སདྡྷིཾ པཊིསམྨོདིཏུཾ. ཨཐ ཁོ བྷགཝཱ ཏེ བྷིཀྑཱུ ཨེཏདཝོཙ – ‘‘ཀཙྩི, བྷིཀྑཝེ, ཁམནཱིཡཾ, ཀཙྩི ཡཱཔནཱིཡཾ, ཀཙྩི སམགྒཱ སམྨོདམཱནཱ ཨཝིཝདམཱནཱ ཕཱསུཀཾ ཝསྶཾ ཝསིཏྠ, ན ཙ པིཎྜཀེན ཀིལམིཏྠཱ’’ཏི? ‘‘ཁམནཱིཡཾ, བྷགཝཱ; ཡཱཔནཱིཡཾ, བྷགཝཱ; སམགྒཱ ཙ མཡཾ, བྷནྟེ, སམྨོདམཱནཱ ཨཝིཝདམཱནཱ ཝསྶཾ ཝསིམྷཱ, ན ཙ པིཎྜཀེན ཀིལམིམྷཱ. ཨིདྷ མཡཾ, བྷནྟེ, ཏིཾསམཏྟཱ པཱཝེཡྻཀཱ བྷིཀྑཱུ སཱཝཏྠིཾ ཨཱགཙྪནྟཱ བྷགཝནྟཾ དསྶནཱཡ ཨུཔཀཊྛཱཡ ཝསྶཱུཔནཱཡིཀཱཡ ནཱསཀྑིམྷཱ སཱཝཏྠིཡཾ ཝསྶཱུཔནཱཡིཀཾ སམྦྷཱཝེཏུཾ, ཨནྟརཱམགྒེ སཱཀེཏེ ཝསྶཾ ཨུཔགཙྪིམྷཱ. ཏེ མཡཾ, བྷནྟེ, ཨུཀྐཎྛིཏརཱུཔཱ ཝསྶཾ ཝསིམྷཱ – ‘ཨཱསནྣེཝ ནོ བྷགཝཱ ཝིཧརཏི ཨིཏོ ཚསུ ཡོཛནེསུ, ན ཙ མཡཾ ལབྷཱམ བྷགཝནྟཾ དསྶནཱཡཱ’ཏི. ཨཐ ཁོ མཡཾ, བྷནྟེ, ཝསྶཾཝུཊྛཱ, ཏེམཱསཙྩཡེན ཀཏཱཡ པཝཱརཎཱཡ, དེཝེ ཝསྶནྟེ, ཨུདཀསངྒཧེ ཨུདཀཙིཀྑལླེ ཨོཀཔུཎྞེཧི ཙཱིཝརེཧི ཀིལནྟརཱུཔཱ ཨདྡྷཱནཾ ཨཱགཏཱཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཝསྶཾཝུཊྛཱནཾ བྷིཀྑཱུནཾ ཀཐིནཾ [ཀཋིནཾ (སཱི. སྱཱ.)] ཨཏྠརིཏུཾ. ཨཏྠཏཀཐིནཱནཾ ཝོ, བྷིཀྑཝེ, པཉྩ ཀཔྤིསྶནྟི – ཨནཱམནྟཙཱརོ, ཨསམཱདཱནཙཱརོ, གཎབྷོཛནཾ, ཡཱཝདཏྠཙཱིཝརཾ, ཡོ ཙ ཏཏྠ ཙཱིཝརུཔྤཱདོ སོ ནེསཾ བྷཝིསྶཏཱིཏི. ཨཏྠཏཀཐིནཱནཾ ཝོ, བྷིཀྑཝེ, ཨིམཱནི པཉྩ ཀཔྤིསྶནྟི. ཨེཝཉྩ པན, བྷིཀྑཝེ, ཀཐིནཾ ཨཏྠརིཏབྦཾ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༣༠༧. ‘‘སུཎཱཏུ མེ, བྷནྟེ, སངྒྷོ. ཨིདཾ སངྒྷསྶ ཀཐིནདུསྶཾ ཨུཔྤནྣཾ. ཡདི སངྒྷསྶ པཏྟཀལླཾ, སངྒྷོ ཨིམཾ ཀཐིནདུསྶཾ ཨིཏྠནྣཱམསྶ བྷིཀྑུནོ དདེཡྻ ཀཐིནཾ ཨཏྠརིཏུཾ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨིདཾ སངྒྷསྶ ཀཐིནདུསྶཾ ཨུཔྤནྣཾ. སངྒྷོ ཨིམཾ ཀཐིནདུསྶཾ ཨིཏྠནྣཱམསྶ བྷིཀྑུནོ དེཏི ཀཐིནཾ ཨཏྠརིཏུཾ. ཡསྶཱཡསྨཏོ ཁམཏི ཨིམསྶ ཀཐིནདུསྶསྶ ཨིཏྠནྣཱམསྶ བྷིཀྑུནོ དཱནཾ ཀཐིནཾ ཨཏྠརིཏུཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དིནྣཾ ཨིདཾ སངྒྷེན ཀཐིནདུསྶཾ ཨིཏྠནྣཱམསྶ བྷིཀྑུནོ ཀཐིནཾ ཨཏྠརིཏུཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༣༠༨. ‘‘ཨེཝཾ ཁོ, བྷིཀྑཝེ, ཨཏྠཏཾ ཧོཏི ཀཐིནཾ, ཨེཝཾ ཨནཏྠཏཾ. ཀཐཉྩ པན, བྷིཀྑཝེ, ཨནཏྠཏཾ ཧོཏི ཀཐིནཾ? ན ཨུལླིཁིཏམཏྟེན ཨཏྠཏཾ ཧོཏི ཀཐིནཾ, ན དྷོཝནམཏྟེན ཨཏྠཏཾ ཧོཏི ཀཐིནཾ, ན ཙཱིཝརཝིཙཱརཎམཏྟེན [ན གཎྚུསཀརཎམཏྟེན (ཀ.)] ཨཏྠཏཾ ཧོཏི ཀཐིནཾ, ན ཚེདནམཏྟེན ཨཏྠཏཾ ཧོཏི ཀཐིནཾ, ན བནྡྷནམཏྟེན ཨཏྠཏཾ ཧོཏི ཀཐིནཾ, ན ཨོཝཊྚིཡཀརཎམཏྟེན [ན ཨོཝཊྚེཡྻཀརཎམཏྟེན (སཱི. སྱཱ.), ན ཨོཝདེཡྻཀརཎམཏྟེན (ཀ.)] ཨཏྠཏཾ ཧོཏི ཀཐིནཾ, ན ཀཎྜུསཀརཎམཏྟེན ཨཏྠཏཾ ཧོཏི ཀཐིནཾ, ན དལ༹ྷཱིཀམྨཀརཎམཏྟེན ཨཏྠཏཾ ཧོཏི ཀཐིནཾ, ན ཨནུཝཱཏཀརཎམཏྟེན ཨཏྠཏཾ ཧོཏི ཀཐིནཾ, ན པརིབྷཎྜཀརཎམཏྟེན ཨཏྠཏཾ ཧོཏི ཀཐིནཾ, ན ཨོཝདྡྷེཡྻཀརཎམཏྟེན ཨཏྠཏཾ ཧོཏི ཀཐིནཾ, ན ཀམྦལམདྡནམཏྟེན ཨཏྠཏཾ ཧོཏི ཀཐིནཾ, ན ནིམིཏྟཀཏེན ཨཏྠཏཾ ཧོཏི ཀཐིནཾ, ན པརིཀཐཱཀཏེན ཨཏྠཏཾ ཧོཏི ཀཐིནཾ, ན ཀུཀྐུཀཏེན ཨཏྠཏཾ ཧོཏི ཀཐིནཾ, ན སནྣིདྷིཀཏེན ཨཏྠཏཾ ཧོཏི ཀཐིནཾ, ན ནིསྶགྒིཡེན ཨཏྠཏཾ ཧོཏི ཀཐིནཾ, ན ཨཀཔྤཀཏེན ཨཏྠཏཾ ཧོཏི ཀཐིནཾ, ན ཨཉྙཏྲ སངྒྷཱཊིཡཱ ཨཏྠཏཾ ཧོཏི ཀཐིནཾ, ན ཨཉྙཏྲ ཨུཏྟརཱསངྒེན ཨཏྠཏཾ ཧོཏི ཀཐིནཾ, ན ཨཉྙཏྲ ཨནྟརཝཱསཀེན ཨཏྠཏཾ ཧོཏི ཀཐིནཾ, ན ཨཉྙཏྲ པཉྩཀེན ཝཱ ཨཏིརེཀཔཉྩཀེན ཝཱ ཏདཧེཝ སཉྪིནྣེན སམཎྜལཱིཀཏེན ཨཏྠཏཾ ཧོཏི ཀཐིནཾ, ན ཨཉྙཏྲ པུགྒལསྶ ཨཏྠཱརཱ ཨཏྠཏཾ ཧོཏི ཀཐིནཾ; སམྨཱ ཙེཝ ཨཏྠཏཾ ཧོཏི ཀཐིནཾ, ཏཉྩེ ནིསྶཱིམཊྛོ ཨནུམོདཏི, ཨེཝམྤི ཨནཏྠཏཾ ཧོཏི ཀཐིནཾ. ཨེཝཾ ཁོ, བྷིཀྑཝེ, ཨནཏྠཏཾ ཧོཏི ཀཐིནཾ.

༣༠༩. ‘‘ཀཐཉྩ, བྷིཀྑཝེ, ཨཏྠཏཾ ཧོཏི ཀཐིནཾ? ཨཧཏེན ཨཏྠཏཾ ཧོཏི ཀཐིནཾ, ཨཧཏཀཔྤེན ཨཏྠཏཾ ཧོཏི ཀཐིནཾ, པིལོཏིཀཱཡ ཨཏྠཏཾ ཧོཏི ཀཐིནཾ, པཾསུཀཱུལེན ཨཏྠཏཾ ཧོཏི ཀཐིནཾ, པཱཔཎིཀེན ཨཏྠཏཾ ཧོཏི ཀཐིནཾ, ཨནིམིཏྟཀཏེན ཨཏྠཏཾ ཧོཏི ཀཐིནཾ, ཨཔརིཀཐཱཀཏེན ཨཏྠཏཾ ཧོཏི ཀཐིནཾ, ཨཀུཀྐུཀཏེན ཨཏྠཏཾ ཧོཏི ཀཐིནཾ, ཨསནྣིདྷིཀཏེན ཨཏྠཏཾ ཧོཏི ཀཐིནཾ, ཨནིསྶགྒིཡེན ཨཏྠཏཾ ཧོཏི ཀཐིནཾ, ཀཔྤཀཏེན ཨཏྠཏཾ ཧོཏི ཀཐིནཾ, སངྒྷཱཊིཡཱ ཨཏྠཏཾ ཧོཏི ཀཐིནཾ, ཨུཏྟརཱསངྒེན ཨཏྠཏཾ ཧོཏི ཀཐིནཾ, ཨནྟརཝཱསཀེན ཨཏྠཏཾ ཧོཏི ཀཐིནཾ, པཉྩཀེན ཝཱ ཨཏིརེཀཔཉྩཀེན ཝཱ ཏདཧེཝ སཉྪིནྣེན སམཎྜལཱིཀཏེན ཨཏྠཏཾ ཧོཏི ཀཐིནཾ, པུགྒལསྶ ཨཏྠཱརཱ ཨཏྠཏཾ ཧོཏི ཀཐིནཾ; སམྨཱ ཙེ ཨཏྠཏཾ ཧོཏི ཀཐིནཾ, ཏཉྩེ སཱིམཊྛོ ཨནུམོདཏི, ཨེཝམྤི ཨཏྠཏཾ ཧོཏི ཀཐིནཾ. ཨེཝཾ ཁོ, བྷིཀྑཝེ, ཨཏྠཏཾ ཧོཏི ཀཐིནཾ.

༣༡༠. ‘‘ཀཐཉྩ, བྷིཀྑཝེ, ཨུབྦྷཏཾ ཧོཏི ཀཐིནཾ? ཨཊྛིམཱ, བྷིཀྑཝེ, མཱཏིཀཱ ཀཐིནསྶ ཨུབྦྷཱརཱཡ – པཀྐམནནྟིཀཱ, ནིཊྛཱནནྟིཀཱ, སནྣིཊྛཱནནྟིཀཱ, ནཱསནནྟིཀཱ, སཝནནྟིཀཱ, ཨཱསཱཝཙྪེདིཀཱ, སཱིམཱཏིཀྐནྟིཀཱ, སཧུབྦྷཱརཱ’’ཏི [སཨུབྦྷཱརཱཏི (ཀ.)].

ཀཐིནཱནུཛཱནནཱ ནིཊྛིཏཱ.

༡༨༨. ཨཱདཱཡསཏྟཀཾ

༣༡༡. བྷིཀྑུ ཨཏྠཏཀཐིནོ ཀཏཙཱིཝརཾ ཨཱདཱཡ པཀྐམཏི – ‘‘ན པཙྩེསྶ’’ནྟི. ཏསྶ བྷིཀྑུནོ པཀྐམནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི – ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ སུཎཱཏི ‘‘ཨུབྦྷཏཾ ཀིར ཏསྨིཾ ཨཱཝཱསེ ཀཐིན’’ནྟི. ཏསྶ བྷིཀྑུནོ སཝནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི – ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ – ‘‘པཙྩེསྶཾ པཙྩེསྶ’’ནྟི – བཧིདྡྷཱ ཀཐིནུདྡྷཱརཾ ཝཱིཏིནཱམེཏི. ཏསྶ བྷིཀྑུནོ སཱིམཱཏིཀྐནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི – ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ – ‘‘པཙྩེསྶཾ པཙྩེསྶ’’ནྟི – སམྦྷུཎཱཏི ཀཐིནུདྡྷཱརཾ. ཏསྶ བྷིཀྑུནོ སཧ བྷིཀྑཱུཧི ཀཐིནུདྡྷཱརོ.

ཨཱདཱཡསཏྟཀཾ ནིཊྛིཏཾ […དུཏིཡཾ ནིཊྛིཏཾ (ཀ.)].

༡༨༩. སམཱདཱཡསཏྟཀཾ

༣༡༢. བྷིཀྑུ ཨཏྠཏཀཐིནོ ཀཏཙཱིཝརཾ སམཱདཱཡ པཀྐམཏི ‘‘ན པཙྩེསྶ’’ནྟི. ཏསྶ བྷིཀྑུནོ པཀྐམནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ སམཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ སམཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ སམཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ སམཱདཱཡ པཀྐམཏི – ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ སུཎཱཏི – ‘‘ཨུབྦྷཏཾ ཀིར ཏསྨིཾ ཨཱཝཱསེ ཀཐིན’’ནྟི. ཏསྶ བྷིཀྑུནོ སཝནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ སམཱདཱཡ པཀྐམཏི – ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ – ‘‘པཙྩེསྶཾ པཙྩེསྶ’’ནྟི – བཧིདྡྷཱ ཀཐིནུདྡྷཱརཾ ཝཱིཏིནཱམེཏི. ཏསྶ བྷིཀྑུནོ སཱིམཱཏིཀྐནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ སམཱདཱཡ པཀྐམཏི – ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ – ‘‘པཙྩེསྶཾ པཙྩེསྶ’’ནྟི – སམྦྷུཎཱཏི ཀཐིནུདྡྷཱརཾ. ཏསྶ བྷིཀྑུནོ སཧ བྷིཀྑཱུཧི ཀཐིནུདྡྷཱརོ.

སམཱདཱཡསཏྟཀཾ ནིཊྛིཏཾ.

༡༩༠. ཨཱདཱཡཚཀྐཾ

༣༡༣. བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ ཨཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ ཨཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ ཨཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶཾ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ ཨཱདཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ སུཎཱཏི – ‘‘ཨུབྦྷཏཾ ཀིར ཏསྨིཾ ཨཱཝཱསེ ཀཐིན’’ནྟི. ཏསྶ བྷིཀྑུནོ སཝནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ ཨཱདཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ ‘‘པཙྩེསྶཾ པཙྩེསྶ’’ནྟི བཧིདྡྷཱ ཀཐིནུདྡྷཱརཾ ཝཱིཏིནཱམེཏི. ཏསྶ བྷིཀྑུནོ སཱིམཱཏིཀྐནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ ཨཱདཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ ‘‘པཙྩེསྶཾ པཙྩེསྶ’’ནྟི སམྦྷུཎཱཏི ཀཐིནུདྡྷཱརཾ. ཏསྶ བྷིཀྑུནོ སཧ བྷིཀྑཱུཧི ཀཐིནུདྡྷཱརོ.

ཨཱདཱཡཚཀྐཾ ནིཊྛིཏཾ.

༡༩༡. སམཱདཱཡཚཀྐཾ

༣༡༤. བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ སུཎཱཏི – ‘‘ཨུབྦྷཏཾ ཀིར ཏསྨིཾ ཨཱཝཱསེ ཀཐིན’’ནྟི. ཏསྶ བྷིཀྑུནོ སཝནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ ‘‘པཙྩེསྶཾ པཙྩེསྶ’’ནྟི བཧིདྡྷཱ ཀཐིནུདྡྷཱརཾ ཝཱིཏིནཱམེཏི. ཏསྶ བྷིཀྑུནོ སཱིམཱཏིཀྐནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ ‘‘པཙྩེསྶཾ པཙྩེསྶ’’ནྟི སམྦྷུཎཱཏི ཀཐིནུདྡྷཱརཾ. ཏསྶ བྷིཀྑུནོ སཧ བྷིཀྑཱུཧི ཀཐིནུདྡྷཱརོ.

སམཱདཱཡཚཀྐཾ ནིཊྛིཏཾ.

༡༩༢. ཨཱདཱཡཔནྣརསཀཾ

༣༡༥. བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི –

‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

ཏིཀཾ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

ཏིཀཾ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི ཨནདྷིཊྛིཏེན; ནེཝསྶ ཧོཏི ‘‘པཙྩེསྶ’’ནྟི, ན པནསྶ ཧོཏི ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི ཨནདྷིཊྛིཏེན; ནེཝསྶ ཧོཏི ‘‘པཙྩེསྶ’’ནྟི, ན པནསྶ ཧོཏི ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི ཨནདྷིཊྛིཏེན; ནེཝསྶ ཧོཏི ‘‘པཙྩེསྶ’’ནྟི, ན པནསྶ ཧོཏི ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

ཏིཀཾ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི ‘‘པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི ‘‘པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི ‘‘པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ སུཎཱཏི – ‘‘ཨུབྦྷཏཾ ཀིར ཏསྨིཾ ཨཱཝཱསེ ཀཐིན’’ནྟི. ཏསྶ བྷིཀྑུནོ སཝནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ ‘‘པཙྩེསྶཾ པཙྩེསྶ’’ནྟི – བཧིདྡྷཱ ཀཐིནུདྡྷཱརཾ ཝཱིཏིནཱམེཏི. ཏསྶ བྷིཀྑུནོ སཱིམཱཏིཀྐནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཾ ཨཱདཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ – ‘‘པཙྩེསྶཾ པཙྩེསྶ’’ནྟི སམྦྷུཎཱཏི ཀཐིནུདྡྷཱརཾ. ཏསྶ བྷིཀྑུནོ སཧ བྷིཀྑཱུཧི ཀཐིནུདྡྷཱརོ.

ཚཀྐཾ.

ཨཱདཱཡཔནྣརསཀཾ ནིཊྛིཏཾ.

༡༩༣. སམཱདཱཡཔནྣརསཀཱདི

༣༡༦. བྷིཀྑུ ཨཏྠཏཀཐིནོ ཙཱིཝརཾ སམཱདཱཡ པཀྐམཏི…པེ….

(ཨཱདཱཡཝཱརསདིསཾ ཨེཝཾ ཝིཏྠཱརེཏབྦཾ.)

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ ཨཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ…པེ….

(སམཱདཱཡཝཱརསདིསཾ ཨེཝཾ ཝིཏྠཱརེཏབྦཾ.)

སམཱདཱཡཔནྣརསཀཱདི ནིཊྛིཏཱ.

༡༩༤. ཝིཔྤཀཏསམཱདཱཡཔནྣརསཀཾ

༣༡༧. བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

ཏིཀཾ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

ཏིཀཾ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི ཨནདྷིཊྛིཏེན; ནེཝསྶ ཧོཏི – ‘‘པཙྩེསྶ’’ནྟི, ན པནསྶ ཧོཏི – ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི ཨནདྷིཊྛིཏེན; ནེཝསྶ ཧོཏི – ‘‘པཙྩེསྶ’’ནྟི, ན པནསྶ ཧོཏི – ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི ཨནདྷིཊྛིཏེན; ནེཝསྶ ཧོཏི – ‘‘པཙྩེསྶ’’ནྟི, ན པནསྶ ཧོཏི – ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

ཏིཀཾ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི ‘‘པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི ‘‘པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི ‘‘པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ སུཎཱཏི – ‘‘ཨུབྦྷཏཾ ཀིར ཏསྨིཾ ཨཱཝཱསེ ཀཐིན’’ནྟི. ཏསྶ བྷིཀྑུནོ སཝནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ – ‘‘པཙྩེསྶཾ པཙྩེསྶ’’ནྟི བཧིདྡྷཱ ཀཐིནུདྡྷཱརཾ ཝཱིཏིནཱམེཏི. ཏསྶ བྷིཀྑུནོ སཱིམཱཏིཀྐནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཝིཔྤཀཏཙཱིཝརཾ སམཱདཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ ‘‘པཙྩེསྶཾ པཙྩེསྶ’’ནྟི སམྦྷུཎཱཏི ཀཐིནུདྡྷཱརཾ. ཏསྶ བྷིཀྑུནོ སཧ བྷིཀྑཱུཧི ཀཐིནུདྡྷཱརོ.

ཚཀྐཾ.

ཝིཔྤཀཏསམཱདཱཡཔནྣརསཀཾ ནིཊྛིཏཾ.

ཨཱདཱཡབྷཱཎཝཱརོ.

༡༩༥. ཨནཱསཱདོལ༹སཀཾ

༣༡༨. བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི. སོ བཧིསཱིམགཏོ ཏཾ ཙཱིཝརཱསཾ པཡིརུཔཱསཏི. ཨནཱསཱཡ ལབྷཏི, ཨཱསཱཡ ན ལབྷཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི. སོ བཧིསཱིམགཏོ ཏཾ ཙཱིཝརཱསཾ པཡིརུཔཱསཏི. ཨནཱསཱཡ ལབྷཏི, ཨཱསཱཡ ན ལབྷཏི. ཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི. སོ བཧིསཱིམགཏོ ཏཾ ཙཱིཝརཱསཾ པཡིརུཔཱསཏི. ཨནཱསཱཡ ལབྷཏི, ཨཱསཱཡ ན ལབྷཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཱསཾ པཡིརུཔཱསིསྶཾ, ན པཙྩེསྶ’’ནྟི. སོ ཏཾ ཙཱིཝརཱསཾ པཡིརུཔཱསཏི. ཏསྶ སཱ ཙཱིཝརཱསཱ ཨུཔཙྪིཛྫཏི. ཏསྶ བྷིཀྑུནོ ཨཱསཱཝཙྪེདིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ‘‘ན པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཱསཾ པཡིརུཔཱསཏི. ཨནཱསཱཡ ལབྷཏི, ཨཱསཱཡ ན ལབྷཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ‘‘ན པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཱསཾ པཡིརུཔཱསཏི. ཨནཱསཱཡ ལབྷཏི, ཨཱསཱཡ ན ལབྷཏི. ཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ‘‘ན པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཱསཾ པཡིརུཔཱསཏི. ཨནཱསཱཡ ལབྷཏི, ཨཱསཱཡ ན ལབྷཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཱསཾ པཡིརུཔཱསིསྶ’’ནྟི. སོ ཏཾ ཙཱིཝརཱསཾ པཡིརུཔཱསཏི. ཏསྶ སཱ ཙཱིཝརཱསཱ ཨུཔཙྪིཛྫཏི. ཏསྶ བྷིཀྑུནོ ཨཱསཱཝཙྪེདིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ཨནདྷིཊྛིཏེན; ནེཝསྶ ཧོཏི – ‘‘པཙྩེསྶནྟི, ན པནསྶ ཧོཏི – ‘‘ན པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཱསཾ པཡིརུཔཱསཏི. ཨནཱསཱཡ ལབྷཏི, ཨཱསཱཡ ན ལབྷཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ཨནདྷིཊྛིཏེན; ནེཝསྶ ཧོཏི – ‘‘པཙྩེསྶ’’ནྟི, ན པནསྶ ཧོཏི – ‘‘ན པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཱསཾ པཡིརུཔཱསཏི. ཨནཱསཱཡ ལབྷཏི, ཨཱསཱཡ ན ལབྷཏི. ཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ཨནདྷིཊྛིཏེན; ནེཝསྶ ཧོཏི – ‘‘པཙྩེསྶ’’ནྟི, ན པནསྶ ཧོཏི – ‘‘ན པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཱསཾ པཡིརུཔཱསཏི. ཨནཱསཱཡ ལབྷཏི, ཨཱསཱཡ ན ལབྷཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ཨནདྷིཊྛིཏེན; ནེཝསྶ ཧོཏི – ‘‘པཙྩེསྶ’’ནྟི, ན པནསྶ ཧོཏི – ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཱསཾ པཡིརུཔཱསིསྶཾ, ན པཙྩེསྶ’’ནྟི. སོ ཏཾ ཙཱིཝརཱསཾ པཡིརུཔཱསཏི. ཏསྶ སཱ ཙཱིཝརཱསཱ ཨུཔཙྪིཛྫཏི. ཏསྶ བྷིཀྑུནོ ཨཱསཱཝཙྪེདིཀོ ཀཐིནུདྡྷཱརོ.

ཨནཱསཱདོལ༹སཀཾ [ཨནཱསཱདྭཱདསཀཾ (སཱི.)] ནིཊྛིཏཾ.

༡༩༦. ཨཱསཱདོལ༹སཀཾ

༣༡༩. བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཱསཾ པཡིརུཔཱསཏི. ཨཱསཱཡ ལབྷཏི, ཨནཱསཱཡ ན ལབྷཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཱསཾ པཡིརུཔཱསཏི. ཨཱསཱཡ ལབྷཏི, ཨནཱསཱཡ ན ལབྷཏི. ཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཱསཾ པཡིརུཔཱསཏི. ཨཱསཱཡ ལབྷཏི, ཨནཱསཱཡ ན ལབྷཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ‘‘པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཱསཾ པཡིརུཔཱསིསྶཾ, ན པཙྩེསྶ’’ནྟི. སོ ཏཾ ཙཱིཝརཱསཾ པཡིརུཔཱསཏི. ཏསྶ སཱ ཙཱིཝརཱསཱ ཨུཔཙྪིཛྫཏི. ཏསྶ བྷིཀྑུནོ ཨཱསཱཝཙྪེདིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ སུཎཱཏི – ‘‘ཨུབྦྷཏཾ ཀིར ཏསྨིཾ ཨཱཝཱསེ ཀཐིན’’ནྟི. ཏསྶ ཨེཝཾ ཧོཏི – ‘‘ཡཏོ ཏསྨིཾ ཨཱཝཱསེ ཨུབྦྷཏཾ ཀཐིནཾ, ཨིདྷེཝིམཾ ཙཱིཝརཱསཾ པཡིརུཔཱསིསྶ’’ནྟི. སོ ཏཾ ཙཱིཝརཱསཾ པཡིརུཔཱསཏི. ཨཱསཱཡ ལབྷཏི, ཨནཱསཱཡ ན ལབྷཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ སུཎཱཏི – ‘‘ཨུབྦྷཏཾ ཀིར ཏསྨིཾ ཨཱཝཱསེ ཀཐིན’’ནྟི. ཏསྶ ཨེཝཾ ཧོཏི – ‘‘ཡཏོ ཏསྨིཾ ཨཱཝཱསེ ཨུབྦྷཏཾ ཀཐིནཾ, ཨིདྷེཝིམཾ ཙཱིཝརཱསཾ པཡིརུཔཱསིསྶ’’ནྟི. སོ ཏཾ ཙཱིཝརཱསཾ པཡིརུཔཱསཏི. ཨཱསཱཡ ལབྷཏི, ཨནཱསཱཡ ན ལབྷཏི. ཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ སུཎཱཏི – ‘‘ཨུབྦྷཏཾ ཀིར ཏསྨིཾ ཨཱཝཱསེ ཀཐིན’’ནྟི. ཏསྶ ཨེཝཾ ཧོཏི – ‘‘ཡཏོ ཏསྨིཾ ཨཱཝཱསེ ཨུབྦྷཏཾ ཀཐིནཾ, ཨིདྷེཝིམཾ ཙཱིཝརཱསཾ པཡིརུཔཱསིསྶ’’ནྟི. སོ ཏཾ ཙཱིཝརཱསཾ པཡིརུཔཱསཏི. ཨཱསཱཡ ལབྷཏི, ཨནཱསཱཡ ན ལབྷཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ སུཎཱཏི – ‘‘ཨུབྦྷཏཾ ཀིར ཏསྨིཾ ཨཱཝཱསེ ཀཐིན’’ནྟི. ཏསྶ ཨེཝཾ ཧོཏི – ‘‘ཡཏོ ཏསྨིཾ ཨཱཝཱསེ ཨུབྦྷཏཾ ཀཐིནཾ, ཨིདྷེཝིམཾ ཙཱིཝརཱསཾ པཡིརུཔཱསིསྶཾ, ན པཙྩེསྶ’’ནྟི. སོ ཏཾ ཙཱིཝརཱསཾ པཡིརུཔཱསཏི. ཏསྶ སཱ ཙཱིཝརཱསཱ ཨུཔཙྪིཛྫཏི. ཏསྶ བྷིཀྑུནོ ཨཱསཱཝཙྪེདིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཱསཾ པཡིརུཔཱསཏི. ཨཱསཱཡ ལབྷཏི, ཨནཱསཱཡ ན ལབྷཏི. སོ ཏཾ ཙཱིཝརཾ ཀཱརེཏི. སོ ཀཏཙཱིཝརོ སུཎཱཏི – ‘‘ཨུབྦྷཏཾ ཀིར ཏསྨིཾ ཨཱཝཱསེ ཀཐིན’’ནྟི. ཏསྶ བྷིཀྑུནོ སཝནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ‘‘པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཱསཾ པཡིརུཔཱསིསྶཾ, ན པཙྩེསྶ’’ནྟི. སོ ཏཾ ཙཱིཝརཱསཾ པཡིརུཔཱསཏི. ཏསྶ སཱ ཙཱིཝརཱསཱ ཨུཔཙྪིཛྫཏི. ཏསྶ བྷིཀྑུནོ ཨཱསཱཝཙྪེདིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཱསཾ པཡིརུཔཱསཏི. ཨཱསཱཡ ལབྷཏི, ཨནཱསཱཡ ན ལབྷཏི. སོ ཏཾ ཙཱིཝརཾ ཀཱརེཏི. སོ ཀཏཙཱིཝརོ ‘‘པཙྩེསྶཾ པཙྩེསྶ’’ནྟི – བཧིདྡྷཱ ཀཐིནུདྡྷཱརཾ ཝཱིཏིནཱམེཏི. ཏསྶ བྷིཀྑུནོ སཱིམཱཏིཀྐནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཙཱིཝརཱསཱཡ པཀྐམཏི ‘‘པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཱསཾ པཡིརུཔཱསཏི. ཨཱསཱཡ ལབྷཏི, ཨནཱསཱཡ ན ལབྷཏི. སོ ཏཾ ཙཱིཝརཾ ཀཱརེཏི. སོ ཀཏཙཱིཝརོ ‘‘པཙྩེསྶཾ པཙྩེསྶ’’ནྟི – སམྦྷུཎཱཏི ཀཐིནུདྡྷཱརཾ. ཏསྶ བྷིཀྑུནོ སཧ བྷིཀྑཱུཧི ཀཐིནུདྡྷཱརོ.

ཨཱསཱདོལ༹སཀཾ ནིཊྛིཏཾ.

༡༩༧. ཀརཎཱིཡདོལ༹སཀཾ

༣༢༠. བྷིཀྑུ ཨཏྠཏཀཐིནོ ཀེནཙིདེཝ ཀརཎཱིཡེན པཀྐམཏི. ཏསྶ བཧིསཱིམགཏསྶ ཙཱིཝརཱསཱ ཨུཔྤཛྫཏི. སོ ཏཾ ཙཱིཝརཱསཾ པཡིརུཔཱསཏི. ཨནཱསཱཡ ལབྷཏི, ཨཱསཱཡ ན ལབྷཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཀེནཙིདེཝ ཀརཎཱིཡེན པཀྐམཏི. ཏསྶ བཧིསཱིམགཏསྶ ཙཱིཝརཱསཱ ཨུཔྤཛྫཏི. སོ ཏཾ ཙཱིཝརཱསཾ པཡིརུཔཱསཏི. ཨནཱསཱཡ ལབྷཏི, ཨཱསཱཡ ན ལབྷཏི. ཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཀེནཙིདེཝ ཀརཎཱིཡེན པཀྐམཏི. ཏསྶ བཧིསཱིམགཏསྶ ཙཱིཝརཱསཱ ཨུཔྤཛྫཏི. སོ ཏཾ ཙཱིཝརཱསཾ པཡིརུཔཱསཏི. ཨནཱསཱཡ ལབྷཏི, ཨཱསཱཡ ན ལབྷཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཀེནཙིདེཝ ཀརཎཱིཡེན པཀྐམཏི. ཏསྶ བཧིསཱིམགཏསྶ ཙཱིཝརཱསཱ ཨུཔྤཛྫཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཱསཾ པཡིརུཔཱསིསྶཾ, ན པཙྩེསྶ’’ནྟི. སོ ཏཾ ཙཱིཝརཱསཾ པཡིརུཔཱསཏི. ཏསྶ སཱ ཙཱིཝརཱསཱ ཨུཔཙྪིཛྫཏི. ཏསྶ བྷིཀྑུནོ ཨཱསཱཝཙྪེདིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཀེནཙིདེཝ ཀརཎཱིཡེན པཀྐམཏི ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཙཱིཝརཱསཱ ཨུཔྤཛྫཏི. སོ ཏཾ ཙཱིཝརཱསཾ པཡིརུཔཱསཏི. ཨནཱསཱཡ ལབྷཏི, ཨཱསཱཡ ན ལབྷཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཀེནཙིདེཝ ཀརཎཱིཡེན པཀྐམཏི ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཙཱིཝརཱསཱ ཨུཔྤཛྫཏི. སོ ཏཾ ཙཱིཝརཱསཾ པཡིརུཔཱསཏི. ཨནཱསཱཡ ལབྷཏི, ཨཱསཱཡ ན ལབྷཏི. ཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཀེནཙིདེཝ ཀརཎཱིཡེན པཀྐམཏི ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཙཱིཝརཱསཱ ཨུཔྤཛྫཏི. སོ ཏཾ ཙཱིཝརཱསཾ པཡིརུཔཱསཏི. ཨནཱསཱཡ ལབྷཏི, ཨཱསཱཡ ན ལབྷཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཀེནཙིདེཝ ཀརཎཱིཡེན པཀྐམཏི ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཙཱིཝརཱསཱ ཨུཔྤཛྫཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཱསཾ པཡིརུཔཱསིསྶ’’ནྟི. སོ ཏཾ ཙཱིཝརཱསཾ པཡིརུཔཱསཏི. ཏསྶ སཱ ཙཱིཝརཱསཱ ཨུཔཙྪིཛྫཏི. ཏསྶ བྷིཀྑུནོ ཨཱསཱཝཙྪེདིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཀེནཙིདེཝ ཀརཎཱིཡེན པཀྐམཏི ཨནདྷིཊྛིཏེན; ནེཝསྶ ཧོཏི – ‘‘པཙྩེསྶ’’ནྟི, ན པནསྶ ཧོཏི – ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཙཱིཝརཱསཱ ཨུཔྤཛྫཏི. སོ ཏཾ ཙཱིཝརཱསཾ པཡིརུཔཱསཏི. ཨནཱསཱཡ ལབྷཏི, ཨཱསཱཡ ན ལབྷཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཀེནཙིདེཝ ཀརཎཱིཡེན པཀྐམཏི ཨནདྷིཊྛིཏེན; ནེཝསྶ ཧོཏི – ‘‘པཙྩེསྶ’’ནྟི, ན པནསྶ ཧོཏི – ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཙཱིཝརཱསཱ ཨུཔྤཛྫཏི. སོ ཏཾ ཙཱིཝརཱསཾ པཡིརུཔཱསཏི. ཨནཱསཱཡ ལབྷཏི, ཨཱསཱཡ ན ལབྷཏི. ཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཀེནཙིདེཝ ཀརཎཱིཡེན པཀྐམཏི ཨནདྷིཊྛིཏེན; ནེཝསྶ ཧོཏི – ‘‘པཙྩེསྶ’’ནྟི, ན པནསྶ ཧོཏི – ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཙཱིཝརཱསཱ ཨུཔྤཛྫཏི. སོ ཏཾ ཙཱིཝརཱསཾ པཡིརུཔཱསཏི. ཨནཱསཱཡ ལབྷཏི, ཨཱསཱཡ ན ལབྷཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཀེནཙིདེཝ ཀརཎཱིཡེན པཀྐམཏི ཨནདྷིཊྛིཏེན; ནེཝསྶ ཧོཏི – ‘‘པཙྩེསྶ’’ནྟི, ན པནསྶ ཧོཏི – ‘‘ན པཙྩེསྶ’’ནྟི. ཏསྶ བཧིསཱིམགཏསྶ ཙཱིཝརཱསཱ ཨུཔྤཛྫཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཱསཾ པཡིརུཔཱསིསྶཾ, ན པཙྩེསྶ’’ནྟི. སོ ཏཾ ཙཱིཝརཱསཾ པཡིརུཔཱསཏི. ཏསྶ སཱ ཙཱིཝརཱསཱ ཨུཔཙྪིཛྫཏི. ཏསྶ བྷིཀྑུནོ ཨཱསཱཝཙྪེདིཀོ ཀཐིནུདྡྷཱརོ.

ཀརཎཱིཡདོལ༹སཀཾ ནིཊྛིཏཾ.

༡༩༨. ཨཔཝིལཱཡནནཝཀཾ

༣༢༡. བྷིཀྑུ ཨཏྠཏཀཐིནོ དིསཾགམིཀོ པཀྐམཏི ཙཱིཝརཔཊིཝཱིསཾ ཨཔཝིལཱཡམཱནོ [ཨཔཝིནཡམཱནོ (སཱི.), ཨཔཙིནཡམཱནོ (ཀ.)]. ཏམེནཾ དིསངྒཏཾ བྷིཀྑཱུ པུཙྪནྟི – ‘‘ཀཧཾ ཏྭཾ, ཨཱཝུསོ, ཝསྶཾཝུཊྛོ, ཀཏྠ ཙ ཏེ ཙཱིཝརཔཊིཝཱིསོ’’ཏི? སོ ཨེཝཾ ཝདེཏི – ‘‘ཨམུཀསྨིཾ ཨཱཝཱསེ ཝསྶཾཝུཊྛོམྷི. ཏཏྠ ཙ མེ ཙཱིཝརཔཊིཝཱིསོ’’ཏི. ཏེ ཨེཝཾ ཝདནྟི – ‘‘གཙྪཱཝུསོ, ཏཾ ཙཱིཝརཾ ཨཱཧར, མཡཾ ཏེ ཨིདྷ ཙཱིཝརཾ ཀརིསྶཱམཱ’’ཏི. སོ ཏཾ ཨཱཝཱསཾ གནྟྭཱ བྷིཀྑཱུ པུཙྪཏི – ‘‘ཀཧཾ མེ, ཨཱཝུསོ, ཙཱིཝརཔཊིཝཱིསོ’’ཏི? ཏེ ཨེཝཾ ཝདནྟི – ‘‘ཨཡཾ ཏེ, ཨཱཝུསོ, ཙཱིཝརཔཊིཝཱིསོ; ཀཧཾ གམིསྶསཱི’’ཏི? སོ ཨེཝཾ ཝདེཏི – ‘‘ཨམུཀཾ ནཱམ [ཨམུཀཉྩ (ཀ.)] ཨཱཝཱསཾ གམིསྶཱམི, ཏཏྠ མེ བྷིཀྑཱུ ཙཱིཝརཾ ཀརིསྶནྟཱི’’ཏི. ཏེ ཨེཝཾ ཝདནྟི – ‘‘ཨལཾ, ཨཱཝུསོ, མཱ ཨགམཱསི. མཡཾ ཏེ ཨིདྷ ཙཱིཝརཾ ཀརིསྶཱམཱ’’ཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ དིསཾགམིཀོ པཀྐམཏི…པེ… ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ དིསཾགམིཀོ པཀྐམཏི…པེ… ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

༣༢༢. བྷིཀྑུ ཨཏྠཏཀཐིནོ དིསཾགམིཀོ པཀྐམཏི ཙཱིཝརཔཊིཝཱིསཾ ཨཔཝིལཱཡམཱནོ. ཏམེནཾ དིསཾགཏཾ བྷིཀྑཱུ པུཙྪནྟི – ‘‘ཀཧཾ ཏྭཾ, ཨཱཝུསོ, ཝསྶཾཝུཊྛོ, ཀཏྠ ཙ ཏེ ཙཱིཝརཔཊིཝཱིསོ’’ཏི? སོ ཨེཝཾ ཝདེཏི – ‘‘ཨམུཀསྨིཾ ཨཱཝཱསེ ཝསྶཾཝུཊྛོམྷི, ཏཏྠ ཙ མེ ཙཱིཝརཔཊིཝཱིསོ’’ཏི. ཏེ ཨེཝཾ ཝདནྟི – ‘‘གཙྪཱཝུསོ, ཏཾ ཙཱིཝརཾ ཨཱཧར, མཡཾ ཏེ ཨིདྷ ཙཱིཝརཾ ཀརིསྶཱམཱ’’ཏི. སོ ཏཾ ཨཱཝཱསཾ གནྟྭཱ བྷིཀྑཱུ པུཙྪཏི – ‘‘ཀཧཾ མེ, ཨཱཝུསོ, ཙཱིཝརཔཊིཝཱིསོ’’ཏི? ཏེ ཨེཝཾ ཝདནྟི – ‘‘ཨཡཾ ཏེ, ཨཱཝུསོ, ཙཱིཝརཔཊིཝཱིསོ’’ཏི. སོ ཏཾ ཙཱིཝརཾ ཨཱདཱཡ ཏཾ ཨཱཝཱསཾ གཙྪཏི. ཏམེནཾ ཨནྟརཱམགྒེ བྷིཀྑཱུ པུཙྪནྟི – ‘‘ཨཱཝུསོ, ཀཧཾ གམིསྶསཱི’’ཏི? སོ ཨེཝཾ ཝདེཏི – ‘‘ཨམུཀཾ ནཱམ ཨཱཝཱསཾ གམིསྶཱམི, ཏཏྠ མེ བྷིཀྑཱུ ཙཱིཝརཾ ཀརིསྶནྟཱི’’ཏི. ཏེ ཨེཝཾ ཝདནྟི – ‘‘ཨལཾ, ཨཱཝུསོ, མཱ ཨགམཱསི, མཡཾ ཏེ ཨིདྷ ཙཱིཝརཾ ཀརིསྶཱམཱ’’ཏི. ཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ དིསཾགམིཀོ པཀྐམཏི ཙཱིཝརཔཊིཝཱིསཾ ཨཔཝིལཱཡམཱནོ. ཏམེནཾ དིསཾགཏཾ བྷིཀྑཱུ པུཙྪནྟི – ‘‘ཀཧཾ ཏྭཾ, ཨཱཝུསོ, ཝསྶཾཝུཊྛོ, ཀཏྠ ཙ ཏེ ཙཱིཝརཔཊིཝཱིསོ’’ཏི? སོ ཨེཝཾ ཝདེཏི – ‘‘ཨམུཀསྨིཾ ཨཱཝཱསེ ཝསྶཾཝུཊྛོམྷི, ཏཏྠ ཙ མེ ཙཱིཝརཔཊིཝཱིསོ’’ཏི. ཏེ ཨེཝཾ ཝདནྟི – ‘‘གཙྪཱཝུསོ, ཏཾ ཙཱིཝརཾ ཨཱཧར, མཡཾ ཏེ ཨིདྷ ཙཱིཝརཾ ཀརིསྶཱམཱ’’ཏི. སོ ཏཾ ཨཱཝཱསཾ གནྟྭཱ བྷིཀྑཱུ པུཙྪཏི – ‘‘ཀཧཾ མེ, ཨཱཝུསོ, ཙཱིཝརཔཊིཝཱིསོ’’ཏི? ཏེ ཨེཝཾ ཝདནྟི – ‘‘ཨཡཾ ཏེ, ཨཱཝུསོ, ཙཱིཝརཔཊིཝཱིསོ’’ཏི. སོ ཏཾ ཙཱིཝརཾ ཨཱདཱཡ ཏཾ ཨཱཝཱསཾ གཙྪཏི. ཏམེནཾ ཨནྟརཱམགྒེ བྷིཀྑཱུ པུཙྪནྟི – ‘‘ཨཱཝུསོ, ཀཧཾ གམིསྶསཱི’’ཏི? སོ ཨེཝཾ ཝདེཏི – ‘‘ཨམུཀཾ ནཱམ ཨཱཝཱསཾ གམིསྶཱམི, ཏཏྠ མེ བྷིཀྑཱུ ཙཱིཝརཾ ཀརིསྶནྟཱི’’ཏི. ཏེ ཨེཝཾ ཝདནྟི – ‘‘ཨལཾ, ཨཱཝུསོ, མཱ ཨགམཱསི, མཡཾ ཏེ ཨིདྷ ཙཱིཝརཾ ཀརིསྶཱམཱ’’ཏི. ཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ དིསཾགམིཀོ པཀྐམཏི…པེ… ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

༣༢༣. བྷིཀྑུ ཨཏྠཏཀཐིནོ དིསཾགམིཀོ པཀྐམཏི ཙཱིཝརཔཊིཝཱིསཾ ཨཔཝིལཱཡམཱནོ. ཏམེནཾ དིསཾགཏཾ བྷིཀྑཱུ པུཙྪནྟི – ‘‘ཀཧཾ ཏྭཾ, ཨཱཝུསོ, ཝསྶཾཝུཊྛོ, ཀཏྠ ཙ ཏེ ཙཱིཝརཔཊིཝཱིསོ’’ཏི? སོ ཨེཝཾ ཝདེཏི – ‘‘ཨམུཀསྨིཾ ཨཱཝཱསེ ཝསྶཾཝུཊྛོམྷི, ཏཏྠ ཙ མེ ཙཱིཝརཔཊིཝཱིསོ’’ཏི. ཏེ ཨེཝཾ ཝདནྟི – ‘‘གཙྪཱཝུསོ, ཏཾ ཙཱིཝརཾ ཨཱཧར, མཡཾ ཏེ ཨིདྷ ཙཱིཝརཾ ཀརིསྶཱམཱ’’ཏི. སོ ཏཾ ཨཱཝཱསཾ གནྟྭཱ བྷིཀྑཱུ པུཙྪཏི – ‘‘ཀཧཾ མེ, ཨཱཝུསོ, ཙཱིཝརཔཊིཝཱིསོ’’ཏི? ཏེ ཨེཝཾ ཝདནྟི – ‘‘ཨཡཾ ཏེ, ཨཱཝུསོ, ཙཱིཝརཔཊིཝཱིསོ’’ཏི. སོ ཏཾ ཙཱིཝརཾ ཨཱདཱཡ ཏཾ ཨཱཝཱསཾ གཙྪཏི. ཏསྶ ཏཾ ཨཱཝཱསཾ གཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ དིསཾགམིཀོ པཀྐམཏི…པེ… ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ དིསཾགམིཀོ པཀྐམཏི…པེ… ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

ཨཔཝིལཱཡནནཝཀཾ ནིཊྛིཏཾ.

༡༩༩. ཕཱསུཝིཧཱརཔཉྩཀཾ

༣༢༤. བྷིཀྑུ ཨཏྠཏཀཐིནོ ཕཱསུཝིཧཱརིཀོ ཙཱིཝརཾ ཨཱདཱཡ པཀྐམཏི – ‘‘ཨམུཀཾ ནཱམ ཨཱཝཱསཾ གམིསྶཱམི; ཏཏྠ མེ ཕཱསུ བྷཝིསྶཏི ཝསིསྶཱམི, ནོ ཙེ མེ ཕཱསུ བྷཝིསྶཏི, ཨམུཀཾ ནཱམ ཨཱཝཱསཾ གམིསྶཱམི; ཏཏྠ མེ ཕཱསུ བྷཝིསྶཏི ཝསིསྶཱམི, ནོ ཙེ མེ ཕཱསུ བྷཝིསྶཏི, ཨམུཀཾ ནཱམ ཨཱཝཱསཾ གམིསྶཱམི; ཏཏྠ མེ ཕཱསུ བྷཝིསྶཏི ཝསིསྶཱམི, ནོ ཙེ མེ ཕཱསུ བྷཝིསྶཏི, པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ བྷིཀྑུནོ ནིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཕཱསུཝིཧཱརིཀོ ཙཱིཝརཾ ཨཱདཱཡ པཀྐམཏི – ‘‘ཨམུཀཾ ནཱམ ཨཱཝཱསཾ གམིསྶཱམི; ཏཏྠ མེ ཕཱསུ བྷཝིསྶཏི ཝསིསྶཱམི, ནོ ཙེ མེ ཕཱསུ བྷཝིསྶཏི, ཨམུཀཾ ནཱམ ཨཱཝཱསཾ གམིསྶཱམི; ཏཏྠ མེ ཕཱསུ བྷཝིསྶཏི ཝསིསྶཱམི, ནོ ཙེ མེ ཕཱསུ བྷཝིསྶཏི, ཨམུཀཾ ནཱམ ཨཱཝཱསཾ གམིསྶཱམི; ཏཏྠ མེ ཕཱསུ བྷཝིསྶཏི ཝསིསྶཱམི, ནོ ཙེ མེ ཕཱསུ བྷཝིསྶཏི, པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ནེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. ཏསྶ བྷིཀྑུནོ སནྣིཊྛཱནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཕཱསུཝིཧཱརིཀོ ཙཱིཝརཾ ཨཱདཱཡ པཀྐམཏི – ‘‘ཨམུཀཾ ནཱམ ཨཱཝཱསཾ གམིསྶཱམི; ཏཏྠ མེ ཕཱསུ བྷཝིསྶཏི ཝསིསྶཱམི, ནོ ཙེ མེ ཕཱསུ བྷཝིསྶཏི, ཨམུཀཾ ནཱམ ཨཱཝཱསཾ གམིསྶཱམི; ཏཏྠ མེ ཕཱསུ བྷཝིསྶཏི ཝསིསྶཱམི, ནོ ཙེ མེ ཕཱསུ བྷཝིསྶཏི, ཨམུཀཾ ནཱམ ཨཱཝཱསཾ གམིསྶཱམི; ཏཏྠ མེ ཕཱསུ བྷཝིསྶཏི ཝསིསྶཱམི, ནོ ཙེ མེ ཕཱསུ བྷཝིསྶཏི, པཙྩེསྶ’’ནྟི. ཏསྶ བཧིསཱིམགཏསྶ ཨེཝཾ ཧོཏི – ‘‘ཨིདྷེཝིམཾ ཙཱིཝརཾ ཀཱརེསྶཾ, ན པཙྩེསྶ’’ནྟི. སོ ཏཾ ཙཱིཝརཾ ཀཱརེཏི. ཏསྶ ཏཾ ཙཱིཝརཾ ཀཡིརམཱནཾ ནསྶཏི. ཏསྶ བྷིཀྑུནོ ནཱསནནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཕཱསུཝིཧཱརིཀོ ཙཱིཝརཾ ཨཱདཱཡ པཀྐམཏི – ‘‘ཨམུཀཾ ནཱམ ཨཱཝཱསཾ གམིསྶཱམི; ཏཏྠ མེ ཕཱསུ བྷཝིསྶཏི ཝསིསྶཱམི, ནོ ཙེ མེ ཕཱསུ བྷཝིསྶཏི, ཨམུཀཾ ནཱམ ཨཱཝཱསཾ གམིསྶཱམི; ཏཏྠ མེ ཕཱསུ བྷཝིསྶཏི ཝསིསྶཱམི, ནོ ཙེ མེ ཕཱསུ བྷཝིསྶཏི, ཨམུཀཾ ནཱམ ཨཱཝཱསཾ གམིསྶཱམི; ཏཏྠ མེ ཕཱསུ བྷཝིསྶཏི ཝསིསྶཱམི, ནོ ཙེ མེ ཕཱསུ བྷཝིསྶཏི, པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ – ‘‘པཙྩེསྶཾ པཙྩེསྶ’’ནྟི བཧིདྡྷཱ ཀཐིནུདྡྷཱརཾ ཝཱིཏིནཱམེཏི. ཏསྶ བྷིཀྑུནོ སཱིམཱཏིཀྐནྟིཀོ ཀཐིནུདྡྷཱརོ.

བྷིཀྑུ ཨཏྠཏཀཐིནོ ཕཱསུཝིཧཱརིཀོ ཙཱིཝརཾ ཨཱདཱཡ པཀྐམཏི – ‘‘ཨམུཀཾ ནཱམ ཨཱཝཱསཾ གམིསྶཱམི; ཏཏྠ མེ ཕཱསུ བྷཝིསྶཏི ཝསིསྶཱམི, ནོ ཙེ མེ ཕཱསུ བྷཝིསྶཏི, ཨམུཀཾ ནཱམ ཨཱཝཱསཾ གམིསྶཱམི; ཏཏྠ མེ ཕཱསུ བྷཝིསྶཏི ཝསིསྶཱམི, ནོ ཙེ མེ ཕཱསུ བྷཝིསྶཏི, ཨམུཀཾ ནཱམ ཨཱཝཱསཾ གམིསྶཱམི; ཏཏྠ མེ ཕཱསུ བྷཝིསྶཏི ཝསིསྶཱམི, ནོ ཙེ མེ ཕཱསུ བྷཝིསྶཏི, པཙྩེསྶ’’ནྟི. སོ བཧིསཱིམགཏོ ཏཾ ཙཱིཝརཾ ཀཱརེཏི. སོ ཀཏཙཱིཝརོ ‘‘པཙྩེསྶཾ པཙྩེསྶ’’ནྟི སམྦྷུཎཱཏི ཀཐིནུདྡྷཱརཾ. ཏསྶ བྷིཀྑུནོ སཧ བྷིཀྑཱུཧི ཀཐིནུདྡྷཱརོ.

ཕཱསུཝིཧཱརཔཉྩཀཾ ནིཊྛིཏཾ.

༢༠༠. པལིབོདྷཱཔལིབོདྷཀཐཱ

༣༢༥. དྭེམེ, བྷིཀྑཝེ, ཀཐིནསྶ པལིབོདྷཱ, དྭེ ཨཔལིབོདྷཱ. ཀཏམེ ཙ, བྷིཀྑཝེ, དྭེ ཀཐིནསྶ པལིབོདྷཱ? ཨཱཝཱསཔལིབོདྷོ ཙ ཙཱིཝརཔལིབོདྷོ ཙ. ཀཐཉྩ, བྷིཀྑཝེ, ཨཱཝཱསཔལིབོདྷོ ཧོཏི? ཨིདྷ, བྷིཀྑཝེ, བྷིཀྑུ ཝསཏི ཝཱ ཏསྨིཾ ཨཱཝཱསེ, སཱཔེཀྑོ ཝཱ པཀྐམཏི ‘‘པཙྩེསྶ’’ནྟི. ཨེཝཾ ཁོ, བྷིཀྑཝེ, ཨཱཝཱསཔལིབོདྷོ ཧོཏི. ཀཐཉྩ, བྷིཀྑཝེ, ཙཱིཝརཔལིབོདྷོ ཧོཏི? ཨིདྷ, བྷིཀྑཝེ, བྷིཀྑུནོ ཙཱིཝརཾ ཨཀཏཾ ཝཱ ཧོཏི ཝིཔྤཀཏཾ ཝཱ, ཙཱིཝརཱསཱ ཝཱ ཨནུཔཙྪིནྣཱ. ཨེཝཾ ཁོ, བྷིཀྑཝེ, ཙཱིཝརཔལིབོདྷོ ཧོཏི. ཨིམེ ཁོ, བྷིཀྑཝེ, དྭེ ཀཐིནསྶ པལིབོདྷཱ.

ཀཏམེ ཙ, བྷིཀྑཝེ, དྭེ ཀཐིནསྶ ཨཔལིབོདྷཱ? ཨཱཝཱསཨཔལིབོདྷོ ཙ ཙཱིཝརཨཔལིབོདྷོ ཙ. ཀཐཉྩ, བྷིཀྑཝེ, ཨཱཝཱསཨཔལིབོདྷོ ཧོཏི? ཨིདྷ, བྷིཀྑཝེ, བྷིཀྑུ པཀྐམཏི ཏམྷཱ ཨཱཝཱསཱ ཙཏྟེན ཝནྟེན མུཏྟེན ཨནཔེཀྑོ [ཨནཔེཀྑེན (ཀ.)] ‘‘ན པཙྩེསྶ’’ནྟི. ཨེཝཾ ཁོ, བྷིཀྑཝེ, ཨཱཝཱསཨཔལིབོདྷོ ཧོཏི. ཀཐཉྩ, བྷིཀྑཝེ, ཙཱིཝརཨཔལིབོདྷོ ཧོཏི? ཨིདྷ, བྷིཀྑཝེ, བྷིཀྑུནོ ཙཱིཝརཾ ཀཏཾ ཝཱ ཧོཏི, ནཊྛཾ ཝཱ ཝིནཊྛཾ ཝཱ དཌྜྷཾ ཝཱ, ཙཱིཝརཱསཱ ཝཱ ཨུཔཙྪིནྣཱ. ཨེཝཾ ཁོ, བྷིཀྑཝེ, ཙཱིཝརཨཔལིབོདྷོ ཧོཏི. ཨིམེ ཁོ, བྷིཀྑཝེ, དྭེ ཀཐིནསྶ ཨཔལིབོདྷཱཏི.

པལིབོདྷཱཔལིབོདྷཀཐཱ ནིཊྛིཏཱ.

ཀཐིནཀྑནྡྷཀོ ནིཊྛིཏོ སཏྟམོ.

༢༠༡. ཏསྶུདྡཱནཾ

ཏིཾས པཱཝེཡྻཀཱ བྷིཀྑཱུ, སཱཀེཏུཀྐཎྛིཏཱ ཝསུཾ;

ཝསྶཾཝུཊྛོཀཔུཎྞེཧི, ཨགམུཾ ཛིནདསྶནཾ.

ཨིདཾ ཝཏྠུ ཀཐིནསྶ, ཀཔྤིསྶནྟི ཙ པཉྩཀཱ;

ཨནཱམནྟཱ ཨསམཱཙཱརཱ, ཏཐེཝ གཎབྷོཛནཾ.

ཡཱཝདཏྠཉྩ ཨུཔྤཱདོ, ཨཏྠཏཱནཾ བྷཝིསྶཏི;

ཉཏྟི ཨེཝཏྠཏཉྩེཝ, ཨེཝཉྩེཝ ཨནཏྠཏཾ.

ཨུལླིཁི དྷོཝནཱ ཙེཝ, ཝིཙཱརཎཉྩ ཚེདནཾ;

བནྡྷནོ ཝཊྚི ཀཎྜུས, དལ༹ྷཱིཀམྨཱནུཝཱཏིཀཱ.

པརིབྷཎྜཾ ཨོཝདྡྷེཡྻཾ, མདྡནཱ ནིམིཏྟཾ ཀཐཱ;

ཀུཀྐུ སནྣིདྷི ནིསྶགྒི, ན ཀཔྤཉྙཏྲ ཏེ ཏཡོ.

ཨཉྙཏྲ པཉྩཱཏིརེཀེ, སཉྪིནྣེན སམཎྜལཱི;

ནཱཉྙཏྲ པུགྒལཱ སམྨཱ, ནིསྶཱིམཊྛོནུམོདཏི.

ཀཐིནཱནཏྠཏཾ ཧོཏི, ཨེཝཾ བུདྡྷེན དེསིཏཾ;

ཨཧཏཱཀཔྤཔིལོཏི, པཾསུ པཱཔཎིཀཱཡ ཙ.

ཨནིམིཏྟཱཔརིཀཐཱ, ཨཀུཀྐུ ཙ ཨསནྣིདྷི;

ཨནིསྶགྒི ཀཔྤཀཏེ, ཏཐཱ ཏིཙཱིཝརེན ཙ.

པཉྩཀེ ཝཱཏིརེཀེ ཝཱ, ཚིནྣེ སམཎྜལཱིཀཏེ;

པུགྒལསྶཏྠཱརཱ སམྨཱ, སཱིམཊྛོ ཨནུམོདཏི.

ཨེཝཾ ཀཐིནཏྠརཎཾ, ཨུབྦྷཱརསྶཊྛམཱཏིཀཱ;

པཀྐམནནྟི ནིཊྛཱནཾ, སནྣིཊྛཱནཉྩ ནཱསནཾ.

སཝནཾ ཨཱསཱཝཙྪེདི, སཱིམཱ སཧུབྦྷཱརཊྛམཱི;

ཀཏཙཱིཝརམཱདཱཡ, ‘‘ན པཙྩེསྶ’’ནྟི གཙྪཏི.

ཏསྶ ཏཾ ཀཐིནུདྡྷཱརཱ,ཨེ ཧོཏི པཀྐམནནྟིཀོ;

ཨཱདཱཡ ཙཱིཝརཾ ཡཱཏི, ནིསྶཱིམེ ཨིདཾ ཙིནྟཡི.

‘‘ཀཱརེསྶཾ ན པཙྩེསྶ’’ནྟི, ནིཊྛཱནེ ཀཐིནུདྡྷཱརོ;

ཨཱདཱཡ ནིསྶཱིམཾ ནེཝ, ‘‘ན པཙྩེསྶ’’ནྟི མཱནསོ.

ཏསྶ ཏཾ ཀཐིནུདྡྷཱརོ, སནྣིཊྛཱནནྟིཀོ བྷཝེ;

ཨཱདཱཡ ཙཱིཝརཾ ཡཱཏི, ནིསྶཱིམེ ཨིདཾ ཙིནྟཡི.

‘‘ཀཱརེསྶཾ ན པཙྩེསྶ’’ནྟི, ཀཡིརཾ ཏསྶ ནསྶཏི;

ཏསྶ ཏཾ ཀཐིནུདྡྷཱརོ, བྷཝཏི ནཱསནནྟིཀོ.

ཨཱདཱཡ ཡཱཏི ‘‘པཙྩེསྶཾ’’, བཧི ཀཱརེཏི ཙཱིཝརཾ;

ཀཏཙཱིཝརོ སུཎཱཏི, ཨུབྦྷཏཾ ཀཐིནཾ ཏཧིཾ.

ཏསྶ ཏཾ ཀཐིནུདྡྷཱརོ, བྷཝཏི སཝནནྟིཀོ;

ཨཱདཱཡ ཡཱཏི ‘‘པཙྩེསྶཾ’’, བཧི ཀཱརེཏི ཙཱིཝརཾ.

ཀཏཙཱིཝརོ བཧིདྡྷཱ, ནཱམེཏི ཀཐིནུདྡྷཱརཾ;

ཏསྶ ཏཾ ཀཐིནུདྡྷཱརོ, སཱིམཱཏིཀྐནྟིཀོ བྷཝེ.

ཨཱདཱཡ ཡཱཏི ‘‘པཙྩེསྶཾ’’, བཧི ཀཱརེཏི ཙཱིཝརཾ;

ཀཏཙཱིཝརོ པཙྩེསྶཾ, སམྦྷོཏི ཀཐིནུདྡྷཱརཾ.

ཏསྶ ཏཾ ཀཐིནུདྡྷཱརོ, སཧ བྷིཀྑཱུཧི ཛཱཡཏི;

ཨཱདཱཡ ཙ སམཱདཱཡ, སཏྟ-སཏྟཝིདྷཱ གཏི.

པཀྐམནནྟིཀཱ ནཏྠི, ཚཀྐེ ཝིཔྤཀཏེ [ཚཊྛེ ཝིཔྤཀཏཱ (སཱི.), ཚཙྩཱ ཝིཔྤཀཐཱ (ཀ.)] གཏི;

ཨཱདཱཡ ནིསྶཱིམགཏཾ, ཀཱརེསྶཾ ཨིཏི ཛཱཡཏི.

ནིཊྛཱནཾ སནྣིཊྛཱནཉྩ, ནཱསནཉྩ ཨིམེ ཏཡོ;

ཨཱདཱཡ ‘‘ན པཙྩེསྶ’’ནྟི, བཧིསཱིམེ ཀརོམིཏི.

ནིཊྛཱནཾ སནྣིཊྛཱནམྤི, ནཱསནམྤི ཨིདཾ ཏཡོ;

ཨནདྷིཊྛིཏེན ནེཝསྶ, ཧེཊྛཱ ཏཱིཎི ནཡཱཝིདྷི.

ཨཱདཱཡ ཡཱཏི པཙྩེསྶཾ, བཧིསཱིམེ ཀརོམིཏི;

‘‘ན པཙྩེསྶ’’ནྟི ཀཱརེཏི, ནིཊྛཱནེ ཀཐིནུདྡྷཱརོ.

སནྣིཊྛཱནཾ ནཱསནཉྩ, སཝནསཱིམཱཏིཀྐམཱ;

སཧ བྷིཀྑཱུཧི ཛཱཡེཐ, ཨེཝཾ པནྣརསཾ གཏི.

སམཱདཱཡ ཝིཔྤཀཏཱ, སམཱདཱཡ པུནཱ ཏཐཱ;

ཨིམེ ཏེ ཙཏུརོ ཝཱརཱ, སབྦེ པནྣརསཝིདྷི.

ཨནཱསཱཡ ཙ ཨཱསཱཡ, ཀརཎཱིཡོ ཙ ཏེ ཏཡོ;

ནཡཏོ ཏཾ ཝིཛཱནེཡྻ, ཏཡོ དྭཱདས དྭཱདས.

ཨཔཝིལཱནཱ ནཝེཏྠ [ཨཔཝིལཱཡམཱནེཝ (སྱཱ.), ཨཔཝིནཱ ནཝ ཙེཏྠ (སཱི.)], ཕཱསུ པཉྩཝིདྷཱ ཏཧིཾ;

པལིབོདྷཱཔལིབོདྷཱ, ཨུདྡཱནཾ ནཡཏོ ཀཏནྟི.

ཨིམམྷི ཁནྡྷཀེ ཝཏྠཱུ དོལ༹སཀཔེཡྻཱལམུཁཱནི ཨེཀསཏཾ ཨཊྛཱརས.

ཀཐིནཀྑནྡྷཀོ ནིཊྛིཏོ.

༨. ཙཱིཝརཀྑནྡྷཀོ

༢༠༢. ཛཱིཝཀཝཏྠུ

༣༢༦. ཏེན སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན ཝེསཱལཱི ཨིདྡྷཱ ཙེཝ ཧོཏི ཕིཏཱ [ཕཱིཏཱ (བཧཱུསུ)] ཙ བཧུཛནཱ ཙ ཨཱཀིཎྞམནུསྶཱ ཙ སུབྷིཀྑཱ ཙ; སཏྟ ཙ པཱསཱདསཧསྶཱནི སཏྟ ཙ པཱསཱདསཏཱནི སཏྟ ཙ པཱསཱདཱ; སཏྟ ཙ ཀཱུཊཱགཱརསཧསྶཱནི སཏྟ ཙ ཀཱུཊཱགཱརསཏཱནི སཏྟ ཙ ཀཱུཊཱགཱརཱནི; སཏྟ ཙ ཨཱརཱམསཧསྶཱནི སཏྟ ཙ ཨཱརཱམསཏཱནི སཏྟ ཙ ཨཱརཱམཱ; སཏྟ ཙ པོཀྑརཎཱིསཧསྶཱནི སཏྟ ཙ པོཀྑརཎཱིསཏཱནི སཏྟ ཙ པོཀྑརཎིཡོ; ཨམྦཔཱལཱི ཙ གཎིཀཱ ཨབྷིརཱུཔཱ ཧོཏི དསྶནཱིཡཱ པཱསཱདིཀཱ པརམཱཡ ཝཎྞཔོཀྑརཏཱཡ སམནྣཱགཏཱ, པདཀྑིཎཱ [པདཀྑཱ (སྱཱ.)] ནཙྩེ ཙ གཱིཏེ ཙ ཝཱདིཏེ ཙ, ཨབྷིསཊཱ ཨཏྠིཀཱནཾ ཨཏྠིཀཱནཾ མནུསྶཱནཾ པཉྙཱསཱཡ ཙ རཏྟིཾ གཙྪཏི; ཏཱཡ ཙ ཝེསཱལཱི བྷིཡྻོསོམཏྟཱཡ ཨུཔསོབྷཏི. ཨཐ ཁོ རཱཛགཧཀོ ནེགམོ ཝེསཱལིཾ ཨགམཱསི ཀེནཙིདེཝ ཀརཎཱིཡེན. ཨདྡསཱ ཁོ རཱཛགཧཀོ ནེགམོ ཝེསཱལིཾ ཨིདྡྷཉྩེཝ ཕིཏཉྩ བཧུཛནཉྩ ཨཱཀིཎྞམནུསྶཉྩ སུབྷིཀྑཉྩ; སཏྟ ཙ པཱསཱདསཧསྶཱནི སཏྟ ཙ པཱསཱདསཏཱནི སཏྟ ཙ པཱསཱདེ; སཏྟ ཙ ཀཱུཊཱགཱརསཧསྶཱནི སཏྟ ཙ ཀཱུཊཱགཱརསཏཱནི སཏྟ ཙ ཀཱུཊཱགཱརཱནི; སཏྟ ཙ ཨཱརཱམསཧསྶཱནི སཏྟ ཙ ཨཱརཱམསཏཱནི སཏྟ ཙ ཨཱརཱམེ; སཏྟ ཙ པོཀྑརཎཱིསཧསྶཱནི སཏྟ ཙ པོཀྑརཎཱིསཏཱནི སཏྟ ཙ པོཀྑརཎིཡོ; ཨམྦཔཱལིཉྩ གཎིཀཾ ཨབྷིརཱུཔཾ དསྶནཱིཡཾ པཱསཱདིཀཾ པརམཱཡ ཝཎྞཔོཀྑརཏཱཡ སམནྣཱགཏཾ, པདཀྑིཎཾ [པདཀྑཾ (སྱཱ.)] ནཙྩེ ཙ གཱིཏེ ཙ ཝཱདིཏེ ཙ, ཨབྷིསཊཾ ཨཏྠིཀཱནཾ ཨཏྠིཀཱནཾ མནུསྶཱནཾ པཉྙཱསཱཡ ཙ རཏྟིཾ གཙྪནྟིཾ, ཏཱཡ ཙ ཝེསཱལིཾ བྷིཡྻོསོམཏྟཱཡ ཨུཔསོབྷནྟིཾ.

༣༢༧. ཨཐ ཁོ རཱཛགཧཀོ ནེགམོ ཝེསཱལིཡཾ ཏཾ ཀརཎཱིཡཾ ཏཱིརེཏྭཱ པུནདེཝ རཱཛགཧཾ པཙྩཱགཉྪི. ཡེན རཱཛཱ མཱགདྷོ སེནིཡོ བིམྦིསཱརོ ཏེནུཔསངྐམི, ཨུཔསངྐམིཏྭཱ རཱཛཱནཾ མཱགདྷཾ སེནིཡཾ བིམྦིསཱརཾ ཨེཏདཝོཙ – ‘‘ཝེསཱལཱི, དེཝ, ཨིདྡྷཱ ཙེཝ ཕིཏཱ ཙ བཧུཛནཱ ཙ ཨཱཀིཎྞམནུསྶཱ ཙ སུབྷིཀྑཱ ཙ; སཏྟ ཙ པཱསཱདསཧསྶཱནི…པེ… ཏཱཡ ཙ ཝེསཱལཱི བྷིཡྻོསོམཏྟཱཡ ཨུཔསོབྷཏི. སཱདྷུ, དེཝ, མཡམྤི གཎིཀཾ ཝུཊྛཱཔེསྶཱམཱ’’ཏི [ཝུཊྛཱཔེཡྻཱམ (ཀ.)]. ‘‘ཏེན ཧི, བྷཎེ, ཏཱདིསིཾ ཀུམཱརིཾ ཛཱནཱཐ ཡཾ ཏུམྷེ གཎིཀཾ ཝུཊྛཱཔེཡྻཱཐཱ’’ཏི. ཏེན ཁོ པན སམཡེན རཱཛགཧེ སཱལཝཏཱི ནཱམ ཀུམཱརཱི ཨབྷིརཱུཔཱ ཧོཏི དསྶནཱིཡཱ པཱསཱདིཀཱ པརམཱཡ ཝཎྞཔོཀྑརཏཱཡ སམནྣཱགཏཱ. ཨཐ ཁོ རཱཛགཧཀོ ནེགམོ སཱལཝཏིཾ ཀུམཱརིཾ གཎིཀཾ ཝུཊྛཱཔེསི. ཨཐ ཁོ སཱལཝཏཱི གཎིཀཱ ནཙིརསྶེཝ པདཀྑིཎཱ ཨཧོསི ནཙྩེ ཙ གཱིཏེ ཙ ཝཱདིཏེ ཙ, ཨབྷིསཊཱ ཨཏྠིཀཱནཾ ཨཏྠིཀཱནཾ མནུསྶཱནཾ པཊིསཏེན ཙ རཏྟིཾ གཙྪཏི. ཨཐ ཁོ སཱལཝཏཱི གཎིཀཱ ནཙིརསྶེཝ གབྦྷིནཱི ཨཧོསི. ཨཐ ཁོ སཱལཝཏིཡཱ གཎིཀཱཡ ཨེཏདཧོསི – ‘‘ཨིཏྠཱི ཁོ གབྦྷིནཱི པུརིསཱནཾ ཨམནཱཔཱ. སཙེ མཾ ཀོཙི ཛཱནིསྶཏི སཱལཝཏཱི གཎིཀཱ གབྦྷིནཱིཏི, སབྦོ མེ སཀྐཱརོ བྷཉྫིསྶཏི [ པརིཧཱཡིསྶཏི (སཱི. སྱཱ.)]. ཡཾནཱུནཱཧཾ གིལཱནཾ པཊིཝེདེཡྻ’’ནྟི. ཨཐ ཁོ སཱལཝཏཱི གཎིཀཱ དོཝཱརིཀཾ ཨཱཎཱཔེསི – ‘‘མཱ, བྷཎེ དོཝཱརིཀ, ཀོཙི པུརིསོ པཱཝིསི. ཡོ ཙ མཾ པུཙྪཏི, ‘གིལཱནཱ’ཏི པཊིཝེདེཧཱི’’ཏི. ‘‘ཨེཝཾ, ཨཡྻེ’’ཏི ཁོ སོ དོཝཱརིཀོ སཱལཝཏིཡཱ གཎིཀཱཡ པཙྩསྶོསི. ཨཐ ཁོ སཱལཝཏཱི གཎིཀཱ ཏསྶ གབྦྷསྶ པརིཔཱཀམནྭཱཡ པུཏྟཾ ཝིཛཱཡི. ཨཐ ཁོ སཱལཝཏཱི གཎིཀཱ དཱསིཾ ཨཱཎཱཔེསི – ‘‘ཧནྡ, ཛེ, ཨིམཾ དཱརཀཾ ཀཏྟརསུཔྤེ པཀྑིཔིཏྭཱ ནཱིཧརིཏྭཱ སངྐཱརཀཱུཊེ ཚཌྜེཧཱི’’ཏི. ‘‘ཨེཝཾ, ཨཡྻེ’’ཏི ཁོ སཱ དཱསཱི སཱལཝཏིཡཱ གཎིཀཱཡ པཊིསྶུཏྭཱ ཏཾ དཱརཀཾ ཀཏྟརསུཔྤེ པཀྑིཔིཏྭཱ ནཱིཧརིཏྭཱ སངྐཱརཀཱུཊེ ཚཌྜེསི.

༣༢༨. ཏེན ཁོ པན སམཡེན ཨབྷཡོ ནཱམ རཱཛཀུམཱརོ ཀཱལསྶེཝ རཱཛུཔཊྛཱནཾ གཙྪནྟོ ཨདྡས ཏཾ དཱརཀཾ ཀཱཀེཧི སམྤརིཀིཎྞཾ, དིསྭཱན མནུསྶེ པུཙྪི – ‘‘ཀིཾ ཨེཏཾ, བྷཎེ, ཀཱཀེཧི སམྤརིཀིཎྞ’’ནྟི? ‘‘དཱརཀོ, དེཝཱ’’ཏི. ‘‘ཛཱིཝཏི, བྷཎེ’’ཏི? ‘‘ཛཱིཝཏི, དེཝཱ’’ཏི. ‘‘ཏེན ཧི, བྷཎེ, ཏཾ དཱརཀཾ ཨམྷཱཀཾ ཨནྟེཔུརཾ ནེཏྭཱ དྷཱཏཱིནཾ དེཐ པོསེཏུ’’ནྟི. ‘‘ཨེཝཾ, དེཝཱ’’ཏི ཁོ ཏེ མནུསྶཱ ཨབྷཡསྶ རཱཛཀུམཱརསྶ པཊིསྶུཏྭཱ ཏཾ དཱརཀཾ ཨབྷཡསྶ རཱཛཀུམཱརསྶ ཨནྟེཔུརཾ ནེཏྭཱ དྷཱཏཱིནཾ ཨདཾསུ – ‘‘པོསེཐཱ’’ཏི. ཏསྶ ཛཱིཝཏཱིཏི ‘ཛཱིཝཀོ’ཏི ནཱམཾ ཨཀཾསུ. ཀུམཱརེན པོསཱཔིཏོཏི ‘ཀོམཱརབྷཙྩོ’ཏི ནཱམཾ ཨཀཾསུ. ཨཐ ཁོ ཛཱིཝཀོ ཀོམཱརབྷཙྩོ ནཙིརསྶེཝ ཝིཉྙུཏཾ པཱཔུཎི. ཨཐ ཁོ ཛཱིཝཀོ ཀོམཱརབྷཙྩོ ཡེན ཨབྷཡོ རཱཛཀུམཱརོ ཏེནུཔསངྐམི; ཨུཔསངྐམིཏྭཱ ཨབྷཡཾ རཱཛཀུམཱརཾ ཨེཏདཝོཙ – ‘‘ཀཱ མེ, དེཝ, མཱཏཱ, ཀོ པིཏཱ’’ཏི? ‘‘ཨཧམྤི ཁོ ཏེ, བྷཎེ ཛཱིཝཀ, མཱཏརཾ ན ཛཱནཱམི; ཨཔི ཙཱཧཾ ཏེ པིཏཱ; མཡཱསི [མཡཱཔི (ཀ.)] པོསཱཔིཏོ’’ཏི. ཨཐ ཁོ ཛཱིཝཀསྶ ཀོམཱརབྷཙྩསྶ ཨེཏདཧོསི – ‘‘ཨིམཱནི ཁོ རཱཛཀུལཱནི ན སུཀརཱནི ཨསིཔྤེན ཨུཔཛཱིཝིཏུཾ. ཡཾནཱུནཱཧཾ སིཔྤཾ སིཀྑེཡྻ’’ནྟི.

༣༢༩. ཏེན ཁོ པན སམཡེན ཏཀྐསིལཱཡཾ [ཏཀྐསཱིལཱཡཾ (ཀ.)] དིསཱཔཱམོཀྑོ ཝེཛྫོ པཊིཝསཏི. ཨཐ ཁོ ཛཱིཝཀོ ཀོམཱརབྷཙྩོ ཨབྷཡཾ རཱཛཀུམཱརཾ ཨནཱཔུཙྪཱ ཡེན ཏཀྐསིལཱ ཏེན པཀྐཱམི. ཨནུཔུབྦེན ཡེན ཏཀྐསིལཱ, ཡེན ཝེཛྫོ ཏེནུཔསངྐམི; ཨུཔསངྐམིཏྭཱ ཏཾ ཝེཛྫཾ ཨེཏདཝོཙ – ‘‘ཨིཙྪཱམཧཾ, ཨཱཙརིཡ, སིཔྤཾ སིཀྑིཏུ’’ནྟི. ‘‘ཏེན ཧི, བྷཎེ ཛཱིཝཀ, སིཀྑསྶཱུ’’ཏི. ཨཐ ཁོ ཛཱིཝཀོ ཀོམཱརབྷཙྩོ བཧུཉྩ གཎྷཱཏི ལཧུཉྩ གཎྷཱཏི སུཊྛུ ཙ ཨུཔདྷཱརེཏི, གཧིཏཉྩསྶ ན སམྨུསྶཏི [ན པམུསྶཏི (སཱི. སྱཱ.)]. ཨཐ ཁོ ཛཱིཝཀསྶ ཀོམཱརབྷཙྩསྶ སཏྟནྣཾ ཝསྶཱནཾ ཨཙྩཡེན ཨེཏདཧོསི – ‘‘ཨཧཾ, ཁོ བཧུཉྩ གཎྷཱམི ལཧུཉྩ གཎྷཱམི སུཊྛུ ཙ ཨུཔདྷཱརེམི, གཧིཏཉྩ མེ ན སམྨུསྶཏི, སཏྟ ཙ མེ ཝསྶཱནི ཨདྷཱིཡནྟསྶ, ནཡིམསྶ སིཔྤསྶ ཨནྟོ པཉྙཱཡཏི. ཀདཱ ཨིམསྶ སིཔྤསྶ ཨནྟོ པཉྙཱཡིསྶཏཱི’’ཏི. ཨཐ ཁོ ཛཱིཝཀོ ཀོམཱརབྷཙྩོ ཡེན སོ ཝེཛྫོ ཏེནུཔསངྐམི, ཨུཔསངྐམིཏྭཱ ཏཾ ཝེཛྫཾ ཨེཏདཝོཙ – ‘‘ཨཧཾ ཁོ, ཨཱཙརིཡ, བཧུཉྩ གཎྷཱམི ལཧུཉྩ གཎྷཱམི སུཊྛུ ཙ ཨུཔདྷཱརེམི, གཧིཏཉྩ མེ ན སམྨུསྶཏི, སཏྟ ཙ མེ ཝསྶཱནི ཨདྷཱིཡནྟསྶ, ནཡིམསྶ སིཔྤསྶ ཨནྟོ པཉྙཱཡཏི. ཀདཱ ཨིམསྶ སིཔྤསྶ ཨནྟོ པཉྙཱཡིསྶཏཱི’’ཏི? ‘‘ཏེན ཧི, བྷཎེ ཛཱིཝཀ, ཁཎིཏྟིཾ ཨཱདཱཡ ཏཀྐསིལཱཡ སམནྟཱ ཡོཛནཾ ཨཱཧིཎྜིཏྭཱ ཡཾ ཀིཉྩི ཨབྷེསཛྫཾ པསྶེཡྻཱསི ཏཾ ཨཱཧརཱ’’ཏི. ‘‘ཨེཝཾ, ཨཱཙརིཡཱ’’ཏི ཁོ ཛཱིཝཀོ ཀོམཱརབྷཙྩོ ཏསྶ ཝེཛྫསྶ པཊིསྶུཏྭཱ ཁཎིཏྟིཾ ཨཱདཱཡ ཏཀྐསིལཱཡ སམནྟཱ ཡོཛནཾ ཨཱཧིཎྜནྟོ ན ཀིཉྩི ཨབྷེསཛྫཾ ཨདྡས. ཨཐ ཁོ ཛཱིཝཀོ ཀོམཱརབྷཙྩོ ཡེན སོ ཝེཛྫོ ཏེནུཔསངྐམི, ཨུཔསངྐམིཏྭཱ ཏཾ ཝེཛྫཾ ཨེཏདཝོཙ – ‘‘ཨཱཧིཎྜནྟོམྷི, ཨཱཙརིཡ, ཏཀྐསིལཱཡ སམནྟཱ ཡོཛནཾ, ན ཀིཉྩི [ཨཱཧིཎྚནྟོ ན ཀིཉྩི (ཀ.)] ཨབྷེསཛྫཾ ཨདྡས’’ནྟི. ‘‘སུསིཀྑིཏོསི, བྷཎེ ཛཱིཝཀ. ཨལཾ ཏེ ཨེཏྟཀཾ ཛཱིཝིཀཱཡཱ’’ཏི ཛཱིཝཀསྶ ཀོམཱརབྷཙྩསྶ པརིཏྟཾ པཱཐེཡྻཾ པཱདཱསི. ཨཐ ཁོ ཛཱིཝཀོ ཀོམཱརབྷཙྩོ ཏཾ པརིཏྟཾ པཱཐེཡྻཾ ཨཱདཱཡ ཡེན རཱཛགཧཾ ཏེན པཀྐཱམི. ཨཐ ཁོ ཛཱིཝཀསྶ ཀོམཱརབྷཙྩསྶ ཏཾ པརིཏྟཾ པཱཐེཡྻཾ ཨནྟརཱམགྒེ སཱཀེཏེ པརིཀྑཡཾ ཨགམཱསི. ཨཐ ཁོ ཛཱིཝཀསྶ ཀོམཱརབྷཙྩསྶ ཨེཏདཧོསི – ‘‘ཨིམེ ཁོ མགྒཱ ཀནྟཱརཱ ཨཔྤོདཀཱ ཨཔྤབྷཀྑཱ, ན སུཀརཱ ཨཔཱཐེཡྻེན གནྟུཾ. ཡཾནཱུནཱཧཾ པཱཐེཡྻཾ པརིཡེསེཡྻ’’ནྟི.

ཛཱིཝཀཝཏྠུ ནིཊྛིཏཾ.

༢༠༣. སེཊྛིབྷརིཡཱཝཏྠུ

༣༣༠. ཏེན ཁོ པན སམཡེན སཱཀེཏེ སེཊྛིབྷརིཡཱཡ སཏྟཝསྶིཀོ སཱིསཱབཱདྷོ ཧོཏི. བཧཱུ མཧནྟཱ མཧནྟཱ དིསཱཔཱམོཀྑཱ ཝེཛྫཱ ཨཱགནྟྭཱ ནཱསཀྑིཾསུ ཨརོགཾ ཀཱཏུཾ. བཧུཾ ཧིརཉྙཾ ཨཱདཱཡ ཨགམཾསུ. ཨཐ ཁོ ཛཱིཝཀོ ཀོམཱརབྷཙྩོ སཱཀེཏཾ པཝིསིཏྭཱ མནུསྶེ པུཙྪི – ‘‘ཀོ, བྷཎེ, གིལཱནོ, ཀཾ ཏིཀིཙྪཱམཱི’’ཏི? ‘‘ཨེཏིསྶཱ, ཨཱཙརིཡ, སེཊྛིབྷརིཡཱཡ སཏྟཝསྶིཀོ སཱིསཱབཱདྷོ; གཙྪ, ཨཱཙརིཡ, སེཊྛིབྷརིཡཾ ཏིཀིཙྪཱཧཱི’’ཏི. ཨཐ ཁོ ཛཱིཝཀོ ཀོམཱརབྷཙྩོ ཡེན སེཊྛིསྶ གཧཔཏིསྶ ནིཝེསནཾ ཏེནུཔསངྐམི; ཨུཔསངྐམིཏྭཱ དོཝཱརིཀཾ ཨཱཎཱཔེསི – ‘‘གཙྪ, བྷཎེ དོཝཱརིཀ, སེཊྛིབྷརིཡཱཡ པཱཝད – ‘ཝེཛྫོ, ཨཡྻེ, ཨཱགཏོ, སོ ཏཾ དཊྛུཀཱམོ’’’ཏི. ‘‘ཨེཝཾ, ཨཱཙརིཡཱ’’ཏི ཁོ སོ དོཝཱརིཀོ ཛཱིཝཀསྶ ཀོམཱརབྷཙྩསྶ པཊིསྶུཏྭཱ ཡེན སེཊྛིབྷརིཡཱ ཏེནུཔསངྐམི, ཨུཔསངྐམིཏྭཱ སེཊྛིབྷརིཡཾ ཨེཏདཝོཙ – ‘‘ཝེཛྫོ, ཨཡྻེ, ཨཱགཏོ; སོ ཏཾ དཊྛུཀཱམོ’’ཏི. ‘‘ཀཱིདིསོ, བྷཎེ དོཝཱརིཀ, ཝེཛྫོ’’ཏི? ‘‘དཧརཀོ, ཨཡྻེ’’ཏི. ‘‘ཨལཾ, བྷཎེ དོཝཱརིཀ, ཀིཾ མེ དཧརཀོ ཝེཛྫོ ཀརིསྶཏི? བཧཱུ མཧནྟཱ མཧནྟཱ དིསཱཔཱམོཀྑཱ ཝེཛྫཱ ཨཱགནྟྭཱ ནཱསཀྑིཾསུ ཨརོགཾ ཀཱཏུཾ. བཧུཾ ཧིརཉྙཾ ཨཱདཱཡ ཨགམཾསཱུ’’ཏི. ཨཐ ཁོ སོ དོཝཱརིཀོ ཡེན ཛཱིཝཀོ ཀོམཱརབྷཙྩོ ཏེནུཔསངྐམི; ཨུཔསངྐམིཏྭཱ ཛཱིཝཀཾ ཀོམཱརབྷཙྩཾ ཨེཏདཝོཙ – ‘‘སེཊྛིབྷརིཡཱ, ཨཱཙརིཡ, ཨེཝམཱཧ – ‘ཨལཾ, བྷཎེ དོཝཱརིཀ, ཀིཾ མེ དཧརཀོ ཝེཛྫོ ཀརིསྶཏི? བཧཱུ མཧནྟཱ མཧནྟཱ དིསཱཔཱམོཀྑཱ ཝེཛྫཱ ཨཱགནྟྭཱ ནཱསཀྑིཾསུ ཨརོགཾ ཀཱཏུཾ. བཧུཾ ཧིརཉྙཾ ཨཱདཱཡ ཨགམཾསཱུ’’’ཏི. ‘‘གཙྪ, བྷཎེ དོཝཱརིཀ, སེཊྛིབྷརིཡཱཡ པཱཝད – ‘ཝེཛྫོ, ཨཡྻེ, ཨེཝམཱཧ – མཱ ཀིར, ཨཡྻེ, པུརེ ཀིཉྩི ཨདཱསི. ཡདཱ ཨརོགཱ ཨཧོསི ཏདཱ ཡཾ ཨིཙྪེཡྻཱསི ཏཾ དཛྫེཡྻཱསཱི’’’ཏི. ‘‘ཨེཝཾ, ཨཱཙརིཡཱ’’ཏི ཁོ སོ དོཝཱརིཀོ ཛཱིཝཀསྶ ཀོམཱརབྷཙྩསྶ པཊིསྶུཏྭཱ ཡེན སེཊྛིབྷརིཡཱ ཏེནུཔསངྐམི; ཨུཔསངྐམིཏྭཱ སེཊྛིབྷརིཡཾ ཨེཏདཝོཙ – ‘‘ཝེཛྫོ, ཨཡྻེ, ཨེཝམཱཧ – ‘མཱ ཀིར, ཨཡྻེ, པུརེ ཀིཉྩི ཨདཱསི. ཡདཱ ཨརོགཱ ཨཧོསི ཏདཱ ཡཾ ཨིཙྪེཡྻཱསི ཏཾ དཛྫེཡྻཱསཱི’’’ཏི. ‘‘ཏེན ཧི, བྷཎེ དོཝཱརིཀ, ཝེཛྫོ ཨཱགཙྪཏཱུ’’ཏི. ‘‘ཨེཝཾ, ཨཡྻེ’’ཏི ཁོ སོ དོཝཱརིཀོ སེཊྛིབྷརིཡཱཡ པཊིསྶུཏྭཱ ཡེན ཛཱིཝཀོ ཀོམཱརབྷཙྩོ ཏེནུཔསངྐམི, ཨུཔསངྐམིཏྭཱ ཛཱིཝཀཾ ཀོམཱརབྷཙྩཾ ཨེཏདཝོཙ – ‘‘སེཊྛིབྷརིཡཱ ཏཾ, ཨཱཙརིཡ, པཀྐོསཏཱི’’ཏི.

ཨཐ ཁོ ཛཱིཝཀོ ཀོམཱརབྷཙྩོ ཡེན སེཊྛིབྷརིཡཱ ཏེནུཔསངྐམི, ཨུཔསངྐམིཏྭཱ སེཊྛིབྷརིཡཱཡ ཝིཀཱརཾ སལླཀྑེཏྭཱ སེཊྛིབྷརིཡཾ ཨེཏདཝོཙ – ‘‘པསཏེན, ཨཡྻེ, སཔྤིནཱ ཨཏྠོ’’ཏི. ཨཐ ཁོ སེཊྛིབྷརིཡཱ ཛཱིཝཀསྶ ཀོམཱརབྷཙྩསྶ པསཏཾ སཔྤིཾ དཱཔེསི. ཨཐ ཁོ ཛཱིཝཀོ ཀོམཱརབྷཙྩོ ཏཾ པསཏཾ སཔྤིཾ ནཱནཱབྷེསཛྫེཧི ནིཔྤཙིཏྭཱ སེཊྛིབྷརིཡཾ མཉྩཀེ ཨུཏྟཱནཾ ནིཔཱཏེཏྭཱ [ནིཔཛྫཱཔེཏྭཱ (སཱི. སྱཱ.)] ནཏྠུཏོ ཨདཱསི. ཨཐ ཁོ ཏཾ སཔྤིཾ ནཏྠུཏོ དིནྣཾ མུཁཏོ ཨུགྒཉྪི. ཨཐ ཁོ སེཊྛིབྷརིཡཱ པཊིགྒཧེ ནིཊྛུབྷིཏྭཱ དཱསིཾ ཨཱཎཱཔེསི – ‘‘ཧནྡ, ཛེ, ཨིམཾ སཔྤིཾ པིཙུནཱ གཎྷཱཧཱི’’ཏི. ཨཐ ཁོ ཛཱིཝཀསྶ ཀོམཱརབྷཙྩསྶ ཨེཏདཧོསི – ‘‘ཨཙྪརིཡཾ [ཨཙྪརིཡཾ ཝཏ བྷོ (སྱཱ.)] ཡཱཝ ལཱུཁཱཡཾ གྷརཎཱི, ཡཏྲ ཧི ནཱམ ཨིམཾ ཚཌྜནཱིཡདྷམྨཾ སཔྤིཾ པིཙུནཱ གཱཧཱཔེསྶཏི. བཧུཀཱནི ཙ མེ མཧགྒྷཱནི [མཧགྒྷཱནི མཧགྒྷཱནི (སཱི. སྱཱ.)] བྷེསཛྫཱནི ཨུཔགཏཱནི. ཀིམྤི མཱཡཾ ཀིཉྩི [ཀཉྩི (སྱཱ.)] དེཡྻདྷམྨཾ དསྶཏཱི’’ཏི. ཨཐ ཁོ སེཊྛིབྷརིཡཱ ཛཱིཝཀསྶ ཀོམཱརབྷཙྩསྶ ཝིཀཱརཾ སལླཀྑེཏྭཱ ཛཱིཝཀཾ ཀོམཱརབྷཙྩཾ ཨེཏདཝོཙ – ‘‘ཀིསྶ ཏྭཾ, ཨཱཙརིཡ, ཝིམནོསཱི’’ཏི? ཨིདྷ མེ ཨེཏདཧོསི – ‘‘ཨཙྪརིཡཾ ཡཱཝ ལཱུཁཱཡཾ དྷརཎཱི, ཡཏྲ ཧི ནཱམ ཨིམཾ ཚཌྜནཱིཡདྷམྨཾ སཔྤིཾ པིཙུནཱ གཱཧཱཔེསྶཏི. བཧུཀཱནི ཙ མེ མཧགྒྷཱནི སཛྫཱནི ཨུཔགཏཱནི. ཀིམྤི མཱཡཾ ཀིཉྩི དེཡྻདྷམྨཾ དསྶཏཱི’’ཏི. ‘‘མཡཾ ཁོ, ཨཱཙརིཡ, ཨཱགཱརིཀཱ ནཱམ ཨུཔཛཱནཱམེཏསྶ སཾཡམསྶ. ཝརམེཏཾ སཔྤི དཱསཱནཾ ཝཱ ཀམྨཀརཱནཾ ཝཱ པཱདབྦྷཉྫནཾ ཝཱ པདཱིཔཀརཎེ ཝཱ ཨཱསིཏྟཾ. མཱ ཁོ ཏྭཾ, ཨཱཙརིཡ, ཝིམནོ ཨཧོསི. ན ཏེ དེཡྻདྷམྨོ ཧཱཡིསྶཏཱི’’ཏི. ཨཐ ཁོ ཛཱིཝཀོ ཀོམཱརབྷཙྩོ སེཊྛིབྷརིཡཱཡ སཏྟཝསྶིཀཾ སཱིསཱབཱདྷཾ ཨེཀེནེཝ ནཏྠུཀམྨེན ཨཔཀཌྜྷི. ཨཐ ཁོ སེཊྛིབྷརིཡཱ ཨརོགཱ སམཱནཱ ཛཱིཝཀསྶ ཀོམཱརབྷཙྩསྶ ཙཏྟཱརི སཧསྶཱནི པཱདཱསི. པུཏྟོ – མཱཏཱ མེ ཨརོགཱ ཋིཏཱཏི ཙཏྟཱརི སཧསྶཱནི པཱདཱསི. སུཎིསཱ – སསྶུ མེ ཨརོགཱ ཋིཏཱཏི ཙཏྟཱརི སཧསྶཱནི པཱདཱསི. སེཊྛི གཧཔཏི – བྷརིཡཱ མེ ཨརོགཱ ཋིཏཱཏི ཙཏྟཱརི སཧསྶཱནི པཱདཱསི དཱསཉྩ དཱསིཉྩ ཨསྶརཐཉྩ.

ཨཐ ཁོ ཛཱིཝཀོ ཀོམཱརབྷཙྩོ ཏཱནི སོལ༹སསཧསྶཱནི ཨཱདཱཡ དཱསཉྩ དཱསིཉྩ ཨསྶརཐཉྩ ཡེན རཱཛགཧཾ ཏེན པཀྐཱམི. ཨནུཔུབྦེན ཡེན རཱཛགཧཾ ཡེན ཨབྷཡོ རཱཛཀུམཱརོ ཏེནུཔསངྐམི, ཨུཔསངྐམིཏྭཱ ཨབྷཡཾ རཱཛཀུམཱརཾ ཨེཏདཝོཙ – ‘‘ཨིདཾ མེ, དེཝ, པཋམཀམྨཾ སོལ༹སསཧསྶཱནི དཱསོ ཙ དཱསཱི ཙ ཨསྶརཐོ ཙ. པཊིགྒཎྷཱཏུ མེ དེཝོ པོསཱཝནིཀ’’ནྟི. ‘‘ཨལཾ, བྷཎེ ཛཱིཝཀ; ཏུཡ྄ཧམེཝ ཧོཏུ. ཨམྷཱཀཉྙེཝ ཨནྟེཔུརེ ནིཝེསནཾ མཱཔེཧཱི’’ཏི. ‘‘ཨེཝཾ, དེཝཱ’’ཏི ཁོ ཛཱིཝཀོ ཀོམཱརབྷཙྩོ ཨབྷཡསྶ རཱཛཀུམཱརསྶ པཊིསྶུཏྭཱ ཨབྷཡསྶ རཱཛཀུམཱརསྶ ཨནྟེཔུརེ ནིཝེསནཾ མཱཔེསི.

སེཊྛིབྷརིཡཱཝཏྠུ ནིཊྛིཏཾ.

༢༠༤. བིམྦིསཱརརཱཛཝཏྠུ

༣༣༡. ཏེན ཁོ པན སམཡེན རཉྙོ མཱགདྷསྶ སེནིཡསྶ བིམྦིསཱརསྶ བྷགནྡལཱབཱདྷོ ཧོཏི. སཱཊཀཱ ལོཧིཏེན མཀྑིཡནྟི. དེཝིཡོ དིསྭཱ ཨུཔྤཎྜེནྟི – ‘‘ཨུཏུནཱི དཱནི དེཝོ, པུཔྥཾ དེཝསྶ ཨུཔྤནྣཾ, ན ཙིརཾ [ནཙིརསྶེཝ (སྱཱ.)] དེཝོ ཝིཛཱཡིསྶཏཱི’’ཏི. ཏེན རཱཛཱ མངྐུ ཧོཏི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཨབྷཡཾ རཱཛཀུམཱརཾ ཨེཏདཝོཙ – ‘‘མཡ྄ཧཾ ཁོ, བྷཎེ ཨབྷཡ, ཏཱདིསོ ཨཱབཱདྷོ, སཱཊཀཱ ལོཧིཏེན མཀྑིཡནྟི, དེཝིཡོ མཾ དིསྭཱ ཨུཔྤཎྜེནྟི – ‘ཨུཏུནཱི དཱནི དེཝོ, པུཔྥཾ དེཝསྶ ཨུཔྤནྣཾ, ན ཙིརཾ དེཝོ ཝིཛཱཡིསྶཏཱི’ཏི. ཨིངྒྷ, བྷཎེ ཨབྷཡ, ཏཱདིསཾ ཝེཛྫཾ ཛཱནཱཧི ཡོ མཾ ཏིཀིཙྪེཡྻཱ’’ཏི. ‘‘ཨཡཾ, དེཝ, ཨམྷཱཀཾ ཛཱིཝཀོ ཝེཛྫོ ཏརུཎོ བྷདྲཀོ. སོ དེཝཾ ཏིཀིཙྪིསྶཏཱི’’ཏི. ‘‘ཏེན ཧི, བྷཎེ ཨབྷཡ, ཛཱིཝཀཾ ཝེཛྫཾ ཨཱཎཱཔེཧི; སོ མཾ ཏིཀིཙྪིསྶཏཱི’’ཏི. ཨཐ ཁོ ཨབྷཡོ རཱཛཀུམཱརོ ཛཱིཝཀཾ ཀོམཱརབྷཙྩཾ ཨཱཎཱཔེསི – ‘‘གཙྪ, བྷཎེ ཛཱིཝཀ, རཱཛཱནཾ ཏིཀིཙྪཱཧཱི’’ཏི. ‘‘ཨེཝཾ, དེཝཱ’’ཏི ཁོ ཛཱིཝཀོ ཀོམཱརབྷཙྩོ ཨབྷཡསྶ རཱཛཀུམཱརསྶ པཊིསྶུཏྭཱ ནཁེན བྷེསཛྫཾ ཨཱདཱཡ ཡེན རཱཛཱ མཱགདྷོ སེནིཡོ བིམྦིསཱརོ ཏེནུཔསངྐམི, ཨུཔསངྐམིཏྭཱ རཱཛཱནཾ མཱགདྷཾ སེནིཡཾ བིམྦིསཱརཾ ཨེཏདཝོཙ – ‘‘ཨཱབཱདྷཾ ཏེ, དེཝ, པསྶཱམཱ’’ཏི [པསྶཱམཱིཏི (སྱཱ.)]. ཨཐ ཁོ ཛཱིཝཀོ ཀོམཱརབྷཙྩོ རཉྙོ མཱགདྷསྶ སེནིཡསྶ བིམྦིསཱརསྶ བྷགནྡལཱབཱདྷཾ ཨེཀེནེཝ ཨཱལེཔེན ཨཔཀཌྜྷི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཨརོགོ སམཱནོ པཉྩ ཨིཏྠིསཏཱནི སབྦཱལངྐཱརཾ བྷཱུསཱཔེཏྭཱ ཨོམུཉྩཱཔེཏྭཱ པུཉྫཾ ཀཱརཱཔེཏྭཱ ཛཱིཝཀཾ ཀོམཱརབྷཙྩཾ ཨེཏདཝོཙ – ‘‘ཨེཏཾ, བྷཎེ ཛཱིཝཀ, པཉྩནྣཾ ཨིཏྠིསཏཱནཾ སབྦཱལངྐཱརཾ ཏུཡ྄ཧཾ ཧོཏཱུ’’ཏི. ‘‘ཨལཾ, དེཝ, ཨདྷིཀཱརཾ མེ དེཝོ སརཏཱུ’’ཏི. ‘‘ཏེན ཧི, བྷཎེ ཛཱིཝཀ, མཾ ཨུཔཊྛཧ, ཨིཏྠཱགཱརཉྩ, བུདྡྷཔྤམུཁཉྩ བྷིཀྑུསངྒྷ’’ནྟི. ‘‘ཨེཝཾ, དེཝཱ’’ཏི ཁོ ཛཱིཝཀོ ཀོམཱརབྷཙྩོ རཉྙོ མཱགདྷསྶ སེནིཡསྶ བིམྦིསཱརསྶ པཙྩསྶོསི.

བིམྦིསཱརརཱཛཝཏྠུ ནིཊྛིཏཾ.

༢༠༥. རཱཛགཧསེཊྛིཝཏྠུ

༣༣༢. ཏེན ཁོ པན སམཡེན རཱཛགཧཀསྶ སེཊྛིསྶ སཏྟཝསྶིཀོ སཱིསཱབཱདྷོ ཧོཏི. བཧཱུ མཧནྟཱ མཧནྟཱ དིསཱཔཱམོཀྑཱ ཝེཛྫཱ ཨཱགནྟྭཱ ནཱསཀྑིཾསུ ཨརོགཾ ཀཱཏུཾ. བཧུཾ ཧིརཉྙཾ ཨཱདཱཡ ཨགམཾསུ. ཨཔི ཙ, ཝེཛྫེཧི པཙྩཀྑཱཏོ ཧོཏི. ཨེཀཙྩེ ཝེཛྫཱ ཨེཝམཱཧཾསུ – ‘‘པཉྩམཾ དིཝསཾ སེཊྛི གཧཔཏི ཀཱལཾ ཀརིསྶཏཱི’’ཏི. ཨེཀཙྩེ ཝེཛྫཱ ཨེཝམཱཧཾསུ – ‘‘སཏྟམཾ དིཝསཾ སེཊྛི གཧཔཏི ཀཱལཾ ཀརིསྶཏཱི’’ཏི. ཨཐ ཁོ རཱཛགཧཀསྶ ནེགམསྶ ཨེཏདཧོསི – ‘‘ཨཡཾ ཁོ སེཊྛི གཧཔཏི བཧཱུཔཀཱརོ རཉྙོ ཙེཝ ནེགམསྶ ཙ. ཨཔི ཙ, ཝེཛྫེཧི པཙྩཀྑཱཏོ. ཨེཀཙྩེ ཝེཛྫཱ ཨེཝམཱཧཾསུ – ‘པཉྩམཾ དིཝསཾ སེཊྛི གཧཔཏི ཀཱལཾ ཀརིསྶཏཱི’ཏི. ཨེཀཙྩེ ཝེཛྫཱ ཨེཝམཱཧཾསུ – ‘སཏྟམཾ དིཝསཾ སེཊྛི གཧཔཏི ཀཱལཾ ཀརིསྶཏཱི’ཏི. ཨཡཉྩ རཉྙོ ཛཱིཝཀོ ཝེཛྫོ ཏརུཎོ བྷདྲཀོ. ཡཾནཱུན མཡཾ རཱཛཱནཾ ཛཱིཝཀཾ ཝེཛྫཾ ཡཱཙེཡྻཱམ སེཊྛིཾ གཧཔཏིཾ ཏིཀིཙྪིཏུ’’ནྟི. ཨཐ ཁོ རཱཛགཧཀོ ནེགམོ ཡེན རཱཛཱ མཱགདྷོ སེནིཡོ བིམྦིསཱརོ ཏེནུཔསངྐམི; ཨུཔསངྐམིཏྭཱ རཱཛཱནཾ མཱགདྷཾ སེནིཡཾ བིམྦིསཱརཾ ཨེཏདཝོཙ – ‘‘ཨཡཾ, དེཝ, སེཊྛི གཧཔཏི བཧཱུཔཀཱརོ དེཝསྶ ཙེཝ ནེགམསྶ ཙ; ཨཔི ཙ, ཝེཛྫེཧི པཙྩཀྑཱཏོ. ཨེཀཙྩེ ཝེཛྫཱ ཨེཝམཱཧཾསུ – པཉྩམཾ དིཝསཾ སེཊྛི གཧཔཏི ཀཱལཾ ཀརིསྶཏཱིཏི. ཨེཀཙྩེ ཝེཛྫཱ ཨེཝམཱཧཾསུ – སཏྟམཾ དིཝསཾ སེཊྛི གཧཔཏི ཀཱལཾ ཀརིསྶཏཱིཏི. སཱདྷུ དེཝོ ཛཱིཝཀཾ ཝེཛྫཾ ཨཱཎཱཔེཏུ སེཊྛིཾ གཧཔཏིཾ ཏིཀིཙྪིཏུ’’ནྟི.

ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཛཱིཝཀཾ ཀོམཱརབྷཙྩཾ ཨཱཎཱཔེསི – ‘‘གཙྪ, བྷཎེ ཛཱིཝཀ, སེཊྛིཾ གཧཔཏིཾ ཏིཀིཙྪཱཧཱི’’ཏི. ‘‘ཨེཝཾ, དེཝཱ’’ཏི ཁོ ཛཱིཝཀོ ཀོམཱརབྷཙྩོ རཉྙོ མཱགདྷསྶ སེནིཡསྶ བིམྦིསཱརསྶ པཊིསྶུཏྭཱ ཡེན སེཊྛི གཧཔཏི ཏེནུཔསངྐམི; ཨུཔསངྐམིཏྭཱ སེཊྛིསྶ གཧཔཏིསྶ ཝིཀཱརཾ སལླཀྑེཏྭཱ སེཊྛིཾ གཧཔཏིཾ ཨེཏདཝོཙ – ‘‘སཙེ ཏྭཾ, གཧཔཏི, ཨརོགོ བྷཝེཡྻཱསི [སཙཱཧཾ ཏཾ གཧཔཏི ཨརོགཱཔེཡྻཾ (སཱི.), སཙཱཧཾ ཏཾ གཧཔཏི ཨརོགཾ ཀརེཡྻཾ (སྱཱ.)] ཀིཾ མེ ཨསྶ དེཡྻདྷམྨོ’’ཏི? ‘‘སབྦཾ སཱཔཏེཡྻཉྩ ཏེ, ཨཱཙརིཡ, ཧོཏུ, ཨཧཉྩ ཏེ དཱསོ’’ཏི. ‘‘སཀྑིསྶསི པན ཏྭཾ, གཧཔཏི, ཨེཀེན པསྶེན སཏྟམཱསེ ནིཔཛྫིཏུ’’ནྟི? ‘‘སཀྐོམཧཾ, ཨཱཙརིཡ, ཨེཀེན པསྶེན སཏྟམཱསེ ནིཔཛྫིཏུ’’ནྟི. ‘‘སཀྑིསྶསི པན ཏྭཾ, གཧཔཏི, དུཏིཡེན པསྶེན སཏྟམཱསེ ནིཔཛྫིཏུ’’ནྟི? ‘‘སཀྐོམཧཾ, ཨཱཙརིཡ, དུཏིཡེན པསྶེན སཏྟམཱསེ ནིཔཛྫིཏུ’’ནྟི. ‘‘སཀྑིསྶསི པན ཏྭཾ, གཧཔཏི, ཨུཏྟཱནོ སཏྟམཱསེ ནིཔཛྫིཏུ’’ནྟི? ‘‘སཀྐོམཧཾ, ཨཱཙརིཡ, ཨུཏྟཱནོ སཏྟམཱསེ ནིཔཛྫིཏུ’’ནྟི.

ཨཐ ཁོ ཛཱིཝཀོ ཀོམཱརབྷཙྩོ སེཊྛིཾ གཧཔཏིཾ མཉྩཀེ ནིཔཱཏེཏྭཱ [ནིཔཛྫཱཔེཏྭཱ (སཱི. སྱཱ.)] མཉྩཀེ [མཉྩཀེན (སཱི.)] སམྦནྡྷིཏྭཱ སཱིསཙྪཝིཾ ཨུཔྤཱཊེཏྭཱ [ཕཱལེཏྭཱ (སཱི.)] སིབྦིནིཾ ཝིནཱམེཏྭཱ དྭེ པཱཎཀེ ནཱིཧརིཏྭཱ མཧཱཛནསྶ དསྶེསི – ‘‘པསྶཐཡྻེ [པསྶེསྱཱཐ (སཱི.), པསྶཐ (སྱཱ.), པསྶཐཡྻོ (ཀ.)], ཨིམེ དྭེ པཱཎཀེ, ཨེཀཾ ཁུདྡཀཾ ཨེཀཾ མཧལླཀཾ. ཡེ ཏེ ཨཱཙརིཡཱ ཨེཝམཱཧཾསུ – པཉྩམཾ དིཝསཾ སེཊྛི གཧཔཏི ཀཱལཾ ཀརིསྶཏཱིཏི – ཏེཧཱཡཾ མཧལླཀོ པཱཎཀོ དིཊྛོ. པཉྩམཾ དིཝསཾ སེཊྛིསྶ གཧཔཏིསྶ མཏྠལུངྒཾ པརིཡཱདིཡིསྶཏི. མཏྠལུངྒསྶ པརིཡཱདཱནཱ སེཊྛི གཧཔཏི ཀཱལཾ ཀརིསྶཏི. སུདིཊྛོ ཏེཧི ཨཱཙརིཡེཧི. ཡེ ཏེ ཨཱཙརིཡཱ ཨེཝམཱཧཾསུ – སཏྟམཾ དིཝསཾ སེཊྛི གཧཔཏི ཀཱལཾ ཀརིསྶཏཱིཏི – ཏེཧཱཡཾ ཁུདྡཀོ པཱཎཀོ དིཊྛོ. སཏྟམཾ དིཝསཾ སེཊྛིསྶ གཧཔཏིསྶ མཏྠལུངྒཾ པརིཡཱདིཡིསྶཏི. མཏྠལུངྒསྶ པརིཡཱདཱནཱ སེཊྛི གཧཔཏི ཀཱལཾ ཀརིསྶཏི. སུདིཊྛོ ཏེཧི ཨཱཙརིཡེཧཱི’’ཏི. སིབྦིནིཾ སམྤཊིཔཱཊེཏྭཱ སཱིསཙྪཝིཾ སིབྦིཏྭཱ ཨཱལེཔཾ ཨདཱསི. ཨཐ ཁོ སེཊྛི གཧཔཏི སཏྟཱཧསྶ ཨཙྩཡེན ཛཱིཝཀཾ ཀོམཱརབྷཙྩཾ ཨེཏདཝོཙ – ‘‘ནཱཧཾ, ཨཱཙརིཡ, སཀྐོམི ཨེཀེན པསྶེན སཏྟམཱསེ ནིཔཛྫིཏུ’’ནྟི. ‘‘ནནུ མེ ཏྭཾ, གཧཔཏི, པཊིསྶུཎི – སཀྐོམཧཾ, ཨཱཙརིཡ, ཨེཀེན པསྶེན སཏྟམཱསེ ནིཔཛྫིཏུ’’ནྟི? ‘‘སཙྩཱཧཾ, ཨཱཙརིཡ, པཊིསྶུཎིཾ, ཨཔཱཧཾ མརིསྶཱམི, ནཱཧཾ སཀྐོམི ཨེཀེན པསྶེན སཏྟམཱསེ ནིཔཛྫིཏུ’’ནྟི. ‘‘ཏེན ཧི ཏྭཾ, གཧཔཏི, དུཏིཡེན པསྶེན སཏྟམཱསེ ནིཔཛྫཱཧཱི’’ཏི. ཨཐ ཁོ སེཊྛི གཧཔཏི སཏྟཱཧསྶ ཨཙྩཡེན ཛཱིཝཀཾ ཀོམཱརབྷཙྩཾ ཨེཏདཝོཙ – ‘‘ནཱཧཾ, ཨཱཙརིཡ, སཀྐོམི དུཏིཡེན པསྶེན སཏྟམཱསེ ནིཔཛྫིཏུ’’ནྟི. ‘‘ནནུ མེ ཏྭཾ, གཧཔཏི, པཊིསྶུཎི – སཀྐོམཧཾ, ཨཱཙརིཡ, དུཏིཡེན པསྶེན སཏྟམཱསེ ནིཔཛྫིཏུ’’ནྟི? ‘‘སཙྩཱཧཾ, ཨཱཙརིཡ, པཊིསྶུཎིཾ, ཨཔཱཧཾ མརིསྶཱམི, ནཱཧཾ, ཨཱཙརིཡ, སཀྐོམི དུཏིཡེན པསྶེན སཏྟམཱསེ ནིཔཛྫིཏུ’’ནྟི. ‘‘ཏེན ཧི ཏྭཾ, གཧཔཏི, ཨུཏྟཱནོ སཏྟམཱསེ ནིཔཛྫཱཧཱི’’ཏི. ཨཐ ཁོ སེཊྛི གཧཔཏི སཏྟཱཧསྶ ཨཙྩཡེན ཛཱིཝཀཾ ཀོམཱརབྷཙྩཾ ཨེཏདཝོཙ – ‘‘ནཱཧཾ, ཨཱཙརིཡ, སཀྐོམི ཨུཏྟཱནོ སཏྟམཱསེ ནིཔཛྫིཏུ’’ནྟི. ‘‘ནནུ མེ ཏྭཾ, གཧཔཏི, པཊིསྶུཎི – སཀྐོམཧཾ, ཨཱཙརིཡ, ཨུཏྟཱནོ སཏྟམཱསེ ནིཔཛྫིཏུ’’ནྟི? ‘‘སཙྩཱཧཾ, ཨཱཙརིཡ, པཊིསྶུཎིཾ, ཨཔཱཧཾ མརིསྶཱམི, ནཱཧཾ སཀྐོམི ཨུཏྟཱནོ སཏྟམཱསེ ནིཔཛྫིཏུ’’ནྟི. ‘‘ཨཧཾ ཙེ ཏཾ, གཧཔཏི, ན ཝདེཡྻཾ, ཨེཏྟཀམྤི ཏྭཾ ན ནིཔཛྫེཡྻཱསི, ཨཔི ཙ པཊིཀཙྩེཝ མཡཱ ཉཱཏོ – ཏཱིཧི སཏྟཱཧེཧི སེཊྛི གཧཔཏི ཨརོགོ བྷཝིསྶཏཱིཏི. ཨུཊྛེཧི, གཧཔཏི, ཨརོགོསི. ཛཱནཱསི ཀིཾ མེ དེཡྻདྷམྨོ’’ཏི? ‘‘སབྦཾ སཱཔཏེཡྻཉྩ ཏེ, ཨཱཙརིཡ, ཧོཏུ, ཨཧཉྩ ཏེ དཱསོ’’ཏི. ‘‘ཨལཾ, གཧཔཏི, མཱ མེ ཏྭཾ སབྦཾ སཱཔཏེཡྻཾ ཨདཱསི, མཱ ཙ མེ དཱསོ. རཉྙོ སཏསཧསྶཾ དེཧི, མཡ྄ཧཾ སཏསཧསྶ’’ནྟི. ཨཐ ཁོ སེཊྛི གཧཔཏི ཨརོགོ སམཱནོ རཉྙོ སཏསཧསྶཾ ཨདཱསི, ཛཱིཝཀསྶ ཀོམཱརབྷཙྩསྶ སཏསཧསྶཾ.

རཱཛགཧསེཊྛིཝཏྠུ ནིཊྛིཏཾ.

༢༠༦. སེཊྛིཔུཏྟཝཏྠུ

༣༣༣. ཏེན ཁོ པན སམཡེན བཱརཱཎསེཡྻཀསྶ སེཊྛིཔུཏྟསྶ མོཀྑཙིཀཱཡ ཀཱིལ༹ནྟསྶ ཨནྟགཎྛཱབཱདྷོ ཧོཏི, ཡེན ཡཱགུཔི པཱིཏཱ ན སམྨཱ པརིཎཱམཾ གཙྪཏི, བྷཏྟམྤི བྷུཏྟཾ ན སམྨཱ པརིཎཱམཾ གཙྪཏི, ཨུཙྩཱརོཔི པསྶཱཝོཔི ན པགུཎོ. སོ ཏེན ཀིསོ ཧོཏི ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ. ཨཐ ཁོ བཱརཱཎསེཡྻཀསྶ སེཊྛིསྶ ཨེཏདཧོསི – ‘‘མཡ྄ཧཾ ཁོ པུཏྟསྶ ཏཱདིསོ ཨཱབཱདྷོ, ཡེན ཡཱགུཔི པཱིཏཱ ན སམྨཱ པརིཎཱམཾ གཙྪཏི, བྷཏྟམྤི བྷུཏྟཾ ན སམྨཱ པརིཎཱམཾ གཙྪཏི, ཨུཙྩཱརོཔི པསྶཱཝོཔི ན པགུཎོ. སོ ཏེན ཀིསོ ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ. ཡཾནཱུནཱཧཾ རཱཛགཧཾ གནྟྭཱ རཱཛཱནཾ ཛཱིཝཀཾ ཝེཛྫཾ ཡཱཙེཡྻཾ པུཏྟཾ མེ ཏིཀིཙྪིཏུ’’ནྟི. ཨཐ ཁོ བཱརཱཎསེཡྻཀོ སེཊྛི རཱཛགཧཾ གནྟྭཱ ཡེན རཱཛཱ མཱགདྷོ སེནིཡོ བིམྦིསཱརོ ཏེནུཔསངྐམི, ཨུཔསངྐམིཏྭཱ རཱཛཱནཾ མཱགདྷཾ སེནིཡཾ བིམྦིསཱརཾ ཨེཏདཝོཙ – ‘‘མཡ྄ཧཾ ཁོ, དེཝ, པུཏྟསྶ ཏཱདིསོ ཨཱབཱདྷོ, ཡེན ཡཱགུཔི པཱིཏཱ ན སམྨཱ པརིཎཱམཾ གཙྪཏི, བྷཏྟམྤི བྷུཏྟཾ ན སམྨཱ པརིཎཱམཾ གཙྪཏི, ཨུཙྩཱརོཔི པསྶཱཝོཔི ན པགུཎོ. སོ ཏེན ཀིསོ ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ. སཱདྷུ དེཝོ ཛཱིཝཀཾ ཝེཛྫཾ ཨཱཎཱཔེཏུ པུཏྟཾ མེ ཏིཀིཙྪིཏུ’’ནྟི.

ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཛཱིཝཀཾ ཀོམཱརབྷཙྩཾ ཨཱཎཱཔེསི – ‘‘གཙྪ, བྷཎེ ཛཱིཝཀ, བཱརཱཎསིཾ གནྟྭཱ བཱརཱཎསེཡྻཀཾ སེཊྛིཔུཏྟཾ ཏིཀིཙྪཱཧཱི’’ཏི. ‘‘ཨེཝཾ, དེཝཱ’’ཏི ཁོ ཛཱིཝཀོ ཀོམཱརབྷཙྩོ རཉྙོ མཱགདྷསྶ སེནིཡསྶ བིམྦིསཱརསྶ པཊིསྶུཏྭཱ བཱརཱཎསིཾ གནྟྭཱ ཡེན བཱརཱཎསེཡྻཀོ སེཊྛིཔུཏྟོ ཏེནུཔསངྐམི, ཨུཔསངྐམིཏྭཱ བཱརཱཎསེཡྻཀསྶ སེཊྛིཔུཏྟསྶ ཝིཀཱརཾ སལླཀྑེཏྭཱ ཛནཾ ཨུསྶཱརེཏྭཱ ཏིརོཀརཎིཡཾ པརིཀྑིཔིཏྭཱ ཐམྦྷེ ཨུབྦནྡྷིཏྭཱ [ཨུཔནིབནྡྷིཏྭཱ (སཱི. སྱཱ.)] བྷརིཡཾ པུརཏོ ཋཔེཏྭཱ ཨུདརཙྪཝིཾ ཨུཔྤཱཊེཏྭཱ ཨནྟགཎྛིཾ ནཱིཧརིཏྭཱ བྷརིཡཱཡ དསྶེསི – ‘‘པསྶ ཏེ སཱམིཀསྶ ཨཱབཱདྷཾ, ཨིམིནཱ ཡཱགུཔི པཱིཏཱ ན སམྨཱ པརིཎཱམཾ གཙྪཏི, བྷཏྟམྤི བྷུཏྟཾ ན སམྨཱ པརིཎཱམཾ གཙྪཏི, ཨུཙྩཱརོཔི པསྶཱཝོཔི ན པགུཎོ; ཨིམིནཱཡཾ ཀིསོ ལཱུཁོ དུབྦཎྞོ ཨུཔྤཎྜུཔྤཎྜུཀཛཱཏོ དྷམནིསནྠཏགཏྟོ’’ཏི. ཨནྟགཎྛིཾ ཝིནིཝེཋེཏྭཱ ཨནྟཱནི པཊིཔཝེསེཏྭཱ ཨུདརཙྪཝིཾ སིབྦིཏྭཱ ཨཱལེཔཾ ཨདཱསི. ཨཐ ཁོ བཱརཱཎསེཡྻཀོ སེཊྛིཔུཏྟོ ནཙིརསྶེཝ ཨརོགོ ཨཧོསི. ཨཐ ཁོ བཱརཱཎསེཡྻཀོ སེཊྛི ‘པུཏྟོ མེ ཨརོགོ ཋིཏོ’ཏི [ཨརོགཱཔིཏོཏི (སཱི.)] ཛཱིཝཀསྶ ཀོམཱརབྷཙྩསྶ སོལ༹སསཧསྶཱནི པཱདཱསི. ཨཐ ཁོ ཛཱིཝཀོ ཀོམཱརབྷཙྩོ ཏཱནི སོལ༹སསཧསྶཱནི ཨཱདཱཡ པུནདེཝ རཱཛགཧཾ པཙྩཱགཉྪི.

སེཊྛིཔུཏྟཝཏྠུ ནིཊྛིཏཾ.

༢༠༧. པཛྫོཏརཱཛཝཏྠུ

༣༣༤. ཏེན ཁོ པན སམཡེན རཉྙོ [ཨུཛྫེནིཡཾ རཉྙོ (སྱཱ.)] པཛྫོཏསྶ པཎྜུརོགཱབཱདྷོ ཧོཏི. བཧཱུ མཧནྟཱ མཧནྟཱ དིསཱཔཱམོཀྑཱ ཝེཛྫཱ ཨཱགནྟྭཱ ནཱསཀྑིཾསུ ཨརོགཾ ཀཱཏུཾ. བཧུཾ ཧིརཉྙཾ ཨཱདཱཡ ཨགམཾསུ. ཨཐ ཁོ རཱཛཱ པཛྫོཏོ རཉྙོ མཱགདྷསྶ སེནིཡསྶ བིམྦིསཱརསྶ སནྟིཀེ དཱུཏཾ པཱཧེསི – ‘‘མཡ྄ཧཾ ཁོ ཏཱདིསོ ཨཱབཱདྷོ, སཱདྷུ དེཝོ ཛཱིཝཀཾ ཝེཛྫཾ ཨཱཎཱཔེཏུ, སོ མཾ ཏིཀིཙྪིསྶཏཱི’’ཏི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཛཱིཝཀཾ ཀོམཱརབྷཙྩཾ ཨཱཎཱཔེསི – ‘‘གཙྪ, བྷཎེ ཛཱིཝཀ; ཨུཛྫེནིཾ གནྟྭཱ རཱཛཱནཾ པཛྫོཏཾ ཏིཀིཙྪཱཧཱི’’ཏི. ‘‘ཨེཝཾ, དེཝཱ’’ཏི ཁོ ཛཱིཝཀོ ཀོམཱརབྷཙྩོ རཉྙོ མཱགདྷསྶ སེནིཡསྶ བིམྦིསཱརསྶ པཊིསྶུཏྭཱ ཨུཛྫེནིཾ གནྟྭཱ ཡེན རཱཛཱ པཛྫོཏོ ཏེནུཔསངྐམི; ཨུཔསངྐམིཏྭཱ རཉྙོ པཛྫོཏསྶ ཝིཀཱརཾ སལླཀྑེཏྭཱ རཱཛཱནཾ པཛྫོཏཾ ཨེཏདཝོཙ – ‘‘སཔྤིཾ དེཧི [ཨིདཾ པདདྭཡཾ སཱི. སྱཱ. པོཏྠཀེསུ ནཏྠི], སཔྤིཾ དེཝ, ནིཔྤཙིསྶཱམི. ཏཾ དེཝོ པིཝིསྶཏཱི’’ཏི. ‘‘ཨལཾ, བྷཎེ ཛཱིཝཀ, ཡཾ ཏེ སཀྐཱ ཝིནཱ སཔྤིནཱ ཨརོགཾ ཀཱཏུཾ ཏཾ ཀརོཧི. ཛེགུཙྪཾ མེ སཔྤི, པཊིཀཱུལ’’ནྟི. ཨཐ ཁོ ཛཱིཝཀསྶ ཀོམཱརབྷཙྩསྶ ཨེཏདཧོསི – ‘‘ཨིམསྶ ཁོ རཉྙོ ཏཱདིསོ ཨཱབཱདྷོ, ན སཀྐཱ ཝིནཱ སཔྤིནཱ ཨརོགཾ ཀཱཏུཾ. ཡཾནཱུནཱཧཾ སཔྤིཾ ནིཔྤཙེཡྻཾ ཀསཱཝཝཎྞཾ ཀསཱཝགནྡྷཾ ཀསཱཝརས’’ནྟི. ཨཐ ཁོ ཛཱིཝཀོ ཀོམཱརབྷཙྩོ ནཱནཱབྷེསཛྫེཧི སཔྤིཾ ནིཔྤཙི ཀསཱཝཝཎྞཾ ཀསཱཝགནྡྷཾ ཀསཱཝརསཾ. ཨཐ ཁོ ཛཱིཝཀསྶ ཀོམཱརབྷཙྩསྶ ཨེཏདཧོསི – ‘‘ཨིམསྶ ཁོ རཉྙོ སཔྤི པཱིཏཾ པརིཎཱམེནྟཾ ཨུདྡེཀཾ དསྶཏི. ཙཎྜོཡཾ རཱཛཱ གྷཱཏཱཔེཡྻཱཔི མཾ. ཡཾནཱུནཱཧཾ པཊིཀཙྩེཝ ཨཱཔུཙྪེཡྻ’’ནྟི. ཨཐ ཁོ ཛཱིཝཀོ ཀོམཱརབྷཙྩོ ཡེན རཱཛཱ པཛྫོཏོ ཏེནུཔསངྐམི, ཨུཔསངྐམིཏྭཱ རཱཛཱནཾ པཛྫོཏཾ ཨེཏདཝོཙ – ‘‘མཡཾ ཁོ, དེཝ, ཝེཛྫཱ ནཱམ ཏཱདིསེན མུཧུཏྟེན མཱུལཱནི ཨུདྡྷརཱམ བྷེསཛྫཱནི སཾཧརཱམ. སཱདྷུ དེཝོ ཝཱཧནཱགཱརེསུ ཙ དྭཱརེསུ ཙ ཨཱཎཱཔེཏུ – ཡེན ཝཱཧནེན ཛཱིཝཀོ ཨིཙྪཏི ཏེན ཝཱཧནེན གཙྪཏུ, ཡེན དྭཱརེན ཨིཙྪཏི ཏེན དྭཱརེན གཙྪཏུ, ཡཾ ཀཱལཾ ཨིཙྪཏི ཏཾ ཀཱལཾ གཙྪཏུ, ཡཾ ཀཱལཾ ཨིཙྪཏི ཏཾ ཀཱལཾ པཝིསཏཱུ’’ཏི. ཨཐ ཁོ རཱཛཱ པཛྫོཏོ ཝཱཧནཱགཱརེསུ ཙ དྭཱརེསུ ཙ ཨཱཎཱཔེསི – ‘‘ཡེན ཝཱཧནེན ཛཱིཝཀོ ཨིཙྪཏི ཏེན ཝཱཧནེན གཙྪཏུ, ཡེན དྭཱརེན ཨིཙྪཏི ཏེན དྭཱརེན གཙྪཏུ, ཡཾ ཀཱལཾ ཨིཙྪཏི ཏཾ ཀཱལཾ གཙྪཏུ, ཡཾ ཀཱལཾ ཨིཙྪཏི ཏཾ ཀཱལཾ པཝིསཏཱུ’’ཏི.

ཏེན ཁོ པན སམཡེན རཉྙོ པཛྫོཏསྶ བྷདྡཝཏིཀཱ ནཱམ ཧཏྠིནིཀཱ པཉྙཱསཡོཛནིཀཱ ཧོཏི. ཨཐ ཁོ ཛཱིཝཀོ ཀོམཱརབྷཙྩོ རཉྙོ པཛྫོཏསྶ སཔྤིཾ [ཏཾ སཔྤིཾ (སྱཱ.)] ཨུཔནཱམེསི – ‘‘ཀསཱཝཾ དེཝོ པིཝཏཱུ’’ཏི. ཨཐ ཁོ ཛཱིཝཀོ ཀོམཱརབྷཙྩོ རཱཛཱནཾ པཛྫོཏཾ སཔྤིཾ པཱཡེཏྭཱ ཧཏྠིསཱལཾ གནྟྭཱ བྷདྡཝཏིཀཱཡ ཧཏྠིནིཀཱཡ ནགརམྷཱ ནིཔྤཏི.

ཨཐ ཁོ རཉྙོ པཛྫོཏསྶ ཏཾ སཔྤི པཱིཏཾ པརིཎཱམེནྟཾ ཨུདྡེཀཾ ཨདཱསི. ཨཐ ཁོ རཱཛཱ པཛྫོཏོ མནུསྶེ ཨེཏདཝོཙ – ‘‘དུཊྛེན, བྷཎེ, ཛཱིཝཀེན སཔྤིཾ པཱཡིཏོམྷི. ཏེན ཧི, བྷཎེ, ཛཱིཝཀཾ ཝེཛྫཾ ཝིཙིནཐཱ’’ཏི. ‘‘བྷདྡཝཏིཀཱཡ, དེཝ, ཧཏྠིནིཀཱཡ ནགརམྷཱ ནིཔྤཏིཏོ’’ཏི. ཏེན ཁོ པན སམཡེན རཉྙོ པཛྫོཏསྶ ཀཱཀོ ནཱམ དཱསོ སཊྛིཡོཛནིཀོ ཧོཏི, ཨམནུསྶེན པཊིཙྩ ཛཱཏོ. ཨཐ ཁོ རཱཛཱ པཛྫོཏོ ཀཱཀཾ དཱསཾ ཨཱཎཱཔེསི – ‘‘གཙྪ, བྷཎེ ཀཱཀ, ཛཱིཝཀཾ ཝེཛྫཾ ནིཝཏྟེཧི – རཱཛཱ ཏཾ, ཨཱཙརིཡ, ནིཝཏྟཱཔེཏཱིཏི. ཨེཏེ ཁོ, བྷཎེ ཀཱཀ, ཝེཛྫཱ ནཱམ བཧུམཱཡཱ. མཱ ཙསྶ ཀིཉྩི པཊིགྒཧེསཱི’’ཏི.

ཨཐ ཁོ ཀཱཀོ དཱསོ ཛཱིཝཀཾ ཀོམཱརབྷཙྩཾ ཨནྟརཱམགྒེ ཀོསམྦིཡཾ སམྦྷཱཝེསི

པཱཏརཱསཾ ཀརོནྟཾ. ཨཐ ཁོ ཀཱཀོ དཱསོ ཛཱིཝཀཾ ཀོམཱརབྷཙྩཾ ཨེཏདཝོཙ – ‘‘རཱཛཱ ཏཾ, ཨཱཙརིཡ, ནིཝཏྟཱཔེཏཱི’’ཏི. ‘‘ཨཱགམེཧི, བྷཎེ ཀཱཀ, ཡཱཝ བྷུཉྫཱམ [བྷུཉྫཱམི (སཱི. སྱཱ.)]. ཧནྡ, བྷཎེ ཀཱཀ, བྷུཉྫསྶཱུ’’ཏི. ‘‘ཨལཾ, ཨཱཙརིཡ, རཉྙཱམྷི ཨཱཎཏྟོ – ཨེཏེ ཁོ, བྷཎེ ཀཱཀ, ཝེཛྫཱ ནཱམ བཧུམཱཡཱ, མཱ ཙསྶ ཀིཉྩི པཊིགྒཧེསཱི’’ཏི. ཏེན ཁོ པན སམཡེན ཛཱིཝཀོ ཀོམཱརབྷཙྩོ ནཁེན བྷེསཛྫཾ ཨོལུམྤེཏྭཱ ཨཱམལཀཉྩ ཁཱདཏི པཱནཱིཡཉྩ པིཝཏི. ཨཐ ཁོ ཛཱིཝཀོ ཀོམཱརབྷཙྩོ ཀཱཀཾ དཱསཾ ཨེཏདཝོཙ – ‘‘ཧནྡ, བྷཎེ ཀཱཀ, ཨཱམལཀཉྩ ཁཱད པཱནཱིཡཉྩ པིཝསྶཱུ’’ཏི. ཨཐ ཁོ ཀཱཀོ དཱསོ – ཨཡཾ ཁོ ཝེཛྫོ ཨཱམལཀཉྩ ཁཱདཏི པཱནཱིཡཉྩ པིཝཏི, ན ཨརཧཏི ཀིཉྩི པཱཔཀཾ ཧོཏུནྟི – ཨུཔཌྜྷཱམལཀཉྩ ཁཱདི པཱནཱིཡཉྩ ཨཔཱཡི. ཏསྶ ཏཾ ཨུཔཌྜྷཱམལཀཾ ཁཱདིཏཾ ཏཏྠེཝ ནིཙྪཱརེསི. ཨཐ ཁོ ཀཱཀོ དཱསོ ཛཱིཝཀཾ ཀོམཱརབྷཙྩཾ ཨེཏདཝོཙ – ‘‘ཨཏྠི མེ, ཨཱཙརིཡ, ཛཱིཝིཏ’’ནྟི? ‘‘མཱ, བྷཎེ ཀཱཀ, བྷཱཡི, ཏྭཾ ཙེཝ ཨརོགོ བྷཝིསྶསི རཱཛཱ ཙ. ཙཎྜོ སོ རཱཛཱ གྷཱཏཱཔེཡྻཱཔི མཾ, ཏེནཱཧཾ ན ནིཝཏྟཱམཱི’’ཏི བྷདྡཝཏིཀཾ ཧཏྠིནིཀཾ ཀཱཀསྶ ནིཡྻཱདེཏྭཱ ཡེན རཱཛགཧཾ ཏེན པཀྐཱམི. ཨནུཔུབྦེན ཡེན རཱཛཱ མཱགདྷོ སེནིཡོ བིམྦིསཱརོ ཏེནུཔསངྐམི; ཨུཔསངྐམིཏྭཱ རཉྙོ མཱགདྷསྶ སེནིཡསྶ བིམྦིསཱརསྶ ཨེཏམཏྠཾ ཨཱརོཙེསི. ‘‘སུཊྛུ, བྷཎེ ཛཱིཝཀ, ཨཀཱསི ཡམྤི ན ནིཝཏྟོ, ཙཎྜོ སོ རཱཛཱ གྷཱཏཱཔེཡྻཱཔི ཏ’’ནྟི. ཨཐ ཁོ རཱཛཱ པཛྫོཏོ ཨརོགོ སམཱནོ ཛཱིཝཀསྶ ཀོམཱརབྷཙྩསྶ སནྟིཀེ དཱུཏཾ པཱཧེསི – ‘‘ཨཱགཙྪཏུ ཛཱིཝཀོ, ཝརཾ དསྶཱམཱི’’ཏི. ‘‘ཨལཾ, ཨཡྻོ [དེཝ (སྱཱ.)], ཨདྷིཀཱརཾ མེ དེཝོ སརཏཱུ’’ཏི.

པཛྫོཏརཱཛཝཏྠུ ནིཊྛིཏཾ.

༢༠༨. སིཝེཡྻཀདུསྶཡུགཀཐཱ

༣༣༥. ཏེན ཁོ པན སམཡེན རཉྙོ པཛྫོཏསྶ སིཝེཡྻཀཾ དུསྶཡུགཾ ཨུཔྤནྣཾ ཧོཏི – བཧཱུནཾ [བཧུནྣཾ (སཱི. སྱཱ.)] དུསྶཱནཾ བཧཱུནཾ དུསྶཡུགཱནཾ བཧཱུནཾ དུསྶཡུགསཏཱནཾ བཧཱུནཾ དུསྶཡུགསཧསྶཱནཾ བཧཱུནཾ དུསྶཡུགསཏསཧསྶཱནཾ ཨགྒཉྩ སེཊྛཉྩ མོཀྑཉྩ ཨུཏྟམཉྩ པཝརཉྩ. ཨཐ ཁོ རཱཛཱ པཛྫོཏོ ཏཾ སིཝེཡྻཀཾ དུསྶཡུགཾ ཛཱིཝཀསྶ ཀོམཱརབྷཙྩསྶ པཱཧེསི. ཨཐ ཁོ ཛཱིཝཀསྶ ཀོམཱརབྷཙྩསྶ ཨེཏདཧོསི – ‘‘ཨིདཾ ཁོ མེ སིཝེཡྻཀཾ དུསྶཡུགཾ རཉྙཱ པཛྫོཏེན པཧིཏཾ – བཧཱུནཾ དུསྶཱནཾ བཧཱུནཾ དུསྶཡུགཱནཾ བཧཱུནཾ དུསྶཡུགསཏཱནཾ བཧཱུནཾ དུསྶཡུགསཧསྶཱནཾ བཧཱུནཾ དུསྶཡུགསཏསཧསྶཱནཾ ཨགྒཉྩ སེཊྛཉྩ མོཀྑཉྩ ཨུཏྟམཉྩ པཝརཉྩ. ནཡིདཾ ཨཉྙོ ཀོཙི པཙྩཱརཧཏི ཨཉྙཏྲ ཏེན བྷགཝཏཱ ཨརཧཏཱ སམྨཱསམྦུདྡྷེན, རཉྙཱ ཝཱ མཱགདྷེན སེནིཡེན བིམྦིསཱརེནཱ’’ཏི.

སིཝེཡྻཀདུསྶཡུགཀཐཱ ནིཊྛིཏཱ.

༢༠༩. སམཏྟིཾསཝིརེཙནཀཐཱ

༣༣༦. ཏེན ཁོ པན སམཡེན བྷགཝཏོ ཀཱཡོ དོསཱབྷིསནྣོ ཧོཏི. ཨཐ ཁོ བྷགཝཱ ཨཱཡསྨནྟཾ ཨཱནནྡཾ ཨཱམནྟེསི – ‘‘དོསཱབྷིསནྣོ ཁོ, ཨཱནནྡ, ཏཐཱགཏསྶ ཀཱཡོ. ཨིཙྪཏི ཏཐཱགཏོ ཝིརེཙནཾ པཱཏུ’’ནྟི. ཨཐ ཁོ ཨཱཡསྨཱ ཨཱནནྡོ ཡེན ཛཱིཝཀོ ཀོམཱརབྷཙྩོ ཏེནུཔསངྐམི; ཨུཔསངྐམིཏྭཱ ཛཱིཝཀཾ ཀོམཱརབྷཙྩཾ ཨེཏདཝོཙ – ‘‘དོསཱབྷིསནྣོ ཁོ, ཨཱཝུསོ ཛཱིཝཀ, ཏཐཱགཏསྶ ཀཱཡོ. ཨིཙྪཏི ཏཐཱགཏོ ཝིརེཙནཾ པཱཏུ’’ནྟི. ‘‘ཏེན ཧི, བྷནྟེ ཨཱནནྡ, བྷགཝཏོ ཀཱཡཾ ཀཏིཔཱཧཾ སིནེཧེཐཱ’’ཏི. ཨཐ ཁོ ཨཱཡསྨཱ ཨཱནནྡོ བྷགཝཏོ ཀཱཡཾ ཀཏིཔཱཧཾ སིནེཧེཏྭཱ ཡེན ཛཱིཝཀོ ཀོམཱརབྷཙྩོ ཏེནུཔསངྐམི; ཨུཔསངྐམིཏྭཱ ཛཱིཝཀཾ ཀོམཱརབྷཙྩཾ ཨེཏདཝོཙ – ‘‘སིནིདྡྷོ ཁོ, ཨཱཝུསོ ཛཱིཝཀ, ཏཐཱགཏསྶ ཀཱཡོ. ཡསྶ དཱནི ཀཱལཾ མཉྙསཱི’’ཏི. ཨཐ ཁོ ཛཱིཝཀསྶ ཀོམཱརབྷཙྩསྶ ཨེཏདཧོསི – ‘‘ན ཁོ མེཏཾ པཏིརཱུཔཾ ཡོཧཾ བྷགཝཏོ ཨོལཱ༹རིཀཾ ཝིརེཙནཾ དདེཡྻ’’ནྟི. ཏཱིཎི ཨུཔྤལཧཏྠཱནི ནཱནཱབྷེསཛྫེཧི པརིབྷཱཝེཏྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ ཨེཀཾ ཨུཔྤལཧཏྠཾ བྷགཝཏོ ཨུཔནཱམེསི – ‘‘ཨིམཾ, བྷནྟེ, བྷགཝཱ པཋམཾ ཨུཔྤལཧཏྠཾ ཨུཔསིངྒྷཏུ. ཨིདཾ བྷགཝནྟཾ དསཀྑཏྟུཾ ཝིརེཙེསྶཏཱི’’ཏི. དུཏིཡཾ ཨུཔྤལཧཏྠཾ བྷགཝཏོ ཨུཔནཱམེསི – ‘‘ཨིམཾ, བྷནྟེ, བྷགཝཱ དུཏིཡཾ ཨུཔྤལཧཏྠཾ ཨུཔསིངྒྷཏུ. ཨིདཾ བྷགཝནྟཾ དསཀྑཏྟུཾ ཝིརེཙེསྶཏཱི’’ཏི. ཏཏིཡཾ ཨུཔྤལཧཏྠཾ བྷགཝཏོ ཨུཔནཱམེསི – ‘‘ཨིམཾ, བྷནྟེ, བྷགཝཱ ཏཏིཡཾ ཨུཔྤལཧཏྠཾ ཨུཔསིངྒྷཏུ. ཨིདཾ བྷགཝནྟཾ དསཀྑཏྟུཾ ཝིརེཙེསྶཏཱི’’ཏི. ཨེཝཾ བྷགཝཏོ སམཏྟིཾསཱཡ ཝིརེཙནཾ བྷཝིསྶཏཱིཏི. ཨཐ ཁོ ཛཱིཝཀོ ཀོམཱརབྷཙྩོ བྷགཝཏོ སམཏྟིཾསཱཡ ཝིརེཙནཾ དཏྭཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ཁོ ཛཱིཝཀསྶ ཀོམཱརབྷཙྩསྶ བཧི དྭཱརཀོཊྛཀཱ ནིཀྑནྟསྶ ཨེཏདཧོསི – ‘‘མཡཱ ཁོ བྷགཝཏོ སམཏྟིཾསཱཡ ཝིརེཙནཾ དིནྣཾ. དོསཱབྷིསནྣོ ཏཐཱགཏསྶ ཀཱཡོ. ན བྷགཝནྟཾ སམཏྟིཾསཀྑཏྟུཾ ཝིརེཙེསྶཏི, ཨེཀཱུནཏྟིཾསཀྑཏྟུཾ བྷགཝནྟཾ ཝིརེཙེསྶཏི. ཨཔི ཙ, བྷགཝཱ ཝིརིཏྟོ ནཧཱཡིསྶཏི. ནཧཱཏཾ བྷགཝནྟཾ སཀིཾ ཝིརེཙེསྶཏི. ཨེཝཾ བྷགཝཏོ སམཏྟིཾསཱཡ ཝིརེཙནཾ བྷཝིསྶཏཱི’’ཏི.

ཨཐ ཁོ བྷགཝཱ ཛཱིཝཀསྶ ཀོམཱརབྷཙྩསྶ ཙེཏསཱ ཙེཏོཔརིཝིཏཀྐམཉྙཱཡ ཨཱཡསྨནྟཾ ཨཱནནྡཾ ཨཱམནྟེསི – ‘‘ཨིདྷཱནནྡ, ཛཱིཝཀསྶ ཀོམཱརབྷཙྩསྶ བཧི དྭཱརཀོཊྛཀཱ ནིཀྑནྟསྶ ཨེཏདཧོསི – ‘མཡཱ ཁོ བྷགཝཏོ སམཏྟིཾསཱཡ ཝིརེཙནཾ དིནྣཾ. དོསཱབྷིསནྣོ ཏཐཱགཏསྶ ཀཱཡོ. ན བྷགཝནྟཾ སམཏིཾསཀྑཏྟུཾ ཝིརེཙེསྶཏི, ཨེཀཱུནཏིཾསཀྑཏྟུཾ བྷགཝནྟཾ ཝིརེཙེསྶཏི. ཨཔི ཙ, བྷགཝཱ ཝིརིཏྟོ ནཧཱཡིསྶཏི. ནཧཱཏཾ བྷགཝནྟཾ སཀིཾ ཝིརེཙེསྶཏི. ཨེཝཾ བྷགཝཏོ སམཏྟིཾསཱཡ ཝིརེཙནཾ བྷཝིསྶཏཱི’ཏི. ཏེན ཧཱནནྡ, ཨུཎྷོདཀཾ པཊིཡཱདེཧཱི’’ཏི. ‘‘ཨེཝཾ, བྷནྟེ’’ཏི ཁོ ཨཱཡསྨཱ ཨཱནནྡོ བྷགཝཏོ པཊིསྶུཎིཏྭཱ ཨུཎྷོདཀཾ པཊིཡཱདེསི.

ཨཐ ཁོ ཛཱིཝཀོ ཀོམཱརབྷཙྩོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཛཱིཝཀོ ཀོམཱརབྷཙྩོ བྷགཝནྟཾ ཨེཏདཝོཙ – ‘‘ཝིརིཏྟོ, བྷནྟེ, བྷགཝཱ’’ཏི? ‘‘ཝིརིཏྟོམྷི, ཛཱིཝཀཱ’’ཏི. ཨིདྷ མཡ྄ཧཾ, བྷནྟེ, བཧི དྭཱརཀོཊྛཀཱ ནིཀྑནྟསྶ ཨེཏདཧོསི – ‘‘མཡཱ ཁོ བྷགཝཏོ སམཏྟིཾསཱཡ ཝིརེཙནཾ དིནྣཾ. དོསཱབྷིསནྣོ ཏཐཱགཏསྶ ཀཱཡོ. ན བྷགཝནྟཾ སམཏྟིཾསཀྑཏྟུཾ ཝིརེཙེསྶཏི, ཨེཀཱུནཏྟིཾསཀྑཏྟུཾ བྷགཝནྟཾ ཝིརེཙེསྶཏི. ཨཔི ཙ, བྷགཝཱ ཝིརིཏྟོ ནཧཱཡིསྶཏི. ནཧཱཏཾ བྷགཝནྟཾ སཀིཾ ཝིརེཙེསྶཏི. ཨེཝཾ བྷགཝཏོ སམཏྟིཾསཱཡ ཝིརེཙནཾ བྷཝིསྶཏཱི’’ཏི. ནཧཱཡཏུ, བྷནྟེ, བྷགཝཱ, ནཧཱཡཏུ སུགཏོཏི. ཨཐ ཁོ བྷགཝཱ ཨུཎྷོདཀཾ ནཧཱཡི. ནཧཱཏཾ བྷགཝནྟཾ སཀིཾ ཝིརེཙེསི. ཨེཝཾ བྷགཝཏོ སམཏྟིཾསཱཡ ཝིརེཙནཾ ཨཧོསི. ཨཐ ཁོ ཛཱིཝཀོ ཀོམཱརབྷཙྩོ བྷགཝནྟཾ ཨེཏདཝོཙ – ‘‘ཡཱཝ, བྷནྟེ, བྷགཝཏོ ཀཱཡོ པཀཏཏྟོ ཧོཏི, ཨལཾ [ཨཧཾ ཏཱཝ ཡཱུསཔིཎྚཔཱཏེནཱཏི (སཱི.), ཨལཾ ཡཱུསཔིཎྚཀེནཱཏི (སྱཱ.)] ཡཱུསཔིཎྜཔཱཏེནཱ’’ཏི.

སམཏྟིཾསཝིརེཙནཀཐཱ ནིཊྛིཏཱ.

༢༡༠. ཝརཡཱཙནཱཀཐཱ

༣༣༧. ཨཐ ཁོ བྷགཝཏོ ཀཱཡོ ནཙིརསྶེཝ པཀཏཏྟོ ཨཧོསི. ཨཐ ཁོ ཛཱིཝཀོ ཀོམཱརབྷཙྩོ ཏཾ སིཝེཡྻཀཾ དུསྶཡུགཾ ཨཱདཱཡ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཛཱིཝཀོ ཀོམཱརབྷཙྩོ བྷགཝནྟཾ ཨེཏདཝོཙ – ‘‘ཨེཀཱཧཾ, བྷནྟེ, བྷགཝནྟཾ ཝརཾ ཡཱཙཱམཱི’’ཏི. ‘‘ཨཏིཀྐནྟཝརཱ ཁོ, ཛཱིཝཀ, ཏཐཱགཏཱ’’ཏི. ‘‘ཡཉྩ, བྷནྟེ, ཀཔྤཏི ཡཉྩ ཨནཝཛྫ’’ནྟི. ‘‘ཝདེཧི, ཛཱིཝཀཱ’’ཏི. ‘‘བྷགཝཱ, བྷནྟེ, པཾསུཀཱུལིཀོ, བྷིཀྑུསངྒྷོ ཙ. ཨིདཾ མེ, བྷནྟེ, སིཝེཡྻཀཾ དུསྶཡུགཾ རཉྙཱ པཛྫོཏེན པཧིཏཾ – བཧཱུནཾ དུསྶཱནཾ བཧཱུནཾ དུསྶཡུགཱནཾ བཧཱུནཾ དུསྶཡུགསཏཱནཾ བཧཱུནཾ དུསྶཡུགསཧསྶཱནཾ བཧཱུནཾ དུསྶཡུགསཏསཧསྶཱནཾ ཨགྒཉྩ སེཊྛཉྩ མོཀྑཉྩ ཨུཏྟམཉྩ པཝརཉྩ. པཊིགྒཎྷཱཏུ མེ, བྷནྟེ, བྷགཝཱ སིཝེཡྻཀཾ དུསྶཡུགཾ; བྷིཀྑུསངྒྷསྶ ཙ གཧཔཏིཙཱིཝརཾ ཨནུཛཱནཱཏཱུ’’ཏི. པཊིགྒཧེསི བྷགཝཱ སིཝེཡྻཀཾ དུསྶཡུགཾ. ཨཐ ཁོ བྷགཝཱ ཛཱིཝཀཾ ཀོམཱརབྷཙྩཾ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ ཛཱིཝཀོ ཀོམཱརབྷཙྩོ བྷགཝཏཱ དྷམྨིཡཱ ཀཐཱཡ སནྡསྶིཏོ སམཱདཔིཏོ སམུཏྟེཛིཏོ སམྤཧཾསིཏོ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, གཧཔཏིཙཱིཝརཾ. ཡོ ཨིཙྪཏི, པཾསུཀཱུལིཀོ ཧོཏུ. ཡོ ཨིཙྪཏི, གཧཔཏིཙཱིཝརཾ སཱདིཡཏུ. ཨིཏརཱིཏརེནཔཱཧཾ [པཧཾ (སཱི.), ཙཱཧཾ (སྱཱ.)], བྷིཀྑཝེ, སནྟུཊྛིཾ ཝཎྞེམཱི’’ཏི.

ཨསྶོསུཾ ཁོ རཱཛགཧེ མནུསྶཱ – ‘‘བྷགཝཏཱ ཀིར བྷིཀྑཱུནཾ གཧཔཏིཙཱིཝརཾ ཨནུཉྙཱཏ’’ནྟི. ཏེ ཙ མནུསྶཱ ཧཊྛཱ ཨཧེསུཾ ཨུདགྒཱ ‘‘ཨིདཱནི ཁོ མཡཾ དཱནཱནི དསྶཱམ པུཉྙཱནི ཀརིསྶཱམ, ཡཏོ བྷགཝཏཱ བྷིཀྑཱུནཾ གཧཔཏིཙཱིཝརཾ ཨནུཉྙཱཏ’’ནྟི. ཨེཀཱཧེནེཝ རཱཛགཧེ བཧཱུནི ཙཱིཝརསཧསྶཱནི ཨུཔྤཛྫིཾསུ.

ཨསྶོསུཾ ཁོ ཛཱནཔདཱ མནུསྶཱ – ‘‘བྷགཝཏཱ ཀིར བྷིཀྑཱུནཾ གཧཔཏིཙཱིཝརཾ ཨནུཉྙཱཏ’’ནྟི. ཏེ ཙ མནུསྶཱ ཧཊྛཱ ཨཧེསུཾ ཨུདགྒཱ – ‘‘ཨིདཱནི ཁོ མཡཾ དཱནཱནི དསྶཱམ པུཉྙཱནི ཀརིསྶཱམ, ཡཏོ བྷགཝཏཱ བྷིཀྑཱུནཾ གཧཔཏིཙཱིཝརཾ ཨནུཉྙཱཏ’’ནྟི. ཛནཔདེཔི ཨེཀཱཧེནེཝ བཧཱུནི ཙཱིཝརསཧསྶཱནི ཨུཔྤཛྫིཾསུ.

ཏེན ཁོ པན སམཡེན སངྒྷསྶ པཱཝཱརོ ཨུཔྤནྣོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཱཝཱརནྟི.

ཀོསེཡྻཔཱཝཱརོ ཨུཔྤནྣོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཀོསེཡྻཔཱཝཱརནྟི.

ཀོཛཝཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཀོཛཝནྟི.

ཝརཡཱཙནཱཀཐཱ ནིཊྛིཏཱ.

པཋམབྷཱཎཝཱརོ ནིཊྛིཏོ.

༢༡༡. ཀམྦལཱནུཛཱནནཱདིཀཐཱ

༣༣༨. ཏེན ཁོ པན སམཡེན ཀཱསིརཱཛཱ ཛཱིཝཀསྶ ཀོམཱརབྷཙྩསྶ ཨཌྜྷཀཱསིཀཾ ཀམྦལཾ པཱཧེསི ཨུཔཌྜྷཀཱསིནཾ ཁམམཱནཾ. ཨཐ ཁོ ཛཱིཝཀོ ཀོམཱརབྷཙྩོ ཏཾ ཨཌྜྷཀཱསིཀཾ ཀམྦལཾ ཨཱདཱཡ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཛཱིཝཀོ ཀོམཱརབྷཙྩོ བྷགཝནྟཾ ཨེཏདཝོཙ – ‘‘ཨཡཾ མེ, བྷནྟེ, ཨཌྜྷཀཱསིཀོ ཀམྦལོ ཀཱསིརཉྙཱ པཧིཏོ ཨུཔཌྜྷཀཱསིནཾ ཁམམཱནོ. པཊིགྒཎྷཱཏུ མེ, བྷནྟེ, བྷགཝཱ ཀམྦལཾ, ཡཾ མམསྶ དཱིགྷརཏྟཾ ཧིཏཱཡ སུཁཱཡཱ’’ཏི. པཊིགྒཧེསི བྷགཝཱ ཀམྦལཾ. ཨཐ ཁོ བྷགཝཱ ཛཱིཝཀཾ ཀོམཱརབྷཙྩཾ དྷམྨིཡཱ ཀཐཱཡ སནྡསྶེསི…པེ… པདཀྑིཎཾ ཀཏྭཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཀམྦལ’’ནྟི.

༣༣༩. ཏེན ཁོ པན སམཡེན སངྒྷསྶ ཨུཙྩཱཝཙཱནི ཙཱིཝརཱནི ཨུཔྤནྣཱནི ཧོནྟི. ཨཐ ཁོ བྷིཀྑཱུནཾ ཨེཏདཧོསི – ‘‘ཀིཾ ནུ ཁོ བྷགཝཏཱ ཙཱིཝརཾ ཨནུཉྙཱཏཾ, ཀིཾ ཨནནུཉྙཱཏ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཚ ཙཱིཝརཱནི – ཁོམཾ ཀཔྤཱསིཀཾ ཀོསེཡྻཾ ཀམྦལཾ སཱཎཾ བྷངྒནྟི.

༣༤༠. ཏེན ཁོ པན སམཡེན ཡེ ཏེ བྷིཀྑཱུ གཧཔཏིཙཱིཝརཾ སཱདིཡནྟི ཏེ ཀུཀྐུཙྩཱཡནྟཱ པཾསུཀཱུལཾ ན སཱདིཡནྟི – ཨེཀཾཡེཝ བྷགཝཏཱ ཙཱིཝརཾ ཨནུཉྙཱཏཾ, ན དྭེཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, གཧཔཏིཙཱིཝརཾ སཱདིཡནྟེན པཾསུཀཱུལམྤི སཱདིཡིཏུཾ; ཏདུབྷཡེནཔཱཧཾ, བྷིཀྑཝེ, སནྟུཊྛིཾ ཝཎྞེམཱིཏི.

ཀམྦལཱནུཛཱནནཱདིཀཐཱ ནིཊྛིཏཱ.

༢༡༢. པཾསུཀཱུལཔརིཡེསནཀཐཱ

༣༤༡. ཏེན ཁོ པན སམཡེན སམྦཧུལཱ བྷིཀྑཱུ ཀོསལེསུ ཛནཔདེ ཨདྡྷཱནམགྒཔྤཊིཔནྣཱ ཧོནྟི. ཨེཀཙྩེ བྷིཀྑཱུ སུསཱནཾ ཨོཀྐམིཾསུ པཾསུཀཱུལཱཡ, ཨེཀཙྩེ བྷིཀྑཱུ ནཱགམེསུཾ. ཡེ ཏེ བྷིཀྑཱུ སུསཱནཾ ཨོཀྐམིཾསུ པཾསུཀཱུལཱཡ ཏེ པཾསུཀཱུལཱནི ལབྷིཾསུ. ཡེ ཏེ བྷིཀྑཱུ ནཱགམེསུཾ ཏེ ཨེཝམཱཧཾསུ – ‘‘ཨམྷཱཀམྤི, ཨཱཝུསོ, བྷཱགཾ དེཐཱ’’ཏི. ཏེ ཨེཝམཱཧཾསུ – ‘‘ན མཡཾ, ཨཱཝུསོ, ཏུམྷཱཀཾ བྷཱགཾ དསྶཱམ. ཀིསྶ ཏུམྷེ ནཱགམིཏྠཱ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ནཱགམེནྟཱནཾ ནཱཀཱམཱ བྷཱགཾ དཱཏུནྟི.

ཏེན ཁོ པན སམཡེན སམྦཧུལཱ བྷིཀྑཱུ ཀོསལེསུ ཛནཔདེ ཨདྡྷཱནམགྒཔྤཊིཔནྣཱ ཧོནྟི. ཨེཀཙྩེ བྷིཀྑཱུ སུསཱནཾ ཨོཀྐམིཾསུ པཾསུཀཱུལཱཡ, ཨེཀཙྩེ བྷིཀྑཱུ ཨཱགམེསུཾ. ཡེ ཏེ བྷིཀྑཱུ སུསཱནཾ ཨོཀྐམིཾསུ པཾསུཀཱུལཱཡ ཏེ པཾསུཀཱུལཱནི ལབྷིཾསུ. ཡེ ཏེ བྷིཀྑཱུ ཨཱགམེསུཾ ཏེ ཨེཝམཱཧཾསུ – ‘‘ཨམྷཱཀམྤི, ཨཱཝུསོ, བྷཱགཾ དེཐཱ’’ཏི. ཏེ ཨེཝམཱཧཾསུ – ‘‘ན མཡཾ, ཨཱཝུསོ, ཏུམྷཱཀཾ བྷཱགཾ དསྶཱམ. ཀིསྶ ཏུམྷེ ན ཨོཀྐམིཏྠཱ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨཱགམེནྟཱནཾ ཨཀཱམཱ བྷཱགཾ དཱཏུནྟི.

ཏེན ཁོ པན སམཡེན སམྦཧུལཱ བྷིཀྑཱུ ཀོསལེསུ ཛནཔདེ ཨདྡྷཱནམགྒཔྤཊིཔནྣཱ ཧོནྟི. ཨེཀཙྩེ བྷིཀྑཱུ པཋམཾ སུསཱནཾ ཨོཀྐམིཾསུ པཾསུཀཱུལཱཡ, ཨེཀཙྩེ བྷིཀྑཱུ པཙྪཱ ཨོཀྐམིཾསུ. ཡེ ཏེ བྷིཀྑཱུ པཋམཾ སུསཱནཾ ཨོཀྐམིཾསུ པཾསུཀཱུལཱཡ ཏེ པཾསུཀཱུལཱནི ལབྷིཾསུ. ཡེ ཏེ བྷིཀྑཱུ པཙྪཱ ཨོཀྐམིཾསུ ཏེ ན ལབྷིཾསུ. ཏེ ཨེཝམཱཧཾསུ – ‘‘ཨམྷཱཀམྤི, ཨཱཝུསོ, བྷཱགཾ དེཐཱ’’ཏི. ཏེ ཨེཝམཱཧཾསུ – ‘‘ན མཡཾ, ཨཱཝུསོ, ཏུམྷཱཀཾ བྷཱགཾ དསྶཱམ. ཀིསྶ ཏུམྷེ པཙྪཱ ཨོཀྐམིཏྠཱ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཙྪཱ ཨོཀྐནྟཱནཾ ནཱཀཱམཱ བྷཱགཾ དཱཏུནྟི.

ཏེན ཁོ པན སམཡེན སམྦཧུལཱ བྷིཀྑཱུ ཀོསལེསུ ཛནཔདེ ཨདྡྷཱནམགྒཔྤཊིཔནྣཱ ཧོནྟི. ཏེ སདིསཱ སུསཱནཾ ཨོཀྐམིཾསུ པཾསུཀཱུལཱཡ. ཨེཀཙྩེ བྷིཀྑཱུ པཾསུཀཱུལཱནི ལབྷིཾསུ, ཨེཀཙྩེ བྷིཀྑཱུ ན ལབྷིཾསུ. ཡེ ཏེ བྷིཀྑཱུ ན ལབྷིཾསུ, ཏེ ཨེཝམཱཧཾསུ – ‘‘ཨམྷཱཀམྤི, ཨཱཝུསོ, བྷཱགཾ དེཐཱ’’ཏི. ཏེ ཨེཝམཱཧཾསུ – ‘‘ན མཡཾ, ཨཱཝུསོ, ཏུམྷཱཀཾ བྷཱགཾ དསྶཱམ. ཀིསྶ ཏུམྷེ ན ལབྷིཏྠཱ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སདིསཱནཾ ཨོཀྐནྟཱནཾ ཨཀཱམཱ བྷཱགཾ དཱཏུནྟི.

ཏེན ཁོ པན སམཡེན སམྦཧུལཱ བྷིཀྑཱུ ཀོསལེསུ ཛནཔདེ ཨདྡྷཱནམགྒཔྤཊིཔནྣཱ ཧོནྟི. ཏེ ཀཏིཀཾ ཀཏྭཱ སུསཱནཾ ཨོཀྐམིཾསུ པཾསུཀཱུལཱཡ. ཨེཀཙྩེ བྷིཀྑཱུ པཾསུཀཱུལཱནི ལབྷིཾསུ, ཨེཀཙྩེ བྷིཀྑཱུ ན ལབྷིཾསུ. ཡེ ཏེ བྷིཀྑཱུ ན ལབྷིཾསུ ཏེ ཨེཝམཱཧཾསུ – ‘‘ཨམྷཱཀམྤི, ཨཱཝུསོ, བྷཱགཾ དེཐཱ’’ཏི. ཏེ ཨེཝམཱཧཾསུ – ‘‘ན མཡཾ, ཨཱཝུསོ, ཏུམྷཱཀཾ བྷཱགཾ དསྶཱམ. ཀིསྶ ཏུམྷེ ན ལབྷིཏྠཱ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཀཏིཀཾ ཀཏྭཱ ཨོཀྐནྟཱནཾ ཨཀཱམཱ བྷཱགཾ དཱཏུནྟི.

པཾསུཀཱུལཔརིཡེསནཀཐཱ ནིཊྛིཏཱ.

༢༡༣. ཙཱིཝརཔཊིགྒཱཧཀསམྨུཏིཀཐཱ

༣༤༢. ཏེན ཁོ པན སམཡེན མནུསྶཱ ཙཱིཝརཾ ཨཱདཱཡ ཨཱརཱམཾ ཨཱགཙྪནྟི. ཏེ པཊིགྒཱཧཀཾ ཨལབྷམཱནཱ པཊིཧརནྟི. ཙཱིཝརཾ པརིཏྟཾ ཨུཔྤཛྫཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཉྩཧངྒེཧི སམནྣཱགཏཾ བྷིཀྑུཾ ཙཱིཝརཔཊིགྒཱཧཀཾ སམྨནྣིཏུཾ – ཡོ ན ཚནྡཱགཏིཾ གཙྪེཡྻ, ན དོསཱགཏིཾ གཙྪེཡྻ, ན མོཧཱགཏིཾ གཙྪེཡྻ, ན བྷཡཱགཏིཾ གཙྪེཡྻ, གཧིཏཱགཧིཏཉྩ ཛཱནེཡྻ. ཨེཝཉྩ པན, བྷིཀྑཝེ, སམྨནྣིཏབྦོ. པཋམཾ བྷིཀྑུ ཡཱཙིཏབྦོ; ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ སངྒྷོ ཨིཏྠནྣཱམཾ བྷིཀྑུཾ ཙཱིཝརཔཊིགྒཱཧཀཾ སམྨནྣེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ བྷིཀྑུཾ ཙཱིཝརཔཊིགྒཱཧཀཾ སམྨནྣཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ ཙཱིཝརཔཊིགྒཱཧཀསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨིཏྠནྣཱམོ བྷིཀྑུ ཙཱིཝརཔཊིགྒཱཧཀོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཏེན ཁོ པན སམཡེན ཙཱིཝརཔཊིགྒཱཧཀཱ བྷིཀྑཱུ ཙཱིཝརཾ པཊིགྒཧེཏྭཱ ཏཏྠེཝ ཨུཛ྄ཛྷིཏྭཱ པཀྐམནྟི. ཙཱིཝརཾ ནསྶཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཉྩཧངྒེཧི སམནྣཱགཏཾ བྷིཀྑུཾ ཙཱིཝརནིདཧཀཾ སམྨནྣིཏུཾ – ཡོ ན ཚནྡཱགཏིཾ གཙྪེཡྻ, ན དོསཱགཏིཾ གཙྪེཡྻ, ན མོཧཱགཏིཾ གཙྪེཡྻ, ན བྷཡཱགཏིཾ གཙྪེཡྻ, ནིཧིཏཱནིཧིཏཉྩ ཛཱནེཡྻ. ཨེཝཉྩ པན, བྷིཀྑཝེ, སམྨནྣིཏབྦོ. པཋམཾ བྷིཀྑུ ཡཱཙིཏབྦོ; ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུཾ ཙཱིཝརནིདཧཀཾ སམྨནྣེཡྻ. ཨེསཱ ཉཏྟི. ‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ བྷིཀྑུཾ ཙཱིཝརནིདཧཀཾ སམྨནྣཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ ཙཱིཝརནིདཧཀསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨིཏྠནྣཱམོ བྷིཀྑུ ཙཱིཝརནིདཧཀོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཙཱིཝརཔཊིགྒཱཧཀསམྨུཏིཀཐཱ ནིཊྛིཏཱ.

༢༡༤. བྷཎྜཱགཱརསམྨུཏིཨཱདིཀཐཱ

༣༤༣. ཏེན ཁོ པན སམཡེན ཙཱིཝརནིདཧཀོ བྷིཀྑུ མཎྜཔེཔི རུཀྑམཱུལེཔི ནིབྦཀོསེཔི ཙཱིཝརཾ ནིདཧཏི, ཨུནྡཱུརེཧིཔི ཨུཔཙིཀཱཧིཔི ཁཛྫནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, བྷཎྜཱགཱརཾ སམྨནྣིཏུཾ, ཡཾ སངྒྷོ ཨཱཀངྑཏི ཝིཧཱརཾ ཝཱ ཨཌྜྷཡོགཾ ཝཱ པཱསཱདཾ ཝཱ ཧམྨིཡཾ ཝཱ གུཧཾ ཝཱ. ཨེཝཉྩ པན, བྷིཀྑཝེ, སམྨནྣིཏབྦོ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ ཝིཧཱརཾ བྷཎྜཱགཱརཾ སམྨནྣེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ ཝིཧཱརཾ བྷཎྜཱགཱརཾ སམྨནྣཏི. ཡསྶཱཡསྨཏོ ཁམཏི ཨིཏྠནྣཱམསྶ ཝིཧཱརསྶ བྷཎྜཱགཱརསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨིཏྠནྣཱམོ ཝིཧཱརོ བྷཎྜཱགཱརཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཏེན ཁོ པན སམཡེན སངྒྷསྶ བྷཎྜཱགཱརེ ཙཱིཝརཾ ཨགུཏྟཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཉྩཧངྒེཧི སམནྣཱགཏཾ བྷིཀྑུཾ བྷཎྜཱགཱརིཀཾ སམྨནྣིཏུཾ – ཡོ ན ཚནྡཱགཏིཾ གཙྪེཡྻ, ན དོསཱགཏིཾ གཙྪེཡྻ, ན མོཧཱགཏིཾ གཙྪེཡྻ, ན བྷཡཱགཏིཾ གཙྪེཡྻ, གུཏྟཱགུཏྟཉྩ ཛཱནེཡྻ. ཨེཝཉྩ པན, བྷིཀྑཝེ, སམྨནྣིཏབྦོ. པཋམཾ བྷིཀྑུ ཡཱཙིཏབྦོ; ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུཾ བྷཎྜཱགཱརིཀཾ སམྨནྣེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ བྷིཀྑུཾ བྷཎྜཱགཱརིཀཾ སམྨནྣཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ བྷཎྜཱགཱརིཀསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨིཏྠནྣཱམོ བྷིཀྑུ བྷཎྜཱགཱརིཀོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ བྷཎྜཱགཱརིཀཾ ཝུཊྛཱཔེནྟི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, བྷཎྜཱགཱརིཀོ ཝུཊྛཱཔེཏབྦོ. ཡོ ཝུཊྛཱཔེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན སངྒྷསྶ བྷཎྜཱགཱརེ ཙཱིཝརཾ ཨུསྶནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སམྨུཁཱིབྷཱུཏེན སངྒྷེན བྷཱཛེཏུནྟི.

ཏེན ཁོ པན སམཡེན སངྒྷོ ཙཱིཝརཾ བྷཱཛེནྟོ ཀོལཱཧལཾ ཨཀཱསི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཉྩཧངྒེཧི སམནྣཱགཏཾ བྷིཀྑུཾ ཙཱིཝརབྷཱཛཀཾ སམྨནྣིཏུཾ – ཡོ ན ཚནྡཱགཏིཾ གཙྪེཡྻ, ན དོསཱགཏིཾ གཙྪེཡྻ, ན མོཧཱགཏིཾ གཙྪེཡྻ, ན བྷཡཱགཏིཾ གཙྪེཡྻ, བྷཱཛིཏཱབྷཱཛིཏཉྩ ཛཱནེཡྻ. ཨེཝཉྩ པན, བྷིཀྑཝེ, སམྨནྣིཏབྦོ. པཋམཾ བྷིཀྑུ ཡཱཙིཏབྦོ; ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུཾ ཙཱིཝརབྷཱཛཀཾ སམྨནྣེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ བྷིཀྑུཾ ཙཱིཝརབྷཱཛཀཾ སམྨནྣཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ ཙཱིཝརབྷཱཛཀསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨིཏྠནྣཱམོ བྷིཀྑུ ཙཱིཝརབྷཱཛཀོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨཐ ཁོ ཙཱིཝརབྷཱཛཀཱནཾ བྷིཀྑཱུནཾ ཨེཏདཧོསི – ‘‘ཀཐཾ ནུ ཁོ ཙཱིཝརཾ བྷཱཛེཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཋམཾ ཨུཙྩིནིཏྭཱ ཏུལཡིཏྭཱ ཝཎྞཱཝཎྞཾ ཀཏྭཱ བྷིཀྑཱུ གཎེཏྭཱ ཝགྒཾ བནྡྷིཏྭཱ ཙཱིཝརཔཊིཝཱིསཾ ཋཔེཏུནྟི.

ཨཐ ཁོ ཙཱིཝརབྷཱཛཀཱནཾ བྷིཀྑཱུནཾ ཨེཏདཧོསི – ‘‘ཀཐཾ ནུ ཁོ སཱམཎེརཱནཾ ཙཱིཝརཔཊིཝཱིསོ དཱཏབྦོ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སཱམཎེརཱནཾ ཨུཔཌྜྷཔཊིཝཱིསཾ དཱཏུནྟི.

ཏེན ཁོ པན སམཡེན ཨཉྙཏརོ བྷིཀྑུ སཀེན བྷཱགེན ཨུཏྟརིཏུཀཱམོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨུཏྟརནྟསྶ སཀཾ བྷཱགཾ དཱཏུནྟི.

ཏེན ཁོ པན སམཡེན ཨཉྙཏརོ བྷིཀྑུ ཨཏིརེཀབྷཱགེན ཨུཏྟརིཏུཀཱམོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨནུཀྑེཔེ དིནྣེ ཨཏིརེཀབྷཱགཾ དཱཏུནྟི.

ཨཐ ཁོ ཙཱིཝརབྷཱཛཀཱནཾ བྷིཀྑཱུནཾ ཨེཏདཧོསི – ‘‘ཀཐཾ ནུ ཁོ ཙཱིཝརཔཊིཝཱིསོ དཱཏབྦོ, ཨཱགཏཔཊིཔཱཊིཡཱ [ཨཱགཏཱགཏཔཊིཔཱཊིཡཱ (ཀ.)] ནུ ཁོ ཨུདཱཧུ ཡཐཱཝུཌྜྷ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཝིཀལཀེ ཏོསེཏྭཱ ཀུསཔཱཏཾ ཀཱཏུནྟི.

བྷཎྜཱགཱརསམྨུཏིཨཱདིཀཐཱ ནིཊྛིཏཱ.

༢༡༥. ཙཱིཝརརཛནཀཐཱ

༣༤༤. ཏེན ཁོ པན སམཡེན བྷིཀྑཱུ ཚཀཎེནཔི པཎྜུམཏྟིཀཱཡཔི ཙཱིཝརཾ རཛནྟི. ཙཱིཝརཾ དུབྦཎྞཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཚ རཛནཱནི – མཱུལརཛནཾ, ཁནྡྷརཛནཾ, ཏཙརཛནཾ, པཏྟརཛནཾ, པུཔྥརཛནཾ, ཕལརཛནནྟི.

ཏེན ཁོ པན སམཡེན བྷིཀྑཱུ སཱིཏུདཀཱཡ [སཱིཏུནྡིཀཱཡ (སཱི.), སཱིཏཱུདཀཱཡ (སྱཱ.)] ཙཱིཝརཾ རཛནྟི. ཙཱིཝརཾ དུགྒནྡྷཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, རཛནཾ པཙིཏུཾ ཙུལླཾ རཛནཀུམྦྷིནྟི. རཛནཾ ཨུཏྟརིཡཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨུཏྟརཱལུ༹མྤཾ [ཨུཏྟརཱལུ༹པཾ (ཡོཛནཱ), ཨུཏྟརཱལུ༹པཾ (སྱཱ.)] བནྡྷིཏུནྟི.

ཏེན ཁོ པན སམཡེན བྷིཀྑཱུ ན ཛཱནནྟི རཛནཾ པཀྐཾ ཝཱ ཨཔཀྐཾ ཝཱ. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨུདཀེ ཝཱ ནཁཔིཊྛིཀཱཡ ཝཱ ཐེཝཀཾ དཱཏུནྟི.

ཏེན ཁོ པན སམཡེན བྷིཀྑཱུ རཛནཾ ཨོརོཔེནྟཱ ཀུམྦྷིཾ ཨཱཝིཉྪནྟི [ཨཱཝིཉྫནྟི (སཱི.), ཨཱཝཊྚནྟི (སྱཱ.)]. ཀུམྦྷཱི བྷིཛྫཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, རཛནུལུ༹ངྐཾ [རཛནཱལུ༹ངྐཾ (ཡོཛནཱ)] དཎྜཀཐཱལཀནྟི.

ཏེན ཁོ པན སམཡེན བྷིཀྑཱུནཾ རཛནབྷཱཛནཾ ན སཾཝིཛྫཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, རཛནཀོལམྦཾ རཛནགྷཊནྟི.

ཏེན ཁོ པན སམཡེན བྷིཀྑཱུ པཱཏིཡཱཔི པཏྟེཔི ཙཱིཝརཾ ཨོམདྡནྟི. ཙཱིཝརཾ པརིབྷིཛྫཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, རཛནདོཎིཀནྟི.

ཏེན ཁོ པན སམཡེན བྷིཀྑཱུ ཚམཱཡ ཙཱིཝརཾ པཏྠརནྟི. ཙཱིཝརཾ པཾསུཀིཏཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཏིཎསནྠཱརཀནྟི.

ཏིཎསནྠཱརཀོ ཨུཔཙིཀཱཧི ཁཛྫཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཙཱིཝརཝཾསཾ ཙཱིཝརརཛྫུནྟི.

མཛ྄ཛྷེན ལགྒེནྟི. རཛནཾ ཨུབྷཏོ གལཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཀཎྞེ བནྡྷིཏུནྟི.

ཀཎྞོ ཛཱིརཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཀཎྞསུཏྟཀནྟི.

རཛནཾ ཨེཀཏོ གལཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སམྤརིཝཏྟཀཾ སམྤརིཝཏྟཀཾ རཛེཏུཾ, ན ཙ ཨཙྪིནྣེ ཐེཝེ པཀྐམིཏུནྟི.

ཏེན ཁོ པན སམཡེན ཙཱིཝརཾ པཏྠིནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨུདཀེ ཨོསཱརེཏུནྟི.

ཏེན ཁོ པན སམཡེན ཙཱིཝརཾ ཕརུསཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཱཎིནཱ ཨཱཀོཊེཏུནྟི.

ཏེན ཁོ པན སམཡེན བྷིཀྑཱུ ཨཙྪིནྣཀཱནི ཙཱིཝརཱནི དྷཱརེནྟི དནྟཀཱསཱཝཱནི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི ནཱམ [སེཡྻཐཱཔི (?)] གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, ཨཙྪིནྣཀཱནི ཙཱིཝརཱནི དྷཱརེཏབྦཱནི. ཡོ དྷཱརེཡྻ, ཨཱཔཏྟི དུཀྐཊསྶཱཏི.

ཙཱིཝརརཛནཀཐཱ ནིཊྛིཏཱ.

༢༡༦. ཚིནྣཀཙཱིཝརཱནུཛཱནནཱ

༣༤༥. ཨཐ ཁོ བྷགཝཱ རཱཛགཧེ ཡཐཱབྷིརནྟཾ ཝིཧརིཏྭཱ ཡེན དཀྑིཎཱགིརི ཏེན ཙཱརིཀཾ པཀྐཱམི. ཨདྡསཱ ཁོ བྷགཝཱ མགདྷཁེཏྟཾ ཨཙྪིབདྡྷཾ [ཨཙྩིབདྡྷཾ (སཱི. སྱཱ.), ཨཙྪིབནྡྷཾ (ཀ.)] པཱལི༹བདྡྷཾ མརིཡཱདབདྡྷཾ སིངྒྷཱཊཀབདྡྷཾ, དིསྭཱན ཨཱཡསྨནྟཾ ཨཱནནྡཾ ཨཱམནྟེསི – ‘‘པསྶསི ནོ ཏྭཾ, ཨཱནནྡ, མགདྷཁེཏྟཾ ཨཙྪིབདྡྷཾ པཱལི༹བདྡྷཾ མརིཡཱདབདྡྷཾ སིངྒྷཱཊཀབདྡྷ’’ནྟི? ‘‘ཨེཝཾ, བྷནྟེ’’ཏི. ‘‘ཨུསྶཧསི ཏྭཾ, ཨཱནནྡ, བྷིཀྑཱུནཾ ཨེཝརཱུཔཱནི ཙཱིཝརཱནི སཾཝིདཧིཏུ’’ནྟི? ‘‘ཨུསྶཧཱམི, བྷགཝཱ’’ཏི. ཨཐ ཁོ བྷགཝཱ དཀྑིཎཱགིརིསྨིཾ ཡཐཱབྷིརནྟཾ ཝིཧརིཏྭཱ པུནདེཝ རཱཛགཧཾ པཙྩཱགཉྪི. ཨཐ ཁོ ཨཱཡསྨཱ ཨཱནནྡོ སམྦཧུལཱནཾ བྷིཀྑཱུནཾ ཙཱིཝརཱནི སཾཝིདཧིཏྭཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨེཏདཝོཙ – ‘‘པསྶཏུ མེ [པསྶཐ ཏུམྷེ (ཀ.)], བྷནྟེ, བྷགཝཱ ཙཱིཝརཱནི སཾཝིདཧིཏཱནཱི’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘པཎྜིཏོ, བྷིཀྑཝེ, ཨཱནནྡོ; མཧཱཔཉྙོ, བྷིཀྑཝེ, ཨཱནནྡོ; ཡཏྲ ཧི ནཱམ མཡཱ སཾཁིཏྟེན བྷཱསིཏསྶ ཝིཏྠཱརེན ཨཏྠཾ ཨཱཛཱནིསྶཏི, ཀུསིམྤི ནཱམ ཀརིསྶཏི, ཨཌྜྷཀུསིམྤི ནཱམ ཀརིསྶཏི, མཎྜལམྤི ནཱམ ཀརིསྶཏི, ཨཌྜྷམཎྜལམྤི ནཱམ ཀརིསྶཏི, ཝིཝཊྚམྤི ནཱམ ཀརིསྶཏི, ཨནུཝིཝཊྚམྤི ནཱམ ཀརིསྶཏི, གཱིཝེཡྻཀམྤི ནཱམ ཀརིསྶཏི, ཛངྒྷེཡྻཀམྤི ནཱམ ཀརིསྶཏི, བཱཧནྟམྤི ནཱམ ཀརིསྶཏི, ཚིནྣཀཾ བྷཝིསྶཏི, སཏྠལཱུཁཾ སམཎསཱརུཔྤཾ པཙྩཏྠིཀཱནཉྩ ཨནབྷིཙྪིཏཾ. ཨནུཛཱནཱམི, བྷིཀྑཝེ, ཚིནྣཀཾ སངྒྷཱཊིཾ ཚིནྣཀཾ ཨུཏྟརཱསངྒཾ ཚིནྣཀཾ ཨནྟརཝཱསཀ’’ནྟི.

ཚིནྣཀཙཱིཝརཱནུཛཱནནཱ ནིཊྛིཏཱ.

༢༡༧. ཏིཙཱིཝརཱནུཛཱནནཱ

༣༤༦. ཨཐ ཁོ བྷགཝཱ རཱཛགཧེ ཡཐཱབྷིརནྟཾ ཝིཧརིཏྭཱ ཡེན ཝེསཱལཱི ཏེན ཙཱརིཀཾ པཀྐཱམི. ཨདྡས ཁོ བྷགཝཱ ཨནྟརཱ ཙ རཱཛགཧཾ ཨནྟརཱ ཙ ཝེསཱལིཾ ཨདྡྷཱནམགྒཔྤཊིཔནྣོ སམྦཧུལེ བྷིཀྑཱུ ཙཱིཝརེཧི ཨུབྦྷཎྜིཏེ [ཨུབྦྷཎྜཱིཀཏེ (སྱཱ.)] སཱིསེཔི ཙཱིཝརབྷིསིཾ ཀརིཏྭཱ ཁནྡྷེཔི ཙཱིཝརབྷིསིཾ ཀརིཏྭཱ ཀཊིཡཱཔི ཙཱིཝརབྷིསིཾ ཀརིཏྭཱ ཨཱགཙྪནྟེ, དིསྭཱན བྷགཝཏོ ཨེཏདཧོསི – ‘‘ཨཏིལཧུཾ ཁོ ཨིམེ མོགྷཔུརིསཱ ཙཱིཝརེ བཱཧུལླཱཡ ཨཱཝཏྟཱ. ཡཾནཱུནཱཧཾ བྷིཀྑཱུནཾ ཙཱིཝརེ སཱིམཾ བནྡྷེཡྻཾ, མརིཡཱདཾ ཋཔེཡྻ’’ནྟི. ཨཐ ཁོ བྷགཝཱ ཨནུཔུབྦེན ཙཱརིཀཾ ཙརམཱནོ ཡེན ཝེསཱལཱི ཏདཝསརི. ཏཏྲ སུདཾ བྷགཝཱ ཝེསཱལིཡཾ ཝིཧརཏི གོཏམཀེ ཙེཏིཡེ. ཏེན ཁོ པན སམཡེན བྷགཝཱ སཱིཏཱསུ ཧེམནྟིཀཱསུ རཏྟཱིསུ ཨནྟརཊྛཀཱསུ ཧིམཔཱཏསམཡེ རཏྟིཾ ཨཛ྄ཛྷོཀཱསེ ཨེཀཙཱིཝརོ ནིསཱིདི. ན བྷགཝནྟཾ སཱིཏཾ ཨཧོསི. ནིཀྑནྟེ པཋམེ ཡཱམེ སཱིཏཾ བྷགཝནྟཾ ཨཧོསི. དུཏིཡཾ བྷགཝཱ ཙཱིཝརཾ པཱརུཔི. ན བྷགཝནྟཾ སཱིཏཾ ཨཧོསི. ནིཀྑནྟེ མཛ྄ཛྷིམེ ཡཱམེ སཱིཏཾ བྷགཝནྟཾ ཨཧོསི. ཏཏིཡཾ བྷགཝཱ ཙཱིཝརཾ པཱརུཔི. ན བྷགཝནྟཾ སཱིཏཾ ཨཧོསི. ནིཀྑནྟེ པཙྪིམེ ཡཱམེ ཨུདྡྷསྟེ ཨརུཎེ ནནྡིམུཁིཡཱ རཏྟིཡཱ སཱིཏཾ བྷགཝནྟཾ ཨཧོསི. ཙཏུཏྠཾ བྷགཝཱ ཙཱིཝརཾ པཱརུཔི. ན བྷགཝནྟཾ སཱིཏཾ ཨཧོསི. ཨཐ ཁོ བྷགཝཏོ ཨེཏདཧོསི – ‘‘ཡེཔི ཁོ ཏེ ཀུལཔུཏྟཱ ཨིམསྨིཾ དྷམྨཝིནཡེ སཱིཏཱལུཀཱ སཱིཏབྷཱིརུཀཱ ཏེཔི སཀྐོནྟི ཏིཙཱིཝརེན ཡཱཔེཏུཾ. ཡཾནཱུནཱཧཾ བྷིཀྑཱུནཾ ཙཱིཝརེ སཱིམཾ བནྡྷེཡྻཾ, མརིཡཱདཾ ཋཔེཡྻཾ, ཏིཙཱིཝརཾ ཨནུཛཱནེཡྻ’’ནྟི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨིདྷཱཧཾ, བྷིཀྑཝེ, ཨནྟརཱ ཙ རཱཛགཧཾ ཨནྟརཱ ཙ ཝེསཱལིཾ ཨདྡྷཱནམགྒཔྤཊིཔནྣོ ཨདྡསཾ སམྦཧུལེ བྷིཀྑཱུ ཙཱིཝརེཧི ཨུབྦྷཎྜིཏེ སཱིསེཔི ཙཱིཝརབྷིསིཾ ཀརིཏྭཱ ཁནྡྷེཔི ཙཱིཝརབྷིསིཾ ཀརིཏྭཱ ཀཊིཡཱཔི ཙཱིཝརབྷིསིཾ ཀརིཏྭཱ ཨཱགཙྪནྟེ, དིསྭཱན མེ ཨེཏདཧོསི – ‘ཨཏིལཧུཾ ཁོ ཨིམེ མོགྷཔུརིསཱ ཙཱིཝརེ བཱཧུལླཱཡ ཨཱཝཏྟཱ. ཡཾནཱུནཱཧཾ བྷིཀྑཱུནཾ ཙཱིཝརེ སཱིམཾ བནྡྷེཡྻཾ, མརིཡཱདཾ ཋཔེཡྻ’ནྟི. ཨིདྷཱཧཾ, བྷིཀྑཝེ, སཱིཏཱསུ ཧེམནྟིཀཱསུ རཏྟཱིསུ ཨནྟརཊྛཀཱསུ ཧིམཔཱཏསམཡེ རཏྟིཾ ཨཛ྄ཛྷོཀཱསེ ཨེཀཙཱིཝརོ ནིསཱིདིཾ. ན མཾ སཱིཏཾ ཨཧོསི. ནིཀྑནྟེ པཋམེ ཡཱམེ སཱིཏཾ མཾ ཨཧོསི. དུཏིཡཱཧཾ ཙཱིཝརཾ པཱརུཔིཾ. ན མཾ སཱིཏཾ ཨཧོསི. ནིཀྑནྟེ མཛ྄ཛྷིམེ ཡཱམེ སཱིཏཾ མཾ ཨཧོསི. ཏཏིཡཱཧཾ ཙཱིཝརཾ པཱརུཔིཾ. ན མཾ སཱིཏཾ ཨཧོསི. ནིཀྑནྟེ པཙྪིམེ ཡཱམེ ཨུདྡྷསྟེ ཨརུཎེ ནནྡིམུཁིཡཱ རཏྟིཡཱ སཱིཏཾ མཾ ཨཧོསི. ཙཏུཏྠཱཧཾ ཙཱིཝརཾ པཱརུཔིཾ. ན མཾ སཱིཏཾ ཨཧོསི. ཏསྶ མཡ྄ཧཾ, བྷིཀྑཝེ, ཨེཏདཧོསི – ‘‘ཡེཔི ཁོ ཏེ ཀུལཔུཏྟཱ ཨིམསྨིཾ དྷམྨཝིནཡེ སཱིཏཱལུཀཱ སཱིཏབྷཱིརུཀཱ ཏེཔི སཀྐོནྟི ཏིཙཱིཝརེན ཡཱཔེཏུཾ. ཡཾནཱུནཱཧཾ བྷིཀྑཱུནཾ ཙཱིཝརེ སཱིམཾ བནྡྷེཡྻཾ, མརིཡཱདཾ ཋཔེཡྻཾ, ཏིཙཱིཝརཾ ཨནུཛཱནེཡྻ’ནྟི. ཨནུཛཱནཱམི, བྷིཀྑཝེ, ཏིཙཱིཝརཾ – དིགུཎཾ སངྒྷཱཊིཾ, ཨེཀཙྩིཡཾ ཨུཏྟརཱསངྒཾ, ཨེཀཙྩིཡཾ ཨནྟརཝཱསཀ’’ནྟི.

ཏིཙཱིཝརཱནུཛཱནནཱ ནིཊྛིཏཱ.

༢༡༨. ཨཏིརེཀཙཱིཝརཀཐཱ

༣༤༧. [པཱརཱ. ༤༦༡] ཏེན ཁོ པན སམཡེན ཚབྦགྒིཡཱ བྷིཀྑཱུ བྷགཝཏཱ ཏིཙཱིཝརཾ ཨནུཉྙཱཏནྟི ཨཉྙེནེཝ ཏིཙཱིཝརེན གཱམཾ པཝིསནྟི, ཨཉྙེན ཏིཙཱིཝརེན ཨཱརཱམེ ཨཙྪནྟི, ཨཉྙེན ཏིཙཱིཝརེན ནཧཱནཾ ཨོཏརནྟི. ཡེ ཏེ བྷིཀྑཱུ ཨཔྤིཙྪཱ ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨཏིརེཀཙཱིཝརཾ དྷཱརེསྶནྟཱི’’ཏི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཨཏིརེཀཙཱིཝརཾ དྷཱརེཏབྦཾ. ཡོ དྷཱརེཡྻ, ཡཐཱདྷམྨོ ཀཱརེཏབྦོ’’ཏི.

[པཱརཱ. ༤༦༡] ཏེན ཁོ པན སམཡེན ཨཱཡསྨཏོ ཨཱནནྡསྶ ཨཏིརེཀཙཱིཝརཾ ཨུཔྤནྣཾ ཧོཏི. ཨཱཡསྨཱ ཙ ཨཱནནྡོ ཏཾ ཙཱིཝརཾ ཨཱཡསྨཏོ སཱརིཔུཏྟསྶ དཱཏུཀཱམོ ཧོཏི. ཨཱཡསྨཱ ཙ སཱརིཔུཏྟོ སཱཀེཏེ ཝིཧརཏི. ཨཐ ཁོ ཨཱཡསྨཏོ ཨཱནནྡསྶ ཨེཏདཧོསི – ‘‘བྷགཝཏཱ སིཀྑཱཔདཾ པཉྙཏྟཾ ‘ན ཨཏིརེཀཙཱིཝརཾ དྷཱརེཏབྦ’ནྟི. ཨིདཉྩ མེ ཨཏིརེཀཙཱིཝརཾ ཨུཔྤནྣཾ. ཨཧཉྩིམཾ ཙཱིཝརཾ ཨཱཡསྨཏོ སཱརིཔུཏྟསྶ དཱཏུཀཱམོ. ཨཱཡསྨཱ ཙ སཱརིཔུཏྟོ སཱཀེཏེ ཝིཧརཏི. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསི. ‘‘ཀཱིཝཙིརཾ པནཱནནྡ, སཱརིཔུཏྟོ ཨཱགཙྪིསྶཏཱི’’ཏི? ‘‘ནཝམཾ ཝཱ, བྷགཝཱ, དིཝསཾ, དསམཾ ཝཱ’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, དསཱཧཔརམཾ ཨཏིརེཀཙཱིཝརཾ དྷཱརེཏུ’’ནྟི.

ཏེན ཁོ པན སམཡེན བྷིཀྑཱུནཾ ཨཏིརེཀཙཱིཝརཾ ཨུཔྤནྣཾ ཧོཏི. ཨཐ ཁོ བྷིཀྑཱུནཾ ཨེཏདཧོསི – ‘‘ཀཐཾ ནུ ཁོ ཨམྷེཧི ཨཏིརེཀཙཱིཝརེ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨཏིརེཀཙཱིཝརཾ ཝིཀཔྤེཏུནྟི.

༣༤༨. ཨཐ ཁོ བྷགཝཱ ཝེསཱལིཡཾ ཡཐཱབྷིརནྟཾ ཝིཧརིཏྭཱ ཡེན བཱརཱཎསཱི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན བཱརཱཎསཱི ཏདཝསརི. ཏཏྲ སུདཾ བྷགཝཱ བཱརཱཎསིཡཾ ཝིཧརཏི ཨིསིཔཏནེ མིགདཱཡེ. ཏེན ཁོ པན སམཡེན ཨཉྙཏརསྶ བྷིཀྑུནོ ཨནྟརཝཱསཀོ ཚིདྡོ ཧོཏི. ཨཐ ཁོ ཏསྶ བྷིཀྑུནོ ཨེཏདཧོསི – ‘‘བྷགཝཏཱ ཏིཙཱིཝརཾ ཨནུཉྙཱཏཾ – དིགུཎཱ སངྒྷཱཊི, ཨེཀཙྩིཡོ ཨུཏྟརཱསངྒོ, ཨེཀཙྩིཡོ ཨནྟརཝཱསཀོ. ཨཡཉྩ མེ ཨནྟརཝཱསཀོ ཚིདྡོ. ཡཾནཱུནཱཧཾ ཨགྒལ༹ཾ ཨཙྪུཔེཡྻཾ, སམནྟཏོ དུཔཊྚཾ བྷཝིསྶཏི, མཛ྄ཛྷེ ཨེཀཙྩིཡ’’ནྟི. ཨཐ ཁོ སོ བྷིཀྑུ ཨགྒལ༹ཾ ཨཙྪུཔེསི. ཨདྡསཱ ཁོ བྷགཝཱ སེནཱསནཙཱརིཀཾ ཨཱཧིཎྜནྟོ ཏཾ བྷིཀྑུཾ ཨགྒལ༹ཾ ཨཙྪུཔེནྟཾ [ཨཙྪུཔནྟཾ (ཀ.)], དིསྭཱན ཡེན སོ བྷིཀྑུ ཏེནུཔསངྐམི, ཨུཔསངྐམིཏྭཱ ཏཾ བྷིཀྑུཾ ཨེཏདཝོཙ – ‘‘ཀིཾ ཏྭཾ, བྷིཀྑུ, ཀརོསཱི’’ཏི? ‘‘ཨགྒལ༹ཾ, བྷགཝཱ, ཨཙྪུཔེམཱི’’ཏི. ‘‘སཱདྷུ སཱདྷུ, བྷིཀྑུ; སཱདྷུ ཁོ ཏྭཾ, བྷིཀྑུ, ཨགྒལ༹ཾ ཨཙྪུཔེསཱི’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཨཧཏཱནཾ དུསྶཱནཾ ཨཧཏཀཔྤཱནཾ དིགུཎཾ སངྒྷཱཊིཾ, ཨེཀཙྩིཡཾ ཨུཏྟརཱསངྒཾ, ཨེཀཙྩིཡཾ ཨནྟརཝཱསཀཾ; ཨུཏུདྡྷཊཱནཾ དུསྶཱནཾ ཙཏུགྒུཎཾ སངྒྷཱཊིཾ, དིགུཎཾ ཨུཏྟརཱསངྒཾ, དིགུཎཾ ཨནྟརཝཱསཀཾ; པཾསུཀཱུལེ ཡཱཝདཏྠཾ; པཱཔཎིཀེ ཨུསྶཱཧོ ཀརཎཱིཡོ. ཨནུཛཱནཱམི, བྷིཀྑཝེ, ཨགྒལ༹ཾ ཏུནྣཾ ཨོཝཊྚིཀཾ ཀཎྜུསཀཾ དལ༹ྷཱིཀམྨ’’ནྟི.

ཨཏིརེཀཙཱིཝརཀཐཱ ནིཊྛིཏཱ.

༢༡༩. ཝིསཱཁཱཝཏྠུ

༣༤༩. ཨཐ ཁོ བྷགཝཱ བཱརཱཎསིཡཾ ཡཐཱབྷིརནྟཾ ཝིཧརིཏྭཱ ཡེན སཱཝཏྠི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན སཱཝཏྠི ཏདཝསརི. ཏཏྲ སུདཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཨཐ ཁོ ཝིསཱཁཱ མིགཱརམཱཏཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཝིསཱཁཾ མིགཱརམཱཏརཾ བྷགཝཱ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ ཝིསཱཁཱ མིགཱརམཱཏཱ, བྷགཝཏཱ དྷམྨིཡཱ ཀཐཱཡ སནྡསྶིཏཱ སམཱདཔིཏཱ སམུཏྟེཛིཏཱ སམྤཧཾསིཏཱ, བྷགཝནྟཾ ཨེཏདཝོཙ – ‘‘ཨདྷིཝཱསེཏུ མེ, བྷནྟེ, བྷགཝཱ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ཁོ ཝིསཱཁཱ མིགཱརམཱཏཱ བྷགཝཏོ ཨདྷིཝཱསནཾ ཝིདིཏྭཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི.

ཏེན ཁོ པན སམཡེན ཏསྶཱ རཏྟིཡཱ ཨཙྩཡེན ཙཱཏུདྡཱིཔིཀོ མཧཱམེགྷོ པཱཝསྶི. ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘ཡཐཱ, བྷིཀྑཝེ, ཛེཏཝནེ ཝསྶཏི ཨེཝཾ ཙཏཱུསུ དཱིཔེསུ ཝསྶཏི. ཨོཝསྶཱཔེཐ, བྷིཀྑཝེ, ཀཱཡཾ. ཨཡཾ པཙྪིམཀོ ཙཱཏུདྡཱིཔིཀོ མཧཱམེགྷོ’’ཏི. ‘‘ཨེཝཾ, བྷནྟེ’’ཏི ཁོ ཏེ བྷིཀྑཱུ བྷགཝཏོ པཊིསྶུཎིཏྭཱ ནིཀྑིཏྟཙཱིཝརཱ ཀཱཡཾ ཨོཝསྶཱཔེནྟི. ཨཐ ཁོ ཝིསཱཁཱ མིགཱརམཱཏཱ པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ དཱསིཾ ཨཱཎཱཔེསི – ‘‘གཙྪ, ཛེ. ཨཱརཱམཾ གནྟྭཱ ཀཱལཾ ཨཱརོཙེཧི – ཀཱལོ, བྷནྟེ, ནིཊྛིཏཾ བྷཏྟ’’ནྟི. ‘‘ཨེཝཾ, ཨཡྻེ’’ཏི ཁོ སཱ དཱསཱི ཝིསཱཁཱཡ མིགཱརམཱཏུཡཱ པཊིསྶུཎིཏྭཱ ཨཱརཱམཾ གནྟྭཱ ཨདྡས བྷིཀྑཱུ ནིཀྑིཏྟཙཱིཝརེ ཀཱཡཾ ཨོཝསྶཱཔེནྟེ, དིསྭཱན ‘ནཏྠི ཨཱརཱམེ བྷིཀྑཱུ, ཨཱཛཱིཝཀཱ ཀཱཡཾ ཨོཝསྶཱཔེནྟཱི’ཏི ཡེན ཝིསཱཁཱ མིགཱརམཱཏཱ ཏེནུཔསངྐམི; ཨུཔསངྐམིཏྭཱ ཝིསཱཁཾ མིགཱརམཱཏརཾ ཨེཏདཝོཙ – ‘‘ནཏྠཡྻེ, ཨཱརཱམེ བྷིཀྑཱུ, ཨཱཛཱིཝཀཱ ཀཱཡཾ ཨོཝསྶཱཔེནྟཱི’’ཏི. ཨཐ ཁོ ཝིསཱཁཱཡ མིགཱརམཱཏུཡཱ པཎྜིཏཱཡ ཝིཡཏྟཱཡ མེདྷཱཝིནིཡཱ ཨེཏདཧོསི – ‘‘ནིསྶཾསཡཾ ཁོ ཨཡྻཱ ནིཀྑིཏྟཙཱིཝརཱ ཀཱཡཾ ཨོཝསྶཱཔེནྟི. སཱཡཾ བཱལཱ མཉྙིཏྠ – ནཏྠི ཨཱརཱམེ བྷིཀྑཱུ, ཨཱཛཱིཝཀཱ ཀཱཡཾ ཨོཝསྶཱཔེནྟཱི’’ཏི, པུན དཱསིཾ ཨཱཎཱཔེསི – ‘‘གཙྪ, ཛེ. ཨཱརཱམཾ གནྟྭཱ ཀཱལཾ ཨཱརོཙེཧི – ཀཱལོ, བྷནྟེ, ནིཊྛིཏཾ བྷཏྟ’’ནྟི. ཨཐ ཁོ ཏེ བྷིཀྑཱུ གཏྟཱནི སཱིཏིཾ ཀརིཏྭཱ [སཱིཏཱིཀརིཏྭཱ (སྱཱ.)] ཀལླཀཱཡཱ ཙཱིཝརཱནི གཧེཏྭཱ ཡཐཱཝིཧཱརཾ པཝིསིཾསུ. ཨཐ ཁོ སཱ དཱསཱི ཨཱརཱམཾ གནྟྭཱ བྷིཀྑཱུ ཨཔསྶནྟཱི ‘ནཏྠི ཨཱརཱམེ བྷིཀྑཱུ, སུཉྙོ ཨཱརཱམོ’ཏི ཡེན ཝིསཱཁཱ མིགཱརམཱཏཱ ཏེནུཔསངྐམི; ཨུཔསངྐམིཏྭཱ ཝིསཱཁཾ མིགཱརམཱཏརཾ ཨེཏདཝོཙ – ‘‘ནཏྠཡྻེ, ཨཱརཱམེ བྷིཀྑཱུ, སུཉྙོ ཨཱརཱམོ’’ཏི. ཨཐ ཁོ ཝིསཱཁཱཡ མིགཱརམཱཏུཡཱ པཎྜིཏཱཡ ཝིཡཏྟཱཡ མེདྷཱཝིནིཡཱ ཨེཏདཧོསི – ‘‘ནིསྶཾསཡཾ ཁོ ཨཡྻཱ གཏྟཱནི སཱིཏིཾ ཀརིཏྭཱ ཀལླཀཱཡཱ ཙཱིཝརཱནི གཧེཏྭཱ ཡཐཱཝིཧཱརཾ པཝིཊྛཱ. སཱཡཾ བཱལཱ མཉྙིཏྠ – ནཏྠི ཨཱརཱམེ བྷིཀྑཱུ, སུཉྙོ ཨཱརཱམོ’’ཏི, པུན དཱསིཾ ཨཱཎཱཔེསི – ‘‘གཙྪ, ཛེ. ཨཱརཱམཾ གནྟྭཱ ཀཱལཾ ཨཱརོཙེཧི – ཀཱལོ, བྷནྟེ, ནིཊྛིཏཾ བྷཏྟ’’ནྟི.

༣༥༠. ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘སནྡཧཐ [སནྣཧཐ (སཱི. སྱཱ.)], བྷིཀྑཝེ, པཏྟཙཱིཝརཾ; ཀཱལོ བྷཏྟསྶཱ’’ཏི. ‘‘ཨེཝཾ, བྷནྟེ’’ཏི ཁོ ཏེ བྷིཀྑཱུ བྷགཝཏོ པཙྩསྶོསུཾ. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ – སེཡྻཐཱཔི ནཱམ བལཝཱ པུརིསོ སམྨིཉྫིཏཾ ཝཱ བཱཧཾ པསཱརེཡྻ, པསཱརིཏཾ ཝཱ བཱཧཾ སམིཉྫེཡྻ, ཨེཝམེཝ – ཛེཏཝནེ ཨནྟརཧིཏོ ཝིསཱཁཱཡ མིགཱརམཱཏུཡཱ ཀོཊྛཀེ པཱཏུརཧོསི. ནིསཱིདི བྷགཝཱ པཉྙཏྟེ ཨཱསནེ སདྡྷིཾ བྷིཀྑུསངྒྷེན. ཨཐ ཁོ ཝིསཱཁཱ མིགཱརམཱཏཱ – ‘‘ཨཙྪརིཡཾ ཝཏ བྷོ! ཨབྦྷུཏཾ ཝཏ བྷོ! ཏཐཱགཏསྶ མཧིདྡྷིཀཏཱ མཧཱནུབྷཱཝཏཱ, ཡཏྲ ཧི ནཱམ ཛཎྞུཀམཏྟེསུཔི ཨོགྷེསུ པཝཏྟམཱནེསུ, ཀཊིམཏྟེསུཔི ཨོགྷེསུ པཝཏྟམཱནེསུ, ན ཧི ནཱམ ཨེཀབྷིཀྑུསྶཔི [པཝཏྟམཱནེསུ ན ཨེཀབྷིཀྑུསྶཔི (?)] པཱདཱ ཝཱ ཙཱིཝརཱནི ཝཱ ཨལླཱནི བྷཝིསྶནྟཱི’’ཏི – ཧཊྛཱ ཨུདགྒཱ བུདྡྷཔྤམུཁཾ བྷིཀྑུསངྒྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེཏྭཱ སམྤཝཱརེཏྭཱ བྷགཝནྟཾ བྷུཏྟཱཝིཾ ཨོནཱིཏཔཏྟཔཱཎིཾ ཨེཀམནྟཾ ནིསཱིདི. ཨེཀམནྟཾ ནིསིནྣཱ ཁོ ཝིསཱཁཱ མིགཱརམཱཏཱ བྷགཝནྟཾ ཨེཏདཝོཙ – ‘‘ཨཊྛཱཧཾ, བྷནྟེ, བྷགཝནྟཾ ཝརཱནི ཡཱཙཱམཱི’’ཏི. ‘‘ཨཏིཀྐནྟཝརཱ ཁོ, ཝིསཱཁེ, ཏཐཱགཏཱ’’ཏི. ‘‘ཡཱནི ཙ, བྷནྟེ, ཀཔྤིཡཱནི ཡཱནི ཙ ཨནཝཛྫཱནཱི’’ཏི. ‘‘ཝདེཧི, ཝིསཱཁེ’’ཏི. ‘‘ཨིཙྪཱམཧཾ, བྷནྟེ, སངྒྷསྶ ཡཱཝཛཱིཝཾ ཝསྶིཀསཱཊིཀཾ དཱཏུཾ, ཨཱགནྟུཀབྷཏྟཾ དཱཏུཾ, གམིཀབྷཏྟཾ དཱཏུཾ, གིལཱནབྷཏྟཾ དཱཏུཾ, གིལཱནུཔཊྛཱཀབྷཏྟཾ དཱཏུཾ, གིལཱནབྷེསཛྫཾ དཱཏུཾ, དྷུཝཡཱགུཾ དཱཏུཾ, བྷིཀྑུནིསངྒྷསྶ ཨུདཀསཱཊིཀཾ དཱཏུ’’ནྟི. ‘‘ཀིཾ པན ཏྭཾ, ཝིསཱཁེ, ཨཏྠཝསཾ སམྤསྶམཱནཱ ཏཐཱགཏཾ ཨཊྛ ཝརཱནི ཡཱཙསཱི’’ཏི?

‘‘ཨིདྷཱཧཾ, བྷནྟེ, དཱསིཾ ཨཱཎཱཔེསིཾ – ‘གཙྪ, ཛེ. ཨཱརཱམཾ གནྟྭཱ ཀཱལཾ ཨཱརོཙེཧི – ཀཱལོ, བྷནྟེ, ནིཊྛིཏཾ བྷཏྟ’’’ནྟི. ཨཐ ཁོ སཱ, བྷནྟེ, དཱསཱི ཨཱརཱམཾ གནྟྭཱ ཨདྡས བྷིཀྑཱུ ནིཀྑིཏྟཙཱིཝརེ ཀཱཡཾ ཨོཝསྶཱཔེནྟེ, དིསྭཱན ‘‘ནཏྠི ཨཱརཱམེ བྷིཀྑཱུ, ཨཱཛཱིཝཀཱ ཀཱཡཾ ཨོཝསྶཱཔེནྟཱི’’ཏི ཡེནཱཧཾ ཏེནུཔསངྐམི; ཨུཔསངྐམིཏྭཱ མཾ ཨེཏདཝོཙ – ‘‘ནཏྠཡྻེ, ཨཱརཱམེ བྷིཀྑཱུ, ཨཱཛཱིཝཀཱ ཀཱཡཾ ཨོཝསྶཱཔེནྟཱི’’ཏི. ཨསུཙི, བྷནྟེ, ནགྒིཡཾ ཛེགུཙྪཾ པཊིཀཱུལཾ. ཨིམཱཧཾ, བྷནྟེ, ཨཏྠཝསཾ སམྤསྶམཱནཱ ཨིཙྪཱམི སངྒྷསྶ ཡཱཝཛཱིཝཾ ཝསྶིཀསཱཊིཀཾ དཱཏུཾ.

‘‘པུན ཙཔརཾ, བྷནྟེ, ཨཱགནྟུཀོ བྷིཀྑུ ན ཝཱིཐིཀུསལོ ན གོཙརཀུསལོ ཀིལནྟོ པིཎྜཱཡ ཙརཏི. སོ མེ ཨཱགནྟུཀབྷཏྟཾ བྷུཉྫིཏྭཱ ཝཱིཐིཀུསལོ གོཙརཀུསལོ ཨཀིལནྟོ པིཎྜཱཡ ཙརིསྶཏི. ཨིམཱཧཾ, བྷནྟེ, ཨཏྠཝསཾ སམྤསྶམཱནཱ ཨིཙྪཱམི སངྒྷསྶ ཡཱཝཛཱིཝཾ ཨཱགནྟུཀབྷཏྟཾ དཱཏུཾ.

‘‘པུན ཙཔརཾ, བྷནྟེ, གམིཀོ བྷིཀྑུ ཨཏྟནོ བྷཏྟཾ པརིཡེསམཱནོ སཏྠཱ ཝཱ ཝིཧཱཡིསྶཏི, ཡཏྠ ཝཱ ཝཱསཾ གནྟུཀཱམོ བྷཝིསྶཏི ཏཏྠ ཝིཀཱལེ ཨུཔགཙྪིསྶཏི, ཀིལནྟོ ཨདྡྷཱནཾ གམིསྶཏི. སོ མེ གམིཀབྷཏྟཾ བྷུཉྫིཏྭཱ སཏྠཱ ན ཝིཧཱཡིསྶཏི, ཡཏྠ ཝཱསཾ གནྟུཀཱམོ བྷཝིསྶཏི ཏཏྠ ཀཱལེ ཨུཔགཙྪིསྶཏི, ཨཀིལནྟོ ཨདྡྷཱནཾ གམིསྶཏི. ཨིམཱཧཾ, བྷནྟེ, ཨཏྠཝསཾ སམྤསྶམཱནཱ ཨིཙྪཱམི སངྒྷསྶ ཡཱཝཛཱིཝཾ གམིཀབྷཏྟཾ དཱཏུཾ.

‘‘པུན ཙཔརཾ, བྷནྟེ, གིལཱནསྶ བྷིཀྑུནོ སཔྤཱཡཱནི བྷོཛནཱནི ཨལབྷནྟསྶ ཨཱབཱདྷོ ཝཱ ཨབྷིཝཌྜྷིསྶཏི, ཀཱལཾཀིརིཡཱ ཝཱ བྷཝིསྶཏི. ཏསྶ མེ གིལཱནབྷཏྟཾ བྷུཏྟསྶ ཨཱབཱདྷོ ན ཨབྷིཝཌྜྷིསྶཏི, ཀཱལཾཀིརིཡཱ ན བྷཝིསྶཏི. ཨིམཱཧཾ, བྷནྟེ, ཨཏྠཝསཾ སམྤསྶམཱནཱ ཨིཙྪཱམི སངྒྷསྶ ཡཱཝཛཱིཝཾ གིལཱནབྷཏྟཾ དཱཏུཾ. ‘‘པུན ཙཔརཾ, བྷནྟེ, གིལཱནུཔཊྛཱཀོ བྷིཀྑུ ཨཏྟནོ བྷཏྟཾ པརིཡེསམཱནོ གིལཱནསྶ ཨུསྶཱུརེ བྷཏྟཾ ནཱིཧརིསྶཏི, བྷཏྟཙྪེདཾ ཀརིསྶཏི. སོ མེ གིལཱནུཔཊྛཱཀབྷཏྟཾ བྷུཉྫིཏྭཱ གིལཱནསྶ ཀཱལེན བྷཏྟཾ ནཱིཧརིསྶཏི, བྷཏྟཙྪེདཾ ན ཀརིསྶཏི. ཨིམཱཧཾ, བྷནྟེ, ཨཏྠཝསཾ སམྤསྶམཱནཱ ཨིཙྪཱམི སངྒྷསྶ ཡཱཝཛཱིཝཾ གིལཱནུཔཊྛཱཀབྷཏྟཾ དཱཏུཾ.

‘‘པུན ཙཔརཾ, བྷནྟེ, གིལཱནསྶ བྷིཀྑུནོ སཔྤཱཡཱནི བྷེསཛྫཱནི ཨལབྷནྟསྶ ཨཱབཱདྷོ ཝཱ ཨབྷིཝཌྜྷིསྶཏི, ཀཱལཾཀིརིཡཱ ཝཱ བྷཝིསྶཏི. ཏསྶ མེ གིལཱནབྷེསཛྫཾ པརིབྷུཏྟསྶ ཨཱབཱདྷོ ན ཨབྷིཝཌྜྷིསྶཏི, ཀཱལཾཀིརིཡཱ ན བྷཝིསྶཏི. ཨིམཱཧཾ, བྷནྟེ, ཨཏྠཝསཾ སམྤསྶམཱནཱ ཨིཙྪཱམི སངྒྷསྶ ཡཱཝཛཱིཝཾ གིལཱནབྷེསཛྫཾ དཱཏུཾ.

‘‘པུན ཙཔརཾ, བྷནྟེ, བྷགཝཏཱ ཨནྡྷཀཝིནྡེ དསཱནིསཾསེ སམྤསྶམཱནེན ཡཱགུ ཨནུཉྙཱཏཱ. ཏྱཱཧཾ, བྷནྟེ, ཨཱནིསཾསེ སམྤསྶམཱནཱ ཨིཙྪཱམི སངྒྷསྶ ཡཱཝཛཱིཝཾ དྷུཝཡཱགུཾ དཱཏུཾ.

‘‘ཨིདྷ, བྷནྟེ, བྷིཀྑུནིཡོ ཨཙིརཝཏིཡཱ ནདིཡཱ ཝེསིཡཱཧི སདྡྷིཾ ནགྒཱ ཨེཀཏིཏྠེ ནཧཱཡནྟི. ཏཱ, བྷནྟེ, ཝེསིཡཱ བྷིཀྑུནིཡོ ཨུཔྤཎྜེསུཾ – ‘ཀིཾ ནུ ཁོ ནཱམ ཏུམྷཱཀཾ, ཨཡྻེ, དཧརཱནཾ [དཧརཱནཾ དཧརཱནཾ (སཱི.)] བྲཧྨཙརིཡཾ ཙིཎྞེན, ནནུ ནཱམ ཀཱམཱ པརིབྷུཉྫིཏབྦཱ; ཡདཱ ཛིཎྞཱ བྷཝིསྶཐ ཏདཱ བྲཧྨཙརིཡཾ ཙརིསྶཐ. ཨེཝཾ ཏུམྷཱཀཾ ཨུབྷོ ཨཏྠཱ པརིགྒཧིཏཱ བྷཝིསྶནྟཱི’ཏི. ཏཱ, བྷནྟེ, བྷིཀྑུནིཡོ ཝེསིཡཱཧི ཨུཔྤཎྜིཡམཱནཱ མངྐཱུ ཨཧེསུཾ. ཨསུཙི, བྷནྟེ, མཱཏུགཱམསྶ ནགྒིཡཾ ཛེགུཙྪཾ པཊིཀཱུལཾ. ཨིམཱཧཾ, བྷནྟེ, ཨཏྠཝསཾ སམྤསྶམཱནཱ ཨིཙྪཱམི བྷིཀྑུནིསངྒྷསྶ ཡཱཝཛཱིཝཾ ཨུདཀསཱཊིཀཾ དཱཏུ’’ནྟི.

༣༥༡. ‘‘ཀིཾ པན ཏྭཾ, ཝིསཱཁེ, ཨཱནིསཾསཾ སམྤསྶམཱནཱ ཏཐཱགཏཾ ཨཊྛ ཝརཱནི ཡཱཙསཱི’’ཏི? ‘‘ཨིདྷ, བྷནྟེ, དིསཱསུ ཝསྶཾཝུཊྛཱ བྷིཀྑཱུ སཱཝཏྠིཾ ཨཱགཙྪིསྶནྟི བྷགཝནྟཾ དསྶནཱཡ. ཏེ བྷགཝནྟཾ ཨུཔསངྐམིཏྭཱ པུཙྪིསྶནྟི – ‘ཨིཏྠནྣཱམོ, བྷནྟེ, བྷིཀྑུ ཀཱལངྐཏོ, ཏསྶ ཀཱ གཏི ཀོ ཨབྷིསམྤརཱཡོ’ཏི? ཏཾ བྷགཝཱ བྱཱཀརིསྶཏི སོཏཱཔཏྟིཕལེ ཝཱ སཀདཱགཱམིཕལེ ཝཱ ཨནཱགཱམིཕལེ ཝཱ ཨརཧཏྟེ ཝཱ. ཏྱཱཧཾ ཨུཔསངྐམིཏྭཱ པུཙྪིསྶཱམི – ‘ཨཱགཏཔུབྦཱ ནུ ཁོ, བྷནྟེ, ཏེན ཨཡྻེན སཱཝཏྠཱི’ཏི? སཙེ མེ ཝཀྑནྟི – ‘ཨཱགཏཔུབྦཱ ཏེན བྷིཀྑུནཱ སཱཝཏྠཱི’ཏི ནིཊྛམེཏྠ གཙྪིསྶཱམི – ནིསྶཾསཡཾ མེ པརིབྷུཏྟཾ ཏེན ཨཡྻེན ཝསྶིཀསཱཊིཀཱ ཝཱ ཨཱགནྟུཀབྷཏྟཾ ཝཱ གམིཀབྷཏྟཾ ཝཱ གིལཱནབྷཏྟཾ ཝཱ གིལཱནུཔཊྛཱཀབྷཏྟཾ ཝཱ གིལཱནབྷེསཛྫཾ ཝཱ དྷུཝཡཱགུ ཝཱཏི. ཏསྶཱ མེ ཏདནུསྶརནྟིཡཱ པཱམུཛྫཾ ཛཱཡིསྶཏི, པམུདིཏཱཡ པཱིཏི ཛཱཡིསྶཏི, པཱིཏིམནཱཡ ཀཱཡོ པསྶམྦྷིསྶཏི, པསྶདྡྷཀཱཡཱ སུཁཾ ཝེདིཡིསྶཱམི, སུཁིནིཡཱ ཙིཏྟཾ སམཱདྷིཡིསྶཏི. སཱ མེ བྷཝིསྶཏི ཨིནྡྲིཡབྷཱཝནཱ བལབྷཱཝནཱ བོཛ྄ཛྷངྒབྷཱཝནཱ. ཨིམཱཧཾ, བྷནྟེ, ཨཱནིསཾསཾ སམྤསྶམཱནཱ ཏཐཱགཏཾ ཨཊྛ ཝརཱནི ཡཱཙཱམཱི’’ཏི. ‘‘སཱདྷུ སཱདྷུ, ཝིསཱཁེ; སཱདྷུ ཁོ ཏྭཾ, ཝིསཱཁེ, ཨིམཾ ཨཱནིསཾསཾ སམྤསྶམཱནཱ ཏཐཱགཏཾ ཨཊྛ ཝརཱནི ཡཱཙསི. ཨནུཛཱནཱམི ཏེ, ཝིསཱཁེ, ཨཊྛ ཝརཱནཱི’’ཏི. ཨཐ ཁོ བྷགཝཱ ཝིསཱཁཾ མིགཱརམཱཏརཾ ཨིམཱཧི གཱཐཱཧི ཨནུམོདི –

‘‘ཡཱ ཨནྣཔཱནཾ དདཏིཔྤམོདིཏཱ;

སཱིལཱུཔཔནྣཱ སུགཏསྶ སཱཝིཀཱ;

དདཱཏི དཱནཾ ཨབྷིབྷུཡྻ མཙྪརཾ;

སོཝགྒིཀཾ སོཀནུདཾ སུཁཱཝཧཾ.

‘‘དིབྦཾ སཱ ལབྷཏེ ཨཱཡུཾ [དིབྦཾ བལཾ སཱ ལབྷཏེ ཙ ཨཱཡུཾ (སཱི. སྱཱ.)];

ཨཱགམྨ མགྒཾ ཝིརཛཾ ཨནངྒཎཾ;

སཱ པུཉྙཀཱམཱ སུཁིནཱི ཨནཱམཡཱ;

སགྒམྷི ཀཱཡམྷི ཙིརཾ པམོདཏཱི’’ཏི.

༣༥༢. ཨཐ ཁོ བྷགཝཱ ཝིསཱཁཾ མིགཱརམཱཏརཾ ཨིམཱཧི གཱཐཱཧི ཨནུམོདིཏྭཱ ཨུཊྛཱཡཱསནཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཝསྶིཀསཱཊིཀཾ, ཨཱགནྟུཀབྷཏྟཾ, གམིཀབྷཏྟཾ, གིལཱནབྷཏྟཾ, གིལཱནུཔཊྛཱཀབྷཏྟཾ, གིལཱནབྷེསཛྫཾ, དྷུཝཡཱགུཾ, བྷིཀྑུནིསངྒྷསྶ ཨུདཀསཱཊིཀ’’ནྟི.

ཝིསཱཁཱཝཏྠུ ནིཊྛིཏཾ.

ཝིསཱཁཱབྷཱཎཝཱརོ ནིཊྛིཏོ.

༢༢༠. ནིསཱིདནཱདིཨནུཛཱནནཱ

༣༥༣. ཏེན ཁོ པན སམཡེན བྷིཀྑཱུ པཎཱིཏཱནི བྷོཛནཱནི བྷུཉྫིཏྭཱ མུཊྛསྶཏཱི ཨསམྤཛཱནཱ ནིདྡཾ ཨོཀྐམནྟི. ཏེསཾ མུཊྛསྶཏཱིནཾ ཨསམྤཛཱནཱནཾ ནིདྡཾ ཨོཀྐམནྟཱནཾ སུཔིནནྟེན ཨསུཙི མུཙྩཏི, སེནཱསནཾ ཨསུཙིནཱ མཀྑིཡཏི. ཨཐ ཁོ བྷགཝཱ ཨཱཡསྨཏཱ ཨཱནནྡེན པཙྪཱསམཎེན སེནཱསནཙཱརིཀཾ ཨཱཧིཎྜནྟོ ཨདྡས སེནཱསནཾ ཨསུཙིནཱ མཀྑིཏཾ, དིསྭཱན ཨཱཡསྨནྟཾ ཨཱནནྡཾ ཨཱམནྟེསི – ‘‘ཀིཾ ཨེཏཾ, ཨཱནནྡ, སེནཱསནཾ མཀྑིཏ’’ནྟི? ‘‘ཨེཏརཧི, བྷནྟེ, བྷིཀྑཱུ པཎཱིཏཱནི བྷོཛནཱནི བྷུཉྫིཏྭཱ མུཊྛསྶཏཱི ཨསམྤཛཱནཱ ནིདྡཾ ཨོཀྐམནྟི. ཏེསཾ མུཊྛསྶཏཱིནཾ ཨསམྤཛཱནཱནཾ ནིདྡཾ ཨོཀྐམནྟཱནཾ སུཔིནནྟེན ཨསུཙི མུཙྩཏི; ཏཡིདཾ, བྷགཝཱ, སེནཱསནཾ ཨསུཙིནཱ མཀྑིཏ’’ནྟི. ‘‘ཨེཝམེཏཾ, ཨཱནནྡ, ཨེཝམེཏཾ, ཨཱནནྡ. མུཙྩཏི ཧི, ཨཱནནྡ, མུཊྛསྶཏཱིནཾ ཨསམྤཛཱནཱནཾ ནིདྡཾ ཨོཀྐམནྟཱནཾ སུཔིནནྟེན ཨསུཙི. ཡེ ཏེ, ཨཱནནྡ, བྷིཀྑཱུ ཨུཔཊྛིཏསྶཏཱི སམྤཛཱནཱ ནིདྡཾ ཨོཀྐམནྟི, ཏེསཾ ཨསུཙི ན མུཙྩཏི. ཡེཔི ཏེ, ཨཱནནྡ, པུཐུཛྫནཱ ཀཱམེསུ ཝཱིཏརཱགཱ, ཏེསམྤི ཨསུཙི ན མུཙྩཏི. ཨཊྛཱནམེཏཾ, ཨཱནནྡ, ཨནཝཀཱསོ ཡཾ ཨརཧཏོ ཨསུཙི མུཙྩེཡྻཱ’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨིདྷཱཧཾ, བྷིཀྑཝེ, ཨཱནནྡེན པཙྪཱསམཎེན སེནཱསནཙཱརིཀཾ ཨཱཧིཎྜནྟོ ཨདྡསཾ སེནཱསནཾ ཨསུཙིནཱ མཀྑིཏཾ, དིསྭཱན ཨཱནནྡཾ ཨཱམནྟེསིཾ ‘ཀིཾ ཨེཏཾ, ཨཱནནྡ, སེནཱསནཾ མཀྑིཏ’ནྟི? ‘ཨེཏརཧི, བྷནྟེ, བྷིཀྑཱུ པཎཱིཏཱནི བྷོཛནཱནི བྷུཉྫིཏྭཱ མུཊྛསྶཏཱི ཨསམྤཛཱནཱ ནིདྡཾ ཨོཀྐམནྟི. ཏེསཾ མུཊྛསྶཏཱིནཾ ཨསམྤཛཱནཱནཾ ནིདྡཾ ཨོཀྐམནྟཱནཾ སུཔིནནྟེན ཨསུཙི མུཙྩཏི; ཏཡིདཾ, བྷགཝཱ, སེནཱསནཾ ཨསུཙིནཱ མཀྑིཏ’ནྟི. ‘ཨེཝམེཏཾ, ཨཱནནྡ, ཨེཝམེཏཾ, ཨཱནནྡ, མུཙྩཏི ཧི, ཨཱནནྡ, མུཊྛསྶཏཱིནཾ ཨསམྤཛཱནཱནཾ ནིདྡཾ ཨོཀྐམནྟཱནཾ སུཔིནནྟེན ཨསུཙི. ཡེ ཏེ, ཨཱནནྡ, བྷིཀྑཱུ ཨུཔཊྛིཏསྶཏཱི སམྤཛཱནཱ ནིདྡཾ ཨོཀྐམནྟི, ཏེསཾ ཨསུཙི ན མུཙྩཏི. ཡེཔི ཏེ, ཨཱནནྡ, པུཐུཛྫནཱ ཀཱམེསུ ཝཱིཏརཱགཱ ཏེསམྤི ཨསུཙི ན མུཙྩཏི. ཨཊྛཱནམེཏཾ, ཨཱནནྡ, ཨནཝཀཱསོ ཡཾ ཨརཧཏོ ཨསུཙི མུཙྩེཡྻཱ’’’ཏི.

‘‘པཉྩིམེ, བྷིཀྑཝེ, ཨཱདཱིནཝཱ མུཊྛསྶཏིསྶ ཨསམྤཛཱནསྶ ནིདྡཾ ཨོཀྐམཏོ – དུཀྑཾ སུཔཏི, དུཀྑཾ པཊིབུཛ྄ཛྷཏི, པཱཔཀཾ སུཔིནཾ པསྶཏི, དེཝཏཱ ན རཀྑནྟི, ཨསུཙི མུཙྩཏི. ཨིམེ ཁོ, བྷིཀྑཝེ, པཉྩ ཨཱདཱིནཝཱ མུཊྛསྶཏིསྶ ཨསམྤཛཱནསྶ ནིདྡཾ ཨོཀྐམཏོ.

‘‘པཉྩིམེ, བྷིཀྑཝེ, ཨཱནིསཾསཱ ཨུཔཊྛིཏསྶཏིསྶ སམྤཛཱནསྶ ནིདྡཾ ཨོཀྐམཏོ – སུཁཾ སུཔཏི, སུཁཾ པཊིབུཛ྄ཛྷཏི, ན པཱཔཀཾ སུཔིནཾ པསྶཏི, དེཝཏཱ རཀྑནྟི, ཨསུཙི ན མུཙྩཏི. ཨིམེ ཁོ, བྷིཀྑཝེ, པཉྩ ཨཱནིསཾསཱ ཨུཔཊྛིཏསྶཏིསྶ སམྤཛཱནསྶ ནིདྡཾ ཨོཀྐམཏོ.

‘‘ཨནུཛཱནཱམི, བྷིཀྑཝེ, ཀཱཡགུཏྟིཡཱ ཙཱིཝརགུཏྟིཡཱ སེནཱསནགུཏྟིཡཱ ནིསཱིདན’’ནྟི.

ཏེན ཁོ པན སམཡེན ཨཏིཁུདྡཀཾ ནིསཱིདནཾ ན སབྦཾ སེནཱསནཾ སཾགོཔེཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཡཱཝམཧནྟཾ པཙྩཏྠརཎཾ ཨཱཀངྑཏི ཏཱཝམཧནྟཾ པཙྩཏྠརཎཾ ཀཱཏུནྟི.

༣༥༤. ཏེན ཁོ པན སམཡེན ཨཱཡསྨཏོ ཨཱནནྡསྶ ཨུཔཛ྄ཛྷཱཡསྶ ཨཱཡསྨཏོ བེལཊྛསཱིསསྶ ཐུལླཀཙྪཱབཱདྷོ ཧོཏི. ཏསྶ ལསིཀཱཡ ཙཱིཝརཱནི ཀཱཡེ ལགྒནྟི. ཏཱནི བྷིཀྑཱུ ཨུདཀེན ཏེམེཏྭཱ ཏེམེཏྭཱ ཨཔཀཌྜྷནྟི. ཨདྡསཱ ཁོ བྷགཝཱ སེནཱསནཙཱརིཀཾ ཨཱཧིཎྜནྟོ ཏེ བྷིཀྑཱུ ཏཱནི ཙཱིཝརཱནི ཨུདཀེན ཏེམེཏྭཱ ཏེམེཏྭཱ ཨཔཀཌྜྷནྟེ, དིསྭཱན ཡེན ཏེ བྷིཀྑཱུ ཏེནུཔསངྐམི, ཨུཔངྐམིཏྭཱ ཏེ བྷིཀྑཱུ ཨེཏདཝོཙ – ‘‘ཀིཾ ཨིམསྶ, བྷིཀྑཝེ, བྷིཀྑུནོ ཨཱབཱདྷོ’’ཏི? ‘‘ཨིམསྶ, བྷནྟེ, ཨཱཡསྨཏོ ཐུལླཀཙྪཱབཱདྷོ. ལསིཀཱཡ ཙཱིཝརཱནི ཀཱཡེ ལགྒནྟི. ཏཱནི མཡཾ ཨུདཀེན ཏེམེཏྭཱ ཏེམེཏྭཱ ཨཔཀཌྜྷཱམཱ’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཡསྶ ཀཎྜུ ཝཱ པིལ༹ཀཱ ཝཱ ཨསྶཱཝོ ཝཱ ཐུལླཀཙྪུ ཝཱ ཨཱབཱདྷོ ཀཎྜུཔྤཊིཙྪཱདི’’ནྟི.

༣༥༥. ཨཐ ཁོ ཝིསཱཁཱ མིགཱརམཱཏཱ མུཁཔུཉྪནཙོལ༹ཾ [མུཁཔུཉྫནཙོལ༹ཾ (ཀ.)] ཨཱདཱཡ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཱ ཁོ ཝིསཱཁཱ མིགཱརམཱཏཱ བྷགཝནྟཾ ཨེཏདཝོཙ – ‘‘པཊིགྒཎྷཱཏུ མེ, བྷནྟེ, བྷགཝཱ མུཁཔུཉྪནཙོལ༹ཾ, ཡཾ མམསྶ དཱིགྷརཏྟཾ ཧིཏཱཡ སུཁཱཡཱ’’ཏི. པཊིགྒཧེསི བྷགཝཱ མུཁཔུཉྪནཙོལ༹ཾ. ཨཐ ཁོ བྷགཝཱ ཝིསཱཁཾ མིགཱརམཱཏརཾ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ ཝིསཱཁཱ མིགཱརམཱཏཱ བྷགཝཏཱ དྷམྨིཡཱ ཀཐཱཡ སནྡསྶིཏཱ སམཱདཔིཏཱ སམུཏྟེཛིཏཱ སམྤཧཾསིཏཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, མུཁཔུཉྪནཙོལ༹ཀ’’ནྟི [མུཁཔུཉྪནཙོལནྟི (སྱཱ.)].

༣༥༦. ཏེན ཁོ པན སམཡེན རོཛོ མལློ ཨཱཡསྨཏོ ཨཱནནྡསྶ སཧཱཡོ ཧོཏི. རོཛསྶ མལླསྶ ཁོམཔིལོཏིཀཱ ཨཱཡསྨཏོ ཨཱནནྡསྶ ཧཏྠེ ནིཀྑིཏྟཱ ཧོཏི. ཨཱཡསྨཏོ ཙ ཨཱནནྡསྶ ཁོམཔིལོཏིཀཱཡ ཨཏྠོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པཉྩཧངྒེཧི སམནྣཱགཏསྶ ཝིསྶཱསཾ གཧེཏུཾ – སནྡིཊྛོ ཙ ཧོཏི, སམྦྷཏྟོ ཙ, ཨཱལཔིཏོ ཙ, ཛཱིཝཏི ཙ, ཛཱནཱཏི ཙ, གཧིཏེ མེ ཨཏྟམནོ བྷཝིསྶཏཱིཏི. ཨནུཛཱནཱམི, བྷིཀྑཝེ, ཨིམེཧི པཉྩཧངྒེཧི སམནྣཱགཏསྶ ཝིསྶཱསཾ གཧེཏུནྟི.

༣༥༧. ཏེན ཁོ པན སམཡེན བྷིཀྑཱུནཾ པརིཔུཎྞཾ ཧོཏི ཏིཙཱིཝརཾ. ཨཏྠོ ཙ ཧོཏི པརིསྶཱཝནེཧིཔི ཐཝིཀཱཧིཔི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, པརིཀྑཱརཙོལ༹ཀནྟི.

ནིསཱིདནཱདིཨནུཛཱནནཱ ནིཊྛིཏཱ.

༢༢༡. པཙྪིམཝིཀཔྤནུཔགཙཱིཝརཱདིཀཐཱ

༣༥༨. ཨཐ ཁོ བྷིཀྑཱུནཾ ཨེཏདཧོསི – ‘‘ཡཱནི ཏཱནི བྷགཝཏཱ ཨནུཉྙཱཏཱནི ཏིཙཱིཝརནྟི ཝཱ ཝསྶིཀསཱཊིཀཱཏི ཝཱ ནིསཱིདནནྟི ཝཱ པཙྩཏྠརཎནྟི ཝཱ ཀཎྜུཔྤཊིཙྪཱདཱིཏི ཝཱ མུཁཔུཉྪནཙོལ༹ནྟི ཝཱ པརིཀྑཱརཙོལ༹ནྟི ཝཱ, སབྦཱནི ཏཱནི ཨདྷིཊྛཱཏབྦཱནི ནུ ཁོ, ཨུདཱཧུ, ཝིཀཔྤེཏབྦཱནཱི’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཏིཙཱིཝརཾ ཨདྷིཊྛཱཏུཾ ན ཝིཀཔྤེཏུཾ; ཝསྶིཀསཱཊིཀཾ ཝསྶཱནཾ ཙཱཏུམཱསཾ ཨདྷིཊྛཱཏུཾ, ཏཏོ པརཾ ཝིཀཔྤེཏུཾ; ནིསཱིདནཾ ཨདྷིཊྛཱཏུཾ ན ཝིཀཔྤེཏུཾ; པཙྩཏྠརཎཾ ཨདྷིཊྛཱཏུཾ ན ཝིཀཔྤེཏུཾ; ཀཎྜུཔྤཊིཙྪཱདིཾ ཡཱཝཨཱབཱདྷཱ ཨདྷིཊྛཱཏུཾ ཏཏོ པརཾ ཝིཀཔྤེཏུཾ; མུཁཔུཉྪནཙོལ༹ཾ ཨདྷིཊྛཱཏུཾ ན ཝིཀཔྤེཏུཾ; པརིཀྑཱརཙོལ༹ཾ ཨདྷིཊྛཱཏུཾ ན ཝིཀཔྤེཏུནྟི.

ཨཐ ཁོ བྷིཀྑཱུནཾ ཨེཏདཧོསི – ‘‘ཀིཏྟཀཾ པཙྪིམཾ ནུ ཁོ ཙཱིཝརཾ ཝིཀཔྤེཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨཱཡཱམེན ཨཊྛངྒུལཾ སུགཏངྒུལེན ཙཏུརངྒུལཝིཏྠཏཾ པཙྪིམཾ ཙཱིཝརཾ ཝིཀཔྤེཏུནྟི.

༣༥༩. ཏེན ཁོ པན སམཡེན ཨཱཡསྨཏོ མཧཱཀསྶཔསྶ པཾསུཀཱུལཀཏོ གརུཀོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སུཏྟལཱུཁཾ ཀཱཏུནྟི. ཝིཀཎྞོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཝིཀཎྞཾ ཨུདྡྷརིཏུནྟི. སུཏྟཱ ཨོཀིརིཡནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨནུཝཱཏཾ པརིབྷཎྜཾ ཨཱརོཔེཏུནྟི.

ཏེན ཁོ པན སམཡེན སངྒྷཱཊིཡཱ པཏྟཱ ལུཛྫནྟི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨཊྛཔདཀཾ ཀཱཏུནྟི.

༣༦༠. ཏེན ཁོ པན སམཡེན ཨཉྙཏརསྶ བྷིཀྑུནོ ཏིཙཱིཝརེ ཀཡིརམཱནེ སབྦཾ ཚིནྣཀཾ ནཔྤཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, དྭེ ཚིནྣཀཱནི ཨེཀཾ ཨཙྪིནྣཀནྟི.

དྭེ ཚིནྣཀཱནི ཨེཀཾ ཨཙྪིནྣཀཾ ནཔྤཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, དྭེ ཨཙྪིནྣཀཱནི ཨེཀཾ ཚིནྣཀནྟི.

དྭེ ཨཙྪིནྣཀཱནི ཨེཀཾ ཚིནྣཀཾ ནཔྤཧོཏི. བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, ཨནྭཱདྷིཀམྤི ཨཱརོཔེཏུཾ, ན ཙ, བྷིཀྑཝེ, སབྦཾ ཨཙྪིནྣཀཾ དྷཱརེཏབྦཾ. ཡོ དྷཱརེཡྻ, ཨཱཔཏྟི དུཀྐཊསྶཱཏི.

༣༦༡. ཏེན ཁོ པན སམཡེན ཨཉྙཏརསྶ བྷིཀྑུནོ བཧུཾ ཙཱིཝརཾ ཨུཔྤནྣཾ ཧོཏི. སོ ཙ ཏཾ ཙཱིཝརཾ མཱཏཱཔིཏཱུནཾ དཱཏུཀཱམོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. མཱཏཱཔིཏརོཏི [མཱཏཱཔིཏཱུནཾ ཁོ (སཱི.)] ཁོ, བྷིཀྑཝེ, དདམཱནེ [ཝདམཱནོ (ཀ.), ཝདམཱནེ (?)] ཀིཾ ཝདེཡྻཱམ? ཨནུཛཱནཱམི, བྷིཀྑཝེ, མཱཏཱཔིཏཱུནཾ དཱཏུཾ. ན ཙ, བྷིཀྑཝེ, སདྡྷཱདེཡྻཾ ཝིནིཔཱཏེཏབྦཾ. ཡོ ཝིནིཔཱཏེཡྻ, ཨཱཔཏྟི དུཀྐཊསྶཱཏི.

༣༦༢. ཏེན ཁོ པན སམཡེན ཨཉྙཏརོ བྷིཀྑུ ཨནྡྷཝནེ ཙཱིཝརཾ ནིཀྑིཔིཏྭཱ སནྟརུཏྟརེན གཱམཾ པིཎྜཱཡ པཱཝིསི. ཙོརཱ ཏཾ ཙཱིཝརཾ ཨཝཧརིཾསུ. སོ བྷིཀྑུ དུཙྩོལོ༹ ཧོཏི ལཱུཁཙཱིཝརོ. བྷིཀྑཱུ ཨེཝམཱཧཾསུ – ‘‘ཀིསྶ ཏྭཾ, ཨཱཝུསོ, དུཙྩོལོ༹ ལཱུཁཙཱིཝརོསཱི’’ཏི? ‘‘ཨིདྷཱཧཾ [སོ ཨཧཾ (ཀཏྠཙི)], ཨཱཝུསོ, ཨནྡྷཝནེ ཙཱིཝརཾ ནིཀྑིཔིཏྭཱ སནྟརུཏྟརེན གཱམཾ པིཎྜཱཡ པཱཝིསིཾ. ཙོརཱ ཏཾ ཙཱིཝརཾ ཨཝཧརིཾསུ. ཏེནཱཧཾ དུཙྩོལོ༹ ལཱུཁཙཱིཝརོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སནྟརུཏྟརེན གཱམོ པཝིསིཏབྦོ. ཡོ པཝིསེཡྻ, ཨཱཔཏྟི དུཀྐཊསྶཱཏི.

ཏེན ཁོ པན སམཡེན ཨཱཡསྨཱ ཨཱནནྡོ ཨསྶཏིཡཱ སནྟརུཏྟརེན གཱམཾ པིཎྜཱཡ པཱཝིསི. བྷིཀྑཱུ ཨཱཡསྨནྟཾ ཨཱནནྡཾ ཨེཏདཝོཙུཾ – ‘‘ནནུ, ཨཱཝུསོ ཨཱནནྡ, བྷགཝཏཱ པཉྙཏྟཾ – ‘ན སནྟརུཏྟརེན གཱམོ པཝིསིཏབྦོ’ཏི? ཀིསྶ ཏྭཾ, ཨཱཝུསོ ཨཱནནྡ, སནྟརུཏྟརེན གཱམཾ པཝིཊྛོ’’ཏི? ‘‘སཙྩཾ, ཨཱཝུསོ, བྷགཝཏཱ པཉྙཏྟཾ – ‘ན སནྟརུཏྟརེན གཱམོ པཝིསིཏབྦོ’ཏི. ཨཔི ཙཱཧཾ ཨསྶཏིཡཱ པཝིཊྛོ’’ཏི. བྷགཝཏོ ཨེཏམཏྠཾ ཨཱརོཙེསུཾ.

པཉྩིམེ, བྷིཀྑཝེ, པཙྩཡཱ སངྒྷཱཊིཡཱ ནིཀྑེཔཱཡ – གིལཱནོ ཝཱ ཧོཏི, ཝསྶིཀསངྐེཏཾ ཝཱ ཧོཏི, ནདཱིཔཱརཾ གནྟུཾ ཝཱ ཧོཏི, ཨགྒལ༹གུཏྟིཝིཧཱརོ ཝཱ ཧོཏི, ཨཏྠཏཀཐིནཾ ཝཱ ཧོཏི. ཨིམེ ཁོ, བྷིཀྑཝེ, པཉྩ པཙྩཡཱ སངྒྷཱཊིཡཱ ནིཀྑེཔཱཡ.

པཉྩིམེ, བྷིཀྑཝེ, པཙྩཡཱ ཨུཏྟརཱསངྒསྶ ནིཀྑེཔཱཡ…པེ… ཨནྟརཝཱསཀསྶ ནིཀྑེཔཱཡ – གིལཱནོ ཝཱ ཧོཏི, ཝསྶིཀསངྐེཏཾ ཝཱ ཧོཏི, ནདཱིཔཱརཾ གནྟུཾ ཝཱ ཧོཏི, ཨགྒལ༹གུཏྟིཝིཧཱརོ ཝཱ ཧོཏི, ཨཏྠཏཀཐིནཾ ཝཱ ཧོཏི. ཨིམེ ཁོ, བྷིཀྑཝེ, པཉྩ པཙྩཡཱ ཨུཏྟརཱསངྒསྶ ཨནྟརཝཱསཀསྶ ནིཀྑེཔཱཡ.

པཉྩིམེ, བྷིཀྑཝེ, པཙྩཡཱ ཝསྶིཀསཱཊིཀཱཡ ནིཀྑེཔཱཡ – གིལཱནོ ཝཱ ཧོཏི, ནིསྶཱིམཾ གནྟུཾ ཝཱ ཧོཏི, ནདཱིཔཱརཾ གནྟུཾ ཝཱ ཧོཏི, ཨགྒལ༹གུཏྟིཝིཧཱརོ ཝཱ ཧོཏི, ཝསྶིཀསཱཊིཀཱ ཨཀཏཱ ཝཱ ཧོཏི ཝིཔྤཀཏཱ ཝཱ. ཨིམེ ཁོ, བྷིཀྑཝེ, པཉྩ པཙྩཡཱ ཝསྶིཀསཱཊིཀཱཡ ནིཀྑེཔཱཡཱཏི.

པཙྪིམཝིཀཔྤནུཔགཙཱིཝརཱདིཀཐཱ ནིཊྛིཏཱ.

༢༢༢. སངྒྷིཀཙཱིཝརུཔྤཱདཀཐཱ

༣༦༣. ཏེན ཁོ པན སམཡེན ཨཉྙཏརོ བྷིཀྑུ ཨེཀོ ཝསྶཾ ཝསི. ཏཏྠ མནུསྶཱ སངྒྷསྶ དེམཱཏི ཙཱིཝརཱནི ཨདཾསུ. ཨཐ ཁོ ཏསྶ བྷིཀྑུནོ ཨེཏདཧོསི – ‘‘བྷགཝཏཱ པཉྙཏྟཾ ‘ཙཏུཝགྒོ པཙྪིམོ སངྒྷོ’ཏི. ཨཧཉྩམྷི ཨེཀཀོ. ཨིམེ ཙ མནུསྶཱ སངྒྷསྶ དེམཱཏི ཙཱིཝརཱནི ཨདཾསུ. ཡཾནཱུནཱཧཾ ཨིམཱནི སངྒྷིཀཱནི ཙཱིཝརཱནི སཱཝཏྠིཾ ཧརེཡྻ’’ནྟི. ཨཐ ཁོ སོ བྷིཀྑུ ཏཱནི ཙཱིཝརཱནི ཨཱདཱཡ སཱཝཏྠིཾ གནྟྭཱ བྷགཝཏོ ཨེཏམཏྠཾ ཨཱརོཙེསི. ‘‘ཏུཡ྄ཧེཝ, བྷིཀྑུ, ཏཱནི ཙཱིཝརཱནི ཡཱཝ ཀཐིནསྶ ཨུབྦྷཱརཱཡཱ’’ཏི. ཨིདྷ པན, བྷིཀྑཝེ, བྷིཀྑུ ཨེཀོ ཝསྶཾ ཝསཏི. ཏཏྠ མནུསྶཱ སངྒྷསྶ དེམཱཏི ཙཱིཝརཱནི དེནྟི. ཨནུཛཱནཱམི, བྷིཀྑཝེ, ཏསྶེཝ ཏཱནི ཙཱིཝརཱནི ཡཱཝ ཀཐིནསྶ ཨུབྦྷཱརཱཡཱཏི.

ཏེན ཁོ པན སམཡེན ཨཉྙཏརོ བྷིཀྑུ ཨུཏུཀཱལཾ ཨེཀོ ཝསི. ཏཏྠ མནུསྶཱ སངྒྷསྶ དེམཱཏི ཙཱིཝརཱནི ཨདཾསུ. ཨཐ ཁོ ཏསྶ བྷིཀྑུནོ ཨེཏདཧོསི – ‘‘བྷགཝཏཱ པཉྙཏྟཾ ‘ཙཏུཝགྒོ པཙྪིམོ སངྒྷོ’ཏི. ཨཧཉྩམྷི ཨེཀཀོ. ཨིམེ ཙ མནུསྶཱ སངྒྷསྶ དེམཱཏི ཙཱིཝརཱནི ཨདཾསུ. ཡཾནཱུནཱཧཾ ཨིམཱནི སངྒྷིཀཱནི ཙཱིཝརཱནི སཱཝཏྠིཾ ཧརེཡྻ’’ནྟི. ཨཐ ཁོ སོ བྷིཀྑུ ཏཱནི ཙཱིཝརཱནི ཨཱདཱཡ སཱཝཏྠིཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, སམྨུཁཱིབྷཱུཏེན སངྒྷེན བྷཱཛེཏུཾ. ཨིདྷ པན, བྷིཀྑཝེ, བྷིཀྑུ ཨུཏུཀཱལཾ ཨེཀོ ཝསཏི. ཏཏྠ མནུསྶཱ སངྒྷསྶ དེམཱཏི ཙཱིཝརཱནི དེནྟི. ཨནུཛཱནཱམི, བྷིཀྑཝེ, ཏེན བྷིཀྑུནཱ ཏཱནི ཙཱིཝརཱནི ཨདྷིཊྛཱཏུཾ – ‘‘མཡ྄ཧིམཱནི ཙཱིཝརཱནཱི’’ཏི. ཏསྶ ཙེ, བྷིཀྑཝེ, བྷིཀྑུནོ ཏཾ ཙཱིཝརཾ ཨནདྷིཊྛིཏེ ཨཉྙོ བྷིཀྑུ ཨཱགཙྪཏི, སམཀོ དཱཏབྦོ བྷཱགོ. ཏེཧི ཙེ, བྷིཀྑཝེ, བྷིཀྑཱུཧི ཏཾ ཙཱིཝརཾ བྷཱཛིཡམཱནེ, ཨཔཱཏིཏེ ཀུསེ, ཨཉྙོ བྷིཀྑུ ཨཱགཙྪཏི, སམཀོ དཱཏབྦོ བྷཱགོ. ཏེཧི ཙེ, བྷིཀྑཝེ, བྷིཀྑཱུཧི ཏཾ ཙཱིཝརཾ བྷཱཛིཡམཱནེ, པཱཏིཏེ ཀུསེ, ཨཉྙོ བྷིཀྑུ ཨཱགཙྪཏི, ནཱཀཱམཱ དཱཏབྦོ བྷཱགོཏི.

ཏེན ཁོ པན སམཡེན དྭེ བྷཱཏིཀཱ ཐེརཱ, ཨཱཡསྨཱ ཙ ཨིསིདཱསོ ཨཱཡསྨཱ ཙ ཨིསིབྷཊོ, སཱཝཏྠིཡཾ ཝསྶཾཝུཊྛཱ ཨཉྙཏརཾ གཱམཀཱཝཱསཾ ཨགམཾསུ. མནུསྶཱ ཙིརསྶཱཔི ཐེརཱ ཨཱགཏཱཏི སཙཱིཝརཱནི བྷཏྟཱནི ཨདཾསུ. ཨཱཝཱསིཀཱ བྷིཀྑཱུ ཐེརེ པུཙྪིཾསུ – ‘‘ཨིམཱནི, བྷནྟེ, སངྒྷིཀཱནི ཙཱིཝརཱནི ཐེརེ ཨཱགམྨ ཨུཔྤནྣཱནི, སཱདིཡིསྶནྟི ཐེརཱ བྷཱག’’ནྟི. ཐེརཱ ཨེཝམཱཧཾསུ – ‘‘ཡཐཱ ཁོ མཡཾ, ཨཱཝུསོ, བྷགཝཏཱ དྷམྨཾ དེསིཏཾ ཨཱཛཱནཱམ, ཏུམྷཱཀཾཡེཝ ཏཱནི ཙཱིཝརཱནི ཡཱཝ ཀཐིནསྶ ཨུབྦྷཱརཱཡཱ’’ཏི.

ཏེན ཁོ པན སམཡེན ཏཡོ བྷིཀྑཱུ རཱཛགཧེ ཝསྶཾ ཝསནྟི. ཏཏྠ མནུསྶཱ སངྒྷསྶ

དེམཱཏི ཙཱིཝརཱནི དེནྟི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘བྷགཝཏཱ པཉྙཏྟཾ ‘ཙཏུཝགྒོ པཙྪིམོ སངྒྷོ’ཏི. མཡཉྩམྷཱ ཏཡོ ཛནཱ. ཨིམེ ཙ མནུསྶཱ སངྒྷསྶ དེམཱཏི ཙཱིཝརཱནི དེནྟི. ཀཐཾ ནུ ཁོ ཨམྷེཧི པཊིཔཛྫིཏབྦ’’ནྟི? ཏེན ཁོ པན སམཡེན སམྦཧུལཱ ཐེརཱ, ཨཱཡསྨཱ ཙ ནིལཝཱསཱི ཨཱཡསྨཱ ཙ སཱཎཝཱསཱི ཨཱཡསྨཱ ཙ གོཏཀོ ཨཱཡསྨཱ ཙ བྷགུ ཨཱཡསྨཱ ཙ ཕལི༹ཀསནྟཱནོ, པཱཊལིཔུཏྟེ ཝིཧརནྟི ཀུཀྐུཊཱརཱམེ. ཨཐ ཁོ ཏེ བྷིཀྑཱུ པཱཊལིཔུཏྟཾ གནྟྭཱ ཐེརེ པུཙྪིཾསུ. ཐེརཱ ཨེཝམཱཧཾསུ – ‘‘ཡཐཱ ཁོ མཡཾ ཨཱཝུསོ བྷགཝཏཱ དྷམྨཾ དེསིཏཾ ཨཱཛཱནཱམ, ཏུམྷཱཀཾཡེཝ ཏཱནི ཙཱིཝརཱནི ཡཱཝ ཀཐིནསྶ ཨུབྦྷཱརཱཡཱ’’ཏི.

སངྒྷིཀཙཱིཝརུཔྤཱདཀཐཱ ནིཊྛིཏཱ.

༢༢༣. ཨུཔནནྡསཀྱཔུཏྟཝཏྠུ

༣༦༤. ཏེན ཁོ པན སམཡེན ཨཱཡསྨཱ ཨུཔནནྡོ སཀྱཔུཏྟོ སཱཝཏྠིཡཾ ཝསྶཾཝུཊྛོ ཨཉྙཏརཾ གཱམཀཱཝཱསཾ ཨགམཱསི. ཏཏྠ ཙ བྷིཀྑཱུ ཙཱིཝརཾ བྷཱཛེཏུཀཱམཱ སནྣིཔཏིཾསུ. ཏེ ཨེཝམཱཧཾསུ – ‘‘ཨིམཱནི ཁོ, ཨཱཝུསོ, སངྒྷིཀཱནི ཙཱིཝརཱནི བྷཱཛིཡིསྶནྟི, སཱདིཡིསྶསི བྷཱག’’ནྟི? ‘‘ཨཱམཱཝུསོ, སཱདིཡིསྶཱམཱི’’ཏི. ཏཏོ ཙཱིཝརབྷཱགཾ གཧེཏྭཱ ཨཉྙཾ ཨཱཝཱསཾ ཨགམཱསི. ཏཏྠཔི བྷིཀྑཱུ ཙཱིཝརཾ བྷཱཛེཏུཀཱམཱ སནྣིཔཏིཾསུ. ཏེཔི ཨེཝམཱཧཾསུ – ‘‘ཨིམཱནི ཁོ, ཨཱཝུསོ, སངྒྷིཀཱནི ཙཱིཝརཱནི བྷཱཛིཡིསྶནྟི, སཱདིཡིསྶསི བྷཱག’’ནྟི? ‘‘ཨཱམཱཝུསོ, སཱདིཡིསྶཱམཱི’’ཏི. ཏཏོཔི ཙཱིཝརབྷཱགཾ གཧེཏྭཱ ཨཉྙཾ ཨཱཝཱསཾ ཨགམཱསི. ཏཏྠཔི བྷིཀྑཱུ ཙཱིཝརཾ བྷཱཛེཏུཀཱམཱ སནྣིཔཏིཾསུ. ཏེཔི ཨེཝམཱཧཾསུ – ‘‘ཨིམཱནི ཁོ, ཨཱཝུསོ, སངྒྷིཀཱནི ཙཱིཝརཱནི བྷཱཛིཡིསྶནྟི, སཱདིཡིསྶསི བྷཱག’’ནྟི? ‘‘ཨཱམཱཝུསོ, སཱདིཡིསྶཱམཱི’’ཏི. ཏཏོཔི ཙཱིཝརབྷཱགཾ གཧེཏྭཱ མཧནྟཾ ཙཱིཝརབྷཎྜིཀཾ ཨཱདཱཡ པུནདེཝ སཱཝཏྠིཾ པཙྩཱགཉྪི. བྷིཀྑཱུ ཨེཝམཱཧཾསུ – ‘‘མཧཱཔུཉྙོསི ཏྭཾ, ཨཱཝུསོ ཨུཔནནྡ, བཧུཾ ཏེ ཙཱིཝརཾ ཨུཔྤནྣ’’ནྟི. ‘‘ཀུཏོ མེ, ཨཱཝུསོ, པུཉྙཾ? ཨིདྷཱཧཾ, ཨཱཝུསོ, སཱཝཏྠིཡཾ ཝསྶཾཝུཊྛོ ཨཉྙཏརཾ གཱམཀཱཝཱསཾ ཨགམཱསིཾ. ཏཏྠ བྷིཀྑཱུ ཙཱིཝརཾ བྷཱཛེཏུཀཱམཱ སནྣིཔཏིཾསུ. ཏེ མཾ ཨེཝམཱཧཾསུ – ‘ཨིམཱནི ཁོ, ཨཱཝུསོ, སངྒྷིཀཱནི ཙཱིཝརཱནི བྷཱཛིཡིསྶནྟི, སཱདིཡིསྶསི བྷཱག’ནྟི? ‘ཨཱམཱཝུསོ, སཱདིཡིསྶཱམཱི’ཏི. ཏཏོ ཙཱིཝརབྷཱགཾ གཧེཏྭཱ ཨཉྙཾ ཨཱཝཱསཾ ཨགམཱསིཾ. ཏཏྠཔི བྷིཀྑཱུ ཙཱིཝརཾ བྷཱཛེཏུཀཱམཱ སནྣིཔཏིཾསུ. ཏེཔི མཾ ཨེཝམཱཧཾསུ – ‘ཨིམཱནི ཁོ, ཨཱཝུསོ, སངྒྷིཀཱནི ཙཱིཝརཱནི བྷཱཛིཡིསྶནྟི, སཱདིཡིསྶསི བྷཱག’’’ནྟི? ‘ཨཱམཱཝུསོ, སཱདིཡིསྶཱམཱི’ཏི. ཏཏོཔི ཙཱིཝརབྷཱགཾ གཧེཏྭཱ ཨཉྙཾ ཨཱཝཱསཾ ཨགམཱསིཾ. ཏཏྠཔི བྷིཀྑཱུ ཙཱིཝརཾ བྷཱཛེཏུཀཱམཱ སནྣིཔཏིཾསུ. ཏེཔི མཾ ཨེཝམཱཧཾསུ – ‘ཨིམཱནི ཁོ, ཨཱཝུསོ, སངྒྷིཀཱནི ཙཱིཝརཱནི བྷཱཛིཡིསྶནྟི, སཱདིཡིསྶསི བྷཱག’ནྟི? ‘ཨཱམཱཝུསོ, སཱདིཡིསྶཱམཱི’ཏི. ཏཏོཔི ཙཱིཝརབྷཱགཾ ཨགྒཧེསིཾ. ཨེཝཾ མེ བཧུཾ ཙཱིཝརཾ ཨུཔྤནྣནྟི. ‘‘ཀིཾ པན ཏྭཾ, ཨཱཝུསོ ཨུཔནནྡ, ཨཉྙཏྲ ཝསྶཾཝུཊྛོ ཨཉྙཏྲ ཙཱིཝརབྷཱགཾ སཱདིཡཱི’’ཏི? ‘‘ཨེཝམཱཝུསོ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ ཨཉྙཏྲ ཝསྶཾཝུཊྛོ ཨཉྙཏྲ ཙཱིཝརབྷཱགཾ སཱདིཡིསྶཏཱི’’ཏི. བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, ཨུཔནནྡ, ཨཉྙཏྲ ཝསྶཾཝུཊྛོ ཨཉྙཏྲ ཙཱིཝརབྷཱགཾ སཱདིཡཱི’’ཏི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ ཏྭཾ, མོགྷཔུརིས, ཨཉྙཏྲ ཝསྶཾཝུཊྛོ ཨཉྙཏྲ ཙཱིཝརབྷཱགཾ སཱདིཡིསྶསི. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཨཉྙཏྲ ཝསྶཾཝུཊྛེན ཨཉྙཏྲ ཙཱིཝརབྷཱགོ སཱདིཏབྦོ. ཡོ སཱདིཡེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཱཡསྨཱ ཨུཔནནྡོ སཀྱཔུཏྟོ ཨེཀོ དྭཱིསུ ཨཱཝཱསེསུ ཝསྶཾ ཝསི – ‘‘ཨེཝཾ མེ བཧུཾ ཙཱིཝརཾ ཨུཔྤཛྫིསྶཏཱི’’ཏི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘ཀཐཾ ནུ ཁོ ཨཱཡསྨཏོ ཨུཔནནྡསྶ སཀྱཔུཏྟསྶ ཙཱིཝརཔཊིཝཱིསོ དཱཏབྦོ’’ཏི? བྷགཝཏོ ཨེཏམཏྠཾ ཨཱརོཙེསུཾ. དེཐ, བྷིཀྑཝེ, མོགྷཔུརིསསྶ ཨེཀཱདྷིཔྤཱཡཾ. ཨིདྷ པན, བྷིཀྑཝེ, བྷིཀྑུ ཨེཀོ དྭཱིསུ ཨཱཝཱསེསུ ཝསྶཾ ཝསཏི – ‘‘ཨེཝཾ མེ བཧུཾ ཙཱིཝརཾ ཨུཔྤཛྫིསྶཏཱི’’ཏི. སཙེ ཨམུཏྲ ཨུཔཌྜྷཾ ཨམུཏྲ ཨུཔཌྜྷཾ ཝསཏི, ཨམུཏྲ ཨུཔཌྜྷོ ཨམུཏྲ ཨུཔཌྜྷོ ཙཱིཝརཔཊིཝཱིསོ དཱཏབྦོ. ཡཏྠ ཝཱ པན བཧུཏརཾ ཝསཏི, ཏཏོ ཙཱིཝརཔཊིཝཱིསོ དཱཏབྦོཏི.

ཨུཔནནྡསཀྱཔུཏྟཝཏྠུ ནིཊྛིཏཾ.

༢༢༤. གིལཱནཝཏྠུཀཐཱ

༣༦༥. ཏེན ཁོ པན སམཡེན ཨཉྙཏརསྶ བྷིཀྑུནོ ཀུཙྪིཝིཀཱརཱབཱདྷོ ཧོཏི. སོ སཀེ མུཏྟཀརཱིསེ པལིཔནྣོ སེཏི. ཨཐ ཁོ བྷགཝཱ ཨཱཡསྨཏཱ ཨཱནནྡེན པཙྪཱསམཎེན སེནཱསནཙཱརིཀཾ ཨཱཧིཎྜནྟོ ཡེན ཏསྶ བྷིཀྑུནོ ཝིཧཱརོ ཏེནུཔསངྐམི. ཨདྡསཱ ཁོ བྷགཝཱ ཏཾ བྷིཀྑུཾ སཀེ མུཏྟཀརཱིསེ པལིཔནྣཾ སཡམཱནཾ, དིསྭཱན ཡེན སོ བྷིཀྑུ ཏེནུཔསངྐམི, ཨུཔསངྐམིཏྭཱ ཏཾ བྷིཀྑུཾ ཨེཏདཝོཙ – ‘‘ཀིཾ ཏེ, བྷིཀྑུ, ཨཱབཱདྷོ’’ཏི? ‘‘ཀུཙྪིཝིཀཱརོ མེ, བྷགཝཱ’’ཏི. ‘‘ཨཏྠི པན ཏེ, བྷིཀྑུ, ཨུཔཊྛཱཀོ’’ཏི? ‘‘ནཏྠི, བྷགཝཱ’’ཏི. ‘‘ཀིསྶ ཏཾ བྷིཀྑཱུ ན ཨུཔཊྛེནྟཱི’’ཏི? ‘‘ཨཧཾ ཁོ, བྷནྟེ, བྷིཀྑཱུནཾ ཨཀཱརཀོ; ཏེན མཾ བྷིཀྑཱུ ན ཨུཔཊྛེནྟཱི’’ཏི. ཨཐ ཁོ བྷགཝཱ ཨཱཡསྨནྟཾ ཨཱནནྡཾ ཨཱམནྟེསི – ‘‘གཙྪཱནནྡ, ཨུདཀཾ ཨཱཧར, ཨིམཾ བྷིཀྑུཾ ནཧཱཔེསྶཱམཱ’’ཏི. ‘‘ཨེཝཾ, བྷནྟེ’’ཏི ཁོ ཨཱཡསྨཱ ཨཱནནྡོ བྷགཝཏོ པཊིསྶུཎིཏྭཱ ཨུདཀཾ ཨཱཧརི. བྷགཝཱ ཨུདཀཾ ཨཱསིཉྩི. ཨཱཡསྨཱ ཨཱནནྡོ པརིདྷོཝི. བྷགཝཱ སཱིསཏོ ཨགྒཧེསི. ཨཱཡསྨཱ ཨཱནནྡོ པཱདཏོ ཨུཙྩཱརེཏྭཱ མཉྩཀེ ནིཔཱཏེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘ཨཏྠི, བྷིཀྑཝེ, ཨམུཀསྨིཾ ཝིཧཱརེ བྷིཀྑུ གིལཱནོ’’ཏི? ‘‘ཨཏྠི, བྷགཝཱ’’ཏི. ‘‘ཀིཾ ཏསྶ, བྷིཀྑཝེ, བྷིཀྑུནོ ཨཱབཱདྷོ’’ཏི? ‘‘ཏསྶ, བྷནྟེ, ཨཱཡསྨཏོ ཀུཙྪིཝིཀཱརཱབཱདྷོ’’ཏི. ‘‘ཨཏྠི པན, བྷིཀྑཝེ, ཏསྶ བྷིཀྑུནོ ཨུཔཊྛཱཀོ’’ཏི? ‘‘ནཏྠི, བྷགཝཱ’’ཏི. ‘‘ཀིསྶ ཏཾ བྷིཀྑཱུ ན ཨུཔཊྛེནྟཱི’’ཏི? ‘‘ཨེསོ, བྷནྟེ, བྷིཀྑུ བྷིཀྑཱུནཾ ཨཀཱརཀོ; ཏེན ཏཾ བྷིཀྑཱུ ན ཨུཔཊྛེནྟཱི’’ཏི. ‘‘ནཏྠི ཝོ, བྷིཀྑཝེ, མཱཏཱ, ནཏྠི པིཏཱ, ཡེ ཝོ ཨུཔཊྛཧེཡྻུཾ. ཏུམྷེ ཙེ, བྷིཀྑཝེ, ཨཉྙམཉྙཾ ན ཨུཔཊྛཧིསྶཐ, ཨཐ ཀོ ཙརཧི ཨུཔཊྛཧིསྶཏི? ཡོ, བྷིཀྑཝེ, མཾ ཨུཔཊྛཧེཡྻ སོ གིལཱནཾ ཨུཔཊྛཧེཡྻ. སཙེ ཨུཔཛ྄ཛྷཱཡོ ཧོཏི, ཨུཔཛ྄ཛྷཱཡེན ཡཱཝཛཱིཝཾ ཨུཔཊྛཱཏབྦོ; ཝུཊྛཱནམསྶ ཨཱགམེཏབྦཾ. སཙེ ཨཱཙརིཡོ ཧོཏི, ཨཱཙརིཡེན ཡཱཝཛཱིཝཾ ཨུཔཊྛཱཏབྦོ; ཝུཊྛཱནམསྶ ཨཱགམེཏབྦཾ. སཙེ སདྡྷིཝིཧཱརིཀོ ཧོཏི, སདྡྷིཝིཧཱརིཀེན ཡཱཝཛཱིཝཾ ཨུཔཊྛཱཏབྦོ; ཝུཊྛཱནམསྶ ཨཱགམེཏབྦཾ. སཙེ ཨནྟེཝཱསིཀོ ཧོཏི, ཨནྟེཝཱསིཀེན ཡཱཝཛཱིཝཾ ཨུཔཊྛཱཏབྦོ; ཝུཊྛཱནམསྶ ཨཱགམེཏབྦཾ. སཙེ སམཱནུཔཛ྄ཛྷཱཡཀོ ཧོཏི, སམཱནུཔཛ྄ཛྷཱཡཀེན ཡཱཝཛཱིཝཾ ཨུཔཊྛཱཏབྦོ; ཝུཊྛཱནམསྶ ཨཱགམེཏབྦཾ. སཙེ སམཱནཱཙརིཡཀོ ཧོཏི, སམཱནཱཙརིཡཀེན ཡཱཝཛཱིཝཾ ཨུཔཊྛཱཏབྦོ; ཝུཊྛཱནམསྶ ཨཱགམེཏབྦཾ. སཙེ ན ཧོཏི ཨུཔཛ྄ཛྷཱཡོ ཝཱ ཨཱཙརིཡོ ཝཱ སདྡྷིཝིཧཱརིཀོ ཝཱ ཨནྟེཝཱསིཀོ ཝཱ སམཱནུཔཛ྄ཛྷཱཡཀོ ཝཱ སམཱནཱཙརིཡཀོ ཝཱ སངྒྷེན ཨུཔཊྛཱཏབྦོ. ནོ ཙེ ཨུཔཊྛཧེཡྻ, ཨཱཔཏྟི དུཀྐཊསྶ’’.

༣༦༦. པཉྩཧི, བྷིཀྑཝེ, ཨངྒེཧི སམནྣཱགཏོ གིལཱནོ དཱུཔཊྛོ ཧོཏི – ཨསཔྤཱཡཀཱརཱི ཧོཏི, སཔྤཱཡེ མཏྟཾ ན ཛཱནཱཏི, བྷེསཛྫཾ ན པཊིསེཝིཏཱ ཧོཏི, ཨཏྠཀཱམསྶ གིལཱནུཔཊྛཱཀསྶ ཡཐཱབྷཱུཏཾ ཨཱབཱདྷཾ ནཱཝིཀཏྟཱ ཧོཏི ‘ཨབྷིཀྐམནྟཾ ཝཱ ཨབྷིཀྐམཏཱིཏི, པཊིཀྐམནྟཾ ཝཱ པཊིཀྐམཏཱིཏི, ཋིཏཾ ཝཱ ཋིཏོ’ཏི, ཨུཔྤནྣཱནཾ སཱརཱིརིཀཱནཾ ཝེདནཱནཾ དུཀྑཱནཾ ཏིབྦཱནཾ ཁརཱནཾ ཀཊུཀཱནཾ ཨསཱཏཱནཾ ཨམནཱཔཱནཾ པཱཎཧརཱནཾ ཨནདྷིཝཱསཀཛཱཏིཀོ ཧོཏི. ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏོ གིལཱནོ དཱུཔཊྛོ ཧོཏི.

པཉྩཧི, བྷིཀྑཝེ, ཨངྒེཧི སམནྣཱགཏོ གིལཱནོ སཱུཔཊྛོ ཧོཏི – སཔྤཱཡཀཱརཱི ཧོཏི, སཔྤཱཡེ མཏྟཾ ཛཱནཱཏི, བྷེསཛྫཾ པཊིསེཝིཏཱ ཧོཏི, ཨཏྠཀཱམསྶ གིལཱནུཔཊྛཱཀསྶ ཡཐཱབྷཱུཏཾ ཨཱབཱདྷཾ ཨཱཝིཀཏྟཱ ཧོཏི ‘ཨབྷིཀྐམནྟཾ ཝཱ ཨབྷིཀྐམཏཱིཏི, པཊིཀྐམནྟཾ ཝཱ པཊིཀྐམཏཱིཏི, ཋིཏཾ ཝཱ ཋིཏོ’ཏི, ཨུཔྤནྣཱནཾ སཱརཱིརིཀཱནཾ ཝེདནཱནཾ དུཀྑཱནཾ ཏིབྦཱནཾ ཁརཱནཾ ཀཊུཀཱནཾ ཨསཱཏཱནཾ ཨམནཱཔཱནཾ པཱཎཧརཱནཾ ཨདྷིཝཱསཀཛཱཏིཀོ ཧོཏི. ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏོ གིལཱནོ སཱུཔཊྛོ ཧོཏི.

པཉྩཧི, བྷིཀྑཝེ, ཨངྒེཧི སམནྣཱགཏོ གིལཱནུཔཊྛཱཀོ ནཱལཾ གིལཱནཾ ཨུཔཊྛཱཏུཾ – ན པཊིབལོ ཧོཏི བྷེསཛྫཾ སཾཝིདྷཱཏུཾ, སཔྤཱཡཱསཔྤཱཡཾ ན ཛཱནཱཏི, ཨསཔྤཱཡཾ ཨུཔནཱམེཏི སཔྤཱཡཾ ཨཔནཱམེཏི, ཨཱམིསནྟརོ གིལཱནཾ ཨུཔཊྛཱཏི ནོ མེཏྟཙིཏྟོ, ཛེགུཙྪཱི ཧོཏི ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཝནྟཾ ཝཱ ནཱིཧཱཏུཾ, ན པཊིབལོ ཧོཏི གིལཱནཾ ཀཱལེན ཀཱལཾ དྷམྨིཡཱ ཀཐཱཡ སནྡསྶེཏུཾ སམཱདཔེཏུཾ སམུཏྟེཛེཏུཾ སམྤཧཾསེཏུཾ. ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏོ གིལཱནུཔཊྛཱཀོ ནཱལཾ གིལཱནཾ ཨུཔཊྛཱཏུཾ.

པཉྩཧི, བྷིཀྑཝེ, ཨངྒེཧི སམནྣཱགཏོ གིལཱནུཔཊྛཱཀོ ཨལཾ གིལཱནཾ ཨུཔཊྛཱཏུཾ – པཊིབལོ ཧོཏི བྷེསཛྫཾ སཾཝིདྷཱཏུཾ, སཔྤཱཡཱསཔྤཱཡཾ ཛཱནཱཏི, ཨསཔྤཱཡཾ ཨཔནཱམེཏི སཔྤཱཡཾ ཨུཔནཱམེཏི, མེཏྟཙིཏྟོ གིལཱནཾ ཨུཔཊྛཱཏི ནོ ཨཱམིསནྟརོ, ཨཛེགུཙྪཱི ཧོཏི ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཝནྟཾ ཝཱ ནཱིཧཱཏུཾ, པཊིབལོ ཧོཏི གིལཱནཾ ཀཱལེན ཀཱལཾ དྷམྨིཡཱ ཀཐཱཡ སནྡསྶེཏུཾ སམཱདཔེཏུཾ སམུཏྟེཛེཏུཾ སམྤཧཾསེཏུཾ. ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏོ གིལཱནུཔཊྛཱཀོ ཨལཾ གིལཱནཾ ཨུཔཊྛཱཏུནྟི.

གིལཱནཝཏྠུཀཐཱ ནིཊྛིཏཱ.

༢༢༥. མཏསནྟཀཀཐཱ

༣༦༧. ཏེན ཁོ པན སམཡེན དྭེ བྷིཀྑཱུ ཀོསལེསུ ཛནཔདེ ཨདྡྷཱནམགྒཔྤཊིཔནྣཱ ཧོནྟི. ཏེ ཨཉྙཏརཾ ཨཱཝཱསཾ ཨུཔགཙྪིཾསུ. ཏཏྠ ཨཉྙཏརོ བྷིཀྑུ གིལཱནོ ཧོཏི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘བྷགཝཏཱ ཁོ, ཨཱཝུསོ, གིལཱནུཔཊྛཱནཾ ཝཎྞིཏཾ. ཧནྡ, མཡཾ, ཨཱཝུསོ, ཨིམཾ བྷིཀྑུཾ ཨུཔཊྛཧེམཱ’’ཏི. ཏེ ཏཾ ཨུཔཊྛཧིཾསུ. སོ ཏེཧི ཨུཔཊྛཧིཡམཱནོ ཀཱལམཀཱསི. ཨཐ ཁོ ཏེ བྷིཀྑཱུ ཏསྶ བྷིཀྑུནོ པཏྟཙཱིཝརམཱདཱཡ སཱཝཏྠིཾ གནྟྭཱ བྷགཝཏོ ཨེཏམཏྠཾ ཨཱརོཙེསུཾ. ‘‘བྷིཀྑུསྶ, བྷིཀྑཝེ, ཀཱལངྐཏེ སངྒྷོ སཱམཱི པཏྟཙཱིཝརེ, ཨཔིཙ གིལཱནུཔཊྛཱཀཱ བཧཱུཔཀཱརཱ. ཨནུཛཱནཱམི, བྷིཀྑཝེ, སངྒྷེན ཏིཙཱིཝརཉྩ པཏྟཉྩ གིལཱནུཔཊྛཱཀཱནཾ དཱཏུཾ. ཨེཝཉྩ པན, བྷིཀྑཝེ, དཱཏབྦཾ. ཏེན གིལཱནུཔཊྛཱཀེན བྷིཀྑུནཱ སངྒྷཾ ཨུཔསངྐམིཏྭཱ ཨེཝམསྶ ཝཙནཱིཡོ – ‘ཨིཏྠནྣཱམོ, བྷནྟེ, བྷིཀྑུ ཀཱལངྐཏོ. ཨིདཾ ཏསྶ ཏིཙཱིཝརཉྩ པཏྟོ ཙཱ’’’ཏི. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམོ བྷིཀྑུ ཀཱལངྐཏོ. ཨིདཾ ཏསྶ ཏིཙཱིཝརཉྩ པཏྟོ ཙ. ཡདི སངྒྷསྶ པཏྟཀལླཾ, སངྒྷོ ཨིམཾ ཏིཙཱིཝརཉྩ པཏྟཉྩ གིལཱནུཔཊྛཱཀཱནཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམོ བྷིཀྑུ ཀཱལངྐཏོ. ཨིདཾ ཏསྶ ཏིཙཱིཝརཉྩ པཏྟོ ཙ. སངྒྷོ ཨིམཾ ཏིཙཱིཝརཉྩ པཏྟཉྩ གིལཱནུཔཊྛཱཀཱནཾ དེཏི. ཡསྶཱཡསྨཏོ ཁམཏི ཨིམསྶ ཏིཙཱིཝརསྶ ཙ པཏྟསྶ ཙ གིལཱནུཔཊྛཱཀཱནཾ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དིནྣཾ ཨིདཾ སངྒྷེན ཏིཙཱིཝརཉྩ པཏྟོ ཙ གིལཱནུཔཊྛཱཀཱནཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༣༦༨. ཏེན ཁོ པན སམཡེན ཨཉྙཏརོ སཱམཎེརོ ཀཱལངྐཏོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. སཱམཎེརསྶ, བྷིཀྑཝེ, ཀཱལངྐཏེ སངྒྷོ སཱམཱི པཏྟཙཱིཝརེ, ཨཔི ཙ གིལཱནུཔཊྛཱཀཱ བཧཱུཔཀཱརཱ. ཨནུཛཱནཱམི, བྷིཀྑཝེ, སངྒྷེན ཙཱིཝརཉྩ པཏྟཉྩ གིལཱནུཔཊྛཱཀཱནཾ དཱཏུཾ. ཨེཝཉྩ པན, བྷིཀྑཝེ, དཱཏབྦཾ. ཏེན གིལཱནུཔཊྛཱཀེན བྷིཀྑུནཱ སངྒྷཾ ཨུཔསངྐམིཏྭཱ ཨེཝམསྶ ཝཙནཱིཡོ – ‘‘ཨིཏྠནྣཱམོ, བྷནྟེ, སཱམཎེརོ ཀཱལངྐཏོ, ཨིདཾ ཏསྶ ཙཱིཝརཉྩ པཏྟོ ཙཱ’’ཏི. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམོ སཱམཎེརོ ཀཱལངྐཏོ. ཨིདཾ ཏསྶ ཙཱིཝརཉྩ པཏྟོ ཙ. ཡདི སངྒྷསྶ པཏྟཀལླཾ, སངྒྷོ ཨིམཾ ཙཱིཝརཉྩ པཏྟཉྩ གིལཱནུཔཊྛཱཀཱནཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམོ སཱམཎེརོ ཀཱལངྐཏོ. ཨིདཾ ཏསྶ ཙཱིཝརཉྩ པཏྟོ ཙ. སངྒྷོ ཨིམཾ ཙཱིཝརཉྩ པཏྟཉྩ གིལཱནུཔཊྛཱཀཱནཾ དེཏི. ཡསྶཱཡསྨཏོ ཁམཏི ཨིམསྶ ཙཱིཝརསྶ ཙ པཏྟསྶ ཙ གིལཱནུཔཊྛཱཀཱནཾ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དིནྣཾ ཨིདཾ སངྒྷེན ཙཱིཝརཉྩ པཏྟོ ཙ གིལཱནུཔཊྛཱཀཱནཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༣༦༩. ཏེན ཁོ པན སམཡེན ཨཉྙཏརོ བྷིཀྑུ ཙ སཱམཎེརོ ཙ གིལཱནཾ ཨུཔཊྛཧིཾསུ. སོ ཏེཧི ཨུཔཊྛཧིཡམཱནོ ཀཱལམཀཱསི. ཨཐ ཁོ ཏསྶ གིལཱནུཔཊྛཱཀསྶ བྷིཀྑུནོ ཨེཏདཧོསི – ‘‘ཀཐཾ ནུ ཁོ གིལཱནུཔཊྛཱཀསྶ སཱམཎེརསྶ ཙཱིཝརཔཊིཝཱིསོ དཱཏབྦོ’’ཏི? བྷགཝཏོ ཨེཏམཏྠཾ ཨཱརོཙེསུཾ. ཨནུཛཱནཱམི, བྷིཀྑཝེ, གིལཱནུཔཊྛཱཀསྶ སཱམཎེརསྶ སམཀཾ པཊིཝཱིསཾ དཱཏུནྟི.

ཏེན ཁོ པན སམཡེན ཨཉྙཏརོ བྷིཀྑུ བཧུབྷཎྜོ བཧུཔརིཀྑཱརོ ཀཱལངྐཏོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. བྷིཀྑུསྶ, བྷིཀྑཝེ, ཀཱལངྐཏེ སངྒྷོ སཱམཱི པཏྟཙཱིཝརེ, ཨཔི ཙ གིལཱནུཔཊྛཱཀཱ བཧཱུཔཀཱརཱ. ཨནུཛཱནཱམི, བྷིཀྑཝེ, སངྒྷེན ཏིཙཱིཝརཉྩ པཏྟཉྩ གིལཱནུཔཊྛཱཀཱནཾ དཱཏུཾ. ཡཾ ཏཏྠ ལཧུབྷཎྜཾ ལཧུཔརིཀྑཱརཾ ཏཾ སམྨུཁཱིབྷཱུཏེན སངྒྷེན བྷཱཛེཏུཾ. ཡཾ ཏཏྠ གརུབྷཎྜཾ གརུཔརིཀྑཱརཾ ཏཾ ཨཱགཏཱནཱགཏསྶ ཙཱཏུདྡིསསྶ སངྒྷསྶ ཨཝིསྶཛྫིཀཾ ཨཝེབྷངྒིཀནྟི.

མཏསནྟཀཀཐཱ ནིཊྛིཏཱ.

༢༢༦. ནགྒིཡཔཊིཀྑེཔཀཐཱ

༣༧༠. ཏེན ཁོ པན སམཡེན ཨཉྙཏརོ བྷིཀྑུ ནགྒོ ཧུཏྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨེཏདཝོཙ – ‘‘བྷགཝཱ, བྷནྟེ, ཨནེཀཔརིཡཱཡེན ཨཔྤིཙྪསྶ སནྟུཊྛསྶ སལླེཁསྶ དྷུཏསྶ པཱསཱདིཀསྶ ཨཔཙཡསྶ ཝཱིརིཡཱརམྦྷསྶ ཝཎྞཝཱདཱི. ཨིདཾ, བྷནྟེ, ནགྒིཡཾ ཨནེཀཔརིཡཱཡེན ཨཔྤིཙྪཏཱཡ སནྟུཊྛིཏཱཡ སལླེཁཱཡ དྷུཏཏཱཡ [དྷུཏཏྟཱཡ (ཀ.)] པཱསཱདིཀཏཱཡ ཨཔཙཡཱཡ ཝཱིརིཡཱརམྦྷཱཡ སཾཝཏྟཏི. སཱདྷུ, བྷནྟེ, བྷགཝཱ བྷིཀྑཱུནཾ ནགྒིཡཾ ཨནུཛཱནཱཏཱུ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིས, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏྭཾ, མོགྷཔུརིས, ནགྒིཡཾ ཏིཏྠིཡསམཱདཱནཾ སམཱདིཡིསྶསི. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ…’’ ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ནགྒིཡཾ ཏིཏྠིཡསམཱདཱནཾ སམཱདིཡིཏབྦཾ. ཡོ སམཱདིཡེཡྻ, ཨཱཔཏྟི ཐུལླཙྩཡསྶཱ’’ཏི.

ནགྒིཡཔཊིཀྑེཔཀཐཱ ནིཊྛིཏཱ.

༢༢༧. ཀུསཙཱིརཱདིཔཊིཀྑེཔཀཐཱ

༣༧༡. ཏེན ཁོ པན སམཡེན ཨཉྙཏརོ བྷིཀྑུ ཀུསཙཱིརཾ ནིཝཱསེཏྭཱ…པེ… ཝཱཀཙཱིརཾ ནིཝཱསེཏྭཱ…པེ… ཕལཀཙཱིརཾ ནིཝཱསེཏྭཱ…པེ… ཀེསཀམྦལཾ ནིཝཱསེཏྭཱ…པེ… ཝཱལ༹ཀམྦལཾ ནིཝཱསེཏྭཱ…པེ… ཨུལཱུཀཔཀྑཾ ནིཝཱསེཏྭཱ…པེ… ཨཛིནཀྑིཔཾ ནིཝཱསེཏྭཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨེཏདཝོཙ – ‘‘བྷགཝཱ, བྷནྟེ, ཨནེཀཔརིཡཱཡེན ཨཔྤིཙྪསྶ སནྟུཊྛསྶ སལླེཁསྶ དྷུཏསྶ པཱསཱདིཀསྶ ཨཔཙཡསྶ ཝཱིརིཡཱརམྦྷསྶ ཝཎྞཝཱདཱི. ཨིདཾ, བྷནྟེ, ཨཛིནཀྑིཔཾ ཨནེཀཔརིཡཱཡེན ཨཔྤིཙྪཏཱཡ སནྟུཊྛིཏཱཡ སལླེཁཱཡ དྷུཏཏཱཡ པཱསཱདིཀཏཱཡ ཨཔཙཡཱཡ ཝཱིརིཡཱརམྦྷཱཡ སཾཝཏྟཏི. སཱདྷུ, བྷནྟེ, བྷགཝཱ བྷིཀྑཱུནཾ ཨཛིནཀྑིཔཾ ཨནུཛཱནཱཏཱུ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིས, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏྭཾ, མོགྷཔུརིས, ཨཛིནཀྑིཔཾ ཏིཏྠིཡདྷཛཾ དྷཱརེསྶསི. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཨཛིནཀྑིཔཾ ཏིཏྠིཡདྷཛཾ དྷཱརེཏབྦཾ. ཡོ དྷཱརེཡྻ, ཨཱཔཏྟི ཐུལླཙྩཡསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ ཨཀྐནཱལ༹ཾ ནིཝཱསེཏྭཱ…པེ… པོཏྠཀཾ ནིཝཱསེཏྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨེཏདཝོཙ – ‘‘བྷགཝཱ, བྷནྟེ, ཨནེཀཔརིཡཱཡེན ཨཔྤིཙྪསྶ སནྟུཊྛསྶ སལླེཁསྶ དྷུཏསྶ པཱསཱདིཀསྶ ཨཔཙཡསྶ ཝཱིརིཡཱརམྦྷསྶ, ཝཎྞཝཱདཱི. ཨཡཾ, བྷནྟེ, པོཏྠཀོ ཨནེཀཔརིཡཱཡེན ཨཔྤིཙྪཏཱཡ སནྟུཊྛིཏཱཡ སལླེཁཱཡ དྷུཏཏཱཡ པཱསཱདིཀཏཱཡ ཨཔཙཡཱཡ ཝཱིརིཡཱརམྦྷཱཡ སཾཝཏྟཏི. སཱདྷུ, བྷནྟེ, བྷགཝཱ བྷིཀྑཱུནཾ པོཏྠཀཾ ཨནུཛཱནཱཏཱུ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིས, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏྭཾ, མོགྷཔུརིས, པོཏྠཀཾ ནིཝཱསེསྶསི. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, པོཏྠཀོ ནིཝཱསེཏབྦོ. ཡོ ནིཝཱསེཡྻ, ཨཱཔཏྟི དུཀྐཊསྶཱ’’ཏི.

ཀུསཙཱིརཱདིཔཊིཀྑེཔཀཐཱ ནིཊྛིཏཱ.

༢༢༨. སབྦནཱིལཀཱདིཔཊིཀྑེཔཀཐཱ

༣༧༢. ཏེན ཁོ པན སམཡེན ཚབྦགྒིཡཱ བྷིཀྑཱུ སབྦནཱིལཀཱནི ཙཱིཝརཱནི དྷཱརེནྟི…པེ… སབྦཔཱིཏཀཱནི ཙཱིཝརཱནི དྷཱརེནྟི…པེ… སབྦལོཧིཏཀཱནི ཙཱིཝརཱནི དྷཱརེནྟི…པེ… སབྦམཉྫིཊྛཀཱནི [སབྦམཉྫེཊྛཀཱནི (སཱི. སྱཱ.)] ཙཱིཝརཱནི དྷཱརེནྟི…པེ… སབྦཀཎྷཱནི ཙཱིཝརཱནི དྷཱརེནྟི …པེ… སབྦམཧཱརངྒརཏྟཱནི ཙཱིཝརཱནི དྷཱརེནྟི…པེ… སབྦམཧཱནཱམརཏྟཱནི ཙཱིཝརཱནི དྷཱརེནྟི…པེ… ཨཙྪིནྣདསཱནི ཙཱིཝརཱནི དྷཱརེནྟི…པེ… དཱིགྷདསཱནི ཙཱིཝརཱནི དྷཱརེནྟི…པེ… པུཔྥདསཱནི ཙཱིཝརཱནི དྷཱརེནྟི…པེ… ཕཎདསཱནི [ཕལདསཱནི (ཀ.)] ཙཱིཝརཱནི དྷཱརེནྟི…པེ… ཀཉྩུཀཾ དྷཱརེནྟི…པེ… ཏིརཱིཊཀཾ དྷཱརེནྟི…པེ… ཝེཋནཾ དྷཱརེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཝེཋནཾ དྷཱརེསྶནྟི, སེཡྻཐཱཔི གིཧཱི ཀཱམབྷོགིནོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ན, བྷིཀྑཝེ, སབྦནཱིལཀཱནི ཙཱིཝརཱནི དྷཱརེཏབྦཱནི, ན སབྦཔཱིཏཀཱནི ཙཱིཝརཱནི དྷཱརེཏབྦཱནི, ན སབྦལོཧིཏཀཱནི ཙཱིཝརཱནི དྷཱརེཏབྦཱནི, ན སབྦམཉྫིཊྛཀཱནི ཙཱིཝརཱནི དྷཱརེཏབྦཱནི, ན སབྦཀཎྷཱནི ཙཱིཝརཱནི དྷཱརེཏབྦཱནི, ན སབྦམཧཱརངྒརཏྟཱནི ཙཱིཝརཱནི དྷཱརེཏབྦཱནི, ན སབྦམཧཱནཱམརཏྟཱནི ཙཱིཝརཱནི དྷཱརེཏབྦཱནི, ན ཨཙྪིནྣདསཱནི ཙཱིཝརཱནི དྷཱརེཏབྦཱནི, ན དཱིགྷདསཱནི ཙཱིཝརཱནི དྷཱརེཏབྦཱནི, ན པུཔྥདསཱནི ཙཱིཝརཱནི དྷཱརེཏབྦཱནི, ན ཕཎདསཱནི ཙཱིཝརཱནི དྷཱརེཏབྦཱནི, ན ཀཉྩུཀཾ དྷཱརེཏབྦཾ, ན ཏིརཱིཊཀཾ དྷཱརེཏབྦཾ, ན ཝེཋནཾ དྷཱརེཏབྦཾ. ཡོ དྷཱརེཡྻ, ཨཱཔཏྟི དུཀྐཊསྶཱཏི.

སབྦནཱིལཀཱདིཔཊིཀྑེཔཀཐཱ ནིཊྛིཏཱ.

༢༢༩. ཝསྶཾཝུཊྛཱནཾ ཨནུཔྤནྣཙཱིཝརཀཐཱ

༣༧༣. ཏེན ཁོ པན སམཡེན ཝསྶཾཝུཊྛཱ བྷིཀྑཱུ ཨནུཔྤནྣེ ཙཱིཝརེ པཀྐམནྟིཔི, ཝིབྦྷམནྟིཔི, ཀཱལམྤི ཀརོནྟི, སཱམཎེརཱཔི པཊིཛཱནནྟི, སིཀྑཾ པཙྩཀྑཱཏཀཱཔི པཊིཛཱནནྟི, ཨནྟིམཝཏྠུཾ ཨཛ྄ཛྷཱཔནྣཀཱཔི པཊིཛཱནནྟི, ཨུམྨཏྟཀཱཔི པཊིཛཱནནྟི, ཁིཏྟཙིཏྟཱཔི པཊིཛཱནནྟི, ཝེདནཱཊྚཱཔི པཊིཛཱནནྟི, ཨཱཔཏྟིཡཱ ཨདསྶནེ ཨུཀྑིཏྟཀཱཔི པཊིཛཱནནྟི, ཨཱཔཏྟིཡཱ ཨཔྤཊིཀམྨེ ཨུཀྑིཏྟཀཱཔི པཊིཛཱནནྟི, པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཏྟཀཱཔི པཊིཛཱནནྟི, པཎྜཀཱཔི པཊིཛཱནནྟི, ཐེཡྻསཾཝཱསཀཱཔི པཊིཛཱནནྟི, ཏིཏྠིཡཔཀྐནྟཀཱཔི པཊིཛཱནནྟི, ཏིརཙྪཱནགཏཱཔི པཊིཛཱནནྟི, མཱཏུགྷཱཏཀཱཔི པཊིཛཱནནྟི, པིཏུགྷཱཏཀཱཔི པཊིཛཱནནྟི, ཨརཧནྟགྷཱཏཀཱཔི པཊིཛཱནནྟི, བྷིཀྑུནིདཱུསཀཱཔི པཊིཛཱནནྟི, སངྒྷབྷེདཀཱཔི པཊིཛཱནནྟི, ལོཧིཏུཔྤཱདཀཱཔི པཊིཛཱནནྟི, ཨུབྷཏོབྱཉྫནཀཱཔི པཊིཛཱནནྟི. བྷགཝཏོ ཨེཏམཏྠཾ ཨཱརོཙེསུཾ.

༣༧༤. ཨིདྷ པན, བྷིཀྑཝེ, ཝསྶཾཝུཊྛོ བྷིཀྑུ ཨནུཔྤནྣེ ཙཱིཝརེ པཀྐམཏི, སནྟེ པཏིརཱུཔེ གཱཧཀེ དཱཏབྦཾ.

ཨིདྷ པན, བྷིཀྑཝེ, ཝསྶཾཝུཊྛོ བྷིཀྑུ ཨནུཔྤནྣེ ཙཱིཝརེ ཝིབྦྷམཏི, ཀཱལཾ ཀརོཏི, སཱམཎེརོ པཊིཛཱནཱཏི, སིཀྑཾ པཙྩཀྑཱཏཀོ པཊིཛཱནཱཏི, ཨནྟིམཝཏྠུཾ ཨཛ྄ཛྷཱཔནྣཀོ པཊིཛཱནཱཏི, སངྒྷོ སཱམཱི.

ཨིདྷ པན, བྷིཀྑཝེ, ཝསྶཾཝུཊྛོ བྷིཀྑུ ཨནུཔྤནྣེ ཙཱིཝརེ ཨུམྨཏྟཀོ པཊིཛཱནཱཏི, ཁིཏྟཙིཏྟོ པཊིཛཱནཱཏི, ཝེདནཱཊྚོ པཊིཛཱནཱཏི, ཨཱཔཏྟིཡཱ ཨདསྶནེ ཨུཀྑིཏྟཀོ པཊིཛཱནཱཏི, ཨཱཔཏྟིཡཱ ཨཔྤཊིཀམྨེ ཨུཀྑིཏྟཀོ པཊིཛཱནཱཏི, པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཏྟཀོ པཊིཛཱནཱཏི, སནྟེ པཏིརཱུཔེ གཱཧཀེ དཱཏབྦཾ.

ཨིདྷ པན, བྷིཀྑཝེ, ཝསྶཾཝུཊྛོ བྷིཀྑུ ཨནུཔྤནྣེ ཙཱིཝརེ པཎྜཀོ པཊིཛཱནཱཏི, ཐེཡྻསཾཝཱསཀོ པཊིཛཱནཱཏི, ཏིཏྠིཡཔཀྐནྟཀོ པཊིཛཱནཱཏི, ཏིརཙྪཱནགཏོ པཊིཛཱནཱཏི, མཱཏུགྷཱཏཀོ པཊིཛཱནཱཏི, པིཏུགྷཱཏཀོ པཊིཛཱནཱཏི, ཨརཧནྟགྷཱཏཀོ པཊིཛཱནཱཏི, བྷིཀྑུནིདཱུསཀོ པཊིཛཱནཱཏི, སངྒྷབྷེདཀོ པཊིཛཱནཱཏི, ལོཧིཏུཔྤཱདཀོ པཊིཛཱནཱཏི, ཨུབྷཏོབྱཉྫནཀོ པཊིཛཱནཱཏི, སངྒྷོ སཱམཱི.

༣༧༥. ཨིདྷ པན, བྷིཀྑཝེ, ཝསྶཾཝུཊྛོ བྷིཀྑུ ཨུཔྤནྣེ ཙཱིཝརེ ཨབྷཱཛིཏེ པཀྐམཏི, སནྟེ པཏིརཱུཔེ གཱཧཀེ དཱཏབྦཾ.

ཨིདྷ པན, བྷིཀྑཝེ, ཝསྶཾཝུཊྛོ བྷིཀྑུ ཨུཔྤནྣེ ཙཱིཝརེ ཨབྷཱཛིཏེ ཝིབྦྷམཏི, ཀཱལཾ ཀརོཏི, སཱམཎེརོ པཊིཛཱནཱཏི, སིཀྑཾ པཙྩཀྑཱཏཀོ པཊིཛཱནཱཏི, ཨནྟིམཝཏྠུཾ ཨཛ྄ཛྷཱཔནྣཀོ པཊིཛཱནཱཏི, སངྒྷོ སཱམཱི.

ཨིདྷ པན, བྷིཀྑཝེ, ཝསྶཾཝུཊྛོ བྷིཀྑུ ཨུཔྤནྣེ ཙཱིཝརེ ཨབྷཱཛིཏེ ཨུམྨཏྟཀོ པཊིཛཱནཱཏི. ཁིཏྟཙིཏྟོ པཊིཛཱནཱཏི, ཝེདནཱཊྚོ པཊིཛཱནཱཏི, ཨཱཔཏྟིཡཱ ཨདསྶནེ ཨུཀྑིཏྟཀོ པཊིཛཱནཱཏི, ཨཱཔཏྟིཡཱ ཨཔྤཊིཀམྨེ ཨུཀྑིཏྟཀོ པཊིཛཱནཱཏི, པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཏྟཀོ པཊིཛཱནཱཏི, སནྟེ པཏིརཱུཔེ གཱཧཀེ དཱཏབྦཾ.

ཨིདྷ པན, བྷིཀྑཝེ, ཝསྶཾཝུཊྛོ བྷིཀྑུ ཨུཔྤནྣེ ཙཱིཝརེ ཨབྷཱཛིཏེ པཎྜཀོ པཊིཛཱནཱཏི, ཐེཡྻསཾཝཱསཀོ པཊིཛཱནཱཏི, ཏིཏྠིཡཔཀྐནྟཀོ པཊིཛཱནཱཏི, ཏིརཙྪཱནགཏོ པཊིཛཱནཱཏི, མཱཏུགྷཱཏཀོ པཊིཛཱནཱཏི, པིཏུགྷཱཏཀོ པཊིཛཱནཱཏི, ཨརཧནྟགྷཱཏཀོ པཊིཛཱནཱཏི, བྷིཀྑུནིདཱུསཀོ པཊིཛཱནཱཏི, སངྒྷབྷེདཀོ པཊིཛཱནཱཏི, ལོཧིཏུཔྤཱདཀོ པཊིཛཱནཱཏི, ཨུབྷཏོབྱཉྫནཀོ པཊིཛཱནཱཏི, སངྒྷོ སཱམཱི.

ཝསྶཾ ཝུཊྛཱནཾ ཨནུཔྤནྣཙཱིཝརཀཐཱ ནིཊྛིཏཱ.

༢༣༠. སངྒྷེ བྷིནྣེ ཙཱིཝརུཔྤཱདཀཐཱ

༣༧༦. ཨིདྷ པན, བྷིཀྑཝེ, ཝསྶཾཝུཊྛཱནཾ བྷིཀྑཱུནཾ ཨནུཔྤནྣེ ཙཱིཝརེ སངྒྷོ བྷིཛྫཏི. ཏཏྠ མནུསྶཱ ཨེཀསྨིཾ པཀྑེ ཨུདཀཾ དེནྟི, ཨེཀསྨིཾ པཀྑེ ཙཱིཝརཾ དེནྟི – སངྒྷསྶ དེམཱཏི. སངྒྷསྶེཝེཏཾ.

ཨིདྷ པན, བྷིཀྑཝེ, ཝསྶཾཝུཊྛཱནཾ བྷིཀྑཱུནཾ ཨནུཔྤནྣེ ཙཱིཝརེ སངྒྷོ བྷིཛྫཏི. ཏཏྠ མནུསྶཱ ཨེཀསྨིཾ པཀྑེ ཨུདཀཾ དེནྟི, ཏསྨིཾཡེཝ པཀྑེ ཙཱིཝརཾ དེནྟི – སངྒྷསྶ དེམཱཏི. སངྒྷསྶེཝེཏཾ.

ཨིདྷ པན, བྷིཀྑཝེ, ཝསྶཾཝུཊྛཱནཾ བྷིཀྑཱུནཾ ཨནུཔྤནྣེ ཙཱིཝརེ སངྒྷོ བྷིཛྫཏི. ཏཏྠ མནུསྶཱ ཨེཀསྨིཾ པཀྑེ ཨུདཀཾ དེནྟི, ཨེཀསྨིཾ པཀྑེ ཙཱིཝརཾ དེནྟི – པཀྑསྶ དེམཱཏི. པཀྑསྶེཝེཏཾ.

ཨིདྷ པན, བྷིཀྑཝེ, ཝསྶཾཝུཊྛཱནཾ བྷིཀྑཱུནཾ ཨནུཔྤནྣེ ཙཱིཝརེ སངྒྷོ བྷིཛྫཏི. ཏཏྠ མནུསྶཱ ཨེཀསྨིཾ པཀྑེ ཨུདཀཾ དེནྟི, ཏསྨིཾཡེཝ པཀྑེ ཙཱིཝརཾ དེནྟི – པཀྑསྶ དེམཱཏི. པཀྑསྶེཝེཏཾ.

ཨིདྷ པན, བྷིཀྑཝེ, ཝསྶཾཝུཊྛཱནཾ བྷིཀྑཱུནཾ ཨུཔྤནྣེ ཙཱིཝརེ ཨབྷཱཛིཏེ སངྒྷོ བྷིཛྫཏི. སབྦེསཾ སམཀཾ བྷཱཛེཏབྦནྟི.

སངྒྷེ བྷིནྣེ ཙཱིཝརུཔྤཱདཀཐཱ ནིཊྛིཏཱ.

༢༣༡. དུགྒཧིཏསུགྒཧིཏཱདིཀཐཱ

༣༧༧. ཏེན ཁོ པན སམཡེན ཨཱཡསྨཱ རེཝཏོ ཨཉྙཏརསྶ བྷིཀྑུནོ ཧཏྠེ ཨཱཡསྨཏོ སཱརིཔུཏྟསྶ ཙཱིཝརཾ པཱཧེསི – ‘‘ཨིམཾ ཙཱིཝརཾ ཐེརསྶ དེཧཱི’’ཏི. ཨཐ ཁོ སོ བྷིཀྑུ ཨནྟརཱམགྒེ ཨཱཡསྨཏོ རེཝཏསྶ ཝིསྶཱསཱ ཏཾ ཙཱིཝརཾ ཨགྒཧེསི. ཨཐ ཁོ ཨཱཡསྨཱ རེཝཏོ ཨཱཡསྨཏཱ སཱརིཔུཏྟེན སམཱགནྟྭཱ པུཙྪི – ‘‘ཨཧཾ, བྷནྟེ, ཐེརསྶ ཙཱིཝརཾ པཱཧེསིཾ. སམྤཏྟཾ ཏཾ ཙཱིཝར’’ནྟི? ‘‘ནཱཧཾ ཏཾ, ཨཱཝུསོ, ཙཱིཝརཾ པསྶཱམཱི’’ཏི. ཨཐ ཁོ ཨཱཡསྨཱ རེཝཏོ ཏཾ བྷིཀྑུཾ ཨེཏདཝོཙ – ‘‘ཨཧཾ, ཨཱཝུསོ, ཨཱཡསྨཏོ ཧཏྠེ ཐེརསྶ ཙཱིཝརཾ པཱཧེསིཾ. ཀཧཾ ཏཾ ཙཱིཝར’’ནྟི? ‘‘ཨཧཾ, བྷནྟེ, ཨཱཡསྨཏོ ཝིསྶཱསཱ ཏཾ ཙཱིཝརཾ ཨགྒཧེསི’’ནྟི. བྷགཝཏོ ཨེཏམཏྠཾ ཨཱརོཙེསུཾ.

༣༧༨. ཨིདྷ པན, བྷིཀྑཝེ, བྷིཀྑུ བྷིཀྑུསྶ ཧཏྠེ ཙཱིཝརཾ པཧིཎཏི – ‘‘ཨིམཾ ཙཱིཝརཾ ཨིཏྠནྣཱམསྶ དེཧཱི’’ཏི. སོ ཨནྟརཱམགྒེ ཡོ པཧིཎཏི ཏསྶ ཝིསྶཱསཱ གཎྷཱཏི. སུགྒཧིཏཾ. ཡསྶ པཧིཡྻཏི ཏསྶ ཝིསྶཱསཱ གཎྷཱཏི. དུགྒཧིཏཾ.

ཨིདྷ པན, བྷིཀྑཝེ, བྷིཀྑུ བྷིཀྑུསྶ ཧཏྠེ ཙཱིཝརཾ པཧིཎཏི – ‘‘ཨིམཾ ཙཱིཝརཾ ཨིཏྠནྣཱམསྶ དེཧཱི’’ཏི. སོ ཨནྟརཱམགྒེ ཡསྶ པཧིཡྻཏི ཏསྶ ཝིསྶཱསཱ གཎྷཱཏི. དུགྒཧིཏཾ. ཡོ པཧིཎཏི ཏསྶ ཝིསྶཱསཱ གཎྷཱཏི. སུགྒཧིཏཾ.

ཨིདྷ པན, བྷིཀྑཝེ, བྷིཀྑུ བྷིཀྑུསྶ ཧཏྠེ ཙཱིཝརཾ པཧིཎཏི – ‘‘ཨིམཾ ཙཱིཝརཾ ཨིཏྠནྣཱམསྶ དེཧཱི’’ཏི. སོ ཨནྟརཱམགྒེ སུཎཱཏི – ཡོ པཧིཎཏི སོ ཀཱལངྐཏོཏི. ཏསྶ མཏཀཙཱིཝརཾ ཨདྷིཊྛཱཏི. སྭཱདྷིཊྛིཏཾ. ཡསྶ པཧིཡྻཏི ཏསྶ ཝིསྶཱསཱ གཎྷཱཏི. དུགྒཧིཏཾ.

ཨིདྷ པན, བྷིཀྑཝེ, བྷིཀྑུ བྷིཀྑུསྶ ཧཏྠེ ཙཱིཝརཾ པཧིཎཏི – ‘‘ཨིམཾ ཙཱིཝརཾ ཨིཏྠནྣཱམསྶ དེཧཱི’’ཏི. སོ ཨནྟརཱམགྒེ སུཎཱཏི – ཡསྶ པཧིཡྻཏི སོ ཀཱལངྐཏོཏི. ཏསྶ མཏཀཙཱིཝརཾ ཨདྷིཊྛཱཏི. དྭཱདྷིཊྛིཏཾ. ཡོ པཧིཎཏི ཏསྶ ཝིསྶཱསཱ གཎྷཱཏི. སུགྒཧིཏཾ.

ཨིདྷ པན, བྷིཀྑཝེ, བྷིཀྑུ བྷིཀྑུསྶ ཧཏྠེ ཙཱིཝརཾ པཧིཎཏི – ‘‘ཨིམཾ ཙཱིཝརཾ ཨིཏྠནྣཱམསྶ དེཧཱི’’ཏི. སོ ཨནྟརཱམགྒེ སུཎཱཏི – ཨུབྷོ ཀཱལངྐཏཱཏི. ཡོ པཧིཎཏི ཏསྶ མཏཀཙཱིཝརཾ ཨདྷིཊྛཱཏི. སྭཱདྷིཊྛིཏཾ. ཡསྶ པཧིཡྻཏི ཏསྶ མཏཀཙཱིཝརཾ ཨདྷིཊྛཱཏི. དྭཱདྷིཊྛིཏཾ.

ཨིདྷ པན, བྷིཀྑཝེ, བྷིཀྑུ བྷིཀྑུསྶ ཧཏྠེ ཙཱིཝརཾ པཧིཎཏི – ‘‘ཨིམཾ ཙཱིཝརཾ ཨིཏྠནྣཱམསྶ དམྨཱི’’ཏི. སོ ཨནྟརཱམགྒེ ཡོ པཧིཎཏི ཏསྶ ཝིསྶཱསཱ གཎྷཱཏི. དུགྒཧིཏཾ. ཡསྶ པཧིཡྻཏི ཏསྶ ཝིསྶཱསཱ གཎྷཱཏི. སུགྒཧིཏཾ.

ཨིདྷ པན, བྷིཀྑཝེ, བྷིཀྑུ བྷིཀྑུསྶ ཧཏྠེ ཙཱིཝརཾ པཧིཎཏི – ‘‘ཨིམཾ ཙཱིཝརཾ ཨིཏྠནྣཱམསྶ དམྨཱི’’ཏི. སོ ཨནྟརཱམགྒེ ཡསྶ པཧིཡྻཏི ཏསྶ ཝིསྶཱསཱ གཎྷཱཏི. སུགྒཧིཏཾ. ཡོ པཧིཎཏི ཏསྶ ཝིསྶཱསཱ གཎྷཱཏི. དུགྒཧིཏཾ.

ཨིདྷ པན, བྷིཀྑཝེ, བྷིཀྑུ བྷིཀྑུསྶ ཧཏྠེ ཙཱིཝརཾ པཧིཎཏི – ‘‘ཨིམཾ ཙཱིཝརཾ ཨིཏྠནྣཱམསྶ དམྨཱི’’ཏི. སོ ཨནྟརཱམགྒེ སུཎཱཏི – ‘‘ཡོ པཧིཎཏི སོ ཀཱལངྐཏོ’’ཏི. ཏསྶ མཏཀཙཱིཝརཾ ཨདྷིཊྛཱཏི. དྭཱདྷིཊྛིཏཾ. ཡསྶ པཧིཡྻཏི ཏསྶ ཝིསྶཱསཱ གཎྷཱཏི. སུགྒཧིཏཾ.

ཨིདྷ པན, བྷིཀྑཝེ, བྷིཀྑུ བྷིཀྑུསྶ ཧཏྠེ ཙཱིཝརཾ པཧིཎཏི – ‘‘ཨིམཾ ཙཱིཝརཾ ཨིཏྠནྣཱམསྶ དམྨཱི’’ཏི. སོ ཨནྟརཱམགྒེ སུཎཱཏི – ‘‘ཡསྶ པཧིཡྻཏི སོ ཀཱལངྐཏོ’’ཏི. ཏསྶ མཏཀཙཱིཝརཾ ཨདྷིཊྛཱཏི. སྭཱདྷིཊྛིཏཾ. ཡོ པཧིཎཏི ཏསྶ ཝིསྶཱསཱ གཎྷཱཏི. དུགྒཧིཏཾ.

ཨིདྷ པན, བྷིཀྑཝེ, བྷིཀྑུ བྷིཀྑུསྶ ཧཏྠེ ཙཱིཝརཾ པཧིཎཏི – ‘‘ཨིམཾ ཙཱིཝརཾ ཨིཏྠནྣཱམསྶ དམྨཱི’’ཏི. སོ ཨནྟརཱམགྒེ སུཎཱཏི ‘‘ཨུབྷོ ཀཱལངྐཏཱ’’ཏི. ཡོ པཧིཎཏི ཏསྶ མཏཀཙཱིཝརཾ ཨདྷིཊྛཱཏི. དྭཱདྷིཊྛིཏཾ. ཡསྶ པཧིཡྻཏི ཏསྶ མཏཀཙཱིཝརཾ ཨདྷིཊྛཱཏི. སྭཱདྷིཊྛིཏཾ.

དུགྒཧིཏསུགྒཧིཏཱདིཀཐཱ ནིཊྛིཏཱ.

༢༣༢. ཨཊྛཙཱིཝརམཱཏིཀཱ

༣༧༩. ཨཊྛིམཱ, བྷིཀྑཝེ, མཱཏིཀཱ ཙཱིཝརསྶ ཨུཔྤཱདཱཡ – སཱིམཱཡ དེཏི, ཀཏིཀཱཡ དེཏི, བྷིཀྑཱཔཉྙཏྟིཡཱ དེཏི, སངྒྷསྶ དེཏི, ཨུབྷཏོསངྒྷསྶ དེཏི, ཝསྶཾཝུཊྛསངྒྷསྶ དེཏི, ཨཱདིསྶ དེཏི, པུགྒལསྶ དེཏི.

སཱིམཱཡ དེཏི – ཡཱཝཏིཀཱ བྷིཀྑཱུ ཨནྟོསཱིམགཏཱ ཏེཧི བྷཱཛེཏབྦཾ. ཀཏིཀཱཡ དེཏི – སམྦཧུལཱ ཨཱཝཱསཱ སམཱནལཱབྷཱ ཧོནྟི ཨེཀསྨིཾ ཨཱཝཱསེ དིནྣེ སབྦཏྠ དིནྣཾ ཧོཏི. བྷིཀྑཱཔཉྙཏྟིཡཱ དེཏི, ཡཏྠ སངྒྷསྶ དྷུཝཀཱརཱ ཀརིཡྻནྟི, ཏཏྠ དེཏི. སངྒྷསྶ དེཏི, སམྨུཁཱིབྷཱུཏེན སངྒྷེན བྷཱཛེཏབྦཾ. ཨུབྷཏོསངྒྷསྶ དེཏི, བཧུཀཱཔི བྷིཀྑཱུ ཧོནྟི, ཨེཀཱ བྷིཀྑུནཱི ཧོཏི, ཨུཔཌྜྷཾ དཱཏབྦཾ, བཧུཀཱཔི བྷིཀྑུནིཡོ ཧོནྟི, ཨེཀོ བྷིཀྑུ ཧོཏི, ཨུཔཌྜྷཾ དཱཏབྦཾ. ཝསྶཾཝུཊྛསངྒྷསྶ དེཏི, ཡཱཝཏིཀཱ བྷིཀྑཱུ ཏསྨིཾ ཨཱཝཱསེ ཝསྶཾཝུཊྛཱ, ཏེཧི བྷཱཛེཏབྦཾ. ཨཱདིསྶ དེཏི, ཡཱགུཡཱ ཝཱ བྷཏྟེ ཝཱ ཁཱདནཱིཡེ ཝཱ ཙཱིཝརེ ཝཱ སེནཱསནེ ཝཱ བྷེསཛྫེ ཝཱ. པུགྒལསྶ དེཏི, ‘‘ཨིམཾ ཙཱིཝརཾ ཨིཏྠནྣཱམསྶ དམྨཱི’’ཏི.

ཨཊྛཙཱིཝརམཱཏིཀཱ ནིཊྛིཏཱ.

ཙཱིཝརཀྑནྡྷཀོ ཨཊྛམོ.

༢༣༣. ཏསྶུདྡཱནཾ

རཱཛགཧཀོ ནེགམོ, དིསྭཱ ཝེསཱལིཡཾ གཎིཾ;

པུན རཱཛགཧཾ གནྟྭཱ, རཉྙོ ཏཾ པཊིཝེདཡི.

པུཏྟོ སཱལཝཏིཀཱཡ, ཨབྷཡསྶ ཧི ཨཏྲཛོ;

ཛཱིཝཏཱིཏི ཀུམཱརེན, སངྑཱཏོ ཛཱིཝཀོ ཨིཏི.

སོ ཧི ཏཀྐསཱིལཾ གནྟྭཱ, ཨུགྒཧེཏྭཱ མཧཱབྷིསོ;

སཏྟཝསྶིཀཨཱབཱདྷཾ, ནཏྠུཀམྨེན ནཱསཡི.

རཉྙོ བྷགནྡལཱབཱདྷཾ, ཨཱལེཔེན ཨཔཱཀཌྜྷི;

མམཉྩ ཨིཏྠཱགཱརཉྩ, བུདྡྷསངྒྷཾ ཙུཔཊྛཧི.

རཱཛགཧཀོ ཙ སེཊྛི, ཨནྟགཎྛི ཏིཀིཙྪིཏཾ;

པཛྫོཏསྶ མཧཱརོགཾ, གྷཏཔཱནེན ནཱསཡི.

ཨདྷིཀཱརཉྩ སིཝེཡྻཾ, ཨབྷིསནྣཾ སིནེཧཏི;

ཏཱིཧི ཨུཔྤལཧཏྠེཧི, སམཏྟིཾསཝིརེཙནཾ.

པཀཏཏྟཾ ཝརཾ ཡཱཙི, སིཝེཡྻཉྩ པཊིགྒཧི;

ཙཱིཝརཉྩ གིཧིདཱནཾ, ཨནུཉྙཱསི ཏཐཱགཏོ.

རཱཛགཧེ ཛནཔདེ བཧུཾ, ཨུཔྤཛྫི ཙཱིཝརཾ;

པཱཝཱརོ ཀོསིཡཉྩེཝ, ཀོཛཝོ ཨཌྜྷཀཱསིཀཾ.

ཨུཙྩཱཝཙཱ ཙ སནྟུཊྛི, ནཱགམེསཱགམེསུཾ ཙ;

པཋམཾ པཙྪཱ སདིསཱ, ཀཏིཀཱ ཙ པཊིཧརུཾ.

བྷཎྜཱགཱརཾ ཨགུཏྟཉྩ, ཝུཊྛཱཔེནྟི ཏཐེཝ ཙ;

ཨུསྶནྣཾ ཀོལཱཧལཉྩ, ཀཐཾ བྷཱཛེ ཀཐཾ དདེ.

སཀཱཏིརེཀབྷཱགེན, པཊིཝཱིསོ ཀཐཾ དདེ;

ཚཀཎེན སཱིཏུདཀཱ [སཱིཏུནྡཱི ཙ (སཱི.), སཱིཏུཎྷི ཙ (ཀཏྠཙི)], ཨུཏྟརིཏུ ན ཛཱནརེ.

ཨཱརོཔེནྟཱ བྷཱཛནཉྩ, པཱཏིཡཱ ཙ ཚམཱཡ ཙ;

ཨུཔཙིཀཱམཛ྄ཛྷེ ཛཱིརནྟི, ཨེཀཏོ པཏྠིནྣེན ཙ.

ཕརུསཱཙྪིནྣཙྪིབནྡྷཱ, ཨདྡསཱསི ཨུབྦྷཎྜིཏེ;

ཝཱིམཾསིཏྭཱ སཀྱམུནི, ཨནུཉྙཱསི ཏིཙཱིཝརཾ.

ཨཉྙེན ཨཏིརེཀེན, ཨུཔྤཛྫི ཚིདྡམེཝ ཙ;

ཙཱཏུདྡཱིཔོ ཝརཾ ཡཱཙི, དཱཏུཾ ཝསྶིཀསཱཊིཀཾ.

ཨཱགནྟུགམིགིལཱནཾ, ཨུཔཊྛཱཀཉྩ བྷེསཛྫཾ;

དྷུཝཾ ཨུདཀསཱཊིཉྩ, པཎཱིཏཾ ཨཏིཁུདྡཀཾ.

ཐུལླཀཙྪུམུཁཾ ཁོམཾ, པརིཔུཎྞཾ ཨདྷིཊྛཱནཾ;

པཙྪིམཾ ཀཏོ གརུཀོ, ཝིཀཎྞོ སུཏྟམོཀིརི.

ལུཛྫནྟི ནཔྤཧོནྟི, ཙ ཨནྭཱདྷིཀཾ བཧཱུནི ཙ;

ཨནྡྷཝནེ ཨསྶཏིཡཱ, ཨེཀོ ཝསྶཾ ཨུཏུམྷི ཙ.

དྭེ བྷཱཏུཀཱ རཱཛགཧེ, ཨུཔནནྡོ པུན དྭིསུ;

ཀུཙྪིཝིཀཱརོ གིལཱནོ, ཨུབྷོ ཙེཝ གིལཱནཀཱ [གིལཱཡནཱ (ཀ.)].

ནགྒཱ ཀུསཱ ཝཱཀཙཱིརཾ, ཕལཀོ ཀེསཀམྦལཾ;

ཝཱལ༹ཨུལཱུཀཔཀྑཉྩ, ཨཛིནཾ ཨཀྐནཱལ༹ཀཾ.

པོཏྠཀཾ ནཱིལཔཱིཏཉྩ, ལོཧིཏཾ མཉྫིཊྛེན ཙ;

ཀཎྷཱ མཧཱརངྒནཱམ, ཨཙྪིནྣདསིཀཱ ཏཐཱ.

དཱིགྷཔུཔྥཕཎདསཱ, ཀཉྩུཏིརཱིཊཝེཋནཾ;

ཨནུཔྤནྣེ པཀྐམཏི, སངྒྷོ བྷིཛྫཏི ཏཱཝདེ.

པཀྑེ དདནྟི སངྒྷསྶ, ཨཱཡསྨཱ རེཝཏོ པཧི;

ཝིསྶཱསགཱཧཱདྷིཊྛཱཏི, ཨཊྛ ཙཱིཝརམཱཏིཀཱཏི.

ཨིམམྷི ཁནྡྷཀེ ཝཏྠཱུ ཚནྣཝུཏི.

ཙཱིཝརཀྑནྡྷཀོ ནིཊྛིཏོ.

༩. ཙམྤེཡྻཀྑནྡྷཀོ

༢༣༤. ཀསྶཔགོཏྟབྷིཀྑུཝཏྠུ

༣༨༠. ཏེན སམཡེན བུདྡྷོ བྷགཝཱ ཙམྤཱཡཾ ཝིཧརཏི གགྒརཱཡ པོཀྑརཎིཡཱ ཏཱིརེ. ཏེན ཁོ པན སམཡེན ཀཱསཱིསུ ཛནཔདེ ཝཱསབྷགཱམོ ནཱམ ཧོཏི. ཏཏྠ ཀསྶཔགོཏྟོ ནཱམ བྷིཀྑུ ཨཱཝཱསིཀོ ཧོཏི ཏནྟིབདྡྷོ ཨུསྶུཀྐཾ ཨཱཔནྣོ – ཀིནྟི ཨནཱགཏཱ ཙ པེསལཱ བྷིཀྑཱུ ཨཱགཙྪེཡྻུཾ, ཨཱགཏཱ ཙ པེསལཱ བྷིཀྑཱུ ཕཱསུ ཝིཧརེཡྻུཾ, ཨཡཉྩ ཨཱཝཱསོ ཝུདྡྷིཾ ཝིརུལ༹ྷིཾ ཝེཔུལླཾ ཨཱཔཛྫེཡྻཱཏི. ཏེན ཁོ པན སམཡེན སམྦཧུལཱ བྷིཀྑཱུ ཀཱསཱིསུ ཙཱརིཀཾ ཙརམཱནཱ ཡེན ཝཱསབྷགཱམོ ཏདཝསརུཾ. ཨདྡསཱ ཁོ ཀསྶཔགོཏྟོ བྷིཀྑུ ཏེ བྷིཀྑཱུ དཱུརཏོཝ ཨཱགཙྪནྟེ, དིསྭཱན ཨཱསནཾ པཉྙཔེསི, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔི, པཙྩུགྒནྟྭཱ པཏྟཙཱིཝརཾ པཊིགྒཧེསི, པཱནཱིཡེན ཨཱཔུཙྪི, ནཧཱནེ ཨུསྶུཀྐཾ ཨཀཱསི, ཨུསྶུཀྐམྤི ཨཀཱསི ཡཱགུཡཱ ཁཱདནཱིཡེ བྷཏྟསྨིཾ. ཨཐ ཁོ ཏེསཾ ཨཱགནྟུཀཱནཾ བྷིཀྑཱུནཾ ཨེཏདཧོསི – ‘‘བྷདྡཀོ ཁོ ཨཡཾ, ཨཱཝུསོ, ཨཱཝཱསིཀོ བྷིཀྑུ ནཧཱནེ ཨུསྶུཀྐཾ ཀརོཏི, ཨུསྶུཀྐམྤི ཀརོཏི ཡཱགུཡཱ ཁཱདནཱིཡེ བྷཏྟསྨིཾ. ཧནྡ, མཡཾ, ཨཱཝུསོ, ཨིདྷེཝ ཝཱསབྷགཱམེ ནིཝཱསཾ ཀཔྤེམཱ’’ཏི. ཨཐ ཁོ ཏེ ཨཱགནྟུཀཱ བྷིཀྑཱུ ཏཏྠེཝ ཝཱསབྷགཱམེ ནིཝཱསཾ ཀཔྤེསུཾ.

ཨཐ ཁོ ཀསྶཔགོཏྟསྶ བྷིཀྑུནོ ཨེཏདཧོསི – ‘‘ཡོ ཁོ ཨིམེསཾ ཨཱགནྟུཀཱནཾ བྷིཀྑཱུནཾ ཨཱགནྟུཀཀིལམཐོ སོ པཊིཔྤསྶདྡྷོ. ཡེཔིམེ གོཙརེ ཨཔྤཀཏཉྙུནོ ཏེདཱནིམེ གོཙརེ པཀཏཉྙུནོ. དུཀྐརཾ ཁོ པན པརཀུལེསུ ཡཱཝཛཱིཝཾ ཨུསྶུཀྐཾ ཀཱཏུཾ, ཝིཉྙཏྟི ཙ མནུསྶཱནཾ ཨམནཱཔཱ. ཡཾནཱུནཱཧཾ ན ཨུསྶུཀྐཾ ཀརེཡྻཾ ཡཱགུཡཱ ཁཱདནཱིཡེ བྷཏྟསྨི’’ནྟི. སོ ན ཨུསྶུཀྐཾ ཨཀཱསི ཡཱགུཡཱ ཁཱདནཱིཡེ བྷཏྟསྨིཾ. ཨཐ ཁོ ཏེསཾ ཨཱགནྟུཀཱནཾ བྷིཀྑཱུནཾ ཨེཏདཧོསི – ‘‘པུབྦེ ཁྭཱཡཾ, ཨཱཝུསོ, ཨཱཝཱསིཀོ བྷིཀྑུ ནཧཱནེ ཨུསྶུཀྐཾ ཨཀཱསི, ཨུསྶུཀྐམྤི ཨཀཱསི ཡཱགུཡཱ ཁཱདནཱིཡེ བྷཏྟསྨིཾ. སོདཱནཱཡཾ ན ཨུསྶུཀྐཾ ཀརོཏི ཡཱགུཡཱ ཁཱདནཱིཡེ བྷཏྟསྨིཾ. དུཊྛོདཱནཱཡཾ, ཨཱཝུསོ, ཨཱཝཱསིཀོ བྷིཀྑུ. ཧནྡ, མཡཾ, ཨཱཝུསོ, ཨཱཝཱསིཀཾ [ཨིམཾ ཨཱཝཱསིཀཾ (སྱཱ.)] བྷིཀྑུཾ ཨུཀྑིཔཱམཱ’’ཏི. ཨཐ ཁོ ཏེ ཨཱགནྟུཀཱ བྷིཀྑཱུ སནྣིཔཏིཏྭཱ ཀསྶཔགོཏྟཾ བྷིཀྑུཾ ཨེཏདཝོཙུཾ – ‘‘པུབྦེ ཁོ ཏྭཾ, ཨཱཝུསོ, ནཧཱནེ ཨུསྶུཀྐཾ ཀརོསི, ཨུསྶུཀྐམྤི ཀརོསི ཡཱགུཡཱ ཁཱདནཱིཡེ བྷཏྟསྨིཾ. སོདཱནི ཏྭཾ ན ཨུསྶུཀྐཾ ཀརོསི ཡཱགུཡཱ ཁཱདནཱིཡེ བྷཏྟསྨིཾ. ཨཱཔཏྟིཾ ཏྭཾ, ཨཱཝུསོ, ཨཱཔནྣོ. པསྶསེཏཾ ཨཱཔཏྟི’’ནྟི? ‘‘ནཏྠི མེ, ཨཱཝུསོ, ཨཱཔཏྟི, ཡམཧཾ པསྶེཡྻ’’ནྟི. ཨཐ ཁོ ཏེ ཨཱགནྟུཀཱ བྷིཀྑཱུ ཀསྶཔགོཏྟཾ བྷིཀྑུཾ ཨཱཔཏྟིཡཱ ཨདསྶནེ ཨུཀྑིཔིཾསུ.

ཨཐ ཁོ ཀསྶཔགོཏྟསྶ བྷིཀྑུནོ ཨེཏདཧོསི – ‘‘ཨཧཾ ཁོ ཨེཏཾ ན ཛཱནཱམི ‘ཨཱཔཏྟི ཝཱ ཨེསཱ ཨནཱཔཏྟི ཝཱ, ཨཱཔནྣོ ཙམྷི [ཝམྷི (?)] ཨནཱཔནྣོ ཝཱ, ཨུཀྑིཏྟོ ཙམྷི ཨནུཀྑིཏྟོ ཝཱ, དྷམྨིཀེན ཝཱ ཨདྷམྨིཀེན ཝཱ, ཀུཔྤེན ཝཱ ཨཀུཔྤེན ཝཱ, ཋཱནཱརཧེན ཝཱ ཨཊྛཱནཱརཧེན ཝཱ’. ཡཾནཱུནཱཧཾ ཙམྤཾ གནྟྭཱ བྷགཝནྟཾ ཨེཏམཏྠཾ པུཙྪེཡྻ’’ནྟི. ཨཐ ཁོ ཀསྶཔགོཏྟོ བྷིཀྑུ སེནཱསནཾ སཾསཱམེཏྭཱ པཏྟཙཱིཝརམཱདཱཡ ཡེན ཙམྤཱ ཏེན པཀྐཱམི. ཨནུཔུབྦེན ཡེན ཙམྤཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨཱཙིཎྞཾ ཁོ པནེཏཾ བུདྡྷཱནཾ བྷགཝནྟཱནཾ ཨཱགནྟུཀེཧི བྷིཀྑཱུཧི སདྡྷིཾ པཊིསམྨོདིཏུཾ. ཨཐ ཁོ བྷགཝཱ ཀསྶཔགོཏྟཾ བྷིཀྑུཾ ཨེཏདཝོཙ – ‘‘ཀཙྩི, བྷིཀྑུ, ཁམནཱིཡཾ, ཀཙྩི ཡཱཔནཱིཡཾ, ཀཙྩི ཨཔྤཀིལམཐེན ཨདྡྷཱནཾ ཨཱགཏོ, ཀུཏོ ཙ ཏྭཾ, བྷིཀྑུ, ཨཱགཙྪསཱི’’ཏི? ‘‘ཁམནཱིཡཾ, བྷགཝཱ; ཡཱཔནཱིཡཾ, བྷགཝཱ; ཨཔྤཀིལམཐེན ཙཱཧཾ, བྷནྟེ, ཨདྡྷཱནཾ ཨཱགཏོ. ཨཏྠི, བྷནྟེ, ཀཱསཱིསུ ཛནཔདེ ཝཱསབྷགཱམོ ནཱམ. ཏཏྠཱཧཾ, བྷགཝཱ, ཨཱཝཱསིཀོ ཏནྟིབདྡྷོ ཨུསྶུཀྐཾ ཨཱཔནྣོ – ‘ཀིནྟི ཨནཱགཏཱ ཙ པེསལཱ བྷིཀྑཱུ ཨཱགཙྪེཡྻུཾ, ཨཱགཏཱ ཙ པེསལཱ བྷིཀྑཱུ ཕཱསུ ཝིཧརེཡྻུཾ, ཨཡཉྩ ཨཱཝཱསོ ཝུདྡྷིཾ ཝིརུལ༹ྷིཾ ཝེཔུལླཾ ཨཱཔཛྫེཡྻཱ’ཏི. ཨཐ ཁོ, བྷནྟེ, སམྦཧུལཱ བྷིཀྑཱུ ཀཱསཱིསུ ཙཱརིཀཾ ཙརམཱནཱ ཡེན ཝཱསབྷགཱམོ ཏདཝསརུཾ. ཨདྡསཾ ཁོ ཨཧཾ, བྷནྟེ, ཏེ བྷིཀྑཱུ དཱུརཏོཝ ཨཱགཙྪནྟེ, དིསྭཱན ཨཱསནཾ པཉྙཔེསིཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཾ, པཙྩུགྒནྟྭཱ པཏྟཙཱིཝརཾ པཊིགྒཧེསིཾ, པཱནཱིཡེན ཨཔུཙྪིཾ, ནཧཱནེ ཨུསྶུཀྐཾ ཨཀཱསིཾ, ཨུསྶུཀྐམྤི ཨཀཱསིཾ ཡཱགུཡཱ ཁཱདནཱིཡེ བྷཏྟསྨིཾ. ཨཐ ཁོ ཏེསཾ, བྷནྟེ, ཨཱགནྟུཀཱནཾ བྷིཀྑཱུནཾ ཨེཏདཧོསི – ‘བྷདྡཀོ ཁོ ཨཡཾ ཨཱཝུསོ ཨཱཝཱསིཀོ བྷིཀྑུ ནཧཱནེ ཨུསྶུཀྐཾ ཀརོཏི, ཨུསྶུཀྐམྤི ཀརོཏི ཡཱགུཡཱ ཁཱདནཱིཡེ བྷཏྟསྨིཾ. ཧནྡ, མཡཾ, ཨཱཝུསོ, ཨིདྷེཝ ཝཱསབྷགཱམེ ནིཝཱསཾ ཀཔྤེམཱ’ཏི. ཨཐ ཁོ ཏེ, བྷནྟེ, ཨཱགནྟུཀཱ བྷིཀྑཱུ ཏཏྠེཝ ཝཱསབྷགཱམེ ནིཝཱསཾ ཀཔྤེསུཾ. ཏསྶ མཡ྄ཧཾ, བྷནྟེ, ཨེཏདཧོསི – ‘ཡོ ཁོ ཨིམེསཾ ཨཱགནྟུཀཱནཾ བྷིཀྑཱུནཾ ཨཱགནྟུཀཀིལམཐོ སོ པཊིཔྤསྶདྡྷོ. ཡེཔིམེ གོཙརེ ཨཔྤཀཏཉྙུནོ ཏེདཱནིམེ གོཙརེ པཀཏཉྙུནོ. དུཀྐརཾ ཁོ པན པརཀུལེསུ ཡཱཝཛཱིཝཾ ཨུསྶུཀྐཾ ཀཱཏུཾ, ཝིཉྙཏྟི ཙ མནུསྶཱནཾ ཨམནཱཔཱ. ཡཾནཱུནཱཧཾ ན ཨུསྶུཀྐཾ ཀརེཡྻཾ ཡཱགུཡཱ ཁཱདནཱིཡེ བྷཏྟསྨི’ནྟི. སོ ཁོ ཨཧཾ, བྷནྟེ, ན ཨུསྶུཀྐཾ ཨཀཱསིཾ ཡཱགུཡཱ ཁཱདནཱིཡེ བྷཏྟསྨིཾ. ཨཐ ཁོ ཏེསཾ, བྷནྟེ, ཨཱགནྟུཀཱནཾ བྷིཀྑཱུནཾ ཨེཏདཧོསི – ‘པུབྦེ ཁྭཱཡཾ, ཨཱཝུསོ, ཨཱཝཱསིཀོ བྷིཀྑུ ནཧཱནེ ཨུསྶུཀྐཾ ཀརོཏི, ཨུསྶུཀྐམྤི ཀརོཏི ཡཱགུཡཱ ཁཱདནཱིཡེ བྷཏྟསྨིཾ. སོདཱནཱཡཾ ན ཨུསྶུཀྐཾ ཀརོཏི ཡཱགུཡཱ ཁཱདནཱིཡེ བྷཏྟསྨིཾ. དུཊྛོདཱནཱཡཾ, ཨཱཝུསོ, ཨཱཝཱསིཀོ བྷིཀྑུ. ཧནྡ, མཡཾ, ཨཱཝུསོ, ཨཱཝཱསིཀཾ བྷིཀྑུཾ ཨུཀྑིཔཱམཱ’ཏི. ཨཐ ཁོ ཏེ, བྷནྟེ, ཨཱགནྟུཀཱ བྷིཀྑཱུ སནྣིཔཏིཏྭཱ མཾ ཨེཏདཝོཙུཾ – ‘པུབྦེ ཁོ ཏྭཾ, ཨཱཝུསོ, ནཧཱནེ ཨུསྶུཀྐཾ ཀརོསི, ཨུསྶུཀྐམྤི ཀརོསི ཡཱགུཡཱ ཁཱདནཱིཡེ བྷཏྟསྨིཾ. སོདཱནི ཏྭཾ ན ཨུསྶུཀྐཾ ཀརོསི ཡཱགུཡཱ ཁཱདནཱིཡེ བྷཏྟསྨིཾ. ཨཱཔཏྟིཾ ཏྭཾ, ཨཱཝུསོ, ཨཱཔནྣོ. པསྶསེཏཾ ཨཱཔཏྟི’ནྟི? ‘ནཏྠི མེ, ཨཱཝུསོ, ཨཱཔཏྟི ཡམཧཾ པསྶེཡྻ’ནྟི. ཨཐ ཁོ ཏེ, བྷནྟེ, ཨཱགནྟུཀཱ བྷིཀྑཱུ མཾ ཨཱཔཏྟིཡཱ ཨདསྶནེ ཨུཀྑིཔིཾསུ. ཏསྶ མཡ྄ཧཾ, བྷནྟེ, ཨེཏདཧོསི – ‘ཨཧཾ ཁོ ཨེཏཾ ན ཛཱནཱམི ‘ཨཱཔཏྟི ཝཱ ཨེསཱ ཨནཱཔཏྟི ཝཱ, ཨཱཔནྣོ ཙམྷི ཨནཱཔནྣོ ཝཱ, ཨུཀྑིཏྟོ ཙམྷི ཨནུཀྑིཏྟོ ཝཱ, དྷམྨིཀེན ཝཱ ཨདྷམྨིཀེན ཝཱ, ཀུཔྤེན ཝཱ ཨཀུཔྤེན ཝཱ, ཋཱནཱརཧེན ཝཱ ཨཊྛཱནཱརཧེན ཝཱ’. ཡཾནཱུནཱཧཾ ཙམྤཾ གནྟྭཱ བྷགཝནྟཾ ཨེཏམཏྠཾ པུཙྪེཡྻ’ནྟི. ཏཏོ ཨཧཾ, བྷགཝཱ, ཨཱགཙྪཱམཱི’’ཏི. ‘‘ཨནཱཔཏྟི ཨེསཱ, བྷིཀྑུ, ནེསཱ ཨཱཔཏྟི. ཨནཱཔནྣོསི, ནསི ཨཱཔནྣོ. ཨནུཀྑིཏྟོསི, ནསི ཨུཀྑིཏྟོ. ཨདྷམྨིཀེནཱསི ཀམྨེན ཨུཀྑིཏྟོ ཀུཔྤེན ཨཊྛཱནཱརཧེན. གཙྪ ཏྭཾ, བྷིཀྑུ, ཏཏྠེཝ ཝཱསབྷགཱམེ ནིཝཱསཾ ཀཔྤེཧཱི’’ཏི. ‘‘ཨེཝཾ, བྷནྟེ’’ཏི ཁོ ཀསྶཔགོཏྟོ བྷིཀྑུ བྷགཝཏོ པཊིསྶུཎིཏྭཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ ཡེན ཝཱསབྷགཱམོ ཏེན པཀྐཱམི.

༣༨༡. ཨཐ ཁོ ཏེསཾ ཨཱགནྟུཀཱནཾ བྷིཀྑཱུནཾ ཨཧུདེཝ ཀུཀྐུཙྩཾ, ཨཧུ ཝིཔྤཊིསཱརོ – ‘‘ཨལཱབྷཱ ཝཏ ནོ, ན ཝཏ ནོ ལཱབྷཱ, དུལླདྡྷཾ ཝཏ ནོ, ན ཝཏ ནོ སུལདྡྷཾ, ཡེ མཡཾ སུདྡྷཾ བྷིཀྑུཾ ཨནཱཔཏྟིཀཾ ཨཝཏྠུསྨིཾ ཨཀཱརཎེ ཨུཀྑིཔིམྷཱ. ཧནྡ, མཡཾ, ཨཱཝུསོ, ཙམྤཾ གནྟྭཱ བྷགཝཏོ སནྟིཀེ ཨཙྩཡཾ ཨཙྩཡཏོ དེསེམཱ’’ཏི. ཨཐ ཁོ ཏེ ཨཱགནྟུཀཱ བྷིཀྑཱུ སེནཱསནཾ སཾསཱམེཏྭཱ པཏྟཙཱིཝརམཱདཱཡ ཡེན ཙམྤཱ ཏེན པཀྐམིཾསུ. ཨནུཔུབྦེན ཡེན ཙམྤཱ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨཱཙིཎྞཾ ཁོ པནེཏཾ བུདྡྷཱནཾ བྷགཝནྟཱནཾ ཨཱགནྟུཀེཧི བྷིཀྑཱུཧི སདྡྷིཾ པཊིསམྨོདིཏུཾ. ཨཐ ཁོ བྷགཝཱ ཏེ བྷིཀྑཱུ ཨེཏདཝོཙ – ‘‘ཀཙྩི, བྷིཀྑཝེ, ཁམནཱིཡཾ, ཀཙྩི ཡཱཔནཱིཡཾ, ཀཙྩིཏྠ ཨཔྤཀིལམཐེན ཨདྡྷཱནཾ ཨཱགཏཱ, ཀུཏོ ཙ ཏུམྷེ, བྷིཀྑཝེ, ཨཱགཙྪཐཱ’’ཏི? ‘‘ཁམནཱིཡཾ, བྷགཝཱ; ཡཱཔནཱིཡཾ, བྷགཝཱ; ཨཔྤཀིལམཐེན ཙ མཡཾ, བྷནྟེ, ཨདྡྷཱནཾ ཨཱགཏཱ. ཨཏྠི, བྷནྟེ, ཀཱསཱིསུ ཛནཔདེ ཝཱསབྷགཱམོ ནཱམ. ཏཏོ མཡཾ, བྷགཝཱ, ཨཱགཙྪཱམཱ’’ཏི. ‘‘ཏུམྷེ, བྷིཀྑཝེ, ཨཱཝཱསིཀཾ བྷིཀྑུཾ ཨུཀྑིཔིཏྠཱ’’ཏི? ‘‘ཨེཝཾ, བྷནྟེ’’ཏི. ‘‘ཀིསྨིཾ, བྷིཀྑཝེ, ཝཏྠུསྨིཾ ཀཱརཎེ’’ཏི? ‘‘ཨཝཏྠུསྨིཾ, བྷགཝཱ, ཨཀཱརཎེ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིསཱ, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏུམྷེ, མོགྷཔུརིསཱ, སུདྡྷཾ བྷིཀྑུཾ ཨནཱཔཏྟིཀཾ ཨཝཏྠུསྨིཾ ཨཀཱརཎེ ཨུཀྑིཔིསྶཐ. ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ…’’ ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, སུདྡྷོ བྷིཀྑུ ཨནཱཔཏྟིཀོ ཨཝཏྠུསྨིཾ ཨཀཱརཎེ ཨུཀྑིཔིཏབྦོ. ཡོ ཨུཀྑིཔེཡྻ, ཨཱཔཏྟི དུཀྐཊསྶཱ’’ཏི.

ཨཐ ཁོ ཏེ བྷིཀྑཱུ ཨུཊྛཱཡཱསནཱ ཨེཀཾསཾ ཨུཏྟརཱསངྒཾ ཀརིཏྭཱ བྷགཝཏོ པཱདེསུ སིརསཱ ནིཔཏིཏྭཱ བྷགཝནྟཾ ཨེཏདཝོཙུཾ – ‘‘ཨཙྩཡོ ནོ, བྷནྟེ, ཨཙྩགམཱ ཡཐཱབཱལེ ཡཐཱམཱུལ༹ྷེ ཡཐཱཨཀུསལེ, ཡེ མཡཾ སུདྡྷཾ བྷིཀྑུཾ ཨནཱཔཏྟིཀཾ ཨཝཏྠུསྨིཾ ཨཀཱརཎེ ཨུཀྑིཔིམྷཱ. ཏེསཾ ནོ, བྷནྟེ, བྷགཝཱ ཨཙྩཡཾ ཨཙྩཡཏོ པཊིགྒཎྷཱཏུ ཨཱཡཏིཾ སཾཝརཱཡཱ’’ཏི. ‘‘ཏགྒྷ, ཏུམྷེ, བྷིཀྑཝེ, ཨཙྩཡོ ཨཙྩགམཱ ཡཐཱབཱལེ ཡཐཱམཱུལ༹ྷེ ཡཐཱཨཀུསལེ, ཡེ ཏུམྷེ སུདྡྷཾ བྷིཀྑུཾ ཨནཱཔཏྟིཀཾ ཨཝཏྠུསྨིཾ ཨཀཱརཎེ ཨུཀྑིཔིཏྠ. ཡཏོ ཙ ཁོ ཏུམྷེ, བྷིཀྑཝེ, ཨཙྩཡཾ ཨཙྩཡཏོ དིསྭཱ ཡཐཱདྷམྨཾ པཊིཀརོཐ, ཏཾ ཝོ མཡཾ པཊིགྒཎྷཱམ. ཝུདྡྷིཧེསཱ, བྷིཀྑཝེ, ཨརིཡསྶ ཝིནཡེ ཡོ ཨཙྩཡཾ ཨཙྩཡཏོ དིསྭཱ ཡཐཱདྷམྨཾ པཊིཀརོཏི, ཨཱཡཏིཾ [ཨཱཡཏིཾ ཙ (སཱི.)] སཾཝརཾ ཨཱཔཛྫཏཱི’’ཏི.

ཀསྶཔགོཏྟབྷིཀྑུཝཏྠུ ནིཊྛིཏཾ.

༢༣༥. ཨདྷམྨེན ཝགྒཱདིཀམྨཀཐཱ

༣༨༢. ཏེན ཁོ པན སམཡེན ཙམྤཱཡཾ བྷིཀྑཱུ ཨེཝརཱུཔཱནི ཀམྨཱནི ཀརོནྟི – ཨདྷམྨེན ཝགྒཀམྨཾ ཀརོནྟི, ཨདྷམྨེན སམགྒཀམྨཾ ཀརོནྟི; དྷམྨེན ཝགྒཀམྨཾ ཀརོནྟི, དྷམྨཔཏིརཱུཔཀེན ཝགྒཀམྨཾ ཀརོནྟི; དྷམྨཔཏིརཱུཔཀེན སམགྒཀམྨཾ ཀརོནྟི; ཨེཀོཔི ཨེཀཾ ཨུཀྑིཔཏི, ཨེཀོཔི དྭེ ཨུཀྑིཔཏི, ཨེཀོཔི སམྦཧུལེ ཨུཀྑིཔཏི, ཨེཀོཔི སངྒྷཾ ཨུཀྑིཔཏི; དྭེཔི ཨེཀཾ ཨུཀྑིཔནྟི, དྭེཔི དྭེ ཨུཀྑིཔནྟི, དྭེཔི སམྦཧུལེ ཨུཀྑིཔནྟི, དྭེཔི སངྒྷཾ ཨུཀྑིཔནྟི; སམྦཧུལཱཔི ཨེཀཾ ཨུཀྑིཔནྟི; སམྦཧུལཱཔི དྭེ ཨུཀྑིཔནྟི, སམྦཧུལཱཔི སམྦཧུལེ ཨུཀྑིཔནྟི, སམྦཧུལཱཔི སངྒྷཾ ཨུཀྑིཔནྟི; སངྒྷོཔི སངྒྷཾ ཨུཀྑིཔཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཙམྤཱཡཾ བྷིཀྑཱུ ཨེཝརཱུཔཱནི ཀམྨཱནི ཀརིསྶནྟི – ཨདྷམྨེན ཝགྒཀམྨཾ ཀརིསྶནྟི, ཨདྷམྨེན སམགྒཀམྨཾ ཀརིསྶནྟི, དྷམྨེན ཝགྒཀམྨཾ ཀརིསྶནྟི, དྷམྨཔཏིརཱུཔཀེན ཝགྒཀམྨཾ ཀརིསྶནྟི, དྷམྨཔཏིརཱུཔཀེན སམགྒཀམྨཾ ཀརིསྶནྟི, ཨེཀོཔི ཨེཀཾ ཨུཀྑིཔིསྶཏི, ཨེཀོཔི དྭེ ཨུཀྑིཔིསྶཏི, ཨེཀོཔི སམྦཧུལེ ཨུཀྑིཔིསྶཏི, ཨེཀོཔི སངྒྷཾ ཨུཀྑིཔིསྶཏི, དྭེཔི ཨེཀཾ ཨུཀྑིཔིསྶནྟི, དྭེཔི དྭེ ཨུཀྑིཔིསྶནྟི, དྭེཔི སམྦཧུལེ ཨུཀྑིཔིསྶནྟི, དྭེཔི སངྒྷཾ ཨུཀྑིཔིསྶནྟི, སམྦཧུལཱཔི ཨེཀཾ ཨུཀྑིཔིསྶནྟི, སམྦཧུལཱཔི དྭེ ཨུཀྑིཔིསྶནྟི, སམྦཧུལཱཔི སམྦཧུལེ ཨུཀྑིཔིསྶནྟི, སམྦཧུལཱཔི སངྒྷཾ ཨུཀྑིཔིསྶནྟི, སངྒྷོཔི སངྒྷཾ ཨུཀྑིཔིསྶཏཱི’’ཏི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, ཙམྤཱཡཾ བྷིཀྑཱུ ཨེཝརཱུཔཱནི ཀམྨཱནི ཀརོནྟི – ཨདྷམྨེན ཝགྒཀམྨཾ ཀརོནྟི…པེ… སངྒྷོཔི སངྒྷཾ ཨུཀྑིཔཏཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, བྷིཀྑཝེ, ཏེསཾ མོགྷཔུརིསཱནཾ ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ཨེཝརཱུཔཱནི ཀམྨཱནི ཀརིསྶནྟི – ཨདྷམྨེན ཝགྒཀམྨཾ ཀརིསྶནྟི…པེ… སངྒྷོཔི སངྒྷཾ ཨུཀྑིཔིསྶཏི. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༣༨༣. ‘‘ཨདྷམྨེན ཙེ, བྷིཀྑཝེ, ཝགྒཀམྨཾ ཨཀམྨཾ ན ཙ ཀརཎཱིཡཾ, ཨདྷམྨེན [ཨདྷམྨེན ཙེ བྷིཀྑཝེ (སྱཱ.)] སམགྒཀམྨཾ ཨཀམྨཾ ན ཙ ཀརཎཱིཡཾ, དྷམྨེན ཝགྒཀམྨཾ ཨཀམྨཾ ན ཙ ཀརཎཱིཡཾ; དྷམྨཔཏིརཱུཔཀེན ཝགྒཀམྨཾ ཨཀམྨཾ ན ཙ ཀརཎཱིཡཾ, དྷམྨཔཏིརཱུཔཀེན སམགྒཀམྨཾ ཨཀམྨཾ ན ཙ ཀརཎཱིཡཾ; ཨེཀོཔི ཨེཀཾ ཨུཀྑིཔཏི ཨཀམྨཾ ན ཙ ཀརཎཱིཡཾ, ཨེཀོཔི དྭེ ཨུཀྑིཔཏི ཨཀམྨཾ ན ཙ ཀརཎཱིཡཾ, ཨེཀོཔི སམྦཧུལེ ཨུཀྑིཔཏི ཨཀམྨཾ ན ཙ ཀརཎཱིཡཾ, ཨེཀོཔི སངྒྷཾ ཨུཀྑིཔཏི ཨཀམྨཾ ན ཙ ཀརཎཱིཡཾ; དྭེཔི ཨེཀཾ ཨུཀྑིཔནྟི ཨཀམྨཾ ན ཙ ཀརཎཱིཡཾ, དྭེཔི དྭེ ཨུཀྑིཔནྟི ཨཀམྨཾ ན ཙ ཀརཎཱིཡཾ, དྭེཔི སམྦཧུལེ ཨུཀྑིཔནྟི ཨཀམྨཾ ན ཙ ཀརཎཱིཡཾ, དྭེཔི སངྒྷཾ ཨུཀྑིཔནྟི ཨཀམྨཾ ན ཙ ཀརཎཱིཡཾ; སམྦཧུལཱཔི ཨེཀཾ ཨུཀྑིཔནྟི ཨཀམྨཾ ན ཙ ཀརཎཱིཡཾ, སམྦཧུལཱཔི དྭེ ཨུཀྑིཔནྟི ཨཀམྨཾ ན ཙ ཀརཎཱིཡཾ, སམྦཧུལཱཔི སམྦཧུལེ ཨུཀྑིཔནྟི ཨཀམྨཾ ན ཙ ཀརཎཱིཡཾ, སམྦཧུལཱཔི སངྒྷཾ ཨུཀྑིཔནྟི ཨཀམྨཾ ན ཙ ཀརཎཱིཡཾ; སངྒྷོཔི སངྒྷཾ ཨུཀྑིཔཏི ཨཀམྨཾ ན ཙ ཀརཎཱིཡཾ.

༣༨༤. ‘‘ཙཏྟཱརིམཱནི, བྷིཀྑཝེ, ཀམྨཱནི – ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨེན སམགྒཀམྨཾ. ཏཏྲ, བྷིཀྑཝེ, ཡདིདཾ ཨདྷམྨེན ཝགྒཀམྨཾ, ཨིདཾ, བྷིཀྑཝེ, ཀམྨཾ ཨདྷམྨཏྟཱ ཝགྒཏྟཱ ཀུཔྤཾ ཨཊྛཱནཱརཧཾ; ན, བྷིཀྑཝེ, ཨེཝརཱུཔཾ ཀམྨཾ ཀཱཏབྦཾ, ན ཙ མཡཱ ཨེཝརཱུཔཾ ཀམྨཾ ཨནུཉྙཱཏཾ. ཏཏྲ, བྷིཀྑཝེ, ཡདིདཾ ཨདྷམྨེན སམགྒཀམྨཾ, ཨིདཾ, བྷིཀྑཝེ, ཀམྨཾ ཨདྷམྨཏྟཱ ཀུཔྤཾ ཨཊྛཱནཱརཧཾ; ན, བྷིཀྑཝེ, ཨེཝརཱུཔཾ ཀམྨཾ ཀཱཏབྦཾ, ན ཙ མཡཱ ཨེཝརཱུཔཾ ཀམྨཾ ཨནུཉྙཱཏཾ. ཏཏྲ, བྷིཀྑཝེ, ཡདིདཾ དྷམྨེན ཝགྒཀམྨཾ, ཨིདཾ, བྷིཀྑཝེ, ཀམྨཾ ཝགྒཏྟཱ ཀུཔྤཾ ཨཊྛཱནཱརཧཾ; ན, བྷིཀྑཝེ, ཨེཝརཱུཔཾ ཀམྨཾ ཀཱཏབྦཾ, ན ཙ མཡཱ ཨེཝརཱུཔཾ ཀམྨཾ ཨནུཉྙཱཏཾ. ཏཏྲ, བྷིཀྑཝེ, ཡདིདཾ དྷམྨེན སམགྒཀམྨཾ, ཨིདཾ, བྷིཀྑཝེ, ཀམྨཾ དྷམྨཏྟཱ སམགྒཏྟཱ ཨཀུཔྤཾ ཋཱནཱརཧཾ; ཨེཝརཱུཔཾ, བྷིཀྑཝེ, ཀམྨཾ ཀཱཏབྦཾ, ཨེཝརཱུཔཉྩ མཡཱ ཀམྨཾ ཨནུཉྙཱཏཾ. ཏསྨཱཏིཧ, བྷིཀྑཝེ, ཨེཝརཱུཔཾ ཀམྨཾ ཀརིསྶཱམ ཡདིདཾ དྷམྨེན སམགྒནྟི – ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི.

ཨདྷམྨེན ཝགྒཱདིཀམྨཀཐཱ ནིཊྛིཏཱ.

༢༣༦. ཉཏྟིཝིཔནྣཀམྨཱདིཀཐཱ

༣༨༥. ཏེན ཁོ པན སམཡེན ཚབྦགྒིཡཱ བྷིཀྑཱུ ཨེཝརཱུཔཱནི ཀམྨཱནི ཀརོནྟི – ཨདྷམྨེན ཝགྒཀམྨཾ ཀརོནྟི, ཨདྷམྨེན སམགྒཀམྨཾ ཀརོནྟི; དྷམྨེན ཝགྒཀམྨཾ ཀརོནྟི, དྷམྨཔཏིརཱུཔཀེན ཝགྒཀམྨཾ ཀརོནྟི, དྷམྨཔཏིརཱུཔཀེན སམགྒཀམྨཾ ཀརོནྟི; ཉཏྟིཝིཔནྣམྤི ཀམྨཾ ཀརོནྟི ཨནུསྶཱཝནསམྤནྣཾ, ཨནུསྶཱཝནཝིཔནྣམྤི ཀམྨཾ ཀརོནྟི ཉཏྟིསམྤནྣཾ, ཉཏྟིཝིཔནྣམྤི ཨནུསྶཱཝནཝིཔནྣམྤི ཀམྨཾ ཀརོནྟི; ཨཉྙཏྲཱཔི དྷམྨཱ ཀམྨཾ ཀརོནྟི, ཨཉྙཏྲཱཔི ཝིནཡཱ ཀམྨཾ ཀརོནྟི, ཨཉྙཏྲཱཔི སཏྠུསཱསནཱ ཀམྨཾ ཀརོནྟི; པཊིཀུཊྛཀཏམྤི ཀམྨཾ ཀརོནྟི ཨདྷམྨིཀཾ ཀུཔྤཾ ཨཊྛཱནཱརཧཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨེཝརཱུཔཱནི ཀམྨཱནི ཀརིསྶནྟི – ཨདྷམྨེན ཝགྒཀམྨཾ ཀརིསྶནྟི, ཨདྷམྨེན སམགྒཀམྨཾ ཀརིསྶནྟི; དྷམྨེན ཝགྒཀམྨཾ ཀརིསྶནྟི, དྷམྨཔཏིརཱུཔཀེན ཝགྒཀམྨཾ ཀརིསྶནྟི, དྷམྨཔཏིརཱུཔཀེན སམགྒཀམྨཾ ཀརིསྶནྟི; ཉཏྟིཝིཔནྣམྤི ཀམྨཾ ཀརིསྶནྟི ཨནུསྶཱཝནསམྤནྣཾ, ཨནུསྶཱཝནཝིཔནྣམྤི ཀམྨཾ ཀརིསྶནྟི ཉཏྟིསམྤནྣཾ, ཉཏྟིཝིཔནྣམྤི ཨནུསྶཱཝནཝིཔནྣམྤི ཀམྨཾ ཀརིསྶནྟི; ཨཉྙཏྲཱཔི དྷམྨཱ ཀམྨཾ ཀརིསྶནྟི, ཨཉྙཏྲཱཔི ཝིནཡཱ ཀམྨཾ ཀརིསྶནྟི, ཨཉྙཏྲཱཔི སཏྠུསཱསནཱ ཀམྨཾ ཀརིསྶནྟི; པཊིཀུཊྛཀཏམྤི ཀམྨཾ ཀརིསྶནྟི ཨདྷམྨིཀཾ ཀུཔྤཾ ཨཊྛཱནཱརཧ’’ནྟི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, ཚབྦགྒིཡཱ བྷིཀྑཱུ ཨེཝརཱུཔཱནི ཀམྨཱནི ཀརོནྟི – ཨདྷམྨེན ཝགྒཀམྨཾ ཀརོནྟི…པེ… པཊིཀུཊྛཀཏམྤི ཀམྨཾ ཀརོནྟི ཨདྷམྨིཀཾ ཀུཔྤཾ ཨཊྛཱནཱརཧ’’ནྟི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༣༨༦. ‘‘ཨདྷམྨེན ཙེ, བྷིཀྑཝེ, ཝགྒཀམྨཾ ཨཀམྨཾ ན ཙ ཀརཎཱིཡཾ; ཨདྷམྨེན སམགྒཀམྨཾ ཨཀམྨཾ ན ཙ ཀརཎཱིཡཾ; དྷམྨེན ཝགྒཀམྨཾ ཨཀམྨཾ ན ཙ ཀརཎཱིཡཾ; དྷམྨཔཏིརཱུཔཀེན ཝགྒཀམྨཾ ཨཀམྨཾ ན ཙ ཀརཎཱིཡཾ; དྷམྨཔཏིརཱུཔཀེན སམགྒཀམྨཾ ཨཀམྨཾ ན ཙ ཀརཎཱིཡཾ. ཉཏྟིཝིཔནྣཉྩེ, བྷིཀྑཝེ, ཀམྨཾ ཨནུསྶཱཝནསམྤནྣཾ ཨཀམྨཾ ན ཙ ཀརཎཱིཡཾ; ཨནུསྶཱཝནཝིཔནྣཉྩེ, བྷིཀྑཝེ, ཀམྨཾ ཉཏྟིསམྤནྣཾ ཨཀམྨཾ ན ཙ ཀརཎཱིཡཾ; ཉཏྟིཝིཔནྣཉྩེ, བྷིཀྑཝེ, ཀམྨཾ ཨནུསྶཱཝནཝིཔནྣཾ ཨཀམྨཾ ན ཙ ཀརཎཱིཡཾ; ཨཉྙཏྲཱཔི དྷམྨཱ ཀམྨཾ ཨཀམྨཾ ན ཙ ཀརཎཱིཡཾ; ཨཉྙཏྲཱཔི ཝིནཡཱ ཀམྨཾ ཨཀམྨཾ ན ཙ ཀརཎཱིཡཾ; ཨཉྙཏྲཱཔི སཏྠུསཱསནཱ ཀམྨཾ ཨཀམྨཾ ན ཙ ཀརཎཱིཡཾ; པཊིཀུཊྛཀཏཉྩེ, བྷིཀྑཝེ, ཀམྨཾ ཨདྷམྨིཀཾ ཀུཔྤཾ ཨཊྛཱནཱརཧཾ ཨཀམྨཾ ན ཙ ཀརཎཱིཡཾ.

༣༨༧. ཚཡིམཱནི, བྷིཀྑཝེ, ཀམྨཱནི – ཨདྷམྨཀམྨཾ, ཝགྒཀམྨཾ, སམགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, དྷམྨེན སམགྒཀམྨཾ.

ཀཏམཉྩ, བྷིཀྑཝེ, ཨདྷམྨཀམྨཾ? ཉཏྟིདུཏིཡེ ཙེ, བྷིཀྑཝེ, ཀམྨེ ཨེཀཱཡ ཉཏྟིཡཱ ཀམྨཾ ཀརོཏི, ན ཙ ཀམྨཝཱཙཾ ཨནུསྶཱཝེཏི – ཨདྷམྨཀམྨཾ. ཉཏྟིདུཏིཡེ ཙེ, བྷིཀྑཝེ, ཀམྨེ དྭཱིཧི ཉཏྟཱིཧི ཀམྨཾ ཀརོཏི, ན ཙ ཀམྨཝཱཙཾ ཨནུསྶཱཝེཏི – ཨདྷམྨཀམྨཾ. ཉཏྟིདུཏིཡེ ཙེ, བྷིཀྑཝེ, ཀམྨེ ཨེཀཱཡ ཀམྨཝཱཙཱཡ ཀམྨཾ ཀརོཏི, ན ཙ ཉཏྟིཾ ཋཔེཏི – ཨདྷམྨཀམྨཾ. ཉཏྟིདུཏིཡེ ཙེ, བྷིཀྑཝེ, ཀམྨེ དྭཱིཧི ཀམྨཝཱཙཱཧི ཀམྨཾ ཀརོཏི, ན ཙ ཉཏྟིཾ ཋཔེཏི – ཨདྷམྨཀམྨཾ. ཉཏྟིཙཏུཏྠེ ཙེ, བྷིཀྑཝེ, ཀམྨེ ཨེཀཱཡ ཉཏྟིཡཱ ཀམྨཾ ཀརོཏི, ན ཙ ཀམྨཝཱཙཾ ཨནུསྶཱཝེཏི – ཨདྷམྨཀམྨཾ. ཉཏྟིཙཏུཏྠེ ཙེ, བྷིཀྑཝེ, ཀམྨེ དྭཱིཧི ཉཏྟཱིཧི ཀམྨཾ ཀརོཏི, ན ཙ ཀམྨཝཱཙཾ ཨནུསྶཱཝེཏི – ཨདྷམྨཀམྨཾ. ཉཏྟིཙཏུཏྠེ ཙེ, བྷིཀྑཝེ, ཀམྨེ ཏཱིཧི ཉཏྟཱིཧི ཀམྨཾ ཀརོཏི, ན ཙ ཀམྨཝཱཙཾ ཨནུསྶཱཝེཏི – ཨདྷམྨཀམྨཾ. ཉཏྟིཙཏུཏྠེ ཙེ, བྷིཀྑཝེ, ཀམྨེ ཙཏཱུཧི ཉཏྟཱིཧི ཀམྨཾ ཀརོཏི, ན ཙ ཀམྨཝཱཙཾ ཨནུསྶཱཝེཏི – ཨདྷམྨཀམྨཾ. ཉཏྟིཙཏུཏྠེ ཙེ, བྷིཀྑཝེ, ཀམྨེ ཨེཀཱཡ ཀམྨཝཱཙཱཡ ཀམྨཾ ཀརོཏི, ན ཙ ཉཏྟིཾ ཋཔེཏི – ཨདྷམྨཀམྨཾ. ཉཏྟིཙཏུཏྠེ ཙེ, བྷིཀྑཝེ, ཀམྨེ དྭཱིཧི ཀམྨཝཱཙཱཧི ཀམྨཾ ཀརོཏི, ན ཙ ཉཏྟིཾ ཋཔེཏི – ཨདྷམྨཀམྨཾ. ཉཏྟིཙཏུཏྠེ ཙེ, བྷིཀྑཝེ, ཀམྨེ ཏཱིཧི ཀམྨཝཱཙཱཧི ཀམྨཾ ཀརོཏི, ན ཙ ཉཏྟིཾ ཋཔེཏི – ཨདྷམྨཀམྨཾ. ཉཏྟིཙཏུཏྠེ ཙེ, བྷིཀྑཝེ, ཀམྨེ ཙཏཱུཧི ཀམྨཝཱཙཱཧི ཀམྨཾ ཀརོཏི, ན ཙ ཉཏྟིཾ ཋཔེཏི – ཨདྷམྨཀམྨཾ. ཨིདཾ ཝུཙྩཏི, བྷིཀྑཝེ, ཨདྷམྨཀམྨཾ.

ཀཏམཉྩ, བྷིཀྑཝེ, ཝགྒཀམྨཾ? ཉཏྟིདུཏིཡེ ཙེ, བྷིཀྑཝེ, ཀམྨེ ཡཱཝཏིཀཱ བྷིཀྑཱུ ཀམྨཔྤཏྟཱ ཏེ ཨནཱགཏཱ ཧོནྟི, ཚནྡཱརཧཱནཾ ཚནྡོ ཨནཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི – ཝགྒཀམྨཾ. ཉཏྟིདུཏིཡེ ཙེ, བྷིཀྑཝེ, ཀམྨེ ཡཱཝཏིཀཱ བྷིཀྑཱུ ཀམྨཔྤཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨནཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི – ཝགྒཀམྨཾ. ཉཏྟིདུཏིཡེ ཙེ, བྷིཀྑཝེ, ཀམྨེ ཡཱཝཏིཀཱ བྷིཀྑཱུ ཀམྨཔྤཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི – ཝགྒཀམྨཾ. ཉཏྟིཙཏུཏྠེ ཙེ, བྷིཀྑཝེ, ཀམྨེ ཡཱཝཏིཀཱ བྷིཀྑཱུ ཀམྨཔྤཏྟཱ ཏེ ཨནཱགཏཱ ཧོནྟི, ཚནྡཱརཧཱནཾ ཚནྡོ ཨནཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི – ཝགྒཀམྨཾ. ཉཏྟིཙཏུཏྠེ ཙེ, བྷིཀྑཝེ, ཀམྨེ ཡཱཝཏིཀཱ བྷིཀྑཱུ ཀམྨཔྤཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨནཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི – ཝགྒཀམྨཾ. ཉཏྟིཙཏུཏྠེ ཙེ, བྷིཀྑཝེ, ཀམྨེ ཡཱཝཏིཀཱ བྷིཀྑཱུ ཀམྨཔྤཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི – ཝགྒཀམྨཾ. ཨིདཾ ཝུཙྩཏི, བྷིཀྑཝེ, ཝགྒཀམྨཾ.

ཀཏམཉྩ, བྷིཀྑཝེ, སམགྒཀམྨཾ? ཉཏྟིདུཏིཡེ ཙེ, བྷིཀྑཝེ, ཀམྨེ ཡཱཝཏིཀཱ བྷིཀྑཱུ ཀམྨཔྤཏྟཱ, ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨཱཧཊོ ཧོཏི, སམྨུཁཱིབྷཱུཏཱ ན པཊིཀྐོསནྟི – སམགྒཀམྨཾ. ཉཏྟིཙཏུཏྠེ ཙེ, བྷིཀྑཝེ, ཀམྨེ ཡཱཝཏིཀཱ བྷིཀྑཱུ ཀམྨཔྤཏྟཱ, ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨཱཧཊོ ཧོཏི, སམྨུཁཱིབྷཱུཏཱ ན པཊིཀྐོསནྟི – སམགྒཀམྨཾ. ཨིདཾ ཝུཙྩཏི, བྷིཀྑཝེ, སམགྒཀམྨཾ.

ཀཏམཉྩ, བྷིཀྑཝེ, དྷམྨཔཏིརཱུཔཀེན ཝགྒཀམྨཾ? ཉཏྟིདུཏིཡེ ཙེ, བྷིཀྑཝེ, ཀམྨེ པཋམཾ ཀམྨཝཱཙཾ ཨནུསྶཱཝེཏི, པཙྪཱ ཉཏྟིཾ ཋཔེཏི, ཡཱཝཏིཀཱ བྷིཀྑཱུ ཀམྨཔྤཏྟཱ ཏེ ཨནཱགཏཱ ཧོནྟི, ཚནྡཱརཧཱནཾ ཚནྡོ ཨནཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི – དྷམྨཔཏིརཱུཔཀེན ཝགྒཀམྨཾ. ཉཏྟིདུཏིཡེ ཙེ, བྷིཀྑཝེ, ཀམྨེ པཋམཾ ཀམྨཝཱཙཾ ཨནུསྶཱཝེཏི, པཙྪཱ ཉཏྟིཾ ཋཔེཏི, ཡཱཝཏིཀཱ བྷིཀྑཱུ ཀམྨཔྤཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨནཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི – དྷམྨཔཏིརཱུཔཀེན ཝགྒཀམྨཾ. ཉཏྟིདུཏིཡེ ཙེ, བྷིཀྑཝེ, ཀམྨེ པཋམཾ ཀམྨཝཱཙཾ ཨནུསྶཱཝེཏི, པཙྪཱ ཉཏྟིཾ ཋཔེཏི, ཡཱཝཏིཀཱ བྷིཀྑཱུ ཀམྨཔྤཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི – དྷམྨཔཏིརཱུཔཀེན ཝགྒཀམྨཾ. ཉཏྟིཙཏུཏྠེ ཙེ, བྷིཀྑཝེ, ཀམྨེ པཋམཾ ཀམྨཝཱཙཾ ཨནུསྶཱཝེཏི, པཙྪཱ ཉཏྟིཾ ཋཔེཏི, ཡཱཝཏིཀཱ བྷིཀྑཱུ ཀམྨཔྤཏྟཱ ཏེ ཨནཱགཏཱ ཧོནྟི, ཚནྡཱརཧཱནཾ ཚནྡོ ཨནཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི – དྷམྨཔཏིརཱུཔཀེན ཝགྒཀམྨཾ. ཉཏྟིཙཏུཏྠེ ཙེ, བྷིཀྑཝེ, ཀམྨེ པཋམཾ ཀམྨཝཱཙཾ ཨནུསྶཱཝེཏི, པཙྪཱ ཉཏྟིཾ ཋཔེཏི, ཡཱཝཏིཀཱ བྷིཀྑཱུ ཀམྨཔྤཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨནཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི – དྷམྨཔཏིརཱུཔཀེན ཝགྒཀམྨཾ. ཉཏྟིཙཏུཏྠེ ཙེ, བྷིཀྑཝེ, ཀམྨེ པཋམཾ ཀམྨཝཱཙཾ ཨནུསྶཱཝེཏི, པཙྪཱ ཉཏྟིཾ ཋཔེཏི, ཡཱཝཏིཀཱ བྷིཀྑཱུ ཀམྨཔྤཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི – དྷམྨཔཏིརཱུཔཀེན ཝགྒཀམྨཾ. ཨིདཾ ཝུཙྩཏི, བྷིཀྑཝེ, དྷམྨཔཏིརཱུཔཀེན ཝགྒཀམྨཾ.

ཀཏམཉྩ, བྷིཀྑཝེ, དྷམྨཔཏིརཱུཔཀེན སམགྒཀམྨཾ? ཉཏྟིདུཏིཡེ ཙེ, བྷིཀྑཝེ, ཀམྨེ པཋམཾ ཀམྨཝཱཙཾ ཨནུསྶཱཝེཏི, པཙྪཱ ཉཏྟིཾ ཋཔེཏི, ཡཱཝཏིཀཱ བྷིཀྑཱུ ཀམྨཔྤཏྟཱ, ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨཱཧཊོ ཧོཏི, སམྨུཁཱིབྷཱུཏཱ ན པཊིཀྐོསནྟི – དྷམྨཔཏིརཱུཔཀེན སམགྒཀམྨཾ. ཉཏྟིཙཏུཏྠེ ཙེ, བྷིཀྑཝེ, ཀམྨེ པཋམཾ ཀམྨཝཱཙཾ ཨནུསྶཱཝེཏི, པཙྪཱ ཉཏྟིཾ ཋཔེཏི, ཡཱཝཏིཀཱ བྷིཀྑཱུ ཀམྨཔྤཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨཱཧཊོ ཧོཏི, སམྨུཁཱིབྷཱུཏཱ ན པཊིཀྐོསནྟི – དྷམྨཔཏིརཱུཔཀེན སམགྒཀམྨཾ. ཨིདཾ ཝུཙྩཏི, བྷིཀྑཝེ, དྷམྨཔཏིརཱུཔཀེན སམགྒཀམྨཾ.

ཀཏམཉྩ, བྷིཀྑཝེ, དྷམྨེན སམགྒཀམྨཾ? ཉཏྟིདུཏིཡེ ཙེ, བྷིཀྑཝེ, ཀམྨེ པཋམཾ ཉཏྟིཾ ཋཔེཏི, པཙྪཱ ཨེཀཱཡ ཀམྨཝཱཙཱཡ ཀམྨཾ ཀརོཏི, ཡཱཝཏིཀཱ བྷིཀྑཱུ ཀམྨཔྤཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨཱཧཊོ ཧོཏི, སམྨུཁཱིབྷཱུཏཱ ན པཊིཀྐོསནྟི – དྷམྨེན སམགྒཀམྨཾ. ཉཏྟིཙཏུཏྠེ ཙེ, བྷིཀྑཝེ, ཀམྨེ པཋམཾ ཉཏྟིཾ ཋཔེཏི, པཙྪཱ ཏཱིཧི ཀམྨཝཱཙཱཧི ཀམྨཾ ཀརོཏི, ཡཱཝཏིཀཱ བྷིཀྑཱུ ཀམྨཔྤཏྟཱ, ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨཱཧཊོ ཧོཏི, སམྨུཁཱིབྷཱུཏཱ ན པཊིཀྐོསནྟི, དྷམྨེན སམགྒཀམྨཾ. ཨིདཾ ཝུཙྩཏི, བྷིཀྑཝེ, དྷམྨེན སམགྒཀམྨཾ.

ཉཏྟིཝིཔནྣཀམྨཱདིཀཐཱ ནིཊྛིཏཱ.

༢༣༧. ཙཏུཝགྒཀརཎཱདིཀཐཱ

༣༨༨. པཉྩ སངྒྷཱ – ཙཏུཝགྒོ བྷིཀྑུསངྒྷོ པཉྩཝགྒོ བྷིཀྑུསངྒྷོ, དསཝགྒོ བྷིཀྑུསངྒྷོ, ཝཱིསཏིཝགྒོ བྷིཀྑུསངྒྷོ, ཨཏིརེཀཝཱིསཏིཝགྒོ བྷིཀྑུསངྒྷོ. ཏཏྲ, བྷིཀྑཝེ, ཡྭཱཡཾ ཙཏུཝགྒོ བྷིཀྑུསངྒྷོ, ཋཔེཏྭཱ ཏཱིཎི ཀམྨཱནི – ཨུཔསམྤདཾ པཝཱརཎཾ ཨབྦྷཱནཾ, དྷམྨེན སམགྒོ སབྦཀམྨེསུ ཀམྨཔྤཏྟོ. ཏཏྲ, བྷིཀྑཝེ, ཡྭཱཡཾ པཉྩཝགྒོ བྷིཀྑུསངྒྷོ, ཋཔེཏྭཱ དྭེ ཀམྨཱནི – མཛ྄ཛྷིམེསུ ཛནཔདེསུ ཨུཔསམྤདཾ ཨབྦྷཱནཾ, དྷམྨེན སམགྒོ སབྦཀམྨེསུ ཀམྨཔྤཏྟོ. ཏཏྲ, བྷིཀྑཝེ, ཡྭཱཡཾ དསཝགྒོ བྷིཀྑུསངྒྷོ, ཋཔེཏྭཱ ཨེཀཾ ཀམྨཾ – ཨབྦྷཱནཾ, དྷམྨེན སམགྒོ སབྦཀམྨེསུ ཀམྨཔྤཏྟོ. ཏཏྲ, བྷིཀྑཝེ, ཡྭཱཡཾ ཝཱིསཏིཝགྒོ བྷིཀྑུསངྒྷོ དྷམྨེན སམགྒོ སབྦཀམྨེསུ ཀམྨཔྤཏྟོ. ཏཏྲ, བྷིཀྑཝེ, ཡྭཱཡཾ ཨཏིརེཀཝཱིསཏིཝགྒོ བྷིཀྑུསངྒྷོ དྷམྨེན སམགྒོ སབྦཀམྨེསུ ཀམྨཔྤཏྟོ.

༣༨༩. ཙཏུཝགྒཀརཎཉྩེ, བྷིཀྑཝེ, ཀམྨཾ བྷིཀྑུནིཙཏུཏྠོ ཀམྨཾ ཀརེཡྻ – ཨཀམྨཾ ན ཙ ཀརཎཱིཡཾ. ཙཏུཝགྒཀརཎཉྩེ, བྷིཀྑཝེ, ཀམྨཾ སིཀྑམཱནཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ…པེ…. སཱམཎེརཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. སཱམཎེརིཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. སིཀྑཾ པཙྩཀྑཱཏཀཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. ཨནྟིམཝཏྠུཾ ཨཛ྄ཛྷཱཔནྣཀཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. ཨཱཔཏྟིཡཱ ཨདསྶནེ ཨུཀྑིཏྟཀཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. ཨཱཔཏྟིཡཱ ཨཔྤཊིཀམྨེ ཨུཀྑིཏྟཀཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཏྟཀཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. པཎྜཀཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. ཐེཡྻསཾཝཱསཀཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. ཏིཏྠིཡཔཀྐནྟཀཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. ཏིརཙྪཱནགཏཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. མཱཏུགྷཱཏཀཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. པིཏུགྷཱཏཀཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. ཨརཧནྟགྷཱཏཀཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. བྷིཀྑུནིདཱུསཀཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. སངྒྷབྷེདཀཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. ལོཧིཏུཔྤཱདཀཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. ཨུབྷཏོབྱཉྫནཀཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. ནཱནཱསཾཝཱསཀཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. ནཱནཱསཱིམཱཡ ཋིཏཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. ཨིདྡྷིཡཱ ཝེཧཱསེ ཋིཏཙཏུཏྠོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. ཡསྶ སངྒྷོ ཀམྨཾ ཀརོཏི, ཏཾཙཏུཏྠོ ཀམྨཾ ཀརེཡྻ … ཨཀམྨཾ ན ཙ ཀརཎཱིཡཾ.

ཙཏུཝརཎཾ.

༣༩༠. པཉྩཝགྒཀརཎཉྩེ, བྷིཀྑཝེ, ཀམྨཾ བྷིཀྑུནིཔཉྩམོ ཀམྨཾ ཀརེཡྻ… ཨཀམྨཾ ན ཙ ཀརཎཱིཡཾ. པཉྩཝགྒཀརཎཉྩེ, བྷིཀྑཝེ, ཀམྨཾ སིཀྑམཱནཔཉྩམོ ཀམྨཾ ཀརེཡྻ…པེ…. སཱམཎེརཔཉྩམོ ཀམྨཾ ཀརེཡྻ… སཱམཎེརིཔཉྩམོ ཀམྨཾ ཀརེཡྻ … སིཀྑཾ པཙྩཀྑཱཏཀཔཉྩམོ ཀམྨཾ ཀརེཡྻ… ཨནྟིམཝཏྠུཾ ཨཛ྄ཛྷཱཔནྣཀཔཉྩམོ ཀམྨཾ ཀརེཡྻ… ཨཱཔཏྟིཡཱ ཨདསྶནེ ཨུཀྑིཏྟཀཔཉྩམོ ཀམྨཾ ཀརེཡྻ… ཨཱཔཏྟིཡཱ ཨཔྤཊིཀམྨེ ཨུཀྑིཏྟཀཔཉྩམོ ཀམྨཾ ཀརེཡྻ… པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཏྟཀཔཉྩམོ ཀམྨཾ ཀརེཡྻ… པཎྜཀཔཉྩམོ ཀམྨཾ ཀརེཡྻ… ཐེཡྻསཾཝཱསཀཔཉྩམོ ཀམྨཾ ཀརེཡྻ… ཏིཏྠིཡཔཀྐནྟཀཔཉྩམོ ཀམྨཾ ཀརེཡྻ… ཏིརཙྪཱནགཏཔཉྩམོ ཀམྨཾ ཀརེཡྻ… མཱཏུགྷཱཏཀཔཉྩམོ ཀམྨཾ ཀརེཡྻ… པིཏུགྷཱཏཀཔཉྩམོ ཀམྨཾ ཀརེཡྻ… ཨརཧནྟགྷཱཏཀཔཉྩམོ ཀམྨཾ ཀརེཡྻ… བྷིཀྑུནིདཱུསཀཔཉྩམོ ཀམྨཾ ཀརེཡྻ… སངྒྷབྷེདཀཔཉྩམོ ཀམྨཾ ཀརེཡྻ… ལོཧིཏུཔྤཱདཀཔཉྩམོ ཀམྨཾ ཀརེཡྻ… ཨུབྷཏོབྱཉྫནཀཔཉྩམོ ཀམྨཾ ཀརེཡྻ… ནཱནཱསཾཝཱསཀཔཉྩམོ ཀམྨཾ ཀརེཡྻ… ནཱནཱསཱིམཱཡ ཋིཏཔཉྩམོ ཀམྨཾ ཀརེཡྻ… ཨིདྡྷིཡཱ ཝེཧཱསེ ཋིཏཔཉྩམོ ཀམྨཾ ཀརེཡྻ… ཡསྶ སངྒྷོ ཀམྨཾ ཀརོཏི, ཏཾཔཉྩམོ ཀམྨཾ ཀརེཡྻ – ཨཀམྨཾ ན ཙ ཀརཎཱིཡཾ.

པཉྩཝགྒཀརཎཾ.

༣༩༡. དསཝགྒཀརཎཉྩེ, བྷིཀྑཝེ, ཀམྨཾ བྷིཀྑུནིདསམོ ཀམྨཾ ཀརེཡྻ, ཨཀམྨཾ ན ཙ ཀརཎཱིཡཾ. དསཝགྒཀརཎཉྩེ, བྷིཀྑཝེ, ཀམྨཾ སིཀྑམཱནདསམོ ཀམྨཾ ཀརེཡྻ, ཨཀམྨཾ ན ཙ ཀརཎཱིཡཾ…པེ…. དསཝགྒཀརཎཉྩེ, བྷིཀྑཝེ, ཀམྨཾ ཡསྶ སངྒྷོ ཀམྨཾ ཀརོཏི, ཏཾདསམོ ཀམྨཾ ཀརེཡྻ – ཨཀམྨཾ ན ཙ ཀརཎཱིཡཾ.

དསཝགྒཀརཎཾ.

༣༩༢. ཝཱིསཏིཝགྒཀརཎཉྩེ, བྷིཀྑཝེ, ཀམྨཾ བྷིཀྑུནིཝཱིསོ ཀམྨཾ ཀརེཡྻ – ཨཀམྨཾ ན ཙ ཀརཎཱིཡཾ. ཝཱིསཏིཝགྒཀརཎཉྩེ, བྷིཀྑཝེ, ཀམྨཾ སིཀྑམཱནཝཱིསོ ཀམྨཾ ཀརེཡྻ …པེ… སཱམཎེརཝཱིསོ ཀམྨཾ ཀརེཡྻ… སཱམཎེརིཝཱིསོ ཀམྨཾ ཀརེཡྻ… སིཀྑཾ པཙྩཀྑཱཏཀཝཱིསོ ཀམྨཾ ཀརེཡྻ… ཨནྟིམཝཏྠུཾ ཨཛ྄ཛྷཱཔནྣཀཝཱིསོ ཀམྨཾ ཀརེཡྻ… ཨཱཔཏྟིཡཱ ཨདསྶནེ ཨུཀྑིཏྟཀཝཱིསོ ཀམྨཾ ཀརེཡྻ… ཨཱཔཏྟིཡཱ ཨཔྤཊིཀམྨེ ཨུཀྑིཏྟཀཝཱིསོ ཀམྨཾ ཀརེཡྻ… པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཏྟཀཝཱིསོ ཀམྨཾ ཀརེཡྻ… པཎྜཀཝཱིསོ ཀམྨཾ ཀརེཡྻ… ཐེཡྻསཾཝཱསཀཝཱིསོ ཀམྨཾ ཀརེཡྻ… ཏིཏྠིཡཔཀྐནྟཀཝཱིསོ ཀམྨཾ ཀརེཡྻ… ཏིརཙྪཱནགཏཝཱིསོ ཀམྨཾ ཀརེཡྻ… མཱཏུགྷཱཏཀཝཱིསོ ཀམྨཾ ཀརེཡྻ… པིཏུགྷཱཏཀཝཱིསོ ཀམྨཾ ཀརེཡྻ… ཨརཧནྟགྷཱཏཀཝཱིསོ ཀམྨཾ ཀརེཡྻ… བྷིཀྑུནིདཱུསཀཝཱིསོ ཀམྨཾ ཀརེཡྻ… སངྒྷབྷེདཀཝཱིསོ ཀམྨཾ ཀརེཡྻ… ལོཧིཏུཔྤཱདཀཝཱིསོ ཀམྨཾ ཀརེཡྻ… ཨུབྷཏོབྱཉྫནཀཝཱིསོ ཀམྨཾ ཀརེཡྻ… ནཱནཱསཾཝཱསཀཝཱིསོ ཀམྨཾ ཀརེཡྻ… ནཱནཱསཱིམཱཡ ཋིཏཝཱིསོ ཀམྨཾ ཀརེཡྻ… ཨིདྡྷིཡཱ ཝེཧཱསེ ཋིཏཝཱིསོ ཀམྨཾ ཀརེཡྻ… ཡསྶ སངྒྷོ ཀམྨཾ ཀརོཏི, ཏཾཝཱིསོ ཀམྨཾ ཀརེཡྻ – ཨཀམྨཾ ན ཙ ཀརཎཱིཡཾ.

ཝཱིསཏིཝགྒཀརཎཾ.

ཙཏུཝགྒཀརཎཱདིཀཐཱ ནིཊྛིཏཱ.

༢༣༨. པཱརིཝཱསིཀཱདིཀཐཱ

༣༩༣. པཱརིཝཱསིཀཙཏུཏྠོ ཙེ, བྷིཀྑཝེ, པརིཝཱསཾ དདེཡྻ, མཱུལཱཡ པཊིཀསྶེཡྻ, མཱནཏྟཾ དདེཡྻ, ཏཾཝཱིསོ ཨབྦྷེཡྻ – ཨཀམྨཾ ན ཙ ཀརཎཱིཡཾ. མཱུལཱཡ པཊིཀསྶནཱརཧཙཏུཏྠོ ཙེ, བྷིཀྑཝེ, པརིཝཱསཾ དདེཡྻ, མཱུལཱཡ པཊིཀསྶེཡྻ, མཱནཏྟཾ དདེཡྻ, ཏཾཝཱིསོ ཨབྦྷེཡྻ – ཨཀམྨཾ ན ཙ ཀརཎཱིཡཾ. མཱནཏྟཱརཧཙཏུཏྠོ ཙེ, བྷིཀྑཝེ, པརིཝཱསཾ དདེཡྻ, མཱུལཱཡ པཊིཀསྶེཡྻ, མཱནཏྟཾ དདེཡྻ, ཏཾཝཱིསོ ཨབྦྷེཡྻ – ཨཀམྨཾ ན ཙ ཀརཎཱིཡཾ. མཱནཏྟཙཱརིཀཙཏུཏྠོ ཙེ, བྷིཀྑཝེ, པརིཝཱསཾ དདེཡྻ, མཱུལཱཡ པཊིཀསྶེཡྻ, མཱནཏྟཾ དདེཡྻ, ཏཾཝཱིསོ ཨབྦྷེཡྻ – ཨཀམྨཾ ན ཙ ཀརཎཱིཡཾ. ཨབྦྷཱནཱརཧཙཏུཏྠོ ཙེ, བྷིཀྑཝེ, པརིཝཱསཾ དདེཡྻ, མཱུལཱཡ པཊིཀསྶེཡྻ, མཱནཏྟཾ དདེཡྻ, ཏཾཝཱིསོ ཨབྦྷེཡྻ – ཨཀམྨཾ ན ཙ ཀརཎཱིཡཾ.

༣༩༤. ཨེཀཙྩསྶ, བྷིཀྑཝེ, སངྒྷམཛ྄ཛྷེ པཊིཀྐོསནཱ རུཧཏི, ཨེཀཙྩསྶ ན རུཧཏི. ཀསྶ ཙ, བྷིཀྑཝེ, སངྒྷམཛ྄ཛྷེ པཊིཀྐོསནཱ ན རུཧཏི? བྷིཀྑུནིཡཱ, བྷིཀྑཝེ, སངྒྷམཛ྄ཛྷེ པཊིཀྐོསནཱ ན རུཧཏི. སིཀྑམཱནཱཡ, བྷིཀྑཝེ…པེ… སཱམཎེརསྶ, བྷིཀྑཝེ… སཱམཎེརིཡཱ, བྷིཀྑཝེ… སིཀྑཱཔཙྩཀྑཱཏཀསྶ བྷིཀྑཝེ… ཨནྟིམཝཏྠུཾ ཨཛ྄ཛྷཱཔནྣཀསྶ, བྷིཀྑཝེ … ཨུམྨཏྟཀསྶ, བྷིཀྑཝེ… ཁིཏྟཙིཏྟསྶ, བྷིཀྑཝེ… ཝེདནཱཊྚསྶ, བྷིཀྑཝེ… ཨཱཔཏྟིཡཱ ཨདསྶནེ ཨུཀྑིཏྟཀསྶ, བྷིཀྑཝེ… ཨཱཔཏྟིཡཱ ཨཔྤཊིཀམྨེ ཨུཀྑིཏྟཀསྶ, བྷིཀྑཝེ… པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཏྟཀསྶ, བྷིཀྑཝེ… པཎྜཀསྶ, བྷིཀྑཝེ… ཐེཡྻསཾཝཱསཀསྶ, བྷིཀྑཝེ… ཏིཏྠིཡཔཀྐནྟཀསྶ, བྷིཀྑཝེ … ཏིརཙྪཱནགཏསྶ བྷིཀྑཝེ… མཱཏུགྷཱཏཀསྶ, བྷིཀྑཝེ… པིཏུགྷཱཏཀསྶ, བྷིཀྑཝེ… ཨརཧནྟགྷཱཏཀསྶ, བྷིཀྑཝེ… བྷིཀྑུནིདཱུསཀསྶ, བྷིཀྑཝེ… སངྒྷབྷེདཀསྶ, བྷིཀྑཝེ… ལོཧིཏུཔྤཱདཀསྶ, བྷིཀྑཝེ… ཨུབྷཏོབྱཉྫནཀསྶ, བྷིཀྑཝེ… ནཱནཱསཾཝཱསཀསྶ, བྷིཀྑཝེ… ནཱནཱསཱིམཱཡ ཋིཏསྶ, བྷིཀྑཝེ… ཨིདྡྷིཡཱ ཝེཧཱསེ ཋིཏསྶ, བྷིཀྑཝེ, ཡསྶ སངྒྷོ ཀམྨཾ ཀརོཏི, ཏསྶ ཙ [ཏསྶ (སྱཱ.)], བྷིཀྑཝེ, སངྒྷམཛ྄ཛྷེ པཊིཀྐོསནཱ ན རུཧཏི. ཨིམེསཾ ཁོ, བྷིཀྑཝེ, སངྒྷམཛ྄ཛྷེ པཊིཀྐོསནཱ ན རུཧཏི.

ཀསྶ ཙ, བྷིཀྑཝེ, སངྒྷམཛ྄ཛྷེ པཊིཀྐོསནཱ རུཧཏི? བྷིཀྑུསྶ, བྷིཀྑཝེ, པཀཏཏྟསྶ

སམཱནསཾཝཱསཀསྶ སམཱནསཱིམཱཡ ཋིཏསྶ ཨནྟམསོ ཨཱནནྟརིཀསྶཱཔི [ཨནནྟརིཀསྶཱཔི (སྱཱ.)] བྷིཀྑུནོ ཝིཉྙཱཔེནྟསྶ སངྒྷམཛ྄ཛྷེ པཊིཀྐོསནཱ རུཧཏི. ཨིམསྶ ཁོ, བྷིཀྑཝེ, སངྒྷམཛ྄ཛྷེ པཊིཀྐོསནཱ རུཧཏི.

པཱརིཝཱསིཀཱདིཀཐཱ ནིཊྛིཏཱ.

༢༣༩. དྭེནིསྶཱརཎཱདིཀཐཱ

༣༩༥. དྭེམཱ, བྷིཀྑཝེ, ནིསྶཱརཎཱ. ཨཏྠི, བྷིཀྑཝེ, པུགྒལོ ཨཔྤཏྟོ ནིསྶཱརཎཾ. ཏཉྩེ སངྒྷོ ནིསྶཱརེཏི, ཨེཀཙྩོ སུནིསྶཱརིཏོ, ཨེཀཙྩོ དུནྣིསྶཱརིཏོ. ཀཏམོ ཙ, བྷིཀྑཝེ, པུགྒལོ ཨཔྤཏྟོ ནིསྶཱརཎཾ, ཏཉྩེ སངྒྷོ ནིསྶཱརེཏི – དུནྣིསྶཱརིཏོ? ཨིདྷ པན, བྷིཀྑཝེ, བྷིཀྑུ སུདྡྷོ ཧོཏི ཨནཱཔཏྟིཀོ. ཏཉྩེ སངྒྷོ ནིསྶཱརེཏི – དུནྣིསྶཱརིཏོ. ཨཡཾ ཝུཙྩཏི, བྷིཀྑཝེ, པུགྒལོ ཨཔྤཏྟོ ནིསྶཱརཎཾ, ཏཉྩེ སངྒྷོ ནིསྶཱརེཏི – དུནྣིསྶཱརིཏོ.

ཀཏམོ ཙ, བྷིཀྑཝེ, པུགྒལོ ཨཔྤཏྟོ ནིསྶཱརཎཾ, ཏཉྩེ སངྒྷོ ནིསྶཱརེཏི – སུནིསྶཱརིཏོ? ཨིདྷ པན, བྷིཀྑཝེ, བྷིཀྑུ བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ, གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི, ཏཉྩེ སངྒྷོ ནིསྶཱརེཏི – སུནིསྶཱརིཏོ. ཨཡཾ ཝུཙྩཏི, བྷིཀྑཝེ, པུགྒལོ ཨཔྤཏྟོ ནིསྶཱརཎཾ, ཏཉྩེ སངྒྷོ ནིསྶཱརེཏི – སུནིསྶཱརིཏོ.

༣༩༦. དྭེམཱ, བྷིཀྑཝེ, ཨོསཱརཎཱ. ཨཏྠི, བྷིཀྑཝེ, པུགྒལོ ཨཔྤཏྟོ ཨོསཱརཎཾ ཏཉྩེ སངྒྷོ ཨོསཱརེཏི, ཨེཀཙྩོ སོསཱརིཏོ, ཨེཀཙྩོ དོསཱརིཏོ. ཀཏམོ ཙ, བྷིཀྑཝེ, པུགྒལོ ཨཔྤཏྟོ ཨོསཱརཎཾ, ཏཉྩེ སངྒྷོ ཨོསཱརེཏི – དོསཱརིཏོ? པཎྜཀོ, བྷིཀྑཝེ, ཨཔྤཏྟོ ཨོསཱརཎཾ, ཏཉྩེ སངྒྷོ ཨོསཱརེཏི – དོསཱརིཏོ. ཐེཡྻསཾཝཱསཀོ, བྷིཀྑཝེ, ཨཔྤཏྟོ ཨོསཱརཎཾ, ཏཉྩེ སངྒྷོ ཨོསཱརེཏི – དོསཱརིཏོ. ཏིཏྠིཡཔཀྐནྟཀོ, བྷིཀྑཝེ…པེ… ཏིརཙྪཱནགཏོ, བྷིཀྑཝེ… མཱཏུགྷཱཏཀོ, བྷིཀྑཝེ… པིཏུགྷཱཏཀོ, བྷིཀྑཝེ… ཨརཧནྟགྷཱཏཀོ, བྷིཀྑཝེ… བྷིཀྑུནིདཱུསཀོ, བྷིཀྑཝེ… སངྒྷབྷེདཀོ, བྷིཀྑཝེ… ལོཧིཏུཔྤཱདཀོ, བྷིཀྑཝེ… ཨུབྷཏོབྱཉྫནཀོ, བྷིཀྑཝེ, ཨཔྤཏྟོ, ཨོསཱརཎཾ, ཏཉྩེ སངྒྷོ ཨོསཱརེཏི – དོསཱརིཏོ. ཨཡཾ ཝུཙྩཏི, བྷིཀྑཝེ, པུགྒལོ ཨཔྤཏྟོ ཨོསཱརཎཾ, ཏཉྩེ སངྒྷོ ཨོསཱརེཏི – དོསཱརིཏོ. ཨིམེ ཝུཙྩནྟི, བྷིཀྑཝེ, པུགྒལཱ ཨཔྤཏྟཱ ཨོསཱརཎཾ, ཏེ ཙེ སངྒྷོ ཨོསཱརེཏི – དོསཱརིཏཱ.

ཀཏམོ ཙ, བྷིཀྑཝེ, པུགྒལོ ཨཔྤཏྟོ ཨོསཱརཎཾ, ཏཉྩེ སངྒྷོ ཨོསཱརེཏི – སོསཱརིཏོ? ཧཏྠཙྪིནྣོ, བྷིཀྑཝེ, ཨཔྤཏྟོ ཨོསཱརཎཾ, ཏཉྩེ སངྒྷོ ཨོསཱརེཏི, སོསཱརིཏོ. པཱདཙྪིནྣོ, བྷིཀྑཝེ…པེ… ཧཏྠཔཱདཙྪིནྣོ, བྷིཀྑཝེ… ཀཎྞཙྪིནྣོ, བྷིཀྑཝེ… ནཱསཙྪིནྣོ, བྷིཀྑཝེ… ཀཎྞནཱསཙྪིནྣོ, བྷིཀྑཝེ… ཨངྒུལིཙྪིནྣོ, བྷིཀྑཝེ… ཨལ༹ཙྪིནྣོ, བྷིཀྑཝེ… ཀཎྜརཙྪིནྣོ, བྷིཀྑཝེ… ཕཎཧཏྠཀོ, བྷིཀྑཝེ… ཁུཛྫོ, བྷིཀྑཝེ… ཝཱམནོ, བྷིཀྑཝེ… གལགཎྜཱི, བྷིཀྑཝེ… ལཀྑཎཱཧཏོ, བྷིཀྑཝེ… ཀསཱཧཏོ, བྷིཀྑཝེ… ལིཁིཏཀོ, བྷིཀྑཝེ… སཱིཔདིཀོ, བྷིཀྑཝེ… པཱཔརོགཱི, བྷིཀྑཝེ… པརིསདཱུསཀོ, བྷིཀྑཝེ… ཀཱཎོ, བྷིཀྑཝེ… ཀུཎཱི, བྷིཀྑཝེ… ཁཉྫོ, བྷིཀྑཝེ… པཀྑཧཏོ, བྷིཀྑཝེ… ཚིནྣིརིཡཱཔཐོ, བྷིཀྑཝེ… ཛརཱདུབྦལོ, བྷིཀྑཝེ… ཨནྡྷོ, བྷིཀྑཝེ… མཱུགོ, བྷིཀྑཝེ… བདྷིརོ, བྷིཀྑཝེ… ཨནྡྷམཱུགོ, བྷིཀྑཝེ… ཨནྡྷབདྷིརོ, བྷིཀྑཝེ… མཱུགབདྷིརོ, བྷིཀྑཝེ… ཨནྡྷམཱུགབདྷིརོ, བྷིཀྑཝེ, ཨཔྤཏྟོ ཨོསཱརཎཾ, ཏཉྩེ སངྒྷོ ཨོསཱརེཏི – སོསཱརིཏོ. ཨཡཾ ཝུཙྩཏི, བྷིཀྑཝེ, པུགྒལོ ཨཔྤཏྟོ ཨོསཱརཎཾ, ཏཉྩེ སངྒྷོ ཨོསཱརེཏི – སོསཱརིཏོ. ཨིམེ ཝུཙྩནྟི, བྷིཀྑཝེ, པུགྒལཱ ཨཔྤཏྟཱ ཨོསཱརཎཾ, ཏེ ཙེ སངྒྷོ ཨོསཱརེཏི – སོསཱརིཏཱ.

དྭེནིསྶཱརཎཱདིཀཐཱ ནིཊྛིཏཱ.

ཝཱསབྷགཱམབྷཱཎཝཱརོ ནིཊྛིཏོ པཋམོ.

༢༤༠. ཨདྷམྨཀམྨཱདིཀཐཱ

༣༩༧. ཨིདྷ པན, བྷིཀྑཝེ, བྷིཀྑུསྶ ན ཧོཏི ཨཱཔཏྟི དཊྛབྦཱ. ཏམེནཾ ཙོདེཏི སངྒྷོ ཝཱ སམྦཧུལཱ ཝཱ ཨེཀཔུགྒལོ ཝཱ – ‘‘ཨཱཔཏྟིཾ ཏྭཾ, ཨཱཝུསོ, ཨཱཔནྣོ, པསྶསེཏཾ ཨཱཔཏྟི’’ནྟི? སོ ཨེཝཾ ཝདེཏི – ‘‘ནཏྠི མེ, ཨཱཝུསོ, ཨཱཔཏྟི, ཡམཧཾ པསྶེཡྻ’’ནྟི. ཏཾ སངྒྷོ ཨཱཔཏྟིཡཱ ཨདསྶནེ ཨུཀྑིཔཏི – ཨདྷམྨཀམྨཾ.

ཨིདྷ པན, བྷིཀྑཝེ, བྷིཀྑུསྶ ན ཧོཏི ཨཱཔཏྟི པཊིཀཱཏབྦཱ. ཏམེནཾ ཙོདེཏི སངྒྷོ ཝཱ སམྦཧུལཱ ཝཱ ཨེཀཔུགྒལོ ཝཱ – ‘‘ཨཱཔཏྟིཾ ཏྭཾ, ཨཱཝུསོ, ཨཱཔནྣོ, པཊིཀརོཧི ཏཾ ཨཱཔཏྟི’’ནྟི. སོ ཨེཝཾ ཝདེཏི – ‘‘ནཏྠི མེ, ཨཱཝུསོ, ཨཱཔཏྟི, ཡམཡཾ པཊིཀརེཡྻ’’ནྟི. ཏཾ སངྒྷོ ཨཱཔཏྟིཡཱ ཨཔྤཊིཀམྨེ ཨུཀྑིཔཏི – ཨདྷམྨཀམྨཾ.

ཨིདྷ པན, བྷིཀྑཝེ, བྷིཀྑུསྶ ན ཧོཏི པཱཔིཀཱ དིཊྛི པཊིནིསྶཛྫེཏཱ. ཏམེནཾ ཙོདེཏི སངྒྷོ ཝཱ སམྦཧུལཱ ཝཱ ཨེཀཔུགྒལོ ཝཱ – ‘‘པཱཔིཀཱ ཏེ, ཨཱཝུསོ, དིཊྛི, པཊིནིསྶཛྫེཏཾ པཱཔིཀཾ དིཊྛི’’ནྟི. སོ ཨེཝཾ ཝདེཏི – ‘‘ནཏྠི མེ, ཨཱཝུསོ, པཱཔིཀཱ དིཊྛི, ཡམཧཾ པཊིནིསྶཛྫེཡྻ’’ནྟི. ཏཾ སངྒྷོ པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཔཏི – ཨདྷམྨཀམྨཾ.

ཨིདྷ པན, བྷིཀྑཝེ, བྷིཀྑུསྶ ན ཧོཏི ཨཱཔཏྟི དཊྛབྦཱ, ན ཧོཏི ཨཱཔཏྟི པཊིཀཱཏབྦཱ. ཏམེནཾ ཙོདེཏི སངྒྷོ ཝཱ སམྦཧུལཱ ཝཱ ཨེཀཔུགྒལོ ཝཱ – ‘‘ཨཱཔཏྟིཾ ཏྭཾ, ཨཱཝུསོ, ཨཱཔནྣོ, པསྶསེཏཾ ཨཱཔཏྟི? པཊིཀརོཧི ཏཾ ཨཱཔཏྟི’’ནྟི. སོ ཨེཝཾ ཝདེཏི – ‘‘ནཏྠི མེ, ཨཱཝུསོ, ཨཱཔཏྟི, ཡམཧཾ པསྶེཡྻཾ. ནཏྠི མེ, ཨཱཝུསོ, ཨཱཔཏྟི, ཡམཧཾ པཊིཀརེཡྻ’’ནྟི. ཏཾ སངྒྷོ ཨདསྶནེ ཝཱ ཨཔྤཊིཀམྨེ ཝཱ ཨུཀྑིཔཏི – ཨདྷམྨཀམྨཾ.

ཨིདྷ པན, བྷིཀྑཝེ, བྷིཀྑུསྶ ན ཧོཏི ཨཱཔཏྟི དཊྛབྦཱ, ན ཧོཏི པཱཔིཀཱ དིཊྛི པཊིནིསྶཛྫེཏཱ. ཏམེནཾ ཙོདེཏི སངྒྷོ ཝཱ སམྦཧུལཱ ཝཱ ཨེཀཔུགྒལོ ཝཱ – ‘‘ཨཱཔཏྟིཾ ཏྭཾ, ཨཱཝུསོ, ཨཱཔནྣོ, པསྶསེཏཾ ཨཱཔཏྟིཾ? པཱཔིཀཱ ཏེ དིཊྛི, པཊིནིསྶཛྫེཏཾ པཱཔིཀཾ དིཊྛི’’ནྟི. སོ ཨེཝཾ ཝདེཏི – ‘‘ནཏྠི མེ, ཨཱཝུསོ, ཨཱཔཏྟི, ཡམཧཾ པསྶེཡྻཾ; ནཏྠི མེ, ཨཱཝུསོ, པཱཔིཀཱ དིཊྛི, ཡམཧཾ པཊིནིསྶཛྫེཡྻ’’ནྟི. ཏཾ སངྒྷོ ཨདསྶནེ ཝཱ ཨཔྤཊིནིསྶགྒེ ཝཱ ཨུཀྑིཔཏི – ཨདྷམྨཀམྨཾ.

ཨིདྷ པན, བྷིཀྑཝེ, བྷིཀྑུསྶ ན ཧོཏི ཨཱཔཏྟི པཊིཀཱཏབྦཱ, ན ཧོཏི པཱཔིཀཱ དིཊྛི པཊིནིསྶཛྫེཏཱ. ཏམེནཾ ཙོདེཏི སངྒྷོ ཝཱ སམྦཧུལཱ ཝཱ ཨེཀཔུགྒལོ ཝཱ – ‘‘ཨཱཔཏྟིཾ ཏྭཾ, ཨཱཝུསོ, ཨཱཔནྣོ, པཊིཀརོཧི ཏཾ ཨཱཔཏྟིཾ; པཱཔིཀཱ ཏེ དིཊྛི, པཊིནིསྶཛྫེཏཾ པཱཔིཀཾ དིཊྛི’’ནྟི. སོ ཨེཝཾ ཝདེཏི – ‘‘ནཏྠི མེ, ཨཱཝུསོ, ཨཱཔཏྟི, ཡམཧཾ པཊིཀརེཡྻཾ. ནཏྠི མེ, ཨཱཝུསོ, པཱཔིཀཱ དིཊྛི, ཡམཧཾ པཊིནིསྶཛྫེཡྻ’’ནྟི. ཏཾ སངྒྷོ ཨཔྤཊིཀམྨེ ཝཱ ཨཔྤཊིནིསྶགྒེ ཝཱ ཨུཀྑིཔཏི – ཨདྷམྨཀམྨཾ.

ཨིདྷ པན, བྷིཀྑཝེ, བྷིཀྑུསྶ ན ཧོཏི ཨཱཔཏྟི དཊྛབྦཱ, ན ཧོཏི ཨཱཔཏྟི པཊིཀཱཏབྦཱ, ན ཧོཏི པཱཔིཀཱ དིཊྛི པཊིནིསྶཛྫེཏཱ. ཏམེནཾ ཙོདེཏི སངྒྷོ ཝཱ སམྦཧུལཱ ཝཱ ཨེཀཔུགྒལོ ཝཱ – ‘‘ཨཱཔཏྟིཾ ཏྭཾ, ཨཱཝུསོ, ཨཱཔནྣོ, པསྶསེཏཾ ཨཱཔཏྟིཾ? པཊིཀརོཧི ཏཾ ཨཱཔཏྟིཾ; པཱཔིཀཱ ཏེ དིཊྛི, པཊིནིསྶཛྫེཏཾ པཱཔིཀཾ དིཊྛི’’ནྟི. སོ ཨེཝཾ ཝདེཏི – ‘‘ནཏྠི མེ, ཨཱཝུསོ, ཨཱཔཏྟི, ཡམཧཾ པསྶེཡྻཾ. ནཏྠི མེ, ཨཱཝུསོ, ཨཱཔཏྟི, ཡམཧཾ པཊིཀརེཡྻཾ. ནཏྠི མེ, ཨཱཝུསོ, པཱཔིཀཱ དིཊྛི, ཡམཧཾ པཊིནིསྶཛྫེཡྻ’’ནྟི. ཏཾ སངྒྷོ ཨདསྶནེ ཝཱ ཨཔྤཊིཀམྨེ ཝཱ ཨཔྤཊིནིསྶགྒེ ཝཱ ཨུཀྑིཔཏི – ཨདྷམྨཀམྨཾ.

༣༩༨. ཨིདྷ པན, བྷིཀྑཝེ, བྷིཀྑུསྶ ཧོཏི ཨཱཔཏྟི དཊྛབྦཱ. ཏམེནཾ ཙོདེཏི. སངྒྷོ ཝཱ སམྦཧུལཱ ཝཱ ཨེཀཔུགྒལོ ཝཱ – ‘‘ཨཱཔཏྟིཾ ཏྭཾ, ཨཱཝུསོ, ཨཱཔནྣོ, པསྶསེཏཾ ཨཱཔཏྟི’’ནྟི? སོ ཨེཝཾ ཝདེཏི – ‘‘ཨཱམཱཝུསོ, པསྶཱམཱི’’ཏི. ཏཾ སངྒྷོ ཨཱཔཏྟིཡཱ ཨདསྶནེ ཨུཀྑིཔཏི – ཨདྷམྨཀམྨཾ.

ཨིདྷ པན, བྷིཀྑཝེ, བྷིཀྑུསྶ ཧོཏི ཨཱཔཏྟི པཊིཀཱཏབྦཱ. ཏམེནཾ ཙོདེཏི སངྒྷོ ཝཱ སམྦཧུལཱ ཝཱ ཨེཀཔུགྒལོ ཝཱ – ‘‘ཨཱཔཏྟིཾ ཏྭཾ, ཨཱཝུསོ, ཨཱཔནྣོ, པཊིཀརོཧི ཏཾ ཨཱཔཏྟི’’ནྟི. སོ ཨེཝཾ ཝདེཏི – ‘‘ཨཱམཱཝུསོ, པཊིཀརིསྶཱམཱི’’ཏི. ཏཾ སངྒྷོ ཨཱཔཏྟིཡཱ ཨཔྤཊིཀམྨེ ཨུཀྑིཔཏི – ཨདྷམྨཀམྨཾ.

ཨིདྷ པན, བྷིཀྑཝེ, བྷིཀྑུསྶ ཧོཏི པཱཔིཀཱ དིཊྛི པཊིནིསྶཛྫེཏཱ. ཏམེནཾ ཙོདེཏི སངྒྷོ ཝཱ སམྦཧུལཱ ཝཱ ཨེཀཔུགྒལོ ཝཱ – ‘‘པཱཔིཀཱ ཏེ, ཨཱཝུསོ, དིཊྛི; པཊིནིསྶཛྫེཏཾ པཱཔིཀཾ དིཊྛི’’ནྟི. སོ ཨེཝཾ ཝདེཏི – ‘‘ཨཱམཱཝུསོ, པཊིནིསྶཛྫིསྶཱམཱི’’ཏི. ཏཾ སངྒྷོ པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཔཏི – ཨདྷམྨཀམྨཾ.

ཨིདྷ པན, བྷིཀྑཝེ, བྷིཀྑུསྶ ཧོཏི ཨཱཔཏྟི དཊྛབྦཱ, ཧོཏི ཨཱཔཏྟི པཊིཀཱཏབྦཱ…པེ… ཧོཏི ཨཱཔཏྟི དཊྛབྦཱ, ཧོཏི པཱཔིཀཱ དིཊྛི པཊིནིསྶཛྫེཏཱ…པེ… ཧོཏི ཨཱཔཏྟི པཊིཀཱཏབྦཱ, ཧོཏི པཱཔིཀཱ དིཊྛི པཊིནིསྶཛྫེཏཱ…པེ… ཧོཏི ཨཱཔཏྟི དཊྛབྦཱ, ཧོཏི ཨཱཔཏྟི པཊིཀཱཏབྦཱ, ཧོཏི པཱཔིཀཱ དིཊྛི པཊིནིསྶཛྫེཏཱ. ཏམེནཾ ཙོདེཏི སངྒྷོ ཝཱ སམྦཧུལཱ ཝཱ ཨེཀཔུགྒལོ ཝཱ – ‘‘ཨཱཔཏྟིཾ ཏྭཾ, ཨཱཝུསོ, ཨཱཔནྣོ, པསྶསེཏཾ ཨཱཔཏྟིཾ? པཊིཀརོཧི ཏཾ ཨཱཔཏྟིཾ; པཱཔིཀཱ ཏེ དིཊྛི, པཊིནིསྶཛྫེཏཾ པཱཔིཀཾ དིཊྛི’’ནྟི. སོ ཨེཝཾ ཝདེཏི – ‘‘ཨཱམཱཝུསོ, པསྶཱམི, ཨཱམ པཊིཀརིསྶཱམི, ཨཱམ པཊིནིསྶཛྫིསྶཱམཱི’’ཏི. ཏཾ སངྒྷོ ཨདསྶནེ ཝཱ ཨཔྤཊིཀམྨེ ཝཱ ཨཔྤཊིནིསྶགྒེ ཝཱ ཨུཀྑིཔཏི – ཨདྷམྨཀམྨཾ.

༣༩༩. ཨིདྷ པན, བྷིཀྑཝེ, བྷིཀྑུསྶ ཧོཏི ཨཱཔཏྟི དཊྛབྦཱ. ཏམེནཾ ཙོདེཏི སངྒྷོ ཝཱ སམྦཧུལཱ ཝཱ ཨེཀཔུགྒལོ ཝཱ – ‘‘ཨཱཔཏྟིཾ ཏྭཾ, ཨཱཝུསོ, ཨཱཔནྣོ, པསྶསེཏཾ ཨཱཔཏྟི’’ནྟི? སོ ཨེཝཾ ཝདེཏི – ‘‘ནཏྠི མེ, ཨཱཝུསོ, ཨཱཔཏྟི, ཡམཧཾ པསྶེཡྻ’’ནྟི. ཏཾ སངྒྷོ ཨཱཔཏྟིཡཱ ཨདསྶནེ ཨུཀྑིཔཏི – དྷམྨཀམྨཾ.

ཨིདྷ པན, བྷིཀྑཝེ, བྷིཀྑུསྶ ཧོཏི ཨཱཔཏྟི པཊིཀཱཏབྦཱ. ཏམེནཾ ཙོདེཏི སངྒྷོ ཝཱ སམྦཧུལཱ ཝཱ ཨེཀཔུགྒལོ ཝཱ – ‘‘ཨཱཔཏྟིཾ ཏྭཾ, ཨཱཝུསོ, ཨཱཔནྣོ, པཊིཀརོཧི ཏཾ ཨཱཔཏྟི’’ནྟི. སོ ཨེཝཾ ཝདེཏི – ‘‘ནཏྠི མེ, ཨཱཝུསོ, ཨཱཔཏྟི, ཡམཧཾ པཊིཀརེཡྻ’’ནྟི. ཏཾ སངྒྷོ ཨཱཔཏྟིཡཱ ཨཔྤཊིཀམྨེ ཨུཀྑིཔཏི – དྷམྨཀམྨཾ.

ཨིདྷ པན, བྷིཀྑཝེ, བྷིཀྑུསྶ ཧོཏི པཱཔིཀཱ དིཊྛི པཊིནིསྶཛྫེཏཱ. ཏམེནཾ ཙོདེཏི སངྒྷོ ཝཱ སམྦཧུལཱ ཝཱ ཨེཀཔུགྒལོ ཝཱ – ‘‘པཱཔིཀཱ ཏེ, ཨཱཝུསོ, དིཊྛི, པཊིནིསྶཛྫེཏཾ པཱཔིཀཾ དིཊྛི’’ནྟི. སོ ཨེཝཾ ཝདེཏི – ‘‘ནཏྠི མེ, ཨཱཝུསོ, པཱཔིཀཱ དིཊྛི, ཡམཧཾ པཊིནིསྶཛྫེཡྻ’’ནྟི. ཏཾ སངྒྷོ པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཔཏི – དྷམྨཀམྨཾ.

ཨིདྷ པན, བྷིཀྑཝེ, བྷིཀྑུསྶ ཧོཏི ཨཱཔཏྟི དཊྛབྦཱ, ཧོཏི ཨཱཔཏྟི པཊིཀཱཏབྦཱ…པེ…

ཧོཏི ཨཱཔཏྟི དཊྛབྦཱ, ཧོཏི པཱཔིཀཱ དིཊྛི པཊིནིསྶཛྫེཏཱ…པེ… ཧོཏི ཨཱཔཏྟི པཊིཀཱཏབྦཱ, ཧོཏི པཱཔིཀཱ དིཊྛི པཊིནིསྶཛྫེཏཱ …པེ… ཧོཏི ཨཱཔཏྟི དཊྛབྦཱ, ཧོཏི ཨཱཔཏྟི པཊིཀཱཏབྦཱ, ཧོཏི པཱཔིཀཱ དིཊྛི པཊིནིསྶཛྫེཏཱ. ཏམེནཾ ཙོདེཏི སངྒྷོ ཝཱ སམྦཧུལཱ ཝཱ ཨེཀཔུགྒལོ ཝཱ – ‘‘ཨཱཔཏྟིཾ ཏྭཾ, ཨཱཝུསོ, ཨཱཔནྣོ, པསྶསེཏཾ ཨཱཔཏྟིཾ? པཊིཀརོཧི ཏཾ ཨཱཔཏྟིཾ. པཱཔིཀཱ ཏེ དིཊྛི, པཊིནིསྶཛྫེཏཾ པཱཔིཀཾ དིཊྛི’’ནྟི. སོ ཨེཝཾ ཝདེཏི – ‘‘ནཏྠི མེ, ཨཱཝུསོ, ཨཱཔཏྟི, ཡམཧཾ པསྶེཡྻཾ. ནཏྠི མེ, ཨཱཝུསོ, ཨཱཔཏྟི ཡམཧཾ པཊིཀརེཡྻཾ. ནཏྠི མེ, ཨཱཝུསོ, པཱཔིཀཱ དིཊྛི, ཡམཧཾ པཊིནིསྶཛྫེཡྻ’’ནྟི. ཏཾ སངྒྷོ ཨདསྶནེ ཝཱ ཨཔྤཊིཀམྨེ ཝཱ ཨཔྤཊིནིསྶགྒེ ཝཱ ཨུཀྑིཔཏི – དྷམྨཀམྨནྟི.

ཨདྷམྨཀམྨཱདིཀཐཱ ནིཊྛིཏཱ.

༢༤༡. ཨུཔཱལིཔུཙྪཱཀཐཱ

༤༠༠. ཨཐ ཁོ ཨཱཡསྨཱ ཨུཔཱལི ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨུཔཱལི བྷགཝནྟཾ ཨེཏདཝོཙ – ‘‘ཡོ ནུ ཁོ, བྷནྟེ, སམགྒོ སངྒྷོ སམྨུཁཱཀརཎཱིཡཾ ཀམྨཾ ཨསམྨུཁཱ ཀརོཏི, དྷམྨཀམྨཾ ནུ ཁོ ཏཾ, བྷནྟེ, ཝིནཡཀམྨ’’ནྟི? ‘‘ཨདྷམྨཀམྨཾ ཏཾ, ཨུཔཱལི, ཨཝིནཡཀམྨ’’ནྟི. ‘‘ཡོ ནུ ཁོ, བྷནྟེ, སམགྒོ སངྒྷོ པཊིཔུཙྪཱཀརཎཱིཡཾ ཀམྨཾ ཨཔྤཊིཔུཙྪཱ ཀརོཏི…པེ… པཊིཉྙཱཡཀརཎཱིཡཾ ཀམྨཾ ཨཔཊིཉྙཱཡ ཀརོཏི… སཏིཝིནཡཱརཧསྶ ཨམཱུལ༹ྷཝིནཡཾ དེཏི… ཨམཱུལ༹ྷཝིནཡཱརཧསྶ ཏསྶཔཱཔིཡསིཀཱཀམྨཾ ཀརོཏི… ཏསྶཔཱཔིཡསིཀཱཀམྨཱརཧསྶ ཏཛྫནཱིཡཀམྨཾ ཀརོཏི… ཏཛྫནཱིཡཀམྨཱརཧསྶ ནིཡསྶཀམྨཾ ཀརོཏི … ནིཡསྶཀམྨཱརཧསྶ པབྦཱཛནཱིཡཀམྨཾ ཀརོཏི… པབྦཱཛནཱིཡཀམྨཱརཧསྶ པཊིསཱརཎཱིཡཀམྨཾ ཀརོཏི… པཊིསཱརཎཱིཡཀམྨཱརཧསྶ ཨུཀྑེཔནཱིཡཀམྨཾ ཀརོཏི… ཨུཀྑེཔནཱིཡཀམྨཱརཧསྶ པརིཝཱསཾ དེཏི… པརིཝཱསཱརཧཾ མཱུལཱཡ པཊིཀསྶཏི… མཱུལཱཡཔཊིཀསྶནཱརཧསྶ མཱནཏྟཾ དེཏི… མཱནཏྟཱརཧཾ ཨབྦྷེཏི… ཨབྦྷཱནཱརཧཾ ཨུཔསམྤཱདེཏི, དྷམྨཀམྨཾ ནུ ཁོ ཏཾ, བྷནྟེ, ཝིནཡཀམྨ’’ནྟི? ‘‘ཨདྷམྨཀམྨཾ ཏཾ, ཨུཔཱལི, ཨཝིནཡཀམྨཾ’’.

‘‘ཡོ ཁོ, ཨུཔཱལི, སམགྒོ སངྒྷོ སམྨུཁཱཀརཎཱིཡཾ ཀམྨཾ ཨསམྨུཁཱ ཀརོཏི, ཨེཝཾ ཁོ, ཨུཔཱལི, ཨདྷམྨཀམྨཾ ཧོཏི ཨཝིནཡཀམྨཾ, ཨེཝཉྩ པན སངྒྷོ སཱཏིསཱརོ ཧོཏི. ཡོ ཁོ, ཨུཔཱལི, སམགྒོ སངྒྷོ པཊིཔུཙྪཱཀརཎཱིཡཾ ཀམྨཾ ཨཔྤཊིཔུཙྪཱ ཀརོཏི…པེ… པཊིཉྙཱཡཀརཎཱིཡཾ ཀམྨཾ ཨཔཊིཉྙཱཡ ཀརོཏི… སཏིཝིནཡཱརཧསྶ ཨམཱུལ༹ྷཝིནཡཾ དེཏི… ཨམཱུལ༹ྷཝིནཡཱརཧསྶ ཏསྶཔཱཔིཡསིཀཱཀམྨཾ ཀརོཏི… ཏསྶཔཱཔིཡསིཀཱཀམྨཱརཧསྶ ཏཛྫནཱིཡཀམྨཾ ཀརོཏི… ཏཛྫནཱིཡཀམྨཱརཧསྶ ནིཡསྶཀམྨཾ ཀརོཏི… ནིཡསྶཀམྨཱརཧསྶ པབྦཱཛནཱིཡཀམྨཾ ཀརོཏི… པབྦཱཛནཱིཡཀམྨཱརཧསྶ པཊིསཱརཎཱིཡཀམྨཾ ཀརོཏི… པཊིསཱརཎཱིཡཀམྨཱརཧསྶ ཨུཀྑེཔནཱིཡཀམྨཾ ཀརོཏི… ཨུཀྑེཔནཱིཡཀམྨཱརཧསྶ པརིཝཱསཾ དེཏི… པརིཝཱསཱརཧཾ མཱུལཱཡ པཊིཀསྶཏི… མཱུལཱཡཔཊིཀསྶནཱརཧསྶ མཱནཏྟཾ དེཏི… མཱནཏྟཱརཧཾ ཨབྦྷེཏི… ཨབྦྷཱནཱརཧཾ ཨུཔསམྤཱདེཏི, ཨེཝཾ ཁོ, ཨུཔཱལི, ཨདྷམྨཀམྨཾ ཧོཏི ཨཝིནཡཀམྨཾ. ཨེཝཉྩ པན སངྒྷོ སཱཏིསཱརོ ཧོཏཱི’’ཏི.

༤༠༡. ‘‘ཡོ ནུ ཁོ, བྷནྟེ, སམགྒོ སངྒྷོ སམྨུཁཱཀརཎཱིཡཾ ཀམྨཾ སམྨུཁཱ ཀརོཏི, དྷམྨཀམྨཾ ནུ ཁོ ཏཾ, བྷནྟེ, ཝིནཡཀམྨ’’ནྟི? ‘‘དྷམྨཀམྨཾ ཏཾ, ཨུཔཱལི, ཝིནཡཀམྨ’’ནྟི. ‘‘ཡོ ནུ ཁོ, བྷནྟེ, སམགྒོ སངྒྷོ པཊིཔུཙྪཱཀརཎཱིཡཾ ཀམྨཾ པཊིཔུཙྪཱ ཀརོཏི…པེ… པཊིཉྙཱཡཀརཎཱིཡཾ ཀམྨཾ པཊིཉྙཱཡ ཀརོཏི… སཏིཝིནཡཱརཧསྶ སཏིཝིནཡཾ དེཏི… ཨམཱུལ༹ྷཝིནཡཱརཧསྶ ཨམཱུལ༹ྷཝིནཡཾ དེཏི… ཏསྶཔཱཔིཡསིཀཱཀམྨཱརཧསྶ ཏསྶཔཱཔིཡསིཀཱཀམྨཾ ཀརོཏི… ཏཛྫནཱིཡཀམྨཱརཧསྶ ཏཛྫནཱིཡཀམྨཾ ཀརོཏི… ནིཡསྶཀམྨཱརཧསྶ ནིཡསྶཀམྨཾ ཀརོཏི… པབྦཱཛནཱིཡཀམྨཱརཧསྶ པབྦཱཛནཱིཡཀམྨཾ ཀརོཏི… པཊིསཱརཎཱིཡཀམྨཱརཧསྶ པཊིསཱརཎཱིཡཀམྨཾ ཀརོཏི… ཨུཀྑེཔནཱིཡཀམྨཱརཧསྶ ཨུཀྑེཔནཱིཡཀམྨཾ ཀརོཏི… པརིཝཱསཱརཧསྶ པརིཝཱསཾ དེཏི མཱུལཱཡཔཊིཀསྶནཱརཧཾ མཱུལཱཡ པཊིཀསྶཏི… མཱནཏྟཱརཧསྶ མཱནཏྟཾ དེཏི… ཨབྦྷཱནཱརཧཾ ཨབྦྷེཏི… ཨུཔསམྤདཱརཧཾ ཨུཔསམྤཱདེཏི, དྷམྨཀམྨཾ ནུ ཁོ ཏཾ, བྷནྟེ, ཝིནཡཀམྨ’’ནྟི? ‘‘དྷམྨཀམྨཾ ཏཾ, ཨུཔཱལི, ཝིནཡཀམྨཾ.

‘‘ཡོ ཁོ, ཨུཔཱལི, སམགྒོ སངྒྷོ སམྨུཁཱཀརཎཱིཡཾ ཀམྨཾ སམྨུཁཱ ཀརོཏི, ཨེཝཾ ཁོ, ཨུཔཱལི, དྷམྨཀམྨཾ ཧོཏི ཝིནཡཀམྨཾ. ཨེཝཉྩ པན སངྒྷོ ཨནཏིསཱརོ ཧོཏི. ཡོ ཁོ, ཨུཔཱལི, སམགྒོ སངྒྷོ པཊིཔུཙྪཱཀརཎཱིཡཾ ཀམྨཾ པཊིཔུཙྪཱ ཀརོཏི… པཊིཉྙཱཡཀརཎཱིཡཾ ཀམྨཾ པཊིཉྙཱཡ ཀརོཏི… སཏིཝིནཡཱརཧསྶ སཏིཝིནཡཾ དེཏི… ཨམཱུལ༹ྷཝིནཡཱརཧསྶ ཨམཱུལ༹ྷཝིནཡཾ དེཏི… ཏསྶཔཱཔིཡསིཀཱཀམྨཱརཧསྶ ཏསྶཔཱཔིཡསིཀཱཀམྨཾ ཀརོཏི… ཏཛྫནཱིཡཀམྨཱརཧསྶ ཏཛྫནཱིཡཀམྨཾ ཀརོཏི… ནིཡསྶཀམྨཱརཧསྶ ནིཡསྶཀམྨཾ ཀརོཏི… པབྦཱཛནཱིཡཀམྨཱརཧསྶ པབྦཱཛནཱིཡཀམྨཾ ཀརོཏི … པཊིསཱརཎཱིཡཀམྨཱརཧསྶ པཊིསཱརཎཱིཡཀམྨཾ ཀརོཏི… ཨུཀྑེཔནཱིཡཀམྨཱརཧསྶ ཨུཀྑེཔནཱིཡཀམྨཾ ཀརོཏི… པརིཝཱསཱརཧསྶ པརིཝཱསཾ དེཏི… མཱུལཱཡཔཊིཀསྶནཱརཧཾ མཱུལཱཡ པཊིཀསྶཏི… མཱནཏྟཱརཧསྶ མཱནཏྟཾ དེཏི… ཨབྦྷཱནཱརཧཾ ཨབྦྷེཏི… ཨུཔསམྤདཱརཧཾ ཨུཔསམྤཱདེཏི, ཨེཝཾ ཁོ, ཨུཔཱལི, དྷམྨཀམྨཾ ཧོཏི ཝིནཡཀམྨཾ. ཨེཝཉྩ པན སངྒྷོ ཨནཏིསཱརོ ཧོཏཱི’’ཏི.

༤༠༢. ‘‘ཡོ ནུ ཁོ, བྷནྟེ, སམགྒོ སངྒྷོ སཏིཝིནཡཱརཧསྶ ཨམཱུལ༹ྷཝིནཡཾ དེཏི, ཨམཱུལ༹ྷཝིནཡཱརཧསྶ སཏིཝིནཡཾ དེཏི, དྷམྨཀམྨཾ ནུ ཁོ ཏཾ, བྷནྟེ, ཝིནཡཀམྨ’’ནྟི? ‘‘ཨདྷམྨཀམྨཾ ཏཾ, ཨུཔཱལི, ཨཝིནཡཀམྨ’’ནྟི. ‘‘ཡོ ནུ ཁོ, བྷནྟེ, སམགྒོ སངྒྷོ ཨམཱུལ༹ྷཝིནཡཱརཧསྶ ཏསྶཔཱཔིཡསིཀཱཀམྨཾ ཀརོཏི, ཏསྶཔཱཔིཡསིཀཱཀམྨཱརཧསྶ ཨམཱུལ༹ྷཝིནཡཾ དེཏི…པེ… ཏསྶཔཱཔིཡསིཀཱཀམྨཱརཧསྶ ཏཛྫནཱིཡཀམྨཾ ཀརོཏི, ཏཛྫནཱིཡཀམྨཱརཧསྶ ཏསྶཔཱཔིཡསིཀཱཀམྨཾ ཀརོཏི… ཏཛྫནཱིཡཀམྨཱརཧསྶ ནིཡསྶཀམྨཾ ཀརོཏི, ནིཡསྶཀམྨཱརཧསྶ ཏཛྫནཱིཡཀམྨཾ ཀརོཏི… ནིཡསྶཀམྨཱརཧསྶ པབྦཱཛནཱིཡཀམྨཾ ཀརོཏི, པབྦཱཛནཱིཡཀམྨཱརཧསྶ ནིཡསྶཀམྨཾ ཀརོཏི… པབྦཱཛནཱིཡཀམྨཱརཧསྶ པཊིསཱརཎཱིཡཀམྨཾ ཀརོཏི, པཊིསཱརཎཱིཡཀམྨཱརཧསྶ པབྦཱཛནཱིཡཀམྨཾ ཀརོཏི… པཊིསཱརཎཱིཡཀམྨཱརཧསྶ ཨུཀྑེཔནཱིཡཀམྨཾ ཀརོཏི, ཨུཀྑེཔནཱིཡཀམྨཱརཧསྶ པཊིསཱརཎཱིཡཀམྨཾ ཀརོཏི… ཨུཀྑེཔནཱིཡཀམྨཱརཧསྶ པརིཝཱསཾ དེཏི, པརིཝཱསཱརཧསྶ ཨུཀྑེཔནཱིཡཀམྨཾ ཀརོཏི… པརིཝཱསཱརཧཾ མཱུལཱཡ པཊིཀསྶཏི, མཱུལཱཡཔཊིཀསྶནཱརཧསྶ པརིཝཱསཾ དེཏི… མཱུལཱཡཔཊིཀསྶནཱརཧསྶ མཱནཏྟཾ དེཏི, མཱནཏྟཱརཧཾ མཱུལཱཡ པཊིཀསྶཏི… མཱནཏྟཱརཧཾ ཨབྦྷེཏི, ཨབྦྷཱནཱརཧསྶ མཱནཏྟཾ དེཏི… ཨབྦྷཱནཱརཧཾ ཨུཔསམྤཱདེཏི, ཨུཔསམྤདཱརཧཾ ཨབྦྷེཏི, དྷམྨཀམྨཾ ནུ ཁོ ཏཾ, བྷནྟེ, ཝིནཡཀམྨ’’ནྟི? ‘‘ཨདྷམྨཀམྨཾ ཏཾ, ཨུཔཱལི, ཨཝིནཡཀམྨ’’ནྟི.

‘‘ཡོ ཁོ, ཨུཔཱལི, སམགྒོ སངྒྷོ སཏིཝིནཡཱརཧསྶ ཨམཱུལ༹ྷཝིནཡཾ དེཏི, ཨམཱུལ༹ྷཝིནཡཱརཧསྶ སཏིཝིནཡཾ དེཏི, ཨེཝཾ ཁོ, ཨུཔཱལི, ཨདྷམྨཀམྨཾ ཧོཏི ཨཝིནཡཀམྨཾ. ཨེཝཉྩ པན སངྒྷོ སཱཏིསཱརོ ཧོཏི. ཡོ ཁོ, ཨུཔཱལི, སམགྒོ སངྒྷོ ཨམཱུལ༹ྷཝིནཡཱརཧསྶ ཏསྶཔཱཔིཡསིཀཱཀམྨཾ ཀརོཏི, ཏསྶཔཱཔིཡསིཀཱཀམྨཱརཧསྶ ཨམཱུལ༹ྷཝིནཡཾ དེཏི…པེ… ཏསྶཔཱཔིཡསིཀཱཀམྨཱརཧསྶ ཏཛྫནཱིཡཀམྨཾ ཀརོཏི, ཏཛྫནཱིཡཀམྨཱརཧསྶ ཏསྶཔཱཔིཡསིཀཱཀམྨཾ ཀརོཏི… ཏཛྫནཱིཡཀམྨཱརཧསྶ ནིཡསྶཀམྨཾ ཀརོཏི, ནིཡསྶཀམྨཱརཧསྶ ཏཛྫནཱིཡཀམྨཾ ཀརོཏི… ནིཡསྶཀམྨཱརཧསྶ པབྦཱཛནཱིཡཀམྨཾ ཀརོཏི, པབྦཱཛནཱིཡཀམྨཱརཧསྶ ནིཡསྶཀམྨཾ ཀརོཏི… པབྦཱཛནཱིཡཀམྨཱརཧསྶ པཊིསཱརཎཱིཡཀམྨཾ ཀརོཏི, པཊིསཱརཎཱིཡཀམྨཱརཧསྶ པབྦཱཛནཱིཡཀམྨཾ ཀརོཏི… པཊིསཱརཎཱིཡཀམྨཱརཧསྶ ཨུཀྑེཔནཱིཡཀམྨཾ ཀརོཏི, ཨུཀྑེཔནཱིཡཀམྨཱརཧསྶ པཊིསཱརཎཱིཡཀམྨཾ ཀརོཏི… ཨུཀྑེཔནཱིཡཀམྨཱརཧསྶ པརིཝཱསཾ དེཏི, པརིཝཱསཱརཧསྶ ཨུཀྑེཔནཱིཡཀམྨཾ ཀརོཏི… པརིཝཱསཱརཧཾ མཱུལཱཡ པཊིཀསྶཏི, མཱུལཱཡཔཊིཀསྶནཱརཧསྶ པརིཝཱསཾ དེཏི… མཱུལཱཡཔཊིཀསྶནཱརཧསྶ མཱནཏྟཾ དེཏི, མཱནཏྟཱརཧཾ མཱུལཱཡ པཊིཀསྶཏི – མཱནཏྟཱརཧཾ ཨབྦྷེཏི, ཨབྦྷཱནཱརཧསྶ མཱནཏྟཾ དེཏི… ཨབྦྷཱནཱརཧཾ ཨུཔསམྤཱདེཏི, ཨུཔསམྤདཱརཧཾ ཨབྦྷེཏི, ཨེཝཾ ཁོ, ཨུཔཱལི, ཨདྷམྨཀམྨཾ ཧོཏི ཨཝིནཡཀམྨཾ. ཨེཝཉྩ པན སངྒྷོ སཱཏིསཱརོ ཧོཏཱི’’ཏི.

༤༠༣. ‘‘ཡོ ནུ ཁོ, བྷནྟེ, སམགྒོ སངྒྷོ སཏིཝིནཡཱརཧསྶ སཏིཝིནཡཾ དེཏི, ཨམཱུལ༹ྷཝིནཡཱརཧསྶ ཨམཱུལ༹ྷཝིནཡཾ དེཏི, དྷམྨཀམྨཾ ནུ ཁོ ཏཾ, བྷནྟེ, ཝིནཡཀམྨ’’ནྟི? ‘‘དྷམྨཀམྨཾ ཏཾ, ཨུཔཱལི, ཝིནཡཀམྨ’’ནྟི. ‘‘ཡོ ནུ ཁོ, བྷནྟེ, སམགྒོ སངྒྷོ ཨམཱུལ༹ྷཝིནཡཱརཧསྶ ཨམཱུལ༹ྷཝིནཡཾ དེཏི…པེ… ཏསྶཔཱཔིཡསིཀཱཀམྨཱརཧསྶ ཏསྶཔཱཔིཡསིཀཱཀམྨཾ ཀརོཏི…པེ… ཏཛྫནཱིཡཀམྨཱརཧསྶ ཏཛྫནཱིཡཀམྨཾ ཀརོཏི…པེ… ནིཡསྶཀམྨཱརཧསྶ ནིཡསྶཀམྨཾ ཀརོཏི…པེ… པབྦཱཛནཱིཡཀམྨཱརཧསྶ པབྦཱཛནཱིཡཀམྨཾ ཀརོཏི…པེ… པཊིསཱརཎཱིཡཀམྨཱརཧསྶ པཊིསཱརཎཱིཡཀམྨཾ ཀརོཏི…པེ… ཨུཀྑེཔནཱིཡཀམྨཱརཧསྶ ཨུཀྑེཔནཱིཡཀམྨཾ ཀརོཏི…པེ… པརིཝཱསཱརཧསྶ པརིཝཱསཾ དེཏི…པེ… མཱུལཱཡཔཊིཀསྶནཱརཧཾ མཱུལཱཡ པཊིཀསྶཏི…པེ… མཱནཏྟཱརཧསྶ མཱནཏྟཾ དེཏི…པེ… ཨབྦྷཱནཱརཧཾ ཨབྦྷེཏི, ཨུཔསམྤདཱརཧཾ ཨུཔསམྤཱདེཏི, དྷམྨཀམྨཾ ནུ ཁོ ཏཾ, བྷནྟེ, ཝིནཡཀམྨ’’ནྟི? ‘‘དྷམྨཀམྨཾ ཏཾ, ཨུཔཱལི, ཝིནཡཀམྨཾ’’.

‘‘ཡོ ཁོ, ཨུཔཱལི, སམགྒོ སངྒྷོ སཏིཝིནཡཱརཧསྶ སཏིཝིནཡཾ དེཏི, ཨམཱུལ༹ྷཝིནཡཱརཧསྶ ཨམཱུལ༹ྷཝིནཡཾ དེཏི, ཨེཝཾ ཁོ, ཨུཔཱལི, དྷམྨཀམྨཾ ཧོཏི ཝིནཡཀམྨཾ. ཨེཝཉྩ པན སངྒྷོ ཨནཏིསཱརོ ཧོཏི. ཡོ ཁོ, ཨུཔཱལི, སམགྒོ སངྒྷོ ཨམཱུལ༹ྷཝིནཡཱརཧསྶ ཨམཱུལ༹ྷཝིནཡཾ དེཏི …པེ… ཏསྶཔཱཔིཡསིཀཱཀམྨཱརཧསྶ ཏསྶཔཱཔིཡསིཀཱཀམྨཾ ཀརོཏི…པེ… ཏཛྫནཱིཡཀམྨཱརཧསྶ ཏཛྫནཱིཡཀམྨཾ ཀརོཏི…པེ… ནིཡསྶཀམྨཱརཧསྶ ནིཡསྶཀམྨཾ ཀརོཏི…པེ… པབྦཱཛནཱིཡཀམྨཱརཧསྶ པབྦཱཛནཱིཡཀམྨཾ ཀརོཏི…པེ… པཊིསཱརཎཱིཡཀམྨཱརཧསྶ པཊིསཱརཎཱིཡཀམྨཾ ཀརོཏི…པེ… ཨུཀྑེཔནཱིཡཀམྨཱརཧསྶ ཨུཀྑེཔནཱིཡཀམྨཾ ཀརོཏི…པེ… པརིཝཱསཱརཧསྶ པརིཝཱསཾ དེཏི…པེ… མཱུལཱཡ པཊིཀསྶནཱརཧཾ མཱུལཱཡ པཊིཀསྶཏི…པེ… མཱནཏྟཱརཧསྶ མཱནཏྟཾ དེཏི…པེ… ཨབྦྷཱནཱརཧཾ ཨབྦྷེཏི, ཨུཔསམྤདཱརཧཾ ཨུཔསམྤཱདེཏི, ཨེཝཾ ཁོ, ཨུཔཱལི, དྷམྨཀམྨཾ ཧོཏི ཝིནཡཀམྨཾ. ཨེཝཉྩ པན སངྒྷོ ཨནཏིསཱརོ ཧོཏཱི’’ཏི.

༤༠༤. ཨཐ ཁོ བྷགཝཱ བྷིཀྑཱུ ཨཱམནྟེསི – ཡོ ཁོ, བྷིཀྑཝེ, སམགྒོ སངྒྷོ སཏིཝིནཡཱརཧསྶ ཨམཱུལ༹ྷཝིནཡཾ དེཏི, ཨེཝཾ ཁོ, བྷིཀྑཝེ, ཨདྷམྨཀམྨཾ ཧོཏི ཨཝིནཡཀམྨཾ. ཨེཝཉྩ པན སངྒྷོ སཱཏིསཱརོ ཧོཏི. ཡོ ཁོ, བྷིཀྑཝེ, སམགྒོ སངྒྷོ སཏིཝིནཡཱརཧསྶ ཏསྶཔཱཔིཡསིཀཱཀམྨཾ ཀརོཏི…པེ… སཏིཝིནཡཱརཧསྶ ཏཛྫནཱིཡཀམྨཾ ཀརོཏི… སཏིཝིནཡཱརཧསྶ ནིཡསྶཀམྨཾ ཀརོཏི… སཏིཝིནཡཱརཧསྶ པབྦཱཛནཱིཡཀམྨཾ ཀརོཏི… སཏིཝིནཡཱརཧསྶ པཊིསཱརཎཱིཡཀམྨཾ ཀརོཏི… སཏིཝིནཡཱརཧསྶ ཨུཀྑེཔནཱིཡཀམྨཾ ཀརོཏི … སཏིཝིནཡཱརཧསྶ པརིཝཱསཾ དེཏི… སཏིཝིནཡཱརཧཾ མཱུལཱཡ པཊིཀསྶཏི… སཏིཝིནཡཱརཧསྶ མཱནཏྟཾ དེཏི… སཏིཝིནཡཱརཧཾ ཨབྦྷེཏི… སཏིཝིནཡཱརཧཾ ཨུཔསམྤཱདེཏི, ཨེཝཾ ཁོ, བྷིཀྑཝེ, ཨདྷམྨཀམྨཾ ཧོཏི ཨཝིནཡཀམྨཾ. ཨེཝཉྩ པན སངྒྷོ སཱཏིསཱརོ ཧོཏི.

༤༠༥. ཡོ ཁོ, བྷིཀྑཝེ, སམགྒོ སངྒྷོ ཨམཱུལ༹ྷཝིནཡཱརཧསྶ ཏསྶཔཱཔིཡསིཀཱཀམྨཾ ཀརོཏི, ཨེཝཾ ཁོ, བྷིཀྑཝེ, ཨདྷམྨཀམྨཾ ཧོཏི ཨཝིནཡཀམྨཾ. ཨེཝཉྩ པན སངྒྷོ སཱཏིསཱརོ ཧོཏི. ཡོ ཁོ, བྷིཀྑཝེ, སམགྒོ སངྒྷོ ཨམཱུལ༹ྷཝིནཡཱརཧསྶ ཏཛྫནཱིཡཀམྨཾ ཀརོཏི…པེ… ཨམཱུལ༹ྷཝིནཡཱརཧསྶ ནིཡསྶཀམྨཾ ཀརོཏི… ཨམཱུལ༹ྷཝིནཡཱརཧསྶ པབྦཱཛནཱིཡཀམྨཾ ཀརོཏི… ཨམཱུལ༹ྷཝིནཡཱརཧསྶ པཊིསཱརཎཱིཡཀམྨཾ ཀརོཏི… ཨམཱུལ༹ྷཝིནཡཱརཧསྶ ཨུཀྑེཔནཱིཡཀམྨཾ ཀརོཏི… ཨམཱུལ༹ྷཝིནཡཱརཧསྶ པརིཝཱསཾ དེཏི… ཨམཱུལ༹ྷཝིནཡཱརཧཾ མཱུལཱཡ པཊིཀསྶཏི… ཨམཱུལ༹ྷཝིནཡཱརཧསྶ མཱནཏྟཾ དེཏི… ཨམཱུལ༹ྷཝིནཡཱརཧཾ ཨབྦྷེཏི… ཨམཱུལ༹ྷཝིནཡཱརཧཾ ཨུཔསམྤཱདེཏི… ཨམཱུལ༹ྷཝིནཡཱརཧསྶ སཏིཝིནཡཾ དེཏི, ཨེཝཾ ཁོ, བྷིཀྑཝེ, ཨདྷམྨཀམྨཾ ཧོཏི ཨཝིནཡཀམྨཾ. ཨེཝཉྩ པན སངྒྷོ སཱཏིསཱརོ ཧོཏི.

༤༠༦. ཡོ ཁོ, བྷིཀྑཝེ, སམགྒོ སངྒྷོ ཏསྶཔཱཔིཡསིཀཱཀམྨཱརཧསྶ ཏཛྫནཱིཡཀམྨཾ ཀརོཏི…པེ… ཏཛྫནཱིཡཀམྨཱརཧསྶ… ནིཡསྶཀམྨཱརཧསྶ… པབྦཱཛནཱིཡཀམྨཱརཧསྶ… པཊིསཱརཎཱིཡཀམྨཱརཧསྶ… ཨུཀྑེཔནཱིཡཀམྨཱརཧསྶ… པརིཝཱསཱརཧཾ… མཱུལཱཡཔཊིཀསྶནཱརཧསྶ… མཱནཏྟཱརཧཾ… ཨབྦྷཱནཱརཧཾ… ཨུཔསམྤདཱརཧསྶ སཏིཝིནཡཾ དེཏི, ཨེཝཾ ཁོ, བྷིཀྑཝེ, ཨདྷམྨཀམྨཾ ཧོཏི ཨཝིནཡཀམྨཾ. ཨེཝཉྩ པན སངྒྷོ སཱཏིསཱརོ ཧོཏི. ཡོ ཁོ, བྷིཀྑཝེ, སམགྒོ སངྒྷོ ཨུཔསམྤདཱརཧསྶ ཨམཱུལ༹ྷཝིནཡཾ དེཏི…པེ… ཨུཔསམྤདཱརཧསྶ ཏསྶཔཱཔིཡསིཀཱཀམྨཾ ཀརོཏི… ཨུཔསམྤདཱརཧསྶ ཏཛྫནཱིཡཀམྨཾ ཀརོཏི… ཨུཔསམྤདཱརཧསྶ ནིཡསྶཀམྨཾ ཀརོཏི… ཨུཔསམྤདཱརཧསྶ པབྦཱཛནཱིཡཀམྨཾ ཀརོཏི… ཨུཔསམྤདཱརཧསྶ པཊིསཱརཎཱིཡཀམྨཾ ཀརོཏི… ཨུཔསམྤདཱརཧསྶ ཨུཀྑེཔནཱིཡཀམྨཾ ཀརོཏི… ཨུཔསམྤདཱརཧསྶ པརིཝཱསཾ དེཏི… ཨུཔསམྤདཱརཧཾ མཱུལཱཡ པཊིཀསྶཏི… ཨུཔསམྤདཱརཧསྶ མཱནཏྟཾ དེཏི… ཨུཔསམྤདཱརཧཾ ཨབྦྷེཏི, ཨེཝཾ ཁོ, བྷིཀྑཝེ, ཨདྷམྨཀམྨཾ ཧོཏི ཨཝིནཡཀམྨཾ. ཨེཝཉྩ པན སངྒྷོ སཱཏིསཱརོ ཧོཏཱིཏི.

ཨུཔཱལིཔུཙྪཱཀཐཱ ནིཊྛིཏཱ.

ཨུཔཱལིཔུཙྪཱབྷཱཎཝཱརོ ནིཊྛིཏོ དུཏིཡོ.

༢༤༢. ཏཛྫནཱིཡཀམྨཀཐཱ

༤༠༧. ཨིདྷ པན, བྷིཀྑཝེ, བྷིཀྑུ བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ བྷཎྜནཀཱརཀོ ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – ཨདྷམྨེན ཝགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ ཨདྷམྨེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – ཨདྷམྨེན སམགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ ཨདྷམྨེན སམགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – དྷམྨེན ཝགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ དྷམྨེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – དྷམྨཔཏིརཱུཔཀེན ཝགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ དྷམྨཔཏིརཱུཔཀེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – དྷམྨཔཏིརཱུཔཀེན སམགྒཱ.

༤༠༨. ཨིདྷ པན, བྷིཀྑཝེ, བྷིཀྑུ བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ བྷཎྜནཀཱརཀོ ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – ཨདྷམྨེན སམགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ ཨདྷམྨེན སམགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – དྷམྨེན ཝགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ དྷམྨེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – དྷམྨཔཏིརཱུཔཀེན ཝགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ དྷམྨཔཏིརཱུཔཀེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – དྷམྨཔཏིརཱུཔཀེན སམགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ དྷམྨཔཏིརཱུཔཀེན སམགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’ཏི. ཏེ ཏསྶ ཏཛྫནཱིཡཀམྨཾ ཀརོནྟི – ཨདྷམྨེན ཝགྒཱ.

༤༠༩. ཨིདྷ པན, བྷིཀྑཝེ, བྷིཀྑུ བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ བྷཎྜནཀཱརཀོ ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – དྷམྨེན ཝགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ དྷམྨེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – དྷམྨཔཏིརཱུཔཀེན ཝགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ དྷམྨཔཏིརཱུཔཀེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – དྷམྨཔཏིརཱུཔཀེན སམགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ དྷམྨཔཏིརཱུཔཀེན སམགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – ཨདྷམྨེན ཝགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ ཨདྷམྨེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – ཨདྷམྨེན སམགྒཱ.

༤༡༠. ཨིདྷ པན, བྷིཀྑཝེ, བྷིཀྑུ བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ བྷཎྜནཀཱརཀོ ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – དྷམྨཔཏིརཱུཔཀེན ཝགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ དྷམྨཔཏིརཱུཔཀེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – དྷམྨཔཏིརཱུཔཀེན སམགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ དྷམྨཔཏིརཱུཔཀེན སམགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – ཨདྷམྨེན ཝགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ ཨདྷམྨེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – ཨདྷམྨེན སམགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ ཨདྷམྨེན སམགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – དྷམྨེན ཝགྒཱ.

༤༡༡. ཨིདྷ པན, བྷིཀྑཝེ, བྷིཀྑུ བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ བྷཎྜནཀཱརཀོ ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – དྷམྨཔཏིརཱུཔཀེན སམགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ དྷམྨཔཏིརཱུཔཀེན སམགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – ཨདྷམྨེན ཝགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ ཨདྷམྨེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – ཨདྷམྨེན སམགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ ཨདྷམྨེན སམགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – དྷམྨེན ཝགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ དྷམྨེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – དྷམྨཔཏིརཱུཔཀེན ཝགྒཱ.

ཏཛྫནཱིཡཀམྨཀཐཱ ནིཊྛིཏཱ.

༢༤༣. ནིཡསྶཀམྨཀཐཱ

༤༡༢. ཨིདྷ པན, བྷིཀྑཝེ, བྷིཀྑུ བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ, གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ བཱལོ ཨབྱཏྟོ ཨཱཔཏྟིབཧུལོ ཨནཔདཱནོ, གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི. ཧནྡསྶ མཡཾ ནིཡསྶཀམྨཾ ཀརོམཱ’’ཏི. ཏེ ཏསྶ ནིཡསྶཀམྨཾ ཀརོནྟི – ཨདྷམྨེན ཝགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ནིཡསྶཀམྨཀཏོ ཨདྷམྨེན ཝགྒེཧི. ཧནྡསྶ མཡཾ ནིཡསྶཀམྨཾ ཀརོམཱ’’ཏི. ཏེ ཏསྶ ནིཡསྶཀམྨཾ ཀརོནྟི – ཨདྷམྨེན སམགྒཱ…པེ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ…པེ….

ཡཐཱ ཧེཊྛཱ, ཏཐཱ ཙཀྐཾ ཀཱཏབྦཾ.

ནིཡསྶཀམྨཀཐཱ ནིཊྛིཏཱ.

༢༤༤. པབྦཱཛནཱིཡཀམྨཀཐཱ

༤༡༣. ཨིདྷ པན, བྷིཀྑཝེ, བྷིཀྑུ ཀུལདཱུསཀོ ཧོཏི པཱཔསམཱཙཱརོ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ ཀུལདཱུསཀོ པཱཔསམཱཙཱརོ. ཧནྡསྶ མཡཾ པབྦཱཛནཱིཡཀམྨཾ ཀརོམཱ’’ཏི. ཏེ ཏསྶ པབྦཱཛནཱིཡཀམྨཾ ཀརོནྟི – ཨདྷམྨེན ཝགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན པབྦཱཛནཱིཡཀམྨཀཏོ ཨདྷམྨེན ཝགྒེཧི. ཧནྡསྶ མཡཾ པབྦཱཛནཱིཡཀམྨཾ ཀརོམཱ’’ཏི. ཏེ ཏསྶ པབྦཱཛནཱིཡཀམྨཾ ཀརོནྟི – ཨདྷམྨེན སམགྒཱ…པེ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ…པེ….

ཙཀྐཾ ཀཱཏབྦཾ.

པབྦཱཛནཱིཡཀམྨཀཏཱ ནིཊྛིཏཱ.

༢༤༥. པཊིསཱརཎཱིཡཀམྨཀཐཱ

༤༡༤. ཨིདྷ པན, བྷིཀྑཝེ, བྷིཀྑུ གིཧཱི ཨཀྐོསཏི པརིབྷཱསཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ གིཧཱི ཨཀྐོསཏི པརིབྷཱསཏི. ཧནྡསྶ མཡཾ པཊིསཱརཎཱིཡཀམྨཾ ཀརོམཱ’’ཏི. ཏེ ཏསྶ པཊིསཱརཎཱིཡཀམྨཾ ཀརོནྟི – ཨདྷམྨེན ཝགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན པཊིསཱརཎཱིཡཀམྨཀཏོ ཨདྷམྨེན ཝགྒེཧི. ཧནྡསྶ མཡཾ པཊིསཱརཎཱིཡཀམྨཾ ཀརོམཱ’’ཏི. ཏེ ཏསྶ པཊིསཱརཎཱིཡཀམྨཾ ཀརོནྟི – ཨདྷམྨེན སམགྒཱ…པེ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ…པེ….

ཙཀྐཾ ཀཱཏབྦཾ.

པཊིསཱརཎཱིཡཀམྨཀཐཱ ནིཊྛིཏཱ.

༢༤༦. ཨདསྶནེ ཨུཀྑེཔནཱིཡཀམྨཀཐཱ

༤༡༥. ཨིདྷ པན, བྷིཀྑཝེ, བྷིཀྑུ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པསྶིཏུཾ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པསྶིཏུཾ. ཧནྡསྶ མཡཾ ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ ཀརོམཱ’’ཏི. ཏེ ཏསྶ ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ ཀརོནྟི – ཨདྷམྨེན ཝགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཀཏོ ཨདྷམྨེན ཝགྒེཧི. ཧནྡསྶ མཡཾ ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ ཀརོམཱ’’ཏི. ཏེ ཏསྶ ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ ཀརོནྟི – ཨདྷམྨེན སམགྒཱ…པེ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ…པེ….

ཙཀྐཾ ཀཱཏབྦཾ.

ཨདསྶནེ ཨུཀྑེཔནཱིཡཀམྨཀཐཱ ནིཊྛིཏཱ.

༢༤༧. ཨཔྤཊིཀམྨེ ཨུཀྑེཔནཱིཡཀམྨཀཐཱ

༤༡༦. ཨིདྷ པན, བྷིཀྑཝེ, བྷིཀྑུ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པཊིཀཱཏུཾ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པཊིཀཱཏུཾ. ཧནྡསྶ མཡཾ ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཾ ཀརོམཱ’’ཏི. ཏེ ཏསྶ ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཾ ཀརོནྟི – ཨདྷམྨེན ཝགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཀཏོ ཨདྷམྨེན ཝགྒེཧི. ཧནྡསྶ མཡཾ ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཾ ཀརོམཱ’’ཏི. ཏེ ཏསྶ ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཾ ཀརོནྟི – ཨདྷམྨེན སམགྒཱ…པེ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ…པེ….

ཙཀྐཾ ཀཱཏབྦཾ.

ཨཔྤཊིཀམྨེ ཨུཀྑེཔནཱིཡཀམྨཀཐཱ ནིཊྛིཏཱ.

༢༤༨. ཨཔྤཊིནིསྶགྒེ ཨུཀྑེཔནཱིཡཀམྨཀཐཱ

༤༡༧. ཨིདྷ པན, བྷིཀྑཝེ, བྷིཀྑུ ན ཨིཙྪཏི པཱཔིཀཾ དིཊྛིཾ པཊིནིསྶཛྫིཏུཾ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ ན ཨིཙྪཏི པཱཔིཀཾ དིཊྛིཾ པཊིནིསྶཛྫིཏུཾ. ཧནྡསྶ མཡཾ པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཾ ཀརོམཱ’’ཏི. ཏེ ཏསྶ པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཾ ཀརོནྟི – ཨདྷམྨེན ཝགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཀཏོ ཨདྷམྨེན ཝགྒེཧི. ཧནྡསྶ མཡཾ པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཾ ཀརོམཱ’’ཏི. ཏེ ཏསྶ པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཾ ཀརོནྟི – ཨདྷམྨེན སམགྒཱ…པེ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ…པེ….

ཙཀྐཾ ཀཱཏབྦཾ.

ཨཔྤཊིནིསྶགྒེ ཨུཀྑེཔནཱིཡཀམྨཀཐཱ ནིཊྛིཏཱ.

༢༤༩. ཏཛྫནཱིཡཀམྨཔཊིཔྤསྶདྡྷིཀཐཱ

༤༡༨. ཨིདྷ པན, བྷིཀྑཝེ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ ཨདྷམྨེན སམགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – ཨདྷམྨེན སམགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ ཨདྷམྨེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – དྷམྨེན ཝགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ དྷམྨེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – དྷམྨཔཏིརཱུཔཀེན ཝགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ དྷམྨཔཏིརཱུཔཀེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – དྷམྨཔཏིརཱུཔཀེན སམགྒཱ.

༤༡༩. ཨིདྷ པན, བྷིཀྑཝེ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – ཨདྷམྨེན སམགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ ཨདྷམྨེན སམགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – དྷམྨེན ཝགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ དྷམྨེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – དྷམྨཔཏིརཱུཔཀེན ཝགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ དྷམྨཔཏིརཱུཔཀེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – དྷམྨཔཏིརཱུཔཀེན སམགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ དྷམྨཔཏིརཱུཔཀེན སམགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ.

༤༢༠. ཨིདྷ པན, བྷིཀྑཝེ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – དྷམྨེན ཝགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ དྷམྨེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – དྷམྨཔཏིརཱུཔཀེན ཝགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ དྷམྨཔཏིརཱུཔཀེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – དྷམྨཔཏིརཱུཔཀེན སམགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ དྷམྨཔཏིརཱུཔཀེན སམགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ ཨདྷམྨེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – ཨདྷམྨེན སམགྒཱ.

༤༢༡. ཨིདྷ པན, བྷིཀྑཝེ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – དྷམྨཔཏིརཱུཔཀེན ཝགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ དྷམྨཔཏིརཱུཔཀེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – དྷམྨཔཏིརཱུཔཀེན སམགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ དྷམྨཔཏིརཱུཔཀེན སམགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ ཨདྷམྨེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – ཨདྷམྨེན སམགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ ཨདྷམྨེན སམགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – དྷམྨེན ཝགྒཱ.

༤༢༢. ཨིདྷ པན, བྷིཀྑཝེ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – དྷམྨཔཏིརཱུཔཀེན སམགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ དྷམྨཔཏིརཱུཔཀེན སམགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ ཨདྷམྨེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – ཨདྷམྨེན སམགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ ཨདྷམྨེན སམགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – དྷམྨེན ཝགྒཱ. སོ ཏམྷཱཔི ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཏཛྫནཱིཡཀམྨཾ པཊིཔྤསྶདྡྷཾ དྷམྨེན ཝགྒེཧི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – དྷམྨཔཏིརཱུཔཀེན ཝགྒཱ.

ཏཛྫནཱིཡཀམྨཔཊིཔྤསྶདྡྷིཀཐཱ ནིཊྛིཏཱ.

༢༥༠. ནིཡསྶཀམྨཔཊིཔྤསྶདྡྷིཀཐཱ

༤༢༣. ཨིདྷ པན, བྷིཀྑཝེ, བྷིཀྑུ སངྒྷེན ནིཡསྶཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ནིཡསྶསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ནིཡསྶཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ནིཡསྶསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ ནིཡསྶཀམྨཾ པཊིཔྤསྶམྦྷེམཱ’’ཏི. ཏེ ཏསྶ ནིཡསྶཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ནིཡསྶཀམྨཾ པཊིཔྤསྶདྡྷཾ ཨདྷམྨེན ཝགྒེཧི. ཧནྡསྶ མཡཾ ནིཡསྶཀམྨཾ པཊིཔྤསྶམྦྷེམཱ’’ཏི. ཏེ ཏསྶ ནིཡསྶཀམྨཾ པཊིཔྤསྶམྦྷེནྟི – ཨདྷམྨེན སམགྒཱ…པེ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ…པེ….

ཙཀྐཾ ཀཱཏབྦཾ.

ནིཡསྶཀམྨཔཊིཔྤསྶདྡྷིཀཐཱ ནིཊྛིཏཱ.

༢༥༡. པབྦཱཛནཱིཡཀམྨཔཊིཔྤསྶདྡྷིཀཐཱ

༤༢༤. ཨིདྷ པན, བྷིཀྑཝེ, བྷིཀྑུ སངྒྷེན པབྦཱཛནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པབྦཱཛནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན པབྦཱཛནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པབྦཱཛནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ པབྦཱཛནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ པབྦཱཛནཱིཡཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན པབྦཱཛནཱིཡཀམྨཾ པཊིཔྤསྶདྡྷཾ ཨདྷམྨེན ཝགྒེཧི. ཧནྡསྶ མཡཾ པབྦཱཛནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ པབྦཱཛནཱིཡཀམྨཾ པཊིཔྤསྶམྦྷེནྟི – ཨདྷམྨེན སམགྒཱ…པེ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ…པེ….

ཙཀྐཾ ཀཱཏབྦཾ.

པབྦཱཛནཱིཡཀམྨཔཊིཔྤསྶདྡྷིཀཐཱ ནིཊྛིཏཱ.

༢༥༢. པཊིསཱརཎཱིཡཀམྨཔཊིཔྤསྶདྡྷིཀཐཱ

༤༢༥. ཨིདྷ པན, བྷིཀྑཝེ, བྷིཀྑུ སངྒྷེན པཊིསཱརཎཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པཊིསཱརཎཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན པཊིསཱརཎཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པཊིསཱརཎཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ པཊིསཱརཎཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ པཊིསཱརཎཱིཡཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན པཊིསཱརཎཱིཡཀམྨཾ པཊིཔྤསྶདྡྷཾ ཨདྷམྨེན ཝགྒེཧི. ཧནྡསྶ མཡཾ པཊིསཱརཎཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ པཊིསཱརཎཱིཡཀམྨཾ པཊིཔྤསྶམྦྷེནྟི – ཨདྷམྨེན སམགྒཱ…པེ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ…པེ….

ཙཀྐཾ ཀཱཏབྦཾ.

པཊིསཱརཎཱིཡཀམྨཔཊིཔྤསྶདྡྷིཀཐཱ ནིཊྛིཏཱ.

༢༥༣. ཨདསྶནེ ཨུཀྑེཔནཱིཡཀམྨཔཊིཔྤསྶདྡྷིཀཐཱ

༤༢༦. ཨིདྷ པན, བྷིཀྑཝེ, བྷིཀྑུ སངྒྷེན ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཨཱཔཏྟིཡཱ ཨདསྶནེ ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཨཱཔཏྟིཡཱ ཨདསྶནེ ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ པཊིཔྤསྶདྡྷཾ ཨདྷམྨེན ཝགྒེཧི. ཧནྡསྶ མཡཾ ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ པཊིཔྤསྶམྦྷེནྟི – ཨདྷམྨེན སམགྒཱ…པེ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ…པེ….

ཙཀྐཾ ཀཱཏབྦཾ.

ཨདསྶནེ ཨུཀྑེཔནཱིཡཀམྨཔཊིཔྤསྶདྡྷིཀཐཱ ནིཊྛིཏཱ.

༢༥༤. ཨཔྤཊིཀམྨེ ཨུཀྑེཔནཱིཡཀམྨཔཊིཔྤསྶདྡྷིཀཐཱ

༤༢༧. ཨིདྷ པན, བྷིཀྑཝེ, བྷིཀྑུ སངྒྷེན ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཾ པཊིཔྤསྶདྡྷཾ – ཨདྷམྨེན ཝགྒེཧི. ཧནྡསྶ མཡཾ ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཾ པཊིཔྤསྶམྦྷེནྟི – ཨདྷམྨེན སམགྒཱ…པེ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ…པེ….

ཙཀྐཾ ཀཱཏབྦཾ.

ཨཔྤཊིཀམྨེ ཨུཀྑེཔནཱིཡཀམྨཔཊིཔྤསྶདྡྷིཀཐཱ ནིཊྛིཏཱ.

༢༥༥. ཨཔྤཊིནིསྶགྒེ ཨུཀྑེཔནཱིཡཀམྨཔཊིཔྤསྶདྡྷིཀཐཱ

༤༢༨. ཨིདྷ པན, བྷིཀྑཝེ, བྷིཀྑུ སངྒྷེན པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ. སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི. ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨིམསྶ ཁོ, ཨཱཝུསོ, བྷིཀྑུནོ སངྒྷེན པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཾ པཊིཔྤསྶདྡྷཾ – ཨདྷམྨེན ཝགྒེཧི. ཧནྡསྶ མཡཾ པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཾ པཊིཔྤསྶམྦྷེནྟི… ཨདྷམྨེན སམགྒཱ…པེ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ…པེ….

ཙཀྐཾ ཀཱཏབྦཾ.

ཨཔྤཊིནིསྶགྒེ ཨུཀྑེཔནཱིཡཀམྨཔཊིཔྤསྶདྡྷིཀཐཱ ནིཊྛིཏཱ.

༢༥༦. ཏཛྫནཱིཡཀམྨཝིཝཱདཀཐཱ

༤༢༩. ཨིདྷ པན, བྷིཀྑཝེ, བྷིཀྑུ བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ བྷཎྜནཀཱརཀོ…པེ… སངྒྷེ ཨདྷིཀརཎཀཱརཀོ. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – ཨདྷམྨེན ཝགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘ཨདྷམྨེན ཝགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ.

༤༣༠. ཨིདྷ པན, བྷིཀྑཝེ, བྷིཀྑུ བྷཎྜནཀཱརཀོ ཧོཏི…པེ… སངྒྷེ ཨདྷིཀརཎཀཱརཀོ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ བྷཎྜནཀཱརཀོ…པེ… སངྒྷེ ཨདྷིཀརཎཀཱརཀོ. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – ཨདྷམྨེན སམགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘ཨདྷམྨེན སམགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ.

༤༣༡. ཨིདྷ པན, བྷིཀྑཝེ, བྷིཀྑུ བྷཎྜནཀཱརཀོ ཧོཏི…པེ… སངྒྷེ ཨདྷིཀརཎཀཱརཀོ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ བྷཎྜནཀཱརཀོ…པེ… སངྒྷེ ཨདྷིཀརཎཀཱརཀོ ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – དྷམྨེན ཝགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨེན ཝགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ.

༤༣༢. ཨིདྷ པན, བྷིཀྑཝེ, བྷིཀྑུ བྷཎྜནཀཱརཀོ ཧོཏི…པེ… སངྒྷེ ཨདྷིཀརཎཀཱརཀོ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ བྷཎྜནཀཱརཀོ…པེ… སངྒྷེ ཨདྷིཀརཎཀཱརཀོ. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – དྷམྨཔཏིརཱུཔཀེན ཝགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨཔཏིརཱུཔཀེན སམགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ.

༤༣༣. ཨིདྷ པན, བྷིཀྑཝེ, བྷིཀྑུ བྷཎྜནཀཱརཀོ ཧོཏི…པེ… སངྒྷེ ཨདྷིཀརཎཀཱརཀོ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ བྷཎྜནཀཱརཀོ ཧོཏི…པེ… སངྒྷེ ཨདྷིཀརཎཀཱརཀོ. ཧནྡསྶ མཡཾ ཏཛྫནཱིཡཀམྨཾ ཀརོམཱ’’ཏི. ཏེ ཏསྶ ཏཛྫནཱིཡཀམྨཾ ཀརོནྟི – དྷམྨཔཏིརཱུཔཀེན སམགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨཔཏིརཱུཔཀེན སམགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ.

ཏཛྫནཱིཡཀམྨཝིཝཱདཀཐཱ ནིཊྛིཏཱ.

༢༥༧. ནིཡསྶཀམྨཝིཝཱདཀཐཱ

༤༣༤. ཨིདྷ པན, བྷིཀྑཝེ, བྷིཀྑུ བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ, གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ བཱལོ ཨབྱཏྟོ ཨཱཔཏྟིབཧུལོ ཨནཔདཱནོ, གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི. ཧནྡསྶ མཡཾ ནིཡསྶཀམྨཾ ཀརོམཱ’’ཏི. ཏེ ཏསྶ ནིཡསྶཀམྨཾ ཀརོནྟི – ཨདྷམྨེན ཝགྒཱ…པེ… ཨདྷམྨེན སམགྒཱ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨཔཏིརཱུཔཀེན སམགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ. ཨིམེ པཉྩ ཝཱརཱ སཾཁིཏྟཱ.

ནིཡསྶཀམྨཝིཝཱདཀཐཱ ནིཊྛིཏཱ.

༢༥༨. པབྦཱཛནཱིཡཀམྨཝིཝཱདཀཐཱ

༤༣༥. ཨིདྷ པན, བྷིཀྑཝེ, བྷིཀྑུ ཀུལདཱུསཀོ ཧོཏི པཱཔསམཱཙཱརོ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ ཀུལདཱུསཀོ པཱཔསམཱཙཱརོ. ཧནྡསྶ མཡཾ པབྦཱཛནཱིཡཀམྨཾ ཀརོམཱ’’ཏི. ཏེ ཏསྶ པབྦཱཛནཱིཡཀམྨཾ ཀརོནྟི – ཨདྷམྨེན ཝགྒཱ…པེ… ཨདྷམྨེན སམགྒཱ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨཔཏིརཱུཔཀེན སམགྒཀམྨ’’ནྟི ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ. ཨིམེ པཉྩ ཝཱརཱ སཾཁིཏྟཱ.

པབྦཱཛནཱིཡཀམྨཝིཝཱདཀཐཱ ནིཊྛིཏཱ.

༢༥༩. པཊིསཱརཎཱིཡཀམྨཝིཝཱདཀཐཱ

༤༣༦. ཨིདྷ པན, བྷིཀྑཝེ, བྷིཀྑུ གིཧཱི ཨཀྐོསཏི པརིབྷཱསཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ གིཧཱི ཨཀྐོསཏི པརིབྷཱསཏི. ཧནྡསྶ མཡཾ པཊིསཱརཎཱིཡཀམྨཾ ཀརོམཱ’’ཏི. ཏེ ཏསྶ པཊིསཱརཎཱིཡཀམྨཾ ཀརོནྟི – ཨདྷམྨེན ཝགྒཱ…པེ… ཨདྷམྨེན སམགྒཱ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨཔཏིརཱུཔཀེན སམགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ. ཨིམེ པཉྩ ཝཱརཱ སཾཁིཏྟཱ.

པཊིསཱརཎཱིཡཀམྨཝིཝཱདཀཐཱ ནིཊྛིཏཱ.

༢༦༠. ཨདསྶནེ ཨུཀྑེཔནཱིཡཀམྨཝིཝཱདཀཐཱ

༤༣༧. ཨིདྷ པན, བྷིཀྑཝེ, བྷིཀྑུ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པསྶིཏུཾ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པསྶིཏུཾ. ཧནྡསྶ མཡཾ ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ ཀརོམཱ’’ཏི. ཏེ ཏསྶ ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ ཀརོནྟི – ཨདྷམྨེན ཝགྒཱ…པེ… ཨདྷམྨེན སམགྒཱ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨཔཏིརཱུཔཀེན སམགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ. ཨིམེ པཉྩ ཝཱརཱ སཾཁིཏྟཱ.

ཨདསྶནེ ཨུཀྑེཔནཱིཡཀམྨཝིཝཱདཀཐཱ ནིཊྛིཏཱ.

༢༦༡. ཨཔྤཊིཀམྨེ ཨུཀྑེཔནཱིཡཀམྨཝིཝཱདཀཐཱ

༤༣༨. ཨིདྷ པན, བྷིཀྑཝེ, བྷིཀྑུ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པཊིཀཱཏུཾ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པཊིཀཱཏུཾ. ཧནྡསྶ མཡཾ ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཾ ཀརོམཱ’’ཏི. ཏེ ཏསྶ ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཾ ཀརོནྟི – ཨདྷམྨེན ཝགྒཱ…པེ… ཨདྷམྨེན སམགྒཱ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨཔཏིརཱུཔཀེན སམགྒཀམྨ’’ནྟི; ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ. ཨིམེ པཉྩ ཝཱརཱ སཾཁིཏྟཱ.

ཨཔྤཊིཀམྨེ ཨུཀྑེཔནཱིཡཀམྨཝིཝཱདཀཐཱ ནིཊྛིཏཱ.

༢༦༢. ཨཔྤཊིནིསྶགྒེ ཨུཀྑེཔནཱིཡཀམྨཝིཝཱདཀཐཱ

༤༣༩. ཨིདྷ པན, བྷིཀྑཝེ, བྷིཀྑུ ན ཨིཙྪཏི པཱཔིཀཾ དིཊྛིཾ པཊིནིསྶཛྫིཏུཾ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ ན ཨིཙྪཏི པཱཔིཀཾ དིཊྛིཾ པཊིནིསྶཛྫིཏུཾ. ཧནྡསྶ མཡཾ པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཾ ཀརོམཱ’’ཏི. ཏེ ཏསྶ པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཾ ཀརོནྟི – ཨདྷམྨེན ཝགྒཱ…པེ… ཨདྷམྨེན སམགྒཱ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨཔཏིརཱུཔཀེན སམགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ. ཨིམེ པཉྩ ཝཱརཱ སཾཁིཏྟཱ.

ཨཔྤཊིནིསྶགྒེ ཨུཀྑེཔནཱིཡཀམྨཝིཝཱདཀཐཱ ནིཊྛིཏཱ.

༢༦༣. ཏཛྫནཱིཡཀམྨཔཊིཔྤསྶདྡྷིཀཐཱ

༤༤༠. ཨིདྷ པན, བྷིཀྑཝེ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘ཨདྷམྨེན ཝགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ.

༤༤༡. ཨིདྷ པན, བྷིཀྑཝེ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – ཨདྷམྨེན སམགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘ཨདྷམྨེན སམགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ.

༤༤༢. ཨིདྷ པན, བྷིཀྑཝེ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – དྷམྨེན ཝགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨེན ཝགྒཀམྨ’’ནྟི ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ.

༤༤༣. ཨིདྷ པན, བྷིཀྑཝེ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – དྷམྨཔཏིརཱུཔཀེན ཝགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨཔཏིརཱུཔཀེན ཝགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ.

༤༤༤. ཨིདྷ པན, བྷིཀྑཝེ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཏཛྫནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ ཏཛྫནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཏཛྫནཱིཡཀམྨཾ པཊིཔྤསྶམྦྷེནྟི – དྷམྨཔཏིརཱུཔཀེན སམགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨཔཏིརཱུཔཀེན སམགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ.

ཏཛྫནཱིཡཀམྨཔཊིཔྤསྶདྡྷིཀཐཱ ནིཊྛིཏཱ.

༢༦༤. ནིཡསྶཀམྨཔཊིཔྤསྶདྡྷིཀཐཱ

༤༤༥. ཨིདྷ པན, བྷིཀྑཝེ, བྷིཀྑུ སངྒྷེན ནིཡསྶཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ནིཡསྶསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ནིཡསྶཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ནིཡསྶསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ ནིཡསྶཀམྨཾ པཊིཔྤསྶམྦྷེམཱ’’ཏི. ཏེ ཏསྶ ནིཡསྶཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ…པེ… ཨདྷམྨེན སམགྒཱ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨཔཏིརཱུཔཀེན སམགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ. ཨིམེཔི [ཨིམེ (སཱི. སྱཱ. ཨེཝམུཔརིཔི)] པཉྩ ཝཱརཱ སཾཁིཏྟཱ.

ནིཡསྶཀམྨཔཊིཔྤསྶདྡྷིཀཐཱ ནིཊྛིཏཱ.

༢༦༥. པབྦཱཛནཱིཡཀམྨཔཊིཔྤསྶདྡྷིཀཐཱ

༤༤༦. ཨིདྷ པན, བྷིཀྑཝེ, བྷིཀྑུ སངྒྷེན པབྦཱཛནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པབྦཱཛནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན པབྦཱཛནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པབྦཱཛནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ པབྦཱཛནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ པབྦཱཛནཱིཡཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ…པེ… ཨདྷམྨེན སམགྒཱ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨཔཏིརཱུཔཀེན སམགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ. ཨིམེཔི པཉྩ ཝཱརཱ སཾཁིཏྟཱ.

པབྦཱཛནཱིཡཀམྨཔཊིཔྤསྶདྡྷིཀཐཱ ནིཊྛིཏཱ.

༢༦༦. པཊིསཱརཎཱིཡཀམྨཔཊིཔྤསྶདྡྷིཀཐཱ

༤༤༧. ཨིདྷ པན, བྷིཀྑཝེ, བྷིཀྑུ སངྒྷེན པཊིསཱརཎཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པཊིསཱརཎཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན པཊིསཱརཎཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པཊིསཱརཎཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ པཊིསཱརཎཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ པཊིསཱརཎཱིཡཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ…པེ… ཨདྷམྨེན སམགྒཱ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨཔཏིརཱུཔཀེན སམགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཨིམེ ཏཏྠ བྷིཀྑཱུ དྷམྨཝཱདིནོ. ཨིམེཔི པཉྩ ཝཱརཱ སཾཁིཏྟཱ.

པཊིསཱརཎཱིཡཀམྨཔཊིཔྤསྶདྡྷིཀཐཱ ནིཊྛིཏཱ.

༢༦༧. ཨདསྶནེ ཨུཀྑེཔནཱིཡཀམྨཔཊིཔྤསྶདྡྷིཀཐཱ

༤༤༨. ཨིདྷ པན, བྷིཀྑཝེ, བྷིཀྑུ སངྒྷེན ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཨཱཔཏྟིཡཱ ཨདསྶནེ ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཨཱཔཏྟིཡཱ ཨདསྶནེ ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ…པེ… ཨདྷམྨེན སམགྒཱ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨཔཏིརཱུཔཀེན སམགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ. ཨིམེཔི པཉྩ ཝཱརཱ སཾཁིཏྟཱ.

ཨདསྶནེ ཨུཀྑེཔནཱིཡཀམྨཔཊིཔྤསྶདྡྷིཀཐཱ ནིཊྛིཏཱ.

༢༦༨. ཨཔྤཊིཀམྨེ ཨུཀྑེཔནཱིཡཀམྨཔཊིཔྤསྶདྡྷིཀཐཱ

༤༤༩. ཨིདྷ པན, བྷིཀྑཝེ, བྷིཀྑུ སངྒྷེན ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ…པེ… ཨདྷམྨེན སམགྒཱ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨཔཏིརཱུཔཀེན སམགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ. ཨིམེཔི པཉྩ ཝཱརཱ སཾཁིཏྟཱ.

ཨཔྤཊིཀམྨེ ཨུཀྑེཔནཱིཡཀམྨཔཊིཔྤསྶདྡྷིཀཐཱ ནིཊྛིཏཱ.

༢༦༩. ཨཔྤཊིནིསྶགྒེ ཨུཀྑེཔནཱིཡཀམྨཔཊིཔྤསྶདྡྷིཀཐཱ

༤༥༠. ཨིདྷ པན, བྷིཀྑཝེ, བྷིཀྑུ སངྒྷེན པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཧནྡསྶ མཡཾ པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཾ པཊིཔྤསྶམྦྷེམཱ’’ཏི. ཏེ ཏསྶ པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ…པེ… ཨདྷམྨེན སམགྒཱ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ. ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི. ཏཏྲ, བྷིཀྑཝེ, ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨཔཏིརཱུཔཀེན སམགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ. ཨིམེཔི པཉྩ ཝཱརཱ སཾཁིཏྟཱ.

ཨཔྤཊིནིསྶགྒེ ཨུཀྑེཔནཱིཡཀམྨཔཊིཔྤསྶདྡྷིཀཐཱ ནིཊྛིཏཱ.

ཙམྤེཡྻཀྑནྡྷཀོ ནཝམོ.

༢༧༠. ཏསྶུདྡཱནཾ

ཙམྤཱཡཾ བྷགཝཱ ཨཱསི, ཝཏྠུ ཝཱསབྷགཱམཀེ;

ཨཱགནྟུཀཱནམུསྶུཀྐཾ, ཨཀཱསི ཨིཙྪིཏབྦཀེ [ཨིཙྪིཏབྦཀོ (ཀ.)].

པཀཏཉྙུནོཏི ཉཏྭཱ, ཨུསྶུཀྐཾ ན ཀརཱི ཏདཱ;

ཨུཀྑིཏྟོ ན ཀརོཏཱིཏི, སཱགམཱ ཛིནསནྟིཀེ.

ཨདྷམྨེན ཝགྒཀམྨཾ, སམགྒཾ ཨདྷམྨེན ཙ;

དྷམྨེན ཝགྒཀམྨཉྩ, པཏིརཱུཔཀེན ཝགྒིཀཾ.

པཏིརཱུཔཀེན སམགྒཾ, ཨེཀོ ཨུཀྑིཔཏེཀཀཾ;

ཨེཀོ ཙ དྭེ སམྦཧུལེ, སངྒྷཾ ཨུཀྑིཔཏེཀཀོ.

དུཝེཔི སམྦཧུལཱཔི, སངྒྷོ སངྒྷཉྩ ཨུཀྑིཔི;

སབྦཉྙུཔཝརོ སུཏྭཱ, ཨདྷམྨནྟི པཊིཀྑིཔི.

ཉཏྟིཝིཔནྣཾ ཡཾ ཀམྨཾ, སམྤནྣཾ ཨནུསཱཝནཾ;

ཨནུསྶཱཝནཝིཔནྣཾ, སམྤནྣཾ ཉཏྟིཡཱ ཙ ཡཾ.

ཨུབྷཡེན ཝིཔནྣཉྩ, ཨཉྙཏྲ དྷམྨམེཝ ཙ;

ཝིནཡཱ སཏྠུ པཊིཀུཊྛཾ, ཀུཔྤཾ ཨཊྛཱནཱརཧིཀཾ.

ཨདྷམྨཝགྒཾ སམགྒཾ, དྷམྨ པཏིརཱུཔཱནི ཡེ དུཝེ;

དྷམྨེནེཝ ཙ སཱམགྒིཾ, ཨནུཉྙཱསི ཏཐཱགཏོ.

ཙཏུཝགྒོ པཉྩཝགྒོ, དསཝགྒོ ཙ ཝཱིསཏི;

པརོཝཱིསཏིཝགྒོ ཙ [ཨཏིརེཀཝཱིསཏིཝགྒོ (སྱཱ.)], སངྒྷོ པཉྩཝིདྷོ ཏཐཱ.

ཋཔེཏྭཱ ཨུཔསམྤདཾ, ཡཉྩ ཀམྨཾ པཝཱརཎཾ;

ཨབྦྷཱནཀམྨེན སཧ, ཙཏུཝགྒེཧི ཀམྨིཀོ.

དུཝེ ཀམྨེ ཋཔེཏྭཱན, མཛ྄ཛྷདེསཱུཔསམྤདཾ;

ཨབྦྷཱནཾ པཉྩཝགྒིཀོ, སབྦཀམྨེསུ ཀམྨིཀོ.

ཨབྦྷཱནེཀཾ ཋཔེཏྭཱན, ཡེ བྷིཀྑཱུ དསཝགྒིཀཱ;

སབྦཀམྨཀརོ སངྒྷོ, ཝཱིསོ སབྦཏྠ ཀམྨིཀོ.

བྷིཀྑུནཱི སིཀྑམཱནཱ, ཙ སཱམཎེརོ སཱམཎེརཱི;

པཙྩཀྑཱཏནྟིམཝཏྠཱུ, ཨུཀྑིཏྟཱཔཏྟིདསྶནེ.

ཨཔྤཊིཀམྨེ དིཊྛིཡཱ, པཎྜཀོ ཐེཡྻསཾཝཱསཀཾ;

ཏིཏྠིཡཱ ཏིརཙྪཱནགཏཾ, མཱཏུ པིཏུ ཙ གྷཱཏཀཾ.

ཨརཧཾ བྷིཀྑུནཱིདཱུསི, བྷེདཀཾ ལོཧིཏུཔྤཱདཾ;

བྱཉྫནཾ ནཱནཱསཾཝཱསཾ, ནཱནཱསཱིམཱཡ ཨིདྡྷིཡཱ.

ཡསྶ སངྒྷོ ཀརེ ཀམྨཾ, ཧོནྟེཏེ ཙཏུཝཱིསཏི;

སམྦུདྡྷེན པཊིཀྑིཏྟཱ, ན ཧེཏེ གཎཔཱུརཀཱ.

པཱརིཝཱསིཀཙཏུཏྠོ, པརིཝཱསཾ དདེཡྻ ཝཱ;

མཱུལཱ མཱནཏྟམབྦྷེཡྻ, ཨཀམྨཾ ན ཙ ཀརཎཾ.

མཱུལཱ ཨརཧམཱནཏྟཱ, ཨབྦྷཱནཱརཧམེཝ ཙ;

ན ཀམྨཀཱརཀཱ པཉྩ, སམྦུདྡྷེན པཀཱསིཏཱ.

བྷིཀྑུནཱི སིཀྑམཱནཱ ཙ, སཱམཎེརོ སཱམཎེརིཀཱ;

པཙྩཀྑནྟིམཨུམྨཏྟཱ, ཁིཏྟཱཝེདནདསྶནེ.

ཨཔྤཊིཀམྨེ དིཊྛིཡཱ, པཎྜཀཱཔི ཙ བྱཉྫནཱ [ཨིཏོ པརཾ སྱཱམམཱུལེ དིཡཌྜྷགཱཐཱཧི ཨབྷབྦཔུགྒལཱ སམཏྟཾ དསྶིཏཱ];

ནཱནཱསཾཝཱསཀཱ སཱིམཱ, ཝེཧཱསཾ ཡསྶ ཀམྨ ཙ.

ཨཊྛཱརསནྣམེཏེསཾ, པཊིཀྐོསཾ ན རུཧཏི;

བྷིཀྑུསྶ པཀཏཏྟསྶ, རུཧཏི པཊིཀྐོསནཱ.

སུདྡྷསྶ དུནྣིསཱརིཏོ, བཱལོ ཧི སུནིསྶཱརིཏོ;

པཎྜཀོ ཐེཡྻསཾཝཱསོ, པཀྐནྟོ ཏིརཙྪཱནགཏོ.

མཱཏུ པིཏུ ཨརཧནྟ, དཱུསཀོ སངྒྷབྷེདཀོ;

ལོཧིཏུཔྤཱདཀོ ཙེཝ, ཨུབྷཏོབྱཉྫནོ ཙ ཡོ.

ཨེཀཱདསནྣཾ ཨེཏེསཾ, ཨོསཱརཎཾ ན ཡུཛྫཏི;

ཧཏྠཔཱདཾ ཏདུབྷཡཾ, ཀཎྞནཱསཾ ཏདཱུབྷཡཾ.

ཨངྒུལི ཨལ༹ཀཎྜརཾ, ཕཎཾ ཁུཛྫོ ཙ ཝཱམནོ;

གཎྜཱི ལཀྑཎཀསཱ, ཙ ལིཁིཏཀོ ཙ སཱིཔདཱི.

པཱཔཱ པརིསཀཱཎོ ཙ, ཀུཎཱི ཁཉྫོ ཧཏོཔི ཙ;

ཨིརིཡཱཔཐདུབྦལོ, ཨནྡྷོ མཱུགོ ཙ བདྷིརོ.

ཨནྡྷམཱུགནྡྷབདྷིརོ མཱུགབདྷིརམེཝ ཙ;

ཨནྡྷམཱུགབདྷིརོ ཙ, དྭཏྟིཾསེཏེ ཨནཱུནཀཱ.

ཏེསཾ ཨོསཱརཎཾ ཧོཏི, སམྦུདྡྷེན པཀཱསིཏཾ;

དཊྛབྦཱ པཊིཀཱཏབྦཱ, ནིསྶཛྫེཏཱ ན ཝིཛྫཏི.

ཏསྶ ཨུཀྑེཔནཱ ཀམྨཱ, སཏྟ ཧོནྟི ཨདྷམྨིཀཱ;

ཨཱཔནྣཾ ཨནུཝཏྟནྟཾ, སཏྟ ཏེཔི ཨདྷམྨིཀཱ.

ཨཱཔནྣཾ ནཱནུཝཏྟནྟཾ, སཏྟ ཀམྨཱ སུདྷམྨིཀཱ;

སམྨུཁཱ པཊིཔུཙྪཱ ཙ, པཊིཉྙཱཡ ཙ ཀཱརཎཱ.

སཏི ཨམཱུལ༹ྷཔཱཔིཀཱ, ཏཛྫནཱིནིཡསྶེན ཙ;

པབྦཱཛནཱིཡ པཊིསཱརོ, ཨུཀྑེཔཔརིཝཱས ཙ.

མཱུལཱ མཱནཏྟཨབྦྷཱནཱ, ཏཐེཝ ཨུཔསམྤདཱ;

ཨཉྙཾ ཀརེཡྻ ཨཉྙསྶ, སོལ༹སེཏེ ཨདྷམྨིཀཱ.

ཏཾ ཏཾ ཀརེཡྻ ཏཾ ཏསྶ, སོལ༹སེཏེ སུདྷམྨིཀཱ;

པཙྩཱརོཔེཡྻ ཨཉྙཉྙཾ, སོལ༹སེཏེ ཨདྷམྨིཀཱ.

དྭེ དྭེ ཏམྨཱུལཀཾ ཏསྶ [དྭེ དྭེ མཱུལཱ ཀཏཱ ཀསྶ (སྱཱ.), དོདོཏམཱུལཀནྟསྶ (ཀ.)], ཏེཔི སོལ༹ས དྷམྨིཀཱ;

ཨེཀེཀམཱུལཀཾ ཙཀྐཾ, ‘‘ཨདྷམྨ’’ནྟི ཛིནོབྲཝི.

ཨཀཱསི ཏཛྫནཱིཡཾ ཀམྨཾ, སངྒྷོ བྷཎྜནཀཱརཀོ;

ཨདྷམྨེན ཝགྒཀམྨཾ, ཨཉྙཾ ཨཱཝཱསཾ གཙྪི སོ.

ཏཏྠཱདྷམྨེན སམགྒཱ, ཏསྶ ཏཛྫནཱིཡཾ ཀརུཾ;

ཨཉྙཏྠ ཝགྒཱདྷམྨེན, ཏསྶ ཏཛྫནཱིཡཾ ཀརུཾ.

པཏིརཱུཔེན ཝགྒཱཔི, སམགྒཱཔི ཏཐཱ ཀརུཾ;

ཨདྷམྨེན སམགྒཱ ཙ, དྷམྨེན ཝགྒམེཝ ཙ.

པཏིརཱུཔཀེན ཝགྒཱ ཙ, སམགྒཱ ཙ ཨིམེ པདཱ;

ཨེཀེཀམཱུལཀཾ ཀཏྭཱ, ཙཀྐཾ བནྡྷེ ཝིཙཀྑཎོ.

བཱལཱ བྱཏྟསྶ ནིཡསྶཾ, པབྦཱཛེ ཀུལདཱུསཀཾ;

པཊིསཱརཎཱིཡཾ ཀམྨཾ, ཀརེ ཨཀྐོསཀསྶ ཙ.

ཨདསྶནཱཔྤཊིཀམྨེ, ཡོ ཙ དིཊྛིཾ ན ནིསྶཛྫེ;

ཏེསཾ ཨུཀྑེཔནཱིཡཀམྨཾ, སཏྠཝཱཧེན བྷཱསིཏཾ.

ཨུཔརི ནཡཀམྨཱནཾ [ཨུཔཝིནཡཀམྨཱནཾ (སྱཱ.), ཨུཀྑེཔནཱིཡཀམྨཱནཾ (ཀ.)] པཉྙོ ཏཛྫནཱིཡཾ ནཡེ;

ཏེསཾཡེཝ ཨནུལོམཾ, སམྨཱ ཝཏྟཏི ཡཱཙིཏེ [ཡཱཙཏི (སྱཱ.), ཡཱཙིཏོ (སཱི.)].

པསྶདྡྷི ཏེསཾ ཀམྨཱནཾ, ཧེཊྛཱ ཀམྨནཡེན ཙ;

ཏསྨིཾ ཏསྨིཾ ཏུ ཀམྨེསུ, ཏཏྲཊྛོ ཙ ཝིཝདཏི.

ཨཀཏཾ དུཀྐཊཉྩེཝ, པུནཀཱཏབྦཀནྟི ཙ;

ཀམྨེ པསྶདྡྷིཡཱ ཙཱཔི, ཏེ བྷིཀྑཱུ དྷམྨཝཱདིནོ.

ཝིཔཏྟིབྱཱདྷིཏེ དིསྭཱ, ཀམྨཔྤཏྟེ མཧཱམུནི;

པཊིཔྤསྶདྡྷིམཀྑཱསི, སལླཀཏྟོཝ ཨོསདྷནྟི.

ཨིམམྷི ཁནྡྷཀེ ཝཏྠཱུནི ཚཏྟིཾསཱཏི.

ཙམྤེཡྻཀྑནྡྷཀོ ནིཊྛིཏོ.

༡༠. ཀོསམྦཀཀྑནྡྷཀོ

༢༧༡. ཀོསམྦཀཝིཝཱདཀཐཱ

༤༥༡. ཏེན སམཡེན བུདྡྷོ བྷགཝཱ ཀོསམྦིཡཾ ཝིཧརཏི གྷོསིཏཱརཱམེ. ཏེན ཁོ པན སམཡེན ཨཉྙཏརོ བྷིཀྑུ ཨཱཔཏྟིཾ ཨཱཔནྣོ ཧོཏི. སོ ཏསྶཱ ཨཱཔཏྟིཡཱ ཨཱཔཏྟིདིཊྛི [ཨཱཔཏྟིདིཊྛཱི (སཱི.)] ཧོཏི; ཨཉྙེ བྷིཀྑཱུ ཏསྶཱ ཨཱཔཏྟིཡཱ ཨནཱཔཏྟིདིཊྛིནོ ཧོནྟི. སོ ཨཔརེན སམཡེན ཏསྶཱ ཨཱཔཏྟིཡཱ ཨནཱ པཏྟིདིཊྛི ཧོཏི; ཨཉྙེ བྷིཀྑཱུ ཏསྶཱ ཨཱཔཏྟིཡཱ ཨཱཔཏྟིདིཊྛིནོ ཧོནྟི. ཨཐ ཁོ ཏེ བྷིཀྑཱུ ཏཾ བྷིཀྑུཾ ཨེཏདཝོཙུཾ – ‘‘ཨཱཔཏྟིཾ ཏྭཾ, ཨཱཝུསོ, ཨཱཔནྣོ, པསྶསེཏཾ ཨཱཔཏྟི’’ནྟི? ‘‘ནཏྠི མེ, ཨཱཝུསོ, ཨཱཔཏྟི ཡམཧཾ པསྶེཡྻ’’ནྟི. ཨཐ ཁོ ཏེ བྷིཀྑཱུ སཱམགྒིཾ ལབྷིཏྭཱ ཏཾ བྷིཀྑུཾ ཨཱཔཏྟིཡཱ ཨདསྶནེ ཨུཀྑིཔིཾསུ. སོ ཙ བྷིཀྑུ བཧུསྶུཏོ ཧོཏི ཨཱགཏཱགམོ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ བྱཏྟོ མེདྷཱཝཱི ལཛྫཱི ཀུཀྐུཙྩཀོ སིཀྑཱཀཱམོ. ཨཐ ཁོ སོ བྷིཀྑུ སནྡིཊྛེ སམྦྷཏྟེ བྷིཀྑཱུ ཨུཔསངྐམིཏྭཱ ཨེཏདཝོཙ – ‘‘ཨནཱཔཏྟི ཨེསཱ, ཨཱཝུསོ, ནེསཱ ཨཱཔཏྟི. ཨནཱཔནྣོམྷི, ནམྷི ཨཱཔནྣོ. ཨནུཀྑིཏྟོམྷི, ནམྷི ཨུཀྑིཏྟོ. ཨདྷམྨིཀེནམྷི ཀམྨེན ཨུཀྑིཏྟོ ཀུཔྤེན ཨཊྛཱནཱརཧེན. ཧོཐ མེ ཨཱཡསྨནྟོ དྷམྨཏོ ཝིནཡཏོ པཀྑཱ’’ཏི. ཨལབྷི ཁོ སོ བྷིཀྑུ སནྡིཊྛེ སམྦྷཏྟེ བྷིཀྑཱུ པཀྑེ. ཛཱནཔདཱནམྤི སནྡིཊྛཱནཾ སམྦྷཏྟཱནཾ བྷིཀྑཱུནཾ སནྟིཀེ དཱུཏཾ པཱཧེསི – ཨནཱཔཏྟི ཨེསཱ, ཨཱཝུསོ, ནེསཱ ཨཱཔཏྟི. ཨནཱཔནྣོམྷི, ནམྷི ཨཱཔནྣོ. ཨནུཀྑིཏྟོམྷི, ནམྷི ཨུཀྑིཏྟོ. ཨདྷམྨིཀེནམྷི ཀམྨེན ཨུཀྑིཏྟོ ཀུཔྤེན ཨཊྛཱནཱརཧེན. ཧོནྟུ མེ ཨཱཡསྨནྟོ དྷམྨཏོ ཝིནཡཏོ པཀྑཱ’’ཏི. ཨལབྷི ཁོ སོ བྷིཀྑུ ཛཱནཔདེཔི སནྡིཊྛེ སམྦྷཏྟེ བྷིཀྑཱུ པཀྑེ. ཨཐ ཁོ ཏེ ཨུཀྑིཏྟཱནུཝཏྟཀཱ བྷིཀྑཱུ ཡེན ཨུཀྑེཔཀཱ བྷིཀྑཱུ ཏེནུཔསངྐམིཾསུ, ཨུཔསངྐམིཏྭཱ ཨུཀྑེཔཀེ བྷིཀྑཱུ ཨེཏདཝོཙུཾ – ‘‘ཨནཱཔཏྟི ཨེསཱ, ཨཱཝུསོ, ནེསཱ ཨཱཔཏྟི. ཨནཱཔནྣོ ཨེསོ བྷིཀྑུ, ནེསོ བྷིཀྑུ ཨཱཔནྣོ. ཨནུཀྑིཏྟོ ཨེསོ བྷིཀྑུ, ནེསོ བྷིཀྑུ ཨུཀྑིཏྟོ. ཨདྷམྨིཀེན ཀམྨེན ཨུཀྑིཏྟོ ཀུཔྤེན ཨཊྛཱནཱརཧེནཱ’’ཏི. ཨེཝཾ ཝུཏྟེ ཨུཀྑེཔཀཱ བྷིཀྑཱུ ཨུཀྑིཏྟཱནུཝཏྟཀེ བྷིཀྑཱུ ཨེཏདཝོཙུཾ – ‘‘ཨཱཔཏྟི ཨེསཱ ཨཱཝུསོ, ནེསཱ ཨནཱཔཏྟི. ཨཱཔནྣོ ཨེསོ བྷིཀྑུ, ནེསོ བྷིཀྑུ ཨནཱཔནྣོ. ཨུཀྑིཏྟོ ཨེསོ བྷིཀྑུ, ནེསོ བྷིཀྑུ ཨནུཀྑིཏྟོ. དྷམྨིཀེན ཀམྨེན ཨུཀྑིཏྟོ ཨཀུཔྤེན ཋཱནཱརཧེན. མཱ ཁོ ཏུམྷེ ཨཱཡསྨནྟོ ཨེཏཾ ཨུཀྑིཏྟཀཾ བྷིཀྑུཾ ཨནུཝཏྟིཏྠ ཨནུཔརིཝཱརེཐཱ’’ཏི. ཨེཝམྤི ཁོ ཏེ ཨུཀྑིཏྟཱནུཝཏྟཀཱ བྷིཀྑཱུ ཨུཀྑེཔཀེཧི བྷིཀྑཱུཧི ཝུཙྩམཱནཱ ཏཐེཝ ཏཾ ཨུཀྑིཏྟཀཾ བྷིཀྑུཾ ཨནུཝཏྟིཾསུ ཨནུཔརིཝཱརེསུཾ.

༤༥༢. ཨཐ ཁོ ཨཉྙཏརོ བྷིཀྑུ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སོ བྷིཀྑུ བྷགཝནྟཾ ཨེཏདཝོཙ – ‘‘ཨིདྷ, བྷནྟེ, ཨཉྙཏརོ བྷིཀྑུ ཨཱཔཏྟིཾ ཨཱཔནྣོ ཨཧོསི. སོ ཏསྶཱ ཨཱཔཏྟིཡཱ ཨཱཔཏྟིདིཊྛི ཨཧོསི, ཨཉྙེ བྷིཀྑཱུ ཏསྶཱ ཨཱཔཏྟིཡཱ ཨནཱཔཏྟིདིཊྛིནོ ཨཧེསུཾ. སོ ཨཔརེན སམཡེན ཏསྶཱ ཨཱཔཏྟིཡཱ ཨནཱཔཏྟིདིཊྛི ཨཧོསི, ཨཉྙེ བྷིཀྑཱུ ཏསྶཱ ཨཱཔཏྟིཡཱ ཨཱཔཏྟིདིཊྛིནོ ཨཧེསུཾ. ཨཐ ཁོ ཏེ, བྷནྟེ, བྷིཀྑཱུ ཏཾ བྷིཀྑུཾ ཨེཏདཝོཙུཾ – ‘ཨཱཔཏྟིཾ ཏྭཾ, ཨཱཝུསོ, ཨཱཔནྣོ, པསྶསེཏཾ ཨཱཔཏྟི’ནྟི? ‘‘ནཏྠི མེ, ཨཱཝུསོ, ཨཱཔཏྟི ཡམཧཾ པསྶེཡྻ’’ནྟི. ཨཐ ཁོ ཏེ, བྷནྟེ, བྷིཀྑཱུ སཱམགྒིཾ ལབྷིཏྭཱ ཏཾ བྷིཀྑུཾ ཨཱཔཏྟིཡཱ ཨདསྶནེ ཨུཀྑིཔིཾསུ. སོ ཙ, བྷནྟེ, བྷིཀྑུ བཧུསྶུཏོ ཨཱགཏཱགམོ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ བྱཏྟོ མེདྷཱཝཱི ལཛྫཱི ཀུཀྐུཙྩཀོ སིཀྑཱཀཱམོ. ཨཐ ཁོ སོ, བྷནྟེ, བྷིཀྑུ སནྡིཊྛེ སམྦྷཏྟེ བྷིཀྑཱུ ཨུཔསངྐམིཏྭཱ ཨེཏདཝོཙ – ‘ཨནཱཔཏྟི ཨེསཱ, ཨཱཝུསོ; ནེསཱ ཨཱཔཏྟི. ཨནཱཔནྣོམྷི, ནམྷི ཨཱཔནྣོ. ཨནུཀྑིཏྟོམྷི, ནམྷི ཨུཀྑིཏྟོ. ཨདྷམྨིཀེནམྷི ཀམྨེན ཨུཀྑིཏྟོ ཀུཔྤེན ཨཊྛཱནཱརཧེན. ཧོཐ མེ ཨཱཡསྨནྟོ དྷམྨཏོ ཝིནཡཏོ པཀྑཱ’ཏི. ཨལབྷི ཁོ སོ, བྷནྟེ, བྷིཀྑུ སནྡིཊྛེ སམྦྷཏྟེ བྷིཀྑཱུ པཀྑེ. ཛཱནཔདཱནམྤི སནྡིཊྛཱནཾ སམྦྷཏྟཱནཾ བྷིཀྑཱུནཾ སནྟིཀེ དཱུཏཾ པཱཧེསི – ‘ཨནཱཔཏྟི ཨེསཱ, ཨཱཝུསོ; ནེསཱ ཨཱཔཏྟི. ཨནཱཔནྣོམྷི, ནམྷི ཨཱཔནྣོ. ཨནུཀྑིཏྟོམྷི, ནམྷི ཨུཀྑིཏྟོ. ཨདྷམྨིཀེནམྷི ཀམྨེན ཨུཀྑིཏྟོ ཀུཔྤེན ཨཊྛཱནཱརཧེན. ཧོནྟུ མེ ཨཱཡསྨནྟོ དྷམྨཏོ ཝིནཡཏོ པཀྑཱ’ཏི. ཨལབྷི ཁོ སོ, བྷནྟེ, བྷིཀྑུ ཛཱནཔདེཔི སནྡིཊྛེ སམྦྷཏྟེ བྷིཀྑཱུ པཀྑེ. ཨཐ ཁོ ཏེ, བྷནྟེ, ཨུཀྑིཏྟཱནུཝཏྟཀཱ བྷིཀྑཱུ ཡེན ཨུཀྑེཔཀཱ བྷིཀྑཱུ ཏེནུཔསངྐམིཾསུ, ཨུཔསངྐམིཏྭཱ ཨུཀྑེཔཀེ བྷིཀྑཱུ ཨེཏདཝོཙུཾ – ‘ཨནཱཔཏྟི ཨེསཱ, ཨཱཝུསོ; ནེསཱ ཨཱཔཏྟི. ཨནཱཔནྣོ ཨེསོ བྷིཀྑུ, ནེསོ བྷིཀྑུ ཨཱཔནྣོ. ཨནུཀྑིཏྟོ ཨེསོ བྷིཀྑུ, ནེསོ བྷིཀྑུ ཨུཀྑིཏྟོ. ཨདྷམྨིཀེན ཀམྨེན ཨུཀྑིཏྟོ ཀུཔྤེན ཨཊྛཱནཱརཧེནཱ’ཏི. ཨེཝཾ ཝུཏྟེ ཏེ, བྷནྟེ, ཨུཀྑེཔཀཱ བྷིཀྑཱུ ཨུཀྑིཏྟཱནུཝཏྟཀེ བྷིཀྑཱུ ཨེཏདཝོཙུཾ – ‘ཨཱཔཏྟི ཨེསཱ, ཨཱཝུསོ; ནེསཱ ཨནཱཔཏྟི. ཨཱཔནྣོ ཨེསོ བྷིཀྑུ, ནེསོ བྷིཀྑུ ཨནཱཔནྣོ. ཨུཀྑིཏྟོ ཨེསོ བྷིཀྑུ, ནེསོ བྷིཀྑུ ཨནུཀྑིཏྟོ. དྷམྨིཀེན ཀམྨེན ཨུཀྑིཏྟོ ཨཀུཔྤེན ཋཱནཱརཧེན. མཱ ཁོ ཏུམྷེ ཨཱཡསྨནྟོ ཨེཏཾ ཨུཀྑིཏྟཀཾ བྷིཀྑུཾ ཨནུཝཏྟིཏྠ ཨནུཔརིཝཱརེཐཱ’ཏི. ཨེཝམྤི ཁོ ཏེ, བྷནྟེ, ཨུཀྑིཏྟཱནུཝཏྟཀཱ བྷིཀྑཱུ ཨུཀྑེཔཀེཧི བྷིཀྑཱུཧི ཝུཙྩམཱནཱ ཏཐེཝ ཏཾ ཨུཀྑིཏྟཀཾ བྷིཀྑུཾ ཨནུཝཏྟནྟི ཨནུཔརིཝཱརེནྟཱི’’ཏི.

༤༥༣. ཨཐ ཁོ བྷགཝཱ ‘བྷིནྣོ བྷིཀྑུསངྒྷོ, བྷིནྣོ བྷིཀྑུསངྒྷོ’ཏི – ཨུཊྛཱཡཱསནཱ ཡེན ཨུཀྑེཔཀཱ བྷིཀྑཱུ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི, ནིསཛྫ ཁོ བྷགཝཱ ཨུཀྑེཔཀེ བྷིཀྑཱུ ཨེཏདཝོཙ – ‘‘མཱ ཁོ ཏུམྷེ, བྷིཀྑཝེ, ‘པཊིབྷཱཏི ནོ, པཊིབྷཱཏི ནོ’ཏི ཡསྨིཾ ཝཱ ཏསྨིཾ ཝཱ བྷིཀྑུཾ ཨུཀྑིཔིཏབྦཾ མཉྙིཏྠ’’.

‘‘ཨིདྷ པན, བྷིཀྑཝེ, བྷིཀྑུ ཨཱཔཏྟིཾ ཨཱཔནྣོ ཧོཏི. སོ ཏསྶཱ ཨཱཔཏྟིཡཱ ཨནཱཔཏྟིདིཊྛི ཧོཏི, ཨཉྙེ བྷིཀྑཱུ ཏསྶཱ ཨཱཔཏྟིཡཱ ཨཱཔཏྟིདིཊྛིནོ ཧོནྟི. ཏེ ཙེ, བྷིཀྑཝེ, བྷིཀྑཱུ ཏཾ བྷིཀྑུཾ ཨེཝཾ ཛཱནནྟི – ‘ཨཡཾ ཁོ ཨཱཡསྨཱ བཧུསྶུཏོ ཨཱགཏཱགམོ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ བྱཏྟོ མེདྷཱཝཱི ལཛྫཱི ཀུཀྐུཙྩཀོ སིཀྑཱཀཱམོ. སཙེ མཡཾ ཨིམཾ བྷིཀྑུཾ ཨཱཔཏྟིཡཱ ཨདསྶནེ ཨུཀྑིཔིསྶཱམ, ན མཡཾ ཨིམིནཱ བྷིཀྑུནཱ སདྡྷིཾ ཨུཔོསཐཾ ཀརིསྶཱམ, ཝིནཱ ཨིམིནཱ བྷིཀྑུནཱ ཨུཔོསཐཾ ཀརིསྶཱམ, བྷཝིསྶཏི སངྒྷསྶ ཏཏོནིདཱནཾ བྷཎྜནཾ ཀལཧོ ཝིགྒཧོ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎ’ནྟི, བྷེདགརུཀེཧི, བྷིཀྑཝེ, བྷིཀྑཱུཧི ན སོ བྷིཀྑུ ཨཱཔཏྟིཡཱ ཨདསྶནེ ཨུཀྑིཔིཏབྦོ.

‘‘ཨིདྷ པན, བྷིཀྑཝེ, བྷིཀྑུ ཨཱཔཏྟིཾ ཨཱཔནྣོ ཧོཏི. སོ ཏསྶཱ ཨཱཔཏྟིཡཱ ཨནཱཔཏྟིདིཊྛི ཧོཏི, ཨཉྙེ བྷིཀྑཱུ ཏསྶཱ ཨཱཔཏྟིཡཱ ཨཱཔཏྟིདིཊྛིནོ ཧོནྟི. ཏེ ཙེ, བྷིཀྑཝེ, བྷིཀྑཱུ ཏཾ བྷིཀྑུཾ ཨེཝཾ ཛཱནནྟི – ‘ཨཡཾ ཁོ ཨཱཡསྨཱ བཧུསྶུཏོ ཨཱགཏཱགམོ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ བྱཏྟོ མེདྷཱཝཱི ལཛྫཱི ཀུཀྐུཙྩཀོ སིཀྑཱཀཱམོ. སཙེ མཡཾ ཨིམཾ བྷིཀྑུཾ ཨཱཔཏྟིཡཱ ཨདསྶནེ ཨུཀྑིཔིསྶཱམ, ན མཡཾ ཨིམིནཱ བྷིཀྑུནཱ སདྡྷིཾ པཝཱརེསྶཱམ, ཝིནཱ ཨིམིནཱ བྷིཀྑུནཱ པཝཱརེསྶཱམ. ན མཡཾ ཨིམིནཱ བྷིཀྑུནཱ སདྡྷིཾ སངྒྷཀམྨཾ ཀརིསྶཱམ, ཝིནཱ ཨིམིནཱ བྷིཀྑུནཱ སངྒྷཀམྨཾ ཀརིསྶཱམ. ན མཡཾ ཨིམིནཱ བྷིཀྑུནཱ སདྡྷིཾ ཨཱསནེ ནིསཱིདིསྶཱམ, ཝིནཱ ཨིམིནཱ བྷིཀྑུནཱ ཨཱསནེ ནིསཱིདིསྶཱམ. ན མཡཾ ཨིམིནཱ བྷིཀྑུནཱ སདྡྷིཾ ཡཱགུཔཱནེ ནིསཱིདིསྶཱམ, ཝིནཱ ཨིམིནཱ བྷིཀྑུནཱ ཡཱགུཔཱནེ ནིསཱིདིསྶཱམ. ན མཡཾ ཨིམིནཱ བྷིཀྑུནཱ སདྡྷིཾ བྷཏྟགྒེ ནིསཱིདིསྶཱམ, ཝིནཱ ཨིམིནཱ བྷིཀྑུནཱ བྷཏྟགྒེ ནིསཱིདིསྶཱམ. ན མཡཾ ཨིམིནཱ བྷིཀྑུནཱ སདྡྷིཾ ཨེཀཙྪནྣེ ཝསིསྶཱམ, ཝིནཱ ཨིམིནཱ བྷིཀྑུནཱ ཨེཀཙྪནྣེ ཝསིསྶཱམ. ན མཡཾ ཨིམིནཱ བྷིཀྑུནཱ སདྡྷིཾ ཡཐཱཝུཌྜྷཾ ཨབྷིཝཱདནཾ པཙྩུཊྛཱནཾ ཨཉྫལིཀམྨཾ སཱམཱིཙིཀམྨཾ ཀརིསྶཱམ, ཝིནཱ ཨིམིནཱ བྷིཀྑུནཱ ཡཐཱཝུཌྜྷཾ ཨབྷིཝཱདནཾ པཙྩུཊྛཱནཾ ཨཉྫལིཀམྨཾ སཱམཱིཙིཀམྨཾ ཀརིསྶཱམ. བྷཝིསྶཏི སངྒྷསྶ ཏཏོནིདཱནཾ བྷཎྜནཾ ཀལཧོ ཝིགྒཧོ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎ’ནྟི, བྷེདགརུཀེཧི, བྷིཀྑཝེ, བྷིཀྑཱུཧི ན སོ བྷིཀྑུ ཨཱཔཏྟིཡཱ ཨདསྶནེ ཨུཀྑིཔིཏབྦོ’’ཏི.

༤༥༤. ཨཐ ཁོ བྷགཝཱ ཨུཀྑེཔཀཱནཾ བྷིཀྑཱུནཾ ཨེཏམཏྠཾ བྷཱསིཏྭཱ ཨུཊྛཱཡཱསནཱ ཡེན ཨུཀྑིཏྟཱནུཝཏྟཀཱ བྷིཀྑཱུ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི, ནིསཛྫ ཁོ བྷགཝཱ ཨུཀྑིཏྟཱནུཝཏྟཀེ བྷིཀྑཱུ ཨེཏདཝོཙ – ‘‘མཱ ཁོ ཏུམྷེ, བྷིཀྑཝེ, ཨཱཔཏྟིཾ ཨཱཔཛྫིཏྭཱ ‘ནཱམྷ ཨཱཔནྣཱ, ནཱམྷ ཨཱཔནྣཱ’ཏི ཨཱཔཏྟིཾ ན པཊིཀཱཏབྦཾ མཉྙིཏྠ’’.

‘‘ཨིདྷ པན, བྷིཀྑཝེ, བྷིཀྑུ ཨཱཔཏྟིཾ ཨཱཔནྣོ ཧོཏི. སོ ཏསྶཱ ཨཱཔཏྟིཡཱ ཨནཱཔཏྟིདིཊྛི ཧོཏི, ཨཉྙེ བྷིཀྑཱུ ཏསྶཱ ཨཱཔཏྟིཡཱ ཨཱཔཏྟིདིཊྛིནོ ཧོནྟི. སོ ཙེ, བྷིཀྑཝེ, བྷིཀྑུ ཏེ བྷིཀྑཱུ ཨེཝཾ ཛཱནཱཏི – ‘ཨིམེ ཁོ ཨཱཡསྨནྟོ [ཨཱཡསྨནྟཱ (ཀ.)] བཧུསྶུཏཱ ཨཱགཏཱགམཱ དྷམྨདྷརཱ ཝིནཡདྷརཱ མཱཏིཀཱདྷརཱ པཎྜིཏཱ བྱཏྟཱ མེདྷཱཝིནོ ལཛྫིནོ ཀུཀྐུཙྩཀཱ སིཀྑཱཀཱམཱ, ནཱལཾ མམཾ ཝཱ ཀཱརཎཱ ཨཉྙེསཾ ཝཱ ཀཱརཎཱ ཚནྡཱ དོསཱ མོཧཱ བྷཡཱ ཨགཏིཾ གནྟུཾ. སཙེ མཾ ཨིམེ བྷིཀྑཱུ ཨཱཔཏྟིཡཱ ཨདསྶནེ ཨུཀྑིཔིསྶནྟི, ན མཡཱ སདྡྷིཾ ཨུཔོསཐཾ ཀརིསྶནྟི, ཝིནཱ མཡཱ ཨུཔོསཐཾ ཀརིསྶནྟི, བྷཝིསྶཏི སངྒྷསྶ ཏཏོནིདཱནཾ བྷཎྜནཾ ཀལཧོ ཝིགྒཧོ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎ’ནྟི, བྷེདགརུཀེན, བྷིཀྑཝེ, བྷིཀྑུནཱ པརེསམྤི སདྡྷཱཡ སཱ ཨཱཔཏྟི དེསེཏབྦཱ.

‘‘ཨིདྷ པན, བྷིཀྑཝེ, བྷིཀྑུ ཨཱཔཏྟིཾ ཨཱཔནྣོ ཧོཏི. སོ ཏསྶཱ ཨཱཔཏྟིཡཱ ཨནཱཔཏྟིདིཊྛི ཧོཏི, ཨཉྙེ བྷིཀྑཱུ ཏསྶཱ ཨཱཔཏྟིཡཱ ཨཱཔཏྟིདིཊྛིནོ ཧོནྟི. སོ ཙེ, བྷིཀྑཝེ, བྷིཀྑུ ཏེ བྷིཀྑཱུ ཨེཝཾ ཛཱནཱཏི – ‘ཨིམེ ཁོ ཨཱཡསྨནྟོ བཧུསྶུཏཱ ཨཱགཏཱགམཱ དྷམྨདྷརཱ ཝིནཡདྷརཱ མཱཏིཀཱདྷརཱ པཎྜིཏཱ བྱཏྟཱ མེདྷཱཝིནོ ལཛྫིནོ ཀུཀྐུཙྩཀཱ སིཀྑཱཀཱམཱ, ནཱལཾ མམཾ ཝཱ ཀཱརཎཱ ཨཉྙེསཾ ཝཱ ཀཱརཎཱ ཚནྡཱ དོསཱ མོཧཱ བྷཡཱ ཨགཏིཾ གནྟུཾ. སཙེ མཾ ཨིམེ བྷིཀྑཱུ ཨཱཔཏྟིཡཱ ཨདསྶནེ ཨུཀྑིཔིསྶནྟི, ན མཡཱ སདྡྷིཾ པཝཱརེསྶནྟི, ཝིནཱ མཡཱ པཝཱརེསྶནྟི. ན མཡཱ སདྡྷིཾ སངྒྷཀམྨཾ ཀརིསྶནྟི, ཝིནཱ མཡཱ སངྒྷཀམྨཾ ཀརིསྶནྟི. ན མཡཱ སདྡྷིཾ ཨཱསནེ ནིསཱིདིསྶནྟི, ཝིནཱ མཡཱ ཨཱསནེ ནིསཱིདིསྶནྟི. ན མཡཱ སདྡྷིཾ ཡཱགུཔཱནེ ནིསཱིདིསྶནྟི, ཝིནཱ མཡཱ ཡཱགུཔཱནེ ནིསཱིདིསྶནྟི. ན མཡཱ སདྡྷིཾ བྷཏྟགྒེ ནིསཱིདིསྶནྟི ཝིནཱ མཡཱ བྷཏྟགྒེ ནིསཱིདིསྶནྟི. ན མཡཱ སདྡྷིཾ ཨེཀཙྪནྣེ ཝསིསྶནྟི, ཝིནཱ མཡཱ ཨེཀཙྪནྣེ ཝསིསྶནྟི. ན མཡཱ སདྡྷིཾ ཡཐཱཝུཌྜྷཾ ཨབྷིཝཱདནཾ པཙྩུཊྛཱནཾ ཨཉྫལིཀམྨཾ སཱམཱིཙིཀམྨཾ ཀརིསྶནྟི, ཝིནཱ མཡཱ ཡཐཱཝུཌྜྷཾ ཨབྷིཝཱདནཾ པཙྩུཊྛཱནཾ ཨཉྫལིཀམྨཾ སཱམཱིཙིཀམྨཾ ཀརིསྶནྟི, བྷཝིསྶཏི སངྒྷསྶ ཏཏོནིདཱནཾ བྷཎྜནཾ ཀལཧོ ཝིགྒཧོ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎ’ནྟི, བྷེདགརུཀེན, བྷིཀྑཝེ, བྷིཀྑུནཱ པརེསམྤི སདྡྷཱཡ སཱ ཨཱཔཏྟི དེསེཏབྦཱ’’ཏི. ཨཐ ཁོ བྷགཝཱ ཨུཀྑིཏྟཱནུཝཏྟཀཱནཾ བྷིཀྑཱུནཾ ཨེཏམཏྠཾ བྷཱསིཏྭཱ ཨུཊྛཱཡཱསནཱ པཀྐཱམི.

༤༥༥. ཏེན ཁོ པན སམཡེན ཨུཀྑིཏྟཱནུཝཏྟཀཱ བྷིཀྑཱུ ཏཏྠེཝ ཨནྟོསཱིམཱཡ ཨུཔོསཐཾ ཀརོནྟི, སངྒྷཀམྨཾ ཀརོནྟི. ཨུཀྑེཔཀཱ པན བྷིཀྑཱུ ནིསྶཱིམཾ གནྟྭཱ ཨུཔོསཐཾ ཀརོནྟི, སངྒྷཀམྨཾ ཀརོནྟི. ཨཐ ཁོ ཨཉྙཏརོ ཨུཀྑེཔཀོ བྷིཀྑུ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སོ བྷིཀྑུ བྷགཝནྟཾ ཨེཏདཝོཙ – ‘‘ཏེ, བྷནྟེ, ཨུཀྑིཏྟཱནུཝཏྟཀཱ བྷིཀྑཱུ ཏཏྠེཝ ཨནྟོསཱིམཱཡ ཨུཔོསཐཾ ཀརོནྟི, སངྒྷཀམྨཾ ཀརོནྟི. མཡཾ པན ཨུཀྑེཔཀཱ བྷིཀྑཱུ ནིསྶཱིམཾ གནྟྭཱ ཨུཔོསཐཾ ཀརོམ, སངྒྷཀམྨཾ ཀརོམཱ’’ཏི. ‘‘ཏེ ཙེ, བྷིཀྑུ, ཨུཀྑིཏྟཱནུཝཏྟཀཱ བྷིཀྑཱུ ཏཏྠེཝ ཨནྟོསཱིམཱཡ ཨུཔོསཐཾ ཀརིསྶནྟི, སངྒྷཀམྨཾ ཀརིསྶནྟི, ཡཐཱ མཡཱ ཉཏྟི ཙ ཨནུསྶཱཝནཱ ཙ པཉྙཏྟཱ, ཏེསཾ ཏཱནི ཀམྨཱནི དྷམྨིཀཱནི ཀམྨཱནི བྷཝིསྶ’’ནྟི ཨཀུཔྤཱནི ཋཱནཱརཧཱནི. ཏུམྷེ ཙེ, བྷིཀྑུ, ཨུཀྑེཔཀཱ བྷིཀྑཱུ ཏཏྠེཝ ཨནྟོསཱིམཱཡ ཨུཔོསཐཾ ཀརིསྶཐ, སངྒྷཀམྨཾ ཀརིསྶཐ, ཡཐཱ མཡཱ ཉཏྟི ཙ ཨནུསྶཱཝནཱ ཙ པཉྙཏྟཱ, ཏུམྷཱཀམྤི ཏཱནི ཀམྨཱནི དྷམྨིཀཱནི ཀམྨཱནི བྷཝིསྶནྟི ཨཀུཔྤཱནི ཋཱནཱརཧཱནི. ཏཾ ཀིསྶ ཧེཏུ? ནཱནཱསཾཝཱསཀཱ ཨེཏེ [ཏེ (སྱཱ.)] བྷིཀྑཱུ [བྷིཀྑུ (སཱི. སྱཱ.)] ཏུམྷེཧི, ཏུམྷེ ཙ ཏེཧི ནཱནཱསཾཝཱསཀཱ.

‘‘དྭེམཱ, བྷིཀྑུ, ནཱནཱསཾཝཱསཀབྷཱུམིཡོ – ཨཏྟནཱ ཝཱ ཨཏྟཱནཾ ནཱནཱསཾཝཱསཀཾ ཀརོཏི, སམགྒོ ཝཱ ནཾ སངྒྷོ ཨུཀྑིཔཏི ཨདསྶནེ ཝཱ ཨཔྤཊིཀམྨེ ཝཱ ཨཔྤཊིནིསྶགྒེ ཝཱ. ཨིམཱ ཁོ, བྷིཀྑུ, དྭེ ནཱནཱསཾཝཱསཀབྷཱུམིཡོ. དྭེམཱ, བྷིཀྑུ, སམཱནསཾཝཱསཀབྷཱུམིཡོ – ཨཏྟནཱ ཝཱ ཨཏྟཱནཾ སམཱནསཾཝཱསཾ ཀརོཏི, སམགྒོ ཝཱ ནཾ སངྒྷོ ཨུཀྑིཏྟཾ ཨོསཱརེཏི ཨདསྶནེ ཝཱ ཨཔྤཊིཀམྨེ ཝཱ ཨཔྤཊིནིསྶགྒེ ཝཱ. ཨིམཱ ཁོ, བྷིཀྑུ, དྭེ སམཱནསཾཝཱསཀབྷཱུམིཡོ’’ཏི.

༤༥༦. ཏེན ཁོ པན སམཡེན བྷིཀྑཱུ བྷཏྟགྒེ ཨནྟརགྷརེ བྷཎྜནཛཱཏཱ ཀལཧཛཱཏཱ ཝིཝཱདཱཔནྣཱ ཨཉྙམཉྙཾ ཨནནུལོམིཀཾ ཀཱཡཀམྨཾ ཝཙཱིཀམྨཾ ཨུཔདཾསེནྟི, ཧཏྠཔརཱམཱསཾ ཀརོནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ བྷཏྟགྒེ ཨནྟརགྷརེ བྷཎྜནཛཱཏཱ ཀལཧཛཱཏཱ ཝིཝཱདཱཔནྣཱ ཨཉྙམཉྙཾ ཨནནུལོམིཀཾ ཀཱཡཀམྨཾ ཝཙཱིཀམྨཾ ཨུཔདཾསེསྶནྟི, ཧཏྠཔརཱམཱསཾ ཀརིསྶནྟཱི’’ཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑཱུ བྷཏྟགྒེ ཨནྟརགྷརེ བྷཎྜནཛཱཏཱ ཀལཧཛཱཏཱ ཝིཝཱདཱཔནྣཱ ཨཉྙམཉྙཾ ཨནནུལོམིཀཾ ཀཱཡཀམྨཾ ཝཙཱིཀམྨཾ ཨུཔདཾསེསྶནྟི, ཧཏྠཔརཱམཱསཾ ཀརིསྶནྟཱི’’ཏི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, བྷིཀྑཱུ བྷཏྟགྒེ ཨནྟརགྷརེ བྷཎྜནཛཱཏཱ…པེ… ཧཏྠཔརཱམཱསཾ ཀརོནྟཱི’’ཏི? ‘‘སཙྩཾ, བྷགཝཱ’’ཏི. ཝིགརཧི བུདྡྷོ བྷགཝཱ…པེ… ཝིགརཧིཏྭཱ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘བྷིནྣེ, བྷིཀྑཝེ, སངྒྷེ ཨདྷམྨིཡཱཡམཱནེ [ཨདྷམྨིཡམཱནེ (སཱི. སྱཱ. ཀཏྠཙི) ཨདྷམྨཱིཡམཱནེ (ཀ.)] ཨསམྨོདིཀཱཡ ཝཏྟམཱནཱཡ [-‘‘ཨསམྨོདིཀཱཝཏྟམཱནཱཡ’’ ཨིཏི ཨཊྛཀཐཱཡཾ སཾཝཎྞེཏབྦཔཱཋོ] ‘ཨེཏྟཱཝཏཱ ན ཨཉྙམཉྙཾ ཨནནུལོམིཀཾ ཀཱཡཀམྨཾ ཝཙཱིཀམྨཾ ཨུཔདཾསེསྶཱམ, ཧཏྠཔརཱམཱསཾ ཀརིསྶཱམཱ’ཏི ཨཱསནེ ནིསཱིདིཏབྦཾ. བྷིནྣེ, བྷིཀྑཝེ, སངྒྷེ དྷམྨིཡཱཡམཱནེ སམྨོདིཀཱཡ ཝཏྟམཱནཱཡ ཨཱསནནྟརིཀཱཡ ནིསཱིདིཏབྦ’’ནྟི.

༤༥༧. [མ. ནི. ༣.༢༣༦ ཐོཀཾ ཝིསདིསཾ] ཏེན ཁོ པན སམཡེན བྷིཀྑཱུ སངྒྷམཛ྄ཛྷེ བྷཎྜནཛཱཏཱ ཀལཧཛཱཏཱ ཝིཝཱདཱཔནྣཱ ཨཉྙམཉྙཾ མུཁསཏྟཱིཧི ཝིཏུདནྟཱ ཝིཧརནྟི. ཏེ ན སཀྐོནྟི ཏཾ ཨདྷིཀརཎཾ ཝཱུཔསམེཏུཾ. ཨཐ ཁོ ཨཉྙཏརོ བྷིཀྑུ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏོ ཁོ སོ བྷིཀྑུ བྷགཝནྟཾ ཨེཏདཝོཙ – ‘‘ཨིདྷ, བྷནྟེ, བྷིཀྑཱུ སངྒྷམཛ྄ཛྷེ བྷཎྜནཛཱཏཱ ཀལཧཛཱཏཱ ཝིཝཱདཱཔནྣཱ ཨཉྙམཉྙཾ མུཁསཏྟཱིཧི ཝིཏུདནྟཱ ཝིཧརནྟི. ཏེ ན སཀྐོནྟི ཏཾ ཨདྷིཀརཎཾ ཝཱུཔསམེཏུཾ. སཱདྷུ, བྷནྟེ, བྷགཝཱ ཡེན ཏེ བྷིཀྑཱུ ཏེནུཔསངྐམཏུ ཨནུཀམྤཾ ཨུཔཱདཱཡཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ཁོ བྷགཝཱ ཡེན ཏེ བྷིཀྑཱུ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི, ནིསཛྫ ཁོ བྷགཝཱ ཏེ བྷིཀྑཱུ ཨེཏདཝོཙ – ‘‘ཨལཾ, བྷིཀྑཝེ, མཱ བྷཎྜནཾ མཱ ཀལཧཾ མཱ ཝིགྒཧཾ མཱ ཝིཝཱད’’ནྟི. ཨེཝཾ ཝུཏྟེ ཨཉྙཏརོ ཨདྷམྨཝཱདཱི བྷིཀྑུ བྷགཝནྟཾ ཨེཏདཝོཙ – ‘‘ཨཱགམེཏུ, བྷནྟེ, བྷགཝཱ དྷམྨསྶཱམཱི; ཨཔྤོསྶུཀྐོ, བྷནྟེ, བྷགཝཱ དིཊྛདྷམྨསུཁཝིཧཱརམནུཡུཏྟོ ཝིཧརཏུ. མཡམེཏེན བྷཎྜནེན ཀལཧེན ཝིགྒཧེན ཝིཝཱདེན པཉྙཱཡིསྶཱམཱ’’ཏི. དུཏིཡམྤི ཁོ བྷགཝཱ ཏེ བྷིཀྑཱུ ཨེཏདཝོཙ – ‘‘ཨལཾ, བྷིཀྑཝེ, མཱ བྷཎྜནཾ མཱ ཀལཧཾ མཱ ཝིགྒཧཾ མཱ ཝིཝཱད’’ནྟི. དུཏིཡམྤི ཁོ སོ ཨདྷམྨཝཱདཱི བྷིཀྑུ བྷགཝནྟཾ ཨེཏདཝོཙ – ‘‘ཨཱགམེཏུ, བྷནྟེ, བྷགཝཱ དྷམྨསྶཱམཱི; ཨཔྤོསྶུཀྐོ, བྷནྟེ, བྷགཝཱ དིཊྛདྷམྨསུཁཝིཧཱརམནུཡུཏྟོ ཝིཧརཏུ. མཡམེཏེན བྷཎྜནེན ཀལཧེན ཝིགྒཧེན ཝིཝཱདེན པཉྙཱཡིསྶཱམཱ’’ཏི.

ཀོསམྦཀཝིཝཱདཀཐཱ ནིཊྛིཏཱ.

༢༧༢. དཱིགྷཱཝུཝཏྠུ

༤༥༨. ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘བྷཱུཏཔུབྦཾ, བྷིཀྑཝེ, བཱརཱཎསིཡཾ [ཝཛིརབུདྡྷིཊཱིཀཱ ཨོལོཀེཏབྦཱ] བྲཧྨདཏྟོ ནཱམ ཀཱསིརཱཛཱ ཨཧོསི ཨཌྜྷོ མཧདྡྷནོ མཧཱབྷོགོ མཧབྦལོ མཧཱཝཱཧནོ མཧཱཝིཛིཏོ པརིཔུཎྞཀོསཀོཊྛཱགཱརོ. དཱིགྷཱིཏི ནཱམ ཀོསལརཱཛཱ ཨཧོསི དལིདྡོ ཨཔྤདྷནོ ཨཔྤབྷོགོ ཨཔྤབལོ ཨཔྤཝཱཧནོ ཨཔྤཝིཛིཏོ ཨཔརིཔུཎྞཀོསཀོཊྛཱགཱརོ. ཨཐ ཁོ, བྷིཀྑཝེ, བྲཧྨདཏྟོ ཀཱསིརཱཛཱ ཙཏུརངྒིནིཾ སེནཾ སནྣཡ྄ཧིཏྭཱ དཱིགྷཱིཏིཾ ཀོསལརཱཛཱནཾ ཨབྦྷུཡྻཱསི. ཨསྶོསི ཁོ, བྷིཀྑཝེ, དཱིགྷཱིཏི ཀོསལརཱཛཱ – ‘‘བྲཧྨདཏྟོ ཀིར ཀཱསིརཱཛཱ ཙཏུརངྒིནིཾ སེནཾ སནྣཡ྄ཧིཏྭཱ མམཾ ཨབྦྷུཡྻཱཏོ’’ཏི. ཨཐ ཁོ, བྷིཀྑཝེ, དཱིགྷཱིཏིསྶ ཀོསལརཉྙོ ཨེཏདཧོསི – ‘‘བྲཧྨདཏྟོ ཁོ ཀཱསིརཱཛཱ ཨཌྜྷོ མཧདྡྷནོ མཧཱབྷོགོ མཧབྦལོ མཧཱཝཱཧནོ མཧཱཝིཛིཏོ པརིཔུཎྞཀོསཀོཊྛཱགཱརོ, ཨཧཾ པནམྷི དལིདྡོ ཨཔྤདྷནོ ཨཔྤབྷོགོ ཨཔྤབལོ ཨཔྤཝཱཧནོ ཨཔྤཝིཛིཏོ ཨཔརིཔུཎྞཀོསཀོཊྛཱགཱརོ, ནཱཧཾ པཊིབལོ བྲཧྨདཏྟེན ཀཱསིརཉྙཱ ཨེཀསངྒྷཱཏམྤི སཧིཏུཾ. ཡཾནཱུནཱཧཾ པཊིཀཙྩེཝ ནགརམྷཱ ནིཔྤཏེཡྻ’’ནྟི.

ཨཐ ཁོ, བྷིཀྑཝེ, དཱིགྷཱིཏི ཀོསལརཱཛཱ མཧེསིཾ ཨཱདཱཡ པཊིཀཙྩེཝ ནགརམྷཱ ནིཔྤཏི. ཨཐ ཁོ, བྷིཀྑཝེ, བྲཧྨདཏྟོ ཀཱསིརཱཛཱ དཱིགྷཱིཏིསྶ ཀོསལརཉྙོ བལཉྩ ཝཱཧནཉྩ ཛནཔདཉྩ ཀོསཉྩ ཀོཊྛཱགཱརཉྩ ཨབྷིཝིཛིཡ ཨཛ྄ཛྷཱཝསཏི. ཨཐ ཁོ, བྷིཀྑཝེ, དཱིགྷཱིཏི ཀོསལརཱཛཱ སཔཛཱཔཏིཀོ ཡེན ཝཱརཱཎསཱི ཏེན པཀྐཱམི. ཨནུཔུབྦེན ཡེན བཱརཱཎསཱི ཏདཝསརི. ཏཏྲ སུདཾ, བྷིཀྑཝེ, དཱིགྷཱིཏི ཀོསལརཱཛཱ སཔཛཱཔཏིཀོ བཱརཱཎསིཡཾ ཨཉྙཏརསྨིཾ པཙྩནྟིམེ ཨོཀཱསེ ཀུམྦྷཀཱརནིཝེསནེ ཨཉྙཱཏཀཝེསེན པརིབྦཱཛཀཙྪནྣེན པཊིཝསཏི. ཨཐ ཁོ, བྷིཀྑཝེ, དཱིགྷཱིཏིསྶ ཀོསལརཉྙོ མཧེསཱི ནཙིརསྶེཝ གབྦྷིནཱི ཨཧོསི. ཏསྶཱ ཨེཝརཱུཔོ དོཧལོ༹ ཨུཔྤནྣོ ཧོཏི – ‘‘ཨིཙྪཏི སཱུརིཡསྶ ཨུགྒམནཀཱལེ ཙཏུརངྒིནིཾ སེནཾ སནྣདྡྷཾ ཝམྨིཀཾ སུབྷཱུམེ ཋིཏཾ པསྶིཏུཾ, ཁགྒཱནཉྩ དྷོཝནཾ པཱཏུཾ’’. ཨཐ ཁོ, བྷིཀྑཝེ, དཱིགྷཱིཏིསྶ ཀོསལརཉྙོ མཧེསཱི དཱིགྷཱིཏིཾ ཀོསལརཱཛཱནཾ ཨེཏདཝོཙ – ‘‘གབྦྷིནཱིམྷི, དེཝ. ཏསྶཱ མེ ཨེཝརཱུཔོ དོཧལོ༹ ཨུཔྤནྣོ – ཨིཙྪཱམི སཱུརིཡསྶ ཨུགྒམནཀཱལེ ཙཏུརངྒིནིཾ སེནཾ སནྣདྡྷཾ ཝམྨིཀཾ [ཝམྨིཏཾ (སཱི.)] སུབྷཱུམེ ཋིཏཾ པསྶིཏུཾ, ཁགྒཱནཉྩ དྷོཝནཾ པཱཏུ’’ནྟི. ‘‘ཀུཏོ, དེཝི, ཨམྷཱཀཾ དུགྒཏཱནཾ ཙཏུརངྒིནཱི སེནཱ སནྣདྡྷཱ ཝམྨིཀཱ སུབྷཱུམེ ཋིཏཱ, ཁགྒཱནཉྩ དྷོཝནཾ པཱཏུ’’ནྟི [ཁགྒཱནཉྩ དྷོཝནནྟི (སཱི. སྱཱ.)] ‘‘སཙཱཧཾ, དེཝ, ན ལབྷིསྶཱམི, མརིསྶཱམཱི’’ཏི.

༤༥༩. ཏེན ཁོ པན སམཡེན, བྲཧྨདཏྟསྶ ཀཱསིརཉྙོ པུརོཧིཏོ བྲཱཧྨཎོ དཱིགྷཱིཏིསྶ ཀོསལརཉྙོ སཧཱཡོ ཧོཏི. ཨཐ ཁོ, བྷིཀྑཝེ, དཱིགྷཱིཏི ཀོསལརཱཛཱ ཡེན བྲཧྨདཏྟསྶ ཀཱསིརཉྙོ པུརོཧིཏོ བྲཱཧྨཎོ ཏེནུཔསངྐམི, ཨུཔསངྐམིཏྭཱ བྲཧྨདཏྟསྶ ཀཱསིརཉྙོ པུརོཧིཏཾ བྲཱཧྨཎཾ ཨེཏདཝོཙ – ‘‘སཁཱི ཏེ, སམྨ, གབྦྷིནཱི. ཏསྶཱ ཨེཝརཱུཔོ དོཧལོ༹ ཨུཔྤནྣོ – ཨིཙྪཏི སཱུརིཡསྶ ཨུགྒམནཀཱལེ ཙཏུརངྒིནིཾ སེནཾ སནྣདྡྷཾ ཝམྨིཀཾ སུབྷཱུམེ ཋིཏཾ པསྶིཏུཾ, ཁགྒཱནཉྩ དྷོཝནཾ པཱཏུ’’ནྟི. ‘‘ཏེན ཧི, དེཝ, མཡམྤི དེཝིཾ པསྶཱམཱ’’ཏི. ཨཐ ཁོ, བྷིཀྑཝེ, དཱིགྷཱིཏིསྶ ཀོསལརཉྙོ མཧེསཱི ཡེན བྲཧྨདཏྟསྶ ཀཱསིརཉྙོ པུརོཧིཏོ བྲཱཧྨཎོ ཏེནུཔསངྐམི. ཨདྡསཱ ཁོ, བྷིཀྑཝེ, བྲཧྨདཏྟསྶ ཀཱསིརཉྙོ པུརོཧིཏོ བྲཱཧྨཎོ དཱིགྷཱིཏིསྶ ཀོསལརཉྙོ མཧེསིཾ དཱུརཏོཝ ཨཱགཙྪནྟིཾ, དིསྭཱན ཨུཊྛཱཡཱསནཱ ཨེཀཾསཾ ཨུཏྟརཱསངྒཾ ཀརིཏྭཱ ཡེན དཱིགྷཱིཏིསྶ ཀོསལརཉྙོ མཧེསཱི ཏེནཉྫལིཾ པཎཱམེཏྭཱ ཏིཀྑཏྟུཾ ཨུདཱནཾ ཨུདཱནེསི – ‘‘ཀོསལརཱཛཱ ཝཏ བྷོ ཀུཙྪིགཏོ, ཀོསལརཱཛཱ ཝཏ བྷོ ཀུཙྪིགཏོ’’ཏི. ཨཏྟམནཱ [ཨཝིམནཱ (སཱི. སྱཱ. ཀཏྠཙི], དེཝི, ཧོཧི. ལཙྪསི སཱུརིཡསྶ ཨུགྒམནཀཱལེ ཙཏུརངྒིནིཾ སེནཾ སནྣདྡྷཾ ཝམྨིཀཾ སུབྷཱུམེ ཋིཏཾ པསྶིཏུཾ, ཁགྒཱནཉྩ དྷོཝནཾ པཱཏུནྟི.

ཨཐ ཁོ, བྷིཀྑཝེ, བྲཧྨདཏྟསྶ ཀཱསིརཉྙོ པུརོཧིཏོ བྲཱཧྨཎོ ཡེན བྲཧྨདཏྟོ ཀཱསིརཱཛཱ ཏེནུཔསངྐམི, ཨུཔསངྐམིཏྭཱ བྲཧྨདཏྟཾ ཀཱསིརཱཛཱནཾ ཨེཏདཝོཙ – ‘‘ཏཐཱ, དེཝ, ནིམིཏྟཱནི དིསྶནྟི, སྭེ སཱུརིཡུགྒམནཀཱལེ ཙཏུརངྒིནཱི སེནཱ སནྣདྡྷཱ ཝམྨིཀཱ སུབྷཱུམེ ཏིཊྛཏུ, ཁགྒཱ ཙ དྷོཝིཡནྟཱུ’’ཏི. ཨཐ ཁོ, བྷིཀྑཝེ, བྲཧྨདཏྟོ ཀཱསིརཱཛཱ མནུསྶེ ཨཱཎཱཔེསི – ‘‘ཡཐཱ, བྷཎེ, པུརོཧིཏོ བྲཱཧྨཎོ ཨཱཧ ཏཐཱ ཀརོཐཱ’’ཏི. ཨལབྷི ཁོ, བྷིཀྑཝེ, དཱིགྷཱིཏིསྶ ཀོསལརཉྙོ མཧེསཱི སཱུརིཡསྶ ཨུགྒམནཀཱལེ ཙཏུརངྒིནིཾ སེནཾ སནྣདྡྷཾ ཝམྨིཀཾ སུབྷཱུམེ ཋིཏཾ པསྶིཏུཾ, ཁགྒཱནཉྩ དྷོཝནཾ པཱཏུཾ. ཨཐ ཁོ, བྷིཀྑཝེ, དཱིགྷཱིཏིསྶ ཀོསལརཉྙོ མཧེསཱི ཏསྶ གབྦྷསྶ པརིཔཱཀམནྭཱཡ པུཏྟཾ ཝིཛཱཡི. ཏསྶ དཱིགྷཱཝཱུཏི ནཱམཾ ཨཀཾསུ. ཨཐ ཁོ, བྷིཀྑཝེ, དཱིགྷཱཝུ ཀུམཱརོ ནཙིརསྶེཝ ཝིཉྙུཏཾ པཱཔུཎི. ཨཐ ཁོ, བྷིཀྑཝེ, དཱིགྷཱིཏིསྶ ཀོསལརཉྙོ ཨེཏདཧོསི – ‘‘ཨཡཾ ཁོ བྲཧྨདཏྟོ ཀཱསིརཱཛཱ བཧུནོ ཨམྷཱཀཾ ཨནཏྠསྶ ཀཱརཀོ, ཨིམིནཱ ཨམྷཱཀཾ བལཉྩ ཝཱཧནཉྩ ཛནཔདོ ཙ ཀོསོ ཙ ཀོཊྛཱགཱརཉྩ ཨཙྪིནྣཾ, སཙཱཡཾ ཨམྷེ ཛཱནིསྶཏི, སབྦེཝ ཏཡོ གྷཱཏཱཔེསྶཏི, ཡཾནཱུནཱཧཾ དཱིགྷཱཝུཾ ཀུམཱརཾ བཧིནགརེ ཝཱསེཡྻ’’ནྟི. ཨཐ ཁོ བྷིཀྑཝེ དཱིགྷཱིཏི ཀོསལརཱཛཱ དཱིགྷཱཝུཾ ཀུམཱརཾ བཧིནགརེ ཝཱསེསི. ཨཐ ཁོ བྷིཀྑཝེ དཱིགྷཱཝུ ཀུམཱརོ བཧིནགརེ པཊིཝསནྟོ ནཙིརསྶེཝ སབྦསིཔྤཱནི སིཀྑི.

༤༦༠. ཏེན ཁོ པན སམཡེན དཱིགྷཱིཏིསྶ ཀོསལརཉྙོ ཀཔྤཀོ བྲཧྨདཏྟེ ཀཱསིརཉྙེ པཊིཝསཏི. ཨདྡསཱ ཁོ, བྷིཀྑཝེ, དཱིགྷཱིཏིསྶ ཀོསལརཉྙོ ཀཔྤཀོ དཱིགྷཱིཏིཾ ཀོསལརཱཛཱནཾ སཔཛཱཔཏིཀཾ བཱརཱཎསིཡཾ ཨཉྙཏརསྨིཾ པཙྩནྟིམེ ཨོཀཱསེ ཀུམྦྷཀཱརནིཝེསནེ ཨཉྙཱཏཀཝེསེན པརིབྦཱཛཀཙྪནྣེན པཊིཝསནྟཾ, དིསྭཱན ཡེན བྲཧྨདཏྟོ ཀཱསིརཱཛཱ ཏེནུཔསངྐམི, ཨུཔསངྐམིཏྭཱ བྲཧྨདཏྟཾ ཀཱསིརཱཛཱནཾ ཨེཏདཝོཙ – ‘‘དཱིགྷཱིཏི, དེཝ, ཀོསལརཱཛཱ སཔཛཱཔཏིཀོ བཱརཱཎསིཡཾ ཨཉྙཏརསྨིཾ པཙྩནྟིམེ ཨོཀཱསེ ཀུམྦྷཀཱརནིཝེསནེ ཨཉྙཱཏཀཝེསེན པརིབྦཱཛཀཙྪནྣེན པཊིཝསཏཱི’’ཏི. ཨཐ ཁོ, བྷིཀྑཝེ, བྲཧྨདཏྟོ ཀཱསིརཱཛཱ མནུསྶེ ཨཱཎཱཔེསི – ‘‘ཏེན ཧི, བྷཎེ, དཱིགྷཱིཏིཾ ཀོསལརཱཛཱནཾ སཔཛཱཔཏིཀཾ ཨཱནེཐཱ’’ཏི. ‘‘ཨེཝཾ, དེཝཱ’’ཏི ཁོ, བྷིཀྑཝེ, ཏེ མནུསྶཱ བྲཧྨདཏྟསྶ ཀཱསིརཉྙོ པཊིསྶུཏྭཱ དཱིགྷཱིཏིཾ ཀོསལརཱཛཱནཾ སཔཛཱཔཏིཀཾ ཨཱནེསུཾ. ཨཐ ཁོ, བྷིཀྑཝེ, བྲཧྨདཏྟོ ཀཱསིརཱཛཱ མནུསྶེ ཨཱཎཱཔེསི – ‘‘ཏེན ཧི, བྷཎེ, དཱིགྷཱིཏིཾ ཀོསལརཱཛཱནཾ སཔཛཱཔཏིཀཾ དལ༹ྷཱཡ རཛྫུཡཱ པཙྪཱབཱཧཾ གཱལ༹ྷབནྡྷནཾ བནྡྷིཏྭཱ ཁུརམུཎྜཾ ཀརིཏྭཱ ཁརསྶརེན པཎཝེན རཐིཀཱཡ རཐིཀཾ སིངྒྷཱཊཀེན སིངྒྷཱཊཀཾ པརིནེཏྭཱ དཀྑིཎེན དྭཱརེན ནིཀྑཱམེཏྭཱ དཀྑིཎཏོ ནགརསྶ ཙཏུདྷཱ ཚིནྡིཏྭཱ ཙཏུདྡིསཱ བིལཱནི ནིཀྑིཔཐཱ’’ཏི. ‘‘ཨེཝཾ, དེཝཱ’’ཏི ཁོ, བྷིཀྑཝེ, ཏེ མནུསྶཱ བྲཧྨདཏྟསྶ ཀཱསིརཉྙོ པཊིསྶུཏྭཱ དཱིགྷཱིཏིཾ ཀོསལརཱཛཱནཾ སཔཛཱཔཏིཀཾ དལ༹ྷཱཡ རཛྫུཡཱ པཙྪཱབཱཧཾ གཱལ༹ྷབནྡྷནཾ བནྡྷིཏྭཱ ཁུརམུཎྜཾ ཀརིཏྭཱ ཁརསྶརེན པཎཝེན རཐིཀཱཡ རཐིཀཾ སིངྒྷཱཊཀེན སིངྒྷཱཊཀཾ པརིནེནྟི.

ཨཐ ཁོ, བྷིཀྑཝེ, དཱིགྷཱཝུསྶ ཀུམཱརསྶ ཨེཏདཧོསི – ‘‘ཙིརཾདིཊྛཱ ཁོ མེ མཱཏཱཔིཏརོ. ཡཾནཱུནཱཧཾ མཱཏཱཔིཏརོ པསྶེཡྻ’’ནྟི. ཨཐ ཁོ, བྷིཀྑཝེ, དཱིགྷཱཝུ ཀུམཱརོ བཱརཱཎསིཾ པཝིསིཏྭཱ ཨདྡས མཱཏཱཔིཏརོ དལ༹ྷཱཡ རཛྫུཡཱ པཙྪཱབཱཧཾ གཱལ༹ྷབནྡྷནཾ བནྡྷིཏྭཱ ཁུརམུཎྜཾ ཀརིཏྭཱ ཁརསྶརེན པཎཝེན རཐིཀཱཡ རཐིཀཾ སིངྒྷཱཊཀེན སིངྒྷཱཊཀཾ པརིནེནྟེ, དིསྭཱན ཡེན མཱཏཱཔིཏརོ ཏེནུཔསངྐམི. ཨདྡསཱ ཁོ, བྷིཀྑཝེ, དཱིགྷཱིཏི ཀོསལརཱཛཱ དཱིགྷཱཝུཾ ཀུམཱརཾ དཱུརཏོཝ ཨཱགཙྪནྟཾ; དིསྭཱན དཱིགྷཱཝུཾ ཀུམཱརཾ ཨེཏདཝོཙ – ‘‘མཱ ཁོ ཏྭཾ, ཏཱཏ དཱིགྷཱཝུ, དཱིགྷཾ པསྶ, མཱ རསྶཾ. ན ཧི, ཏཱཏ དཱིགྷཱཝུ, ཝེརེན ཝེརཱ སམྨནྟི; ཨཝེརེན ཧི, ཏཱཏ དཱིགྷཱཝུ, ཝེརཱ སམྨནྟཱི’’ཏི. ཨེཝཾ ཝུཏྟེ, བྷིཀྑཝེ, ཏེ མནུསྶཱ དཱིགྷཱིཏིཾ ཀོསལརཱཛཱནཾ ཨེཏདཝོཙུཾ – ‘‘ཨུམྨཏྟཀོ ཨཡཾ དཱིགྷཱིཏི ཀོསལརཱཛཱ ཝིཔྤལཔཏི. ཀོ ཨིམསྶ དཱིགྷཱཝུ? ཀཾ ཨཡཾ ཨེཝམཱཧ – ‘མཱ ཁོ ཏྭཾ, ཏཱཏ དཱིགྷཱཝུ, དཱིགྷཾ པསྶ, མཱ རསྶཾ. ན ཧི, ཏཱཏ དཱིགྷཱཝུ, ཝེརེན ཝེརཱ སམྨནྟི; ཨཝེརེན ཧི, ཏཱཏ དཱིགྷཱཝུ, ཝེརཱ སམྨནྟཱི’’ཏི. ‘‘ནཱཧཾ, བྷཎེ, ཨུམྨཏྟཀོ ཝིཔྤལཔཱམི, ཨཔི ཙ ཡོ ཝིཉྙཱུ སོ ཝིབྷཱཝེསྶཏཱི’’ཏི. དུཏིཡམྤི ཁོ, བྷིཀྑཝེ…པེ… ཏཏིཡམྤི ཁོ, བྷིཀྑཝེ, དཱིགྷཱིཏི ཀོསལརཱཛཱ དཱིགྷཱཝུཾ ཀུམཱརཾ ཨེཏདཝོཙ – ‘‘མཱ ཁོ ཏྭཾ, ཏཱཏ དཱིགྷཱཝུ, དཱིགྷཾ པསྶ, མཱ རསྶཾ. ན ཧི, ཏཱཏ དཱིགྷཱཝུ, ཝེརེན ཝེརཱ སམྨནྟི; ཨཝེརེན ཧི, ཏཱཏ དཱིགྷཱཝུ, ཝེརཱ སམྨནྟཱི’’ཏི. ཏཏིཡམྤི ཁོ, བྷིཀྑཝེ, ཏེ མནུསྶཱ དཱིགྷཱིཏིཾ ཀོསལརཱཛཱནཾ ཨེཏདཝོཙུཾ – ‘‘ཨུམྨཏྟཀོ ཨཡཾ དཱིགྷཱིཏི ཀོསལརཱཛཱ ཝིཔྤལཔཏི. ཀོ ཨིམསྶ དཱིགྷཱཝུ? ཀཾ ཨཡཾ ཨེཝམཱཧ – མཱ ཁོ ཏྭཾ, ཏཱཏ དཱིགྷཱཝུ, དཱིགྷཾ པསྶ, མཱ རསྶཾ. ན ཧི, ཏཱཏ དཱིགྷཱཝུ, ཝེརེན ཝེརཱ སམྨནྟི; ཨཝེརེན ཧི, ཏཱཏ དཱིགྷཱཝུ, ཝེརཱ སམྨནྟཱི’’ཏི. ‘‘ནཱཧཾ, བྷཎེ, ཨུམྨཏྟཀོ ཝིཔྤལཔཱམི, ཨཔི ཙ ཡོ ཝིཉྙཱུ སོ ཝིབྷཱཝེསྶཏཱི’’ཏི. ཨཐ ཁོ, བྷིཀྑཝེ, ཏེ མནུསྶཱ དཱིགྷཱིཏིཾ ཀོསལརཱཛཱནཾ སཔཛཱཔཏིཀཾ རཐིཀཱཡ རཐིཀཾ སིངྒྷཱཊཀེན སིངྒྷཱཊཀཾ པརིནེཏྭཱ དཀྑིཎེན དྭཱརེན ནིཀྑཱམེཏྭཱ དཀྑིཎཏོ ནགརསྶ ཙཏུདྷཱ ཚིནྡིཏྭཱ ཙཏུདྡིསཱ བིལཱནི ནིཀྑིཔིཏྭཱ གུམྦཾ ཋཔེཏྭཱ པཀྐམིཾསུ. ཨཐ ཁོ, བྷིཀྑཝེ, དཱིགྷཱཝུ ཀུམཱརོ བཱརཱཎསིཾ པཝིསིཏྭཱ སུརཾ ནཱིཧརིཏྭཱ གུམྦིཡེ པཱཡེསི. ཡདཱ ཏེ མཏྟཱ ཨཧེསུཾ པཏིཏཱ, ཨཐ ཀཊྛཱནི སཾཀཌྜྷིཏྭཱ ཙིཏཀཾ ཀརིཏྭཱ མཱཏཱཔིཏཱུནཾ སརཱིརཾ ཙིཏཀཾ ཨཱརོཔེཏྭཱ ཨགྒིཾ དཏྭཱ པཉྫལིཀོ ཏིཀྑཏྟུཾ ཙིཏཀཾ པདཀྑིཎཾ ཨཀཱསི.

༤༦༡. ཏེན ཁོ པན སམཡེན བྲཧྨདཏྟོ ཀཱསིརཱཛཱ ཨུཔརིཔཱསཱདཝརགཏོ ཧོཏི. ཨདྡསཱ ཁོ, བྷིཀྑཝེ, བྲཧྨདཏྟོ ཀཱསིརཱཛཱ དཱིགྷཱཝུཾ ཀུམཱརཾ པཉྫལིཀཾ ཏིཀྑཏྟུཾ ཙིཏཀཾ པདཀྑིཎཾ ཀརོནྟཾ, དིསྭཱནསྶ ཨེཏདཧོསི – ‘‘ནིསྶཾསཡཾ ཁོ སོ མནུསྶོ དཱིགྷཱིཏིསྶ ཀོསལརཉྙོ ཉཱཏི ཝཱ སཱལོཧིཏོ ཝཱ, ཨཧོ མེ ཨནཏྠཏོ, ན ཧི ནཱམ མེ ཀོཙི ཨཱརོཙེསྶཏཱི’’ཏི. ཨཐ ཁོ, བྷིཀྑཝེ, དཱིགྷཱཝུ ཀུམཱརོ ཨརཉྙཾ གནྟྭཱ ཡཱཝདཏྠཾ ཀནྡིཏྭཱ རོདིཏྭཱ ཁཔྤཾ [བཔྤཾ (སཱི. སྱཱ.)] པུཉྪིཏྭཱ བཱརཱཎསིཾ པཝིསིཏྭཱ ཨནྟེཔུརསྶ སཱམནྟཱ ཧཏྠིསཱལཾ གནྟྭཱ ཧཏྠཱཙརིཡཾ ཨེཏདཝོཙ – ‘‘ཨིཙྪཱམཧཾ, ཨཱཙརིཡ, སིཔྤཾ སིཀྑིཏུ’’ནྟི. ‘‘ཏེན ཧི, བྷཎེ མཱཎཝཀ, སིཀྑསྶཱུ’’ཏི. ཨཐ ཁོ, བྷིཀྑཝེ, དཱིགྷཱཝུ ཀུམཱརོ རཏྟིཡཱ པཙྩཱུསསམཡཾ པཙྩུཊྛཱཡ ཧཏྠིསཱལཱཡཾ མཉྫུནཱ སརེན གཱཡི, ཝཱིཎཉྩ ཝཱདེསི. ཨསྶོསི ཁོ, བྷིཀྑཝེ, བྲཧྨདཏྟོ ཀཱསིརཱཛཱ རཏྟིཡཱ པཙྩཱུསསམཡཾ པཙྩུཊྛཱཡ ཧཏྠིསཱལཱཡཾ མཉྫུནཱ སརེན གཱིཏཾ ཝཱིཎཉྩ ཝཱདིཏཾ, སུཏྭཱན མནུསྶེ པུཙྪི – ‘‘ཀོ, བྷཎེ, རཏྟིཡཱ པཙྩཱུསསམཡཾ པཙྩུཊྛཱཡ ཧཏྠིསཱལཱཡཾ མཉྫུནཱ སརེན གཱཡི, ཝཱིཎཉྩ ཝཱདེསཱི’’ཏི? ‘‘ཨམུཀསྶ, དེཝ, ཧཏྠཱཙརིཡསྶ ཨནྟེཝཱསཱི མཱཎཝཀོ རཏྟིཡཱ པཙྩཱུསསམཡཾ པཙྩུཊྛཱཡ ཧཏྠིསཱལཱཡཾ མཉྫུནཱ སརེན གཱཡི, ཝཱིཎཉྩ ཝཱདེསཱི’’ཏི. ‘‘ཏེན ཧི, བྷཎེ, ཏཾ མཱཎཝཀཾ ཨཱནེཐཱ’’ཏི. ‘‘ཨེཝཾ, དེཝཱ’’ཏི ཁོ, བྷིཀྑཝེ, ཏེ མནུསྶཱ བྲཧྨདཏྟསྶ ཀཱསིརཉྙོ པཊིསྶུཏྭཱ དཱིགྷཱཝུཾ ཀུམཱརཾ ཨཱནེསུཾ. ‘‘ཏྭཾ བྷཎེ མཱཎཝཀ, རཏྟིཡཱ པཙྩཱུསསམཡཾ པཙྩུཊྛཱཡ ཧཏྠིསཱལཱཡཾ མཉྫུནཱ སརེན གཱཡི, ཝཱིཎཉྩ ཝཱདེསཱི’’ཏི? ‘‘ཨེཝཾ, དེཝཱ’’ཏི. ‘‘ཏེན ཧི ཏྭཾ, བྷཎེ མཱཎཝཀ, གཱཡསྶུ, ཝཱིཎཉྩ ཝཱདེཧཱི’’ཏི. ‘‘ཨེཝཾ, དེཝཱ’’ཏི ཁོ, བྷིཀྑཝེ, དཱིགྷཱཝུ ཀུམཱརོ བྲཧྨདཏྟསྶ ཀཱསིརཉྙོ པཊིསྶུཏྭཱ ཨཱརཱདྷཱཔེཀྑོ མཉྫུནཱ སརེན གཱཡི, ཝཱིཎཉྩ ཝཱདེསི. ‘‘ཏྭཾ, བྷཎེ མཱཎཝཀ, མཾ ཨུཔཊྛཧཱ’’ཏི. ‘‘ཨེཝཾ, དེཝཱ’’ཏི ཁོ, བྷིཀྑཝེ, དཱིགྷཱཝུ ཀུམཱརོ བྲཧྨདཏྟསྶ ཀཱསིརཉྙོ པཙྩསྶོསི. ཨཐ ཁོ, བྷིཀྑཝེ, དཱིགྷཱཝུ ཀུམཱརོ བྲཧྨདཏྟསྶ ཀཱསིརཉྙོ པུབྦུཊྛཱཡཱི ཨཧོསི པཙྪཱནིཔཱཏཱི ཀིངྐཱརཔཊིསྶཱཝཱི མནཱཔཙཱརཱི པིཡཝཱདཱི. ཨཐ ཁོ, བྷིཀྑཝེ, བྲཧྨདཏྟོ ཀཱསིརཱཛཱ དཱིགྷཱཝུཾ ཀུམཱརཾ ནཙིརསྶེཝ ཨབྦྷནྟརིམེ ཝིསྶཱསིཀཊྛཱནེ ཋཔེསི.

༤༦༢. ཨཐ ཁོ, བྷིཀྑཝེ, བྲཧྨདཏྟོ ཀཱསིརཱཛཱ དཱིགྷཱཝུཾ ཀུམཱརཾ ཨེཏདཝོཙ – ‘‘ཏེན ཧི, བྷཎེ མཱཎཝཀ, རཐཾ ཡོཛེཧི, མིགཝཾ གམིསྶཱམཱ’’ཏི. ‘‘ཨེཝཾ, དེཝཱ’’ཏི ཁོ, བྷིཀྑཝེ, དཱིགྷཱཝུ ཀུམཱརོ བྲཧྨདཏྟསྶ ཀཱསིརཉྙོ པཊིསྶུཏྭཱ རཐཾ ཡོཛེཏྭཱ བྲཧྨདཏྟཾ ཀཱསིརཱཛཱནཾ ཨེཏདཝོཙ – ‘‘ཡུཏྟོ ཁོ ཏེ, དེཝ, རཐོ, ཡསྶ དཱནི ཀཱལཾ མཉྙསཱི’’ཏི. ཨཐ ཁོ, བྷིཀྑཝེ, བྲཧྨདཏྟོ ཀཱསིརཱཛཱ རཐཾ ཨབྷིརུཧི. དཱིགྷཱཝུ ཀུམཱརོ རཐཾ པེསེསི. ཏཐཱ ཏཐཱ རཐཾ པེསེསི ཡཐཱ ཡཐཱ ཨཉྙེནེཝ སེནཱ ཨགམཱསི ཨཉྙེནེཝ རཐོ. ཨཐ ཁོ, བྷིཀྑཝེ, བྲཧྨདཏྟོ ཀཱསིརཱཛཱ དཱུརཾ གནྟྭཱ དཱིགྷཱཝུཾ ཀུམཱརཾ ཨེཏདཝོཙ – ‘‘ཏེན ཧི, བྷཎེ མཱཎཝཀ, རཐཾ མུཉྩསྶུ, ཀིལནྟོམྷི, ནིཔཛྫིསྶཱམཱི’’ཏི. ‘‘ཨེཝཾ, དེཝཱ’’ཏི ཁོ, བྷིཀྑཝེ, དཱིགྷཱཝུ ཀུམཱརོ བྲཧྨདཏྟསྶ ཀཱསིརཉྙོ པཊིསྶུཏྭཱ རཐཾ མུཉྩིཏྭཱ པཐཝིཡཾ པལླངྐེན ནིསཱིདི. ཨཐ ཁོ, བྷིཀྑཝེ, བྲཧྨདཏྟོ ཀཱསིརཱཛཱ དཱིགྷཱཝུསྶ ཀུམཱརསྶ ཨུཙྪངྒེ སཱིསཾ ཀཏྭཱ སེཡྻཾ ཀཔྤེསི. ཏསྶ ཀིལནྟསྶ མུཧུཏྟཀེནེཝ ནིདྡཱ ཨོཀྐམི. ཨཐ ཁོ, བྷིཀྑཝེ, དཱིགྷཱཝུསྶ ཀུམཱརསྶ ཨེཏདཧོསི – ‘‘ཨཡཾ ཁོ བྲཧྨདཏྟོ ཀཱསིརཱཛཱ བཧུནོ ཨམྷཱཀཾ ཨནཏྠསྶ ཀཱརཀོ. ཨིམིནཱ ཨམྷཱཀཾ བལཉྩ ཝཱཧནཉྩ ཛནཔདོ ཙ ཀོསོ ཙ ཀོཊྛཱགཱརཉྩ ཨཙྪིནྣཾ. ཨིམིནཱ ཙ མེ མཱཏཱཔིཏརོ ཧཏཱ. ཨཡཾ ཁྭསྶ ཀཱལོ ཡོཧཾ ཝེརཾ ཨཔྤེཡྻ’’ནྟི ཀོསིཡཱ ཁགྒཾ ནིབྦཱཧི. ཨཐ ཁོ, བྷིཀྑཝེ, དཱིགྷཱཝུསྶ ཀུམཱརསྶ ཨེཏདཧོསི – ‘‘པིཏཱ ཁོ མཾ མརཎཀཱལེ ཨཝཙ ‘མཱ ཁོ ཏྭཾ, ཏཱཏ དཱིགྷཱཝུ, དཱིགྷཾ པསྶ, མཱ རསྶཾ. ན ཧི, ཏཱཏ དཱིགྷཱཝུ, ཝེརེན ཝེརཱ སམྨནྟི; ཨཝེརེན ཧི, ཏཱཏ དཱིགྷཱཝུ, ཝེརཱ སམྨནྟཱི’ཏི. ན ཁོ མེཏཾ པཏིརཱུཔཾ, ཡྭཱཧཾ པིཏུཝཙནཾ ཨཏིཀྐམེཡྻ’’ནྟི ཀོསིཡཱ ཁགྒཾ པཝེསེསི. དུཏིཡམྤི ཁོ, བྷིཀྑཝེ, དཱིགྷཱཝུསྶ ཀུམཱརསྶ ཨེཏདཧོསི – ‘‘ཨཡཾ ཁོ བྲཧྨདཏྟོ ཀཱསིརཱཛཱ བཧུནོ ཨམྷཱཀཾ ཨནཏྠསྶ ཀཱརཀོ, ཨིམིནོ ཨམྷཱཀཾ བལཉྩ ཝཱཧནཉྩ ཛནཔདོ ཙ ཀོསོ ཙ ཀོཊྛཱགཱརཉྩ ཨཙྪིནྣཾ, ཨིམིནཱ ཙ མེ མཱཏཱཔིཏརོ ཧཏཱ, ཨཡཾ ཁྭསྶ ཀཱལོ ཡོཧཾ ཝེརཾ ཨཔྤེཡྻ’’ནྟི ཀོསིཡཱ ཁགྒཾ ནིབྦཱཧི. དུཏིཡམྤི ཁོ, བྷིཀྑཝེ, དཱིགྷཱཝུསྶ ཀུམཱརསྶ ཨེཏདཧོསི – ‘‘པིཏཱ ཁོ མཾ མརཎཀཱལེ ཨཝཙ ‘མཱ ཁོ ཏྭཾ ཏཱཏ དཱིགྷཱཝུ, དཱིགྷཾ པསྶ, མཱ རསྶཾ, ན ཧི ཏཱཏ དཱིགྷཱཝུ ཝེརེན ཝེརཱ སམྨནྟི; ཨཝེརེན ཧི, ཏཱཏ དཱིགྷཱཝུ, ཝེརཱ སམྨནྟཱི’ཏི. ན ཁོ མེཏཾ པཏིརཱུཔཾ, ཡྭཱཧཾ པིཏུཝཙནཾ ཨཏིཀྐམེཡྻ’’ནྟི. པུནདེཝ ཀོསིཡཱ ཁགྒཾ པཝེསེསི. ཏཏིཡམྤི ཁོ, བྷིཀྑཝེ, དཱིགྷཱཝུསྶ ཀུམཱརསྶ ཨེཏདཧོསི – ‘‘ཨཡཾ ཁོ བྲཧྨདཏྟོ ཀཱསིརཱཛཱ བཧུནོ ཨམྷཱཀཾ ཨནཏྠསྶ ཀཱརཀོ. ཨིམིནཱ ཨམྷཱཀཾ བལཉྩ ཝཱཧནཉྩ ཛནཔདོ ཙ ཀོསོ ཙ ཀོཊྛཱགཱརཉྩ ཨཙྪིནྣཾ. ཨིམིནཱ ཙ མེ མཱཏཱཔིཏརོ ཧཏཱ. ཨཡཾ ཁྭསྶ ཀཱལོ ཡོཧཾ ཝེརཾ ཨཔྤེཡྻ’’ནྟི ཀོསིཡཱ ཁགྒཾ ནིབྦཱཧི. ཏཏིཡམྤི ཁོ, བྷིཀྑཝེ, དཱིགྷཱཝུསྶ ཀུམཱརསྶ ཨེཏདཧོསི – ‘‘པིཏཱ ཁོ མཾ མརཎཀཱལེ ཨཝཙ ‘མཱ ཁོ ཏྭཾ, ཏཱཏ དཱིགྷཱཝུ, དཱིགྷཾ པསྶ, མཱ རསྶཾ. ན ཧི, ཏཱཏ དཱིགྷཱཝུ, ཝེརེན ཝེརཱ སམྨནྟི; ཨཝེརེན ཧི, ཏཱཏ དཱིགྷཱཝུ, ཝེརཱ སམྨནྟཱི’ཏི. ན ཁོ མེཏཾ པཏིརཱུཔཾ, ཡྭཱཧཾ པིཏུཝཙནཾ ཨཏིཀྐམེཡྻ’’’ནྟི པུནདེཝ ཀོསིཡཱ ཁགྒཾ པཝེསེསི. ཨཐ ཁོ, བྷིཀྑཝེ, བྲཧྨདཏྟོ ཀཱསིརཱཛཱ བྷཱིཏོ ཨུབྦིགྒོ ཨུསྶངྐཱི ཨུཏྲསྟོ སཧསཱ ཝུཊྛཱསི. ཨཐ ཁོ, བྷིཀྑཝེ, དཱིགྷཱཝུ ཀུམཱརོ བྲཧྨདཏྟཾ ཀཱསིརཱཛཱནཾ ཨེཏདཝོཙ – ‘‘ཀིསྶ ཏྭཾ, དེཝ, བྷཱིཏོ ཨུབྦིགྒོ ཨུསྶངྐཱི ཨུཏྲསྟོ སཧསཱ ཝུཊྛཱསཱི’’ཏི? ཨིདྷ མཾ, བྷཎེ མཱཎཝཀ, དཱིགྷཱིཏིསྶ ཀོསལརཉྙོ པུཏྟོ དཱིགྷཱཝུ ཀུམཱརོ སུཔིནནྟེན ཁགྒེན པརིཔཱཏེསི. ཏེནཱཧཾ བྷཱིཏོ ཨུབྦིགྒོ ཨུསྶངྐཱི ཨུཏྲསྟོ སཧསཱ ཝུཊྛཱསིནྟི. ཨཐ ཁོ, བྷིཀྑཝེ, དཱིགྷཱཝུ ཀུམཱརོ ཝཱམེན ཧཏྠེན བྲཧྨདཏྟསྶ ཀཱསིརཉྙོ སཱིསཾ པརཱམསིཏྭཱ དཀྑིཎེན ཧཏྠེན ཁགྒཾ ནིབྦཱཧེཏྭཱ བྲཧྨདཏྟཾ ཀཱསིརཱཛཱནཾ ཨེཏདཝོཙ – ‘‘ཨཧཾ ཁོ སོ, དེཝ, དཱིགྷཱིཏིསྶ ཀོསལརཉྙོ པུཏྟོ དཱིགྷཱཝུ ཀུམཱརོ. བཧུནོ ཏྭཾ ཨམྷཱཀཾ ཨནཏྠསྶ ཀཱརཀོ. ཏཡཱ ཨམྷཱཀཾ བལཉྩ ཝཱཧནཉྩ ཛནཔདོ ཙ ཀོསོ ཙ ཀོཊྛཱགཱརཉྩ ཨཙྪིནྣཾ. ཏཡཱ ཙ མེ མཱཏཱཔིཏརོ ཧཏཱ. ཨཡཾ ཁྭསྶ ཀཱལོ ཡྭཱཧཾ ཝེརཾ ཨཔྤེཡྻ’’ནྟི. ཨཐ ཁོ, བྷིཀྑཝེ, བྲཧྨདཏྟོ ཀཱསིརཱཛཱ དཱིགྷཱཝུསྶ ཀུམཱརསྶ པཱདེསུ སིརསཱ ནིཔཏིཏྭཱ དཱིགྷཱཝུཾ ཀུམཱརཾ ཨེཏདཝོཙ – ‘‘ཛཱིཝིཏཾ མེ, ཏཱཏ དཱིགྷཱཝུ, དེཧི. ཛཱིཝིཏཾ མེ, ཏཱཏ དཱིགྷཱཝུ, དེཧཱི’’ཏི. ‘‘ཀྱཱཧཾ ཨུསྶཧཱམི དེཝསྶ ཛཱིཝིཏཾ དཱཏུཾ? དེཝོ ཁོ མེ ཛཱིཝིཏཾ དདེཡྻཱ’’ཏི. ‘‘ཏེན ཧི, ཏཱཏ དཱིགྷཱཝུ, ཏྭཉྩེཝ མེ ཛཱིཝིཏཾ དེཧི, ཨཧཉྩ ཏེ ཛཱིཝིཏཾ དམྨཱི’’ཏི. ཨཐ ཁོ, བྷིཀྑཝེ, བྲཧྨདཏྟོ ཙ ཀཱསིརཱཛཱ དཱིགྷཱཝུ ཙ ཀུམཱརོ ཨཉྙམཉྙསྶ ཛཱིཝིཏཾ ཨདཾསུ, པཱཎིཉྩ ཨགྒཧེསུཾ, སཔཐཉྩ ཨཀཾསུ ཨདྡཱུབྷཱཡ [ཨདྲཱུབྷཱཡ, ཨདུབྦྷཱཡ (ཀ.)].

ཨཐ ཁོ, བྷིཀྑཝེ, བྲཧྨདཏྟོ ཀཱསིརཱཛཱ དཱིགྷཱཝུཾ ཀུམཱརཾ ཨེཏདཝོཙ – ‘‘ཏེན ཧི, ཏཱཏ དཱིགྷཱཝུ, རཐཾ ཡོཛེཧི, གམིསྶཱམཱ’’ཏི. ‘‘ཨེཝཾ, དེཝཱ’’ཏི ཁོ, བྷིཀྑཝེ, དཱིགྷཱཝུ ཀུམཱརོ བྲཧྨདཏྟསྶ ཀཱསིརཉྙོ པཊིསྶུཏྭཱ རཐཾ ཡོཛེཏྭཱ བྲཧྨདཏྟཾ ཀཱསིརཱཛཱནཾ ཨེཏདཝོཙ – ‘‘ཡུཏྟོ ཁོ ཏེ, དེཝ, རཐོ, ཡསྶ དཱནི ཀཱལཾ མཉྙསཱི’’ཏི. ཨཐ ཁོ, བྷིཀྑཝེ, བྲཧྨདཏྟོ ཀཱསིརཱཛཱ རཐཾ ཨབྷིརུཧི. དཱིགྷཱཝུ ཀུམཱརོ རཐཾ པེསེསི. ཏཐཱ ཏཐཱ རཐཾ པེསེསི ཡཐཱ ཡཐཱ ནཙིརསྶེཝ སེནཱཡ སམཱགཉྪི. ཨཐ ཁོ, བྷིཀྑཝེ, བྲཧྨདཏྟོ ཀཱསིརཱཛཱ བཱརཱཎསིཾ པཝིསིཏྭཱ ཨམཙྩེ པཱརིསཛྫེ སནྣིཔཱཏཱཔེཏྭཱ ཨེཏདཝོཙ – ‘‘སཙེ, བྷཎེ, དཱིགྷཱིཏིསྶ ཀོསལརཉྙོ པུཏྟཾ དཱིགྷཱཝུཾ ཀུམཱརཾ པསྶེཡྻཱཐ, ཀིནྟི ནཾ ཀརེཡྻཱཐཱ’’ཏི? ཨེཀཙྩེ ཨེཝམཱཧཾསུ – ‘‘མཡཾ, དེཝ, ཧཏྠེ ཚིནྡེཡྻཱམ. མཡཾ, དེཝ, པཱདེ ཚིནྡེཡྻཱམ. མཡཾ, དེཝ, ཧཏྠཔཱདེ ཚིནྡེཡྻཱམ. མཡཾ, དེཝ, ཀཎྞེ ཚིནྡེཡྻཱམ. མཡཾ, དེཝ, ནཱསཾ ཚིནྡེཡྻཱམ. མཡཾ, དེཝ, ཀཎྞནཱསཾ ཚིནྡེཡྻཱམ. མཡཾ, དེཝ, སཱིསཾ ཚིནྡེཡྻཱམཱ’’ཏི. ‘‘ཨཡཾ ཁོ, བྷཎེ, དཱིགྷཱིཏིསྶ ཀོསལརཉྙོ པུཏྟོ དཱིགྷཱཝུ ཀུམཱརོ. ནཱཡཾ ལབྦྷཱ ཀིཉྩི ཀཱཏུཾ. ཨིམིནཱ ཙ མེ ཛཱིཝིཏཾ དིནྣཾ, མཡཱ ཙ ཨིམསྶ ཛཱིཝིཏཾ དིནྣ’’ནྟི.

༤༦༣. ཨཐ ཁོ, བྷིཀྑཝེ, བྲཧྨདཏྟོ ཀཱསིརཱཛཱ དཱིགྷཱཝུཾ ཀུམཱརཾ ཨེཏདཝོཙ – ‘‘ཡཾ ཁོ ཏེ, ཏཱཏ དཱིགྷཱཝུ, པིཏཱ མརཎཀཱལེ ཨཝཙ ‘མཱ ཁོ ཏྭཾ, ཏཱཏ དཱིགྷཱཝུ, དཱིགྷཾ པསྶ, མཱ རསྶཾ. ན ཧི, ཏཱཏ དཱིགྷཱཝུ, ཝེརེན ཝེརཱ སམྨནྟི; ཨཝེརེན ཧི, ཏཱཏ དཱིགྷཱཝུ, ཝེརཱ སམྨནྟཱི’ཏི, ཀིཾ ཏེ པིཏཱ སནྡྷཱཡ ཨཝཙཱ’’ཏི? ‘‘ཡཾ ཁོ མེ, དེཝ, པིཏཱ མརཎཀཱལེ ཨཝཙ ‘མཱ དཱིགྷ’ནྟི མཱ ཙིརཾ ཝེརཾ ཨཀཱསཱིཏི. ཨིམཾ ཁོ མེ, དེཝ, པིཏཱ མརཎཀཱལེ ཨཝཙ མཱ དཱིགྷནྟི. ཡཾ ཁོ མེ, དེཝ, པིཏཱ མརཎཀཱལེ ཨཝཙ ‘མཱ རསྶ’ནྟི མཱ ཁིཔྤཾ མིཏྟེཧི བྷིཛྫིཏྠཱ’’ཏི. ཨིམཾ ཁོ མེ, དེཝ, པིཏཱ མརཎཀཱལེ ཨཝཙ མཱ རསྶནྟི. ཡཾ ཁོ མེ, དེཝ, པིཏཱ མརཎཀཱལེ ཨཝཙ ‘‘ན ཧི, ཏཱཏ དཱིགྷཱཝུ, ཝེརེན ཝེརཱ སམྨནྟི, ཨཝེརེན ཧི, ཏཱཏ དཱིགྷཱཝུ, ཝེརཱ སམྨནྟཱི’’ཏི དེཝེན མེ མཱཏཱཔིཏརོ ཧཏཱཏི. སཙཱཧཾ དེཝཾ ཛཱིཝིཏཱ ཝོརོཔེཡྻཾ, ཡེ དེཝསྶ ཨཏྠཀཱམཱ ཏེ མཾ ཛཱིཝིཏཱ ཝོརོཔེཡྻུཾ, ཡེ མེ ཨཏྠཀཱམཱ ཏེ ཏེ ཛཱིཝིཏཱ ཝོརོཔེཡྻུཾ – ཨེཝཾ ཏཾ ཝེརཾ ཝེརེན ན ཝཱུཔསམེཡྻ. ཨིདཱནི ཙ པན མེ དེཝེན ཛཱིཝིཏཾ དིནྣཾ, མཡཱ ཙ དེཝསྶ ཛཱིཝིཏཾ དིནྣཾ. ཨེཝཾ ཏཾ ཝེརཾ ཨཝེརེན ཝཱུཔསནྟཾ. ཨིམཾ ཁོ མེ, དེཝ, པིཏཱ མརཎཀཱལེ ཨཝཙ – ན ཧི, ཏཱཏ དཱིགྷཱཝུ, ཝེརེན ཝེརཱ སམྨནྟི; ཨཝེརེན ཧི, ཏཱཏ དཱིགྷཱཝུ, ཝེརཱ སམྨནྟཱི’’ཏི. ཨཐ ཁོ, བྷིཀྑཝེ, བྲཧྨདཏྟོ ཀཱསིརཱཛཱ – ‘‘ཨཙྪརིཡཾ ཝཏ བྷོ! ཨབྦྷུཏཾ ཝཏ བྷོ! ཡཱཝ པཎྜིཏོ ཨཡཾ དཱིགྷཱཝུ ཀུམཱརོ, ཡཏྲ ཧི ནཱམ པིཏུནོ སཾཁིཏྟེན བྷཱསིཏསྶ ཝིཏྠཱརེན ཨཏྠཾ ཨཱཛཱནིསྶཏཱི’’ཏི པེཏྟིཀཾ བལཉྩ ཝཱཧནཉྩ ཛནཔདཉྩ ཀོསཉྩ ཀོཊྛཱགཱརཉྩ པཊིཔཱདེསི, དྷཱིཏརཉྩ ཨདཱསི. ཏེསཉྷི ནཱམ, བྷིཀྑཝེ, རཱཛཱུནཾ ཨཱདིནྣདཎྜཱནཾ ཨཱདིནྣསཏྠཱནཾ ཨེཝརཱུཔཾ ཁནྟིསོརཙྩཾ བྷཝིསྶཏི. ཨིདྷ ཁོ པན ཏཾ, བྷིཀྑཝེ, སོབྷེཐ ཡཾ ཏུམྷེ ཨེཝཾ སྭཱཀྑཱཏེ དྷམྨཝིནཡེ པབྦཛིཏཱ སམཱནཱ ཁམཱ ཙ བྷཝེཡྻཱཐ སོརཏཱ ཙཱཏི? ཏཏིཡམྤི ཁོ བྷགཝཱ ཏེ བྷིཀྑཱུ ཨེཏདཝོཙ – ‘‘ཨལཾ, བྷིཀྑཝེ, མཱ བྷཎྜནཾ མཱ ཀལཧཾ མཱ ཝིགྒཧཾ མཱ ཝིཝཱད’’ནྟི. ཏཏིཡམྤི ཁོ སོ ཨདྷམྨཝཱདཱི བྷིཀྑུ བྷགཝནྟཾ ཨེཏདཝོཙ – ‘‘ཨཱགམེཏུ, བྷནྟེ, བྷགཝཱ དྷམྨསྶཱམཱི; ཨཔྤོསྶུཀྐོ, བྷནྟེ, བྷགཝཱ དིཊྛདྷམྨསུཁཝིཧཱརམནུཡུཏྟོ ཝིཧརཏུ. མཡམེཏེན བྷཎྜནེན ཀལཧེན ཝིགྒཧེན ཝིཝཱདེན པཉྙཱཡིསྶཱམཱ’’ཏི. ཨཐ ཁོ བྷགཝཱ – པརིཡཱདིནྣརཱུཔཱ ཁོ ཨིམེ མོགྷཔུརིསཱ, ནཡིམེ སུཀརཱ སཉྙཱཔེཏུནྟི – ཨུཊྛཱཡཱསནཱ པཀྐཱམི.

དཱིགྷཱཝུབྷཱཎཝཱརོ ནིཊྛིཏོ པཋམོ.

༤༦༤. [མ. ནི. ༣.༢༣༦] ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཀོསམྦིཾ པིཎྜཱཡ པཱཝིསི. ཀོསམྦིཡཾ པིཎྜཱཡ ཙརིཏྭཱ པཙྪཱབྷཏྟཾ པིཎྜཔཱཏཔཊིཀྐནྟོ སེནཱསནཾ སཾསཱམེཏྭཱ པཏྟཙཱིཝརམཱདཱཡ སངྒྷམཛ྄ཛྷེ ཋིཏཀོཝ ཨིམཱ གཱཐཱཡོ ཨབྷཱསི –

[མ. ནི. ༣.༢༣༧] ‘‘པུཐུསདྡོ སམཛནོ, ན བཱལོ ཀོཙི མཉྙཐ;

སངྒྷསྨིཾ བྷིཛྫམཱནསྨིཾ, ནཱཉྙཾ བྷིཡྻོ ཨམཉྙརུཾ.

[མ. ནི. ༣.༢༣༧] ‘‘པརིམུཊྛཱ པཎྜིཏཱབྷཱསཱ, ཝཱཙཱགོཙརབྷཱཎིནོ;

ཡཱཝིཙྪནྟི མུཁཱཡཱམཾ, ཡེན ནཱིཏཱ ན ཏཾ ཝིདཱུ.

[མ. ནི. ༣.༢༣༧] ‘‘ཨཀྐོཙྪི མཾ ཨཝདྷི མཾ, ཨཛིནི མཾ ཨཧཱསི མེ;

ཡེ ཙ ཏཾ ཨུཔནཡ྄ཧནྟི, ཝེརཾ ཏེསཾ ན སམྨཏི.

[མ. ནི. ༣.༢༣༧] ‘‘ཨཀྐོཙྪི མཾ ཨཝདྷི མཾ, ཨཛིནི མཾ ཨཧཱསི མེ;

ཡེ ཙ ཏཾ ནུཔནཡ྄ཧནྟི, ཝེརཾ ཏེསཱུཔསམྨཏི.

[མ. ནི. ༣.༢༣༧] ‘‘ན ཧི ཝེརེན ཝེརཱནི, སམྨནྟཱིདྷ ཀུདཱཙནཾ;

ཨཝེརེན ཙ སམྨནྟི, ཨེསདྷམྨོ སནནྟནོ.

[མ. ནི. ༣.༢༣༧] ‘‘པརེ ཙ ན ཝིཛཱནནྟི, མཡམེཏྠ ཡམཱམསེ;

ཡེ ཙ ཏཏྠ ཝིཛཱནནྟི, ཏཏོ སམྨནྟི མེདྷགཱ.

[མ. ནི. ༣.༢༣༧] ‘‘ཨཊྛིཙྪིནྣཱ པཱཎཧརཱ, གཝཱསྶདྷནཧཱརིནོ;

རཊྛཾ ཝིལུམྤམཱནཱནཾ, ཏེསམྤི ཧོཏི སངྒཏི.

‘‘ཀསྨཱ ཏུམྷཱཀ ནོ སིཡཱ;

[མ. ནི. ༣.༢༣༧] ‘‘སཙེ ལབྷེཐ ནིཔཀཾ སཧཱཡཾ;

སདྡྷིཾཙརཾ སཱདྷུཝིཧཱརི དྷཱིརཾ;

ཨབྷིབྷུཡྻ སབྦཱནི པརིསྶཡཱནི;

ཙརེཡྻ ཏེནཏྟམནོ སཏཱིམཱ.

[མ. ནི. ༣.༢༣༧] ‘‘ནོ ཙེ ལབྷེཐ ནིཔཀཾ སཧཱཡཾ;

སདྡྷིཾ ཙརཾ སཱདྷུཝིཧཱརི དྷཱིརཾ;

རཱཛཱཝ རཊྛཾ ཝིཛིཏཾ པཧཱཡ;

ཨེཀོ ཙརེ མཱཏངྒརཉྙེཝ ནཱགོ.

[མ. ནི. ༣.༢༣༧] ‘‘ཨེཀསྶ ཙརིཏཾ སེཡྻོ;

ནཏྠི བཱལེ སཧཱཡཏཱ;

ཨེཀོ ཙརེ ན ཙ པཱཔཱནི ཀཡིརཱ;

ཨཔྤོསྶུཀྐོ མཱཏངྒརཉྙེཝ ནཱགོ’’ཏི.

དཱིགྷཱཝུཝཏྠུ ནིཊྛིཏཾ.

༢༧༣. བཱལཀལོཎཀགམནཀཐཱ

༤༦༥. ཨཐ ཁོ བྷགཝཱ སངྒྷམཛ྄ཛྷེ ཋིཏཀོཝ ཨིམཱ གཱཐཱཡོ བྷཱསིཏྭཱ ཡེན བཱལཀལོཎཀགཱམོ [བཱལཀལོཎཀཱརགཱམོ (སཱི. སྱཱ.)] ཏེནུཔསངྐམི. ཏེན ཁོ པན སམཡེན ཨཱཡསྨཱ བྷགུ བཱལཀལོཎཀགཱམེ ཝིཧརཏི. ཨདྡསཱ ཁོ ཨཱཡསྨཱ བྷགུ བྷགཝནྟཾ དཱུརཏོཝ ཨཱགཙྪནྟཾ, དིསྭཱན ཨཱསནཾ པཉྙཔེསི, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔི, པཙྩུགྒནྟྭཱ པཏྟཙཱིཝརཾ པཊིགྒཧེསི. ནིསཱིདི བྷགཝཱ པཉྙཏྟེ ཨཱསནེ, ནིསཛྫ ཁོ བྷགཝཱ པཱདེ པཀྑཱལེསི. ཨཱཡསྨཱཔི ཁོ བྷགུ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨཱཡསྨནྟཾ བྷགུཾ བྷགཝཱ ཨེཏདཝོཙ – ‘‘ཀཙྩི, བྷིཀྑུ, ཁམནཱིཡཾ; ཀཙྩི ཡཱཔནཱིཡཾ, ཀཙྩི པིཎྜཀེན ན ཀིལམསཱི’’ཏི? ‘‘ཁམནཱིཡཾ, བྷགཝཱ, ཡཱཔནཱིཡཾ, བྷགཝཱ; ན ཙཱཧཾ, བྷནྟེ, པིཎྜཀེན ཀིལམཱམཱི’’ཏི. ཨཐ ཁོ བྷགཝཱ ཨཱཡསྨནྟཾ བྷགུཾ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ ཡེན པཱཙཱིནཝཾསདཱཡོ ཏེནུཔསངྐམི.

བཱལཀལོཎཀགམནཀཐཱ ནིཊྛིཏཱ.

༢༧༤. པཱཙཱིནཝཾསདཱཡགམནཀཐཱ

༤༦༦. [མ. ནི. ༡.༣༢༥ ཨཱདཡོ པསྶིཏབྦཾ] ཏེན ཁོ པན སམཡེན ཨཱཡསྨཱ ཙ ཨནུརུདྡྷོ ཨཱཡསྨཱ ཙ ནནྡིཡོ ཨཱཡསྨཱ ཙ ཀིམིལོ [ཀིམྦིལོ (སཱི. སྱཱ.)] པཱཙཱིནཝཾསདཱཡེ ཝིཧརནྟི. ཨདྡསཱ ཁོ དཱཡཔཱལོ བྷགཝནྟཾ དཱུརཏོཝ ཨཱགཙྪནྟཾ, དིསྭཱན བྷགཝནྟཾ ཨེཏདཝོཙ – ‘‘མཱ, སམཎ, ཨེཏཾ དཱཡཾ པཱཝིསི. སནྟེཏྠ ཏཡོ ཀུལཔུཏྟཱ ཨཏྟཀཱམརཱུཔཱ ཝིཧརནྟི. མཱ ཏེསཾ ཨཕཱསུམཀཱསཱི’’ཏི. ཨསྶོསི ཁོ ཨཱཡསྨཱ ཨནུརུདྡྷོ དཱཡཔཱལསྶ བྷགཝཏཱ སདྡྷིཾ མནྟཡམཱནསྶ, སུཏྭཱན དཱཡཔཱལཾ ཨེཏདཝོཙ – ‘‘མཱཝུསོ, དཱཡཔཱལ, བྷགཝནྟཾ ཝཱརེསི. སཏྠཱ ནོ བྷགཝཱ ཨནུཔྤཏྟོ’’ཏི. ཨཐ ཁོ ཨཱཡསྨཱ ཨནུརུདྡྷོ ཡེནཱཡསྨཱ ཙ ནནྡིཡོ ཨཱཡསྨཱ ཙ ཀིམིལོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཉྩ ནནྡིཡཾ ཨཱཡསྨནྟཉྩ ཀིམིལཾ ཨེཏདཝོཙ – ‘‘ཨབྷིཀྐམཐཱཡསྨནྟོ ཨབྷིཀྐམཐཱཡསྨནྟོ, སཏྠཱ ནོ བྷགཝཱ ཨནུཔྤཏྟོ’’ཏི. ཨཐ ཁོ ཨཱཡསྨཱ ཙ ཨནུརུདྡྷོ ཨཱཡསྨཱ ཙ ནནྡིཡོ ཨཱཡསྨཱ ཙ ཀིམིལོ བྷགཝནྟཾ པཙྩུགྒནྟྭཱ ཨེཀོ བྷགཝཏོ པཏྟཙཱིཝརཾ པཊིགྒཧེསི, ཨེཀོ ཨཱསནཾ པཉྙཔེསི, ཨེཀོ པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔི. ནིསཱིདི བྷགཝཱ པཉྙཏྟེ ཨཱསནེ, ནིསཛྫ ཁོ བྷགཝཱ པཱདེ པཀྑཱལེསི. ཏེཔི ཁོ ཨཱཡསྨནྟོ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣཾ ཁོ ཨཱཡསྨནྟཾ ཨནུརུདྡྷཾ བྷགཝཱ ཨེཏདཝོཙ – ‘‘ཀཙྩི ཝོ, ཨནུརུདྡྷཱ, ཁམནཱིཡཾ, ཀཙྩི ཡཱཔནཱིཡཾ; ཀཙྩི པིཎྜཀེན ན ཀིལམཐཱ’’ཏི? ‘‘ཁམནཱིཡཾ བྷགཝཱ, ཡཱཔནཱིཡཾ བྷགཝཱ; ན ཙ མཡཾ, བྷནྟེ, པིཎྜཀེན ཀིལམཱམཱ’’ཏི.

‘‘ཀཙྩི པན ཝོ ཨནུརུདྡྷཱ སམགྒཱ སམྨོདམཱནཱ ཨཝིཝདམཱནཱ ཁཱིརོདཀཱིབྷཱུཏཱ ཨཉྙམཉྙཾ པིཡཙཀྑཱུཧི སམྤསྶནྟཱ ཝིཧརཐཱ’’ཏི? ‘‘ཏགྒྷ མཡཾ, བྷནྟེ, སམགྒཱ སམྨོདམཱནཱ ཨཝིཝདམཱནཱ ཁཱིརོདཀཱིབྷཱུཏཱ ཨཉྙམཉྙཾ པིཡཙཀྑཱུཧི སམྤསྶནྟཱ ཝིཧརཱམཱ’’ཏི. ‘‘ཡཐཱ ཀཐཾ པན ཏུམྷེ, ཨནུརུདྡྷཱ, སམགྒཱ སམྨོདམཱནཱ ཨཝིཝདམཱནཱ ཁཱིརོདཀཱིབྷཱུཏཱ ཨཉྙམཉྙཾ པིཡཙཀྑཱུཧི སམྤསྶནྟཱ ཝིཧརཐཱ’’ཏི? ‘‘ཨིདྷ མཡ྄ཧཾ, བྷནྟེ, ཨེཝཾ ཧོཏི – ‘ལཱབྷཱ ཝཏ མེ, སུལདྡྷཾ ཝཏ མེ, ཡོཧཾ ཨེཝརཱུཔེཧི སབྲཧྨཙཱརཱིཧི སདྡྷིཾ ཝིཧརཱམཱི’’’ཏི. ཏསྶ མཡ྄ཧཾ, བྷནྟེ, ཨིམེསུ ཨཱཡསྨནྟེསུ མེཏྟཾ ཀཱཡཀམྨཾ པཙྩུཔཊྛིཏཾ ཨཱཝི ཙེཝ རཧོ ཙ; མེཏྟཾ ཝཙཱིཀམྨཾ… མེཏྟཾ མནོཀམྨཾ པཙྩུཔཊྛིཏཾ ཨཱཝི ཙེཝ རཧོ ཙ. ཏསྶ མཡ྄ཧཾ, བྷནྟེ, ཨེཝཾ ཧོཏི – ‘‘‘ཡཾནཱུནཱཧཾ སཀཾ ཙིཏྟཾ ནིཀྑིཔིཏྭཱ ཨིམེསཾཡེཝ ཨཱཡསྨནྟཱནཾ ཙིཏྟསྶ ཝསེན ཝཏྟེཡྻ’ནྟི. སོ ཁོ ཨཧཾ, བྷནྟེ, སཀཾ ཙིཏྟཾ ནིཀྑིཔིཏྭཱ ཨིམེསཾཡེཝ ཨཱཡསྨནྟཱནཾ ཙིཏྟསྶ ཝསེན ཝཏྟཱམི. ནཱནཱ ཧི ཁོ ནོ, བྷནྟེ, ཀཱཡཱ, ཨེཀཉྩ པན མཉྙེ ཙིཏྟ’’ནྟི.

ཨཱཡསྨཱཔི ཁོ ནནྡིཡོ…པེ… ཨཱཡསྨཱཔི ཁོ ཀིམིལོ བྷགཝནྟཾ ཨེཏདཝོཙ – ‘‘མཡ྄ཧམྤི ཁོ, བྷནྟེ, ཨེཝཾ ཧོཏི – ‘ལཱབྷཱ ཝཏ མེ, སུལདྡྷཾ ཝཏ མེ, ཡོཧཾ ཨེཝརཱུཔེཧི སབྲཧྨཙཱརཱིཧི སདྡྷིཾ ཝིཧརཱམཱི’ཏི. ཏསྶ མཡ྄ཧཾ, བྷནྟེ, ཨིམེསུ ཨཱཡསྨནྟེསུ མེཏྟཾ ཀཱཡཀམྨཾ པཙྩུཔཊྛིཏཾ ཨཱཝི ཙེཝ རཧོ ཙ; མེཏྟཾ ཝཙཱིཀམྨཾ མེཏྟཾ མནོཀམྨཾ པཙྩུཔཊྛིཏཾ ཨཱཝི ཙེཝ རཧོ ཙ. ཏསྶ མཡ྄ཧཾ, བྷནྟེ, ཨེཝཾ ཧོཏི ‘ཡཾནཱུནཱཧཾ སཀཾ ཙིཏྟཾ ནིཀྑིཔིཏྭཱ ཨིམེསཾཡེཝ ཨཱཡསྨནྟཱནཾ ཙིཏྟསྶ ཝསེན ཝཏྟེཡྻ’ནྟི. སོ ཁོ ཨཧཾ, བྷནྟེ, སཀཾ ཙིཏྟཾ ནིཀྑིཔིཏྭཱ ཨིམེསཾཡེཝ ཨཱཡསྨནྟཱནཾ ཙིཏྟསྶ ཝསེན ཝཏྟཱམི. ནཱནཱ ཧི ཁོ ནོ, བྷནྟེ, ཀཱཡཱ, ཨེཀཉྩ པན མཉྙེ ཙིཏྟནྟི. ཨེཝཾ ཁོ མཡཾ, བྷནྟེ, སམགྒཱ སམྨོདམཱནཱ ཨཝིཝདམཱནཱ ཁཱིརོདཀཱིབྷཱུཏཱ ཨཉྙམཉྙཾ པིཡཙཀྑཱུཧི སམྤསྶནྟཱ ཝིཧརཱམཱ’’ཏི.

‘‘ཀཙྩི པན ཝོ, ཨནུརུདྡྷཱ, ཨཔྤམཏྟཱ ཨཱཏཱཔིནོ པཧིཏཏྟཱ ཝིཧརཐཱ’’ཏི? ‘‘ཏགྒྷ མཡཾ, བྷནྟེ, ཨཔྤམཏྟཱ ཨཱཏཱཔིནོ པཧིཏཏྟཱ ཝིཧརཱམཱ’’ཏི. ‘‘ཡཐཱ ཀཐཾ པན ཏུམྷེ, ཨནུརུདྡྷཱ, ཨཔྤམཏྟཱ ཨཱཏཱཔིནོ པཧིཏཏྟཱ ཝིཧརཐཱ’’ཏི? ‘‘ཨིདྷ, བྷནྟེ, ཨམྷཱཀཾ ཡོ པཋམཾ གཱམཏོ པིཎྜཱཡ པཊིཀྐམཏི སོ ཨཱསནཾ པཉྙཔེཏི, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔཏི, ཨཝཀྐཱརཔཱཏིཾ དྷོཝིཏྭཱ ཨུཔཊྛཱཔེཏི, པཱནཱིཡཾ པརིབྷོཛནཱིཡཾ ཨུཔཊྛཱཔེཏི. ཡོ པཙྪཱ གཱམཏོ པིཎྜཱཡ པཊིཀྐམཏི, སཙེ ཧོཏི བྷུཏྟཱཝསེསོ, སཙེ ཨཱཀངྑཏི བྷུཉྫཏི, ནོ ཙེ ཨཱཀངྑཏི ཨཔྤཧརིཏེ ཝཱ ཚཌྜེཏི. ཨཔྤཱཎཀེ ཝཱ ཨུདཀེ ཨོཔིལཱཔེཏི. སོ ཨཱསནཾ ཨུདྡྷརཏི, པཱདོདཀཾ པཱདཔཱིཋཾ པཱདཀཐལིཀཾ པཊིསཱམེཏི, ཨཝཀྐཱརཔཱཏིཾ དྷོཝིཏྭཱ པཊིསཱམེཏི, པཱནཱིཡཾ པརིབྷོཛནཱིཡཾ པཊིསཱམེཏི, བྷཏྟགྒཾ སམྨཛྫཏི. ཡོ པསྶཏི པཱནཱིཡགྷཊཾ ཝཱ པརིབྷོཛནཱིཡགྷཊཾ ཝཱ ཝཙྩགྷཊཾ ཝཱ རིཏྟཾ ཏུཙྪཾ སོ ཨུཔཊྛཱཔེཏི. སཙསྶ ཧོཏི ཨཝིསཡ྄ཧཾ, ཧཏྠཝིཀཱརེན དུཏིཡཾ ཨཱམནྟེཏྭཱ ཧཏྠཝིལངྒྷཀེན ཨུཔཊྛཱཔེམ, ན ཏྭེཝ མཡཾ, བྷནྟེ, ཏཔྤཙྩཡཱ ཝཱཙཾ བྷིནྡཱམ. པཉྩཱཧིཀཾ ཁོ པན མཡཾ, བྷནྟེ, སབྦརཏྟིཾ དྷམྨིཡཱ ཀཐཱཡ སནྣིསཱིདཱམ. ཨེཝཾ ཁོ མཡཾ, བྷནྟེ, ཨཔྤམཏྟཱ ཨཱཏཱཔིནོ པཧིཏཏྟཱ ཝིཧརཱམཱ’’ཏི.

པཱཙིནཝཾསདཱཡགམནཀཐཱ ནིཊྛིཏཱ.

༢༧༥. པཱལིལེཡྻཀགམནཀཐཱ

༤༦༧. [ཨུདཱ. ༣༥ ཨཱདཡོ ཐོཀཾ ཝིསདིསཾ] ཨཐ ཁོ བྷགཝཱ ཨཱཡསྨནྟཉྩ ཨནུརུདྡྷཾ ཨཱཡསྨནྟཉྩ ནནྡིཡཾ ཨཱཡསྨནྟཉྩ ཀིམིལཾ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ ཡེན པཱལིལེཡྻཀཾ [པཱརིལེཡྻཀཾ (སཱི. སྱཱ.)] ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན པཱལིལེཡྻཀཾ ཏདཝསརི. ཏཏྲ སུདཾ བྷགཝཱ པཱལིལེཡྻཀེ ཝིཧརཏི རཀྑིཏཝནསཎྜེ བྷདྡསཱལམཱུལེ. ཨཐ ཁོ བྷགཝཏོ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘‘ཨཧཾ ཁོ པུབྦེ ཨཱཀིཎྞོ ན ཕཱསུ ཝིཧཱསིཾ ཏེཧི ཀོསམྦཀེཧི [ཀོསབྦྷིཀེཧི (སྱཱ.)] བྷིཀྑཱུཧི བྷཎྜནཀཱརཀེཧི ཀལཧཀཱརཀེཧི ཝིཝཱདཀཱརཀེཧི བྷསྶཀཱརཀེཧི སངྒྷེ ཨདྷིཀརཎཀཱརཀེཧི. སོམྷི ཨེཏརཧི ཨེཀོ ཨདུཏིཡོ སུཁཾ ཕཱསུ ཝིཧརཱམི ཨཉྙཏྲེཝ ཏེཧི ཀོསམྦཀེཧི བྷིཀྑཱུཧི བྷཎྜནཀཱརཀེཧི ཀལཧཀཱརཀེཧི ཝིཝཱདཀཱརཀེཧི བྷསྶཀཱརཀེཧི སངྒྷེ ཨདྷིཀརཎཀཱརཀེཧཱི’’ཏི.

ཨཉྙཏརོཔི ཁོ ཧཏྠིནཱགོ ཨཱཀིཎྞོ ཝིཧརཏི ཧཏྠཱིཧི ཧཏྠིནཱིཧི ཧཏྠིཀལ༹བྷེཧི ཧཏྠིཙྪཱཔེཧི, ཚིནྣགྒཱནི ཙེཝ ཏིཎཱནི ཁཱདཏི, ཨོབྷགྒོབྷགྒཉྩསྶ སཱཁཱབྷངྒཾ ཁཱདནྟི, ཨཱཝིལཱནི ཙ པཱནཱིཡཱནི པིཝཏི, ཨོགཱཧཱ ཙསྶ ཨོཏིཎྞསྶ ཧཏྠིནིཡོ ཀཱཡཾ ཨུཔནིགྷཾསནྟིཡོ གཙྪནྟི. ཨཐ ཁོ ཏསྶ ཧཏྠིནཱགསྶ ཨེཏདཧོསི – ‘‘ཨཧཾ ཁོ ཨཱཀིཎྞོ ཝིཧརཱམི ཧཏྠཱིཧི ཧཏྠིནཱིཧི ཧཏྠིཀལ༹བྷེཧི ཧཏྠིཙྪཱཔེཧི, ཚིནྣགྒཱནི ཙེཝ ཏིཎཱནི ཁཱདཱམི, ཨོབྷགྒོབྷགྒཉྩ མེ སཱཁཱབྷངྒཾ ཁཱདནྟི, ཨཱཝིལཱནི ཙ པཱནཱིཡཱནི པིཝཱམི, ཨོགཱཧཱ ཙ མེ ཨོཏིཎྞསྶ ཧཏྠིནིཡོ ཀཱཡཾ ཨུཔནིགྷཾསནྟིཡོ གཙྪནྟི. ཡཾནཱུནཱཧཾ ཨེཀོཝ གཎསྨཱ ཝཱུཔཀཊྛོ ཝིཧརེཡྻ’’ནྟི. ཨཐ ཁོ སོ ཧཏྠིནཱགོ ཡཱུཐཱ ཨཔཀྐམྨ ཡེན པཱལིལེཡྻཀཾ རཀྑིཏཝནསཎྜོ བྷདྡསཱལམཱུལཾ ཡེན བྷགཝཱ ཏེནུཔསངྐམི, ཨུཔསངྐམིཏྭཱ སོཎྜཱཡ བྷགཝཏོ པཱནཱིཡཾ པརིབྷོཛནཱིཡཾ ཨུཔཊྛཱཔེཏི, ཨཔྤཧརིཏཉྩ ཀརོཏི. ཨཐ ཁོ ཏསྶ ཧཏྠིནཱགསྶ ཨེཏདཧོསི – ‘‘ཨཧཾ ཁོ པུབྦེ ཨཱཀིཎྞོ ན ཕཱསུ ཝིཧཱསིཾ ཧཏྠཱིཧི ཧཏྠིནཱིཧི ཧཏྠིཀལ༹བྷེཧི ཧཏྠིཙྪཱཔེཧི, ཚིནྣགྒཱནི ཙེཝ ཏིཎཱནི ཁཱདིཾ, ཨོབྷགྒོབྷགྒཉྩ མེ སཱཁཱབྷངྒཾ ཁཱདིཾསུ, ཨཱཝིལཱནི ཙ པཱནཱིཡཱནི ཨཔཱཡིཾ ཨོགཱཧཱ ཙ མེ ཨོཏིཎྞསྶ [ཨོགཱཧཉྩསྶ ཨོཏིཎྞསྶ (སྱཱ.), ཨོགཱཧཱ ཙསྶ ཨུཏྟིཎྞསྶ (སཱི.)] ཧཏྠིནིཡོ ཀཱཡཾ ཨུཔནིགྷཾསནྟིཡོ ཨགམཾསུ. སོམྷི ཨེཏརཧི ཨེཀོ ཨདུཏིཡོ སུཁཾ ཕཱསུ ཝིཧརཱམི ཨཉྙཏྲེཝ ཧཏྠཱིཧི ཧཏྠིནཱིཧི ཧཏྠིཀལ༹བྷེཧི ཧཏྠིཙྪཱཔེཧཱི’’ཏི.

ཨཐ ཁོ བྷགཝཱ ཨཏྟནོ ཙ པཝིཝེཀཾ ཝིདིཏྭཱ ཏསྶ ཙ ཧཏྠིནཱགསྶ ཙེཏསཱ ཙེཏོཔརིཝིཏཀྐམཉྙཱཡ ཏཱཡཾ ཝེལཱཡཾ ཨིམཾ ཨུདཱནཾ ཨུདཱནེསི –

[ཨུདཱ. ༣༥] ‘‘ཨེཏཾ [ཨེཝཾ (ཀ.)] ནཱགསྶ ནཱགེན, ཨཱིསཱདནྟསྶ ཧཏྠིནོ;

སམེཏི ཙིཏྟཾ ཙིཏྟེན, ཡདེཀོ རམཏཱི ཝནེ’’ཏི.

ཨཐ ཁོ བྷགཝཱ པཱལིལེཡྻཀེ ཡཐཱབྷིརནྟཾ ཝིཧརིཏྭཱ ཡེན སཱཝཏྠི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན སཱཝཏྠི ཏདཝསརི. ཏཏྲ སུདཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཨཐ ཁོ ཀོསམྦཀཱ ཨུཔཱསཀཱ – ‘‘ཨིམེ ཁོ ཨཡྻཱ ཀོསམྦཀཱ བྷིཀྑཱུ བཧུནོ ཨམྷཱཀཾ ཨནཏྠསྶ ཀཱརཀཱ. ཨིམེཧི ཨུབྦཱལ༹ྷོ བྷགཝཱ པཀྐནྟོ. ཧནྡ མཡཾ ཨཡྻེ ཀོསམྦཀེ བྷིཀྑཱུ ནེཝ ཨབྷིཝཱདེཡྻཱམ, ན པཙྩུཊྛེཡྻཱམ, ན ཨཉྫལིཀམྨཾ སཱམཱིཙིཀམྨཾ ཀརེཡྻཱམ, ན སཀྐརེཡྻཱམ, ན གརུཾ ཀརེཡྻཱམ, ན མཱནེཡྻཱམ, ན བྷཛེཡྻཱམ, ན པཱུཛེཡྻཱམ, ཨུཔགཏཱནམྤི པིཎྜཀཾ ན དཛྫེཡྻཱམ – ཨེཝཾ ཨིམེ ཨམྷེཧི ཨསཀྐརིཡམཱནཱ ཨགརུཀརིཡམཱནཱ ཨམཱནིཡམཱནཱ ཨབྷཛིཡམཱནཱ ཨཔཱུཛིཡམཱནཱ ཨསཀྐཱརཔཀཏཱ པཀྐམིསྶནྟི ཝཱ ཝིབྦྷམིསྶནྟི ཝཱ བྷགཝནྟཾ ཝཱ པསཱདེསྶནྟཱི’’ཏི. ཨཐ ཁོ ཀོསམྦཀཱ ཨུཔཱསཀཱ ཀོསམྦཀེ བྷིཀྑཱུ ནེཝ ཨབྷིཝཱདེསུཾ, ན པཙྩུཊྛེསུཾ, ན ཨཉྫལིཀམྨཾ སཱམཱིཙིཀམྨཾ ཨཀཾསུ, ན སཀྐརིཾསུ, ན གརུཾ ཀརིཾསུ, ན མཱནེསུཾ, ན བྷཛེསུཾ ན པཱུཛེསུཾ, ཨུཔགཏཱནམྤི པིཎྜཀཾ ན ཨདཾསུ. ཨཐ ཁོ ཀོསམྦཀཱ བྷིཀྑཱུ ཀོསམྦཀེཧི ཨུཔཱསཀེཧི ཨསཀྐརིཡམཱནཱ ཨགརུཀརིཡམཱནཱ ཨམཱནིཡམཱནཱ ཨབྷཛིཡམཱནཱ ཨཔཱུཛིཡམཱནཱ ཨསཀྐཱརཔཀཏཱ ཨེཝམཱཧཾསུ – ‘‘ཧནྡ མཡཾ, ཨཱཝུསོ, སཱཝཏྠིཾ གནྟྭཱ བྷགཝཏོ སནྟིཀེ ཨིམཾ ཨདྷིཀརཎཾ ཝཱུཔསམེཡྻཱམཱ’’ཏི.

པཱལིལེཡྻཀགམནཀཐཱ ནིཊྛིཏཱ.

༢༧༦. ཨཊྛཱརསཝཏྠུཀཐཱ

༤༦༨. ཨཐ ཁོ ཀོསམྦཀཱ བྷིཀྑཱུ སེནཱསནཾ སཾསཱམེཏྭཱ པཏྟཙཱིཝརམཱདཱཡ ཡེན སཱཝཏྠི ཏེནུཔསངྐམིཾསུ. ཨསྶོསི ཁོ ཨཱཡསྨཱ སཱརིཔུཏྟོ – ‘‘ཏེ ཀིར ཀོསམྦཀཱ བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ སཱཝཏྠིཾ ཨཱགཙྪནྟཱི’’ཏི. ཨཐ ཁོ ཨཱཡསྨཱ སཱརིཔུཏྟོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ སཱརིཔུཏྟོ བྷགཝནྟཾ ཨེཏདཝོཙ – ‘‘ཏེ ཀིར, བྷནྟེ, ཀོསམྦཀཱ བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ སཱཝཏྠིཾ ཨཱགཙྪནྟི. ཀཐཱཧཾ, བྷནྟེ, ཏེསུ བྷིཀྑཱུསུ པཊིཔཛྫཱམཱི’’ཏི? ‘‘ཏེན ཧི ཏྭཾ, སཱརིཔུཏྟ, ཡཐཱ དྷམྨོ ཏཐཱ ཏིཊྛཱཧཱི’’ཏི. ‘‘ཀཐཱཧཾ, བྷནྟེ, ཛཱནེཡྻཾ དྷམྨཾ ཝཱ ཨདྷམྨཾ ཝཱ’’ཏི?

ཨཊྛཱརསཧི ཁོ, སཱརིཔུཏྟ, ཝཏྠཱུཧི ཨདྷམྨཝཱདཱི ཛཱནིཏབྦོ. ཨིདྷ, སཱརིཔུཏྟ, བྷིཀྑུ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི; ཨཝིནཡཾ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི; ཨབྷཱསིཏཾ ཨལཔིཏཾ ཏཐཱགཏེན བྷཱསིཏཾ ལཔིཏཾ ཏཐཱགཏེནཱཏི དཱིཔེཏི, བྷཱསིཏཾ ལཔིཏཾ ཏཐཱགཏེན ཨབྷཱསིཏཾ ཨལཔིཏཾ ཏཐཱགཏེནཱཏི དཱིཔེཏི; ཨནཱཙིཎྞཾ ཏཐཱགཏེན ཨཱཙིཎྞཾ ཏཐཱགཏེནཱཏི དཱིཔེཏི, ཨཱཙིཎྞཾ ཏཐཱགཏེན ཨནཱཙིཎྞཾ ཏཐཱགཏེནཱཏི དཱིཔེཏི; ཨཔཉྙཏྟཾ ཏཐཱགཏེན པཉྙཏྟཾ ཏཐཱགཏེནཱཏི དཱིཔེཏི, པཉྙཏྟཾ ཏཐཱགཏེན ཨཔཉྙཏྟཾ ཏཐཱགཏེནཱཏི དཱིཔེཏི; ཨནཱཔཏྟིཾ ཨཱཔཏྟཱིཏི དཱིཔེཏི, ཨཱཔཏྟིཾ ཨནཱཔཏྟཱིཏི དཱིཔེཏི; ལཧུཀཾ ཨཱཔཏྟིཾ གརུཀཱ ཨཱཔཏྟཱིཏི དཱིཔེཏི, གརུཀཾ ཨཱཔཏྟིཾ ལཧུཀཱ ཨཱཔཏྟཱིཏི དཱིཔེཏི; སཱཝསེསཾ ཨཱཔཏྟིཾ ཨནཝསེསཱ ཨཱཔཏྟཱིཏི དཱིཔེཏི, ཨནཝསེསཾ ཨཱཔཏྟིཾ སཱཝསེསཱ ཨཱཔཏྟཱིཏི དཱིཔེཏི; དུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེཏི, ཨདུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེཏི – ཨིམེཧི ཁོ, སཱརིཔུཏྟ, ཨཊྛཱརསཧི ཝཏྠཱུཧི ཨདྷམྨཝཱདཱི ཛཱནིཏབྦོ.

ཨཊྛཱརསཧི ཙ ཁོ, སཱརིཔུཏྟ, ཝཏྠཱུཧི དྷམྨཝཱདཱི ཛཱནིཏབྦོ. ཨིདྷ, སཱརིཔུཏྟ, བྷིཀྑུ ཨདྷམྨཾ ཨདྷམྨོཏི དཱིཔེཏི, དྷམྨཾ དྷམྨོཏི དཱིཔེཏི; ཨཝིནཡཾ ཨཝིནཡོཏི དཱིཔེཏི, ཝིནཡཾ ཝིནཡོཏི དཱིཔེཏི; ཨབྷཱསིཏཾ ཨལཔིཏཾ ཏཐཱགཏེན ཨབྷཱསིཏཾ ཨལཔིཏཾ ཏཐཱགཏེནཱཏི དཱིཔེཏི, བྷཱསིཏཾ ལཔིཏཾ ཏཐཱགཏེན བྷཱསིཏཾ ལཔིཏཾ ཏཐཱགཏེནཱཏི དཱིཔེཏི; ཨནཱཙིཎྞཾ ཏཐཱགཏེན ཨནཱཙིཎྞཾ ཏཐཱགཏེནཱཏི དཱིཔེཏི, ཨཱཙིཎྞཾ ཏཐཱགཏེན ཨཱཙིཎྞཾ ཏཐཱགཏེནཱཏི དཱིཔེཏི; ཨཔཉྙཏྟཾ ཏཐཱགཏེན ཨཔཉྙཏྟཾ ཏཐཱགཏེནཱཏི དཱིཔེཏི, པཉྙཏྟཾ ཏཐཱགཏེན པཉྙཏྟཾ ཏཐཱགཏེནཱཏི དཱིཔེཏི; ཨནཱཔཏྟིཾ ཨནཱཔཏྟཱིཏི དཱིཔེཏི, ཨཱཔཏྟིཾ ཨཱཔཏྟཱིཏི དཱིཔེཏི; ལཧུཀཾ ཨཱཔཏྟིཾ ལཧུཀཱ ཨཱཔཏྟཱིཏི དཱིཔེཏི, གརུཀཾ ཨཱཔཏྟིཾ གརུཀཱ ཨཱཔཏྟཱིཏི དཱིཔེཏི; སཱཝསེསཾ ཨཱཔཏྟིཾ སཱཝསེསཱ ཨཱཔཏྟཱིཏི དཱིཔེཏི, ཨནཝསེསཾ ཨཱཔཏྟིཾ ཨནཝསེསཱ ཨཱཔཏྟཱིཏི དཱིཔེཏི; དུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེཏི, ཨདུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེཏི – ཨིམེཧི ཁོ, སཱརིཔུཏྟ, ཨཊྛཱརསཧི ཝཏྠཱུཧི དྷམྨཝཱདཱི ཛཱནིཏབྦོཏི.

༤༦༩. ཨསྶོསི ཁོ ཨཱཡསྨཱ མཧཱམོགྒལླཱནོ…པེ… ཨསྶོསི ཁོ ཨཱཡསྨཱ མཧཱཀསྶཔོ… ཨསྶོསི ཁོ ཨཱཡསྨཱ མཧཱཀཙྩཱནོ… ཨསྶོསི ཁོ ཨཱཡསྨཱ མཧཱཀོཊྛིཀོ … ཨསྶོསི ཁོ ཨཱཡསྨཱ མཧཱཀཔྤིནོ… ཨསྶོསི ཁོ ཨཱཡསྨཱ མཧཱཙུནྡོ… ཨསྶོསི ཁོ ཨཱཡསྨཱ ཨནུརུདྡྷོ… ཨསྶོསི ཁོ ཨཱཡསྨཱ རེཝཏོ … ཨསྶོསི ཁོ ཨཱཡསྨཱ ཨུཔཱལི… ཨསྶོསི ཁོ ཨཱཡསྨཱ ཨཱནནྡོ… ཨསྶོསི ཁོ ཨཱཡསྨཱ རཱཧུལོ – ‘‘ཏེ ཀིར ཀོསམྦཀཱ བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ སཱཝཏྠིཾ ཨཱགཙྪནྟཱི’’ཏི. ཨཐ ཁོ ཨཱཡསྨཱ རཱཧུལོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ རཱཧུལོ བྷགཝནྟཾ ཨེཏདཝོཙ – ‘‘ཏེ ཀིར, བྷནྟེ, ཀོསམྦཀཱ བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ སཱཝཏྠིཾ ཨཱགཙྪནྟི. ཀཐཱཧཾ, བྷནྟེ, ཏེསུ བྷིཀྑཱུསུ པཊིཔཛྫཱམཱི’’ཏི? ‘‘ཏེན ཧི ཏྭཾ, རཱཧུལ, ཡཐཱ དྷམྨོ ཏཐཱ ཏིཊྛཱཧཱི’’ཏི. ‘‘ཀཐཱཧཾ, བྷནྟེ, ཛཱནེཡྻཾ དྷམྨཾ ཝཱ ཨདྷམྨཾ ཝཱ’’ཏི?

ཨཊྛཱརསཧི ཁོ, རཱཧུལ, ཝཏྠཱུཧི ཨདྷམྨཝཱདཱི ཛཱནིཏབྦོ. ཨིདྷ, རཱཧུལ, བྷིཀྑུ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི; ཨཝིནཡཾ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི; ཨབྷཱསིཏཾ ཨལཔིཏཾ ཏཐཱགཏེན བྷཱསིཏཾ ལཔིཏཾ ཏཐཱགཏེནཱཏི དཱིཔེཏི, བྷཱསིཏཾ ལཔིཏཾ ཏཐཱགཏེན ཨབྷཱསིཏཾ ཨལཔིཏཾ ཏཐཱགཏེནཱཏི དཱིཔེཏི; ཨནཱཙིཎྞཾ ཏཐཱགཏེན ཨཱཙིཎྞཾ ཏཐཱགཏེནཱཏི དཱིཔེཏི, ཨཱཙིཎྞཾ ཏཐཱགཏེན ཨནཱཙིཎྞཾ ཏཐཱགཏེནཱཏི དཱིཔེཏི; ཨཔཉྙཏྟཾ ཏཐཱགཏེན པཉྙཏྟཾ ཏཐཱགཏེནཱཏི དཱིཔེཏི, པཉྙཏྟཾ ཏཐཱགཏེན ཨཔཉྙཏྟཾ ཏཐཱགཏེནཱཏི དཱིཔེཏི; ཨནཱཔཏྟིཾ ཨཱཔཏྟཱིཏི དཱིཔེཏི, ཨཱཔཏྟིཾ ཨནཱཔཏྟཱིཏི དཱིཔེཏི; ལཧུཀཾ ཨཱཔཏྟིཾ གརུཀཱ ཨཱཔཏྟཱིཏི དཱིཔེཏི, གརུཀཾ ཨཱཔཏྟིཾ ལཧུཀཱ ཨཱཔཏྟཱིཏི དཱིཔེཏི; སཱཝསེསཾ ཨཱཔཏྟིཾ ཨནཝསེསཱ ཨཱཔཏྟཱིཏི དཱིཔེཏི, ཨནཝསེསཾ ཨཱཔཏྟིཾ སཱཝསེསཱ ཨཱཔཏྟཱིཏི དཱིཔེཏི; དུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེཏི, ཨདུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེཏི – ཨིམེཧི ཁོ, རཱཧུལ, ཨཊྛཱརསཧི ཝཏྠཱུཧི ཨདྷམྨཝཱདཱི ཛཱནིཏབྦོ.

ཨཊྛཱརསཧི ཙ ཁོ, རཱཧུལ, ཝཏྠཱུཧི དྷམྨཝཱདཱི ཛཱནིཏབྦོ. ཨིདྷ, རཱཧུལ, བྷིཀྑུ ཨདྷམྨཾ ཨདྷམྨོཏི དཱིཔེཏི, དྷམྨཾ དྷམྨོཏི དཱིཔེཏི; ཨཝིནཡཾ ཨཝིནཡོཏི དཱིཔེཏི, ཝིནཡཾ ཝིནཡོཏི དཱིཔེཏི; ཨབྷཱསིཏཾ ཨལཔིཏཾ ཏཐཱགཏེན ཨབྷཱསིཏཾ ཨལཔིཏཾ ཏཐཱགཏེནཱཏི དཱིཔེཏི, བྷཱསིཏཾ ལཔིཏཾ ཏཐཱགཏེན བྷཱསིཏཾ ལཔིཏཾ ཏཐཱགཏེནཱཏི དཱིཔེཏི; ཨནཱཙིཎྞཾ ཏཐཱགཏེན ཨནཱཙིཎྞཾ ཏཐཱགཏེནཱཏི དཱིཔེཏི, ཨཱཙིཎྞཾ ཏཐཱགཏེན ཨཱཙིཎྞཾ ཏཐཱགཏེནཱཏི དཱིཔེཏི; ཨཔཉྙཏྟཾ ཏཐཱགཏེན ཨཔཉྙཏྟཾ ཏཐཱགཏེནཱཏི དཱིཔེཏི, པཉྙཏྟཾ ཏཐཱགཏེན པཉྙཏྟཾ ཏཐཱགཏེནཱཏི དཱིཔེཏི; ཨནཱཔཏྟིཾ ཨནཱཔཏྟཱིཏི དཱིཔེཏི, ཨཱཔཏྟིཾ ཨཱཔཏྟཱིཏི དཱིཔེཏི; ལཧུཀཾ ཨཱཔཏྟིཾ ལཧུཀཱ ཨཱཔཏྟཱིཏི དཱིཔེཏི, གརུཀཾ ཨཱཔཏྟིཾ གརུཀཱ ཨཱཔཏྟཱིཏི དཱིཔེཏི; སཱཝསེསཾ ཨཱཔཏྟིཾ སཱཝསེསཱ ཨཱཔཏྟཱིཏི དཱིཔེཏི, ཨནཝསེསཾ ཨཱཔཏྟིཾ ཨནཝསེསཱ ཨཱཔཏྟཱིཏི དཱིཔེཏི; དུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེཏི, ཨདུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེཏི – ཨིམེཧི ཁོ, རཱཧུལ, ཨཊྛཱརསཧི ཝཏྠཱུཧི དྷམྨཝཱདཱི ཛཱནིཏབྦོཏི.

༤༧༠. ཨསྶོསི ཁོ མཧཱཔཛཱཔཏི [མཧཱཔཛཱཔཏཱི (སཱི. སྱཱ.)] གོཏམཱི – ‘‘ཏེ ཀིར ཀོསམྦཀཱ བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ སཱཝཏྠིཾ ཨཱགཙྪནྟཱི’’ཏི. ཨཐ ཁོ མཧཱཔཛཱཔཏི གོཏམཱི ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏཱ ཁོ མཧཱཔཛཱཔཏི གོཏམཱི བྷགཝནྟཾ ཨེཏདཝོཙ – ‘‘ཏེ ཀིར, བྷནྟེ, ཀོསམྦཀཱ བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ སཱཝཏྠིཾ ཨཱགཙྪནྟི. ཀཐཱཧཾ, བྷནྟེ, ཏེསུ བྷིཀྑཱུསུ པཊིཔཛྫཱམཱི’’ཏི? ‘‘ཏེན ཧི ཏྭཾ, གོཏམི, ཨུབྷཡཏྠ དྷམྨཾ སུཎ. ཨུབྷཡཏྠ དྷམྨཾ སུཏྭཱ ཡེ ཏཏྠ བྷིཀྑཱུ དྷམྨཝཱདིནོ ཏེསཾ དིཊྛིཉྩ ཁནྟིཉྩ རུཙིཉྩ ཨཱདཱཡཉྩ རོཙེཧི. ཡཉྩ ཀིཉྩི བྷིཀྑུནིསངྒྷེན བྷིཀྑུསངྒྷཏོ པཙྩཱསཱིསིཏབྦཾ སབྦཾ ཏཾ དྷམྨཝཱདིཏོཝ པཙྩཱསཱིསིཏབྦ’’ནྟི.

༤༧༡. ཨསྶོསི ཁོ ཨནཱཐཔིཎྜིཀོ གཧཔཏི – ‘‘ཏེ ཀིར ཀོསམྦཀཱ བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ སཱཝཏྠིཾ ཨཱགཙྪནྟཱི’’ཏི. ཨཐ ཁོ ཨནཱཐཔིཎྜིཀོ གཧཔཏི ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨནཱཐཔིཎྜིཀོ གཧཔཏི བྷགཝནྟཾ ཨེཏདཝོཙ – ‘‘ཏེ ཀིར, བྷནྟེ, ཀོསམྦཀཱ བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ སཱཝཏྠིཾ ཨཱགཙྪནྟི. ཀཐཱཧཾ, བྷནྟེ, ཏེསུ བྷིཀྑཱུསུ པཊིཔཛྫཱམཱི’’ཏི? ‘‘ཏེན ཧི ཏྭཾ, གཧཔཏི, ཨུབྷཡཏྠ དཱནཾ དེཧི. ཨུབྷཡཏྠ དཱནཾ དཏྭཱ ཨུབྷཡཏྠ དྷམྨཾ སུཎ. ཨུབྷཡཏྠ དྷམྨཾ སུཏྭཱ ཡེ ཏཏྠ བྷིཀྑཱུ དྷམྨཝཱདིནོ ཏེསཾ དིཊྛིཉྩ ཁནྟིཉྩ རུཙིཉྩ ཨཱདཱཡཉྩ རོཙེཧཱི’’ཏི.

༤༧༢. ཨསྶོསི ཁོ ཝིསཱཁཱ མིགཱརམཱཏཱ – ‘‘ཏེ ཀིར ཀོསམྦཀཱ བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ སཱཝཏྠིཾ ཨཱགཙྪནྟཱི’’ཏི. ཨཐ ཁོ ཝིསཱཁཱ མིགཱརམཱཏཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཱ ཁོ ཝིསཱཁཱ མིགཱརམཱཏཱ བྷགཝནྟཾ ཨེཏདཝོཙ – ‘‘ཏེ ཀིར, བྷནྟེ, ཀོསམྦཀཱ བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ སཱཝཏྠིཾ ཨཱགཙྪནྟི. ཀཐཱཧཾ, བྷནྟེ, ཏེསུ བྷིཀྑཱུསུ པཊིཔཛྫཱམཱི’’ཏི? ‘‘ཏེན ཧི ཏྭཾ, ཝིསཱཁེ, ཨུབྷཡཏྠ དཱནཾ དེཧི. ཨུབྷཡཏྠ དཱནཾ དཏྭཱ ཨུབྷཡཏྠ དྷམྨཾ སུཎ. ཨུབྷཡཏྠ དྷམྨཾ སུཏྭཱ ཡེ ཏཏྠ བྷིཀྑཱུ དྷམྨཝཱདིནོ ཏེསཾ དིཊྛིཉྩ ཁནྟིཉྩ རུཙིཉྩ ཨཱདཱཡཉྩ རོཙེཧཱི’’ཏི.

༤༧༣. ཨཐ ཁོ ཀོསམྦཀཱ བྷིཀྑཱུ ཨནུཔུབྦེན ཡེན སཱཝཏྠི ཏདཝསརུཾ. ཨཐ ཁོ ཨཱཡསྨཱ སཱརིཔུཏྟོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ སཱརིཔུཏྟོ བྷགཝནྟཾ ཨེཏདཝོཙ – ‘‘ཏེ ཀིར, བྷནྟེ, ཀོསམྦཀཱ བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ སཱཝཏྠིཾ ཨནུཔྤཏྟཱ. ཀཐཾ ནུ ཁོ, བྷནྟེ, ཏེསུ བྷིཀྑཱུསུ སེནཱསནེ [སེནཱསནེསུ (ཀ.), སེནཱསནཾ (སྱཱ.)] པཊིཔཛྫིཏབྦ’’ནྟི? ‘‘ཏེན ཧི, སཱརིཔུཏྟ, ཝིཝིཏྟཾ སེནཱསནཾ དཱཏབྦ’’ནྟི. ‘‘སཙེ པན, བྷནྟེ, ཝིཝིཏྟཾ ན ཧོཏི, ཀཐཾ པཊིཔཛྫིཏབྦ’’ནྟི? ‘‘ཏེན ཧི, སཱརིཔུཏྟ, ཝིཝིཏྟཾ ཀཏྭཱཔི དཱཏབྦཾ, ན ཏྭེཝཱཧཾ, སཱརིཔུཏྟ, ཀེནཙི པརིཡཱཡེན ཝུཌྜྷཏརསྶ བྷིཀྑུནོ སེནཱསནཾ པཊིབཱཧིཏབྦནྟི ཝདཱམི. ཡོ པཊིབཱཧེཡྻ, ཨཱཔཏྟི དུཀྐཊསྶཱ’’ཏི.

‘‘ཨཱམིསེ པན, བྷནྟེ, ཀཐཾ པཊིཔཛྫིཏབྦ’’ནྟི? ‘‘ཨཱམིསཾ ཁོ, སཱརིཔུཏྟ, སབྦེསཾ སམཀཾ བྷཱཛེཏབྦ’’ནྟི.

ཨཊྛཱརསཝཏྠུཀཐཱ ནིཊྛིཏཱ.

༢༧༧. ཨོསཱརཎཱནུཛཱནནཱ

༤༧༤. ཨཐ ཁོ ཏསྶ ཨུཀྑིཏྟཀསྶ བྷིཀྑུནོ དྷམྨཉྩ ཝིནཡཉྩ པཙྩཝེཀྑནྟསྶ ཨེཏདཧོསི – ‘‘ཨཱཔཏྟི ཨེསཱ, ནེསཱ ཨནཱཔཏྟི. ཨཱཔནྣོམྷི, ནམྷི ཨནཱཔནྣོ. ཨུཀྑིཏྟོམྷི, ནམྷི ཨནུཀྑིཏྟོ. དྷམྨིཀེནམྷི ཀམྨེན ཨུཀྑིཏྟོ ཨཀུཔྤེན ཋཱནཱརཧེནཱ’’ཏི. ཨཐ ཁོ སོ ཨུཀྑིཏྟཀོ བྷིཀྑུ ཡེན ཨུཀྑིཏྟཱནུཝཏྟཀཱ བྷིཀྑཱུ ཏེནུཔསངྐམི, ཨུཔསངྐམིཏྭཱ ཨུཀྑིཏྟཱནུཝཏྟཀེ བྷིཀྑཱུ ཨེཏདཝོཙ – ‘‘ཨཱཔཏྟི ཨེསཱ, ཨཱཝུསོ; ནེསཱ ཨནཱཔཏྟི. ཨཱཔནྣོམྷི, ནམྷི ཨནཱཔནྣོ. ཨུཀྑིཏྟོམྷི, ནམྷི ཨནུཀྑིཏྟོ. དྷམྨིཀེནམྷི ཀམྨེན ཨུཀྑིཏྟོ ཨཀུཔྤེན ཋཱནཱརཧེན. ཨེཐ མཾ ཨཱཡསྨནྟོ ཨོསཱརེཐཱ’’ཏི. ཨཐ ཁོ ཏེ ཨུཀྑིཏྟཱནུཝཏྟཀཱ བྷིཀྑཱུ ཏཾ ཨུཀྑིཏྟཀཾ བྷིཀྑུཾ ཨཱདཱཡ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣཱ ཁོ ཏེ བྷིཀྑཱུ བྷགཝནྟཾ ཨེཏདཝོཙུཾ – ‘‘ཨཡཾ, བྷནྟེ, ཨུཀྑིཏྟཀོ བྷིཀྑུ ཨེཝམཱཧ – ‘ཨཱཔཏྟི ཨེསཱ, ཨཱཝུསོ; ནེསཱ ཨནཱཔཏྟི. ཨཱཔནྣོམྷི, ནམྷི ཨནཱཔནྣོ. ཨུཀྑིཏྟོམྷི, ནམྷི ཨནུཀྑིཏྟོ. དྷམྨིཀེནམྷི ཀམྨེན ཨུཀྑིཏྟོ ཨཀུཔྤེན ཋཱནཱརཧེན. ཨེཐ མཾ ཨཱཡསྨནྟོ ཨོསཱརེཐཱ’ཏི. ཀཐཾ ནུ ཁོ, བྷནྟེ, པཊིཔཛྫིཏབྦ’’ནྟི? ‘‘ཨཱཔཏྟི ཨེསཱ, བྷིཀྑཝེ; ནེསཱ ཨནཱཔཏྟི. ཨཱཔནྣོ ཨེསོ བྷིཀྑུ, ནེསོ བྷིཀྑུ ཨནཱཔནྣོ. ཨུཀྑིཏྟོ ཨེསོ བྷིཀྑུ, ནེསོ བྷིཀྑུ ཨནུཀྑིཏྟོ. དྷམྨིཀེན ཀམྨེན ཨུཀྑིཏྟོ ཨཀུཔྤེན ཋཱནཱརཧེན. ཡཏོ ཙ ཁོ སོ, བྷིཀྑཝེ, བྷིཀྑུ ཨཱཔནྣོ ཙ ཨུཀྑིཏྟོ ཙ པསྶཏི ཙ, ཏེན ཧི, བྷིཀྑཝེ, ཏཾ བྷིཀྑུཾ ཨོསཱརེཐཱ’’ཏི.

ཨོསཱརཎཱནུཛཱནནཱ ནིཊྛིཏཱ.

༢༧༨. སངྒྷསཱམགྒཱིཀཐཱ

༤༧༥. ཨཐ ཁོ ཏེ ཨུཀྑིཏྟཱནུཝཏྟཀཱ བྷིཀྑཱུ ཏཾ ཨུཀྑིཏྟཀཾ བྷིཀྑུཾ ཨོསཱརེཏྭཱ ཡེན ཨུཀྑེཔཀཱ བྷིཀྑཱུ ཏེནུཔསངྐམིཾསུ, ཨུཔསངྐམིཏྭཱ ཨུཀྑེཔཀེ བྷིཀྑཱུ ཨེཏདཝོཙུཾ – ‘‘ཡསྨིཾ, ཨཱཝུསོ, ཝཏྠུསྨིཾ ཨཧོསི སངྒྷསྶ བྷཎྜནཾ ཀལཧོ ཝིགྒཧོ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎཾ, སོ ཨེསོ བྷིཀྑུ ཨཱཔནྣོ ཙ ཨུཀྑིཏྟོ ཙ པསྶི [པསྶཱི (ཨིཏིཔི)] ཙ ཨོསཱརིཏོ ཙ. ཧནྡ མཡཾ, ཨཱཝུསོ, ཏསྶ ཝཏྠུསྶ ཝཱུཔསམཱཡ སངྒྷསཱམགྒིཾ ཀརོམཱ’’ཏི.

ཨཐ ཁོ ཏེ ཨུཀྑེཔཀཱ བྷིཀྑཱུ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣཱ ཁོ ཏེ བྷིཀྑཱུ བྷགཝནྟཾ ཨེཏདཝོཙུཾ – ‘‘ཏེ, བྷནྟེ, ཨུཀྑིཏྟཱནུཝཏྟཀཱ བྷིཀྑཱུ ཨེཝམཱཧཾསུ – ‘ཡསྨིཾ, ཨཱཝུསོ, ཝཏྠུསྨིཾ ཨཧོསི སངྒྷསྶ བྷཎྜནཾ ཀལཧོ ཝིགྒཧོ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎཾ, སོ ཨེསོ བྷིཀྑུ ཨཱཔནྣོ ཙ ཨུཀྑིཏྟོ ཙ པསྶི ཙ ཨོསཱརིཏོ ཙ. ཧནྡ མཡཾ, ཨཱཝུསོ, ཏསྶ ཝཏྠུསྶ ཝཱུཔསམཱཡ སངྒྷསཱམགྒིཾ ཀརོམཱ’ཏི. ཀཐཾ ནུ ཁོ, བྷནྟེ, པཊིཔཛྫིཏབྦ’’ནྟི? ཡཏོ ཙ ཁོ སོ, བྷིཀྑཝེ, བྷིཀྑུ ཨཱཔནྣོ ཙ ཨུཀྑིཏྟོ ཙ པསྶི ཙ ཨོསཱརིཏོ ཙ, ཏེན ཧི, བྷིཀྑཝེ, སངྒྷོ ཏསྶ ཝཏྠུསྶ ཝཱུཔསམཱཡ སངྒྷསཱམགྒིཾ ཀརོཏུ. ཨེཝཉྩ པན, བྷིཀྑཝེ, ཀཱཏབྦཱ. སབྦེཧེཝ ཨེཀཛ྄ཛྷཾ སནྣིཔཏིཏབྦཾ གིལཱནེཧི ཙ ཨགིལཱནེཧི ཙ. ན ཀེཧིཙི ཚནྡོ དཱཏབྦོ. སནྣིཔཏིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡསྨིཾ ཝཏྠུསྨིཾ ཨཧོསི སངྒྷསྶ བྷཎྜནཾ ཀལཧོ ཝིགྒཧོ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎཾ, སོ ཨེསོ བྷིཀྑུ ཨཱཔནྣོ ཙ ཨུཀྑིཏྟོ ཙ པསྶི ཙ ཨོསཱརིཏོ ཙ. ཡདི སངྒྷསྶ པཏྟཀལླཾ, སངྒྷོ ཏསྶ ཝཏྠུསྶ ཝཱུཔསམཱཡ སངྒྷསཱམགྒིཾ ཀརེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཡསྨིཾ ཝཏྠུསྨིཾ ཨཧོསི སངྒྷསྶ བྷཎྜནཾ ཀལཧོ ཝིགྒཧོ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎཾ, སོ ཨེསོ བྷིཀྑུ ཨཱཔནྣོ ཙ ཨུཀྑིཏྟོ ཙ པསྶི ཙ ཨོསཱརིཏོ ཙ. སངྒྷོ ཏསྶ ཝཏྠུསྶ ཝཱུཔསམཱཡ སངྒྷསཱམགྒིཾ ཀརོཏི. ཡསྶཱཡསྨཏོ ཁམཏི ཏསྶ ཝཏྠུསྶ ཝཱུཔསམཱཡ སངྒྷསཱམགྒིཡཱ ཀརཎཾ, སོ ཏུཎྷསྶ, ཡསྶ ནཀྑམཏི སོ བྷཱསེཡྻ.

‘‘ཀཏཱ སངྒྷེན ཏསྶ ཝཏྠུསྶ ཝཱུཔསམཱཡ སངྒྷསཱམགྒཱི. ནིཧཏོ སངྒྷབྷེདོ, ནིཧཏཱ སངྒྷརཱཛི, ནིཧཏཾ སངྒྷཝཝཏྠཱནཾ, ནིཧཏཾ སངྒྷནཱནཱཀརཎཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཏཱཝདེཝ ཨུཔོསཐོ ཀཱཏབྦོ, པཱཏིམོཀྑཾ ཨུདྡིསིཏབྦནྟི.

སངྒྷསཱམགྒཱིཀཐཱ ནིཊྛིཏཱ.

༢༧༩. ཨུཔཱལིསངྒྷསཱམགྒཱིཔུཙྪཱ

༤༧༦. ཨཐ ཁོ ཨཱཡསྨཱ ཨུཔཱལི ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨུཔཱལི བྷགཝནྟཾ ཨེཏདཝོཙ – ‘‘ཡསྨིཾ, བྷནྟེ, ཝཏྠུསྨིཾ ཧོཏི སངྒྷསྶ བྷཎྜནཾ ཀལཧོ ཝིགྒཧོ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎཾ, སངྒྷོ ཏཾ ཝཏྠུཾ ཨཝིནིཙྪིནིཏྭཱ ཨམཱུལཱ མཱུལཾ གནྟྭཱ སངྒྷསཱམགྒིཾ ཀརོཏི, དྷམྨིཀཱ ནུ ཁོ སཱ, བྷནྟེ, སངྒྷསཱམགྒཱི’’ཏི? ‘‘ཡསྨིཾ, ཨུཔཱལི, ཝཏྠུསྨིཾ ཧོཏི སངྒྷསྶ བྷཎྜནཾ ཀལཧོ ཝིགྒཧོ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎཾ, སངྒྷོ ཏཾ ཝཏྠུཾ ཨཝིནིཙྪིནིཏྭཱ ཨམཱུལཱ མཱུལཾ གནྟྭཱ སངྒྷསཱམགྒིཾ ཀརོཏི, ཨདྷམྨིཀཱ སཱ, ཨུཔཱལི, སངྒྷསཱམགྒཱི’’ཏི.

‘‘ཡསྨིཾ པན, བྷནྟེ, ཝཏྠུསྨིཾ ཧོཏི སངྒྷསྶ བྷཎྜནཾ ཀལཧོ ཝིགྒཧོ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎཾ, སངྒྷོ ཏཾ ཝཏྠུཾ ཝིནིཙྪིནིཏྭཱ མཱུལཱ མཱུལཾ གནྟྭཱ སངྒྷསཱམགྒིཾ ཀརོཏི, དྷམྨིཀཱ ནུ ཁོ སཱ, བྷནྟེ, སངྒྷསཱམགྒཱི’’ཏི? ‘‘ཡསྨིཾ, ཨུཔཱལི, ཝཏྠུསྨིཾ ཧོཏི སངྒྷསྶ བྷཎྜནཾ ཀལཧོ ཝིགྒཧོ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎཾ, སངྒྷོ ཏཾ ཝཏྠུཾ ཝིནིཙྪིནིཏྭཱ མཱུལཱ མཱུལཾ གནྟྭཱ སངྒྷསཱམགྒིཾ ཀརོཏི, དྷམྨིཀཱ སཱ, ཨུཔཱལི, སངྒྷསཱམགྒཱི’’ཏི.

‘‘ཀཏི ནུ ཁོ, བྷནྟེ, སངྒྷསཱམགྒིཡོ’’ཏི? ‘‘དྭེམཱ, ཨུཔཱལི, སངྒྷསཱམགྒིཡོ – ཨཏྠུཔཱལི, སངྒྷསཱམགྒཱི ཨཏྠཱཔེཏཱ བྱཉྫནུཔེཏཱ; ཨཏྠུཔཱལི, སངྒྷསཱམགྒཱི ཨཏྠུཔེཏཱ ཙ བྱཉྫནུཔེཏཱ ཙ. ཀཏམཱ ཙ, ཨུཔཱལི, སངྒྷསཱམགྒཱི ཨཏྠཱཔེཏཱ བྱཉྫནུཔེཏཱ? ཡསྨིཾ, ཨུཔཱལི, ཝཏྠུསྨིཾ ཧོཏི སངྒྷསྶ བྷཎྜནཾ ཀལཧོ ཝིགྒཧོ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎཾ, སངྒྷོ ཏཾ ཝཏྠུཾ ཨཝིནིཙྪིནིཏྭཱ ཨམཱུལཱ མཱུལཾ གནྟྭཱ སངྒྷསཱམགྒིཾ ཀརོཏི, ཨཡཾ ཝུཙྩཏི, ཨུཔཱལི, སངྒྷསཱམགྒཱི ཨཏྠཱཔེཏཱ བྱཉྫནུཔེཏཱ. ཀཏམཱ ཙ, ཨུཔཱལི, སངྒྷསཱམགྒཱི ཨཏྠུཔེཏཱ ཙ བྱཉྫནུཔེཏཱ ཙ? ཡསྨིཾ, ཨུཔཱལི, ཝཏྠུསྨིཾ ཧོཏི སངྒྷསྶ བྷཎྜནཾ ཀལཧོ ཝིགྒཧོ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎཾ, སངྒྷོ ཏཾ ཝཏྠུཾ ཝིནིཙྪིནིཏྭཱ མཱུལཱ མཱུལཾ གནྟྭཱ སངྒྷསཱམགྒིཾ ཀརོཏི, ཨཡཾ ཝུཙྩཏི, ཨུཔཱལི, སངྒྷསཱམགྒཱི ཨཏྠུཔེཏཱ ཙ བྱཉྫནུཔེཏཱ ཙ. ཨིམཱ ཁོ, ཨུཔཱལི, དྭེ སངྒྷསཱམགྒིཡོ’’ཏི.

༤༧༧. ཨཐ ཁོ ཨཱཡསྨཱ ཨུཔཱལི ཨུཊྛཱཡཱསནཱ ཨེཀཾསཾ ཨུཏྟརཱསངྒཾ ཀརིཏྭཱ ཡེན བྷགཝཱ ཏེནཉྫལིཾ པཎཱམེཏྭཱ བྷགཝནྟཾ གཱཐཱཡ ཨཛ྄ཛྷབྷཱསི –

‘‘སངྒྷསྶ ཀིཙྩེསུ ཙ མནྟནཱསུ ཙ;

ཨཏྠེསུ ཛཱཏེསུ ཝིནིཙྪཡེསུ ཙ;

ཀཐཾཔཀཱརོདྷ ནརོ མཧཏྠིཀོ;

བྷིཀྑུ ཀཐཾ ཧོཏིདྷ པགྒཧཱརཧོཏི.

‘‘ཨནཱནུཝཛྫོ པཋམེན སཱིལཏོ;

ཨཝེཀྑིཏཱཙཱརོ སུསཾཝུཏིནྡྲིཡོ;

པཙྩཏྠིཀཱ ནཱུཔཝདནྟི དྷམྨཏོ;

ན ཧིསྶ ཏཾ ཧོཏི ཝདེཡྻུ ཡེན ནཾ.

‘‘སོ ཏཱདིསོ སཱིལཝིསུདྡྷིཡཱ ཋིཏོ;

ཝིསཱརདོ ཧོཏི ཝིསཡ྄ཧ བྷཱསཏི;

ནཙྪམྦྷཏི པརིསགཏོ ན ཝེདྷཏི;

ཨཏྠཾ ན ཧཱཔེཏི ཨནུཡྻུཏཾ བྷཎཾ.

‘‘ཏཐེཝ པཉྷཾ པརིསཱསུ པུཙྪིཏོ;

ན ཙེཝ པཛ྄ཛྷཱཡཏི ན མངྐུ ཧོཏི;

སོ ཀཱལཱགཏཾ བྱཱཀརཎཱརཧཾ ཝཙོ;

རཉྫེཏི ཝིཉྙཱུཔརིསཾ ཝིཙཀྑཎོ.

‘‘སགཱརཝོ ཝུཌྜྷཏརེསུ བྷིཀྑུསུ;

ཨཱཙེརཀམྷི ཙ སཀེ ཝིསཱརདོ;

ཨལཾ པམེཏུཾ པགུཎོ ཀཐེཏཝེ;

པཙྩཏྠིཀཱནཉྩ ཝིརདྡྷིཀོཝིདོ.

‘‘པཙྩཏྠིཀཱ ཡེན ཝཛནྟི ནིགྒཧཾ;

མཧཱཛནོ སཉྙཔནཉྩ གཙྪཏི;

སཀཉྩ ཨཱདཱཡམཡཾ ན རིཉྩཏི;

ཝིཡཱཀརཾ [སོ བྱཱཀརཾ (སཱི.), ཝེཡྻཱཀརཾ (སྱཱ.)] པཉྷམནཱུཔགྷཱཏིཀཾ.

‘‘དཱུཏེཡྻཀམྨེསུ ཨལཾ སམུགྒཧོ;

སངྒྷསྶ ཀིཙྩེསུ ཙ ཨཱཧུ ནཾ ཡཐཱ;

ཀརཾ ཝཙོ བྷིཀྑུགཎེན པེསིཏོ;

ཨཧཾ ཀརོམཱིཏི ན ཏེན མཉྙཏི.

‘‘ཨཱཔཛྫཏི ཡཱཝཏཀེསུ ཝཏྠུསུ;

ཨཱཔཏྟིཡཱ ཧོཏི ཡཐཱ ཙ ཝུཊྛིཏི;

ཨེཏེ ཝིབྷངྒཱ ཨུབྷཡསྶ སྭཱགཏཱ;

ཨཱཔཏྟི ཝུཊྛཱནཔདསྶ ཀོཝིདོ.

‘‘ནིསྶཱརཎཾ གཙྪཏི ཡཱནི ཙཱཙརཾ;

ནིསྶཱརིཏོ ཧོཏི ཡཐཱ ཙ ཝཏྟནཱ [ཝཏྠུནཱ (སཱི. སྱཱ.)];

ཨོསཱརཎཾ ཏཾཝུསིཏསྶ ཛནྟུནོ;

ཨེཏམྤི ཛཱནཱཏི ཝིབྷངྒཀོཝིདོ.

‘‘སགཱརཝོ ཝུཌྜྷཏརེསུ བྷིཀྑུསུ;

ནཝེསུ ཐེརེསུ ཙ མཛ྄ཛྷིམེསུ ཙ;

མཧཱཛནསྶཏྠཙརོདྷ པཎྜིཏོ;

སོ ཏཱདིསོ བྷིཀྑུ ཨིདྷ པགྒཧཱརཧོ’’ཏི.

ཨུཔཱལིསངྒྷསཱམགྒཱིཔུཙྪཱ ནིཊྛིཏཱ.

ཀོསམྦཀཀྑནྡྷཀོ དསམོ.

༢༨༠. ཏསྶུདྡཱནཾ

ཀོསམྦིཡཾ ཛིནཝརོ, ཝིཝཱདཱཔཏྟིདསྶནེ;

ནུཀྑིཔེཡྻ ཡསྨིཾ ཏསྨིཾ, སདྡྷཱཡཱཔཏྟི དེསཡེ.

ཨནྟོསཱིམཱཡཾ ཏཏྠེཝ, བཱལཀཉྩེཝ ཝཾསདཱ;

པཱལིལེཡྻཱ ཙ སཱཝཏྠི, སཱརིཔུཏྟོ ཙ ཀོལིཏོ.

མཧཱཀསྶཔཀཙྩཱནཱ, ཀོཊྛིཀོ ཀཔྤིནེན ཙ;

མཧཱཙུནྡོ ཙ ཨནུརུདྡྷོ, རེཝཏོ ཨུཔཱལི ཙུབྷོ.

ཨཱནནྡོ རཱཧུལོ ཙེཝ, གོཏམཱིནཱཐཔིཎྜིཀོ;

སེནཱསནཾ ཝིཝིཏྟཉྩ, ཨཱམིསཾ སམཀམྤི ཙ.

ན ཀེཧི ཚནྡོ དཱཏབྦོ, ཨུཔཱལིཔརིཔུཙྪིཏོ;

ཨནཱནུཝཛྫོ སཱིལེན, སཱམགྒཱི ཛིནསཱསནེཏི.

ཀོསམྦཀཀྑནྡྷཀོ ནིཊྛིཏོ.

མཧཱཝགྒཔཱལི༹ ནིཊྛིཏཱ.