📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

ཝིནཡཔིཊཀེ

ཙཱུལ༹ཝགྒཔཱལི༹

༡. ཀམྨཀྑནྡྷཀཾ

༡. ཏཛྫནཱིཡཀམྨཾ

༡. ཏེན ¶ ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན པཎྜུཀལོཧིཏཀཱ བྷིཀྑཱུ ཨཏྟནཱ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ, ཡེཔི ཙཉྙེ བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ ཏེ ཨུཔསངྐམིཏྭཱ ཨེཝཾ ཝདནྟི – ‘‘མཱ ཁོ ཏུམྷེ, ཨཱཡསྨནྟོ, ཨེསོ ཨཛེསི. བལཝཱབལཝཾ པཊིམནྟེཐ. ཏུམྷེ ཏེན པཎྜིཏཏརཱ ཙ བྱཏྟཏརཱ ཙ བཧུསྶུཏཏརཱ ཙ ཨལམཏྟཏརཱ ཙ [ཨལམཏྠཏརཱ ཙ (སྱཱ. ཀ.)]. མཱ ཙསྶ བྷཱཡིཏྠ. མཡམྤི ཏུམྷཱཀཾ པཀྑཱ བྷཝིསྶཱམཱ’’ཏི. ཏེན ཨནུཔྤནྣཱནི ཙེཝ བྷཎྜནཱནི ཨུཔྤཛྫནྟི ¶ ཨུཔྤནྣཱནི ཙ བྷཎྜནཱནི བྷིཡྻོབྷཱཝཱཡ ཝེཔུལླཱཡ སཾཝཏྟནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ པཎྜུཀལོཧིཏཀཱ བྷིཀྑཱུ ཨཏྟནཱ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ, ཡེཔི ཙཉྙེ བྷིཀྑཱུ བྷཎྜནཀཱརཀཱ ¶ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ ཏེ ཨུཔསངྐམིཏྭཱ ཨེཝཾ ཝཀྑནྟི – ‘མཱ ཁོ ཏུམྷེ, ཨཱཡསྨནྟོ, ཨེསོ ཨཛེསི. བལཝཱབལཝཾ ¶ པཊིམནྟེཐ. ཏུམྷེ ཏེན པཎྜིཏཏརཱ ཙ བྱཏྟཏརཱ ཙ བཧུསྶུཏཏརཱ ཙ ཨལམཏྟཏརཱ ཙ. མཱ ཙསྶ བྷཱཡིཏྠ. མཡམྤི ཏུམྷཱཀཾ པཀྑཱ བྷཝིསྶཱམཱ’ཏི. ཏེན ཨནུཔྤནྣཱནི ཙེཝ བྷཎྜནཱནི ཨུཔྤཛྫནྟི ཨུཔྤནྣཱནི ཙ བྷཎྜནཱནི བྷིཡྻོབྷཱཝཱཡ ཝེཔུལླཱཡ སཾཝཏྟནྟཱི’’ཏི.

༢. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, པཎྜུཀལོཧིཏཀཱ བྷིཀྑཱུ ཨཏྟནཱ ¶ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ, ཡེཔི ཙཉྙེ བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ ཏེ ཨུཔསངྐམིཏྭཱ ཨེཝཾ ཝདནྟི – ‘མཱ ཁོ ཏུམྷེ, ཨཱཡསྨནྟོ, ཨེསོ ཨཛེསི. བལཝཱབལཝཾ པཊིམནྟེཐ. ཏུམྷེ ཏེན པཎྜིཏཏརཱ ཙ བྱཏྟཏརཱ ཙ བཧུསྶུཏཏརཱ ཙ ཨལམཏྟཏརཱ ཙ. མཱ ཙསྶ བྷཱཡིཏྠ. མཡམྤི ཏུམྷཱཀཾ པཀྑཱ བྷཝིསྶཱམཱ’ཏི. ཏེན ཨནུཔྤནྣཱནི ཙེཝ བྷཎྜནཱནི ཨུཔྤཛྫནྟི, ཨུཔྤནྣཱནི ཙ བྷཎྜནཱནི བྷིཡྻོབྷཱཝཱཡ ཝེཔུལླཱཡ སཾཝཏྟནྟཱི’’ཏི? ‘‘སཙྩཾ བྷགཝཱ’’ཏི. ཝིགརཧི ¶ བུདྡྷོ བྷགཝཱ – ‘‘ཨནནུཙྪཝིཀཾ, བྷིཀྑཝེ, ཏེསཾ མོགྷཔུརིསཱནཾ ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ཨཏྟནཱ བྷཎྜནཀཱརཀཱ…པེ… སངྒྷེ ཨདྷིཀརཎཀཱརཀཱ, ཡེཔི ཙཉྙེ བྷིཀྑཱུ བྷཎྜནཀཱརཀཱ…པེ… སངྒྷེ ཨདྷིཀརཎཀཱརཀཱ ཏེ ཨུཔསངྐམིཏྭཱ ཨེཝཾ ཝཀྑནྟི – ‘མཱ ཁོ ཏུམྷེ, ཨཱཡསྨནྟོ, ཨེསོ ཨཛེསི. བལཝཱབལཝཾ པཊིམནྟེཐ. ཏུམྷེ ཏེན པཎྜིཏཏརཱ ཙ བྱཏྟཏརཱ ཙ བཧུསྶུཏཏརཱ ཙ ཨལམཏྟཏརཱ ཙ. མཱ ཙསྶ བྷཱཡིཏྠ. མཡམྤི ཏུམྷཱཀཾ པཀྑཱ བྷཝིསྶཱམཱ’ཏི? ཏེན ཨནུཔྤནྣཱནི ཙེཝ བྷཎྜནཱནི ཨུཔྤཛྫནྟི, ཨུཔྤནྣཱནི ཙ བྷཎྜནཱནི བྷིཡྻོབྷཱཝཱཡ ཝེཔུལླཱཡ སཾཝཏྟནྟི. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ པསནྣཱནཾ ཝཱ བྷིཡྻོབྷཱཝཱཡ. ཨཐ ཁྭེཏཾ, བྷིཀྑཝེ, ཨཔྤསནྣཱནཉྩེཝ ཨཔྤསཱདཱཡ པསནྣཱནཉྩ ཨེཀཙྩཱནཾ ཨཉྙཐཏྟཱཡཱ’’ཏི.

ཨཐ ཁོ བྷགཝཱ ཏེ [པཎྜུཀལོཧིཏཀེ (སྱཱ.)] བྷིཀྑཱུ ཨནེཀཔརིཡཱཡེན ཝིགརཧིཏྭཱ དུབྦྷརཏཱཡ དུཔྤོསཏཱཡ མཧིཙྪཏཱཡ ¶ ཨསནྟུཊྛིཏཱཡ [ཨསནྟུཊྛཏཱཡ (སྱཱ.), ཨསནྟུཊྛིཡཱ (སཱི.)] སངྒཎིཀཱཡ ཀོསཛྫསྶ ¶ ཨཝཎྞཾ བྷཱསིཏྭཱ ཨནེཀཔརིཡཱཡེན སུབྷརཏཱཡ སུཔོསཏཱཡ ཨཔྤིཙྪསྶ སནྟུཊྛསྶ སལླེཁསྶ དྷུཏསྶ པཱསཱདིཀསྶ ཨཔཙཡསྶ ཝཱིརིཡཱརམྦྷསྶ [ཝིརིཡཱརམྦྷསྶ (སཱི.), ཝཱིརིཡཱརབྦྷསྶ (ཀ.)] ཝཎྞཾ བྷཱསིཏྭཱ བྷིཀྑཱུནཾ ཏདནུཙྪཝིཀཾ ཏདནུལོམིཀཾ ¶ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, སངྒྷོ པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ ཀརོཏུ. ཨེཝཉྩ པན, བྷིཀྑཝེ, ཀཱཏབྦཾ. པཋམཾ པཎྜུཀལོཧིཏཀཱ བྷིཀྑཱུ ཙོདེཏབྦཱ, ཙོདེཏྭཱ སཱརེཏབྦཱ, སཱརེཏྭཱ ཨཱཔཏྟིཾ [ཨཱཔཏྟི (སཱི. སྱཱ.)] ཨཱརོཔེཏབྦཱ, ཨཱཔཏྟིཾ ཨཱརོཔེཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༣. ‘‘སུཎཱཏུ མེ, བྷནྟེ, སངྒྷོ. ཨིམེ པཎྜུཀལོཧིཏཀཱ བྷིཀྑཱུ ཨཏྟནཱ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ, ཡེཔི ཙཉྙེ བྷིཀྑཱུ བྷཎྜནཀཱརཀཱ ཀལཧཀཱརཀཱ ཝིཝཱདཀཱརཀཱ བྷསྶཀཱརཀཱ སངྒྷེ ཨདྷིཀརཎཀཱརཀཱ ཏེ ཨུཔསངྐམིཏྭཱ ཨེཝཾ ཝདནྟི – ‘མཱ ¶ ཁོ ཏུམྷེ, ཨཱཡསྨནྟོ, ཨེསོ ཨཛེསི. བལཝཱབལཝཾ པཊིམནྟེཐ. ཏུམྷེ ཏེན པཎྜིཏཏརཱ ཙ བྱཏྟཏརཱ ཙ བཧུསྶུཏཏརཱ ཙ ཨལམཏྟཏརཱ ཙ. མཱ ཙསྶ བྷཱཡིཏྠ. མཡམྤི ཏུམྷཱཀཾ པཀྑཱ བྷཝིསྶཱམཱ’ཏི. ཏེན ཨནུཔྤནྣཱནི ཙེཝ བྷཎྜནཱནི ཨུཔྤཛྫནྟི, ཨུཔྤནྣཱནི ཙ བྷཎྜནཱནི བྷིཡྻོབྷཱཝཱཡ ཝེཔུལླཱཡ སཾཝཏྟནྟི. ཡདི སངྒྷསྶ པཏྟཀལླཾ, སངྒྷོ པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ ཀརེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨིམེ པཎྜུཀལོཧིཏཀཱ བྷིཀྑཱུ ཨཏྟནཱ བྷཎྜནཀཱརཀཱ…པེ… སངྒྷེ ཨདྷིཀརཎཀཱརཀཱ, ཡེཔི ཙཉྙེ བྷིཀྑཱུ བྷཎྜནཀཱརཀཱ…པེ… སངྒྷེ ཨདྷིཀརཎཀཱརཀཱ ཏེ ཨུཔསངྐམིཏྭཱ ཨེཝཾ ཝདནྟི – ‘མཱ ཁོ ཏུམྷེ, ཨཱཡསྨནྟོ, ཨེསོ ཨཛེསི. བལཝཱབལཝཾ པཊིམནྟེཐ. ཏུམྷེ ཏེན པཎྜིཏཏརཱ ཙ བྱཏྟཏརཱ ཙ བཧུསྶུཏཏརཱ ཙ ཨལམཏྟཏརཱ ཙ. མཱ ཙསྶ བྷཱཡིཏྠ. མཡམྤི ཏུམྷཱཀཾ པཀྑཱ བྷཝིསྶཱམཱ’ཏི. ཏེན ཨནུཔྤནྣཱནི ཙེཝ བྷཎྜནཱནི ཨུཔྤཛྫནྟི, ཨུཔྤནྣཱནི ཙ བྷཎྜནཱནི བྷིཡྻོབྷཱཝཱཡ ཝེཔུལླཱཡ སཾཝཏྟནྟི. སངྒྷོ པཎྜུཀལོཧིཏཀཱནཾ བྷིཀྑཱུནཾ ¶ ཏཛྫནཱིཡཀམྨཾ ཀརོཏི. ཡསྶཱཡསྨཏོ ཁམཏི པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡསྶ ཀམྨསྶ ཀརཎཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨིམེ པཎྜུཀལོཧིཏཀཱ བྷིཀྑཱུ ཨཏྟནཱ བྷཎྜནཀཱརཀཱ…པེ… སངྒྷེ ཨདྷིཀརཎཀཱརཀཱ, ཡེཔི ཙཉྙེ བྷིཀྑཱུ བྷཎྜནཀཱརཀཱ…པེ… སངྒྷེ ཨདྷིཀརཎཀཱརཀཱ ཏེ ཨུཔསངྐམིཏྭཱ ཨེཝཾ ཝདནྟི – ‘མཱ ཁོ ཏུམྷེ ¶ , ཨཱཡསྨནྟོ, ཨེསོ ཨཛེསི. བལཝཱབལཝཾ པཊིམནྟེཐ. ཏུམྷེ ཏེན པཎྜིཏཏརཱ ཙ བྱཏྟཏརཱ ཙ བཧུསྶུཏཏརཱ ཙ ཨལམཏྟཏརཱ ཙ. མཱ ཙསྶ བྷཱཡིཏྠ. མཡམྤི ཏུམྷཱཀཾ པཀྑཱ བྷཝིསྶཱམཱ’ཏི. ཏེན ཨནུཔྤནྣཱནི ཙེཝ བྷཎྜནཱནི ཨུཔྤཛྫནྟི, ཨུཔྤནྣཱནི ཙ བྷཎྜནཱནི བྷིཡྻོབྷཱཝཱཡ ཝེཔུལླཱཡ སཾཝཏྟནྟི. སངྒྷོ པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ ཀརོཏི. ཡསྶཱཡསྨཏོ ཁམཏི པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡསྶ ཀམྨསྶ ཀརཎཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ ¶ . ཨིམེ པཎྜུཀལོཧིཏཀཱ བྷིཀྑཱུ ཨཏྟནཱ བྷཎྜནཀཱརཀཱ…པེ… སངྒྷེ ཨདྷིཀརཎཀཱརཀཱ, ཡེཔི ཙཉྙེ བྷིཀྑཱུ བྷཎྜནཀཱརཀཱ…པེ… སངྒྷེ ཨདྷིཀརཎཀཱརཀཱ ཏེ ཨུཔསངྐམིཏྭཱ ཨེཝཾ ཝདནྟི – ‘མཱ ཁོ ཏུམྷེ, ཨཱཡསྨནྟོ, ཨེསོ ཨཛེསི. བལཝཱབལཝཾ པཊིམནྟེཐ. ཏུམྷེ ཏེན པཎྜིཏཏརཱ ཙ བྱཏྟཏརཱ ཙ བཧུསྶུཏཏརཱ ཙ ཨལམཏྟཏརཱ ཙ. མཱ ཙསྶ བྷཱཡིཏྠ. མཡམྤི ཏུམྷཱཀཾ པཀྑཱ བྷཝིསྶཱམཱ’ཏི. ཏེན ཨནུཔྤནྣཱནི ཙེཝ བྷཎྜནཱནི ཨུཔྤཛྫནྟི, ཨུཔྤནྣཱནི ཙ བྷཎྜནཱནི བྷིཡྻོབྷཱཝཱཡ ཝེཔུལླཱཡ སཾཝཏྟནྟི. སངྒྷོ པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ ཀརོཏི. ཡསྶཱཡསྨཏོ ཁམཏི པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡསྶ ཀམྨསྶ ཀརཎཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཀཏཾ སངྒྷེན པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨདྷམྨཀམྨདྭཱདསཀཾ

༤. ‘‘ཏཱིཧི ¶ ¶ , བྷིཀྑཝེ, ཨངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ [ཨདྷམྨཀམྨཉྩེཝ (སྱཱ.)] ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨསམྨུཁཱ ཀཏཾ ཧོཏི, ཨཔྤཊིཔུཙྪཱ ཀཏཾ ཧོཏི, ཨཔྤཊིཉྙཱཡ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨནཱཔཏྟིཡཱ ཀཏཾ ¶ ཧོཏི, ཨདེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, དེསིཏཱཡ ཨཱཔཏྟིཡཱ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི ¶ , བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨཙོདེཏྭཱ ཀཏཾ ཧོཏི, ཨསཱརེཏྭཱ ཀཏཾ ཧོཏི, ཨཱཔཏྟིཾ ཨནཱརོཔེཏྭཱ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨསམྨུཁཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨཔྤཊིཔུཙྪཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨཔྤཊིཉྙཱཡ ཀཏཾ ¶ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི ¶ , བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨནཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨདེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི ¶ , བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. དེསིཏཱཡ ཨཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨཙོདེཏྭཱ ཀཏཾ ¶ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨསཱརེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨཱཔཏྟིཾ ཨནཱརོཔེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ ¶ , ཏཱིཧངྒེཧི སམནྣཱགཏཾ ཏཛྫནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

ཨདྷམྨཀམྨདྭཱདསཀཾ ནིཊྛིཏཾ.

དྷམྨཀམྨདྭཱདསཀཾ

༥. ‘‘ཏཱིཧི, བྷིཀྑཝེ, ཨངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. སམྨུཁཱ ཀཏཾ ཧོཏི, པཊིཔུཙྪཱ ཀཏཾ ཧོཏི, པཊིཉྙཱཡ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ¶ ཧོཏི, ཝིནཡཀམྨཉྩ, སུཝཱུཔསནྟཉྩ. ཨཱཔཏྟིཡཱ ཀཏཾ ཧོཏི, དེསནཱགཱམིནིཡཱ ཨཱཔཏྟིཡཱ ཀཏཾ ཧོཏི ¶ , ཨདེསིཏཱཡ ¶ ཨཱཔཏྟིཡཱ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. ཙོདེཏྭཱ ཀཏཾ ཧོཏི, སཱརེཏྭཱ ཀཏཾ ཧོཏི, ཨཱཔཏྟིཾ ཨཱརོཔེཏྭཱ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. སམྨུཁཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. པཊིཔུཙྪཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི ¶ , བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ¶ ཧོཏི, ཝིནཡཀམྨཉྩ, སུཝཱུཔསནྟཉྩ. པཊིཉྙཱཡ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. དེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, དྷམྨེན ¶ ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. ཨདེསིཏཱཡ ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ¶ ཧོཏི, ཝིནཡཀམྨཉྩ, སུཝཱུཔསནྟཉྩ. ཙོདེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. སཱརེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. ཨཱཔཏྟིཾ ཨཱརོཔེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི ¶ སམནྣཱགཏཾ ཏཛྫནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

དྷམྨཀམྨདྭཱདསཀཾ ནིཊྛིཏཾ.

ཨཱཀངྑམཱནཚཀྐཾ

༦. [པརི. ༣༢༣] ‘‘ཏཱིཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ཏཛྫནཱིཡཀམྨཾ ཀརེཡྻ. བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ; བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ; གིཧིསཾསཊྛོ ཝིཧརཏི ཨནནུལོམིཀེཧི ¶ གིཧིསཾསགྒེཧི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ ¶ , ཨཱཀངྑམཱནོ སངྒྷོ, ཏཛྫནཱིཡཀམྨཾ ཀརེཡྻ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ཏཛྫནཱིཡཀམྨཾ ཀརེཡྻ. ཨདྷིསཱིལེ སཱིལཝིཔནྣོ ཧོཏི, ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨཏིདིཊྛིཡཱ དིཊྛིཝིཔནྣོ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ཏཛྫནཱིཡཀམྨཾ ཀརེཡྻ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ཏཛྫནཱིཡཀམྨཾ ཀརེཡྻ. བུདྡྷསྶ ཨཝཎྞཾ བྷཱསཏི, དྷམྨསྶ ཨཝཎྞཾ བྷཱསཏི, སངྒྷསྶ ཨཝཎྞཾ བྷཱསཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ཏཛྫནཱིཡཀམྨཾ ཀརེཡྻ.

‘‘ཏིཎྞཾ, བྷིཀྑཝེ, བྷིཀྑཱུནཾ, ཨཱཀངྑམཱནོ སངྒྷོ, ཏཛྫནཱིཡཀམྨཾ ཀརེཡྻ. ཨེཀོ བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ; ཨེཀོ བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ; ཨེཀོ གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ཏཛྫནཱིཡཀམྨཾ ཀརེཡྻ.

‘‘ཨཔརེསམྤི ¶ , བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ཏཛྫནཱིཡཀམྨཾ ཀརེཡྻ. ཨེཀོ ཨདྷིསཱིལེ སཱིལཝིཔནྣོ ཧོཏི, ཨེཀོ ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨེཀོ ཨཏིདིཊྛིཡཱ དིཊྛིཝིཔནྣོ ཧོཏི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ཏཛྫནཱིཡཀམྨཾ ¶ ཀརེཡྻ.

‘‘ཨཔརེསམྤི, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ཏཛྫནཱིཡཀམྨཾ ཀརེཡྻ ¶ . ཨེཀོ བུདྡྷསྶ ཨཝཎྞཾ བྷཱསཏི, ཨེཀོ དྷམྨསྶ ཨཝཎྞཾ བྷཱསཏི, ཨེཀོ སངྒྷསྶ ཨཝཎྞཾ བྷཱསཏི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ཏཛྫནཱིཡཀམྨཾ ཀརེཡྻ.

ཨཱཀངྑམཱནཚཀྐཾ ནིཊྛིཏཾ.

ཨཊྛཱརསཝཏྟཾ

༧. ‘‘ཏཛྫནཱིཡཀམྨཀཏེན ¶ , བྷིཀྑཝེ, བྷིཀྑུནཱ སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ – ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ, ན བྷིཀྑུནོཝཱདཀསམྨུཏི [སམྨཏི (སྱཱ.)] སཱདིཏབྦཱ, སམྨཏེནཔི བྷིཀྑུནིཡོ ན ཨོཝདིཏབྦཱ. ཡཱཡ ཨཱཔཏྟིཡཱ སངྒྷེན ཏཛྫནཱིཡཀམྨཾ ཀཏཾ ཧོཏི སཱ ཨཱཔཏྟི ན ཨཱཔཛྫིཏབྦཱ, ཨཉྙཱ ཝཱ ཏཱདིསིཀཱ, ཏཏོ ཝཱ པཱཔིཊྛཏརཱ; ཀམྨཾ ན གརཧིཏབྦཾ, ཀམྨིཀཱ ན གརཧིཏབྦཱ. ན པཀཏཏྟསྶ བྷིཀྑུནོ ཨུཔོསཐོ ཋཔེཏབྦོ, ན པཝཱརཎཱ ཋཔེཏབྦཱ, ན སཝཙནཱིཡཾ ཀཱཏབྦཾ, ན ཨནུཝཱདོ པཊྛཔེཏབྦོ, ན ཨོཀཱསོ ཀཱརེཏབྦོ, ན ཙོདེཏབྦོ, ན སཱརེཏབྦོ, ན བྷིཀྑཱུཧི [ན བྷིཀྑཱུ བྷིཀྑཱུཧི (སྱཱ.)] སམྤཡོཛེཏབྦ’’ནྟི.

ཏཛྫནཱིཡཀམྨེ ཨཊྛཱརསཝཏྟཾ ནིཊྛིཏཾ.

ནཔྤཊིཔྤསྶམྦྷེཏབྦཨཊྛཱརསཀཾ

༨. ཨཐ ཁོ སངྒྷོ པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ ཨཀཱསི ¶ . ཏེ སངྒྷེན ཏཛྫནཱིཡཀམྨཀཏཱ སམྨཱ ཝཏྟནྟི, ལོམཾ པཱཏེནྟི ¶ , ནེཏྠཱརཾ ཝཏྟནྟི, བྷིཀྑཱུ ཨུཔསངྐམིཏྭཱ ཨེཝཾ ཝདནྟི – ‘‘མཡཾ, ཨཱཝུསོ, སངྒྷེན ཏཛྫནཱིཡཀམྨཀཏཱ སམྨཱ ཝཏྟཱམ, ལོམཾ པཱཏེམ, ནེཏྠཱརཾ ཝཏྟཱམ, ཀཐཾ ནུ ཁོ ཨམྷེཧི པཊིཔཛྫིཏབྦ’’ནྟི? བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ…. ‘‘ཏེན ཧི, བྷིཀྑཝེ, སངྒྷོ པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ པཊིཔྤསྶམྦྷེཏུ.

པཉྩཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ ནཔྤཊིཔྤསྶམྦྷེཏབྦཾ. ཨུཔསམྤཱདེཏི, ནིསྶཡཾ དེཏི, སཱམཎེརཾ ཨུཔཊྛཱཔེཏི, བྷིཀྑུནོཝཱདཀསམྨུཏིཾ སཱདིཡཏི, སམྨཏོཔི བྷིཀྑུནིཡོ ཨོཝདཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ ནཔྤཊིཔྤསྶམྦྷེཏབྦཾ.

[པརི. ༤༢༠] ‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ ནཔྤཊིཔྤསྶམྦྷེཏབྦཾ. ཡཱཡ ཨཱཔཏྟིཡཱ སངྒྷེན ཏཛྫནཱིཡཀམྨཾ ཀཏཾ ཧོཏི ཏཾ ཨཱཔཏྟིཾ ཨཱཔཛྫཏི, ཨཉྙཾ ཝཱ ཏཱདིསིཀཾ, ཏཏོ ཝཱ པཱཔིཊྛཏརཾ; ཀམྨཾ གརཧཏི, ཀམྨིཀེ གརཧཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ ནཔྤཊིཔྤསྶམྦྷེཏབྦཾ.

‘‘ཨཊྛཧི ¶ , བྷིཀྑཝེ, ཨངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ ¶ ནཔྤཊིཔྤསྶམྦྷེཏབྦཾ. པཀཏཏྟསྶ བྷིཀྑུནོ ཨུཔོསཐཾ ཋཔེཏི, པཝཱརཎཾ ཋཔེཏི, སཝཙནཱིཡཾ ཀརོཏི, ཨནུཝཱདཾ པཊྛཔེཏི, ཨོཀཱསཾ ¶ ཀཱརེཏི, ཙོདེཏི, སཱརེཏི, བྷིཀྑཱུཧི སམྤཡོཛེཏི [བྷིཀྑཱུ བྷིཀྑཱུཧི སམྤཡོཛེཏི (སྱཱ.)] – ཨིམེཧི ཁོ, བྷིཀྑཝེ, ཨཊྛཧངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ ནཔྤཊིཔྤསྶམྦྷེཏབྦཾ.

ནཔྤཊིཔྤསྶམྦྷེཏབྦཨཊྛཱརསཀཾ ནིཊྛིཏཾ.

པཊིཔྤསྶམྦྷེཏབྦཨཊྛཱརསཀཾ

༩. ‘‘པཉྩཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ པཊིཔྤསྶམྦྷེཏབྦཾ. ན ཨུཔསམྤཱདེཏི, ན ནིསྶཡཾ དེཏི, ན སཱམཎེརཾ ཨུཔཊྛཱཔེཏི, ན བྷིཀྑུནོཝཱདཀསམྨུཏིཾ སཱདིཡཏི, སམྨཏོཔི བྷིཀྑུནིཡོ ན ཨོཝདཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ པཊིཔྤསྶམྦྷེཏབྦཾ.

‘‘ཨཔརེཧིཔི ¶ , བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ པཊིཔྤསྶམྦྷེཏབྦཾ. ཡཱཡ ཨཱཔཏྟིཡཱ སངྒྷེན ཏཛྫནཱིཡཀམྨཾ ཀཏཾ ཧོཏི ཏཾ ཨཱཔཏྟིཾ ན ཨཱཔཛྫཏི, ཨཉྙཾ ཝཱ ཏཱདིསིཀཾ, ཏཏོ ཝཱ པཱཔིཊྛཏརཾ; ཀམྨཾ ན གརཧཏི, ཀམྨིཀེ ན གརཧཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ པཊིཔྤསྶམྦྷེཏབྦཾ.

‘‘ཨཊྛཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ པཊིཔྤསྶམྦྷེཏབྦཾ.

ན པཀཏཏྟསྶ བྷིཀྑུནོ ཨུཔོསཐཾ ཋཔེཏི, ན པཝཱརཎཾ ཋཔེཏི, ན སཝཙནཱིཡཾ ཀརོཏི, ན ཨནུཝཱདཾ པཊྛཔེཏི, ན ཨོཀཱསཾ ཀཱརེཏི, ན ཙོདེཏི, ན སཱརེཏི, ན བྷིཀྑཱུཧི སམྤཡོཛེཏི – ཨིམེཧི ཁོ, བྷིཀྑཝེ, ཨཊྛཧངྒེཧི སམནྣཱགཏསྶ བྷིཀྑུནོ ¶ , ཏཛྫནཱིཡཀམྨཾ པཊིཔྤསྶམྦྷེཏབྦཾ.

པཊིཔྤསྶམྦྷེཏབྦཨཊྛཱརསཀཾ ནིཊྛིཏཾ.

༡༠. ‘‘ཨེཝཉྩ པན, བྷིཀྑཝེ, པཊིཔྤསྶམྦྷེཏབྦཾ. ཏེཧི, བྷིཀྑཝེ, པཎྜུཀལོཧིཏཀེཧི བྷིཀྑཱུཧི སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘མཡཾ, བྷནྟེ, སངྒྷེན ཏཛྫནཱིཡཀམྨཀཏཱ ¶ སམྨཱ ཝཏྟཱམ, ལོམཾ པཱཏེམ, ནེཏྠཱརཾ ཝཏྟཱམ, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཱམཱ’ཏི. དུཏིཡམྤི ཡཱཙིཏབྦཱ. ཏཏིཡམྤི ཡཱཙིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨིམེ པཎྜུཀལོཧིཏཀཱ བྷིཀྑཱུ སངྒྷེན ཏཛྫནཱིཡཀམྨཀཏཱ སམྨཱ ཝཏྟནྟི, ལོམཾ པཱཏེནྟི, ནེཏྠཱརཾ ཝཏྟནྟི ¶ , ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙནྟི. ཡདི སངྒྷསྶ པཏྟཀལླཾ, སངྒྷོ པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ པཊིཔྤསྶམྦྷེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨིམེ པཎྜུཀལོཧིཏཀཱ བྷིཀྑཱུ སངྒྷེན ཏཛྫནཱིཡཀམྨཀཏཱ སམྨཱ ཝཏྟནྟི, ལོམཾ པཱཏེནྟི, ནེཏྠཱརཾ ཝཏྟནྟི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙནྟི. སངྒྷོ པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ པཊིཔྤསྶམྦྷེཏི. ཡསྶཱཡསྨཏོ ཁམཏི པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ¶ ཨེཏམཏྠཾ ཝདཱམི – སུཎཱཏུ མེ ¶ , བྷནྟེ, སངྒྷོ. ཨིམེ པཎྜུཀལོཧིཏཀཱ བྷིཀྑཱུ སངྒྷེན ཏཛྫནཱིཡཀམྨཀཏཱ སམྨཱ ཝཏྟནྟི, ལོམཾ པཱཏེནྟི, ནེཏྠཱརཾ ཝཏྟནྟི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙནྟི. སངྒྷོ པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ པཊིཔྤསྶམྦྷེཏི. ཡསྶཱཡསྨཏོ ཁམཏི པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨིམེ པཎྜུཀལོཧིཏཀཱ བྷིཀྑཱུ སངྒྷེན ཏཛྫནཱིཡཀམྨཀཏཱ སམྨཱ ཝཏྟནྟི, ལོམཾ པཱཏེནྟི, ནེཏྠཱརཾ ཝཏྟནྟི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙནྟི. སངྒྷོ པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ པཊིཔྤསྶམྦྷེཏི. ཡསྶཱཡསྨཏོ ཁམཏི པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘པཊིཔྤསྶདྡྷཾ སངྒྷེན པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ. ཁམཏི སངྒྷསྶ,

ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཏཛྫནཱིཡཀམྨཾ ནིཊྛིཏཾ པཋམཾ.

༢. ནིཡསྶཀམྨཾ

༡༡. ཏེན ¶ ཁོ པན སམཡེན ཨཱཡསྨཱ སེཡྻསཀོ བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ; གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི; ཨཔིསྶུ བྷིཀྑཱུ པཀཏཱ [པཀཏཏྟཱ (སཱི. སྱཱ.)] པརིཝཱསཾ དེནྟཱ མཱུལཱཡ པཊིཀསྶནྟཱ མཱནཏྟཾ དེནྟཱ ཨབྦྷེནྟཱ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ སེཡྻསཀོ བཱལོ བྷཝིསྶཏི ཨབྱཏྟོ ཨཱཔཏྟིབཧུལོ ཨནཔདཱནོ; གིཧིསཾསཊྛོ ཝིཧརིསྶཏི ཨནནུལོམིཀེཧི གིཧིསཾསགྒེཧི ¶ ; ཨཔིསྶུ བྷིཀྑཱུ པཀཏཱ པརིཝཱསཾ དེནྟཱ མཱུལཱཡ པཊིཀསྶནྟཱ མཱནཏྟཾ དེནྟཱ ཨབྦྷེནྟཱ’’ཏི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ.

ཨཐ ¶ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, སེཡྻསཀོ བྷིཀྑུ བཱལོ ཨབྱཏྟོ ཨཱཔཏྟིབཧུལོ ཨནཔདཱནོ; གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི; ཨཔིསྶུ བྷིཀྑཱུ པཀཏཱ པརིཝཱསཾ དེནྟཱ མཱུལཱཡ པཊིཀསྶནྟཱ མཱནཏྟཾ དེནྟཱ ཨབྦྷེནྟཱ’’ཏི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, བྷིཀྑཝེ, ཏསྶ མོགྷཔུརིསསྶ ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ སོ, བྷིཀྑཝེ, མོགྷཔུརིསོ བཱལོ བྷཝིསྶཏི ཨབྱཏྟོ ཨཱཔཏྟིབཧུལོ ཨནཔདཱནོ; གིཧིསཾསཊྛོ ཝིཧརིསྶཏི ཨནནུལོམིཀེཧི གིཧིསཾསགྒེཧི; ཨཔིསྶུ བྷིཀྑཱུ པཀཏཱ པརིཝཱསཾ དེནྟཱ མཱུལཱཡ པཊིཀསྶནྟཱ མཱནཏྟཾ དེནྟཱ ཨབྦྷེནྟཱ. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, སངྒྷོ སེཡྻསཀསྶ ¶ བྷིཀྑུནོ ནིཡསྶཀམྨཾ [ནིཡསཀམྨཾ (ཀ.)] ཀརོཏུ – ནིསྶཱཡ ཏེ ཝཏྠབྦནྟི. ཨེཝཉྩ པན, བྷིཀྑཝེ, ཀཱཏབྦཾ. པཋམཾ སེཡྻསཀོ བྷིཀྑུ ཙོདེཏབྦོ, ཙོདེཏྭཱ སཱརེཏབྦོ, སཱརེཏྭཱ ཨཱཔཏྟིཾ ཨཱརོཔེཏབྦོ [ཨཱཔཏྟི ཨཱརོཔེཏབྦཱ (སཱི. སྱཱ.)], ཨཱཔཏྟིཾ ཨཱརོཔེཏྭཱ བྱཏྟེན བྷིཀྑུནཱ ¶ པཊིབལེན སངྒྷོ ཉཱཔེཏབྦོ –

༡༢. ‘‘སུཎཱཏུ མེ, བྷནྟེ, སངྒྷོ. ཨཡཾ སེཡྻསཀོ བྷིཀྑུ བཱལོ ཨབྱཏྟོ ཨཱཔཏྟིབཧུལོ ཨནཔདཱནོ; གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི; ཨཔིསྶུ བྷིཀྑཱུ པཀཏཱ པརིཝཱསཾ དེནྟཱ མཱུལཱཡ པཊིཀསྶནྟཱ མཱནཏྟཾ དེནྟཱ ཨབྦྷེནྟཱ. ཡདི སངྒྷསྶ པཏྟཀལླཾ, སངྒྷོ སེཡྻསཀསྶ བྷིཀྑུནོ ནིཡསྶཀམྨཾ ཀརེཡྻ – ནིསྶཱཡ ཏེ ཝཏྠབྦནྟི. ཨེསཱ ཉཏྟི.

‘‘སུཎཱཏུ ¶ མེ, བྷནྟེ, སངྒྷོ. ཨཡཾ སེཡྻསཀོ བྷིཀྑུ བཱལོ ཨབྱཏྟོ ཨཱཔཏྟིབཧུལོ ཨནཔདཱནོ; གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི; ཨཔིསྶུ བྷིཀྑཱུ པཀཏཱ པརིཝཱསཾ དེནྟཱ མཱུལཱཡ པཊིཀསྶནྟཱ མཱནཏྟཾ དེནྟཱ ཨབྦྷེནྟཱ. སངྒྷོ སེཡྻསཀསྶ བྷིཀྑུནོ ནིཡསྶཀམྨཾ ཀརོཏི – ནིསྶཱཡ ཏེ ཝཏྠབྦནྟི. ཡསྶཱཡསྨཏོ ཁམཏི སེཡྻསཀསྶ བྷིཀྑུནོ ནིཡསྶསྶ ཀམྨསྶ ཀརཎཾ – ནིསྶཱཡ ཏེ ཝཏྠབྦནྟི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ¶ ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ སེཡྻསཀོ བྷིཀྑུ བཱལོ ཨབྱཏྟོ ཨཱཔཏྟིབཧུལོ ཨནཔདཱནོ; གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི; ཨཔིསྶུ བྷིཀྑཱུ པཀཏཱ པརིཝཱསཾ དེནྟཱ མཱུལཱཡ པཊིཀསྶནྟཱ མཱནཏྟཾ དེནྟཱ ཨབྦྷེནྟཱ. སངྒྷོ སེཡྻསཀསྶ བྷིཀྑུནོ ནིཡསྶཀམྨཾ ཀརོཏི – ནིསྶཱཡ ཏེ ཝཏྠབྦནྟི. ཡསྶཱཡསྨཏོ ཁམཏི སེཡྻསཀསྶ བྷིཀྑུནོ ནིཡསྶསྶ ཀམྨསྶ ¶ ཀརཎཾ – ནིསྶཱཡ ཏེ ཝཏྠབྦནྟི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཀཏཾ སངྒྷེན སེཡྻསཀསྶ བྷིཀྑུནོ ནིཡསྶཀམྨཾ – ནིསྶཱཡ ཏེ ཝཏྠབྦནྟི. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨདྷམྨཀམྨདྭཱདསཀཾ

༡༣. ‘‘ཏཱིཧི, བྷིཀྑཝེ, ཨངྒེཧི སམནྣཱགཏཾ ནིཡསྶཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨསམྨུཁཱ ཀཏཾ ཧོཏི, ཨཔྤཊིཔུཙྪཱ ཀཏཾ ཧོཏི, ཨཔྤཊིཉྙཱཡ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ནིཡསྶཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ནིཡསྶཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨནཱཔཏྟིཡཱ ཀཏཾ ཧོཏི, ཨདེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, དེསིཏཱཡ ཨཱཔཏྟིཡཱ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ནིཡསྶཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ནིཡསྶཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨཙོདེཏྭཱ ཀཏཾ ཧོཏི, ཨསཱརེཏྭཱ ཀཏཾ ཧོཏི, ཨཱཔཏྟིཾ ཨནཱརོཔེཏྭཱ ¶ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ནིཡསྶཀམྨཾ ཨདྷམྨཀམྨཉྩ ¶ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི, བྷིཀྑཝེ…པེ… ཨསམྨུཁཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ…པེ….

‘‘ཨཔརེཧིཔི ¶ , བྷིཀྑཝེ…པེ… ཨཔྤཊིཔུཙྪཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ…པེ….

‘‘ཨཔརེཧིཔི, བྷིཀྑཝེ…པེ… ཨཔྤཊིཉྙཱཡ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ…པེ….

‘‘ཨཔརེཧིཔི, བྷིཀྑཝེ…པེ… ཨནཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ…པེ… ¶ .

‘‘ཨཔརེཧིཔི, བྷིཀྑཝེ…པེ… ཨདེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ…པེ….

‘‘ཨཔརེཧིཔི, བྷིཀྑཝེ…པེ… དེསིཏཱཡ ཨཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ…པེ….

‘‘ཨཔརེཧིཔི, བྷིཀྑཝེ…པེ… ཨཙོདེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ…པེ….

‘‘ཨཔརེཧིཔི, བྷིཀྑཝེ…པེ… ཨསཱརེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ…པེ… ¶ .

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ནིཡསྶཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨཱཔཏྟིཾ ཨནཱརོཔེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ¶ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ནིཡསྶཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

ཨདྷམྨཀམྨདྭཱདསཀཾ ནིཊྛིཏཾ.

དྷམྨཀམྨདྭཱདསཀཾ

༡༤. ‘‘ཏཱིཧི, བྷིཀྑཝེ, ཨངྒེཧི སམནྣཱགཏཾ ནིཡསྶཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. སམྨུཁཱ ཀཏཾ ཧོཏི, པཊིཔུཙྪཱ ཀཏཾ ཧོཏི, པཊིཉྙཱཡ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ནིཡསྶཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི ¶ , བྷིཀྑཝེ, ཏཱིཧངྒེཧི སམནྣཱགཏཾ ནིཡསྶཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. ཨཱཔཏྟིཡཱ ཀཏཾ ཧོཏི, དེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, ཨདེསིཏཱཡ ཨཱཔཏྟིཡཱ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ནིཡསྶཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ ནིཡསྶཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. ཙོདེཏྭཱ ཀཏཾ ཧོཏི, སཱརེཏྭཱ ཀཏཾ ཧོཏི, ཨཱཔཏྟིཾ ཨཱརོཔེཏྭཱ ཀཏཾ ཧོཏི ¶ – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ནིཡསྶཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི, བྷིཀྑཝེ…པེ… སམྨུཁཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ…པེ….

‘‘ཨཔརེཧིཔི, བྷིཀྑཝེ…པེ… པཊིཔུཙྪཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ…པེ….

‘‘ཨཔརེཧིཔི, བྷིཀྑཝེ…པེ… པཊིཉྙཱཡ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ…པེ….

‘‘ཨཔརེཧིཔི ¶ , བྷིཀྑཝེ…པེ… ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ…པེ… ¶ .

‘‘ཨཔརེཧིཔི, བྷིཀྑཝེ…པེ… དེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ…པེ….

‘‘ཨཔརེཧིཔི, བྷིཀྑཝེ…པེ… ཨདེསིཏཱཡ ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ…པེ….

‘‘ཨཔརེཧིཔི, བྷིཀྑཝེ…པེ… ཙོདེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ…པེ….

‘‘ཨཔརེཧིཔི, བྷིཀྑཝེ…པེ… སཱརེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ…པེ… ¶ .

‘‘ཨཔརེཧིཔི ¶ , བྷིཀྑཝེ, ཏཱིཧངྒེཧི སམནྣཱགཏཾ ནིཡསྶཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. ཨཱཔཏྟིཾ ཨཱརོཔེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ནིཡསྶཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

དྷམྨཀམྨདྭཱདསཀཾ ནིཊྛིཏཾ.

ཨཱཀངྑམཱནཚཀྐཾ

༡༥. [པརི. ༣༢༣] ‘‘ཏཱིཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ནིཡསྶཀམྨཾ ཀརེཡྻ. བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ; བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ; གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ནིཡསྶཀམྨཾ ཀརེཡྻ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ནིཡསྶཀམྨཾ ¶ ཀརེཡྻ. ཨདྷིསཱིལེ སཱིལཝིཔནྣོ ཧོཏི, ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨཏིདིཊྛིཡཱ དིཊྛིཝིཔནྣོ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ནིཡསྶཀམྨཾ ཀརེཡྻ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ ¶ སངྒྷོ, ནིཡསྶཀམྨཾ ཀརེཡྻ. བུདྡྷསྶ ཨཝཎྞཾ བྷཱསཏི, དྷམྨསྶ ཨཝཎྞཾ བྷཱསཏི, སངྒྷསྶ ཨཝཎྞཾ བྷཱསཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ནིཡསྶཀམྨཾ ཀརེཡྻ.

‘‘ཏིཎྞཾ, བྷིཀྑཝེ, བྷིཀྑཱུནཾ, ཨཱཀངྑམཱནོ སངྒྷོ, ནིཡསྶཀམྨཾ ཀརེཡྻ. ཨེཀོ བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ; ཨེཀོ བཱལོ ཧོཏི, ཨབྱཏྟོ ཨཱཔཏྟིབཧུལོ ཨནཔདཱནོ; ཨེཀོ གིཧིསཾསཊྛོ ཝིཧརཏི ཨནནུལོམིཀེཧི ¶ གིཧིསཾསགྒེཧི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ནིཡསྶཀམྨཾ ཀརེཡྻ.

‘‘ཨཔརེསམྤི, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ནིཡསྶཀམྨཾ ཀརེཡྻ. ཨེཀོ ཨདྷིསཱིལེ སཱིལཝིཔནྣོ ཧོཏི, ཨེཀོ ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨེཀོ ཨཏིདིཊྛིཡཱ དིཊྛིཝིཔནྣོ ཧོཏི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ནིཡསྶཀམྨཾ ཀརེཡྻ.

‘‘ཨཔརེསམྤི, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ནིཡསྶཀམྨཾ ཀརེཡྻ. ཨེཀོ བུདྡྷསྶ ཨཝཎྞཾ བྷཱསཏི, ཨེཀོ དྷམྨསྶ ཨཝཎྞཾ བྷཱསཏི, ཨེཀོ སངྒྷསྶ ཨཝཎྞཾ བྷཱསཏི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ནིཡསྶཀམྨཾ ཀརེཡྻ.

ཨཱཀངྑམཱནཚཀྐཾ ནིཊྛིཏཾ.

ཨཊྛཱརསཝཏྟཾ

༡༦. ‘‘ནིཡསྶཀམྨཀཏེན ¶ , བྷིཀྑཝེ, བྷིཀྑུནཱ སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ – ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ, ན བྷིཀྑུནོཝཱདཀསམྨུཏི སཱདིཏབྦཱ, སམྨཏེནཔི བྷིཀྑུནིཡོ ན ཨོཝདིཏབྦཱ. ཡཱཡ ཨཱཔཏྟིཡཱ ¶ སངྒྷེན ནིཡསྶཀམྨཾ ཀཏཾ ཧོཏི སཱ ཨཱཔཏྟི ན ཨཱཔཛྫིཏབྦཱ, ཨཉྙཱ ཝཱ ཏཱདིསིཀཱ, ཏཏོ ཝཱ པཱཔིཊྛཏརཱ; ཀམྨཾ ན གརཧིཏབྦཾ, ཀམྨིཀཱ ན གརཧིཏབྦཱ. ན པཀཏཏྟསྶ བྷིཀྑུནོ ཨུཔོསཐོ ཋཔེཏབྦོ, ན པཝཱརཎཱ ཋཔེཏབྦཱ, ན སཝཙནཱིཡཾ ཀཱཏབྦཾ, ན ཨནུཝཱདོ པཊྛཔེཏབྦོ, ན ཨོཀཱསོ ཀཱརཱཔེཏབྦོ, ན ཙོདེཏབྦོ, ན སཱརེཏབྦོ, ན བྷིཀྑཱུཧི སམྤཡོཛེཏབྦ’’ནྟི.

ནིཡསྶཀམྨེ ཨཊྛཱརསཝཏྟཾ ནིཊྛིཏཾ.

༡༧. ཨཐ ཁོ སངྒྷོ སེཡྻསཀསྶ བྷིཀྑུནོ ནིཡསྶཀམྨཾ ཨཀཱསི – ནིསྶཱཡ ཏེ ཝཏྠབྦནྟི. སོ སངྒྷེན ནིཡསྶཀམྨཀཏོ ཀལྱཱཎམིཏྟེ ¶ སེཝམཱནོ བྷཛམཱནོ པཡིརུཔཱསམཱནོ ཨུདྡིསཱཔེནྟོ པརིཔུཙྪནྟོ བཧུསྶུཏོ ཧོཏི, ཨཱགཏཱགམོ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ ཝིཡཏྟོ མེདྷཱཝཱི ལཛྫཱི ཀུཀྐུཙྩཀོ སིཀྑཱཀཱམོ. སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, བྷིཀྑཱུ ཨུཔསངྐམིཏྭཱ ཨེཝཾ ཝདེཏི – ‘‘ཨཧཾ, ཨཱཝུསོ, སངྒྷེན ནིཡསྶཀམྨཀཏོ སམྨཱ ཝཏྟཱམི, ལོམཾ པཱཏེམི, ནེཏྠཱརཾ ཝཏྟཱམི. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ…. ‘‘ཏེན ¶ ཧི, བྷིཀྑཝེ, སངྒྷོ སེཡྻསཀསྶ བྷིཀྑུནོ ནིཡསྶཀམྨཾ པཊིཔྤསྶམྦྷེཏུ.

ནཔྤཊིཔྤསྶམྦྷེཏབྦཨཊྛཱརསཀཾ

༡༨. ‘‘པཉྩཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ ནིཡསྶཀམྨཾ ནཔྤཊིཔྤསྶམྦྷེཏབྦཾ. ཨུཔསམྤཱདེཏི, ནིསྶཡཾ དེཏི, སཱམཎེརཾ ཨུཔཊྛཱཔེཏི, བྷིཀྑུནོཝཱདཀསམྨུཏིཾ སཱདིཡཏི, སམྨཏོཔི བྷིཀྑུནིཡོ ཨོཝདཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ ནིཡསྶཀམྨཾ ནཔྤཊིཔྤསྶམྦྷེཏབྦཾ.

[པརི. ༤༢༠] ‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ ནིཡསྶཀམྨཾ ནཔྤཊིཔྤསྶམྦྷེཏབྦཾ. ཡཱཡ ཨཱཔཏྟིཡཱ སངྒྷེན ནིཡསྶཀམྨཾ ཀཏཾ ཧོཏི ཏཾ ཨཱཔཏྟིཾ ཨཱཔཛྫཏི, ཨཉྙཾ ཝཱ ཏཱདིསིཀཾ, ཏཏོ ཝཱ པཱཔིཊྛཏརཾ; ཀམྨཾ གརཧཏི, ཀམྨིཀེ གརཧཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ ནིཡསྶཀམྨཾ ནཔྤཊིཔྤསྶམྦྷེཏབྦཾ.

‘‘ཨཊྛཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ ནིཡསྶཀམྨཾ ནཔྤཊིཔྤསྶམྦྷེཏབྦཾ. པཀཏཏྟསྶ བྷིཀྑུནོ ཨུཔོསཐཾ ཋཔེཏི, པཝཱརཎཾ ཋཔེཏི, སཝཙནཱིཡཾ ཀརོཏི, ཨནུཝཱདཾ པཊྛཔེཏི ¶ , ཨོཀཱསཾ ཀཱརེཏི, ཙོདེཏི, སཱརེཏི, བྷིཀྑཱུཧི སམྤཡོཛེཏི – ཨིམེཧི ཁོ, བྷིཀྑཝེ, ཨཊྛཧངྒེཧི སམནྣཱགཏསྶ བྷིཀྑུནོ ནིཡསྶཀམྨཾ ནཔྤཊིཔྤསྶམྦྷེཏབྦཾ.

ནཔྤཊིཔྤསྶམྦྷེཏབྦཨཊྛཱརསཀཾ ནིཊྛིཏཾ.

པཊིཔྤསྶམྦྷེཏབྦཨཊྛཱརསཀཾ

༡༩. ‘‘པཉྩཧི ¶ , བྷིཀྑཝེ, ཨངྒེཧི སམནྣཱགཏསྶ བྷིཀྑུནོ ནིཡསྶཀམྨཾ པཊིཔྤསྶམྦྷེཏབྦཾ ¶ . ན ཨུཔསམྤཱདེཏི, ན ནིསྶཡཾ དེཏི, ན སཱམཎེརཾ ཨུཔཊྛཱཔེཏི, ན བྷིཀྑུནོཝཱདཀསམྨུཏིཾ སཱདིཡཏི, སམྨཏོཔི བྷིཀྑུནིཡོ ན ཨོཝདཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ ནིཡསྶཀམྨཾ པཊིཔྤསྶམྦྷེཏབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ ནིཡསྶཀམྨཾ པཊིཔྤསྶམྦྷེཏབྦཾ. ཡཱཡ ཨཱཔཏྟིཡཱ སངྒྷེན ནིཡསྶཀམྨཾ ཀཏཾ ཧོཏི ཏཾ ཨཱཔཏྟིཾ ན ཨཱཔཛྫཏི, ཨཉྙཾ ཝཱ ཏཱདིསིཀཾ, ཏཏོ ཝཱ པཱཔིཊྛཏརཾ; ཀམྨཾ ན གརཧཏི, ཀམྨིཀེ ན གརཧཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ ནིཡསྶཀམྨཾ པཊིཔྤསྶམྦྷེཏབྦཾ.

‘‘ཨཊྛཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ ནིཡསྶཀམྨཾ པཊིཔྤསྶམྦྷེཏབྦཾ.

ན པཀཏཏྟསྶ བྷིཀྑུནོ ཨུཔོསཐཾ ཋཔེཏི, ན པཝཱརཎཾ ཋཔེཏི, ན སཝཙནཱིཡཾ ཀརོཏི, ན ཨནུཝཱདཾ པཊྛཔེཏི, ན ཨོཀཱསཾ ཀཱརེཏི, ན ཙོདེཏི, ན སཱརེཏི, ན བྷིཀྑཱུཧི སམྤཡོཛེཏི – ཨིམེཧི ཁོ, བྷིཀྑཝེ, ཨཊྛཧངྒེཧི སམནྣཱགཏསྶ བྷིཀྑུནོ ནིཡསྶཀམྨཾ ¶ པཊིཔྤསྶམྦྷེཏབྦཾ.

པཊིཔྤསྶམྦྷེཏབྦཨཊྛཱརསཀཾ ནིཊྛིཏཾ.

༢༠. ‘‘ཨེཝཉྩ པན, བྷིཀྑཝེ, པཊིཔྤསྶམྦྷེཏབྦཾ. ཏེན, བྷིཀྑཝེ, སེཡྻསཀེན བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘ཨཧཾ, བྷནྟེ, སངྒྷེན ནིཡསྶཀམྨཀཏོ སམྨཱ ཝཏྟཱམི, ལོམཾ པཱཏེམི, ནེཏྠཱརཾ ཝཏྟཱམི, ནིཡསྶསྶ ཀམྨསྶ པཊིཔྤསྶདྡྷིཾ ཡཱཙཱམཱི’ཏི. དུཏིཡམྤི ཡཱཙིཏབྦཱ. ཏཏིཡམྤི ཡཱཙིཏབྦཱ ¶ . བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ ¶ མེ, བྷནྟེ, སངྒྷོ. ཨཡཾ སེཡྻསཀོ བྷིཀྑུ སངྒྷེན ནིཡསྶཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ནིཡསྶསྶ ཀམྨསྶ པཊིཔྤསྶདྡྷིཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ སེཡྻསཀསྶ བྷིཀྑུནོ ནིཡསྶཀམྨཾ པཊིཔྤསྶམྦྷེཡྻ. ཨེསཱ ཉཏྟི.

‘‘སུཎཱཏུ ¶ མེ, བྷནྟེ, སངྒྷོ. ཨཡཾ སེཡྻསཀོ བྷིཀྑུ སངྒྷེན ནིཡསྶཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ནིཡསྶསྶ ཀམྨསྶ པཊིཔྤསྶདྡྷིཾ ཡཱཙཏི. སངྒྷོ སེཡྻསཀསྶ བྷིཀྑུནོ ནིཡསྶཀམྨཾ པཊིཔྤསྶམྦྷེཏི. ཡསྶཱཡསྨཏོ ཁམཏི སེཡྻསཀསྶ བྷིཀྑུནོ ནིཡསྶསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ སེཡྻསཀོ བྷིཀྑུ སངྒྷེན ནིཡསྶཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ནིཡསྶསྶ ཀམྨསྶ པཊིཔྤསྶདྡྷིཾ ཡཱཙཏི. སངྒྷོ སེཡྻསཀསྶ བྷིཀྑུནོ ནིཡསྶཀམྨཾ པཊིཔྤསྶམྦྷེཏི. ཡསྶཱཡསྨཏོ ཁམཏི སེཡྻསཀསྶ བྷིཀྑུནོ ནིཡསྶསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ སེཡྻསཀོ བྷིཀྑུ སངྒྷེན ནིཡསྶཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ནིཡསྶསྶ ཀམྨསྶ པཊིཔྤསྶདྡྷིཾ ཡཱཙཏི. སངྒྷོ སེཡྻསཀསྶ བྷིཀྑུནོ ནིཡསྶཀམྨཾ པཊིཔྤསྶམྦྷེཏི. ཡསྶཱཡསྨཏོ ¶ ཁམཏི སེཡྻསཀསྶ བྷིཀྑུནོ ནིཡསྶསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘པཊིཔྤསྶདྡྷཾ སངྒྷེན སེཡྻསཀསྶ བྷིཀྑུནོ ནིཡསྶཀམྨཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ནིཡསྶཀམྨཾ ནིཊྛིཏཾ དུཏིཡཾ.

༣. པབྦཱཛནཱིཡཀམྨཾ

༢༡. [ཨིདཾ ཝཏྠུ པཱརཱ. ༤༣༡ ཨཱདཡོ] ཏེན ཁོ པན སམཡེན ཨསྶཛིཔུནབྦསུཀཱ ནཱམ [ནཱམ བྷིཀྑཱུ (ཀ.)] ཀཱིཊཱགིརིསྨིཾ ཨཱཝཱསིཀཱ ཧོནྟི ཨལཛྫིནོ པཱཔབྷིཀྑཱུ. ཏེ [ཙཱུལ༹ཝ. ༢༩༢ ཨཱདཡོ] ཨེཝརཱུཔཾ ཨནཱཙཱརཾ ཨཱཙརནྟི – མཱལཱཝཙྪཾ རོཔེནྟིཔི རོཔཱཔེནྟིཔི, སིཉྩནྟིཔི སིཉྩཱཔེནྟིཔི, ཨོཙིནནྟིཔི ཨོཙིནཱཔེནྟིཔི, གནྠེནྟིཔི གནྠཱཔེནྟིཔི ¶ , ཨེཀཏོཝཎྚིཀམཱལཾ ཀརོནྟིཔི ¶ ཀཱརཱཔེནྟིཔི, ཨུབྷཏོཝཎྚིཀམཱལཾ ཀརོནྟིཔི ཀཱརཱཔེནྟིཔི, མཉྫརིཀཾ ཀརོནྟིཔི ཀཱརཱཔེནྟིཔི, ཝིདྷཱུཏིཀཾ [ཝིདྷུཏིཀཾ (སྱཱ.)] ཀརོནྟིཔི ཀཱརཱཔེནྟིཔི, ཝཊཾསཀཾ ཀརོནྟིཔི ཀཱརཱཔེནྟིཔི, ཨཱཝེལ༹ཾ ཀརོནྟིཔི ¶ ཀཱརཱཔེནྟིཔི, ཨུརཙྪདཾ ཀརོནྟིཔི ཀཱརཱཔེནྟིཔི. ཏེ ཀུལིཏྠཱིནཾ ཀུལདྷཱིཏཱནཾ ཀུལཀུམཱརཱིནཾ ཀུལསུཎྷཱནཾ ཀུལདཱསཱིནཾ ཨེཀཏོཝཎྚིཀམཱལཾ ཧརནྟིཔི ཧརཱཔེནྟིཔི, ཨུབྷཏོཝཎྚིཀམཱལཾ ཧརནྟིཔི ཧརཱཔེནྟིཔི, མཉྫརིཀཾ ཧརནྟིཔི ཧརཱཔེནྟིཔི, ཝིདྷཱུཏིཀཾ ཧརནྟིཔི ཧརཱཔེནྟིཔི, ཝཊཾསཀཾ ཧརནྟིཔི ཧརཱཔེནྟིཔི, ཨཱཝེལ༹ཾ ཧརནྟིཔི ཧརཱཔེནྟིཔི, ཨུརཙྪདཾ ཧརནྟིཔི ཧརཱཔེནྟིཔི. ཏེ ཀུལིཏྠཱིཧི ཀུལདྷཱིཏཱཧི ཀུལཀུམཱརཱིཧི ཀུལསུཎྷཱཧི ཀུལདཱསཱིཧི སདྡྷིཾ ཨེཀབྷཱཛནེཔི བྷུཉྫནྟི, ཨེཀཐཱལཀེཔི ¶ པིཝནྟི, ཨེཀཱསནེཔི ནིསཱིདནྟི, ཨེཀམཉྩེཔི ཏུཝཊྚེནྟི, ཨེཀཏྠརཎཱཔི ཏུཝཊྚེནྟི, ཨེཀཔཱཝུརཎཱཔི ཏུཝཊྚེནྟི, ཨེཀཏྠརཎཔཱཝུརཎཱཔི ཏུཝཊྚེནྟི, ཝིཀཱལེཔི བྷུཉྫནྟི, མཛྫམྤི པིཝནྟི, མཱལཱགནྡྷཝིལེཔནམྤི དྷཱརེནྟི, ནཙྩནྟིཔི, གཱཡནྟིཔི, ཝཱདེནྟིཔི, ལཱསེནྟིཔི; ནཙྩནྟིཡཱཔི ནཙྩནྟི, ནཙྩནྟིཡཱཔི གཱཡནྟི, ནཙྩནྟིཡཱཔི ཝཱདེནྟི, ནཙྩནྟིཡཱཔི ལཱསེནྟི; གཱཡནྟིཡཱཔི ནཙྩནྟི, གཱཡནྟིཡཱཔི གཱཡནྟི, གཱཡནྟིཡཱཔི ཝཱདེནྟི, གཱཡནྟིཡཱཔི ལཱསེནྟི; ཝཱདེནྟིཡཱཔི ནཙྩནྟི, ཝཱདེནྟིཡཱཔི གཱཡནྟི, ཝཱདེནྟིཡཱཔི ཝཱདེནྟི, ཝཱདེནྟིཡཱཔི ལཱསེནྟི; ལཱསེནྟིཡཱཔི ནཙྩནྟི, ལཱསེནྟིཡཱཔི གཱཡནྟི, ལཱསེནྟིཡཱཔི ཝཱདེནྟི, ལཱསེནྟིཡཱཔི ལཱསེནྟི; ཨཊྛཔདེཔི ཀཱིལ༹ནྟི, དསཔདེཔི ཀཱིལ༹ནྟི, ཨཱཀཱསེཔི ཀཱིལ༹ནྟི, པརིཧཱརཔཐེཔི ཀཱིལ༹ནྟི, སནྟིཀཱཡཔི ཀཱིལ༹ནྟི, ཁལིཀཱཡཔི ཀཱིལ༹ནྟི, གྷཊིཀཱཡཔི ཀཱིལ༹ནྟི, སལཱཀཧཏྠེནཔི ཀཱིལ༹ནྟི, ཨཀྑེནཔི ཀཱིལ༹ནྟི, པངྒཙཱིརེནཔི ཀཱིལ༹ནྟི, ཝངྐཀེནཔི ཀཱིལ༹ནྟི, མོཀྑཙིཀཱཡཔི ཀཱིལ༹ནྟི, ཙིངྒུལཀེནཔི ཀཱིལ༹ནྟི, པཏྟཱལ༹ྷཀེནཔི ཀཱིལ༹ནྟི, རཐཀེནཔི ཀཱིལ༹ནྟི, དྷནུཀེནཔི ཀཱིལ༹ནྟི, ཨཀྑརིཀཱཡཔི ཀཱིལ༹ནྟི, མནེསིཀཱཡཔི ཀཱིལ༹ནྟི, ཡཐཱཝཛྫེནཔི ཀཱིལ༹ནྟི; ཧཏྠིསྨིམྤི སིཀྑནྟི, ཨསྶསྨིམྤི སིཀྑནྟི, རཐསྨིམྤི སིཀྑནྟི, དྷནུསྨིམྤི སིཀྑནྟི, ཐརུསྨིམྤི སིཀྑནྟི; ཧཏྠིསྶཔི པུརཏོ དྷཱཝནྟི, ཨསྶསྶཔི པུརཏོ དྷཱཝནྟི, རཐསྶཔི པུརཏོ [པུརཏོ དྷཱཝནྟི (སྱཱ.)] དྷཱཝནྟིཔི ཨཱདྷཱཝནྟིཔི; ཨུསྶེལེ༹ནྟིཔི, ཨཔྥོཊེནྟིཔི ¶ , ནིབྦུཛ྄ཛྷནྟིཔི, མུཊྛཱིཧིཔི ཡུཛ྄ཛྷནྟི; རངྒམཛ྄ཛྷེཔི སངྒྷཱཊིཾ པཏྠརིཏྭཱ ནཙྩཀིཾ [ནཙྩནྟིཾ (སཱི. སྱཱ.)] ཨེཝཾ ཝདནྟི – ‘‘ཨིདྷ, བྷགིནི, ནཙྩསྶཱུ’’ཏི; ནལཱཊིཀམྤི དེནྟི; ཝིཝིདྷམྤི ཨནཱཙཱརཾ ཨཱཙརནྟི.

༢༢. ཏེན ¶ ཁོ པན སམཡེན ཨཉྙཏརོ བྷིཀྑུ ཀཱསཱིསུ ཝསྶཾཝུཊྛོ [ཝསྶཾཝུཏྠོ (སཱི. སྱཱ.)] སཱཝཏྠིཾ གཙྪནྟོ བྷགཝནྟཾ དསྶནཱཡ ཡེན ཀཱིཊཱགིརི ཏདཝསརི. ཨཐ ཁོ སོ བྷིཀྑུ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཀཱིཊཱགིརིཾ པིཎྜཱཡ པཱཝིསི པཱསཱདིཀེན ཨབྷིཀྐནྟེན པཊིཀྐནྟེན ¶ ཨཱལོཀིཏེན ཝིལོཀིཏེན སམིཉྫིཏེན [སམྨིཉྫིཏེན (སཱི. སྱཱ. ཀཾ.)] པསཱརིཏེན, ཨོཀྑིཏྟཙཀྑུ ཨིརིཡཱཔཐསམྤནྣོ. མནུསྶཱ ཏཾ བྷིཀྑུཾ པསྶིཏྭཱ ཨེཝམཱཧཾསུ – ‘‘ཀྭཱཡཾ ཨབལབལོ ¶ ཝིཡ མནྡམནྡོ ཝིཡ བྷཱཀུཊིཀབྷཱཀུཊིཀོ ཝིཡ? ཀོ ཨིམསྶ ཨུཔགཏསྶ པིཎྜཀམྤི དསྶཏི? ཨམྷཱཀཾ པན ཨཡྻཱ ཨསྶཛིཔུནབྦསུཀཱ སཎྷཱ སཁིལཱ སུཁསམྦྷཱསཱ མིཧིཏཔུབྦངྒམཱ ཨེཧིསྭཱགཏཝཱདིནོ ཨབྦྷཱཀུཊིཀཱ ཨུཏྟཱནམུཁཱ པུབྦབྷཱསིནོ. ཏེསཾ ཁོ ནཱམ པིཎྜོ དཱཏབྦོ’’ཏི.

ཨདྡསཱ ཁོ ཨཉྙཏརོ ཨུཔཱསཀོ ཏཾ བྷིཀྑུཾ ཀཱིཊཱགིརིསྨིཾ པིཎྜཱཡ ཙརནྟཾ; དིསྭཱན ཡེན སོ བྷིཀྑུ ཏེནུཔསངྐམི, ཨུཔསངྐམིཏྭཱ ཏཾ བྷིཀྑུཾ ཨབྷིཝཱདེཏྭཱ ཨེཏདཝོཙ – ‘‘ཨཔི, བྷནྟེ, པིཎྜོ ལབྦྷཏཱི’’ཏི? ‘‘ན ཁོ, ཨཱཝུསོ, པིཎྜོ ལབྦྷཏཱི’’ཏི. ‘‘ཨེཧི, བྷནྟེ, གྷརཾ གམིསྶཱམཱ’’ཏི. ཨཐ ཁོ སོ ཨུཔཱསཀོ ཏཾ བྷིཀྑུཾ གྷརཾ ནེཏྭཱ བྷོཛེཏྭཱ ཨེཏདཝོཙ – ‘‘ཀཧཾ, བྷནྟེ, ཨཡྻོ གམིསྶཏཱི’’ཏི? ‘‘སཱཝཏྠིཾ ¶ ཁོ ཨཧཾ, ཨཱཝུསོ, གམིསྶཱམི བྷགཝནྟཾ དསྶནཱཡཱ’’ཏི. ‘‘ཏེན ཧི, བྷནྟེ, མམ ཝཙནེན བྷགཝཏོ པཱདེ སིརསཱ ཝནྡ, ཨེཝཉྩ ཝདེཧི – ‘དུཊྛོ, བྷནྟེ, ཀཱིཊཱགིརིསྨིཾ ཨཱཝཱསོ. ཨསྶཛིཔུནབྦསུཀཱ ནཱམ ཀཱིཊཱགིརིསྨིཾ ཨཱཝཱསིཀཱ ཨལཛྫིནོ པཱཔབྷིཀྑཱུ. ཏེ ཨེཝརཱུཔཾ ཨནཱཙཱརཾ ཨཱཙརནྟི – མཱལཱཝཙྪཾ རོཔེནྟིཔི རོཔཱཔེནྟིཔི, སིཉྩནྟིཔི སིཉྩཱཔེནྟིཔི, ཨོཙིནནྟིཔི, ཨོཙིནཱཔེནྟིཔི, གནྠེནྟིཔི གནྠཱཔེནྟིཔི, ཨེཀཏོཝཎྚིཀམཱལཾ ཀརོནྟིཔི ཀཱརཱཔེནྟིཔི, ཨུབྷཏོཝཎྚིཀམཱལཾ ཀརོནྟིཔི ཀཱརཱཔེནྟིཔི, མཉྫརིཀཾ ཀརོནྟིཔི ཀཱརཱཔེནྟིཔི, ཝིདྷཱུཏིཀཾ ཀརོནྟིཔི ཀཱརཱཔེནྟིཔི, ཝཊཾསཀཾ ཀརོནྟིཔི ཀཱརཱཔེནྟིཔི, ཨཱཝེལ༹ཾ ཀརོནྟིཔི ཀཱརཱཔེནྟིཔི, ཨུརཙྪདཾ ཀརོནྟིཔི ཀཱརཱཔེནྟིཔི. ཏེ ཀུལིཏྠཱིནཾ ཀུལདྷཱིཏཱནཾ ཀུལཀུམཱརཱིནཾ ཀུལསུཎྷཱནཾ ཀུལདཱསཱིནཾ ཨེཀཏོཝཎྚིཀམཱལཾ ཧརནྟིཔི ཧརཱཔེནྟིཔི, ཨུབྷཏོཝཎྚིཀམཱལཾ ཧརནྟིཔི ཧརཱཔེནྟིཔི, མཉྫརིཀཾ ཧརནྟིཔི ཧརཱཔེནྟིཔི, ཝིདྷཱུཏིཀཾ ¶ ཧརནྟིཔི ཧརཱཔེནྟིཔི, ཝཊཾསཀཾ ཧརནྟིཔི ཧརཱཔེནྟིཔི, ཨཱཝེལ༹ཾ ཧརནྟིཔི ཧརཱཔེནྟིཔི, ཨུརཙྪདཾ ཧརནྟིཔི ཧརཱཔེནྟིཔི. ཏེ ཀུལིཏྠཱིཧི ཀུལདྷཱིཏཱཧི ཀུལཀུམཱརཱིཧི ཀུལསུཎྷཱཧི ཀུལདཱསཱིཧི སདྡྷིཾ ཨེཀབྷཱཛནེཔི བྷུཉྫནྟི, ཨེཀཐཱལཀེཔི པིཝནྟི, ཨེཀཱསནེཔི ནིསཱིདནྟི, ཨེཀམཉྩེཔི ཏུཝཊྚེནྟི, ཨེཀཏྠརཎཱཔི ཏུཝཊྚེནྟི, ཨེཀཔཱཝུརཎཱཔི ཏུཝཊྚེནྟི, ཨེཀཏྠརཎཔཱཝུརཎཱཔི ཏུཝཊྚེནྟི, ཝིཀཱལེཔི བྷུཉྫནྟི, མཛྫམྤི པིཝནྟི, མཱལཱགནྡྷཝིལེཔནམྤི དྷཱརེནྟི, ནཙྩནྟིཔི, གཱཡནྟིཔི, ཝཱདེནྟིཔི, ལཱསེནྟིཔི; ནཙྩནྟིཡཱཔི ¶ ནཙྩནྟི, ནཙྩནྟིཡཱཔི གཱཡནྟི, ནཙྩནྟིཡཱཔི ཝཱདེནྟི, ནཙྩནྟིཡཱཔི ལཱསེནྟི…པེ… (ཙཀྐཾ ཀཱཏབྦཾ). ལཱསེནྟིཡཱཔི ནཙྩནྟི, ལཱསེནྟིཡཱཔི གཱཡནྟི, ལཱསེནྟིཡཱཔི ཝཱདེནྟི, ལཱསེནྟིཡཱཔི ལཱསེནྟི; ཨཊྛཔདེཔི ཀཱིལ༹ནྟི, དསཔདེཔི ཀཱིལ༹ནྟི, ཨཱཀཱསེཔི ¶ ཀཱིལ༹ནྟི, པརིཧཱརཔཐེཔི ཀཱིལ༹ནྟི, སནྟིཀཱཡཔི ཀཱིལ༹ནྟི, ཁལིཀཱཡཔི ཀཱིལ༹ནྟི, གྷཊིཀཱཡཔི ཀཱིལ༹ནྟི, སལཱཀཧཏྠེནཔི ཀཱིལ༹ནྟི, ཨཀྑེནཔི ཀཱིལ༹ནྟི, པངྒཙཱིརེནཔི ཀཱིལ༹ནྟི, ཝངྐཀེནཔི ཀཱིལ༹ནྟི, མོཀྑཙིཀཱཡཔི ཀཱིལ༹ནྟི, ཙིངྒུལཀེནཔི ཀཱིལ༹ནྟི, པཏྟཱལ༹ྷཀེནཔི ཀཱིལ༹ནྟི, རཐཀེནཔི ཀཱིལ༹ནྟི, དྷནུཀེནཔི ཀཱིལ༹ནྟི, ཨཀྑརིཀཱཡཔི ཀཱིལ༹ནྟི, མནེསིཀཱཡཔི ཀཱིལ༹ནྟི, ཡཐཱཝཛྫེནཔི ཀཱིལ༹ནྟི; ཧཏྠིསྨིམྤི སིཀྑནྟི, ཨསྶསྨིམྤི སིཀྑནྟི, རཐསྨིམྤི སིཀྑནྟི, དྷནུསྨིམྤི སིཀྑནྟི, ཐརུསྨིམྤི སིཀྑནྟི; ཧཏྠིསྶཔི པུརཏོ དྷཱཝནྟི, ཨསྶསྶཔི པུརཏོ དྷཱཝནྟི, རཐསྶཔི པུརཏོ དྷཱཝནྟིཔི ཨཱདྷཱཝནྟིཔི; ཨུསྶེལེ༹ནྟིཔི, ཨཔྥོཊེནྟིཔི, ནིབྦུཛ྄ཛྷནྟིཔི, མུཊྛཱིཧིཔི ཡུཛ྄ཛྷནྟི; རངྒམཛ྄ཛྷེཔི སངྒྷཱཊིཾ པཏྠརིཏྭཱ ནཙྩཀིཾ ཨེཝཾ ཝདནྟི – ‘ཨིདྷ, བྷགིནི, ནཙྩསྶཱུ’ཏི; ནལཱཊིཀམྤི དེནྟི; ཝིཝིདྷམྤི ཨནཱཙཱརཾ ཨཱཙརནྟི. ཡེཔི ཏེ, བྷནྟེ, མནུསྶཱ པུབྦེ སདྡྷཱ ཨཧེསུཾ པསནྣཱ ཏེཔི ཨེཏརཧི ཨསྶདྡྷཱ ཨཔྤསནྣཱ. ཡཱནིཔི ཏཱནི སངྒྷསྶ པུབྦེ དཱནཔཐཱནི ཏཱནིཔི ཨེཏརཧི ཨུཔཙྪིནྣཱནི. རིཉྩནྟི པེསལཱ བྷིཀྑཱུ ¶ , ནིཝསནྟི པཱཔབྷིཀྑཱུ. སཱདྷུ, བྷནྟེ, བྷགཝཱ ཀཱིཊཱགིརིཾ བྷིཀྑཱུ པཧིཎེཡྻ, ཡཐཱཡཾ ཀཱིཊཱགིརིསྨིཾ ཨཱཝཱསོ སཎྛཧེཡྻཱ’’ཏི.

‘‘ཨེཝམཱཝུསོ’’ཏི ཁོ སོ བྷིཀྑུ ཏསྶ ཨུཔཱསཀསྶ པཊིསྶུཎིཏྭཱ ཨུཊྛཱཡཱསནཱ ཡེན སཱཝཏྠི ཏེན པཀྐཱམི. ཨནུཔུབྦེན ཡེན སཱཝཏྠི ཛེཏཝནཾ ཨནཱཐཔིཎྜིཀསྶ ཨཱརཱམོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨཱཙིཎྞཾ ཁོ པནེཏཾ བུདྡྷཱནཾ བྷགཝནྟཱནཾ ཨཱགནྟུཀེཧི བྷིཀྑཱུཧི སདྡྷིཾ པཊིསམྨོདིཏུཾ. ཨཐ ¶ ཁོ བྷགཝཱ ཏཾ བྷིཀྑུཾ ཨེཏདཝོཙ – ‘‘ཀཙྩི, བྷིཀྑུ, ཁམནཱིཡཾ, ཀཙྩི ཡཱཔནཱིཡཾ, ཀཙྩིསི ཨཔྤཀིལམཐེན ཨདྡྷཱནཾ ཨཱགཏོ, ཀུཏོ ཙ ཏྭཾ བྷིཀྑུ ཨཱགཙྪསཱི’’ཏི? ‘‘ཁམནཱིཡཾ, བྷགཝཱ, ཡཱཔནཱིཡཾ བྷགཝཱ; ཨཔྤཀིལམཐེན ཙ ཨཧཾ, བྷནྟེ, ཨདྡྷཱནཾ ཨཱགཏོ. ཨིདྷཱཧཾ, བྷནྟེ, ཀཱསཱིསུ ཝསྶཾཝུཊྛོ སཱཝཏྠིཾ ཨཱགཙྪནྟོ བྷགཝནྟཾ དསྶནཱཡ ཡེན ཀཱིཊཱགིརི ཏདཝསརིཾ. ཨཐ ཁྭཱཧཾ, བྷནྟེ, པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཀཱིཊཱགིརིཾ པིཎྜཱཡ པཱཝིསིཾ. ཨདྡསཱ ཁོ མཾ, བྷནྟེ, ཨཉྙཏརོ ཨུཔཱསཀོ ཀཱིཊཱགིརིསྨིཾ པིཎྜཱཡ ཙརནྟཾ ¶ ; དིསྭཱན ཡེནཱཧཾ ཏེནུཔསངྐམི, ཨུཔསངྐམིཏྭཱ མཾ ཨབྷིཝཱདེཏྭཱ ཨེཏདཝོཙ – ‘ཨཔི, བྷནྟེ, པིཎྜོ ལབྦྷཏཱི’ཏི. ‘ན ཁོ, ཨཱཝུསོ, པིཎྜོ ལབྦྷཏཱི’ཏི. ‘ཨེཧི, བྷནྟེ, གྷརཾ གམིསྶཱམཱ’ཏི. ཨཐ ཁོ, བྷནྟེ, སོ ཨུཔཱསཀོ མཾ གྷརཾ ནེཏྭཱ བྷོཛེཏྭཱ ཨེཏདཝོཙ – ‘ཀཧཾ, བྷནྟེ, ཨཡྻོ གམིསྶཏཱི’ཏི? ‘སཱཝཏྠིཾ ཁོ ཨཧཾ, ཨཱཝུསོ, གམིསྶཱམི བྷགཝནྟཾ དསྶནཱཡཱ’ཏི ¶ . ‘ཏེན ཧི, བྷནྟེ, མམ ཝཙནེན བྷགཝཏོ པཱདེ སིརསཱ ཝནྡ, ཨེཝཉྩ ཝདེཧི – དུཊྛོ, བྷནྟེ, ཀཱིཊཱགིརིསྨིཾ ཨཱཝཱསོ. ཨསྶཛིཔུནབྦསུཀཱ ནཱམ ཀཱིཊཱགིརིསྨིཾ ཨཱཝཱསིཀཱ ཨལཛྫིནོ པཱཔབྷིཀྑཱུ ¶ . ཏེ ཨེཝརཱུཔཾ ཨནཱཙཱརཾ ཨཱཙརནྟི – མཱལཱཝཙྪཾ རོཔེནྟིཔི རོཔཱཔེནྟིཔི…པེ… ཝིཝིདྷམྤི ཨནཱཙཱརཾ ཨཱཙརནྟི. ཡེཔི ཏེ, བྷནྟེ, མནུསྶཱ པུབྦེ སདྡྷཱ ཨཧེསུཾ པསནྣཱ ཏེཔི ཨེཏརཧི ཨསྶདྡྷཱ ཨཔྤསནྣཱ. ཡཱནིཔི ཏཱནི སངྒྷསྶ པུབྦེ དཱནཔཐཱནི ཏཱནིཔི ཨེཏརཧི ཨུཔཙྪིནྣཱནི. རིཉྩནྟི པེསལཱ བྷིཀྑཱུ, ནིཝསནྟི པཱཔབྷིཀྑཱུ. སཱདྷུ, བྷནྟེ, བྷགཝཱ ཀཱིཊཱགིརིཾ བྷིཀྑཱུ པཧིཎེཡྻ, ཡཐཱཡཾ ཀཱིཊཱགིརིསྨིཾ ཨཱཝཱསོ སཎྛཧེཡྻཱ’ཏི. ཏཏོ ཨཧཾ བྷགཝཱ ཨཱགཙྪཱམཱི’’ཏི.

༢༣. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, ཨསྶཛིཔུནབྦསུཀཱ ནཱམ ཀཱིཊཱགིརིསྨིཾ ཨཱཝཱསིཀཱ ཨལཛྫིནོ པཱཔབྷིཀྑཱུ? ཏེ ཨེཝརཱུཔཾ ཨནཱཙཱརཾ ཨཱཙརནྟི – མཱལཱཝཙྪཾ རོཔེནྟིཔི…པེ… ཝིཝིདྷམྤི ཨནཱཙཱརཾ ཨཱཙརནྟི? ཡེཔི ཏེ མནུསྶཱ པུབྦེ སདྡྷཱ ཨཧེསུཾ པསནྣཱ ཏེཔི ཨེཏརཧི ཨསྶདྡྷཱ ཨཔྤསནྣཱ? ཡཱནིཔི ཏཱནི སངྒྷསྶ པུབྦེ དཱནཔཐཱནི ཏཱནིཔི ཨེཏརཧི ཨུཔཙྪིནྣཱནི? རིཉྩནྟི པེསལཱ བྷིཀྑཱུ ནིཝསནྟི པཱཔབྷིཀྑཱུ’’ཏི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ…པེ… ཀཐཉྷི ནཱམ ཏེ, བྷིཀྑཝེ ¶ , མོགྷཔུརིསཱ ཨེཝརཱུཔཾ ཨནཱཙཱརཾ ¶ ཨཱཙརིསྶནྟི – མཱལཱཝཙྪཾ རོཔེསྶནྟིཔི རོཔཱཔེསྶནྟིཔི, སིཉྩིསྶནྟིཔི སིཉྩཱཔེསྶནྟིཔི, ཨོཙིནིསྶནྟིཔི ཨོཙིནཱཔེསྶནྟིཔི, གནྠེསྶནྟིཔི གནྠཱཔེསྶནྟིཔི, ཨེཀཏོཝཎྚིཀམཱལཾ ཀརིསྶནྟིཔི ཀཱརཱཔེསྶནྟིཔི, ཨུབྷཏོཝཎྚིཀམཱལཾ ཀརིསྶནྟིཔི ཀཱརཱཔེསྶནྟིཔི, མཉྫརིཀཾ ཀརིསྶནྟིཔི ཀཱརཱཔེསྶནྟིཔི, ཝིདྷཱུཏིཀཾ ཀརིསྶནྟིཔི ཀཱརཱཔེསྶནྟིཔི, ཝཊཾསཀཾ ཀརིསྶནྟིཔི ཀཱརཱཔེསྶནྟིཔི, ཨཱཝེལ༹ཾ ཀརིསྶནྟིཔི ཀཱརཱཔེསྶནྟིཔི, ཨུརཙྪདཾ ཀརིསྶནྟིཔི ཀཱརཱཔེསྶནྟིཔི. ཏེ ཀུལིཏྠཱིནཾ ཀུལདྷཱིཏཱནཾ ཀུལཀུམཱརཱིནཾ ཀུལསུཎྷཱནཾ ཀུལདཱསཱིནཾ ཨེཀཏོཝཎྚིཀམཱལཾ ཧརིསྶནྟིཔི ཧརཱཔེསྶནྟིཔི, ཨུབྷཏོཝཎྚིཀམཱལཾ ཧརིསྶནྟིཔི ཧརཱཔེསྶནྟིཔི, མཉྫརིཀཾ ཧརིསྶནྟིཔི ཧརཱཔེསྶནྟིཔི, ཝིདྷཱུཏིཀཾ ཧརིསྶནྟིཔི ཧརཱཔེསྶནྟིཔི, ཝཊཾསཀཾ ཧརིསྶནྟིཔི ཧརཱཔེསྶནྟིཔི, ཨཱཝེལ༹ཾ ཧརིསྶནྟིཔི ཧརཱཔེསྶནྟིཔི, ཨུརཙྪདཾ ཧརིསྶནྟིཔི ཧརཱཔེསྶནྟིཔི. ཏེ ཀུལིཏྠཱིཧི ཀུལདྷཱིཏཱཧི ཀུལཀུམཱརཱིཧི ཀུལསུཎྷཱཧི ཀུལདཱསཱིཧི སདྡྷིཾ ཨེཀབྷཱཛནེཔི བྷུཉྫིསྶནྟི, ཨེཀཐཱལཀེཔི པིཝིསྶནྟི, ཨེཀཱསནེཔི ནིསཱིདིསྶནྟི, ཨེཀམཉྩེཔི ཏུཝཊྚིསྶནྟི, ཨེཀཏྠརཎཱཔི ཏུཝཊྚིསྶནྟི, ཨེཀཔཱཝུརཎཱཔི ཏུཝཊྚིསྶནྟི, ཨེཀཏྠརཎཔཱཝུརཎཱཔི ཏུཝཊྚིསྶནྟི, ཝིཀཱལེཔི བྷུཉྫིསྶནྟི, མཛྫམྤི པིཝིསྶནྟི, མཱལཱགནྡྷཝིལེཔནམྤི དྷཱརེསྶནྟི, ནཙྩིསྶནྟིཔི, གཱཡིསྶནྟིཔི, ཝཱདེསྶནྟིཔི, ལཱསེསྶནྟིཔི; ནཙྩནྟིཡཱཔི ནཙྩིསྶནྟི, ནཙྩནྟིཡཱཔི གཱཡིསྶནྟི, ནཙྩནྟིཡཱཔི ཝཱདེསྶནྟི, ནཙྩནྟིཡཱཔི ལཱསེསྶནྟི; གཱཡནྟིཡཱཔི ནཙྩིསྶནྟི ¶ ¶ , གཱཡནྟིཡཱཔི གཱཡིསྶནྟི, གཱཡནྟིཡཱཔི ཝཱདེསྶནྟི, གཱཡནྟིཡཱཔི ལཱསེསྶནྟི; ཝཱདེནྟིཡཱཔི ནཙྩིསྶནྟི, ཝཱདེནྟིཡཱཔི གཱཡིསྶནྟི, ཝཱདེནྟིཡཱཔི ཝཱདེསྶནྟི, ཝཱདེནྟིཡཱཔི ལཱསེསྶནྟི; ལཱསེནྟིཡཱཔི ནཙྩིསྶནྟི, ལཱསེནྟིཡཱཔི གཱཡིསྶནྟི, ལཱསེནྟིཡཱཔི ཝཱདེསྶནྟི; ལཱསེནྟིཡཱཔི ལཱསེསྶནྟི; ཨཊྛཔདེཔི ཀཱིལི༹སྶནྟི, དསཔདེཔི ཀཱིལི༹སྶནྟི, ཨཱཀཱསེཔི ཀཱིལི༹སྶནྟི, པརིཧཱརཔཐེཔི ཀཱིལི༹སྶནྟི, སནྟིཀཱཡཔི ཀཱིལི༹སྶནྟི, ཁལིཀཱཡཔི ཀཱིལི༹སྶནྟི, གྷཊིཀཱཡཔི ཀཱིལི༹སྶནྟི, སལཱཀཧཏྠེནཔི ཀཱིལི༹སྶནྟི, ཨཀྑེནཔི ཀཱིལི༹སྶནྟི, པངྒཙཱིརེནཔི ཀཱིལི༹སྶནྟི, ཝངྐཀེནཔི ཀཱིལི༹སྶནྟི མོཀྑཙིཀཱཡཔི ཀཱིལི༹སྶནྟི, ཙིངྒུལཀེནཔི ཀཱིལི༹སྶནྟི, པཏྟཱལ༹ྷཀེནཔི ཀཱིལི༹སྶནྟི, རཐཀེནཔི ཀཱིལི༹སྶནྟི, དྷནུཀེནཔི ཀཱིལི༹སྶནྟི, ཨཀྑརིཀཱཡཔི ཀཱིལི༹སྶནྟི, མནེསིཀཱཡཔི ཀཱིལི༹སྶནྟི, ཡཐཱཝཛྫེནཔི ཀཱིལི༹སྶནྟི; ཧཏྠིསྨིམྤི སིཀྑིསྶནྟི, ཨསྶསྨིམྤི སིཀྑིསྶནྟི, རཐསྨིམྤི སིཀྑིསྶནྟི, དྷནུསྨིམྤི སིཀྑིསྶནྟི, ཐརུསྨིམྤི སིཀྑིསྶནྟི; ཧཏྠིསྶཔི པུརཏོ དྷཱཝིསྶནྟི ¶ , ཨསྶསྶཔི པུརཏོ དྷཱཝིསྶནྟི, རཐསྶཔི པུརཏོ [པུརཏོ དྷཱཝིསྶནྟི (སྱཱ.)] དྷཱཝིསྶནྟིཔི ཨཱདྷཱཝིསྶནྟིཔི; ཨུསྶེལེ༹སྶནྟིཔི, ཨཔྥོཊེསྶནྟིཔི, ནིབྦུཛ྄ཛྷིསྶནྟིཔི, མུཊྛཱིཧིཔི ཡུཛ྄ཛྷིསྶནྟི; རངྒམཛ྄ཛྷེཔི སངྒྷཱཊིཾ པཏྠརིཏྭཱ ནཙྩཀིཾ ཨེཝཾ ཝཀྑནྟི [ཝདིསྶནྟི (ཀ.)] – ‘ཨིདྷ, བྷགིནི, ནཙྩསྶཱུ’ཏི; ནལཱཊིཀམྤི དསྶནྟི; ཝིཝིདྷམྤི ཨནཱཙཱརཾ ཨཱཙརིསྶནྟི. ནེཏཾ ¶ , བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ སཱརིཔུཏྟམོགྒལླཱནེ ཨཱམནྟེསི – ‘‘གཙྪཐ ཏུམྷེ, སཱརིཔུཏྟཱ, ཀཱིཊཱགིརིཾ གནྟྭཱ ཨསྶཛིཔུནབྦསུཀཱནཾ བྷིཀྑཱུནཾ ཀཱིཊཱགིརིསྨཱ པབྦཱཛནཱིཡཀམྨཾ ཀརོཐ, ཏུམྷཱཀཾ ཨེཏེ སདྡྷིཝིཧཱརིནོ’’ཏི.

‘‘ཀཐཾ མཡཾ, བྷནྟེ, ཨསྶཛིཔུནབྦསུཀཱནཾ བྷིཀྑཱུནཾ ཀཱིཊཱགིརིསྨཱ པབྦཱཛནཱིཡཀམྨཾ ཀརོམ, ཙཎྜཱ ཏེ བྷིཀྑཱུ ཕརུསཱ’’ཏི? ‘‘ཏེན ཧི ཏུམྷེ, སཱརིཔུཏྟཱ, བཧུཀེཧི བྷིཀྑཱུཧི སདྡྷིཾ གཙྪཐཱ’’ཏི. ‘‘ཨེཝཾ, བྷནྟེ’’ཏི ཁོ སཱརིཔུཏྟམོགྒལླཱནཱ བྷགཝཏོ པཙྩསྶོསུཾ. ཨེཝཉྩ པན, བྷིཀྑཝེ, ཀཱཏབྦཾ – པཋམཾ ཨསྶཛིཔུནབྦསུཀཱ བྷིཀྑཱུ ¶ ཙོདེཏབྦཱ, ཙོདེཏྭཱ སཱརེཏབྦཱ, སཱརེཏྭཱ ཨཱཔཏྟིཾ ཨཱརོཔེཏབྦཱ, ཨཱཔཏྟིཾ ཨཱརོཔེཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༢༤. ‘‘སུཎཱཏུ མེ, བྷནྟེ, སངྒྷོ. ཨིམེ ཨསྶཛིཔུནབྦསུཀཱ བྷིཀྑཱུ ཀུལདཱུསཀཱ པཱཔསམཱཙཱརཱ. ཨིམེསཾ པཱཔཀཱ སམཱཙཱརཱ དིསྶནྟི ཙེཝ སུཡྻནྟི ཙ. ཀུལཱནི ཙ ཨིམེཧི དུཊྛཱནི དིསྶནྟི ཙེཝ སུཡྻནྟི ཙ. ཡདི སངྒྷསྶ པཏྟཀལླཾ, སངྒྷོ ཨསྶཛིཔུནབྦསུཀཱནཾ བྷིཀྑཱུནཾ ¶ ཀཱིཊཱགིརིསྨཱ པབྦཱཛནཱིཡཀམྨཾ ཀརེཡྻ – ན ཨསྶཛིཔུནབྦསུཀེཧི བྷིཀྑཱུཧི ཀཱིཊཱགིརིསྨིཾ ཝཏྠབྦནྟི. ཨེསཱ ཉཏྟི.

‘‘སུཎཱཏུ ¶ མེ, བྷནྟེ, སངྒྷོ. ཨིམེ ཨསྶཛིཔུནབྦསུཀཱ བྷིཀྑཱུ ཀུལདཱུསཀཱ པཱཔསམཱཙཱརཱ. ཨིམེསཾ པཱཔཀཱ སམཱཙཱརཱ དིསྶནྟི ཙེཝ སུཡྻནྟི ཙ. ཀུལཱནི ཙ ཨིམེཧི དུཊྛཱནི དིསྶནྟི ཙེཝ སུཡྻནྟི ཙ. སངྒྷོ ཨསྶཛིཔུནབྦསུཀཱནཾ བྷིཀྑཱུནཾ ཀཱིཊཱགིརིསྨཱ པབྦཱཛནཱིཡཀམྨཾ ཀརོཏི – ན ཨསྶཛིཔུནབྦསུཀེཧི བྷིཀྑཱུཧི ཀཱིཊཱགིརིསྨིཾ ཝཏྠབྦནྟི. ཡསྶཱཡསྨཏོ ཁམཏི ཨསྶཛིཔུནབྦསུཀཱནཾ བྷིཀྑཱུནཾ ཀཱིཊཱགིརིསྨཱ པབྦཱཛནཱིཡསྶ ཀམྨསྶ ཀརཎཾ – ན ཨསྶཛིཔུནབྦསུཀེཧི བྷིཀྑཱུཧི ཀཱིཊཱགིརིསྨིཾ ཝཏྠབྦནྟི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ¶ ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི. སུཎཱཏུ མེ, བྷནྟེ, སངྒྷོ. ཨིམེ ཨསྶཛིཔུནབྦསུཀཱ བྷིཀྑཱུ ཀུལདཱུསཀཱ པཱཔསམཱཙཱརཱ. ཨིམེསཾ པཱཔཀཱ སམཱཙཱརཱ དིསྶནྟི ཙེཝ སུཡྻནྟི ཙ. ཀུལཱནི ཙ ཨིམེཧི དུཊྛཱནི དིསྶནྟི ཙེཝ སུཡྻནྟི ཙ. སངྒྷོ ཨསྶཛིཔུནབྦསུཀཱནཾ ¶ བྷིཀྑཱུནཾ ཀཱིཊཱགིརིསྨཱ པབྦཱཛནཱིཡཀམྨཾ ཀརོཏི – ན ཨསྶཛིཔུནབྦསུཀེཧི བྷིཀྑཱུཧི ཀཱིཊཱགིརིསྨིཾ ཝཏྠབྦནྟི. ཡསྶཱཡསྨཏོ ཁམཏི ཨསྶཛིཔུནབྦསུཀཱནཾ བྷིཀྑཱུནཾ ཀཱིཊཱགིརིསྨཱ པབྦཱཛནཱིཡསྶ ཀམྨསྶ ཀརཎཾ – ན ཨསྶཛིཔུནབྦསུཀེཧི བྷིཀྑཱུཧི ཀཱིཊཱགིརིསྨིཾ ཝཏྠབྦནྟི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཀཏཾ སངྒྷེན ཨསྶཛིཔུནབྦསུཀཱནཾ བྷིཀྑཱུནཾ ཀཱིཊཱགིརིསྨཱ པབྦཱཛནཱིཡཀམྨཾ – ན ཨསྶཛིཔུནབྦསུཀེཧི བྷིཀྑཱུཧི ཀཱིཊཱགིརིསྨིཾ ཝཏྠབྦནྟི. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨདྷམྨཀམྨདྭཱདསཀཾ

༢༥. ‘‘ཏཱིཧི, བྷིཀྑཝེ, ཨངྒེཧི སམནྣཱགཏཾ པབྦཱཛནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨསམྨུཁཱ ཀཏཾ ཧོཏི, ཨཔྤཊིཔུཙྪཱ ཀཏཾ ཧོཏི, ཨཔྤཊིཉྙཱཡ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ པབྦཱཛནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི ¶ , བྷིཀྑཝེ, ཏཱིཧངྒེཧི སམནྣཱགཏཾ པབྦཱཛནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨནཱཔཏྟིཡཱ ཀཏཾ ཧོཏི, ཨདེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, དེསིཏཱཡ ཨཱཔཏྟིཡཱ ཀཏཾ ཧོཏི…པེ… ¶ ཨཙོདེཏྭཱ ཀཏཾ ཧོཏི, ཨསཱརེཏྭཱ ཀཏཾ ཧོཏི, ཨཱཔཏྟིཾ ཨནཱརོཔེཏྭཱ ཀཏཾ ཧོཏི…པེ… ཨསམྨུཁཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཔྤཊིཔུཙྪཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཔྤཊིཉྙཱཡ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨནཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨདེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… དེསིཏཱཡ ཨཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཙོདེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི ¶ …པེ… ཨསཱརེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཱཔཏྟིཾ ཨནཱརོཔེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ པབྦཱཛནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

ཨདྷམྨཀམྨདྭཱདསཀཾ ནིཊྛིཏཾ.

དྷམྨཀམྨདྭཱདསཀཾ

༢༦. ‘‘ཏཱིཧི, བྷིཀྑཝེ, ཨངྒེཧི སམནྣཱགཏཾ པབྦཱཛནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. སམྨུཁཱ ཀཏཾ ཧོཏི, པཊིཔུཙྪཱ ¶ ཀཏཾ ཧོཏི, པཊིཉྙཱཡ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ པབྦཱཛནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ པབྦཱཛནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. ཨཱཔཏྟིཡཱ ཀཏཾ ཧོཏི དེསནཱགཱམིནིཡཱ ཨཱཔཏྟིཡཱ ཀཏཾ ཧོཏི ཨདེསིཏཱཡ ཨཱཔཏྟིཡཱ ཀཏཾ ཧོཏི…པེ… ཙོདེཏྭཱ ཀཏཾ ཧོཏི, སཱརེཏྭཱ ཀཏཾ ཧོཏི, ཨཱཔཏྟིཾ ཨཱརོཔེཏྭཱ ཀཏཾ ཧོཏི…པེ… སམྨུཁཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… པཊིཔུཙྪཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… པཊིཉྙཱཡ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ¶ ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… དེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ཨདེསིཏཱཡ ཨཱཔཏྟིཡཱ ཀཏཾ ཧོཏི, དྷམྨེན ¶ ཀཏཾ ཧོཏི, སམགྒེན ཀཏཾ ཧོཏི…པེ… ཙོདེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… སཱརེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ¶ ཨཱཔཏྟིཾ ཨཱརོཔེཏྭཱ ཀཏཾ ཧོཏི, དྷམྨེན ཀཏཾ ¶ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ པབྦཱཛནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

དྷམྨཀམྨདྭཱདསཀཾ ནིཊྛིཏཾ.

ཨཱཀངྑམཱནཙུདྡསཀཾ

༢༧. [པརི. ༣༢༣] ‘‘ཏཱིཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ. བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ; བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ; གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ. ཨདྷིསཱིལེ སཱིལཝིཔནྣོ ཧོཏི, ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨཏིདིཊྛིཡཱ དིཊྛིཝིཔནྣོ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ. བུདྡྷསྶ ཨཝཎྞཾ བྷཱསཏི, དྷམྨསྶ ཨཝཎྞཾ བྷཱསཏི, སངྒྷསྶ ཨཝཎྞཾ བྷཱསཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ.

‘‘ཨཔརེཧིཔི ¶ , བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ. ཀཱཡིཀེན དཝེན སམནྣཱགཏོ ཧོཏི, ཝཱཙསིཀེན དཝེན སམནྣཱགཏོ ཧོཏི, ཀཱཡིཀཝཱཙསིཀེན དཝེན སམནྣཱགཏོ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ.

‘‘ཨཔརེཧིཔི ¶ ¶ , བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ. ཀཱཡིཀེན ཨནཱཙཱརེན སམནྣཱགཏོ ཧོཏི, ཝཱཙསིཀེན ཨནཱཙཱརེན སམནྣཱགཏོ ཧོཏི, ཀཱཡིཀཝཱཙསིཀེན ཨནཱཙཱརེན སམནྣཱགཏོ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ. ཀཱཡིཀེན ཨུཔགྷཱཏིཀེན སམནྣཱགཏོ ཧོཏི, ཝཱཙསིཀེན ཨུཔགྷཱཏིཀེན སམནྣཱགཏོ ཧོཏི, ཀཱཡིཀཝཱཙསིཀེན ཨུཔགྷཱཏིཀེན སམནྣཱགཏོ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ. ཀཱཡིཀེན མིཙྪཱཛཱིཝེན སམནྣཱགཏོ ཧོཏི, ཝཱཙསིཀེན མིཙྪཱཛཱིཝེན སམནྣཱགཏོ ཧོཏི, ཀཱཡིཀཝཱཙསིཀེན ¶ མིཙྪཱཛཱིཝེན སམནྣཱགཏོ ཧོཏི – ཨིམེཧི, ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ.

‘‘ཏིཎྞཾ, བྷིཀྑཝེ, བྷིཀྑཱུནཾ ¶ , ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ. ཨེཀོ བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ; ཨེཀོ བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ; ཨེཀོ གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ.

‘‘ཨཔརེསམྤི, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ. ཨེཀོ ཨདྷིསཱིལེ སཱིལཝིཔནྣོ ཧོཏི, ཨེཀོ ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨེཀོ ཨཏིདིཊྛིཡཱ དིཊྛིཝིཔནྣོ ཧོཏི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ.

‘‘ཨཔརེསམྤི ¶ , བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ. ཨེཀོ བུདྡྷསྶ ཨཝཎྞཾ བྷཱསཏི, ཨེཀོ དྷམྨསྶ ཨཝཎྞཾ བྷཱསཏི, ཨེཀོ སངྒྷསྶ ཨཝཎྞཾ ¶ བྷཱསཏི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ.

‘‘ཨཔརེསམྤི, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ¶ ཀརེཡྻ. ཨེཀོ ཀཱཡིཀེན དཝེན སམནྣཱགཏོ ཧོཏི, ཨེཀོ ཝཱཙསིཀེན དཝེན སམནྣཱགཏོ ཧོཏི, ཨེཀོ ཀཱཡིཀཝཱཙསིཀེན དཝེན སམནྣཱགཏོ ཧོཏི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ.

‘‘ཨཔརེསམྤི, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ. ཨེཀོ ཀཱཡིཀེན ཨནཱཙཱརེན སམནྣཱགཏོ ཧོཏི, ཨེཀོ ཝཱཙསིཀེན ཨནཱཙཱརེན སམནྣཱགཏོ ཧོཏི, ཨེཀོ ཀཱཡིཀཝཱཙསིཀེན ཨནཱཙཱརེན སམནྣཱགཏོ ཧོཏི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ.

‘‘ཨཔརེསམྤི, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ. ཨེཀོ ཀཱཡིཀེན ཨུཔགྷཱཏིཀེན སམནྣཱགཏོ ཧོཏི, ཨེཀོ ཝཱཙསིཀེན ཨུཔགྷཱཏིཀེན སམནྣཱགཏོ ཧོཏི, ཨེཀོ ཀཱཡིཀཝཱཙསིཀེན ཨུཔགྷཱཏིཀེན སམནྣཱགཏོ ཧོཏི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ.

‘‘ཨཔརེསམྤི, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ. ཨེཀོ ཀཱཡིཀེན མིཙྪཱཛཱིཝེན སམནྣཱགཏོ ཧོཏི, ཨེཀོ ཝཱཙསིཀེན མིཙྪཱཛཱིཝེན སམནྣཱགཏོ ཧོཏི, ཨེཀོ ཀཱཡིཀཝཱཙསིཀེན མིཙྪཱཛཱིཝེན སམནྣཱགཏོ ཧོཏི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, པབྦཱཛནཱིཡཀམྨཾ ཀརེཡྻ.

ཨཱཀངྑམཱནཙུདྡསཀཾ ནིཊྛིཏཾ.

ཨཊྛཱརསཝཏྟཾ

༢༨. ‘‘པབྦཱཛནཱིཡཀམྨཀཏེན ¶ ¶ , བྷིཀྑཝེ, བྷིཀྑུནཱ སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ – ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ, ན བྷིཀྑུནོཝཱདཀསམྨུཏི སཱདིཏབྦཱ, སམྨཏེནཔི བྷིཀྑུནིཡོ ན ཨོཝདིཏབྦཱ. ཡཱཡ ཨཱཔཏྟིཡཱ སངྒྷེན པབྦཱཛནཱིཡཀམྨཾ ཀཏཾ ཧོཏི སཱ ཨཱཔཏྟི ན ཨཱཔཛྫིཏབྦཱ, ཨཉྙཱ ཝཱ ཏཱདིསིཀཱ ¶ , ཏཏོ ཝཱ པཱཔིཊྛཏརཱ; ཀམྨཾ ན གརཧིཏབྦཾ, ཀམྨིཀཱ ན གརཧིཏབྦཱ. ན པཀཏཏྟསྶ བྷིཀྑུནོ ཨུཔོསཐོ ཋཔེཏབྦོ, ན པཝཱརཎཱ ཋཔེཏབྦཱ, ན སཝཙནཱིཡཾ ཀཱཏབྦཾ, ན ཨནུཝཱདོ པཊྛཔེཏབྦོ, ན ཨོཀཱསོ ཀཱརེཏབྦོ, ན ཙོདེཏབྦོ, ན སཱརེཏབྦོ, ན བྷིཀྑཱུཧི སམྤཡོཛེཏབྦ’’ནྟི.

པབྦཱཛནཱིཡཀམྨེ ཨཊྛཱརསཝཏྟཾ ནིཊྛིཏཾ.

༢༩. ཨཐ ཁོ སཱརིཔུཏྟམོགྒལླཱནཔྤམུཁོ བྷིཀྑུསངྒྷོ ཀཱིཊཱགིརིཾ གནྟྭཱ ཨསྶཛིཔུནབྦསུཀཱནཾ བྷིཀྑཱུནཾ ཀཱིཊཱགིརིསྨཱ པབྦཱཛནཱིཡཀམྨཾ ཨཀཱསི – ན ཨསྶཛིཔུནབྦསུཀེཧི བྷིཀྑཱུཧི ཀཱིཊཱགིརིསྨིཾ ཝཏྠབྦནྟི. ཏེ སངྒྷེན པབྦཱཛནཱིཡཀམྨཀཏཱ ན སམྨཱ ཝཏྟནྟི, ན ལོམཾ པཱཏེནྟི, ན ནེཏྠཱརཾ ཝཏྟནྟི; ན བྷིཀྑཱུ ཁམཱཔེནྟི, ཨཀྐོསནྟི, པརིབྷཱསནྟི; ཚནྡགཱམིཏཱ དོསགཱམིཏཱ མོཧགཱམིཏཱ བྷཡགཱམིཏཱ པཱཔེནྟི; པཀྐམནྟིཔི, ཝིབྦྷམནྟིཔི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨསྶཛིཔུནབྦསུཀཱ བྷིཀྑཱུ སངྒྷེན པབྦཱཛནཱིཡཀམྨཀཏཱ ན སམྨཱ ཝཏྟིསྶནྟི, ན ལོམཾ པཱཏེསྶནྟི, ན ¶ ནེཏྠཱརཾ ཝཏྟིསྶནྟི; ན བྷིཀྑཱུ ཁམཱཔེསྶནྟི, ཨཀྐོསིསྶནྟི, པརིབྷཱསིསྶནྟི; ཚནྡགཱམིཏཱ དོསགཱམིཏཱ མོཧགཱམིཏཱ བྷཡགཱམིཏཱ པཱཔེསྶནྟི; པཀྐམིསྶནྟིཔི, ཝིབྦྷམིསྶནྟིཔཱི’’ཏི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ.

ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, ཨསྶཛིཔུནབྦསུཀཱ བྷིཀྑཱུ སངྒྷེན པབྦཱཛནཱིཡཀམྨཀཏཱ ན སམྨཱ ཝཏྟནྟི, ན ལོམཾ པཱཏེནྟི, ན ནེཏྠཱརཾ ཝཏྟནྟི; ན བྷིཀྑཱུ ཁམཱཔེནྟི, ཨཀྐོསནྟི, པརིབྷཱསནྟི; ཚནྡགཱམིཏཱ དོསགཱམིཏཱ མོཧགཱམིཏཱ བྷཡགཱམིཏཱ པཱཔེནྟི; པཀྐམནྟིཔི, ཝིབྦྷམནྟིཔཱི’’ཏི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ ¶ …པེ… ཀཐཉྷི ནཱམ ཏེ, བྷིཀྑཝེ, མོགྷཔུརིསཱ སངྒྷེན པབྦཱཛནཱིཡཀམྨཀཏཱ ན སམྨཱ ཝཏྟིསྶནྟི, ན ལོམཾ པཱཏེསྶནྟི, ན ནེཏྠཱརཾ ཝཏྟིསྶནྟི; ན བྷིཀྑཱུ ཁམཱཔེསྶནྟི, ཨཀྐོསིསྶནྟི, པརིབྷཱསིསྶནྟི; ཚནྡགཱམིཏཱ དོསགཱམིཏཱ མོཧགཱམིཏཱ བྷཡགཱམིཏཱ པཱཔེསྶནྟི; པཀྐམིསྶནྟིཔི, ཝིབྦྷམིསྶནྟིཔི. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, སངྒྷོ པབྦཱཛནཱིཡཀམྨཾ པཊིཔྤསྶམྦྷེཏུ.

ནཔྤཊིཔྤསྶམྦྷེཏབྦཨཊྛཱརསཀཾ

༣༠. ‘‘པཉྩཧི ¶ , བྷིཀྑཝེ, ཨངྒེཧི སམནྣཱགཏསྶ བྷིཀྑུནོ ¶ པབྦཱཛནཱིཡཀམྨཾ ནཔྤཊིཔྤསྶམྦྷེཏབྦཾ. ཨུཔསམྤཱདེཏི, ནིསྶཡཾ དེཏི, སཱམཎེརཾ ¶ ཨུཔཊྛཱཔེཏི, བྷིཀྑུནོཝཱདཀསམྨུཏིཾ སཱདིཡཏི, སམྨཏོཔི བྷིཀྑུནིཡོ ཨོཝདཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ པབྦཱཛནཱིཡཀམྨཾ ནཔྤཊིཔྤསྶམྦྷེཏབྦཾ.

[པརི. ༤༢༠] ‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ པབྦཱཛནཱིཡཀམྨཾ ནཔྤཊིཔྤསྶམྦྷེཏབྦཾ. ཡཱཡ ཨཱཔཏྟིཡཱ སངྒྷེན པབྦཱཛནཱིཡཀམྨཾ ཀཏཾ ཧོཏི ཏཾ ཨཱཔཏྟིཾ ཨཱཔཛྫཏི, ཨཉྙཾ ཝཱ ཏཱདིསིཀཾ, ཏཏོ ཝཱ པཱཔིཊྛཏརཾ; ཀམྨཾ གརཧཏི, ཀམྨིཀེ གརཧཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ པབྦཱཛནཱིཡཀམྨཾ ནཔྤཊིཔྤསྶམྦྷེཏབྦཾ.

‘‘ཨཊྛཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ པབྦཱཛནཱིཡཀམྨཾ ནཔྤཊིཔྤསྶམྦྷེཏབྦཾ. པཀཏཏྟསྶ བྷིཀྑུནོ ཨུཔོསཐཾ ཋཔེཏི, པཝཱརཎཾ ཋཔེཏི, སཝཙནཱིཡཾ ཀརོཏི, ཨནུཝཱདཾ པཊྛཔེཏི, ཨོཀཱསཾ ཀཱརེཏི, ཙོདེཏི, སཱརེཏི, བྷིཀྑཱུཧི སམྤཡོཛེཏི – ཨིམེཧི ཁོ, བྷིཀྑཝེ, ཨཊྛཧངྒེཧི སམནྣཱགཏསྶ བྷིཀྑུནོ པབྦཱཛནཱིཡཀམྨཾ ནཔྤཊིཔྤསྶམྦྷེཏབྦཾ.

པབྦཱཛནཱིཡཀམྨེ ནཔྤཊིཔྤསྶམྦྷེཏབྦཨཊྛཱརསཀཾ ནིཊྛིཏཾ.

པཊིཔྤསྶམྦྷེཏབྦཨཊྛཱརསཀཾ

༣༡. ‘‘པཉྩཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ པབྦཱཛནཱིཡཀམྨཾ པཊིཔྤསྶམྦྷེཏབྦཾ. ན ཨུཔསམྤཱདེཏི, ན ནིསྶཡཾ དེཏི, ན སཱམཎེརཾ ཨུཔཊྛཱཔེཏི ¶ , ན བྷིཀྑུནོཝཱདཀསམྨུཏིཾ སཱདིཡཏི, སམྨཏོཔི བྷིཀྑུནིཡོ ན ཨོཝདཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ ¶ བྷིཀྑུནོ པབྦཱཛནཱིཡཀམྨཾ པཊིཔྤསྶམྦྷེཏབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ པབྦཱཛནཱིཡཀམྨཾ པཊིཔྤསྶམྦྷེཏབྦཾ. ཡཱཡ ཨཱཔཏྟིཡཱ སངྒྷེན པབྦཱཛནཱིཡཀམྨཾ ཀཏཾ ཧོཏི ཏཾ ཨཱཔཏྟིཾ ན ཨཱཔཛྫཏི, ཨཉྙཾ ཝཱ ཏཱདིསིཀཾ, ཏཏོ ཝཱ པཱཔིཊྛཏརཾ; ཀམྨཾ ན གརཧཏི, ཀམྨིཀེ ན གརཧཏི ¶ – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ པབྦཱཛནཱིཡཀམྨཾ པཊིཔྤསྶམྦྷེཏབྦཾ.

‘‘ཨཊྛཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ པབྦཱཛནཱིཡཀམྨཾ པཊིཔྤསྶམྦྷེཏབྦཾ. ན པཀཏཏྟསྶ བྷིཀྑུནོ ཨུཔོསཐཾ ཋཔེཏི, ན པཝཱརཎཾ ཋཔེཏི, ན སཝཙནཱིཡཾ ཀརོཏི, ན ཨནུཝཱདཾ པཊྛཔེཏི, ན ཨོཀཱསཾ ཀཱརེཏི, ན ཙོདེཏི, ན སཱརེཏི, ན བྷིཀྑཱུཧི སམྤཡོཛེཏི – ཨིམེཧི ཁོ, བྷིཀྑཝེ, ཨཊྛཧངྒེཧི སམནྣཱགཏསྶ བྷིཀྑུནོ པབྦཱཛནཱིཡཀམྨཾ པཊིཔྤསྶམྦྷེཏབྦཾ.

པབྦཱཛནཱིཡཀམྨེ པཊིཔྤསྶམྦྷེཏབྦཨཊྛཱརསཀཾ ནིཊྛིཏཾ.

༣༢. ‘‘ཨེཝཉྩ པན, བྷིཀྑཝེ, པཊིཔྤསྶམྦྷེཏབྦཾ. ཏེན, བྷིཀྑཝེ, པབྦཱཛནཱིཡཀམྨཀཏེན བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘ཨཧཾ, བྷནྟེ, སངྒྷེན པབྦཱཛནཱིཡཀམྨཀཏོ སམྨཱ ཝཏྟཱམི, ལོམཾ པཱཏེམི, ནེཏྠཱརཾ ཝཏྟཱམི, པབྦཱཛནཱིཡསྶ ཀམྨསྶ པཊིཔྤསྶདྡྷིཾ ཡཱཙཱམཱི’ཏི. དུཏིཡམྤི ¶ ཡཱཙིཏབྦཱ. ཏཏིཡམྤི ཡཱཙིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སངྒྷེན པབྦཱཛནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པབྦཱཛནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམསྶ བྷིཀྑུནོ པབྦཱཛནཱིཡཀམྨཾ པཊིཔྤསྶམྦྷེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སངྒྷེན པབྦཱཛནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པབྦཱཛནཱིཡསྶ ¶ ཀམྨསྶ པཊིཔྤསྶདྡྷིཾ ཡཱཙཏི. སངྒྷོ ཨིཏྠནྣཱམསྶ བྷིཀྑུནོ པབྦཱཛནཱིཡཀམྨཾ པཊིཔྤསྶམྦྷེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ པབྦཱཛནཱིཡསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི. སུཎཱཏུ མེ, བྷནྟེ, སངྒྷོ ¶ . ཨཡཾ ཨིཏྠནྣཱམོ བྷིཀྑུ སངྒྷེན པབྦཱཛནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པབྦཱཛནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. སངྒྷོ ཨིཏྠནྣཱམསྶ བྷིཀྑུནོ པབྦཱཛནཱིཡཀམྨཾ པཊིཔྤསྶམྦྷེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ པབྦཱཛནཱིཡསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘པཊིཔྤསྶདྡྷཾ སངྒྷེན ཨིཏྠནྣཱམསྶ བྷིཀྑུནོ པབྦཱཛནཱིཡཀམྨཾ. ཁམཏི སངྒྷསྶ, ཏསྨཱ

ཏུཎྷཱི, ཨེཝམེཏཾ དྷཱརཡཱམཱི’’ཏི.

པབྦཱཛནཱིཡཀམྨཾ ནིཊྛིཏཾ ཏཏིཡཾ.

༤. པཊིསཱརཎཱིཡཀམྨཾ

༣༣. ཏེན ¶ ཁོ པན སམཡེན ཨཱཡསྨཱ སུདྷམྨོ མཙྪིཀཱསཎྜེ ཙིཏྟསྶ གཧཔཏིནོ ཨཱཝཱསིཀོ ཧོཏི, ནཝཀམྨིཀོ དྷུཝབྷཏྟིཀོ. ཡདཱ ཙིཏྟོ གཧཔཏི སངྒྷཾ ཝཱ གཎཾ ཝཱ པུགྒལཾ ཝཱ ནིམནྟེཏུཀཱམོ ཧོཏི ཏདཱ ན ཨཱཡསྨནྟཾ སུདྷམྨཾ ཨནཔལོཀེཏྭཱ སངྒྷཾ ཝཱ གཎཾ ཝཱ པུགྒལཾ ཝཱ ནིམནྟེཏི.

ཏེན ཁོ པན སམཡེན སམྦཧུལཱ ཐེརཱ བྷིཀྑཱུ, ཨཱཡསྨཱ ཙ སཱརིཔུཏྟོ, ཨཱཡསྨཱ ཙ མཧཱམོགྒལླཱནོ, ཨཱཡསྨཱ ཙ མཧཱཀཙྩཱནོ, ཨཱཡསྨཱ ཙ མཧཱཀོཊྛིཀོ ¶ , ཨཱཡསྨཱ ཙ མཧཱཀཔྤིནོ, ཨཱཡསྨཱ ཙ མཧཱཙུནྡོ, ཨཱཡསྨཱ ཙ ཨནུརུདྡྷོ, ཨཱཡསྨཱ ཙ རེཝཏོ, ཨཱཡསྨཱ ཙ ཨུཔཱལི, ཨཱཡསྨཱ ཙ ཨཱནནྡོ, ཨཱཡསྨཱ ཙ རཱཧུལོ, ཀཱསཱིསུ ཙཱརིཀཾ ཙརམཱནཱ ཡེན མཙྪིཀཱསཎྜོ ཏདཝསརུཾ.

ཨསྶོསི ཁོ ཙིཏྟོ གཧཔཏི ཐེརཱ ཀིར བྷིཀྑཱུ མཙྪིཀཱསཎྜཾ ཨནུཔྤཏྟཱཏི. ཨཐ ཁོ ཙིཏྟོ གཧཔཏི ཡེན ཐེརཱ བྷིཀྑཱུ ཏེནུཔསངྐམི ¶ , ཨུཔསངྐམིཏྭཱ ཐེརེ བྷིཀྑཱུ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཙིཏྟཾ གཧཔཏིཾ ཨཱཡསྨཱ སཱརིཔུཏྟོ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི.

ཨཐ ཁོ ཙིཏྟོ གཧཔཏི ཨཱཡསྨཏཱ སཱརིཔུཏྟེན དྷམྨིཡཱ ཀཐཱཡ སནྡསྶིཏོ སམཱདཔིཏོ སམུཏྟེཛིཏོ སམྤཧཾསིཏོ ཐེརེ བྷིཀྑཱུ ཨེཏདཝོཙ ¶ – ‘‘ཨདྷིཝཱསེནྟུ མེ, བྷནྟེ, ཐེརཱ སྭཱཏནཱཡ ཨཱགནྟུཀབྷཏྟ’’ནྟི. ཨདྷིཝཱསེསུཾ ཁོ ཐེརཱ བྷིཀྑཱུ [ཨདྷིཝཱསེསུཾ ཁོ ཏེ ཐེརཱ བྷིཀྑཱུ (སྱཱ.)] ཏུཎྷཱིབྷཱཝེན.

ཨཐ ¶ ཁོ ཙིཏྟོ གཧཔཏི ཐེརཱནཾ བྷིཀྑཱུནཾ ཨདྷིཝཱསནཾ ཝིདིཏྭཱ ཨུཊྛཱཡཱསནཱ ཐེརེ བྷིཀྑཱུ ཨབྷིཝཱདེཏྭཱ པདཀྑིཎཾ ཀཏྭཱ ཡེནཱཡསྨཱ སུདྷམྨོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ སུདྷམྨཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏོ ཁོ ཙིཏྟོ གཧཔཏི ཨཱཡསྨནྟཾ སུདྷམྨཾ ཨེཏདཝོཙ – ‘‘ཨདྷིཝཱསེཏུ མེ, བྷནྟེ, ཨཡྻོ སུདྷམྨོ སྭཱཏནཱཡ བྷཏྟཾ སདྡྷིཾ ཐེརེཧཱི’’ཏི. ཨཐ ཁོ ཨཱཡསྨཱ སུདྷམྨོ ‘པུབྦེ ཁྭཱཡཾ ཙིཏྟོ གཧཔཏི ཡདཱ སངྒྷཾ ཝཱ གཎཾ ཝཱ པུགྒལཾ ཝཱ ནིམནྟེཏུཀཱམོ ན མཾ ཨནཔལོཀེཏྭཱ སངྒྷཾ ཝཱ གཎཾ ཝཱ པུགྒལཾ ཝཱ ནིམནྟེཏི; སོདཱནི མཾ ཨནཔལོཀེཏྭཱ ཐེརེ བྷིཀྑཱུ ནིམནྟེསི; དུཊྛོདཱནཱཡཾ ཙིཏྟོ གཧཔཏི ཨནཔེཀྑོ ཝིརཏྟརཱུཔོ མཡཱི’ཏི ཙིཏྟཾ གཧཔཏིཾ ཨེཏདཝོཙ – ‘‘ཨལཾ, གཧཔཏི, ནཱདྷིཝཱསེམཱི’’ཏི. དུཏིཡམྤི ཁོ…པེ… ཏཏིཡམྤི ཁོ ཙིཏྟོ གཧཔཏི ཨཱཡསྨནྟཾ སུདྷམྨཾ ཨེཏདཝོཙ – ‘‘ཨདྷིཝཱསེཏུ མེ, བྷནྟེ, ཨཡྻོ སུདྷམྨོ སྭཱཏནཱཡ བྷཏྟཾ སདྡྷིཾ ཐེརེཧཱི’’ཏི. ‘‘ཨལཾ, གཧཔཏི, ནཱདྷིཝཱསེམཱི’’ཏི. ཨཐ ཁོ ཙིཏྟོ གཧཔཏི ‘ཀིཾ མེ ཀརིསྶཏི ཨཡྻོ སུདྷམྨོ ¶ ཨདྷིཝཱསེནྟོ ཝཱ ཨནདྷིཝཱསེནྟོ ཝཱ’ཏི ཨཱཡསྨནྟཾ སུདྷམྨཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི.

༣༤. ཨཐ ཁོ ཙིཏྟོ གཧཔཏི ཏསྶཱ རཏྟིཡཱ ཨཙྩཡེན ཐེརཱནཾ བྷིཀྑཱུནཾ པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེསི. ཨཐ ཁོ ཨཱཡསྨཱ སུདྷམྨོ ‘ཡཾནཱུནཱཧཾ ཙིཏྟསྶ གཧཔཏིནོ ཐེརཱནཾ བྷིཀྑཱུནཾ པཊིཡཏྟཾ ¶ པསྶེཡྻ’ནྟི པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན ཙིཏྟསྶ གཧཔཏིནོ ནིཝེསནཾ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཨཐ ཁོ ཙིཏྟོ གཧཔཏི ཡེནཱཡསྨཱ སུདྷམྨོ ཏེནུཔསངྐམི, ཨུཔསངྐམིཏྭཱ ¶ ཨཱཡསྨནྟཾ སུདྷམྨཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཙིཏྟཾ གཧཔཏིཾ ཨཱཡསྨཱ སུདྷམྨོ ཨེཏདཝོཙ – ‘‘པཧཱུཏཾ ཁོ ཏེ ཨིདཾ, གཧཔཏི, ཁཱདནཱིཡཾ བྷོཛནཱིཡཾ པཊིཡཏྟཾ; ཨེཀཱ ཙ ཁོ ཨིདྷ ནཏྠི ཡདིདཾ ཏིལསངྒུལི༹ཀཱ’’ཏི. ‘‘བཧུམྷི ཝཏ, བྷནྟེ, རཏནེ བུདྡྷཝཙནེ [བྷནྟེ བུདྡྷཝཙནེ (སྱཱ.)] ཝིཛྫམཱནེ ཨཡྻེན སུདྷམྨེན ཡདེཝ ཀིཉྩི བྷཱསིཏཾ ཡདིདཾ ཏིལསངྒུལི༹ཀཱཏི. བྷཱུཏཔུབྦཾ, བྷནྟེ, དཀྑིཎཱཔཐཀཱ ཝཱཎིཛཱ པུརཏྠིམཾ ཛནཔདཾ ཨགམཾསུ ཝཱཎིཛྫཱཡ. ཏེ ཏཏོ ཀུཀྐུཊིཾ ཨཱནེསུཾ. ཨཐ ཁོ སཱ, བྷནྟེ, ཀུཀྐུཊཱི ཀཱཀེན སདྡྷིཾ སཾཝཱསཾ ཀཔྤེསི. སཱ པོཏཀཾ ཛནེསི. ཡདཱ ཁོ སོ, བྷནྟེ, ཀུཀྐུཊཔོཏཀོ ¶ ཀཱཀཝསྶཾ ཝསྶིཏུཀཱམོ ཧོཏི, ཀཱཀཀུཀྐུཊཱིཏི ཝསྶཏི; ཡདཱ ཀུཀྐུཊིཝསྶཾ ཝསྶིཏུཀཱམོ ཧོཏི, ཀུཀྐུཊིཀཱཀཱཏི ཝསྶཏི. ཨེཝམེཝ ཁོ, བྷནྟེ, བཧུམྷི རཏནེ བུདྡྷཝཙནེ ཝིཛྫམཱནེ ཨཡྻེན སུདྷམྨེན ཡདེཝ ཀིཉྩི བྷཱསིཏཾ ཡདིདཾ ཏིལསཾགུལི༹ཀཱ’’ཏི. ‘‘ཨཀྐོསསི མཾ ཏྭཾ, གཧཔཏི, པརིབྷཱསསི མཾ ཏྭཾ, གཧཔཏི. ཨེསོ ཏེ, གཧཔཏི, ཨཱཝཱསོ, པཀྐམིསྶཱམཱི’’ཏི. ‘‘ནཱཧཾ, བྷནྟེ, ཨཡྻཾ སུདྷམྨཾ ཨཀྐོསཱམི, པརིབྷཱསཱམི ¶ [ན པརིབྷཱསཱམི (སཱི. སྱཱ.)]. ཝསཏུ, བྷནྟེ, ཨཡྻོ སུདྷམྨོ མཙྪིཀཱསཎྜེ. རམཎཱིཡཾ ཨམྦཱཊཀཝནཾ. ཨཧཾ ཨཡྻསྶ སུདྷམྨསྶ ཨུསྶུཀྐཾ ཀརིསྶཱམི, ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརཱན’’ནྟི. དུཏིཡམྤི ཁོ…པེ… ¶ ཏཏིཡམྤི ཁོ ཨཱཡསྨཱ སུདྷམྨོ ཙིཏྟཾ གཧཔཏིཾ ཨེཏདཝོཙ – ‘‘ཨཀྐོསསི མཾ ཏྭཾ, གཧཔཏི, པརིབྷཱསསི མཾ ཏྭཾ, གཧཔཏི. ཨེསོ ཏེ, གཧཔཏི, ཨཱཝཱསོ, པཀྐམིསྶཱམཱི’’ཏི. ‘‘ཀཧཾ, བྷནྟེ, ཨཡྻོ སུདྷམྨོ གམིསྶཏཱི’’ཏི? ‘‘སཱཝཏྠིཾ ཁོ ཨཧཾ, གཧཔཏི, གམིསྶཱམི བྷགཝནྟཾ དསྶནཱཡཱ’’ཏི. ‘‘ཏེན ཧི, བྷནྟེ, ཡཉྩ ཨཏྟནཱ བྷཎིཏཾ, ཡཉྩ མཡཱ བྷཎིཏཾ ཏཾ སབྦཾ བྷགཝཏོ ཨཱརོཙེཧི. ཨནཙྪརིཡཾ ཁོ པནེཏཾ, བྷནྟེ, ཡཾ ཨཡྻོ སུདྷམྨོ པུནདེཝ མཙྪིཀཱསཎྜཾ པཙྩཱགཙྪེཡྻཱ’’ཏི.

༣༥. ཨཐ ཁོ ཨཱཡསྨཱ སུདྷམྨོ སེནཱསནཾ སཾསཱམེཏྭཱ པཏྟཙཱིཝརམཱདཱཡ ཡེན སཱཝཏྠི ཏེན པཀྐཱམི. ཨནུཔུབྦེན ཡེན སཱཝཏྠི ཛེཏཝནཾ ཨནཱཐཔིཎྜིཀསྶ ཨཱརཱམོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ སུདྷམྨོ ཡཉྩ ཨཏྟནཱ བྷཎིཏཾ ¶ ཡཉྩ ཙིཏྟེན གཧཔཏིནཱ བྷཎིཏཾ ཏཾ སབྦཾ བྷགཝཏོ ཨཱརོཙེསི.

ཝིགརཧི ¶ བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིས, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏྭཾ, མོགྷཔུརིས, ཙིཏྟཾ གཧཔཏིཾ སདྡྷཾ པསནྣཾ དཱཡཀཾ ཀཱརཀཾ སངྒྷུཔཊྛཱཀཾ ཧཱིནེན ཁུཾསེསྶསི, ཧཱིནེན ཝམྦྷེསྶསི? ནེཏཾ, མོགྷཔུརིས, ཨཔྤསནྣཱནཾ ཝཱ ¶ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ཏེན ཧི, བྷིཀྑཝེ, སངྒྷོ སུདྷམྨསྶ བྷིཀྑུནོ པཊིསཱརཎཱིཡཀམྨཾ ཀརོཏུ – ཙིཏྟོ ཏེ གཧཔཏི ཁམཱཔེཏབྦོཏི. ཨེཝཉྩ པན, བྷིཀྑཝེ, ཀཱཏབྦཾ – པཋམཾ སུདྷམྨོ བྷིཀྑུ ཙོདེཏབྦོ, ཙོདེཏྭཱ སཱརེཏབྦོ, སཱརེཏྭཱ ཨཱཔཏྟིཾ ཨཱརོཔེཏབྦོ, ཨཱཔཏྟིཾ ཨཱརོཔེཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༣༦. ‘‘སུཎཱཏུ མེ, བྷནྟེ, སངྒྷོ. ཨཡཾ སུདྷམྨོ བྷིཀྑུ ཙིཏྟཾ གཧཔཏིཾ སདྡྷཾ པསནྣཾ དཱཡཀཾ ཀཱརཀཾ སངྒྷུཔཊྛཱཀཾ ཧཱིནེན ཁུཾསེཏི, ཧཱིནེན ཝམྦྷེཏི. ཡདི སངྒྷསྶ པཏྟཀལླཾ, སངྒྷོ སུདྷམྨསྶ བྷིཀྑུནོ པཊིསཱརཎཱིཡཀམྨཾ ཀརེཡྻ – ཙིཏྟོ ཏེ གཧཔཏི ཁམཱཔེཏབྦོཏི. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ སུདྷམྨོ བྷིཀྑུ ཙིཏྟཾ གཧཔཏིཾ སདྡྷཾ པསནྣཾ དཱཡཀཾ ཀཱརཀཾ ¶ སངྒྷུཔཊྛཱཀཾ ཧཱིནེན ཁུཾསེཏི, ཧཱིནེན ཝམྦྷེཏི. སངྒྷོ སུདྷམྨསྶ བྷིཀྑུནོ པཊིསཱརཎཱིཡཀམྨཾ ཀརོཏི – ཙིཏྟོ ཏེ གཧཔཏི ཁམཱཔེཏབྦོཏི. ཡསྶཱཡསྨཏོ ཁམཏི སུདྷམྨསྶ བྷིཀྑུནོ པཊིསཱརཎཱིཡསྶ ཀམྨསྶ ཀརཎཾ – ཙིཏྟོ ཏེ གཧཔཏི ཁམཱཔེཏབྦོཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ སུདྷམྨོ བྷིཀྑུ ཙིཏྟཾ གཧཔཏིཾ སདྡྷཾ པསནྣཾ དཱཡཀཾ ཀཱརཀཾ སངྒྷུཔཊྛཱཀཾ ཧཱིནེན ཁུཾསེཏི, ཧཱིནེན ཝམྦྷེཏི. སངྒྷོ སུདྷམྨསྶ བྷིཀྑུནོ པཊིསཱརཎཱིཡཀམྨཾ ཀརོཏི – ཙིཏྟོ ¶ ཏེ གཧཔཏི ཁམཱཔེཏབྦོཏི. ཡསྶཱཡསྨཏོ ཁམཏི སུདྷམྨསྶ བྷིཀྑུནོ པཊིསཱརཎཱིཡསྶ ཀམྨསྶ ཀརཎཾ – ཙིཏྟོ ཏེ གཧཔཏི ཁམཱཔེཏབྦོཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཀཏཾ སངྒྷེན སུདྷམྨསྶ བྷིཀྑུནོ པཊིསཱརཎཱིཡཀམྨཾ – ཙིཏྟོ ཏེ གཧཔཏི ཁམཱཔེཏབྦོཏི. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨདྷམྨཀམྨདྭཱདསཀཾ

༣༧. ‘‘ཏཱིཧི ¶ , བྷིཀྑཝེ, ཨངྒེཧི སམནྣཱགཏཾ པཊིསཱརཎཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨསམྨུཁཱ ཀཏཾ ཧོཏི, ཨཔྤཊིཔུཙྪཱ ཀཏཾ ཧོཏི, ཨཔྤཊིཉྙཱཡ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ པཊིསཱརཎཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ པཊིསཱརཎཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨནཱཔཏྟིཡཱ ཀཏཾ ཧོཏི, ཨདེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, དེསིཏཱཡ ཨཱཔཏྟིཡཱ ཀཏཾ ཧོཏི…པེ… ཨཙོདེཏྭཱ ཀཏཾ ཧོཏི, ཨསཱརེཏྭཱ ཀཏཾ ཧོཏི, ཨཱཔཏྟིཾ ཨནཱརོཔེཏྭཱ ཀཏཾ ཧོཏི…པེ… ¶ ཨསམྨུཁཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཔྤཊིཔུཙྪཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཔྤཊིཉྙཱཡ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨནཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ¶ ཨདེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… དེསིཏཱཡ ཨཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཙོདེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨསཱརེཏྭཱ ཀཏཾ ཧོཏི ¶ , ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཱཔཏྟིཾ ཨནཱརོཔེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ¶ པཊིསཱརཎཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

པཊིསཱརཎཱིཡཀམྨེ ཨདྷམྨཀམྨདྭཱདསཀཾ ནིཊྛིཏཾ.

དྷམྨཀམྨདྭཱདསཀཾ

༣༨. ‘‘ཏཱིཧི, བྷིཀྑཝེ, ཨངྒེཧི སམནྣཱགཏཾ པཊིསཱརཎཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. སམྨུཁཱ ཀཏཾ ཧོཏི, པཊིཔུཙྪཱ ཀཏཾ ཧོཏི, པཊིཉྙཱཡ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ པཊིསཱརཎཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི ¶ , བྷིཀྑཝེ, ཏཱིཧངྒེཧི སམནྣཱགཏཾ པཊིསཱརཎཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. ཨཱཔཏྟིཡཱ ཀཏཾ ཧོཏི, དེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, ཨདེསིཏཱཡ ཨཱཔཏྟིཡཱ ཀཏཾ ཧོཏི…པེ… ཙོདེཏྭཱ ཀཏཾ ཧོཏི, སཱརེཏྭཱ ཀཏཾ ཧོཏི, ཨཱཔཏྟིཾ ཨཱརོཔེཏྭཱ ཀཏཾ ཧོཏི…པེ… སམྨུཁཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… པཊིཔུཙྪཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ¶ པཊིཉྙཱཡ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… དེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ཨདེསིཏཱཡ ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ཙོདེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… སཱརེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ཨཱཔཏྟིཾ ཨཱརོཔེཏྭཱ ¶ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ པཊིསཱརཎཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

པཊིསཱརཎཱིཡཀམྨེ དྷམྨཀམྨདྭཱདསཀཾ ནིཊྛིཏཾ.

ཨཱཀངྑམཱནཙཏུཀྐཾ

༣༩. ‘‘པཉྩཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པཊིསཱརཎཱིཡཀམྨཾ ¶ ཀརེཡྻ. གིཧཱིནཾ ཨལཱབྷཱཡ པརིསཀྐཏི, གིཧཱིནཾ ཨནཏྠཱཡ པརིསཀྐཏི, གིཧཱིནཾ ཨནཱཝཱསཱཡ [ཨཝཱསཱཡ (སཱི.)] པརིསཀྐཏི, གིཧཱི ཨཀྐོསཏི པརིབྷཱསཏི, གིཧཱི གིཧཱིཧི ¶ བྷེདེཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པཊིསཱརཎཱིཡཀམྨཾ ཀརེཡྻ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པཊིསཱརཎཱིཡཀམྨཾ ཀརེཡྻ. གིཧཱིནཾ བུདྡྷསྶ ཨཝཎྞཾ བྷཱསཏི ¶ , གིཧཱིནཾ དྷམྨསྶ ཨཝཎྞཾ བྷཱསཏི, གིཧཱིནཾ སངྒྷསྶ ཨཝཎྞཾ བྷཱསཏི, གིཧཱི ཧཱིནེན ཁུཾསེཏི ཧཱིནེན ཝམྦྷེཏི, གིཧཱིནཾ དྷམྨིཀཾ པཊིསྶཝཾ ན སཙྩཱཔེཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པཊིསཱརཎཱིཡཀམྨཾ ཀརེཡྻ.

‘‘པཉྩནྣཾ, བྷིཀྑཝེ, བྷིཀྑཱུནཾ, ཨཱཀངྑམཱནོ སངྒྷོ, པཊིསཱརཎཱིཡཀམྨཾ ཀརེཡྻ. ཨེཀོ གིཧཱིནཾ ¶ ཨལཱབྷཱཡ པརིསཀྐཏི, ཨེཀོ གིཧཱིནཾ ཨནཏྠཱཡ པརིསཀྐཏི, ཨེཀོ གིཧཱིནཾ ཨནཱཝཱསཱཡ པརིསཀྐཏི, ཨེཀོ གིཧཱི ཨཀྐོསཏི པརིབྷཱསཏི, ཨེཀོ གིཧཱི གིཧཱིཧི བྷེདེཏི – ཨིམེསཾ ཁོ, བྷིཀྑཝེ, པཉྩནྣཾ བྷིཀྑཱུནཾ, ཨཱཀངྑམཱནོ སངྒྷོ, པཊིསཱརཎཱིཡཀམྨཾ ཀརེཡྻ.

‘‘ཨཔརེསམྤི, བྷིཀྑཝེ, པཉྩནྣཾ བྷིཀྑཱུནཾ, ཨཱཀངྑམཱནོ སངྒྷོ, པཊིསཱརཎཱིཡཀམྨཾ ཀརེཡྻ. ཨེཀོ གིཧཱིནཾ བུདྡྷསྶ ཨཝཎྞཾ བྷཱསཏི, ཨེཀོ གིཧཱིནཾ དྷམྨསྶ ཨཝཎྞཾ བྷཱསཏི, ཨེཀོ གིཧཱིནཾ སངྒྷསྶ ཨཝཎྞཾ བྷཱསཏི, ཨེཀོ གིཧཱི ཧཱིནེན ཁུཾསེཏི ཧཱིནེན ཝམྦྷེཏི, ཨེཀོ གིཧཱིནཾ དྷམྨིཀཾ པཊིསྶཝཾ ན སཙྩཱཔེཏི – ཨིམེསཾ ཁོ, བྷིཀྑཝེ, པཉྩནྣཾ བྷིཀྑཱུནཾ, ཨཱཀངྑམཱནོ སངྒྷོ, པཊིསཱརཎཱིཡཀམྨཾ ཀརེཡྻ.

ཨཱཀངྑམཱནཙཏུཀྐཾ ནིཊྛིཏཾ.

ཨཊྛཱརསཝཏྟཾ

༤༠. ‘‘པཊིསཱརཎཱིཡཀམྨཀཏེན, བྷིཀྑཝེ, བྷིཀྑུནཱ སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ – ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ, ན བྷིཀྑུནོཝཱདཀསམྨུཏི སཱདིཏབྦཱ, སམྨཏེནཔི བྷིཀྑུནིཡོ ན ཨོཝདིཏབྦཱ. ཡཱཡ ཨཱཔཏྟིཡཱ སངྒྷེན པཊིསཱརཎཱིཡཀམྨཾ ཀཏཾ ཧོཏི སཱ ཨཱཔཏྟི ན ཨཱཔཛྫིཏབྦཱ, ཨཉྙཱ ཝཱ ཏཱདིསིཀཱ ¶ , ཏཏོ ཝཱ པཱཔིཊྛཏརཱ; ཀམྨཾ ན གརཧིཏབྦཾ, ཀམྨིཀཱ ན གརཧིཏབྦཱ. ན པཀཏཏྟསྶ བྷིཀྑུནོ ཨུཔོསཐོ ཋཔེཏབྦོ, ན པཝཱརཎཱ ཋཔེཏབྦཱ, ན སཝཙནཱིཡཾ ཀཱཏབྦཾ, ན ཨནུཝཱདོ པཊྛཔེཏབྦོ, ན ཨོཀཱསོ ཀཱརེཏབྦོ ¶ , ན ཙོདེཏབྦོ, ན སཱརེཏབྦོ, ན བྷིཀྑཱུཧི སམྤཡོཛེཏབྦ’’ནྟི.

པཊིསཱརཎཱིཡཀམྨེ ཨཊྛཱརསཝཏྟཾ ནིཊྛིཏཾ.

༤༡. ཨཐ ¶ ཁོ སངྒྷོ སུདྷམྨསྶ བྷིཀྑུནོ པཊིསཱརཎཱིཡཀམྨཾ ཨཀཱསི – ‘‘ཙིཏྟོ ཏེ གཧཔཏི ཁམཱཔེཏབྦོ’’ཏི. སོ སངྒྷེན པཊིསཱརཎཱིཡཀམྨཀཏོ མཙྪིཀཱསཎྜཾ གནྟྭཱ མངྐུབྷཱུཏོ ནཱསཀྑི ཙིཏྟཾ གཧཔཏིཾ ཁམཱཔེཏུཾ. པུནདེཝ སཱཝཏྠིཾ པཙྩཱགཉྪི. བྷིཀྑཱུ ཨེཝམཱཧཾསུ – ‘‘ཁམཱཔིཏོ ཏཡཱ, ཨཱཝུསོ སུདྷམྨ, ཙིཏྟོ གཧཔཏཱི’’ཏི? ‘‘ཨིདྷཱཧཾ, ཨཱཝུསོ, མཙྪིཀཱསཎྜཾ གནྟྭཱ མངྐུབྷཱུཏོ ནཱསཀྑིཾ ཙིཏྟཾ གཧཔཏིཾ ཁམཱཔེཏུ’’ནྟི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ…. ‘‘ཏེན ཧི, བྷིཀྑཝེ, སངྒྷོ སུདྷམྨསྶ བྷིཀྑུནོ ཨནུདཱུཏཾ དེཏུ – ཙིཏྟཾ གཧཔཏིཾ ཁམཱཔེཏུཾ. ཨེཝཉྩ པན བྷིཀྑཝེ དཱཏབྦོ – པཋམཾ བྷིཀྑུ ཡཱཙིཏབྦོ, ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུཾ སུདྷམྨསྶ བྷིཀྑུནོ ཨནུདཱུཏཾ དདེཡྻ ཙིཏྟཾ གཧཔཏིཾ ཁམཱཔེཏུཾ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ བྷིཀྑུཾ སུདྷམྨསྶ ¶ བྷིཀྑུནོ ཨནུདཱུཏཾ དེཏི ཙིཏྟཾ གཧཔཏིཾ ཁམཱཔེཏུཾ. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ སུདྷམྨསྶ བྷིཀྑུནོ ཨནུདཱུཏསྶ དཱནཾ ཙིཏྟཾ གཧཔཏིཾ ཁམཱཔེཏུཾ, སོ ¶ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དིནྣོ སངྒྷེན ཨིཏྠནྣཱམོ བྷིཀྑུ སུདྷམྨསྶ བྷིཀྑུནོ ཨནུདཱུཏོ ཙིཏྟཾ གཧཔཏིཾ ཁམཱཔེཏུཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༤༢. ‘‘ཏེན, བྷིཀྑཝེ, སུདྷམྨེན བྷིཀྑུནཱ ཨནུདཱུཏེན བྷིཀྑུནཱ སདྡྷིཾ མཙྪིཀཱསཎྜཾ གནྟྭཱ ཙིཏྟོ གཧཔཏི ཁམཱཔེཏབྦོ – ‘ཁམ, གཧཔཏི, པསཱདེམི ཏ’ནྟི. ཨེཝཉྩེ ཝུཙྩམཱནོ ཁམཏི, ཨིཙྩེཏཾ ཀུསལཾ. ནོ ཙེ ཁམཏི, ཨནུདཱུཏེན བྷིཀྑུནཱ ཝཏྟབྦོ – ‘ཁམ, གཧཔཏི, ཨིམསྶ ¶ བྷིཀྑུནོ, པསཱདེཏི ཏ’ནྟི. ཨེཝཉྩེ ཝུཙྩམཱནོ ཁམཏི, ཨིཙྩེཏཾ ཀུསལཾ. ནོ ཙེ ཁམཏི, ཨནུདཱུཏེན བྷིཀྑུནཱ ཝཏྟབྦོ – ‘ཁམ, གཧཔཏི, ཨིམསྶ བྷིཀྑུནོ, ཨཧཾ ཏཾ པསཱདེམཱི’ཏི. ཨེཝཉྩེ ཝུཙྩམཱནོ ཁམཏི, ཨིཙྩེཏཾ ཀུསལཾ. ནོ ཙེ ཁམཏི, ཨནུདཱུཏེན བྷིཀྑུནཱ ཝཏྟབྦོ – ‘ཁམ, གཧཔཏི, ཨིམསྶ བྷིཀྑུནོ, སངྒྷསྶ ཝཙནེནཱ’ཏི. ཨེཝཉྩེ ཝུཙྩམཱནོ ཁམཏི, ཨིཙྩེཏཾ ཀུསལཾ. ནོ ཙེ ¶ ཁམཏི, ཨནུདཱུཏེན བྷིཀྑུནཱ སུདྷམྨོ བྷིཀྑུ [སུདྷམྨཾ བྷིཀྑུཾ… སཱ ཨཱཔཏྟི དེསཱཔེཏབྦཱཏི (སཱི. སྱཱ.)] ཙིཏྟསྶ གཧཔཏིནོ དསྶནཱུཔཙཱརཾ ཨཝིཛཧཱཔེཏྭཱ སཝནཱུཔཙཱརཾ ཨཝིཛཧཱཔེཏྭཱ ཨེཀཾསཾ ཨུཏྟརཱསངྒཾ ཀཱརཱཔེཏྭཱ ཨུཀྐུཊིཀཾ ནིསཱིདཱཔེཏྭཱ ཨཉྫལིཾ པགྒཎྷཱཔེཏྭཱ ཏཾ ཨཱཔཏྟིཾ དེསཱཔེཏབྦོ’’ཏི [སུདྷམྨཾ བྷིཀྑུཾ… སཱ ཨཱཔཏྟི དེསཱཔེཏབྦཱཏི (སཱི. སྱཱ.)].

ཨཐ ཁོ ཨཱཡསྨཱ སུདྷམྨོ ཨནུདཱུཏེན བྷིཀྑུནཱ སདྡྷིཾ མཙྪིཀཱསཎྜཾ གནྟྭཱ ཙིཏྟཾ གཧཔཏིཾ ཁམཱཔེསི. སོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, བྷིཀྑཱུ ཨུཔསངྐམིཏྭཱ ཨེཝཾ ཝདེཏི ¶ – ‘‘ཨཧཾ, ཨཱཝུསོ, སངྒྷེན པཊིསཱརཎཱིཡཀམྨཀཏོ སམྨཱ ཝཏྟཱམི, ལོམཾ པཱཏེམི, ནེཏྠཱརཾ ཝཏྟཱམི. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘ཏེན ཧི, བྷིཀྑཝེ, སངྒྷོ སུདྷམྨསྶ བྷིཀྑུནོ པཊིསཱརཎཱིཡཀམྨཾ པཊིཔྤསྶམྦྷེཏུ.

ནཔྤཊིཔྤསྶམྦྷེཏབྦཨཊྛཱརསཀཾ

༤༣. ‘‘པཉྩཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ པཊིསཱརཎཱིཡཀམྨཾ ནཔྤཊིཔྤསྶམྦྷེཏབྦཾ. ཨུཔསམྤཱདེཏི, ནིསྶཡཾ དེཏི, སཱམཎེརཾ ཨུཔཊྛཱཔེཏི, བྷིཀྑུནོཝཱདཀསམྨུཏིཾ སཱདིཡཏི, སམྨཏོཔི བྷིཀྑུནིཡོ ཨོཝདཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ པཊིསཱརཎཱིཡཀམྨཾ ནཔྤཊིཔྤསྶམྦྷེཏབྦཾ.

[པརི. ༤༢༠] ‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ པཊིསཱརཎཱིཡཀམྨཾ ནཔྤཊིཔྤསྶམྦྷེཏབྦཾ. ཡཱཡ ཨཱཔཏྟིཡཱ སངྒྷེན པཊིསཱརཎཱིཡཀམྨཾ ཀཏཾ ཧོཏི ཏཾ ཨཱཔཏྟིཾ ཨཱཔཛྫཏི, ཨཉྙཾ ཝཱ ཏཱདིསིཀཾ, ཏཏོ ཝཱ པཱཔིཊྛཏརཾ; ཀམྨཾ གརཧཏི, ཀམྨིཀེ གརཧཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ པཊིསཱརཎཱིཡཀམྨཾ ནཔྤཊིཔྤསྶམྦྷེཏབྦཾ.

‘‘ཨཊྛཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ པཊིསཱརཎཱིཡཀམྨཾ ནཔྤཊིཔྤསྶམྦྷེཏབྦཾ. པཀཏཏྟསྶ བྷིཀྑུནོ ཨུཔོསཐཾ ཋཔེཏི, པཝཱརཎཾ ཋཔེཏི, སཝཙནཱིཡཾ ཀརོཏི, ཨནུཝཱདཾ པཊྛཔེཏི, ཨོཀཱསཾ ཀཱརེཏི, ཙོདེཏི ¶ , སཱརེཏི, བྷིཀྑཱུཧི སམྤཡོཛེཏི – ཨིམེཧི ¶ ཁོ, བྷིཀྑཝེ, ཨཊྛཧངྒེཧི སམནྣཱགཏསྶ བྷིཀྑུནོ པཊིསཱརཎཱིཡཀམྨཾ ¶ ནཔྤཊིཔྤསྶམྦྷེཏབྦཾ’’.

པཊིསཱརཎཱིཡཀམྨེ ནཔྤཊིཔྤསྶམྦྷེཏབྦཨཊྛཱརསཀཾ ནིཊྛིཏཾ.

པཊིཔྤསྶམྦྷེཏབྦཨཊྛཱརསཀཾ

༤༤. ‘‘པཉྩཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ པཊིསཱརཎཱིཡཀམྨཾ པཊིཔྤསྶམྦྷེཏབྦཾ. ན ཨུཔསམྤཱདེཏི, ན ནིསྶཡཾ དེཏི, ན སཱམཎེརཾ ཨུཔཊྛཱཔེཏི, ན བྷིཀྑུནོཝཱདཀསམྨུཏིཾ སཱདིཡཏི, སམྨཏོཔི བྷིཀྑུནིཡོ ན ཨོཝདཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ པཊིསཱརཎཱིཡཀམྨཾ པཊིཔྤསྶམྦྷེཏབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ པཊིསཱརཎཱིཡཀམྨཾ པཊིཔྤསྶམྦྷེཏབྦཾ. ཡཱཡ ཨཱཔཏྟིཡཱ སངྒྷེན པཊིསཱརཎཱིཡཀམྨཾ ཀཏཾ ཧོཏི ཏཾ ཨཱཔཏྟིཾ ན ཨཱཔཛྫཏི, ཨཉྙཾ ཝཱ ཏཱདིསིཀཾ, ཏཏོ ཝཱ པཱཔིཊྛཏརཾ; ཀམྨཾ ན གརཧཏི, ཀམྨིཀེ ན གརཧཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ པཊིསཱརཎཱིཡཀམྨཾ པཊིཔྤསྶམྦྷེཏབྦཾ.

‘‘ཨཊྛཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ པཊིསཱརཎཱིཡཀམྨཾ པཊིཔྤསྶམྦྷེཏབྦཾ. ན པཀཏཏྟསྶ བྷིཀྑུནོ ཨུཔོསཐཾ ཋཔེཏི, ན པཝཱརཎཾ ཋཔེཏི, ན སཝཙནཱིཡཾ ཀརོཏི, ན ཨནུཝཱདཾ པཊྛཔེཏི, ན ཨོཀཱསཾ ཀཱརེཏི, ན ཙོདེཏི, ན སཱརེཏི, ན བྷིཀྑཱུཧི སམྤཡོཛེཏི – ཨིམེཧི ཁོ, བྷིཀྑཝེ, ཨཊྛཧངྒེཧི སམནྣཱགཏསྶ བྷིཀྑུནོ པཊིསཱརཎཱིཡཀམྨཾ པཊིཔྤསྶམྦྷེཏབྦཾ.

པཊིསཱརཎཱིཡཀམྨེ པཊིཔྤསྶམྦྷེཏབྦཨཊྛཱརསཀཾ ནིཊྛིཏཾ.

༤༥. ‘‘ཨེཝཉྩ ¶ ¶ པན, བྷིཀྑཝེ, པཊིཔྤསྶམྦྷེཏབྦཾ. ཏེན [ཏེན ཧི (སྱཱ. ཀ.)], བྷིཀྑཝེ, སུདྷམྨེན བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘ཨཧཾ, བྷནྟེ, སངྒྷེན པཊིསཱརཎཱིཡཀམྨཀཏོ སམྨཱ ཝཏྟཱམི, ལོམཾ པཱཏེམི, ནེཏྠཱརཾ ཝཏྟཱམི, པཊིསཱརཎཱིཡསྶ ཀམྨསྶ ¶ པཊིཔྤསྶདྡྷིཾ ཡཱཙཱམཱི’ཏི ¶ . དུཏིཡམྤི ཡཱཙིཏབྦཱ. ཏཏིཡམྤི ཡཱཙིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ སུདྷམྨོ བྷིཀྑུ སངྒྷེན པཊིསཱརཎཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པཊིསཱརཎཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ སུདྷམྨསྶ བྷིཀྑུནོ པཊིསཱརཎཱིཡཀམྨཾ པཊིཔྤསྶམྦྷེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ སུདྷམྨོ བྷིཀྑུ སངྒྷེན པཊིསཱརཎཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པཊིསཱརཎཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. སངྒྷོ སུདྷམྨསྶ བྷིཀྑུནོ པཊིསཱརཎཱིཡཀམྨཾ པཊིཔྤསྶམྦྷེཏི. ཡསྶཱཡསྨཏོ ཁམཏི སུདྷམྨསྶ བྷིཀྑུནོ པཊིསཱརཎཱིཡསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ¶ ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ སུདྷམྨོ བྷིཀྑུ སངྒྷེན པཊིསཱརཎཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པཊིསཱརཎཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. སངྒྷོ སུདྷམྨསྶ བྷིཀྑུནོ པཊིསཱརཎཱིཡཀམྨཾ པཊིཔྤསྶམྦྷེཏི. ཡསྶཱཡསྨཏོ ཁམཏི སུདྷམྨསྶ བྷིཀྑུནོ པཊིསཱརཎཱིཡསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘པཊིཔྤསྶདྡྷཾ སངྒྷེན སུདྷམྨསྶ བྷིཀྑུནོ པཊིསཱརཎཱིཡཀམྨཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

པཊིསཱརཎཱིཡཀམྨཾ ནིཊྛིཏཾ ཙཏུཏྠཾ.

༥. ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ

༤༦. ཏེན སམཡེན བུདྡྷོ བྷགཝཱ ཀོསམྦིཡཾ ཝིཧརཏི གྷོསིཏཱརཱམེ. ཏེན ཁོ པན སམཡེན ཨཱཡསྨཱ ཚནྣོ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པསྶིཏུཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ¶ ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཚནྣོ ཨཱཔཏྟིཾ ¶ ཨཱཔཛྫིཏྭཱ ན ཨིཙྪིསྶཏི ཨཱཔཏྟིཾ པསྶིཏུ’’ནྟི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ.

ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ¶ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, ཚནྣོ བྷིཀྑུ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པསྶིཏུ’’ནྟི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ…པེ… ཀཐཉྷི ནཱམ སོ, བྷིཀྑཝེ, མོགྷཔུརིསོ ཨཱཔཏྟིཾ ཨཱཔཛྫིཏྭཱ ན ཨིཙྪིསྶཏི ཨཱཔཏྟིཾ པསྶིཏུཾ? ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ཏེན ཧི, བྷིཀྑཝེ, སངྒྷོ ཚནྣསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཀརོཏུ – ཨསམྦྷོགཾ སངྒྷེན. ཨེཝཉྩ པན, བྷིཀྑཝེ, ཀཱཏབྦཾ – པཋམཾ ཚནྣོ བྷིཀྑུ ཙོདེཏབྦོ, ཙོདེཏྭཱ སཱརེཏབྦོ, སཱརེཏྭཱ ཨཱཔཏྟིཾ ཨཱརོཔེཏབྦོ, ཨཱཔཏྟིཾ ཨཱརོཔེཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༤༧. ‘‘སུཎཱཏུ མེ, བྷནྟེ, སངྒྷོ. ཨཡཾ ཚནྣོ བྷིཀྑུ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པསྶིཏུཾ. ཡདི སངྒྷསྶ པཏྟཀལླཾ, སངྒྷོ ཚནྣསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཀརེཡྻ – ཨསམྦྷོགཾ སངྒྷེན. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཚནྣོ བྷིཀྑུ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པསྶིཏུཾ. སངྒྷོ ཚནྣསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཀརོཏི – ཨསམྦྷོགཾ སངྒྷེན. ཡསྶཱཡསྨཏོ ཁམཏི ཚནྣསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡསྶ ཀམྨསྶ ཀརཎཾ – ཨསམྦྷོགཾ སངྒྷེན, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ¶ ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ ཚནྣོ བྷིཀྑུ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པསྶིཏུཾ. སངྒྷོ ཚནྣསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཀརོཏི – ཨསམྦྷོགཾ སངྒྷེན. ཡསྶཱཡསྨཏོ ཁམཏི ཚནྣསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡསྶ ཀམྨསྶ ཀརཎཾ ¶ – ཨསམྦྷོགཾ སངྒྷེན, སོ ཏུཎྷསྶ; ཡསྶ ནཀྑམཏི, སོ ¶ བྷཱསེཡྻ.

‘‘ཀཏཾ ¶ སངྒྷེན ཚནྣསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ – ཨསམྦྷོགཾ སངྒྷེན. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི.

‘‘ཨཱཝཱསཔརམྤརཉྩ, བྷིཀྑཝེ, སཾསཐ – ‘ཚནྣོ བྷིཀྑུ སངྒྷེན ཨཱཔཏྟིཡཱ [ཚནྣོ བྷིཀྑུ ཨཱཔཏྟིཡཱ (སཱི. ཀ.)] ཨདསྶནེ ཨུཀྑེཔནཱིཡཀམྨཀཏོ – ཨསམྦྷོགཾ སངྒྷེནཱ’ཏི.

ཨདྷམྨཀམྨདྭཱདསཀཾ

༤༨. ‘‘ཏཱིཧི, བྷིཀྑཝེ, ཨངྒེཧི སམནྣཱགཏཾ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨསམྨུཁཱ ཀཏཾ ཧོཏི, ཨཔྤཊིཔུཙྪཱ ཀཏཾ ཧོཏི, ཨཔྤཊིཉྙཱཡ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨནཱཔཏྟིཡཱ ཀཏཾ ཧོཏི, ཨདེསནཱགཱམིནིཡཱ ཨཱཔཏྟིཡཱ ཀཏཾ ¶ ཧོཏི, དེསིཏཱཡ ཨཱཔཏྟིཡཱ ཀཏཾ ཧོཏི…པེ… ཨཙོདེཏྭཱ ཀཏཾ ཧོཏི, ཨསཱརེཏྭཱ ཀཏཾ ཧོཏི, ཨཱཔཏྟིཾ ཨནཱརོཔེཏྭཱ ཀཏཾ ཧོཏི…པེ… ཨསམྨུཁཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཔྤཊིཔུཙྪཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཔྤཊིཉྙཱཡ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨནཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨདེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… དེསིཏཱཡ ཨཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཙོདེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨསཱརེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཱཔཏྟིཾ ཨནཱརོཔེཏྭཱ ¶ ཀཏཾ ཧོཏི, ཨདྷམྨེན ¶ ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

ཨཱཔཏྟིཡཱ ཨདསྶནེ ཨུཀྑེཔནཱིཡཀམྨེ ཨདྷམྨཀམྨདྭཱདསཀཾ ནིཊྛིཏཾ.

དྷམྨཀམྨདྭཱདསཀཾ

༤༩. ‘‘ཏཱིཧི ¶ , བྷིཀྑཝེ, ཨངྒེཧི སམནྣཱགཏཾ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. སམྨུཁཱ ཀཏཾ ཧོཏི, པཊིཔུཙྪཱ ཀཏཾ ཧོཏི, པཊིཉྙཱཡ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ…པེ…. ཨཱཔཏྟིཡཱ ཀཏཾ ཧོཏི, དེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, ཨདེསིཏཱཡ ཨཱཔཏྟིཡཱ ཀཏཾ ཧོཏི…པེ… ཙོདེཏྭཱ ཀཏཾ ཧོཏི, སཱརེཏྭཱ ཀཏཾ ཧོཏི, ཨཱཔཏྟིཾ ཨཱརོཔེཏྭཱ ཀཏཾ ཧོཏི…པེ… སམྨུཁཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… པཊིཔུཙྪཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ¶ པཊིཉྙཱཡ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… དེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ཨདེསིཏཱཡ ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ཙོདེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… སཱརེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ཨཱཔཏྟིཾ ཨཱརོཔེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

ཨཱཔཏྟིཡཱ ཨདསྶནེ ཨུཀྑེཔནཱིཡཀམྨེ དྷམྨཀམྨདྭཱདསཀཾ ནིཊྛིཏཾ.

ཨཱཀངྑམཱནཚཀྐཾ

༥༠. [པརི. ༣༢༣] ‘‘ཏཱིཧི ¶ , བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཀརེཡྻ. བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ ¶ ; བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ; གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཀརེཡྻ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ཨཱཔཏྟིཡཱ ¶ ཨདསྶནེ, ཨུཀྑེཔནཱིཡཀམྨཾ ཀརེཡྻ. ཨདྷིསཱིལེ སཱིལཝིཔནྣོ ཧོཏི, ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨཏིདིཊྛིཡཱ དིཊྛིཝིཔནྣོ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཀརེཡྻ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཀརེཡྻ. བུདྡྷསྶ ཨཝཎྞཾ བྷཱསཏི, དྷམྨསྶ ཨཝཎྞཾ བྷཱསཏི, སངྒྷསྶ ཨཝཎྞཾ བྷཱསཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཀརེཡྻ.

‘‘ཏིཎྞཾ, བྷིཀྑཝེ, བྷིཀྑཱུནཾ, ཨཱཀངྑམཱནོ སངྒྷོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཀརེཡྻ. ཨེཀོ བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ; ཨེཀོ བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ; ཨེཀོ གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི ¶ – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཀརེཡྻ.

‘‘ཨཔརེསམྤི, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཀརེཡྻ. ཨེཀོ ཨདྷིསཱིལེ སཱིལཝིཔནྣོ ཧོཏི ¶ , ཨེཀོ ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨེཀོ ཨཏིདིཊྛིཡཱ དིཊྛིཝིཔནྣོ ཧོཏི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཀརེཡྻ.

‘‘ཨཔརེསམྤི, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཀརེཡྻ. ཨེཀོ བུདྡྷསྶ ཨཝཎྞཾ བྷཱསཏི, ཨེཀོ དྷམྨསྶ ཨཝཎྞཾ བྷཱསཏི, ཨེཀོ སངྒྷསྶ ཨཝཎྞཾ བྷཱསཏི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཀརེཡྻ.

ཨཱཔཏྟིཡཱ ཨདསྶནེ ཨུཀྑེཔནཱིཡཀམྨེ

ཨཱཀངྑམཱནཚཀྐཾ ནིཊྛིཏཾ.

ཏེཙཏྟཱལཱིསཝཏྟཾ

༥༡. ‘‘ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཀཏེན, བྷིཀྑཝེ, བྷིཀྑུནཱ སམྨཱ ཝཏྟིཏབྦཾ ¶ . ཏཏྲཱཡཾ སམྨཱཝཏྟནཱ – ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ, ན བྷིཀྑུནོཝཱདཀསམྨུཏི སཱདིཏབྦཱ, སམྨཏེནཔི བྷིཀྑུནིཡོ ན ཨོཝདིཏབྦཱ. ཡཱཡ ཨཱཔཏྟིཡཱ སངྒྷེན, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཀཏཾ ཧོཏི སཱ ཨཱཔཏྟི ན ཨཱཔཛྫིཏབྦཱ, ཨཉྙཱ ཝཱ ཏཱདིསིཀཱ, ཏཏོ ཝཱ པཱཔིཊྛཏརཱ; ཀམྨཾ ན གརཧིཏབྦཾ, ཀམྨིཀཱ ན གརཧིཏབྦཱ ¶ . ན པཀཏཏྟསྶ བྷིཀྑུནོ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརོ, སེཡྻཱབྷིཧཱརོ, པཱདོདཀཾ, པཱདཔཱིཋཾ པཱདཀཐལིཀཾ, པཏྟཙཱིཝརཔྤཊིགྒཧཎཾ, ནཧཱནེ པིཊྛིཔརིཀམྨཾ སཱདིཏབྦཾ. ན པཀཏཏྟོ བྷིཀྑུ སཱིལཝིཔཏྟིཡཱ ཨནུདྡྷཾསེཏབྦོ, ན ཨཱཙཱརཝིཔཏྟིཡཱ ཨནུདྡྷཾསེཏབྦོ, ན དིཊྛིཝིཔཏྟིཡཱ ཨནུདྡྷཾསེཏབྦོ, ན ཨཱཛཱིཝཝིཔཏྟིཡཱ ཨནུདྡྷཾསེཏབྦོ, ན བྷིཀྑུ བྷིཀྑཱུཧི བྷེདེཏབྦོ [ན བྷིཀྑཱུ བྷིཀྑཱུཧི བྷེདེཏབྦཱ (སྱཱ.)], ན གིཧིདྡྷཛོ དྷཱརེཏབྦོ, ན ཏིཏྠིཡདྡྷཛོ དྷཱརེཏབྦོ, ན ཏིཏྠིཡཱ སེཝིཏབྦཱ; བྷིཀྑཱུ སེཝིཏབྦཱ, བྷིཀྑུསིཀྑཱཡ སིཀྑིཏབྦཾ [བྷིཀྑུསིཀྑཱ སིཀྑིཏབྦཱ (སྱཱ.)]. ན པཀཏཏྟེན བྷིཀྑུནཱ སདྡྷིཾ ཨེཀཙྪནྣེ ཨཱཝཱསེ ཝཏྠབྦཾ, ན ཨེཀཙྪནྣེ ཨནཱཝཱསེ ¶ ཝཏྠབྦཾ, ན ཨེཀཙྪནྣེ ཨཱཝཱསེ ཝཱ ཨནཱཝཱསེ ཝཱ ཝཏྠབྦཾ, པཀཏཏྟཾ བྷིཀྑུཾ དིསྭཱ ཨཱསནཱ ཝུཊྛཱཏབྦཾ, ན པཀཏཏྟོ བྷིཀྑུ ཨཱསཱདེཏབྦོ ཨནྟོ ཝཱ བཧི ཝཱ. ན པཀཏཏྟསྶ བྷིཀྑུནོ ཨུཔོསཐོ ཋཔེཏབྦོ, ན པཝཱརཎཱ ཋཔེཏབྦཱ, ན སཝཙནཱིཡཾ ཀཱཏབྦཾ, ན ཨནུཝཱདོ ¶ པཊྛཔེཏབྦོ, ན ཨོཀཱསོ ཀཱརེཏབྦོ, ན ཙོདེཏབྦོ, ན སཱརེཏབྦོ, ན བྷིཀྑཱུཧི སམྤཡོཛེཏབྦ’’ནྟི.

ཨཱཔཏྟིཡཱ ཨདསྶནེ ཨུཀྑེཔནཱིཡཀམྨེ

ཏེཙཏྟཱལཱིསཝཏྟཾ ནིཊྛིཏཾ.

༥༢. ཨཐ ཁོ སངྒྷོ ཚནྣསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཨཀཱསི – ཨསམྦྷོགཾ སངྒྷེན. སོ སངྒྷེན, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཀཏོ ཏམྷཱ ཨཱཝཱསཱ ཨཉྙཾ ཨཱཝཱསཾ ཨགམཱསི. ཏཏྠ བྷིཀྑཱུ ནེཝ ཨབྷིཝཱདེསུཾ, ན པཙྩུཊྛེསུཾ, ན ཨཉྫལིཀམྨཾ ན ¶ སཱམཱིཙིཀམྨཾ ཨཀཾསུ, ན སཀྐརིཾསུ, ན གརུ ཀརིཾསུ [ན གརུཀརིཾསུ (ཀ.)], ན མཱནེསུཾ, ན པཱུཛེསུཾ. སོ བྷིཀྑཱུཧི ཨསཀྐརིཡམཱནོ ཨགརུཀརིཡམཱནོ ཨམཱནིཡམཱནོ ཨཔཱུཛིཡམཱནོ ཨསཀྐཱརཔཀཏོ ཏམྷཱཔི ཨཱཝཱསཱ ཨཉྙཾ ཨཱཝཱསཾ ཨགམཱསི. ཏཏྠཔི བྷིཀྑཱུ ནེཝ ཨབྷིཝཱདེསུཾ, ན པཙྩུཊྛེསུཾ, ན ཨཉྫལིཀམྨཾ ན སཱམཱིཙིཀམྨཾ ཨཀཾསུ, ན ¶ སཀྐརིཾསུ, ན གརུཾ ཀརིཾསུ, ན མཱནེསུཾ, ན པཱུཛེསུཾ. སོ བྷིཀྑཱུཧི ཨསཀྐརིཡམཱནོ ཨགརུཀརིཡམཱནོ ཨམཱནིཡམཱནོ ཨཔཱུཛིཡམཱནོ ཨསཀྐཱརཔཀཏོ ཏམྷཱཔི ཨཱཝཱསཱ ཨཉྙཾ ཨཱཝཱསཾ ཨགམཱསི. ཏཏྠཔི བྷིཀྑཱུ ནེཝ ཨབྷིཝཱདེསུཾ, ན པཙྩུཊྛེསུཾ, ན ཨཉྫལིཀམྨཾ ན སཱམཱིཙིཀམྨཾ ཨཀཾསུ, ན སཀྐརིཾསུ, ན གརུཾ ཀརིཾསུ, ན མཱནེསུཾ, ན པཱུཛེསུཾ. སོ བྷིཀྑཱུཧི ཨསཀྐརིཡམཱནོ ཨགརུཀརིཡམཱནོ ཨམཱནིཡམཱནོ ཨཔཱུཛིཡམཱནོ ཨསཀྐཱརཔཀཏོ པུནདེཝ ཀོསམྦིཾ པཙྩཱགཉྪི. སོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, བྷིཀྑཱུ ཨུཔསངྐམིཏྭཱ ཨེཝཾ ཝདེཏི – ‘‘ཨཧཾ, ཨཱཝུསོ, སངྒྷེན, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཀཏོ སམྨཱ ཝཏྟཱམི, ལོམཾ པཱཏེམི, ནེཏྠཱརཾ ཝཏྟཱམི. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ…. ‘‘ཏེན ཧི, བྷིཀྑཝེ, སངྒྷོ ཚནྣསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏུ.

ནཔྤཊིཔྤསྶམྦྷེཏབྦ-ཏེཙཏྟཱལཱིསཀཾ

༥༣. ‘‘པཉྩཧི ¶ , བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ. ཨུཔསམྤཱདེཏི, ནིསྶཡཾ ¶ དེཏི, སཱམཎེརཾ ཨུཔཊྛཱཔེཏི, བྷིཀྑུནོཝཱདཀསམྨུཏིཾ སཱདིཡཏི, སམྨཏོཔི བྷིཀྑུནིཡོ ཨོཝདཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ.

[པརི. ༤༢༠] ‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ. ཡཱཡ ཨཱཔཏྟིཡཱ སངྒྷེན, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཀཏཾ ཧོཏི ཏཾ ཨཱཔཏྟིཾ ཨཱཔཛྫཏི, ཨཉྙཾ ཝཱ ཏཱདིསིཀཾ, ཏཏོ ཝཱ པཱཔིཊྛཏརཾ; ཀམྨཾ གརཧཏི, ཀམྨིཀེ གརཧཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ. པཀཏཏྟསྶ བྷིཀྑུནོ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརཾ སཱདིཡཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ. པཀཏཏྟསྶ ¶ བྷིཀྑུནོ སེཡྻཱབྷིཧཱརཾ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔྤཊིགྒཧཎཾ ¶ , ནཧཱནེ པིཊྛིཔརིཀམྨཾ སཱདིཡཏི – ཨིམེཧི ཁོ, བྷིཀྑཝེ ¶ , པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ. པཀཏཏྟཾ བྷིཀྑུཾ སཱིལཝིཔཏྟིཡཱ ཨནུདྡྷཾསེཏི, ཨཱཙཱརཝིཔཏྟིཡཱ ཨནུདྡྷཾསེཏི, དིཊྛིཝིཔཏྟིཡཱ ཨནུདྡྷཾསེཏི, ཨཱཛཱིཝཝིཔཏྟིཡཱ ཨནུདྡྷཾསེཏི, བྷིཀྑུཾ [བྷིཀྑཱུ (སཱི. སྱཱ.)] བྷིཀྑཱུཧི བྷེདེཏི – ཨིམེཧི ¶ ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ. གིཧིདྡྷཛཾ དྷཱརེཏི, ཏིཏྠིཡདྡྷཛཾ དྷཱརེཏི, ཏིཏྠིཡེ སེཝཏི; བྷིཀྑཱུ ན སེཝཏི, བྷིཀྑུསིཀྑཱཡ ན སིཀྑཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ. པཀཏཏྟེན བྷིཀྑུནཱ སདྡྷིཾ ཨེཀཙྪནྣེ ཨཱཝཱསེ ཝསཏི, ཨེཀཙྪནྣེ ཨནཱཝཱསེ ཝསཏི, ཨེཀཙྪནྣེ ཨཱཝཱསེ ཝཱ ཨནཱཝཱསེ ཝཱ ཝསཏི; པཀཏཏྟཾ བྷིཀྑུཾ དིསྭཱ ཨཱསནཱ ན ཝུཊྛཱཏི; པཀཏཏྟཾ བྷིཀྑུཾ ཨཱསཱདེཏི ¶ ཨནྟོ ཝཱ བཧི ཝཱ – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ.

‘‘ཨཊྛཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ. པཀཏཏྟསྶ བྷིཀྑུནོ ཨུཔོསཐཾ ཋཔེཏི, པཝཱརཎཾ ཋཔེཏི, སཝཙནཱིཡཾ ཀརོཏི, ཨནུཝཱདཾ པཊྛཔེཏི, ཨོཀཱསཾ ཀཱརེཏི, ཙོདེཏི, སཱརེཏི, བྷིཀྑཱུཧི སམྤཡོཛེཏི – ཨིམེཧི ཁོ, བྷིཀྑཝེ, ཨཊྛཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ.

ཨཱཔཏྟིཡཱ ཨདསྶནེ ཨུཀྑེཔནཱིཡཀམྨེ

ནཔྤཊིཔྤསྶམྦྷེཏབྦ-ཏེཙཏྟཱལཱིསཀཾ ནིཊྛིཏཾ.

པཊིཔྤསྶམྦྷེཏབྦ-ཏེཙཏྟཱལཱིསཀཾ

༥༤. ‘‘པཉྩཧི ¶ , བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ. ན ཨུཔསམྤཱདེཏི, ན ནིསྶཡཾ དེཏི, ན སཱམཎེརཾ ཨུཔཊྛཱཔེཏི, ན བྷིཀྑུནོཝཱདཀསམྨུཏིཾ སཱདིཡཏི, སམྨཏོཔི བྷིཀྑུནིཡོ ན ཨོཝདཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ ¶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ. ཡཱཡ ཨཱཔཏྟིཡཱ སངྒྷེན ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ ཀཏཾ ཧོཏི ཏཾ ¶ ཨཱཔཏྟིཾ ན ཨཱཔཛྫཏི, ཨཉྙཾ ཝཱ ཏཱདིསིཀཾ, ཏཏོ ཝཱ པཱཔིཊྛཏརཾ; ཀམྨཾ ན གརཧཏི, ཀམྨིཀེ ན གརཧཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ. ན པཀཏཏྟསྶ བྷིཀྑུནོ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརཾ སཱདིཡཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ. ན པཀཏཏྟསྶ བྷིཀྑུནོ སེཡྻཱབྷིཧཱརཾ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔྤཊིགྒཧཎཾ, ནཧཱནེ པིཊྛིཔརིཀམྨཾ སཱདིཡཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ. ན པཀཏཏྟཾ བྷིཀྑུཾ སཱིལཝིཔཏྟིཡཱ ཨནུདྡྷཾསེཏི, ན ཨཱཙཱརཝིཔཏྟིཡཱ ཨནུདྡྷཾསེཏི, ན དིཊྛིཝིཔཏྟིཡཱ ཨནུདྡྷཾསེཏི, ན ཨཱཛཱིཝཝིཔཏྟིཡཱ ཨནུདྡྷཾསེཏི, ན བྷིཀྑུཾ ¶ བྷིཀྑཱུཧི བྷེདེཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ.

‘‘ཨཔརེཧིཔི ¶ , བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ. ན གིཧིདྡྷཛཾ དྷཱརེཏི, ན ཏིཏྠིཡདྡྷཛཾ དྷཱརེཏི, ན ཏིཏྠིཡེ སེཝཏི, བྷིཀྑཱུ སེཝཏི, བྷིཀྑུསིཀྑཱཡ ¶ སིཀྑཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ. ན པཀཏཏྟེན བྷིཀྑུནཱ སདྡྷིཾ ཨེཀཙྪནྣེ ཨཱཝཱསེ ཝསཏི, ན ཨེཀཙྪནྣེ ཨནཱཝཱསེ ཝསཏི, ན ཨེཀཙྪནྣེ ཨཱཝཱསེ ཝཱ ཨནཱཝཱསེ ཝཱ ཝསཏི, པཀཏཏྟཾ བྷིཀྑུཾ དིསྭཱ ཨཱསནཱ ཝུཊྛཱཏི, ན པཀཏཏྟཾ བྷིཀྑུཾ ཨཱསཱདེཏི ཨནྟོ ཝཱ བཧི ཝཱ – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ.

‘‘ཨཊྛཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ. ན པཀཏཏྟསྶ བྷིཀྑུནོ ཨུཔོསཐཾ ཋཔེཏི, ན པཝཱརཎཾ ཋཔེཏི, ན སཝཙནཱིཡཾ ཀརོཏི, ན ཨནུཝཱདཾ ¶ པཊྛཔེཏི, ན ཨོཀཱསཾ ཀཱརེཏི, ན ཙོདེཏི, ན སཱརེཏི, ན བྷིཀྑཱུཧི སམྤཡོཛེཏི – ཨིམེཧི ཁོ, བྷིཀྑཝེ, ཨཊྛཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ.

ཨཱཔཏྟིཡཱ ཨདསྶནེ ཨུཀྑེཔནཱིཡཀམྨེ

པཊིཔྤསྶམྦྷེཏབྦཏེཙཏྟཱལཱིསཀཾ ནིཊྛིཏཾ.

༥༥. ‘‘ཨེཝཉྩ པན, བྷིཀྑཝེ, པཊིཔྤསྶམྦྷེཏབྦཾ. ཏེན, བྷིཀྑཝེ, ཚནྣེན བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘ཨཧཾ, བྷནྟེ, སངྒྷེན, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཀཏོ སམྨཱ ཝཏྟཱམི, ལོམཾ པཱཏེམི, ནེཏྠཱརཾ ཝཏྟཱམི, ཨཱཔཏྟིཡཱ ཨདསྶནེ ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཱམཱི’ཏི. དུཏིཡམྤི ཡཱཙིཏབྦཱ. ཏཏིཡམྤི ཡཱཙིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ ཚནྣོ བྷིཀྑུ སངྒྷེན, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཨཱཔཏྟིཡཱ ཨདསྶནེ ཨུཀྑེཔནཱིཡསྶ ¶ ཀམྨསྶ པཊིཔྤསྶདྡྷིཾ ཡཱཙཏི ¶ . ཡདི སངྒྷསྶ པཏྟཀལླཾ, སངྒྷོ ཚནྣསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཚནྣོ བྷིཀྑུ སངྒྷེན, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཀཏོ སམྨཱ ¶ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཨཱཔཏྟིཡཱ ཨདསྶནེ, ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. སངྒྷོ ཚནྣསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏི. ཡསྶཱཡསྨཏོ ཁམཏི ཚནྣསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ ཚནྣོ བྷིཀྑུ སངྒྷེན, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཨཱཔཏྟིཡཱ ཨདསྶནེ, ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. སངྒྷོ ཚནྣསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ པཊིཔྤསྶམྦྷེཏི. ཡསྶཱཡསྨཏོ ཁམཏི ཚནྣསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘པཊིཔྤསྶདྡྷཾ སངྒྷེན ཚནྣསྶ བྷིཀྑུནོ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ ནིཊྛིཏཾ པཉྩམཾ.

༦. ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཾ

༥༦. ཏེན ¶ སམཡེན བུདྡྷོ བྷགཝཱ ཀོསམྦིཡཾ ཝིཧརཏི གྷོསིཏཱརཱམེ. ཏེན ཁོ པན སམཡེན ཨཱཡསྨཱ ཚནྣོ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པཊིཀཱཏུཾ. ཡེ ཏེ བྷིཀྑཱུ ཨཔྤིཙྪཱ…པེ… ¶ ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཚནྣོ ཨཱཔཏྟིཾ ཨཱཔཛྫིཏྭཱ ན ཨིཙྪིསྶཏི ཨཱཔཏྟིཾ པཊིཀཱཏུ’’ནྟི? ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ.

ཨཐ ¶ ¶ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, ཚནྣོ བྷིཀྑུ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པཊིཀཱཏུ’’ནྟི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ…པེ… ཀཐཉྷི ནཱམ སོ, བྷིཀྑཝེ, མོགྷཔུརིསོ ཨཱཔཏྟིཾ ཨཱཔཛྫིཏྭཱ ན ཨིཙྪིསྶཏི ཨཱཔཏྟིཾ པཊིཀཱཏུཾ. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ཏེན ཧི, བྷིཀྑཝེ, སངྒྷོ ཚནྣསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཀརོཏུ – ཨསམྦྷོགཾ སངྒྷེན. ཨེཝཉྩ པན, བྷིཀྑཝེ, ཀཱཏབྦཾ – པཋམཾ ཚནྣོ བྷིཀྑུ ཙོདེཏབྦོ, ཙོདེཏྭཱ སཱརེཏབྦོ, སཱརེཏྭཱ ཨཱཔཏྟིཾ ཨཱརོཔེཏབྦོ, ཨཱཔཏྟིཾ ཨཱརོཔེཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ ཚནྣོ བྷིཀྑུ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ ¶ པཊིཀཱཏུཾ. ཡདི སངྒྷསྶ པཏྟཀལླཾ, སངྒྷོ ཚནྣསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཀརེཡྻ – ཨསམྦྷོགཾ སངྒྷེན. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཚནྣོ བྷིཀྑུ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པཊིཀཱཏུཾ. སངྒྷོ ཚནྣསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཀརོཏི – ཨསམྦྷོགཾ སངྒྷེན. ཡསྶཱཡསྨཏོ ཁམཏི ཚནྣསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡསྶ ཀམྨསྶ ཀརཎཾ – ཨསམྦྷོགཾ སངྒྷེན, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ ཚནྣོ བྷིཀྑུ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པཊིཀཱཏུཾ. སངྒྷོ ཚནྣསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཀརོཏི – ཨསམྦྷོགཾ སངྒྷེན. ཡསྶཱཡསྨཏོ ཁམཏི ཚནྣསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡསྶ ཀམྨསྶ ཀརཎཾ – ཨསམྦྷོགཾ སངྒྷེན, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཀཏཾ སངྒྷེན ཚནྣསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ – ཨསམྦྷོགཾ སངྒྷེན. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི.

‘‘ཨཱཝཱསཔརམྤརཉྩ ¶ ¶ , བྷིཀྑཝེ, སཾསཐ – ‘ཚནྣོ བྷིཀྑུ, སངྒྷེན ཨཱཔཏྟིཡཱ [ཚནྣོ བྷིཀྑུ ཨཱཔཏྟིཡཱ (སཱི. ཀ.)] ཨཔྤཊིཀམྨེ, ཨུཀྑེཔནཱིཡཀམྨཀཏོ – ཨསམྦྷོགཾ སངྒྷེནཱ’ཏི.

ཨདྷམྨཀམྨདྭཱདསཀཾ

༥༧. ‘‘ཏཱིཧི, བྷིཀྑཝེ, ཨངྒེཧི སམནྣཱགཏཾ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨསམྨུཁཱ ཀཏཾ ཧོཏི, ཨཔྤཊིཔུཙྪཱ ཀཏཾ ཧོཏི, ཨཔྤཊིཉྙཱཡ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ, ཨཱཔཏྟིཡཱ ¶ ཨཔྤཊིཀམྨེ, ཨུཀྑེཔནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨནཱཔཏྟིཡཱ ཀཏཾ ཧོཏི, ཨདེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, དེསིཏཱཡ ཨཱཔཏྟིཡཱ ཀཏཾ ཧོཏི…པེ… ཨཙོདེཏྭཱ ཀཏཾ ཧོཏི, ཨསཱརེཏྭཱ ཀཏཾ ཧོཏི, ཨཱཔཏྟིཾ ཨནཱརོཔེཏྭཱ ཀཏཾ ཧོཏི…པེ… ཨསམྨུཁཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཔྤཊིཔུཙྪཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཔྤཊིཉྙཱཡ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨནཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨདེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ¶ དེསིཏཱཡ ཨཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཙོདེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨསཱརེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཱཔཏྟིཾ ཨནཱརོཔེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨེ

ཨདྷམྨཀམྨདྭཱདསཀཾ ནིཊྛིཏཾ.

དྷམྨཀམྨདྭཱདསཀཾ

༥༨. ‘‘ཏཱིཧི ¶ , བྷིཀྑཝེ, ཨངྒེཧི སམནྣཱགཏཾ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ¶ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. སམྨུཁཱ ཀཏཾ ཧོཏི, པཊིཔུཙྪཱ ཀཏཾ ཧོཏི, པཊིཉྙཱཡ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. ཨཱཔཏྟིཡཱ ཀཏཾ ཧོཏི, དེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, ཨདེསིཏཱཡ ཨཱཔཏྟིཡཱ ཀཏཾ ཧོཏི…པེ… ¶ ཙོདེཏྭཱ ཀཏཾ ཧོཏི, སཱརེཏྭཱ ཀཏཾ ཧོཏི, ཨཱཔཏྟིཾ ཨཱརོཔེཏྭཱ ཀཏཾ ཧོཏི…པེ… སམྨུཁཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… པཊིཔུཙྪཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… པཊིཉྙཱཡ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… དེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ¶ ཨདེསིཏཱཡ ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ཙོདེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… སཱརེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ཨཱཔཏྟིཾ ཨཱརོཔེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨེ

དྷམྨཀམྨདྭཱདསཀཾ ནིཊྛིཏཾ.

ཨཱཀངྑམཱནཚཀྐཾ

༥༩. [པརི. ༣༢༣] ‘‘ཏཱིཧི ¶ , བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཀརེཡྻ. བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ; བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ; གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཀརེཡྻ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ཨཱཔཏྟིཡཱ ¶ ཨཔྤཊིཀམྨེ, ཨུཀྑེཔནཱིཡཀམྨཾ ཀརེཡྻ ¶ . ཨདྷིསཱིལེ སཱིལཝིཔནྣོ ཧོཏི, ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨཏིདིཊྛིཡཱ དིཊྛིཝིཔནྣོ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཀརེཡྻ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཀརེཡྻ. བུདྡྷསྶ ཨཝཎྞཾ བྷཱསཏི, དྷམྨསྶ ཨཝཎྞཾ བྷཱསཏི, སངྒྷསྶ ཨཝཎྞཾ བྷཱསཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཀརེཡྻ.

‘‘ཏིཎྞཾ, བྷིཀྑཝེ, བྷིཀྑཱུནཾ, ཨཱཀངྑམཱནོ སངྒྷོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཀརེཡྻ. ཨེཀོ བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ; ཨེཀོ བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ; ཨེཀོ གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཀརེཡྻ.

‘‘ཨཔརེསམྤི, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཀརེཡྻ. ཨེཀོ ཨདྷིསཱིལེ སཱིལཝིཔནྣོ ¶ ཧོཏི, ཨེཀོ ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨེཀོ ¶ ཨཏིདིཊྛིཡཱ དིཊྛིཝིཔནྣོ ཧོཏི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཀརེཡྻ.

‘‘ཨཔརེསམྤི, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཀརེཡྻ. ཨེཀོ བུདྡྷསྶ ཨཝཎྞཾ བྷཱསཏི, ཨེཀོ དྷམྨསྶ ཨཝཎྞཾ བྷཱསཏི, ཨེཀོ སངྒྷསྶ ཨཝཎྞཾ བྷཱསཏི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཀརེཡྻ.

ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨེ

ཨཱཀངྑམཱནཚཀྐཾ ནིཊྛིཏཾ.

ཏེཙཏྟཱལཱིསཝཏྟཾ

༦༠. ‘‘ཨཱཔཏྟིཡཱ ¶ ཨཔྤཊིཀམྨེ ཨུཀྑེཔནཱིཡཀམྨཀཏེན, བྷིཀྑཝེ, བྷིཀྑུནཱ སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ – ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ, ན བྷིཀྑུནོཝཱདཀསམྨུཏི སཱདིཏབྦཱ, སམྨཏེནཔི བྷིཀྑུནིཡོ ན ཨོཝདིཏབྦཱ. ཡཱཡ ཨཱཔཏྟིཡཱ སངྒྷེན, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཀཏཾ ཧོཏི སཱ ཨཱཔཏྟི ན ཨཱཔཛྫིཏབྦཱ, ཨཉྙཱ ཝཱ ཏཱདིསིཀཱ, ཏཏོ ཝཱ པཱཔིཊྛཏརཱ; ཀམྨཾ ན གརཧིཏབྦཾ, ཀམྨིཀཱ ན གརཧིཏབྦཱ. ན པཀཏཏྟསྶ བྷིཀྑུནོ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརོ, སེཡྻཱབྷིཧཱརོ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔྤཊིགྒཧཎཾ, ནཧཱནེ པིཊྛིཔརིཀམྨཾ སཱདིཏབྦཾ. ན པཀཏཏྟོ བྷིཀྑུ སཱིལཝིཔཏྟིཡཱ ཨནུདྡྷཾསེཏབྦོ ¶ , ན ཨཱཙཱརཝིཔཏྟིཡཱ ཨནུདྡྷཾསེཏབྦོ, ན དིཊྛིཝིཔཏྟིཡཱ ཨནུདྡྷཾསེཏབྦོ, ན ཨཱཛཱིཝཝིཔཏྟིཡཱ ཨནུདྡྷཾསེཏབྦོ, ན བྷིཀྑུ བྷིཀྑཱུཧི བྷེདེཏབྦོ. ན གིཧིདྡྷཛོ དྷཱརེཏབྦོ, ན ཏིཏྠིཡདྡྷཛོ དྷཱརེཏབྦོ, ན ཏིཏྠིཡཱ སེཝིཏབྦཱ; བྷིཀྑཱུ སེཝིཏབྦཱ, བྷིཀྑུསིཀྑཱཡ སིཀྑིཏབྦཾ. ན པཀཏཏྟེན བྷིཀྑུནཱ སདྡྷིཾ ཨེཀཙྪནྣེ ཨཱཝཱསེ ཝཏྠབྦཾ, ན ཨེཀཙྪནྣེ ཨནཱཝཱསེ ཝཏྠབྦཾ, ན ཨེཀཙྪནྣེ ཨཱཝཱསེ ཝཱ ¶ ཨནཱཝཱསེ ཝཱ ཝཏྠབྦཾ, པཀཏཏྟཾ བྷིཀྑུཾ དིསྭཱ ཨཱསནཱ ཝུཊྛཱཏབྦཾ, ན པཀཏཏྟོ བྷིཀྑུ ཨཱསཱདེཏབྦོ ཨནྟོ ཝཱ བཧི ཝཱ. ན པཀཏཏྟསྶ བྷིཀྑུནོ ཨུཔོསཐོ ཋཔེཏབྦོ, ན པཝཱརཎཱ ཋཔེཏབྦཱ, ན སཝཙནཱིཡཾ ཀཱཏབྦཾ, ན ཨནུཝཱདོ པཊྛཔེཏབྦོ, ན ཨོཀཱསོ ཀཱརེཏབྦོ, ན ཙོདེཏབྦོ, ན སཱརེཏབྦོ, ན བྷིཀྑཱུཧི སམྤཡོཛེཏབྦ’’ནྟི.

ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨེ

ཏེཙཏྟཱལཱིསཝཏྟཾ ནིཊྛིཏཾ.

༦༡. ཨཐ ཁོ སངྒྷོ ཚནྣསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཨཀཱསི – ཨསམྦྷོགཾ སངྒྷེན. སོ སངྒྷེན, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཀཏོ ཏམྷཱ ཨཱཝཱསཱ ཨཉྙཾ ཨཱཝཱསཾ ཨགམཱསི. ཏཏྠ བྷིཀྑཱུ ནེཝ ཨབྷིཝཱདེསུཾ, ན པཙྩུཊྛེསུཾ, ན ཨཉྫལིཀམྨཾ ན སཱམཱིཙིཀམྨཾ ཨཀཾསུ, ན སཀྐརིཾསུ, ན གརུཾ ཀརིཾསུ, ན མཱནེསུཾ, ན པཱུཛེསུཾ. སོ བྷིཀྑཱུཧི ཨསཀྐརིཡམཱནོ ཨགརུཀརིཡམཱནོ ཨམཱནིཡམཱནོ ཨཔཱུཛིཡམཱནོ ཨསཀྐཱརཔཀཏོ ཏམྷཱཔི ཨཱཝཱསཱ ཨཉྙཾ ཨཱཝཱསཾ ¶ ཨགམཱསི. ཏཏྠཔི བྷིཀྑཱུ ནེཝ ཨབྷིཝཱདེསུཾ, ན པཙྩུཊྛེསུཾ, ན ཨཉྫལིཀམྨཾ ན སཱམཱིཙིཀམྨཾ ཨཀཾསུ, ན སཀྐརིཾསུ, ན གརུཾ ཀརིཾསུ, ན མཱནེསུཾ, ན པཱུཛེསུཾ. སོ བྷིཀྑཱུཧི ཨསཀྐརིཡམཱནོ ཨགརུཀརིཡམཱནོ ཨམཱནིཡམཱནོ ¶ ཨཔཱུཛིཡམཱནོ ཨསཀྐཱརཔཀཏོ ཏམྷཱཔི ཨཱཝཱསཱ ཨཉྙཾ ཨཱཝཱསཾ ཨགམཱསི. ཏཏྠཔི བྷིཀྑཱུ ནེཝ ཨབྷིཝཱདེསུཾ, ན པཙྩུཊྛེསུཾ, ན ཨཉྫལིཀམྨཾ ན སཱམཱིཙིཀམྨཾ ཨཀཾསུ, ན སཀྐརིཾསུ, ན གརུཾ ཀརིཾསུ, ན མཱནེསུཾ, ན པཱུཛེསུཾ. སོ བྷིཀྑཱུཧི ཨསཀྐརིཡམཱནོ ཨགརུཀརིཡམཱནོ ཨམཱནིཡམཱནོ ཨཔཱུཛིཡམཱནོ ཨསཀྐཱརཔཀཏོ པུནདེཝ ཀོསམྦིཾ པཙྩཱགཉྪི. སོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, བྷིཀྑཱུ ཨུཔསངྐམིཏྭཱ ཨེཝཾ ཝདེཏི – ‘‘ཨཧཾ, ཨཱཝུསོ, སངྒྷེན, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཀཏོ སམྨཱ ཝཏྟཱམི, ལོམཾ པཱཏེམི, ནེཏྠཱརཾ ཝཏྟཱམི. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ…. ‘‘ཏེན ཧི, བྷིཀྑཝེ, སངྒྷོ ཚནྣསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ པཊིཔྤསྶམྦྷེཏུ.

ནཔྤཊིཔྤསྶམྦྷེཏབྦཏེཙཏྟཱལཱིསཀཾ

༦༢. ‘‘པཉྩཧི ¶ , བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ. ཨུཔསམྤཱདེཏི, ནིསྶཡཾ དེཏི, སཱམཎེརཾ ཨུཔཊྛཱཔེཏི, བྷིཀྑུནོཝཱདཀསམྨུཏིཾ སཱདིཡཏི, སམྨཏོཔི བྷིཀྑུནིཡོ ཨོཝདཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ.

[པརི. ༤༢༠] ‘‘ཨཔརེཧིཔི ¶ , བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ. ཡཱཡ ཨཱཔཏྟིཡཱ སངྒྷེན, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཀཏཾ ཧོཏི ཏཾ ཨཱཔཏྟིཾ ཨཱཔཛྫཏི, ཨཉྙཾ ཝཱ ཏཱདིསིཀཾ, ཏཏོ ཝཱ པཱཔིཊྛཏརཾ; ཀམྨཾ གརཧཏི, ཀམྨིཀེ གརཧཏི…པེ… པཀཏཏྟསྶ བྷིཀྑུནོ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརཾ སཱདིཡཏི…པེ… པཀཏཏྟསྶ བྷིཀྑུནོ སེཡྻཱབྷིཧཱརཾ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔྤཊིགྒཧཎཾ, ནཧཱནེ པིཊྛིཔརིཀམྨཾ སཱདིཡཏི…པེ… པཀཏཏྟཾ བྷིཀྑུཾ སཱིལཝིཔཏྟིཡཱ ཨནུདྡྷཾསེཏི, ཨཱཙཱརཝིཔཏྟིཡཱ ཨནུདྡྷཾསེཏི, དིཊྛིཝིཔཏྟིཡཱ ཨནུདྡྷཾསེཏི, ཨཱཛཱིཝཝིཔཏྟིཡཱ ཨནུདྡྷཾསེཏི, བྷིཀྑུཾ བྷིཀྑཱུཧི བྷེདེཏི…པེ… གིཧིདྡྷཛཾ དྷཱརེཏི, ཏིཏྠིཡདྡྷཛཾ དྷཱརེཏི, ཏིཏྠིཡེ སེཝཏི, བྷིཀྑཱུ ན སེཝཏི, བྷིཀྑུསིཀྑཱཡ ན སིཀྑཏི…པེ… པཀཏཏྟེན བྷིཀྑུནཱ སདྡྷིཾ ཨེཀཙྪནྣེ ཨཱཝཱསེ ཝསཏི, ཨེཀཙྪནྣེ ཨནཱཝཱསེ ཝསཏི, ཨེཀཙྪནྣེ ཨཱཝཱསེ ཝཱ ཨནཱཝཱསེ ཝཱ ཝསཏི, པཀཏཏྟཾ བྷིཀྑུཾ དིསྭཱ ཨཱསནཱ ན ཝུཊྛཱཏི, པཀཏཏྟཾ བྷིཀྑུཾ ཨཱསཱདེཏི ཨནྟོ ཝཱ ¶ བཧི ཝཱ – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ ¶ , ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ.

‘‘ཨཊྛཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ. པཀཏཏྟསྶ བྷིཀྑུནོ ཨུཔོསཐཾ ཋཔེཏི, པཝཱརཎཾ ཋཔེཏི, སཝཙནཱིཡཾ ཀརོཏི, ཨནུཝཱདཾ པཊྛཔེཏི, ཨོཀཱསཾ ཀཱརེཏི, ཙོདེཏི, སཱརེཏི, བྷིཀྑཱུཧི སམྤཡོཛེཏི ¶ – ཨིམེཧི ཁོ, བྷིཀྑཝེ, ཨཊྛཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ.

ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨེ

ནཔྤཊིཔྤསྶམྦྷེཏབྦཏེཙཏྟཱལཱིསཀཾ ནིཊྛིཏཾ.

པཊིཔྤསྶམྦྷེཏབྦཏེཙཏྟཱལཱིསཀཾ

༦༣. ‘‘པཉྩཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ. ན ཨུཔསམྤཱདེཏི, ན ནིསྶཡཾ དེཏི, ན སཱམཎེརཾ ཨུཔཊྛཱཔེཏི, ན བྷིཀྑུནོཝཱདཀསམྨུཏིཾ སཱདིཡཏི, སམྨཏོཔི བྷིཀྑུནིཡོ ན ཨོཝདཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ. ཡཱཡ ཨཱཔཏྟིཡཱ སངྒྷེན, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ ཀཏཾ ཧོཏི ཏཾ ཨཱཔཏྟིཾ ན ཨཱཔཛྫཏི, ཨཉྙཾ ཝཱ ཏཱདིསིཀཾ, ཏཏོ ཝཱ པཱཔིཊྛཏརཾ ¶ ; ཀམྨཾ ན གརཧཏི, ཀམྨིཀེ ན གརཧཏི…པེ… ན པཀཏཏྟསྶ བྷིཀྑུནོ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརཾ སཱདིཡཏི…པེ… ན པཀཏཏྟསྶ བྷིཀྑུནོ སེཡྻཱབྷིཧཱརཾ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔྤཊིགྒཧཎཾ, ནཧཱནེ པིཊྛིཔརིཀམྨཾ སཱདིཡཏི…པེ… ན པཀཏཏྟཾ བྷིཀྑུཾ སཱིལཝིཔཏྟིཡཱ ཨནུདྡྷཾསེཏི, ན ཨཱཙཱརཝིཔཏྟིཡཱ ཨནུདྡྷཾསེཏི, ན དིཊྛིཝིཔཏྟིཡཱ ཨནུདྡྷཾསེཏི, ན ཨཱཛཱིཝཝིཔཏྟིཡཱ ཨནུདྡྷཾསེཏི, ན བྷིཀྑུཾ བྷིཀྑཱུཧི བྷེདེཏི…པེ… ན གིཧིདྡྷཛཾ དྷཱརེཏི, ན ཏིཏྠིཡདྡྷཛཾ དྷཱརེཏི, ན ཏིཏྠིཡེ སེཝཏི, བྷིཀྑཱུ སེཝཏི, བྷིཀྑུསིཀྑཱཡ སིཀྑཏི…པེ… ན པཀཏཏྟེན བྷིཀྑུནཱ སདྡྷིཾ ཨེཀཙྪནྣེ ཨཱཝཱསེ ཝསཏི, ན ཨེཀཙྪནྣེ ཨནཱཝཱསེ ཝསཏི, ན ཨེཀཙྪནྣེ ¶ ཨཱཝཱསེ ཝཱ ཨནཱཝཱསེ ཝཱ ཝསཏི, པཀཏཏྟཾ བྷིཀྑུཾ དིསྭཱ ཨཱསནཱ ཝུཊྛཱཏི, ན པཀཏཏྟཾ བྷིཀྑུཾ ཨཱསཱདེཏི ཨནྟོ ཝཱ བཧི ཝཱ – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ.

‘‘ཨཊྛཧི ¶ , བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ¶ ཨཔྤཊིཀམྨེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ. ན པཀཏཏྟསྶ བྷིཀྑུནོ ཨུཔོསཐཾ ཋཔེཏི, ན པཝཱརཎཾ ཋཔེཏི, ན སཝཙནཱིཡཾ ཀརོཏི, ན ཨནུཝཱདཾ པཊྛཔེཏི, ན ཨོཀཱསཾ ཀཱརེཏི, ན ཙོདེཏི, ན སཱརེཏི, ན བྷིཀྑཱུཧི སམྤཡོཛེཏི – ཨིམེཧི ཁོ, བྷིཀྑཝེ, ཨཊྛཧངྒེཧི སམནྣཱགཏསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ.

ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨེ

པཊིཔྤསྶམྦྷེཏབྦཏེཙཏྟཱལཱིསཀཾ ནིཊྛིཏཾ.

༦༤. ‘‘ཨེཝཉྩ པན, བྷིཀྑཝེ, པཊིཔྤསྶམྦྷེཏབྦཾ. ཏེན བྷིཀྑཝེ, ཚནྣེན བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘ཨཧཾ, བྷནྟེ, སངྒྷེན, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཀཏོ སམྨཱ ཝཏྟཱམི, ལོམཾ པཱཏེམི, ནེཏྠཱརཾ ཝཏྟཱམི, ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཱམཱི’ཏི. དུཏིཡམྤི ཡཱཙིཏབྦཱ. ཏཏིཡམྤི ཡཱཙིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ ཚནྣོ བྷིཀྑུ སངྒྷེན, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཚནྣསྶ བྷིཀྑུནོ ¶ , ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ པཊིཔྤསྶམྦྷེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཚནྣོ བྷིཀྑུ སངྒྷེན, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. སངྒྷོ ཚནྣསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ པཊིཔྤསྶམྦྷེཏི. ཡསྶཱཡསྨཏོ ཁམཏི ཚནྣསྶ བྷིཀྑུནོ, ཨཱཔཏྟིཡཱ ¶ ཨཔྤཊིཀམྨེ, ཨུཀྑེཔནཱིཡསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ¶ ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ ཚནྣོ བྷིཀྑུ སངྒྷེན, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. སངྒྷོ ཚནྣསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ པཊིཔྤསྶམྦྷེཏི. ཡསྶཱཡསྨཏོ ཁམཏི ཚནྣསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘པཊིཔྤསྶདྡྷཾ སངྒྷེན ཚནྣསྶ བྷིཀྑུནོ, ཨཱཔཏྟིཡཱ ཨཔྤཊིཀམྨེ, ཨུཀྑེཔནཱིཡཀམྨཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཾ ནིཊྛིཏཾ ཚཊྛཾ.

༧. པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཾ

༦༥. [ཨིདཾ ཝཏྠུ པཱཙི. ༤༡༧; མ. ནི. ༢༣༤ ཨཱདཡོ] ཏེན ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨརིཊྛསྶ ནཱམ བྷིཀྑུནོ གདྡྷབཱདྷིཔུབྦསྶ [གནྡྷབཱདྷིཔུབྦསྶ (ཀ.)] ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ ཧོཏི – ‘‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’’ཏི. ཨསྶོསུཾ ཁོ སམྦཧུལཱ བྷིཀྑཱུ ཨརིཊྛསྶ ནཱམ ཀིར བྷིཀྑུནོ གདྡྷབཱདྷིཔུབྦསྶ ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ – ‘‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’’ཏི. ཨཐ ཁོ ཏེ བྷིཀྑཱུ ཡེན ཨརིཊྛོ བྷིཀྑུ གདྡྷབཱདྷིཔུབྦོ ཏེནུཔསངྐམིཾསུ. ཨུཔསངྐམིཏྭཱ ཨརིཊྛཾ བྷིཀྑུཾ གདྡྷབཱདྷིཔུབྦཾ ཨེཏདཝོཙུཾ – ‘‘སཙྩཾ ཀིར ཏེ, ཨཱཝུསོ ཨརིཊྛ, ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ – ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’’ཏི? ‘‘ཨེཝཾབྱཱ ཁོ ཨཧཾ, ཨཱཝུསོ, བྷགཝཏཱ དྷམྨཾ དེསིཏཾ ཨཱཛཱནཱམི, ཡཐཱ ཡེམེ ¶ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’’ཏི.

‘‘མཱཝུསོ ¶ ཨརིཊྛ, ཨེཝཾ ཨཝཙ. མཱ བྷགཝནྟཾ ཨབྦྷཱཙིཀྑི. ན ཧི སཱདྷུ བྷགཝཏོ ཨབྦྷཀྑཱནཾ ¶ [ཨབྦྷཱཙིཀྑནཾ (ཀ.)]. ན ཧི བྷགཝཱ ཨེཝཾ ཝདེཡྻ. ཨནེཀཔརིཡཱཡེནཱཝུསོ ཨརིཊྛ, ཨནྟརཱཡིཀཱ དྷམྨཱ ཨནྟརཱཡིཀཱ ཝུཏྟཱ བྷགཝཏཱ. ཨལཉྩ པན ཏེ པཊིསེཝཏོ ཨནྟརཱཡཱཡ. ཨཔྤསྶཱདཱ ཀཱམཱ ཝུཏྟཱ བྷགཝཏཱ, བཧུདུཀྑཱ བཧུཔཱཡཱསཱ [བཧཱུཔཱཡཱསཱ (སཱི. སྱཱ.)], ཨཱདཱིནཝོ ཨེཏྠ བྷིཡྻོ. ཨཊྛིཀངྐལཱུཔམཱ ཀཱམཱ ཝུཏྟཱ བྷགཝཏཱ, བཧུདུཀྑཱ བཧཱུཔཱཡཱསཱ, ཨཱདཱིནཝོ ཨེཏྠ བྷིཡྻོ. མཾསཔེསཱུཔམཱ ཀཱམཱ ཝུཏྟཱ བྷགཝཏཱ…པེ… ཏིཎུཀྐཱུཔམཱ ཀཱམཱ ཝུཏྟཱ བྷགཝཏཱ…པེ… ཨངྒཱརཀཱསཱུཔམཱ ཀཱམཱ ཝུཏྟཱ བྷགཝཏཱ… སུཔིནཀཱུཔམཱ ཀཱམཱ ཝུཏྟཱ བྷགཝཏཱ… ཡཱཙིཏཀཱུཔམཱ ཀཱམཱ ཝུཏྟཱ བྷགཝཏཱ… རུཀྑཕལཱུཔམཱ ཀཱམཱ ཝུཏྟཱ ¶ བྷགཝཏཱ… ཨསིསཱུནཱུཔམཱ ཀཱམཱ ཝུཏྟཱ བྷགཝཏཱ… སཏྟིསཱུལཱུཔམཱ ཀཱམཱ ཝུཏྟཱ བྷགཝཏཱ… སཔྤསིརཱུཔམཱ ཀཱམཱ ཝུཏྟཱ བྷགཝཏཱ, བཧུདུཀྑཱ བཧཱུཔཱཡཱསཱ, ཨཱདཱིནཝོ ཨེཏྠ བྷིཡྻོ’’ཏི.

ཨེཝམྤི ཁོ ཨརིཊྛོ བྷིཀྑུ གདྡྷབཱདྷིཔུབྦོ ཏེཧི བྷིཀྑཱུཧི ཝུཙྩམཱནོ ཏཐེཝ ཏཾ པཱཔཀཾ དིཊྛིགཏཾ ཐཱམསཱ པརཱམཱསཱ ཨབྷིནིཝིསྶ ཝོཧརཏི – ‘‘ཨེཝཾབྱཱ ཁོ ཨཧཾ, ཨཱཝུསོ, བྷགཝཏཱ དྷམྨཾ དེསིཏཾ ཨཱཛཱནཱམི, ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’’ཏི. ཡཏོ ཙ ཁོ ཏེ བྷིཀྑཱུ ནཱསཀྑིཾསུ ཨརིཊྛཾ བྷིཀྑུཾ གདྡྷབཱདྷིཔུབྦཾ ཨེཏསྨཱ པཱཔཀཱ དིཊྛིགཏཱ ཝིཝེཙེཏུཾ, ཨཐ ཁོ ཏེ བྷིཀྑཱུ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝཏོ ཨེཏམཏྠཾ ཨཱརོཙེསུཾ. ཨཐ ¶ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཨརིཊྛཾ བྷིཀྑུཾ གདྡྷབཱདྷིཔུབྦཾ པཊིཔུཙྪི – ‘‘སཙྩཾ ཀིར ཏེ, ཨརིཊྛ, ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ – ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’’ཏི? ‘‘ཨེཝཾབྱཱ ཁོ ཨཧཾ, བྷནྟེ, བྷགཝཏཱ དྷམྨཾ དེསིཏཾ ཨཱཛཱནཱམི, ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱ’’ཏི.

‘‘ཀསྶ ¶ ནུ ཁོ ནཱམ ཏྭཾ, མོགྷཔུརིས, མཡཱ ཨེཝཾ དྷམྨཾ དེསིཏཾ ཨཱཛཱནཱསི? ནནུ མཡཱ, མོགྷཔུརིས, ཨནེཀཔརིཡཱཡེན ཨནྟརཱཡིཀཱ དྷམྨཱ ཨནྟརཱཡིཀཱ ཝུཏྟཱ? ཨལཉྩ པན ཏེ པཊིསེཝཏོ ཨནྟརཱཡཱཡ. ཨཔྤསྶཱདཱ ཀཱམཱ ཝུཏྟཱ མཡཱ, བཧུདུཀྑཱ བཧུཔཱཡཱསཱ, ཨཱདཱིནཝོ ཨེཏྠ བྷིཡྻོ. ཨཊྛིཀངྐལཱུཔམཱ ཀཱམཱ ཝུཏྟཱ མཡཱ, བཧུདུཀྑཱ བཧུཔཱཡཱསཱ, ཨཱདཱིནཝོ ཨེཏྠ བྷིཡྻོ. མཾསཔེསཱུཔམཱ ཀཱམཱ ཝུཏྟཱ མཡཱ…པེ… ཏིཎུཀྐཱུཔམཱ ཀཱམཱ ཝུཏྟཱ མཡཱ… ཨངྒཱརཀཱསཱུཔམཱ ཀཱམཱ ཝུཏྟཱ མཡཱ… སུཔིནཀཱུཔམཱ ཀཱམཱ ཝུཏྟཱ མཡཱ…པེ… ཡཱཙིཏཀཱུཔམཱ ཀཱམཱ ཝུཏྟཱ མཡཱ… རུཀྑཕལཱུཔམཱ ཀཱམཱ ཝུཏྟཱ མཡཱ… ཨསིསཱུནཱུཔམཱ ཀཱམཱ ཝུཏྟཱ ¶ མཡཱ… སཏྟིསཱུལཱུཔམཱ ཀཱམཱ ཝུཏྟཱ མཡཱ… སཔྤསིརཱུཔམཱ ཀཱམཱ ཝུཏྟཱ མཡཱ, བཧུདུཀྑཱ བཧུཔཱཡཱསཱ, ཨཱདཱིནཝོ ཨེཏྠ བྷིཡྻོ. ཨཐ ཙ པན ཏྭཾ, མོགྷཔུརིས, ཨཏྟནཱ དུགྒཧིཏེན [དུགྒཧིཏེན དིཊྛིགཏེན (སྱཱ.)] ཨམྷེ ཙེཝ ཨབྦྷཱཙིཀྑསི, ཨཏྟཱནཉྩ ཁཎསི ¶ , བཧུཉྩ ཨཔུཉྙཾ པསཝསི. ཏཉྷི ཏེ, མོགྷཔུརིས, བྷཝིསྶཏི དཱིགྷརཏྟཾ ཨཧིཏཱཡ དུཀྑཱཡ. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ཏེན ཧི, བྷིཀྑཝེ, སངྒྷོ ཨརིཊྛསྶ བྷིཀྑུནོ གདྡྷབཱདྷིཔུབྦསྶ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཀརོཏུ – ཨསམྦྷོགཾ སངྒྷེན. ཨེཝཉྩ པན བྷིཀྑཝེ ཀཱཏབྦཾ – པཋམཾ ཨརིཊྛོ བྷིཀྑུ ཙོདེཏབྦོ, ཙོདེཏྭཱ སཱརེཏབྦོ, སཱརེཏྭཱ ཨཱཔཏྟིཾ ཨཱརོཔེཏབྦོ, ཨཱཔཏྟིཾ ཨཱརོཔེཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༦༦. ‘‘སུཎཱཏུ མེ, བྷནྟེ, སངྒྷོ. ཨརིཊྛསྶ བྷིཀྑུནོ གདྡྷབཱདྷིཔུབྦསྶ ཨེཝརཱུཔཾ པཱཔཀཾ དིཊྛིགཏཾ ¶ ཨུཔྤནྣཾ – ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱཏི. སོ ཏཾ དིཊྛིཾ ན པཊིནིསྶཛྫཏི. ཡདི སངྒྷསྶ པཏྟཀལླཾ, སངྒྷོ ཨརིཊྛསྶ བྷིཀྑུནོ གདྡྷབཱདྷིཔུབྦསྶ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཀརེཡྻ – ཨསམྦྷོགཾ སངྒྷེན. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨརིཊྛསྶ བྷིཀྑུནོ གདྡྷབཱདྷིཔུབྦསྶ ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ – ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི ཡཐཱ ¶ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱཏི. སོ ཏཾ དིཊྛིཾ ན པཊིནིསྶཛྫཏི ¶ . སངྒྷོ ཨརིཊྛསྶ བྷིཀྑུནོ གདྡྷབཱདྷིཔུབྦསྶ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཀརོཏི – ཨསམྦྷོགཾ སངྒྷེན. ཡསྶཱཡསྨཏོ ཁམཏི ཨརིཊྛསྶ བྷིཀྑུནོ གདྡྷབཱདྷིཔུབྦསྶ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡསྶ ཀམྨསྶ ཀརཎཾ – ཨསམྦྷོགཾ སངྒྷེན, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨརིཊྛསྶ བྷིཀྑུནོ གདྡྷབཱདྷིཔུབྦསྶ ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ – ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ ཏེ པཊིསེཝཏོ ནཱལཾ ཨནྟརཱཡཱཡཱཏི. སོ ཏཾ དིཊྛིཾ ན པཊིནིསྶཛྫཏི. སངྒྷོ ཨརིཊྛསྶ བྷིཀྑུནོ གདྡྷབཱདྷིཔུབྦསྶ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཀརོཏི – ཨསམྦྷོགཾ ¶ སངྒྷེན. ཡསྶཱཡསྨཏོ ཁམཏི ཨརིཊྛསྶ བྷིཀྑུནོ གདྡྷབཱདྷིཔུབྦསྶ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡསྶ ཀམྨསྶ ཀརཎཾ – ཨསམྦྷོགཾ སངྒྷེན, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཀཏཾ སངྒྷེན ཨརིཊྛསྶ བྷིཀྑུནོ གདྡྷབཱདྷིཔུབྦསྶ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ – ཨསམྦྷོགཾ སངྒྷེན. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི.

‘‘ཨཱཝཱསཔརམྤརཉྩ, བྷིཀྑཝེ, སཾསཐ – ‘ཨརིཊྛོ བྷིཀྑུ གདྡྷབཱདྷིཔུབྦོ, སངྒྷེན པཱཔིཀཱཡ [གདྡྷབཱདྷིཔུབྦོ པཱཔིཀཱཡ (སཱི. ཀ.)] དིཊྛིཡཱ ཨཔྤཊིནིསྶགྒེ ¶ , ཨུཀྑེཔནཱིཡཀམྨཀཏོ – ཨསམྦྷོགཾ སངྒྷེནཱ’’’ཏི.

ཨདྷམྨཀམྨདྭཱདསཀཾ

༦༧. ‘‘ཏཱིཧི, བྷིཀྑཝེ, ཨངྒེཧི སམནྣཱགཏཾ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨསམྨུཁཱ ཀཏཾ ཧོཏི, ཨཔྤཊིཔུཙྪཱ ཀཏཾ ཧོཏི, ཨཔྤཊིཉྙཱཡ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ, པཱཔིཀཱཡ ¶ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨནཱཔཏྟིཡཱ ཀཏཾ ཧོཏི, ཨདེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, དེསིཏཱཡ ཨཱཔཏྟིཡཱ ཀཏཾ ཧོཏི…པེ… ཨཙོདེཏྭཱ ཀཏཾ ཧོཏི, ཨསཱརེཏྭཱ ཀཏཾ ཧོཏི, ཨཱཔཏྟིཾ ཨནཱརོཔེཏྭཱ ཀཏཾ ཧོཏི…པེ… ཨསམྨུཁཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཔྤཊིཔུཙྪཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཔྤཊིཉྙཱཡ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ¶ ཨནཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨདེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… དེསིཏཱཡ ཨཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཙོདེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨསཱརེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ… ཨཱཔཏྟིཾ ཨནཱརོཔེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ ¶ , ཏཱིཧངྒེཧི སམནྣཱགཏཾ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨེ

ཨདྷམྨཀམྨདྭཱདསཀཾ ནིཊྛིཏཾ.

དྷམྨཀམྨདྭཱདསཀཾ

༦༨. ‘‘ཏཱིཧི ¶ , བྷིཀྑཝེ, ཨངྒེཧི སམནྣཱགཏཾ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. སམྨུཁཱ ཀཏཾ ཧོཏི, པཊིཔུཙྪཱ ཀཏཾ ཧོཏི, པཊིཉྙཱཡ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

‘‘ཨཔརེཧིཔི ¶ , བྷིཀྑཝེ, ཏཱིཧངྒེཧི སམནྣཱགཏཾ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. ཨཱཔཏྟིཡཱ ཀཏཾ ཧོཏི, དེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, ཨདེསིཏཱཡ ཨཱཔཏྟིཡཱ ཀཏཾ ཧོཏི…པེ… ཙོདེཏྭཱ ཀཏཾ ཧོཏི, སཱརེཏྭཱ ཀཏཾ ཧོཏི, ཨཱཔཏྟིཾ ཨཱརོཔེཏྭཱ ཀཏཾ ཧོཏི…པེ… སམྨུཁཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… པཊིཔུཙྪཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… པཊིཉྙཱཡ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ¶ ཧོཏི, སམགྒེན ཀཏཾ ཧོཏི…པེ… དེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ཨདེསིཏཱཡ ཨཱཔཏྟིཡཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ཙོདེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… སཱརེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི…པེ… ཨཱཔཏྟིཾ ཨཱརོཔེཏྭཱ ཀཏཾ ཧོཏི, དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨེ

དྷམྨཀམྨདྭཱདསཀཾ ནིཊྛིཏཾ.

ཨཱཀངྑམཱནཚཀྐཾ

༦༩. [པརི. ༣༢༣] ‘‘ཏཱིཧི ¶ , བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཀརེཡྻ. བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ; བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ ¶ ; གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཀརེཡྻ.

‘‘ཨཔརེཧིཔི ¶ , བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཀརེཡྻ. ཨདྷིསཱིལེ སཱིལཝིཔནྣོ ཧོཏི, ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨཏིདིཊྛིཡཱ དིཊྛིཝིཔནྣོ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཀརེཡྻ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཀརེཡྻ. བུདྡྷསྶ ཨཝཎྞཾ བྷཱསཏི, དྷམྨསྶ ཨཝཎྞཾ བྷཱསཏི, སངྒྷསྶ ཨཝཎྞཾ བྷཱསཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ, ཨཱཀངྑམཱནོ སངྒྷོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཀརེཡྻ.

‘‘ཏིཎྞཾ, བྷིཀྑཝེ, བྷིཀྑཱུནཾ, ཨཱཀངྑམཱནོ སངྒྷོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཀརེཡྻ. ཨེཀོ བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ; ཨེཀོ བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ; ཨེཀོ གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི – ཨིམེསཾ ¶ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཀརེཡྻ.

‘‘ཨཔརེསམྤི, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྐམཱནོ སངྒྷོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཀརེཡྻ. ཨེཀོ ཨདྷིསཱིལེ སཱིལཝིཔནྣོ ཧོཏི, ཨེཀོ ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨེཀོ ཨཏིདིཊྛིཡཱ དིཊྛིཝིཔནྣོ ཧོཏི – ཨིམེསཾ ཁོ, བྷིཀྑཝེ ¶ , ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཀརེཡྻ.

‘‘ཨཔརེསམྤི, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཀརེཡྻ. ཨེཀོ བུདྡྷསྶ ཨཝཎྞཾ བྷཱསཏི, ཨེཀོ དྷམྨསྶ ཨཝཎྞཾ བྷཱསཏི, ཨེཀོ སངྒྷསྶ ཨཝཎྞཾ བྷཱསཏི ¶ – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ, ཨཱཀངྑམཱནོ སངྒྷོ, པཱཔིཀཱཡ དིཊྛིཡཱ ཨཔྤཊིནིསྶགེ, ཨུཀྑེཔནཱིཡཀམྨཾ ཀརེཡྻ.

པཱཔིཀཱཡ དིཊྛིཡཱ ཨཔྤཊིནིསྶགེ ཨུཀྑེཔནཱིཡཀམྨེ

ཨཱཀངྑམཱནཚཀྐཾ ནིཊྛིཏཾ.

ཏེཙཏྟཱལཱིསཝཏྟཾ

༧༠. ‘‘པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཀཏེན, བྷིཀྑཝེ, བྷིཀྑུནཱ སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ – ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ, ན བྷིཀྑུནོཝཱདཀསམྨུཏི སཱདིཏབྦཱ, སམྨཏེནཔི བྷིཀྑུནིཡོ ¶ ན ཨོཝདིཏབྦཱ. ཡཱཡ ཨཱཔཏྟིཡཱ སངྒྷེན, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཀཏཾ ཧོཏི སཱ ཨཱཔཏྟི ན ཨཱཔཛྫིཏབྦཱ, ཨཉྙཱ ཝཱ ཏཱདིསིཀཱ, ཏཏོ ཝཱ པཱཔིཊྛཏརཱ; ཀམྨཾ ན གརཧིཏབྦཾ, ཀམྨིཀཱ ན གརཧིཏབྦཱ…པེ… ན པཀཏཏྟསྶ བྷིཀྑུནོ ཨུཔོསཐོ ཋཔེཏབྦོ, ན པཝཱརཎཱ ཋཔེཏབྦཱ, ན སཝཙནཱིཡཾ ཀཱཏབྦཾ, ན ཨནུཝཱདོ པཊྛཔེཏབྦོ, ན ཨོཀཱསོ ཀཱརེཏབྦོ, ན ཙོདེཏབྦོ, ན སཱརེཏབྦོ, ན བྷིཀྑཱུཧི སམྤཡོཛེཏབྦ’’ནྟི.

པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨེ

ཏེཙཏྟཱལཱིསཝཏྟཾ ནིཊྛིཏཾ.

༧༡. ཨཐ ཁོ སངྒྷོ ཨརིཊྛསྶ བྷིཀྑུནོ གདྡྷབཱདྷིཔུབྦསྶ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཨཀཱསི – ཨསམྦྷོགཾ སངྒྷེན. སོ སངྒྷེན, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཀཏོ ཝིབྦྷམི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨརིཊྛོ བྷིཀྑུ གདྡྷབཱདྷིཔུབྦོ སངྒྷེན ¶ , པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཀཏོ ཝིབྦྷམིསྶཏཱི’’ཏི? ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ.

ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, ཨརིཊྛོ ¶ བྷིཀྑུ གདྡྷབཱདྷིཔུབྦོ ¶ སངྒྷེན, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཀཏོ ཝིབྦྷམཏཱི’’ཏི [ཝིབྦྷམཱིཏི (སཱི. ཀ.)]? ‘‘སཙྩཾ ¶ བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ…པེ… ཀཐཉྷི ནཱམ སོ, བྷིཀྑཝེ, མོགྷཔུརིསོ སངྒྷེན, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཀཏོ ཝིབྦྷམིསྶཏི? ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, སངྒྷོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ པཊིཔྤསྶམྦྷེཏུ.

ནཔྤཊིཔྤསྶམྦྷེཏབྦཏེཙཏྟཱལཱིསཀཾ

༧༢. ‘‘པཉྩཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ. ཨུཔསམྤཱདེཏི, ནིསྶཡཾ དེཏི, སཱམཎེརཾ ཨུཔཊྛཱཔེཏི, བྷིཀྑུནོཝཱདཀསམྨུཏིཾ སཱདིཡཏི, སམྨཏོཔི བྷིཀྑུནིཡོ ཨོཝདཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, པཱཔིཀཱཡ དིཊྛིཡཱ ཨཔྤཊིནིསྶགེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ.

[པརི. ༤༢༠] ‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ. ཡཱཡ ཨཱཔཏྟིཡཱ སངྒྷེན པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཾ ཀཏཾ ཧོཏི ཏཾ ཨཱཔཏྟིཾ ཨཱཔཛྫཏི, ཨཉྙཾ ཝཱ ཏཱདིསིཀཾ, ཏཏོ ཝཱ པཱཔིཊྛཏརཾ; ཀམྨཾ གརཧཏི, ཀམྨིཀེ གརཧཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ…པེ… ¶ .

‘‘ཨཊྛཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ. པཀཏཏྟསྶ བྷིཀྑུནོ ཨུཔོསཐཾ ཋཔེཏི, པཝཱརཎཾ ཋཔེཏི, སཝཙནཱིཡཾ ཀརོཏི, ཨནུཝཱདཾ པཊྛཔེཏི, ཨོཀཱསཾ ཀཱརེཏི, ཙོདེཏི, སཱརེཏི ¶ , བྷིཀྑཱུཧི སམྤཡོཛེཏི – ཨིམེཧི ཁོ, བྷིཀྑཝེ, ཨཊྛཧངྒེཧི སམནྣཱགཏསྶ བྷིཀྑུནོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ནཔྤཊིཔྤསྶམྦྷེཏབྦཾ.

པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨེ

ནཔྤཊིཔྤསྶམྦྷེཏབྦཏེཙཏྟཱལཱིསཀཾ ནིཊྛིཏཾ.

པཊིཔྤསྶམྦྷེཏབྦཏེཙཏྟཱལཱིསཀཾ

༧༣. ‘‘པཉྩཧི ¶ , བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ. ན ཨུཔསམྤཱདེཏི, ན ནིསྶཡཾ དེཏི, ན སཱམཎེརཾ ཨུཔཊྛཱཔེཏི, ན བྷིཀྑུནོཝཱདཀསམྨུཏིཾ སཱདིཡཏི, སམྨཏོཔི བྷིཀྑུནིཡོ ན ཨོཝདཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ.

‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ. ཡཱཡ ཨཱཔཏྟིཡཱ སངྒྷེན, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ ཀཏཾ ཧོཏི ཏཾ ཨཱཔཏྟིཾ ན ཨཱཔཛྫཏི, ཨཉྙཾ ཝཱ ཏཱདིསིཀཾ ¶ , ཏཏོ ཝཱ པཱཔིཊྛཏརཾ; ཀམྨཾ ན གརཧཏི, ཀམྨིཀེ ན གརཧཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ…པེ….

‘‘ཨཊྛཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ. ན པཀཏཏྟསྶ བྷིཀྑུནོ ཨུཔོསཐཾ ཋཔེཏི, ན པཝཱརཎཾ ཋཔེཏི, ན སཝཙནཱིཡཾ ཀརོཏི, ན ཨནུཝཱདཾ པཊྛཔེཏི, ན ཨོཀཱསཾ ཀཱརེཏི, ན ཙོདེཏི, ན སཱརེཏི, ན བྷིཀྑཱུཧི སམྤཡོཛེཏི – ཨིམེཧི ཁོ, བྷིཀྑཝེ, ཨཊྛཧངྒེཧི སམནྣཱགཏསྶ བྷིཀྑུནོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ པཊིཔྤསྶམྦྷེཏབྦཾ’’.

པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨེ

པཊིཔྤསྶམྦྷེཏབྦཏེཙཏྟཱལཱིསཀཾ ནིཊྛིཏཾ.

༧༤. ‘‘ཨེཝཉྩ ¶ པན, བྷིཀྑཝེ, པཊིཔྤསྶམྦྷེཏབྦཾ. ཏེན, བྷིཀྑཝེ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཀཏེན བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘ཨཧཾ, བྷནྟེ, སངྒྷེན, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཀཏོ སམྨཱ ཝཏྟཱམི, ལོམཾ པཱཏེམི, ནེཏྠཱརཾ ཝཏྟཱམི, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡསྶ ¶ ཀམྨསྶ པཊིཔྤསྶདྡྷིཾ ¶ ཡཱཙཱམཱི’ཏི. དུཏིཡམྤི ཡཱཙིཏབྦཱ. ཏཏིཡམྤི ཡཱཙིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སངྒྷེན, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམསྶ བྷིཀྑུནོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ པཊིཔྤསྶམྦྷེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སངྒྷེན, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པཱཔིཀཱཡ དིཊྛིཡཱ ཨཔྤཊིནིསྶགྒེ ¶ , ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. སངྒྷོ ཨིཏྠནྣཱམསྶ བྷིཀྑུནོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ པཊིཔྤསྶམྦྷེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སངྒྷེན, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡསྶ ཀམྨསྶ པཊིཔྤསྶདྡྷིཾ ཡཱཙཏི. སངྒྷོ ཨིཏྠནྣཱམསྶ བྷིཀྑུནོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ པཊིཔྤསྶམྦྷེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘པཊིཔྤསྶདྡྷཾ ¶ སངྒྷེན ཨིཏྠནྣཱམསྶ བྷིཀྑུནོ, པཱཔིཀཱཡ དིཊྛིཡཱ ཨཔྤཊིནིསྶགྒེ, ཨུཀྑེཔནཱིཡཀམྨཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཾ ནིཊྛིཏཾ སཏྟམཾ.

ཀམྨཀྑནྡྷཀོ པཋམོ.

ཨིམམྷི ཁནྡྷཀེ ཝཏྠཱུ སཏྟ.

ཏསྶུདྡཱནཾ –

པཎྜུལོཧིཏཀཱ ¶ བྷིཀྑཱུ, སཡཾ བྷཎྜནཀཱརཀཱ;

ཏཱདིསེ ཨུཔསངྐམྨ, ཨུསྶཧིཾསུ ཙ བྷཎྜནེ.

ཨནུཔྤནྣཱཔི ཛཱཡནྟི [ཨནུཔྤནྣཱནི ཛཱཡནྟི (སཱི. སྱཱ.)], ཨུཔྤནྣཱནིཔི ཝཌྜྷརེ [ཨུཔྤནྣཱནི པཝཌྜྷརེ (སཱི.), ཨུཔྤནྣཱཔི པཝཌྜྷནྟི (ཀ.)];

ཨཔྤིཙྪཱ པེསལཱ བྷིཀྑཱུ, ཨུཛ྄ཛྷཱཡནྟི པདསྶཏོ [པརཱིསཏོ (སྱཱ.), པརསྶཏོ (སཱི.)].

སདྡྷམྨཊྛིཏིཀོ བུདྡྷོ, སཡམྦྷཱུ ཨགྒཔུགྒལོ;

ཨཱཎཱཔེསི ཏཛྫནཱིཡཀམྨཾ སཱཝཏྠིཡཾ ཛིནོ.

ཨསམྨུཁཱཔྤཊིཔུཙྪཱཔྤཊིཉྙཱཡ ¶ ཀཏཉྩ ཡཾ;

ཨནཱཔཏྟི ཨདེསནེ, དེསིཏཱཡ ཀཏཉྩ ཡཾ.

ཨཙོདེཏྭཱ ཨསཱརེཏྭཱ, ཨནཱརོཔེཏྭཱ ཙ ཡཾ ཀཏཾ;

ཨསམྨུཁཱ ཨདྷམྨེན, ཝགྒེན ཙཱཔི [ཝགྒེནཱཔི ཙ (སཱི. སྱཱ.)] ཡཾ ཀཏཾ.

ཨཔྤཊིཔུཙྪཱ ཨདྷམྨེན, པུན ཝགྒེན [ཝགྒེནཱཔི ཙ (སཱི. སྱཱ.)] ཡཾ ཀཏཾ;

ཨཔྤཊིཉྙཱཡ ཨདྷམྨེན, ཝགྒེན ཙཱཔི [ཝགྒེནཱཔི ཙ (སཱི. སྱཱ.)] ཡཾ ཀཏཾ.

ཨནཱཔཏྟི [ཨནཱཔཏྟིཡཱ (སཱི. སྱཱ.)] ཨདྷམྨེན, ཝགྒེན

ཙཱཔི [ཝགྒེནཱཔི ཙ (སཱི. སྱཱ.)] ཡཾ ཀཏཾ.

ཨདེསནཱགཱམིནིཡཱ, ཨདྷམྨཝགྒམེཝ ཙ.

དེསིཏཱཡ ¶ ཨདྷམྨེན, ཝགྒེནཱཔི ཏཐེཝ ཙ;

ཨཙོདེཏྭཱ ¶ ཨདྷམྨེན, ཝགྒེནཱཔི ཏཐེཝ ཙ.

ཨསཱརེཏྭཱ ཨདྷམྨེན, ཝགྒེནཱཔི ཏཐེཝ ཙ;

ཨནཱརོཔེཏྭཱ ཨདྷམྨེན, ཝགྒེནཱཔི ཏཐེཝ ཙ.

ཀཎྷཝཱརནཡེནེཝ, སུཀྐཝཱརཾ ཝིཛཱནིཡཱ;

སངྒྷོ ཨཱཀངྑམཱནོ ཙ ཡསྶ ཏཛྫནིཡཾ ཀརེ.

བྷཎྜནཾ བཱལོ སཾསཊྛོ, ཨདྷིསཱིལེ ཨཛ྄ཛྷཱཙཱརེ;

ཨཏིདིཊྛིཝིཔནྣསྶ, སངྒྷོ ཏཛྫནིཡཾ ཀརེ.

བུདྡྷདྷམྨསྶ ¶ ¶ སངྒྷསྶ, ཨཝཎྞཾ ཡོ ཙ བྷཱསཏི;

ཏིཎྞནྣམྤི ཙ བྷིཀྑཱུནཾ, སངྒྷོ ཏཛྫནིཡཾ ཀརེ.

བྷཎྜནཾ ཀཱརཀོ ཨེཀོ, བཱལོ སཾསགྒནིསྶིཏོ;

ཨདྷིསཱིལེ ཨཛ྄ཛྷཱཙཱརེ, ཏཐེཝ ཨཏིདིཊྛིཡཱ.

བུདྡྷདྷམྨསྶ སངྒྷསྶ, ཨཝཎྞཾ ཡོ ཙ བྷཱསཏི;

ཏཛྫནཱིཡཀམྨཀཏོ, ཨེཝཾ སམྨཱནུཝཏྟནཱ.

ཨུཔསམྤདནིསྶཡཱ, སཱམཎེརཾ ཨུཔཊྛནཱ;

ཨོཝཱདསམྨཏེནཱཔི, ན ཀརེ ཏཛྫནཱིཀཏོ.

ནཱཔཛྫེ ཏཉྩ ཨཱཔཏྟིཾ, ཏཱདིསཉྩ ཏཏོ པརཾ;

ཀམྨཉྩ ཀམྨིཀེ ཙཱཔི, ན གརཧེ ཏཐཱཝིདྷོ.

ཨུཔོསཐཾ པཝཱརཎཾ, པཀཏཏྟསྶ ནཊྛཔེ;

སཝཙནིཾ [ན སཝཙནིཡཾ (སཱི. སྱཱ.)] ཨནུཝཱདོ, ཨོཀཱསོ ཙོདནེན ཙ.

སཱརཎཾ ¶ སམྤཡོགཉྩ, ན ཀརེཡྻ ཏཐཱཝིདྷོ;

ཨུཔསམྤདནིསྶཡཱ, སཱམཎེརཾ ཨུཔཊྛནཱ.

ཨོཝཱདསམྨཏེནཱཔི, པཉྩཧངྒེཧི [པཉྩཨངྒོ (ཀ.)] ན སམྨཏི;

ཏཉྩཱཔཛྫཏི ཨཱཔཏྟིཾ, ཏཱདིསཉྩ ཏཏོ པརཾ.

ཀམྨཉྩ ཀམྨིཀེ ཙཱཔི, གརཧནྟོ ན སམྨཏི;

ཨུཔོསཐཾ ¶ པཝཱརཎཾ, སཝཙནཱིཡཱ ཙ ནོཝཱདོ.

ཨོཀཱསོ ཙོདནཉྩེཝ, སཱརཎཱ སམྤཡོཛནཱ;

ཨིམེཧཊྛངྒེཧི ཡོ ཡུཏྟོ, ཏཛྫནཱནུཔསམྨཏི.

ཀཎྷཝཱརནཡེནེཝ, སུཀྐཝཱརཾ ཝིཛཱནིཡཱ;

བཱལོ ཨཱཔཏྟིབཧུལོ, སཾསཊྛོཔི ཙ སེཡྻསོ.

ནིཡསྶཀམྨཾ སམྦུདྡྷོ, ཨཱཎཱཔེསི མཧཱམུནི;

ཀཱིཊཱགིརིསྨིཾ དྭེ བྷིཀྑཱུ, ཨསྶཛིཔུནབྦསུཀཱ.

ཨནཱཙཱརཉྩ ¶ ཝིཝིདྷཾ, ཨཱཙརིཾསུ ཨསཉྙཏཱ;

པབྦཱཛནཱིཡཾ སམྦུདྡྷོ, ཀམྨཾ སཱཝཏྠིཡཾ ཛིནོ;

མཙྪིཀཱསཎྜེ སུདྷམྨོ, ཙིཏྟསྶཱཝཱསིཀོ ཨཧུ.

ཛཱཏིཝཱདེན ཁུཾསེཏི, སུདྷམྨོ ཙིཏྟུཔཱསཀཾ;

པཊིསཱརཎཱིཡཀམྨཾ, ཨཱཎཱཔེསི ཏཐཱགཏོ.

ཀོསམྦིཡཾ ཚནྣཾ བྷིཀྑུཾ, ནིཙྪནྟཱཔཏྟིཾ པསྶིཏུཾ;

ཨདསྶནེ ¶ ཨུཀྑིཔིཏུཾ, ཨཱཎཱཔེསི ཛིནུཏྟམོ.

ཚནྣོ ཏཾཡེཝ ཨཱཔཏྟིཾ, པཊིཀཱཏུཾ ན ཨིཙྪཏི;

ཨུཀྑེཔནཱཔྤཊིཀམྨེ, ཨཱཎཱཔེསི ཝིནཱཡཀོ.

པཱཔདིཊྛི ¶ ཨརིཊྛསྶ, ཨཱསི ཨཉྙཱཎནིསྶིཏཱ;

དིཊྛིཡཱཔྤཊིནིསྶགྒེ [དིཊྛིཨཔྤཊིནིསྶགྒེ (ཀ.)], ཨུཀྑེཔཾ ཛིནབྷཱསིཏཾ.

ནིཡསྶཀམྨཾ པབྦཛྫཾ [པབྦཱཛཾ (ཀ.)], ཏཐེཝ པཊིསཱརཎཱི;

ཨདསྶནཱཔྤཊིཀམྨེ ¶ , ཨནིསྶགྒེ ཙ དིཊྛིཡཱ.

དཝཱནཱཙཱརཱུཔགྷཱཏི, མིཙྪཱཨཱཛཱིཝམེཝ ཙ;

པབྦཱཛནཱིཡཀམྨམྷི, ཨཏིརེཀཔདཱ ཨིམེ.

ཨལཱབྷཱཝཎྞཱ དྭེ པཉྩ, དྭེ པཉྩཀཱཏི ནཱམཀཱ [དྭེ པཉྩཀོཏི ནཱམཀོ (ཀ.)];

པཊིསཱརཎཱིཡཀམྨམྷི, ཨཏིརེཀཔདཱ ཨིམེ.

ཏཛྫནཱིཡཾ ནིཡསྶཉྩ, དུཝེ ཀམྨཱཔི སཱདིསཱ [ཀམྨེསུ སདིསཾ (ཀ.)];

པབྦཛྫཱ [པབྦཱཛཱ (ཀ.)] པཊིསཱརཱི ཙ, ཨཏྠི པདཱཏིརིཏྟཏཱ.

ཏཡོ ཨུཀྑེཔནཱ ཀམྨཱ, སདིསཱ ཏེ ཝིབྷཏྟིཏོ;

ཏཛྫནཱིཡནཡེནཱཔི, སེསཀམྨཾ ཝིཛཱནིཡཱཏི.

ཀམྨཀྑནྡྷཀཾ ནིཊྛིཏཾ.

༢. པཱརིཝཱསིཀཀྑནྡྷཀཾ

༡. པཱརིཝཱསིཀཝཏྟཾ

༧༥. ཏེན ¶ ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན པཱརིཝཱསིཀཱ བྷིཀྑཱུ སཱདིཡནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརཾ, སེཡྻཱབྷིཧཱརཾ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔཊིགྒཧཎཾ, ནཧཱནེ པིཊྛིཔརིཀམྨཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ པཱརིཝཱསིཀཱ བྷིཀྑཱུ སཱདིཡིསྶནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརཾ, སེཡྻཱབྷིཧཱརཾ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔཊིགྒཧཎཾ, ནཧཱནེ པིཊྛིཔརིཀམྨ’’ནྟི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ.

ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, པཱརིཝཱསིཀཱ བྷིཀྑཱུ སཱདིཡནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརཾ, སེཡྻཱབྷིཧཱརཾ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔཊིགྒཧཎཾ, ནཧཱནེ པིཊྛིཔརིཀམྨ’’ནྟི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ…པེ… ཀཐཉྷི ནཱམ, བྷིཀྑཝེ, པཱརིཝཱསིཀཱ བྷིཀྑཱུ སཱདིཡིསྶནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརཾ, སེཡྻཱབྷིཧཱརཾ, པཱདོདཀཾ ¶ པཱདཔཱིཋཾ, པཱདཀཐལིཀཾ, པཏྟཙཱིཝརཔཊིགྒཧཎཾ, ནཧཱནེ པིཊྛིཔརིཀམྨཾ. ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, པཱརིཝཱསིཀེན བྷིཀྑུནཱ སཱདིཏབྦཾ པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ ¶ , སཱམཱིཙིཀམྨཾ, ཨཱསནཱབྷིཧཱརོ, སེཡྻཱབྷིཧཱརོ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔཊིགྒཧཎཾ, ནཧཱནེ པིཊྛིཔརིཀམྨཾ. ཡོ སཱདིཡེཡྻ, ཨཱཔཏྟི དུཀྐཊསྶ.

‘‘ཨནུཛཱནཱམི, བྷིཀྑཝེ, པཱརིཝཱསིཀཱནཾ བྷིཀྑཱུནཾ མིཐུ ཡཐཱཝུཌྜྷཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརཾ, སེཡྻཱབྷིཧཱརཾ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔཊིགྒཧཎཾ, ནཧཱནེ པིཊྛིཔརིཀམྨཾ.

‘‘ཨནུཛཱནཱམི ¶ , བྷིཀྑཝེ, པཱརིཝཱསིཀཱནཾ བྷིཀྑཱུནཾ པཉྩ ཡཐཱཝུཌྜྷཾ – ཨུཔོསཐཾ, པཝཱརཎཾ, ཝསྶིཀསཱཊིཀཾ, ཨོཎོཛནཾ, བྷཏྟཾ. ཏེན ཧི, བྷིཀྑཝེ, པཱརིཝཱསིཀཱནཾ བྷིཀྑཱུནཾ ཝཏྟཾ པཉྙཔེསྶཱམི ཡཐཱ པཱརིཝཱསིཀེཧི བྷིཀྑཱུཧི ཝཏྟིཏབྦཾ ¶ .

༧༦. ‘‘པཱརིཝཱསིཀེན, བྷིཀྑཝེ, བྷིཀྑུནཱ སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ –

ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ, ན བྷིཀྑུནོཝཱདཀསམྨུཏི སཱདིཏབྦཱ, སམྨཏེནཔི བྷིཀྑུནིཡོ ན ཨོཝདིཏབྦཱ. ཡཱཡ ཨཱཔཏྟིཡཱ སངྒྷེན པརིཝཱསོ དིནྣོ ཧོཏི སཱ ཨཱཔཏྟི ན ཨཱཔཛྫིཏབྦཱ, ཨཉྙཱ ཝཱ ¶ ཏཱདིསིཀཱ, ཏཏོ ཝཱ པཱཔིཊྛཏརཱ; ཀམྨཾ ན གརཧིཏབྦཾ, ཀམྨིཀཱ ན གརཧིཏབྦཱ. ན པཀཏཏྟསྶ བྷིཀྑུནོ ཨུཔོསཐོ ཋཔེཏབྦོ, ན པཝཱརཎཱ ཋཔེཏབྦཱ, ན སཝཙནཱིཡཾ ཀཱཏབྦཾ, ན ཨནུཝཱདོ པཊྛཔེཏབྦོ, ན ཨོཀཱསོ ཀཱརེཏབྦོ, ན ཙོདེཏབྦོ, ན སཱརེཏབྦོ, ན བྷིཀྑཱུཧི སམྤཡོཛེཏབྦཾ.

‘‘ན, བྷིཀྑཝེ, པཱརིཝཱསིཀེན བྷིཀྑུནཱ པཀཏཏྟསྶ བྷིཀྑུནོ པུརཏོ གནྟབྦཾ, ན པུརཏོ ནིསཱིདིཏབྦཾ. ཡོ ཧོཏི སངྒྷསྶ ཨཱསནཔརིཡནྟོ སེཡྻཱཔརིཡནྟོ ཝིཧཱརཔརིཡནྟོ སོ ཏསྶ པདཱཏབྦོ. ཏེན ཙ སོ སཱདིཏབྦོ.

‘‘ན, བྷིཀྑཝེ, པཱརིཝཱསིཀེན བྷིཀྑུནཱ པཀཏཏྟེན བྷིཀྑུནཱ པུརེསམཎེན ཝཱ པཙྪཱསམཎེན ཝཱ ཀུལཱནི ཨུཔསངྐམིཏབྦཱནི, ན ཨཱརཉྙིཀངྒཾ སམཱདཱཏབྦཾ [སམཱདིཏབྦཾ (ཀ.)], ན པིཎྜཔཱཏིཀངྒཾ སམཱདཱཏབྦཾ, ན ཙ ཏཔྤཙྩཡཱ པིཎྜཔཱཏོ ནཱིཧརཱཔེཏབྦོ – མཱ མཾ ཛཱནིཾསཱུཏི.

‘‘པཱརིཝཱསིཀེན ¶ , བྷིཀྑཝེ, བྷིཀྑུནཱ ཨཱགནྟུཀེན ཨཱརོཙེཏབྦཾ, ཨཱགནྟུཀསྶ ཨཱརོཙེཏབྦཾ, ཨུཔོསཐེ ཨཱརོཙེཏབྦཾ, པཝཱརཎཱཡ ཨཱརོཙེཏབྦཾ. སཙེ གིལཱནོ ཧོཏི, དཱུཏེནཔི ཨཱརོཙེཏབྦཾ.

‘‘ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཨབྷིཀྑུཀོ ཨཱཝཱསོ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན ¶ , བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཨབྷིཀྑུཀོ ཨནཱཝཱསོ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ ¶ . ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨནཱཝཱསཱ ཨབྷིཀྑུཀོ ཨཱཝཱསོ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ. ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨནཱཝཱསཱ ཨབྷིཀྑུཀོ ཨནཱཝཱསོ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ. ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨནཱཝཱསཱ ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ ཨབྷིཀྑུཀོ ཨཱཝཱསོ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ. ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ ཨབྷིཀྑུཀོ ཨནཱཝཱསོ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ. ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ. ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ སབྷིཀྑུཀོ ཨནཱཝཱསོ གནྟབྦོ, ཡཏྠསྶུ ¶ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ. ན, བྷིཀྑཝེ, པཱརིཝཱསིཀེན ¶ བྷིཀྑུནཱ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ ¶ པཀཏཏྟེན, ཨཉྙཏྲ ཨནྟརཱཡཱ. ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨནཱཝཱསཱ སབྷིཀྑུཀོ ཨནཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ. ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན ¶ , ཨཉྙཏྲ ཨནྟརཱཡཱ.

‘‘ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ. ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨནཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ. ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ¶ ཨནྟརཱཡཱ.

༨༠. ‘‘གནྟབྦོ, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

‘‘གནྟབྦོ, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ སབྷིཀྑུཀོ ཨནཱཝཱསོ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

‘‘གནྟབྦོ, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

‘‘གནྟབྦོ ¶ , བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

‘‘གནྟབྦོ ¶ , བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨནཱཝཱསཱ སབྷིཀྑུཀོ ཨནཱཝཱསོ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

‘‘གནྟབྦོ, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

‘‘གནྟབྦོ, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨཱཝཱསོ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

‘‘གནྟབྦོ, བྷིཀྑཝེ, པཱརིཝཱསིཀེན བྷིཀྑུནཱ ¶ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨནཱཝཱསོ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

‘‘གནྟབྦོ, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

༨༡. ‘‘ན, བྷིཀྑཝེ, པཱརིཝཱསིཀེན བྷིཀྑུནཱ པཀཏཏྟེན བྷིཀྑུནཱ སདྡྷིཾ ཨེཀཙྪནྣེ ཨཱཝཱསེ ཝཏྠབྦཾ, ན ཨེཀཙྪནྣེ ཨནཱཝཱསེ ཝཏྠབྦཾ, ན ཨེཀཙྪནྣེ ཨཱཝཱསེ ཝཱ ཨནཱཝཱསེ ཝཱ ཝཏྠབྦཾ. པཀཏཏྟཾ བྷིཀྑུཾ དིསྭཱ ཨཱསནཱ ཝུཊྛཱཏབྦཾ. པཀཏཏྟོ བྷིཀྑུ ཨཱསནེན ནིམནྟེཏབྦོ. ན པཀཏཏྟེན བྷིཀྑུནཱ སདྡྷིཾ ཨེཀཱསནེ ནིསཱིདིཏབྦཾ, ན ནཱིཙེ ཨཱསནེ ནིསིནྣེ ཨུཙྩེ ཨཱསནེ ནིསཱིདིཏབྦཾ, ན ཚམཱཡཾ ནིསིནྣེ ཨཱསནེ ནིསཱིདིཏབྦཾ; ན ཨེཀཙངྐམེ ཙངྐམིཏབྦཾ, ན ནཱིཙེ ཙངྐམེ ཙངྐམནྟེ ཨུཙྩེ ཙངྐམེ ཙངྐམིཏབྦཾ, ན ཚམཱཡཾ ཙངྐམནྟེ [ཙངྐམནྟཾ (ཨཊྛཀཐཱཡཾ སཾཝཎྞེཏབྦཔཱཋོ)] ཙངྐམེ ཙངྐམིཏབྦཾ.

༨༢. ‘‘ན ¶ , བྷིཀྑཝེ, པཱརིཝཱསིཀེན བྷིཀྑུནཱ པཱརིཝཱསིཀེན ཝུཌྜྷཏརེན བྷིཀྑུནཱ སདྡྷིཾ…པེ… མཱུལཱཡཔཊིཀསྶནཱརཧེན བྷིཀྑུནཱ སདྡྷིཾ…པེ… མཱནཏྟཱརཧེན བྷིཀྑུནཱ སདྡྷིཾ…པེ… མཱནཏྟཙཱརིཀེན བྷིཀྑུནཱ སདྡྷིཾ…པེ… ཨབྦྷཱནཱརཧེན བྷིཀྑུནཱ སདྡྷིཾ ཨེཀཙྪནྣེ ཨཱཝཱསེ ཝཏྠབྦཾ, ན ཨེཀཙྪནྣེ ཨནཱཝཱསེ ཝཏྠབྦཾ, ན ཨེཀཙྪནྣེ ¶ ཨཱཝཱསེ ཝཱ ཨནཱཝཱསེ ཝཱ ཝཏྠབྦཾ; ན ཨེཀཱསནེ ནིསཱིདིཏབྦཾ ¶ , ན ནཱིཙེ ཨཱསནེ ནིསིནྣེ ཨུཙྩེ ཨཱསནེ ནིསཱིདིཏབྦཾ, ན ཚམཱཡཾ ནིསིནྣེ ཨཱསནེ ནིསཱིདིཏབྦཾ; ན ཨེཀཙངྐམེ ཙངྐམིཏབྦཾ, ན ནཱིཙེ ཙངྐམེ ཙངྐམནྟེ ཨུཙྩེ ཙངྐམེ ཙངྐམིཏབྦཾ, ན ཚམཱཡཾ ཙངྐམནྟེ ཙངྐམེ ཙངྐམིཏབྦཾ.

[མཧཱཝ. ༣༩༣] ‘‘པཱརིཝཱསིཀཙཏུཏྠོ ཙེ, བྷིཀྑཝེ, པརིཝཱསཾ དདེཡྻ, མཱུལཱཡ པཊིཀསྶེཡྻ, མཱནཏྟཾ དདེཡྻ, ཏཾཝཱིསོ ཨབྦྷེཡྻ, ཨཀམྨཾ [ཨཀམྨཾ ཏཾ (སྱཱ.)], ན ཙ ཀརཎཱིཡ’’ནྟི.

ཙཏུནྣཝུཏིཔཱརིཝཱསིཀཝཏྟཾ ནིཊྛིཏཾ.

༨༣. ཨཐ ཁོ ཨཱཡསྨཱ ཨུཔཱལི ཡེན བྷགཝཱ ཏེནུཔསངྐམི. ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨུཔཱལི བྷགཝནྟཾ ཨེཏདཝོཙ – ‘‘ཀཏི ནུ ཁོ, བྷནྟེ, པཱརིཝཱསིཀསྶ བྷིཀྑུནོ རཏྟིཙྪེདཱ’’ཏི? ‘‘ཏཡོ ཁོ, ཨུཔཱལི, པཱརིཝཱསིཀསྶ བྷིཀྑུནོ རཏྟིཙྪེདཱ ¶ . སཧཝཱསོ, ཝིཔྤཝཱསོ, ཨནཱརོཙནཱ – ཨིམེ ཁོ, ཨུཔཱལི, ཏཡོ པཱརིཝཱསིཀསྶ བྷིཀྑུནོ རཏྟིཙྪེདཱ’’ཏི.

༨༤. ཏེན ཁོ པན སམཡེན སཱཝཏྠིཡཾ མཧཱབྷིཀྑུསངྒྷོ སནྣིཔཏིཏོ ཧོཏི. ན སཀྐོནྟི པཱརིཝཱསིཀཱ བྷིཀྑཱུ པརིཝཱསཾ སོདྷེཏུཾ ¶ . བྷགཝཏོ [ཏེ བྷིཀྑཱུ བྷགཝཏོ (སྱཱ., ཨེཝམུཔརིཔི)] ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པརིཝཱསཾ ནིཀྑིཔིཏུཾ. ཨེཝཉྩ པན, བྷིཀྑཝེ, ནིཀྑིཔིཏབྦོ. ཏེན པཱརིཝཱསིཀེན བྷིཀྑུནཱ ཨེཀཾ བྷིཀྑུཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘པརིཝཱསཾ ནིཀྑིཔཱམཱི’ཏི. ནིཀྑིཏྟོ ཧོཏི པརིཝཱསོ. ‘ཝཏྟཾ ནིཀྑིཔཱམཱི’ཏི. ནིཀྑིཏྟོ ཧོཏི པརིཝཱསོ.

༨༥. ཏེན ཁོ པན སམཡེན སཱཝཏྠིཡཱ བྷིཀྑཱུ ཏཧཾ ཏཧཾ པཀྐམིཾསུ. སཀྐོནྟི པཱརིཝཱསིཀཱ བྷིཀྑཱུ པརིཝཱསཾ སོདྷེཏུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པརིཝཱསཾ སམཱདིཡིཏུཾ [སམཱདཱཏུཾ (སྱཱ. ཀཾ.)]. ཨེཝཉྩ པན, བྷིཀྑཝེ, སམཱདིཡིཏབྦོ [སམཱདིཏབྦོ (སཱི. སྱཱ. ཀཾ.)]. ཏེན པཱརིཝཱསིཀེན བྷིཀྑུནཱ ཨེཀཾ བྷིཀྑུཾ ཨུཔསངྐམིཏྭཱ ¶ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ¶ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘པརིཝཱསཾ སམཱདིཡཱམཱི’ཏི. སམཱདིནྣོ ཧོཏི པརིཝཱསོ. ‘ཝཏྟཾ སམཱདིཡཱམཱི’ཏི. སམཱདིནྣོ ཧོཏི པརིཝཱསོ’’.

པཱརིཝཱསིཀཝཏྟཾ ནིཊྛིཏཾ.

༢. མཱུལཱཡཔཊིཀསྶནཱརཧཝཏྟཾ

༨༦. ཏེན ¶ ཁོ པན སམཡེན མཱུལཱཡཔཊིཀསྶནཱརཧཱ བྷིཀྑཱུ སཱདིཡནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརཾ, སེཡྻཱབྷིཧཱརཾ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔཊིགྒཧཎཾ, ནཧཱནེ པིཊྛིཔརིཀམྨཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ མཱུལཱཡཔཊིཀསྶནཱརཧཱ བྷིཀྑཱུ སཱདིཡིསྶནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ…པེ… ནཧཱནེ པིཊྛིཔརིཀམྨ’’ནྟི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ.

ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, མཱུལཱཡཔཊིཀསྶནཱརཧཱ བྷིཀྑཱུ སཱདིཡནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ…པེ… ནཧཱནེ པིཊྛིཔརིཀམྨ’’ནྟི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ…པེ… ཀཐཉྷི ནཱམ, བྷིཀྑཝེ, མཱུལཱཡཔཊིཀསྶནཱརཧཱ བྷིཀྑཱུ སཱདིཡིསྶནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ…པེ… ནཧཱནེ པིཊྛིཔརིཀམྨཾ! ནེཏཾ བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, མཱུལཱཡཔཊིཀསྶནཱརཧེན བྷིཀྑུནཱ སཱདིཏབྦཾ པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརོ, སེཡྻཱབྷིཧཱརོ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔཊིགྒཧཎཾ, ནཧཱནེ པིཊྛིཔརིཀམྨཾ. ཡོ སཱདིཡེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, མཱུལཱཡཔཊིཀསྶནཱརཧཱནཾ ¶ བྷིཀྑཱུནཾ མིཐུ ཡཐཱཝུཌྜྷཾ ཨབྷིཝཱདནཾ, པཙྩུཊྛཱནཾ…པེ… ནཧཱནེ པིཊྛིཔརིཀམྨཾ. ཨནུཛཱནཱམི, བྷིཀྑཝེ, མཱུལཱཡཔཊིཀསྶནཱརཧཱནཾ བྷིཀྑཱུནཾ པཉྩ ཡཐཱཝུཌྜྷཾ – ཨུཔོསཐཾ ¶ , པཝཱརཎཾ, ཝསྶིཀསཱཊིཀཾ, ཨོཎོཛནཾ, བྷཏྟཾ. ཏེན ཧི, བྷིཀྑཝེ, མཱུལཱཡཔཊིཀསྶནཱརཧཱནཾ བྷིཀྑཱུནཾ ཝཏྟཾ པཉྙཱཔེསྶཱམི ཡཐཱ མཱུལཱཡཔཊིཀསྶནཱརཧེཧི བྷིཀྑཱུཧི ཝཏྟིཏབྦཾ.

༨༧. ‘‘མཱུལཱཡཔཊིཀསྶནཱརཧེན ¶ , བྷིཀྑཝེ, བྷིཀྑུནཱ སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ –

ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ, ན བྷིཀྑུནོཝཱདཀསམྨུཏི སཱདིཏབྦཱ, སམྨཏེནཔི བྷིཀྑུནིཡོ ན ཨོཝདིཏབྦཱ. ཡཱཡ ཨཱཔཏྟིཡཱ སངྒྷེན མཱུལཱཡ པཊིཀསྶནཱརཧོ ཀཏོ ཧོཏི སཱ ཨཱཔཏྟི ན ཨཱཔཛྫིཏབྦཱ, ཨཉྙཱ ཝཱ ཏཱདིསིཀཱ, ཏཏོ ཝཱ པཱཔིཊྛཏརཱ; ཀམྨཾ ན གརཧིཏབྦཾ, ཀམྨིཀཱ ན གརཧིཏབྦཱ. ན པཀཏཏྟསྶ བྷིཀྑུནོ ཨུཔོསཐོ ཋཔེཏབྦོ, ན པཝཱརཎཱ ཋཔེཏབྦཱ, ན སཝཙནཱིཡཾ ཀཱཏབྦཾ, ན ཨནུཝཱདོ པཊྛཔེཏབྦོ, ན ཨོཀཱསོ ཀཱརེཏབྦོ, ན ཙོདེཏབྦོ, ན སཱརེཏབྦོ, ན བྷིཀྑཱུཧི སམྤཡོཛེཏབྦཾ.

‘‘ན, བྷིཀྑཝེ, མཱུལཱཡཔཊིཀསྶནཱརཧེན བྷིཀྑུནཱ པཀཏཏྟསྶ བྷིཀྑུནོ པུརཏོ གནྟབྦཾ, ན པུརཏོ ནིསཱིདིཏབྦཾ. ཡོ ཧོཏི སངྒྷསྶ ཨཱསནཔརིཡནྟོ སེཡྻཱཔརིཡནྟོ ཝིཧཱརཔརིཡནྟོ སོ ཏསྶ པདཱཏབྦོ. ཏེན ཙ སོ སཱདིཏབྦོ.

‘‘ན, བྷིཀྑཝེ, མཱུལཱཡཔཊིཀསྶནཱརཧེན བྷིཀྑུནཱ པཀཏཏྟེན བྷིཀྑུནཱ པུརེསམཎེན ཝཱ ¶ པཙྪཱསམཎེན ཝཱ ཀུལཱནི ཨུཔསངྐམིཏབྦཱནི, ན ཨཱརཉྙིཀངྒཾ སམཱདཱཏབྦཾ, ན པིཎྜཔཱཏིཀངྒཾ སམཱདཱཏབྦཾ, ན ཙ ཏཔྤཙྩཡཱ པིཎྜཔཱཏོ ནཱིཧརཱཔེཏབྦོ – མཱ མཾ ཛཱནིཾསཱུཏི.

‘‘ན, བྷིཀྑཝེ, མཱུལཱཡཔཊིཀསྶནཱརཧེན བྷིཀྑུནཱ སབྷིཀྑུཀཱ ཨཱཝཱསཱ ཨབྷིཀྑུཀོ ཨཱཝཱསོ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, མཱུལཱཡཔཊིཀསྶནཱརཧེན བྷིཀྑུནཱ སབྷིཀྑུཀཱ ཨཱཝཱསཱ ཨབྷིཀྑུཀོ ཨནཱཝཱསོ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན ¶ , བྷིཀྑཝེ, མཱུལཱཡཔཊིཀསྶནཱརཧེན བྷིཀྑུནཱ སབྷིཀྑུཀཱ ཨཱཝཱསཱ ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, མཱུལཱཡཔཊིཀསྶནཱརཧེན བྷིཀྑུནཱ སབྷིཀྑུཀཱ ཨནཱཝཱསཱ ཨབྷིཀྑུཀོ ཨཱཝཱསོ ¶ གནྟབྦོ…པེ… ཨབྷིཀྑུཀོ ཨནཱཝཱསོ གནྟབྦོ…པེ… ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, མཱུལཱཡཔཊིཀསྶནཱརཧེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ ཨབྷིཀྑུཀོ ཨཱཝཱསོ གནྟབྦོ…པེ… ཨབྷིཀྑུཀོ ཨནཱཝཱསོ གནྟབྦོ…པེ… ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ པཀཏཏྟེན ¶ , ཨཉྙཏྲ ཨནྟརཱཡཱ.

‘‘ན, བྷིཀྑཝེ, མཱུལཱཡཔཊིཀསྶནཱརཧེན བྷིཀྑུནཱ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ གནྟབྦོ…པེ… སབྷིཀྑུཀོ ཨནཱཝཱསོ གནྟབྦོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, མཱུལཱཡཔཊིཀསྶནཱརཧེན བྷིཀྑུནཱ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ གནྟབྦོ…པེ… སབྷིཀྑུཀོ ཨནཱཝཱསོ གནྟབྦོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, མཱུལཱཡཔཊིཀསྶནཱརཧེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨཱཝཱསོ གནྟབྦོ…པེ… སབྷིཀྑུཀོ ཨནཱཝཱསོ གནྟབྦོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘གནྟབྦོ, བྷིཀྑཝེ, མཱུལཱཡཔཊིཀསྶནཱརཧེན བྷིཀྑུནཱ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ…པེ… སབྷིཀྑུཀོ ཨནཱཝཱསོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

‘‘གནྟབྦོ ¶ , བྷིཀྑཝེ ¶ , མཱུལཱཡཔཊིཀསྶནཱརཧེན བྷིཀྑུནཱ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ…པེ… སབྷིཀྑུཀོ ཨནཱཝཱསོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

‘‘གནྟབྦོ ¶ , བྷིཀྑཝེ, མཱུལཱཡཔཊིཀསྶནཱརཧེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨཱཝཱསོ…པེ… སབྷིཀྑུཀོ ཨནཱཝཱསོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

‘‘ན, བྷིཀྑཝེ, མཱུལཱཡཔཊིཀསྶནཱརཧེན བྷིཀྑུནཱ པཀཏཏྟེན བྷིཀྑུནཱ སདྡྷིཾ ཨེཀཙྪནྣེ ཨཱཝཱསེ ཝཏྠབྦཾ, ན ཨེཀཙྪནྣེ ཨནཱཝཱསེ ཝཏྠབྦཾ, ན ཨེཀཙྪནྣེ ཨཱཝཱསེ ཝཱ ཨནཱཝཱསེ ཝཱ ཝཏྠབྦཾ; པཀཏཏྟཾ བྷིཀྑུཾ དིསྭཱ ཨཱསནཱ ཝུཊྛཱཏབྦཾ, པཀཏཏྟོ བྷིཀྑུ ཨཱསནེན ནིམནྟེཏབྦོ; ན པཀཏཏྟེན བྷིཀྑུནཱ སདྡྷིཾ ཨེཀཱསནེ ནིསཱིདིཏབྦཾ; ན ནཱིཙེ ཨཱསནེ ནིསིནྣེ ཨུཙྩེ ཨཱསནེ ནིསཱིདིཏབྦཾ; ན ཚམཱཡཾ ནིསིནྣེ ཨཱསནེ ནིསཱིདིཏབྦཾ; ན ཨེཀཙངྐམེ ཙངྐམིཏབྦཾ, ན ནཱིཙེ ཙངྐམེ ཙངྐམནྟེ ཨུཙྩེ ཙངྐམེ ཙངྐམིཏབྦཾ, ན ཚམཱཡཾ ཙངྐམནྟེ ཙངྐམེ ¶ ཙངྐམིཏབྦཾ.

‘‘ན, བྷིཀྑཝེ, མཱུལཱཡཔཊིཀསྶནཱརཧེན བྷིཀྑུནཱ པཱརིཝཱསིཀེན བྷིཀྑུནཱ སདྡྷིཾ…པེ… མཱུལཱཡཔཊིཀསྶནཱརཧེན ཝུཌྜྷཏརེན བྷིཀྑུནཱ སདྡྷིཾ…པེ… མཱནཏྟཱརཧེན བྷིཀྑུནཱ སདྡྷིཾ…པེ… མཱནཏྟཙཱརིཀེན བྷིཀྑུནཱ ¶ སདྡྷིཾ…པེ… ཨབྦྷཱནཱརཧེན བྷིཀྑུནཱ སདྡྷིཾ ཨེཀཙྪནྣེ ཨཱཝཱསེ ཝཏྠབྦཾ, ན ཨེཀཙྪནྣེ ཨནཱཝཱསེ ཝཏྠབྦཾ, ན ཨེཀཙྪནྣེ ཨཱཝཱསེ ཝཱ ཨནཱཝཱསེ ཝཱ ཝཏྠབྦཾ; ན ཨེཀཱསནེ ནིསཱིདིཏབྦཾ; ན ནཱིཙེ ཨཱསནེ ནིསིནྣེ ཨུཙྩེ ཨཱསནེ ནིསཱིདིཏབྦཾ, ན ཚམཱཡཾ ནིསིནྣེ ཨཱསནེ ནིསཱིདིཏབྦཾ; ན ཨེཀཙངྐམེ ཙངྐམིཏབྦཾ, ན ནཱིཙེ ཙངྐམེ ཙངྐམནྟེ ཨུཙྩེ ཙངྐམེ ཙངྐམིཏབྦཾ, ན ཚམཱཡཾ ཙངྐམནྟེ ཙངྐམེ ཙངྐམིཏབྦཾ.

[མཧཱཝ. ༣༩༣] ‘‘མཱུལཱཡཔཊིཀསྶནཱརཧཙཏུཏྠོ ཙེ, བྷིཀྑཝེ, པརིཝཱསཾ དདེཡྻ, མཱུལཱཡ པཊིཀསྶེཡྻ, མཱནཏྟཾ དདེཡྻ, ཏཾཝཱིསོ ཨབྦྷེཡྻ, ཨཀམྨཾ, ན ཙ ཀརཎཱིཡ’’ནྟི.

མཱུལཱཡཔཊིཀསྶནཱརཧཝཏྟཾ ནིཊྛིཏཾ.

༣. མཱནཏྟཱརཧཝཏྟཾ

༨༨. ཏེན ¶ ཁོ པན སམཡེན མཱནཏྟཱརཧཱ བྷིཀྑཱུ སཱདིཡནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརཾ, སེཡྻཱབྷིཧཱརཾ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔཊིགྒཧཎཾ, ནཧཱནེ པིཊྛིཔརིཀམྨཾ. ཡེ ཏེ བྷིཀྑཱུ ཨཔྤིཙྪཱ ¶ …པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ མཱནཏྟཱརཧཱ བྷིཀྑཱུ སཱདིཡིསྶནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརཾ, སེཡྻཱབྷིཧཱརཾ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔཊིགྒཧཎཾ, ནཧཱནེ པིཊྛིཔརིཀམྨ’’ནྟི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, མཱནཏྟཱརཧཱ བྷིཀྑཱུ སཱདིཡནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ…པེ… ནཧཱནེ པིཊྛིཔརིཀམྨ’’ནྟི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ…པེ… ཀཐཉྷི ནཱམ, བྷིཀྑཝེ, མཱནཏྟཱརཧཱ ¶ བྷིཀྑཱུ སཱདིཡིསྶནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ…པེ… ནཧཱནེ པིཊྛིཔརིཀམྨཾ! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, མཱནཏྟཱརཧེན བྷིཀྑུནཱ སཱདིཏབྦཾ པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ…པེ… ནཧཱནེ པིཊྛིཔརིཀམྨཾ. ཡོ སཱདིཡེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, མཱནཏྟཱརཧཱནཾ བྷིཀྑཱུནཾ མིཐུ ཡཐཱཝུཌྜྷཾ ཨབྷིཝཱདནཾ, པཙྩུཊྛཱནཾ…པེ… ནཧཱནེ པིཊྛིཔརིཀམྨཾ. ཨནུཛཱནཱམི, བྷིཀྑཝེ, མཱནཏྟཱརཧཱནཾ བྷིཀྑཱུནཾ པཉྩ ཡཐཱཝུཌྜྷཾ – ཨུཔོསཐཾ, པཝཱརཎཾ, ཝསྶིཀསཱཊིཀཾ, ཨོཎོཛནཾ, བྷཏྟཾ. ཏེན ཧི, བྷིཀྑཝེ, མཱནཏྟཱརཧཱནཾ བྷིཀྑཱུནཾ ཝཏྟཾ པཉྙཱཔེསྶཱམི ཡཐཱ མཱནཏྟཱརཧེཧི བྷིཀྑཱུཧི ཝཏྟིཏབྦཾ.

༨༩. ‘‘མཱནཏྟཱརཧེན, བྷིཀྑཝེ, བྷིཀྑུནཱ སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ –

ན ཨུཔསམྤཱདེཏབྦཾ…པེ… (ཡཐཱ མཱུལཱཡ པཊིཀསྶནཱ, ཏཐཱ ཝིཏྠཱརེཏབྦཾ.) ན བྷིཀྑཱུཧི ¶ སམྤཡོཛེཏབྦཾ.

‘‘ན, བྷིཀྑཝེ, མཱནཏྟཱརཧེན བྷིཀྑུནཱ པཀཏཏྟསྶ བྷིཀྑུནོ པུརཏོ གནྟབྦཾ, ན པུརཏོ ནིསཱིདིཏབྦཾ. ཡོ ཧོཏི སངྒྷསྶ ཨཱསནཔརིཡནྟོ སེཡྻཱཔརིཡནྟོ ཝིཧཱརཔརིཡནྟོ སོ ཏསྶ པདཱཏབྦོ. ཏེན ཙ སོ སཱདིཏབྦོ.

‘‘ན ¶ ¶ , བྷིཀྑཝེ, མཱནཏྟཱརཧེན བྷིཀྑུནཱ པཀཏཏྟེན བྷིཀྑུནཱ པུརེསམཎེན ཝཱ པཙྪཱསམཎེན ཝཱ ཀུལཱནི ཨུཔསངྐམིཏབྦཱནི, ན ཨཱརཉྙིཀངྒཾ སམཱདཱཏབྦཾ, ན པིཎྜཔཱཏིཀངྒཾ སམཱདཱཏབྦཾ, ན ཙ ཏཔྤཙྩཡཱ པིཎྜཔཱཏོ ནཱིཧརཱཔེཏབྦོ – མཱ མཾ ཛཱནིཾསཱུཏི.

‘‘ན, བྷིཀྑཝེ, མཱནཏྟཱརཧེན བྷིཀྑུནཱ སབྷིཀྑུཀཱ ཨཱཝཱསཱ ཨབྷིཀྑུཀོ ཨཱཝཱསོ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, མནཏྟཱརཧེན བྷིཀྑུནཱ སབྷིཀྑུཀཱ ཨཱཝཱསཱ ཨབྷིཀྑུཀོ ཨནཱཝཱསོ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, མཱནཏྟཱརཧེན བྷིཀྑུནཱ སབྷིཀྑུཀཱ ཨཱཝཱསཱ ཨབྷིཀྑུཀོ ¶ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, མཱནཏྟཱརཧེན བྷིཀྑུནཱ སབྷིཀྑུཀཱ ཨནཱཝཱསཱ ཨབྷིཀྑུཀོ ཨཱཝཱསོ གནྟབྦོ…པེ… ཨབྷིཀྑུཀོ ཨནཱཝཱསོ གནྟབྦོ…པེ… ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, མཱནཏྟཱརཧེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ ཨབྷིཀྑུཀོ ཨཱཝཱསོ གནྟབྦོ…པེ… ཨབྷིཀྑུཀོ ཨནཱཝཱསོ གནྟབྦོ…པེ… ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, མཱནཏྟཱརཧེན བྷིཀྑུནཱ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ གནྟབྦོ…པེ… སབྷིཀྑུཀོ ཨནཱཝཱསོ གནྟབྦོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, མཱནཏྟཱརཧེན བྷིཀྑུནཱ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ གནྟབྦོ…པེ… སབྷིཀྑུཀོ ཨནཱཝཱསོ གནྟབྦོ ¶ …པེ… སབྷིཀྑུཀོ ¶ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, མཱནཏྟཱརཧེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨཱཝཱསོ གནྟབྦོ…པེ… སབྷིཀྑུཀོ ཨནཱཝཱསོ གནྟབྦོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ¶ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘གནྟབྦོ, བྷིཀྑཝེ, མཱནཏྟཱརཧེན བྷིཀྑུནཱ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ…པེ… སབྷིཀྑུཀོ ཨནཱཝཱསོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

‘‘གནྟབྦོ, བྷིཀྑཝེ, མཱནཏྟཱརཧེན བྷིཀྑུནཱ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ…པེ… སབྷིཀྑུཀོ ཨནཱཝཱསོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

‘‘གནྟབྦོ, བྷིཀྑཝེ, མཱནཏྟཱརཧེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨཱཝཱསོ…པེ… སབྷིཀྑུཀོ ཨནཱཝཱསོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

‘‘ན, བྷིཀྑཝེ, མཱནཏྟཱརཧེན བྷིཀྑུནཱ པཀཏཏྟེན བྷིཀྑུནཱ སདྡྷིཾ ཨེཀཙྪནྣེ ཨཱཝཱསེ ཝཏྠབྦཾ, ན ཨེཀཙྪནྣེ ཨནཱཝཱསེ ཝཏྠབྦཾ, ན ཨེཀཙྪནྣེ ཨཱཝཱསེ ཝཱ ཨནཱཝཱསེ ཝཱ ཝཏྠབྦཾ. པཀཏཏྟཾ བྷིཀྑུཾ དིསྭཱ ཨཱསནཱ ཝུཊྛཱཏབྦཾ. པཀཏཏྟོ བྷིཀྑུ ཨཱསནེན ནིམནྟེཏབྦོ. ན པཀཏཏྟེན བྷིཀྑུནཱ སདྡྷིཾ ཨེཀཱསནེ ནིསཱིདིཏབྦཾ, ན ནཱིཙེ ཨཱསནེ ནིསིནྣེ ཨུཙྩེ ཨཱསནེ ནིསཱིདིཏབྦཾ, ན ཚམཱཡཾ ནིསིནྣེ ཨཱསནེ ནིསཱིདིཏབྦཾ; ན ཨེཀཙངྐམེ ཙངྐམིཏབྦཾ, ན ¶ ནཱིཙེ ཙངྐམེ ཙངྐམནྟེ ཨུཙྩེ ཙངྐམེ ཙངྐམིཏབྦཾ, ན ཚམཱཡཾ ཙངྐམནྟེ ཙངྐམེ ཙངྐམིཏབྦཾ.

‘‘ན ¶ , བྷིཀྑཝེ, མཱནཏྟཱརཧེན བྷིཀྑུནཱ པཱརིཝཱསིཀེན བྷིཀྑུནཱ སདྡྷིཾ…པེ… མཱུལཱཡཔཊིཀསྶནཱརཧེན བྷིཀྑུནཱ སདྡྷིཾ…པེ… མཱནཏྟཱརཧེན ཝུཌྜྷཏརེན བྷིཀྑུནཱ སདྡྷིཾ…པེ… མཱནཏྟཙཱརིཀེན བྷིཀྑུནཱ སདྡྷིཾ…པེ… ཨབྦྷཱནཱརཧེན བྷིཀྑུནཱ སདྡྷིཾ ཨེཀཙྪནྣེ ཨཱཝཱསེ ཝཏྠབྦཾ, ན ཨེཀཙྪནྣེ ཨནཱཝཱསེ ཝཏྠབྦཾ, ན ཨེཀཙྪནྣེ ཨཱཝཱསེ ཝཱ ཨནཱཝཱསེ ཝཱ ཝཏྠབྦཾ; ན ཨེཀཱསནེ ནིསཱིདིཏབྦཾ, ན ནཱིཙེ ཨཱསནེ ནིསིནྣེ ཨུཙྩེ ཨཱསནེ ནིསཱིདིཏབྦཾ, ན ཚམཱཡཾ ནིསིནྣེ ཨཱསནེ ནིསཱིདིཏབྦཾ; ན ཨེཀཙངྐམེ ཙངྐམིཏབྦཾ, ན ནཱིཙེ ཙངྐམེ ཙངྐམནྟེ ཨུཙྩེ ཙངྐམེ ཙངྐམིཏབྦཾ, ན ཚམཱཡཾ ཙངྐམནྟེ ཙངྐམེ ཙངྐམིཏབྦཾ.

[མཧཱཝ. ༣༩༣] ‘‘མཱནཏྟཱརཧཙཏུཏྠོ ¶ ཙེ, བྷིཀྑཝེ, པརིཝཱསཾ དདེཡྻ, མཱུལཱཡ པཊིཀསྶེཡྻ, མཱནཏྟཾ དདེཡྻ, ཏཾཝཱིསོ ཨབྦྷེཡྻ, ཨཀམྨཾ, ན ཙ ཀརཎཱིཡ’’ནྟི.

མཱནཏྟཱརཧཝཏྟཾ ནིཊྛིཏཾ.

༤. མཱནཏྟཙཱརིཀཝཏྟཾ

༩༠. ཏེན ཁོ པན སམཡེན མཱནཏྟཙཱརིཀཱ བྷིཀྑཱུ སཱདིཡནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརཾ, སེཡྻཱབྷིཧཱརཾ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔཊིགྒཧཎཾ, ནཧཱནེ པིཊྛིཔརིཀམྨཾ. ཡེ ཏེ བྷིཀྑཱུ ཨཔྤིཙྪཱ…པེ… ¶ ཏེ ཨུཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ མཱནཏྟཙཱརིཀཱ བྷིཀྑཱུ སཱདིཡིསྶནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ…པེ… ནཧཱནེ པིཊྛིཔརིཀམྨ’’ནྟི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ.

ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, མཱནཏྟཙཱརིཀཱ བྷིཀྑཱུ སཱདིཡནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ…པེ… ནཧཱནེ པིཊྛིཔརིཀམྨ’’ནྟི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ…པེ… ཀཐཉྷི ནཱམ, བྷིཀྑཝེ, མཱནཏྟཙཱརིཀཱ བྷིཀྑཱུ སཱདིཡིསྶནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ…པེ… ནཧཱནེ པིཊྛིཔརིཀམྨཾ! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

‘‘ན ¶ , བྷིཀྑཝེ, མཱནཏྟཙཱརིཀེན བྷིཀྑུནཱ སཱདིཏབྦཾ པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརོ, སེཡྻཱབྷིཧཱརོ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔཊིགྒཧཎཾ, ནཧཱནེ པིཊྛིཔརིཀམྨཾ. ཡོ སཱདིཡེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, མཱནཏྟཙཱརིཀཱནཾ བྷིཀྑཱུནཾ མིཐུ ཡཐཱཝུཌྜྷཾ ཨབྷིཝཱདནཾ, པཙྩུཊྛཱནཾ…པེ… ནཧཱནེ པིཊྛིཔརིཀམྨཾ. ཨནུཛཱནཱམི, བྷིཀྑཝེ, མཱནཏྟཙཱརིཀཱནཾ བྷིཀྑཱུནཾ པཉྩ ཡཐཱཝུཌྜྷཾ – ཨུཔོསཐཾ, པཝཱརཎཾ, ཝསྶིཀསཱཊིཀཾ, ཨོཎོཛནཾ, བྷཏྟཾ. ཏེན ཧི, བྷིཀྑཝེ, མཱནཏྟཙཱརིཀཱནཾ བྷིཀྑཱུནཾ ཝཏྟཾ པཉྙཔེསྶཱམི ཡཐཱ མཱནཏྟཙཱརིཀེཧི བྷིཀྑཱུཧི ཝཏྟིཏབྦཾ.

༩༡. ‘‘མཱནཏྟཙཱརིཀེན ¶ ¶ , བྷིཀྑཝེ, བྷིཀྑུནཱ སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ –

ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ, ན བྷིཀྑུནོཝཱདཀསམྨུཏི སཱདིཏབྦཱ, སམྨཏེནཔི བྷིཀྑུནིཡོ ན ཨོཝདིཏབྦཱ. ཡཱཡ ཨཱཔཏྟིཡཱ སངྒྷེན མཱནཏྟཾ དིནྣཾ ཧོཏི སཱ ཨཱཔཏྟི ན ཨཱཔཛྫིཏབྦཱ, ཨཉྙཱ ཝཱ ཏཱདིསིཀཱ, ཏཏོ ཝཱ པཱཔིཊྛཏརཱ; ཀམྨཾ ན གརཧིཏབྦཾ, ཀམྨིཀཱ ན གརཧིཏབྦཱ. ན པཀཏཏྟསྶ བྷིཀྑུནོ ཨུཔོསཐོ ཋཔེཏབྦོ, ན པཝཱརཎཱ ཋཔེཏབྦཱ, ན སཝཙནཱིཡཾ ཀཱཏབྦཾ, ན ཨནུཝཱདོ པཊྛཔེཏབྦོ, ན ཨོཀཱསོ ཀཱརེཏབྦོ, ན ཙོདེཏབྦོ, ན སཱརེཏབྦོ, ན བྷིཀྑཱུཧི སམྤཡོཛེཏབྦཾ.

‘‘ན, བྷིཀྑཝེ, མཱནཏྟཙཱརིཀེན བྷིཀྑུནཱ པཀཏཏྟསྶ བྷིཀྑུནོ པུརཏོ གནྟབྦཾ, ན པུརཏོ ནིསཱིདིཏབྦཾ. ཡོ ཧོཏི སངྒྷསྶ ཨཱསནཔརིཡནྟོ སེཡྻཱཔརིཡནྟོ ཝིཧཱརཔརིཡནྟོ སོ ཏསྶ པདཱཏབྦོ. ཏེན ཙ སོ སཱདིཏབྦོ.

‘‘ན, བྷིཀྑཝེ, མཱནཏྟཙཱརིཀེན བྷིཀྑུནཱ པཀཏཏྟེན བྷིཀྑུནཱ པུརེསམཎེན ཝཱ པཙྪཱསམཎེན ཝཱ ཀུལཱནི ཨུཔསངྐམིཏབྦཱནི, ན ཨཱརཉྙིཀངྒཾ སམཱདཱཏབྦཾ, ན པིཎྜཔཱཏིཀངྒཾ སམཱདཱཏབྦཾ, ན ཙ ཏཔྤཙྩཡཱ པིཎྜཔཱཏོ ནཱིཧརཱཔེཏབྦོ – མཱ མཾ ཛཱནིཾསཱུཏི.

‘‘མཱནཏྟཙཱརིཀེན, བྷིཀྑཝེ, བྷིཀྑུནཱ ཨཱགནྟུཀེན ཨཱརོཙེཏབྦཾ, ཨཱགནྟུཀསྶ ཨཱརོཙེཏབྦཾ, ཨུཔོསཐེ ཨཱརོཙེཏབྦཾ, པཝཱརཎཱཡ ཨཱརོཙེཏབྦཾ ¶ ¶ , དེཝསིཀཾ ཨཱརོཙེཏབྦཾ. སཙེ གིལཱནོ ཧོཏི, དཱུཏེནཔི ཨཱརོཙེཏབྦཾ.

‘‘ན, བྷིཀྑཝེ, མཱནཏྟཙཱརིཀེན བྷིཀྑུནཱ སབྷིཀྑུཀཱ ཨཱཝཱསཱ ཨབྷིཀྑུཀོ ཨཱཝཱསོ གནྟབྦོ, ཨཉྙཏྲ སངྒྷེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, མཱནཏྟཙཱརིཀེན བྷིཀྑུནཱ སབྷིཀྑུཀཱ ཨཱཝཱསཱ ཨབྷིཀྑུཀོ ཨནཱཝཱསོ གནྟབྦོ, ཨཉྙཏྲ སངྒྷེན, ཨཉྙཏྲ ཨནྟརཱཡཱ.

‘‘ན ¶ , བྷིཀྑཝེ, མཱནཏྟཙཱརིཀེན བྷིཀྑུནཱ སབྷིཀྑུཀཱ ཨཱཝཱསཱ ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ སངྒྷེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, མཱནཏྟཙཱརིཀེན བྷིཀྑུནཱ སབྷིཀྑུཀཱ ཨནཱཝཱསཱ ཨབྷིཀྑུཀོ ཨཱཝཱསོ གནྟབྦོ…པེ… ཨབྷིཀྑུཀོ ཨནཱཝཱསོ གནྟབྦོ…པེ… ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ སངྒྷེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, མཱནཏྟཙཱརིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ ཨབྷིཀྑུཀོ ཨཱཝཱསོ གནྟབྦོ…པེ… ཨབྷིཀྑུཀོ ཨནཱཝཱསོ གནྟབྦོ…པེ… ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ སངྒྷེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, མཱནཏྟཙཱརིཀེན བྷིཀྑུནཱ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ གནྟབྦོ…པེ… སབྷིཀྑུཀོ ཨནཱཝཱསོ གནྟབྦོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན, ཨཉྙཏྲ ཨནྟརཱཡཱ.

‘‘ན བྷིཀྑཝེ ¶ , མཱནཏྟཙཱརིཀེན བྷིཀྑུནཱ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ གནྟབྦོ…པེ… སབྷིཀྑུཀོ ཨནཱཝཱསོ གནྟབྦོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, མཱནཏྟཙཱརིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨཱཝཱསོ གནྟབྦོ…པེ… སབྷིཀྑུཀོ ཨནཱཝཱསོ གནྟབྦོ…པེ… སབྷིཀྑུཀོ ¶ ཨཱཝཱསོ ཝཱ ཨནཱཝཱསོ ཝཱ གནྟབྦོ ¶ , ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ སངྒྷེན, ཨཉྙཏྲ ཨནྟརཱཡཱ.

‘‘གནྟབྦོ, བྷིཀྑཝེ མཱནཏྟཙཱརིཀེན བྷིཀྑུནཱ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ…པེ… སབྷིཀྑུཀོ ཨནཱཝཱསོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

‘‘གནྟབྦོ ¶ , བྷིཀྑཝེ, མཱནཏྟཙཱརིཀེན བྷིཀྑུནཱ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ…པེ… སབྷིཀྑུཀོ ཨནཱཝཱསོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

‘‘གནྟབྦོ, བྷིཀྑཝེ, མཱནཏྟཙཱརིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨཱཝཱསོ…པེ… སབྷིཀྑུཀོ ཨནཱཝཱསོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

‘‘ན ¶ , བྷིཀྑཝེ, མཱནཏྟཙཱརིཀེན བྷིཀྑུནཱ པཀཏཏྟེན བྷིཀྑུནཱ སདྡྷིཾ ཨེཀཙྪནྣེ ཨཱཝཱསེ ཝཏྠབྦཾ, ན ཨེཀཙྪནྣེ ཨནཱཝཱསེ ཝཏྠབྦཾ, ན ཨེཀཙྪནྣེ ཨཱཝཱསེ ཝཱ ཨནཱཝཱསེ ཝཱ ཝཏྠབྦཾ. པཀཏཏྟཾ བྷིཀྑུཾ དིསྭཱ ཨཱསནཱ ཝུཊྛཱཏབྦཾ. པཀཏཏྟོ བྷིཀྑུ ཨཱསནེན ནིམནྟེཏབྦོ. ན པཀཏཏྟེན བྷིཀྑུནཱ སདྡྷིཾ ཨེཀཱསནེ ནིསཱིདིཏབྦཾ, ན ནཱིཙེ ཨཱསནེ ནིསིནྣེ ཨུཙྩེ ཨཱསནེ ནིསཱིདིཏབྦཾ, ན ཚམཱཡཾ ནིསིནྣེ ཨཱསནེ ནིསཱིདིཏབྦཾ; ན ཨེཀཙངྐམེ ཙངྐམིཏབྦཾ, ན ནཱིཙེ ཙངྐམེ ཙངྐམནྟེ ཨུཙྩེ ཙངྐམེ ཙངྐམིཏབྦཾ, ན ཚམཱཡཾ ཙངྐམནྟེ ཙངྐམེ ཙངྐམིཏབྦཾ.

‘‘ན, བྷིཀྑཝེ, མཱནཏྟཙཱརིཀེན བྷིཀྑུནཱ པཱརིཝཱསིཀེན བྷིཀྑུནཱ སདྡྷིཾ…པེ… མཱུལཱཡཔཊིཀསྶནཱརཧེན བྷིཀྑུནཱ སདྡྷིཾ…པེ… མཱནཏྟཱརཧེན བྷིཀྑུནཱ སདྡྷིཾ…པེ… མཱནཏྟཙཱརིཀེན ཝུཌྜྷཏརེན བྷིཀྑུནཱ སདྡྷིཾ…པེ… ཨབྦྷཱནཱརཧེན བྷིཀྑུནཱ སདྡྷིཾ ཨེཀཙྪནྣེ ཨཱཝཱསེ ཝཏྠབྦཾ, ན ཨེཀཙྪནྣེ ཨནཱཝཱསེ ཝཏྠབྦཾ, ན ཨེཀཙྪནྣེ ཨཱཝཱསེ ཝཱ ཨནཱཝཱསེ ཝཱ ཝཏྠབྦཾ; ན ཨེཀཱསནེ ནིསཱིདིཏབྦཾ, ན ནཱིཙེ ཨཱསནེ ནིསིནྣེ ཨུཙྩེ ཨཱསནེ ནིསཱིདིཏབྦཾ, ན ཚམཱཡཾ ནིསིནྣེ ཨཱསནེ ནིསཱིདིཏབྦཾ; ན ཨེཀཙངྐམེ ཙངྐམིཏབྦཾ ¶ , ན ནཱིཙེ ཙངྐམེ ཙངྐམནྟེ ཨུཙྩེ ཙངྐམེ ཙངྐམིཏབྦཾ, ན ཚམཱཡཾ ཙངྐམནྟེ ཙངྐམེ ཙངྐམིཏབྦཾ.

[མཧཱཝ. ༣༩༣] ‘‘མཱནཏྟཙཱརིཀཙཏུཏྠོ ཙེ, བྷིཀྑཝེ, པརིཝཱསཾ དདེཡྻ, མཱུལཱཡ ¶ པཊིཀསྶེཡྻ, མཱནཏྟཾ དདེཡྻ, ཏཾཝཱིསོ ཨབྦྷེཡྻ, ཨཀམྨཾ, ན ཙ ཀརཎཱིཡ’’ནྟི.

༩༢. ཨཐ ཁོ ཨཱཡསྨཱ ཨུཔཱལི ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨུཔཱལི བྷགཝནྟཾ ཨེཏདཝོཙ – ‘‘ཀཏི ནུ ཁོ, བྷནྟེ, མཱནཏྟཙཱརིཀསྶ བྷིཀྑུནོ རཏྟིཙྪེདཱ’’ཏི? ‘‘ཙཏྟཱརོ ཁོ ¶ , ཨུཔཱལི, མཱནཏྟཙཱརིཀསྶ བྷིཀྑུནོ རཏྟིཙྪེདཱ. སཧཝཱསོ, ཝིཔྤཝཱསོ, ཨནཱརོཙནཱ, ཨཱུནེ གཎེ ཙརཎཾ [ཙརཎནྟི (ཀ.)] – ཨིམེ ཁོ, ཨུཔཱལི, ཙཏྟཱརོ མཱནཏྟཙཱརིཀསྶ བྷིཀྑུནོ རཏྟིཙྪེདཱ’’ཏི.

༩༣. ཏེན ཁོ པན སམཡེན སཱཝཏྠིཡཾ མཧཱབྷིཀྑུསངྒྷོ སནྣིཔཏིཏོ ཧོཏི. ན སཀྐོནྟི མཱནཏྟཙཱརིཀཱ བྷིཀྑཱུ མཱནཏྟཾ སོདྷེཏུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, མཱནཏྟཾ ནིཀྑིཔིཏུཾ. ཨེཝཉྩ པན, བྷིཀྑཝེ, ནིཀྑིཔིཏབྦཾ. ཏེན མཱནཏྟཙཱརིཀེན བྷིཀྑུནཱ ཨེཀཾ བྷིཀྑུཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘མཱནཏྟཾ ནིཀྑིཔཱམཱི’ཏི. ནིཀྑིཏྟཾ ཧོཏི མཱནཏྟཾ. ‘ཝཏྟཾ ནིཀྑིཔཱམཱི’ཏི. ནིཀྑིཏྟཾ ཧོཏི མཱནཏྟ’’ནྟི.

༩༤. ཏེན ཁོ པན སམཡེན སཱཝཏྠིཡཱ བྷིཀྑཱུ ཏཧཾ ཏཧཾ པཀྐམིཾསུ ¶ . སཀྐོནྟི མཱནཏྟཙཱརིཀཱ བྷིཀྑཱུ མཱནཏྟཾ སོདྷེཏུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, མཱནཏྟཾ སམཱདིཡིཏུཾ. ཨེཝཉྩ པན, བྷིཀྑཝེ, སམཱདིཡིཏབྦཾ. ཏེན མཱནཏྟཙཱརིཀེན བྷིཀྑུནཱ ཨེཀཾ བྷིཀྑུཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ, ཨེཝམསྶ ཝཙནཱིཡོ – ‘མཱནཏྟཾ སམཱདིཡཱམཱི’ཏི. སམཱདིནྣཾ ཧོཏི མཱནཏྟཾ. ‘ཝཏྟཾ སམཱདིཡཱམཱི’ཏི. སམཱདིནྣཾ ཧོཏི མཱནཏྟ’’ནྟི.

མཱནཏྟཙཱརིཀཝཏྟཾ ནིཊྛིཏཾ.

༥. ཨབྦྷཱནཱརཧཝཏྟཾ

༩༥. ཏེན ¶ ཁོ པན སམཡེན ཨབྦྷཱནཱརཧཱ བྷིཀྑཱུ སཱདིཡནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ པཙྩུཊྛཱནཾ…པེ… ནཧཱནེ པིཊྛིཔརིཀམྨཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨབྦྷཱནཱརཧཱ བྷིཀྑཱུ སཱདིཡིསྶནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ པཙྩུཊྛཱནཾ…པེ… ནཧཱནེ པིཊྛིཔརིཀམྨ’’ནྟི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ.

ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, ཨབྦྷཱནཱརཧཱ བྷིཀྑཱུ སཱདིཡནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ པཙྩུཊྛཱནཾ…པེ… ནཧཱནེ པིཊྛིཔརིཀམྨནྟི? ‘‘སཙྩཾ བྷགཝཱ’’ཏི. ཝིགརཧི བུདྡྷོ ¶ བྷགཝཱ – ‘‘ཨནནུཙྪཝིཀཾ…པེ… ཀཐཉྷི ནཱམ, བྷིཀྑཝེ, ཨབྦྷཱནཱརཧཱ བྷིཀྑཱུ སཱདིཡིསྶནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ པཙྩུཊྛཱནཾ…པེ… ནཧཱནེ པིཊྛིཔརིཀམྨཾ ¶ ! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཨབྦྷཱནཱརཧེན བྷིཀྑུནཱ སཱདིཏབྦཾ པཀཏཏྟཱནཾ བྷིཀྑཱུནཾ ཨབྷིཝཱདནཾ པཙྩུཔཊྛཱནཾ…པེ… ནཧཱནེ པིཊྛིཔརིཀམྨཾ. ཡོ སཱདིཡེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨབྦྷཱནཱརཧཱནཾ བྷིཀྑཱུནཾ མིཐུ ཡཐཱཝུཌྜྷཾ ཨབྷིཝཱདནཾ པཙྩུཊྛཱནཾ…པེ… ནཧཱནེ པིཊྛིཔརིཀམྨཾ. ཨནུཛཱནཱམི, བྷིཀྑཝེ, ཨབྦྷཱནཱརཧཱནཾ བྷིཀྑཱུནཾ པཉྩ ཡཐཱཝུཌྜྷཾ – ཨུཔོསཐཾ, པཝཱརཎཾ, ཝསྶིཀསཱཊིཀཾ, ཨོཎོཛནཾ, བྷཏྟཾ. ཏེན ཧི, བྷིཀྑཝེ, ཨབྦྷཱནཱརཧཱནཾ བྷིཀྑཱུནཾ ཝཏྟཾ པཉྙཱཔེསྶཱམི ཡཐཱ ཨབྦྷཱནཱརཧེཧི བྷིཀྑཱུཧི ཝཏྟིཏབྦཾ.

༩༦. ‘‘ཨབྦྷཱནཱརཧེན, བྷིཀྑཝེ, བྷིཀྑུནཱ སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ –

ན ཨུཔསམྤཱདེཏབྦཾ…པེ… (ཡཐཱ ཧེཊྛཱ, ཏཐཱ ཝིཏྠཱརེཏབྦཾ,) ན བྷིཀྑཱུཧི སམྤཡོཛེཏབྦཾ.

‘‘ན, བྷིཀྑཝེ, ཨབྦྷཱནཱརཧེན བྷིཀྑུནཱ པཀཏཏྟསྶ བྷིཀྑུནོ པུརཏོ གནྟབྦཾ, ན པུརཏོ ནིསཱིདིཏབྦཾ. ཡོ ཧོཏི སངྒྷསྶ ཨཱསནཔརིཡནྟོ སེཡྻཱཔརིཡནྟོ ཝིཧཱརཔརིཡནྟོ སོ ཏསྶ པདཱཏབྦོ. ཏེན ཙ སོ སཱདིཏབྦོ.

‘‘ན ¶ , བྷིཀྑཝེ, ཨབྦྷཱནཱརཧེན བྷིཀྑུནཱ ¶ པཀཏཏྟེན བྷིཀྑུནཱ པུརེསམཎེན ཝཱ པཙྪཱསམཎེན ཝཱ ཀུལཱནི ཨུཔསངྐམིཏབྦཱནི; ན ཨཱརཉྙིཀངྒཾ སམཱདཱཏབྦཾ; ན པིཎྜཔཱཏིཀངྒཾ སམཱདཱཏབྦཾ; ན ཙ ཏཔྤཙྩཡཱ པིཎྜཔཱཏོ ནཱིཧརཱཔེཏབྦོ – མཱ མཾ ཛཱནིཾསཱུཏི.

‘‘ན, བྷིཀྑཝེ, ཨབྦྷཱནཱརཧེན བྷིཀྑུནཱ སབྷིཀྑུཀཱ ཨཱཝཱསཱ ཨབྷིཀྑུཀོ ཨཱཝཱསོ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ.

‘‘ན, བྷིཀྑཝེ, ཨབྦྷཱནཱརཧེན བྷིཀྑུནཱ སབྷིཀྑུཀཱ ཨཱཝཱསཱ ཨབྷིཀྑུཀོ ཨནཱཝཱསོ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ…པེ…. (ཡཐཱ ཧེཊྛཱ, ཏཐཱ ཝིཏྠཱརེཏབྦཱ.)

‘‘གནྟབྦོ ¶ , བྷིཀྑཝེ, ཨབྦྷཱནཱརཧེན བྷིཀྑུནཱ སབྷིཀྑུཀཱ ཨཱཝཱསཱ…པེ… ཨནཱཝཱསཱ…པེ… ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ¶ ཨཱཝཱསོ…པེ… སབྷིཀྑུཀོ ཨནཱཝཱསོ…པེ… སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི.

‘‘ན, བྷིཀྑཝེ, ཨབྦྷཱནཱརཧེན བྷིཀྑུནཱ པཀཏཏྟེན བྷིཀྑུནཱ སདྡྷིཾ ཨེཀཙྪནྣེ ཨཱཝཱསེ ཝཏྠབྦཾ, ན ཨེཀཙྪནྣེ ཨནཱཝཱསེ ཝཏྠབྦཾ, ན ཨེཀཙྪནྣེ ཨཱཝཱསེ ཝཱ ཨནཱཝཱསེ ཝཱ ཝཏྠབྦཾ; པཀཏཏྟཾ བྷིཀྑུཾ དིསྭཱ ཨཱསནཱ ཝུཊྛཱཏབྦཾ, པཀཏཏྟོ བྷིཀྑུ ཨཱསནེན ནིམནྟེཏབྦོ; ན པཀཏཏྟེན བྷིཀྑུནཱ སདྡྷིཾ ཨེཀཱསནེ ནིསཱིདིཏབྦཾ, ན ནཱིཙེ ཨཱསནེ ནིསིནྣེ ཨུཙྩེ ཨཱསནེ ནིསཱིདིཏབྦཾ, ན ཚམཱཡཾ ནིསིནྣེ ཨཱསནེ ནིསཱིདིཏབྦཾ; ན ཨེཀཙངྐམེ ཙངྐམིཏབྦཾ, ན ནཱིཙེ ཙངྐམེ ¶ ཙངྐམནྟེ ཨུཙྩེ ཙངྐམེ ཙངྐམིཏབྦཾ, ན ཚམཱཡཾ ཙངྐམནྟེ ཙངྐམེ ཙངྐམིཏབྦཾ.

‘‘ན, བྷིཀྑཝེ, ཨབྦྷཱནཱརཧེན བྷིཀྑུནཱ པཱརིཝཱསིཀེན བྷིཀྑུནཱ སདྡྷིཾ…པེ… མཱུལཱཡཔཊིཀསྶནཱརཧེན བྷིཀྑུནཱ སདྡྷིཾ…པེ… མཱནཏྟཱརཧེན བྷིཀྑུནཱ སདྡྷིཾ…པེ… མཱནཏྟཙཱརིཀེན བྷིཀྑུནཱ སདྡྷིཾ…པེ… ཨབྦྷཱནཱརཧེན ཝུཌྜྷཏརེན བྷིཀྑུནཱ སདྡྷིཾ ཨེཀཙྪནྣེ ཨཱཝཱསེ ཝཏྠབྦཾ, ན ཨེཀཙྪནྣེ ཨནཱཝཱསེ ཝཏྠབྦཾ; ན ཨེཀཙྪནྣེ ཨཱཝཱསེ ཝཱ ཨནཱཝཱསེ ཝཱ ཝཏྠབྦཾ; ན ཨེཀཱསནེ ནིསཱིདིཏབྦཾ, ན ནཱིཙེ ཨཱསནེ ནིསིནྣེ ཨུཙྩེ ཨཱསནེ ནིསཱིདིཏབྦཾ, ན ཚམཱཡཾ ནིསིནྣེ ཨཱསནེ ནིསཱིདིཏབྦཾ; ན ཨེཀཙངྐམེ ཙངྐམིཏབྦཾ ¶ , ན ནཱིཙེ ཙངྐམེ ཙངྐམནྟེ ཨུཙྩེ ཙངྐམེ ཙངྐམིཏབྦཾ, ན ཚམཱཡཾ ཙངྐམནྟེ ཙངྐམེ ཙངྐམིཏབྦཾ.

[མཧཱཝ. ༣༩༣] ‘‘ཨབྦྷཱནཱརཧཙཏུཏྠོ ཙེ, བྷིཀྑཝེ, པརིཝཱསཾ དདེཡྻ, མཱུལཱཡ པཊིཀསྶེཡྻ, མཱནཏྟཾ དདེཡྻ, ཏཾཝཱིསོ ཨབྦྷེཡྻ, ཨཀམྨཾ, ན ཙ ཀརཎཱིཡ’’ནྟི.

ཨབྦྷཱནཱརཧཝཏྟཾ ནིཊྛིཏཾ.

པཱརིཝཱསིཀཀྑནྡྷཀོ དུཏིཡོ.

ཨིམམྷི ཁནྡྷཀེ ཝཏྠཱུ པཉྩ.

ཏསྶུདྡཱནཾ –

པཱརིཝཱསིཀཱ ¶ སཱདེནྟི, པཀཏཏྟཱན བྷིཀྑུནཾ;

ཨབྷིཝཱདནཾ པཙྩུཊྛཱནཾ, ཨཉྫལིཉྩ སཱམཱིཙིཡཾ.

ཨཱསནཾ ¶ སེཡྻཱབྷིཧཱརཾ, པཱདོ པཱིཋཾ ཀཐལིཀཾ;

པཏྟཾ ནཧཱནེ པརིཀམྨཾ, ཨུཛ྄ཛྷཱཡནྟི ཙ པེསལཱ.

དུཀྐཊཾ སཱདིཡནྟསྶ, མིཐུ པཉྩ ཡཐཱཝུཌྜྷཾ [པུནཱཔརེ (ཀ.)];

ཨུཔོསཐཾ པཝཱརཎཾ, ཝསྶིཀོཎོཛབྷོཛནཾ.

སམྨཱ ཙ ཝཏྟནཱ ཏཏྠ, པཀཏཏྟསྶ གཙྪནྟཾ;

ཡོ ཙ ཧོཏི པརིཡནྟོ, པུརེ པཙྪཱ ཏཐེཝ ཙ [ན པུརེ པཙྪཱསམཎེན (སཱི. སྱཱ.)].

ཨཱརཉྙཔིཎྜནཱིཧཱརོ, ཨཱགནྟུཀེ ཨུཔོསཐེ;

པཝཱརཎཱཡ དཱུཏེན, གནྟབྦོ ཙ སབྷིཀྑུཀོ.

ཨེཀཙྪནྣེ ¶ ཙ ཝུཊྛཱནཾ, ཏཐེཝ ཙ ནིམནྟཡེ;

ཨཱསནེ ནཱིཙེ ཙངྐམེ, ཚམཱཡཾ ཙངྐམེན ཙ.

ཝུཌྜྷཏརེན ཨཀམྨཾ, རཏྟིཙྪེདཱ ཙ སོདྷནཱ;

ནིཀྑིཔནཾ སམཱདཱནཾ, ཝཏྟཾཝ པཱརིཝཱསིཀེ [རཏྟི ཝཱ པཱརིཝཱསིཀེ (ཀ.), ཉཱཏབྦཾ པཱརིཝཱསིཀཱ (སཱི. སྱཱ.)].

མཱུལཱཡ ¶ མཱནཏྟཱརཧཱ, ཏཐཱ མཱནཏྟཙཱརིཀཱ;

ཨབྦྷཱནཱརཧེ ནཡོ ཙཱཔི, སམྦྷེདཾ ནཡཏོ [སམྦྷེདནཡཏོ (སྱཱ.)] པུན.

པཱརིཝཱསིཀེསུ ཏཡོ, ཙཏུ མཱནཏྟཙཱརིཀེ;

ན སམེནྟི རཏྟིཙྪེདེསུ [རཏྟིཙྪེདེ (ཨིཏིཔི), རཏྟིཙྪེདཱ (སྱཱ.)], མཱནཏྟེསུ ཙ དེཝསི;

དྭེ ཀམྨཱ སདིསཱ སེསཱ, ཏཡོ ཀམྨཱ སམཱསམཱཏི [སམཱ མཏཱཏི (སཱི.)].

པཱརིཝཱསིཀཀྑནྡྷཀཾ ནིཊྛིཏཾ.

༣. སམུཙྩཡཀྑནྡྷཀཾ

༡. སུཀྐཝིསྶཊྛི

༩༧. ཏེན ¶ ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ ཨུདཱཡཱི ཨེཀཾ ཨཱཔཏྟིཾ ཨཱཔནྣོ ཧོཏི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ [ཏེ བྷིཀྑཱུ བྷགཝཏོ (སྱཱ.)] ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ དེཏུ. ཨེཝཉྩ པན, བྷིཀྑཝེ, དཱཏབྦཾ –

ཨཔྤཊིཙྪནྣམཱནཏྟཾ

༩༨. ‘‘ཏེན, བྷིཀྑཝེ, ཨུདཱཡིནཱ བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོཧཾ, བྷནྟེ, སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙཱམི. ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. དུཏིཡམྤི, སོཧཾ [དུཏིཡམྤི (སཱི. ཀ.)] བྷནྟེ, སངྒྷཾ ཨེཀིསྶཱ ཨཱཔཏྟིཡཱ ¶ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙཱམི. ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. ཏཏིཡམྤི སོཧཾ [ཏཏིཡམྤི (སཱི. ཀ.)], བྷནྟེ, སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙཱམཱི’ཏི. ‘‘བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༩༩. ‘‘སུཎཱཏུ ¶ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨུདཱཡིསྶ བྷིཀྑུནོ ཨེཀིསྶཱ ¶ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ¶ ཨཔྤཊིཙྪནྣཱཡ ཚཱརཏྟཾ མཱནཏྟཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙཏི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ དེཏི. ཡསྶཱཡསྨཏོ ཁམཏི ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟསྶ དཱནཾ, སོ ཏུཎྷསྶ ¶ ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙཏི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ དེཏི. ཡསྶཱཡསྨཏོ ཁམཏི ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙཏི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ དེཏི. ཡསྶཱཡསྨཏོ ཁམཏི ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དིནྣཾ ¶ སངྒྷེན ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི ¶ .

ཨཔྤཊིཙྪནྣཨབྦྷཱནཾ

༡༠༠. སོ ¶ ཙིཎྞམཱནཏྟོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོཧཾ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཨདཱསི. སོཧཾ ཙིཎྞམཱནཏྟོ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཨུདཱཡིཾ བྷིཀྑུཾ ཨབྦྷེཏུ. ཨེཝཉྩ པན, བྷིཀྑཝེ, ཨབྦྷེཏབྦོ –

ཏེན, བྷིཀྑཝེ, ཨུདཱཡིནཱ བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཧཾ བྷནྟེ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ, སོཧཾ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཨདཱསི. སོཧཾ, བྷནྟེ, ཙིཎྞམཱནཏྟོ སངྒྷཾ ཨབྦྷཱནཾ ཡཱཙཱམི.

‘‘ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོཧཾ ¶ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཨདཱསི. སོཧཾ ཙིཎྞམཱནཏྟོ དུཏིཡམྤི, བྷནྟེ, སངྒྷཾ ཨབྦྷཱནཾ ཡཱཙཱམི.

‘‘ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོཧཾ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཨདཱསི. སོཧཾ ཙིཎྞམཱནཏྟོ ཏཏིཡམྤི, བྷནྟེ, སངྒྷཾ ཨབྦྷཱནཾ ཡཱཙཱམཱིཏི. བྱཏྟེན བྷིཀྑུནཱ པཊིབལེན སངྒྷོ ¶ ཉཱཔེཏབྦོ –

༡༠༡. ‘‘སུཎཱཏུ ¶ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ ¶ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཨདཱསི. སོ ཙིཎྞམཱནཏྟོ སངྒྷཾ ཨབྦྷཱནཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨུདཱཡིཾ བྷིཀྑུཾ ཨབྦྷེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ ¶ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཨདཱསི. སོ ཙིཎྞམཱནཏྟོ སངྒྷཾ ཨབྦྷཱནཾ ཡཱཙཏི. སངྒྷོ ཨུདཱཡིཾ བྷིཀྑུཾ ཨབྦྷེཏི. ཡསྶཱཡསྨཏོ ཁམཏི ཨུདཱཡིསྶ བྷིཀྑུནོ ཨབྦྷཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཨདཱསི. སོ ཙིཎྞམཱནཏྟོ སངྒྷཾ ཨབྦྷཱནཾ ཡཱཙཏི. སངྒྷོ ཨུདཱཡིཾ བྷིཀྑུཾ ཨབྦྷེཏི. ཡསྶཱཡསྨཏོ ཁམཏི ཨུདཱཡིསྶ བྷིཀྑུནོ ཨབྦྷཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཨདཱསི. སོ ཙིཎྞམཱནཏྟོ ¶ སངྒྷཾ ཨབྦྷཱནཾ ཡཱཙཏི. སངྒྷོ ཨུདཱཡིཾ བྷིཀྑུཾ ཨབྦྷེཏི. ཡསྶཱཡསྨཏོ ཁམཏི ཨུདཱཡིསྶ བྷིཀྑུནོ ཨབྦྷཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཨབྦྷིཏོ ¶ ¶ སངྒྷེན ཨུདཱཡཱི བྷིཀྑུ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨེཀཱཧཔྤཊིཙྪནྣཔརིཝཱསཾ

༡༠༢. ཏེན ཁོ པན སམཡེན ཨཱཡསྨཱ ཨུདཱཡཱི ཨེཀཾ ཨཱཔཏྟིཾ ཨཱཔནྣོ ཧོཏི སཉྩེཏནིཀཾ སུཀྐཝིསྶཊྛིཾ ཨེཀཱཧཔྤཊིཙྪནྣཾ. སོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨེཀཱཧཔྤཊིཙྪནྣཾ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ དེཏུ. ཨེཝཉྩ པན, བྷིཀྑཝེ, དཱཏབྦོ –

‘‘ཏེན, བྷིཀྑཝེ, ཨུདཱཡིནཱ བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨེཀཱཧཔྤཊིཙྪནྣཾ. སོཧཾ, བྷནྟེ, སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཡཱཙཱམཱི’ཏི. དུཏིཡམྤི ཡཱཙིཏབྦོ. ཏཏིཡམྤི ཡཱཙིཏབྦོ. ‘‘བྱཏྟེན ¶ བྷིཀྑུནཱ པཊིབལེན སངྒྷོ ཉཱཔེཏབྦོ –

༡༠༣. ‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨེཀཱཧཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨུདཱཡིསྶ བྷིཀྑུནོ ¶ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨེཀཱཧཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཡཱཙཏི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ དེཏི ¶ . ཡསྶཱཡསྨཏོ ཁམཏི ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ¶ ཨེཀཱཧཔྤཊིཙྪནྣཱཡ ཨེཀཱཧཔརིཝཱསསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ… ¶ .

‘‘དིནྣོ སངྒྷེན ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨེཀཱཧཔྤཊིཙྪནྣམཱནཏྟཾ

༡༠༤. སོ པརིཝུཏྠཔརིཝཱསོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨེཀཱཧཔྤཊིཙྪནྣཾ. སོཧཾ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཨདཱསི. སོཧཾ པརིཝུཏྠཔརིཝཱསོ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཚཱརཏྟཾ མཱནཏྟཾ དེཏུ. ཨེཝཉྩ པན, བྷིཀྑཝེ, དཱཏབྦཾ –

‘‘ཏེན, བྷིཀྑཝེ, ཨུདཱཡིནཱ བྷིཀྑུནཱ སངྒྷཾ ཨུཔསངྐམིཏྭཱ…པེ… ཨེཝམསྶ ཝཙནཱིཡོ – ‘ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ¶ ཨེཀཱཧཔྤཊིཙྪནྣཾ. སོཧཾ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཨདཱསི. སོཧཾ, བྷནྟེ, པརིཝུཏྠཔརིཝཱསོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙཱམཱི’ཏི. དུཏིཡམྤི ཡཱཙིཏབྦཾ [ཡཱཙིཏབྦོ (སཱི. ཨེཝམུཔརིཔི)]. ཏཏིཡམྤི ཡཱཙིཏབྦཾ [ཡཱཙིཏབྦོ (སཱི. ཨེཝམུཔརིཔི)]. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༠༥. ‘‘སུཎཱཏུ ¶ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ¶ ཨེཀཱཧཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཡཱཙི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ¶ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཨདཱསི. སོ པརིཝུཏྠཔརིཝཱསོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཚཱརཏྟཾ མཱནཏྟཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨེཀཱཧཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ¶ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཡཱཙི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཨདཱསི. སོ པརིཝུཏྠཔརིཝཱསོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙཏི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཚཱརཏྟཾ མཱནཏྟཾ དེཏི. ཡསྶཱཡསྨཏོ ཁམཏི ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཚཱརཏྟཾ མཱནཏྟསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ… ¶ .

‘‘དིནྣཾ སངྒྷེན ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཚཱརཏྟཾ མཱནཏྟཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨེཀཱཧཔྤཊིཙྪནྣཨབྦྷཱནཾ

༡༠༦. སོ ཙིཎྞམཱནཏྟོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨེཀཱཧཔྤཊིཙྪནྣཾ. སོཧཾ ¶ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཨདཱསི. སོཧཾ པརིཝུཏྠཔརིཝཱསོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ¶ ཨེཀཱཧཔྤཊིཙྪནྣཱཡ ཚཱརཏྟཾ མཱནཏྟཾ ཨདཱསི. སོཧཾ ཙིཎྞམཱནཏྟོ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཨུདཱཡིཾ བྷིཀྑུཾ ཨབྦྷེཏུ. ཨེཝཉྩ པན, བྷིཀྑཝེ, ཨབྦྷེཏབྦོ –

‘‘ཏེན བྷིཀྑཝེ, ཨུདཱཡིནཱ བྷིཀྑུནཱ སངྒྷཾ ཨུཔསངྐམིཏྭཱ…པེ… ཨེཝམསྶ ¶ ཝཙནཱིཡོ – ‘ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨེཀཱཧཔྤཊིཙྪནྣཾ. སོཧཾ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཨདཱསི. སོཧཾ པརིཝུཏྠཔརིཝཱསོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཚཱརཏྟཾ མཱནཏྟཾ ཨདཱསི. སོཧཾ, བྷནྟེ, ཙིཎྞམཱནཏྟོ སངྒྷཾ ཨབྦྷཱནཾ ཡཱཙཱམཱི’ཏི. དུཏིཡམྤི ཡཱཙིཏབྦཾ. ཏཏིཡམྤི ཡཱཙིཏབྦཾ. བྱཏྟེན ¶ བྷིཀྑུནཱ པཊིབལེན སངྒྷོ ཉཱཔེཏབྦོ –

༡༠༧. ‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨེཀཱཧཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཡཱཙི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཨདཱསི. སོ པརིཝུཏྠཔརིཝཱསོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙི. སངྒྷོ ཨུདཱཡིསྶ བྷིཀྑུནོ ¶ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཚཱརཏྟཾ མཱནཏྟཾ ཨདཱསི. སོ ཙིཎྞམཱནཏྟོ ¶ སངྒྷཾ ཨབྦྷཱནཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨུདཱཡིཾ བྷིཀྑུཾ ཨབྦྷེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨེཀཱཧཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཡཱཙི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ཨེཀཱཧཔརིཝཱསཾ ཨདཱསི. སོ པརིཝུཏྠཔརིཝཱསོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ¶ ཚཱརཏྟཾ མཱནཏྟཾ ཡཱཙི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨེཀཱཧཔྤཊིཙྪནྣཱཡ ¶ ཚཱརཏྟཾ མཱནཏྟཾ ཨདཱསི. སོ ཙིཎྞམཱནཏྟོ སངྒྷཾ ཨབྦྷཱནཾ ཡཱཙཏི. སངྒྷོ ཨུདཱཡིཾ བྷིཀྑུཾ ཨབྦྷེཏི. ཡསྶཱཡསྨཏོ ཁམཏི ཨུདཱཡིསྶ བྷིཀྑུནོ ཨབྦྷཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘ཨབྦྷིཏོ སངྒྷེན ཨུདཱཡཱི བྷིཀྑུ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

པཉྩཱཧཔྤཊིཙྪནྣཔརིཝཱསོ

༡༠༨. ཏེན ཁོ པན སམཡེན ཨཱཡསྨཱ ཨུདཱཡཱི ཨེཀཾ ཨཱཔཏྟིཾ ཨཱཔནྣོ ཧོཏི སཉྩེཏནིཀཾ སུཀྐཝིསྶཊྛིཾ དྭཱིཧཔྤཊིཙྪནྣཾ…པེ… ཏཱིཧཔྤཊིཙྪནྣཾ…པེ… ¶ ཙཏཱུཧཔྤཊིཙྪནྣཾ…པེ… པཉྩཱཧཔྤཊིཙྪནྣཾ. སོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ དེཏུ. ཨེཝཉྩ པན, བྷིཀྑཝེ, དཱཏབྦོ –

‘‘ཏེན, བྷིཀྑཝེ, ཨུདཱཡིནཱ བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ ¶ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོཧཾ, བྷནྟེ, སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ ཡཱཙཱམཱི’ཏི. དུཏིཡམྤི ཡཱཙིཏབྦོ. ཏཏིཡམྤི ཡཱཙིཏབྦོ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༠༩. ‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨུདཱཡིསྶ ¶ ¶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ ཡཱཙཏི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ དེཏི. ཡསྶཱཡསྨཏོ ཁམཏི ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘དིནྣོ སངྒྷེན ཨུདཱཡིསྶ བྷིཀྑུནོ ¶ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

པཱརིཝཱསིཀམཱུལཱཡཔཊིཀསྶནཱ

༡༡༠. སོ པརིཝསནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོཧཾ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ ¶ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ ཨདཱསི. སོཧཾ པརིཝསནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶཏུ. ཨེཝཉྩ པན, བྷིཀྑཝེ, མཱུལཱཡ པཊིཀསྶིཏབྦོ –

‘‘ཏེན, བྷིཀྑཝེ, ཨུདཱཡིནཱ བྷིཀྑུནཱ སངྒྷཾ ཨུཔསངྐམིཏྭཱ…པེ… ཨེཝམསྶ ཝཙནཱིཡོ – ‘ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ ¶ . སོཧཾ སངྒྷཾ ཨེཀིསྶཱ ¶ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ ཨདཱསི. སོཧཾ པརིཝསནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོཧཾ, བྷནྟེ, སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ ¶ པཊིཀསྶནཾ ཡཱཙཱམཱི’ཏི. དུཏིཡམྤི ཡཱཙིཏབྦཱ [ཡཱཙིཏབྦོ (སཱི. ཨེཝམུཔརིཔི)]. ཏཏིཡམྤི ཡཱཙིཏབྦཱ [ཡཱཙིཏབྦོ (སཱི. ཨེཝམུཔརིཔི)]. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༡༡. ‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ ཡཱཙི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ ཨདཱསི. སོ པརིཝསནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡཔཊིཀསྶནཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶེཡྻ. ཨེསཱ ཉཏྟི.

‘‘སུཎཱཏུ ¶ མེ, བྷནྟེ ¶ , སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ ཡཱཙི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ ཨདཱསི. སོ པརིཝསནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡཔཊིཀསྶནཾ ཡཱཙཏི. སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶཏི. ཡསྶཱཡསྨཏོ ཁམཏི ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡཔཊིཀསྶནཱ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ¶ ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ… ¶ .

‘‘པཊིཀསྶིཏོ སངྒྷེན ཨུདཱཡཱི བྷིཀྑུ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡཔཊིཀསྶནཱ [མཱུལཱཡ (སྱཱ.)]. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

མཱནཏྟཱརཧམཱུལཱཡཔཊིཀསྶནཱ

༡༡༢. སོ པརིཝུཏྠཔརིཝཱསོ མཱནཏྟཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ¶ པཉྩཱཧཔྤཊིཙྪནྣཾ. སོཧཾ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ ཨདཱསི. སོཧཾ པརིཝསནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོཧཾ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡཔཊིཀསྶནཾ ཡཱཙིཾ. ཏཾ མཾ སངྒྷོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ ¶ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶི. སོཧཾ པརིཝུཏྠཔརིཝཱསོ མཱནཏྟཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶཏུ. ཨེཝཉྩ པན, བྷིཀྑཝེ, མཱུལཱཡ པཊིཀསྶིཏབྦོ –

‘‘ཏེན, བྷིཀྑཝེ, ཨུདཱཡིནཱ བྷིཀྑུནཱ སངྒྷཾ ཨུཔསངྐམིཏྭཱ…པེ… ཨེཝམསྶ ཝཙནཱིཡོ – ‘ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ…པེ… ¶ སོཧཾ པརིཝུཏྠཔརིཝཱསོ མཱནཏྟཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ ¶ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོཧཾ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡཔཊིཀསྶནཾ ཡཱཙཱམཱི’ཏི. དུཏིཡམྤི ཡཱཙིཏབྦཱ. ཏཏིཡམྤི ཡཱཙིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༡༣. ‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ…པེ… ¶ སོ པརིཝུཏྠཔརིཝཱསོ མཱནཏྟཱརཧོ ཨནྟརཱ ¶ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡཔཊིཀསྶནཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ…པེ… སོ པརིཝུཏྠཔརིཝཱསོ མཱནཏྟཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡཔཊིཀསྶནཾ ཡཱཙཏི ¶ . སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶཏི. ཡསྶཱཡསྨཏོ ཁམཏི ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ¶ ཨཔྤཊིཙྪནྣཱཡ མཱུལཱཡཔཊིཀསྶནཱ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘པཊིཀསྶིཏོ སངྒྷེན ཨུདཱཡཱི བྷིཀྑུ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡཔཊིཀསྶནཱ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཏིཀཱཔཏྟིམཱནཏྟཾ

༡༡༤. སོ པརིཝུཏྠཔརིཝཱསོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ…པེ… ¶ སོཧཾ པརིཝུཏྠཔརིཝཱསོ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཨུདཱཡིསྶ བྷིཀྑུནོ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ དེཏུ. ཨེཝཉྩ པན, བྷིཀྑཝེ, དཱཏབྦཾ –

‘‘ཏེན, བྷིཀྑཝེ, ཨུདཱཡིནཱ བྷིཀྑུནཱ སངྒྷཾ ཨུཔསངྐམིཏྭཱ…པེ… ཨེཝམསྶ ཝཙནཱིཡོ – ‘ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོཧཾ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ ¶ པཉྩཱཧཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ ཨདཱསི…པེ… ¶ སོཧཾ, བྷནྟེ, པརིཝུཏྠཔརིཝཱསོ སངྒྷཾ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ ཡཱཙཱམཱི’ཏི. དུཏིཡམྤི ཡཱཙིཏབྦཾ. ཏཏིཡམྤི ཡཱཙིཏབྦཾ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༡༥. ‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ…པེ… ¶ སོ པརིཝུཏྠཔརིཝཱསོ སངྒྷཾ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨུདཱཡིསྶ བྷིཀྑུནོ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ…པེ… ¶ སོ པརིཝུཏྠཔརིཝཱསོ སངྒྷཾ ¶ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ ཡཱཙཏི. སངྒྷོ ཨུདཱཡིསྶ བྷིཀྑུནོ ཏིསྶནྣཾ ཨཱཔཏྟཱིནཾ ¶ ཚཱརཏྟཾ མཱནཏྟཾ དེཏི. ཡསྶཱཡསྨཏོ ཁམཏི ཨུདཱཡིསྶ བྷིཀྑུནོ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘དིནྣཾ སངྒྷེན ཨུདཱཡིསྶ བྷིཀྑུནོ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

མཱནཏྟཙཱརིཀམཱུལཱཡཔཊིཀསྶནཱ

༡༡༦. སོ མཱནཏྟཾ ཙརནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ…པེ… ¶ སོཧཾ མཱནཏྟཾ ཙརནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶིཏྭཱ ཚཱརཏྟཾ མཱནཏྟཾ དེཏུ. ཨེཝཉྩ པན, བྷིཀྑཝེ, མཱུལཱཡ པཊིཀསྶིཏབྦོ – ཏེན, བྷིཀྑཝེ, ཨུདཱཡིནཱ བྷིཀྑུནཱ སངྒྷཾ ཨུཔསངྐམིཏྭཱ…པེ… ཨེཝམསྶ ཝཙནཱིཡོ – ‘ཨཧཾ, བྷནྟེ ¶ , ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ…པེ… ¶ སོཧཾ མཱནཏྟཾ ཙརནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོཧཾ, བྷནྟེ, སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡཔཊིཀསྶནཾ ཡཱཙཱམཱི’ཏི. དུཏིཡམྤི ཡཱཙིཏབྦཱ. ཏཏིཡམྤི ཡཱཙིཏབྦཱ. ‘‘བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༡༧. ‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ…པེ… ¶ མཱུལཱཡཔཊིཀསྶནཾ ཡཱཙཏི ¶ . ཡདི སངྒྷསྶ པཏྟཀལླཾ, སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶེཡྻ. ཨེསཱ ཉཏྟི…པེ… ¶ པཊིཀསྶིཏོ སངྒྷེན ཨུདཱཡཱི བྷིཀྑུ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ¶ ཨཔྤཊིཙྪནྣཱཡ མཱུལཱཡཔཊིཀསྶནཱ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི.

‘‘ཨེཝཉྩ པན, བྷིཀྑཝེ, ཚཱརཏྟཾ མཱནཏྟཾ དཱཏབྦཾ – ཏེན, བྷིཀྑཝེ, ཨུདཱཡིནཱ བྷིཀྑུནཱ…པེ… ཨེཝམསྶ ཝཙནཱིཡོ – ‘ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ…པེ… སོཧཾ མཱནཏྟཾ ཙརནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོཧཾ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ ¶ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡཔཊིཀསྶནཾ ཡཱཙིཾ. ཏཾ མཾ སངྒྷོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶི. སོཧཾ, བྷནྟེ, སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙཱམཱི’ཏི. དུཏིཡམྤི ཡཱཙིཏབྦཾ. ཏཏིཡམྤི ཡཱཙིཏབྦཾ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ…པེ… ཚཱརཏྟཾ མཱནཏྟཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ དདེཡྻ. ཨེསཱ ཉཏྟི…པེ… ¶ དིནྣཾ སངྒྷེན ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨབྦྷཱནཱརཧམཱུལཱཡཔཊིཀསྶནཱ

༡༡༨. སོ ¶ ¶ ཙིཎྞམཱནཏྟོ ཨབྦྷཱནཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ…པེ… སོཧཾ ཙིཎྞམཱནཏྟོ ཨབྦྷཱནཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶིཏྭཱ ཚཱརཏྟཾ མཱནཏྟཾ དེཏུ. ཨེཝཉྩ པན, བྷིཀྑཝེ, མཱུལཱཡ པཊིཀསྶིཏབྦོ…པེ….

‘‘ཨེཝཉྩ ¶ པན, བྷིཀྑཝེ, ཚཱརཏྟཾ མཱནཏྟཾ དཱཏབྦཾ…པེ….

‘‘དིནྣཾ སངྒྷེན ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

མཱུལཱཡཔཊིཀསྶིཏཨབྦྷཱནཾ

༡༡༩. སོ ཙིཎྞམཱནཏྟོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ…པེ… སོཧཾ ¶ ཙིཎྞམཱནཏྟོ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཏེན ཧི, བྷིཀྑཝེ, སངྒྷོ ཨུདཱཡིཾ བྷིཀྑུཾ ཨབྦྷེཏུ. ཨེཝཉྩ པན, བྷིཀྑཝེ, ཨབྦྷེཏབྦོ –

‘‘ཏེན, བྷིཀྑཝེ, ཨུདཱཡིནཱ ¶ བྷིཀྑུནཱ སངྒྷཾ ཨུཔསངྐམིཏྭཱ…པེ… ཨེཝམསྶ ཝཙནཱིཡོ – ‘ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོཧཾ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ ཨདཱསི. སོཧཾ པརིཝསནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོཧཾ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡཔཊིཀསྶནཾ ཡཱཙིཾ. ཏཾ མཾ སངྒྷོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ¶ ཨཔྤཊིཙྪནྣཱཡ མཱུལཱཡ པཊིཀསྶི. སོཧཾ པརིཝུཏྠཔརིཝཱསོ མཱནཏྟཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོཧཾ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡཔཊིཀསྶནཾ ཡཱཙིཾ. ཏཾ མཾ སངྒྷོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶི. སོཧཾ པརིཝུཏྠཔརིཝཱསོ སངྒྷཾ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ ཡཱཙིཾ. ཏསྶ མེ སངྒྷོ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ ཨདཱསི. སོཧཾ མཱནཏྟཾ ཙརནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ¶ ཨཔྤཊིཙྪནྣཾ. སོཧཾ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡཔཊིཀསྶནཾ ཡཱཙིཾ. ཏཾ མཾ སངྒྷོ ¶ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶི. སོཧཾ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙིཾ. ཏསྶ མེ སངྒྷོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཨདཱསི. སོཧཾ ཙིཎྞམཱནཏྟོ ཨབྦྷཱནཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོཧཾ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡཔཊིཀསྶནཾ ཡཱཙིཾ. ཏཾ མཾ སངྒྷོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶི. སོཧཾ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙིཾ. ཏསྶ མེ སངྒྷོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཨདཱསི. སོཧཾ, བྷནྟེ, ཙིཎྞམཱནཏྟོ སངྒྷཾ ཨབྦྷཱནཾ ཡཱཙཱམཱི’’’ཏི.

‘‘དུཏིཡམྤི ཡཱཙིཏབྦཾ. ཏཏིཡམྤི ཡཱཙིཏབྦཾ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༢༠. ‘‘སུཎཱཏུ མེ ¶ , བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ ¶ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ ཡཱཙི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པཉྩཱཧཔརིཝཱསཾ ཨདཱསི. སོ པརིཝསནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ¶ མཱུལཱཡཔཊིཀསྶནཾ ཡཱཙི. སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶི. སོ པརིཝུཏྠཔརིཝཱསོ མཱནཏྟཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡཔཊིཀསྶནཾ ཡཱཙི. སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ ¶ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶི. སོ པརིཝུཏྠཔརིཝཱསོ སངྒྷཾ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ ཡཱཙི. སངྒྷོ ཨུདཱཡིསྶ བྷིཀྑུནོ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ ཨདཱསི. སོ མཱནཏྟཾ ཙརནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡཔཊིཀསྶནཾ ཡཱཙི. སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ ¶ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶི. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙི. སངྒྷོ ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཨདཱསི. སོ ཙིཎྞམཱནཏྟོ ཨབྦྷཱནཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡཔཊིཀསྶནཾ ཡཱཙི. སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶི. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙི. སངྒྷོ ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ ཨདཱསི. སོ ཙིཎྞམཱནཏྟོ སངྒྷཾ ཨབྦྷཱནཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨུདཱཡིཾ བྷིཀྑུཾ ཨབྦྷེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ…པེ… སོ ཙིཎྞམཱནཏྟོ སངྒྷཾ ཨབྦྷཱནཾ ཡཱཙཏི. སངྒྷོ ཨུདཱཡིཾ བྷིཀྑུཾ ཨབྦྷེཏི. ཡསྶཱཡསྨཏོ ཁམཏི ཨུདཱཡིསྶ བྷིཀྑུནོ ཨབྦྷཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ¶ ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘ཨབྦྷིཏོ ¶ སངྒྷེན ཨུདཱཡཱི བྷིཀྑུ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

པཀྑཔྤཊིཙྪནྣཔརིཝཱསོ

༡༢༡. ཏེན ¶ ཁོ པན སམཡེན ཨཱཡསྨཱ ཨུདཱཡཱི ཨེཀཾ ཨཱཔཏྟིཾ ཨཱཔནྣོ ཧོཏི སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ. སོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ དེཏུ. ཨེཝཉྩ པན, བྷིཀྑཝེ, དཱཏབྦོ –

‘‘ཏེན, བྷིཀྑཝེ, ཨུདཱཡིནཱ བྷིཀྑུནཱ སངྒྷཾ ཨུཔསངྐམིཏྭཱ…པེ… ཨེཝམསྶ ཝཙནཱིཡོ – ‘ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ. སོཧཾ, བྷནྟེ, སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཡཱཙཱམཱི’ཏི. དུཏིཡམྤི ཡཱཙིཏབྦོ. ཏཏིཡམྤི ཡཱཙིཏབྦོ. བྱཏྟེན བྷིཀྑུནོ པཊིབལེན སངྒྷོ ཉཱཔེཏབྦོ –

༡༢༢. ‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ ¶ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཡཱཙཏི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ དེཏི. ཡསྶཱཡསྨཏོ ཁམཏི ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ¶ ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘དིནྣོ ¶ སངྒྷེན ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

པཀྑཔཱརིཝཱསིཀམཱུལཱཡཔཊིཀསྶནཱ

༡༢༣. སོ པརིཝསནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ. སོཧཾ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ¶ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཨདཱསི. སོཧཾ པརིཝསནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. ཀཐཾ ནུ ཁོ མཡཱ པཊིཔཛྫིཏབྦ’’ནྟི! བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡ པཊིཀསྶིཏྭཱ པུརིམཱཡ ཨཱཔཏྟིཡཱ སམོདྷཱནཔརིཝཱསཾ དེཏུ. ཨེཝཉྩ པན, བྷིཀྑཝེ, མཱུལཱཡ པཊིཀསྶིཏབྦོ –

‘‘ཏེན, བྷིཀྑཝེ, ཨུདཱཡིནཱ བྷིཀྑུནཱ སངྒྷཾ ཨུཔསངྐམིཏྭཱ…པེ… ཨེཝམསྶ ཝཙནཱིཡོ – ‘ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ. སོཧཾ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ¶ ཨདཱསི. སོཧཾ པརིཝསནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོཧཾ, བྷནྟེ, སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡཔཊིཀསྶནཾ ཡཱཙཱམཱི’ཏི. དུཏིཡམྤི ཡཱཙིཏབྦཱ. ཏཏིཡམྤི ཡཱཙིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༢༤. ‘‘སུཎཱཏུ ¶ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ¶ པཀྑཔྤཊིཙྪནྣཱཡ པཀྑཔརིཝཱསཾ ཡཱཙི ¶ . སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཨདཱསི. སོ པརིཝསནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡཔཊིཀསྶནཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡ པཊིཀསྶེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཡཱཙི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཨདཱསི. སོ པརིཝསནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡཔཊིཀསྶནཾ ཡཱཙཏི. སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ¶ པཉྩཱཧཔྤཊིཙྪནྣཱཡ མཱུལཱཡ པཊིཀསྶཏི. ཡསྶཱཡསྨཏོ ཁམཏི ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡཔཊིཀསྶནཱ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘པཊིཀསྶིཏོ སངྒྷེན ཨུདཱཡཱི བྷིཀྑུ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡཔཊིཀསྶནཱ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

སམོདྷཱནཔརིཝཱསོ

༡༢༥. ‘‘ཨེཝཉྩ པན, བྷིཀྑཝེ, པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ – ཏེན, བྷིཀྑཝེ, ཨུདཱཡིནཱ བྷིཀྑུནཱ སངྒྷཾ ཨུཔསངྐམིཏྭཱ…པེ… ཨེཝམསྶ ཝཙནཱིཡོ – ‘ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ¶ པཀྑཔྤཊིཙྪནྣཾ. སོཧཾ སངྒྷཾ ཨེཀིསྶཱ ¶ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཨདཱསི. སོཧཾ པརིཝསནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོཧཾ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡཔཊིཀསྶནཾ ཡཱཙིཾ. ཏཾ མཾ སངྒྷོ ཨནྟརཱ ཨེཀིསྶཱ ཨཱཔཏྟིཡཱ ¶ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡ པཊིཀསྶི. སོཧཾ, བྷནྟེ, སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཡཱཙཱམཱི’’’ཏི.

‘‘དུཏིཡམྤི ཡཱཙིཏབྦོ. ཏཏིཡམྤི ཡཱཙིཏབྦོ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༢༦. ‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཡཱཙི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཨདཱསི. སོ པརིཝསནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡཔཊིཀསྶནཾ ཡཱཙི. སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡ པཊིཀསྶི. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ ¶ པུརིམཱཡ ཨཱཔཏྟིཡཱ སམོདྷཱནཔརིཝཱསཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ ¶ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཡཱཙི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཨདཱསི. སོ པརིཝསནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ ¶ . སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡཔཊིཀསྶནཾ ཡཱཙི. སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡ པཊིཀསྶི. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཡཱཙཏི. སངྒྷོ ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ དེཏི. ཡསྶཱཡསྨཏོ ཁམཏི ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘དིནྣོ སངྒྷེན ཨུདཱཡིསྶ ¶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

མཱནཏྟཱརཧམཱུལཱཡཔཊིཀསྶནཱདི

༡༢༧. སོ པརིཝུཏྠཔརིཝཱསོ མཱནཏྟཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ…པེ… སོཧཾ པརིཝུཏྠཔརིཝཱསོ མཱནཏྟཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡ པཊིཀསྶིཏྭཱ པུརིམཱཡ ¶ ཨཱཔཏྟིཡཱ སམོདྷཱནཔརིཝཱསཾ དེཏུ. ཨེཝཉྩ པན, བྷིཀྑཝེ, མཱུལཱཡ པཊིཀསྶིཏབྦོ…པེ….

‘‘ཨེཝཉྩ པན, བྷིཀྑཝེ, པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ…པེ… དེཏི…པེ….

‘‘དིནྣོ སངྒྷེན ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ¶ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཏིཀཱཔཏྟིམཱནཏྟཾ

༡༢༨. སོ པརིཝུཏྠཔརིཝཱསོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ¶ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ…པེ… སོཧཾ པརིཝུཏྠཔརིཝཱསོ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི ¶ , བྷིཀྑཝེ, སངྒྷོ ཨུདཱཡིསྶ བྷིཀྑུནོ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ དེཏུ. ཨེཝཉྩ པན, བྷིཀྑཝེ, དཱཏབྦཾ –

‘‘ཏེན, བྷིཀྑཝེ, ཨུདཱཡིནཱ བྷིཀྑུནཱ སངྒྷཾ ཨུཔསངྐམིཏྭཱ…པེ… ཨེཝམསྶ ཝཙནཱིཡོ – ‘ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ…པེ… སོཧཾ, བྷནྟེ, པརིཝུཏྠཔརིཝཱསོ སངྒྷཾ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ ཡཱཙཱམཱི’ཏི. དུཏིཡམྤི ཡཱཙིཏབྦཾ. ཏཏིཡམྤི ཡཱཙིཏབྦཾ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༢༩. ‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ…པེ… སོ པརིཝུཏྠཔརིཝཱསོ སངྒྷཾ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨུདཱཡིསྶ བྷིཀྑུནོ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ…པེ… སོ པརིཝུཏྠཔརིཝཱསོ སངྒྷཾ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ ཡཱཙཏི. སངྒྷོ ཨུདཱཡིསྶ བྷིཀྑུནོ ¶ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ དེཏི. ཡསྶཱཡསྨཏོ ཁམཏི ¶ ཨུདཱཡིསྶ བྷིཀྑུནོ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘དིནྣཾ ¶ སངྒྷེན ཨུདཱཡིསྶ བྷིཀྑུནོ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

མཱནཏྟཙཱརིཀམཱུལཱཡཔཊིཀསྶནཱདི

༡༣༠. སོ མཱནཏྟཾ ཙརནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ…པེ… སོཧཾ མཱནཏྟཾ ཙརནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡ པཊིཀསྶིཏྭཱ པུརིམཱཡ ཨཱཔཏྟིཡཱ སམོདྷཱནཔརིཝཱསཾ དཏྭཱ ཚཱརཏྟཾ མཱནཏྟཾ དེཏུ. ཨེཝཉྩ པན, བྷིཀྑཝེ, མཱུལཱཡ པཊིཀསྶིཏབྦོ…པེ….

‘‘ཨེཝཉྩ པན, བྷིཀྑཝེ, པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ…པེ….

‘‘ཨེཝཉྩ པན, བྷིཀྑཝེ, ཚཱརཏྟཾ མཱནཏྟཾ དཱཏབྦཾ…པེ… དེཏི…པེ… ¶ .

‘‘དིནྣཾ སངྒྷེན ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ ཚཱརཏྟཾ མཱནཏྟཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨབྦྷཱནཱརཧམཱུལཱཡཔཊིཀསྶནཱདི

༡༣༡. སོ ཙིཎྞམཱནཏྟོ ཨབྦྷཱནཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ…པེ… སོཧཾ ཙིཎྞམཱནཏྟོ ཨབྦྷཱནཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. ཀཐཾ ནུ ཁོ མཡཱ ¶ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡ པཊིཀསྶིཏྭཱ པུརིམཱཡ ཨཱཔཏྟིཡཱ སམོདྷཱནཔརིཝཱསཾ དཏྭཱ ཚཱརཏྟཾ མཱནཏྟཾ དེཏུ. ཨེཝཉྩ པན, བྷིཀྑཝེ, མཱུལཱཡ པཊིཀསྶིཏབྦོ…པེ….

‘‘ཨེཝཉྩ ¶ པན, བྷིཀྑཝེ, པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ…པེ….

‘‘ཨེཝཉྩ པན, བྷིཀྑཝེ, ཚཱརཏྟཾ མཱནཏྟཾ དཱཏབྦཾ…པེ… དེཏི…པེ….

‘‘དིནྣཾ སངྒྷེན ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ ཚཱརཏྟཾ མཱནཏྟཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

པཀྑཔྤཊིཙྪནྣཨབྦྷཱནཾ

༡༣༢. སོ ¶ ¶ ཙིཎྞམཱནཏྟོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ…པེ… སོཧཾ ཙིཎྞམཱནཏྟོ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཨུདཱཡིཾ བྷིཀྑུཾ ཨབྦྷེཏུ. ཨེཝཉྩ པན, བྷིཀྑཝེ, ཨབྦྷེཏབྦོ –

‘‘ཏེན, བྷིཀྑཝེ, ཨུདཱཡིནཱ བྷིཀྑུནཱ སངྒྷཾ ཨུཔསངྐམིཏྭཱ, ཨེཀཾསཾ ཨུཏྟརཱསངྒཾ ཀརིཏྭཱ, ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ, ཨུཀྐུཊིཀཾ ནིསཱིདིཏྭཱ, ཨཉྫལིཾ པགྒཧེཏྭཱ, ཨེཝམསྶ ཝཙནཱིཡོ – ‘ཨཧཾ, བྷནྟེ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ. སོཧཾ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཨདཱསི. སོཧཾ པརིཝསནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོཧཾ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡཔཊིཀསྶནཾ ཡཱཙིཾ. ཏཾ མཾ སངྒྷོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡ པཊིཀསྶི. སོཧཾ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ ¶ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཡཱཙིཾ. ཏསྶ ¶ མེ སངྒྷོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཨདཱསི. སོཧཾ པརིཝུཏྠཔརིཝཱསོ མཱནཏྟཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོཧཾ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡཔཊིཀསྶནཾ ཡཱཙིཾ. ཏཾ མཾ སངྒྷོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ¶ པཉྩཱཧཔྤཊིཙྪནྣཱཡ མཱུལཱཡ པཊིཀསྶི. སོཧཾ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ ¶ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཡཱཙིཾ. ཏསྶ མེ སངྒྷོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཨདཱསི. སོཧཾ པརིཝུཏྠཔརིཝཱསོ སངྒྷཾ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ ཡཱཙིཾ. ཏསྶ མེ སངྒྷོ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ ཨདཱསི. སོཧཾ མཱནཏྟཾ ཙརནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོཧཾ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡཔཊིཀསྶནཾ ཡཱཙིཾ. ཏཾ མཾ སངྒྷོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡ པཊིཀསྶི. སོཧཾ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཡཱཙིཾ. ཏསྶ མེ སངྒྷོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཨདཱསི. སོཧཾ པརིཝུཏྠཔརིཝཱསོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙིཾ. ཏསྶ མེ སངྒྷོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ ཚཱརཏྟཾ མཱནཏྟཾ ཨདཱསི. སོཧཾ ཙིཎྞམཱནཏྟོ ཨབྦྷཱནཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོཧཾ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡཔཊིཀསྶནཾ ཡཱཙིཾ. ཏཾ མཾ སངྒྷོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ ¶ མཱུལཱཡ པཊིཀསྶི. སོཧཾ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཡཱཙིཾ. ཏསྶ མེ སངྒྷོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ¶ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཨདཱསི. སོཧཾ པརིཝུཏྠཔརིཝཱསོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙིཾ. ཏསྶ མེ སངྒྷོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ ཚཱརཏྟཾ མཱནཏྟཾ ཨདཱསི. སོཧཾ, བྷནྟེ, ཙིཎྞམཱནཏྟོ སངྒྷཾ ཨབྦྷཱནཾ ཡཱཙཱམཱི’’’ཏི.

‘‘དུཏིཡམྤི ཡཱཙིཏབྦཾ. ཏཏིཡམྤི ཡཱཙིཏབྦཾ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༣༣. ‘‘སུཎཱཏུ ¶ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ. སོ སངྒྷཾ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཡཱཙི. སངྒྷོ ཨུདཱཡིསྶ བྷིཀྑུནོ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཀྑཔྤཊིཙྪནྣཱཡ པཀྑཔརིཝཱསཾ ཨདཱསི. སོ པརིཝསནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡཔཊིཀསྶནཾ ཡཱཙི. སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡ པཊིཀསྶི. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཡཱཙི. སངྒྷོ ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཨདཱསི. སོ པརིཝུཏྠཔརིཝཱསོ མཱནཏྟཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ¶ པཉྩཱཧཔྤཊིཙྪནྣཾ. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡཔཊིཀསྶནཾ ཡཱཙི. སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡ པཊིཀསྶི. སོ སངྒྷཾ ཨནྟརཱ ཨེཀིསྶཱ ¶ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཡཱཙི. སངྒྷོ ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཨདཱསི. སོ པརིཝུཏྠཔརིཝཱསོ སངྒྷཾ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ ཡཱཙི. སངྒྷོ ཨུདཱཡིསྶ བྷིཀྑུནོ ཏིསྶནྣཾ ཨཱཔཏྟཱིནཾ ཚཱརཏྟཾ མཱནཏྟཾ ཨདཱསི. སོ མཱནཏྟཾ ཙརནྟོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡཔཊིཀསྶནཾ ཡཱཙི. སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡ པཊིཀསྶི. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཡཱཙི. སངྒྷོ ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཨདཱསི. སོ པརིཝུཏྠཔརིཝཱསོ ¶ སངྒྷཾ [སོ སཾགྷཾ (ཀ.)] ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ ཚཱརཏྟཾ མཱནཏྟཾ ཡཱཙི. སངྒྷོ ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ ཚཱརཏྟཾ མཱནཏྟཾ ¶ ཨདཱསི. སོ ཙིཎྞམཱནཏྟོ ཨབྦྷཱནཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡཔཊིཀསྶནཾ ཡཱཙི. སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡ པཊིཀསྶི. སོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཡཱཙི. སངྒྷོ ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ པུརིམཱཡ ཨཱཔཏྟིཡཱ སམོདྷཱནཔརིཝཱསཾ ཨདཱསི. སོ པརིཝུཏྠཔརིཝཱསོ སངྒྷཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ ཚཱརཏྟཾ ¶ མཱནཏྟཾ ཡཱཙི. སངྒྷོ ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ ཚཱརཏྟཾ མཱནཏྟཾ ཨདཱསི. སོ ཙིཎྞམཱནཏྟོ སངྒྷཾ ཨབྦྷཱནཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨུདཱཡིཾ བྷིཀྑུཾ ཨབྦྷེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨུདཱཡཱི བྷིཀྑུ ཨེཀཾ ཨཱཔཏྟིཾ ¶ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ…པེ… སོ ཙིཎྞམཱནཏྟོ སངྒྷཾ ཨབྦྷཱནཾ ཡཱཙཏི. སངྒྷོ ཨུདཱཡིཾ བྷིཀྑུཾ ཨབྦྷེཏི. ཡསྶཱཡསྨཏོ ཁམཏི ཨུདཱཡིསྶ བྷིཀྑུནོ ཨབྦྷཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘ཨབྦྷིཏོ སངྒྷེན ཨུདཱཡཱི བྷིཀྑུ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

སུཀྐཝིསྶཊྛི སམཏྟཱ.

༢. པརིཝཱསོ

ཨགྒྷསམོདྷཱནཔརིཝཱསོ

༡༣༤. ཏེན ཁོ པན སམཡེན ཨཉྙཏརོ བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔནྣོ ཧོཏི – ཨེཀཱ ཨཱཔཏྟི ཨེཀཱཧཔྤཊིཙྪནྣཱ, ཨེཀཱ ཨཱཔཏྟི དྭཱིཧཔྤཊིཙྪནྣཱ, ཨེཀཱ ཨཱཔཏྟི ཏཱིཧཔྤཊིཙྪནྣཱ, ཨེཀཱ ཨཱཔཏྟི ཙཏཱུཧཔྤཊིཙྪནྣཱ, ཨེཀཱ ཨཱཔཏྟི པཉྩཱཧཔྤཊིཙྪནྣཱ, ཨེཀཱ ¶ ཨཱཔཏྟི ཚཱཧཔྤཊིཙྪནྣཱ, ཨེཀཱ ཨཱཔཏྟི སཏྟཱཧཔྤཊིཙྪནྣཱ, ཨེཀཱ ཨཱཔཏྟི ཨཊྛཱཧཔྤཊིཙྪནྣཱ, ཨེཀཱ ཨཱཔཏྟི ནཝཱཧཔྤཊིཙྪནྣཱ, ཨེཀཱ ཨཱཔཏྟི དསཱཧཔྤཊིཙྪནྣཱ. སོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ – ཨེཀཱ ཨཱཔཏྟི ཨེཀཱཧཔྤཊིཙྪནྣཱ…པེ… ཨེཀཱ ཨཱཔཏྟི དསཱཧཔྤཊིཙྪནྣཱ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཏསྶ བྷིཀྑུནོ ཏཱསཾ ཨཱཔཏྟཱིནཾ ཡཱ ཨཱཔཏྟི དསཱཧཔྤཊིཙྪནྣཱ ¶ ཏསྶཱ ཨགྒྷེན སམོདྷཱནཔརིཝཱསཾ དེཏུ. ཨེཝཉྩ པན, བྷིཀྑཝེ, དཱཏབྦོ –

‘‘ཏེན ¶ , བྷིཀྑཝེ, བྷིཀྑུནཱ སངྒྷཾ ཨུཔསངྐམིཏྭཱ…པེ… ཨེཝམསྶ ཝཙནཱིཡོ – ‘ཨཧཾ, བྷནྟེ, སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ – ཨེཀཱ ཨཱཔཏྟི ཨེཀཱཧཔྤཊིཙྪནྣཱ…པེ… ཨེཀཱ ཨཱཔཏྟི དསཱཧཔྤཊིཙྪནྣཱ. སོཧཾ, བྷནྟེ, སངྒྷཾ ཏཱསཾ ཨཱཔཏྟཱིནཾ ཡཱ ཨཱཔཏྟི དསཱཧཔྤཊིཙྪནྣཱ ཏསྶཱ ཨགྒྷེན སམོདྷཱནཔརིཝཱསཾ ཡཱཙཱམཱི’ཏི. དུཏིཡམྤི ཡཱཙིཏབྦོ. ཏཏིཡམྤི ཡཱཙིཏབྦོ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༣༥. ‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སམྦཧུལཱ སངྒྷཱདིསེསཱ ¶ ཨཱཔཏྟིཡོ ཨཱཔཛྫི – ཨེཀཱ ཨཱཔཏྟི ཨེཀཱཧཔྤཊིཙྪནྣཱ…པེ… ཨེཀཱ ཨཱཔཏྟི དསཱཧཔྤཊིཙྪནྣཱ. སོ སངྒྷཾ ཏཱསཾ ཨཱཔཏྟཱིནཾ ཡཱ ཨཱཔཏྟི དསཱཧཔྤཊིཙྪནྣཱ ཏསྶཱ ཨགྒྷེན སམོདྷཱནཔརིཝཱསཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམསྶ བྷིཀྑུནོ ཏཱསཾ ཨཱཔཏྟཱིནཾ ཡཱ ཨཱཔཏྟི དསཱཧཔྤཊིཙྪནྣཱ ཏསྶཱ ཨགྒྷེན སམོདྷཱནཔརིཝཱསཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫི – ཨེཀཱ ཨཱཔཏྟི ཨེཀཱཧཔྤཊིཙྪནྣཱ…པེ… ཨེཀཱ ཨཱཔཏྟི དསཱཧཔྤཊིཙྪནྣཱ. སོ སངྒྷཾ ཏཱསཾ ཨཱཔཏྟཱིནཾ ཡཱ ¶ ཨཱཔཏྟི དསཱཧཔྤཊིཙྪནྣཱ ཏསྶཱ ཨགྒྷེན སམོདྷཱནཔརིཝཱསཾ ཡཱཙཏི. སངྒྷོ ཨིཏྠནྣཱམསྶ བྷིཀྑུནོ ཏཱསཾ ཨཱཔཏྟཱིནཾ ཡཱ ཨཱཔཏྟི དསཱཧཔྤཊིཙྪནྣཱ ཏསྶཱ ཨགྒྷེན སམོདྷཱནཔརིཝཱསཾ དེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ ཏཱསཾ ཨཱཔཏྟཱིནཾ ཡཱ ཨཱཔཏྟི དསཱཧཔྤཊིཙྪནྣཱ; ཏསྶཱ ཨགྒྷེན སམོདྷཱནཔརིཝཱསསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ¶ ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘དིནྣོ སངྒྷེན ཨིཏྠནྣཱམསྶ བྷིཀྑུནོ ཏཱསཾ ཨཱཔཏྟཱིནཾ ཡཱ ཨཱཔཏྟི དསཱཧཔྤཊིཙྪནྣཱ ཏསྶཱ ཨགྒྷེན སམོདྷཱནཔརིཝཱསོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

སབྦཙིརཔྤཊིཙྪནྣཨགྒྷསམོདྷཱནཾ

༡༣༦. ཏེན ཁོ པན སམཡེན ཨཉྙཏརོ བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔནྣོ ཧོཏི – ཨེཀཱ ཨཱཔཏྟི ཨེཀཱཧཔྤཊིཙྪནྣཱ ¶ , དྭེ ཨཱཔཏྟིཡོ དྭཱིཧཔྤཊིཙྪནྣཱཡོ [དྭཱིཧཔྤཊིཙྪནྣཱ (ཀ. ཨེཝཾ ཡཱཝདསཱཧཔྤཊིཙྪནྣཱ)], ཏིསྶོ ཨཱཔཏྟིཡོ ཏཱིཧཔྤཊིཙྪནྣཱཡོ, ཙཏསྶོ ཨཱཔཏྟིཡོ ཙཏཱུཧཔྤཊིཙྪནྣཱཡོ, པཉྩ ཨཱཔཏྟིཡོ པཉྩཱཧཔྤཊིཙྪནྣཱཡོ, ཚ ཨཱཔཏྟིཡོ ཚཱཧཔྤཊིཙྪནྣཱཡོ, སཏྟ ཨཱཔཏྟིཡོ སཏྟཱཧཔྤཊིཙྪནྣཱཡོ, ཨཊྛ ཨཱཔཏྟིཡོ ཨཊྛཱཧཔྤཊིཙྪནྣཱཡོ, ནཝ ཨཱཔཏྟིཡོ ནཝཱཧཔྤཊིཙྪནྣཱཡོ, དས ཨཱཔཏྟིཡོ དསཱཧཔྤཊིཙྪནྣཱཡོ. སོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ, ཨེཀཱ ཨཱཔཏྟི ཨེཀཱཧཔྤཊིཙྪནྣཱ…པེ… དས ཨཱཔཏྟིཡོ དསཱཧཔྤཊིཙྪནྣཱཡོ ¶ . ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཏསྶ བྷིཀྑུནོ ཏཱསཾ ཨཱཔཏྟཱིནཾ ཡཱ ཨཱཔཏྟིཡོ སབྦཙིརཔྤཊིཙྪནྣཱཡོ ཏཱསཾ ཨགྒྷེན སམོདྷཱནཔརིཝཱསཾ དེཏུ. ཨེཝཉྩ པན, བྷིཀྑཝེ, དཱཏབྦོ –

‘‘ཏེན, བྷིཀྑཝེ, བྷིཀྑུནཱ སངྒྷཾ ཨུཔསངྐམིཏྭཱ…པེ… ཨེཝམསྶ ཝཙནཱིཡོ – ‘ཨཧཾ, བྷནྟེ, སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ, ཨེཀཱ ཨཱཔཏྟི ཨེཀཱཧཔྤཊིཙྪནྣཱ…པེ… དས ཨཱཔཏྟིཡོ དསཱཧཔྤཊིཙྪནྣཱཡོ. སོཧཾ, བྷནྟེ, སངྒྷཾ ཏཱསཾ ཨཱཔཏྟཱིནཾ ཡཱ ཨཱཔཏྟིཡོ སབྦཙིརཔྤཊིཙྪནྣཱཡོ ཏཱསཾ ཨགྒྷེན སམོདྷཱནཔརིཝཱསཾ ཡཱཙཱམཱི’ཏི. དུཏིཡམྤི ཡཱཙིཏབྦོ. ཏཏིཡམྤི ཡཱཙིཏབྦོ. ‘‘བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༣༧. སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫི, ཨེཀཱ ཨཱཔཏྟི ཨེཀཱཧཔྤཊིཙྪནྣཱ…པེ… དས ཨཱཔཏྟིཡོ དསཱཧཔྤཊིཙྪནྣཱཡོ. སོ སངྒྷཾ ཏཱསཾ ཨཱཔཏྟཱིནཾ ཡཱ ཨཱཔཏྟིཡོ སབྦཙིརཔྤཊིཙྪནྣཱཡོ ཏཱསཾ ཨགྒྷེན སམོདྷཱནཔརིཝཱསཾ ཡཱཙཏི. ཡདི སངྒྷསྶ པཏྟཀལླཾ སངྒྷོ ཨིཏྠནྣཱམསྶ བྷིཀྑུནོ ཏཱསཾ ཨཱཔཏྟཱིནཾ ཡཱ ཨཱཔཏྟིཡོ སབྦཙིརཔྤཊིཙྪནྣཱཡོ ཏཱསཾ ཨགྒྷེན སམོདྷཱནཔརིཝཱསཾ དདེཡྻ. ཨེསཱ ཉཏྟི.

‘‘སུཎཱཏུ ¶ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ¶ ཨཱཔཛྫི – ཨེཀཱ ཨཱཔཏྟི ཨེཀཱཧཔྤཊིཙྪནྣཱ…པེ… དས ཨཱཔཏྟིཡོ དསཱཧཔྤཊིཙྪནྣཱཡོ. སོ སངྒྷཾ ཏཱསཾ ཨཱཔཏྟཱིནཾ ཡཱ ¶ ཨཱཔཏྟིཡོ སབྦཙིརཔྤཊིཙྪནྣཱཡོ ཏཱསཾ ཨགྒྷེན སམོདྷཱནཔརིཝཱསཾ ཡཱཙཏི. སངྒྷོ ཨིཏྠནྣཱམསྶ བྷིཀྑུནོ ཏཱསཾ ཨཱཔཏྟཱིནཾ ཡཱ ཨཱཔཏྟིཡོ སབྦཙིརཔྤཊིཙྪནྣཱཡོ ཏཱསཾ ཨགྒྷེན སམོདྷཱནཔརིཝཱསཾ དེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ ཏཱསཾ ཨཱཔཏྟཱིནཾ ཡཱ ཨཱཔཏྟིཡོ སབྦཙིརཔྤཊིཙྪནྣཱཡོ ཏཱསཾ ཨགྒྷེན སམོདྷཱནཔརིཝཱསསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘དིནྣོ སངྒྷེན ཨིཏྠནྣཱམསྶ བྷིཀྑུནོ ཏཱསཾ ཨཱཔཏྟཱིནཾ ཡཱ ཨཱཔཏྟིཡོ སབྦཙིརཔྤཊིཙྪནྣཱཡོ ཏཱསཾ ཨགྒྷེན སམོདྷཱནཔརིཝཱསོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

དྭེམཱསཔརིཝཱསོ

༡༣༨. ཏེན ¶ ཁོ པན སམཡེན ཨཉྙཏརོ བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔནྣོ ཧོཏི དྭེམཱསཔྤཊིཙྪནྣཱཡོ. ཏསྶ ཨེཏདཧོསི – ‘‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻ’’ནྟི. སོ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙི. ཏསྶ སངྒྷོ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཨདཱསི. ཏསྶ པརིཝསནྟསྶ ¶ ལཛྫཱིདྷམྨོ ཨོཀྐམི – ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཏསྶ མེ ཨེཏདཧོསི – ‘‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻནྟི. སོཧཾ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཨདཱསི. ཏསྶ མེ པརིཝསནྟསྶ ལཛྫཱིདྷམྨོ ཨོཀྐམི. ཡཾནཱུནཱཧཾ སངྒྷཾ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻ’’ནྟི.

སོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཏསྶ མེ ཨེཏདཧོསི – ‘ཨཧཾ ¶ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ ¶ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻ’ནྟི. སོཧཾ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཨདཱསི. ཏསྶ མེ པརིཝསནྟསྶ ལཛྫཱིདྷམྨོ ཨོཀྐམི – ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཏསྶ མེ ཨེཏདཧོསི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ¶ ཡཱཙེཡྻ’ནྟི. སོཧཾ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཨདཱསི. ཏསྶ མེ པརིཝསནྟསྶ ལཛྫཱིདྷམྨོ ཨོཀྐམི – ཡཾནཱུནཱཧཾ སངྒྷཾ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻནྟི. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཏསྶ བྷིཀྑུནོ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ དེཏུ. ཨེཝཉྩ པན, བྷིཀྑཝེ, དཱཏབྦོ –

‘‘ཏེན, བྷིཀྑཝེ, བྷིཀྑུནཱ སངྒྷཾ ཨུཔསངྐམིཏྭཱ, ཨེཀཾསཾ ཨུཏྟརཱསངྒཾ ཀརིཏྭཱ, ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ, ཨུཀྐུཊིཀཾ ནིསཱིདིཏྭཱ, ཨཉྫལིཾ པགྒཧེཏྭཱ, ཨེཝམསྶ ཝཙནཱིཡོ – ‘ཨཧཾ, བྷནྟེ, དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཏསྶ མེ ཨེཏདཧོསི – ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ ¶ . ཡཾནཱུནཱཧཾ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻ’ནྟི. སོཧཾ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཨདཱསི. ཏསྶ མེ པརིཝསནྟསྶ ལཛྫཱིདྷམྨོ ཨོཀྐམི – ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཏསྶ མེ ཨེཏདཧོསི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻ’ནྟི. སོཧཾ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ¶ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཨདཱསི. ཏསྶ མེ པརིཝསནྟསྶ ལཛྫཱིདྷམྨོ ཨོཀྐམི – ཡཾནཱུནཱཧཾ སངྒྷཾ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻནྟི. སོཧཾ, བྷནྟེ, སངྒྷཾ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙཱམཱིཏི.

‘‘དུཏིཡམྤི ¶ ¶ ཡཱཙིཏབྦོ. ཏཏིཡམྤི ཡཱཙིཏབྦོ. ‘‘བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༣༩. ‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫི དྭེམཱསཔྤཊིཙྪནྣཱཡོ. ཏསྶ ཨེཏདཧོསི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻ’ནྟི. སོ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙི. ཏསྶ སངྒྷོ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཨདཱསི. ཏསྶ པརིཝསནྟསྶ ལཛྫཱིདྷམྨོ ཨོཀྐམི – ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཏསྶ མེ ཨེཏདཧོསི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ ¶ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻ’ནྟི. སོཧཾ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཨདཱསི. ཏསྶ མེ པརིཝསནྟསྶ ལཛྫཱིདྷམྨོ ཨོཀྐམི. ཡཾནཱུནཱཧཾ སངྒྷཾ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻནྟི. སོ སངྒྷཾ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམསྶ བྷིཀྑུནོ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫི དྭེམཱསཔྤཊིཙྪནྣཱཡོ. ཏསྶ ཨེཏདཧོསི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ ¶ དྭེམཱསཔརིཝཱསཾ ཡཱཙེཡྻ’ནྟི. སོ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙི. ཏསྶ སངྒྷོ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཨདཱསི. ཏསྶ པརིཝསནྟསྶ ལཛྫཱིདྷམྨོ ཨོཀྐམི – ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཏསྶ མེ ཨེཏདཧོསི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ ¶ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻ’ནྟི. སོཧཾ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཨདཱསི. ཏསྶ མེ པརིཝསནྟསྶ ལཛྫཱིདྷམྨོ ཨོཀྐམི. ཡཾནཱུནཱཧཾ སངྒྷཾ ཨིཏརིསྶཱཔི ¶ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻནྟི. སོ སངྒྷཾ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙཏི. སངྒྷོ ཨིཏྠནྣཱམསྶ བྷིཀྑུནོ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ དེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘དིནྣོ སངྒྷེན ཨིཏྠནྣཱམསྶ བྷིཀྑུནོ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི. ཏེན, བྷིཀྑཝེ, བྷིཀྑུནཱ ཏདུཔཱདཱཡ དྭེ མཱསཱ པརིཝསིཏབྦཱ.

དྭེ མཱསཱ པརིཝསིཏབྦཝིདྷི

༡༤༠. ‘‘ཨིདྷ པན, བྷིཀྑཝེ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫཏི དྭེམཱསཔྤཊིཙྪནྣཱཡོ. ཏསྶ ཨེཝཾ ཧོཏི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻ’ནྟི ¶ . སོ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙཏི. ཏསྶ སངྒྷོ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ དེཏི. ཏསྶ པརིཝསནྟསྶ ལཛྫཱིདྷམྨོ ཨོཀྐམི ¶ – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཏསྶ མེ ཨེཏདཧོསི – ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻ’ནྟི. སོཧཾ སངྒྷཾ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙིཾ. ཏསྶ མེ སངྒྷོ ཨེཀིསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཨདཱསི. ཏསྶ མེ པརིཝསནྟསྶ ལཛྫཱིདྷམྨོ ཨོཀྐམི. ཡཾནཱུནཱཧཾ སངྒྷཾ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻནྟི. སོ སངྒྷཾ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙཏི. ཏསྶ སངྒྷོ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ དེཏི. ཏེན, བྷིཀྑཝེ, བྷིཀྑུནཱ ཏདུཔཱདཱཡ དྭེ མཱསཱ པརིཝསིཏབྦཱ.

༡༤༡. ‘‘ཨིདྷ པན, བྷིཀྑཝེ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫཏི དྭེམཱསཔྤཊིཙྪནྣཱཡོ ¶ ; ཨེཀཾ ཨཱཔཏྟིཾ ཛཱནཱཏི, ཨེཀཾ ཨཱཔཏྟིཾ ན ཛཱནཱཏི. སོ སངྒྷཾ ཡཾ ཨཱཔཏྟིཾ ཛཱནཱཏི ཏསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙཏི. ཏསྶ སངྒྷོ ཏསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ དེཏི. སོ པརིཝསནྟོ ¶ ཨིཏརམྤི ཨཱཔཏྟིཾ ཛཱནཱཏི. ཏསྶ ཨེཝཾ ཧོཏི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ; ཨེཀཾ ཨཱཔཏྟིཾ ཛཱནིཾ, ཨེཀཾ ཨཱཔཏྟིཾ ན ཛཱནིཾ. སོཧཾ སངྒྷཾ ཡཾ ཨཱཔཏྟིཾ ཛཱནིཾ ཏསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙིཾ. ཏསྶ མེ སངྒྷོ ཏསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཨདཱསི. སོཧཾ པརིཝསནྟོ ཨིཏརམྤི ཨཱཔཏྟིཾ ཛཱནཱམི. ཡཾནཱུནཱཧཾ སངྒྷཾ ཨིཏརིསྶཱཔི ¶ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻ’ནྟི. སོ སངྒྷཾ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙཏི. ཏསྶ སངྒྷོ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ དེཏི. ཏེན, བྷིཀྑཝེ, བྷིཀྑུནཱ ཏདུཔཱདཱཡ དྭེ མཱསཱ པརིཝསིཏབྦཱ.

༡༤༢. ‘‘ཨིདྷ པན, བྷིཀྑཝེ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫཏི དྭེམཱསཔྤཊིཙྪནྣཱཡོ; ཨེཀཾ ཨཱཔཏྟིཾ སརཏི, ཨེཀཾ ཨཱཔཏྟིཾ ནསྶརཏི. སོ སངྒྷཾ ཡཾ ཨཱཔཏྟིཾ སརཏི ཏསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ ¶ དྭེམཱསཔརིཝཱསཾ ཡཱཙཏི. ཏསྶ སངྒྷོ ཏསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ དེཏི. སོ པརིཝསནྟོ ཨིཏརམྤི ཨཱཔཏྟིཾ སརཏི. ཏསྶ ཨེཝཾ ཧོཏི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ; ཨེཀཾ ཨཱཔཏྟིཾ སརིཾ, ཨེཀཾ ཨཱཔཏྟིཾ ནསྶརིཾ. སོཧཾ སངྒྷཾ ཡཾ ཨཱཔཏྟིཾ སརིཾ, ཏསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ¶ ཡཱཙིཾ. ཏསྶ མེ སངྒྷོ ཏསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཨདཱསི. སོཧཾ པརིཝསནྟོ ཨིཏརམྤི ཨཱཔཏྟིཾ སརཱམི. ཡཾནཱུནཱཧཾ སངྒྷཾ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻ’ནྟི. སོ སངྒྷཾ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙཏི. ཏསྶ སངྒྷོ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ དེཏི. ཏེན, བྷིཀྑཝེ, བྷིཀྑུནཱ ཏདུཔཱདཱཡ དྭེ མཱསཱ པརིཝསིཏབྦཱ.

༡༤༣. ‘‘ཨིདྷ པན, བྷིཀྑཝེ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫཏི དྭེམཱསཔྤཊིཙྪནྣཱཡོ; ཨེཀཱཡ ཨཱཔཏྟིཡཱ ནིབྦེམཏིཀོ, ཨེཀཱཡ ཨཱཔཏྟིཡཱ ཝེམཏིཀོ. སོ སངྒྷཾ ཡཱཡ ཨཱཔཏྟིཡཱ ནིབྦེམཏིཀོ ཏསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙཏི. ཏསྶ སངྒྷོ ཏསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ དེཏི. སོ པརིཝསནྟོ ཨིཏརིསྶཱཔི ཨཱཔཏྟིཡཱ ནིབྦེམཏིཀོ ཧོཏི. ཏསྶ ཨེཝཾ ཧོཏི – ‘ཨཧཾ ཁོ དྭེ སངྒྷཱདིསེསཱ ¶ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ; ཨེཀཱཡ ཨཱཔཏྟིཡཱ ནིབྦེམཏིཀོ, ཨེཀཱཡ ཨཱཔཏྟིཡཱ ཝེམཏིཀོ. སོཧཾ སངྒྷཾ ཡཱཡ ཨཱཔཏྟིཡཱ ནིབྦེམཏིཀོ ཏསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙིཾ. ཏསྶ མེ སངྒྷོ ཏསྶཱ ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཨདཱསི. སོཧཾ པརིཝསནྟོ ཨིཏརིསྶཱཔི ཨཱཔཏྟིཡཱ ནིབྦེམཏིཀོ. ཡཾནཱུནཱཧཾ ¶ སངྒྷཾ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙེཡྻ’ནྟི. སོ སངྒྷཾ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ ཡཱཙཏི. ཏསྶ སངྒྷོ ཨིཏརིསྶཱཔི ཨཱཔཏྟིཡཱ དྭེམཱསཔྤཊིཙྪནྣཱཡ དྭེམཱསཔརིཝཱསཾ དེཏི. ཏེན, བྷིཀྑཝེ, བྷིཀྑུནཱ ཏདུཔཱདཱཡ དྭེ མཱསཱ པརིཝསིཏབྦཱ.

༡༤༤. ‘‘ཨིདྷ ¶ པན, བྷིཀྑཝེ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫཏི དྭེམཱསཔྤཊིཙྪནྣཱཡོ; ཨེཀཱ ཨཱཔཏྟི ཛཱནཔྤཊིཙྪནྣཱ, ཨེཀཱ ཨཱཔཏྟི ཨཛཱནཔྤཊིཙྪནྣཱ. སོ སངྒྷཾ ཏཱསཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ དེཏི. ཏསྶ པརིཝསནྟསྶ ཨཉྙོ བྷིཀྑུ ཨཱགཙྪཏི བཧུསྶུཏོ ཨཱགཏཱགམོ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ ཝིཡཏྟོ མེདྷཱཝཱི ལཛྫཱི ཀུཀྐུཙྩཀོ སིཀྑཱཀཱམོ. སོ ཨེཝཾ ཝདེཏི – ‘ཀིཾ ཨཡཾ, ཨཱཝུསོ, བྷིཀྑུ ཨཱཔནྣོ? ཀིསྶཱཡཾ བྷིཀྑུ པརིཝསཏཱི’ཏི? ཏེ ཨེཝཾ ཝདེནྟི – ‘ཨཡཾ, ཨཱཝུསོ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫི དྭེམཱསཔྤཊིཙྪནྣཱཡོ; ཨེཀཱ ཨཱཔཏྟི ཛཱནཔྤཊིཙྪནྣཱ, ཨེཀཱ ཨཱཔཏྟི ཨཛཱནཔྤཊིཙྪནྣཱ. སོ སངྒྷཾ ཏཱསཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ ཨདཱསི. ཏཱཡོ ཨཡཾ, ཨཱཝུསོ, བྷིཀྑུ ཨཱཔནྣོ, ཏཱསཱཡཾ བྷིཀྑུ པརིཝསཏཱི’ཏི. སོ ཨེཝཾ ཝདེཏི – ‘ཡཱཡཾ, ཨཱཝུསོ ¶ , ཨཱཔཏྟི ཛཱནཔྤཊིཙྪནྣཱ, དྷམྨིཀཾ ཏསྶཱ ཨཱཔཏྟིཡཱ པརིཝཱསདཱནཾ; དྷམྨཏྟཱ རུཧཏི. ཡཱ ཙ ཁྭཱཡཾ, ཨཱཝུསོ, ཨཱཔཏྟི ཨཛཱནཔྤཊིཙྪནྣཱ, ཨདྷམྨིཀཾ ཏསྶཱ ཨཱཔཏྟིཡཱ པརིཝཱསདཱནཾ; ཨདྷམྨཏྟཱ ན རུཧཏི. ཨེཀིསྶཱ, ཨཱཝུསོ, ཨཱཔཏྟིཡཱ བྷིཀྑུ མཱནཏྟཱརཧོ’’’ཏི.

༡༤༥. ‘‘ཨིདྷ པན, བྷིཀྑཝེ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫཏི དྭེམཱསཔྤཊིཙྪནྣཱཡོ; ཨེཀཱ ཨཱཔཏྟི སརམཱནཔྤཊིཙྪནྣཱ, ཨེཀཱ ཨཱཔཏྟི ཨསྶརམཱནཔྤཊིཙྪནྣཱ. སོ སངྒྷཾ ཏཱསཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ དེཏི. ཏསྶ པརིཝསནྟསྶ ཨཉྙོ བྷིཀྑུ ཨཱགཙྪཏི བཧུསྶུཏོ ཨཱགཏཱགམོ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ ཝིཡཏྟོ མེདྷཱཝཱི ལཛྫཱི ¶ ཀུཀྐུཙྩཀོ སིཀྑཱཀཱམོ. སོ ཨེཝཾ ཝདེཏི – ‘ཀི ཨཡཾ, ཨཱཝུསོ, བྷིཀྑུ ཨཱཔནྣོ? ཀིསྶཱཡཾ བྷིཀྑུ པརིཝསཏཱི’ཏི? ཏེ ཨེཝཾ ཝདེནྟི – ‘ཨཡཾ, ཨཱཝུསོ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫི དྭེམཱསཔྤཊིཙྪནྣཱཡོ; ཨེཀཱ ཨཱཔཏྟི སརམཱནཔྤཊིཙྪནྣཱ, ཨེཀཱ ཨཱཔཏྟི ཨསྶརམཱནཔྤཊིཙྪནྣཱ. སོ སངྒྷཾ ཏཱསཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ ཡཱཙི. ཏསྶ སངྒྷོ ཏཱསཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ ཨདཱསི. ཏཱཡོ ¶ ཨཡཾ, ཨཱཝུསོ, བྷིཀྑུ ཨཱཔནྣོ; ཏཱསཱཡཾ བྷིཀྑུ པརིཝསཏཱི’ཏི. སོ ཨེཝཾ ཝདེཏི – ‘ཡཱཡཾ, ཨཱཝུསོ ¶ , ཨཱཔཏྟི སརམཱནཔྤཊིཙྪནྣཱ དྷམྨིཀཾ ཏསྶཱ ཨཱཔཏྟིཡཱ པརིཝཱསདཱནཾ; དྷམྨཏྟཱ རུཧཏི. ཡཱ ཙ ཁྭཱཡཾ, ཨཱཝུསོ, ཨཱཔཏྟི ཨསྶརམཱནཔྤཊིཙྪནྣཱ, ཨདྷམྨིཀཾ ཏསྶཱ ཨཱཔཏྟིཡཱ པརིཝཱསདཱནཾ; ཨདྷམྨཏྟཱ ན རུཧཏི. ཨེཀིསྶཱ, ཨཱཝུསོ, ཨཱཔཏྟིཡཱ བྷིཀྑུ མཱནཏྟཱརཧོ’’’ཏི.

༡༤༦. ‘‘ཨིདྷ པན, བྷིཀྑཝེ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫཏི དྭེམཱསཔྤཊིཙྪནྣཱཡོ; ཨེཀཱ ཨཱཔཏྟི ནིབྦེམཏིཀཔྤཊིཙྪནྣཱ, ཨེཀཱ ཨཱཔཏྟི ཝེམཏིཀཔྤཊིཙྪནྣཱ. སོ སངྒྷཾ ཏཱསཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ དེཏི. ཏསྶ པརིཝསནྟསྶ ཨཉྙོ བྷིཀྑུ ཨཱགཙྪཏི བཧུསྶུཏོ ཨཱགཏཱགམོ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ ཝིཡཏྟོ མེདྷཱཝཱི ལཛྫཱི ཀུཀྐུཙྩཀོ སིཀྑཱཀཱམོ. སོ ཨེཝཾ ཝདེཏི – ‘ཀིཾ ཨཡཾ, ཨཱཝུསོ, བྷིཀྑུ ཨཱཔནྣོ? ཀིསྶཱཡཾ བྷིཀྑུ པརིཝསཏཱི’ཏི? ཏེ ཨེཝཾ ཝདེནྟི – ‘ཨཡཾ, ཨཱཝུསོ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫི དྭེམཱསཔྤཊིཙྪནྣཱཡོ; ཨེཀཱ ཨཱཔཏྟི ནིབྦེམཏིཀཔྤཊིཙྪནྣཱ, ཨེཀཱ ཨཱཔཏྟི ཝེམཏིཀཔྤཊིཙྪནྣཱ. སོ སངྒྷཾ ཏཱསཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ ཡཱཙི. ཏསྶ སངྒྷོ ཏཱསཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ ཨདཱསི. ཏཱཡོ ཨཡཾ, ཨཱཝུསོ, བྷིཀྑུ ཨཱཔནྣོ; ཏཱསཱཡཾ བྷིཀྑུ པརིཝསཏཱི’ཏི. སོ ཨེཝཾ ཝདེཏི – ‘ཡཱཡཾ ¶ , ཨཱཝུསོ, ཨཱཔཏྟི ནིབྦེམཏིཀཔྤཊིཙྪནྣཱ, དྷམྨིཀཾ ཏསྶཱ ཨཱཔཏྟིཡཱ པརིཝཱསདཱནཾ; དྷམྨཏྟཱ རུཧཏི. ཡཱ ཙ ཁྭཱཡཾ, ཨཱཝུསོ, ཨཱཔཏྟི ཝེམཏིཀཔྤཊིཙྪནྣཱ ཨདྷམྨིཀཾ ཏསྶཱ ཨཱཔཏྟིཡཱ པརིཝཱསདཱནཾ; ཨདྷམྨཏྟཱ ན རུཧཏི. ཨེཀིསྶཱ, ཨཱཝུསོ, ཨཱཔཏྟིཡཱ བྷིཀྑུ མཱནཏྟཱརཧོ’’ཏི.

༡༤༧. ཏེན ¶ ཁོ པན སམཡེན ཨཉྙཏྟརོ བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔནྣོ ཧོཏི དྭེམཱསཔྤཊིཙྪནྣཱཡོ. ཏསྶ ཨེཏདཧོསི – ‘‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ¶ ཡཱཙེཡྻ’’ནྟི. སོ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ¶ ཡཱཙི. ཏསྶ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཨདཱསི. ཏསྶ པརིཝསནྟསྶ ལཛྫཱིདྷམྨོ ཨོཀྐམི – ‘‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཏསྶ མེ ཨེཏདཧོསི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙེཡྻ’ནྟི. སོཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙིཾ. ཏསྶ མེ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཨདཱསི. ཏསྶ མེ པརིཝསནྟསྶ ལཛྫཱིདྷམྨོ ཨོཀྐམི. ཡཾནཱུནཱཧཾ སངྒྷཾ ¶ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ [ཨིཏརམྤི མཱསཔརིཝཱསཾ (སྱཱ. ཀ. ཨེཝམུཔརིཔི)] ཡཱཙེཡྻ’’ནྟི.

སོ བྷིཀྑཱུནཾ ཨཱརོཙེསི – ‘‘ཨཧཾ ཁོ, ཨཱཝུསོ, དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཏསྶ མེ ཨེཏདཧོསི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙེཡྻ’ནྟི. སོཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙིཾ. ཏསྶ མེ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཨདཱསི. ཏསྶ མེ པརིཝསནྟསྶ ལཛྫཱིདྷམྨོ ཨོཀྐམི – ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཏསྶ མེ ཨེཏདཧོསི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙེཡྻ’ནྟི. སོཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙིཾ. ཏསྶ མེ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཨདཱསི. ཏསྶ མེ པརིཝསནྟསྶ ལཛྫཱིདྷམྨོ ཨོཀྐམི. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ ཡཱཙེཡྻ’ནྟི. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཏསྶ བྷིཀྑུནོ དྭིནྣཾ ¶ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ དེཏུ. ཨེཝཉྩ པན, བྷིཀྑཝེ, དཱཏབྦོ –

‘‘ཏེན, བྷིཀྑཝེ, བྷིཀྑུནཱ སངྒྷཾ ཨུཔསངྐམིཏྭཱ…པེ… ཨེཝམསྶ ཝཙནཱིཡོ – ཨཧཾ, བྷནྟེ, དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ ¶ . ཏསྶ མེ ཨེཏདཧོསི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙེཡྻ’ནྟི. སོཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ¶ ཨེཀམཱསཔརིཝཱསཾ ཡཱཙིཾ. ཏསྶ མེ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཨདཱསི. ཏསྶ མེ པརིཝསནྟསྶ ལཛྫཱིདྷམྨོ ཨོཀྐམི – ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཏསྶ མེ ཨེཏདཧོསི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙེཡྻ’ནྟི. སོཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙིཾ. ཏསྶ མེ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཨདཱསི. ཏསྶ མེ པརིཝསནྟསྶ ལཛྫཱིདྷམྨོ ཨོཀྐམི. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ ཡཱཙེཡྻནྟི. སོཧཾ, བྷནྟེ, སངྒྷཾ ¶ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ ཡཱཙཱམཱིཏི. དུཏིཡམྤི ¶ ཡཱཙིཏབྦོ. ཏཏིཡམྤི ཡཱཙིཏབྦོ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༤༨. ‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫི དྭེམཱསཔྤཊིཙྪནྣཱཡོ. ཏསྶ ཨེཏདཧོསི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙེཡྻ’ནྟི. སོ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙི. ཏསྶ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཨདཱསི. ཏསྶ པརིཝསནྟསྶ ལཛྫཱིདྷམྨོ ཨོཀྐམི – ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཏསྶ མེ ཨེཏདཧོསི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙེཡྻ’ནྟི. སོཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙིཾ. ཏསྶ མེ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཨདཱསི. ཏསྶ མེ པརིཝསནྟསྶ ལཛྫཱིདྷམྨོ ཨོཀྐམི. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ ཡཱཙེཡྻནྟི. སོ སངྒྷཾ དྭིནྣཾ ཨཱཔཏྟཱིནཾ ¶ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ ཡཱཙཏི. ཡདི ¶ སངྒྷསྶ པཏྟཀལླཾ, སངྒྷོ ཨིཏྠནྣཱམསྶ བྷིཀྑུནོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫི དྭེམཱསཔྤཊིཙྪནྣཱཡོ. ཏསྶ ཨེཏདཧོསི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ¶ ཡཱཙེཡྻ’ནྟི. སོ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙི. ཏསྶ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཨདཱསི. ཏསྶ པརིཝསནྟསྶ ལཛྫཱིདྷམྨོ ཨོཀྐམི – ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཏསྶ མེ ཨེཏདཧོསི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙེཡྻ’ནྟི. སོཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙིཾ. ཏསྶ མེ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཨདཱསི. ཏསྶ མེ པརིཝསནྟསྶ ལཛྫཱིདྷམྨོ ཨོཀྐམི. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ ཡཱཙེཡྻ’ནྟི. སོ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ ཡཱཙཏི. སངྒྷོ ཨིཏྠནྣཱམསྶ བྷིཀྑུནོ དྭིནྣཾ ¶ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ དེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསསྶ [ཨིཏརམྤི མཱསཔརིཝཱསསྶ (ཀ.), ཨིཏརསྶཔི མཱསཔརིཝཱསསྶ (སྱཱ.)] དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘དིནྣོ སངྒྷེན ཨིཏྠནྣཱམསྶ བྷིཀྑུནོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསོ [ཨིཏརམྤི མཱསཔརིཝཱསོ (ཀ.), ཨིཏརོཔི མཱསཔརིཝཱསོ (སྱཱ.)]. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

‘‘ཏེན, བྷིཀྑཝེ, བྷིཀྑུནཱ པུརིམཾ ཨུཔཱདཱཡ དྭེ མཱསཱ པརིཝསིཏབྦཱ.

༡༤༩. ‘‘ཨིདྷ ¶ པན, བྷིཀྑཝེ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫཏི དྭེམཱསཔྤཊིཙྪནྣཱཡོ. ཏསྶ ཨེཝཾ ཧོཏི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙེཡྻ’ནྟི. སོ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙཏི. ཏསྶ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ དེཏི. ཏསྶ པརིཝསནྟསྶ ལཛྫཱིདྷམྨོ ཨོཀྐམི – ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཏསྶ མེ ཨེཏདཧོསི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ. ཡཾནཱུནཱཧཾ ¶ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙེཡྻ’ནྟི. སོཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨེཀམཱསཔརིཝཱསཾ ཡཱཙིཾ. ཏསྶ མེ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ¶ ཨེཀམཱསཔརིཝཱསཾ ཨདཱསི. ཏསྶ མེ པརིཝསནྟསྶ ལཛྫཱིདྷམྨོ ཨོཀྐམི. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ ཡཱཙེཡྻ’ནྟི. སོ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ ཡཱཙཏི. ཏསྶ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ དེཏི. ཏེན, བྷིཀྑཝེ, བྷིཀྑུནཱ པུརིམཾ ཨུཔཱདཱཡ དྭེ མཱསཱ པརིཝསིཏབྦཱ.

༡༥༠. ‘‘ཨིདྷ པན, བྷིཀྑཝེ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫཏི དྭེམཱསཔྤཊིཙྪནྣཱཡོ; ཨེཀཾ མཱསཾ ཛཱནཱཏི, ཨེཀཾ མཱསཾ ན ཛཱནཱཏི. སོ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཡཾ མཱསཾ ཛཱནཱཏི ཏཾ མཱསཾ པརིཝཱསཾ ཡཱཙཏི. ཏསྶ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཡཾ མཱསཾ ཛཱནཱཏི ཏཾ མཱསཾ པརིཝཱསཾ དེཏི. སོ པརིཝསནྟོ ཨིཏརམྤི མཱསཾ ཛཱནཱཏི. ཏསྶ ཨེཝཾ ཧོཏི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ; ཨེཀཾ མཱསཾ ཛཱནིཾ, ཨེཀཾ མཱསཾ ན ཛཱནིཾ. སོཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཡཾ མཱསཾ ཛཱནིཾ ཏཾ མཱསཾ པརིཝཱསཾ ཡཱཙིཾ. ཏསྶ མེ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཡཾ ¶ མཱསཾ ཛཱནིཾ ཏཾ མཱསཾ པརིཝཱསཾ ཨདཱསི. སོཧཾ པརིཝསནྟོ ཨིཏརམྤི མཱསཾ ཛཱནཱམི. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ ཡཱཙེཡྻ’ནྟི. སོ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ ཡཱཙཏི ¶ . ཏསྶ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ དེཏི. ཏེན, བྷིཀྑཝེ, བྷིཀྑུནཱ པུརིམཾ ཨུཔཱདཱཡ དྭེ མཱསཱ པརིཝསིཏབྦཱ.

༡༥༡. ‘‘ཨིདྷ པན, བྷིཀྑཝེ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫཏི དྭེམཱསཔྤཊིཙྪནྣཱཡོ; ཨེཀཾ མཱསཾ སརཏི, ཨེཀཾ མཱསཾ ནསྶརཏི. སོ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཡཾ མཱསཾ སརཏི ཏཾ མཱསཾ པརིཝཱསཾ ཡཱཙཏི. ཏསྶ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཡཾ མཱསཾ སརཏི ཏཾ མཱསཾ པརིཝཱསཾ དེཏི. སོ པརིཝསནྟོ ཨིཏརམྤི མཱསཾ སརཏི. ཏསྶ ཨེཝཾ ཧོཏི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ; ཨེཀཾ མཱསཾ སརིཾ, ཨེཀཾ མཱསཾ ནསྶརིཾ. སོཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཡཾ མཱསཾ སརིཾ ཏཾ མཱསཾ པརིཝཱསཾ ཡཱཙིཾ. ཏསྶ མེ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཡཾ མཱསཾ སརིཾ ཏཾ མཱསཾ པརིཝཱསཾ ཨདཱསི. སོཧཾ པརིཝསནྟོ ཨིཏརམྤི མཱསཾ སརཱམི. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ ཡཱཙེཡྻ’ནྟི. སོ སངྒྷཾ དྭིནྣཾ ¶ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ ཡཱཙཏི. ཏསྶ ¶ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ དེཏི. ཏེན, བྷིཀྑཝེ, བྷིཀྑུནཱ པུརིམཾ ཨུཔཱདཱཡ དྭེ མཱསཱ པརིཝསིཏབྦཱ.

༡༥༢. ‘‘ཨིདྷ པན, བྷིཀྑཝེ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫཏི དྭེམཱསཔྤཊིཙྪནྣཱཡོ; ཨེཀཾ མཱསཾ ནིབྦེམཏིཀོ, ཨེཀཾ མཱསཾ ཝེམཏིཀོ. སོ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཡཾ མཱསཾ ནིབྦེམཏིཀོ ཏཾ མཱསཾ པརིཝཱསཾ ཡཱཙཏི. ཏསྶ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཡཾ མཱསཾ ནིབྦེམཏིཀོ ཏཾ མཱསཾ པརིཝཱསཾ དེཏི. སོ པརིཝསནྟོ ཨིཏརམྤི མཱསཾ ནིབྦེམཏིཀོ ཧོཏི. ཏསྶ ཨེཝཾ ཧོཏི – ‘ཨཧཾ ཁོ དྭེ སངྒྷཱདིསེསཱ ཨཱཔཏྟིཡོ ཨཱཔཛྫིཾ དྭེམཱསཔྤཊིཙྪནྣཱཡོ; ཨེཀཾ མཱསཾ ནིབྦེམཏིཀོ, ཨེཀཾ མཱསཾ ཝེམཏིཀོ ¶ . སོཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཡཾ མཱསཾ ནིབྦེམཏིཀོ ཏཾ མཱསཾ པརིཝཱསཾ ཡཱཙིཾ. ཏསྶ མེ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪཱནྣཱནཾ ཡཾ མཱསཾ ནིབྦེམཏིཀོ ཏཾ མཱསཾ པརིཝཱསཾ ཨདཱསི. སོཧཾ པརིཝསནྟོ ཨིཏརམྤི མཱསཾ ནིབྦེམཏིཀོ. ཡཾནཱུནཱཧཾ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ¶ ཨིཏརམྤི མཱསཾ པརིཝཱསཾ ཡཱཙེཡྻ’ནྟི. སོ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ ཡཱཙཏི. ཏསྶ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ ཨིཏརམྤི མཱསཾ པརིཝཱསཾ དེཏི. ཏེན, བྷིཀྑཝེ ¶ , བྷིཀྑུནཱ པུརིམཾ ཨུཔཱདཱཡ དྭེ མཱསཱ པརིཝསིཏབྦཱ.

༡༥༣. ‘‘ཨིདྷ པན, བྷིཀྑཝེ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫཏི དྭེམཱསཔྤཊིཙྪནྣཱཡོ; ཨེཀོ མཱསོ ཛཱནཔྤཊིཙྪནྣོ, ཨེཀོ མཱསོ ཨཛཱནཔྤཊིཙྪནྣོ. སོ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ ཡཱཙཏི. ཏསྶ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ དེཏི. ཏསྶ པརིཝསནྟསྶ ཨཉྙོ བྷིཀྑུ ཨཱགཙྪཏི བཧུསྶུཏོ ཨཱགཏཱགམོ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ ཝིཡཏྟོ མེདྷཱཝཱི ལཛྫཱི ཀུཀྐུཙྩཀོ སིཀྑཱཀཱམོ. སོ ཨེཝཾ ཝདེཏི – ‘ཀིཾ ཨཡཾ, ཨཱཝུསོ, བྷིཀྑུ ཨཱཔནྣོ? ཀིསྶཱཡཾ བྷིཀྑུ པརིཝསཏཱི’ཏི? ཏེ ཨེཝཾ ཝདེནྟི – ‘ཨཡཾ, ཨཱཝུསོ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫི དྭེམཱསཔྤཊིཙྪནྣཱཡོ. ཨེཀོ མཱསོ ཛཱནཔྤཊིཙྪནྣོ, ཨེཀོ མཱསོ ཨཛཱནཔྤཊིཙྪནྣོ. སོ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ ཡཱཙི. ཏསྶ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ ཨདཱསི. ཏཱཡོ ཨཡཾ, ཨཱཝུསོ, བྷིཀྑུ ཨཱཔནྣོ ཏཱསཱཡཾ བྷིཀྑུ པརིཝསཏཱི’ཏི. སོ ཨེཝཾ ཝདེཏི – ‘ཡྭཱཡཾ, ཨཱཝུསོ, མཱསོ ཛཱནཔྤཊིཙྪནྣོ དྷམྨིཀཾ ཏསྶ མཱསསྶ པརིཝཱསདཱནཾ; དྷམྨཏྟཱ རུཧཏི. ཡོ ཙ ¶ ཁྭཱཡཾ, ཨཱཝུསོ, མཱསོ ཨཛཱནཔྤཊིཙྪནྣོ ཨདྷམྨིཀཾ ཏསྶ མཱསསྶ པརིཝཱསདཱནཾ; ཨདྷམྨཏྟཱ ན རུཧཏི. ཨེཀསྶ, ཨཱཝུསོ ¶ , མཱསསྶ བྷིཀྑུ མཱནཏྟཱརཧོ’ཏི.

༡༥༤. ‘‘ཨིདྷ པན, བྷིཀྑཝེ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫཏི དྭེམཱསཔྤཊིཙྪནྣཱཡོ; ཨེཀོ མཱསོ སརམཱནཔྤཊིཙྪནྣོ, ཨེཀོ མཱསོ ཨསྶརམཱནཔྤཊིཙྪནྣོ. སོ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ ཡཱཙཏི. ཏསྶ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ དེཏི. ཏསྶ པརིཝསནྟསྶ ཨཉྙོ བྷིཀྑུ ཨཱགཙྪཏི བཧུསྶུཏོ ཨཱགཏཱགམོ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ ཝིཡཏྟོ མེདྷཱཝཱི ལཛྫཱི ཀུཀྐུཙྩཀོ སིཀྑཱཀཱམོ ¶ . སོ ཨེཝཾ ཝདེཏི – ‘ཀིཾ ཨཡཾ, ཨཱཝུསོ, བྷིཀྑུ ཨཱཔནྣོ? ཀིསྶཱཡཾ བྷིཀྑུ པརིཝསཏཱི’ཏི? ཏེ ཨེཝཾ ཝདེནྟི – ‘ཨཡཾ, ཨཱཝུསོ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫི དྭེམཱསཔྤཊིཙྪནྣཱཡོ; ཨེཀོ མཱསོ སརམཱནཔྤཊིཙྪནྣོ, ཨེཀོ མཱསོ ཨསྶརམཱནཔྤཊིཙྪནྣོ. སོ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ ཡཱཙི. ཏསྶ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ ཨདཱསི. ཏཱཡོ ཨཡཾ, ཨཱཝུསོ, བྷིཀྑུ ཨཱཔནྣོ ཏཱསཱཡཾ བྷིཀྑུ པརིཝསཏཱི’ཏི. སོ ཨེཝཾ ཝདེཏི – ‘ཡྭཱཡཾ, ཨཱཝུསོ, མཱསོ སརམཱནཔྤཊིཙྪནྣོ དྷམྨིཀཾ ཏསྶ མཱསསྶ པརིཝཱསདཱནཾ; དྷམྨཏྟཱ རུཧཏི. ཡོ ཙ ཁྭཱཡཾ, ཨཱཝུསོ, མཱསོ ཨསྶརམཱནཔྤཊིཙྪནྣོ ཨདྷམྨིཀཾ ཏསྶ མཱསསྶ པརིཝཱསདཱནཾ; ཨདྷམྨཏྟཱ ན རུཧཏི. ཨེཀསྶ, ཨཱཝུསོ, མཱསསྶ བྷིཀྑུ མཱནཏྟཱརཧོ’ཏི.

༡༥༥. ‘‘ཨིདྷ ¶ པན, བྷིཀྑཝེ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫཏི དྭེམཱསཔྤཊིཙྪནྣཱཡོ; ཨེཀོ མཱསོ ནིབྦེམཏིཀཔྤཊིཙྪནྣོ, ཨེཀོ མཱསོ ཝེམཏིཀཔྤཊིཙྪནྣོ. སོ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ ཡཱཙཏི. ཏསྶ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ དེཏི. ཏསྶ པརིཝསནྟསྶ ཨཉྙོ བྷིཀྑུ ཨཱགཙྪཏི བཧུསྶུཏོ ཨཱགཏཱགམོ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ ཝིཡཏྟོ མེདྷཱཝཱི ལཛྫཱི ཀུཀྐུཙྩཀོ སིཀྑཱཀཱམོ. སོ ཨེཝཾ ཝདེཏི – ‘ཀིཾ ཨཡཾ, ཨཱཝུསོ, བྷིཀྑུ ཨཱཔནྣོ? ཀིསྶཱཡཾ བྷིཀྑུ པརིཝསཏཱི’ཏི? ཏེ ཨེཝཾ ཝདེནྟི – ‘ཨཡཾ, ཨཱཝུསོ, བྷིཀྑུ དྭེ སངྒྷཱདིསེསཱ ཨཱཔཏྟིཡོ ཨཱཔཛྫི དྭེམཱསཔྤཊིཙྪནྣཱཡོ; ཨེཀོ མཱསོ ནིབྦེམཏིཀཔྤཊིཙྪནྣོ, ཨེཀོ མཱསོ ཝེམཏིཀཔྤཊིཙྪནྣོ. སོ སངྒྷཾ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ ཡཱཙི. ཏསྶ སངྒྷོ དྭིནྣཾ ཨཱཔཏྟཱིནཾ དྭེམཱསཔྤཊིཙྪནྣཱནཾ དྭེམཱསཔརིཝཱསཾ ཨདཱསི. ཏཱཡོ ཨཡཾ, ཨཱཝུསོ, བྷིཀྑུ ཨཱཔནྣོ ཏཱསཱཡཾ བྷིཀྑུ པརིཝསཏཱི’ཏི ¶ . སོ ཨེཝཾ ཝདེཏི – ‘ཡྭཱཡཾ, ཨཱཝུསོ, མཱསོ ནིབྦེམཏིཀཔྤཊིཙྪནྣོ དྷམྨིཀཾ ཏསྶ མཱསསྶ པརིཝཱསདཱནཾ; དྷམྨཏྟཱ རུཧཏི. ཡོ ཙ ཁྭཱཡཾ, ཨཱཝུསོ, མཱསོ ཝེམཏིཀཔྤཊིཙྪནྣོ ཨདྷམྨིཀཾ ཏསྶ མཱསསྶ པརིཝཱསདཱནཾ; ཨདྷམྨཏྟཱ ན རུཧཏི. ཨེཀསྶ, ཨཱཝུསོ, མཱསསྶ བྷིཀྑུ མཱནཏྟཱརཧོ’’ཏི.

སུདྡྷནྟཔརིཝཱསོ

༡༥༦. ཏེན ¶ ཁོ པན སམཡེན ཨཉྙཏརོ བྷིཀྑུ སམྦཧུལཱ སངྒྷཱདིསེསཱ ¶ ཨཱཔཏྟིཡོ ཨཱཔནྣོ ཧོཏི. སོ ཨཱཔཏྟིཔརིཡནྟཾ ན ཛཱནཱཏི; རཏྟིཔརིཡནྟཾ ན ཛཱནཱཏི; ཨཱཔཏྟིཔརིཡནྟཾ ནསྶརཏི, རཏྟིཔརིཡནྟཾ ནསྶརཏི; ཨཱཔཏྟིཔརིཡནྟེ ཝེམཏིཀོ, རཏྟིཔརིཡནྟེ ཝེམཏིཀོ. སོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ; ཨཱཔཏྟིཔརིཡནྟཾ ¶ ན ཛཱནཱམི, རཏྟིཔརིཡནྟཾ ན ཛཱནཱམི; ཨཱཔཏྟིཔརིཡནྟཾ ནསྶརཱམི, རཏྟིཔརིཡནྟཾ ནསྶརཱམི; ཨཱཔཏྟིཔརིཡནྟེ ཝེམཏིཀོ, རཏྟིཔརིཡནྟེ ཝེམཏིཀོ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏེན ཧི, བྷིཀྑཝེ, སངྒྷོ ཏསྶ བྷིཀྑུནོ ཏཱསཾ ཨཱཔཏྟཱིནཾ སུདྡྷནྟཔརིཝཱསཾ དེཏུ. ཨེཝཉྩ པན, བྷིཀྑཝེ, དཱཏབྦོ –

‘‘ཏེན, བྷིཀྑཝེ, བྷིཀྑུནཱ སངྒྷཾ ཨུཔསངྐམིཏྭཱ…པེ… ཨེཝམསྶ ཝཙནཱིཡོ – ‘ཨཧཾ, བྷནྟེ, སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ. ཨཱཔཏྟིཔརིཡནྟཾ ན ཛཱནཱམི, རཏྟིཔརིཡནྟཾ ན ཛཱནཱམི; ཨཱཔཏྟིཔརིཡནྟཾ ནསྶརཱམི, རཏྟིཔརིཡནྟཾ ནསྶརཱམི; ཨཱཔཏྟིཔརིཡནྟེ ཝེམཏིཀོ, རཏྟིཔརིཡནྟེ ཝེམཏིཀོ. སོཧཾ, བྷནྟེ, སངྒྷཾ ཏཱསཾ ཨཱཔཏྟཱིནཾ སུདྡྷནྟཔརིཝཱསཾ ཡཱཙཱམཱི’ཏི. དུཏིཡམྤི ཡཱཙིཏབྦོ. ཏཏིཡམྤི ཡཱཙིཏབྦོ. བྱཏྟེན ¶ བྷིཀྑུནཱ པཊིབལེན སངྒྷོ ཉཱཔེཏབྦོ –

༡༥༧. ‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫི. ཨཱཔཏྟིཔརིཡནྟཾ ན ཛཱནཱཏི, རཏྟིཔརིཡནྟཾ ན ཛཱནཱཏི; ཨཱཔཏྟིཔརིཡནྟཾ ནསྶརཏི, རཏྟིཔརིཡནྟཾ ནསྶརཏི; ཨཱཔཏྟིཔརིཡནྟེ ཝེམཏིཀོ, རཏྟིཔརིཡནྟེ ཝེམཏིཀོ. སོ སངྒྷཾ ཏཱསཾ ཨཱཔཏྟཱིནཾ སུདྡྷནྟཔརིཝཱསཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམསྶ བྷིཀྑུནོ ཏཱསཾ ཨཱཔཏྟཱིནཾ སུདྡྷནྟཔརིཝཱསཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫི. ཨཱཔཏྟིཔརིཡནྟཾ ན ཛཱནཱཏི, རཏྟིཔརིཡནྟཾ ན ཛཱནཱཏི; ཨཱཔཏྟིཔརིཡནྟཾ ནསྶརཏི ¶ , རཏྟིཔརིཡནྟཾ ནསྶརཏི; ཨཱཔཏྟིཔརིཡནྟེ ཝེམཏིཀོ, རཏྟིཔརིཡནྟེ ཝེམཏིཀོ. སོ སངྒྷཾ ཏཱསཾ ¶ ཨཱཔཏྟཱིནཾ སུདྡྷནྟཔརིཝཱསཾ ཡཱཙཏི. སངྒྷོ ཨིཏྠནྣཱམསྶ བྷིཀྑུནོ ཏཱསཾ ཨཱཔཏྟཱིནཾ སུདྡྷནྟཔརིཝཱསཾ དེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ ཏཱསཾ ཨཱཔཏྟཱིནཾ སུདྡྷནྟཔརིཝཱསསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘དིནྣོ སངྒྷེན ཨིཏྠནྣཱམསྶ བྷིཀྑུནོ ཏཱསཾ ཨཱཔཏྟཱིནཾ སུདྡྷནྟཔརིཝཱསོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༡༥༨. ‘‘ཨེཝཾ ཁོ, བྷིཀྑཝེ, སུདྡྷནྟཔརིཝཱསོ དཱཏབྦོ; ཨེཝཾ ¶ པརིཝཱསོ དཱཏབྦོ. ཀཐཉྩ, བྷིཀྑཝེ, སུདྡྷནྟཔརིཝཱསོ དཱཏབྦོ? ཨཱཔཏྟིཔརིཡནྟཾ ན ཛཱནཱཏི, རཏྟིཔརིཡནྟཾ ན ཛཱནཱཏི; ཨཱཔཏྟིཔརིཡནྟཾ ནསྶརཏི, རཏྟིཔརིཡནྟཾ ནསྶརཏི; ཨཱཔཏྟིཔརིཡནྟེ ཝེམཏིཀོ, རཏྟིཔརིཡནྟེ ཝེམཏིཀོ – སུདྡྷནྟཔརིཝཱསོ དཱཏབྦོ.

‘‘ཨཱཔཏྟིཔརིཡནྟཾ ཛཱནཱཏི, རཏྟིཔརིཡནྟཾ ན ཛཱནཱཏི; ཨཱཔཏྟིཔརིཡནྟཾ སརཏི, རཏྟིཔརིཡནྟཾ ནསྶརཏི; ཨཱཔཏྟིཔརིཡནྟེ ནིབྦེམཏིཀོ, རཏྟིཔརིཡནྟེ ཝེམཏིཀོ – སུདྡྷནྟཔརིཝཱསོ དཱཏབྦོ.

‘‘ཨཱཔཏྟིཔརིཡནྟཾ ཨེཀཙྩཾ ཛཱནཱཏི, ཨེཀཙྩཾ ན ཛཱནཱཏི, རཏྟིཔརིཡནྟཾ ན ཛཱནཱཏི; ཨཱཔཏྟིཔརིཡནྟཾ ཨེཀཙྩཾ སརཏི, ཨེཀཙྩཾ ནསྶརཏི, རཏྟིཔརིཡནྟཾ ནསྶརཏི; ཨཱཔཏྟིཔརིཡནྟེ ཨེཀཙྩེ ཝེམཏིཀོ, ཨེཀཙྩེ ནིབྦེམཏིཀོ, རཏྟིཔརིཡནྟེ ཝེམཏིཀོ – སུདྡྷནྟཔརིཝཱསོ དཱཏབྦོ.

‘‘ཨཱཔཏྟིཔརིཡནྟཾ ན ཛཱནཱཏི, རཏྟིཔརིཡནྟཾ ཨེཀཙྩཾ ཛཱནཱཏི, ཨེཀཙྩཾ ན ཛཱནཱཏི; ཨཱཔཏྟིཔརིཡནྟཾ ནསྶརཏི, རཏྟིཔརིཡནྟཾ ཨེཀཙྩཾ སརཏི, ཨེཀཙྩཾ ནསྶརཏི; ཨཱཔཏྟིཔརིཡནྟེ ཝེམཏིཀོ, རཏྟིཔརིཡནྟེ ཨེཀཙྩེ ཝེམཏིཀོ, ཨེཀཙྩེ ནིབྦེམཏིཀོ – སུདྡྷནྟཔརིཝཱསོ དཱཏབྦོ.

‘‘ཨཱཔཏྟིཔརིཡནྟཾ ཛཱནཱཏི, རཏྟིཔརིཡནྟཾ ཨེཀཙྩཾ ཛཱནཱཏི, ཨེཀཙྩཾ ན ཛཱནཱཏི; ཨཱཔཏྟིཔརིཡནྟཾ ¶ སརཏི, རཏྟིཔརིཡནྟཾ ཨེཀཙྩཾ སརཏི, ཨེཀཙྩཾ ནསྶརཏི; ཨཱཔཏྟིཔརིཡནྟེ ནིབྦེམཏིཀོ, རཏྟིཔརིཡནྟེ ཨེཀཙྩེ ཝེམཏིཀོ, ཨེཀཙྩེ ནིབྦེམཏིཀོ – སུདྡྷནྟཔརིཝཱསོ ¶ དཱཏབྦོ.

‘‘ཨཱཔཏྟིཔརིཡནྟཾ ཨེཀཙྩཾ ཛཱནཱཏི, ཨེཀཙྩཾ ན ཛཱནཱཏི; རཏྟིཔརིཡནྟཾ ¶ ཨེཀཙྩཾ ཛཱནཱཏི, ཨེཀཙྩཾ ན ཛཱནཱཏི; ཨཱཔཏྟིཔརིཡནྟཾ ཨེཀཙྩཾ སརཏི, ཨེཀཙྩཾ ནསྶརཏི ¶ ; རཏྟིཔརིཡནྟཾ ཨེཀཙྩཾ སརཏི, ཨེཀཙྩཾ ནསྶརཏི; ཨཱཔཏྟིཔརིཡནྟེ ཨེཀཙྩེ ཝེམཏིཀོ, ཨེཀཙྩེ ནིབྦེམཏིཀོ; རཏྟིཔརིཡནྟེ ཨེཀཙྩེ ཝེམཏིཀོ, ཨེཀཙྩེ ནིབྦེམཏིཀོ – སུདྡྷནྟཔརིཝཱསོ དཱཏབྦོ. ཨེཝཾ ཁོ, བྷིཀྑཝེ, སུདྡྷནྟཔརིཝཱསོ དཱཏབྦོ.

༡༥༩. ‘‘ཀཐཉྩ, བྷིཀྑཝེ, པརིཝཱསོ དཱཏབྦོ? ཨཱཔཏྟིཔརིཡནྟཾ ཛཱནཱཏི, རཏྟིཔརིཡནྟཾ ཛཱནཱཏི; ཨཱཔཏྟིཔརིཡནྟཾ སརཏི, རཏྟིཔརིཡནྟཾ སརཏི; ཨཱཔཏྟིཔརིཡནྟེ ནིབྦེམཏིཀོ, རཏྟིཔརིཡནྟེ ནིབྦེམཏིཀོ – པརིཝཱསོ དཱཏབྦོ.

‘‘ཨཱཔཏྟིཔརིཡནྟཾ ན ཛཱནཱཏི, རཏྟིཔརིཡནྟཾ ཛཱནཱཏི; ཨཱཔཏྟིཔརིཡནྟཾ ནསྶརཏི, རཏྟིཔརིཡནྟཾ སརཏི, ཨཱཔཏྟིཔརིཡནྟེ ཝེམཏིཀོ, རཏྟིཔརིཡནྟེ ནིབྦེམཏིཀོ – པརིཝཱསོ དཱཏབྦོ.

‘‘ཨཱཔཏྟིཔརིཡནྟཾ ཨེཀཙྩཾ ཛཱནཱཏི, ཨེཀཙྩཾ ན ཛཱནཱཏི, རཏྟིཔརིཡནྟཾ ཛཱནཱཏི; ཨཱཔཏྟིཔརིཡནྟཾ ཨེཀཙྩཾ སརཏི, ཨེཀཙྩཾ ནསྶརཏི, རཏྟིཔརིཡནྟཾ སརཏི; ཨཱཔཏྟིཔརིཡནྟེ ཨེཀཙྩེ ཝེམཏིཀོ, ཨེཀཙྩེ ནིབྦེམཏིཀོ, རཏྟིཔརིཡནྟེ ནིབྦེམཏིཀོ – པརིཝཱསོ དཱཏབྦོ. ཨེཝཾ ཁོ, བྷིཀྑཝེ, པརིཝཱསོ དཱཏབྦོ.

པརིཝཱསོ ནིཊྛིཏོ.

༣. ཙཏྟཱལཱིསཀཾ

༡༦༠. ཏེན ཁོ པན སམཡེན ཨཉྙཏརོ བྷིཀྑུ པརིཝསནྟོ ཝིབྦྷམི. སོ པུན པཙྩཱགནྟྭཱ བྷིཀྑཱུ ཨུཔསམྤདཾ ཡཱཙི. བྷགཝཏོ ¶ ཨེཏམཏྠཾ ཨཱརོཙེསུཾ.

‘‘ཨིདྷ ¶ པན, བྷིཀྑཝེ, བྷིཀྑུ པརིཝསནྟོ ཝིབྦྷམཏི. ཝིབྦྷནྟཀསྶ, བྷིཀྑཝེ, པརིཝཱསོ ན རུཧཏི. སོ ཙེ པུན ཨུཔསམྤཛྫཏི, ཏསྶ ཏདེཝ པུརིམཾ པརིཝཱསདཱནཾ. ཡོ པརིཝཱསོ དིནྣོ སུདིནྣོ, ཡོ པརིཝུཏྠོ སུཔརིཝུཏྠོ, ཨཝསེསོ པརིཝསིཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ སཱམཎེརོ ཧོཏི. སཱམཎེརསྶ, བྷིཀྑཝེ, པརིཝཱསོ ན རུཧཏི. སོ ཙེ པུན ཨུཔསམྤཛྫཏི, ཏསྶ ¶ ཏདེཝ པུརིམཾ པརིཝཱསདཱནཾ. ཡོ པརིཝཱསོ དིནྣོ སུདིནྣོ, ཡོ པརིཝུཏྠོ སུཔརིཝུཏྠོ, ཨཝསེསོ པརིཝསིཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨུམྨཏྟཀོ ཧོཏི. ཨུམྨཏྟཀསྶ, བྷིཀྑཝེ, པརིཝཱསོ ན རུཧཏི. སོ ཙེ པུན ཨནུམྨཏྟཀོ ཧོཏི, ཏསྶ ཏདེཝ པུརིམཾ པརིཝཱསདཱནཾ. ཡོ པརིཝཱསོ དིནྣོ སུདིནྣོ, ཡོ པརིཝུཏྠོ སུཔརིཝུཏྠོ, ཨཝསེསོ པརིཝསིཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཁིཏྟཙིཏྟོ ཧོཏི. ཁིཏྟཙིཏྟསྶ, བྷིཀྑཝེ, པརིཝཱསོ ན ¶ རུཧཏི. སོ ཙེ པུན ཨཁིཏྟཙིཏྟོ ཧོཏི, ཏསྶ ཏདེཝ པུརིམཾ པརིཝཱསདཱནཾ. ཡོ པརིཝཱསོ དིནྣོ སུདིནྣོ, ཡོ པུརིཝུཏྠོ སུཔརིཝུཏྠོ, ཨཝསེསོ པརིཝསིཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཝེདནཱཊྚོ ཧོཏི. ཝེདནཱཊྚསྶ ¶ , བྷིཀྑཝེ, པརིཝཱསོ ན རུཧཏི. སོ ཙེ པུན ཨཝེདནཱཊྚོ ཧོཏི, ཏསྶ ཏདེཝ པུརིམཾ པརིཝཱསདཱནཾ. ཡོ པརིཝཱསོ དིནྣོ སུདིནྣོ, ཡོ པརིཝུཏྠོ སུཔརིཝུཏྠོ, ཨཝསེསོ པརིཝསིཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ, ཨཱཔཏྟིཡཱ ཨདསྶནེ, ཨུཀྑིཔིཡྻཏི [ཨུཀྑིཔིཡཏི (སྱཱ.), ཨུཀྑིཔཱིཡཏི (ཀ.)]. ཨུཀྑིཏྟཀསྶ, བྷིཀྑཝེ, པརིཝཱསོ ན རུཧཏི. སོ ཙེ པུན ཨོསཱརིཡྻཏི [ཨོསཱརིཡཏི (སྱཱ.), ཨོསཱརཱིཡཏི (ཀ.)], ཏསྶ ཏདེཝ པུརིམཾ པརིཝཱསདཱནཾ. ཡོ པརིཝཱསོ དིནྣོ སུདིནྣོ, ཡོ པརིཝུཏྠོ སུཔརིཝུཏྠོ, ཨཝསེསོ པརིཝསིཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ, ཨཱཔཏྟིཡཱ ཨཔྤཊིཀམྨེ, ཨུཀྑིཔིཡྻཏི. ཨུཀྑིཏྟཀསྶ, བྷིཀྑཝེ, པརིཝཱསོ ན རུཧཏི. སོ ཙེ པུན ཨོསཱརིཡྻཏི, ཏསྶ ཏདེཝ པུརིམཾ པརིཝཱསདཱནཾ. ཡོ པརིཝཱསོ དིནྣོ སུདིནྣོ, ཡོ པརིཝུཏྠོ སུཔརིཝུཏྠོ, ཨཝསེསོ པརིཝསིཏབྦོ.

‘‘ཨིདྷ ¶ པན, བྷིཀྑཝེ, བྷིཀྑུ པརིཝསནྟོ, པཱཔིཀཱཡ དིཊྛིཡཱ, ཨཔྤཊིནིསྶགྒེ, ཨུཀྑིཔིཡྻཏི. ཨུཀྑིཏྟཀསྶ, བྷིཀྑཝེ, པརིཝཱསོ ན རུཧཏི. སོ ཙེ པུན ཨོསཱརིཡྻཏི, ཏསྶ ཏདེཝ པུརིམཾ པརིཝཱསདཱནཾ. ཡོ པརིཝཱསོ དིནྣོ སུདིནྣོ, ཡོ པརིཝུཏྠོ སུཔརིཝུཏྠོ, ཨཝསེསོ པརིཝསིཏབྦོ.

༡༦༡. ‘‘ཨིདྷ ¶ པན, བྷིཀྑཝེ, བྷིཀྑུ མཱུལཱཡཔཊིཀསྶནཱརཧོ ཝིབྦྷམཏི. ཝིབྦྷནྟཀསྶ, བྷིཀྑཝེ, མཱུལཱཡཔཊིཀསྶནཱ ན རུཧཏི. སོ ཙེ པུན ¶ ཨུཔསམྤཛྫཏི, ཏསྶ ཏདེཝ པུརིམཾ པརིཝཱསདཱནཾ. ཡོ པརིཝཱསོ དིནྣོ སུདིནྣོ, ཡོ པརིཝུཏྠོ སུཔརིཝུཏྠོ. སོ བྷིཀྑུ མཱུལཱཡ པཊིཀསྶིཏབྦོ.

‘‘ཨིདྷ པན, བྷིཀྑཝེ, བྷིཀྑུ མཱུལཱཡཔཊིཀསྶནཱརཧོ སཱམཎེརོ ཧོཏི…པེ… ཨུམྨཏྟཀོ ཧོཏི…པེ… ཁིཏྟཙིཏྟོ ཧོཏི…པེ… ཝེདནཱཊྚོ ཧོཏི…པེ… ཨཱཔཏྟིཡཱ ཨདསྶནེ ཨུཀྑིཔིཡྻཏི…པེ… ཨཱཔཏྟིཡཱ ཨཔྤཊིཀམྨེ ཨུཀྑིཔིཡྻཏི…པེ… པཱཔིཀཱཡ དིཊྛིཡཱ, ཨཔྤཊིནིསྶགྒེ, ཨུཀྑིཔིཡྻཏི. ཨུཀྑིཏྟཀསྶ, བྷིཀྑཝེ, མཱུལཱཡཔཊིཀསྶནཱ ན རུཧཏི. སོ ཙེ པུན ཨོསཱརིཡྻཏི, ཏསྶ ཏདེཝ པུརིམཾ པརིཝཱསདཱནཾ. ཡོ པརིཝཱསོ དིནྣོ སུདིནྣོ, ཡོ པརིཝུཏྠོ སུཔརིཝུཏྠོ. སོ བྷིཀྑུ མཱུལཱཡ པཊིཀསྶིཏབྦོ.

༡༦༢. ‘‘ཨིདྷ པན, བྷིཀྑཝེ, བྷིཀྑུ མཱནཏྟཱརཧོ ཝིབྦྷམཏི. ཝིབྦྷནྟཀསྶ, བྷིཀྑཝེ, མཱནཏྟདཱནཾ ན རུཧཏི. སོ ཙེ པུན ཨུཔསམྤཛྫཏི, ཏསྶ ཏདེཝ པུརིམཾ པརིཝཱསདཱནཾ. ཡོ པརིཝཱསོ དིནྣོ སུདིནྣོ, ཡོ པརིཝུཏྠོ སུཔརིཝུཏྠོ. ཏསྶ བྷིཀྑུནོ མཱནཏྟཾ དཱཏབྦཾ.

‘‘ཨིདྷ པན, བྷིཀྑཝེ, བྷིཀྑུ མཱནཏྟཱརཧོ སཱམཎེརོ ཧོཏི…པེ… ཨུམྨཏྟཀོ ཧོཏི…པེ… ཁིཏྟཙིཏྟོ ཧོཏི…པེ… ཝེདནཱཊྚོ ཧོཏི…པེ… ཨཱཔཏྟིཡཱ ཨདསྶནེ, ཨུཀྑིཔིཡྻཏི…པེ… ཨཱཔཏྟིཡཱ ཨཔྤཊིཀམྨེ, ཨུཀྑིཔིཡྻཏི…པེ… པཱཔིཀཱཡ དིཊྛིཡཱ, ཨཔྤཊིནིསྶགྒེ ¶ , ཨུཀྑིཔིཡྻཏི. ཨུཀྑིཏྟཀསྶ, བྷིཀྑཝེ, མཱནཏྟདཱནཾ ན རུཧཏི. སོ ཙེ པུན ཨོསཱརིཡྻཏི, ཏསྶ ཏདེཝ པུརིམཾ པརིཝཱསདཱནཾ. ཡོ པརིཝཱསོ དིནྣོ སུདིནྣོ, ཡོ པརིཝུཏྠོ སུཔརིཝུཏྠོ. ཏསྶ བྷིཀྑུནོ མཱནཏྟཾ དཱཏབྦཾ.

༡༦༣. ‘‘ཨིདྷ པན, བྷིཀྑཝེ, བྷིཀྑུ མཱནཏྟཾ ཙརནྟོ ཝིབྦྷམཏི. ཝིབྦྷནྟཀསྶ, བྷིཀྑཝེ ¶ , མཱནཏྟཙརིཡཱ ན རུཧཏི. སོ ཙེ པུན ཨུཔསམྤཛྫཏི ཏསྶ ཏདེཝ པུརིམཾ པརིཝཱསདཱནཾ. ཡོ པརིཝཱསོ དིནྣོ སུདིནྣོ, ཡོ པརིཝུཏྠོ སུཔརིཝུཏྠོ; ཡཾ མཱནཏྟཾ དིནྣཾ སུདིནྣཾ, ཡཾ མཱནཏྟཾ ཙིཎྞཾ སུཙིཎྞཾ, ཨཝསེསཾ ཙརིཏབྦཾ.

‘‘ཨིདྷ ¶ པན, བྷིཀྑཝེ, བྷིཀྑུ མཱནཏྟཾ ཙརནྟོ སཱམཎེརོ ཧོཏི…པེ… ཨུམྨཏྟཀོ ཧོཏི…པེ… ཁིཏྟཙིཏྟོ ཧོཏི…པེ… ཝེདནཱཊྚོ ཧོཏི…པེ… ཨཱཔཏྟིཡཱ ཨདསྶནེ, ཨུཀྑིཔིཡྻཏི…པེ… ཨཱཔཏྟིཡཱ ཨཔྤཊིཀམྨེ, ཨུཀྑིཔིཡྻཏི…པེ… པཱཔིཀཱཡ དིཊྛིཡཱ, ཨཔྤཊིནིསྶགྒེ, ཨུཀྑིཔིཡྻཏི. ཨུཀྑིཏྟཀསྶ, བྷིཀྑཝེ, མཱནཏྟཙརིཡཱ ན རུཧཏི. སོ ཙེ པུན ཨོསཱརིཡྻཏི, ཏསྶ ཏདེཝ པུརིམཾ པརིཝཱསདཱནཾ. ཡོ པརིཝཱསོ དིནྣོ སུདིནྣོ, ཡོ པུརིཝུཏྠོ སུཔརིཝུཏྠོ; ཡཾ མཱནཏྟཾ དིནྣཾ སུདིནྣཾ, ཡཾ མཱནཏྟཾ ཙིཎྞཾ སུཙིཎྞཾ, ཨཝསེསཾ ཙརིཏབྦཾ.

༡༦༤. ‘‘ཨིདྷ པན, བྷིཀྑཝེ, བྷིཀྑུ ཨབྦྷཱནཱརཧོ ཝིབྦྷམཏི. ཝིབྦྷནྟཀསྶ, བྷིཀྑཝེ, ཨབྦྷཱནཾ ན རུཧཏི. སོ ཙེ པུན ཨུཔསམྤཛྫཏི ¶ , ཏསྶ ཏདེཝ པུརིམཾ པརིཝཱསདཱནཾ. ཡོ པརིཝཱསོ དིནྣོ སུདིནྣོ, ཡོ པརིཝུཏྠོ སུཔརིཝུཏྠོ; ཡཾ མཱནཏྟཾ དིནྣཾ སུདིནྣཾ, ཡཾ མཱནཏྟཾ ཙིཎྞཾ སུཙིཎྞཾ. སོ བྷིཀྑུ ཨབྦྷེཏབྦོ.

‘‘ཨིདྷ པན, བྷིཀྑཝེ, བྷིཀྑུ ཨབྦྷཱནཱརཧོ སཱམཎེརོ ཧོཏི…པེ… ཨུམྨཏྟཀོ ཧོཏི…པེ…

ཁིཏྟཙིཏྟོ ཧོཏི…པེ… ཝེདནཱཊྚོ ཧོཏི…པེ… ཨཱཔཏྟིཡཱ ཨདསྶནེ, ཨུཀྑིཔིཡྻཏི…པེ… ཨཱཔཏྟིཡཱ ཨཔྤཊིཀམྨེ, ཨུཀྑིཔིཡྻཏི…པེ… པཱཔིཀཱཡ དིཊྛིཡཱ, ཨཔྤཊིནིསྶགྒེ, ཨུཀྑིཔིཡྻཏི. ཨུཀྑིཏྟཀསྶ, བྷིཀྑཝེ, ཨབྦྷཱནཾ ¶ ན རུཧཏི. སོ ཙེ པུན ཨོསཱརིཡྻཏི, ཏསྶ ཏདེཝ པུརིམཾ པརིཝཱསདཱནཾ. ཡོ པརིཝཱསོ དིནྣོ སུདིནྣོ, ཡོ པརིཝུཏྠོ སུཔརིཝུཏྠོ; ཡཾ མཱནཏྟཾ དིནྣཾ སུདིནྣཾ, ཡཾ མཱནཏྟཾ ཙིཎྞཾ སུཙིཎྞཾ. སོ བྷིཀྑུ ཨབྦྷེཏབྦོ.

ཙཏྟཱལཱིསཀཾ སམཏྟཾ.

༤. ཚཏྟིཾསཀཾ

༡༦༥. ‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱ [པརིམཱཎཱཡོ (སཱི. སྱཱ.)] ཨཔྤཊིཙྪནྣཱཡོ. སོ བྷིཀྑུ མཱུལཱཡ པཊིཀསྶིཏབྦོ.

‘‘ཨིདྷ ¶ ¶ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱ པཊིཙྪནྣཱཡོ. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

‘‘ཨིདྷ ¶ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱ པཊིཙྪནྣཱཡོཔི ཨཔྤཊིཙྪནྣཱཡོཔི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི ཨཔརིམཱཎཱ [ཨཔརིམཱཎཱཡོ (སཱི. སྱཱ.)] ཨཔྤཊིཙྪནྣཱཡོ…པེ… ཨཔརིམཱཎཱ པཊིཙྪནྣཱཡོ…པེ… ཨཔརིམཱཎཱ པཊིཙྪནྣཱཡོཔི ཨཔྤཊིཙྪནྣཱཡོཔི…པེ… པརིམཱཎཱཡོཔི ཨཔརིམཱཎཱཡོཔི ཨཔྤཊིཙྪནྣཱཡོ…པེ… པརིམཱཎཱཡོཔི ཨཔརིམཱཎཱཡོཔི པཊིཙྪནྣཱཡོ…པེ… ¶ པརིམཱཎཱཡོཔི ཨཔརིམཱཎཱཡོཔི པཊིཙྪནྣཱཡོཔི ཨཔྤཊིཙྪནྣཱཡོཔི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

‘‘ཨིདྷ པན, བྷིཀྑཝེ, བྷིཀྑུ མཱནཏྟཱརཧོ…པེ… མཱནཏྟཾ ཙརནྟོ…པེ… (ཡཐཱཔརིཝཱསཾ ཏཐཱ ཝིཏྠཱརེཏབྦཾ) ཨབྦྷཱནཱརཧོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱ ཨཔྤཊིཙྪནྣཱཡོ…པེ… པརིམཱཎཱ པཊིཙྪནྣཱཡོ…པེ… ¶ པརིམཱཎཱ པཊིཙྪནྣཱཡོཔི ཨཔྤཊིཙྪནྣཱཡོཔི…པེ… ཨཔརིམཱཎཱ ཨཔྤཊིཙྪནྣཱཡོ…པེ… ཨཔརིམཱཎཱ པཊིཙྪནྣཱཡོ…པེ… ཨཔརིམཱཎཱ པཊིཙྪནྣཱཡོཔི ཨཔྤཊིཙྪནྣཱཡོཔི…པེ… པརིམཱཎཱཡོཔི ཨཔརིམཱཎཱཡོཔི ཨཔྤཊིཙྪནྣཱཡོ…པེ… ¶ པརིམཱཎཱཡོཔི ཨཔརིམཱཎཱཡོཔི པཊིཙྪནྣཱཡོ…པེ… པརིམཱཎཱཡོཔི ཨཔརིམཱཎཱཡོཔི པཊིཙྪནྣཱཡོཔི ཨཔྤཊིཙྪནྣཱཡོཔི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

ཚཏྟིཾསཀཾ སམཏྟཾ.

༥. མཱནཏྟསཏཀཾ

༡༦༦. ‘‘ཨིདྷ ¶ ¶ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཏྭཱ ཨཔྤཊིཙྪཱདེཏྭཱ ཝིབྦྷམཏི. སོ པུན [སོ ཙེ པུན (ཀ.)] ཨུཔསམྤནྣོ ཏཱ ཨཱཔཏྟིཡོ ནཙྪཱདེཏི. ཏསྶ, བྷིཀྑཝེ, བྷིཀྑུནོ མཱནཏྟཾ དཱཏབྦཾ.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ ¶ སངྒྷཱདིསེསཱ ཨཱཔཏྟིཡོ ཨཱཔཛྫིཏྭཱ ཨཔྤཊིཙྪཱདེཏྭཱ ཝིབྦྷམཏི. སོ པུན ཨུཔསམྤནྣོ ཏཱ ཨཱཔཏྟིཡོ ཚཱདེཏི. ཏསྶ, བྷིཀྑཝེ, བྷིཀྑུནོ པཙྪིམསྨིཾ ཨཱཔཏྟིཀྑནྡྷེ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཏྭཱ པཊིཙྪཱདེཏྭཱ ཝིབྦྷམཏི. སོ པུན ཨུཔསམྤནྣོ ཏཱ ཨཱཔཏྟིཡོ ནཙྪཱདེཏི. ཏསྶ, བྷིཀྑཝེ, བྷིཀྑུནོ པུརིམསྨིཾ ཨཱཔཏྟིཀྑནྡྷེ ¶ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཏྭཱ པཊིཙྪཱདེཏྭཱ ཝིབྦྷམཏི. སོ པུན ཨུཔསམྤནྣོ ཏཱ ཨཱཔཏྟིཡོ ཚཱདེཏི. ཏསྶ, བྷིཀྑཝེ, བྷིཀྑུནོ པུརིམསྨིཉྩ པཙྪིམསྨིཉྩ ཨཱཔཏྟིཀྑནྡྷེ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

༡༦༧. ‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཏསྶ ཧོནྟི ཨཱཔཏྟིཡོ པཊིཙྪནྣཱཡོཔི ཨཔྤཊིཙྪནྣཱཡོཔི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ཚཱདེསི ཏཱ ཨཱཔཏྟིཡོ པཙྪཱ ནཙྪཱདེཏི; ཡཱ ཨཱཔཏྟིཡོ པུབྦེ ནཙྪཱདེསི ཏཱ ཨཱཔཏྟིཡོ པཙྪཱ ནཙྪཱདེཏི. ཏསྶ, བྷིཀྑཝེ, བྷིཀྑུནོ པུརིམསྨིཾ ཨཱཔཏྟིཀྑནྡྷེ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཏསྶ ཧོནྟི ཨཱཔཏྟིཡོ པཊིཙྪནྣཱཡོཔི ཨཔྤཊིཙྪནྣཱཡོཔི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ཚཱདེསི ཏཱ ཨཱཔཏྟིཡོ པཙྪཱ ནཙྪཱདེཏི; ཡཱ ཨཱཔཏྟིཡོ པུབྦེ ནཙྪཱདེསི ཏཱ ཨཱཔཏྟིཡོ པཙྪཱ ཚཱདེཏི. ཏསྶ, བྷིཀྑཝེ, བྷིཀྑུནོ པུརིམསྨིཉྩ པཙྪིམསྨིཉྩ ཨཱཔཏྟིཀྑནྡྷེ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

‘‘ཨིདྷ ¶ ¶ ¶ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཏསྶ ཧོནྟི ཨཱཔཏྟིཡོ པཊིཙྪནྣཱཡོཔི ཨཔྤཊིཙྪནྣཱཡོཔི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ཚཱདེསི ཏཱ ཨཱཔཏྟིཡོ པཙྪཱ ཚཱདེཏི; ཡཱ ཨཱཔཏྟིཡོ པུབྦེ ནཙྪཱདེསི ཏཱ ཨཱཔཏྟིཡོ པཙྪཱ ནཙྪཱདེཏི. ཏསྶ, བྷིཀྑཝེ, བྷིཀྑུནོ པུརིམསྨིཉྩ པཙྪིམསྨིཉྩ ཨཱཔཏྟིཀྑནྡྷེ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཏསྶ ཧོནྟི ཨཱཔཏྟིཡོ པཊིཙྪནྣཱཡོཔི ཨཔྤཊིཙྪནྣཱཡོཔི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ཚཱདེསི ཏཱ ཨཱཔཏྟིཡོ པཙྪཱ ཚཱདེཏི; ཡཱ ཨཱཔཏྟིཡོ པུབྦེ ནཙྪཱདེསི ཏཱ ཨཱཔཏྟིཡོ པཙྪཱ ཚཱདེཏི. ཏསྶ, བྷིཀྑཝེ, བྷིཀྑུནོ པུརིམསྨིཉྩ པཙྪིམསྨིཉྩ ཨཱཔཏྟིཀྑནྡྷེ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

༡༦༨. ‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱ ཨཱཔཏྟིཡོ ཛཱནཱཏི, ཨེཀཙྩཱ ཨཱཔཏྟིཡོ ན ཛཱནཱཏི. ཡཱ ཨཱཔཏྟིཡོ ཛཱནཱཏི ཏཱ ཨཱཔཏྟིཡོ ཚཱདེཏི. ཡཱ ཨཱཔཏྟིཡོ ན ཛཱནཱཏི ¶ ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ཛཱནིཏྭཱ ཚཱདེསི ཏཱ ཨཱཔཏྟིཡོ པཙྪཱ ཛཱནིཏྭཱ ནཙྪཱདེཏི; ཡཱ ཨཱཔཏྟིཡོ པུབྦེ ¶ ཨཛཱནིཏྭཱ ནཙྪཱདེསི ཏཱ ཨཱཔཏྟིཡོ པཙྪཱ ཛཱནིཏྭཱ ནཙྪཱདེཏི. ཏསྶ, བྷིཀྑཝེ, བྷིཀྑུནོ པུརིམསྨིཾ ཨཱཔཏྟིཀྑནྡྷེ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱ ཨཱཔཏྟིཡོ ཛཱནཱཏི, ཨེཀཙྩཱ ཨཱཔཏྟིཡོ ན ཛཱནཱཏི. ཡཱ ཨཱཔཏྟིཡོ ཛཱནཱཏི ཏཱ ཨཱཔཏྟིཡོ ཚཱདེཏི. ཡཱ ཨཱཔཏྟིཡོ ན ཛཱནཱཏི ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ཛཱནིཏྭཱ ཚཱདེསི ཏཱ ཨཱཔཏྟིཡོ པཙྪཱ ཛཱནིཏྭཱ ནཙྪཱདེཏི; ཡཱ ཨཱཔཏྟིཡོ པུབྦེ ཨཛཱནིཏྭཱ ནཙྪཱདེསི ཏཱ ཨཱཔཏྟིཡོ པཙྪཱ ཛཱནིཏྭཱ ཚཱདེཏི. ཏསྶ ¶ , བྷིཀྑཝེ, བྷིཀྑུནོ པུརིམསྨིཉྩ པཙྪིམསྨིཉྩ ཨཱཔཏྟིཀྑནྡྷེ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱ ཨཱཔཏྟིཡོ ཛཱནཱཏི, ཨེཀཙྩཱ ཨཱཔཏྟིཡོ ན ཛཱནཱཏི. ཡཱ ཨཱཔཏྟིཡོ ཛཱནཱཏི ཏཱ ཨཱཔཏྟིཡོ ¶ ཚཱདེཏི. ཡཱ ཨཱཔཏྟིཡོ ན ཛཱནཱཏི ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ཛཱནིཏྭཱ ཚཱདེསི ཏཱ ཨཱཔཏྟིཡོ པཙྪཱ ཛཱནིཏྭཱ ཚཱདེཏི; ཡཱ ཨཱཔཏྟིཡོ པུབྦེ ཨཛཱནིཏྭཱ ནཙྪཱདེསི ཏཱ ཨཱཔཏྟིཡོ པཙྪཱ ཛཱནིཏྭཱ ནཙྪཱདེཏི. ཏསྶ, བྷིཀྑཝེ, བྷིཀྑུནོ པུརིམསྨིཉྩ པཙྪིམསྨིཉྩ ཨཱཔཏྟིཀྑནྡྷེ ¶ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱ ཨཱཔཏྟིཡོ ཛཱནཱཏི, ཨེཀཙྩཱ ཨཱཔཏྟིཡོ ན ཛཱནཱཏི. ཡཱ ཨཱཔཏྟིཡོ ཛཱནཱཏི ཏཱ ཨཱཔཏྟིཡོ ཚཱདེཏི; ཡཱ ཨཱཔཏྟིཡོ ན ཛཱནཱཏི ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ཛཱནིཏྭཱ ཚཱདེསི ཏཱ ཨཱཔཏྟིཡོ པཙྪཱ ཛཱནིཏྭཱ ཚཱདེཏི; ཡཱ ཨཱཔཏྟིཡོ པུབྦེ ཨཛཱནིཏྭཱ ནཙྪཱདེསི ཏཱ ཨཱཔཏྟིཡོ པཙྪཱ ཛཱནིཏྭཱ ཚཱདེཏི. ཏསྶ, བྷིཀྑཝེ, བྷིཀྑུནོ པུརིམསྨིཉྩ པཙྪིམསྨིཉྩ ཨཱཔཏྟིཀྑནྡྷེ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

༡༦༩. ‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱ ཨཱཔཏྟིཡོ སརཏི, ཨེཀཙྩཱ ཨཱཔཏྟིཡོ ནསྶརཏི. ཡཱ ཨཱཔཏྟིཡོ སརཏི ཏཱ ཨཱཔཏྟིཡོ ཚཱདེཏི; ཡཱ ཨཱཔཏྟིཡོ ནསྶརཏི ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ སརིཏྭཱ ཚཱདེསི ཏཱ ཨཱཔཏྟིཡོ པཙྪཱ སརིཏྭཱ ནཙྪཱདེཏི; ཡཱ ཨཱཔཏྟིཡོ པུབྦེ ཨསྶརིཏྭཱ ནཙྪཱདེསི ཏཱ ཨཱཔཏྟིཡོ པཙྪཱ སརིཏྭཱ ནཙྪཱདེཏི. ཏསྶ, བྷིཀྑཝེ, བྷིཀྑུནོ པུརིམསྨིཾ ཨཱཔཏྟིཀྑནྡྷེ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི ¶ . ཨེཀཙྩཱ ཨཱཔཏྟིཡོ སརཏི, ཨེཀཙྩཱ ཨཱཔཏྟིཡོ ནསྶརཏི. ཡཱ ¶ ཨཱཔཏྟིཡོ སརཏི ཏཱ ཨཱཔཏྟིཡོ ཚཱདེཏི; ཡཱ ཨཱཔཏྟིཡོ ནསྶརཏི ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ སརིཏྭཱ ཚཱདེསི ཏཱ ཨཱཔཏྟིཡོ པཙྪཱ སརིཏྭཱ ནཙྪཱདེཏི; ཡཱ ཨཱཔཏྟིཡོ པུབྦེ ཨསྶརིཏྭཱ ནཙྪཱདེསི ཏཱ ཨཱཔཏྟིཡོ པཙྪཱ སརིཏྭཱ ཚཱདེཏི. ཏསྶ, བྷིཀྑཝེ, བྷིཀྑུནོ པུརིམསྨིཉྩ པཙྪིམསྨིཉྩ ཨཱཔཏྟིཀྑནྡྷེ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

‘‘ཨིདྷ ¶ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱ ཨཱཔཏྟིཡོ སརཏི, ཨེཀཙྩཱ ཨཱཔཏྟིཡོ ནསྶརཏི. ཡཱ ཨཱཔཏྟིཡོ སརཏི ཏཱ ཨཱཔཏྟིཡོ ཚཱདེཏི; ཡཱ ཨཱཔཏྟིཡོ ནསྶརཏི ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ སརིཏྭཱ ཚཱདེསི ཏཱ ཨཱཔཏྟིཡོ པཙྪཱ སརིཏྭཱ ཚཱདེཏི; ཡཱ ཨཱཔཏྟིཡོ པུབྦེ ཨསྶརིཏྭཱ ནཙྪཱདེསི ཏཱ ཨཱཔཏྟིཡོ པཙྪཱ སརིཏྭཱ ནཙྪཱདེཏི. ཏསྶ, བྷིཀྑཝེ, བྷིཀྑུནོ པུརིམསྨིཉྩ པཙྪིམསྨིཉྩ ཨཱཔཏྟིཀྑནྡྷེ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱ ཨཱཔཏྟིཡོ སརཏི, ཨེཀཙྩཱ ཨཱཔཏྟིཡོ ནསྶརཏི. ཡཱ ཨཱཔཏྟིཡོ སརཏི ཏཱ ཨཱཔཏྟིཡོ ཚཱདེཏི; ཡཱ ཨཱཔཏྟིཡོ ¶ ནསྶརཏི ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ སརིཏྭཱ ཚཱདེསི ཏཱ ཨཱཔཏྟིཡོ པཙྪཱ སརིཏྭཱ ཚཱདེཏི; ཡཱ ཨཱཔཏྟིཡོ པུབྦེ ཨསྶརིཏྭཱ ནཙྪཱདེསི ཏཱ ཨཱཔཏྟིཡོ པཙྪཱ སརིཏྭཱ ཚཱདེཏི. ཏསྶ, བྷིཀྑཝེ, བྷིཀྑུནོ པུརིམསྨིཉྩ པཙྪིམསྨིཉྩ ཨཱཔཏྟིཀྑནྡྷེ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

༡༧༠. ‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱསུ ཨཱཔཏྟཱིསུ ནིབྦེམཏིཀོ, ཨེཀཙྩཱསུ ཨཱཔཏྟཱིསུ ཝེམཏིཀོ. ཡཱསུ ཨཱཔཏྟཱིསུ ནིབྦེམཏིཀོ ཏཱ ཨཱཔཏྟིཡོ ཚཱདེཏི; ཡཱསུ ཨཱཔཏྟཱིསུ ཝེམཏིཀོ ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ནིབྦེམཏིཀོ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི; ཡཱ ཨཱཔཏྟིཡོ ¶ པུབྦེ ཝེམཏིཀོ ནཙྪཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི. ཏསྶ, བྷིཀྑཝེ, བྷིཀྑུནོ པུརིམསྨིཾ ཨཱཔཏྟིཀྑནྡྷེ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱསུ ཨཱཔཏྟཱིསུ ནིབྦེམཏིཀོ, ཨེཀཙྩཱསུ ཨཱཔཏྟཱིསུ ཝེམཏིཀོ. ཡཱསུ ཨཱཔཏྟཱིསུ ནིབྦེམཏིཀོ ཏཱ ཨཱཔཏྟིཡོ ཚཱདེཏི; ཡཱསུ ཨཱཔཏྟཱིསུ ཝེམཏིཀོ ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ནིབྦེམཏིཀོ ཚཱདེསི ¶ ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི; ཡཱ ཨཱཔཏྟིཡོ པུབྦེ ཝེམཏིཀོ ནཙྪཱདེསི ཏཱ ཨཱཔཏྟིཡོ པཙྪཱ ¶ ནིབྦེམཏིཀོ ཚཱདེཏི. ཏསྶ, བྷིཀྑཝེ, བྷིཀྑུནོ པུརིམསྨིཉྩ པཙྪིམསྨིཉྩ ཨཱཔཏྟིཀྑནྡྷེ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱསུ ཨཱཔཏྟཱིསུ ནིབྦེམཏིཀོ, ཨེཀཙྩཱསུ ཨཱཔཏྟཱིསུ ཝེམཏིཀོ. ཡཱསུ ཨཱཔཏྟཱིསུ ནིབྦེམཏིཀོ ཏཱ ཨཱཔཏྟིཡོ ཚཱདེཏི; ཡཱསུ ཨཱཔཏྟཱིསུ ཝེམཏིཀོ ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ནིབྦེམཏིཀོ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ཚཱདེཏི; ཡཱ ཨཱཔཏྟིཡོ པུབྦེ ཝེམཏིཀོ ནཙྪཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི. ཏསྶ, བྷིཀྑཝེ, བྷིཀྑུནོ པུརིམསྨིཉྩ པཙྪིམསྨིཉྩ ཨཱཔཏྟིཀྑནྡྷེ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱསུ ཨཱཔཏྟཱིསུ ནིབྦེམཏིཀོ, ཨེཀཙྩཱསུ ཨཱཔཏྟཱིསུ ཝེམཏིཀོ. ཡཱསུ ཨཱཔཏྟཱིསུ ནིབྦེམཏིཀོ ཏཱ ཨཱཔཏྟིཡོ ཚཱདེཏི; ཡཱསུ ཨཱཔཏྟཱིསུ ཝེམཏིཀོ ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ནིབྦེམཏིཀོ ¶ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ཚཱདེཏི; ཡཱ ཨཱཔཏྟིཡོ པུབྦེ ཝེམཏིཀོ ནཙྪཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ཚཱདེཏི. ཏསྶ, བྷིཀྑཝེ, བྷིཀྑུནོ པུརིམསྨིཉྩ པཙྪིམསྨིཉྩ ཨཱཔཏྟིཀྑནྡྷེ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

༡༧༡. ‘‘ཨིདྷ ¶ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཏྭཱ ཨཔྤཊིཙྪཱདེཏྭཱ སཱམཎེརོ ཧོཏི…པེ… ཨུམྨཏྟཀོ ཧོཏི…པེ… ཁིཏྟཙིཏྟོ ཧོཏི…པེ… (ཡཐཱ ཧེཊྛཱ ཏཐཱ ཝིཏྠཱརེཏབྦཾ) ཝེདནཱཊྚོ ཧོཏི…པེ… ཏསྶ ཧོནྟི ཨཱཔཏྟིཡོ པཊིཙྪནྣཱཡོཔི ཨཔྤཊིཙྪནྣཱཡོཔི…པེ… ཨེཀཙྩཱ ཨཱཔཏྟིཡོ ཛཱནཱཏི, ཨེཀཙྩཱ ཨཱཔཏྟིཡོ ན ཛཱནཱཏི…པེ… ཨེཀཙྩཱ ཨཱཔཏྟིཡོ སརཏི, ཨེཀཙྩཱ ¶ ཨཱཔཏྟིཡོ ནསྶརཏི…པེ… ཨེཀཙྩཱསུ ཨཱཔཏྟཱིསུ ནིབྦེམཏིཀོ, ཨེཀཙྩཱསུ ཨཱཔཏྟཱིསུ ཝེམཏིཀོ. ཡཱསུ ཨཱཔཏྟཱིསུ ནིབྦེམཏིཀོ ཏཱ ཨཱཔཏྟིཡོ ཚཱདེཏི; ཡཱསུ ཨཱཔཏྟཱིསུ ཝེམཏིཀོ ཏཱ ཨཱཔཏྟིཡོ ནཙྪཱདེཏི. སོ ཝེདནཱཊྚོ ཧོཏི. སོ པུན ཨཝེདནཱཊྚོ ཧུཏྭཱ ཡཱ ཨཱཔཏྟིཡོ པུབྦེ ནིབྦེམཏིཀོ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི; ཡཱ ཨཱཔཏྟིཡོ པུབྦེ ཝེམཏིཀོ ནཙྪཱདེསི ¶ ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི…པེ… ཡཱ ཨཱཔཏྟིཡོ པུབྦེ ནིབྦེམཏིཀོ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི; ཡཱ ཨཱཔཏྟིཡོ པུབྦེ ¶ ཝེམཏིཀོ ནཙྪཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ཚཱདེཏི…པེ… ཡཱ ཨཱཔཏྟིཡོ པུབྦེ ནིབྦེམཏིཀོ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ཚཱདེཏི; ཡཱ ཨཱཔཏྟིཡོ པུབྦེ ཝེམཏིཀོ ནཙྪཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི…པེ… ཡཱ ཨཱཔཏྟིཡོ པུབྦེ ནིབྦེམཏིཀོ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ཚཱདེཏི; ཡཱ ཨཱཔཏྟིཡོ པུབྦེ ཝེམཏིཀོ ནཙྪཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ཚཱདེཏི. ཏསྶ, བྷིཀྑཝེ, བྷིཀྑུནོ པུརིམསྨིཉྩ པཙྪིམསྨིཉྩ ཨཱཔཏྟིཀྑནྡྷེ ཡཐཱཔཊིཙྪནྣེ པརིཝཱསཾ དཏྭཱ མཱནཏྟཾ དཱཏབྦཾ.

མཱནཏྟསཏཾ ནིཊྛིཏཾ.

༦. སམཱུལཱཡསམོདྷཱནཔརིཝཱསཙཏུསྶཏཾ

༡༧༢. ‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཏྭཱ ཨཔྤཊིཙྪཱདེཏྭཱ ཝིབྦྷམཏི. སོ ¶ པུན ཨུཔསམྤནྣོ ཏཱ ཨཱཔཏྟིཡོ ནཙྪཱདེཏི. སོ བྷིཀྑུ མཱུལཱཡ པཊིཀསྶིཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཏྭཱ ཨཔྤཊིཙྪཱདེཏྭཱ ཝིབྦྷམཏི. སོ པུན ཨུཔསམྤནྣོ ཏཱ ཨཱཔཏྟིཡོ ཚཱདེཏི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

‘‘ཨིདྷ ¶ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཏྭཱ པཊིཙྪཱདེཏྭཱ ཝིབྦྷམཏི. སོ པུན ཨུཔསམྤནྣོ ཏཱ ཨཱཔཏྟིཡོ ནཙྪཱདེཏི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཏྭཱ པཊིཙྪཱདེཏྭཱ ཝིབྦྷམཏི. སོ པུན ཨུཔསམྤནྣོ ཏཱ ཨཱཔཏྟིཡོ ཚཱདེཏི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

༡༧༣. ‘‘ཨིདྷ ¶ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཏསྶ ཧོནྟི ཨཱཔཏྟིཡོ ¶ པཊིཙྪནྣཱཡོཔི ཨཔྤཊིཙྪནྣཱཡོཔི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ཚཱདེསི ཏཱ ཨཱཔཏྟིཡོ པཙྪཱ ནཙྪཱདེཏི; ཡཱ ཨཱཔཏྟིཡོ པུབྦེ ནཙྪཱདེསི ཏཱ ཨཱཔཏྟིཡོ པཙྪཱ ནཙྪཱདེཏི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཏསྶ ཧོནྟི ཨཱཔཏྟིཡོ པཊིཙྪནྣཱཡོཔི ¶ ཨཔྤཊིཙྪནྣཱཡོཔི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ཚཱདེསི ཏཱ ཨཱཔཏྟིཡོ པཙྪཱ ནཙྪཱདེཏི; ཡཱ ¶ ཨཱཔཏྟིཡོ པུབྦེ ནཙྪཱདེསི ཏཱ ཨཱཔཏྟིཡོ པཙྪཱ ཚཱདེཏི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཏསྶ ཧོནྟི ཨཱཔཏྟིཡོ པཊིཙྪནྣཱཡོཔི ཨཔྤཊིཙྪནྣཱཡོཔི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ཚཱདེསི ཏཱ ཨཱཔཏྟིཡོ པཙྪཱ ཚཱདེཏི; ཡཱ ཨཱཔཏྟིཡོ པུབྦེ ནཙྪཱདེསི ཏཱ ཨཱཔཏྟིཡོ པཙྪཱ ནཙྪཱདེཏི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཏསྶ ཧོནྟི ཨཱཔཏྟིཡོ པཊིཙྪནྣཱཡོཔི ཨཔྤཊིཙྪནྣཱཡོཔི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ཚཱདེསི ཏཱ ཨཱཔཏྟིཡོ པཙྪཱ ཚཱདེཏི; ཡཱ ཨཱཔཏྟིཡོ པུབྦེ ནཙྪཱདེསི ཏཱ ཨཱཔཏྟིཡོ པཙྪཱ ཚཱདེཏི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ¶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

༡༧༤. ‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱ ཨཱཔཏྟིཡོ ཛཱནཱཏི, ཨེཀཙྩཱ ཨཱཔཏྟིཡོ ན ཛཱནཱཏི. ཡཱ ཨཱཔཏྟིཡོ ཛཱནཱཏི ཏཱ ཨཱཔཏྟིཡོ ཚཱདེཏི; ཡཱ ཨཱཔཏྟིཡོ ན ཛཱནཱཏི ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ཛཱནིཏྭཱ ཚཱདེསི ཏཱ ཨཱཔཏྟིཡོ ¶ པཙྪཱ ཛཱནིཏྭཱ ནཙྪཱདེཏི; ཡཱ ཨཱཔཏྟིཡོ པུབྦེ ཨཛཱནིཏྭཱ ནཙྪཱདེསི ཏཱ ཨཱཔཏྟིཡོ པཙྪཱ ཛཱནིཏྭཱ ནཙྪཱདེཏི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱ ཨཱཔཏྟིཡོ ཛཱནཱཏི, ཨེཀཙྩཱ ཨཱཔཏྟིཡོ ¶ ན ཛཱནཱཏི. ཡཱ ཨཱཔཏྟིཡོ ཛཱནཱཏི ཏཱ ཨཱཔཏྟིཡོ ཚཱདེཏི; ཡཱ ཨཱཔཏྟིཡོ ན ཛཱནཱཏི ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ཛཱནིཏྭཱ ཚཱདེསི ཏཱ ཨཱཔཏྟིཡོ པཙྪཱ ཛཱནིཏྭཱ ནཙྪཱདེཏི; ཡཱ ཨཱཔཏྟིཡོ པུབྦེ ཨཛཱནིཏྭཱ ནཙྪཱདེསི ཏཱ ཨཱཔཏྟིཡོ པཙྪཱ ཛཱནིཏྭཱ ཚཱདེཏི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ¶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱ ཨཱཔཏྟིཡོ ཛཱནཱཏི, ཨེཀཙྩཱ ཨཱཔཏྟིཡོ ན ཛཱནཱཏི. ཡཱ ཨཱཔཏྟིཡོ ཛཱནཱཏི ཏཱ ཨཱཔཏྟིཡོ ཚཱདེཏི; ཡཱ ཨཱཔཏྟིཡོ ན ཛཱནཱཏི ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ཛཱནིཏྭཱ ཚཱདེསི ཏཱ ཨཱཔཏྟིཡོ པཙྪཱ ཛཱནིཏྭཱ ཚཱདེཏི; ཡཱ ཨཱཔཏྟིཡོ པུབྦེ ཨཛཱནིཏྭཱ ནཙྪཱདེསི ཏཱ ཨཱཔཏྟིཡོ པཙྪཱ ཛཱནིཏྭཱ ནཙྪཱདེཏི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱ ཨཱཔཏྟིཡོ ཛཱནཱཏི, ཨེཀཙྩཱ ཨཱཔཏྟིཡོ ན ཛཱནཱཏི. ཡཱ ཨཱཔཏྟིཡོ ཛཱནཱཏི ཏཱ ཨཱཔཏྟིཡོ ཚཱདེཏི, ཡཱ ཨཱཔཏྟིཡོ ན ཛཱནཱཏི ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ཛཱནིཏྭཱ ཚཱདེསི ཏཱ ཨཱཔཏྟིཡོ པཙྪཱ ཛཱནིཏྭཱ ཚཱདེཏི; ཡཱ ཨཱཔཏྟིཡོ པུབྦེ ཨཛཱནིཏྭཱ ནཙྪཱདེསི ཏཱ ཨཱཔཏྟིཡོ པཙྪཱ ཛཱནིཏྭཱ ཚཱདེཏི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ¶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

༡༧༥. ‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱ ཨཱཔཏྟིཡོ སརཏི, ཨེཀཙྩཱ ཨཱཔཏྟིཡོ ནསྶརཏི. ཡཱ ཨཱཔཏྟིཡོ ¶ སརཏི ཏཱ ཨཱཔཏྟིཡོ ¶ ཚཱདེཏི; ཡཱ ཨཱཔཏྟིཡོ ནསྶརཏི ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ སརིཏྭཱ ཚཱདེསི ཏཱ ཨཱཔཏྟིཡོ པཙྪཱ སརིཏྭཱ ནཙྪཱདེཏི; ཡཱ ཨཱཔཏྟིཡོ པུབྦེ ཨསྶརིཏྭཱ ནཙྪཱདེསི ཏཱ ཨཱཔཏྟིཡོ པཙྪཱ སརིཏྭཱ ནཙྪཱདེཏི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱ ཨཱཔཏྟིཡོ སརཏི, ཨེཀཙྩཱ ཨཱཔཏྟིཡོ ནསྶརཏི. ཡཱ ཨཱཔཏྟིཡོ སརཏི ཏཱ ཨཱཔཏྟིཡོ ཚཱདེཏི; ཡཱ ཨཱཔཏྟིཡོ ནསྶརཏི ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ སརིཏྭཱ ཚཱདེསི ཏཱ ཨཱཔཏྟིཡོ པཙྪཱ སརིཏྭཱ ནཙྪཱདེཏི; ཡཱ ཨཱཔཏྟིཡོ པུབྦེ ཨསྶརིཏྭཱ ནཙྪཱདེསི ཏཱ ཨཱཔཏྟིཡོ པཙྪཱ སརིཏྭཱ ཚཱདེཏི. སོ བྷིཀྑུ མཱུལཱཡ པཊིཀསྶིཏབྦོ ¶ . ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱ ཨཱཔཏྟིཡོ སརཏི, ཨེཀཙྩཱ ཨཱཔཏྟིཡོ ནསྶརཏི. ཡཱ ཨཱཔཏྟིཡོ སརཏི ཏཱ ཨཱཔཏྟིཡོ ཚཱདེཏི; ཡཱ ཨཱཔཏྟིཡོ ནསྶརཏི ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ སརིཏྭཱ ཚཱདེསི ཏཱ ཨཱཔཏྟིཡོ པཙྪཱ སརིཏྭཱ ཚཱདེཏི; ཡཱ ཨཱཔཏྟིཡོ པུབྦེ ཨསྶརིཏྭཱ ནཙྪཱདེསི ཏཱ ཨཱཔཏྟིཡོ པཙྪཱ སརིཏྭཱ ནཙྪཱདེཏི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱ ཨཱཔཏྟིཡོ སརཏི, ཨེཀཙྩཱ ཨཱཔཏྟིཡོ ནསྶརཏི. ཡཱ ཨཱཔཏྟིཡོ སརཏི ཏཱ ཨཱཔཏྟིཡོ ཚཱདེཏི; ཡཱ ཨཱཔཏྟིཡོ ནསྶརཏི ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ སརིཏྭཱ ཚཱདེསི ¶ ཏཱ ཨཱཔཏྟིཡོ པཙྪཱ སརིཏྭཱ ཚཱདེཏི; ཡཱ ཨཱཔཏྟིཡོ པུབྦེ ཨསྶརིཏྭཱ ནཙྪཱདེསི ཏཱ ཨཱཔཏྟིཡོ པཙྪཱ སརིཏྭཱ ཚཱདེཏི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ¶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

༡༧༦. ‘‘ཨིདྷ ¶ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱསུ ཨཱཔཏྟཱིསུ ནིབྦེམཏིཀོ, ཨེཀཙྩཱསུ ཨཱཔཏྟཱིསུ ཝེམཏིཀོ. ཡཱསུ ཨཱཔཏྟཱིསུ ནིབྦེམཏིཀོ ཏཱ ཨཱཔཏྟིཡོ ཚཱདེཏི; ཡཱསུ ཨཱཔཏྟཱིསུ ཝེམཏིཀོ ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ནིབྦེམཏིཀོ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི; ཡཱ ཨཱཔཏྟིཡོ པུབྦེ ཝེམཏིཀོ ནཙྪཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱསུ ཨཱཔཏྟཱིསུ ནིབྦེམཏིཀོ, ཨེཀཙྩཱསུ ཨཱཔཏྟཱིསུ ཝེམཏིཀོ. ཡཱསུ ཨཱཔཏྟཱིསུ ནིབྦེམཏིཀོ ཏཱ ཨཱཔཏྟིཡོ ཚཱདེཏི; ཡཱསུ ཨཱཔཏྟཱིསུ ཝེམཏིཀོ ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ པུབྦེ ནིབྦེམཏིཀོ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི; ཡཱ ཨཱཔཏྟིཡོ པུབྦེ ཝེམཏིཀོ ནཙྪཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ཚཱདེཏི. སོ བྷིཀྑུ མཱུལཱཡ པཊིཀསྶིཏབྦོ ¶ . ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱསུ ཨཱཔཏྟཱིསུ ནིབྦེམཏིཀོ, ཨེཀཙྩཱསུ ཨཱཔཏྟཱིསུ ཝེམཏིཀོ. ཡཱསུ ཨཱཔཏྟཱིསུ ནིབྦེམཏིཀོ ཏཱ ཨཱཔཏྟིཡོ ཚཱདེཏི; ཡཱསུ ཨཱཔཏྟཱིསུ ཝེམཏིཀོ ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ པུན ཨུཔསམྤནྣོ ཡཱ ཨཱཔཏྟིཡོ ¶ པུབྦེ ནིབྦེམཏིཀོ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ཚཱདེཏི; ཡཱ ཨཱཔཏྟིཡོ པུབྦེ ཝེམཏིཀོ ནཙྪཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི. ཨེཀཙྩཱསུ ཨཱཔཏྟཱིསུ ནིབྦེམཏིཀོ, ཨེཀཙྩཱསུ ཨཱཔཏྟཱིསུ ཝེམཏིཀོ. ཡཱསུ ཨཱཔཏྟཱིསུ ནིབྦེམཏིཀོ ཏཱ ཨཱཔཏྟིཡོ ཚཱདེཏི; ཡཱསུ ཨཱཔཏྟཱིསུ ཝེམཏིཀོ ཏཱ ཨཱཔཏྟིཡོ ནཙྪཱདེཏི. སོ ཝིབྦྷམིཏྭཱ [སོ བྷིཀྑུ ཝིབྦྷམིཏྭཱ (ཀ.)] པུན ཨུཔསམྤནྣོ ཡཱ ཨཱཔཏྟིཡོ པུབྦེ ནིབྦེམཏིཀོ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ཚཱདེཏི; ཡཱ ཨཱཔཏྟིཡོ པུབྦེ ཝེམཏིཀོ ནཙྪཱདེསི ཏཱ ཨཱཔཏྟིཡོ ¶ པཙྪཱ ནིབྦེམཏིཀོ ཚཱདེཏི. སོ བྷིཀྑུ མཱུལཱཡ པཊིཀསྶིཏབྦོ ¶ . ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

༡༧༧. ‘‘ཨིདྷ པན, བྷིཀྑཝེ, བྷིཀྑུ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཏྭཱ ཨཔྤཊིཙྪཱདེཏྭཱ སཱམཎེརོ ཧོཏི…པེ… ཨུམྨཏྟཀོ ཧོཏི…པེ… ཁིཏྟཙིཏྟོ ཧོཏི…པེ… ཝེདནཱཊྚོ ཧོཏི…པེ… ཏསྶ ཧོནྟི ཨཱཔཏྟིཡོ པཊིཙྪནྣཱཡོཔི ཨཔྤཊིཙྪནྣཱཡོཔི (ཡཐཱ ཧེཊྛཱ ཝིཏྠཱརིཏཾ ཏཐཱ ཝིཏྠཱརེཏབྦཾ)…པེ… ཨེཀཙྩཱ ཨཱཔཏྟིཡོ ཛཱནཱཏི, ཨེཀཙྩཱ ཨཱཔཏྟིཡོ ན ཛཱནཱཏི…པེ… ཨེཀཙྩཱ ཨཱཔཏྟིཡོ སརཏི, ཨེཀཙྩཱ ཨཱཔཏྟིཡོ ནསྶརཏི…པེ… ཨེཀཙྩཱསུ ཨཱཔཏྟཱིསུ ནིབྦེམཏིཀོ, ཨེཀཙྩཱསུ ཨཱཔཏྟཱིསུ ཝེམཏིཀོ. ཡཱསུ ཨཱཔཏྟཱིསུ ནིབྦེམཏིཀོ ཏཱ ཨཱཔཏྟིཡོ ཚཱདེཏི; ཡཱསུ ཨཱཔཏྟཱིསུ ཝེམཏིཀོ ཏཱ ཨཱཔཏྟིཡོ ནཙྪཱདེཏི. སོ ཝེདནཱཊྚོ ཧོཏི. སོ པུན ཨཝེདནཱཊྚོ ཧུཏྭཱ ཡཱ ཨཱཔཏྟིཡོ པུབྦེ ནིབྦེམཏིཀོ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི; ཡཱ ཨཱཔཏྟིཡོ པུབྦེ ཝེམཏིཀོ ནཙྪཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི…པེ… ཡཱ ཨཱཔཏྟིཡོ པུབྦེ ནིབྦེམཏིཀོ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི ¶ ; ཡཱ ཨཱཔཏྟིཡོ པུབྦེ ཝེམཏིཀོ ནཙྪཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ཚཱདེཏི…པེ… ཡཱ ཨཱཔཏྟིཡོ པུབྦེ ནིབྦེམཏིཀོ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ཚཱདེཏི ¶ ; ཡཱ ཨཱཔཏྟིཡོ པུབྦེ ཝེམཏིཀོ ནཙྪཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི…པེ… ཡཱ ཨཱཔཏྟིཡོ པུབྦེ ནིབྦེམཏིཀོ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ཚཱདེཏི; ཡཱ ཨཱཔཏྟིཡོ པུབྦེ ཝེམཏིཀོ ནཙྪཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ཚཱདེཏི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ཨཱཔཏྟཱིནཾ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

༡༧༨. ‘‘ཨིདྷ པན, བྷིཀྑཝེ, བྷིཀྑུ མཱནཏྟཱརཧོ…པེ… མཱནཏྟཾ ཙརནྟོ…པེ… ཨབྦྷཱནཱརཧོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཏྭཱ ཨཔྤཊིཙྪཱདེཏྭཱ ཝིབྦྷམཏི…པེ… (མཱནཏྟཱརཧོ ཙ མཱནཏྟཙཱརཱི ཙ ཨབྦྷཱནཱརཧོ ཙ ཡཐཱ པརིཝཱསོ ཝིཏྠཱརིཏོ ཏཐཱ ཝིཏྠཱརེཏབྦོ).

༡༧༩. ‘‘ཨིདྷ པན, བྷིཀྑཝེ, བྷིཀྑུ ཨབྦྷཱནཱརཧོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཏྭཱ ཨཔྤཊིཙྪཱདེཏྭཱ སཱམཎེརོ ཧོཏི…པེ… ཨུམྨཏྟཀོ ཧོཏི…པེ… ཁིཏྟཙིཏྟོ ཧོཏི…པེ… ཝེདནཱཊྚོ ཧོཏི…པེ… ཏསྶ ཧོནྟི ཨཱཔཏྟིཡོ པཊིཙྪནྣཱཡོཔི ཨཔྤཊིཙྪནྣཱཡོཔི ¶ …པེ… ཨེཀཙྩཱ ཨཱཔཏྟིཡོ ཛཱནཱཏི, ཨེཀཙྩཱ ཨཱཔཏྟིཡོ ན ཛཱནཱཏི…པེ… ཨེཀཙྩཱ ཨཱཔཏྟིཡོ སརཏི, ཨེཀཙྩཱ ཨཱཔཏྟིཡོ ནསྶརཏི…པེ… ཨེཀཙྩཱསུ ཨཱཔཏྟཱིསུ ནིབྦེམཏིཀོ, ཨེཀཙྩཱསུ ¶ ཨཱཔཏྟཱིསུ ཝེམཏིཀོ. ཡཱསུ ཨཱཔཏྟཱིསུ ནིབྦེམཏིཀོ ཏཱ ཨཱཔཏྟིཡོ ཚཱདེཏི; ཡཱསུ ཨཱཔཏྟཱིསུ ཝེམཏིཀོ ཏཱ ཨཱཔཏྟིཡོ ནཙྪཱདེཏི. སོ ཝེདནཱཊྚོ ཧོཏི. སོ པུན ཨཝེདནཱཊྚོ ཧུཏྭཱ ཡཱ ཨཱཔཏྟིཡོ པུབྦེ ནིབྦེམཏིཀོ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི; ཡཱ ཨཱཔཏྟིཡོ པུབྦེ ཝེམཏིཀོ ནཙྪཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི…པེ… ཡཱ ཨཱཔཏྟིཡོ པུབྦེ ནིབྦེམཏིཀོ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི; ཡཱ ཨཱཔཏྟིཡོ པུབྦེ ཝེམཏིཀོ ནཙྪཱདེསི ¶ ཏཱ ཨཱཔཏྟིཡོ པཙྪཱ ནིབྦེམཏིཀོ ཚཱདེཏི…པེ… ཡཱ ཨཱཔཏྟིཡོ པུབྦེ ནིབྦེམཏིཀོ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ཚཱདེཏི; ཡཱ ཨཱཔཏྟིཡོ པུབྦེ ཝེམཏིཀོ ནཙྪཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ནཙྪཱདེཏི…པེ… ཡཱ ཨཱཔཏྟིཡོ པུབྦེ ནིབྦེམཏིཀོ ཚཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ཚཱདེཏི; ཡཱ ཨཱཔཏྟིཡོ པུབྦེ ཝེམཏིཀོ ནཙྪཱདེསི ཏཱ ཨཱཔཏྟིཡོ པཙྪཱ ནིབྦེམཏིཀོ ཚཱདེཏི. སོ བྷིཀྑུ མཱུལཱཡ པཊིཀསྶིཏབྦོ. ཡཐཱཔཊིཙྪནྣཱནཉྩསྶ ཨཱཔཏྟཱིནཾ ¶ པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ.

སམཱུལཱཡསམོདྷཱནཔརིཝཱསཙཏུསྶཏཾ ནིཊྛིཏཾ.

༧. པརིམཱཎཱདིཝཱརཨཊྛཀཾ

༡༨༠. ‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཏྭཱ པརིམཱཎཱ ཨཔྤཊིཙྪཱདེཏྭཱ…པེ… ཨཔརིམཱཎཱ ཨཔྤཊིཙྪཱདེཏྭཱ…པེ… ཨེཀནཱམཱ ཨཔྤཊིཙྪཱདེཏྭཱ…པེ… ¶ ནཱནཱནཱམཱ ཨཔྤཊིཙྪཱདེཏྭཱ…པེ… སབྷཱགཱ ཨཔྤཊིཙྪཱདེཏྭཱ…པེ… ཝིསབྷཱགཱ ཨཔྤཊིཙྪཱདེཏྭཱ…པེ… ཝཝཏྠིཏཱ ཨཔྤཊིཙྪཱདེཏྭཱ…པེ… སམྦྷིནྣཱ ཨཔྤཊིཙྪཱདེཏྭཱ ཝིབྦྷམཏི…པེ… (ཡཐཱ ཧེཊྛཱ ཏཐཱ ཝིཏྠཱརེཏབྦཾ).

པརིམཱཎཱདིཝཱརཨཊྛཀཾ ནིཊྛིཏཾ.

༨. དྭེབྷིཀྑུཝཱརཨེཀཱདསཀཾ

༡༨༡. ‘‘དྭེ ¶ བྷིཀྑཱུ སངྒྷཱདིསེསཾ ཨཱཔནྣཱ ཧོནྟི. ཏེ སངྒྷཱདིསེསེ སངྒྷཱདིསེསདིཊྛིནོ ཧོནྟི. ཨེཀོ ཚཱདེཏི, ཨེཀོ ནཙྪཱདེཏི. ཡོ ཚཱདེཏི སོ དུཀྐཊཾ དེསཱཔེཏབྦོ. ཡཐཱཔཊིཙྪནྣེ [ཡཐཱཔཊིཙྪནྣཱནཾ (སཱི.)] ཙསྶ པརིཝཱསཾ དཏྭཱ ཨུབྷིནྣམྤི མཱནཏྟཾ དཱཏབྦཾ.

‘‘དྭེ ¶ བྷིཀྑཱུ སངྒྷཱདིསེསཾ ཨཱཔནྣཱ ཧོནྟི. ཏེ སངྒྷཱདིསེསེ ཝེམཏིཀཱ ཧོནྟི. ཨེཀོ ཚཱདེཏི, ཨེཀོ ནཙྪཱདེཏི. ཡོ ཚཱདེཏི སོ དུཀྐཊཾ དེསཱཔེཏབྦོ. ཡཐཱཔཊིཙྪནྣེ ཙསྶ པརིཝཱསཾ དཏྭཱ ཨུབྷིནྣམྤི མཱནཏྟཾ དཱཏབྦཾ.

‘‘དྭེ བྷིཀྑཱུ སངྒྷཱདིསེསཾ ཨཱཔནྣཱ ཧོནྟི. ཏེ སངྒྷཱདིསེསེ མིསྶཀདིཊྛིནོ ཧོནྟི. ཨེཀོ ཚཱདེཏི, ཨེཀོ ནཙྪཱདེཏི. ཡོ ཚཱདེཏི སོ དུཀྐཊཾ དེསཱཔེཏབྦོ. ཡཐཱཔཊིཙྪནྣེ ཙསྶ པརིཝཱསཾ དཏྭཱ ཨུབྷིནྣམྤི མཱནཏྟཾ དཱཏབྦཾ.

‘‘དྭེ བྷིཀྑཱུ མིསྶཀཾ ཨཱཔནྣཱ ཧོནྟི. ཏེ མིསྶཀེ སངྒྷཱདིསེསདིཊྛིནོ ཧོནྟི. ཨེཀོ ཚཱདེཏི, ཨེཀོ ནཙྪཱདེཏི. ཡོ ཚཱདེཏི སོ དུཀྐཊཾ དེསཱཔེཏབྦོ. ཡཐཱཔཊིཙྪནྣེ ཙསྶ པརིཝཱསཾ དཏྭཱ ཨུབྷིནྣམྤི མཱནཏྟཾ དཱཏབྦཾ.

‘‘དྭེ ¶ བྷིཀྑཱུ མིསྶཀཾ ཨཱཔནྣཱ ཧོནྟི. ཏེ མིསྶཀེ མིསྶཀདིཊྛིནོ ཧོནྟི. ཨེཀོ ཚཱདེཏི, ཨེཀོ ནཙྪཱདེཏི. ཡོ ཚཱདེཏི སོ དུཀྐཊཾ དེསཱཔེཏབྦོ. ཡཐཱཔཊིཙྪནྣེ ཙསྶ པརིཝཱསཾ དཏྭཱ ཨུབྷིནྣམྤི མཱནཏྟཾ དཱཏབྦཾ.

‘‘དྭེ བྷིཀྑཱུ སུདྡྷཀཾ ཨཱཔནྣཱ ཧོནྟི. ཏེ སུདྡྷཀེ སངྒྷཱདིསེསདིཊྛིནོ ཧོནྟི. ཨེཀོ ཚཱདེཏི, ཨེཀོ ནཙྪཱདེཏི. ཡོ ཚཱདེཏི སོ དུཀྐཊཾ དེསཱཔེཏབྦོ. ཨུབྷོཔི ཡཐཱདྷམྨཾ ཀཱརཱཔེཏབྦཱ.

‘‘དྭེ བྷིཀྑཱུ སུདྡྷཀཾ ཨཱཔནྣཱ ཧོནྟི. ཏེ སུདྡྷཀེ སུདྡྷཀདིཊྛིནོ ཧོནྟི. ཨེཀོ ཚཱདེཏི, ཨེཀོ ནཙྪཱདེཏི. ཡོ ཚཱདེཏི སོ དུཀྐཊཾ དེསཱཔེཏབྦོ. ཨུབྷོཔི ཡཐཱདྷམྨཾ ཀཱརཱཔེཏབྦཱ.

‘‘དྭེ ¶ བྷིཀྑཱུ སངྒྷཱདིསེསཾ ཨཱཔནྣཱ ཧོནྟི. ཏེ སངྒྷཱདིསེསེ སངྒྷཱདིསེསདིཊྛིནོ ཧོནྟི. ཨེཀསྶ ཧོཏི ཨཱརོཙེསྶཱམཱིཏི, ཨེཀསྶ ཧོཏི ན ཨཱརོཙེསྶཱམཱིཏི. སོ པཋམམྤི ¶ ཡཱམཾ ཚཱདེཏི, དུཏིཡམྤི ཡཱམཾ ཚཱདེཏི, ཏཏིཡམྤི ཡཱམཾ ཚཱདེཏི – ཨུཊྛིཏེ ཨརུཎེ ཚནྣཱ ཧོཏི ཨཱཔཏྟི. ཡོ ཚཱདེཏི སོ དུཀྐཊཾ དེསཱཔེཏབྦོ. ཡཐཱཔཊིཙྪནྣེ ཙསྶ པརིཝཱསཾ དཏྭཱ ཨུབྷིནྣམྤི ¶ མཱནཏྟཾ དཱཏབྦཾ.

‘‘དྭེ ¶ བྷིཀྑཱུ སངྒྷཱདིསེསཾ ཨཱཔནྣཱ ཧོནྟི. ཏེ སངྒྷཱདིསེསེ སངྒྷཱདིསེསདིཊྛིནོ ཧོནྟི. ཏེ གཙྪནྟི ཨཱརོཙེསྶཱམཱཏི. ཨེཀསྶ ཨནྟརཱམགྒེ མཀྑདྷམྨོ ཨུཔྤཛྫཏི ན ཨཱརོཙེསྶཱམཱིཏི. སོ པཋམམྤི ཡཱམཾ ཚཱདེཏི, དུཏིཡམྤི ཡཱམཾ ཚཱདེཏི, ཏཏིཡམྤི ཡཱམཾ ཚཱདེཏི – ཨུཊྛིཏེ ཨརུཎེ ཚནྣཱ ཧོཏི ཨཱཔཏྟི. ཡོ ཚཱདེཏི སོ དུཀྐཊཾ དེསཱཔེཏབྦོ. ཡཐཱཔཊིཙྪནྣེ ཙསྶ པརིཝཱསཾ དཏྭཱ ཨུབྷིནྣམྤི མཱནཏྟཾ དཱཏབྦཾ.

‘‘དྭེ བྷིཀྑཱུ སངྒྷཱདིསེསཾ ཨཱཔནྣཱ ཧོནྟི. ཏེ སངྒྷཱདིསེསེ སངྒྷཱདིསེསདིཊྛིནོ ཧོནྟི. ཏེ ཨུམྨཏྟཀཱ ཧོནྟི. ཏེ པཙྪཱ ཨནུམྨཏྟཀཱ ཧུཏྭཱ ཨེཀོ ཚཱདེཏི, ཨེཀོ ནཙྪཱདེཏི. ཡོ ཚཱདེཏི སོ དུཀྐཊཾ དེསཱཔེཏབྦོ. ཡཐཱཔཊིཙྪནྣེ ཙསྶ པརིཝཱསཾ དཏྭཱ ཨུབྷིནྣམྤི མཱནཏྟཾ དཱཏབྦཾ.

‘‘དྭེ བྷིཀྑཱུ སངྒྷཱདིསེསཾ ཨཱཔནྣཱ ཧོནྟི. ཏེ པཱཏིམོཀྑེ ཨུདྡིསྶམཱནེ ཨེཝཾ ཝདནྟི – ‘ཨིདཱནེཝ ཁོ མཡཾ ཛཱནཱམ – ཨཡམྤི ཀིར དྷམྨོ སུཏྟཱགཏོ སུཏྟཔརིཡཱཔནྣོ ཨནྭདྡྷམཱསཾ ཨུདྡེསཾ ཨཱགཙྪཏཱི’ཏི. ཏེ སངྒྷཱདིསེསེ སངྒྷཱདིསེསདིཊྛིནོ ཧོནྟི. ཨེཀོ ཚཱདེཏི, ཨེཀོ ནཙྪཱདེཏི. ཡོ ཚཱདེཏི སོ དུཀྐཊཾ དེསཱཔེཏབྦོ. ཡཐཱཔཊིཙྪནྣེ ཙསྶ པརིཝཱསཾ དཏྭཱ ཨུབྷིནྣམྤི མཱནཏྟཾ དཱཏབྦཾ.

དྭེབྷིཀྑུཝཱརཨེཀཱདསཀཾ ནིཊྛིཏཾ.

༩. མཱུལཱཡཨཝིསུདྡྷིནཝཀཾ

༡༨༢. ‘‘ཨིདྷ ¶ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི, ཨེཀནཱམམྤི ནཱནཱནཱམམྤི, སབྷཱགམྤི ཝིསབྷཱགམྤི, ཝཝཏྠིཏམྤི སམྦྷིནྣམྤི. སོ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ ¶ སམོདྷཱནཔརིཝཱསཾ དེཏི. སོ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱཡོ ཨཔྤཊིཙྪནྣཱཡོ. སོ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི. ཏཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶཏི ¶ དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ དེཏི; ཨདྷམྨེན མཱནཏྟཾ དེཏི, ཨདྷམྨེན ཨབྦྷེཏི. སོ, བྷིཀྑཝེ, བྷིཀྑུ ཨཝིསུདྡྷོ ཏཱཧི ཨཱཔཏྟཱིཧི.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི, ཨེཀནཱམམྤི ནཱནཱནཱམམྤི, སབྷཱགམྤི ཝིསབྷཱགམྤི, ཝཝཏྠིཏམྤི ¶ སམྦྷིནྣམྤི. སོ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ དེཏི. སོ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱཡོ པཊིཙྪནྣཱཡོ. སོ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི. ཏཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶཏི དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ དེཏི; ཨདྷམྨེན མཱནཏྟཾ ¶ དེཏི, ཨདྷམྨེན ཨབྦྷེཏི. སོ, བྷིཀྑཝེ, བྷིཀྑུ ཨཝིསུདྡྷོ ཏཱཧི ཨཱཔཏྟཱིཧི.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི, ཨེཀནཱམམྤི ནཱནཱནཱམམྤི, སབྷཱགམྤི ཝིསབྷཱགམྤི, ཝཝཏྠིཏམྤི སམྦྷིནྣམྤི. སོ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ དེཏི. སོ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱཡོ པཊིཙྪནྣཱཡོཔི ཨཔྤཊིཙྪནྣཱཡོཔི. སོ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི. ཏཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶཏི དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ དེཏི, ཨདྷམྨེན མཱནཏྟཾ དེཏི, ཨདྷམྨེན ཨབྦྷེཏི. སོ, བྷིཀྑཝེ, བྷིཀྑུ ཨཝིསུདྡྷོ ཏཱཧི ཨཱཔཏྟཱིཧི.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི, ཨེཀནཱམམྤི ནཱནཱནཱམམྤི, སབྷཱགམྤི ཝིསབྷཱགམྤི, ཝཝཏྠིཏམྤི སམྦྷིནྣམྤི. སོ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ དེཏི. སོ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི ཨཔརིམཱཎཱཡོ ཨཔྤཊིཙྪནྣཱཡོ…པེ… ཨཔརིམཱཎཱཡོ པཊིཙྪནྣཱཡོ…པེ… ཨཔརིམཱཎཱཡོ པཊིཙྪནྣཱཡོཔི ཨཔྤཊིཙྪནྣཱཡོཔི ¶ …པེ… པརིམཱཎཱཡོཔི ཨཔརིམཱཎཱཡོཔི ཨཔྤཊིཙྪནྣཱཡོ ¶ . སོ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི ¶ . ཏཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶཏི དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ དེཏི; ཨདྷམྨེན མཱནཏྟཾ དེཏི, ཨདྷམྨེན ཨབྦྷེཏི. སོ, བྷིཀྑཝེ, བྷིཀྑུ ཨཝིསུདྡྷོ ཏཱཧི ཨཱཔཏྟཱིཧི.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི, ཨེཀནཱམམྤི ནཱནཱནཱམམྤི, སབྷཱགམྤི ཝིསབྷཱགམྤི, ཝཝཏྠིཏམྤི སམྦྷིནྣམྤི. སོ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ དེཏི. སོ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱཡོཔི ཨཔརིམཱཎཱཡོཔི པཊིཙྪནྣཱཡོ. སོ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི. ཏཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶཏི དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ དེཏི; ཨདྷམྨེན ¶ མཱནཏྟཾ དེཏི, ཨདྷམྨེན ཨབྦྷེཏི. སོ, བྷིཀྑཝེ, བྷིཀྑུ ཨཝིསུདྡྷོ ཏཱཧི ཨཱཔཏྟཱིཧི.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི, ཨེཀནཱམམྤི ནཱནཱནཱམམྤི, སབྷཱགམྤི ཝིསབྷཱགམྤི, ཝཝཏྠིཏམྤི སམྦྷིནྣམྤི. སོ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ དེཏི. སོ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱཡོཔི ཨཔརིམཱཎཱཡོཔི པཊིཙྪནྣཱཡོཔི ¶ ཨཔྤཊིཙྪནྣཱཡོཔི. སོ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི. ཏཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶཏི དྷམྨིཀེན ཀམྨེན ཨཀུཔྤེན ཋཱནཱརཧེན; དྷམྨེན སམོདྷཱནཔརིཝཱསཾ དེཏི; ཨདྷམྨེན མཱནཏྟཾ དེཏི; ཨདྷམྨེན ཨབྦྷེཏི. སོ, བྷིཀྑཝེ, བྷིཀྑུ ཨཝིསུདྡྷོ ཏཱཧི ཨཱཔཏྟཱིཧི.

མཱུལཱཡཨཝིསུདྡྷིནཝཀཾ [སམཱུལཱཝིསུདྡྷིནཝཀཾ (ཀ.)] ནིཊྛིཏཾ.

༡༠. དུཏིཡནཝཀཾ [ཨིདཾ ནཝཀཾ པོརཱཎཔོཏྠཀེསུ ཨཝིསུདྡྷིཝསེནེཝ ཨཱགཏཾ, ཝུཙྩམཱནཏཏིཡནཝཀེན ཙ སཾསཊྛཾ. ཏཾ པཊིཝིསོདྷཀེཧི ཨསཾསཊྛཾ ཀཏྭཱ ཝིསུཾ པཏིཊྛཱཔིཏཾ. སཱིཧལ༹སྱཱམཔོཏྠཀེསུ པན ཏཾ ཝིསུདྡྷིཝསེནེཝ ཨཱགཏཾ. ཏཾ པནེཝཾ ཝེདིཏབྦཾ –§༡༠- མཱུལཱཡཝིསུདྡྷིནཝཀ (སཱི. སྱཱ.)§༡༨༣. ཨིདྷ པན བྷིཀྑཝེ བྷིཀྑུ སམྦཧུལཱ སཾགྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོ སཾགྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི, ཏསྶ ཏསྶ སཾགྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ དེཏི, སོ པརིཝསནྟོ ཨནྟརཱ སམྦཧུལཱ སཾགྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱཡོ ཨཔྤཊིཙྪནྣཱཡོ…པེ… པརིམཱཎཱཡོ པཊིཙྪནྣཱཡོ…པེ… པརིམཱཎཱཡོ པཊིཙྪནྣཱཡོཔི ཨཔྤཊིཙྪནྣཱཡོཔི. སོ སཾགྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི, ཏཾ སཾགྷོ ཨནྟརཱཨཱཔཏྟཱིནཾ མཱུལཱཡ པཊིཀསྶཏི དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ དེཏི, དྷམྨེན མཱནཏྟཾ དེཏི, དྷམྨེན ཨབྦྷེཏི. སོ བྷིཀྑཝེ བྷིཀྑུ ཝིསུདྡྷོ ཏཱཧི ཨཱཔཏྟཱིཧི. (༡-༣)§ཨིདྷ པན བྷིཀྑཝེ བྷིཀྑུ སམྦཧུལཱ སཾགྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོ སཾགྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི, ཏསྶ སཾགྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ དེཏི, སོ པརིཝསནྟོ ཨནྟརཱ སམྦཧུལཱ སཾགྷཱདིསེསཱ ཨཱཔཏྟིཡོ ཨཱཔཛྫཏི ཨཔརིམཱཎཱཡོ ཨཔྤཊིཙྪནྣཱཡོ…པེ… ཨཔརིམཱཎཱཡོ པཊིཙྪནྣཱཡོ…པེ… ཨཔརིམཱཎཱཡོ པཊིཙྪནྣཱཡོཔི ཨཔྤཊིཙྪནྣཱཡོཔི. སོ སཾགྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི, ཏཾ སཾགྷོ ཨནྟརཱཨཱཔཏྟཱིནཾ མཱུལཱཡ པཊིཀསྶཏི དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ དེཏི, དྷམྨེན མཱནཏྟཾ དེཏི, དྷམྨེན ཨབྦྷེཏི. སོ བྷིཀྑཝེ བྷིཀྑུ ཝིསུདྡྷོ ཏཱཧི ཨཱཔཏྟཱིཏི. (༤-༦)§ཨིདྷ པན བྷིཀྑཝེ བྷིཀྑུ སམྦཧུལཱ སཾགྷཱདིསེསཱ ཨཱཔཏྟིཡོ ཨཱཔཛྫཏཱི པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོ སཾགྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི, ཏསྶ སཾགྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ དེཏི, སོ པརིཝསནྟོ ཨནྟརཱ སམྦཧུལཱ སཾགྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱཡོཔི ཨཔརིམཱཎཱཡོཔི ཨཔྤཊིཙྪནྣཱཡོ…པེ… པརིམཱཎཱཡོཔི ཨཔརིམཱཎཱཡོཔི པཊིཙྪནྣཱཡོ…པེ… པརིམཱཎཱཡོཔི ཨཔརིམཱཎཱཡོཔི པཊིཙྪནྣཱཡོཔི ཨཔྤཊིཙྪནྣཱཡོཔི. སོ སཾགྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི, ཏཾ སཾགྷོ ཨནྟརཱཨཱཔཏྟཱིནཾ མཱུལཱཡ པཊིཀསྶཏི དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ དེཏི, དྷམྨེན མཱནཏྟཾ དེཏི, དྷམྨེན ཨབྦྷེཏི. སོ བྷིཀྑཝེ བྷིཀྑུ ཝིསུདྡྷོ ཏཱཧི ཨཱཔཏྟཱིཧི. (༧-༩)§མཱུལཱཡ ཝིསུདྡྷིནཝཀཾ ནིཊྛིཏཾ.]

༡༨༣. ‘‘ཨིདྷ ¶ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ དེཏི. སོ པརིཝསནྟོ ¶ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱ ཨཔྤཊིཙྪནྣཱཡོ. སོ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི. ཏཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶཏི ཨདྷམྨིཀེན ཀམྨེན ཀུཔྤེན ཨཊྛཱནཱརཧེན, ཨདྷམྨེན སམོདྷཱནཔརིཝཱསཾ དེཏི; དྷམྨེན མཱནཏྟཾ དེཏི, དྷམྨེན ཨབྦྷེཏི. སོ, བྷིཀྑཝེ, བྷིཀྑུ ཨཝིསུདྡྷོ ཏཱཧི ཨཱཔཏྟཱིཧི. (༡)

ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི. ཏསྶ སངྒྷོ ཏཱསཾ ¶ ཨཱཔཏྟཱིནཾ སམོདྷཱནཔརིཝཱསཾ དེཏི. སོ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱ པཊིཙྪནྣཱཡོ. སོ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི. ཏཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶཏི ཨདྷམྨིཀེན ཀམྨེན ཀུཔྤེན ཨཊྛཱནཱརཧེན ¶ , ཨདྷམྨེན སམོདྷཱནཔརིཝཱསཾ དེཏི; དྷམྨེན མཱནཏྟཾ དེཏི, དྷམྨེན ཨབྦྷེཏི. སོ, བྷིཀྑཝེ, བྷིཀྑུ ཨཝིསུདྡྷོ ཏཱཧི ཨཱཔཏྟཱིཧི. (༢)

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ དེཏི. སོ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱ པཊིཙྪནྣཱཡོཔི ཨཔྤཊིཙྪནྣཱཡོཔི. སོ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི. ཏཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶཏི ཨདྷམྨིཀེན ཀམྨེན ཀུཔྤེན ཨཊྛཱནཱརཧེན, ཨདྷམྨེན སམོདྷཱནཔརིཝཱསཾ དེཏི; དྷམྨེན མཱནཏྟཾ དེཏི, དྷམྨེན ཨབྦྷེཏི. སོ བྷིཀྑཝེ, བྷིཀྑུ ཨཝིསུདྡྷོ ཏཱཧི ཨཱཔཏྟཱིཧི. (༣)

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི, ཨེཀནཱམམྤི ནཱནཱནཱམམྤི, སབྷཱགམྤི ཝིསབྷཱགམྤི, ཝཝཏྠིཏམྤི སམྦྷིནྣམྤི. སོ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ དེཏི ¶ . སོ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི ཨཔརིམཱཎཱ ཨཔྤཊིཙྪནྣཱཡོ…པེ… ཨཔརིམཱཎཱ པཊིཙྪནྣཱཡོ…པེ… ཨཔརིམཱཎཱ པཊིཙྪནྣཱཡོཔི ཨཔྤཊིཙྪནྣཱཡོཔི…པེ… པརིམཱཎཱཡོཔི ཨཔརིམཱཎཱཡོཔི ཨཔྤཊིཙྪནྣཱཡོ. སོ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི. ཏཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶཏི ཨདྷམྨིཀེན ཀམྨེན ཀུཔྤེན ཨཊྛཱནཱརཧེན, ཨདྷམྨེན སམོདྷཱནཔརིཝཱསཾ ¶ དེཏི; དྷམྨེན མཱནཏྟཾ དེཏི, དྷམྨེན ཨབྦྷེཏི. སོ, བྷིཀྑཝེ, བྷིཀྑུ ཨཝིསུདྡྷོ ཏཱཧི ཨཱཔཏྟཱིཧི. (༤-༧)

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ དེཏི. སོ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱཡོཔི ཨཔརིམཱཎཱཡོཔི པཊིཙྪནྣཱཡོ. སོ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི. ཏཾ སངྒྷོ ཨནྟརཱཨཱཔཏྟཱིནཾ ¶ མཱུལཱཡ པཊིཀསྶཏི ཨདྷམྨིཀེན ཀམྨེན ཀུཔྤེན ཨཊྛཱནཱརཧེན, ཨདྷམྨེན སམོདྷཱནཔརིཝཱསཾ དེཏི, དྷམྨེན མཱནཏྟཾ དེཏི, དྷམྨེན ཨབྦྷེཏི. སོ, བྷིཀྑཝེ, བྷིཀྑུ ཨཝིསུདྡྷོ ཏཱཧི ཨཱཔཏྟཱིཧི. (༨)

‘‘ཨིདྷ ¶ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ དེཏི. སོ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱཡོཔི ཨཔརིམཱཎཱཡོཔི པཊིཙྪནྣཱཡོཔི ཨཔྤཊིཙྪནྣཱཡོཔི. སོ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི. ཏཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶཏི ཨདྷམྨིཀེན ཀམྨེན ཀུཔྤེན ཨཊྛཱནཱརཧེན, ཨདྷམྨེན སམོདྷཱནཔརིཝཱསཾ དེཏི; དྷམྨེན མཱནཏྟཾ དེཏི, དྷམྨེན ཨབྦྷེཏི. སོ, བྷིཀྑཝེ, བྷིཀྑུ ཨཝིསུདྡྷོ ཏཱཧི ཨཱཔཏྟཱིཧི. (༩)

དུཏིཡནཝཀཾ ནིཊྛིཏཾ.

༡༡. ཏཏིཡནཝཀཾ

༡༨༤. ‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི. ཏསྶ ¶ སངྒྷོ ཏཱསཾ ཨཱཔཏྟཱིནཾ ¶ སམོདྷཱནཔརིཝཱསཾ དེཏི. སོ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱཡོ ཨཔྤཊིཙྪནྣཱཡོ. སོ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི. ཏཾ སངྒྷོ ཨནྟརཱཨཱཔཏྟཱིནཾ ¶ མཱུལཱཡ པཊིཀསྶཏི ཨདྷམྨིཀེན ཀམྨེན ཀུཔྤེན ཨཊྛཱནཱརཧེན, ཨདྷམྨེན སམོདྷཱནཔརིཝཱསཾ དེཏི ¶ . སོ པརིཝསཱམཱིཏི མཉྙམཱནོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱཡོ ཨཔྤཊིཙྪནྣཱཡོ. སོ ཏསྨིཾ བྷཱུམིཡཾ ཋིཏོ པུརིམཱཨཱཔཏྟཱིནཾ ཨནྟརཱཨཱཔཏྟིཡོ སརཏི, ཨཔརཱཨཱཔཏྟཱིནཾ ཨནྟརཱཨཱཔཏྟིཡོ སརཏི. ཏསྶ ཨེཝཾ ཧོཏི – ‘ཨཧཾ ཁོ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོཧཾ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙིཾ. ཏསྶ མེ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཨདཱསི. སོཧཾ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ པརིམཱཎཱཡོ ཨཔྤཊིཙྪནྣཱཡོ. སོཧཾ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙིཾ. ཏཾ མཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶི ཨདྷམྨིཀེན ཀམྨེན ཀུཔྤེན ཨཊྛཱནཱརཧེན, ཨདྷམྨེན སམོདྷཱནཔརིཝཱསཾ ཨདཱསི. སོཧཾ པརིཝསཱམཱིཏི མཉྙམཱནོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ པརིམཱཎཱཡོ ཨཔྤཊིཙྪནྣཱཡོ ¶ . སོཧཾ ཏསྨིཾ བྷཱུམིཡཾ ཋིཏོ པུརིམཱཨཱཔཏྟཱིནཾ ཨནྟརཱཨཱཔཏྟིཡོ སརཱམི, ཨཔརཱཨཱཔཏྟཱིནཾ ཨནྟརཱཨཱཔཏྟིཡོ སརཱམི. ཡཾནཱུནཱཧཾ སངྒྷཾ པུརིམཱཨཱཔཏྟཱིནཾ ཨནྟརཱཨཱཔཏྟཱིནཉྩ ཨཔརཱཨཱཔཏྟཱིནཾ ཨནྟརཱཨཱཔཏྟཱིནཉྩ མཱུལཱཡཔཊིཀསྶནཾ ཡཱཙེཡྻཾ དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ; དྷམྨེན མཱནཏྟཾ, དྷམྨེན ཨབྦྷཱན’ནྟི. སོ སངྒྷཾ པུརིམཱཨཱཔཏྟཱིནཾ ཨནྟརཱཨཱཔཏྟཱིནཉྩ, ཨཔརཱཨཱཔཏྟཱིནཾ ཨནྟརཱཨཱཔཏྟཱིནཉྩ, མཱུལཱཡཔཊིཀསྶནཾ ཡཱཙཏི དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ; དྷམྨེན མཱནཏྟཾ, དྷམྨེན ཨབྦྷཱནཾ. ཏཾ སངྒྷོ པུརིམཱཨཱཔཏྟཱིནཾ ཨནྟརཱཨཱཔཏྟཱིནཉྩ, ཨཔརཱཨཱཔཏྟཱིནཾ ཨནྟརཱཨཱཔཏྟཱིནཉྩ, མཱུལཱཡ པཊིཀསྶཏི དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ དེཏི; དྷམྨེན མཱནཏྟཾ དེཏི, དྷམྨེན ཨབྦྷེཏི. སོ, བྷིཀྑཝེ, བྷིཀྑུ ཝིསུདྡྷོ ཏཱཧི ཨཱཔཏྟཱིཧི [ཨཡཾ པཋམཝཱརོ སཱི སྱཱ. པོཏྠཀེསུ པརིཔུཎྞོ དིསྶཏི].

‘‘ཨིདྷ ¶ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ དེཏི. སོ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱ པཊིཙྪནྣཱཡོ. སོ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི ¶ . ཏཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶཏི, ཨདྷམྨིཀེན ཀམྨེན ཀུཔྤེན ཨཊྛཱནཱརཧེན, ཨདྷམྨེན སམོདྷཱནཔརིཝཱསཾ དེཏི. སོ པརིཝསཱམཱིཏི མཉྙམཱནོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱ པཊིཙྪནྣཱཡོ. སོ ཏསྨིཾ བྷཱུམིཡཾ ཋིཏོ པུརིམཱཨཱཔཏྟཱིནཾ [པུརིམཱནཾ ཨཱཔཏྟཱིནཾ (ཀ.)] ཨནྟརཱཨཱཔཏྟིཡོ སརཏི, ཨཔརཱཨཱཔཏྟཱིནཾ ¶ ཨནྟརཱཨཱཔཏྟིཡོ སརཏི. ཏསྶ ཨེཝཾ ཧོཏི – ‘ཨཧཾ ཁོ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོཧཾ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙིཾ. ཏསྶ མེ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཨདཱསི. སོཧཾ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ པརིམཱཎཱ པཊིཙྪནྣཱཡོ. སོཧཾ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙིཾ. ཏཾ མཾ སངྒྷོ ཨནྟརཱཨཱཔཏྟཱིནཾ མཱུལཱཡཔཊིཀསྶི, ཨདྷམྨིཀེན ཀམྨེན ཀུཔྤེན ཨཊྛཱནཱརཧེན, ཨདྷམྨེན སམོདྷཱནཔརིཝཱསཾ ཨདཱསི. སོཧཾ པརིཝསཱམཱིཏི མཉྙམཱནོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ པརིམཱཎཱ པཊིཙྪནྣཱཡོ. སོཧཾ ཏསྨིཾ བྷཱུམིཡཾ ཋིཏོ པུརིམཱཔཏྟཱིནཾ ཨནྟརཱཨཱཔཏྟིཡོ སརཱམི, ཨཔརཱཨཱཔཏྟཱིནཾ ཨནྟརཱཨཱཔཏྟིཡོ སརཱམི. ཡཾནཱུནཱཧཾ སངྒྷཾ པུརིམཱཔཏྟཱིནཾ ཨནྟརཱཨཱཔཏྟཱིནཉྩ, ཨཔརཱ ཨཱཔཏྟཱིནཾ ཨནྟརཱཨཱཔཏྟཱིནཉྩ, མཱུལཱཡཔཊིཀསྶནཾ ཡཱཙེཡྻཾ ¶ དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ, དྷམྨེན མཱནཏྟཾ, དྷམྨེན ཨབྦྷཱན’ནྟི. སོ སངྒྷཾ པུརིམཱཔཏྟཱིནཾ ཨནྟརཱཨཱཔཏྟཱིནཉྩ, ཨཔརཱཨཱཔཏྟཱིནཾ ཨནྟརཱཨཱཔཏྟཱིནཉྩ མཱུལཱཡཔཊིཀསྶནཾ ཡཱཙཏི དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ, དྷམྨེན མཱནཏྟཾ, དྷམྨེན ཨབྦྷཱནཾ. ཏཾ སངྒྷོ པུརིམཱཔཏྟཱིནཾ ཨནྟརཱཨཱཔཏྟཱིནཉྩ, ཨཔརཱཨཱཔཏྟཱིནཾ ཨནྟརཱཨཱཔཏྟཱིནཉྩ, མཱུལཱཡ པཊིཀསྶཏི དྷམྨིཀེན ¶ ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ དེཏི, དྷམྨེན མཱནཏྟཾ དེཏི, དྷམྨེན ཨབྦྷེཏི. སོ, བྷིཀྑཝེ, བྷིཀྑུ ཝིསུདྡྷོ ཏཱཧི ཨཱཔཏྟཱིཧི.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ དེཏི. སོ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱ པཊིཙྪནྣཱཡོཔི ཨཔྤཊིཙྪནྣཱཡོཔི. སོ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི. ཏཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶཏི ཨདྷམྨིཀེན ཀམྨེན ཀུཔྤེན ཨཊྛཱནཱརཧེན, ཨདྷམྨེན སམོདྷཱནཔརིཝཱསཾ ¶ དེཏི. སོ པརིཝསཱམཱིཏི མཉྙམཱནོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱ པཊིཙྪནྣཱཡོཔི ཨཔྤཊིཙྪནྣཱཡོཔི. སོ ཏསྨིཾ བྷཱུམིཡཾ ཋིཏོ པུརིམཱཔཏྟཱིནཾ ཨནྟརཱཨཱཔཏྟིཡོ སརཏི, ཨཔརཱཨཱཔཏྟཱིནཾ ཨནྟརཱཨཱཔཏྟིཡོ སརཏི. ཏསྶ ཨེཝཾ ཧོཏི – ‘ཨཧཾ ཁོ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོཧཾ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙིཾ. ཏསྶ མེ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཨདཱསི. སོཧཾ པརིཝསནྟོ ཨནྟརཱ སམྦཧུལཱ ¶ སངྒྷཱདིསེསཱ ཨཱཔཏྟིཡོ ཨཱཔཛྫིཾ པརིམཱཎཱ པཊིཙྪནྣཱཡོཔི ཨཔྤཊིཙྪནྣཱཡོཔི. སོཧཾ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙིཾ. ཏཾ མཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶི ཨདྷམྨིཀེན ཀམྨེན ཀུཔྤེན ཨཊྛཱནཱརཧེན, ཨདྷམྨེན སམོདྷཱནཔརིཝཱསཾ ཨདཱསི. སོཧཾ པརིཝསཱམཱིཏི མཉྙམཱནོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ པརིམཱཎཱ པཊིཙྪནྣཱཡོཔི ཨཔྤཊིཙྪནྣཱཡོཔི. སོཧཾ ཏསྨིཾ བྷཱུམིཡཾ ཋིཏོ པུརིམཱཔཏྟཱིནཾ ཨནྟརཱཨཱཔཏྟིཡོ སརཱམི, ཨཔརཱཨཱཔཏྟཱིནཾ ཨནྟརཱཨཱཔཏྟིཡོ སརཱམི. ཡཾནཱུནཱཧཾ སངྒྷཾ པུརིམཱཔཏྟཱིནཾ ཨནྟརཱཨཱཔཏྟཱིནཉྩ, ཨཔརཱཨཱཔཏྟཱིནཾ ཨནྟརཱཨཱཔཏྟཱིནཉྩ, མཱུལཱཡཔཊིཀསྶནཾ ཡཱཙེཡྻཾ དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ, དྷམྨེན མཱནཏྟཾ, དྷམྨེན ཨབྦྷཱན’ནྟི. སོ སངྒྷཾ པུརིམཱཔཏྟཱིནཾ ཨནྟརཱ ཨཱཔཏྟཱིནཉྩ, ཨཔརཱ ཨཱཔཏྟཱིནཾ ཨནྟརཱ ཨཱཔཏྟཱིནཉྩ, མཱུལཱཡཔཊིཀསྶནཾ ¶ ཡཱཙཏི དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ, དྷམྨེན མཱནཏྟཾ, དྷམྨེན ཨབྦྷཱནཾ. ཏཾ སངྒྷོ པུརིམཱཔཏྟཱིནཾ ཨནྟརཱ ཨཱཔཏྟཱིནཉྩ, ཨཔརཱ ཨཱཔཏྟཱིནཾ ཨནྟརཱ ཨཱཔཏྟཱིནཉྩ, མཱུལཱཡ པཊིཀསྶཏི དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ དེཏི, དྷམྨེན མཱནཏྟཾ དེཏི, དྷམྨེན ཨབྦྷེཏི. སོ, བྷིཀྑཝེ, བྷིཀྑུ ཝིསུདྡྷོ ཏཱཧི ཨཱཔཏྟཱིཧི.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ དེཏི. སོ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི ཨཔརིམཱཎཱཡོ ཨཔྤཊིཙྪནྣཱཡོ…པེ… ཨཔརིམཱཎཱཡོ པཊིཙྪནྣཱཡོ…པེ… ཨཔརིམཱཎཱཡོ པཊིཙྪནྣཱཡོཔི ཨཔྤཊིཙྪནྣཱཡོཔི…པེ… པརིམཱཎཱཡོཔི ཨཔརིམཱཎཱཡོཔི ཨཔྤཊིཙྪནྣཱཡོ. སོ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ¶ ཡཱཙཏི. ཏཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶི ཨདྷམྨིཀེན ཀམྨེན ཀུཔྤེན ཨཊྛཱནཱརཧེན, ཨདྷམྨེན སམོདྷཱནཔརིཝཱསཾ དེཏི. སོ པརིཝསཱམཱིཏི མཉྙམཱནོ…པེ… ཏཾ སངྒྷོ པུརིམཱ ཨཱཔཏྟཱིནཾ ཨནྟརཱཨཱཔཏྟཱིནཉྩ, ཨཔརཱཨཱཔཏྟཱིནཾ ཨནྟརཱཨཱཔཏྟཱིནཉྩ, མཱུལཱཡ པཊིཀསྶཏི དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ དེཏི, དྷམྨེན མཱནཏྟཾ དེཏི, དྷམྨེན ཨབྦྷེཏི. སོ, བྷིཀྑཝེ, བྷིཀྑུ ཝིསུདྡྷོ ཏཱཧི ཨཱཔཏྟཱིཧི [ཨིམེཔི ཙཏྟཱརོ ཝཱརཱ སཱི. སྱཱ. པོཏྠཀེསུ པརིཔུཎྞཱ དིསྶནྟི].

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ¶ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ དེཏི. སོ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱཡོཔི ¶ ཨཔརིམཱཎཱཡོཔི པཊིཙྪནྣཱཡོ. སོ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙཏི. ཏཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶཏི ཨདྷམྨིཀེན ཀམྨེན ཀུཔྤེན ཨཊྛཱནཱརཧེན, ཨདྷམྨེན སམོདྷཱནཔརིཝཱསཾ དེཏི. སོ པརིཝསཱམཱིཏི མཉྙམཱནོ ཨནྟརཱ སམྦཧུལཱ སངྒྷཱདིསེསཱ ¶ ཨཱཔཏྟིཡོ ཨཱཔཛྫཏི པརིམཱཎཱཡོཔི ཨཔརིམཱཎཱཡོཔི པཊིཙྪནྣཱཡོ. སོ ཏསྨིཾ བྷཱུམིཡཾ ཋིཏོ པུརིམཱ ཨཱཔཏྟཱིནཾ ཨནྟརཱཨཱཔཏྟིཡོ སརཏི, ཨཔརཱཨཱཔཏྟཱིནཾ ཨནྟརཱཨཱཔཏྟིཡོ སརཏི. ཏསྶ ཨེཝཾ ཧོཏི – ‘ཨཧཾ ཁོ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོཧཾ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙིཾ. ཏསྶ མེ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཨདཱསི. སོཧཾ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ པརིམཱཎཱཡོཔི ཨཔརིམཱཎཱཡོཔི པཊིཙྪནྣཱཡོ. སོཧཾ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙིཾ. ཏཾ མཾ སངྒྷོ ཨནྟརཱཨཱཔཏྟཱིནཾ མཱུལཱཡཔཊིཀསྶི ཨདྷམྨིཀེན ཀམྨེན ཀུཔྤེན ཨཊྛཱནཱརཧེན, ཨདྷམྨེན སམོདྷཱནཔརིཝཱསཾ ཨདཱསི. སོཧཾ པརིཝསཱམཱིཏི མཉྙམཱནོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ པརིམཱཎཱཡོཔི ཨཔརིམཱཎཱཡོཔི པཊིཙྪནྣཱཡོ. སོཧཾ ཏསྨིཾ བྷཱུམིཡཾ ཋིཏོ པུརིམཱ ཨཱཔཏྟཱིནཾ ཨནྟརཱཨཱཔཏྟིཡོ སརཱམི, ཨཔརཱཨཱཔཏྟཱིནཾ ཨནྟརཱཨཱཔཏྟིཡོ སརཱམི. ཡཾནཱུནཱཧཾ སངྒྷཾ པུརིམཱ ཨཱཔཏྟཱིནཾ ཨནྟརཱ པཏྟཱིནཉྩ, ཨཔརཱཨཱཔཏྟཱིན ¶ ཨནྟརཱཨཱཔཏྟཱིནཉྩ, མཱུལཱཡཔཊིཀསྶནཾ ཡཱཙེཡྻཾ དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ, དྷམྨེན མཱནཏྟཾ, དྷམྨེན ཨབྦྷཱན’ནྟི. སོ སངྒྷཾ པུརིམཱ ཨཱཔཏྟཱིནཾ ཨནྟརཱཨཱཔཏྟཱིནཉྩ, ཨཔརཱཨཱཔཏྟཱིནཾ ཨནྟརཱཨཱཔཏྟཱིནཉྩ, མཱུལཱཡཔཊིཀསྶནཾ ཡཱཙཏི དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ, དྷམྨེན མཱནཏྟཾ, དྷམྨེན ཨབྦྷཱནཾ. ཏཾ སངྒྷོ པུརིམཱ ཨཱཔཏྟཱིནཾ ཨནྟརཱཨཱཔཏྟཱིནཉྩ, ཨཔརཱཨཱཔཏྟཱིནཾ ཨནྟརཱཨཱཔཏྟཱིནཉྩ, མཱུལཱཡ པཊིཀསྶཏི དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ དེཏི, དྷམྨེན མཱནཏྟཾ དེཏི, དྷམྨེན ཨབྦྷེཏི. སོ, བྷིཀྑཝེ, བྷིཀྑུ ཝིསུདྡྷོ ཏཱཧི ཨཱཔཏྟཱིཧི.

‘‘ཨིདྷ པན, བྷིཀྑཝེ, བྷིཀྑུ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙཏི. ཏསྶ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ དེཏི. སོ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱཡོཔི ཨཔརིམཱཎཱཡོཔི པཊིཙྪནྣཱཡོཔི ཨཔྤཊིཙྪནྣཱཡོཔི. སོ སངྒྷཾ ཨནྟརཱཨཱཔཏྟཱིནཾ ¶ མཱུལཱཡཔཊིཀསྶནཾ ¶ ཡཱཙཏི. ཏཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶཏི ཨདྷམྨིཀེན ཀམྨེན ཀུཔྤེན ཨཊྛཱནཱརཧེན, ཨདྷམྨེན སམོདྷཱནཔརིཝཱསཾ དེཏི. སོ པརིཝསཱམཱིཏི མཉྙམཱནོ ¶ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫཏི པརིམཱཎཱཡོཔི ཨཔརིམཱཎཱཡོཔི པཊིཙྪནྣཱཡོཔི ཨཔྤཊིཙྪནྣཱཡོཔི. སོ ཏསྨིཾ བྷཱུམིཡཾ ཋིཏོ པུརིམཱ ཨཱཔཏྟཱིནཾ ཨནྟརཱཨཱཔཏྟིཡོ སརཏི, ཨཔརཱཨཱཔཏྟཱིནཾ ཨནྟརཱཨཱཔཏྟིཡོ སརཏི. ཏསྶ ཨེཝཾ ཧོཏི – ‘ཨཧཾ ཁོ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ པརིམཱཎམྤི ཨཔརིམཱཎམྤི…པེ… ཝཝཏྠིཏམྤི སམྦྷིནྣམྤི. སོཧཾ སངྒྷཾ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཡཱཙིཾ. ཏསྶ མེ སངྒྷོ ཏཱསཾ ཨཱཔཏྟཱིནཾ སམོདྷཱནཔརིཝཱསཾ ཨདཱསི. སོཧཾ པརིཝསནྟོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ པརིམཱཎཱཡོཔི ཨཔརིམཱཎཱཡོཔི པཊིཙྪནྣཱཡོཔི ཨཔྤཊིཙྪནྣཱཡོཔི. སོཧཾ སངྒྷཾ ཨནྟརཱཨཱཔཏྟཱིནཾ མཱུལཱཡཔཊིཀསྶནཾ ཡཱཙིཾ. ཏཾ མཾ སངྒྷོ ཨནྟརཱཨཱཔཏྟཱིནཾ མཱུལཱཡ པཊིཀསྶི ཨདྷམྨིཀེན ཀམྨེན ཀུཔྤེན ཨཊྛཱནཱརཧེན, ཨདྷམྨེན སམོདྷཱནཔརིཝཱསཾ ཨདཱསི. སོཧཾ པརིཝསཱམཱིཏི མཉྙམཱནོ ཨནྟརཱ སམྦཧུལཱ སངྒྷཱདིསེསཱ ཨཱཔཏྟིཡོ ཨཱཔཛྫིཾ པརིམཱཎཱཡོཔི ཨཔརིམཱཎཱཡོཔི པཊིཙྪནྣཱཡོཔི ཨཔྤཊིཙྪནྣཱཡོཔི. སོཧཾ ཏསྨིཾ བྷཱུམིཡཾ ཋིཏོ པུརིམཱ ཨཱཔཏྟཱིནཾ ཨནྟརཱཨཱཔཏྟིཡོ སརཱམི, ཨཔརཱཨཱཔཏྟཱིནཾ ཨནྟརཱཨཱཔཏྟིཡོ སརཱམི. ཡཾནཱུནཱཧཾ སངྒྷཾ པུརིམཱཔཏྟཱིནཾ ཨནྟརཱཨཱཔཏྟཱིནཉྩ, ཨཔརཱཨཱཔཏྟཱིནཾ ཨནྟརཱཨཱཔཏྟཱིནཉྩ, མཱུལཱཡཔཊིཀསྶནཾ ཡཱཙེཡྻཾ དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན ¶ སམོདྷཱནཔརིཝཱསཾ, དྷམྨེན མཱནཏྟཾ, དྷམྨེན ཨབྦྷཱན’ནྟི. སོ སངྒྷཾ པུརིམཱ ཨཱཔཏྟཱིནཾ ཨནྟརཱཨཱཔཏྟཱིནཉྩ, ཨཔརཱཨཱཔཏྟཱིནཾ ཨནྟརཱཨཱཔཏྟཱིནཉྩ, མཱུལཱཡ པཊིཀསྶནཾ ཡཱཙཏི དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ, དྷམྨེན མཱནཏྟཾ, དྷམྨེན ཨབྦྷཱནཾ. ཏཾ སངྒྷོ པུརིམཱ ཨཱཔཏྟཱིནཾ ཨནྟརཱ ཨཱཔཏྟཱིནཉྩ, ཨཔརཱ ཨཱཔཏྟཱིནཾ ཨནྟརཱ ཨཱཔཏྟཱིནཉྩ, མཱུལཱཡ པཊིཀསྶཏི དྷམྨིཀེན ཀམྨེན ཨཀུཔྤེན ཋཱནཱརཧེན, དྷམྨེན སམོདྷཱནཔརིཝཱསཾ དེཏི, དྷམྨེན མཱནཏྟཾ དེཏི, དྷམྨེན ཨབྦྷེཏི. སོ, བྷིཀྑཝེ, བྷིཀྑུ ཝིསུདྡྷོ ཏཱཧི ཨཱཔཏྟཱིཧི’’.

ཏཏིཡནཝཀཾ ནིཊྛིཏཾ.

སམུཙྩཡཀྑནྡྷཀོ ཏཏིཡོ.

ཏསྶུདྡཱནཾ –

ཨཔྤཊིཙྪནྣཱ ¶ ཨེཀཱཧ-དྭཱིཧ-ཏཱིཧ-ཙཏཱུཧ ཙ;

པཉྩཱཧཔཀྑདསནྣཾ, ཨཱཔཏྟིམཱཧ མཧཱམུནི.

སུདྡྷནྟོ ¶ ཙ ཝིབྦྷམནྟོ, པརིམཱཎམུཁཾ དྭེ བྷིཀྑཱུ;

ཏཏྠ སཉྙིནོ དྭེ ཡཐཱ, ཝེམཏིཀཱ ཏཐེཝ ཙ.

མིསྶཀདིཊྛིནོ ¶ དྭེ ཙ, ཨསུདྡྷཀེཀདིཊྛིནོ;

དྭེ ཙེཝ སུདྡྷདིཊྛིནོ.

ཏཐེཝ ཙ ཨེཀོ ཚཱདེཏི, ཨཐ མཀྑམཏེན ཙ;

ཨུམྨཏྟཀདེསནཉྩ, མཱུལཱ ཨཊྛཱརས [པནྣརས (ཀ.)] ཝིསུདྡྷཏོ.

ཨཱཙརིཡཱནཾ ཝིབྷཛྫཔདཱནཾ [ཝིབྷཛྫཝཱདཱིནཾ (སཱི.)], ཏམྦཔཎྞིདཱིཔཔསཱདཀཱནཾ;

མཧཱཝིཧཱརཝཱསཱིནཾ, ཝཱཙནཱ སདྡྷམྨཊྛིཏིཡཱཏི.

སམུཙྩཡཀྑནྡྷཀཾ ནིཊྛིཏཾ.

༤. སམཐཀྑནྡྷཀཾ

༡. སམྨུཁཱཝིནཡོ

༡༨༥. ཏེན ¶ ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཚབྦགྒིཡཱ བྷིཀྑཱུ ཨསམྨུཁཱིབྷཱུཏཱནཾ བྷིཀྑཱུནཾ ཀམྨཱནི ཀརོནྟི – ཏཛྫནཱིཡམྤི, ནིཡསྶམྤི, པབྦཱཛནཱིཡམྤི, པཊིསཱརཎཱིཡམྤི, ཨུཀྑེཔནཱིཡམྤི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨསམྨུཁཱིབྷཱུཏཱནཾ བྷིཀྑཱུནཾ ཀམྨཱནི ཀརིསྶནྟི – ཏཛྫནཱིཡམྤི, ནིཡསྶམྤི, པབྦཱཛནཱིཡམྤི, པཊིསཱརཎཱིཡམྤི, ཨུཀྑེཔནཱིཡམྤཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, ཚབྦགྒིཡཱ བྷིཀྑཱུ ཨསམྨུཁཱིབྷཱུཏཱནཾ བྷིཀྑཱུནཾ ཀམྨཱནི ཀརོནྟི – ཏཛྫནཱིཡམྤི, ནིཡསྶམྤི, པབྦཱཛནཱིཡམྤི, པཊིསཱརཎཱིཡམྤི, ཨུཀྑེཔནཱིཡམྤཱི’’ཏི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, བྷིཀྑཝེ, ཏེསཾ མོགྷཔུརིསཱནཾ ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ཨསམྨུཁཱིབྷཱུཏཱནཾ བྷིཀྑཱུནཾ ཀམྨཱནི ཀརིསྶནྟི – ཏཛྫནཱིཡམྤི, ནིཡསྶམྤི, པབྦཱཛནཱིཡམྤི, པཊིསཱརཎཱིཡམྤི, ཨུཀྑེཔནཱིཡམྤི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ན, བྷིཀྑཝེ, ཨསམྨུཁཱིབྷཱུཏཱནཾ བྷིཀྑཱུནཾ ཀམྨཾ ཀཱཏབྦཾ – ཏཛྫནཱིཡཾ ཝཱ, ནིཡསྶཾ ཝཱ, པབྦཱཛནཱིཡཾ ཝཱ, པཊིསཱརཎཱིཡཾ ཝཱ, ཨུཀྑེཔནཱིཡཾ ཝཱ. ཡོ ཀརེཡྻ ¶ , ཨཱཔཏྟི དུཀྐཊསྶ.

༡༨༦. ‘‘ཨདྷམྨཝཱདཱི པུགྒལོ ཨདྷམྨཝཱདཱི སམྦཧུལཱ ཨདྷམྨཝཱདཱི སངྒྷོ. དྷམྨཝཱདཱི པུགྒལོ དྷམྨཝཱདཱི སམྦཧུལཱ དྷམྨཝཱདཱི སངྒྷོ.

ཀཎྷཔཀྑནཝཀཾ

༡༨༧. ‘‘ཨདྷམྨཝཱདཱི ¶ པུགྒལོ དྷམྨཝཱདིཾ པུགྒལཾ སཉྙཱཔེཏི ནིཛ྄ཛྷཱཔེཏི པེཀྑེཏི ཨནུཔེཀྑེཏི དསྶེཏི ཨནུདསྶེཏི – ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཱཧི, ཨིམཾ ¶ རོཙེཧཱིཏི. ཨེཝཉྩེཏཾ ཨདྷིཀརཎཾ ཝཱུཔསམྨཏི, ཨདྷམྨེན ཝཱུཔསམྨཏི སམྨུཁཱཝིནཡཔཏིརཱུཔཀེན.

‘‘ཨདྷམྨཝཱདཱི པུགྒལོ དྷམྨཝཱདཱི སམྦཧུལེ སཉྙཱཔེཏི ནིཛ྄ཛྷཱཔེཏི པེཀྑེཏི ཨནུཔེཀྑེཏི དསྶེཏི ཨནུདསྶེཏི – ཨཡཾ དྷམྨོ, ཨཡཾ ཝིནཡོ ¶ , ཨིདཾ སཏྠུསཱསནཾ, ཨིམཾ གཎྷཐ, ཨིམཾ རོཙེཐཱཏི. ཨེཝཉྩེཏཾ ཨདྷིཀརཎཾ ཝཱུཔསམྨཏི, ཨདྷམྨེན ཝཱུཔསམྨཏི སམྨུཁཱཝིནཡཔཏིརཱུཔཀེན.

‘‘ཨདྷམྨཝཱདཱི པུགྒལོ དྷམྨཝཱདིཾ སངྒྷཾ སཉྙཱཔེཏི ནིཛ྄ཛྷཱཔེཏི པེཀྑེཏི ཨནུཔེཀྑེཏི དསྶེཏི ཨནུདསྶེཏི – ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཱཧི, ཨིམཾ རོཙེཧཱིཏི [ཨིམཾ གཎྷཐ, ཨིམཾ རོཙེཐཱཏི (ཀ.)]. ཨེཝཉྩེཏཾ ཨདྷིཀརཎཾ ཝཱུཔསམྨཏི, ཨདྷམྨེན ཝཱུཔསམྨཏི སམྨུཁཱཝིནཡཔཏིརཱུཔཀེན.

‘‘ཨདྷམྨཝཱདཱི སམྦཧུལཱ དྷམྨཝཱདིཾ པུགྒལཾ སཉྙཱཔེནྟི ནིཛ྄ཛྷཱཔེནྟི པེཀྑེནྟི ཨནུཔེཀྑེནྟི དསྶེནྟི ཨནུདསྶེནྟི – ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཱཧི, ཨིམཾ རོཙེཧཱིཏི. ཨེཝཉྩེཏཾ ཨདྷིཀརཎཾ ཝཱུཔསམྨཏི, ཨདྷམྨེན ཝཱུཔསམྨཏི སམྨུཁཱཝིནཡཔཏིརཱུཔཀེན.

‘‘ཨདྷམྨཝཱདཱི ¶ སམྦཧུལཱ དྷམྨཝཱདཱི སམྦཧུལེ སཉྙཱཔེནྟི ནིཛ྄ཛྷཱཔེནྟི པེཀྑེནྟི ཨནུཔེཀྑེནྟི དསྶེནྟི ཨནུདསྶེནྟི – ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཐ, ཨིམཾ རོཙེཐཱཏི. ཨེཝཉྩེཏཾ ཨདྷིཀརཎཾ ཝཱུཔསམྨཏི, ཨདྷམྨེན ཝཱུཔསམྨཏི སམྨུཁཱཝིནཡཔཏིརཱུཔཀེན.

‘‘ཨདྷམྨཝཱདཱི སམྦཧུལཱ དྷམྨཝཱདིཾ སངྒྷཾ སཉྙཱཔེནྟི ནིཛ྄ཛྷཱཔེནྟི པེཀྑེནྟི ཨནུཔེཀྑེནྟི དསྶེནྟི ཨནུདསྶེནྟི – ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཱཧི, ཨིམཾ རོཙེཧཱིཏི. ཨེཝཉྩེཏཾ ཨདྷིཀརཎཾ ཝཱུཔསམྨཏི, ཨདྷམྨེན ཝཱུཔསམྨཏི སམྨུཁཱཝིནཡཔཏིརཱུཔཀེན.

‘‘ཨདྷམྨཝཱདཱི སངྒྷོ དྷམྨཝཱདིཾ པུགྒལཾ སཉྙཱཔེཏི ནིཛ྄ཛྷཱཔེཏི པེཀྑེཏི ཨནུཔེཀྑེཏི དསྶེཏི ¶ ཨནུདསྶེཏི – ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཱཧི, ཨིམཾ རོཙེཧཱིཏི. ཨེཝཉྩེཏཾ ཨདྷིཀརཎཾ ཝཱུཔསམྨཏི, ཨདྷམྨེན ཝཱུཔསམྨཏི སམྨུཁཱཝིནཡཔཏིརཱུཔཀེན.

‘‘ཨདྷམྨཝཱདཱི སངྒྷོ དྷམྨཝཱདཱི སམྦཧུལེ སཉྙཱཔེཏི ནིཛ྄ཛྷཱཔེཏི པེཀྑེཏི ཨནུཔེཀྑེཏི དསྶེཏི ཨནུདསྶེཏི – ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཐ, ཨིམཾ རོཙེཐཱཏི. ཨེཝཉྩེཏཾ ཨདྷིཀརཎཾ ཝཱུཔསམྨཏི, ཨདྷམྨེན ཝཱུཔསམྨཏི སམྨུཁཱཝིནཡཔཏིརཱུཔཀེན.

‘‘ཨདྷམྨཝཱདཱི སངྒྷོ དྷམྨཝཱདིཾ སངྒྷཾ སཉྙཱཔེཏི ནིཛ྄ཛྷཱཔེཏི པེཀྑེཏི ཨནུཔེཀྑེཏི དསྶེཏི ཨནུདསྶེཏི – ཨཡཾ དྷམྨོ, ཨཡཾ ཝིནཡོ, ཨིདཾ ¶ སཏྠུསཱསནཾ, ཨིམཾ གཎྷཱཧི, ཨིམཾ རོཙེཧཱིཏི. ཨེཝཉྩེཏཾ ཨདྷིཀརཎཾ ཝཱུཔསམྨཏི, ཨདྷམྨེན ¶ ཝཱུཔསམྨཏི སམྨུཁཱཝིནཡཔཏིརཱུཔཀེན.

ཀཎྷཔཀྑནཝཀཾ ནིཊྛིཏཾ.

སུཀྐཔཀྑནཝཀཾ

༡༨༨. ‘‘དྷམྨཝཱདཱི པུགྒལོ ཨདྷམྨཝཱདིཾ པུགྒལཾ སཉྙཱཔེཏི ནིཛ྄ཛྷཱཔེཏི པེཀྑེཏི ཨནུཔེཀྑེཏི དསྶེཏི ཨནུདསྶེཏི – ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཱཧི, ཨིམཾ རོཙེཧཱིཏི. ཨེཝཉྩེཏཾ ཨདྷིཀརཎཾ ཝཱུཔསམྨཏི, དྷམྨེན ཝཱུཔསམྨཏི སམྨུཁཱཝིནཡེན.

‘‘དྷམྨཝཱདཱི པུགྒལོ ཨདྷམྨཝཱདཱི སམྦཧུལེ སཉྙཱཔེཏི ནིཛ྄ཛྷཱཔེཏི པེཀྑེཏི ཨནུཔེཀྑེཏི དསྶེཏི ཨནུདསྶེཏི – ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཐ, ཨིམཾ རོཙེཐཱཏི. ཨེཝཉྩེཏཾ ཨདྷིཀརཎཾ ཝཱུཔསམྨཏི, དྷམྨེན ཝཱུཔསམྨཏི སམྨུཁཱཝིནཡེན.

‘‘དྷམྨཝཱདཱི པུགྒལོ ཨདྷམྨཝཱདིཾ སངྒྷཾ སཉྙཱཔེཏི ནིཛ྄ཛྷཱཔེཏི པེཀྑེཏི ཨནུཔེཀྑེཏི དསྶེཏི ཨནུདསྶེཏི – ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཱཧི, ཨིམཾ རོཙེཧཱིཏི. ཨེཝཉྩེཏཾ ཨདྷིཀརཎཾ ཝཱུཔསམྨཏི, དྷམྨེན ཝཱུཔསམྨཏི སམྨུཁཱཝིནཡེན.

‘‘དྷམྨཝཱདཱི སམྦཧུལཱ ཨདྷམྨཝཱདིཾ པུགྒལཾ སཉྙཱཔེནྟི ནིཛ྄ཛྷཱཔེནྟི པེཀྑེནྟི ཨནུཔེཀྑེནྟི དསྶེནྟི ཨནུདསྶེནྟི – ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཱཧི ¶ , ཨིམཾ རོཙེཧཱིཏི. ཨེཝཉྩེཏཾ ཨདྷིཀརཎཾ ཝཱུཔསམྨཏི, དྷམྨེན ཝཱུཔསམྨཏི སམྨུཁཱཝིནཡེན.

‘‘དྷམྨཝཱདཱི སམྦཧུལཱ ཨདྷམྨཝཱདཱི སམྦཧུལེ སཉྙཱཔེནྟི ནིཛ྄ཛྷཱཔེནྟི པེཀྑེནྟི ཨནུཔེཀྑེནྟི དསྶེནྟི ¶ ཨནུདསྶེནྟི – ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཐ, ཨིམཾ རོཙེཐཱཏི. ཨེཝཉྩེཏཾ ཨདྷིཀརཎཾ ཝཱུཔསམྨཏི, དྷམྨེན ཝཱུཔསམྨཏི སམྨུཁཱཝིནཡེན.

‘‘དྷམྨཝཱདཱི སམྦཧུལཱ ཨདྷམྨཝཱདིཾ སངྒྷཾ སཉྙཱཔེནྟི ནིཛ྄ཛྷཱཔེནྟི པེཀྑེནྟི ཨནུཔེཀྑེནྟི དསྶེནྟི ཨནུདསྶེནྟི – ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ ¶ , ཨིམཾ གཎྷཱཧི, ཨིམཾ རོཙེཧཱིཏི. ཨེཝཉྩེཏཾ ཨདྷིཀརཎཾ ཝཱུཔསམྨཏི, དྷམྨེན ཝཱུཔསམྨཏི སམྨུཁཱཝིནཡེན.

‘‘དྷམྨཝཱདཱི སངྒྷོ ཨདྷམྨཝཱདིཾ པུགྒལཾ སཉྙཱཔེཏི ནིཛ྄ཛྷཱཔེཏི པེཀྑེཏི ཨནུཔེཀྑེཏི དསྶེཏི ཨནུདསྶེཏི – ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཱཧི, ཨིམཾ རོཙེཧཱིཏི. ཨེཝཉྩེཏཾ ཨདྷིཀརཎཾ ཝཱུཔསམྨཏི, དྷམྨེན ཝཱུཔསམྨཏི སམྨུཁཱཝིནཡེན.

‘‘དྷམྨཝཱདཱི སངྒྷོ ཨདྷམྨཝཱདཱི སམྦཧུལེ སཉྙཱཔེཏི ནིཛ྄ཛྷཱཔེཏི པེཀྑེཏི ཨནུཔེཀྑེཏི དསྶེཏི ཨནུདསྶེཏི – ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཐ, ཨིམཾ རོཙེཐཱཏི. ཨེཝཉྩེཏཾ ཨདྷིཀརཎཾ ཝཱུཔསམྨཏི, དྷམྨེན ཝཱུཔསམྨཏི སམྨུཁཱཝིནཡེན.

‘‘དྷམྨཝཱདཱི སངྒྷོ ཨདྷམྨཝཱདིཾ སངྒྷཾ སཉྙཱཔེཏི ནིཛ྄ཛྷཱཔེཏི པེཀྑེཏི ཨནུཔེཀྑེཏི དསྶེཏི ཨནུདསྶེཏི – ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཱཧི, ཨིམཾ རོཙེཧཱིཏི. ཨེཝཉྩེཏཾ ཨདྷིཀརཎཾ ཝཱུཔསམྨཏི, དྷམྨེན ཝཱུཔསམྨཏི སམྨུཁཱཝིནཡེནཱ’’ཏི.

སུཀྐཔཀྑནཝཀཾ ནིཊྛིཏཾ.

༢. སཏིཝིནཡོ

༡༨༩. [ཨིདཾ ཝཏྠུ པཱརཱ. ༣༨༠ ཨཱདཡོ] ཏེན ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན ཨཱཡསྨཏཱ དབྦེན མལླཔུཏྟེན ཛཱཏིཡཱ སཏྟཝསྶེན ཨརཧཏྟཾ སཙྪིཀཏཾ ཧོཏི ¶ . ཡཾ ཀིཉྩི སཱཝཀེན པཏྟབྦཾ སབྦཾ ཏེན ཨནུཔྤཏྟཾ ཧོཏི. ནཏྠི ཙསྶ ཀིཉྩི ཨུཏྟརི [ཨུཏྟརིཾ (སཱི.)] ཀརཎཱིཡཾ, ཀཏསྶ ཝཱ པཏིཙཡོ. ཨཐ ཁོ ཨཱཡསྨཏོ དབྦསྶ མལླཔུཏྟསྶ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘‘མཡཱ ཁོ ཛཱཏིཡཱ སཏྟཝསྶེན ཨརཧཏྟཾ སཙྪིཀཏཾ. ཡཾ ཀིཉྩི སཱཝཀེན པཏྟབྦཾ སབྦཾ མཡཱ ཨནུཔྤཏྟཾ. ནཏྠི ཙ མེ ཀིཉྩི ཨུཏྟརིཀརཎཱིཡཾ, ཀཏསྶ ཝཱ པཏིཙཡོ. ཀིཾ ནུ ཁོ ཨཧཾ སངྒྷསྶ ཝེཡྻཱཝཙྩཾ ཀརེཡྻ’’ནྟི?

ཨཐ ¶ ཁོ ཨཱཡསྨཏོ དབྦསྶ མལླཔུཏྟསྶ ཨེཏདཧོསི – ‘‘ཡཾནཱུནཱཧཾ སངྒྷསྶ སེནཱསནཉྩ ¶ པཉྙཔེཡྻཾ བྷཏྟཱནི ཙ ཨུདྡིསེཡྻ’’ནྟི. ཨཐ ཁོ ཨཱཡསྨཱ དབྦོ མལླཔུཏྟོ སཱཡནྷསམཡཾ པཊིསལླཱནཱ ཝུཊྛིཏོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ དབྦོ མལླཔུཏྟོ བྷགཝནྟཾ ཨེཏདཝོཙ – ‘‘ཨིདྷ མཡ྄ཧཾ, བྷནྟེ, རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘མཡཱ ཁོ ཛཱཏིཡཱ སཏྟཝསྶེན ཨརཧཏྟཾ སཙྪིཀཏཾ. ཡཾ ཀིཉྩི སཱཝཀེན པཏྟབྦཾ, སབྦཾ མཡཱ ཨནུཔྤཏྟཾ. ནཏྠི ཙ མེ ཀིཉྩི ཨུཏྟརིཀརཎཱིཡཾ, ཀཏསྶ ཝཱ པཏིཙཡོ. ཀིཾ ནུ ཁོ ཨཧཾ སངྒྷསྶ ཝེཡྻཱཝཙྩཾ ཀརེཡྻ’ནྟི ¶ ? ཏསྶ མཡ྄ཧཾ, བྷནྟེ, ཨེཏདཧོསི – ‘ཡཾནཱུནཱཧཾ སངྒྷསྶ སེནཱསནཉྩ པཉྙཔེཡྻཾ བྷཏྟཱནི ཙ ཨུདྡིསེཡྻ’ནྟི. ཨིཙྪཱམཧཾ, བྷནྟེ, སངྒྷསྶ སེནཱསནཉྩ པཉྙཱཔེཏུཾ བྷཏྟཱནི ཙ ཨུདྡིསིཏུ’’ནྟི. ‘‘སཱདྷུ སཱདྷུ, དབྦ. ཏེན ཧི ཏྭཾ, དབྦ, སངྒྷསྶ སེནཱསནཉྩ པཉྙཔེཧི བྷཏྟཱནི ཙ ཨུདྡིསཱཧཱི’’ཏི [ཨུདྡིསཱཏི (པཱརཱ. ༣༨༠)]. ‘‘ཨེཝཾ, བྷནྟེ’’ཏི ཁོ ཨཱཡསྨཱ དབྦོ མལླཔུཏྟོ བྷགཝཏོ པཙྩསྶོསི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, སངྒྷོ དབྦཾ མལླཔུཏྟཾ སེནཱསནཔཉྙཱཔཀཉྩ བྷཏྟུདྡེསཀཉྩ སམྨནྣཏུ. ཨེཝཉྩ པན, བྷིཀྑཝེ, སམྨནྣིཏབྦོ. པཋམཾ དབྦོ མལླཔུཏྟོ ཡཱཙིཏབྦོ [དབྦོ ཡཱཙིཏབྦོ (སྱཱ. ཀ.)]. ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༩༠. ‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨཱཡསྨནྟཾ དབྦཾ མལླཔུཏྟཾ སེནཱསནཔཉྙཱཔཀཉྩ བྷཏྟུདྡེསཀཉྩ སམྨནྣེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨཱཡསྨནྟཾ དབྦཾ མལླཔུཏྟཾ སེནཱསནཔཉྙཱཔཀཉྩ བྷཏྟུདྡེསཀཉྩ སམྨནྣཏི. ཡསྶཱཡསྨཏོ ཁམཏི ཨཱཡསྨཏོ དབྦསྶ མལླཔུཏྟསྶ སེནཱསནཔཉྙཱཔཀསྶ ཙ བྷཏྟུདྡེསཀསྶ ཙ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ ¶ སངྒྷེན ཨཱཡསྨཱ དབྦོ མལླཔུཏྟོ སེནཱསནཔཉྙཱཔཀོ ཙ བྷཏྟུདྡེསཀོ ཙ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི ¶ .

༡༩༡. སམྨཏོ ¶ ཙ པནཱཡསྨཱ དབྦོ མལླཔུཏྟོ སབྷཱགཱནཾ བྷིཀྑཱུནཾ ཨེཀཛ྄ཛྷཾ སེནཱསནཾ པཉྙཔེཏི. ཡེ ཏེ བྷིཀྑཱུ སུཏྟནྟིཀཱ ཏེསཾ ཨེཀཛ྄ཛྷཾ སེནཱསནཾ པཉྙཔེཏི – ཏེ ཨཉྙམཉྙཾ སུཏྟནྟཾ སངྒཱཡིསྶནྟཱིཏི. ཡེ ཏེ བྷིཀྑཱུ ཝིནཡདྷརཱ ཏེསཾ ཨེཀཛ྄ཛྷཾ སེནཱསནཾ པཉྙཔེཏི – ཏེ ཨཉྙམཉྙཾ ཝིནཡཾ ཝིནིཙྪིནིསྶནྟཱིཏི. ཡེ ཏེ བྷིཀྑཱུ དྷམྨཀཐིཀཱ ཏེསཾ ཨེཀཛ྄ཛྷཾ སེནཱསནཾ པཉྙཔེཏི – ཏེ ཨཉྙམཉྙཾ དྷམྨཾ སཱཀཙྪིསྶནྟཱིཏི. ཡེ ཏེ བྷིཀྑཱུ ཛྷཱཡིནོ ཏེསཾ ཨེཀཛ྄ཛྷཾ སེནཱསནཾ པཉྙཔེཏི – ཏེ ཨཉྙམཉྙཾ ན བྱཱབཱདྷིསྶནྟཱིཏི ¶ . ཡེ ཏེ བྷིཀྑཱུ ཏིརཙྪཱནཀཐིཀཱ ཀཱཡདལ༹ྷིབཧུལཱ [ཀཱཡདཌྜྷིབཧུལཱ (སཱི.)] ཝིཧརནྟི ཏེསམྤི ཨེཀཛ྄ཛྷཾ སེནཱསནཾ པཉྙཔེཏི – ཨིམཱཡཔིམེ ཨཱཡསྨནྟོ རཏིཡཱ ཨཙྪིསྶནྟཱིཏི. ཡེཔི ཏེ བྷིཀྑཱུ ཝིཀཱལེ ཨཱགཙྪནྟི ཏེསམྤི ཏེཛོདྷཱཏུཾ སམཱཔཛྫིཏྭཱ ཏེནེཝ ཨཱལོཀེན སེནཱསནཾ པཉྙཔེཏི; ཨཔིསུ བྷིཀྑཱུ སཉྩིཙྩ ཝིཀཱལེ ཨཱགཙྪནྟི – མཡཾ ཨཱཡསྨཏོ དབྦསྶ མལླཔུཏྟསྶ ཨིདྡྷིཔཱཊིཧཱརིཡཾ པསྶིསྶཱམཱཏི.

ཏེ ཨཱཡསྨནྟཾ དབྦཾ མལླཔུཏྟཾ ཨུཔསངྐམིཏྭཱ ཨེཝཾ ཝདནྟི – ‘‘ཨམྷཱཀཾ, ཨཱཝུསོ དབྦ, སེནཱསནཾ པཉྙཔེཧཱི’’ཏི. ཏེ ཨཱཡསྨཱ དབྦོ མལླཔུཏྟོ ཨེཝཾ ཝདེཏི – ‘‘ཀཏྠ ཨཱཡསྨནྟཱ ཨིཙྪནྟི ཀཏྠ པཉྙཔེམཱི’’ཏི? ཏེ སཉྩིཙྩ དཱུརེ ཨཔདིསནྟི – ‘‘ཨམྷཱཀཾ, ཨཱཝུསོ དབྦ, གིཛ྄ཛྷཀཱུཊེ པབྦཏེ སེནཱསནཾ ¶ པཉྙཔེཧི. ཨམྷཱཀཾ, ཨཱཝུསོ, ཙོརཔཔཱཏེ སེནཱསནཾ པཉྙཔེཧི. ཨམྷཱཀཾ, ཨཱཝུསོ, ཨིསིགིལིཔསྶེ ཀཱལ༹སིལཱཡཾ སེནཱསནཾ པཉྙཔེཧི. ཨམྷཱཀཾ, ཨཱཝུསོ, ཝེབྷཱརཔསྶེ སཏྟཔཎྞིགུཧཱཡཾ སེནཱསནཾ པཉྙཔེཧི. ཨམྷཱཀཾ, ཨཱཝུསོ, སཱིཏཝནེ སཔྤསོཎྜིཀཔབྦྷཱརེ སེནཱསནཾ པཉྙཔེཧི. ཨམྷཱཀཾ, ཨཱཝུསོ, གོཏམཀཀནྡརཱཡཾ [གོམཊཀནྡརཱཡཾ (སྱཱ. ཀཾ.)] སེནཱསནཾ པཉྙཔེཧི. ཨམྷཱཀཾ, ཨཱཝུསོ, ཏིནྡུཀཀནྡརཱཡཾ སེནཱསནཾ པཉྙཔེཧི. ཨམྷཱཀཾ, ཨཱཝུསོ, ཏཔོདཀནྡརཱཡཾ [ཀཔོཏཀནྡརཱཡཾ (ཀ.)] སེནཱསནཾ པཉྙཔེཧི. ཨམྷཱཀཾ, ཨཱཝུསོ, ཏཔོདཱརཱམེ སེནཱསནཾ པཉྙཔེཧི. ཨམྷཱཀཾ, ཨཱཝུསོ, ཛཱིཝཀམྦཝནེ སེནཱསནཾ པཉྙཔེཧི. ཨམྷཱཀཾ, ཨཱཝུསོ, མདྡཀུཙྪིམྷི མིགདཱཡེ སེནཱསནཾ པཉྙཔེཧཱི’’ཏི.

ཏེསཾ ¶ ཨཱཡསྨཱ དབྦོ མལླཔུཏྟོ ཏེཛོདྷཱཏུཾ སམཱཔཛྫིཏྭཱ ཨངྒུལིཡཱ ཛལམཱནཱཡ པུརཏོ པུརཏོ གཙྪཏི. ཏེཔི ཏེནེཝ ཨཱལོཀེན ཨཱཡསྨཏོ དབྦསྶ མལླཔུཏྟསྶ པིཊྛིཏོ པིཊྛིཏོ གཙྪནྟི. ཏེསཾ ཨཱཡསྨཱ དབྦོ མལླཔུཏྟོ ཨེཝཾ སེནཱསནཾ པཉྙཔེཏི – ཨཡཾ མཉྩོ, ཨིདཾ པཱིཋཾ ¶ , ཨཡཾ བྷིསི, ཨིདཾ བིབྦོཧནཾ [བིམྦོཧནཾ (སཱི. སྱཱ. ཀཾ.)], ཨིདཾ ཝཙྩཊྛཱནཾ, ཨིདཾ པསྶཱཝཊྛཱནཾ, ཨིདཾ པཱནཱིཡཾ, ཨིདཾ པརིབྷོཛནཱིཡཾ, ཨཡཾ ཀཏྟརདཎྜོ, ཨིདཾ སངྒྷསྶ ཀཏིཀསཎྛཱནཾ, ཨིམཾ ཀཱལཾ པཝིསིཏབྦཾ ¶ , ཨིམཾ ཀཱལཾ ནིཀྑམིཏབྦནྟི. ཏེསཾ ཨཱཡསྨཱ དབྦོ མལླཔུཏྟོ ཨེཝཾ སེནཱསནཾ པཉྙཔེཏྭཱ པུནདེཝ ཝེལུ༹ཝནཾ པཙྩཱགཙྪཏི.

༡༩༢. ཏེན ཁོ པན སམཡེན མེཏྟིཡབྷཱུམཛཀཱ [མེཏྟིཡབྷུམྨཛཀཱ (སཱི. སྱཱ. ཀཾ.)] བྷིཀྑཱུ ནཝཀཱ ཙེཝ ཧོནྟི ཨཔྤཔུཉྙཱ ཙ. ཡཱནི སངྒྷསྶ ལཱམཀཱནི སེནཱསནཱནི ཏཱནི ཏེསཾ པཱཔུཎནྟི ལཱམཀཱནི ཙ བྷཏྟཱནི. ཏེན ཁོ པན སམཡེན རཱཛགཧེ མནུསྶཱ ཨིཙྪནྟི ¶ ཐེརཱནཾ བྷིཀྑཱུནཾ ཨབྷིསངྑཱརིཀཾ པིཎྜཔཱཏཾ དཱཏུཾ – སཔྤིམྤི, ཏེལམྤི, ཨུཏྟརིབྷངྒམྤི. མེཏྟིཡབྷཱུམཛཀཱནཾ པན བྷིཀྑཱུནཾ པཱཀཏིཀཾ དེནྟི – ཡཐཱརནྡྷཾ [ཡཐཱརདྡྷཾ (སྱཱ.)] ཀཎཱཛཀཾ བིལངྒདུཏིཡཾ. ཏེ པཙྪཱབྷཏྟཾ པིཎྜཔཱཏཔྤཊིཀྐནྟཱ ཐེརེ བྷིཀྑཱུ པུཙྪནྟི – ‘‘ཏུམྷཱཀཾ, ཨཱཝུསོ, བྷཏྟགྒེ ཀིཾ ཨཧོསི, ཏུམྷཱཀཾ ཀིཾ ཨཧོསཱི’’ཏི [ཀིཾ ནཱཧོསི (སྱཱ. ཀཾ.)]? ཨེཀཙྩེ ཐེརཱ ཨེཝཾ ཝདནྟི – ‘‘ཨམྷཱཀཾ, ཨཱཝུསོ, སཔྤི ཨཧོསི, ཏེལཾ ཨཧོསི, ཨུཏྟརིབྷངྒཾ ཨཧོསཱི’’ཏི. མེཏྟིཡབྷཱུམཛཀཱ པན བྷིཀྑཱུ ཨེཝཾ ཝདནྟི – ‘‘ཨམྷཱཀཾ, ཨཱཝུསོ, ན ཀིཉྩི ཨཧོསི – པཱཀཏིཀཾ ཡཐཱརནྡྷཾ ཀཎཱཛཀཾ བིལངྒདུཏིཡ’’ནྟི.

ཏེན ཁོ པན སམཡེན ཀལྱཱཎབྷཏྟིཀོ གཧཔཏི སངྒྷསྶ ཙཏུཀྐབྷཏྟཾ དེཏི ནིཙྩབྷཏྟཾ. སོ བྷཏྟགྒེ སཔུཏྟདཱརོ ཨུཔཏིཊྛིཏྭཱ པརིཝིསཏི – ཨཉྙེ ཨོདནེན པུཙྪནྟི, ཨཉྙེ སཱུཔེན པུཙྪནྟི, ཨཉྙེ ཏེལེན པུཙྪནྟི, ཨཉྙེ ཨུཏྟརིབྷངྒེན པུཙྪནྟི. ཏེན ཁོ པན སམཡེན ཀལྱཱཎབྷཏྟིཀསྶ གཧཔཏིནོ བྷཏྟཾ སྭཱཏནཱཡ མེཏྟིཡབྷཱུམཛཀཱནཾ བྷིཀྑཱུནཾ ཨུདྡིཊྛཾ ཧོཏི. ཨཐ ¶ ཁོ ཀལྱཱཎབྷཏྟིཀོ གཧཔཏི ཨཱརཱམཾ ཨགམཱསི ཀེནཙིདེཝ ཀརཎཱིཡེན. སོ ཡེནཱཡསྨཱ དབྦོ མལླཔུཏྟོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ དབྦཾ མལླཔུཏྟཾ ཨབྷིཝཱདེཏྭཱ ཨེཀམནྟཾ ¶ ནིསཱིདི. ཨེཀམནྟཾ ནིསིནྣཾ ཁོ ཀལྱཱཎབྷཏྟིཀཾ གཧཔཏིཾ ཨཱཡསྨཱ དབྦོ མལླཔུཏྟོ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ ཀལྱཱཎབྷཏྟིཀོ གཧཔཏི ཨཱཡསྨཏཱ དབྦེན མལླཔུཏྟེན དྷམྨིཡཱ ཀཐཱཡ སནྡསྶིཏོ སམཱདཔིཏོ སམུཏྟེཛིཏོ སམྤཧཾསིཏོ ཨཱཡསྨནྟཾ དབྦཾ མལླཔུཏྟཾ ཨེཏདཝོཙ – ‘‘ཀསྶ, བྷནྟེ, ཨམྷཱཀཾ གྷརེ སྭཱཏནཱཡ བྷཏྟཾ ཨུདྡིཊྛ’’ནྟི? ‘‘མེཏྟིཡབྷཱུམཛཀཱནཾ ཁོ, གཧཔཏི, བྷིཀྑཱུནཾ ཏུམྷཱཀཾ གྷརེ སྭཱཏནཱཡ བྷཏྟཾ ཨུདྡིཊྛ’’ནྟི. ཨཐ ཁོ ཀལྱཱཎབྷཏྟིཀོ གཧཔཏི ཨནཏྟམནོ ཨཧོསི. ཀཐཉྷི ནཱམ པཱཔབྷིཀྑཱུ ཨམྷཱཀཾ གྷརེ བྷུཉྫིསྶནྟཱིཏི གྷརཾ གནྟྭཱ དཱསིཾ ཨཱཎཱཔེསི – ‘‘ཡེ, ཛེ, སྭེ བྷཏྟིཀཱ ཨཱགཙྪནྟི ཏེ ཀོཊྛཀེ ཨཱསནཾ པཉྙཔེཏྭཱ ཀཎཱཛཀེན བིལངྒདུཏིཡེན ¶ པརིཝིསཱ’’ཏི. ‘‘ཨེཝཾ ཨཡྻཱ’’ཏི ཁོ སཱ དཱསཱི ཀལྱཱཎབྷཏྟིཀསྶ གཧཔཏིནོ པཙྩསྶོསི.

ཨཐ ཁོ མེཏྟིཡབྷཱུམཛཀཱ བྷིཀྑཱུ – ཧིཡྻོ ཁོ, ཨཱཝུསོ, ཨམྷཱཀཾ ཀལྱཱཎབྷཏྟིཀསྶ གཧཔཏིནོ བྷཏྟཾ ཨུདྡིཊྛཾ; སྭེ ཨམྷེ ཀལྱཱཎབྷཏྟིཀོ གཧཔཏི སཔུཏྟདཱརོ ཨུཔཏིཊྛིཏྭཱ པརིཝིསིསྶཏི; ཨཉྙེ ཨོདནེན པུཙྪིསྶནྟི, ཨཉྙེ སཱུཔེན པུཙྪིསྶནྟི, ཨཉྙེ ¶ ཏེལེན པུཙྪིསྶནྟི, ཨཉྙེ ཨུཏྟརིབྷངྒེན པུཙྪིསྶནྟཱིཏི. ཏེ ཏེནེཝ སོམནསྶེན ¶ ན ཙིཏྟརཱུཔཾ རཏྟིཡཱ སུཔིཾསུ. ཨཐ ཁོ མེཏྟིཡབྷཱུམཛཀཱ བྷིཀྑཱུ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན ཀལྱཱཎབྷཏྟིཀསྶ གཧཔཏིནོ ནིཝེསནཾ ཏེནུཔསངྐམིཾསུ. ཨདྡསཱ ཁོ སཱ དཱསཱི མེཏྟིཡབྷཱུམཛཀེ བྷིཀྑཱུ དཱུརཏོཝ ཨཱགཙྪནྟེ; དིསྭཱན ཀོཊྛཀེ ཨཱསནཾ པཉྙཱཔེཏྭཱ མེཏྟིཡབྷཱུམཛཀེ བྷིཀྑཱུ ཨེཏདཝོཙ – ‘‘ནིསཱིདཐ, བྷནྟེ’’ཏི. ཨཐ ཁོ མེཏྟིཡབྷཱུམཛཀཱནཾ བྷིཀྑཱུནཾ ཨེཏདཧོསི – ‘‘ནིསྶཾསཡཾ ཁོ ན ཏཱཝ བྷཏྟཾ སིདྡྷཾ བྷཝིསྶཏི ཡཐཱ མཡཾ ཀོཊྛཀེ ནིསཱིདཱཔིཡཱམཱ’’ཏི [ནིསཱིདཱཔེཡྻཱམཱཏི (ཀ.)]. ཨཐ ཁོ སཱ དཱསཱི ཀཎཱཛཀེན [ཀཱཎཱཛཀེན (སྱཱ. ཀཾ.)] བིལངྒདུཏིཡེན ཨུཔགཉྪི – བྷུཉྫཐ, བྷནྟེཏི. ‘‘མཡཾ ཁོ, བྷགིནི, ནིཙྩབྷཏྟིཀཱ’’ཏི. ‘‘ཛཱནཱམི ཨཡྻཱ ནིཙྩབྷཏྟིཀཱཏི. ཨཔི ཙཱཧཾ ཧིཡྻོཝ གཧཔཏིནཱ ཨཱཎཏྟཱ – ‘ཡེ, ཛེ, སྭེ བྷཏྟིཀཱ ཨཱགཙྪནྟི, ཏེ ཀོཊྛཀེ ཨཱསནཾ པཉྙཱཔེཏྭཱ ཀཎཱཛཀེན བིལངྒདུཏིཡེན པརིཝིསཱ’ཏི. བྷུཉྫཐ, བྷནྟེ’’ཏི. ཨཐ ཁོ མེཏྟིཡབྷཱུམཛཀཱ བྷིཀྑཱུ – ཧིཡྻོ ཁོ, ཨཱཝུསོ, ཀལྱཱཎབྷཏྟིཀོ གཧཔཏི ཨཱརཱམཾ ཨགམཱསི དབྦསྶ མལླཔུཏྟསྶ ¶ སནྟིཀེ. ནིསྶཾསཡཾ ཁོ མཡཾ དབྦེན མལླཔུཏྟེན གཧཔཏིནོ ཨནྟརེ པརིབྷིནྣཱཏི [སནྟིཀེ པརིབྷིནྣཱཏི (སྱཱ. ཀཾ.)]. ཏེ ཏེནེཝ དོམནསྶེན ན ཙིཏྟརཱུཔཾ བྷུཉྫིཾསུ. ཨཐ ཁོ མེཏྟིཡབྷཱུམཛཀཱ བྷིཀྑཱུ པཙྪཱབྷཏྟཾ པིཎྜཔཱཏཔྤཊིཀྐནྟཱ ཨཱརཱམཾ གནྟྭཱ པཏྟཙཱིཝརཾ པཊིསཱམེཏྭཱ བཧཱརཱམཀོཊྛཀེ སངྒྷཱཊིཔལླཏྠིཀཱཡ ནིསཱིདིཾསུ ཏུཎྷཱིབྷཱུཏཱ མངྐུབྷཱུཏཱ པཏྟཀྑནྡྷཱ ཨདྷོམུཁཱ པཛ྄ཛྷཱཡནྟཱ ¶ ཨཔྤཊིབྷཱནཱ.

ཨཐ ཁོ མེཏྟིཡཱ བྷིཀྑུནཱི ཡེན མེཏྟིཡབྷཱུམཛཀཱ བྷིཀྑཱུ ཏེནུཔསངྐམི, ཨུཔསངྐམིཏྭཱ མེཏྟིཡབྷཱུམཛཀེ བྷིཀྑཱུ ཨེཏདཝོཙ – ‘‘ཝནྡཱམི ཨཡྻཱ’’ཏི. ཨེཝཾ ཝུཏྟེ མེཏྟིཡབྷཱུམཛཀཱ བྷིཀྑཱུ ནཱལཔིཾསུ. དུཏིཡམྤི ཁོ…པེ… ཏཏིཡམྤི ཁོ མེཏྟིཡཱ བྷིཀྑུནཱི མེཏྟིཡབྷཱུམཛཀེ བྷིཀྑཱུ ཨེཏདཝོཙ – ‘‘ཝནྡཱམི ཨཡྻཱ’’ཏི. ཏཏིཡམྤི ཁོ མེཏྟིཡབྷཱུམཛཀཱ བྷིཀྑཱུ ནཱལཔིཾསུ. ‘‘ཀྱཱཧཾ ཨཡྻཱནཾ ཨཔརཛ྄ཛྷཱམི? ཀིསྶ མཾ ཨཡྻཱ ནཱལཔནྟཱི’’ཏི? ‘‘ཏཐཱ ཧི པན ཏྭཾ, བྷགིནི, ཨམྷེ དབྦེན མལླཔུཏྟེན ཝིཧེཋིཡམཱནེ ཨཛ྄ཛྷུཔེཀྑསཱི’’ཏི? ‘‘ཀྱཱཧཾ, ཨཡྻཱ, ཀརོམཱི’’ཏི? ‘‘སཙེ ཁོ ཏྭཾ, བྷགིནི, ཨིཙྪེཡྻཱསི, ཨཛྫེཝ བྷགཝཱ ཨཱཡསྨནྟཾ དབྦཾ ¶ མལླཔུཏྟཾ ནཱསཱཔེཡྻཱ’’ཏི. ‘‘ཀྱཱཧཾ, ཨཡྻཱ, ཀརོམི? ཀིཾ མཡཱ སཀྐཱ ཀཱཏུ’’ནྟི? ‘‘ཨེཧི ཏྭཾ, བྷགིནི, ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨེཝཾ ཝདེཧི – ‘ཨིདཾ ¶ , བྷནྟེ, ནཙྪནྣཾ ནཔྤཏིརཱུཔཾ, ཡཱཡཾ, བྷནྟེ, དིསཱ ཨབྷཡཱ ཨནཱིཏིཀཱ ཨནུཔདྡཝཱ སཱཡཾ དིསཱ སབྷཡཱ སཨཱིཏིཀཱ སཨུཔདྡཝཱ; ཡཏོ ནིཝཱཏཾ ཏཏོ སཝཱཏཾ [ཏཏོ པཝཱཏཾ (སཱི. སྱཱ. ཀཾ.)]; ཨུདཀཾ མཉྙེ ཨཱདིཏྟཾ; ཨཡྻེནམྷི དབྦེན མལླཔུཏྟེན དཱུསིཏཱ’’’ཏི. ‘‘ཨེཝཾ ཨཡྻཱ’’ཏི ཁོ མེཏྟིཡཱ བྷིཀྑུནཱི མེཏྟིཡབྷཱུམཛཀཱནཾ བྷིཀྑཱུནཾ པཊིསྶུཏྭཱ [པཊིསྶུཎིཏྭཱ (སྱཱ. ཀཾ.)] ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏཱ ཁོ མེཏྟིཡཱ [སཱ མེཏྟིཡཱ (སྱཱ. ཀ.)] བྷིཀྑུནཱི བྷགཝནྟཾ ཨེཏདཝོཙ ¶ – ‘‘ཨིདཾ, བྷནྟེ, ནཙྪནྣཾ ནཔྤཏིརཱུཔཾ, ཡཱཡཾ, བྷནྟེ, དིསཱ ཨབྷཡཱ ཨནཱིཏིཀཱ ཨནུཔདྡཝཱ སཱཡཾ དིསཱ སབྷཡཱ སཨཱིཏིཀཱ སཨུཔདྡཝཱ; ཡཏོ ནིཝཱཏཾ ཏཏོ སཝཱཏཾ; ཨུདཀཾ མཉྙེ ཨཱདིཏྟཾ; ཨཡྻེནམྷི དབྦེན མལླཔུཏྟེན དཱུསིཏཱ’’ཏི.

༡༩༣. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཨཱཡསྨནྟཾ དབྦཾ མལླཔུཏྟཾ པཊིཔུཙྪི – ‘‘སརསི ཏྭཾ, དབྦ, ཨེཝརཱུཔཾ ཀཏྟཱ ¶ ཡཐཱཡཾ བྷིཀྑུནཱི ཨཱཧཱ’’ཏི? ‘‘ཡཐཱ མཾ, བྷནྟེ, བྷགཝཱ ཛཱནཱཏཱི’’ཏི. དུཏིཡམྤི ཁོ བྷགཝཱ ཨཱཡསྨནྟཾ དབྦཾ མལླཔུཏྟཾ ཨེཏདཝོཙ – ‘‘སརསི ཏྭཾ, དབྦ, ཨེཝརཱུཔཾ ཀཏྟཱ ཡཐཱཡཾ བྷིཀྑུནཱི ཨཱཧཱ’’ཏི? ‘‘ཡཐཱ མཾ, བྷནྟེ, བྷགཝཱ ཛཱནཱཏཱི’’ཏི. ཏཏིཡམྤི ཁོ བྷགཝཱ ཨཱཡསྨནྟཾ དབྦཾ མལླཔུཏྟཾ ཨེཏདཝོཙ – ‘‘སརསི ཏྭཾ, དབྦ, ཨེཝརཱུཔཾ ཀཏྟཱ ཡཐཱཡཾ བྷིཀྑུནཱི ཨཱཧཱ’’ཏི? ‘‘ཡཐཱ མཾ, བྷནྟེ, བྷགཝཱ ཛཱནཱཏཱི’’ཏི. ‘‘ན ཁོ, དབྦ, དབྦཱ ཨེཝཾ ནིབྦེཋེནྟི. སཙེ ཏཡཱ ཀཏཾ ཀཏནྟི ཝདེཧི. སཙེ ཨཀཏཾ ཨཀཏནྟི ཝདེཧཱི’’ཏི. ‘‘ཡཏོཧཾ, བྷནྟེ, ཛཱཏོ ནཱབྷིཛཱནཱམི སུཔིནནྟེནཔི མེཐུནཾ དྷམྨཾ པཊིསེཝིཏཱ, པགེཝ ཛཱགརོ’’ཏི. ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, མེཏྟིཡཾ བྷིཀྑུནིཾ ནཱསེཐ. ཨིམེ ཙ བྷིཀྑཱུ ཨནུཡུཉྫཐཱ’’ཏི. ཨིདཾ ཝཏྭཱ བྷགཝཱ ཨུཊྛཱཡཱསནཱ ཝིཧཱརཾ པཱཝིསི.

ཨཐ ཁོ ཏེ བྷིཀྑཱུ མེཏྟིཡཾ བྷིཀྑུནིཾ ནཱསེསུཾ. ཨཐ ཁོ མེཏྟིཡབྷཱུམཛཀཱ བྷིཀྑཱུ ཏེ བྷིཀྑཱུ ཨེཏདཝོཙུཾ – ‘‘མཱཝུསོ, མེཏྟིཡཾ བྷིཀྑུནིཾ ནཱསེཐ, ན སཱ ཀིཉྩི ཨཔརཛ྄ཛྷཏི; ཨམྷེཧི སཱ ཨུསྶཱཧིཏཱ ཀུཔིཏེཧི ཨནཏྟམནེཧི ཙཱཝནཱདྷིཔྤཱཡེཧཱི’’ཏི. ‘‘ཀིཾ པན ཏུམྷེ, ཨཱཝུསོ, ཨཱཡསྨནྟཾ དབྦཾ ¶ མལླཔུཏྟཾ ཨམཱུལིཀཱཡ སཱིལཝིཔཏྟིཡཱ ཨནུདྡྷཾསེཐཱ’’ཏི? ‘‘ཨེཝམཱཝུསོ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ མེཏྟིཡབྷཱུམཛཀཱ བྷིཀྑཱུ ཨཱཡསྨནྟཾ དབྦཾ མལླཔུཏྟཾ ཨམཱུལིཀཱཡ སཱིལཝིཔཏྟིཡཱ ཨནུདྡྷཾསེསྶནྟཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ ¶ …པེ… ‘‘སཙྩཾ ཀིར, བྷིཀྑཝེ, མེཏྟིཡབྷཱུམཛཀཱ བྷིཀྑཱུ དབྦཾ མལླཔུཏྟཾ ཨམཱུལིཀཱཡ སཱིལཝིཔཏྟིཡཱ ཨནུདྡྷཾསེནྟཱི’’ཏི? ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

‘‘ཏེན ཧི, བྷིཀྑཝེ, སངྒྷོ དབྦསྶ མལླཔུཏྟསྶ སཏིཝེཔུལླཔྤཏྟསྶ སཏིཝིནཡཾ དེཏུ. ཨེཝཉྩ ¶ པན, བྷིཀྑཝེ, དཱཏབྦོ – ‘‘ཏེན, བྷིཀྑཝེ, དབྦེན མལླཔུཏྟེན སངྒྷཾ ཨུཔསངྐམིཏྭཱ, ཨེཀཾསཾ ཨུཏྟརཱསངྒཾ ཀརིཏྭཱ, ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ, ཨུཀྐུཊིཀཾ ནིསཱིདིཏྭཱ, ཨཉྫལིཾ པགྒཧེཏྭཱ, ཨེཝམསྶ ཝཙནཱིཡོ – ‘ཨིམེ མཾ, བྷནྟེ, མེཏྟིཡབྷཱུམཛཀཱ བྷིཀྑཱུ ཨམཱུལིཀཱཡ སཱིལཝིཔཏྟིཡཱ ཨནུདྡྷཾསེནྟི. སོཧཾ, བྷནྟེ, སཏིཝེཔུལླཔྤཏྟོ སངྒྷཾ སཏིཝིནཡཾ ཡཱཙཱམཱི’ཏི. དུཏིཡམྤི ཡཱཙིཏབྦོ. ཏཏིཡམྤི ཡཱཙིཏབྦོ – ‘ཨིམེ མཾ, བྷནྟེ མེཏྟིཡབྷཱུམཛཀཱ བྷིཀྑཱུ ཨམཱུལིཀཱཡ སཱིལཝིཔཏྟིཡཱ ཨནུདྡྷཾསེནྟི. སོཧཾ ¶ [སོཧཾ བྷནྟེ (ཀ.)] སཏིཝེཔུལླཔྤཏྟོ ཏཏིཡམྤི, བྷནྟེ, སངྒྷཾ སཏིཝིནཡཾ ཡཱཙཱམཱི’ཏི. ‘‘བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༩༤. སུཎཱཏུ ¶ མེ, བྷནྟེ, སངྒྷོ. ཨིམེ མེཏྟིཡབྷཱུམཛཀཱ བྷིཀྑཱུ ཨཱཡསྨནྟཾ དབྦཾ མལླཔུཏྟཾ ཨམཱུལིཀཱཡ སཱིལཝིཔཏྟིཡཱ ཨནུདྡྷཾསེནྟི. ཨཱཡསྨཱ དབྦོ མལླཔུཏྟོ སཏིཝེཔུལླཔྤཏྟོ སངྒྷཾ སཏིཝིནཡཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨཱཡསྨཏོ དབྦསྶ མལླཔུཏྟསྶ སཏིཝེཔུལླཔྤཏྟསྶ སཏིཝིནཡཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨིམེ མེཏྟིཡབྷཱུམཛཀཱ བྷིཀྑཱུ ཨཱཡསྨནྟཾ དབྦཾ མལླཔུཏྟཾ ཨམཱུལིཀཱཡ སཱིལཝིཔཏྟིཡཱ ཨནུདྡྷཾསེནྟི. ཨཱཡསྨཱ དབྦོ མལླཔུཏྟོ སཏིཝེཔུལླཔྤཏྟོ སངྒྷཾ སཏིཝིནཡཾ ཡཱཙཏི. སངྒྷོ ཨཱཡསྨཏོ དབྦསྶ མལླཔུཏྟསྶ སཏིཝེཔུལླཔྤཏྟསྶ སཏིཝིནཡཾ དེཏི. ཡསྶཱཡསྨཏོ ཁམཏི ཨཱཡསྨཏོ དབྦསྶ མལླཔུཏྟསྶ སཏིཝེཔུལླཔྤཏྟསྶ སཏིཝིནཡསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨིམེ མེཏྟིཡབྷཱུམཛཀཱ བྷིཀྑཱུ ཨཱཡསྨནྟཾ དབྦཾ མལླཔུཏྟཾ ཨམཱུལིཀཱཡ སཱིལཝིཔཏྟིཡཱ ཨནུདྡྷཾསེནྟི. ཨཱཡསྨཱ དབྦོ མལླཔུཏྟོ སཏིཝེཔུལླཔྤཏྟོ སངྒྷཾ སཏིཝིནཡཾ ཡཱཙཏི. སངྒྷོ ཨཱཡསྨཏོ དབྦསྶ མལླཔུཏྟསྶ སཏིཝེཔུལླཔྤཏྟསྶ སཏིཝིནཡཾ དེཏི. ཡསྶཱཡསྨཏོ ཁམཏི ཨཱཡསྨཏོ ¶ དབྦསྶ མལླཔུཏྟསྶ སཏིཝེཔུལླཔྤཏྟསྶ སཏིཝིནཡསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དིནྣོ སངྒྷེན ཨཱཡསྨཏོ དབྦསྶ མལླཔུཏྟསྶ སཏིཝེཔུལླཔྤཏྟསྶ ¶ སཏིཝིནཡོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༡༩༥. ‘‘པཉྩིམཱནི, བྷིཀྑཝེ, དྷམྨིཀཱནི སཏིཝིནཡསྶ དཱནཱནི. སུདྡྷོ ཧོཏི བྷིཀྑུ ཨནཱཔཏྟིཀོ, ཨནུཝདནྟི ཙ ནཾ, ཡཱཙཏི ཙ, ཏསྶ སངྒྷོ སཏིཝིནཡཾ དེཏི དྷམྨེན སམགྒེན – ཨིམཱནི ཁོ, བྷིཀྑཝེ, པཉྩ དྷམྨིཀཱནི སཏིཝིནཡསྶ དཱནཱནཱི’’ཏི.

༣. ཨམཱུལ༹ྷཝིནཡོ

༡༩༦. ཏེན ¶ ཁོ པན སམཡེན གགྒོ བྷིཀྑུ ཨུམྨཏྟཀོ ཧོཏི, ཙིཏྟཝིཔརིཡཱསཀཏོ. ཏེན ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ ཧོཏི བྷཱསིཏཔརིཀྐནྟཾ. བྷིཀྑཱུ གགྒཾ བྷིཀྑུཾ ཨུམྨཏྟཀེན ཙིཏྟཝིཔརིཡཱསཀཏེན ཨཛ྄ཛྷཱཙིཎྞེན ཨཱཔཏྟིཡཱ ཙོདེནྟི – ‘‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’’ཏི? སོ ཨེཝཾ ཝདེཏི – ‘‘ཨཧཾ ཁོ, ཨཱཝུསོ ¶ , ཨུམྨཏྟཀོ ཨཧོསིཾ ཙིཏྟཝིཔརིཡཱསཀཏོ. ཏེན མེ ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. ནཱཧཾ ཏཾ སརཱམི. མཱུལ༹ྷེན མེ ཨེཏཾ ཀཏ’’ནྟི. ཨེཝམྤི ནཾ ཝུཙྩམཱནཱ ཙོདེནྟེཝ – ‘‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’’ཏི? ཡེ ཏེ བྷིཀྑཱུ ཨཔྤིཙྪཱ..པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑཱུ གགྒཾ བྷིཀྑུཾ ཨུམྨཏྟཀེན ཙིཏྟཝིཔརིཡཱསཀཏེན ཨཛ྄ཛྷཱཙིཎྞེན ཨཱཔཏྟིཡཱ ཙོདེསྶནྟི – ‘‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི! སོ ཨེཝཾ ཝདེཏི ¶ – ‘ཨཧཾ ཁོ, ཨཱཝུསོ, ཨུམྨཏྟཀོ ཨཧོསིཾ ཙིཏྟཝིཔརིཡཱསཀཏོ. ཏེན མེ ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. ནཱཧཾ ཏཾ སརཱམི. མཱུལ༹ྷེན མེ ཨེཏཾ ཀཏ’ནྟི. ཨེཝམྤི ནཾ ཝུཙྩམཱནཱ ཙོདེནྟེཝ – ‘‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’’ཏི? ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ…པེ… སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

‘‘ཏེན ཧི, བྷིཀྑཝེ, སངྒྷོ གགྒསྶ བྷིཀྑུནོ ཨམཱུལ༹ྷསྶ ཨམཱུལ༹ྷཝིནཡཾ དེཏུ. ཨེཝཉྩ ¶ པན, བྷིཀྑཝེ, དཱཏབྦོ – ‘‘ཏེན, བྷིཀྑཝེ, གགྒེན བྷིཀྑུནཱ སངྒྷཾ ཨུཔསངྐམིཏྭཱ, ཨེཀཾསཾ ཨུཏྟརཱསངྒཾ ཀརིཏྭཱ, ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ, ཨུཀྐུཊིཀཾ ནིསཱིདིཏྭཱ, ཨཉྫལིཾ པགྒཧེཏྭཱ, ཨེཝམསྶ ཝཙནཱིཡོ – ‘ཨཧཾ, བྷནྟེ, ཨུམྨཏྟཀོ ཨཧོསིཾ ཙིཏྟཝིཔརིཡཱསཀཏོ. ཏེན མེ ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. མཾ བྷིཀྑཱུ ཨུམྨཏྟཀེན ཙིཏྟཝིཔརིཡཱསཀཏེན ཨཛ྄ཛྷཱཙིཎྞེན ཨཱཔཏྟིཡཱ ཙོདེནྟི – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི? ཏྱཱཧཾ ཨེཝཾ ཝདཱམི – ‘ཨཧཾ ཁོ, ཨཱཝུསོ, ཨུམྨཏྟཀོ ཨཧོསིཾ ཙིཏྟཝིཔརིཡཱསཀཏོ. ཏེན མེ ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. ནཱཧཾ ཏཾ སརཱམི. མཱུལ༹ྷེན མེ ཨེཏཾ ཀཏ’ནྟི. ཨེཝམྤི མཾ ཝུཙྩམཱནཱ ཙོདེནྟེཝ ¶ – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི? སོཧཾ ¶ , བྷནྟེ, ཨམཱུལ༹ྷོ སངྒྷཾ ཨམཱུལ༹ྷཝིནཡཾ ཡཱཙཱམཱི’ཏི. དུཏིཡམྤི ཡཱཙིཏབྦོ. ཏཏིཡམྤི ཡཱཙིཏབྦོ – ‘ཨཧཾ, བྷནྟེ, ཨུམྨཏྟཀོ ཨཧོསིཾ ཙིཏྟཝིཔརིཡཱསཀཏོ. ཏེན མེ ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. མཾ བྷིཀྑཱུ ཨུམྨཏྟཀེན ཙིཏྟཝིཔརིཡཱསཀཏེན ཨཛ྄ཛྷཱཙིཎྞེན ཨཱཔཏྟིཡཱ ཙོདེནྟི – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི? ཏྱཱཧཾ ཨེཝཾ ཝདཱམི – ‘ཨཧཾ ཁོ, ཨཱཝུསོ, ཨུམྨཏྟཀོ ཨཧོསིཾ ཙིཏྟཝིཔརིཡཱསཀཏོ. ཏེན མེ ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. ནཱཧཾ ཏཾ སརཱམི མཱུལ༹ྷེན མེ ཨེཏཾ ཀཏ’ནྟི. ཨེཝམྤི མཾ ཝུཙྩམཱནཱ ཙོདེནྟེཝ – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི? སོཧཾ ཨམཱུལ༹ྷོ [སོཧཾ བྷནྟེ ཨམཱུལ༹ྷོ (ཀ.)] ཏཏིཡམྤི, བྷནྟེ, སངྒྷཾ ཨམཱུལ༹ྷཝིནཡཾ ཡཱཙཱམཱི’ཏི. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༡༩༧. ‘‘སུཎཱཏུ མེ, བྷནྟེ, སངྒྷོ. ཨཡཾ གགྒོ བྷིཀྑུ ཨུམྨཏྟཀོ ཨཧོསི ཙིཏྟཝིཔརིཡཱསཀཏོ. ཏེན ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. བྷིཀྑཱུ གགྒཾ བྷིཀྑུཾ ཨུམྨཏྟཀེན ཙིཏྟཝིཔརིཡཱསཀཏེན ཨཛ྄ཛྷཱཙིཎྞེན ཨཱཔཏྟིཡཱ ཙོདེནྟི – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི? སོ ཨེཝཾ ཝདེཏི – ‘ཨཧཾ ཁོ, ཨཱཝུསོ, ཨུམྨཏྟཀོ ཨཧོསིཾ ཙིཏྟཝིཔརིཡཱསཀཏོ. ཏེན མེ ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ ¶ བྷཱསིཏཔརིཀྐནྟཾ. ནཱཧཾ ཏཾ སརཱམི, མཱུལ༹ྷེན ¶ མེ ཨེཏཾ ཀཏ’ནྟི. ཨེཝམྤི ནཾ ཝུཙྩམཱནཱ ཙོདེནྟེཝ – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི? སོ ཨམཱུལ༹ྷོ སངྒྷཾ ཨམཱུལ༹ྷཝིནཡཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ གགྒསྶ བྷིཀྑུནོ ཨམཱུལ༹ྷསྶ ཨམཱུལ༹ྷཝིནཡཾ དདེཡྻ. ཨེསཱ ཉཏྟི.

‘‘སུཎཱཏུ ¶ མེ, བྷནྟེ, སངྒྷོ. ཨཡཾ གགྒོ བྷིཀྑུ ཨུམྨཏྟཀོ ཨཧོསི ཙིཏྟཝིཔརིཡཱསཀཏོ. ཏེན ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. བྷིཀྑཱུ གགྒཾ བྷིཀྑུཾ ཨུམྨཏྟཀེན ཙིཏྟཝིཔརིཡཱསཀཏེན ཨཛ྄ཛྷཱཙིཎྞེན ཨཱཔཏྟིཡཱ ཙོདེནྟི – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི? སོ ཨེཝཾ ཝདེཏི – ‘ཨཧཾ ཁོ, ཨཱཝུསོ, ཨུམྨཏྟཀོ ཨཧོསིཾ ཙིཏྟཝིཔརིཡཱསཀཏོ. ཏེན མེ ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ ¶ བྷཱསིཏཔརིཀྐནྟཾ. ནཱཧཾ ཏཾ སརཱམི མཱུལ༹ྷེན མེ ཨེཏཾ ཀཏ’ནྟི. ཨེཝམྤི ནཾ ཝུཙྩམཱནཱ ཙོདེནྟེཝ – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི? སོ ཨམཱུལ༹ྷོ སངྒྷཾ ཨམཱུལ༹ྷཝིནཡཾ ཡཱཙཏི. སངྒྷོ གགྒསྶ བྷིཀྑུནོ ཨམཱུལ༹ྷསྶ ཨམཱུལ༹ྷཝིནཡཾ དེཏི. ཡསྶཱཡསྨཏོ ཁམཏི གགྒསྶ བྷིཀྑུནོ ཨམཱུལ༹ྷསྶ ཨམཱུལ༹ྷཝིནཡསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘དིནྣོ སངྒྷེན གགྒསྶ བྷིཀྑུནོ ཨམཱུལ༹ྷསྶ ཨམཱུལ༹ྷཝིནཡོ. ཁམཏི སངྒྷསྶ, ཏསྨཱ ཏུཎྷཱི ¶ , ཨེཝམེཏཾ དྷཱརཡཱམཱི’’ཏི.

༡༩༨. ‘‘ཏཱིཎིམཱནི, བྷིཀྑཝེ, ཨདྷམྨིཀཱནི ཨམཱུལ༹ྷཝིནཡསྶ དཱནཱནི, ཏཱིཎི དྷམྨིཀཱནི. ཀམྨཱནི ཏཱིཎི ཨདྷམྨིཀཱནི ཨམཱུལ༹ྷཝིནཡསྶ དཱནཱནི?

‘‘ཨིདྷ པན, བྷིཀྑཝེ, བྷིཀྑུ ཨཱཔཏྟིཾ ཨཱཔནྣོ ཧོཏི. ཏམེནཾ ཙོདེཏི སངྒྷོ ཝཱ, སམྦཧུལཱ ཝཱ, ཨེཀཔུགྒལོ ཝཱ – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི? སོ སརམཱནོཝ ཨེཝཾ ཝདེཏི – ‘ན ཁོ ཨཧཾ, ཨཱཝུསོ, སརཱམི ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི. ཏསྶ སངྒྷོ ཨམཱུལ༹ྷཝིནཡཾ དེཏི. ཨདྷམྨིཀཾ ཨམཱུལ༹ྷཝིནཡསྶ དཱནཾ.

‘‘ཨིདྷ པན, བྷིཀྑཝེ, བྷིཀྑུ ཨཱཔཏྟིཾ ཨཱཔནྣོ ཧོཏི. ཏམེནཾ ཙོདེཏི སངྒྷོ ཝཱ, སམྦཧུལཱ ཝཱ, ཨེཀཔུགྒལོ ཝཱ – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི? སོ སརམཱནོཝ ཨེཝཾ ཝདེཏི – ‘སརཱམི ཁོ ཨཧཾ, ཨཱཝུསོ, ཡཐཱསུཔིནནྟེནཱ’ཏི. ཏསྶ སངྒྷོ ཨམཱུལ༹ྷཝིནཡཾ དེཏི. ཨདྷམྨིཀཾ ཨམཱུལ༹ྷཝིནཡསྶ དཱནཾ.

‘‘ཨིདྷ པན, བྷིཀྑཝེ, བྷིཀྑུ ཨཱཔཏྟིཾ ཨཱཔནྣོ ཧོཏི. ཏམེནཾ ཙོདེཏི སངྒྷོ ཝཱ, སམྦཧུལཱ ¶ ཝཱ, ཨེཀཔུགྒལོ ཝཱ – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི? སོ ཨནུམྨཏྟཀོ ཨུམྨཏྟཀཱལཡཾ ཀརོཏི – ‘ཨཧམྤི ཁོ ཨེཝཾ ཀརོམི. ཏུམྷེཔི ཨེཝཾ ཀརོཐ. མཡ྄ཧམྤི ཨེཏཾ ཀཔྤཏི. ཏུམྷཱཀམྤེཏཾ ཀཔྤཏཱི’ཏི. ཏསྶ སངྒྷོ ཨམཱུལ༹ྷཝིནཡཾ དེཏི. ཨདྷམྨིཀཾ ཨམཱུལ༹ྷཝིནཡསྶ དཱནཾ. ཨིམཱནི ཏཱིཎི ཨདྷམྨིཀཱནི ཨམཱུལ༹ྷཝིནཡསྶ དཱནཱནི.

༡༩༩. ‘‘ཀཏམཱནི ¶ ¶ ཏཱིཎི དྷམྨིཀཱནི ཨམཱུལ༹ྷཝིནཡསྶ དཱནཱནི?

‘‘ཨིདྷ པན, བྷིཀྑཝེ, བྷིཀྑུ ཨུམྨཏྟཀོ ཧོཏི ཙིཏྟཝིཔརིཡཱསཀཏོ. ཏེན ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ ཧོཏི བྷཱསིཏཔརིཀྐནྟཾ. ཏམེནཾ ཙོདེཏི སངྒྷོ ཝཱ, སམྦཧུལཱ ཝཱ, ཨེཀཔུགྒལོ ཝཱ – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི? སོ ཨསྶརམཱནོཝ ཨེཝཾ ཝདེཏི – ‘ན ཁོ ཨཧཾ, ཨཱཝུསོ, སརཱམི ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི. ཏསྶ སངྒྷོ ཨམཱུལ༹ྷཝིནཡཾ དེཏི. དྷམྨིཀཾ ཨམཱུལ༹ྷཝིནཡསྶ དཱནཾ.

‘‘ཨིདྷ པན, བྷིཀྑཝེ, བྷིཀྑུ ཨུམྨཏྟཀོ ཧོཏི ཙིཏྟཝིཔརིཡཱསཀཏོ. ཏེན ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ ཧོཏི བྷཱསིཏཔརིཀྐནྟཾ. ཏམེནཾ ཙོདེཏི སངྒྷོ ཝཱ, སམྦཧུལཱ ཝཱ, ཨེཀཔུགྒལོ ཝཱ – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི ¶ ? སོ ཨསྶརམཱནོཝ ཨེཝཾ ཝདེཏི – ‘སརཱམི ཁོ ཨཧཾ, ཨཱཝུསོ, ཡཐཱ སུཔིནནྟེནཱ’ཏི. ཏསྶ སངྒྷོ ཨམཱུལ༹ྷཝིནཡཾ དེཏི. དྷམྨིཀཾ ཨམཱུལ༹ྷཝིནཡསྶ དཱནཾ.

‘‘ཨིདྷ པན, བྷིཀྑཝེ, བྷིཀྑུ ཨུམྨཏྟཀོ ཧོཏི ཙིཏྟཝིཔརིཡཱསཀཏོ. ཏེན ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ ཧོཏི བྷཱསིཏཔརིཀྐནྟཾ. ཏམེནཾ ཙོདེཏི སངྒྷོ ཝཱ, སམྦཧུལཱ ཝཱ, ཨེཀཔུགྒལོ ཝཱ – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི? སོ ཨུམྨཏྟཀོ ཨུམྨཏྟཀཱལཡཾ ཀརོཏི – ‘ཨཧམྤི ཨེཝཾ ¶ ཀརོམི. ཏུམྷེཔི ཨེཝཾ ཀརོཐ. མཡ྄ཧམྤི ཨེཏཾ ཀཔྤཏི. ཏུམྷཱཀམྤེཏཾ ཀཔྤཏཱི’ཏི. ཏསྶ སངྒྷོ ཨམཱུལ༹ྷཝིནཡཾ དེཏི. དྷམྨིཀཾ ཨམཱུལ༹ྷཝིནཡསྶ དཱནཾ. ‘‘ཨིམཱནི ཏཱིཎི དྷམྨིཀཱནི ཨམཱུལ༹ྷཝིནཡསྶ དཱནཱནཱི’’ཏི.

༤. པཊིཉྙཱཏཀརཎཾ

༢༠༠. ཏེན ཁོ པན སམཡེན ཚབྦགྒིཡཱ བྷིཀྑཱུ ཨཔྤཊིཉྙཱཡ བྷིཀྑཱུནཾ ཀམྨཱནི ཀརོནྟི ¶ – ཏཛྫནཱིཡམྤི, ནིཡསྶམྤི, པབྦཱཛནཱིཡམྤི, པཊིསཱརཎཱིཡམྤི, ཨུཀྑེཔནཱིཡམྤི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨཔྤཊིཉྙཱཡ བྷིཀྑཱུནཾ ཀམྨཱནི ཀརིསྶནྟི – ཏཛྫནཱིཡམྤི, ནིཡསྶམྤི, པབྦཱཛནཱིཡམྤི, པཊིསཱརཎཱིཡམྤི, ཨུཀྑེཔནཱིཡམྤཱི’’ཏི! ཨཐ ཁོ ¶ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ…པེ… ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཨཔྤཊིཉྙཱཡ བྷིཀྑཱུནཾ ཀམྨཾ ཀཱཏབྦཾ – ཏཛྫནཱིཡཾ ཝཱ, ནིཡསྶཾ ཝཱ, པབྦཱཛནཱིཡཾ ཝཱ, པཊིསཱརཎཱིཡཾ ཝཱ, ཨུཀྑེཔནཱིཡཾ ཝཱ. ཡོ ཀརེཡྻ, ཨཱཔཏྟི དུཀྐཊསྶ.

༢༠༡. ‘‘ཨེཝཾ ཁོ, བྷིཀྑཝེ, ཨདྷམྨིཀཾ ཧོཏི པཊིཉྙཱཏཀརཎཾ, ཨེཝཾ དྷམྨིཀཾ. ཀཐཉྩ, བྷིཀྑཝེ, ཨདྷམྨིཀཾ ཧོཏི པཊིཉྙཱཏཀརཎཾ?

‘‘བྷིཀྑུ པཱརཱཛིཀཾ ཨཛ྄ཛྷཱཔནྣོ ཧོཏི. ཏམེནཾ ཙོདེཏི སངྒྷོ ཝཱ, སམྦཧུལཱ ཝཱ, ཨེཀཔུགྒལོ ཝཱ – ‘པཱརཱཛིཀཾ ཨཱཡསྨཱ ཨཛ྄ཛྷཱཔནྣོ’ཏི? སོ ཨེཝཾ ཝདེཏི – ‘ན ཁོ ཨཧཾ, ཨཱཝུསོ, པཱརཱཛིཀཾ ཨཛ྄ཛྷཱཔནྣོ ¶ , སངྒྷཱདིསེསཾ ཨཛ྄ཛྷཱཔནྣོ’ཏི. ཏཾ སངྒྷོ སངྒྷཱདིསེསེན ཀཱརེཏི. ཨདྷམྨིཀཾ པཊིཉྙཱཏཀརཎཾ.

‘‘བྷིཀྑུ པཱརཱཛིཀཾ ཨཛ྄ཛྷཱཔནྣོ ཧོཏི. ཏམེནཾ ཙོདེཏི སངྒྷོ ཝཱ, སམྦཧུལཱ ཝཱ, ཨེཀཔུགྒལོ ཝཱ – ‘པཱརཱཛིཀཾ ཨཱཡསྨཱ ཨཛ྄ཛྷཱཔནྣོ’ཏི? སོ ཨེཝཾ ཝདེཏི – ‘ན ཁོ ཨཧཾ, ཨཱཝུསོ, པཱརཱཛིཀཾ ཨཛ྄ཛྷཱཔནྣོ, ཐུལླཙྩཡཾ…པེ… པཱཙིཏྟིཡཾ…པེ… པཱཊིདེསནཱིཡཾ…པེ… དུཀྐཊཾ…པེ… ¶ དུབྦྷཱསིཏཾ ཨཛ྄ཛྷཱཔནྣོ’ཏི. ཏཾ སངྒྷོ དུབྦྷཱསིཏེན ཀཱརེཏི. ཨདྷམྨིཀཾ པཊིཉྙཱཏཀརཎཾ.

‘‘བྷིཀྑུ སངྒྷཱདིསེསཾ…པེ… ཐུལླཙྩཡཾ…པེ… པཱཙིཏྟིཡཾ…པེ… པཱཊིདེསནཱིཡཾ…པེ… དུཀྐཊཾ…པེ… དུབྦྷཱསིཏཾ ཨཛ྄ཛྷཱཔནྣོ ཧོཏི. ཏམེནཾ ཙོདེཏི སངྒྷོ ཝཱ, སམྦཧུལཱ ཝཱ, ཨེཀཔུགྒལོ ཝཱ – ‘དུབྦྷཱསིཏཾ ཨཱཡསྨཱ ཨཛ྄ཛྷཱཔནྣོ’ཏི ¶ ? སོ ཨེཝཾ ཝདེཏི – ‘ན ཁོ ཨཧཾ, ཨཱཝུསོ, དུབྦྷཱསིཏཾ ཨཛ྄ཛྷཱཔནྣོ, པཱརཱཛིཀཾ ཨཛ྄ཛྷཱཔནྣོ’ཏི. ཏཾ སངྒྷོ པཱརཱཛིཀེན ཀཱརེཏི. ཨདྷམྨིཀཾ པཊིཉྙཱཏཀརཎཾ.

‘‘བྷིཀྑུ དུབྦྷཱསིཏཾ ཨཛ྄ཛྷཱཔནྣོ ཧོཏི. ཏམེནཾ ཙོདེཏི སངྒྷོ ཝཱ, སམྦཧུལཱ ཝཱ, ཨེཀཔུགྒལོ ¶ ཝཱ – ‘དུབྦྷཱསིཏཾ ཨཱཡསྨཱ ཨཛ྄ཛྷཱཔནྣོ’ཏི? སོ ཨེཝཾ ཝདེཏི – ‘ན ཁོ ཨཧཾ, ཨཱཝུསོ, དུབྦྷཱསིཏཾ ཨཛ྄ཛྷཱཔནྣོ, སངྒྷཱདིསེསཾ…པེ… ཐུལླཙྩཡཾ…པེ… པཱཙིཏྟིཡཾ…པེ… པཱཊིདེསནཱིཡཾ…པེ… དུཀྐཊཾ ཨཛ྄ཛྷཱཔནྣོ’ཏི. ཏཾ སངྒྷོ དུཀྐཊེན ཀཱརེཏི. ཨདྷམྨིཀཾ པཊིཉྙཱཏཀརཎཾ. ‘‘ཨེཝཾ ཁོ, བྷིཀྑཝེ, ཨདྷམྨིཀཾ ཧོཏི པཊིཉྙཱཏཀརཎཾ.

‘‘ཀཐཉྩ ¶ , བྷིཀྑཝེ, དྷམྨིཀཾ ཧོཏི པཊིཉྙཱཏཀརཎཾ? བྷིཀྑུ པཱརཱཛིཀཾ ཨཛ྄ཛྷཱཔནྣོ ཧོཏི. ཏམེནཾ ཙོདེཏི སངྒྷོ ཝཱ, སམྦཧུལཱ ཝཱ, ཨེཀཔུགྒལོ ཝཱ – ‘པཱརཱཛིཀཾ ཨཱཡསྨཱ ཨཛ྄ཛྷཱཔནྣོ’ཏི? སོ ¶ ཨེཝཾ ཝདེཏི – ‘ཨཱམ, ཨཱཝུསོ, པཱརཱཛིཀཾ ཨཛ྄ཛྷཱཔནྣོ’ཏི. ཏཾ སངྒྷོ པཱརཱཛིཀེན ཀཱརེཏི. དྷམྨིཀཾ པཊིཉྙཱཏཀརཎཾ.

‘‘བྷིཀྑུ སངྒྷཱདིསེསཾ…པེ… ཐུལླཙྩཡཾ…པེ… པཱཙིཏྟིཡཾ…པེ… པཱཊིདེསནཱིཡཾ…པེ… དུཀྐཊཾ…པེ… དུབྦྷཱསིཏཾ ཨཛ྄ཛྷཱཔནྣོ ཧོཏི. ཏམེནཾ ཙོདེཏི སངྒྷོ ཝཱ, སམྦཧུལཱ ཝཱ, ཨེཀཔུགྒལོ ཝཱ – ‘དུབྦྷཱསིཏཾ ཨཱཡསྨཱ ཨཛ྄ཛྷཱཔནྣོ’ཏི? སོ ཨེཝཾ ཝདེཏི – ‘ཨཱམ, ཨཱཝུསོ, དུབྦྷཱསིཏཾ ཨཛ྄ཛྷཱཔནྣོ’ཏི. ཏཾ སངྒྷོ དུབྦྷཱསིཏེན ཀཱརེཏི. དྷམྨིཀཾ པཊིཉྙཱཏཀརཎཾ. ཨེཝཾ ཁོ, བྷིཀྑཝེ, དྷམྨིཀཾ ཧོཏི པཊིཉྙཱཏཀརཎ’’ནྟི.

༥. ཡེབྷུཡྻསིཀཱ

༢༠༢. ཏེན ཁོ པན སམཡེན བྷིཀྑཱུ སངྒྷམཛ྄ཛྷེ བྷཎྜནཛཱཏཱ ཀལཧཛཱཏཱ ཝིཝཱདཱཔནྣཱ ཨཉྙམཉྙཾ མུཁསཏྟཱིཧི ཝིཏུདནྟཱ ཝིཧརནྟི, ན སཀྐོནྟི ཏཾ ཨདྷིཀརཎཾ ཝཱུཔསམེཏུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨེཝརཱུཔཾ ཨདྷིཀརཎཾ ཡེབྷུཡྻསིཀཱཡ ཝཱུཔསམེཏུཾ. པཉྩཧངྒེཧི སམནྣཱགཏོ བྷིཀྑུ སལཱཀགྒཱཧཱཔཀོ སམྨནྣིཏབྦོ – ཡོ ན ཚནྡཱགཏིཾ གཙྪེཡྻ, ན དོསཱགཏིཾ གཙྪེཡྻ, ན མོཧཱགཏིཾ གཙྪེཡྻ, ན བྷཡཱགཏིཾ གཙྪེཡྻ, གཧིཏཱགཧིཏུཉྩ ཛཱནེཡྻ. ཨེཝཉྩ པན, བྷིཀྑཝེ, སམྨནྣིཏབྦོ. པཋམཾ བྷིཀྑུ ཡཱཙིཏབྦོ, ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༢༠༣. ‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུཾ སལཱཀགྒཱཧཱཔཀཾ སམྨནྣེཡྻ. ཨེསཱ ¶ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ བྷིཀྑུཾ སལཱཀགྒཱཧཱཔཀཾ སམྨནྣཏི. ཡསྶཱཡསྨཏོ ¶ ཁམཏི ཨིཏྠནྣཱམསྶ བྷིཀྑུནོ སལཱཀགྒཱཧཱཔཀསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨིཏྠནྣཱམོ བྷིཀྑུ སལཱཀགྒཱཧཱཔཀོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༢༠༤. ‘‘དསཡིམེ ¶ ¶ , བྷིཀྑཝེ, ཨདྷམྨིཀཱ སལཱཀགྒཱཧཱ, དས དྷམྨིཀཱ [དས དྷམྨིཀཱ སལཱཀགྒཱཧཱ (ཀ.)]. ཀཏམེ དས ཨདྷམྨིཀཱ སལཱཀགྒཱཧཱ? ཨོརམཏྟཀཉྩ ཨདྷིཀརཎཾ ཧོཏི, ན ཙ གཏིགཏཾ ཧོཏི, ན ཙ སརིཏསཱརིཏཾ ཧོཏི, ཛཱནཱཏི ཨདྷམྨཝཱདཱི བཧུཏརཱཏི, ཨཔྤེཝ ནཱམ ཨདྷམྨཝཱདཱི བཧུཏརཱ ཨསྶཱུཏི, ཛཱནཱཏི སངྒྷོ བྷིཛྫིསྶཏཱིཏི, ཨཔྤེཝ ནཱམ སངྒྷོ བྷིཛྫེཡྻཱཏི, ཨདྷམྨེན གཎྷནྟི, ཝགྒཱ གཎྷནྟི, ན ཙ ཡཐཱདིཊྛིཡཱ གཎྷནྟི – ཨིམེ དས ཨདྷམྨིཀཱ སལཱཀགྒཱཧཱ.

‘‘ཀཏམེ དས དྷམྨིཀཱ སལཱཀགྒཱཧཱ? ན ཙ ཨོརམཏྟཀཾ ཨདྷིཀརཎཾ ཧོཏི, གཏིགཏཉྩ ཧོཏི, སརིཏསཱརིཏཉྩ ཧོཏི, ཛཱནཱཏི དྷམྨཝཱདཱི བཧུཏརཱཏི, ཨཔྤེཝ ནཱམ དྷམྨཝཱདཱི བཧུཏརཱ ཨསྶཱུཏི, ཛཱནཱཏི སངྒྷོ ན བྷིཛྫིསྶཏཱིཏི, ཨཔྤེཝ ནཱམ སངྒྷོ ན བྷིཛྫེཡྻཱཏི, དྷམྨེན གཎྷནྟི, སམགྒཱ གཎྷནྟི, ཡཐཱདིཊྛིཡཱ ཙ གཎྷནྟི – ཨིམེ དས དྷམྨིཀཱ སལཱཀགྒཱཧཱ’’ཏི.

༦. ཏསྶཔཱཔིཡསིཀཱ

༢༠༥. ཏེན ཁོ པན སམཡེན ཨུཔཝཱལོ༹ བྷིཀྑུ སངྒྷམཛ྄ཛྷེ ཨཱཔཏྟིཡཱ ¶ ཨནུཡུཉྫིཡམཱནོ ཨཝཛཱནིཏྭཱ པཊིཛཱནཱཏི, པཊིཛཱནིཏྭཱ ཨཝཛཱནཱཏི, ཨཉྙེནཉྙཾ པཊིཙརཏི, སམྤཛཱནམུསཱ བྷཱསཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨུཔཝཱལོ༹ བྷིཀྑུ སངྒྷམཛ྄ཛྷེ ཨཱཔཏྟིཡཱ ཨནུཡུཉྫིཡམཱནོ ཨཝཛཱནིཏྭཱ པཊིཛཱནིསྶཏི, པཊིཛཱནིཏྭཱ ཨཝཛཱནིསྶཏི, ཨཉྙེནཉྙཾ པཊིཙརིསྶཏི, སམྤཛཱནམུསཱ བྷཱསིསྶཏཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ…པེ… ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ཏེན ཧི, བྷིཀྑཝེ, སངྒྷོ ཨུཔཝཱལ༹སྶ བྷིཀྑུནོ ཏསྶཔཱཔིཡསིཀཱཀམྨཾ ཀརོཏུ. ཨེཝཉྩ པན, བྷིཀྑཝེ, ཀཱཏབྦཾ. པཋམཾ ¶ ཨུཔཝཱལོ༹ བྷིཀྑུ ཙོདེཏབྦོ, ཙོདེཏྭཱ སཱརེཏབྦོ, སཱརེཏྭཱ ཨཱཔཏྟིཾ ཨཱརོཔེཏབྦོ, ཨཱཔཏྟིཾ ཨཱརོཔེཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༢༠༦. ‘‘སུཎཱཏུ མེ, བྷནྟེ, སངྒྷོ. ཨཡཾ ཨུཔཝཱལོ༹ བྷིཀྑུ སངྒྷམཛ྄ཛྷེ ཨཱཔཏྟིཡཱ ཨནུཡུཉྫིཡམཱནོ ཨཝཛཱནིཏྭཱ པཊིཛཱནཱཏི, པཊིཛཱནིཏྭཱ ཨཝཛཱནཱཏི, ཨཉྙེནཉྙཾ པཊིཙརཏི, སམྤཛཱནམུསཱ ‘བྷཱསཏི. ཡདི ¶ སངྒྷསྶ པཏྟཀལླཾ, སངྒྷོ ཨུཔཝཱལ༹སྶ བྷིཀྑུནོ ཏསྶཔཱཔིཡསིཀཱཀམྨཾ ཀརེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨུཔཝཱལོ༹ བྷིཀྑུ སངྒྷམཛ྄ཛྷེ ཨཱཔཏྟིཡཱ ཨནུཡུཉྫིཡམཱནོ ཨཝཛཱནིཏྭཱ པཊིཛཱནཱཏི, པཊིཛཱནིཏྭཱ ¶ ཨཝཛཱནཱཏི, ཨཉྙེནཉྙཾ པཊིཙརཏི, སམྤཛཱནམུསཱ བྷཱསཏི. སངྒྷོ ཨུཔཝཱལ༹སྶ བྷིཀྑུནོ ཏསྶཔཱཔིཡསིཀཱཀམྨཾ ཀརོཏི. ཡསྶཱཡསྨཏོ ཁམཏི ཨུཔཝཱལ༹སྶ བྷིཀྑུནོ ཏསྶཔཱཔིཡསིཀཱཀམྨསྶ ཀརཎཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘ཀཏཾ སངྒྷེན ཨུཔཝཱལ༹སྶ བྷིཀྑུནོ ཏསྶཔཱཔིཡསིཀཱཀམྨཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༢༠༧. ‘‘པཉྩིམཱནི ¶ , བྷིཀྑཝེ, དྷམྨིཀཱནི ཏསྶཔཱཔིཡསིཀཱཀམྨསྶ ཀརཎཱནི. ཨསུཙི ཙ ཧོཏི, ཨལཛྫཱི ཙ, སཱནུཝཱདོ ཙ, ཏསྶ སངྒྷོ ཏསྶཔཱཔིཡསིཀཱཀམྨཾ ཀརོཏི དྷམྨེན, སམགྒེན – ཨིམཱནི ཁོ, བྷིཀྑཝེ, པཉྩ དྷམྨིཀཱནི ཏསྶཔཱཔིཡསིཀཱཀམྨསྶ ཀརཎཱནི.

ཨདྷམྨཀམྨདྭཱདསཀཾ

༢༠༨. ‘‘ཏཱིཧི, བྷིཀྑཝེ, ཨངྒེཧི སམནྣཱགཏཾ ཏསྶཔཱཔིཡསིཀཱཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ. ཨསམྨུཁཱ ཀཏཾ ཧོཏི, ཨཔྤཊིཔུཙྪཱཀཏཾ ཧོཏི, ཨཔྤཊིཉྙཱཡ ཀཏཾ ཧོཏི…པེ… ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏསྶཔཱཔིཡསིཀཱཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ.

དྷམྨཀམྨདྭཱདསཀཾ

༢༠༩. ‘‘ཏཱིཧི ¶ , བྷིཀྑཝེ, ཨངྒེཧི སམནྣཱགཏཾ ཏསྶཔཱཔིཡསིཀཱཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ. སམྨུཁཱ ཀཏཾ ཧོཏི, པཊིཔུཙྪཱཀཏཾ ཧོཏི, པཊིཉྙཱཡ ཀཏཾ ཧོཏི…པེ… ¶ དྷམྨེན ཀཏཾ ཧོཏི, སམགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ ཏསྶཔཱཔིཡསིཀཱཀམྨཾ དྷམྨཀམྨཉྩ ཧོཏི, ཝིནཡཀམྨཉྩ, སུཝཱུཔསནྟཉྩ.

ཨཱཀངྑམཱནཚཀྐཾ

༢༡༠. ‘‘ཏཱིཧི ¶ , བྷིཀྑཝེ, ཨངྒེཧི སམནྣཱགཏསྶ བྷིཀྑུནོ ཨཱཀངྑམཱནོ སངྒྷོ ཏསྶཔཱཔིཡསིཀཱཀམྨཾ ཀརེཡྻ. བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ; བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ; གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ ཨཱཀངྑམཱནོ སངྒྷོ ཏསྶཔཱཔིཡསིཀཱཀམྨཾ ཀརེཡྻ.

‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ ཨཱཀངྑམཱནོ ¶ སངྒྷོ ཏསྶཔཱཔིཡསིཀཱཀམྨཾ ཀརེཡྻ. ཨདྷིསཱིལེ སཱིལཝིཔནྣོ ཧོཏི, ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨཏིདིཊྛིཡཱ དིཊྛིཝིཔནྣོ ཧོཏི – ཨིམེཧི ཁོ, བྷིཀྑཝེ…པེ….

‘‘ཨཔརེཧིཔི, བྷིཀྑཝེ…པེ… བུདྡྷསྶ ཨཝཎྞཾ བྷཱསཏི, དྷམྨསྶ ཨཝཎྞཾ བྷཱསཏི, སངྒྷསྶ ཨཝཎྞཾ བྷཱསཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏསྶ བྷིཀྑུནོ ཨཱཀངྑམཱནོ སངྒྷོ ཏསྶཔཱཔིཡསིཀཱཀམྨཾ ཀརེཡྻ.

‘‘ཏིཎྞཾ, བྷིཀྑཝེ, བྷིཀྑཱུནཾ ཨཱཀངྑམཱནོ སངྒྷོ ཏསྶཔཱཔིཡསིཀཱཀམྨཾ ཀརེཡྻ. ཨེཀོ བྷཎྜནཀཱརཀོ ཧོཏི…པེ… སངྒྷེ ཨདྷིཀརཎཀཱརཀོ; ཨེཀོ བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ; ཨེཀོ གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ ཨཱཀངྑམཱནོ སངྒྷོ ཏསྶཔཱཔིཡསིཀཱཀམྨཾ ཀརེཡྻ.

‘‘ཨཔརེསམྤི, བྷིཀྑཝེ, ཏིཎྞཾ བྷིཀྑཱུནཾ ཨཱཀངྑམཱནོ སངྒྷོ ཏསྶཔཱཔིཡསིཀཱཀམྨཾ ཀརེཡྻ. ཨེཀོ ཨདྷིསཱིལེ སཱིལཝིཔནྣོ ཧོཏི, ཨེཀོ ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨེཀོ ཨཏིདིཊྛིཡཱ དིཊྛིཝིཔནྣོ ཧོཏི – ཨིམེསཾ ཁོ, བྷིཀྑཝེ…པེ….

‘‘ཨཔརེསམྤི ¶ , བྷིཀྑཝེ…པེ… ཨེཀོ བུདྡྷསྶ ཨཝཎྞཾ བྷཱསཏི, ཨེཀོ དྷམྨསྶ ཨཝཎྞཾ བྷཱསཏི, ཨེཀོ སངྒྷསྶ ཨཝཎྞཾ བྷཱསཏི – ཨིམེསཾ ཁོ, བྷིཀྑཝེ, ཏིཎྞཾ བྷིཀྑཱུནཾ ཨཱཀངྑམཱནོ སངྒྷོ ཏསྶཔཱཔིཡསིཀཱཀམྨཾ ¶ ཀརེཡྻ.

ཨཊྛཱརསཝཏྟཾ

༢༡༡. ‘‘ཏསྶཔཱཔིཡསིཀཱཀམྨཀཏེན ¶ , བྷིཀྑཝེ, བྷིཀྑུནཱ སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ –

ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ, ན བྷིཀྑུནོཝཱདཀསམྨུཏི སཱདིཏབྦཱ, སམྨཏེནཔི བྷིཀྑུནིཡོ ན ཨོཝདིཏབྦཱ…པེ… ན བྷིཀྑཱུཧི སམྤཡོཛེཏབྦ’’ནྟི. ཨཐ ཁོ སངྒྷོ ཨུཔཝཱལ༹སྶ བྷིཀྑུནོ ཏསྶཔཱཔིཡསིཀཱཀམྨཾ ཨཀཱསི.

༧. ཏིཎཝཏྠཱརཀཾ

༢༡༢. ཏེན ཁོ པན སམཡེན བྷིཀྑཱུནཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཝིཧརཏཾ བཧུཾ ཨསྶཱམཎཀཾ ཨཛ྄ཛྷཱཙིཎྞཾ ཧོཏི བྷཱསིཏཔརིཀྐནྟཾ. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘ཨམྷཱཀཾ ཁོ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཝིཧརཏཾ བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. སཙེ མཡཾ ཨིམཱཧི ཨཱཔཏྟཱིཧི ཨཉྙམཉྙཾ ཀཱརེསྶཱམ, སིཡཱཔི ཏཾ ཨདྷིཀརཎཾ ཀཀྑལ༹ཏྟཱཡ ཝཱལ༹ཏྟཱཡ [ཀཀྑལ༹ཏཱཡ ཝཱལ༹ཏཱཡ (སྱཱ. ཀཾ.)] བྷེདཱཡ སཾཝཏྟེཡྻ. ཀཐཾ ནུ ཁོ ¶ ཨམྷེཧི པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ.

‘‘ཨིདྷ པན, བྷིཀྑཝེ, བྷིཀྑཱུནཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཝིཧརཏཾ བཧུཾ ཨསྶཱམཎཀཾ ཨཛ྄ཛྷཱཙིཎྞཾ ཧོཏི བྷཱསིཏཔརིཀྐནྟཾ ¶ . ཏཏྲ ཙེ བྷིཀྑཱུནཾ [ཏཏྲ ཙེ བྷིཀྑཝེ བྷིཀྑཱུནཾ (སྱཱ.)] ཨེཝཾ ཧོཏི – ‘ཨམྷཱཀཾ ཁོ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཝིཧརཏཾ བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ; སཙེ མཡཾ ཨིམཱཧི ཨཱཔཏྟཱིཧི ཨཉྙམཉྙཾ ཀཱརེསྶཱམ, སིཡཱཔི ཏཾ ཨདྷིཀརཎཾ ཀཀྑལ༹ཏྟཱཡ ཝཱལ༹ཏྟཱཡ བྷེདཱཡ སཾཝཏྟེཡྻཱ’ཏི, ཨནུཛཱནཱམི, བྷིཀྑཝེ, ཨེཝརཱུཔཾ ཨདྷིཀརཎཾ ཏིཎཝཏྠཱརཀེན ཝཱུཔསམེཏུཾ. ཨེཝཉྩ པན, བྷིཀྑཝེ, ཝཱུཔསམེཏབྦཾ. སབྦེཧེཝ ཨེཀཛ྄ཛྷཾ སནྣིཔཏིཏབྦཾ, སནྣིཔཏིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ ¶ མེ, བྷནྟེ, སངྒྷོ. ཨམྷཱཀཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཝིཧརཏཾ བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. སཙེ མཡཾ ཨིམཱཧི ཨཱཔཏྟཱིཧི ཨཉྙམཉྙཾ ཀཱརེསྶཱམ, སིཡཱཔི ཏཾ ¶ ཨདྷིཀརཎཾ ཀཀྑལ༹ཏྟཱཡ ཝཱལ༹ཏྟཱཡ བྷེདཱཡ སཾཝཏྟེཡྻ. ཡདི སངྒྷསྶ པཏྟཀལླཾ, སངྒྷོ ཨིམཾ ཨདྷིཀརཎཾ ཏིཎཝཏྠཱརཀེན ཝཱུཔསམེཡྻ, ཋཔེཏྭཱ ཐུལླཝཛྫཾ, ཋཔེཏྭཱ གིཧིཔྤཊིསཾཡུཏྟ’’ནྟི. ‘‘ཨེཀཏོཔཀྑིཀཱནཾ བྷིཀྑཱུནཾ བྱཏྟེན བྷིཀྑུནཱ པཊིབལེན སཀོ པཀྑོ ཉཱཔེཏབྦོ –

‘‘སུཎནྟུ མེ ཨཱཡསྨནྟཱ. ཨམྷཱཀཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཝིཧརཏཾ བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. སཙེ མཡཾ ཨིམཱཧི ཨཱཔཏྟཱིཧི ཨཉྙམཉྙཾ ཀཱརེསྶཱམ, སིཡཱཔི ཏཾ ཨདྷིཀརཎཾ ཀཀྑལ༹ཏྟཱཡ ¶ ཝཱལ༹ཏྟཱཡ བྷེདཱཡ སཾཝཏྟེཡྻ. ཡདཱཡསྨནྟཱནཾ པཏྟཀལླཾ, ཨཧཾ ཡཱ ཙེཝ ཨཱཡསྨནྟཱནཾ ཨཱཔཏྟི, ཡཱ ཙ ཨཏྟནོ ཨཱཔཏྟི, ཨཱཡསྨནྟཱནཉྩེཝ ཨཏྠཱཡ, ཨཏྟནོ ཙ ཨཏྠཱཡ, སངྒྷམཛ྄ཛྷེ ཏིཎཝཏྠཱརཀེན དེསེཡྻཾ, ཋཔེཏྭཱ ཐུལླཝཛྫཾ, ཋཔེཏྭཱ གིཧིཔྤཊིསཾཡུཏྟ’’ནྟི.

‘‘ཨཐཱཔརེསཾ ཨེཀཏོཔཀྑིཀཱནཾ བྷིཀྑཱུནཾ བྱཏྟེན བྷིཀྑུནཱ པཊིབལེན སཀོ པཀྑོ ཉཱཔེཏབྦོ –

‘‘སུཎནྟུ མེ ཨཱཡསྨནྟཱ. ཨམྷཱཀཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཝིཧརཏཾ བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. སཙེ མཡཾ ཨིམཱཧི ཨཱཔཏྟཱིཧི ཨཉྙམཉྙཾ ཀཱརེསྶཱམ, སིཡཱཔི ཏཾ ཨདྷིཀརཎཾ ཀཀྑལ༹ཏྟཱཡ ཝཱལ༹ཏྟཱཡ བྷེདཱཡ སཾཝཏྟེཡྻ. ཡདཱཡསྨནྟཱནཾ པཏྟཀལླཾ, ཨཧཾ ཡཱ ཙེཝ ཨཱཡསྨནྟཱནཾ ཨཱཔཏྟི, ཡཱ ཙ ཨཏྟནོ ཨཱཔཏྟི, ཨཱཡསྨནྟཱནཉྩེཝ ཨཏྠཱཡ, ཨཏྟནོ ཙ ཨཏྠཱཡ, སངྒྷམཛ྄ཛྷེ ཏིཎཝཏྠཱརཀེན དེསེཡྻཾ, ཋཔེཏྭཱ ཐུལླཝཛྫཾ, ཋཔེཏྭཱ གིཧིཔྤཊིསཾཡུཏྟ’’ནྟི.

༢༡༣. ‘‘ཨཐཱཔརེསཾ ཨེཀཏོཔཀྑིཀཱནཾ བྷིཀྑཱུནཾ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨམྷཱཀཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཝིཧརཏཾ བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. སཙེ མཡཾ ཨིམཱཧི ཨཱཔཏྟཱིཧི ཨཉྙམཉྙཾ ཀཱརེསྶཱམ, སིཡཱཔི ཏཾ ཨདྷིཀརཎཾ ཀཀྑལ༹ཏྟཱཡ ཝཱལ༹ཏྟཱཡ བྷེདཱཡ སཾཝཏྟེཡྻ. ཡདི ¶ སངྒྷསྶ པཏྟཀལླཾ, ཨཧཾ ཡཱ ཙེཝ ¶ ཨིམེསཾ ཨཱཡསྨནྟཱནཾ ཨཱཔཏྟི, ཡཱ ཙ ཨཏྟནོ ཨཱཔཏྟི, ཨིམེསཉྩེཝ ཨཱཡསྨནྟཱནཾ ཨཏྠཱཡ, ཨཏྟནོ ཙ ¶ ཨཏྠཱཡ, སངྒྷམཛ྄ཛྷེ ཏིཎཝཏྠཱརཀེན དེསེཡྻཾ, ཋཔེཏྭཱ ཐུལླཝཛྫཾ, ཋཔེཏྭཱ གིཧིཔྤཊིསཾཡུཏྟཾ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨམྷཱཀཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཝིཧརཏཾ བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. སཙེ མཡཾ ཨིམཱཧི ཨཱཔཏྟཱིཧི ཨཉྙམཉྙཾ ཀཱརེསྶཱམ, སིཡཱཔི ཏཾ ཨདྷིཀརཎཾ ཀཀྑལ༹ཏྟཱཡ ཝཱལ༹ཏྟཱཡ བྷེདཱཡ སཾཝཏྟེཡྻ. ཨཧཾ ཡཱ ཙེཝ ཨིམེསཾ ཨཱཡསྨནྟཱནཾ ཨཱཔཏྟི, ཡཱ ཙ ཨཏྟནོ ཨཱཔཏྟི, ཨིམེསཉྩེཝ ཨཱཡསྨནྟཱནཾ ཨཏྠཱཡ, ཨཏྟནོ ཙ ཨཏྠཱཡ, སངྒྷམཛ྄ཛྷེ ཏིཎཝཏྠཱརཀེན དེསེམི, ཋཔེཏྭཱ ཐུལླཝཛྫཾ, ཋཔེཏྭཱ གིཧིཔྤཊིསཾཡུཏྟཾ. ཡསྶཱཡསྨཏོ ཁམཏི ཨམྷཱཀཾ ཨིམཱསཾ ཨཱཔཏྟཱིནཾ སངྒྷམཛ྄ཛྷེ ཏིཎཝཏྠཱརཀེན དེསནཱ, ཋཔེཏྭཱ ཐུལླཝཛྫཾ, ཋཔེཏྭཱ གིཧིཔྤཊིསཾཡུཏྟཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དེསིཏཱ ཨམྷཱཀཾ ཨིམཱ ཨཱཔཏྟིཡོ སངྒྷམཛ྄ཛྷེ ཏིཎཝཏྠཱརཀེན, ཋཔེཏྭཱ ཐུལླཝཛྫཾ, ཋཔེཏྭཱ ¶ གིཧིཔྤཊིསཾཡུཏྟཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༢༡༤. ‘‘ཨཐཱཔརེསཾ ཨེཀཏོཔཀྑིཀཱནཾ བྷིཀྑཱུནཾ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨམྷཱཀཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཝིཧརཏཾ བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. སཙེ མཡཾ ཨིམཱཧི ཨཱཔཏྟཱིཧི ཨཉྙམཉྙཾ ¶ ཀཱརེསྶཱམ, སིཡཱཔི ཏཾ ཨདྷིཀརཎཾ ཀཀྑལ༹ཏྟཱཡ ཝཱལ༹ཏྟཱཡ བྷེདཱཡ སཾཝཏྟེཡྻ. ཡདི སངྒྷསྶ པཏྟཀལླཾ, ཨཧཾ ཡཱ ཙེཝ ཨིམེསཾ ཨཱཡསྨནྟཱནཾ ཨཱཔཏྟི, ཡཱ ཙ ཨཏྟནོ ཨཱཔཏྟི, ཨིམེསཉྩེཝ ཨཱཡསྨནྟཱནཾ ཨཏྠཱཡ, ཨཏྟནོ ཙ ཨཏྠཱཡ, སངྒྷམཛ྄ཛྷེ ཏིཎཝཏྠཱརཀེན དེསེཡྻཾ, ཋཔེཏྭཱ ཐུལླཝཛྫཾ, ཋཔེཏྭཱ གིཧིཔྤཊིསཾཡུཏྟཾ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨམྷཱཀཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཝིཧརཏཾ བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. སཙེ མཡཾ ཨིམཱཧི ཨཱཔཏྟཱིཧི ཨཉྙམཉྙཾ ཀཱརེསྶཱམ, སིཡཱཔི ཏཾ ཨདྷིཀརཎཾ ཀཀྑལ༹ཏྟཱཡ ཝཱལ༹ཏྟཱཡ བྷེདཱཡ སཾཝཏྟེཡྻ. ཨཧཾ ཡཱ ཙེཝ ཨིམེསཾ ཨཱཡསྨནྟཱནཾ ཨཱཔཏྟི, ཡཱ ཙ ཨཏྟནོ ཨཱཔཏྟི, ཨིམེསཉྩེཝ ཨཱཡསྨནྟཱནཾ ¶ ¶ ཨཏྠཱཡ, ཨཏྟནོ ཙ ཨཏྠཱཡ, སངྒྷམཛ྄ཛྷེ ཏིཎཝཏྠཱརཀེན དེསེམི, ཋཔེཏྭཱ ཐུལླཝཛྫཾ, ཋཔེཏྭཱ གིཧིཔྤཊིསཾཡུཏྟཾ. ཡསྶཱཡསྨཏོ ཁམཏི ཨམྷཱཀཾ ཨིམཱསཾ ཨཱཔཏྟཱིནཾ སངྒྷམཛ྄ཛྷེ ཏིཎཝཏྠཱརཀེན དེསནཱ, ཋཔེཏྭཱ ཐུལླཝཛྫཾ, ཋཔེཏྭཱ གིཧིཔྤཊིསཾཡུཏྟཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དེསིཏཱ ཨམྷཱཀཾ ཨིམཱ ཨཱཔཏྟིཡོ སངྒྷམཛ྄ཛྷེ ཏིཎཝཏྠཱརཀེན, ཋཔེཏྭཱ ཐུལླཝཛྫཾ, ཋཔེཏྭཱ གིཧིཔྤཊིསཾཡུཏྟཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

‘‘ཨེཝཉྩ པན, བྷིཀྑཝེ, ཏེ བྷིཀྑཱུ ཏཱཧི ཨཱཔཏྟཱིཧི ཝུཊྛིཏཱ ཧོནྟི, ཋཔེཏྭཱ ཐུལླཝཛྫཾ, ཋཔེཏྭཱ གིཧིཔྤཊིསཾཡུཏྟཾ, ཋཔེཏྭཱ དིཊྛཱཝིཀམྨཾ ¶ , ཋཔེཏྭཱ ཡེ ན ཏཏྠ ཧོནྟཱི’’ཏི.

༨. ཨདྷིཀརཎཾ

༢༡༥. ཏེན ཁོ པན སམཡེན (བྷིཀྑཱུཔི བྷིཀྑཱུཧི ཝིཝདནྟི,) [( ) ནཏྠི (སཱི. སྱཱ. ཀཾ.)] བྷིཀྑཱུཔི བྷིཀྑུནཱིཧི ཝིཝདནྟི, བྷིཀྑུནིཡོཔི བྷིཀྑཱུཧི ཝིཝདནྟི, ཚནྣོཔི བྷིཀྑུ བྷིཀྑུནཱིནཾ ཨནུཔཁཛྫ བྷིཀྑཱུཧི སདྡྷིཾ ཝིཝདཏི, བྷིཀྑུནཱིནཾ པཀྑཾ གཱཧེཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚནྣོ བྷིཀྑུ བྷིཀྑུནཱིནཾ ཨནུཔཁཛྫ བྷིཀྑཱུཧི སདྡྷིཾ ཝིཝདིསྶཏི, བྷིཀྑུནཱིནཾ པཀྑཾ གཱཧེསྶཏཱིཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ཀིར, བྷིཀྑཝེ…པེ… སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

[པརི. ༢༧༥] ‘‘ཙཏྟཱརིམཱནི, བྷིཀྑཝེ, ཨདྷིཀརཎཱནི – ཝིཝཱདཱདྷིཀརཎཾ, ཨནུཝཱདཱདྷིཀརཎཾ, ཨཱཔཏྟཱདྷིཀརཎཾ, ཀིཙྩཱདྷིཀརཎཾ [ཀིཙྩཱདྷིཀརཎཉྩ (ཀ.)].

‘‘ཏཏྠ ཀཏམཾ ཝིཝཱདཱདྷིཀརཎཾ [པརི. ༣༡༤]? ཨིདྷ པན, བྷིཀྑཝེ, བྷིཀྑཱུ [བྷིཀྑཱུ བྷིཀྑུཾ (ཀ.)] ཝིཝདནྟི – དྷམྨོཏི ཝཱ ཨདྷམྨོཏི ཝཱ, ཝིནཡོཏི ཝཱ ཨཝིནཡོཏི ཝཱ, བྷཱསིཏཾ ལཔིཏཾ ཏཐཱགཏེནཱཏི ཝཱ ཨབྷཱསིཏཾ ཨལཔིཏཾ ཏཐཱགཏེནཱཏི ཝཱ, ཨཱཙིཎྞཾ ཏཐཱགཏེནཱཏི ཝཱ ཨནཱཙིཎྞཾ ཏཐཱགཏེནཱཏི ཝཱ, པཉྙཏྟཾ ཏཐཱགཏེནཱཏི ཝཱ ཨཔྤཉྙཏྟཾ ཏཐཱགཏེནཱཏི ཝཱ, ཨཱཔཏྟཱིཏི ཝཱ ཨནཱཔཏྟཱིཏི ཝཱ ¶ , ལཧུཀཱ ཨཱཔཏྟཱིཏི ཝཱ གརུཀཱ ཨཱཔཏྟཱིཏི ཝཱ, སཱཝསེསཱ ཨཱཔཏྟཱིཏི ཝཱ ཨནཝསེསཱ ཨཱཔཏྟཱིཏི ཝཱ, དུཊྛུལླཱ ཨཱཔཏྟཱིཏི ཝཱ ཨདུཊྛུལླཱ ཨཱཔཏྟཱིཏི ཝཱ? ཡཾ ཏཏྠ ¶ བྷཎྜནཾ ཀལཧོ ཝིགྒཧོ ¶ ཝིཝཱདོ ནཱནཱཝཱདོ ཨཉྙཐཱཝཱདོ ཝིཔཙྩཏཱཡ ཝོཧཱརོ མེདྷགཾ – ཨིདཾ ཝུཙྩཏི ཝིཝཱདཱདྷིཀརཎཾ.

‘‘ཏཏྠ ཀཏམཾ ཨནུཝཱདཱདྷིཀརཎཾ? [པརི. ༣༡༥] ཨིདྷ པན, བྷིཀྑཝེ, བྷིཀྑཱུ བྷིཀྑུཾ ཨནུཝདནྟི སཱིལཝིཔཏྟིཡཱ ཝཱ ཨཱཙཱརཝིཔཏྟིཡཱ ཝཱ དིཊྛིཝིཔཏྟིཡཱ ཝཱ ཨཱཛཱིཝཝིཔཏྟིཡཱ ཝཱ. ཡོ ཏཏྠ ཨནུཝཱདོ ཨནུཝདནཱ ཨནུལླཔནཱ ཨནུབྷཎནཱ ཨནུསམྤཝངྐཏཱ ཨབྦྷུསྶཧནཏཱ ཨནུབལཔྤདཱནཾ – ཨིདཾ ཝུཙྩཏི ཨནུཝཱདཱདྷིཀརཎཾ.

‘‘ཏཏྠ ཀཏམཾ ཨཱཔཏྟཱདྷིཀརཎཾ? པཉྩཔི ཨཱཔཏྟིཀྑནྡྷཱ ཨཱཔཏྟཱདྷིཀརཎཾ, སཏྟཔི ཨཱཔཏྟིཀྑནྡྷཱ ཨཱཔཏྟཱདྷིཀརཎཾ – ཨིདཾ ཝུཙྩཏི ཨཱཔཏྟཱདྷིཀརཎཾ ¶ .

‘‘ཏཏྠ ཀཏམཾ ཀིཙྩཱདྷིཀརཎཾ? [པརི. ༣༡༧] ཡཱ སངྒྷསྶ ཀིཙྩཡཏཱ, ཀརཎཱིཡཏཱ, ཨཔལོཀནཀམྨཾ, ཉཏྟིཀམྨཾ, ཉཏྟིདུཏིཡཀམྨཾ, ཉཏྟིཙཏུཏྠཀམྨཾ – ཨིདཾ ཝུཙྩཏི ཀིཙྩཱདྷིཀརཎཾ.

༢༡༦. ‘‘ཝིཝཱདཱདྷིཀརཎསྶ ཀིཾ མཱུལཾ? ཚ ཝིཝཱདམཱུལཱནི ཝིཝཱདཱདྷིཀརཎསྶ མཱུལཾ. ཏཱིཎིཔི ཨཀུསལམཱུལཱནི ཝིཝཱདཱདྷིཀརཎསྶ མཱུལཾ, ཏཱིཎིཔི ཀུསལམཱུལཱནི ཝིཝཱདཱདྷིཀརཎསྶ མཱུལཾ. [པརི. ༢༧༢; ཨ. ནི. ༢.༣༥-༣༦; མ. ནི. ༣.༤༤] ཀཏམཱནི ཚ ཝིཝཱདམཱུལཱནི ཝིཝཱདཱདྷིཀརཎསྶ མཱུལཾ? ཨིདྷ པན, བྷིཀྑཝེ, བྷིཀྑུ ཀོདྷནོ ཧོཏི ཨུཔནཱཧཱི. ཡོ སོ, བྷིཀྑཝེ, བྷིཀྑུ ཀོདྷནོ ཧོཏི ཨུཔནཱཧཱི, སོ སཏྠརིཔི ཨགཱརཝོ ཝིཧརཏི ཨཔྤཏིསྶོ, དྷམྨེཔི ཨགཱརཝོ ཝིཧརཏི ཨཔྤཏིསྶོ ¶ , སངྒྷེཔི ཨགཱརཝོ ཝིཧརཏི ཨཔྤཏིསྶོ, སིཀྑཱཡཔི ན པརིཔཱུརཀཱརཱི ཧོཏི. ཡོ སོ, བྷིཀྑཝེ, བྷིཀྑུ སཏྠརིཔི ཨགཱརཝོ ཝིཧརཏི ཨཔྤཏིསྶོ, དྷམྨེཔི…པེ… སངྒྷེཔི…པེ… སིཀྑཱཡཔི ན པརིཔཱུརཀཱརཱི, སོ སངྒྷེ ཝིཝཱདཾ ཛནེཏི. ཡོ ཧོཏི ཝིཝཱདོ བཧུཛནཱཧིཏཱཡ བཧུཛནཱསུཁཱཡ བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ. ཨེཝརཱུཔཉྩེ ཏུམྷེ, བྷིཀྑཝེ, ཝིཝཱདམཱུལཾ ཨཛ྄ཛྷཏྟཾ ཝཱ བཧིདྡྷཱ ཝཱ སམནུཔསྶེཡྻཱཐ, ཏཏྲ ཏུམྷེ, བྷིཀྑཝེ, ཏསྶེཝ པཱཔཀསྶ ཝིཝཱདམཱུལསྶ པཧཱནཱཡ ཝཱཡམེཡྻཱཐ. ཨེཝརཱུཔཉྩེ ཏུམྷེ, བྷིཀྑཝེ, ཝིཝཱདམཱུལཾ ཨཛ྄ཛྷཏྟཾ ཝཱ བཧིདྡྷཱ ཝཱ ན སམནུཔསྶེཡྻཱཐ, ཏཏྲ ཏུམྷེ, བྷིཀྑཝེ, ཏསྶེཝ པཱཔཀསྶ ཝིཝཱདམཱུལསྶ ¶ ཨཱཡཏིཾ ཨནཝསྶཝཱཡ པཊིཔཛྫེཡྻཱཐ. ཨེཝམེཏསྶ པཱཔཀསྶ ཝིཝཱདམཱུལསྶ པཧཱནཾ ཧོཏི. ཨེཝམེཏསྶ པཱཔཀསྶ ཝིཝཱདམཱུལསྶ ཨཱཡཏིཾ ཨནཝསྶཝོ ཧོཏི.

[པརི.༢༧༢] ‘‘པུན ཙཔརཾ, བྷིཀྑཝེ, བྷིཀྑུ མཀྑཱི ཧོཏི པལཱ༹སཱི…པེ… ཨིསྶུཀཱི ཧོཏི མཙྪརཱི ¶ , སཋོ ཧོཏི མཱཡཱཝཱི, པཱཔིཙྪོ ཧོཏི མིཙྪཱདིཊྛཱི, སནྡིཊྛིཔརཱམཱསཱི ཧོཏི ཨཱདྷཱནགྒཱཧཱི དུཔྤཊིནིསྶགྒཱི. ཡོ སོ, བྷིཀྑཝེ, བྷིཀྑུ སནྡིཊྛིཔརཱམཱསཱི ཧོཏི ཨཱདྷཱནགྒཱཧཱི ¶ དུཔྤཊིནིསྶགྒཱི, སོ སཏྠརིཔི ཨགཱརཝོ ཝིཧརཏི ཨཔྤཏིསྶོ, དྷམྨེཔི ཨགཱརཝོ ཝིཧརཏི ཨཔྤཏིསྶོ, སངྒྷེཔི ཨགཱརཝོ ཝིཧརཏི ཨཔྤཏིསྶོ, སིཀྑཱཡཔི ན པརིཔཱུརཀཱརཱི ཧོཏི. ཡོ སོ, བྷིཀྑཝེ, བྷིཀྑུ སཏྠརིཔི ཨགཱརཝོ ཝིཧརཏི ཨཔྤཏིསྶོ, དྷམྨེཔི…པེ… སངྒྷེཔི…པེ… སིཀྑཱཡཔི ན པརིཔཱུརཀཱརཱི, སོ སངྒྷེ ཝིཝཱདཾ ཛནེཏི. ཡོ ཧོཏི ཝིཝཱདོ བཧུཛནཱཧིཏཱཡ བཧུཛནཱསུཁཱཡ བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ. ཨེཝརཱུཔཉྩེ ཏུམྷེ, བྷིཀྑཝེ, ཝིཝཱདམཱུལཾ ཨཛ྄ཛྷཏྟཾ ཝཱ བཧིདྡྷཱ ཝཱ སམནུཔསྶེཡྻཱཐ, ཏཏྲ ཏུམྷེ, བྷིཀྑཝེ, ཏསྶེཝ པཱཔཀསྶ ཝིཝཱདམཱུལསྶ པཧཱནཱཡ ཝཱཡམེཡྻཱཐ. ཨེཝརཱུཔཉྩེ ཏུམྷེ, བྷིཀྑཝེ, ཝིཝཱདམཱུལཾ ཨཛ྄ཛྷཏྟཾ ཝཱ བཧིདྡྷཱ ཝཱ ན སམནུཔསྶེཡྻཱཐ, ཏཏྲ ཏུམྷེ, བྷིཀྑཝེ, ཏསྶེཝ པཱཔཀསྶ ཝིཝཱདམཱུལསྶ ཨཱཡཏིཾ ཨནཝསྶཝཱཡ པཊིཔཛྫེཡྻཱཐ. ཨེཝམེཏསྶ པཱཔཀསྶ ཝིཝཱདམཱུལསྶ པཧཱནཾ ཧོཏི. ཨེཝམེཏསྶ པཱཔཀསྶ ཝིཝཱདམཱུལསྶ ཨཱཡཏིཾ ཨནཝསྶཝོ ཧོཏི. ཨིམཱནི ཚ ཝིཝཱདམཱུལཱནི ཝིཝཱདཱདྷིཀརཎསྶ མཱུལཾ.

‘‘ཀཏམཱནི ཏཱིཎི ཨཀུསལམཱུལཱནི ཝིཝཱདཱདྷིཀརཎསྶ མཱུལཾ? ཨིདྷ པན, བྷིཀྑཝེ, བྷིཀྑཱུ ལུདྡྷཙིཏྟཱ ཝིཝདནྟི, དུཊྛཙིཏྟཱ ཝིཝདནྟི, མཱུལ༹ྷཙིཏྟཱ ཝིཝདནྟི – དྷམྨོཏི ཝཱ ཨདྷམྨོཏི ཝཱ, ཝིནཡོཏི ཝཱ ཨཝིནཡོཏི ཝཱ, བྷཱསིཏཾ ལཔིཏཾ ཏཐཱགཏེནཱཏི ཝཱ ཨབྷཱསིཏཾ ཨལཔིཏཾ ཏཐཱགཏེནཱཏི ¶ ཝཱ, ཨཱཙིཎྞཾ ཏཐཱགཏེནཱཏི ཝཱ ཨནཱཙིཎྞཾ ཏཐཱགཏེནཱཏི ཝཱ, པཉྙཏྟཾ ཏཐཱགཏེནཱཏི ཝཱ ཨཔྤཉྙཏྟཾ ཏཐཱགཏེནཱཏི ཝཱ, ཨཱཔཏྟཱིཏི ཝཱ ཨནཱཔཏྟཱིཏི ཝཱ, ལཧུཀཱ ཨཱཔཏྟཱིཏི ཝཱ གརུཀཱ ཨཱཔཏྟཱིཏི ཝཱ, སཱཝསེསཱ ཨཱཔཏྟཱིཏི ཝཱ ཨནཝསེསཱ ཨཱཔཏྟཱིཏི ཝཱ, དུཊྛུལླཱ ཨཱཔཏྟཱིཏི ཝཱ ཨདུཊྛུལླཱ ཨཱཔཏྟཱིཏི ཝཱ. ཨིམཱནི ཏཱིཎི ཨཀུསལམཱུལཱནི ཝིཝཱདཱདྷིཀརཎསྶ མཱུལཾ.

‘‘ཀཏམཱནི ¶ ཏཱིཎི ཀུསལམཱུལཱནི ཝིཝཱདཱདྷིཀརཎསྶ མཱུལཾ? ཨིདྷ པན, བྷིཀྑཝེ, བྷིཀྑཱུ ཨལུདྡྷཙིཏྟཱ ཝིཝདནྟི, ཨདུཊྛཙིཏྟཱ ཝིཝདནྟི, ཨམཱུལ༹ྷཙིཏྟཱ ཝིཝདནྟི ¶ – དྷམྨོཏི ཝཱ ཨདྷམྨོཏི ཝཱ…པེ… དུཊྛུལླཱ ཨཱཔཏྟཱིཏི ཝཱ ཨདུཊྛུལླཱ ཨཱཔཏྟཱིཏི ཝཱ. ཨིམཱནི ཏཱིཎི ཀུསལམཱུལཱནི ཝིཝཱདཱདྷིཀརཎསྶ མཱུལཾ.

༢༡༧. [པརི. ༢༧༢] ‘‘ཨནུཝཱདཱདྷིཀརཎསྶ ཀིཾ མཱུལཾ? ཚ ཨནུཝཱདམཱུལཱནི ཨནུཝཱདཱདྷིཀརཎསྶ མཱུལཾ. ཏཱིཎིཔི ཨཀུསལམཱུལཱནི ཨནུཝཱདཱདྷིཀརཎསྶ མཱུལཾ, ཏཱིཎིཔི ཀུསལམཱུལཱནི ཨནུཝཱདཱདྷིཀརཎསྶ ¶ མཱུལཾ, ཀཱཡོཔི ཨནུཝཱདཱདྷིཀརཎསྶ མཱུལཾ, ཝཱཙཱཔི ཨནུཝཱདཱདྷིཀརཎསྶ མཱུལཾ. ‘‘ཀཏམཱནི ཚ ཨནུཝཱདམཱུལཱནི ཨནུཝཱདཱདྷིཀརཎསྶ མཱུལཾ? ཨིདྷ པན, བྷིཀྑཝེ, བྷིཀྑུ ཀོདྷནོ ཧོཏི ཨུཔནཱཧཱི. ཡོ སོ, བྷིཀྑཝེ, བྷིཀྑུ ཀོདྷནོ ཧོཏི ཨུཔནཱཧཱི, སོ སཏྠརིཔི ཨགཱརཝོ ཝིཧརཏི ཨཔྤཏིསྶོ, དྷམྨེཔི ཨགཱརཝོ ཝིཧརཏི ཨཔྤཏིསྶོ, སངྒྷེཔི ཨགཱརཝོ ཝིཧརཏི ¶ ཨཔྤཏིསྶོ, སིཀྑཱཡཔི ན པརིཔཱུརཀཱརཱི ཧོཏི. ཡོ སོ, བྷིཀྑཝེ, བྷིཀྑུ སཏྠརིཔི ཨགཱརཝོ ཝིཧརཏི ཨཔྤཏིསྶོ, དྷམྨེཔི…པེ… སངྒྷེཔི…པེ… སིཀྑཱཡཔི ན པརིཔཱུརཀཱརཱི, སོ སངྒྷེ ཨནུཝཱདཾ ཛནེཏི. ཡོ ཧོཏི ཨནུཝཱདོ བཧུཛནཱཧིཏཱཡ བཧུཛནཱསུཁཱཡ བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ. ཨེཝརཱུཔཉྩེ ཏུམྷེ, བྷིཀྑཝེ, ཨནུཝཱདམཱུལཾ ཨཛ྄ཛྷཏྟཾ ཝཱ བཧིདྡྷཱ ཝཱ སམནུཔསྶེཡྻཱཐ, ཏཏྲ ཏུམྷེ, བྷིཀྑཝེ, ཏསྶེཝ པཱཔཀསྶ ཨནུཝཱདམཱུལསྶ པཧཱནཱཡ ཝཱཡམེཡྻཱཐ. ཨེཝརཱུཔཉྩེ ཏུམྷེ, བྷིཀྑཝེ, ཨནུཝཱདམཱུལཾ ཨཛ྄ཛྷཏྟཾ ཝཱ བཧིདྡྷཱ ཝཱ ན སམནུཔསྶེཡྻཱཐ, ཏཏྲ ཏུམྷེ, བྷིཀྑཝེ, ཏསྶེཝ པཱཔཀསྶ ཨནུཝཱདམཱུལསྶ ཨཱཡཏིཾ ཨནཝསྶཝཱཡ པཊིཔཛྫེཡྻཱཐ. ཨེཝམེཏསྶ པཱཔཀསྶ ཨནུཝཱདམཱུལསྶ པཧཱནཾ ཧོཏི. ཨེཝམེཏསྶ པཱཔཀསྶ ཨནུཝཱདམཱུལསྶ ཨཱཡཏིཾ ཨནཝསྶཝོ ཧོཏི.

‘‘པུན ཙཔརཾ, བྷིཀྑཝེ, བྷིཀྑུ མཀྑཱི ཧོཏི པལཱ༹སཱི…པེ… ཨིསྶུཀཱི ཧོཏི མཙྪརཱི, སཋོ ཧོཏི མཱཡཱཝཱི, པཱཔིཙྪོ ཧོཏི མིཙྪཱདིཊྛཱི, སནྡིཊྛིཔརཱམཱསཱི ཧོཏི ཨཱདྷཱནགྒཱཧཱི དུཔྤཊིནིསྶགྒཱི. ཡོ སོ, བྷིཀྑཝེ, བྷིཀྑུ སནྡིཊྛིཔརཱམཱསཱི ཧོཏི ཨཱདྷཱནགྒཱཧཱི དུཔྤཊིནིསྶགྒཱི, སོ སཏྠརིཔི ཨགཱརཝོ ཝིཧརཏི ཨཔྤཏིསྶོ, དྷམྨེཔི ཨགཱརཝོ ཝིཧརཏི ཨཔྤཏིསྶོ, སངྒྷེཔི ཨགཱརཝོ ཝིཧརཏི ཨཔྤཏིསྶོ, སིཀྑཱཡཔི ན པརིཔཱུརཀཱརཱི ཧོཏི. ཡོ སོ, བྷིཀྑཝེ, བྷིཀྑུ སཏྠརིཔི ཨགཱརཝོ ¶ ཝིཧརཏི ཨཔྤཏིསྶོ ¶ , དྷམྨེཔི…པེ… སངྒྷེཔི…པེ… སིཀྑཱཡཔི ན པརིཔཱུརཀཱརཱི, སོ སངྒྷེ ཨནུཝཱདཾ ཛནེཏི. ཡོ ཧོཏི ཨནུཝཱདོ བཧུཛནཱཧིཏཱཡ བཧུཛནཱསུཁཱཡ བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ. ཨེཝརཱུཔཉྩེ ཏུམྷེ, བྷིཀྑཝེ, ཨནུཝཱདམཱུལཾ ཨཛ྄ཛྷཏྟཾ ཝཱ བཧིདྡྷཱ ཝཱ སམནུཔསྶེཡྻཱཐ, ཏཏྲ ཏུམྷེ, བྷིཀྑཝེ, ཏསྶེཝ པཱཔཀསྶ ཨནུཝཱདམཱུལསྶ པཧཱནཱཡ ཝཱཡམེཡྻཱཐ. ཨེཝརཱུཔཉྩེ ཏུམྷེ, བྷིཀྑཝེ, ཨནུཝཱདམཱུལཾ ཨཛ྄ཛྷཏྟཾ ཝཱ བཧིདྡྷཱ ཝཱ ན སམནུཔསྶེཡྻཱཐ, ཏཏྲ ཏུམྷེ, བྷིཀྑཝེ, ཏསྶེཝ པཱཔཀསྶ ཨནུཝཱདམཱུལསྶ ཨཱཡཏྟིཾ ཨནཝསྶཝཱཡ པཊིཔཛྫེཡྻཱཐ. ཨེཝམེཏསྶ པཱཔཀསྶ ཨནུཝཱདམཱུལསྶ པཧཱནཾ ཧོཏི. ཨེཝམེཏསྶ པཱཔཀསྶ ཨནུཝཱདམཱུལསྶ ཨཱཡཏིཾ ཨནཝསྶཝོ ཧོཏི. ཨིམཱནི ཚ ཨནུཝཱདམཱུལཱནི ཨནུཝཱདཱདྷིཀརཎསྶ མཱུལཾ.

‘‘ཀཏམཱནི ¶ ཏཱིཎི ཨཀུསལམཱུལཱནི ཨནུཝཱདཱདྷིཀརཎསྶ མཱུལཾ? ཨིདྷ པན, བྷིཀྑཝེ, བྷིཀྑཱུ བྷིཀྑུཾ ལུདྡྷཙིཏྟཱ ཨནུཝདནྟི, དུཊྛཙིཏྟཱ ཨནུཝདནྟི, མཱུལ༹ྷཙིཏྟཱ ཨནུཝདནྟི – སཱིལཝིཔཏྟིཡཱ ཝཱ, ཨཱཙཱརཝིཔཏྟིཡཱ ཝཱ, དིཊྛིཝིཔཏྟིཡཱ ཝཱ, ཨཱཛཱིཝཝིཔཏྟིཡཱ ཝཱ. ཨིམཱནི ཏཱིཎི ཨཀུསལམཱུལཱནི ཨནུཝཱདཱདྷིཀརཎསྶ མཱུལཾ.

‘‘ཀཏམཱནི ཏཱིཎི ཀུསལམཱུལཱནི ཨནུཝཱདཱདྷིཀརཎསྶ མཱུལཾ? ཨིདྷ པན, བྷིཀྑཝེ, བྷིཀྑཱུ བྷིཀྑུཾ ཨལུདྡྷཙིཏྟཱ ཨནུཝདནྟི, ཨདུཊྛཙིཏྟཱ ཨནུཝདནྟི, ཨམཱུལ༹ྷཙིཏྟཱ ཨནུཝདནྟི – སཱིལཝིཔཏྟིཡཱ ཝཱ, ཨཱཙརཝིཔཏྟིཡཱ ¶ ཝཱ, དིཊྛིཝིཔཏྟིཡཱ ཝཱ, ཨཱཛཱིཝཝིཔཏྟིཡཱ ཝཱ. ཨིམཱནི ཏཱིཎི ཀུསལམཱུལཱནི ཨནུཝཱདཱདྷིཀརཎསྶ མཱུལཾ.

‘‘ཀཏམོ ཀཱཡོ [ཀཏམོ ཙ ཀཱཡོ (སྱཱ. ཀཾ.)] ཨནུཝཱདཱདྷིཀརཎསྶ མཱུལཾ? ཨིདྷེཀཙྩོ དུབྦཎྞོ ཧོཏི, དུདྡསྶིཀོ, ཨོཀོཊིམཀོ, བཧྭཱབཱདྷོ, ཀཱཎོ ཝཱ, ཀུཎཱི ཝཱ, ཁཉྫོ ཝཱ, པཀྑཧཏོ ཝཱ, ཡེན ནཾ ཨནུཝདནྟི. ཨཡཾ ཀཱཡོ ཨནུཝཱདཱདྷིཀརཎསྶ མཱུལཾ.

‘‘ཀཏམཱ ཝཱཙཱ ཨནུཝཱདཱདྷིཀརཎསྶ མཱུལཾ? ཨིདྷེཀཙྩོ དུབྦཙོ ཧོཏི, མམྨནོ, ཨེལ༹གལཝཱཙོ, ཡཱཡ ནཾ ཨནུཝདནྟི. ཨཡཾ ཝཱཙཱ ཨནུཝཱདཱདྷིཀརཎསྶ མཱུལཾ.

༢༡༨. ‘‘ཨཱཔཏྟཱདྷིཀརཎསྶ ཀིཾ མཱུལཾ? ཚ ཨཱཔཏྟིསམུཊྛཱནཱ ཨཱཔཏྟཱདྷིཀརཎསྶ མཱུལཾ. ཨཏྠཱཔཏྟི ཀཱཡཏོ སམུཊྛཱཏི, ན ཝཱཙཏོ, ན ¶ ཙིཏྟཏོ. ཨཏྠཱཔཏྟི ཝཱཙཏོ སམུཊྛཱཏི, ན ཀཱཡཏོ, ན ཙིཏྟཏོ. ཨཏྠཱཔཏྟི ཀཱཡཏོ ཙ ཝཱཙཏོ ཙ སམུཊྛཱཏི, ན ཙིཏྟཏོ. ཨཏྠཱཔཏྟི ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ. ཨཏྠཱཔཏྟི ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ. ཨཏྠཱཔཏྟི ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི. ཨིམེ ཚ ཨཱཔཏྟིསམུཊྛཱནཱ ཨཱཔཏྟཱདྷིཀརཎསྶ མཱུལཾ.

༢༡༩. ‘‘ཀིཙྩཱདྷིཀརཎསྶ ཀིཾ མཱུལཾ? ཀིཙྩཱདྷིཀརཎསྶ ཨེཀཾ མཱུལཾ – སངྒྷོ.

༢༢༠. ‘‘ཝིཝཱདཱདྷིཀརཎཾ ¶ ¶ ཀུསལཾ, ཨཀུསལཾ, ཨབྱཱཀཏཾ. ཝིཝཱདཱདྷིཀརཎཾ སིཡཱ ཀུསལཾ, སིཡཱ ཨཀུསལཾ, སིཡཱ ཨབྱཱཀཏཾ. ཏཏྠ ཀཏམཾ ཝིཝཱདཱདྷིཀརཎཾ ཀུསལཾ? ཨིདྷ པན, བྷིཀྑཝེ, བྷིཀྑཱུ ཀུསལཙིཏྟཱ ཝིཝདནྟི – དྷམྨོཏི ཝཱ ཨདྷམྨོཏི ཝཱ…པེ… དུཊྛུལླཱ ཨཱཔཏྟཱིཏི ¶ ཝཱ ཨདུཊྛུལླཱ ཨཱཔཏྟཱིཏི ཝཱ. ཡཾ ཏཏྠ བྷཎྜནཾ ཀལཧོ ཝིགྒཧོ ཝིཝཱདོ ནཱནཱཝཱདོ ཨཉྙཐཱཝཱདོ ཝིཔཙྩཏཱཡ ཝོཧཱརོ མེདྷགཾ – ཨིདཾ ཝུཙྩཏི ཝིཝཱདཱདྷིཀརཎཾ ཀུསལཾ.

‘‘ཏཏྠ ཀཏམཾ ཝིཝཱདཱདྷིཀརཎཾ ཨཀུསལཾ? ཨིདྷ པན, བྷིཀྑཝེ, བྷིཀྑཱུ ཨཀུསལཙིཏྟཱ ཝིཝདནྟི – དྷམྨོཏི ཝཱ ཨདྷམྨོཏི ཝཱ…པེ… དུཊྛུལླཱ ཨཱཔཏྟཱིཏི ཝཱ ཨདུཊྛུལླཱ ཨཱཔཏྟཱིཏི ཝཱ. ཡཾ ཏཏྠ བྷཎྜནཾ ཀལཧོ ཝིགྒཧོ ཝིཝཱདོ ནཱནཱཝཱདོ ཨཉྙཐཱཝཱདོ ཝིཔཙྩཏཱཡ ཝོཧཱརོ མེདྷགཾ – ཨིདཾ ཝུཙྩཏི ཝིཝཱདཱདྷིཀརཎཾ ཨཀུསལཾ.

‘‘ཏཏྠ ཀཏམཾ ཝིཝཱདཱདྷིཀརཎཾ ཨབྱཱཀཏཾ? ཨིདྷ པན, བྷིཀྑཝེ, བྷིཀྑཱུ ཨབྱཱཀཏཙིཏྟཱ ཝིཝདནྟི – དྷམྨོཏི ཝཱ ཨདྷམྨོཏི ཝཱ…པེ… དུཊྛུལླཱ ཨཱཔཏྟཱིཏི ཝཱ ཨདུཊྛུལླཱ ཨཱཔཏྟཱིཏི ཝཱ. ཡཾ ཏཏྠ བྷཎྜནཾ ཀལཧོ ཝིགྒཧོ ཝིཝཱདོ ནཱནཱཝཱདོ ཨཉྙཐཱཝཱདོ ཝིཔཙྩཏཱཡ ཝོཧཱརོ མེདྷགཾ – ཨིདཾ ཝུཙྩཏི ཝིཝཱདཱདྷིཀརཎཾ ཨབྱཱཀཏཾ.

༢༢༡. ‘‘ཨནུཝཱདཱདྷིཀརཎཾ ¶ ཀུསལཾ, ཨཀུསལཾ, ཨབྱཱཀཏཾ. ཨནུཝཱདཱདྷིཀརཎཾ སིཡཱ ཀུསལཾ, སིཡཱ ཨཀུསལཾ, སིཡཱ ཨབྱཱཀཏཾ. ཏཏྠ ཀཏམཾ ཨནུཝཱདཱདྷིཀརཎཾ ཀུསལཾ? ཨིདྷ, བྷིཀྑཝེ, བྷིཀྑཱུ བྷིཀྑུཾ ཀུསལཙིཏྟཱ ཨནུཝདནྟི – སཱིལཝིཔཏྟིཡཱ ཝཱ, ཨཱཙཱརཝིཔཏྟིཡཱ ཝཱ, དིཊྛིཝིཔཏྟིཡཱ ཝཱ, ཨཱཛཱིཝཝིཔཏྟིཡཱ ཝཱ. ཡོ ཏཏྠ ཨནུཝཱདོ ཨནུཝདནཱ ཨནུལླཔནཱ ཨནུབྷཎནཱ ¶ ཨནུསམྤཝངྐཏཱ ཨབྦྷུསྶཧནཏཱ ཨནུབལཔྤདཱནཾ – ཨིདཾ ཝུཙྩཏི ཨནུཝཱདཱདྷིཀརཎཾ ཀུསལཾ.

‘‘ཏཏྠ ཀཏམཾ ཨནུཝཱདཱདྷིཀརཎཾ ཨཀུསལཾ? ཨིདྷ པན, བྷིཀྑཝེ, བྷིཀྑཱུ བྷིཀྑུཾ ཨཀུསལཙིཏྟཱ ཨནུཝདནྟི – སཱིལཝིཔཏྟིཡཱ ཝཱ, ཨཱཙཱརཝིཔཏྟིཡཱ ཝཱ, དིཊྛིཝིཔཏྟིཡཱ ཝཱ, ཨཱཛཱིཝཝིཔཏྟིཡཱ ཝཱ. ཡོ ཏཏྠ ཨནུཝཱདོ ཨནུཝདནཱ ཨནུལླཔནཱ ཨནུབྷཎནཱ ཨནུསམྤཝངྐཏཱ ཨབྦྷུསྶཧནཏཱ ཨནུབལཔྤདཱནཾ – ཨིདཾ ཝུཙྩཏི ཨནུཝཱདཱདྷིཀརཎཾ ཨཀུསལཾ.

‘‘ཏཏྠ ཀཏམཾ ཨནུཝཱདཱདྷིཀརཎཾ ཨབྱཱཀཏཾ? ཨིདྷ པན, བྷིཀྑཝེ, བྷིཀྑཱུ བྷིཀྑུཾ ཨབྱཱཀཏཙིཏྟཱ ཨནུཝདནྟི – སཱིལཝིཔཏྟིཡཱ ཝཱ, ཨཱཙཱརཝིཔཏྟིཡཱ ཝཱ, དིཊྛིཝིཔཏྟིཡཱ ཝཱ, ཨཱཛཱིཝཝིཔཏྟིཡཱ ཝཱ. ཡོ ཏཏྠ ཨནུཝཱདོ ཨནུཝདནཱ ཨནུལླཔནཱ ཨནུབྷཎནཱ ཨནུསམྤཝངྐཏཱ ཨབྦྷུསྶཧནཏཱ ཨནུབལཔྤདཱནཾ – ཨིདཾ ཝུཙྩཏི ཨནུཝཱདཱདྷིཀརཎཾ ཨབྱཱཀཏཾ.

༢༢༢. ‘‘ཨཱཔཏྟཱདྷིཀརཎཾ ¶ ཀུསལཾ [ཨིདཾ པདཾ ཀེསུཙི ནཏྠི], ཨཀུསལཾ, ཨབྱཱཀཏཾ? ཨཱཔཏྟཱདྷིཀརཎཾ སིཡཱ ཨཀུསལཾ, སིཡཱ ཨབྱཱཀཏཾ; ནཏྠི ཨཱཔཏྟཱདྷིཀརཎཾ ཀུསལཾ. ཏཏྠ ¶ ཀཏམཾ ཨཱཔཏྟཱདྷིཀརཎཾ ཨཀུསལཾ? ཡཾ ཛཱནནྟོ སཉྫཱནནྟོ ཙེཙྩ ཨབྷིཝིཏརིཏྭཱ ཝཱིཏིཀྐམོ – ཨིདཾ ཝུཙྩཏི ཨཱཔཏྟཱདྷིཀརཎཾ ཨཀུསལཾ.

‘‘ཏཏྠ ཀཏམཾ ཨཱཔཏྟཱདྷིཀརཎཾ ཨབྱཱཀཏཾ? ཡཾ ཨཛཱནནྟོ ཨསཉྫཱནནྟོ ཨཙེཙྩ ཨནབྷིཝིཏརིཏྭཱ ཝཱིཏིཀྐམོ – ཨིདཾ ཝུཙྩཏི ཨཱཔཏྟཱདྷིཀརཎཾ ཨབྱཱཀཏཾ.

༢༢༣. ‘‘ཀིཙྩཱདྷིཀརཎཾ ཀུསལཾ, ཨཀུསལཾ, ཨབྱཱཀཏཾ? ཀིཙྩཱདྷིཀརཎཾ སིཡཱ ཀུསལཾ, སིཡཱ ཨཀུསལཾ, སིཡཱ ཨབྱཱཀཏཾ. ཏཏྠ ཀཏམཾ ཀིཙྩཱདྷིཀརཎཾ ཀུསལཾ? ཡཾ སངྒྷོ ཀུསལཙིཏྟོ ཀམྨཾ ཀརོཏི – ཨཔལོཀནཀམྨཾ, ཉཏྟིཀམྨཾ, ཉཏྟིདུཏིཡཀམྨཾ, ཉཏྟིཙཏུཏྠཀམྨཾ – ཨིདཾ ཝུཙྩཏི ཀིཙྩཱདྷིཀརཎཾ ཀུསལཾ.

‘‘ཏཏྠ ཀཏམཾ ཀིཙྩཱདྷིཀརཎཾ ¶ ཨཀུསལཾ? ཡཾ སངྒྷོ ཨཀུསལཙིཏྟོ ཀམྨཾ ཀརོཏི – ཨཔལོཀནཀམྨཾ, ཉཏྟིཀམྨཾ, ཉཏྟིདུཏིཡཀམྨཾ, ཉཏྟིཙཏུཏྠཀམྨཾ – ཨིདཾ ཝུཙྩཏི ཀིཙྩཱདྷིཀརཎཾ ཨཀུསལཾ.

‘‘ཏཏྠ ¶ ཀཏམཾ ཀིཙྩཱདྷིཀརཎཾ ཨབྱཱཀཏཾ? ཡཾ སངྒྷོ ཨབྱཱཀཏཙིཏྟོ ཀམྨཾ ཀརོཏི – ཨཔལོཀནཀམྨཾ, ཉཏྟིཀམྨཾ, ཉཏྟིདུཏིཡཀམྨཾ, ཉཏྟིཙཏུཏྠཀམྨཾ – ཨིདཾ ཝུཙྩཏི ཀིཙྩཱདྷིཀརཎཾ ཨབྱཱཀཏཾ.

༢༢༤. [པརི. ༣༥༥] ‘‘ཝིཝཱདོ ཝིཝཱདཱདྷིཀརཎཾ, ཝིཝཱདོ ནོ ཨདྷིཀརཎཾ, ཨདྷིཀརཎཾ ནོ ཝིཝཱདོ, ཨདྷིཀརཎཉྩེཝ ཝིཝཱདོ ཙ. སིཡཱ ཝིཝཱདོ ཝིཝཱདཱདྷིཀརཎཾ, སིཡཱ ཝིཝཱདོ ནོ ཨདྷིཀརཎཾ, སིཡཱ ཨདྷིཀརཎཾ ནོ ¶ ཝིཝཱདོ, སིཡཱ ཨདྷིཀརཎཉྩེཝ ཝིཝཱདོ ཙ.

‘‘ཏཏྠ ཀཏམོ ཝིཝཱདོ ཝིཝཱདཱདྷིཀརཎཾ? ཨིདྷ པན, བྷིཀྑཝེ, བྷིཀྑཱུ ཝིཝདནྟི – དྷམྨོཏི ཝཱ ཨདྷམྨོཏི ཝཱ…པེ… དུཊྛུལླཱ ཨཱཔཏྟཱིཏི ཝཱ ཨདུཊྛུལླཱ ཨཱཔཏྟཱིཏི ཝཱ. ཡཾ ཏཏྠ བྷཎྜནཾ ཀལཧོ ཝིགྒཧོ ཝིཝཱདོ ནཱནཱཝཱདོ ཨཉྙཐཱཝཱདོ ཝིཔཙྩཏཱཡ ཝོཧཱརོ མེདྷགཾ – ཨཡཾ ཝིཝཱདོ ཝིཝཱདཱདྷིཀརཎཾ.

‘‘ཏཏྠ ¶ ཀཏམོ ཝིཝཱདོ ནོ ཨདྷིཀརཎཾ? མཱཏཱཔི པུཏྟེན ཝིཝདཏི, པུཏྟོཔི མཱཏརཱ ཝིཝདཏི, པིཏཱཔི པུཏྟེན ཝིཝདཏི, པུཏྟོཔི པིཏརཱ ཝིཝདཏི, བྷཱཏཱཔི བྷཱཏརཱ ཝིཝདཏི, བྷཱཏཱཔི བྷགིནིཡཱ ཝིཝདཏི, བྷགིནཱིཔི བྷཱཏརཱ ཝིཝདཏི, སཧཱཡོཔི སཧཱཡེན ཝིཝདཏི – ཨཡཾ ཝིཝཱདོ ནོ ཨདྷིཀརཎཾ.

‘‘ཏཏྠ ཀཏམཾ ཨདྷིཀརཎཾ ནོ ཝིཝཱདོ? ཨནུཝཱདཱདྷིཀརཎཾ, ཨཱཔཏྟཱདྷིཀརཎཾ, ཀིཙྩཱདྷིཀརཎཾ – ཨིདཾ ཨདྷིཀརཎཾ ནོ ཝིཝཱདོ.

‘‘ཏཏྠ ཀཏམཾ ཨདྷིཀརཎཉྩེཝ ཝིཝཱདོ ཙ? ཝིཝཱདཱདྷིཀརཎཾ ཨདྷིཀརཎཉྩེཝ ཝིཝཱདོ ཙ.

༢༢༥. [པརི. ༣༥༦] ‘‘ཨནུཝཱདོ ཨནུཝཱདཱདྷིཀརཎཾ, ཨནུཝཱདོ ནོ ཨདྷིཀརཎཾ, ཨདྷིཀརཎཾ ནོ ཨནུཝཱདོ, ཨདྷིཀརཎཉྩེཝ ཨནུཝཱདོ ཙ. སིཡཱ ཨནུཝཱདོ ཨནུཝཱདཱདྷིཀརཎཾ, སིཡཱ ཨནུཝཱདོ ནོ ཨདྷིཀརཎཾ, སིཡཱ ཨདྷིཀརཎཾ ནོ ཨནུཝཱདོ, སིཡཱ ཨདྷིཀརཎཉྩེཝ ཨནུཝཱདོ ཙ.

‘‘ཏཏྠ ཀཏམོ ཨནུཝཱདོ ཨནུཝཱདཱདྷིཀརཎཾ? ཨིདྷ པན, བྷིཀྑཝེ, བྷིཀྑཱུ བྷིཀྑུཾ ཨནུཝདནྟི – སཱིལཝིཔཏྟིཡཱ ཝཱ, ཨཱཙཱརཝིཔཏྟིཡཱ ཝཱ ¶ , དིཊྛིཝིཔཏྟིཡཱ ཝཱ, ཨཱཛཱིཝཝིཔཏྟིཡཱ ཝཱ. ཡོ ཏཏྠ ཨནུཝཱདོ ཨནུཝདནཱ ཨནུལླཔནཱ ཨནུབྷཎནཱ ¶ ཨནུསམྤཝངྐཏཱ ཨབྦྷུསྶཧནཏཱ ཨནུབལཔྤདཱནཾ – ཨཡཾ ཨནུཝཱདོ ཨནུཝཱདཱདྷིཀརཎཾ.

‘‘ཏཏྠ ཀཏམོ ཨནུཝཱདོ ནོ ཨདྷིཀརཎཾ? མཱཏཱཔི པུཏྟཾ ཨནུཝདཏི, པུཏྟོཔི མཱཏརཾ ཨནུཝདཏི, པིཏཱཔི པུཏྟཾ ཨནུཝདཏི, པུཏྟོཔི པིཏརཾ ཨནུཝདཏི, བྷཱཏཱཔི བྷཱཏརཾ ཨནུཝདཏི, བྷཱཏཱཔི བྷགིནིཾ ཨནུཝདཏི, བྷགིནཱིཔི བྷཱཏརཾ ཨནུཝདཏི, སཧཱཡོཔི སཧཱཡཾ ཨནུཝདཏི – ཨཡཾ ཨནུཝཱདོ ནོ ཨདྷིཀརཎཾ.

‘‘ཏཏྠ ཀཏམཾ ཨདྷིཀརཎཾ ནོ ཨནུཝཱདོ? ཨཱཔཏྟཱདྷིཀརཎཾ, ཀིཙྩཱདྷིཀརཎཾ, ཝིཝཱདཱདྷིཀརཎཾ – ཨིདཾ ཨདྷིཀརཎཾ ནོ ཨནུཝཱདོ.

‘‘ཏཏྠ ¶ ཀཏམཾ ཨདྷིཀརཎཉྩེཝ ཨནུཝཱདོ ཙ? ཨནུཝཱདཱདྷིཀརཎཾ ཨདྷིཀརཎཉྩེཝ ཨནུཝཱདོ ཙ.

༢༢༦. [པརི. ༣༥༧] ‘‘ཨཱཔཏྟི ཨཱཔཏྟཱདྷིཀརཎཾ, ཨཱཔཏྟི ནོ ཨདྷིཀརཎཾ, ཨདྷིཀརཎཾ ནོ ཨཱཔཏྟི, ཨདྷིཀརཎཉྩེཝ ཨཱཔཏྟི ཙ. སིཡཱ ཨཱཔཏྟི ཨཱཔཏྟཱདྷིཀརཎཾ, སིཡཱ ཨཱཔཏྟི ནོ ཨདྷིཀརཎཾ, སིཡཱ ཨདྷིཀརཎཾ ནོ ཨཱཔཏྟི, སིཡཱ ཨདྷིཀརཎཉྩེཝ ཨཱཔཏྟི ཙ. ‘‘ཏཏྠ ཀཏམཾ ¶ ཨཱཔཏྟི ཨཱཔཏྟཱདྷིཀརཎཾ? པཉྩཔི ཨཱཔཏྟིཀྑནྡྷཱ ཨཱཔཏྟཱདྷིཀརཎཾ, སཏྟཔི ཨཱཔཏྟིཀྑནྡྷཱ ཨཱཔཏྟཱདྷིཀརཎཾ – ཨཡཾ ཨཱཔཏྟི ཨཱཔཏྟཱདྷིཀརཎཾ.

‘‘ཏཏྠ ཀཏམཾ ཨཱཔཏྟི ནོ ཨདྷིཀརཎཾ? སོཏཱཔཏྟི སམཱཔཏྟི – ཨཡཾ ཨཱཔཏྟི ནོ ཨདྷིཀརཎཾ ¶ .

‘‘ཏཏྠ ཀཏམཾ ཨདྷིཀརཎཾ ནོ ཨཱཔཏྟི? ཀིཙྩཱདྷིཀརཎཾ, ཝིཝཱདཱདྷིཀརཎཾ, ཨནུཝཱདཱདྷིཀརཎཾ – ཨིདཾ ཨདྷིཀརཎཾ ནོ ཨཱཔཏྟི.

‘‘ཏཏྠ ཀཏམཾ ཨདྷིཀརཎཉྩེཝ ཨཱཔཏྟི ཙ? ཨཱཔཏྟཱདྷིཀརཎཾ ཨདྷིཀརཎཉྩེཝ ཨཱཔཏྟི ཙ.

༢༢༧. [པརི. ༣༥༨] ‘‘ཀིཙྩཾ ཀིཙྩཱདྷིཀརཎཾ, ཀིཙྩཾ ནོ ཨདྷིཀརཎཾ, ཨདྷིཀརཎཾ ནོ ཀིཙྩཾ, ཨདྷིཀརཎཉྩེཝ ཀིཙྩཉྩ. སིཡཱ ཀིཙྩཾ ཀིཙྩཱདྷིཀརཎཾ, སིཡཱ ཀིཙྩཾ ནོ ཨདྷིཀརཎཾ, སིཡཱ ཨདྷིཀརཎཾ ནོ ཀིཙྩཾ, སིཡཱ ཨདྷིཀརཎཉྩེཝ ཀིཙྩཉྩ.

‘‘ཏཏྠ ¶ ཀཏམཾ ཀིཙྩཾ ཀིཙྩཱདྷིཀརཎཾ? ཡཱ སངྒྷསྶ ཀིཙྩཡཏཱ, ཀརཎཱིཡཏཱ, ཨཔལོཀནཀམྨཾ, ཉཏྟིཀམྨཾ, ཉཏྟིདུཏིཡཀམྨཾ, ཉཏྟིཙཏུཏྠཀམྨཾ – ཨིདཾ ཀིཙྩཾ ཀིཙྩཱདྷིཀརཎཾ.

‘‘ཏཏྠ ཀཏམཾ ཀིཙྩཾ ནོ ཨདྷིཀརཎཾ? ཨཱཙརིཡཀིཙྩཾ, ཨུཔཛ྄ཛྷཱཡཀིཙྩཾ, སམཱནུཔཛ྄ཛྷཱཡཀིཙྩཾ, སམཱནཱཙརིཡཀིཙྩཾ – ཨིདཾ ཀིཙྩཾ ནོ ཨདྷིཀརཎཾ.

‘‘ཏཏྠ ཀཏམཾ ཨདྷིཀརཎཾ ནོ ཀིཙྩཾ? ཝིཝཱདཱདྷིཀརཎཾ, ཨནུཝཱདཱདྷིཀརཎཾ, ཨཱཔཏྟཱདྷིཀརཎཾ – ཨིདཾ ཨདྷིཀརཎཾ ནོ ཀིཙྩཾ.

‘‘ཏཏྠ ¶ ཀཏམཾ ཨདྷིཀརཎཉྩེཝ ཀིཙྩཉྩ? ཀིཙྩཱདྷིཀརཎཾ ཨདྷིཀརཎཉྩེཝ ཀིཙྩཉྩ.

༩. ཨདྷིཀརཎཝཱུཔསམནསམཐོ

སམྨུཁཱཝིནཡོ

༢༢༨. [པརི. ༢༩༢-༢༩༣, ༣༠༧ ཨཱདཡོ] ‘‘ཝིཝཱདཱདྷིཀརཎཾ ཀཏིཧི སམཐེཧི སམྨཏི? ཝིཝཱདཱདྷིཀརཎཾ དྭཱིཧི སམཐེཧི སམྨཏི – སམྨུཁཱཝིནཡེན ཙ, ཡེབྷུཡྻསིཀཱཡ ཙ. སིཡཱ ཝིཝཱདཱདྷིཀརཎཾ ཨེཀཾ སམཐཾ ཨནཱགམྨ ཡེབྷུཡྻསིཀཾ, ཨེཀེན སམཐེན སམེཡྻ – སམྨུཁཱཝིནཡེནཱཏི? སིཡཱཏིསྶ ཝཙནཱིཡཾ. ཡཐཱ ཀཐཾ ཝིཡ? ཨིདྷ ¶ པན, བྷིཀྑཝེ, བྷིཀྑཱུ ཝིཝདནྟི – དྷམྨོཏི ཝཱ ཨདྷམྨོཏི ཝཱ, ཝིནཡོཏི ཝཱ ཨཝིནཡོཏི ཝཱ, བྷཱསིཏཾ ལཔིཏཾ ཏཐཱགཏེནཱཏི ཝཱ ཨབྷཱསིཏཾ ཨལཔིཏཾ ཏཐཱགཏེནཱཏི ཝཱ, ཨཱཙིཎྞཾ ཏཐཱགཏེནཱཏི ཝཱ ཨནཱཙིཎྞཾ ཏཐཱགཏེནཱཏི ཝཱ, པཉྙཏྟཾ ཏཐཱགཏེནཱཏི ཝཱ ཨཔཉྙཏྟཾ ཏཐཱགཏེནཱཏི ཝཱ, ཨཱཔཏྟཱིཏི ཝཱ ཨནཱཔཏྟཱིཏི ཝཱ, ལཧུཀཱ ཨཱཔཏྟཱིཏི ཝཱ གརུཀཱ ཨཱཔཏྟཱིཏི ཝཱ, སཱཝསེསཱ ཨཱཔཏྟཱིཏི ཝཱ ཨནཝསེསཱ ཨཱཔཏྟཱིཏི ཝཱ, དུཊྛུལླཱ ཨཱཔཏྟཱིཏི ཝཱ ཨདུཊྛུལླཱ ཨཱཔཏྟཱིཏི ཝཱ.

‘‘ཏེ ཙེ, བྷིཀྑཝེ, བྷིཀྑཱུ སཀྐོནྟི ཏཾ ཨདྷིཀརཎཾ ཝཱུཔསམེཏུཾ, ཨིདཾ ཝུཙྩཏི, བྷིཀྑཝེ, ཨདྷིཀརཎཾ ཝཱུཔསནྟཾ. ཀེན ཝཱུཔསནྟཾ? སམྨུཁཱཝིནཡེན. ཀིཉྩ ཏཏྠ སམྨུཁཱཝིནཡསྨིཾ? སངྒྷསམྨུཁཏཱ, དྷམྨསམྨུཁཏཱ, ཝིནཡསམྨུཁཏཱ, པུགྒལསམྨུཁཏཱ. ཀཱ ཙ ཏཏྠ སངྒྷསམྨུཁཏཱ? ཡཱཝཏིཀཱ བྷིཀྑཱུ ཀམྨཔྤཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨཱཧཊོ ཧོཏི, སམྨུཁཱིབྷཱུཏཱ ན པཊིཀྐོསནྟི – ཨཡཾ ཏཏྠ སངྒྷསམྨུཁཏཱ. ཀཱ ཙ ¶ ཏཏྠ དྷམྨསམྨུཁཏཱ, ཝིནཡསམྨུཁཏཱ ¶ ? ཡེན དྷམྨེན ཡེན ཝིནཡེན ཡེན སཏྠུསཱསནེན ཏཾ ཨདྷིཀརཎཾ ཝཱུཔསམྨཏི – ཨཡཾ ཏཏྠ དྷམྨསམྨུཁཏཱ, ཝིནཡསམྨུཁཏཱ. ཀཱ ཙ ཏཏྠ པུགྒལསམྨུཁཏཱ? ཡོ ཙ ཝིཝདཏི, ཡེན ཙ ཝིཝདཏི, ཨུབྷོ ཨཏྠཔཙྩཏྠིཀཱ སམྨུཁཱིབྷཱུཏཱ ཧོནྟི – ཨཡཾ ཏཏྠ པུགྒལསམྨུཁཏཱ. ཨེཝཾ ཝཱུཔསནྟཾ ཙེ, བྷིཀྑཝེ, ཨདྷིཀརཎཾ ཀཱརཀོ ¶ ཨུཀྐོཊེཏི, ཨུཀྐོཊནཀཾ པཱཙིཏྟིཡཾ; ཚནྡདཱཡཀོ ཁཱིཡཏི, ཁཱིཡནཀཾ པཱཙིཏྟིཡཾ.

༢༢༩. ‘‘ཏེ ཙེ, བྷིཀྑཝེ, བྷིཀྑཱུ ན སཀྐོནྟི ཏཾ ཨདྷིཀརཎཾ ཏསྨིཾ ཨཱཝཱསེ ཝཱུཔསམེཏུཾ, ཏེཧི, བྷིཀྑཝེ, བྷིཀྑཱུཧི, ཡསྨིཾ ཨཱཝཱསེ སམྦཧུལཱ [བཧུཏརཱ (སཱི. སྱཱ.)] བྷིཀྑཱུ, སོ ཨཱཝཱསོ གནྟབྦོ. ཏེ ཙེ, བྷིཀྑཝེ, བྷིཀྑཱུ ཏཾ ཨཱཝཱསཾ གཙྪནྟཱ ཨནྟརཱམགྒེ སཀྐོནྟི ཏཾ ཨདྷིཀརཎཾ ཝཱུཔསམེཏུཾ, ཨིདཾ ཝུཙྩཏི, བྷིཀྑཝེ, ཨདྷིཀརཎཾ ཝཱུཔསནྟཾ. ཀེན ཝཱུཔསནྟཾ? སམྨུཁཱཝིནཡེན ¶ . ཀིཉྩ ཏཏྠ སམྨུཁཱཝིནཡསྨིཾ? སངྒྷསམྨུཁཏཱ, དྷམྨསམྨུཁཏཱ, ཝིནཡསམྨུཁཏཱ, པུགྒལསམྨུཁཏཱ. ཀཱ ཙ ཏཏྠ སངྒྷསམྨུཁཏཱ? ཡཱཝཏིཀཱ བྷིཀྑཱུ ཀམྨཔྤཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨཱཧཊོ ཧོཏི, སམྨུཁཱིབྷཱུཏཱ ན པཊིཀྐོསནྟི – ཨཡཾ ཏཏྠ སངྒྷསམྨུཁཏཱ. ཀཱ ཙ ཏཏྠ དྷམྨསམྨུཁཏཱ, ཝིནཡསམྨུཁཏཱ? ཡེན དྷམྨེན ཡེན ཝིནཡེན ཡེན སཏྠུསཱསནེན ཏཾ ཨདྷིཀརཎཾ ཝཱུཔསམྨཏི – ཨཡཾ ཏཏྠ དྷམྨསམྨུཁཏཱ, ཝིནཡསམྨུཁཏཱ. ཀཱ ཙ ཏཏྠ པུགྒལསམྨུཁཏཱ? ཡོ ཙ ཝིཝདཏི, ཡེན ཙ ཝིཝདཏི, ཨུབྷོ ཨཏྠཔཙྩཏྠིཀཱ སམྨུཁཱིབྷཱུཏཱ ཧོནྟི – ཨཡཾ ཏཏྠ པུགྒལསམྨུཁཏཱ. ཨེཝཾ ཝཱུཔསནྟཾ ཙེ, བྷིཀྑཝེ, ཨདྷིཀརཎཾ ཀཱརཀོ ཨུཀྐོཊེཏི, ཨུཀྐོཊནཀཾ པཱཙིཏྟིཡཾ; ཚནྡདཱཡཀོ ཁཱིཡཏི, ཁཱིཡནཀཾ པཱཙིཏྟིཡཾ.

༢༣༠. ‘‘ཏེ ¶ ཙེ, བྷིཀྑཝེ, བྷིཀྑཱུ ཏཾ ཨཱཝཱསཾ ཨཱགཙྪནྟཱ ཨནྟརཱམགྒེ ན སཀྐོནྟི ཏཾ ཨདྷིཀརཎཾ ཝཱུཔསམེཏུཾ, ཏེཧི, བྷིཀྑཝེ, བྷིཀྑཱུཧི, ཏཾ ཨཱཝཱསཾ གནྟྭཱ ཨཱཝཱསིཀཱ བྷིཀྑཱུ ཨེཝམསྶུ ཝཙནཱིཡཱ – ‘ཨིདཾ ཁོ, ཨཱཝུསོ, ཨདྷིཀརཎཾ ཨེཝཾ ཛཱཏཾ, ཨེཝཾ སམུཔྤནྣཾ; སཱདྷཱཡསྨནྟཱ ཨིམཾ ཨདྷིཀརཎཾ ཝཱུཔསམེནྟུ དྷམྨེན ཝིནཡེན སཏྠུསཱསནེན, ཡཐཡིདཾ ཨདྷིཀརཎཾ སུཝཱུཔསནྟཾ ཨསྶཱ’ཏི.

‘‘སཙེ ¶ , བྷིཀྑཝེ, ཨཱཝཱསིཀཱ བྷིཀྑཱུ ཝུཌྜྷཏརཱ ཧོནྟི, ཨཱགནྟུཀཱ བྷིཀྑཱུ ནཝཀཏརཱ, ཏེཧི, བྷིཀྑཝེ, ཨཱཝཱསིཀེཧི བྷིཀྑཱུཧི ཨཱགནྟུཀཱ བྷིཀྑཱུ ཨེཝམསྶུ ཝཙནཱིཡཱ – ‘ཨིངྒྷ ཏུམྷེ, ཨཱཡསྨནྟོ, མུཧུཏྟཾ ཨེཀམནྟཾ ཧོཐ, ཡཱཝ མཡཾ མནྟེམཱ’ཏི. སཙེ པན, བྷིཀྑཝེ, ཨཱཝཱསིཀཱ བྷིཀྑཱུ ནཝཀཏརཱ ཧོནྟི, ཨཱགནྟུཀཱ བྷིཀྑཱུ ཝུཌྜྷཏརཱ, ཏེཧི, བྷིཀྑཝེ, ཨཱཝཱསིཀེཧི བྷིཀྑཱུཧི ཨཱགནྟུཀཱ བྷིཀྑཱུ ཨེཝམསྶུ ཝཙནཱིཡཱ – ‘ཏེན ཧི ཏུམྷེ, ཨཱཡསྨནྟོ, མུཧུཏྟཾ ཨིདྷེཝ ཏཱཝ ཧོཐ, ཡཱཝ མཡཾ མནྟེམཱ’ཏི.

‘‘སཙེ པན, བྷིཀྑཝེ, ཨཱཝཱསིཀཱནཾ བྷིཀྑཱུནཾ མནྟཡམཱནཱནཾ ཨེཝཾ ཧོཏི – ‘ན མཡཾ སཀྐོམ ཨིམཾ ཨདྷིཀརཎཾ ཝཱུཔསམེཏུཾ དྷམྨེན ཝིནཡེན སཏྠུསཱསནེནཱ’ཏི, ན ཏཾ ཨདྷིཀརཎཾ ཨཱཝཱསིཀེཧི བྷིཀྑཱུཧི སམྤཊིཙྪིཏབྦཾ. སཙེ པན, བྷིཀྑཝེ, ཨཱཝཱསིཀཱནཾ བྷིཀྑཱུནཾ མནྟཡམཱནཱནཾ ཨེཝཾ ཧོཏི – ‘སཀྐོམ མཡཾ ཨིམཾ ཨདྷིཀརཎཾ ཝཱུཔསམེཏུཾ དྷམྨེན ཝིནཡེན སཏྠུསཱསནེནཱ’ཏི, ཏེཧི, བྷིཀྑཝེ, ཨཱཝཱསིཀེཧི ¶ བྷིཀྑཱུཧི ཨཱགནྟུཀཱ བྷིཀྑཱུ ཨེཝམསྶུ ཝཙནཱིཡཱ – ‘སཙེ ཏུམྷེ, ཨཱཡསྨནྟོ, ཨམྷཱཀཾ ¶ ཨིམཾ ཨདྷིཀརཎཾ ཡཐཱཛཱཏཾ ཡཐཱསམུཔྤནྣཾ ཨཱརོཙེསྶཐ, ཡཐཱ ཙ མཡཾ ཨིམཾ ཨདྷིཀརཎཾ ཝཱུཔསམེསྶཱམ དྷམྨེན ཝིནཡེན སཏྠུསཱསནེན ཏཐཱ སུཝཱུཔསནྟཾ ¶ བྷཝིསྶཏི. ཨེཝཾ མཡཾ ཨིམཾ ཨདྷིཀརཎཾ སམྤཊིཙྪིསྶཱམ. ནོ ཙེ ཏུམྷེ, ཨཱཡསྨནྟོ, ཨམྷཱཀཾ ཨིམཾ ཨདྷིཀརཎཾ ཡཐཱཛཱཏཾ ཡཐཱསམུཔྤནྣཾ ཨཱརོཙེསྶཐ, ཡཐཱ ཙ མཡཾ ཨིམཾ ཨདྷིཀརཎཾ ཝཱུཔསམེསྶཱམ དྷམྨེན ཝིནཡེན སཏྠུསཱསནེན ཏཐཱ ན སུཝཱུཔསནྟཾ བྷཝིསྶཏི, ན མཡཾ ཨིམཾ ཨདྷིཀརཎཾ སམྤཊིཙྪིསྶཱམཱ’ཏི. ཨེཝཾ སུཔརིགྒཧིཏཾ ཁོ, བྷིཀྑཝེ, ཀཏྭཱ ཨཱཝཱསིཀེཧི བྷིཀྑཱུཧི ཏཾ ཨདྷིཀརཎཾ སམྤཊིཙྪིཏབྦཾ.

‘‘ཏེཧི, བྷིཀྑཝེ, ཨཱགནྟུཀེཧི བྷིཀྑཱུཧི ཨཱཝཱསིཀཱ བྷིཀྑཱུ ཨེཝམསྶུ ཝཙནཱིཡཱ – ‘ཡཐཱཛཱཏཾ ཡཐཱསམུཔྤནྣཾ མཡཾ ཨིམཾ ཨདྷིཀརཎཾ ཨཱཡསྨནྟཱནཾ ཨཱརོཙེསྶཱམ. སཙེ ཨཱཡསྨནྟཱ སཀྐོནྟི ཨེཏྟཀེན ཝཱ ཨེཏྟཀེན ཝཱ ཨནྟརེན ཨིམཾ ཨདྷིཀརཎཾ ཝཱུཔསམེཏུཾ དྷམྨེན ཝིནཡེན སཏྠུསཱསནེན ཏཐཱ སུཝཱུཔསནྟཾ བྷཝིསྶཏི. ཨེཝཾ མཡཾ ཨིམཾ ཨདྷིཀརཎཾ ཨཱཡསྨནྟཱནཾ ནིཡྻཱདེསྶཱམ. ནོ ཙེ ཨཱཡསྨནྟཱ སཀྐོནྟི ཨེཏྟཀེན ཝཱ ཨེཏྟཀེན ཝཱ ཨནྟརེན ཨིམཾ ཨདྷིཀརཎཾ ཝཱུཔསམེཏུཾ དྷམྨེན ཝིནཡེན སཏྠུསཱསནེན ཏཐཱ ན སུཝཱུཔསནྟཾ བྷཝིསྶཏི, ན མཡཾ ཨིམཾ ཨདྷིཀརཎཾ ཨཱཡསྨནྟཱནཾ ནིཡྻཱདེསྶཱམ ¶ . མཡམེཝ ¶ ཨིམསྶ ཨདྷིཀརཎསྶ སཱམིནོ བྷཝིསྶཱམཱ’ཏི. ཨེཝཾ སུཔརིགྒཧིཏཾ ཁོ, བྷིཀྑཝེ, ཀཏྭཱ ཨཱགནྟུཀེཧི བྷིཀྑཱུཧི ཏཾ ཨདྷིཀརཎཾ ཨཱཝཱསིཀཱནཾ བྷིཀྑཱུནཾ ནིཡྻཱདེཏབྦཾ.

‘‘ཏེ ཙེ, བྷིཀྑཝེ, བྷིཀྑཱུ སཀྐོནྟི ཏཾ ཨདྷིཀརཎཾ ཝཱུཔསམེཏུཾ, ཨིདཾ ཝུཙྩཏི, བྷིཀྑཝེ, ཨདྷིཀརཎཾ ཝཱུཔསནྟཾ. ཀེན ཝཱུཔསནྟཾ? སམྨུཁཱཝིནཡེན. ཀིཉྩ ཏཏྠ སམྨུཁཱཝིནཡསྨིཾ? སངྒྷསམྨུཁཏཱ, དྷམྨསམྨུཁཏཱ, ཝིནཡསམྨུཁཏཱ, པུགྒལསམྨུཁཏཱ…པེ… ཨེཝཾ ཝཱུཔསནྟཾ ཙེ, བྷིཀྑཝེ, ཨདྷིཀརཎཾ ཀཱརཀོ ཨུཀྐོཊེཏི, ཨུཀྐོཊནཀཾ པཱཙིཏྟིཡཾ; ཚནྡདཱཡཀོ ཁཱིཡཏི, ཁཱིཡནཀཾ པཱཙིཏྟིཡཾ.

ཨུབྦཱཧིཀཱཡཝཱུཔསམནཾ

༢༣༡. ‘‘ཏེཧི ཙེ, བྷིཀྑཝེ, བྷིཀྑཱུཧི ཏསྨིཾ ཨདྷིཀརཎེ ཝིནིཙྪིཡམཱནེ ཨནནྟཱནི [ཨནགྒཱནི (སཱི.)] ཙེཝ བྷསྶཱནི ཛཱཡནྟི, ན ཙེཀསྶ [ན ཙེཏསྶ (ཀ.)] བྷཱསིཏསྶ ཨཏྠོ ཝིཉྙཱཡཏི, ཨནུཛཱནཱམི, བྷིཀྑཝེ, ཨེཝརཱུཔཾ ཨདྷིཀརཎཾ ཨུབྦཱཧིཀཱཡ ཝཱུཔསམེཏུཾ. ‘‘དསཧངྒེཧི སམནྣཱགཏོ བྷིཀྑུ ཨུབྦཱཧིཀཱཡ སམྨནྣིཏབྦོ – སཱིལཝཱ ཧོཏི, པཱཏིམོཀྑསཾཝརསཾཝུཏོ ཝིཧརཏི ཨཱཙཱརགོཙརསམྤནྣོ ཨཎུམཏྟེསུ ཝཛྫེསུ བྷཡདསྶཱཝཱི, སམཱདཱཡ སིཀྑཏི སིཀྑཱཔདེསུ; བཧུསྶུཏོ ཧོཏི སུཏདྷརོ སུཏསནྣིཙཡོ, ཡེ ཏེ དྷམྨཱ ཨཱདིཀལྱཱཎཱ མཛ྄ཛྷེཀལྱཱཎཱ པརིཡོསཱནཀལྱཱཎཱ སཱཏྠཾ སབྱཉྫནཾ ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ ཨབྷིཝདནྟི, ཏཐཱརཱུཔསྶ དྷམྨཱ བཧུསྶུཏཱ ཧོནྟི, ¶ དྷཱཏཱ [དྷཏཱ (སཱི. སྱཱ.)] ཝཙསཱ པརིཙིཏཱ མནསཱནུཔེཀྑིཏཱ ¶ དིཊྛིཡཱ སུཔྤཊིཝིདྡྷཱ; ཨུབྷཡཱནི ཁོ པནསྶ པཱཏིམོཀྑཱནི ཝིཏྠཱརེན སྭཱགཏཱནི ཧོནྟི སུཝིབྷཏྟཱནི སུཔྤཝཏྟཱིནི སུཝིནིཙྪིཏཱནི སུཏྟསོ ཨནུབྱཉྫནསོ ¶ ; ཝིནཡེ ཁོ པན ཋིཏོ [ཚེཀོ (ཀ.)] ཧོཏི ཨསཾཧཱིརོ; པཊིབལོ ཧོཏི ཨུབྷོ ཨཏྠཔཙྩཏྠིཀེ ཨསྶཱསེཏུཾ སཉྙཱཔེཏུཾ ནིཛ྄ཛྷཱཔེཏུཾ པེཀྑེཏུཾ པསཱདེཏུཾ; ཨདྷིཀརཎསམུཔྤཱདཝཱུཔསམནཀུསལོ ཧོཏི; ཨདྷིཀརཎཾ ཛཱནཱཏི; ཨདྷིཀརཎསམུདཡཾ ཛཱནཱཏི; ཨདྷིཀརཎནིརོདྷཾ ཛཱནཱཏི; ཨདྷིཀརཎནིརོདྷགཱམིནིཔཊིཔདཾ ཛཱནཱཏི. ཨནུཛཱནཱམི, བྷིཀྑཝེ, ཨིམེཧི དསཧངྒེཧི སམནྣཱགཏཾ བྷིཀྑུཾ ཨུབྦཱཧིཀཱཡ སམྨནྣིཏུཾ. ཨེཝཉྩ ¶ པན, བྷིཀྑཝེ, སམྨནྣིཏབྦོ. པཋམཾ བྷིཀྑུ ཡཱཙིཏབྦོ, ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༢༣༢. ‘‘སུཎཱཏུ མེ, བྷནྟེ, སངྒྷོ. ཨམྷཱཀཾ ཨིམསྨིཾ ཨདྷིཀརཎེ ཝིནིཙྪིཡམཱནེ ཨནནྟཱནི ཙེཝ བྷསྶཱནི ཛཱཡནྟི, ན ཙེཀསྶ བྷཱསིཏསྶ ཨཏྠོ ཝིཉྙཱཡཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཉྩ ཨིཏྠནྣཱམཉྩ བྷིཀྑུཾ སམྨནྣེཡྻ ཨུབྦཱཧིཀཱཡ ཨིམཾ ཨདྷིཀརཎཾ ཝཱུཔསམེཏུཾ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨམྷཱཀཾ ཨིམསྨིཾ ཨདྷིཀརཎེ ཝིནིཙྪིཡམཱནེ ཨནནྟཱནི ཙེཝ བྷསྶཱནི ཛཱཡནྟི, ན ཙེཀསྶ བྷཱསིཏསྶ ཨཏྠོ ཝིཉྙཱཡཏི. སངྒྷོ ཨིཏྠནྣཱམཉྩ ཨིཏྠནྣཱམཉྩ བྷིཀྑུཾ སམྨནྣཏི ཨུབྦཱཧིཀཱཡ ཨིམཾ ཨདྷིཀརཎཾ ¶ ཝཱུཔསམེཏུཾ. ཡསྶཱཡསྨཏོ ཁམཏི ཨིཏྠནྣཱམསྶ ཙ ཨིཏྠནྣཱམསྶ ཙ བྷིཀྑུནོ སམྨུཏི ཨུབྦཱཧིཀཱཡ ཨིམཾ ཨདྷིཀརཎཾ ཝཱུཔསམེཏུཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨིཏྠནྣཱམོ ཙ ཨིཏྠནྣཱམོ ཙ བྷིཀྑུ ཨུབྦཱཧིཀཱཡ ཨིམཾ ཨདྷིཀརཎཾ ཝཱུཔསམེཏུཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

‘‘ཏེ ཙེ, བྷིཀྑཝེ, བྷིཀྑཱུ སཀྐོནྟི ཏཾ ཨདྷིཀརཎཾ ཨུབྦཱཧིཀཱཡ ཝཱུཔསམེཏུཾ, ཨིདཾ ཝུཙྩཏི, བྷིཀྑཝེ, ཨདྷིཀརཎཾ ཝཱུཔསནྟཾ. ཀེན ཝཱུཔསནྟཾ? སམྨུཁཱཝིནཡེན. ཀིཉྩ ཏཏྠ སམྨུཁཱཝིནཡསྨིཾ? དྷམྨསམྨུཁཏཱ, ཝིནཡསམྨུཁཏཱ, པུགྒལསམྨུཁཏཱ…པེ… ཨེཝཾ ཝཱུཔསནྟཾ ཙེ, བྷིཀྑཝེ, ཨདྷིཀརཎཾ ཀཱརཀོ ཨུཀྐོཊེཏི, ཨུཀྐོཊནཀཾ པཱཙིཏྟིཡཾ.

༢༣༣. ‘‘ཏེཧི ཙེ, བྷིཀྑཝེ, བྷིཀྑཱུཧི ཏསྨིཾ ཨདྷིཀརཎེ ཝིནིཙྪིཡམཱནེ ཏཏྲཱསྶ བྷིཀྑུ དྷམྨཀཐིཀོ, ཏསྶ ནེཝ སུཏྟཾ ཨཱགཏཾ ཧོཏི, ནོ སུཏྟཝིབྷངྒོ, སོ ཨཏྠཾ ཨསལླཀྑེནྟོ ¶ བྱཉྫནཙྪཱཡཱཡ ཨཏྠཾ པཊིབཱཧཏི, བྱཏྟེན བྷིཀྑུནཱ པཊིབལེན ཏེ བྷིཀྑཱུ ཉཱཔེཏབྦཱ –

‘‘སུཎནྟུ མེ ཨཱཡསྨནྟཱ. ཨཡཾ ཨིཏྠནྣཱམོ བྷིཀྑུ དྷམྨཀཐིཀོ. ཨིམསྶ ནེཝ སུཏྟཾ ཨཱགཏཾ ཧོཏི, ནོ སུཏྟཝིབྷངྒོ. སོ ཨཏྠཾ ཨསལླཀྑེནྟོ བྱཉྫནཙྪཱཡཱཡ ཨཏྠཾ པཊིབཱཧཏི. ཡདཱཡསྨནྟཱནཾ པཏྟཀལླཾ ¶ , ཨིཏྠནྣཱམཾ བྷིཀྑུཾ ¶ ཝུཊྛཱཔེཏྭཱ ཨཝསེསཱ ཨིམཾ ¶ ཨདྷིཀརཎཾ ཝཱུཔསམེཡྻཱམཱཏི.

‘‘ཏེ ཙེ, བྷིཀྑཝེ, བྷིཀྑཱུ ཏཾ བྷིཀྑུཾ ཝུཊྛཱཔེཏྭཱ སཀྐོནྟི ཏཾ ཨདྷིཀརཎཾ ཝཱུཔསམེཏུཾ, ཨིདཾ ཝུཙྩཏི, བྷིཀྑཝེ, ཨདྷིཀརཎཾ ཝཱུཔསནྟཾ. ཀེན ཝཱུཔསནྟཾ? སམྨུཁཱཝིནཡེན. ཀིཉྩ ཏཏྠ སམྨུཁཱཝིནཡསྨིཾ? དྷམྨསམྨུཁཏཱ, ཝིནཡསམྨུཁཏཱ, པུགྒལསམྨུཁཏཱ…པེ… ཨེཝཾ ཝཱུཔསནྟཾ ཙེ, བྷིཀྑཝེ, ཨདྷིཀརཎཾ ཀཱརཀོ ཨུཀྐོཊེཏི, ཨུཀྐོཊནཀཾ པཱཙིཏྟིཡཾ.

‘‘ཏེཧི ཙེ, བྷིཀྑཝེ, བྷིཀྑཱུཧི ཏསྨིཾ ཨདྷིཀརཎེ ཝིནིཙྪིཡམཱནེ ཏཏྲཱསྶ བྷིཀྑུ དྷམྨཀཐིཀོ, ཏསྶ སུཏྟཉྷི ཁོ ཨཱགཏཾ ཧོཏི, ནོ སུཏྟཝིབྷངྒོ, སོ ཨཏྠཾ ཨསལླཀྑེནྟོ བྱཉྫནཙྪཱཡཱཡ ཨཏྠཾ པཊིབཱཧཏི, བྱཏྟེན བྷིཀྑུནཱ པཊིབལེན ཏེ བྷིཀྑཱུ ཉཱཔེཏབྦཱ –

‘‘སུཎནྟུ མེ ཨཱཡསྨནྟཱ. ཨཡཾ ཨིཏྠནྣཱམོ བྷིཀྑུ དྷམྨཀཐིཀོ. ཨིམསྶ སུཏྟཉྷི ཁོ ཨཱགཏཾ ཧོཏི, ནོ སུཏྟཝིབྷངྒོ. སོ ཨཏྠཾ ཨསལླཀྑེནྟོ བྱཉྫནཙྪཱཡཱཡ ཨཏྠཾ པཊིབཱཧཏི. ཡདཱཡསྨནྟཱནཾ པཏྟཀལླཾ, ཨིཏྠནྣཱམཾ བྷིཀྑུཾ ཝུཊྛཱཔེཏྭཱ ཨཝསེསཱ ཨིམཾ ཨདྷིཀརཎཾ ཝཱུཔསམེཡྻཱམཱཏི.

‘‘ཏེ ཙེ, བྷིཀྑཝེ, བྷིཀྑཱུ ཏཾ བྷིཀྑུཾ ཝུཊྛཱཔེཏྭཱ སཀྐོནྟི ཏཾ ཨདྷིཀརཎཾ ཝཱུཔསམེཏུཾ, ཨིདཾ ཝུཙྩཏི, བྷིཀྑཝེ, ཨདྷིཀརཎཾ ཝཱུཔསནྟཾ. ཀེན ཝཱུཔསནྟཾ? སམྨུཁཱཝིནཡེན. ཀིཉྩ ཏཏྠ སམྨུཁཱཝིནཡསྨིཾ? དྷམྨསམྨུཁཏཱ, ཝིནཡསམྨུཁཏཱ, པུགྒལསམྨུཁཏཱ…པེ… ཨེཝཾ ཝཱུཔསནྟཾ ཙེ, བྷིཀྑཝེ, ཨདྷིཀརཎཾ ཀཱརཀོ ཨུཀྐོཊེཏི, ཨུཀྐོཊནཀཾ པཱཙིཏྟིཡཾ.

ཡེབྷུཡྻསིཀཱཝིནཡོ

༢༣༤. ‘‘ཏེ ཙེ, བྷིཀྑཝེ, བྷིཀྑཱུ ན སཀྐོནྟི ཏཾ ཨདྷིཀརཎཾ ཨུབྦཱཧིཀཱཡ ¶ ཝཱུཔསམེཏུཾ, ཏེཧི, བྷིཀྑཝེ, བྷིཀྑཱུཧི ཏཾ ཨདྷིཀརཎཾ སངྒྷསྶ ནིཡྻཱདེཏབྦཾ – ‘ན མཡཾ [ན ཙ མཡཾ (ཀ.)], བྷནྟེ, སཀྐོམ ¶ ཨིམཾ ཨདྷིཀརཎཾ ཨུབྦཱཧིཀཱཡ ཝཱུཔསམེཏུཾ, སངྒྷོཝ ཨིམཾ ཨདྷིཀརཎཾ ཝཱུཔསམེཏཱུ’ཏི. ཨནུཛཱནཱམི, བྷིཀྑཝེ, ཨེཝརཱུཔཾ ཨདྷིཀརཎཾ ཡེབྷུཡྻསིཀཱཡ ཝཱུཔསམེཏུཾ. པཉྩཧངྒེཧི སམནྣཱགཏོ བྷིཀྑུ སལཱཀགྒཱཧཱཔཀོ སམྨནྣིཏབྦོ – ཡོ ན ཚནྡཱགཏིཾ གཙྪེཡྻ, ན ¶ དོསཱགཏིཾ གཙྪེཡྻ, ན མོཧཱགཏིཾ གཙྪེཡྻ, ན བྷཡཱགཏིཾ གཙྪེཡྻ, གཧིཏཱགཧིཏཉྩ ཛཱནེཡྻ…པེ… ཨེཝཉྩ པན, བྷིཀྑཝེ, སམྨནྣིཏབྦོ. པཋམཾ བྷིཀྑུ ཡཱཙིཏབྦོ, ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུཾ སལཱཀགྒཱཧཱཔཀཾ སམྨནྣེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ བྷིཀྑུཾ སལཱཀགྒཱཧཱཔཀཾ སམྨནྣཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ སལཱཀགྒཱཧཱཔཀསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨིཏྠནྣཱམོ བྷིཀྑུ སལཱཀགྒཱཧཱཔཀོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

‘‘ཏེན སལཱཀགྒཱཧཱཔཀེན བྷིཀྑུནཱ སལཱཀཱ གཱཧེཏབྦཱ. ཡཐཱ བཧུཏརཱ བྷིཀྑཱུ དྷམྨཝཱདིནོ ཝདནྟི ཏཐཱ ཏཾ ཨདྷིཀརཎཾ ཝཱུཔསམེཏབྦཾ. ཨིདཾ ཝུཙྩཏི, བྷིཀྑཝེ, ཨདྷིཀརཎཾ ཝཱུཔསནྟཾ. ཀེན ཝཱུཔསནྟཾ? སམྨུཁཱཝིནཡེན ཙ, ཡེབྷུཡྻསིཀཱཡ ཙ. ཀིཉྩ ཏཏྠ སམྨུཁཱཝིནཡསྨིཾ? སངྒྷསམྨུཁཏཱ, དྷམྨསམྨུཁཏཱ, ཝིནཡསམྨུཁཏཱ, པུགྒལསམྨུཁཏཱ. ཀཱ ཙ ཏཏྠ སངྒྷསམྨུཁཏཱ? ཡཱཝཏིཀཱ བྷིཀྑཱུ ཀམྨཔྤཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨཱཧཊོ ཧོཏི, སམྨུཁཱིབྷཱུཏཱ ན པཊིཀྐོསནྟི – ཨཡཾ ཏཏྠ སངྒྷསམྨུཁཏཱ. ཀཱ ཙ ཏཏྠ དྷམྨསམྨུཁཏཱ, ཝིནཡསམྨུཁཏཱ? ཡེན དྷམྨེན ཡེན ཝིནཡེན ཡེན སཏྠུསཱསནེན ཏཾ ཨདྷིཀརཎཾ ཝཱུཔསམྨཏི – ཨཡཾ ཏཏྠ དྷམྨསམྨུཁཏཱ, ཝིནཡསམྨུཁཏཱ ¶ . ཀཱ ཙ ཏཏྠ པུགྒལསམྨུཁཏཱ? ཡོ ཙ ཝིཝདཏི, ཡེན ཙ ཝིཝདཏི, ཨུབྷོ ཨཏྠཔཙྩཏྠིཀཱ སམྨུཁཱིབྷཱུཏཱ ཧོནྟི – ཨཡཾ ཏཏྠ པུགྒལསམྨུཁཏཱ. ཀཱ ཙ ཏཏྠ ཡེབྷུཡྻསིཀཱཡ? ཡཱ ཡེབྷུཡྻསིཀཱཀམྨསྶ ཀིརིཡཱ ཀརཎཾ ཨུཔགམནཾ ཨཛ྄ཛྷུཔགམནཾ ཨདྷིཝཱསནཱ ཨཔྤཊིཀྐོསནཱ – ཨཡཾ ཏཏྠ ཡེབྷུཡྻསིཀཱཡ. ཨེཝཾ ཝཱུཔསནྟཾ ཙེ, བྷིཀྑཝེ, ཨདྷིཀརཎཾ ཀཱརཀོ ཨུཀྐོཊེཏི, ཨུཀྐོཊནཀཾ པཱཙིཏྟིཡཾ; ཚནྡདཱཡཀོ ཁཱིཡཏི, ཁཱིཡནཀཾ པཱཙིཏྟིཡ’’ནྟི.

ཏིཝིདྷསལཱཀགྒཱཧོ

༢༣༥. ཏེན ¶ ¶ ¶ ཁོ པན སམཡེན སཱཝཏྠིཡཱ ཨེཝཾ ཛཱཏཾ ཨེཝཾ སམུཔྤནྣཾ ཨདྷིཀརཎཾ ཧོཏི. ཨཐ ཁོ ཏེ བྷིཀྑཱུ – ཨསནྟུཊྛཱ སཱཝཏྠིཡཱ སངྒྷསྶ ཨདྷིཀརཎཝཱུཔསམནེན – ཨསྶོསུཾ ཁོ ཨམུཀསྨིཾ ཀིར ཨཱཝཱསེ སམྦཧུལཱ ཐེརཱ ཝིཧརནྟི བཧུསྶུཏཱ ཨཱགཏཱགམཱ དྷམྨདྷརཱ ཝིནཡདྷརཱ མཱཏིཀཱདྷརཱ པཎྜིཏཱ ཝིཡཏྟཱ མེདྷཱཝིནོ ལཛྫིནོ ཀུཀྐུཙྩཀཱ སིཀྑཱཀཱམཱ. ཏེ ཙེ ཐེརཱ ཨིམཾ ཨདྷིཀརཎཾ ཝཱུཔསམེཡྻུཾ དྷམྨེན ཝིནཡེན སཏྠུསཱསནེན, ཨེཝམིདཾ ཨདྷིཀརཎཾ སུཝཱུཔསནྟཾ ཨསྶཱཏི. ཨཐ ཁོ ཏེ བྷིཀྑཱུ ཏཾ ཨཱཝཱསཾ གནྟྭཱ ཏེ ཐེརེ ཨེཏདཝོཙུཾ – ‘‘ཨིདཾ, བྷནྟེ, ཨདྷིཀརཎཾ ཨེཝཾ ཛཱཏཾ, ཨེཝཾ སམུཔྤནྣཾ. སཱདྷུ, བྷནྟེ, ཐེརཱ ཨིམཾ ཨདྷིཀརཎཾ ཝཱུཔསམེནྟུ དྷམྨེན ཝིནཡེན སཏྠུསཱསནེན, ཡཐཡིདཾ ཨདྷིཀརཎཾ སུཝཱུཔསནྟཾ ཨསྶཱ’’ཏི. ཨཐ ཁོ ཏེ ཐེརཱ – ཡཐཱ སཱཝཏྠིཡཱ སངྒྷེན ཨདྷིཀརཎཾ ཝཱུཔསམིཏཾ ཏཐཱ སུཝཱུཔསནྟནྟི [ཡཐཱ སུཝཱུཔསནྟཾ (སཱི. སྱཱ.)] – ཏཐཱ ཏཾ ཨདྷིཀརཎཾ ཝཱུཔསམེསུཾ ¶ .

ཨཐ ཁོ ཏེ བྷིཀྑཱུ – ཨསནྟུཊྛཱ སཱཝཏྠིཡཱ སངྒྷསྶ ཨདྷིཀརཎཝཱུཔསམནེན, ཨསནྟུཊྛཱ སམྦཧུལཱནཾ ཐེརཱནཾ ཨདྷིཀརཎཝཱུཔསམནེན – ཨསྶོསུཾ ཁོ ཨམུཀསྨིཾ ཀིར ཨཱཝཱསེ ཏཡོ ཐེརཱ ཝིཧརནྟི…པེ… དྭེ ཐེརཱ ཝིཧརནྟི…པེ… ཨེཀོ ཐེརོ ཝིཧརཏི བཧུསྶུཏོ ཨཱགཏཱགམོ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ ཝིཡཏྟོ མེདྷཱཝཱི ལཛྫཱི ཀུཀྐུཙྩཀོ སིཀྑཱཀཱམོ. སོ ཙེ ཐེརོ ཨིམཾ ཨདྷིཀརཎཾ ཝཱུཔསམེཡྻ དྷམྨེན ཝིནཡེན སཏྠུསཱསནེན, ཨེཝམིདཾ ཨདྷིཀརཎཾ སུཝཱུཔསནྟཾ ཨསྶཱཏི. ཨཐ ཁོ ཏེ བྷིཀྑཱུ ཏཾ ཨཱཝཱསཾ གནྟྭཱ ཏཾ ཐེརཾ ཨེཏདཝོཙུཾ – ‘‘ཨིདཾ, བྷནྟེ, ཨདྷིཀརཎཾ ཨེཝཾ ཛཱཏཾ, ཨེཝཾ སམུཔྤནྣཾ. སཱདྷུ, བྷནྟེ, ཐེརོ ཨིམཾ ཨདྷིཀརཎཾ ཝཱུཔསམེཏུ དྷམྨེན ཝིནཡེན སཏྠུསཱསནེན, ཡཐཡིདཾ ཨདྷིཀརཎཾ སུཝཱུཔསནྟཾ ཨསྶཱ’’ཏི. ཨཐ ཁོ སོ ཐེརོ – ཡཐཱ སཱཝཏྠིཡཱ སངྒྷེན ཨདྷིཀརཎཾ ཝཱུཔསམིཏཾ, ཡཐཱ སམྦཧུལེཧི ཐེརེཧི ཨདྷིཀརཎཾ ཝཱུཔསམིཏཾ, ཡཐཱ ཏཱིཧི ཐེརེཧི ཨདྷིཀརཎཾ ཝཱུཔསམིཏཾ, ཡཐཱ དྭཱིཧི ཐེརེཧི ཨདྷིཀརཎཾ ཝཱུཔསམིཏཾ, ཏཐཱ སུཝཱུཔསནྟནྟི – ཏཐཱ ཏཾ ཨདྷིཀརཎཾ ཝཱུཔསམེསི.

ཨཐ ¶ ཁོ ཏེ བྷིཀྑཱུ ཨསནྟུཊྛཱ སཱཝཏྠིཡཱ སངྒྷསྶ ཨདྷིཀརཎཝཱུཔསམནེན, ཨསནྟུཊྛཱ སམྦཧུལཱནཾ ཐེརཱནཾ ཨདྷིཀརཎཝཱུཔསམནེན, ཨསནྟུཊྛཱ ཏིཎྞཾ ཐེརཱནཾ ཨདྷིཀརཎཝཱུཔསམནེན, ཨསནྟུཊྛཱ དྭིནྣཾ ཐེརཱནཾ ཨདྷིཀརཎཝཱུཔསམནེན, ཨསནྟུཊྛཱ ཨེཀསྶ ཐེརསྶ ཨདྷིཀརཎཝཱུཔསམནེན, ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝཏོ ཨེཏམཏྠཾ ཨཱརོཙེསུཾ…པེ… ¶ ‘‘ནིཧཏམེཏཾ, བྷིཀྑཝེ, ཨདྷིཀརཎཾ སནྟཾ ཝཱུཔསནྟཾ སུཝཱུཔསནྟཾ. ཨནུཛཱནཱམི, བྷིཀྑཝེ, ཏེསཾ བྷིཀྑཱུནཾ སཉྙཏྟིཡཱ ཏཡོ སལཱཀགྒཱཧེ – གཱུལ༹ྷཀཾ, སཀཎྞཛཔྤཀཾ, ཝིཝཊཀཾ.

‘‘ཀཐཉྩ ¶ , བྷིཀྑཝེ, གཱུལ༹ྷཀོ སལཱཀགྒཱཧོ ཧོཏི? ཏེན སལཱཀགྒཱཧཱཔཀེན བྷིཀྑུནཱ ¶ སལཱཀཱཡོ ཝཎྞཱཝཎྞཱཡོ ཀཏྭཱ ཨེཀམེཀོ བྷིཀྑུ ཨུཔསངྐམིཏྭཱ ཨེཝམསྶ ཝཙནཱིཡོ – ‘ཨཡཾ ཨེཝཾཝཱདིསྶ སལཱཀཱ, ཨཡཾ ཨེཝཾཝཱདིསྶ སལཱཀཱ. ཡཾ ཨིཙྪསི ཏཾ གཎྷཱཧཱི’ཏི. གཧིཏེ ཝཏྟབྦོ – ‘མཱ ཙ ཀསྶཙི དསྶེཧཱི’ཏི. སཙེ ཛཱནཱཏི – ཨདྷམྨཝཱདཱི བཧུཏརཱཏི, དུགྒཧོཏི, པཙྩུཀྐཌྜྷིཏབྦཾ. སཙེ ཛཱནཱཏི – དྷམྨཝཱདཱི བཧུཏརཱཏི, སུགྒཧོཏི, སཱཝེཏབྦཾ. ཨེཝཾ ཁོ, བྷིཀྑཝེ, གཱུལ༹ྷཀོ སལཱཀགྒཱཧོ ཧོཏི.

‘‘ཀཐཉྩ, བྷིཀྑཝེ, སཀཎྞཛཔྤཀོ སལཱཀགྒཱཧོ ཧོཏི? ཏེན སལཱཀགྒཱཧཱཔཀེན བྷིཀྑུནཱ ཨེཀམེཀསྶ བྷིཀྑུནོ ཨུཔཀཎྞཀེ ཨཱརོཙེཏབྦཾ – ‘ཨཡཾ ཨེཝཾཝཱདིསྶ སལཱཀཱ, ཨཡཾ ཨེཝཾཝཱདིསྶ སལཱཀཱ. ཡཾ ཨིཙྪསི ཏཾ གཎྷཱཧཱི’ཏི. གཧིཏེ ཝཏྟབྦོ – ‘མཱ ཙ ཀསྶཙི ཨཱརོཙེཧཱི’ཏི. སཙེ ཛཱནཱཏི – ཨདྷམྨཝཱདཱི བཧུཏརཱཏི, དུགྒཧོཏི, པཙྩུཀྐཌྜྷིཏབྦཾ. སཙེ ཛཱནཱཏི – དྷམྨཝཱདཱི བཧུཏརཱཏི, སུགྒཧོཏི, སཱཝེཏབྦཾ. ཨེཝཾ ཁོ, བྷིཀྑཝེ, སཀཎྞཛཔྤཀོ སལཱཀགྒཱཧོ ཧོཏི.

‘‘ཀཐཉྩ, བྷིཀྑཝེ, ཝིཝཊཀོ སལཱཀགྒཱཧོ ཧོཏི? སཙེ ཛཱནཱཏི – དྷམྨཝཱདཱི བཧུཏརཱཏི, ཝིསྶཊྛེནེཝ ཝིཝཊེན གཱཧེཏབྦོ ¶ . ཨེཝཾ ཁོ, བྷིཀྑཝེ, ཝིཝཊཀོ སལཱཀགྒཱཧོ ཧོཏི. ཨིམེ ཁོ, བྷིཀྑཝེ, ཏཡོ སལཱཀགྒཱཧཱ’’ཏི.

སཏིཝིནཡོ

༢༣༦. [པརི. ༢༩༢-༢༩༣, ༣༠༧ ཨཱདཡོ] ‘‘ཨནུཝཱདཱདྷིཀརཎཾ ¶ ཀཏིཧི སམཐེཧི སམྨཏི? ཨནུཝཱདཱདྷིཀརཎཾ ཙཏཱུཧི སམཐེཧི སམྨཏི – སམྨུཁཱཝིནཡེན ཙ, སཏིཝིནཡེན ཙ, ཨམཱུལ༹ྷཝིནཡེན ཙ, ཏསྶཔཱཔིཡསིཀཱཡ ཙ. སིཡཱ ཨནུཝཱདཱདྷིཀརཎཾ དྭེ སམཐེ ཨནཱགམྨ – ཨམཱུལ༹ྷཝིནཡཉྩ, ཏསྶཔཱཔིཡསིཀཉྩ; དྭཱིཧི སམཐེཧི སམྨེཡྻ – སམྨུཁཱཝིནཡེན ཙ, སཏིཝིནཡེན ཙཱཏི? སིཡཱཏིསྶ ཝཙནཱིཡཾ. ཡཐཱ ཀཐཾ ཝིཡ? ཨིདྷ པན, བྷིཀྑཝེ, བྷིཀྑཱུ བྷིཀྑུཾ ཨམཱུལིཀཱཡ སཱིལཝིཔཏྟིཡཱ ཨནུདྡྷཾསེནྟི. ཏསྶ ཁོ, བྷིཀྑཝེ [ཏསྶ ཁོ ཏཾ བྷིཀྑཝེ (སྱཱ. ཀ.)], བྷིཀྑུནོ སཏིཝེཔུལླཔྤཏྟསྶ སཏིཝིནཡོ དཱཏབྦོ. ཨེཝཉྩ པན, བྷིཀྑཝེ, དཱཏབྦོ –

‘‘ཏེན, བྷིཀྑཝེ, བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒ ཀརིཏྭཱ…པེ… ཨེཝམསྶ ཝཙནཱིཡོ – ‘མཾ, བྷནྟེ, བྷིཀྑཱུ ཨམཱུལིཀཱཡ སཱིལཝིཔཏྟིཡཱ ཨནུདྡྷཾསེནྟི. སོཧཾ, བྷནྟེ ¶ , སཏིཝེཔུལླཔྤཏྟོ སངྒྷཾ སཏིཝིནཡཾ ཡཱཙཱམཱི’ཏི. དུཏིཡམྤི ཡཱཙིཏབྦོ. ཏཏིཡམྤི ཡཱཙིཏབྦོ. བྱཏྟེནཾ བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. བྷིཀྑཱུ ཨིཏྠནྣཱམཾ བྷིཀྑུཾ ཨམཱུལིཀཱཡ སཱིལཝིཔཏྟིཡཱ ཨནུདྡྷཾསེནྟི. སོ སཏིཝེཔུལླཔྤཏྟོ སངྒྷཾ སཏིཝིནཡཾ ཡཱཙཏི ¶ . ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམསྶ བྷིཀྑུནོ སཏིཝེཔུལླཔྤཏྟསྶ ¶ སཏིཝིནཡཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. བྷིཀྑཱུ ཨིཏྠནྣཱམཾ བྷིཀྑུཾ ཨམཱུལིཀཱཡ སཱིལཝིཔཏྟིཡཱ ཨནུདྡྷཾསེནྟི. སོ སཏིཝེཔུལླཔྤཏྟོ སངྒྷཾ སཏིཝིནཡཾ ཡཱཙཏི. སངྒྷོ ཨིཏྠནྣཱམསྶ བྷིཀྑུནོ སཏིཝེཔུལླཔྤཏྟསྶ སཏིཝིནཡཾ དེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ སཏིཝེཔུལླཔྤཏྟསྶ སཏིཝིནཡསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘དིནྣོ སངྒྷེན ཨིཏྠནྣཱམསྶ བྷིཀྑུནོ སཏིཝེཔུལླཔྤཏྟསྶ སཏིཝིནཡོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

‘‘ཨིདཾ ཝུཙྩཏི, བྷིཀྑཝེ, ཨདྷིཀརཎཾ ཝཱུཔསནྟཾ. ཀེན ཝཱུཔསནྟཾ? སམྨུཁཱཝིནཡེན ཙ སཏིཝིནཡེན ཙ. ཀིཉྩ ཏཏྠ སམྨུཁཱཝིནཡསྨིཾ? སངྒྷསམྨུཁཏཱ, དྷམྨསམྨུཁཏཱ ¶ , ཝིནཡསམྨུཁཏཱ, པུགྒལསམྨུཁཏཱ…པེ… ཀཱ ཙ ཏཏྠ པུགྒལསམྨུཁཏཱ? ཡོ ཙ ཨནུཝདཏི, ཡཉྩ ཨནུཝདཏི, ཨུབྷོ སམྨུཁཱིབྷཱུཏཱ ཧོནྟི – ཨཡཾ ཏཏྠ པུགྒལསམྨུཁཏཱ. ཀིཉྩ ཏཏྠ སཏིཝིནཡསྨིཾ? ཡཱ སཏིཝིནཡསྶ ཀམྨསྶ ཀིརིཡཱ ཀརཎཾ ཨུཔགམནཾ ཨཛ྄ཛྷུཔགམནཾ ཨདྷིཝཱསནཱ ཨཔྤཊིཀྐོསནཱ – ཨིདཾ ཏཏྠ སཏིཝིནཡསྨིཾ. ཨེཝཾ ཝཱུཔསནྟཾ ཙེ, བྷིཀྑཝེ, ཨདྷིཀརཎཾ ཀཱརཀོ ཨུཀྐོཊེཏི, ཨུཀྐོཊནཀཾ པཱཙིཏྟིཡཾ; ཚནྡདཱཡཀོ ཁཱིཡཏི, ཁཱིཡནཀཾ པཱཙིཏྟིཡཾ.

ཨམཱུལ༹ྷཝིནཡོ

༢༣༧. ‘‘སིཡཱ ཨནུཝཱདཱདྷིཀརཎཾ དྭེ སམཐེ ཨནཱགམྨ – སཏིཝིནཡཉྩ, ཏསྶཔཱཔིཡསིཀཉྩ; དྭཱིཧི སམཐེཧི སམྨེཡྻ – སམྨུཁཱཝིནཡེན ཙ, ཨམཱུལ༹ྷཝིནཡེན ¶ ཙཱཏི? སིཡཱཏིསྶ ཝཙནཱིཡཾ. ཡཐཱ ཀཐཾ ཝིཡ? ཨིདྷ པན, བྷིཀྑཝེ, བྷིཀྑུ ཨུམྨཏྟཀོ ཧོཏི ཙིཏྟཝིཔརིཡཱསཀཏོ ¶ . ཏེན ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ ཧོཏི བྷཱསིཏཔརིཀྐནྟཾ. ཏཾ བྷིཀྑཱུ ཨུམྨཏྟཀེན ཙིཏྟཝིཔརིཡཱསཀཏེན ཨཛ྄ཛྷཱཙིཎྞེན ཨཱཔཏྟིཡཱ ཙོདེནྟི – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི. སོ ཨེཝཾ ཝདེཏི – ‘ཨཧཾ ཁོ, ཨཱཝུསོ, ཨུམྨཏྟཀོ ཨཧོསིཾ ཙིཏྟཝིཔརིཡཱསཀཏོ. ཏེན མེ ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. ནཱཧཾ ཏཾ སརཱམི. མཱུལ༹ྷེན མེ ཨེཏཾ ཀཏ’ནྟི. ཨེཝམྤི ནཾ ཝུཙྩམཱནཱ ཙོདེནྟེཝ – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི. ‘‘ཏསྶ ཁོ, བྷིཀྑཝེ, བྷིཀྑུནོ ཨམཱུལ༹ྷསྶ ཨམཱུལ༹ྷཝིནཡོ དཱཏབྦོ. ཨེཝཉྩ པན, བྷིཀྑཝེ, དཱཏབྦོ –

‘‘ཏེན, བྷིཀྑཝེ, བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ…པེ… ཨེཝམསྶ ཝཙནཱིཡོ – ‘ཨཧཾ, བྷནྟེ, ཨུམྨཏྟཀོ ཨཧོསིཾ ཙིཏྟཝིཔརིཡཱསཀཏོ. ཏེན མེ ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. མཾ བྷིཀྑཱུ ཨུམྨཏྟཀེན ཙིཏྟཝིཔརིཡཱསཀཏེན ཨཛ྄ཛྷཱཙིཎྞེན ཨཱཔཏྟིཡཱ ཙོདེནྟི – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི. ཏྱཱཧཾ ཨེཝཾ ཝདཱམི – ‘ཨཧཾ ཁོ, ཨཱཝུསོ, ཨུམྨཏྟཀོ ཨཧོསིཾ ཙིཏྟཝིཔརིཡཱསཀཏོ. ཏེན མེ ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. ནཱཧཾ ཏཾ སརཱམི. མཱུལ༹ྷེན མེ ཨེཏཾ ཀཏ’ནྟི ¶ . ཨེཝམྤི མཾ ཝུཙྩམཱནཱ ཙོདེནྟེཝ – ‘སརཏཱཡསྨཱ ¶ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི. ‘སོཧཾ, བྷནྟེ, ཨམཱུལ༹ྷོ སངྒྷཾ ཨམཱུལ༹ྷཝིནཡཾ ཡཱཙཱམཱི’ཏི. དུཏིཡམྤི ཡཱཙིཏབྦོ. ཏཏིཡམྤི ཡཱཙིཏབྦོ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ ཨུམྨཏྟཀོ ཨཧོསི ཙིཏྟཝིཔརིཡཱསཀཏོ. ཏེན ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. ཏཾ བྷིཀྑཱུ ཨུམྨཏྟཀེན ཙིཏྟཝིཔརིཡཱསཀཏེན ཨཛ྄ཛྷཱཙིཎྞེན ཨཱཔཏྟིཡཱ ཙོདེནྟི – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི. སོ ཨེཝཾ ཝདེཏི – ‘ཨཧཾ ཁོ, ཨཱཝུསོ, ཨུམྨཏྟཀོ ཨཧོསིཾ ཙིཏྟཝིཔརིཡཱསཀཏོ. ཏེན མེ ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. ནཱཧཾ ཏཾ སརཱམི. མཱུལ༹ྷེན མེ ཨེཏཾ ཀཏ’ནྟི. ཨེཝམྤི ནཾ ཝུཙྩམཱནཱ ཙོདེནྟེཝ – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི. སོ ཨམཱུལ༹ྷོ སངྒྷཾ ཨམཱུལ༹ྷཝིནཡཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམསྶ བྷིཀྑུནོ ཨམཱུལ༹ྷསྶ ཨམཱུལ༹ྷཝིནཡཾ དདེཡྻ. ཨེསཱ ཉཏྟི.

‘‘སུཎཱཏུ ¶ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ ཨུམྨཏྟཀོ ཨཧོསི ཙིཏྟཝིཔརིཡཱསཀཏོ. ཏེན ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. ཏཾ བྷིཀྑཱུ ཨུམྨཏྟཀེན ཙིཏྟཝིཔརིཡཱསཀཏེན ཨཛ྄ཛྷཱཙིཎྞེན ཨཱཔཏྟིཡཱ ཙོདེནྟི – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི ¶ . སོ ཨེཝཾ ཝདེཏི – ‘ཨཧཾ ཁོ, ཨཱཝུསོ, ཨུམྨཏྟཀོ ཨཧོསིཾ ཙིཏྟཝིཔརིཡཱསཀཏོ. ཏེན མེ ཨུམྨཏྟཀེན ཙིཏྟཝིཔརིཡཱསཀཏེན བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. ནཱཧཾ ཏཾ སརཱམི. མཱུལ༹ྷེན མེ ཨེཏཾ ཀཏ’ནྟི. ཨེཝམྤི ནཾ ཝུཙྩམཱནཱ ཙོདེནྟེཝ – ‘སརཏཱཡསྨཱ ཨེཝརཱུཔིཾ ཨཱཔཏྟིཾ ཨཱཔཛྫིཏཱ’ཏི. སོ ཨམཱུལ༹ྷོ སངྒྷཾ ཨམཱུལ༹ྷཝིནཡཾ ཡཱཙཏི. སངྒྷོ ཨིཏྠནྣཱམསྶ བྷིཀྑུནོ ཨམཱུལ༹ྷསྶ ཨམཱུལ༹ྷཝིནཡཾ དེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ ཨམཱུལ༹ྷསྶ ཨམཱུལ༹ྷཝིནཡསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘དིནྣོ སངྒྷེན ཨིཏྠནྣཱམསྶ བྷིཀྑུནོ ཨམཱུལ༹ྷསྶ ཨམཱུལ༹ྷཝིནཡོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

‘‘ཨིདཾ ¶ ཝུཙྩཏི, བྷིཀྑཝེ, ཨདྷིཀརཎཾ ཝཱུཔསནྟཾ. ཀེན ཝཱུཔསནྟཾ? སམྨུཁཱཝིནཡེན ཙ, ཨམཱུལ༹ྷཝིནཡེན ཙ. ཀིཉྩ ཏཏྠ སམྨུཁཱཝིནཡསྨིཾ? སངྒྷསམྨུཁཏཱ, དྷམྨསམྨུཁཏཱ, ཝིནཡསམྨུཁཏཱ, པུགྒལསམྨུཁཏཱ…པེ… ཀིཉྩ ཏཏྠ ཨམཱུལ༹ྷཝིནཡསྨིཾ ¶ ? ཡཱ ཨམཱུལ༹ྷཝིནཡསྶ ཀམྨསྶ ཀིརིཡཱ ཀརཎཾ ཨུཔགམནཾ ཨཛ྄ཛྷུཔགམནཾ ཨདྷིཝཱསནཱ ཨཔྤཊིཀྐོསནཱ – ཨིདཾ ཏཏྠ ཨམཱུལ༹ྷཝིནཡསྨིཾ. ཨེཝཾ ཝཱུཔསནྟཾ ཙེ, བྷིཀྑཝེ, ཨདྷིཀརཎཾ ཀཱརཀོ ཨུཀྐོཊེཏི, ཨུཀྐོཊནཀཾ པཱཙིཏྟིཡཾ; ཚནྡདཱཡཀོ ཁཱིཡཏི, ཁཱིཡནཀཾ པཱཙིཏྟིཡཾ.

ཏསྶཔཱཔིཡསིཀཱཝིནཡོ

༢༣༨. ‘‘སིཡཱ ཨནུཝཱདཱདྷིཀརཎཾ དྭེ སམཐེ ཨནཱགམྨ – སཏིཝིནཡཉྩ, ཨམཱུལ༹ྷཝིནཡཉྩ ¶ ; དྭཱིཧི སམཐེཧི སམྨེཡྻ – སམྨུཁཱཝིནཡེན ཙ, ཏསྶཔཱཔིཡསིཀཱཡ ཙཱཏི? སིཡཱཏིསྶ ཝཙནཱིཡཾ. ཡཐཱ ཀཐཾ ཝིཡ? ཨིདྷ པན, བྷིཀྑཝེ, བྷིཀྑུ བྷིཀྑུཾ སངྒྷམཛ྄ཛྷེ གརུཀཱཡ ཨཱཔཏྟིཡཱ ཙོདེཏི – ‘སརཏཱཡསྨཱ ཨེཝརཱུཔིཾ གརུཀཾ ཨཱཔཏྟིཾ ཨཱཔཛྫིཏཱ, པཱརཱཛིཀཾ ཝཱ པཱརཱཛིཀསཱམནྟཾ ཝཱ’ཏི. སོ ཨེཝཾ ཝདེཏི – ‘ན ཁོ ཨཧཾ, ཨཱཝུསོ, སརཱམི ཨེཝརཱུཔིཾ གརུཀཾ ཨཱཔཏྟིཾ ཨཱཔཛྫིཏཱ, པཱརཱཛིཀཾ ཝཱ པཱརཱཛིཀསཱམནྟཾ ཝཱ’ཏི. ཏམེནཾ སོ ནིབྦེཋེནྟཾ ¶ ཨཏིཝེཋེཏི – ‘ཨིངྒྷཱཡསྨཱ སཱདྷུཀམེཝ ཛཱནཱཧི, ཡདི སརསི ཨེཝརཱུཔིཾ གརུཀཾ ཨཱཔཏྟིཾ ཨཱཔཛྫིཏཱ, པཱརཱཛིཀཾ ཝཱ པཱརཱཛིཀསཱམནྟཾ ཝཱ’ཏི. སོ ཨེཝཾ ཝདེཏི – ‘ན ཁོ ཨཧཾ, ཨཱཝུསོ, སརཱམི ཨེཝརཱུཔིཾ གརུཀཾ ཨཱཔཏྟིཾ ཨཱཔཛྫིཏཱ, པཱརཱཛིཀཾ ཝཱ པཱརཱཛིཀསཱམནྟཾ ཝཱ. སརཱམི ཙ ཁོ ཨཧཾ, ཨཱཝུསོ, ཨེཝརཱུཔིཾ ཨཔྤམཏྟིཀཾ ཨཱཔཏྟིཾ ཨཱཔཛྫིཏཱ’ཏི. ཏམེནཾ སོ ནིབྦེཋེནྟཾ ཨཏིཝེཋེཏི – ‘ཨིངྒྷཱཡསྨཱ སཱདྷུཀམེཝ ཛཱནཱཧི, ཡདི སརསི ཨེཝརཱུཔིཾ གརུཀཾ ཨཱཔཏྟིཾ ཨཱཔཛྫིཏཱ, པཱརཱཛིཀཾ ཝཱ པཱརཱཛིཀསཱམནྟཾ ཝཱ’ཏི. སོ ཨེཝཾ ཝདེཏི – ‘ཨིམཉྷི ནཱམཱཧཾ, ཨཱཝུསོ, ཨཔྤམཏྟིཀཾ ཨཱཔཏྟིཾ ཨཱཔཛྫིཏྭཱ ཨཔུཊྛོ པཊིཛཱནིསྶཱམི. ཀིཾ པནཱཧཾ ཨེཝརཱུཔིཾ གརུཀཾ ཨཱཔཏྟིཾ ཨཱཔཛྫིཏྭཱ, པཱརཱཛིཀཾ ཝཱ པཱརཱཛིཀསཱམནྟཾ ཝཱ, པུཊྛོ ན པཊིཛཱནིསྶཱམཱི’ཏི? སོ ཨེཝཾ ཝདེཏི – ‘ཨིམཉྷི ནཱམ ཏྭཾ, ཨཱཝུསོ, ཨཔྤམཏྟིཀཾ ཨཱཔཏྟིཾ ཨཱཔཛྫིཏྭཱ ཨཔུཊྛོ ན པཊིཛཱནིསྶསི. ཀིཾ པན ཏྭཾ ཨེཝརཱུཔིཾ ¶ གརུཀཾ ཨཱཔཏྟིཾ ཨཱཔཛྫིཏྭཱ, པཱརཱཛིཀཾ ཝཱ པཱརཱཛིཀསཱམནྟཾ ཝཱ, ཨཔུཊྛོ པཊིཛཱནིསྶསི? ཨིངྒྷཱཡསྨཱ སཱདྷུཀམེཝ ཛཱནཱཧི, ཡདི སརསི ཨེཝརཱུཔིཾ གརུཀཾ ཨཱཔཏྟིཾ ཨཱཔཛྫིཏཱ, པཱརཱཛིཀཾ ཝཱ པཱརཱཛིཀསཱམནྟཾ ཝཱ’ཏི. སོ ཨེཝཾ ཝདེསི – ‘སརཱམི ཁོ ཨཧཾ, ཨཱཝུསོ, ཨེཝརཱུཔིཾ ¶ གརུཀཾ ཨཱཔཏྟིཾ ཨཱཔཛྫིཏཱ, པཱརཱཛིཀཾ ཝཱ པཱརཱཛིཀསཱམནྟཾ ཝཱ. དཝཱ མེ ཨེཏཾ ཝུཏྟཾ, རཝཱ མེ ཨེཏཾ ཝུཏྟཾ – ནཱཧཾ ཏཾ སརཱམི ཨེཝརཱུཔིཾ གརུཀཾ ཨཱཔཏྟིཾ ཨཱཔཛྫིཏཱ, པཱརཱཛིཀཾ ཝཱ པཱརཱཛིཀསཱམནྟཾ ཝཱ’ཏི. ཏསྶ ཁོ, བྷིཀྑཝེ [ཏསྶ ཁོ ཏཾ བྷིཀྑཝེ (ཀ.) ཏསྶ ཁྭཏཾ བྷིཀྑཝེ (སྱཱ.)], བྷིཀྑུནོ ཏསྶཔཱཔིཡསིཀཱཀམྨཾ ཀཱཏབྦཾ. ཨེཝཉྩ པན, བྷིཀྑཝེ, ཀཱཏབྦཾ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ སངྒྷོ. ཨཡཾ ཨིཏྠནྣཱམོ བྷིཀྑུ སངྒྷམཛ྄ཛྷེ གརུཀཱཡ ཨཱཔཏྟིཡཱ ཨནུཡུཉྫིཡམཱནོ ཨཝཛཱནིཏྭཱ པཊིཛཱནཱཏི, པཊིཛཱནིཏྭཱ ཨཝཛཱནཱཏི, ཨཉྙེནཱཉྙཾ པཊིཙརཏི, སམྤཛཱནམུསཱ བྷཱསཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམསྶ བྷིཀྑུནོ ཏསྶཔཱཔིཡསིཀཱཀམྨཾ ཀརེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ སངྒྷམཛ྄ཛྷེ གརུཀཱཡ ཨཱཔཏྟིཡཱ ཨནུཡུཉྫིཡམཱནོ ཨཝཛཱནིཏྭཱ པཊིཛཱནཱཏི, པཊིཛཱནིཏྭཱ ཨཝཛཱནཱཏི, ཨཉྙེནཱཉྙཾ པཊིཙརཏི, སམྤཛཱནམུསཱ བྷཱསཏི. སངྒྷོ ཨིཏྠནྣཱམསྶ བྷིཀྑུནོ ཏསྶཔཱཔིཡསིཀཱཀམྨཾ ¶ ཀརོཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ ཏསྶཔཱཔིཡསིཀཱཀམྨསྶ ཀརཎཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི…པེ….

‘‘ཀཏཾ སངྒྷེན ཨིཏྠནྣཱམསྶ བྷིཀྑུནོ ཏསྶཔཱཔིཡསིཀཱཀམྨཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

‘‘ཨིདཾ ཝུཙྩཏི, བྷིཀྑཝེ, ཨདྷིཀརཎཾ ¶ ཝཱུཔསནྟཾ. ཀེན ཝཱུཔསནྟཾ? སམྨུཁཱཝིནཡེན ཙ, ཏསྶཔཱཔིཡསིཀཱཡ ཙ. ཀིཉྩ ཏཏྠ སམྨུཁཱཝིནཡསྨིཾ? སངྒྷསམྨུཁཏཱ, དྷམྨསམྨུཁཏཱ, ཝིནཡསམྨུཁཏཱ…པེ… ཀཱ ཙ ཏཏྠ ཏསྶཔཱཔིཡསིཀཱཡ? ཡཱ ཏསྶཔཱཔིཡསིཀཱཀམྨསྶ ཀིརིཡཱ ཀརཎཾ ཨུཔགམནཾ ཨཛ྄ཛྷུཔགམནཾ ཨདྷིཝཱསནཱ ཨཔྤཊིཀྐོསནཱ – ཨཡཾ ཏཏྠ ཏསྶཔཱཔིཡསིཀཱཡ. ཨེཝཾ ཝཱུཔསནྟཾ ཙེ, བྷིཀྑཝེ, ཨདྷིཀརཎཾ ཀཱརཀོ ཨུཀྐོཊེཏི, ཨུཀྐོཊནཀཾ པཱཙིཏྟིཡཾ; ཚནྡདཱཡཀོ ཁཱིཡཏི, ཁཱིཡནཀཾ པཱཙིཏྟིཡཾ.

པཊིཉྙཱཏཀརཎཾ

༢༣༩. [པརི. ༢༩༥, ༣༠༦, ༣༠༨ ཨཱདཡོ] ‘‘ཨཱཔཏྟཱདྷིཀརཎཾ ཀཏིཧི སམཐེཧི སམྨཏི? ཨཱཔཏྟཱདྷིཀརཎཾ ཏཱིཧི སམཐེཧི སམྨཏི – སམྨུཁཱཝིནཡེན ཙ, པཊིཉྙཱཏཀརཎེན ཙ, ཏིཎཝཏྠཱརཀེན ¶ ཙ. སིཡཱ ཨཱཔཏྟཱདྷིཀརཎཾ ཨེཀཾ སམཐཾ ཨནཱགམྨ – ཏིཎཝཏྠཱརཀཾ, དྭཱིཧི སམཐེཧི སམྨེཡྻ – སམྨུཁཱཝིནཡེན ཙ, པཊིཉྙཱཏཀརཎེན ཙཱཏི? སིཡཱཏིསྶ ཝཙནཱིཡཾ. ཡཐཱ ཀཐཾ ཝིཡ? ཨིདྷ པན, བྷིཀྑཝེ, བྷིཀྑུ ལཧུཀཾ ཨཱཔཏྟིཾ ཨཱཔནྣོ ཧོཏི. ཏེན, བྷིཀྑཝེ, བྷིཀྑུནཱ ཨེཀཾ བྷིཀྑུཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ ¶ པགྒཧེཏྭཱ ཨེཝམསྶ ཝཙནཱིཡོ – ‘ཨཧཾ, ཨཱཝུསོ, ཨིཏྠནྣཱམཾ ཨཱཔཏྟིཾ ཨཱཔནྣོ; ཏཾ པཊིདེསེམཱི’ཏི. ཏེན ཝཏྟབྦོ – ‘པསྶསཱི’ཏི? ‘ཨཱམ པསྶཱམཱི’ཏི. ‘ཨཱཡཏིཾ སཾཝརེཡྻཱསཱི’ཏི.

‘‘ཨིདཾ ཝུཙྩཏི, བྷིཀྑཝེ, ཨདྷིཀརཎཾ ཝཱུཔསནྟཾ. ཀེན ཝཱུཔསནྟཾ? སམྨུཁཱཝིནཡེན ཙ, པཊིཉྙཱཏཀརཎེན ཙ. ཀིཉྩ ཏཏྠ སམྨུཁཱཝིནཡསྨིཾ? དྷམྨསམྨུཁཏཱ, ཝིནཡསམྨུཁཏཱ, པུགྒལསམྨུཁཏཱ…པེ… ཀཱ ཙ ཏཏྠ པུགྒལསམྨུཁཏཱ? ཡོ ཙ དེསེཏི, ཡསྶ ཙ དེསེཏི, ཨུབྷོ སམྨུཁཱིབྷཱུཏཱ ཧོནྟི – ཨཡཾ ཏཏྠ པུགྒལསམྨུཁཏཱ. ཀིཉྩ ཏཏྠ པཊིཉྙཱཏཀརཎསྨིཾ? ཡཱ པཊིཉྙཱཏཀརཎསྶ ཀམྨསྶ ཀིརིཡཱ ཀརཎཾ ཨུཔགམནཾ ཨཛ྄ཛྷུཔགམནཾ ཨདྷིཝཱསནཱ ཨཔྤཊིཀྐོསནཱ – ཨིདཾ ཏཏྠ པཊིཉྙཱཏཀརཎསྨིཾ. ཨེཝཾ ཝཱུཔསནྟཾ ཙེ, བྷིཀྑཝེ, ཨདྷིཀརཎཾ པཊིགྒཱཧཀོ ཨུཀྐོཊེཏི, ཨུཀྐོཊནཀཾ པཱཙིཏྟིཡཾ. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཏེན, བྷིཀྑཝེ, བྷིཀྑུནཱ སམྦཧུལེ བྷིཀྑཱུ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ ¶ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶུ ཝཙནཱིཡཱ – ‘ཨཧཾ, བྷནྟེ, ཨིཏྠནྣཱམཾ ཨཱཔཏྟིཾ ཨཱཔནྣོ; ཏཾ པཊིདེསེམཱི’ཏི. བྱཏྟེན བྷིཀྑུནཱ ¶ པཊིབལེན ཏེ བྷིཀྑཱུ ཉཱཔེཏབྦཱ –

‘‘སུཎནྟུ མེ ཨཱཡསྨནྟཱ. ཨཡཾ ཨིཏྠནྣཱམོ བྷིཀྑུ ཨཱཔཏྟིཾ སརཏི, ཝིཝརཏི, ཨུཏྟཱནིཾ ཀརོཏི དེསེཏི. ཡདཱཡསྨནྟཱནཾ པཏྟཀལླཾ, ཨཧཾ ཨིཏྠནྣཱམསྶ བྷིཀྑུནོ ཨཱཔཏྟིཾ པཊིགྒཎྷེཡྻནྟི. ཏེན ཝཏྟབྦོ – ‘པསྶསཱི’ཏི? ‘ཨཱམ ¶ པསྶཱམཱི’ཏི. ‘ཨཱཡཏིཾ སཾཝརེཡྻཱསཱི’ཏི.

‘‘ཨིདཾ ཝུཙྩཏི, བྷིཀྑཝེ, ཨདྷིཀརཎཾ ཝཱུཔསནྟཾ. ཀེན ཝཱུཔསནྟཾ? སམྨུཁཱཝིནཡེན ཙ, པཊིཉྙཱཏཀརཎེན ཙ. ཀིཉྩ ཏཏྠ སམྨུཁཱཝིནཡསྨིཾ? དྷམྨསམྨུཁཏཱ, ཝིནཡསམྨུཁཏཱ, པུགྒལསམྨུཁཏཱ…པེ… ཀཱ ཙ ཏཏྠ པུགྒལསམྨུཁཏཱ? ཡོ ཙ དེསེཏི, ཡསྶ ཙ དེསེཏི, ཨུབྷོ སམྨུཁཱིབྷཱུཏཱ ཧོནྟི ¶ – ཨཡཾ ཏཏྠ པུགྒལསམྨུཁཏཱ. ཀིཉྩ ཏཏྠ པཊིཉྙཱཏཀརཎསྨིཾ? ཡཱ པཊིཉྙཱཏཀརཎསྶ ཀམྨསྶ ཀིརིཡཱ ཀརཎཾ ཨུཔགམནཾ ཨཛ྄ཛྷུཔགམནཾ ཨདྷིཝཱསནཱ ཨཔྤཊིཀྐོསནཱ – ཨིདཾ ཏཏྠ པཊིཉྙཱཏཀརཎསྨིཾ. ཨེཝཾ ཝཱུཔསནྟཾ ཙེ, བྷིཀྑཝེ, ཨདྷིཀརཎཾ པཊིགྒཱཧཀོ ཨུཀྐོཊེཏི, ཨུཀྐོཊནཀཾ པཱཙིཏྟིཡཾ. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཏེན, བྷིཀྑཝེ, བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘ཨཧཾ, བྷནྟེ, ཨིཏྠནྣཱམཾ ཨཱཔཏྟིཾ ཨཱཔནྣོ; ཏཾ པཊིདེསེམཱི’ཏི. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ ཨཱཔཏྟིཾ སརཏི, ཝིཝརཏི, ཨུཏྟཱནིཾ ཀརོཏི, དེསེཏི. ཡདི སངྒྷསྶ པཏྟཀལླཾ, ཨཧཾ ཨིཏྠནྣཱམསྶ བྷིཀྑུནོ ཨཱཔཏྟིཾ པཊིགྒཎྷེཡྻནྟི. ཏེན ཝཏྟབྦོ – ‘པསྶསཱི’ཏི? ‘ཨཱམ པསྶཱམཱི’ཏི. ‘ཨཱཡཏིཾ སཾཝརེཡྻཱསཱི’ཏི.

‘‘ཨིདཾ ཝུཙྩཏི, བྷིཀྑཝེ, ཨདྷིཀརཎཾ ཝཱུཔསནྟཾ. ཀེན ཝཱུཔསནྟཾ? སམྨུཁཱཝིནཡེན ཙ, པཊིཉྙཱཏཀརཎེན ཙ ¶ . ཀིཉྩ ཏཏྠ སམྨུཁཱཝིནཡསྨིཾ? སངྒྷསམྨུཁཏཱ, དྷམྨསམྨུཁཏཱ, ཝིནཡསམྨུཁཏཱ, པུགྒལསམྨུཁཏཱ…པེ… ཨེཝཾ ཝཱུཔསནྟཾ ཙེ, བྷིཀྑཝེ, ཨདྷིཀརཎཾ པཊིགྒཱཧཀོ ¶ ཨུཀྐོཊེཏི, ཨུཀྐོཊནཀཾ པཱཙིཏྟིཡཾ; ཚནྡདཱཡཀོ ཁཱིཡཏི, ཁཱིཡནཀཾ པཱཙིཏྟིཡཾ.

ཏིཎཝཏྠཱརཀཾ

༢༤༠. ‘‘སིཡཱ ཨཱཔཏྟཱདྷིཀརཎཾ ཨེཀཾ སམཐཾ ཨནཱགམྨ – པཊིཉྙཱཏཀརཎཾ, དྭཱིཧི སམཐེཧི སམྨེཡྻ – སམྨུཁཱཝིནཡེན ཙ, ཏིཎཝཏྠཱརཀེན ཙཱཏི? སིཡཱཏིསྶ ཝཙནཱིཡཾ. ཡཐཱ ཀཐཾ ཝིཡ? ཨིདྷ པན, བྷིཀྑཝེ, བྷིཀྑཱུནཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཝིཧརཏཾ བཧུཾ ཨསྶཱམཎཀཾ ཨཛ྄ཛྷཱཙིཎྞཾ ཧོཏི བྷཱསིཏཔརིཀྐནྟཾ. ཏཏྲ ཙེ བྷིཀྑཱུནཾ ཨེཝཾ ཧོཏི – ‘ཨམྷཱཀཾ ཁོ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཝིཧརཏཾ བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. སཙེ མཡཾ ཨིམཱཧི ཨཱཔཏྟཱིཧི ཨཉྙམཉྙཾ ཀཱརེསྶཱམ, སིཡཱཔི ཏཾ ཨདྷིཀརཎཾ ཀཀྑལ༹ཏྟཱཡ ཝཱལ༹ཏྟཱཡ བྷེདཱཡ སཾཝཏྟེཡྻཱ’ཏི. ཨནུཛཱནཱམི, བྷིཀྑཝེ, ཨེཝརཱུཔཾ ཨདྷིཀརཎཾ ཏིཎཝཏྠཱརཀེན ཝཱུཔསམེཏུཾ. ཨེཝཉྩ པན, བྷིཀྑཝེ, ཝཱུཔསམེཏབྦཾ. སབྦེཧེཝ ¶ ཨེཀཛ྄ཛྷཾ སནྣིཔཏིཏབྦཾ, སནྣིཔཏིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨམྷཱཀཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཝིཧརཏཾ བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. སཙེ མཡཾ ཨིམཱཧི ཨཱཔཏྟཱིཧི ཨཉྙམཉྙཾ ཀཱརེསྶཱམ, སིཡཱཔི ཏཾ ཨདྷིཀརཎཾ ཀཀྑལ༹ཏྟཱཡ ཝཱལ༹ཏྟཱཡ བྷེདཱཡ སཾཝཏྟེཡྻ ¶ . ཡདི སངྒྷསྶ པཏྟཀལླཾ, སངྒྷོ ཨིམཾ ཨདྷིཀརཎཾ ཏིཎཝཏྠཱརཀེན ཝཱུཔསམེཡྻ, ཋཔེཏྭཱ ཐུལླཝཛྫཾ, ཋཔེཏྭཱ གིཧིཔྤཊིསཾཡུཏྟནྟི. ‘‘ཨེཀཏོཔཀྑིཀཱནཾ བྷིཀྑཱུནཾ བྱཏྟེན བྷིཀྑུནཱ པཊིབལེན སཀོ པཀྑོ ཉཱཔེཏབྦོ –

‘‘སུཎནྟུ མེ ཨཱཡསྨནྟཱ. ཨམྷཱཀཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཝིཧརཏཾ བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. སཙེ མཡཾ ཨིམཱཧི ཨཱཔཏྟཱིཧི ཨཉྙམཉྙཾ ཀཱརེསྶཱམ, སིཡཱཔི ཏཾ ཨདྷིཀརཎཾ ཀཀྑལ༹ཏྟཱཡ ཝཱལ༹ཏྟཱཡ བྷེདཱཡ སཾཝཏྟེཡྻ. ཡདཱཡསྨནྟཱནཾ པཏྟཀལླཾ, ཨཧཾ ཡཱ ཙེཝ ཨཱཡསྨནྟཱནཾ ཨཱཔཏྟི, ཡཱ ཙ ཨཏྟནོ ཨཱཔཏྟི, ཨཱཡསྨནྟཱནཉྩེཝ ཨཏྠཱཡ, ཨཏྟནོ ཙ ཨཏྠཱཡ, སངྒྷམཛ྄ཛྷེ ཏིཎཝཏྠཱརཀེན དེསེཡྻཾ, ཋཔེཏྭཱ ཐུལླཝཛྫཾ, ཋཔེཏྭཱ གིཧིཔྤཊིསཾཡུཏྟནྟི.

༢༤༡. ‘‘ཨཐཱཔརེསཾ ¶ ཨེཀཏོཔཀྑིཀཱནཾ བྷིཀྑཱུནཾ བྱཏྟེན བྷིཀྑུནཱ པཊིབལེན སཀོ པཀྑོ ཉཱཔེཏབྦོ –

‘‘སུཎནྟུ མེ ཨཱཡསྨནྟཱ. ཨམྷཱཀཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཝིཧརཏཾ བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. སཙེ མཡཾ ཨིམཱཧི ཨཱཔཏྟཱིཧི ཨཉྙམཉྙཾ ཀཱརེསྶཱམ, སིཡཱཔི ཏཾ ཨདྷིཀརཎཾ ཀཀྑལ༹ཏྟཱཡ ཝཱལ༹ཏྟཱཡ བྷེདཱཡ སཾཝཏྟེཡྻ. ཡདཱཡསྨནྟཱནཾ པཏྟཀལླཾ, ཨཧཾ ཡཱ ཙེཝ ཨཱཡསྨནྟཱནཾ ཨཱཔཏྟི, ཡཱ ཙ ཨཏྟནོ ཨཱཔཏྟི, ཨཱཡསྨནྟཱནཉྩེཝ ཨཏྠཱཡ, ཨཏྟནོ ཙ ཨཏྠཱཡ, སངྒྷམཛ྄ཛྷེ ཏིཎཝཏྠཱརཀེན དེསེཡྻཾ, ཋཔེཏྭཱ ཐུལླཝཛྫཾ, ཋཔེཏྭཱ གིཧིཔྤཊིསཾཡུཏྟནྟི.

༢༤༢. ‘‘ཨཐཱཔརེསཾ ཨེཀཏོཔཀྑིཀཱནཾ ¶ བྷིཀྑཱུནཾ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ ¶ མེ, བྷནྟེ, སངྒྷོ. ཨམྷཱཀཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཝིཧརཏཾ བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. སཙེ མཡཾ ཨིམཱཧི ཨཱཔཏྟཱིཧི ཨཉྙམཉྙཾ ཀཱརེསྶཱམ, སིཡཱཔི ཏཾ ཨདྷིཀརཎཾ ཀཀྑལ༹ཏྟཱཡ ཝཱལ༹ཏྟཱཡ བྷེདཱཡ སཾཝཏྟེཡྻ. ཡདི སངྒྷསྶ པཏྟཀལླཾ, ཨཧཾ ཡཱ ཙེཝ ཨིམེསཾ ཨཱཡསྨནྟཱནཾ ཨཱཔཏྟི, ཡཱ ཙ ཨཏྟནོ ཨཱཔཏྟི, ཨིམེསཉྩེཝ ཨཱཡསྨནྟཱནཾ ཨཏྠཱཡ, ཨཏྟནོ ཙ ཨཏྠཱཡ, སངྒྷམཛ྄ཛྷེ ཏིཎཝཏྠཱརཀེན དེསེཡྻཾ, ཋཔེཏྭཱ ཐུལླཝཛྫཾ, ཋཔེཏྭཱ གིཧིཔྤཊིསཾཡུཏྟཾ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨམྷཱཀཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཝིཧརཏཾ བཧུཾ ཨསྶཱམཎཀཾ ཨཛ྄ཛྷཱཙིཎྞཾ བྷཱསིཏཔརིཀྐནྟཾ. སཙེ མཡཾ ཨིམཱཧི ཨཱཔཏྟཱིཧི ཨཉྙམཉྙཾ ཀཱརེསྶཱམ, སིཡཱཔི ཏཾ ཨདྷིཀརཎཾ ཀཀྑལ༹ཏྟཱཡ ཝཱལ༹ཏྟཱཡ བྷེདཱཡ སཾཝཏྟེཡྻ. ཨཧཾ ཡཱ ཙེཝ ཨིམེསཾ ཨཱཡསྨནྟཱནཾ ཨཱཔཏྟི, ཡཱ ཙ ཨཏྟནོ ཨཱཔཏྟི, ཨིམེསཉྩེཝ ཨཱཡསྨནྟཱནཾ ཨཏྠཱཡ, ཨཏྟནོ ཙ ཨཏྠཱཡ, སངྒྷམཛ྄ཛྷེ ཏིཎཝཏྠཱརཀེན དེསེམི, ཋཔེཏྭཱ ཐུལླཝཛྫཾ, ཋཔེཏྭཱ གིཧིཔྤཊིསཾཡུཏྟཾ. ཡསྶཱཡསྨཏོ ཁམཏི ཨམྷཱཀཾ ཨིམཱསཾ ཨཱཔཏྟཱིནཾ སངྒྷམཛ྄ཛྷེ ཏིཎཝཏྠཱརཀེན དེསནཱ, ཋཔེཏྭཱ ཐུལླཝཛྫཾ, ཋཔེཏྭཱ གིཧིཔྤཊིསཾཡུཏྟཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དེསིཏཱ ¶ ཨམྷཱཀཾ ཨིམཱ ཨཱཔཏྟིཡོ སངྒྷམཛ྄ཛྷེ ཏིཎཝཏྠཱརཀེན ¶ , ཋཔེཏྭཱ ཐུལླཝཛྫཾ, ཋཔེཏྭཱ གིཧིཔྤཊིསཾཡུཏྟཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

‘‘ཨཐཱཔརེསཾ…པེ… ཨེཝམེཏཾ དྷཱརཡཱམཱི’’ཏི.

‘‘ཨིདཾ ཝུཙྩཏི, བྷིཀྑཝེ, ཨདྷིཀརཎཾ ཝཱུཔསནྟཾ. ཀེན ཝཱུཔསནྟཾ? སམྨུཁཱཝིནཡེན ཙ, ཏིཎཝཏྠཱརཀེན ཙ. ཀིཉྩ ཏཏྠ སམྨུཁཱཝིནཡསྨིཾ? སངྒྷསམྨུཁཏཱ, དྷམྨསམྨུཁཏཱ, ཝིནཡསམྨུཁཏཱ, པུགྒལསམྨུཁཏཱ.

‘‘ཀཱ ཙ ཏཏྠ སངྒྷསམྨུཁཏཱ? ཡཱཝཏིཀཱ བྷིཀྑཱུ ཀམྨཔྤཏྟཱ, ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨཱཧཊོ ཧོཏི, སམྨུཁཱིབྷཱུཏཱ ན པཊིཀྐོསནྟི – ཨཡཾ ཏཏྠ སངྒྷསམྨུཁཏཱ.

‘‘ཀཱ ¶ ཙ ཏཏྠ དྷམྨསམྨུཁཏཱ, ཝིནཡསམྨུཁཏཱ? ཡེན དྷམྨེན ཡེན ཝིནཡེན ཡེན སཏྠུསཱསནེན ཏཾ ཨདྷིཀརཎཾ ཝཱུཔསམྨཏི – ཨཡཾ ཏཏྠ དྷམྨསམྨུཁཏཱ ¶ , ཝིནཡསམྨུཁཏཱ.

‘‘ཀཱ ཙ ཏཏྠ པུགྒལསམྨུཁཏཱ? ཡོ ཙ དེསེཏི, ཡསྶ ཙ དེསེཏི, ཨུབྷོ སམྨུཁཱིབྷཱུཏཱ ཧོནྟི – ཨཡཾ ཏཏྠ པུགྒལསམྨུཁཏཱ.

‘‘ཀིཉྩ ཏཏྠ ཏིཎཝཏྠཱརཀསྨིཾ? ཡཱ ཏིཎཝཏྠཱརཀསྶ ཀམྨསྶ ཀིརིཡཱ ཀརཎཾ ཨུཔགམནཾ ཨཛ྄ཛྷུཔགམནཾ ཨདྷིཝཱསནཱ ཨཔྤཊིཀྐོསནཱ – ཨིདཾ ཏཏྠ ཏིཎཝཏྠཱརཀསྨིཾ. ཨེཝཾ ཝཱུཔསནྟཾ ཙེ, བྷིཀྑཝེ, ཨདྷིཀརཎཾ པཊིགྒཱཧཀོ ཨུཀྐོཊེཏི, ཨུཀྐོཊནཀཾ པཱཙིཏྟིཡཾ; ཚནྡདཱཡཀོ ཁཱིཡཏི, ཁཱིཡནཀཾ པཱཙིཏྟིཡཾ.

[པརི. ༢༩༥, ༣༠༧, ༣༠༨] ‘‘ཀིཙྩཱདྷིཀརཎཾ ཀཏིཧི སམཐེཧི སམྨཏི? ཀིཙྩཱདྷིཀརཎཾ ཨེཀེན སམཐེན སམྨཏི – སམྨུཁཱཝིནཡེནཱ’’ཏི.

སམཐཀྑནྡྷཀཾ ནིཊྛིཏཾ ཙཏུཏྠཾ.

༥. ཁུདྡཀཝཏྠུཀྑནྡྷཀཾ

ཁུདྡཀཝཏྠཱུནི

༢༤༣. ཏེན ¶ ¶ ¶ ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན ཚབྦགྒིཡཱ བྷིཀྑཱུ ནཧཱཡམཱནཱ རུཀྑེ ཀཱཡཾ ཨུགྒྷཾསེནྟི, ཨཱུརུམྤི བཱཧུམྤི ཨུརམྤི པིཊྛིམྤི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ནཧཱཡམཱནཱ རུཀྑེ ཀཱཡཾ ཨུགྒྷཾསེསྶནྟི, ཨཱུརུམྤི བཱཧུམྤི ཨུརམྤི པིཊྛིམྤི, སེཡྻཐཱཔི མལླམུཊྛིཀཱ གཱམམོདྡཝཱ’’ཏི [གཱམཔོདྡཝཱ (སཱི.), གཱམཔཱུཏཝཱ (སྱཱ.)]! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, ཚབྦགྒིཡཱ བྷིཀྑཱུ ནཧཱཡམཱནཱ རུཀྑེ ཀཱཡཾ ཨུགྒྷཾསེནྟི, ཨཱུརུམྤི བཱཧུམྤི ཨུརམྤི པིཊྛིམྤཱི’’ཏི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, བྷིཀྑཝེ ¶ , ཏེསཾ མོགྷཔུརིསཱནཾ ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏེ, བྷིཀྑཝེ, མོགྷཔུརིསཱ ནཧཱཡམཱནཱ རུཀྑེ ཀཱཡཾ ཨུགྒྷཾསེསྶནྟི, ཨཱུརུམྤི བཱཧུམྤི ཨུརམྤི པིཊྛིམྤི? ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ནཧཱཡམཱནེན བྷིཀྑུནཱ རུཀྑེ ཀཱཡོ ཨུགྒྷཾསེཏབྦོ. ཡོ ཨུགྒྷཾསེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ ནཧཱཡམཱནཱ ཐམྦྷེ ཀཱཡཾ ཨུགྒྷཾསེནྟི, ཨཱུརུམྤི བཱཧུམྤི ཨུརམྤི པིཊྛིམྤི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ནཧཱཡམཱནཱ ཐམྦྷེ ཀཱཡཾ ཨུགྒྷཾསེསྶནྟི, ཨཱུརུམྤི བཱཧུམྤི ཨུརམྤི པིཊྛིམྤི, སེཡྻཐཱཔི མལླམུཊྛིཀཱ གཱམམོདྡཝཱ’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ¶ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ནཧཱཡམཱནེན བྷིཀྑུནཱ ཐམྦྷེ ཀཱཡོ ཨུགྒྷཾསེཏབྦོ. ཡོ ཨུགྒྷཾསེཡྻ, ཨཱཔཏྟི དུཀྐཊསྶཱ’’ཏི.

ཏེན ¶ ཁོ པན སམཡེན ཚབྦགྒིཡཱ བྷིཀྑཱུ ནཧཱཡམཱནཱ ཀུཊྚེ [ཀུཌྜེ (སཱི. སྱཱ.)] ཀཱཡཾ ཨུགྒྷཾསེནྟི, ཨཱུརུམྤི བཱཧུམྤི ཨུརམྤི པིཊྛིམྤི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ¶ ནཧཱཡམཱནཱ ཀུཊྚེ ཀཱཡཾ ཨུགྒྷཾསེསྶནྟི, ཨཱུརུམྤི བཱཧུམྤི ཨུརམྤི པིཊྛིམྤི, སེཡྻཐཱཔི མལླམུཊྛིཀཱ གཱམམོདྡཝཱ’’ཏི…པེ… ‘‘ན, བྷིཀྑཝེ, ནཧཱཡམཱནེན བྷིཀྑུནཱ ཀུཊྚེ ཀཱཡོ ཨུགྒྷཾསེཏབྦོ. ཡོ ཨུགྒྷཾསེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཨཊྚཱནེ [ཨཊྛཱནེ (སཱི. སྱཱ.)] ནཧཱཡནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི…པེ… སེཡྻཐཱཔི གིཧཱི ཀཱམབྷོགིནོཏི ¶ ! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཨཊྚཱནེ ནཧཱཡིཏབྦཾ. ཡོ ནཧཱཡེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ གནྡྷབྦཧཏྠཀེན ནཧཱཡནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི…པེ… སེཡྻཐཱཔི གིཧཱི ཀཱམབྷོགིནོཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘ན, བྷིཀྑཝེ, གནྡྷབྦཧཏྠཀེན ནཧཱཡིཏབྦཾ. ཡོ ནཧཱཡེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཀུརུཝིནྡཀསུཏྟིཡཱ ནཧཱཡནྟི. མནུསྶཱ ཨུཛ྄ཛྷཱཡནྟི ¶ ཁིཡྻནྟི ཝིཔཱཙེནྟི…པེ… སེཡྻཐཱཔི ¶ གིཧཱི ཀཱམབྷོགིནོཏི! བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཀུརུཝིནྡཀསུཏྟིཡཱ ནཧཱཡིཏབྦཾ. ཡོ ནཧཱཡེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཝིགྒཡ྄ཧ པརིཀམྨཾ ཀཱརཱཔེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི…པེ… སེཡྻཐཱཔི གིཧཱི ཀཱམབྷོགིནོཏི! བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཝིགྒཡ྄ཧ པརིཀམྨཾ ཀཱརཱཔེཏབྦཾ. ཡོ ཀཱརཱཔེཡྻ, ཨཱཔཏྟི དུཀྐཊསྶཱ’’ཏི.

ཏེན ¶ ཁོ པན སམཡེན ཚབྦགྒིཡཱ བྷིཀྑཱུ མལླཀེན ནཧཱཡནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི…པེ… སེཡྻཐཱཔི གིཧཱི ཀཱམབྷོགིནོཏི! བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, མལླཀེན ནཧཱཡིཏབྦཾ. ཡོ ནཧཱཡེཡྻ, ཨཱཔཏྟི དུཀྐཊསྶཱ’’ཏི.

༢༤༤. ཏེན ཁོ པན སམཡེན ཨཉྙཏརསྶ བྷིཀྑུནོ ཀཙྪུརོགཱབཱདྷོ ཧོཏི. ན ཏསྶ ཝིནཱ མལླཀེན ཕཱསུ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, གིལཱནསྶ ཨཀཏམལླཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ ཛརཱདུབྦལོ ནཧཱཡམཱནོ ན སཀྐོཏི ཨཏྟནོ ཀཱཡཾ ཨུགྒྷཾསེཏུཾ. བྷགཝཏོ ཨེཏམཏྠཾ ¶ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨུཀྐཱསིཀ’’ནྟི.

ཏེན ཁོ པན སམཡེན བྷིཀྑཱུ པིཊྛིཔརིཀམྨཾ ཀཱཏུཾ ཀུཀྐུཙྩཱཡནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པུཐུཔཱཎིཀ’’ནྟི.

༢༤༥. ཏེན ཁོ པན སམཡེན ཚབྦགྒིཡཱ བྷིཀྑཱུ ཝལླིཀཾ དྷཱརེནྟི…པེ… པཱམངྒཾ དྷཱརེནྟི…པེ… ཀཎྛསུཏྟཀཾ དྷཱརེནྟི…པེ… ཀཊིསུཏྟཀཾ དྷཱརེནྟི…པེ… ཨོཝཊྚིཀཾ དྷཱརེནྟི…པེ… ཀཱཡུརཾ དྷཱརེནྟི…པེ… ཧཏྠཱབྷརཎཾ དྷཱརེནྟི…པེ… ཨངྒུལིམུདྡིཀཾ དྷཱརེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི…པེ… སེཡྻཐཱཔི གིཧཱི ཀཱམབྷོགིནོཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘སཙྩཾ ཀིར, བྷིཀྑཝེ, ཚབྦགྒིཡཱ བྷིཀྑཱུ ཝལླིཀཾ དྷཱརེནྟི…པེ… པཱམངྒཾ དྷཱརེནྟི, ཀཎྛསུཏྟཀཾ དྷཱརེནྟི, ཀཊིསུཏྟཀཾ དྷཱརེནྟི, ཨོཝཊྚིཀཾ དྷཱརེནྟི, ཀཱཡུརཾ དྷཱརེནྟི, ཧཏྠཱབྷརཎཾ དྷཱརེནྟི, ཨངྒུལིམུདྡིཀཾ དྷཱརེནྟཱི’’ཏི? ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཝལླིཀཱ དྷཱརེཏབྦཱ…པེ… ན པཱམངྒོ དྷཱརེཏབྦོ… ན ཀཎྛསུཏྟཀཾ དྷཱརེཏབྦཾ… ན ¶ ཀཊིསུཏྟཀཾ དྷཱརེཏབྦཾ… ན ཨོཝཊྚིཀཾ དྷཱརེཏབྦཾ… ན ཀཱཡུརཾ དྷཱརེཏབྦཾ… ན ཧཏྠཱབྷརཎཾ དྷཱརེཏབྦཾ… ན ཨངྒུལིམུདྡིཀཱ ¶ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶཱ’’ཏི.

༢༤༦. ཏེན ཁོ པན སམཡེན ཚབྦགྒིཡཱ ¶ བྷིཀྑཱུ དཱིགྷེ ཀེསེ དྷཱརེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, དཱིགྷཱ ཀེསཱ ¶ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, དུམཱསིཀཾ ཝཱ དུཝངྒུལཾ ཝཱ’’ཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཀོཙྪེན ཀེསེ ཨོསཎྛེནྟི [ཨོསཎྷེནྟི (སཱི. སྱཱ.)] …པེ… ཕཎཀེན ཀེསེ ཨོསཎྛེནྟི, ཧཏྠཕཎཀེན ཀེསེ ཨོསཎྛེནྟི, སིཏྠཏེལཀེན ཀེསེ ཨོསཎྛེནྟི, ཨུདཀཏེལཀེན ཀེསེ ཨོསཎྛེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཀོཙྪེན ཀེསཱ ཨོསཎྛེཏབྦཱ…པེ… ན སིཏྠཏེལཀེན ཀེསཱ ཨོསཎྛེཏབྦཱ… ན ཨུདཀཏེལཀེན ཀེསཱ ཨོསཎྛེཏབྦཱ. ཡོ ཨོསཎྛེཡྻ, ཨཱཔཏྟི དུཀྐཊསྶཱ’’ཏི.

༢༤༧. ཏེན ཁོ པན སམཡེན ཚབྦགྒིཡཱ བྷིཀྑཱུ ཨཱདཱསེཔི ཨུདཀཔཏྟེཔི མུཁནིམིཏྟཾ ཨོལོཀེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨཱདཱསེ ཝཱ ཨུདཀཔཏྟེ ཝཱ མུཁནིམིཏྟཾ ཨོལོཀེཏབྦཾ. ཡོ ཨོལོཀེཡྻ, ཨཱཔཏྟི དུཀྐཊསྶཱ’’ཏི.

ཏེན ¶ ཁོ པན སམཡེན ཨཉྙཏརསྶ བྷིཀྑུནོ མུཁེ ཝཎོ ཧོཏི. སོ བྷིཀྑཱུ པུཙྪི – ‘‘ཀཱིདིསོ མེ, ཨཱཝུསོ, ཝཎོ’’ཏི? བྷིཀྑཱུ ཨེཝམཱཧཾསུ – ‘‘ཨེདིསོ ཏེ, ཨཱཝུསོ ཝཎོ’’ཏི. སོ ན སདྡཧཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཱབཱདྷཔྤཙྩཡཱ ཨཱདཱསེ ཝཱ ཨུདཀཔཏྟེ ཝཱ མུཁནིམིཏྟཾ ཨོལོཀེཏུ’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ མུཁཾ ཨཱལིམྤནྟི…པེ… མུཁཾ ཨུམྨདྡེནྟི, མུཁཾ ཙུཎྞེནྟི, མནོསིལིཀཱཡ མུཁཾ ལཉྪེནྟི, ཨངྒརཱགཾ ཀརོནྟི, མུཁརཱགཾ ཀརོནྟི, ཨངྒརཱགམུཁརཱགཾ ཀརོནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, མུཁཾ ཨཱལིམྤིཏབྦཾ…པེ… ན མུཁཾ ཨུམྨདྡིཏབྦཾ, ན མུཁཾ ཙུཎྞེཏབྦཾ, ན མནོསིལིཀཱཡ མུཁཾ ལཉྪེཏབྦཾ, ན ཨངྒརཱགོ ཀཱཏབྦོ, ན མུཁརཱགོ ཀཱཏབྦོ ¶ , ན ཨངྒརཱགམུཁརཱགོ ཀཱཏབྦོ. ཡོ ཀརེཡྻ, ཨཱཔཏྟི དུཀྐཊསྶཱ’’ཏི.

ཏེན ¶ ཁོ པན སམཡེན ཨཉྙཏརསྶ བྷིཀྑུནོ ཙཀྑུརོགཱབཱདྷོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཱབཱདྷཔྤཙྩཡཱ མུཁཾ ཨཱལིམྤིཏུ’’ནྟི.

༢༤༨. ཏེན ¶ ཁོ པན སམཡེན རཱཛགཧེ གིརགྒསམཛྫོ [སམཛྫཱ (ཨབྷིདྷཱནགནྠེསུ)] ཧོཏི. ཚབྦགྒིཡཱ བྷིཀྑཱུ གིརགྒསམཛྫཾ དསྶནཱཡ ཨགམཾསུ. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ནཙྩམྤི གཱིཏམྤི ཝཱདིཏམྤི དསྶནཱཡ ¶ གཙྪིསྶནྟི, སེཡྻཐཱཔི གིཧཱི ཀཱམབྷོགིནོ’’ཏི! བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ནཙྩཾ ཝཱ གཱིཏཾ ཝཱ ཝཱདིཏཾ ཝཱ དསྶནཱཡ གནྟབྦཾ. ཡོ གཙྪེཡྻ, ཨཱཔཏྟི དུཀྐཊསྶཱ’’ཏི.

༢༤༩. ཏེན ཁོ པན སམཡེན ཚབྦགྒིཡཱ བྷིཀྑཱུ ཨཱཡཏཀེན གཱིཏསྶརེན དྷམྨཾ གཱཡནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཡཐེཝ [ཡཐཱ ཙ (ཀ.)] མཡཾ གཱཡཱམ, ཨེཝམེཝིམེ སམཎཱ སཀྱཔུཏྟིཡཱ ཨཱཡཏཀེན གཱིཏསྶརེན དྷམྨཾ གཱཡནྟཱི’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨཱཡཏཀེན གཱིཏསྶརེན དྷམྨཾ གཱཡིསྶནྟཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘སཙྩཾ ཀིར, བྷིཀྑཝེ…པེ… ‘‘སཙྩཾ བྷགཝཱ’’ཏི…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘པཉྩིམེ, བྷིཀྑཝེ, ཨཱདཱིནཝཱ ཨཱཡཏཀེན གཱིཏསྶརེན དྷམྨཾ གཱཡནྟསྶ. ཨཏྟནཱཔི ཏསྨིཾ སརེ སཱརཛྫཏི, པརེཔི ཏསྨིཾ སརེ སཱརཛྫནྟི, གཧཔཏིཀཱཔི ཨུཛ྄ཛྷཱཡནྟི, སརཀུཏྟིམྤི ནིཀཱམཡམཱནསྶ ¶ སམཱདྷིསྶ བྷངྒོ ཧོཏི, པཙྪིམཱ ཛནཏཱ དིཊྛཱནུགཏིཾ ཨཱཔཛྫཏི – ཨིམེ ཁོ, བྷིཀྑཝེ, པཉྩ ཨཱདཱིནཝཱ ཨཱཡཏཀེན གཱིཏསྶརེན དྷམྨཾ གཱཡནྟསྶ. ན, བྷིཀྑཝེ, ཨཱཡཏཀེན གཱིཏསྶརེན དྷམྨོ གཱཡིཏབྦོ. ཡོ གཱཡེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ སརབྷཉྙེ ཀུཀྐུཙྩཱཡནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སརབྷཉྙ’’ནྟི.

‘‘ཏེན ཁོ པན སམཡེན ཚབྦགྒིཡཱ བྷིཀྑཱུ བཱཧིརལོམིཾ [བཱཧིཡལོམིཾ (ཀ.)] ཨུཎྞིཾ དྷཱརེནྟི. མནུསྶཱ ཨུཛ྄ཛྷཱཡནྟི ¶ ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི ¶ . བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བཱཧིཡལོམི ཨུཎྞི དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶཱ’’ཏི.

༢༥༠. ཏེན ཁོ པན སམཡེན རཉྙོ མཱགདྷསྶ སེནིཡསྶ བིམྦིསཱརསྶ ཨཱརཱམེ ཨམྦཱ ཕལིནོ ཧོནྟི. རཉྙཱ མཱགདྷེན སེནིཡེན བིམྦིསཱརེན ཨནུཉྙཱཏཾ ཧོཏི – ‘‘ཡཐཱསུཁཾ ཨཡྻཱ ཨམྦཾ པརིབྷུཉྫནྟཱུ’’ཏི. ཚབྦགྒིཡཱ བྷིཀྑཱུ ཏརུཎཉྙེཝ ཨམྦཾ པཱཏཱཔེཏྭཱ པརིབྷུཉྫིཾསུ. རཉྙོ ཙ མཱགདྷསྶ ¶ སེནིཡསྶ བིམྦིསཱརསྶ ཨམྦེན ཨཏྠོ ཧོཏི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ མནུསྶེ ཨཱཎཱཔེསི – ‘‘གཙྪཐ, བྷཎེ, ཨཱརཱམཾ གནྟྭཱ ཨམྦཾ ཨཱཧརཐཱ’’ཏི ¶ . ‘‘ཨེཝཾ དེཝཱ’’ཏི ཁོ ཏེ མནུསྶཱ རཉྙོ མཱགདྷསྶ སེནིཡསྶ བིམྦིསཱརསྶ པཊིསྶུཏྭཱ ཨཱརཱམཾ གནྟྭཱ ཨཱརཱམཔཱལཾ ཨེཏདཝོཙུཾ – ‘‘དེཝསྶ, བྷཎེ, ཨམྦེན ཨཏྠོ, ཨམྦཾ དེཐཱ’’ཏི. ‘‘ནཏྠཱཡྻཱ ཨམྦཾ. ཏརུཎཉྙེཝ ཨམྦཾ པཱཏཱཔེཏྭཱ བྷིཀྑཱུ པརིབྷུཉྫིཾསཱུ’’ཏི. ཨཐ ཁོ ཏེ མནུསྶཱ རཉྙོ མཱགདྷསྶ སེནིཡསྶ བིམྦིསཱརསྶ ཨེཏམཏྠཾ ཨཱརོཙེསུཾ. ‘‘སུཔརིབྷུཏྟཾ, བྷཎེ, ཨཡྻེཧི ཨམྦཾ, ཨཔི ཙ བྷགཝཏཱ མཏྟཱ ཝཎྞིཏཱ’’ཏི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ན མཏྟཾ ཛཱནིཏྭཱ རཉྙོ ཨམྦཾ པརིབྷུཉྫིསྶནྟཱི’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨམྦཾ པརིབྷུཉྫིཏབྦཾ. ཡོ པརིབྷུཉྫེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརསྶ པཱུགསྶ སངྒྷབྷཏྟཾ ཧོཏི. སཱུཔེ ཨམྦཔེསིཀཱཡོ པཀྑིཏྟཱ ཧོནྟི. བྷིཀྑཱུ ཀུཀྐུཙྩཱཡནྟཱ ནཔྤཊིགྒཎྷནྟི. ‘‘པཊིགྒཎྷཐ, བྷིཀྑཝེ, པརིབྷུཉྫཐ. ཨནུཛཱནཱམི, བྷིཀྑཝེ, ཨམྦཔེསིཀ’’ནྟི.

ཏེན ཁོ པན སམཡེན ཨཉྙཏརསྶ པཱུགསྶ སངྒྷབྷཏྟཾ ཧོཏི. ཏེ ན པརིཡཱཔུཎིཾསུ ཨམྦཔེསིཀཾ ཀཱཏུཾ, བྷཏྟགྒེ སཀལེཧེཝ ཨམྦེཧི དེནྟི. བྷིཀྑཱུ ཀུཀྐུཙྩཱཡནྟཱ ནཔྤཊིགྒཎྷནྟི. ‘‘པཊིགྒཎྷཐ ¶ , བྷིཀྑཝེ, པརིབྷུཉྫཐ. ཨནུཛཱནཱམི, བྷིཀྑཝེ, པཉྩཧི སམཎཀཔྤེཧི ཕལཾ པརིབྷུཉྫིཏུཾ – ཨགྒིཔརིཙིཏཾ ¶ , སཏྠཔརིཙིཏཾ, ནཁཔརིཙིཏཾ, ཨབཱིཛཾ, ནིབྦཏྟབཱིཛཉྙེཝ [ནིབྦཊྚབཱིཛཾ (སཱི. སྱཱ.)] པཉྩམཾ. ཨནུཛཱནཱམི, བྷིཀྑཝེ, ཨིམེཧི པཉྩཧི སམཎཀཔྤེཧི ཕལཾ པརིབྷུཉྫིཏུ’’ནྟི.

༢༥༡. ཏེན ¶ ཁོ པན སམཡེན ཨཉྙཏརོ བྷིཀྑུ ཨཧིནཱ དཊྛོ ཀཱལངྐཏོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན ཧི ནཱུན སོ, བྷིཀྑཝེ, བྷིཀྑུ ཨིམཱནི ཙཏྟཱརི ཨཧིརཱཛཀུལཱནི མེཏྟེན ཙིཏྟེན ཕརི. སཙེ ཧི སོ, བྷིཀྑཝེ, བྷིཀྑུ ཨིམཱནི ཙཏྟཱརི ཨཧིརཱཛཀུལཱནི མེཏྟེན ཙིཏྟེན ཕརེཡྻ, ན ཧི སོ, བྷིཀྑཝེ, བྷིཀྑུ ཨཧིནཱ དཊྛོ ཀཱལངྐརེཡྻ. ཀཏམཱནི ཙཏྟཱརི ཨཧིརཱཛཀུལཱནི? ཝིརཱུཔཀྑཾ ཨཧིརཱཛཀུལཾ, ཨེརཱཔཐཾ ཨཧིརཱཛཀུལཾ, ཚབྱཱཔུཏྟཾ ཨཧིརཱཛཀུལཾ, ཀཎྷཱགོཏམཾ ཨཧིརཱཛཀུལཾ ¶ . ན ཧི ནཱུན སོ, བྷིཀྑཝེ, བྷིཀྑུ ཨིམཱནི ཙཏྟཱརི ཨཧིརཱཛཀུལཱནི མེཏྟེན ཙིཏྟེན ཕརི. སཙེ ཧི སོ, བྷིཀྑཝེ, བྷིཀྑུ ཨིམཱནི ཙཏྟཱརི ཨཧིརཱཛཀུལཱནི མེཏྟེན ཙིཏྟེན ཕརེཡྻ, ན ཧི སོ, བྷིཀྑཝེ, བྷིཀྑུ ཨཧིནཱ དཊྛོ ཀཱལངྐརེཡྻ. ཨནུཛཱནཱམི, བྷིཀྑཝེ, ཨིམཱནི ཙཏྟཱརི ཨཧིརཱཛཀུལཱནི མེཏྟེན ཙིཏྟེན ཕརིཏུཾ, ཨཏྟགུཏྟིཡཱ ཨཏྟརཀྑཱཡ ཨཏྟཔརིཏྟཾ ཀཱཏུཾ. ཨེཝཉྩ པན, བྷིཀྑཝེ, ཀཱཏབྦཾ –

[ཛཱ. ༡.༢.༡༠༥-༡༠༦; ཨ. ནི. ༤.༦༧ ཨིདཾ ཝཏྠུ ཨཱགཏཾ] ‘‘ཝིརཱུཔཀྑེཧི མེ མེཏྟཾ, མེཏྟཾ ཨེརཱཔཐེཧི མེ;

ཚབྱཱཔུཏྟེཧི མེ མེཏྟཾ, མེཏྟཾ ཀཎྷཱགོཏམཀེཧི ཙ.

‘‘ཨཔཱདཀེཧི ¶ མེ མེཏྟཾ, མེཏྟཾ དྭིཔཱདཀེཧི མེ;

ཙཏུཔྤདེཧི མེ མེཏྟཾ, མེཏྟཾ བཧུཔྤདེཧི མེ.

‘‘མཱ མཾ ཨཔཱདཀོ ཧིཾསི, མཱ མཾ ཧིཾསི དྭིཔཱདཀོ;

མཱ མཾ ཙཏུཔྤདོ ཧིཾསི, མཱ མཾ ཧིཾསི བཧུཔྤདོ.

‘‘སབྦེ སཏྟཱ སབྦེ པཱཎཱ, སབྦེ བྷཱུཏཱ ཙ ཀེཝལཱ;

སབྦེ བྷདྲཱནི པསྶནྟུ, མཱ ཀིཉྩི པཱཔམཱགམཱ.

‘‘ཨཔྤམཱཎོ བུདྡྷོ, ཨཔྤམཱཎོ དྷམྨོ,

ཨཔྤམཱཎོ སངྒྷོ, པམཱཎཝནྟཱནི སརཱིསཔཱནི [སིརིཾསཔཱནི (སཱི. སྱཱ.)].

‘‘ཨཧི ཝིཙྪིཀཱ སཏཔདཱི, ཨུཎྞནཱབྷི སརབཱུ མཱུསིཀཱ;

ཀཏཱ མེ རཀྑཱ ཀཏཾ མེ པརིཏྟཾ, པཊིཀྐམནྟུ བྷཱུཏཱནི.

‘‘སོཧཾ ¶ ནམོ བྷགཝཏོ, ནམོ སཏྟནྣཾ སམྨཱསམྦུདྡྷཱན’’ནྟི.

ཏེན ¶ ཁོ པན སམཡེན ཨཉྙཏརོ བྷིཀྑུ ཨནབྷིརཏིཡཱ པཱིལི༹ཏོ ཨཏྟནོ ཨངྒཛཱཏཾ ཚིནྡི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨཉྙམྷི སོ, བྷིཀྑཝེ, མོགྷཔུརིསོ ཚེཏབྦམྷི, ཨཉྙཾ ཚིནྡི. ན, བྷིཀྑཝེ, ཨཏྟནོ ཨངྒཛཱཏཾ ཚེཏབྦཾ. ཡོ ཚིནྡེཡྻ, ཨཱཔཏྟི ཐུལླཙྩཡསྶཱ’’ཏི.

༢༥༢. ཏེན ཁོ པན སམཡེན རཱཛགཧཀསྶ སེཊྛིསྶ མཧགྒྷསྶ ཙནྡནསྶ [ཙནྡནསཱརསྶ (སཱི. སྱཱ.)] ཙནྡནགཎྛི ཨུཔྤནྣཱ ཧོཏི. ཨཐ ཁོ རཱཛགཧཀསྶ སེཊྛིསྶ ¶ ཨེཏདཧོསི – ‘‘ཡཾནཱུནཱཧཾ ཨིམཱཡ ཙནྡནགཎྛིཡཱ པཏྟཾ ལེཁཱཔེཡྻཾ. ལེཁཉྩ མེ པརིབྷོགཾ བྷཝིསྶཏི, པཏྟཉྩ དཱནཾ དསྶཱམཱི’’ཏི. ཨཐ ཁོ རཱཛགཧཀོ སེཊྛི ཏཱཡ ཙནྡནགཎྛིཡཱ པཏྟཾ ལེཁཱཔེཏྭཱ སིཀྐཱཡ ཨུཌྜིཏྭཱ [ཝཱཧིཏྭཱ (སཱི.)] ཝེལ༹གྒེ ཨཱལགྒེཏྭཱ ཝེལུ༹པརམྤརཱཡ བནྡྷིཏྭཱ [ཝཱཧིཏྭཱ (སྱཱ.)] ཨེཝམཱཧ – ‘‘ཡོ སམཎོ ཝཱ བྲཱཧྨཎོ ཝཱ ཨརཧཱ ཙེཝ ཨིདྡྷིམཱ ཙ དིནྣཾཡེཝ པཏྟཾ ཨོཧརཏཱུ’’ཏི. ཨཐ ཁོ པཱུརཎོ ¶ ཀསྶཔོ ཡེན རཱཛགཧཀོ སེཊྛི ཏེནུཔསངྐམི, ཨུཔསངྐམིཏྭཱ རཱཛགཧཀཾ སེཊྛིཾ ཨེཏདཝོཙ – ‘‘ཨཧཉྷི, གཧཔཏི, ཨརཧཱ ཙེཝ ཨིདྡྷིམཱ ཙ, དེཧི མེ པཏྟ’’ནྟི. ‘‘སཙེ, བྷནྟེ, ཨཱཡསྨཱ ཨརཧཱ ཙེཝ ཨིདྡྷིམཱ ཙ དིནྣཾཡེཝ པཏྟཾ ཨོཧརཏཱུ’’ཏི. ཨཐ ཁོ མཀྑལི གོསཱལོ… ཨཛིཏོ ཀེསཀམྦལོ… པཀུདྷོ ཀཙྩཱཡནོ… སཉྩཡོ བེལཊྛཔུཏྟོ [སཉྫཡོ བེལླཊྛིཔུཏྟོ (སཱི.)] … ནིགཎྛོ ནཱཊཔུཏྟོ [ནཱཐཔུཏྟོ (སཱི.)] ཡེན རཱཛགཧཀོ སེཊྛི ཏེནུཔསངྐམི, ཨུཔསངྐམིཏྭཱ རཱཛགཧཀཾ སེཊྛིཾ ཨེཏདཝོཙ – ‘‘ཨཧཉྷི, གཧཔཏི, ཨརཧཱ ཙེཝ ཨིདྡྷིམཱ ཙ, དེཧི མེ པཏྟ’’ནྟི. ‘‘སཙེ, བྷནྟེ, ཨཱཡསྨཱ ཨརཧཱ ཙེཝ ཨིདྡྷིམཱ ཙ, དིནྣཾཡེཝ པཏྟཾ ཨོཧརཏཱུ’’ཏི.

ཏེན ཁོ པན སམཡེན ཨཱཡསྨཱ ཙ མཧཱམོགྒལླཱནོ ཨཱཡསྨཱ ¶ ཙ པིཎྜོལབྷཱརདྭཱཛོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ རཱཛགཧཾ པིཎྜཱཡ པཝིསིཾསུ. ཨཐ ཁོ ཨཱཡསྨཱ པིཎྜོལབྷཱརདྭཱཛོ ཨཱཡསྨནྟཾ མཧཱམོགྒལླཱནཾ ཨེཏདཝོཙ – ‘‘ཨཱཡསྨཱ ཁོ མཧཱམོགྒལླཱནོ ཨརཧཱ ཙེཝ ཨིདྡྷིམཱ ཙ. གཙྪཱཝུསོ, མོགྒལླཱན, ཨེཏཾ པཏྟཾ ཨོཧར. ཏུཡ྄ཧེསོ པཏྟོ’’ཏི. ‘‘ཨཱཡསྨཱ ཁོ བྷཱརདྭཱཛོ ཨརཧཱ ཙེཝ ཨིདྡྷིམཱ ཙ. གཙྪཱཝུསོ, བྷཱརདྭཱཛ, ཨེཏཾ པཏྟཾ ཨོཧར. ཏུཡ྄ཧེསོ པཏྟོ’’ཏི. ཨཐ ཁོ ཨཱཡསྨཱ པིཎྜོལབྷཱརདྭཱཛོ ཝེཧཱསཾ ཨབྦྷུགྒནྟྭཱ ཏཾ པཏྟཾ གཧེཏྭཱ ཏིཀྑཏྟུཾ རཱཛགཧཾ ཨནུཔརིཡཱཡི.

ཏེན ¶ ཁོ པན སམཡེན རཱཛགཧཀོ སེཊྛི སཔུཏྟདཱརོ སཀེ ནིཝེསནེ ཋིཏོ ཧོཏི པཉྫལིཀོ ¶ ནམསྶམཱནོ – ཨིདྷེཝ, བྷནྟེ, ཨཡྻོ བྷཱརདྭཱཛོ ཨམྷཱཀཾ ནིཝེསནེ པཏིཊྛཱཏཱུཏི. ཨཐ ཁོ ཨཱཡསྨཱ པིཎྜོལབྷཱརདྭཱཛོ རཱཛགཧཀསྶ སེཊྛིསྶ ནིཝེསནེ པཏིཊྛཱསི. ཨཐ ¶ ཁོ རཱཛགཧཀོ སེཊྛི ཨཱཡསྨཏོ པིཎྜོལབྷཱརདྭཱཛསྶ ཧཏྠཏོ པཏྟཾ གཧེཏྭཱ མཧགྒྷསྶ ཁཱདནཱིཡསྶ པཱུརེཏྭཱ ཨཱཡསྨཏོ པིཎྜོལབྷཱརདྭཱཛསྶ ཨདཱསི. ཨཐ ཁོ ཨཱཡསྨཱ པིཎྜོལབྷཱརདྭཱཛོ ཏཾ པཏྟཾ གཧེཏྭཱ ཨཱརཱམཾ ཨགམཱསི. ཨསྶོསུཾ ཁོ མནུསྶཱ – ཨཡྻེན ཀིར པིཎྜོལབྷཱརདྭཱཛེན རཱཛགཧཀསྶ སེཊྛིསྶ པཏྟོ ཨོཧཱརིཏོཏི. ཏེ ཙ མནུསྶཱ ཨུཙྩཱསདྡཱ མཧཱསདྡཱ ཨཱཡསྨནྟཾ པིཎྜོལབྷཱརདྭཱཛཾ པིཊྛིཏོ པིཊྛིཏོ ཨནུབནྡྷིཾསུ.

ཨསྶེསི ཁོ བྷགཝཱ ཨུཙྩཱསདྡཾ མཧཱསདྡཾ; སུཏྭཱན ཨཱཡསྨནྟཾ ཨཱནནྡཾ ཨཱམནྟེསི – ‘‘ཀིཾ ནུ ཁོ སོ, ཨཱནནྡ, ཨུཙྩཱསདྡོ མཧཱསདྡོ’’ཏི? ‘‘ཨཱཡསྨཏཱ, བྷནྟེ, པིཎྜོལབྷཱརདྭཱཛེན རཱཛགཧཀསྶ སེཊྛིསྶ པཏྟོ ཨོཧཱརིཏོ. ཨསྶོསུཾ ཁོ, བྷནྟེ, མནུསྶཱ – ཨཡྻེན ཀིར པིཎྜོལབྷཱརདྭཱཛེན རཱཛགཧཀསྶ སེཊྛིསྶ པཏྟོ ཨོཧཱརིཏོཏི. ཏེ ཙ, བྷནྟེ, མནུསྶཱ ཨུཙྩཱསདྡཱ མཧཱསདྡཱ ཨཱཡསྨནྟཾ པིཎྜོལབྷཱརདྭཱཛཾ པིཊྛིཏོ པིཊྛིཏོ ཨནུབནྡྷཱ. སོ ཨེསོ, བྷནྟེ, བྷགཝཱ ཨུཙྩཱསདྡོ མཧཱསདྡོ’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཨཱཡསྨནྟཾ ¶ པིཎྜོལབྷཱརདྭཱཛཾ པཊིཔུཙྪི – ‘‘སཙྩཾ ཀིར ཏཡཱ, བྷཱརདྭཱཛ, རཱཛགཧཀསྶ སེཊྛིསྶ པཏྟོ ཨོཧཱརིཏོ’’ཏི? ‘‘སཙྩཾ ¶ བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, བྷཱརདྭཱཛ, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏྭཾ, བྷཱརདྭཱཛ, ཚཝསྶ དཱརུཔཏྟསྶ ཀཱརཎཱ གིཧཱིནཾ ཨུཏྟརིམནུསྶདྷམྨཾ ཨིདྡྷིཔཱཊིཧཱརིཡཾ དསྶེསྶསི! སེཡྻཐཱཔི, བྷཱརདྭཱཛ, མཱཏུགཱམོ ཚཝསྶ མཱསཀརཱུཔསྶ ཀཱརཎཱ ཀོཔིནཾ དསྶེཏི, ཨེཝམེཝ ཁོ ཏཡཱ, བྷཱརདྭཱཛ, ཚཝསྶ དཱརུཔཏྟསྶ ཀཱརཎཱ གིཧཱིནཾ ཨུཏྟརིམནུསྶདྷམྨཾ ཨིདྡྷིཔཱཊིཧཱརིཡཾ དསྶིཏཾ. ནེཏཾ, བྷཱརདྭཱཛ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, གིཧཱིནཾ ཨུཏྟརིམནུསྶདྷམྨཾ ཨིདྡྷིཔཱཊིཧཱརིཡཾ དསྶེཏབྦཾ. ཡོ དསྶེཡྻ, ཨཱཔཏྟི དུཀྐཊསྶ. བྷིནྡཐེཏཾ, བྷིཀྑཝེ, དཱརུཔཏྟཾ སཀལིཀཾ སཀལིཀཾ ཀཏྭཱ ¶ , བྷིཀྑཱུནཾ ཨཉྫནུཔཔིསནཾ དེཐ. ན ཙ, བྷིཀྑཝེ, དཱརུཔཏྟོ དྷཱརེཏབྦོ. ཡོ དྷཱརེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཙྩཱཝཙེ པཏྟེ དྷཱརེནྟི སོཝཎྞམཡཾ རཱུཔིཡམཡཾ. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, སོཝཎྞམཡོ པཏྟོ དྷཱརེཏབྦོ…པེ… ན རཱུཔིཡམཡོ ¶ པཏྟོ དྷཱརེཏབྦོ… ན མཎིམཡོ པཏྟོ དྷཱརེཏབྦོ… ན ཝེལུ༹རིཡམཡོ པཏྟོ དྷཱརེཏབྦོ… ན ཕལིཀམཡོ པཏྟོ དྷཱརེཏབྦོ… ན ཀཾསམཡོ པཏྟོ དྷཱརེཏབྦོ… ན ¶ ཀཱཙམཡོ པཏྟོ དྷཱརེཏབྦོ… ན ཏིཔུམཡོ པཏྟོ དྷཱརེཏབྦོ… ན སཱིསམཡོ པཏྟོ དྷཱརེཏབྦོ… ན ཏམྦལོཧམཡོ པཏྟོ དྷཱརེཏབྦོ. ཡོ དྷཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, དྭེ པཏྟེ – ཨཡོཔཏྟཾ, མཏྟིཀཱཔཏྟ’’ནྟི.

༢༥༣. ཏེན ཁོ པན སམཡེན པཏྟམཱུལཾ གྷཾསིཡཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཏྟམཎྜལ’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཙྩཱཝཙཱནི པཏྟམཎྜལཱནི དྷཱརེནྟི སོཝཎྞམཡཾ རཱུཔིཡམཡཾ. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨུཙྩཱཝཙཱནི པཏྟམཎྜལཱནི དྷཱརེཏབྦཱནི. ཡོ དྷཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, དྭེ པཏྟམཎྜལཱནི – ཏིཔུམཡཾ, སཱིསམཡ’’ནྟི. བཧལཱནི མཎྜལཱནི ན ཨཙྪུཔིཡནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ལིཁིཏུ’’ནྟི. ཝལཱི [ཙལཱི (ཀ.)] ཧོནྟི ¶ . བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, མཀརདནྟཀཾ ཚིནྡིཏུ’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཙིཏྲཱནི པཏྟམཎྜལཱནི དྷཱརེནྟི རཱུཔཀཱཀིཎྞཱནི བྷིཏྟིཀམྨཀཏཱནི. ཏཱནི རཐིཀཱཡཔི དསྶེནྟཱ ཨཱཧིཎྜནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ¶ ཨཱརོཙེསུཾ. ‘‘ན, བྷིཀྑཝེ, ཙིཏྲཱནི པཏྟམཎྜལཱནི དྷཱརེཏབྦཱནི རཱུཔཀཱཀིཎྞཱནི བྷིཏྟིཀམྨཀཏཱནི. ཡོ དྷཱརེཡྻ, ཨཱཔཏྟི དུཀྐཊསྶ. ‘‘ཨནུཛཱནཱམི, བྷིཀྑཝེ, པཀཏིམཎྜལ’’ནྟི.

༢༥༤. ཏེན ¶ ཁོ པན སམཡེན བྷིཀྑཱུ སོདཀཾ པཏྟཾ པཊིསཱམེནྟི. པཏྟོ དུསྶཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, སོདཀོ པཏྟོ པཊིསཱམེཏབྦོ. ཡོ པཊིསཱམེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨོཏཱཔེཏྭཱ པཏྟཾ པཊིསཱམེཏུ’’ནྟི.

ཏེན ཁོ པན སམཡེན བྷིཀྑཱུ སོདཀཾ [སཨུདཀཾ (ཀ.)] པཏྟཾ ཨོཏཱཔེནྟི. པཏྟོ དུགྒནྡྷོ ཧོཏི. བྷགཝཏོ ¶ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, སོདཀོ པཏྟོ ཨོཏཱཔེཏབྦོ. ཡོ ཨོཏཱཔེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཝོདཀཾ ཀཏྭཱ ཨོཏཱཔེཏྭཱ པཏྟཾ པཊིསཱམེཏུ’’ནྟི.

ཏེན ཁོ པན སམཡེན བྷིཀྑཱུ ཨུཎྷེ པཏྟཾ ནིདཧནྟི. པཏྟསྶ ཝཎྞོ དུསྶཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨུཎྷེ པཏྟོ ནིདཧིཏབྦོ. ཡོ ནིདཧེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, མུཧུཏྟཾ ཨུཎྷེ ཨོཏཱཔེཏྭཱ པཏྟཾ པཊིསཱམེཏུ’’ནྟི.

ཏེན ཁོ པན སམཡེན སམྦཧུལཱ པཏྟཱ ཨཛ྄ཛྷོཀཱསེ ཨནཱདྷཱརཱ ནིཀྑིཏྟཱ ཧོནྟི. ཝཱཏམཎྜལིཀཱཡ ཨཱཝཊྚེཏྭཱ པཏྟཱ བྷིཛྫིཾསུ ¶ . བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཏྟཱདྷཱརཀ’’ནྟི.

ཏེན ཁོ པན སམཡེན བྷིཀྑཱུ མིཌྜྷནྟེ པཏྟཾ ནིཀྑིཔནྟི. པརིཔཏིཏྭཱ [པརིཝཊྚིཏྭཱ (སྱཱ.)] པཏྟོ བྷིཛྫཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, མིཌྜྷནྟེ པཏྟོ ནིཀྑིཔིཏབྦོ. ཡོ ནིཀྑིཔེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ པརིབྷཎྜནྟེ པཏྟཾ ནིཀྑིཔནྟི. པརིཔཏིཏྭཱ པཏྟོ བྷིཛྫཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, པརིབྷཎྜནྟེ པཏྟོ ནིཀྑིཔིཏབྦོ. ཡོ ནིཀྑིཔེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ ཚམཱཡ པཏྟཾ ནིཀྐུཛྫནྟི. ཨོཊྛོ གྷཾསིཡཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཏིཎསནྠཱརཀ’’ནྟི. ཏིཎསནྠཱརཀོ ཨུཔཙིཀཱཧི ཁཛྫཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཙོལ༹ཀ’’ནྟི. ཙོལ༹ཀཾ ཨུཔཙིཀཱཧི ཁཛྫཏི. བྷགཝཏོ ¶ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཏྟམཱལ༹ཀ’’ནྟི. པཏྟམཱལ༹ཀོ པརིཔཏིཏྭཱ པཏྟོ བྷིཛྫཏི. བྷགཝཏོ ཨེཏམཏྠཾ ¶ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཏྟཀུཎྜོལིཀ’’ནྟི. པཏྟཀུཎྜོལིཀཱཡ པཏྟོ གྷཾསིཡཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཏྟཐཝིཀ’’ནྟི ¶ . ཨཾསབདྡྷཀོ ན ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཾསབདྡྷཀཾ བནྡྷནསུཏྟཀ’’ནྟི.

ཏེན ¶ ཁོ པན སམཡེན བྷིཀྑཱུ བྷིཏྟིཁིལེཔི ནཱགདནྟཀེཔི པཏྟཾ ལགྒེནྟི. པརིཔཏིཏྭཱ པཏྟོ བྷིཛྫཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, པཏྟོ ལགྒེཏབྦོ. ཡོ ལགྒེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ མཉྩེ པཏྟཾ ནིཀྑིཔནྟི, སཏིསམྨོསཱ ནིསཱིདནྟཱ ཨོཏྠརིཏྭཱ པཏྟཾ བྷིནྡེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, མཉྩེ པཏྟོ ནིཀྑིཔིཏབྦོ. ཡོ ནིཀྑིཔེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ པཱིཋེ པཏྟཾ ནིཀྑིཔནྟི, སཏིསམྨོསཱ ནིསཱིདནྟཱ ཨོཏྠརིཏྭཱ པཏྟཾ བྷིནྡེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, པཱིཋེ པཏྟོ ནིཀྑིཔིཏབྦོ. ཡོ ནིཀྑིཔེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ ཨངྐེ པཏྟཾ ནིཀྑིཔནྟི, སཏིསམྨོསཱ ཨུཊྛཧནྟི. པརིཔཏིཏྭཱ པཏྟོ བྷིཛྫཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨངྐེ པཏྟོ ནིཀྑིཔིཏབྦོ. ཡོ ནིཀྑིཔེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ ཚཏྟེ པཏྟཾ ནིཀྑིཔནྟི. ཝཱཏམཎྜལིཀཱཡ ཚཏྟཾ ཨུཀྑིཔིཡཏི པརིཔཏིཏྭཱ པཏྟོ བྷིཛྫཏི. བྷགཝཏོ ¶ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཚཏྟེ པཏྟོ ནིཀྑིཔིཏབྦོ. ཡོ ནིཀྑིཔེཡྻ, ཨཱཔཏྟི དུཀྐཊསྶཱ’’ཏི.

༢༥༥. ཏེན ཁོ པན སམཡེན བྷིཀྑཱུ པཏྟཧཏྠཱ ཀཝཱཊཾ པཎཱམེནྟི. ཀཝཱཊོ ཨཱཝཊྚིཏྭཱ པཏྟོ བྷིཛྫཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, པཏྟཧཏྠེན ཀཝཱཊཾ པཎཱམེཏབྦཾ [ཀཝཱཊོ པཎཱམེཏབྦོ (ཀ.)]. ཡོ པཎཱམེཡྻ, ཨཱཔཏྟི དུཀྐཊསྶཱ’’ཏི.

ཏེན ¶ ཁོ པན སམཡེན བྷིཀྑཱུ ཏུམྦཀཊཱཧེ པིཎྜཱཡ ཙརནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི ཏིཏྠིཡཱཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཏུམྦཀཊཱཧེ པིཎྜཱཡ ཙརིཏབྦཾ. ཡོ ཙརེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ གྷཊིཀཊཱཧེ ¶ [གྷཊིཀཊཱཧེན (སྱཱ.)] པིཎྜཱཡ ཙརནྟི. མནུསྶཱ ཨུཛ྄ཛྷཱཡནྟི ཁིཡྻནྟི ¶ ཝིཔཱཙེནྟི – སེཡྻཐཱཔི ཏིཏྠིཡཱཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, གྷཊིཀཊཱཧེ པིཎྜཱཡ ཙརིཏབྦཾ. ཡོ ཙརེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ སབྦཔཾསུཀཱུལིཀོ ཧོཏི. སོ ཚཝསཱིསསྶ པཏྟཾ དྷཱརེཏི. ཨཉྙཏརཱ ཨིཏྠཱི པསྶིཏྭཱ ¶ བྷཱིཏཱ ཝིསྶརམཀཱསི – ‘‘ཨབྷུཾ མེ པིསཱཙོ ཝཏཱཡ’’ནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཚཝསཱིསསྶ པཏྟཾ དྷཱརེསྶནྟི, སེཡྻཐཱཔི པིསཱཙིལླིཀཱ’’ཏི! བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཚཝསཱིསསྶ པཏྟོ དྷཱརེཏབྦོ. ཡོ དྷཱརེཡྻ, ཨཱཔཏྟི དུཀྐཊསྶ. ན ཙ, བྷིཀྑཝེ, སབྦཔཾསུཀཱུལིཀེན བྷཝིཏབྦཾ. ཡོ བྷཝེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ ཙལཀཱནིཔི ཨཊྛིཀཱནིཔི ཨུཙྪིཊྛོདཀམྤི པཏྟེན ནཱིཧརནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཡསྨིཾ ཡེཝིམེ སམཎཱ སཀྱཔུཏྟིཡཱ བྷུཉྫནྟི སོཝ ནེསཾ པཊིགྒཧོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན བྷིཀྑཝེ, ཙལཀཱནི ཝཱ ཨཊྛིཀཱནི ཝཱ ཨུཙྪིཊྛོདཀཾ ཝཱ པཏྟེན ནཱིཧརིཏབྦཾ. ཡོ ནཱིཧརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, པཊིགྒཧ’’ནྟི.

༢༥༦. ཏེན ཁོ པན སམཡེན བྷིཀྑཱུ ཧཏྠེན ཝིཔྥཱལེ༹ཏྭཱ ཙཱིཝརཾ སིབྦེནྟི. ཙཱིཝརཾ ཝིལོམིཀཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སཏྠཀཾ ནམཏཀ’’ནྟི.

ཏེན ཁོ པན སམཡེན སངྒྷསྶ དཎྜསཏྠཀཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, དཎྜསཏྠཀ’’ནྟི ¶ .

ཏེན ¶ ཁོ པན སམཡེན ཚབྦགྒིཡཱ བྷིཀྑཱུ ཨུཙྩཱཝཙེ སཏྠཀདཎྜེ དྷཱརེནྟི སོཝཎྞམཡཾ རཱུཔིཡམཡཾ. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨུཙྩཱཝཙཱ སཏྠཀདཎྜཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨཊྛིམཡཾ དནྟམཡཾ ཝིསཱཎམཡཾ ནལ༹མཡཾ ཝེལུ༹མཡཾ ཀཊྛམཡཾ ཛཏུམཡཾ ཕལམཡཾ ལོཧམཡཾ སངྑནཱབྷིམཡ’’ནྟི.

ཏེན ཁོ པན སམཡེན བྷིཀྑཱུ ཀུཀྐུཊཔཏྟེནཔི ཝེལུ༹པེསིཀཱཡཔི ཙཱིཝརཾ སིབྦེནྟི. ཙཱིཝརཾ ¶ དུསྶིབྦིཏཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སཱུཙི’’ནྟི. སཱུཙིཡོ ཀཎྞཀིཏཱཡོ ཧོནྟི…པེ… ‘‘ཨནུཛཱནཱམི, བྷིཀྑཝེ ¶ , སཱུཙིནཱལི༹ཀ’’ནྟི. སཱུཙིནཱལི༹ཀཱཡཔི ཀཎྞཀིཏཱཡོ ཧོནྟི…པེ… ‘‘ཨནུཛཱནཱམི, བྷིཀྑཝེ, ཀིཎྞེན པཱུརེཏུ’’ནྟི. ཀིཎྞེཔི ཀཎྞཀིཏཱཡོ ཧོནྟི…པེ… ‘‘ཨནུཛཱནཱམི, བྷིཀྑཝེ, སཏྟུཡཱ པཱུརེཏུ’’ནྟི. སཏྟུཡཱཔི ཀཎྞཀིཏཱཡོ ཧོནྟི…པེ… ‘‘ཨནུཛཱནཱམི, བྷིཀྑཝེ, སརིཏཀ’’ནྟི. སརིཏཀེཔི ཀཎྞཀིཏཱཡོ ཧོནྟི…པེ… ‘‘ཨནུཛཱནཱམི, བྷིཀྑཝེ, མདྷུསིཏྠཀེན སཱརེཏུ’’ནྟི. སརིཏཀཾ པརིབྷིཛྫཏི. ‘‘ཨནུཛཱནཱམི, བྷིཀྑཝེ, སརིཏཀསིཔཱཊིཀ’’ནྟི.

ཏེན ཁོ པན སམཡེན བྷིཀྑཱུ ཏཏྠ ཏཏྠ ཁིལཾ ནིཀྑཎིཏྭཱ སམྦནྡྷིཏྭཱ ¶ ཙཱིཝརཾ སིབྦེནྟི. ཙཱིཝརཾ ཝིཀཎྞཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཀཐིནཾ ཀཐིནརཛྫུཾ [ཀཋིནཾ ཀཋིནརཛྫུཾ (སཱི. སྱཱ.)] ཏཏྠ ཏཏྠ ཨོབནྡྷིཏྭཱ ཙཱིཝརཾ སིབྦེཏུ’’ནྟི. ཝིསམེ ཀཐིནཾ པཏྠརནྟི. ཀཐིནཾ པརིབྷིཛྫཏི…པེ… ‘‘ན, བྷིཀྑཝེ, ཝིསམེ ཀཐིནཾ པཏྠརིཏབྦཾ. ཡོ པཏྠརེཡྻ, ཨཱཔཏྟི དུཀྐཊསྶཱ’’ཏི.

ཚམཱཡ ཀཐིནཾ པཏྠརནྟི. ཀཐིནཾ པཾསུཀིཏཾ ཧོཏི…པེ… ‘‘ཨནུཛཱནཱམི, བྷིཀྑཝེ, ཏིཎསནྠཱརཀ’’ནྟི. ཀཐིནསྶ ཨནྟོ ཛཱིརཏི…པེ… ‘‘ཨནུཛཱནཱམི, བྷིཀྑཝེ, ཨནུཝཱཏཾ པརིབྷཎྜཾ ཨཱརོཔེཏུ’’ནྟི. ཀཐིནཾ ནཔྤཧོཏི…པེ… ‘‘ཨནུཛཱནཱམི, བྷིཀྑཝེ, དཎྜཀཐིནཾ བིདལཀཾ སལཱཀཾ ཝིནནྡྷནརཛྫུཾ ཝིནནྡྷནསུཏྟཾ ཝིནནྡྷིཏྭཱ ཙཱིཝརཾ སིབྦེཏུ’’ནྟི. སུཏྟནྟརིཀཱཡོ ཝིསམཱ ཧོནྟི…པེ… ‘‘ཨནུཛཱནཱམི ¶ , བྷིཀྑཝེ, ཀལི༹མྦྷཀ’’ནྟི. སུཏྟཱ ཝངྐཱ ཧོནྟི…པེ… ‘‘ཨནུཛཱནཱམི, བྷིཀྑཝེ, མོགྷསུཏྟཀ’’ནྟི.

ཏེན ཁོ པན སམཡེན བྷིཀྑཱུ ཨདྷོཏེཧི པཱདེཧི ཀཐིནཾ ཨཀྐམནྟི. ཀཐིནཾ དུསྶཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨདྷོཏེཧི པཱདེཧི ཀཐིནཾ ཨཀྐམིཏབྦཾ. ཡོ ཨཀྐམེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ ཨལླེཧི པཱདེཧི ཀཐིནཾ ཨཀྐམནྟི. ཀཐིནཾ དུསྶཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན ¶ , བྷིཀྑཝེ, ཨལླེཧི པཱདེཧི ཀཐིནཾ ཨཀྐམིཏབྦཾ. ཡོ ཨཀྐམེཡྻ, ཨཱཔཏྟི དུཀྐཊསྶཱ’’ཏི.

ཏེན ¶ ཁོ པན སམཡེན བྷིཀྑཱུ སཨུཔཱཧནཱ ཀཐིནཾ ཨཀྐམནྟི. ཀཐིནཾ དུསྶཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, སཨུཔཱཧནེན ཀཐིནཾ ཨཀྐམིཏབྦཾ. ཡོ ཨཀྐམེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ ཙཱིཝརཾ སིབྦནྟཱ ཨངྒུལིཡཱ པཊིགྒཎྷནྟི. ཨངྒུལིཡོ དུཀྑཱ ཧོནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཊིགྒཧ’’ནྟི.

༢༥༧. ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཙྩཱཝཙེ པཊིགྒཧེ དྷཱརེནྟི སོཝཎྞམཡཾ རཱུཔིཡམཡཾ. མནུསྶཱ ¶ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨུཙྩཱཝཙཱ པཊིགྒཧཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨཊྛིམཡཾ…པེ… སངྑནཱབྷིམཡ’’ནྟི.

ཏེན ཁོ པན སམཡེན སཱུཙིཡོཔི སཏྠཀཱཔི པཊིགྒཧཱཔི ནསྶནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཱཝེསནཝིཏྠཀ’’ནྟི. ཨཱཝེསནཝིཏྠཀེ སམཱཀུལཱ ཧོནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཊིགྒཧཐཝིཀ’’ནྟི. ཨཾསབདྡྷཀོ ན ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཾསབདྡྷཀཾ བནྡྷནསུཏྟཀ’’ནྟི.

ཏེན ¶ ཁོ པན སམཡེན བྷིཀྑཱུ ཨབྦྷོཀཱསེ ཙཱིཝརཾ སིབྦནྟཱ སཱིཏེནཔི ཨུཎྷེནཔི ཀིལམནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཀཐིནསཱལཾ ཀཐིནམཎྜཔ’’ནྟི. ཀཐིནསཱལཱ ནཱིཙཝཏྠུཀཱ ¶ ཧོཏི, ཨུདཀེན ཨོཏྠརིཡྻཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ ཨུཙྩཝཏྠུཀཾ ཀཱཏུ’’ནྟི. ཙཡོ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཙིནིཏུཾ ཏཡོ ཙཡེ – ཨིཊྛཀཱཙཡཾ, སིལཱཙཡཾ, དཱརུཙཡ’’ནྟི. ཨཱརོཧནྟཱ ཝིཧཉྙནྟི…པེ… ‘‘ཨནུཛཱནཱམི, བྷིཀྑཝེ, ཏཡོ སོཔཱནེ – ཨིཊྛཀཱསོཔཱནཾ, སིལཱསོཔཱནཾ, དཱརུསོཔཱན’’ནྟི. ཨཱརོཧནྟཱ པརིཔཏནྟི…པེ… ‘‘ཨནུཛཱནཱམི, བྷིཀྑཝེ, ཨཱལམྦནབཱཧ’’ནྟི. ཀཐིནསཱལཱཡ ཏིཎཙུཎྞཾ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཨོགུམྥེཏྭཱ [ཨོགུམྦེཏྭཱ (སཱི. སྱཱ.)] ཨུལླིཏྟཱཝལིཏྟཾ ཀཱཏུཾ – སེཏཝཎྞཾ ཀཱལ༹ཝཎྞཾ གེརུཀཔརིཀམྨཾ མཱལཱཀམྨཾ ལཏཱཀམྨཾ མཀརདནྟཀཾ པཉྩཔཊིཀཾ ཙཱིཝརཝཾསཾ ཙཱིཝརརཛྫུཀ’’ནྟི.

ཏེན ¶ ཁོ པན སམཡེན བྷིཀྑཱུ ཙཱིཝརཾ སིབྦེཏྭཱ ཏཏྠེཝ ཀཐིནཾ ཨུཛ྄ཛྷིཏྭཱ པཀྐམནྟི, ཨུནྡཱུརེཧིཔི ཨུཔཙིཀཱཧིཔི ཁཛྫཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཀཐིནཾ སངྒྷརིཏུ’’ནྟི. ཀཐིནཾ པརིབྷིཛྫཏི…པེ… ‘‘ཨནུཛཱནཱམི, བྷིཀྑཝེ, གོགྷཾསིཀཱཡ ཀཐིནཾ སངྒྷརིཏུ’’ནྟི. ཀཐིནཾ ཝིནིཝེཋིཡཏི…པེ… ‘‘ཨནུཛཱནཱམི, བྷིཀྑཝེ, བནྡྷནརཛྫུ’’ནྟི ¶ .

ཏེན ཁོ པན སམཡེན བྷིཀྑཱུ ཀུཊྚེཔི ཐམྦྷེཔི ཀཐིནཾ ཨུསྶཱཔེཏྭཱ པཀྐམནྟི. པརིཔཏིཏྭཱ ཀཐིནཾ བྷིཛྫཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷིཏྟིཁིལེ ཝཱ ནཱགདནྟེ ཝཱ ལགྒེཏུ’’ནྟི.

༢༥༨. ཨཐ ཁོ བྷགཝཱ རཱཛགཧེ ཡཐཱབྷིརནྟཾ ཝིཧརིཏྭཱ ཡེན ཝེསཱལཱི ཏེན ཙཱརིཀཾ པཀྐཱམི. ཏེན ཁོ པན སམཡེན ¶ བྷིཀྑཱུ སཱུཙིཀམྤི སཏྠཀམྤི བྷེསཛྫམྤི པཏྟེན ཨཱདཱཡ གཙྪནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷེསཛྫཏྠཝིཀ’’ནྟི. ཨཾསབདྡྷཀོ ན ཧོཏི…པེ… ‘‘ཨནུཛཱནཱམི, བྷིཀྑཝེ, ཨཾསབདྡྷཀཾ བནྡྷནསུཏྟཀ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ ཨུཔཱཧནཱཡོ ཀཱཡབནྡྷནེན བནྡྷིཏྭཱ གཱམཾ པིཎྜཱཡ པཱཝིསི. ཨཉྙཏརོ ཨུཔཱསཀོ ཏཾ བྷིཀྑུཾ ཨབྷིཝཱདེནྟོ ཨུཔཱཧནཱཡོ སཱིསེན གྷཊྚེཏི. སོ བྷིཀྑུ མངྐུ ཨཧོསི. ཨཐ ཁོ སོ བྷིཀྑུ ཨཱརཱམཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨུཔཱཧནཏྠཝིཀ’’ནྟི. ཨཾསབདྡྷཀོ ན ཧོཏི…པེ… ‘‘ཨནུཛཱནཱམི, བྷིཀྑཝེ, ཨཾསབདྡྷཀཾ བནྡྷནསུཏྟཀ’’ནྟི.

ཏེན ¶ ཁོ པན སམཡེན ཨནྟརཱམགྒེ ཨུདཀཾ ཨཀཔྤིཡཾ ཧོཏི. པརིསྶཱཝནཾ ན ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི ¶ , བྷིཀྑཝེ, པརིསྶཱཝན’’ནྟི. ཙོལ༹ཀཾ ནཔྤཧོཏི…པེ… ‘‘ཨནུཛཱནཱམི, བྷིཀྑཝེ, ཀཊཙྪུཔརིསྶཱཝན’’ནྟི. ཙོལ༹ཀཾ ནཔྤཧོཏི…པེ… ‘‘ཨནུཛཱནཱམི, བྷིཀྑཝེ, དྷམྨཀརཎ’’ནྟི [དྷམྨཀརཎཾ (སཱི. སྱཱ.), དྷམཀརཎཾ (ཀ.)].

༢༥༩. ཏེན ཁོ པན སམཡེན དྭེ བྷིཀྑཱུ ཀོསལེསུ ཛནཔདེ ཨདྡྷཱནམགྒཔྤཊིཔནྣཱ ཧོནྟི. ཨེཀོ བྷིཀྑུ ཨནཱཙཱརཾ ཨཱཙརཏི. དུཏིཡོ བྷིཀྑུ ཏཾ བྷིཀྑུཾ ཨེཏདཝོཙ – ‘‘མཱ, ཨཱཝུསོ, ཨེཝརཱུཔཾ ཨཀཱསི. ནེཏཾ ཀཔྤཏཱི’’ཏི. སོ ཏསྨིཾ ཨུཔནནྡྷི. ཨཐ ཁོ སོ བྷིཀྑུ པིཔཱསཱཡ ¶ པཱིལི༹ཏོ ཨུཔནདྡྷཾ བྷིཀྑུཾ ཨེཏདཝོཙ – ‘‘དེཧི མེ, ཨཱཝུསོ, པརིསྶཱཝནཾ, པཱནཱིཡཾ པིཝིསྶཱམཱི’’ཏི. ཨུཔནདྡྷོ བྷིཀྑུ ན ཨདཱསི. སོ བྷིཀྑུ པིཔཱསཱཡ པཱིལི༹ཏོ ཀཱལམཀཱསི. ཨཐ ཁོ སོ བྷིཀྑུ ཨཱརཱམཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. ‘‘ཀིཾ པན ཏྭཾ, ཨཱཝུསོ, པརིསྶཱཝནཾ ཡཱཙིཡམཱནོ ན ཨདཱསཱི’’ཏི? ‘‘ཨེཝམཱཝུསོ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུ པརིསྶཱཝནཾ ཡཱཙིཡམཱནོ ན དསྶཏཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཏཾ བྷིཀྑུཾ པཊིཔུཙྪི – ‘‘སཙྩཾ ཀིར ཏྭཾ, བྷིཀྑུ, པརིསྶཱཝནཾ ཡཱཙིཡམཱནོ ན ཨདཱསཱི’’ཏི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིས, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ¶ ཨཀཔྤིཡཾ ཨཀརཎཱིཡཾ. ཀཐཉྷི ནཱམ ཏྭཾ, མོགྷཔུརིས, པརིསྶཱཝནཾ ཡཱཙིཡམཱནོ ན དསྶསི. ནེཏཾ, མོགྷཔུརིས ¶ , ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན བྷིཀྑཝེ, ཨདྡྷཱནམགྒཔྤཊིཔནྣེན བྷིཀྑུནཱ པརིསྶཱཝནཾ ཡཱཙིཡམཱནེན ན དཱཏབྦཾ. ཡོ ན དདེཡྻ, ཨཱཔཏྟི དུཀྐཊསྶ. ན ཙ, བྷིཀྑཝེ, ཨཔརིསྶཱཝནཀེན ཨདྡྷཱནོ པཊིཔཛྫིཏབྦོ. ཡོ པཊིཔཛྫེཡྻ, ཨཱཔཏྟི དུཀྐཊསྶ. སཙེ ན ཧོཏི པརིསྶཱཝནཾ ཝཱ དྷམྨཀརཎོ ཝཱ, སངྒྷཱཊིཀཎྞོཔི ཨདྷིཊྛཱཏབྦོ – ཨིམིནཱ པརིསྶཱཝེཏྭཱ པིཝིསྶཱམཱི’’ཏི. ཨཐ ཁོ བྷགཝཱ ཨནུཔུབྦེན ཙཱརིཀཾ ཙརམཱནོ ཡེན ཝེསཱལཱི ཏདཝསརི. ཏཏྲ སུདཾ བྷགཝཱ ཝེསཱལིཡཾ ཝིཧརཏི མཧཱཝནེ ཀཱུཊཱགཱརསཱལཱཡཾ ¶ . ཏེན ཁོ པན སམཡེན བྷིཀྑཱུ ནཝཀམྨཾ ཀརོནྟི. པརིསྶཱཝནཾ ན སམྨཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, དཎྜཔརིསྶཱཝན’’ནྟི. དཎྜཔརིསྶཱཝནཾ ན སམྨཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨོཏྠརཀ’’ནྟི.

ཏེན ཁོ པན སམཡེན བྷིཀྑཱུ མཀསེཧི ཨུབྦཱལ༹ྷཱ ཧོནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, མཀསཀུཊིཀ’’ནྟི.

༢༦༠. ཏེན ཁོ པན སམཡེན ཝེསཱལིཡཾ པཎཱིཏཱནཾ བྷཏྟཱནཾ བྷཏྟཔཊིཔཱཊི ཨཊྛིཏཱ ཧོཏི. བྷིཀྑཱུ པཎཱིཏཱནི བྷོཛནཱནི བྷུཉྫིཏྭཱ ཨབྷིསནྣཀཱཡཱ ¶ ཧོནྟི བཧྭཱབཱདྷཱ [བཝ྄ཧཱབཱདྷཱ (སཱི.)]. ཨཐ ཁོ ཛཱིཝཀོ ཀོམཱརབྷཙྩོ ཝེསཱལིཾ ཨགམཱསི ཀེནཙིདེཝ ཀརཎཱིཡེན. ཨདྡསཱ ཁོ ཛཱིཝཀོ ཀོམཱརབྷཙྩོ བྷིཀྑཱུ ཨབྷིསནྣཀཱཡེ བཧྭཱབཱདྷེ. དིསྭཱན ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཛཱིཝཀོ ཀོམཱརབྷཙྩོ ¶ བྷགཝནྟཾ ཨེཏདཝོཙ – ‘‘ཨེཏརཧི, བྷནྟེ, བྷིཀྑཱུ ཨབྷིསནྣཀཱཡཱ བཧྭཱབཱདྷཱ. སཱདྷུ, བྷནྟེ, བྷགཝཱ བྷིཀྑཱུནཾ ཙངྐམཉྩ ཛནྟཱགྷརཉྩ ཨནུཛཱནཱཏུ. ཨེཝཾ བྷིཀྑཱུ ཨཔྤཱབཱདྷཱ བྷཝིསྶནྟཱི’’ཏི. ཨཐ ཁོ བྷགཝཱ ཛཱིཝཀཾ ཀོམཱརབྷཙྩཾ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ ཛཱིཝཀོ ཀོམཱརབྷཙྩོ བྷགཝཏཱ དྷམྨིཡཱ ཀཐཱཡ སནྡསྶིཏོ སམཱདཔིཏོ སམུཏྟེཛིཏོ སམྤཧཾསིཏོ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཙངྐམཉྩ ཛནྟཱགྷརཉྩཱ’’ཏི.

ཏེན ཁོ པན སམཡེན བྷིཀྑཱུ ¶ ཝིསམེ ཙངྐམེ ཙངྐམནྟི. པཱདཱ དུཀྑཱ ཧོནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སམཾ ཀཱཏུ’’ནྟི. ཙངྐམོ ནཱིཙཝཏྠུཀོ ཧོཏི. ཨུདཀེན ཨོཏྠརིཡྻཏི…པེ… ‘‘ཨནུཛཱནཱམི, བྷིཀྑཝེ, ཨུཙྩཝཏྠུཀཾ ཀཱཏུ’’ནྟི. ཙཡོ ¶ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཙིནིཏུཾ ཏཡོ ཙཡེ – ཨིཊྛཀཱཙཡཾ, སིལཱཙཡཾ, དཱརུཙཡ’’ནྟི. ཨཱརོཧནྟཱ ཝིཧཉྙནྟི…པེ… ‘‘ཨནུཛཱནཱམི, བྷིཀྑཝེ, ཏཡོ སོཔཱནེ – ཨིཊྛཀཱསོཔཱནཾ, སིལཱསོཔཱནཾ, དཱརུསོཔཱན’’ནྟི. ཨཱརོཧནྟཱ པརིཔཏནྟི…པེ… ‘‘ཨནུཛཱནཱམི, བྷིཀྑཝེ, ཨཱལམྦནབཱཧ’’ནྟི.

ཏེན ¶ ཁོ པན སམཡེན བྷིཀྑཱུ ཙངྐམེ ཙངྐམནྟཱ པརིཔཏནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཙངྐམནཝེདིཀ’’ནྟི.

ཏེན ཁོ པན སམཡེན བྷིཀྑཱུ ཨཛ྄ཛྷོཀཱསེ ཙངྐམནྟཱ སཱིཏེནཔི ཨུཎྷེནཔི ཀིལམནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཙངྐམནསཱལ’’ནྟི. ཙངྐམནསཱལཱཡཾ ཏིཎཙུཎྞཾ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཨོགུམྥེཏྭཱ ཨུལླིཏྟཱཝལིཏྟཾ ཀཱཏུཾ – སེཏཝཎྞཾ ཀཱལ༹ཝཎྞཾ གེརུཀཔརིཀམྨཾ མཱལཱཀམྨཾ ལཏཱཀམྨཾ མཀརདནྟཀཾ པཉྩཔཊིཀཾ ཙཱིཝརཝཾསཾ ཙཱིཝརརཛྫུ’’ནྟི. ཛནྟཱགྷརཾ ནཱིཙཝཏྠུཀཾ ཧོཏི, ཨུདཀེན ཨོཏྠརིཡྻཏི…པེ… ‘‘ཨནུཛཱནཱམི, བྷིཀྑཝེ, ཨུཙྩཝཏྠུཀཾ ཀཱཏུ’’ནྟི. ཙཡོ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཙིནིཏུཾ ཏཡོ ཙཡེ – ཨིཊྛཀཱཙཡཾ, སིལཱཙཡཾ, དཱརུཙཡ’’ནྟི. ཨཱརོཧནྟཱ ཝིཧཉྙནྟི…པེ… ‘‘ཨནུཛཱནཱམི, བྷིཀྑཝེ, ཏཡོ སོཔཱནེ – ཨིཊྛཀཱསོཔཱནཾ, སིལཱསོཔཱནཾ, དཱརུསོཔཱན’’ནྟི. ཨཱརོཧནྟཱ པརིཔཏནྟི…པེ… ‘‘ཨནུཛཱནཱམི, བྷིཀྑཝེ, ཨཱལམྦནབཱཧ’’ནྟི ¶ . ཛནྟཱགྷརསྶ ཀཝཱཊཾ ན ཧོཏི…པེ… ‘‘ཨནུཛཱནཱམི, བྷིཀྑཝེ, ཀཝཱཊཾ པིཊྛསངྒྷཱཊཾ [པཱིཋསཾགྷཱཊཾ (ཀ.)] ཨུདུཀྑལིཀཾ ཨུཏྟརཔཱསཀཾ ཨགྒལ༹ཝཊྚིཀཾ ཀཔིསཱིསཀཾ སཱུཙིཀཾ གྷཊིཀཾ ཏཱལ༹ཙྪིདྡཾ ཨཱཝིཉྪནཚིདྡཾ ཨཱཝིཉྪནརཛྫུ’’ནྟི ¶ . ཛནྟཱགྷརསྶ ཀུཊྚཔཱདོ ཛཱིརཏི…པེ… ‘‘ཨནུཛཱནཱམི, བྷིཀྑཝེ, མཎྜལིཀཾ ཀཱཏུ’’ནྟི. ཛནྟཱགྷརསྶ དྷཱུམནེཏྟཾ ན ཧོཏི…པེ… ‘‘ཨནུཛཱནཱམི, བྷིཀྑཝེ, དྷཱུམནེཏྟ’’ནྟི.

ཏེན ཁོ པན སམཡེན བྷིཀྑཱུ ཁུདྡཀེ ཛནྟཱགྷརེ མཛ྄ཛྷེ ཨགྒིཊྛཱནཾ ཀརོནྟི. ཨུཔཙཱརོ ན ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཁུདྡཀེ ཛནྟཱགྷརེ ཨེཀམནྟཾ ཨགྒིཊྛཱནཾ ཀཱཏུཾ, མཧལླཀེ མཛ྄ཛྷེ’’ཏི. ཛནྟཱགྷརེ ཨགྒི མུཁཾ ཌཧཏི…པེ… ‘‘ཨནུཛཱནཱམི, བྷིཀྑཝེ, མུཁམཏྟིཀ’’ནྟི. ཧཏྠེ མཏྟིཀཾ ཏེམེནྟི…པེ… ‘‘ཨནུཛཱནཱམི, བྷིཀྑཝེ, མཏྟིཀཱདོཎིཀ’’ནྟི. མཏྟིཀཱ དུགྒནྡྷཱ ཧོཏི…པེ… ‘‘ཨནུཛཱནཱམི, བྷིཀྑཝེ, ཝཱསེཏུ’’ནྟི. ཛནྟཱགྷརེ ཨགྒི ཀཱཡཾ ཌཧཏི…པེ… ‘‘ཨནུཛཱནཱམི, བྷིཀྑཝེ, ཨུདཀཾ ཨཏིཧརིཏུ’’ནྟི. པཱཏིཡཱཔི པཏྟེནཔི ཨུདཀཾ ཨཏིཧརནྟི…པེ… ‘‘ཨནུཛཱནཱམི, བྷིཀྑཝེ, ཨུདཀཊྛཱནཾ, ཨུདཀསརཱཝཀ’’ནྟི. ཛནྟཱགྷརཾ ཏིཎཙྪདནཾ ན སེདེཏི [ཏིཎཙྪཱདནེན ཚཱདེཏི (ཀ.)] …པེ… ‘‘ཨནུཛཱནཱམི, བྷིཀྑཝེ, ཨོགུམྥེཏྭཱ ཨུལླིཏྟཱཝལིཏྟཾ ཀཱཏུ’’ནྟི. ཛནྟཱགྷརཾ ¶ ཙིཀྑལླཾ ཧོཏི…པེ… ‘‘ཨནུཛཱནཱམི, བྷིཀྑཝེ, སནྠརིཏུཾ ཏཡོ སནྠརེ – ཨིཊྛཀཱསནྠརཾ, སིལཱསནྠརཾ ¶ , དཱརུསནྠར’’ནྟི. ཙིཀྑལླཾཡེཝ ཧོཏི…པེ… ‘‘ཨནུཛཱནཱམི, བྷིཀྑཝེ, དྷོཝིཏུ’’ནྟི. ཨུདཀཾ སནྟིཊྛཏི…པེ… ‘‘ཨནུཛཱནཱམི, བྷིཀྑཝེ, ཨུདཀནིདྡྷམན’’ནྟི.

ཏེན ཁོ པན སམཡེན བྷིཀྑཱུ ཛནྟཱགྷརེ ཚམཱཡ ¶ ནིསཱིདནྟི, གཏྟཱནི ཀཎྜཱུཝནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཛནྟཱགྷརཔཱིཋ’’ནྟི. ཏེན ཁོ པན སམཡེན ཛནྟཱགྷརཾ ཨཔརིཀྑིཏྟཾ ཧོཏི…པེ… ‘‘ཨནུཛཱནཱམི, བྷིཀྑཝེ, པརིཀྑིཔིཏུཾ ཏཡོ པཱཀཱརེ – ཨིཊྛཀཱཔཱཀཱརཾ, སིལཱཔཱཀཱརཾ, དཱརུཔཱཀཱར’’ནྟི. ཀོཊྛཀོ ན ཧོཏི…པེ… ‘‘ཨནུཛཱནཱམི, བྷིཀྑཝེ, ཀོཊྛཀ’’ནྟི. ཀོཊྛཀོ ནཱིཙཝཏྠུཀོ ཧོཏི, ཨུདཀེན ཨོཏྠརིཡྻཏི…པེ… ‘‘ཨནུཛཱནཱམི, བྷིཀྑཝེ, ཨུཙྩཝཏྠུཀཾ ཀཱཏུ’’ནྟི. ཙཡོ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཙིནིཏུཾ ཏཡོ ཙཡེ – ཨིཊྛཀཱཙཡཾ, སིལཱཙཡཾ, དཱརུཙཡ’’ནྟི. ཨཱརོཧནྟཱ ཝིཧཉྙནྟི…པེ… ‘‘ཨནུཛཱནཱམི, བྷིཀྑཝེ, ཏཡོ སོཔཱནེ – ཨིཊྛཀཱསོཔཱནཾ, སིལཱསོཔཱནཾ, དཱརུསོཔཱན’’ནྟི. ཨཱརོཧནྟཱ པརིཔཏནྟི…པེ… ‘‘ཨནུཛཱནཱམི, བྷིཀྑཝེ, ཨཱལམྦནབཱཧ’’ནྟི. ཀོཊྛཀསྶ ཀཝཱཊཾ ན ཧོཏི…པེ… ‘‘ཨནུཛཱནཱམི, བྷིཀྑཝེ, ཀཝཱཊཾ པིཊྛསངྒྷཱཊཾ ཨུདུཀྑལིཀཾ ཨུཏྟརཔཱསཀཾ ཨགྒལ༹ཝཊྚིཾ ཀཔིསཱིསཀཾ སཱུཙིཀཾ གྷཊིཀཾ ཏཱལ༹ཙྪིདྡཾ ཨཱཝིཉྪནཚིདྡཾ ཨཱཝིཉྪནརཛྫུ’’ནྟི. ཀོཊྛཀེ ཏིཎཙུཎྞཾ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཨོགུམྥེཏྭཱ ཨུལླིཏྟཱཝལིཏྟཾ ཀཱཏུཾ – སེཏཝཎྞཾ ¶ ¶ ཀཱལ༹ཝཎྞཾ གེརུཀཔརིཀམྨཾ མཱལཱཀམྨཾ ལཏཱཀམྨཾ མཀརདནྟཀཾ པཉྩཔཊིཀནྟི. པརིཝེཎཾ ཙིཀྑལླཾ ཧོཏི…པེ… ‘‘ཨནུཛཱནཱམི, བྷིཀྑཝེ, མརུམྦཾ ཨུཔཀིརིཏུ’’ནྟི. ན པརིཡཱཔུཎནྟི…པེ… ‘‘ཨནུཛཱནཱམི, བྷིཀྑཝེ, པདརསིལཾ ནིཀྑིཔིཏུ’’ནྟི. ཨུདཀཾ སནྟིཊྛཏི…པེ… ‘‘ཨནུཛཱནཱམི, བྷིཀྑཝེ, ཨུདཀནིདྡྷམན’’ནྟི.

༢༦༡. ཏེན ཁོ པན སམཡེན བྷིཀྑཱུ ནགྒཱ ནགྒཾ ཨབྷིཝཱདེནྟི…པེ… ནགྒཱ ནགྒཾ ཨབྷིཝཱདཱཔེནྟི, ནགྒཱ ནགྒསྶ པརིཀམྨཾ ཀརོནྟི, ནགྒཱ ནགྒསྶ པརིཀམྨཾ ཀཱརཱཔེནྟི, ནགྒཱ ནགྒསྶ དེནྟི, ནགྒཱ པཊིགྒཎྷནྟི, ནགྒཱ ཁཱདནྟི, ནགྒཱ བྷུཉྫནྟི, ནགྒཱ སཱཡནྟི, ནགྒཱ པིཝནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ནགྒེན [ཨིདཾ པདཾ ཀཏྠཙི ནཏྠི] ནགྒོ ཨབྷིཝཱདེཏབྦོ…པེ… ན ནགྒེན ཨབྷིཝཱདེཏབྦཾ… ན ནགྒེན [ཨིདཾ པདཾ ཀཏྠཙི ནཏྠི] ནགྒོ ཨབྷིཝཱདཱཔེཏབྦོ… ན ནགྒེན ཨབྷིཝཱདཱཔེཏབྦཾ… ན ནགྒེན ནགྒསྶ པརིཀམྨཾ ¶ ཀཱཏབྦཾ… ན ནགྒེན ནགྒསྶ པརིཀམྨཾ ཀཱརཱཔེཏབྦཾ… ན ནགྒེན ནགྒསྶ དཱཏབྦཾ… ན ནགྒེན པཊིགྒཧེཏབྦཾ… ན ནགྒེན ཁཱདིཏབྦཾ… ན ནགྒེན བྷུཉྫིཏབྦཾ… ན ¶ ནགྒེན སཱཡིཏབྦཾ… ན ནགྒེན པཱཏབྦཾ. ཡོ པིཝེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ ཛནྟཱགྷརེ ཚམཱཡ ཙཱིཝརཾ ནིཀྑིཔནྟི. ཙཱིཝརཾ པཾསུཀིཏཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཙཱིཝརཝཾསཾ ཙཱིཝརརཛྫུ’’ནྟི. དེཝེ ཝསྶནྟེ ཙཱིཝརཾ ཨོཝསྶཏི…པེ… ‘‘ཨནུཛཱནཱམི, བྷིཀྑཝེ ¶ , ཛནྟཱགྷརསཱལ’’ནྟི. ཛནྟཱགྷརསཱལཱ ནཱིཙཝཏྠུཀཱ ཧོཏི, ཨུདཀེན ཨོཏྠརིཡྻཏི…པེ… ‘‘ཨནུཛཱནཱམི, བྷིཀྑཝེ, ཨུཙྩཝཏྠུཀཾ ཀཱཏུ’’ནྟི. ཙཡོ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཙིནིཏུཾ…པེ… ཨཱརོཧནྟཱ ཝིཧཉྙནྟི…པེ… ཨཱརོཧནྟཱ པརིཔཏནྟི…པེ… ‘‘ཨནུཛཱནཱམི, བྷིཀྑཝེ, ཨཱལམྦནབཱཧ’’ནྟི. ཛནྟཱགྷརསཱལཱཡ ཏིཎཙུཎྞཾ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཨོགུམྥེཏྭཱ ཨུལླིཏྟཱཝལིཏྟཾ ཀཱཏུཾ…པེ… ཙཱིཝརཝཾསཾ ཙཱིཝརརཛྫུ’’ནྟི.

ཏེན ཁོ པན སམཡེན བྷིཀྑཱུ ཛནྟཱགྷརེཔི ཨུདཀེཔི པརིཀམྨཾ ཀཱཏུཾ ཀུཀྐུཙྩཱཡནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཏིསྶོ པཊིཙྪཱདིཡོ – ཛནྟཱགྷརཔཊིཙྪཱདིཾ, ཨུདཀཔཊིཙྪཱདིཾ, ཝཏྠཔཊིཙྪཱདི’’ནྟི.

ཏེན ཁོ པན སམཡེན ཛནྟཱགྷརེ ཨུདཀཾ ན ཧོཏི. བྷགཝཏོ ¶ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི ¶ , བྷིཀྑཝེ, ཨུདཔཱན’’ནྟི. ཨུདཔཱནསྶ ཀཱུལཾ ལུཛྫཏི…པེ… ‘‘ཨནུཛཱནཱམི, བྷིཀྑཝེ, ཙིནིཏུཾ ཏཡོ ཙཡེ – ཨིཊྛཀཱཙཡཾ, སིལཱཙཡཾ, དཱརུཙཡ’’ནྟི. ཨུདཔཱནོ ནཱིཙཝཏྠུཀོ ཧོཏི, ཨུདཀེན ཨོཏྠརིཡྻཏི…པེ… ‘‘ཨནུཛཱནཱམི, བྷིཀྑཝེ, ཨུཙྩཝཏྠུཀཾ ཀཱཏུ’’ནྟི. ཙཡོ པརིཔཏཏི…པེ… ཨཱརོཧནྟཱ ཝིཧཉྙནྟི…པེ… ཨཱརོཧནྟཱ པརིཔཏནྟི…པེ… ‘‘ཨནུཛཱནཱམི, བྷིཀྑཝེ, ཨཱལམྦནབཱཧ’’ནྟི.

༢༦༢. ཏེན ཁོ པན སམཡེན བྷིཀྑཱུ ཝལླིཀཱཡཔི ཀཱཡབནྡྷནེནཔི ཨུདཀཾ ཝཱཧེནྟི [ཝཱཧནྟི (ཀ.)]. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨུདཀཝཱཧནརཛྫུ’’ནྟི. ཧཏྠཱ དུཀྑཱ ཧོནྟི…པེ… ‘‘ཨནུཛཱནཱམི, བྷིཀྑཝེ, ཏུལཾ ཀརཀཊཀཾ ཙཀྐཝཊྚཀ’’ནྟི. བྷཱཛནཱ བཧཱུ བྷིཛྫནྟི…པེ… ‘‘ཨནུཛཱནཱམི, བྷིཀྑཝེ, ཏཡོ ཝཱརཀེ – ལོཧཝཱརཀཾ, དཱརུཝཱརཀཾ, ཙམྨཀྑཎྜ’’ནྟི.

ཏེན ¶ ཁོ པན སམཡེན བྷིཀྑཱུ ཨཛ྄ཛྷོཀཱསེ ཨུདཀཾ ཝཱཧེནྟཱ སཱིཏེནཔི ཨུཎྷེནཔི ཀིལམནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨུདཔཱནསཱལ’’ནྟི. ཨུདཔཱནསཱལཱཡ ཏིཎཙུཎྞཾ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཨོགུམྥེཏྭཱ ཨུལླིཏྟཱཝལིཏྟཾ ཀཱཏུཾ – སེཏཝཎྞཾ ཀཱལ༹ཝཎྞཾ གེརུཀཔརིཀམྨཾ མཱལཱཀམྨཾ ལཏཱཀམྨཾ མཀརདནྟཀཾ པཉྩཔཊིཀཾ ཙཱིཝརཝཾསཾ ཙཱིཝརརཛྫུ’’ནྟི. ཨུདཔཱནོ ཨཔཱརུཏོ ཧོཏི, ཏིཎཙུཎྞེཧིཔི ¶ པཾསུཀེཧིཔི ཨོཀིརིཡྻཏི…པེ… ‘‘ཨནུཛཱནཱམི, བྷིཀྑཝེ, ཨཔིདྷཱན’’ནྟི. ཨུདཀབྷཱཛནཾ ན སཾཝིཛྫཏི…པེ… ‘‘ཨནུཛཱནཱམི, བྷིཀྑཝེ, ཨུདཀདོཎིཾ ཨུདཀཀཊཱཧ’’ནྟི.

ཏེན ཁོ པན སམཡེན བྷིཀྑཱུ ཨཱརཱམེ ཏཧཾ ཏཧཾ ནཧཱཡནྟི. ཨཱརཱམོ ཙིཀྑལློ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཙནྡནིཀ’’ནྟི. ཙནྡནིཀཱ པཱཀཊཱ ཧོཏི. བྷིཀྑཱུ ཧིརིཡནྟི ནཧཱཡིཏུཾ…པེ… ‘‘ཨནུཛཱནཱམི, བྷིཀྑཝེ, པརིཀྑིཔིཏུཾ ཏཡོ པཱཀཱརེ – ཨིཊྛཀཱཔཱཀཱརཾ, སིལཱཔཱཀཱརཾ, དཱརུཔཱཀཱར’’ནྟི. ཙནྡནིཀཱ ཙིཀྑལླཱ ཧོཏི…པེ… ‘‘ཨནུཛཱནཱམི, བྷིཀྑཝེ, སནྠརིཏུཾ ཏཡོ སནྠརེ – ཨིཊྛཀཱསནྠརཾ, སིལཱསནྠརཾ, དཱརུསནྠར’’ནྟི. ཨུདཀཾ སནྟིཊྛཏི…པེ… ‘‘ཨནུཛཱནཱམི, བྷིཀྑཝེ, ཨུདཀནིདྡྷམན’’ནྟི.

ཏེན ཁོ པན སམཡེན བྷིཀྑཱུནཾ གཏྟཱནི སཱིཏིགཏཱནི ཧོནྟི. བྷགཝཏོ ཨེཏམཏྠཾ ཨཱརོཙེསུཾ…པེ… ‘‘ཨནུཛཱནཱམི, བྷིཀྑཝེ, ཨུདཀཔུཉྪནིཾ ཙོལ༹ཀེནཔི པཙྩུདྡྷརིཏུ’’ནྟི.

༢༦༣. ཏེན ¶ ཁོ པན སམཡེན ¶ ཨཉྙཏརོ ཨུཔཱསཀོ སངྒྷསྶ ཨཏྠཱཡ པོཀྑརཎིཾ ཀཱརེཏུཀཱམོ ཧོཏི. བྷགཝཏོ ཨེཏམཏྠཾ ཨཱརོཙེསུཾ…པེ… ‘‘ཨནུཛཱནཱམི, བྷིཀྑཝེ, པོཀྑརཎི’’ནྟི. པོཀྑརཎིཡཱ ཀཱུལཾ ¶ ལུཛྫཏི…པེ… ‘‘ཨནུཛཱནཱམི, བྷིཀྑཝེ, ཙིནིཏུཾ ཏཡོ ཙཡེ – ཨིཊྛཀཱཙཡཾ, སིལཱཙཡཾ, དཱརུཙཡ’’ནྟི. ཨཱརོཧནྟཱ ཝིཧཉྙནྟི…པེ… ‘‘ཨནུཛཱནཱམི, བྷིཀྑཝེ, ཏཡོ སོཔཱནེ – ཨིཊྛཀཱསོཔཱནཾ, སིལཱསོཔཱནཾ, དཱརུསོཔཱན’’ནྟི. ཨཱརོཧནྟཱ པརིཔཏནྟི…པེ… ‘‘ཨནུཛཱནཱམི, བྷིཀྑཝེ, ཨཱལམྦནབཱཧ’’ནྟི. པོཀྑརཎིཡཱ ཨུདཀཾ པུརཱཎཾ ཧོཏི…པེ… ‘‘ཨནུཛཱནཱམི, བྷིཀྑཝེ, ཨུདཀམཱཏིཀཾ ཨུདཀནིདྡྷམན’’ནྟི.

ཏེན ¶ ཁོ པན སམཡེན ཨཉྙཏརོ བྷིཀྑུ སངྒྷསྶ ཨཏྠཱཡ ནིལླེཁཾ ཛནྟཱགྷརཾ ཀཏྟུཀཱམོ ཧོཏི. བྷགཝཏོ ཨེཏམཏྠཾ ཨཱརོཙེསུཾ…པེ… ‘‘ཨནུཛཱནཱམི, བྷིཀྑཝེ, ནིལླེཁཾ ཛནྟཱགྷར’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཙཱཏུམཱསཾ ནིསཱིདནེན ཝིཔྤཝསནྟི. བྷགཝཏོ ཨེཏམཏྠཾ ཨཱརོཙེསུཾ…པེ… ‘‘ན, བྷིཀྑཝེ, ཙཱཏུམཱསཾ ནིསཱིདནེན ཝིཔྤཝསིཏབྦཾ. ཡོ ཝིཔྤཝསེཡྻ, ཨཱཔཏྟི དུཀྐཊསྶཱ’’ཏི.

༢༦༤. ཏེན ཁོ པན སམཡེན ཚབྦགྒིཡཱ བྷིཀྑཱུ པུཔྥཱབྷིཀིཎྞེསུ སཡནེསུ སཡནྟི. མནུསྶཱ ཝིཧཱརཙཱརིཀཾ ཨཱཧིཎྜནྟཱ པསྶིཏྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, པུཔྥཱབྷིཀིཎྞེསུ སཡནེསུ སཡིཏབྦཾ. ཡོ སཡེཡྻ, ཨཱཔཏྟི དུཀྐཊསྶཱ’’ཏི ¶ .

ཏེན ཁོ པན སམཡེན མནུསྶཱ གནྡྷམྤི མཱལམྤི ཨཱདཱཡ ཨཱརཱམཾ ཨཱགཙྪནྟི. བྷིཀྑཱུ ཀུཀྐུཙྩཱཡནྟཱ ན པཊིགྒཎྷནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, གནྡྷཾ གཧེཏྭཱ ཀཝཱཊེ པཉྩངྒུལིཀཾ དཱཏུཾ, པུཔྥཾ གཧེཏྭཱ ཝིཧཱརེ ཨེཀམནྟཾ ནིཀྑིཔིཏུ’’ནྟི.

ཏེན ཁོ པན སམཡེན སངྒྷསྶ ནམཏཀཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ནམཏཀ’’ནྟི. ཨཐ ཁོ བྷིཀྑཱུནཾ ཨེཏདཧོསི – ‘‘ནམཏཀཾ ཨདྷིཊྛཱཏབྦཾ ནུ ཁོ ཨུདཱཧུ ཝིཀཔྤེཏབྦ’’ནྟི…པེ… ‘‘ན, བྷིཀྑཝེ, ནམཏཀཾ ཨདྷིཊྛཱཏབྦཾ, ན ཝིཀཔྤེཏབྦ’’ནྟི.

ཏེན ¶ ཁོ པན སམཡེན ཚབྦགྒིཡཱ བྷིཀྑཱུ ཨཱསིཏྟཀཱུཔདྷཱནེ བྷུཉྫནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ…པེ… ‘‘ན, བྷིཀྑཝེ, ཨཱསིཏྟཀཱུཔདྷཱནེ བྷུཉྫིཏབྦཾ. ཡོ བྷུཉྫེཡྻ, ཨཱཔཏྟི དུཀྐཊསྶཱ’’ཏི ¶ .

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. སོ བྷུཉྫམཱནོ ན སཀྐོཏི ཧཏྠེན པཏྟཾ སནྡྷཱརེཏུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, མལོ༹རིཀ’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཨེཀབྷཱཛནེཔི བྷུཉྫནྟི…པེ… ¶ ཨེཀཐཱལཀེཔི པིཝནྟི, ཨེཀམཉྩེཔི ཏུཝཊྚེནྟི, ཨེཀཏྠརཎཱཔི ཏུཝཊྚེནྟི, ཨེཀཔཱཝུརཎཱཔི ཏུཝཊྚེནྟི, ཨེཀཏྠརཎཔཱཝུརཎཱཔི ཏུཝཊྚེནྟི. མནུསྶཱ ཨུཛ྄ཛྷཱཡནྟི ¶ ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨེཀབྷཱཛནེ བྷུཉྫིཏབྦཾ…པེ… ན ཨེཀཐཱལཀེ པཱཏབྦཾ… ན ཨེཀམཉྩེ ཏུཝཊྚིཏབྦཾ… ན ཨེཀཏྠརཎཱ [ན ཨེཀཏྠརཎེ] ཏུཝཊྚིཏབྦཾ… ན ཨེཀཔཱཝུརཎཱ [ན ཨེཀཔཱཝུརཎེ] ཏུཝཊྚིཏབྦཾ… ན ཨེཀཏྠརཎཔཱཝུརཎཱ [ན ཨེཀཏྠརཎཔཱཝུརཎེ (སྱཱ.)] ཏུཝཊྚིཏབྦཾ. ཡོ ཏུཝཊྚེཡྻ, ཨཱཔཏྟི དུཀྐཊསྶཱ’’ཏི.

༢༦༥. ཏེན ཁོ པན སམཡེན ཝཌྜྷོ ལིཙྪཝཱི མེཏྟིཡབྷཱུམཛཀཱནཾ བྷིཀྑཱུནཾ སཧཱཡོ ཧོཏི. ཨཐ ཁོ ཝཌྜྷོ ལིཙྪཝཱི ཡེན མེཏྟིཡབྷཱུམཛཀཱ བྷིཀྑཱུ ཏེནུཔསངྐམི, ཨུཔསངྐམིཏྭཱ མེཏྟིཡབྷཱུམཛཀེ བྷིཀྑཱུ ཨེཏདཝོཙ – ‘‘ཝནྡཱམི ཨཡྻཱ’’ཏི. ཨེཝཾ ཝུཏྟེ མེཏྟིཡབྷཱུམཛཀཱ བྷིཀྑཱུ ནཱལཔིཾསུ. དུཏིཡམྤི ཁོ ཝཌྜྷོ ལིཙྪཝཱི མེཏྟིཡབྷཱུམཛཀེ བྷིཀྑཱུ ཨེཏདཝོཙ – ‘‘ཝནྡཱམི ཨཡྻཱ’’ཏི. དུཏིཡམྤི ཁོ མེཏྟིཡབྷཱུམཛཀཱ བྷིཀྑཱུ ནཱལཔིཾསུ. ཏཏིཡམྤི ཁོ ཝཌྜྷོ ལིཙྪཝཱི མེཏྟིཡབྷཱུམཛཀེ བྷིཀྑཱུ ཨེཏདཝོཙ – ‘‘ཝནྡཱམི ཨཡྻཱ’’ཏི. ཏཏིཡམྤི ཁོ མེཏྟིཡབྷཱུམཛཀཱ ¶ བྷིཀྑཱུ ནཱལཔིཾསུ. ‘‘ཀྱཱཧཾ ཨཡྻཱནཾ ཨཔརཛ྄ཛྷཱམི, ཀིསྶ མཾ ཨཡྻཱ ནཱལཔནྟཱི’’ཏི? ‘‘ཏཐཱ ཧི པན ཏྭཾ, ཨཱཝུསོ ཝཌྜྷ, ཨམྷེ དབྦེན མལླཔུཏྟེན ཝིཧེཋིཡམཱནེ ཨཛ྄ཛྷུཔེཀྑསཱི’’ཏི. ‘‘ཀྱཱཧཾ ཨཡྻཱ ཀརོམཱི’’ཏི? ‘‘སཙེ ཁོ ཏྭཾ, ཨཱཝུསོ ཝཌྜྷ, ཨིཙྪེཡྻཱསི, ཨཛྫེཝ བྷགཝཱ ཨཱཡསྨནྟཾ དབྦཾ མལླཔུཏྟཾ ནཱསཱཔེཡྻཱ’’ཏི. ‘‘ཀྱཱཧཾ ཨཡྻཱ ཀརོམི, ཀིཾ མཡཱ སཀྐཱ ཀཱཏུ’’ནྟི? ‘‘ཨེཧི ཏྭཾ, ཨཱཝུསོ ཝཌྜྷ, ཡེན བྷགཝཱ ཏེནུཔསངྐམ, ཨུཔསངྐམིཏྭཱ བྷགཝནྟཾ ཨེཝཾ ཝདེཧི – ‘ཨིདཾ, བྷནྟེ, ནཙྪནྣཾ ནཔྤཏིརཱུཔཾ. ཡཱཡཾ, བྷནྟེ, དིསཱ ཨབྷཡཱ ཨནཱིཏིཀཱ ཨནུཔདྡཝཱ སཱཡཾ དིསཱ སབྷཡཱ སཨཱིཏིཀཱ སཨུཔདྡཝཱ; ཡཏོ ནིཝཱཏཾ ཏཏོ སཝཱཏཾ ¶ ; ཨུདཀཾ མཉྙེ ཨཱདིཏྟཾ; ཨཡྻེན མེ དབྦེན མལླཔུཏྟེན པཛཱཔཏི དཱུསིཏཱ’’’ཏི. ‘‘ཨེཝཾ ཨཡྻཱ’’ཏི ཁོ ཝཌྜྷོ ལིཙྪཝཱི མེཏྟིཡབྷཱུམཛཀཱནཾ བྷིཀྑཱུནཾ པཊིསྶུཏྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཝཌྜྷོ ལིཙྪཝཱི ¶ བྷགཝནྟཾ ཨེཏདཝོཙ – ‘‘ཨིདཾ, བྷནྟེ, ནཙྪནྣཾ ནཔྤཏིརཱུཔཾ. ཡཱཡཾ, བྷནྟེ, དིསཱ ཨབྷཡཱ ཨནཱིཏིཀཱ ཨནུཔདྡཝཱ སཱཡཾ དིསཱ སབྷཡཱ སཨཱིཏིཀཱ སཨུཔདྡཝཱ; ཡཏོ ནིཝཱཏཾ ཏཏོ སཝཱཏཾ; ཨུདཀཾ མཉྙེ ཨཱདིཏྟཾ; ཨཡྻེན མེ དབྦེན མལླཔུཏྟེན པཛཱཔཏི དཱུསིཏཱ’’ཏི.

ཨཐ ¶ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཨཱཡསྨནྟཾ དབྦཾ མལླཔུཏྟཾ པཊིཔུཙྪི – ‘‘སརསི ¶ ཏྭཾ, དབྦ, ཨེཝརཱུཔཾ ཀཏྟཱ ཡཐཱཡཾ ཝཌྜྷོ ཨཱཧཱ’’ཏི? ‘‘ཡཐཱ མཾ, བྷནྟེ, བྷགཝཱ ཛཱནཱཏཱི’’ཏི. དུཏིཡམྤི ཁོ བྷགཝཱ…པེ… ཏཏིཡམྤི ཁོ བྷགཝཱ ཨཱཡསྨནྟཾ དབྦཾ མལླཔུཏྟཾ ཨེཏདཝོཙ – ‘‘སརསི ཏྭཾ, དབྦ, ཨེཝརཱུཔཾ ཀཏྟཱ ཡཐཱཡཾ ཝཌྜྷོ ཨཱཧཱ’’ཏི? ‘‘ཡཐཱ མཾ, བྷནྟེ, བྷགཝཱ ཛཱནཱཏཱི’’ཏི. ‘‘ན ཁོ, དབྦ, དབྦཱ ཨེཝཾ ནིབྦེཋེནྟི. སཙེ ཏཡཱ ཀཏཾ, ཀཏནྟི ཝདེཧི; སཙེ ཨཀཏཾ, ཨཀཏནྟི ཝདེཧཱི’’ཏི. ‘‘ཡཏོ ཨཧཾ, བྷནྟེ, ཛཱཏོ ནཱབྷིཛཱནཱམི སུཔིནནྟེནཔི མེཐུནཾ དྷམྨཾ པཊིསེཝིཏཱ, པགེཝ ཛཱགརོ’’ཏི. ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, སངྒྷོ ཝཌྜྷསྶ ལིཙྪཝིསྶ པཏྟཾ ནིཀྐུཛྫཏུ, ཨསམྦྷོགཾ སངྒྷེན ཀརོཏུ.

‘‘ཨཊྛཧི, བྷིཀྑཝེ, ཨངྒེཧི སམནྣཱགཏསྶ ཨུཔཱསཀསྶ པཏྟོ ནིཀྐུཛྫིཏབྦོ – བྷིཀྑཱུནཾ ཨལཱབྷཱཡ པརིསཀྐཏི, བྷིཀྑཱུནཾ ཨནཏྠཱཡ པརིསཀྐཏི, བྷིཀྑཱུནཾ ཨཝཱསཱཡ [ཨནཱཝཱསཱཡ (སྱཱ.)] པརིསཀྐཏི, བྷིཀྑཱུ ཨཀྐོསཏི པརིབྷཱསཏི, བྷིཀྑཱུ བྷིཀྑཱུཧི བྷེདེཏི, བུདྡྷསྶ ཨཝཎྞཾ བྷཱསཏི, དྷམྨསྶ ཨཝཎྞཾ བྷཱསཏི, སངྒྷསྶ ཨཝཎྞཾ བྷཱསཏི. ཨནུཛཱནཱམི, བྷིཀྑཝེ, ཨིམེཧི ཨཊྛཧངྒེཧི སམནྣཱགཏསྶ ཨུཔཱསཀསྶ པཏྟཾ ནིཀྐུཛྫིཏུཾ. ཨེཝཉྩ པན, བྷིཀྑཝེ, ནིཀྐུཛྫིཏབྦོ. བྱཏྟེན བྷིཀྑུནཱ ¶ པཊིབལེན སངྒྷོ ཉཱཔེཏབྦོ –

༢༦༦. ‘‘སུཎཱཏུ མེ, བྷནྟེ, སངྒྷོ. ཝཌྜྷོ ལིཙྪཝཱི ཨཱཡསྨནྟཾ དབྦཾ མལླཔུཏྟཾ ཨམཱུལིཀཱཡ སཱིལཝིཔཏྟིཡཱ ཨནུདྡྷཾསེཏི. ཡདི སངྒྷསྶ པཏྟཀལླཾ, སངྒྷོ ཝཌྜྷསྶ ལིཙྪཝིསྶ པཏྟཾ ནིཀྐུཛྫེཡྻ, ཨསམྦྷོགཾ སངྒྷེན ཀརེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཝཌྜྷོ ལིཙྪཝཱི ཨཱཡསྨནྟཾ དབྦཾ མལླཔུཏྟཾ ཨམཱུལིཀཱཡ སཱིལཝིཔཏྟིཡཱ ཨནུདྡྷཾསེཏི. སངྒྷོ ཝཌྜྷསྶ ལིཙྪཝིསྶ པཏྟཾ ནིཀྐུཛྫཏི, ཨསམྦྷོགཾ སངྒྷེན ཀརོཏི ¶ . ཡསྶཱཡསྨཏོ ཁམཏི ཝཌྜྷསྶ ལིཙྪཝིསྶ པཏྟསྶ ནིཀྐུཛྫནཱ, ཨསམྦྷོགཾ སངྒྷེན ཀརཎཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ནིཀྐུཛྫིཏོ སངྒྷེན ཝཌྜྷསྶ ལིཙྪཝིསྶ པཏྟོ, ཨསམྦྷོགོ སངྒྷེན. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨཐ ¶ ཁོ ཨཱཡསྨཱ ཨཱནནྡོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན ཝཌྜྷསྶ ལིཙྪཝིསྶ ནིཝེསནཾ ཏེནུཔསངྐམི, ཨུཔསངྐམིཏྭཱ ཝཌྜྷཾ ལིཙྪཝིཾ ཨེཏདཝོཙ – ‘‘སངྒྷེན ཏེ, ཨཱཝུསོ ཝཌྜྷ, པཏྟོ ནིཀྐུཛྫིཏོ. ཨསམྦྷོགོསི སངྒྷེནཱ’’ཏི. ཨཐ ¶ ཁོ ཝཌྜྷོ ལིཙྪཝཱི – སངྒྷེན ཀིར མེ པཏྟོ ནིཀྐུཛྫིཏོ, ཨསམྦྷོགོམྷི ཀིར སངྒྷེནཱཏི – ཏཏྠེཝ མུཙྪིཏོ པཔཏོ. ཨཐ ཁོ ཝཌྜྷསྶ ལིཙྪཝིསྶ ¶ མིཏྟཱམཙྩཱ ཉཱཏིསཱལོཧིཏཱ ཝཌྜྷཾ ལིཙྪཝིཾ ཨེཏདཝོཙུཾ – ‘‘ཨལཾ, ཨཱཝུསོ ཝཌྜྷ, མཱ སོཙི, མཱ པརིདེཝི. མཡཾ བྷགཝནྟཾ པསཱདེསྶཱམ བྷིཀྑུསངྒྷཉྩཱ’’ཏི.

ཨཐ ཁོ ཝཌྜྷོ ལིཙྪཝཱི སཔུཏྟདཱརོ སམིཏྟཱམཙྩོ སཉཱཏིསཱལོཧིཏོ ཨལླཝཏྠོ ཨལླཀེསོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝཏོ པཱདེསུ སིརསཱ ནིཔཏིཏྭཱ བྷགཝནྟཾ ཨེཏདཝོཙ – ‘‘ཨཙྩཡོ མཾ, བྷནྟེ, ཨཙྩགམཱ ཡཐཱབཱལཾ ཡཐཱམཱུལ༹ྷཾ ཡཐཱཨཀུསལཾ, ཡོཧཾ ཨཡྻཾ དབྦཾ མལླཔུཏྟཾ ཨམཱུལིཀཱཡ སཱིལཝིཔཏྟིཡཱ ཨནུདྡྷཾསེསིཾ. ཏསྶ མེ, བྷནྟེ, བྷགཝཱ ཨཙྩཡཾ ཨཙྩཡཏོ པཊིགྒཎྷཱཏུ ཨཱཡཏིཾ སཾཝརཱཡཱ’’ཏི. ‘‘ཏགྒྷ ཏྭཾ, ཨཱཝུསོ ཝཌྜྷ, ཨཙྩཡོ ཨཙྩགམཱ ཡཐཱབཱལཾ ཡཐཱམཱུལ༹ྷཾ ཡཐཱཨཀུསལཾ, ཡཾ ཏྭཾ དབྦཾ མལླཔུཏྟཾ ཨམཱུལིཀཱཡ སཱིལཝིཔཏྟིཡཱ ཨནུདྡྷཾསེསི. ཡཏོ ཙ ཁོ ཏྭཾ, ཨཱཝུསོ ཝཌྜྷ, ཨཙྩཡཾ ཨཙྩཡཏོ དིསྭཱ ཡཐཱདྷམྨཾ པཊིཀརོསི, ཏཾ ཏེ མཡཾ པཊིགྒཎྷཱམ. ཝུཌྜྷིཧེསཱ, ཨཱཝུསོ ཝཌྜྷ, ཨརིཡསྶ ཝིནཡེ ཡོ ཨཙྩཡཾ ཨཙྩཡཏོ དིསྭཱ ཡཐཱདྷམྨཾ པཊིཀརོཏི, ཨཱཡཏིཾ སཾཝརཾ ཨཱཔཛྫཏཱི’’ཏི. ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, སངྒྷོ ཝཌྜྷསྶ ལིཙྪཝིསྶ པཏྟཾ ཨུཀྐུཛྫཏུ, སམྦྷོགཾ སངྒྷེན ཀརོཏུ.

‘‘ཨཊྛཧི, བྷིཀྑཝེ, ཨངྒེཧི སམནྣཱགཏསྶ ཨུཔཱསཀསྶ པཏྟོ ཨུཀྐུཛྫིཏབྦོ – ན བྷིཀྑཱུནཾ ཨལཱབྷཱཡ པརིསཀྐཏི, ན བྷིཀྑཱུནཾ ¶ ཨནཏྠཱཡ པརིསཀྐཏི, ན བྷིཀྑཱུནཾ ཨཝཱསཱཡ པརིསཀྐཏི, ན བྷིཀྑཱུ ཨཀྐོསཏི པརིབྷཱསཏི, ན བྷིཀྑཱུ བྷིཀྑཱུཧི བྷེདེཏི, ན བུདྡྷསྶ ཨཝཎྞཾ བྷཱསཏི, ན དྷམྨསྶ ཨཝཎྞཾ བྷཱསཏི, ན སངྒྷསྶ ཨཝཎྞཾ བྷཱསཏི. ཨནུཛཱནཱམི ¶ , བྷིཀྑཝེ, ཨིམེཧི ཨཊྛཧངྒེཧི སམནྣཱགཏསྶ ཨུཔཱསཀསྶ པཏྟཾ ཨུཀྐུཛྫིཏུཾ. ཨེཝཉྩ པན, བྷིཀྑཝེ, ཨུཀྐུཛྫིཏབྦོ. ཏེན, བྷིཀྑཝེ, ཝཌྜྷེན ལིཙྪཝིནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘སངྒྷེན མེ, བྷནྟེ, པཏྟོ ¶ ནིཀྐུཛྫིཏོ, ཨསམྦྷོགོམྷི སངྒྷེན. སོཧཾ, བྷནྟེ, སམྨཱ ཝཏྟཱམི, ལོམཾ པཱཏེམི, ནེཏྠཱརཾ ཝཏྟཱམི, སངྒྷཾ པཏྟུཀྐུཛྫནཾ ཡཱཙཱམཱི’ཏི. དུཏིཡམྤི ཡཱཙིཏབྦོ. ཏཏིཡམྤི ཡཱཙིཏབྦོ. བྱཏྟེན བྷིཀྑུནཱ པཊིབལེན སངྒྷོ ¶ ཉཱཔེཏབྦོ –

༢༦༧. ‘‘སུཎཱཏུ མེ, བྷནྟེ, སངྒྷོ. སངྒྷེན ཝཌྜྷསྶ ལིཙྪཝིསྶ པཏྟོ ནིཀྐུཛྫིཏོ, ཨསམྦྷོགོ སངྒྷེན. སོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, སངྒྷཾ པཏྟུཀྐུཛྫནཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཝཌྜྷསྶ ལིཙྪཝིསྶ པཏྟཾ ཨུཀྐུཛྫེཡྻ, སམྦྷོགཾ སངྒྷེན ཀརེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷེན ཝཌྜྷསྶ ལིཙྪཝིསྶ པཏྟོ ནིཀྐུཛྫིཏོ, ཨསམྦྷོགོ སངྒྷེན. སོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི ¶ , སངྒྷཾ པཏྟུཀྐུཛྫནཾ ཡཱཙཏི. སངྒྷོ ཝཌྜྷསྶ ལིཙྪཝིསྶ པཏྟཾ ཨུཀྐུཛྫཏི, སམྦྷོགཾ སངྒྷེན ཀརོཏི. ཡསྶཱཡསྨཏོ ཁམཏི ཝཌྜྷསྶ ལིཙྪཝིསྶ པཏྟསྶ ཨུཀྐུཛྫནཱ, སམྦྷོགཾ སངྒྷེན ཀརཎཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཨུཀྐུཛྫིཏོ སངྒྷེན ཝཌྜྷསྶ ལིཙྪཝིསྶ པཏྟོ, སམྦྷོགོ སངྒྷེན. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༢༦༨. ཨཐ ཁོ བྷགཝཱ ཝེསཱལིཡཾ ཡཐཱབྷིརནྟཾ ཝིཧརིཏྭཱ ཡེན བྷགྒཱ ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན བྷགྒཱ ཏདཝསརི. ཏཏྲ སུདཾ བྷགཝཱ བྷགྒེསུ ཝིཧརཏི སུསུམཱརགིརེ [སུཾསུམཱརགིརེ (སཱི. སྱཱ.), སཾསུམཱརགིརེ (ཀ.)] བྷེསཀལཱ༹ཝནེ མིགདཱཡེ. ཏེན ཁོ པན སམཡེན བོདྷིསྶ རཱཛཀུམཱརསྶ ཀོཀནདོ [ཀོཀནུདོ (ཀ.)] ནཱམ པཱསཱདོ ཨཙིརཀཱརིཏོ ཧོཏི, ཨནཛ྄ཛྷཱཝུཏྠོ སམཎེན ཝཱ བྲཱཧྨཎེན ཝཱ ཀེནཙི ཝཱ མནུསྶབྷཱུཏེན. ཨཐ ཁོ བོདྷི རཱཛཀུམཱརོ སཉྫིཀཱཔུཏྟཾ མཱཎཝཾ ཨཱམནྟེསི – ‘‘ཨེཧི ཏྭཾ, སམྨ སཉྩིཀཱཔུཏྟ, ཡེན བྷགཝཱ ཏེནུཔསངྐམ, ཨུཔསངྐམིཏྭཱ མམ ཝཙནེན བྷགཝཏོ པཱདེ སིརསཱ ཝནྡ; ཨཔྤཱབཱདྷཾ ཨཔྤཱཏངྐཾ ལཧུཊྛཱནཾ བལཾ ཕཱསུཝིཧཱརཾ པུཙྪ – ‘བོདྷི, བྷནྟེ, རཱཛཀུམཱརོ བྷགཝཏོ པཱདེ སིརསཱ ཝནྡཏི, ཨཔྤཱབཱདྷཾ ཨཔྤཱཏངྐཾ ¶ ལཧུཊྛཱནཾ བལཾ ཕཱསུཝིཧཱརཾ ¶ པུཙྪཏཱི’ཏི. ཨེཝཉྩ ཝདེཧི – ‘ཨདྷིཝཱསེཏུ ཀིར, བྷནྟེ ¶ , བྷགཝཱ བོདྷིསྶ རཱཛཀུམཱརསྶ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’’ཏི. ‘‘ཨེཝཾ བྷོ’’ཏི ཁོ སཉྩིཀཱཔུཏྟོ མཱཎཝོ བོདྷིསྶ རཱཛཀུམཱརསྶ པཊིསྶུཏྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝཏཱ སདྡྷིཾ སམྨོདི, སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ སཉྩིཀཱཔུཏྟོ མཱཎཝོ བྷགཝནྟཾ ཨེཏདཝོཙ – ‘‘བོདྷི ཁོ རཱཛཀུམཱརོ བྷོཏོ གོཏམསྶ པཱདེ སིརསཱ ཝནྡཏི, ཨཔྤཱབཱདྷཾ ཨཔྤཱཏངྐཾ ལཧུཊྛཱནཾ བལཾ ཕཱསུཝིཧཱརཾ པུཙྪཏི. ཨེཝཉྩ ཝདེཏི – ‘ཨདྷིཝཱསེཏུ ཀིར བྷཝཾ གོཏམོ བོདྷིསྶ རཱཛཀུམཱརསྶ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ཁོ སཉྩིཀཱཔུཏྟོ མཱཎཝོ བྷགཝཏོ ཨདྷིཝཱསནཾ ཝིདིཏྭཱ ཨུཊྛཱཡཱསནཱ ཡེན བོདྷི རཱཛཀུམཱརོ ཏེནུཔསངྐམི, ཨུཔསངྐམིཏྭཱ ¶ བོདྷིཾ རཱཛཀུམཱརཾ ཨེཏདཝོཙ – ‘‘ཨཝོཙུམྷ ཁོ མཡཾ བྷོཏོ ཝཙནེན ཏཾ བྷཝནྟཾ གོཏམཾ – ‘བོདྷི ཁོ རཱཛཀུམཱརོ བྷོཏོ གོཏམསྶ པཱདེ སིརསཱ ཝནྡཏི, ཨཔྤཱབཱདྷཾ ཨཔྤཱཏངྐཾ ལཧུཊྛཱནཾ བལཾ ཕཱསུཝིཧཱརཾ པུཙྪཏི. ཨེཝཉྩ ཝདེཏི – ཨདྷིཝཱསེཏུ ཀིར བྷཝཾ གོཏམོ བོདྷིསྶ རཱཛཀུམཱརསྶ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’ཏི. ཨདྷིཝུཏྠཉྩ པན སམཎེན གོཏམེནཱ’’ཏི.

ཨཐ ཁོ བོདྷི རཱཛཀུམཱརོ ཏསྶཱ རཏྟིཡཱ ཨཙྩཡེན པཎཱིཏཾ ¶ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ, ཀོཀནདཉྩ པཱསཱདཾ ཨོདཱཏེཧི དུསྶེཧི སནྠརཱཔེཏྭཱ ཡཱཝ པཙྪིམསོཔཱནཀལེ༹ཝརཱ, སཉྩིཀཱཔུཏྟཾ མཱཎཝཾ ཨཱམནྟེསི – ‘‘ཨེཧི ཏྭཾ, སམྨ སཉྩིཀཱཔུཏྟ, ཡེན བྷགཝཱ ཏེནུཔསངྐམ, ཨུཔསངྐམིཏྭཱ བྷགཝཏོ ཀཱལཾ ཨཱརོཙེཧི – ‘ཀཱལོ, བྷནྟེ ནིཊྛིཏཾ བྷཏྟ’’’ནྟི. ‘‘ཨེཝཾ བྷོ’’ཏི ཁོ སཉྩིཀཱཔུཏྟོ མཱཎཝོ བོདྷིསྶ རཱཛཀུམཱརསྶ པཊིསྶུཏྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝཏོ ཀཱལཾ ཨཱརོཙེསི – ‘‘ཀཱལོ, བྷོ གོཏམ, ནིཊྛིཏཾ བྷཏྟ’’ནྟི.

ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན བོདྷིསྶ རཱཛཀུམཱརསྶ ནིཝེསནཾ ཏེནུཔསངྐམི. ཏེན ཁོ པན སམཡེན བོདྷི རཱཛཀུམཱརོ བཧིདྭཱརཀོཊྛཀེ ཋིཏོ ཧོཏི, བྷགཝནྟཾ ཨཱགམཡམཱནོ. ཨདྡསཱ ཁོ བོདྷི རཱཛཀུམཱརོ བྷགཝནྟཾ དཱུརཏོཝ ¶ ཨཱགཙྪནྟཾ. དིསྭཱན ཏཏོ པཙྩུགྒནྟྭཱ བྷགཝནྟཾ ཨབྷིཝཱདེཏྭཱ པུརེཀྑཏྭཱ ཡེན ཀོཀནདོ པཱསཱདོ ཏེནུཔསངྐམི. ཨཐ ཁོ བྷགཝཱ པཙྪིམསོཔཱནཀལེ༹ཝརཾ ནིསྶཱཡ ཨཊྛཱསི. ཨཐ ཁོ བོདྷི རཱཛཀུམཱརོ བྷགཝནྟཾ ཨེཏདཝོཙ – ‘‘ཨཀྐམཏུ, བྷནྟེ, བྷགཝཱ དུསྶཱནི, ཨཀྐམཏུ སུགཏོ དུསྶཱནི, ཡཾ མམ ཨསྶ དཱིགྷརཏྟཾ ཧིཏཱཡ སུཁཱཡཱ’’ཏི. ཨེཝཾ ཝུཏྟེ ¶ བྷགཝཱ ཏུཎྷཱི ཨཧོསི. དུཏིཡམྤི ཁོ…པེ… ཏཏིཡམྤི ཁོ བོདྷི རཱཛཀུམཱརོ བྷགཝནྟཾ ཨེཏདཝོཙ – ‘‘ཨཀྐམཏུ, བྷནྟེ, བྷགཝཱ དུསྶཱནི, ཨཀྐམཏུ ¶ སུགཏོ དུསྶཱནི, ཡཾ མམ ཨསྶ དཱིགྷརཏྟཾ ཧིཏཱཡ སུཁཱཡཱ’’ཏི. ཨཐ ཁོ བྷགཝཱ ཨཱཡསྨནྟཾ ཨཱནནྡཾ ཨཔལོཀེསི. ཨཐ ཁོ ཨཱཡསྨཱ ཨཱནནྡོ བོདྷིཾ རཱཛཀུམཱརཾ ཨེཏདཝོཙ – ‘‘སཾཧརནྟུ, རཱཛཀུམཱར, དུསྶཱནི. ན བྷགཝཱ ཙེལཔཊིཀཾ [ཙེལཔཏྟིཀཾ (སཱི.)] ཨཀྐམིསྶཏི པཙྪིམཾ ཛནཏཾ ཏཐཱགཏོ ཨནུཀམྤཏཱི’’ཏི.

ཨཐ ཁོ བོདྷི རཱཛཀུམཱརོ དུསྶཱནི སཾཧརཱཔེཏྭཱ ཨུཔརིཀོཀནདེ པཱསཱདེ ཨཱསནཾ པཉྙཔེསི. ཨཐ ཁོ བྷགཝཱ ཀོཀནདཾ པཱསཱདཾ ཨབྷིརུཧིཏྭཱ པཉྙཏྟེ ཨཱསནེ ནིསཱིདི སདྡྷིཾ བྷིཀྑུསངྒྷེན. ཨཐ ཁོ བོདྷི རཱཛཀུམཱརོ བུདྡྷཔྤམུཁཾ བྷིཀྑུསངྒྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེཏྭཱ སམྤཝཱརེཏྭཱ, བྷགཝནྟཾ བྷུཏྟཱཝིཾ ཨོནཱིཏཔཏྟཔཱཎིཾ, ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ བོདྷིཾ རཱཛཀུམཱརཾ བྷགཝཱ དྷམྨིཡཱ ཀཐཱཡ སནྡསྶེཏྭཱ ¶ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཙེལཔཊིཀཱ ཨཀྐམིཏབྦཱ. ཡོ ཨཀྐམེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརཱ ཨིཏྠཱི ཨཔགཏགབྦྷཱ བྷིཀྑཱུ ནིམནྟེཏྭཱ དུསྶཾ པཉྙཔེཏྭཱ ཨེཏདཝོཙ – ‘‘ཨཀྐམཐ, བྷནྟེ ¶ , དུསྶ’’ནྟི. བྷིཀྑཱུ ཀུཀྐུཙྩཱཡནྟཱ ན ཨཀྐམནྟི. ‘‘ཨཀྐམཐ, བྷནྟེ, དུསྶཾ མངྒལཏྠཱཡཱ’’ཏི. བྷིཀྑཱུ ཀུཀྐུཙྩཱཡནྟཱ ན ཨཀྐམིཾསུ. ཨཐ ཁོ སཱ ཨིཏྠཱི ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ ཨཡྻཱ མངྒལཏྠཱཡ ཡཱཙིཡམཱནཱ ཙེལཔྤཊིཀཾ ན ཨཀྐམིསྶནྟཱི’’ཏི! ཨསྶོསུཾ ཁོ བྷིཀྑཱུ ཏསྶཱ ཨིཏྠིཡཱ ཨུཛ྄ཛྷཱཡནྟིཡཱ ཁིཡྻནྟིཡཱ ཝིཔཱཙེནྟིཡཱ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ¶ ཨཱརོཙེསུཾ. ‘‘གིཧཱི, བྷིཀྑཝེ, མངྒལིཀཱ. ཨནུཛཱནཱམི, བྷིཀྑཝེ, གིཧཱིནཾ མངྒལཏྠཱཡ ཡཱཙིཡམཱནེན ཙེལཔྤཊིཀཾ ཨཀྐམིཏུ’’ནྟི.

ཏེན ཁོ པན སམཡེན བྷིཀྑཱུ དྷོཏཔཱདཀཾ ཨཀྐམིཏུཾ ཀུཀྐུཙྩཱཡནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, དྷོཏཔཱདཀཾ ཨཀྐམིཏུ’’ནྟི.

དུཏིཡབྷཱཎཝཱརོ ནིཊྛིཏོ.

༢༦༩. ཨཐ ¶ ཁོ བྷགཝཱ བྷགྒེསུ ཡཐཱབྷིརནྟཾ ཝིཧརིཏྭཱ ཡེན སཱཝཏྠི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན སཱཝཏྠི ཏདཝསརི. ཏཏྲ སུདཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཨཐ ཁོ ཝིསཱཁཱ མིགཱརམཱཏཱ གྷཊཀཉྩ ཀཏཀཉྩ སམྨཛྫནིཉྩ ཨཱདཱཡ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཱ ཁོ ཝིསཱཁཱ མིགཱརམཱཏཱ བྷགཝནྟཾ ཨེཏདཝོཙ – ‘‘པཊིགྒཎྷཱཏུ མེ, བྷནྟེ, བྷགཝཱ གྷཊཀཉྩ ཀཏཀཉྩ སམྨཛྫནིཉྩ, ཡཾ ¶ མམ ཨསྶ དཱིགྷརཏྟཾ ཧིཏཱཡ སུཁཱཡཱ’’ཏི. པཊིགྒཧེསི བྷགཝཱ གྷཊཀཉྩ སམྨཛྫནིཉྩ. ན བྷགཝཱ ཀཏཀཾ པཊིགྒཧེསི. ཨཐ ཁོ བྷགཝཱ ཝིསཱཁཾ མིགཱརམཱཏརཾ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ ཝིསཱཁཱ མིགཱརམཱཏཱ བྷགཝཏཱ དྷམྨིཡཱ ཀཐཱཡ སནྡསྶིཏཱ སམཱདཔིཏཱ སམུཏྟེཛིཏཱ སམྤཧཾསིཏཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི.

ཨཐ ཁོ ¶ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, གྷཊཀཉྩ སམྨཛྫནིཉྩ. ན, བྷིཀྑཝེ, ཀཏཀཾ པརིབྷུཉྫིཏབྦཾ. ཡོ པརིབྷུཉྫེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཏིསྶོ པཱདགྷཾསནིཡོ – སཀྑརཾ, ཀཐལཾ, སམུདྡཕེཎཀ’’ནྟི.

ཨཐ ཁོ ཝིསཱཁཱ མིགཱརམཱཏཱ ཝིདྷཱུཔནཉྩ ཏཱལཝཎྚཉྩ [ཏཱལཝཎྜཉྩ (ཀ.)] ཨཱདཱཡ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཱ ཁོ ཝིསཱཁཱ མིགཱརམཱཏཱ བྷགཝནྟཾ ཨེཏདཝོཙ – ‘‘པཊིགྒཎྷཱཏུ མེ, བྷནྟེ, བྷགཝཱ ཝིདྷཱུཔནཉྩ ཏཱལཝཎྚཉྩ, ཡཾ མམ ཨསྶ དཱིགྷརཏྟཾ ཧིཏཱཡ སུཁཱཡཱ’’ཏི. པཊིགྒཧེསི བྷགཝཱ ཝིདྷཱུཔནཉྩ ཏཱལཝཎྚཉྩ.

ཨཐ ¶ ཁོ བྷགཝཱ ཝིསཱཁཾ མིགཱརམཱཏརཾ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི…པེ… པདཀྑིཎཾ ཀཏྭཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ¶ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཝིདྷཱུཔནཉྩ ཏཱལཝཎྚཉྩཱ’’ཏི.

ཏེན ཁོ པན སམཡེན སངྒྷསྶ མཀསབཱིཛནཱི ཨུཔྤནྣཱ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, མཀསབཱིཛནི’’ནྟི. ཙཱམརིབཱིཛནཱི ཨུཔྤནྣཱ ཧོཏི. བྷགཝཏོ ¶ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཙཱམརིབཱིཛནཱི དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཏིསྶོ བཱིཛནིཡོ – ཝཱཀམཡཾ, ཨུསཱིརམཡཾ, མོརཔིཉྪམཡ’’ནྟི.

༢༧༠. ཏེན ཁོ པན སམཡེན སངྒྷསྶ ཚཏྟཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཚཏྟ’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཚཏྟཔྤགྒཧིཏཱ [ཚཏྟཾ པགྒཧེཏྭཱ (ཀ.)] ཨཱཧིཎྜནྟི. ཏེན ཁོ པན སམཡེན ཨཉྙཏརོ ཨུཔཱསཀོ སམྦཧུལེཧི ཨཱཛཱིཝཀསཱཝཀེཧི སདྡྷིཾ ཨུཡྻཱནཾ ཨགམཱསི. ཨདྡསཱསུཾ ཁོ ཏེ ཨཱཛཱིཝཀསཱཝཀཱ ཚབྦགྒིཡེ བྷིཀྑཱུ དཱུརཏོཝ ཚཏྟཔྤགྒཧིཏེ ཨཱགཙྪནྟེ. དིསྭཱན ཏཾ ཨུཔཱསཀཾ ཨེཏདཝོཙུཾ – ‘‘ཨེཏེ ཁོ, ཨཡྻཱ [ཨཡྻོ (ཀ.)], ཏུམྷཱཀཾ བྷདནྟཱ ཚཏྟཔྤགྒཧིཏཱ ཨཱགཙྪནྟི, སེཡྻཐཱཔི གཎཀམཧཱམཏྟཱ’’ཏི. ‘‘ནཱཡྻཱ ཨེཏེ བྷིཀྑཱུ, པརིབྦཱཛཀཱ’’ཏི. ‘བྷིཀྑཱུ ན བྷིཀྑཱུ’ཏི ཨབྦྷུཏཾ ཨཀཾསུ. ཨཐ ཁོ སོ ཨུཔཱསཀོ ཨུཔགཏེ སཉྫཱནིཏྭཱ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ བྷདནྟཱ ཚཏྟཔྤགྒཧིཏཱ ¶ ¶ ཨཱཧིཎྜིསྶནྟཱི’’ཏི! ཨསྶོསུཾ ཁོ བྷིཀྑཱུ ཏསྶ ཨུཔཱསཀསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘སཙྩཾ ཀིར, བྷིཀྑཝེ…པེ… ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཚཏྟཾ དྷཱརེཏབྦཾ. ཡོ དྷཱརེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏསྶ བྷིཀྑུནོ ཝིནཱ ཚཏྟཾ ན ཕཱསུ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, གིལཱནསྶ ཚཏྟཾ དྷཱརེཏུ’’ནྟི.

ཏེན ¶ ཁོ པན སམཡེན བྷིཀྑཱུ – གིལཱནསྶེཝ བྷགཝཏཱ ཚཏྟཾ ཨནུཉྙཱཏཾ ནོ ཨགིལཱནསྶཱཏི – ཨཱརཱམེ ཨཱརཱམཱུཔཙཱརེ ཚཏྟཾ དྷཱརེཏུཾ ཀུཀྐུཙྩཱཡནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨགིལཱནེནཔི ཨཱརཱམེ ཨཱརཱམཱུཔཙཱརེ ཚཏྟཾ དྷཱརེཏུ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ སིཀྐཱཡ པཏྟཾ ཨུཊྚིཏྭཱ དཎྜེ ཨཱལགྒིཏྭཱ ཝིཀཱལེ ཨཉྙཏརེན གཱམདྭཱརེན ཨཏིཀྐམཏི. མནུསྶཱ – ‘ཨེསཡྻོ ཙོརོ གཙྪཏི, ཨསིསྶ ཝིཛྫོཏལཏཱི’ཏི ཨནུཔཏིཏྭཱ ¶ གཧེཏྭཱ སཉྫཱནིཏྭཱ མུཉྩིཾསུ. ཨཐ ཁོ སོ བྷིཀྑུ ཨཱརཱམཾ གནྟྭཱ ¶ བྷིཀྑཱུནཾ ཨེཏམཏྠཾ ཨཱརོཙེསི. ‘‘ཀིཾ པན ཏྭཾ, ཨཱཝུསོ, དཎྜསིཀྐཾ དྷཱརེསཱི’’ཏི? ‘‘ཨེཝམཱཝུསོ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུ དཎྜསིཀྐཾ དྷཱརེསྶསཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, དཎྜསིཀྐཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི, ན སཀྐོཏི ཝིནཱ དཎྜེན ཨཱཧིཎྜིཏུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, གིལཱནསྶ བྷིཀྑུནོ དཎྜསམྨུཏིཾ དཱཏུཾ. ཨེཝཉྩ པན, བྷིཀྑཝེ, དཱཏབྦཱ. ཏེན གིལཱནེན བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘ཨཧཾ, བྷནྟེ, གིལཱནོ; ན སཀྐོམི ཝིནཱ དཎྜེན ཨཱཧིཎྜིཏུཾ. སོཧཾ, བྷནྟེ, སངྒྷཾ དཎྜསམྨུཏིཾ ཡཱཙཱམཱི’ཏི. དུཏིཡམྤི ཡཱཙིཏབྦཱ. ཏཏིཡམྤི ཡཱཙིཏབྦཱ. བྱཏྟེན བྷིཀྑུནཱ པཊིབལེན སངྒྷོ ¶ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ གིལཱནོ, ན སཀྐོཏི ¶ ཝིནཱ དཎྜེན ཨཱཧིཎྜིཏུཾ. སོ སངྒྷཾ དཎྜསམྨུཏིཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམསྶ བྷིཀྑུནོ དཎྜསམྨུཏིཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ གིལཱནོ, ན སཀྐོཏི ཝིནཱ དཎྜེན ཨཱཧིཎྜིཏུཾ. སོ སངྒྷཾ དཎྜསམྨུཏིཾ ཡཱཙཏི. སངྒྷོ ¶ ཨིཏྠནྣཱམསྶ བྷིཀྑུནོ དཎྜསམྨུཏིཾ དེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ དཎྜསམྨུཏིཡཱ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དིནྣཱ སངྒྷེན ཨིཏྠནྣཱམསྶ བྷིཀྑུནོ དཎྜསམྨུཏི. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༢༧༡. ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི, ན སཀྐོཏི ཝིནཱ སིཀྐཱཡ པཏྟཾ པརིཧརིཏུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, གིལཱནསྶ བྷིཀྑུནོ སིཀྐཱསམྨུཏིཾ དཱཏུཾ. ཨེཝཉྩ པན, བྷིཀྑཝེ, དཱཏབྦཱ. ཏེན གིལཱནེན བྷིཀྑུནཱ ¶ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘ཨཧཾ, བྷནྟེ, གིལཱནོ; ན སཀྐོམི ཝིནཱ སིཀྐཱཡ པཏྟཾ པརིཧརིཏུཾ. སོཧཾ, བྷནྟེ, སངྒྷཾ སིཀྐཱསམྨུཏིཾ ཡཱཙཱམཱི’ཏི. དུཏིཡམྤི ཡཱཙིཏབྦཱ. ཏཏིཡམྤི ཡཱཙིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ ¶ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ གིལཱནོ, ན སཀྐོཏི ཝིནཱ སིཀྐཱཡ པཏྟཾ པརིཧརིཏུཾ. སོ སངྒྷཾ སིཀྐཱསམྨུཏིཾ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམསྶ བྷིཀྑུནོ སིཀྐཱསམྨུཏིཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ གིལཱནོ, ན སཀྐོཏི ཝིནཱ སིཀྐཱཡ པཏྟཾ པརིཧརིཏུཾ. སོ སངྒྷཾ སིཀྐཱསམྨུཏིཾ ཡཱཙཏི. སངྒྷོ ཨིཏྠནྣཱམསྶ བྷིཀྑུནོ སིཀྐཱསམྨུཏིཾ དེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ སིཀྐཱསམྨུཏིཡཱ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དིནྣཱ སངྒྷེན ཨིཏྠནྣཱམསྶ བྷིཀྑུནོ སིཀྐཱསམྨུཏི. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༢༧༢. ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི, ན སཀྐོཏི ཝིནཱ དཎྜེན ཨཱཧིཎྜིཏུཾ, ན སཀྐོཏི ཝིནཱ སིཀྐཱཡ པཏྟཾ པརིཧརིཏུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, གིལཱནསྶ བྷིཀྑུནོ དཎྜསིཀྐཱསམྨུཏིཾ དཱཏུཾ. ཨེཝཉྩ པན, བྷིཀྑཝེ, དཱཏབྦཱ ¶ . ཏེན གིལཱནེན བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘ཨཧཾ, བྷནྟེ, གིལཱནོ; ན སཀྐོམི ཝིནཱ དཎྜེན ཨཱཧིཎྜིཏུཾ; ན སཀྐོམི ཝིནཱ སིཀྐཱཡ པཏྟཾ པརིཧརིཏུཾ. སོཧཾ, བྷནྟེ, སངྒྷཾ དཎྜསིཀྐཱསམྨུཏིཾ ¶ ཡཱཙཱམཱི’ཏི. དུཏིཡམྤི ཡཱཙིཏབྦཱ. ཏཏིཡམྤི ཡཱཙིཏབྦཱ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ གིལཱནོ, ན སཀྐོཏི ཝིནཱ དཎྜེན ཨཱཧིཎྜིཏུཾ, ན སཀྐོཏི ཝིནཱ སིཀྐཱཡ པཏྟཾ པརིཧརིཏུཾ. སོ སངྒྷཾ དཎྜསིཀྐཱསམྨུཏིཾ ¶ ཡཱཙཏི. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམསྶ བྷིཀྑུནོ དཎྜསིཀྐཱསམྨུཏིཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམོ བྷིཀྑུ གིལཱནོ ན སཀྐོཏི ཝིནཱ དཎྜེན ཨཱཧིཎྜིཏུཾ, ན སཀྐོཏི ཝིནཱ སིཀྐཱཡ པཏྟཾ པརིཧརིཏུཾ. སོ སངྒྷཾ དཎྜསིཀྐཱསམྨུཏིཾ ཡཱཙཏི. སངྒྷོ ཨིཏྠནྣཱམསྶ བྷིཀྑུནོ དཎྜསིཀྐཱསམྨུཏིཾ དེཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ དཎྜསིཀྐཱསམྨུཏིཡཱ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དིནྣཱ སངྒྷེན ཨིཏྠནྣཱམསྶ བྷིཀྑུནོ དཎྜསིཀྐཱསམྨུཏི. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༢༧༣. ཏེན ཁོ པན སམཡེན ཨཉྙཏརོ བྷིཀྑུ རོམནྠཀོ [རོམཊྛཀོ (ཀ.)] ཧོཏི. སོ རོམནྠིཏྭཱ རོམནྠིཏྭཱ ཨཛ྄ཛྷོཧརཏི. བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཝིཀཱལཱཡཾ [ཀཐཾ ཧི ནཱམ ཝིཀཱལཱཡཾ(ཀ.)] བྷིཀྑུ བྷོཛནཾ བྷུཉྫཏཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨེསོ, བྷིཀྑཝེ, བྷིཀྑུ ཨཙིརཾགོཡོནིཡཱ ¶ ཙུཏོ. ཨནུཛཱནཱམི, བྷིཀྑཝེ, རོམནྠཀསྶ རོམནྠནཾ. ན ཙ, བྷིཀྑཝེ, བཧིམུཁདྭཱརཾ ནཱིཧརིཏྭཱ ཨཛ྄ཛྷོཧརིཏབྦཾ. ཡོ ཨཛ྄ཛྷོཧརེཡྻ, ཡཐཱདྷམྨོ ཀཱརེཏབྦོ’’ཏི.

ཏེན ¶ ཁོ པན སམཡེན ཨཉྙཏརསྶ པཱུགསྶ སངྒྷབྷཏྟཾ ཧོཏི. བྷཏྟགྒེ བཧུསིཏྠཱནི པཀིརིཡིཾསུ [ཝིཔྤཀིརཱིཡིཾསུ (སཱི.), པརིཀིརིཾསུ (སྱཱ.)]. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཨོདནེ དིཡྻམཱནེ ན སཀྐཙྩཾ པཊིགྒཧེསྶནྟི, ཨེཀམེཀཾ སིཏྠཾ ཀམྨསཏེན ནིཊྛཱཡཏཱི’’ཏི! ཨསྶོསུཾ ཁོ བྷིཀྑཱུ ¶ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཡཾ དིཡྻམཱནཾ པཏཏི, ཏཾ སཱམཾ གཧེཏྭཱ པརིབྷུཉྫིཏུཾ. པརིཙྩཏྟཾ ཏཾ, བྷིཀྑཝེ, དཱཡཀེཧཱི’’ཏི.

༢༧༤. ཏེན ཁོ པན སམཡེན ཨཉྙཏརོ བྷིཀྑུ དཱིགྷེཧི ནཁེཧི པིཎྜཱཡ ཙརཏི. ཨཉྙཏརཱ ཨིཏྠཱི པསྶིཏྭཱ ཏཾ བྷིཀྑུཾ ཨེཏདཝོཙ – ‘‘ཨེཧི, བྷནྟེ, མེཐུནཾ དྷམྨཾ པཊིསེཝཱ’’ཏི. ‘‘ཨལཾ, བྷགིནི, ནེཏཾ ཀཔྤཏཱི’’ཏི. ‘‘སཙེ ཁོ ཏྭཾ, བྷནྟེ, ནཔྤཊིསེཝིསྶསི, ཨིདཱནཱཧཾ ཨཏྟནོ ནཁེཧི གཏྟཱནི ཝིལིཁིཏྭཱ ཀུཔྤཾ ཀརིསྶཱམི – ཨཡཾ མཾ བྷིཀྑུ ཝིཔྤཀརོཏཱི’’ཏི. ‘‘པཛཱནཱཧི ¶ ཏྭཾ, བྷགིནཱི’’ཏི. ཨཐ ཁོ སཱ ཨིཏྠཱི ¶ ཨཏྟནོ ནཁེཧི གཏྟཱནི ཝིལིཁིཏྭཱ ཀུཔྤཾ ཨཀཱསི – ཨཡཾ མཾ བྷིཀྑུ ཝིཔྤཀརོཏཱིཏི. མནུསྶཱ ཨུཔདྷཱཝིཏྭཱ ཏཾ བྷིཀྑུཾ ཨགྒཧེསུཾ. ཨདྡསཱསུཾ ཁོ ཏེ མནུསྶཱ ཏསྶཱ ཨིཏྠིཡཱ ནཁེ ཚཝིམྤི ལོཧིཏམྤི. དིསྭཱན – ཨིམིསྶཱཡེཝ ཨིཏྠིཡཱ ཨིདཾ ཀམྨཾ, ཨཀཱརཀོ བྷིཀྑཱུཏི – ཏཾ བྷིཀྑུཾ མུཉྩིཾསུ. ཨཐ ཁོ སོ བྷིཀྑུ ཨཱརཱམཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. ‘‘ཀིཾ པན ཏྭཾ, ཨཱཝུསོ, དཱིགྷེ ནཁེ དྷཱརེསཱི’’ཏི? ‘‘ཨེཝམཱཝུསོ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུ དཱིགྷེ ནཁེ དྷཱརེསྶསཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, དཱིགྷཱ ནཁཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ ནཁེནཔི ནཁཾ ཚིནྡནྟི, མུཁེནཔི ནཁཾ ཚིནྡནྟི, ཀུཊྚེཔི གྷཾསནྟི. ཨངྒུལིཡོ དུཀྑཱ ཧོནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ནཁཙྪེདན’’ནྟི. སལོཧིཏཾ ནཁཾ ཚིནྡནྟི. ཨངྒུལིཡོ དུཀྑཱ ཧོནྟི…པེ… ‘‘ཨནུཛཱནཱམི, བྷིཀྑཝེ, མཾསཔྤམཱཎེན ནཁཾ ཚིནྡིཏུ’’ནྟི.

ཏེན ¶ ཁོ པན སམཡེན ཚབྦགྒིཡཱ བྷིཀྑཱུ ཝཱིསཏིམཊྛཾ [ཝཱིསཏིམཊྚཾ (སཱི.)] ཀཱརཱཔེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན ¶ , བྷིཀྑཝེ, ཝཱིསཏིམཊྛཾ ཀཱརཱཔེཏབྦཾ. ཡོ ཀཱརཱཔེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, མལམཏྟཾ ཨཔཀཌྜྷིཏུ’’ནྟི.

༢༧༥. ཏེན ཁོ པན སམཡེན བྷིཀྑཱུནཾ ཀེསཱ དཱིགྷཱ ཧོནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨུསྶཧནྟི པན, བྷིཀྑཝེ, བྷིཀྑཱུ ཨཉྙམཉྙཾ ཀེསེ ཨོརོཔེཏུ’’ནྟི? ‘‘ཨུསྶཧནྟི བྷགཝཱ’’ཏི ¶ . ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ…པེ… བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཁུརཾ ཁུརསིལཾ ཁུརསིཔཱཊིཀཾ ནམཏཀཾ སབྦཾ ཁུརབྷཎྜ’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ མསྶུཾ ཀཔྤཱཔེནྟི…པེ… མསྶུཾ ཝཌྜྷཱཔེནྟི… གོལོམིཀཾ ཀཱརཱཔེནྟི… ཙཏུརསྶཀཾ ཀཱརཱཔེནྟི… པརིམུཁཾ ཀཱརཱཔེནྟི… ཨཌྜྷདུཀཾ [ཨཌྜྷུརཀཾ (སཱི.), ཨཌྜྷརུཀཾ (སྱཱ.)] ཀཱརཱཔེནྟི… དཱཋིཀཾ ཋཔེནྟི… སམྦཱདྷེ ལོམཾ སཾཧརཱཔེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ ¶ , མསྶུ ཀཔྤཱཔེཏབྦཾ…པེ… ན མསྶུ ཝཌྜྷཱཔེཏབྦཾ… ན གོལོམིཀཾ ཀཱརཱཔེཏབྦཾ… ན ཙཏུརསྶཀཾ ཀཱརཱཔེཏབྦཾ… ན པརིམུཁཾ ཀཱརཱཔེཏབྦཾ… ན ཨཌྜྷདུཀཾ ཀཱརཱཔེཏབྦཾ… ན དཱཋིཀཱ ཋཔེཏབྦཱ… ན སམྦཱདྷེ ལོམཾ སཾཧརཱཔེཏབྦཾ. ཡོ སཾཧརཱཔེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ སམྦཱདྷེ ཝཎོ ཧོཏི. བྷེསཛྫཾ ན སནྟིཊྛཏི. བྷགཝཏོ ཨེཏམཏྠཾ ཨཱརོཙེསུཾ ¶ . ‘‘ཨནུཛཱནཱམི, བྷིཀྑཝེ, ཨཱབཱདྷཔྤཙྩཡཱ སམྦཱདྷེ ལོམཾ སཾཧརཱཔེཏུ’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཀཏྟརིཀཱཡ ཀེསེ ཚེདཱཔེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཀཏྟརིཀཱཡ ཀེསཱ ཚེདཱཔེཏབྦཱ. ཡོ ཚེདཱཔེཡྻ, ཨཱཔཏྟི དུཀྐཊསྶཱ’’ཏི.

ཏེན ¶ ཁོ པན སམཡེན ཨཉྙཏརསྶ བྷིཀྑུནོ སཱིསེ ཝཎོ ཧོཏི, ན སཀྐོཏི ཁུརེན ཀེསེ ཨོརོཔེཏུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཱབཱདྷཔྤཙྩཡཱ ཀཏྟརིཀཱཡ ཀེསེ ཚེདཱཔེཏུ’’ནྟི.

ཏེན ཁོ པན སམཡེན བྷིཀྑཱུ དཱིགྷཱནི ནཱསིཀཱལོམཱནི དྷཱརེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི པིསཱཙིལླིཀཱཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, དཱིགྷཾ ནཱསིཀཱལོམཾ དྷཱརེཏབྦཾ. ཡོ དྷཱརེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ སཀྑརིཀཱཡཔི མདྷུསིཏྠཀེནཔི ནཱསིཀཱལོམཾ གཱཧཱཔེནྟི. ནཱསིཀཱ དུཀྑཱ ཧོནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སཎྜཱས’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ པལིཏཾ གཱཧཱཔེནྟི ¶ . མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, པལིཏཾ གཱཧཱཔེཏབྦཾ. ཡོ གཱཧཱཔེཡྻ, ཨཱཔཏྟི དུཀྐཊསྶཱ’’ཏི.

༢༧༦. ཏེན ¶ ཁོ པན སམཡེན ཨཉྙཏརསྶ བྷིཀྑུནོ ཀཎྞགཱུཐཀེཧི ཀཎྞཱ ཐཀིཏཱ ཧོནྟི ¶ . བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཀཎྞམལཧརཎི’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཙྩཱཝཙཱ ཀཎྞམལཧརཎིཡོ དྷཱརེནྟི སོཝཎྞམཡཾ རཱུཔིཡམཡཾ. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨུཙྩཱཝཙཱ ཀཎྞམལཧརཎིཡོ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶཱཏི. ཨནུཛཱནཱམི, བྷིཀྑཝེ, ཨཊྛིམཡཾ དནྟམཡཾ ཝིསཱཎམཡཾ ནལ༹མཡཾ ཝེལུ༹མཡཾ ཀཊྛམཡཾ ཛཏུམཡཾ ཕལམཡཾ ལོཧམཡཾ སངྑནཱབྷིམཡ’’ནྟི.

༢༧༧. ཏེན ཁོ པན སམཡེན ཚབྦགྒིཡཱ བྷིཀྑཱུ བཧུཾ ལོཧབྷཎྜཾ ཀཾསབྷཎྜཾ སནྣིཙཡཾ ཀརོནྟི. མནུསྶཱ ཝིཧཱརཙཱརིཀཾ ཨཱཧིཎྜནྟཱ པསྶིཏྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ བཧུཾ ལོཧབྷཎྜཾ ཀཾསབྷཎྜཾ སནྣིཙཡཾ ཀརིསྶནྟི ¶ , སེཡྻཐཱཔི ¶ ཀཾསཔཏྠརིཀཱ’’ཏི! བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བཧུཾ ལོཧབྷཎྜཾ ཀཾསབྷཎྜཾ སནྣིཙཡོ ཀཱཏབྦོ. ཡོ ཀརེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ ཨཉྫནིམྤི ཨཉྫནིསལཱཀམྤི ཀཎྞམལཧརཎིམྤི བནྡྷནམཏྟམྤི ཀུཀྐུཙྩཱཡནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཉྫནིཾ ཨཉྫནིསལཱཀཾ ཀཎྞམལཧརཎིཾ བནྡྷནམཏྟ’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ སངྒྷཱཊིཔལླཏྠིཀཱཡ ནིསཱིདནྟི. སངྒྷཱཊིཡཱ པཏྟཱ ལུཛྫནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, སངྒྷཱཊིཔལླཏྠིཀཱཡ ནིསཱིདིཏབྦཾ. ཡོ ནིསཱིདེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏསྶ ཝིནཱ ཨཱཡོགེན [ཨཱཡོགཱ (སཱི. སྱཱ.)] ན ཕཱསུ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཱཡོག’’ནྟི. ཨཐ ཁོ བྷིཀྑཱུནཾ ཨེཏདཧོསི – ‘‘ཀཐཾ ནུ ཁོ ཨཱཡོགོ ཀཱཏབྦོ’’ཏི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཏནྟཀཾ ཝེམཾ ཀཝཊཾ [ཝེམཀཾ ཝཊྚཾ (སཱི.), ཝེམཀཾ ཝཊཾ (སྱཱ.)] སལཱཀཾ སབྦཾ ཏནྟབྷཎྜཀ’’ནྟི.

༢༧༨. ཏེན ཁོ པན སམཡེན ཨཉྙཏརོ བྷིཀྑུ ཨཀཱཡབནྡྷནོ གཱམཾ པིཎྜཱཡ པཱཝིསི. ཏསྶ རཐིཀཱཡ ཨནྟརཝཱསཀོ པབྷསྶིཏྠ. མནུསྶཱ ཨུཀྐུཊྛིམཀཾསུ ¶ . སོ བྷིཀྑུ མངྐུ ¶ ཨཧོསི ¶ . ཨཐ ཁོ སོ བྷིཀྑུ ཨཱརཱམཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨཀཱཡབནྡྷནེན གཱམོ པཝིསིཏབྦོ. ཡོ པཝིསེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཀཱཡབནྡྷན’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཙྩཱཝཙཱནི ཀཱཡབནྡྷནཱནི དྷཱརེནྟི – ཀལཱབུཀཾ, དེཌྜུབྷཀཾ, མུརཛཾ, མདྡཝཱིཎཾ. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨུཙྩཱཝཙཱནི ཀཱཡབནྡྷནཱནི དྷཱརེཏབྦཱནི – ཀལཱབུཀཾ, དེཌྜུབྷཀཾ, མུརཛཾ, མདྡཝཱིཎཾ. ཡོ དྷཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, དྭེ ཀཱཡབནྡྷནཱནི – པཊྚིཀཾ, སཱུཀརནྟཀ’’ནྟི. ཀཱཡབནྡྷནསྶ དསཱ ¶ ཛཱིརནྟི…པེ… ‘‘ཨནུཛཱནཱམི, བྷིཀྑཝེ, མུརཛཾ མདྡཝཱིཎ’’ནྟི. ཀཱཡབནྡྷནསྶ ཨནྟོ ཛཱིརཏི…པེ… ‘‘ཨནུཛཱནཱམི, བྷིཀྑཝེ, སོབྷཎཾ གུཎཀ’’ནྟི. ཀཱཡབནྡྷནསྶ པཝནནྟོ ཛཱིརཏི…པེ… ‘‘ཨནུཛཱནཱམི, བྷིཀྑཝེ, ཝིདྷ’’ནྟི [ཝཱིཐནྟི (སཱི. སྱཱ.)].

ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཙྩཱཝཙེ ཝིདྷེ དྷཱརེནྟི སོཝཎྞམཡཾ རཱུཔིཡམཡཾ. མནུསྶཱ ཨུཛ྄ཛྷཱཡནྟི ཁིཡྻནྟི ¶ ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨུཙྩཱཝཙཱ ཝིདྷཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨཊྛིམཡཾ…པེ… སངྑནཱབྷིམཡཾ སུཏྟམཡ’’ནྟི.

༢༧༩. ཏེན ཁོ པན སམཡེན ཨཱཡསྨཱ ཨཱནནྡོ ལཧུཀཱ སངྒྷཱཊིཡོ པཱརུཔིཏྭཱ གཱམཾ པིཎྜཱཡ པཱཝིསི. ཝཱཏམཎྜལིཀཱཡ སངྒྷཱཊིཡོ ཨུཀྑིཔིཡིཾསུ. ཨཐ ཁོ ཨཱཡསྨཱ ཨཱནནྡོ ཨཱརཱམཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, གཎྛིཀཾ པཱསཀ’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཙྩཱཝཙཱ གཎྛིཀཱཡོ དྷཱརེནྟི སོཝཎྞམཡཾ རཱུཔིཡམཡཾ. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨུཙྩཱཝཙཱ གཎྛིཀཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨཊྛིམཡཾ དནྟམཡཾ ཝིསཱཎམཡཾ ནལ༹མཡཾ ཝེལུ༹མཡཾ ཀཊྛམཡཾ ཛཏུམཡཾ ཕལམཡཾ ལོཧམཡཾ སངྑནཱབྷིམཡཾ སུཏྟམཡ’’ནྟི.

ཏེན ཁོ པན སམཡེན བྷིཀྑཱུ གཎྛིཀམྤི པཱསཀམྤི ཙཱིཝརེ ¶ ཨཔྤེནྟི. ཙཱིཝརཾ ཛཱིརཏི ¶ . བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, གཎྛིཀཕལཀཾ པཱསཀཕལཀ’’ནྟི. གཎྛིཀཕལཀམྤི ¶ པཱསཀཕལཀམྤི ཨནྟེ ཨཔྤེནྟི. ཀོཊྚོ [ཀོཎོ (སཱི. སྱཱ.)] ཝིཝརིཡཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, གཎྛིཀཕལཀཾ ཨནྟེ ཨཔྤེཏུཾ; པཱསཀཕལཀཾ སཏྟངྒུལཾ ཝཱ ཨཊྛངྒུལཾ ཝཱ ཨོགཱཧེཏྭཱ ཨཔྤེཏུ’’ནྟི.

༢༨༠. ཏེན ཁོ པན སམཡེན ཚབྦགྒིཡཱ བྷིཀྑཱུ གིཧིནིཝཏྠཾ ནིཝཱསེནྟི – ཧཏྠིསོཎྜཀཾ, མཙྪཝཱལ༹ཀཾ, ཙཏུཀཎྞཀཾ, ཏཱལཝཎྚཀཾ, སཏཝལིཀཾ. མནུསྶཱ ཨུཛ྄ཛྷཱཡནྟི ¶ ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, གིཧིནིཝཏྠཾ ནིཝཱསེཏབྦཾ – ཧཏྠིསོཎྜཀཾ, མཙྪཝཱལ༹ཀཾ, ཙཏུཀཎྞཀཾ, ཏཱལཝཎྚཀཾ, སཏཝལིཀཾ. ཡོ ནིཝཱསེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ གིཧིཔཱརུཏཾ པཱརུཔནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, གིཧིཔཱརུཏཾ པཱརུཔིཏབྦཾ. ཡོ པཱརུཔེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ སཾཝེལླིཡཾ ནིཝཱསེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི ¶ རཉྙོ མུཎྜཝཊྚཱིཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, སཾཝེལླིཡཾ ནིཝཱསེཏབྦཾ. ཡོ ནིཝཱསེཡྻ, ཨཱཔཏྟི དུཀྐཊསྶཱ’’ཏི.

༢༨༡. ཏེན ཁོ པན སམཡེན ཚབྦགྒིཡཱ བྷིཀྑཱུ ཨུབྷཏོཀཱཛཾ ཧརནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི རཉྙོ མུཎྜཝཊྚཱིཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨུབྷཏོཀཱཛཾ ཧརིཏབྦཾ. ཡོ ཧརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨེཀཏོཀཱཛཾ ཨནྟརཱཀཱཛཾ སཱིསབྷཱརཾ ཁནྡྷབྷཱརཾ ཀཊིབྷཱརཾ ཨོལམྦཀ’’ནྟི.

༢༨༢. ཏེན ཁོ པན སམཡེན བྷིཀྑཱུ དནྟཀཊྛཾ ན ཁཱདནྟི. མུཁཾ དུགྒནྡྷཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ.

‘‘པཉྩིམེ ¶ , བྷིཀྑཝེ, ཨཱདཱིནཝཱ དནྟཀཊྛསྶ ཨཁཱདནེ. ཨཙཀྑུསྶཾ, མུཁཾ དུགྒནྡྷཾ ཧོཏི, རསཧརཎིཡོ ན ཝིསུཛ྄ཛྷནྟི, པིཏྟཾ སེམྷཾ བྷཏྟཾ པརིཡོནནྡྷཏི, བྷཏྟམསྶ ནཙྪཱདེཏི – ཨིམེ ཁོ, བྷིཀྑཝེ, པཉྩ ཨཱདཱིནཝཱ དནྟཀཊྛསྶ ཨཁཱདནེ.

‘‘པཉྩིམེ, བྷིཀྑཝེ, ཨཱནིསཾསཱ དནྟཀཊྛསྶ ཁཱདནེ. ཙཀྑུསྶཾ, མུཁཾ ན དུགྒནྡྷཾ ཧོཏི, རསཧརཎིཡོ ཝིསུཛ྄ཛྷནྟི, པིཏྟཾ སེམྷཾ བྷཏྟཾ ན པརིཡོནནྡྷཏི, བྷཏྟམསྶ ཚཱདེཏི ¶ – ཨིམེ ཁོ, བྷིཀྑཝེ, པཉྩ ཨཱནིསཾསཱ དནྟཀཊྛསྶ ཁཱདནེ. ཨནུཛཱནཱམི, བྷིཀྑཝེ, དནྟཀཊྛ’’ནྟི.

ཏེན ¶ ཁོ པན སམཡེན ཚབྦགྒིཡཱ བྷིཀྑཱུ དཱིགྷཱནི དནྟཀཊྛཱནི ཁཱདནྟི, ཏེཧེཝ སཱམཎེརཾ ཨཱཀོཊེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན ¶ , བྷིཀྑཝེ, དཱིགྷཾ དནྟཀཊྛཾ ཁཱདིཏབྦཾ. ཡོ ཁཱདེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨཊྛངྒུལཔརམཾ དནྟཀཊྛཾ, ན ཙ ཏེན སཱམཎེརོ ཨཱཀོཊེཏབྦོ. ཡོ ཨཱཀོཊེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ ཨཏིམཊཱཧཀཾ དནྟཀཊྛཾ ཁཱདནྟསྶ ཀཎྛེ ཝིལགྒཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨཏིམཊཱཧཀཾ དནྟཀཊྛཾ ཁཱདིཏབྦཾ. ཡོ ཁཱདེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཙཏུརངྒུལཔཙྪིམཾ [ཙཏུརངྒུལཾ པཙྪིམཾ (ཀ.)] དནྟཀཊྛ’’ནྟི.

༢༨༣. ཏེན ཁོ པན སམཡེན ཚབྦགྒིཡཱ བྷིཀྑཱུ དཱཡཾ ཨཱལིམྤེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི དཝཌཱཧཀཱཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, དཱཡོ ཨཱལིམྤིཏབྦོ. ཡོ ཨཱལིམྤེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཝིཧཱརཱ ཏིཎགཧནཱ ཧོནྟི, དཝཌཱཧེ ཌཡ྄ཧམཱནེ ཝིཧཱརཱ ཌཡ྄ཧནྟི. བྷིཀྑཱུ ཀུཀྐུཙྩཱཡནྟི པཊགྒིཾ ¶ དཱཏུཾ, པརིཏྟཾ ཀཱཏུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, དཝཌཱཧེ ཌཡ྄ཧམཱནེ པཊགྒིཾ དཱཏུཾ, པརིཏྟཾ ཀཱཏུ’’ནྟི.

༢༨༤. ཏེན ཁོ པན སམཡེན ཚབྦགྒིཡཱ བྷིཀྑཱུ རུཀྑཾ ཨབྷིརུཧནྟི, རུཀྑཱ རུཀྑཾ སངྐམནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི མཀྐཊཱཏི. བྷགཝཏོ ¶ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, རུཀྑོ ཨབྷིརུཧིཏབྦོ. ཡོ ཨབྷིརུཧེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརསྶ བྷིཀྑུནོ ཀོསལེསུ ཛནཔདེ སཱཝཏྠིཾ གཙྪནྟསྶ ཨནྟརཱམགྒེ ཧཏྠཱི པརིཡུཊྛཱཏི. ཨཐ ཁོ སོ བྷིཀྑུ རུཀྑམཱུལཾ ཨུཔདྷཱཝིཏྭཱ ཀུཀྐུཙྩཱཡནྟོ རུཀྑཾ ན ཨབྷིརུཧི. སོ ཧཏྠཱི ཨཉྙེན ཨགམཱསི. ཨཐ ཁོ སོ བྷིཀྑུ སཱཝཏྠིཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སཏི ཀརཎཱིཡེ པོརིསཾ རུཀྑཾ ཨབྷིརུཧིཏུཾ ཨཱཔདཱསུ ཡཱཝདཏྠ’’ནྟི.

༢༨༥. ཏེན ¶ ¶ ཁོ པན སམཡེན ཡམེལ༹ཀེཀུཊཱ ནཱམ [ཡམེལུ༹ཏེཀུལཱ ནཱམ (སཱི.), མེཊྛཀོཀུཊྛཱ ནཱམ (སྱཱ.)] བྷིཀྑཱུ དྭེ བྷཱཏིཀཱ ཧོནྟི བྲཱཧྨཎཛཱཏིཀཱ ཀལྱཱཎཝཱཙཱ ཀལྱཱཎཝཱཀྐརཎཱ. ཏེ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣཱ ཁོ ¶ ཏེ བྷིཀྑཱུ བྷགཝནྟཾ ཨེཏདཝོཙུཾ – ‘‘ཨེཏརཧི, བྷནྟེ, བྷིཀྑཱུ ནཱནཱནཱམཱ ནཱནཱགོཏྟཱ ནཱནཱཛཙྩཱ ནཱནཱཀུལཱ པབྦཛིཏཱ. ཏེ སཀཱཡ ནིརུཏྟིཡཱ བུདྡྷཝཙནཾ དཱུསེནྟི. ཧནྡ མཡཾ, བྷནྟེ, བུདྡྷཝཙནཾ ཚནྡསོ ཨཱརོཔེམཱ’’ཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ཏུམྷེ, མོགྷཔུརིསཱ, ཨེཝཾ ཝཀྑཐ – ‘ཧནྡ མཡཾ, བྷནྟེ, བུདྡྷཝཙནཾ ཚནྡསོ ཨཱརོཔེམཱ’ཏི. ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, བུདྡྷཝཙནཾ ཚནྡསོ ཨཱརོཔེཏབྦཾ. ཡོ ཨཱརོཔེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, སཀཱཡ ནིརུཏྟིཡཱ བུདྡྷཝཙནཾ པརིཡཱཔུཎིཏུ’’ནྟི.

༢༨༦. ཏེན ཁོ པན སམཡེན ཚབྦགྒིཡཱ བྷིཀྑཱུ ལོཀཱཡཏཾ པརིཡཱཔུཎནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘ཨཔི ནུ ཁོ, བྷིཀྑཝེ, ལོཀཱཡཏེ སཱརདསྶཱཝཱི ཨིམསྨིཾ དྷམྨཝིནཡེ ཝུདྡྷིཾ ཝིརུལ༹ྷིཾ ཝེཔུལླཾ ཨཱཔཛྫེཡྻཱ’’ཏི? ‘‘ནོཧེཏཾ བྷནྟེ’’. ‘‘ཨིམསྨིཾ ཝཱ པན དྷམྨཝིནཡེ སཱརདསྶཱཝཱི ལོཀཱཡཏཾ པརིཡཱཔུཎེཡྻཱ’’ཏི? ‘‘ནོཧེཏཾ བྷནྟེ’’. ‘‘ན, བྷིཀྑཝེ, ལོཀཱཡཏཾ པརིཡཱཔུཎིཏབྦཾ. ཡོ པརིཡཱཔུཎེཡྻ, ཨཱཔཏྟི དུཀྐཊསྶཱ’’ཏི.

ཏེན ¶ ཁོ པན སམཡེན ཚབྦགྒིཡཱ བྷིཀྑཱུ ལོཀཱཡཏཾ ཝཱཙེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ¶ ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ལོཀཱཡཏཾ ཝཱཙེཏབྦཾ. ཡོ ཝཱཙེཡྻ, ཨཱཔཏྟི དུཀྐཊསྶཱ’’ཏི.

༢༨༧. ཏེན ཁོ པན སམཡེན ཚབྦགྒིཡཱ བྷིཀྑཱུ ཏིརཙྪཱནཝིཛྫཾ པརིཡཱཔུཎནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི ¶ . བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཏིརཙྪཱནཝིཛྫཱ པརིཡཱཔུཎིཏབྦཱ. ཡོ པརིཡཱཔུཎེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཏིརཙྪཱནཝིཛྫཾ ཝཱཙེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཏིརཙྪཱནཝིཛྫཱ ཝཱཙེཏབྦཱ. ཡོ ཝཱཙེཡྻ, ཨཱཔཏྟི དུཀྐཊསྶཱ’’ཏི.

༢༨༨. ཏེན ཁོ པན ¶ སམཡེན བྷགཝཱ མཧཏིཡཱ པརིསཱཡ པརིཝུཏོ དྷམྨཾ དེསེནྟོ ཁིཔི. བྷིཀྑཱུ – ‘ཛཱིཝཏུ, བྷནྟེ, བྷགཝཱ; ཛཱིཝཏུ སུགཏོ’ཏི – ཨུཙྩཱསདྡཾ མཧཱསདྡཾ ཨཀཾསུ. ཏེན སདྡེན དྷམྨཀཐཱ ཨནྟརཱ ཨཧོསི. ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘ཨཔི ནུ ཁོ, བྷིཀྑཝེ, ཁིཔིཏེ ‘ཛཱིཝཱ’ཏི ཝུཏྟོ [ཝུཏྟེ (ཀ.)] ཏཔྤཙྩཡཱ ཛཱིཝེཡྻ ཝཱ ¶ མརེཡྻ ཝཱ’’ཏི? ‘‘ནོཧེཏཾ བྷནྟེ’’. ‘‘ན, བྷིཀྑཝེ, ཁིཔིཏེ ‘ཛཱིཝཱ’ཏི ཝཏྟབྦོ. ཡོ ཝདེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན མནུསྶཱ བྷིཀྑཱུནཾ ཁིཔིཏེ ‘ཛཱིཝཐ བྷནྟེ’ཏི ཝདནྟི. བྷིཀྑཱུ ཀུཀྐུཙྩཱཡནྟཱ ནཱལཔནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ‘ཛཱིཝཐ བྷནྟེ’ཏི ཝུཙྩམཱནཱ ནཱལཔིསྶནྟཱི’’ཏི! བྷགཝཏོ ཨེཏམཏྠཾ ཨཱརོཙེསུཾ. ‘‘གིཧཱི, བྷིཀྑཝེ, མངྒལིཀཱ. ཨནུཛཱནཱམི, བྷིཀྑཝེ, གིཧཱིནཾ ‘ཛཱིཝཐ བྷནྟེ’ཏི ཝུཙྩམཱནེན ‘ཙིརཾ ཛཱིཝཱ’ཏི ཝཏྟུ’’ནྟི.

༢༨༩. ཏེན ཁོ པན སམཡེན བྷགཝཱ མཧཏིཡཱ པརིསཱཡ པརིཝུཏོ དྷམྨཾ དེསེནྟོ ནིསིནྣོ ཧོཏི. ཨཉྙཏརེན བྷིཀྑུནཱ ལསུཎཾ ཁཱཡིཏཾ ཧོཏི. སོ – མཱ བྷིཀྑཱུ བྱཱབཱདྷིཾསཱུཏི – ཨེཀམནྟཾ ནིསཱིདི. ཨདྡསཱ ཁོ བྷགཝཱ ཏཾ བྷིཀྑུཾ ཨེཀམནྟཾ ནིསིནྣཾ. དིསྭཱན བྷིཀྑཱུ ཨཱམནྟེསི – ‘‘ཀིཾ ནུ ཁོ སོ, བྷིཀྑཝེ, བྷིཀྑུ ཨེཀམནྟཾ ནིསིནྣོ’’ཏི ¶ ? ‘‘ཨེཏེན, བྷནྟེ, བྷིཀྑུནཱ ལསུཎཾ ཁཱཡིཏཾ. སོ – མཱ བྷིཀྑཱུ བྱཱབཱདྷིཾསཱུཏི – ཨེཀམནྟཾ ནིསིནྣོ’’ཏི. ‘‘ཨཔི ནུ ཁོ, བྷིཀྑཝེ [བྷིཀྑཝེ བྷིཀྑུནཱ (སྱཱ.)], ཏཾ ཁཱདིཏབྦཾ, ཡཾ ཁཱདིཏྭཱ ཨེཝརཱུཔཱཡ དྷམྨཀཐཱཡ པརིབཱཧིཡོ ཨསྶཱ’’ཏི? ‘‘ནོཧེཏཾ བྷནྟེ’’. ‘‘ན, བྷིཀྑཝེ, ལསུཎཾ ཁཱདིཏབྦཾ. ཡོ ཁཱདེཡྻ, ཨཱཔཏྟི དུཀྐཊསྶཱ’’ཏི.

ཏེན ¶ ¶ ཁོ པན སམཡེན ཨཱཡསྨཏོ སཱརིཔུཏྟསྶ ཨུདརཝཱཏཱབཱདྷོ ཧོཏི. ཨཐ ཁོ ཨཱཡསྨཱ མཧཱམོགྒལླཱནོ ཡེནཱཡསྨཱ སཱརིཔུཏྟོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ སཱརིཔུཏྟཾ ཨེཏདཝོཙ – ‘‘པུབྦེ ཏེ, ཨཱཝུསོ སཱརིཔུཏྟ, ཨུདརཝཱཏཱབཱདྷོ ཀེན ཕཱསུ ཧོཏཱི’’ཏི? ‘‘ལསུཎེན མེ, ཨཱཝུསོ’’ཏི [ཨཐ ཁོ ཨཱཡསྨཱ སཱརིཔུཏྟོ ཨཱཡསྨནྟཾ མཧཱམོགྒལླཱནཾ ཨེཏདཝོཙ ‘‘པུབྦེ ཁོ མེ ཨཱཝུསོ མོགྒལླཱན ཨུདརཝཱཏཱབཱདྷོ ལསུཎེན ཕཱསུ ཧོཏཱི’’ཏི (ཀ.)]. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཱབཱདྷཔྤཙྩཡཱ ལསུཎཾ ཁཱདིཏུ’’ནྟི.

༢༩༠. ཏེན ཁོ པན སམཡེན བྷིཀྑཱུ ཨཱརཱམེ ཏཧཾ ཏཧཾ པསྶཱཝཾ ཀརོནྟི. ཨཱརཱམོ དུསྶཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨེཀམནྟཾ པསྶཱཝཾ ཀཱཏུ’’ནྟི ¶ . ཨཱརཱམོ དུགྒནྡྷོ ཧོཏི…པེ… ‘‘ཨནུཛཱནཱམི, བྷིཀྑཝེ, པསྶཱཝཀུམྦྷི’’ནྟི. དུཀྑཾ ནིསིནྣཱ པསྶཱཝཾ ཀརོནྟི…པེ… ‘‘ཨནུཛཱནཱམི, བྷིཀྑཝེ, པསྶཱཝཔཱདུཀ’’ནྟི. པསྶཱཝཔཱདུཀཱ པཱཀཊཱ ཧོནྟི. བྷིཀྑཱུ ཧིརིཡནྟི པསྶཱཝཾ ཀཱཏུཾ…པེ… ‘‘ཨནུཛཱནཱམི, བྷིཀྑཝེ, པརིཀྑིཔིཏུཾ ཏཡོ པཱཀཱརེ – ཨིཊྛཀཱཔཱཀཱརཾ, སིལཱཔཱཀཱརཾ, དཱརུཔཱཀཱར’’ནྟི. པསྶཱཝཀུམྦྷཱི ཨཔཱརུཏཱ དུགྒནྡྷཱ ཧོཏི…པེ… ‘‘ཨནུཛཱནཱམི, བྷིཀྑཝེ, ཨཔིདྷཱན’’ནྟི.

༢༩༡. ཏེན ཁོ པན སམཡེན བྷིཀྑཱུ ཨཱརཱམེ ཏཧཾ ཏཧཾ ཝཙྩཾ ཀརོནྟི. ཨཱརཱམོ དུསྶཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི ¶ , བྷིཀྑཝེ, ཨེཀམནྟཾ ཝཙྩཾ ཀཱཏུ’’ནྟི. ཨཱརཱམོ དུགྒནྡྷོ ཧོཏི…པེ… ‘‘ཨནུཛཱནཱམི, བྷིཀྑཝེ, ཝཙྩཀཱུཔ’’ནྟི. ཝཙྩཀཱུཔསྶ ཀཱུལཾ ལུཛྫཏི…པེ… ‘‘ཨནུཛཱནཱམི, བྷིཀྑཝེ, ཙིནིཏུཾ ཏཡོ ཙཡེ – ཨིཊྛཀཱཙཡཾ, སིལཱཙཡཾ, དཱརུཙཡ’’ནྟི. ཝཙྩཀཱུཔོ ནཱིཙཝཏྠུཀོ ཧོཏི, ཨུདཀེན ཨོཏྠརིཡྻཏི…པེ… ‘‘ཨནུཛཱནཱམི, བྷིཀྑཝེ, ཨུཙྩཝཏྠུཀཾ ཀཱཏུ’’ནྟི. ཙཡོ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཙིནིཏུཾ ཏཡོ ཙཡེ – ཨིཊྛཀཱཙཡཾ, སིལཱཙཡཾ, དཱརུཙཡ’’ནྟི. ཨཱརོཧནྟཱ ཝིཧཉྙནྟི…པེ… ‘‘ཨནུཛཱནཱམི, བྷིཀྑཝེ, ཏཡོ སོཔཱནེ – ཨིཊྛཀཱསོཔཱནཾ, སིལཱསོཔཱནཾ, དཱརུསོཔཱན’’ནྟི. ཨཱརོཧནྟཱ པརིཔཏནྟི…པེ… ‘‘ཨནུཛཱནཱམི, བྷིཀྑཝེ, ཨཱལམྦནབཱཧ’’ནྟི. ཨནྟེ ནིསིནྣཱ ཝཙྩཾ ཀརོནྟཱ པརིཔཏནྟི…པེ… ‘‘ཨནུཛཱནཱམི, བྷིཀྑཝེ, སནྠརིཏྭཱ མཛ྄ཛྷེ ཚིདྡཾ ཀཏྭཱ ཝཙྩཾ ཀཱཏུ’’ནྟི ¶ . དུཀྑཾ ནིསིནྣཱ ཝཙྩཾ ཀརོནྟི…པེ… ‘‘ཨནུཛཱནཱམི, བྷིཀྑཝེ, ཝཙྩཔཱདུཀ’’ནྟི. བཧིདྡྷཱ པསྶཱཝཾ ¶ ཀརོནྟི…པེ… ‘‘ཨནུཛཱནཱམི, བྷིཀྑཝེ, པསྶཱཝདོཎིཀ’’ནྟི. ཨཝལེཁནཀཊྛཾ ན ཧོཏི…པེ… ‘‘ཨནུཛཱནཱམི, བྷིཀྑཝེ, ཨཝལེཁནཀཊྛ’’ནྟི. ཨཝལེཁནཔིཋརོ ན ཧོཏི…པེ… ‘‘ཨནུཛཱནཱམི, བྷིཀྑཝེ, ཨཝལེཁནཔིཋར’’ནྟི. ཝཙྩཀཱུཔོ ཨཔཱརུཏོ དུགྒནྡྷོ ཧོཏི…པེ… ‘‘ཨནུཛཱནཱམི, བྷིཀྑཝེ, ཨཔིདྷཱན’’ནྟི. ཨཛ྄ཛྷོཀཱསེ ཝཙྩཾ ཀརོནྟཱ སཱིཏེནཔི ཨུཎྷེནཔི ཀིལམནྟི…པེ… ¶ ‘‘ཨནུཛཱནཱམི, བྷིཀྑཝེ, ཝཙྩཀུཊི’’ནྟི. ཝཙྩཀུཊིཡཱ ཀཝཱཊཾ ན ཧོཏི…པེ… ‘‘ཨནུཛཱནཱམི, བྷིཀྑཝེ, ཀཝཱཊཾ པིཊྛསངྒྷཱཊཾ ཨུདུཀྑལིཀཾ ཨུཏྟརཔཱསཀཾ ཨགྒལ༹ཝཊྚིཾ ཀཔིསཱིསཀཾ སཱུཙིཀཾ གྷཊིཀཾ ཏཱལ༹ཙྪིདྡཾ ཨཱཝིཉྪནཙྪིདྡཾ ཨཱཝིཉྪནརཛྫུ’’ནྟི. ཝཙྩཀུཊིཡཱ ཏིཎཙུཎྞཾ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཨོགུམྥེཏྭཱ ཨུལླིཏྟཱཝལིཏྟཾ ཀཱཏུཾ – སེཏཝཎྞཾ ཀཱལ༹ཝཎྞཾ གེརུཀཔརིཀམྨཾ མཱལཱཀམྨཾ ལཏཱཀམྨཾ མཀརདནྟཀཾ པཉྩཔཊིཀཾ ཙཱིཝརཝཾསཾ ཙཱིཝརརཛྫུ’’ནྟི.

༢༩༢. ཏེན ཁོ པན སམཡེན ཨཉྙཏརོ བྷིཀྑུ ཛརཱདུབྦལོ ཝཙྩཾ ཀཏྭཱ ཝུཊྛཧནྟོ ¶ པརིཔཏཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨོལམྦཀ’’ནྟི. ཝཙྩཀུཊི ཨཔརིཀྑིཏྟཱ ཧོཏི…པེ… ‘‘ཨནུཛཱནཱམི, བྷིཀྑཝེ, པརིཀྑིཔིཏུཾ ཏཡོ པཱཀཱརེ – ཨིཊྛཀཱཔཱཀཱརཾ, སིལཱཔཱཀཱརཾ, དཱརུཔཱཀཱར’’ནྟི. ཀོཊྛཀོ ན ཧོཏི…པེ… (‘‘ཨནུཛཱནཱམི, བྷིཀྑཝེ, ཀོཊྛཀ’’ནྟི. ཀོཊྛཀསྶ ཀཝཱཊཾ ན ¶ ཧོཏི) [(ཨནུཛཱནཱམི བྷིཀྑཝེ ཀོཊྛཀནྟི. ཀོཊྛཀོ ནཱིཙཝཏྠུཀོ ཧོཏི…པེ… ཨནུཛཱནཱམི བྷིཀྑཝེ ཨུཙྩཝཏྠུཀཾ ཀཱཏུནྟི. ཙཡོ པརིཔཏཏི…པེ… ཨནུཛཱནཱམི བྷིཀྑཝེ ཙིནིཏུཾ ཏཡོ ཙཡེ ཨིཊྛཀཱཙཡཾ སིལཱཙཡཾ དཱརུཙཡནྟི. ཨཱརོཧནྟཱ ཝིཧཉྙནྟི…པེ… ཨནུཛཱནཱམི བྷིཀྑཝེ ཏཡོ སོཔཱནེ ཨིཊྛཀཱསོཔཱནཾ སིལཱསོཔཱནཾ དཱརུསོཔཱནནྟི. ཨཱརོཧནྟཱ པརིཔཏནྟི…པེ… ཨནུཛཱནཱམི བྷིཀྑཝེ ཨཱལམྦནབཱཧནྟི. ཀོཊྛཀསྶ ཀཝཱཊཾ ན ཧོཏི.) (སྱཱ. ཀཾ.)] …པེ… ‘‘ཨནུཛཱནཱམི, བྷིཀྑཝེ, ཀཝཱཊཾ པིཊྛསངྒྷཱཊཾ ཨུདུཀྑལིཀཾ ཨུཏྟརཔཱསཀཾ ཨགྒལ༹ཝཊྚིཾ ཀཔིསཱིསཀཾ སཱུཙིཀཾ གྷཊིཀཾ ཏཱལ༹ཙྪིདྡཾ ཨཱཝིཉྪནཙྪིདྡཾ ཨཱཝིཉྪནརཛྫུ’’ནྟི. ཀོཊྛཀེ ཏིཎཙུཎྞཾ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཨོགུམྥེཏྭཱ ཨུལླིཏྟཱཝལིཏྟཾ ཀཱཏུཾ – སེཏཝཎྞཾ ཀཱལ༹ཝཎྞཾ གེརུཀཔརིཀམྨཾ མཱལཱཀམྨཾ ལཏཱཀམྨཾ མཀརདནྟཀཾ པཉྩཔཊིཀ’’ནྟི. པརིཝེཎཾ ཙིཀྑལླཾ ཧོཏི…པེ… ‘‘ཨནུཛཱནཱམི, བྷིཀྑཝེ, མརུམྦཾ པཀིརིཏུ’’ནྟི. ན པརིཡཱཔུཎནྟི…པེ… ‘‘ཨནུཛཱནཱམི, བྷིཀྑཝེ, པདརསིལཾ [པཊྚསིལཾ (ཀ.)] ནིཀྑིཔིཏུ’’ནྟི. ཨུདཀཾ སནྟིཊྛཏི…པེ… ‘‘ཨནུཛཱནཱམི, བྷིཀྑཝེ, ཨུདཀནིདྡྷམན’’ནྟི. ཨཱཙམནཀུམྦྷཱི ན ཧོཏི…པེ… ‘‘ཨནུཛཱནཱམི, བྷིཀྑཝེ, ཨཱཙམནཀུམྦྷི’’ནྟི. ཨཱཙམནསརཱཝཀོ ¶ ན ཧོཏི…པེ… ‘‘ཨནུཛཱནཱམི, བྷིཀྑཝེ, ཨཱཙམནསརཱཝཀ’’ནྟི. དུཀྑཾ ནིསིནྣཱ ཨཱཙམེནྟི…པེ… ‘‘ཨནུཛཱནཱམི, བྷིཀྑཝེ, ཨཱཙམནཔཱདུཀ’’ནྟི. ཨཱཙམནཔཱདུཀཱ པཱཀཊཱ ཧོནྟི, བྷིཀྑཱུ ཧིརིཡནྟི ཨཱཙམེཏུཾ…པེ… ‘‘ཨནུཛཱནཱམི, བྷིཀྑཝེ, པརིཀྑིཔིཏུཾ ཏཡོ པཱཀཱརེ ¶ – ཨིཊྛཀཱཔཱཀཱརཾ, སིལཱཔཱཀཱརཾ, དཱརུཔཱཀཱར’’ནྟི. ཨཱཙམནཀུམྦྷཱི ཨཔཱརུཏཱ ཧོཏི, ཏིཎཙུཎྞེཧིཔི པཾསུཀེཧིཔི ཨོཀིརིཡྻཏི…པེ… ‘‘ཨནུཛཱནཱམི, བྷིཀྑཝེ, ཨཔིདྷཱན’’ནྟི.

༢༩༣. ཏེན ཁོ པན སམཡེན ཚབྦགྒིཡཱ བྷིཀྑཱུ ཨེཝརཱུཔཾ ཨནཱཙཱརཾ ཨཱཙརནྟི – མཱལཱཝཙྪཾ རོཔེནྟིཔི རོཔཱཔེནྟིཔི, སིཉྩནྟིཔི སིཉྩཱཔེནྟིཔི, ཨོཙིནནྟིཔི ཨོཙིནཱཔེནྟིཔི, གནྠེནྟིཔི གནྠཱཔེནྟིཔི, ཨེཀཏོཝཎྚིཀམཱལཾ ཀརོནྟིཔི ཀཱརཱཔེནྟིཔི, ཨུབྷཏོཝཎྚིཀམཱལཾ ཀརོནྟིཔི ¶ ཀཱརཱཔེནྟིཔི, མཉྫརིཀཾ ཀརོནྟིཔི ཀཱརཱཔེནྟིཔི, ཝིདྷཱུཏིཀཾ ཀརོནྟིཔི ཀཱརཱཔེནྟིཔི, ཝཊཾསཀཾ ཀརོནྟིཔི ཀཱརཱཔེནྟིཔི, ཨཱཝེལ༹ཾ ཀརོནྟིཔི ཀཱརཱཔེནྟིཔི, ཨུརཙྪདཾ ཀརོནྟིཔི ཀཱརཱཔེནྟིཔི. ཏེ ཀུལིཏྠཱིནཾ ཀུལདྷཱིཏཱནཾ ཀུལཀུམཱརཱིནཾ ཀུལསུཎྷཱནཾ ཀུལདཱསཱིནཾ ཨེཀཏོཝཎྚིཀམཱལཾ ཧརནྟིཔི ཧརཱཔེནྟིཔི, ཨུབྷཏོཝཎྚིཀམཱལཾ ཧརནྟིཔི ཧརཱཔེནྟིཔི, མཉྫརིཀཾ ཧརནྟིཔི ཧརཱཔེནྟིཔི, ཝིདྷཱུཏིཀཾ ཧརནྟིཔི ཧརཱཔེནྟིཔི, ཝཊཾསཀཾ ཧརནྟིཔི ཧརཱཔེནྟིཔི, ཨཱཝེལ༹ཾ ཧརནྟིཔི ཧརཱཔེནྟིཔི, ཨུརཙྪདཾ ཧརནྟིཔི ཧརཱཔེནྟིཔི. ཏེ ཀུལིཏྠཱིཧི ཀུལདྷཱིཏཱཧི ཀུལཀུམཱརཱིཧི ཀུལསུཎྷཱཧི ཀུལདཱསཱིཧི སདྡྷིཾ ཨེཀབྷཱཛནེཔི བྷུཉྫནྟི, ཨེཀཐཱལཀེཔི པིཝནྟི, ཨེཀཱསནེཔི ནིསཱིདནྟི, ཨེཀམཉྩེཔི ཏུཝཊྚེནྟི, ཨེཀཏྠརཎཱཔི ཏུཝཊྚེནྟི, ཨེཀཔཱཝུརཎཱཔི ཏུཝཊྚེནྟི, ཨེཀཏྠརཎཔཱཝུརཎཱཔི ཏུཝཊྚེནྟི, ཝིཀཱལེཔི བྷུཉྫནྟི, མཛྫམྤི པིཝནྟི, མཱལཱགནྡྷཝིལེཔནམྤི དྷཱརེནྟི, ནཙྩནྟིཔི, གཱཡནྟིཔི, ཝཱདེནྟིཔི, ལཱསེནྟིཔི; ནཙྩནྟིཡཱཔི ནཙྩནྟི, ནཙྩནྟིཡཱཔི གཱཡནྟི, ནཙྩནྟིཡཱཔི ཝཱདེནྟི, ནཙྩནྟིཡཱཔི ལཱསེནྟི…པེ… ལཱསེནྟིཡཱཔི ནཙྩནྟི, ལཱསེནྟིཡཱཔི གཱཡནྟི, ལཱསེནྟིཡཱཔི ཝཱདེནྟི, ལཱསེནྟིཡཱཔི ལཱསེནྟི; ཨཊྛཔདེཔི ཀཱིལ༹ནྟི, དསཔདེཔི ཀཱིལ༹ནྟི, ཨཱཀཱསེཔི ཀཱིལ༹ནྟི, པརིཧཱརཔཐེཔི ཀཱིལ༹ནྟི, སནྟིཀཱཡཔི ཀཱིལ༹ནྟི, ཁལིཀཱཡཔི ཀཱིལ༹ནྟི, གྷཊིཀཱཡཔི ཀཱིལ༹ནྟི, སལཱཀཧཏྠེནཔི ཀཱིལ༹ནྟི, ཨཀྑེནཔི ཀཱིལ༹ནྟི, པངྒཙཱིརེནཔི ཀཱིལ༹ནྟི, ཝངྐཀེནཔི ཀཱིལ༹ནྟི, མོཀྑཙིཀཱཡཔི ཀཱིལ༹ནྟི, ཙིངྒུལཀེནཔི ཀཱིལ༹ནྟི, པཏྟཱལ༹ྷཀེནཔི ཀཱིལ༹ནྟི, རཐཀེནཔི ཀཱིལ༹ནྟི, དྷནུཀེནཔི ཀཱིལ༹ནྟི ¶ , ཨཀྑརིཀཱཡཔི ཀཱིལ༹ནྟི, མནེསིཀཱཡཔི ཀཱིལ༹ནྟི, ཡཐཱཝཛྫེནཔི ཀཱིལ༹ནྟི; ཧཏྠིསྨིམྤི སིཀྑནྟི, ཨསྶསྨིམྤི སིཀྑནྟི, རཐསྨིམྤི སིཀྑནྟི, དྷནུསྨིམྤི ¶ སིཀྑནྟི; ཐརུསྨིམྤི སིཀྑནྟི; ཧཏྠིསྶཔི པུརཏོ དྷཱཝནྟི, ཨསྶསྶཔི པུརཏོ དྷཱཝནྟི, རཐསྶཔི པུརཏོ དྷཱཝནྟིཔི ཨཱདྷཱཝནྟིཔི; ཨུསྶེལེ༹ནྟིཔི, ཨཔྥོཊེནྟིཔི, ནིབྦུཛ྄ཛྷནྟིཔི, མུཊྛཱིཧིཔི ཡུཛ྄ཛྷནྟི; རངྒམཛ྄ཛྷེཔི སངྒྷཱཊིཾ པཏྠརིཏྭཱ ནཙྩཀིཾ ཨེཝཾ ཝདནྟི – ‘‘ཨིདྷ, བྷགིནི, ནཙྩསྶཱུ’’ཏི; ནལཱཊིཀམྤི དེནྟི; ཝིཝིདྷམྤི ཨནཱཙཱརཾ ཨཱཙརནྟི. བྷགཝཏོ ཨེཏམཏྠཾ ཨཱརོཙེསུཾ…པེ… ‘‘ན, བྷིཀྑཝེ, ཝིཝིདྷཾ ཨནཱཙཱརཾ ཨཱཙརིཏབྦཾ. ཡོ ཨཱཙརེཡྻ, ཡཐཱདྷམྨོ ཀཱརེཏབྦོ’’ཏི.

ཏེན ¶ ཁོ པན སམཡེན ཨཱཡསྨནྟེ ཨུརུཝེལཀསྶཔེ པབྦཛིཏེ སངྒྷསྶ བཧུཾ ལོཧབྷཎྜཾ དཱརུབྷཎྜཾ མཏྟིཀཱབྷཎྜཾ ཨུཔྤནྣཾ ཧོཏི. ཨཐ ཁོ བྷིཀྑཱུནཾ ཨེཏདཧོསི – ‘‘ཀིཾ ནུ ཁོ བྷགཝཏཱ ལོཧབྷཎྜཾ ཨནུཉྙཱཏཾ, ཀིཾ ཨནནུཉྙཱཏཾ; ཀིཾ དཱརུབྷཎྜཾ ཨནུཉྙཱཏཾ, ཀིཾ ཨནནུཉྙཱཏཾ; ཀིཾ མཏྟིཀཱབྷཎྜཾ ཨནུཉྙཱཏཾ, ཀིཾ ཨནནུཉྙཱཏ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཋཔེཏྭཱ པཧརཎིཾ སབྦཾ ལོཧབྷཎྜཾ, ཋཔེཏྭཱ ཨཱསནྡིཾ པལླངྐཾ ¶ དཱརུཔཏྟཾ དཱརུཔཱདུཀཾ སབྦཾ དཱརུབྷཎྜཾ, ཋཔེཏྭཱ ཀཏཀཉྩ ཀུམྦྷཀཱརིཀཉྩ སབྦཾ མཏྟིཀཱབྷཎྜ’’ནྟི.

ཁུདྡཀཝཏྠུཀྑནྡྷཀོ པཉྩམོ.

ཏསྶུདྡཱནཾ –

རུཀྑེ ¶ ཐམྦྷེ ཙ ཀུཊྚེ ཙ, ཨཊྚཱནེ གནྡྷསུཏྟིཡཱ;

ཝིགཡ྄ཧ མལླཀོ ཀཙྪུ, ཛརཱ ཙ པུཐུཔཱཎིཀཱ.

ཝལླིཀཱཔི ཙ པཱམངྒོ, ཀཎྛསུཏྟཾ ན དྷཱརཡེ;

ཀཊི ཨོཝཊྚི ཀཱཡུརཾ, ཧཏྠཱབྷརཎམུདྡིཀཱ.

དཱིགྷེ ཀོཙྪེ ཕཎེ ཧཏྠེ, སིཏྠཱ ཨུདཀཏེལཀེ;

ཨཱདཱསུདཔཏྟཝཎཱ, ཨཱལེཔོམྨདྡཙུཎྞནཱ.

ལཉྪེནྟི ཨངྒརཱགཉྩ, མུཁརཱགཾ ཏདཱུབྷཡཾ;

ཙཀྑུརོགཾ གིརགྒཉྩ, ཨཱཡཏཾ སརབཱཧིརཾ.

ཨམྦཔེསིསཀལེཧི, ཨཧིཙྪིནྡི ཙ ཙནྡནཾ;

ཨུཙྩཱཝཙཱ པཏྟམཱུལཱ, སུཝཎྞོ བཧལཱ ཝལཱི.

ཙིཏྲཱ ¶ དུསྶཏི དུགྒནྡྷོ, ཨུཎྷེ བྷིཛྫིཾསུ མིཌྜྷིཡཱ;

པརིབྷཎྜཾ ཏིཎཾ ཙོལ༹ཾ, མཱལཾ ཀུཎྜོལིཀཱཡ ཙ.

ཐཝིཀཱ ¶ ཨཾསབདྡྷཉྩ, ཏཐཱ བནྡྷནསུཏྟཀཱ;

ཁིལེ མཉྩེ ཙ པཱིཋེ ཙ, ཨངྐེ ཚཏྟེ པཎཱམནཱ.

ཏུམྦགྷཊིཚཝསཱིསཾ, ཙལཀཱནི པཊིགྒཧོ;

ཝིཔྥཱལིདཎྜསོཝཎྞཾ, པཏྟེ པེསི ཙ ནཱལི༹ཀཱ.

ཀིཎྞསཏྟུ སརིཏཉྩ, མདྷུསིཏྠཾ སིཔཱཊིཀཾ;

ཝིཀཎྞཾ བནྡྷིཝིསམཾ, ཚམཱཛིརཔཧོཏི ཙ.

ཀལི༹མྦྷཾ ¶ མོགྷསུཏྟཉྩ, ཨདྷོཏལླཾ ཨུཔཱཧནཱ;

ཨངྒུལེ པཊིགྒཧཉྩ, ཝིཏྠཀཾ ཐཝིཀབདྡྷཀཱ.

ཨཛ྄ཛྷོཀཱསེ ནཱིཙཝཏྠུ, ཙཡོ ཙཱཔི ཝིཧཉྙརེ;

པརིཔཏི ཏིཎཙུཎྞཾ, ཨུལླིཏྟཨཝལིཏྟཀཾ.

སེཏཾ ཀཱལ༹ཀཝཎྞཉྩ, པརིཀམྨཉྩ གེརུཀཾ;

མཱལཱཀམྨཾ ལཏཱཀམྨཾ, མཀརདནྟཀཔཱཊིཀཾ.

ཙཱིཝརཝཾསཾ རཛྫུཉྩ, ཨནུཉྙཱསི ཝིནཱཡཀོ;

ཨུཛ྄ཛྷིཏྭཱ པཀྐམནྟི ཙ, ཀཐིནཾ པརིབྷིཛྫཏི.

ཝིནིཝེཋིཡཏི ཀུཊྚེཔི, པཏྟེནཱདཱཡ གཙྪརེ;

ཐཝིཀཱ བནྡྷསུཏྟཉྩ, བནྡྷིཏྭཱ ཙ ཨུཔཱཧནཱ.

ཨུཔཱཧནཏྠཝིཀཉྩ, ཨཾསབདྡྷཉྩ སུཏྟཀཾ;

ཨུདཀཱཀཔྤིཡཾ མགྒེ, པརིསྶཱཝནཙོལ༹ཀཾ.

དྷམྨཀརཎཾ དྭེ བྷིཀྑཱུ, ཝེསཱལིཾ ཨགམཱ མུནི;

དཎྜཾ ཨོཏྠརཀཾ ཏཏྠ, ཨནུཉྙཱསི པརིསྶཱཝནཾ.

མཀསེཧི ¶ པཎཱིཏེན, བཧྭཱབཱདྷཱ ཙ ཛཱིཝཀོ;

ཙངྐམནཛནྟཱགྷརཾ ¶ , ཝིསམེ ནཱིཙཝཏྠུཀོ.

ཏཡོ ¶ ཙཡེ ཝིཧཉྙནྟི, སོཔཱནཱལམྦཝེདིཀཾ;

ཨཛ྄ཛྷོཀཱསེ ཏིཎཙུཎྞཾ, ཨུལླིཏྟཨཝལིཏྟཀཾ.

སེཏཀཾ ¶ ཀཱལ༹ཝཎྞཉྩ, པརིཀམྨཉྩ གེརུཀཾ;

མཱལཱཀམྨཾ ལཏཱཀམྨཾ, མཀརདནྟཀཔཱཊིཀཾ.

ཝཾསཾ ཙཱིཝརརཛྫུཉྩ, ཨུཙྩཉྩ ཝཏྠུཀཾ ཀརེ;

ཙཡོ སོཔཱནབཱཧཉྩ, ཀཝཱཊཾ པིཊྛསངྒྷཱཊཾ.

ཨུདུཀྑལུཏྟརཔཱསཀཾ, ཝཊྚིཉྩ ཀཔིསཱིསཀཾ;

སཱུཙིགྷཊིཏཱལ༹ཙྪིདྡཾ, ཨཱཝིཉྪནཉྩ རཛྫུཀཾ.

མཎྜལཾ དྷཱུམནེཏྟཉྩ, མཛ྄ཛྷེ ཙ མུཁམཏྟིཀཱ;

དོཎི དུགྒནྡྷཱ དཧཏི, ཨུདཀཊྛཱནཾ སརཱཝཀཾ.

ན སེདེཏི ཙ ཙིཀྑལླཾ, དྷོཝི ནིདྡྷམནཾ ཀརེ;

པཱིཋཉྩ ཀོཊྛཀེ ཀམྨཾ, མརུམྦཱ སིལཱ ནིདྡྷམནཾ.

ནགྒཱ ཚམཱཡ ཝསྶནྟེ, པཊིཙྪཱདཱི ཏཡོ ཏཧིཾ;

ཨུདཔཱནཾ ལུཛྫཏི ནཱིཙཾ, ཝལླིཡཱ ཀཱཡབནྡྷནེ.

ཏུལཾ ཀཊཀཊཾ ཙཀྐཾ, བཧཱུ བྷིཛྫནྟི བྷཱཛནཱ;

ལོཧདཱརུཙམྨཁཎྜཾ, སཱལཱཏིཎཱཔིདྷཱནི ཙ.

དོཎིཙནྡནི པཱཀཱརཾ, ཙིཀྑལླཾ ནིདྡྷམནེན ཙ;

སཱིཏིགཏཾ པོཀྑརཎིཾ, པུརཱཎཉྩ ནིལླེཁཎཾ.

ཙཱཏུམཱསཾ ¶ སཡནྟི ཙ, ནམཏཀཉྩ [གནྡྷཔུཔྥཾ (སྱཱ.)] ནདྷིཊྛཧེ;

ཨཱསིཏྟཀཾ ¶ མལོ༹རིཀཾ, བྷུཉྫནྟེཀཾ ཏུཝཊྚེཡྻུཾ.

ཝཌྜྷོ བོདྷི ན ཨཀྐམི, གྷཊཾ ཀཏཀསམྨཛྫནི;

སཀྑརཾ ཀཐལཉྩེཝ, ཕེཎཀཾ པཱདགྷཾསནཱི.

ཝིདྷཱུཔནཾ ཏཱལཝཎྚཾ, མཀསཉྩཱཔི ཙཱམརཱི;

ཚཏྟཾ ཝིནཱ ཙ ཨཱརཱམེ, ཏཡོ སིཀྐཱཡ སམྨུཏི.

རོམསིཏྠཱ ནཁཱ དཱིགྷཱ, ཚིནྡནྟངྒུལིཀཱ དུཀྑཱ;

སལོཧིཏཾ པམཱཎཉྩ, ཝཱིསཏི དཱིགྷཀེསཏཱ.

ཁུརཾ སིལཾ སིཔཱཊིཀཾ, ནམཏཀཾ ཁུརབྷཎྜཀཾ;

མསྶུཾ ཀཔྤེནྟི ཝཌྜྷེནྟི, གོལོམིཙཏུརསྶཀཾ.

པརིམུཁཾ ¶ ཨཌྜྷདུཀཉྩ, དཱཋིསམྦཱདྷསཾཧརེ;

ཨཱབཱདྷཱ ཀཏྟརིཝཎོ, དཱིགྷཾ སཀྑརིཀཱཡ ཙ.

པལིཏཾ ཐཀིཏཾ ཨུཙྩཱ, ལོཧབྷཎྜཉྫནཱི སཧ;

པལླཏྠིཀཉྩ ཨཱཡོགོ, ཝཊཾ སལཱཀབནྡྷནཾ.

ཀལཱབུཀཾ དེཌྜུབྷཀཾ, མུརཛཾ མདྡཝཱིཎཀཾ;

པཊྚིཀཱ སཱུཀརནྟཉྩ, དསཱ མུརཛཝེཎིཀཱ;

ཨནྟོ སོབྷཾ གུཎཀཉྩ, པཝནནྟོཔི ཛཱིརཏི.

གཎྛིཀཱ ཨུཙྩཱཝཙཉྩ, ཕལཀནྟེཔི ཨོགཱཧེ;

གིཧིཝཏྠཾ ཧཏྠིསོཎྜཾ, མཙྪཀཾ ཙཏུཀཎྞཀཾ.

ཏཱལཝཎྚཾ སཏཝལི, གིཧིཔཱརུཏཔཱརུཔཾ;

སཾཝེལླི ¶ ཨུབྷཏོཀཱཛཾ, དནྟཀཊྛཾ ཨཱཀོཊནེ.

ཀཎྛེ ¶ ཝིལགྒཾ དཱཡཉྩ, པཊགྒི རུཀྑཧཏྠིནཱ;

ཡམེལེ༹ ལོཀཱཡཏཀཾ, པརིཡཱཔུཎིཾསུ ཝཱཙཡུཾ.

ཏིརཙྪཱནཀཐཱ ¶ ཝིཛྫཱ, ཁིཔི མངྒལཾ ཁཱདི ཙ;

ཝཱཏཱབཱདྷོ དུསྶཏི ཙ, དུགྒནྡྷོ དུཀྑཔཱདུཀཱ.

ཧིརིཡནྟི པཱརུདུགྒནྡྷོ, ཏཧཾ ཏཧཾ ཀརོནྟི ཙ;

དུགྒནྡྷོ ཀཱུཔཾ ལུཛྫནྟི, ཨུཙྩཝཏྠུ ཙཡེན ཙ.

སོཔཱནཱལམྦནབཱཧཱ ཨནྟེ, དུཀྑཉྩ པཱདུཀཱ;

བཧིདྡྷཱ དོཎི ཀཊྛཉྩ, པིཋརོ ཙ ཨཔཱརུཏོ.

ཝཙྩཀུཊིཾ ཀཝཱཊཉྩ, པིཊྛསངྒྷཱཊམེཝ ཙ;

ཨུདུཀྑལུཏྟརཔཱསོ, ཝཊྚིཉྩ ཀཔིསཱིསཀཾ.

སཱུཙིགྷཊིཏཱལ༹ཙྪིདྡཾ, ཨཱཝིཉྪནཙྪིདྡམེཝ ཙ;

རཛྫུ ཨུལླིཏྟཱཝལིཏྟཾ, སེཏཝཎྞཉྩ ཀཱལ༹ཀཾ.

མཱལཱཀམྨཾ ལཏཱཀམྨཾ, མཀརཾ པཉྩཔཊིཀཾ;

ཙཱིཝརཝཾསཾ རཛྫུཉྩ, ཛརཱདུབྦལཔཱཀཱརཾ.

ཀོཊྛཀེ ཙཱཔི ཏཐེཝ, མརུམྦཾ པདརསིལཱ;

སནྟིཊྛཏི ནིདྡྷམནཾ, ཀུམྦྷིཉྩཱཔི སརཱཝཀཾ.

དུཀྑཾ ¶ ཧིརི ཨཔིདྷཱནཾ, ཨནཱཙཱརཉྩ ཨཱཙརུཾ;

ལོཧབྷཎྜཾ ¶ ཨནུཉྙཱསི, ཋཔཡིཏྭཱ པཧརཎིཾ.

ཋཔཡིཏྭཱ སནྡིཔལླངྐཾ, དཱརུཔཏྟཉྩ པཱདུཀཾ;

སབྦཾ དཱརུམཡཾ བྷཎྜཾ, ཨནུཉྙཱསི མཧཱམུནི.

ཀཏཀཾ ¶ ཀུམྦྷཀཱརཉྩ, ཋཔཡིཏྭཱ ཏཐཱགཏོ;

སབྦམྤི མཏྟིཀཱབྷཎྜཾ, ཨནུཉྙཱསི ཨནུཀམྤཀོ.

ཡསྶ ཝཏྠུསྶ ནིདྡེསོ, པུརིམེན ཡདི སམཾ;

ཏམྤི སཾཁིཏྟཾ ཨུདྡཱནེ, ནཡཏོ ཏཾ ཝིཛཱནིཡཱ.

ཨེཝཾ དསསཏཱ ཝཏྠཱུ, ཝིནཡེ ཁུདྡཀཝཏྠུཀེ;

སདྡྷམྨཊྛིཏིཀོ ཙེཝ, པེསལཱནཉྩནུགྒཧོ.

སུསིཀྑིཏོ ཝིནཡདྷརོ, ཧིཏཙིཏྟོ སུཔེསལོ;

པདཱིཔཀརཎོ དྷཱིརོ, པཱུཛཱརཧོ བཧུསྶུཏོཏི.

ཁུདྡཀཝཏྠུཀྑནྡྷཀཾ ནིཊྛིཏཾ.

༦. སེནཱསནཀྑནྡྷཀཾ

༡. པཋམབྷཱཎཝཱརོ

ཝིཧཱརཱནུཛཱནནཾ

༢༩༤. ཏེན ¶ ¶ ¶ ¶ སམཡེན བུདྡྷོ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན བྷགཝཏཱ བྷིཀྑཱུནཾ སེནཱསནཾ ཨཔཉྙཏྟཾ ཧོཏི. ཏེ ཙ བྷིཀྑཱུ ཏཧཾ ཏཧཾ ཝིཧརནྟི – ཨརཉྙེ, རུཀྑམཱུལེ, པབྦཏེ, ཀནྡརཱཡཾ, གིརིགུཧཱཡཾ, སུསཱནེ, ཝནཔཏྠེ, ཨཛ྄ཛྷོཀཱསེ, པལཱལཔུཉྫེ. ཏེ ཀཱལསྶེཝ ཏཏོ ཏཏོ ཨུཔནིཀྑམནྟི – ཨརཉྙཱ རུཀྑམཱུལཱ པབྦཏཱ ཀནྡརཱ གིརིགུཧཱ སུསཱནཱ ཝནཔཏྠཱ ཨཛ྄ཛྷོཀཱསཱ པལཱལཔུཉྫཱ, པཱསཱདིཀེན ཨབྷིཀྐནྟེན པཊིཀྐནྟེན, ཨཱལོཀིཏེན ཝིལོཀིཏེན, སམིཉྫིཏེན པསཱརིཏེན, ཨོཀྑིཏྟཙཀྑཱུ, ཨིརིཡཱཔཐསམྤནྣཱ. ཏེན ཁོ པན སམཡེན རཱཛགཧཀོ སེཊྛཱི [སེཊྛི (ཀ.)] ཀཱལསྶེཝ ཨུཡྻཱནཾ ཨགམཱསི. ཨདྡསཱ ཁོ རཱཛགཧཀོ སེཊྛཱི ཏེ བྷིཀྑཱུ ཀཱལསྶེཝ ཏཏོ ཏཏོ ཨུཔནིཀྑམནྟེ – ཨརཉྙཱ རུཀྑམཱུལཱ པབྦཏཱ ཀནྡརཱ གིརིགུཧཱ སུསཱནཱ ཝནཔཏྠཱ ཨཛ྄ཛྷོཀཱསཱ པལཱལཔུཉྫཱ, པཱསཱདིཀེན ཨབྷིཀྐནྟེན པཊིཀྐནྟེན, ཨཱལོཀིཏེན ཝིལོཀིཏེན, སམིཉྫིཏེན པསཱརིཏེན, ཨོཀྑིཏྟཙཀྑཱུ, ཨིརིཡཱཔཐསམྤནྣེ. དིསྭཱནསྶ ཙིཏྟཾ པསཱིདི. ཨཐ ཁོ རཱཛགཧཀོ སེཊྛཱི ཡེན ཏེ བྷིཀྑཱུ ཏེནུཔསངྐམི, ཨུཔསངྐམིཏྭཱ ཏེ བྷིཀྑཱུ ཨེཏདཝོཙ – ‘‘སཙཱཧཾ, བྷནྟེ, ཝིཧཱརེ ཀཱརཱཔེཡྻཾ, ཝསེཡྻཱཐ མེ ཝིཧཱརེསཱུ’’ཏི? ‘‘ན ཁོ, གཧཔཏི, བྷགཝཏཱ ཝིཧཱརཱ ¶ ཨནུཉྙཱཏཱ’’ཏི. ‘‘ཏེན ཧི, བྷནྟེ, བྷགཝནྟཾ པཊིཔུཙྪིཏྭཱ མམ ཨཱརོཙེཡྻཱཐཱ’’ཏི. ‘‘ཨེཝཾ གཧཔཏཱི’’ཏི ཁོ ཏེ བྷིཀྑཱུ རཱཛགཧཀསྶ སེཊྛིསྶ པཊིསྶུཏྭཱ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣཱ ཁོ ཏེ བྷིཀྑཱུ བྷགཝནྟཾ ཨེཏདཝོཙུཾ – ‘‘རཱཛགཧཀོ, བྷནྟེ, སེཊྛཱི ཝིཧཱརེ ཀཱརཱཔེཏུཀཱམོ. ཀཐཾ ནུ ཁོ, བྷནྟེ, ཨམྷེཧི [བྷནྟེ (སཱི. ཀ.)] པཊིཔཛྫིཏབྦ’’ནྟི? ཨཐ ཁོ བྷགཝཱ ཨེཏསྨིཾ ནིདཱནེ ¶ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, པཉྩ ལེཎཱནི [པཉྩ སེནཱསནཱནི (སྱཱ.)] – ཝིཧཱརཾ, ཨཌྜྷཡོགཾ, པཱསཱདཾ, ཧམྨིཡཾ, གུཧ’’ནྟི.

ཨཐ ¶ ཁོ ཏེ ¶ བྷིཀྑཱུ ཡེན རཱཛགཧཀོ སེཊྛཱི ཏེནུཔསངྐམིཾསུ, ཨུཔསངྐམིཏྭཱ རཱཛགཧཀཾ སེཊྛིཾ ཨེཏདཝོཙུཾ – ‘‘ཨནུཉྙཱཏཱ ཁོ, གཧཔཏི, བྷགཝཏཱ ཝིཧཱརཱ; ཡསྶདཱནི ཀཱལཾ མཉྙསཱི’’ཏི. ཨཐ ཁོ རཱཛགཧཀོ སེཊྛཱི ཨེཀཱཧེནེཝ སཊྛིཝིཧཱརེ པཏིཊྛཱཔེསི. ཨཐ ཁོ རཱཛགཧཀོ སེཊྛཱི ཏེ སཊྛིཝིཧཱརེ པརིཡོསཱཔེཏྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ རཱཛགཧཀོ སེཊྛཱི བྷགཝནྟཾ ཨེཏདཝོཙ – ‘‘ཨདྷིཝཱསེཏུ མེ, བྷནྟེ, བྷགཝཱ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ¶ ཁོ རཱཛགཧཀོ སེཊྛཱི བྷགཝཏོ ཨདྷིཝཱསནཾ ཝིདིཏྭཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི.

ཨཐ ཁོ རཱཛགཧཀོ སེཊྛཱི ཏསྶཱ རཏྟིཡཱ ཨཙྩཡེན པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ བྷགཝཏོ ཀཱལཾ ཨཱརོཙཱཔེསི – ‘‘ཀཱལོ, བྷནྟེ, ནིཊྛིཏཾ བྷཏྟ’’ནྟི. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན རཱཛགཧཀསྶ སེཊྛིསྶ ནིཝེསནཾ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི སདྡྷིཾ བྷིཀྑུསངྒྷེན. ཨཐ ཁོ རཱཛགཧཀོ སེཊྛཱི བུདྡྷཔྤམུཁཾ བྷིཀྑུསངྒྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེཏྭཱ སམྤཝཱརེཏྭཱ, བྷགཝནྟཾ བྷུཏྟཱཝིཾ ཨོནཱིཏཔཏྟཔཱཎིཾ, ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ རཱཛགཧཀོ སེཊྛཱི བྷགཝནྟཾ ཨེཏདཝོཙ – ‘‘ཨེཏེ མེ, བྷནྟེ, སཊྛིཝིཧཱརཱ པུཉྙཏྠིཀེན སགྒཏྠིཀེན ཀཱརཱཔིཏཱ. ཀཐཱཧཾ, བྷནྟེ, ཏེསུ ཝིཧཱརེསུ པཊིཔཛྫཱམཱི’’ཏི? ‘‘ཏེན ཧི ཏྭཾ, གཧཔཏི, ཏེ སཊྛིཝིཧཱརེ ཨཱགཏཱནཱགཏསྶ ཙཱཏུདྡིསསྶ སངྒྷསྶ པཏིཊྛཱཔེཧཱི’’ཏི. ‘‘ཨེཝཾ བྷནྟེ’’ཏི ཁོ རཱཛགཧཀོ སེཊྛཱི བྷགཝཏོ པཊིསྶུཏྭཱ ཏེ སཊྛིཝིཧཱརེ ཨཱགཏཱནཱགཏསྶ ཙཱཏུདྡིསསྶ སངྒྷསྶ པཏིཊྛཱཔེསི.

༢༩༥. ཨཐ ཁོ བྷགཝཱ རཱཛགཧཀཾ སེཊྛིཾ ཨིམཱཧི གཱཐཱཧི ཨནུམོདི –

‘‘སཱིཏཾ ཨུཎྷཾ པཊིཧནྟི [པཊིཧནཏི (ཀ.)], ཏཏོ ཝཱལ༹མིགཱནི ཙ;

སརཱིསཔེ ཙ མཀསེ, སིསིརེ ཙཱཔི ཝུཊྛིཡོ.

‘‘ཏཏོ ¶ ¶ ¶ ཝཱཏཱཏཔོ གྷོརེ, སཉྫཱཏོ [ཝཱཏཱཏཔེ གྷོརེ, སཉྫཱཏེ (ཀ. སདྡནཱིཏི)] པཊིཧཉྙཏི;

ལེཎཏྠཉྩ སུཁཏྠཉྩ, ཛྷཱཡིཏུཉྩ ཝིཔསྶིཏུཾ.

‘‘ཝིཧཱརདཱནཾ སངྒྷསྶ, ཨགྒཾ བུདྡྷེན [བུདྡྷེཧི (སྱཱ.)] ཝཎྞིཏཾ;

ཏསྨཱ ཧི པཎྜིཏོ, པོསོ སམྤསྶཾ ཨཏྠམཏྟནོ.

‘‘ཝིཧཱརེ ཀཱརཡེ རམྨེ, ཝཱསཡེཏྠ བཧུསྶུཏེ;

ཏེསཾ ¶ ཨནྣཉྩ པཱནཉྩ, ཝཏྠསེནཱསནཱནི ཙ;

དདེཡྻ ཨུཛུབྷཱུཏེསུ, ཝིཔྤསནྣེན ཙེཏསཱ.

‘‘ཏེ ཏསྶ དྷམྨཾ དེསེནྟི, སབྦདུཀྑཱཔནཱུདནཾ;

ཡཾ སོ དྷམྨཾ ཨིདྷཉྙཱཡ, པརིནིབྦཱཏི ཨནཱསཝོ’’ཏི.

ཨཐ ཁོ བྷགཝཱ རཱཛགཧཀཾ སེཊྛིཾ ཨིམཱཧི གཱཐཱཧི ཨནུམོདིཏྭཱ ཨུཊྛཱཡཱསནཱ པཀྐཱམི.

༢༩༦. ཨསྶོསུཾ ཁོ མནུསྶཱ – ‘‘བྷགཝཏཱ ཀིར ཝིཧཱརཱ ཨནུཉྙཱཏཱ’’ཏི སཀྐཙྩཾ [ཏེ སཀྐཙྩཾ (སྱཱ. ཀཾ.)] ཝིཧཱརེ ཀཱརཱཔེནྟི. ཏེ ཝིཧཱརཱ ཨཀཝཱཊཀཱ ཧོནྟི; ཨཧཱིཔི ཝིཙྪིཀཱཔི སཏཔདིཡོཔི པཝིསནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཀཝཱཊ’’ནྟི. བྷིཏྟིཚིདྡཾ ཀརིཏྭཱ ཝལླིཡཱཔི རཛྫུཡཱཔི ཀཝཱཊཾ བནྡྷནྟི. ཨུནྡཱུརེཧིཔི ཨུཔཙིཀཱཧིཔི ཁཛྫནྟི. ཁཡིཏབནྡྷནཱནི ཀཝཱཊཱནི པཏནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པིཊྛསངྒྷཱཊཾ ཨུདུཀྑལིཀཾ ཨུཏྟརཔཱསཀ’’ནྟི ¶ . ཀཝཱཊཱ ན ཕུསཱིཡནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཱཝིཉྪནཙྪིདྡཾ ཨཱཝིཉྪནརཛྫུ’’ནྟི. ཀཝཱཊཱ ན ཐཀིཡནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨགྒལ༹ཝཊྚིཾ ཀཔིསཱིསཀཾ སཱུཙིཀཾ གྷཊིཀ’’ནྟི.

ཏེན ཁོ པན སམཡེན བྷིཀྑཱུ ན སཀྐོནྟི ཀཝཱཊཾ ཨཔཱཔུརིཏུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཏཱལ༹ཙྪིདྡཾ. ཏཱིཎི ཏཱལཱ༹ནི – ལོཧཏཱལ༹ཾ, ཀཊྛཏཱལ༹ཾ, ཝིསཱཎཏཱལ༹’’ནྟི. ཡེཧི [ཡེཔི (སཱི. སྱཱ.)] ཏེ ཨུགྒྷཱཊེཏྭཱ པཝིསནྟི [ཝིསཱཎཏཱལ༹ཾ, ཡེཧི ཏེ ཨུགྒྷཱཊེཏྭཱ པཝིསནྟཱིཏི (ཀ.)], ཝིཧཱརཱ ཨགུཏྟཱ ཧོནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཡནྟཀཾ སཱུཙིཀ’’ནྟི.

ཏེན ¶ ¶ ཁོ པན སམཡེན ཝིཧཱརཱ ཏིཎཙྪདནཱ ཧོནྟི; སཱིཏཀཱལེ སཱིཏཱ, ཨུཎྷཀཱལེ ཨུཎྷཱ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨོགུམྥེཏྭཱ ཨུལླིཏྟཱཝལིཏྟཾ ཀཱཏུ’’ནྟི.

ཏེན ཁོ པན སམཡེན ཝིཧཱརཱ ཨཝཱཏཔཱནཀཱ ཧོནྟི ཨཙཀྑུསྶཱ དུགྒནྡྷཱ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཏཱིཎི ཝཱཏཔཱནཱནི – ཝེདིཀཱཝཱཏཔཱནཾ, ཛཱལཝཱཏཔཱནཾ, སལཱཀཝཱཏཔཱན’’ནྟི. ཝཱཏཔཱནནྟརིཀཱཡ ཀཱལ༹ཀཱཔི ཝགྒུལིཡོཔི པཝིསནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཝཱཏཔཱནཙཀྐལིཀ’’ནྟི. ཙཀྐལིཀནྟརིཀཱཡཔི ཀཱལ༹ཀཱཔི ཝགྒུལིཡོཔི པཝིསནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཝཱཏཔཱནཀཝཱཊཀཾ ཝཱཏཔཱནབྷིསིཀ’’ནྟི.

ཏེན ཁོ པན སམཡེན བྷིཀྑཱུ ཚམཱཡཾ སཡནྟི. གཏྟཱནིཔི ¶ ཙཱིཝརཱནིཔི པཾསུཀིཏཱནི ཧོནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཏིཎསནྠཱརཀ’’ནྟི. ཏིཎསནྠཱརཀོ ཨུནྡཱུརེཧིཔི ¶ ཨུཔཙིཀཱཧིཔི ཁཛྫཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, མིཌྜྷི’’ནྟི [མཱིཌྷནྟི (སཱི.), མིཌྷིནྟི (སྱཱ.)]. མིཌྜྷིཡཱ གཏྟཱནི དུཀྑཱ ཧོནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བིདལམཉྩཀ’’ནྟི.

མཉྩཔཱིཋཱདིཨནུཛཱནནཾ

༢༩༧. ཏེན ཁོ པན སམཡེན སངྒྷསྶ སོསཱནིཀོ མསཱརཀོ མཉྩོ ཨུཔྤནྣོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, མསཱརཀཾ མཉྩ’’ནྟི. མསཱརཀཾ པཱིཋཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, མསཱརཀཾ པཱིཋ’’ནྟི.

ཏེན ཁོ པན སམཡེན སངྒྷསྶ སོསཱནིཀོ བུནྡིཀཱབདྡྷོ མཉྩོ ཨུཔྤནྣོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བུནྡིཀཱབདྡྷཾ མཉྩ’’ནྟི. བུནྡིཀཱབདྡྷཾ པཱིཋཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བུནྡིཀཱབདྡྷཾ པཱིཋ’’ནྟི.

ཏེན ཁོ པན སམཡེན སངྒྷསྶ སོསཱནིཀོ ཀུལཱི༹རཔཱདཀོ མཉྩོ ཨུཔྤནྣོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ ¶ , ཀུལཱི༹རཔཱདཀཾ ¶ མཉྩ’’ནྟི. ཀུལཱི༹རཔཱདཀཾ པཱིཋཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ ¶ , ཀུལཱི༹རཔཱདཀཾ པཱིཋ’’ནྟི.

ཏེན ཁོ པན སམཡེན སངྒྷསྶ སོསཱནིཀོ ཨཱཧཙྩཔཱདཀོ མཉྩོ ཨུཔྤནྣོ ཧོཏི. བྷགཝཏོ ཨེཏམཏྠཾ ཨོརཱཙེསུཾ. ‘‘ཨནུཛཱནཱམི, བྷིཀྑཝེ, ཨཱཧཙྩཔཱདཀཾ མཉྩ’’ནྟི. ཨཱཧཙྩཔཱདཀཾ པཱིཋཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཱཧཙྩཔཱདཀཾ པཱིཋ’’ནྟི.

ཏེན ཁོ པན སམཡེན སངྒྷསྶ ཨཱསནྡིཀོ ཨུཔྤནྣོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཱསནྡིཀ’’ནྟི. ཨུཙྩཀོ ཨཱསནྡིཀོ ཨུཔྤནྣོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨུཙྩཀམྤི ཨཱསནྡིཀ’’ནྟི. སཏྟངྒོ ཨུཔྤནྣོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སཏྟངྒ’’ནྟི. ཨུཙྩཀོ སཏྟངྒོ ཨུཔྤནྣོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨུཙྩཀམྤི སཏྟངྒ’’ནྟི. བྷདྡཔཱིཋཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷདྡཔཱིཋ’’ནྟི. པཱིཋིཀཱ ཨུཔྤནྣཱ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཱིཋིཀ’’ནྟི. ཨེལ༹ཀཔཱདཀཾ པཱིཋཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨེལ༹ཀཔཱདཀཾ པཱིཋ’’ནྟི. ཨཱམལཀཝཊྚིཀཾ [ཨཱམལཀཝཎྚིཀཾ (སྱཱ.)] པཱིཋཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཱམལཀཝཊྚིཀཾ པཱིཋ’’ནྟི. ཕལཀཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཕལཀ’’ནྟི. ཀོཙྪཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཀོཙྪ’’ནྟི. པལཱལཔཱིཋཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ ¶ . ‘‘ཨནུཛཱནཱམི, བྷིཀྑཝེ, པལཱལཔཱིཋ’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཨུཙྩེ མཉྩེ སཡནྟི. མནུསྶཱ ཝིཧཱརཙཱརིཀཾ ཨཱཧིཎྜནྟཱ པསྶིཏྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨུཙྩེ མཉྩེ སཡིཏབྦཾ. ཡོ སཡེཡྻ, ཨཱཔཏྟི ¶ དུཀྐཊསྶཱ’’ཏི.

ཏེན ¶ ཁོ པན སམཡེན ཨཉྙཏརོ བྷིཀྑུ ནཱིཙེ མཉྩེ སཡནྟོ ཨཧིནཱ དཊྛོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, མཉྩཔཊིཔཱདཀ’’ནྟི.

ཏེན ¶ ཁོ པན སམཡེན ཚབྦགྒིཡཱ བྷིཀྑཱུ ཨུཙྩེ མཉྩཔཊིཔཱདཀེ དྷཱརེནྟི, སཧ མཉྩཔཊིཔཱདཀེཧི པཝེདྷེནྟི. མནུསྶཱ ཝིཧཱརཙཱརིཀཾ ཨཱཧིཎྜནྟཱ པསྶིཏྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨུཙྩཱ མཉྩཔཊིཔཱདཀཱ དྷཱརེཏབྦཱ. ཡོ དྷཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨཊྛངྒུལཔརམཾ མཉྩཔཊིཔཱདཀ’’ནྟི.

ཏེན ཁོ པན སམཡེན སངྒྷསྶ སུཏྟཾ ཨུཔྤནྣཾ ཧོཏི ¶ . བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སུཏྟཾ མཉྩཾ ཝེཋེཏུ’’ནྟི [ཝེཏུནྟི (སཱི.)]. ཨངྒཱནི བཧུསུཏྟཾ པརིཡཱདིཡནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨངྒེ ཝིཛ྄ཛྷིཏྭཱ ཨཊྛཔདཀཾ ཝེཋེཏུ’’ནྟི. ཙོལ༹ཀཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཙིམིལིཀཾ ཀཱཏུ’’ནྟི. ཏཱུལིཀཱ ཨུཔྤནྣཱ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཝིཛཊེཏྭཱ བིབྦོཧནཾ [བིམྦོཧནཾ (སཱི. སྱཱ. བིམྦ + ཨོཧནཾ)] ཀཱཏུཾ. ཏཱིཎི ཏཱུལཱནི – རུཀྑཏཱུལཾ, ལཏཱཏཱུལཾ, པོཊཀིཏཱུལ’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཨདྡྷཀཱཡིཀཱནི [ཨཌྜྷཀཱཡིཀཱནི (ཀ.)] བིབྦོཧནཱནི དྷཱརེནྟི. མནུསྶཱ ཝིཧཱརཙཱརིཀཾ ཨཱཧིཎྜནྟཱ པསྶིཏྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨཌྜྷཀཱཡིཀཱནི བིབྦོཧནཱནི དྷཱརེཏབྦཱནི. ཡོ དྷཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, སཱིསཔྤམཱཎཾ བིབྦོཧནཾ ཀཱཏུ’’ནྟི.

ཏེན ཁོ པན སམཡེན རཱཛགཧེ གིརགྒསམཛྫོ ཧོཏི. མནུསྶཱ མཧཱམཏྟཱནཾ ཨཏྠཱཡ བྷིསིཡོ པཊིཡཱདེནྟི – ཨུཎྞབྷིསིཾ, ཙོལ༹བྷིསིཾ, ཝཱཀབྷིསིཾ, ཏིཎབྷིསིཾ, པཎྞབྷིསིཾ. ཏེ ཝཱིཏིཝཏྟེ སམཛྫེ ཚཝིཾ ཨུཔྤཱཊེཏྭཱ ཧརནྟི. ཨདྡསཱསུཾ ཁོ བྷིཀྑཱུ སམཛྫཊྛཱནེ བཧུཾ ཨུཎྞམྤི ཙོལ༹ཀམྤི ཝཱཀམྤི ཏིཎམྤི པཎྞམྤི ཚཊྚིཏཾ. དིསྭཱན ¶ བྷགཝཏོ ཨེཏམཏྠཾ ཨཱརོཙེསུཾ ¶ . ‘‘ཨནུཛཱནཱམི, བྷིཀྑཝེ, པཉྩ བྷིསིཡོ – ཨུཎྞབྷིསིཾ, ཙོལ༹བྷིསིཾ, ཝཱཀབྷིསིཾ, ཏིཎབྷིསིཾ, པཎྞབྷིསི’’ནྟི.

ཏེན ཁོ པན སམཡེན སངྒྷསྶ སེནཱསནཔརིཀྑཱརིཀཾ དུསྶཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷིསིཾ ཨོནནྡྷིཏུ’’ནྟི [ཨོནདྡྷིཏུཾ (སྱཱ.)].

ཏེན ¶ ཁོ པན སམཡེན བྷིཀྑཱུ མཉྩབྷིསིཾ པཱིཋེ སནྠརནྟི, པཱིཋབྷིསིཾ མཉྩེ སནྠརནྟི. བྷིསིཡོ པརིབྷིཛྫནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨོནདྡྷམཉྩཾ [ཨོནདྡྷམཉྩཾ (ཀ.) ཨེཝམུཔརིཔི] ཨོནདྡྷཔཱིཋ’’ནྟི. ཨུལློཀཾ ཨཀརིཏྭཱ ¶ སནྠརནྟི, ཧེཊྛཏོ ནིཔཏནྟི [ནིཔཊནྟི (ཀ.), ནིཔྥཊནྟི (སཱི.), ནིཔྤཱཊེནྟི (སྱཱ.)] …པེ… ‘‘ཨནུཛཱནཱམི, བྷིཀྑཝེ, ཨུལློཀཾ ཀརིཏྭཱ སནྠརིཏྭཱ བྷིསིཾ ཨོནནྡྷིཏུ’’ནྟི. ཚཝིཾ ཨུཔྤཱཊེཏྭཱ ཧརནྟི…པེ… ‘‘ཨནུཛཱནཱམི, བྷིཀྑཝེ, ཕོསིཏུ’’ནྟི. ཧརནྟིཡེཝ…པེ… ‘‘ཨནུཛཱནཱམི, བྷིཀྑཝེ, བྷཏྟིཀམྨ’’ནྟི. ཧརནྟིཡེཝ…པེ… ‘‘ཨནུཛཱནཱམི, བྷིཀྑཝེ, ཧཏྠབྷཏྟིཀམྨ’’ནྟི. ཧརནྟིཡེཝ…པེ… ‘‘ཨནུཛཱནཱམི, བྷིཀྑཝེ, ཧཏྠབྷཏྟི’’ནྟི.

སེཏཝཎྞཱདིཨནུཛཱནནཾ

༢༩༨. ཏེན ཁོ པན སམཡེན ཏིཏྠིཡཱནཾ སེཡྻཱཡོ སེཏཝཎྞཱ ཧོནྟི, ཀཱལ༹ཝཎྞཀཏཱ བྷཱུམི, གེརུཀཔརིཀམྨཀཏཱ བྷིཏྟི. བཧཱུ མནུསྶཱ སེཡྻཱཔེཀྑཀཱ གཙྪནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཝིཧཱརེ སེཏཝཎྞཾ ཀཱལ༹ཝཎྞཾ གེརུཀཔརིཀམྨ’’ནྟི ¶ .

ཏེན ཁོ པན སམཡེན ཕརུསཱཡ བྷིཏྟིཡཱ སེཏཝཎྞོ ན ནིཔཏཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཐུསཔིཎྜཾ དཏྭཱ པཱཎིཀཱཡ པཊིབཱཧེཏྭཱ སེཏཝཎྞཾ ནིཔཱཏེཏུ’’ནྟི. སེཏཝཎྞོ ཨནིབནྡྷནཱིཡོ ཧོཏི…པེ… ‘‘ཨནུཛཱནཱམི, བྷིཀྑཝེ, སཎྷམཏྟིཀཾ དཏྭཱ པཱཎིཀཱཡ པཊིབཱཧེཏྭཱ སེཏཝཎྞཾ ནིཔཱཏེཏུ’’ནྟི. སེཏཝཎྞོ ཨནིབནྡྷནཱིཡོ ཧོཏི…པེ… ‘‘ཨནུཛཱནཱམི, བྷིཀྑཝེ, ཨིཀྐཱསཾ པིཊྛམདྡ’’ནྟི.

ཏེན ཁོ པན སམཡེན ཕརུསཱཡ བྷིཏྟིཡཱ གེརུཀཱ ན ནིཔཏཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཐུསཔིཎྜཾ དཏྭཱ པཱཎིཀཱཡ པཊིབཱཧེཏྭཱ གེརུཀཾ ནིཔཱཏེཏུ’’ནྟི. གེརུཀཱ ཨནིབནྡྷནཱིཡཱ ཧོཏི ¶ …པེ… ‘‘ཨནུཛཱནཱམི, བྷིཀྑཝེ, ཀུཎྜཀམཏྟིཀཾ དཏྭཱ པཱཎིཀཱཡ པཊིབཱཧེཏྭཱ གེརུཀཾ ནིཔཱཏེཏུ’’ནྟི. གེརུཀཱ ཨནིབནྡྷནཱིཡཱ ཧོཏི…པེ… ‘‘ཨནུཛཱནཱམི, བྷིཀྑཝེ, སཱསཔཀུཊྚཾ སིཏྠཏེལཀ’’ནྟི. ཨཙྩུསྶནྣཾ ཧོཏི…པེ… ‘‘ཨནུཛཱནཱམི, བྷིཀྑཝེ, ཙོལ༹ཀེན པཙྩུདྡྷརིཏུ’’ནྟི.

ཏེན ཁོ པན སམཡེན ཕརུསཱཡ བྷཱུམིཡཱ ཀཱལ༹ཝཎྞོ ན ནིཔཏཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཐུསཔིཎྜཾ དཏྭཱ པཱཎིཀཱཡ པཊིབཱཧེཏྭཱ ཀཱལ༹ཝཎྞཾ ནིཔཱཏེཏུ’’ནྟི. ཀཱལ༹ཝཎྞོ ཨནིབནྡྷནཱིཡོ ཧོཏི…པེ… ¶ ‘‘ཨནུཛཱནཱམི, བྷིཀྑཝེ, གཎྜུམཏྟིཀཾ ¶ དཏྭཱ པཱཎིཀཱཡ པཊིབཱཧེཏྭཱ ཀཱལ༹ཝཎྞཾ ནིཔཱཏེཏུ’’ནྟི. ཀཱལ༹ཝཎྞོ ཨནིབནྡྷནཱིཡོ ཧོཏི…པེ… ‘‘ཨནུཛཱནཱམི, བྷིཀྑཝེ, ཨིཀྐཱསཾ ཀསཱཝ’’ནྟི.

པཊིབྷཱནཙིཏྟཔཊིཀྑེཔཾ

༢༩༩. ཏེན ཁོ པན སམཡེན ཚབྦགྒིཡཱ བྷིཀྑཱུ ཝིཧཱརེ པཊིབྷཱནཙིཏྟཾ ཀཱརཱཔེནྟི – ཨིཏྠིརཱུཔཀཾ པུརིསརཱུཔཀཾ. མནུསྶཱ ཝིཧཱརཙཱརིཀཾ ཨཱཧིཎྜནྟཱ པསྶིཏྭཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧཱི ¶ ཀཱམབྷོགིནོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, པཊིབྷཱནཙིཏྟཾ ཀཱརཱཔེཏབྦཾ – ཨིཏྠིརཱུཔཀཾ པུརིསརཱུཔཀཾ. ཡོ ཀཱརཱཔེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, མཱལཱཀམྨཾ ལཏཱཀམྨཾ མཀརདནྟཀཾ པཉྩཔཊིཀ’’ནྟི.

ཨིཊྛཀཱཙཡཱདིཨནུཛཱནནཾ

༣༠༠. ཏེན ཁོ པན སམཡེན ཝིཧཱརཱ ནཱིཙཝཏྠུཀཱ ཧོནྟི, ཨུདཀེན ཨོཏྠརིཡྻནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨུཙྩཝཏྠུཀཾ ཀཱཏུ’’ནྟི. ཙཡོ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཙིནིཏུཾ ཏཡོ ཙཡེ – ཨིཊྛཀཱཙཡཾ, སིལཱཙཡཾ, དཱརུཙཡ’’ནྟི. ཨཱརོཧནྟཱ ཝིཧཉྙནྟི…པེ… ‘‘ཨནུཛཱནཱམི, བྷིཀྑཝེ, ཏཡོ སོཔཱནེ – ཨིཊྛཀཱསོཔཱནཾ, སིལཱསོཔཱནཾ, དཱརུསོཔཱན’’ནྟི. ཨཱརོཧནྟཱ པརིཔཏནྟི…པེ… ‘‘ཨནུཛཱནཱམི, བྷིཀྑཝེ, ཨཱལམྦནབཱཧ’’ནྟི.

ཏེན ཁོ པན སམཡེན ཝིཧཱརཱ ཨཱལ༹ཀམནྡཱ ཧོནྟི ¶ . བྷིཀྑཱུ ཧིརིཡནྟི ནིཔཛྫིཏུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཏིརོཀརཎི’’ནྟི. ཏིརོཀརཎིཾ ཨུཀྑིཔིཏྭཱ ཨོལོཀེནྟི…པེ… ‘‘ཨནུཛཱནཱམི, བྷིཀྑཝེ ¶ , ཨཌྜྷཀུཊྚཀ’’ནྟི. ཨཌྜྷཀུཊྚཀཱ ཨུཔརིཏོ ཨོལོཀེནྟི…པེ… ‘‘ཨནུཛཱནཱམི, བྷིཀྑཝེ, ཏཡོ གབྦྷེ – སིཝིཀཱགབྦྷཾ, ནཱལི༹ཀཱགབྦྷཾ, ཧམྨིཡགབྦྷ’’ནྟི.

ཏེན ཁོ པན སམཡེན བྷིཀྑཱུ ཁུདྡཀེ ཝིཧཱརེ མཛ྄ཛྷེ གབྦྷཾ ཀརོནྟི. ཨུཔཙཱརོ ན ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཁུདྡཀེ ཝིཧཱརེ ཨེཀམནྟཾ གབྦྷཾ ཀཱཏུཾ, མཧལླཀེ མཛ྄ཛྷེ’’ཏི.

ཏེན ཁོ པན སམཡེན ཝིཧཱརསྶ ཀུཊྚཔཱདོ ཛཱིརཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི ¶ , བྷིཀྑཝེ, ཀུལངྐཔཱདཀ’’ནྟི [ཀུལུ༹ངྐཔཱདཀནྟི (སཱི.)]. ཝིཧཱརསྶ ཀུཊྚོ ཨོཝསྶཏི…པེ…‘‘ཨནུཛཱནཱམི, བྷིཀྑཝེ, པརིཏྟཱཎཀིཊིཀཾ ཨུདྡསུདྷ’’ནྟི [ཨུདྡྷཱསུདྷནྟི (སྱཱ.)].

ཏེན ཁོ པན སམཡེན ཨཉྙཏརསྶ བྷིཀྑུནོ ཏིཎཙྪདནཱ ཨཧི ཁནྡྷེ པཏཏི. སོ བྷཱིཏོ ཝིསྶརམཀཱསི. བྷིཀྑཱུ ཨུཔདྷཱཝིཏྭཱ ཏཾ བྷིཀྑུཾ ཨེཏདཝོཙུཾ – ‘‘ཀིསྶ ཏྭཾ, ཨཱཝུསོ, ཝིསྶརམཀཱསཱི’’ཏི? ཨཐ ཁོ སོ བྷིཀྑཱུནཾ ཨེཏམཏྠཾ ཨཱརོཙེསི. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཝིཏཱན’’ནྟི.

ཏེན ¶ ཁོ པན སམཡེན བྷིཀྑཱུ མཉྩཔཱདེཔི པཱིཋཔཱདེཔི ཐཝིཀཱཡོ ལགྒེནྟི. ཨུནྡཱུརེཧིཔི ཨུཔཙིཀཱཧིཔི ཁཛྫནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷིཏྟིཁིལཾ ནཱགདནྟཀ’’ནྟི.

ཏེན ཁོ པན སམཡེན བྷིཀྑཱུ མཉྩེཔི པཱིཋེཔི ཙཱིཝརཾ ནིཀྑིཔནྟི. ཙཱིཝརཾ པརིབྷིཛྫིཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཝིཧཱརེ ཙཱིཝརཝཾསཾ ཙཱིཝརརཛྫུ’’ནྟི ¶ .

ཏེན ཁོ པན སམཡེན ཝིཧཱརཱ ཨནཱལི༹ནྡཀཱ ཧོནྟི ཨཔྤཊིསྶརཎཱ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཱལི༹ནྡཾ པགྷནཾ པཀུཊྚཾ [པཀུཌྜཾ (སཱི.)] ཨོསཱརཀ’’ནྟི. ཨཱལི༹ནྡཱ པཱཀཊཱ ཧོནྟི. བྷིཀྑཱུ ཧིརིཡནྟི ནིཔཛྫིཏུཾ…པེ… ‘‘ཨནུཛཱནཱམི, བྷིཀྑཝེ, སཾསརཎཀིཊིཀཾ ཨུགྒྷཱཊནཀིཊིཀ’’ནྟི.

ཨུཔཊྛཱནསཱལཱཨནུཛཱནནཾ

༣༠༡. ཏེན ཁོ པན སམཡེན བྷིཀྑཱུ ཨཛ྄ཛྷོཀཱསེ བྷཏྟཝིསྶགྒཾ ཀརོནྟཱ སཱིཏེནཔི ཨུཎྷེནཔི ཀིལམནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨུཔཊྛཱནསཱལ’’ནྟི. ཨུཔཊྛཱནསཱལཱ ནཱིཙཝཏྠུཀཱ ཧོཏི ¶ , ཨུདཀེན ཨོཏྠརིཡྻཏི…པེ… ‘‘ཨནུཛཱནཱམི, བྷིཀྑཝེ, ཨུཙྩཝཏྠུཀཾ ཀཱཏུ’’ནྟི. ཙཡོ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཙིནིཏུཾ ཏཡོ ཙཡེ – ཨིཊྛཀཱཙཡཾ, སིལཱཙཡཾ, དཱརུཙཡ’’ནྟི. ཨཱརོཧནྟཱ ཝིཧཉྙནྟི…པེ… ‘‘ཨནུཛཱནཱམི, བྷིཀྑཝེ, ཏཡོ སོཔཱནེ – ཨིཊྛཀཱསོཔཱནཾ, སིལཱསོཔཱནཾ, དཱརུསོཔཱན’’ནྟི. ཨཱརོཧནྟཱ པརིཔཏནྟི…པེ… ¶ ‘‘ཨནུཛཱནཱམི, བྷིཀྑཝེ, ཨཱལམྦནབཱཧ’’ནྟི. ཨུཔཊྛཱནསཱལཱཡ ཏིཎཙུཎྞཾ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཨོགུམྥེཏྭཱ ¶ ཨུལླིཏྟཱཝལིཏྟཾ ཀཱཏུཾ – སེཏཝཎྞཾ ཀཱལ༹ཝཎྞཾ གེརུཀཔརིཀམྨཾ མཱལཱཀམྨཾ ལཏཱཀམྨཾ མཀརདནྟཀཾ པཉྩཔཊིཀཾ ཙཱིཝརཝཾསཾ ཙཱིཝརརཛྫུ’’ནྟི.

ཏེན ཁོ པན སམཡེན བྷིཀྑཱུ ཨཛ྄ཛྷོཀཱསེ ཚམཱཡ ཙཱིཝརཾ པཏྠརནྟི. ཙཱིཝརཾ པཾསུཀིཏཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཛ྄ཛྷོཀཱསེ ཙཱིཝརཝཾསཾ ཙཱིཝརརཛྫུ’’ནྟི. པཱནཱིཡཾ ཨོཏཔྤཏི…པེ… ‘‘ཨནུཛཱནཱམི, བྷིཀྑཝེ, པཱནཱིཡསཱལཾ པཱནཱིཡམཎྜཔ’’ནྟི. པཱནཱིཡསཱལཱ ནཱིཙཝཏྠུཀཱ ཧོཏི, ཨུདཀེན ཨོཏྠརིཡྻཏི…པེ… ‘‘ཨནུཛཱནཱམི, བྷིཀྑཝེ, ཨུཙྩཝཏྠུཀཾ ཀཱཏུ’’ནྟི. ཙཡོ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཙིནིཏུཾ ཏཡོ ཙཡེ – ཨིཊྛཀཱཙཡཾ, སིལཱཙཡཾ, དཱརུཙཡ’’ནྟི. ཨཱརོཧནྟཱ ཝིཧཉྙནྟི…པེ… ‘‘ཨནུཛཱནཱམི, བྷིཀྑཝེ, ཏཡོ སོཔཱནེ – ཨིཊྛཀཱསོཔཱནཾ, སིལཱསོཔཱནཾ, དཱརུསོཔཱན’’ནྟི. ཨཱརོཧནྟཱ པརིཔཏནྟི…པེ… ‘‘ཨནུཛཱནཱམི, བྷིཀྑཝེ, ཨཱལམྦནབཱཧ’’ནྟི. པཱནཱིཡསཱལཱཡ ཏིཎཙུཎྞཾ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཨོགུམྥེཏྭཱ ཨུལླིཏྟཱཝལིཏྟཾ ཀཱཏུཾ – སེཏཝཎྞཾ ཀཱལ༹ཝཎྞཾ གེརུཀཔརིཀམྨཾ མཱལཱཀམྨཾ ལཏཱཀམྨཾ མཀརདནྟཀཾ པཉྩཔཊིཀཾ ཙཱིཝརཝཾསཾ ཙཱིཝརརཛྫུ’’ནྟི. པཱནཱིཡབྷཱཛནཾ ན སཾཝིཛྫཏི…པེ… ‘‘ཨནུཛཱནཱམི, བྷིཀྑཝེ, པཱནཱིཡསངྑཾ པཱནཱིཡསརཱཝཀ’’ནྟི.

པཱཀཱརཱདིཨནུཛཱནནཾ

༣༠༢. ཏེན ¶ ཁོ པན སམཡེན ཝིཧཱརཱ ཨཔརིཀྑིཏྟཱ ཧོནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པརིཀྑིཔིཏུཾ ཏཡོ པཱཀཱརེ – ཨིཊྛཀཱཔཱཀཱརཾ, སིལཱཔཱཀཱརཾ, དཱརུཔཱཀཱར’’ནྟི. ཀོཊྛཀོ ན ཧོཏི…པེ… ‘‘ཨནུཛཱནཱམི, བྷིཀྑཝེ, ཀོཊྛཀ’’ནྟི. ཀོཊྛཀོ ནཱིཙཝཏྠུཀོ ཧོཏི, ཨུདཀེན ཨོཏྠརིཡྻཏི…པེ… ‘‘ཨནུཛཱནཱམི, བྷིཀྑཝེ, ཨུཙྩཝཏྠུཀཾ ཀཱཏུ’’ནྟི. ཀོཊྛཀསྶ ཀཝཱཊཾ ན ཧོཏི…པེ… ‘‘ཨནུཛཱནཱམི, བྷིཀྑཝེ, ཀཝཱཊཾ པིཊྛསངྒྷཱཊཾ ཨུདུཀྑལིཀཾ ཨུཏྟརཔཱསཀཾ ཨགྒལ༹ཝཊྚིཾ ཀཔིསཱིསཀཾ སཱུཙིཀཾ གྷཊིཀཾ ཏཱལ༹ཙྪིདྡཾ ¶ ཨཱཝིཉྪནཙྪིདྡཾ ཨཱཝིཉྪནརཛྫུ’’ནྟི. ཀོཊྛཀེ ཏིཎཙུཎྞཾ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཨོགུམྥེཏྭཱ ཨུལླིཏྟཱཝལིཏྟཾ ཀཱཏུཾ – སེཏཝཎྞཾ ཀཱལ༹ཝཎྞཾ གེརུཀཔརིཀམྨཾ མཱལཱཀམྨཾ ལཏཱཀམྨཾ མཀརདནྟཀཾ པཉྩཔཊིཀ’’ནྟི.

ཏེན ཁོ པན སམཡེན པརིཝེཎཾ ཙིཀྑལླཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, མརུམྦཾ ཨུཔཀིརིཏུ’’ནྟི. ན པརིཡཱཔུཎནྟི…པེ… ‘‘ཨནུཛཱནཱམི, བྷིཀྑཝེ ¶ ¶ , པདརསིལཾ ནིཀྑིཔིཏུ’’ནྟི. ཨུདཀཾ སནྟིཊྛཏི…པེ… ‘‘ཨནུཛཱནཱམི, བྷིཀྑཝེ, ཨུདཀནིདྡྷམན’’ནྟི.

ཏེན ཁོ པན སམཡེན བྷིཀྑཱུ པརིཝེཎེ ཏཧཾ ཏཧཾ ཨགྒིཊྛཱནཾ ཀརོནྟི. པརིཝེཎཾ ཨུཀླཱཔཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨེཀམནྟཾ ཨགྒིསཱལཾ ཀཱཏུ’’ནྟི ¶ . ཨགྒིསཱལཱ ནཱིཙཝཏྠུཀཱ ཧོཏི, ཨུདཀེན ཨོཏྠརིཡྻཏི…པེ… ‘‘ཨནུཛཱནཱམི, བྷིཀྑཝེ, ཨུཙྩཝཏྠུཀཾ ཀཱཏུ’’ནྟི. ཙཡོ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཙིནིཏུཾ ཏཡོ ཙཡེ – ཨིཊྛཀཱཙཡཾ, སིལཱཙཡཾ, དཱརུཙཡ’’ནྟི. ཨཱརོཧནྟཱ ཝིཧཉྙནྟི…པེ… ‘‘ཨནུཛཱནཱམི, བྷིཀྑཝེ, ཏཡོ སོཔཱནེ – ཨིཊྛཀཱསོཔཱནཾ, སིལཱསོཔཱནཾ, དཱརུསོཔཱན’’ནྟི. ཨཱརོཧནྟཱ པརིཔཏནྟི…པེ… ‘‘ཨནུཛཱནཱམི, བྷིཀྑཝེ, ཨཱལམྦནབཱཧ’’ནྟི. ཨགྒིསཱལཱཡ ཀཝཱཊཾ ན ཧོཏི…པེ… ‘‘ཨནུཛཱནཱམི, བྷིཀྑཝེ, ཀཝཱཊཾ པིཊྛསངྒྷཱཊཾ ཨུདུཀྑལིཀཾ ཨུཏྟརཔཱསཀཾ ཨགྒལ༹ཝཊྚིཾ ཀཔིསཱིསཀཾ སཱུཙིཀཾ གྷཊིཀཾ ཏཱལ༹ཙྪིདྡཾ ཨཱཝིཉྪནཙྪིདྡཾ ཨཱཝིཉྪནརཛྫུ’’ནྟི. ཨགྒིསཱལཱཡ ཏིཎཙུཎྞཾ པརིཔཏཏི…པེ… ‘‘ཨནུཛཱནཱམི, བྷིཀྑཝེ, ཨོགུམྥེཏྭཱ ཨུལླིཏྟཱཝལིཏྟཾ ཀཱཏུཾ – སེཏཝཎྞཾ ཀཱལ༹ཝཎྞཾ གེརུཀཔརིཀམྨཾ མཱལཱཀམྨཾ ལཏཱཀམྨཾ མཀརདནྟཀཾ པཉྩཔཊིཀཾ ཙཱིཝརཝཾསཾ ཙཱིཝརརཛྫུ’’ནྟི.

ཨཱརཱམཔརིཀྑེཔཨནུཛཱནནཾ

༣༠༣. ཏེན ཁོ པན སམཡེན ཨཱརཱམོ ཨཔརིཀྑིཏྟོ ཧོཏི. ཨཛཀཱཔི པསུཀཱཔི ཨུཔརོཔེ ཝིཧེཋེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པརིཀྑིཔིཏུཾ ཏཡོ ཝཱཊེ – ཝེལུ༹ཝཱཊཾ, ཀཎྜཀཝཱཊཾ [ཝཊེ ཝེལུ༹ཝཊཾ ཀཎྜཀཝཊཾ (སྱཱ.)], པརིཁ’’ནྟི. ཀོཊྛཀོ ན ཧོཏི. ཏཐེཝ ཨཛཀཱཔི པསུཀཱཔི ཨུཔརོཔེ ཝིཧེཋེནྟི…པེ… ‘‘ཨནུཛཱནཱམི, བྷིཀྑཝེ, ཀོཊྛཀཾ ཨཔེསིཾ ཡམཀཀཝཱཊཾ ཏོརཎཾ པལིགྷ’’ནྟི. ཀོཊྛཀེ ཏིཎཙུཎྞཾ པརིཔཏཏི…པེ… ‘‘ཨནུཛཱནཱམི ¶ , བྷིཀྑཝེ, ཨོགུམྥེཏྭཱ ཨུལླིཏྟཱཝལིཏྟཾ ཀཱཏུཾ – སེཏཝཎྞཾ ཀཱལ༹ཝཎྞཾ གེརུཀཔརིཀམྨཾ མཱལཱཀམྨཾ ¶ ལཏཱཀམྨཾ མཀརདནྟཀཾ པཉྩཔཊིཀ’’ནྟི. ཨཱརཱམོ ཙིཀྑལློ ཧོཏི…པེ… ‘‘ཨནུཛཱནཱམི, བྷིཀྑཝེ, མརུམྦཾ ཨུཔཀིརིཏུ’’ནྟི. ན པརིཡཱཔུཎནྟི…པེ… ‘‘ཨནུཛཱནཱམི, བྷིཀྑཝེ, པདརསིལཾ ནིཀྑིཔིཏུ’’ནྟི. ཨུདཀཾ སནྟིཊྛཏི…པེ… ‘‘ཨནུཛཱནཱམི, བྷིཀྑཝེ, ཨུདཀནིདྡྷམན’’ནྟི.

ཏེན ཁོ པན སམཡེན རཱཛཱ མཱགདྷོ སེནིཡོ བིམྦིསཱརོ སངྒྷསྶ ཨཏྠཱཡ སུདྷཱམཏྟིཀཱལེཔནཾ པཱསཱདཾ ཀཱརེཏུཀཱམོ ཧོཏི. ཨཐ ཁོ བྷིཀྑཱུནཾ ཨེཏདཧོསི – ‘‘ཀིཾ ནུ ཁོ བྷགཝཏཱ ¶ ཚདནཾ ཨནུཉྙཱཏཾ, ཀིཾ ཨནནུཉྙཱཏ’’ནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཉྩ ཚདནཱནི – ཨིཊྛཀཱཚདནཾ, སིལཱཚདནཾ, སུདྷཱཚདནཾ, ཏིཎཙྪདནཾ, པཎྞཙྪདན’’ནྟི.

པཋམབྷཱཎཝཱརོ ནིཊྛིཏོ.

༢. དུཏིཡབྷཱཎཝཱརོ

ཨནཱཐཔིཎྜིཀཝཏྠུ

༣༠༤. ཏེན ཁོ པན སམཡེན ཨནཱཐཔིཎྜིཀོ གཧཔཏི རཱཛགཧཀསྶ སེཊྛིསྶ བྷགིནིཔཏིཀོ ཧོཏི. ཨཐ ཁོ ཨནཱཐཔིཎྜིཀོ གཧཔཏི རཱཛགཧཾ ཨགམཱསི ཀེནཙིདེཝ ཀརཎཱིཡེན. ཏེན ཁོ པན སམཡེན རཱཛགཧཀེན སེཊྛིནཱ སྭཱཏནཱཡ བུདྡྷཔྤམུཁོ སངྒྷོ ནིམནྟིཏོ ཧོཏི. ཨཐ ཁོ རཱཛགཧཀོ སེཊྛཱི དཱསེ ཙ ཀམྨཀཱརེ [ཀམྨཀརེ (སཱི. སྱཱ.)] ཙ ཨཱཎཱཔེསི – ‘‘ཏེན ཧི, བྷཎེ, ཀཱལསྶེཝ ཨུཊྛཱཡ ཡཱགུཡོ པཙཐ, བྷཏྟཱནི པཙཐ, སཱུཔཱནི སམྤཱདེཐ, ཨུཏྟརིབྷངྒཱནི སམྤཱདེཐཱ’’ཏི. ཨཐ ཁོ ཨནཱཐཔིཎྜིཀསྶ གཧཔཏིསྶ ཨེཏདཧོསི – ‘‘པུབྦེ ཁྭཱཡཾ ¶ གཧཔཏི མཡི ཨཱགཏེ སབྦཀིཙྩཱནི ནིཀྑིཔིཏྭཱ མམཉྙེཝ སདྡྷིཾ པཊིསམྨོདཏི. སོདཱནཱཡཾ ཝིཀྑིཏྟརཱུཔོ དཱསེ ཙ ཀམྨཀཱརེ ཙ ཨཱཎཱཔེསི – ‘ཏེན ཧི, བྷཎེ, ཀཱལསྶེཝ ཨུཊྛཱཡ ཡཱགུཡོ པཙཐ, བྷཏྟཱནི པཙཐ, སཱུཔཱནི སམྤཱདེཐ, ཨུཏྟརིབྷངྒཱནི ¶ སམྤཱདེཐཱ’ཏི. ཀིཾ ནུ ཁོ ཨིམསྶ གཧཔཏིསྶ ཨཱཝཱཧོ ཝཱ བྷཝིསྶཏི, ཝིཝཱཧོ ཝཱ བྷཝིསྶཏི, མཧཱཡཉྙོ ཝཱ པཙྩུཔཊྛིཏོ ¶ , རཱཛཱ ཝཱ མཱགདྷོ སེནིཡོ བིམྦིསཱརོ ནིམནྟིཏོ སྭཱཏནཱཡ སདྡྷིཾ བལཀཱཡེནཱ’’ཏི?

ཨཐ ཁོ རཱཛགཧཀོ སེཊྛཱི དཱསེ ཙ ཀམྨཀཱརེ ཙ ཨཱཎཱཔེཏྭཱ ཡེན ཨནཱཐཔིཎྜིཀོ གཧཔཏི ཏེནུཔསངྐམི, ཨུཔསངྐམིཏྭཱ ཨནཱཐཔིཎྜིཀེན གཧཔཏིནཱ སདྡྷིཾ པཊིསམྨོདིཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ རཱཛགཧཀཾ སེཊྛིཾ ཨནཱཐཔིཎྜིཀོ གཧཔཏི ཨེཏདཝོཙ – ‘‘པུབྦེ ཁོ ཏྭཾ, གཧཔཏི, མཡི ཨཱགཏེ སབྦཀིཙྩཱནི ནིཀྑིཔིཏྭཱ མམཉྙེཝ སདྡྷིཾ པཊིསམྨོདསི. སོདཱནི ཏྭཾ ཝིཀྑིཏྟརཱུཔོ དཱསེ ཙ ཀམྨཀཱརེ ཙ ཨཱཎཱཔེསི – ‘ཏེན ཧི, བྷཎེ, ཀཱལསྶེཝ ཨུཊྛཱཡ ཡཱགུཡོ པཙཐ, བྷཏྟཱནི པཙཐ, སཱུཔཱནི སམྤཱདེཐ, ཨུཏྟརིབྷངྒཱནི སམྤཱདེཐཱ’ཏི. ཀིཾ ནུ ཁོ ཏེ, གཧཔཏི, ཨཱཝཱཧོ ཝཱ བྷཝིསྶཏི, ཝིཝཱཧོ ཝཱ བྷཝིསྶཏི, མཧཱཡཉྙོ ཝཱ པཙྩུཔཊྛིཏོ, རཱཛཱ ཝཱ མཱགདྷོ སེནིཡོ བིམྦིསཱརོ ནིམནྟིཏོ སྭཱཏནཱཡ སདྡྷིཾ ¶ བལཀཱཡེནཱ’’ཏི? ‘‘ན མེ, གཧཔཏི, ཨཱཝཱཧོ ¶ ཝཱ བྷཝིསྶཏི, ནཱཔི ཝིཝཱཧོ ཝཱ བྷཝིསྶཏི, ནཱཔི རཱཛཱ ཝཱ མཱགདྷོ སེནིཡོ བིམྦིསཱརོ ནིམནྟིཏོ སྭཱཏནཱཡ སདྡྷིཾ བལཀཱཡེན; ཨཔི ཙ མེ མཧཱཡཉྙོ པཙྩུཔཊྛིཏོ; སྭཱཏནཱཡ བུདྡྷཔྤམུཁོ སངྒྷོ ནིམནྟིཏོ’’ཏི. ‘‘བུདྡྷོཏི ཏྭཾ, གཧཔཏི, ཝདེསཱི’’ཏི? ‘‘བུདྡྷོ ཏྱཱཧཾ, གཧཔཏི, ཝདཱམཱི’’ཏི. ‘‘བུདྡྷོཏི ཏྭཾ, གཧཔཏི, ཝདེསཱི’’ཏི? ‘‘བུདྡྷོ ཏྱཱཧཾ, གཧཔཏི, ཝདཱམཱི’’ཏི. ‘‘བུདྡྷོཏི ཏྭཾ, གཧཔཏི, ཝདེསཱི’’ཏི? ‘‘བུདྡྷོ ཏྱཱཧཾ, གཧཔཏི, ཝདཱམཱི’’ཏི. ‘‘གྷོསོཔི ཁོ ཨེསོ, གཧཔཏི, དུལླབྷོ ལོཀསྨིཾ ཡདིདཾ – བུདྡྷོ བུདྡྷོཏི. སཀྐཱ ནུ ཁོ, གཧཔཏི, ཨིམཾ ཀཱལཾ ཏཾ བྷགཝནྟཾ དསྶནཱཡ ཨུཔསངྐམིཏུཾ ཨརཧནྟཾ སམྨཱསམྦུདྡྷ’’ནྟི? ‘‘ཨཀཱལོ ཁོ, གཧཔཏི, ཨིམཾ ཀཱལཾ ཏཾ བྷགཝནྟཾ དསྶནཱཡ ཨུཔསངྐམིཏུཾ ཨརཧནྟཾ སམྨཱསམྦུདྡྷཾ. སྭེདཱནི ཏྭཾ ཀཱལེན ཏཾ བྷགཝནྟཾ དསྶནཱཡ ཨུཔསངྐམིསྶསི ཨརཧནྟཾ སམྨཱསམྦུདྡྷ’’ནྟི. ཨཐ ཁོ ཨནཱཐཔིཎྜིཀོ གཧཔཏི – སྭེདཱནཱཧཾ ཀཱལེན ཏཾ བྷགཝནྟཾ དསྶནཱཡ ཨུཔསངྐམིསྶཱམི ཨརཧནྟཾ སམྨཱསམྦུདྡྷནྟི – བུདྡྷགཏཱཡ སཏིཡཱ ནིཔཛྫིཏྭཱ རཏྟིཡཱ སུདཾ ཏིཀྑཏྟུཾ ཝུཊྛཱསི པབྷཱཏཾ མཉྙམཱནོ.

༣༠༥. [སཾ. ནི. ༡.༢༤༢] ཨཐ ཁོ ཨནཱཐཔིཎྜིཀོ གཧཔཏི ཡེན སིཝཀདྭཱརཾ [སཱིཝདྭཱརཾ (སཱི.), སཱིཏཝནདྭཱརཾ (སྱཱ.)] ཏེནུཔསངྐམི. ཨམནུསྶཱ དྭཱརཾ ཝིཝརིཾསུ. ཨཐ ཁོ ཨནཱཐཔིཎྜིཀསྶ གཧཔཏིསྶ ¶ ནགརམྷཱ ནིཀྑནྟསྶ ཨཱལོཀོ ཨནྟརདྷཱཡི, ཨནྡྷཀཱརོ ¶ པཱཏུརཧོསི, བྷཡཾ ཚམྦྷིཏཏྟཾ ལོམཧཾསོ ¶ ཨུདཔཱདི; ཏཏོཝ པུན ནིཝཏྟིཏུཀཱམོ ཨཧོསི. ཨཐ ཁོ སིཝཀོ [སཱིཝཀོ (སཱི. སྱཱ.)] ཡཀྑོ ཨནྟརཧིཏོ སདྡམནུསྶཱཝེསི –

‘‘སཏཾ ཧཏྠཱི སཏཾ ཨསྶཱ, སཏཾ ཨསྶཏརཱིརཐཱ;

སཏཾ ཀཉྙཱསཧསྶཱནི, ཨཱམུཀྐམཎིཀུཎྜལཱ;

ཨེཀསྶ པདཝཱིཏིཧཱརསྶ, ཀལཾ ནཱགྒྷནྟི སོལ༹སིཾ [སོལ༹སིནྟི (སཱི. ཀ.)].

‘‘ཨབྷིཀྐམ གཧཔཏི ཨབྷིཀྐམ གཧཔཏི;

ཨབྷིཀྐནྟཾ ཏེ སེཡྻོ ནོ པཊིཀྐནྟ’’ནྟི.

ཨཐ ཁོ ཨནཱཐཔིཎྜིཀསྶ གཧཔཏིསྶ ཨནྡྷཀཱརོ ཨནྟརདྷཱཡི, ཨཱལོཀོ པཱཏུརཧོསི. ཡཾ ཨཧོསི བྷཡཾ ཚམྦྷིཏཏྟཾ ལོམཧཾསོ སོ པཊིཔྤསྶམྦྷི. དུཏིཡམྤི ཁོ…པེ… ཏཏིཡམྤི ཁོ…པེ… ཨནཱཐཔིཎྜིཀསྶ གཧཔཏིསྶ ཨཱལོཀོ ཨནྟརདྷཱཡི, ཨནྡྷཀཱརོ པཱཏུརཧོསི, བྷཡཾ ཚམྦྷིཏཏྟཾ ¶ ལོམཧཾསོ ཨུདཔཱདི, ཏཏོཝ པུན ནིཝཏྟིཏུཀཱམོ ཨཧོསི. ཏཏིཡམྤི ཁོ སིཝཀོ ཡཀྑོ ཨནྟརཧིཏོ སདྡམནུསྶཱཝེསི –

‘‘སཏཾ ཧཏྠཱི སཏཾ ཨསྶཱ, སཏཾ ཨསྶཏརཱིརཐཱ;

སཏཾ ཀཉྙཱསཧསྶཱནི, ཨཱམུཀྐམཎིཀུཎྜལཱ;

ཨེཀསྶ པདཝཱིཏིཧཱརསྶ, ཀལཾ ནཱགྒྷནྟི སོལ༹སིཾ.

‘‘ཨབྷིཀྐམ གཧཔཏི ཨབྷིཀྐམ གཧཔཏི,

ཨབྷིཀྐནྟཾ ཏེ སེཡྻོ ནོ པཊིཀྐནྟ’’ནྟི.

ཏཏིཡམྤི ཁོ ཨནཱཐཔིཎྜིཀསྶ གཧཔཏིསྶ ཨནྡྷཀཱརོ ཨནྟརདྷཱཡི ¶ , ཨཱལོཀོ པཱཏུརཧོསི, ཡཾ ཨཧོསི བྷཡཾ ཚམྦྷིཏཏྟཾ ལོམཧཾསོ, སོ པཊིཔྤསྶམྦྷི. ཨཐ ཁོ ཨནཱཐཔིཎྜིཀོ གཧཔཏི ཡེན སཱིཏཝནཾ ཏེནུཔསངྐམི. ཏེན ཁོ པན སམཡེན བྷགཝཱ རཏྟིཡཱ པཙྩཱུསསམཡཾ པཙྩུཊྛཱཡ ཨཛ྄ཛྷོཀཱསེ ཙངྐམཏི. ཨདྡསཱ ཁོ བྷགཝཱ ཨནཱཐཔིཎྜིཀཾ གཧཔཏིཾ དཱུརཏོཝ ཨཱགཙྪནྟཾ. དིསྭཱན ཙངྐམཱ ཨོརོཧིཏྭཱ པཉྙཏྟེ ཨཱསནེ ནིསཱིདི. ནིསཛྫ ཁོ བྷགཝཱ ཨནཱཐཔིཎྜིཀཾ གཧཔཏིཾ ¶ ཨེཏདཝོཙ – ‘‘ཨེཧི སུདཏྟཱ’’ཏི. ཨཐ ཁོ ཨནཱཐཔིཎྜིཀོ གཧཔཏི – ནཱམེན མཾ བྷགཝཱ ཨཱལཔཏཱིཏི – ཧཊྛོ ཨུདགྒོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝཏོ པཱདེསུ སིརསཱ ནིཔཏིཏྭཱ བྷགཝནྟཾ ཨེཏདཝོཙ – ‘‘ཀཙྩི, བྷནྟེ, བྷགཝཱ སུཁཾ སཡིཏྠཱ’’ཏི?

[སཾ. ནི. ༡.༢༤༢] ‘‘སབྦདཱ ཝེ སུཁཾ སེཏི, བྲཱཧྨཎོ པརིནིབྦུཏོ;

ཡོ ན ལིམྤཏི ཀཱམེསུ, སཱིཏིབྷཱུཏོ ནིརཱུཔདྷི.

‘‘སབྦཱ ཨཱསཏྟིཡོ ཚེཏྭཱ, ཝིནེཡྻ ཧདཡེ དརཾ;

ཨུཔསནྟོ སུཁཾ སེཏི, སནྟིཾ པཔྤུཡྻ ཙེཏསཱ’’ཏི [ཙེཏསོཏི (སཱི. སྱཱ.)].

ཨཐ ཁོ བྷགཝཱ ཨནཱཐཔིཎྜིཀསྶ གཧཔཏིསྶ ཨནུཔུབྦིཾ ཀཐཾ [ཨཱནུཔུབྦིཀཐཾ (སཱི.)] ཀཐེསི, སེཡྻཐིདཾ – དཱནཀཐཾ སཱིལཀཐཾ སགྒཀཐཾ, ཀཱམཱནཾ ཨཱདཱིནཝཾ ཨོཀཱརཾ སཾཀིལེསཾ, ནེཀྑམྨེ ཨཱནིསཾསཾ པཀཱསེསི. ཡདཱ ¶ བྷགཝཱ ཨཉྙཱསི ཨནཱཐཔིཎྜིཀཾ གཧཔཏིཾ ཀལླཙིཏྟཾ མུདུཙིཏྟཾ ཝིནཱིཝརཎཙིཏྟཾ ཨུདགྒཙིཏྟཾ པསནྣཙིཏྟཾ, ཨཐ ཡཱ བུདྡྷཱནཾ སཱམུཀྐཾསིཀཱ དྷམྨདེསནཱ ཏཾ པཀཱསེསི ¶ – དུཀྑཾ, སམུདཡཾ, ནིརོདྷཾ, མགྒཾ. སེཡྻཐཱཔི ནཱམ སུདྡྷཾ ཝཏྠཾ ¶ ཨཔགཏཀཱལ༹ཀཾ སམྨདེཝ རཛནཾ པཊིགྒཎྷེཡྻ, ཨེཝམེཝ ཨནཱཐཔིཎྜིཀསྶ གཧཔཏིསྶ ཏསྨིཾཡེཝ ཨཱསནེ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨནྟི. ཨཐ ཁོ ཨནཱཐཔིཎྜིཀོ གཧཔཏི དིཊྛདྷམྨོ པཏྟདྷམྨོ ཝིདིཏདྷམྨོ པརིཡོགཱལ༹ྷདྷམྨོ ཏིཎྞཝིཙིཀིཙྪོ ཝིགཏཀཐཾཀཐོ ཝེསཱརཛྫཔྤཏྟོ ཨཔརཔྤཙྩཡོ སཏྠུསཱསནེ བྷགཝནྟཾ ཨེཏདཝོཙ – ‘‘ཨབྷིཀྐནྟཾ བྷནྟེ, ཨབྷིཀྐནྟཾ བྷནྟེ! སེཡྻཐཱཔི, བྷནྟེ, ནིཀྐུཛྫིཏཾ ཝཱ ཨུཀྐུཛྫེཡྻ, པཊིཙྪནྣཾ ཝཱ ཝིཝརེཡྻ, མཱུལ༹ྷསྶ ཝཱ མགྒཾ ཨཱཙིཀྑེཡྻ, ཨནྡྷཀཱརེ ཝཱ ཏེལཔཛྫོཏཾ དྷཱརེཡྻ – ཙཀྑུམནྟོ རཱུཔཱནི དཀྑནྟཱིཏི – ཨེཝམེཝཾ བྷགཝཏཱ ཨནེཀཔརིཡཱཡེན དྷམྨོ པཀཱསིཏོ. ཨེསཱཧཾ, བྷནྟེ, བྷགཝནྟཾ སརཎཾ གཙྪཱམི, དྷམྨཉྩ, བྷིཀྑུསངྒྷཉྩ. ཨུཔཱསཀཾ མཾ བྷགཝཱ དྷཱརེཏུ ཨཛྫཏགྒེ པཱཎུཔེཏཾ སརཎཾ གཏཾ. ཨདྷིཝཱསེཏུ ཙ མེ, བྷནྟེ, བྷགཝཱ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན.

ཨཐ ཁོ ཨནཱཐཔིཎྜིཀོ གཧཔཏི བྷགཝཏོ ཨདྷིཝཱསནཾ ཝིདིཏྭཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨསྶོསི ¶ ཁོ ¶ རཱཛགཧཀོ སེཊྛཱི – ‘‘ཨནཱཐཔིཎྜིཀེན ཀིར གཧཔཏིནཱ སྭཱཏནཱཡ བུདྡྷཔྤམུཁོ སངྒྷོ ནིམནྟིཏོ’’ཏི.

༣༠༦. ཨཐ ཁོ རཱཛགཧཀོ སེཊྛཱི ཨནཱཐཔིཎྜིཀཾ གཧཔཏིཾ ཨེཏདཝོཙ – ‘‘ཏཡཱ ཀིར, གཧཔཏི, སྭཱཏནཱཡ བུདྡྷཔྤམུཁོ སངྒྷོ ནིམནྟིཏོ. ཏྭཉྩཱསི ཨཱགནྟུཀོ. དེམི ཏེ, གཧཔཏི, ཝེཡྻཱཡིཀཾ ཡེན ཏྭཾ བུདྡྷཔྤམུཁསྶ སངྒྷསྶ བྷཏྟཾ ཀརེཡྻཱསཱི’’ཏི. ‘‘ཨལཾ, གཧཔཏི ཨཏྠི མེ ཝེཡྻཱཡིཀཾ ཡེནཱཧཾ བུདྡྷཔྤམུཁསྶ སངྒྷསྶ བྷཏྟཾ ཀརིསྶཱམཱི’’ཏི.

ཨསྶོསི ཁོ རཱཛགཧཀོ ནེགམོ – ‘‘ཨནཱཐཔིཎྜིཀེན ཀིར གཧཔཏིནཱ སྭཱཏནཱཡ བུདྡྷཔྤམུཁོ སངྒྷོ ནིམནྟིཏོ’’ཏི. ཨཐ ཁོ རཱཛགཧཀོ ནེགམོ ཨནཱཐཔིཎྜིཀཾ གཧཔཏིཾ ཨེཏདཝོཙ – ‘‘ཏཡཱ ཀིར, གཧཔཏི, སྭཱཏནཱཡ བུདྡྷཔྤམུཁོ སངྒྷོ ནིམནྟིཏོ. ཏྭཉྩཱསི ཨཱགནྟུཀོ. དེམི ཏེ, གཧཔཏི, ཝེཡྻཱཡིཀཾ ཡེན ཏྭཾ བུདྡྷཔྤམུཁསྶ སངྒྷསྶ བྷཏྟཾ ཀརེཡྻཱསཱི’’ཏི. ‘‘ཨལཾ ཨཡྻ; ཨཏྠི མེ ཝེཡྻཱཡིཀཾ ཡེནཱཧཾ བུདྡྷཔྤམུཁསྶ སངྒྷསྶ བྷཏྟཾ ཀརིསྶཱམཱི’’ཏི.

ཨསྶོསི ཁོ རཱཛཱ མཱགདྷོ སེནིཡོ བིམྦིསཱརོ – ‘‘ཨནཱཐཔིཎྜིཀེན ཀིར གཧཔཏིནཱ སྭཱཏནཱཡ བུདྡྷཔྤམུཁོ སངྒྷོ ནིམནྟིཏོ’’ཏི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཨནཱཐཔིཎྜིཀཾ ¶ གཧཔཏིཾ ཨེཏདཝོཙ – ‘‘ཏཡཱ ཀིར, གཧཔཏི, སྭཱཏནཱཡ བུདྡྷཔྤམུཁོ སངྒྷོ ནིམནྟིཏོ. ཏྭཉྩཱསི ཨཱགནྟུཀོ. དེམི ཏེ, གཧཔཏི, ཝེཡྻཱཡིཀཾ ཡེན ཏྭཾ བུདྡྷཔྤམུཁསྶ སངྒྷསྶ བྷཏྟཾ ཀརེཡྻཱསཱི’’ཏི. ‘‘ཨལཾ ¶ དེཝ; ཨཏྠི མེ ཝེཡྻཱཡིཀཾ ཡེནཱཧཾ བུདྡྷཔྤམུཁསྶ སངྒྷསྶ བྷཏྟཾ ཀརིསྶཱམཱི’’ཏི.

ཨཐ ཁོ ཨནཱཐཔིཎྜིཀོ གཧཔཏི ཏསྶཱ རཏྟིཡཱ ཨཙྩཡེན རཱཛགཧཀསྶ སེཊྛིསྶ ནིཝེསནེ པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ ¶ བྷགཝཏོ ཀཱལཾ ཨཱརོཙཱཔེསི – ‘‘ཀཱལོ, བྷནྟེ, ནིཊྛིཏཾ བྷཏྟ’’ནྟི. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན རཱཛགཧཀསྶ སེཊྛིསྶ ནིཝེསནཾ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི སདྡྷིཾ བྷིཀྑུསངྒྷེན. ཨཐ ཁོ ཨནཱཐཔིཎྜིཀོ གཧཔཏི བུདྡྷཔྤམུཁཾ བྷིཀྑུསངྒྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེཏྭཱ སམྤཝཱརེཏྭཱ, བྷགཝནྟཾ བྷུཏྟཱཝིཾ ཨོནཱིཏཔཏྟཔཱཎིཾ, ཨེཀམནྟཾ ནིསཱིདི ¶ . ཨེཀམནྟཾ ནིསིནྣོ ཁོ ཨནཱཐཔིཎྜིཀོ གཧཔཏི བྷགཝནྟཾ ཨེཏདཝོཙ – ‘‘ཨདྷིཝཱསེཏུ མེ, བྷནྟེ, བྷགཝཱ སཱཝཏྠིཡཾ ཝསྶཱཝཱསཾ སདྡྷིཾ བྷིཀྑུསངྒྷེནཱ’’ཏི. ‘‘སུཉྙཱགཱརེ ཁོ, གཧཔཏི, ཏཐཱགཏཱ ཨབྷིརམནྟཱི’’ཏི. ‘‘ཨཉྙཱཏཾ བྷགཝཱ, ཨཉྙཱཏཾ སུགཏཱ’’ཏི. ཨཐ ཁོ བྷགཝཱ ཨནཱཐཔིཎྜིཀཾ གཧཔཏིཾ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ པཀྐཱམི.

༣༠༧. ཏེན ཁོ པན སམཡེན ཨནཱཐཔིཎྜིཀོ གཧཔཏི བཧུམིཏྟོ ཧོཏི བཧུསཧཱཡོ ཨཱདེཡྻཝཱཙོ. ཨཐ ཁོ ཨནཱཐཔིཎྜིཀོ གཧཔཏི རཱཛགཧེ ཏཾ ཀརཎཱིཡཾ ཏཱིརེཏྭཱ ཡེན སཱཝཏྠི ཏེན པཀྐཱམི. ཨཐ ཁོ ཨནཱཐཔིཎྜིཀོ གཧཔཏི ཨནྟརཱམགྒེ མནུསྶེ ཨཱཎཱཔེསི – ‘‘ཨཱརཱམེ ¶ , ཨཡྻཱ, ཀརོཐ, ཝིཧཱརེ པཏིཊྛཱཔེཐ, དཱནཱནི པཊྛཔེཐ. བུདྡྷོ ལོཀེ ཨུཔྤནྣོ. སོ ཙ མཡཱ བྷགཝཱ ནིམནྟིཏོ ཨིམིནཱ མགྒེན ཨཱགཙྪིསྶཏཱི’’ཏི. ཨཐ ཁོ ཏེ མནུསྶཱ ཨནཱཐཔིཎྜིཀེན གཧཔཏིནཱ ཨུཡྻོཛིཏཱ ཨཱརཱམེ ཨཀཾསུ, ཝིཧཱརེ པཏིཊྛཱཔེསུཾ, དཱནཱནི པཊྛཔེསུཾ.

ཨཐ ཁོ ཨནཱཐཔིཎྜིཀོ གཧཔཏི སཱཝཏྠིཾ གནྟྭཱ སམནྟཱ སཱཝཏྠིཾ ཨནུཝིལོཀེསི – ‘‘ཀཏྠ ནུ ཁོ བྷགཝཱ ཝིཧརེཡྻ? ཡཾ ཨསྶ གཱམཏོ ནེཝ ཨཏིདཱུརེ ན ཨཙྩཱསནྣེ, གམནཱགམནསམྤནྣཾ, ཨཏྠིཀཱནཾ ཨཏྠིཀཱནཾ མནུསྶཱནཾ ཨབྷིཀྐམནཱིཡཾ, དིཝཱ ཨཔྤཱཀིཎྞཾ, རཏྟིཾ ཨཔྤསདྡཾ, ཨཔྤནིགྒྷོསཾ, ཝིཛནཝཱཏཾ, མནུསྶརཱཧསྶེཡྻཀཾ, པཊིསལླཱནསཱརུཔྤ’’ནྟི.

ཨདྡསཱ ¶ ཁོ ཨནཱཐཔིཎྜིཀོ གཧཔཏི ཛེཏསྶ ཀུམཱརསྶ [རཱཛཀུམཱརསྶ (སཱི. སྱཱ. ཀཾ.)] ཨུཡྻཱནཾ – གཱམཏོ ནེཝ ཨཏིདཱུརེ ན ཨཙྩཱསནྣེ, གམནཱགམནསམྤནྣཾ, ཨཏྠིཀཱནཾ ཨཏྠིཀཱནཾ མནུསྶཱནཾ ཨབྷིཀྐམནཱིཡཾ, དིཝཱ ཨཔྤཱཀིཎྞཾ, རཏྟིཾ ཨཔྤསདྡཾ, ཨཔྤནིགྒྷོསཾ, ཝིཛནཝཱཏཾ, མནུསྶརཱཧསྶེཡྻཀཾ, པཊིསལླཱནསཱརུཔྤཾ. དིསྭཱན ཡེན ཛེཏོ ཀུམཱརོ ཏེནུཔསངྐམི, ཨུཔསངྐམིཏྭཱ ཛེཏཾ ཀུམཱརཾ ཨེཏདཝོཙ – ‘‘དེཧི མེ, ཨཡྻཔུཏྟ, ཨུཡྻཱནཾ ཨཱརཱམཾ ཀཱཏུ’’ནྟི [ཀེཏུཾ (ཝཛཱིརབུདྡྷིཊཱིཀཱཡཾ)]. ‘‘ཨདེཡྻོ, གཧཔཏི, ཨཱརཱམོ ཨཔི ཀོཊིསནྠརེནཱ’’ཏི. ‘‘གཧིཏོ, ཨཡྻཔུཏྟ, ཨཱརཱམོ’’ཏི. ‘‘ན, གཧཔཏི, གཧིཏོ ཨཱརཱམོ’’ཏི. གཧིཏོ ན གཧིཏོཏི ཝོཧཱརིཀེ མཧཱམཏྟེ པུཙྪིཾསུ. མཧཱམཏྟཱ ཨེཝམཱཧཾསུ ¶ – ‘‘ཡཏོ ཏཡཱ ¶ , ཨཡྻཔུཏྟ, ཨགྒྷོ ཀཏོ, གཧིཏོ ཨཱརཱམོ’’ཏི. ཨཐ ཁོ ཨནཱཐཔིཎྜིཀོ ¶ གཧཔཏི སཀཊེཧི ཧིརཉྙཾ ནིབྦཱཧཱཔེཏྭཱ ཛེཏཝནཾ ཀོཊིསནྠརཾ སནྠརཱཔེསི. སཀིཾ ནཱིཧཊཾ ཧིརཉྙཾ ཐོཀསྶ ཨོཀཱསསྶ ཀོཊྛཀསཱམནྟཱ ནཔྤཧོཏི. ཨཐ ཁོ ཨནཱཐཔིཎྜིཀོ གཧཔཏི མནུསྶེ ཨཱཎཱཔེསི – ‘‘གཙྪཐ, བྷཎེ, ཧིརཉྙཾ ཨཱཧརཐ; ཨིམཾ ཨོཀཱསཾ སནྠརིསྶཱམཱ’’ཏི.

ཨཐ ཁོ ཛེཏསྶ ཀུམཱརསྶ ཨེཏདཧོསི – ‘‘ན ཁོ ཨིདཾ ཨོརཀཾ བྷཝིསྶཏི, ཡཐཱཡཾ གཧཔཏི ཏཱཝ བཧུཾ ཧིརཉྙཾ པརིཙྩཛཏཱི’’ཏི. ཨནཱཐཔིཎྜིཀཾ གཧཔཏིཾ ཨེཏདཝོཙ – ‘‘ཨལཾ, གཧཔཏི; མཱ ཏཾ ཨོཀཱསཾ སནྠརཱཔེསི. དེཧི མེ ཨེཏཾ ཨོཀཱསཾ. མམེཏཾ དཱནཾ བྷཝིསྶཏཱི’’ཏི. ཨཐ ཁོ ཨནཱཐཔིཎྜིཀོ གཧཔཏི – ཨཡཾ ཁོ ཛེཏོ ཀུམཱརོ ཨབྷིཉྙཱཏོ ཉཱཏམནུསྶོ; མཧཏྠིཀོ ཁོ པན ཨེཝརཱུཔཱནཾ ཉཱཏམནུསྶཱནཾ ཨིམསྨིཾ དྷམྨཝིནཡེ པསཱདོཏི – ཏཾ ཨོཀཱསཾ ཛེཏསྶ ཀུམཱརསྶ པཱདཱསི [ཨདཱསི (སྱཱ.)]. ཨཐ ཁོ ཛེཏོ ཀུམཱརོ ཏསྨིཾ ཨོཀཱསེ ཀོཊྛཀཾ མཱཔེསི.

ཨཐ ཁོ ཨནཱཐཔིཎྜིཀོ གཧཔཏི ཛེཏཝནེ ཝིཧཱརེ ཀཱརཱཔེསི, པརིཝེཎཱནི ཀཱརཱཔེསི, ཀོཊྛཀེ ཀཱརཱཔེསི, ཨུཔཊྛཱནསཱལཱཡོ ཀཱརཱཔེསི, ཨགྒིསཱལཱཡོ ཀཱརཱཔེསི, ཀཔྤིཡཀུཊིཡོ ཀཱརཱཔེསི, ཝཙྩཀུཊིཡོ ཀཱརཱཔེསི, ཙངྐམེ ཀཱརཱཔེསི, ཙངྐམནསཱལཱཡོ ཀཱརཱཔེསི, ཨུདཔཱནེ ཀཱརཱཔེསི, ཨུདཔཱནསཱལཱཡོ ཀཱརཱཔེསི, ཛནྟཱགྷརེ ཀཱརཱཔེསི, ཛནྟཱགྷརསཱལཱཡོ ཀཱརཱཔེསི, པོཀྑརཎིཡོ ཀཱརཱཔེསི, མཎྜཔེ ¶ ཀཱརཱཔེསི.

ནཝཀམྨདཱནཾ

༣༠༨. ཨཐ ཁོ བྷགཝཱ རཱཛགཧེ ཡཐཱབྷིརནྟཾ ཝིཧརིཏྭཱ ཡེན ཝེསཱལཱི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན ཝེསཱལཱི ཏདཝསརི. ཏཏྲ སུདཾ བྷགཝཱ ཝེསཱལིཡཾ ཝིཧརཏི མཧཱཝནེ ཀཱུཊཱགཱརསཱལཱཡཾ. ཏེན ཁོ པན སམཡེན མནུསྶཱ སཀྐཙྩཾ ནཝཀམྨཾ ¶ ཀརོནྟི. ཡེཔི བྷིཀྑཱུ ནཝཀམྨཾ ཨདྷིཊྛེནྟི ཏེཔི སཀྐཙྩཾ ཨུཔཊྛེནྟི ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརེན ¶ . ཨཐ ཁོ ཨཉྙཏརསྶ དལིདྡསྶ ཏུནྣཝཱཡསྶ ཨེཏདཧོསི – ‘‘ན ཁོ ཨིདཾ ཨོརཀཾ བྷཝིསྶཏི, ཡཐཡིམེ མནུསྶཱ སཀྐཙྩཾ ནཝཀམྨཾ ཀརོནྟི; ཡཾནཱུནཱཧམྤི ནཝཀམྨཾ ཀརེཡྻ’’ནྟི. ཨཐ ཁོ སོ དལིདྡོ ཏུནྣཝཱཡོ སཱམཾ ཙིཀྑལླཾ མདྡིཏྭཱ ཨིཊྛཀཱཡོ ཙིནིཏྭཱ ཀུཊྚཾ ཨུཊྛཱཔེསི. ཏེན ཨཀུསལཀེན ཙིཏཱ ཝངྐཱ བྷིཏྟི པརིཔཏི. དུཏིཡམྤི ཁོ…པེ… ཏཏིཡམྤི ཁོ སོ དལིདྡོ ཏུནྣཝཱཡོ སཱམཾ ཙིཀྑལླཾ མདྡིཏྭཱ ཨིཊྛཀཱཡོ ཙིནིཏྭཱ ཀུཊྚཾ ཨུཊྛཱཔེསི. ཏེན ཨཀུསལཀེན ཙིཏཱ ཝངྐཱ བྷིཏྟི པརིཔཏི. ཨཐ ཁོ སོ དལིདྡོ ཏུནྣཝཱཡོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཡེ ཨིམེསཾ སམཎཱནཾ སཀྱཔུཏྟིཡཱནཾ ¶ དེནྟི ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརཾ, ཏེ ཨིམེ ཨོཝདནྟི ཨནུསཱསནྟི, ཏེསཉྩ ནཝཀམྨཾ ཨདྷིཊྛེནྟི. ཨཧཾ ¶ པནམྷི དལིདྡོ. ན མཾ ཀོཙི ཨོཝདཏི ཝཱ ཨནུསཱསཏི ཝཱ ནཝཀམྨཾ ཝཱ ཨདྷིཊྛེཏཱི’’ཏི. ཨསྶོསུཾ ཁོ བྷིཀྑཱུ ཏསྶ དལིདྡསྶ ཏུནྣཝཱཡསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ནཝཀམྨཾ དཱཏུཾ. ནཝཀམྨིཀོ, བྷིཀྑཝེ, བྷིཀྑུ ཨུསྶུཀྐཾ ཨཱཔཛྫིསྶཏི – ‘ཀིནྟི ནུ ཁོ ཝིཧཱརོ ཁིཔྤཾ པརིཡོསཱནཾ གཙྪེཡྻཱ’ཏི; ཁཎྜཾ ཕུལླཾ པཊིསངྑརིསྶཏི. ཨེཝཉྩ པན, བྷིཀྑཝེ, དཱཏབྦཾ. པཋམཾ བྷིཀྑུ ཡཱཙིཏབྦོ, ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༣༠༩. ‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམསྶ གཧཔཏིནོ ཝིཧཱརཾ ཨིཏྠནྣཱམསྶ བྷིཀྑུནོ ནཝཀམྨཾ དདེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམསྶ གཧཔཏིནོ ཝིཧཱརཾ ཨིཏྠནྣཱམསྶ བྷིཀྑུནོ ནཝཀམྨཾ དེཏི. ཡསྶཱཡསྨཏོ ཁམཏི ཨིཏྠནྣཱམསྶ གཧཔཏིནོ ཝིཧཱརཾ ཨིཏྠནྣཱམསྶ བྷིཀྑུནོ ནཝཀམྨསྶ དཱནཾ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དིནྣོ སངྒྷེན ཨིཏྠནྣཱམསྶ གཧཔཏིནོ ཝིཧཱརོ ཨིཏྠནྣཱམསྶ བྷིཀྑུནོ ནཝཀམྨཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨགྒཱསནཱདིཨནུཛཱནནཾ

༣༡༠. ཨཐ ¶ ཁོ བྷགཝཱ ཝེསཱལིཡཾ ཡཐཱབྷིརནྟཾ ཝིཧརིཏྭཱ ཡེན སཱཝཏྠི ཏེན ཙཱརིཀཾ པཀྐཱམི ¶ . ཏེན ཁོ པན སམཡེན ཚབྦགྒིཡཱནཾ བྷིཀྑཱུནཾ ¶ ཨནྟེཝཱསིཀཱ བྷིཀྑཱུ བུདྡྷཔྤམུཁསྶ སངྒྷསྶ པུརཏོ པུརཏོ གནྟྭཱ ཝིཧཱརེ པརིགྒཎྷནྟི, སེཡྻཱཡོ པརིགྒཎྷནྟི – ཨིདཾ ཨམྷཱཀཾ ཨུཔཛ྄ཛྷཱཡཱནཾ བྷཝིསྶཏི, ཨིདཾ ཨམྷཱཀཾ ཨཱཙརིཡཱནཾ བྷཝིསྶཏི, ཨིདཾ ཨམྷཱཀཾ བྷཝིསྶཏཱི’’ཏི.

ཨཐ ཁོ ཨཱཡསྨཱ སཱརིཔུཏྟོ བུདྡྷཔྤམུཁསྶ སངྒྷསྶ པིཊྛིཏོ པིཊྛིཏོ གནྟྭཱ ཝིཧཱརེསུ པརིགྒཧིཏེསུ, སེཡྻཱསུ པརིགྒཧིཏཱསུ, སེཡྻཾ ཨལབྷམཱནོ ཨཉྙཏརསྨིཾ རུཀྑམཱུལེ ནིསཱིདི. ཨཐ ཁོ བྷགཝཱ རཏྟིཡཱ པཙྩཱུསསམཡཾ པཙྩུཊྛཱཡ ཨུཀྐཱསི. ཨཱཡསྨཱཔི སཱརིཔུཏྟོ ཨུཀྐཱསི. ‘‘ཀོ ཨེཏྠཱ’’ཏི? ‘‘ཨཧཾ, བྷགཝཱ, སཱརིཔུཏྟོ’’ཏི. ‘‘ཀིསྶ ཏྭཾ, སཱརིཔུཏྟཾ, ཨིདྷ ནིསིནྣོ’’ཏི? ཨཐ ཁོ ཨཱཡསྨཱ སཱརིཔུཏྟོ བྷགཝཏོ ཨེཏམཏྠཾ ཨཱརོཙེསི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, ཚབྦགྒིཡཱནཾ ¶ བྷིཀྑཱུནཾ ཨནྟེཝཱསིཀཱ བྷིཀྑཱུ བུདྡྷཔྤམུཁསྶ སངྒྷསྶ པུརཏོ པུརཏོ གནྟྭཱ ཝིཧཱརེ པརིགྒཎྷནྟི, སེཡྻཱཡོ པརིགྒཎྷནྟི – ཨིདཾ ཨམྷཱཀཾ ཨུཔཛ྄ཛྷཱཡཱནཾ བྷཝིསྶཏི, ཨིདཾ ཨམྷཱཀཾ ཨཱཙརིཡཱནཾ བྷཝིསྶཏི, ཨིདཾ ཨམྷཱཀཾ བྷཝིསྶཏཱི’’ཏི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ཏེ, བྷིཀྑཝེ, མོགྷཔུརིསཱ བུདྡྷཔྤམུཁསྶ སངྒྷསྶ པུརཏོ པུརཏོ གནྟྭཱ ཝིཧཱརེ པརིགྒཧེསྶནྟི, སེཡྻཱཡོ པརིགྒཧེསྶནྟི – ཨིདཾ ཨམྷཱཀཾ ཨུཔཛ྄ཛྷཱཡཱནཾ བྷཝིསྶཏི, ཨིདཾ ཨམྷཱཀཾ ཨཱཙརིཡཱནཾ བྷཝིསྶཏི, ཨིདཾ ཨམྷཱཀཾ བྷཝིསྶཏཱིཏི! ནེཏཾ, བྷིཀྑཝེ, ཨཔྤསནྣཱནཾ ¶ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཀོ, བྷིཀྑཝེ, ཨརཧཏི ཨགྒཱསནཾ ཨགྒོདཀཾ ཨགྒཔིཎྜ’’ནྟི?

ཨེཀཙྩེ བྷིཀྑཱུ ཨེཝམཱཧཾསུ – ‘‘ཡོ, བྷགཝཱ, ཁཏྟིཡཀུལཱ པབྦཛིཏོ སོ ཨརཧཏི ཨགྒཱསནཾ ཨགྒོདཀཾ ཨགྒཔིཎྜ’’ནྟི. ཨེཀཙྩེ བྷིཀྑཱུ ཨེཝམཱཧཾསུ – ‘‘ཡོ, བྷགཝཱ, བྲཱཧྨཎཀུལཱ པབྦཛིཏོ སོ ཨརཧཏི ཨགྒཱསནཾ ཨགྒོདཀཾ ཨགྒཔིཎྜ’’ནྟི. ཨེཀཙྩེ བྷིཀྑཱུ ཨེཝམཱཧཾསུ – ‘‘ཡོ, བྷགཝཱ, གཧཔཏིཀུལཱ པབྦཛིཏོ སོ ཨརཧཏི ཨགྒཱསནཾ ཨགྒོདཀཾ ཨགྒཔིཎྜ’’ནྟི. ཨེཀཙྩེ ¶ བྷིཀྑཱུ ཨེཝམཱཧཾསུ – ‘‘ཡོ, བྷགཝཱ, སུཏྟནྟིཀོ སོ ཨརཧཏི ཨགྒཱསནཾ ཨགྒོདཀཾ ཨགྒཔིཎྜ’’ནྟི. ཨེཀཙྩེ བྷིཀྑཱུ ཨེཝམཱཧཾསུ – ‘‘ཡོ, བྷགཝཱ, ཝིནཡདྷརོ སོ ཨརཧཏི ཨགྒཱསནཾ ཨགྒོདཀཾ ¶ ཨགྒཔིཎྜ’’ནྟི. ཨེཀཙྩེ བྷིཀྑཱུ ཨེཝམཱཧཾསུ – ‘‘ཡོ, བྷགཝཱ, དྷམྨཀཐིཀོ སོ ཨརཧཏི ཨགྒཱསནཾ ཨགྒོདཀཾ ཨགྒཔིཎྜ’’ནྟི. ཨེཀཙྩེ བྷིཀྑཱུ ཨེཝམཱཧཾསུ – ‘‘ཡོ, བྷགཝཱ, པཋམསྶ ཛྷཱནསྶ ལཱབྷཱི སོ ཨརཧཏི ཨགྒཱསནཾ ཨགྒོདཀཾ ཨགྒཔིཎྜ’’ནྟི. ཨེཀཙྩེ བྷིཀྑཱུ ཨེཝམཱཧཾསུ – ‘‘ཡོ, བྷགཝཱ, དུཏིཡསྶ ཛྷཱནསྶ ལཱབྷཱི སོ ཨརཧཏི ཨགྒཱསནཾ ཨགྒོདཀཾ ཨགྒཔིཎྜ’’ནྟི. ཨེཀཙྩེ བྷིཀྑཱུ ཨེཝམཱཧཾསུ – ‘‘ཡོ, བྷགཝཱ, ཏཏིཡསྶ ཛྷཱནསྶ ལཱབྷཱི སོ ཨརཧཏི ཨགྒཱསནཾ ཨགྒོདཀཾ ཨགྒཔིཎྜ’’ནྟི. ཨེཀཙྩེ བྷིཀྑཱུ ཨེཝམཱཧཾསུ – ‘‘ཡོ, བྷགཝཱ, ཙཏུཏྠསྶ ཛྷཱནསྶ ལཱབྷཱི སོ ཨརཧཏི ཨགྒཱསནཾ ཨགྒོདཀཾ ཨགྒཔིཎྜ’’ནྟི. ཨེཀཙྩེ བྷིཀྑཱུ ཨེཝམཱཧཾསུ – ‘‘ཡོ, བྷགཝཱ, སོཏཱཔནྣོ སོ ཨརཧཏི ཨགྒཱསནཾ ཨགྒོདཀཾ ཨགྒཔིཎྜ’’ནྟི. ཨེཀཙྩེ བྷིཀྑཱུ ཨེཝམཱཧཾསུ – ‘‘ཡོ, བྷགཝཱ, སཀདཱགཱམཱི…པེ… ཡོ, བྷགཝཱ, ཨནཱགཱམཱི…པེ… ཡོ, བྷགཝཱ ¶ , ཨརཧཱ སོ ཨརཧཏི ཨགྒཱསནཾ ཨགྒོདཀཾ ཨགྒཔིཎྜ’’ནྟི. ཨེཀཙྩེ བྷིཀྑཱུ ཨེཝམཱཧཾསུ – ‘‘ཡོ, བྷགཝཱ, ཏེཝིཛྫོ སོ ཨརཧཏི ཨགྒཱསནཾ ཨགྒོདཀཾ ཨགྒཔིཎྜ’’ནྟི. ཨེཀཙྩེ བྷིཀྑཱུ ཨེཝམཱཧཾསུ – ‘‘ཡོ, བྷགཝཱ, ཚལ༹བྷིཉྙོ སོ ཨརཧཏི ཨགྒཱསནཾ ཨགྒོདཀཾ ཨགྒཔིཎྜ’’ནྟི.

༣༡༡. ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘བྷཱུཏཔུབྦཾ, བྷིཀྑཝེ, ཧིམཝནྟཔདེསེ [ཧིམཝནྟཔསྶེ (སཱི. སྱཱ.)] མཧཱནིགྲོདྷོ ཨཧོསི. ཏཾ ཏཡོ སཧཱཡཱ ཨུཔནིསྶཱཡ ཝིཧརིཾསུ – ཏིཏྟིརོ ཙ, མཀྐཊོ ཙ, ཧཏྠིནཱགོ ཙ. ཏེ ཨཉྙམཉྙཾ ཨགཱརཝཱ ཨཔྤཏིསྶཱ ཨསབྷཱགཝུཏྟིཀཱ ཝིཧརནྟི. ཨཐ ཁོ, བྷིཀྑཝེ, ཏེསཾ སཧཱཡཱནཾ ཨེཏདཧོསི – ‘ཨཧོ ནཱུན མཡཾ ཛཱནེཡྻཱམ ཡཾ ཨམྷཱཀཾ ཛཱཏིཡཱ མཧནྟཏརཾ ཏཾ མཡཾ སཀྐརེཡྻཱམ གརུཾ ཀརེཡྻཱམ མཱནེཡྻཱམ པཱུཛེཡྻཱམ, ཏསྶ ཙ མཡཾ ཨོཝཱདེ ཏིཊྛེཡྻཱམཱ’ཏི.

‘‘ཨཐ ཁོ, བྷིཀྑཝེ, ཏིཏྟིརོ ཙ མཀྐཊོ ཙ ཧཏྠིནཱགཾ པུཙྪིཾསུ – ‘ཏྭཾ, སམྨ, ཀིཾ པོརཱཎཾ སརསཱི’ཏི? ‘ཡདཱཧཾ, སམྨཱ, པོཏོ ཧོམི, ཨིམཾ ནིགྲོདྷཾ ཨནྟརཱ ¶ སཏྠཱིནཾ [ཨནྟརཱསཏྠིཀཾ (སཱི.)] ཀརིཏྭཱ ཨཏིཀྐམཱམི, ཨགྒངྐུརཀཾ མེ ཨུདརཾ ཚུཔཏི. ཨིམཱཧཾ, སམྨཱ, པོརཱཎཾ སརཱམཱི’ཏི.

‘‘ཨཐ ཁོ, བྷིཀྑཝེ, ཏིཏྟིརོ ཙ ཧཏྠིནཱགོ ཙ མཀྐཊཾ པུཙྪིཾསུ – ‘ཏྭཾ, སམྨ, ཀིཾ པོརཱཎཾ སརསཱི’ཏི? ‘ཡདཱཧཾ, སམྨཱ, ཚཱཔོ ཧོམི, ཚམཱཡཾ ནིསཱིདིཏྭཱ ཨིམསྶ ནིགྲོདྷསྶ ཨགྒངྐུརཀཾ ཁཱདཱམི. ཨིམཱཧཾ, སམྨཱ, པོརཱཎཾ སརཱམཱི’ཏི.

‘‘ཨཐ ¶ ཁོ, བྷིཀྑཝེ, མཀྐཊོ ཙ ཧཏྠིནཱགོ ཙ ཏིཏྟིརཾ པུཙྪིཾསུ – ‘ཏྭཾ, སམྨ, ཀིཾ པོརཱཎཾ སརསཱི’ཏི? ‘ཨམུཀསྨིཾ, སམྨཱ, ཨོཀཱསེ མཧཱནིགྲོདྷོ ཨཧོསི. ཏཏོ ཨཧཾ ཕལཾ བྷཀྑིཏྭཱ ཨིམསྨིཾ ཨོཀཱསེ ཝཙྩཾ ཨཀཱསིཾ; ཏསྶཱཡཾ ནིགྲོདྷོ ཛཱཏོ. ཏདཱཧཾ, སམྨཱ, ཛཱཏིཡཱ མཧནྟཏརོ’ཏི ¶ .

‘‘ཨཐ ¶ ཁོ, བྷིཀྑཝེ, མཀྐཊོ ཙ ཧཏྠིནཱགོ ཙ ཏིཏྟིརཾ ཨེཏདཝོཙུཾ – ‘ཏྭཾ, སམྨ, ཨམྷཱཀཾ ཛཱཏིཡཱ མཧནྟཏརོ. ཏཾ མཡཾ སཀྐརིསྶཱམ གརུཾ ཀརིསྶཱམ མཱནེསྶཱམ པཱུཛེསྶཱམ, ཏུཡ྄ཧཉྩ མཡཾ ཨོཝཱདེ པཏིཊྛིསྶཱམཱ’ཏི. ཨཐ ཁོ, བྷིཀྑཝེ, ཏིཏྟིརོ མཀྐཊཉྩ ཧཏྠིནཱགཉྩ པཉྩསུ སཱིལེསུ སམཱདཔེསི, ཨཏྟནཱ ཙ པཉྩསུ སཱིལེསུ སམཱདཱཡ ཝཏྟཏི. ཏེ ཨཉྙམཉྙཾ སགཱརཝཱ སཔྤཏིསྶཱ སབྷཱགཝུཏྟིཀཱ ཝིཧརིཏྭཱ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫིཾསུ. ཨེཝཾ ཁོ ཏཾ, བྷིཀྑཝེ, ཏིཏྟིརིཡཾ ནཱམ བྲཧྨཙརིཡཾ ཨཧོསི.

[ཛཱ. ༡.༡.༣༧] ‘‘ཡེ ཝུཌྜྷམཔཙཱཡནྟི, ནརཱ དྷམྨསྶ ཀོཝིདཱ;

དིཊྛེ དྷམྨེ ཙ པཱསཾསཱ, སམྤརཱཡེ ཙ སུགྒཏཱི’’ཏི.

‘‘ཏེ ཧི ནཱམ, བྷིཀྑཝེ, ཏིརཙྪཱནགཏཱ པཱཎཱ ཨཉྙམཉྙཾ སགཱརཝཱ སཔྤཏིསྶཱ སབྷཱགཝུཏྟིཀཱ ཝིཧརིསྶནྟི. ཨིདྷ ཁོ ཏཾ, བྷིཀྑཝེ, སོབྷེཐ ཡཾ ཏུམྷེ ཨེཝཾ སྭཱཀྑཱཏེ དྷམྨཝིནཡེ པབྦཛིཏཱ སམཱནཱ ཨཉྙམཉྙཾ ཨགཱརཝཱ ཨཔྤཏིསྶཱ ཨསབྷཱགཝུཏྟིཀཱ ཝིཧརེཡྻཱཐ? ནེཏཾ, བྷིཀྑཝེ ¶ , ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཡཐཱཝུཌྜྷཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨགྒཱསནཾ, ཨགྒོདཀཾ, ཨགྒཔིཎྜཾ. ན ཙ, བྷིཀྑཝེ, སངྒྷིཀཾ ཡཐཱཝུཌྜྷཾ པཊིབཱཧིཏབྦཾ. ཡོ པཊིབཱཧེཡྻ, ཨཱཔཏྟི དུཀྐཊསྶཱ’’ཏི.

ཨཝནྡིཡཱདིཔུགྒལཱ

༣༡༢. ‘‘དསཡིམེ ¶ , བྷིཀྑཝེ, ཨཝནྡིཡཱ – པུརེ ཨུཔསམྤནྣེན པཙྪཱ ཨུཔསམྤནྣོ ཨཝནྡིཡོ, ཨནུཔསམྤནྣོ ཨཝནྡིཡོ, ནཱནཱསཾཝཱསཀོ ཝུཌྜྷཏརོ ཨདྷམྨཝཱདཱི ཨཝནྡིཡོ, མཱཏུགཱམོ ཨཝནྡིཡོ, པཎྜཀོ ཨཝནྡིཡོ, པཱརིཝཱསིཀོ ཨཝནྡིཡོ, མཱུལཱཡཔཊིཀསྶནཱརཧོ ཨཝནྡིཡོ, མཱནཏྟཱརཧོ ཨཝནྡིཡོ, མཱནཏྟཙཱརིཀོ ཨཝནྡིཡོ, ཨབྦྷཱནཱརཧོ ཨཝནྡིཡོ. ཨིམེ ཁོ, བྷིཀྑཝེ, དས ཨཝནྡིཡཱ.

‘‘ཏཡོམེ, བྷིཀྑཝེ, ཝནྡིཡཱ – པཙྪཱ ཨུཔསམྤནྣེན པུརེ ཨུཔསམྤནྣོ ཝནྡིཡོ, ནཱནཱསཾཝཱསཀོ ཝུཌྜྷཏརོ དྷམྨཝཱདཱི ཝནྡིཡོ, སདེཝཀེ བྷིཀྑཝེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ཏཐཱགཏོ ཨརཧཾ སམྨཱསམྦུདྡྷོ ཝནྡིཡོ. ཨིམེ ཁོ, བྷིཀྑཝེ, ཏཡོ ཝནྡིཡཱ’’ཏི.

ཨཱསནཔྤཊིབཱཧནཔཊིཀྑེཔཾ

༣༡༣. ཏེན ¶ ཁོ པན སམཡེན མནུསྶཱ སངྒྷཾ ཨུདྡིསྶ མཎྜཔེ པཊིཡཱདེནྟི, སནྠརེ པཊིཡཱདེནྟི, ཨོཀཱསེ པཊིཡཱདེནྟི. ཚབྦགྒིཡཱནཾ ¶ བྷིཀྑཱུནཾ ཨནྟེཝཱསིཀཱ བྷིཀྑཱུ – ‘སངྒྷིཀཉྙེཝ བྷགཝཏཱ ཡཐཱཝུཌྜྷཾ ཨནུཉྙཱཏཾ ¶ , ནོ ཨུདྡིསྶཀཏ’ནྟི བུདྡྷཔྤམུཁསྶ སངྒྷསྶ པུརཏོ པུརཏོ གནྟྭཱ མཎྜཔེཔི པརིགྒཎྷནྟི, སནྠརེཔི པརིགྒཎྷནྟི, ཨོཀཱསེཔི པརིགྒཎྷནྟི – ཨིདཾ ཨམྷཱཀཾ ཨུཔཛ྄ཛྷཱཡཱནཾ བྷཝིསྶཏི, ཨིདཾ ཨམྷཱཀཾ ཨཱཙརིཡཱནཾ བྷཝིསྶཏི, ཨིདཾ ཨམྷཱཀཾ བྷཝིསྶཏཱིཏི. ཨཐ ཁོ ཨཱཡསྨཱ སཱརིཔུཏྟོ བུདྡྷཔྤམུཁསྶ སངྒྷསྶ པིཊྛིཏོ པིཊྛིཏོ གནྟྭཱ མཎྜཔེསུ པརིགྒཧིཏེསུ, སནྠརེསུ པརིགྒཧིཏེསུ, ཨོཀཱསེསུ པརིགྒཧིཏེསུ, ཨོཀཱསཾ ཨལབྷམཱནོ ཨཉྙཏརསྨིཾ རུཀྑམཱུལེ ནིསཱིདི. ཨཐ ཁོ བྷགཝཱ རཏྟིཡཱ པཙྩཱུསསམཡཾ པཙྩུཊྛཱཡ ཨུཀྐཱསི. ཨཱཡསྨཱཔི སཱརིཔུཏྟོ ཨུཀྐཱསི. ‘‘ཀོ ཨེཏྠཱ’’ཏི? ‘‘ཨཧཾ, བྷགཝཱ, སཱརིཔུཏྟོ’’ཏི. ‘‘ཀིསྶ ཏྭཾ, སཱརིཔུཏྟ, ཨིདྷ ནིསིནྣོ’’ཏི? ཨཐ ཁོ ཨཱཡསྨཱ སཱརིཔུཏྟོ བྷགཝཏོ ཨེཏམཏྠཾ ཨཱརོཙེསི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, ཚབྦགྒིཡཱནཾ བྷིཀྑཱུནཾ ཨནྟེཝཱསིཀཱ བྷིཀྑཱུ – ‘སངྒྷིཀཉྙེཝ བྷགཝཏཱ ཡཐཱཝུཌྜྷཾ ཨནུཉྙཱཏཾ, ནོ ཨུདྡིསྶཀཏ’ནྟི བུདྡྷཔྤམུཁསྶ སངྒྷསྶ པུརཏོ པུརཏོ གནྟྭཱ ¶ མཎྜཔེ པརིགྒཎྷནྟི, སནྠརེ པརིགྒཎྷནྟི, ཨོཀཱསེ པརིགྒཎྷནྟི – ཨིདཾ ཨམྷཱཀཾ ཨུཔཛ྄ཛྷཱཡཱནཾ བྷཝིསྶཏི, ཨིདཾ ཨམྷཱཀཾ ཨཱཙརིཡཱནཾ བྷཝིསྶཏི, ཨིདཾ ཨམྷཱཀཾ བྷཝིསྶཏཱི’’ཏི? ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཨུདྡིསྶཀཏམྤི ཡཐཱཝུཌྜྷཾ པཊིབཱཧེཏབྦཾ. ཡོ ¶ པཊིབཱཧེཡྻ, ཨཱཔཏྟི དུཀྐཊསྶཱ’’ཏི.

གིཧིཝིཀཏཨནུཛཱནནཾ

༣༡༤. ཏེན ཁོ པན སམཡེན མནུསྶཱ བྷཏྟགྒེ ཨནྟརགྷརེ ཨུཙྩཱསཡནམཧཱསཡནཱནི པཉྙཔེནྟི, སེཡྻཐིདཾ – ཨཱསནྡིཾ, པལླངྐཾ, གོནཀཾ, ཙིཏྟཀཾ, པཊིཀཾ, པཊལིཀཾ, ཏཱུལིཀཾ, ཝིཀཏིཀཾ, ཨུདྡལོམིཾ, ཨེཀནྟལོམིཾ, ཀཊྚིསྶཾ, ཀོསེཡྻཾ [ཀོསེཡྻཾ ཀམྦལཾ (སཱི. སྱཱ.)], ཀུཏྟཀཾ, ཧཏྠཏྠརཾ, ཨསྶཏྠརཾ, རཐཏྠརཾ, ཨཛིནཔཝེཎིཾ, ཀདལིམིགཔཝརཔཙྩཏྠརཎཾ, སཨུཏྟརཙྪདཾ, ཨུབྷཏོལོཧིཏཀཱུཔདྷཱནཾ. བྷིཀྑཱུ ཀུཀྐུཙྩཱཡནྟཱ ནཱབྷིནིསཱིདནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཋཔེཏྭཱ ཏཱིཎི – ཨཱསནྡིཾ, པལླངྐཾ, ཏཱུལིཀཾ – གིཧིཝིཀཏཾ [གིཧིཝིཀཊཾ (སཱི. ཀ.), ཨཝསེསཾ གིཧིཝིཀཊཾ (སྱཱ.)] ཨབྷིནིསཱིདིཏུཾ, ནཏྭེཝ ཨབྷིནིཔཛྫིཏུ’’ནྟི.

ཏེན ཁོ པན སམཡེན མནུསྶཱ བྷཏྟགྒེ ཨནྟརགྷརེ ཏཱུལོནདྡྷཾ མཉྩམྤི པཱིཋམྤི པཉྙཔེནྟི ¶ . བྷིཀྑཱུ ཀུཀྐུཙྩཱཡནྟཱ ནཱབྷིནིསཱིདནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, གིཧིཝིཀཏཾ ཨབྷིནིསཱིདིཏུཾ, ནཏྭེཝ ཨབྷིནིཔཛྫིཏུ’’ནྟི.

ཛེཏཝནཝིཧཱརཱནུམོདནཱ

༣༡༥. ཨཐ ཁོ བྷགཝཱ ཨནུཔུབྦེན ཙཱརིཀཾ ཙརམཱནོ ཡེན སཱཝཏྠི ཏདཝསརི. ཏཏྲ སུདཾ བྷགཝཱ སཱཝཏྠིཡཾ ཝིཧརཏི ¶ ཛེཏཝནེ ཨནཱཐཔིཎྜིཀསྶ ཨཱརཱམེ. ཨཐ ཁོ ཨནཱཐཔིཎྜིཀོ གཧཔཏི ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨནཱཐཔིཎྜིཀོ གཧཔཏི བྷགཝནྟཾ ¶ ཨེཏདཝོཙ – ‘‘ཨདྷིཝཱསེཏུ མེ, བྷནྟེ, བྷགཝཱ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’ཏི. ཨདྷིཝཱསེསི བྷགཝཱ ཏུཎྷཱིབྷཱཝེན. ཨཐ ཁོ ཨནཱཐཔིཎྜིཀོ གཧཔཏི བྷགཝཏོ ཨདྷིཝཱསནཾ ཝིདིཏྭཱ ཨུཊྛཱཡཱསནཱ བྷགཝནྟཾ ¶ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ཁོ ཨནཱཐཔིཎྜིཀོ གཧཔཏི ཏསྶཱ རཏྟིཡཱ ཨཙྩཡེན པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ བྷགཝཏོ ཀཱལཾ ཨཱརོཙཱཔེསི – ‘‘ཀཱལོ, བྷནྟེ, ནིཊྛིཏཾ བྷཏྟ’’ནྟི. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཡེན ཨནཱཐཔིཎྜིཀསྶ གཧཔཏིསྶ ནིཝེསནཾ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི སདྡྷིཾ བྷིཀྑུསངྒྷེན. ཨཐ ཁོ ཨནཱཐཔིཎྜིཀོ གཧཔཏི བུདྡྷཔྤམུཁཾ བྷིཀྑུསངྒྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེཏྭཱ སམྤཝཱརེཏྭཱ, བྷགཝནྟཾ བྷུཏྟཱཝིཾ ཨོནཱིཏཔཏྟཔཱཎིཾ, ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨནཱཐཔིཎྜིཀོ གཧཔཏི བྷགཝནྟཾ ཨེཏདཝོཙ – ‘‘ཀཐཱཧཾ, བྷནྟེ, ཛེཏཝནེ པཊིཔཛྫཱམཱི’’ཏི? ‘‘ཏེན ཧི ཏྭཾ, གཧཔཏི, ཛེཏཝནཾ ཨཱགཏཱནཱགཏསྶ ཙཱཏུདྡིསསྶ སངྒྷསྶ པཏིཊྛཔེཧཱི’’ཏི. ‘‘ཨེཝཾ བྷནྟེ’’ཏི ཁོ ཨནཱཐཔིཎྜིཀོ གཧཔཏི བྷགཝཏོ པཊིསྶུཏྭཱ ཛེཏཝནཾ ཨཱགཏཱནཱགཏསྶ ཙཱཏུདྡིསསྶ སངྒྷསྶ པཏིཊྛཱཔེསི.

ཨཐ ཁོ བྷགཝཱ ཨནཱཐཔིཎྜིཀཾ གཧཔཏིཾ ཨིམཱཧི གཱཐཱཧི ཨནུམོདི –

‘‘སཱིཏཾ ཨུཎྷཾ པཊིཧནྟི, ཏཏོ ཝཱལ༹མིགཱནི ཙ;

སརཱིསཔེ ¶ ཙ མཀསེ, སིསིརེ ཙཱཔི ཝུཊྛིཡོ.

‘‘ཏཏོ ཝཱཏཱཏཔོ གྷོརོ, སཉྫཱཏོ པཊིཧཉྙཏི;

ལེཎཏྠཉྩ སུཁཏྠཉྩ, ཛྷཱཡིཏུཉྩ ཝིཔསྶིཏུཾ.

‘‘ཝིཧཱརདཱནཾ ¶ སངྒྷསྶ, ཨགྒཾ བུདྡྷེན ཝཎྞིཏཾ;

ཏསྨཱ ཧི པཎྜིཏོ པོསོ, སམྤསྶཾ ཨཏྠམཏྟནོ.

‘‘ཝིཧཱརེ ཀཱརཡེ རམྨེ, ཝཱསཡེཏྠ བཧུསྶུཏེ;

ཏེསཾ ཨནྣཉྩ པཱནཉྩ, ཝཏྠསེནཱསནཱནི ཙ;

དདེཡྻ ཨུཛུབྷཱུཏེསུ, ཝིཔྤསནྣེན ཙེཏསཱ.

‘‘ཏེ ཏསྶ དྷམྨཾ དེསེནྟི, སབྦདུཀྑཱཔནཱུདནཾ;

ཡཾ སོ དྷམྨཾ ཨིདྷཉྙཱཡ, པརིནིབྦཱཏི ཨནཱསཝོ’’ཏི.

ཨཐ ¶ ཁོ བྷགཝཱ ཨནཱཐཔིཎྜིཀཾ གཧཔཏིཾ ཨིམཱཧི གཱཐཱཧི ཨནུམོདིཏྭཱ ཨུཊྛཱཡཱསནཱ པཀྐཱམི.

ཨཱསནཔྤཊིབཱཧནཱདི

༣༡༦. ཏེན ¶ ཁོ པན སམཡེན ཨཉྙཏརསྶ ཨཱཛཱིཝཀསཱཝཀསྶ མཧཱམཏྟསྶ སངྒྷབྷཏྟཾ ཧོཏི. ཨཱཡསྨཱ ཨུཔནནྡོ སཀྱཔུཏྟོ པཙྪཱ ཨཱགནྟྭཱ ཝིཔྤཀཏབྷོཛནཾ ཨཱནནྟརིཀཾ བྷིཀྑུཾ ཝུཊྛཱཔེསི. བྷཏྟགྒཾ ཀོལཱཧལཾ ཨཧོསི. ཨཐ ཁོ སོ མཧཱམཏྟོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ སམཎཱ སཀྱཔུཏྟིཡཱ པཙྪཱ ཨཱགནྟྭཱ ཝིཔྤཀཏབྷོཛནཾ ཨཱནནྟརིཀཾ བྷིཀྑུཾ ཝུཊྛཱཔེསྶནྟི! བྷཏྟགྒཾ ཀོལཱཧལཾ ཨཧོསི. ནནུ ནཱམ ལབྦྷཱ ཨཉྙཏྲཱཔི ནིསིནྣེན ཡཱཝདཏྠཾ ¶ བྷུཉྫིཏུ’’ནྟི? ཨསྶོསུཾ ཁོ བྷིཀྑཱུ ཏསྶ མཧཱམཏྟསྶ ཨུཛ྄ཛྷཱཡནྟསྶ ཁིཡྻནྟསྶ ཝིཔཱཙེནྟསྶ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ པཙྪཱ ཨཱགནྟྭཱ ཝིཔྤཀཏབྷོཛནཾ ཨཱནནྟརིཀཾ བྷིཀྑུཾ ཝུཊྛཱཔེསྶཏི! བྷཏྟགྒཾ ཀོལཱཧལཾ ཨཧོསཱི’’ཏི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘སཙྩཾ ཀིར ཏྭཾ, ཨུཔནནྡ, པཙྪཱ ཨཱགནྟྭཱ ཝིཔྤཀཏབྷོཛནཾ ཨཱནནྟརིཀཾ བྷིཀྑུཾ ཝུཊྛཱཔེསི, བྷཏྟགྒཾ ཀོལཱཧལཾ ཨཧོསཱི’’ཏི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ཏྭཾ, མོགྷཔུརིས, པཙྪཱ ཨཱགནྟྭཱ ཝིཔྤཀཏབྷོཛནཾ ཨཱནནྟརིཀཾ བྷིཀྑུཾ ཝུཊྛཱཔེསྶསི? བྷཏྟགྒཾ ཀོལཱཧལཾ ཨཧོསི. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཝིཔྤཀཏབྷོཛནོ [བྷོཛནོ ཨཱནནྟརིཀོ (སྱཱ.)] བྷིཀྑུ ཝུཊྛཱཔེཏབྦོ. ཡོ ཝུཊྛཱཔེཡྻ, ཨཱཔཏྟི དུཀྐཊསྶ. སཙེ ཝུཊྛཱཔེཏི, པཝཱརིཏོ ཙ ཧོཏི, ‘གཙྪ ཨུདཀཾ ཨཱཧརཱ’ཏི ཝཏྟབྦོ. ཨེཝཉྩེཏཾ ¶ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, སཱདྷུཀཾ སིཏྠཱནི གིལིཏྭཱ ཝུཌྜྷཏརསྶ བྷིཀྑུནོ ཨཱསནཾ དཱཏབྦཾ. ན ཏྭེཝཱཧཾ, བྷིཀྑཝེ, ཀེནཙི པརིཡཱཡེན ཝུཌྜྷཏརསྶ བྷིཀྑུནོ ཨཱསནཾ པཊིབཱཧིཏབྦནྟི ཝདཱམི. ཡོ པཊིབཱཧེཡྻ, ཨཱཔཏྟི དུཀྐཊསྶཱཏི’’.

ཏེན ¶ ཁོ པན སམཡེན ཚབྦགྒིཡཱ བྷིཀྑཱུ གིལཱནེ བྷིཀྑཱུ ཝུཊྛཱཔེནྟི. གིལཱནཱ ཨེཝཾ ཝདེནྟི – ‘‘ན མཡཾ, ཨཱཝུསོ, སཀྐོམ ཝུཊྛཱཏུཾ, གིལཱནཱམྷཱ’’ཏི. ‘‘མཡཾ ཨཱཡསྨནྟེ ཝུཊྛཱཔེསྶཱམཱ’’ཏི པརིགྒཧེཏྭཱ ཝུཊྛཱཔེཏྭཱ ཋིཏཀེ མུཉྩནྟི. གིལཱནཱ མུཙྪིཏཱ པཔཏནྟི. བྷགཝཏོ ཨེཏམཏྠཾ ཨཱརོཙེསུཾ ¶ . ‘‘ན, བྷིཀྑཝེ, གིལཱནོ ཝུཊྛཱཔེཏབྦོ. ཡོ ཝུཊྛཱཔེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ ¶ ‘གིལཱནཱ མཡམྷཱ ཨཝུཊྛཱཔནཱིཡཱ’ཏི ཝརསེཡྻཱཡོ པལིབུདྡྷེནྟི [པལིབུནྡྷནྟི (ཀ.)]. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, གིལཱནསྶ པཏིརཱུཔཾ སེཡྻཾ དཱཏུ’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ལེསཀཔྤེན སེནཱསནཾ པཊིབཱཧནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ལེསཀཔྤེན སེནཱསནཾ པཊིབཱཧིཏབྦཾ. ཡོ པཊིབཱཧེཡྻ, ཨཱཔཏྟི དུཀྐཊསྶཱ’’ཏི.

[པཱཙི. ༡༢༢] ཏེན ཁོ པན སམཡེན སཏྟརསཝགྒིཡཱ བྷིཀྑཱུ ཨཉྙཏརཾ པཙྩནྟིམཾ མཧཱཝིཧཱརཾ པཊིསངྑརོནྟི – ‘ཨིདྷ མཡཾ ཝསྶཾ ཝསིསྶཱམཱ’ཏི. ཨདྡསཾསུ [ཨདྡསཱསུཾ (ཀ.)] ཁོ ཚབྦགྒིཡཱ བྷིཀྑཱུ སཏྟརསཝགྒིཡེ བྷིཀྑཱུ ཝིཧཱརཾ [ཨཉྙཏརཾ ཝིཧཱརཾ (ཀ.)] པཊིསངྑརོནྟེ. དིསྭཱན ཨེཝམཱཧཾསུ – ‘‘ཨིམེ, ཨཱཝུསོ, སཏྟརསཝགྒིཡཱ བྷིཀྑཱུ ཝིཧཱརཾ པཊིསངྑརོནྟི. ཧནྡ ནེ ཝུཊྛཱཔེསྶཱམཱ’’ཏི. ཨེཀཙྩེ ¶ ཨེཝམཱཧཾསུ – ‘‘ཨཱགམེཐཱཝུསོ, ཡཱཝ པཊིསངྑརོནྟི, པཊིསངྑཏེ ཝུཊྛཱཔེསྶཱམཱ’’ཏི. ཨཐ ཁོ ཚབྦགྒིཡཱ བྷིཀྑཱུ སཏྟརསཝགྒིཡེ བྷིཀྑཱུ ཨེཏདཝོཙུཾ – ‘‘ཨུཊྛེཐཱཝུསོ, ཨམྷཱཀཾ ཝིཧཱརོ པཱཔུཎཱཏཱི’’ཏི. ‘‘ནནུ, ཨཱཝུསོ, པཊིཀཙྩེཝ ཨཱཙིཀྑིཏབྦཾ? མཡཉྩཉྙཾ པཊིསངྑརེཡྻཱམཱ’’ཏི. ‘‘ནནུ, ཨཱཝུསོ, སངྒྷིཀོ ཝིཧཱརོ’’ཏི? ‘‘ཨཱམཱཝུསོ, སངྒྷིཀོ ཝིཧཱརོ’’ཏི. ‘‘ཨུཊྛེཐཱཝུསོ, ཨམྷཱཀཾ ཝིཧཱརོ པཱཔུཎཱཏཱི’’ཏི. ‘‘མཧལླཀོ, ཨཱཝུསོ, ཝིཧཱརོ; ཏུམྷེཔི ཝསཐ, མཡམྤི ཝསིསྶཱམཱ’’ཏི. ‘‘ཨུཊྛེཐཱཝུསོ, ཨམྷཱཀཾ ཝིཧཱརོ པཱཔུཎཱཏཱི’’ཏི ཀུཔིཏཱ ཨནཏྟམནཱ གཱིཝཱཡཾ གཧེཏྭཱ ནིཀྐཌྜྷནྟི. ཏེ ནིཀྐཌྜྷིཡམཱནཱ རོདནྟི. བྷིཀྑཱུ ཨེཝམཱཧཾསུ – ‘‘ཀིསྶ ཏུམྷེ, ཨཱཝུསོ, རོདཐཱ’’ཏི? ‘‘ཨིམེ, ཨཱཝུསོ, ཚབྦགྒིཡཱ བྷིཀྑཱུ ཀུཔིཏཱ ¶ ཨནཏྟམནཱ ཨམྷེ སངྒྷིཀཱ ཝིཧཱརཱ ནིཀྐཌྜྷནྟཱི’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཀུཔིཏཱ ཨནཏྟམནཱ བྷིཀྑཱུ སངྒྷིཀཱ ཝིཧཱརཱ ནིཀྐཌྜྷིསྶནྟཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, ཏུམྷེ བྷིཀྑཝེ, ཀུཔིཏཱ ཨནཏྟམནཱ སངྒྷིཀཱ ཝིཧཱརཱ བྷིཀྑཱུ ནིཀྐཌྜྷཐཱ’’ཏི? ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཀུཔིཏེན ¶ ¶ ཨནཏྟམནེན བྷིཀྑུ སངྒྷིཀཱ ཝིཧཱརཱ ནིཀྐཌྜྷིཏབྦོ. ཡོ ནིཀྐཌྜྷེཡྻ, ཡཐཱདྷམྨོ ཀཱརེཏབྦོ. ཨནུཛཱནཱམི, བྷིཀྑཝེ, སེནཱསནཾ གཱཧེཏུ’’ནྟི.

སེནཱསནགྒཱཧཱཔཀསམྨུཏི

༣༡༧. ཨཐ ཁོ བྷིཀྑཱུནཾ ཨེཏདཧོསི – ‘ཀེན ནུ ཁོ སེནཱསནཾ གཱཧེཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ ¶ …པེ… ‘‘ཨནུཛཱནཱམི, བྷིཀྑཝེ, པཉྩཧངྒེཧི སམནྣཱགཏཾ བྷིཀྑུཾ སེནཱསནགྒཱཧཱཔཀཾ སམྨནྣིཏུཾ – ཡོ ན ཚནྡཱགཏིཾ གཙྪེཡྻ, ན དོསཱགཏིཾ གཙྪེཡྻ, ན མོཧཱགཏིཾ གཙྪེཡྻ, ན བྷཡཱགཏིཾ གཙྪེཡྻ, གཧིཏཱགཧིཏཉྩ ཛཱནེཡྻ. ཨེཝཉྩ པན, བྷིཀྑཝེ, སམྨནྣིཏབྦོ –

‘‘པཋམཾ བྷིཀྑུ ཡཱཙིཏབྦོ, ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུཾ སེནཱསནགྒཱཧཱཔཀཾ སམྨནྣེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ བྷིཀྑུཾ སེནཱསནགྒཱཧཱཔཀཾ སམྨནྣཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ སེནཱསནགྒཱཧཱཔཀསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨིཏྠནྣཱམོ བྷིཀྑུ སེནཱསནགྒཱཧཱཔཀོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི ¶ .

༣༡༨. ཨཐ ཁོ སེནཱསནགྒཱཧཱཔཀཱནཾ བྷིཀྑཱུནཾ ཨེཏདཧོསི – ‘‘ཀཐཾ ནུ ཁོ སེནཱསནཾ གཱཧེཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཋམཾ བྷིཀྑཱུ གཎེཏུཾ ¶ , བྷིཀྑཱུ གཎེཏྭཱ སེཡྻཱ གཎེཏུཾ, སེཡྻཱ གཎེཏྭཱ སེཡྻགྒེན གཱཧེཏུ’’ནྟི. སེཡྻགྒེན གཱཧེནྟཱ སེཡྻཱ ཨུསྶཱརཡིཾསུ…པེ… ‘‘ཨནུཛཱནཱམི, བྷིཀྑཝེ, ཝིཧཱརགྒེན གཱཧེཏུ’’ནྟི. ཝིཧཱརགྒེན གཱཧེནྟཱ ཝིཧཱརཱ ཨུསྶཱརཡིཾསུ…པེ… ‘‘ཨནུཛཱནཱམི, བྷིཀྑཝེ, པརིཝེཎགྒེན གཱཧེཏུ’’ནྟི. པརིཝེཎགྒེན གཱཧེནྟཱ པརིཝེཎཱ ཨུསྶཱརཡིཾསུ…པེ… ‘‘ཨནུཛཱནཱམི, བྷིཀྑཝེ, ཨནུབྷཱགམྤི དཱཏུཾ. གཧིཏེ ཨནུབྷཱགེ ཨཉྙོ བྷིཀྑུ ཨཱགཙྪཏི, ན ཨཀཱམཱ དཱཏབྦོ’’ཏི.

ཏེན ¶ ཁོ པན སམཡེན བྷིཀྑཱུ ནིསྶཱིམེ ཋིཏསྶ སེནཱསནཾ གཱཧེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ནིསྶཱིམེ ཋིཏསྶ སེནཱསནཾ གཱཧེཏབྦཾ. ཡོ གཱཧེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ སེནཱསནཾ གཧེཏྭཱ སབྦཀཱལཾ པཊིབཱཧནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, སེནཱསནཾ གཧེཏྭཱ སབྦཀཱལཾ པཊིབཱཧེཏབྦཾ. ཡོ པཊིབཱཧེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཝསྶཱནཾ ཏེམཱསཾ ¶ པཊིབཱཧིཏུཾ, ཨུཏུཀཱལཾ པན ན པཊིབཱཧིཏུ’’ནྟི.

ཨཐ ཁོ བྷིཀྑཱུནཾ ཨེཏདཧོསི – ‘‘ཀཏི ནུ ཁོ སེནཱསནགྒཱཧཱ’’ཏི? བྷགཝཏོ ཨེཏམཏྠཾ ཨཱརོཙེསུཾ. ‘‘ཏཡོ མེ, བྷིཀྑཝེ, སེནཱསནགྒཱཧཱ – པུརིམཀོ, པཙྪིམཀོ, ཨནྟརཱམུཏྟཀོ. ཨཔརཛྫུགཏཱཡ ཨཱསཱལ༹ྷིཡཱ པུརིམཀོ གཱཧེཏབྦོ. མཱསགཏཱཡ ཨཱསཱལ༹ྷིཡཱ པཙྪིམཀོ གཱཧེཏབྦོ. ཨཔརཛྫུགཏཱཡ པཝཱརཎཱཡ ཨཱཡཏིཾ ཝསྶཱཝཱསཏྠཱཡ ཨནྟརཱམུཏྟཀོ གཱཧེཏབྦོ. ཨིམེ ཁོ, བྷིཀྑཝེ, ཏཡོ སེནཱསནགྒཱཧཱ’’ཏི.

དུཏིཡབྷཱཎཝཱརོ ནིཊྛིཏོ.

༣. ཏཏིཡབྷཱཎཝཱརོ

༣༡༩. ཏེན ¶ ཁོ པན སམཡེན ཨཱཡསྨཱ ཨུཔནནྡོ སཀྱཔུཏྟོ སཱཝཏྠིཡཾ སེནཱསནཾ གཧེཏྭཱ ཨཉྙཏརཾ གཱམཀཱཝཱསཾ ཨགམཱསི. ཏཏྠཔི སེནཱསནཾ ཨགྒཧེསི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘ཨཡཾ, ཨཱཝུསོ, ཨཱཡསྨཱ ཨུཔནནྡོ སཀྱཔུཏྟོ བྷཎྜནཀཱརཀོ ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ. སཙཱཡཾ ཨིདྷ ཝསྶཾ ཝསིསྶཏི, སབྦེཝ མཡཾ ན ཕཱསུ བྷཝིསྶཱམ. ཧནྡ ནཾ པུཙྪཱམཱ’’ཏི. ཨཐ ཁོ ཏེ བྷིཀྑཱུ ཨཱཡསྨནྟཾ ¶ ཨུཔནནྡཾ སཀྱཔུཏྟཾ ཨེཏདཝོཙུཾ – ‘‘ནནུ ཏཡཱ, ཨཱཝུསོ ཨུཔནནྡ, སཱཝཏྠིཡཾ སེནཱསནཾ གཧིཏ’’ནྟི? ‘‘ཨེཝམཱཝུསོ’’ཏི. ‘‘ཀིཾ པན ཏྭཾ, ཨཱཝུསོ ཨུཔནནྡ, ཨེཀོ དྭེ པཊིབཱཧསཱི’’ཏི? ‘‘ཨིདྷདཱནཱཧཾ ཨཱཝུསོ, མུཉྩཱམི; ཏཏྠ གཎྷཱམཱི’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ¶ ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ ཨུཔནནྡོ སཀྱཔུཏྟོ ¶ ཨེཀོ དྭེ པཊིབཱཧེསྶཏཱི’’ཏི! བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, ཨུཔནནྡ, ཨེཀོ དྭེ པཊིབཱཧསཱི’’ཏི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ཏྭཾ, མོགྷཔུརིས, ཨེཀོ དྭེ པཊིབཱཧིསྶསི? ཏཏྠ ཏཡཱ, མོགྷཔུརིས, གཧིཏཾ ཨིདྷ མུཏྟཾ, ཨིདྷ ཏཡཱ གཧིཏཾ ཏཏྲ མུཏྟཾ. ཨེཝཾ ཁོ ཏྭཾ, མོགྷཔུརིས, ཨུབྷཡཏྠ པརིབཱཧིརོ. ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཨེཀེན དྭེ པཊིབཱཧེཏབྦཱ. ཡོ པཊིབཱཧེཡྻ, ཨཱཔཏྟི དུཀྐཊསྶཱ’’ཏི.

༣༢༠. [པཱཙི. ༤༣༨] ཏེན ཁོ པན སམཡེན བྷགཝཱ བྷིཀྑཱུནཾ ཨནེཀཔརིཡཱཡེན ཝིནཡཀཐཾ ཀཐེཏི, ཝིནཡསྶ ཝཎྞཾ བྷཱསཏི, ཝིནཡཔརིཡཏྟིཡཱ ཝཎྞཾ བྷཱསཏི, ཨཱདིསྶ ཨཱདིསྶ ཨཱཡསྨཏོ ཨུཔཱལིསྶ ཝཎྞཾ བྷཱསཏི. བྷིཀྑཱུནཾ ཨེཏདཧོསི – ‘‘བྷགཝཱ ཁོ ཨནེཀཔརིཡཱཡེན ཝིནཡཀཐཾ ཀཐེཏི, ཝིནཡསྶ ཝཎྞཾ བྷཱསཏི, ཝིནཡཔརིཡཏྟིཡཱ ཝཎྞཾ བྷཱསཏི, ཨཱདིསྶ ཨཱདིསྶ ཨཱཡསྨཏོ ཨུཔཱལིསྶ ཝཎྞཾ བྷཱསཏི. ཧནྡ མཡཾ, ཨཱཝུསོ, ཨཱཡསྨཏོ ཨུཔཱལིསྶ སནྟིཀེ ཝིནཡཾ པརིཡཱཔུཎཱམཱ’’ཏི. ཏེདྷ [ཏེ ཙ (སྱཱ. ཀ.)] བཧཱུ བྷིཀྑཱུ ཐེརཱ ཙ ནཝཱ ཙ མཛ྄ཛྷིམཱ ཙ ཨཱཡསྨཏོ ཨུཔཱལིསྶ ¶ སནྟིཀེ ཝིནཡཾ པརིཡཱཔུཎནྟི. ཨཱཡསྨཱ ཨུཔཱལི ཋིཏཀོཝ ཨུདྡིསཏི ཐེརཱནཾ བྷིཀྑཱུནཾ གཱརཝེན. ཐེརཱཔི བྷིཀྑཱུ ཋིཏཀཱཝ ཨུདྡིསཱཔེནྟི དྷམྨགཱརཝེན. ཏཏྠ ཐེརཱ ཙེཝ བྷིཀྑཱུ ཀིལམནྟི, ཨཱཡསྨཱ ཙ ཨུཔཱལི ཀིལམཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ནཝཀེན བྷིཀྑུནཱ ¶ ཨུདྡིསནྟེན སམཀེ ཝཱ ཨཱསནེ ནིསཱིདིཏུཾ, ཨུཙྩཏརེ ཝཱ དྷམྨགཱརཝེན; ཐེརེན བྷིཀྑུནཱ ཨུདྡིསཱཔེནྟེན སམཀེ ཝཱ ཨཱསནེ ནིསཱིདིཏུཾ, ནཱིཙཏརེ ཝཱ དྷམྨགཱརཝེནཱ’’ཏི.

ཏེན ཁོ པན སམཡེན བཧཱུ བྷིཀྑཱུ ཨཱཡསྨཏོ ཨུཔཱལིསྶ སནྟིཀེ ཋིཏཀཱ ཨུདྡེསཾ པཊིམཱནེནྟཱ ཀིལམནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སམཱནཱསནིཀེཧི སཧ ནིསཱིདིཏུ’’ནྟི. ཨཐ ཁོ བྷིཀྑཱུནཾ ཨེཏདཧོསི – ‘‘ཀིཏྟཱཝཏཱ ནུ ཁོ སམཱནཱསནིཀོ ཧོཏཱི’’ཏི? བྷགཝཏོ ཨེཏམཏྠཾ ཨཱརོཙེསུཾ – ‘‘ཨནུཛཱནཱམི, བྷིཀྑཝེ, ཏིཝསྶནྟརེན སཧ ནིསཱིདིཏུ’’ནྟི.

ཏེན ¶ ¶ ཁོ པན སམཡེན སམྦཧུལཱ བྷིཀྑཱུ སམཱནཱསནིཀཱ མཉྩེ [ཨེཀམཉྩེ (སྱཱ.)] ནིསཱིདིཏྭཱ མཉྩཾ བྷིནྡིཾསུ, པཱིཋེ [ཨེཀཔཱིཋེ (སྱཱ.)] ནིསཱིདིཏྭཱ པཱིཋཾ བྷིནྡིཾསུ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཏིཝགྒསྶ ¶ མཉྩཾ, ཏིཝགྒསྶ པཱིཋ’’ནྟི. ཏིཝགྒོཔི མཉྩེ ནིསཱིདིཏྭཱ མཉྩཾ བྷིནྡི, པཱིཋེ ནིསཱིདིཏྭཱ པཱིཋཾ བྷིནྡི…པེ… ‘‘ཨནུཛཱནཱམི, བྷིཀྑཝེ, དུཝགྒསྶ མཉྩཾ, དུཝགྒསྶ པཱིཋ’’ནྟི.

ཏེན ཁོ པན སམཡེན བྷིཀྑཱུ ཨསམཱནཱསནིཀེཧི སཧ དཱིགྷཱསནེ ནིསཱིདིཏུཾ ཀུཀྐུཙྩཱཡནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཋཔེཏྭཱ པཎྜཀཾ, མཱཏུགཱམཾ, ཨུབྷཏོབྱཉྫནཀཾ, ཨསམཱནཱསནིཀེཧི སཧ དཱིགྷཱསནེ ནིསཱིདིཏུ’’ནྟི. ཨཐ ཁོ བྷིཀྑཱུནཾ ཨེཏདཧོསི – ‘‘ཀིཏྟཀཾ པཙྪིམཾ ནུ ཁོ དཱིགྷཱསནཾ ཧོཏཱི’’ཏི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཡཾ ཏིཎྞཾ པཧོཏི, ཨེཏྟཀཾ པཙྪིམཾ དཱིགྷཱསན’’ནྟི.

ཏེན ཁོ པན སམཡེན ཝིསཱཁཱ མིགཱརམཱཏཱ སངྒྷསྶ ཨཏྠཱཡ སཱལི༹ནྡཾ པཱསཱདཾ ཀཱརཱཔེཏུཀཱམཱ ཧོཏི ཧཏྠིནཁཀཾ. ཨཐ ཁོ བྷིཀྑཱུནཾ ཨེཏདཧོསི – ‘‘ཀིཾ ནུ ཁོ བྷགཝཏཱ པཱསཱདཔརིབྷོགོ ཨནུཉྙཱཏོ ཀིཾ ཨནནུཉྙཱཏོ’’ཏི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སབྦཾ པཱསཱདཔརིབྷོག’’ནྟི.

ཏེན ཁོ པན སམཡེན རཉྙོ པསེནདིསྶ ཀོསལསྶ ཨཡྻིཀཱ ཀཱལངྐཏཱ ཧོཏི. ཏསྶ ཀཱལངྐིརིཡཱཡ སངྒྷསྶ བཧུཾ ཨཀཔྤིཡབྷཎྜཾ ཨུཔྤནྣཾ ཧོཏི, སེཡྻཐིདཾ – ཨཱསནྡི, པལླངྐོ, གོནཀོ ¶ , ཙིཏྟཀོ, པཊིཀཱ, པཊལིཀཱ, ཏཱུལིཀཱ, ཝིཀཏིཀཱ, ཨུདྡལོམཱི, ཨེཀནྟལོམཱི, ཀཊྚིསྶཾ, ཀོསེཡྻཾ, ཀུཏྟཀཾ, ཧཏྠཏྠརཾ, ཨསྶཏྠརཾ, རཐཏྠརཾ, ཨཛིནཔྤཝེཎི, ཀདལིམིགཔྤཝརཔཙྩཏྠརཎཾ, སཨུཏྟརཙྪདཾ, ཨུབྷཏོལོཧིཏཀཱུཔདྷཱནཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཱསནྡིཡཱ པཱདེ ཚིནྡིཏྭཱ ¶ པརིབྷུཉྫིཏུཾ, པལླངྐསྶ ཝཱལེ༹ བྷིནྡིཏྭཱ པརིབྷུཉྫིཏུཾ, ཏཱུལིཀཾ ཝིཛཊེཏྭཱ བིབྦོཧནཾ ཀཱཏུཾ, ཨཝསེསཾ བྷཱུམཏྠརཎཾ [སུམྨཏྠརཎཾ (སཱི. སྱཱ.)] ཀཱཏུ’’ནྟི.

ཨཝིསྶཛྫིཡཝཏྠུ

༣༢༡. ཏེན ¶ ཁོ པན སམཡེན སཱཝཏྠིཡཱ ཨཝིདཱུརེ ཨཉྙཏརསྨིཾ གཱམཀཱཝཱསེ ཨཱཝཱསིཀཱ བྷིཀྑཱུ ཨུཔདྡུཏཱ ཧོནྟི ཨཱགནྟུཀགམིཀཱནཾ བྷིཀྑཱུནཾ སེནཱསནཾ པཉྙཔེནྟཱ. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘ཨེཏརཧི ཁོ མཡཾ, ཨཱཝུསོ, ཨུཔདྡུཏཱ ཨཱགནྟུཀགམིཀཱནཾ བྷིཀྑཱུནཾ སེནཱསནཾ པཉྙཔེནྟཱ. ཧནྡ མཡཾ, ཨཱཝུསོ, སབྦཾ སངྒྷིཀཾ སེནཱསནཾ ཨེཀསྶ དེམ. ཏསྶ ¶ སནྟཀཾ པརིབྷུཉྫིསྶཱམཱ’’ཏི. ཏེ སབྦཾ སངྒྷིཀཾ སེནཱསནཾ ཨེཀསྶ ཨདཾསུ. ཨཱགནྟུཀཱ བྷིཀྑཱུ ཏེ བྷིཀྑཱུ ཨེཏདཝོཙུཾ – ‘‘ཨམྷཱཀཾ, ཨཱཝུསོ, སེནཱསནཾ པཉྙཱཔེཐཱ’’ཏི. ‘‘ནཏྠཱཝུསོ, སངྒྷིཀཾ སེནཱསནཾ; སབྦཾ ཨམྷེཧི ཨེཀསྶ དིནྣ’’ནྟི. ‘‘ཀིཾ པན ཏུམྷེ, ཨཱཝུསོ, སངྒྷིཀཾ སེནཱསནཾ ཝིསྶཛྫེཐཱ’’ཏི? ‘‘ཨེཝམཱཝུསོ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑཱུ སངྒྷིཀཾ སེནཱསནཾ ཝིསྶཛྫེསྶནྟཱི’’ཏི [ཝིསྶཛྫིསྶནྟཱིཏི (ཀ.)]! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ¶ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, བྷིཀྑཱུ སངྒྷིཀཾ སེནཱསནཾ ཝིསྶཛྫེནྟཱི’’ཏི? ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ཏེ, བྷིཀྑཝེ, མོགྷཔུརིསཱ སངྒྷིཀཾ སེནཱསནཾ ཝིསྶཛྫེསྶནྟི? ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

‘‘པཉྩིམཱནི, བྷིཀྑཝེ, ཨཝིསྶཛྫིཡཱནི, ན ཝིསྶཛྫེཏབྦཱནི [ན ཝིསྶཛྫིཏབྦཱནི (ཀ.)], སངྒྷེན ཝཱ གཎེན ཝཱ པུགྒལེན ཝཱ. ཝིསྶཛྫིཏཱནིཔི ཨཝིསྶཛྫིཏཱནི ཧོནྟི. ཡོ ཝིསྶཛྫེཡྻ, ཨཱཔཏྟི ཐུལླཙྩཡསྶ. ཀཏམཱནི པཉྩ? ཨཱརཱམོ, ཨཱརཱམཝཏྠུ – ཨིདཾ པཋམཾ ཨཝིསྶཛྫིཡཾ, ན ཝིསྶཛྫེཏབྦཾ, སངྒྷེན ཝཱ གཎེན ཝཱ པུགྒལེན ཝཱ. ཝིསྶཛྫིཏམྤི ཨཝིསྶཛྫིཏཾ ཧོཏི. ཡོ ཝིསྶཛྫེཡྻ, ཨཱཔཏྟི ཐུལླཙྩཡསྶ.

‘‘ཝིཧཱརོ, ཝིཧཱརཝཏྠུ – ཨིདཾ དུཏིཡཾ ཨཝིསྶཛྫིཡཾ, ན ཝིསྶཛྫེཏབྦཾ, སངྒྷེན ཝཱ གཎེན ཝཱ པུགྒལླེན ཝཱ. ཝིསྶཛྫིཏམྤི ཨཝིསྶཛྫིཏཾ ཧོཏི. ཡོ ཝིསྶཛྫེཡྻ, ཨཱཔཏྟི ཐུལླཙྩཡསྶ.

‘‘མཉྩོ, པཱིཋཾ, བྷིསི, བིབྦོཧནཾ – ཨིདཾ ཏཏིཡཾ ཨཝིསྶཛྫིཡཾ, ན ཝིསྶཛྫེཏབྦཾ, སངྒྷེན ཝཱ གཎེན ཝཱ པུགྒལེན ཝཱ. ཝིསྶཛྫིཏམྤི ཨཝིསྶཛྫིཏཾ ཧོཏི. ཡོ ཝིསྶཛྫེཡྻ, ཨཱཔཏྟི ཐུལླཙྩཡསྶ.

‘‘ལོཧཀུམྦྷཱི ¶ , ལོཧབྷཱཎཀཾ, ལོཧཝཱརཀོ, ལོཧཀཊཱཧཾ, ཝཱསི, པརསུ [ཕརསུ (སཱི. སྱཱ. ཀ.)], ཀུཋཱརཱི [ཀུདྷཱརཱི (ཀ.)], ཀུདཱལོ, ནིཁཱདནཾ – ཨིདཾ ཙཏུཏྠཾ ཨཝིསྶཛྫིཡཾ, ན ཝིསྶཛྫེཏབྦཾ, སངྒྷེན ཝཱ གཎེན ཝཱ པུགྒལེན ཝཱ. ཝིསྶཛྫིཏམྤི ཨཝིསྶཛྫིཏཾ ཧོཏི. ཡོ ཝིསྶཛྫེཡྻ, ཨཱཔཏྟི ཐུལླཙྩཡསྶ.

‘‘ཝལླི, ཝེལུ༹, མུཉྫཾ, པབྦཛཾ ¶ [བབྦཛཾ (སཱི.)], ཏིཎཾ, མཏྟིཀཱ, དཱརུབྷཎྜཾ, མཏྟིཀཱབྷཎྜཾ – ཨིདཾ པཉྩམཾ ¶ ཨཝིསྶཛྫིཡཾ, ན ཝིསྶཛྫེཏབྦཾ, སངྒྷེན ཝཱ གཎེན ཝཱ པུགྒལེན ཝཱ. ཝིསྶཛྫིཏམྤི ཨཝིསྶཛྫིཏཾ ཧོཏི. ཡོ ཝིསྶཛྫེཡྻ, ཨཱཔཏྟི ཐུལླཙྩཡསྶ. ཨིམཱནི ཁོ, བྷིཀྑཝེ, པཉྩ ཨཝིསྶཛྫིཡཱནི, ན ཝིསྶཛྫེཏབྦཱནི, སངྒྷེན ཝཱ གཎེན ཝཱ པུགྒལེན ཝཱ. ཝིསྶཛྫིཏཱནིཔི ཨཝིསྶཛྫིཏཱནི ཧོནྟི. ཡོ ཝིསྶཛྫེཡྻ, ཨཱཔཏྟི ཐུལླཙྩཡསྶཱ’’ཏི.

ཨཝེབྷངྒིཡཝཏྠུ

༣༢༢. ཨཐ ཁོ བྷགཝཱ སཱཝཏྠིཡཾ ཡཐཱབྷིརནྟཾ ཝིཧརིཏྭཱ ¶ ཡེན ཀཱིཊཱགིརི ཏེན ཙཱརིཀཾ པཀྐཱམི མཧཏཱ བྷིཀྑུསངྒྷེན སདྡྷིཾ པཉྩམཏྟེཧི བྷིཀྑུསཏེཧི སཱརིཔུཏྟམོགྒལླཱནེཧི ཙ. ཨསྶོསུཾ ཁོ ཨསྶཛིཔུནབྦསུཀཱ བྷིཀྑཱུ – ‘‘བྷགཝཱ ཀིར ཀཱིཊཱགིརིཾ ཨཱགཙྪཏི མཧཏཱ བྷིཀྑུསངྒྷེན སདྡྷིཾ པཉྩམཏྟེཧི བྷིཀྑུསཏེཧི སཱརིཔུཏྟམོགྒལླཱནེཧི ཙ’’. ‘‘ཧནྡ མཡཾ, ཨཱཝུསོ, སབྦཾ སངྒྷིཀཾ སེནཱསནཾ བྷཱཛེམ. པཱཔིཙྪཱ སཱརིཔུཏྟམོགྒལླཱནཱ, པཱཔིཀཱནཾ ཨིཙྪཱནཾ ཝསཾ གཏཱ; ན མཡཾ ཏེསཾ སེནཱསནཾ པཉྙཔེསྶཱམཱ’’ཏི, ཏེ སབྦཾ སངྒྷིཀཾ སེནཱསནཾ བྷཱཛེསུཾ. ཨཐ ཁོ བྷགཝཱ ཨནུཔུབྦེན ཙཱརིཀཾ ཙརམཱནོ ཡེན ཀཱིཊཱགིརི ཏདཝསརི. ཨཐ ཁོ བྷགཝཱ སམྦཧུལེ བྷིཀྑཱུ ཨཱམནྟེསི – ‘‘གཙྪཐ ཏུམྷེ, བྷིཀྑཝེ; ཨསྶཛིཔུནབྦསུཀེ བྷིཀྑཱུ ཨུཔསངྐམིཏྭཱ ཨེཝཾ ཝདེཐ – ‘བྷགཝཱ, ཨཱཝུསོ, ཨཱགཙྪཏི མཧཏཱ བྷིཀྑུསངྒྷེན སདྡྷིཾ པཉྩམཏྟེཧི བྷིཀྑུསཏེཧི སཱརིཔུཏྟམོགྒལླཱནེཧི ཙ. བྷགཝཏོ ཙ, ཨཱཝུསོ, སེནཱསནཾ པཉྙཔེཐ, བྷིཀྑུསངྒྷསྶ ཙ, སཱརིཔུཏྟམོགྒལླཱནཱནཉྩཱ’’’ཏི. ‘‘ཨེཝཾ བྷནྟེ’’ཏི ཁོ ཏེ བྷིཀྑཱུ བྷགཝཏོ པཊིསྶུཏྭཱ ཡེན ཨསྶཛིཔུནབྦསུཀཱ བྷིཀྑཱུ ཏེནུཔསངྐམིཾསུ, ཨུཔསངྐམིཏྭཱ ཨསྶཛིཔུནབྦསུཀེ བྷིཀྑཱུ ཨེཏདཝོཙུཾ – ‘‘བྷགཝཱ, ཨཱཝུསོ, ཨཱགཙྪཏི མཧཏཱ བྷིཀྑུསངྒྷེན སདྡྷིཾ པཉྩམཏྟེཧི བྷིཀྑུསཏེཧི སཱརིཔུཏྟམོགྒལླཱནེཧི ཙ ¶ . བྷགཝཏོ ཙ, ཨཱཝུསོ, སེནཱསནཾ ¶ པཉྙཔེཐ, བྷིཀྑུསངྒྷསྶ ཙ, སཱརིཔུཏྟམོགྒལླཱནཱནཉྩཱ’’ཏི. ‘‘ནཏྠཱཝུསོ, སངྒྷིཀཾ སེནཱསནཾ. སབྦཾ ཨམྷེཧི བྷཱཛིཏཾ. སྭཱགཏཾ, ཨཱཝུསོ, བྷགཝཏོ. ཡསྨིཾ ཝིཧཱརེ བྷགཝཱ ཨིཙྪིསྶཏི ཏསྨིཾ ཝིཧཱརེ ཝསིསྶཏི. པཱཔིཙྪཱ སཱརིཔུཏྟམོགྒལླཱནཱ, པཱཔིཀཱནཾ ཨིཙྪཱནཾ ཝསཾ གཏཱ. ན མཡཾ ཏེསཾ སེནཱསནཾ པཉྙཔེསྶཱམཱ’’ཏི. ‘‘ཀིཾ པན ཏུམྷེ, ཨཱཝུསོ, སངྒྷིཀཾ སེནཱསནཾ བྷཱཛིཏྠཱ’’ཏི? ‘‘ཨེཝམཱཝུསོ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨསྶཛིཔུནབྦསུཀཱ བྷིཀྑཱུ སངྒྷིཀཾ སེནཱསནཾ བྷཱཛེསྶནྟཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ཀིར, བྷིཀྑཝེ…པེ… ‘‘སཙྩཾ བྷགཝཱ’’ཏི. ཝིགརཧི བུདྡྷོ བྷགཝཱ…པེ… ‘‘ཀཐཉྷི ནཱམ ¶ ཏེ, བྷིཀྑཝེ, མོགྷཔུརིསཱ སངྒྷིཀཾ སེནཱསནཾ བྷཱཛེསྶནྟི? ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

‘‘པཉྩིམཱནི, བྷིཀྑཝེ, ཨཝེབྷངྒིཡཱནི [ཨཝེབྷངྒིཀཱནི (ཀ.)], ན ཝིབྷཛིཏབྦཱནི, སངྒྷེན ཝཱ གཎེན ཝཱ པུགྒལེན ¶ ཝཱ. ཝིབྷཏྟཱནིཔི ཨཝིབྷཏྟཱནི ཧོནྟི. ཡོ ཝིབྷཛེཡྻ, ཨཱཔཏྟི ཐུལླཙྩཡསྶ. ཀཏམཱནི པཉྩ? ཨཱརཱམོ, ཨཱརཱམཝཏྠུ – ཨིདཾ པཋམཾ ཨཝེབྷངྒིཡཾ, ན ཝིབྷཛིཏབྦཾ, སངྒྷེན ཝཱ གཎེན ཝཱ པུགྒལེན ཝཱ. ཝིབྷཏྟམྤི ཨཝིབྷཏྟཾ ཧོཏི. ཡོ ཝིབྷཛེཡྻ, ཨཱཔཏྟི ཐུལླཙྩཡསྶ.

‘‘ཝིཧཱརོ, ཝིཧཱརཝཏྠུ – ཨིདཾ དུཏིཡཾ ཨཝེབྷངྒིཡཾ, ན ཝིབྷཛིཏབྦཾ, སངྒྷེན ཝཱ གཎེན ཝཱ པུགྒལེན ཝཱ. ཝིབྷཏྟམྤི ཨཝིབྷཏྟཾ ཧོཏི. ཡོ ཝིབྷཛེཡྻ, ཨཱཔཏྟི ཐུལླཙྩཡསྶ.

‘‘མཉྩོ, པཱིཋཾ, བྷིསི, བིབྦོཧནཾ – ཨིདཾ ཏཏིཡཾ ཨཝེབྷངྒིཡཾ, ན ཝིབྷཛིཏབྦཾ, སངྒྷེན ཝཱ གཎེན ཝཱ པུགྒལེན ཝཱ. ཝིབྷཏྟམྤི ཨཝིབྷཏྟཾ ཧོཏི. ཡོ ཝིབྷཛེཡྻ, ཨཱཔཏྟི ཐུལླཙྩཡསྶ.

‘‘ལོཧཀུམྦྷཱི, ལོཧབྷཱཎཀཾ, ལོཧཝཱརཀོ, ལོཧཀཊཱཧཾ, ཝཱསཱི, པརསུ, ཀུཋཱརཱི, ཀུདཱལོ, ནིཁཱདནཾ – ཨིདཾ ཙཏུཏྠཾ ཨཝེབྷངྒིཡཾ, ན ཝིབྷཛིཏབྦཾ, སངྒྷེན ཝཱ གཎེན ཝཱ པུགྒལེན ཝཱ. ཝིབྷཏྟམྤི ཨཝིབྷཏྟཾ ཧོཏི. ཡོ ཝིབྷཛེཡྻ, ཨཱཔཏྟི ཐུལླཙྩཡསྶ.

‘‘ཝལླཱི, ཝེལུ༹, མུཉྫཾ, པབྦཛཾ, ཏིཎཾ, མཏྟིཀཱ, དཱརུབྷཎྜཾ, མཏྟིཀཱབྷཎྜཾ – ཨིདཾ པཉྩམཾ ཨཝེབྷངྒིཡཾ, ན ཝིབྷཛིཏབྦཾ, སངྒྷེན ཝཱ གཎེན ཝཱ པུགྒལེན ཝཱ. ཝིབྷཏྟམྤི ¶ ཨཝིབྷཏྟཾ ཧོཏི. ཡོ ཝིབྷཛེཡྻ, ཨཱཔཏྟི ཐུལླཙྩཡསྶ. ཨིམཱནི ཁོ, བྷིཀྑཝེ, པཉྩ ཨཝེབྷངྒིཡཱནི, ན ཝིབྷཛིཏབྦཱནི, སངྒྷེན ཝཱ གཎེན ཝཱ པུགྒལེན ཝཱ. ཝིབྷཏྟཱནིཔི ཨཝིབྷཏྟཱནི ཧོནྟི. ཡོ ཝིབྷཛེཡྻ, ཨཱཔཏྟི ཐུལླཙྩཡསྶཱ’’ཏི.

ནཝཀམྨདཱནཀཐཱ

༣༢༣. ཨཐ ¶ ¶ ཁོ བྷགཝཱ ཀཱིཊཱགིརིསྨིཾ ཡཐཱབྷིརནྟཾ ཝིཧརིཏྭཱ ཡེན ཨཱལ༹ཝཱི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན ཨཱལ༹ཝཱི ཏདཝསརི. ཏཏྲ སུདཾ བྷགཝཱ ཨཱལ༹ཝིཡཾ ཝིཧརཏི ཨགྒཱལ༹ཝེ ཙེཏིཡེ. ཏེན ཁོ པན སམཡེན ཨཱལ༹ཝཀཱ [ཨཱལ༹ཝིཀཱ (སྱཱ. ཀ.)] བྷིཀྑཱུ ཨེཝརཱུཔཱནི ནཝཀམྨཱནི ¶ དེནྟི – པིཎྜནིཀྑེཔནམཏྟེནཔི ནཝཀམྨཾ དེནྟི; ཀུཊྚལེཔནམཏྟེནཔི ནཝཀམྨཾ དེནྟི; དྭཱརཊྛཔནམཏྟེནཔི ནཝཀམྨཾ དེནྟི; ཨགྒལ༹ཝཊྚིཀརཎམཏྟེནཔི ནཝཀམྨཾ དེནྟི; ཨཱལོཀསནྡྷིཀརཎམཏྟེནཔི ནཝཀམྨཾ དེནྟི; སེཏཝཎྞཀརཎམཏྟེནཔི ནཝཀམྨཾ དེནྟི; ཀཱལ༹ཝཎྞཀརཎམཏྟེནཔི ནཝཀམྨཾ དེནྟི; གེརུཀཔརིཀམྨཀརཎམཏྟེནཔི ནཝཀམྨཾ དེནྟི; ཚཱདནམཏྟེནཔི ནཝཀམྨཾ དེནྟི; བནྡྷནམཏྟེནཔི ནཝཀམྨཾ དེནྟི; བྷཎྜིཀཱཊྛཔནམཏྟེནཔི ནཝཀམྨཾ དེནྟི; ཁཎྜཕུལླཔཊིསངྑརཎམཏྟེནཔི ནཝཀམྨཾ དེནྟི; པརིབྷཎྜཀརཎམཏྟེནཔི ནཝཀམྨཾ དེནྟི; ཝཱིསཏིཝསྶིཀམྤི ནཝཀམྨཾ དེནྟི; ཏིཾསཝསྶིཀམྤི ནཝཀམྨཾ དེནྟི; ཡཱཝཛཱིཝིཀམྤི ནཝཀམྨཾ དེནྟི; དྷཱུམཀཱལིཀམྤི པརིཡོསིཏཾ ཝིཧཱརཾ ནཝཀམྨཾ དེནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱལ༹ཝཀཱ བྷིཀྑཱུ ཨེཝརཱུཔཱནི ནཝཀམྨཱནི དསྶནྟི – པིཎྜནིཀྑེཔནམཏྟེནཔི ནཝཀམྨཾ དསྶནྟི; ཀུཊྚལེཔནམཏྟེནཔི… དྭཱརཊྛཔནམཏྟེནཔི ¶ … ཨགྒལ༹ཝཊྚིཀརཎམཏྟེནཔི… ཨཱལོཀསནྡྷིཀརཎམཏྟེནཔི… སེཏཝཎྞཀརཎམཏྟེནཔི… ཀཱལ༹ཝཎྞཀརཎམཏྟེནཔི… གེརུཀཔརིཀམྨཀརཎམཏྟེནཔི… ཚཱདེནམཏྟེནཔི… བནྡྷནམཏྟེནཔི… བྷཎྜིཀཱལ༹པནམཏྟེནཔི… ཁཎྜཕུལླཔཊིསངྑརཎམཏྟེནཔི… པརིབྷཎྜཀརཎམཏྟེནཔི… ཝིསཏིཝསྶིཀམྤི… ཏིཾསཝསྶིཀམྤི… ཡཱཝཛཱིཝིཀམྤི… དྷཱུམཀཱལིཀམྤི པརིཡོསིཏཾ ཝིཧཱརཾ ནཝཀམྨཾ དསྶནྟཱི’’ཏི! བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ཀིར, བྷིཀྑཝེ…པེ… ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, པིཎྜནིཀྑེཔནམཏྟེན ནཝཀམྨཾ དཱཏབྦཾ; ན ཀུཊྚལེཔནམཏྟེན ནཝཀམྨཾ དཱཏབྦཾ. ན ¶ དྭཱརཊྛཔནམཏྟེན ནཝཀམྨཾ དཱཏབྦཾ. ན ཨགྒལ༹ཝཊྚིཀརཎམཏྟེན ནཝཀམྨཾ དཱཏབྦཾ. ན ཨཱལོཀསནྡྷིཀརཎམཏྟེན ནཝཀམྨཾ དཱཏབྦཾ. ན སེཏཝཎྞཀརཎམཏྟེན ནཝཀམྨཾ དཱཏབྦཾ. ན ཀཱལ༹ཝཎྞཀརཎམཏྟེན ནཝཀམྨཾ དཱཏབྦཾ. ན གེརུཀཔརིཀམྨཀརཎམཏྟེན ནཝཀམྨཾ དཱཏབྦཾ. ན ཚཱདེནམཏྟེན ནཝཀམྨཾ དཱཏབྦཾ. ན བནྡྷནམཏྟེན ནཝཀམྨཾ དཱཏབྦཾ. ན བྷཎྜིཀཱལ༹པནམཏྟེན ནཝཀམྨཾ དཱཏབྦཾ. ན ཁཎྜཕུལླཔཊིསངྑརཎམཏྟེན ནཝཀམྨཾ དཱཏབྦཾ. ན པརིབྷཎྜཀརཎམཏྟེན ¶ ནཝཀམྨཾ དཱཏབྦཾ. ན ཝིསཏིཝསྶིཀཾ ནཝཀམྨཾ དཱཏབྦཾ. ན ཏིཾསཝསྶིཀཾ ནཝཀམྨཾ དཱཏབྦཾ. ན ཡཱཝཛཱིཝིཀཾ ནཝཀམྨཾ དཱཏབྦཾ. ན དྷཱུམཀཱལིཀམྤི པརིཡོསིཏཾ ཝིཧཱརཾ ནཝཀམྨཾ དཱཏབྦཾ. ཡོ དདེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨཀཏཾ ཝཱ ཝིཔྤཀཏཾ ཝཱ ནཝཀམྨཾ དཱཏུཾ, ཁུདྡཀེ ཝིཧཱརེ ཀམྨཾ ཨོལོཀེཏྭཱ ཚཔྤཉྩཝསྶིཀཾ ནཝཀམྨཾ དཱཏུཾ, ཨཌྜྷཡོགེ ཀམྨཾ ཨོལོཀེཏྭཱ སཏྟཊྛཝསྶིཀཾ ནཝཀམྨཾ དཱཏུཾ, མཧལླཀེ ཝིཧཱརེ པཱསཱདེ ཝཱ ཀམྨཾ ཨོལོཀེཏྭཱ དསདྭཱདསཝསྶིཀཾ ནཝཀམྨཾ དཱཏུ’’ནྟི.

ཏེན ¶ ཁོ པན སམཡེན བྷིཀྑཱུ སབྦེ ཝིཧཱརེ ནཝཀམྨཾ དེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, སབྦེ ཝིཧཱརེ ནཝཀམྨཾ དཱཏབྦཾ. ཡོ དདེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ ཨེཀསྶ དྭེ དེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨེཀསྶ དྭེ དཱཏབྦཱ. ཡོ དདེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ ནཝཀམྨཾ གཧེཏྭཱ ཨཉྙཾ ཝཱསེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ནཝཀམྨཾ ¶ གཧེཏྭཱ ཨཉྙོ ཝཱསེཏབྦོ. ཡོ ཝཱསེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ ནཝཀམྨཾ གཧེཏྭཱ སངྒྷིཀཾ ¶ པཊིབཱཧེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ནཝཀམྨཾ གཧེཏྭཱ སངྒྷིཀཾ པཊིབཱཧིཏབྦཾ. ཡོ པཊིབཱཧེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨེཀཾ ཝརསེཡྻཾ གཧེཏུ’’ནྟི.

ཏེན ཁོ པན སམཡེན བྷིཀྑཱུ ནིསྶཱིམེ ཋིཏསྶ ནཝཀམྨཾ དེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ནིསྶཱིམེ ཋིཏསྶ ནཝཀམྨཾ དཱཏབྦཾ. ཡོ དདེཡྻ, ཨཱཔཏྟི དུཀྐཊསྶཱ’’ཏི.

ཏེན ¶ ཁོ པན སམཡེན བྷིཀྑཱུ ནཝཀམྨཾ གཧེཏྭཱ སབྦཀཱལཾ པཊིབཱཧནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ནཝཀམྨཾ གཧེཏྭཱ སབྦཀཱལཾ པཊིབཱཧིཏབྦཾ. ཡོ པཊིབཱཧེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཝསྶཱནཾ ཏེམཱསཾ པཊིབཱཧིཏུཾ, ཨུཏུཀཱལཾ པན ན པཊིབཱཧིཏུ’’ནྟི.

ཏེན ཁོ པན སམཡེན བྷིཀྑཱུ ནཝཀམྨཾ གཧེཏྭཱ པཀྐམནྟིཔི, ཝིབྦྷམནྟིཔི, ཀཱལམྤི ཀརོནྟི; སཱམཎེརཱཔི པཊིཛཱནནྟི; སིཀྑཾ པཙྩཀྑཱཏཀཱཔི པཊིཛཱནནྟི; ཨནྟིམཝཏྠུཾ ཨཛ྄ཛྷཱཔནྣཀཱཔི པཊིཛཱནནྟི; ཨུམྨཏྟཀཱཔི པཊིཛཱནནྟི; ཁིཏྟཙིཏྟཱཔི པཊིཛཱནནྟི; ཝེདནཱཊྚཱཔི པཊིཛཱནནྟི; ཨཱཔཏྟིཡཱ ཨདསྶནེ ཨུཀྑིཏྟཀཱཔི པཊིཛཱནནྟི; ཨཱཔཏྟིཡཱ ཨཔྤཊིཀམྨེ ཨུཀྑིཏྟཀཱཔི པཊིཛཱནནྟི; པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཏྟཀཱཔི པཊིཛཱནནྟི; པཎྜཀཱཔི པཊིཛཱནནྟི; ཐེཡྻསཾཝཱསཀཱཔི པཊིཛཱནནྟི; ཏིཏྠིཡཔཀྐནྟཀཱཔི ¶

པཊིཛཱནནྟི; ཏིརཙྪཱནགཏཱཔི པཊིཛཱནནྟི; མཱཏུགྷཱཏཀཱཔི པཊིཛཱནནྟི; པིཏུགྷཱཏཀཱཔི པཊིཛཱནནྟི ¶ ; ཨརཧནྟགྷཱཏཀཱཔི པཊིཛཱནནྟི; བྷིཀྑུནིདཱུསཀཱཔི པཊིཛཱནནྟི; སངྒྷབྷེདཀཱཔི པཊིཛཱནནྟི; ལོཧིཏུཔྤཱདཀཱཔི པཊིཛཱནནྟི; ཨུབྷཏོབྱཉྫནཀཱཔི པཊིཛཱནནྟི. བྷགཝཏོ ཨེཏམཏྠཾ ཨཱརོཙེསུཾ.

‘‘ཨིདྷ པན, བྷིཀྑཝེ, བྷིཀྑུ ནཝཀམྨཾ གཧེཏྭཱ པཀྐམཏི – མཱ སངྒྷསྶ ཧཱཡཱིཏི ཨཉྙསྶ དཱཏབྦཾ.

‘‘ཨིདྷ པན, བྷིཀྑཝེ, བྷིཀྑུ ནཝཀམྨཾ གཧེཏྭཱ ཝིབྦྷམཏི…པེ… ཀཱལངྐརོཏི, སཱམཎེརོ པཊིཛཱནཱཏི, སིཀྑཾ པཙྩཀྑཱཏཀོ པཊིཛཱནཱཏི, ཨནྟིམཝཏྠུཾ ཨཛ྄ཛྷཱཔནྣཀོ པཊིཛཱནཱཏི, ཨུམྨཏྟཀོ པཊིཛཱནཱཏི, ཁིཏྟཙིཏྟོ པཊིཛཱནཱཏི, ཝེདནཱཊྚོ པཊིཛཱནཱཏི, ཨཱཔཏྟིཡཱ ཨདསྶནེ ཨུཀྑིཏྟཀོ པཊིཛཱནཱཏི, ཨཱཔཏྟིཡཱ ཨཔྤཊིཀམྨེ ཨུཀྑིཏྟཀོ པཊིཛཱནཱཏི, པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑིཏྟཀོ པཊིཛཱནཱཏི, པཎྜཀོ པཊིཛཱནཱཏི, ཐེཡྻསཾཝཱསཀོ པཊིཛཱནཱཏི, ཏིཏྠིཡཔཀྐནྟཀོ པཊིཛཱནཱཏི, ཏིརཙྪཱནགཏོ པཊིཛཱནཱཏི, མཱཏུགྷཱཏཀོ པཊིཛཱནཱཏི, པིཏུགྷཱཏཀོ པཊིཛཱནཱཏི, ཨརཧནྟགྷཱཏཀོ པཊིཛཱནཱཏི, བྷིཀྑུནཱིདཱུསཀོ པཊིཛཱནཱཏི, སངྒྷབྷེདཀོ པཊིཛཱནཱཏི, ལོཧིཏུཔྤཱདཀོ པཊིཛཱནཱཏི, ཨུབྷཏོབྱཉྫནཀོ པཊིཛཱནཱཏི – མཱ སངྒྷསྶ ཧཱཡཱིཏི ཨཉྙསྶ དཱཏབྦཾ.

‘‘ཨིདྷ ¶ པན, བྷིཀྑཝེ, བྷིཀྑུ ནཝཀམྨཾ གཧེཏྭཱ ཝིཔྤཀཏེ པཀྐམཏི – མཱ སངྒྷསྶ ཧཱཡཱིཏི ཨཉྙསྶ དཱཏབྦཾ.

‘‘ཨིདྷ པན, བྷིཀྑཝེ, བྷིཀྑུ ནཝཀམྨཾ གཧེཏྭཱ ཝིཔྤཀཏེ ཝིབྦྷམཏི…པེ… ཨུབྷཏོབྱཉྫནཀོ པཊིཛཱནཱཏི – མཱ སངྒྷསྶ ཧཱཡཱིཏི ¶ ཨཉྙསྶ དཱཏབྦཾ.

‘‘ཨིདྷ པན, བྷིཀྑཝེ, བྷིཀྑུ ནཝཀམྨཾ གཧེཏྭཱ པརིཡོསིཏེ པཀྐམཏི – ཏསྶེཝེཏཾ.

‘‘ཨིདྷ པན, བྷིཀྑཝེ, བྷིཀྑུ ནཝཀམྨཾ གཧེཏྭཱ པརིཡོསིཏེ ཝིབྦྷམཏི…པེ… ཀཱལངྐརོཏི, སཱམཎེརོ པཊིཛཱནཱཏི, སིཀྑཾ པཙྩཀྑཱཏཀོ པཊིཛཱནཱཏི, ཨནྟིམཝཏྠུཾ ཨཛ྄ཛྷཱཔནྣཀོ པཊིཛཱནཱཏི – སངྒྷོ སཱམཱི.

‘‘ཨིདྷ ¶ པན, བྷིཀྑཝེ, བྷིཀྑུ ནཝཀམྨཾ གཧེཏྭཱ པརིཡོསིཏེ ཨུམྨཏྟཀོ པཊིཛཱནཱཏི, ཁིཏྟཙིཏྟོ པཊིཛཱནཱཏི, ཝེདནཱཊྚོ པཊིཛཱནཱཏི, ཨཱཔཏྟིཡཱ ཨདསྶནེ ཨུཀྑིཏྟཀོ པཊིཛཱནཱཏི, ཨཱཔཏྟིཡཱ ཨཔྤཊིཀམྨེ ཨུཀྑིཏྟཀོ པཊིཛཱནཱཏི, པཱཔིཀཱཡ དིཊྛིཡཱ ཨཔྤཊིནིསྶགྒེ ¶ ཨུཀྑིཏྟཀོ པཊིཛཱནཱཏི – ཏསྶེཝེཏཾ.

‘‘ཨིདྷ པན, བྷིཀྑཝེ, བྷིཀྑུ ནཝཀམྨཾ གཧེཏྭཱ པརིཡོསིཏེ པཎྜཀོ པཊིཛཱནཱཏི, ཐེཡྻསཾཝཱསཀོ པཊིཛཱནཱཏི, ཏིཏྠིཡཔཀྐནྟཀོ པཊིཛཱནཱཏི, ཏིརཙྪཱནགཏོ པཊིཛཱནཱཏི, མཱཏུགྷཱཏཀོ པཊིཛཱནཱཏི, པིཏུགྷཱཏཀོ པཊིཛཱནཱཏི, ཨརཧནྟགྷཱཏཀོ པཊིཛཱནཱཏི, བྷིཀྑུནཱིདཱུསཀོ པཊིཛཱནཱཏི, སངྒྷབྷེདཀོ པཊིཛཱནཱཏི, ལོཧིཏུཔྤཱདཀོ པཊིཛཱནཱཏི, ཨུབྷཏོབྱཉྫནཀོ པཊིཛཱནཱཏི – སངྒྷོ སཱམཱི’’ཏི.

ཨཉྙཏྲཔརིབྷོགཔཊིཀྑེཔཱདི

༣༢༤. [པཱརཱ. ༡༥༧] ཏེན ཁོ པན སམཡེན བྷིཀྑཱུ ཨཉྙཏརསྶ ཨུཔཱསཀསྶ ཝིཧཱརཔརིབྷོགཾ སེནཱསནཾ ཨཉྙཏྲ པརིབྷུཉྫནྟི. ཨཐ ཁོ སོ ཨུཔཱསཀོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ བྷདནྟཱ ཨཉྙཏྲ ¶ པརིབྷོགཾ ཨཉྙཏྲ པརིབྷུཉྫིསྶནྟཱི’’ཏི! བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨཉྙཏྲ པརིབྷོགོ ཨཉྙཏྲ པརིབྷུཉྫིཏབྦོ. ཡོ པརིབྷུཉྫེཡྻ, ཨཱཔཏྟི དུཀྐཊསྶཱ’’ཏི.

[པཱརཱ. ༡༥༧] ཏེན ¶ ཁོ པན སམཡེན བྷིཀྑཱུ ཨུཔོསཐགྒམྤི སནྣིསཛྫམྤི ཧརིཏུཾ ཀུཀྐུཙྩཱཡནྟཱ ཚམཱཡ ནིསཱིདནྟི. གཏྟཱནིཔི ཙཱིཝརཱནིཔི པཾསུཀིཏཱནི ཧོནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཏཱཝཀཱལིཀཾ ཧརིཏུ’’ནྟི.

ཏེན ཁོ པན སམཡེན སངྒྷསྶ མཧཱཝིཧཱརོ ཨུནྡྲིཡཏི. བྷིཀྑཱུ ཀུཀྐུཙྩཱཡནྟཱ སེནཱསནཾ ནཱཏིཧརནྟི [ནཱབྷིཧརནྟི (ཀ.)]. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, གུཏྟཏྠཱཡ ཧརིཏུ’’ནྟི.

ཏེན ཁོ པན སམཡེན སངྒྷསྶ སེནཱསནཔརིཀྑཱརིཀོ མཧགྒྷོ ཀམྦལོ ཨུཔྤནྣོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཕཱཏིཀམྨཏྠཱཡ པརིཝཏྟེཏུ’’ནྟི.

ཏེན ¶ ཁོ པན སམཡེན སངྒྷསྶ སེནཱསནཔརིཀྑཱརིཀཾ མཧགྒྷཾ དུསྶཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཕཱཏིཀམྨཏྠཱཡ པརིཝཏྟེཏུ’’ནྟི.

ཏེན ཁོ པན སམཡེན སངྒྷསྶ ཨཙྪཙམྨཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཱདཔུཉྪནིཾ ཀཱཏུ’’ནྟི.

ཏེན ཁོ པན སམཡེན སངྒྷསྶ ཙཀྐལིཀཾ ཨུཔྤནྣཾ ཧོཏི ¶ . བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཱདཔུཉྪནིཾ ཀཱཏུ’’ནྟི.

ཏེན ཁོ པན སམཡེན སངྒྷསྶ ཙོལ༹ཀཾ ཨུཔྤནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཱདཔུཉྪནིཾ ཀཱཏུ’’ནྟི.

ཏེན ཁོ པན སམཡེན བྷིཀྑཱུ ཨདྷོཏེཧི པཱདེཧི སེནཱསནཾ ཨཀྐམནྟི. སེནཱསནཾ དུསྶཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨདྷོཏེཧི པཱདེཧི སེནཱསནཾ ཨཀྐམིཏབྦཾ. ཡོ ཨཀྐམེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ ཨལླེཧི པཱདེཧི སེནཱསནཾ ཨཀྐམནྟི. སེནཱསནཾ དུསྶཏི. བྷགཝཏོ ཨེཏམཏྠཾ ཨཱརོཙེསུཾ ¶ . ‘‘ན, བྷིཀྑཝེ, ཨལླེཧི པཱདེཧི སེནཱསནཾ ཨཀྐམིཏབྦཾ. ཡོ ཨཀྐམེཡྻ, ཨཱཔཏྟི དུཀྐཊསྶཱ’’ཏི.

ཏེན ¶ ཁོ པན སམཡེན བྷིཀྑཱུ སཨུཔཱཧནཱ སེནཱསནཾ ཨཀྐམནྟི. སེནཱསནཾ དུསྶཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, སཨུཔཱཧནེན སེནཱསནཾ ཨཀྐམིཏབྦཾ. ཡོ ཨཀྐམེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ པརིཀམྨཀཏཱཡ བྷཱུམིཡཱ ནིཊྛུབྷནྟི. ཝཎྞོ དུསྶཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན ¶ , བྷིཀྑཝེ, པརིཀམྨཀཏཱཡ བྷཱུམིཡཱ ནིཊྛུབྷིཏབྦཾ. ཡོ ནིཊྛུབྷེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཁེལ༹མལླཀ’’ནྟི.

ཏེན ཁོ པན སམཡེན མཉྩཔཱདཱཔི པཱིཋཔཱདཱཔི པརིཀམྨཀཏཾ བྷཱུམིཾ ཝིལིཁནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཙོལ༹ཀེན པལིཝེཋེཏུ’’ནྟི.

ཏེན ¶ ཁོ པན སམཡེན བྷིཀྑཱུ པརིཀམྨཀཏཾ བྷིཏྟིཾ ཨཔསྶེནྟི. ཝཎྞོ དུསྶཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, པརིཀམྨཀཏཱ བྷིཏྟི ཨཔསྶེཏབྦཱ. ཡོ ཨཔསྶེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨཔསྶེནཕལཀ’’ནྟི. ཨཔསྶེནཕལཀཾ ཧེཊྛཏོ བྷཱུམིཾ ཝིལིཁཏི, ཨུཔརིཏོ བྷིཏྟིཉྩ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཧེཊྛཏོ ཙ ཨུཔརིཏོ ཙ ཙོལ༹ཀེན པལིཝེཋེཏུ’’ནྟི.

ཏེན ཁོ པན སམཡེན བྷིཀྑཱུ དྷོཏཔཱདཀཱ ནིཔཛྫིཏུཾ ཀུཀྐུཙྩཱཡནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཙྩཏྠརིཏྭཱ ནིཔཛྫིཏུ’’ནྟི.

སངྒྷབྷཏྟཱདིཨནུཛཱནནཾ

༣༢༥. ཨཐ ཁོ བྷགཝཱ ཨཱལ༹ཝིཡཾ ཡཐཱབྷིརནྟཾ ཝིཧརིཏྭཱ ཡེན རཱཛགཧཾ ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན རཱཛགཧཾ ཏདཝསརི. ཏཏྲ སུདཾ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ¶ ཁོ པན སམཡེན རཱཛགཧཾ དུབྦྷིཀྑཾ ཧོཏི. མནུསྶཱ ན སཀྐོནྟི སངྒྷབྷཏྟཾ ཀཱཏུཾ; ཨིཙྪནྟི ཨུདྡེསབྷཏྟཾ ནིམནྟནཾ སལཱཀབྷཏྟཾ པཀྑིཀཾ ཨུཔོསཐིཀཾ པཱཊིཔདིཀཾ ཀཱཏུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སངྒྷབྷཏྟཾ ཨུདྡེསབྷཏྟཾ ནིམནྟནཾ སལཱཀབྷཏྟཾ པཀྑིཀཾ ཨུཔོསཐིཀཾ པཱཊིཔདིཀ’’ནྟི.

བྷཏྟུདྡེསཀསམྨུཏི

༣༢༦. ཏེན ¶ ཁོ པན སམཡེན ཚབྦགྒིཡཱ བྷིཀྑཱུ ཨཏྟནོ ཝརབྷཏྟཱནི གཧེཏྭཱ ལཱམཀཱནི བྷཏྟཱནི བྷིཀྑཱུནཾ དེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཉྩཧངྒེཧི སམནྣཱགཏཾ བྷིཀྑུཾ བྷཏྟུདྡེསཀཾ ¶ སམྨནྣིཏུཾ – ཡོ ན ཚནྡཱགཏིཾ གཙྪེཡྻ, ན དོསཱགཏིཾ གཙྪེཡྻ, ན མོཧཱགཏིཾ གཙྪེཡྻ, ན བྷཡཱགཏིཾ གཙྪེཡྻ, ཨུདྡིཊྛཱནུདྡིཊྛཉྩ ཛཱནེཡྻ. ཨེཝཉྩ པན, བྷིཀྑཝེ, སམྨནྣིཏབྦོ. པཋམཾ བྷིཀྑུ ཡཱཙིཏབྦོ, ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུཾ བྷཏྟུདྡེསཀཾ སམྨནྣེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ བྷིཀྑུཾ བྷཏྟུདྡེསཀཾ སམྨནྣཏི. ཡསྶཱཡསྨཏོ ¶ ཁམཏི ཨིཏྠནྣཱམསྶ བྷིཀྑུནོ བྷཏྟུདྡེསཀསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨིཏྠནྣཱམོ བྷིཀྑུ བྷཏྟུདྡེསཀོ. ཁམཏི ¶ སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨཐ ཁོ བྷཏྟུདྡེསཀཱནཾ བྷིཀྑཱུནཾ ཨེཏདཧོསི – ‘‘ཀཐཾ ནུ ཁོ བྷཏྟཾ ཨུདྡིསིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སལཱཀཱཡ ཝཱ པཊྚིཀཱཡ ཝཱ [པཊིཀཱཡ ཝཱ (སྱཱ.)] ཨུཔནིབནྡྷིཏྭཱ ཨོཔུཉྫིཏྭཱ བྷཏྟཾ ཨུདྡིསིཏུ’’ནྟི.

སེནཱསནཔཉྙཱཔཀཱདིསམྨུཏི

༣༢༧. ཏེན ཁོ པན སམཡེན སངྒྷསྶ སེནཱསནཔཉྙཱཔཀོ ན ཧོཏི…པེ… བྷཎྜཱགཱརིཀོ ན ཧོཏི…པེ… ཙཱིཝརཔྤཊིགྒཱཧཀོ ན ཧོཏི…པེ… ཙཱིཝརབྷཱཛཀོ ན ཧོཏི…པེ… ཡཱགུབྷཱཛཀོ ན ཧོཏི…པེ… ཕལབྷཱཛཀོ ན ཧོཏི…པེ… ཁཛྫཀབྷཱཛཀོ ན ཧོཏི. ཁཛྫཀཾ ཨབྷཱཛིཡམཱནཾ ནསྶཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཉྩཧངྒེཧི སམནྣཱགཏཾ བྷིཀྑུཾ ཁཛྫཀབྷཱཛཀཾ སམྨནྣིཏུཾ – ཡོ ན ཚནྡཱགཏིཾ གཙྪེཡྻ, ན དོསཱགཏིཾ གཙྪེཡྻ, ན མོཧཱགཏིཾ གཙྪེཡྻ, ན བྷཡཱགཏིཾ གཙྪེཡྻ ¶ , བྷཱཛིཏཱབྷཱཛིཏཉྩ ཛཱནེཡྻ. ཨེཝཉྩ པན, བྷིཀྑཝེ, སམྨནྣིཏབྦོ. པཋམཾ བྷིཀྑུ ཡཱཙིཏབྦོ, ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུཾ ཁཛྫཀབྷཱཛཀཾ སམྨནྣེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ བྷིཀྑུཾ ཁཛྫཀབྷཱཛཀཾ སམྨནྣཏི ¶ . ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ ཁཛྫཀབྷཱཛཀསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨིཏྠནྣཱམོ བྷིཀྑུ ཁཛྫཀབྷཱཛཀོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨཔྤམཏྟཀཝིསྶཛྫཀསམྨུཏི

༣༢༨. ཏེན ¶ ཁོ པན སམཡེན སངྒྷསྶ བྷཎྜཱགཱརེ ཨཔྤམཏྟཀོ པརིཀྑཱརོ ཨུཔྤནྣོ [ཨུསྶནྣོ (སྱཱ.)] ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཉྩཧངྒེཧི སམནྣཱགཏཾ ¶ བྷིཀྑུཾ ཨཔྤམཏྟཀཝིསྶཛྫཀཾ སམྨནྣིཏུཾ – ཡོ ན ཚནྡཱགཏིཾ གཙྪེཡྻ, ན དོསཱགཏིཾ གཙྪེཡྻ, ན མོཧཱགཏིཾ གཙྪེཡྻ, ན བྷཡཱགཏིཾ གཙྪེཡྻ, ཝིསྶཛྫིཏཱཝིསྶཛྫིཏཉྩ ཛཱནེཡྻ. ཨེཝཉྩ པན, བྷིཀྑཝེ, སམྨནྣིཏབྦོ. པཋམཾ བྷིཀྑུ ཡཱཙིཏབྦོ, ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུཾ ཨཔྤམཏྟཀཝིསྶཛྫཀཾ སམྨནྣེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ བྷིཀྑུཾ ཨཔྤམཏྟཀཝིསྶཛྫཀཾ སམྨནྣཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ ཨཔྤམཏྟཀཝིསྶཛྫཀསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨིཏྠནྣཱམོ བྷིཀྑུ ཨཔྤམཏྟཀཝིསྶཛྫཀོ. ཁམཏི སངྒྷསྶ, ཏསྨཱ ཏུཎྷཱི ¶ , ཨེཝམེཏཾ དྷཱརཡཱམཱི’’ཏི.

ཏེན ¶ ཨཔྤམཏྟཀཝིསྶཛྫཀེན བྷིཀྑུནཱ ཨེཀཱ [ཨེཀེཀཱ (སཱི.)] སཱུཙི དཱཏབྦཱ, སཏྠཀཾ དཱཏབྦཾ, ཨུཔཱཧནཱ དཱཏབྦཱ, ཀཱཡབནྡྷནཾ དཱཏབྦཾ, ཨཾསབནྡྷཀོ དཱཏབྦོ, པརིསྶཱཝནཾ དཱཏབྦཾ, དྷམྨཀརཎོ དཱཏབྦོ, ཀུསི དཱཏབྦཱ, ཨཌྜྷཀུསི དཱཏབྦཱ, མཎྜལཾ དཱཏབྦཾ, ཨཌྜྷམཎྜལཾ དཱཏབྦཾ, ཨནུཝཱཏོ དཱཏབྦོ, པརིབྷཎྜཾ དཱཏབྦཾ. སཙེ ཧོཏི སངྒྷསྶ སཔྤི ཝཱ ཏེལཾ ཝཱ མདྷུ ཝཱ ཕཱཎིཏཾ ཝཱ, སཀིཾ པཊིསཱཡིཏུཾ དཱཏབྦཾ. སཙེ པུནཔི ཨཏྠོ ཧོཏི, པུནཔི དཱཏབྦཾ.

སཱཊིཡགྒཱཧཱཔཀཱདིསམྨུཏི

༣༢༩. ཏེན ཁོ པན སམཡེན སངྒྷསྶ སཱཊིཡགྒཱཧཱཔཀོ ན ཧོཏི…པེ… པཏྟགྒཱཧཱཔཀོ ན ཧོཏི…པེ… ཨཱརཱམིཀཔེསཀོ ན ཧོཏི…པེ… སཱམཎེརཔེསཀོ ན ཧོཏི. སཱམཎེརཱ ཨཔེསིཡམཱནཱ ཀམྨཾ ན ཀརོནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཉྩཧངྒེཧི སམནྣཱགཏཾ བྷིཀྑུཾ སཱམཎེརཔེསཀཾ སམྨནྣིཏུཾ – ཡོ ན ཚནྡཱགཏིཾ གཙྪེཡྻ, ན དོསཱགཏིཾ གཙྪེཡྻ, ན མོཧཱགཏིཾ གཙྪེཡྻ, ན བྷཡཱགཏིཾ གཙྪེཡྻ, པེསིཏཱཔེསིཏཉྩ ¶ ཛཱནེཡྻ. ཨེཝཉྩ པན, བྷིཀྑཝེ, སམྨནྣིཏབྦོ. པཋམཾ བྷིཀྑུ ཡཱཙིཏབྦོ, ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ¶ ཨིཏྠནྣཱམཾ བྷིཀྑུཾ སཱམཎེརཔེསཀཾ སམྨནྣེཡྻ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨིཏྠནྣཱམཾ བྷིཀྑུཾ སཱམཎེརཔེསཀཾ སམྨནྣཏི. ཡསྶཱཡསྨཏོ ཁམཏི ཨིཏྠནྣཱམསྶ བྷིཀྑུནོ སཱམཎེརཔེསཀསྶ སམྨུཏི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨིཏྠནྣཱམོ བྷིཀྑུ སཱམཎེརཔེསཀོ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཏཏིཡབྷཱཎཝཱརོ ནིཊྛིཏོ.

སེནཱསནཀྑནྡྷཀོ ཚཊྛོ.

ཏསྶུདྡཱནཾ –

ཝིཧཱརཾ ¶ བུདྡྷསེཊྛེན, ཨཔཉྙཏྟཾ ཏདཱ ཨཧུ;

ཏཧཾ ཏཧཾ ནིཀྑམནྟི, ཝཱསཱ ཏེ ཛིནསཱཝཀཱ.

སེཊྛཱི གཧཔཏི དིསྭཱ, བྷིཀྑཱུནཾ ཨིདམབྲཝི;

ཀཱརཱཔེཡྻཾ ཝསེཡྻཱཐ, པཊིཔུཙྪིཾསུ ནཱཡཀཾ.

ཝིཧཱརཾ ཨཌྜྷཡོགཉྩ, པཱསཱདཾ ཧམྨིཡཾ གུཧཾ;

པཉྩལེཎཾ ཨནུཉྙཱསི, ཝིཧཱརེ སེཊྛི ཀཱརཡི.

ཛནོ ཝིཧཱརཾ ཀཱརེཏི, ཨཀཝཱཊཾ ཨསཾཝུཏཾ;

ཀཝཱཊཾ པིཊྛསངྒྷཱཊཾ, ཨུདུཀྑལཉྩ ཨུཏྟརི.

ཨཱཝིཉྪནཙྪིདྡཾ ¶ ¶ རཛྫུཾ, ཝཊྚིཉྩ ཀཔིསཱིསཀཾ;

སཱུཙིགྷཊིཏཱལ༹ཙྪིདྡཾ ¶ , ལོཧཀཊྛཝིསཱཎཀཾ.

ཡནྟཀཾ སཱུཙིཀཉྩེཝ, ཚདནཾ ཨུལླིཏྟཱཝལིཏྟཾ;

ཝེདིཛཱལསལཱཀཉྩ, ཙཀྐལི སནྠརེན ཙ.

མིཌྜྷི བིདལམཉྩཉྩ, སོསཱནིཀམསཱརཀོ;

བུནྡིཀུལི༹རཔཱདཉྩ, ཨཱཧཙྩཱསནྡི ཨུཙྩཀེ.

སཏྟངྒོ ཙ བྷདྡཔཱིཋཾ, པཱིཋཀེལ༹ཀཔཱདཀཾ;

ཨཱམལཱཕལཀཱ ཀོཙྪཱ, པལཱལཔཱིཋམེཝ ཙ.

ཨུཙྩཱཧིཔཊིཔཱདཀཱ, ཨཊྛངྒུལི ཙ པཱདཀཱ;

སུཏྟཾ ཨཊྛཔདཾ ཙོལ༹ཾ, ཏཱུལིཀཾ ཨཌྜྷཀཱཡིཀཾ.

གིརགྒོ བྷིསིཡོ ཙཱཔི, དུསྶཾ སེནཱསནམྤི ཙ;

ཨོནདྡྷཾ ཧེཊྛཱ པཏཏི, ཨུཔྤཱཊེཏྭཱ ཧརནྟི ཙ.

བྷཏྟིཉྩ ཧཏྠབྷཏྟིཉྩ, ཨནུཉྙཱསི ཏཐཱགཏོ;

ཏིཏྠིཡཱ ཝིཧཱརེ ཙཱཔི, ཐུསཾ སཎྷཉྩ མཏྟིཀཱ.

ཨིཀྐཱསཾ པཱཎིཀཾ ཀུཎྜཾ, སཱསཔཾ སིཏྠཏེལཀཾ;

ཨུསྶནྣེ པཙྩུདྡྷརིཏུཾ, ཕརུསཾ གཎྜུམཏྟིཀཾ.

ཨིཀྐཱསཾ ¶ པཊིབྷཱནཉྩ, ནཱིཙཱ ཙཡོ ཙ ཨཱརུཧཾ;

པརིཔཏནྟི ཨཱལ༹ཀཱ, ཨཌྜྷཀུཊྚཾ ཏཡོ པུན.

ཁུདྡཀེ ¶ ཀུཊྚཔཱདོ ཙ, ཨོཝསྶཏི སརཾ ཁིལཾ;

ཙཱིཝརཝཾསཾ རཛྫུཉྩ, ཨཱལི༹ནྡཾ ཀིཊིཀེན ཙ.

ཨཱལམྦནཾ ¶ ཏིཎཙུཎྞཾ, ཧེཊྛཱམགྒེ ནཡཾ ཀརེ;

ཨཛ྄ཛྷོཀཱསེ ཨོཏཔྤཏི, སཱལཾ ཧེཊྛཱ ཙ བྷཱཛནཾ.

ཝིཧཱརོ ཀོཊྛཀོ ཙེཝ, པརིཝེཎགྒིསཱལཀཾ;

ཨཱརཱམེ ཙ པུན ཀོཊྛེ, ཧེཊྛཉྙེཝ ནཡཾ ཀརེ.

སུདྷཾ ཨནཱཐཔིཎྜི ཙ, སདྡྷོ སཱིཏཝནཾ ཨགཱ;

དིཊྛདྷམྨོ ནིམནྟེསི, སཧ སངྒྷེན ནཱཡཀཾ.

ཨཱཎཱཔེསནྟརཱམགྒེ, ཨཱརཱམཾ ཀཱརཡཱི གཎོ;

ཝེསཱལིཡཾ ནཝཀམྨཾ, པུརཏོ ཙ པརིགྒཧི.

ཀོ ཨརཧཏི བྷཏྟགྒེ, ཏིཏྟིརཉྩ ཨཝནྡིཡཱ;

པརིགྒཧིཏནྟརགྷརཱ, ཏཱུལོ སཱཝཏྠི ཨོསརི.

པཏིཊྛཱཔེསི ཨཱརཱམཾ, བྷཏྟགྒེ ཙ ཀོལཱཧལཾ;

གིལཱནཱ ཝརསེཡྻཱ ཙ, ལེསཱ སཏྟརསཱ ཏཧིཾ.

ཀེན ནུ ཁོ ཀཐཾ ནུ ཁོ, ཝིཧཱརགྒེན བྷཱཛཡི;

པརིཝེཎཾ ¶ ཨནུབྷཱགཉྩ, ཨཀཱམཱ བྷཱགཾ ནོ དདེ.

ནིསྶཱིམཾ སབྦཀཱལཉྩ, གཱཧཱ སེནཱསནེ ཏཡོ;

ཨུཔནནྡོ ཙ ཝཎྞེསི, ཋིཏཀཱ སམཀཱསནཱ.

སམཱནཱསནིཀཱ བྷིནྡིཾསུ, ཏིཝགྒཱ ཙ དུཝགྒིཀཾ;

ཨསམཱནཱསནིཀཱ དཱིགྷཾ, སཱལི༹ནྡཾ པརིབྷུཉྫིཏུཾ.

ཨཡྻིཀཱ ཙ ཨཝིདཱུརེ, བྷཱཛིཏཉྩ ཀཱིཊཱགིརེ;

ཨཱལ༹ཝཱི ¶ པིཎྜཀཀུཊྚེཧི, དྭཱརཨགྒལ༹ཝཊྚིཀཱ.

ཨཱལོཀསེཏཀཱལ༹ཉྩ ¶ , གེརུཚཱདནབནྡྷནཱ;

བྷཎྜིཁཎྜཔརིབྷཎྜཾ, ཝཱིས ཏིཾསཱ ཙ ཀཱལིཀཱ.

ཨོསིཏེ ཨཀཏཾ ཝིཔྤཾ, ཁུདྡེ ཚཔྤཉྩཝསྶིཀཾ;

ཨཌྜྷཡོགེ ཙ སཏྟཊྛ, མཧལླེ དས དྭཱདས.

སབྦཾ ཝིཧཱརཾ ཨེཀསྶ, ཨཉྙཾ ཝཱསེནྟི སངྒྷིཀཾ;

ནིསྶཱིམཾ སབྦཀཱལཉྩ, པཀྐམི ཝིབྦྷམནྟི ཙ.

ཀཱལཉྩ ¶ སཱམཎེརཉྩ, སིཀྑཱཔཙྩཀྑཨནྟིམཾ;

ཨུམྨཏྟཁིཏྟཙིཏྟཱ ཙ, ཝེདནཱཔཏྟིདསྶནཱ.

ཨཔྤཊིཀམྨདིཊྛིཡཱ, པཎྜཀཱ ཐེཡྻཏིཏྠིཡཱ;

ཏིརཙྪཱནམཱཏུཔིཏུ, ཨརཧནྟཱ ཙ དཱུསཀཱ.

བྷེདཀཱ ལོཧིཏུཔྤཱདཱ, ཨུབྷཏོ ཙཱཔི བྱཉྫནཀཱ;

མཱ སངྒྷསྶ པརིཧཱཡི, ཀམྨཾ ཨཉྙསྶ དཱཏཝེ.

ཝིཔྤཀཏེ ཙ ཨཉྙསྶ, ཀཏེ ཏསྶེཝ པཀྐམེ;

ཝིབྦྷམཏི ¶ ཀཱལངྐཏོ, སཱམཎེརོ ཙ ཛཱཡཏི.

པཙྩཀྑཱཏོ ཙ སིཀྑཱཡ, ཨནྟིམཛ྄ཛྷཱཔནྣཀོ ཡདི;

སངྒྷོཝ སཱམིཀོ ཧོཏི, ཨུམྨཏྟཁིཏྟཝེདནཱ.

ཨདསྶནཱཔྤཊིཀམྨེ, དིཊྛི ཏསྶེཝ ཧོཏི ཏཾ;

པཎྜཀོ ཐེཡྻཏིཏྠཱི ཙ, ཏིརཙྪཱནམཱཏུཔེཏྟིཀཾ.

གྷཱཏཀོ དཱུསཀོ ཙཱཔི, བྷེདལོཧིཏབྱཉྫནཱ;

པཊིཛཱནཱཏི ཡདི སོ, སངྒྷོཝ ཧོཏི སཱམིཀོ.

ཧརནྟཉྙཏྲ ¶ ཀུཀྐུཙྩཾ, ཨུནྡྲིཡཏི ཙ ཀམྦལཾ;

དུསྶཉྩ ཙམྨཙཀྐལཱི, ཙོལ༹ཀཾ ཨཀྐམནྟི ཙ.

ཨལླཱ ཨུཔཱཧནཱནིཊྛུ, ལིཁནྟི ཨཔསྶེནྟི ཙ;

ཨཔསྶེནཾ ལིཁཏེཝ, དྷོཏཔཙྩཏྠརེན ཙ.

རཱཛགཧེ ན སཀྐོནྟི, ལཱམཀཾ བྷཏྟུདྡེསཀཾ;

ཀཐཾ ནུ ཁོ པཉྙཱཔཀཾ, བྷཎྜཱགཱརིཀསམྨུཏི.

པཊིགྒཱཧབྷཱཛཀོ ཙཱཔི, ཡཱགུ ཙ ཕལབྷཱཛཀོ;

ཁཛྫཀབྷཱཛཀོ ཙེཝ, ཨཔྤམཏྟཀཝིསྶཛྫེ.

སཱཊིཡགྒཱཧཱཔཀོ ཙེཝ, ཏཐེཝ པཏྟགྒཱཧཀོ;

ཨཱརཱམིཀསཱམཎེར, པེསཀསྶ ཙ སམྨུཏི.

སབྦཱབྷིབྷཱུ ལོཀཝིདཱུ, ཧིཏཙིཏྟོ ཝིནཱཡཀོ;

ལེཎཏྠཉྩ སུཁཏྠཉྩ, ཛྷཱཡིཏུཉྩ ཝིཔསྶིཏུནྟི.

སེནཱསནཀྑནྡྷཀཾ ནིཊྛིཏཾ.

༧. སངྒྷབྷེདཀཀྑནྡྷཀཾ

༡. པཋམབྷཱཎཝཱརོ

ཚསཀྱཔབྦཛྫཱཀཐཱ

༣༣༠. ཏེན ¶ ¶ ¶ ¶ སམཡེན བུདྡྷོ བྷགཝཱ ཨནུཔིཡཱཡཾ ཝིཧརཏི, ཨནུཔིཡཾ ནཱམ མལླཱནཾ ནིགམོ. ཏེན ཁོ པན སམཡེན ཨབྷིཉྙཱཏཱ ཨབྷིཉྙཱཏཱ སཀྱཀུམཱརཱ བྷགཝནྟཾ པབྦཛིཏཾ ཨནུཔབྦཛནྟི. ཏེན ཁོ པན སམཡེན མཧཱནཱམོ ཙ སཀྐོ ཨནུརུདྡྷོ ཙ སཀྐོ དྭེབྷཱཏིཀཱ ཧོནྟི. ཨནུརུདྡྷོ སཀྐོ སུཁུམཱལོ ཧོཏི. ཏསྶ ཏཡོ པཱསཱདཱ ཧོནྟི – ཨེཀོ ཧེམནྟིཀོ, ཨེཀོ གིམྷིཀོ, ཨེཀོ ཝསྶིཀོ. སོ ཝསྶིཀེ པཱསཱདེ ཙཏྟཱརོ མཱསེ [ཝསྶིཀེ པཱསཱདེ ཝསྶིཀེ ཙཏྟཱརོ མཱསེ (སཱི.)] ནིཔྤུརིསེཧི ཏཱུརིཡེཧི པརིཙཱརཡམཱནོ [པརིཙཱརིཡམཱནོ (ཀ.)] ན ཧེཊྛཱཔཱསཱདཾ ཨོརོཧཏི. ཨཐ ཁོ མཧཱནཱམསྶ སཀྐསྶ ཨེཏདཧོསི – ‘‘ཨེཏརཧི ཁོ ཨབྷིཉྙཱཏཱ ཨབྷིཉྙཱཏཱ སཀྱཀུམཱརཱ བྷགཝནྟཾ པབྦཛིཏཾ ཨནུཔབྦཛནྟི. ཨམྷཱཀཉྩ པན ཀུལཱ ནཏྠི ཀོཙི ཨགཱརསྨཱ ཨནགཱརིཡཾ པབྦཛིཏོ. ཡཾནཱུནཱཧཾ ཝཱ པབྦཛེཡྻཾ, ཨནུརུདྡྷོ ཝཱ’’ཏི. ཨཐ ཁོ མཧཱནཱམོ སཀྐོ ཡེན ཨནུརུདྡྷོ སཀྐོ ཏེནུཔསངྐམི, ཨུཔསངྐམིཏྭཱ ཨནུརུདྡྷཾ སཀྐཾ ཨེཏདཝོཙ – ‘‘ཨེཏརཧི, ཏཱཏ ཨནུརུདྡྷ, ཨབྷིཉྙཱཏཱ ཨབྷིཉྙཱཏཱ སཀྱཀུམཱརཱ བྷགཝནྟཾ པབྦཛིཏཾ ཨནུཔབྦཛནྟི. ཨམྷཱཀཉྩ པན ཀུལཱ ནཏྠི ཀོཙི ཨགཱརསྨཱ ཨནགཱརིཡཾ པབྦཛིཏོ. ཏེན ¶ ཧི ཏྭཾ ཝཱ པབྦཛ, ཨཧཾ ཝཱ པབྦཛིསྶཱམཱི’’ཏི. ‘‘ཨཧཾ ཁོ སུཁུམཱལོ, ནཱཧཾ སཀྐོམི ཨགཱརསྨཱ ཨནགཱརིཡཾ པབྦཛིཏུཾ. ཏྭཾ པབྦཛཱཧཱི’’ཏི. ‘‘ཨེཧི ཁོ ཏེ, ཏཱཏ ཨནུརུདྡྷ, གྷརཱཝཱསཏྠཾ ཨནུསཱསིསྶཱམི. པཋམཾ ཁེཏྟཾ ཀསཱཔེཏབྦཾ. ཀསཱཔེཏྭཱ ཝཔཱཔེཏབྦཾ. ཝཔཱཔེཏྭཱ ཨུདཀཾ ཨབྷིནེཏབྦཾ. ཨུདཀཾ ཨབྷིནེཏྭཱ ཨུདཀཾ ནིནྣེཏབྦཾ. ཨུདཀཾ ནིནྣེཏྭཱ ནིདྡྷཱཔེཏབྦཾ. ནིདྡྷཱཔེཏྭཱ [ནིཌྜཧེཏབྦཾ, ནིཌྜཧེཏྭཱ (སཱི.)] ལཝཱཔེཏབྦཾ. ལཝཱཔེཏྭཱ ཨུབྦཱཧཱཔེཏབྦཾ. ཨུབྦཱཧཱཔེཏྭཱ པུཉྫཾ ཀཱརཱཔེཏབྦཾ. པུཉྫཾ ཀཱརཱཔེཏྭཱ མདྡཱཔེཏབྦཾ. མདྡཱཔེཏྭཱ པལཱལཱནི ཨུདྡྷརཱཔེཏབྦཱནི. པལཱལཱནི ཨུདྡྷརཱཔེཏྭཱ ¶ བྷུསིཀཱ ཨུདྡྷརཱཔེཏབྦཱ. བྷུསིཀཾ ཨུདྡྷརཱཔེཏྭཱ ཨོཔུནཱཔེཏབྦཾ [ཨོཕུནཱཔེཏབྦཾ (སྱཱ. ཀ.), ཨོཕུཎཱཔེཏབྦཾ (ཡོཛནཱ)]. ཨོཔུནཱཔེཏྭཱ ཨཏིཧརཱཔེཏབྦཾ. ཨཏིཧརཱཔེཏྭཱ ¶ ¶ ཨཱཡཏིམྤི ཝསྶཾ ཨེཝམེཝ ཀཱཏབྦཾ, ཨཱཡཏིམྤི ཝསྶཾ ཨེཝམེཝ ཀཱཏབྦ’’ནྟི. ‘‘ན ཀམྨཱ ཁཱིཡནྟི? ན ཀམྨཱནཾ ཨནྟོ པཉྙཱཡཏི? ཀདཱ ཀམྨཱ ཁཱིཡིསྶནྟི? ཀདཱ ཀམྨཱནཾ ཨནྟོ པཉྙཱཡིསྶཏི? ཀདཱ མཡཾ ཨཔྤོསྶུཀྐཱ པཉྩཧི ཀཱམགུཎེཧི སམཔྤིཏཱ སམངྒཱིབྷཱུཏཱ པརིཙཱརེསྶཱམཱ’’ཏི? ‘‘ན ཧི, ཏཱཏ ཨནུརུདྡྷ, ཀམྨཱ ཁཱིཡནྟི. ན ཀམྨཱནཾ ཨནྟོ པཉྙཱཡཏི. ཨཁཱིཎེཝ ཀམྨེ པིཏརོ ཙ པིཏཱམཧཱ ཙ ¶ ཀཱལངྐཏཱ’’ཏི. ‘‘ཏེན ཧི ཏྭཉྙེཝ གྷརཱཝཱསཏྠེན ཨུཔཛཱནཱཧི. ཨཧཾ ཨགཱརསྨཱ ཨནགཱརིཡཾ པབྦཛིསྶཱམཱི’’ཏི.

ཨཐ ཁོ ཨནུརུདྡྷོ སཀྐོ ཡེན མཱཏཱ ཏེནུཔསངྐམི, ཨུཔསངྐམིཏྭཱ མཱཏརཾ ཨེཏདཝོཙ – ‘‘ཨིཙྪཱམཧཾ, ཨམྨ, ཨགཱརསྨཱ ཨནགཱརིཡཾ པབྦཛིཏུཾ. ཨནུཛཱནཱཧི མཾ ཨགཱརསྨཱ ཨནགཱརིཡཾ པབྦཛྫཱཡཱ’’ཏི. ཨེཝཾ ཝུཏྟེ ཨནུརུདྡྷསྶ སཀྐསྶ མཱཏཱ ཨནུརུདྡྷཾ སཀྐཾ ཨེཏདཝོཙ – ‘‘ཏུམྷེ ཁོ མེ, ཏཱཏ ཨནུརུདྡྷ, དྭེ པུཏྟཱ པིཡཱ མནཱཔཱ ཨཔྤཊིཀཱུལཱ. མརཎེནཔི ཝོ ཨཀཱམཀཱ ཝིནཱ བྷཝིསྶཱམི. ཀིཾ པནཱཧཾ ཏུམྷེ ཛཱིཝནྟེ ཨནུཛཱནིསྶཱམི ཨགཱརསྨཱ ཨནགཱརིཡཾ པབྦཛྫཱཡཱ’’ཏི? དུཏིཡམྤི ཁོ…པེ… ཏཏིཡམྤི ཁོ ཨནུརུདྡྷོ སཀྐོ མཱཏརཾ ཨེཏདཝོཙ – ‘‘ཨིཙྪཱམཧཾ, ཨམྨ, ཨགཱརསྨཱ ཨནགཱརིཡཾ པབྦཛིཏུཾ. ཨནུཛཱནཱཧི མཾ ཨགཱརསྨཱ ཨནགཱརིཡཾ པབྦཛྫཱཡཱ’’ཏི [ཨིམསྶ ཨནནྟརཾ ཀེསུཙི པོཏྠཀེསུ ཨེཝམྤི པཱཋོ དིསྶཏི –- ‘‘ཨེཝཾ ཝུཏྟེ ཨནུརུདྡྷསྶ སཀྐསྶ མཱཏཱ ཨེཝམཱཧ ‘སཙེ ཏཱཏ ཨནུརུདྡྷ བྷདྡིཡོ སཀྱརཱཛཱ སཀྱཱནཾ རཛྫཾ ཀཱརེཏི ཨགཱརསྨཱ ཨནགཱརིཡཾ པབྦཛཏི, ཨེཝཾ ཏྭམྤི པབྦཛཱཧཱི’’’ཏི]. ཏེན ཁོ པན སམཡེན བྷདྡིཡོ སཀྱརཱཛཱ སཀྱཱནཾ རཛྫཾ ཀཱརེཏི. སོ ཙ ཨནུརུདྡྷསྶ སཀྐསྶ སཧཱཡོ ཧོཏི. ཨཐ ཁོ ཨནུརུདྡྷསྶ སཀྐསྶ མཱཏཱ – ‘ཨཡཾ ཁོ བྷདྡིཡོ སཀྱརཱཛཱ སཀྱཱནཾ རཛྫཾ ཀཱརེཏི; ཨནུརུདྡྷསྶ སཀྐསྶ སཧཱཡོ; སོ ན ཨུསྶཧཏི ཨགཱརསྨཱ ཨནགཱརིཡཾ པབྦཛིཏུ’ནྟི – ཨནུརུདྡྷཾ སཀྐཾ ཨེཏདཝོཙ – ‘‘སཙེ, ཏཱཏ ཨནུརུདྡྷ, བྷདྡིཡོ སཀྱརཱཛཱ ཨགཱརསྨཱ ཨནགཱརིཡཾ པབྦཛཏི, ཨེཝཾ ཏྭམྤི པབྦཛཱཧཱི’’ཏི. ཨཐ ཁོ ཨནུརུདྡྷོ སཀྐོ ཡེན ¶ བྷདྡིཡོ སཀྱརཱཛཱ ཏེནུཔསངྐམི, ཨུཔསངྐམིཏྭཱ བྷདྡིཡཾ སཀྱརཱཛཱནཾ ཨེཏདཝོཙ – ‘‘མམ ཁོ, སམྨ, པབྦཛྫཱ ཏཝ པཊིབདྡྷཱ’’ཏི. ‘‘སཙེ ཏེ, སམྨ, པབྦཛྫཱ མམ པཊིབདྡྷཱ ཝཱ ཨཔྤཊིབདྡྷཱ ཝཱ སཱ ཧོཏུ, ཨཧཾ ཏཡཱ; ཡཐཱ སུཁཾ པབྦཛཱཧཱི’’ཏི. ‘‘ཨེཧི, སམྨ, ཨུབྷོ ཨགཱརསྨཱ ཨནགཱརིཡཾ པབྦཛིསྶཱམཱ’’ཏི. ‘‘ནཱཧཾ, སམྨ, སཀྐོམི ཨགཱརསྨཱ ཨནགཱརིཡཾ པབྦཛིཏུནྟི ¶ . ཡཾ ཏེ སཀྐཱ ཨཉྙཾ མཡཱ ¶ ཀཱཏུཾ, ཀྱཱཧཾ [ཏྱཱཧཾ (སཱི. སྱཱ.)] ཀརིསྶཱམི. ཏྭཾ པབྦཛཱཧཱི’’ཏི. ‘‘མཱཏཱ ཁོ མཾ, སམྨ, ཨེཝམཱཧ – ‘སཙེ, ཏཱཏ ཨནུརུདྡྷ, བྷདྡིཡོ སཀྱརཱཛཱ ཨགཱརསྨཱ ཨནགཱརིཡཾ པབྦཛཏི, ཨེཝཾ ཏྭམྤི པབྦཛཱཧཱི’’’ཏི. ‘‘བྷཱསིཏཱ ཁོ པན ཏེ, སམྨ, ཨེསཱ ཝཱཙཱ. སཙེ ཏེ, སམྨ, པབྦཛྫཱ མམ པཊིབདྡྷཱ ཝཱ, ཨཔྤཊིབདྡྷཱ ཝཱ སཱ ཧོཏུ, ཨཧཾ ཏཡཱ; ཡཐཱ སུཁཾ པབྦཛཱཧཱི’’ཏི. ‘‘ཨེཧི, སམྨ, ཨུབྷོ ཨགཱརསྨཱ ཨནགཱརིཡཾ པབྦཛིསྶཱམཱ’’ཏི.

ཏེན ¶ ཁོ པན སམཡེན མནུསྶཱ སཙྩཝཱདིནོ ཧོནྟི, སཙྩཔཊིཉྙཱ. ཨཐ ཁོ བྷདྡིཡོ སཀྱརཱཛཱ ཨནུརུདྡྷཾ སཀྐཾ ཨེཏདཝོཙ – ‘‘ཨཱགམེཧི, སམྨ, སཏྟཝསྶཱནི. སཏྟནྣཾ ཝསྶཱནཾ ཨཙྩཡེན ཨུབྷོ ཨགཱརསྨཱ ཨནགཱརིཡཾ པབྦཛིསྶཱམཱ’’ཏི. ‘‘ཨཏིཙིརཾ, སམྨ, སཏྟཝསྶཱནི. ནཱཧཾ སཀྐོམི སཏྟཝསྶཱནི ཨཱགམེཏུ’’ནྟི. ‘‘ཨཱགམེཧི, སམྨ, ཚཝསྶཱནི…པེ… པཉྩཝསྶཱནི… ཙཏྟཱརི ཝསྶཱནི… ཏཱིཎི ཝསྶཱནི… དྭེ ཝསྶཱནི… ཨེཀཾ ཝསྶཾ. ཨེཀསྶ ཝསྶསྶ ¶ ཨཙྩཡེན ཨུབྷོ ཨགཱརསྨཱ ཨནགཱརིཡཾ པབྦཛིསྶཱམཱ’’ཏི. ‘‘ཨཏིཙིརཾ, སམྨ, ཨེཀཝསྶཾ. ནཱཧཾ སཀྐོམི ཨེཀཾ ཝསྶཾ ཨཱགམེཏུ’’ནྟི. ‘‘ཨཱགམེཧི, སམྨ, སཏྟམཱསེ. སཏྟནྣཾ མཱསཱནཾ ཨཙྩཡེན ཨུབྷོཔི ཨགཱརསྨཱ ཨནགཱརིཡཾ པབྦཛིསྶཱམཱ’’ཏི. ‘‘ཨཏིཙིརཾ, སམྨ, སཏྟམཱསཱ. ནཱཧཾ སཀྐོམི སཏྟམཱསེ ཨཱགམེཏུ’’ནྟི. ‘‘ཨཱགམེཧི, སམྨ, ཚ མཱསེ…པེ… པཉྩ མཱསེ… ཙཏྟཱརོ མཱསེ… ཏཡོ མཱསེ… དྭེ མཱསེ… ཨེཀཾ མཱསཾ… ཨཌྜྷམཱསཾ. ཨཌྜྷམཱསསྶ ཨཙྩཡེན ཨུབྷོཔི ཨགཱརསྨཱ ཨནགཱརིཡཾ པབྦཛིསྶཱམཱ’’ཏི. ‘‘ཨཏིཙིརཾ, སམྨ, ཨཌྜྷམཱསོ. ནཱཧཾ སཀྐོམི ཨཌྜྷམཱསཾ ཨཱགམེཏུ’’ནྟི. ‘‘ཨཱགམེཧི, སམྨ, སཏྟཱཧཾ ཡཱཝཱཧཾ པུཏྟེ ཙ བྷཱཏརོ ཙ རཛྫཾ ནིཡྻཱདེམཱི’’ཏི. ‘‘ན ཙིརཾ, སམྨ, སཏྟཱཧོ, ཨཱགམེསྶཱམཱི’’ཏི.

༣༣༡. ཨཐ ཁོ བྷདྡིཡོ ཙ སཀྱརཱཛཱ ཨནུརུདྡྷོ ཙ ཨཱནནྡོ ཙ བྷགུ ཙ ཀིམིལོ ཙ དེཝདཏྟོ ཙ, ཨུཔཱལིཀཔྤཀེན སཏྟམཱ, ཡཐཱ པུརེ ཙཏུརངྒིནིཡཱ སེནཱཡ ཨུཡྻཱནབྷཱུམིཾ ནིཡྻནྟི, ཨེཝམེཝ ཙཏུརངྒིནིཡཱ སེནཱཡ ནིཡྻིཾསུ. ཏེ དཱུརཾ གནྟྭཱ སེནཾ ནིཝཏྟཱཔེཏྭཱ པརཝིསཡཾ ཨོཀྐམིཏྭཱ ཨཱབྷརཎཾ ཨོམུཉྩིཏྭཱ ཨུཏྟརཱསངྒེན བྷཎྜིཀཾ བནྡྷིཏྭཱ ཨུཔཱལིཾ ཀཔྤཀཾ ཨེཏདཝོཙུཾ – ‘‘ཧནྡ, བྷཎེ ཨུཔཱལི, ནིཝཏྟསྶུ; ཨལཾ ཏེ ཨེཏྟཀཾ ཛཱིཝིཀཱཡཱ’’ཏི. ཨཐ ཁོ ཨུཔཱལིསྶ ཀཔྤཀསྶ ནིཝཏྟནྟསྶ ཨེཏདཧོསི – ‘‘ཙཎྜཱ ¶ ཁོ སཱཀིཡཱ; ཨིམིནཱ ཀུམཱརཱ ནིཔྤཱཏིཏཱཏི གྷཱཏཱཔེཡྻུམྤི མཾ. ཨིམེ ¶ ཧི ནཱམ སཀྱཀུམཱརཱ ཨགཱརསྨཱ ཨནགཱརིཡཾ པབྦཛིསྶནྟི. ཀིམངྒ [ཀིམངྒ (སཱི.)] པནཱཧ’’ནྟི. བྷཎྜིཀཾ མུཉྩིཏྭཱ ཏཾ བྷཎྜཾ རུཀྑེ ཨཱལགྒེཏྭཱ ‘ཡོ པསྶཏི, དིནྣཾཡེཝ ཧརཏཱུ’ཏི ¶ ཝཏྭཱ ཡེན ཏེ སཀྱཀུམཱརཱ ཏེནུཔསངྐམི. ཨདྡསཱསུཾ ཁོ ཏེ སཀྱཀུམཱརཱ ཨུཔཱལིཾ ཀཔྤཀཾ དཱུརཏོཝ ཨཱགཙྪནྟཾ. དིསྭཱན ཨུཔཱལིཾ ཀཔྤཀཾ ཨེཏདཝོཙུཾ – ‘‘ཀིསྶ, བྷཎེ ཨུཔཱལི, ནིཝཏྟེསཱི’’ཏི? ‘‘ཨིདྷ མེ, ཨཡྻཔུཏྟཱ, ནིཝཏྟནྟསྶ ཨེཏདཧོསི – ‘ཙཎྜཱ ཁོ སཱཀིཡཱ; ཨིམིནཱ ཀུམཱརཱ ནིཔྤཱཏིཏཱཏི གྷཱཏཱཔེཡྻུམྤི མཾ. ཨིམེ ཧི ནཱམ སཀྱཀུམཱརཱ ཨགཱརསྨཱ ཨནགཱརིཡཾ པབྦཛིསྶནྟི. ཀིམངྒ པནཱཧ’ནྟི. སོ ཁོ ཨཧཾ, ཨཡྻཔུཏྟཱ, བྷཎྜིཀཾ མུཉྩིཏྭཱ ཏཾ བྷཎྜཾ རུཀྑེ ཨཱལགྒེཏྭཱ ‘ཡོ པསྶཏི, དིནྣཉྙེཝ ཧརཏཱུ’ཏི ཝཏྭཱ ཏཏོམྷི པཊིནིཝཏྟོ’’ཏི. ‘‘སུཊྛུ, བྷཎེ ཨུཔཱལི, ཨཀཱསི ཡམྤི ན ནིཝཏྟོ [ཡཾ ནིཝཏྟོ (སཱི.), ཡཾ པན ནིཝཏྟོ (སྱཱ.)]. ཙཎྜཱ ཁོ སཱཀིཡཱ; ཨིམིནཱ ཀུམཱརཱ ནིཔྤཱཏིཏཱཏི གྷཱཏཱཔེཡྻུམྤི ཏ’’ནྟི.

ཨཐ ¶ ཁོ སཀྱཀུམཱརཱ ཨུཔཱལིཾ ཀཔྤཀཾ ཨཱདཱཡ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣཱ ཁོ ཏེ སཀྱཀུམཱརཱ བྷགཝནྟཾ ཨེཏདཝོཙུཾ – ‘‘མཡཾ, བྷནྟེ, སཱཀིཡཱ ནཱམ མཱནསྶིནོ. ཨཡཾ ¶ , བྷནྟེ, ཨུཔཱལི ཀཔྤཀོ ཨམྷཱཀཾ དཱིགྷརཏྟཾ པརིཙཱརཀོ. ཨིམཾ བྷགཝཱ པཋམཾ པབྦཱཛེཏུ. ཨིམསྶ མཡཾ ཨབྷིཝཱདནཔཙྩུཊྛཱནཨཉྫལིཀམྨསཱམཱིཙིཀམྨཾ ཀརིསྶཱམ. ཨེཝཾ ཨམྷཱཀཾ སཱཀིཡཱནཾ སཱཀིཡམཱནོ ནིམྨཱནཱཡིསྶཏཱི’’ཏི [ནིམྨཱདཡིསྶཏཱིཏི (སཱི.), ནིམྨཱནིཡིསྶཏཱིཏི (སྱཱ.)].

ཨཐ ཁོ བྷགཝཱ ཨུཔཱལིཾ ཀཔྤཀཾ པཋམཾ པབྦཱཛེསི, པཙྪཱ ཏེ སཀྱཀུམཱརེ. ཨཐ ཁོ ཨཱཡསྨཱ བྷདྡིཡོ ཏེནེཝ ཨནྟརཝསྶེན ཏིསྶོ ཝིཛྫཱ སཙྪཱཀཱསི. ཨཱཡསྨཱ ཨནུརུདྡྷོ དིབྦཙཀྑུཾ ཨུཔྤཱདེསི. ཨཱཡསྨཱ ཨཱནནྡོ སོཏཱཔཏྟིཕལཾ སཙྪཱཀཱསི. དེཝདཏྟོ པོཐུཛྫནིཀཾ ཨིདྡྷིཾ ཨབྷིནིཔྥཱདེསི.

༣༣༢. ཏེན ཁོ པན སམཡེན ཨཱཡསྨཱ བྷདྡིཡོ ཨརཉྙགཏོཔི རུཀྑམཱུལགཏོཔི སུཉྙཱགཱརགཏོཔི ཨབྷིཀྑཎཾ ཨུདཱནཾ ཨུདཱནེསི – ‘‘ཨཧོ སུཁཾ, ཨཧོ སུཁ’’ནྟི. ཨཐ ཁོ སམྦཧུལཱ བྷིཀྑཱུ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ¶ ནིསིནྣཱ ཁོ ཏེ བྷིཀྑཱུ བྷགཝནྟཾ ཨེཏདཝོཙུཾ – ‘‘ཨཱཡསྨཱ, བྷནྟེ, བྷདྡིཡོ ཨརཉྙགཏོཔི རུཀྑམཱུལགཏོཔི སུཉྙཱགཱརགཏོཔི ཨབྷིཀྑཎཾ ཨུདཱནཾ ཨུདཱནེསི – ‘ཨཧོ སུཁཾ, ཨཧོ སུཁ’ནྟི. ནིསྶཾསཡཾ ཁོ, བྷནྟེ, ཨཱཡསྨཱ བྷདྡིཡོ ཨནབྷིརཏོཝ བྲཧྨཙརིཡཾ ཙརཏི. ཏཾཡེཝ ཝཱ པུརིམཾ རཛྫསུཁཾ སམནུསྶརནྟོ ཨརཉྙགཏོཔི རུཀྑམཱུལགཏོཔི སུཉྙཱགཱརགཏོཔི ཨབྷིཀྑཎཾ ཨུདཱནཾ ཨུདཱནེསི ¶ – ‘ཨཧོ སུཁཾ, ཨཧོ སུཁ’’’ནྟི.

ཨཐ ཁོ བྷགཝཱ ཨཉྙཏརཾ བྷིཀྑུཾ ཨཱམནྟེསི – ‘‘ཨེཧི ཏྭཾ, བྷིཀྑུ, མམ ཝཙནེན བྷདྡིཡཾ བྷིཀྑུཾ ཨཱམནྟེཧི – ‘སཏྠཱ ཏཾ, ཨཱཝུསོ བྷདྡིཡ, ཨཱམནྟེཏཱི’’’ཏི ¶ . ‘‘ཨེཝཾ བྷནྟེ’’ཏི ཁོ སོ བྷིཀྑུ བྷགཝཏོ པཊིསྶུཏྭཱ ཡེནཱཡསྨཱ བྷདྡིཡོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ བྷདྡིཡཾ ཨེཏདཝོཙ – ‘‘སཏྠཱ ཏཾ, ཨཱཝུསོ བྷདྡིཡ, ཨཱམནྟེཏཱི’’ཏི. ‘‘ཨེཝམཱཝུསོ’’ཏི ཁོ ཨཱཡསྨཱ བྷདྡིཡོ ཏསྶ བྷིཀྑུནོ པཊིསྶུཏྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨཱཡསྨནྟཾ བྷདྡིཡཾ བྷགཝཱ ཨེཏདཝོཙ – ‘‘སཙྩཾ ཀིར ཏྭཾ, བྷདྡིཡ, ཨརཉྙགཏོཔི རུཀྑམཱུལགཏོཔི སུཉྙཱགཱརགཏོཔི ཨབྷིཀྑཎཾ ཨུདཱནཾ ཨུདཱནེསི – ‘ཨཧོ སུཁཾ, ཨཧོ སུཁ’’’ནྟི? ‘‘ཨེཝཾ བྷནྟེ’’ཏི. ‘‘ཀིཾ པན ཏྭཾ, བྷདྡིཡ, ཨཏྠཝསཾ སམྤསྶམཱནོ ཨརཉྙགཏོཔི ¶ རུཀྑམཱུལགཏོཔི སུཉྙཱགཱརགཏོཔི ཨབྷིཀྑཎཾ ཨུདཱནཾ ཨུདཱནེསི – ‘ཨཧོ སུཁཾ ཨཧོ སུཁ’’’ནྟི? ‘‘པུབྦེ མེ, བྷནྟེ, རཉྙོ སཏོཔི ཨནྟོཔི ཨནྟེཔུརེ རཀྑཱ སུསཾཝིཧིཏཱ ཧོཏི, བཧིཔི ཨནྟེཔུརེ རཀྑཱ སུསཾཝིཧིཏཱ ཧོཏི, ཨནྟོཔི ནགརེ རཀྑཱ སུསཾཝིཧིཏཱ ཧོཏི, བཧིཔི ནགརེ རཀྑཱ སུསཾཝིཧིཏཱ ཧོཏི, ཨནྟོཔི ཛནཔདེ རཀྑཱ སུསཾཝིཧིཏཱ ཧོཏི, བཧིཔི ཛནཔདེ རཀྑཱ སུསཾཝིཧིཏཱ ཧོཏི. སོ ཁོ ཨཧཾ, བྷནྟེ, ཨེཝཾ ¶ རཀྑིཏོཔི གོཔིཏོཔི སནྟོ བྷཱིཏོ ཨུབྦིགྒོ ཨུསྶངྐཱི ཨུཏྲསྟོ ཝིཧརཱམི. ཨེཏརཧི ཁོ པན ཨཧཾ ཨེཀོ, བྷནྟེ, ཨརཉྙགཏོཔི རུཀྑམཱུལགཏོཔི སུཉྙཱགཱརགཏོཔི ཨབྷཱིཏོ ཨནུབྦིགྒོ ཨནུསྶངྐཱི ཨནུཏྲསྟོ ཨཔྤོསྶུཀྐོ པནྣལོམོ པརདཏྟཝུཏྟོ མིགབྷཱུཏེན ཙེཏསཱ ཝིཧརཱམཱིཏི. ཨིམཾ ཁོ ཨཧཾ, བྷནྟེ, ཨཏྠཝསཾ སམྤསྶམཱནོ ཨརཉྙགཏོཔི རུཀྑམཱུལགཏོཔི སུཉྙཱགཱརགཏོཔི ཨབྷིཀྑཎཾ ཨུདཱནཾ ཨུདཱནེམི – ‘ཨཧོ སུཁཾ, ཨཧོ སུཁ’’’ནྟི. ཨཐ ཁོ བྷགཝཱ ཨེཏམཏྠཾ ཝིདིཏྭཱ ཏཱཡཾ ཝེལཱཡཾ ཨིམཾ ཨུདཱནཾ ཨུདཱནེསི –

[ཨུདཱ. ༢༠] ‘‘ཡསྶནྟརཏོ ¶ ན སནྟི ཀོཔཱ, ཨིཏི བྷཝཱབྷཝཏཉྩ ཝཱིཏིཝཏྟོ;

ཏཾ ཝིགཏབྷཡཾ སུཁིཾ ཨསོཀཾ, དེཝཱ ནཱནུབྷཝནྟི དསྶནཱཡཱ’’ཏི.

དེཝདཏྟཝཏྠུ

༣༣༣. ཨཐ ཁོ བྷགཝཱ ཨནུཔིཡཱཡཾ ཡཐཱབྷིརནྟཾ ཝིཧརིཏྭཱ ཡེན ཀོསམྦཱི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན ཀོསམྦཱི ཏདཝསརི. ཏཏྲ སུདཾ བྷགཝཱ ཀོསམྦིཡཾ ཝིཧརཏི གྷོསིཏཱརཱམེ. ཨཐ ཁོ དེཝདཏྟསྶ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘‘ཀཾ ནུ ཁོ ཨཧཾ པསཱདེཡྻཾ, ཡསྨིཾ མེ ¶ པསནྣེ བཧུལཱབྷསཀྐཱརོ ཨུཔྤཛྫེཡྻཱ’’ཏི? ཨཐ ཁོ དེཝདཏྟསྶ ཨེཏདཧོསི – ‘‘ཨཡཾ ཁོ ཨཛཱཏསཏྟུ ཀུམཱརོ ཏརུཎོ ཙེཝ ¶ ཨཱཡཏིཾ བྷདྡོ ཙ. ཡཾནཱུནཱཧཾ ཨཛཱཏསཏྟུཾ ཀུམཱརཾ པསཱདེཡྻཾ. ཏསྨིཾ མེ པསནྣེ བཧུལཱབྷསཀྐཱརོ ཨུཔྤཛྫིསྶཏཱི’’ཏི.

ཨཐ ཁོ དེཝདཏྟོ སེནཱསནཾ སཾསཱམེཏྭཱ པཏྟཙཱིཝརམཱདཱཡ ཡེན རཱཛགཧཾ ཏེན པཀྐཱམི. ཨནུཔུབྦེན ཡེན རཱཛགཧཾ ཏདཝསརི. ཨཐ ཁོ དེཝདཏྟོ སཀཝཎྞཾ པཊིསཾཧརིཏྭཱ ཀུམཱརཀཝཎྞཾ ཨབྷིནིམྨིནིཏྭཱ ཨཧིམེཁལིཀཱཡ ཨཛཱཏསཏྟུསྶ ཀུམཱརསྶ ཨུཙྪངྒེ [ཨུཙྩངྐེ (སྱཱ.)] པཱཏུརཧོསི. ཨཐ ཁོ ཨཛཱཏསཏྟུ ཀུམཱརོ བྷཱིཏོ ཨཧོསི, ཨུབྦིགྒོ ཨུསྶངྐཱི ཨུཏྲསྟོ. ཨཐ ཁོ དེཝདཏྟོ ཨཛཱཏསཏྟུཾ ཀུམཱརཾ ཨེཏདཝོཙ – ‘‘བྷཱཡསི མཾ ཏྭཾ ཀུམཱརཱ’’ཏི? ‘‘ཨཱམ, བྷཱཡཱམི. ཀོསི ཏྭ’’ནྟི? ‘‘ཨཧཾ དེཝདཏྟོ’’ཏི. ‘‘སཙེ ཁོ ཏྭཾ, བྷནྟེ, ཨཡྻོ དེཝདཏྟོ, ཨིངྒྷ ¶ སཀེནེཝ ཝཎྞེན པཱཏུབྷཝསྶཱུ’’ཏི. ཨཐ ཁོ དེཝདཏྟོ ཀུམཱརཀཝཎྞཾ པཊིསཾཧརིཏྭཱ སངྒྷཱཊིཔཏྟཙཱིཝརདྷརོ ཨཛཱཏསཏྟུསྶ ཀུམཱརསྶ པུརཏོ ཨཊྛཱསི. ཨཐ ཁོ ཨཛཱཏསཏྟུ ཀུམཱརོ དེཝདཏྟསྶ ཨིམིནཱ ཨིདྡྷིཔཱཊིཧཱརིཡེན ཨབྷིཔྤསནྣོ པཉྩཧི རཐསཏེཧི སཱཡཾ པཱཏཾ ཨུཔཊྛཱནཾ གཙྪཏི, པཉྩ ཙ ཐཱལིཔཱཀསཏཱནི བྷཏྟཱབྷིཧཱརོ ཨབྷིཧརཱིཡཏི. ཨཐ ཁོ དེཝདཏྟསྶ ལཱབྷསཀྐཱརསིལོཀེན ཨབྷིབྷཱུཏསྶ པརིཡཱདིནྣཙིཏྟསྶ ཨེཝརཱུཔཾ ཨིཙྪཱགཏཾ ¶ ཨུཔྤཛྫི – ‘‘ཨཧཾ བྷིཀྑུསངྒྷཾ པརིཧརིསྶཱམཱི’’ཏི ¶ . སཧ ཙིཏྟུཔྤཱདཱཝ དེཝདཏྟོ ཏསྶཱ ཨིདྡྷིཡཱ པརིཧཱཡི.

[ཨ. ནི. ༥.༡༠༠] ཏེན ཁོ པན སམཡེན ཀཀུདྷོ ནཱམ ཀོལི༹ཡཔུཏྟོ, ཨཱཡསྨཏོ མཧཱམོགྒལླཱནསྶ ཨུཔཊྛཱཀོ, ཨདྷུནཱ ཀཱལངྐཏོ ཨཉྙཏརཾ མནོམཡཾ ཀཱཡཾ ཨུཔཔནྣོ. ཏསྶ ཨེཝརཱུཔོ ཨཏྟབྷཱཝཔྤཊིལཱབྷོ ཧོཏི – སེཡྻཐཱཔི ནཱམ དྭེ ཝཱ ཏཱིཎི ཝཱ མཱགདྷཀཱནི [མཱགདྷིཀཱནི (སྱཱ.)] གཱམཀྑེཏྟཱནི. སོ ཏེན ཨཏྟབྷཱཝཔྤཊིལཱབྷེན ནེཝ ཨཏྟཱནཾ ན པརཾ བྱཱབཱདྷེཏི. ཨཐ ཁོ ཀཀུདྷོ དེཝཔུཏྟོ ཡེནཱཡསྨཱ མཧཱམོགྒལླཱནོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ མཧཱམོགྒལླཱནཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏོ ཁོ ཀཀུདྷོ དེཝཔུཏྟོ ཨཱཡསྨནྟཾ མཧཱམོགྒལླཱནཾ ཨེཏདཝོཙ – ‘‘དེཝདཏྟསྶ, བྷནྟེ, ལཱབྷསཀྐཱརསིལོཀེན ཨབྷིབྷཱུཏསྶ པརིཡཱདིནྣཙིཏྟསྶ [པརིཡཱདིཎྞཙིཏྟསྶ (ཀ.)] ཨེཝརཱུཔཾ ཨིཙྪཱགཏཾ ཨུཔྤཛྫི – ‘ཨཧཾ བྷིཀྑུསངྒྷཾ པརིཧརིསྶཱམཱི’ཏི. སཧ ཙིཏྟུཔྤཱདཱཝ བྷནྟེ, དེཝདཏྟོ ཏསྶཱ ཨིདྡྷིཡཱ པརིཧཱིནོ’’ཏི. ཨིདམཝོཙ ཀཀུདྷོ དེཝཔུཏྟོ. ཨིདཾ ཝཏྭཱ ཨཱཡསྨནྟཾ མཧཱམོགྒལླཱནཾ ཨབྷིཝཱདེཏྭཱ པདཀྑིཎཾ ཀཏྭཱ ཏཏྠེཝ ཨནྟརདྷཱཡི.

ཨཐ ཁོ ཨཱཡསྨཱ མཧཱམོགྒལླཱནོ ཡེན བྷགཝཱ ཏེནུཔསངྐམི ¶ , ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི ¶ . ཨེཀམནྟཾ ནིསིནྣོ ཁོ ཨཱཡསྨཱ མཧཱམོགྒལླཱནོ བྷགཝནྟཾ ཨེཏདཝོཙ – ‘‘ཀཀུདྷོ ནཱམ, བྷནྟེ, ཀོལི༹ཡཔུཏྟོ མམ ཨུཔཊྛཱཀོ ཨདྷུནཱ ཀཱལངྐཏོ ཨཉྙཏརཾ མནོམཡཾ ཀཱཡཾ ཨུཔཔནྣོ. ཏསྶ ཨེཝརཱུཔོ ཨཏྟབྷཱཝཔྤཊིལཱབྷོ – སེཡྻཐཱཔི ནཱམ དྭེ ཝཱ ཏཱིཎི ཝཱ མཱགདྷཀཱནི གཱམཀྑེཏྟཱནི. སོ ཏེན ཨཏྟབྷཱཝཔྤཊིལཱབྷེན ནེཝ ཨཏྟཱནཾ ན པརཾ བྱཱབཱདྷེཏི. ཨཐ ཁོ, བྷནྟེ, ཀཀུདྷོ དེཝཔུཏྟོ ཡེནཱཧཾ ཏེནུཔསངྐམི, ཨུཔསངྐམིཏྭཱ མཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏོ ཁོ, བྷནྟེ, ཀཀུདྷོ དེཝཔུཏྟོ མཾ ཨེཏདཝོཙ – ‘དེཝདཏྟསྶ, བྷནྟེ, ལཱབྷསཀྐཱརསིལོཀེན ཨབྷིབྷཱུཏསྶ པརིཡཱདིནྣཙིཏྟསྶ ཨེཝརཱུཔཾ ཨིཙྪཱགཏཾ ཨུཔྤཛྫི – ཨཧཾ བྷིཀྑུསངྒྷཾ པརིཧརིསྶཱམཱིཏི. སཧ ཙིཏྟུཔྤཱདཱཝ བྷནྟེ, དེཝདཏྟོ ཏསྶཱ ཨིདྡྷིཡཱ པརིཧཱིནོ’ཏི. ཨིདམཝོཙ, བྷནྟེ, ཀཀུདྷོ དེཝཔུཏྟོ. ཨིདཾ ཝཏྭཱ མཾ ཨབྷིཝཱདེཏྭཱ པདཀྑིཎཾ ཀཏྭཱ ཏཏྠེཝ ཨནྟརདྷཱཡཱི’’ཏི.

‘‘ཀིཾ ¶ ¶ པན ཏེ, མོགྒལླཱན, ཀཀུདྷོ དེཝཔུཏྟོ ཙེཏསཱ ཙེཏོ པརིཙྩ ཝིདིཏོ? ཡཾ ཀིཉྩི ཀཀུདྷོ དེཝཔུཏྟོ བྷཱསཏི སབྦཾ ཏཾ ཏཐེཝ ཧོཏི, ནོ ཨཉྙཐཱ’’ཏི? ‘‘ཙེཏསཱ ཙེཏོ པརིཙྩ ཝིདིཏོ ཙ མེ, བྷནྟེ, ཀཀུདྷོ དེཝཔུཏྟོ. ཡཾ ཀིཉྩི ཀཀུདྷོ དེཝཔུཏྟོ བྷཱསཏི སབྦཾ ཏཾ ཏཐེཝ ཧོཏི, ནོ ཨཉྙཐཱ’’ཏི. ‘‘རཀྑསྶེཏཾ, མོགྒལླཱན, ཝཱཙཾ. རཀྑསྶེཏཾ, མོགྒལླཱན, ཝཱཙཾ. ཨིདཱནི སོ མོགྷཔུརིསོ ཨཏྟནཱཝ ཨཏྟཱནཾ པཱཏུཀརིསྶཏི.

པཉྩསཏྠུཀཐཱ

༣༣༤. [ཨ. ནི. ༥.༡༠༠] ‘‘པཉྩིམེ ¶ , མོགྒལླཱན, སཏྠཱརོ སནྟོ སཾཝིཛྫམཱནཱ ལོཀསྨིཾ. ཀཏམེ པཉྩ? ‘‘ཨིདྷ, མོགྒལླཱན, ཨེཀཙྩོ སཏྠཱ ཨཔརིསུདྡྷསཱིལོ སམཱནོ ‘པརིསུདྡྷསཱིལོམྷཱི’ཏི པཊིཛཱནཱཏི ‘པརིསུདྡྷཾ མེ སཱིལཾ པརིཡོདཱཏཾ ཨསཾཀིལིཊྛ’ནྟི. ཏམེནཾ སཱཝཀཱ ཨེཝཾ ཛཱནནྟི – ‘ཨཡཾ ཁོ བྷཝཾ སཏྠཱ ཨཔརིསུདྡྷསཱིལོ སམཱནོ ‘པརིསུདྡྷསཱིལོམྷཱི’ཏི པཊིཛཱནཱཏི ‘པརིསུདྡྷཾ མེ སཱིལཾ པརིཡོདཱཏཾ ཨསཾཀིལིཊྛ’ནྟི ཙ. མཡཉྩེཝ ཁོ པན གིཧཱིནཾ ཨཱརོཙེཡྻཱམ, ནཱསྶསྶ མནཱཔཾ. ཡཾ ཁོ པནསྶ ཨམནཱཔཾ, ཀཐཾ ནཾ མཡཾ ཏེན སམུདཱཙརེཡྻཱམ? སམྨནྣཏི ཁོ པན ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརེན – ཡཾ ཏུམོ ཀརིསྶཏི, ཏུམོཝ ཏེན པཉྙཱཡིསྶཏཱི’ཏི. ཨེཝརཱུཔཾ ཁོ, མོགྒལླཱན, སཏྠཱརཾ སཱཝཀཱ སཱིལཏོ རཀྑནྟི; ཨེཝརཱུཔོ ཙ པན སཏྠཱ སཱཝཀེཧི སཱིལཏོ རཀྑཾ པཙྩཱསཱིསཏི [པཙྩཱསིཾསཏི (སཱི. སྱཱ.)].

‘‘པུན ཙཔརཾ, མོགྒལླཱན, ཨིདྷེཀཙྩོ སཏྠཱ ཨཔརིསུདྡྷཱཛཱིཝོ སམཱནོ ‘པརིསུདྡྷཱཛཱིཝོམྷཱི’ཏི པཊིཛཱནཱཏི ‘པརིསུདྡྷོ མེ ཨཱཛཱིཝོ པརིཡོདཱཏོ ཨསཾཀིལིཊྛོ’ཏི ཙ. ཏམེནཾ སཱཝཀཱ ཨེཝཾ ཛཱནནྟི – ‘ཨཡཾ ཁོ བྷཝཾ སཏྠཱ ཨཔརིསུདྡྷཱཛཱིཝོ སམཱནོ ‘པརིསུདྡྷཱཛཱིཝོམྷཱི’ཏི པཊིཛཱནཱཏི ‘པརིསུདྡྷོ མེ ཨཱཛཱིཝོ པརིཡོདཱཏོ ཨསཾཀིལིཊྛོ’ཏི ¶ ཙ. མཡཉྩེཝ ཁོ པན གིཧཱིནཾ ཨཱརོཙེཡྻཱམ, ནཱསྶསྶ མནཱཔཾ. ཡཾ ཁོ པནསྶ ཨམནཱཔཾ, ཀཐཾ ན མཡཾ ཏེན སམུདཱཙརེཡྻཱམ? སམྨནྣཏི ¶ ཁོ པན ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརེན – ཡཾ ཏུམོ ¶ ཀརིསྶཏི, ཏུམོཝ ཏེན པཉྙཱཡིསྶཏཱི’ཏི. ཨེཝརཱུཔཾ ཁོ, མོགྒལླཱན, སཏྠཱརཾ སཱཝཀཱ ཨཱཛཱིཝཏོ རཀྑནྟི; ཨེཝརཱུཔོ ཙ པན སཏྠཱ སཱཝཀེཧི ཨཱཛཱིཝཏོ རཀྑཾ པཙྩཱསཱིསཏི.

‘‘པུན ཙཔརཾ, མོགྒལླཱན, ཨིདྷེཀཙྩོ སཏྠཱ ཨཔརིསུདྡྷདྷམྨདེསནོ སམཱནོ ‘པརིསུདྡྷདྷམྨདེསནོམྷཱི’ཏི པཊིཛཱནཱཏི ‘པརིསུདྡྷཱ མེ དྷམྨདེསནཱ པརིཡོདཱཏཱ ཨསཾཀིལིཊྛཱ’ཏི ཙ ¶ . ཏམེནཾ སཱཝཀཱ ཨེཝཾ ཛཱནནྟི – ‘ཨཡཾ ཁོ བྷཝཾ སཏྠཱ ཨཔརིསུདྡྷདྷམྨདེསནོ སམཱནོ ‘པརིསུདྡྷདྷམྨདེསནོམྷཱི’ཏི པཊིཛཱནཱཏི ‘པརིསུདྡྷཱ མེ དྷམྨདེསནཱ པརིཡོདཱཏཱ ཨསཾཀིལིཊྛཱ’ཏི ཙ. མཡཉྩེཝ ཁོ པན གིཧཱིནཾ ཨཱརོཙེཡྻཱམ, ནཱསྶསྶ མནཱཔཾ. ཡཾ ཁོ པནསྶ ཨམནཱཔཾ, ཀཐཾ ནཾ མཡཾ ཏེན སམུདཱཙརེཡྻཱམ? སམྨནྣཏི ཁོ པན ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརེན – ཡཾ ཏུམོ ཀརིསྶཏི, ཏུམོཝ ཏེན པཉྙཱཡིསྶཏཱི’ཏི. ཨེཝརཱུཔཾ ཁོ, མོགྒལླཱན, སཏྠཱརཾ སཱཝཀཱ དྷམྨདེསནཏོ རཀྑནྟི; ཨེཝརཱུཔོ ཙ པན སཏྠཱ སཱཝཀེཧི དྷམྨདེསནཏོ རཀྑཾ པཙྩཱསཱིསཏི.

‘‘པུན ཙཔརཾ, མོགྒལླཱན, ཨིདྷེཀཙྩོ སཏྠཱ ཨཔརིསུདྡྷཝེཡྻཱཀརཎོ སམཱནོ ‘པརིསུདྡྷཝེཡྻཱཀརཎོམྷཱི’ཏི པཊིཛཱནཱཏི ‘པརིསུདྡྷཾ མེ ཝེཡྻཱཀརཎཾ པརིཡོདཱཏཾ ཨསཾཀིལིཊྛ’ནྟི ཙ. ཏམེནཾ སཱཝཀཱ ཨེཝཾ ཛཱནནྟི – ‘ཨཡཾ ཁོ བྷཝཾ སཏྠཱ ཨཔརིསུདྡྷཝེཡྻཱཀརཎོ སམཱནོ ¶ ‘པརིསུདྡྷཝེཡྻཱཀརཎོམྷཱི’ཏི པཊིཛཱནཱཏི ‘པརིསུདྡྷཾ མེ ཝེཡྻཱཀརཎཾ པརིཡོདཱཏཾ ཨསཾཀིལིཊྛ’ནྟི ཙ. མཡཉྩེཝ ཁོ པན གིཧཱིནཾ ཨཱརོཙེཡྻཱམ, ནཱསྶསྶ མནཱཔཾ. ཡཾ ཁོ པནསྶ ཨམནཱཔཾ, ཀཐཾ ནཾ མཡཾ ཏེན སམུདཱཙརེཡྻཱམ? སམྨནྣཏི ཁོ པན ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརེན – ཡཾ ཏུམོ ཀརིསྶཏི, ཏུམོཝ ཏེན པཉྙཱཡིསྶཏཱི’ཏི. ཨེཝརཱུཔཾ ཁོ, མོགྒལླཱན, སཏྠཱརཾ སཱཝཀཱ ཝེཡྻཱཀརཎཏོ རཀྑནྟི; ཨེཝརཱུཔོ ཙ པན སཏྠཱ སཱཝཀེཧི ཝེཡྻཱཀརཎཏོ རཀྑཾ པཙྩཱསཱིསཏི.

‘‘པུན ཙཔརཾ, མོགྒལླཱན, ཨིདྷེཀཙྩོ སཏྠཱ ཨཔརིསུདྡྷཉཱཎདསྶནོ སམཱནོ ‘པརིསུདྡྷཉཱཎདསྶནོམྷཱི’ཏི པཊིཛཱནཱཏི ‘པརིསུདྡྷཾ མེ ཉཱཎདསྶནཾ པརིཡོདཱཏཾ ཨསཾཀིལིཊྛ’ནྟི ཙ. ཏམེནཾ སཱཝཀཱ ཨེཝཾ ཛཱནནྟི – ‘ཨཡཾ ཁོ བྷཝཾ སཏྠཱ ཨཔརིསུདྡྷཉཱཎདསྶནོ སམཱནོ ‘པརིསུདྡྷཉཱཎདསྶནོམྷཱི’ཏི ¶ པཊིཛཱནཱཏི ‘པརིསུདྡྷཾ མེ ཉཱཎདསྶནཾ པརིཡོདཱཏཾ ཨསཾཀིལིཊྛ’ནྟི ཙ. མཡཉྩེཝ ཁོ པན གིཧཱིནཾ ཨཱརོཙེཡྻཱམ, ནཱསྶསྶ མནཱཔཾ. ཡཾ ཁོ པནསྶ ཨམནཱཔཾ, ཀཐཾ ནཾ མཡཾ ཏེན སམུདཱཙརེཡྻཱམ? སམྨནྣཏི ཁོ པན ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརེན – ཡཾ ཏུམོ ཀརིསྶཏི, ཏུམོཝ ཏེན པཉྙཱཡིསྶཏཱི’ཏི. ཨེཝརཱུཔཾ ཁོ, མོགྒལླཱན, སཏྠཱརཾ སཱཝཀཱ ཉཱཎདསྶནཏོ རཀྑནྟི; ཨེཝརཱུཔོ ཙ པན སཏྠཱ སཱཝཀེཧི ཉཱཎདསྶནཏོ རཀྑཾ པཙྩཱསཱིསཏཱིཏི. ཨིམེ ཁོ, མོགྒལླཱན, པཉྩ ¶ སཏྠཱརོ སནྟོ སཾཝིཛྫམཱནཱ ལོཀསྨིཾ.

‘‘ཨཧཾ ཁོ པན, མོགྒལླཱན, པརིསུདྡྷསཱིལོ སམཱནོ ‘པརིསུདྡྷསཱིལོམྷཱི’ཏི པཊིཛཱནཱམི ¶ ‘པརིསུདྡྷཾ མེ སཱིལཾ པརིཡོདཱཏཾ ཨསཾཀིལིཊྛ’ནྟི ཙ. ན ཙ མཾ སཱཝཀཱ སཱིལཏོ རཀྑནྟི; ན ཙཱཧཾ སཱཝཀེཧི སཱིལཏོ རཀྑཾ པཙྩཱསཱིསཱམི. པརིསུདྡྷཱཛཱིཝོ སམཱནོ…པེ… པརིསུདྡྷདྷམྨདེསནོ སམཱནོ…པེ… པརིསུདྡྷཝེཡྻཱཀརཎོ སམཱནོ…པེ… པརིསུདྡྷཉཱཎདསྶནོ སམཱནོ ‘པརིསུདྡྷཉཱཎདསྶནོམྷཱི’ཏི པཊིཛཱནཱམི ‘པརིསུདྡྷཾ མེ ཉཱཎདསྶནཾ པརིཡོདཱཏཾ ཨསཾཀིལིཊྛ’ནྟི ཙ. ན ཙ མཾ སཱཝཀཱ ཉཱཎདསྶནཏོ རཀྑནྟི; ན ཙཱཧཾ སཱཝཀེཧི ཉཱཎདསྶནཏོ རཀྑཾ པཙྩཱསཱིསཱམཱི’’ཏི.

༣༣༥. ཨཐ ཁོ བྷགཝཱ ཀོསམྦིཡཾ ཡཐཱབྷིརནྟཾ ཝིཧརིཏྭཱ ཡེན རཱཛགཧཾ ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན རཱཛགཧཾ ཏདཝསརི. ཏཏྲ སུདཾ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཨཐ ཁོ སམྦཧུལཱ བྷིཀྑཱུ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣཱ ཁོ ཏེ བྷིཀྑཱུ བྷགཝནྟཾ ཨེཏདཝོཙུཾ – ‘‘དེཝདཏྟསྶ, བྷནྟེ, ཨཛཱཏསཏྟུ ཀུམཱརོ པཉྩཧི རཐསཏེཧི སཱཡཾ པཱཏཾ ཨུཔཊྛཱནཾ གཙྪཏི; པཉྩ ཙ ཐཱལིཔཱཀསཏཱནི བྷཏྟཱབྷིཧཱརོ ཨབྷིཧརཱིཡཏཱི’’ཏི. ‘‘མཱ, བྷིཀྑཝེ, དེཝདཏྟསྶ ལཱབྷསཀྐཱརསིལོཀཾ པིཧཡིཏྠ. ཡཱཝཀཱིཝཉྩ, བྷིཀྑཝེ ¶ , དེཝདཏྟསྶ ཨཛཱཏསཏྟུ ཀུམཱརོ པཉྩཧི རཐསཏེཧི སཱཡཾ པཱཏཾ ཨུཔཊྛཱནཾ གམིསྶཏི ¶ , པཉྩ ཙ ཐཱལིཔཱཀསཏཱནི བྷཏྟཱབྷིཧཱརོ ཨབྷིཧརཱིཡིསྶཏི, ཧཱནིཡེཝ, བྷིཀྑཝེ, དེཝདཏྟསྶ པཱཊིཀངྑཱ ཀུསལེསུ དྷམྨེསུ, ནོ ཝུཌྜྷི.

‘‘སེཡྻཐཱཔི ¶ , བྷིཀྑཝེ, ཙཎྜསྶ ཀུཀྐུརསྶ ནཱསཱཡ པིཏྟཾ བྷིནྡེཡྻུཾ, ཨེཝཉྷི སོ, བྷིཀྑཝེ, ཀུཀྐུརོ བྷིཡྻོསོམཏྟཱཡ ཙཎྜཏརོ ཨསྶ, ཨེཝམེཝ ཁོ, བྷིཀྑཝེ, ཡཱཝཀཱིཝཉྩ དེཝདཏྟསྶ ཨཛཱཏསཏྟུ ཀུམཱརོ པཉྩཧི རཐསཏེཧི སཱཡཾ པཱཏཾ ཨུཔཊྛཱནཾ གམིསྶཏི, པཉྩ ཙ ཐཱལིཔཱཀསཏཱནི བྷཏྟཱབྷིཧཱརོ ཨབྷིཧརཱིཡིསྶཏི, ཧཱནིཡེཝ, བྷིཀྑཝེ, དེཝདཏྟསྶ པཱཊིཀངྑཱ ཀུསལེསུ དྷམྨེསུ, ནོ ཝུཌྜྷི.

[སཾ. ནི. ༢.༡༨༤; ཨ. ནི. ༤.༦༨] ‘‘ཨཏྟཝདྷཱཡ, བྷིཀྑཝེ, དེཝདཏྟསྶ ལཱབྷསཀྐཱརསིལོཀོ ཨུདཔཱདི, པརཱབྷཝཱཡ དེཝདཏྟསྶ ལཱབྷསཀྐཱརསིལོཀོ ཨུདཔཱདི.

‘‘སེཡྻཐཱཔི, བྷིཀྑཝེ, ཀདལཱི ཨཏྟཝདྷཱཡ ཕལཾ དེཏི, པརཱབྷཝཱཡ ཕལཾ དེཏི, ཨེཝམེཝ ཁོ, བྷིཀྑཝེ, ཨཏྟཝདྷཱཡ དེཝདཏྟསྶ ལཱབྷསཀྐཱརསིལོཀོ ཨུདཔཱདི, པརཱབྷཝཱཡ དེཝདཏྟསྶ ལཱབྷསཀྐཱརསིལོཀོ ཨུདཔཱདི.

‘‘སེཡྻཐཱཔི ¶ , བྷིཀྑཝེ, ཝེལུ༹ ཨཏྟཝདྷཱཡ ཕལཾ དེཏི, པརཱབྷཝཱཡ ཕལཾ དེཏི, ཨེཝམེཝ ཁོ, བྷིཀྑཝེ, ཨཏྟཝདྷཱཡ དེཝདཏྟསྶ ལཱབྷསཀྐཱརསིལོཀོ ཨུདཔཱདི, པརཱབྷཝཱཡ དེཝདཏྟསྶ ལཱབྷསཀྐཱརསིལོཀོ ཨུདཔཱདི.

‘‘སེཡྻཐཱཔི, བྷིཀྑཝེ, ནལོ༹ ཨཏྟཝདྷཱཡ ཕལཾ དེཏི, པརཱབྷཝཱཡ ཕལཾ དེཏི, ཨེཝམེཝ ཁོ, བྷིཀྑཝེ, ཨཏྟཝདྷཱཡ དེཝདཏྟསྶ ལཱབྷསཀྐཱརསིལོཀོ ཨུདཔཱདི, པརཱབྷཝཱཡ དེཝདཏྟསྶ ལཱབྷསཀྐཱརསིལོཀོ ཨུདཔཱདི ¶ .

‘‘སེཡྻཐཱཔི, བྷིཀྑཝེ, ཨསྶཏརཱི ཨཏྟཝདྷཱཡ གབྦྷཾ གཎྷཱཏི, པརཱབྷཝཱཡ གབྦྷཾ གཎྷཱཏི, ཨེཝམེཝ ཁོ, བྷིཀྑཝེ, ཨཏྟཝདྷཱཡ དེཝདཏྟསྶ ལཱབྷསཀྐཱརསིལོཀོ ཨུདཔཱདི, པརཱབྷཝཱཡ དེཝདཏྟསྶ ལཱབྷསཀྐཱརསིལོཀོ ཨུདཔཱདཱི’’ཏི.

[སཾ. ནི. ༡.༡༨༣, ༡.༢.༡༨༤, ནེཏྟི. ༩༠] ‘‘ཕལཾ ཝེ ཀདལིཾ ཧནྟི, ཕལཾ ཝེལུ༹ཾ ཕལཾ ནལ༹ཾ;

སཀྐཱརོ ཀཱཔུརིསཾ ཧནྟི, གབྦྷོ ཨསྶཏརིཾ ཡཐཱ’’ཏི.

པཋམབྷཱཎཝཱརོ ནིཊྛིཏོ.

༢. དུཏིཡབྷཱཎཝཱརོ

པཀཱསནཱིཡཀམྨཾ

༣༣༦. ཏེན ¶ ཁོ པན སམཡེན བྷགཝཱ མཧཏིཡཱ པརིསཱཡ པརིཝུཏོ དྷམྨཾ དེསེནྟོ ནིསིནྣོ ཧོཏི སརཱཛིཀཱཡ པརིསཱཡ. ཨཐ ཁོ དེཝདཏྟོ ཨུཊྛཱཡཱསནཱ ཨེཀཾསཾ ཨུཏྟརཱསངྒཾ ཀརིཏྭཱ ཡེན བྷགཝཱ ཏེནཉྫལིཾ པཎཱམེཏྭཱ བྷགཝནྟཾ ཨེཏདཝོཙ – ‘‘ཛིཎྞོ དཱནི, བྷནྟེ, བྷགཝཱ ཝུཌྜྷོ མཧལླཀོ ཨདྡྷགཏོ ཝཡོཨནུཔྤཏྟོ. ཨཔྤོསྶུཀྐོ དཱནི, བྷནྟེ, བྷགཝཱ དིཊྛདྷམྨསུཁཝིཧཱརཾ ཨནུཡུཏྟོ ཝིཧརཏུ, མམཾ བྷིཀྑུསངྒྷཾ ནིསྶཛྫཏུ. ཨཧཾ བྷིཀྑུསངྒྷཾ པརིཧརིསྶཱམཱི’’ཏི. ‘‘ཨལཾ, དེཝདཏྟ, མཱ ཏེ རུཙྩི བྷིཀྑུསངྒྷཾ པརིཧརིཏུ’’ནྟི. དུཏིཡམྤི ཁོ དེཝདཏྟོ…པེ… ཏཏིཡམྤི ཁོ དེཝདཏྟོ བྷགཝནྟཾ ཨེཏདཝོཙ – ‘‘ཛིཎྞོ དཱནི, བྷནྟེ, བྷགཝཱ ཝུཌྜྷོ མཧལླཀོ ཨདྡྷགཏོ ཝཡོཨནུཔྤཏྟོ. ཨཔྤོསྶུཀྐོ དཱནི, བྷནྟེ, བྷགཝཱ དིཊྛདྷམྨསུཁཝིཧཱརཾ ཨནུཡུཏྟོ ཝིཧརཏུ, མམཾ བྷིཀྑུསངྒྷཾ ནིསྶཛྫཏུ. ཨཧཾ བྷིཀྑུསངྒྷཾ པརིཧརིསྶཱམཱི’’ཏི. ‘‘སཱརིཔུཏྟམོགྒལླཱནཱནམྤི ¶ ཁོ ཨཧཾ, དེཝདཏྟ, བྷིཀྑུསངྒྷཾ ན ནིསྶཛྫེཡྻཾ ¶ , ཀིཾ པན ཏུཡ྄ཧཾ ཚཝསྶ ཁེལཱ༹སཀསྶཱ’’ཏི! ཨཐ ཁོ དེཝདཏྟོ – སརཱཛིཀཱཡ ¶ མཾ བྷགཝཱ པརིསཱཡ ཁེལཱ༹སཀཝཱདེན ཨཔསཱདེཏི, སཱརིཔུཏྟམོགྒལླཱནེཝ ཨུཀྐཾསཏཱིཏི – ཀུཔིཏོ ཨནཏྟམནོ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཡཉྩརཧི དེཝདཏྟསྶ བྷགཝཏི པཋམོ ཨཱགྷཱཏོ ཨཧོསི.

ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, སངྒྷོ དེཝདཏྟསྶ རཱཛགཧེ པཀཱསནཱིཡཾ ཀམྨཾ ཀརོཏུ – ‘པུབྦེ དེཝདཏྟསྶ ཨཉྙཱ པཀཏི ཨཧོསི, ཨིདཱནི ཨཉྙཱ པཀཏི. ཡཾ དེཝདཏྟོ ཀརེཡྻ ཀཱཡེན ཝཱཙཱཡ, ན ཏེན བུདྡྷོ ཝཱ དྷམྨོ ཝཱ སངྒྷོ ཝཱ དཊྛབྦོ, དེཝདཏྟོཝ ཏེན དཊྛབྦོ’ཏི. ཨེཝཉྩ པན, བྷིཀྑཝེ, ཀཱཏབྦཾ. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

༣༣༧. ‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ སངྒྷོ དེཝདཏྟསྶ རཱཛགཧེ པཀཱསནཱིཡཾ ཀམྨཾ ཀརེཡྻ – ‘‘པུབྦེ དེཝདཏྟསྶ ཨཉྙཱ པཀཏི ཨཧོསི, ཨིདཱནི ཨཉྙཱ པཀཏི. ཡཾ དེཝདཏྟོ ཀརེཡྻ ཀཱཡེན ¶ ཝཱཙཱཡ, ན ཏེན བུདྡྷོ ཝཱ དྷམྨོ ཝཱ སངྒྷོ ཝཱ དཊྛབྦོ, དེཝདཏྟོཝ ཏེན དཊྛབྦོ’ཏི. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ དེཝདཏྟསྶ རཱཛགཧེ ¶ པཀཱསནཱིཡཾ ཀམྨཾ ཀརོཏི – ‘པུབྦེ དེཝདཏྟསྶ ཨཉྙཱ པཀཏི ཨཧོསི, ཨིདཱནི ཨཉྙཱ པཀཏི. ཡཾ དེཝདཏྟོ ཀརེཡྻ ཀཱཡེན ཝཱཙཱཡ, ན ཏེན བུདྡྷོ ཝཱ དྷམྨོ ཝཱ སངྒྷོ ཝཱ དཊྛབྦོ, དེཝདཏྟོཝ ཏེན དཊྛབྦོ’ཏི. ཡསྶཱཡསྨཏོ ཁམཏི དེཝདཏྟསྶ རཱཛགཧེ པཀཱསནཱིཡཾ ཀམྨསྶ ཀརཎཾ – ‘པུབྦེ དེཝདཏྟསྶ ཨཉྙཱ པཀཏི ཨཧོསི, ཨིདཱནི ཨཉྙཱ པཀཏི, ཡཾ དེཝདཏྟོ ཀརེཡྻ ཀཱཡེན ཝཱཙཱཡ, ན ཏེན བུདྡྷོ ཝཱ དྷམྨོ ཝཱ སངྒྷོ ཝཱ དཊྛབྦོ, དེཝདཏྟོཝ ཏེན དཊྛབྦོ’ཏི – སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཀཏཾ སངྒྷེན དེཝདཏྟསྶ རཱཛགཧེ པཀཱསནཱིཡཾ ཀམྨཾ – ‘པུབྦེ དེཝདཏྟསྶ ཨཉྙཱ པཀཏི ཨཧོསི, ཨིདཱནི ཨཉྙཱ པཀཏི. ཡཾ དེཝདཏྟོ ཀརེཡྻ ཀཱཡེན ཝཱཙཱཡ, ན ཏེན བུདྡྷོ ཝཱ དྷམྨོ ཝཱ སངྒྷོ ཝཱ དཊྛབྦོ, དེཝདཏྟོཝ ཏེན དཊྛབྦོ’ཏི. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༣༣༨. ཨཐ ཁོ བྷགཝཱ ཨཱཡསྨནྟཾ སཱརིཔུཏྟཾ ཨཱམནྟེསི – ‘‘ཏེན ཧི ཏྭཾ, སཱརིཔུཏྟ, དེཝདཏྟཾ ¶ རཱཛགཧེ པཀཱསེཧཱི’’ཏི. ‘‘པུབྦེ མཡཱ, བྷནྟེ, དེཝདཏྟསྶ རཱཛགཧེ ཝཎྞོ བྷཱསིཏོ – ‘མཧིདྡྷིཀོ གོདྷིཔུཏྟོ, མཧཱནུབྷཱཝོ གོདྷིཔུཏྟོ’ཏི. ཀཐཱཧཾ, བྷནྟེ, དེཝདཏྟཾ རཱཛགཧེ པཀཱསེམཱི’’ཏི? ‘‘ནནུ ཏཡཱ, སཱརིཔུཏྟ, བྷཱུཏོཡེཝ དེཝདཏྟསྶ རཱཛགཧེ ཝཎྞོ བྷཱསིཏོ – ‘མཧིདྡྷིཀོ གོདྷིཔུཏྟོ, མཧཱནུབྷཱཝོ གོདྷིཔུཏྟོ’’’ ཏི? ‘‘ཨེཝཾ ¶ བྷནྟེ’’ཏི. ‘‘ཨེཝམེཝ ཁོ ཏྭཾ, སཱརིཔུཏྟ, བྷཱུཏཾཡེཝ དེཝདཏྟཾ རཱཛགཧེ པཀཱསེཧཱི’’ཏི. ‘‘ཨེཝཾ བྷནྟེ’’ཏི ཁོ ཨཱཡསྨཱ སཱརིཔུཏྟོ བྷགཝཏོ པཙྩསྶོསི.

ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, སངྒྷོ སཱརིཔུཏྟཾ སམྨནྣཏུ དེཝདཏྟཾ རཱཛགཧེ པཀཱསེཏུཾ – ‘པུབྦེ དེཝདཏྟསྶ ཨཉྙཱ པཀཏི ཨཧོསི, ཨིདཱནི ཨཉྙཱ པཀཏི. ཡཾ དེཝདཏྟོ ཀརེཡྻ ཀཱཡེན ཝཱཙཱཡ, ན ཏེན བུདྡྷོ ཝཱ དྷམྨོ ཝཱ སངྒྷོ ཝཱ དཊྛབྦོ, དེཝདཏྟོཝ ཏེན དཊྛབྦོ’ཏི. ཨེཝཉྩ པན, བྷིཀྑཝེ, སམྨནྣིཏབྦོ. པཋམཾ སཱརིཔུཏྟོ ¶ ཡཱཙིཏབྦོ. ཡཱཙིཏྭཱ བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨཱཡསྨནྟཾ སཱརིཔུཏྟཾ སམྨནྣེཡྻ ¶ དེཝདཏྟཾ རཱཛགཧེ པཀཱསེཏུཾ – ‘པུབྦེ དེཝདཏྟསྶ ཨཉྙཱ པཀཏི ཨཧོསི, ཨིདཱནི ཨཉྙཱ པཀཏི. ཡཾ དེཝདཏྟོ ཀརེཡྻ ཀཱཡེན ཝཱཙཱཡ, ན ཏེན བུདྡྷོ ཝཱ དྷམྨོ ཝཱ སངྒྷོ ཝཱ དཊྛབྦོ, དེཝདཏྟོཝ ཏེན དཊྛབྦོ’ཏི. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. སངྒྷོ ཨཱཡསྨནྟཾ སཱརིཔུཏྟཾ སམྨནྣཏི དེཝདཏྟཾ རཱཛགཧེ པཀཱསེཏུཾ – ‘པུབྦེ དེཝདཏྟསྶ ཨཉྙཱ པཀཏི ཨཧོསི, ཨིདཱནི ཨཉྙཱ པཀཏི, ཡཾ དེཝདཏྟོ ཀརེཡྻ ཀཱཡེན ཝཱཙཱཡ, ན ཏེན བུདྡྷོ ཝཱ དྷམྨོ ཝཱ སངྒྷོ ཝཱ དཊྛབྦོ, དེཝདཏྟོཝ ཏེན དཊྛབྦོ’ཏི. ཡསྶཱཡསྨཏོ ཁམཏི, ཨཱཡསྨཏོ སཱརིཔུཏྟསྶ སམྨུཏི ¶ དེཝདཏྟཾ རཱཛགཧེ པཀཱསེཏུཾ – ‘པུབྦེ དེཝདཏྟསྶ ཨཉྙཱ པཀཏི ཨཧོསི, ཨིདཱནི ཨཉྙཱ པཀཏི, ཡཾ དེཝདཏྟོ ཀརེཡྻ ཀཱཡེན ཝཱཙཱཡ, ན ཏེན བུདྡྷོ ཝཱ དྷམྨོ ཝཱ སངྒྷོ ཝཱ དཊྛབྦོ, དེཝདཏྟོཝ ཏེན དཊྛབྦོ’ཏི – སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏོ སངྒྷེན ཨཱཡསྨཱ སཱརིཔུཏྟོ དེཝདཏྟཾ རཱཛགཧེ པཀཱསེཏུཾ – ‘པུབྦེ དེཝདཏྟསྶ ཨཉྙཱ པཀཏི ཨཧོསི, ཨིདཱནི ཨཉྙཱ པཀཏི. ཡཾ དེཝདཏྟོ ཀརེཡྻ ཀཱཡེན ཝཱཙཱཡ, ན ཏེན བུདྡྷོ ཝཱ དྷམྨོ ཝཱ སངྒྷོ ཝཱ དཊྛབྦོ, དེཝདཏྟོཝ ཏེན དཊྛབྦོ’ཏི. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

སམྨཏོ ¶ ཙ ཨཱཡསྨཱ སཱརིཔུཏྟོ སམྦཧུལེཧི བྷིཀྑཱུཧི སདྡྷིཾ རཱཛགཧཾ པཝིསིཏྭཱ དེཝདཏྟཾ རཱཛགཧེ པཀཱསེསི – ‘‘པུབྦེ དེཝདཏྟསྶ ཨཉྙཱ པཀཏི ཨཧོསི, ཨིདཱནི ཨཉྙཱ པཀཏི. ཡཾ དེཝདཏྟོ ཀརེཡྻ ཀཱཡེན ཝཱཙཱཡ, ན ཏེན བུདྡྷོ ཝཱ དྷམྨོ ཝཱ སངྒྷོ ཝཱ དཊྛབྦོ, དེཝདཏྟོཝ ཏེན དཊྛབྦོ’’ཏི. ཏཏྠ ཡེ ཏེ མནུསྶཱ ཨསྶདྡྷཱ ཨཔྤསནྣཱ དུབྦུདྡྷིནོ, ཏེ ཨེཝམཱཧཾསུ – ‘‘ཨུསཱུཡཀཱ ཨིམེ སམཎཱ སཀྱཔུཏྟིཡཱ དེཝདཏྟསྶ ལཱབྷསཀྐཱརཾ ཨུསཱུཡནྟཱི’’ཏི. ཡེ པན ཏེ མནུསྶཱ སདྡྷཱ པསནྣཱ པཎྜིཏཱ བྱཏྟཱ བུདྡྷིམནྟོ, ཏེ ཨེཝམཱཧཾསུ – ‘‘ན ཁོ ཨིདཾ ཨོརཀཾ བྷཝིསྶཏི ཡཐཱ བྷགཝཱ དེཝདཏྟཾ རཱཛགཧེ པཀཱསཱཔེཏཱི’’ཏི.

ཨཛཱཏསཏྟུཀུམཱརཝཏྠུ

༣༣༩. ཨཐ ¶ ¶ ཁོ དེཝདཏྟོ ཡེན ཨཛཱཏསཏྟུ ཀུམཱརོ ཏེནུཔསངྐམི, ཨུཔསངྐམིཏྭཱ ཨཛཱཏསཏྟུཾ ཀུམཱརཾ ཨེཏདཝོཙ – ‘‘པུབྦེ ཁོ, ཀུམཱར, མནུསྶཱ དཱིགྷཱཡུཀཱ, ཨེཏརཧི ཨཔྤཱཡུཀཱ. ཋཱནཾ ཁོ པནེཏཾ ཝིཛྫཏི ཡཾ ཏྭཾ ཀུམཱརོཝ སམཱནོ ཀཱལཾ ཀརེཡྻཱསི. ཏེན ཧི ཏྭཾ, ཀུམཱར, པིཏརཾ ཧནྟྭཱ རཱཛཱ ཧོཧི. ཨཧཾ བྷགཝནྟཾ ཧནྟྭཱ བུདྡྷོ བྷཝིསྶཱམཱི’’ཏི.

ཨཐ ཁོ ཨཛཱཏསཏྟུ ཀུམཱརོ – ཨཡྻོ ཁོ དེཝདཏྟོ མཧིདྡྷིཀོ མཧཱནུབྷཱཝོ, ཛཱནེཡྻཱསི ཨཡྻོ དེཝདཏྟོཏི – ཨཱུརུཡཱ པོཏྠནིཀཾ བནྡྷིཏྭཱ དིཝཱ དིཝསྶ [དིཝཱ དིཝསསྶ (ཀ.)] བྷཱིཏོ ཨུབྦིགྒོ ཨུསྶངྐཱི ཨུཏྲསྟོ སཧསཱ ཨནྟེཔུརཾ པཱཝིསི. ཨདྡསཱསུཾ ཁོ ཨནྟེཔུརེ ཨུཔཙཱརཀཱ མཧཱམཏྟཱ ཨཛཱཏསཏྟུཾ ཀུམཱརཾ དིཝཱ དིཝསྶ བྷཱིཏཾ ཨུབྦིགྒཾ ཨུསྶངྐིཾ ཨུཏྲསྟཾ སཧསཱ ཨནྟེཔུརཾ པཝིསནྟཾ; དིསྭཱན ཨགྒཧེསུཾ. ཏེ ཝིཙིནནྟཱ ཨཱུརུཡཱ པོཏྠནིཀཾ བདྡྷཾ [བནྡྷཾ (ཀ.)] དིསྭཱན ཨཛཱཏསཏྟུཾ ཀུམཱརཾ ཨེཏདཝོཙུཾ – ‘‘ཀིཾ ཏྭཾ, ཀུམཱར, ཀཏྟུཀཱམོསཱི’’ཏི? ‘‘པིཏརམྷི ཧནྟུཀཱམོ’’ཏི. ‘‘ཀེནཱསི ཨུསྶཱཧིཏོ’’ཏི? ‘‘ཨཡྻེན དེཝདཏྟེནཱ’’ཏི. ཨེཀཙྩེ མཧཱམཏྟཱ ཨེཝཾ མཏིཾ ཨཀཾསུ – ‘‘ཀུམཱརོ ཙ ཧནྟབྦོ, དེཝདཏྟོ ཙ, སབྦེ ཙ བྷིཀྑཱུ ཧནྟབྦཱ’’ཏི. ཨེཀཙྩེ མཧཱམཏྟཱ ཨེཝཾ མཏིཾ ཨཀཾསུ – ‘‘ན བྷིཀྑཱུ ཧནྟབྦཱ. ན བྷིཀྑཱུ ཀིཉྩི ཨཔརཛ྄ཛྷནྟི. ཀུམཱརོ ཙ ཧནྟབྦོ, དེཝདཏྟོ ཙཱ’’ཏི. ཨེཀཙྩེ མཧཱམཏྟཱ ཨེཝཾ མཏིཾ ཨཀཾསུ – ‘‘ན ཀུམཱརོ ཙ ཧནྟབྦོ, ན དེཝདཏྟོ. ན བྷིཀྑཱུ ¶ ཧནྟབྦཱ. རཉྙོ ཨཱརོཙེཏབྦཾ. ཡཐཱ རཱཛཱ ཝཀྑཏི ཏཐཱ ཀརིསྶཱམཱ’’ཏི.

ཨཐ ཁོ ཏེ མཧཱམཏྟཱ ཨཛཱཏསཏྟུཾ ཀུམཱརཾ ཨཱདཱཡ ཡེན རཱཛཱ མཱགདྷོ སེནིཡོ བིམྦིསཱརོ ཏེནུཔསངྐམིཾསུ ¶ , ཨུཔསངྐམིཏྭཱ རཉྙོ མཱགདྷསྶ སེནིཡསྶ བིམྦིསཱརསྶ ཨེཏམཏྠཾ ཨཱརོཙེསུཾ ¶ . ‘‘ཀཐཾ, བྷཎེ, མཧཱམཏྟེཧི མཏི ཀཏཱ’’ཏི? ‘‘ཨེཀཙྩེ, དེཝ, མཧཱམཏྟཱ ཨེཝཾ མཏིཾ ཨཀཾསུ – ‘ཀུམཱརོ ཙ ཧནྟབྦོ, དེཝདཏྟོ ཙ, སབྦེ ཙ བྷིཀྑཱུ ཧནྟབྦཱ’ཏི. ཨེཀཙྩེ མཧཱམཏྟཱ ཨེཝཾ མཏིཾ ཨཀཾསུ – ‘ན བྷིཀྑཱུ ཧནྟབྦཱ. ན བྷིཀྑཱུ ཀིཉྩི ཨཔརཛ྄ཛྷནྟི. ཀུམཱརོ ཙ ཧནྟབྦོ, དེཝདཏྟོ ཙཱ’ཏི. ཨེཀཙྩེ མཧཱམཏྟཱ ཨེཝཾ མཏིཾ ཨཀཾསུ – ‘ན ཀུམཱརོ ཙ ཧནྟབྦོ, ན དེཝདཏྟོ. ན བྷིཀྑཱུ ཧནྟབྦཱ. རཉྙོ ¶ ཨཱརོཙེཏབྦཾ. ཡཐཱ རཱཛཱ ཝཀྑཏི ཏཐཱ ཀརིསྶཱམཱ’’’ཏི. ‘‘ཀིཾ, བྷཎེ, ཀརིསྶཏི བུདྡྷོ ཝཱ དྷམྨོ ཝཱ སངྒྷོ ཝཱ? ནནུ བྷགཝཏཱ པཊིཀཙྩེཝ དེཝདཏྟོ རཱཛགཧེ པཀཱསཱཔིཏོ – ‘པུབྦེ དེཝདཏྟསྶ ཨཉྙཱ པཀཏི ཨཧོསི, ཨིདཱནི ཨཉྙཱ པཀཏི. ཡཾ དེཝདཏྟོ ཀརེཡྻ ཀཱཡེན ཝཱཙཱཡ, ན ཏེན བུདྡྷོ ཝཱ དྷམྨོ ཝཱ སངྒྷོ ཝཱ དཊྛབྦོ, དེཝདཏྟོཝ ཏེན དཊྛབྦོ’’ཏི? ཏཏྠ ཡེ ཏེ མཧཱམཏྟཱ ཨེཝཾ མཏིཾ ཨཀཾསུ – ‘ཀུམཱརོ ཙ ཧནྟབྦོ དེཝདཏྟོ ཙ; སབྦེ ཙ བྷིཀྑཱུ ཧནྟབྦཱ’ཏི; ཏེ ཨཊྛཱནེ ཨཀཱསི. ཡེ ཏེ མཧཱམཏྟཱ ཨེཝཾ མཏིཾ ཨཀཾསུ – ‘ན བྷིཀྑཱུ ཧནྟབྦཱ; ན བྷིཀྑཱུ ཀིཉྩི ཨཔརཛ྄ཛྷནྟི; ཀུམཱརོ ཙ ཧནྟབྦོ དེཝདཏྟོ ཙཱ’ཏི; ཏེ ནཱིཙེ ཋཱནེ ཋཔེསི. ཡེ ¶ ཏེ མཧཱམཏྟཱ ཨེཝཾ མཏིཾ ཨཀཾསུ – ‘ན ཀུམཱརོ ཙ ཧནྟབྦོ, ན དེཝདཏྟོ; ན བྷིཀྑཱུ ཧནྟབྦཱ; རཉྙོ ཨཱརོཙེཏབྦཾ; ཡཐཱ རཱཛཱ ཝཀྑཏི ཏཐཱ ཀརིསྶཱམཱ’ཏི; ཏེ ཨུཙྩེ ཋཱནེ ཋཔེསི. ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཨཛཱཏསཏྟུཾ ཀུམཱརཾ ཨེཏདཝོཙ – ‘‘ཀིསྶ མཾ ཏྭཾ, ཀུམཱར, ཧནྟུཀཱམོསཱི’’ཏི? ‘‘རཛྫེནཱམྷི, དེཝ, ཨཏྠིཀོ’’ཏི. ‘‘སཙེ ཁོ ཏྭཾ, ཀུམཱར, རཛྫེན ཨཏྠིཀོ, ཨེཏཾ ཏེ རཛྫ’’ནྟི ཨཛཱཏསཏྟུསྶ ཀུམཱརསྶ རཛྫཾ ནིཡྻཱདེསི.

ཨབྷིམཱརཔེསནཾ

༣༤༠. ཨཐ ཁོ དེཝདཏྟོ ཡེན ཨཛཱཏསཏྟུ ཀུམཱརོ ཏེནུཔསངྐམི, ཨུཔསངྐམིཏྭཱ ཨཛཱཏསཏྟུཾ ཀུམཱརཾ ཨེཏདཝོཙ – ‘‘པུརིསེ, མཧཱརཱཛ, ཨཱཎཱཔེཧི, ཡེ སམཎཾ གོཏམཾ ཛཱིཝིཏཱ ཝོརོཔེསྶནྟཱི’’ཏི. ཨཐ ཁོ ཨཛཱཏསཏྟུ ཀུམཱརོ མནུསྶེ ཨཱཎཱཔེསི – ‘‘ཡཐཱ, བྷཎེ, ཨཡྻོ དེཝདཏྟོ ཨཱཧ ཏཐཱ ཀརེཡྻཱཐཱ’’ཏི. ཨཐ ཁོ དེཝདཏྟོ ཨེཀཾ པུརིསཾ ཨཱཎཱཔེསི – ‘‘གཙྪཱཝུསོ, ཨམུཀསྨིཾ ཨོཀཱསེ སམཎོ གོཏམོ ཝིཧརཏི. ཏཾ ཛཱིཝིཏཱ ཝོརོཔེཏྭཱ ཨིམིནཱ མགྒེན ཨཱགཙྪཱ’’ཏི. ཏསྨིཾ མགྒེ དྭེ པུརིསེ ཋཔེསི – ‘‘ཡོ ཨིམིནཱ མགྒེན ཨེཀོ པུརིསོ ཨཱགཙྪཏི, ཏཾ ཛཱིཝིཏཱ ཝོརོཔེཏྭཱ ཨིམིནཱ མགྒེན ཨཱགཙྪཐཱ’’ཏི. ཏསྨིཾ མགྒེ ཙཏྟཱརོ པུརིསེ ཋཔེསི – ‘‘ཡེ ཨིམིནཱ མགྒེན ¶ དྭེ པུརིསཱ ཨཱགཙྪནྟི, ཏེ ཛཱིཝིཏཱ ཝོརོཔེཏྭཱ ཨིམིནཱ མགྒེན ཨཱགཙྪཐཱ’’ཏི. ཏསྨིཾ མགྒེ ཨཊྛ པུརིསེ ཋཔེསི – ‘‘ཡེ ཨིམིནཱ མགྒེན ཙཏྟཱརོ པུརིསཱ ཨཱགཙྪནྟི, ཏེ ཛཱིཝིཏཱ ¶ ཝོརོཔེཏྭཱ ཨིམིནཱ མགྒེན ¶ ཨཱགཙྪཐཱ’’ཏི. ཏསྨིཾ མགྒེ སོལ༹ས ¶ པུརིསེ ཋཔེསི – ‘‘ཡེ ཨིམིནཱ མགྒེན ཨཊྛ པུརིསཱ ཨཱགཙྪནྟི, ཏེ ཛཱིཝིཏཱ ཝོརོཔེཏྭཱ ཨཱགཙྪཐཱ’’ཏི.

ཨཐ ཁོ སོ ཨེཀོ པུརིསོ ཨསིཙམྨཾ གཧེཏྭཱ དྷནུཀལཱཔཾ སནྣཡ྄ཧིཏྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝཏོ ཨཝིདཱུརེ བྷཱིཏོ ཨུབྦིགྒོ ཨུསྶངྐཱི ཨུཏྲསྟོ པཏྠདྡྷེན ཀཱཡེན ཨཊྛཱསི. ཨདྡསཱ ཁོ བྷགཝཱ ཏཾ པུརིསཾ བྷཱིཏཾ ཨུབྦིགྒཾ ཨུསྶངྐིཾ ཨུཏྲསྟཾ པཏྠདྡྷེན ཀཱཡེན ཋིཏཾ. དིསྭཱན ཏཾ པུརིསཾ ཨེཏདཝོཙ – ‘‘ཨེཧཱཝུསོ, མཱ བྷཱཡཱི’’ཏི. ཨཐ ཁོ སོ པུརིསོ ཨསིཙམྨཾ ཨེཀམནྟཾ ཀརིཏྭཱ དྷནུཀལཱཔཾ ནིཀྑིཔིཏྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝཏོ པཱདེསུ སིརསཱ ནིཔཏིཏྭཱ བྷགཝནྟཾ ཨེཏདཝོཙ – ‘‘ཨཙྩཡོ མཾ, བྷནྟེ, ཨཙྩགམཱ ཡཐཱབཱལཾ ཡཐཱམཱུལ༹ྷཾ ཡཐཱཨཀུསལཾ, ཡོཧཾ དུཊྛཙིཏྟོ ཝདྷཀཙིཏྟོ ཨིདྷཱུཔསངྐནྟོ. ཏསྶ མེ, བྷནྟེ, བྷགཝཱ ཨཙྩཡཾ ཨཙྩཡཏོ པཊིགྒཎྷཱཏུ ཨཱཡཏིཾ སཾཝརཱཡཱ’’ཏི. ‘‘ཏགྒྷ ཏྭཾ, ཨཱཝུསོ, ཨཙྩཡོ ཨཙྩགམཱ ཡཐཱབཱལཾ ཡཐཱམཱུལ༹ྷཾ ཡཐཱཨཀུསལཾ, ཡཾ ཏྭཾ དུཊྛཙིཏྟོ ཝདྷཀཙིཏྟོ ཨིདྷཱུཔསངྐནྟོ. ཡཏོ ཙ ཁོ ཏྭཾ, ཨཱཝུསོ ¶ , ཨཙྩཡཾ ཨཙྩཡཏོ དིསྭཱ ཡཐཱདྷམྨཾ པཊིཀརོསི, ཏཾ ཏེ མཡཾ པཊིགྒཎྷཱམ. ཝུཌྜྷི ཧེསཱ, ཨཱཝུསོ, ཨརིཡསྶ ཝིནཡེ – ཡོ ཨཙྩཡཾ ཨཙྩཡཏོ དིསྭཱ ཡཐཱདྷམྨཾ པཊིཀརོཏི, ཨཱཡཏིཾ སཾཝརཾ ཨཱཔཛྫཏཱི’’ཏི.

ཨཐ ཁོ བྷགཝཱ ཏསྶ པུརིསསྶ ཨནུཔུབྦིཾ ཀཐཾ ཀཐེསི, སེཡྻཐིདཾ – དཱནཀཐཾ སཱིལཀཐཾ སགྒཀཐཾ, ཀཱམཱནཾ ཨཱདཱིནཝཾ ཨོཀཱརཾ སཾཀིལེསཾ, ནེཀྑམྨེ ཨཱནིསཾསཾ པཀཱསེསི. ཡདཱ ཏཾ བྷགཝཱ ཨཉྙཱསི ཀལླཙིཏྟཾ, མུདུཙིཏྟཾ, ཝིནཱིཝརཎཙིཏྟཾ, ཨུདགྒཙིཏྟཾ, པསནྣཙིཏྟཾ, ཨཐ ཡཱ བུདྡྷཱནཾ སཱམུཀྐཾསིཀཱ དྷམྨདེསནཱ ཏཾ པཀཱསེསི – དུཀྑཾ, སམུདཡཾ, ནིརོདྷཾ, མགྒཾ. སེཡྻཐཱཔི ནཱམ སུདྡྷཾ ཝཏྠཾ ཨཔགཏཀཱལ༹ཀཾ སམྨདེཝ རཛནཾ པཊིགྒཧེཡྻ, ཨེཝམེཝ ཏསྶ པུརིསསྶ ཏསྨིཾཡེཝ ཨཱསནེ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨནྟི. ཨཐ ཁོ སོ པུརིསོ དིཊྛདྷམྨོ པཏྟདྷམྨོ ཝིདིཏདྷམྨོ པརིཡོགཱལ༹ྷདྷམྨོ ཏིཎྞཝིཙིཀིཙྪོ ཝིགཏཀཐཾཀཐོ ཝེསཱརཛྫཔྤཏྟོ ཨཔརཔྤཙྩཡོ སཏྠུསཱསནེ བྷགཝནྟཾ ཨེཏདཝོཙ – ‘‘ཨབྷིཀྐནྟཾ, བྷནྟེ, ཨབྷིཀྐནྟཾ, བྷནྟེ. སེཡྻཐཱཔི, བྷནྟེ, ནིཀྐུཛྫིཏཾ ཝཱ ཨུཀྐུཛྫེཡྻ, པཊིཙྪནྣཾ ཝཱ ཝིཝརེཡྻ, མཱུལ༹ྷསྶ ¶ ཝཱ མགྒཾ ཨཱཙིཀྑེཡྻ, ཨནྡྷཀཱརེ ཝཱ ཏེལཔཛྫོཏཾ དྷཱརེཡྻ – ཙཀྑུམནྟོ རཱུཔཱནི དཀྑནྟཱིཏི – ཨེཝམེཝཾ བྷགཝཏཱ ཨནེཀཔརིཡཱཡེན དྷམྨོ པཀཱསིཏོ. ཨེསཱཧཾ, བྷནྟེ, བྷགཝནྟཾ སརཎཾ ¶ གཙྪཱམི, དྷམྨཉྩ, བྷིཀྑུསངྒྷཉྩ. ཨུཔཱསཀཾ མཾ བྷགཝཱ དྷཱརེཏུ ཨཛྫཏགྒེ པཱཎུཔེཏཾ སརཎཾ ¶ གཏ’’ནྟི. ཨཐ ཁོ བྷགཝཱ ཏཾ པུརིསཾ ཨེཏདཝོཙ ¶ – ‘‘མཱ ཁོ ཏྭཾ, ཨཱཝུསོ, ཨིམིནཱ མགྒེན གཙྪ, ཨིམིནཱ མགྒེན གཙྪཱཧཱི’’ཏི ཨཉྙེན མགྒེན ཨུཡྻོཛེསི.

ཨཐ ཁོ ཏེ དྭེ པུརིསཱ – ཀིཾ ནུ ཁོ སོ ཨེཀོ པུརིསོ ཙིརེན ཨཱགཙྪཏཱིཏི – པཊིཔཐཾ གཙྪནྟཱ ཨདྡསཾསུ བྷགཝནྟཾ ཨཉྙཏརསྨིཾ རུཀྑམཱུལེ ནིསིནྣཾ. དིསྭཱན ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཏེསཾ བྷགཝཱ ཨནུཔུབྦིཾ ཀཐཾ ཀཐེསི…པེ… ཨཔརཔྤཙྩཡཱ སཏྠུསཱསནེ བྷགཝནྟཾ ཨེཏདཝོཙུཾ – ‘‘ཨབྷིཀྐནྟཾ, བྷནྟེ…པེ… ཨུཔཱསཀེ ནོ བྷགཝཱ དྷཱརེཏུ ཨཛྫཏགྒེ པཱཎུཔེཏཾ སརཎཾ གཏེ’’ཏི. ཨཐ ཁོ བྷགཝཱ ཏེ པུརིསེ ཨེཏདཝོཙ – ‘‘མཱ ཁོ ཏུམྷེ, ཨཱཝུསོ, ཨིམིནཱ མགྒེན གཙྪིཏྠ, ཨིམིནཱ མགྒེན གཙྪཐཱ’’ཏི ཨཉྙེན མགྒེན ཨུཡྻོཛེསི.

ཨཐ ཁོ ཏེ ཙཏྟཱརོ པུརིསཱ…པེ… ཨཐ ཁོ ཏེ ཨཊྛ པུརིསཱ…པེ… ཨཐ ཁོ ཏེ སོལ༹ས པུརིསཱ – ཀིཾ ནུ ཁོ ཏེ ཨཊྛ པུརིསཱ ཙིརེན ཨཱགཙྪནྟཱིཏི – པཊིཔཐཾ གཙྪནྟཱ ཨདྡསཱསུཾ བྷགཝནྟཾ ཨཉྙཏརསྨིཾ རུཀྑམཱུལེ ནིསིནྣཾ. དིསྭཱན ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཏེསཾ བྷགཝཱ ཨནུཔུབྦིཾ ཀཐཾ ཀཐེསི, སེཡྻཐིདཾ – དཱནཀཐཾ…པེ… ཨཔརཔྤཙྩཡཱ སཏྠུསཱསནེ བྷགཝནྟཾ ཨེཏདཝོཙུཾ – ‘‘ཨབྷིཀྐནྟཾ, བྷནྟེ…པེ… ¶ ཨུཔཱསཀེ ནོ བྷགཝཱ དྷཱརེཏུ ཨཛྫཏགྒེ པཱཎུཔེཏཾ སརཎཾ གཏེ’’ཏི. ཨཐ ཁོ བྷགཝཱ ཏེ པུརིསེ ཨེཏདཝོཙ – ‘‘མཱ ཁོ ཏུམྷེ, ཨཱཝུསོ, ཨིམིནཱ མགྒེན གཙྪིཏྠ, ཨིམིནཱ མགྒེན གཙྪཐཱ’’ཏི ཨཉྙེན མགྒེན ཨུཡྻོཛེསི.

ཨཐ ཁོ སོ ཨེཀོ པུརིསོ ཡེན དེཝདཏྟོ ཏེནུཔསངྐམི, ཨུཔསངྐམིཏྭཱ དེཝདཏྟཾ ཨེཏདཝོཙ – ‘‘ནཱཧཾ, བྷནྟེ, སཀྐོམི ཏཾ བྷགཝནྟཾ ཛཱིཝིཏཱ ཝོརོཔེཏུཾ; མཧིདྡྷིཀོ སོ བྷགཝཱ, མཧཱནུབྷཱཝོ’’ཏི. ‘‘ཨལཾ, ཨཱཝུསོ; མཱ ཏྭཾ སམཎཾ གོཏམཾ ཛཱིཝིཏཱ ཝོརོཔེསི. ཨཧམེཝ སམཎཾ གོཏམཾ ཛཱིཝིཏཱ ཝོརོཔེསྶཱམཱི’’ཏི.

ལོཧིཏུཔྤཱདཀཀམྨཾ

༣༤༡. ཏེན ¶ ཁོ པན སམཡེན བྷགཝཱ གིཛ྄ཛྷཀཱུཊསྶ པབྦཏསྶ ཚཱཡཱཡཾ ཙངྐམཏི. ཨཐ ཁོ དེཝདཏྟོ གིཛ྄ཛྷཀཱུཊཾ པབྦཏཾ ཨཱརུཧིཏྭཱ མཧཏིཾ སིལཾ པཝིཛ྄ཛྷི – ཨིམཱཡ སམཎཾ གོཏམཾ ཛཱིཝིཏཱ ཝོརོཔེསྶཱམཱིཏི. དྭེ པབྦཏཀཱུཊཱ སམཱགནྟྭཱ ཏཾ སིལཾ སམྤཊིཙྪིཾསུ. ཏཏོ པཔཏིཀཱ ཨུཔྤཏིཏྭཱ བྷགཝཏོ པཱདེ རུཧིརཾ ཨུཔྤཱདེསི. ཨཐ ཁོ བྷགཝཱ ཨུདྡྷཾ ཨུལློཀེཏྭཱ དེཝདཏྟཾ ¶ ཨེཏདཝོཙ – ‘‘བཧུཾ ཏཡཱ, མོགྷཔུརིས, ཨཔུཉྙཾ པསུཏཾ, ཡཾ ཏྭཾ དུཊྛཙིཏྟོ ཝདྷཀཙིཏྟོ ཏཐཱགཏསྶ རུཧིརཾ ཨུཔྤཱདེསཱི’’ཏི. ཨཐ ཁོ བྷགཝཱ བྷིཀྑཱུ ཨཱམནྟེསི – ‘‘ཨིདཾ, བྷིཀྑཝེ, དེཝདཏྟེན པཋམཾ ཨཱནནྟརིཡཾ ཀམྨཾ ཨུཔཙིཏཾ, ཡཾ དུཊྛཙིཏྟེན ཝདྷཀཙིཏྟེན ཏཐཱགཏསྶ རུཧིརཾ ཨུཔྤཱདིཏ’’ནྟི.

ཨསྶོསུཾ ¶ ཁོ བྷིཀྑཱུ – ‘‘དེཝདཏྟེན ཀིར བྷགཝཏོ ཝདྷོ པཡུཏྟོ’’ཏི. ཏེ ཙ བྷིཀྑཱུ བྷགཝཏོ ཝིཧཱརསྶ པརིཏོ པརིཏོ ཙངྐམནྟི ཨུཙྩཱསདྡཱ མཧཱསདྡཱ སཛ྄ཛྷཱཡཾ ¶ ཀརོནྟཱ, བྷགཝཏོ རཀྑཱཝརཎགུཏྟིཡཱ. ཨསྶོསི ཁོ བྷགཝཱ ཨུཙྩཱསདྡཾ མཧཱསདྡཾ སཛ྄ཛྷཱཡསདྡཾ. སུཏྭཱན ཨཱཡསྨནྟཾ ཨཱནནྡཾ ཨཱམནྟེསི – ‘‘ཀིཾ ནུ ཁོ སོ, ཨཱནནྡ, ཨུཙྩཱསདྡོ མཧཱསདྡོ སཛ྄ཛྷཱཡསདྡོ’’ཏི? ‘‘ཨསྶོསུཾ ཁོ, བྷནྟེ, བྷིཀྑཱུ – ‘དེཝདཏྟེན ཀིར བྷགཝཏོ ཝདྷོ པཡུཏྟོ’ཏི. ཏེ ཙ [ཏེདྷ (སཱི.)], བྷནྟེ, བྷིཀྑཱུ བྷགཝཏོ ཝིཧཱརསྶ པརིཏོ པརིཏོ ཙངྐམནྟི ཨུཙྩཱསདྡཱ མཧཱསདྡཱ སཛ྄ཛྷཱཡཾ ཀརོནྟཱ, བྷགཝཏོ རཀྑཱཝརཎགུཏྟིཡཱ. སོ ཨེསོ, བྷགཝཱ, ཨུཙྩཱསདྡོ མཧཱསདྡོ སཛ྄ཛྷཱཡསདྡོ’’ཏི. ‘‘ཏེན ཧཱནནྡ, མམ ཝཙནེན ཏེ བྷིཀྑཱུ ཨཱམནྟེཧི – སཏྠཱ ཨཱཡསྨནྟེ ཨཱམནྟེཏཱི’’ཏི. ‘‘ཨེཝཾ བྷནྟེ’’ཏི ཁོ ཨཱཡསྨཱ ཨཱནནྡོ བྷགཝཏོ པཊིསྶུཏྭཱ ཡེན ཏེ བྷིཀྑཱུ ཏེནུཔསངྐམི, ཨུཔསངྐམིཏྭཱ ཏེ བྷིཀྑཱུ ཨེཏདཝོཙ – ‘‘སཏྠཱ ཨཱཡསྨནྟེ ཨཱམནྟེཏཱི’’ཏི. ‘‘ཨེཝམཱཝུསོ’’ཏི ཁོ ཏེ བྷིཀྑཱུ ཨཱཡསྨཏོ ཨཱནནྡསྶ པཊིསྶུཏྭཱ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣེ ཁོ ཏེ བྷིཀྑཱུ བྷགཝཱ ཨེཏདཝོཙ –

‘‘ཨཊྛཱནམེཏཾ ¶ , བྷིཀྑཝེ, ཨནཝཀཱསོ, ཡཾ པརཱུཔཀྐམེན ཏཐཱགཏཾ ཛཱིཝིཏཱ ཝོརོཔེཡྻ. ཨནུཔཀྐམེན, བྷིཀྑཝེ, ཏཐཱགཏཱ པརིནིབྦཱཡནྟི.

[ཙཱུལ༹ཝ. ༣༣༤; ཨ. ནི. ༥.༡༠༠] ‘‘པཉྩིམེ, བྷིཀྑཝེ, སཏྠཱརོ སནྟོ སཾཝིཛྫམཱནཱ ལོཀསྨིཾ. ཀཏམེ པཉྩ? ‘‘ཨིདྷ, བྷིཀྑཝེ, ཨེཀཙྩོ སཏྠཱ ཨཔརིསུདྡྷསཱིལོ སམཱནོ ‘པརིསུདྡྷསཱིལོམྷཱི’ཏི པཊིཛཱནཱཏི ¶ ‘པརིསུདྡྷཾ མེ སཱིལཾ པརིཡོདཱཏཾ ཨསཾཀིལིཊྛ’ནྟི ཙ. ཏམེནཾ སཱཝཀཱ ཨེཝཾ ཛཱནནྟི – ‘ཨཡཾ ཁོ བྷཝཾ སཏྠཱ ཨཔརིསུདྡྷསཱིལོ སམཱནོ ‘པརིསུདྡྷསཱིལོམྷཱི’ཏི པཊིཛཱནཱཏི ‘པརིསུདྡྷཾ མེ སཱིལཾ པརིཡོདཱཏཾ ཨསཾཀིལིཊྛ’ནྟི ཙ. མཡཉྩེཝ ཁོ པན གིཧཱིནཾ ཨཱརོཙེཡྻཱམ, ནཱསྶསྶ མནཱཔཾ. ཡཾ ཁོ པནསྶ ཨམནཱཔཾ, ཀཐཾ ནཾ མཡཾ ཏེན སམུདཱཙརེཡྻཱམ? སམྨནྣཏི ཁོ པན ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརེན – ཡཾ ཏུམོ ཀརིསྶཏི, ཏུམོཝ ཏེན པཉྙཱཡིསྶཏཱི’ཏི ¶ . ཨེཝརཱུཔཾ ཁོ, བྷིཀྑཝེ, སཏྠཱརཾ སཱཝཀཱ སཱིལཏོ རཀྑནྟི; ཨེཝརཱུཔོ ཙ པན སཏྠཱ སཱཝཀེཧི སཱིལཏོ རཀྑཾ པཙྩཱསཱིསཏི.

‘‘པུན ཙཔརཾ, བྷིཀྑཝེ, ཨིདྷེཀཙྩོ སཏྠཱ ཨཔརིསུདྡྷཨཱཛཱིཝོ སམཱནོ…པེ… ཨཔརིསུདྡྷདྷམྨདེསནོ སམཱནོ…པེ… ཨཔརིསུདྡྷཝེཡྻཱཀརཎོ སམཱནོ…པེ… ¶ ཨཔརིསུདྡྷཉཱཎདསྶནོ སམཱནོ ‘པརིསུདྡྷཉཱཎདསྶནོམྷཱི’ཏི པཊིཛཱནཱཏི ‘པརིསུདྡྷཾ མེ ཉཱཎདསྶནཾ པརིཡོདཱཏཾ ཨསཾཀིལིཊྛ’ནྟི ཙ. ཏམེནཾ སཱཝཀཱ ཨེཝཾ ཛཱནནྟི – ‘ཨཡཾ ཁོ བྷཝཾ སཏྠཱ ཨཔརིསུདྡྷཉཱཎདསྶནོ སམཱནོ ‘པརིསུདྡྷཉཱཎདསྶནོམྷཱི’ཏི པཊིཛཱནཱཏི ‘པརིསུདྡྷཾ མེ ཉཱཎདསྶནཾ པརིཡོདཱཏཾ ཨསཾཀིལིཊྛ’ནྟི ཙ. མཡཉྩེཝ ཁོ པན གིཧཱིནཾ ཨཱརོཙེཡྻཱམ, ནཱསྶསྶ མནཱཔཾ. ཡཾ ཁོ པནསྶ ཨམནཱཔཾ, ཀཐཾ ན མཡཾ ཏེན སམུདཱཙརེཡྻཱམ? སམྨནྣཏི ཁོ པན ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརེན – ཡཾ ཏུམོ ཀརིསྶཏི, ཏུམོཝ ཏེན པཉྙཱཡིསྶཏཱི’ཏི. ཨེཝརཱུཔཾ ཁོ, བྷིཀྑཝེ, སཏྠཱརཾ སཱཝཀཱ ཉཱཎདསྶནཏོ རཀྑནྟི; ཨེཝརཱུཔོ ཙ པན སཏྠཱ སཱཝཀེཧི ཉཱཎདསྶནཏོ རཀྑཾ པཙྩཱསཱིསཏི. ཨིམེ ཁོ, བྷིཀྑཝེ, པཉྩ སཏྠཱརོ སནྟོ སཾཝིཛྫམཱནཱ ལོཀསྨིཾ. ‘‘ཨཧཾ ཁོ པན, བྷིཀྑཝེ, པརིསུདྡྷསཱིལོ སམཱནོ ‘པརིསུདྡྷསཱིལོམྷཱི’ཏི པཊིཛཱནཱམི ‘པརིསུདྡྷཾ མེ སཱིལཾ པརིཡོདཱཏཾ ཨསཾཀིལིཊྛ’ནྟི ཙ. ན ཙ མཾ སཱཝཀཱ སཱིལཏོ རཀྑནྟི; ན ཙཱཧཾ སཱཝཀེཧི སཱིལཏོ རཀྑཾ པཙྩཱསཱིསཱམི. ཨཧཾ ཁོ པན ¶ བྷིཀྑཝེ པརིསུདྡྷཱཛཱིཝོ སམཱནོ…པེ… ¶ པརིསུདྡྷདྷམྨདེསནོ སམཱནོ…པེ… པརིསུདྡྷཝེཡྻཱཀརཎོ སམཱནོ…པེ… པརིསུདྡྷཉཱཎདསྶནོ སམཱནོ ‘‘པརིསུདྡྷཉཱཎདསྶནོམྷཱི’’ཏི པཊིཛཱནཱམི ‘‘པརིསུདྡྷཾ མེ ཉཱཎདསྶནཾ པརིཡོདཱཏཾ ཨསཾཀིལིཊྛ’’ནྟི ཙ, ན ཙ མཾ སཱཝཀཱ ཉཱཎདསྶནཏོ རཀྑནྟི, ན ཙཱཧཾ སཱཝཀེཧི ཉཱཎདསྶནཏོ རཀྑཾ པཙྩཱསཱིསཱམི. ‘‘ཨཊྛཱནམེཏཾ, བྷིཀྑཝེ, ཨནཝཀཱསོ, ཡཾ པརཱུཔཀྐམེན ཏཐཱགཏཾ ཛཱིཝིཏཱ ཝོརོཔེཡྻ. ཨནུཔཀྐམེན, བྷིཀྑཝེ, ཏཐཱགཏཱ པརིནིབྦཱཡནྟི. གཙྪཐ ཏུམྷེ, བྷིཀྑཝེ, ཡཐཱཝིཧཱརཾ. ཨརཀྑིཡཱ, བྷིཀྑཝེ, ཏཐཱགཏཱ’’ཏི.

ནཱལཱ༹གིརིཔེསནཾ

༣༤༢. ཏེན ཁོ པན སམཡེན རཱཛགཧེ ནཱལཱ༹གིརི ནཱམ ཧཏྠཱི ཙཎྜོ ཧོཏི, མནུསྶགྷཱཏཀོ. ཨཐ ཁོ དེཝདཏྟོ རཱཛགཧཾ པཝིསིཏྭཱ ཧཏྠིསཱལཾ གནྟྭཱ ཧཏྠིབྷཎྜེ ཨེཏདཝོཙ – ‘‘མཡཾ ཁོ, བྷཎེ, རཱཛཉཱཏཀཱ ནཱམ པཊིབལཱ ནཱིཙཊྛཱནིཡཾ ཨུཙྩཊྛཱནེ ཋཔེཏུཾ, བྷཏྟམྤི ཝེཏནམྤི ཝཌྜྷཱཔེཏུཾ. ཏེན ཧི, བྷཎེ, ཡདཱ སམཎོ གོཏམོ ཨིམཾ རཙྪཾ པཊིཔནྣོ ཧོཏི, ཏདཱ ཨིམཾ ནཱལཱ༹གིརིཾ ཧཏྠིཾ མུཉྩེཏྭཱ ཨིམཾ རཙྪཾ པཊིཔཱདེཐཱ’’ཏི. ‘‘ཨེཝཾ བྷནྟེ’’ཏི ཁོ ཏེ ¶ ཧཏྠིབྷཎྜཱ དེཝདཏྟསྶ པཙྩསྶོསུཾ. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ སམྦཧུལེཧི ¶ བྷིཀྑཱུཧི སདྡྷིཾ རཱཛགཧཾ པིཎྜཱཡ པཱཝིསི. ཨཐ ཁོ བྷགཝཱ ཏཾ རཙྪཾ པཊིཔཛྫི. ཨདྡསཱསུཾ ཁོ ཏེ ཧཏྠིབྷཎྜཱ བྷགཝནྟཾ ཏཾ རཙྪཾ པཊིཔནྣཾ. དིསྭཱན ནཱལཱ༹གིརིཾ ཧཏྠིཾ མུཉྩིཏྭཱ ཏཾ རཙྪཾ པཊིཔཱདེསུཾ. ཨདྡསཱ ཁོ ནཱལཱ༹གིརི ཧཏྠཱི བྷགཝནྟཾ དཱུརཏོཝ ¶ ཨཱགཙྪནྟཾ. དིསྭཱན སོཎྜཾ ཨུསྶཱཔེཏྭཱ པཧཊྛཀཎྞཝཱལོ ཡེན བྷགཝཱ ཏེན ཨབྷིདྷཱཝི. ཨདྡསཱསུཾ ཁོ ཏེ བྷིཀྑཱུ ནཱལཱ༹གིརིཾ ཧཏྠིཾ དཱུརཏོཝ ཨཱགཙྪནྟཾ. དིསྭཱན བྷགཝནྟཾ ཨེཏདཝོཙུཾ – ‘‘ཨཡཾ, བྷནྟེ, ནཱལཱ༹གིརི ཧཏྠཱི ཙཎྜོ མནུསྶགྷཱཏཀོ ཨིམཾ རཙྪཾ པཊིཔནྣོ. པཊིཀྐམཏུ, བྷནྟེ, བྷགཝཱ; པཊིཀྐམཏུ སུགཏོ’’ཏི. ‘‘ཨཱགཙྪཐ, བྷིཀྑཝེ, མཱ བྷཱཡིཏྠ. ཨཊྛཱནམེཏཾ, བྷིཀྑཝེ, ཨནཝཀཱསོ, ཡཾ པརཱུཔཀྐམེན ཏཐཱགཏཾ ཛཱིཝིཏཱ ཝོརོཔེཡྻ. ཨནུཔཀྐམེན, བྷིཀྑཝེ, ཏཐཱགཏཱ པརིནིབྦཱཡནྟཱི’’ཏི. དུཏིཡམྤི ཁོ ཏེ བྷིཀྑཱུ…པེ… ཏཏིཡམྤི ཁོ ཏེ བྷིཀྑཱུ བྷགཝནྟཾ ཨེཏདཝོཙུཾ – ‘‘ཨཡཾ, བྷནྟེ, ནཱལཱ༹གིརི ཧཏྠཱི ཙཎྜོ མནུསྶགྷཱཏཀོ ཨིམཾ རཙྪཾ པཊིཔནྣོ. པཊིཀྐམཏུ, བྷནྟེ, བྷགཝཱ; པཊིཀྐམཏུ སུགཏོ’’ཏི. ‘‘ཨཱགཙྪཐ, བྷིཀྑཝེ, མཱ བྷཱཡིཏྠ. ཨཊྛཱནམེཏཾ ¶ , བྷིཀྑཝེ, ཨནཝཀཱསོ, ཡཾ པརཱུཔཀྐམེན ཏཐཱགཏཾ ཛཱིཝིཏཱ ཝོརོཔེཡྻ. ཨནུཔཀྐམེན, བྷིཀྑཝེ, ཏཐཱགཏཱ པརིནིབྦཱཡནྟཱི’’ཏི.

ཏེན ཁོ པན སམཡེན མནུསྶཱ པཱསཱདེསུཔི ཧམྨིཡེསུཔི ཚདནེསུཔི ཨཱརུལ༹ྷཱ ཨཙྪནྟི. ཏཏྠ ཡེ ཏེ མནུསྶཱ ཨསྶདྡྷཱ ཨཔྤསནྣཱ དུབྦུདྡྷིནོ, ཏེ ཨེཝམཱཧཾསུ – ‘‘ཨབྷིརཱུཔོ ཝཏ, བྷོ [ཨབྷིརཱུཔོ ཝཏ བྷོ གོཏམོ (སྱཱ. ཀཾ.)], མཧཱསམཎོ ནཱགེན ཝིཧེཋཱིཡིསྶཏཱི’’ཏི. ཡེ པན ཏེ མནུསྶཱ ¶ སདྡྷཱ པསནྣཱ པཎྜིཏཱ བྱཏྟཱ བུདྡྷིམནྟོ, ཏེ ཨེཝམཱཧཾསུ – ‘‘ནཙིརསྶཾ ཝཏ, བྷོ, ནཱགོ ནཱགེན སངྒཱམེསྶཏཱི’’ཏི. ཨཐ ཁོ བྷགཝཱ ནཱལཱ༹གིརིཾ ཧཏྠིཾ མེཏྟེན ཙིཏྟེན ཕརི. ཨཐ ཁོ ནཱལཱ༹གིརི ཧཏྠཱི བྷགཝཏོ [བྷགཝཏཱ (སཱི.)] མེཏྟེན ཙིཏྟེན ཕུཊྛོ [ཕུཊོ (ཀ.)] སོཎྜཾ ཨོརོཔེཏྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝཏོ པུརཏོ ཨཊྛཱསི. ཨཐ ཁོ བྷགཝཱ དཀྑིཎེན ཧཏྠེན ནཱལཱ༹གིརིསྶ ཧཏྠིསྶ ཀུམྦྷཾ པརཱམསནྟོ ནཱལཱ༹གིརིཾ ཧཏྠིཾ ཨིམཱཧི གཱཐཱཧི ཨཛ྄ཛྷབྷཱསི –

‘‘མཱ ཀུཉྫར ནཱགམཱསདོ, དུཀྑཉྷི ཀུཉྫར ནཱགམཱསདོ;

ན ཧི ནཱགཧཏསྶ ཀུཉྫར སུགཏི, ཧོཏི ཨིཏོ པརཾ ཡཏོ.

‘‘མཱ ཙ མདོ མཱ ཙ པམཱདོ, ན ཧི པམཏྟཱ སུགཏིཾ ཝཛནྟི ཏེ;

ཏྭཉྙེཝ ཏཐཱ ཀརིསྶསི, ཡེན ཏྭཾ སུགཏིཾ གམིསྶསཱི’’ཏི.

ཨཐ ¶ ཁོ ནཱལཱ༹གིརི ཧཏྠཱི སོཎྜཱཡ བྷགཝཏོ པཱདཔཾསཱུནི གཧེཏྭཱ ཨུཔརིམུདྡྷནི ཨཱཀིརིཏྭཱ པཊིཀུཊིཡོཝ [པཊིཀུཊིཏོ པཊིསཀྐི (སཱི. སྱཱ.)] ཨོསཀྐི, ཡཱཝ བྷགཝནྟཾ ཨདྡཀྑི. ཨཐ ཁོ ནཱལཱ༹གིརི ཧཏྠཱི ཧཏྠིསཱལཾ གནྟྭཱ སཀེ ཋཱནེ ཨཊྛཱསི. ཏཐཱ དནྟོ ཙ པན ནཱལཱ༹གིརི ¶ ཧཏྠཱི ཨཧོསི. ཏེན ¶ ཁོ པན སམཡེན མནུསྶཱ ཨིམཾ གཱཐཾ གཱཡནྟི –

[མ. ནི. ༢.༣༥༢; ཐེརགཱ. ༨༧༨] ‘‘དཎྜེནེཀེ དམཡནྟི, ཨངྐུསེཧི ཀསཱཧི ཙ;

ཨདཎྜེན ཨསཏྠེན, ནཱགོ དནྟོ མཧེསིནཱ’’ཏི.

མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཡཱཝ པཱཔོ ཨཡཾ དེཝདཏྟོ, ཨལཀྑིཀོ, ཡཏྲ ཧི ནཱམ སམཎསྶ གོཏམསྶ ཨེཝཾམཧིདྡྷིཀསྶ ཨེཝཾ མཧཱནུབྷཱཝསྶ ཝདྷཱཡ པརཀྐམིསྶཏཱི’’ཏི. དེཝདཏྟསྶ ལཱབྷསཀྐཱརོ པརིཧཱཡི. བྷགཝཏོ ཙ ལཱབྷསཀྐཱརོ ཨབྷིཝཌྜྷི.

པཉྩཝཏྠུཡཱཙནཀཐཱ

༣༤༣. [པཱཙི. ༢༠༩] ཏེན ¶ ཁོ པན སམཡེན དེཝདཏྟོ པརིཧཱིནལཱབྷསཀྐཱརོ སཔརིསོ ཀུལེསུ ཝིཉྙཱཔེཏྭཱ ཝིཉྙཱཔེཏྭཱ བྷུཉྫཏི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ ཀུལེསུ ཝིཉྙཱཔེཏྭཱ ཝིཉྙཱཔེཏྭཱ བྷུཉྫིསྶནྟི! ཀསྶ སམྤནྣཾ ན མནཱཔཾ, ཀསྶ སཱདུཾ ན རུཙྩཏཱི’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ཀཐཉྷི ནཱམ དེཝདཏྟོ སཔརིསོ ཀུལེསུ ཝིཉྙཱཔེཏྭཱ ཝིཉྙཱཔེཏྭཱ བྷུཉྫིསྶཏཱི’’ཏི! བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, དེཝདཏྟ, སཔརིསོ ཀུལེསུ ཝིཉྙཱཔེཏྭཱ ཝིཉྙཱཔེཏྭཱ བྷུཉྫསཱི’’ཏི? ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཏེན ཧི, བྷིཀྑཝེ, བྷིཀྑཱུནཾ ཀུལེསུ ཏིཀབྷོཛནཾ པཉྙཔེསྶཱམི ཏཡོ ཨཏྠཝསེ པཊིཙྩ – དུམྨངྐཱུནཾ པུགྒལཱན ནིགྒཧཱཡ ¶ ; པེསལཱནཾ བྷིཀྑཱུནཾ ཕཱསུཝིཧཱརཱཡ, མཱ པཱཔིཙྪཱ པཀྑཾ ནིསྶཱཡ སངྒྷཾ བྷིནྡེཡྻུནྟི; ཀུལཱནུདྡཡཱཡ [ཀུལཱནུདཡཏཱཡ (སཱི. སྱཱ.)] ཙ. གཎབྷོཛནེ ཡཐཱདྷམྨོ ཀཱརེཏབྦོ’’ཏི.

[པཱརཱ. ༤༠༩] ཨཐ ཁོ དེཝདཏྟོ ཡེན ཀོཀཱལིཀོ ཀཊམོདཀཏིསྶཀོ [ཀཊམོརཀཏིསྶཀོ (སཱི. སྱཱ.)] ཁཎྜདེཝིཡཱ པུཏྟོ སམུདྡདཏྟོ ཏེནུཔསངྐམི, ཨུཔསངྐམིཏྭཱ ཀོཀཱལིཀཾ ཀཊམོདཀཏིསྶཀཾ ཁཎྜདེཝིཡཱ པུཏྟཾ སམུདྡདཏྟཾ ཨེཏདཝོཙ – ‘‘ཨེཐ, མཡཾ, ཨཱཝུསོ, སམཎསྶ གོཏམསྶ སངྒྷབྷེདཾ ཀརིསྶཱམ ཙཀྐབྷེད’’ནྟི. ཨེཝཾ ¶ ཝུཏྟེ ཀོཀཱལིཀོ དེཝདཏྟཾ ཨེཏདཝོཙ – ‘‘སམཎོ ཁོ, ཨཱཝུསོ, གོཏམོ མཧིདྡྷིཀོ མཧཱནུབྷཱཝོ. ཀཐཾ མཡཾ སམཎསྶ གོཏམསྶ སངྒྷབྷེདཾ ཀརིསྶཱམ ཙཀྐབྷེད’’ནྟི? ‘‘ཨེཐ, མཡཾ, ཨཱཝུསོ, སམཎཾ གོཏམཾ ཨུཔསངྐམིཏྭཱ པཉྩ ཝཏྠཱུནི ཡཱཙིསྶཱམ – ‘བྷགཝཱ, བྷནྟེ, ཨནེཀཔརིཡཱཡེན ཨཔྤིཙྪསྶ སནྟུཊྛསྶ སལླེཁསྶ ¶ དྷུཏསྶ པཱསཱདིཀསྶ ཨཔཙཡསྶ ཝཱིརིཡཱརམྦྷསྶ ཝཎྞཝཱདཱི. ཨིམཱནི, བྷནྟེ, པཉྩ ཝཏྠཱུནི ཨནེཀཔརིཡཱཡེན ཨཔྤིཙྪཏཱཡ སནྟུཊྛིཡཱ སལླེཁཱཡ དྷུཏཏཱཡ པཱསཱདིཀཏཱཡ ཨཔཙཡཱཡ ཝཱིརིཡཱརམྦྷཱཡ སཾཝཏྟནྟི. སཱདྷུ, བྷནྟེ, བྷིཀྑཱུ ཡཱཝཛཱིཝཾ ཨཱརཉྙིཀཱ ཨསྶུ; ཡོ གཱམནྟཾ ¶ ཨོསརེཡྻ, ཝཛྫཾ ནཾ ཕུསེཡྻ. ཡཱཝཛཱིཝཾ པིཎྜཔཱཏིཀཱ ཨསྶུ; ཡོ ནིམནྟནཾ སཱདིཡེཡྻ, ཝཛྫཾ ནཾ ཕུསེཡྻ. ཡཱཝཛཱིཝཾ པཾསུཀཱུལིཀཱ ¶ ཨསྶུ; ཡོ གཧཔཏིཙཱིཝརཾ སཱདིཡེཡྻ, ཝཛྫཾ ནཾ ཕུསེཡྻ. ཡཱཝཛཱིཝཾ རུཀྑམཱུལིཀཱ ཨསྶུ; ཡོ ཚནྣཾ ཨུཔགཙྪེཡྻ, ཝཛྫཾ ནཾ ཕུསེཡྻ. ཡཱཝཛཱིཝཾ མཙྪམཾསཾ ན ཁཱདེཡྻུཾ; ཡོ མཙྪམཾསཾ ཁཱདེཡྻ, ཝཛྫཾ ནཾ ཕུསེཡྻཱ’ཏི. ཨིམཱནི པཉྩ ཝཏྠཱུནི སམཎོ གོཏམོ ནཱནུཛཱནིསྶཏི. ཏེ མཡཾ ཨིམེཧི པཉྩཧི ཝཏྠཱུཧི ཛནཾ སཉྙཱཔེསྶཱམཱ’’ཏི. ‘‘སཀྐཱ ཁོ, ཨཱཝུསོ, ཨིམེཧི པཉྩཧི ཝཏྠཱུཧི སམཎསྶ གོཏམསྶ སངྒྷབྷེདོ ཀཱཏུཾ ཙཀྐབྷེདོ. ལཱུཁཔྤསནྣཱ ཧི, ཨཱཝུསོ, མནུསྶཱ’’ཏི.

ཨཐ ཁོ དེཝདཏྟོ སཔརིསོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ དེཝདཏྟོ བྷགཝནྟཾ ཨེཏདཝོཙ – ‘‘བྷགཝཱ, བྷནྟེ, ཨནེཀཔརིཡཱཡེན ཨཔྤིཙྪསྶ སནྟུཊྛསྶ སལླེཁསྶ དྷུཏསྶ པཱསཱདིཀསྶ ཨཔཙཡསྶ ཝཱིརིཡཱརམྦྷསྶ ཝཎྞཝཱདཱི. ཨིམཱནི, བྷནྟེ, པཉྩ ཝཏྠཱུནི ཨནེཀཔརིཡཱཡེན ཨཔྤིཙྪཏཱཡ སནྟུཊྛིཡཱ སལླེཁཱཡ དྷུཏཏཱཡ པཱསཱདིཀཏཱཡ ཨཔཙཡཱཡ ཝཱིརིཡཱརམྦྷཱཡ སཾཝཏྟནྟི. སཱདྷུ, བྷནྟེ, བྷིཀྑཱུ ཡཱཝཛཱིཝཾ ཨཱརཉྙིཀཱ ཨསྶུ; ཡོ གཱམནྟཾ ཨོསརེཡྻ, ཝཛྫཾ ནཾ ཕུསེཡྻ. ཡཱཝཛཱིཝཾ པིཎྜཔཱཏིཀཱ ཨསྶུ; ཡོ ནིམནྟནཾ སཱདིཡེཡྻ, ཝཛྫཾ ནཾ ཕུསེཡྻ. ཡཱཝཛཱིཝཾ པཾསུཀཱུལིཀཱ ཨསྶུ; ཡོ གཧཔཏིཙཱིཝརཾ ¶ སཱདིཡེཡྻ, ཝཛྫཾ ནཾ ཕུསེཡྻ. ཡཱཝཛཱིཝཾ རུཀྑམཱུལིཀཱ ཨསྶུ; ཡོ ཚནྣཾ ཨུཔགཙྪེཡྻ, ཝཛྫཾ ནཾ ཕུསེཡྻ. ཡཱཝཛཱིཝཾ མཙྪམཾསཾ ན ཁཱདེཡྻུཾ; ཡོ མཙྪམཾསཾ ཁཱདེཡྻ, ཝཛྫཾ ནཾ ཕུསེཡྻཱ’’ཏི. ‘‘ཨལཾ, དེཝདཏྟ. ཡོ ཨིཙྪཏི, ཨཱརཉྙིཀོ ཧོཏུ; ཡོ ཨིཙྪཏི, གཱམནྟེ ཝིཧརཏུ. ཡོ ཨིཙྪཏི, པིཎྜཔཱཏིཀོ ཧོཏུ; ཡོ ཨིཙྪཏི, ནིམནྟནཾ སཱདིཡཏུ. ཡོ ཨིཙྪཏི, པཾསུཀཱུལིཀོ ཧོཏུ; ཡོ ཨིཙྪཏི, གཧཔཏིཙཱིཝརཾ སཱདིཡཏུ. ཨཊྛམཱསེ ཁོ མཡཱ, དེཝདཏྟ, རུཀྑམཱུལསེནཱསནཾ ཨནུཉྙཱཏཾ; ཏིཀོཊིཔརིསུདྡྷཾ མཙྪམཾསཾ – ཨདིཊྛཾ, ཨསྶུཏཾ, ཨཔརིསངྐིཏ’’ནྟི. ཨཐ ཁོ དེཝདཏྟོ – ན བྷགཝཱ ¶ ཨིམཱནི པཉྩ ཝཏྠཱུནི ཨནུཛཱནཱཏཱིཏི – ཧཊྛོ ཨུདགྒོ སཔརིསོ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི.

ཨཐ ཁོ དེཝདཏྟོ སཔརིསོ རཱཛགཧཾ པཝིསིཏྭཱ པཉྩཧི ཝཏྠཱུཧི ཛནཾ སཉྙཱཔེསི – ‘‘མཡཾ, ཨཱཝུསོ, སམཎཾ གོཏམཾ ཨུཔསངྐམིཏྭཱ པཉྩ ཝཏྠཱུནི ¶ ཡཱཙིམྷཱ – ‘བྷགཝཱ, བྷནྟེ, ཨནེཀཔརིཡཱཡེན ཨཔྤིཙྪསྶ…པེ… ཝཱིརིཡཱརམྦྷསྶ ཝཎྞཝཱདཱི. ཨིམཱནི, བྷནྟེ, པཉྩ ཝཏྠཱུནི ཨནེཀཔརིཡཱཡེན ཨཔྤིཙྪཏཱཡ…པེ… ཝཱིརིཡཱརམྦྷཱཡ སཾཝཏྟནྟི. སཱདྷུ, བྷནྟེ, བྷིཀྑཱུ ཡཱཝཛཱིཝཾ ཨཱརཉྙིཀཱ ཨསྶུ; ཡོ གཱམནྟཾ ཨོསརེཡྻ, ཝཛྫཾ ནཾ ཕུསེཡྻ…པེ… ཡཱཝཛཱིཝཾ མཙྪམཾསཾ ན ཁཱདེཡྻུཾ; ཡོ མཙྪམཾསཾ ཁཱདེཡྻ, ཝཛྫཾ ནཾ ཕུསེཡྻཱ’ཏི. ཨིམཱནི པཉྩ ཝཏྠཱུནི སམཎོ གོཏམོ ནཱནུཛཱནཱཏི. ཏེ མཡཾ ཨིམེཧི པཉྩཧི ཝཏྠཱུཧི ¶ སམཱདཱཡ ཝཏྟཱམཱ’’ཏི.

ཏཏྠ ཡེ ཏེ མནུསྶཱ ཨསྶདྡྷཱ ཨཔྤསནྣཱ དུབྦུདྡྷིནོ, ཏེ ཨེཝམཱཧཾསུ – ‘‘ཨིམེ ཁོ སམཎཱ སཀྱཔུཏྟིཡཱ དྷུཏཱ སལླེཁཝུཏྟིནོ. སམཎོ པན གོཏམོ བཱཧུལླིཀོ བཱཧུལླཱཡ ཙེཏེཏཱི’’ཏི. ཡེ པན ཏེ མནུསྶཱ སདྡྷཱ ¶ པསནྣཱ པཎྜིཏཱ བྱཏྟཱ བུདྡྷིམནྟོ, ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ དེཝདཏྟོ བྷགཝཏོ སངྒྷབྷེདཱཡ པརཀྐམིསྶཏི ཙཀྐབྷེདཱཡཱ’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ དེཝདཏྟོ སངྒྷབྷེདཱཡ པརཀྐམིསྶཏི ཙཀྐབྷེདཱཡཱ’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, དེཝདཏྟ, སངྒྷབྷེདཱཡ པརཀྐམསི ཙཀྐབྷེདཱཡཱ’’ཏི? ‘‘སཙྩཾ བྷགཝཱ’’ཏི. ‘‘ཨལཾ, དེཝདཏྟ. མཱ ཏེ རུཙྩི སངྒྷབྷེདོ. གརུཀོ ཁོ, དེཝདཏྟ, སངྒྷབྷེདོ. ཡོ ཁོ, དེཝདཏྟ, སམགྒཾ སངྒྷཾ བྷིནྡཏི, ཀཔྤཊྛིཀཾ [ཀཔྤཊྛིཏིཀཾ (སྱཱ.)] ཀིབྦིསཾ པསཝཏི, ཀཔྤཾ ནིརཡམྷི པཙྩཏི. ཡོ ཙ ཁོ, དེཝདཏྟ, བྷིནྣཾ སངྒྷཾ སམགྒཾ ཀརོཏི, བྲཧྨཾ པུཉྙཾ པསཝཏི, ཀཔྤཾ སགྒམྷི མོདཏི. ཨལཾ, དེཝདཏྟ. མཱ ཏེ རུཙྩི སངྒྷབྷེདོ. གརུཀོ ཁོ, དེཝདཏྟ, སངྒྷབྷེདོ’’ཏི.

[ཨུདཱ. ༤༨] ཨཐ ཁོ ཨཱཡསྨཱ ཨཱནནྡོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ རཱཛགཧཾ པིཎྜཱཡ པཱཝིསི. ཨདྡསཱ ཁོ དེཝདཏྟོ ཨཱཡསྨནྟཾ ¶ ཨཱནནྡཾ རཱཛགཧེ པིཎྜཱཡ ཙརནྟཾ. དིསྭཱན ཡེནཱཡསྨཱ ཨཱནནྡོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ ཨཱནནྡཾ ཨེཏདཝོཙ – ‘‘ཨཛྫཏགྒེདཱནཱཧཾ ¶ , ཨཱཝུསོ ཨཱནནྡ, ཨཉྙཏྲེཝ བྷགཝཏཱ, ཨཉྙཏྲེཝ བྷིཀྑུསངྒྷཱ, ཨུཔོསཐཾ ཀརིསྶཱམི སངྒྷཀམྨཾ ཀརིསྶཱམཱི’’ཏི.

ཨཐ ¶ ཁོ ཨཱཡསྨཱ ཨཱནནྡོ རཱཛགཧེ པིཎྜཱཡ ཙརིཏྭཱ པཙྪཱབྷཏྟཾ པིཎྜཔཱཏཔྤཊིཀྐནྟོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ – ‘‘ཨིདྷཱཧཾ, བྷནྟེ, པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ རཱཛགཧཾ པིཎྜཱཡ པཱཝིསིཾ. ཨདྡསཱ ཁོ མཾ, བྷནྟེ, དེཝདཏྟོ རཱཛགཧེ པིཎྜཱཡ ཙརནྟཾ. དིསྭཱན ཡེནཱཧཾ ཏེནུཔསངྐམི, ཨུཔསངྐམིཏྭཱ མཾ ཨེཏདཝོཙ – ‘ཨཛྫཏགྒེདཱནཱཧཾ, ཨཱཝུསོ ཨཱནནྡ, ཨཉྙཏྲེཝ བྷགཝཏཱ, ཨཉྙཏྲེཝ བྷིཀྑུསངྒྷཱ, ཨུཔོསཐཾ ཀརིསྶཱམི སངྒྷཀམྨཾ ཀརིསྶཱམཱི’ཏི. ཨཛྫཏགྒེ, བྷནྟེ, དེཝདཏྟོ སངྒྷཾ བྷིནྡིསྶཏཱི’’ཏི. ཨཐ ཁོ བྷགཝཱ ཨེཏམཏྠཾ ཝིདིཏྭཱ ཏཱཡཾ ཝེལཱཡཾ ཨིམཾ ཨུདཱནཾ ཨུདཱནེསི –

[ཨུདཱ. ༤༨] ‘‘སུཀརཾ སཱདྷུནཱ སཱདྷུཾ, སཱདྷུཾ པཱཔེན དུཀྐརཾ;

པཱཔཾ པཱཔེན སུཀརཾ, པཱཔམརིཡེཧི དུཀྐར’’ནྟི.

དུཏིཡབྷཱཎཝཱརོ ནིཊྛིཏོ.

༣. ཏཏིཡབྷཱཎཝཱརོ

སངྒྷབྷེདཀཐཱ

༣༤༤. ཨཐ ¶ ཁོ དེཝདཏྟོ ཏདཧུཔོསཐེ ཨུཊྛཱཡཱསནཱ སལཱཀཾ གཱཧེསི – ‘‘མཡཾ, ཨཱཝུསོ, སམཎཾ གོཏམཾ ཨུཔསངྐམིཏྭཱ པཉྩ ཝཏྠཱུནི ཡཱཙིམྷཱ ¶ – ‘བྷགཝཱ, བྷནྟེ, ཨནེཀཔརིཡཱཡེན ཨཔྤིཙྪསྶ…པེ… ཝཱིརིཡཱརམྦྷསྶ ཝཎྞཝཱདཱི. ཨིམཱནི, བྷནྟེ, པཉྩ ཝཏྠཱུནི ཨནེཀཔརིཡཱཡེན ཨཔྤིཙྪཏཱཡ…པེ… ཝཱིརིཡཱརམྦྷཱཡ སཾཝཏྟནྟི. སཱདྷུ, བྷནྟེ, བྷིཀྑཱུ ཡཱཝཛཱིཝཾ ཨཱརཉྙིཀཱ ཨསྶུ; ཡོ གཱམནྟཾ ཨོསརེཡྻ, ཝཛྫཾ ནཾ ཕུསེཡྻ…པེ… ཡཱཝཛཱིཝཾ མཙྪམཾསཾ ན ཁཱདེཡྻུཾ; ཡོ མཙྪམཾསཾ ཁཱདེཡྻ, ཝཛྫཾ ནཾ ཕུསེཡྻཱ’ཏི. ཨིམཱནི པཉྩ ཝཏྠཱུནི སམཎོ གོཏམོ ནཱནུཛཱནཱཏི. ཏེ མཡཾ ཨིམེཧི པཉྩཧི ཝཏྠཱུཧི སམཱདཱཡ ཝཏྟཱམ. ཡསྶཱཡསྨཏོ ཨིམཱནི པཉྩ ཝཏྠཱུནི ཁམནྟི, སོ སལཱཀཾ གཎྷཱཏཱུ’’ཏི.

ཏེན ཁོ པན སམཡེན ཝེསཱལིཀཱ ཝཛྫིཔུཏྟཀཱ པཉྩམཏྟཱནི བྷིཀྑུསཏཱནི ནཝཀཱ ཙེཝ ¶ ཧོནྟི ཨཔྤཀཏཉྙུནོ ཙ. ཏེ – ‘ཨཡཾ དྷམྨོ ¶ , ཨཡཾ ཝིནཡོ, ཨིདཾ སཏྠུསཱསན’ནྟི – སལཱཀཾ གཎྷིཾསུ. ཨཐ ཁོ དེཝདཏྟོ སངྒྷཾ བྷིནྡིཏྭཱ པཉྩམཏྟཱནི བྷིཀྑུསཏཱནི ཨཱདཱཡ ཡེན གཡཱསཱིསཾ ཏེན པཀྐཱམི. ཨཐ ཁོ སཱརིཔུཏྟམོགྒལླཱནཱ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ. ཨེཀམནྟཾ ནིསིནྣོ ཁོ ཨཱཡསྨཱ སཱརིཔུཏྟོ བྷགཝནྟཾ ཨེཏདཝོཙ – ‘‘དེཝདཏྟོ, བྷནྟེ, སངྒྷཾ བྷིནྡིཏྭཱ པཉྩམཏྟཱནི བྷིཀྑུསཏཱནི ཨཱདཱཡ ཡེན གཡཱསཱིསཾ ཏེན པཀྐནྟོ’’ཏི. ‘‘ན ཧི ནཱམ ཏུམྷཱཀཾ, སཱརིཔུཏྟཱ, ཏེསུ ¶ ནཝཀེསུ བྷིཀྑཱུསུ ཀཱརུཉྙམྤི བྷཝིསྶཏི? གཙྪཐ ཏུམྷེ, སཱརིཔུཏྟཱ, པུརཱ ཏེ བྷིཀྑཱུ ཨནཡབྱསནཾ ཨཱཔཛྫནྟཱི’’ཏི. ‘‘ཨེཝཾ བྷནྟེ’’ཏི ཁོ སཱརིཔུཏྟམོགྒལླཱནཱ བྷགཝཏོ པཊིསྶུཏྭཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ ཡེན གཡཱསཱིསཾ ཏེནུཔསངྐམིཾསུ.

ཏེན ཁོ པན སམཡེན ཨཉྙཏརོ བྷིཀྑུ བྷགཝཏོ ཨཝིདཱུརེ རོདམཱནོ ཋིཏོ ཧོཏི. ཨཐ ཁོ བྷགཝཱ ཏཾ བྷིཀྑུཾ ཨེཏདཝོཙ – ‘‘ཀིསྶ ཏྭཾ, བྷིཀྑུ, རོདསཱི’’ཏི? ‘‘ཡེཔི ཏེ, བྷནྟེ, བྷགཝཏོ ཨགྒསཱཝཀཱ སཱརིཔུཏྟམོགྒལླཱནཱ ཏེཔི དེཝདཏྟསྶ སནྟིཀེ གཙྪནྟི དེཝདཏྟསྶ དྷམྨཾ རོཙེནྟཱ’’ཏི. ‘‘ཨཊྛཱནམེཏཾ, བྷིཀྑུ, ཨནཝཀཱསོ, ཡཾ སཱརིཔུཏྟམོགྒལླཱནཱ དེཝདཏྟསྶ དྷམྨཾ རོཙེཡྻུཾ, ཨཔི ཙ ཏེ གཏཱ བྷིཀྑཱུནཾ སཉྙཏྟིཡཱ’’ཏི [བྷིཀྑུསཉྙཏྟིཡཱཏི (སཱི. སྱཱ.), བྷིཀྑཱུ སཉྙཏྟིཡཱ (ཀ.)].

༣༤༥. ཏེན ཁོ པན སམཡེན དེཝདཏྟོ མཧཏིཡཱ པརིསཱཡ པརིཝུཏྟོ དྷམྨཾ དེསེནྟོ ནིསིནྣོ ཧོཏི. ཨདྡསཱ ཁོ དེཝདཏྟོ སཱརིཔུཏྟམོགྒལླཱནེ དཱུརཏོཝ ཨཱགཙྪནྟེ. དིསྭཱན བྷིཀྑཱུ ཨཱམནྟེསི – ‘‘པསྶཐ, བྷིཀྑཝེ, ཡཱཝ སྭཱཀྑཱཏོ མཡཱ དྷམྨོ, ཡེཔི ཏེ སམཎསྶ གོཏམསྶ ཨགྒསཱཝཀཱ སཱརིཔུཏྟམོགྒལླཱནཱ ཏེཔི མམ སནྟིཀེ ཨཱགཙྪནྟི. མམ དྷམྨཾ རོཙེནྟཱ’’ཏི. ཨེཝཾ ཝུཏྟེ ཀོཀཱལིཀོ དེཝདཏྟཾ ཨེཏདཝོཙ – ‘‘མཱ, ཨཱཝུསོ དེཝདཏྟ, སཱརིཔུཏྟམོགྒལླཱནེ ཝིསྶསི ¶ . པཱཔིཙྪཱ སཱརིཔུཏྟམོགྒལླཱནཱ ¶ , པཱཔིཀཱནཾ ཨིཙྪཱནཾ ཝསཾ གཏཱ’’ཏི. ‘‘ཨལཾ, ཨཱཝུསོ. སྭཱགཏཾ ཏེསཾ ཡཏོ མེ དྷམྨཾ རོཙེནྟཱི’’ཏི.

ཨཐ ཁོ དེཝདཏྟོ ཨཱཡསྨནྟཾ སཱརིཔུཏྟཾ ཨུཔཌྜྷཱསནེན ནིམནྟེསི – ‘‘ཨེཧཱཝུསོ སཱརིཔུཏྟ, ཨིདྷ ནིསཱིདཱཧཱི’’ཏི. ‘‘ཨལཾ ཨཱཝུསོ’’ཏི ཁོ ཨཱཡསྨཱ ¶ སཱརིཔུཏྟོ ཨཉྙཏརཾ ཨཱསནཾ གཧེཏྭཱ ཨེཀམནྟཾ ནིསཱིདི. ཨཱཡསྨཱཔི ཁོ མཧཱམོགྒལླཱནོ ཨཉྙཏརཾ ཨཱསནཾ གཧེཏྭཱ ཨེཀམནྟཾ ནིསཱིདི. ཨཐ ཁོ དེཝདཏྟོ བཧུདེཝ རཏྟིཾ བྷིཀྑཱུ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨཱཡསྨནྟཾ སཱརིཔུཏྟཾ ཨཛ྄ཛྷེསི – ‘‘ཝིགཏཐིནམིདྡྷོ ¶ ཁོ, ཨཱཝུསོ སཱརིཔུཏྟ, བྷིཀྑུསངྒྷོ. པཊིབྷཱཏུ ཏཾ, ཨཱཝུསོ སཱརིཔུཏྟ, བྷིཀྑཱུནཾ དྷམྨཱི ཀཐཱ, པིཊྛི མེ ཨཱགིལཱཡཏི, ཏམཧཾ ཨཱཡམིསྶཱམཱི’’ཏི. ‘‘ཨེཝམཱཝུསོ’’ཏི ཁོ ཨཱཡསྨཱ སཱརིཔུཏྟོ དེཝདཏྟསྶ པཙྩསྶོསི. ཨཐ ཁོ དེཝདཏྟོ ཙཏུགྒུཎཾ སངྒྷཱཊིཾ པཉྙཱཔེཏྭཱ དཀྑིཎེན པསྶེན སེཡྻཾ ཀཔྤེསི. ཏསྶ ཀིལམནྟསྶ མུཊྛསྶཏིསྶ ཨསམྤཛཱནསྶ མུཧུཏྟཀེནེཝ ནིདྡཱ ཨོཀྐམི.

ཨཐ ཁོ ཨཱཡསྨཱ སཱརིཔུཏྟོ ཨཱདེསནཱཔཱཊིཧཱརིཡཱནུསཱསནིཡཱ བྷིཀྑཱུ དྷམྨིཡཱ ཀཐཱཡ ཨོཝདི ཨནུསཱསི. ཨཱཡསྨཱ མཧཱམོགྒལླཱནོ ཨིདྡྷིཔཱཊིཧཱརིཡཱནུསཱསནིཡཱ བྷིཀྑཱུ དྷམྨིཡཱ ཀཐཱཡ ཨོཝདི ཨནུསཱསི. ཨཐ ཁོ ཏེསཾ བྷིཀྑཱུནཾ ཨཱཡསྨཏཱ སཱརིཔུཏྟེན ཨཱདེསནཱཔཱཊིཧཱརིཡཱནུསཱསནིཡཱ ཨཱཡསྨཏཱ ཙ མཧཱམོགྒལླཱནེན ཨིདྡྷིཔཱཊིཧཱརིཡཱནུསཱསནིཡཱ ¶ ཨོཝདིཡམཱནཱནཾ ཨནུསཱསིཡམཱནཱནཾ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨནྟི.

ཨཐ ཁོ ཨཱཡསྨཱ སཱརིཔུཏྟོ བྷིཀྑཱུ ཨཱམནྟེསི – ‘‘གཙྪཱམ མཡཾ, ཨཱཝུསོ, བྷགཝཏོ སནྟིཀེ. ཡོ ཏསྶ བྷགཝཏོ དྷམྨཾ རོཙེསི སོ ཨཱགཙྪཏཱུ’’ཏི. ཨཐ ཁོ སཱརིཔུཏྟམོགྒལླཱནཱ ཏཱནི པཉྩབྷིཀྑུསཏཱནི ཨཱདཱཡ ཡེན ཝེལུ༹ཝནཾ ཏེནུཔསངྐམིཾསུ. ཨཐ ཁོ ཀོཀཱལིཀོ དེཝདཏྟཾ ཨུཊྛཱཔེསི – ‘‘ཨུཊྛེཧི, ཨཱཝུསོ དེཝདཏྟ, ནཱིཏཱ ཏེ བྷིཀྑཱུ སཱརིཔུཏྟམོགྒལླཱནེཧི. ནནུ ཏྭཾ, ཨཱཝུསོ དེཝདཏྟ, མཡཱ ཝུཏྟོ – ‘མཱ, ཨཱཝུསོ དེཝདཏྟ, སཱརིཔུཏྟམོགྒལླཱནེ ཝིསྶཱསི. པཱཔིཙྪཱ སཱརིཔུཏྟམོགྒལླཱནཱ, པཱཔིཀཱནཾ ཨིཙྪཱནཾ ཝསཾ གཏཱ’’’ཏི? ཨཐ ཁོ དེཝདཏྟསྶ ཏཏྠེཝ ཨུཎྷཾ ལོཧིཏཾ མུཁཏོ ཨུགྒཉྪི.

ཨཐ ཁོ སཱརིཔུཏྟམོགྒལླཱནཱ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིསུཾ. ཨེཀམནྟཾ ནིསིནྣོ ཁོ ཨཱཡསྨཱ སཱརིཔུཏྟོ ¶ བྷགཝནྟཾ ཨེཏདཝོཙ – ‘‘སཱདྷུ, བྷནྟེ ¶ , བྷེདཀཱནུཝཏྟཀཱ བྷིཀྑཱུ པུན ཨུཔསམྤཛྫེཡྻུ’’ནྟི. ‘‘ཨལཾ, སཱརིཔུཏྟ. མཱ ཏེ རུཙྩི བྷེདཀཱནུཝཏྟཀཱནཾ བྷིཀྑཱུནཾ པུན ཨུཔསམྤདཱ. ཏེན ཧི ཏྭཾ, སཱརིཔུཏྟ, བྷེདཀཱནུཝཏྟཀེ བྷིཀྑཱུ ཐུལླཙྩཡཾ དེསཱཔེཧི. ཀཐཾ པན ཏེ, སཱརིཔུཏྟ, དེཝདཏྟོ པཊིཔཛྫཱི’’ཏི? ‘‘ཡཐེཝ, བྷནྟེ, བྷགཝཱ བཧུདེཝ རཏྟིཾ བྷིཀྑཱུ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ མཾ ཨཛ྄ཛྷེསཏི – ‘ཝིགཏཐིནམིདྡྷོ ཁོ ¶ , སཱརིཔུཏྟ, བྷིཀྑུསངྒྷོ; པཊིབྷཱཏུ ཏཾ, སཱརིཔུཏྟ, བྷིཀྑཱུནཾ དྷམྨཱི ཀཐཱ, པིཊྛི མེ ཨཱགིལཱཡཏི, ཏམཧཾ ཨཱཡམིསྶཱམཱི’ཏི, ཨེཝམེཝ ཁོ, བྷནྟེ, དེཝདཏྟོ པཊིཔཛྫཱི’’ཏི.

༣༤༦. ཨཐ ¶ ཁོ བྷགཝཱ བྷིཀྑཱུ ཨཱམནྟེསི – ‘‘བྷཱུཏཔུབྦཾ, བྷིཀྑཝེ, ཨརཉྙཱཡཏནེ མཧཱསརསཱི. ཏཾ ནཱགཱ ཨུཔནིསྶཱཡ ཝིཧརིཾསུ. ཏེ ཏཾ སརསིཾ ཨོགཱཧེཏྭཱ, སོཎྜཱཡ བྷིསམུལཱ༹ལཾ ཨབྦུཧིཏྭཱ, སུཝིཀྑཱལིཏཾ ཝིཀྑཱལེཏྭཱ, ཨཀདྡམཾ སངྑཱདིཏྭཱ, ཨཛ྄ཛྷོཧརནྟི. ཏེསཾ ཏཾ ཝཎྞཱཡ ཙེཝ ཧོཏི, བལཱཡ ཙ. ན ཙ ཏཏོནིདཱནཾ མརཎཾ ཝཱ ནིགཙྪནྟི, མརཎམཏྟཾ ཝཱ དུཀྑཾ. ཏེསཾཡེཝ ཁོ པན, བྷིཀྑཝེ, མཧཱནཱགཱནཾ ཨནུསིཀྑམཱནཱ ཏརུཎཱ བྷིངྐཙྪཱཔཱ. ཏེ ཏཾ སརསིཾ ཨོགཱཧེཏྭཱ, སོཎྜཱཡ བྷིསམུལཱ༹ལཾ ཨབྦུཧིཏྭཱ, ན སུཝིཀྑཱལིཏཾ ཝིཀྑཱལེཏྭཱ, སཀདྡམཾ སངྑཱདིཏྭཱ, ཨཛ྄ཛྷོཧརནྟི. ཏེསཾ ཏཾ ནེཝ ཝཎྞཱཡ ཧོཏི, ན བལཱཡ. ཏཏོནིདཱནཉྩ མརཎཾ ཝཱ ནིགཙྪནྟི, མརཎམཏྟཾ ཝཱ དུཀྑཾ. ཨེཝམེཝ ཁོ, བྷིཀྑཝེ, དེཝདཏྟོ མམཱནུཀྲུབྦཾ [མམཱནུཀུབྦཾ (སཱི. སྱཱ.)] ཀཔཎོ མརིསྶཏཱིཏི.

‘‘མཧཱཝརཱཧསྶ མཧིཾ ཝིཀྲུབྦཏོ [ཝིཀུབྦཏོ (སཱི. སྱཱ.)], བྷིསཾ གྷསཱནསྶ [གྷསམཱནསྶ (ཀ.)] ནདཱིསུ ཛགྒཏོ;

བྷིངྐོཝ ¶ པངྐཾ ཨབྷིབྷཀྑཡིཏྭཱ, མམཱནུཀྲུབྦཾ ཀཔཎོ མརིསྶཏཱི’’ཏི.

༣༤༧. [ཨ. ནི. ༨.༡༦] ‘‘ཨཊྛཧི, བྷིཀྑཝེ, ཨངྒེཧི སམནྣཱགཏོ བྷིཀྑུ དཱུཏེཡྻཾ གནྟུམརཧཏི. ཀཏམེཧི ཨཊྛཧི? ཨིདྷ, བྷིཀྑཝེ, བྷིཀྑུ སོཏཱ ཙ ཧོཏི, སཱཝེཏཱ ཙ, ཨུགྒཧེཏཱ ཙ, དྷཱརེཏཱ ཙ, ཝིཉྙཱཏཱ ཙ, ཝིཉྙཱཔེཏཱ ཙ, ཀུསལོ ཙ སཧིཏཱསཧིཏསྶ, ནོ ཙ ཀལཧཀཱརཀོ – ཨིམེཧི ཁོ, བྷིཀྑཝེ, ཨཊྛཧངྒེཧི སམནྣཱགཏོ བྷིཀྑུ དཱུཏེཡྻཾ གནྟུམརཧཏི.

[ཨ. ནི. ༨.༡༦] ‘‘ཨཊྛཧི ¶ , བྷིཀྑཝེ, ཨངྒེཧི སམནྣཱགཏོ སཱརིཔུཏྟོ དཱུཏེཡྻཾ གནྟུམརཧཏི. ཀཏམེཧི ཨཊྛཧི? ཨིདྷ, བྷིཀྑཝེ, སཱརིཔུཏྟོ སོཏཱ ཙ ཧོཏི, སཱཝེཏཱ ཙ, ཨུགྒཧེཏཱ ཙ, དྷཱརེཏཱ ཙ, ཝིཉྙཱཏཱ ཙ, ཝིཉྙཱཔེཏཱ ཙ, ཀུསལོ ཙ སཧིཏཱསཧིཏསྶ, ནོ ཙ ཀལཧཀཱརཀོ – ཨིམེཧི ¶ ཁོ, བྷིཀྑཝེ, ཨཊྛཧངྒེཧི སམནྣཱགཏོ སཱརིཔུཏྟོ དཱུཏེཡྻཾ གནྟུམརཧཏཱིཏི.

[ཨ. ནི. ༨.༡༦] ‘‘ཡོ ཝེ ན བྱཐཏི [བྱཱདྷཏི (སཱི. སྱཱ.)] པཏྭཱ, པརིསཾ ཨུགྒཝཱདིནིཾ;

ན ཙ ཧཱཔེཏི ཝཙནཾ, ན ཙ ཚཱདེཏི སཱསནཾ.

‘‘ཨསནྡིདྡྷོ ཙ ཨཀྑཱཏི [ཨཀྑཱཏཱ (ཀ.)], པུཙྪིཏོ ཙ ན ཀུཔྤཏི;

ས ཝེ ཏཱདིསཀོ བྷིཀྑུ, དཱུཏེཡྻཾ གནྟུམརཧཏཱི’’ཏི.

༣༤༨. [ཨ. ནི. ༨.༧] ‘‘ཨཊྛཧི, བྷིཀྑཝེ, ཨསདྡྷམྨེཧི ཨབྷིབྷཱུཏོ པརིཡཱདིནྣཙིཏྟོ དེཝདཏྟོ ཨཱཔཱཡིཀོ ¶ ནེརཡིཀོ ཀཔྤཊྛོ ཨཏེཀིཙྪོ. ཀཏམེཧི ཨཊྛཧི ¶ ? ལཱབྷེན, བྷིཀྑཝེ, ཨབྷིབྷཱུཏོ པརིཡཱདིནྣཙིཏྟོ དེཝདཏྟོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ; ཨལཱབྷེན, བྷིཀྑཝེ…པེ… ཡསེན, བྷིཀྑཝེ…པེ… ཨཡསེན, བྷིཀྑཝེ…པེ… སཀྐཱརེན, བྷིཀྑཝེ…པེ… ཨསཀྐཱརེན, བྷིཀྑཝེ…པེ… པཱཔིཙྪཏཱཡ, བྷིཀྑཝེ…པེ… པཱཔམིཏྟཏཱཡ བྷིཀྑཝེ, ཨབྷིབྷཱུཏོ པརིཡཱདིནྣཙིཏྟོ དེཝདཏྟོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ – ཨིམེཧི ཁོ, བྷིཀྑཝེ, ཨཊྛཧི ཨསདྡྷམྨེཧི ཨབྷིབྷཱུཏོ པརིཡཱདིནྣཙིཏྟོ དེཝདཏྟོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ.

༣༤༩. ‘‘སཱདྷུ, བྷིཀྑཝེ, བྷིཀྑུ ཨུཔྤནྣཾ ལཱབྷཾ ཨབྷིབྷུཡྻ ཨབྷིབྷུཡྻ ཝིཧརེཡྻ, ཨུཔྤནྣཾ ཨལཱབྷཾ…པེ… ཨུཔྤནྣཾ ཡསཾ… ཨུཔྤནྣཾ ཨཡསཾ… ཨུཔྤནྣཾ སཀྐཱརཾ… ཨུཔྤནྣཾ ཨསཀྐཱརཾ… ཨུཔྤནྣཾ པཱཔིཙྪཏཾ… ཨུཔྤནྣཾ པཱཔམིཏྟཏཾ ཨབྷིབྷུཡྻ ཨབྷིབྷུཡྻ ཝིཧརེཡྻ. ཀཐཉྩ, བྷིཀྑཝེ, བྷིཀྑུ ཨཏྠཝསཾ པཊིཙྩ ཨུཔྤནྣཾ ལཱབྷཾ ཨབྷིབྷུཡྻ ཨབྷིབྷུཡྻ ཝིཧརེཡྻ, ཨུཔྤནྣཾ ཨལཱབྷཾ…པེ… ཨུཔྤནྣཾ ཡསཾ… ཨུཔྤནྣཾ ཨཡསཾ… ཨུཔྤནྣཾ སཀྐཱརཾ… ཨུཔྤནྣཾ ཨསཀྐཱརཾ… ཨུཔྤནྣཾ པཱཔིཙྪཏཾ… ཨུཔྤནྣཾ པཱཔམིཏྟཏཾ ཨབྷིབྷུཡྻ ཨབྷིབྷུཡྻ ཝིཧརེཡྻ? ཡཾ ཧིསྶ, བྷིཀྑཝེ, ཨུཔྤནྣཾ ལཱབྷཾ ཨནབྷིབྷུཡྻ ཝིཧརཏོ ཨུཔྤཛྫེཡྻུཾ ཨཱསཝཱ ཝིགྷཱཏཔརིལཱ༹ཧཱ, ཨུཔྤནྣཾ ལཱབྷཾ ཨབྷིབྷུཡྻ ཨབྷིབྷུཡྻ ¶ ཝིཧརཏོ ཨེཝཾསཏེ ཨཱསཝཱ ཝིགྷཱཏཔརིལཱ༹ཧཱ ན ཧོནྟི. ཡཾ ཧིསྶ, བྷིཀྑཝེ, ཨུཔྤནྣཾ ཨལཱབྷཾ…པེ… ཨུཔྤནྣཾ ཡསཾ… ཨུཔྤནྣཾ ཨཡསཾ… ཨུཔྤནྣཾ སཀྐཱརཾ… ཨུཔྤནྣཾ ཨསཀྐཱརཾ… ཨུཔྤནྣཾ པཱཔིཙྪཏཾ… ཨུཔྤནྣཾ ¶ པཱཔམིཏྟཏཾ ཨནབྷིབྷུཡྻ ཝིཧརཏོ ཨུཔྤཛྫེཡྻུཾ ཨཱསཝཱ ཝིགྷཱཏཔརིལཱ༹ཧཱ, ཨུཔྤནྣཾ པཱཔམིཏྟཏཾ ཨབྷིབྷུཡྻ ཨབྷིབྷུཡྻ ཝིཧརཏོ ཨེཝཾསཏེ ཨཱསཝཱ ཝིགྷཱཏཔརིལཱ༹ཧཱ ན ཧོནྟི. ཨིདཾ ཁོ, བྷིཀྑཝེ, ཨཏྠཝསཾ པཊིཙྩ ཨུཔྤནྣཾ ལཱབྷཾ ཨབྷིབྷུཡྻ ཨབྷིབྷུཡྻ ཝིཧརེཡྻ, ཨུཔྤནྣཾ ཨལཱབྷཾ…པེ… ཨུཔྤནྣཾ ཡསཾ… ཨུཔྤནྣཾ ཨཡསཾ… ཨུཔྤནྣཾ སཀྐཱརཾ… ཨུཔྤནྣཾ ཨསཀྐཱརཾ… ཨུཔྤནྣཾ པཱཔིཙྪཏཾ… ཨུཔྤནྣཾ པཱཔམིཏྟཏཾ ཨབྷིབྷུཡྻ ཨབྷིབྷུཡྻ ཝིཧརེཡྻ. ཏསྨཱཏིཧ, བྷིཀྑཝེ, ཨུཔྤནྣཾ ལཱབྷཾ ཨབྷིབྷུཡྻ ཨབྷིབྷུཡྻ ཝིཧརིསྶཱམ, ཨུཔྤནྣཾ ཨལཱབྷཾ…པེ… ཨུཔྤནྣཾ ཡསཾ… ཨུཔྤནྣཾ ཨཡསཾ… ཨུཔྤནྣཾ སཀྐཱརཾ… ཨུཔྤནྣཾ ཨསཀྐཱརཾ… ཨུཔྤནྣཾ པཱཔིཙྪཏཾ… ཨུཔྤནྣཾ པཱཔམིཏྟཏཾ ཨབྷིབྷུཡྻ ཨབྷིབྷུཡྻ ཝིཧརིསྶཱམཱཏི; ཨེཝཉྷི ཝོ, བྷིཀྑཝེ, སིཀྑིཏབྦནྟི.

༣༥༠. ‘‘ཏཱིཧི, བྷིཀྑཝེ, ཨསདྡྷམྨེཧི ¶ ཨབྷིབྷཱུཏོ པརིཡཱདིནྣཙིཏྟོ དེཝདཏྟོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ. ཀཏམེཧི ཏཱིཧི? པཱཔིཙྪཏཱ, པཱཔམིཏྟཏཱ, ཨོརམཏྟཀེན ཝིསེསཱདྷིགམེན ཨནྟརཱ ཝོསཱནཾ ཨཱཔཱདི – ཨིམེཧི ཁོ, བྷིཀྑཝེ, ཏཱིཧི ཨསདྡྷམྨེཧི ¶ ཨབྷིབྷཱུཏོ པརིཡཱདིནྣཙིཏྟོ དེཝདཏྟོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོཏི.

‘‘མཱ ཛཱཏུ ཀོཙི ལོཀསྨིཾ, པཱཔིཙྪོ ཨུདཔཛྫཐ;

ཏདམིནཱཔི ¶ ཛཱནཱཐ, པཱཔིཙྪཱནཾ ཡཐཱགཏི.

‘‘པཎྜིཏོཏི སམཉྙཱཏོ, བྷཱཝིཏཏྟོཏི སམྨཏོ;

ཛལཾཝ ཡསསཱ ཨཊྛཱ, དེཝདཏྟོཏི མེ སུཏཾ.

‘‘སོ པམཱདཾ ཨནུཙིཎྞོ, ཨཱསཛྫ ནཾ ཏཐཱགཏཾ;

ཨཝཱིཙིནིརཡཾ པཏྟོ, ཙཏུདྭཱརཾ བྷཡཱནཀཾ.

‘‘ཨདུཊྛསྶ ཧི ཡོ དུབྦྷེ, པཱཔཀམྨཾ ཨཀྲུབྦཏོ;

ཏམེཝ པཱཔཾ ཕུསཏི, དུཊྛཙིཏྟཾ ཨནཱདརཾ.

‘‘སམུདྡཾ ཝིསཀུམྦྷེན, ཡོ མཉྙེཡྻ པདཱུསིཏུཾ [པདུསྶིཏུཾ (ཀ.)];

ན སོ ཏེན པདཱུསེཡྻ, བྷེསྨཱ ཧི ཨུདདྷཱི མཧཱ.

‘‘ཨེཝམེཝ ¶ ཏཐཱགཏཾ, ཡོ ཝཱདེནུཔཧིཾསཏི;

སམགྒཏཾ [སམྨཱགཏཾ (སཱི.), སམགཏཾ (སྱཱ.)] སནྟཙིཏྟཾ, ཝཱདོ ཏམྷི ན རཱུཧཏི.

‘‘ཏཱདིསཾ མིཏྟཾ ཀྲུབྦེཐ [ཀུབྦེཐ (སཱི. སྱཱ.)], ཏཉྩ སེཝེཐ པཎྜིཏོ;

ཡསྶ མགྒཱནུགོ བྷིཀྑུ, ཁཡཾ དུཀྑསྶ པཱཔུཎེ’’ཏི.

ཨུཔཱལིཔཉྷཱ

༣༥༡. ཨཐ ཁོ ཨཱཡསྨཱ ཨུཔཱལི ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨུཔཱལི བྷགཝནྟཾ ཨེཏདཝོཙ – ‘‘སངྒྷརཱཛི སངྒྷརཱཛཱིཏི, བྷནྟེ, ཝུཙྩཏི. ཀིཏྟཱཝཏཱ ནུ ཁོ, བྷནྟེ, སངྒྷརཱཛི ཧོཏི, ནོ ཙ སངྒྷབྷེདོ? ཀིཏྟཱཝཏཱ ཙ པན སངྒྷརཱཛི ཙེཝ ཧོཏི ¶ སངྒྷབྷེདོ ཙཱ’’ཏི?

‘‘ཨེཀཏོ ¶ , ཨུཔཱལི, ཨེཀོ ཧོཏི, ཨེཀཏོ དྭེ, ཙཏུཏྠོ ཨནུསྶཱཝེཏི, སལཱཀཾ གཱཧེཏི – ‘ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཐ, ཨིམཾ རོཙེཐཱ’ཏི. ཨེཝམྤི ཁོ, ཨུཔཱལི, སངྒྷརཱཛི ཧོཏི, ནོ ཙ སངྒྷབྷེདོ. ཨེཀཏོ, ཨུཔཱལི, དྭེ ཧོནྟི, ཨེཀཏོ དྭེ, པཉྩམོ ཨནུསྶཱཝེཏི, སལཱཀཾ གཱཧེཏི – ‘ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཐ, ཨིམཾ རོཙེཐཱ’ཏི. ཨེཝམྤི ཁོ, ཨུཔཱལི, སངྒྷརཱཛི ཧོཏི, ནོ ཙ སངྒྷབྷེདོ. ཨེཀཏོ, ཨུཔཱལི, དྭེ ཧོནྟི, ཨེཀཏོ ཏཡོ, ཚཊྛོ ཨནུསྶཱཝེཏི, སལཱཀཾ གཱཧེཏི – ‘ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཐ, ཨིམཾ རོཙེཐཱ’ཏི. ཨེཝམྤི ཁོ, ཨུཔཱལི, སངྒྷརཱཛི ཧོཏི, ནོ ཙ སངྒྷབྷེདོ ¶ . ཨེཀཏོ, ཨུཔཱལི, ཏཡོ ཧོནྟི, ཨེཀཏོ ཏཡོ, སཏྟམོ ཨནུསྶཱཝེཏི, སལཱཀཾ གཱཧེཏི – ‘ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཐ, ཨིམཾ རོཙེཐཱ’ཏི. ཨེཝམྤི ཁོ, ཨུཔཱལི, སངྒྷརཱཛི ཧོཏི, ནོ ཙ སངྒྷབྷེདོ. ཨེཀཏོ, ཨུཔཱལི, ཏཡོ ཧོནྟི, ཨེཀཏོ ཙཏྟཱརོ, ཨཊྛམོ ཨནུསྶཱཝེཏི, སལཱཀཾ གཱཧེཏི – ‘ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཐ, ཨིམཾ རོཙེཐཱ’ཏི. ཨེཝམྤི ཁོ, ཨུཔཱལི, སངྒྷརཱཛི ཧོཏི, ནོ ཙ སངྒྷབྷེདོ. ཨེཀཏོ, ཨུཔཱལི, ཙཏྟཱརོ ཧོནྟི, ཨེཀཏོ ཙཏྟཱརོ, ནཝམོ ཨནུསྶཱཝེཏི, སལཱཀཾ གཱཧེཏི – ‘ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཐ, ཨིམཾ རོཙེཐཱ’ཏི ¶ . ཨེཝཾ ¶ ཁོ, ཨུཔཱལི, སངྒྷརཱཛི ཙེཝ ཧོཏི སངྒྷབྷེདོ ཙ. ནཝནྣཾ ཝཱ, ཨུཔཱལི, ཨཏིརེཀནཝནྣཾ ཝཱ སངྒྷརཱཛི ཙེཝ ཧོཏི སངྒྷབྷེདོ ཙ. ན ཁོ, ཨུཔཱལི, བྷིཀྑུནཱི སངྒྷཾ བྷིནྡཏི, ཨཔི ཙ བྷེདཱཡ པརཀྐམཏི, ན སིཀྑམཱནཱ སངྒྷཾ བྷིནྡཏི…པེ… ན སཱམཎེརོ སངྒྷཾ བྷིནྡཏི, ན སཱམཎེརཱི སངྒྷཾ བྷིནྡཏི, ན ཨུཔཱསཀོ སངྒྷཾ བྷིནྡཏི, ན ཨུཔཱསིཀཱ སངྒྷཾ བྷིནྡཏི, ཨཔི ཙ བྷེདཱཡ པརཀྐམཏི. བྷིཀྑུ ཁོ, ཨུཔཱལི, པཀཏཏྟོ, སམཱནསཾཝཱསཀོ, སམཱནསཱིམཱཡཾ ཋིཏོ, སངྒྷཾ བྷིནྡཏཱི’’ཏི.

༣༥༢. [ཨ. ནི. ༡༠.༣༧] ‘‘སངྒྷབྷེདོ སངྒྷབྷེདོཏི, བྷནྟེ, ཝུཙྩཏི. ཀིཏྟཱཝཏཱ ནུ ཁོ, བྷནྟེ, སངྒྷོ བྷིནྣོ ཧོཏཱི’’ཏི?

‘‘ཨིདྷུཔཱལི, བྷིཀྑཱུ ཨདྷམྨཾ དྷམྨོཏི དཱིཔེནྟི, དྷམྨཾ ཨདྷམྨོཏི དཱིཔེནྟི, ཨཝིནཡཾ ཝིནཡོཏི དཱིཔེནྟི, ཝིནཡཾ ཨཝིནཡོཏི དཱིཔེནྟི, ཨབྷཱསིཏཾ ཨལཔིཏཾ ཏཐཱགཏེན བྷཱསིཏཾ ལཔིཏཾ ཏཐཱགཏེནཱཏི དཱིཔེནྟི, བྷཱསིཏཾ ལཔིཏཾ ཏཐཱགཏེན ཨབྷཱསིཏཾ ཨལཔིཏཾ ཏཐཱགཏེནཱཏི དཱིཔེནྟི, ཨནཱཙིཎྞཾ ཏཐཱགཏེན ཨཱཙིཎྞཾ ཏཐཱགཏེནཱཏི དཱིཔེནྟི, ཨཱཙིཎྞཾ ཏཐཱགཏེན ཨནཱཙིཎྞཾ ཏཐཱགཏེནཱཏི དཱིཔེནྟི, ཨཔཉྙཏྟཾ ཏཐཱགཏེན པཉྙཏྟཾ ཏཐཱགཏེནཱཏི དཱིཔེནྟི, པཉྙཏྟཾ ཏཐཱགཏེན ཨཔཉྙཏྟཾ ཏཐཱགཏེནཱཏི དཱིཔེནྟི, ཨནཱཔཏྟིཾ ཨཱཔཏྟཱིཏི དཱིཔེནྟི, ཨཱཔཏྟིཾ ཨནཱཔཏྟཱིཏི ¶ དཱིཔེནྟི, ལཧུཀཾ ཨཱཔཏྟིཾ གརུཀཱ ཨཱཔཏྟཱིཏི དཱིཔེནྟི, གརུཀཾ ཨཱཔཏྟིཾ ལཧུཀཱ ཨཱཔཏྟཱིཏི དཱིཔེནྟི, སཱཝསེསཾ ཨཱཔཏྟིཾ ཨནཝསེསཱ ¶ ཨཱཔཏྟཱིཏི དཱིཔེནྟི, ཨནཝསེསཾ ཨཱཔཏྟིཾ སཱཝསེསཱ ཨཱཔཏྟཱིཏི དཱིཔེནྟི, དུཊྛུལླཾ ཨཱཔཏྟིཾ ཨདུཊྛུལཱ ཨཱཔཏྟཱིཏི དཱིཔེནྟི, ཨདུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེནྟི. ཏེ ཨིམེཧི ཨཊྛཱརསཧི ཝཏྠཱུཧི ཨཔཀསྶནྟི, ཨཝཔཀསྶནྟི, ཨཱཝེནིཾ [ཨཱཝེཎི (སཱི.), ཨཱཝེཎིཀཾ (སྱཱ.)] ཨུཔོསཐཾ ཀརོནྟི, ཨཱཝེནིཾ པཝཱརཎཾ ཀརོནྟི, ཨཱཝེནིཾ སངྒྷཀམྨཾ ཀརོནྟི. ཨེཏྟཱཝཏཱ ཁོ, ཨུཔཱལི, སངྒྷོ བྷིནྣོ ཧོཏཱི’’ཏི.

༣༥༣. [ ཨ. ནི. ༡༠.༣༧] ‘‘སངྒྷསཱམགྒཱི སངྒྷསཱམགྒཱིཏི, བྷནྟེ, ཝུཙྩཏི. ཀིཏྟཱཝཏཱ ནུ ཁོ, བྷནྟེ, སངྒྷོ སམགྒོ ཧོཏཱི’’ཏི? ‘‘ཨིདྷུཔཱལི, བྷིཀྑཱུ ཨདྷམྨཾ ཨདྷམྨོཏི དཱིཔེནྟི, དྷམྨཾ དྷམྨོཏི དཱིཔེནྟི, ཨཝིནཡཾ ཨཝིནཡོཏི དཱིཔེནྟི, ཝིནཡཾ ཝིནཡོཏི ¶ དཱིཔེནྟི, ཨབྷཱསིཏཾ ཨལཔིཏཾ ཏཐཱགཏེན ཨབྷཱསིཏཾ ཨལཔིཏཾ ཏཐཱགཏེནཱཏི དཱིཔེནྟི, བྷཱསིཏཾ ལཔིཏཾ ཏཐཱགཏེན བྷཱསིཏཾ ལཔིཏཾ ཏཐཱགཏེནཱཏི དཱིཔེནྟི, ཨནཱཙིཎྞཾ ཏཐཱགཏེན ཨནཱཙིཎྞཾ ཏཐཱགཏེནཱཏི དཱིཔེནྟི, ཨཱཙིཎྞཾ ཏཐཱགཏེན ཨཱཙིཎྞཾ ཏཐཱགཏེནཱཏི དཱིཔེནྟི, ཨཔཉྙཏྟཾ ཏཐཱགཏེན ཨཔཉྙཏྟཾ ཏཐཱགཏེནཱཏི དཱིཔེནྟི, པཉྙཏྟཾ ཏཐཱགཏེན པཉྙཏྟཾ ཏཐཱགཏེནཱཏི དཱིཔེནྟི, ཨནཱཔཏྟིཾ ཨནཱཔཏྟཱིཏི དཱིཔེནྟི, ཨཱཔཏྟིཾ ཨཱཔཏྟཱིཏི དཱིཔེནྟི, ལཧུཀཾ ཨཱཔཏྟིཾ ལཧུཀཱ ཨཱཔཏྟཱིཏི དཱིཔེནྟི, གརུཀཾ ཨཱཔཏྟིཾ གརུཀཱ ཨཱཔཏྟཱིཏི དཱིཔེནྟི, སཱཝསེསཾ ཨཱཔཏྟིཾ སཱཝསེསཱ ཨཱཔཏྟཱིཏི དཱིཔེནྟི, ཨནཝསེསཾ ཨཱཔཏྟིཾ ཨནཝསེསཱ ཨཱཔཏྟཱིཏི དཱིཔེནྟི ¶ , དུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེནྟི, ཨདུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེནྟི. ཏེ ཨིམེཧི ཨཊྛཱརསཧི ཝཏྠཱུཧི ན ཨཔཀསྶནྟི, ན ཨཝཔཀསྶནྟི, ན ཨཱཝེནིཾ ཨུཔོསཐཾ ཀརོནྟི, ན ཨཱཝེནིཾ པཝཱརཎཾ ཀརོནྟི, ན ཨཱཝེནིཾ སངྒྷཀམྨཾ ཀརོནྟི. ཨེཏྟཱཝཏཱ ཁོ, ཨུཔཱལི, སངྒྷོ སམགྒོ ཧོཏཱི’’ཏི.

༣༥༤. ‘‘སམགྒཾ པན, བྷནྟེ, སངྒྷཾ བྷིནྡིཏྭཱ ཀིཾ སོ པསཝཏཱི’’ཏི? ‘‘སམགྒཾ ཁོ, ཨུཔཱལི, སངྒྷཾ བྷིནྡིཏྭཱ ཀཔྤཊྛིཀཾ ཀིབྦིསཾ པསཝཏི, ཀཔྤཾ ནིརཡམྷི པཙྩཏཱི’’ཏི.

[ཨིཏིཝུ. ༡༨; ཨ. ནི. ༡༠.༣༩] ‘‘ཨཱཔཱཡིཀོ ¶ ནེརཡིཀོ, ཀཔྤཊྛོ སངྒྷབྷེདཀོ;

ཝགྒརཏོ ཨདྷམྨཊྛོ, ཡོགཀྑེམཱ པདྷཾསཏི;

སངྒྷཾ སམགྒཾ བྷིནྡིཏྭཱ, ཀཔྤཾ ནིརཡམྷི པཙྩཏཱི’’ཏི.

‘‘བྷིནྣཾ ¶ པན, བྷནྟེ, སངྒྷཾ སམགྒཾ ཀཏྭཱ ཀིཾ སོ པསཝཏཱི’’ཏི? ‘‘བྷིནྣཾ ཁོ, ཨུཔཱལི, སངྒྷཾ སམགྒཾ ཀཏྭཱ བྲཧྨཾ པུཉྙཾ པསཝཏི, ཀཔྤཾ སགྒམྷི མོདཏཱི’’ཏི.

[ཨིཏྟིཝུ. ༡༨; ཨ. ནི. ༡༠.༤༠] ‘‘སུཁཱ སངྒྷསྶ སཱམགྒཱི, སམགྒཱནཉྩ ཨནུགྒཧོ;

སམགྒརཏོ དྷམྨཊྛོ, ཡོགཀྑེམཱ ན དྷཾསཏི;

སངྒྷཾ སམགྒཾ ཀཏྭཱན, ཀཔྤཾ སགྒམྷི མོདཏཱི’’ཏི.

༣༥༥. [པརི. ༤༥༩] ‘‘སིཡཱ ནུ ཁོ, བྷནྟེ, སངྒྷབྷེདཀོ ཨཱཔཱཡིཀོ, ནེརཡིཀོ, ཀཔྤཊྛོ, ཨཏེཀིཙྪོ’’ཏི? ‘‘སིཡཱ, ཨུཔཱལི, སངྒྷབྷེདཀོ ཨཱཔཱཡིཀོ, ནེརཡིཀོ, ཀཔྤཊྛོ, ཨཏེཀིཙྪོ’’ཏི.

[པརི. ༤༥༩] ‘‘སིཡཱ ¶ [སིཡཱ ནུ ཁོ (སྱཱ. ཀཾ.)] པན, བྷནྟེ, སངྒྷབྷེདཀོ ¶ ན ཨཱཔཱཡིཀོ, ན ནེརཡིཀོ, ན ཀཔྤཊྛོ, ན ཨཏེཀིཙྪོ’’ཏི? ‘‘སིཡཱ, ཨུཔཱལི, སངྒྷབྷེདཀོ ན ཨཱཔཱཡིཀོ, ན ནེརཡིཀོ, ན ཀཔྤཊྛོ, ན ཨཏེཀིཙྪོ’’ཏི.

‘‘ཀཏམོ པན, བྷནྟེ, སངྒྷབྷེདཀོ ཨཱཔཱཡིཀོ, ནེརཡིཀོ, ཀཔྤཊྛོ, ཨཏེཀིཙྪོ’’ཏི? ‘‘ཨིདྷུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི. ཏསྨིཾ ཨདྷམྨདིཊྛི, བྷེདེ ཨདྷམྨདིཊྛི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ, ཨནུསྶཱཝེཏི, སལཱཀཾ གཱཧེཏི – ‘ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཐ, ཨིམཾ རོཙེཐཱ’ཏི. ཨཡམྤི ཁོ, ཨུཔཱལི, སངྒྷབྷེདཀོ ཨཱཔཱཡིཀོ, ནེརཡིཀོ, ཀཔྤཊྛོ, ཨཏེཀིཙྪོ.

‘‘པུན ཙཔརཾ, ཨུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི. ཏསྨིཾ ཨདྷམྨདིཊྛི, བྷེདེ དྷམྨདིཊྛི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ, ཨནུསྶཱཝེཏི, སལཱཀཾ གཱཧེཏི – ‘ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཐ, ཨིམཾ རོཙེཐཱ’ཏི. ཨཡམྤི ཁོ, ཨུཔཱལི, སངྒྷབྷེདཀོ ཨཱཔཱཡིཀོ, ནེརཡིཀོ, ཀཔྤཊྛོ, ཨཏེཀིཙྪོ.

‘‘པུན ཙཔརཾ, ཨུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི. ཏསྨིཾ ཨདྷམྨདིཊྛི, བྷེདེ ཝེམཏིཀོ, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ, ཨནུསྶཱཝེཏི, སལཱཀཾ གཱཧེཏི – ‘ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཐ, ཨིམཾ ¶ རོཙེཐཱ’ཏི. ཨཡམྤི ཁོ, ཨུཔཱལི, སངྒྷབྷེདཀོ ཨཱཔཱཡིཀོ, ནེརཡིཀོ, ཀཔྤཊྛོ, ཨཏེཀིཙྪོ.

‘‘པུན ཙཔརཾ, ཨུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི. ཏསྨིཾ དྷམྨདིཊྛི, བྷེདེ ¶ ཨདྷམྨདིཊྛི…པེ… (ཏསྨིཾ དྷམྨདིཊྛི བྷེདེ དྷམྨདིཊྛི) [( ) སྱཱམཔོཏྠཀེ ནཏྠི, ཝིམཏིཝིནོདནཱིཊཱིཀཱཡ སམེཏི]. ཏསྨིཾ དྷམྨདིཊྛི བྷེདེ ཝེམཏིཀོ. ཏསྨིཾ ཝེམཏིཀོ བྷེདེ ཨདྷམྨདིཊྛི. ཏསྨིཾ ཝེམཏིཀོ བྷེདེ དྷམྨདིཊྛི. ཏསྨིཾ ཝེམཏིཀོ བྷེདེ ཝེམཏིཀོ ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ, ཨནུསྶཱཝེཏི, སལཱཀཾ གཱཧེཏི – ‘ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཐ, ཨིམཾ རོཙེཐཱ’ཏི. ཨཡམྤི ཁོ, ཨུཔཱལི, སངྒྷབྷེདཀོ ཨཱཔཱཡིཀོ, ནེརཡིཀོ, ཀཔྤཊྛོ, ཨཏེཀིཙྪོ.

‘‘པུན ¶ ཙཔརཾ, ཨུཔཱལི, བྷིཀྑུ དྷམྨཾ ཨདྷམྨོཏི དཱིཔེཏི…པེ… ཨཝིནཡཾ ཝིནཡོཏི དཱིཔེཏི… ཝིནཡཾ ཨཝིནཡོཏི དཱིཔེཏི… ཨབྷཱསིཏཾ ཨལཔིཏཾ ཏཐཱགཏེན བྷཱསིཏཾ ལཔིཏཾ ཏཐཱགཏེནཱཏི དཱིཔེཏི… བྷཱསིཏཾ ལཔིཏཾ ཏཐཱགཏེན ཨབྷཱསིཏཾ ཨལཔིཏཾ ཏཐཱགཏེནཱཏི དཱིཔེཏི… ཨནཱཙིཎྞཾ ཏཐཱགཏེན ཨཱཙིཎྞཾ ཏཐཱགཏེནཱཏི དཱིཔེཏི… ཨཱཙིཎྞཾ ཏཐཱགཏེན ཨནཱཙིཎྞཾ ཏཐཱགཏེནཱཏི དཱིཔེཏི… ཨཔཉྙཏྟཾ ཏཐཱགཏེན པཉྙཏྟཾ ཏཐཱགཏེནཱཏི དཱིཔེཏི… པཉྙཏྟཾ ཏཐཱགཏེན ཨཔཉྙཏྟཾ ཏཐཱགཏེནཱཏི དཱིཔེཏི… ཨནཱཔཏྟིཾ ཨཱཔཏྟཱིཏི དཱིཔེཏི… ཨཱཔཏྟིཾ ཨནཱཔཏྟཱིཏི དཱིཔེཏི… ལཧུཀཾ ཨཱཔཏྟིཾ གརུཀཱ ཨཱཔཏྟཱིཏི དཱིཔེཏི… གརུཀཾ ཨཱཔཏྟིཾ ལཧུཀཱ ཨཱཔཏྟཱིཏི དཱིཔེཏི… སཱཝསེསཾ ཨཱཔཏྟིཾ ཨནཝསེསཱ ཨཱཔཏྟཱིཏི དཱིཔེཏི… ཨནཝསེསཾ ཨཱཔཏྟིཾ སཱཝསེསཱ ཨཱཔཏྟཱིཏི དཱིཔེཏི… དུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེཏི… ཨདུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེཏི… ཏསྨིཾ ཨདྷམྨདིཊྛི, བྷེདེ ཨདྷམྨདིཊྛི…པེ… ཏསྨིཾ ཨདྷམྨདིཊྛི, བྷེདེ དྷམྨདིཊྛི ¶ … ཏསྨིཾ ཨདྷམྨདིཊྛི, བྷེདེ ཝེམཏིཀོ… ཏསྨིཾ དྷམྨདིཊྛི, བྷེདེ ཨདྷམྨདིཊྛི… (ཏསྨིཾ དྷམྨདིཊྛི, བྷེདེ དྷམྨདིཊྛི) [( ) སྱཱམཔོཏྠཀེ ནཏྠི] … ཏསྨིཾ དྷམྨདིཊྛི, བྷེདེ ཝེམཏིཀོ… ཏསྨིཾ ཝེམཏིཀོ, བྷེདེ ཨདྷམྨདིཊྛི… ཏསྨིཾ ཝེམཏིཀོ, བྷེདེ དྷམྨདིཊྛི… ཏསྨིཾ ཝེམཏིཀོ, བྷེདེ ཝེམཏིཀོ, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ བྷཱཝཾ, ཨནུསྶཱཝེཏི, སལཱཀཾ གཱཧེཏི – ‘ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཐ, ཨིམཾ རོཙེཐཱ’ཏི. ཨཡམྤི ཁོ, ཨུཔཱལི, སངྒྷབྷེདཀོ ཨཱཔཱཡིཀོ, ནེརཡིཀོ, ཀཔྤཊྛོ, ཨཏེཀིཙྪོ’’ཏི.

‘‘ཀཏམོ པན, བྷནྟེ, སངྒྷབྷེདཀོ ན ཨཱཔཱཡིཀོ, ན ནེརཡིཀོ, ན ཀཔྤཊྛོ ¶ , ན ཨཏེཀིཙྪོ’’ཏི? ‘‘ཨིདྷུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི. ཏསྨིཾ དྷམྨདིཊྛི, བྷེདེ དྷམྨདིཊྛི ¶ , ཨཝིནིདྷཱཡ དིཊྛིཾ, ཨཝིནིདྷཱཡ ཁནྟིཾ, ཨཝིནིདྷཱཡ རུཙིཾ, ཨཝིནིདྷཱཡ བྷཱཝཾ, ཨནུསྶཱཝེཏི, སལཱཀཾ གཱཧེཏི – ‘ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཐ, ཨིམཾ རོཙེཐཱ’ཏི. ཨཡམྤི ཁོ, ཨུཔཱལི, སངྒྷབྷེདཀོ ན ཨཱཔཱཡིཀོ, ན ནེརཡིཀོ, ན ཀཔྤཊྛོ, ན ཨཏེཀིཙྪོ.

‘‘པུན ¶ ཙཔརཾ, ཨུཔཱལི, བྷིཀྑུ དྷམྨཾ ཨདྷམྨོཏི དཱིཔེཏི…པེ… དུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེཏི. ཏསྨིཾ དྷམྨདིཊྛི, བྷེདེ དྷམྨདིཊྛི, ཨཝིནིདྷཱཡ དིཊྛིཾ, ཨཝིནིདྷཱཡ ཁནྟིཾ, ཨཝིནིདྷཱཡ རུཙིཾ, ཨཝིནིདྷཱཡ བྷཱཝཾ, ཨནུསྶཱཝེཏི, སལཱཀཾ གཱཧེཏི – ‘ཨཡཾ དྷམྨོ, ཨཡཾ ཝིནཡོ, ཨིདཾ སཏྠུསཱསནཾ, ཨིམཾ གཎྷཐ, ཨིམཾ རོཙེཐཱ’ཏི. ཨཡམྤི ཁོ ¶ , ཨུཔཱལི, སངྒྷབྷེདཀོ ན ཨཱཔཱཡིཀོ, ན ནེརཡིཀོ, ན ཀཔྤཊྛོ, ན ཨཏེཀིཙྪོ’’ཏི.

ཏཏིཡབྷཱཎཝཱརོ ནིཊྛིཏོ.

སངྒྷབྷེདཀཀྑནྡྷཀོ སཏྟམོ.

ཏསྶུདྡཱནཾ –

ཨནུཔིཡེ ཨབྷིཉྙཱཏཱ, སུཁུམཱལོ ན ཨིཙྪཏི;

ཀསཱ ཝཔཱ ཨབྷི ནིནྣེ, ནིདྡྷཱ ལཱཝེ ཙ ཨུབྦཧེ.

པུཉྫམདྡཔལཱལཉྩ, བྷུསཨོཕུཎནཱིཧརེ;

ཨཱཡཏིམྤི ན ཁཱིཡནྟི, པིཏརོ ཙ པིཏཱམཧཱ.

བྷདྡིཡོ ཨནུརུདྡྷོ ཙ, ཨཱནནྡོ བྷགུ ཀིམིལོ;

སཀྱམཱནོ ཙ ཀོསམྦིཾ, པརིཧཱཡི ཀཀུདྷེན ཙ.

པཀཱསེསི པིཏུནོ ཙ, པུརིསེ སིལཾ ནཱལཱ༹གིརིཾ;

ཏིཀཔཉྩགརུཀོ ཁོ, བྷིནྡི ཐུལླཙྩཡེན ཙ;

ཏཡོ ཨཊྛ པུན ཏཱིཎི, རཱཛི བྷེདཱ སིཡཱ ནུ ཁོཏི.

སངྒྷབྷེདཀཀྑནྡྷཀཾ ནིཊྛིཏཾ.

༨. ཝཏྟཀྑནྡྷཀཾ

༡. ཨཱགནྟུཀཝཏྟཀཐཱ

༣༥༦. ཏེན ¶ ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱགནྟུཀཱ བྷིཀྑཱུ སཨུཔཱཧནཱཔི ཨཱརཱམཾ པཝིསནྟི, ཚཏྟཔགྒཧིཏཱཔི ཨཱརཱམཾ པཝིསནྟི, ཨོགུཎྛིཏཱཔི ཨཱརཱམཾ པཝིསནྟི, སཱིསེཔི ཙཱིཝརཾ ཀརིཏྭཱ ཨཱརཱམཾ པཝིསནྟི, པཱནཱིཡེནཔི པཱདེ དྷོཝནྟི, ཝུཌྜྷཏརེཔི ཨཱཝཱསིཀེ བྷིཀྑཱུ ན ཨབྷིཝཱདེནྟི, ནཔི སེནཱསནཾ པུཙྪནྟི. ཨཉྙཏརོཔི ཨཱགནྟུཀོ བྷིཀྑུ ཨནཛ྄ཛྷཱཝུཊྛཾ ཝིཧཱརཾ གྷཊིཀཾ ཨུགྒྷཱཊེཏྭཱ ཀཝཱཊཾ པཎཱམེཏྭཱ སཧསཱ པཱཝིསི. ཏསྶ ཨུཔརིཔིཊྛིཏོ [ཨུཔརིཔིཊྛཏོ (?)] ཨཧི ཁནྡྷེ པཔཏི. སོ བྷཱིཏོ ཝིསྶརམཀཱསི. བྷིཀྑཱུ ཨུཔདྷཱཝིཏྭཱ ཏཾ བྷིཀྑུཾ ཨེཏདཝོཙུཾ – ‘‘ཀིསྶ ཏྭཾ, ཨཱཝུསོ, ཝིསྶརམཀཱསཱི’’ཏི? ཨཐ ཁོ སོ བྷིཀྑུ བྷིཀྑཱུནཾ ཨེཏམཏྠཾ ཨཱརོཙེསི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱགནྟུཀཱ བྷིཀྑཱུ སཨུཔཱཧནཱཔི ཨཱརཱམཾ པཝིསིསྶནྟི, ཚཏྟཔགྒཧིཏཱཔི ཨཱརཱམཾ པཝིསིསྶནྟི, ཨོགུཎྛིཏཱཔི ཨཱརཱམཾ པཝིསིསྶནྟི, སཱིསེཔི ཙཱིཝརཾ ཀརིཏྭཱ ཨཱརཱམཾ པཝིསིསྶནྟི, པཱནཱིཡེནཔི པཱདེ དྷོཝིསྶནྟི, ཝུཌྜྷཏརེཔི ཨཱཝཱསིཀེ བྷིཀྑཱུ ན ཨབྷིཝཱདེསྶནྟི, ནཔི སེནཱསནཾ པུཙྪིསྶནྟཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ¶ ཀིར, བྷིཀྑཝེ, ‘‘ཨཱགནྟུཀཱ བྷིཀྑཱུ སཨུཔཱཧནཱཔི ཨཱརཱམཾ པཝིསནྟི, ཚཏྟཔགྒཧིཏཱཔི ཨཱརཱམཾ པཝིསནྟི, ཨོགུཎྛིཏཱཔི ཨཱརཱམཾ པཝིསནྟི, སཱིསེཔི ཙཱིཝརཾ ཀརིཏྭཱ ཨཱརཱམཾ པཝིསནྟི, པཱནཱིཡེནིཔི པཱདེ དྷོཝནྟི, ཝུཌྜྷཏརེཔི ཨཱཝཱསིཀེ བྷིཀྑཱུ ན ཨབྷིཝཱདེནྟི, ནཔི སེནཱསནཾ པུཙྪནྟཱིཏི. སཙྩཾ བྷགཝཱཏི. ཝིགརཧི བུདྡྷོ བྷགཝཱ…པེ… ཀཐཉྷི ནཱམ བྷིཀྑཝེ ཨཱགནྟུཀཱ བྷིཀྑཱུ སཨུཔཱཧནཱཔི ཨཱརཱམཾ པཝིསིསྶནྟི, ཚཏྟཔགྒཧིཏཱཔི ཨཱརཱམཾ པཝིསིསྶནྟི, ཨོགུཎྛིཏཱཔི ཨཱརཱམཾ པཝིསིསྶནྟི, སཱིསེཔི ཙཱིཝརཾ ཀརིཏྭཱ ཨཱརཱམཾ པཝིསིསྶནྟི, པཱནཱིཡེནཔི པཱདེ དྷོཝིསྶནྟི, ཝུཌྜྷཏརེཔི ཨཱཝཱསིཀེ ¶ བྷིཀྑཱུ ན ཨབྷིཝཱདེསྶནྟི, ནཔི སེནཱསནཾ པུཙྪིསྶནྟི, ནེཏཾ བྷིཀྑཝེ ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༣༥༧. ‘‘ཏེན ¶ ཧི, བྷིཀྑཝེ, ཨཱགནྟུཀཱནཾ བྷིཀྑཱུནཾ ཝཏྟཾ པཉྙཔེསྶཱམི ཡཐཱ ཨཱགནྟུཀེཧི བྷིཀྑཱུཧི སམྨཱ ཝཏྟིཏབྦཾ. ཨཱགནྟུཀེན, བྷིཀྑཝེ, བྷིཀྑུནཱ ‘ཨིདཱནི ཨཱརཱམཾ པཝིསིསྶཱམཱི’ཏི ཨུཔཱཧནཱ ཨོམུཉྩིཏྭཱ ¶ ནཱིཙཾ ཀཏྭཱ པཔྥོཊེཏྭཱ གཧེཏྭཱ ཚཏྟཾ ཨཔནཱམེཏྭཱ སཱིསཾ ཝིཝརིཏྭཱ སཱིསེ ཙཱིཝརཾ [ཝིཝརིཏྭཱ ཙཱིཝརཾ (ཀ.)] ཁནྡྷེ ཀཏྭཱ སཱདྷུཀཾ ཨཏརམཱནེན ཨཱརཱམོ པཝིསིཏབྦོ. ཨཱརཱམཾ པཝིསནྟེན སལླཀྑེཏབྦཾ – ‘ཀཏྠ ¶ ཨཱཝཱསིཀཱ བྷིཀྑཱུ པཊིཀྐམནྟཱི’ཏི? ཡཏྠ ཨཱཝཱསིཀཱ བྷིཀྑཱུ པཊིཀྐམནྟི – ཨུཔཊྛཱནསཱལཱཡ ཝཱ མཎྜཔེ ཝཱ རུཀྑམཱུལེ ཝཱ – ཏཏྠ གནྟྭཱ ཨེཀམནྟཾ པཏྟོ ནིཀྑིཔིཏབྦོ; ཨེཀམནྟཾ ཙཱིཝརཾ ནིཀྑིཔིཏབྦཾ; པཏིརཱུཔཾ ཨཱསནཾ གཧེཏྭཱ ནིསཱིདིཏབྦཾ; པཱནཱིཡཾ པུཙྪིཏབྦཾ, པརིབྷོཛནཱིཡཾ པུཙྪིཏབྦཾ – ‘ཀཏམཾ པཱནཱིཡཾ, ཀཏམཾ པརིབྷོཛནཱིཡ’ནྟི? སཙེ པཱནཱིཡེན ཨཏྠོ ཧོཏི, པཱནཱིཡཾ གཧེཏྭཱ པཱཏབྦཾ. སཙེ པརིབྷོཛནཱིཡེན ཨཏྠོ ཧོཏི, པརིབྷོཛནཱིཡཾ གཧེཏྭཱ པཱདཱ དྷོཝིཏབྦཱ. པཱདེ དྷོཝནྟེན ཨེཀེན ཧཏྠེན ཨུདཀཾ ཨཱསིཉྩིཏབྦཾ, ཨེཀེན ཧཏྠེན པཱདཱ དྷོཝིཏབྦཱ. ཏེནེཝ ཨུདཀཾ ཨཱསིཉྩིཏབྦཾ [ཡེན ཧཏྠེན ཨུདཀཾ ཨཱསིཉྩིཏབྦཾ (སྱཱ.)] ན ཏེནེཝ ཧཏྠེན པཱདཱ དྷོཝིཏབྦཱ. ཨུཔཱཧནཔུཉྪནཙོལ༹ཀཾ པུཙྪིཏྭཱ ཨུཔཱཧནཱ པུཉྪིཏབྦཱ. ཨུཔཱཧནཱ པུཉྪནྟེན པཋམཾ སུཀྑེན ཙོལ༹ཀེན པུཉྪིཏབྦཱ, པཙྪཱ ཨལླེན. ཨུཔཱཧནཱཔུཉྪནཙོལ༹ཀཾ དྷོཝིཏྭཱ [པཱིལེ༹ཏྭཱ (སྱཱ.)] ཨེཀམནྟཾ ཝིསྶཛྫེཏབྦཾ.

‘‘སཙེ ཨཱཝཱསིཀོ བྷིཀྑུ ཝུཌྜྷོ ཧོཏི, ཨབྷིཝཱདེཏབྦོ. སཙེ ནཝཀོ ཧོཏི, ཨབྷིཝཱདཱཔེཏབྦོ. སེནཱསནཾ པུཙྪིཏབྦཾ – ‘ཀཏམཾ མེ སེནཱསནཾ པཱཔུཎཱཏཱི’ཏི? ཨཛ྄ཛྷཱཝུཊྛཾ ཝཱ ཨནཛ྄ཛྷཱཝུཊྛཾ ཝཱ པུཙྪིཏབྦཾ, གོཙརོ པུཙྪིཏབྦོ, ཨགོཙརོ པུཙྪིཏབྦོ, སེཀྑསམྨཏཱནི [སེཁསམྨཏཱནི (ཀ.)] ཀུལཱནི པུཙྪིཏབྦཱནི ¶ , ཝཙྩཊྛཱནཾ པུཙྪིཏབྦཾ, པསྶཱཝཊྛཱནཾ པུཙྪིཏབྦཾ, པཱནཱིཡཾ པུཙྪིཏབྦཾ, པརིབྷོཛནཱིཡཾ པུཙྪིཏབྦཾ, ཀཏྟརདཎྜོ པུཙྪིཏབྦོ, སངྒྷསྶ ཀཏིཀསཎྛཱནཾ པུཙྪིཏབྦཾ – ‘ཀཾ ཀཱལཾ པཝིསིཏབྦཾ, ཀཾ ཀཱལཾ ནིཀྑམིཏབྦ’ནྟི? སཙེ ཝིཧཱརོ ཨནཛ྄ཛྷཱཝུཊྛོ ཧོཏི, ཀཝཱཊཾ ཨཱཀོཊེཏྭཱ མུཧུཏྟཾ ཨཱགམེཏྭཱ གྷཊིཀཾ ཨུགྒྷཱཊེཏྭཱ ཀཝཱཊཾ པཎཱམེཏྭཱ བཧི ཋིཏེན ནིལློཀེཏབྦོ.

‘‘སཙེ ¶ ཝིཧཱརོ ཨུཀླཱཔོ ཧོཏི, མཉྩེ ཝཱ མཉྩོ ཨཱརོཔིཏོ ཧོཏི, པཱིཋེ ཝཱ པཱིཋཾ ཨཱརོཔིཏཾ ཧོཏི, སེནཱསནཾ ཨུཔརི པུཉྫཱིཀཏཾ [པུཉྫཀིཏཾ (ཀ.)] ཧོཏི, སཙེ ཨུསྶཧཏི, སོདྷེཏབྦོ. [མཧཱཝ. ༦༦-༦༧ (ཐོཀཾ ཝིསདིསཾ)] ཝིཧཱརཾ སོདྷེནྟེན ¶ པཋམཾ བྷཱུམཏྠརཎཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; མཉྩཔཊིཔཱདཀཱ ནཱིཧརིཏྭཱ ཨེཀམནྟཾ ནིཀྑིཔིཏབྦཱ; བྷིསིབིབྦོཧནཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; ནིསཱིདནཔཙྩཏྠརཎཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; མཉྩོ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ནཱིཧརིཏྭཱ ཨེཀམནྟཾ ¶ ནིཀྑིཔིཏབྦོ; པཱིཋཾ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ནཱིཧརིཏྭཱ ཨེཀམནྟཾ ནིཀྑིཔིཏབྦཾ; ཁེལ༹མལླཀོ ནཱིཧརིཏྭཱ ཨེཀམནྟཾ ནིཀྑིཔིཏབྦོ; ཨཔསྶེནཕལཀཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ. སཙེ ཝིཧཱརེ སནྟཱནཀཾ ཧོཏི, ཨུལློཀཱ པཋམཾ ཨོཧཱརེཏབྦཾ, ཨཱལོཀསནྡྷིཀཎྞབྷཱགཱ པམཛྫིཏབྦཱ. སཙེ གེརུཀཔརིཀམྨཀཏཱ བྷིཏྟི ཀཎྞཀིཏཱ ཧོཏི, ཙོལ༹ཀཾ ཏེམེཏྭཱ པཱིལེ༹ཏྭཱ པམཛྫིཏབྦཱ. སཙེ ཀཱལ༹ཝཎྞཀཏཱ བྷཱུམི ཀཎྞཀིཏཱ ཧོཏི, ཙོལ༹ཀཾ ཏེམེཏྭཱ པཱིལེ༹ཏྭཱ ¶ པམཛྫིཏབྦཱ. སཙེ ཨཀཏཱ ཧོཏི བྷཱུམི, ཨུདཀེན པརིཔྥོསིཏྭཱ སམྨཛྫིཏབྦཱ – མཱ ཝིཧཱརོ རཛེན ཨུཧཉྙཱིཏི [ཨཱུཧཉྙཱིཏི (སཱི. སྱཱ.)]. སངྐཱརཾ ཝིཙིནིཏྭཱ ཨེཀམནྟཾ ཚཌྜེཏབྦཾ.

‘‘བྷཱུམཏྠརཎཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཋཱནེ [ཡཐཱཔཉྙཏྟཾ (སཱི. སྱཱ.), ཡཐཱབྷཱགཾ (ཀ.)] པཉྙཔེཏབྦཾ. མཉྩཔཊིཔཱདཀཱ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ [ཡཐཱབྷཱགཾ (སྱཱ. ཀ.)] ཋཔེཏབྦཱ. མཉྩོ ཨོཏཱཔེཏྭཱ སོདྷེཏྭཱ པཔྥོཊེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ཨཏིཧརིཏྭཱ ཡཐཱཋཱནེ [ཡཐཱབྷཱགཾ (སྱཱ. ཀ.)] པཉྙཔེཏབྦོ. པཱིཋཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ཨཏིཧརིཏྭཱ ཡཐཱཋཱནེ [ཡཐཱབྷཱགཾ (སྱཱ. ཀ.)] པཉྙཔེཏབྦཾ. བྷིསིབིབྦོཧནཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱབྷཱགཾ པཉྙཔེཏབྦཾ. ནིསཱིདནཔཙྩཏྠརཎཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱབྷཱགཾ པཉྙཔེཏབྦཾ. ཁེལ༹མལླཀོ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱབྷཱགཾ ཋཔེཏབྦོ. ཨཔསྶེནཕལཀཾ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱབྷཱགཾ ཋཔེཏབྦཾ. པཏྟཙཱིཝརཾ ནིཀྑིཔིཏབྦཾ. པཏྟཾ ནིཀྑིཔནྟེན ¶ ཨེཀེན ཧཏྠེན པཏྟཾ གཧེཏྭཱ ཨེཀེན ཧཏྠེན ཧེཊྛཱམཉྩཾ ཝཱ ཧེཊྛཱཔཱིཋཾ ཝཱ པརཱམསིཏྭཱ ¶ པཏྟོ ནིཀྑིཔིཏབྦོ. ན ཙ ཨནནྟརཧིཏཱཡ བྷཱུམིཡཱ པཏྟོ ནིཀྑིཔིཏབྦོ. ཙཱིཝརཾ ནིཀྑིཔནྟེན ཨེཀེན ཧཏྠེན ཙཱིཝརཾ གཧེཏྭཱ ཨེཀེན ཧཏྠེན ཙཱིཝརཝཾསཾ ཝཱ ཙཱིཝརརཛྫུཾ ཝཱ པམཛྫིཏྭཱ པཱརཏོ ཨནྟཾ ཨོརཏོ བྷོགཾ ཀཏྭཱ ཙཱིཝརཾ ནིཀྑིཔིཏབྦཾ.

‘‘སཙེ པུརཏྠིམཱ སརཛཱ ཝཱཏཱ ཝཱཡནྟི, པུརཏྠིམཱ ཝཱཏཔཱནཱ ཐཀེཏབྦཱ. སཙེ པཙྪིམཱ སརཛཱ ཝཱཏཱ ཝཱཡནྟི, པཙྪིམཱ ཝཱཏཔཱནཱ ཐཀེཏབྦཱ. སཙེ ཨུཏྟརཱ སརཛཱ ཝཱཏཱ ཝཱཡནྟི, ཨུཏྟརཱ ཝཱཏཔཱནཱ ཐཀེཏབྦཱ. སཙེ དཀྑིཎཱ སརཛཱ ཝཱཏཱ ཝཱཡནྟི, དཀྑིཎཱ ཝཱཏཔཱནཱ ཐཀེཏབྦཱ ¶ . སཙེ སཱིཏཀཱལོ ཧོཏི, དིཝཱ ཝཱཏཔཱནཱ ཝིཝརིཏབྦཱ, རཏྟིཾ ཐཀེཏབྦཱ. སཙེ ཨུཎྷཀཱལོ ཧོཏི, དིཝཱ ཝཱཏཔཱནཱ ཐཀེཏབྦཱ, རཏྟིཾ ཝིཝརིཏབྦཱ.

‘‘སཙེ པརིཝེཎཾ ཨུཀླཱཔཾ ¶ ཧོཏི, པརིཝེཎཾ སམྨཛྫིཏབྦཾ. སཙེ ཀོཊྛཀོ ཨུཀླཱཔོ ཧོཏི, ཀོཊྛཀོ སམྨཛྫིཏབྦོ. སཙེ ཨུཔཊྛཱནསཱལཱ ཨུཀླཱཔཱ ཧོཏི, ཨུཔཊྛཱནསཱལཱ སམྨཛྫིཏབྦཱ. སཙེ ཨགྒིསཱལཱ ཨུཀླཱཔཱ ཧོཏི, ཨགྒིསཱལཱ སམྨཛྫིཏབྦཱ. སཙེ ཝཙྩཀུཊི ཨུཀླཱཔཱ ཧོཏི, ཝཙྩཀུཊི སམྨཛྫིཏབྦཱ. སཙེ པཱནཱིཡཾ ན ཧོཏི, པཱནཱིཡཾ ཨུཔཊྛཱཔེཏབྦཾ. སཙེ པརིབྷོཛནཱིཡཾ ན ཧོཏི, པརིབྷོཛནཱིཡཾ ཨུཔཊྛཱཔེཏབྦཾ. སཙེ ཨཱཙམནཀུམྦྷིཡཱ ཨུདཀཾ ན ཧོཏི, ཨཱཙམནཀུམྦྷིཡཱ ཨུདཀཾ ཨཱསིཉྩིཏབྦཾ. ཨིདཾ ཁོ, བྷིཀྑཝེ, ཨཱགནྟུཀཱནཾ བྷིཀྑཱུནཾ ཝཏྟཾ ཡཐཱ ཨཱགནྟུཀེཧི བྷིཀྑཱུཧི སམྨཱ ཝཏྟིཏབྦ’’ནྟི.

༢. ཨཱཝཱསིཀཝཏྟཀཐཱ

༣༥༨. ཏེན ¶ ཁོ པན སམཡེན ཨཱཝཱསིཀཱ བྷིཀྑཱུ ཨཱགནྟུཀེ བྷིཀྑཱུ དིསྭཱ ནེཝ ཨཱསནཾ པཉྙཔེནྟི, ན པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔནྟི, ན པཙྩུགྒནྟྭཱ པཏྟཙཱིཝརཾ པཊིགྒཎྷནྟི, ན པཱནཱིཡེན པུཙྪནྟི [ན པཱནཱིཡེན པུཙྪནྟི, ན པརིབྷོཛནཱིཡེན པུཙྪནྟི (སྱཱ. ཀཾ.)], ན ཝུཌྜྷཏརེཔི ཨཱགནྟུཀེ བྷིཀྑཱུ ཨབྷིཝཱདེནྟི, ན སེནཱསནཾ པཉྙཔེནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཝཱསིཀཱ བྷིཀྑཱུ ཨཱགནྟུཀེ བྷིཀྑཱུ དིསྭཱ ནེཝ ཨཱསནཾ པཉྙཔེསྶནྟི, ན པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིསྶནྟི, ན ¶ པཙྩུགྒནྟྭཱ པཏྟཙཱིཝརཾ པཊིགྒཧིསྶནྟི, ན པཱནཱིཡེན པུཙྪིསྶནྟི, ཝུཌྜྷཏརེཔི ཨཱགནྟུཀེ བྷིཀྑཱུ ན ཨབྷིཝཱདེསྶནྟི, ན སེནཱསནཾ པཉྙཔེསྶནྟཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ཀིརཾ, བྷིཀྑཝེ…པེ… སཙྩཾ བྷགཝཱཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༣༥༩. ‘‘ཏེན ཧི, བྷིཀྑཝེ, ཨཱཝཱསིཀཱནཾ བྷིཀྑཱུནཾ ཝཏྟཾ པཉྙཔེསྶཱམི ཡཐཱ ཨཱཝཱསིཀེཧི བྷིཀྑཱུཧི སམྨཱ ཝཏྟིཏབྦཾ. ཨཱཝཱསིཀེན, བྷིཀྑཝེ, བྷིཀྑུནཱ ཨཱགནྟུཀཾ བྷིཀྑུཾ ཝུཌྜྷཏརཾ དིསྭཱ ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཏབྦཾ ¶ , པཙྩུགྒནྟྭཱ པཏྟཙཱིཝརཾ པཊིགྒཧེཏབྦཾ, པཱནཱིཡེན པུཙྪིཏབྦོ [པཱནཱིཡེན པུཙྪིཏབྦོ, པརིབྷོཛནཱིཡེན པུཙྪིཏབྦོ (སྱཱ.)]. སཙེ ཨུསྶཧཏི, ཨུཔཱཧནཱ པུཉྪིཏབྦཱ. ཨུཔཱཧནཱ པུཉྪནྟེན པཋམཾ སུཀྑེན ཙོལ༹ཀེན པུཉྪིཏབྦཱ, པཙྪཱ ཨལླེན. ཨུཔཱཧནཱཔུཉྪནཙོལ༹ཀཾ དྷོཝིཏྭཱ [དྷོཝིཏྭཱ པཱིལེ༹ཏྭཱ (སྱཱ.)] ཨེཀམནྟཾ ཝིསྶཛྫེཏབྦཾ.

‘‘ཨཱགནྟུཀོ ¶ བྷིཀྑུ ཝུཌྜྷཏརོ ཨབྷིཝཱདེཏབྦོ. སེནཱསནཾ པཉྙཔེཏབྦཾ – ‘ཨེཏཾ ཏེ སེནཱསནཾ པཱཔུཎཱཏཱི’ཏི. ཨཛ྄ཛྷཱཝུཊྛཾ ཝཱ ཨནཛ྄ཛྷཱཝུཊྛཾ ཝཱ ཨཱཙིཀྑིཏབྦཾ. གོཙརོ ཨཱཙིཀྑིཏབྦོ. ཨགོཙརོ ཨཱཙིཀྑིཏབྦོ. སེཀྑསམྨཏཱནི ཀུལཱནི ཨཱཙིཀྑིཏབྦཱནི. ཝཙྩཊྛཱནཾ ཨཱཙིཀྑིཏབྦཾ. པསྶཱཝཊྛཱནཾ ཨཱཙིཀྑིཏབྦཾ. པཱནཱིཡཾ ཨཱཙིཀྑིཏབྦཾ. པརིབྷོཛནཱིཡཾ ཨཱཙིཀྑིཏབྦཾ. ཀཏྟརདཎྜོ ཨཱཙིཀྑིཏབྦོ. སངྒྷསྶ ཀཏིཀསཎྛཱནཾ ཨཱཙིཀྑིཏབྦཾ – ‘ཨིམཾ ཀཱལཾ པཝིསིཏབྦཾ, ཨིམཾ ཀཱལཾ ནིཀྑམིཏབྦ’ནྟི ¶ .

‘‘སཙེ ནཝཀོ ཧོཏི, ནིསིནྣཀེནེཝ ཨཱཙིཀྑིཏབྦཾ – ‘ཨཏྲ པཏྟཾ ནིཀྑིཔཱཧི, ཨཏྲ ཙཱིཝརཾ ནིཀྑིཔཱཧི, ཨིདཾ ཨཱསནཾ ནིསཱིདཱཧཱི’ཏི. པཱནཱིཡཾ ཨཱཙིཀྑིཏབྦཾ. པརིབྷོཛནཱིཡཾ ཨཱཙིཀྑིཏབྦཾ. ཨུཔཱཧནཱཔུཉྪནཙོལ༹ཀཾ ཨཱཙིཀྑིཏབྦཾ. ཨཱགནྟུཀོ བྷིཀྑུ ནཝཀོ ཨབྷིཝཱདཱཔེཏབྦོ. སེནཱསནཾ ཨཱཙིཀྑིཏབྦཾ – ‘ཨེཏཾ ¶ ཏེ སེནཱསནཾ པཱཔུཎཱཏཱི’ཏི. ཨཛ྄ཛྷཱཝུཊྛཾ ཝཱ ཨནཛ྄ཛྷཱཝུཊྛཾ ཝཱ ཨཱཙིཀྑིཏབྦཾ. གོཙརོ ཨཱཙིཀྑིཏབྦོ. ཨགོཙརོ ཨཱཙིཀྑིཏབྦོ. སེཀྑསམྨཏཱནི ཀུལཱནི ཨཱཙིཀྑིཏབྦཱནི. ཝཙྩཊྛཱནཾ ཨཱཙིཀྑིཏབྦཾ. པསྶཱཝཊྛཱནཾ ཨཱཙིཀྑིཏབྦཾ. པཱནཱིཡཾ ཨཱཙིཀྑིཏབྦཾ. པརིབྷོཛནཱིཡཾ ཨཱཙིཀྑིཏབྦཾ. ཀཏྟརདཎྜོ ཨཱཙིཀྑིཏབྦོ. སངྒྷསྶ ཀཏིཀསཎྛཱནཾ ཨཱཙིཀྑིཏབྦཾ – ‘ཨིམཾ ཀཱལཾ པཝིསིཏབྦཾ, ཨིམཾ ཀཱལཾ ནིཀྑམིཏབྦ’ནྟི. ཨིདཾ ཁོ, བྷིཀྑཝེ ¶ , ཨཱཝཱསིཀཱནཾ བྷིཀྑཱུནཾ ཝཏྟཾ ཡཐཱ ཨཱཝཱསིཀེཧི བྷིཀྑཱུཧི སམྨཱ ཝཏྟིཏབྦ’’ནྟི.

༣. གམིཀཝཏྟཀཐཱ

༣༦༠. ཏེན ཁོ པན སམཡེན གམིཀཱ བྷིཀྑཱུ དཱརུབྷཎྜཾ མཏྟིཀཱབྷཎྜཾ ཨཔྤཊིསཱམེཏྭཱ དྭཱརཝཱཏཔཱནཾ ཝིཝརིཏྭཱ སེནཱསནཾ ཨནཱཔུཙྪཱ པཀྐམནྟི. དཱརུབྷཎྜཾ མཏྟིཀཱབྷཎྜཾ ནསྶཏི. སེནཱསནཾ ཨགུཏྟཾ ཧོཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ གམིཀཱ བྷིཀྑཱུ དཱརུབྷཎྜཾ མཏྟིཀཱབྷཎྜཾ ཨཔྤཊིསཱམེཏྭཱ དྭཱརཝཱཏཔཱནཾ ཝིཝརིཏྭཱ སེནཱསནཾ ཨནཱཔུཙྪཱ པཀྐམིསྶནྟི! དཱརུབྷཎྜཾ མཏྟིཀཱབྷཎྜཾ ནསྶཏི. སེནཱསནཾ ཨགུཏྟཾ ཧོཏཱི’’ཏི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ཀིར, བྷིཀྑཝེ…པེ… སཙྩཾ བྷགཝཱཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༣༦༡. ‘‘ཏེན ཧི, བྷིཀྑཝེ, གམིཀཱནཾ བྷིཀྑཱུནཾ ཝཏྟཾ པཉྙཔེསྶཱམི ཡཐཱ གམིཀེཧི ¶ བྷིཀྑཱུཧི ¶ སམྨཱ ཝཏྟིཏབྦཾ. གམིཀེན, བྷིཀྑཝེ, བྷིཀྑུནཱ དཱརུབྷཎྜཾ མཏྟིཀཱབྷཎྜཾ པཊིསཱམེཏྭཱ དྭཱརཝཱཏཔཱནཾ ཐཀེཏྭཱ སེནཱསནཾ ཨཱཔུཙྪཱ པཀྐམིཏབྦཾ [ཨཱཔུཙྪིཏབྦཾ (སྱཱ.)]. སཙེ བྷིཀྑུ ན ཧོཏི, སཱམཎེརོ ཨཱཔུཙྪིཏབྦོ. སཙེ སཱམཎེརོ ན ཧོཏི, ཨཱརཱམིཀོ ཨཱཔུཙྪིཏབྦོ. སཙེ ཨཱརཱམིཀོ ན ཧོཏི, ཨུཔཱསཀོ ཨཱཔུཙྪིཏབྦོ. སཙེ ན ཧོཏི བྷིཀྑུ ཝཱ སཱམཎེརོ ཝཱ ཨཱརཱམིཀོ ཝཱ ཨུཔཱསཀོ ཝཱ, ཙཏཱུསུ པཱསཱཎེསུ མཉྩཾ པཉྙཔེཏྭཱ མཉྩེ མཉྩཾ ཨཱརོཔེཏྭཱ པཱིཋེ པཱིཋཾ ཨཱརོཔེཏྭཱ སེནཱསནཾ ཨུཔརི པུཉྫཾ ཀརིཏྭཱ དཱརུབྷཎྜཾ མཏྟིཀཱབྷཎྜཾ པཊིསཱམེཏྭཱ དྭཱརཝཱཏཔཱནཾ ཐཀེཏྭཱ པཀྐམིཏབྦཾ. སཙེ ཝིཧཱརོ ཨོཝསྶཏི, སཙེ ཨུསྶཧཏི, ཚཱདེཏབྦོ, ཨུསྶུཀཾ ཝཱ ཀཱཏབྦཾ – ‘ཀིནྟི ནུ ཁོ ཝིཧཱརོ ཚཱདིཡེཐཱ’ཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཡོ དེསོ ཨནོཝསྶཀོ ཧོཏི, ཏཏྠ ཙཏཱུསུ པཱསཱཎེསུ མཉྩཾ པཉྙཔེཏྭཱ མཉྩེ མཉྩཾ ཨཱརོཔེཏྭཱ པཱིཋེ པཱིཋཾ ཨཱརོཔེཏྭཱ སེནཱསནཾ ཨུཔརི པུཉྫཾ ཀརིཏྭཱ དཱརུབྷཎྜཾ མཏྟིཀཱབྷཎྜཾ པཊིསཱམེཏྭཱ དྭཱརཝཱཏཔཱནཾ ཐཀེཏྭཱ པཀྐམིཏབྦཾ. སཙེ སབྦོ ཝིཧཱརོ ཨོཝསྶཏི, སཙེ ཨུསྶཧཏི, སེནཱསནཾ ¶ གཱམཾ ཨཏིཧརིཏབྦཾ, ཨུསྶུཀཾ ཝཱ ཀཱཏབྦཾ ¶ ¶ – ‘ཀིནྟི ནུ ཁོ སེནཱསནཾ གཱམཾ ཨཏིཧརིཡེཐཱ’ཏི. ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཨཛ྄ཛྷོཀཱསེ ཙཏཱུསུ པཱསཱཎེསུ མཉྩཾ པཉྙཔེཏྭཱ མཉྩེ མཉྩཾ ཨཱརོཔེཏྭཱ པཱིཋེ པཱིཋཾ ཨཱརོཔེཏྭཱ སེནཱསནཾ ཨུཔརི པུཉྫཾ ཀརིཏྭཱ དཱརུབྷཎྜཾ མཏྟིཀཱབྷཎྜཾ པཊིསཱམེཏྭཱ ཏིཎེན ཝཱ པཎྞེན ཝཱ པཊིཙྪཱདེཏྭཱ པཀྐམིཏབྦཾ – ཨཔྤེཝ ནཱམ ཨངྒཱནིཔི སེསེཡྻུནྟི. ཨིདཾ ཁོ, བྷིཀྑཝེ, གམིཀཱནཾ བྷིཀྑཱུནཾ ཝཏྟཾ ཡཐཱ གམིཀེཧི བྷིཀྑཱུཧི སམྨཱ ཝཏྟིཏབྦ’’ནྟི.

༤. ཨནུམོདནཝཏྟཀཐཱ

༣༦༢. ཏེན ཁོ པན སམཡེན བྷིཀྑཱུ བྷཏྟགྒེ ན ཨནུམོདནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སམཎཱ སཀྱཔུཏྟིཡཱ བྷཏྟགྒེ ན ཨནུམོདིསྶནྟཱི’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, བྷཏྟགྒེ ཨནུམོདིཏུ’’ནྟི. ཨཐ ཁོ ཏེསཾ བྷིཀྑཱུནཾ ཨེཏདཧོསི – ‘‘ཀེན ནུ ཁོ བྷཏྟགྒེ ཨནུམོདིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, ཐེརེན བྷིཀྑུནཱ བྷཏྟགྒེ ཨནུམོདིཏུ’’ནྟི.

ཏེན ¶ ཁོ པན སམཡེན ཨཉྙཏརསྶ པཱུགསྶ སངྒྷབྷཏྟཾ ཧོཏི ¶ . ཨཱཡསྨཱ སཱརིཔུཏྟོ སངྒྷཏྠེརོ ཧོཏི. བྷིཀྑཱུ – ‘བྷགཝཏཱ ཨནུཉྙཱཏཾ ཐེརེན བྷིཀྑུནཱ བྷཏྟགྒེ ཨནུམོདིཏུ’ནྟི – ཨཱཡསྨནྟཾ སཱརིཔུཏྟཾ ཨེཀཀཾ ཨོཧཱཡ པཀྐམིཾསུ. ཨཐ ཁོ ཨཱཡསྨཱ སཱརིཔུཏྟོ ཏེ མནུསྶེ པཊིསམྨོདིཏྭཱ པཙྪཱ ཨེཀཀོ ཨགམཱསི. ཨདྡསཱ ཁོ བྷགཝཱ ཨཱཡསྨནྟཾ སཱརིཔུཏྟཾ དཱུརཏོཝ ཨེཀཀཾ ཨཱགཙྪནྟཾ. དིསྭཱན ཨཱཡསྨནྟཾ སཱརིཔུཏྟཾ ཨེཏདཝོཙ – ‘‘ཀཙྩི, སཱརིཔུཏྟ, བྷཏྟཾ ཨིདྡྷཾ ཨཧོསཱི’’ཏི? ‘‘ཨིདྡྷཾ ཁོ, བྷནྟེ, བྷཏྟཾ ཨཧོསི; ཨཔིཙ མཾ བྷིཀྑཱུ ཨེཀཀཾ ཨོཧཱཡ པཀྐནྟཱ’’ཏི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, བྷཏྟགྒེ ཙཏཱུཧི པཉྩཧི ཐེརཱནུཐེརེཧི བྷིཀྑཱུཧི ཨཱགམེཏུ’’ནྟི.

ཏེན ¶ ཁོ པན སམཡེན ཨཉྙཏརོ ཐེརོ བྷཏྟགྒེ ཝཙྩིཏོ ཨཱགམེསི. སོ ཝཙྩཾ སནྡྷཱརེཏུཾ ཨསཀྐོནྟོ མུཙྪིཏོ པཔཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སཏི ཀརཎཱིཡེ ཨཱནནྟརིཀཾ བྷིཀྑུཾ ཨཱཔུཙྪིཏྭཱ གནྟུ’’ནྟི.

༥. བྷཏྟགྒཝཏྟཀཐཱ

༣༦༣. ཏེན ཁོ པན སམཡེན ཚབྦགྒིཡཱ བྷིཀྑཱུ དུནྣིཝཏྠཱ དུཔྤཱརུཏཱ ཨནཱཀཔྤསམྤནྣཱ ¶ བྷཏྟགྒཾ གཙྪནྟི, ཝོཀྐམྨཔི ཐེརཱནཾ བྷིཀྑཱུནཾ པུརཏོ པུརཏོ གཙྪནྟི, ཐེརེཔི བྷིཀྑཱུ ཨནུཔཁཛྫ ནིསཱིདནྟི ¶ , ནཝེཔི བྷིཀྑཱུ ཨཱསནེན པཊིབཱཧནྟི, སངྒྷཱཊིམྤི ཨོཏྠརིཏྭཱ ཨནྟརགྷརེ ནིསཱིདནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ དུནྣིཝཏྠཱ དུཔྤཱརུཏཱ ཨནཱཀཔྤསམྤནྣཱ བྷཏྟགྒཾ གཙྪིསྶནྟི, ཝོཀྐམྨཔི ཐེརཱནཾ བྷིཀྑཱུནཾ པུརཏོ པུརཏོ གཙྪིསྶནྟི, ཐེརེཔི བྷིཀྑཱུ ཨནུཔཁཛྫ ནིསཱིདིསྶནྟི, ནཝེཔི བྷིཀྑཱུ ཨཱསནེནཔི པཊིབཱཧིསྶནྟི, སངྒྷཱཊིམྤི ཨོཏྠརིཏྭཱ ཨནྟརགྷརེ ནིསཱིདིསྶནྟཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, ཚབྦགྒིཡཱ བྷིཀྑཱུ དུནྣིཝཏྠཱ དུཔྤཱརུཏཱ ཨནཱཀཔྤསམྤནྣཱ བྷཏྟགྒཾ གཙྪནྟི, ཝོཀྐམྨཔི ཐེརཱནཾ བྷིཀྑཱུནཾ པུརཏོ པུརཏོ གཙྪནྟི, ཐེརེཔི བྷིཀྑཱུ ཨནུཔཁཛྫ ནིསཱིདནྟི, ནཝེཔི བྷིཀྑཱུ ཨཱསནེན པཊིབཱཧནྟི, སངྒྷཱཊིམྤི ཨོཏྠརིཏྭཱ ཨནྟརགྷརེ ནིསཱིདནྟཱི’’ཏི? ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༣༦༤. ‘‘ཏེན ¶ ཧི, བྷིཀྑཝེ, བྷིཀྑཱུནཾ བྷཏྟགྒཝཏྟཾ པཉྙཔེསྶཱམི ཡཐཱ བྷིཀྑཱུཧི བྷཏྟགྒེ སམྨཱ ཝཏྟིཏབྦཾ. སཙེ ཨཱརཱམེ ཀཱལོ ཨཱརོཙིཏོ ཧོཏི, ཏིམཎྜལཾ པཊིཙྪཱདེནྟེན པརིམཎྜལཾ ནིཝཱསེཏྭཱ ཀཱཡབནྡྷནཾ བནྡྷིཏྭཱ སགུཎཾ ཀཏྭཱ སངྒྷཱཊིཡོ པཱརུཔིཏྭཱ གཎྛིཀཾ པཊིམུཉྩིཏྭཱ དྷོཝིཏྭཱ པཏྟཾ གཧེཏྭཱ སཱདྷུཀཾ ཨཏརམཱནེན གཱམོ པཝིསིཏབྦོ.

‘‘ན ཝོཀྐམྨ ཐེརཱནཾ བྷིཀྑཱུནཾ པུརཏོ པུརཏོ གནྟབྦཾ. སུཔྤཊིཙྪནྣེན ཨནྟརགྷརེ ¶ གནྟབྦཾ. སུསཾཝུཏེན ཨནྟརགྷརེ གནྟབྦཾ. ཨོཀྑིཏྟཙཀྑུནཱ ཨནྟརགྷརེ གནྟབྦཾ. ན ཨུཀྑིཏྟཀཱཡ ཨནྟརགྷརེ གནྟབྦཾ. ན ཨུཛྫགྒྷིཀཱཡ ཨནྟརགྷརེ གནྟབྦཾ. ཨཔྤསདྡེན ཨནྟརགྷརེ གནྟབྦཾ. ན ཀཱཡཔྤཙཱལཀཾ ཨནྟརགྷརེ གནྟབྦཾ ¶ . ན བཱཧུཔྤཙཱལཀཾ ཨནྟརགྷརེ གནྟབྦཾ. ན སཱིསཔྤཙཱལཀཾ ཨནྟརགྷརེ གནྟབྦཾ. ན ཁམྦྷཀཏེན ཨནྟརགྷརེ གནྟབྦཾ. ན ཨོགུཎྛིཏེན ཨནྟརགྷརེ གནྟབྦཾ. ན ཨུཀྐུཊིཀཱཡ ཨནྟརགྷརེ གནྟབྦཾ.

‘‘སུཔྤཊིཙྪནྣེན ཨནྟརགྷརེ ནིསཱིདིཏབྦཾ. སུསཾཝུཏེན ཨནྟརགྷརེ ནིསཱིདིཏབྦཾ. ཨོཀྑིཏྟཙཀྑུནཱ ཨནྟརགྷརེ ནིསཱིདིཏབྦཾ. ན ཨུཀྑིཏྟཀཱཡ ཨནྟརགྷརེ ནིསཱིདིཏབྦཾ ན ཨུཛྫགྒྷིཀཱཡ ཨནྟརགྷརེ ནིསཱིདིཏབྦཾ, ཨཔྤསདྡེན ཨནྟརགྷརེ ནིསཱིདིཏབྦ. ན ཀཱཡཔྤཙཱལཀཾ ཨནྟརགྷརེ ནིསཱིདིཏབྦཾ. ན བཱཧུཔྤཙཱལཀཾ ཨནྟརགྷརེ ནིསཱིདིཏབྦཾ. ན སཱིསཔྤཙཱལཀཾ ཨནྟརགྷརེ ནིསཱིདིཏབྦཾ. ན ཁམྦྷཀཏེན ཨནྟརགྷརེ ནིསཱིདིཏབྦཾ. ན ཨོགུཎྛིཏེན ཨནྟརགྷརེ ནིསཱིདིཏབྦཾ. ན པལླཏྠིཀཱཡ ཨནྟརགྷརེ ནིསཱིདིཏབྦཾ. ན ཐེརེ བྷིཀྑཱུ ཨནུཔཁཛྫ ནིསཱིདིཏབྦཾ. ན ནཝཱ བྷིཀྑཱུ ཨཱསནེན པཊིབཱཧིཏབྦཱ. ན སངྒྷཱཊིཾ ཨོཏྠརིཏྭཱ ཨནྟརགྷརེ ནིསཱིདིཏབྦཾ.

‘‘ཨུདཀེ དིཡྻམཱནེ ཨུབྷོཧི ཧཏྠེཧི པཏྟཾ པཊིགྒཧེཏྭཱ ཨུདཀཾ པཊིགྒཧེཏབྦཾ. ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན པཏྟོ དྷོཝིཏབྦོ. སཙེ ཨུདཀཔྤཊིགྒཱཧཀོ ཧོཏི, ནཱིཙཾ ཀཏྭཱ ཨུདཀཔྤཊིགྒཧེ ཨུདཀཾ ཨཱསིཉྩིཏབྦཾ – མཱ ཨུདཀཔྤཊིགྒཱཧཀོ ཨུདཀེན ཨོསིཉྩི [ཨོསིཉྩིཡྻཱི (ཀ.)], མཱ ¶ སཱམནྟཱ བྷིཀྑཱུ ཨུདཀེན ཨོསིཉྩིཾསུ [ཨོསིཉྩིཡྻིཾསུ (ཀ.)], མཱ སངྒྷཱཊི ཨུདཀེན ཨོསིཉྩཱིཏི. སཙེ ཨུདཀཔྤཊིགྒཱཧཀོ ¶ ན ཧོཏི, ནཱིཙཾ ཀཏྭཱ ཚམཱཡ ཨུདཀཾ ཨཱསིཉྩིཏབྦཾ – མཱ སཱམནྟཱ བྷིཀྑཱུ ཨུདཀེན ཨོསིཉྩིཾསུ, མཱ སངྒྷཱཊི ཨུདཀེན ཨོསིཉྩཱིཏི.

‘‘ཨོདནེ དིཡྻམཱནེ ཨུབྷོཧི ཧཏྠེཧི པཏྟཾ པཊིགྒཧེཏྭཱ ཨོདནོ པཊིགྒཧེཏབྦོ, སཱུཔསྶ ཨོཀཱསོ ཀཱཏབྦོ. སཙེ ཧོཏི སཔྤི ཝཱ ཏེལཾ ཝཱ ཨུཏྟརིབྷངྒཾ ཝཱ, ཐེརེན ཝཏྟབྦོ – ‘སབྦེསཾ ¶ སམཀཾ སམྤཱདེཧཱི’ཏི. སཀྐཙྩཾ པིཎྜཔཱཏོ པཊིགྒཧེཏབྦོ. པཏྟསཉྙིནཱ པིཎྜཔཱཏོ པཊིགྒཧེཏབྦོ. སམསཱུཔཀོ པིཎྜཔཱཏོ པཊིགྒཧེཏབྦོ. སམཏིཏྟིཀོ པིཎྜཔཱཏོ པཊིགྒཧེཏབྦོ.

‘‘ན ཏཱཝ ཐེརེན བྷུཉྫིཏབྦཾ ཡཱཝ ན སབྦེསཾ ཨོདནོ སམྤཏྟོ ཧོཏི. སཀྐཙྩཾ པིཎྜཔཱཏོ བྷུཉྫིཏབྦོ. པཏྟསཉྙིནཱ པིཎྜཔཱཏོ བྷུཉྫིཏབྦོ. སཔདཱནཾ པིཎྜཔཱཏོ བྷུཉྫིཏབྦོ. སམསཱུཔཀོ པིཎྜཔཱཏོ བྷུཉྫིཏབྦོ ¶ . ན ཐཱུཔཀཏོ ཨོམདྡིཏྭཱ པིཎྜིཔཱཏོ བྷུཉྫིཏབྦོ. ན སཱུཔཾ ཝཱ བྱཉྫནཾ ཝཱ ཨོདནེན པཊིཙྪཱདེཏབྦཾ བྷིཡྻོཀམྱཏཾ ཨུཔཱདཱཡ. ན སཱུཔཾ ཝཱ ཨོདནཾ ཝཱ ཨགིལཱནེན ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫིཏབྦཾ. ན ཨུཛ྄ཛྷཱནསཉྙིནཱ པརེསཾ པཏྟོ ཨོལོཀེཏབྦོ. ནཱཏིམཧནྟོ ཀབལོ༹ ཀཱཏབྦོ. པརིམཎྜལོ ཨཱལོཔོ ཀཱཏབྦོ. ན ¶ ཨནཱཧཊེ ཀབལེ༹ མུཁདྭཱརཾ ཝིཝརིཏབྦཾ. ན བྷུཉྫམཱནེན སབྦོ ཧཏྠོ མུཁེ པཀྑིཔིཏབྦོ. ན སཀབལེ༹ན མུཁེན བྱཱཧརིཏབྦཾ. ན པིཎྜུཀྑེཔཀཾ བྷུཉྫིཏབྦཾ. ན ཀབལཱ༹ཝཙྪེདཀཾ བྷུཉྫིཏབྦཾ. ན ཨཝགཎྜཀཱརཀཾ བྷུཉྫིཏབྦཾ. ན ཧཏྠནིདྡྷུནཀཾ བྷུཉྫིཏབྦཾ. ན སིཏྠཱཝཀཱརཀཾ བྷུཉྫིཏབྦཾ. ན ཛིཝ྄ཧཱནིཙྪཱརཀཾ བྷུཉྫིཏབྦཾ. ན ཙཔུཙཔུཀཱརཀཾ བྷུཉྫིཏབྦཾ. ན སུརུསུརུཀཱརཀཾ བྷུཉྫིཏབྦཾ. ན ཧཏྠནིལླེཧཀཾ བྷུཉྫིཏབྦཾ. ན པཏྟནིལླེཧཀཾ བྷུཉྫིཏབྦཾ. ན ཨོཊྛནིལླེཧཀཾ བྷུཉྫིཏབྦཾ.

‘‘ན སཱམིསེན ཧཏྠེན པཱནཱིཡཐཱལཀོ པཊིགྒཧེཏབྦོ. ན ཏཱཝ ཐེརེན ཨུདཀཾ པཊིགྒཧེཏབྦཾ ཡཱཝ ན སབྦེཝ བྷུཏྟཱཝིནོ ཧོནྟི. ཨུདཀེ དིཡྻམཱནེ ཨུབྷོཧི ཧཏྠེཧི པཏྟཾ པཊིགྒཧེཏྭཱ ཨུདཀཾ པཊིགྒཧེཏབྦཾ. ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན པཏྟོ དྷོཝིཏབྦོ. སཙེ ཨུདཀཔྤཊིགྒཱཧཀོ ཧོཏི, ནཱིཙཾ ཀཏྭཱ ཨུདཀཔྤཊིགྒཧེ ཨུདཀཾ ཨཱསིཉྩིཏབྦཾ – མཱ ཨུདཀཔྤཊིགྒཱཧཀོ ཨུདཀེན ཨོསིཉྩི, མཱ སཱམནྟཱ བྷིཀྑཱུ ཨུདཀེན ཨོསིཉྩིཾསུ, མཱ སངྒྷཱཊི ཨུདཀེན ཨོསིཉྩཱིཏི. སཙེ ཨུདཀཔྤཊིགྒཱཧཀོ ན ཧོཏི, ནཱིཙཾ ཀཏྭཱ ཚམཱཡ ཨུདཀཾ ཨཱསིཉྩིཏབྦཾ – མཱ སཱམནྟཱ བྷིཀྑཱུ ཨུདཀེན ཨོསིཉྩིཾསུ, མཱ སངྒྷཱཊི ཨུདཀེན ཨོསིཉྩཱིཏི. ན སསིཏྠཀཾ པཏྟདྷོཝནཾ ཨནྟརགྷརེ ཚཌྜེཏབྦཾ.

‘‘ནིཝཏྟནྟེན ནཝཀེཧི བྷིཀྑཱུཧི པཋམཏརཾ ནིཝཏྟིཏབྦཾ. པཙྪཱ ཐེརེཧི ¶ སུཔྤཊིཙྪནྣེན ཨནྟརགྷརེ གནྟབྦཾ. སུསཾཝུཏེན ཨནྟརགྷརེ གནྟབྦཾ. ཨོཀྑིཏྟཙཀྑུནཱ ཨནྟརགྷརེ གནྟབྦཾ. ན ཨུཀྑིཏྟཀཱཡ ¶ ཨནྟརགྷརེ གནྟབྦཾ. ན ཨུཛྫགྒྷིཀཱཡ ཨནྟརགྷརེ གནྟབྦཾ. ཨཔྤསདྡེན ཨནྟརགྷརེ གནྟབྦཾ. ན ཀཱཡཔྤཙཱལཀཾ ཨནྟརགྷརེ གནྟབྦཾ. ན བཱཧུཔྤཙཱལཀཾ ཨནྟརགྷརེ གནྟབྦཾ ¶ . ན སཱིསཔྤཙཱལཀཾ ཨནྟརགྷརེ གནྟབྦཾ. ན ཁམྦྷཀཏེན ཨནྟརགྷརེ གནྟབྦཾ. ན ཨོགུཎྛིཏེན ཨནྟརགྷརེ གནྟབྦཾ. ན ཨུཀྐུཊིཀཱཡ ཨནྟརགྷརེ གནྟབྦཾ. ཨིདཾ ཁོ, བྷིཀྑཝེ, བྷིཀྑཱུནཾ བྷཏྟགྒཝཏྟཾ ཡཐཱ བྷིཀྑཱུཧི བྷཏྟགྒེ སམྨཱ ཝཏྟིཏབྦ’’ནྟི.

པཋམབྷཱཎཝཱརོ ནིཊྛིཏོ.

༦. པིཎྜཙཱརིཀཝཏྟཀཐཱ

༣༦༥. ཏེན ¶ ཁོ པན སམཡེན པིཎྜཙཱརིཀཱ བྷིཀྑཱུ དུནྣིཝཏྠཱ དུཔྤཱརུཏཱ ཨནཱཀཔྤསམྤནྣཱ པིཎྜཱཡ ཙརནྟི, ཨསལླཀྑེཏྭཱཔི ནིཝེསནཾ པཝིསནྟི, ཨསལླཀྑེཏྭཱཔི ནིཀྑམནྟི, ཨཏིསཧསཱཔི པཝིསནྟི, ཨཏིསཧསཱཔི ནིཀྑམནྟི, ཨཏིདཱུརེཔི ཏིཊྛནྟི, ཨཙྩཱསནྣེཔི ཏིཊྛནྟི, ཨཏིཙིརམྤི ཏིཊྛནྟི, ཨཏིལཧུམྤི ནིཝཏྟནྟི. ཨཉྙཏརོཔི པིཎྜཙཱརིཀོ བྷིཀྑུ ཨསལླཀྑེཏྭཱ ནིཝེསནཾ པཱཝིསི. སོ ཙ དྭཱརཾ མཉྙམཱནོ ཨཉྙཏརཾ ཨོཝརཀཾ པཱཝིསི. ཏསྨིམྤི ཨོཝརཀེ ཨིཏྠཱི ནགྒཱ ཨུཏྟཱནཱ ནིཔནྣཱ ཧོཏི. ཨདྡསཱ ཁོ སོ བྷིཀྑུ ཏཾ ཨིཏྠིཾ ནགྒཾ ཨུཏྟཱནཾ ནིཔནྣཾ. དིསྭཱན – ‘‘ནཡིདཾ དྭཱརཾ, ཨོཝརཀཾ ཨིད’’ནྟི ¶ ཏམྷཱ ཨོཝརཀཱ ནིཀྑམི. ཨདྡསཱ ཁོ ཏསྶཱ ཨིཏྠིཡཱ སཱམིཀོ ཏཾ ཨིཏྠིཾ ནགྒཾ ཨུཏྟཱནཾ ནིཔནྣཾ. དིསྭཱན – ‘‘ཨིམིནཱ མེ བྷིཀྑུནཱ པཛཱཔཏཱི དཱུསིཏཱ’’ཏི ཏཾ བྷིཀྑུཾ གཧེཏྭཱ ཨཱཀོཊེསི. ཨཐ ཁོ སཱ ཨིཏྠཱི ཏེན སདྡེན པཊིབུཛ྄ཛྷིཏྭཱ ཏཾ པུརིསཾ ཨེཏདཝོཙ – ‘‘ཀིསྶ ཏྭཾ, ཨཡྻ, ཨིམཾ བྷིཀྑུཾ ཨཱཀོཊེསཱི’’ཏི? ‘‘ཨིམིནཱསི ཏྭཾ བྷིཀྑུནཱ དཱུསིཏཱ’’ཏི? ‘‘ནཱཧཾ, ཨཡྻ, ཨིམིནཱ བྷིཀྑུནཱ དཱུསིཏཱ; ཨཀཱརཀོ སོ བྷིཀྑཱུ’’ཏི ཏཾ བྷིཀྑུཾ མུཉྩཱཔེསི. ཨཐ ཁོ སོ བྷིཀྑུ ཨཱརཱམཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ པིཎྜཙཱརིཀཱ བྷིཀྑཱུ དུནྣིཝཏྠཱ དུཔྤཱརུཏཱ ཨནཱཀཔྤསམྤནྣཱ པིཎྜཱཡ ཙརིསྶནྟི, ཨསལླཀྑེཏྭཱཔི ནིཝེསནཾ པཝིསིསྶནྟི, ཨསལླཀྑེཏྭཱཔི ནིཀྑམིསྶནྟི, ཨཏིསཧསཱཔི པཝིསིསྶནྟི, ཨཏིསཧསཱཔི ནིཀྑམིསྶནྟི, ཨཏིདཱུརེཔི ཏིཊྛིསྶནྟི, ཨཙྩཱསནྣེཔི ཏིཊྛིསྶནྟི, ཨཏིཙིརམྤི ཏིཊྛིསྶནྟི, ཨཏིལཧུམྤི ནིཝཏྟིསྶནྟཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ཀིར, བྷིཀྑཝེ…པེ… སཙྩཾ བྷགཝཱཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༣༦༦. ‘‘ཏེན ཧི, བྷིཀྑཝེ, པིཎྜཙཱརིཀཱནཾ བྷིཀྑཱུནཾ ཝཏྟཾ པཉྙཱཔེསྶཱམི ཡཐཱ པིཎྜཙཱརིཀེཧི ¶ བྷིཀྑཱུཧི སམྨཱ ཝཏྟིཏབྦཾ. པིཎྜཙཱརིཀེན, བྷིཀྑཝེ, བྷིཀྑུནཱ – ‘ཨིདཱནི གཱམཾ པཝིསིསྶཱམཱི’ཏི ཏིམཎྜལཾ པཊིཙྪཱདེནྟེན པརིམཎྜལཾ ནིཝཱསེཏྭཱ ཀཱཡབནྡྷནཾ ¶ བནྡྷིཏྭཱ སགུཎཾ ཀཏྭཱ སངྒྷཱཊིཡོ པཱརུཔིཏྭཱ གཎྛིཀཾ པཊིམུཉྩིཏྭཱ དྷོཝིཏྭཱ པཏྟཾ གཧེཏྭཱ སཱདྷུཀཾ ཨཏརམཱནེན གཱམོ པཝིསིཏབྦོ.

‘‘སུཔྤཊིཙྪནྣེན ¶ ཨནྟརགྷརེ གནྟབྦཾ ¶ . སུསཾཝུཏེན ཨནྟརགྷརེ གནྟབྦཾ. ཨོཀྑིཏྟཙཀྑུནཱ ཨནྟརགྷརེ གནྟབྦཾ. ན ཨུཀྑིཏྟཀཱཡ ཨནྟརགྷརེ གནྟབྦཾ. ན ཨུཛྫགྒྷིཀཱཡ ཨནྟརགྷརེ གནྟབྦཾ. ཨཔྤསདྡེན ཨནྟརགྷརེ གནྟབྦཾ. ན ཀཱཡཔྤཙཱལཀཾ ཨནྟརགྷརེ གནྟབྦཾ. ན བཱཧུཔྤཙཱལཀཾ ཨནྟརགྷརེ གནྟབྦཾ. ན སཱིསཔྤཙཱལཀཾ ཨནྟརགྷརེ གནྟབྦཾ. ན ཁམྦྷཀཏེན ཨནྟརགྷརེ གནྟབྦཾ. ན ཨོགུཎྛིཏེན ཨནྟརགྷརེ གནྟབྦཾ. ན ཨུཀྐུཊིཀཱཡ ཨནྟརགྷརེ གནྟབྦཾ.

‘‘ནིཝེསནཾ པཝིསནྟེན སལླཀྑེཏབྦཾ – ‘ཨིམིནཱ པཝིསིསྶཱམི, ཨིམིནཱ ནིཀྑམིསྶཱམཱི’ཏི. ནཱཏིསཧསཱ པཝིསིཏབྦཾ. ནཱཏིསཧསཱ ནིཀྑམིཏབྦཾ. ནཱཏིདཱུརེ ཋཱཏབྦཾ. ནཱཙྩཱསནྣེ ཋཱཏབྦཾ. ནཱཏིཙིརཾ ཋཱཏབྦཾ. ནཱཏིལཧུཾ ནིཝཏྟིཏབྦཾ. ཋིཏཀེན སལླཀྑེཏབྦཾ – ‘བྷིཀྑཾ དཱཏུཀཱམཱ ཝཱ ཨདཱཏུཀཱམཱ ཝཱ’ཏི. སཙེ ཀམྨཾ ཝཱ ནིཀྑིཔཏི, ཨཱསནཱ ཝཱ ཝུཊྛཱཏི, ཀཊཙྪུཾ ཝཱ པརཱམསཏི, བྷཱཛནཾ ཝཱ པརཱམསཏི, ཋཔེཏི [ཋཱཔེཏི (ཀ.)] ཝཱ – དཱཏུཀཱམསྶཱཏི [དཱཏུཀཱམིཡཱཏི (སྱཱ.), དཱཏུཀཱམཱ ཝིཡཱཏི (སཱི.)] ཋཱཏབྦཾ. བྷིཀྑཱཡ དིཡྻམཱནཱཡ ཝཱམེན ཧཏྠེན སངྒྷཱཊིཾ ཨུཙྩཱརེཏྭཱ དཀྑིཎེན ཧཏྠེན པཏྟཾ པཎཱམེཏྭཱ ཨུབྷོཧི ཧཏྠེཧི པཏྟཾ པཊིགྒཧེཏྭཱ བྷིཀྑཱ པཊིགྒཧེཏབྦཱ. ན ཙ བྷིཀྑཱདཱཡིཀཱཡ མུཁཾ ¶ ཨུལློཀེཏབྦཾ [ཨོལོཀེཏབྦཾ (སྱཱ.)]. སལླཀྑེཏབྦཾ – ‘སཱུཔཾ དཱཏུཀཱམཱ ཝཱ ཨདཱཏུཀཱམཱ ཝཱ’ཏི. སཙེ ཀཊཙྪུཾ ཝཱ པརཱམསཏི, བྷཱཛནཾ ཝཱ པརཱམསཏི, ཋཔེཏི ཝཱ – དཱཏུཀཱམསྶཱཏི ཋཱཏབྦཾ. བྷིཀྑཱཡ དིནྣཱཡ སངྒྷཱཊིཡཱ པཏྟཾ པཊིཙྪཱདེཏྭཱ སཱདྷུཀཾ ཨཏརམཱནེན ནིཝཏྟིཏབྦཾ.

‘‘སུཔྤཊིཙྪནྣེན ཨནྟརགྷརེ གནྟབྦཾ. སུསཾཝུཏེན ཨནྟརགྷརེ གནྟབྦཾ. ཨོཀྑིཏྟཙཀྑུནཱ ཨནྟརགྷརེ གནྟབྦཾ. ན ཨུཀྑིཏྟཀཱཡ ཨནྟརགྷརེ གནྟབྦཾ. ན ཨུཛྫགྒྷིཀཱཡ ཨནྟརགྷརེ གནྟབྦཾ. ཨཔྤསདྡེན ཨནྟརགྷརེ གནྟབྦཾ. ན ཀཱཡཔྤཙཱལཀཾ ཨནྟརགྷརེ གནྟབྦཾ. ན བཱཧུཔྤཙཱལཀཾ ཨནྟརགྷརེ གནྟབྦཾ. ན སཱིསཔྤཙཱལཀཾ ཨནྟརགྷརེ གནྟབྦཾ. ན ཁམྦྷཀཏེན ཨནྟརགྷརེ གནྟབྦཾ. ན ཨོགུཎྛིཏེན ཨནྟརགྷརེ གནྟབྦཾ. ན ཨུཀྐུཊིཀཱཡ ཨནྟརགྷརེ གནྟབྦཾ. ཡོ པཋམཾ གཱམཏོ པིཎྜཱཡ པཊིཀྐམཏི, ཏེན ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ ¶ པཱདཀཐལིཀཾ ཨུཔནིཀྑིཔིཏབྦཾ, ཨཝཀྐཱརཔཱཏི དྷོཝིཏྭཱ ཨུཔཊྛཱཔེཏབྦཱ, པཱནཱིཡཾ པརིབྷོཛནཱིཡཾ ཨུཔཊྛཱཔེཏབྦཾ. ཡོ པཙྪཱ གཱམཏོ པིཎྜཱཡ པཊིཀྐམཏི, སཙེ ཧོཏི བྷུཏྟཱཝསེསོ, སཙེ ཨཱཀངྑཏི, བྷུཉྫིཏབྦཾ ¶ . ནོ ཙེ ཨཱཀངྑཏི, ཨཔྤཧརིཏེ ཝཱ ཚཌྜེཏབྦཾ, ཨཔྤཱཎཀེ ཝཱ ཨུདཀེ ཨོཔིལཱཔེཏབྦཾ. ཏེན ཨཱསནཾ ཨུདྡྷརིཏབྦཾ, པཱདོདཀཾ པཱདཔཱིཋཾ པཱདཀཐལིཀཾ པཊིསཱམེཏབྦཾ, ཨཝཀྐཱརཔཱཏི དྷོཝིཏྭཱ པཊིསཱམེཏབྦཱ, པཱནཱིཡཾ པརིབྷོཛནཱིཡཾ པཊིསཱམེཏབྦཾ ¶ , བྷཏྟགྒཾ སམྨཛྫིཏབྦཾ. ཡོ པསྶཏི པཱནཱིཡགྷཊཾ ཝཱ པརིབྷོཛནཱིཡགྷཊཾ ཝཱ ཝཙྩགྷཊཾ ཝཱ རིཏྟཾ ཏུཙྪཾ ཏེན ཨུཔཊྛཱཔེཏབྦཾ. སཙསྶ ཧོཏི ཨཝིསཡ྄ཧཾ, ཧཏྠཝིཀཱརེན དུཏིཡཾ ཨཱམནྟེཏྭཱ ཧཏྠཝིལངྒྷཀེན ཨུཔཊྛཱཔེཏབྦཾ, ན ཙ ཏཔྤཙྩཡཱ ཝཱཙཱ བྷིནྡིཏབྦཱ. ཨིདཾ ཁོ, བྷིཀྑཝེ, པིཎྜཙཱརིཀཱནཾ བྷིཀྑཱུནཾ ཝཏྟཾ ཡཐཱ པིཎྜཙཱརིཀེཧི བྷིཀྑཱུཧི སམྨཱ ཝཏྟིཏབྦ’’ནྟི.

༧. ཨཱརཉྙིཀཝཏྟཀཐཱ

༣༦༧. ཏེན ཁོ པན སམཡེན སམྦཧུལཱ བྷིཀྑཱུ ཨརཉྙེ ཝིཧརནྟི. ཏེ ནེཝ པཱནཱིཡཾ ཨུཔཊྛཱཔེནྟི, ན པརིབྷོཛནཱིཡཾ ཨུཔཊྛཱཔེནྟི ¶ , ན ཨགྒིཾ ཨུཔཊྛཱཔེནྟི, ན ཨརཎིསཧིཏཾ ཨུཔཊྛཱཔེནྟི, ན ནཀྑཏྟཔདཱནི ཛཱནནྟི, ན དིསཱབྷཱགཾ ཛཱནནྟི. ཙོརཱ ཏཏྠ གནྟྭཱ ཏེ བྷིཀྑཱུ ཨེཏདཝོཙུཾ – ‘‘ཨཏྠི, བྷནྟེ, པཱནཱིཡ’’ནྟི? ‘‘ནཏྠཱཝུསོ’’ཏི. ‘‘ཨཏྠི, བྷནྟེ, པརིབྷོཛནཱིཡ’’ནྟི? ‘‘ནཏྠཱཝུསོ’’ཏི. ‘‘ཨཏྠི, བྷནྟེ, ཨགྒཱི’’ཏི? ‘‘ནཏྠཱཝུསོ’’ཏི. ‘‘ཨཏྠི, བྷནྟེ, ཨརཎིསཧིཏ’’ནྟི? ‘‘ནཏྠཱཝུསོ’’ཏི. ( ) [(ཨཏྠི བྷནྟེ ནཀྑཏྟཔདཱནཱིཏི, ན ཛཱནཱམ ཨཱཝུསོཏི, ཨཏྠི བྷནྟེ དིསཱབྷཱགནྟི, ན ཛཱནཱམ ཨཱཝུསོཏི.) སཱི. ཝིམཏིཊཱིཀཱཡ པན སམེཏི] ‘‘ཀེནཛྫ, བྷནྟེ, ཡུཏྟ’’ནྟི? ‘‘ན ཁོ མཡཾ, ཨཱཝུསོ, ཛཱནཱམཱ’’ཏི. ‘‘ཀཏམཱཡཾ, བྷནྟེ, དིསཱ’’ཏི? ‘‘ན ཁོ མཡཾ, ཨཱཝུསོ, ཛཱནཱམཱ’’ཏི. ཨཐ ཁོ ཏེ ཙོརཱ – ‘ནེཝིམེསཾ པཱནཱིཡཾ ཨཏྠི, ན པརིབྷོཛནཱིཡཾ ཨཏྠི, ན ཨགྒི ཨཏྠི, ན ཨརཎིསཧིཏཾ ཨཏྠི, ན ནཀྑཏྟཔདཱནི ཛཱནནྟི, ན དིསཱབྷཱགཾ ཛཱནནྟི; ཙོརཱ ཨིམེ, ནཡིམེ བྷིཀྑཱུ’ཏི – ཨཱཀོཊེཏྭཱ པཀྐམིཾསུ. ཨཐ ཁོ ཏེ བྷིཀྑཱུ བྷིཀྑཱུནཾ ཨེཏམཏྠཾ ཨཱརོཙེསུཾ. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ¶ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༣༦༨. ‘‘ཏེན ཧི, བྷིཀྑཝེ, ཨཱརཉྙིཀཱནཾ བྷིཀྑཱུནཾ ཝཏྟཾ པཉྙཔེསྶཱམི ཡཐཱ ཨཱརཉྙིཀེཧི བྷིཀྑཱུཧི སམྨཱ ཝཏྟིཏབྦཾ. ཨཱརཉྙིཀེན, བྷིཀྑཝེ, བྷིཀྑུནཱ ཀཱལསྶེཝ ཨུཊྛཱཡ པཏྟཾ ཐཝིཀཱཡ པཀྑིཔིཏྭཱ ཨཾསེ ཨཱལགྒེཏྭཱ ¶ ཙཱིཝརཾ ཁནྡྷེ ཀརིཏྭཱ ཨུཔཱཧནཱ ཨཱརོཧིཏྭཱ དཱརུབྷཎྜཾ མཏྟིཀཱབྷཎྜཾ པཊིསཱམེཏྭཱ དྭཱརཝཱཏཔཱནཾ ཐཀེཏྭཱ སེནཱསནཱ ཨོཏརིཏབྦཾ ¶ – ཨིདཱནི གཱམཾ པཝིསིསྶཱམཱིཏི. ཨུཔཱཧནཱ ཨོམུཉྩིཏྭཱ ནཱིཙཾ ཀཏྭཱ པཔྥོཊེཏྭཱ ཐཝིཀཱཡ པཀྑིཔིཏྭཱ ཨཾསེ ཨཱལགྒེཏྭཱ ཏིམཎྜལཾ པཊིཙྪཱདེནྟེན པརིམཎྜལཾ ནིཝཱསེཏྭཱ ཀཱཡབནྡྷནཾ བནྡྷིཏྭཱ སགུཎཾ ཀཏྭཱ སངྒྷཱཊིཡོ པཱརུཔིཏྭཱ གཎྛིཀཾ པཊིམུཉྩིཏྭཱ དྷོཝིཏྭཱ པཏྟཾ གཧེཏྭཱ སཱདྷུཀཾ ཨཏརམཱནེན གཱམོ པཝིསིཏབྦོ. སུཔྤཊིཙྪནྣེན ཨནྟརགྷརེ གནྟབྦཾ…པེ… ན ཁམྦྷཀཏེན ཨནྟརགྷརེ གནྟབྦཾ. ན ཨོགུཎྛིཏེན ཨནྟརགྷརེ གནྟབྦཾ. ན ཨུཀྐུཊིཀཱཡ ཨནྟརགྷརེ གནྟབྦཾ.

‘‘ནིཝེསནཾ པཝིསནྟེན སལླཀྑེཏབྦཾ – ‘ཨིམིནཱ པཝིསིསྶཱམི, ཨིམིནཱ ནིཀྑམིསྶཱམཱི’ཏི. ནཱཏིསཧསཱ པཝིསིཏབྦཾ. ནཱཏིསཧསཱ ནིཀྑམིཏབྦཾ. ནཱཏིདཱུརེ ཋཱཏབྦཾ. ནཱཙྩཱསནྣེ ཋཱཏབྦཾ. ནཱཏིཙིརཾ ཋཱཏབྦཾ. ནཱཏིལཧུཾ ནིཝཏྟིཏབྦཾ. ཋིཏཀེན སལླཀྑེཏབྦཾ – ‘བྷིཀྑཾ དཱཏུཀཱམཱ ཝཱ ཨདཱཏུཀཱམཱ ཝཱ’ཏི. སཙེ ཀམྨཾ ཝཱ ནིཀྑིཔཏི, ཨཱསནཱ ཝཱ ཝུཊྛཱཏི, ཀཊཙྪུཾ ཝཱ པརཱམསཏི, བྷཱཛནཾ ཝཱ པརཱམསཏི, ཋཔེཏི ཝཱ – དཱཏུཀཱམསྶཱཏི ཋཱཏབྦཾ. བྷིཀྑཱཡ དིཡྻམཱནཱཡ ཝཱམེན ཧཏྠེན ¶ སངྒྷཱཊིཾ ཨུཙྩཱརེཏྭཱ དཀྑིཎེན ཧཏྠེན པཏྟཾ པཎཱམེཏྭཱ ཨུབྷོཧི ཧཏྠེཧི པཏྟཾ པཊིགྒཧེཏྭཱ བྷིཀྑཱ པཊིགྒཧེཏབྦཱ. ན ཙ བྷིཀྑཱདཱཡིཀཱཡ མུཁཾ ཨུལློཀེཏབྦཾ. སལླཀྑེཏབྦཾ – ‘སཱུཔཾ དཱཏུཀཱམཱ ཝཱ ཨདཱཏུཀཱམཱ ཝཱ’ཏི. སཙེ ཀཊཙྪུ ཝཱ པརཱམསཏི, བྷཱཛནཾ ཝཱ པརཱམསཏི, ཋཔེཏི ཝཱ – དཱཏུཀཱམསྶཱཏི ཋཱཏབྦཾ. བྷིཀྑཱཡ དིནྣཱཡ སངྒྷཱཊིཡཱ པཏྟཾ པཊིཙྪཱདེཏྭཱ སཱདྷུཀཾ ཨཏརམཱནེན ནིཝཏྟིཏབྦཾ.

‘‘སུཔྤཊིཙྪནྣེན ཨནྟརགྷརེ གནྟབྦཾ…པེ… ན ཨུཀྐུཊིཀཱཡ ཨནྟརགྷརེ གནྟབྦཾ. གཱམཏོ ནིཀྑམིཏྭཱ པཏྟཾ ཐཝིཀཱཡ པཀྑིཔིཏྭཱ ཨཾསེ ཨཱལགྒེཏྭཱ ཙཱིཝརཾ སངྒྷརིཏྭཱ སཱིསེ ཀརིཏྭཱ ཨུཔཱཧནཱ ཨཱརོཧིཏྭཱ གནྟབྦཾ.

‘‘ཨཱརཉྙིཀེན, བྷིཀྑཝེ, བྷིཀྑུནཱ པཱནཱིཡཾ ཨུཔཊྛཱཔེཏབྦཾ, པརིབྷོཛནཱིཡཾ ཨུཔཊྛཱཔེཏབྦཾ, ཨགྒི ཨུཔཊྛཱཔེཏབྦོ, ཨརཎིསཧིཏཾ ཨུཔཊྛཱཔེཏབྦཾ, ཀཏྟརདཎྜོ ཨུཔཊྛཱཔེཏབྦོ, ནཀྑཏྟཔདཱནི ཨུགྒཧེཏབྦཱནི – སཀལཱནི ཝཱ ཨེཀདེསཱནི ཝཱ, དིསཱཀུསལེན བྷཝིཏབྦཾ. ཨིདཾ ཁོ, བྷིཀྑཝེ, ཨཱརཉྙིཀཱནཾ བྷིཀྑཱུནཾ ཝཏྟཾ ཡཐཱ ཨཱརཉྙིཀེཧི བྷིཀྑཱུཧི སམྨཱ ཝཏྟིཏབྦ’’ནྟི.

༨. སེནཱསནཝཏྟཀཐཱ

༣༦༩. ཏེན ¶ ¶ ཁོ པན སམཡེན སམྦཧུལཱ བྷིཀྑཱུ ཨཛ྄ཛྷོཀཱསེ ཙཱིཝརཀམྨཾ ¶ ཀརོནྟི. ཚབྦགྒིཡཱ བྷིཀྑཱུ པཊིཝཱཏེ ཨངྒཎེ [པངྒཎེ (སཱི. སྱཱ.)] སེནཱསནཾ པཔྥོཊེསུཾ. བྷིཀྑཱུ རཛེན ཨོཀིརིཾསུ. ཡེ ཏེ བྷིཀྑཱུ ཨཔྤིཙྪཱ…པེ… ¶ ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ པཊིཝཱཏེ ཨངྒཎེ སེནཱསནཾ པཔྥོཊེསྶནྟི! བྷིཀྑཱུ རཛེན ཨོཀིརིཾསཱུ’’ཏི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, ཚབྦགྒིཡཱ བྷིཀྑཱུ པཊིཝཱཏེ ཨངྒཎེ སེནཱསནཾ པཔྥོཊེནྟི, བྷིཀྑཱུ རཛེན ཨོཀིརིཾསཱུ’’ཏི? ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༣༧༠. ‘‘ཏེན ཧི, བྷིཀྑཝེ, བྷིཀྑཱུནཾ སེནཱསནཝཏྟཾ པཉྙཔེསྶཱམི ཡཐཱ བྷིཀྑཱུཧི སེནཱསནེ སམྨཱ ཝཏྟིཏབྦཾ. ཡསྨིཾ ཝིཧཱརེ ཝིཧརཏི, སཙེ སོ ཝིཧཱརོ ཨུཀླཱཔོ ཧོཏི, སཙེ ཨུསྶཧཏི, སོདྷེཏབྦོ. [མཧཱཝ. ༦༦, ༦༧; ཙཱུལ༹ཝ. ༣༥༧] ཝིཧཱརཾ སོདྷེནྟེན པཋམཾ པཏྟཙཱིཝརཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; ནིསཱིདནཔཙྩཏྠརཎཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; བྷིསིབིབྦོཧནཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; མཉྩོ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ནཱིཧརིཏྭཱ ཨེཀམནྟཾ ནིཀྑིཔིཏབྦོ; པཱིཋཾ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ནཱིཧརིཏྭཱ ཨེཀམནྟཾ ནིཀྑིཔིཏབྦཾ; མཉྩཔཊིཔཱདཀཱ ནཱིཧརིཏྭཱ ཨེཀམནྟཾ ནིཀྑིཔིཏབྦཱ; ཁེལ༹མལླཀོ ནཱིཧརིཏྭཱ ཨེཀམནྟཾ ནིཀྑིཔིཏབྦོ; ཨཔསྶེནཕལཀཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; བྷུམྨཏྠརཎཾ ཡཐཱཔཉྙཏྟཾ སལླཀྑེཏྭཱ ནཱིཧརིཏྭཱ ཨེཀམནྟཾ ནིཀྑིཔིཏབྦཾ. སཙེ ¶ ཝིཧཱརེ སནྟཱནཀཾ ཧོཏི, ཨུལློཀཱ པཋམཾ ཨོཧཱརེཏབྦཾ, ཨཱལོཀསནྡྷིཀཎྞབྷཱགཱ པམཛྫིཏབྦཱ. སཙེ གེརུཀཔརིཀམྨཀཏཱ བྷིཏྟི ཀཎྞཀིཏཱ ཧོཏི, ཙོལ༹ཀཾ ཏེམེཏྭཱ པཱིལེ༹ཏྭཱ པམཛྫིཏབྦཱ. སཙེ ཀཱལ༹ཝཎྞཀཏཱ བྷཱུམི ཀཎྞཀིཏཱ ཧོཏི, ཙོལ༹ཀཾ ཏེམེཏྭཱ པཱིལེ༹ཏྭཱ པམཛྫིཏབྦཱ. སཙེ ཨཀཏཱ ཧོཏི བྷཱུམི, ཨུདཀེན པརིཔྥོསིཏྭཱ པརིཕོསིཏྭཱ སམྨཛྫིཏབྦཱ – མཱ ཝིཧཱརོ རཛེན ཨུཧཉྙཱིཏི. སངྐཱརཾ ཝིཙིནིཏྭཱ ཨེཀམནྟཾ ཚཌྜེཏབྦཾ.

‘‘ན ¶ བྷིཀྑུསཱམནྟཱ སེནཱསནཾ པཔྥོཊེཏབྦཾ. ན ཝིཧཱརསཱམནྟཱ སེནཱསནཾ པཔྥོཊེཏབྦཾ. ན པཱནཱིཡསཱམནྟཱ སེནཱསནཾ པཔྥོཊེཏབྦཾ. ན པརིབྷོཛནཱིཡསཱམནྟཱ སེནཱསནཾ པཔྥོཊེཏབྦཾ. ན པཊིཝཱཏེ ཨངྒཎེ སེནཱསནཾ པཔྥོཊེཏབྦཾ. ཨདྷོཝཱཏེ སེནཱསནཾ པཔྥོཊེཏབྦཾ.

‘‘བྷུམྨཏྠརཎཾ ¶ ཨེཀམནྟཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. མཉྩཔཊིཔཱདཀཱ ཨེཀམནྟཾ ཨོཏཱཔེཏྭཱ པམཛྫིཏྭཱ ¶ ཨཏིཧརིཏྭཱ ཡཐཱཋཱནེ ཋཔེཏབྦཱ. མཉྩོ ཨེཀམནྟཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦོ. པཱིཋཾ ཨེཀམནྟཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. བྷིསིབིབྦོཧནཾ ཨེཀམནྟཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ¶ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. ནིསཱིདནཔཙྩཏྠརཎཾ ཨེཀམནྟཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. ཁེལ༹མལླཀོ ཨེཀམནྟཾ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦོ. ཨཔསྶེནཕལཀཾ ཨེཀམནྟཾ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦཾ. པཏྟཙཱིཝརཾ ནིཀྑིཔིཏབྦཾ. པཏྟཾ ནིཀྑིཔནྟེན ཨེཀེན ཧཏྠེན པཏྟཾ གཧེཏྭཱ ཨེཀེན ཧཏྠེན ཧེཊྛཱམཉྩཾ ཝཱ ཧེཊྛཱཔཱིཋཾ ཝཱ པརཱམསིཏྭཱ པཏྟོ ནིཀྑིཔིཏབྦོ. ན ཙ ཨནནྟརཧིཏཱཡ བྷཱུམིཡཱ པཏྟོ ནིཀྑིཔིཏབྦོ. ཙཱིཝརཾ ནིཀྑིཔནྟེན ཨེཀེན ཧཏྠེན ཙཱིཝརཾ གཧེཏྭཱ ཨེཀེན ཧཏྠེན ཙཱིཝརཝཾསཾ ཝཱ ཙཱིཝརརཛྫུ ཝཱ པམཛྫིཏྭཱ པཱརཏོ ཨནྟཾ ཨོརཏོ བྷོགཾ ཀཏྭཱ ཙཱིཝརཾ ནིཀྑིཔིཏབྦཾ.

‘‘སཙེ པུརཏྠིམཱ སརཛཱ ཝཱཏཱ ཝཱཡནྟི, པུརཏྠིམཱ ཝཱཏཔཱནཱ ཐཀེཏབྦཱ. སཙེ པཙྪིམཱ སརཛཱ ཝཱཏཱ ཝཱཡནྟི, པཙྪིམཱ ཝཱཏཔཱནཱ ཐཀེཏབྦཱ. སཙེ ཨུཏྟརཱ སརཛཱ ཝཱཏཱ ཝཱཡནྟི ཨུཏྟརཱ ཝཱཏཔཱནཱ ཐཀེཏབྦཱ. སཙེ དཀྑིཎཱ སརཛཱ ཝཱཏཱ ཝཱཡནྟི, དཀྑིཎཱ ཝཱཏཔཱནཱ ཐཀེཏབྦཱ. སཙེ སཱིཏཀཱལོ ཧོཏི, དིཝཱ ཝཱཏཔཱནཱ ཝིཝརིཏབྦཱ, རཏྟིཾ ཐཀེཏབྦཱ. སཙེ ཨུཎྷཀཱལོ ཧོཏི, དིཝཱ ཝཱཏཔཱནཱ ཐཀེཏབྦཱ, རཏྟིཾ ཝིཝརིཏབྦཱ.

‘‘སཙེ ¶ པརིཝེཎཾ ཨུཀླཱཔཾ ཧོཏི, པརིཝེཎཾ སམྨཛྫིཏབྦཾ. སཙེ ཀོཊྛཀོ ཨུཀླཱཔོ ཧོཏི, ཀོཊྛཀོ སམྨཛྫིཏབྦོ. སཙེ ཨུཔཊྛཱནསཱལཱ ¶ ཨུཀླཱཔཱ ཧོཏི, ཨུཔཊྛཱནསཱལཱ སམྨཛྫིཏབྦཱ. སཙེ ཨགྒིསཱལཱ ཨུཀླཱཔཱ ཧོཏི, ཨགྒིསཱལཱ སམྨཛྫིཏབྦཱ. སཙེ ཝཙྩཀུཊི ཨུཀླཱཔཱ ཧོཏི, ཝཙྩཀུཊི སམྨཛྫིཏབྦཱ. སཙེ པཱནཱིཡཾ ན ཧོཏི, པཱནཱིཡཾ ཨུཔཊྛཱཔེཏབྦཾ. སཙེ པརིབྷོཛནཱིཡཾ ན ཧོཏི, པརིབྷོཛནཱིཡཾ ཨུཔཊྛཱཔེཏབྦཾ. སཙེ ཨཱཙམནཀུམྦྷིཡཱ ཨུདཀཾ ན ཧོཏི, ཨཱཙམནཀུམྦྷིཡཱ ཨུདཀཾ ཨཱསིཉྩིཏབྦཾ.

‘‘སཙེ ཝུཌྜྷེན སདྡྷིཾ ཨེཀཝིཧཱརེ ཝིཧརཏི, ན ཝུཌྜྷཾ ཨནཱཔུཙྪཱ ཨུདྡེསོ དཱཏབྦོ, ན པརིཔུཙྪཱ དཱཏབྦཱ, ན སཛ྄ཛྷཱཡོ ཀཱཏབྦོ, ན དྷམྨོ བྷཱསིཏབྦོ, ན པདཱིཔོ ཀཱཏབྦོ, ན པདཱིཔོ ¶ ཝིཛ྄ཛྷཱཔེཏབྦོ, ན ཝཱཏཔཱནཱ ཝིཝརིཏབྦཱ, ན ཝཱཏཔཱནཱ ཐཀེཏབྦཱ. སཙེ ¶ ཝུཌྜྷེན སདྡྷིཾ ཨེཀཙངྐམེ ཙངྐམཏི, ཡེན ཝུཌྜྷོ ཏེན པརིཝཏྟིཏབྦཾ, ན ཙ ཝུཌྜྷོ སངྒྷཱཊིཀཎྞེན གྷཊྚེཏབྦོ. ཨིདཾ ཁོ, བྷིཀྑཝེ, བྷིཀྑཱུནཾ སེནཱསནཝཏྟཾ ཡཐཱ བྷིཀྑཱུཧི སེནཱསནེ སམྨཱ ཝཏྟིཏབྦ’’ནྟི.

༩. ཛནྟཱགྷརཝཏྟཀཐཱ

༣༧༡. ཏེན ཁོ པན སམཡེན ཚབྦགྒིཡཱ བྷིཀྑཱུ ཛནྟཱགྷརེ ཐེརེཧི བྷིཀྑཱུཧི ནིཝཱརིཡམཱནཱ ཨནཱདརིཡཾ པཊིཙྩ པཧཱུཏཾ ཀཊྛཾ ཨཱརོཔེཏྭཱ ཨགྒིཾ དཏྭཱ དྭཱརཾ ཐཀེཏྭཱ དྭཱརེ ནིསཱིདནྟི. བྷིཀྑཱུ [ཐེརཱ ཙ བྷིཀྑཱུ (སྱཱ. ཀཾ.)] ཨུཎྷཱབྷིཏཏྟཱ དྭཱརཾ ཨལབྷམཱནཱ མུཙྪིཏཱ པཔཏནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ¶ ནཱམ ཚབྦགྒིཡཱ བྷིཀྑཱུ ཛནྟཱགྷརེ ཐེརེཧི བྷིཀྑཱུཧི ནིཝཱརིཡམཱནཱ ཨནཱདརིཡཾ པཊིཙྩ པཧཱུཏཾ ཀཊྛཾ ཨཱརོཔེཏྭཱ ཨགྒིཾ དཏྭཱ དྭཱརཾ ཐཀེཏྭཱ དྭཱརེ ནིསཱིདིསྶནྟི! བྷིཀྑཱུ ཨུཎྷཱབྷིཏཏྟཱ དྭཱརཾ ཨལབྷམཱནཱ མུཙྪིཏཱ པཔཏནྟཱི’’ཏི. ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, ཚབྦགྒིཡཱ བྷིཀྑཱུ ཛནྟཱགྷརེ ཐེརེཧི བྷིཀྑཱུཧི ནིཝཱརིཡམཱནཱ ཨནཱདརིཡཾ པཊིཙྩ པཧཱུཏཾ ཀཊྛཾ ཨཱརོཔེཏྭཱ ཨགྒིཾ དཏྭཱ དྭཱརཾ ཐཀེཏྭཱ དྭཱརེ ནིསཱིདནྟི; བྷིཀྑཱུ ཨུཎྷཱབྷིཏཏྟཱ དྭཱརཾ ཨལབྷམཱནཱ མུཙྪིཏཱ པཔཏནྟཱི’’ཏི? ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན ¶ , བྷིཀྑཝེ, ཛནྟཱགྷརེ ཐེརེན བྷིཀྑུནཱ ནིཝཱརིཡམཱནེན ཨནཱདརིཡཾ པཊིཙྩ པཧཱུཏཾ ཀཊྛཾ ཨཱརོཔེཏྭཱ ཨགྒི དཱཏབྦོ. ཡོ དདེཡྻ, ཨཱཔཏྟི དུཀྐཊསྶ. ན, བྷིཀྑཝེ, དྭཱརཾ ཐཀེཏྭཱ དྭཱརེ ནིསཱིདིཏབྦཾ. ཡོ ནིསཱིདེཡྻ, ཨཱཔཏྟི དུཀྐཊསྶ.

༣༧༢. ‘‘ཏེན ཧི, བྷིཀྑཝེ, བྷིཀྑཱུནཾ ཛནྟཱགྷརཝཏྟཾ པཉྙཔེསྶཱམི ཡཐཱ བྷིཀྑཱུཧི ཛནྟཱགྷརེ སམྨཱ ཝཏྟིཏབྦཾ. ཡོ པཋམཾ ཛནྟཱགྷརཾ གཙྪཏི, སཙེ ཚཱརིཀཱ ཨུསྶནྣཱ ཧོཏི, ཚཱརིཀཱ ཚཌྜེཏབྦཱ. སཙེ ཛནྟཱགྷརཾ ཨུཀླཱཔཾ ཧོཏི, ཛནྟཱགྷརཾ སམྨཛྫིཏབྦཾ. སཙེ པརིབྷཎྜཾ ཨུཀླཱཔཾ ཧོཏི, པརིབྷཎྜཾ སམྨཛྫིཏབྦཾ. སཙེ པརིཝེཎཾ ཨུཀླཱཔཾ ཧོཏི, པརིཝེཎཾ སམྨཛྫིཏབྦཾ. སཙེ ཀོཊྛཀོ ཨུཀླཱཔོ ཧོཏི, ཀོཊྛཀོ སམྨཛྫིཏབྦོ ¶ . སཙེ ཛནྟཱགྷརསཱལཱ ཨུཀླཱཔཱ ཧོཏི, ཛནྟཱགྷརསཱལཱ སམྨཛྫིཏབྦཱ.

‘‘ཙུཎྞཾ སནྣེཏབྦཾ, མཏྟིཀཱ ཏེམེཏབྦཱ, ཨུདཀདོཎིཀཱཡ ཨུདཀཾ ཨཱསིཉྩིཏབྦཾ. ཛནྟཱགྷརཾ ¶ པཝིསནྟེན མཏྟིཀཱཡ མུཁཾ མཀྑེཏྭཱ པུརཏོ ཙ པཙྪཏོ ཙ པཊིཙྪཱདེཏྭཱ ཛནྟཱགྷརཾ པཝིསིཏབྦཾ. ན ཐེརེ བྷིཀྑཱུ ཨནུཔཁཛྫ ནིསཱིདིཏབྦཾ. ན ནཝཱ བྷིཀྑཱུ ཨཱསནེན པཊིབཱཧིཏབྦཱ. སཙེ ཨུསྶཧཏི, ཛནྟཱགྷརེ ཐེརཱནཾ བྷིཀྑཱུནཾ པརིཀམྨཾ ཀཱཏབྦཾ. ཛནྟཱགྷརཱ ནིཀྑམནྟེན ཛནྟཱགྷརཔཱིཋཾ ཨཱདཱཡ པུརཏོ ཙ པཙྪཏོ ཙ པཊིཙྪཱདེཏྭཱ ཛནྟཱགྷརཱ ནིཀྑམིཏབྦཾ. སཙེ ཨུསྶཧཏི, ཨུདཀེཔི ཐེརཱནཾ བྷིཀྑཱུནཾ པརིཀམྨཾ ཀཱཏབྦཾ. ན ཐེརཱནཾ བྷིཀྑཱུནཾ པུརཏོཔི ནཧཱཡིཏབྦཾ, ན ¶ ཨུཔརིཏོཔི ནཧཱཡིཏབྦཾ. ནཧཱཏེན ཨུཏྟརནྟེན ཨོཏརནྟཱནཾ མགྒོ དཱཏབྦོ. ཡོ པཙྪཱ ཛནྟཱགྷརཱ ནིཀྑམཏི, སཙེ ཛནྟཱགྷརཾ ཙིཀྑལླཾ ཧོཏི, དྷོཝིཏབྦཾ. མཏྟིཀཱདོཎིཀཾ དྷོཝིཏྭཱ ཛནྟཱགྷརཔཱིཋཾ པཊིསཱམེཏྭཱ ཨགྒིཾ ཝིཛ྄ཛྷཱཔེཏྭཱ དྭཱརཾ ཐཀེཏྭཱ པཀྐམིཏབྦཾ. ཨིདཾ ཁོ, བྷིཀྑཝེ, བྷིཀྑཱུནཾ ཛནྟཱགྷརཝཏྟཾ ཡཐཱ བྷིཀྑཱུཧི ཛནྟཱགྷརེ སམྨཱ ཝཏྟིཏབྦ’’ནྟི.

༡༠. ཝཙྩཀུཊིཝཏྟཀཐཱ

༣༧༣. ཏེན ཁོ པན སམཡེན ཨཉྙཏརོ བྷིཀྑུ བྲཱཧྨཎཛཱཏིཀོ ཝཙྩཾ ཀཏྭཱ ན ཨིཙྪཏི ཨཱཙམེཏུཾ – ཀོ ཨིམཾ ཝསལཾ དུགྒནྡྷཾ ¶ ཨཱམསིསྶཏཱིཏི ¶ [ཨཱཙམིསྶཏཱིཏི (ཀ.)]. ཏསྶ ཝཙྩམགྒེ ཀིམི སཎྛཱཏི. ཨཐ ཁོ སོ བྷིཀྑུ བྷིཀྑཱུནཾ ཨེཏམཏྠཾ ཨཱརོཙེསི. ‘‘ཀིཾ པན ཏྭཾ, ཨཱཝུསོ, ཝཙྩཾ ཀཏྭཱ ན ཨཱཙམེསཱི’’ཏི? ‘‘ཨེཝམཱཝུསོ’’ཏི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུ ཝཙྩཾ ཀཏྭཱ ན ཨཱཙམེསྶཏཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར ཏྭཾ, བྷིཀྑུ, ཝཙྩཾ ཀཏྭཱ ན ཨཱཙམེསཱི’’ཏི? ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, ཝཙྩཾ ཀཏྭཱ སཏི ཨུདཀེ ནཱཙམེཏབྦཾ. ཡོ ནཱཙམེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ ཝཙྩཀུཊིཡཱ ཡཐཱཝུཌྜྷཾ ཝཙྩཾ ཀརོནྟི. ནཝཀཱ བྷིཀྑཱུ པཋམཏརཾ ཨཱགནྟྭཱ ཝཙྩིཏཱ ཨཱགམེནྟི. ཏེ ཝཙྩཾ སནྡྷཱརེནྟཱ མུཙྪིཏཱ པཔཏནྟི. བྷགཝཏོ ཨེཏམཏྠཾ ཨཱརོཙེསུཾ…པེ… སཙྩཾ ཀིར བྷིཀྑཝེ…པེ… སཙྩཾ བྷགཝཱཏི…པེ… ‘‘ན, བྷིཀྑཝེ, ཝཙྩཀུཊིཡཱ ཡཐཱཝུཌྜྷཾ ཝཙྩོ ཀཱཏབྦོ. ཡོ ཀརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨཱགཏཔཊིཔཱཊིཡཱ ཝཙྩཾ ཀཱཏུ’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཨཏིསཧསཱཔི ཝཙྩཀུཊིཾ པཝིསནྟི, ཨུབྦྷཛིཏྭཱཔི ¶ [ཨུབྦྷུཛྫིཏྭཱཔི (སཱི.), ཨུབྦྷུཛིཏྭཱ (སྱཱ.)] པཝིསནྟི, ནིཏྠུནནྟཱཔི ཝཙྩཾ ཀརོནྟི ¶ , དནྟཀཊྛཾ ཁཱདནྟཱཔི ཝཙྩཾ ཀརོནྟི, བཧིདྡྷཱཔི ཝཙྩདོཎིཀཱཡ ཝཙྩཾ ཀརོནྟི, བཧིདྡྷཱཔི པསྶཱཝདོཎིཀཱཡ པསྶཱཝཾ ཀརོནྟི, པསྶཱཝདོཎིཀཱཡཔི ཁེལ༹ཾ ཀརོནྟི, ཕརུསེནཔི ཀཊྛེན ཨཝལེཁནྟི, ཨཝལེཁནཀཊྛམྤི ཝཙྩཀཱུཔམྷི པཱཏེནྟི, ཨཏིསཧསཱཔི ནིཀྑམནྟི, ཨུབྦྷཛིཏྭཱཔི ནིཀྑམནྟི, ཙཔུཙཔུཀཱརཀམྤི ཨཱཙམེནྟི, ཨཱཙམནསརཱཝཀེཔི ཨུདཀཾ སེསེནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི ¶ – ‘‘ཀཐཉྷི ནཱམ ཚབྦགྒིཡཱ བྷིཀྑཱུ ཨཏིསཧསཱཔི ཝཙྩཀུཊིཾ པཝིསིསྶནྟི, ཨུབྦྷཛིཏྭཱཔི པཝིསིསྶནྟི, ནིཏྠུནནྟཱཔི ཝཙྩཾ ཀརིསྶནྟི, དནྟཀཊྛཾ ཁཱདནྟཱཔི ཝཙྩཾ ཀརིསྶནྟི, བཧིདྡྷཱཔི ཝཙྩདོཎིཀཱཡ ཝཙྩཾ ཀརིསྶནྟི, བཧིདྡྷཱཔི པསྶཱཝདོཎིཀཱཡ པསྶཱཝཾ ཀརིསྶནྟི, པསྶཱཝདོཎིཀཱཡཔི ཁེལ༹ཾ ཀརིསྶནྟི, ཕརུསེནཔི ཀཊྛེན ཨཝལེཁིསྶནྟི, ཨཝལེཁནཀཊྛམྤི ཝཙྩཀཱུཔམྷི པཱཏེསྶནྟི, ཨཏིསཧསཱཔི ནིཀྑམིསྶནྟི, ཨུབྦྷཛིཏྭཱཔི ནིཀྑམིསྶནྟི, ཙཔུཙཔུཀཱརཀམྤི ཨཱཙམེསྶནྟི, ཨཱཙམནསརཱཝཀེཔི ཨུདཀཾ སེསེསྶནྟཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ¶ ཨཱརོཙེསུཾ…པེ… སཙྩཾ ཀིར, བྷིཀྑཝེ…པེ… སཙྩཾ བྷགཝཱཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༣༧༤. ‘‘ཏེན ཧི, བྷིཀྑཝེ, བྷིཀྑཱུནཾ ཝཙྩཀུཊིཝཏྟཾ པཉྙཔེསྶཱམི ཡཐཱ བྷིཀྑཱུཧི ཝཙྩཀུཊིཡཱ སམྨཱ ཝཏྟིཏབྦཾ. ཡོ ¶ ཝཙྩཀུཊིཾ གཙྪཏི ཏེན བཧི ཋིཏེན [བཧི ཋིཏེན (སཱི. ཀ.)] ཨུཀྐཱསིཏབྦཾ. ཨནྟོ ནིསིནྣེནཔི ཨུཀྐཱསིཏབྦཾ. ཙཱིཝརཝཾསེ ཝཱ ཙཱིཝརརཛྫུཡཱ ཝཱ ཙཱིཝརཾ ནིཀྑིཔིཏྭཱ སཱདྷུཀཾ ཨཏརམཱནེན ཝཙྩཀུཊཱི པཝིསིཏབྦཱ. ནཱཏིསཧསཱ པཝིསིཏབྦཱ. ན ཨུབྦྷཛིཏྭཱ པཝིསིཏབྦཱ. ཝཙྩཔཱདུཀཱཡ ཋིཏེན ཨུབྦྷཛིཏབྦཾ. ན ནིཏྠུནནྟེན ཝཙྩོ ཀཱཏབྦོ. ན དནྟཀཊྛཾ ཁཱདནྟེན ཝཙྩོ ཀཱཏབྦོ. ན བཧིདྡྷཱ ཝཙྩདོཎིཀཱཡ ཝཙྩོ ཀཱཏབྦོ. ན བཧིདྡྷཱ པསྶཱཝདོཎིཀཱཡ པསྶཱཝོ ཀཱཏབྦོ. ན པསྶཱཝདོཎིཀཱཡ ཁེལོ༹ ཀཱཏབྦོ. ན ཕརུསེན ཀཊྛེན ཨཝལེཁིཏབྦཾ. ན ཨཝལེཁནཀཊྛཾ ཝཙྩཀཱུཔམྷི པཱཏེཏབྦཾ. ཝཙྩཔཱདུཀཱཡ ཋིཏེན པཊིཙྪཱདེཏབྦཾ. ནཱཏིསཧསཱ ནིཀྑམིཏབྦཾ. ན ཨུབྦྷཛིཏྭཱ ནིཀྑམིཏབྦཾ. ཨཱཙམནཔཱདུཀཱཡ ཋིཏེན ཨུབྦྷཛིཏབྦཾ. ན ཙཔུཙཔུཀཱརཀཾ ཨཱཙམེཏབྦཾ. ན ཨཱཙམནསརཱཝཀེ ཨུདཀཾ སེསེཏབྦཾ. ཨཱཙམནཔཱདུཀཱཡ ཋིཏེན པཊིཙྪཱདེཏབྦཾ.

‘‘སཙེ ཝཙྩཀུཊི ཨུཧཏཱ [ཨཱུཧཏཱ (སཱི. སྱཱ.)] ཧོཏི, དྷོཝིཏབྦཱ. སཙེ ཨཝལེཁནཔིདྷརོ པཱུརོ ཧོཏི, ཨཝལེཁནཀཊྛཾ ཚཌྜེཏབྦཾ. སཙེ ཝཙྩཀུཊི ཨུཀླཱཔཱ ཧོཏི, ཝཙྩཀུཊི སམྨཛྫིཏབྦཱ. སཙེ པརིབྷཎྜཾ ཨུཀླཱཔཾ ཧོཏི, པརིབྷཎྜཾ སམྨཛྫིཏབྦཾ. སཙེ པརིཝེཎཾ ཨུཀླཱཔཾ ཧོཏི, པརིཝེཎཾ སམྨཛྫིཏབྦཾ ¶ . སཙེ ཀོཊྛཀོ ཨུཀླཱཔོ ཧོཏི, ཀོཊྛཀོ སམྨཛྫིཏབྦོ. སཙེ ཨཱཙམནཀུམྦྷིཡཱ ཨུདཀཾ ན ཧོཏི, ཨཱཙམནཀུམྦྷིཡཱ ཨུདཀཾ ཨཱསིཉྩིཏབྦཾ ¶ . ཨིདཾ ཁོ, བྷིཀྑཝེ, བྷིཀྑཱུནཾ ཝཙྩཀུཊིཝཏྟཾ ཡཐཱ བྷིཀྑཱུཧི ཝཙྩཀུཊིཡཱ སམྨཱ ཝཏྟིཏབྦ’’ནྟི.

༡༡. ཨུཔཛ྄ཛྷཱཡཝཏྟཀཐཱ

༣༧༥. ཏེན ཁོ པན སམཡེན སདྡྷིཝིཧཱརིཀཱ ཨུཔཛ྄ཛྷཱཡེསུ ན སམྨཱ ཝཏྟནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ སདྡྷིཝིཧཱརིཀཱ ཨུཔཛ྄ཛྷཱཡེསུ ན སམྨཱ ཝཏྟིསྶནྟཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, སདྡྷིཝིཧཱརིཀཱ ཨུཔཛ྄ཛྷཱཡེསུ ན སམྨཱ ཝཏྟནྟཱི’’ཏི? ‘‘སཙྩཾ བྷགཝཱ’’ཏི ཝིགརཧི བུདྡྷོ ¶ བྷགཝཱ…པེ… ‘‘ཀཐཉྷི ནཱམ, བྷིཀྑཝེ, སདྡྷིཝིཧཱརིཀཱ ཨུཔཛ྄ཛྷཱཡེསུ ¶ ན སམྨཱ ཝཏྟིསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༣༧༦. ‘‘ཏེན ཧི, བྷིཀྑཝེ, སདྡྷིཝིཧཱརིཀཱནཾ ཨུཔཛ྄ཛྷཱཡེསུ ཝཏྟཾ པཉྙཔེསྶཱམི ཡཐཱ སདྡྷིཝིཧཱརིཀེཧི ཨུཔཛ྄ཛྷཱཡེསུ སམྨཱ ཝཏྟིཏབྦཾ. [མཧཱཝ. ༦༦] སདྡྷིཝིཧཱརིཀེན, བྷིཀྑཝེ, ཨུཔཛ྄ཛྷཱཡམྷི སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ –

‘‘ཀཱལསྶེཝ ཨུཊྛཱཡ ཨུཔཱཧནཱ ཨོམུཉྩིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ དནྟཀཊྛཾ དཱཏབྦཾ, མུཁོདཀཾ དཱཏབྦཾ, ཨཱསནཾ པཉྙཔེཏབྦཾ. སཙེ ཡཱགུ ཧོཏི, བྷཱཛནཾ དྷོཝིཏྭཱ ཡཱགུ ཨུཔནཱམེཏབྦཱ. ཡཱགུཾ པཱིཏསྶ ཨུདཀཾ དཏྭཱ བྷཱཛནཾ པཊིགྒཧེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན དྷོཝིཏྭཱ པཊིསཱམེཏབྦཾ. ཨུཔཛ྄ཛྷཱཡམྷི ཝུཊྛིཏེ ཨཱསནཾ ཨུདྡྷརིཏབྦཾ. སཙེ སོ དེསོ ཨུཀླཱཔོ ཧོཏི ¶ , སོ དེསོ སམྨཛྫིཏབྦོ.

‘‘སཙེ ཨུཔཛ྄ཛྷཱཡོ གཱམཾ པཝིསིཏུཀཱམོ ཧོཏི, ནིཝཱསནཾ དཱཏབྦཾ, པཊིནིཝཱསནཾ པཊིགྒཧེཏབྦཾ, ཀཱཡབནྡྷནཾ དཱཏབྦཾ, སགུཎཾ ཀཏྭཱ སངྒྷཱཊིཡོ དཱཏབྦཱ, དྷོཝིཏྭཱ པཏྟོ སོདཀོ [སཨུདཀོ (ཀ.)] དཱཏབྦོ. སཙེ ཨུཔཛ྄ཛྷཱཡོ པཙྪཱསམཎཾ ཨཱཀངྑཏི, ཏིམཎྜལཾ པཊིཙྪཱདེནྟེན པརིམཎྜལཾ ནིཝཱསེཏྭཱ ཀཱཡབནྡྷནཾ བནྡྷིཏྭཱ སགུཎཾ ཀཏྭཱ སངྒྷཱཊིཡོ པཱརུཔིཏྭཱ གཎྛིཀཾ པཊིམུཉྩིཏྭཱ དྷོཝིཏྭཱ པཏྟཾ གཧེཏྭཱ ཨུཔཛ྄ཛྷཱཡསྶ པཙྪཱསམཎེན ཧོཏབྦཾ. ནཱཏིདཱུརེ གནྟབྦཾ, ནཱཙྩཱསནྣེ གནྟབྦཾ ¶ , པཏྟཔརིཡཱཔནྣཾ པཊིགྒཧེཏབྦཾ. ན ཨུཔཛ྄ཛྷཱཡསྶ བྷཎམཱནསྶ ཨནྟརནྟརཱ ཀཐཱ ཨོཔཱཏེཏབྦཱ. ཨུཔཛ྄ཛྷཱཡོ ཨཱཔཏྟིསཱམནྟཱ བྷཎམཱནོ ནིཝཱརེཏབྦོ.

‘‘ནིཝཏྟནྟེན པཋམཏརཾ ཨཱགནྟྭཱ ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཏབྦཾ, པཙྩུགྒནྟྭཱ པཏྟཙཱིཝརཾ པཊིགྒཧེཏབྦཾ, པཊིནིཝཱསནཾ དཱཏབྦཾ, ནིཝཱསནཾ པཊིགྒཧེཏབྦཾ. སཙེ ཙཱིཝརཾ སིནྣཾ ཧོཏི, མུཧུཏྟཾ ཨུཎྷེ ཨོཏཱཔེཏབྦཾ, ན ཙ ཨུཎྷེ ཙཱིཝརཾ ནིདཧིཏབྦཾ. ཙཱིཝརཾ སངྒྷརིཏབྦཾ. ཙཱིཝརཾ སངྒྷརནྟེན ཙཏུརངྒུལཾ ཀཎྞཾ ཨུསྶཱརེཏྭཱ ཙཱིཝརཾ སངྒྷརིཏབྦཾ – མཱ མཛ྄ཛྷེ བྷངྒོ ཨཧོསཱིཏི. ཨོབྷོགེ ཀཱཡབནྡྷནཾ ཀཱཏབྦཾ.

‘‘སཙེ ¶ པིཎྜཔཱཏོ ཧོཏི, ཨུཔཛ྄ཛྷཱཡོ ཙ བྷུཉྫིཏུཀཱམོ ཧོཏི, ཨུདཀཾ དཏྭཱ པིཎྜཔཱཏོ ¶ ཨུཔནཱམེཏབྦོ. ཨུཔཛ྄ཛྷཱཡོ པཱནཱིཡེན པུཙྪིཏབྦོ. བྷུཏྟཱཝིསྶ ཨུདཀཾ དཏྭཱ པཏྟཾ པཊིགྒཧེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན དྷོཝིཏྭཱ ཝོདཀཾ ཀཏྭཱ མུཧུཏྟཾ ཨུཎྷེ ཨོཏཱཔེཏབྦོ. ན ཙ ཨུཎྷེ པཏྟོ ནིདཧིཏབྦོ. པཏྟཙཱིཝརཾ ¶ ནིཀྑིཔིཏབྦཾ. པཏྟཾ ནིཀྑིཔནྟེན ཨེཀེན ཧཏྠེན པཏྟཾ གཧེཏྭཱ ཨེཀེན ཧཏྠེན ཧེཊྛཱམཉྩཾ ཝཱ ཧེཊྛཱཔཱིཋཾ ཝཱ པརཱམསིཏྭཱ པཏྟོ ནིཀྑིཔིཏབྦོ. ན ཙ ཨནནྟརཧིཏཱཡ བྷཱུམིཡཱ པཏྟོ ནིཀྑིཔིཏབྦོ. ཙཱིཝརཾ ནིཀྑིཔནྟེན ཨེཀེན ཧཏྠེན ཙཱིཝརཾ གཧེཏྭཱ ཨེཀེན ཧཏྠེན ཙཱིཝརཝཾསཾ ཝཱ ཙཱིཝརརཛྫུཾ ཝཱ པམཛྫིཏྭཱ པཱརཏོ ཨནྟཾ ཨོརཏོ བྷོགཾ ཀཏྭཱ ཙཱིཝརཾ ནིཀྑིཔིཏབྦཾ. ཨུཔཛ྄ཛྷཱཡམྷི ཝུཊྛིཏེ ཨཱསནཾ ཨུདྡྷརིཏབྦཾ, པཱདོདཀཾ པཱདཔཱིཋཾ པཱདཀཐལིཀཾ པཊིསཱམེཏབྦཾ. སཙེ སོ དེསོ ཨུཀླཱཔོ ཧོཏི, སོ དེསོ སམྨཛྫིཏབྦོ.

‘‘སཙེ ཨུཔཛ྄ཛྷཱཡོ ནཧཱཡིཏུཀཱམོ ཧོཏི, ནཧཱནཾ པཊིཡཱདེཏབྦཾ. སཙེ སཱིཏེན ཨཏྠོ ཧོཏི, སཱིཏཾ པཊིཡཱདེཏབྦཾ. སཙེ ཨུཎྷེན ཨཏྠོ ཧོཏི, ཨུཎྷཾ པཊིཡཱདེཏབྦཾ.

‘‘སཙེ ཨུཔཛ྄ཛྷཱཡོ ཛནྟཱགྷརཾ པཝིསིཏུཀཱམོ ཧོཏི, ཙུཎྞཾ སནྣེཏབྦཾ, མཏྟིཀཱ ཏེམེཏབྦཱ, ཛནྟཱགྷརཔཱིཋཾ ཨཱདཱཡ ཨུཔཛ྄ཛྷཱཡསྶ པིཊྛིཏོ པིཊྛིཏོ གནྟྭཱ ཛནྟཱགྷརཔཱིཋཾ དཏྭཱ ཙཱིཝརཾ པཊིགྒཧེཏྭཱ ཨེཀམནྟཾ ནིཀྑིཔིཏབྦཾ, ཙུཎྞཾ དཱཏབྦཾ, མཏྟིཀཱ དཱཏབྦཱ. སཙེ ཨུསྶཧཏི, ཛནྟཱགྷརཾ པཝིསིཏབྦཾ. ཛནྟཱགྷརཾ པཝིསནྟེན མཏྟིཀཱཡ མུཁཾ མཀྑེཏྭཱ པུརཏོ ཙ པཙྪཏོ ཙ པཊིཙྪཱདེཏྭཱ ¶ ཛནྟཱགྷརཾ པཝིསིཏབྦཾ. ན ཐེརེ བྷིཀྑཱུ ཨནུཔཁཛྫ ནིསཱིདིཏབྦཾ. ན ནཝཱ བྷིཀྑཱུ ཨཱསནེན པཊིབཱཧིཏབྦཱ. ཛནྟཱགྷརེ ཨུཔཛ྄ཛྷཱཡསྶ པརིཀམྨཾ ཀཱཏབྦཾ. ཛནྟཱགྷརཱ ¶ ནིཀྑམནྟེན ཛནྟཱགྷརཔཱིཋཾ ཨཱདཱཡ པུརཏོ ཙ པཙྪཏོ ཙ པཊིཙྪཱདེཏྭཱ ཛནྟཱགྷརཱ ནིཀྑམིཏབྦཾ.

‘‘ཨུདཀེཔི ཨུཔཛ྄ཛྷཱཡསྶ པརིཀམྨཾ ཀཱཏབྦཾ. ནཧཱཏེན པཋམཏརཾ ཨུཏྟརིཏྭཱ ཨཏྟནོ གཏྟཾ ཝོདཀཾ ཀཏྭཱ ནིཝཱསེཏྭཱ ཨུཔཛ྄ཛྷཱཡསྶ གཏྟཏོ ཨུདཀཾ པམཛྫིཏབྦཾ, ནིཝཱསནཾ དཱཏབྦཾ, སངྒྷཱཊི དཱཏབྦཱ, ཛནྟཱགྷརཔཱིཋཾ ཨཱདཱཡ པཋམཏརཾ ཨཱགནྟྭཱ ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཏབྦཾ. ཨུཔཛ྄ཛྷཱཡོ པཱནཱིཡེན པུཙྪིཏབྦོ. སཙེ ཨུདྡིསཱཔེཏུཀཱམོ ཧོཏི, ཨུདྡིསིཏབྦོ. སཙེ པརིཔུཙྪིཏུཀཱམོ ཧོཏི, པརིཔུཙྪིཏབྦོ.

‘‘ཡསྨིཾ ¶ ཝིཧཱརེ ཨུཔཛ྄ཛྷཱཡོ ཝིཧརཏི, སཙེ སོ ཝིཧཱརོ ཨུཀླཱཔོ ཧོཏི, སཙེ ཨུསྶཧཏི, སོདྷེཏབྦོ. ཝིཧཱརཾ སོདྷེནྟེན པཋམཾ པཏྟཙཱིཝརཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; ནིསཱིདནཔཙྩཏྠརཎཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; བྷིསིབིབྦོཧནཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; མཉྩོ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན ¶ , ཨསངྒྷཊྚེནྟེན ཀཝཱཊཔིཊྛཾ, ནཱིཧརིཏྭཱ ཨེཀམནྟཾ ནིཀྑིཔིཏབྦོ; པཱིཋཾ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ནཱིཧརིཏྭཱ ཨེཀམནྟཾ ནིཀྑིཔིཏབྦཾ; མཉྩཔཊིཔཱདཀཱ ནཱིཧརིཏྭཱ ཨེཀམནྟཾ ནིཀྑིཔིཏབྦཱ; ཁེལ༹མལླཀོ ནཱིཧརིཏྭཱ ཨེཀམནྟཾ ནིཀྑིཔིཏབྦོ; ཨཔསྶེནཕལཀཾ ¶ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; བྷཱུམཏྠརཎཾ ཡཐཱཔཉྙཏྟཾ སལླཀྑེཏྭཱ ནཱིཧརིཏྭཱ ཨེཀམནྟཾ ནིཀྑིཔིཏབྦཾ. སཙེ ཝིཧཱརེ སནྟཱནཀཾ ཧོཏི, ཨུལློཀཱ པཋམཾ ཨོཧཱརེཏབྦཾ, ཨཱལོཀསནྡྷིཀཎྞབྷཱགཱ པམཛྫིཏབྦཱ. སཙེ གེརུཀཔརིཀམྨཀཏཱ བྷིཏྟི ཀཎྞཀིཏཱ ཧོཏི, ཙོལ༹ཀཾ ཏེམེཏྭཱ པཱིལེ༹ཏྭཱ པམཛྫིཏབྦཱ. སཙེ ཀཱལ༹ཝཎྞཀཏཱ བྷཱུམི ཀཎྞཀིཏཱ ཧོཏི, ཙོལ༹ཀཾ ཏེམེཏྭཱ པཱིལེ༹ཏྭཱ པམཛྫིཏབྦཱ. སཙེ ཨཀཏཱ ཧོཏི བྷཱུམི, ཨུདཀེན པརིཔྥོསིཏྭཱ པརིཕོསིཏྭཱ སམྨཛྫིཏབྦཱ – མཱ ཝིཧཱརོ རཛེན ཨུཧཉྙཱིཏི. སངྐཱརཾ ཝིཙིནིཏྭཱ ཨེཀམནྟཾ ཚཌྜེཏབྦཾ.

‘‘བྷཱུམཏྠརཎཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. མཉྩཔཊིཔཱདཀཱ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦཱ. མཉྩོ ཨོཏཱཔེཏྭཱ སོདྷེཏྭཱ པཔྥོཊེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦོ. པཱིཋཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. བྷིསིབིབྦོཧནཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. ནིསཱིདནཔཙྩཏྠརཎཾ ¶ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. ཁེལ༹མལླཀོ ཨོཏཱཔེཏྭཱ ¶ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦོ. ཨཔསྶེནཕལཀཾ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦཾ. པཏྟཙཱིཝརཾ ནིཀྑིཔིཏབྦཾ. པཏྟཾ ནིཀྑིཔནྟེན ཨེཀེན ཧཏྠེན པཏྟཾ གཧེཏྭཱ ཨེཀེན ཧཏྠེན ཧེཊྛཱམཉྩཾ ཝཱ ཧེཊྛཱཔཱིཋཾ ཝཱ པརཱམསིཏྭཱ པཏྟོ ¶ ནིཀྑིཔིཏབྦོ. ན ཙ ཨནནྟརཧིཏཱཡ བྷཱུམིཡཱ པཏྟོ ནིཀྑིཔིཏབྦོ. ཙཱིཝརཾ ནིཀྑིཔནྟེན ཨེཀེན ཧཏྠེན ཙཱིཝརཾ གཧེཏྭཱ ཨེཀེན ཧཏྠེན ཙཱིཝརཝཾསཾ ཝཱ ཙཱིཝརརཛྫུཾ ཝཱ པམཛྫིཏྭཱ པཱརཏོ ཨནྟཾ ཨོརཏོ བྷོགཾ ཀཏྭཱ ཙཱིཝརཾ ནིཀྑིཔིཏབྦཾ.

‘‘སཙེ པུརཏྠིམཱ སརཛཱ ཝཱཏཱ ཝཱཡནྟི, པུརཏྠིམཱ ཝཱཏཔཱནཱ ཐཀེཏབྦཱ. སཙེ པཙྪིམཱ སརཛཱ ཝཱཏཱ ཝཱཡནྟི, པཙྪིམཱ ཝཱཏཔཱནཱ ཐཀེཏབྦཱ. སཙེ ཨུཏྟརཱ སརཛཱ ཝཱཏཱ ཝཱཡནྟི, ཨུཏྟརཱ ཝཱཏཔཱནཱ ཐཀེཏབྦཱ. སཙེ དཀྑིཎཱ ¶ སརཛཱ ཝཱཏཱ ཝཱཡནྟི, དཀྑིཎཱ ཝཱཏཔཱནཱ ཐཀེཏབྦཱ. སཙེ སཱིཏཀཱལོ ཧོཏི, དིཝཱ ཝཱཏཔཱནཱ ཝིཝརིཏབྦཱ, རཏྟིཾ ཐཀེཏབྦཱ. སཙེ ཨུཎྷཀཱལོ ཧོཏི, དིཝཱ ཝཱཏཔཱནཱ ཐཀེཏབྦཱ, རཏྟིཾ ཝིཝརིཏབྦཱ.

‘‘སཙེ པརིཝེཎཾ ཨུཀླཱཔཾ ཧོཏི, པརིཝེཎཾ སམྨཛྫིཏབྦཾ. སཙེ ཀོཊྛཀོ ཨུཀླཱཔོ ཧོཏི, ཀོཊྛཀོ སམྨཛྫིཏབྦོ. སཙེ ཨུཔཊྛཱནསཱལཱ ཨུཀླཱཔཱ ཧོཏི, ཨུཔཊྛཱནསཱལཱ སམྨཛྫིཏབྦཱ. སཙེ ཨགྒིསཱལཱ ཨུཀླཱཔཱ ཧོཏི, ཨགྒིསཱལཱ སམྨཛྫིཏབྦཱ. སཙེ ཝཙྩཀུཊི ཨུཀླཱཔཱ ཧོཏི, ཝཙྩཀུཊི སམྨཛྫིཏབྦཱ. སཙེ པཱནཱིཡཾ ན ཧོཏི, པཱནཱིཡཾ ཨུཔཊྛཱཔེཏབྦཾ. སཙེ པརིབྷོཛནཱིཡཾ ན ཧོཏི, པརིབྷོཛནཱིཡཾ ¶ ཨུཔཊྛཱཔེཏབྦཾ. སཙེ ཨཱཙམནཀུམྦྷིཡཱ ཨུདཀཾ ན ཧོཏི, ཨཱཙམནཀུམྦྷིཡཱ ཨུདཀཾ ཨཱསིཉྩིཏབྦཾ.

‘‘སཙེ ཨུཔཛ྄ཛྷཱཡསྶ ཨནབྷིརཏི ཨུཔྤནྣཱ ཧོཏི, སདྡྷིཝིཧཱརིཀེན ཝཱུཔཀཱསེཏབྦོ, ཝཱུཔཀཱསཱཔེཏབྦོ, དྷམྨཀཐཱ ཝཱསྶ ཀཱཏབྦཱ. སཙེ ཨུཔཛ྄ཛྷཱཡསྶ ཀུཀྐུཙྩཾ ཨུཔྤནྣཾ ཧོཏི, སདྡྷིཝིཧཱརིཀེན ཝིནོདེཏབྦཾ, ཝིནོདཱཔེཏབྦཾ, དྷམྨཀཐཱ ཝཱསྶ ཀཱཏབྦཱ. སཙེ ཨུཔཛ྄ཛྷཱཡསྶ དིཊྛིགཏཾ ཨུཔྤནྣཾ ཧོཏི, སདྡྷིཝིཧཱརིཀེན ཝིཝེཙེཏབྦཾ, ཝིཝེཙཱཔེཏབྦཾ, དྷམྨཀཐཱ ཝཱསྶ ཀཱཏབྦཱ. སཙེ ཨུཔཛ྄ཛྷཱཡོ གརུདྷམྨཾ ཨཛ྄ཛྷཱཔནྣོ ཧོཏི པརིཝཱསཱརཧོ, སདྡྷིཝིཧཱརིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨུཔཛ྄ཛྷཱཡསྶ པརིཝཱསཾ དདེཡྻཱཏི. སཙེ ཨུཔཛ྄ཛྷཱཡོ མཱུལཱཡཔཊིཀསྶནཱརཧོ ཧོཏི, སདྡྷིཝིཧཱརིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨུཔཛ྄ཛྷཱཡཾ མཱུལཱཡ པཊིཀསྶེཡྻཱཏི. སཙེ ཨུཔཛ྄ཛྷཱཡོ མཱནཏྟཱརཧོ ཧོཏི, སདྡྷིཝིཧཱརིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨུཔཛ྄ཛྷཱཡསྶ མཱནཏྟཾ དདེཡྻཱཏི. སཙེ ¶ ཨུཔཛ྄ཛྷཱཡོ ཨབྦྷཱནཱརཧོ ཧོཏི, སདྡྷིཝིཧཱརིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ ¶ སངྒྷོ ཨུཔཛ྄ཛྷཱཡཾ ཨབྦྷེཡྻཱཏི. སཙེ སངྒྷོ ཨུཔཛ྄ཛྷཱཡསྶ ཀམྨཾ ཀཏྟུཀཱམོ ཧོཏི, ཏཛྫནཱིཡཾ ཝཱ ནིཡསྶཾ ཝཱ པབྦཱཛནཱིཡཾ ཝཱ པཊིསཱརཎཱིཡཾ ཝཱ ཨུཀྑེཔནཱིཡཾ ཝཱ, སདྡྷིཝིཧཱརིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨུཔཛ྄ཛྷཱཡསྶ ཀམྨཾ ན ཀརེཡྻ, ལཧུཀཱཡ ཝཱ པརིཎཱམེཡྻཱཏི. ཀཏཾ ¶ ཝཱ པནསྶ ཧོཏི སངྒྷེན ཀམྨཾ, ཏཛྫནཱིཡཾ ཝཱ ནིཡསྶཾ ཝཱ པབྦཱཛནཱིཡཾ ཝཱ པཊིསཱརཎཱིཡཾ ཝཱ ཨུཀྑེཔནཱིཡཾ ཝཱ, སདྡྷིཝིཧཱརིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ ཨུཔཛ྄ཛྷཱཡོ སམྨཱ ཝཏྟེཡྻ, ལོམཾ པཱཏེཡྻ, ནེཏྠཱརཾ ཝཏྟེཡྻ, སངྒྷོ ཏཾ ཀམྨཾ པཊིཔྤསྶམྦྷེཡྻཱཏི.

‘‘སཙེ ཨུཔཛ྄ཛྷཱཡསྶ ཙཱིཝརཾ དྷོཝིཏབྦཾ ཧོཏི ¶ , སདྡྷིཝིཧཱརིཀེན དྷོཝིཏབྦཾ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨུཔཛ྄ཛྷཱཡསྶ ཙཱིཝརཾ དྷོཝིཡེཐཱཏི. སཙེ ཨུཔཛ྄ཛྷཱཡསྶ ཙཱིཝརཾ ཀཱཏབྦཾ ཧོཏི, སདྡྷིཝིཧཱརིཀེན ཀཱཏབྦཾ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨུཔཛ྄ཛྷཱཡསྶ ཙཱིཝརཾ ཀརིཡེཐཱཏི. སཙེ ཨུཔཛ྄ཛྷཱཡསྶ རཛནཱ པཙིཏབྦཱ ཧོཏི, སདྡྷིཝིཧཱརིཀེན པཙིཏབྦཱ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨུཔཛ྄ཛྷཱཡསྶ རཛནཾ པཙིཡེཐཱཏི. སཙེ ཨུཔཛ྄ཛྷཱཡསྶ ཙཱིཝརཾ རཛིཏབྦཾ [རཛེཏབྦཾ (སྱཱ.)] ཧོཏི, སདྡྷིཝིཧཱརིཀེན རཛིཏབྦཾ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨུཔཛ྄ཛྷཱཡསྶ ཙཱིཝརཾ རཛིཡེཐཱཏི. ཙཱིཝརཾ རཛནྟེན [རཛེནྟེན (སྱཱ.)] སཱདྷུཀཾ སམྤརིཝཏྟཀཾ སམྤརིཝཏྟཀཾ རཛིཏབྦཾ, ན ཙ ཨཙྪིནྣེ ཐེཝེ པཀྐམིཏབྦཾ.

‘‘ན ཨུཔཛ྄ཛྷཱཡཾ ཨནཱཔུཙྪཱ ཨེཀཙྩསྶ པཏྟོ དཱཏབྦོ, ན ཨེཀཙྩསྶ པཏྟོ པཊིགྒཧེཏབྦོ; ན ཨེཀཙྩསྶ ཙཱིཝརཾ དཱཏབྦཾ, ན ཨེཀཙྩསྶ ཙཱིཝརཾ པཊིགྒཧེཏབྦཾ; ན ཨེཀཙྩསྶ པརིཀྑཱརོ དཱཏབྦོ, ན ཨེཀཙྩསྶ པརིཀྑཱརོ པཊིགྒཧེཏབྦོ; ན ཨེཀཙྩསྶ ཀེསཱ ཚེདེཏབྦཱ [ཚེཏྟབྦཱ (སཱི.), ཚེདིཏབྦཱ (ཀ.)], ན ཨེཀཙྩེན ཀེསཱ ¶ ཚེདཱཔེཏབྦཱ; ན ཨེཀཙྩསྶ པརིཀམྨཾ ཀཱཏབྦཾ, ན ཨེཀཙྩེན པརིཀམྨཾ ཀཱརཱཔེཏབྦཾ; ན ཨེཀཙྩསྶ ཝེཡྻཱཝཙྩོ [ཝེཡྻཱཝཙྩཾ (ཀ.)] ཀཱཏབྦོ, ན ཨེཀཙྩེན ཝེཡྻཱཝཙྩོ ཀཱརཱཔེཏབྦོ; ན ཨེཀཙྩསྶ པཙྪཱསམཎེན ཧོཏབྦཾ, ན ཨེཀཙྩོ པཙྪཱསམཎོ ཨཱདཱཏབྦོ; ན ཨེཀཙྩསྶ པིཎྜཔཱཏོ ནཱིཧརིཏབྦོ, ན ཨེཀཙྩེན པིཎྜཔཱཏོ ནཱིཧརཱཔེཏབྦོ; ན ཨུཔཛ྄ཛྷཱཡཾ ཨནཱཔུཙྪཱ གཱམོ པཝིསིཏབྦོ; ན སུསཱནཾ གནྟབྦཾ; ན དིསཱ པཀྐམིཏབྦཱ. སཙེ ཨུཔཛ྄ཛྷཱཡོ གིལཱནོ ཧོཏི, ཡཱཝཛཱིཝཾ ཨུཔཊྛཱཏབྦོ ¶ , ཝུཊྛཱནམསྶ ཨཱགམེཏབྦཾ. ཨིདཾ ཁོ, བྷིཀྑཝེ, སདྡྷིཝིཧཱརིཀཱནཾ ཨུཔཛ྄ཛྷཱཡེསུ ཝཏྟཾ ཡཐཱ སདྡྷིཝིཧཱརིཀེཧི ཨུཔཛ྄ཛྷཱཡེསུ སམྨཱ ཝཏྟིཏབྦ’’ནྟི.

༡༢. སདྡྷིཝིཧཱརིཀཝཏྟཀཐཱ

༣༧༧. ཏེན ¶ ཁོ པན སམཡེན ཨུཔཛ྄ཛྷཱཡཱ སདྡྷིཝིཧཱརིཀེསུ ན སམྨཱ ཝཏྟནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨུཔཛ྄ཛྷཱཡཱ སདྡྷིཝིཧཱརིཀེསུ ན སམྨཱ ཝཏྟིསྶནྟཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, ཨུཔཛ྄ཛྷཱཡཱ སདྡྷིཝིཧཱརིཀེསུ ན སམྨཱ ཝཏྟནྟཱི’’ཏི? ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༣༧༨. ‘‘ཏེན ཧི, བྷིཀྑཝེ, ཨུཔཛ྄ཛྷཱཡཱནཾ སདྡྷིཝིཧཱརིཀེསུ ཝཏྟཾ པཉྙཔེསྶཱམི ཡཐཱ ཨུཔཛ྄ཛྷཱཡེཧི སདྡྷིཝིཧཱརིཀེསུ སམྨཱ ཝཏྟིཏབྦཾ. [མཧཱཝ. ༦༧] ཨུཔཛ྄ཛྷཱཡེན, བྷིཀྑཝེ, སདྡྷིཝིཧཱརིཀམྷི སམྨཱ ཝཏྟིཏབྦཾ ¶ . ཏཏྲཱཡཾ ¶ སམྨཱཝཏྟནཱ –

‘‘ཨུཔཛ྄ཛྷཱཡེན, བྷིཀྑཝེ, སདྡྷིཝིཧཱརིཀོ སངྒཧེཏབྦོ ཨནུགྒཧེཏབྦོ ཨུདྡེསེན པརིཔུཙྪཱཡ ཨོཝཱདེན ཨནུསཱསནིཡཱ. སཙེ ཨུཔཛ྄ཛྷཱཡསྶ པཏྟོ ཧོཏི, སདྡྷིཝིཧཱརིཀསྶ པཏྟོ ན ཧོཏི, ཨུཔཛ྄ཛྷཱཡེན སདྡྷིཝིཧཱརིཀསྶ པཏྟོ དཱཏབྦོ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ སདྡྷིཝིཧཱརིཀསྶ པཏྟོ ཨུཔྤཛྫིཡེཐཱཏི. སཙེ ཨུཔཛ྄ཛྷཱཡསྶ ཙཱིཝརཾ ཧོཏི, སདྡྷིཝིཧཱརིཀསྶ ཙཱིཝརཾ ན ཧོཏི, ཨུཔཛ྄ཛྷཱཡེན སདྡྷིཝིཧཱརིཀསྶ ཙཱིཝརཾ དཱཏབྦཾ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ སདྡྷིཝིཧཱརིཀསྶ ཙཱིཝརཾ ཨུཔྤཛྫིཡེཐཱཏི. སཙེ ཨུཔཛ྄ཛྷཱཡསྶ པརིཀྑཱརོ ཧོཏི, སདྡྷིཝིཧཱརིཀསྶ པརིཀྑཱརོ ན ཧོཏི, ཨུཔཛ྄ཛྷཱཡེན སདྡྷིཝིཧཱརིཀསྶ པརིཀྑཱརོ དཱཏབྦོ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ སདྡྷིཝིཧཱརིཀསྶ པརིཀྑཱརོ ཨུཔྤཛྫིཡེཐཱཏི.

‘‘སཙེ སདྡྷིཝིཧཱརིཀོ གིལཱནོ ཧོཏི, ཀཱལསྶེཝ ཨུཊྛཱཡ དནྟཀཊྛཾ དཱཏབྦཾ, མུཁོདཀཾ དཱཏབྦཾ, ཨཱསནཾ པཉྙཔེཏབྦཾ. སཙེ ཡཱགུ ཧོཏི, བྷཱཛནཾ དྷོཝིཏྭཱ ཡཱགུ ཨུཔནཱམེཏབྦཱ. ཡཱགུཾ པཱིཏསྶ ཨུདཀཾ ¶ དཏྭཱ བྷཱཛནཾ པཊིགྒཧེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན དྷོཝིཏྭཱ པཊིསཱམེཏབྦཾ. སདྡྷིཝིཧཱརིཀམྷི ཝུཊྛིཏེ ཨཱསནཾ ཨུདྡྷརིཏབྦཾ. སཙེ སོ དེསོ ཨུཀླཱཔོ ཧོཏི, སོ དེསོ སམྨཛྫིཏབྦོ.

‘‘སཙེ སདྡྷིཝིཧཱརིཀོ གཱམཾ པཝིསིཏུཀཱམོ ཧོཏི, ནིཝཱསནཾ དཱཏབྦཾ, པཊིནིཝཱསནཾ པཊིགྒཧེཏབྦཾ ¶ , ཀཱཡབནྡྷནཾ དཱཏབྦཾ, སགུཎཾ ཀཏྭཱ སངྒྷཱཊིཡོ དཱཏབྦཱ ¶ , དྷོཝིཏྭཱ པཏྟོ སོདཀོ དཱཏབྦོ.

‘‘ཨེཏྟཱཝཏཱ ནིཝཏྟིསྶཏཱིཏི ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཏབྦཾ, པཙྩུགྒནྟྭཱ པཏྟཙཱིཝརཾ པཊིགྒཧེཏབྦཾ, པཊིནིཝཱསནཾ དཱཏབྦཾ, ནིཝཱསནཾ པཊིགྒཧེཏབྦཾ. སཙེ ཙཱིཝརཾ སིནྣཾ ཧོཏི, མུཧུཏྟཾ ཨུཎྷེ ཨོཏཱཔེཏབྦཾ, ན ཙ ཨུཎྷེ ཙཱིཝརཾ ནིདཧིཏབྦཾ. ཙཱིཝརཾ སངྒྷརིཏབྦཾ. ཙཱིཝརཾ སངྒྷརནྟེན ཙཏུརངྒུལཾ ཀཎྞཾ ཨུསྶཱརེཏྭཱ ཙཱིཝརཾ སངྒྷརིཏབྦཾ – མཱ མཛ྄ཛྷེ བྷངྒོ ཨཧོསཱིཏི. ཨོབྷོགེ ཀཱཡབནྡྷནཾ ཀཱཏབྦཾ.

‘‘སཙེ པིཎྜཔཱཏོ ཧོཏི, སདྡྷིཝིཧཱརིཀོ ཙ བྷུཉྫིཏུཀཱམོ ཧོཏི, ཨུདཀཾ དཏྭཱ པིཎྜཔཱཏོ ཨུཔནཱམེཏབྦོ. སདྡྷིཝིཧཱརིཀོ པཱནཱིཡེན པུཙྪིཏབྦོ. བྷུཏྟཱཝིསྶ ཨུདཀཾ དཏྭཱ པཏྟཾ པཊིགྒཧེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན དྷོཝིཏྭཱ ཝོདཀཾ ཀཏྭཱ མུཧུཏྟཾ ཨུཎྷེ ཨོཏཱཔེཏབྦོ, ན ཙ ཨུཎྷེ པཏྟོ ནིདཧིཏབྦོ. པཏྟཙཱིཝརཾ ནིཀྑིཔིཏབྦཾ. པཏྟཾ ནིཀྑིཔནྟེན ཨེཀེན ཧཏྠེན པཏྟཾ གཧེཏྭཱ ཨེཀེན ཧཏྠེན ཧེཊྛཱམཉྩཾ ¶ ཝཱ ཧེཊྛཱཔཱིཋཾ ཝཱ པརཱམསིཏྭཱ པཏྟོ ནིཀྑིཔིཏབྦོ. ན ཙ ཨནནྟརཧིཏཱཡ བྷཱུམིཡཱ པཏྟོ ནིཀྑིཔིཏབྦོ. ཙཱིཝརཾ ནིཀྑིཔནྟེན ཨེཀེན ཧཏྠེན ཙཱིཝརཾ གཧེཏྭཱ ཨེཀེན ཧཏྠེན ཙཱིཝརཝཾསཾ ཝཱ ཙཱིཝརརཛྫུཾ ཝཱ པམཛྫིཏྭཱ པཱརཏོ ཨནྟཾ ཨོརཏོ བྷོགཾ ཀཏྭཱ ཙཱིཝརཾ ནིཀྑིཔིཏབྦཾ. སདྡྷིཝིཧཱརིཀམྷི ཝུཊྛིཏེ ཨཱསནཾ ཨུདྡྷརིཏབྦཾ, པཱདོདཀཾ པཱདཔཱིཋཾ པཱདཀཐལིཀཾ པཊིསཱམེཏབྦཾ. སཙེ སོ དེསོ ཨུཀླཱཔོ ཧོཏི, སོ དེསོ སམྨཛྫིཏབྦོ ¶ .

‘‘སཙེ སདྡྷིཝིཧཱརིཀོ ནཧཱཡིཏུཀཱམོ ཧོཏི, ནཧཱནཾ པཊིཡཱདེཏབྦཾ. སཙེ སཱིཏེན ཨཏྠོ ཧོཏི, སཱིཏཾ པཊིཡཱདེཏབྦཾ. སཙེ ཨུཎྷེན ཨཏྠོ ཧོཏི, ཨུཎྷཾ པཊིཡཱདེཏབྦཾ.

‘‘སཙེ ¶ སདྡྷིཝིཧཱརིཀོ ཛནྟཱགྷརཾ པཝིསིཏུཀཱམོ ཧོཏི, ཙུཎྞཾ སནྣེཏབྦཾ, མཏྟིཀཱ ཏེམེཏབྦཱ, ཛནྟཱགྷརཔཱིཋཾ ཨཱདཱཡ [ཨཱདཱཡ སདྡྷིཝིཧཱརིཀསྶ པིཊྛིཏོ པིཊྛིཏོ (ཀ.)] གནྟྭཱ ཛནྟཱགྷརཔཱིཋཾ དཏྭཱ ཙཱིཝརཾ པཊིགྒཧེཏྭཱ ཨེཀམནྟཾ ནིཀྑིཔིཏབྦཾ, ཙུཎྞཾ དཱཏབྦཾ, མཏྟིཀཱ དཱཏབྦཱ. སཙེ ཨུསྶཧཏི ཛནྟཱགྷརཾ པཝིསིཏབྦཾ. ཛནྟཱགྷརཾ པཝིསནྟེན མཏྟིཀཱཡ མུཁཾ མཀྑེཏྭཱ པུརཏོ ཙ པཙྪཏོ ཙ པཊིཙྪཱདེཏྭཱ ཛནྟཱགྷརཾ པཝིསིཏབྦཾ. ན ཐེརེ བྷིཀྑཱུ ཨནུཔཁཛྫ ནིསཱིདིཏབྦཾ, ན ནཝཱ བྷིཀྑཱུ ཨཱསནེན པཊིབཱཧིཏབྦཱ. ཛནྟཱགྷརེ སདྡྷིཝིཧཱརིཀསྶ པརིཀམྨཾ ཀཱཏབྦཾ. ཛནྟཱགྷརཱ ནིཀྑམནྟེན ཛནྟཱགྷརཔཱིཋཾ ཨཱདཱཡ པུརཏོ ཙ པཙྪཏོ ཙ པཊིཙྪཱདེཏྭཱ ཛནྟཱགྷརཱ ནིཀྑམིཏབྦཾ.

‘‘ཨུདཀེཔི ¶ སདྡྷིཝིཧཱརིཀསྶ པརིཀམྨཾ ཀཱཏབྦཾ. ནཧཱཏེན པཋམཏརཾ ཨུཏྟརིཏྭཱ ཨཏྟནོ གཏྟཾ ཝོདཀཾ ཀཏྭཱ ནིཝཱསེཏྭཱ སདྡྷིཝིཧཱརིཀསྶ གཏྟཏོ ཨུདཀཾ པམཛྫིཏབྦཾ, ནིཝཱསནཾ དཱཏབྦཾ, སངྒྷཱཊི དཱཏབྦཱ, ཛནྟཱགྷརཔཱིཋཾ ཨཱདཱཡ པཋམཏརཾ ཨཱགནྟྭཱ ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཏབྦཾ. སདྡྷིཝིཧཱརིཀོ པཱནཱིཡེན པུཙྪིཏབྦོ.

‘‘ཡསྨིཾ ཝིཧཱརེ སདྡྷིཝིཧཱརིཀོ ཝིཧརཏི, སཙེ སོ ཝིཧཱརོ ཨུཀླཱཔོ ཧོཏི, སཙེ ཨུསྶཧཏི, སོདྷེཏབྦོ. ཝིཧཱརཾ སོདྷེནྟེན པཋམཾ པཏྟཙཱིཝརཾ ནཱིཧརིཏྭཱ ¶ ཨེཀམནྟཾ ནིཀྑིཔིཏབྦཾ…པེ… སཙེ ཨཱཙམནཀུམྦྷིཡཱ ཨུདཀཾ ན ཧོཏི, ཨཱཙམནཀུམྦྷིཡཱ ཨུདཀཾ ཨཱསིཉྩིཏབྦཾ.

‘‘སཙེ སདྡྷིཝིཧཱརིཀསྶ ཨནབྷིརཏི ཨུཔྤནྣཱ ཧོཏི, ཨུཔཛ྄ཛྷཱཡེན ཝཱུཔཀཱསེཏབྦོ, ཝཱུཔཀཱསཱཔེཏབྦོ, དྷམྨཀཐཱ ཝཱསྶ ཀཱཏབྦཱ. སཙེ སདྡྷིཝིཧཱརིཀསྶ ཀུཀྐུཙྩཾ ཨུཔྤནྣཾ ཧོཏི, ཨུཔཛ྄ཛྷཱཡེན ཝིནོདེཏབྦཾ, ཝིནོདཱཔེཏབྦཾ, དྷམྨཀཐཱ ཝཱསྶ ཀཱཏབྦཱ. སཙེ སདྡྷིཝིཧཱརིཀསྶ ¶ དིཊྛིགཏཾ ཨུཔྤནྣཾ ཧོཏི, ཨུཔཛ྄ཛྷཱཡེན ཝིཝེཙེཏབྦཾ, ཝིཝེཙཱཔེཏབྦཾ, དྷམྨཀཐཱ ཝཱསྶ ཀཱཏབྦཱ. སཙེ སདྡྷིཝིཧཱརིཀོ གརུདྷམྨཾ ཨཛ྄ཛྷཱཔནྣོ ཧོཏི པརིཝཱསཱརཧོ, ཨུཔཛ྄ཛྷཱཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ སདྡྷིཝིཧཱརིཀསྶ པརིཝཱསཾ དདེཡྻཱཏི. སཙེ སདྡྷིཝིཧཱརིཀོ མཱུལཱཡཔཊིཀསྶནཱརཧོ ཧོཏི, ཨུཔཛ྄ཛྷཱཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ སདྡྷིཝིཧཱརིཀཾ མཱུལཱཡ པཊིཀསྶེཡྻཱཏི. སཙེ སདྡྷིཝིཧཱརིཀོ མཱནཏྟཱརཧོ ཧོཏི, ཨུཔཛ྄ཛྷཱཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ¶ སདྡྷིཝིཧཱརིཀསྶ མཱནཏྟཾ དདེཡྻཱཏི. སཙེ སདྡྷིཝིཧཱརིཀོ ཨབྦྷཱནཱརཧོ ཧོཏི, ཨུཔཛ྄ཛྷཱཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ སདྡྷིཝིཧཱརིཀཾ ཨབྦྷེཡྻཱཏི. སཙེ སངྒྷོ སདྡྷིཝིཧཱརིཀསྶ ཀམྨཾ ཀཏྟུཀཱམོ ཧོཏི, ཏཛྫནཱིཡཾ ཝཱ ནིཡསྶཾ ཝཱ པབྦཱཛནཱིཡཾ ཝཱ པཊིསཱརཎཱིཡཾ ཝཱ ཨུཀྑེཔནཱིཡཾ ཝཱ, ཨུཔཛ྄ཛྷཱཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ སདྡྷིཝིཧཱརིཀསྶ ཀམྨཾ ན ཀརེཡྻ, ལཧུཀཱཡ ཝཱ པརིཎཱམེཡྻཱཏི. ཀཏཾ ཝཱ པནསྶ ¶ ཧོཏི སངྒྷེན ཀམྨཾ, ཏཛྫནཱིཡཾ ཝཱ ནིཡསྶཾ ཝཱ པབྦཱཛནཱིཡཾ ཝཱ པཊིསཱརཎཱིཡཾ ཝཱ, ཨུཀྑེཔནཱིཡཾ ཝཱ, ཨུཔཛ྄ཛྷཱཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སདྡྷིཝིཧཱརིཀོ སམྨཱ ཝཏྟེཡྻ ལོམཾ པཱཏེཡྻ, ནེཏྠཱརཾ ཝཏྟེཡྻ, སངྒྷོ ཏཾ ཀམྨཾ པཊིཔྤསྶམྦྷེཡྻཱཏི.

‘‘སཙེ སདྡྷིཝིཧཱརིཀསྶ ཙཱིཝརཾ དྷོཝིཏབྦཾ ཧོཏི, ཨུཔཛ྄ཛྷཱཡེན ཨཱཙིཀྑིཏབྦཾ – ཨེཝཾ དྷོཝེཡྻཱསཱིཏི, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ སདྡྷིཝིཧཱརིཀསྶ ཙཱིཝརཾ དྷོཝིཡེཐཱཏི. སཙེ ¶ སདྡྷིཝིཧཱརིཀསྶ ཙཱིཝརཾ ཀཱཏབྦཾ ཧོཏི, ཨུཔཛ྄ཛྷཱཡེན ཨཱཙིཀྑིཏབྦཾ – ཨེཝཾ ཀརེཡྻཱསཱིཏི, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ སདྡྷིཝིཧཱརིཀསྶ ཙཱིཝརཾ ཀརིཡེཐཱཏི. སཙེ སདྡྷིཝིཧཱརིཀསྶ རཛནཾ པཙིཏབྦཾ ཧོཏི, ཨུཔཛ྄ཛྷཱཡེན ཨཱཙིཀྑིཏབྦཾ – ཨེཝཾ པཙེཡྻཱསཱིཏི, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ སདྡྷིཝིཧཱརིཀསྶ རཛནཾ པཙིཡེཐཱཏི. སཙེ སདྡྷིཝིཧཱརིཀསྶ ཙཱིཝརཾ རཛིཏབྦཾ ཧོཏི, ཨུཔཛ྄ཛྷཱཡེན ཨཱཙིཀྑིཏབྦཾ – ཨེཝཾ རཛེཡྻཱསཱིཏི, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ སདྡྷིཝིཧཱརིཀསྶ ཙཱིཝརཾ རཛིཡེཐཱཏི. ཙཱིཝརཾ རཛནྟེན སཱདྷུཀཾ སམྤརིཝཏྟཀཾ སམྤརིཝཏྟཀཾ རཛིཏབྦཾ, ན ཙ ཨཙྪིནྣེ ཐེཝེ པཀྐམིཏབྦཾ. སཙེ སདྡྷིཝིཧཱརིཀོ གིལཱནོ ཧོཏི, ཡཱཝཛཱིཝཾ ཨུཔཊྛཱཏབྦོ, ཝུཊྛཱནམསྶ ཨཱགམེཏབྦཾ. ཨིདཾ ཁོ, བྷིཀྑཝེ ¶ , ཨུཔཛ྄ཛྷཱཡཱནཾ སདྡྷིཝིཧཱརིཀེསུ ཝཏྟཾ ཡཐཱ ཨུཔཛ྄ཛྷཱཡེཧི སདྡྷིཝིཧཱརིཀེསུ སམྨཱ ཝཏྟིཏབྦ’’ནྟི.

དུཏིཡབྷཱཎཝཱརོ ནིཊྛིཏོ.

༡༣. ཨཱཙརིཡཝཏྟཀཐཱ

༣༧༩. ཏེན ¶ ཁོ པན སམཡེན ཨནྟེཝཱསིཀཱ ཨཱཙརིཡེསུ ན སམྨཱ ཝཏྟནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨནྟེཝཱསིཀཱ ཨཱཙརིཡེསུ ན སམྨཱ ཝཏྟིསྶནྟཱི’’ཏི! ཨཐ ¶ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, ཨནྟེཝཱསིཀཱ ཨཱཙརིཡེསུ ན སམྨཱ ཝཏྟནྟཱི’’ཏི? ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༣༨༠. ‘‘ཏེན ཧི, བྷིཀྑཝེ, ཨནྟེཝཱསིཀཱནཾ ཨཱཙརིཡེསུ ཝཏྟཾ པཉྙཔེསྶཱམི ཡཐཱ ཨནྟེཝཱསིཀེཧི ཨཱཙརིཡེསུ སམྨཱ ཝཏྟིཏབྦཾ. [མཧཱཝ. ༧༨] ཨནྟེཝཱསིཀེན, བྷིཀྑཝེ, ཨཱཙརིཡམྷི སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ –

‘‘ཀཱལསྶེཝ ཨུཊྛཱཡ ཨུཔཱཧནཱ ཨོམུཉྩིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ དནྟཀཊྛཾ དཱཏབྦཾ, མུཁོདཀཾ དཱཏབྦཾ, ཨཱསནཾ པཉྙཔེཏབྦཾ. སཙེ ཡཱགུ ཧོཏི, བྷཱཛནཾ དྷོཝིཏྭཱ ཡཱགུ ཨུཔནཱམེཏབྦཱ. ཡཱགུཾ པཱིཏསྶ ཨུདཀཾ དཏྭཱ བྷཱཛནཾ པཊིགྒཧེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན ¶ དྷོཝིཏྭཱ པཊིསཱམེཏབྦཾ. ཨཱཙརིཡམྷི ཝུཊྛིཏེ ཨཱསནཾ ཨུདྡྷརིཏབྦཾ. སཙེ སོ དེསོ ཨུཀླཱཔོ ཧོཏི, སོ དེསོ སམྨཛྫིཏབྦོ.

‘‘སཙེ ཨཱཙརིཡོ གཱམཾ པཝིསིཏུཀཱམོ ཧོཏི, ནིཝཱསནཾ དཱཏབྦཾ, པཊིནིཝཱསནཾ པཊིགྒཧེཏབྦཾ, ཀཱཡབནྡྷནཾ དཱཏབྦཾ, སགུཎཾ ཀཏྭཱ སངྒྷཱཊིཡོ དཱཏབྦཱ, དྷོཝིཏྭཱ པཏྟོ ¶ སོདཀོ དཱཏབྦོ. སཙེ ཨཱཙརིཡོ པཙྪཱསམཎཾ ཨཱཀངྑཏི, ཏིམཎྜལཾ པཊིཙྪཱདེནྟེན པརིམཎྜལཾ ནིཝཱསེཏྭཱ ཀཱཡབནྡྷནཾ བནྡྷིཏྭཱ སགུཎཾ ཀཏྭཱ སངྒྷཱཊིཡོ པཱརུཔིཏྭཱ གཎྛིཀཾ པཊིམུཉྩིཏྭཱ དྷོཝིཏྭཱ པཏྟཾ གཧེཏྭཱ ཨཱཙརིཡསྶ པཙྪཱསམཎེན ཧོཏབྦཾ. ནཱཏིདཱུརེ གནྟབྦཾ, ནཱཙྩཱསནྣེ གནྟབྦཾ, པཏྟཔརིཡཱཔནྣཾ པཊིགྒཧེཏབྦཾ. ན ཨཱཙརིཡསྶ བྷཎམཱནསྶ ཨནྟརནྟརཱ ཀཐཱ ཨོཔཱཏེཏབྦཱ. ཨཱཙརིཡོ ཨཱཔཏྟིསཱམནྟཱ བྷཎམཱནོ ནིཝཱརེཏབྦོ.

‘‘ནིཝཏྟནྟེན པཋམཏརཾ ཨཱགནྟྭཱ ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཏབྦཾ, པཙྩུགྒནྟྭཱ པཏྟཙཱིཝརཾ པཊིགྒཧེཏབྦཾ, པཊིནིཝཱསནཾ དཱཏབྦཾ, ནིཝཱསནཾ པཊིགྒཧེཏབྦཾ. སཙེ ཙཱིཝརཾ སིནྣཾ ཧོཏི, མུཧུཏྟཾ ཨུཎྷེ ཨོཏཱཔེཏབྦཾ, ན ཙ ཨུཎྷེ ཙཱིཝརཾ ནིདཧིཏབྦཾ. ཙཱིཝརཾ སངྒྷརིཏབྦཾ. ཙཱིཝརཾ སངྒྷརནྟེན ཙཏུརངྒུལཾ ཀཎྞཾ ཨུསྶཱརེཏྭཱ ཙཱིཝརཾ སངྒྷརིཏབྦཾ – མཱ མཛ྄ཛྷེ བྷངྒོ ཨཧོསཱིཏི. ཨོབྷོགེ ཀཱཡབནྡྷནཾ ཀཱཏབྦཾ.

‘‘སཙེ པིཎྜཔཱཏོ ཧོཏི, ཨཱཙརིཡོ ཙ བྷུཉྫིཏུཀཱམོ ཧོཏི, ཨུདཀཾ དཏྭཱ པིཎྜཔཱཏོ ཨུཔནཱམེཏབྦོ. ཨཱཙརིཡོ པཱནཱིཡེན པུཙྪིཏབྦོ ¶ . བྷུཏྟཱཝིསྶ ཨུདཀཾ དཏྭཱ པཏྟཾ པཊིགྒཧེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན དྷོཝིཏྭཱ ཝོདཀཾ ཀཏྭཱ མུཧུཏྟཾ ཨུཎྷེ ཨོཏཱཔེཏབྦོ, ན ཙ ཨུཎྷེ པཏྟོ ནིདཧིཏབྦོ. པཏྟཙཱིཝརཾ ནིཀྑིཔིཏབྦཾ. པཏྟཾ ནིཀྑིཔནྟེན ཨེཀེན ཧཏྠེན པཏྟཾ གཧེཏྭཱ ཨེཀེན ཧཏྠེན ཧེཊྛཱམཉྩཾ ¶ ཝཱ ཧེཊྛཱཔཱིཋཾ ཝཱ པརཱམསིཏྭཱ པཏྟོ ནིཀྑིཔིཏབྦོ. ན ཙ ཨནནྟརཧིཏཱཡ བྷཱུམིཡཱ པཏྟོ ནིཀྑིཔིཏབྦོ. ཙཱིཝརཾ ནིཀྑིཔནྟེན ཨེཀེན ཧཏྠེན ཙཱིཝརཾ གཧེཏྭཱ ཨེཀེན ཧཏྠེན ཙཱིཝརཝཾསཾ ཝཱ ཙཱིཝརརཛྫུཾ ཝཱ པམཛིཏྭཱ པཱརཏོ ཨནྟཾ ཨོརཏོ བྷོགཾ ཀཏྭཱ ཙཱིཝརཾ ནིཀྑིཔིཏབྦཾ. ཨཱཙརིཡམྷི ཝུཊྛིཏེ ཨཱསནཾ ཨུདྡྷརིཏབྦཾ, པཱདོདཀཾ པཱདཔཱིཋཾ པཱདཀཐལིཀཾ པཊིསཱམེཏབྦཾ. སཙེ སོ དེསོ ཨུཀླཱཔོ ཧོཏི, སོ དེསོ སམྨཛྫིཏབྦོ.

‘‘སཙེ ཨཱཙརིཡོ ནཧཱཡིཏུཀཱམོ ཧོཏི, ནཧཱནཾ པཊིཡཱདེཏབྦཾ. སཙེ སཱིཏེན ཨཏྠོ ཧོཏི, སཱིཏཾ པཊིཡཱདེཏབྦཾ. སཙེ ཨུཎྷེན ཨཏྠོ ཧོཏི, ཨུཎྷཾ པཊིཡཱདེཏབྦཾ.

‘‘སཙེ ¶ ཨཱཙརིཡོ ཛནྟཱགྷརཾ པཝིསིཏུཀཱམོ ཧོཏི, ཙུཎྞཾ སནྣེཏབྦཾ, མཏྟིཀཱ ཏེམེཏབྦཱ, ཛནྟཱགྷརཔཱིཋཾ ཨཱདཱཡ ཨཱཙརིཡསྶ པིཊྛིཏོ པིཊྛིཏོ གནྟྭཱ ཛནྟཱགྷརཔཱིཋཾ དཏྭཱ ཙཱིཝརཾ པཊིགྒཧེཏྭཱ ཨེཀམནྟཾ ནིཀྑིཔིཏབྦཾ, ཙུཎྞཾ དཱཏབྦཾ, མཏྟིཀཱ དཱཏབྦཱ. སཙེ ཨུསྶཧཏི, ཛནྟཱགྷརཾ པཝིསིཏབྦཾ. ཛནྟཱགྷརཾ པཝིསནྟེན མཏྟིཀཱཡ མུཁཾ མཀྑེཏྭཱ པུརཏོ ཙ པཙྪཏོ ཙ པཊིཙྪཱདེཏྭཱ ཛནྟཱགྷརཾ པཝིསིཏབྦཾ. ན ཐེརེ བྷིཀྑཱུ ཨནུཔཁཛྫ ནིསཱིདིཏབྦཾ. ན ནཝཱ བྷིཀྑཱུ ཨཱསནེན པཊིབཱཧིཏབྦཱ. ཛནྟཱགྷརེ ཨཱཙརིཡསྶ པརིཀམྨཾ ཀཱཏབྦཾ. ཛནྟཱགྷརཱ ནིཀྑམནྟེན ཛནྟཱགྷརཔཱིཋཾ ཨཱདཱཡ པུརཏོ ཙ པཙྪཏོ ཙ པཊིཙྪཱདེཏྭཱ ཛནྟཱགྷརཱ ནིཀྑམིཏབྦཾ.

‘‘ཨུདཀེཔི ཨཱཙརིཡསྶ པརིཀམྨཾ ཀཱཏབྦཾ. ནཧཱཏེན པཋམཏརཾ ཨུཏྟརིཏྭཱ ཨཏྟནོ ¶ གཏྟཾ ཝོདཀཾ ཀཏྭཱ ནིཝཱསེཏྭཱ ཨཱཙརིཡསྶ གཏྟཏོ ཨུདཀཾ པམཛྫིཏབྦཾ, ནིཝཱསནཾ དཱཏབྦཾ, སངྒྷཱཊི དཱཏབྦཱ, ཛནྟཱགྷརཔཱིཋཾ ཨཱདཱཡ པཋམཏརཾ ཨཱགནྟྭཱ ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཏབྦཾ. ཨཱཙརིཡོ པཱནཱིཡེན པུཙྪིཏབྦོ. སཙེ ཨུདྡིསཱཔེཏུཀཱམོ ཧོཏི, ཨུདྡིསིཏབྦོ. སཙེ པརིཔུཙྪིཏུཀཱམོ ཧོཏི, པརིཔུཙྪིཏབྦོ.

‘‘ཡསྨིཾ ¶ ཝིཧཱརེ ཨཱཙརིཡོ ཝིཧརཏི, སཙེ སོ ཝིཧཱརོ ཨུཀླཱཔོ ཧོཏི, སཙེ ཨུསྶཧཏི, སོདྷེཏབྦོ. ཝིཧཱརཾ སོདྷེནྟེན པཋམཾ པཏྟཙཱིཝརཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; ནིསཱིདནཔཙྩཏྠརཎཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; བྷིསིབིབྦོཧནཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; མཉྩོ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན ཨསངྒྷཊྚེནྟེན ཀཝཱཊཔིཊྛཾ, ནཱིཧརིཏྭཱ ཨེཀམནྟཾ ནིཀྑིཔིཏབྦོ; པཱིཋཾ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ནཱིཧརིཏྭཱ ཨེཀམནྟཾ ནིཀྑིཔིཏབྦཾ; མཉྩཔཊིཔཱདཀཱ ནཱིཧརིཏྭཱ ཨེཀམནྟཾ ནིཀྑིཔིཏབྦཱ; ཁེལ༹མལླཀོ ནཱིཧརིཏྭཱ ཨེཀམནྟཾ ནིཀྑིཔིཏབྦོ; ཨཔསྶེནཕལཀཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ; བྷཱུམཏྠརཎཾ ཡཐཱཔཉྙཏྟཾ སལླཀྑེཏྭཱ ནཱིཧརིཏྭཱ ཨེཀམནྟཾ ནིཀྑིཔིཏབྦཾ. སཙེ ཝིཧཱརེ སནྟཱནཀཾ ཧོཏི, ཨུལློཀཱ པཋམཾ ཨོཧཱརེཏབྦཾ, ཨཱལོཀསནྡྷིཀཎྞབྷཱགཱ པམཛྫིཏབྦཱ. སཙེ གེརུཀཔརིཀམྨཀཏཱ བྷིཏྟི ཀཎྞཀིཏཱ ཧོཏི, ཙོལ༹ཀཾ ཏེམེཏྭཱ པཱིལེ༹ཏྭཱ པམཛྫིཏབྦཱ. སཙེ ཀཱལ༹ཝཎྞཀཏཱ ¶ བྷཱུམི ཀཎྞཀིཏཱ ཧོཏི, ཙོལ༹ཀཾ ཏེམེཏྭཱ པཱིལེ༹ཏྭཱ པམཛྫིཏབྦཱ. སཙེ ཨཀཏཱ ཧོཏི བྷཱུམི, ཨུདཀེན པརིཔྥོསིཏྭཱ པརིཕོསིཏྭཱ སམྨཛྫིཏབྦཱ – མཱ ཝིཧཱརོ རཛེན ཨུཧཉྙཱིཏི. སངྐཱརཾ ཝིཙིནིཏྭཱ ཨེཀམནྟཾ ཚཌྜེཏབྦཾ.

‘‘བྷཱུམཏྠརཎཾ ¶ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. མཉྩཔཊིཔཱདཀཱ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦཱ. མཉྩོ ཨོཏཱཔེཏྭཱ སོདྷེཏྭཱ པཔྥོཊེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦོ. པཱིཋཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན, ཨསངྒྷཊྚེནྟེན ཀཝཱཊཔིཊྛཾ, ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. བྷིསིབིབྦོཧནཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. ནིསཱིདནཔཙྩཏྠརཎཾ ཨོཏཱཔེཏྭཱ སོདྷེཏྭཱ པཔྥོཊེཏྭཱ ཨཏིཧརིཏྭཱ ཡཐཱཔཉྙཏྟཾ པཉྙཔེཏབྦཾ. ཁེལ༹མལླཀོ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦོ. ཨཔསྶེནཕལཀཾ ཨོཏཱཔེཏྭཱ པམཛྫིཏྭཱ ཨཏིཧརིཏྭཱ ཡཐཱཋཱནེ ཋཔེཏབྦཾ. པཏྟཙཱིཝརཾ ནིཀྑིཔིཏབྦཾ. པཏྟཾ ནིཀྑིཔནྟེན ཨེཀེན ཧཏྠེན པཏྟཾ གཧེཏྭཱ ཨེཀེན ཧཏྠེན ཧེཊྛཱམཉྩཾ ཝཱ ཧེཊྛཱཔཱིཋཾ ཝཱ པརཱམསིཏྭཱ པཏྟོ ནིཀྑིཔིཏབྦོ. ན ཙ ཨནནྟརཧིཏཱཡ བྷཱུམིཡཱ ¶ པཏྟོ ནིཀྑིཔིཏབྦོ. ཙཱིཝརཾ ནིཀྑིཔནྟེན ཨེཀེན ཧཏྠེན ཙཱིཝརཾ གཧེཏྭཱ ཨེཀེན ཧཏྠེན ཙཱིཝརཝཾསཾ ཝཱ ཙཱིཝརརཛྫུཾ ¶ ཝཱ པམཛྫིཏྭཱ པཱརཏོ ཨནྟཾ ཨོརཏོ བྷོགཾ ཀཏྭཱ ཙཱིཝརཾ ནིཀྑིཔིཏབྦཾ.

‘‘སཙེ པུརཏྠིམཱ སརཛཱ ཝཱཏཱ ཝཱཡནྟི, པུརཏྠིམཱ ཝཱཏཔཱནཱ ཐཀེཏབྦཱ. སཙེ པཙྪིམཱ སརཛཱ ཝཱཏཱ ཝཱཡནྟི, པཙྪིམཱ ཝཱཏཔཱནཱ ཐཀེཏབྦཱ. སཙེ ཨུཏྟརཱ སརཛཱ ཝཱཏཱ ཝཱཡནྟི, ཨུཏྟརཱ ཝཱཏཔཱནཱ ཐཀེཏབྦཱ. སཙེ དཀྑིཎཱ སརཛཱ ཝཱཏཱ ཝཱཡནྟི, དཀྑིཎཱ ཝཱཏཔཱནཱ ཐཀེཏབྦཱ. སཙེ སཱིཏཀཱལོ ཧོཏི, དིཝཱ ཝཱཏཔཱནཱ ཝིཝརིཏབྦཱ, རཏྟིཾ ཐཀེཏབྦཱ. སཙེ ཨུཎྷཀཱལོ ཧོཏི, དིཝཱ ཝཱཏཔཱནཱ ཐཀེཏབྦཱ, རཏྟིཾ ཝིཝརིཏབྦཱ.

‘‘སཙེ པརིཝེཎཾ ཨུཀླཱཔཾ ཧོཏི, པརིཝེཎཾ སམྨཛྫིཏབྦཾ. སཙེ ཀོཊྛཀོ ཨུཀླཱཔོ ཧོཏི, ཀོཊྛཀོ སམྨཛྫིཏབྦོ. སཙེ ཨུཔཊྛཱནསཱལཱ ཨུཀླཱཔཱ ཧོཏི, ཨུཔཊྛཱནསཱལཱ སམྨཛྫིཏབྦཱ. སཙེ ཨགྒིསཱལཱ ཨུཀླཱཔཱ ཧོཏི, ཨགྒིསཱལཱ སམྨཛྫིཏབྦཱ. སཙེ ཝཙྩཀུཊི ཨུཀླཱཔཱ ཧོཏི, ཝཙྩཀུཊི སམྨཛྫིཏབྦཱ. སཙེ པཱནཱིཡཾ ན ཧོཏི, པཱནཱིཡཾ ཨུཔཊྛཱཔེཏབྦཾ. སཙེ པརིབྷོཛནཱིཡཾ ན ཧོཏི, པརིབྷོཛནཱིཡཾ ཨུཔཊྛཱཔེཏབྦཾ. སཙེ ཨཱཙམནཀུམྦྷིཡཱ ཨུདཀཾ ན ཧོཏི, ཨཱཙམནཀུམྦྷིཡཱ ཨུདཀཾ ཨཱསིཉྩིཏབྦཾ.

‘‘སཙེ ཨཱཙརིཡསྶ ཨནབྷིརཏི ཨུཔྤནྣཱ ཧོཏི, ཨནྟེཝཱསིཀེན ཝཱུཔཀཱསེཏབྦཱ, ཝཱུཔཀཱསཱཔེཏབྦཱ, དྷམྨཀཐཱ ཝཱསྶ ཀཱཏབྦཱ. སཙེ ཨཱཙརིཡསྶ ཀུཀྐུཙྩཾ ཨུཔྤནྣཾ ཧོཏི, ཨནྟེཝཱསིཀེན ཝིནོདེཏབྦཾ, ཝིནོདཱཔེཏབྦཾ, དྷམྨཀཐཱ ཝཱསྶ ཀཱཏབྦཱ. སཙེ ཨཱཙརིཡསྶ དིཊྛིགཏཾ ¶ ཨུཔྤནྣཾ ཧོཏི ¶ , ཨནྟེཝཱསིཀེན ཝིཝེཙེཏབྦཾ, ཝིཝེཙཱཔེཏབྦཾ, དྷམྨཀཐཱ ཝཱསྶ ཀཱཏབྦཱ. སཙེ ཨཱཙརིཡོ གརུདྷམྨཾ ཨཛ྄ཛྷཱཔནྣོ ཧོཏི, པརིཝཱསཱརཧོ, ཨནྟེཝཱསིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨཱཙརིཡསྶ པརིཝཱསཾ དདེཡྻཱཏི. སཙེ ཨཱཙརིཡོ མཱུལཱཡཔཊིཀསྶནཱརཧོ ཧོཏི, ཨནྟེཝཱསིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨཱཙརིཡཾ མཱུལཱཡ པཊིཀསྶེཡྻཱཏི. སཙེ ཨཱཙརིཡོ མཱནཏྟཱརཧོ ཧོཏི, ཨནྟེཝཱསིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨཱཙརིཡསྶ མཱནཏྟཾ དདེཡྻཱཏི. སཙེ ཨཱཙརིཡོ ཨབྦྷཱནཱརཧོ ཧོཏི, ཨནྟེཝཱསིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨཱཙརིཡཾ ཨབྦྷེཡྻཱཏི. སཙེ སངྒྷོ ཨཱཙརིཡསྶ ¶ ཀམྨཾ ཀཏྟུཀཱམོ ཧོཏི, ཏཛྫནཱིཡཾ ཝཱ ནིཡསྶཾ ཝཱ པབྦཱཛནཱིཡཾ ཝཱ པཊིསཱརཎཱིཡཾ ཝཱ ཨུཀྑེཔནཱིཡཾ ཝཱ, ཨནྟེཝཱསིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨཱཙརིཡསྶ ཀམྨཾ ན ཀརེཡྻ, ལཧུཀཱཡ ཝཱ པརིཎཱམེཡྻཱཏི. ཀཏཾ ཝཱ པནསྶ ཧོཏི སངྒྷེན ཀམྨཾ, ཏཛྫནཱིཡཾ ཝཱ ནིཡསྶཾ ཝཱ པབྦཱཛནཱིཡཾ ཝཱ པཊིསཱརཎཱིཡཾ ཝཱ ཨུཀྑེཔནཱིཡཾ ཝཱ, ཨནྟེཝཱསིཀེན ཨུསྶུཀྐཾ ཀཱཏབྦཾ – ཀིནྟི ནུ ཁོ ཨཱཙརིཡོ སམྨཱ ཝཏྟེཡྻ, ལོམཾ པཱཏེཡྻ, ནེཏྠཱརཾ ཝཏྟེཡྻ, སངྒྷོ ཏཾ ཀམྨཾ པཊིཔྤསྶམྦྷེཡྻཱཏི.

‘‘སཙེ ཨཱཙརིཡསྶ ཙཱིཝརཾ དྷོཝིཏབྦཾ ཧོཏི, ཨནྟེཝཱསིཀེན དྷོཝིཏབྦཾ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨཱཙརིཡསྶ ཙཱིཝརཾ དྷོཝིཡེཐཱཏི. སཙེ ཨཱཙརིཡསྶ ཙཱིཝརཾ ཀཱཏབྦཾ ཧོཏི, ཨནྟེཝཱསིཀེན ཀཱཏབྦཾ, ཨུསྶུཀྐཾ ¶ ཝཱ ཀཱཏབྦཾ – ཀིནྟི ནུ ཁོ ཨཱཙརིཡསྶ ཙཱིཝརཾ ཀརིཡེཐཱཏི. སཙེ ཨཱཙརིཡསྶ རཛནཾ པཙིཏབྦཾ ཧོཏི, ཨནྟེཝཱསིཀེན པཙིཏབྦཾ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨཱཙརིཡསྶ རཛནཾ པཙིཡེཐཱཏི. སཙེ ཨཱཙརིཡསྶ ཙཱིཝརཾ རཛིཏབྦཾ ཧོཏི, ཨནྟེཝཱསིཀེན རཛིཏབྦཾ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨཱཙརིཡསྶ ཙཱིཝརཾ རཛིཡེཐཱཏི. ཙཱིཝརཾ རཛནྟེན སཱདྷུཀཾ སམྤརིཝཏྟཀཾ སམྤརིཝཏྟཀཾ རཛིཏབྦཾ, ན ཙ ཨཙྪིནྣེ ཐེཝེ པཀྐམིཏབྦཾ.

‘‘ན ཨཱཙརིཡཾ ཨནཱཔུཙྪཱ ཨེཀཙྩསྶ པཏྟོ དཱཏབྦོ, ན ཨེཀཙྩསྶ པཏྟོ པཊིགྒཧེཏབྦོ; ན ཨེཀཙྩསྶ ཙཱིཝརཾ དཱཏབྦཾ, ན ཨེཀཙྩསྶ ཙཱིཝརཾ པཊིགྒཧེཏབྦཾ; ན ཨེཀཙྩསྶ པརིཀྑཱརོ དཱཏབྦོ, ན ཨེཀཙྩསྶ པརིཀྑཱརོ པཊིགྒཧེཏབྦོ; ན ཨེཀཙྩསྶ ཀེསཱ ཚེདིཏབྦཱ, ན ཨེཀཙྩེན ཀེསཱ ཚེདཱཔེཏབྦཱ; ན ཨེཀཙྩསྶ པརིཀམྨཾ ཀཱཏབྦཾ, ན ཨེཀཙྩེན པརིཀམྨཾ ཀཱརཱཔེཏབྦཾ; ན ཨེཀཙྩསྶ ཝེཡྻཱཝཙྩོ ཀཱཏབྦོ, ན ཨེཀཙྩེན ཝེཡྻཱཝཙྩོ ཀཱརཱཔེཏབྦོ; ན ཨེཀཙྩསྶ པཙྪཱསམཎེན ཧོཏབྦཾ, ན ཨེཀཙྩོ པཙྪཱསམཎོ ཨཱདཱཏབྦོ; ན ཨེཀཙྩསྶ པིཎྜཔཱཏོ ནཱིཧརིཏབྦོ, ན ཨེཀཙྩེན པིཎྜཔཱཏོ ནཱིཧརཱཔེཏབྦོ; ན ¶ ཨཱཙརིཡཾ ཨནཱཔུཙྪཱ གཱམོ པཝིསིཏབྦོ; ན སུསཱནཾ གནྟབྦཾ; ན དིསཱ པཀྐམིཏབྦཱ. སཙེ ཨཱཙརིཡོ གིལཱནོ ཧོཏི, ཡཱཝཛཱིཝཾ ཨུཔཊྛཱཏབྦོ ¶ , ཝུཊྛཱནམསྶ ཨཱགམེཏབྦཾ. ཨིདཾ ཁོ, བྷིཀྑཝེ, ཨནྟེཝཱསིཀཱནཾ ཨཱཙརིཡེསུ ཝཏྟཾ ཡཐཱ ¶ ཨནྟེཝཱསིཀེཧི ཨཱཙརིཡེསུ སམྨཱ ཝཏྟིཏབྦ’’ནྟི.

༡༤. ཨནྟེཝཱསིཀཝཏྟཀཐཱ

༣༨༡. ཏེན ཁོ པན སམཡེན ཨཱཙརིཡཱ ཨནྟེཝཱསིཀེསུ ན སམྨཱ ཝཏྟནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཙརིཡཱ ཨནྟེཝཱསིཀེསུ ན སམྨཱ ཝཏྟིསྶནྟཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, ཨཱཙརིཡཱ ཨནྟེཝཱསིཀེསུ ན སམྨཱ ཝཏྟནྟཱི’’ཏི? ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི –

༣༨༢. ‘‘ཏེན ཧི, བྷིཀྑཝེ, ཨཱཙརིཡཱནཾ ཨནྟེཝཱསིཀེསུ ཝཏྟཾ པཉྙཔེསྶཱམི ཡཐཱ ཨཱཙརིཡེཧི ཨནྟེཝཱསིཀེསུ སམྨཱ ཝཏྟིཏབྦཾ. [མཧཱཝ. ༧༩] ཨཱཙརིཡེན, བྷིཀྑཝེ, ཨནྟེཝཱསིཀམྷི སམྨཱ ཝཏྟིཏབྦཾ. ཏཏྲཱཡཾ སམྨཱཝཏྟནཱ –

‘‘ཨཱཙརིཡེན, བྷིཀྑཝེ, ཨནྟེཝཱསིཀོ སངྒཧེཏབྦོ ཨནུགྒཧེཏབྦོ ཨུདྡེསེན པརིཔུཙྪཱཡ ཨོཝཱདེན ཨནུསཱསནིཡཱ. སཙེ ཨཱཙརིཡསྶ པཏྟོ ཧོཏི, ཨནྟེཝཱསིཀསྶ པཏྟོ ན ཧོཏི, ཨཱཙརིཡེན ཨནྟེཝཱསིཀསྶ པཏྟོ དཱཏབྦོ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨནྟེཝཱསིཀསྶ པཏྟོ ཨུཔྤཛྫིཡེཐཱཏི. སཙེ ཨཱཙརིཡསྶ ཙཱིཝརཾ ཧོཏི, ཨནྟེཝཱསིཀསྶ ཙཱིཝརཾ ན ཧོཏི, ཨཱཙརིཡེན ཨནྟེཝཱསིཀསྶ ཙཱིཝརཾ དཱཏབྦཾ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨནྟེཝཱསིཀསྶ ཙཱིཝརཾ ཨུཔྤཛྫིཡེཐཱཏི. སཙེ ཨཱཙརིཡསྶ པརིཀྑཱརོ ཧོཏི, ཨནྟེཝཱསིཀསྶ ¶ པརིཀྑཱརོ ན ཧོཏི, ཨཱཙརིཡེན ཨནྟེཝཱསིཀསྶ པརིཀྑཱརོ དཱཏབྦོ, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨནྟེཝཱསིཀསྶ པརིཀྑཱརོ ཨུཔྤཛྫིཡེཐཱཏི.

‘‘སཙེ ཨནྟེཝཱསིཀོ གིལཱནོ ཧོཏི, ཀཱལསྶེཝ ཨུཊྛཱཡ དནྟཀཊྛཾ དཱཏབྦཾ, མུཁོདཀཾ དཱཏབྦཾ, ཨཱསནཾ པཉྙཔེཏབྦཾ. སཙེ ཡཱགུ ཧོཏི ¶ , བྷཱཛནཾ དྷོཝིཏྭཱ ཡཱགུ ཨུཔནཱམེཏབྦཱ. ཡཱགུཾ པཱིཏསྶ ཨུདཀཾ དཏྭཱ བྷཱཛནཾ པཊིགྒཧེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན དྷོཝིཏྭཱ པཊིསཱམེཏབྦཾ ¶ . ཨནྟེཝཱསིཀམྷི ཝུཊྛིཏེ ཨཱསནཾ ཨུདྡྷརིཏབྦཾ. སཙེ སོ དེསོ ཨུཀླཱཔོ ཧོཏི, སོ དེསོ སམྨཛྫིཏབྦོ.

‘‘སཙེ ཨནྟེཝཱསིཀོ གཱམཾ པཝིསིཏུཀཱམོ ཧོཏི, ནིཝཱསནཾ དཱཏབྦཾ, པཊིནིཝཱསནཾ པཊིགྒཧེཏབྦཾ, ཀཱཡབནྡྷནཾ དཱཏབྦཾ, སགུཎཾ ཀཏྭཱ སངྒྷཱཊིཡོ དཱཏབྦཱ, དྷོཝིཏྭཱ པཏྟོ སོདཀོ དཱཏབྦོ.

‘‘ཨེཏྟཱཝཏཱ ནིཝཏྟིསྶཏཱིཏི ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཏབྦཾ, པཙྩུགྒནྟྭཱ པཏྟཙཱིཝརཾ པཊིགྒཧེཏབྦཾ, པཊིནིཝཱསནཾ དཱཏབྦཾ, ནིཝཱསནཾ པཊིགྒཧེཏབྦཾ. སཙེ ཙཱིཝརཾ སིནྣཾ ཧོཏི, མུཧུཏྟཾ ཨུཎྷེ ཨོཏཱཔེཏབྦཾ, ན ཙ ཨུཎྷེ ཙཱིཝརཾ ནིདཧིཏབྦཾ. ཙཱིཝརཾ སངྒྷརིཏབྦཾ. ཙཱིཝརཾ སངྒྷརནྟེན ཙཏུརངྒུལཾ ཀཎྞཾ ཨུསྶཱརེཏྭཱ ཙཱིཝརཾ སངྒྷརིཏབྦཾ – མཱ མཛ྄ཛྷེ བྷངྒོ ཨཧོསཱིཏི. ཨོབྷོགེ ཀཱཡབནྡྷནཾ ཀཱཏབྦཾ.

‘‘སཙེ པིཎྜཔཱཏོ ཧོཏི, ཨནྟེཝཱསིཀོ ཙ བྷུཉྫིཏུཀཱམོ ཧོཏི, ཨུདཀཾ དཏྭཱ པིཎྜཔཱཏོ ཨུཔནཱམེཏབྦོ. ཨནྟེཝཱསིཀོ ¶ པཱནཱིཡེན པུཙྪིཏབྦོ. བྷུཏྟཱཝིསྶ ཨུདཀཾ དཏྭཱ པཏྟཾ པཊིགྒཧེཏྭཱ ནཱིཙཾ ཀཏྭཱ སཱདྷུཀཾ ཨཔྤཊིགྷཾསནྟེན དྷོཝིཏྭཱ ཝོདཀཾ ཀཏྭཱ མུཧུཏྟཾ ཨུཎྷེ ཨོཏཱཔེཏབྦོ, ན ཙ ཨུཎྷེ པཏྟོ ནིདཧིཏབྦོ. པཏྟཙཱིཝརཾ ནིཀྑིཔིཏབྦཾ. པཏྟཾ ནིཀྑིཔནྟེན…པེ… ཙཱིཝརཾ ནིཀྑིཔནྟེན…པེ… པཱརཏོ ཨནྟཾ ཨོརཏོ བྷོགཾ ཀཏྭཱ ཙཱིཝརཾ ནིཀྑིཔིཏབྦཾ. ཨནྟེཝཱསིཀམྷི ཨུཊྛིཏེ ཨཱསནཾ ཨུདྡྷརིཏབྦཾ, པཱདོདཀཾ པཱདཔཱིཋཾ པཱདཀཐལིཀཾ པཊིསཱམེཏབྦཾ. སཙེ སོ དེསོ ཨུཀླཱཔོ ཧོཏི, སོ དེསོ སམྨཛྫིཏབྦོ.

‘‘སཙེ ཨནྟེཝཱསིཀོ ནཧཱཡིཏུཀཱམོ ཧོཏི, ནཧཱནཾ པཊིཡཱདེཏབྦཾ. སཙེ སཱིཏེན ཨཏྠོ ཧོཏི, སཱིཏཾ པཊིཡཱདེཏབྦཾ. སཙེ ཨུཎྷེན ཨཏྠོ ཧོཏི, ཨུཎྷཾ པཊིཡཱདེཏབྦཾ.

‘‘སཙེ ཨནྟེཝཱསིཀོ ཛནྟཱགྷརཾ པཝིསིཏུཀཱམོ ཧོཏི, ཙུཎྞཾ སནྣེཏབྦཾ, མཏྟིཀཱ ཏེམེཏབྦཱ, ཛནྟཱགྷརཔཱིཋཾ ཨཱདཱཡ [ཨཱདཱཡ ཨནྟེཝཱསིཀསྶ པིཊྛིཏོ པིཊྛིཏོ (ཀ.)] གནྟྭཱ ཛནྟཱགྷརཔཱིཋཾ དཏྭཱ ཙཱིཝརཾ པཊིགྒཧེཏྭཱ ཨེཀམནྟཾ ནིཀྑིཔིཏབྦཾ, ཙུཎྞཾ དཱཏབྦཾ, མཏྟིཀཱ དཱཏབྦཱ. སཙེ ཨུསྶཧཏི ཛནྟཱགྷརཾ པཝིསིཏབྦཾ. ཛནྟཱགྷརཾ པཝིསནྟེན ¶ མཏྟིཀཱཡ མུཁཾ མཀྑེཏྭཱ པུརཏོ ཙ པཙྪཏོ ཙ པཊིཙྪཱདེཏྭཱ ཛནྟཱགྷརཾ པཝིསིཏབྦཾ. ན ཐེརེ བྷིཀྑཱུ ཨནུཔཁཛྫ ནིསཱིདིཏབྦཾ. ན ནཝཱ བྷིཀྑཱུ ཨཱསནེན པཊིབཱཧིཏབྦཱ ¶ . ཛནྟཱགྷརེ ཨནྟེཝཱསིཀསྶ པརིཀམྨཾ ཀཱཏབྦཾ. ཛནྟཱགྷརཱ ནིཀྑམནྟེན ཛནྟཱགྷརཔཱིཋཾ ཨཱདཱཡ པུརཏོ ཙ པཙྪཏོ ཙ པཊིཙྪཱདེཏྭཱ ཛནྟཱགྷརཱ ནིཀྑམིཏབྦཾ.

‘‘ཨུདཀེཔི ཨནྟེཝཱསིཀསྶ ¶ པརིཀམྨཾ ཀཱཏབྦཾ. ནཧཱཏེན པཋམཏརཾ ཨུཏྟརིཏྭཱ ཨཏྟནོ གཏྟཾ ཝོདཀཾ ཀཏྭཱ ནིཝཱསེཏྭཱ ཨནྟེཝཱསིཀསྶ གཏྟཏོ ཨུདཀཾ པམཛྫིཏབྦཾ, ནིཝཱསནཾ དཱཏབྦཾ, སངྒྷཱཊི དཱཏབྦཱ, ཛནྟཱགྷརཔཱིཋཾ ཨཱདཱཡ པཋམཏརཾ ཨཱགནྟྭཱ ཨཱསནཾ པཉྙཔེཏབྦཾ, པཱདོདཀཾ པཱདཔཱིཋཾ པཱདཀཐལིཀཾ ཨུཔནིཀྑིཔིཏབྦཾ, ཨནྟེཝཱསིཀོ པཱནཱིཡེན པུཙྪིཏབྦོ.

‘‘ཡསྨིཾ ཝིཧཱརེ ཨནྟེཝཱསིཀོ ཝིཧརཏི, སཙེ སོ ཝིཧཱརོ ཨུཀླཱཔོ ཧོཏི, སཙེ ཨུསྶཧཏི, སོདྷེཏབྦོ. ཝིཧཱརཾ སོདྷེནྟེན པཋམཾ པཏྟཙཱིཝརཾ ནཱིཧརིཏྭཱ ཨེཀམནྟཾ ནིཀྑིཔིཏབྦཾ…པེ… ཨཱཙམནཀུམྦྷིཡཱ ཨུདཀཾ ན ཧོཏི, ཨཱཙམནཀུམྦྷིཡཱ ཨུདཀཾ ཨཱསིཉྩིཏབྦཾ.

‘‘སཙེ ཨནྟེཝཱསིཀསྶ ཨནབྷིརཏི ཨུཔྤནྣཱ ཧོཏི, ཨཱཙརིཡེན ཝཱུཔཀཱསེཏབྦོ, ཝཱུཔཀཱསཱཔེཏབྦོ, དྷམྨཀཐཱ ཝཱསྶ ཀཱཏབྦཱ. སཙེ ཨནྟེཝཱསིཀསྶ ཀུཀྐུཙྩཾ ཨུཔྤནྣཾ ཧོཏི, ཨཱཙརིཡེན ཝིནོདེཏབྦཾ, ཝིནོདཱཔེཏབྦཾ, དྷམྨཀཐཱ ཝཱསྶ ཀཱཏབྦཱ. སཙེ ཨནྟེཝཱསིཀསྶ དིཊྛིགཏཾ ཨུཔྤནྣཾ ཧོཏི, ཨཱཙརིཡེན ཝིཝེཙེཏབྦཾ, ཝིཝེཙཱཔེཏབྦཾ, དྷམྨཀཐཱ ཝཱསྶ ཀཱཏབྦཱ. སཙེ ཨནྟེཝཱསིཀོ གརུདྷམྨཾ ཨཛ྄ཛྷཱཔནྣོ ཧོཏི, པརིཝཱསཱརཧོ, ཨཱཙརིཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨནྟེཝཱསིཀསྶ པརིཝཱསཾ དདེཡྻཱཏི. སཙེ ཨནྟེཝཱསིཀོ མཱུལཱཡཔཊིཀསྶནཱརཧོ ཧོཏི, ཨཱཙརིཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨནྟེཝཱསིཀཾ མཱུལཱཡ པཊིཀསྶེཡྻཱཏི. སཙེ ཨནྟེཝཱསིཀོ མཱནཏྟཱརཧོ ཧོཏི, ཨཱཙརིཡེན ཨུསྶུཀྐཾ ཀཱཏབྦཾ ¶ – ཀིནྟི ནུ ཁོ སངྒྷོ ཨནྟེཝཱསིཀསྶ མཱནཏྟཾ དདེཡྻཱཏི. སཙེ ཨནྟེཝཱསིཀོ ཨབྦྷཱནཱརཧོ ཧོཏི, ཨཱཙརིཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨནྟེཝཱསིཀཾ ཨབྦྷེཡྻཱཏི. སཙེ སངྒྷོ ཨནྟེཝཱསིཀསྶ ཀམྨཾ ཀཏྟུཀཱམོ ཧོཏི, ཏཛྫནཱིཡཾ ཝཱ ནིཡསྶཾ ཝཱ པབྦཱཛནཱིཡཾ ཝཱ པཊིསཱརཎཱིཡཾ ཝཱ ཨུཀྑེཔནཱིཡཾ ཝཱ, ཨཱཙརིཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ སངྒྷོ ཨནྟེཝཱསིཀསྶ ཀམྨཾ ན ཀརེཡྻ ¶ , ལཧུཀཱཡ ཝཱ པརིཎཱམེཡྻཱཏི. ཀཏཾ ཝཱ པནསྶ ཧོཏི, སངྒྷེན ཀམྨཾ, ཏཛྫནཱིཡཾ ཝཱ ནིཡསྶཾ ཝཱ པབྦཱཛནཱིཡཾ ཝཱ པཊིསཱརཎཱིཡཾ ཝཱ ཨུཀྑེཔནཱིཡཾ ཝཱ, ཨཱཙརིཡེན ཨུསྶུཀྐཾ ཀཱཏབྦཾ – ཀིནྟི ནུ ཁོ ཨནྟེཝཱསིཀོ སམྨཱ ཝཏྟེཡྻ, ལོམཾ པཱཏེཡྻ, ནེཏྠཱརཾ ཝཏྟེཡྻ, སངྒྷོ ཏཾ ཀམྨཾ པཊིཔྤསྶམྦྷེཡྻཱཏི.

‘‘སཙེ ¶ ཨནྟེཝཱསིཀསྶ ཙཱིཝརཾ དྷོཝིཏབྦཾ ཧོཏི, ཨཱཙརིཡེན ཨཱཙིཀྑིཏབྦཾ – ཨེཝཾ དྷོཝེཡྻཱསཱིཏི, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨནྟེཝཱསིཀསྶ ཙཱིཝརཾ དྷོཝིཡེཐཱཏི. སཙེ ཨནྟེཝཱསིཀསྶ ཙཱིཝརཾ ཀཱཏབྦཾ ཧོཏི, ཨཱཙརིཡེན ཨཱཙིཀྑིཏབྦཾ – ཨེཝཾ ཀརེཡྻཱསཱིཏི, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨནྟེཝཱསིཀསྶ ཙཱིཝརཾ ཀརིཡེཐཱཏི. སཙེ ཨནྟེཝཱསིཀསྶ རཛནཾ པཙིཏབྦཾ ཧོཏི, ཨཱཙརིཡེན ཨཱཙིཀྑིཏབྦཾ – ཨེཝཾ པཙེཡྻཱསཱིཏི, ཨུསྶུཀྐཾ ཝཱ ཀཱཏབྦཾ – ཀིནྟི ནུ ཁོ ཨནྟེཝཱསིཀསྶ རཛནཾ པཙིཡེཐཱཏི. སཙེ ཨནྟེཝཱསིཀསྶ ཙཱིཝརཾ རཛིཏབྦཾ ཧོཏི, ཨཱཙརིཡེན ཨཱཙིཀྑིཏབྦཾ – ཨེཝཾ རཛེཡྻཱསཱིཏི, ཨུསྶུཀྐཾ ཝཱ ཀཱཏབྦཾ ¶ – ཀིནྟི ནུ ཁོ ཨནྟེཝཱསིཀསྶ ཙཱིཝརཾ རཛིཡེཐཱཏི. ཙཱིཝརཾ རཛནྟེན སཱདྷུཀཾ སམྤརིཝཏྟཀཾ སམྤརིཝཏྟཀཾ རཛིཏབྦཾ. ན ཙ ཨཙྪིནྣེ ཐེཝེ པཀྐམིཏབྦཾ. སཙེ ཨནྟེཝཱསིཀོ གིལཱནོ ཧོཏི, ཡཱཝཛཱིཝཾ ཨུཔཊྛཱཏབྦོ, ཝུཊྛཱནམསྶ ཨཱགམེཏབྦཾ. ཨིདཾ ཁོ, བྷིཀྑཝེ, ཨཱཙརིཡཱནཾ ཨནྟེཝཱསིཀེསུ ཝཏྟཾ ཡཐཱ ཨཱཙརིཡེཧི ཨནྟེཝཱསིཀེསུ སམྨཱ ཝཏྟིཏབྦ’’ནྟི.

ཝཏྟཀྑནྡྷཀོ ཨཊྛམོ.

ཨིམམྷི ཁནྡྷཀེ ཝཏྠཱུ ཨེཀཱུནཝཱིསཏི, ཝཏྟཱ ཙུདྡས.

ཏསྶུདྡཱནཾ –

སཨུཔཱཧནཱ ཚཏྟཱ ཙ, ཨོགུཎྛི སཱིསཾ པཱནཱིཡཾ;

ནཱབྷིཝཱདེ ན པུཙྪནྟི, ཨཧི ཨུཛ྄ཛྷནྟི པེསལཱ.

ཨོམུཉྩི ཚཏྟཾ ཁནྡྷེ ཙ, ཨཏརཉྩ པཊིཀྐམཾ;

པཏྟཙཱིཝརཾ ནིཀྑིཔཱ, པཏིརཱུཔཉྩ པུཙྪིཏཱ.

ཨཱསིཉྩེཡྻ དྷོཝིཏེན, སུཀྑེནལླེནུཔཱཧནཱ;

ཝུཌྜྷོ ནཝཀོ པུཙྪེཡྻ, ཨཛ྄ཛྷཱཝུཊྛཉྩ གོཙརཱ.

སེཀྑཱ ¶ ཝཙྩཱ པཱནཱི པརི, ཀཏྟརཾ ཀཏིཀཾ ཏཏོ;

ཀཱལཾ ¶ མུཧུཏྟཾ ཨུཀླཱཔོ, བྷཱུམཏྠརཎཾ ནཱིཧརེ.

པཊིཔཱདོ ¶ བྷིསིབིབྦོ, མཉྩཔཱིཋཉྩ མལླཀཾ;

ཨཔསྶེནུལློཀཀཎྞཱ, གེརུཀཱ ཀཱལ༹ ཨཀཏཱ.

སངྐཱརཉྩ བྷཱུམཏྠརཎཾ, པཊིཔཱདཀཾ མཉྩཔཱིཋཾ;

བྷིསི ནིསཱིདནམྤི, མལླཀཾ ཨཔསྶེན ཙ.

པཏྟཙཱིཝརཾ བྷཱུམི ཙ, པཱརནྟཾ ཨོརཏོ བྷོགཾ;

པུརཏྠིམཱ པཙྪིམཱ ཙ, ཨུཏྟརཱ ཨཐ དཀྑིཎཱ.

སཱིཏུཎྷེ ཙ དིཝཱརཏྟིཾ, པརིཝེཎཉྩ ཀོཊྛཀོ;

ཨུཔཊྛཱནགྒི སཱལཱ ཙ, ཝཏྟཾ ཝཙྩཀུཊཱིསུ ཙ.

པཱནཱི པརིབྷོཛནིཡཱ, ཀུམྦྷི ཨཱཙམནེསུ ཙ;

ཨནོཔམེན པཉྙཏྟཾ, ཝཏྟཾ ཨཱགནྟུཀེཧིམེ [ཝེ (ཀ. ཨེཝམུཔརིཔི)].

ནེཝཱསནཾ ན ཨུདཀཾ, ན པཙྩུ ན ཙ པཱནིཡཾ;

ནཱབྷིཝཱདེ ནཔཉྙཔེ, ཨུཛ྄ཛྷཱཡནྟི ཙ པེསལཱ.

ཝུཌྜྷཱསནཉྩ ཨུདཀཾ, པཙྩུགྒནྟྭཱ ཙ པཱནིཡཾ;

ཨུཔཱཧནེ ཨེཀམནྟཾ, ཨབྷིཝཱདེ ཙ པཉྙཔེ.

ཝུཏྠཾ ¶ གོཙརསེཀྑོ ཙ, ཋཱནཾ པཱནིཡབྷོཛནཾ;

ཀཏྟརཾ ཀཏིཀཾ ཀཱལཾ, ནཝཀསྶ ནིསིནྣཀེ.

ཨབྷིཝཱདཡེ ¶ ཨཱཙིཀྑེ, ཡཐཱ ཧེཊྛཱ ཏཐཱ ནཡེ;

ནིདྡིཊྛཾ སཏྠཝཱཧེན ཝཏྟཾ ཨཱཝཱསིཀེཧིམེ.

གམིཀཱ དཱརུམཏྟི ཙ, ཝིཝརིཏྭཱ ན པུཙྪིཡ;

ནསྶནྟི ཙ ཨགུཏྟཉྩ, ཨུཛ྄ཛྷཱཡནྟི ཙ པེསལཱ.

པཊིསཱམེཏྭཱ ¶ ཐཀེཏྭཱ, ཨཱཔུཙྪིཏྭཱཝ པཀྐམེ;

བྷིཀྑུ ཝཱ སཱམཎེརོ ཝཱ, ཨཱརཱམིཀོ ཨུཔཱསཀོ.

པཱསཱཎཀེསུ ཙ པུཉྫཾ, པཊིསཱམེ ཐཀེཡྻ ཙ;

སཙེ ཨུསྶཧཏི ཨུསྶུཀྐཾ, ཨནོཝསྶེ ཏཐེཝ ཙ.

སབྦོ ¶ ཨོཝསྶཏི གཱམཾ, ཨཛ྄ཛྷོཀཱསེ ཏཐེཝ ཙ;

ཨཔྤེཝངྒཱནི སེསེཡྻུཾ, ཝཏྟཾ གམིཀབྷིཀྑུནཱ.

ནཱནུམོདནྟི ཐེརེན, ཨོཧཱཡ ཙཏུཔཉྩཧི;

ཝཙྩིཏོ མུཙྪིཏོ ཨཱསི, ཝཏྟཱནུམོདནེསུམེ.

ཚབྦགྒིཡཱ དུནྣིཝཏྠཱ, ཨཐོཔི ཙ དུཔྤཱརུཏཱ;

ཨནཱཀཔྤཱ ཙ ཝོཀྐམྨ, ཐེརེ ཨནུཔཁཛྫནེ.

ནཝེ བྷིཀྑཱུ ཙ སངྒྷཱཊི, ཨུཛ྄ཛྷཱཡནྟི ཙ པེསལཱ;

ཏིམཎྜལཾ ¶ ནིཝཱསེཏྭཱ, ཀཱཡསགུཎགཎྛིཀཱ.

ན ཝོཀྐམྨ པཊིཙྪནྣཾ, སུསཾཝུཏོཀྑིཏྟཙཀྑུ;

ཨུཀྑིཏྟོཛྫགྒྷིཀཱསདྡོ, ཏཡོ ཙེཝ པཙཱལནཱ.

ཁམྦྷོགུཎྛིཨུཀྐུཊིཀཱ, པཊིཙྪནྣཾ སུསཾཝུཏོ;

ཨོཀྑིཏྟུཀྑིཏྟཨུཛྫགྒྷི, ཨཔྤསདྡོ ཏཡོ ཙལཱ.

ཁམྦྷོགུཎྛིཔལླཏྠི ཙ, ཨནུཔཁཛྫ ནཱསནེ;

ཨོཏྠརིཏྭཱན ཨུདཀེ, ནཱིཙཾ ཀཏྭཱན སིཉྩིཡཱ.

པཊི སཱམནྟཱ སངྒྷཱཊི, ཨོདནེ ཙ པཊིགྒཧེ;

སཱུཔཾ ཨུཏྟརིབྷངྒེན, སབྦེསཾ སམཏིཏྠི ཙ.

སཀྐཙྩཾ ¶ པཏྟསཉྙཱི ཙ, སཔདཱནཉྩ སཱུཔཀཾ;

ན ཐཱུཔཏོ པཊིཙྪཱདེ, ཝིཉྙཏྟུཛ྄ཛྷཱནསཉྙིནཱ.

མཧནྟམཎྜལདྭཱརཾ, སབྦཧཏྠོ ན བྱཱཧརེ;

ཨུཀྑེཔོ ཚེདནཱགཎྜ, དྷུནཾ སིཏྠཱཝཀཱརཀཾ.

ཛིཝ྄ཧཱནིཙྪཱརཀཉྩེཝ, ཙཔུཙཔུ སུརུསུརུ;

ཧཏྠཔཏྟོཊྛནིལླེཧཾ, སཱམིསེན པཊིགྒཧེ.

ཡཱཝ ¶ ན སབྦེ ཨུདཀེ, ནཱིཙཾ ཀཏྭཱན སིཉྩིཡཾ;

པཊི སཱམནྟཱ སངྒྷཱཊི, ནཱིཙཾ ཀཏྭཱ ཚམཱཡ ཙ.

སསིཏྠཀཾ ནིཝཏྟནྟེ, སུཔྤཊིཙྪནྣམུཀྐུཊི;

དྷམྨརཱཛེན པཉྙཏྟཾ, ཨིདཾ བྷཏྟགྒཝཏྟནཾ.

དུནྣིཝཏྠཱ ¶ ཨནཱཀཔྤཱ, ཨསལླེཀྑེཏྭཱ ཙ སཧསཱ;

དཱུརེ ཨཙྩ ཙིརཾ ལཧུཾ, ཏཐེཝ པིཎྜཙཱརིཀོ.

པཊིཙྪནྣོཝ ¶ གཙྪེཡྻ, སུཾསཝུཏོཀྑིཏྟཙཀྑུ;

ཨུཀྑིཏྟོཛྫགྒྷིཀཱསདྡོ, ཏཡོ ཙེཝ པཙཱལནཱ.

ཁམྦྷོགུཎྛིཨུཀྐུཊིཀཱ, སལླཀྑེཏྭཱ ཙ སཧསཱ;

དཱུརེ ཨཙྩ ཙིརཾ ལཧུཾ, ཨཱསནཀཾ ཀཊཙྪུཀཱ.

བྷཱཛནཾ ཝཱ ཋཔེཏི ཙ, ཨུཙྩཱརེཏྭཱ པཎཱམེཏྭཱ;

པཊིགྒཧེ ན ཨུལློཀེ, སཱུཔེསུཔི ཏཐེཝ ཏཾ.

བྷིཀྑུ སངྒྷཱཊིཡཱ ཚཱདེ, པཊིཙྪནྣེཝ གཙྪིཡཾ;

སཾཝུཏོཀྑིཏྟཙཀྑུ ཙ, ཨུཀྑིཏྟོཛྫགྒྷིཀཱཡ ཙ;

ཨཔྤསདྡོ ཏཡོ ཙཱལཱ, ཁམྦྷོགུཎྛིཀཨུཀྐུཊི.

པཋམཱསནཝཀྐཱར ¶ , པཱནིཡཾ པརིབྷོཛནཱི;

པཙྪཱཀངྑཏི བྷུཉྫེཡྻ, ཨོཔིལཱཔེཡྻ ཨུདྡྷརེ.

པཊིསཱམེཡྻ ¶ སམྨཛྫེ, རིཏྟཾ ཏུཙྪཾ ཨུཔཊྛཔེ;

ཧཏྠཝིཀཱརེ བྷིནྡེཡྻ, ཝཏྟིདཾ པིཎྜཙཱརིཀེ.

པཱནཱི པརི ཨགྒིརཎི, ནཀྑཏྟདིསཙོརཱ ཙ;

སབྦཾ ནཏྠཱིཏི ཀོཊྚེཏྭཱ, པཏྟཾསེ ཙཱིཝརཾ ཏཏོ.

ཨིདཱནི ཨཾསེ ལགྒེཏྭཱ, ཏིམཎྜལཾ པརིམཎྜལཾ;

ཡཐཱ པིཎྜཙཱརིཝཏྟཾ, ནཡེ ཨཱརཉྙཀེསུཔི.

པཏྟཾསེ ཙཱིཝརཾ སཱིསེ, ཨཱརོཧིཏྭཱ ཙ པཱནིཡཾ;

པརིབྷོཛནིཡཾ ཨགྒི, ཨརཎཱི ཙཱཔི ཀཏྟརཾ.

ནཀྑཏྟཾ སཔྤདེསཾ ཝཱ, དིསཱཔི ཀུསལོ བྷཝེ;

སཏྟུཏྟམེན པཉྙཏྟཾ, ཝཏྟཾ ཨཱརཉྙཀེསུམེ.

ཨཛ྄ཛྷོཀཱསེ ཨོཀིརིཾསུ, ཨུཛ྄ཛྷཱཡནྟི ཙ པེསལཱ;

སཙེ ཝིཧཱརོ ཨུཀླཱཔོ, པཋམཾ པཏྟཙཱིཝརཾ.

བྷིསིབིབྦོཧནཾ མཉྩཾ, པཱིཋཉྩ ཁེལ༹མལླཀཾ;

ཨཔསྶེནུལློཀཀཎྞཱ, གེརུཀཱ ཀཱལ༹ ཨཀཏཱ.

སངྐཱརཾ ¶ བྷིཀྑུསཱམནྟཱ, སེནཱཝིཧཱརཔཱནིཡཾ;

པརིབྷོཛནསཱམནྟཱ, པཊིཝཱཏེ ཙ ཨངྒཎེ.

ཨདྷོཝཱཏེ ཨཏྠརཎཾ, པཊིཔཱདཀམཉྩོ ཙ;

པཱིཋཾ ¶ བྷིསི ནིསཱིདནཾ, མལླཀཾ ཨཔསྶེན ཙ.

པཏྟཙཱིཝརཾ ¶ བྷཱུམི ཙ, པཱརནྟཾ ཨོརཏོ བྷོགཾ;

པུརཏྠིམཱ ཙ པཙྪིམཱ, ཨུཏྟརཱ ཨཐ དཀྑིཎཱ.

སཱིཏུཎྷེ ཙ དིཝཱ རཏྟིཾ, པརིཝེཎཉྩ ཀོཊྛཀོ;

ཨུཔཊྛཱནགྒིསཱལཱ ཙ, ཝཙྩཀུཊཱི ཙ པཱནིཡཾ.

ཨཱཙམནཀུམྦྷི ཝུཌྜྷེ ཙ, ཨུདྡེསཔུཙྪནཱ སཛ྄ཛྷཱ;

དྷམྨོ པདཱིཔཾ ཝིཛ྄ཛྷཱཔེ, ན ཝིཝརེ ནཔི ཐཀེ.

ཡེན ཝུཌྜྷོ པརིཝཏྟི, ཀཎྞེནཔི ན གྷཊྚཡེ;

པཉྙཔེསི མཧཱཝཱིརོ, ཝཏྟཾ སེནཱསནེསུ ཏཾ.

ནིཝཱརིཡམཱནཱ དྭཱརཾ, མུཙྪིཏུཛ྄ཛྷནྟི པེསལཱ;

ཚཱརིཀཾ ¶ ཚཌྜཡེ ཛནྟཱ, པརིབྷཎྜཾ ཏཐེཝ ཙ.

པརིཝེཎཾ ཀོཊྛཀོ སཱལཱ, ཙུཎྞམཏྟིཀདོཎིཀཱ;

མུཁཾ པུརཏོ ན ཐེརེ, ན ནཝེ ཨུསྶཧཏི སཙེ.

པུརཏོ ཨུཔརིམགྒོ, ཙིཀྑལླཾ མཏྟི པཱིཋཀཾ;

ཝིཛ྄ཛྷཱཔེཏྭཱ ཐཀེཏྭཱ ཙ, ཝཏྟཾ ཛནྟཱགྷརེསུམེ.

ནཱཙམེཏི ཡཐཱཝུཌྜྷཾ, པཊིཔཱཊི ཙ སཧསཱ;

ཨུབྦྷཛི ¶ ནིཏྠུནོ ཀཊྛཾ, ཝཙྩཾ པསྶཱཝ ཁེལ༹ཀཾ.

ཕརུསཱ ཀཱུཔ སཧསཱ, ཨུབྦྷཛི ཙཔུ སེསེན;

བཧི ཨནྟོ ཙ ཨུཀྐཱསེ, རཛྫུ ཨཏརམཱནཉྩ.

སཧསཱ ཨུབྦྷཛི ཋིཏེ, ནིཏྠུནེ ཀཊྛ ཝཙྩཉྩ;

པསྶཱཝ ཁེལ༹ ཕརུསཱ, ཀཱུཔཉྩ ཝཙྩཔཱདུཀེ.

ནཱཏིསཧསཱ ¶ ཨུབྦྷཛི, པཱདུཀཱཡ ཙཔུཙཔུ;

ན སེསཡེ པཊིཙྪཱདེ, ཨུཧཏཔིདྷརེན ཙ.

ཝཙྩཀུཊཱི ¶ པརིབྷཎྜཾ, པརིཝེཎཉྩ ཀོཊྛཀོ;

ཨཱཙམནེ ཙ ཨུདཀཾ, ཝཏྟཾ ཝཙྩཀུཊཱིསུམེ.

ཨུཔཱཧནཱ དནྟཀཊྛཾ, མུཁོདཀཉྩ ཨཱསནཾ;

ཡཱགུ ཨུདཀཾ དྷོཝིཏྭཱ, ཨུདྡྷཱརུཀླཱཔ གཱམ ཙ.

ནིཝཱསནཱ ཀཱཡབནྡྷཱ, སགུཎཾ པཏྟསོདཀཾ;

པཙྪཱ ཏིམཎྜལོ ཙེཝ, པརིམཎྜལ བནྡྷནཾ.

སགུཎཾ དྷོཝིཏྭཱ པཙྪཱ, ནཱཏིདཱུརེ པཊིགྒཧེ;

བྷཎམཱནསྶ ཨཱཔཏྟི, པཋམཱགནྟྭཱན ཨཱསནཾ.

ཨུདཀཾ པཱིཋཀཐལི, པཙྩུགྒནྟྭཱ ནིཝཱསནཾ;

ཨོཏཱཔེ ¶ ནིདཧི བྷངྒོ, ཨོབྷོགེ བྷུཉྫིཏུ ནམེ.

པཱནཱིཡཾ ཨུདཀཾ ནཱིཙཾ, མུཧུཏྟཾ ན ཙ ནིདཧེ;

པཏྟཙཱིཝརཾ བྷཱུམི ཙ, པཱརནྟཾ ཨོརཏོ བྷོགཾ.

ཨུདྡྷརེ པཊིསཱམེ ཙ, ཨུཀླཱཔོ ཙ ནཧཱཡིཏུཾ;

སཱིཏཾ ཨུཎྷཾ ཛནྟཱགྷརཾ, ཙུཎྞཾ མཏྟིཀ པིཊྛིཏོ.

པཱིཋཉྩ ཙཱིཝརཾ ཙུཎྞཾ, མཏྟིཀུསྶཧཏི མུཁཾ;

པུརཏོ ཐེརེ ནཝེ ཙ, པརིཀམྨཉྩ ནིཀྑམེ.

པུརཏོ ཨུདཀེ ནྷཱཏེ, ནིཝཱསེཏྭཱ ཨུཔཛ྄ཛྷཱཡཾ;

ནིཝཱསནཉྩ སངྒྷཱཊི, པཱིཋཀཾ ཨཱསནེན ཙ.

པཱདོ ¶ པཱིཋཾ ཀཐལིཉྩ, པཱནཱིཡུདྡེསཔུཙྪནཱ;

ཨུཀླཱཔཾ སུསོདྷེཡྻ, པཋམཾ པཏྟཙཱིཝརཾ.

ནིསཱིདནཔཙྩཏྠརཎཾ, བྷིསི བིབྦོཧནཱནི ཙ;

མཉྩོ པཱིཋཾ པཊིཔཱདཾ, མལླཀཾ ཨཔསྶེན ཙ.

བྷཱུམ སནྟཱན ཨཱལོཀ, གེརུཀཱ ཀཱལ༹ ཨཀཏཱ;

བྷཱུམཏྠརཔཊིཔཱདཱ, མཉྩོ པཱིཋཾ བིབྦོཧནཾ.

ནིསཱིདཏྠརཎཾ ཁེལ༹, ཨཔསྶེ པཏྟཙཱིཝརཾ;

པུརཏྠིམཱ ¶ པཙྪིམཱ ཙ, ཨུཏྟརཱ ཨཐ དཀྑིཎཱ.

སཱིཏུཎྷཉྩ ¶ དིཝཱ རཏྟིཾ, པརིཝེཎཉྩ ཀོཊྛཀོ;

ཨུཔཊྛཱནགྒིསཱལཱ ¶ ཙ, ཝཙྩཔཱནིཡབྷོཛནཱི.

ཨཱཙམཾ ཨནབྷིརཏི, ཀུཀྐུཙྩཾ དིཊྛི ཙ གརུ;

མཱུལམཱནཏྟཨབྦྷཱནཾ, ཏཛྫནཱིཡཾ ནིཡསྶཀཾ.

པབྦཱཛ པཊིསཱརཎཱི, ཨུཀྑེཔཉྩ ཀཏཾ ཡདི;

དྷོཝེ ཀཱཏབྦཾ རཛཉྩ, རཛེ སམྤརིཝཏྟཀཾ.

པཏྟཉྩ ཙཱིཝརཉྩཱཔི, པརིཀྑཱརཉྩ ཚེདནཾ;

པརིཀམྨཾ ཝེཡྻཱཝཙྩཾ, པཙྪཱ པིཎྜཾ པཝིསནཾ.

ན སུསཱནཾ དིསཱ ཙེཝ, ཡཱཝཛཱིཝཾ ཨུཔཊྛཧེ;

སདྡྷིཝིཧཱརིཀེནེཏཾ, ཝཏྟུཔཛ྄ཛྷཱཡཀེསུམེ.

ཨོཝཱདསཱསནུདྡེསཱ, པུཙྪཱ པཏྟཉྩ ཙཱིཝརཾ;

པརིཀྑཱརོ གིལཱནོ ཙ, ན པཙྪཱསམཎོ བྷཝེ.

ཨུཔཛ྄ཛྷཱཡེསུ ¶ ཡེ ཝཏྟཱ, ཨེཝཾ ཨཱཙརིཡེསུཔི;

སདྡྷིཝིཧཱརིཀེ ཝཏྟཱ, ཏཐེཝ ཨནྟེཝཱསིཀེ.

ཨཱགནྟུཀེསུ ཡེ ཝཏྟཱ, པུན ཨཱཝཱསིཀེསུ ཙ;

གམིཀཱནུམོདནིཀཱ, བྷཏྟགྒེ པིཎྜཙཱརིཀེ.

ཨཱརཉྙཀེསུ ཡཾ ཝཏྟཾ, ཡཉྩ སེནཱསནེསུཔི;

ཛནྟཱགྷརེ ཝཙྩཀུཊཱི, ཨུཔཛ྄ཛྷཱ སདྡྷིཝིཧཱརིཀེ.

ཨཱཙརིཡེསུ ¶ ཡཾ ཝཏྟཾ, ཏཐེཝ ཨནྟེཝཱསིཀེ;

ཨེཀཱུནཝཱིསཏི ཝཏྠཱུ, ཝཏྟཱ ཙུདྡས ཁནྡྷཀེ.

ཝཏྟཾ ཨཔརིཔཱུརེནྟོ, ན སཱིལཾ པརིཔཱུརཏི;

ཨསུདྡྷསཱིལོ དུཔྤཉྙོ, ཙིཏྟེཀགྒཾ ན ཝིནྡཏི.

ཝིཀྑིཏྟཙིཏྟོནེཀགྒོ, སམྨཱ དྷམྨཾ ན པསྶཏི;

ཨཔསྶམཱནོ སདྡྷམྨཾ, དུཀྑཱ ན པརིམུཙྩཏི.

ཡཾ ¶ ཝཏྟཾ པརིཔཱུརེནྟོ, སཱིལམྤི པརིཔཱུརཏི;

ཝིསུདྡྷསཱིལོ སཔྤཉྙོ, ཙིཏྟེཀགྒམྤི ཝིནྡཏི.

ཨཝིཀྑིཏྟཙིཏྟོ ཨེཀགྒོ, སམྨཱ དྷམྨཾ ཝིཔསྶཏི;

སམྤསྶམཱནོ སདྡྷམྨཾ, དུཀྑཱ སོ པརིམུཙྩཏི.

ཏསྨཱ ཧི ཝཏྟཾ པཱུརེཡྻ, ཛིནཔུཏྟོ ཝིཙཀྑཎོ;

ཨོཝཱདཾ བུདྡྷསེཊྛསྶ, ཏཏོ ནིབྦཱནམེཧིཏཱིཏི.

ཝཏྟཀྑནྡྷཀཾ ནིཊྛིཏཾ.

༩. པཱཏིམོཀྑཊྛཔནཀྑནྡྷཀཾ

༡. པཱཏིམོཀྑུདྡེསཡཱཙནཱ

༣༨༣. [ཨུདཱ. ༤༥; ཨ. ནི. ༨.༢༠] ཏེན ¶ ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི པུབྦཱརཱམེ མིགཱརམཱཏུ པཱསཱདེ. ཏེན ཁོ པན སམཡེན བྷགཝཱ ཏདཧུཔོསཐེ བྷིཀྑུསངྒྷཔརིཝུཏོ ནིསིནྣོ ཧོཏི. ཨཐ ཁོ ཨཱཡསྨཱ ཨཱནནྡོ ཨབྷིཀྐནྟཱཡ རཏྟིཡཱ ནིཀྑནྟེ པཋམེ ཡཱམེ ཨུཊྛཱཡཱསནཱ ཨེཀཾསཾ ཨུཏྟརཱསངྒཾ ཀརིཏྭཱ ཡེན བྷགཝཱ ཏེནཉྫལིཾ པཎཱམེཏྭཱ བྷགཝནྟཾ ཨེཏདཝོཙ – ‘‘ཨབྷིཀྐནྟཱ, བྷནྟེ, རཏྟི, ནིཀྑནྟོ པཋམོ ཡཱམོ, ཙིརནིསིནྣོ བྷིཀྑུསངྒྷོ. ཨུདྡིསཏུ, བྷནྟེ, བྷགཝཱ བྷིཀྑཱུནཾ པཱཏིམོཀྑ’’ནྟི. ཨེཝཾ ཝུཏྟེ བྷགཝཱ ཏུཎྷཱི ཨཧོསི. དུཏིཡམྤི ཁོ ཨཱཡསྨཱ ཨཱནནྡོ ཨབྷིཀྐནྟཱཡ རཏྟིཡཱ ནིཀྑནྟེ མཛ྄ཛྷིམེ ཡཱམེ ཨུཊྛཱཡཱསནཱ ཨེཀཾསཾ ཨུཏྟརཱསངྒཾ ཀརིཏྭཱ ཡེན བྷགཝཱ ཏེནཉྫལིཾ པཎཱམེཏྭཱ བྷགཝནྟཾ ཨེཏདཝོཙ – ‘‘ཨབྷིཀྐནྟཱ, བྷནྟེ, རཏྟི, ནིཀྑནྟོ མཛ྄ཛྷིམོ ཡཱམོ, ཙིརནིསིནྣོ བྷིཀྑུསངྒྷོ. ཨུདྡིསཏུ, བྷནྟེ, བྷགཝཱ བྷིཀྑཱུནཾ པཱཏིམོཀྑ’’ནྟི. དུཏིཡམྤི ཁོ བྷགཝཱ ཏུཎྷཱི ཨཧོསི. ཏཏིཡམྤི ཁོ ཨཱཡསྨཱ ཨཱནནྡོ ཨབྷིཀྐནྟཱཡ རཏྟིཡཱ ནིཀྑནྟེ པཙྪིམེ ཡཱམེ ཨུདྡྷསྟེ ཨརུཎེ ནནྡིམུཁིཡཱ རཏྟིཡཱ ཨུཊྛཱཡཱསནཱ ཨེཀཾསཾ ཨུཏྟརཱསངྒཾ ཀརིཏྭཱ ཡེན བྷགཝཱ ཏེནཉྫལིཾ པཎཱམེཏྭཱ བྷགཝནྟཾ ཨེཏདཝོཙ – ‘‘ཨབྷིཀྐནྟཱ ¶ , བྷནྟེ, རཏྟི, ནིཀྑནྟོ པཙྪིམོ ཡཱམོ, ཨུདྡྷསྟཾ ཨརུཎཾ ནནྡིམུཁི རཏྟི, ཙིརནིསིནྣོ བྷིཀྑུསངྒྷོ. ཨུདྡིསཏུ, བྷནྟེ, བྷགཝཱ བྷིཀྑཱུནཾ པཱཏིམོཀྑ’’ནྟི. ‘‘ཨཔརིསུདྡྷཱ, ཨཱནནྡ, པརིསཱ’’ཏི.

ཨཐ ཁོ ཨཱཡསྨཏོ མཧཱམོགྒལླཱནསྶ ཨེཏདཧོསི – ‘‘ཀཾ ནུ ཁོ བྷགཝཱ པུགྒལཾ སནྡྷཱཡ ཨེཝམཱཧ – ‘ཨཔརིསུདྡྷཱ, ཨཱནནྡ, པརིསཱ’’’ཏི? ཨཐ ཁོ ཨཱཡསྨཱ མཧཱམོགྒལླཱནོ སབྦཱཝནྟཾ བྷིཀྑུསངྒྷཾ ཙེཏསཱ ཙེཏོ པརིཙྩ མནསཱཀཱསི. ཨདྡསཱ ཁོ ཨཱཡསྨཱ མཧཱམོགྒལླཱནོ ཏཾ པུགྒལཾ དུསྶཱིལཾ པཱཔདྷམྨཾ ཨསུཙིསངྐསྶརསམཱཙཱརཾ པཊིཙྪནྣཀམྨནྟཾ ཨསྶམཎཾ སམཎཔཊིཉྙཾ ཨབྲཧྨཙཱརིཾ བྲཧྨཙཱརིཔཊིཉྙཾ ཨནྟོཔཱུཏིཾ ཨཝསྶུཏཾ ཀསམྦུཛཱཏཾ [ཀསམྦུཀཛཱཏཾ (ཀ.)] མཛ྄ཛྷེ བྷིཀྑུསངྒྷསྶ ནིསིནྣཾ. དིསྭཱན ཡེན སོ པུགྒལོ ¶ ཏེནུཔསངྐམི ¶ , ཨུཔསངྐམིཏྭཱ ཏཾ པུགྒལཾ ཨེཏདཝོཙ – ‘‘ཨུཊྛེཧི, ཨཱཝུསོ, དིཊྛོསི བྷགཝཏཱ; ནཏྠི ཏེ བྷིཀྑཱུཧི ¶ སདྡྷིཾ སཾཝཱསོ’’ཏི. ཨེཝཾ ཝུཏྟེ སོ པུགྒལོ ཏུཎྷཱི ཨཧོསི. དུཏིཡམྤི ཁོ ཨཱཡསྨཱ མཧཱམོགྒལླཱནོ ཏཾ པུགྒལཾ ཨེཏདཝོཙ – ‘‘ཨུཊྛེཧི, ཨཱཝུསོ, དིཊྛོསི བྷགཝཏཱ; ནཏྠི ཏེ བྷིཀྑཱུཧི སདྡྷིཾ སཾཝཱསོ’’ཏི. དུཏིཡམྤི ཁོ སོ པུགྒལོ ཏུཎྷཱི ཨཧོསི. ཏཏིཡམྤི ཁོ ཨཱཡསྨཱ མཧཱམོགྒལླཱནོ ཏཾ པུགྒལཾ ཨེཏདཝོཙ – ‘‘ཨུཊྛེཧི, ཨཱཝུསོ, དིཊྛོསི བྷགཝཏཱ; ནཏྠི ཏེ བྷིཀྑཱུཧི སདྡྷིཾ སཾཝཱསོ’’ཏི. ཏཏིཡམྤི ཁོ སོ པུགྒལོ ཏུཎྷཱི ཨཧོསི. ཨཐ ཁོ ཨཱཡསྨཱ མཧཱམོགྒལླཱནོ ཏཾ པུགྒལཾ བཱཧཱཡཾ གཧེཏྭཱ ¶ བཧིདྭཱརཀོཊྛཀཱ ནིཀྑཱམེཏྭཱ སཱུཙིགྷཊིཀཾ དཏྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨེཏདཝོཙ – ‘‘ནིཀྑཱམིཏོ སོ, བྷནྟེ, པུགྒལོ མཡཱ; སུདྡྷཱ པརིསཱ; ཨུདྡིསཏུ, བྷནྟེ, བྷགཝཱ བྷིཀྑཱུནཾ པཱཏིམོཀྑ’’ནྟི.

‘‘ཨཙྪརིཡཾ, མོགྒལླཱན, ཨབྦྷུཏཾ, མོགྒལླཱན, ཡཱཝ བཱཧཱགཧཎཱཔི ནཱམ སོ མོགྷཔུརིསོ ཨཱགམེསྶཏཱི’’ཏི! ཨཐ ཁོ བྷགཝཱ བྷིཀྑཱུ ཨཱམནྟེསི –

༢. མཧཱསམུདྡེཨཊྛཙྪརིཡཾ

༣༨༤. [ཨུདཱ. ༤༥; ཨ. ནི. ༨.༡༩] ‘‘ཨཊྛིམེ, བྷིཀྑཝེ, མཧཱསམུདྡེ ཨཙྪརིཡཱ ཨབྦྷུཏཱ དྷམྨཱ, ཡེ དིསྭཱ དིསྭཱ ཨསུརཱ མཧཱསམུདྡེ ཨབྷིརམནྟི. ཀཏམེ ཨཊྛ?

‘‘མཧཱསམུདྡོ, བྷིཀྑཝེ, ཨནུཔུབྦནིནྣོ ཨནུཔུབྦཔོཎོ ཨནུཔུབྦཔབྦྷཱརོ ན ཨཱཡཏཀེནེཝ པཔཱཏོ. ཡམྤི, བྷིཀྑཝེ, མཧཱསམུདྡོ ཨནུཔུབྦནིནྣོ ཨནུཔུབྦཔོཎོ ཨནུཔུབྦཔབྦྷཱརོ ན ཨཱཡཏཀེནེཝ པཔཱཏོ – ཨཡཾ, བྷིཀྑཝེ, མཧཱསམུདྡེ པཋམོ ཨཙྪརིཡོ ཨབྦྷུཏོ དྷམྨོ, ཡཾ དིསྭཱ དིསྭཱ ཨསུརཱ མཧཱསམུདྡེ ཨབྷིརམནྟི.

‘‘པུན ཙཔརཾ, བྷིཀྑཝེ, མཧཱསམུདྡོ ཋིཏདྷམྨོ ཝེལཾ ནཱཏིཝཏྟཏི. ཡམྤི, བྷིཀྑཝེ, མཧཱསམུདྡོ ཋིཏདྷམྨོ ཝེལཾ ནཱཏིཝཏྟཏི – ཨཡཾ [ཨཡམྤི (སྱཱ.)], བྷིཀྑཝེ, མཧཱསམུདྡེ དུཏིཡོ ཨཙྪརིཡོ ཨབྦྷུཏོ དྷམྨོ, ཡཾ དིསྭཱ དིསྭཱ ཨསུརཱ མཧཱསམུདྡེ ཨབྷིརམནྟི.

‘‘པུན ¶ ཙཔརཾ, བྷིཀྑཝེ, མཧཱསམུདྡོ ན མཏེན ཀུཎཔེན སཾཝསཏི ¶ . ཡཾ ཧོཏི མཧཱསམུདྡེ མཏཾ ཀུཎཔཾ, ཏཾ ཁིཔྤཉྙེཝ ཏཱིརཾ ཝཱཧེཏི, ཐལཾ ཨུསྶཱརེཏི. ཡམྤི, བྷིཀྑཝེ, མཧཱསམུདྡོ ན མཏེན ཀུཎཔེན སཾཝསཏི, ཡཾ ཧོཏི མཧཱསམུདྡེ མཏཾ ཀུཎཔཾ, ཏཾ ཁིཔྤཉྙེཝ ཏཱིརཾ ¶ ཝཱཧེཏི, ཐལཾ ཨུསྶཱརེཏི – ཨཡཾ, བྷིཀྑཝེ, མཧཱསམུདྡེ ཏཏིཡོ ཨཙྪརིཡོ ཨབྦྷུཏོ དྷམྨོ, ཡཾ དིསྭཱ དིསྭཱ ཨསུརཱ མཧཱསམུདྡེ ཨབྷིརམནྟི.

‘‘པུན ཙཔརཾ, བྷིཀྑཝེ, ཡཱ ཀཱཙི མཧཱནདིཡོ, སེཡྻཐིདཾ – གངྒཱ, ཡམུནཱ, ཨཙིརཝཏཱི, སརབྷཱུ, མཧཱི, ཏཱ མཧཱསམུདྡཾ པཏྟཱ ཛཧནྟི པུརིམཱནི ནཱམགོཏྟཱནི, མཧཱསམུདྡོ ཏྭེཝ སངྑཾ གཙྪནྟི. ཡམྤི, བྷིཀྑཝེ, ཡཱཀཱཙི མཧཱནདིཡོ, སེཡྻཐིདཾ – གངྒཱ, ཡམུནཱ, ཨཙིརཝཏཱི, སརབྷཱུ, མཧཱི, ཏཱ མཧཱསམུདྡཾ པཏྟཱ ཛཧནྟི པུརིམཱནི ནཱམགོཏྟཱནི, མཧཱསམུདྡོ ཏྭེཝ སངྑཾ གཙྪནྟི – ཨཡཾ, བྷིཀྑཝེ, མཧཱསམུདྡེ ཙཏུཏྠོ ¶ ཨཙྪརིཡོ ཨབྦྷུཏོ དྷམྨོ, ཡཾ དིསྭཱ དིསྭཱ ཨསུརཱ མཧཱསམུདྡེ ཨབྷིརམནྟི.

‘‘པུན ཙཔརཾ, བྷིཀྑཝེ, ཡཱ ཙ [ཡཱཀཱཙི (སྱཱ.)] ལོཀེ སཝནྟིཡོ མཧཱསམུདྡཾ ཨཔྤེནྟི, ཡཱ ཙ ཨནྟལིཀྑཱ དྷཱརཱ པཔཏནྟི, ན ཏེན མཧཱསམུདྡསྶ ཨཱུནཏྟཾ ཝཱ པཱུརཏྟཾ ཝཱ པཉྙཱཡཏི. ཡམྤི, བྷིཀྑཝེ, ཡཱ ཙ ལོཀེ སཝནྟིཡོ མཧཱསམུདྡཾ ཨཔྤེནྟི, ཡཱ ཙ ¶ ཨནྟལིཀྑཱ དྷཱརཱ པཔཏནྟི, ན ཏེན མཧཱསམུདྡསྶ ཨཱུནཏྟཾ ཝཱ པཱུརཏྟཾ ཝཱ པཉྙཱཡཏི – ཨཡཾ, བྷིཀྑཝེ, མཧཱསམུདྡེ པཉྩམོ ཨཙྪརིཡོ ཨབྦྷུཏོ དྷམྨོ, ཡཾ དིསྭཱ དིསྭཱ ཨསུརཱ མཧཱསམུདྡེ ཨབྷིརམནྟི.

‘‘པུན ཙཔརཾ, བྷིཀྑཝེ, མཧཱསམུདྡོ ཨེཀརསོ ལོཎརསོ. ཡམྤི, བྷིཀྑཝེ, མཧཱསམུདྡོ ཨེཀརསོ ལོཎརསོ – ཨཡཾ, བྷིཀྑཝེ, མཧཱསམུདྡེ ཚཊྛོ ཨཙྪརིཡོ ཨབྦྷུཏོ དྷམྨོ, ཡཾ དིསྭཱ དིསྭཱ ཨསུརཱ མཧཱསམུདྡེ ཨབྷིརམནྟི.

‘‘པུན ཙཔརཾ, བྷིཀྑཝེ, མཧཱསམུདྡོ བཧུརཏནོ [བཧཱུཏརཏནོ (ཀ.)] ཨནེཀརཏནོ. ཏཏྲིམཱནི རཏནཱནི, སེཡྻཐིདཾ – མུཏྟཱ, མཎི, ཝེལུ༹རིཡོ, སངྑོ, སིལཱ, པཝཱལ༹ཾ, རཛཏཾ, ཛཱཏརཱུཔཾ, ལོཧིཏཀོ, མསཱརགལླཾ. ཡམྤི, བྷིཀྑཝེ, མཧཱསམུདྡོ བཧུརཏནོ ཨནེཀརཏནོ, ཏཏྲིམཱནི རཏནཱནི, སེཡྻཐིདཾ – མུཏྟཱ, མཎི, ཝེལུ༹རིཡོ, སངྑོ, སིལཱ, པཝཱལ༹ཾ, རཛཏཾ, ཛཱཏརཱུཔཾ, ལོཧིཏཀོ ¶ , མསཱརགལླཾ – ཨཡཾ, བྷིཀྑཝེ, མཧཱསམུདྡེ སཏྟམོ ཨཙྪརིཡོ ཨབྦྷུཏོ དྷམྨོ, ཡཾ དིསྭཱ དིསྭཱ ཨསུརཱ མཧཱསམུདྡེ ཨབྷིརམནྟི.

‘‘པུན ཙཔརཾ, བྷིཀྑཝེ, མཧཱསམུདྡོ མཧཏཾ བྷཱུཏཱནཾ ཨཱཝཱསོ. ཏཏྲིམེ བྷཱུཏཱ – ཏིམི, ཏིམིངྒལོ, ཏིམིཏིམིངྒལོ [ཏིམིརཔིངྒལོ (སཱི.), ཏིམིཏིམིངྒལོ མཧཱཏིམིངྒལོ (སྱཱ. ཀཾ.)], ཨསུརཱ, ནཱགཱ, གནྡྷབྦཱ. སནྟི མཧཱསམུདྡེ ཡོཛནསཏིཀཱཔི ཨཏྟབྷཱཝཱ, དྭིཡོཛནསཏིཀཱཔི ¶ ཨཏྟབྷཱཝཱ, ཏིཡོཛནསཏིཀཱཔི ཨཏྟབྷཱཝཱ, ཙཏུཡོཛནསཏིཀཱཔི ¶ ཨཏྟབྷཱཝཱ, པཉྩཡོཛནསཏིཀཱཔི ཨཏྟབྷཱཝཱ. ཡམྤི, བྷིཀྑཝེ, མཧཱསམུདྡོ མཧཏཾ བྷཱུཏཱནཾ ཨཱཝཱསོ, ཏཏྲིམེ བྷཱུཏཱ – ཏིམི, ཏིམིངྒལོ, ཏིམིཏིམིངྒལོ, ཨསུརཱ, ནཱགཱ, གནྡྷབྦཱ; སནྟི མཧཱསམུདྡེ, ཡོཛནསཏིཀཱཔི ཨཏྟབྷཱཝཱ…པེ… པཉྩཡོཛནསཏིཀཱཔི ཨཏྟབྷཱཝཱ – ཨཡཾ, བྷིཀྑཝེ, མཧཱསམུདྡེ ཨཊྛམོ ཨཙྪརིཡོ ཨབྦྷུཏོ དྷམྨོ, ཡཾ དིསྭཱ དིསྭཱ ཨསུརཱ མཧཱསམུདྡེ ཨབྷིརམནྟི. ཨིམེ ཁོ, བྷིཀྑཝེ, མཧཱསམུདྡེ ཨཊྛ ཨཙྪརིཡཱ ཨབྦྷུཏཱ དྷམྨཱ, ཡེ དིསྭཱ དིསྭཱ ཨསུརཱ མཧཱསམུདྡེ ཨབྷིརམ’’ནྟི.

༣. ཨིམསྨིཾདྷམྨཝིནཡེཨཊྛཙྪརིཡཾ

༣༨༥. ‘‘ཨེཝམེཝ ཁོ, བྷིཀྑཝེ, ཨིམསྨིཾ དྷམྨཝིནཡེ ཨཊྛ ཨཙྪརིཡཱ ཨབྦྷུཏཱ དྷམྨཱ, ཡེ དིསྭཱ དིསྭཱ བྷིཀྑཱུ ཨིམསྨིཾ དྷམྨཝིནཡེ ཨབྷིརམནྟི. ཀཏམེ ཨཊྛ?

‘‘སེཡྻཐཱཔི, བྷིཀྑཝེ, མཧཱསམུདྡོ ཨནུཔུབྦནིནྣོ ཨནུཔུབྦཔོཎོ ཨནུཔུབྦཔབྦྷཱརོ ན ཨཱཡཏཀེནེཝ པཔཱཏོ; ཨེཝམེཝ ཁོ, བྷིཀྑཝེ, ཨིམསྨིཾ དྷམྨཝིནཡེ ཨནུཔུབྦསིཀྑཱ ཨནུཔུབྦཀིརིཡཱ ཨནུཔུབྦཔཊིཔདཱ ན ཨཱཡཏཀེནེཝ ཨཉྙཱཔཊིཝེདྷོ. ཡམྤི, བྷིཀྑཝེ, ཨིམསྨིཾ དྷམྨཝིནཡེ ཨནུཔུབྦསིཀྑཱ ཨནུཔུབྦཀིརིཡཱ ཨནུཔུབྦཔཊིཔདཱ ན ཨཱཡཏཀེནེཝ ཨཉྙཱཔཊིཝེདྷོ – ཨཡཾ, བྷིཀྑཝེ, ཨིམསྨིཾ དྷམྨཝིནཡེ པཋམོ ཨཙྪརིཡོ ཨབྦྷུཏོ དྷམྨོ, ཡཾ དིསྭཱ དིསྭཱ བྷིཀྑཱུ ཨིམསྨིཾ དྷམྨཝིནཡེ ཨབྷིརམནྟི.

‘‘སེཡྻཐཱཔི, བྷིཀྑཝེ, མཧཱསམུདྡོ ཋིཏདྷམྨོ ཝེལཾ ནཱཏིཝཏྟཏི ¶ ; ཨེཝམེཝ ཁོ, བྷིཀྑཝེ, ཡཾ མཡཱ སཱཝཀཱནཾ སིཀྑཱཔདཾ པཉྙཏྟཾ, ཏཾ མམ སཱཝཀཱ ཛཱིཝིཏཧེཏུཔི ནཱཏིཀྐམནྟི. ཡམྤི, བྷིཀྑཝེ, མཡཱ མམ སཱཝཀཱནཾ སིཀྑཱཔདཾ ¶ པཉྙཏྟཾ, ཏཾ ¶ མམ སཱཝཀཱ ཛཱིཝིཏཧེཏུཔི ནཱཏིཀྐམནྟི – ཨཡཾ, བྷིཀྑཝེ, ཨིམསྨིཾ དྷམྨཝིནཡེ དུཏིཡོ ཨཙྪརིཡོ ཨབྦྷུཏོ དྷམྨོ, ཡཾ དིསྭཱ དིསྭཱ བྷིཀྑཱུ ཨིམསྨིཾ དྷམྨཝིནཡེ ཨབྷིརམནྟི.

‘‘སེཡྻཐཱཔི, བྷིཀྑཝེ, མཧཱསམུདྡོ ན མཏེན ཀུཎཔེན སཾཝསཏི, ཡཾ ཧོཏི མཧཱསམུདྡེ མཏཾ ཀུཎཔཾ ཏཾ ཁིཔྤམེཝ ཏཱིརཾ ཝཱཧེཏི, ཐལཾ ཨུསྶཱརེཏི; ཨེཝམེཝ ཁོ, བྷིཀྑཝེ, ཡོ སོ པུགྒལོ དུསྶཱིལོ པཱཔདྷམྨོ ཨསུཙིསངྐསྶརསམཱཙཱརོ པཊིཙྪནྣཀམྨནྟོ ཨསྶམཎོ སམཎཔཊིཉྙོ ཨབྲཧྨཙཱརཱི བྲཧྨཙཱརིཔཊིཉྙོ ཨནྟོཔཱུཏི ཨཝསྶུཏོ ཀསམྦུཛཱཏོ, ན ཏེན སངྒྷོ སཾཝསཏི, ཁིཔྤམེཝ ནཾ སནྣིཔཏིཏྭཱ ཨུཀྑིཔཏི, ཀིཉྩཱཔི ཁོ སོ ཧོཏི མཛ྄ཛྷེ བྷིཀྑུསངྒྷསྶ ¶ ནིསིནྣོ. ཨཐ ཁོ སོ ཨཱརཀཱཝ སངྒྷམྷཱ, སངྒྷོ ཙ ཏེན. ཡམྤི, བྷིཀྑཝེ, ཡོ སོ པུགྒལོ དུསྶཱིལོ པཱཔདྷམྨོ ཨསུཙིསངྐསྶརསམཱཙཱརོ པཊིཙྪནྣཀམྨནྟོ ཨསྶམཎོ སམཎཔཊིཉྙོ ཨབྲཧྨཙཱརཱི བྲཧྨཙཱརིཔཊིཉྙོ ཨནྟོཔཱུཏི ཨཝསྶུཏོ ཀསམྦུཛཱཏོ, ན ཏེན སངྒྷོ སཾཝསཏི, ཁིཔྤམེཝ ནཾ སནྣིཔཱུཏིཏྭཱ ཨུཀྑིཔཏི, ཀིཉྩཱཔི ཁོ སོ ཧོཏི མཛ྄ཛྷེ བྷིཀྑུསངྒྷསྶ ནིསིནྣོ, ཨཐ ཁོ སོ ཨཱརཀཱཝ སངྒྷམྷཱ, སངྒྷོ ཙ ཏེན – ཨཡཾ ¶ , བྷིཀྑཝེ, ཨིམསྨིཾ དྷམྨཝིནཡེ ཏཏིཡོ ཨཙྪརིཡོ ཨབྦྷུཏོ དྷམྨོ, ཡཾ དིསྭཱ དིསྭཱ བྷིཀྑཱུ ཨིམསྨིཾ དྷམྨཝིནཡེ ཨབྷིརམནྟི.

‘‘སེཡྻཐཱཔི, བྷིཀྑཝེ, ཡཱ ཀཱཙི མཧཱནདིཡོ, སེཡྻཐིདཾ – གངྒཱ, ཡམུནཱ, ཨཙིརཝཏཱི, སརབྷཱུ, མཧཱི, ཏཱ མཧཱསམུདྡཾ པཏྟཱ ཛཧནྟི པུརིམཱནི ནཱམགོཏྟཱནི, མཧཱསམུདྡོ ཏྭེཝ སངྑཾ གཙྪནྟི; ཨེཝམེཝ ཁོ, བྷིཀྑཝེ, ཙཏྟཱརོམེ ཝཎྞཱ – ཁཏྟིཡཱ, བྲཱཧྨཎཱ, ཝེསྶཱ, སུདྡཱ. ཏེ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛིཏྭཱ [པབྦཛིཏཱ (སཱི.)] ཛཧནྟི པུརིམཱནི ནཱམགོཏྟཱནི, སམཎཱ སཀྱཔུཏྟིཡཱ ཏྭེཝ སངྑཾ གཙྪནྟི. ཡམྤི, བྷིཀྑཝེ, ཙཏྟཱརོམེ ཝཎྞཱ ཁཏྟིཡཱ བྲཱཧྨཎཱ ཝེསྶཱ སུདྡཱ, ཏེ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛིཏྭཱ ཛཧནྟི པུརིམཱནི ནཱམགོཏྟཱནི, སམཎཱ སཀྱཔུཏྟིཡཱ ཏྭེཝ སངྑཾ གཙྪནྟི – ཨཡཾ, བྷིཀྑཝེ, ཨིམསྨིཾ དྷམྨཝིནཡེ ཙཏུཏྠོ ཨཙྪརིཡོ ཨབྦྷུཏོ དྷམྨོ, ཡཾ དིསྭཱ དིསྭཱ བྷིཀྑཱུ ཨིམསྨིཾ དྷམྨཝིནཡེ ཨབྷིརམནྟི.

‘‘སེཡྻཐཱཔི ¶ , བྷིཀྑཝེ, ཡཱ ཙ ལོཀེ སཝནྟིཡོ མཧཱསམུདྡཾ ཨཔྤེནྟི, ཡཱ ཙ ཨནྟལིཀྑཱ དྷཱརཱ པཔཏནྟི, ན ཏེན མཧཱསམུདྡསྶ ཨཱུནཏྟཾ ཝཱ པཱུརཏྟཾ ཝཱ པཉྙཱཡཏི; ཨེཝམེཝ ཁོ, བྷིཀྑཝེ, བཧཱུ ཙེཔི བྷིཀྑཱུ ཨནུཔཱདིསེསཱཡ ནིབྦཱནདྷཱཏུཡཱ པརིནིབྦཱཡནྟི, ན ཏེན ནིབྦཱནདྷཱཏུཡཱ ཨཱུནཏྟཾ ཝཱ པཱུརཏྟཾ ཝཱ པཉྙཱཡཏི. ཡམྤི, བྷིཀྑཝེ, བཧཱུ ཙེཔི བྷིཀྑཱུ ཨནུཔཱདིསེསཱཡ ནིབྦཱནདྷཱཏུཡཱ པརིནིབྦཱཡནྟི ¶ , ན ཏེན ནིབྦཱནདྷཱཏུཡཱ ཨཱུནཏྟཾ ཝཱ པཱུརཏྟཾ ཝཱ པཉྙཱཡཏི – ཨཡཾ, བྷིཀྑཝེ, ཨིམསྨིཾ དྷམྨཝིནཡེ པཉྩམོ ཨཙྪརིཡོ ཨབྦྷུཏོ དྷམྨོ ཡཾ དིསྭཱ དིསྭཱ བྷིཀྑཱུ ཨིམསྨིཾ དྷམྨཝིནཡེ ཨབྷིརམནྟི.

‘‘སེཡྻཐཱཔི, བྷིཀྑཝེ, མཧཱསམུདྡོ ཨེཀརསོ ལོཎརསོ, ཨེཝམེཝ ཁོ, བྷིཀྑཝེ, ཨཡཾ དྷམྨཝིནཡོ ཨེཀརསོ ཝིམུཏྟིརསོ. ཡམྤི, བྷིཀྑཝེ, ཨཡཾ དྷམྨཝིནཡོ ཨེཀརསོ ཝིམུཏྟིརསོ – ཨཡཾ, བྷིཀྑཝེ, ཨིམསྨིཾ དྷམྨཝིནཡེ ཚཊྛོ ཨཙྪརིཡོ ཨབྦྷུཏོ དྷམྨོ, ཡཾ དིསྭཱ དིསྭཱ བྷིཀྑཱུ ཨིམསྨིཾ དྷམྨཝིནཡེ ཨབྷིརམནྟི.

‘‘སེཡྻཐཱཔི ¶ , བྷིཀྑཝེ, མཧཱསམུདྡོ བཧུརཏནོ ཨནེཀརཏནོ, ཏཏྲིམཱནི རཏནཱནི, སེཡྻཐིདཾ – མུཏྟཱ, མཎི, ཝེལུ༹རིཡོ, སངྑོ, སིལཱ, པཝཱལ༹ཾ, རཛཏཾ, ཛཱཏརཱུཔཾ, ལོཧིཏཀོ, མསཱརགལླཾ; ཨེཝམེཝ ¶ ཁོ, བྷིཀྑཝེ, ཨཡཾ དྷམྨཝིནཡོ བཧུརཏནོ ཨནེཀརཏནོ. ཏཏྲིམཱནི རཏནཱནི, སེཡྻཐིདཾ – ཙཏྟཱརོ སཏིཔཊྛཱནཱ, ཙཏྟཱརོ སམྨཔྤདྷཱནཱ, ཙཏྟཱརོ ཨིདྡྷིཔཱདཱ, པཉྩིནྡྲིཡཱནི, པཉྩ བལཱནི, སཏྟ བོཛ྄ཛྷངྒཱ, ཨརིཡོ ཨཊྛངྒིཀོ མགྒོ. ཡམྤི, བྷིཀྑཝེ, ཨཡཾ དྷམྨཝིནཡོ བཧུརཏནོ ཨནེཀརཏནོ, ཏཏྲིམཱནི རཏནཱནི, སེཡྻཐིདཾ – ཙཏྟཱརོ སཏིཔཊྛཱནཱ…པེ… ཨརིཡོ ཨཊྛངྒིཀོ མགྒོ – ཨཡཾ, བྷིཀྑཝེ, ཨིམསྨིཾ དྷམྨཝིནཡེ སཏྟམོ ཨཙྪརིཡོ ཨབྦྷུཏོ དྷམྨོ, ཡཾ དིསྭཱ དིསྭཱ བྷིཀྑཱུ ཨིམསྨིཾ དྷམྨཝིནཡེ ཨབྷིརམནྟི.

‘‘སེཡྻཐཱཔི ¶ , བྷིཀྑཝེ, མཧཱསམུདྡོ མཧཏཾ བྷཱུཏཱནཾ ཨཱཝཱསོ, ཏཏྲིམེ བྷཱུཏཱ – ཏིམི, ཏིམིངྒལོ, ཏིམིཏིམིངྒལོ, ཨསུརཱ, ནཱགཱ, གནྡྷབྦཱ, སནྟི མཧཱསམུདྡེ ཡོཛནསཏིཀཱཔི ཨཏྟབྷཱཝཱ, དྭིཡོཛནསཏིཀཱཔི ཨཏྟབྷཱཝཱ, ཏིཡོཛནསཏིཀཱཔི ཨཏྟབྷཱཝཱ, ཙཏུཡོཛནསཏིཀཱཔི ཨཏྟབྷཱཝཱ, པཉྩཡོཛནསཏིཀཱཔི ཨཏྟབྷཱཝཱ; ཨེཝམེཝ ཁོ, བྷིཀྑཝེ, ཨཡཾ དྷམྨཝིནཡོ མཧཏཾ བྷཱུཏཱནཾ ཨཱཝཱསོ. ཏཏྲིམེ བྷཱུཏཱ – སོཏཱཔནྣོ, སོཏཱཔཏྟིཕལསཙྪིཀིརིཡཱཡ པཊིཔནྣོ; སཀདཱགཱམཱི, སཀདཱགཱམིཕལསཙྪིཀིརིཡཱཡ ¶ པཊིཔནྣོ; ཨནཱགཱམཱི, ཨནཱགཱམིཕལསཙྪིཀིརིཡཱཡ པཊིཔནྣོ; ཨརཧཱ, ཨརཧཏྟཕལསཙྪིཀིརིཡཱཡ པཊིཔནྣོ. ཡམྤི, བྷིཀྑཝེ, ཨཡཾ དྷམྨཝིནཡོ མཧཏཾ བྷཱུཏཱནཾ ཨཱཝཱསོ, ཏཏྲིམེ བྷཱུཏཱ – སོཏཱཔནྣོ, སོཏཱཔཏྟིཕལསཙྪིཀིརིཡཱཡ པཊིཔནྣོ…པེ… ཨརཧཱ, ཨརཧཏཕལསཙྪིཀིརིཡཱཡ པཊིཔནྣོ – ཨཡཾ, བྷིཀྑཝེ, ཨིམསྨིཾ དྷམྨཝིནཡེ ཨཊྛམོ ཨཙྪརིཡོ ཨབྦྷུཏོ དྷམྨོ, ཡཾ དིསྭཱ དིསྭཱ བྷིཀྑཱུ ཨིམསྨིཾ དྷམྨཝིནཡེ ཨབྷིརམནྟི. ‘‘ཨིམེ ཁོ, བྷིཀྑཝེ, ཨིམསྨིཾ དྷམྨཝིནཡེ ཨཊྛ ཨཙྪརིཡཱ ཨབྦྷུཏཱ དྷམྨཱ, ཡེ དིསྭཱ དིསྭཱ བྷིཀྑཱུ ཨིམསྨིཾ དྷམྨཝིནཡེ ཨབྷིརམནྟཱི’’ཏི.

ཨཐ ཁོ བྷགཝཱ ཨེཏམཏྠཾ ཝིདིཏྭཱ ཏཱཡཾ ཝེལཱཡཾ ཨིམཾ ཨུདཱནཾ ཨུདཱནེསི –

[ཨུདཱ. ༤༥] ‘‘ཚནྣམཏིཝསྶཏི [སུཚནྣམཏིཝསྶཏི (ཀ.)], ཝིཝཊཾ ནཱཏིཝསྶཏི;

ཏསྨཱ ཚནྣཾ ཝིཝརེཐ, ཨེཝཾ ཏཾ ནཱཏིཝསྶཏཱི’’ཏི.

༤. པཱཏིམོཀྑསཝནཱརཧོ

༣༨༦. ཨཐ ¶ ཁོ བྷགཝཱ བྷིཀྑཱུ ཨཱམནྟེསི – ‘‘ནདཱནཱཧཾ, བྷིཀྑཝེ, ཨིཏོ ¶ པརཾ ཨུཔོསཐཾ ཀརིསྶཱམི, པཱཏིམོཀྑཾ ཨུདྡིསིསྶཱམི. ཏུམྷེཝདཱནི, བྷིཀྑཝེ, ཨིཏོ པརཾ ཨུཔོསཐཾ ཀརེཡྻཱཐ, པཱཏིམོཀྑཾ ཨུདྡིསེཡྻཱཐ. ཨཊྛཱནམེཏཾ, བྷིཀྑཝེ, ཨནཝཀཱསོ ཡཾ ཏཐཱགཏོ ཨཔརིསུདྡྷཱཡ པརིསཱཡ ཨུཔོསཐཾ ཀརེཡྻ, པཱཏིམོཀྑཾ ཨུདྡིསེཡྻ. ན ཙ, བྷིཀྑཝེ [ན ཙ བྷིཀྑཝེ བྷིཀྑུནཱ (སྱཱ. ཀཾ.)], སཱཔཏྟིཀེན པཱཏིམོཀྑཾ སོཏབྦཾ. ཡོ སུཎེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཡོ སཱཔཏྟིཀོ པཱཏིམོཀྑཾ སུཎཱཏི, ཏསྶ པཱཏིམོཀྑཾ ཋཔེཏུཾ. ཨེཝཉྩ པན, བྷིཀྑཝེ, ཋཔེཏབྦཾ. ཏདཧུཔོསཐེ ཙཱཏུདྡསེ ཝཱ པནྣརསེ ཝཱ ཏསྨིཾ པུགྒལེ སམྨུཁཱིབྷཱུཏེ སངྒྷམཛ྄ཛྷེ ¶ ཨུདཱཧརིཏབྦཾ –

‘སུཎཱཏུ མེ བྷནྟེ, སངྒྷོ. ཨིཏྠནྣཱམོ པུགྒལོ སཱཔཏྟིཀོ, ཏསྶ པཱཏིམོཀྑཾ ཋཔེམི, ན ཏསྨིཾ སམྨུཁཱིབྷཱུཏེ པཱཏིམོཀྑཾ ཨུདྡིསིཏབྦ’ནྟི ཋཔིཏཾ ཧོཏི པཱཏིམོཀྑ’’ནྟི.

ཏེན ¶ ཁོ པན སམཡེན ཚབྦགྒིཡཱ བྷིཀྑཱུ ‘ནཱམྷེ ཀོཙི ཛཱནཱཏཱི’ཏི སཱཔཏྟིཀཱཝ པཱཏིམོཀྑཾ སུཎནྟི. ཐེརཱ བྷིཀྑཱུ པརཙིཏྟཝིདུནོ བྷིཀྑཱུནཾ ཨཱརོཙེནྟི – ‘‘ཨིཏྠནྣཱམོ ཙ ཨིཏྠནྣཱམོ ཙ, ཨཱཝུསོ, ཚབྦགྒིཡཱ བྷིཀྑཱུ ‘ནཱམྷེ ཀོཙི ཛཱནཱཏཱི’ཏི སཱཔཏྟིཀཱཝ པཱཏིམོཀྑཾ སུཎནྟཱི’’ཏི. ཨསྶོསུཾ ཁོ ཚབྦགྒིཡཱ བྷིཀྑཱུ – ‘‘ཐེརཱ ཀིར བྷིཀྑཱུ པརཙིཏྟཝིདུནོ ཨམྷེ བྷིཀྑཱུནཾ ཨཱརོཙེནྟི – ཨིཏྠནྣཱམོ ཙ ཨིཏྠནྣཱམོ ཙ, ཨཱཝུསོ, ཚབྦགྒིཡཱ བྷིཀྑཱུ ‘ནཱམྷེ ཀོཙི ¶ ཛཱནཱཏཱི’ཏི སཱཔཏྟིཀཱཝ པཱཏིམོཀྑཾ སུཎནྟཱི’’ཏི.

ཏེ – པུརམྷཱཀཾ པེསལཱ བྷིཀྑཱུ པཱཏིམོཀྑཾ ཋཔེནྟཱིཏི – པཊིཀཙྩེཝ སུདྡྷཱནཾ བྷིཀྑཱུནཾ ཨནཱཔཏྟིཀཱནཾ ཨཝཏྠུསྨིཾ ཨཀཱརཎེ པཱཏིམོཀྑཾ ཋཔེནྟི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑཱུ སུདྡྷཱནཾ བྷིཀྑཱུནཾ ཨནཱཔཏྟིཀཱནཾ ཨཝཏྠུསྨིཾ ཨཀཱརཎེ པཱཏིམོཀྑཾ ཋཔེསྶནྟཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ… ‘‘སཙྩཾ ཀིར, བྷིཀྑཝེ, ཚབྦགྒིཡཱ བྷིཀྑཱུ སུདྡྷཱནཾ བྷིཀྑཱུནཾ ཨནཱཔཏྟིཀཱནཾ ཨཝཏྠུསྨིཾ ཨཀཱརཎེ པཱཏིམོཀྑཾ ཋཔེནྟཱི’’ཏི? ‘‘སཙྩཾ བྷགཝཱ’’ཏི…པེ… ཝིགརཧིཏྭཱ…པེ… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, སུདྡྷཱནཾ བྷིཀྑཱུནཾ ཨནཱཔཏྟིཀཱནཾ ཨཝཏྠུསྨིཾ ཨཀཱརཎེ པཱཏིམོཀྑཾ ཋཔེཏབྦཾ. ཡོ ཋཔེཡྻ, ཨཱཔཏྟི དུཀྐཊསྶ’’.

༥. དྷམྨིཀཱདྷམྨིཀཔཱཏིམོཀྑཊྛཔནཾ

༣༨༧. ‘‘ཨེཀཾ ¶ , བྷིཀྑཝེ, ཨདྷམྨིཀཾ པཱཏིམོཀྑཊྛཔནཾ, ཨེཀཾ དྷམྨིཀཾ; པཱཏིམོཀྑཊྛཔནཾ [ཨེཀཾ དྷམྨིཀཾ (སཱི. སྱཱ.)], དྭེ ཨདྷམྨིཀཱནི; པཱཏིམོཀྑཊྛཔནཱནི, དྭེ དྷམྨིཀཱནི; ཏཱིཎི ཨདྷམྨིཀཱནི པཱཏིམོཀྑཊྛཔནཱནི, ཏཱིཎི དྷམྨིཀཱནི, ཙཏྟཱརི ཨདྷམྨིཀཱནི པཱཏིམོཀྑཊྛཔནཱནི, ཙཏྟཱརི དྷམྨིཀཱནི; པཉྩ ཨདྷམྨིཀཱནི པཱཏིམོཀྑཊྛཔནཱནི, པཉྩ དྷམྨིཀཱནི; ཚ ཨདྷམྨིཀཱནི པཱཏིམོཀྑཊྛཔནཱནི, ཚ དྷམྨིཀཱནི; སཏྟ ཨདྷམྨིཀཱནི པཱཏིམོཀྑཊྛཔནཱནི, སཏྟ དྷམྨིཀཱནི; ཨཊྛ ཨདྷམྨིཀཱནི པཱཏིམོཀྑཊྛཔནཱནི, ཨཊྛ དྷམྨིཀཱནི; ནཝ ཨདྷམྨིཀཱནི པཱཏིམོཀྑཊྛཔནཱནི ¶ , ནཝ དྷམྨིཀཱནི; དས ཨདྷམྨིཀཱནི པཱཏིམོཀྑཊྛཔནཱནི, དས དྷམྨིཀཱནི.

‘‘ཀཏམཾ ¶ ཨེཀཾ ཨདྷམྨིཀཾ པཱཏིམོཀྑཊྛཔནཾ? ཨམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི – ཨིདཾ ཨེཀཾ ཨདྷམྨིཀཾ པཱཏིམོཀྑཊྛཔནཾ. ཀཏམཾ ཨེཀཾ དྷམྨིཀཾ པཱཏིམོཀྑཊྛཔནཾ? སམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི – ཨིདཾ ཨེཀཾ དྷམྨིཀཾ པཱཏིམོཀྑཊྛཔནཾ.

‘‘ཀཏམཱནི དྭེ ཨདྷམྨིཀཱནི པཱཏིམོཀྑཊྛཔནཱནི? ཨམཱུལིཀཱཡ སཱིལཝིཔཏྟིཡཱ ¶ པཱཏིམོཀྑཾ ཋཔེཏི, ཨམཱུལིཀཱཡ ཨཱཙཱརཝིཔཏྟིཡཱ པཱཏིམོཀྑཾ ཋཔེཏི – ཨིམཱནི དྭེ ཨདྷམྨིཀཱནི པཱཏིམོཀྑཊྛཔནཱནི. ཀཏམཱནི དྭེ དྷམྨིཀཱནི པཱཏིམོཀྑཊྛཔནཱནི? སམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི, སམཱུལིཀཱཡ ཨཱཙཱརཝིཔཏྟིཡཱ པཱཏིམོཀྑཾ ཋཔེཏི – ཨིམཱནི དྭེ དྷམྨིཀཱནི པཱཏིམོཀྑཊྛཔནཱནི.

‘‘ཀཏམཱནི ཏཱིཎི ཨདྷམྨིཀཱནི པཱཏིམོཀྑཊྛཔནཱནི? ཨམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི, ཨམཱུལིཀཱཡ ཨཱཙཱརཝིཔཏྟིཡཱ པཱཏིམོཀྑཾ ཋཔེཏི, ཨམཱུལིཀཱཡ དིཊྛིཝིཔཏྟིཡཱ པཱཏིམོཀྑཾ ཋཔེཏི – ཨིམཱནི ཏཱིཎི ཨདྷམྨིཀཱནི པཱཏིམོཀྑཊྛཔནཱནི. ཀཏམཱནི ཏཱིཎི དྷམྨིཀཱནི པཱཏིམོཀྑཊྛཔནཱནི? སམཱུལིཀཱཡ ¶ སཱིལཝིཔཏྟིཡཱ པཱཏིམོཀྑཾ ཋཔེཏི, སམཱུལིཀཱཡ ཨཱཙཱརཝིཔཏྟིཡཱ པཱཏིམོཀྑཾ ཋཔེཏི, སམཱུལིཀཱཡ དིཊྛིཝིཔཏྟིཡཱ པཱཏིམོཀྑཾ ཋཔེཏི – ཨིམཱནི ཏཱིཎི དྷམྨིཀཱནི པཱཏིམོཀྑཊྛཔནཱནི.

‘‘ཀཏམཱནི ཙཏྟཱརི ཨདྷམྨིཀཱནི པཱཏིམོཀྑཊྛཔནཱནི? ཨམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི, ཨམཱུལིཀཱཡ ཨཱཙཱརཝིཔཏྟིཡཱ པཱཏིམོཀྑཾ ཋཔེཏི, ཨམཱུལིཀཱཡ དིཊྛིཝིཔཏྟིཡཱ ¶ པཱཏིམོཀྑཾ ཋཔེཏི, ཨམཱུལིཀཱཡ ཨཱཛཱིཝཝིཔཏྟིཡཱ པཱཏིམོཀྑཾ ཋཔེཏི – ཨིམཱནི ཙཏྟཱརི ཨདྷམྨིཀཱནི པཱཏིམོཀྑཊྛཔནཱནི. ཀཏམཱནི ཙཏྟཱརི དྷམྨིཀཱནི པཱཏིམོཀྑཊྛཔནཱནི? སམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི, སམཱུལིཀཱཡ ཨཱཙཱརཝིཔཏྟིཡཱ པཱཏིམོཀྑཾ ཋཔེཏི, སམཱུལིཀཱཡ དིཊྛིཝིཔཏྟིཡཱ པཱཏིམོཀྑཾ ཋཔེཏི, སམཱུལིཀཱཡ ཨཱཛཱིཝཝིཔཏྟིཡཱ པཱཏིམོཀྑཾ ཋཔེཏི – ཨིམཱནི ཙཏྟཱརི དྷམྨིཀཱནི པཱཏིམོཀྑཊྛཔནཱནི.

‘‘ཀཏམཱནི པཉྩ ཨདྷམྨིཀཱནི པཱཏིམོཀྑཊྛཔནཱནི? ཨམཱུལཀེན པཱརཱཛིཀེན པཱཏིམོཀྑཾ ཋཔེཏི, ཨམཱུལཀེན སངྒྷཱདིསེསེན…པེ… ཨམཱུལཀེན པཱཙིཏྟིཡེན… ཨམཱུལཀེན པཱཊིདེསནཱིཡེན… ཨམཱུལཀེན དུཀྐཊེན པཱཏིམོཀྑཾ ¶ ཋཔེཏི – ཨིམཱནི པཉྩ ཨདྷམྨིཀཱནི པཱཏིམོཀྑཊྛཔནཱནི. ཀཏམཱནི པཉྩ དྷམྨིཀཱནི པཱཏིམོཀྑཊྛཔནཱནི? སམཱུལཀེན པཱརཱཛིཀེན པཱཏིམོཀྑཾ ཋཔེཏི, སམཱུལཀེན སངྒྷཱདིསེསེན…པེ… ¶ པཱཙིཏྟིཡེན… པཱཊིདེསནཱིཡེན… དུཀྐཊེན པཱཏིམོཀྑཾ ཋཔེཏི – ཨིམཱནི པཉྩ དྷམྨིཀཱནི པཱཏིམོཀྑཊྛཔནཱནི.

‘‘ཀཏམཱནི ཚ ཨདྷམྨིཀཱནི པཱཏིམོཀྑཊྛཔནཱནི? ཨམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི ཨཀཏཱཡ, ཨམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི ཀཏཱཡ; ཨམཱུལིཀཱཡ ཨཱཙཱརཝིཔཏྟིཡཱ པཱཏིམོཀྑཾ ཋཔེཏི ཨཀཏཱཡ, ཨམཱུལིཀཱཡ ཨཱཙཱརཝིཔཏྟིཡཱ པཱཏིམོཀྑཾ ཋཔེཏི ཀཏཱཡ; ཨམཱུལིཀཱཡ དིཊྛིཝིཔཏྟིཡཱ པཱཏིམོཀྑཾ ཋཔེཏི ཨཀཏཱཡ, ཨམཱུལིཀཱཡ དིཊྛིཝིཔཏྟིཡཱ པཱཏིམོཀྑཾ ཋཔེཏི ཀཏཱཡ – ཨིམཱནི ཚ ཨདྷམྨིཀཱནི པཱཏིམོཀྑཊྛཔནཱནི. ཀཏམཱནི ཚ དྷམྨིཀཱནི པཱཏིམོཀྑཊྛཔནཱནི? སམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི ཨཀཏཱཡ, སམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི ཀཏཱཡ; སམཱུལིཀཱཡ ཨཱཙཱརཝིཔཏྟིཡཱ…པེ… དིཊྛིཝིཔཏྟིཡཱ པཱཏིམོཀྑཾ ཋཔེཏི ཨཀཏཱཡ…པེ… ཀཏཱཡ – ཨིམཱནི ཚ དྷམྨིཀཱནི པཱཏིམོཀྑཊྛཔནཱནི.

‘‘ཀཏམཱནི སཏྟ ཨདྷམྨིཀཱནི པཱཏིམོཀྑཊྛཔནཱནི? ཨམཱུལཀེན པཱརཱཛིཀེན པཱཏིམོཀྑཾ ཋཔེཏི, ཨམཱུལཀེན སངྒྷཱདིསེསེན…པེ… ¶ ཐུལླཙྩཡེན པཱཙིཏྟིཡེན པཱཊིདེསནཱིཡེན དུཀྐཊེན དུབྦྷཱསིཏེན པཱཏིམོཀྑཾ ཋཔེཏི – ཨིམཱནི སཏྟ ཨདྷམྨིཀཱནི པཱཏིམོཀྑཊྛཔནཱནི. ཀཏམཱནི སཏྟ དྷམྨིཀཱནི པཱཏིམོཀྑཊྛཔནཱནི? སམཱུལཀེན པཱརཱཛིཀེན པཱཏིམོཀྑཾ ཋཔེཏི, སམཱུལཀེན ¶ སངྒྷཱདིསེསེན…པེ… ཐུལླཙྩཡེན པཱཙིཏྟིཡེན པཱཊིདེསནཱིཡེན དུཀྐཊེན དུབྦྷཱསིཏེན པཱཏིམོཀྑཾ ཋཔེཏི – ཨིམཱནི སཏྟ དྷམྨིཀཱནི པཱཏིམོཀྑཊྛཔནཱནི.

‘‘ཀཏམཱནི ཨཊྛ ཨདྷམྨིཀཱནི པཱཏིམོཀྑཊྛཔནཱནི? ཨམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི ཨཀཏཱཡ, ཨམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི ཀཏཱཡ; ཨམཱུལིཀཱཡ ཨཱཙཱརཝིཔཏྟིཡཱ ¶ …པེ… དིཊྛིཝིཔཏྟིཡཱ…པེ… ཨཱཛཱིཝཝིཔཏྟིཡཱ པཱཏིམོཀྑཾ ཋཔེཏི ཨཀཏཱཡ…པེ… ཀཏཱཡ – ཨིམཱནི ཨཊྛ ཨདྷམྨིཀཱནི པཱཏིམོཀྑཊྛཔནཱནི. ཀཏམཱནི ¶ ཨཊྛ དྷམྨིཀཱནི པཱཏིམོཀྑཊྛཔནཱནི? སམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི ཨཀཏཱཡ, སམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི ¶ ཀཏཱཡ; སམཱུལིཀཱཡ ཨཱཙཱརཝིཔཏྟིཡཱ…པེ… དིཊྛིཝིཔཏྟིཡཱ…པེ… ཨཱཛཱིཝཝིཔཏྟིཡཱ པཱཏིམོཀྑཾ ཋཔེཏི ཨཀཏཱཡ…པེ… ཀཏཱཡ. ཨིམཱནི ཨཊྛ དྷམྨིཀཱནི པཱཏིམོཀྑཊྛཔནཱནི.

‘‘ཀཏམཱནི ནཝ ཨདྷམྨིཀཱནི པཱཏིམོཀྑཊྛཔནཱནི? ཨམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི ཨཀཏཱཡ, ཨམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི ཀཏཱཡ, ཨམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི ཀཏཱཀཏཱཡ; ཨམཱུལིཀཱཡ ཨཱཙཱརཝིཔཏྟིཡཱ…པེ… དིཊྛིཝིཔཏྟིཡཱ པཱཏིམོཀྑཾ ཋཔེཏི ཨཀཏཱཡ…པེ… ཀཏཱཡ…པེ… ཀཏཱཀཏཱཡ ཨིམཱནི ནཝ ཨདྷམྨིཀཱནི པཱཏིམོཀྑཊྛཔནཱནི. ཀཏམཱནི ནཝ དྷམྨིཀཱནི པཱཏིམོཀྑཊྛཔནཱནི? སམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི ཨཀཏཱཡ, སམཱུལིཀཱཡ སཱིལཝིཔཏྟིཡཱ པཱཏིམོཀྑཾ ¶ ཋཔེཏི ཀཏཱཡ, སམཱུལིཀཱཡ སཱིལཝིཔཏྟིཡཱ པཱཏིམོཀྑཾ ཋཔེཏི ཀཏཱཀཏཱཡ; སམཱུལིཀཱཡ ཨཱཙཱརཝིཔཏྟིཡཱ…པེ… དིཊྛིཝིཔཏྟིཡཱ པཱཏིམོཀྑཾ ཋཔེཏི ཨཀཏཱཡ…པེ… ཀཏཱཡ – ཀཏཱཀཏཱཡ…པེ… ཨིམཱནི ནཝ དྷམྨིཀཱནི པཱཏིམོཀྑཊྛཔནཱནི.

‘‘ཀཏམཱནི དས ཨདྷམྨིཀཱནི པཱཏིམོཀྑཊྛཔནཱནི? ན པཱརཱཛིཀོ ཏསྶཾ པརིསཱཡཾ ནིསིནྣོ ཧོཏི, ན པཱརཱཛིཀཀཐཱ ཝིཔྤཀཏཱ ཧོཏི; ན སིཀྑཾ པཙྩཀྑཱཏཀོ ཏསྶཾ པརིསཱཡཾ ནིསིནྣོ ཧོཏི, ན སིཀྑཾ པཙྩཀྑཱཏཀཐཱ ཝིཔྤཀཏཱ ཧོཏི; དྷམྨིཀཾ སཱམགྒིཾ ཨུཔེཏི, ན དྷམྨིཀཾ སཱམགྒིཾ པཙྩཱདིཡཏི, ན དྷམྨིཀཱཡ སཱམགྒིཡཱ པཙྩཱདཱནཀཐཱ ཝིཔྤཀཏཱ ཧོཏི; ན སཱིལཝིཔཏྟིཡཱ དིཊྛསུཏཔརིསངྐིཏོ ཧོཏི, ན ཨཱཙཱརཝིཔཏྟིཡཱ དིཊྛསུཏཔརིསངྐིཏོ ཧོཏི, ན དིཊྛིཝིཔཏྟིཡཱ དིཊྛསུཏཔརིསངྐིཏོ ཧོཏི – ཨིམཱནི དས ཨདྷམྨིཀཱནི ¶ པཱཏིམོཀྑཊྛཔནཱནི. ཀཏམཱནི དས དྷམྨིཀཱནི པཱཏིམོཀྑཊྛཔནཱནི? པཱརཱཛིཀོ ཏསྶཾ པརིསཱཡཾ ནིསིནྣོ ཧོཏི, པཱརཱཛིཀཀཐཱ ཝིཔྤཀཏཱ ཧོཏི; སིཀྑཾ པཙྩཀྑཱཏཀོ ཏསྶཾ པརིསཱཡཾ ནིསིནྣོ ཧོཏི, སིཀྑཾ པཙྩཀྑཱཏཀཐཱ ཝིཔྤཀཏཱ ཧོཏི; དྷམྨིཀཾ སཱམགྒིཾ ན ཨུཔེཏི, དྷམྨིཀཾ སཱམགྒིཾ ¶ པཙྩཱདིཡཏི, དྷམྨིཀཱཡ སཱམགྒིཡཱ པཙྩཱདཱནཀཐཱ ཝིཔྤཀཏཱ ཧོཏི; སཱིལཝིཔཏྟིཡཱ དིཊྛསུཏཔརིསངྐིཏོ ཧོཏི, ཨཱཙཱརཝིཔཏྟིཡཱ དིཊྛསུཏཔརིསངྐིཏོ ཧོཏི, དིཊྛིཝིཔཏྟིཡཱ དིཊྛསུཏཔརིསངྐིཏོ ཧོཏི – ཨིམཱནི དས དྷམྨིཀཱནི པཱཏིམོཀྑཊྛཔནཱནི.

༦. དྷམྨིཀཔཱཏིམོཀྑཊྛཔནཾ

༣༨༨. ‘‘ཀཐཾ ¶ པཱརཱཛིཀོ ཏསྶཾ པརིསཱཡཾ ནིསིནྣོ ཧོཏི? ཨིདྷ, བྷིཀྑཝེ, ཡེཧི ཨཱཀཱརེཧི ཡེཧི ལིངྒེཧི ཡེཧི ནིམིཏྟེཧི པཱརཱཛིཀསྶ དྷམྨསྶ ཨཛ྄ཛྷཱཔཏྟི ཧོཏི, ཏེཧི ཨཱཀཱརེཧི ཏེཧི ལིངྒེཧི ཏེཧི ནིམིཏྟེཧི བྷིཀྑུ བྷིཀྑུཾ པསྶཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟཾ. ན ཧེཝ ཁོ བྷིཀྑུ བྷིཀྑུཾ པསྶཏི པཱརཱཛིཀཾ ¶ དྷམྨཾ ཨཛ྄ཛྷཱཔཛྫནྟཾ, ཨཔི ཙ ཨཉྙོ བྷིཀྑུ བྷིཀྑུསྶ ཨཱརོཙེཏི – ‘ཨིཏྠནྣཱམོ, ཨཱཝུསོ, བྷིཀྑུ པཱརཱཛིཀཾ དྷམྨཾ ཨཛ྄ཛྷཱཔནྣོ’ཏི. ན ཧེཝ ཁོ བྷིཀྑུ བྷིཀྑུཾ པསྶཏི པཱརཱཛིཀཾ དྷམྨཾ ཨཛ྄ཛྷཱཔཛྫནྟཾ, ནཱཔི [ནཱཔི ཙ (ཀ.)] ཨཉྙོ བྷིཀྑུ བྷིཀྑུསྶ ཨཱརོཙེཏི – ‘ཨིཏྠནྣཱམོ, ཨཱཝུསོ, བྷིཀྑུ པཱརཱཛིཀཾ དྷམྨཾ ཨཛ྄ཛྷཱཔནྣོ’ཏི, ཨཔིཙ སོཝ བྷིཀྑུ བྷིཀྑུསྶ ཨཱརོཙེཏི – ‘ཨཧཾ, ཨཱཝུསོ, པཱརཱཛིཀཾ དྷམྨཾ ཨཛ྄ཛྷཱཔནྣོ’ཏི. ཨཱཀངྑམཱནོ, བྷིཀྑཝེ, བྷིཀྑུ ཏེན དིཊྛེན ཏེན སུཏེན ཏཱཡ པརིསངྐཱཡ ཏདཧུཔོསཐེ ཙཱཏུདྡསེ ཝཱ པནྣརསེ ཝཱ ཏསྨིཾ པུགྒལེ སམྨུཁཱིབྷཱུཏེ སངྒྷམཛ྄ཛྷེ ཨུདཱཧརེཡྻ –

‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམོ པུགྒལོ པཱརཱཛིཀཾ དྷམྨཾ ཨཛ྄ཛྷཱཔནྣོ, ཏསྶ པཱཏིམོཀྑཾ ཋཔེམི, ན ཏསྨིཾ སམྨུཁཱིབྷཱུཏེ ¶ པཱཏིམོཀྑཾ ཨུདྡིསིཏབྦནྟི – དྷམྨིཀཾ པཱཏིམོཀྑཊྛཔནཾ.

༣༨༩. ‘‘བྷིཀྑུསྶ པཱཏིམོཀྑེ ཋཔིཏེ པརིསཱ ཝུཊྛཱཏི, དསནྣཾ ཨནྟརཱཡཱནཾ ཨཉྙཏརེན [ཨཉྙཏརེན ཨནྟརཱཡེན (སྱཱ. ཀཾ.)] – རཱཛནྟརཱཡེན ཝཱ, ཙོརནྟརཱཡེན ཝཱ, ཨགྱནྟརཱཡེན ཝཱ, ཨུདཀནྟརཱཡེན ཝཱ, མནུསྶནྟརཱཡེན ཝཱ, ཨམནུསྶནྟརཱཡེན ཝཱ, ཝཱལ༹ནྟརཱཡེན ཝཱ, སརཱིསཔནྟརཱཡེན ཝཱ, ཛཱིཝིཏནྟརཱཡེན ¶ ཝཱ, བྲཧྨཙརིཡནྟརཱཡེན ཝཱ. ཨཱཀངྑམཱནོ, བྷིཀྑཝེ, བྷིཀྑུ ཏསྨིཾ ཝཱ ཨཱཝཱསེ, ཨཉྙསྨིཾ ཝཱ ཨཱཝཱསེ, ཏསྨིཾ པུགྒལེ སམྨུཁཱིབྷཱུཏེ སངྒྷམཛ྄ཛྷེ ཨུདཱཧརེཡྻ –

‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམསྶ པུགྒལསྶ པཱརཱཛིཀཀཐཱ ཝིཔྤཀཏཱ, ཏཾ ཝཏྠུ ཨཝིནིཙྪིཏཾ. ཡདི སངྒྷསྶ པཏྟཀལླཾ, སངྒྷོ ཏཾ ཝཏྠུཾ ཝིནིཙྪིནེཡྻཱཏི.

‘‘ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཏདཧུཔོསཐེ ཙཱཏུདྡསེ ཝཱ པནྣརསེ ཝཱ ཏསྨིཾ པུགྒལེ སམྨུཁཱིབྷཱུཏེ སངྒྷམཛ྄ཛྷེ ཨུདཱཧརིཏབྦཾ –

‘‘སུཎཱཏུ ¶ མེ, བྷནྟེ, སངྒྷོ. ཨིཏྠནྣཱམསྶ པུགྒལསྶ པཱརཱཛིཀཀཐཱ ཝིཔྤཀཏཱ, ཏཾ ཝཏྠུ ཨཝིནིཙྪིཏཾ. ཏསྶ པཱཏིམོཀྑཾ ཋཔེམི, ན ཏསྨིཾ སམྨུཁཱིབྷཱུཏེ པཱཏིམོཀྑཾ ཨུདྡིསིཏབྦནྟི – དྷམྨིཀཾ པཱཏིམོཀྑཊྛཔནཾ.

༣༩༠. ‘‘ཀཐཾ སིཀྑཾ པཙྩཀྑཱཏཀོ ཏསྶཾ པརིསཱཡཾ ནིསིནྣོ ཧོཏི? ཨིདྷ པན, བྷིཀྑཝེ, བྷིཀྑུ ཡེཧི ཨཱཀཱརེཧི ཡེཧི ལིངྒེཧི ཡེཧི ¶ ནིམིཏྟེཧི སིཀྑཱ པཙྩཀྑཱཏཱ ཧོཏི, ཏེཧི ཨཱཀཱརེཧི ཏེཧི ལིངྒེཧི ཏེཧི ནིམིཏྟེཧི བྷིཀྑུ བྷིཀྑུཾ པསྶཏི སིཀྑཾ པཙྩཀྑནྟཾ. ན ཧེཝ ཁོ བྷིཀྑུ བྷིཀྑུཾ པསྶཏི སིཀྑཾ པཙྩཀྑནྟཾ, ཨཔིཙ ཨཉྙོ བྷིཀྑུ བྷིཀྑུསྶ ཨཱརོཙེཏི – ‘ཨིཏྠནྣཱམེན, ཨཱཝུསོ, བྷིཀྑུནཱ སིཀྑཱ པཙྩཀྑཱཏཱ’ཏི. ན ཧེཝ ཁོ བྷིཀྑུ བྷིཀྑུཾ པསྶཏི སིཀྑཾ པཙྩཀྑནྟཾ, ནཱཔི ཨཉྙོ ¶ བྷིཀྑུ བྷིཀྑུསྶ ཨཱརོཙེཏི – ‘ཨིཏྠནྣཱམེན, ཨཱཝུསོ, བྷིཀྑུནཱ སིཀྑཱ པཙྩཀྑཱཏཱ’ཏི, ཨཔིཙ སོཝ བྷིཀྑུ བྷིཀྑུསྶ ཨཱརོཙེཏི – ‘མཡཱ, ཨཱཝུསོ, སིཀྑཱ པཙྩཀྑཱཏཱ’ཏི. ཨཱཀངྑམཱནོ, བྷིཀྑཝེ, བྷིཀྑུ ཏེན དིཊྛེན ཏེན སུཏེན ཏཱཡ པརིསངྐཱཡ ཏདཧུཔོསཐེ ཙཱཏུདྡསེ ཝཱ པནྣརསེ ཝཱ ཏསྨིཾ པུགྒལེ སམྨུཁཱིབྷཱུཏེ སངྒྷམཛ྄ཛྷེ ཨུདཱཧརེཡྻ –

‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམེན པུགྒལེན སིཀྑཱ པཙྩཀྑཱཏཱ, ཏསྶ པཱཏིམོཀྑཾ ཋཔེམི, ན ཏསྨིཾ སམྨུཁཱིབྷཱུཏེ པཱཏིམོཀྑཾ ཨུདྡིསིཏབྦནྟི – དྷམྨིཀཾ པཱཏིམོཀྑཊྛཔནཾ.

༣༩༡. ‘‘བྷིཀྑུསྶ པཱཏིམོཀྑེ ཋཔིཏེ པརིསཱ ཝུཊྛཱཏི, དསནྣཾ ཨནྟརཱཡཱནཾ ཨཉྙཏརེན – རཱཛནྟརཱཡེན ཝཱ ¶ …པེ… བྲཧྨཙརིཡནྟརཱཡེན ཝཱ, ཨཱཀངྑམཱནོ, བྷིཀྑཝེ, བྷིཀྑུ ཏསྨིཾ ཝཱ ཨཱཝཱསེ, ཨཉྙསྨིཾ ཝཱ ཨཱཝཱསེ, ཏསྨིཾ པུགྒལེ སམྨུཁཱིབྷཱུཏེ སངྒྷམཛ྄ཛྷེ ཨུདཱཧརེཡྻ –

‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམསྶ པུགྒལསྶ སིཀྑཾ པཙྩཀྑཱཏཀཐཱ [སིཀྑཱཔཙྩཀྑཱཏཀཐཱ (སཱི.)] ཝིཔྤཀཏཱ, ཏཾ ཝཏྠུ ཨཝིནིཙྪིཏཾ. ཡདི སངྒྷསྶ པཏྟཀལླཾ, སངྒྷོ ཏཾ ཝཏྠུཾ ཝིནིཙྪིནེཡྻཱཏི.

‘‘ཨེཝཉྩེཏཾ ¶ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཏདཧུཔོསཐེ ཙཱཏུདྡསེ ཝཱ པནྣརསེ ཝཱ ཏསྨིཾ པུགྒལེ སམྨུཁཱིབྷཱུཏེ སངྒྷམཛ྄ཛྷེ ཨུདཱཧརིཏབྦཾ –

‘‘སུཎཱཏུ ¶ མེ, བྷནྟེ, སངྒྷོ. ཨིཏྠནྣཱམསྶ པུགྒལསྶ སིཀྑཾ པཙྩཀྑཱཏཀཐཱ ཝིཔྤཀཏཱ, ཏཾ ཝཏྠུ ཨཝིནིཙྪིཏཾ. ཏསྶ པཱཏིམོཀྑཾ ཋཔེམི, ན ཏསྨིཾ སམྨུཁཱིབྷཱུཏེ པཱཏིམོཀྑཾ ཨུདྡིསིཏབྦནྟི – དྷམྨིཀཾ པཱཏིམོཀྑཊྛཔནཾ.

༣༩༢. ‘‘ཀཐཾ དྷམྨིཀཾ སཱམགྒིཾ ན ཨུཔེཏི? ཨིདྷ པན, བྷིཀྑཝེ, བྷིཀྑུ ཡེཧི ཨཱཀཱརེཧི ཡེཧི ལིངྒེཧི ཡེཧི ནིམིཏྟེཧི དྷམྨིཀཱཡ སཱམགྒིཡཱནུཔགམནཾ ཧོཏི, ཏེཧི ཨཱཀཱརེཧི ཏེཧི ལིངྒེཧི ཏེཧི ནིམིཏྟེཧི བྷིཀྑུ བྷིཀྑུཾ པསྶཏི དྷམྨིཀཾ སཱམགྒིཾ ན ཨུཔེནྟཾ. ན ཧེཝ ཁོ བྷིཀྑུ བྷིཀྑུཾ པསྶཏི དྷམྨིཀཾ སཱམགྒིཾ ན ཨུཔེནྟཾ, ཨཔི ཙ ཨཉྙོ བྷིཀྑུ བྷིཀྑུསྶ ཨཱརོཙེཏི – ‘ཨིཏྠནྣཱམོ, ཨཱཝུསོ, བྷིཀྑུ དྷམྨིཀཾ སཱམགྒིཾ ན ཨུཔེཏཱི’ཏི. ན ཧེཝ ཁོ བྷིཀྑུ བྷིཀྑུཾ པསྶཏི དྷམྨིཀཾ སཱམགྒིཾ ན ཨུཔེནྟཾ, ནཱཔི ཨཉྙོ བྷིཀྑུ བྷིཀྑུསྶ ཨཱརོཙེཏི – ‘ཨིཏྠནྣཱམོ, ཨཱཝུསོ, བྷིཀྑུ དྷམྨིཀཾ སཱམགྒིཾ ན ཨུཔེཏཱི’ཏི, ཨཔི ཙ སོཝ བྷིཀྑུ བྷིཀྑུསྶ ཨཱརོཙེཏི – ‘ཨཧཾ, ཨཱཝུསོ, དྷམྨིཀཾ སཱམགྒིཾ ན ཨུཔེམཱི’ཏི. ཨཱཀངྑམཱནོ, བྷིཀྑཝེ, བྷིཀྑུ ཏེན དིཊྛེན ཏེན སུཏེན ཏཱཡ པརིསངྐཱཡ ཏདཧུཔོསཐེ ཙཱཏུདྡསེ ཝཱ ¶ པནྣརསེ ཝཱ ཏསྨིཾ པུགྒལེ སམྨུཁཱིབྷཱུཏེ སངྒྷམཛ྄ཛྷེ ཨུདཱཧརེཡྻ –

‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམོ པུགྒལོ དྷམྨིཀཾ སཱམགྒིཾ ན ཨུཔེཏི ¶ , ཏསྶ པཱཏིམོཀྑཾ ཋཔེམི, ན ཏསྨིཾ སམྨུཁཱིབྷཱུཏེ པཱཏིམོཀྑཾ ཨུདྡིསིཏབྦནྟི – དྷམྨིཀཾ པཱཏིམོཀྑཊྛཔནཾ.

༣༩༣. ‘‘ཀཐཾ དྷམྨིཀཾ སཱམགྒིཾ པཙྩཱདིཡཏི? ཨིདྷ, བྷིཀྑཝེ, བྷིཀྑུ ཡེཧི ཨཱཀཱརེཧི ཡེཧི ལིངྒེཧི ཡེཧི ནིམིཏྟེཧི དྷམྨིཀཱཡ སཱམགྒིཡཱ པཙྩཱདཱནཾ ཧོཏི, ཏེཧི ཨཱཀཱརེཧི ¶ ཏེཧི ལིངྒེཧི ཏེཧི ནིམིཏྟེཧི བྷིཀྑུ བྷིཀྑུཾ པསྶཏི དྷམྨིཀཾ སཱམགྒིཾ པཙྩཱདིཡནྟཾ ན ཧེཝ ཁོ བྷིཀྑུ བྷིཀྑུཾ པསྶཏི དྷམྨིཀཾ སཱམགྒིཾ པཙྩཱདིཡནྟཾ, ཨཔི ཙ ཨཉྙོ བྷིཀྑུ བྷིཀྑུསྶ ཨཱརོཙེཏི – ‘ཨིཏྠནྣཱམོ, ཨཱཝུསོ, བྷིཀྑུ དྷམྨིཀཾ སཱམགྒིཾ པཙྩཱདིཡཏཱི’ཏི. ན ཧེཝ ཁོ བྷིཀྑུ བྷིཀྑུཾ པསྶཏི དྷམྨིཀཾ སཱམགྒིཾ པཙྩཱདིཡནྟཾ, ནཱཔི ཨཉྙོ བྷིཀྑུ བྷིཀྑུསྶ ཨཱརོཙེཏི – ‘ཨིཏྠནྣཱམོ, ཨཱཝུསོ, བྷིཀྑུ དྷམྨིཀཾ སཱམགྒིཾ པཙྩཱདིཡཏཱི’ཏི, ཨཔི ཙ སོཝ བྷིཀྑུ བྷིཀྑུསྶ ཨཱརོཙེཏི – ‘ཨཧཾ, ཨཱཝུསོ, དྷམྨིཀཾ སཱམགྒིཾ པཙྩཱདིཡཱམཱི’ཏི ¶ . ཨཱཀངྑམཱནོ, བྷིཀྑཝེ, བྷིཀྑུ ཏེན དིཊྛེན ཏེན སུཏེན ཏཱཡ པརིསངྐཱཡ ཏདཧུཔོསཐེ ཙཱཏུདྡསེ ཝཱ པནྣརསེ ཝཱ ཏསྨིཾ པུགྒལེ སམྨུཁཱིབྷཱུཏེ སངྒྷམཛ྄ཛྷེ ཨུདཱཧརེཡྻ –

‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམོ པུགྒལོ དྷམྨིཀཾ སཱམགྒིཾ པཙྩཱདིཡཏི, ཏསྶ པཱཏིམོཀྑཾ ཋཔེམི, ན ཏསྨིཾ སམྨུཁཱིབྷཱུཏེ པཱཏིམོཀྑཾ ཨུདྡིསིཏབྦནྟི – དྷམྨིཀཾ པཱཏིམོཀྑཊྛཔནཾ.

༣༩༤. ‘‘བྷིཀྑུསྶ པཱཏིམོཀྑེ ཋཔིཏེ པརིསཱ ཝུཊྛཱཏི, དསནྣཾ ཨནྟརཱཡཱནཾ ཨཉྙཏརེན – རཱཛནྟརཱཡེན ཝཱ…པེ… བྲཧྨཙརིཡནྟརཱཡེན ¶ ཝཱ. ཨཱཀངྑམཱནོ, བྷིཀྑཝེ, བྷིཀྑུ ཏསྨིཾ ཝཱ ཨཱཝཱསེ, ཨཉྙསྨིཾ ཝཱ ཨཱཝཱསེ, ཏསྨིཾ པུགྒལེ སམྨུཁཱིབྷཱུཏེ སངྒྷམཛ྄ཛྷེ ཨུདཱཧརེཡྻ –

‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམསྶ པུགྒལསྶ དྷམྨིཀཱཡ སཱམགྒིཡཱ པཙྩཱདཱནཀཐཱ ཝིཔྤཀཏཱ, ཏཾ ཝཏྠུ ཨཝིནིཙྪིཏཾ. ཡདི སངྒྷསྶ པཏྟཀལླཾ, སངྒྷོ ཏཾ ཝཏྠུཾ ཝིནིཙྪིནེཡྻཱཏི.

‘‘ཨེཝཉྩེཏཾ ལབྷེཐ, ཨིཙྩེཏཾ ཀུསལཾ. ནོ ཙེ ལབྷེཐ, ཏདཧུཔོསཐེ ཙཱཏུདྡསེ ཝཱ པནྣརསེ ཝཱ ཏསྨིཾ པུགྒལེ སམྨུཁཱིབྷཱུཏེ སངྒྷམཛ྄ཛྷེ ཨུདཱཧརིཏབྦཾ –

‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམསྶ པུགྒལསྶ དྷམྨིཀཱཡ སཱམགྒིཡཱ པཙྩཱདཱནཀཐཱ ཝིཔྤཀཏཱ, ཏཾ ཝཏྠུ ཨཝིནིཙྪིཏཾ. ཏསྶ པཱཏིམོཀྑཾ ཋཔེམི, ན ཏསྨིཾ སམྨུཁཱིབྷཱུཏེ པཱཏིམོཀྑཾ ཨུདྡིསིཏབྦནྟི – དྷམྨིཀཾ པཱཏིམོཀྑཊྛཔནཾ.

༣༩༥. ‘‘ཀཐཾ ¶ སཱིལཝིཔཏྟིཡཱ དིཊྛསུཏཔརིསངྐིཏོ ཧོཏི? ཨིདྷ པན, བྷིཀྑཝེ, བྷིཀྑུ ཡེཧི ཨཱཀཱརེཧི ཡེཧི ལིངྒེཧི ཡེཧི ནིམིཏྟེཧི སཱིལཝིཔཏྟིཡཱ དིཊྛསུཏཔརིསངྐིཏོ ཧོཏི, ཏེཧི ཨཱཀཱརེཧི ཏེཧི ལིངྒེཧི ཏེཧི ནིམིཏྟེཧི བྷིཀྑུ བྷིཀྑུཾ པསྶཏི སཱིལཝིཔཏྟིཡཱ དིཊྛསུཏཔརིསངྐིཏཾ. ན ཧེཝ ཁོ བྷིཀྑུ བྷིཀྑུཾ པསྶཏི སཱིལཝིཔཏྟིཡཱ དིཊྛསུཏཔརིསངྐིཏཾ, ཨཔི ཙ ཨཉྙོ བྷིཀྑུ བྷིཀྑུསྶ ཨཱརོཙེཏི – ‘ཨིཏྠནྣཱམོ, ཨཱཝུསོ, བྷིཀྑུ སཱིལཝིཔཏྟིཡཱ དིཊྛསུཏཔརིསངྐིཏོ’ཏི. ན ཧེཝ ཁོ བྷིཀྑུ བྷིཀྑུཾ པསྶཏི སཱིལཝིཔཏྟིཡཱ དིཊྛསུཏཔརིསངྐིཏཾ, ནཱཔི ཨཉྙོ བྷིཀྑུ བྷིཀྑུསྶ ཨཱརོཙེཏི – ‘ཨིཏྠནྣཱམོ, ཨཱཝུསོ, བྷིཀྑུ ¶ ¶ སཱིལཝིཔཏྟིཡཱ དིཊྛསུཏཔརིསངྐིཏོ’ཏི, ཨཔི ཙ སོཝ བྷིཀྑུ བྷིཀྑུསྶ ཨཱརོཙེཏི – ‘ཨཧཾ, ཨཱཝུསོ, སཱིལཝིཔཏྟིཡཱ དིཊྛསུཏཔརིསངྐིཏོམྷཱི’ཏི. ཨཱཀངྑམཱནོ, བྷིཀྑཝེ, བྷིཀྑུ ཏེན དིཊྛེན ཏེན སུཏེན ཏཱཡ པརིསངྐཱཡ ཏདཧུཔོསཐེ ཙཱཏུདྡསེ ཝཱ པནྣརསེ ཝཱ ཏསྨིཾ པུགྒལེ སམྨུཁཱིབྷཱུཏེ སངྒྷམཛ྄ཛྷེ ཨུདཱཧརེཡྻ –

‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམོ པུགྒལོ སཱིལཝིཔཏྟིཡཱ དིཊྛསུཏཔརིསངྐིཏོ, [དིཊྛསུཏཔརིསངྐིཏོ ཧོཏི (སྱཱ. ཀཾ.)] ཏསྶ པཱཏིམོཀྑཾ ཋཔེམི, ན ཏསྨིཾ སམྨུཁཱིབྷཱུཏེ པཱཏིམོཀྑཾ ཨུདྡིསིཏབྦནྟི – དྷམྨིཀཾ པཱཏིམོཀྑཊྛཔནཾ.

༣༩༦. ‘‘ཀཐཾ ཨཱཙཱརཝིཔཏྟིཡཱ དིཊྛསུཏཔརིསངྐིཏོ ཧོཏི? ཨིདྷ པན, བྷིཀྑཝེ, བྷིཀྑུ ཡེཧི ཨཱཀཱརེཧི ཡེཧི ལིངྒེཧི ཡེཧི ནིམིཏྟེཧི ཨཱཙཱརཝིཔཏྟིཡཱ དིཊྛསུཏཔརིསངྐིཏོ ཧོཏི ཏེཧི ཨཱཀཱརེཧི ཏེཧི ལིངྒེཧི ཏེཧི ནིམིཏྟེཧི བྷིཀྑུ བྷིཀྑུཾ པསྶཏི ཨཱཙཱརཝིཔཏྟིཡཱ དིཊྛསུཏཔརིསངྐིཏཾ. ན ཧེཝ ཁོ བྷིཀྑུ བྷིཀྑུཾ པསྶཏི ཨཱཙཱརཝིཔཏྟིཡཱ དིཊྛསུཏཔརིསངྐིཏཾ, ཨཔི ཙ ཨཉྙོ བྷིཀྑུ བྷིཀྑུསྶ ཨཱརོཙེཏི – ‘ཨིཏྠནྣཱམོ, ཨཱཝུསོ, བྷིཀྑུ ཨཱཙཱརཝིཔཏྟིཡཱ དིཊྛསུཏཔརིསངྐིཏོ’ཏི. ན ཧེཝ ཁོ བྷིཀྑུ བྷིཀྑུཾ པསྶཏི ཨཱཙཱརཝིཔཏྟིཡཱ དིཊྛསུཏཔརིསངྐིཏཾ, ནཱཔི ཨཉྙོ བྷིཀྑུ བྷིཀྑུསྶ ཨཱརོཙེཏི – ‘ཨིཏྠནྣཱམོ, ཨཱཝུསོ, བྷིཀྑུ ཨཱཙཱརཝིཔཏྟིཡཱ དིཊྛསུཏཔརིསངྐིཏོ’ཏི, ཨཔི ཙ སོཝ བྷིཀྑུ བྷིཀྑུསྶ ཨཱརོཙེཏི – ‘ཨཧཾ, ཨཱཝུསོ, ཨཱཙཱརཝིཔཏྟིཡཱ དིཊྛསུཏཔརིསངྐིཏོམྷཱི’ཏི. ཨཱཀངྑམཱནོ, བྷིཀྑཝེ, བྷིཀྑུ ཏེན དིཊྛེན ཏེན སུཏེན ཏཱཡ ¶ པརིསངྐཱཡ ཏདཧུཔོསཐེ ཙཱཏུདྡསེ ཝཱ པནྣརསེ ཝཱ ཏསྨིཾ པུགྒལེ སམྨུཁཱིབྷཱུཏེ སངྒྷམཛ྄ཛྷེ ཨུདཱཧརེཡྻ –

‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམོ པུགྒལོ ཨཱཙཱརཝིཔཏྟིཡཱ དིཊྛསུཏཔརིསངྐིཏོ, ཏསྶ ¶ པཱཏིམོཀྑཾ ཋཔེམི, ན ཏསྨིཾ སམྨུཁཱིབྷཱུཏེ པཱཏིམོཀྑཾ ཨུདྡིསིཏབྦནྟི – དྷམྨིཀཾ པཱཏིམོཀྑཊྛཔནཾ.

༣༩༧. ‘‘ཀཐཾ དིཊྛིཝིཔཏྟིཡཱ དིཊྛསུཏཔརིསངྐིཏོ ཧོཏི? ཨིདྷ པན, བྷིཀྑཝེ, བྷིཀྑུ ཡེཧི ཨཱཀཱརེཧི ཡེཧི ལིངྒེཧི ཡེཧི ནིམིཏྟེཧི དིཊྛིཝིཔཏྟིཡཱ ¶ དིཊྛསུཏཔརིསངྐིཏོ ཧོཏི, ཏེཧི ཨཱཀཱརེཧི ཏེཧི ལིངྒེཧི ཏེཧི ནིམིཏྟེཧི བྷིཀྑུ བྷིཀྑུཾ པསྶཏི དིཊྛིཝིཔཏྟིཡཱ དིཊྛསུཏཔརིསངྐིཏཾ. ན ཧེཝ ཁོ བྷིཀྑུ བྷིཀྑུཾ པསྶཏི དིཊྛིཝིཔཏྟིཡཱ དིཊྛསུཏཔརིསངྐིཏཾ, ཨཔི ཙ ཨཉྙོ བྷིཀྑུ བྷིཀྑུསྶ ཨཱརོཙེཏི – ‘ཨིཏྠནྣཱམོ, ཨཱཝུསོ, བྷིཀྑུ དིཊྛིཝིཔཏྟིཡཱ དིཊྛསུཏཔརིསངྐིཏོ’ཏི. ན ཧེཝ ཁོ བྷིཀྑུ བྷིཀྑུཾ པསྶཏི དིཊྛིཝིཔཏྟིཡཱ དིཊྛསུཏཔརིསངྐིཏཾ, ནཱཔི ཨཉྙོ བྷིཀྑུ བྷིཀྑུསྶ ཨཱརོཙེཏི – ‘ཨིཏྠནྣཱམོ, ཨཱཝུསོ, བྷིཀྑུ དིཊྛིཝིཔཏྟིཡཱ དིཊྛསུཏཔརིསངྐིཏོ’ཏི, ཨཔི ཙ སོཝ བྷིཀྑུ བྷིཀྑུསྶ ཨཱརོཙེཏི – ‘ཨཧཾ, ཨཱཝུསོ, དིཊྛིཝིཔཏྟིཡཱ དིཊྛསུཏཔརིསངྐིཏོམྷཱི’ཏི. ཨཱཀངྑམཱནོ, བྷིཀྑཝེ, བྷིཀྑུ ཏེན དིཊྛེན ཏེན སུཏེན ཏཱཡ པརིསངྐཱཡ ཏདཧུཔོསཐེ ཙཱཏུདྡསེ ཝཱ པནྣརསེ ཝཱ ཏསྨིཾ པུགྒལེ སམྨུཁཱིབྷཱུཏེ སངྒྷམཛ྄ཛྷེ ཨུདཱཧརེཡྻ –

‘‘སུཎཱཏུ མེ, བྷནྟེ, སངྒྷོ. ཨིཏྠནྣཱམོ པུགྒལོ དིཊྛིཝིཔཏྟིཡཱ དིཊྛསུཏཔརིསངྐིཏོ, ཏསྶ ¶ པཱཏིམོཀྑཾ ཋཔེམི, ན ཏསྨིཾ སམྨུཁཱིབྷཱུཏེ པཱཏིམོཀྑཾ ཨུདྡིསིཏབྦནྟི – དྷམྨིཀཾ ¶ པཱཏིམོཀྑཊྛཔནཾ.

‘‘ཨིམཱནི དས དྷམྨིཀཱནི པཱཏིམོཀྑཊྛཔནཱནཱི’’ཏི.

པཋམབྷཱཎཝཱརོ ནིཊྛིཏོ.

༧. ཨཏྟཱདཱནཨངྒཾ

༣༩༨. ཨཐ ཁོ ཨཱཡསྨཱ ཨུཔཱལི ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨུཔཱལི བྷགཝནྟཾ ཨེཏདཝོཙ – ‘‘ཨཏྟཱདཱནཾ ཨཱདཱཏུཀཱམེན, བྷནྟེ, བྷིཀྑུནཱ ཀཏམངྒསམནྣཱགཏཾ [ཀཏངྒསམནྣཱགཏཾ (ཀ.)] ཨཏྟཱདཱནཾ ཨཱདཱཏབྦ’’ནྟི?

[པརི. ༤༤༠] ‘‘ཨཏྟཱདཱནཾ ¶ ¶ ཨཱདཱཏུཀཱམེན, ཨུཔཱལི, བྷིཀྑུནཱ པཉྩངྒསམནྣཱགཏཾ ཨཏྟཱདཱནཾ ཨཱདཱཏབྦཾ. ཨཏྟཱདཱནཾ ཨཱདཱཏུཀཱམེན, ཨུཔཱལི, བྷིཀྑུནཱ ཨེཝཾ པཙྩཝེཀྑིཏབྦཾ – ‘ཡཾ ཁོ ཨཧཾ ཨིམཾ ཨཏྟཱདཱནཾ ཨཱདཱཏུཀཱམོ, ཀཱལོ ནུ ཁོ ཨིམཾ ཨཏྟཱདཱནཾ ཨཱདཱཏུཾ ཨུདཱཧུ ནོ’ཏི? སཙེ, ཨུཔཱལི, བྷིཀྑུ པཙྩཝེཀྑམཱནོ ཨེཝཾ ཛཱནཱཏི – ‘ཨཀཱལོ ཨིམཾ ཨཏྟཱདཱནཾ ཨཱདཱཏུཾ, ནོ ཀཱལོ’ཏི, ན ཏཾ, ཨུཔཱལི, ཨཏྟཱདཱནཾ ཨཱདཱཏབྦཾ.

‘‘སཙེ པནུཔཱལི, བྷིཀྑུ པཙྩཝེཀྑམཱནོ ཨེཝཾ ཛཱནཱཏི – ‘ཀཱལོ ཨིམཾ ཨཏྟཱདཱནཾ ཨཱདཱཏུཾ, ནོ ཨཀཱལོ’ཏི, ཏེནུཔཱལི, བྷིཀྑུནཱ ཨུཏྟརི པཙྩཝེཀྑིཏབྦཾ – ‘ཡཾ ཁོ ཨཧཾ ཨིམཾ ཨཏྟཱདཱནཾ ཨཱདཱཏུཀཱམོ, བྷཱུཏཾ ནུ ཁོ ཨིདཾ ཨཏྟཱདཱནཾ ཨུདཱཧུ ནོ’ཏི? སཙེ, ཨུཔཱལི, བྷིཀྑུ པཙྩཝེཀྑམཱནོ ཨེཝཾ ཛཱནཱཏི – ‘ཨབྷཱུཏཾ ཨིདཾ ཨཏྟཱདཱནཾ, ནོ བྷཱུཏ’ནྟི, ན ཏཾ, ཨུཔཱལི, ཨཏྟཱདཱནཾ ཨཱདཱཏབྦཾ.

‘‘སཙེ པནུཔཱལི, བྷིཀྑུ པཙྩཝེཀྑམཱནོ ¶ ཨེཝཾ ཛཱནཱཏི – ‘བྷཱུཏཾ ཨིདཾ ཨཏྟཱདཱནཾ, ནོ ཨབྷཱུཏ’ནྟི, ཏེནུཔཱལི, བྷིཀྑུནཱ ཨུཏྟརི པཙྩཝེཀྑིཏབྦཾ – ‘ཡཾ ཁོ ཨཧཾ ཨིམཾ ཨཏྟཱདཱནཾ ཨཱདཱཏུཀཱམོ, ཨཏྠསཉྷིཏཾ ནུ ཁོ ཨིདཾ ཨཏྟཱདཱནཾ ཨུདཱཧུ ནོ’ཏི? སཙེ, ཨུཔཱལི, བྷིཀྑུ པཙྩཝེཀྑམཱནོ ཨེཝཾ ཛཱནཱཏི – ‘ཨནཏྠསཉྷིཏཾ ཨིདཾ ཨཏྟཱདཱནཾ, ནོ ཨཏྠསཉྷིཏ’ནྟི, ན ཏཾ, ཨུཔཱལི, ཨཏྟཱདཱནཾ ཨཱདཱཏབྦཾ.

‘‘སཙེ པནུཔཱལི, བྷིཀྑུ པཙྩཝེཀྑམཱནོ ཨེཝཾ ཛཱནཱཏི – ‘ཨཏྠསཉྷིཏཾ ཨིདཾ ཨཏྟཱདཱནཾ, ནོ ཨནཏྠསཉྷིཏ’ནྟི, ཏེནུཔཱལི, བྷིཀྑུནཱ ཨུཏྟརི པཙྩཝེཀྑིཏབྦཾ – ‘ཨིམཾ ཁོ ཨཧཾ ཨཏྟཱདཱནཾ ཨཱདིཡམཱནོ ལབྷིསྶཱམི སནྡིཊྛེ སམྦྷཏྟེ བྷིཀྑཱུ དྷམྨཏོ ཝིནཡཏོ པཀྑེ ཨུདཱཧུ ནོ’ཏི? སཙེ, ཨུཔཱལི, བྷིཀྑུ པཙྩཝེཀྑམཱནོ ཨེཝཾ ཛཱནཱཏི – ‘ཨིམཾ ཁོ ཨཧཾ ཨཏྟཱདཱནཾ ཨཱདིཡམཱནོ ན ལབྷིསྶཱམི སནྡིཊྛེ སམྦྷཏྟེ བྷིཀྑཱུ དྷམྨཏོ ཝིནཡཏོ པཀྑེ’ཏི, ན ཏཾ, ཨུཔཱལི, ཨཏྟཱདཱནཾ ཨཱདཱཏབྦཾ.

‘‘སཙེ པནུཔཱལི, བྷིཀྑུ པཙྩཝེཀྑམཱནོ ཨེཝཾ ཛཱནཱཏི – ‘ཨིམཾ ཁོ ཨཧཾ ¶ ཨཏྟཱདཱནཾ ཨཱདིཡམཱནོ ལབྷིསྶཱམི སནྡིཊྛེ སམྦྷཏྟེ བྷིཀྑཱུ དྷམྨཏོ ཝིནཡཏོ པཀྑེ’ཏི, ཏེནུཔཱལི, བྷིཀྑུནཱ ཨུཏྟརི པཙྩཝེཀྑིཏབྦཾ – ‘ཨིམཾ ཁོ མེ ཨཏྟཱདཱནཾ ཨཱདིཡཏོ བྷཝིསྶཏི སངྒྷསྶ ཏཏོནིདཱནཾ བྷཎྜནཾ ཀལཧོ ཝིགྒཧོ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎཾ ཨུདཱཧུ ནོ’ཏི? སཙེ ཨུཔཱལི, བྷིཀྑུ པཙྩཝེཀྑམཱནོ ཨེཝཾ ཛཱནཱཏི – ‘ཨིམཾ ཁོ མེ ཨཏྟཱདཱནཾ ¶ ཨཱདིཡཏོ བྷཝིསྶཏི སངྒྷསྶ ཏཏོནིདཱནཾ བྷཎྜནཾ ཀལཧོ ཝིགྒཧོ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ ¶ སངྒྷནཱནཱཀརཎ’ནྟི, ན ཏཾ, ཨུཔཱལི, ཨཏྟཱདཱནཾ ཨཱདཱཏབྦཾ. སཙེ པནུཔཱལི, བྷིཀྑུ པཙྩཝེཀྑམཱནོ ཨེཝཾ ཛཱནཱཏི – ‘ཨིམཾ ཁོ མེ ཨཏྟཱདཱནཾ ཨཱདིཡཏོ ན བྷཝིསྶཏི སངྒྷསྶ ཏཏོནིདཱནཾ བྷཎྜནཾ ཀལཧོ ཝིགྒཧོ ¶ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎ’ནྟི, ཨཱདཱཏབྦཾ ཏཾ, ཨུཔཱལི, ཨཏྟཱདཱནཾ. ཨེཝཾ པཉྩངྒསམནྣཱགཏཾ ཁོ, ཨུཔཱལི, ཨཏྟཱདཱནཾ ཨཱདིནྣཾ, པཙྪཱཔི ཨཝིཔྤཊིསཱརཀརཾ བྷཝིསྶཏཱི’ཏི.

༨. ཙོདཀེནཔཙྩཝེཀྑིཏབྦདྷམྨཱ

༣༩༩. [པརི. ༤༣༦ (ཨ. ནི. ༡༠.༤༤ ཐོཀཾ ཝིསདིསཾ)] ‘‘ཙོདཀེན, བྷནྟེ, བྷིཀྑུནཱ པརཾ ཙོདེཏུཀཱམེན ཀཏི དྷམྨེ ཨཛ྄ཛྷཏྟཾ པཙྩཝེཀྑིཏྭཱ པརོ ཙོདེཏབྦོ’’ཏི? ‘‘ཙོདཀེན, ཨུཔཱལི, བྷིཀྑུནཱ པརཾ ཙོདེཏུཀཱམེན པཉྩ དྷམྨེ ཨཛ྄ཛྷཏྟཾ པཙྩཝེཀྑིཏྭཱ པརོ ཙོདེཏབྦོ.

‘‘ཙོདཀེན, ཨུཔཱལི, བྷིཀྑུནཱ པརཾ ཙོདེཏུཀཱམེན ཨེཝཾ པཙྩཝེཀྑིཏབྦཾ – ‘པརིསུདྡྷཀཱཡསམཱཙཱརོ ནུ ཁོམྷི, པརིསུདྡྷེནམྷི ཀཱཡསམཱཙཱརེན སམནྣཱགཏོ – ཨཙྪིདྡེན ཨཔྤཊིམཾསེན? སཾཝིཛྫཏི ནུ ཁོ མེ ཨེསོ དྷམྨོ ཨུདཱཧུ ནོ’ཏི? ནོ ཙེ, ཨུཔཱལི, བྷིཀྑུ པརིསུདྡྷཀཱཡསམཱཙཱརོ ཧོཏི, པརིསུདྡྷེན ཀཱཡསམཱཙཱརེན སམནྣཱགཏོ – ཨཙྪིདྡེན ཨཔྤཊིམཾསེན, ཏསྶ བྷཝནྟི ཝཏྟཱརོ – ‘ཨིངྒྷ ཏཱཝ ཨཱཡསྨཱ ཀཱཡིཀཾ སིཀྑསྶཱུ’ཏི. ཨིཏིསྶ བྷཝནྟི ཝཏྟཱརོ.

‘‘པུན ཙཔརཾ, ཨུཔཱལི, ཙོདཀེན བྷིཀྑུནཱ པརཾ ཙོདེཏུཀཱམེན ཨེཝཾ པཙྩཝེཀྑིཏབྦཾ – ‘པརིསུདྡྷཝཙཱིསམཱཙཱརོ ནུ ཁོམྷི, པརིསུདྡྷེནམྷི ཝཙཱིསམཱཙཱརེན སམནྣཱགཏོ – ཨཙྪིདྡེན ཨཔྤཊིམཾསེན? སཾཝིཛྫཏི ནུ ¶ ཁོ མེ ཨེསོ དྷམྨོ ཨུདཱཧུ ནོ’ཏི? ནོ ཙེ, ཨུཔཱལི, བྷིཀྑུ པརིསུདྡྷཝཙཱིསམཱཙཱརོ ཧོཏི, པརིསུདྡྷེན ཝཙཱིསམཱཙཱརེན སམནྣཱགཏོ – ཨཙྪིདྡེན ཨཔྤཊིམཾསེན, ཏསྶ བྷཝནྟི ཝཏྟཱརོ – ‘ཨིངྒྷ ཏཱཝ ཨཱཡསྨཱ ཝཱཙསིཀཾ སིཀྑསྶཱུ’ཏི. ཨིཏིསྶ བྷཝནྟི ཝཏྟཱརོ.

‘‘པུན ཙཔརཾ, ཨུཔཱལི, ཙོདཀེན བྷིཀྑུནཱ པརཾ ཙོདེཏུཀཱམེན ཨེཝཾ པཙྩཝེཀྑིཏབྦཾ – ‘མེཏྟཾ ནུ ཁོ མེ ཙིཏྟཾ པཙྩུཔཊྛིཏཾ སབྲཧྨཙཱརཱིསུ ཨནཱགྷཱཏཾ ¶ , སཾཝིཛྫཏི ནུ ཁོ མེ ཨེསོ དྷམྨོ ཨུདཱཧུ ནོ’ཏི? ནོ ཙེ, ཨུཔཱལི, བྷིཀྑུནོ མེཏྟཙིཏྟཾ པཙྩུཔཊྛིཏཾ ཧོཏི སབྲཧྨཙཱརཱིསུ ཨནཱགྷཱཏཾ ¶ , ཏསྶ ¶ བྷཝནྟི ཝཏྟཱརོ – ‘ཨིངྒྷ ཏཱཝ ཨཱཡསྨཱ སབྲཧྨཙཱརཱིསུ མེཏྟཙིཏྟཾ ཨུཔཊྛཱཔེཧཱི’ཏི. ཨིཏིསྶ བྷཝནྟི ཝཏྟཱརོ.

‘‘པུན ཙཔརཾ, ཨུཔཱལི, ཙོདཀེན བྷིཀྑུནཱ པརཾ ཙོདེཏུཀཱམེན ཨེཝཾ པཙྩཝེཀྑིཏབྦཾ – ‘བཧུསྶུཏོ ནུ ཁོམྷི, སུཏདྷརོ, སུཏསནྣིཙྩཡོ? ཡེ ཏེ དྷམྨཱ ཨཱདིཀལྱཱཎཱ མཛ྄ཛྷེཀལྱཱཎཱ པརིཡོསཱནཀལྱཱཎཱ, སཱཏྠཾ སབྱཉྫནཾ ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ ཨབྷིཝདནྟི, ཏཐཱརཱུཔཱ མེ དྷམྨཱ བཧུསྶུཏཱ ཧོནྟི དྷཱཏཱ ཝཙསཱ པརིཙིཏཱ མནསཱནུཔེཀྑིཏཱ དིཊྛིཡཱ སུཔྤཊིཝིདྡྷཱ? སཾཝིཛྫཏི ནུ ཁོ མེ ཨེསོ དྷམྨོ ཨུདཱཧུ ནོ’ཏི? ནོ ཙེ, ཨུཔཱལི, བྷིཀྑུ བཧུསྶུཏོ ཧོཏི, སུཏདྷརོ, སུཏསནྣིཙྩཡོ; ཡེ ཏེ དྷམྨཱ ཨཱདིཀལྱཱཎཱ མཛ྄ཛྷེཀལྱཱཎཱ པརིཡོསཱནཀལྱཱཎཱ, སཱཏྠཾ སབྱཉྫནཾ ཀེཝལཔརིཔུཎྞཾ ¶ པརིསུདྡྷཾ བྲཧྨཙརིཡཾ ཨབྷིཝདནྟི, ཏཐཱརཱུཔསྶ དྷམྨཱ ན བཧུསྶུཏཱ ཧོནྟི དྷཱཏཱ ཝཙསཱ པརིཙིཏཱ མནསཱནུཔེཀྑིཏཱ དིཊྛིཡཱ སུཔྤཊིཝིདྡྷཱ, ཏསྶ བྷཝནྟི ཝཏྟཱརོ – ‘ཨིངྒྷ ཏཱཝ ཨཱཡསྨཱ ཨཱགམཾ པརིཡཱཔུཎསྶཱུ’ཏི. ཨིཏིསྶ བྷཝནྟི ཝཏྟཱརོ.

‘‘པུན ཙཔརཾ, ཨུཔཱལི, ཙོདཀེན བྷིཀྑུནཱ པརཾ ཙོདེཏུཀཱམེན ཨེཝཾ པཙྩཝེཀྑིཏབྦཾ – ‘ཨུབྷཡཱནི ཁོ མེ པཱཏིམོཀྑཱནི ཝིཏྠཱརེན སྭཱགཏཱནི ཧོནྟི, སུཝིབྷཏྟཱནི, སུཔྤཝཏྟཱིནི, སུཝིནིཙྪིཏཱནི – སུཏྟསོ, ཨནུབྱཉྫནསོ? སཾཝིཉྫཏི ནུ ཁོ མེ ཨེསོ དྷམྨོ ཨུདཱཧུ ནོ’ཏི? ནོ ཙེ, ཨུཔཱལི, བྷིཀྑུནོ ཨུབྷཡཱནི པཱཏིམོཀྑཱནི ཝིཏྠཱརེན སྭཱགཏཱནི ཧོནྟི, སུཝིབྷཏྟཱནི, སུཔྤཝཏྟཱིནི, སུཝིནིཙྪིཏཱནི – སུཏྟསོ, ཨནུབྱཉྫནསོ, ‘ཨིདཾ པནཱཝུསོ, ཀཏྠ ཝུཏྟཾ བྷགཝཏཱ’ཏི, ཨིཏི པུཊྛོ ན སམྤཱཡཏི [ན སམྤཱདཡཏི (ཀ.)], ཏསྶ བྷཝནྟི ཝཏྟཱརོ – ‘ཨིངྒྷ ཏཱཝ ཨཱཡསྨཱ, ཝིནཡཾ པརིཡཱཔུཎསྶཱུ’ཏི. ཨིཏིསྶ བྷཝནྟི ཝཏྟཱརོ. ཙོདཀེནུཔཱལི, བྷིཀྑུནཱ པརཾ ཙོདེཏུཀཱམེན ཨིམེ པཉྩ དྷམྨེ ཨཛ྄ཛྷཏྟཾ པཙྩཝེཀྑིཏྭཱ པརོ ཙོདེཏབྦོ’’ཏི.

༩. ཙོདཀེནཨུཔཊྛཱཔེཏབྦདྷམྨཱ

༤༠༠. ‘‘ཙོདཀེན, བྷནྟེ, བྷིཀྑུནཱ པརཾ ཙོདེཏུཀཱམེན ཀཏི དྷམྨེ ཨཛ྄ཛྷཏྟཾ ཨུཔཊྛཱཔེཏྭཱ པརོ ཙོདེཏབྦོ’’ཏི? ‘‘ཙོདཀེནུཔཱལི, བྷིཀྑུནཱ པརཾ ཙོདེཏུཀཱམེན པཉྩ དྷམྨེ ཨཛ྄ཛྷཏྟཾ ཨུཔཊྛཱཔེཏྭཱ པརོ ཙོདེཏབྦོ – ཀཱལེན ཝཀྑཱམི, ནོ ཨཀཱལེན; བྷཱུཏེན ཝཀྑཱམི, ནོ ¶ ཨབྷཱུཏེན; སཎྷེན ¶ ཝཀྑཱམི, ནོ ཕརུསེན; ཨཏྠསཾཧིཏེན ཝཀྑཱམི, ནོ ཨནཏྠསཾཧིཏེན; མེཏྟཙིཏྟོ ¶ ཝཀྑཱམི, ནོ དོསནྟརོཏི. ཙོདཀེནུཔཱལི, བྷིཀྑུནཱ པརཾ ཙོདེཏུཀཱམེན ཨིམེ པཉྩ དྷམྨེ ཨཛ྄ཛྷཏྟཾ ཨུཔཊྛཱཔེཏྭཱ པརོ ཙོདེཏབྦོ’’ཏི.

༡༠. ཙོདཀཙུདིཏཀཔཊིསཾཡུཏྟཀཐཱ

༤༠༡. ‘‘ཨདྷམྨཙོདཀསྶ, བྷནྟེ, བྷིཀྑུནོ ཀཏཱིཧཱཀཱརེཧི ཝིཔྤཊིསཱརོ ¶ ཨུཔདཧཱཏབྦོ’’ཏི? ‘‘ཨདྷམྨཙོདཀསྶ, ཨུཔཱལི, བྷིཀྑུནོ པཉྩཧཱཀཱརེཧི ཝིཔྤཊིསཱརོ ཨུཔདཧཱཏབྦོ – ཨཀཱལེནཱཡསྨཱ ཙོདེསི, ནོ ཀཱལེན, ཨལཾ ཏེ ཝིཔྤཊིསཱརཱཡ; ཨབྷཱུཏེནཱཡསྨཱ ཙོདེསི, ནོ བྷཱུཏེན, ཨལཾ ཏེ ཝིཔྤཊིསཱརཱཡ; ཕརུསེནཱཡསྨཱ ཙོདེསི, ནོ སཎྷེན, ཨལཾ ཏེ ཝིཔྤཊིསཱརཱཡ; ཨནཏྠསཾཧིཏེནཱཡསྨཱ ཙོདེསི, ནོ ཨཏྠསཾཧིཏེན, ཨལཾ ཏེ ཝིཔྤཊིསཱརཱཡ; དོསནྟརོ ཨཱཡསྨཱ ཙོདེསི, ནོ མེཏྟཙིཏྟོ, ཨལཾ ཏེ ཝིཔྤཊིསཱརཱཡཱཏི. ཨདྷམྨཙོདཀསྶ, ཨུཔཱལི, བྷིཀྑུནོ ཨིམེཧི པཉྩཧཱཀཱརེཧི ཝིཔྤཊིསཱརོ ཨུཔདཧཱཏབྦོ. ཏཾ ཀིསྶ ཧེཏུ? ཡཐཱ ན ཨཉྙོཔི བྷིཀྑུ ཨབྷཱུཏེན ཙོདེཏབྦཾ མཉྙེཡྻཱ’’ཏི.

‘‘ཨདྷམྨཙུདིཏསྶ པན, བྷནྟེ, བྷིཀྑུནོ ཀཏིཧཱཀཱརེཧི ཨཝིཔྤཊིསཱརོ ཨུཔདཧཱཏབྦོ’’ཏི? ‘‘ཨདྷམྨཙུདིཏསྶ, ཨུཔཱལི, བྷིཀྑུནོ པཉྩཧཱཀཱརེཧི ཨཝིཔྤཊིསཱརོ ཨུཔདཧཱཏབྦོ – ཨཀཱལེནཱཡསྨཱ ཙུདིཏོ, ནོ ཀཱལེན, ཨལཾ ཏེ ཨཝིཔྤཊིསཱརཱཡ; ཨབྷཱུཏེནཱཡསྨཱ ཙུདིཏོ, ནོ བྷཱུཏེན, ཨལཾ ཏེ ཨཝིཔྤཊིསཱརཱཡ; ཕརུསེནཱཡསྨཱ ཙུདིཏོ ¶ , ནོ སཎྷེན, ཨལཾ ཏེ ཨཝིཔྤཊིསཱརཱཡ; ཨནཏྠསཾཧིཏེནཱཡསྨཱ ཙུདིཏོ, ནོ ཨཏྠསཾཧིཏེན, ཨལཾ ཏེ ཨཝིཔྤཊིསཱརཱཡ; དོསནྟརེནཱཡསྨཱ ཙུདིཏོ, ནོ མེཏྟཙིཏྟེན, ཨལཾ ཏེ ཨཝིཔྤཊིསཱརཱཡཱཏི. ཨདྷམྨཙུདིཏསྶ, ཨུཔཱལི, བྷིཀྑུནོ ཨིམེཧི པཉྩཧཱཀཱརེཧི ཨཝིཔྤཊིསཱརོ ཨུཔདཧཱཏབྦོ’’ཏི.

‘‘དྷམྨཙོདཀསྶ, བྷནྟེ, བྷིཀྑུནོ ཀཏིཧཱཀཱརེཧི ཨཝིཔྤཊིསཱརོ ཨུཔདཧཱཏབྦོ’’ཏི? ‘‘དྷམྨཙོདཀསྶ, ཨུཔཱལི, བྷིཀྑུནོ པཉྩཧཱཀཱརེཧི ཨཝིཔྤཊིསཱརོ ཨུཔདཧཱཏབྦོ – ཀཱལེནཱཡསྨཱ ཙོདེསི, ནོ ཨཀཱལེན, ཨལཾ ཏེ ཨཝིཔྤཊིསཱརཱཡ; བྷཱུཏེནཱཡསྨཱ ཙོདེསི, ནོ ཨབྷཱུཏེན ¶ , ཨལཾ ཏེ ཨཝིཔྤཊིསཱརཱཡ; སཎྷེནཱཡསྨཱ ཙོདེསི, ནོ ཕརུསེན, ཨལཾ ཏེ ཨཝིཔྤཊིསཱརཱཡ; ཨཏྠསཾཧིཏེནཱཡསྨཱ ཙོདེསི, ནོ ཨནཏྠསཾཧིཏེན, ཨལཾ ཏེ ཨཝིཔྤཊིསཱརཱཡ; མེཏྟཙིཏྟོ ཨཱཡསྨཱ ཙོདེསི, ནོ དོསནྟརོ, ཨལཾ ཏེ ཨཝིཔྤཊིསཱརཱཡཱཏི. དྷམྨཙོདཀསྶ, ཨུཔཱལི, བྷིཀྑུནོ ཨིམེཧི པཉྩཧཱཀཱརེཧི ཨཝིཔྤཊིསཱརོ ཨུཔདཧཱཏབྦོ. ཏཾ ཀིསྶ ཧེཏུ? ཡཐཱ ཨཉྙོཔི བྷིཀྑུ བྷཱུཏེན ཙོདེཏབྦཾ མཉྙེཡྻཱ’’ཏི.

‘‘དྷམྨཙུདིཏསྶ ¶ པན, བྷནྟེ, བྷིཀྑུནོ ཀཏིཧཱཀཱརེཧི ཝིཔྤཊིསཱརོ ཨུཔདཧཱཏབྦོ’’ཏི? ‘‘དྷམྨཙུདིཏསྶ, ཨུཔཱལི, བྷིཀྑུནོ པཉྩཧཱཀཱརེཧི ཝིཔྤཊིསཱརོ ཨུཔདཧཱཏབྦོ – ཀཱལེནཱཡསྨཱ ཙུདིཏོ, ནོ ཨཀཱལེན, ཨལཾ ཏེ ཝིཔྤཊིསཱརཱཡ; བྷཱུཏེནཱཡསྨཱ ཙུདིཏོ, ནོ ཨབྷཱུཏེན ¶ , ཨལཾ ཏེ ཝིཔྤཊིསཱརཱཡ; སཎྷེནཱཡསྨཱ ཙུདིཏོ, ནོ ཕརུསེན, ཨལཾ ཏེ ཝིཔྤཊིསཱརཱཡ; ཨཏྠསཾཧིཏེནཱཡསྨཱ ཙུདིཏོ, ནོ ཨནཏྠསཾཧིཏེན, ཨལཾ ཏེ ཝིཔྤཊིསཱརཱཡ; མེཏྟཙིཏྟེནཱཡསྨཱ ཙུདིཏོ, ནོ དོསནྟརེན, ཨལཾ ཏེ ཝིཔྤཊིསཱརཱཡཱཏི. དྷམྨཙུདིཏསྶ, ཨུཔཱལི, བྷིཀྑུནོ ཨིམེཧི པཉྩཧཱཀཱརེཧི ཝིཔྤཊིསཱརོ ཨུཔདཧཱཏབྦོ’’ཏི.

[པརི. ༤༣༨] ‘‘ཙོདཀེན, བྷནྟེ, བྷིཀྑུནཱ པརཾ ཙོདེཏུཀཱམེན ཀཏི དྷམྨེ ཨཛ྄ཛྷཏྟཾ མནསི ཀརིཏྭཱ པརོ ཙོདེཏབྦོ’’ཏི? ‘‘ཙོདཀེནུཔཱལི, བྷིཀྑུནཱ པརཾ ཙོདེཏུཀཱམེན པཉྩ དྷམྨེ ཨཛ྄ཛྷཏྟཾ མནསི ཀརིཏྭཱ པརོ ཙོདེཏབྦོ – ཀཱརུཉྙཏཱ, ཧིཏེསིཏཱ, ཨནུཀམྤིཏཱ, [ཨནུཀམྤཏཱ (ཀ.)] ཨཱཔཏྟིཝུཊྛཱནཏཱ, ཝིནཡཔུརེཀྑཱརཏཱཏི. ཙོདཀེནུཔཱལི, བྷིཀྑུནཱ པརཾ ཙོདེཏུཀཱམེན ཨིམེ པཉྩ དྷམྨེ ཨཛ྄ཛྷཏྟཾ ¶ མནསི ཀརིཏྭཱ པརོ ཙོདེཏབྦོ’’ཏི.

‘‘ཙུདིཏེན པན, བྷནྟེ, བྷིཀྑུནཱ ཀཏིསུ དྷམྨེསུ པཏིཊྛཱཏབྦ’’ནྟི? ‘‘ཙུདིཏེནུཔཱལི, བྷིཀྑུནཱ དྭཱིསུ དྷམྨེསུ པཏིཊྛཱཏབྦཾ – སཙྩེ ཙ ཨཀུཔྤེ ཙཱ’’ཏི.

དུཏིཡབྷཱཎཝཱརོ ནིཊྛིཏོ.

པཱཏིམོཀྑཊྛཔནཀྑནྡྷཀོ ནཝམོ.

ཨིམམྷི ཁནྡྷཀེ ཝཏྠཱུ ཏིཾས.

ཏསྶུདྡཱནཾ –

ཨུཔོསཐེ ¶ ¶ ཡཱཝཏིཀཾ, པཱཔབྷིཀྑུ ན ནིཀྑམི;

མོགྒལླཱནེན ནིཙྪུདྡྷོ, ཨཙྪེརཱ ཛིནསཱསནེ.

ནིནྣོནུཔུབྦསིཀྑཱ ཙ, ཋིཏདྷམྨོ ནཱཏིཀྐམྨ;

ཀུཎཔུཀྑིཔཏི སངྒྷོ, སཝནྟིཡོ ཛཧནྟི ཙ.

སཝནྟི པརིནིབྦནྟི, ཨེཀརས ཝིམུཏྟི ཙ;

བཧུ དྷམྨཝིནཡོཔི, བྷཱུཏཊྛཱརིཡཔུགྒལཱ.

སམུདྡཾ ¶ ཨུཔམཾ ཀཏྭཱ, ཝཱཙེསི [ཋཱཔེསི (ཀ.)] སཱསནེ གུཎཾ;

ཨུཔོསཐེ པཱཏིམོཀྑཾ, ན ཨམྷེ ཀོཙི ཛཱནཱཏི.

པཊིཀཙྩེཝ ཨུཛ྄ཛྷནྟི, ཨེཀོ དྭེ ཏཱིཎི ཙཏྟཱརི;

པཉྩ ཚ སཏྟ ཨཊྛཱནི, ནཝཱ ཙ དསམཱནི ཙ.

སཱིལ-ཨཱཙཱར-དིཊྛི ཙ, ཨཱཛཱིཝཾ ཙཏུབྷཱགིཀེ;

པཱརཱཛིཀཉྩ སངྒྷཱདི, པཱཙིཏྟི པཱཊིདེསནི.

དུཀྐཊཾ པཉྩབྷཱགེསུ, སཱིལཱཙཱརཝིཔཏྟི ཙ;

ཨཀཏཱཡ ཀཏཱཡ ཙ, ཚབྷཱགེསུ ཡཐཱཝིདྷི.

པཱརཱཛིཀཉྩ སངྒྷཱདི, ཐུལླཾ པཱཙིཏྟིཡེན ཙ;

པཱཊིདེསནིཡཉྩེཝ ¶ , དུཀྐཊཉྩ དུབྦྷཱསིཏཾ.

སཱིལཱཙཱརཝིཔཏྟི ཙ, དིཊྛིཨཱཛཱིཝཝིཔཏྟི;

ཡཱ ཙ ཨཊྛཱ ཀཏཱཀཏེ, ཏེནེཏཱ སཱིལཱཙཱརདིཊྛིཡཱ.

ཨཀཏཱཡ ཀཏཱཡཱཔི, ཀཏཱཀཏཱཡམེཝ ཙ;

ཨེཝཾ ནཝཝིདྷཱ ཝུཏྟཱ, ཡཐཱབྷཱུཏེན ཉཱཡཏོ.

པཱརཱཛིཀོ ཝིཔྤཀཏཱ, པཙྩཀྑཱཏོ ཏཐེཝ ཙ;

ཨུཔེཏི པཙྩཱདིཡཏི, པཙྩཱདཱནཀཐཱ ཙ ཡཱ.

སཱིལཱཙཱརཝིཔཏྟི ཙ, ཏཐཱ དིཊྛིཝིཔཏྟིཡཱ;

དིཊྛསུཏཔརིསངྐིཏཾ, དསདྷཱ ཏཾ ཝིཛཱནཱཐ.

བྷིཀྑུ ¶ ཝིཔསྶཏི བྷིཀྑུཾ, ཨཉྙོ ཙཱརོཙཡཱཏི ཏཾ;

སོ ཡེཝ ཏསྶ ཨཀྑཱཏི [ཝིཔསྶཉྙོ ཙཱརོཙཏི; ཏཾ སུདྡྷེཝ ཏསྶ ཨཀྑཱཏི (ཀ.)], པཱཏིམོཀྑཾ ཋཔེཏི སོ.

ཝུཊྛཱཏི ¶ ཨནྟརཱཡེན, རཱཛཙོརགྒུདཀཱ ཙ;

མནུསྶཨམནུསྶཱ ཙ, ཝཱལ༹སརཱིསཔཱ ཛཱིཝིབྲཧྨཾ.

དསནྣམཉྙཏརེན, ཏསྨིཾ ཨཉྙཏརེསུ ཝཱ;

དྷམྨིཀཱདྷམྨིཀཱ ¶ ཙེཝ, ཡཐཱ མགྒེན ཛཱནཱཐ.

ཀཱལབྷཱུཏཏྠསཾཧིཏཾ ¶ , ལབྷིསྶཱམི བྷཝིསྶཏི;

ཀཱཡཝཱཙསིཀཱ མེཏྟཱ, བཱཧུསཙྩཾ ཨུབྷཡཱནི.

ཀཱལབྷཱུཏེན སཎྷེན, ཨཏྠམེཏྟེན ཙོདཡེ;

ཝིཔྤཊིསཱརདྷམྨེན, ཏཐཱ ཝཱཙཱ [ཏཐེཝཱཔི (སྱཱ.)] ཝིནོདཡེ.

དྷམྨཙོདཙུདིཏསྶ, ཝིནོདེཏི ཝིཔྤཊིསཱརོ;

ཀརུཎཱ ཧིཏཱནུཀམྤི, ཝུཊྛཱནཔུརེཀྑཱརཏོ.

ཙོདཀསྶ པཊིཔཏྟི, སམྦུདྡྷེན པཀཱསིཏཱ;

སཙྩེ ཙེཝ ཨཀུཔྤེ ཙ, ཙུདིཏསྶེཝ དྷམྨཏཱཏི.

པཱཏིམོཀྑཊྛཔནཀྑནྡྷཀཾ ནིཊྛིཏཾ.

༡༠. བྷིཀྑུནིཀྑནྡྷཀཾ

༡. པཋམབྷཱཎཝཱརོ

མཧཱཔཛཱཔཏིགོཏམཱིཝཏྠུ

༤༠༢. [ཨ. ནི. ༨.༥༡ ཨིདཾ ཝཏྠུ ཨཱགཏཾ] ཏེན ¶ ¶ ¶ ¶ སམཡེན བུདྡྷོ བྷགཝཱ སཀྐེསུ ཝིཧརཏི ཀཔིལཝཏྠུསྨིཾ ནིགྲོདྷཱརཱམེ. ཨཐ ཁོ མཧཱཔཛཱཔཏི [མཧཱཔཛཱཔཏཱི (སཱི. སྱཱ.)] གོཏམཱི ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏཱ ཁོ མཧཱཔཛཱཔཏི གོཏམཱི བྷགཝནྟཾ ཨེཏདཝོཙ – ‘‘སཱདྷུ, བྷནྟེ, ལབྷེཡྻ མཱཏུགཱམོ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛྫ’’ནྟི. ‘‘ཨལཾ, གོཏམི, མཱ ཏེ རུཙྩི མཱཏུགཱམསྶ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛྫཱ’’ཏི. དུཏིཡམྤི ཁོ…པེ… ཏཏིཡམྤི ཁོ མཧཔཛཱཔཏི གོཏམཱི བྷགཝནྟཾ ཨེཏདཝོཙ – ‘‘སཱདྷུ, བྷནྟེ, ལབྷེཡྻ མཱཏུགཱམོ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛྫ’’ནྟི. ‘‘ཨལཾ, གོཏམི, མཱ ཏེ རུཙྩི མཱཏུགཱམསྶ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛྫཱ’’ཏི. ཨཐ ཁོ མཧཱཔཛཱཔཏི གོཏམཱི – ན བྷགཝཱ ཨནུཛཱནཱཏི མཱཏུགཱམསྶ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛྫནྟི – དུཀྑཱི དུམྨནཱ ཨསྶུམུཁཱི རུདམཱནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི.

ཨཐ ཁོ བྷགཝཱ ཀཔིལཝཏྠུསྨིཾ ཡཐཱབྷིརནྟཾ ཝིཧརིཏྭཱ ཡེན ཝེསཱལཱི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན ཝེསཱལཱི ཏདཝསརི. ཏཏྲ སུདཾ བྷགཝཱ ཝེསཱལིཡཾ ཝིཧརཏི མཧཱཝནེ ¶ ཀཱུཊཱགཱརསཱལཱཡཾ. ཨཐ ཁོ མཧཱཔཛཱཔཏི གོཏམཱི ཀེསེ ཚེདཱཔེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ སམྦཧུལཱཧི སཱཀིཡཱནཱིཧི སདྡྷིཾ ཡེན ཝེསཱལཱི ཏེན པཀྐཱམི. ཨནུཔུབྦེན ཡེན ཝེསཱལཱི མཧཱཝནཾ ཀཱུཊཱགཱརསཱལཱ ཏེནུཔསངྐམི. ཨཐ ཁོ མཧཱཔཛཱཔཏི གོཏམཱི སཱུནེཧི པཱདེཧི རཛོཀིཎྞེན གཏྟེན དུཀྑཱི དུམྨནཱ ཨསྶུམུཁཱི རུདམཱནཱ ¶ བཧིདྭཱརཀོཊྛཀེ ཨཊྛཱསི. ཨདྡསཱ ཁོ ཨཱཡསྨཱ ¶ ཨཱནནྡོ མཧཱཔཛཱཔཏིཾ གོཏམིཾ སཱུནེཧི པཱདེཧི རཛོཀིཎྞེན གཏྟེན དུཀྑིཾ དུམྨནཾ ཨསྶུམུཁིཾ རུདམཱནཾ བཧིདྭཱརཀོཊྛཀེ ཋིཏཾ. དིསྭཱན མཧཱཔཛཱཔཏིཾ གོཏམིཾ ¶ ཨེཏདཝོཙ – ‘‘ཀིསྶ ཏྭཾ, གོཏམི, སཱུནེཧི པཱདེཧི རཛོཀིཎྞེན གཏྟེན དུཀྑཱི དུམྨནཱ ཨསྶུམུཁཱི རུདམཱནཱ བཧིདྭཱརཀོཊྛཀེ ཋིཏཱ’’ཏི? ‘‘ཏཐཱ ཧི པན, བྷནྟེ ཨཱནནྡ, ན བྷགཝཱ ཨནུཛཱནཱཏི མཱཏུགཱམསྶ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛྫ’’ནྟི. ‘‘ཏེན ཧི ཏྭཾ, གོཏམི, མུཧུཏྟཾ ཨིདྷེཝ ཏཱཝ ཧོཧི, ཡཱཝཱཧཾ བྷགཝནྟཾ ཡཱཙཱམི མཱཏུགཱམསྶ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛྫ’’ནྟི.

ཨཐ ཁོ ཨཱཡསྨཱ ཨཱནནྡོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ – ‘‘ཨེསཱ, བྷནྟེ, མཧཱཔཛཱཔཏི གོཏམཱི སཱུནེཧི པཱདེཧི རཛོཀིཎྞེན གཏྟེན དུཀྑཱི དུམྨནཱ ཨསྶུམུཁཱི རུདམཱནཱ བཧིདྭཱརཀོཊྛཀེ ཋིཏཱ – ན བྷགཝཱ ¶ ཨནུཛཱནཱཏི མཱཏུགཱམསྶ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛྫནྟི. སཱདྷུ, བྷནྟེ, ལབྷེཡྻ མཱཏུགཱམོ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛྫ’’ནྟི. ‘‘ཨལཾ, ཨཱནནྡ, མཱ ཏེ རུཙྩི མཱཏུགཱམསྶ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛྫཱ’’ཏི. དུཏིཡམྤི ཁོ…པེ… ཏཏིཡམྤི ཁོ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ – ‘‘སཱདྷུ, བྷནྟེ, ལབྷེཡྻ མཱཏུགཱམོ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛྫ’’ནྟི. ‘‘ཨལཾ, ཨཱནནྡ, མཱ ཏེ རུཙྩི མཱཏུགཱམསྶ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛྫཱ’’ཏི.

ཨཐ ཁོ ཨཱཡསྨཱ ཨཱནནྡོ [ཨ. ནི. ༨.༥༡ ‘‘ཨཐ ཁོ ཨཱཡསྨཏོ ཨཱནནྡསྶ ཨེཏདཧོསཱི’’ཏི ཨཱགཏཾ] – ‘‘ན བྷགཝཱ ཨནུཛཱནཱཏི མཱཏུགཱམསྶ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛྫཾ; ཡཾནཱུནཱཧཾ ཨཉྙེནཔི པརིཡཱཡེན བྷགཝནྟཾ ཡཱཙེཡྻཾ མཱཏུགཱམསྶ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛྫ’’ནྟི. ཨཐ ཁོ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ – ‘‘བྷབྦོ ནུ ཁོ, བྷནྟེ, མཱཏུགཱམོ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛིཏྭཱ སོཏཱཔཏྟིཕལཾ ཝཱ སཀདཱགཱམིཕལཾ [སཀིདཱགཱམིཕལཾ (སྱཱ.)] ཝཱ ཨནཱགཱམིཕལཾ ཝཱ ཨརཧཏྟཕལཾ ¶ ཝཱ སཙྪིཀཱཏུ’’ནྟི? ‘‘བྷབྦོ, ཨཱནནྡ, མཱཏུགཱམོ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛིཏྭཱ སོཏཱཔཏྟིཕལམྤི སཀདཱགཱམིཕལམྤི ¶ ཨནཱགཱམིཕལམྤི ཨརཧཏྟཕལམྤི སཙྪིཀཱཏུ’’ནྟི. ‘‘སཙེ, བྷནྟེ, བྷབྦོ མཱཏུགཱམོ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛིཏྭཱ སོཏཱཔཏྟིཕལམྤི སཀདཱགཱམིཕལམྤི ¶ ཨནཱགཱམིཕལམྤི ཨརཧཏྟཕལམྤི སཙྪིཀཱཏུཾ; བཧཱུཔཀཱརཱ, བྷནྟེ, མཧཱཔཛཱཔཏི གོཏམཱི བྷགཝཏོ མཱཏུཙྪཱ ཨཱཔཱདིཀཱ ¶ , པོསིཀཱ, ཁཱིརསྶ དཱཡིཀཱ, བྷགཝནྟཾ ཛནེཏྟིཡཱ ཀཱལངྐཏཱཡ ཐཉྙཾ པཱཡེསི; སཱདྷུ, བྷནྟེ, ལབྷེཡྻ མཱཏུགཱམོ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛྫ’’ནྟི.

ཨཊྛགརུདྷམྨཱ

༤༠༣. ‘‘སཙེ, ཨཱནནྡ, མཧཱཔཛཱཔཏཱི གོཏམཱི ཨཊྛ གརུདྷམྨེ པཊིགྒཎྷཱཏི, སཱཝསྶཱ. ཧོཏུ ཨུཔསམྤདཱ.

[པཱཙི. ༡༤༩] ‘‘ཝསྶསཏཱུཔསམྤནྣཱཡ བྷིཀྑུནིཡཱ ཏདཧུཔསམྤནྣསྶ བྷིཀྑུནོ ཨབྷིཝཱདནཾ པཙྩུཊྛཱནཾ ཨཉྫལིཀམྨཾ སཱམཱིཙིཀམྨཾ ཀཱཏབྦཾ. ཨཡམྤི དྷམྨོ སཀྐཏྭཱ གརུཀཏྭཱ [གརུཾཀཏྭཱ (ཀ.)] མཱནེཏྭཱ པཱུཛེཏྭཱ ཡཱཝཛཱིཝཾ ཨནཏིཀྐམནཱིཡོ.

‘‘ན བྷིཀྑུནིཡཱ ཨབྷིཀྑུཀེ ཨཱཝཱསེ ཝསྶཾ ཝསིཏབྦཾ. ཨཡམྤི དྷམྨོ སཀྐཏྭཱ གརུཀཏྭཱ མཱནེཏྭཱ པཱུཛེཏྭཱ ཡཱཝཛཱིཝཾ ཨནཏིཀྐམནཱིཡོ.

‘‘ཨནྭདྡྷམཱསཾ བྷིཀྑུནིཡཱ བྷིཀྑུསངྒྷཏོ དྭེ དྷམྨཱ པཙྩཱསཱིསིཏབྦཱ – ཨུཔོསཐཔུཙྪཀཉྩ, ཨོཝཱདཱུཔསངྐམནཉྩ. ཨཡམྤི དྷམྨོ སཀྐཏྭཱ གརུཀཏྭཱ མཱནེཏྭཱ པཱུཛེཏྭཱ ཡཱཝཛཱིཝཾ ཨནཏིཀྐམནཱིཡོ.

‘‘ཝསྶཾཝུཊྛཱཡ བྷིཀྑུནིཡཱ ཨུབྷཏོསངྒྷེ ¶ ཏཱིཧི ཋཱནེཧི པཝཱརེཏབྦཾ – དིཊྛེན ཝཱ, སུཏེན ཝཱ, པརིསངྐཱཡ ཝཱ. ཨཡམྤི དྷམྨོ སཀྐཏྭཱ གརུཀཏྭཱ མཱནེཏྭཱ པཱུཛེཏྭཱ ཡཱཝཛཱིཝཾ ཨནཏིཀྐམནཱིཡོ.

‘‘གརུདྷམྨཾ ཨཛ྄ཛྷཱཔནྣཱཡ བྷིཀྑུནིཡཱ ཨུབྷཏོསངྒྷེ པཀྑམཱནཏྟཾ ཙརིཏབྦཾ. ཨཡམྤི དྷམྨོ སཀྐཏྭཱ གརུཀཏྭཱ མཱནེཏྭཱ པཱུཛེཏྭཱ ཡཱཝཛཱིཝཾ ཨནཏིཀྐམནཱིཡོ.

‘‘དྭེ ཝསྶཱནི ཚསུ དྷམྨེསུ སིཀྑིཏསིཀྑཱཡ སིཀྑམཱནཱཡ ཨུབྷཏོསངྒྷེ ཨུཔསམྤདཱ པརིཡེསིཏབྦཱ. ཨཡམྤི དྷམྨོ སཀྐཏྭཱ གརུཀཏྭཱ མཱནེཏྭཱ པཱུཛེཏྭཱ ཡཱཝཛཱིཝཾ ཨནཏིཀྐམནཱིཡོ.

‘‘ན ¶ ¶ བྷིཀྑུནིཡཱ ཀེནཙི པརིཡཱཡེན བྷིཀྑུ ཨཀྐོསིཏབྦོ པརིབྷཱསིཏབྦོ. ཨཡམྤི དྷམྨོ སཀྐཏྭཱ གརུཀཏྭཱ མཱནེཏྭཱ པཱུཛེཏྭཱ ཡཱཝཛཱིཝཾ ཨནཏིཀྐམནཱིཡོ.

‘‘ཨཛྫཏགྒེ ཨོཝཊོ བྷིཀྑུནཱིནཾ བྷིཀྑཱུསུ ཝཙནཔཐོ, ཨནོཝཊོ བྷིཀྑཱུནཾ བྷིཀྑུནཱིསུ ཝཙནཔཐོ. ཨཡམྤི དྷམྨོ སཀྐཏྭཱ གརུཀཏྭཱ མཱནེཏྭཱ པཱུཛེཏྭཱ ཡཱཝཛཱིཝཾ ཨནཏིཀྐམནཱིཡོ.

‘‘སཙེ, ཨཱནནྡ, མཧཱཔཛཱཔཏི གོཏམཱི ཨིམེ ཨཊྛ གརུདྷམྨེ པཊིགྒཎྷཱཏི, སཱཝསྶཱ ཧོཏུ ཨུཔསམྤདཱ’’ཏི.

ཨཐ ཁོ ཨཱཡསྨཱ ཨཱནནྡོ བྷགཝཏོ སནྟིཀེ ཨཊྛ གརུདྷམྨེ ཨུགྒཧེཏྭཱ ཡེན མཧཱཔཛཱཔཏི གོཏམཱི ཏེནུཔསངྐམི, ཨུཔསངྐམིཏྭཱ མཧཱཔཛཱཔཏིཾ གོཏམིཾ ཨེཏདཝོཙ – ‘‘སཙེ ཁོ ཏྭཾ, གོཏམི, ཨཊྛ གརུདྷམྨེ པཊིགྒཎྷེཡྻཱསི, སཱཝ ཏེ བྷཝིསྶཏི ཨུཔསམྤདཱ.

‘‘ཝསྶསཏཱུཔསམྤནྣཱཡ བྷིཀྑུནིཡཱ ཏདཧུཔསམྤནྣསྶ བྷིཀྑུནོ ཨབྷིཝཱདནཾ པཙྩུཊྛཱནཾ ཨཉྫལིཀམྨཾ སཱམཱིཙིཀམྨཾ ཀཱཏབྦཾ. ཨཡམྤི ¶ དྷམྨོ སཀྐཏྭཱ གརུཀཏྭཱ མཱནེཏྭཱ པཱུཛེཏྭཱ ཡཱཝཛཱིཝཾ ཨནཏིཀྐམནཱིཡོ.

‘‘ན བྷིཀྑུནིཡཱ ཨབྷིཀྑུཀེ ཨཱཝཱསེ ཝསྶཾ ཝསིཏབྦཾ. ཨཡམྤི དྷམྨོ སཀྐཏྭཱ གརུཀཏྭཱ མཱནེཏྭཱ པཱུཛེཏྭཱ ཡཱཝཛཱིཝཾ ཨནཏིཀྐམནཱིཡོ.

‘‘ཨནྭདྡྷམཱསཾ བྷིཀྑུནིཡཱ བྷིཀྑུསངྒྷཏོ དྭེ དྷམྨཱ པཙྩཱསཱིསིཏབྦཱ – ཨུཔོསཐཔུཙྪཀཉྩ, ཨོཝཱདཱུཔསངྐམནཉྩ. ཨཡམྤི དྷམྨོ སཀྐཏྭཱ གརུཀཏྭཱ མཱནེཏྭཱ པཱུཛེཏྭཱ ཡཱཝཛཱིཝཾ ཨནཏིཀྐམནཱིཡོ.

‘‘ཝསྶཾཝུཊྛཱཡ བྷིཀྑུནིཡཱ ཨུབྷཏོསངྒྷེ ཏཱིཧི ཋཱནེཧི པཝཱརེཏབྦཾ – དིཊྛེན ཝཱ, སུཏེན ཝཱ, པརིསངྐཱཡ ཝཱ. ཨཡམྤི དྷམྨོ སཀྐཏྭཱ གརུཀཏྭཱ མཱནེཏྭཱ པཱུཛེཏྭཱ ཡཱཝཛཱིཝཾ ཨནཏིཀྐམནཱིཡོ.

‘‘གརུདྷམྨཾ ཨཛ྄ཛྷཱཔནྣཱཡ བྷིཀྑུནིཡཱ ཨུབྷཏོསངྒྷེ པཀྑམཱནཏྟཾ ཙརིཏབྦཾ. ཨཡམྤི དྷམྨོ སཀྐཏྭཱ གརུཀཏྭཱ མཱནེཏྭཱ པཱུཛེཏྭཱ ཡཱཝཛཱིཝཾ ཨནཏིཀྐམནཱིཡོ.

‘‘དྭེ ¶ ཝསྶཱནི ཚསུ དྷམྨེསུ སིཀྑིཏསིཀྑཱཡ སིཀྑམཱནཱཡ ཨུབྷཏོསངྒྷེ ཨུཔསམྤདཱ པརིཡེསིཏབྦཱ. ཨཡམྤི དྷམྨོ སཀྐཏྭཱ གརུཀཏྭཱ མཱནེཏྭཱ པཱུཛེཏྭཱ ཡཱཝཛཱིཝཾ ཨནཏིཀྐམནཱིཡོ.

‘‘ན ¶ བྷིཀྑུནིཡཱ ཀེནཙི པརིཡཱཡེན བྷིཀྑུ ཨཀྐོསིཏབྦོ པརིབྷཱསིཏབྦོ. ཨཡམྤི དྷམྨོ སཀྐཏྭཱ གརུཀཏྭཱ མཱནེཏྭཱ པཱུཛེཏྭཱ ཡཱཝཛཱིཝཾ ཨནཏིཀྐམནཱིཡོ.

‘‘ཨཛྫཏགྒེ ཨོཝཊོ བྷིཀྑུནཱིནཾ བྷིཀྑཱུསུ ཝཙནཔཐོ, ཨནོཝཊོ བྷིཀྑཱུནཾ བྷིཀྑུནཱིསུ ཝཙནཔཐོ. ཨཡམྤི དྷམྨོ སཀྐཏྭཱ གརུཀཏྭཱ མཱནེཏྭཱ པཱུཛེཏྭཱ ཡཱཝཛཱིཝཾ ཨནཏིཀྐམནཱིཡོ.

‘‘སཙེ ཁོ ཏྭཾ, གོཏམི, ཨིམེ ཨཊྛ གརུདྷམྨེ པཊིགྒཎྷེཡྻཱསི, སཱཝ ཏེ བྷཝིསྶཏི ¶ ཨུཔསམྤདཱ’’ཏི.

‘‘སེཡྻཐཱཔི, བྷནྟེ ཨཱནནྡ, ཨིཏྠཱི ཝཱ པུརིསོ ཝཱ དཧརོ, ཡུཝཱ, མཎྜནཀཛཱཏིཀོ སཱིསཾནཧཱཏོ ཨུཔྤལམཱལཾ ཝཱ ཝསྶིཀམཱལཾ ཝཱ ཨཏིམུཏྟཀམཱལཾ ¶ [ཨདྷིམཏྟཀམཱལཾ (སྱཱ.)] ཝཱ ལབྷིཏྭཱ ཨུབྷོཧི ཧཏྠེཧི པཊིགྒཧེཏྭཱ ཨུཏྟམངྒེ སིརསྨིཾ པཏིཊྛཱཔེཡྻ; ཨེཝམེཝ ཁོ ཨཧཾ, བྷནྟེ, ཨཱནནྡ ཨིམེ ཨཊྛ གརུདྷམྨེ པཊིགྒཎྷཱམི ཡཱཝཛཱིཝཾ ཨནཏིཀྐམནཱིཡེ’’ཏི.

ཨཐ ཁོ ཨཱཡསྨཱ ཨཱནནྡོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ – ‘‘པཊིགྒཧིཏཱ, བྷནྟེ, མཧཱཔཛཱཔཏིཡཱ གོཏམིཡཱ ཨཊྛ གརུདྷམྨཱ, ཨུཔསམྤནྣཱ བྷགཝཏོ མཱཏུཙྪཱ’’ཏི.

‘‘སཙེ, ཨཱནནྡ, ནཱལབྷིསྶ མཱཏུགཱམོ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛྫཾ, ཙིརཊྛིཏིཀཾ, ཨཱནནྡ, བྲཧྨཙརིཡཾ ཨབྷཝིསྶ, ཝསྶསཧསྶཾ སདྡྷམྨོ ཏིཊྛེཡྻ. ཡཏོ ཙ ཁོ, ཨཱནནྡ, མཱཏུགཱམོ ཏཐཱགཏཔྤཝེདིཏེ དྷམྨཝིནཡེ ཨགཱརསྨཱ ཨནགཱརིཡཾ པབྦཛིཏོ, ན དཱནི, ཨཱནནྡ, བྲཧྨཙརིཡཾ ཙིརཊྛིཏིཀཾ བྷཝིསྶཏི. པཉྩེཝ དཱནི, ཨཱནནྡ, ཝསྶསཏཱནི སདྡྷམྨོ ཋསྶཏི.

‘‘སེཡྻཐཱཔི, ཨཱནནྡ, ཡཱནི ཀཱནིཙི ཀུལཱནི ¶ བཧུཏྠིཀཱནི [བཧུཨིཏྠིཀཱནི (སཱི. སྱཱ.)] ཨཔྤཔུརིསཀཱནི, ཏཱནི སུཔྤདྷཾསིཡཱནི ¶ ཧོནྟི ཙོརེཧི ཀུམྦྷཐེནཀེཧི; ཨེཝམེཝ ཁོ, ཨཱནནྡ, ཡསྨིཾ དྷམྨཝིནཡེ ལབྷཏི མཱཏུགཱམོ ཨགཱརསྨཱ ཨནགཱརིཡཾ པབྦཛྫཾ, ན ཏཾ བྲཧྨཙརིཡཾ ཙིརཊྛིཏིཀཾ ཧོཏི.

‘‘སེཡྻཐཱཔི ¶ , ཨཱནནྡ, སམྤནྣེ སཱལིཀྑེཏྟེ སེཏཊྚིཀཱ ནཱམ རོགཛཱཏི ནིཔཏཏི, ཨེཝཾ ཏཾ སཱལིཀྑེཏྟཾ ན ཙིརཊྛིཏིཀཾ ཧོཏི; ཨེཝམེཝ ཁོ, ཨཱནནྡ, ཡསྨིཾ དྷམྨཝིནཡེ ལབྷཏི མཱཏུགཱམོ ཨགཱརསྨཱ ཨནགཱརིཡཾ པབྦཛྫཾ, ན ཏཾ བྲཧྨཙརིཡཾ ཙིརཊྛིཏིཀཾ ཧོཏི.

‘‘སེཡྻཐཱཔི, ཨཱནནྡ, སམྤནྣེ ཨུཙྪུཀྑེཏྟེ མཉྫིཊྛིཀཱ [མཉྫེཊྛིཀཱ (སཱི. སྱཱ.)] ནཱམ རོགཛཱཏི ནིཔཏཏི, ཨེཝཾ ཏཾ ཨུཙྪུཀྑེཏྟཾ ན ཙིརཊྛིཏིཀཾ ཧོཏི; ཨེཝམེཝ ཁོ, ཨཱནནྡ, ཡསྨིཾ དྷམྨཝིནཡེ ལབྷཏི མཱཏུགཱམོ ཨགཱརསྨཱ ཨནགཱརིཡཾ པབྦཛྫཾ, ན ཏཾ བྲཧྨཙརིཡཾ ཙིརཊྛིཏིཀཾ ཧོཏི.

‘‘སེཡྻཐཱཔི, ཨཱནནྡ, པུརིསོ མཧཏོ ཏལཱ༹ཀསྶ པཊིཀཙྩེཝ ཨཱལི༹ཾ བནྡྷེཡྻ ཡཱཝདེཝ ཨུདཀསྶ ཨནཏིཀྐམནཱཡ; ཨེཝམེཝ ཁོ, ཨཱནནྡ, མཡཱ པཊིཀཙྩེཝ བྷིཀྑུནཱིནཾ ཨཊྛ གརུདྷམྨཱ པཉྙཏྟཱ ཡཱཝཛཱིཝཾ ཨནཏིཀྐམནཱིཡཱ’’ཏི.

བྷིཀྑུནཱིནཾ ཨཊྛ གརུདྷམྨཱ ནིཊྛིཏཱ.

བྷིཀྑུནཱིཨུཔསམྤདཱནུཛཱནནཾ

༤༠༤. ཨཐ ཁོ མཧཱཔཛཱཔཏི གོཏམཱི ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏཱ ¶ ཁོ མཧཱཔཛཱཔཏཱི གོཏམཱི བྷགཝནྟཾ ཨེཏདཝོཙ – ‘‘ཀཐཱཧཾ, བྷནྟེ, ཨིམཱསུ སཱཀིཡཱནཱིསུ ¶ པཊིཔཛྫཱམཱི’’ཏི? ཨཐ ཁོ བྷགཝཱ མཧཱཔཛཱཔཏིཾ གོཏམིཾ དྷམྨིཡཱ ཀཐཱཡ སནྡསྶེསི སམཱདཔེསི སམུཏྟེཛེསི སམྤཧཾསེསི. ཨཐ ཁོ མཧཱཔཛཱཔཏི གོཏམཱི བྷགཝཏཱ དྷམྨིཡཱ ཀཐཱཡ སནྡསྶིཏཱ སམཱདཔིཏཱ སམུཏྟེཛིཏཱ སམྤཧཾསིཏཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི. ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, བྷིཀྑཱུཧི བྷིཀྑུནིཡོ ཨུཔསམྤཱདེཏུ’’ནྟི.

ཨཐ ཁོ ཏཱ བྷིཀྑུནིཡོ མཧཱཔཛཱཔཏིཾ གོཏམིཾ ཨེཏདཝོཙུཾ – ‘‘ཨཡྻཱ ཨནུཔསམྤནྣཱ, མཡཉྩམྷཱ ཨུཔསམྤནྣཱ; ཨེཝཉྷི བྷགཝཏཱ པཉྙཏྟཾ བྷིཀྑཱུཧི བྷིཀྑུནིཡོ ཨུཔསམྤཱདེཏབྦཱ’’ཏི. ཨཐ ཁོ མཧཱཔཛཱཔཏི གོཏམཱི ¶ ཡེནཱཡསྨཱ ཨཱནནྡོ ཏེནུཔསངྐམི, ཨུཔསངྐམིཏྭཱ ¶ ཨཱཡསྨནྟཾ ཨཱནནྡཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏཱ ཁོ མཧཱཔཛཱཔཏི གོཏམཱི ཨཱཡསྨནྟཾ ཨཱནནྡཾ ཨེཏདཝོཙ – ‘‘ཨིམཱ མཾ, བྷནྟེ ཨཱནནྡ, བྷིཀྑུནིཡོ ཨེཝམཱཧཾསུ – ‘ཨཡྻཱ ཨནུཔསམྤནྣཱ, མཡཉྩམྷཱ ཨུཔསམྤནྣཱ; ཨེཝཉྷི བྷགཝཏཱ པཉྙཏྟཾ བྷིཀྑཱུཧི བྷིཀྑུནིཡོ ཨུཔསམྤཱདེཏབྦཱ’’’ཏི.

ཨཐ ཁོ ཨཱཡསྨཱ ཨཱནནྡོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ བྷགཝནྟཾ ¶ ཨེཏདཝོཙ – ‘‘མཧཱཔཛཱཔཏི, བྷནྟེ, གོཏམཱི ཨེཝམཱཧ – ‘ཨིམཱ མཾ, བྷནྟེ ཨཱནནྡ, བྷིཀྑུནིཡོ ཨེཝམཱཧཾསུ – ཨཡྻཱ ཨནུཔསམྤནྣཱ, མཡཉྩམྷཱ ཨུཔསམྤནྣཱ; ཨེཝཉྷི བྷགཝཏཱ པཉྙཏྟཾ བྷིཀྑཱུཧི བྷིཀྑུནིཡོ ཨུཔསམྤཱདེཏབྦཱ’’’ཏི.

‘‘ཡདགྒེན, ཨཱནནྡ, མཧཱཔཛཱཔཏིཡཱ གོཏམིཡཱ ཨཊྛ གརུདྷམྨཱ པཊིགྒཧིཏཱ, ཏདེཝ སཱ [ཏདེཝསྶཱ (ཀ.)] ཨུཔསམྤནྣཱ’’ཏི.

༤༠༥. ཨཐ ཁོ མཧཱཔཛཱཔཏི གོཏམཱི ཡེནཱཡསྨཱ ཨཱནནྡོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ ཨཱནནྡཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏཱ ཁོ མཧཱཔཛཱཔཏི གོཏམཱི ཨཱཡསྨནྟཾ ཨཱནནྡཾ ཨེཏདཝོཙ – ‘‘ཨེཀཱཧཾ, བྷནྟེ ཨཱནནྡ, བྷགཝནྟཾ ཝརཾ ཡཱཙཱམི. སཱདྷུ, བྷནྟེ, བྷགཝཱ ཨནུཛཱནེཡྻ བྷིཀྑཱུནཉྩ བྷིཀྑུནཱིནཉྩ ཡཐཱཝུཌྜྷཾ ཨབྷིཝཱདནཾ པཙྩུཊྛཱནཾ ཨཉྫལིཀམྨཾ སཱམཱིཙིཀམྨ’’ནྟི.

ཨཐ ཁོ ཨཱཡསྨཱ ཨཱནནྡོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ – ‘‘མཧཱཔཛཱཔཏི, བྷནྟེ, གོཏམཱི ཨེཝམཱཧ – ‘ཨེཀཱཧཾ, བྷནྟེ ཨཱནནྡ, བྷགཝནྟཾ ཝརཾ ཡཱཙཱམི. སཱདྷུ, བྷནྟེ, བྷགཝཱ ཨནུཛཱནེཡྻ བྷིཀྑཱུནཉྩ བྷིཀྑུནཱིནཉྩ ཡཐཱཝུཌྜྷཾ ཨབྷིཝཱདནཾ པཙྩུཊྛཱནཾ ཨཉྫལིཀམྨཾ སཱམཱིཙིཀམྨ’’’ནྟི.

‘‘ཨཊྛཱནམེཏཾ, ཨཱནནྡ, ཨནཝཀཱསོ ¶ , ཡཾ ཏཐཱགཏོ ཨནུཛཱནེཡྻ མཱཏུགཱམསྶ ཨབྷིཝཱདནཾ པཙྩུཊྛཱནཾ ཨཉྫལིཀམྨཾ སཱམཱིཙིཀམྨཾ. ཨིམེཧི ནཱམ, ཨཱནནྡ, ཨཉྙཏིཏྠིཡཱ དུརཀྑཱཏདྷམྨཱ མཱཏུགཱམསྶ ཨབྷིཝཱདནཾ ¶ པཙྩུཊྛཱནཾ ཨཉྫལིཀམྨཾ ¶ སཱམཱིཙིཀམྨཾ ན ཀརིསྶནྟི ¶ ; ཀིམངྒཾ པན ཏཐཱགཏོ ཨནུཛཱནིསྶཏི མཱཏུགཱམསྶ ཨབྷིཝཱདནཾ པཙྩུཊྛཱནཾ ཨཉྫལིཀམྨཾ སཱམཱིཙིཀམྨ’’ནྟི?

ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, མཱཏུགཱམསྶ ཨབྷིཝཱདནཾ པཙྩུཊྛཱནཾ ཨཉྫལིཀམྨཾ སཱམཱིཙིཀམྨཾ ཀཱཏབྦཾ. ཡོ ཀརེཡྻ, ཨཱཔཏྟི དུཀྐཊསྶཱ’’ཏི.

ཨཐ ཁོ མཧཱཔཛཱཔཏི གོཏམཱི ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏཱ ཁོ མཧཱཔཛཱཔཏི གོཏམཱི བྷགཝནྟཾ ཨེཏདཝོཙ – ‘‘ཡཱནི ཏཱནི, བྷནྟེ, བྷིཀྑུནཱིནཾ སིཀྑཱཔདཱནི བྷིཀྑཱུཧི སཱདྷཱརཎཱནི, ཀཐཾ མཡཾ, བྷནྟེ, ཏེསུ སིཀྑཱཔདེསུ པཊིཔཛྫཱམཱ’’ཏི? ‘‘ཡཱནི ཏཱནི, གོཏམི, བྷིཀྑུནཱིནཾ སིཀྑཱཔདཱནི བྷིཀྑཱུཧི སཱདྷཱརཎཱནི, ཡཐཱ བྷིཀྑཱུ སིཀྑནྟི ཏཐཱ ཏེསུ སིཀྑཱཔདེསུ སིཀྑཐཱ’’ཏི. ‘‘ཡཱནི པན ཏཱནི, བྷནྟེ, བྷིཀྑུནཱིནཾ སིཀྑཱཔདཱནི བྷིཀྑཱུཧི ཨསཱདྷཱརཎཱནི, ཀཐཾ མཡཾ, བྷནྟེ, ཏེསུ སིཀྑཱཔདེསུ པཊིཔཛྫཱམཱ’’ཏི? ‘‘ཡཱནི ཏཱནི, གོཏམི, བྷིཀྑུནཱིནཾ སིཀྑཱཔདཱནི བྷིཀྑཱུཧི ཨསཱདྷཱརཎཱནི, ཡཐཱཔཉྙཏྟེསུ སིཀྑཱཔདེསུ སིཀྑཐཱ’’ཏི.

༤༠༦. [ཨ. ནི. ༨.༥༣] ཨཐ ཁོ མཧཱཔཛཱཔཏི གོཏམཱི ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི. ཨེཀམནྟཾ ཋིཏཱ ཁོ མཧཱཔཛཱཔཏི གོཏམཱི བྷགཝནྟཾ ཨེཏདཝོཙ – ‘‘སཱདྷུ མེ, བྷནྟེ, བྷགཝཱ སཾཁིཏྟེན དྷམྨཾ དེསེཏུ, ཡམཧཾ བྷགཝཏོ དྷམྨཾ ¶ སུཏྭཱ ཨེཀཱ ཝཱུཔཀཊྛཱ ཨཔྤམཏྟཱ ཨཱཏཱཔིནཱི པཧིཏཏྟཱ ཝིཧརེཡྻ’’ནྟི. ‘‘ཡེ ཁོ ཏྭཾ, གོཏམི, དྷམྨེ ཛཱནེཡྻཱསི – ཨིམེ དྷམྨཱ སརཱགཱཡ སཾཝཏྟནྟི ནོ ཝིརཱགཱཡ, སཉྙོགཱཡ སཾཝཏྟནྟི ནོ ཝིསཉྙོགཱཡ, ཨཱཙཡཱཡ སཾཝཏྟནྟི ནོ ཨཔཙཡཱཡ, མཧིཙྪཏཱཡ སཾཝཏྟནྟི ནོ ཨཔྤིཙྪཏཱཡ, ཨསནྟུཊྛིཡཱ སཾཝཏྟནྟི ནོ སནྟུཊྛིཡཱ, སངྒཎིཀཱཡ སཾཝཏྟནྟི ནོ པཝིཝེཀཱཡ, ཀོསཛྫཱཡ སཾཝཏྟནྟི ནོ ཝཱིརིཡཱརམྦྷཱཡ, དུབྦྷརཏཱཡ ¶ སཾཝཏྟནྟི ནོ སུབྷརཏཱཡ; ཨེཀཾསེན, གོཏམི, དྷཱརེཡྻཱསི – ནེསོ དྷམྨོ, ནེསོ ཝིནཡོ, ནེཏཾ སཏྠུསཱསནནྟི. ཡེ ཙ ཁོ ཏྭཾ, གོཏམི, དྷམྨེ ཛཱནེཡྻཱསི – ཨིམེ དྷམྨཱ ཝིརཱགཱཡ སཾཝཏྟནྟི ནོ སརཱགཱཡ, ཝིསཉྙོགཱཡ སཾཝཏྟནྟི ནོ སཉྙོགཱཡ, ཨཔཙཡཱཡ སཾཝཏྟནྟི ནོ ཨཱཙཡཱཡ, ཨཔྤིཙྪཏཱཡ སཾཝཏྟནྟི ནོ ¶ མཧིཙྪཏཱཡ, སནྟུཊྛིཡཱ སཾཝཏྟནྟི ནོ ཨསནྟུཊྛིཡཱ, པཝིཝེཀཱཡ སཾཝཏྟནྟི ནོ སངྒཎིཀཱཡ, ཝཱིརིཡཱརམྦྷཱཡ ¶ སཾཝཏྟནྟི ནོ ཀོསཛྫཱཡ, སུབྷརཏཱཡ སཾཝཏྟནྟི ནོ དུབྦྷརཏཱཡ; ཨེཀཾསེན, གོཏམི, དྷཱརེཡྻཱསི – ཨེསོ དྷམྨོ, ཨེསོ ཝིནཡོ, ཨེཏཾ སཏྠུསཱསན’’ནྟི.

༤༠༧. ཏེན ཁོ པན སམཡེན བྷིཀྑུནཱིནཾ པཱཏིམོཀྑཾ ན ཨུདྡིསཱིཡཏི. བྷགཝཏོ ཨེཏམཏྠཾ ཨཱརོཙེསུཾ…པེ… ¶ ‘‘ཨནུཛཱནཱམི, བྷིཀྑཝེ, བྷིཀྑུནཱིནཾ པཱཏིམོཀྑཾ ཨུདྡིསིཏུ’’ནྟི. ཨཐ ཁོ བྷིཀྑཱུནཾ ཨེཏདཧོསི – ‘‘ཀེན ནུ ཁོ བྷིཀྑུནཱིནཾ པཱཏིམོཀྑཾ ཨུདྡིསིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷིཀྑཱུཧི བྷིཀྑུནཱིནཾ པཱཏིམོཀྑཾ ཨུདྡིསིཏུ’’ནྟི.

ཏེན ཁོ པན སམཡེན བྷིཀྑཱུ བྷིཀྑུནུཔསྶཡཾ ཨུཔསངྐམིཏྭཱ བྷིཀྑུནཱིནཾ པཱཏིམོཀྑཾ ཨུདྡིསནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཛཱཡཱཡོ ཨིམཱ ཨིམེསཾ, ཛཱརིཡོ ཨིམཱ ཨིམེསཾ, ཨིདཱནི ཨིམེ ཨིམཱཧི སདྡྷིཾ ཨབྷིརམིསྶནྟཱི’’ཏི! བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑཱུཧི བྷིཀྑུནཱིནཾ པཱཏིམོཀྑཾ ཨུདྡིསིཏབྦཾ. ཡོ ཨུདྡིསེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, བྷིཀྑུནཱིཧི བྷིཀྑུནཱིནཾ པཱཏིམོཀྑཾ ཨུདྡིསིཏུ’’ནྟི. བྷིཀྑུནིཡོ ན ཛཱནནྟི – ‘‘ཨེཝཾ པཱཏིམོཀྑཾ ཨུདྡིསིཏབྦ’’ནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷིཀྑཱུཧི བྷིཀྑུནཱིནཾ ཨཱཙིཀྑིཏུཾ – ‘ཨེཝཾ པཱཏིམོཀྑཾ ཨུདྡིསེཡྻཱཐཱ’’’ཏི.

༤༠༨. ཏེན ཁོ པན སམཡེན བྷིཀྑུནིཡོ ཨཱཔཏྟིཾ ན པཊིཀརོནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ ཨཱཔཏྟི ན པཊིཀཱཏབྦཱ. ཡཱ ན པཊིཀརེཡྻ, ཨཱཔཏྟི དུཀྐཊསྶཱ’’ཏི. བྷིཀྑུནིཡོ ན ཛཱནནྟི – ‘‘ཨེཝཾ ཨཱཔཏྟི པཊིཀཱཏབྦཱ’’ཏི ¶ . བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷིཀྑཱུཧི བྷིཀྑུནཱིནཾ ཨཱཙིཀྑིཏུཾ – ‘ཨེཝཾ ཨཱཔཏྟིཾ པཊིཀརེཡྻཱཐཱ’’’ཏི. ཨཐ ¶ ཁོ བྷིཀྑཱུནཾ ཨེཏདཧོསི – ‘‘ཀེན ནུ ཁོ བྷིཀྑུནཱིནཾ ཨཱཔཏྟི པཊིགྒཧེཏབྦཱ’’ཏི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷིཀྑཱུཧི བྷིཀྑུནཱིནཾ ཨཱཔཏྟིཾ པཊིགྒཧེཏུ’’ནྟི.

ཏེན ཁོ པན སམཡེན བྷིཀྑུནིཡོ རཐིཀཱཡཔི བྱཱུཧེཔི སིངྒྷཱཊཀེཔི བྷིཀྑུཾ པསྶིཏྭཱ པཏྟཾ བྷཱུམིཡཾ ནིཀྑིཔིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ¶ ནིསཱིདིཏྭཱ ཨཉྫལིཾ པགྒཧེཏྭཱ ཨཱཔཏྟིཾ པཊིཀརོནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཛཱཡཱཡོ ཨིམཱ ཨིམེསཾ, ཛཱརིཡོ ཨིམཱ ཨིམེསཾ, རཏྟིཾ ཝིམཱནེཏྭཱ ཨིདཱནི ཁམཱཔེནྟཱི’’ཏི. བྷགཝཏོ ཨེཏམཏྠཾ ཨཱརོཙེསུཾ ¶ . ‘‘ན, བྷིཀྑཝེ, བྷིཀྑཱུཧི བྷིཀྑུནཱིནཾ ཨཱཔཏྟི པཊིགྒཧེཏབྦཱ. ཡོ པཊིགྒཎྷེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, བྷིཀྑུནཱིཧི བྷིཀྑུནཱིནཾ ཨཱཔཏྟིཾ པཊིགྒཧེཏུ’’ནྟི. བྷིཀྑུནིཡོ ན ཛཱནནྟི – ‘‘ཨེཝཾ ཨཱཔཏྟི པཊིགྒཧེཏབྦཱ’’ཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷིཀྑཱུཧི བྷིཀྑུནཱིནཾ ཨཱཙིཀྑིཏུཾ – ‘ཨེཝཾ ཨཱཔཏྟིཾ པཊིགྒཎྷེཡྻཱཐཱ’’’ཏི.

༤༠༩. ཏེན ཁོ པན སམཡེན བྷིཀྑུནཱིནཾ ཀམྨཾ ན ཀརིཡཏི ¶ . བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷིཀྑུནཱིནཾ ཀམྨཾ ཀཱཏུ’’ནྟི. ཨཐ ཁོ བྷིཀྑཱུནཾ ཨེཏདཧོསི – ‘‘ཀེན ནུ ཁོ བྷིཀྑུནཱིནཾ ཀམྨཾ ཀཱཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷིཀྑཱུཧི བྷིཀྑུནཱིནཾ ཀམྨཾ ཀཱཏུ’’ནྟི.

ཏེན ཁོ པན སམཡེན ཀཏཀམྨཱ བྷིཀྑུནིཡོ རཐིཀཱཡཔི བྱཱུཧེཔི སིངྒྷཱཊཀེཔི བྷིཀྑུཾ པསྶིཏྭཱ པཏྟཾ བྷཱུམིཡཾ ནིཀྑིཔིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཁམཱཔེནྟི ‘ཨེཝཾ ནཱུན ཀཱཏབྦ’ནྟི མཉྙམཱནཱ. མནུསྶཱ ཏཐེཝ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཛཱཡཱཡོ ཨིམཱ ཨིམེསཾ, ཛཱརིཡོ ཨིམཱ ཨིམེསཾ, རཏྟིཾ ཝིམཱནེཏྭཱ ཨིདཱནི ཁམཱཔེནྟཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑཱུཧི བྷིཀྑུནཱིནཾ ཀམྨཾ ཀཱཏབྦཾ. ཡོ ཀརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, བྷིཀྑུནཱིཧི བྷིཀྑུནཱིནཾ ཀམྨཾ ཀཱཏུ’’ནྟི. བྷིཀྑུནིཡོ ན ཛཱནནྟི – ‘‘ཨེཝཾ ཀམྨཾ ཀཱཏབྦ’’ནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷིཀྑཱུཧི བྷིཀྑུནཱིནཾ ཨཱཙིཀྑིཏུཾ – ‘ཨེཝཾ ཀམྨཾ ཀརེཡྻཱཐཱ’’’ཏི.

༤༡༠. ཏེན ཁོ པན སམཡེན བྷིཀྑུནིཡོ སངྒྷམཛ྄ཛྷེ བྷཎྜནཛཱཏཱ ¶ ཀལཧཛཱཏཱ ཝིཝཱདཱཔནྣཱ ཨཉྙམཉྙཾ མུཁསཏྟཱིཧི ཝིཏུདནྟཱ ཝིཧརནྟི. ན སཀྐོནྟི ཏཾ ཨདྷིཀརཎཾ ཝཱུཔསམེཏུཾ. བྷགཝཏོ ¶ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷིཀྑཱུཧི བྷིཀྑུནཱིནཾ ཨདྷིཀརཎཾ ཝཱུཔསམེཏུ’’ནྟི.

ཏེན ¶ ཁོ པན སམཡེན བྷིཀྑཱུ བྷིཀྑུནཱིནཾ ཨདྷིཀརཎཾ ཝཱུཔསམེནྟི. ཏསྨིཾ ཁོ པན ཨདྷིཀརཎེ ཝིནིཙྪིཡམཱནེ དིསྶནྟི བྷིཀྑུནིཡོ ཀམྨཔྤཏྟཱཡོཔི ཨཱཔཏྟིགཱམིནིཡོཔི. བྷིཀྑུནིཡོ ཨེཝམཱཧཾསུ – ‘‘སཱདྷུ, བྷནྟེ, ཨཡྻཱཝ བྷིཀྑུནཱིནཾ ཀམྨཾ ཀརོནྟུ, ཨཡྻཱཝ བྷིཀྑུནཱིནཾ ཨཱཔཏྟིཾ པཊིགྒཎྷནྟུ; ཨེཝཉྷི བྷགཝཏཱ པཉྙཏྟཾ བྷིཀྑཱུཧི བྷིཀྑུནཱིནཾ ཨདྷིཀརཎཾ ¶ ཝཱུཔསམེཏབྦ’’ནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷིཀྑཱུཧི བྷིཀྑུནཱིནཾ ཀམྨཾ ཨཱརོཔེཏྭཱ བྷིཀྑུནཱིནཾ ནིཡྻཱདེཏུཾ – བྷིཀྑུནཱིཧི བྷིཀྑུནཱིནཾ ཀམྨཾ ཀཱཏུཾ, བྷིཀྑཱུཧི བྷིཀྑུནཱིནཾ ཨཱཔཏྟིཾ ཨཱརོཔེཏྭཱ བྷིཀྑུནཱིནཾ ནིཡྻཱདེཏུཾ, བྷིཀྑུནཱིཧི བྷིཀྑུནཱིནཾ ཨཱཔཏྟིཾ པཊིགྒཧེཏུ’’ནྟི.

ཏེན ཁོ པན སམཡེན ཨུཔྤལཝཎྞཱཡ བྷིཀྑུནིཡཱ ཨནྟེཝཱསིནཱི བྷིཀྑུནཱི སཏྟ ཝསྶཱནི བྷགཝནྟཾ ཨནུབནྡྷཱ ཧོཏི ཝིནཡཾ པརིཡཱཔུཎནྟཱི. ཏསྶཱ མུཊྛསྶཏིནིཡཱ གཧིཏོ གཧིཏོ མུསྶཏི. ཨསྶོསི ཁོ སཱ བྷིཀྑུནཱི – ‘‘བྷགཝཱ ཀིར སཱཝཏྠིཾ གནྟུཀཱམོ’’ཏི. ཨཐ ཁོ ཏསྶཱ བྷིཀྑུནིཡཱ ཨེཏདཧོསི – ‘‘ཨཧཾ ཁོ སཏྟ ཝསྶཱནི བྷགཝནྟཾ ཨནུབནྡྷིཾ ཝིནཡཾ པརིཡཱཔུཎནྟཱི. ཏསྶཱ མེ མུཊྛསྶཏིནིཡཱ གཧིཏོ གཧིཏོ མུསྶཏི. དུཀྐརཾ ཁོ པན མཱཏུགཱམེན ཡཱཝཛཱིཝཾ སཏྠཱརཾ ¶ ཨནུབནྡྷིཏུཾ. ཀཐཾ ནུ ཁོ མཡཱ པཊིཔཛྫིཏབྦ’’ནྟི? ཨཐ ཁོ སཱ བྷིཀྑུནཱི བྷིཀྑུནཱིནཾ ཨེཏམཏྠཾ ཨཱརོཙེསི. བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷིཀྑཱུཧི བྷིཀྑུནཱིནཾ ཝིནཡཾ ཝཱཙེཏུ’’ནྟི.

པཋམབྷཱཎཝཱརོ ནིཊྛིཏོ.

༢. དུཏིཡབྷཱཎཝཱརོ

༤༡༡. ཨཐ ཁོ བྷགཝཱ ཝེསཱལིཡཾ ཡཐཱབྷིརནྟཾ ཝིཧརིཏྭཱ ཡེན སཱཝཏྠི ཏེན ཙཱརིཀཾ པཀྐཱམི. ཨནུཔུབྦེན ཙཱརིཀཾ ཙརམཱནོ ཡེན སཱཝཏྠི ཏདཝསརི. ཏཏྲ སུདཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ ¶ . ཏེན ཁོ པན སམཡེན ཚབྦགྒིཡཱ བྷིཀྑཱུ བྷིཀྑུནིཡོ ཀདྡམོདཀེན ཨོསིཉྩནྟི – ཨཔྤེཝ ནཱམ ཨམྷེསུ སཱརཛྫེཡྻུནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནཱ ¶ བྷིཀྑུནིཡོ ཀདྡམོདཀེན ཨོསིཉྩིཏབྦཱ. ཡོ ཨོསིཉྩེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཏསྶ བྷིཀྑུནོ དཎྜཀམྨཾ ཀཱཏུ’’ནྟི. ཨཐ ཁོ བྷིཀྑཱུནཾ ཨེཏདཧོསི – ‘‘ཀིཾ ནུ ཁོ དཎྜཀམྨཾ ཀཱཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨཝནྡིཡོ སོ, བྷིཀྑཝེ, བྷིཀྑུ བྷིཀྑུནིསངྒྷེན ཀཱཏབྦོ’’ཏི.

ཏེན ཁོ པན སམཡེན ཚབྦགྒིཡཱ བྷིཀྑཱུ ཀཱཡཾ ཝིཝརིཏྭཱ བྷིཀྑུནཱིནཾ དསྶེནྟི ¶ …པེ… ཨཱུརུཾ ཝིཝརིཏྭཱ བྷིཀྑུནཱིནཾ དསྶེནྟི, ཨངྒཛཱཏཾ ཝིཝརིཏྭཱ བྷིཀྑུནཱིནཾ དསྶེནྟི, བྷིཀྑུནིཡོ ཨོབྷཱསེནྟི, བྷིཀྑུནཱིཧི སདྡྷིཾ སམྤཡོཛེནྟི – ཨཔྤེཝ ནཱམ ཨམྷེསུ སཱརཛྫེཡྻུནྟི. བྷགཝཏོ ¶ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནཱ ཀཱཡོ ཝིཝརིཏྭཱ བྷིཀྑུནཱིནཾ དསྶེཏབྦོ, ན ཨཱུརུ ཝིཝརིཏྭཱ བྷིཀྑུནཱིནཾ དསྶེཏབྦོ, ན ཨངྒཛཱཏཾ ཝིཝརིཏྭཱ བྷིཀྑུནཱིནཾ དསྶེཏབྦཾ, ན བྷིཀྑུནིཡོ ཨོབྷཱསིཏབྦཱ, ན བྷིཀྑུནཱིཧི སདྡྷིཾ སམྤཡོཛེཏབྦཾ. ཡོ སམྤཡོཛེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཏསྶ བྷིཀྑུནོ དཎྜཀམྨཾ ཀཱཏུ’’ནྟི. ཨཐ ཁོ བྷིཀྑཱུནཾ ཨེཏདཧོསི – ‘‘ཀིཾ ནུ ཁོ དཎྜཀམྨཾ ཀཱཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨཝནྡིཡོ སོ, བྷིཀྑཝེ, བྷིཀྑུ བྷིཀྑུནིསངྒྷེན ཀཱཏབྦོ’’ཏི.

ཏེན ཁོ པན སམཡེན ཚབྦགྒིཡཱ བྷིཀྑུནིཡོ བྷིཀྑུཾ ཀདྡམོདཀེན ཨོསིཉྩནྟི – ཨཔྤེཝ ནཱམ ཨམྷེསུ སཱརཛྫེཡྻུནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ བྷིཀྑུ ཀདྡམོདཀེན ཨོསིཉྩིཏབྦོ. ཡཱ ཨོསིཉྩེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཏསྶཱ བྷིཀྑུནིཡཱ དཎྜཀམྨཾ ཀཱཏུ’’ནྟི. ཨཐ ཁོ བྷིཀྑཱུནཾ ཨེཏདཧོསི – ‘‘ཀིཾ ནུ ཁོ དཎྜཀམྨཾ ཀཱཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི བྷིཀྑཝེ, ཨཱཝརཎཾ ཀཱཏུ’’ནྟི. ཨཱཝརཎེ ཀཏེ ན ཨཱདིཡནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨོཝཱདཾ ཋཔེཏུ’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑུནིཡོ ཀཱཡཾ ཝིཝརིཏྭཱ བྷིཀྑཱུནཾ དསྶེནྟི, ཐནཾ ཝིཝརིཏྭཱ བྷིཀྑཱུནཾ དསྶེནྟི, ཨཱུརུཾ ཝིཝརིཏྭཱ ¶ བྷིཀྑཱུནཾ དསྶེནྟི, ཨངྒཛཱཏཾ ཝིཝརིཏྭཱ བྷིཀྑཱུནཾ དསྶེནྟི, བྷིཀྑཱུ ཨོབྷཱསེནྟི, བྷིཀྑཱུཧི ¶ སདྡྷིཾ སམྤཡོཛེནྟི – ཨཔྤེཝ ནཱམ ཨམྷེསུ སཱརཛྫེཡྻུནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ ཀཱཡོ ཝིཝརིཏྭཱ བྷིཀྑཱུནཾ དསྶེཏབྦོ…པེ… ན ཐནོ ཝིཝརིཏྭཱ ¶ བྷིཀྑཱུནཾ དསྶེཏབྦོ, ན ཨཱུརུ ཝིཝརིཏྭཱ བྷིཀྑཱུནཾ དསྶེཏབྦོ, ན ཨངྒཛཱཏཾ ཝིཝརིཏྭཱ བྷིཀྑཱུནཾ དསྶེཏབྦཾ, ན བྷིཀྑཱུ ཨོབྷཱསིཏབྦཱ, ན བྷིཀྑཱུཧི སདྡྷིཾ སམྤཡོཛེཏབྦཾ. ཡཱ སམྤཡོཛེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཏསྶཱ བྷིཀྑུནིཡཱ དཎྜཀམྨཾ ཀཱཏུ’’ནྟི. ཨཐ ཁོ བྷིཀྑཱུནཾ ཨེཏདཧོསི – ‘‘ཀིཾ ནུ ཁོ དཎྜཀམྨཾ ཀཱཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཱཝརཎཾ ཀཱཏུ’’ནྟི. ཨཱཝརཎེ ཀཏེ ན ཨཱདིཡནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨོཝཱདཾ ཋཔེཏུ’’ནྟི. ཨཐ ཁོ བྷིཀྑཱུནཾ ཨེཏདཧོསི – ‘‘ཀཔྤཏི ནུ ཁོ ཨོཝཱདཊྛཔིཏཱཡ [ཨོཝཱདཎྛཔིཏཱཡ (སྱཱ.), ཨོཝཱདཾཋཔིཏཱཡ (ཀ.)] བྷིཀྑུནིཡཱ སདྡྷིཾ ཨུཔོསཐཾ ཀཱཏུཾ, ན ནུ ཁོ ¶ ཀཔྤཏཱི’’ཏི? བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨོཝཱདཊྛཔིཏཱཡ བྷིཀྑུནིཡཱ སདྡྷིཾ ཨུཔོསཐོ ཀཱཏབྦོ, ཡཱཝ ན ཏཾ ཨདྷིཀརཎཾ ཝཱུཔསནྟཾ ཧོཏཱི’’ཏི.

༤༡༢. ཏེན ཁོ པན སམཡེན ཨཱཡསྨཱ ཨུདཱཡཱི ཨོཝཱདཾ ཋཔེཏྭཱ ཙཱརིཀཾ ¶ པཀྐཱམི. བྷིཀྑུནིཡོ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཡྻོ ཨུདཱཡཱི ཨོཝཱདཾ ཋཔེཏྭཱ ཙཱརིཀཾ པཀྐམིསྶཏཱི’’ཏི! བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨོཝཱདཾ ཋཔེཏྭཱ ཙཱརིཀཱ པཀྐམིཏབྦཱ. ཡོ པཀྐམེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན [ཏེན ཁོ པན སམཡེན བྷིཀྑཱུ (སྱཱ. ཀཾ.)] བཱལཱ ཨབྱཏྟཱ ཨོཝཱདཾ ཋཔེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བཱལེན ཨབྱཏྟེན ཨོཝཱདོ ཋཔེཏབྦོ. ཡོ ཋཔེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ ཨཝཏྠུསྨིཾ ཨཀཱརཎེ ཨོཝཱདཾ ཋཔེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨཝཏྠུསྨིཾ ཨཀཱརཎེ ཨོཝཱདོ ཋཔེཏབྦོ. ཡོ ཋཔེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ ཨོཝཱདཾ ཋཔེཏྭཱ ཝིནིཙྪཡཾ ན དེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨོཝཱདཾ ཋཔེཏྭཱ ཝིནིཙྪཡོ ན དཱཏབྦོ. ཡོ ན དདེཡྻ, ཨཱཔཏྟི དུཀྐཊསྶཱ’’ཏི.

༤༡༣. [པཱཙི. ༡༠༥༤] ཏེན ¶ ཁོ པན སམཡེན བྷིཀྑུནིཡོ ཨོཝཱདཾ ན གཙྪནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ ཨོཝཱདོ ན ¶ གནྟབྦོ. ཡཱ ན གཙྪེཡྻ, ཡཐཱདྷམྨོ ཀཱརེཏབྦོ’’ཏི.

ཏེན ཁོ པན སམཡེན སབྦོ བྷིཀྑུནིསངྒྷོ ཨོཝཱདཾ གཙྪཏི. མནུསྶཱ ཨུཛ྄ཛྷཱཡནྟི ཁིཡྻནྟི ¶ ཝིཔཱཙེནྟི – ‘‘ཛཱཡཱཡོ ཨིམཱ ཨིམེསཾ, ཛཱརིཡོ ཨིམཱ ཨིམེསཾ, ཨིདཱནི ཨིམེ ཨིམཱཧི སདྡྷིཾ ཨབྷིརམིསྶནྟཱི’’ཏི! བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, སབྦེན བྷིཀྑུནིསངྒྷེན ཨོཝཱདོ གནྟབྦོ. གཙྪེཡྻ ཙེ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཙཏཱུཧི པཉྩཧི བྷིཀྑུནཱིཧི ཨོཝཱདཾ གནྟུ’’ནྟི.

ཏེན ཁོ པན སམཡེན ཙཏསྶོ པཉྩ བྷིཀྑུནིཡོ ཨོཝཱདཾ གཙྪནྟི. མནུསྶཱ ཏཐེཝ ཨུཛ྄ཛྷཱཡནྟི ¶ ཁིཡྻནྟི ཝིཔཱཙེནྟི – ‘‘ཛཱཡཱཡོ ཨིམཱ ཨིམེསཾ, ཛཱརིཡོ ཨིམཱ ཨིམེསཾ, ཨིདཱནི ཨིམེ ཨིམཱཧི སདྡྷིཾ ཨབྷིརམིསྶནྟཱི’’ཏི! བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཙཏཱུཧི པཉྩཧི བྷིཀྑུནཱིཧི ཨོཝཱདོ གནྟབྦོ. གཙྪེཡྻུཾ ཙེ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, དྭེ ཏིསྶོ བྷིཀྑུནིཡོ [བྷིཀྑུནཱིཧི (ཀ.)] ཨོཝཱདཾ གནྟུཾ. ཨེཀཾ བྷིཀྑུཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘བྷིཀྑུནིསངྒྷོ, ཨཡྻ, བྷིཀྑུསངྒྷསྶ པཱདེ ཝནྡཏི, ཨོཝཱདཱུཔསངྐམནཉྩ ཡཱཙཏི; ལབྷཏུ ཀིར, ཨཡྻ, བྷིཀྑུནིསངྒྷོ ཨོཝཱདཱུཔསངྐམན’ནྟི. ཏེན བྷིཀྑུནཱ པཱཏིམོཀྑུདྡེསཀོ ཨུཔསངྐམིཏྭཱ ཨེཝམསྶ ཝཙནཱིཡོ – ‘བྷིཀྑུནཱིསངྒྷོ, བྷནྟེ, བྷིཀྑུསངྒྷསྶ པཱདེ ཝནྡཏི, ཨོཝཱདཱུཔསངྐམནཉྩ ¶ ཡཱཙཏི; ལབྷཏུ ཀིར, བྷནྟེ, བྷིཀྑུནིསངྒྷོ ཨོཝཱདཱུཔསངྐམན’ནྟི. པཱཏིམོཀྑུདྡེསཀེན ཝཏྟབྦོ – ‘ཨཏྠི ཀོཙི བྷིཀྑུ བྷིཀྑུནོཝཱདཀོ སམྨཏོ’ཏི? སཙེ ཧོཏི ཀོཙི བྷིཀྑུ བྷིཀྑུནོཝཱདཀོ སམྨཏོ, པཱཏིམོཀྑུདྡེསཀེན ཝཏྟབྦོ – ‘ཨིཏྠནྣཱམོ བྷིཀྑུ བྷིཀྑུནོཝཱདཀོ སམྨཏོ, ཏཾ བྷིཀྑུནིསངྒྷོ ཨུཔསངྐམཏཱུ’ཏི. སཙེ ན ཧོཏི ཀོཙི བྷིཀྑུ བྷིཀྑུནོཝཱདཀོ སམྨཏོ, པཱཏིམོཀྑུདྡེསཀེན ཝཏྟབྦོ – ‘ཀོ ཨཱཡསྨཱ ཨུསྶཧཏི བྷིཀྑུནིཡོ ཨོཝདིཏུ’ནྟི? སཙེ ཀོཙི ཨུསྶཧཏི བྷིཀྑུནིཡོ ཨོཝདིཏུཾ, སོ ཙ ཧོཏི ཨཊྛཧངྒེཧི སམནྣཱགཏོ, སམྨནྣིཏྭཱ ཝཏྟབྦོ – ‘ཨིཏྠནྣཱམོ བྷིཀྑུ ¶ བྷིཀྑུནོཝཱདཀོ སམྨཏོ, ཏཾ བྷིཀྑུནིསངྒྷོ ཨུཔསངྐམཏཱུ’ཏི. སཙེ ན ཀོཙི ཨུསྶཧཏི བྷིཀྑུནིཡོ ཨོཝདིཏུཾ, པཱཏིམོཀྑུདྡེསཀེན ཝཏྟབྦོ – ‘ནཏྠི ཀོཙི བྷིཀྑུ བྷིཀྑུནོཝཱདཀོ སམྨཏོ, པཱསཱདིཀེན བྷིཀྑུནིསངྒྷོ སམྤཱདེཏཱུ’’ཏི.

༤༡༤. ཏེན ཁོ པན སམཡེན བྷིཀྑཱུ ཨོཝཱདཾ ན གཎྷནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨོཝཱདོ ན གཧེཏབྦོ. ཡོ ན གཎྷེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརོ བྷིཀྑུ བཱལོ ཧོཏི. ཏཾ བྷིཀྑུནིཡོ ཨུཔསངྐམིཏྭཱ ཨེཏདཝོཙུཾ – ‘‘ཨོཝཱདཾ, ཨཡྻ, གཎྷཱཧཱི’’ཏི ¶ . ‘‘ཨཧཉྷི, བྷགིནཱི, བཱལོ; ཀཐཱཧཾ ཨོཝཱདཾ གཎྷཱམཱི’’ཏི? ‘‘གཎྷཱཧཡྻ ¶ , ཨོཝཱདཾ; ཨེཝཉྷི བྷགཝཏཱ པཉྙཏྟཾ – བྷིཀྑཱུཧི བྷིཀྑུནཱིནཾ ཨོཝཱདོ གཧེཏབྦོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཋཔེཏྭཱ བཱལཾ, ཨཝསེསེཧི ཨོཝཱདཾ གཧེཏུ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི. ཏཾ བྷིཀྑུནིཡོ ཨུཔསངྐམིཏྭཱ ¶ ཨེཏདཝོཙུཾ – ‘‘ཨོཝཱདཾ, ཨཡྻ གཎྷཱཧཱི’’ཏི. ‘‘ཨཧཉྷི, བྷགིནཱི, གིལཱནོ; ཀཐཱཧཾ ཨོཝཱདཾ གཎྷཱམཱི’’ཏི? ‘‘གཎྷཱཧཡྻ, ཨོཝཱདཾ; ཨེཝཉྷི བྷགཝཏཱ པཉྙཏྟཾ – ཋཔེཏྭཱ བཱལཾ, ཨཝསེསེཧི ཨོཝཱདོ གཧེཏབྦོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཋཔེཏྭཱ བཱལཾ, ཋཔེཏྭཱ གིལཱནཾ, ཨཝསེསེཧི ཨོཝཱདཾ གཧེཏུ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ གམིཀོ ཧོཏི. ཏཾ བྷིཀྑུནིཡོ ཨུཔསངྐམིཏྭཱ ཨེཏདཝོཙུཾ – ‘‘ཨོཝཱདཾ, ཨཡྻ, གཎྷཱཧཱི’’ཏི. ‘‘ཨཧཉྷི, བྷགིནཱི, གམིཀོ; ཀཐཱཧཾ ཨོཝཱདཾ གཎྷཱམཱི’’ཏི? ‘‘གཎྷཱཧཡྻ, ཨོཝཱདཾ; ཨེཝཉྷི བྷགཝཏཱ པཉྙཏྟཾ – ཋཔེཏྭཱ བཱལཾ, ཋཔེཏྭཱ གིལཱནཾ, ཨཝསེསེཧི ཨོཝཱདོ གཧེཏབྦོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཋཔེཏྭཱ བཱལཾ, ཋཔེཏྭཱ གིལཱནཾ, ཋཔེཏྭཱ གམིཀཾ, ཨཝསེསེཧི ཨོཝཱདཾ གཧེཏུ’’ནྟི.

ཏེན ཁོ པན སམཡེན ཨཉྙཏརོ བྷིཀྑུ ཨརཉྙེ ཝིཧརཏི. ཏཾ བྷིཀྑུནིཡོ ཨུཔསངྐམིཏྭཱ ཨེཏདཝོཙུཾ – ‘‘ཨོཝཱདཾ, ཨཡྻ, གཎྷཱཧཱི’’ཏི. ‘‘ཨཧཉྷི, བྷགིནཱི, ཨརཉྙེ ཝིཧརཱམི; ཀཐཱཧཾ ཨོཝཱདཾ ¶ གཎྷཱམཱི’’ཏི? ‘‘གཎྷཱཧཡྻ ¶ , ཨོཝཱདཾ; ཨེཝཉྷི བྷགཝཏཱ པཉྙཏྟཾ – ཋཔེཏྭཱ བཱལཾ, ཋཔེཏྭཱ གིལཱནཾ, ཋཔེཏྭཱ གམིཀཾ, ཨཝསེསེཧི ཨོཝཱདོ གཧེཏབྦོ’’ཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཱརཉྙིཀེན བྷིཀྑུནཱ ཨོཝཱདཾ གཧེཏུཾ, སངྐེཏཉྩ ཀཱཏུཾ – ཨཏྲ པཏིཧརིསྶཱམཱི’’ཏི.

༤༡༥. ཏེན ཁོ པན སམཡེན བྷིཀྑཱུ ཨོཝཱདཾ གཧེཏྭཱ ན ཨཱརོཙེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨོཝཱདོ ན ཨཱརོཙེཏབྦོ. ཡོ ན ཨཱརོཙེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ ཨོཝཱདཾ གཧེཏྭཱ ན པཙྩཱཧརནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨོཝཱདོ ན པཙྩཱཧརིཏབྦོ. ཡོ ན པཙྩཱཧརེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑུནིཡོ སངྐེཏཾ ན གཙྪནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ སངྐེཏཾ ན གནྟབྦཾ. ཡཱ ན གཙྪེཡྻ, ཨཱཔཏྟི དུཀྐཊསྶཱ’’ཏི.

༤༡༦. ཏེན ¶ ¶ ཁོ པན སམཡེན བྷིཀྑུནིཡོ དཱིགྷཱནི ཀཱཡབནྡྷནཱནི དྷཱརེནྟི, ཏེཧེཝ ཕཱསུཀཱ ནཱམེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི…པེ… སེཡྻཐཱཔི གིཧིནཱི ཀཱམབྷོགིནིཡོཏི. བྷགཝཏོ ཨེཏམཏྠཾ ¶ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ དཱིགྷཾ ཀཱཡབནྡྷནཾ དྷཱརེཏབྦཾ. ཡཱ དྷཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, བྷིཀྑུནིཡཱ ཨེཀཔརིཡཱཀཏཾ [ཨེཀཔརིཡཱཡཀཏཾ (སྱཱ.)] ཀཱཡབནྡྷནཾ, ན ཙ ཏེན ཕཱསུཀཱ ནཱམེཏབྦཱ. ཡཱ ནཱམེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑུནིཡོ ཝིལཱིཝེན [ཝིལིཝེན (ཀ.)] པཊྚེན ཕཱསུཀཱ ནཱམེནྟི…པེ… ཙམྨཔཊྚེན ཕཱསུཀཱ ནཱམེནྟི. དུསྶཔཊྚེན ཕཱསུཀཱ ནཱམེནྟི. དུསྶཝེཎིཡཱ ཕཱསུཀཱ ནཱམེནྟི. དུསྶཝཊྚིཡཱ ཕཱསུཀཱ ནཱམེནྟི. ཙོལ༹པཊྚེན ཕཱསུཀཱ ནཱམེནྟི. ཙོལ༹ཝེཎིཡཱ ཕཱསུཀཱ ནཱམེནྟི. ཙོལ༹ཝཊྚིཡཱ ཕཱསུཀཱ ནཱམེནྟི. སུཏྟཝེཎིཡཱ ཕཱསུཀཱ ནཱམེནྟི. སུཏྟཝཊྚིཡཱ ཕཱསུཀཱ ནཱམེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧིནཱི ཀཱམབྷོགིནིཡོཏི. བྷགཝཏོ ཨེཏམཏྠཾ ཨཱརོཙེསུཾ ¶ . ‘‘ན, བྷིཀྑཝེ, བྷིཀྑུནིཡཱ ཝིལཱིཝེན པཊྚེན ཕཱསུཀཱ ནཱམེཏབྦཱ…པེ… ན སུཏྟཝཊྚིཡཱ ཕཱསུཀཱ ནཱམེཏབྦཱ. ཡཱ ནཱམེཡྻ ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑུནིཡོ ཨཊྛིལླེན ཛགྷནཾ གྷཾསཱཔེནྟི…པེ… ¶ གོཧནུཀེན ཛགྷནཾ ཀོཊྚཱཔེནྟི, ཧཏྠཾ ཀོཊྚཱཔེནྟི, ཧཏྠཀོཙྪཾ ཀོཊྚཱཔེནྟི, པཱདཾ ཀོཊྚཱཔེནྟི, པཱདཀོཙྪཾ ཀོཊྚཱཔེནྟི, ཨཱུརུཾ ཀོཊྚཱཔེནྟི, མུཁཾ ཀོཊྚཱཔེནྟི, དནྟམཾསཾ ཀོཊྚཱཔེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི…པེ… སེཡྻཐཱཔི གིཧིནཱི ཀཱམབྷོགིནིཡོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ ཨཊྛིལླེན ཛགྷནཾ གྷཾསཱཔེཏབྦཾ…པེ… ན དནྟམཾསཾ ཀོཊྚཱཔེཏབྦཾ. ཡཱ ཀོཊྚཱཔེཡྻ, ཨཱཔཏྟི དུཀྐཊསྶཱ’’ཏི.

༤༡༧. ཏེན ཁོ པན སམཡེན ཚབྦགྒིཡཱ བྷིཀྑུནིཡོ མུཁཾ ཨཱལིམྤནྟི…པེ… མུཁཾ ཨུམྨདྡེནྟི, མུཁཾ ཙུཎྞེནྟི, མནོསིལིཀཱཡ མུཁཾ ལཉྪེནྟི, ཨངྒརཱགཾ ཀརོནྟི, མུཁརཱགཾ ཀརོནྟི, ཨངྒརཱགམུཁརཱགཾ ཀརོནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི…པེ… སེཡྻཐཱཔི གིཧིནཱི ཀཱམབྷོགིནིཡོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ ¶ , བྷིཀྑུནིཡཱ མུཁཾ ཨཱལིམྤིཏབྦཾ…པེ… ན མུཁཾ ཨུམྨདྡིཏབྦཾ, ན མུཁཾ ཙུཎྞེཏབྦཾ, ན མནོསིལིཀཱཡ མུཁཾ ལཉྪིཏབྦཾ, ན ཨངྒརཱགོ ཀཱཏབྦོ, ན མུཁརཱགོ ཀཱཏབྦོ, ན ཨངྒརཱགམུཁརཱགོ ཀཱཏབྦོ. ཡཱ ཀརེཡྻ, ཨཱཔཏྟི དུཀྐཊསྶཱ’’ཏི.

ཏེན ¶ ¶ ཁོ པན སམཡེན ཚབྦགྒིཡཱ བྷིཀྑུནིཡོ ཨཝངྒཾ [ཨཔཱངྒཾ (?)] ཀརོནྟི…པེ… ཝིསེསཀཾ ཀརོནྟི, ཨོལོཀནཀེན ཨོལོཀེནྟི, སཱལོཀེ ཏིཊྛནྟི; ནཙྩཾ [སནཙྩཾ (སཱི. སྱཱ.), སམཛྫཾ (ཀ.)] ཀཱརཱཔེནྟི, ཝེསིཾ ཝུཊྛཱཔེནྟི, པཱནཱགཱརཾ ཋཔེནྟི, སཱུནཾ ཋཔེནྟི, ཨཱཔཎཾ པསཱརེནྟི, ཝཌྜྷིཾ པཡོཛེནྟི, ཝཎིཛྫཾ པཡོཛེནྟི, དཱསཾ ཨུཔཊྛཱཔེནྟི, དཱསིཾ ཨུཔཊྛཱཔེནྟི, ཀམྨཀཱརཾ ཨུཔཊྛཱཔེནྟི, ཀམྨཀཱརིཾ ཨུཔཊྛཱཔེནྟི, ཏིརཙྪཱནགཏཾ ཨུཔཊྛཱཔེནྟི, ཧརཱིཏཀཔཀྐིཀཾ [ཧརཱིཏཀཔཎྞིཀཾ (ཀ.)] པཀིཎནྟི, ནམཏཀཾ དྷཱརེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི…པེ… སེཡྻཐཱཔི གིཧིནཱི ཀཱམབྷོགིནིཡོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ ཨཝངྒཾ ཀཱཏབྦཾ…པེ… ན ཝིསེསཀཾ ཀཱཏབྦཾ, ན ཨོལོཀནཀེན ¶ ཨོལོཀེཏབྦཾ, ན སཱལོཀེ ཋཱཏབྦཾ, ན ནཙྩཾ ཀཱརཱཔེཏབྦཾ, ན ཝེསཱི ཝུཊྛཱཔེཏབྦཱ, ན པཱནཱགཱརཾ ཋཔེཏབྦཾ, ན སཱུནཱ ཋཔེཏབྦཱ, ན ཨཱཔཎོ པསཱརེཏབྦོ, ན ཝཌྜྷི པཡོཛེཏབྦཱ, ན ཝཎིཛྫཱ པཡོཛེཏབྦཱ, ན དཱསོ ཨུཔཊྛཱཔེཏབྦོ, ན དཱསཱི ཨུཔཊྛཱཔེཏབྦཱ, ན ཀམྨཀཱརོ ཨུཔཊྛཱཔེཏབྦོ, ན ཀམྨཀཱརཱི ཨུཔཊྛཱཔེཏབྦཱ, ན ཏིརཙྪཱནགཏོ ཨུཔཊྛཱཔེཏབྦོ, ན ཧརཱིཏཀཔཀྐིཀཾ པཀིཎིཏབྦཾ, ན ནམཏཀཾ དྷཱརེཏབྦཾ. ཡཱ དྷཱརེཡྻ, ཨཱཔཏྟི དུཀྐཊསྶཱ’’ཏི.

༤༡༨. ཏེན ཁོ པན སམཡེན ཚབྦགྒིཡཱ བྷིཀྑུནིཡོ སབྦནཱིལཀཱནི ཙཱིཝརཱནི ¶ དྷཱརེནྟི…པེ… སབྦཔཱིཏཀཱནི ཙཱིཝརཱནི དྷཱརེནྟི, སབྦལོཧིཏཀཱནི ཙཱིཝརཱནི དྷཱརེནྟི, སབྦམཉྫིཊྛིཀཱནི ཙཱིཝརཱནི དྷཱརེནྟི, སབྦཀཎྷཱནི ཙཱིཝརཱནི དྷཱརེནྟི, སབྦམཧཱརངྒརཏྟཱནི ཙཱིཝརཱནི དྷཱརེནྟི, སབྦམཧཱནཱམརཏྟཱནི ཙཱིཝརཱནི དྷཱརེནྟི, ཨཙྪིནྣདསཱནི ཙཱིཝརཱནི དྷཱརེནྟི, དཱིགྷདསཱནི ཙཱིཝརཱནི དྷཱརེནྟི, པུཔྥདསཱནི ཙཱིཝརཱནི དྷཱརེནྟི, ཕལདསཱནི ཙཱིཝརཱནི དྷཱརེནྟི, ཀཉྩུཀཾ དྷཱརེནྟི, ཏིརཱིཊཀཾ དྷཱརེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི…པེ… སེཡྻཐཱཔི གིཧིནཱི ཀཱམབྷོགིནིཡོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ སབྦནཱིལཀཱནི ཙཱིཝརཱནི དྷཱརེཏབྦཱནི…པེ… ན ཏིརཱིཊཀཾ དྷཱརེཏབྦཾ. ཡཱ དྷཱརེཡྻ, ཨཱཔཏྟི དུཀྐཊསྶཱ’’ཏི.

༤༡༩. ཏེན ཁོ པན སམཡེན ཨཉྙཏརཱ བྷིཀྑུནཱི ཀཱལཾ ཀརོནྟཱི ཨེཝམཱཧ – ‘‘མམཙྩཡེན མཡ྄ཧཾ པརིཀྑཱརོ སངྒྷསྶ ཧོཏཱུ’’ཏི. ཏཏྠ བྷིཀྑཱུ ཙ བྷིཀྑུནིཡོ ཙ ཝིཝདནྟི ¶ – ‘‘ཨམྷཱཀཾ ཧོཏི, ཨམྷཱཀཾ ཧོཏཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ‘‘བྷིཀྑུནཱི ཙེ, བྷིཀྑཝེ ¶ , ཀཱལཾ ཀརོནྟཱི ཨེཝཾ ཝདེཡྻ – ‘མམཙྩཡེན མཡ྄ཧཾ པརིཀྑཱརོ སངྒྷསྶ ཧོཏཱུ’ཏི, ཨནིསྶརོ ཏཏྠ བྷིཀྑུསངྒྷོ, བྷིཀྑུནིསངྒྷསྶེཝེཏཾ. སིཀྑམཱནཱ ཙེ, བྷིཀྑཝེ…པེ… སཱམཎེརཱི ཙེ, བྷིཀྑཝེ, ཀཱལཾ ཀརོནྟཱི ཨེཝཾ ཝདེཡྻ – ‘མམཙྩཡེན མཡ྄ཧཾ པརིཀྑཱརོ ¶ སངྒྷསྶ ཧོཏཱུ’ཏི, ཨནིསྶརོ ཏཏྠ བྷིཀྑུསངྒྷོ, བྷིཀྑུནིསངྒྷསྶེཝེཏཾ. བྷིཀྑུ ཙེ, བྷིཀྑཝེ, ཀཱལཾ ཀརོནྟོ ཨེཝཾ ཝདེཡྻ – ‘མམཙྩཡེན མཡ྄ཧཾ པརིཀྑཱརོ སངྒྷསྶ ཧོཏཱུ’ཏི, ཨནིསྶརོ ཏཏྠ བྷིཀྑུནིསངྒྷོ, བྷིཀྑུསངྒྷསྶེཝེཏཾ. སཱམཎེརོ ཙེ, བྷིཀྑཝེ…པེ… ཨུཔཱསཀོ ཙེ, བྷིཀྑཝེ…པེ… ཨུཔཱསིཀཱ ཙེ, བྷིཀྑཝེ…པེ… ཨཉྙོ ཙེ, བྷིཀྑཝེ, ཀོཙི ཀཱལཾ ཀརོནྟོ ཨེཝཾ ཝདེཡྻ – ‘མམཙྩཡེན མཡ྄ཧཾ པརིཀྑཱརོ ¶ སངྒྷསྶ ཧོཏཱུ’ཏི, ཨནིསྶརོ ཏཏྠ བྷིཀྑུནིསངྒྷོ, བྷིཀྑུསངྒྷསྶེཝེཏ’’ནྟི.

༤༢༠. ཏེན ཁོ པན སམཡེན ཨཉྙཏརཱ ཨིཏྠཱི པུརཱཎམལླཱི བྷིཀྑུནཱིསུ པབྦཛིཏཱ ཧོཏི. སཱ རཐིཀཱཡ དུབྦལཀཾ བྷིཀྑུཾ པསྶིཏྭཱ ཨཾསཀཱུཊེན པཧཱརཾ དཏྭཱ པཱཏེསི [པཝཊྚེསི (སཱི.)]. བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ, བྷིཀྑུནཱི, བྷིཀྑུསྶ པཧཱརཾ དསྶཏཱི’’ཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ བྷིཀྑུསྶ པཧཱརོ དཱཏབྦོ. ཡཱ དདེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, བྷིཀྑུནིཡཱ ¶ བྷིཀྑུཾ པསྶིཏྭཱ དཱུརཏོཝ ཨོཀྐམིཏྭཱ མགྒཾ དཱཏུ’’ནྟི.

ཏེན ཁོ པན སམཡེན ཨཉྙཏརཱ ཨིཏྠཱི པཝུཏྠཔཏིཀཱ ཛཱརེན གབྦྷིནཱི ཧོཏི. སཱ གབྦྷཾ པཱཏེཏྭཱ ཀུལཱུཔིཀཾ བྷིཀྑུནིཾ ཨེཏདཝོཙ – ‘‘ཧནྡཡྻེ, ཨིམཾ གབྦྷཾ པཏྟེན ནཱིཧརཱ’’ཏི. ཨཐ ཁོ སཱ བྷིཀྑུནཱི ཏཾ གབྦྷཾ པཏྟེ པཀྑིཔིཏྭཱ སངྒྷཱཊིཡཱ པཊིཙྪཱདེཏྭཱ ཨགམཱསི. ཏེན ཁོ པན སམཡེན ཨཉྙཏརེན པིཎྜཙཱརིཀེན བྷིཀྑུནཱ སམཱདཱནཾ ཀཏཾ ཧོཏི – ‘ཡཱཧཾ པཋམཾ བྷིཀྑཾ ལབྷིསྶཱམི, ན ཏཾ ཨདཏྭཱ བྷིཀྑུསྶ ཝཱ བྷིཀྑུནིཡཱ ཝཱ པརིབྷུཉྫིསྶཱམཱི’ཏི. ཨཐ ཁོ སོ བྷིཀྑུ ཏཾ བྷིཀྑུནིཾ པསྶིཏྭཱ ཨེཏདཝོཙ – ‘‘ཧནྡ, བྷགིནི, བྷིཀྑཾ པཊིགྒཎྷཱ’’ཏི. ‘‘ཨལཾ ཨཡྻཱ’’ཏི. དུཏིཡམྤི ཁོ…པེ… ཏཏིཡམྤི ཁོ སོ བྷིཀྑུ ཏཾ བྷིཀྑུནིཾ ཨེཏདཝོཙ – ‘‘ཧནྡ, བྷགིནི, བྷིཀྑཾ པཊིགྒཎྷཱ’’ཏི. ‘‘ཨལཾ ཨཡྻཱ’’ཏི. ‘‘མཡཱ ཁོ, བྷགིནི, སམཱདཱནཾ ཀཏཾ – ‘ཡཱཧཾ པཋམཾ བྷིཀྑཾ ལབྷིསྶཱམི, ན ཏཾ ཨདཏྭཱ བྷིཀྑུསྶ ཝཱ བྷིཀྑུནིཡཱ ཝཱ པརིབྷུཉྫིསྶཱམཱི’ཏི. ཧནྡ ¶ , བྷགིནི, བྷིཀྑཾ པཊིགྒཎྷཱ’’ཏི. ཨཐ ཁོ སཱ བྷིཀྑུནཱི ཏེན བྷིཀྑུནཱ ནིཔྤཱིལི༹ཡམཱནཱ ནཱིཧརིཏྭཱ པཏྟཾ དསྶེསི – ‘‘པསྶ, ཨཡྻ, པཏྟེ གབྦྷཾ; མཱ ཙ ཀསྶཙི ཨཱརོཙེསཱི’’ཏི. ཨཐ ཁོ སོ བྷིཀྑུ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ¶ ནཱམ བྷིཀྑུནཱི པཏྟེན གབྦྷཾ ནཱིཧརིསྶཏཱི’’ཏི! ཨཐ ཁོ སོ བྷིཀྑུ བྷིཀྑཱུནཾ ཨེཏམཏྠཾ ཨཱརོཙེསི. ཡེ ཏེ བྷིཀྑཱུ ཨཔྤིཙྪཱ…པེ… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུནཱི པཏྟེན གབྦྷཾ ནཱིཧརིསྶཏཱི’’ཏི! བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ པཏྟེན གབྦྷོ ¶ ནཱིཧརིཏབྦོ. ཡཱ ¶ ནཱིཧརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, བྷིཀྑུནིཡཱ བྷིཀྑུཾ པསྶིཏྭཱ ནཱིཧརིཏྭཱ པཏྟཾ དསྶེཏུ’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑུནིཡོ བྷིཀྑུཾ པསྶིཏྭཱ པརིཝཏྟེཏྭཱ པཏྟམཱུལཾ དསྶེནྟི. བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཚབྦགྒིཡཱ བྷིཀྑུནིཡོ བྷིཀྑུཾ པསྶིཏྭཱ པརིཝཏྟེཏྭཱ པཏྟམཱུལཾ དསྶེསྶནྟཱི’’ཏི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ བྷིཀྑུཾ པསྶིཏྭཱ པརིཝཏྟེཏྭཱ པཏྟམཱུལཾ དསྶེཏབྦཾ. ཡཱ དསྶེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, བྷིཀྑུནིཡཱ བྷིཀྑུཾ པསྶིཏྭཱ ཨུཀྐུཛྫིཏྭཱ པཏྟཾ དསྶེཏུཾ. ཡཉྩ པཏྟེ ཨཱམིསཾ ཧོཏི, ཏེན ཙ བྷིཀྑུ ནིམནྟེཏབྦོ’’ཏི.

ཏེན ཁོ པན སམཡེན སཱཝཏྠིཡཾ རཐིཀཱཡ པུརིསབྱཉྫནཾ ཚཌྜིཏཾ ཧོཏི. ཏཾ བྷིཀྑུནིཡོ སཀྐཙྩཾ ཨུཔནིཛ྄ཛྷཱཡིཾསུ. མནུསྶཱ ཨུཀྐུཊྛིཾ ཨཀཾསུ. ཏཱ བྷིཀྑུནིཡོ མངྐཱུ ཨཧེསུཾ. ཨཐ ཁོ ཏཱ བྷིཀྑུནིཡོ ཨུཔསྶཡཾ གནྟྭཱ བྷིཀྑུནཱིནཾ ཨེཏམཏྠཾ ཨཱརོཙེསུཾ. ཡཱ ཏཱ བྷིཀྑུནིཡོ ཨཔྤིཙྪཱ…པེ… ¶ ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུནིཡོ པུརིསབྱཉྫནཾ ཨུཔནིཛ྄ཛྷཱཡིསྶནྟཱི’’ཏི! ཨཐ ཁོ ཏཱ བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ. བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ པུརིསབྱཉྫནཾ ཨུཔནིཛ྄ཛྷཱཡིཏབྦཾ. ཡཱ ཨུཔནིཛ྄ཛྷཱཡེཡྻ, ཨཱཔཏྟི དུཀྐཊསྶཱ’’ཏི.

༤༢༡. ཏེན ཁོ པན སམཡེན མནུསྶཱ བྷིཀྑཱུནཾ ཨཱམིསཾ དེནྟི. བྷིཀྑཱུ བྷིཀྑུནཱིནཾ དེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷདནྟཱ ཨཏྟནོ པརིབྷོགཏྠཱཡ ¶ དིནྣཾ ཨཉྙེསཾ དསྶནྟི! མཡམྤི ན ཛཱནཱམ དཱནཾ དཱཏུ’’ནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨཏྟནོ པརིབྷོགཏྠཱཡ དིནྣཾ ཨཉྙེསཾ དཱཏབྦཾ. ཡོ དདེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུནཾ ཨཱམིསཾ ཨུསྶནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སངྒྷསྶ དཱཏུ’’ནྟི. བཱལ༹ྷཏརཾ ཨུསྶནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པུགྒལིཀམྤི དཱཏུ’’ནྟི.

ཏེན ¶ ཁོ པན སམཡེན བྷིཀྑཱུནཾ སནྣིདྷིཀཏཾ ཨཱམིསཾ ཨུསྶནྣཾ ཧོཏི. བྷགཝཏོ ཨེཏམཏྠཾ ¶ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷིཀྑཱུནཾ སནྣིདྷིཾ བྷིཀྑུནཱིཧི [བྷིཀྑུནཱིཧི བྷིཀྑཱུཧི (སཱི.)] པཊིགྒཱཧཱཔེཏྭཱ [པཊིགྒཧཱཔེཏྭཱ (ཀ.)] པརིབྷུཉྫིཏུ’’ནྟི.

ཏེན ཁོ པན སམཡེན མནུསྶཱ བྷིཀྑུནཱིནཾ ཨཱམིསཾ དེནྟི. བྷིཀྑུནིཡོ ¶ བྷིཀྑཱུནཾ དེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུནིཡོ ཨཏྟནོ པརིབྷོགཏྠཱཡ དིནྣཾ ཨཉྙེསཾ དསྶནྟི! མཡམྤི ན ཛཱནཱམ དཱནཾ དཱཏུ’’ནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ ཨཏྟནོ པརིབྷོགཏྠཱཡ དིནྣཾ ཨཉྙེསཾ དཱཏབྦཾ. ཡཱ དདེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑུནཱིནཾ ཨཱམིསཾ ཨུསྶནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སངྒྷསྶ དཱཏུ’’ནྟི. བཱལ༹ྷཏརཾ ཨུསྶནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པུགྒལིཀམྤི དཱཏུ’’ནྟི.

ཏེན ཁོ པན སམཡེན བྷིཀྑུནཱིནཾ སནྣིདྷིཀཏཾ ཨཱམིསཾ ཨུསྶནྣཾ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷིཀྑུནཱིནཾ སནྣིདྷིཾ བྷིཀྑཱུཧི བྷིཀྑུནཱིཧི [བྷིཀྑཱུཧི བྷིཀྑུནཱིཧི (སཱི.)] པཊིགྒཱཧཱཔེཏྭཱ པརིབྷུཉྫིཏུ’’ནྟི.

༤༢༢. ཏེན ཁོ པན སམཡེན བྷིཀྑཱུནཾ སེནཱསནཾ ཨུསྶནྣཾ ཧོཏི, བྷིཀྑུནཱིནཾ [བྷིཀྑུནཱིནཾ སེནཱསནཾ (སྱཱ. ཀཾ.)] ན ཧོཏི. བྷིཀྑུནིཡོ བྷིཀྑཱུནཾ སནྟིཀེ དཱུཏཾ པཱཧེསུཾ – ‘སཱདྷུ, བྷནྟེ, ཨཡྻཱ ཨམྷཱཀཾ སེནཱསནཾ དེནྟུ ཏཱཝཀཱལིཀ’ནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷིཀྑུནཱིནཾ སེནཱསནཾ དཱཏུཾ ཏཱཝཀཱལིཀ’’ནྟི.

ཏེན ཁོ པན སམཡེན ཨུཏུནིཡོ བྷིཀྑུནིཡོ ཨོནདྡྷམཉྩཾ ཨོནདྡྷཔཱིཋཾ ཨབྷིནིསཱིདནྟིཔི ཨབྷིནིཔཛྫནྟིཔི. སེནཱསནཾ ལོཧིཏེན མཀྑིཡྻཏི ¶ . བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ ¶ ཨོནདྡྷམཉྩཾ ཨོནདྡྷཔཱིཋཾ ཨབྷིནིསཱིདིཏབྦཾ ཨབྷིནིཔཛྫིཏབྦཾ. ཡཱ ཨབྷིནིསཱིདེཡྻ ཝཱ ཨབྷིནིཔཛྫེཡྻ ཝཱ ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨཱཝསཐཙཱིཝར’’ནྟི. ཨཱཝསཐཙཱིཝརཾ ལོཧིཏེན མཀྑིཡྻཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི ¶ , བྷིཀྑཝེ, ཨཱཎིཙོལ༹ཀ’’ནྟི. ཙོལ༹ཀཾ ནིཔཏཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སུཏྟཀེན བནྡྷིཏྭཱ ཨཱུརུཡཱ བནྡྷིཏུ’’ནྟི ¶ . སུཏྟཾ ཚིཛྫཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སཾཝེལླིཡཾ, ཀཊིསུཏྟཀ’’ནྟི.

ཏེན ཁོ པན སམཡེན ཚབྦགྒིཡཱ བྷིཀྑུནིཡོ སབྦཀཱལཾ ཀཊིསུཏྟཀཾ དྷཱརེནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི གིཧིནཱི ཀཱམབྷོགིནིཡོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ སབྦཀཱལཾ ཀཊིསུཏྟཀཾ དྷཱརེཏབྦཾ. ཡཱ དྷཱརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཨུཏུནིཡཱ ཀཊིསུཏྟཀ’’ནྟི.

དུཏིཡབྷཱཎཝཱརོ ནིཊྛིཏོ.

༣. ཏཏིཡབྷཱཎཝཱརོ

༤༢༣. ཏེན ཁོ པན སམཡེན ཨུཔསམྤནྣཱཡོ དིསྶནྟི – ཨནིམིཏྟཱཔི, ནིམིཏྟམཏྟཱཔི, ཨལོཧིཏཱཔི, དྷུཝལོཧིཏཱཔི, དྷུཝཙོལཱ༹པི, པགྒྷརནྟཱིཔི, སིཁརིཎཱིཔི, ཨིཏྠིཔཎྜཀཱཔི, ཝེཔུརིསིཀཱཔི, སམྦྷིནྣཱཔི, ཨུབྷཏོབྱཉྫནཱཔི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨུཔསམྤཱདེནྟིཡཱ ཙཏུཝཱིསཏི ཨནྟརཱཡིཀེ དྷམྨེ པུཙྪིཏུཾ. ཨེཝཉྩ པན ¶ , བྷིཀྑཝེ, པུཙྪིཏབྦཱ – ‘ནསི ཨནིམིཏྟཱ, ནསི ནིམིཏྟམཏྟཱ, ནསི ཨལོཧིཏཱ, ནསི དྷུཝལོཧིཏཱ, ནསི དྷུཝཙོལཱ༹, ནསི པགྒྷརནྟཱི, ནསི སིཁརཎཱི [སིཁརིཎཱི (སཱི. སྱཱ.)], ནསི ཨིཏྠིཔཎྜཀཱ, ནསི ཝེཔུརིསིཀཱ, ནསི སམྦྷིནྣཱ, ནསི ཨུབྷཏོབྱཉྫནཱ? སནྟི ཏེ ཨེཝརཱུཔཱ ཨཱབཱདྷཱ – ཀུཊྛཾ, གཎྜོ, ཀིལཱསོ, སོསོ, ཨཔམཱརོ? མནུསྶཱསི, ཨིཏྠཱིསི, བྷུཛིསྶཱསི, ཨཎཎཱསི, ནསི རཱཛབྷཊཱི? ཨནུཉྙཱཏཱསི མཱཏཱཔིཏཱུཧི, སཱམིཀེན? པརིཔུཎྞཝཱིསཏིཝསྶཱསི, པརིཔུཎྞཾ ཏེ པཏྟཙཱིཝརཾ, ཀིནྣཱམཱསི, ཀཱནཱམཱ ཏེ པཝཏྟིནཱི’’ཏི?

ཏེན ཁོ པན སམཡེན བྷིཀྑཱུ བྷིཀྑུནཱིནཾ ཨནྟརཱཡིཀེ དྷམྨེ པུཙྪནྟི. ཨུཔསམྤདཱཔེཀྑཱཡོ ཝིཏྠཱཡནྟི, མངྐཱུ ཧོནྟི, ན སཀྐོནྟི ཝིསྶཛྫེཏུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨེཀཏོཨུཔསམྤནྣཱཡ བྷིཀྑུནིསངྒྷེ ཝིསུདྡྷཱཡ བྷིཀྑུསངྒྷེ ཨུཔསམྤཱདེཏུ’’ནྟི.

ཏེན ¶ ཁོ པན སམཡེན བྷིཀྑུནིཡོ ཨནནུསིཊྛཱ ཨུཔསམྤདཱཔེཀྑཱཡོ ཨནྟརཱཡིཀེ དྷམྨེ པུཙྪནྟི. ཨུཔསམྤདཱཔེཀྑཱཡོ ¶ ཝིཏྠཱཡནྟི, མངྐཱུ ཧོནྟི, ན སཀྐོནྟི ཝིསྶཛྫེཏུཾ. བྷགཝཏོ ¶ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཋམཾ ཨནུསཱསིཏྭཱ པཙྪཱ ཨནྟརཱཡིཀེ དྷམྨེ པུཙྪིཏུ’’ནྟི.

ཏཏྠེཝ སངྒྷམཛ྄ཛྷེ ཨནུསཱསནྟི. ཨུཔསམྤདཱཔེཀྑཱཡོ ཏཐེཝ ཝིཏྠཱཡནྟི, མངྐཱུ ཧོནྟི ¶ , ན སཀྐོནྟི ཝིསྶཛྫེཏུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨེཀམནྟཾ ཨནུསཱསིཏྭཱ སངྒྷམཛ྄ཛྷེ ཨནྟརཱཡིཀེ དྷམྨེ པུཙྪིཏུཾ. ཨེཝཉྩ པན, བྷིཀྑཝེ, ཨནུསཱསིཏབྦཱ.

༤༢༤. ‘‘པཋམཾ ཨུཔཛ྄ཛྷཾ གཱཧཱཔེཏབྦཱ. ཨུཔཛ྄ཛྷཾ གཱཧཱཔེཏྭཱ པཏྟཙཱིཝརཾ ཨཱཙིཀྑིཏབྦཾ – ‘ཨཡཾ ཏེ པཏྟོ, ཨཡཾ སངྒྷཱཊི, ཨཡཾ ཨུཏྟརཱསངྒོ, ཨཡཾ ཨནྟརཝཱསཀོ, ཨིདཾ སཾཀཙྩིཀཾ [སངྐཙྪིཀཾ (སྱཱ.)], ཨཡཾ ཨུདཀསཱཊིཀཱ; གཙྪ ཨམུམྷི ཨོཀཱསེ ཏིཊྛཱཧཱི’’ཏི.

བཱལཱ ཨབྱཏྟཱ ཨནུསཱསནྟི. དུརནུསིཊྛཱ ཨུཔསམྤདཱཔེཀྑཱཡོ ཝིཏྠཱཡནྟི, མངྐཱུ ཧོནྟི, ན སཀྐོནྟི ཝིསྶཛྫེཏུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བཱལཱཡ ཨབྱཏྟཱཡ ཨནུསཱསིཏབྦཱ. ཡཱ ཨནུསཱསེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, བྱཏྟཱཡ བྷིཀྑུནིཡཱ པཊིབལཱཡ ཨནུསཱསིཏུ’’ནྟི.

ཨསམྨཏཱ ཨནུསཱསནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, ཨསམྨཏཱཡ ཨནུསཱསིཏབྦཱ. ཡཱ ཨནུསཱསེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, སམྨཏཱཡ ཨནུསཱསིཏུཾ. ཨེཝཉྩ པན, བྷིཀྑཝེ, སམྨནྣིཏབྦཱ – ཨཏྟནཱ ཝཱ ཨཏྟཱནཾ སམྨནྣིཏབྦཾ, པརཱཡ ཝཱ པརཱ སམྨནྣིཏབྦཱ.

‘‘ཀཐཉྩ ཨཏྟནཱཝ [ཨཏྟནཱ ཝཱ (ཀ.)] ཨཏྟཱནཾ སམྨནྣིཏབྦཾ? བྱཏྟཱཡ བྷིཀྑུནིཡཱ པཊིབལཱཡ སངྒྷོ ཉཱཔེཏབྦོ – ‘སུཎཱཏུ མེ, ཨཡྻེ, སངྒྷོ. ཨིཏྠནྣཱམཱ ཨིཏྠནྣཱམཱཡ ཨཡྻཱཡ ཨུཔསམྤདཱཔེཀྑཱ. ཡདི སངྒྷསྶ པཏྟཀལླཾ, ཨཧཾ ཨིཏྠནྣཱམཱ ཨིཏྠནྣཱམཾ ཨནུསཱསེཡྻ’ནྟི. ཨེཝཾ ཨཏྟནཱཝ ¶ ཨཏྟཱནཾ སམྨནྣིཏབྦཾ.

‘‘ཀཐཉྩ པརཱཡ [པརཱཡ ཝཱ (ཀ.)] པརཱ སམྨནྣིཏབྦཱ? བྱཏྟཱཡ བྷིཀྑུནིཡཱ པཊིབལཱཡ སངྒྷོ ཉཱཔེཏབྦོ – ‘སུཎཱཏུ མེ, ཨཡྻེ, སངྒྷོ. ཨིཏྠནྣཱམཱ ཨིཏྠནྣཱམཱཡ ¶ ཨཡྻཱཡ ཨུཔསམྤདཱཔེཀྑཱ. ཡདི སངྒྷསྶ པཏྟཀལླཾ, ཨིཏྠནྣཱམཱ ཨིཏྠནྣཱམཾ ཨནུསཱསེཡྻཱ’ཏི. ཨེཝཾ པརཱཡ པརཱ སམྨནྣིཏབྦཱ.

‘‘ཏཱཡ ¶ སམྨཏཱཡ བྷིཀྑུནིཡཱ ཨུཔསམྤདཱཔེཀྑཾ ཨུཔསངྐམིཏྭཱ ཨེཝམསྶ ཝཙནཱིཡཱ – ‘སུཎསི ཨིཏྠནྣཱམེ. ཨཡཾ ཏེ སཙྩཀཱལོ, བྷཱུཏཀཱལོ. ཡཾ ཛཱཏཾ ཏཾ སངྒྷམཛ྄ཛྷེ པུཙྪནྟེ སནྟཾ ཨཏྠཱིཏི ཝཏྟབྦཾ, ཨསནྟཾ ནཏྠཱིཏི ཝཏྟབྦཾ. མཱ ཁོ ཝིཏྠཱཡི [ཝིཏྠཱསི (ཀ.)], མཱ ཁོ མངྐུ ཨཧོསི. ཨེཝཾ ཏཾ པུཙྪིསྶནྟི – ནསི ཨནིམིཏྟཱ, ནསི ནིམིཏྟམཏྟཱ, ནསི ཨལོཧིཏཱ, ནསི དྷུཝལོཧིཏཱ, ནསི དྷུཝཙོལཱ༹, ནསི པགྒྷརནྟཱི, ནསི སིཁརིཎཱི, ནསི ཨིཏྠིཔཎྜཀཱ, ནསི ཝེཔུརིསིཀཱ, ནསི སམྦྷིནྣཱ, ནསི ཨུབྷཏོབྱཉྫནཱ? སནྟི ཏེ ཨེཝརཱུཔཱ ཨཱབཱདྷཱ – ཀུཊྛཾ, གཎྜོ, ཀིལཱསོ, སོསོ, ཨཔམཱརོ? མནུསྶཱསི, ཨིཏྠཱིསི, བྷུཛིསྶཱསི, ཨཎཎཱསི, ནསི རཱཛབྷཊཱི? ཨནུཉྙཱཏཱསི མཱཏཱཔིཏཱུཧི, སཱམིཀེན? པརིཔུཎྞཝཱིསཏིཝསྶཱསི, པརིཔུཎྞཾ ཏེ པཏྟཙཱིཝརཾ, ཀིནྣཱམཱསི, ཀཱནཱམཱ ཏེ པཝཏྟིནཱི’ཏི ¶ ?

‘‘ཨེཀཏོ ཨཱགཙྪནྟི. ན ཨེཀཏོ ཨཱགནྟབྦཾ. ཨནུསཱསིཀཱཡ པཋམཏརཾ ཨཱགནྟྭཱ སངྒྷོ ཉཱཔེཏབྦོ – ‘སུཎཱཏུ མེ, ཨཡྻེ, སངྒྷོ. ཨིཏྠནྣཱམཱ ཨིཏྠནྣཱམཱཡ ¶ ཨཡྻཱཡ ཨུཔསམྤདཱཔེཀྑཱ. ཨནུསིཊྛཱ སཱ མཡཱ. ཡདི སངྒྷསྶ པཏྟཀལླཾ, ཨིཏྠནྣཱམཱ ཨཱགཙྪེཡྻཱ’ཏི. ‘ཨཱགཙྪཱཧཱི’ཏི ཝཏྟབྦཱ.

‘‘ཨེཀཾསཾ ཨུཏྟརཱསངྒཾ ཀཱརཱཔེཏྭཱ བྷིཀྑུནཱིནཾ པཱདེ ཝནྡཱཔེཏྭཱ ཨུཀྐུཊིཀཾ ནིསཱིདཱཔེཏྭཱ ཨཉྫལིཾ པགྒཎྷཱཔེཏྭཱ ཨུཔསམྤདཾ ཡཱཙཱཔེཏབྦཱ – ‘སངྒྷཾ, ཨཡྻེ, ཨུཔསམྤདཾ ཡཱཙཱམི. ཨུལླུམྤཏུ མཾ, ཨཡྻེ, སངྒྷོ ཨནུཀམྤཾ ཨུཔཱདཱཡ. དུཏིཡམྤི, ཨཡྻེ, སངྒྷཾ ཨུཔསམྤདཾ ཡཱཙཱམི. ཨུལླུམྤཏུ མཾ, ཨཡྻེ, སངྒྷོ ཨནུཀམྤཾ ཨུཔཱདཱཡ. ཏཏིཡམྤི, ཨཡྻེ, སངྒྷཾ ཨུཔསམྤདཾ ཡཱཙཱམི. ཨུལླུམྤཏུ མཾ, ཨཡྻེ, སངྒྷོ ཨནུཀམྤཾ ཨུཔཱདཱཡཱ’ཏི. བྱཏྟཱཡ བྷིཀྑུནིཡཱ པཊིབལཱཡ སངྒྷོ ཉཱཔེཏབྦོ –

‘‘སུཎཱཏུ མེ, ཨཡྻེ, སངྒྷོ. ཨཡཾ ཨིཏྠནྣཱམཱ ཨིཏྠནྣཱམཱཡ ཨཡྻཱཡ ཨུཔསམྤདཱཔེཀྑཱ. ཡདི སངྒྷསྶ པཏྟཀལླཾ, ཨཧཾ ཨིཏྠནྣཱམཾ ཨནྟརཱཡིཀེ དྷམྨེ པུཙྪེཡྻནྟི.

‘‘སུཎསི ¶ ཨིཏྠནྣཱམེ. ཨཡཾ ཏེ སཙྩཀཱལོ, བྷཱུཏཀཱལོ. ཡཾ ཛཱཏཾ ཏཾ པུཙྪཱམི སནྟཾ ཨཏྠཱིཏི ཝཏྟབྦཾ, ཨསནྟཾ ནཏྠཱིཏི ཝཏྟབྦཾ. ནསི ཨནིམིཏྟཱ…པེ… ཀིནྣཱམཱསི, ཀཱནཱམཱ ཏེ པཝཏྟིནཱིཏི. བྱཏྟཱཡ བྷིཀྑུནིཡཱ པཊིབལཱཡ སངྒྷོ ཉཱཔེཏབྦོ –

༤༢༥. ‘‘སུཎཱཏུ མེ, ཨཡྻེ, སངྒྷོ. ཨཡཾ ཨིཏྠནྣཱམཱ ཨིཏྠནྣཱམཱཡ ཨཡྻཱཡ ཨུཔསམྤདཱཔེཀྑཱ. པརིསུདྡྷཱ ཨནྟརཱཡིཀེཧི དྷམྨེཧི, པརིཔུཎྞསྶཱ པཏྟཙཱིཝརཾ. ཨིཏྠནྣཱམཱ སངྒྷཾ ཨུཔསམྤདཾ ཡཱཙཏི ཨིཏྠནྣཱམཱཡ ཨཡྻཱཡ པཝཏྟིནིཡཱ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ ཨུཔསམྤཱདེཡྻ ¶ ཨིཏྠནྣཱམཱཡ ཨཡྻཱཡ པཝཏྟིནིཡཱ. ཨེསཱ ཉཏྟི.

‘‘སུཎཱཏུ མེ, ཨཡྻེ, སངྒྷོ. ཨཡཾ ཨིཏྠནྣཱམཱ ཨིཏྠནྣཱམཱཡ ཨཡྻཱཡ ཨུཔསམྤདཱཔེཀྑཱ ¶ . པརིསུདྡྷཱ ཨནྟརཱཡིཀེཧི དྷམྨེཧི, པརིཔུཎྞསྶཱ པཏྟཙཱིཝརཾ. ཨིཏྠནྣཱམཱ སངྒྷཾ ཨུཔསམྤདཾ ཡཱཙཏི ཨིཏྠནྣཱམཱཡ ཨཡྻཱཡ པཝཏྟིནིཡཱ. སངྒྷོ ཨིཏྠནྣཱམཾ ཨུཔསམྤཱདེཏི ཨིཏྠནྣཱམཱཡ ཨཡྻཱཡ པཝཏྟིནིཡཱ. ཡསྶཱ ཨཡྻཱཡ ཁམཏི ཨིཏྠནྣཱམཱཡ ཨུཔསམྤདཱ ཨིཏྠནྣཱམཱཡ ཨཡྻཱཡ པཝཏྟིནིཡཱ, སཱ ཏུཎྷསྶ; ཡསྶཱ ནཀྑམཏི, སཱ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི – སུཎཱཏུ མེ, ཨཡྻེ, སངྒྷོ. ཨཡཾ ཨིཏྠནྣཱམཱ ཨིཏྠནྣཱམཱཡ ཨཡྻཱཡ ཨུཔསམྤདཱཔེཀྑཱ. པརིསུདྡྷཱ ཨནྟརཱཡིཀེཧི དྷམྨེཧི, པརིཔུཎྞསྶཱ པཏྟཙཱིཝརཾ. ཨིཏྠནྣཱམཱ སངྒྷཾ ཨུཔསམྤདཾ ཡཱཙཏི ཨིཏྠནྣཱམཱཡ ཨཡྻཱཡ པཝཏྟིནིཡཱ. སངྒྷོ ཨིཏྠནྣཱམཾ ཨུཔསམྤཱདེཏི ཨིཏྠནྣཱམཱཡ ཨཡྻཱཡ པཝཏྟིནིཡཱ. ཡསྶཱ ཨཡྻཱཡ ཁམཏི ཨིཏྠནྣཱམཱཡ ཨུཔསམྤདཱ ཨིཏྠནྣཱམཱཡ ཨཡྻཱཡ པཝཏྟིནིཡཱ, སཱ ཏུཎྷསྶ; ཡསྶཱ ནཀྑམཏི, སཱ བྷཱསེཡྻ.

‘‘ཨུཔསམྤནྣཱ སངྒྷེན ཨིཏྠནྣཱམཱ ཨིཏྠནྣཱམཱཡ ཨཡྻཱཡ པཝཏྟིནིཡཱ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི.

‘‘ཏཱཝདེཝ ཏཾ ཨཱདཱཡ བྷིཀྑུསངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀཱརཱཔེཏྭཱ བྷིཀྑཱུནཾ པཱདེ ཝནྡཱཔེཏྭཱ ཨུཀྐུཊིཀཾ ནིསཱིདཱཔེཏྭཱ ¶ ཨཉྫལིཾ པགྒཎྷཱཔེཏྭཱ ཨུཔསམྤདཾ ཡཱཙཱཔེཏབྦཱ – ‘ཨཧཾ, ཨཡྻཱ, ཨིཏྠནྣཱམཱ ཨིཏྠནྣཱམཱཡ ཨཡྻཱཡ ཨུཔསམྤདཱཔེཀྑཱ ¶ . ཨེཀཏོཨུཔསམྤནྣཱ བྷིཀྑུནིསངྒྷེ, ཝིསུདྡྷཱ; སངྒྷཾ, ཨཡྻཱ, ཨུཔསམྤདཾ ཡཱཙཱམི. ཨུལླུམྤཏུ མཾ, ཨཡྻཱ, སངྒྷོ ཨནུཀམྤཾ ཨུཔཱདཱཡ. ཨཧཾ, ཨཡྻཱ, ཨིཏྠནྣཱམཱ ཨིཏྠནྣཱམཱཡ ཨཡྻཱཡ ¶ ཨུཔསམྤདཱཔེཀྑཱ. ཨེཀཏོཨུཔསམྤནྣཱ བྷིཀྑུནིསངྒྷེ, ཝིསུདྡྷཱ. དུཏིཡམྤི, ཨཡྻཱ, སངྒྷཾ ཨུཔསམྤདཾ ཡཱཙཱམི. ཨུལླུམྤཏུ མཾ, ཨཡྻཱ, སངྒྷོ ཨནུཀམྤཾ ཨུཔཱདཱཡ. ཨཧཾ, ཨཡྻཱ, ཨིཏྠནྣཱམཱ ཨིཏྠནྣཱམཱཡ ཨཡྻཱཡ ཨུཔསམྤདཱཔེཀྑཱ. ཨེཀཏོཨུཔསམྤནྣཱ བྷིཀྑུནིསངྒྷེ, ཝིསུདྡྷཱ. ཏཏིཡམྤི, ཨཡྻཱ, སངྒྷཾ ཨུཔསམྤདཾ ཡཱཙཱམི. ཨུལླུམྤཏུ མཾ, ཨཡྻཱ, སངྒྷོ ཨནུཀམྤཾ ཨུཔཱདཱཡཱ’ཏི. བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ ¶ མེ, བྷནྟེ, སངྒྷོ. ཨཡཾ ཨིཏྠནྣཱམཱ ཨིཏྠནྣཱམཱཡ ཨུཔསམྤདཱཔེཀྑཱ. ཨེཀཏོཨུཔསམྤནྣཱ བྷིཀྑུནིསངྒྷེ, ཝིསུདྡྷཱ. ཨིཏྠནྣཱམཱ སངྒྷཾ ཨུཔསམྤདཾ ཡཱཙཏི ཨིཏྠནྣཱམཱཡ པཝཏྟིནིཡཱ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ ཨུཔསམྤཱདེཡྻ, ཨིཏྠནྣཱམཱཡ པཝཏྟིནིཡཱ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམཱ ཨིཏྠནྣཱམཱཡ ཨུཔསམྤདཱཔེཀྑཱ. ཨེཀཏོཨུཔསམྤནྣཱ བྷིཀྑུནིསངྒྷེ, ཝིསུདྡྷཱ. ཨིཏྠནྣཱམཱ སངྒྷཾ ཨུཔསམྤདཾ ཡཱཙཏི ཨིཏྠནྣཱམཱཡ པཝཏྟིནིཡཱ. སངྒྷོ ཨིཏྠནྣཱམཾ ཨུཔསམྤཱདེཏི ཨིཏྠནྣཱམཱཡ ¶ པཝཏྟིནིཡཱ. ཡསྶཱཡསྨཏོ ཁམཏི ཨིཏྠནྣཱམཱཡ ཨུཔསམྤདཱ ཨིཏྠནྣཱམཱཡ པཝཏྟིནིཡཱ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ. ཨཡཾ ཨིཏྠནྣཱམཱ ཨིཏྠནྣཱམཱཡ ཨུཔསམྤདཱཔེཀྑཱ. ཨེཀཏོཨུཔསམྤནྣཱ བྷིཀྑུནིསངྒྷེ, ཝིསུདྡྷཱ. ཨིཏྠནྣཱམཱ སངྒྷཾ ཨུཔསམྤདཾ ཡཱཙཏི ཨིཏྠནྣཱམཱཡ པཝཏྟིནིཡཱ. སངྒྷོ ཨིཏྠནྣཱམཾ ཨུཔསམྤཱདེཏི ཨིཏྠནྣཱམཱཡ པཝཏྟིནིཡཱ. ཡསྶཱཡསྨཏོ ཁམཏི ཨིཏྠནྣཱམཱཡ ཨུཔསམྤདཱ ཨིཏྠནྣཱམཱཡ པཝཏྟིནིཡཱ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘ཨུཔསམྤནྣཱ སངྒྷེན ཨིཏྠནྣཱམཱ ཨིཏྠནྣཱམཱཡ པཝཏྟིནིཡཱ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི.

‘‘ཏཱཝདེཝ ཚཱཡཱ མེཏབྦཱ, ཨུཏུཔྤམཱཎཾ ཨཱཙིཀྑིཏབྦཾ, དིཝསབྷཱགོ ཨཱཙིཀྑིཏབྦོ, སངྒཱིཏི ཨཱཙིཀྑིཏབྦཱ, བྷིཀྑུནིཡོ ཝཏྟབྦཱ – ཨིམིསྶཱ ཏཡོ ཙ ནིསྶཡེ, ཨཊྛ ཙ ཨཀརཎཱིཡཱནི ཨཱཙིཀྑེཡྻཱཐཱ’’ཏི.

༤༢༦. ཏེན ཁོ པན སམཡེན བྷིཀྑུནིཡོ བྷཏྟགྒེ ཨཱསནཾ སཾཀསཱཡནྟིཡོ ཀཱལཾ ཝཱིཏིནཱམེསུཾ. བྷགཝཏོ ཨེཏམཏྠཾ ཨཱརོཙེསུཾ ¶ . ‘‘ཨནུཛཱནཱམི, བྷིཀྑཝེ, ཨཊྛནྣཾ བྷིཀྑུནཱིནཾ ཡཐཱཝུཌྜྷཾ, ཨཝསེསཱནཾ ཡཐཱགཏིཀ’’ནྟི.

ཏེན ¶ ཁོ པན སམཡེན བྷིཀྑུནིཡོ – བྷགཝཏཱ ཨནུཉྙཱཏཾ ཨཊྛནྣཾ བྷིཀྑུནཱིནཾ ཡཐཱཝུཌྜྷཾ, ཨཝསེསཱནཾ ཡཐཱགཏིཀནྟི – སབྦཏྠ ཨཊྛེཝ བྷིཀྑུནིཡོ ཡཐཱཝུཌྜྷཾ པཊིབཱཧནྟི, ཨཝསེསཱཡོ ¶ ཡཐཱགཏིཀཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷཏྟགྒེ ཨཊྛནྣཾ བྷིཀྑུནཱིནཾ ཡཐཱཝུཌྜྷཾ, ཨཝསེསཱནཾ ཡཐཱགཏིཀཾ; ཨཉྙཏྠ སབྦཏྠ ཡཐཱཝུཌྜྷཾ [ཨཉྙཏྠ ཡཐཱཝུཌྜྷཾ (སྱཱ.)] ན པཊིབཱཧིཏབྦཾ. ཡཱ པཊིབཱཧེཡྻ, ཨཱཔཏྟི དུཀྐཊསྶཱ’’ཏི.

༤༢༧. [པཱཙི. ༡༠༥༠ ཨཱདཡོ] ཏེན ¶ ཁོ པན སམཡེན བྷིཀྑུནིཡོ ན པཝཱརེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ ན པཝཱརེཏབྦཾ. ཡཱ ན པཝཱརེཡྻ, ཡཐཱདྷམྨོ ཀཱརེཏབྦོ’’ཏི.

ཏེན ཁོ པན སམཡེན བྷིཀྑུནིཡོ ཨཏྟནཱ པཝཱརེཏྭཱ བྷིཀྑུསངྒྷཾ ན པཝཱརེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ ཨཏྟནཱ པཝཱརེཏྭཱ བྷིཀྑུསངྒྷོ ན པཝཱརེཏབྦོ. ཡཱ ན པཝཱརེཡྻ, ཡཐཱདྷམྨོ ཀཱརེཏབྦོ’’ཏི.

ཏེན ཁོ པན སམཡེན བྷིཀྑུནིཡོ བྷིཀྑཱུཧི སདྡྷིཾ ཨེཀཏོ པཝཱརེནྟིཡོ ཀོལཱཧལཾ ཨཀཾསུ. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ བྷིཀྑཱུཧི སདྡྷིཾ ཨེཀཏོ པཝཱརེཏབྦཾ. ཡཱ པཝཱརེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑུནིཡོ པུརེབྷཏྟཾ པཝཱརེནྟིཡོ ཀཱལཾ ¶ ཝཱིཏིནཱམེསུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པཙྪཱབྷཏྟཾ [བྷིཀྑཝེ བྷིཀྑུནིཡཱ པཙྪཱབྷཏྟཾ (སྱཱ. ཀཾ.)] པཝཱརེཏུ’’ནྟི. པཙྪཱབྷཏྟཾ པཝཱརེནྟིཡོ ཝིཀཱལེ [ཝིཀཱལཾ (ཀ.)] ཨཧེསུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨཛྫཏནཱ བྷིཀྑུནིསངྒྷཾ [ཨཛྫཏནཱ (སཱི.), ཨཛྫཏནཱཡ (ཀ.)] པཝཱརེཏྭཱ ཨཔརཛྫུ བྷིཀྑུསངྒྷཾ པཝཱརེཏུ’’ནྟི.

ཏེན ཁོ པན སམཡེན སབྦོ བྷིཀྑུནིསངྒྷོ པཝཱརེནྟོ ཀོལཱཧལཾ ཨཀཱསི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨེཀཾ བྷིཀྑུནིཾ བྱཏྟཾ པཊིབལཾ སམྨནྣིཏུཾ – བྷིཀྑུནིསངྒྷསྶ ཨཏྠཱཡ བྷིཀྑུསངྒྷཾ ¶ པཝཱརེཏུཾ. ཨེཝཉྩ པན, བྷིཀྑཝེ, སམྨནྣིཏབྦཱ. པཋམཾ བྷིཀྑུནཱི ཡཱཙིཏབྦཱ, ཡཱཙིཏྭཱ བྱཏྟཱཡ བྷིཀྑུནིཡཱ པཊིབལཱཡ སངྒྷོ ཉཱཔེཏབྦོ –

‘‘སུཎཱཏུ མེ, ཨཡྻེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུནིཾ སམྨནྣེཡྻ བྷིཀྑུནིསངྒྷསྶ ཨཏྠཱཡ བྷིཀྑུསངྒྷཾ པཝཱརེཏུཾ. ཨེསཱ ཉཏྟི.

‘‘སུཎཱཏུ མེ, ཨཡྻེ, སངྒྷོ. སངྒྷོ ཨིཏྠནྣཱམཾ བྷིཀྑུནིཾ སམྨནྣཏི བྷིཀྑུནིསངྒྷསྶ ཨཏྠཱཡ བྷིཀྑུསངྒྷཾ པཝཱརེཏུཾ. ཡསྶཱ ཨཡྻཱཡ ཁམཏི ཨིཏྠནྣཱམཱཡ བྷིཀྑུནིཡཱ སམྨུཏི བྷིཀྑུནིསངྒྷསྶ ཨཏྠཱཡ ¶ བྷིཀྑུསངྒྷཾ པཝཱརེཏུཾ, སཱ ཏུཎྷསྶ; ཡསྶཱ ནཀྑམཏི, སཱ བྷཱསེཡྻ.

‘‘སམྨཏཱ སངྒྷེན ཨིཏྠནྣཱམཱ བྷིཀྑུནཱི བྷིཀྑུནིསངྒྷསྶ ཨཏྠཱཡ བྷིཀྑུསངྒྷཾ པཝཱརེཏུཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི.

‘‘ཏཱཡ ¶ སམྨཏཱཡ བྷིཀྑུནིཡཱ བྷིཀྑུནིསངྒྷཾ ཨཱདཱཡ བྷིཀྑུསངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘བྷིཀྑུནཱིསངྒྷོ ¶ , ཨཡྻཱ, བྷིཀྑུསངྒྷཾ པཝཱརེཏི – དིཊྛེན ཝཱ, སུཏེན ཝཱ པརིསངྐཱཡ ཝཱ. ཝདཏུ [ཝདཏུ མཾ (ཀ.)], ཨཡྻཱ, བྷིཀྑུསངྒྷོ བྷིཀྑུནིསངྒྷཾ ཨནུཀམྤཾ ཨུཔཱདཱཡ, པསྶནྟོ པཊིཀརིསྶཏི. དུཏིཡམྤི, ཨཡྻཱ…པེ… ཏཏིཡམྤི, ཨཡྻཱ, བྷིཀྑུནིསངྒྷོ བྷིཀྑུསངྒྷཾ པཝཱརེཏི – དིཊྛེན ཝཱ, སུཏེན ཝཱ, པརིསངྐཱཡ ཝཱ. ཝདཏུ, ཨཡྻཱ, བྷིཀྑུསངྒྷོ བྷིཀྑུནིསངྒྷཾ ཨནུཀམྤཾ ཨུཔཱདཱཡ, པསྶནྟོ པཊིཀརིསྶཏཱི’’ཏི.

༤༢༨. ཏེན ཁོ པན སམཡེན བྷིཀྑུནིཡོ བྷིཀྑཱུནཾ ཨུཔོསཐཾ ཋཔེནྟི, པཝཱརཎཾ ཋཔེནྟི, སཝཙནཱིཡཾ ཀརོནྟི, ཨནུཝཱདཾ པཊྛཔེནྟི, ཨོཀཱསཾ ཀཱརེནྟི, ཙོདེནྟི, སཱརེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ བྷིཀྑུསྶ ཨུཔོསཐོ ཋཔེཏབྦོ; ཋཔིཏོཔི ཨཊྛཔིཏོ; ཋཔེནྟིཡཱ ཨཱཔཏྟི དུཀྐཊསྶ. ན པཝཱརཎཱ ཋཔེཏབྦཱ; ཋཔིཏཱཔི ཨཊྛཔིཏཱ; ཋཔེནྟིཡཱ ཨཱཔཏྟི དུཀྐཊསྶ. ན སཝཙནཱིཡཾ ཀཱཏབྦཾ; ཀཏམྤི ཨཀཏཾ; ཀརོནྟིཡཱ ཨཱཔཏྟི དུཀྐཊསྶ. ན ཨནུཝཱདོ པཊྛཔེཏབྦོ; པཊྛཔིཏོཔི ཨཔྤཊྛཔིཏོ; པཊྛཔེནྟིཡཱ ཨཱཔཏྟི དུཀྐཊསྶ. ན ཨོཀཱསོ ཀཱརེཏབྦོ ¶ ; ཀཱརིཏོཔི ཨཀཱརིཏོ; ཀཱརེནྟིཡཱ ཨཱཔཏྟི དུཀྐཊསྶ. ན ཙོདེཏབྦོ; ཙོདིཏོཔི ཨཙོདིཏོ; ཙོདེནྟིཡཱ ཨཱཔཏྟི དུཀྐཊསྶ ¶ . ན སཱརེཏབྦོ; སཱརིཏོཔི ཨསཱརིཏོ; སཱརེནྟིཡཱ ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑཱུ བྷིཀྑུནཱིནཾ ཨུཔོསཐཾ ཋཔེནྟི, པཝཱརཎཾ ཋཔེནྟི, སཝཙནཱིཡཾ ཀརོནྟི, ཨནུཝཱདཾ པཊྛཔེནྟི, ཨོཀཱསཾ ཀཱརེནྟི, ཙོདེནྟི, སཱརེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ བྷིཀྑུནཱ བྷིཀྑུནིཡཱ ཨུཔོསཐཾ ཋཔེཏུཾ; ཋཔིཏོཔི སུཊྛཔིཏོ; ཋཔེནྟསྶ ཨནཱཔཏྟི. པཝཱརཎཾ ཋཔེཏུཾ; ཋཔིཏཱཔི སུཊྛཔིཏཱ; ཋཔེནྟསྶ ཨནཱཔཏྟི. སཝཙནཱིཡཾ ཀཱཏུཾ; ཀཏམྤི སུཀཏཾ; ཀརོནྟསྶ ཨནཱཔཏྟི. ཨནུཝཱདཾ པཊྛཔེཏུཾ; པཊྛཔིཏོཔི སུཔྤཊྛཔིཏོ; པཊྛཔེནྟསྶ ཨནཱཔཏྟི. ཨོཀཱསཾ ཀཱརེཏུཾ; ཀཱརིཏོཔི སུཀཱརིཏོ; ཀཱརེནྟསྶ ¶ ཨནཱཔཏྟི. ཙོདེཏུཾ; ཙོདིཏཱཔི སུཙོདིཏཱ; ཙོདེནྟསྶ ཨནཱཔཏྟི. སཱརེཏུཾ; སཱརིཏཱཔི སུསཱརིཏཱ; སཱརེནྟསྶ ཨནཱཔཏྟཱི’’ཏི.

༤༢༩. [པཱཙི. ༡༡༨༤] ཏེན ཁོ པན སམཡེན ཚབྦགྒིཡཱ བྷིཀྑུནིཡོ ཡཱནེན ཡཱཡནྟི – ཨིཏྠིཡུཏྟེནཔི པུརིསནྟརེན, པུརིསཡུཏྟེནཔི ཨིཏྠནྟརེན. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི…པེ… ‘‘སེཡྻཐཱཔི གངྒཱམཧིཡཱཡཱ’’ཏི [གངྒཱམཧིཡཱཏི (སཱི.)]. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ ཡཱནེན ཡཱཡིཏབྦཾ. ཡཱ ཡཱཡེཡྻ, ཡཐཱདྷམྨོ ཀཱརེཏབྦོ’’ཏི.

ཏེན ཁོ པན སམཡེན ཨཉྙཏརཱ བྷིཀྑུནཱི གིལཱནཱ ཧོཏི, ན སཀྐོཏི པདསཱ གནྟུཾ. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི ¶ , བྷིཀྑཝེ, གིལཱནཱཡ ཡཱན’’ནྟི. ཨཐ ཁོ བྷིཀྑུནཱིནཾ ཨེཏདཧོསི – ‘‘ཨིཏྠིཡུཏྟཾ ནུ ཁོ, པུརིསཡུཏྟཾ ནུ ཁོ’’ཏི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨིཏྠིཡུཏྟཾ པུརིསཡུཏྟཾ ཧཏྠཝཊྚཀ’’ནྟི.

ཏེན ཁོ པན སམཡེན ཨཉྙཏརིསྶཱ བྷིཀྑུནིཡཱ ཡཱནུགྒྷཱཏེན བཱལ༹ྷཏརཾ ཨཕཱསུ ཨཧོསི. བྷགཝཏོ ¶ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སིཝིཀཾ པཱཊངྐི’’ནྟི.

༤༣༠. ཏེན ¶ ཁོ པན སམཡེན ཨཌྜྷཀཱསཱི གཎིཀཱ བྷིཀྑུནཱིསུ པབྦཛིཏཱ ཧོཏི. སཱ ཙ སཱཝཏྠིཾ གནྟུཀཱམཱ ཧོཏི – ‘བྷགཝཏོ སནྟིཀེ ཨུཔསམྤཛྫིསྶཱམཱི’ཏི. ཨསྶོསུཾ ཁོ དྷུཏྟཱ – ‘ཨཌྜྷཀཱསཱི ཀིར གཎིཀཱ སཱཝཏྠིཾ གནྟུཀཱམཱ’ཏི. ཏེ མགྒེ པརིཡུཊྛིཾསུ. ཨསྶོསི ཁོ ཨཌྜྷཀཱསཱི གཎིཀཱ – ‘དྷུཏྟཱ ཀིར མགྒེ པརིཡུཊྛིཏཱ’ཏི. བྷགཝཏོ སནྟིཀེ དཱུཏཾ པཱཧེསི – ‘‘ཨཧཉྷི ཨུཔསམྤཛྫིཏུཀཱམཱ; ཀཐཾ ནུ ཁོ མཡཱ པཊིཔཛྫིཏབྦ’’ནྟི? ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ཨནུཛཱནཱམི, བྷིཀྑཝེ, དཱུཏེནཔི ཨུཔསམྤཱདེཏུ’’ནྟི.

བྷིཀྑུདཱུཏེན ཨུཔསམྤཱདེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུདཱུཏེན ཨུཔསམྤཱདེཏབྦཱ. ཡོ ཨུཔསམྤཱདེཡྻ, ཨཱཔཏྟི དུཀྐཊསྶཱ’’ཏི. སིཀྑམཱནདཱུཏེན ¶ ཨུཔསམྤཱདེནྟི…པེ… སཱམཎེརདཱུཏེན ཨུཔསམྤཱདེནྟི…པེ… སཱམཎེརིདཱུཏེན ཨུཔསམྤཱདེནྟི…པེ… བཱལཱཡ ཨབྱཏྟཱཡ དཱུཏེན ཨུཔསམྤཱདེནྟི. ‘‘ན, བྷིཀྑཝེ, བཱལཱཡ ཨབྱཏྟཱཡ དཱུཏེན ཨུཔསམྤཱདེཏབྦཱ. ཡོ ཨུཔསམྤཱདེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, བྱཏྟཱཡ བྷིཀྑུནིཡཱ པཊིབལཱཡ དཱུཏེན ཨུཔསམྤཱདེཏུནྟི.

‘‘ཏཱཡ ¶ དཱུཏཱཡ བྷིཀྑུནིཡཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘ཨིཏྠནྣཱམཱ, ཨཡྻཱ, ཨིཏྠནྣཱམཱཡ ཨཡྻཱཡ ཨུཔསམྤདཱཔེཀྑཱ. ཨེཀཏོཨུཔསམྤནྣཱ བྷིཀྑུནིསངྒྷེ, ཝིསུདྡྷཱ. སཱ ཀེནཙིདེཝ ཨནྟརཱཡེན ན ཨཱགཙྪཏི. ཨིཏྠནྣཱམཱ, ཨཡྻཱ, སངྒྷཾ ཨུཔསམྤདཾ ཡཱཙཏི. ཨུལླུམྤཏུ ཏཾ, ཨཡྻཱ, སངྒྷོ ཨནུཀམྤཾ ཨུཔཱདཱཡ. ཨིཏྠནྣཱམཱ, ཨཡྻཱ, ཨིཏྠནྣཱམཱཡ ཨཡྻཱཡ ཨུཔསམྤདཱཔེཀྑཱ. ཨེཀཏོཨུཔསམྤནྣཱ བྷིཀྑུནིསངྒྷེ, ཝིསུདྡྷཱ. སཱ ཀེནཙིདེཝ ཨནྟརཱཡེན ན ཨཱགཙྪཏི. དུཏིཡམྤི, ཨཡྻཱ, ཨིཏྠནྣཱམཱ སངྒྷཾ ཨུཔསམྤདཾ ཡཱཙཏི. ཨུལླུམྤཏུ ཏཾ, ཨཡྻཱ, སངྒྷོ ཨནུཀམྤཾ ཨུཔཱདཱཡ. ཨིཏྠནྣཱམཱ, ཨཡྻཱ, ཨིཏྠནྣཱམཱཡ ཨཡྻཱཡ ཨུཔསམྤདཱཔེཀྑཱ. ཨེཀཏོཨུཔསམྤནྣཱ བྷིཀྑུནིསངྒྷེ, ཝིསུདྡྷཱ. སཱ ཀེནཙིདེཝ ཨནྟརཱཡེན ན ཨཱགཙྪཏི. ཏཏིཡམྤི, ཨཡྻཱ, ཨིཏྠནྣཱམཱ སངྒྷཾ ཨུཔསམྤདཾ ཡཱཙཏི. ཨུལླུམྤཏུ ཏཾ, ཨཡྻཱ, སངྒྷོ ཨནུཀམྤཾ ཨུཔཱདཱཡཱ’ཏི ¶ . བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –

‘‘སུཎཱཏུ ¶ མེ, བྷནྟེ, སངྒྷོ. ཨིཏྠནྣཱམཱ ཨིཏྠནྣཱམཱཡ ཨུཔསམྤདཱཔེཀྑཱ. ཨེཀཏོཨུཔསམྤནྣཱ བྷིཀྑུནིསངྒྷེ, ཝིསུདྡྷཱ. སཱ ཀེནཙིདེཝ ཨནྟརཱཡེན ན ཨཱགཙྪཏི. ཨིཏྠནྣཱམཱ སངྒྷཾ ཨུཔསམྤདཾ ཡཱཙཏི ཨིཏྠནྣཱམཱཡ པཝཏྟིནིཡཱ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ ཨུཔསམྤཱདེཡྻ ཨིཏྠནྣཱམཱཡ པཝཏྟིནིཡཱ. ཨེསཱ ཉཏྟི.

‘‘སུཎཱཏུ མེ ¶ , བྷནྟེ, སངྒྷོ. ཨིཏྠནྣཱམཱ ཨིཏྠནྣཱམཱཡ ཨུཔསམྤདཱཔེཀྑཱ. ཨེཀཏོཨུཔསམྤནྣཱ བྷིཀྑུནིསངྒྷེ, ཝིསུདྡྷཱ. སཱ ཀེནཙིདེཝ ཨནྟརཱཡེན ན ཨཱགཙྪཏི. ཨིཏྠནྣཱམཱ སངྒྷཾ ཨུཔསམྤདཾ ཡཱཙཏི ཨིཏྠནྣཱམཱཡ པཝཏྟིནིཡཱ. སངྒྷོ ཨིཏྠནྣཱམཾ ཨུཔསམྤཱདེཏི ཨིཏྠནྣཱམཱཡ པཝཏྟིནིཡཱ. ཡསྶཱཡསྨཏོ ཁམཏི ཨིཏྠནྣཱམཱཡ ཨུཔསམྤདཱ ཨིཏྠནྣཱམཱཡ པཝཏྟིནིཡཱ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘དུཏིཡམྤི ཨེཏམཏྠཾ ཝདཱམི…པེ… ཏཏིཡམྤི ཨེཏམཏྠཾ ཝདཱམི. སུཎཱཏུ མེ, བྷནྟེ, སངྒྷོ. ཨིཏྠནྣཱམཱ ཨིཏྠནྣཱམཱཡ ཨུཔསམྤདཱཔེཀྑཱ. ཨེཀཏོཨུཔསམྤནྣཱ བྷིཀྑུནིསངྒྷེ, ཝིསུདྡྷཱ. སཱ ཀེནཙིདེཝ ཨནྟརཱཡེན ན ཨཱགཙྪཏི. ཨིཏྠནྣཱམཱ སངྒྷཾ ཨུཔསམྤདཾ ཡཱཙཏི ཨིཏྠནྣཱམཱཡ པཝཏྟིནིཡཱ. སངྒྷོ ཨིཏྠནྣཱམཾ ཨུཔསམྤཱདེཏི ཨིཏྠནྣཱམཱཡ པཝཏྟིནིཡཱ. ཡསྶཱཡསྨཏོ ཁམཏི ཨིཏྠནྣཱམཱཡ ཨུཔསམྤདཱ ཨིཏྠནྣཱམཱཡ པཝཏྟིནིཡཱ, སོ ཏུཎྷསྶ; ཡསྶ ¶ ནཀྑམཏི, སོ བྷཱསེཡྻ.

‘‘ཨུཔསམྤནྣཱ ¶ སངྒྷེན ཨིཏྠནྣཱམཱ ཨིཏྠནྣཱམཱཡ པཝཏྟིནིཡཱ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི.

‘‘ཏཱཝདེཝ ཚཱཡཱ མེཏབྦཱ, ཨུཏུཔྤམཱཎཾ ཨཱཙིཀྑིཏབྦཾ, དིཝསབྷཱགོ ཨཱཙིཀྑིཏབྦོ, སངྒཱིཏི ཨཱཙིཀྑིཏབྦཱ, བྷིཀྑུནིཡོ ཝཏྟབྦཱ – ཏསྶཱ ཏཡོ ཙ ནིསྶཡེ, ཨཊྛ ཙ ཨཀརཎཱིཡཱནི ཨཱཙིཀྑེཡྻཱཐཱ’’ཏི.

༤༣༡. ཏེན ཁོ པན སམཡེན བྷིཀྑུནིཡོ ཨརཉྙེ ཝིཧརནྟི. དྷུཏྟཱ དཱུསེནྟི. བྷགཝཏོ ཨེཏམཏྠཾ, ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ ཨརཉྙེ ཝཏྠབྦཾ. ཡཱ ཝསེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརེན ཨུཔཱསཀེན བྷིཀྑུནིསངྒྷསྶ ཨུདྡོསིཏོ དིནྣོ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨུདྡོསིཏ’’ནྟི. ཨུདྡོསིཏོ ན སམྨཏི. བྷགཝཏོ ཨེཏམཏྠཾ ¶ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨུཔསྶཡ’’ནྟི. ཨུཔསྶཡོ ན སམྨཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ནཝཀམྨ’’ནྟི. ནཝཀམྨཾ ན སམྨཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, པུགྒལིཀམྤི ཀཱཏུ’’ནྟི.

༤༣༢. ཏེན ཁོ པན སམཡེན ཨཉྙཏརཱ ཨིཏྠཱི སནྣིསིནྣགབྦྷཱ བྷིཀྑུནཱིསུ པབྦཛིཏཱ ཧོཏི. ཏསྶཱ པབྦཛིཏཱཡ གབྦྷོ ཝུཊྛཱཏི. ཨཐ ཁོ ཏསྶཱ བྷིཀྑུནིཡཱ ཨེཏདཧོསི – ‘‘ཀཐཾ ནུ ཁོ མཡཱ ཨིམསྨིཾ དཱརཀེ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ ¶ . ‘‘ཨནུཛཱནཱམི, བྷིཀྑཝེ, པོསེཏུཾ, ཡཱཝ སོ དཱརཀོ ཝིཉྙུཏཾ པཱཔུཎཱཏཱི’’ཏི.

ཨཐ ཁོ ཏསྶཱ བྷིཀྑུནིཡཱ ཨེཏདཧོསི – ‘‘མཡཱ ཙ ན ལབྦྷཱ ཨེཀིཀཱཡ ཝཏྠུཾ, ཨཉྙཱཡ ཙ བྷིཀྑུནིཡཱ ན ལབྦྷཱ དཱརཀེན སཧ ཝཏྠུཾ, ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨེཀཾ བྷིཀྑུནིཾ སམྨནྣིཏྭཱ ཏསྶཱ ¶ བྷིཀྑུནིཡཱ དུཏིཡཾ དཱཏུཾ. ཨེཝཉྩ པན, བྷིཀྑཝེ, སམྨནྣིཏབྦཱ. པཋམཾ བྷིཀྑུནཱི ཡཱཙིཏབྦཱ, ཡཱཙིཏྭཱ བྱཏྟཱཡ བྷིཀྑུནིཡཱ པཊིབལཱཡ སངྒྷོ ཉཱཔེཏབྦོ –

‘‘སུཎཱཏུ ¶ མེ, ཨཡྻེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུནིཾ སམྨནྣེཡྻ ཨིཏྠནྣཱམཱཡ བྷིཀྑུནིཡཱ དུཏིཡཾ. ཨེསཱ ཉཏྟི.

‘‘སུཎཱཏུ མེ, ཨཡྻེ, སངྒྷོ. སངྒྷོ ཨིཏྠནྣཱམཾ བྷིཀྑུནིཾ སམྨནྣཏི ཨིཏྠནྣཱམཱཡ བྷིཀྑུནིཡཱ དུཏིཡཾ. ཡསྶཱ ཨཡྻཱཡ ཁམཏི ཨིཏྠནྣཱམཱཡ བྷིཀྑུནིཡཱ སམྨུཏི ཨིཏྠནྣཱམཱཡ བྷིཀྑུནིཡཱ དུཏིཡཱཡ, སཱ ཏུཎྷསྶ; ཡསྶཱ ནཀྑམཏི, སཱ བྷཱསེཡྻ.

‘‘སམྨཏཱ སངྒྷེན ཨིཏྠནྣཱམཱ བྷིཀྑུནཱི ཨིཏྠནྣཱམཱཡ བྷིཀྑུནིཡཱ དུཏིཡཱ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཨཐ ཁོ ཏསྶཱ དུཏིཡིཀཱཡ བྷིཀྑུནིཡཱ ཨེཏདཧོསི – ‘‘ཀཐཾ ནུ ཁོ མཡཱ ཨིམསྨིཾ དཱརཀེ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཋཔེཏྭཱ སཱགཱརཾ ཡཐཱ ཨཉྙསྨིཾ པུརིསེ པཊིཔཛྫནྟི [པཊིཔཛྫཏི (སྱཱ.)] ཨེཝཾ ཏསྨིཾ ¶ དཱརཀེ པཊིཔཛྫིཏུ’’ནྟི.

༤༣༣. ཏེན ¶ ཁོ པན སམཡེན ཨཉྙཏརཱ བྷིཀྑུནཱི གརུདྷམྨཾ ཨཛ྄ཛྷཱཔནྣཱ ཧོཏི མཱནཏྟཙཱརིནཱི. ཨཐ ཁོ ཏསྶཱ བྷིཀྑུནིཡཱ ཨེཏདཧོསི – ‘‘མཡཱ ཙ ན ལབྦྷཱ ཨེཀིཀཱཡ ཝཏྠུཾ, ཨཉྙཱཡ ཙ བྷིཀྑུནིཡཱ ན ལབྦྷཱ སཧ མཡཱ ཝཏྠུཾ, ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, ཨེཀཾ བྷིཀྑུནིཾ སམྨནྣིཏྭཱ ཏསྶཱ བྷིཀྑུནིཡཱ དུཏིཡཾ དཱཏུཾ. ཨེཝཉྩ པན, བྷིཀྑཝེ, སམྨནྣིཏབྦཱ. པཋམཾ བྷིཀྑུནཱི ཡཱཙིཏབྦཱ, ཡཱཙིཏྭཱ བྱཏྟཱཡ བྷིཀྑུནིཡཱ པཊིབལཱཡ སངྒྷོ ཉཱཔེཏབྦོ –

‘‘སུཎཱཏུ མེ, ཨཡྻེ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིཏྠནྣཱམཾ བྷིཀྑུནིཾ སམྨནྣེཡྻ ཨིཏྠནྣཱམཱཡ བྷིཀྑུནིཡཱ དུཏིཡཾ. ཨེསཱ ཉཏྟི.

‘‘སུཎཱཏུ མེ, ཨཡྻེ, སངྒྷོ. སངྒྷོ ཨིཏྠནྣཱམཾ བྷིཀྑུནིཾ སམྨནྣཏི ཨིཏྠནྣཱམཱཡ བྷིཀྑུནིཡཱ དུཏིཡཾ. ཡསྶཱ ཨཡྻཱཡ ཁམཏི ཨིཏྠནྣཱམཱཡ བྷིཀྑུནིཡཱ སམྨུཏི ཨིཏྠནྣཱམཱཡ བྷིཀྑུནིཡཱ དུཏིཡཱཡ, སཱ ཏུཎྷསྶ; ཡསྶཱ ནཀྑམཏི, སཱ བྷཱསེཡྻ.

‘‘སམྨཏཱ ¶ སངྒྷེན ཨིཏྠནྣཱམཱ བྷིཀྑུནཱི ཨིཏྠནྣཱམཱཡ བྷིཀྑུནིཡཱ དུཏིཡཱ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༤༣༤. ཏེན ཁོ པན སམཡེན ཨཉྙཏརཱ བྷིཀྑུནཱི སིཀྑཾ པཙྩཀྑཱཡ ཝིབྦྷམི. སཱ པུན པཙྩཱགནྟྭཱ བྷིཀྑུནིཡོ ཨུཔསམྤདཾ ཡཱཙི ¶ . བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ སིཀྑཱཔཙྩཀྑཱནཾ; ཡདེཝ སཱ ཝིབྦྷནྟཱ ཏདེཝ སཱ ཨབྷིཀྑུནཱི’’ཏི.

ཏེན ཁོ པན སམཡེན ཨཉྙཏརཱ བྷིཀྑུནཱི སཀཱཝཱསཱ ཏིཏྠཱཡཏནཾ སངྐམི. སཱ པུན པཙྩཱགནྟྭཱ བྷིཀྑུནིཡོ ཨུཔསམྤདཾ ཡཱཙི. བྷགཝཏོ ཨེཏམཏྠཾ ཨཱརོཙེསུཾ. ‘‘ཡཱ སཱ, བྷིཀྑཝེ, བྷིཀྑུནཱི སཀཱཝཱསཱ ཏིཏྠཱཡཏནཾ སངྐནྟཱ, སཱ ཨཱགཏཱ ན ཨུཔསམྤཱདེཏབྦཱ’’ཏི.

ཏེན ཁོ པན སམཡེན བྷིཀྑུནིཡོ པུརིསེཧི ཨབྷིཝཱདནཾ ¶ , ཀེསཙྪེདནཾ, ནཁཙྪེདནཾ, ཝཎཔྤཊིཀམྨཾ, ཀུཀྐུཙྩཱཡནྟཱ ན སཱདིཡནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, སཱདིཏུ’’ནྟི [སཱདིཡིཏུཾ (ཀ.)].

༤༣༥. ཏེན ¶ ཁོ པན སམཡེན བྷིཀྑུནིཡོ པལླངྐེན ནིསཱིདནྟི པཎྷཱིསམྥསྶཾ སཱདིཡནྟཱི [སཱདིཡནྟཱ (ཀ.)]. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ པལླངྐེན ནིསཱིདིཏབྦཾ. ཡཱ ནིསཱིདེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན ཨཉྙཏརཱ བྷིཀྑུནཱི གིལཱནཱ ཧོཏི. ཏསྶཱ ཝིནཱ པལླངྐེན ན ཕཱསུ ཧོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ཨནུཛཱནཱམི, བྷིཀྑཝེ, བྷིཀྑུནིཡཱ ཨཌྜྷཔལླངྐ’’ནྟི.

ཏེན ཁོ པན སམཡེན བྷིཀྑུནིཡོ ཝཙྩཀུཊིཡཱ ཝཙྩཾ ཀརོནྟི ¶ . ཚབྦགྒིཡཱ བྷིཀྑུནིཡོ ཏཏྠེཝ གབྦྷཾ པཱཏེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ ཝཙྩཀུཊིཡཱ ཝཙྩོ ཀཱཏབྦོ. ཡཱ ཀརེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཧེཊྛཱ ཝིཝཊེ ཨུཔརིཔཊིཙྪནྣེ ཝཙྩཾ ཀཱཏུ’’ནྟི.

༤༣༦. ཏེན ཁོ པན སམཡེན བྷིཀྑུནིཡོ ཙུཎྞེན ནཧཱཡནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི…པེ… སེཡྻཐཱཔི གིཧིནཱི ཀཱམབྷོགིནིཡོཏི. བྷགཝཏོ ཨེཏམཏྠཾ ཨཱརོཙེསུཾ ¶ . ‘‘ན, བྷིཀྑཝེ, བྷིཀྑུནིཡཱ ཙུཎྞེན ནཧཱཡིཏབྦཾ. ཡཱ ནཧཱཡེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, ཀུཀྐུསཾ མཏྟིཀ’’ནྟི.

ཏེན ཁོ པན སམཡེན བྷིཀྑུནིཡོ ཝཱསིཏཀཱཡ མཏྟིཀཱཡ ནཧཱཡནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི…པེ… སེཡྻཐཱཔི གིཧིནཱི ཀཱམབྷོགིནིཡོཏི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ ཝཱསིཏཀཱཡ མཏྟིཀཱཡ ནཧཱཡིཏབྦཾ. ཡཱ ནཧཱཡེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, པཀཏིམཏྟིཀ’’ནྟི.

ཏེན ཁོ པན སམཡེན བྷིཀྑུནིཡོ ཛནྟཱགྷརེ ནཧཱཡནྟིཡོ ཀོལཱཧལཾ ཨཀཾསུ. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ ཛནྟཱགྷརེ ནཧཱཡིཏབྦཾ. ཡཱ ནཧཱཡེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑུནིཡོ པཊིསོཏེ ནཧཱཡནྟི དྷཱརཱསམྥསྶཾ སཱདིཡནྟཱི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ ¶ , བྷིཀྑུནིཡཱ ¶ པཊིསོཏེ ནཧཱཡིཏབྦཾ. ཡཱ ནཧཱཡེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑུནིཡོ ཨཏིཏྠེ ནཧཱཡནྟི. དྷུཏྟཱ དཱུསེནྟི. བྷགཝཏོ ཨེཏམཏྠཾ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ ཨཏིཏྠེ ནཧཱཡིཏབྦཾ. ཡཱ ནཧཱཡེཡྻ, ཨཱཔཏྟི དུཀྐཊསྶཱ’’ཏི.

ཏེན ཁོ པན སམཡེན བྷིཀྑུནིཡོ པུརིསཏིཏྠེ ནཧཱཡནྟི. མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི…པེ… སེཡྻཐཱཔི གིཧིནཱི ཀཱམབྷོགིནིཡོཏི. བྷགཝཏོ ཨེཏམཏྠཾ ¶ ཨཱརོཙེསུཾ. ‘‘ན, བྷིཀྑཝེ, བྷིཀྑུནིཡཱ པུརིསཏིཏྠེ ནཧཱཡིཏབྦཾ. ཡཱ ནཧཱཡེཡྻ, ཨཱཔཏྟི དུཀྐཊསྶ. ཨནུཛཱནཱམི, བྷིཀྑཝེ, མཧིལཱཏིཏྠེ ནཧཱཡིཏུ’’ནྟི.

ཏཏིཡབྷཱཎཝཱརོ ནིཊྛིཏོ.

བྷིཀྑུནིཀྑནྡྷཀོ དསམོ.

ཨིམསྨིཾ ཁནྡྷཀེ ཝཏྠཱུ ཨེཀསཏཾ.

ཏསྶུདྡཱནཾ –

པབྦཛྫཾ ¶ གོཏམཱི ཡཱཙི, ནཱནུཉྙཱསི ཏཐཱགཏོ;

ཀཔིལཝཏྠུ ཝེསཱལིཾ, ཨགམཱསི ཝིནཱཡཀོ.

རཛོཀིཎྞེན ཀོཊྛཀེ, ཨཱནནྡསྶ པཝེདཡི;

བྷབྦོཏི ¶ ནཡཏོ ཡཱཙི, མཱཏཱཏི པོསིཀཱཏི ཙ.

ཝསྶསཏཾ ཏདཧུ ཙ, ཨབྷིཀྑུཔཙྩཱསཱིསནཱ;

པཝཱརཎཱ གརུདྷམྨཱ, དྭེ ཝསྶཱ ཨནཀྐོསནཱ.

ཨོཝཊོ ཙ ཨཊྛ དྷམྨཱ, ཡཱཝཛཱིཝཱནུཝཏྟནཱ;

གརུདྷམྨཔཊིགྒཱཧོ སཱཝསྶཱ ཨུཔསམྤདཱ.

ཝསྶསཧསྶཾ པཉྩེཝ, ཀུམྦྷཐེནཀསེཏཊྚི;

མཉྫིཊྛིཀཨུཔམཱཧི, ཨེཝཾ སདྡྷམྨཧིཾསནཱ.

ཨཱལི༹ཾ བནྡྷེཡྻ པཱཨེཝ, པུན སདྡྷམྨསཎྛིཏི;

ཨུཔསམྤཱདེཏུཾ ཨཡྻཱ, ཡཐཱཝུཌྜྷཱབྷིཝཱདནཱ.

ན ¶ ཀརིསྶནྟི ཀིམེཝ, སཱདྷཱརཎཱསཱདྷཱརཎཾ;

ཨོཝཱདཾ པཱཏིམོཀྑཉྩ, ཀེན ནུ ཁོ ཨུཔསྶཡཾ.

ན ཛཱནནྟི ཙ ཨཱཙིཀྑི, ན ཀརོནྟི ཙ བྷིཀྑུཧི;

པཊིགྒཧེཏུཾ བྷིཀྑཱུཧི, བྷིཀྑུནཱིཧི པཊིགྒཧོ.

ཨཱཙིཀྑི ཀམྨཾ བྷིཀྑཱུཧི, ཨུཛ྄ཛྷཱཡནྟི བྷིཀྑུནཱིཧི ཝཱ;

ཨཱཙིཀྑིཏུཾ བྷཎྜནཉྩ, རོཔེཏྭཱ ཨུཔྤལཱཡ ཙ.

སཱཝཏྠིཡཱ ཀདྡམོད, ཨཝནྡི ཀཱཡ ཨཱུརུ ཙ;

ཨངྒཛཱཏཉྩ ཨོབྷཱསཾ, སམྤཡོཛེནྟི ཝགྒིཀཱ.

ཨཝནྡིཡོ ¶ དཎྜཀམྨཾ, བྷིཀྑུནིཡོ ཏཐཱ པུན;

ཨཱཝརཎཉྩ ¶ ཨོཝཱདཾ, ཀཔྤཏི ནུ ཁོ པཀྐམི.

བཱལཱ ཝཏྠུཝིནིཙྪཡཱ, ཨོཝཱདཾ སངྒྷོ པཉྩཧི;

དུཝེ ཏིསྶོ ན གཎྷནྟི, བཱལཱ གིལཱནགམིཀཾ.

ཨཱརཉྙིཀོ ནཱརོཙེནྟི, ན པཙྩཱགཙྪནྟི ཙ;

དཱིགྷཾ ཝིལཱིཝཙམྨཉྩ, དུསྶཱ ཙ ཝེཎིཝཊྚི ཙ;

ཙོལ༹ཝེཎི ཙ ཝཊྚི ཙ, སུཏྟཝེཎི ཙ ཝཊྚིཀཱ.

ཨཊྛིལླཾ གོཧནུཀེན, ཧཏྠཀོཙྪཾ པཱདཾ ཏཐཱ;

ཨཱུརུཾ མུཁཾ དནྟམཾསཾ, ཨཱལིམྤོམདྡཙུཎྞནཱ.

ལཉྪེནྟི ཨངྒརཱགཉྩ, མུཁརཱགཾ ཏཐཱ དུཝེ;

ཨཝངྒཾ ཝིསེསོལོཀོ, སཱལོཀེན ནཙྩེན ཙ [སཱལོཀེ སནཙྩེན ཙ (སཱི.), སཱལོཀེན སནཙྩནཾ (སྱཱ.)].

ཝེསཱི ¶ པཱནཱགཱརཾ སཱུནཾ, ཨཱཔཎཾ ཝཌྜྷི ཝཎིཛྫཱ;

དཱསཾ དཱསིཾ ཀམྨཀརཾ, ཀམྨཀཱརིཾ ཨུཔཊྛཡྻུཾ.

ཏིརཙྪཱནཧརཱིཏཀི, སནྡྷཱརཡནྟི ནམཏཀཾ;

ནཱིལཾ པཱིཏཾ ལོཧིཏཀཾ, མཉྫིཊྛཀཎྷཙཱིཝརཱ.

མཧཱརངྒམཧཱནཱམཨཙྪིནྣཱ དཱིགྷམེཝ ཙ;

པུཔྥཕལཀཉྩུཀཉྩ, ཏིརཱིཊཀཉྩ དྷཱརཡུཾ.

བྷིཀྑུནཱི ¶ སིཀྑམཱནཱཡ, སཱམཎེརཱཡ ཨཙྩཡེ;

ནིཡྻཱདིཏེ ¶ པརིཀྑཱརེ, བྷིཀྑུནིཡོཝ ཨིསྶརཱ.

བྷིཀྑུསྶ སཱམཎེརསྶ, ཨུཔཱསཀསྶུཔཱསིཀཱ;

ཨཉྙེསཉྩ པརིཀྑཱརེ, ནིཡྻཱཏེ བྷིཀྑུཨིསྶརཱ.

མལླཱི ¶ གབྦྷཾ པཏྟམཱུལཾ, བྱཉྫནཾ ཨཱམིསེན ཙ;

ཨུསྶནྣཉྩ བཱལ༹ྷཏརཾ, སནྣིདྷིཀཏམཱམིསཾ.

བྷིཀྑཱུནཾ ཡཱདིསཾ བྷོཊྛཾ [ཧེཊྛཱ (སཱི.), ཧེཊྛཾ (སྱཱ.), བྷུཏྟི (ཀ.)], བྷིཀྑུནཱིནཾ ཏཐཱ ཀརེ;

སེནཱསནཾ ཨུཏུནིཡོ, མཀྑཱིཡཏི པཊཱཎི ཙ.

ཚིཛྫནྟི སབྦཀཱལཉྩ, ཨནིམིཏྟཱཔི དིསྶརེ;

ནིམིཏྟཱ ལོཧིཏཱ ཙེཝ, ཏཐེཝ དྷུཝལོཧིཏཱ.

དྷུཝཙོལ༹པགྒྷརནྟཱི, སིཁརཎིཏྠིཔཎྜཀཱ;

ཝེཔུརིསཱི ཙ སམྦྷིནྣཱ, ཨུབྷཏོབྱཉྫནཱཔི ཙ.

ཨནིམིཏྟཱདིཏོ ཀཏྭཱ, ཡཱཝ ཨུབྷཏོབྱཉྫནཱ;

ཨེཏཾ པེཡྻཱལཏོ ཧེཊྛཱ, ཀུཊྛཾ གཎྜོ ཀིལཱསོ ཙ.

སོསཱཔམཱརོ མཱནུསཱི, ཨིཏྠཱིསི བྷུཛིསྶཱསི ཙ;

ཨཎཎཱ ན རཱཛབྷཊཱི, ཨནུཉྙཱཏཱ ཙ ཝཱིསཏི.

པརིཔུཎྞཱ ཙ ཀིནྣཱམཱ, ཀཱནཱམཱ ཏེ པཝཏྟིནཱི;

ཙཏུཝཱིསནྟརཱཡཱནཾ, པུཙྪིཏྭཱ ཨུཔསམྤདཱ.

ཝིཏྠཱཡནྟི ཨནནུསིཊྛཱ, སངྒྷམཛ྄ཛྷེ ཏཐེཝ ཙ;

ཨུཔཛ྄ཛྷཱགཱཧ སངྒྷཱཊི, ཨུཏྟརནྟརཝཱསཀོ.

སངྐཙྩུདཀསཱཊི ཙ, ཨཱཙིཀྑིཏྭཱན པེསཡེ;

བཱལཱ ¶ ཨསམྨཏེཀཏོ, ཡཱཙེ པུཙྪནྟརཱཡིཀཱ.

ཨེཀཏོཨུཔསམྤནྣཱ, བྷིཀྑུསངྒྷེ ཏཐཱ པུན;

ཚཱཡཱ ཨུཏུ དིཝསཱ ཙ, སངྒཱིཏི ཏཡོ ནིསྶཡེ.

ཨཊྛ ཨཀརཎཱིཡཱནི, ཀཱལཾ སབྦཏྠ ཨཊྛེཝ;

ན པཝཱརེནྟི བྷིཀྑུནཱི, བྷིཀྑུསངྒྷཾ ཏཐེཝ ཙ.

ཀོལཱཧལཾ ¶ ¶ པུརེབྷཏྟཾ, ཝིཀཱལེ ཙ ཀོལཱཧལཾ;

ཨུཔོསཐཾ པཝཱརཎཾ, སཝཙནཱིཡཱནུཝཱདནཾ.

ཨོཀཱསཾ ཙོདེ སཱརེནྟི, པཊིཀྑིཏྟཾ མཧེསིནཱ;

ཏཐེཝ བྷིཀྑུ བྷིཀྑུནཱི, ཨནུཉྙཱཏཾ མཧེསིནཱ.

ཡཱནཾ གིལཱནཡུཏྟཉྩ, ཡཱནུགྒྷཱཏཌྜྷཀཱསིཀཱ;

བྷིཀྑུ སིཀྑཱ སཱམཎེར, སཱམཎེརཱི ཙ བཱལཱཡ.

ཨརཉྙེ ¶ ཨུཔཱསཀེན, ཨུདྡོསིཏོ ཨུཔསྶཡཾ;

ན སམྨཏི ནཝཀམྨཾ, ནིསིནྣགབྦྷཨེཀིཀཱ.

སཱགཱརཉྩ གརུདྷམྨཾ, པཙྩཀྑཱཡ ཙ སངྐམི;

ཨབྷིཝཱདནཀེསཱ ཙ, ནཁཱ ཙ ཝཎཀམྨནཱ.

པལླངྐེན གིལཱནཱ ཙ, ཝཙྩཾ ཙུཎྞེན ཝཱསིཏཾ;

ཛནྟཱགྷརེ པཊིསོཏེ, ཨཏིཏྠེ པུརིསེན ཙ.

མཧཱགོཏམཱི ཨཱཡཱཙི, ཨཱནནྡོ ཙཱཔི ཡོནིསོ;

པརིསཱ ཙཏསྶོ ཧོནྟི, པབྦཛྫཱ ཛིནསཱསནེ.

སཾཝེགཛནནཏྠཱཡ ¶ , སདྡྷམྨསྶ ཙ ཝུདྡྷིཡཱ;

ཨཱཏུརསྶཱཝ བྷེསཛྫཾ, ཨེཝཾ བུདྡྷེན དེསིཏཾ.

ཨེཝཾ ཝིནཱིཏཱ སདྡྷམྨེ, མཱཏུགཱམཱཔི ཨིཏརཱ;

ཡཱཡནྟི [ཏཱཡནྟི (སཱི. སྱཱ.)] ཨཙྩུཏཾ ཋཱནཾ, ཡཏྠ གནྟྭཱ ན སོཙརེཏི.

བྷིཀྑུནིཀྑནྡྷཀཾ ནིཊྛིཏཾ.

༡༡. པཉྩསཏིཀཀྑནྡྷཀཾ

༡. སངྒཱིཏིནིདཱནཾ

༤༣༧. ཨཐ ¶ ¶ ¶ ¶ ཁོ ཨཱཡསྨཱ མཧཱཀསྶཔོ བྷིཀྑཱུ ཨཱམནྟེསི – ‘‘ཨེཀམིདཱཧཾ, ཨཱཝུསོ, སམཡཾ པཱཝཱཡ ཀུསིནཱརཾ ཨདྡྷཱནམགྒཔྤཊིཔནྣོ མཧཏཱ བྷིཀྑུསངྒྷེན སདྡྷིཾ པཉྩམཏྟེཧི བྷིཀྑུསཏེཧི. ཨཐ ཁྭཱཧཾ, ཨཱཝུསོ, མགྒཱ ཨོཀྐམྨ ཨཉྙཏརསྨིཾ རུཀྑམཱུལེ ནིསཱིདིཾ.

[དཱི. ནི. ༢.༢༣༡] ‘‘ཏེན ཁོ པན སམཡེན ཨཉྙཏརོ ཨཱཛཱིཝཀོ ཀུསིནཱརཱཡ མནྡཱརཝཔུཔྥཾ གཧེཏྭཱ པཱཝཾ ཨདྡྷཱནམགྒཔྤཊིཔནྣོ ཧོཏི. ཨདྡསཾ ཁོ ཨཧཾ, ཨཱཝུསོ, ཏཾ ཨཱཛཱིཝཀཾ དཱུརཏོཝ ཨཱགཙྪནྟཾ. དིསྭཱན ཏཾ ཨཱཛཱིཝཀཾ ཨེཏདཝོཙཾ – ‘ཨཔཱཝུསོ, ཨམྷཱཀཾ སཏྠཱརཾ ཛཱནཱསཱི’ཏི? ‘ཨཱམཱཝུསོ, ཛཱནཱམི. ཨཛྫ སཏྟཱཧཔརིནིབྦུཏོ སམཎོ གོཏམོ. ཏཏོ མེ ཨིདཾ མནྡཱརཝཔུཔྥཾ གཧིཏ’ནྟི. ཏཏྲཱཝུསོ, ཡེ ཏེ བྷིཀྑཱུ ཨཝཱིཏརཱགཱ ཨཔྤེཀཙྩེ བཱཧཱ པགྒཡ྄ཧ ཀནྡནྟི, ཚིནྣཔཱཏཾ པཔཏནྟི, ཨཱཝཊྚནྟི, ཝིཝཊྚནྟི – ཨཏིཁིཔྤཾ བྷགཝཱ པརིནིབྦུཏོ, ཨཏིཁིཔྤཾ སུགཏོ པརིནིབྦུཏོ, ཨཏིཁིཔྤཾ ཙཀྑུཾ ལོཀེ ཨནྟརཧིཏནྟི. ཡེ པན ཏེ བྷིཀྑཱུ ཝཱིཏརཱགཱ ཏེ སཏཱ སམྤཛཱནཱ ཨདྷིཝཱསེནྟི – ཨནིཙྩཱ སངྑཱརཱ, ཏཾ ཀུཏེཏྠ ལབྦྷཱཏི.

‘‘ཨཐ ཁྭཱཧཾ, ཨཱཝུསོ, ཏེ བྷིཀྑཱུ ཨེཏདཝོཙཾ – ‘ཨལཾ, ཨཱཝུསོ, མཱ སོཙིཏྠ; མཱ པརིདེཝིཏྠ. ནནྭེཏཾ, ཨཱཝུསོ, བྷགཝཏཱ པཊིཀཙྩེཝ ཨཀྑཱཏཾ – སབྦེཧེཝ པིཡེཧི མནཱཔེཧི ¶ ནཱནཱབྷཱཝོ ཝིནཱབྷཱཝོ ཨཉྙཐཱབྷཱཝོ. ཏཾ ཀུཏེཏྠ ཨཱཝུསོ ལབྦྷཱ, ཡཾ ཏཾ ཛཱཏཾ བྷཱུཏཾ སངྑཏཾ པལོཀདྷམྨཾ, ཏཾ ཝཏ མཱ པལུཛྫཱིཏི – ནེཏཾ ཋཱནཾ ཝིཛྫཏཱི’ཏི.

‘‘ཏེན ཁོ པནཱཝུསོ, སམཡེན སུབྷདྡོ ནཱམ ཝུཌྜྷཔབྦཛིཏོ ཏསྶཾ པརིསཱཡཾ ནིསིནྣོ ཧོཏི ¶ . ཨཐ ཁོ, ཨཱཝུསོ, སུབྷདྡོ ཝུཌྜྷཔབྦཛིཏོ ཏེ བྷིཀྑཱུ ཨེཏདཝོཙ – ‘ཨལཾ, ཨཱཝུསོ, མཱ སོཙིཏྠ; མཱ པརིདེཝིཏྠ. སུམུཏྟཱ མཡཾ ཏེན མཧཱསམཎེན ¶ ; ཨུཔདྡུཏཱ ཙ མཡཾ ཧོམ – ཨིདཾ ཝོ ཀཔྤཏི, ཨིདཾ ཝོ ན ཀཔྤཏཱིཏི. ཨིདཱནི པན མཡཾ ཡཾ ཨིཙྪིསྶཱམ ཏཾ ཀརིསྶཱམ, ཡཾ ན ཨིཙྪིསྶཱམ ན ཏཾ ཀརིསྶཱམཱ’ཏི. ཧནྡ ¶ མཡཾ, ཨཱཝུསོ, དྷམྨཉྩ ཝིནཡཉྩ སངྒཱཡཱམ. པུརེ ཨདྷམྨོ དིཔྤཏི [དིབྦཏི (ཀ.)], དྷམྨོ པཊིབཱཧིཡྻཏི; པུརེ ཨཝིནཡོ དིཔྤཏི ཝིནཡོ པཊིབཱཧིཡྻཏི; པུརེ ཨདྷམྨཝཱདིནོ བལཝནྟོ ཧོནྟི, དྷམྨཝཱདིནོ དུབྦལཱ ཧོནྟི; པུརེ ཨཝིནཡཝཱདིནོ བལཝནྟོ ཧོནྟི, ཝིནཡཝཱདིནོ དུབྦལཱ ཧོནྟཱི’’ཏི.

‘‘ཏེན ཧི, བྷནྟེ, ཐེརོ བྷིཀྑཱུ ཨུཙྩིནཏཱུ’’ཏི. ཨཐ ཁོ ཨཱཡསྨཱ མཧཱཀསྶཔོ ཨེཀེནཱུནཔཉྩཨརཧནྟསཏཱནི ཨུཙྩིནི. བྷིཀྑཱུ ཨཱཡསྨནྟཾ མཧཱཀསྶཔཾ ཨེཏདཝོཙུཾ – ‘‘ཨཡཾ, བྷནྟེ, ཨཱཡསྨཱ ཨཱནནྡོ ཀིཉྩཱཔི སེཀྑོ, ཨབྷབྦོ ཚནྡཱ དོསཱ མོཧཱ བྷཡཱ ཨགཏིཾ གནྟུཾ. བཧུ ཙ ཨནེན བྷགཝཏོ སནྟིཀེ དྷམྨོ ཙ ཝིནཡོ ཙ པརིཡཏྟོ. ཏེན ཧི, བྷནྟེ, ཐེརོ ཨཱཡསྨནྟམྤི ཨཱནནྡཾ ཨུཙྩིནཏཱུ’’ཏི ¶ . ཨཐ ཁོ ཨཱཡསྨཱ མཧཱཀསྶཔོ ཨཱཡསྨནྟམྤི ཨཱནནྡཾ ཨུཙྩིནི.

ཨཐ ཁོ ཐེརཱནཾ བྷིཀྑཱུནཾ ཨེཏདཧོསི – ‘‘ཀཏྠ ནུ ཁོ མཡཾ དྷམྨཉྩ ཝིནཡཉྩ སངྒཱཡེཡྻཱམཱ’’ཏི? ཨཐ ཁོ ཐེརཱནཾ བྷིཀྑཱུནཾ ཨེཏདཧོསི – ‘‘རཱཛགཧཾ ཁོ མཧཱགོཙརཾ པཧཱུཏསེནཱསནཾ, ཡཾནཱུན མཡཾ རཱཛགཧེ ཝསྶཾ ཝསནྟཱ དྷམྨཉྩ ཝིནཡཉྩ སངྒཱཡེཡྻཱམ. ན ཨཉྙེ བྷིཀྑཱུ རཱཛགཧེ ཝསྶཾ ཨུཔགཙྪེཡྻུ’’ནྟི.

ཨཐ ཁོ ཨཱཡསྨཱ མཧཱཀསྶཔོ སངྒྷཾ ཉཱཔེསི –

༤༣༨. ‘‘སུཎཱཏུ མེ, ཨཱཝུསོ, སངྒྷོ. ཡདི སངྒྷསྶ པཏྟཀལླཾ, སངྒྷོ ཨིམཱནི པཉྩ བྷིཀྑུསཏཱནི སམྨནྣེཡྻ – རཱཛགཧེ ཝསྶཾ ཝསནྟཱནི དྷམྨཉྩ ཝིནཡཉྩ སངྒཱཡིཏུཾ, ན ཨཉྙེཧི བྷིཀྑཱུཧི རཱཛགཧེ ཝསྶཾ ཝསིཏབྦནྟི. ཨེསཱ ཉཏྟི.

‘‘སུཎཱཏུ མེ, ཨཱཝུསོ, སངྒྷོ. ཨིམཱནི པཉྩ བྷིཀྑུསཏཱནི སམྨནྣཏི – རཱཛགཧེ ཝསྶཾ ཝསནྟཱནི དྷམྨཉྩ ཝིནཡཉྩ སངྒཱཡིཏུཾ, ན ཨཉྙེཧི བྷིཀྑཱུཧི རཱཛགཧེ ཝསྶཾ ཝསིཏབྦནྟི. ཡསྶཱཡསྨཏོ ཁམཏི ཨིམེསཾ པཉྩནྣཾ བྷིཀྑུསཏཱནཾ སམྨུཏི – རཱཛགཧེ ཝསྶཾ ཝསནྟཱནཾ ¶ དྷམྨཉྩ ཝིནཡཉྩ སངྒཱཡིཏུཾ, ན ཨཉྙེཧི བྷིཀྑཱུཧི རཱཛགཧེ ཝསྶཾ ཝསིཏབྦནྟི – སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏཱནི ¶ སངྒྷེན ཨིམཱནི པཉྩ བྷིཀྑུསཏཱནི རཱཛགཧེ ཝསྶཾ ཝསནྟཱནི དྷམྨཉྩ ཝིནཡཉྩ སངྒཱཡིཏུཾ, ན ཨཉྙེཧི བྷིཀྑཱུཧི རཱཛགཧེ ཝསྶཾ ཝསིཏབྦནྟི. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ ¶ དྷཱརཡཱམཱི’’ཏི.

ཨཐ ¶ ཁོ ཐེརཱ བྷིཀྑཱུ རཱཛགཧཾ ཨགམཾསུ དྷམྨཉྩ ཝིནཡཉྩ སངྒཱཡིཏུཾ. ཨཐ ཁོ ཐེརཱནཾ བྷིཀྑཱུནཾ ཨེཏདཧོསི – ‘‘བྷགཝཏཱ ཁོ, ཨཱཝུསོ, ཁཎྜཕུལླཔྤཊིསངྑརཎཾ ཝཎྞིཏཾ. ཧནྡ མཡཾ, ཨཱཝུསོ, པཋམཾ མཱསཾ ཁཎྜཕུལླཾ པཊིསངྑརོམ; མཛ྄ཛྷིམཾ མཱསཾ སནྣིཔཏིཏྭཱ དྷམྨཉྩ ཝིནཡཉྩ སངྒཱཡིསྶཱམཱ’’ཏི.

ཨཐ ཁོ ཐེརཱ བྷིཀྑཱུ པཋམཾ མཱསཾ ཁཎྜཕུལླཾ པཊིསངྑརིཾསུ. ཨཐ ཁོ ཨཱཡསྨཱ ཨཱནནྡོ – སྭེ སནྣིཔཱཏོ [སནྣིཔཱཏོཏི (ཀ.)] ན ཁོ མེཏཾ པཏིརཱུཔཾ, ཡོཧཾ སེཀྑོ སམཱནོ སནྣིཔཱཏཾ གཙྪེཡྻནྟི – བཧུདེཝ རཏྟིཾ ཀཱཡགཏཱཡ སཏིཡཱ ཝཱིཏིནཱམེཏྭཱ རཏྟིཡཱ པཙྩཱུསསམཡཾ ‘ནིཔཛྫིསྶཱམཱི’ཏི ཀཱཡཾ ཨཱཝཛྫེསི. ཨཔྤཏྟཉྩ སཱིསཾ བིབྦོཧནཾ, བྷཱུམིཏོ ཙ པཱདཱ མུཏྟཱ. ཨེཏསྨིཾ ཨནྟརེ ཨནུཔཱདཱཡ ཨཱསཝེཧི ཙིཏྟཾ ཝིམུཙྩི.

༤༣༩. ཨཐ ཁོ ཨཱཡསྨཱ ཨཱནནྡོ ཨརཧཱ སམཱནོ སནྣིཔཱཏཾ ཨགམཱསི. ཨཐ ཁོ ཨཱཡསྨཱ མཧཱཀསྶཔོ སངྒྷཾ ཉཱཔེསི –

‘‘སུཎཱཏུ མེ, ཨཱཝུསོ, སངྒྷོ. ཡདི སངྒྷསྶ པཏྟཀལླཾ, ཨཧཾ ཨུཔཱལིཾ ཝིནཡཾ པུཙྪེཡྻ’’ནྟི.

ཨཱཡསྨཱ ཨུཔཱལི སངྒྷཾ ཉཱཔེསི –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, ཨཧཾ ཨཱཡསྨཏཱ མཧཱཀསྶཔེན ཝིནཡཾ པུཊྛོ ཝིསྶཛྫེཡྻ’’ནྟི.

ཨཐ ཁོ ཨཱཡསྨཱ མཧཱཀསྶཔོ ཨཱཡསྨནྟཾ ཨུཔཱལིཾ ཨེཏདཝོཙ – ‘‘པཋམཾ, ཨཱཝུསོ ཨུཔཱལི ¶ ¶ , པཱརཱཛིཀཾ ཀཏྠ པཉྙཏྟ’’ནྟི? ‘‘ཝེསཱལིཡཾ བྷནྟེ’’ཏི. ‘‘ཀཾ ཨཱརབྦྷཱ’’ཏི? ‘‘སུདིནྣཾ ཀལནྡཔུཏྟཾ ཨཱརབྦྷཱ’’ཏི. ‘‘ཀིསྨིཾ ཝཏྠུསྨི’’ནྟི? ‘‘མེཐུནདྷམྨེ’’ཏི. ཨཐ ཁོ ཨཱཡསྨཱ མཧཱཀསྶཔོ ཨཱཡསྨནྟཾ ཨུཔཱལིཾ པཋམསྶ པཱརཱཛིཀསྶ ཝཏྠུམྤི པུཙྪི, ནིདཱནམྤི པུཙྪི, པུགྒལམྤི པུཙྪི, པཉྙཏྟིམྤི པུཙྪི, ཨནུཔཉྙཏྟིམྤི པུཙྪི, ཨཱཔཏྟིམྤི པུཙྪི, ཨནཱཔཏྟིམྤི ¶ པུཙྪི. ‘‘དུཏིཡཾ པནཱཝུསོ ཨུཔཱལི, པཱརཱཛིཀཾ ཀཏྠ པཉྙཏྟ’’ནྟི? ‘‘རཱཛགཧེ བྷནྟེ’’ཏི. ‘‘ཀཾ ཨཱརབྦྷཱ’’ཏི? ‘‘དྷནིཡཾ ཀུམྦྷཀཱརཔུཏྟཾ ཨཱརབྦྷཱ’’ཏི. ‘‘ཀིསྨིཾ ཝཏྠུསྨི’’ནྟི? ‘‘ཨདིནྣཱདཱནེ’’ཏི. ཨཐ ཁོ ཨཱཡསྨཱ མཧཱཀསྶཔོ ཨཱཡསྨནྟཾ ཨུཔཱལིཾ དུཏིཡསྶ པཱརཱཛིཀསྶ ཝཏྠུམྤི པུཙྪི, ནིདཱནམྤི པུཙྪི, པུགྒལམྤི པུཙྪི, པཉྙཏྟིམྤི པུཙྪི, ཨནུཔཉྙཏྟིམྤི པུཙྪི, ཨཱཔཏྟིམྤི པུཙྪི, ཨནཱཔཏྟིམྤི པུཙྪི. ‘‘ཏཏིཡཾ པནཱཝུསོ ཨུཔཱལི, པཱརཱཛིཀཾ ཀཏྠ པཉྙཏྟ’’ནྟི? ‘‘ཝེསཱལིཡཾ བྷནྟེ’’ཏི. ‘‘ཀཾ ཨཱརབྦྷཱ’’ཏི? ‘‘སམྦཧུལེ བྷིཀྑཱུ ཨཱརབྦྷཱ’’ཏི. ‘‘ཀིསྨིཾ ཝཏྠུསྨི’’ནྟི? ‘‘མནུསྶཝིགྒཧེ’’ཏི. ཨཐ ཁོ ཨཱཡསྨཱ མཧཱཀསྶཔོ ཨཱཡསྨནྟཾ ཨུཔཱལིཾ ¶ ཏཏིཡསྶ པཱརཱཛིཀསྶ ཝཏྠུམྤི པུཙྪི, ནིདཱནམྤི པུཙྪི, པུགྒལམྤི པུཙྪི, པཉྙཏྟིམྤི པུཙྪི, ཨནུཔཉྙཏྟིམྤི པུཙྪི, ཨཱཔཏྟིམྤི པུཙྪི, ཨནཱཔཏྟིམྤི པུཙྪི. ‘‘ཙཏུཏྠཾ པནཱཝུསོ ཨུཔཱལི, པཱརཱཛིཀཾ ཀཏྠ པཉྙཏྟ’’ནྟི? ‘‘ཝེསཱལིཡཾ བྷནྟེ’’ཏི. ‘‘ཀཾ ཨཱརབྦྷཱ’’ཏི? ‘‘ཝགྒུམུདཱཏཱིརིཡེ བྷིཀྑཱུ ཨཱརབྦྷཱ’’ཏི. ‘‘ཀིསྨིཾ ཝཏྠུསྨི’’ནྟི? ‘‘ཨུཏྟརིམནུསྶདྷམྨེ’’ཏི. ཨཐ ཁོ ཨཱཡསྨཱ ¶ མཧཱཀསྶཔོ ཨཱཡསྨནྟཾ ཨུཔཱལིཾ ཙཏུཏྠསྶ པཱརཱཛིཀསྶ ཝཏྠུམྤི པུཙྪི, ནིདཱནམྤི པུཙྪི, པུགྒལམྤི པུཙྪི, པཉྙཏྟིམྤི པུཙྪི, ཨནུཔཉྙཏྟིམྤི པུཙྪི, ཨཱཔཏྟིམྤི པུཙྪི, ཨནཱཔཏྟིམྤི པུཙྪི. ཨེཏེནེཝ ཨུཔཱཡེན ཨུབྷཏོཝིབྷངྒེ པུཙྪི. པུཊྛོ པུཊྛོ ཨཱཡསྨཱ ཨུཔཱལི ཝིསྶཛྫེསི.

༤༤༠. ཨཐ ཁོ ཨཱཡསྨཱ མཧཱཀསྶཔོ སངྒྷཾ ཉཱཔེསི –

‘‘སུཎཱཏུ མེ, ཨཱཝུསོ, སངྒྷོ. ཡདི སངྒྷསྶ པཏྟཀལླཾ, ཨཧཾ ཨཱནནྡཾ དྷམྨཾ པུཙྪེཡྻ’’ནྟི.

ཨཱཡསྨཱ ཨཱནནྡོ སངྒྷཾ ཉཱཔེསི –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, ཨཧཾ ཨཱཡསྨཏཱ མཧཱཀསྶཔེན དྷམྨཾ པུཊྛོ ཝིསྶཛྫེཡྻ’’ནྟི.

ཨཐ ¶ ཁོ ཨཱཡསྨཱ མཧཱཀསྶཔོ ཨཱཡསྨནྟཾ ཨཱནནྡཾ ཨེཏདཝོཙ – ‘‘བྲཧྨཛཱལཾ, ཨཱཝུསོ ཨཱནནྡ, ཀཏྠ བྷཱསིཏ’’ནྟི? ‘‘ཨནྟརཱ ཙ, བྷནྟེ, རཱཛགཧཾ ཨནྟརཱ ཙ ནཱལ༹ནྡཾ རཱཛཱགཱརཀེ ཨམྦལཊྛིཀཱཡཱ’’ཏི. ‘‘ཀཾ ཨཱརབྦྷཱ’’ཏི? ‘‘སུཔྤིཡཉྩ པརིབྦཱཛཀཾ བྲཧྨདཏྟཉྩ མཱཎཝ’’ནྟི. ཨཐ ཁོ ཨཱཡསྨཱ མཧཱཀསྶཔོ ཨཱཡསྨནྟཾ ཨཱནནྡཾ བྲཧྨཛཱལསྶ ནིདཱནམྤི པུཙྪི, པུགྒལམྤི པུཙྪི. ‘‘སཱམཉྙཕལཾ པནཱཝུསོ ཨཱནནྡ, ཀཏྠ བྷཱསིཏ’’ནྟི? ‘‘རཱཛགཧེ, བྷནྟེ, ཛཱིཝཀམྦཝནེ’’ཏི. ‘‘ཀེན སདྡྷི’’ནྟི? ‘‘ཨཛཱཏསཏྟུནཱ ཝེདེཧིཔུཏྟེན ¶ སདྡྷི’’ནྟི. ཨཐ ཁོ ཨཱཡསྨཱ མཧཱཀསྶཔོ ཨཱཡསྨནྟཾ ཨཱནནྡཾ སཱམཉྙཕལསྶ ནིདཱནམྤི པུཙྪི, པུགྒལམྤི ¶ པུཙྪི. ཨེཏེནེཝ ཨུཔཱཡེན པཉྩཔི ནིཀཱཡེ པུཙྪི. པུཊྛོ པུཊྛོ ཨཱཡསྨཱ ཨཱནནྡོ ཝིསྶཛྫེསི.

༢. ཁུདྡཱནུཁུདྡཀསིཀྑཱཔདཀཐཱ

༤༤༡. ཨཐ ཁོ ཨཱཡསྨཱ ཨཱནནྡོ ཐེརེ བྷིཀྑཱུ ཨེཏདཝོཙ – ‘‘བྷགཝཱ མཾ, བྷནྟེ, པརིནིབྦཱནཀཱལེ ཨེཝམཱཧ – ‘ཨཱཀངྑམཱནོ, ཨཱནནྡ, སངྒྷོ མམཙྩཡེན ཁུདྡཱནུཁུདྡཀཱནི སིཀྑཱཔདཱནི སམཱུཧནེཡྻཱ’’’ཏི. ‘‘པུཙྪི པན ཏྭཾ, ཨཱཝུསོ ཨཱནནྡ, བྷགཝནྟཾ – ‘ཀཏམཱནི པན, བྷནྟེ, ཁུདྡཱནུཁུདྡཀཱནི སིཀྑཱཔདཱནཱི’’’ཏི? ‘‘ན ཁོཧཾ, བྷནྟེ, བྷགཝནྟཾ པུཙྪིཾ – ‘ཀཏམཱནི པན, བྷནྟེ, ཁུདྡཱནུཁུདྡཀཱནི སིཀྑཱཔདཱནཱི’’ཏི. ཨེཀཙྩེ ཐེརཱ ཨེཝམཱཧཾསུ – ‘‘ཙཏྟཱརི པཱརཱཛིཀཱནི ཋཔེཏྭཱ, ཨཝསེསཱནི ཁུདྡཱནུཁུདྡཀཱནི སིཀྑཱཔདཱནཱི’’ཏི. ཨེཀཙྩེ ཐེརཱ ཨེཝམཱཧཾསུ – ‘‘ཙཏྟཱརི པཱརཱཛིཀཱནི ཋཔེཏྭཱ ¶ , ཏེརས སངྒྷཱདིསེསེ ཋཔེཏྭཱ, ཨཝསེསཱནི ཁུདྡཱནུཁུདྡཀཱནི སིཀྑཱཔདཱནཱི’’ཏི. ཨེཀཙྩེ ཐེརཱ ཨེཝམཱཧཾསུ – ‘‘ཙཏྟཱརི པཱརཱཛིཀཱནི ཋཔེཏྭཱ, ཏེརས སངྒྷཱདིསེསེ ཋཔེཏྭཱ, དྭེ ཨནིཡཏེ ཋཔེཏྭཱ, ཨཝསེསཱནི ཁུདྡཱནུཁུདྡཀཱནི སིཀྑཱཔདཱནཱི’’ཏི. ཨེཀཙྩེ ཐེརཱ ཨེཝམཱཧཾསུ – ‘‘ཙཏྟཱརི པཱརཱཛིཀཱནི ཋཔེཏྭཱ, ཏེརས སངྒྷཱདིསེསེ ཋཔེཏྭཱ, དྭེ ཨནིཡཏེ ཋཔེཏྭཱ, ཏིཾས ནིསྶགྒིཡེ པཱཙིཏྟིཡེ ཋཔེཏྭཱ, ཨཝསེསཱནི ཁུདྡཱནུཁུདྡཀཱནི སིཀྑཱཔདཱནཱི’’ཏི. ཨེཀཙྩེ ཐེརཱ ཨེཝམཱཧཾསུ – ‘‘ཙཏྟཱརི པཱརཱཛིཀཱནི ཋཔེཏྭཱ, ཏེརས སངྒྷཱདིསེསེ ཋཔེཏྭཱ, དྭེ ཨནིཡཏེ ཋཔེཏྭཱ, ཏིཾས ནིསྶགྒིཡེ པཱཙིཏྟིཡེ ཋཔེཏྭཱ, དྭེནཝུཏི པཱཙིཏྟིཡེ ཋཔེཏྭཱ, ཨཝསེསཱནི ཁུདྡཱནུཁུདྡཀཱནི སིཀྑཱཔདཱནཱི’’ཏི. ཨེཀཙྩེ ཐེརཱ ཨེཝམཱཧཾསུ – ‘‘ཙཏྟཱརི པཱརཱཛིཀཱནི ཋཔེཏྭཱ, ཏེརས སངྒྷཱདིསེསེ ཋཔེཏྭཱ, དྭེ ཨནིཡཏེ ཋཔེཏྭཱ, ཏིཾས ནིསྶགྒིཡེ པཱཙིཏྟིཡེ ཋཔེཏྭཱ, དྭེནཝུཏི པཱཙིཏྟིཡེ ཋཔེཏྭཱ, ཙཏྟཱརོ པཱཊིདེསནཱིཡེ ཋཔེཏྭཱ, ཨཝསེསཱནི ཁུདྡཱནུཁུདྡཀཱནི ¶ སིཀྑཱཔདཱནཱི’’ཏི.

༤༤༢. ཨཐ ¶ ཁོ ཨཱཡསྨཱ མཧཱཀསྶཔོ སངྒྷཾ ཉཱཔེསི –

‘‘སུཎཱཏུ མེ, ཨཱཝུསོ, སངྒྷོ. སནྟམྷཱཀཾ སིཀྑཱཔདཱནི གིཧིགཏཱནི. གིཧིནོཔི ཛཱནནྟི – ‘ཨིདཾ ཝོ སམཎཱནཾ སཀྱཔུཏྟིཡཱནཾ ཀཔྤཏི, ཨིདཾ ཝོ ན ཀཔྤཏཱི’ཏི. སཙེ མཡཾ ཁུདྡཱནུཁུདྡཀཱནི སིཀྑཱཔདཱནི སམཱུཧནིསྶཱམ, བྷཝིསྶནྟི ¶ ཝཏྟཱརོ – ‘དྷཱུམཀཱལིཀཾ སམཎེན གོཏམེན སཱཝཀཱནཾ སིཀྑཱཔདཾ པཉྙཏྟཾ. ཡཱཝིམེསཾ སཏྠཱ ཨཊྛཱསི ཏཱཝིམེ སིཀྑཱཔདེསུ སིཀྑིཾསུ. ཡཏོ ཨིམེསཾ སཏྠཱ པརིནིབྦུཏོ, ན དཱནིམེ སིཀྑཱཔདེསུ སིཀྑནྟཱི’ཏི. ཡདི སངྒྷསྶ པཏྟཀལླཾ, སངྒྷོ ཨཔྤཉྙཏྟཾ ནཔྤཉྙཔེཡྻ, པཉྙཏྟཾ ན སམུཙྪིནྡེཡྻ, ཡཐཱཔཉྙཏྟེསུ སིཀྑཱཔདེསུ སམཱདཱཡ ཝཏྟེཡྻ. ཨེསཱ ཉཏྟི.

‘‘སུཎཱཏུ མེ, ཨཱཝུསོ, སངྒྷོ. སནྟམྷཱཀཾ སིཀྑཱཔདཱནི གིཧིགཏཱནི. གིཧིནོཔི ཛཱནནྟི – ‘ཨིདཾ ཝོ སམཎཱནཾ སཀྱཔུཏྟིཡཱནཾ ཀཔྤཏི, ཨིདཾ ཝོ ན ཀཔྤཏཱི’ཏི. སཙེ མཡཾ ཁུདྡཱནུཁུདྡཀཱནི སིཀྑཱཔདཱནི སམཱུཧནིསྶཱམ, བྷཝིསྶནྟི ཝཏྟཱརོ – ‘དྷཱུམཀཱལིཀཾ སམཎེན གོཏམེན སཱཝཀཱནཾ སིཀྑཱཔདཾ པཉྙཏྟཾ ¶ . ཡཱཝིམེསཾ སཏྠཱ ཨཊྛཱསི ཏཱཝིམེ སིཀྑཱཔདེསུ སིཀྑིཾསུ. ཡཏོ ཨིམེསཾ སཏྠཱ པརིནིབྦུཏོ, ན དཱནིམེ སིཀྑཱཔདེསུ སིཀྑནྟཱི’ཏི. སངྒྷོ ཨཔྤཉྙཏྟཾ ནཔྤཉྙཔེཏི, པཉྙཏྟཾ ན སམུཙྪིནྡཏི, ཡཐཱཔཉྙཏྟེསུ སིཀྑཱཔདེསུ སམཱདཱཡ ཝཏྟཏི. ཡསྶཱཡསྨཏོ ཁམཏི ཨཔྤཉྙཏྟསྶ ཨཔྤཉྙཱཔནཱ, པཉྙཏྟསྶ ཨསམུཙྪེདོ, ཡཐཱཔཉྙཏྟེསུ སིཀྑཱཔདེསུ སམཱདཱཡ ཝཏྟནཱ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སངྒྷོ ཨཔྤཉྙཏྟཾ ནཔྤཉྙཔེཏི, པཉྙཏྟཾ ན སམུཙྪིནྡཏི, ཡཐཱཔཉྙཏྟེསུ སིཀྑཱཔདེསུ སམཱདཱཡ ཝཏྟཏི. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

༤༤༣. ཨཐ ཁོ ཐེརཱ བྷིཀྑཱུ ཨཱཡསྨནྟཾ ཨཱནནྡཾ ཨེཏདཝོཙུཾ – ‘‘ཨིདཾ ཏེ, ཨཱཝུསོ ཨཱནནྡ, དུཀྐཊཾ, ཡཾ ཏྭཾ བྷགཝནྟཾ ན པུཙྪི – ‘ཀཏམཱནི པན, བྷནྟེ, ཁུདྡཱནུཁུདྡཀཱནི ¶ སིཀྑཱཔདཱནཱི’ཏི. དེསེཧི ཏཾ དུཀྐཊ’’ནྟི. ‘‘ཨཧཾ ཁོ, བྷནྟེ, ཨསྶཏིཡཱ བྷགཝནྟཾ ན པུཙྪིཾ – ‘ཀཏམཱནི པན, བྷནྟེ, ཁུདྡཱནུཁུདྡཀཱནི སིཀྑཱཔདཱནཱི’ཏི. ནཱཧཾ ཏཾ དུཀྐཊཾ པསྶཱམི, ཨཔི ཙཱཡསྨནྟཱནཾ སདྡྷཱཡ དེསེམི ཏཾ དུཀྐཊ’’ནྟི. ‘‘ཨིདམྤི ཏེ, ཨཱཝུསོ ཨཱནནྡ, དུཀྐཊཾ, ཡཾ ཏྭཾ བྷགཝཏོ ཝསྶིཀསཱཊིཀཾ ཨཀྐམིཏྭཱ སིབྦེསི. དེསེཧི ཏཾ དུཀྐཊ’’ནྟི. ‘‘ཨཧཾ ཁོ, བྷནྟེ, ན ཨགཱརཝེན བྷགཝཏོ ཝསྶིཀསཱཊིཀཾ ཨཀྐམིཏྭཱ སིབྦེསིཾ. ནཱཧཾ ཏཾ དུཀྐཊཾ པསྶཱམི, ཨཔི ཙཱཡསྨནྟཱནཾ སདྡྷཱཡ དེསེམི ཏཾ དུཀྐཊ’’ནྟི. ‘‘ཨིདམྤི ¶ ¶ ཏེ, ཨཱཝུསོ ཨཱནནྡ, དུཀྐཊཾ, ཡཾ ཏྭཾ མཱཏུགཱམེཧི བྷགཝཏོ ¶ སརཱིརཾ པཋམཾ ཝནྡཱཔེསི, ཏཱསཾ རོདནྟཱིནཾ བྷགཝཏོ སརཱིརཾ ཨསྶུཀེན མཀྑིཏཾ. དེསེཧི ཏཾ དུཀྐཊ’’ནྟི. ཨཧཾ ཁོ, བྷནྟེ – མཱཡིམཱསཾ [མཱཡིམཱ (སཱི. སྱཱ.)] ཝིཀཱལེ ཨཧེསུནྟི – མཱཏུགཱམེཧི བྷགཝཏོ སརཱིརཾ པཋམཾ ཝནྡཱཔེསིཾ. ནཱཧཾ ཏཾ དུཀྐཊཾ པསྶཱམི, ཨཔི ཙཱཡསྨནྟཱནཾ སདྡྷཱཡ དེསེམི ཏཾ དུཀྐཊ’’ནྟི. ‘‘ཨིདམྤི ཏེ, ཨཱཝུསོ ཨཱནནྡ, དུཀྐཊཾ, ཡཾ ཏྭཾ བྷགཝཏཱ ཨོལཱ༹རིཀེ ནིམིཏྟེ ཀཡིརམཱནེ, ཨོལཱ༹རིཀེ ཨོབྷཱསེ ཀཡིརམཱནེ, ན བྷགཝནྟཾ ཡཱཙི – ‘ཏིཊྛཏུ བྷགཝཱ ཀཔྤཾ, ཏིཊྛཏུ སུགཏོ ཀཔྤཾ, བཧུཛནཧིཏཱཡ བཧུཛནསུཁཱཡ ལོཀཱནུཀམྤཱཡ ཨཏྠཱཡ ཧིཏཱཡ སུཁཱཡ དེཝམནུསྶཱན’ནྟི. དེསེཧི ཏཾ དུཀྐཊ’’ནྟི. ‘‘ཨཧཾ ཁོ, བྷནྟེ, མཱརེན པརིཡུཊྛིཏཙིཏྟོ ན བྷགཝནྟཾ ཡཱཙིཾ – ‘ཏིཊྛཏུ བྷགཝཱ ཀཔྤཾ, ཏིཊྛཏུ སུགཏོ ཀཔྤཾ, བཧུཛནཧིཏཱཡ བཧུཛནསུཁཱཡ ལོཀཱནུཀམྤཱཡ ཨཏྠཱཡ ཧིཏཱཡ སུཁཱཡ དེཝམནུསྶཱན’ནྟི. ནཱཧཾ ཏཾ དུཀྐཊཾ པསྶཱམི, ཨཔི ཙཱཡསྨནྟཱནཾ སདྡྷཱཡ དེསེམི ཏཾ དུཀྐཊ’’ནྟི. ‘‘ཨིདམྤི ཏེ, ཨཱཝུསོ ཨཱནནྡ, དུཀྐཊཾ ཡཾ ཏྭཾ མཱཏུགཱམསྶ ཏཐཱགཏཔྤཝེདིཏེ དྷམྨཝིནཡེ པབྦཛྫཾ ཨུསྶུཀྐཾ ཨཀཱསི. དེསེཧི ཏཾ དུཀྐཊ’’ནྟི. ‘‘ཨཧཾ ཁོ, བྷནྟེ, ཨཡཾ མཧཱཔཛཱཔཏི གོཏམཱི བྷགཝཏོ མཱཏུཙྪཱ ཨཱཔཱདིཀཱ པོསིཀཱ ཁཱིརསྶ དཱཡིཀཱ བྷགཝནྟཾ ཛནེཏྟིཡཱ ཀཱལངྐཏཱཡ ཐཉྙཾ པཱཡེསཱིཏི མཱཏུགཱམསྶ ཏཐཱགཏཔྤཝེདིཏེ དྷམྨཝིནཡེ པབྦཛྫཾ ཨུསྶུཀྐཾ ཨཀཱསིཾ. ནཱཧཾ ཏཾ དུཀྐཊཾ པསྶཱམི, ཨཔི ¶ ཙཱཡསྨནྟཱནཾ སདྡྷཱཡ དེསེམི ཏཾ དུཀྐཊ’’ནྟི.

༤༤༤. ཏེན ཁོ པན སམཡེན ཨཱཡསྨཱ པུརཱཎོ དཀྑིཎཱགིརིསྨིཾ ཙཱརིཀཾ ཙརཏི མཧཏཱ བྷིཀྑུསངྒྷེན སདྡྷིཾ པཉྩམཏྟེཧི བྷིཀྑུསཏེཧི. ཨཐ ཁོ ཨཱཡསྨཱ པུརཱཎོ ཐེརེཧི བྷིཀྑཱུཧི དྷམྨེ ཙ ཝིནཡེ ཙ སངྒཱིཏེ དཀྑིཎཱགིརིསྨིཾ ཡཐཱབྷིརནྟཾ ཝིཧརིཏྭཱ ཡེན རཱཛགཧཾ ཡེན ཝེལུ༹ཝནཾ ¶ ཀལནྡཀནིཝཱཔོ ཡེན ཐེརཱ བྷིཀྑཱུ ཏེནུཔསངྐམི, ཨུཔསངྐམིཏྭཱ ཐེརེཧི བྷིཀྑཱུཧི སདྡྷིཾ པཊིསམྨོདིཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨཱཡསྨནྟཾ པུརཱཎཾ ཐེརཱ བྷིཀྑཱུ ཨེཏདཝོཙུཾ – ‘‘ཐེརེཧི, ཨཱཝུསོ པུརཱཎ, དྷམྨོ ཙ ཝིནཡོ ཙ སངྒཱིཏོ. ཨུཔེཧི ཏཾ སངྒཱིཏི’’ནྟི. ‘‘སུསངྒཱིཏཱཝུསོ, ཐེརེཧི དྷམྨོ ཙ ཝིནཡོ ཙ. ཨཔིཙ ཡཐེཝ མཡཱ བྷགཝཏོ སམྨུཁཱ སུཏཾ, སམྨུཁཱ པཊིགྒཧིཏཾ, ཏཐེཝཱཧཾ དྷཱརེསྶཱམཱི’’ཏི.

༣. བྲཧྨདཎྜཀཐཱ

༤༤༥. ཨཐ ¶ ཁོ ཨཱཡསྨཱ ཨཱནནྡོ ཐེརེ བྷིཀྑཱུ ཨེཏདཝོཙ – ‘‘བྷགཝཱ མཾ, བྷནྟེ, པརིནིབྦཱནཀཱལེ ཨེཝམཱཧ – ‘ཏེན ཧཱནནྡ, སངྒྷོ མམཙྩཡེན ཚནྣསྶ བྷིཀྑུནོ བྲཧྨདཎྜཾ ཨཱཎཱཔེཏཱུ’’’ཏི ¶ . ‘‘པུཙྪི པན ཏྭཾ, ཨཱཝུསོ ཨཱནནྡ, བྷགཝནྟཾ – ‘ཀཏམོ པན, བྷནྟེ, བྲཧྨདཎྜོ’’’ཏི? ‘‘པུཙྪིཾ ཁོཧཾ, བྷནྟེ, བྷགཝནྟཾ – ‘ཀཏམོ པན, བྷནྟེ, བྲཧྨདཎྜོ’’’ཏི? ‘‘ཚནྣོ, ཨཱནནྡ, བྷིཀྑུ ཡཾ ཨིཙྪེཡྻ ཏཾ ཝདེཡྻ. བྷིཀྑཱུཧི ཚནྣོ བྷིཀྑུ ནེཝ ཝཏྟབྦོ, ན ཨོཝདིཏབྦོ, ནཱནུསཱསིཏབྦོ’’ཏི. ‘‘ཏེན ཧཱཝུསོ ཨཱནནྡ, ཏྭཾཡེཝ ཚནྣསྶ བྷིཀྑུནོ ¶ བྲཧྨདཎྜཾ ཨཱཎཱཔེཧཱི’’ཏི. ‘‘ཀཐཱཧཾ, བྷནྟེ, ཚནྣསྶ བྷིཀྑུནོ བྲཧྨདཎྜཾ ཨཱཎཱཔེམི, ཙཎྜོ སོ བྷིཀྑུ ཕརུསོ’’ཏི? ‘ཏེན ཧཱཝུསོ ཨཱནནྡ, བཧུཀེཧི བྷིཀྑཱུཧི སདྡྷིཾ གཙྪཱཧཱི’’ཏི. ‘‘ཨེཝཾ བྷནྟེ’’ཏི ཁོ ཨཱཡསྨཱ ཨཱནནྡོ ཐེརཱནཾ བྷིཀྑཱུནཾ པཊིསྶུཏྭཱ མཧཏཱ བྷིཀྑུསངྒྷེན སདྡྷིཾ པཉྩམཏྟེཧི བྷིཀྑུསཏེཧི ནཱཝཱཡ ཨུཛྫཝནིཀཱཡ ཀོསམྦིཾ ཨུཛྫཝི, ནཱཝཱཡ པཙྩོརོཧིཏྭཱ རཉྙོ ཨུདེནསྶ [ཨུཏེནསྶ (ཀ.)] ཨུཡྻཱནསྶ ཨཝིདཱུརེ ཨཉྙཏརསྨིཾ རུཀྑམཱུལེ ནིསཱིདི. ཏེན ཁོ པན སམཡེན རཱཛཱ ཨུདེནོ ཨུཡྻཱནེ པརིཙཱརེསི སདྡྷིཾ ཨོརོདྷེན. ཨསྶོསི ཁོ རཉྙོ ཨུདེནསྶ ཨོརོདྷོ – ‘‘ཨམྷཱཀཾ ཀིར ཨཱཙརིཡོ ཨཡྻོ ཨཱནནྡོ ཨུཡྻཱནསྶ ཨཝིདཱུརེ ཨཉྙཏརསྨིཾ རུཀྑམཱུལེ ནིསིནྣོ’’ཏི. ཨཐ ཁོ རཉྙོ ཨུདེནསྶ ཨོརོདྷོ རཱཛཱནཾ ཨུདེནཾ ཨེཏདཝོཙ – ‘‘ཨམྷཱཀཾ ཀིར, དེཝ, ཨཱཙརིཡོ ཨཡྻོ ཨཱནནྡོ ཨུཡྻཱནསྶ ཨཝིདཱུརེ ཨཉྙཏརསྨིཾ རུཀྑམཱུལེ ནིསིནྣོ. ཨིཙྪཱམ མཡཾ, དེཝ, ཨཡྻཾ ཨཱནནྡཾ པསྶིཏུ’’ནྟི. ‘‘ཏེན ཧི ཏུམྷེ སམཎཾ ཨཱནནྡཾ པསྶཐཱ’’ཏི.

ཨཐ ཁོ རཉྙོ ཨུདེནསྶ ཨོརོདྷོ ཡེནཱཡསྨཱ ཨཱནནྡོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ ཨཱནནྡཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ རཉྙོ ཨུདེནསྶ ཨོརོདྷཾ ཨཱཡསྨཱ ཨཱནནྡོ དྷམྨིཡཱ ཀཐཱཡ སནྡསྶེསི སམཱདཔེསི ¶ སམུཏྟེཛེསི སམྤཧཾསེསི ¶ . ཨཐ ཁོ རཉྙོ ཨུདེནསྶ ཨོརོདྷོ ཨཱཡསྨཏཱ ཨཱནནྡེན དྷམྨིཡཱ ཀཐཱཡ སནྡསྶིཏོ སམཱདཔིཏོ སམུཏྟེཛིཏོ སམྤཧཾསིཏོ ཨཱཡསྨཏོ ཨཱནནྡསྶ པཉྩ ཨུཏྟརཱསངྒསཏཱནི པཱདཱསི. ཨཐ ¶ ཁོ རཉྙོ ཨུདེནསྶ ཨོརོདྷོ ཨཱཡསྨཏོ ཨཱནནྡསྶ བྷཱསིཏཾ ཨབྷིནནྡིཏྭཱ ཨནུམོདིཏྭཱ ཨུཊྛཱཡཱསནཱ ཨཱཡསྨནྟཾ ཨཱནནྡཾ ཨབྷིཝཱདེཏྭཱ པདཀྑིཎཾ ཀཏྭཱ ཡེན རཱཛཱ ཨུདེནོ ཏེནུཔསངྐམི. ཨདྡསཱ ཁོ རཱཛཱ ཨུདེནོ ཨོརོདྷཾ དཱུརཏོཝ ཨཱགཙྪནྟཾ. དིསྭཱན ཨོརོདྷཾ ཨེཏདཝོཙ – ‘‘ཨཔི ནུ ཁོ ཏུམྷེ སམཎཾ ཨཱནནྡཾ པསྶིཏྠཱ’’ཏི? ‘‘ཨཔསྶིམྷཱ ཁོ མཡཾ, དེཝ, ཨཡྻཾ ཨཱནནྡ’’ནྟི. ‘‘ཨཔི ནུ ཏུམྷེ སམཎསྶ ཨཱནནྡསྶ ཀིཉྩི ཨདཏྠཱ’’ཏི? ‘‘ཨདམྷཱ ཁོ མཡཾ, དེཝ, ཨཡྻསྶ ཨཱནནྡསྶ པཉྩ ཨུཏྟརཱསངྒསཏཱནཱི’’ཏི. རཱཛཱ ཨུདེནོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ སམཎོ ཨཱནནྡོ ཏཱཝ བཧུཾ ཙཱིཝརཾ པཊིགྒཧེསྶཏི! དུསྶཝཱཎིཛྫཾ ཝཱ སམཎོ ཨཱནནྡོ ཀརིསྶཏི, པགྒཱཧིཀསཱལཾ ཝཱ པསཱརེསྶཏཱི’’ཏི!

ཨཐ ¶ ཁོ རཱཛཱ ཨུདེནོ ཡེནཱཡསྨཱ ཨཱནནྡོ ཏེནུཔསངྐམི, ཨུཔསངྐམིཏྭཱ ཨཱཡསྨཏཱ ཨཱནནྡེན སདྡྷིཾ སམྨོདི. སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ རཱཛཱ ཨུདེནོ ཨཱཡསྨནྟཾ ཨཱནནྡཾ ཨེཏདཝོཙ – ‘‘ཨཱགམཱ ནུ ¶ ཁྭིདྷ, བྷོ ཨཱནནྡ, ཨམྷཱཀཾ ཨོརོདྷོ’’ཏི? ‘‘ཨཱགམཱསི ཁོ ཏེ ཨིདྷ, མཧཱརཱཛ, ཨོརོདྷོ’’ཏི. ‘‘ཨཔི པན བྷོཏོ ཨཱནནྡསྶ ཀིཉྩི ཨདཱསཱི’’ཏི? ‘‘ཨདཱསི ཁོ མེ, མཧཱརཱཛ, པཉྩ ཨུཏྟརཱསངྒསཏཱནཱི’’ཏི. ‘‘ཀིཾ པན བྷཝཾ ཨཱནནྡོ ཏཱཝ བཧུཾ ཙཱིཝརཾ ཀརིསྶཏཱི’’ཏི? ‘‘ཡེ [ཡེ པན (ཀ.)] ཏེ, མཧཱརཱཛ, བྷིཀྑཱུ དུབྦལཙཱིཝརཱ ཏེཧི སདྡྷིཾ སཾཝིབྷཛིསྶཱམཱི’’ཏི. ‘‘ཡཱནི ཁོ པན, བྷོ ཨཱནནྡ, པོརཱཎཀཱནི དུབྦལཙཱིཝརཱནི ཏཱནི ཀཐཾ ཀརིསྶཐཱ’’ཏི? ‘‘ཏཱནི, མཧཱརཱཛ, ཨུཏྟརཏྠརཎཾ ཀརིསྶཱམཱ’’ཏི. ‘‘ཡཱནི པན, བྷོ ཨཱནནྡ, པོརཱཎཀཱནི ཨུཏྟརཏྠརཎཱནི ཏཱནི ཀཐཾ ཀརིསྶཐཱ’’ཏི? ‘‘ཏཱནི, མཧཱརཱཛ, བྷིསིཙྪཝིཡོ ཀརིསྶཱམཱ’’ཏི. ‘‘ཡཱ པན, བྷོ ཨཱནནྡ, པོརཱཎཀཱ བྷིསིཙྪཝིཡོ ཏཱ ཀཐཾ ཀརིསྶཐཱ’’ཏི? ‘‘ཏཱ, མཧཱརཱཛ, བྷཱུམཏྠརཎཾ ཀརིསྶཱམཱ’’ཏི. ‘‘ཡཱནི པན, བྷོ ཨཱནནྡ, པོརཱཎཀཱནི བྷཱུམཏྠརཎཱནི ཏཱནི ཀཐཾ ཀརིསྶཐཱ’’ཏི? ‘‘ཏཱནི, མཧཱརཱཛ, པཱདཔུཉྪནིཡོ ཀརིསྶཱམཱ’’ཏི. ‘‘ཡཱ པན, བྷོ ཨཱནནྡ, པོརཱཎཀཱ པཱདཔུཉྪནིཡོ ཏཱ ཀཐཾ ཀརིསྶཐཱ’’ཏི?. ‘‘ཏཱ, མཧཱརཱཛ, རཛོཧརཎཾ ཀརིསྶཱམཱ’’ཏི. ‘‘ཡཱནི པན, བྷོ ¶ ཨཱནནྡ, པོརཱཎཀཱནི རཛོཧརཎཱནི ཏཱནི ཀཐཾ ཀརིསྶཐཱ’’ཏི? ‘‘ཏཱནི, མཧཱརཱཛ, ཀོཊྚེཏྭཱ ཙིཀྑལླེན མདྡིཏྭཱ པརིབྷཎྜཾ ལིམྤིསྶཱམཱ’’ཏི.

ཨཐ ཁོ རཱཛཱ ཨུདེནོ – སབྦེཝིམེ ¶ སམཎཱ སཀྱཔུཏྟིཡཱ ཡོནིསོ ཨུཔནེནྟི, ན ཀུལཝཾ གམེནྟཱིཏི ¶ – ཨཱཡསྨཏོ ཨཱནནྡསྶ ཨཉྙཱནིཔི པཉྩ དུསྶསཏཱནི པཱདཱསི. ཨཡཉྩརཧི ཨཱཡསྨཏོ ཨཱནནྡསྶ པཋམཾ ཙཱིཝརབྷིཀྑཱ ཨུཔྤཛྫི ཙཱིཝརསཧསྶཾ. ཨཐ ཁོ ཨཱཡསྨཱ ཨཱནནྡོ ཡེན གྷོསིཏཱརཱམོ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི. ཨཐ ཁོ ཨཱཡསྨཱ ཚནྣོ ཡེནཱཡསྨཱ ཨཱནནྡོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ ཨཱནནྡཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣཾ ཁོ ཨཱཡསྨནྟཾ ཚནྣཾ ཨཱཡསྨཱ ཨཱནནྡོ ཨེཏདཝོཙ – ‘‘སངྒྷེན ཏེ, ཨཱཝུསོ ཚནྣ, བྲཧྨདཎྜོ ཨཱཎཱཔིཏོ’’ཏི.

‘‘ཀཏམོ པན, བྷནྟེ ཨཱནནྡ, བྲཧྨདཎྜོ ཨཱཎཱཔིཏོ’’ཏི? ‘‘ཏྭཾ, ཨཱཝུསོ ཚནྣ, བྷིཀྑཱུ ཡཾ ཨིཙྪེཡྻཱསི ཏཾ ཝདེཡྻཱསི. བྷིཀྑཱུཧི ཏྭཾ ནེཝ ཝཏྟབྦོ, ན ཨོཝདིཏབྦོ, ནཱནུསཱསིཏབྦོ’’ཏི. ‘‘ནནྭཱཧཾ, བྷནྟེ ཨཱནནྡ, ཧཏོ ཨེཏྟཱཝཏཱ, ཡཏོཧཾ བྷིཀྑཱུཧི ནེཝ ཝཏྟབྦོ, ན ཨོཝདིཏབྦོ, ནཱནུསཱསིཏབྦོ’’ཏི ཏཏྠེཝ མུཙྪིཏོ པཔཏོ. ཨཐ ཁོ ཨཱཡསྨཱ ཚནྣོ ¶ བྲཧྨདཎྜེན ཨཊྚཱིཡམཱནོ ཧརཱཡམཱནོ ཛིགུཙྪམཱནོ ཨེཀོ ཝཱུཔཀཊྛོ ཨཔྤམཏྟོ ཨཱཏཱཔཱི པཧིཏཏྟོ ཝིཧརནྟོ ནཙིརསྶེཝ ཡསྶཏྠཱཡ ཀུལཔུཏྟཱ སམྨདེཝ ཨགཱརསྨཱ ཨནགཱརིཡཾ པབྦཛནྟི, ཏདནུཏྟརཾ བྲཧྨཙརིཡཔརིཡོསཱནཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧཱསི. ‘ཁཱིཎཱ ཛཱཏི, ཝུསིཏཾ ¶ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི ཨབྦྷཉྙཱསི. ཨཉྙཏརོ ཙ པནཱཡསྨཱ ཚནྣོ ཨརཧཏཾ ཨཧོསི. ཨཐ ཁོ ཨཱཡསྨཱ ཚནྣོ ཨརཧཏྟཾ པཏྟོ ཡེནཱཡསྨཱ ཨཱནནྡོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ ཨཱནནྡཾ ཨེཏདཝོཙ – ‘‘པཊིཔྤསྶམྦྷེཧི དཱནི མེ, བྷནྟེ ཨཱནནྡ, བྲཧྨདཎྜ’’ནྟི. ‘‘ཡདགྒེན ཏཡཱ, ཨཱཝུསོ ཚནྣ, ཨརཧཏྟཾ སཙྪིཀཏཾ ཏདགྒེན ཏེ བྲཧྨདཎྜོ པཊིཔྤསྶདྡྷོ’’ཏི. ཨིམཱཡ ཁོ པན ཝིནཡསངྒཱིཏིཡཱ པཉྩ བྷིཀྑུསཏཱནི ཨནཱུནཱནི ཨནདྷིཀཱནི ཨཧེསུཾ. ཏསྨཱ ཨཡཾ ཝིནཡསངྒཱིཏི ‘‘པཉྩསཏིཀཱ’’ཏི ཝུཙྩཏཱིཏི.

པཉྩསཏིཀཀྑནྡྷཀོ ཨེཀཱདསམོ.

ཨིམམྷི ཁནྡྷཀེ ཝཏྠཱུ ཏེཝཱིསཏི.

ཏསྶུདྡཱནཾ –

པརིནིབྦུཏེ ¶ སམྦུདྡྷེ, ཐེརོ ཀསྶཔསཝ྄ཧཡོ;

ཨཱམནྟཡི བྷིཀྑུགཎཾ, སདྡྷམྨམནུཔཱལཀོ;

པཱཝཱཡདྡྷཱནམགྒམྷི, སུབྷདྡེན པཝེདིཏཾ;

སངྒཱཡིསྶཱམ ¶ སདྡྷམྨཾ, ཨདྷམྨོ པུརེ དིཔྤཏི.

ཨེཀེནཱུན པཉྩསཏཾ, ཨཱནནྡམྤི ཙ ཨུཙྩིནི;

དྷམྨཝིནཡསངྒཱིཏིཾ, ཝསནྟོ གུཧམུཏྟམེ.

ཨུཔཱལིཾ ¶ ཝིནཡཾ པུཙྪི, སུཏྟནྟཱནནྡཔཎྜིཏཾ;

པིཊཀཾ ཏཱིཎི སངྒཱིཏིཾ, ཨཀཾསུ ཛིནསཱཝཀཱ.

ན པུཙྪི ཨཀྐམིཏྭཱན, ཝནྡཱཔེསི ན ཡཱཙི ཙ.

པབྦཛྫཾ ¶ མཱཏུགཱམསྶ, སདྡྷཱཡ དུཀྐཊཱནི མེ;

པུརཱཎོ བྲཧྨདཎྜཉྩ, ཨོརོདྷོ ཨུདེནེན སཧ.

ཏཱཝ བཧུ དུབྦལཉྩ, ཨུཏྟརཏྠརཎཱ བྷིསི;

བྷཱུམཏྠརཎཱ པུཉྪནིཡོ, རཛོ ཙིཀྑལླམདྡནཱ.

སཧསྶཙཱིཝརཾ ཨུཔྤཛྫི, པཋམཱནནྡསཝ྄ཧཡོ;

ཏཛྫིཏོ བྲཧྨདཎྜེན, ཙཏུསྶཙྩཾ ཨཔཱཔུཎི;

ཝསཱིབྷཱུཏཱ པཉྩསཏཱ, ཏསྨཱ པཉྩསཏཱི ཨིཏི.

པཉྩསཏིཀཀྑནྡྷཀཾ ནིཊྛིཏཾ.

༡༢. སཏྟསཏིཀཀྑནྡྷཀཾ

༡. པཋམབྷཱཎཝཱརོ

༤༤༦. ཏེན ¶ ¶ ¶ ¶ ཁོ པན སམཡེན ཝསྶསཏཔརིནིབྦུཏེ བྷགཝཏི ཝེསཱལིཀཱ ཝཛྫིཔུཏྟཀཱ བྷིཀྑཱུ ཝེསཱལིཡཾ དས ཝཏྠཱུནི དཱིཔེནྟི – ཀཔྤཏི སིངྒིལོཎཀཔྤོ, ཀཔྤཏི དྭངྒུལཀཔྤོ, ཀཔྤཏི གཱམནྟརཀཔྤོ, ཀཔྤཏི ཨཱཝཱསཀཔྤོ, ཀཔྤཏི ཨནུམཏིཀཔྤོ, ཀཔྤཏི ཨཱཙིཎྞཀཔྤོ, ཀཔྤཏི ཨམཐིཏཀཔྤོ, ཀཔྤཏི ཛལོ༹གིཾ པཱཏུཾ, ཀཔྤཏི ཨདསཀཾ ནིསཱིདནཾ, ཀཔྤཏི ཛཱཏརཱུཔརཛཏནྟི.

ཏེན ཁོ པན སམཡེན ཨཱཡསྨཱ ཡསོ ཀཱཀཎྜཀཔུཏྟོ ཝཛྫཱིསུ ཙཱརིཀཾ ཙརམཱནོ ཡེན ཝེསཱལཱི ཏདཝསརི. ཏཏྲ སུདཾ ཨཱཡསྨཱ ཡསོ ཀཱཀཎྜཀཔུཏྟོ ཝེསཱལིཡཾ ཝིཧརཏི མཧཱཝནེ ཀཱུཊཱགཱརསཱལཱཡཾ. ཏེན ཁོ པན སམཡེན ཝེསཱལིཀཱ ཝཛྫིཔུཏྟཀཱ བྷིཀྑཱུ ཏདཧུཔོསཐེ ཀཾསཔཱཏིཾ [ཀཾསཙཱཊིཾ (སྱཱ.)] ཨུདཀེན པཱུརེཏྭཱ མཛ྄ཛྷེ བྷིཀྑུསངྒྷསྶ ཋཔེཏྭཱ ཨཱགཏཱགཏེ ཝེསཱལིཀེ ཨུཔཱསཀེ ཨེཝཾ ཝདནྟི – ‘‘དེཐཱཝུསོ, སངྒྷསྶ ཀཧཱཔཎམྤི ཨཌྜྷམྤི པཱདམྤི མཱསཀརཱུཔམྤི. བྷཝིསྶཏི སངྒྷསྶ པརིཀྑཱརེན ཀརཎཱིཡ’’ནྟི. ཨེཝཾ ཝུཏྟེ ཨཱཡསྨཱ ཡསོ ཀཱཀཎྜཀཔུཏྟོ ཝེསཱལིཀེ ཨུཔཱསཀེ ཨེཏདཝོཙ – ‘‘མཱཝུསོ, ཨདཏྠ སངྒྷསྶ ཀཧཱཔཎམྤི ཨཌྜྷམྤི པཱདམྤི མཱསཀརཱུཔམྤི. ན ¶ ཀཔྤཏི སམཎཱནཾ སཀྱཔུཏྟིཡཱནཾ ཛཱཏརཱུཔརཛཏཾ; ན སཱདིཡནྟི སམཎཱ སཀྱཔུཏྟིཡཱ ཛཱཏརཱུཔརཛཏཾ; ན པཊིགྒཎྷནྟི སམཎཱ སཀྱཔུཏྟིཡཱ ཛཱཏརཱུཔརཛཏཾ; ནིཀྑིཏྟམཎིསུཝཎྞཱ སམཎཱ སཀྱཔུཏྟིཡཱ ཨཔེཏཛཱཏརཱུཔརཛཏཱ’’ཏི. ཨེཝམྤི ཁོ ཝེསཱལིཀཱ ཨུཔཱསཀཱ ཨཱཡསྨཏཱ ཡསེན ཀཱཀཎྜཀཔུཏྟེན ཝུཙྩམཱནཱ ཨདཾསུཡེཝ སངྒྷསྶ ཀཧཱཔཎམྤི ཨཌྜྷམྤི པཱདམྤི མཱསཀརཱུཔམྤི.

ཨཐ ཁོ ཝེསཱལིཀཱ ཝཛྫིཔུཏྟཀཱ བྷིཀྑཱུ ཏསྶཱ རཏྟིཡཱ ཨཙྩཡེན ཏཾ ཧིརཉྙཾ བྷིཀྑགྒེན [བྷིཀྑུགྒེན (སྱཱ.)] ¶ པཊིཝཱིསཾ [པཊིཝིཾསཾ (སཱི.), པཊིཝིསཾ (སྱཱ.)] ཋཔེཏྭཱ བྷཱཛེསུཾ. ཨཐ ཁོ ཝེསཱལིཀཱ ཝཛྫིཔུཏྟཀཱ བྷིཀྑཱུ ཨཱཡསྨནྟཾ ཡསཾ ཀཱཀཎྜཀཔུཏྟཾ ཨེཏདཝོཙུཾ – ‘‘ཨེསོ ¶ ཏེ, ཨཱཝུསོ ཡས, ཧིརཉྙསྶ པཊིཝཱིསོ’’ཏི. ‘‘ནཏྠི, མེ ཨཱཝུསོ, ཧིརཉྙསྶ པཊིཝཱིསོ, ནཱཧཾ ཧིརཉྙཾ སཱདིཡཱམཱི’’ཏི. ཨཐ ¶ ཁོ ཝེསཱལིཀཱ ཝཛྫིཔུཏྟཀཱ བྷིཀྑཱུ – ‘‘ཨཡཾ ཨཱཝུསོ ཡསོ ཀཱཀཎྜཀཔུཏྟོ ཨུཔཱསཀེ སདྡྷེ པསནྣེ ཨཀྐོསཏི, པརིབྷཱསཏི, ཨཔྤསཱདཾ ཀརོཏི; ཧནྡསྶ མཡཾ པཊིསཱརཎཱིཡཀམྨཾ ཀརོམཱ’’ཏི ཏེ. ཏསྶ པཊིསཱརཎཱིཡཀམྨཾ ཨཀཾསུ. ཨཐ ཁོ ཨཱཡསྨཱ ཡསོ ཀཱཀཎྜཀཔུཏྟོ ཝེསཱལིཀེ ཝཛྫིཔུཏྟཀེ བྷིཀྑཱུ ཨེཏདཝོཙ – ‘‘བྷགཝཏཱ, ཨཱཝུསོ, པཉྙཏྟཾ – ‘པཊིསཱརཎཱིཡཀམྨཀཏསྶ བྷིཀྑུནོ ཨནུདཱུཏོ དཱཏབྦོ’ཏི. དེཐ མེ, ཨཱཝུསོ, ཨནུདཱུཏཾ བྷིཀྑུ’’ནྟི.

ཨཐ ཁོ ཝེསཱལིཀཱ ཝཛྫིཔུཏྟཀཱ བྷིཀྑཱུ ཨེཀཾ བྷིཀྑུཾ སམྨནྣིཏྭཱ ཨཱཡསྨཏོ ཡསསྶ ཀཱཀཎྜཀཔུཏྟསྶ ཨནུདཱུཏཾ ཨདཾསུ. ཨཐ ཁོ ཨཱཡསྨཱ ཡསོ ཀཱཀཎྜཀཔུཏྟོ ¶ ཨནུདཱུཏེན བྷིཀྑུནཱ སདྡྷིཾ ཝེསཱལིཾ པཝིསིཏྭཱ ཝེསཱལིཀེ ཨུཔཱསཀེ ཨེཏདཝོཙ – ‘‘ཨཧཾ ཀིརཱཡསྨནྟེ ཨུཔཱསཀེ སདྡྷེ པསནྣེ ཨཀྐོསཱམི, པརིབྷཱསཱམི, ཨཔྤསཱདཾ ཀརོམི; ཡོཧཾ ཨདྷམྨཾ ཨདྷམྨོཏི ཝདཱམི, དྷམྨཾ དྷམྨོཏི ཝདཱམི, ཨཝིནཡཾ ཨཝིནཡོཏི ཝདཱམི, ཝིནཡཾ ཝིནཡོཏི ཝདཱམི.

༤༤༧. ‘‘ཨེཀམིདཾ, ཨཱཝུསོ, སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏཏྲ ཁོ, ཨཱཝུསོ, བྷགཝཱ བྷིཀྑཱུ ཨཱམནྟེསི – [ཨ. ནི. ༤.༥༠] ‘ཙཏྟཱརོམེ, བྷིཀྑཝེ, ཙནྡིམསཱུརིཡཱནཾ ཨུཔཀྐིལེསཱ, ཡེཧི ཨུཔཀྐིལེསེཧི ཨུཔཀྐིལིཊྛཱ ཙནྡིམསཱུརིཡཱ ན ཏཔནྟི, ན བྷཱསནྟི, ན ཝིརོཙནྟི. ཀཏམེ ཙཏྟཱརོ? ཨབྦྷཾ, བྷིཀྑཝེ, ཙནྡིམསཱུརིཡཱནཾ ཨུཔཀྐིལེསོ, ཡེན ཨུཔཀྐིལེསེན ཨུཔཀྐིལིཊྛཱ ཙནྡིམསཱུརིཡཱ ན ཏཔནྟི, ན བྷཱསནྟི ན ཝིརོཙནྟི. མཧིཀཱ, བྷིཀྑཝེ, ཙནྡིམསཱུརིཡཱནཾ ཨུཔཀྐིལེསོ, ཡེན ཨུཔཀྐིལེསེན ཨུཔཀྐིལིཊྛཱ ཙནྡིམསཱུརིཡཱ ན ཏཔནྟི, ན བྷཱསནྟི, ན ཝིརོཙནྟི, དྷཱུམརཛོ, བྷིཀྑཝེ, ཙནྡིམསཱུརིཡཱནཾ ཨུཔཀྐིལེསོ, ཡེན ཨུཔཀྐིལེསེན ཨུཔཀྐིལིཊྛཱ ཙནྡིམསཱུརིཡཱ ན ཏཔནྟི, ན བྷཱསནྟི, ན ཝིརོཙནྟི. རཱཧུ, བྷིཀྑཝེ, ཨསུརིནྡོ ཙནྡིམསཱུརིཡཱནཾ ཨུཔཀྐིལེསོ, ཡེན ཨུཔཀྐིལེསེན ཨུཔཀྐིལིཊྛཱ ཙནྡིམསཱུརིཡཱ ན ཏཔནྟི, ན བྷཱསནྟི, ན ཝིརོཙནྟི. ཨིམེ ཁོ, བྷིཀྑཝེ, ཙཏྟཱརོ ཙནྡིམསཱུརིཡཱནཾ ཨུཔཀྐིལེསཱ, ཡེཧི ཨུཔཀྐིལེསེཧི ཨུཔཀྐིལིཊྛཱ ཙནྡིམསཱུརིཡཱ ན ཏཔནྟི, ན བྷཱསནྟི, ན ཝིརོཙནྟི. ཨེཝམེཝ ཁོ, བྷིཀྑཝེ, ཙཏྟཱརོམེ སམཎབྲཱཧྨཎཱནཾ ¶ ཨུཔཀྐིལེསཱ, ཡེཧི ཨུཔཀྐིལེསེཧི ཨུཔཀྐིལིཊྛཱ ཨེཀེ སམཎབྲཱཧྨཎཱ ན ཏཔནྟི, ན བྷཱསནྟི, ན ཝིརོཙནྟི. ཀཏམེ ཙཏྟཱརོ? སནྟི, བྷིཀྑཝེ, ཨེཀེ སམཎབྲཱཧྨཎཱ ¶ སུརཾ པིཝནྟི, མེརཡཾ པིཝནྟི, སུརཱམེརཡཔཱནཱ ཨཔྤཊིཝིརཏཱ – ཨཡཾ, བྷིཀྑཝེ, པཋམོ སམཎབྲཱཧྨཎཱནཾ ཨུཔཀྐིལེསོ, ཡེན ཨུཔཀྐིལེསེན ཨུཔཀྐིལིཊྛཱ ཨེཀེ སམཎབྲཱཧྨཎཱ ན ¶ ཏཔནྟི, ན བྷཱསནྟི, ན ཝིརོཙནྟི. པུན ཙཔརཾ, བྷིཀྑཝེ, ཨེཀེ སམཎབྲཱཧྨཎཱ མེཐུནཾ ¶ དྷམྨཾ པཊིསེཝནྟི, མེཐུནདྷམྨཱ ཨཔྤཊིཝིརཏཱ – ཨཡཾ, བྷིཀྑཝེ, དུཏིཡོ སམཎབྲཱཧྨཎཱནཾ ཨུཔཀྐིལེསོ, ཡེན ཨུཔཀྐིལེསེན ཨུཔཀྐིལིཊྛཱ ཨེཀེ སམཎབྲཱཧྨཎཱ ན ཏཔནྟི, ན བྷཱསནྟི, ན ཝིརོཙནྟི. པུན ཙཔརཾ, བྷིཀྑཝེ, ཨེཀེ སམཎབྲཱཧྨཎཱ ཛཱཏརཱུཔརཛཏཾ སཱདིཡནྟི, ཛཱཏརཱུཔརཛཏཔྤཊིགྒཧཎཱ ཨཔྤཊིཝིརཏཱ – ཨཡཾ, བྷིཀྑཝེ, ཏཏིཡོ སམཎབྲཱཧྨཎཱནཾ ཨུཔཀྐིལེསོ, ཡེན ཨུཔཀྐིལེསེན ཨུཔཀྐིལིཊྛཱ ཨེཀེ སམཎབྲཱཧྨཎཱ ན ཏཔནྟི, ན བྷཱསནྟི, ན ཝིརོཙནྟི. པུན ཙཔརཾ, བྷིཀྑཝེ, ཨེཀེ སམཎབྲཱཧྨཎཱ མིཙྪཱཛཱིཝེན ཛཱིཝིཏཾ ཀཔྤེནྟི; མིཙྪཱཛཱིཝཱ ཨཔྤཊིཝིརཏཱ – ཨཡཾ, བྷིཀྑཝེ, ཙཏུཏྠོ སམཎབྲཱཧྨཎཱནཾ ཨུཔཀྐིལེསོ, ཡེན ཨུཔཀྐིལེསེན ཨུཔཀྐིལིཊྛཱ ཨེཀེ སམཎབྲཱཧྨཎཱ ན ཏཔནྟི, ན བྷཱསནྟི, ན ཝིརོཙནྟི. ཨིམེ ཁོ, བྷིཀྑཝེ, ཙཏྟཱརོ སམཎབྲཱཧྨཎཱནཾ ཨུཔཀྐིལེསཱ, ཡེཧི ཨུཔཀྐིལེསེཧི ཨུཔཀྐིལིཊྛཱ ཨེཀེ སམཎབྲཱཧྨཎཱ ན ཏཔནྟི, ན བྷཱསནྟི ¶ , ན ཝིརོཙནྟི’. ‘‘ཨིདམཝོཙཱཝུསོ, བྷགཝཱ. ཨིདཾ ཝཏྭཱན སུགཏོ ཨཐཱཔརཾ ཨེཏདཝོཙ སཏྠཱ –

‘‘རཱགདོསཔརིཀླིཊྛཱ, ཨེཀེ སམཎབྲཱཧྨཎཱ;

ཨཝིཛྫཱནིཝུཊཱ [ཨཝིཛྫཱནཱིཝུཏཱ (སྱཱ.)] པོསཱ, པིཡརཱུཔཱབྷིནནྡིནོ.

‘‘སུརཾ པིཝནྟི མེརཡཾ, པཊིསེཝནྟི མེཐུནཾ;

རཛཏཾ ཛཱཏརཱུཔཉྩ, སཱདིཡནྟི ཨཝིདྡསཱུ.

‘‘མིཙྪཱཛཱིཝེན ཛཱིཝནྟི, ཨེཀེ སམཎབྲཱཧྨཎཱ;

ཨེཏེ ཨུཔཀྐིལེསཱ ཝུཏྟཱ, བུདྡྷེནཱདིཙྩབནྡྷུནཱ.

‘‘ཡེཧི ཨུཔཀྐིལེསེཧི ཨུཔཀྐིལིཊྛཱ, ཨེཀེ སམཎབྲཱཧྨཎཱ;

ན ཏཔནྟི ན བྷཱསནྟི, ཨསུདྡྷཱ སརཛཱ མགཱ.

‘‘ཨནྡྷཀཱརེན ཨོནདྡྷཱ, ཏཎྷཱདཱསཱ སནེཏྟིཀཱ;

ཝཌྜྷེནྟི ཀཊསིཾ གྷོརཾ, ཨཱདིཡནྟི པུནབྦྷཝནྟི.

‘‘ཨེཝཾཝཱདཱི ¶ ¶ ཀིརཱཧཾ ཨཱཡསྨནྟེ ཨུཔཱསཀེ སདྡྷེ པསནྣེ ཨཀྐོསཱམི, པརིབྷཱསཱམི, ཨཔྤསཱདཾ ཀརོམི; ཡོཧཾ ཨདྷམྨཾ ཨདྷམྨོཏི ཝདཱམི, དྷམྨཾ དྷམྨོཏི ཝདཱམི, ཨཝིནཡཾ ཨཝིནཡོཏི ཝདཱམི, ཝིནཡཾ ཝིནཡོཏི ཝདཱམི.

༤༤༨. [སཾ. ནི. ༤.༣༦༢ ཨིདཾ ཝཏྠུ ཨཱགཏཾ] ‘‘ཨེཀམིདཾ, ཨཱཝུསོ, སམཡཾ བྷགཝཱ རཱཛགཧེ ཝིཧརཏི ཝེལུ༹ཝནེ ཀལནྡཀནིཝཱཔེ. ཏེན ཁོ པན སམཡེན རཱཛནྟེཔུརེ རཱཛཔརིསཱཡཾ སནྣིསིནྣཱནཾ ¶ སནྣིཔཏིཏཱནཾ ཨཡམནྟརཀཐཱ ཨུདཔཱདི – ‘ཀཔྤཏི སམཎཱནཾ སཀྱཔུཏྟིཡཱནཾ ཛཱཏརཱུཔརཛཏཾ; སཱདིཡནྟི སམཎཱ སཀྱཔུཏྟིཡཱ ཛཱཏརཱུཔརཛཏཾ; པཊིགྒཎྷནྟི སམཎཱ སཀྱཔུཏྟིཡཱ ཛཱཏརཱུཔརཛཏ’ནྟི. ཏེན ཁོ པནཱཝུསོ སམཡེན, མཎིཙཱུལ༹ཀོ གཱམཎཱི ཏསྶཾ པརིསཱཡཾ ནིསིནྣོ ཧོཏི. ཨཐ ཁོ, ཨཱཝུསོ, མཎིཙཱུལ༹ཀོ གཱམཎཱི ཏཾ པརིསཾ ཨེཏདཝོཙ – ‘མཱ ཨཡྻཱ ཨེཝཾ ཨཝཙུཏྠ. ན ཀཔྤཏི སམཎཱནཾ སཀྱཔུཏྟིཡཱནཾ ཛཱཏརཱུཔརཛཏཾ; ན སཱདིཡནྟི སམཎཱ སཀྱཔུཏྟིཡཱ ཛཱཏརཱུཔརཛཏཾ; ན པཊིགྒཎྷནྟི སམཎཱ སཀྱཔུཏྟིཡཱ ཛཱཏརཱུཔརཛཏཾ; ནིཀྑིཏྟམཎིསུཝཎྞཱ ¶ སམཎཱ སཀྱཔུཏྟིཡཱ ཨཔེཏཛཱཏརཱུཔརཛཏཱ’ཏི. ཨསཀྑི ཁོ, ཨཱཝུསོ, མཎིཙཱུལ༹ཀོ གཱམཎཱི ཏཾ པརིསཾ སཉྙཱཔེཏུཾ.

‘‘ཨཐ ཁོ, ཨཱཝུསོ, མཎིཙཱུལ༹ཀོ གཱམཎཱི ཏཾ པརིསཾ སཉྙཱཔེཏྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ, ཨཱཝུསོ, མཎིཙཱུལ༹ཀོ གཱམཎཱི བྷགཝནྟཾ ཨེཏདཝོཙ – ‘ཨིདྷ, བྷནྟེ, རཱཛནྟེཔུརེ རཱཛཔརིསཱཡཾ སནྣིསིནྣཱནཾ སནྣིཔཏིཏཱནཾ ཨཡམནྟརཀཐཱ ཨུདཔཱདི – ཀཔྤཏི སམཎཱནཾ སཀྱཔུཏྟིཡཱནཾ ཛཱཏརཱུཔརཛཏཾ; སཱདིཡནྟི སམཎཱ སཀྱཔུཏྟིཡཱ ཛཱཏརཱུཔརཛཏཾ; པཊིགྒཎྷནྟི སམཎཱ སཀྱཔུཏྟིཡཱ ཛཱཏརཱུཔརཛཏནྟི. ཨེཝཾ ཝུཏྟེ ཨཧཾ བྷནྟེ, ཏཾ པརིསཾ ཨེཏདཝོཙཾ – མཱ ཨཡྻཱ ཨེཝཾ ཨཝཙུཏྠ. ན ཀཔྤཏི སམཎཱནཾ སཀྱཔུཏྟིཡཱནཾ ཛཱཏརཱུཔརཛཏཾ; ན སཱདིཡནྟི སམཎཱ སཀྱཔུཏྟིཡཱ ཛཱཏརཱུཔརཛཏཾ ¶ ; ན པཊིགྒཎྷནྟི སམཎཱ སཀྱཔུཏྟིཡཱ ཛཱཏརཱུཔརཛཏཾ; ནིཀྑིཏྟམཎིསུཝཎྞཱ སམཎཱ སཀྱཔུཏྟིཡཱ ཨཔེཏཛཱཏརཱུཔརཛཏཱཏི. ཨསཀྑིཾ ཁོ ཨཧཾ, བྷནྟེ, ཏཾ པརིསཾ སཉྙཱཔེཏུཾ. ཀཙྩཱཧཾ, བྷནྟེ, ཨེཝཾ བྱཱཀརམཱནོ ཝུཏྟཝཱདཱི ཙེཝ བྷགཝཏོ ཧོམི, ན ཙ བྷགཝནྟཾ ཨབྷཱུཏེན ཨབྦྷཱཙིཀྑཱམི, དྷམྨསྶ ཙཱནུདྷམྨཾ བྱཱཀརོམི, ན ཙ ཀོཙི སཧདྷམྨིཀོ ཝཱདཱནུཝཱདོ གཱརཡ྄ཧཾ ཋཱནཾ ཨཱགཙྪཏཱི’ཏི? ‘ཏགྒྷ ཏྭཾ, གཱམཎི, ཨེཝཾ བྱཱཀརམཱནོ ཝུཏྟཝཱདཱི ཙེཝ མེ ཧོསི; ན ཙ མཾ ཨབྷཱུཏེན ཨབྦྷཱཙིཀྑསི ¶ [པཱརཱ. ༥༨༢], དྷམྨསྶ ཙཱནུདྷམྨཾ བྱཱཀརོསི, ན ཙ ཀོཙི སཧདྷམྨིཀོ ཝཱདཱནུཝཱདོ གཱརཡ྄ཧཾ ཋཱནཾ ཨཱགཙྪཏི. ན ཧི, གཱམཎི, ཀཔྤཏི སམཎཱནཾ སཀྱཔུཏྟིཡཱནཾ ཛཱཏརཱུཔརཛཏཾ; ན སཱདིཡནྟི སམཎཱ སཀྱཔུཏྟིཡཱ ¶ ཛཱཏརཱུཔརཛཏཾ; ན པཊིགྒཎྷནྟི སམཎཱ སཀྱཔུཏྟིཡཱ ཛཱཏརཱུཔརཛཏཾ; ནིཀྑིཏྟམཎིསུཝཎྞཱ སམཎཱ སཀྱཔུཏྟིཡཱ ཨཔེཏཛཱཏརཱུཔརཛཏཱ. ཡསྶ ཁོ, གཱམཎི, ཛཱཏརཱུཔརཛཏཾ ཀཔྤཏི, པཉྩཔི ཏསྶ ཀཱམགུཎཱ ཀཔྤནྟི. ཡསྶ པཉྩ ཀཱམགུཎཱ ཀཔྤནྟི ཨེཀཾསེནེཏཾ, གཱམཎི, དྷཱརེཡྻཱསི – ཨསྶམཎདྷམྨོ ཨསཀྱཔུཏྟིཡདྷམྨོཏི. ཨཔི ཙཱཧཾ, གཱམཎི, ཨེཝཾ ཝདཱམི ཏིཎཾ ཏིཎཏྠིཀེན པརིཡེསིཏབྦཾ; དཱརུ དཱརུཏྠིཀེན པརིཡེསིཏབྦཾ; སཀཊཾ སཀཊཏྠིཀེན པརིཡེསིཏབྦཾ; པུརིསོ པུརིསཏྠིཀེན པརིཡེསིཏབྦོ. ན ཏྭེཝཱཧཾ, གཱམཎི, ཀེནཙི པརིཡཱཡེན ཛཱཏརཱུཔརཛཏཾ སཱདིཏབྦཾ པརིཡེསིཏབྦནྟི ¶ ཝདཱམཱི’ཏི.

‘‘ཨེཝཾཝཱདཱི ཀིརཱཧཾ ཨཱཡསྨནྟེ ཨུཔཱསཀེ སདྡྷེ པསནྣེ ཨཀྐོསཱམི, པརིབྷཱསཱམི, ཨཔྤསཱདཾ ཀརོམི; ཡོཧཾ ཨདྷམྨཾ ཨདྷམྨོཏི ཝདཱམི, དྷམྨཾ དྷམྨོཏི ཝདཱམི, ཨཝིནཡཾ ཨཝིནཡོཏི ཝདཱམི, ཝིནཡཾ ཝིནཡོཏི ཝདཱམི.

༤༤༩. ‘‘ཨེཀམིདཾ, ཨཱཝུསོ, སམཡཾ བྷགཝཱ རཱཛགཧེ ཨཱཡསྨནྟཾ ཨུཔནནྡཾ སཀྱཔུཏྟཾ ཨཱརབྦྷ ཛཱཏརཱུཔརཛཏཾ པཊིཀྑིཔི, སིཀྑཱཔདཉྩ པཉྙཔེསི. ཨེཝཾཝཱདཱི ཀིརཱཧཾ ཨཱཡསྨནྟེ ཨུཔཱསཀེ སདྡྷེ པསནྣེ ཨཀྐོསཱམི, པརིབྷཱསཱམི, ཨཔྤསཱདཾ ཀརོམི; ཡོཧཾ ཨདྷམྨཾ ¶ ཨདྷམྨོཏི ཝདཱམི, དྷམྨཾ དྷམྨོཏི ཝདཱམི, ཨཝིནཡཾ ཨཝིནཡོཏི ཝདཱམི, ཝིནཡཾ ཝིནཡོཏི ཝདཱམཱི’’ཏི.

ཨེཝཾ ཝུཏྟེ ཝེསཱལིཀཱ ཨུཔཱསཀཱ ཨཱཡསྨནྟཾ ཡསཾ ཀཱཀཎྜཀཔུཏྟཾ ཨེཏདཝོཙུཾ – ‘‘ཨེཀོཝ བྷནྟེ, ཨཡྻོ ཡསོ ཀཱཀཎྜཀཔུཏྟོ སམཎོ སཀྱཔུཏྟིཡོ. སབྦེཝིམེ ཨསྶམཎཱ ཨསཀྱཔུཏྟིཡཱ. ཝསཏུ, བྷནྟེ, ཨཡྻོ ཡསོ ཀཱཀཎྜཀཔུཏྟོ ཝེསཱལིཡཾ. མཡཾ ཨཡྻསྶ ཡསསྶ ཀཱཀཎྜཀཔུཏྟསྶ ཨུསྶུཀྐཾ ཀརིསྶཱམ ཙཱིཝརཔིཎྜཔཱཏསེནཱསནགིལཱནཔྤཙྩཡབྷེསཛྫཔརིཀྑཱརཱན’’ནྟི. ཨཐ ཁོ ཨཱཡསྨཱ ཡསོ ཀཱཀཎྜཀཔུཏྟོ ཝེསཱལིཀེ ཨུཔཱསཀེ སཉྙཱཔེཏྭཱ ཨནུདཱུཏེན བྷིཀྑུནཱ སདྡྷིཾ ཨཱརཱམཾ ཨགམཱསི.

ཨཐ ཁོ ཝེསཱལིཀཱ ཝཛྫིཔུཏྟཀཱ བྷིཀྑཱུ ཨནུདཱུཏཾ བྷིཀྑུཾ པུཙྪིཾསུ – ‘‘ཁམཱཔིཏཱཝུསོ, ཡསེན ཀཱཀཎྜཀཔུཏྟེན ཝེསཱལིཀཱ ཨུཔཱསཀཱ’’ཏི ¶ ¶ ? ‘‘ཨུཔཱསཀེཧི པཱཔིཀཾ ནོ, ཨཱཝུསོ, ཀཏཾ. ཨེཀོཝ ཡསོ ཀཱཀཎྜཀཔུཏྟོ སམཎོ སཀྱཔུཏྟིཡོ ཀཏོ. སབྦེཝ མཡཾ ཨསྶམཎཱ ཨསཀྱཔུཏྟིཡཱ ཀཏཱ’’ཏི. ཨཐ ཁོ ཝེསཱལིཀཱ ཝཛྫིཔུཏྟཀཱ བྷིཀྑཱུ – ‘‘ཨཡཾ, ཨཱཝུསོ, ཡསོ ཀཱཀཎྜཀཔུཏྟོ ཨམྷེཧི ཨསམྨཏོ གིཧཱིནཾ པཀཱསེསི; ཧནྡསྶ མཡཾ ཨུཀྑེཔནཱིཡཀམྨཾ ¶ ཀརོམཱ’’ཏི. ཏེ ཏསྶ ཨུཀྑེཔནཱིཡཀམྨཾ ཀཏྟུཀཱམཱ སནྣིཔཏིཾསུ. ཨཐ ཁོ ཨཱཡསྨཱ ཡསོ ཀཱཀཎྜཀཔུཏྟོ ཝེཧཱསཾ ཨབྦྷུགྒནྟྭཱ ཀོསམྦིཡཾ པཙྩུཊྛཱསི.

༤༥༠. ཨཐ ཁོ ཨཱཡསྨཱ ཡསོ ཀཱཀཎྜཀཔུཏྟོ པཱཝེཡྻཀཱནཉྩ [པཱཋེཡྻཀཱནཉྩ (སྱཱ.)] ཨཝནྟིདཀྑིཎཱཔཐཀཱནཉྩ བྷིཀྑཱུནཾ སནྟིཀེ དཱུཏཾ པཱཧེསི – ‘‘ཨཱགཙྪནྟུ ཨཱཡསྨནྟཱ; ཨིམཾ ཨདྷིཀརཎཾ ཨཱདིཡིསྶཱམ. པུརེ ཨདྷམྨོ དིཔྤཏི, དྷམྨོ པཊིབཱཧིཡྻཏི; ཨཝིནཡོ དིཔྤཏི, ཝིནཡོ པཊིབཱཧིཡྻཏི; པུརེ ཨདྷམྨཝཱདིནོ བལཝནྟོ ཧོནྟི, དྷམྨཝཱདིནོ དུབྦལཱ ཧོནྟི; ཨཝིནཡཝཱདིནོ བལཝནྟོ ཧོནྟི, ཝིནཡཝཱདིནོ དུབྦལཱ ཧོནྟཱི’’ཏི.

ཏེན ཁོ པན སམཡེན ཨཱཡསྨཱ སམྦྷཱུཏོ སཱཎཝཱསཱི ཨཧོགངྒེ པབྦཏེ པཊིཝསཏི. ཨཐ ཁོ ཨཱཡསྨཱ ཡསོ ཀཱཀཎྜཀཔུཏྟོ ཡེན ཨཧོགངྒོ པབྦཏོ, ཡེནཱཡསྨཱ སམྦྷཱུཏོ སཱཎཝཱསཱི ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ སམྦྷཱུཏཾ སཱཎཝཱསིཾ ¶ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཡསོ ཀཱཀཎྜཀཔུཏྟོ ཨཱཡསྨནྟཾ སམྦྷཱུཏཾ སཱཎཝཱསིཾ ཨེཏདཝོཙ – ‘‘ཨིམེ, བྷནྟེ, ཝེསཱལིཀཱ ཝཛྫིཔུཏྟཀཱ བྷིཀྑཱུ ཝེསཱལིཡཾ དས ཝཏྠཱུནི དཱིཔེནྟི – ཀཔྤཏི སིངྒིལོཎཀཔྤོ, ཀཔྤཏི དྭངྒུལཀཔྤོ, ཀཔྤཏི གཱམནྟརཀཔྤོ, ཀཔྤཏི ཨཱཝཱསཀཔྤོ, ཀཔྤཏི ཨནུམཏིཀཔྤོ, ཀཔྤཏི ཨཱཙིཎྞཀཔྤོ, ཀཔྤཏི ཨམཐིཏཀཔྤོ, ཀཔྤཏི ཛལོ༹གིཾ པཱཏུཾ, ཀཔྤཏི ཨདསཀཾ ནིསཱིདནཾ, ཀཔྤཏི ཛཱཏརཱུཔརཛཏནྟི. ཧནྡ ¶ མཡཾ, བྷནྟེ, ཨིམཾ ཨདྷིཀརཎཾ ཨཱདིཡིསྶཱམ. པུརེ ཨདྷམྨོ དིཔྤཏི, དྷམྨོ པཊིབཱཧིཡྻཏི; ཨཝིནཡོ དིཔྤཏི, ཝིནཡོ པཊིབཱཧིཡྻཏི; པུརེ ཨདྷམྨཝཱདིནོ བལཝནྟོ ཧོནྟི, དྷམྨཝཱདིནོ དུབྦལཱ ཧོནྟི; ཨཝིནཡཝཱདིནོ བལཝནྟོ ཧོནྟི, ཝིནཡཝཱདིནོ དུབྦལཱ ཧོནྟཱི’’ཏི. ‘‘ཨེཝམཱཝུསོ’’ཏི ཁོ ཨཱཡསྨཱ སམྦྷཱུཏོ སཱཎཝཱསཱི ཨཱཡསྨཏོ ཡསསྶ ཀཱཀཎྜཀཔུཏྟསྶ པཙྩསྶོསི. ཨཐ ¶ ཁོ སཊྛིམཏྟཱ པཱཝེཡྻཀཱ བྷིཀྑཱུ – སབྦེ ཨཱརཉྙིཀཱ, སབྦེ པིཎྜཔཱཏིཀཱ, སབྦེ པཾསུཀཱུལིཀཱ, སབྦེ ཏེཙཱིཝརིཀཱ, སབྦེཝ ཨརཧནྟོ – ཨཧོགངྒེ པབྦཏེ སནྣིཔཏིཾསུ. ཨཊྛཱསཱིཏིམཏྟཱ ཨཝནྟིདཀྑིཎཱཔཐཀཱ བྷིཀྑཱུ – ཨཔྤེཀཙྩེ ཨཱརཉྙིཀཱ, ཨཔྤེཀཙྩེ པིཎྜཔཱཏིཀཱ, ཨཔྤེཀཙྩེ པཾསུཀཱུལིཀཱ, ཨཔྤེཀཙྩེ ཏེཙཱིཝརིཀཱ, སབྦེཝ ཨརཧནྟོ – ཨཧོགངྒེ པབྦཏེ སནྣིཔཏིཾསུ. ཨཐ ¶ ཁོ ཐེརཱནཾ བྷིཀྑཱུནཾ མནྟཡམཱནཱནཾ ཨེཏདཧོསི – ‘‘ཨིདཾ ཁོ ཨདྷིཀརཎཾ ཀཀྑལ༹ཉྩ, ཝཱལ༹ཉྩ; ཀཾ ནུ ཁོ མཡཾ པཀྑཾ ལབྷེཡྻཱམ, ཡེན མཡཾ ཨིམསྨིཾ ཨདྷིཀརཎེ བལཝནྟཏརཱ ཨསྶཱམཱ’’ཏི.

༤༥༡. ཏེན ཁོ པན སམཡེན ཨཱཡསྨཱ རེཝཏོ སོརེཡྻེ པཊིཝསཏི – བཧུསྶུཏོ ཨཱགཏཱགམོ ¶ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ ཝིཡཏྟོ མེདྷཱཝཱི ལཛྫཱི ཀུཀྐུཙྩཀོ སིཀྑཱཀཱམོ. ཨཐ ཁོ ཐེརཱནཾ བྷིཀྑཱུནཾ ཨེཏདཧོསི – ‘‘ཨཡཾ ཁོ ཨཱཡསྨཱ རེཝཏོ སོརེཡྻེ པཊིཝསཏི – བཧུསྶུཏོ ཨཱགཏཱགམོ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ ཝིཡཏྟོ མེདྷཱཝཱི ལཛྫཱི ཀུཀྐུཙྩཀོ སིཀྑཱཀཱམོ. སཙེ མཡཾ ཨཱཡསྨནྟཾ རེཝཏཾ པཀྑཾ ལབྷིསྶཱམ, ཨེཝཾ མཡཾ ཨིམསྨིཾ ཨདྷིཀརཎེ བལཝནྟཏརཱ ཨསྶཱམཱ’’ཏི. ཨསྶོསི ཁོ ཨཱཡསྨཱ རེཝཏོ – དིབྦཱཡ སོཏདྷཱཏུཡཱ ཝིསུདྡྷཱཡ ཨཏིཀྐནྟམཱནུསིཀཱཡ – ཐེརཱནཾ བྷིཀྑཱུནཾ མནྟཡམཱནཱནཾ. སུཏྭཱནསྶ ཨེཏདཧོསི – ‘‘ཨིདཾ ཁོ ཨདྷིཀརཎཾ ཀཀྑལ༹ཉྩ ཝཱལ༹ཉྩ. ན ཁོ མེཏཾ པཏིརཱུཔཾ ཡོཧཾ ཨེཝརཱུཔེ ཨདྷིཀརཎེ ཨོསཀྐེཡྻཾ. ཨིདཱནི ཙ པན ཏེ བྷིཀྑཱུ ཨཱགཙྪིསྶནྟི. སོཧཾ ཏེཧི ཨཱཀིཎྞོ ན ཕཱསུ གམིསྶཱམི. ཡཾནཱུནཱཧཾ པཊིཀཙྩེཝ གཙྪེཡྻ’’ནྟི. ཨཐ ཁོ ཨཱཡསྨཱ རེཝཏོ སོརེཡྻཱ སངྐསྶཾ ཨགམཱསི.

ཨཐ ཁོ ཐེརཱ བྷིཀྑཱུ སོརེཡྻཾ གནྟྭཱ པུཙྪིཾསུ – ‘‘ཀཧཾ ཨཱཡསྨཱ རེཝཏོ’’ཏི? ཏེ ཨེཝམཱཧཾསུ – ‘‘ཨེསཱཡསྨཱ རེཝཏོ སངྐསྶཾ ¶ གཏོ’’ཏི. ཨཐ ཁོ ཨཱཡསྨཱ རེཝཏོ སངྐསྶཱ ཀཎྞཀུཛྫཾ [ཀནྣཀུཛྫཾ (སཱི.)] ཨགམཱསི. ཨཐ ཁོ ཐེརཱ བྷིཀྑཱུ སངྐསྶཾ གནྟྭཱ པུཙྪིཾསུ – ‘‘ཀཧཾ ཨཱཡསྨཱ རེཝཏོ’’ཏི? ཏེ ཨེཝམཱཧཾསུ – ‘‘ཨེསཱཡསྨཱ རེཝཏོ ཀཎྞཀུཛྫཾ གཏོ’’ཏི. ཨཐ ཁོ ཨཱཡསྨཱ རེཝཏོ ཀཎྞཀུཛྫཱ ཨུདུམྦརཾ ¶ ཨགམཱསི. ཨཐ ཁོ ཐེརཱ བྷིཀྑཱུ ཀཎྞཀུཛྫཾ གནྟྭཱ པུཙྪིཾསུ – ‘‘ཀཧཾ ཨཱཡསྨཱ རེཝཏོ’’ཏི? ཏེ ཨེཝམཱཧཾསུ – ‘‘ཨེསཱཡསྨཱ རེཝཏོ ཨུདུམྦརཾ གཏོ’’ཏི. ཨཐ ¶ ཁོ ཨཱཡསྨཱ རེཝཏོ ཨུདུམྦརཱ ཨགྒལ༹པུརཾ ཨགམཱསི. ཨཐ ཁོ ཐེརཱ བྷིཀྑཱུ ཨུདུམྦརཾ གནྟྭཱ པུཙྪིཾསུ – ‘‘ཀཧཾ ཨཱཡསྨཱ རེཝཏོ’’ཏི? ཏེ ཨེཝམཱཧཾསུ – ‘‘ཨེསཱཡསྨཱ རེཝཏོ ཨགྒལ༹པུརཾ གཏོ’’ཏི. ཨཐ ཁོ ཨཱཡསྨཱ རེཝཏོ ཨགྒལ༹པུརཱ སཧཛཱཏིཾ [སཧཾཛཱཏིཾ (ཀ.)] ཨགམཱསི. ཨཐ ཁོ ཐེརཱ བྷིཀྑཱུ ཨགྒལ༹པུརཾ གནྟྭཱ པུཙྪིཾསུ – ‘‘ཀཧཾ ཨཱཡསྨཱ རེཝཏོ’’ཏི? ཏེ ཨེཝམཱཧཾསུ – ‘‘ཨེསཱཡསྨཱ རེཝཏོ སཧཛཱཏིཾ གཏོ’’ཏི. ཨཐ ཁོ ཐེརཱ བྷིཀྑཱུ ཨཱཡསྨནྟཾ རེཝཏཾ སཧཛཱཏིཡཾ སམྦྷཱཝེསུཾ.

༤༥༢. ཨཐ ཁོ ཨཱཡསྨཱ སམྦྷཱུཏོ སཱཎཝཱསཱི ཨཱཡསྨནྟཾ ཡསཾ ཀཱཀཎྜཀཔུཏྟཾ ཨེཏདཝོཙ – ‘‘ཨཡཾ, ཨཱཝུསོ, ཨཱཡསྨཱ རེཝཏོ བཧུསྶུཏོ ཨཱགཏཱགམོ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ ཝིཡཏྟོ མེདྷཱཝཱི ལཛྫཱི ཀུཀྐུཙྩཀོ སིཀྑཱཀཱམོ. སཙེ མཡཾ ཨཱཡསྨནྟཾ རེཝཏཾ པཉྷཾ པུཙྪིསྶཱམ, པཊིབལོ ཨཱཡསྨཱ རེཝཏོ ཨེཀེནེཝ པཉྷེན སཀལམྤི རཏྟིཾ ཝཱིཏིནཱམེཏུཾ. ཨིདཱནི ཙ པནཱཡསྨཱ རེཝཏོ ¶ ཨནྟེཝཱསིཀཾ [ཨནྟེཝཱསིཾ (སྱཱ.)] སརབྷཱཎཀཾ བྷིཀྑུཾ ཨཛ྄ཛྷེསིསྶཏི. སོ ཏྭཾ ཏསྶ བྷིཀྑུནོ སརབྷཉྙཔརིཡོསཱནེ ཨཱཡསྨནྟཾ རེཝཏཾ ཨུཔསངྐམིཏྭཱ ཨིམཱནི ¶ དས ཝཏྠཱུནི པུཙྪེཡྻཱསཱི’’ཏི. ‘‘ཨེཝཾ བྷནྟེ’’ཏི ཁོ ཨཱཡསྨཱ ཡསོ ཀཱཀཎྜཀཔུཏྟོ ཨཱཡསྨཏོ སམྦྷཱུཏསྶ སཱཎཝཱསིསྶ པཙྩསྶོསི. ཨཐ ཁོ ཨཱཡསྨཱ རེཝཏོ ཨནྟེཝཱསིཀཾ སརབྷཱཎཀཾ བྷིཀྑུཾ ཨཛ྄ཛྷེསི. ཨཐ ཁོ ཨཱཡསྨཱ ཡསོ ཀཱཀཎྜཀཔུཏྟོ ཏསྶ བྷིཀྑུནོ སརབྷཉྙཔརིཡོསཱནེ ཡེནཱཡསྨཱ རེཝཏོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ རེཝཏཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཡསོ ཀཱཀཎྜཀཔུཏྟོ ཨཱཡསྨནྟཾ རེཝཏཾ ཨེཏདཝོཙ – ‘‘ཀཔྤཏི, བྷནྟེ, སིངྒིལོཎཀཔྤོ’’ཏི? ‘‘ཀོ སོ, ཨཱཝུསོ, སིངྒིལོཎཀཔྤོ’’ཏི? ‘‘ཀཔྤཏི, བྷནྟེ, སིངྒིནཱ ལོཎཾ པརིཧརིཏུཾ – ཡཏྠ ཨལོཎཀཾ བྷཝིསྶཏི ཏཏྠ པརིབྷུཉྫིསྶཱམཱི’’ཏི? ‘‘ནཱཝུསོ, ཀཔྤཏཱི’’ཏི. ‘‘ཀཔྤཏི, བྷནྟེ, དྭངྒུལཀཔྤོ’’ཏི ¶ ? ‘‘ཀོ སོ, ཨཱཝུསོ, དྭངྒུལཀཔྤོ’’ཏི? ‘‘ཀཔྤཏི, བྷནྟེ, དྭངྒུལཱཡ ཚཱཡཱཡ ཝཱིཏིཝཏྟཱཡ, ཝིཀཱལེ བྷོཛནཾ བྷུཉྫིཏུ’’ནྟི? ‘‘ནཱཝུསོ, ཀཔྤཏཱི’’ཏི. ‘‘ཀཔྤཏི, བྷནྟེ, གཱམནྟརཀཔྤོ’’ཏི? ‘‘ཀོ སོ, ཨཱཝུསོ, གཱམནྟརཀཔྤོ’’ཏི? ‘‘ཀཔྤཏི, བྷནྟེ – ཨིདཱནི གཱམནྟརཾ གམིསྶཱམཱིཏི – བྷུཏྟཱཝིནཱ པཝཱརིཏེན ཨནཏིརིཏྟཾ བྷོཛནཾ བྷུཉྫིཏུ’’ནྟི? ‘‘ནཱཝུསོ, ཀཔྤཏཱི’’ཏི. ‘‘ཀཔྤཏི, བྷནྟེ, ཨཱཝཱསཀཔྤོ’’ཏི? ‘‘ཀོ སོ, ཨཱཝུསོ, ཨཱཝཱསཀཔྤོ’’ཏི? ‘‘ཀཔྤཏི, བྷནྟེ, སམྦཧུལཱ ཨཱཝཱསཱ སམཱནསཱིམཱ ནཱནུཔོསཐཾ ཀཱཏུ’’ནྟི? ‘‘ནཱཝུསོ ¶ , ཀཔྤཏཱི’’ཏི. ‘‘ཀཔྤཏི ¶ , བྷནྟེ, ཨནུམཏིཀཔྤོ’’ཏི? ‘‘ཀོ སོ, ཨཱཝུསོ, ཨནུམཏིཀཔྤོ’’ཏི? ‘‘ཀཔྤཏི, བྷནྟེ, ཝགྒེན སངྒྷེན ཀམྨཾ ཀཱཏུཾ – ཨཱགཏེ བྷིཀྑཱུ ཨནུམཱནེསྶཱམཱ’’ཏི [ཨནུཛཱནིསྶཱམཱཏི, ཨནུཛཱནེསྶཱམཱཏི, ཨནུམཏིཾ ཨཱནེསྶཱམཱཏི (ཀ.)]? ‘‘ནཱཝུསོ, ཀཔྤཏཱི’’ཏི. ‘‘ཀཔྤཏི, བྷནྟེ, ཨཱཙིཎྞཀཔྤོ’’ཏི? ‘‘ཀོ སོ, ཨཱཝུསོ, ཨཱཙིཎྞཀཔྤོ’’ཏི? ‘‘ཀཔྤཏི, བྷནྟེ, ཨིདཾ མེ ཨུཔཛ྄ཛྷཱཡེན ཨཛ྄ཛྷཱཙིཎྞཾ, ཨིདཾ མེ ཨཱཙརིཡེན ཨཛ྄ཛྷཱཙིཎྞཾ, ཏཾ ཨཛ྄ཛྷཱཙརིཏུ’’ནྟི? ‘‘ཨཱཙིཎྞཀཔྤོ ཁོ, ཨཱཝུསོ, ཨེཀཙྩོ ཀཔྤཏི, ཨེཀཙྩོ ན ཀཔྤཏཱི’’ཏི. ‘‘ཀཔྤཏི, བྷནྟེ, ཨམཐིཏཀཔྤོ’’ཏི? ‘‘ཀོ སོ, ཨཱཝུསོ, ཨམཐིཏཀཔྤོ’’ཏི? ‘‘ཀཔྤཏི, བྷནྟེ, ཡཾ ཏཾ ཁཱིརཾ ཁཱིརབྷཱཝཾ ཝིཛཧིཏཾ, ཨསམྤཏྟཾ དདྷིབྷཱཝཾ, ཏཾ བྷུཏྟཱཝིནཱ པཝཱརིཏེན ཨནཏིརིཏྟཾ པཱཏུ’’ནྟི? ‘‘ནཱཝུསོ, ཀཔྤཏཱི’’ཏི? ‘‘ཀཔྤཏི, བྷནྟེ, ཛལོ༹གིཾ པཱཏུ’’ནྟི? ‘‘ཀཱ སཱ, ཨཱཝུསོ, ཛལོ༹གཱི’’ཏི? ‘‘ཀཔྤཏི, བྷནྟེ, ཡཱ སཱ སུརཱ ཨཱསུཏཱ, ཨསམྤཏྟཱ མཛྫབྷཱཝཾ, སཱ པཱཏུ’’ནྟི? ‘‘ནཱཝུསོ, ཀཔྤཏཱི’’ཏི. ‘‘ཀཔྤཏི, བྷནྟེ, ཨདསཀཾ ནིསཱིདན’’ནྟི? ‘‘ནཱཝུསོ, ཀཔྤཏཱི’’ཏི. ‘‘ཀཔྤཏི, བྷནྟེ, ཛཱཏརཱུཔརཛཏ’’ནྟི? ‘‘ནཱཝུསོ, ཀཔྤཏཱི’’ཏི. ‘‘ཨིམེ, བྷནྟེ, ཝེསཱལིཀཱ ཝཛྫིཔུཏྟཀཱ བྷིཀྑཱུ ཝེསཱལིཡཾ ཨིམཱནི དས ཝཏྠཱུནི དཱིཔེནྟི. ཧནྡ མཡཾ, བྷནྟེ, ཨིམཾ ཨདྷིཀརཎཾ ཨཱདིཡིསྶཱམ. པུརེ ཨདྷམྨོ དིཔྤཏི, དྷམྨོ པཊིབཱཧིཡྻཏི; ཨཝིནཡོ ¶ དིཔྤཏི, ཝིནཡོ པཊིབཱཧིཡྻཏི; པུརེ ཨདྷམྨཝཱདིནོ བལཝནྟོ ཧོནྟི, དྷམྨཝཱདིནོ དུབྦལཱ ¶ ཧོནྟི; ཨཝིནཡཝཱདིནོ བལཝནྟོ ཧོནྟི, ཝིནཡཝཱདིནོ དུབྦལཱ ཧོནྟཱི’’ཏི. ‘‘ཨེཝམཱཝུསོ’’ཏི ཁོ ཨཱཡསྨཱ རེཝཏོ ཨཱཡསྨཏོ ཡསསྶ ཀཱཀཎྜཀཔུཏྟསྶ པཙྩསྶོསི.

པཋམབྷཱཎཝཱརོ ནིཊྛིཏོ.

༢. དུཏིཡབྷཱཎཝཱརོ

༤༥༣. ཨསྶོསུཾ ¶ ཁོ ཝེསཱལིཀཱ ཝཛྫིཔུཏྟཀཱ བྷིཀྑཱུ – ‘‘ཡསོ ཀིར ཀཱཀཎྜཀཔུཏྟོ ཨིདཾ ཨདྷིཀརཎཾ ཨཱདིཡིཏུཀཱམོ པཀྑཾ པརིཡེསཏི, ལབྷཏི ཙ ཀིར པཀྑ’’ནྟི. ཨཐ ཁོ ཝེསཱལིཀཱནཾ ཝཛྫིཔུཏྟཀཱནཾ བྷིཀྑཱུནཾ ཨེཏདཧོསི – ‘‘ཨིདཾ ཁོ ཨདྷིཀརཎཾ ཀཀྑལ༹ཉྩ ཝཱལ༹ཉྩ. ཀཾ ནུ ཁོ མཡཾ པཀྑཾ ལབྷེཡྻཱམ, ཡེན མཡཾ ཨིམསྨིཾ ཨདྷིཀརཎེ བལཝནྟཏརཱ ཨསྶཱམཱ’’ཏི.

ཨཐ ཁོ ཝེསཱལིཀཱནཾ ཝཛྫིཔུཏྟཀཱནཾ བྷིཀྑཱུནཾ ཨེཏདཧོསི – ‘‘ཨཡཾ ཁོ ཨཱཡསྨཱ རེཝཏོ བཧུསྶུཏོ ཨཱགཏཱགམོ དྷམྨདྷརོ ཝིནཡདྷརོ མཱཏིཀཱདྷརོ པཎྜིཏོ ཝིཡཏྟོ མེདྷཱཝཱི ལཛྫཱི ཀུཀྐུཙྩཀོ སིཀྑཱཀཱམོ. སཙེ མཡཾ ཨཱཡསྨནྟཾ རེཝཏཾ པཀྑཾ ལབྷེཡྻཱམ, ཨེཝཾ མཡཾ ཨིམསྨིཾ ཨདྷིཀརཎེ བལཝནྟཏརཱ ཨསྶཱམཱ’’ཏི.

ཨཐ ཁོ ཝེསཱལིཀཱ ཝཛྫིཔུཏྟཀཱ བྷིཀྑཱུ པཧཱུཏཾ སཱམཎཀཾ པརིཀྑཱརཾ པཊིཡཱདེསུཾ – པཏྟམྤི, ཙཱིཝརམྤི, ནིསཱིདནམྤི, སཱུཙིགྷརམྤི, ཀཱཡབནྡྷནམྤི, པརིསྶཱཝནམྤི, དྷམྨཀརཎམྤི. ཨཐ ཁོ ཝེསཱལིཀཱ ཝཛྫིཔུཏྟཀཱ བྷིཀྑཱུ ཏཾ སཱམཎཀཾ པརིཀྑཱརཾ ཨཱདཱཡ ནཱཝཱཡ སཧཛཱཏིཾ ཨུཛྫཝིཾསུ; ནཱཝཱཡ པཙྩོརོཧིཏྭཱ ¶ ཨཉྙཏརསྨིཾ རུཀྑམཱུལེ ¶ བྷཏྟཝིསྶགྒཾ ཀརོནྟི. ཨཐ ཁོ ཨཱཡསྨཏོ སཱལ༹ྷསྶ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘‘ཀེ ནུ ཁོ དྷམྨཝཱདིནོ – པཱཙཱིནཀཱ ཝཱ བྷིཀྑཱུ, པཱཝེཡྻཀཱ ཝཱ’’ཏི? ཨཐ ཁོ ཨཱཡསྨཏོ སཱལ༹ྷསྶ, དྷམྨཉྩ ཝིནཡཉྩ ཙེཏསཱ པཙྩཝེཀྑནྟསྶ, ཨེཏདཧོསི – ‘‘ཨདྷམྨཝཱདིནོ པཱཙཱིནཀཱ བྷིཀྑཱུ, དྷམྨཝཱདིནོ པཱཝེཡྻཀཱ [པཱཋེཡྻཀཱ (སྱཱ.)] བྷིཀྑཱུ’’ཏི.

ཨཐ ཁོ ཨཉྙཏརཱ སུདྡྷཱཝཱསཀཱཡིཀཱ དེཝཏཱ ཨཱཡསྨཏོ སཱལ༹ྷསྶ ཙེཏསཱ ཙེཏོཔརིཝིཏཀྐམཉྙཱཡ – སེཡྻཐཱཔི ནཱམ བལཝཱ པུརིསོ སམིཉྫིཏཾ ཝཱ བཱཧཾ པསཱརེཡྻ, པསཱརིཏཾ ཝཱ བཱཧཾ སམྨིཉྫེཡྻ, ཨེཝམེཝ སུདྡྷཱཝཱསེསུ དེཝེསུ ཨནྟརཧིཏཱ – ཨཱཡསྨཏོ སཱལ༹ྷསྶ ¶ སམྨུཁེ པཱཏུརཧོསི. ཨཐ ཁོ སཱ དེཝཏཱ ཨཱཡསྨནྟཾ སཱལ༹ྷཾ ཨེཏདཝོཙ – ‘‘སཱདྷུ, བྷནྟེ སཱལ༹ྷ, ཨདྷམྨཝཱདཱི པཱཙཱིནཀཱ བྷིཀྑཱུ, དྷམྨཝཱདཱི པཱཝེཡྻཀཱ བྷིཀྑཱུ. ཏེན ཧི, བྷནྟེ སཱལ༹ྷ, ཡཐཱདྷམྨོ ཏཐཱ ཏིཊྛཱཧཱི’’ཏི. ‘‘པུབྦེཔི ཙཱཧཾ, དེཝཏེ, ཨེཏརཧི ཙ ཡཐཱདྷམྨོ ཏཐཱ ཋིཏོ ¶ ; ཨཔི ཙཱཧཾ ན ཏཱཝ དིཊྛིཾ ཨཱཝི ཀརོམི, ཨཔྤེཝ ནཱམ མཾ ཨིམསྨིཾ ཨདྷིཀརཎེ སམྨནྣེཡྻཱ’’ཏི.

༤༥༤. ཨཐ ཁོ ཝེསཱལིཀཱ ཝཛྫིཔུཏྟཀཱ བྷིཀྑཱུ ཏཾ སཱམཎཀཾ པརིཀྑཱརཾ ཨཱདཱཡ ཡེནཱཡསྨཱ རེཝཏོ ཏེནུཔསངྐམིཾསུ, ཨུཔསངྐམིཏྭཱ ཨཱཡསྨནྟཾ རེཝཏཾ ཨེཏདཝོཙུཾ – ‘‘པཊིགྒཎྷཱཏུ, བྷནྟེ, ཐེརོ སཱམཎཀཾ ¶ པརིཀྑཱརཾ – པཏྟམྤི, ཙཱིཝརམྤི, ནིསཱིདནམྤི, སཱུཙིགྷརམྤི, ཀཱཡབནྡྷནམྤི, པརིསྶཱཝནམྤི, དྷམྨཀརཎམྤཱི’’ཏི. ‘‘ཨལཾ, ཨཱཝུསོ, པརིཔུཎྞཾ མེ པཏྟཙཱིཝར’’ནྟི ན ཨིཙྪི པཊིགྒཧེཏུཾ.

ཏེན ཁོ པན སམཡེན ཨུཏྟརོ ནཱམ བྷིཀྑུ ཝཱིསཏིཝསྶོ ཨཱཡསྨཏོ རེཝཏསྶ ཨུཔཊྛཱཀོ ཧོཏི. ཨཐ ཁོ ཝེསཱལིཀཱ ཝཛྫིཔུཏྟཀཱ བྷིཀྑཱུ ཡེནཱཡསྨཱ ཨུཏྟརོ ཏེནུཔསངྐམིཾསུ, ཨུཔསངྐམིཏྭཱ ཨཱཡསྨནྟཾ ཨུཏྟརཾ ཨེཏདཝོཙུཾ – ‘‘པཊིགྒཎྷཱཏུ ཨཱཡསྨཱ ཨུཏྟརོ སཱམཎཀཾ པརིཀྑཱརཾ – པཏྟམྤི, ཙཱིཝརམྤི, ནིསཱིདནམྤི, སཱུཙིགྷརམྤི, ཀཱཡབནྡྷནམྤི, པརིསྶཱཝནམྤི, དྷམྨཀརཎམྤཱི’’ཏི. ‘‘ཨལཾ, ཨཱཝུསོ, པརིཔུཎྞཾ མེ པཏྟཙཱིཝར’’ནྟི ན ཨིཙྪི པཊིགྒཧེཏུཾ. ‘‘མནུསྶཱ ཁོ, ཨཱཝུསོ ཨུཏྟར, བྷགཝཏོ སཱམཎཀཾ པརིཀྑཱརཾ ཨུཔནཱམེནྟི. སཙེ བྷགཝཱ པཊིགྒཎྷཱཏི, ཏེནེཝ ཏེ ཨཏྟམནཱ ཧོནྟི. ནོ ཙེ བྷགཝཱ པཊིགྒཎྷཱཏི, ཨཱཡསྨཏོ [ཨཱཡསྨཏོ ཙ (སྱཱ.)] ཨཱནནྡསྶ ཨུཔནཱམེནྟི – པཊིགྒཎྷཱཏུ, བྷནྟེ, ཐེརོ སཱམཎཀཾ པརིཀྑཱརཾ. ཡཐཱ བྷགཝཏཱ པཊིགྒཧིཏོ, ཨེཝམེཝ སོ བྷཝིསྶཏཱིཏི. པཊིགྒཎྷཱཏུ ཨཱཡསྨཱ ཨུཏྟརོ སཱམཎཀཾ ¶ པརིཀྑཱརཾ. ཡཐཱ ཐེརེན པཊིགྒཧིཏོ, ཨེཝམེཝ སོ བྷཝིསྶཏཱི’’ཏི. ཨཐ ཁོ ཨཱཡསྨཱ ཨུཏྟརོ ཝེསཱལིཀེཧི ཝཛྫིཔུཏྟེཧི བྷིཀྑཱུཧི ནིཔྤཱིལི༹ཡམཱནོ ཨེཀཾ ཙཱིཝརཾ ཨགྒཧེསི. ‘‘ཝདེཡྻཱཐ, ཨཱཝུསོ, ཡེན ཨཏྠོ’’ཏི. ‘‘ཨེཏྟཀཾ ཨཱཡསྨཱ ཨུཏྟརོ ཐེརཾ ¶ ཝདེཏུ; ཨེཏྟཀཉྩ, བྷནྟེ, ཐེརོ སངྒྷམཛ྄ཛྷེ ཝདེཏུ – ‘པུརཏྠིམེསུ ཛནཔདེསུ བུདྡྷཱ བྷགཝནྟོ ཨུཔྤཛྫནྟི. དྷམྨཝཱདཱི པཱཙཱིནཀཱ བྷིཀྑཱུ, ཨདྷམྨཝཱདཱི པཱཝེཡྻཀཱ བྷིཀྑཱུ’’’ཏི. ‘‘ཨེཝམཱཝུསོ’’ཏི ཁོ ཨཱཡསྨཱ ཨུཏྟརོ ཝེསཱལིཀཱནཾ ཝཛྫིཔུཏྟཀཱནཾ བྷིཀྑཱུནཾ པཊིསྶུཏྭཱ ཡེནཱཡསྨཱ རེཝཏོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ རེཝཏཾ ཨེཏདཝོཙ – ‘‘ཨེཏྟཀཾ, བྷནྟེ, ཐེརོ སངྒྷམཛ྄ཛྷེ ཝདེཏུ – ‘པུརཏྠིམེསུ ཛནཔདེསུ བུདྡྷཱ བྷགཝནྟོ ཨུཔྤཛྫནྟི ¶ . དྷམྨཝཱདཱི པཱཙཱིནཀཱ བྷིཀྑཱུ, ཨདྷམྨཝཱདཱི ¶ པཱཝེཡྻཀཱ བྷིཀྑཱུ’’’ཏི. ‘‘ཨདྷམྨེ མཾ ཏྭཾ, བྷིཀྑུ, ནིཡོཛེསཱི’’ཏི ཐེརོ ཨཱཡསྨནྟཾ ཨུཏྟརཾ པཎཱམེསི.

ཨཐ ཁོ ཝེསཱལིཀཱ ཝཛྫིཔུཏྟཀཱ བྷིཀྑཱུ ཨཱཡསྨནྟཾ ཨུཏྟརཾ ཨེཏདཝོཙུཾ – ‘‘ཀིཾ, ཨཱཝུསོ ཨུཏྟར, ཐེརོ ཨཱཧཱ’’ཏི? ‘‘པཱཔིཀཾ ནོ, ཨཱཝུསོ, ཀཏཾ. ‘ཨདྷམྨེ མཾ ཏྭཾ, བྷིཀྑུ, ནིཡོཛེསཱི’’’ཏི ཐེརོ མཾ པཎཱམེསཱིཏི. ‘‘ནནུ ཏྭཾ, ཨཱཝུསོ [ཨཱཝུསོ ཨུཏྟར (སྱཱ. ཀཾ.)], ཝུཌྜྷོ ཝཱིསཏིཝསྶོསཱི’’ཏི? ‘‘ཨཱམཱཝུསོ, ཨཔི ཙ མཡཾ གརུནིསྶཡཾ གཎྷཱམཱ’’ཏི.

༤༥༥. ཨཐ ཁོ སངྒྷོ ཏཾ ཨདྷིཀརཎཾ ཝིནིཙྪིནིཏུཀཱམོ སནྣིཔཏི. ཨཐ ཁོ ཨཱཡསྨཱ རེཝཏོ སངྒྷཾ ཉཱཔེསི –

‘‘སུཎཱཏུ མེ, ཨཱཝུསོ, སངྒྷོ. སཙེ མཡཾ ཨིམཾ ཨདྷིཀརཎཾ ཨིདྷ ཝཱུཔསམེསྶཱམ, སིཡཱཔི མཱུལཱདཱཡཀཱ [མཱུལདཱཡཀཱ (སཱི.)] བྷིཀྑཱུ པུནཀམྨཱཡ ཨུཀྐོཊེཡྻུཾ. ཡདི སངྒྷསྶ པཏྟཀལླཾ, ཡཏྠེཝིམཾ ཨདྷིཀརཎཾ སམུཔྤནྣཾ, སངྒྷོ ཏཏྠེཝིམཾ ཨདྷིཀརཎཾ ¶ ཝཱུཔསམེཡྻཱ’’ཏི.

ཨཐ ཁོ ཐེརཱ བྷིཀྑཱུ ཝེསཱལིཾ ཨགམཾསུ – ཏཾ ཨདྷིཀརཎཾ ཝིནིཙྪིནིཏུཀཱམཱ.

ཏེན ཁོ པན སམཡེན སབྦཀཱམཱི ནཱམ པཐབྱཱ སངྒྷཏྠེརོ ཝཱིསཝསྶསཏིཀོ ཨུཔསམྤདཱཡ, ཨཱཡསྨཏོ ཨཱནནྡསྶ སདྡྷིཝིཧཱརིཀོ, ཝེསཱལིཡཾ པཊིཝསཏི. ཨཐ ཁོ ཨཱཡསྨཱ རེཝཏོ ཨཱཡསྨནྟཾ སམྦྷཱུཏཾ སཱཎཝཱསིཾ ཨེཏདཝོཙ – ‘‘ཨཧཾ, ཨཱཝུསོ, ཡསྨིཾ ཝིཧཱརེ སབྦཀཱམཱི ཐེརོ ཝིཧརཏི, ཏཾ ཝིཧཱརཾ ཨུཔགཙྪཱམི. སོ ཏྭཾ ཀཱལསྶེཝ ཨཱཡསྨནྟཾ སབྦཀཱམིཾ ཨུཔསངྐམིཏྭཱ ཨིམཱནི དས ཝཏྠཱུནི པུཙྪེཡྻཱསཱི’’ཏི.

‘‘ཨེཝཾ བྷནྟེ’’ཏི ཁོ ཨཱཡསྨཱ སམྦྷཱུཏོ སཱཎཝཱསཱི ཨཱཡསྨཏོ རེཝཏསྶ པཙྩསྶོསི. ཨཐ ཁོ ཨཱཡསྨཱ རེཝཏོ, ཡསྨིཾ ཝིཧཱརེ སབྦཀཱམཱི ཐེརོ ཝིཧརཏི, ཏཾ ཝིཧཱརཾ ཨུཔགཙྪི. གབྦྷེ ཨཱཡསྨཏོ སབྦཀཱམིསྶ སེནཱསནཾ པཉྙཏྟཾ ཧོཏི, གབྦྷཔྤམུཁེ ཨཱཡསྨཏོ རེཝཏསྶ. ཨཐ ཁོ ཨཱཡསྨཱ རེཝཏོ – ཨཡཾ ཐེརོ ¶ མཧལླཀོ ན ནིཔཛྫཏཱིཏི – ན སེཡྻཾ ཀཔྤེསི. ཨཱཡསྨཱ སབྦཀཱམཱི – ཨཡཾ བྷིཀྑུ ཨཱགནྟུཀོ ཀིལནྟོ ན ནིཔཛྫཏཱིཏི – ན སེཡྻཾ ཀཔྤེསི. ཨཐ ཁོ ཨཱཡསྨཱ ¶ སབྦཀཱམཱི རཏྟིཡཱ པཙྩཱུསསམཡཾ པཙྩུཊྛཱཡ ཨཱཡསྨནྟཾ རེཝཏཾ ཨེཏདཝོཙ – ‘‘ཀཏམེན ཏྭཾ བྷཱུམི ཝིཧཱརེན ཨེཏརཧི བཧུལཾ ཝིཧརསཱི’’ཏི? ‘‘མེཏྟཱཝིཧཱརེན ཁོ ཨཧཾ ¶ , བྷནྟེ, ཨེཏརཧི བཧུལཾ ཝིཧརཱམཱི’’ཏི. ‘‘ཀུལླཀཝིཧཱརེན ཀིར ཏྭཾ བྷཱུམི ཨེཏརཧི བཧུལཾ ཝིཧརསི ¶ . ཀུལླཀཝིཧཱརོ ཨེསོ [ཧེསོ (སྱཱ.)] བྷཱུམི ཡདིདཾ མེཏྟཱ’’ཏི. ‘‘པུབྦེཔི མེ, བྷནྟེ, གིཧིབྷཱུཏསྶ ཨཱཙིཎྞཱ མེཏྟཱ. ཏེནཱཧཾ ཨེཏརཧིཔི མེཏྟཱཝིཧཱརེན བཧུལཾ ཝིཧརཱམི, ཨཔི ཙ ཁོ མཡཱ ཙིརཔྤཏྟཾ ཨརཧཏྟ’’ནྟི. ‘‘ཐེརོ པན, བྷནྟེ, ཀཏམེན ཝིཧཱརེན ཨེཏརཧི བཧུལཾ ཝིཧརཏཱི’’ཏི? ‘‘སུཉྙཏཱཝིཧཱརེན ཁོ ཨཧཾ བྷཱུམི ཨེཏརཧི བཧུལཾ ཝིཧརཱམཱི’’ཏི. ‘‘མཧཱཔུརིསཝིཧཱརེན ཀིར, བྷནྟེ, ཐེརོ ཨེཏརཧི བཧུལཾ ཝིཧརཏི. མཧཱཔུརིསཝིཧཱརོ ཨེསོ, བྷནྟེ, ཡདིདཾ སུཉྙཏཱ’’ཏི. ‘‘པུབྦེཔི མེ བྷཱུམི གིཧིབྷཱུཏསྶ ཨཱཙིཎྞཱ སུཉྙཏཱ. ཏེནཱཧཾ ཨེཏརཧིཔི སུཉྙཏཱཝིཧཱརེན བཧུལཾ ཝིཧརཱམི, ཨཔི ཙ མཡཱ ཙིརཔྤཏྟཾ ཨརཧཏྟ’’ནྟི. ཨཡཉྩརཧི ཐེརཱནཾ བྷིཀྑཱུནཾ ཨནྟརཱཀཐཱ ཝིཔྤཀཏཱ, ཨཐཱཡསྨཱ སམྦྷཱུཏོ སཱཎཝཱསཱི ཏསྨིཾ ཨནུཔྤཏྟོ ཧོཏི. ཨཐ ཁོ ཨཱཡསྨཱ སམྦྷཱུཏོ སཱཎཝཱསཱི ཡེནཱཡསྨཱ སབྦཀཱམཱི ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ སབྦཀཱམིཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ སམྦྷཱུཏོ སཱཎཝཱསཱི ཨཱཡསྨནྟཾ སབྦཀཱམིཾ ཨེཏདཝོཙ – ‘‘ཨིམེ, བྷནྟེ, ཝེསཱལིཀཱ ཝཛྫིཔུཏྟཀཱ བྷིཀྑཱུ ཝེསཱལིཡཾ དས ཝཏྠཱུནི དཱིཔེནྟི – ཀཔྤཏི སིངྒིལོཎཀཔྤོ, ཀཔྤཏི དྭངྒུལཀཔྤོ, ཀཔྤཏི གཱམནྟརཀཔྤོ, ཀཔྤཏི ཨཱཝཱསཀཔྤོ, ཀཔྤཏི ཨནུམཏིཀཔྤོ, ཀཔྤཏི ཨཱཙིཎྞཀཔྤོ, ཀཔྤཏི ཨམཐིཏཀཔྤོ, ཀཔྤཏི ཛལོ༹གིཾ ¶ , པཱཏུཾ ཀཔྤཏི ཨདསཀཾ ནིསཱིདནཾ, ཀཔྤཏི ཛཱཏརཱུཔརཛཏནྟི. ཐེརེན, བྷནྟེ, ཨུཔཛ྄ཛྷཱཡསྶ མཱུལེ བཧུདྷམྨོ ཙ ཝིནཡོ ཙ པརིཡཏྟོ. ཐེརསྶ བྷནྟེ, དྷམྨཉྩ ཝིནཡཉྩ པཙྩཝེཀྑནྟསྶ ཀཐཾ ཧོཏི? ཀེ ནུ ཁོ དྷམྨཝཱདིནོ – པཱཙཱིནཀཱ ཝཱ བྷིཀྑཱུ, པཱཝེཡྻཀཱ ཝཱ’’ཏི? ‘‘ཏཡཱཔི ཁོ, ཨཱཝུསོ, ཨུཔཛ྄ཛྷཱཡསྶ མཱུལེ བཧུ དྷམྨོ ཙ ཝིནཡོ ཙ པརིཡཏྟོ. ཏུཡ྄ཧཾ པན, ཨཱཝུསོ, དྷམྨཉྩ ཝིནཡཉྩ པཙྩཝེཀྑནྟསྶ ཀཐཾ ཧོཏི? ཀེ ནུ ཁོ དྷམྨཝཱདིནོ – པཱཙཱིནཀཱ ཝཱ བྷིཀྑཱུ, པཱཝེཡྻཀཱ ཝཱ’’ཏི? ‘‘མཡ྄ཧཾ ཁོ, བྷནྟེ, དྷམྨཉྩ ཝིནཡཉྩ པཙྩཝེཀྑནྟསྶ ཨེཝཾ ཧོཏི – ཨདྷམྨཝཱདཱི པཱཙཱིནཀཱ བྷིཀྑཱུ, དྷམྨཝཱདཱི པཱཝེཡྻཀཱ བྷིཀྑཱུཏི; ཨཔི ཙཱཧཾ ན ¶ ཏཱཝ དིཊྛིཾ ཨཱཝི ཀརོམི, ཨཔྤེཝ ནཱམ མཾ ཨིམསྨིཾ ཨདྷིཀརཎེ སམྨནྣེཡྻཱ’’ཏི. ‘‘མཡ྄ཧམྤི ཁོ, ཨཱཝུསོ, དྷམྨཉྩ ཝིནཡཉྩ པཙྩཝེཀྑནྟསྶ ཨེཝཾ ཧོཏི ¶ – ཨདྷམྨཝཱདཱི པཱཙཱིནཀཱ བྷིཀྑཱུ, དྷམྨཝཱདཱི པཱཝེཡྻཀཱ བྷིཀྑཱུཏི; ཨཔི ཙཱཧཾ ན ཏཱཝ དིཊྛིཾ ཨཱཝི ཀརོམི, ཨཔྤེཝ ནཱམ མཾ ཨིམསྨིཾ ཨདྷིཀརཎེ སམྨནྣེཡྻཱ’’ཏི.

༤༥༦. ཨཐ ཁོ སངྒྷོ ཏཾ ཨདྷིཀརཎཾ ཝིནིཙྪིནིཏུཀཱམོ སནྣིཔཏི. ཏསྨིཾ ཁོ པན ཨདྷིཀརཎེ ཝིནིཙྪིཡམཱནེ ཨནགྒཱནི ཙེཝ བྷསྶཱནི ཛཱཡནྟི, ན ཙེཀསྶ བྷཱསིཏསྶ ཨཏྠོ ཝིཉྙཱཡཏི. ཨཐ ཁོ ཨཱཡསྨཱ རེཝཏོ སངྒྷཾ ཉཱཔེསི –

‘‘སུཎཱཏུ ¶ མེ, བྷནྟེ, སངྒྷོ. ཨམྷཱཀཾ ¶ ཨིམསྨིཾ ཨདྷིཀརཎེ ཝིནིཙྪིཡམཱནེ ཨནགྒཱནི ཙེཝ བྷསྶཱནི ཛཱཡནྟི, ན ཙེཀསྶ བྷཱསིཏསྶ ཨཏྠོ ཝིཉྙཱཡཏི. ཡདི སངྒྷསྶ པཏྟཀལླཾ, སངྒྷོ ཨིམཾ ཨདྷིཀརཎཾ ཨུབྦཱཧིཀཱཡ ཝཱུཔསམེཡྻཱ’’ཏི. སངྒྷོ ཙཏྟཱརོ པཱཙཱིནཀེ བྷིཀྑཱུ, ཙཏྟཱརོ པཱཝེཡྻཀེ བྷིཀྑཱུ ཨུཙྩིནི. པཱཙཱིནཀཱནཾ བྷིཀྑཱུནཾ – ཨཱཡསྨནྟཉྩ སབྦཀཱམིཾ, ཨཱཡསྨནྟཉྩ སཱལ༹ྷཾ, ཨཱཡསྨནྟཉྩ ཁུཛྫསོབྷིཏཾ, ཨཱཡསྨནྟཉྩ ཝཱསབྷགཱམིཀཾ; པཱཝེཡྻཀཱནཾ བྷིཀྑཱུནཾ – ཨཱཡསྨནྟཉྩ རེཝཏཾ, ཨཱཡསྨནྟཉྩ སམྦྷཱུཏཾ སཱཎཝཱསིཾ, ཨཱཡསྨནྟཉྩ ཡསཾ ཀཱཀཎྜཀཔུཏྟཾ, ཨཱཡསྨནྟཉྩ སུམནནྟི. ཨཐ ཁོ ཨཱཡསྨཱ རེཝཏོ སངྒྷཾ ཉཱཔེསི –

‘‘སུཎཱཏུ མེ, བྷནྟེ, སངྒྷོ. ཨམྷཱཀཾ ཨིམསྨིཾ ཨདྷིཀརཎེ ཝིནིཙྪིཡམཱནེ ཨནགྒཱནི ཙེཝ བྷསྶཱནི ཛཱཡནྟི, ན ཙེཀསྶ བྷཱསིཏསྶ ཨཏྠོ ཝིཉྙཱཡཏི. ཡདི སངྒྷསྶ པཏྟཀལླཾ, སངྒྷོ ཙཏྟཱརོ པཱཙཱིནཀེ བྷིཀྑཱུ, ཙཏྟཱརོ པཱཝེཡྻཀེ བྷིཀྑཱུ སམྨནྣེཡྻ ཨུབྦཱཧིཀཱཡ ཨིམཾ ཨདྷིཀརཎཾ ཝཱུཔསམེཏུཾ. ཨེསཱ ཉཏྟི.

‘‘སུཎཱཏུ མེ, བྷནྟེ, སངྒྷོ. ཨམྷཱཀཾ ཨིམསྨིཾ ཨདྷིཀརཎེ ཝིནིཙྪིཡམཱནེ ཨནགྒཱནི ཙེཝ བྷསྶཱནི ཛཱཡནྟི, ན ཙེཀསྶ བྷཱསིཏསྶ ཨཏྠོ ཝིཉྙཱཡཏི. སངྒྷོ ཙཏྟཱརོ པཱཙཱིནཀེ བྷིཀྑཱུ, ཙཏྟཱརོ པཱཝེཡྻཀེ བྷིཀྑཱུ སམྨནྣཏི ཨུབྦཱཧིཀཱཡ ཨིམཾ ཨདྷིཀརཎཾ ཝཱུཔསམེཏུཾ. ཡསྶཱཡསྨཏོ ཁམཏི ཙཏུནྣཾ པཱཙཱིནཀཱནཾ བྷིཀྑཱུནཾ, ཙཏུནྣཾ པཱཝེཡྻཀཱནཾ བྷིཀྑཱུནཾ སམྨུཏི, ཨུབྦཱཧིཀཱཡ ཨིམཾ ཨདྷིཀརཎཾ ཝཱུཔསམེཏུཾ ¶ , སོ ཏུཎྷསྶ; ཡསྶ ནཀྑམཏི, སོ བྷཱསེཡྻ.

‘‘སམྨཏཱ ¶ སངྒྷེན ཙཏྟཱརོ པཱཙཱིནཀཱ བྷིཀྑཱུ, ཙཏྟཱརོ པཱཝེཡྻཀཱ བྷིཀྑཱུ, ཨུབྦཱཧིཀཱཡ ཨིམཾ ཨདྷིཀརཎཾ ཝཱུཔསམེཏུཾ. ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི.

ཏེན ཁོ པན སམཡེན ཨཛིཏོ ནཱམ བྷིཀྑུ དསཝསྶོ སངྒྷསྶ པཱཏིམོཀྑུདྡེསཀོ ཧོཏི. ཨཐ ཁོ སངྒྷོ ཨཱཡསྨནྟམྤི ཨཛིཏཾ སམྨནྣཏི – ཐེརཱནཾ བྷིཀྑཱུནཾ ཨཱསནཔཉྙཱཔཀཾ. ཨཐ ཁོ ཐེརཱནཾ བྷིཀྑཱུནཾ ཨེཏདཧོསི – ‘‘ཀཏྠ ནུ ཁོ མཡཾ ཨིམཾ ཨདྷིཀརཎཾ ཝཱུཔསམེཡྻཱམཱ’’ཏི? ཨཐ ཁོ ཐེརཱནཾ བྷིཀྑཱུནཾ ¶ ཨེཏདཧོསི – ‘‘ཨཡཾ ཁོ ཝཱལིཀཱརཱམོ རམཎཱིཡོ ཨཔྤསདྡོ ཨཔྤནིགྒྷོསོ. ཡཾནཱུན མཡཾ ཝཱལིཀཱརཱམེ ཨིམཾ ཨདྷིཀརཎཾ ཝཱུཔསམེཡྻཱམཱ’’ཏི.

༤༥༧. ཨཐ ¶ ཁོ ཐེརཱ བྷིཀྑཱུ ཝཱལིཀཱརཱམཾ ཨགམཾསུ – ཏཾ ཨདྷིཀརཎཾ ཝིནིཙྪིནིཏུཀཱམཱ. ཨཐ ཁོ ཨཱཡསྨཱ རེཝཏོ སངྒྷཾ ཉཱཔེསི –

‘‘སུཎཱཏུ མེ, བྷནྟེ, སངྒྷོ. ཡདི སངྒྷསྶ པཏྟཀལླཾ, ཨཧཾ ཨཱཡསྨནྟཾ སབྦཀཱམིཾ ཝིནཡཾ པུཙྪེཡྻ’’ནྟི.

ཨཱཡསྨཱ སབྦཀཱམཱི སངྒྷཾ ཉཱཔེསི –

‘‘སུཎཱཏུ མེ, ཨཱཝུསོ, སངྒྷོ. ཡདི སངྒྷསྶ པཏྟཀལླཾ, ཨཧཾ རེཝཏེན ཝིནཡཾ པུཊྛོ ཝིསྶཛྫེཡྻ’’ནྟི.

ཨཐ ཁོ ཨཱཡསྨཱ རེཝཏོ ཨཱཡསྨནྟཾ སབྦཀཱམིཾ ཨེཏདཝོཙ – ‘‘ཀཔྤཏི, བྷནྟེ, སིངྒིལོཎཀཔྤོ’’ཏི? ‘‘ཀོ སོ, ཨཱཝུསོ, སིངྒིལོཎཀཔྤོ’’ཏི? ‘‘ཀཔྤཏི, བྷནྟེ, སིངྒིནཱ ལོཎཾ པརིཧརིཏུཾ – ཡཏྠ ཨལོཎཀཾ བྷཝིསྶཏི ¶ ཏཏྠ པརིབྷུཉྫིསྶཱམཱ’’ཏི? ‘‘ནཱཝུསོ, ཀཔྤཏཱི’’ཏི. [པཱཙི. ༢༥༤ ཨཱདཡོ] ‘‘ཀཏྠ པཊིཀྑིཏྟ’’ནྟི? ‘‘སཱཝཏྠིཡཾ, སུཏྟཝིབྷངྒེ’’ཏི. ‘‘ཀིཾ ཨཱཔཛྫཏཱི’’ཏི? ‘‘སནྣིདྷིཀཱརཀབྷོཛནེ པཱཙིཏྟིཡ’’ནྟི.

‘‘སུཎཱཏུ མེ, བྷནྟེ, སངྒྷོ. ཨིདཾ པཋམཾ ཝཏྠུ སངྒྷེན ཝིནིཙྪིཏཾ. ཨིཏིཔིདཾ ཝཏྠུ ཨུདྡྷམྨཾ, ཨུབྦིནཡཾ, ཨཔགཏསཏྠུསཱསནཾ. ཨིདཾ པཋམཾ སལཱཀཾ ནིཀྑིཔཱམི’’.

‘‘ཀཔྤཏི, བྷནྟེ, དྭངྒུལཀཔྤོ’’ཏི? ‘‘ཀོ སོ, ཨཱཝུསོ, དྭངྒུལཀཔྤོ’’ཏི? ‘‘ཀཔྤཏི, བྷནྟེ, དྭངྒུལཱཡ ཚཱཡཱཡ ཝཱིཏིཝཏྟཱཡ ཝིཀཱལེ བྷོཛནཾ བྷུཉྫིཏུ’’ནྟི ¶ ? ‘‘ནཱཝུསོ, ཀཔྤཏཱི’’ཏི [པཱཙི. ༢༤༥]. ‘‘ཀཏྠ པཊིཀྑིཏྟ’’ནྟི? ‘‘རཱཛགཧེ, སུཏྟཝིབྷངྒེ’’ཏི. ‘‘ཀིཾ ཨཱཔཛྫཏཱི’’ཏི? ཝིཀཱལབྷོཛནེ པཱཙིཏྟིཡ’’ནྟི.

‘‘སུཎཱཏུ མེ, བྷནྟེ, སངྒྷོ. ཨིདཾ དུཏིཡཾ ཝཏྠུ སངྒྷེན ཝིནིཙྪིཏཾ. ཨིཏིཔིདཾ ཝཏྠུ ཨུདྡྷམྨཾ, ཨུབྦིནཡཾ, ཨཔགཏསཏྠུསཱསནཾ. ཨིདཾ དུཏིཡཾ སལཱཀཾ ནིཀྑིཔཱམི’’.

‘‘ཀཔྤཏི, བྷནྟེ, གཱམནྟརཀཔྤོ’’ཏི? ‘‘ཀོ སོ, ཨཱཝུསོ, གཱམནྟརཀཔྤོ’’ཏི? ‘‘ཀཔྤཏི, བྷནྟེ – ཨིདཱནི གཱམནྟརཾ གམིསྶཱམཱིཏི – བྷུཏྟཱཝིནཱ པཝཱརིཏེན ཨནཏིརིཏྟཾ བྷོཛནཾ ¶ བྷུཉྫིཏུ’’ནྟི? ‘‘ནཱཝུསོ, ཀཔྤཏཱི’’ཏི [པཱཙི. ༢༣༤]. ‘‘ཀཏྠ པཊིཀྑིཏྟ’’ནྟི? ‘‘སཱཝཏྠིཡཾ, སུཏྟཝིབྷངྒེ’’ཏི. ‘‘ཀིཾ ཨཱཔཛྫཏཱི’’ཏི? ‘‘ཨནཏིརིཏྟབྷོཛནེ པཱཙིཏྟིཡ’’ནྟི.

‘‘སུཎཱཏུ མེ, བྷནྟེ, སངྒྷོ. ཨིདཾ ཏཏིཡཾ ཝཏྠུ སངྒྷེན ཝིནིཙྪིཏཾ. ཨིཏིཔིདཾ ཝཏྠུ ཨུདྡྷམྨཾ, ཨུབྦིནཡཾ, ཨཔགཏསཏྠུསཱསནཾ. ཨིདཾ ཏཏིཡཾ སལཱཀཾ ནིཀྑིཔཱམི’’.

‘‘ཀཔྤཏི ¶ , བྷནྟེ, ཨཱཝཱསཀཔྤོ’’ཏི? ‘‘ཀོ སོ, ཨཱཝུསོ, ཨཱཝཱསཀཔྤོ’’ཏི? ‘‘ཀཔྤཏི བྷནྟེ, སམྦཧུལཱ ཨཱཝཱསཱ སམཱནསཱིམཱ ནཱནུཔོསཐཾ ཀཱཏུ’’ནྟི. ‘‘ནཱཝུསོ, ཀཔྤཏཱི’’ཏི [མཧཱཝ. ༡༤༡ ཨཱདཡོ]. ‘‘ཀཏྠ པཊིཀྑིཏྟ’’ནྟི? ‘‘རཱཛགཧེ, ཨུཔོསཐསཾཡུཏྟེ’’ཏི. ‘‘ཀིཾ ཨཱཔཛྫཏཱི’’ཏི? ‘‘ཝིནཡཱཏིསཱརེ དུཀྐཊ’’ནྟི.

‘‘སུཎཱཏུ མེ, བྷནྟེ, སངྒྷོ. ཨིདཾ ཙཏུཏྠཾ ཝཏྠུ སངྒྷེན ཝིནིཙྪིཏཾ. ཨིཏིཔིདཾ ཝཏྠུ ཨུདྡྷམྨཾ, ཨུབྦིནཡཾ, ཨཔགཏསཏྠུསཱསནཾ. ཨིདཾ ཙཏུཏྠཾ སལཱཀཾ ནིཀྑིཔཱམི’’.

‘‘ཀཔྤཏི, བྷནྟེ, ཨནུམཏིཀཔྤོ’’ཏི? ‘‘ཀོ སོ, ཨཱཝུསོ, ཨནུམཏིཀཔྤོ’’ཏི? ‘‘ཀཔྤཏི, བྷནྟེ, ཝགྒེན སངྒྷེན ཀམྨཾ ཀཱཏུཾ – ཨཱགཏེ བྷིཀྑཱུ ཨནུམཱནེསྶཱམཱ’’ཏི? ‘‘ནཱཝུསོ, ཀཔྤཏཱི’’ཏི ¶ [མཧཱཝ. ༣༨༣ ཨཱདཡོ]. ‘‘ཀཏྠ པཊིཀྑིཏྟ’’ནྟི? ‘‘ཙམྤེཡྻཀེ, ཝིནཡཝཏྠུསྨི’’ནྟི. ‘‘ཀིཾ ཨཱཔཛྫཏཱི’’ཏི? ‘‘ཝིནཡཱཏིསཱརེ དུཀྐཊ’’ནྟི.

‘‘སུཎཱཏུ མེ, བྷནྟེ, སངྒྷོ. ཨིདཾ པཉྩམཾ ཝཏྠུ སངྒྷེན ཝིནིཙྪིཏཾ. ཨིཏིཔིདཾ ཝཏྠུ ཨུདྡྷམྨཾ, ཨུབྦིནཡཾ, ཨཔགཏསཏྠུསཱསནཾ. ཨིདཾ པཉྩམཾ སལཱཀཾ ནིཀྑིཔཱམི’’.

‘‘ཀཔྤཏི, བྷནྟེ, ཨཱཙིཎྞཀཔྤོ’’ཏི? ‘‘ཀོ སོ, ཨཱཝུསོ, ཨཱཙིཎྞཀཔྤོ’’ཏི? ‘‘ཀཔྤཏི, བྷནྟེ – ཨིདཾ མེ ཨུཔཛ྄ཛྷཱཡེན ཨཛ྄ཛྷཱཙིཎྞཾ, ཨིདཾ མེ ཨཱཙརིཡེན ¶ ཨཛ྄ཛྷཱཙིཎྞཾ – ཏཾ ཨཛ྄ཛྷཱཙརིཏུ’’ནྟི? ‘‘ཨཱཙིཎྞཀཔྤོ ཁོ, ཨཱཝུསོ, ཨེཀཙྩོ ཀཔྤཏི, ཨེཀཙྩོ ན ཀཔྤཏཱི’’ཏི.

‘‘སུཎཱཏུ མེ, བྷནྟེ, སངྒྷོ. ཨིདཾ ཚཊྛཾ ཝཏྠུ སངྒྷེན ཝིནིཙྪིཏཾ ¶ . ཨིཏིཔིདཾ ཝཏྠུ ཨུདྡྷམྨཾ, ཨུབྦིནཡཾ, ཨཔགཏསཏྠུསཱསནཾ. ཨིདཾ ཚཊྛཾ སལཱཀཾ ནིཀྑིཔཱམི’’.

‘‘ཀཔྤཏི ¶ , བྷནྟེ, ཨམཐིཏཀཔྤོ’’ཏི? ‘‘ཀོ སོ, ཨཱཝུསོ, ཨམཐིཏཀཔྤོ’’ཏི? ‘‘ཀཔྤཏི, བྷནྟེ, ཡཾ ཏཾ ཁཱིརཾ ཁཱིརབྷཱཝཾ ཝིཛཧིཏཾ, ཨསམྤཏྟཾ དདྷིབྷཱཝཾ, ཏཾ བྷུཏྟཱཝིནཱ པཝཱརིཏེན ཨནཏིརིཏྟཾ པཱཏུ’’ནྟི? ‘‘ནཱཝུསོ, ཀཔྤཏཱི’’ཏི [པཱཙི. ༢༣༤]. ‘‘ཀཏྠ པཊིཀྑིཏྟ’’ནྟི? ‘‘སཱཝཏྠིཡཾ, སུཏྟཝིབྷངྒེ’’ཏི. ‘‘ཀིཾ ཨཱཔཛྫཏཱི’’ཏི? ‘‘ཨནཏིརིཏྟབྷོཛནེ པཱཙིཏྟིཡ’’ནྟི.

‘‘སུཎཱཏུ མེ, བྷནྟེ, སངྒྷོ. ཨིདཾ སཏྟམཾ ཝཏྠུ སངྒྷེན ཝིནིཙྪིཏཾ. ཨིཏིཔིདཾ ཝཏྠུ ཨུདྡྷམྨཾ, ཨུབྦིནཡཾ, ཨཔགཏསཏྠུསཱསནཾ. ཨིདཾ སཏྟམཾ སལཱཀཾ ནིཀྑིཔཱམི’’.

‘‘ཀཔྤཏི, བྷནྟེ, ཛལོ༹གིཾ པཱཏུ’’ནྟི? ‘‘ཀཱ སཱ, ཨཱཝུསོ, ཛལོ༹གཱི’’ཏི? ‘‘ཀཔྤཏི, བྷནྟེ, ཡཱ སཱ སུརཱ ཨཱསུཏཱ ཨསམྤཏྟཱ མཛྫབྷཱཝཾ, སཱ པཱཏུ’’ནྟི? ‘‘ནཱཝུསོ, ཀཔྤཏཱི’’ཏི [པཱཙི. ༣༢༦]. ‘‘ཀཏྠ པཊིཀྑིཏྟ’’ནྟི? ‘‘ཀོསམྦིཡཾ, སུཏྟཝིབྷངྒེ’’ཏི. ‘‘ཀིཾ ཨཱཔཛྫཏཱི’’ཏི. ‘‘སུརཱམེརཡཔཱནེ པཱཙིཏྟིཡ’’ནྟི.

‘‘སུཎཱཏུ མེ, བྷནྟེ, སངྒྷོ. ཨིདཾ ཨཊྛམཾ ཝཏྠུ སངྒྷེན ཝིནིཙྪིཏཾ. ཨིཏིཔིདཾ ཝཏྠུ ཨུདྡྷམྨཾ, ཨུབྦིནཡཾ, ཨཔགཏསཏྠུསཱསནཾ. ཨིདཾ ཨཊྛམཾ སལཱཀཾ ནིཀྑིཔཱམི’’.

‘‘ཀཔྤཏི, བྷནྟེ, ཨདསཀཾ ནིསཱིདན’’ནྟི? ‘‘ནཱཝུསོ, ཀཔྤཏཱི’’ཏི [པཱཙི. ༥༣༡ ཨཱདཡོ]. ‘‘ཀཏྠ པཊིཀྑིཏྟ’’ནྟི? ‘‘སཱཝཏྠིཡཾ, སུཏྟཝིབྷངྒེ’’ཏི. ‘‘ཀིཾ ཨཱཔཛྫཏཱི’’ཏི? ‘‘ཚེདནཀེ པཱཙིཏྟིཡ’’ནྟི.

‘‘སུཎཱཏུ མེ, བྷནྟེ, སངྒྷོ. ཨིདཾ ནཝམཾ ཝཏྠུ ¶ སངྒྷེན ཝིནིཙྪིཏཾ. ཨིཏིཔིདཾ ཝཏྠུ ཨུདྡྷམྨཾ, ཨུབྦིནཡཾ, ཨཔགཏསཏྠུསཱསནཾ. ཨིདཾ ནཝམཾ སལཱཀཾ ནིཀྑིཔཱམི’’.

‘‘ཀཔྤཏི, བྷནྟེ, ཛཱཏརཱུཔརཛཏ’’ནྟི? ‘‘ནཱཝུསོ, ཀཔྤཏཱི’’ཏི [པཱརཱ. ༥༨༠ ཨཱདཡོ]. ‘‘ཀཏྠ པཊིཀྑིཏྟ’’ནྟི. ‘‘རཱཛགཧེ, སུཏྟཝིབྷངྒེ’’ཏི. ‘‘ཀིཾ ཨཱཔཛྫཏཱི’’ཏི? ‘‘ཛཱཏརཱུཔརཛཏཔཊིགྒཧཎེ པཱཙིཏྟིཡ’’ནྟི.

‘‘སུཎཱཏུ ¶ མེ, བྷནྟེ, སངྒྷོ. ཨིདཾ དསམཾ ཝཏྠུ སངྒྷེན ཝིནིཙྪིཏཾ. ཨིཏིཔིདཾ ཝཏྠུ ཨུདྡྷམྨཾ, ཨུབྦིནཡཾ, ཨཔགཏསཏྠུསཱསནཾ. ཨིདཾ དསམཾ སལཱཀཾ ནིཀྑིཔཱམི.

‘‘སུཎཱཏུ ¶ མེ, བྷནྟེ, སངྒྷོ. ཨིམཱནི དས ཝཏྠཱུནི སངྒྷེན ཝིནིཙྪིཏཱནི. ཨིཏིཔིམཱནི དསཝཏྠཱུནི ཨུདྡྷམྨཱནི, ཨུབྦིནཡཱནི, ཨཔགཏསཏྠུསཱསནཱནཱི’’ཏི.

༤༥༨. ‘‘ནིཧཏམེཏཾ, ཨཱཝུསོ, ཨདྷིཀརཎཾ, སནྟཾ ཝཱུཔསནྟཾ སུཝཱུཔསནྟཾ. ཨཔི ཙ མཾ ཏྭཾ, ཨཱཝུསོ, སངྒྷམཛ྄ཛྷེཔི ཨིམཱནི དས ཝཏྠཱུནི པུཙྪེཡྻཱསི – ཏེསཾ བྷིཀྑཱུནཾ སཉྙཏྟིཡཱ’’ཏི. ཨཐ ཁོ ཨཱཡསྨཱ རེཝཏོ ཨཱཡསྨནྟཾ སབྦཀཱམིཾ སངྒྷམཛ྄ཛྷེཔི ཨིམཱནི དས ཝཏྠཱུནི པུཙྪི. པུཊྛོ པུཊྛོ ཨཱཡསྨཱ སབྦཀཱམཱི ཝིསྶཛྫེསི. ཨིམཱཡ ཁོ པན ཝིནཡསངྒཱིཏིཡཱ སཏྟ བྷིཀྑུསཏཱནི ཨནཱུནཱནི ཨནདྷིཀཱནི ཨཧེསུཾ, ཏསྨཱཡཾ ཝིནཡསངྒཱིཏི ‘‘སཏྟསཏིཀཱ’’ཏི ཝུཙྩཏཱིཏི.

དུཏིཡབྷཱཎཝཱརོ ནིཊྛིཏོ.

སཏྟསཏིཀཀྑནྡྷཀོ དྭཱདསམོ.

ཨིམམྷི ¶ ཁནྡྷཀེ ཝཏྠཱུ པཉྩཝཱིསཏི.

ཏསྶུདྡཱནཾ –

དས ¶ ཝཏྠཱུནི པཱུརེཏྭཱ, ཀམྨཾ དཱུཏེན པཱཝིསི;

ཙཏྟཱརོ པུན རཱུཔཉྩ, ཀོསམྦི ཙ པཱཝེཡྻཀོ.

མགྒོ སོརེཡྻཾ སངྐསྶཾ, ཀཎྞཀུཛྫཾ ཨུདུམྦརཾ;

སཧཛཱཏི ཙ མཛ྄ཛྷེསི, ཨསྶོསི ཀཾ ནུ ཁོ མཡཾ.

པཏྟནཱཝཱཡ ཨུཛྫཝི, རཧོསི ཨུཔནཱམཡཾ [དཱུརཏོཔི ཨུདཔཱདི (ཀ.)];

གརུ [དཱརུཎཾ (སྱཱ.)] སངྒྷོ ཙ ཝེསཱལིཾ, མེཏྟཱ སངྒྷོ ཨུབྦཱཧིཀཱཏི.

སཏྟསཏིཀཀྑནྡྷཀོ ནིཊྛིཏོ.

ཙཱུལ༹ཝགྒོ [ཙུལླཝགྒོ (སཱི.)] ནིཊྛིཏོ.

ཙཱུལ༹ཝགྒཔཱལི༹ ནིཊྛིཏཱ.