📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

ཝིནཡཔིཊཀེ

པརིཝཱརཔཱལི༹

༡. བྷིཀྑུཝིབྷངྒོ

སོལ༹སམཧཱཝཱརོ

༡. ཀཏྠཔཉྙཏྟིཝཱརོ

༡. པཱརཱཛིཀཀཎྜཾ

༡. ཡཾ ¶ ¶ ¶ ¶ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན པཋམཾ པཱརཱཛིཀཾ ཀཏྠ པཉྙཏྟཾ, ཀཾ ཨཱརབྦྷ, ཀིསྨིཾ ཝཏྠུསྨིཾ? ཨཏྠི ཏཏྠ པཉྙཏྟི, ཨནུཔཉྙཏྟི, ཨནུཔྤནྣཔཉྙཏྟི? སབྦཏྠཔཉྙཏྟི, པདེསཔཉྙཏྟི? སཱདྷཱརཎཔཉྙཏྟི, ཨསཱདྷཱརཎཔཉྙཏྟི? ཨེཀཏོཔཉྙཏྟི, ཨུབྷཏོཔཉྙཏྟི? པཉྩནྣཾ པཱཏིམོཀྑུདྡེསཱནཾ ཀཏྠོགདྷཾ ཀཏྠ པརིཡཱཔནྣཾ? ཀཏམེན ཨུདྡེསེན ཨུདྡེསཾ ཨཱགཙྪཏི? ཙཏུནྣཾ ཝིཔཏྟཱིནཾ ཀཏམཱ ཝིཔཏྟི? སཏྟནྣཾ ཨཱཔཏྟིཀྑནྡྷཱནཾ ¶ ཀཏམོ ཨཱཔཏྟིཀྑནྡྷོ? ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏི? ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? སཏྟནྣཾ སམཐཱནཾ ཀཏིཧི སམཐེཧི སམྨཏི? ཀོ ཏཏྠ ཝིནཡོ, ཀོ ཏཏྠ ཨབྷིཝིནཡོ? ཀིཾ ཏཏྠ པཱཏིམོཀྑཾ, ཀིཾ ཏཏྠ ཨདྷིཔཱཏིམོཀྑཾ? ཀཱ ཝིཔཏྟི? ཀཱ སམྤཏྟི? ཀཱ པཊིཔཏྟི? ཀཏི ཨཏྠཝསེ པཊིཙྩ བྷགཝཏཱ པཋམཾ པཱརཱཛིཀཾ པཉྙཏྟཾ? ཀེ སིཀྑནྟི? ཀེ སིཀྑིཏསིཀྑཱ? ཀཏྠ ཋིཏཾ? ཀེ དྷཱརེནྟི? ཀསྶ ཝཙནཾ? ཀེནཱབྷཏནྟི?

༢. ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན པཋམཾ ¶ པཱརཱཛིཀཾ ཀཏྠ པཉྙཏྟནྟི? ཝེསཱལིཡཾ པཉྙཏྟཾ. ཀཾ ཨཱརབྦྷཱཏི? སུདིནྣཾ ཀལནྡཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི? སུདིནྣོ ཀལནྡཔུཏྟོ པུརཱཎདུཏིཡིཀཱཡ མེཐུནཾ ¶ དྷམྨཾ པཊིསེཝི, ཏསྨིཾ ཝཏྠུསྨིཾ. ཨཏྠི ཏཏྠ པཉྙཏྟི, ཨནུཔཉྙཏྟི, ཨནུཔྤནྣཔཉྙཏྟཱིཏི? ཨེཀཱ པཉྙཏྟི, དྭེ ཨནུཔཉྙཏྟིཡོ. ཨནུཔྤནྣཔཉྙཏྟི ¶ ཏསྨིཾ ནཏྠི. སབྦཏྠཔཉྙཏྟི, པདེསཔཉྙཏྟཱིཏི? སབྦཏྠཔཉྙཏྟི. སཱདྷཱརཎཔཉྙཏྟི, ཨསཱདྷཱརཎཔཉྙཏྟཱིཏི? སཱདྷཱརཎཔཉྙཏྟི. ཨེཀཏོཔཉྙཏྟི, ཨུབྷཏོཔཉྙཏྟཱིཏི? ཨུབྷཏོཔཉྙཏྟི. པཉྩནྣཾ པཱཏིམོཀྑུདྡེསཱནཾ ཀཏྠོགདྷཾ ཀཏྠ པརིཡཱཔནྣནྟི? ནིདཱནོགདྷཾ, ནིདཱནཔརིཡཱཔནྣཾ. ཀཏམེན ཨུདྡེསེན ཨུདྡེསཾ ཨཱགཙྪཏཱིཏི? དུཏིཡེན ཨུདྡེསེན ཨུདྡེསཾ ཨཱགཙྪཏི. ཙཏུནྣཾ ཝིཔཏྟཱིནཾ ཀཏམཱ ཝིཔཏྟཱིཏི? སཱིལཝིཔཏྟི. སཏྟནྣཾ ཨཱཔཏྟིཀྑནྡྷཱནཾ ཀཏམོ ཨཱཔཏྟིཀྑནྡྷོཏི? པཱརཱཛིཀཱཔཏྟིཀྑནྡྷོ. ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏཱིཏི? ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ. ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎནྟི? ཨཱཔཏྟཱདྷིཀརཎཾ. སཏྟནྣཾ སམཐཱནཾ ཀཏིཧི སམཐེཧི སམྨཏཱིཏི? དྭཱིཧི སམཐེཧི སམྨཏི – སམྨུཁཱཝིནཡེན ཙ པཊིཉྙཱཏཀརཎེན ཙ. ཀོ ཏཏྠ ཝིནཡོ, ཀོ ཏཏྠ ཨབྷིཝིནཡོཏི? པཉྙཏྟི ཝིནཡོ, ཝིབྷཏྟི ཨབྷིཝིནཡོ. ཀིཾ ཏཏྠ པཱཏིམོཀྑཾ, ཀིཾ ཏཏྠ ཨདྷིཔཱཏིམོཀྑནྟི? པཉྙཏྟི པཱཏིམོཀྑཾ, ཝིབྷཏྟི ཨདྷིཔཱཏིམོཀྑཾ. ཀཱ ཝིཔཏྟཱིཏི? ཨསཾཝརོ ཝིཔཏྟི. ཀཱ ¶ སམྤཏྟཱིཏི? སཾཝརོ སམྤཏྟི. ཀཱ པཊིཔཏྟཱིཏི? ན ཨེཝརཱུཔཾ ཀརིསྶཱམཱིཏི ཡཱཝཛཱིཝཾ ཨཱཔཱཎཀོཊིཀཾ སམཱདཱཡ སིཀྑཏི སིཀྑཱཔདེསུ. [ཨ. ནི. ༡༠.༣༡] ཀཏི ཨཏྠཝསེ པཊིཙྩ བྷགཝཏཱ པཋམཾ པཱརཱཛིཀཾ པཉྙཏྟནྟི? དས ཨཏྠཝསེ པཊིཙྩ བྷགཝཏཱ པཋམཾ པཱརཱཛིཀཾ པཉྙཏྟཾ – སངྒྷསུཊྛུཏཱཡ, སངྒྷཕཱསུཏཱཡ, དུམྨངྐཱུནཾ པུགྒལཱནཾ ནིགྒཧཱཡ, པེསལཱནཾ བྷིཀྑཱུནཾ ཕཱསུཝིཧཱརཱཡ, དིཊྛདྷམྨིཀཱནཾ ཨཱསཝཱནཾ སཾཝརཱཡ, སམྤརཱཡིཀཱནཾ ཨཱསཝཱནཾ པཊིགྷཱཏཱཡ, ཨཔྤསནྣཱནཾ པསཱདཱཡ, པསནྣཱནཾ བྷིཡྻོབྷཱཝཱཡ, སདྡྷམྨཊྛིཏིཡཱ, ཝིནཡཱནུགྒཧཱཡ. ཀེ སིཀྑནྟཱིཏི? སེཀྑཱ ཙ པུཐུཛྫནཀལྱཱཎཀཱ ཙ སིཀྑནྟི. ཀེ སིཀྑིཏསིཀྑཱཏི? ཨརཧནྟོ སིཀྑིཏསིཀྑཱ ¶ . ཀཏྠ ཋིཏནྟི? སིཀྑཱཀཱམེསུ ཋིཏཾ. ཀེ དྷཱརེནྟཱིཏི? ཡེསཾ ཝཏྟཏི ཏེ དྷཱརེནྟི. ཀསྶ ཝཙནནྟི? བྷགཝཏོ ཝཙནཾ ཨརཧཏོ སམྨཱསམྦུདྡྷསྶ. ཀེནཱབྷཏནྟི? པརམྤརཱབྷཏཾ –

༣.

ཨུཔཱལི དཱསཀོ ཙེཝ, སོཎཀོ སིགྒཝོ ཏཐཱ;

མོགྒལིཔུཏྟེན [མོགྒལཱིཔུཏྟེན (སྱཱ.)] པཉྩམཱ, ཨེཏེ ཛམྦུསིརིཝ྄ཧཡེ [ཛམྦུསརིཝ྄ཧཡེ (སཱརཏྠ)].

ཏཏོ ¶ མཧིནྡོ ཨིཊྚིཡོ [ཨིཊྛིཡོ (སཱི.)], ཨུཏྟིཡོ སམྦལོ [ཨུཊྚིཡོ སམྤལོ (ཨིཏིཔི)] ཏཐཱ;

བྷདྡནཱམོ ཙ པཎྜིཏོ.

ཨེཏེ ¶ ནཱགཱ མཧཱཔཉྙཱ, ཛམྦུདཱིཔཱ ཨིདྷཱགཏཱ;

ཝིནཡཾ ཏེ ཝཱཙཡིཾསུ, པིཊཀཾ ཏམྦཔཎྞིཡཱ.

ནིཀཱཡེ ¶ པཉྩ ཝཱཙེསུཾ, སཏྟ ཙེཝ པཀརཎེ;

ཏཏོ ཨརིཊྛོ མེདྷཱཝཱི, ཏིསྶདཏྟོ ཙ པཎྜིཏོ.

ཝིསཱརདོ ཀཱལ༹སུམནོ, ཐེརོ ཙ དཱིགྷནཱམཀོ;

དཱིགྷསུམནོ ཙ པཎྜིཏོ.

པུནདེཝ [པུནརེཝ (སྱཱ.)] ཀཱལ༹སུམནོ, ནཱགཏྠེརོ ཙ བུདྡྷརཀྑིཏོ;

ཏིསྶཏྠེརོ ཙ མེདྷཱཝཱི, དེཝཏྠེརོ [རེཝཏྠེརོ (ཨིཏིཔི)] ཙ པཎྜིཏོ.

པུནདེཝ ¶ སུམནོ མེདྷཱཝཱི, ཝིནཡེ ཙ ཝིསཱརདོ;

བཧུསྶུཏོ ཙཱུལ༹ནཱགོ, གཛོཝ དུཔྤདྷཾསིཡོ.

དྷམྨཔཱལིཏནཱམོ ཙ, རོཧཎེ [རོཧཎོ (སཱི.)] སཱདྷུཔཱུཛིཏོ;

ཏསྶ སིསྶོ མཧཱཔཉྙོ ཁེམནཱམོ ཏིཔེཊཀོ.

དཱིཔེ ཏཱརཀརཱཛཱཝ པཉྙཱཡ ཨཏིརོཙཐ;

ཨུཔཏིསྶོ ཙ མེདྷཱཝཱི, ཕུསྶདེཝོ མཧཱཀཐཱི.

པུནདེཝ སུམནོ མེདྷཱཝཱི, པུཔྥནཱམོ བཧུསྶུཏོ;

མཧཱཀཐཱི མཧཱསིཝོ, པིཊཀེ སབྦཏྠ ཀོཝིདོ.

པུནདེཝ ཨུཔཱལི མེདྷཱཝཱི, ཝིནཡེ ཙ ཝིསཱརདོ;

མཧཱནཱགོ མཧཱཔཉྙོ, སདྡྷམྨཝཾསཀོཝིདོ.

པུནདེཝ ཨབྷཡོ མེདྷཱཝཱི, པིཊཀེ སབྦཏྠ ཀོཝིདོ;

ཏིསྶཏྠེརོ ཙ མེདྷཱཝཱི, ཝིནཡེ ཙ ཝིསཱརདོ.

ཏསྶ སིསྶོ མཧཱཔཉྙོ, པུཔྥནཱམོ བཧུསྶུཏོ;

སཱསནཾ ¶ ཨནུརཀྑནྟོ, ཛམྦུདཱིཔེ པཏིཊྛིཏོ.

ཙཱུལཱ༹བྷཡོ ཙ མེདྷཱཝཱི, ཝིནཡེ ཙ ཝིསཱརདོ;

ཏིསྶཏྠེརོ ཙ མེདྷཱཝཱི, སདྡྷམྨཝཾསཀོཝིདོ.

ཙཱུལ༹དེཝོ [ཕུསྶདེཝོ (སཱི.)] ཙ མེདྷཱཝཱི, ཝིནཡེ ཙ ཝིསཱརདོ;

སིཝཏྠེརོ ཙ མེདྷཱཝཱི, ཝིནཡེ སབྦཏྠ ཀོཝིདོ.

ཨེཏེ ¶ ནཱགཱ མཧཱཔཉྙཱ, ཝིནཡཉྙཱུ མགྒཀོཝིདཱ;

ཝིནཡཾ དཱིཔེ པཀཱསེསུཾ, པིཊཀཾ ཏམྦཔཎྞིཡཱཏི.

༤. ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན དུཏིཡཾ པཱརཱཛིཀཾ ཀཏྠ པཉྙཏྟནྟི? རཱཛགཧེ པཉྙཏྟཾ. ཀཾ ཨཱརབྦྷཱཏི? དྷནིཡཾ ཀུམྦྷཀཱརཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི? དྷནིཡོ ཀུམྦྷཀཱརཔུཏྟོ རཉྙོ དཱརཱུནི ཨདིནྣཾ ཨཱདིཡི, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏཱིཏི? ཏཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི ¶ , ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༥. ཏཏིཡཾ པཱརཱཛིཀཾ ཀཏྠ པཉྙཏྟནྟི? ཝེསཱལིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལེ ¶ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ ཨཉྙམཉྙཾ ཛཱིཝིཏཱ ཝོརོཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ¶ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏཱིཏི? ཏཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༦. ཙཏུཏྠཾ པཱརཱཛིཀཾ ཀཏྠ པཉྙཏྟནྟི? ཝེསཱལིཡཾ པཉྙཏྟཾ. ཀཾ ཨཱརབྦྷཱཏི? ཝགྒུམུདཱཏཱིརིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཝགྒུམུདཱཏཱིརིཡཱ བྷིཀྑཱུ གིཧཱིནཾ ཨཉྙམཉྙསྶ ཨུཏྟརིམནུསྶདྷམྨསྶ ཝཎྞཾ བྷཱསིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏཱིཏི? ཏཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཙཏྟཱརོ པཱརཱཛིཀཱ ནིཊྛིཏཱ.

ཏསྶུདྡཱནཾ –

མེཐུནཱདིནྣཱདཱནཉྩ ¶ , མནུསྶཝིགྒཧུཏྟརི;

པཱརཱཛིཀཱནི ཙཏྟཱརི, ཚེཛྫཝཏྠཱུ ཨསཾསཡཱཏི.

༢. སངྒྷཱདིསེསཀཎྜཾ

༧. ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཨུཔཀྐམིཏྭཱ ཨསུཙིཾ མོཙེནྟསྶ སངྒྷཱདིསེསོ ཀཏྠ པཉྙཏྟོ? ཀཾ ཨཱརབྦྷ? ཀིསྨིཾ ཝཏྠུསྨིཾ? ཨཏྠི ཏཏྠ པཉྙཏྟི, ཨནུཔཉྙཏྟི ¶ , ཨནུཔྤནྣཔཉྙཏྟི? སབྦཏྠཔཉྙཏྟི, པདེསཔཉྙཏྟི? སཱདྷཱརཎཔཉྙཏྟི, ཨསཱདྷཱརཎཔཉྙཏྟི? ཨེཀཏོཔཉྙཏྟི, ཨུབྷཏོཔཉྙཏྟི? པཉྩནྣཾ པཱཏིམོཀྑུདྡེསཱནཾ ཀཏྠོགདྷཾ ཀཏྠ པརིཡཱཔནྣཾ? ཀཏམེན ཨུདྡེསེན ཨུདྡེསཾ ཨཱགཙྪཏི? ཙཏུནྣཾ ཝིཔཏྟཱིནཾ ཀཏམཱ ཝིཔཏྟི? སཏྟནྣཾ ཨཱཔཏྟིཀྑནྡྷཱནཾ ཀཏམོ ཨཱཔཏྟིཀྑནྡྷོ? ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏི? ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? སཏྟནྣཾ སམཐཱནཾ ཀཏིཧི སམཐེཧི སམྨཏི? ཀོ ཏཏྠ ཝིནཡོ, ཀོ ཏཏྠ ཨབྷིཝིནཡོ? ཀིཾ ཏཏྠ པཱཏིམོཀྑཾ, ཀིཾ ཏཏྠ ཨདྷིཔཱཏིམོཀྑཾ ¶ ? ཀཱ ཝིཔཏྟི, ཀཱ སམྤཏྟི, ཀཱ པཊིཔཏྟི? ཀཏི ཨཏྠཝསེ པཊིཙྩ བྷགཝཏཱ ཨུཔཀྐམིཏྭཱ ཨསུཙིཾ མོཙེནྟསྶ སངྒྷཱདིསེསོ པཉྙཏྟོ? ཀེ སིཀྑནྟི, ཀེ སིཀྑིཏསིཀྑཱ? ཀཏྠ ཋིཏཾ? ཀེ དྷཱརེནྟི? ཀསྶ ཝཙནཾ? ཀེནཱབྷཏནྟི?

༨. ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཨུཔཀྐམིཏྭཱ ཨསུཙིཾ མོཙེནྟསྶ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཨཱཡསྨནྟཾ སེཡྻསཀཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ སེཡྻསཀོ ཧཏྠེན ཨུཔཀྐམིཏྭཱ ཨསུཙིཾ མོཙེསི, ཏསྨིཾ ཝཏྠུསྨིཾ. ཨཏྠི ཏཏྠ པཉྙཏྟི, ཨནུཔཉྙཏྟི, ཨནུཔྤནྣཔཉྙཏྟཱིཏི? ཨེཀཱ པཉྙཏྟི, ཨེཀཱ ཨནུཔཉྙཏྟི. ཨནུཔྤནྣཔཉྙཏྟི ཏསྨིཾ ནཏྠི. སབྦཏྠ པཉྙཏྟི, པདེསཔཉྙཏྟཱིཏི? སབྦཏྠཔཉྙཏྟི. སཱདྷཱརཎཔཉྙཏྟི, ཨསཱདྷཱརཎཔཉྙཏྟཱིཏི ¶ ? ཨསཱདྷཱརཎཔཉྙཏྟི. ཨེཀཏོཔཉྙཏྟི, ཨུབྷཏོཔཉྙཏྟཱིཏི? ཨེཀཏོཔཉྙཏྟི. པཉྩནྣཾ པཱཏིམོཀྑུདྡེསཱནཾ ཀཏྠོགདྷཾ ཀཏྠ པརིཡཱཔནྣནྟི? ནིདཱནོགདྷཾ ནིདཱནཔརིཡཱཔནྣཾ. ཀཏམེན ཨུདྡེསེན ཨུདྡེསཾ ཨཱགཙྪཏཱིཏི? ཏཏིཡེ ¶ ཨུདྡེསེན ཨུདྡེསཾ ཨཱགཙྪཏི ¶ . ཙཏུནྣཾ ཝིཔཏྟཱིནཾ ཀཏམཱ ཝིཔཏྟཱིཏི? སཱིལཝིཔཏྟི. སཏྟནྣཾ ཨཱཔཏྟིཀྑནྡྷཱནཾ ཀཏམོ ཨཱཔཏྟིཀྑནྡྷོཏི? སངྒྷཱདིསེསོ ཨཱཔཏྟིཀྑནྡྷོ. ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏཱིཏི? ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ. ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎནྟི? ཨཱཔཏྟཱདྷིཀརཎཾ. སཏྟནྣཾ སམཐཱནཾ ཀཏིཧི སམཐེཧི སམྨཏཱིཏི? དྭཱིཧི སམཐེཧི སམྨཏི – སམྨུཁཱཝིནཡེན ཙ པཊིཉྙཱཏཀརཎེན ཙ. ཀོ ཏཏྠ ཝིནཡོ, ཀོ ཏཏྠ ཨབྷིཝིནཡོཏི? པཉྙཏྟི ཝིནཡོ, ཝིབྷཏྟི ཨབྷིཝིནཡོ. ཀིཾ ཏཏྠ པཱཏིམོཀྑཾ, ཀིཾ ཏཏྠ ཨདྷིཔཱཏིམོཀྑནྟི? པཉྙཏྟི པཱཏིམོཀྑཾ, ཝིབྷཏྟི ཨདྷིཔཱཏིམོཀྑཾ. ཀཱ ཝིཔཏྟཱིཏི? ཨསཾཝརོ ཝིཔཏྟི. ཀཱ སམྤཏྟཱིཏི? སཾཝརོ སམྤཏྟི. ཀཱ པཊིཔཏྟཱིཏི? ན ཨེཝརཱུཔཾ ཀརིསྶཱམཱིཏི ཡཱཝཛཱིཝཾ ཨཱཔཱཎཀོཊིཀཾ སམཱདཱཡ སིཀྑཏི སིཀྑཱཔདེསུ. [ཨ. ནི. ༡༠.༣༡] ཀཏི ཨཏྠཝསེ པཊིཙྩ བྷགཝཏཱ ཨུཔཀྐམིཏྭཱ ཨསུཙིཾ མོཙེནྟསྶ སངྒྷཱདིསེསོ པཉྙཏྟོཏི? དས ཨཏྠཝསེ པཊིཙྩ བྷགཝཏཱ ཨུཔཀྐམིཏྭཱ ཨསུཙིཾ མོཙེནྟསྶ སངྒྷཱདིསེསོ པཉྙཏྟོ – སངྒྷསུཊྛུཏཱཡ, སངྒྷཕཱསུཏཱཡ, དུམྨངྐཱུནཾ པུགྒལཱནཾ ནིགྒཧཱཡ, པེསལཱནཾ བྷིཀྑཱུནཾ ཕཱསུཝིཧཱརཱཡ, དིཊྛདྷམྨིཀཱནཾ ཨཱསཝཱནཾ སཾཝརཱཡ, སམྤརཱཡིཀཱནཾ ཨཱསཝཱནཾ ¶ པཊིགྷཱཏཱཡ, ཨཔྤསནྣཱནཾ པསཱདཱཡ, པསནྣཱནཾ བྷིཡྻོབྷཱཝཱཡ, སདྡྷམྨཊྛིཏིཡཱ, ཝིནཡཱནུགྒཧཱཡ. ཀེ སིཀྑནྟཱིཏི? སེཀྑཱ ཙ པུཐུཛྫནཀལྱཱཎཀཱ ཙ སིཀྑནྟི. ཀེ སིཀྑིཏསིཀྑཱཏི? ཨརཧནྟོ སིཀྑིཏསིཀྑཱ. ཀཏྠ ཋིཏནྟི? སིཀྑཱཀཱམེསུ ཋིཏཾ. ཀེ དྷཱརེནྟཱིཏི? ཡེསཾ ཝཏྟཏི ¶ , ཏེ དྷཱརེནྟི. ཀསྶ ཝཙནནྟི? བྷགཝཏོ ཝཙནཾ ཨརཧཏོ སམྨཱསམྦུདྡྷསྶ. ཀེནཱབྷཏནྟི? པརམྤརཱབྷཏཾ –

ཨུཔཱལི དཱསཀོ ཙེཝ, སོཎཀོ སིགྒཝོ ཏཐཱ;

མོགྒལིཔུཏྟེན པཉྩམཱ, ཨེཏེ ཛམྦུསིརིཝ྄ཧཡེ.

ཏཏོ མཧིནྡོ ཨིཊྚིཡོ, ཨུཏྟིཡོ སམྦལོ ཏཐཱ;

བྷདྡནཱམོ ཙ པཎྜིཏོ.

ཨེཏེ ནཱགཱ མཧཱཔཉྙཱ, ཛམྦུདཱིཔཱ ཨིདྷཱགཏཱ;

ཝིནཡཾ ཏེ ཝཱཙཡིཾསུ, པིཊཀཾ ཏམྦཔཎྞིཡཱ.

ནིཀཱཡེ པཉྩ ཝཱཙེསུཾ, སཏྟ ཙེཝ པཀརཎེ;

ཏཏོ ཨརིཊྛོ མེདྷཱཝཱི, ཏིསྶདཏྟོ ཙ པཎྜིཏོ.

ཝིསཱརདོ ¶ ཀཱལ༹སུམནོ, ཐེརོ ཙ དཱིགྷནཱམཀོ;

དཱིགྷསུམནོ ཙ པཎྜིཏོ.

པུནདེཝ ཀཱལ༹སུམནོ, ནཱགཏྠེརོ ཙ བུདྡྷརཀྑིཏོ;

ཏིསྶཏྠེརོ ཙ མེདྷཱཝཱི, དེཝཏྠེརོ ཙ པཎྜིཏོ.

པུནདེཝ སུམནོ མེདྷཱཝཱི, ཝིནཡེ ཙ ཝིསཱརདོ;

བཧུསྶུཏོ ཙཱུལ༹ནཱགོ, གཛོཝ དུཔྤདྷཾསིཡོ.

དྷམྨཔཱལིཏནཱམོ ཙ, རོཧཎེ སཱདྷུཔཱུཛིཏོ;

ཏསྶ སིསྶོ མཧཱཔཉྙོ, ཁེམནཱམོ ཏིཔེཊཀོ.

དཱིཔེ ཏཱརཀརཱཛཱཝ, པཉྙཱཡ ཨཏིརོཙཐ;

ཨུཔཏིསྶོ ཙ མེདྷཱཝཱི, ཕུསྶདེཝོ མཧཱཀཐཱི.

པུནདེཝ ¶ སུམནོ མེདྷཱཝཱི, པུཔྥནཱམོ བཧུསྶུཏོ;

མཧཱཀཐཱི མཧཱསིཝོ, པིཊཀེ སབྦཏྠ ཀོཝིདོ.

པུནདེཝ ཨུཔཱལི མེདྷཱཝཱི, ཝིནཡེ ཙ ཝིསཱརདོ;

མཧཱནཱགོ མཧཱཔཉྙོ, སདྡྷམྨཝཾསཀོཝིདོ.

པུནདེཝ ཨབྷཡོ མེདྷཱཝཱི, པིཊཀེ སབྦཏྠ ཀོཝིདོ;

ཏིསྶཏྠེརོ ཙ མེདྷཱཝཱི, ཝིནཡེ ཙ ཝིསཱརདོ.

ཏསྶ སིསྶོ མཧཱཔཉྙོ, པུཔྥནཱམོ བཧུསྶུཏོ;

སཱསནཾ ཨནུརཀྑནྟོ, ཛམྦུདཱིཔེ པཏིཊྛིཏོ.

ཙཱུལཱ༹བྷཡོ ཙ མེདྷཱཝཱི, ཝིནཡེ ཙ ཝིསཱརདོ;

ཏིསྶཏྠེརོ ཙ མེདྷཱཝཱི, སདྡྷམྨཝཾསཀོཝིདོ.

ཙཱུལ༹དེཝོ ཙ མེདྷཱཝཱི, ཝིནཡེ ཙ ཝིསཱརདོ;

སིཝཏྠེརོ ཙ མེདྷཱཝཱི, ཝིནཡེ སབྦཏྠ ཀོཝིདོ.

ཨེཏེ ནཱགཱ མཧཱཔཉྙཱ, ཝིནཡཉྙཱུ མགྒཀོཝིདོ;

ཝིནཡཾ དཱིཔེ པཀཱསེསུཾ, པིཊཀཾ ཏམྦཔཎྞིཡཱཏི.

༩. ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན མཱཏུགཱམེན སདྡྷིཾ ཀཱཡསཾསགྒཾ སམཱཔཛྫནྟསྶ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཨཱཡསྨནྟཾ ཨུདཱཡིཾ ཨཱརབྦྷ ¶ . ཀིསྨིཾ ཝཏྠུསྨིནྟི? ཨཱཡསྨཱ ཨུདཱཡཱི མཱཏུགཱམེན ¶ སདྡྷིཾ ཀཱཡསཾསགྒཾ སམཱཔཛྫི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

༡༠. མཱཏུགཱམཾ དུཊྛུལླཱཧི ཝཱཙཱཧི ཨོབྷཱསནྟསྶ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཨཱཡསྨནྟཾ ཨུདཱཡིཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ¶ ཨུདཱཡཱི མཱཏུགཱམཾ དུཊྛུལླཱཧི ཝཱཙཱཧི ཨོབྷཱསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༡༡. མཱཏུགཱམསྶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསནྟསྶ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཨཱཡསྨནྟཾ ཨུདཱཡིཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ¶ ཨུདཱཡཱི མཱཏུགཱམསྶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ ཨབྷཱསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༡༢. སཉྩརིཏྟཾ སམཱཔཛྫནྟསྶ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཨཱཡསྨནྟཾ ཨུདཱཡིཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུདཱཡཱི སཉྩརིཏྟཾ སམཱཔཛྫི, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི – སིཡཱ ཀཱཡཏོ སམུཊྛཱཏི, ན ཝཱཙཏོ ན ཙིཏྟཏོ; སིཡཱ ཝཱཙཏོ སམུཊྛཱཏི, ན ཀཱཡཏོ ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ སམུཊྛཱཏི, ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ ¶ ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༡༣. སཉྙཱཙིཀཱ ¶ ཀུཊིཾ ཀཱརཱཔེནྟསྶ སངྒྷཱདིསེསོ ཀཏྠ པཉྙཏྟོཏི? ཨཱལ༹ཝིཡཾ པཉྙཏྟོ. ཀཾ ཨཱརབྦྷཱཏི? ཨཱལ༹ཝཀེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཨཱལ༹ཝཀཱ བྷིཀྑཱུ སཉྙཱཙིཀཱཡ ཀུཊིཡོ ཀཱརཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༡༤. མཧལླཀཾ ཝིཧཱརཾ ཀཱརཱཔེནྟསྶ སངྒྷཱདིསེསོ ཀཏྠ པཉྙཏྟོཏི? ཀོསམྦིཡཾ པཉྙཏྟོ. ཀཾ ཨཱརབྦྷཱཏི? ཨཱཡསྨནྟཾ ཚནྣཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཚནྣོ ཝིཧཱརཝཏྠུཾ སོདྷེནྟོ ཨཉྙཏརཾ ཙེཏིཡརུཀྑཾ ཚེདཱཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༡༥. བྷིཀྑུཾ ¶ ཨམཱུལཀེན པཱརཱཛིཀེན དྷམྨེན ཨནུདྡྷཾསེནྟསྶ སངྒྷཱདིསེསོ ¶ ཀཏྠ པཉྙཏྟོཏི? རཱཛགཧེ པཉྙཏྟོ. ཀཾ ཨཱརབྦྷཱཏི? མེཏྟིཡབྷཱུམཛཀེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? མེཏྟིཡབྷཱུམཛཀཱ བྷིཀྑཱུ ཨཱཡསྨནྟཾ དབྦཾ མལླཔུཏྟཾ ཨམཱུལཀེན པཱརཱཛིཀེན དྷམྨེན ཨནུདྡྷཾསེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༡༦. བྷིཀྑུཾ ཨཉྙབྷཱགིཡསྶ ཨདྷིཀརཎསྶ ཀིཉྩི དེསཾ ལེསམཏྟཾ ཨུཔཱདཱཡ པཱརཱཛིཀེན དྷམྨེན ཨནུདྡྷཾསེནྟསྶ སངྒྷཱདིསེསོ ཀཏྠ པཉྙཏྟོཏི? རཱཛགཧེ པཉྙཏྟོ. ཀཾ ཨཱརབྦྷཱཏི? མེཏྟིཡབྷཱུམཛཀེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? མེཏྟིཡབྷཱུམཛཀཱ བྷིཀྑཱུ ཨཱཡསྨནྟཾ དབྦཾ མལླཔུཏྟཾ ཨཉྙབྷཱགིཡསྶ ཨདྷིཀརཎསྶ ཀིཉྩི དེསཾ ལེསམཏྟཾ ཨུཔཱདཱཡ པཱརཱཛིཀེན དྷམྨེན ཨནུདྡྷཾསེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༡༧. སངྒྷབྷེདཀསྶ བྷིཀྑུནོ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟསྶ སངྒྷཱདིསེསོ ཀཏྠ པཉྙཏྟོཏི? རཱཛགཧེ པཉྙཏྟོ. ཀཾ ཨཱརབྦྷཱཏི? དེཝདཏྟཾ ཨཱརབྦྷ. ཀིསྨིཾ ཝཏྠུསྨིནྟི? དེཝདཏྟོ སམགྒསྶ སངྒྷསྶ བྷེདཱཡ པརཀྐམི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༡༨. བྷེདཱནུཝཏྟཀཱནཾ ¶ བྷིཀྑཱུནཾ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟཱནཾ སངྒྷཱདིསེསོ ཀཏྠ པཉྙཏྟོཏི? རཱཛགཧེ པཉྙཏྟོ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ དེཝདཏྟསྶ སངྒྷབྷེདཱཡ པརཀྐམནྟསྶ ¶ ཨནུཝཏྟཀཱ ཨཧེསུཾ ཝགྒཝཱདཀཱ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༡༩. དུབྦཙསྶ བྷིཀྑུནོ ཡཱཝཏཏིཡཾ སམནུབྷཱསནཱ ¶ ན པཊིནིསྶཛྫནྟསྶ སངྒྷཱདིསེསོ ཀཏྠ པཉྙཏྟོཏི? ཀོསམྦིཡཾ པཉྙཏྟོ. ཀཾ ཨཱརབྦྷཱཏི? ཨཱཡསྨནྟཾ ཚནྣཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཚནྣོ བྷིཀྑཱུཧི སཧདྷམྨིཀཾ ཝུཙྩམཱནོ ཨཏྟཱནཾ ཨཝཙནཱིཡཾ ཨཀཱསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༢༠. ཀུལདཱུསཀསྶ ¶ བྷིཀྑུནོ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟསྶ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཨསྶཛིཔུནབྦསུཀེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཨསྶཛིཔུནབྦསུཀཱ བྷིཀྑཱུ སངྒྷེན པབྦཱཛནཱིཡཀམྨཀཏཱ བྷིཀྑཱུ ཚནྡགཱམིཏཱ དོསགཱམིཏཱ མོཧགཱམིཏཱ བྷཡགཱམིཏཱ པཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཏེརས སངྒྷཱདིསེསཱ ནིཊྛིཏཱ.

ཏསྶུདྡཱནཾ –

ཝིསྶཊྛི ¶ ཀཱཡསཾསགྒཾ, དུཊྛུལླཾ ཨཏྟཀཱམཉྩ;

སཉྩརིཏྟཾ ཀུཊཱི ཙེཝ, ཝིཧཱརོ ཙ ཨམཱུལཀཾ.

ཀིཉྩིདེསཉྩ བྷེདོ ཙ, ཏསྶེཝ [ཏཐེཝ (ཀ.)] ཨནུཝཏྟཀཱ;

དུབྦཙཾ ཀུལདཱུསཉྩ, སངྒྷཱདིསེསཱ ཏེརསཱཏི.

༣. ཨནིཡཏཀཎྜཾ

༢༡. ཡཾ ¶ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན པཋམོ ཨནིཾཡཏོ ཀཏྠ པཉྙཏྟོ? ཀཾ ཨཱརབྦྷ? ཀིསྨིཾ ཝཏྠུསྨིཾ? ཨཏྠི ཏཏྠ པཉྙཏྟི, ཨནུཔཉྙཏྟི, ཨནུཔྤནྣཔཉྙཏྟི, སབྦཏྠཔཉྙཏྟི པདེསཔཉྙཏྟི, སཱདྷཱརཎཔཉྙཏྟི ཨསཱདྷཱརཎཔཉྙཏྟི, ཨེཀཏོཔཉྙཏྟི ཨུབྷཏོཔཉྙཏྟི, པཉྩནྣཾ པཱཏིམོཀྑུདྡེསཱནཾ ཀཏྠོགདྷཾ ཀཏྠ པརིཡཱཔནྣཾ, ཀཏམེན ཨུདྡེསེན ཨུདྡེསཾ ཨཱགཙྪཏི, ཙཏུནྣཾ ཝིཔཏྟཱིནཾ ཀཏམཱ ཝིཔཏྟི, སཏྟནྣཾ ཨཱཔཏྟིཀྑནྡྷཱནཾ ཀཏམོ ཨཱཔཏྟིཀྑནྡྷོ, ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏི, ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ, སཏྟནྣཾ སམཐཱནཾ ཀཏིཧི སམཐེཧི སམྨཏི, ཀོ ཏཏྠ ཝིནཡོ, ཀོ ཏཏྠ ཨབྷིཝིནཡོ, ཀིཾ ཏཏྠ པཱཏིམོཀྑཾ, ཀིཾ ཏཏྠ ཨདྷིཔཱཏིམོཀྑཾ, ཀཱ ཝིཔཏྟི, ཀཱ སམྤཏྟི, ཀཱ པཊིཔཏྟི, ཀཏི ཨཏྠཝསེ པཊིཙྩ བྷགཝཏཱ པཋམོ ཨནིཡཏོ པཉྙཏྟོ, ཀེ ¶ སིཀྑནྟི, ཀེ སིཀྑིཏསིཀྑཱ, ཀཏྠ ཋིཏཾ, ཀེ དྷཱརེནྟི, ཀསྶ ཝཙནཾ ཀེནཱབྷཏནྟི.

༢༢. ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན པཋམོ ཨནིཡཏོ ཀཏྠ ¶ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཨཱཡསྨནྟཾ ཨུདཱཡིཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུདཱཡཱི མཱཏུགཱམེན སདྡྷིཾ ཨེཀོ ཨེཀཱཡ རཧོ པཊིཙྪནྣེ ཨཱསནེ ཨལངྐམྨནིཡེ ནིསཛྫཾ ཀཔྤེསི, ཏསྨིཾ ཝཏྠུསྨིཾ. ཨཏྠི ཏཏྠ པཉྙཏྟི, ཨནུཔཉྙཏྟི, ཨནུཔྤནྣཔཉྙཏྟཱིཏི? ཨེཀཱ པཉྙཏྟི. ཨནུཔཉྙཏྟི ཨནུཔྤནྣཔཉྙཏྟི ཏསྨིཾ ནཏྠི. སབྦཏྠཔཉྙཏྟི, པདེསཔཉྙཏྟཱིཏི? སབྦཏྠཔཉྙཏྟི. སཱདྷཱརཎཔཉྙཏྟི, ཨསཱདྷཱརཎཔཉྙཏྟཱིཏི? ཨསཱདྷཱརཎཔཉྙཏྟི. ཨེཀཏོཔཉྙཏྟི, ཨུབྷཏོཔཉྙཏྟཱིཏི? ཨེཀཏོཔཉྙཏྟི. པཉྩནྣཾ པཱཏིམོཀྑུདྡེསཱནཾ ཀཏྠོགདྷཾ ཀཏྠ པརིཡཱཔནྣནྟི? ནིདཱནོགདྷཾ ནིདཱནཔརིཡཱཔནྣཾ. ཀཏམེན ཨུདྡེསེན ཨུདྡེསཾ ཨཱགཙྪཏཱིཏི? ཙཏུཏྠེན ཨུདྡེསེན ཨུདྡེསཾ ཨཱགཙྪཏི. ཙཏུནྣཾ ཝིཔཏྟཱིནཾ ཀཏམཱ ཝིཔཏྟཱིཏི? སིཡཱ སཱིལཝིཔཏྟི སིཡཱ ཨཱཙཱརཝིཔཏྟི. སཏྟནྣཾ ཨཱཔཏྟིཀྑནྡྷཱནཾ ཀཏམོ ཨཱཔཏྟིཀྑནྡྷོཏི? སིཡཱ པཱརཱཛིཀཱཔཏྟིཀྑནྡྷོ སིཡཱ སངྒྷཱདིསེསཱཔཏྟིཀྑནྡྷོ སིཡཱ པཱཙིཏྟིཡཱཔཏྟིཀྑནྡྷོ. ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏཱིཏི? ཨེཀེ ¶ སམུཊྛཱནེན སམུཊྛཱཏི – ཀཱཡཏོ ཙ ¶ ཙིཏྟཏོ ཙ སམུཊྛཱཏི, ན ཝཱཙཏོ. ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎནྟི? ཨཱཔཏྟཱདྷིཀརཎཾ. སཏྟནྣཾ སམཐཱནཾ ཀཏིཧི སམཐེཧི སམྨཏཱིཏི? ཏཱིཧི སམཐེཧི སམྨཏི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ. ཀོ ཏཏྠ ཝིནཡོ, ཀོ ཏཏྠ ཨབྷིཝིནཡོཏི? པཉྙཏྟི ཝིནཡོ, ཝིབྷཏྟི ཨབྷིཝིནཡོ. ཀིཾ ཏཏྠ པཱཏིམོཀྑཾ, ཀིཾ ཏཏྠ ཨདྷིཔཱཏིམོཀྑནྟི? པཉྙཏྟི པཱཏིམོཀྑཾ, ཝིབྷཏྟི ཨདྷིཔཱཏིམོཀྑཾ. ཀཱ ཝིཔཏྟཱིཏི? ཨསཾཝརོ ཝིཔཏྟི. ཀཱ སམྤཏྟཱིཏི? སཾཝརོ སམྤཏྟི. ཀཱ པཊིཔཏྟཱིཏི? ན ཨེཝརཱུཔཾ ཀརིསྶཱམཱིཏི ཡཱཝཛཱིཝཾ ཨཱཔཱཎཀོཊིཀཾ སམཱདཱཡ སིཀྑཏི སིཀྑཱཔདེསུ. [ཨ. ནི. ༡༠.༣༡] ཀཏི ཨཏྠཝསེ པཊིཙྩ བྷགཝཏཱ པཋམོ ཨནིཡཏོ པཉྙཏྟོཏི ¶ ? དས ཨཏྠཝསེ པཊིཙྩ བྷགཝཏཱ པཋམོ ཨནིཡཏོ པཉྙཏྟོ – སངྒྷསུཊྛུཏཱཡ, སངྒྷཕཱསུཏཱཡ, དུམྨངྐཱུནཾ པུགྒལཱནཾ ནིགྒཧཱཡ, པེསལཱནཾ བྷིཀྑཱུནཾ ཕཱསུཝིཧཱརཱཡ, དིཊྛདྷམྨིཀཱནཾ ཨཱསཝཱནཾ སཾཝརཱཡ, སམྤརཱཡིཀཱནཾ ཨཱསཝཱནཾ པཊིགྷཱཏཱཡ, ཨཔྤསནྣཱནཾ པསཱདཱཡ, པསནྣཱནཾ བྷིཡྻོབྷཱཝཱཡ, སདྡྷམྨཊྛིཏིཡཱ, ཝིནཡཱནུགྒཧཱཡ. ཀེ སིཀྑནྟཱིཏི? སེཀྑཱ ཙ པུཐུཛྫནཀལྱཱཎཀཱ ཙ སིཀྑནྟི. ཀེ སིཀྑིཏསིཀྑཱཏི? ཨརཧནྟོ སིཀྑིཏསིཀྑཱ. ཀཏྠ ཋིཏནྟི? སིཀྑཱཀཱམེསུ ཋིཏཾ. ཀེ དྷཱརེནྟཱིཏི? ཡེསཾ ཝཏྟཏི ཏེ དྷཱརེནྟི. ཀསྶ ཝཙནནྟི? བྷགཝཏོ ཝཙནཾ ཨརཧཏོ སམྨཱསམྦུདྡྷསྶ. ཀེནཱབྷཏནྟི? པརམྤརཱབྷཏཾ –

ཨུཔཱལི ¶ དཱསཀོ ཙེཝ, སོཎཀོ སིགྒཝོ ཏཐཱ;

མོགྒལིཔུཏྟེན པཉྩམཱ, ཨེཏེ ཛམྦུསིརིཝ྄ཧཡེ.

ཏཏོ ¶ མཧིནྡོ ཨིཊྚིཡོ, ཨུཏྟིཡོ སམྦལོ ཏཐཱ;

བྷདྡནཱམོ ཙ པཎྜིཏོ.

ཨེཏེ ནཱགཱ མཧཱཔཉྙཱ, ཛམྦུདཱིཔཱ ཨིདྷཱགཏཱ;

ཝིནཡཾ ཏེ ཝཱཙཡིཾསུ, པིཊཀཾ ཏམྦཔཎྞིཡཱ.

ནིཀཱཡེ པཉྩ ཝཱཙེསུཾ, སཏྟ ཙེཝ པཀརཎེ;

ཏཏོ ཨརིཊྛོ མེདྷཱཝཱི, ཏིསྶདཏྟོ ཙ པཎྜིཏོ.

ཝིསཱརདོ ཀཱལ༹སུམནོ, ཐེརོ ཙ དཱིགྷནཱམཀོ;

དཱིགྷསུམནོ ཙ པཎྜིཏོ.

པུནདེཝ ¶ ཀཱལ༹སུམནོ, ནཱགཏྠེརོ ཙ བུདྡྷརཀྑིཏོ;

ཏིསྶཏྠེརོ ཙ མེདྷཱཝཱི, དེཝཏྠེརོ ཙ པཎྜིཏོ.

པུནདེཝ སུམནོ མེདྷཱཝཱི, ཝིནཡེ ཙ ཝིསཱརདོ;

བཧུསྶུཏོ ཙཱུལ༹ནཱགོ, གཛོཝ དུཔྤདྷཾསིཡོ.

དྷམྨཔཱལིཏནཱམོ ཙ, རོཧཎེ སཱདྷུཔཱུཛིཏོ;

ཏསྶ སིསྶོ མཧཱཔཉྙོ, ཁེམནཱམོ ཏིཔེཊཀོ.

དཱིཔེ ཏཱརཀརཱཛཱཝ པཉྙཱཡ ཨཏིརོཙཐ;

ཨུཔཏིསྶོ ཙ མེདྷཱཝཱི, ཕུསྶདེཝོ མཧཱཀཐཱི.

པུནདེཝ སུམནོ མེདྷཱཝཱི, པུཔྥནཱམོ བཧུསྶུཏོ;

མཧཱཀཐཱི མཧཱསིཝོ, པིཊཀེ སབྦཏྠ ཀོཝིདོ.

པུནདེཝ ཨུཔཱལི མེདྷཱཝཱི, ཝིནཡེ ཙ ཝིསཱརདོ;

མཧཱནཱགོ མཧཱཔཉྙོ, སདྡྷམྨཝཾསཀོཝིདོ.

པུནདེཝ ¶ ཨབྷཡོ མེདྷཱཝཱི, པིཊཀེ སབྦཏྠ ཀོཝིདོ;

ཏིསྶཏྠེརོ ཙ མེདྷཱཝཱི, ཝིནཡེ ཙ ཝིསཱརདོ.

ཏསྶ སིསྶོ མཧཱཔཉྙོ, པུཔྥནཱམོ བཧུསྶུཏོ;

སཱསནཾ ཨནུརཀྑནྟོ, ཛམྦུདཱིཔེ པཏིཊྛིཏོ.

ཙཱུལཱ༹བྷཡོ ཙ མེདྷཱཝཱི, ཝིནཡེ ཙ ཝིསཱརདོ;

ཏིསྶཏྠེརོ ཙ མེདྷཱཝཱི, སདྡྷམྨཝཾསཀོཝིདོ.

ཙཱུལ༹དེཝོ ཙ མེདྷཱཝཱི, ཝིནཡེ ཙ ཝིསཱརདོ;

སིཝཏྠེརོ ཙ མེདྷཱཝཱི, ཝིནཡེ སབྦཏྠ ཀོཝིདོ.

ཨེཏེ ནཱགཱ མཧཱཔཉྙཱ, ཝིནཡཉྙཱུ མགྒཀོཝིདཱ;

ཝིནཡཾ དཱིཔེ པཀཱསེསུཾ, པིཊཀཾ ཏམྦཔཎྞིཡཱཏི.

༢༣. ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན དུཏིཡོ ཨནིཡཏོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཨཱཡསྨནྟཾ ཨུདཱཡིཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུདཱཡཱི མཱཏུགཱམེན སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེསི, ཏསྨིཾ ཝཏྠུསྨིཾ. ཨཏྠི ཏཏྠ པཉྙཏྟི, ཨནུཔཉྙཏྟི ཨནུཔྤནྣཔཉྙཏྟཱིཏི? ཨེཀཱ པཉྙཏྟི. ཨནུཔཉྙཏྟི ¶ ཨནུཔྤནྣཔཉྙཏྟི ཏསྨིཾ ནཏྠི. སབྦཏྠཔཉྙཏྟི, པདེསཔཉྙཏྟཱིཏི? སབྦཏྠཔཉྙཏྟི. སཱདྷཱརཎཔཉྙཏྟི ཨསཱདྷཱརཎཔཉྙཏྟཱིཏི? ཨསཱདྷཱརཎཔཉྙཏྟི. ཨེཀཏོཔཉྙཏྟི ཨུབྷཏོཔཉྙཏྟཱིཏི? ཨེཀཏོཔཉྙཏྟི. པཉྩནྣཾ པཱཏིམོཀྑུདྡེསཱནཾ ཀཏྠོགདྷཾ ཀཏྠ པརིཡཱཔནྣནྟི? ནིདཱནོགདྷཾ ནིདཱནཔརིཡཱཔནྣཾ. ཀཏམེན ཨུདྡེསེན ཨུདྡེསཾ ཨཱགཙྪཏཱིཏི? ཙཏུཏྠེན ཨུདྡེསེན ཨུདྡེསཾ ཨཱགཙྪཏི. ཙཏུནྣཾ ཝིཔཏྟཱིནཾ ཀཏམཱ ཝིཔཏྟཱིཏི? སིཡཱ སཱིལཝིཔཏྟི, སིཡཱ ཨཱཙཱརཝིཔཏྟི. སཏྟནྣཾ ཨཱཔཏྟིཀྑནྡྷཱནཾ ཀཏམོ ཨཱཔཏྟིཀྑནྡྷོཏི? སིཡཱ ¶ སངྒྷཱདིསེསཱཔཏྟིཀྑནྡྷོ, སིཡཱ པཱཙིཏྟིཡཱཔཏྟིཀྑནྡྷོ. ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏཱིཏི? ཏཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི. ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎནྟི? ཨཱཔཏྟཱདྷིཀརཎཾ. སཏྟནྣཾ སམཐཱནཾ ཀཏིཧི སམཐེཧི སམྨཏཱིཏི? ཏཱིཧི སམཐེཧི སམྨཏི – སིཡཱ ¶ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ…པེ….

དྭེ ཨནིཡཏཱ ནིཊྛིཏཱ.

ཏསྶུདྡཱནཾ –

ཨལངྐམྨནིཡཉྩེཝ, ཏཐེཝ ཙ ན ཧེཝ ཁོ;

ཨནིཡཏཱ སུཔཉྙཏྟཱ, བུདྡྷསེཊྛེན ཏཱདིནཱཏི.

༤. ནིསྶགྒིཡཀཎྜཾ

༡. ཀཐིནཝགྒོ

༢༤. ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཨཏིརེཀཙཱིཝརཾ དསཱཧཾ ཨཏིཀྐཱམེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? ཝེསཱལིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨཏིརེཀཙཱིཝརཾ དྷཱརེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི ¶ སམུཊྛཱཏི ¶ – སིཡཱ ཀཱཡཏོ ཙ ཝཱཙཏོ ཙ སམུཊྛཱཏི, ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༢༥. ཨེཀརཏྟཾ ཏིཙཱིཝརེན ཝིཔྤཝསནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ བྷིཀྑཱུནཾ ཧཏྠེ ཙཱིཝརཾ ནིཀྑིཔིཏྭཱ སནྟརུཏྟརེན ཛནཔདཙཱརིཀཾ པཀྐམིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཝཱཙཏོ ཙ སམུཊྛཱཏི, ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༢༦. ཨཀཱལཙཱིཝརཾ པཊིགྒཧེཏྭཱ མཱསཾ ཨཏིཀྐཱམེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ ཨཀཱལཙཱིཝརཾ པཊིགྒཧེཏྭཱ མཱསཾ ཨཏིཀྐཱམེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི ¶ , ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཝཱཙཏོ ཙ སམུཊྛཱཏི, ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༢༧. ཨཉྙཱཏིཀཱཡ བྷིཀྑུནིཡཱ པུརཱཎཙཱིཝརཾ དྷོཝཱཔེནྟསྶ ¶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུདཱཡིཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ¶ ཨུདཱཡཱི ཨཉྙཱཏིཀཱཡ བྷིཀྑུནིཡཱ པུརཱཎཙཱིཝརཾ དྷོཝཱཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༢༨. ཨཉྙཱཏིཀཱཡ བྷིཀྑུནིཡཱ ཧཏྠཏོ ཙཱིཝརཾ པཊིགྒཎྷནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? རཱཛགཧེ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུདཱཡིཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུདཱཡཱི ཨཉྙཱཏིཀཱཡ བྷིཀྑུནིཡཱ ཧཏྠཏོ ཙཱིཝརཾ པཊིགྒཧེསི, ཏསྨིཾ ཝཏྠུསྨིཾ. ཨེཀཱ པཉྙཏྟི ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༢༩. ཨཉྙཱཏཀཾ ¶ གཧཔཏིཾ ཝཱ གཧཔཏཱནིཾ ཝཱ ཙཱིཝརཾ ཝིཉྙཱཔེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུཔནནྡཾ སཀྱཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུཔནནྡོ སཀྱཔུཏྟོ ཨཉྙཱཏཀཾ སེཊྛིཔུཏྟཾ ཙཱིཝརཾ ཝིཉྙཱཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༣༠. ཨཉྙཱཏཀཾ གཧཔཏིཾ ཝཱ གཧཔཏཱནིཾ ཝཱ ཏཏུཏྟརི ཙཱིཝརཾ ཝིཉྙཱཔེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ན མཏྟཾ ཛཱནིཏྭཱ བཧུཾ ཙཱིཝརཾ ¶ ཝིཉྙཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༣༡. པུབྦེ ཨཔྤཝཱརིཏསྶ ཨཉྙཱཏཀཾ གཧཔཏིཀཾ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུཔནནྡཾ སཀྱཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུཔནནྡོ ¶ སཀྱཔུཏྟོ པུབྦེ ཨཔྤཝཱརིཏོ ཨཉྙཱཏཀཾ གཧཔཏིཀཾ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༣༢. པུབྦེ ཨཔྤཝཱརིཏསྶ ཨཉྙཱཏཀེ གཧཔཏིཀེ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུཔནནྡཾ སཀྱཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུཔནནྡོ སཀྱཔུཏྟོ པུབྦེ ཨཔྤཝཱརིཏོ ཨཉྙཱཏཀེ གཧཔཏིཀེ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༣༣. ཨཏིརེཀཏིཀྑཏྟུཾ ཙོདནཱཡ ཨཏིརེཀཚཀྑཏྟུཾ ཋཱནེན ཙཱིཝརཾ ཨབྷིནིཔྥཱདེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ ¶ ¶ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུཔནནྡཾ སཀྱཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུཔནནྡོ སཀྱཔུཏྟོ ཨུཔཱསཀེན – ‘‘ཨཛྫཎྷོ, བྷནྟེ, ཨཱགམེཧཱི’’ཏི ¶ ཝུཙྩམཱནོ ནཱགམེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

ཀཐིནཝགྒོ པཋམོ.

༢. ཀོསིཡཝགྒོ

༣༤. ཀོསིཡམིསྶཀཾ སནྠཏཾ ཀཱརཱཔེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? ཨཱལ༹ཝིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཀོསིཡཀཱརཀེ ཨུཔསངྐམིཏྭཱ ཨེཝམཱཧཾསུ ‘‘བཧཱུ, ཨཱཝུསོ, ཀོསཀཱརཀེ པཙཐ. ཨམྷཱཀམྤི དསྶཐ. མཡམྤི ཨིཙྪཱམ ཀོསིཡམིསྶཀཾ སནྠཏཾ ཀཱཏུ’’ནྟི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༣༥. སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? ཝེསཱལིཡཾ པཉྙཏྟཾ. ཀཾ ཨཱརབྦྷཱཏི ¶ ? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༣༦. ཨནཱདིཡིཏྭཱ ¶ ཏུལཾ ཨོདཱཏཱནཾ ཏུལཾ གོཙརིཡཱནཾ ནཝཾ སནྠཏཾ ཀཱརཱཔེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཐོཀཉྙེཝ ཨོདཱཏཾ ཨནྟེ [ཨོདཱཏཱནཾ ཨནྟེ ཨནྟེ (སཱི.), ཨོདཱཏཱནཾ ཨནྟེ (སྱཱ.)] ཨཱདིཡིཏྭཱ ཏཐེཝ སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༣༧. ཨནུཝསྶཾ སནྠཏཾ ཀཱརཱཔེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ ཨནུཝསྶཾ སནྠཏཾ ཀཱརཱཔེསུཾ, ཏསྨིཾ ཝཏྠུསྨིཾ ¶ . ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༣༨. ཨནཱདིཡིཏྭཱ པུརཱཎསནྠཏསྶ སཱམནྟཱ སུགཏཝིདཏྠིཾ ནཝཾ ནིསཱིདནསནྠཏཾ ཀཱརཱཔེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ ¶ . ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ སནྠཏཱནི ཨུཛ྄ཛྷིཏྭཱ ཨཱརཉྙིཀངྒཾ པིཎྜཔཱཏིཀངྒཾ པཾསུཀཱུལིཀངྒཾ སམཱདིཡིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༣༩. ཨེལ༹ཀལོམཱནི པཊིགྒཧེཏྭཱ ཏིཡོཛནཾ ཨཏིཀྐཱམེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརོ བྷིཀྑུ ཨེལ༹ཀལོམཱནི པཊིགྒཧེཏྭཱ ཏིཡོཛནཾ ཨཏིཀྐཱམེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི ¶ སམུཊྛཱནེཧི སམུཊྛཱཏི – སིཡཱ ཀཱཡཏོ སམུཊྛཱཏི, ན ཝཱཙཏོ ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

༤༠. ཨཉྙཱཏིཀཱཡ བྷིཀྑུནིཡཱ ཨེལ༹ཀལོམཱནི དྷོཝཱཔེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཀྐེསུ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨཉྙཱཏིཀཱཧི བྷིཀྑུནཱིཧི ཨེལ༹ཀལོམཱནི དྷོཝཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༤༡. རཱུཔིཡཾ པཊིགྒཎྷནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? རཱཛགཧེ པཉྙཏྟཾ ¶ . ཀཾ ཨཱརབྦྷཱཏི? ཨཱཡསྨནྟཾ ཨུཔནནྡཾ ¶ སཀྱཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུཔནནྡོ སཀྱཔུཏྟོ རཱུཔིཡཾ པཊིགྒཧེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༤༢. ནཱནཔྤཀཱརཀཾ རཱུཔིཡསཾཝོཧཱརཾ སམཱཔཛྫནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ¶ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ནཱནཔྤཀཱརཀཾ རཱུཔིཡསཾཝོཧཱརཾ སམཱཔཛྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༤༣. ནཱནཔྤཀཱརཀཾ ཀཡཝིཀྐཡཾ སམཱཔཛྫནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུཔནནྡཾ སཀྱཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུཔནནྡོ སཀྱཔུཏྟོ པརིབྦཱཛཀེན སདྡྷིཾ ཀཡཝིཀྐཡཾ སམཱཔཛྫི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

ཀོསིཡཝགྒོ དུཏིཡོ.

༣. པཏྟཝགྒོ

༤༤. ཨཏིརེཀཔཏྟཾ ¶ དསཱཧཾ ཨཏིཀྐཱམེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨཏིརེཀཔཏྟཾ དྷཱརེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཝཱཙཏོ ཙ སམུཊྛཱཏི, ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༤༥. ཨཱུནཔཉྩབནྡྷནེན པཏྟེན ཨཉྙཾ ནཝཾ པཏྟཾ ཙེཏཱཔེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཀྐེསུ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨཔྤམཏྟཀེནཔི བྷིནྣེན ཨཔྤམཏྟཀེནཔི ཁཎྜེན ཝིལིཁིཏམཏྟེནཔི བཧཱུ པཏྟེ ཝིཉྙཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༤༦. བྷེསཛྫཱནི ¶ པཊིགྒཧེཏྭཱ སཏྟཱཧཾ ཨཏིཀྐཱམེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ¶ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ བྷེསཛྫཱནི པཊིགྒཧེཏྭཱ སཏྟཱཧཾ ཨཏིཀྐཱམེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཀཐིནཀེ…པེ….

༤༧. ཨཏིརེཀམཱསེ ¶ ¶ སེསེ གིམྷཱནེ ཝསྶིཀསཱཊིཀཙཱིཝརཾ པརིཡེསནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨཏིརེཀམཱསེ སེསེ གིམྷཱནེ ཝསྶིཀསཱཊིཀཙཱིཝརཾ པརིཡེསིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༤༨. བྷིཀྑུསྶ སཱམཾ ཙཱིཝརཾ དཏྭཱ ཀུཔིཏེན ཨནཏྟམནེན ཨཙྪིནྡནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུཔནནྡཾ སཀྱཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུཔནནྡོ སཀྱཔུཏྟོ བྷིཀྑུསྶ སཱམཾ ཙཱིཝརཾ དཏྭཱ ཀུཔིཏོ ཨནཏྟམནོ ཨཙྪིནྡི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༤༩. སཱམཾ སུཏྟཾ ཝིཉྙཱཔེཏྭཱ ཏནྟཝཱཡེཧི ཙཱིཝརཾ ཝཱཡཱཔེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? རཱཛགཧེ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ སཱམཾ སུཏྟཾ ཝིཉྙཱཔེཏྭཱ ཏནྟཝཱཡེཧི ཙཱིཝརཾ ཝཱཡཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༥༠. པུབྦེ ཨཔྤཝཱརིཏསྶ ཨཉྙཱཏཀསྶ གཧཔཏིཀསྶ ཏནྟཝཱཡེ ཨུཔསངྐམིཏྭཱ ¶ ཙཱིཝརེ ཝིཀཔྤཾ ཨཱཔཛྫནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུཔནནྡཾ སཀྱཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུཔནནྡོ སཀྱཔུཏྟོ པུབྦེ ཨཔྤཝཱརིཏོ ཨཉྙཱཏཀསྶ གཧཔཏིཀསྶ ཏནྟཝཱཡེ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༥༡. ཨཙྩེཀཙཱིཝརཾ ¶ པཊིགྒཧེཏྭཱ ཙཱིཝརཀཱལསམཡཾ ཨཏིཀྐཱམེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ ཨཙྩེཀཙཱིཝརཾ པཊིགྒཧེཏྭཱ ཙཱིཝརཀཱལསམཡཾ ཨཏིཀྐཱམེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཀཐིནཀེ…པེ….

༥༢. ཏིཎྞཾ ¶ ཙཱིཝརཱནཾ ཨཉྙཏརཾ ཙཱིཝརཾ ཨནྟརགྷརེ ནིཀྑིཔིཏྭཱ ཨཏིརེཀཚཱརཏྟཾ ཝིཔྤཝསནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ ཏིཎྞཾ ཙཱིཝརཱནཾ ཨཉྙཏརཾ ཙཱིཝརཾ ཨནྟརགྷརེ ནིཀྑིཔིཏྭཱ ཨཏིརེཀཚཱརཏྟཾ ཝིཔྤཝསིཾསུ, ཏསྨིཾ ཝཏྠུསྨིཾ. ཨེཀཱ ¶ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཀཐིནཀེ…པེ….

༥༣. ཛཱནཾ ¶ སངྒྷིཀཾ ལཱབྷཾ པརིཎཏཾ ཨཏྟནོ པརིཎཱམེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཛཱནཾ སངྒྷིཀཾ ལཱབྷཾ པརིཎཏཾ ཨཏྟནོ པརིཎཱམེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

པཏྟཝགྒོ ཏཏིཡོ.

ཏིཾས ནིསྶགྒིཡཱ པཱཙིཏྟིཡཱ ནིཊྛིཏཱ.

ཏསྶུདྡཱནཾ –

དསེཀརཏྟིམཱསོ ཙ, དྷོཝནཉྩ པཊིགྒཧོ;

ཨཉྙཱཏཾ ཏཉྩ [ཨཉྙཱཏཀཉྩ (ཀ.)] ཨུདྡིསྶ, ཨུབྷིནྣཾ དཱུཏཀེན ཙ.

ཀོསིཡཱ སུདྡྷདྭེབྷཱགཱ, ཚབྦསྶཱནི ནིསཱིདནཾ;

དྭེ ཙ ལོམཱནི ཨུགྒཎྷེ, ཨུབྷོ ནཱནཔྤཀཱརཀཱ.

དྭེ ཙ པཏྟཱནི བྷེསཛྫཾ, ཝསྶིཀཱ དཱནཔཉྩམཾ;

སཱམཾ ཝཱཡཱཔནཙྩེཀོ, སཱསངྐཾ སངྒྷིཀེན ཙཱཏི.

༥. པཱཙིཏྟིཡཀཎྜཾ

༡. མུསཱཝཱདཝགྒོ

༥༤. ཡཾ ¶ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན སམྤཛཱནམུསཱཝཱདེ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི ¶ ? ཧཏྠཀཾ སཀྱཔུཏྟཾ ཨཱརབྦྷ ¶ . ཀིསྨིཾ ཝཏྠུསྨིནྟི? ཨཱཡསྨཱ ཧཏྠཀོ སཀྱཔུཏྟོ ཏིཏྠིཡེཧི སདྡྷིཾ སལླཔནྟོ ཨཝཛཱནིཏྭཱ པཊིཛཱནི, པཊིཛཱནིཏྭཱ ཨཝཛཱནི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༥༥. ཨོམསཝཱདེ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ པེསལེཧི བྷིཀྑཱུཧི སདྡྷིཾ བྷཎྜནྟཱ [བྷཎྜེནྟཱ (ཀ.)] པེསལེ བྷིཀྑཱུ ཨོམསིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༥༦. བྷིཀྑུཔེསུཉྙེ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ བྷིཀྑཱུནཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ པེསུཉྙཾ ཨུཔསཾཧརིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༥༧. ཨནུཔསམྤནྣཾ པདསོ དྷམྨཾ ཝཱཙེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ¶ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨུཔཱསཀེ པདསོ དྷམྨཾ ཝཱཙེསུཾ ¶ , ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – སིཡཱ ཝཱཙཏོ སམུཊྛཱཏི, ན ཀཱཡཏོ ན ཙིཏྟཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ…པེ….

༥༨. ཨནུཔསམྤནྣེན ཨུཏྟརིདིརཏྟཏིརཏྟཾ སཧསེཡྻཾ ཀཔྤེནྟསྶ པཱཙིཏྟིཡཾ ཀཏྠ པཉྙཏྟནྟི? ཨཱལ༹ཝིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ ཨནུཔསམྤནྣེན སཧསེཡྻཾ ཀཔྤེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི ¶ , ཨེཀཱ ཨནུཔཉྙཏྟི. ཚནྣཾ ¶ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ སམུཊྛཱཏི, ན ཝཱཙཏོ ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

༥༩. མཱཏུགཱམེན སཧསེཡྻཾ ཀཔྤེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨནུརུདྡྷཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨནུརུདྡྷོ མཱཏུགཱམེན སཧསེཡྻཾ ཀཔྤེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཨེལ༹ཀལོམཀེ…པེ….

༦༠. མཱཏུགཱམསྶ ཨུཏྟརིཚཔྤཉྩཝཱཙཱཧི དྷམྨཾ དེསེནྟསྶ པཱཙིཏྟིཡཾ ¶ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུདཱཡིཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུདཱཡཱི མཱཏུགཱམསྶ དྷམྨཾ དེསེསི, ཏསྨིཾ ཝཏྠུསྨིཾ. ཨེཀཱ པཉྙཏྟི, དྭེ ཨནུཔཉྙཏྟིཡོ. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི པདསོདྷམྨེ…པེ….

༦༡. ཨནུཔསམྤནྣསྶ ཨུཏྟརིམནུསྶདྷམྨཾ བྷཱུཏཾ ཨཱརོཙེནྟསྶ པཱཙིཏྟིཡཾ ཀཏྠ པཉྙཏྟནྟི? ཝེསཱལིཡཾ པཉྙཏྟཾ. ཀཾ ཨཱརབྦྷཱཏི? ཝགྒུམུདཱཏཱིརིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཝགྒུམུདཱཏཱིརིཡཱ བྷིཀྑཱུ གིཧཱིནཾ ཨཉྙམཉྙསྶ ཨུཏྟརིམནུསྶདྷམྨསྶ ཝཎྞཾ བྷཱསིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ སམུཊྛཱཏི, ན ཝཱཙཏོ ན ཙིཏྟཏོ; སིཡཱ ཝཱཙཏོ སམུཊྛཱཏི, ན ཀཱཡཏོ ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ སམུཊྛཱཏི, ན ཙིཏྟཏོ…པེ….

༦༢. བྷིཀྑུསྶ དུཊྛུལླཱཔཏྟིཾ ཨནུཔསམྤནྣསྶ ཨཱརོཙེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ བྷིཀྑུསྶ དུཊྛུལླཱཔཏྟིཾ ཨནུཔསམྤནྣསྶ ཨཱརོཙེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༦༣. པཐཝིཾ ¶ ཁཎནྟསྶ པཱཙིཏྟིཡཾ ཀཏྠ པཉྙཏྟནྟི? ཨཱལ༹ཝིཡཾ པཉྙཏྟཾ. ཀཾ ཨཱརབྦྷཱཏི? ཨཱལ༹ཝཀེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཨཱལ༹ཝཀཱ ¶ བྷིཀྑཱུ པཐཝིཾ ཁཎིཾསུ ¶ , ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

མུསཱཝཱདཝགྒོ པཋམོ.

༢. བྷཱུཏགཱམཝགྒོ

༦༤. བྷཱུཏགཱམཔཱཏབྱཏཱ ¶ པཱཙིཏྟིཡཾ ཀཏྠ པཉྙཏྟནྟི? ཨཱལ༹ཝིཡཾ པཉྙཏྟཾ. ཀཾ ཨཱརབྦྷཱཏི? ཨཱལ༹ཝཀེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཨཱལ༹ཝཀཱ བྷིཀྑཱུ རུཀྑཾ ཚིནྡིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༦༥. ཨཉྙཝཱདཀེ ཝིཧེསཀེ པཱཙིཏྟིཡཾ ཀཏྠ པཉྙཏྟནྟི? ཀོསམྦིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཚནྣཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཚནྣོ སངྒྷམཛ྄ཛྷེ ཨཱཔཏྟིཡཱ ཨནུཡུཉྫིཡམཱནོ ཨཉྙེནཉྙཾ པཊིཙརི, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ¶ ཏཱིཧི སམུཊྛཱནེཧི སམུཊྛཱཏི…པེ….

༦༦. ཨུཛ྄ཛྷཱཔནཀེ ཁིཡྻནཀེ པཱཙིཏྟིཡཾ ཀཏྠ པཉྙཏྟནྟི? རཱཛགཧེ པཉྙཏྟཾ. ཀཾ ཨཱརབྦྷཱཏི? མེཏྟིཡབྷཱུམཛཀེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? མེཏྟིཡབྷཱུམཛཀཱ བྷིཀྑཱུ ཨཱཡསྨནྟཾ དབྦཾ མལླཔུཏྟཾ བྷིཀྑཱུ ཨུཛ྄ཛྷཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༦༧. སངྒྷིཀཾ མཉྩཾ ཝཱ པཱིཋཾ ཝཱ བྷིསིཾ ཝཱ ཀོཙྪཾ ཝཱ ཨཛ྄ཛྷོཀཱསེ སནྠརིཏྭཱ ཨནུདྡྷརིཏྭཱ ཨནཱཔུཙྪཱ པཀྐམནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ སངྒྷིཀཾ སེནཱསནཾ ཨཛ྄ཛྷོཀཱསེ སནྠརིཏྭཱ ཨནུདྡྷརིཏྭཱ ཨནཱཔུཙྪཱ པཀྐམིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཀཐིནཀེ…པེ….

༦༨. སངྒྷིཀེ ¶ ཝིཧཱརེ སེཡྻཾ སནྠརིཏྭཱ ཨནུདྡྷརིཏྭཱ ཨནཱཔུཙྪཱ པཀྐམནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སཏྟརསཝགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སཏྟརསཝགྒིཡཱ བྷིཀྑཱུ སངྒྷིཀེ ཝིཧཱརེ སེཡྻཾ སནྠརིཏྭཱ ཨནུདྡྷརིཏྭཱ ¶ ཨནཱཔུཙྪཱ པཀྐམིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི ¶ . ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཀཐིནཀེ…པེ….

༦༩. སངྒྷིཀེ ཝིཧཱརེ ཛཱནཾ པུབྦུཔགཏཾ བྷིཀྑུཾ ཨནུཔཁཛྫ སེཡྻཾ ཀཔྤེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཐེརེ བྷིཀྑཱུ ཨནུཔཁཛྫ སེཡྻཾ ཀཔྤེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

༧༠. བྷིཀྑུཾ ཀུཔིཏེན ཨནཏྟམནེན སངྒྷིཀཱ ཝིཧཱརཱ ནིཀྐཌྜྷནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཀུཔིཏཱ ཨནཏྟམནཱ བྷིཀྑཱུ སངྒྷིཀཱ ཝིཧཱརཱ ནིཀྐཌྜྷིཾསུ ¶ , ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༧༡. སངྒྷིཀེ ཝིཧཱརེ ཨུཔརིཝེཧཱསཀུཊིཡཱ ཨཱཧཙྩཔཱདཀཾ མཉྩཾ ཝཱ པཱིཋཾ ཝཱ ཨབྷིནིསཱིདནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརོ བྷིཀྑུ སངྒྷིཀེ ཝིཧཱརེ ཨུཔརིཝེཧཱསཀུཊིཡཱ ཨཱཧཙྩཔཱདཀཾ མཉྩཾ སཧསཱ ཨབྷིནིསཱིདི, ཏསྨིཾ ཝཏྠུསྨིཾ. ཨེཀཱ ¶ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ སམུཊྛཱཏི, ན ཝཱཙཏོ ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

༧༢. དྭཏྟིཔརིཡཱཡེ ཨདྷིཊྛཧིཏྭཱ ཏཏུཏྟརི ཨདྷིཊྛཧནྟསྶ པཱཙིཏྟིཡཾ ཀཏྠ པཉྙཏྟནྟི? ཀོསམྦིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཚནྣཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཚནྣོ ཀཏཔརིཡོསིཏཾ ཝིཧཱརཾ པུནཔྤུནཾ ཚཱདཱཔེསི, པུནཔྤུནཾ ལིམྤཱཔེསི, ཨཏིབྷཱརིཀོ ཝིཧཱརོ པརིཔཏི ¶ , ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༧༣. ཛཱནཾ སཔྤཱཎཀཾ ཨུདཀཾ ཏིཎཾ ཝཱ མཏྟིཀཾ ཝཱ སིཉྩནྟསྶ པཱཙིཏྟིཡཾ ཀཏྠ པཉྙཏྟནྟི? ཨཱལ༹ཝིཡཾ པཉྙཏྟཾ. ཀཾ ཨཱརབྦྷཱཏི? ཨཱལ༹ཝཀེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི ¶ ? ཨཱལ༹ཝཀཱ བྷིཀྑཱུ ཛཱནཾ སཔྤཱཎཀཾ ཨུདཀཾ ཏིཎམྤི མཏྟིཀམྤི སིཉྩིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

བྷཱུཏགཱམཝགྒོ དུཏིཡོ.

༣. ཨོཝཱདཝགྒོ

༧༤. ཨསམྨཏེན ¶ བྷིཀྑུནིཡོ ཨོཝདནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨསམྨཏཱ བྷིཀྑུནིཡོ ཨོཝདིཾསུ, ཏསྨིཾ ཝཏྠུསྨིཾ. ཨཏྠི ཏཏྠ པཉྙཏྟི, ཨནུཔཉྙཏྟི, ཨནུཔྤནྣཔཉྙཏྟཱིཏི? ཨེཀཱ པཉྙཏྟི, ཨེཀཱ ཨནུཔཉྙཏྟི. ཨནུཔྤནྣཔཉྙཏྟི ཏསྨིཾ ནཏྠི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – སིཡཱ ཝཱཙཏོ སམུཊྛཱཏི, ན ཀཱཡཏོ ན ཙིཏྟཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ…པེ….

༧༥. ཨཏྠངྒཏེ སཱུརིཡེ བྷིཀྑུནིཡོ ཨོཝདནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཙཱུལ༹པནྠཀཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཙཱུལ༹པནྠཀོ ཨཏྠངྒཏེ སཱུརིཡེ བྷིཀྑུནིཡོ ཨོཝདི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི པདསོདྷམྨེ…པེ….

༧༦. བྷིཀྑུནུཔསྶཡཾ ཨུཔསངྐམིཏྭཱ བྷིཀྑུནིཡོ ཨོཝདནྟསྶ པཱཙིཏྟིཡཾ ཀཏྠ པཉྙཏྟནྟི? སཀྐེསུ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ¶ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ བྷིཀྑུནུཔསྶཡཾ ¶ ཨུཔསངྐམིཏྭཱ བྷིཀྑུནིཡོ ཨོཝདིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཀཐིནཀེ…པེ….

༧༧. ‘‘ཨཱམིསཧེཏུ ¶ བྷིཀྑཱུ བྷིཀྑུནིཡོ ཨོཝདནྟཱི’’ཏི བྷཎནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ‘‘ཨཱམིསཧེཏུ བྷིཀྑཱུ བྷིཀྑུནིཡོ ཨོཝདནྟཱི’’ཏི བྷཎིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༧༨. ཨཉྙཱཏིཀཱཡ ¶ བྷིཀྑུནིཡཱ ཙཱིཝརཾ དེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརོ བྷིཀྑུ ཨཉྙཱཏིཀཱཡ བྷིཀྑུནིཡཱ ཙཱིཝརཾ ཨདཱསི, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༧༩. ཨཉྙཱཏིཀཱཡ བྷིཀྑུནིཡཱ ཙཱིཝརཾ སིབྦེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུདཱཡིཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུདཱཡཱི ཨཉྙཱཏིཀཱཡ བྷིཀྑུནིཡཱ ཙཱིཝརཾ སིབྦེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི ¶ …པེ….

༨༠. བྷིཀྑུནིཡཱ སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ བྷིཀྑུནཱིཧི སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛཱཏི – སིཡཱ ཀཱཡཏོ སམུཊྛཱཏི, ན ཝཱཙཏོ ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ སམུཊྛཱཏི, ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༨༡. བྷིཀྑུནིཡཱ སདྡྷིཾ སཾཝིདྷཱཡ ཨེཀཾ ནཱཝཾ ཨབྷིརུཧནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ བྷིཀྑུནཱིཧི སདྡྷིཾ སཾཝིདྷཱཡ ཨེཀཾ ནཱཝཾ ཨབྷིརུཧིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛཱཏི…པེ….

༨༢. ཛཱནཾ ¶ བྷིཀྑུནིཔརིཔཱཙིཏཾ པིཎྜཔཱཏཾ བྷུཉྫནྟསྶ པཱཙིཏྟིཡཾ ཀཏྠ པཉྙཏྟནྟི? རཱཛགཧེ པཉྙཏྟཾ. ཀཾ ཨཱརབྦྷཱཏི? དེཝདཏྟཾ ཨཱརབྦྷ. ཀིསྨིཾ ཝཏྠུསྨིནྟི? དེཝདཏྟོ ཛཱནཾ བྷིཀྑུནིཔརིཔཱཙིཏཾ ¶ པིཎྜཔཱཏཾ བྷུཉྫི, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

༨༣. བྷིཀྑུནིཡཱ ¶ ¶ སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུདཱཡིཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུདཱཡཱི བྷིཀྑུནིཡཱ སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨོཝཱདཝགྒོ ཏཏིཡོ.

༤. བྷོཛནཝགྒོ

༨༤. ཏཏུཏྟརི ཨཱཝསཐཔིཎྜཾ བྷུཉྫནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ¶ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨནུཝསིཏྭཱ ཨནུཝསིཏྭཱ ཨཱཝསཐཔིཎྜཾ བྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཨེལ༹ཀལོམཀེ…པེ….

༨༥. གཎབྷོཛནེ པཱཙིཏྟིཡཾ ཀཏྠ པཉྙཏྟནྟི? རཱཛགཧེ པཉྙཏྟཾ. ཀཾ ཨཱརབྦྷཱཏི? དེཝདཏྟཾ ཨཱརབྦྷ. ཀིསྨིཾ ཝཏྠུསྨིནྟི? དེཝདཏྟོ སཔརིསོ ཀུལེསུ ཝིཉྙཱཔེཏྭཱ ཝིཉྙཱཔེཏྭཱ བྷུཉྫི, ཏསྨིཾ ཝཏྠུསྨིཾ. ཨེཀཱ པཉྙཏྟི, སཏྟ ཨནུཔཉྙཏྟིཡོ. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཨེལ༹ཀལོམཀེ…པེ….

༨༦. པརམྤརབྷོཛནེ པཱཙིཏྟིཡཾ ཀཏྠ པཉྙཏྟནྟི? ཝེསཱལིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ ¶ ཨཉྙཏྲ ནིམནྟིཏཱ ཨཉྙཏྲ བྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཙཏསྶོ ཨནུཔཉྙཏྟིཡོ. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཀཐིནཀེ…པེ….

༨༧. དྭཏྟིཔཏྟཔཱུརེ པཱུཝེ པཊིགྒཧེཏྭཱ ཏཏུཏྟརི པཊིགྒཎྷནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ ན མཏྟཾ ཛཱནིཏྭཱ པཊིགྒཧེསུཾ, ཏསྨིཾ ཝཏྠུསྨིཾ. ཨེཀཱ ¶ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༨༨. བྷུཏྟཱཝིནཱ ¶ པཝཱརིཏེན ཨནཏིརིཏྟཾ ཁཱདནཱིཡཾ ཝཱ བྷོཛནཱིཡཾ ཝཱ བྷུཉྫནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ བྷུཏྟཱཝཱི པཝཱརིཏཱ ཨཉྙཏྲ བྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཀཐིནཀེ…པེ….

༨༩. བྷིཀྑུཾ བྷུཏྟཱཝིཾ པཝཱརིཏཾ ཨནཏིརིཏྟེན ཁཱདནཱིཡེན ཝཱ བྷོཛནཱིཡེན ཝཱ ཨབྷིཧཊྛུཾ པཝཱརེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརོ བྷིཀྑུ བྷིཀྑུཾ བྷུཏྟཱཝིཾ པཝཱརིཏཾ ཨནཏིརིཏྟེན བྷོཛནཱིཡེན ཨབྷིཧཊྛུཾ པཝཱརེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༩༠. ཝིཀཱལེ ¶ ཁཱདནཱིཡཾ ཝཱ བྷོཛནཱིཡཾ ཝཱ བྷུཉྫནྟསྶ པཱཙིཏྟིཡཾ ཀཏྠ པཉྙཏྟནྟི? རཱཛགཧེ པཉྙཏྟཾ. ཀཾ ཨཱརབྦྷཱཏི? སཏྟརསཝགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སཏྟརསཝགྒིཡཱ བྷིཀྑཱུ ཝིཀཱལེ བྷོཛནཾ བྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཨེལ༹ཀལོམཀེ…པེ….

༩༡. སནྣིདྷིཀཱརཀཾ ཁཱདནཱིཡཾ ཝཱ བྷོཛནཱིཡཾ ཝཱ བྷུཉྫནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ བེལཊྛསཱིསཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ བེལཊྛསཱིསོ སནྣིདྷིཀཱརཀཾ བྷོཛནཾ ¶ བྷུཉྫི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཨེལ༹ཀལོམཀེ…པེ….

༩༢. པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛཱཏི…པེ….

༩༣. ཨདིནྣཾ མུཁདྭཱརཾ ཨཱཧཱརཾ ཨཱཧརནྟསྶ པཱཙིཏྟིཡཾ ཀཏྠ པཉྙཏྟནྟི? ཝེསཱལིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརོ བྷིཀྑུ ¶ ཨདིནྣཾ མུཁདྭཱརཾ ¶ ཨཱཧཱརཾ ཨཱཧརི, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཨེལ༹ཀལོམཀེ…པེ….

བྷོཛནཝགྒོ ཙཏུཏྠོ.

༥. ཨཙེལཀཝགྒོ

༩༤. ཨཙེལཀསྶ ཝཱ པརིབྦཱཛཀསྶ ཝཱ པརིབྦཱཛིཀཱཡ ཝཱ སཧཏྠཱ ཁཱདནཱིཡཾ ཝཱ བྷོཛནཱིཡཾ ཝཱ དེནྟསྶ པཱཙིཏྟིཡཾ ཀཏྠ པཉྙཏྟནྟི? ཝེསཱལིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨཱནནྡཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨཱནནྡོ ཨཉྙཏརིསྶཱ པརིབྦཱཛིཀཱཡ ཨེཀཾ མཉྙམཱནོ དྭེ པཱུཝེ ཨདཱསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཨེལ༹ཀལོམཀེ…པེ….

༩༥. བྷིཀྑུཾ ‘‘ཨེཧཱཝུསོ, གཱམཾ ཝཱ ནིགམཾ ཝཱ པིཎྜཱཡ པཝིསིསྶཱམཱ’’ཏི ཏསྶ དཱཔེཏྭཱ ཝཱ ཨདཱཔེཏྭཱ ཝཱ ཨུཡྻོཛེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུཔནནྡཾ སཀྱཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི ¶ ? ཨཱཡསྨཱ ཨུཔནནྡོ སཀྱཔུཏྟོ བྷིཀྑུཾ ‘‘ཨེཧཱཝུསོ, གཱམཾ པིཎྜཱཡ པཝིསིསྶཱམཱ’’ཏི, ཏསྶ ཨདཱཔེཏྭཱ ཨུཡྻོཛེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༩༦. སབྷོཛནེ ¶ ཀུལེ ཨནུཔཁཛྫ ནིསཛྫཾ ཀཔྤེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུཔནནྡཾ སཀྱཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུཔནནྡོ སཀྱཔུཏྟོ སབྷོཛནེ ཀུལེ ཨནུཔཁཛྫ ནིསཛྫཾ ཀཔྤེསི, ཏསྨིཾ ཝཏྠུསྨིཾ. ཨེཀཱ པཉྙཏྟི ¶ . ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

༩༧. མཱཏུགཱམེན སདྡྷིཾ རཧོ པཊིཙྪནྣེ ཨཱསནེ ནིསཛྫཾ ཀཔྤེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུཔནནྡཾ སཀྱཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུཔནནྡོ སཀྱཔུཏྟོ མཱཏུགཱམེན སདྡྷིཾ རཧོ པཊིཙྪནྣེ ཨཱསནེ ནིསཛྫཾ ཀཔྤེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

༩༨. མཱཏུགཱམེན ¶ སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུཔནནྡཾ སཀྱཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུཔནནྡོ སཀྱཔུཏྟོ མཱཏུགཱམེན སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

༩༩. ནིམནྟིཏེན སབྷཏྟེན སནྟཾ བྷིཀྑུཾ ཨནཱཔུཙྪཱ པུརེབྷཏྟཾ པཙྪཱབྷཏྟཾ ཀུལེསུ ཙཱརིཏྟཾ ཨཱཔཛྫནྟསྶ པཱཙིཏྟིཡཾ ཀཏྠ པཉྙཏྟནྟི? རཱཛགཧེ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུཔནནྡཾ སཀྱཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུཔནནྡོ སཀྱཔུཏྟོ ནིམནྟིཏོ སབྷཏྟོ སམཱནོ པུརེབྷཏྟཾ པཙྪཱབྷཏྟཾ ཀུལེསུ ཙཱརིཏྟཾ ཨཱཔཛྫི, ཏསྨིཾ ཝཏྠུསྨིཾ. ཨེཀཱ པཉྙཏྟི, ཙཏསྶོ ཨནུཔཉྙཏྟིཡོ. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཀཐིནཀེ…པེ….

༡༠༠. ཏཏུཏྟརི བྷེསཛྫཾ ཝིཉྙཱཔེནྟསྶ པཱཙིཏྟིཡཾ ཀཏྠ པཉྙཏྟནྟི? སཀྐེསུ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ མཧཱནཱམེན སཀྐེན ‘‘ཨཛྫཎྷོ, བྷནྟེ, ཨཱགམེཐཱ’’ཏི ¶ ཝུཙྩམཱནཱ ནཱགམེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༡༠༡. ཨུཡྻུཏྟཾ སེནཾ དསྶནཱཡ གཙྪནྟསྶ པཱཙིཏྟིཡཾ ཀཏྠ པཉྙཏྟནྟི ¶ ? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨུཡྻུཏྟཾ སེནཾ དསྶནཱཡ ཨགམཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཨེལ༹ཀལོམཀེ…པེ….

༡༠༢. ཨཏིརེཀཏིརཏྟཾ སེནཱཡ ཝསནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨཏིརེཀཏིརཏྟཾ སེནཱཡ ཝསིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཨེལ༹ཀལོམཀེ…པེ….

༡༠༣. ཨུཡྻོདྷིཀཾ གཙྪནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ ¶ . ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨུཡྻོདྷིཀཾ ¶ ཨགམཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཨེལ༹ཀལོམཀེ…པེ….

ཨཙེལཀཝགྒོ པཉྩམོ.

༦. སུརཱཔཱནཝགྒོ

༡༠༤. སུརཱམེརཡཔཱནེ ¶ པཱཙིཏྟིཡཾ ཀཏྠ པཉྙཏྟནྟི? ཀོསམྦིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ སཱགཏཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ སཱགཏོ མཛྫཾ པིཝི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ སམུཊྛཱཏི, ན ཝཱཙཏོ ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

༡༠༥. ཨངྒུལིཔཏོདཀེ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ ¶ བྷིཀྑཱུ བྷིཀྑུཾ ཨངྒུལིཔཏོདཀེན ཧཱསེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

༡༠༦. ཨུདཀེ ཧསདྷམྨེ [ཧསྶདྷམྨེ (སཱི. སྱཱ.)] པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སཏྟརསཝགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སཏྟརསཝགྒིཡཱ བྷིཀྑཱུ ཨཙིརཝཏིཡཱ ནདིཡཱ ཨུདཀེ ཀཱིལི༹ཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ¶ ཙ སམུཊྛཱཏི, ན ཝཱཙཏོ…པེ….

༡༠༧. ཨནཱདརིཡེ པཱཙིཏྟིཡཾ ཀཏྠ པཉྙཏྟནྟི? ཀོསམྦིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཚནྣཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཚནྣོ ཨནཱདརིཡཾ ཨཀཱསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༡༠༨. བྷིཀྑུཾ བྷིཾསཱཔེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ བྷིཀྑུཾ བྷིཾསཱཔེསུཾ ¶ , ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༡༠༩. ཛོཏིཾ སམཱདཧིཏྭཱ ཝིསིབྦེནྟསྶ པཱཙིཏྟིཡཾ ཀཏྠ པཉྙཏྟནྟི? བྷགྒེསུ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ ཛོཏིཾ སམཱདཧིཏྭཱ ཝིསིབྦེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི, དྭེ ཨནུཔཉྙཏྟིཡོ. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༡༡༠. ཨོརེནདྡྷམཱསཾ ནཧཱཡནྟསྶ པཱཙིཏྟིཡཾ ཀཏྠ པཉྙཏྟནྟི? རཱཛགཧེ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ རཱཛཱནམྤི པསྶིཏྭཱ ན ¶ མཏྟཾ ཛཱནིཏྭཱ ནཧཱཡིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཚ ཨནུཔཉྙཏྟིཡོ. སབྦཏྠཔཉྙཏྟི, པདེསཔཉྙཏྟཱིཏི? པདེསཔཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཨེལ༹ཀལོམཀེ…པེ….

༡༡༡. ཨནཱདིཡིཏྭཱ ¶ ¶ ཏིཎྞཾ དུབྦཎྞཀརཎཱནཾ ཨཉྙཏརཾ དུབྦཎྞཀརཎཾ ནཝཾ ཙཱིཝརཾ པརིབྷུཉྫནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ ཨཏྟནོ ཙཱིཝརཾ ན སཉྫཱནིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཨེལ༹ཀལོམཀེ…པེ….

༡༡༢. བྷིཀྑུསྶ ཝཱ བྷིཀྑུནིཡཱ ཝཱ སིཀྑམཱནཱཡ ཝཱ སཱམཎེརསྶ ཝཱ སཱམཎེརིཡཱ ཝཱ སཱམཾ ཙཱིཝརཾ ཝིཀཔྤེཏྭཱ ཨཔྤཙྩུདྡྷཱརཎཾ པརིབྷུཉྫནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུཔནནྡཾ སཀྱཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུཔནནྡོ སཀྱཔུཏྟོ བྷིཀྑུསྶ སཱམཾ ཙཱིཝརཾ ཝིཀཔྤེཏྭཱ ཨཔྤཙྩུདྡྷཱརཎཾ པརིབྷུཉྫི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཀཐིནཀེ…པེ….

༡༡༣. བྷིཀྑུསྶ པཏྟཾ ཝཱ ཙཱིཝརཾ ཝཱ ནིསཱིདནཾ ཝཱ སཱུཙིགྷརཾ ཝཱ ཀཱཡབནྡྷནཾ ཝཱ ཨཔནིདྷེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ ¶ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ བྷིཀྑཱུནཾ པཏྟམྤི ཙཱིཝརམྤི ཨཔནིདྷེསུཾ ¶ , ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

སུརཱམེརཡཝགྒོ ཚཊྛོ.

༧. སཔྤཱཎཀཝགྒོ

༡༡༤. སཉྩིཙྩ པཱཎཾ ཛཱིཝིཏཱ ཝོརོཔེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུདཱཡིཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུདཱཡཱི སཉྩིཙྩ པཱཎཾ ཛཱིཝིཏཱ ཝོརོཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༡༡༥. ཛཱནཾ སཔྤཱཎཀཾ ཨུདཀཾ པརིབྷུཉྫནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི ¶ ? ཚབྦགྒིཡཱ བྷིཀྑཱུ ཛཱནཾ སཔྤཱཎཀཾ ¶ ཨུདཀཾ པརིབྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༡༡༦. ཛཱནཾ ཡཐཱདྷམྨཾ ནིཧཏཱདྷིཀརཎཾ པུན ཀམྨཱཡ ཨུཀྐོཊེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཛཱནཾ ཡཐཱདྷམྨཾ ནིཧཏཱདྷིཀརཎཾ པུན ཀམྨཱཡ ཨུཀྐོཊེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༡༡༧. བྷིཀྑུསྶ ཛཱནཾ དུཊྛུལླཾ ཨཱཔཏྟིཾ པཊིཙྪཱདེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུཾ ¶ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརོ བྷིཀྑུ བྷིཀྑུསྶ ཛཱནཾ དུཊྛུལླཾ ཨཱཔཏྟིཾ པཊིཙྪཱདེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༡༡༨. ཛཱནཾ ཨཱུནཝཱིསཏིཝསྶཾ པུགྒལཾ ཨུཔསམྤཱདེནྟསྶ པཱཙིཏྟིཡཾ ཀཏྠ པཉྙཏྟནྟི? རཱཛགཧེ པཉྙཏྟཾ. ཀཾ ཨཱརབྦྷཱཏི? སམྦཧུལེ ¶ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ ཛཱནཾ ཨཱུནཝཱིསཏིཝསྶཾ པུགྒལཾ ཨུཔསམྤཱདེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༡༡༩. ཛཱནཾ ¶ ཐེཡྻསཏྠེན སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརོ བྷིཀྑུ ཛཱནཾ ཐེཡྻསཏྠེན སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༡༢༠. མཱཏུགཱམེན སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུཾ ཨཱརབྦྷ. ཀིསྨིཾ ¶ ཝཏྠུསྨིནྟི? ཨཉྙཏརོ བྷིཀྑུ མཱཏུགཱམེན སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛཱཏི…པེ….

༡༢༡. པཱཔིཀཱཡ དིཊྛིཡཱ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨརིཊྛཾ བྷིཀྑུཾ གདྡྷབཱདྷིཔུབྦཾ ཨཱརབྦྷ. ཀིསྨིཾ ཝཏྠུསྨིནྟི? ཨརིཊྛོ བྷིཀྑུ གདྡྷབཱདྷིཔུབྦོ པཱཔིཀཱཡ དིཊྛིཡཱ ཡཱཝཏཏིཡཾ སམནུབྷཱསནཱཡ ན པཊིནིསྶཛྫི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི. ཀཱཡཏོ ཙ ཝཱཙཏོ ¶ ཙ ཙིཏྟཏོ ཙ སམུཊྛཱཏི…པེ….

༡༢༢. ཛཱནཾ ཏཐཱཝཱདིནཱ བྷིཀྑུནཱ [ཨརིཊྛེན བྷིཀྑུནཱ (ཀ.)] ཨཀཊཱནུདྷམྨེན ཏཾ དིཊྛིཾ ཨཔྤཊིནིསྶཊྛེན སདྡྷིཾ སམྦྷུཉྫནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཛཱནཾ ཏཐཱཝཱདིནཱ ཨརིཊྛེན བྷིཀྑུནཱ ཨཀཊཱནུདྷམྨེན ཏཾ དིཊྛིཾ ཨཔྤཊིནིསྶཊྛེན སདྡྷིཾ སམྦྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༡༢༣. ཛཱནཾ ཏཐཱནཱསིཏཾ སམཎུདྡེསཾ ཨུཔལཱཔེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ ¶ བྷིཀྑཱུ ཛཱནཾ ཏཐཱནཱསིཏཾ ཀཎྚཀཾ ¶ སམཎུདྡེསཾ ཨུཔལཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

སཔྤཱཎཀཝགྒོ སཏྟམོ.

༨. སཧདྷམྨིཀཝགྒོ

༡༢༤. བྷིཀྑཱུཧི ¶ སཧདྷམྨིཀཾ ཝུཙྩམཱནེན ‘‘ན ཏཱཝཱཧཾ, ཨཱཝུསོ, ཨེཏསྨིཾ སིཀྑཱཔདེ སིཀྑིསྶཱམི ཡཱཝ ན ཨཉྙཾ བྷིཀྑུཾ བྱཏྟཾ ཝིནཡདྷརཾ པརིཔུཙྪིསྶཱམཱི’’ཏི ¶ བྷཎནྟསྶ པཱཙིཏྟིཡཾ ཀཏྠ པཉྙཏྟནྟི? ཀོསམྦིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཚནྣཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཚནྣོ བྷིཀྑཱུཧི སཧདྷམྨིཀཾ ཝུཙྩམཱནོ ‘‘ན ཏཱཝཱཧཾ, ཨཱཝུསོ, ཨེཏསྨིཾ སིཀྑཱཔདེ སིཀྑིསྶཱམི ཡཱཝ ན ཨཉྙཾ བྷིཀྑུཾ བྱཏྟཾ ཝིནཡདྷརཾ པརིཔུཙྪིསྶཱམཱི’’ཏི བྷཎི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༡༢༥. ཝིནཡཾ ཝིཝཎྞེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཝིནཡཾ ཝིཝཎྞེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༡༢༦. མོཧནཀེ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ མོཧེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༡༢༧. བྷིཀྑུསྶ ཀུཔིཏེན ཨནཏྟམནེན པཧཱརཾ དེནྟསྶ པཱཙིཏྟིཡཾ ཀཏྠ ¶ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཀུཔིཏཱ ཨནཏྟམནཱ བྷིཀྑཱུནཾ པཧཱརཾ ཨདཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

༡༢༨. བྷིཀྑུསྶ ཀུཔིཏེན ཨནཏྟམནེན ཏལསཏྟིཀཾ ཨུགྒིརནྟསྶ པཱཙིཏྟིཡཾ ཀཏྠ པཉྙཏྟནྟི ¶ ? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཀུཔིཏཱ ཨནཏྟམནཱ བྷིཀྑཱུནཾ ཏལསཏྟིཀཾ ཨུགྒིརིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

༡༢༩. བྷིཀྑུཾ ཨམཱུལཀེན སངྒྷཱདིསེསེན ཨནུདྡྷཾསེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ ¶ . ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ བྷིཀྑུཾ ཨམཱུལཀེན སངྒྷཱདིསེསེན ཨནུདྡྷཾསེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༡༣༠. བྷིཀྑུསྶ སཉྩིཙྩ ཀུཀྐུཙྩཾ ཨུཔདཧནྟསྶ [ཨུཔྤཱདེནྟསྶ (སྱཱ.)] པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ ¶ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ བྷིཀྑཱུནཾ སཉྩིཙྩ ཀུཀྐུཙྩཾ ཨུཔདཧིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༡༣༡. བྷིཀྑཱུནཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ¶ ཨུཔསྶུཏིཾ [ཨུཔསྶུཏི (?)] ཏིཊྛནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ བྷིཀྑཱུནཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཨུཔསྶུཏིཾ ཏིཊྛཧིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༡༣༢. དྷམྨིཀཱནཾ ཀམྨཱནཾ ཚནྡཾ དཏྭཱ པཙྪཱ ཁཱིཡནདྷམྨཾ [ཁིཡྻདྷམྨཾ (ཀ.)] ཨཱཔཛྫནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ དྷམྨིཀཱནཾ ཀམྨཱནཾ ཚནྡཾ དཏྭཱ པཙྪཱ ཁཱིཡནདྷམྨཾ ཨཱཔཛྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༡༣༣. སངྒྷེ ཝིནིཙྪཡཀཐཱཡ ཝཏྟམཱནཱཡ ཚནྡཾ ཨདཏྭཱ ཨུཊྛཱཡཱསནཱ པཀྐམནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ ¶ . ཀཾ ཨཱརབྦྷཱཏི? ཨཉྙཏརཾ བྷིཀྑུཾ ཨཱརབྦྷ ¶ . ཀིསྨིཾ ཝཏྠུསྨིནྟི? ཨཉྙཏརོ བྷིཀྑུ སངྒྷེ ཝིནིཙྪཡཀཐཱཡ ཝཏྟམཱནཱཡ ཚནྡཾ ཨདཏྭཱ ཨུཊྛཱཡཱསནཱ པཀྐཱམི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༡༣༤. སམགྒེ ¶ སངྒྷེན ཙཱིཝརཾ དཏྭཱ པཙྪཱ ཁཱིཡནདྷམྨཾ ཨཱཔཛྫནྟསྶ པཱཙིཏྟིཡཾ ཀཏྠ པཉྙཏྟནྟི? རཱཛགཧེ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ སམགྒེན སངྒྷེན ཙཱིཝརཾ དཏྭཱ པཙྪཱ ཁཱིཡནདྷམྨཾ ཨཱཔཛྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༡༣༥. ཛཱནཾ སངྒྷིཀཾ ལཱབྷཾ པརིཎཏཾ པུགྒལསྶ པརིཎཱམེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཛཱནཾ སངྒྷིཀཾ ལཱབྷཾ པརིཎཏཾ པུགྒལསྶ པརིཎཱམེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

སཧདྷམྨིཀཝགྒོ ཨཊྛམོ.

༩. རཱཛཝགྒོ

༡༣༦. པུབྦེ ¶ ཨཔྤཊིསཾཝིདིཏེན རཉྙོ ཨནྟེཔུརཾ པཝིསནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨཱནནྡཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨཱནནྡོ པུབྦེ ཨཔྤཊིསཾཝིདིཏོ རཉྙོ ཨནྟེཔུརཾ པཱཝིསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཀཐིནཀེ…པེ….

༡༣༧. རཏནཾ ཨུགྒཎྷནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ ¶ . ཀཾ ཨཱརབྦྷཱཏི? ཨཉྙཏརཾ བྷིཀྑུཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརོ བྷིཀྑུ རཏནཾ ཨུགྒཧེསི, ཏསྨིཾ ཝཏྠུསྨིཾ. ཨེཀཱ པཉྙཏྟི, དྭེ ཨནུཔཉྙཏྟིཡོ. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༡༣༨. སནྟཾ བྷིཀྑུཾ ཨནཱཔུཙྪཱ ཝིཀཱལེ གཱམཾ པཝིསནྟསྶ པཱཙིཏྟིཡཾ ཀཏྠ པཉྙཏྟནྟི ¶ ? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཝིཀཱལེ གཱམཾ པཝིསིཾསུ, ཏསྨིཾ ¶ ཝཏྠུསྨིཾ. ཨེཀཱ པཉྙཏྟི, ཏིསྶོ ཨནུཔཉྙཏྟིཡོ. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཀཐིནཀེ…པེ….

༡༣༩. ཨཊྛིམཡཾ ¶ ཝཱ དནྟམཡཾ ཝཱ ཝིསཱཎམཡཾ ཝཱ སཱུཙིགྷརཾ ཀཱརཱཔེནྟསྶ པཱཙིཏྟིཡཾ ཀཏྠ པཉྙཏྟནྟི? སཀྐེསུ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ ན མཏྟཾ ཛཱནིཏྭཱ བཧཱུ སཱུཙིགྷརེ ཝིཉྙཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༡༤༠. པམཱཎཱཏིཀྐནྟཾ མཉྩཾ ཝཱ པཱིཋཾ ཝཱ ཀཱརཱཔེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ཨུཔནནྡཾ སཀྱཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུཔནནྡོ སཀྱཔུཏྟོ ཨུཙྩེ མཉྩེ སཡི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༡༤༡. མཉྩཾ ཝཱ པཱིཋཾ ཝཱ ཏཱུལོནདྡྷཾ ཀཱརཱཔེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ མཉྩཾ ཝཱ པཱིཋཾ ཝཱ ཏཱུལོནདྡྷཾ ཀཱརཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༡༤༢. པམཱཎཱཏིཀྐནྟཾ ¶ ནིསཱིདནཾ ཀཱརཱཔེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨཔྤམཱཎིཀཱནི ནིསཱིདནཱནི དྷཱརེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༡༤༣. པམཱཎཱཏིཀྐནྟཾ ཀཎྜུཔྤཊིཙྪཱདིཾ ཀཱརཱཔེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨཔྤམཱཎིཀཱཡོ ཀཎྜུཔྤཊིཙྪཱདིཡོ དྷཱརེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༡༤༤. པམཱཎཱཏིཀྐནྟཾ ¶ ཝསྶིཀསཱཊིཀཾ ཀཱརཱཔེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ ¶ . ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨཔྤམཱཎིཀཱཡོ ཝསྶིཀསཱཊིཀཱཡོ དྷཱརེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

༡༤༥. སུགཏཙཱིཝརཔྤམཱཎཾ ¶ ཙཱིཝརཾ ཀཱརཱཔེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཱཡསྨནྟཾ ནནྡཾ ¶ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ནནྡོ སུགཏཙཱིཝརཔྤམཱཎཾ ཙཱིཝརཾ དྷཱརེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

རཱཛཝགྒོ ནཝམོ.

དྭེནཝུཏི པཱཙིཏྟིཡཱ ནིཊྛིཏཱ.

ཁུདྡཀཾ སམཏྟཾ.

ཏསྶུདྡཱནཾ –

མུསཱ ཨོམསཔེསུཉྙཾ, པདསེཡྻཱ ཙ ཨིཏྠིཡཱ;

ཨཉྙཏྲ ཝིཉྙུནཱ བྷཱུཏཱ [དེསནཱརོཙནཱ ཙེཝ (སཱི. སྱཱ.)], དུཊྛུལླཱཔཏྟི ཁཎནཱ.

བྷཱུཏཾ ཨཉྙཱཡ ཨུཛ྄ཛྷཱཡི [བྷཱུཏཉྙཝཱདཨུཛ྄ཛྷཱཡི (སཱི.)], མཉྩོ སེཡྻོ ཙ ཝུཙྩཏི;

པུབྦེ ནིཀྐཌྜྷནཱཧཙྩ, དྭཱརཾ སཔྤཱཎཀེན ཙ.

ཨསམྨཏཱ ཨཏྠངྒཏེ, ཨུཔསྶཡཱམིསེན ཙ;

དདེ སིབྦེ ཝིདྷཱནེན, ནཱཝཱ བྷུཉྫེཡྻ ཨེཀཏོ.

པིཎྜཾ གཎཾ པརཾ པཱུཝཾ, པཝཱརིཏོ པཝཱརིཏཾ;

ཝིཀཱལཾ སནྣིདྷི ཁཱིརཾ, དནྟཔོནེན ཏེ དས.

ཨཙེལཀཾ ཨུཡྻོཁཛྫ [ཨཙེལཀཱནུཔཁཛྫ (ཀ.)], པཊིཙྪནྣཾ རཧེན ཙ;

ནིམནྟིཏོ པཙྩཡེཧི, སེནཱཝསནུཡྻོདྷིཀཾ.

སུརཱ ¶ ཨངྒུལི ཧཱསོ ཙ, ཨནཱདརིཡཉྩ བྷིཾསནཾ;

ཛོཏི ནཧཱན དུབྦཎྞཾ, སཱམཾ ཨཔནིདྷེན ཙ.

སཉྩིཙྩུདཀཀམྨཱ ¶ ཙ, དུཊྛུལླཾ ཨཱུནཝཱིསཏི;

ཐེཡྻཨིཏྠིཨཝདེསཾ [ཨརིཊྛཀཾ (ཝིབྷངྒེ)], སཾཝཱསེ ནཱསིཏེན ཙ.

སཧདྷམྨིཀཝིལེཁཱ, མོཧོ པཧཱརེནུགྒིརེ;

ཨམཱུལཀཉྩ སཉྩིཙྩ, སོསྶཱམི ཁིཡྻཔཀྐམེ.

སངྒྷེན ཙཱིཝརཾ དཏྭཱ, པརིཎཱམེཡྻ པུགྒལེ;

རཉྙཉྩ རཏནཾ སནྟཾ, སཱུཙི མཉྩོ ཙ ཏཱུལིཀཱ;

ནིསཱིདནཾ ཀཎྜུཙྪཱདི, ཝསྶིཀཱ སུགཏེན ཙཱཏི.

ཏེསཾ ཝགྒཱནཾ ཨུདྡཱནཾ –

མུསཱ བྷཱུཏཱ ཙ ཨོཝཱདོ, བྷོཛནཱཙེལཀེན ཙ;

སུརཱ སཔྤཱཎཀཱ དྷམྨོ, རཱཛཝགྒེན ཏེ ནཝཱཏི.

༦. པཱཊིདེསནཱིཡཀཎྜཾ

༡༤༦. ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཨཉྙཱཏིཀཱཡ བྷིཀྑུནིཡཱ ཨནྟརགྷརཾ པཝིཊྛཱཡ ཧཏྠཏོ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ བྷུཉྫནྟསྶ པཱཊིདེསནཱིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ ¶ བྷིཀྑུཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརོ བྷིཀྑུ ཨཉྙཱཏིཀཱཡ བྷིཀྑུནིཡཱ ཨནྟརགྷརཾ པཝིཊྛཱཡ ཧཏྠཏོ ཨཱམིསཾ པཊིགྒཧེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི ¶ སམུཊྛཱཏི – སིཡཱ ཀཱཡཏོ སམུཊྛཱཏི, ན ཝཱཙཏོ ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

༡༤༧. བྷིཀྑུནིཡཱ ཝོསཱསནྟིཡཱ ན ནིཝཱརེཏྭཱ བྷུཉྫནྟསྶ པཱཊིདེསནཱིཡཾ ཀཏྠ པཉྙཏྟནྟི? རཱཛགཧེ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ བྷིཀྑུནིཡོ ཝོསཱསནྟིཡོ ན ནིཝཱརེསུཾ, ཏསྨིཾ ཝཏྠུསྨིཾ. ཨེཀཱ ¶ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཝཱཙཏོ ཙ སམུཊྛཱཏི, ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༡༤༨. སེཀྑསམྨཏེསུ ¶ ཀུལེསུ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ བྷུཉྫནྟསྶ པཱཊིདེསནཱིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ ན མཏྟཾ ཛཱནིཏྭཱ པཊིགྒཧེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི, དྭེ ཨནུཔཉྙཏྟིཡོ. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ སམུཊྛཱཏི, ན ཝཱཙཏོ ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ¶ ཙ སམུཊྛཱཏི, ན ཝཱཙཏོ…པེ….

༡༤༩. ཨཱརཉྙཀེསུ སེནཱསནེསུ པུབྦེ ཨཔྤཊིསཾཝིདིཏཾ ཁཱདནཱིཡཾ ཝཱ བྷོཛནཱིཡཾ ཝཱ ཨཛ྄ཛྷཱརཱམེ སཧཏྠཱ པཊིགྒཧེཏྭཱ བྷུཉྫནྟསྶ པཱཊིདེསནཱིཡཾ ཀཏྠ པཉྙཏྟནྟི? སཀྐེསུ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི. སམྦཧུལཱ བྷིཀྑཱུ ཨཱརཱམེ ཙོརེ པཊིཝསནྟེ ནཱརོཙེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཝཱཙཏོ ཙ སམུཊྛཱཏི, ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཙཏྟཱརོ པཱཊིདེསནཱིཡཱ ནིཊྛིཏཱ.

ཏསྶུདྡཱནཾ –

ཨཉྙཱཏིཀཱཡ ཝོསཱསཾ, སེཀྑཨཱརཉྙཀེན ཙ;

པཱཊིདེསནཱིཡཱ ཙཏྟཱརོ, སམྦུདྡྷེན པཀཱསིཏཱཏི.

༧. སེཁིཡཀཎྜཾ

༡. པརིམཎྜལཝགྒོ

༡༥༠. ཡཾ ¶ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཨནཱདརིཡཾ པཊིཙྩ པུརཏོ ཝཱ པཙྪཏོ ཝཱ ཨོལམྦེནྟེན ནིཝཱསེནྟསྶ དུཀྐཊཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ པུརཏོཔི པཙྪཏོཔི ཨོལམྦེནྟཱ ནིཝཱསེསུཾ, ཏསྨིཾ ¶ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ¶ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ པུརཏོ ཝཱ པཙྪཏོ ཝཱ ཨོལམྦེནྟེན པཱརུཔནྟསྶ དུཀྐཊཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ པུརཏོཔི པཙྪཏོཔི ཨོལམྦེནྟཱ པཱརུཔིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཀཱཡཾ ཝིཝརིཏྭཱ ཨནྟརགྷརེ གཙྪནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ ¶ པཊིཙྩ ཀཱཡཾ ཝིཝརིཏྭཱ ཨནྟརགྷརེ ནིསཱིདནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཧཏྠཾ ཝཱ པཱདཾ ཝཱ ཀཱིལཱ༹པེནྟེན ཨནྟརགྷརེ གཙྪནྟསྶ དུཀྐཊཾ…པེ… ¶ ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཧཏྠཾ ཝཱ པཱདཾ ཝཱ ཀཱིལཱ༹པེནྟེན ཨནྟརགྷརེ ནིསཱིདནྟསྶ དུཀྐཊཾ ¶ …པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཏཧཾ ཏཧཾ ཨོལོཀེནྟེན ཨནྟརགྷརེ གཙྪནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཏཧཾ ཏཧཾ ཨོལོཀེནྟེན ཨནྟརགྷརེ ནིསཱིདནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཨུཀྑིཏྟཀཱཡ ཨནྟརགྷརེ གཙྪནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ ¶ པཊིཙྩ ཨུཀྑིཏྟཀཱཡ ཨནྟརགྷརེ ནིསཱིདནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན ¶ སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

པརིམཎྜལཝགྒོ པཋམོ.

༢. ཨུཛྫགྒྷིཀཝགྒོ

༡༥༡. ཨནཱདརིཡཾ པཊིཙྩ ཨུཛྫགྒྷིཀཱཡ ཨནྟརགྷརེ གཙྪནྟསྶ དུཀྐཊཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ མཧཱཧསིཏཾ ཧསནྟཱ ཨནྟརགྷརེ གཙྪིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཨནཱདརིཡཾ པཊིཙྩ ཨུཛྫགྒྷིཀཱཡ ཨནྟརགྷརེ ནིསཱིདནྟསྶ དུཀྐཊཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ ¶ བྷིཀྑཱུ མཧཱཧསིཏཾ ཧསནྟཱ ཨནྟརགྷརེ ནིསཱིདིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཨནཱདརིཡཾ པཊིཙྩ ཨུཙྩཱསདྡཾ མཧཱསདྡཾ ཀརོནྟེན ཨནྟརགྷརེ གཙྪནྟསྶ དུཀྐཊཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨུཙྩཱསདྡཾ མཧཱསདྡཾ ཀརོནྟཱ ཨནྟརགྷརེ གཙྪིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཨནཱདརིཡཾ པཊིཙྩ ཨུཙྩཱསདྡཾ མཧཱསདྡཾ ཀརོནྟེན ཨནྟརགྷརེ ¶ ནིསཱིདནྟསྶ དུཀྐཊཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨུཙྩཱསདྡཾ མཧཱསདྡཾ ཀརོནྟཱ ཨནྟརགྷརེ ནིསཱིདིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི ¶ . ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཨནཱདརིཡཾ པཊིཙྩ ཀཱཡཔྤཙཱལཀཾ ཨནྟརགྷརེ གཙྪནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཀཱཡཔྤཙཱལཀཾ ཨནྟརགྷརེ ནིསཱིདནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ བཱཧུཔྤཙཱལཀཾ ཨནྟརགྷརེ གཙྪནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ བཱཧུཔྤཙཱལཀཾ ཨནྟརགྷརེ ནིསཱིདནྟསྶ དུཀྐཊཾ…པེ… ཨེཀཱ པཉྙཏྟི ¶ . ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ སཱིསཔྤཙཱལཀཾ ཨནྟརགྷརེ གཙྪནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ སཱིསཔྤཙཱལཀཾ ཨནྟརགྷརེ ནིསཱིདནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི ¶ – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨུཛྫགྒྷིཀཝགྒོ དུཏིཡོ.

༣. ཁམྦྷཀཏཝགྒོ

༡༥༢. ཨནཱདརིཡཾ པཊིཙྩ ཁམྦྷཀཏེན ཨནྟརགྷརེ གཙྪནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི. ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ ¶ པཊིཙྩ ཁམྦྷཀཏེན ཨནྟརགྷརེ ནིསཱིདནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཨོགུཎྛིཏེན ཨནྟརགྷརེ གཙྪནྟསྶ དུཀྐཊཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ ¶ བྷིཀྑཱུ སསཱིསཾ པཱརུཔིཏྭཱ ཨནྟརགྷརེ གཙྪིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཨོགུཎྛིཏེན ཨནྟརགྷརེ ནིསཱིདནྟསྶ དུཀྐཊཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ སསཱིསཾ པཱརུཔིཏྭཱ ཨནྟརགྷརེ ནིསཱིདིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཨུཀྐུཊིཀཱཡ ཨནྟརགྷརེ གཙྪནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ པལླཏྠིཀཱཡ [པལླཏྟིཀཱཡ (ཀ.)] ཨནྟརགྷརེ ནིསཱིདནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི ¶ – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ ¶ པཊིཙྩ ཨསཀྐཙྩཾ པིཎྜཔཱཏཾ པཊིགྒཎྷནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཏཧཾ ཏཧཾ ཨོལོཀེནྟེན པིཎྜཔཱཏཾ པཊིགྒཎྷནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ སཱུཔཉྙེཝ བཧུཾ པཊིགྒཎྷནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ ¶ པཊིཙྩ ཐཱུཔཱིཀཏཾ པིཎྜཔཱཏཾ པཊིགྒཎྷནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཁམྦྷཀཏཝགྒོ ཏཏིཡོ.

༤. པིཎྜཔཱཏཝགྒོ

༡༥༣. ཨནཱདརིཡཾ ¶ པཊིཙྩ ཨསཀྐཙྩཾ པིཎྜཔཱཏཾ བྷུཉྫནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཏཧཾ ཏཧཾ ཨོལོཀེནྟེན པིཎྜཔཱཏཾ བྷུཉྫནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ ¶ པཊིཙྩ ཏཧཾ ཏཧཾ ཨོམསིཏྭཱ པིཎྜཔཱཏཾ བྷུཉྫནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ སཱུཔཉྙེཝ བཧུཾ བྷུཉྫནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཐཱུཔཀཏོ ཨོམདྡིཏྭཱ པིཎྜཔཱཏཾ བྷུཉྫནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ སཱུཔཾ ཝཱ བྱཉྫནཾ ཝཱ ཨོདནེན པཊིཙྪཱདེནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ སཱུཔཾ ཝཱ ཨོདནཾ ཝཱ ཨགིལཱནོ ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫནྟསྶ དུཀྐཊཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ སཱུཔམྤི ཨོདནམྤི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫིཾསུ, ཏསྨིཾ ཝཏྠུསྨིཾ. ཨེཀཱ ¶ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཨནཱདརིཡཾ ¶ ¶ པཊིཙྩ ཨུཛ྄ཛྷཱནསཉྙིནཱ པརེསཾ པཏྟཾ ཨོལོཀེནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ མཧནྟཾ ཀབལ༹ཾ ཀརོནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ དཱིགྷཾ ཨཱལོཔཾ ཀརོནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

པིཎྜཔཱཏཝགྒོ ཙཏུཏྠོ.

༥. ཀབལ༹ཝགྒོ

༡༥༤. ཨནཱདརིཡཾ པཊིཙྩ ཨནཱཧཊེ ཀབལེ༹ མུཁདྭཱརཾ ཝིཝརནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ བྷུཉྫམཱནེན སབྦཾ ཧཏྠཾ མུཁེ པཀྑིཔནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ སཀབལེ༹ན མུཁེན བྱཱཧརནྟསྶ དུཀྐཊཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ ¶ . ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ སཀབལེ༹ན མུཁེན བྱཱཧརིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཨནཱདརིཡཾ ¶ པཊིཙྩ པིཎྜུཀྑེཔཀཾ བྷུཉྫནྟསྶ དུཀྐཊཾ…པེ… ཨེཀཱ ¶ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ ¶ པཊིཙྩ ཀབལཱ༹ཝཙྪེདཀཾ བྷུཉྫནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཨཝགཎྜཀཱརཀཾ བྷུཉྫནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཧཏྠནིདྡྷུནཀཾ བྷུཉྫནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ སིཏྠཱཝཀཱརཀཾ བྷུཉྫནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཛིཝ྄ཧཱནིཙྪཱརཀཾ བྷུཉྫནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཙཔུཙཔུཀཱརཀཾ བྷུཉྫནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཀབལ༹ཝགྒོ པཉྩམོ.

༦. སུརུསུརུཝགྒོ

༡༥༥. ཨནཱདརིཡཾ ¶ པཊིཙྩ སུརུསུརུཀཱརཀཾ བྷུཉྫནྟསྶ དུཀྐཊཾ ཀཏྠ པཉྙཏྟནྟི? ཀོསམྦིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ སུརུསུརུཀཱརཀཾ ཁཱིརཾ པིཝིཾསུ, ཏསྨིཾ ཝཏྠུསྨིཾ ¶ . ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཧཏྠནིལླེཧཀཾ བྷུཉྫནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ ¶ པཊིཙྩ པཏྟནིལླེཧཀཾ བྷུཉྫནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཨོཊྛནིལླེཧཀཾ བྷུཉྫནྟསྶ དུཀྐཊཾ…པེ… ཨེཀཱ པཉྙཏྟི. ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ སཱམིསེན ཧཏྠེན པཱནཱིཡཐཱལཀཾ པཊིགྒཎྷནྟསྶ དུཀྐཊཾ ཀཏྠ པཉྙཏྟནྟི? བྷགྒེསུ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ སཱམིསེན ཧཏྠེན པཱནཱིཡཐཱལཀཾ པཊིགྒཧེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན ¶ སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ སསིཏྠཀཾ པཏྟདྷོཝནཾ ཨནྟརགྷརེ ཚཌྜེནྟསྶ དུཀྐཊཾ ཀཏྠ པཉྙཏྟནྟི? བྷགྒེསུ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ སསིཏྠཀཾ པཏྟདྷོཝནཾ ཨནྟརགྷརེ ཚཌྜེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཚཏྟཔཱཎིསྶ དྷམྨཾ དེསེནྟསྶ དུཀྐཊཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཚཏྟཔཱཎིསྶ དྷམྨཾ དེསེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ…པེ….

ཨནཱདརིཡཾ ¶ པཊིཙྩ དཎྜཔཱཎིསྶ དྷམྨཾ དེསེནྟསྶ དུཀྐཊཾ…པེ… ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ…པེ….

ཨནཱདརིཡཾ ¶ པཊིཙྩ སཏྠཔཱཎིསྶ དྷམྨཾ དེསེནྟསྶ དུཀྐཊཾ…པེ… ཨེཀཱ པཉྙཏྟི, ཨེཀཱ ¶ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ…པེ….

ཨནཱདརིཡཾ པཊིཙྩ ཨཱཝུདྷཔཱཎིསྶ དྷམྨཾ དེསེནྟསྶ དུཀྐཊཾ…པེ… ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ…པེ….

སུརུསུརུཝགྒོ ཚཊྛོ.

༧. པཱདུཀཝགྒོ

༡༥༦. ཨནཱདརིཡཾ པཊིཙྩ པཱདུཀཱརུལ༹ྷསྶ དྷམྨཾ དེསེནྟསྶ དུཀྐཊཾ…པེ… ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ…པེ….

ཨནཱདརིཡཾ པཊིཙྩ ཨུཔཱཧནཱརུལ༹ྷསྶ དྷམྨཾ དེསེནྟསྶ དུཀྐཊཾ…པེ… ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ…པེ….

ཨནཱདརིཡཾ པཊིཙྩ ཡཱནགཏསྶ དྷམྨཾ དེསེནྟསྶ དུཀྐཊཾ…པེ… ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཝཱཙཏོ ཙ ཙིཏྟཏོ ཙ སམུཊྛཱཏི ¶ , ན ཀཱཡཏོ…པེ….

ཨནཱདརིཡཾ པཊིཙྩ སཡནགཏསྶ དྷམྨཾ དེསེནྟསྶ དུཀྐཊཾ…པེ… ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ…པེ….

ཨནཱདརིཡཾ པཊིཙྩ པལླཏྠིཀཱཡ ནིསིནྣསྶ དྷམྨཾ དེསེནྟསྶ དུཀྐཊཾ…པེ… ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེ ¶ སམུཊྛཱཏི – ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ…པེ….

ཨནཱདརིཡཾ ¶ པཊིཙྩ ཝེཋིཏསཱིསསྶ ¶ དྷམྨཾ དེསེནྟསྶ དུཀྐཊཾ…པེ… ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ…པེ….

ཨནཱདརིཡཾ པཊིཙྩ ཨོགུཎྛིཏསཱིསསྶ དྷམྨཾ དེསེནྟསྶ དུཀྐཊཾ…པེ… ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ…པེ….

ཨནཱདརིཡཾ པཊིཙྩ ཚམཱཡཾ ནིསཱིདིཏྭཱ ཨཱསནེ ནིསིནྣསྶ དྷམྨཾ དེསེནྟསྶ དུཀྐཊཾ…པེ… ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི ¶ – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཨནཱདརིཡཾ པཊིཙྩ ནཱིཙེ ཨཱསནེ ནིསཱིདིཏྭཱ ཨུཙྩེ ཨཱསནེ ནིསིནྣསྶ དྷམྨཾ དེསེནྟསྶ དུཀྐཊཾ…པེ… ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཨནཱདརིཡཾ པཊིཙྩ ཋིཏེན ནིསིནྣསྶ དྷམྨཾ དེསེནྟསྶ དུཀྐཊཾ…པེ… ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཨནཱདརིཡཾ པཊིཙྩ པཙྪཏོ གཙྪནྟེན པུརཏོ གཙྪནྟསྶ དྷམྨཾ དེསེནྟསྶ དུཀྐཊཾ…པེ… ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཨནཱདརིཡཾ པཊིཙྩ ཨུཔྤཐེན གཙྪནྟེན པཐེན གཙྪནྟསྶ དྷམྨཾ དེསེནྟསྶ དུཀྐཊཾ…པེ… ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཨནཱདརིཡཾ པཊིཙྩ ཋིཏེན ཨུཙྩཱརཾ ཝཱ པསྶཱཝཾ ཝཱ ཀརོནྟསྶ དུཀྐཊཾ…པེ… ཨེཀཱ པཉྙཏྟི ¶ , ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེ ¶ སམུཊྛཱཏི – ཀཱཡཏོ ¶ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཧརིཏེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟསྶ དུཀྐཊཾ…པེ… ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟསྶ དུཀྐཊཾ…པེ… ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨུདཀེ ཨུཙྩཱརམྤི པསྶཱཝམྤི ཁེལ༹མྤི ཨཀཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

པཱདུཀཝགྒོ སཏྟམོ.

པཉྩསཏྟཏི སེཁིཡཱ ནིཊྛིཏཱ.

ཏསྶུདྡཱནཾ –

པརིམཎྜལཾ པཊིཙྪནྣཾ, སུསཾཝུཏོཀྑིཏྟཙཀྑུ;

ཨུཀྑིཏྟོཛྫགྒྷིཀཱ སདྡོ, ཏཡོ ཙེཝ པཙཱལནཱ.

ཁམྦྷཾ ཨོགུཎྛིཏོ ཙེཝུཀྐུཊིཔལླཏྠིཀཱཡ ཙ;

སཀྐཙྩཾ ¶ པཏྟསཉྙཱི ཙ, སམསཱུཔཾ སམཏིཏྟིཀཾ [སམཏིཏྠིཀཾ (ཀ.)].

སཀྐཙྩཾ པཏྟསཉྙཱི ཙ, སཔདཱནཾ སམསཱུཔཀཾ;

ཐཱུཔཀཏོ པཊིཙྪནྣཾ, ཝིཉྙཏྟུཛ྄ཛྷཱནསཉྙིནཱ.

ན མཧནྟཾ མཎྜལཾ དྭཱརཾ, སབྦཾ ཧཏྠཾ ན བྱཱཧརེ;

ཨུཀྑེཔོ ཚེདནཱ གཎྜོ, དྷུནཾ སིཏྠཱཝཀཱརཀཾ.

ཛིཝ྄ཧཱནིཙྪཱརཀཉྩེཝ ¶ , ཙཔུཙཔུ སུརུསུརུ;

ཧཏྠོ ¶ པཏྟོ ཙ ཨོཊྛོ ཙ, སཱམིསཾ སིཏྠཀེན ཙ.

ཚཏྟཔཱཎིསྶ ¶ སདྡྷམྨཾ, ན དེསེནྟི ཏཐཱགཏཱ;

ཨེཝམེཝ དཎྜཔཱཎིསྶ, སཏྠཨཱཝུདྷཔཱཎིནཾ.

པཱདུཀཱ ཨུཔཱཧནཱ ཙེཝ, ཡཱནསེཡྻཱགཏསྶ ཙ;

པལླཏྠིཀཱ ནིསིནྣསྶ, ཝེཋིཏོགུཎྛིཏསྶ ཙ.

ཚམཱ ནཱིཙཱསནེ ཋཱནེ, པཙྪཏོ ཨུཔྤཐེན ཙ;

ཋིཏཀེན ན ཀཱཏབྦཾ, ཧརིཏེ ཨུདཀམྷི ཙཱཏི.

ཏེསཾ ཝགྒཱནམུདྡཱནཾ –

པརིམཎྜལཨུཛྫགྒྷི, ཁམྦྷཾ པིཎྜཾ ཏཐེཝ ཙ;

ཀབལཱ༹ སུརུསུརུ ཙ, པཱདུཀེན ཙ སཏྟམཱཏི.

མཧཱཝིབྷངྒེ ཀཏྠཔཉྙཏྟིཝཱརོ ནིཊྛིཏོ.

༢. ཀཏཱཔཏྟིཝཱརོ

༡. པཱརཱཛིཀཀཎྜཾ

༡༥༧. མེཐུནཾ ¶ དྷམྨཾ པཊིསེཝནྟོ ཀཏི ཨཱཔཏྟིཡོ ཨཱཔཛྫཏི? མེཐུནཾ དྷམྨཾ པཊིསེཝནྟོ ཏིསྶོ ཨཱཔཏྟིཡོ ཨཱཔཛྫཏི. ཨཀྑཱཡིཏེ སརཱིརེ མེཐུནཾ དྷམྨཾ པཊིསེཝཏི, ཨཱཔཏྟི པཱརཱཛིཀསྶ; ཡེབྷུཡྻེན ཁཱཡིཏེ ¶ སརཱིརེ མེཐུནཾ དྷམྨཾ པཊིསེཝཏི, ཨཱཔཏྟི ཐུལླཙྩཡསྶ; ཝཊྚཀཏེ [ཝིཝཊཀཏེ (སྱཱ.)] མུཁེ ཨཙྪུཔནྟཾ ཨངྒཛཱཏཾ པཝེསེཏི, ཨཱཔཏྟི དུཀྐཊསྶ – མེཐུནཾ དྷམྨཾ པཊིསེཝནྟོ ཨིམཱ ཏིསྶོ ཨཱཔཏྟིཡོ ཨཱཔཛྫཏི.

༡༥༨. ཨདིནྣཾ ཨཱདིཡནྟོ ཀཏི ཨཱཔཏྟིཡོ ཨཱཔཛྫཏི? ཨདིནྣཾ ཨཱདིཡནྟོ ཏིསྶོ ཨཱཔཏྟིཡོ ཨཱཔཛྫཏི. པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཨདིནྣཾ ཐེཡྻསངྑཱཏཾ ཨཱདིཡཏི, ཨཱཔཏྟི པཱརཱཛིཀསྶ; ཨཏིརེཀམཱསཀཾ ཝཱ ཨཱུནཔཉྩམཱསཀཾ ཝཱ ཨགྒྷནཀཾ ཨདིནྣཾ ཐེཡྻསངྑཱཏཾ ཨཱདིཡཏི, ཨཱཔཏྟི ཐུལླཙྩཡསྶ; མཱསཀཾ ཝཱ ཨཱུནམཱསཀཾ ཝཱ ཨགྒྷནཀཾ ཨདིནྣཾ ཐེཡྻསངྑཱཏཾ ཨཱདིཡཏི, ཨཱཔཏྟི དུཀྐཊསྶ – ཨདིནྣཾ ཨཱདིཡནྟོ ཨིམཱ ཏིསྶོ ཨཱཔཏྟིཡོ ཨཱཔཛྫཏི.

༡༥༩. སཉྩིཙྩ ¶ མནུསྶཝིགྒཧཾ ཛཱིཝིཏཱ ཝོརོཔེནྟོ ཀཏི ཨཱཔཏྟིཡོ ཨཱཔཛྫཏི? སཉྩིཙྩ མནུསྶཝིགྒཧཾ ཛཱིཝིཏཱ ཝོརོཔེནྟོ ཏིསྶོ ཨཱཔཏྟིཡོ ཨཱཔཛྫཏི. མནུསྶཾ ཨོདིསྶ ཨོཔཱཏཾ ཁཎཏི ‘‘པཔཏིཏྭཱ མརིསྶཏཱི’’ཏི, ཨཱཔཏྟི དུཀྐཊསྶ; པཔཏིཏེ དུཀྑཱ ཝེདནཱ ཨུཔྤཛྫཏི, ཨཱཔཏྟི ཐུལླཙྩཡསྶ; མརཏི, ཨཱཔཏྟི པཱརཱཛིཀསྶ – སཉྩིཙྩ མནུསྶཝིགྒཧཾ ཛཱིཝིཏཱ ཝོརོཔེནྟོ ཨིམཱ ཏིསྶོ ཨཱཔཏྟིཡོ ཨཱཔཛྫཏི.

༡༦༠. ཨསནྟཾ ཨབྷཱུཏཾ ཨུཏྟརིམནུསྶདྷམྨཾ ཨུལླཔནྟོ ཀཏི ཨཱཔཏྟིཡོ ཨཱཔཛྫཏི? ཨསནྟཾ ¶ ཨབྷཱུཏཾ ཨུཏྟརིམནུསྶདྷམྨཾ ཨུལླཔནྟོ ཏིསྶོ ཨཱཔཏྟིཡོ ཨཱཔཛྫཏི. པཱཔིཙྪོ ཨིཙྪཱཔཀཏོ ཨསནྟཾ ཨབྷཱུཏཾ ཨུཏྟརིམནུསྶདྷམྨཾ ཨུལླཔཏི, ཨཱཔཏྟི པཱརཱཛིཀསྶ; ‘‘ཡོ ཏེ ཝིཧཱརེ ¶ ཝསཏི, སོ བྷིཀྑུ ཨརཧཱ’’ཏི བྷཎཏི, པཊིཝིཛཱནནྟསྶ ཨཱཔཏྟི ཐུལླཙྩཡསྶ; ན པཊིཝིཛཱནནྟསྶ ཨཱཔཏྟི དུཀྐཊསྶ – ཨསནྟཾ ཨབྷཱུཏཾ ཨུཏྟརིམནུསྶདྷམྨཾ ཨུལླཔནྟོ ཨིམཱ ཏིསྶོ ཨཱཔཏྟིཡོ ཨཱཔཛྫཏི.

ཙཏྟཱརོ པཱརཱཛིཀཱ ནིཊྛིཏཱ.

༢. སངྒྷཱདིསེསཀཎྜཾ

༡༦༡. ཨུཔཀྐམིཏྭཱ ཨསུཙིཾ མོཙེནྟོ ཏིསྶོ ཨཱཔཏྟིཡོ ཨཱཔཛྫཏི. ཙེཏེཏི ཨུཔཀྐམཏི ¶ མུཙྩཏི, ཨཱཔཏྟི སངྒྷཱདིསེསསྶ; ཙེཏེཏི ཨུཔཀྐམཏི ན མུཙྩཏི, ཨཱཔཏྟི ཐུལླཙྩཡསྶ; པཡོགེ དུཀྐཊཾ.

མཱཏུགཱམེན སདྡྷིཾ ཀཱཡསཾསགྒཾ སམཱཔཛྫནྟོ ཏིསྶོ ཨཱཔཏྟིཡོ ཨཱཔཛྫཏི. ཀཱཡེན ཀཱཡཾ ཨཱམསཏི, ཨཱཔཏྟི སངྒྷཱདིསེསསྶ; ཀཱཡེན ཀཱཡཔཊིབདྡྷཾ ཨཱམསཏི, ཨཱཔཏྟི ཐུལླཙྩཡསྶ; ཀཱཡཔཊིབདྡྷེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ.

མཱཏུགཱམཾ དུཊྛུལླཱཧི ཝཱཙཱཧི ཨོབྷཱསེནྟོ ཏིསྶོ ཨཱཔཏྟིཡོ ཨཱཔཛྫཏི. ཝཙྩམགྒཾ པསྶཱཝམགྒཾ ཨཱདིསྶ ཝཎྞམྤི བྷཎཏི, ཨཝཎྞམྤི བྷཎཏི, ཨཱཔཏྟི སངྒྷཱདིསེསསྶ; ཝཙྩམགྒཾ པསྶཱཝམགྒཾ ཋཔེཏྭཱ ཨདྷཀྑཀཾ ཨུབྦྷཛཱཎུམཎྜལཾ ཨཱདིསྶ ཝཎྞམྤི བྷཎཏི ཨཝཎྞམྤི བྷཎཏི, ཨཱཔཏྟི ཐུལླཙྩཡསྶ; ཀཱཡཔཊིབདྡྷཾ ཨཱདིསྶ ཝཎྞམྤི བྷཎཏི ཨཝཎྞམྤི བྷཎཏི, ཨཱཔཏྟི དུཀྐཊསྶ.

ཨཏྟཀཱམཔཱརིཙརིཡཱ ¶ ཝཎྞཾ བྷཱསནྟོ ཏིསྶོ ཨཱཔཏྟིཡོ ཨཱཔཛྫཏི ¶ . མཱཏུགཱམསྶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསཏི, ཨཱཔཏྟི སངྒྷཱདིསེསསྶ; པཎྜཀསྶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསཏི, ཨཱཔཏྟི ཐུལླཙྩཡསྶ; ཏིརཙྪཱནགཏསྶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསཏི, ཨཱཔཏྟི དུཀྐཊསྶ.

སཉྩརིཏྟཾ སམཱཔཛྫནྟོ ཏིསྶོ ཨཱཔཏྟིཡོ ཨཱཔཛྫཏི. པཊིགྒཎྷཱཏི ཝཱིམཾསཏི པཙྩཱཧརཏི ¶ , ཨཱཔཏྟི སངྒྷཱདིསེསསྶ; པཊིགྒཎྷཱཏི ཝཱིམཾསཏི ན པཙྩཱཧརཏི, ཨཱཔཏྟི ཐུལླཙྩཡསྶ; པཊིགྒཎྷཱཏི ན ཝཱིམཾསཏི ན པཙྩཱཧརཏི, ཨཱཔཏྟི དུཀྐཊསྶ.

སཉྙཱཙིཀཱཡ ཀུཊིཾ ཀཱརཱཔེནྟོ ཏིསྶོ ཨཱཔཏྟིཡོ ཨཱཔཛྫཏི. ཀཱརཱཔེཏི, པཡོགེ དུཀྐཊཾ; ཨེཀཾ པིཎྜཾ ཨནཱགཏེ, ཨཱཔཏྟི ཐུལླཙྩཡསྶ; ཏསྨིཾ པིཎྜེ ཨཱགཏེ, ཨཱཔཏྟི སངྒྷཱདིསེསསྶ.

མཧལླཀཾ ཝིཧཱརཾ ཀཱརཱཔེནྟོ ཏིསྶོ ཨཱཔཏྟིཡོ ཨཱཔཛྫཏི. ཀཱརཱཔེཏི, པཡོགེ དུཀྐཊཾ; ཨེཀཾ པིཎྜཾ ཨནཱགཏེ, ཨཱཔཏྟི ཐུལླཙྩཡསྶ; ཏསྨིཾ པིཎྜེ ཨཱགཏེ, ཨཱཔཏྟི སངྒྷཱདིསེསསྶ.

བྷིཀྑུཾ ཨམཱུལཀེན པཱརཱཛིཀེན དྷམྨེན ཨནུདྡྷཾསེནྟོ ཏིསྶོ ཨཱཔཏྟིཡོ ཨཱཔཛྫཏི. ཨནོཀཱསཾ ཀཱརཱཔེཏྭཱ ཙཱཝནཱདྷིཔྤཱཡོ ཝདེཏི, ཨཱཔཏྟི སངྒྷཱདིསེསེན དུཀྐཊསྶ; ཨོཀཱསཾ ཀཱརཱཔེཏྭཱ ཨཀྐོསཱདྷིཔྤཱཡོ ཝདེཏི, ཨཱཔཏྟི ཨོམསཝཱདསྶ.

བྷིཀྑུཾ ཨཉྙབྷཱགིཡསྶ ཨདྷིཀརཎསྶ ཀིཉྩི དེསཾ ལེསམཏྟཾ ཨུཔཱདཱཡ པཱརཱཛིཀེན དྷམྨེན ཨནུདྡྷཾསེནྟོ ཏིསྶོ ཨཱཔཏྟིཡོ ཨཱཔཛྫཏི ¶ . ཨནོཀཱསཾ ཀཱརཱཔེཏྭཱ ཙཱཝནཱདྷིཔྤཱཡོ ཝདེཏི, ཨཱཔཏྟི སངྒྷཱདིསེསེན དུཀྐཊསྶ; ཨོཀཱསཾ ཀཱརཱཔེཏྭཱ ཨཀྐོསཱདྷིཔྤཱཡོ ཝདེཏི, ཨཱཔཏྟི ཨོམསཝཱདསྶ.

སངྒྷབྷེདཀོ བྷིཀྑུ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟོ ཏིསྶོ ཨཱཔཏྟིཡོ ཨཱཔཛྫཏི. ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

བྷེདཀཱནུཝཏྟཀཱ ¶ བྷིཀྑཱུ ཡཱཝཏཏིཡཾ སམནུབྷཱསནཱཡ [སམནུབྷཱསིཡམཱནཱ (སྱཱ.)] ན པཊིནིསྶཛྫནྟཱ ཏིསྶོ ཨཱཔཏྟིཡོ ཨཱཔཛྫནྟི. ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ¶ ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

དུབྦཙོ བྷིཀྑུ ཡཱཝཏཏིཡཾ སམནུབྷཱསནཱཡ [སམནུབྷཱསིཡམཱནོ (སྱཱ.)] ན པཊིནིསྶཛྫནྟོ ཏིསྶོ ཨཱཔཏྟིཡོ ཨཱཔཛྫཏི ¶ . ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

ཀུལདཱུསཀོ བྷིཀྑུ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟོ ཏིསྶོ ཨཱཔཏྟིཡོ ཨཱཔཛྫཏི. ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

ཏེརས སངྒྷཱདིསེསཱ ནིཊྛིཏཱ.

༣. ནིསྶགྒིཡཀཎྜཾ

༡. ཀཐིནཝགྒོ

༡༦༢. ཨཏིརེཀཙཱིཝརཾ ¶ དསཱཧཾ ཨཏིཀྐཱམེནྟོ ཨེཀཾ ཨཱཔཏྟིཾ ཨཱཔཛྫཏི. ནིསྶགྒིཡཾ པཱཙིཏྟིཡཾ.

ཨེཀརཏྟཾ ཏིཙཱིཝརེན ཝིཔྤཝསནྟོ ཨེཀཾ ཨཱཔཏྟིཾ ཨཱཔཛྫཏི. ནིསྶགྒིཡཾ པཱཙིཏྟིཡཾ.

ཨཀཱལཙཱིཝརཾ པཊིགྒཧེཏྭཱ མཱསཾ ཨཏིཀྐཱམེནྟོ ཨེཀཾ ཨཱཔཏྟིཾ ཨཱཔཛྫཏི. ནིསྶགྒིཡཾ པཱཙིཏྟིཡཾ.

ཨཉྙཱཏིཀཱཡ བྷིཀྑུནིཡཱ པུརཱཎཙཱིཝརཾ དྷོཝཱཔེནྟོ དྭེ ཨཱཔཏྟིཡོ ཨཱཔཛྫཏི. དྷོཝཱཔེཏི, པཡོགེ དུཀྐཊཾ; དྷོཝཱཔིཏེ ནིསྶགྒིཡཾ པཱཙིཏྟིཡཾ.

ཨཉྙཱཏིཀཱཡ བྷིཀྑུནིཡཱ ཧཏྠཏོ ཙཱིཝརཾ པཊིགྒཎྷནྟོ དྭེ ཨཱཔཏྟིཡོ ཨཱཔཛྫཏི. གཎྷཱཏི, པཡོགེ དུཀྐཊཾ; གཧིཏེ ནིསྶགྒིཡཾ པཱཙིཏྟིཡཾ.

ཨཉྙཱཏཀཾ ¶ གཧཔཏིཾ ཝཱ གཧཔཏཱནིཾ ཝཱ ཙཱིཝརཾ ཝིཉྙཱཔེནྟོ དྭེ ཨཱཔཏྟིཡོ ཨཱཔཛྫཏི. ཝིཉྙཱཔེཏི, པཡོགེ དུཀྐཊཾ; ཝིཉྙཱཔིཏེ ནིསྶགྒིཡཾ པཱཙིཏྟིཡཾ.

ཨཉྙཱཏཀཾ ¶ གཧཔཏིཾ ཝཱ གཧཔཏཱནིཾ ཝཱ ཏཏུཏྟརི ཙཱིཝརཾ ཝིཉྙཱཔེནྟོ དྭེ ཨཱཔཏྟིཡོ ཨཱཔཛྫཏི. ཝིཉྙཱཔེཏི, པཡོགེ དུཀྐཊཾ; ཝིཉྙཱཔིཏེ ནིསྶགྒིཡཾ པཱཙིཏྟིཡཾ.

པུབྦེ ཨཔྤཝཱརིཏོ ཨཉྙཱཏཀཾ གཧཔཏིཀཾ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫནྟོ དྭེ ཨཱཔཏྟིཡོ ཨཱཔཛྫཏི. ཝིཀཔྤཾ ཨཱཔཛྫཏི ¶ , པཡོགེ དུཀྐཊཾ; ཝིཀཔྤཾ ཨཱཔནྣེ ནིསྶགྒིཡཾ པཱཙིཏྟིཡཾ.

པུབྦེ ཨཔྤཝཱརིཏོ ཨཉྙཱཏཀེ གཧཔཏིཀེ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫནྟོ དྭེ ཨཱཔཏྟིཡོ ཨཱཔཛྫཏི. ཝིཀཔྤཾ ཨཱཔཛྫཏི, པཡོགེ དུཀྐཊཾ; ཝིཀཔྤཾ ཨཱཔནྣེ ནིསྶགྒིཡཾ པཱཙིཏྟིཡཾ.

ཨཏིརེཀཏིཀྑཏྟུཾ ཙོདནཱཡ ཨཏིརེཀཚཀྑཏྟུཾ ཋཱནེན ཙཱིཝརཾ ཨབྷིནིཔྥཱདེནྟོ དྭེ ཨཱཔཏྟིཡོ ཨཱཔཛྫཏི. ཨབྷིནིཔྥཱདེཏི, པཡོགེ དུཀྐཊཾ; ཨབྷིནིཔྥཱདིཏེ ནིསྶགྒིཡཾ པཱཙིཏྟིཡཾ.

ཀཐིནཝགྒོ པཋམོ.

༢. ཀོསིཡཝགྒོ

༡༦༣. ཀོསིཡམིསྶཀཾ སནྠཏཾ ཀཱརཱཔེནྟོ དྭེ ཨཱཔཏྟིཡོ ཨཱཔཛྫཏི. ཀཱརཱཔེཏི, པཡོགེ དུཀྐཊཾ; ཀཱརཱཔིཏེ ནིསྶགྒིཡཾ པཱཙིཏྟིཡཾ.

སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔེནྟོ དྭེ ཨཱཔཏྟིཡོ ཨཱཔཛྫཏི. ཀཱརཱཔེཏི, པཡོགེ དུཀྐཊཾ; ཀཱརཱཔིཏེ ནིསྶགྒིཡཾ པཱཙིཏྟིཡཾ.

ཨནཱདིཡིཏྭཱ ¶ ཏུལཾ ཨོདཱཏཱནཾ ཏུལཾ གོཙརིཡཱནཾ ནཝཾ སནྠཏཾ ཀཱརཱཔེནྟོ དྭེ ཨཱཔཏྟིཡོ ཨཱཔཛྫཏི. ཀཱརཱཔེཏི, པཡོགེ དུཀྐཊཾ; ཀཱརཱཔིཏེ ནིསྶགྒིཡཾ པཱཙིཏྟིཡཾ.

ཨནུཝསྶཾ སནྠཏཾ ཀཱརཱཔེནྟོ དྭེ ཨཱཔཏྟིཡོ ཨཱཔཛྫཏི. ཀཱརཱཔེཏི, པཡོགེ དུཀྐཊཾ; ཀཱརཱཔིཏེ ནིསྶགྒིཡཾ པཱཙིཏྟིཡཾ.

ཨནཱདིཡིཏྭཱ ¶ ¶ པུརཱཎསནྠཏསྶ སཱམནྟཱ སུགཏཝིདཏྠིཾ ནཝཾ ནིསཱིདནསནྠཏཾ ཀཱརཱཔེནྟོ དྭེ ཨཱཔཏྟིཡོ ཨཱཔཛྫཏི. ཀཱརཱཔེཏི, པཡོགེ དུཀྐཊཾ; ཀཱརཱཔིཏེ ནིསྶགྒིཡཾ པཱཙིཏྟིཡཾ.

ཨེལ༹ཀལོམཱནི ¶ པཊིགྒཧེཏྭཱ ཏིཡོཛནཾ ཨཏིཀྐཱམེནྟོ དྭེ ཨཱཔཏྟིཡོ ཨཱཔཛྫཏི. པཋམཾ པཱདཾ ཏིཡོཛནཾ ཨཏིཀྐཱམེཏི, ཨཱཔཏྟི དུཀྐཊསྶ; དུཏིཡཾ པཱདཾ ཨཏིཀྐཱམེཏི, ནིསྶགྒིཡཾ པཱཙིཏྟིཡཾ.

ཨཉྙཱཏིཀཱཡ བྷིཀྑུནིཡཱ ཨེལ༹ཀལོམཱནི དྷོཝཱཔེནྟོ དྭེ ཨཱཔཏྟིཡོ ཨཱཔཛྫཏི. དྷོཝཱཔེཏི, པཡོགེ དུཀྐཊཾ; དྷོཝཱཔིཏེ ནིསྶགྒིཡཾ པཱཙིཏྟིཡཾ.

རཱུཔིཡཾ པཊིགྒཎྷནྟོ དྭེ ཨཱཔཏྟིཡོ ཨཱཔཛྫཏི. གཎྷཱཏི, པཡོགེ དུཀྐཊཾ; གཧིཏེ ནིསྶགྒིཡཾ པཱཙིཏྟིཡཾ.

ནཱནཔྤཀཱརཀཾ རཱུཔིཡསཾཝོཧཱརཾ སམཱཔཛྫནྟོ དྭེ ཨཱཔཏྟིཡོ ཨཱཔཛྫཏི. སམཱཔཛྫཏི, པཡོགེ དུཀྐཊཾ; སམཱཔནྣེ ནིསྶགྒིཡཾ པཱཙིཏྟིཡཾ.

ནཱནཔྤཀཱརཀཾ ཀཡཝིཀྐཡཾ སམཱཔཛྫནྟོ དྭེ ཨཱཔཏྟིཡོ ཨཱཔཛྫཏི. སམཱཔཛྫཏི, པཡོགེ དུཀྐཊཾ; སམཱཔནྣེ ནིསྶགྒིཡཾ པཱཙིཏྟིཡཾ.

ཀོསིཡཝགྒོ དུཏིཡོ.

༣. པཏྟཝགྒོ

༡༦༤. ཨཏིརེཀཔཏྟཾ དསཱཧཾ ཨཏིཀྐཱམེནྟོ ཨེཀཾ ཨཱཔཏྟིཾ ཨཱཔཛྫཏི. ནིསྶགྒིཡཾ པཱཙིཏྟིཡཾ.

ཨཱུནཔཉྩབནྡྷནེན ¶ པཏྟེན ཨཉྙཾ ནཝཾ པཏྟཾ ཙེཏཱཔེནྟོ དྭེ ཨཱཔཏྟིཡོ ཨཱཔཛྫཏི. ཙེཏཱཔེཏི, པཡོགེ དུཀྐཊཾ; ཙེཏཱཔིཏེ ནིསྶགྒིཡཾ པཱཙིཏྟིཡཾ.

བྷེསཛྫཱནི པཊིགྒཧེཏྭཱ སཏྟཱཧཾ ཨཏིཀྐཱམེནྟོ ཨེཀཾ ཨཱཔཏྟིཾ ཨཱཔཛྫཏི. ནིསྶགྒིཡཾ པཱཙིཏྟིཡཾ.

ཨཏིརེཀམཱསེ ¶ སེསེ གིམྷཱནེ ཝསྶིཀསཱཊིཀཙཱིཝརཾ པརིཡེསནྟོ དྭེ ཨཱཔཏྟིཡོ ཨཱཔཛྫཏི. པརིཡེསཏི, པཡོགེ དུཀྐཊཾ; པརིཡིཊྛེ ནིསྶགྒིཡཾ པཱཙིཏྟིཡཾ.

བྷིཀྑུསྶ སཱམཾ ཙཱིཝརཾ དཏྭཱ ཀུཔིཏོ ཨནཏྟམནོ ཨཙྪིནྡནྟོ དྭེ ཨཱཔཏྟིཡོ ཨཱཔཛྫཏི. ཨཙྪིནྡཏི, པཡོགེ དུཀྐཊཾ; ཨཙྪིནྣེ ནིསྶགྒིཡཾ པཱཙིཏྟིཡཾ.

སཱམཾ ¶ སུཏྟཾ ཝིཉྙཱཔེཏྭཱ ཏནྟཝཱཡེཧི ཙཱིཝརཾ ཝཱཡཱཔེནྟོ དྭེ ཨཱཔཏྟིཡོ ཨཱཔཛྫཏི. ཝཱཡཱཔེཏི, པཡོགེ དུཀྐཊཾ; ཝཱཡཱཔིཏེ ནིསྶགྒིཡཾ པཱཙིཏྟིཡཾ.

པུབྦེ ཨཔྤཝཱརིཏོ ཨཉྙཱཏཀསྶ གཧཔཏིཀསྶ ཏནྟཝཱཡེ ཨུཔསངྐམིཏྭཱ ཙཱིཝརེ ཝིཀཔྤཾ ཨཱཔཛྫནྟོ དྭེ ཨཱཔཏྟིཡོ ཨཱཔཛྫཏི. ཝིཀཔྤཾ ཨཱཔཛྫཏི, པཡོགེ དུཀྐཊཾ; ཝིཀཔྤཾ ཨཱཔནྣེ ནིསྶགྒིཡཾ པཱཙིཏྟིཡཾ.

ཨཙྩེཀཙཱིཝརཾ ¶ པཊིགྒཧེཏྭཱ ཙཱིཝརཀཱལསམཡཾ ཨཏིཀྐཱམེནྟོ ཨེཀཾ ཨཱཔཏྟིཾ ཨཱཔཛྫཏི. ནིསྶགྒིཡཾ པཱཙིཏྟིཡཾ.

ཏིཎྞཾ ¶ ཙཱིཝརཱནཾ ཨཉྙཏརཾ ཙཱིཝརཾ ཨནྟརགྷརེ ནིཀྑིཔིཏྭཱ ཨཏིརེཀཚཱརཏྟཾ ཝིཔྤཝསནྟོ ཨེཀཾ ཨཱཔཏྟིཾ ཨཱཔཛྫཏི. ནིསྶགྒིཡཾ པཱཙིཏྟིཡཾ.

ཛཱནཾ སངྒྷིཀཾ ལཱབྷཾ པརིཎཏཾ ཨཏྟནོ པརིཎཱམེནྟོ དྭེ ཨཱཔཏྟིཡོ ཨཱཔཛྫཏི. པརིཎཱམེཏི, པཡོགེ དུཀྐཊཾ; པརིཎཱམིཏེ ནིསྶགྒིཡཾ པཱཙིཏྟིཡཾ.

པཏྟཝགྒོ ཏཏིཡོ.

ཏིཾས ནིསྶགྒིཡཱ པཱཙིཏྟིཡཱ ནིཊྛིཏཱ.

༤. པཱཙིཏྟིཡཀཎྜཾ

༡. མུསཱཝཱདཝགྒོ

༡༦༥. སམྤཛཱནམུསཱཝཱདཾ བྷཱསནྟོ ཀཏི ཨཱཔཏྟིཡོ ཨཱཔཛྫཏི? སམྤཛཱནམུསཱཝཱདཾ བྷཱསནྟོ པཉྩ ཨཱཔཏྟིཡོ ཨཱཔཛྫཏི. པཱཔིཙྪོ ཨིཙྪཱཔཀཏོ ཨསནྟཾ ཨབྷཱུཏཾ ཨུཏྟརིམནུསྶདྷམྨཾ ¶ ཨུལླཔཏི, ཨཱཔཏྟི པཱརཱཛིཀསྶ; བྷིཀྑུཾ ཨམཱུལཀེན པཱརཱཛིཀེན དྷམྨེན ཨནུདྡྷཾསེཏི, ཨཱཔཏྟི སངྒྷཱདིསེསསྶ; ‘‘ཡོ ཏེ ཝིཧཱརེ ཝསཏི, སོ བྷིཀྑུ ཨརཧཱ’’ཏི བྷཎཏི, པཊིཝིཛཱནནྟསྶ ཨཱཔཏྟི ཐུལླཙྩཡསྶ; ན པཊིཝིཛཱནནྟསྶ ཨཱཔཏྟི དུཀྐཊསྶ; སམྤཛཱནམུསཱཝཱདེ པཱཙིཏྟིཡཾ – སམྤཛཱནམུསཱཝཱདཾ བྷཱསནྟོ ཨིམཱ པཉྩ ཨཱཔཏྟིཡོ ཨཱཔཛྫཏི.

ཨོམསནྟོ ¶ དྭེ ཨཱཔཏྟིཡོ ཨཱཔཛྫཏི. ཨུཔསམྤནྣཾ ཨོམསཏི, ཨཱཔཏྟི པཱཙིཏྟིཡསྶ; ཨནུཔསམྤནྣཾ ཨོམསཏི, ཨཱཔཏྟི དུཀྐཊསྶ.

པེསུཉྙཾ ཨུཔསཾཧརནྟོ དྭེ ཨཱཔཏྟིཡོ ཨཱཔཛྫཏི. ཨུཔསམྤནྣསྶ ¶ པེསུཉྙཾ ཨུཔསཾཧརཏི, ཨཱཔཏྟི པཱཙིཏྟིཡསྶ; ཨནུཔསམྤནྣསྶ པེསུཉྙཾ ཨུཔསཾཧརཏི, ཨཱཔཏྟི དུཀྐཊསྶ.

ཨནུཔསམྤནྣཾ པདསོ དྷམྨཾ ཝཱཙེནྟོ དྭེ ཨཱཔཏྟིཡོ ཨཱཔཛྫཏི. ཝཱཙེཏི, པཡོགེ དུཀྐཊཾ; པདེ པདེ ཨཱཔཏྟི པཱཙིཏྟིཡསྶ.

ཨནུཔསམྤནྣེན ཨུཏྟརིདིརཏྟཏིརཏྟཾ སཧསེཡྻཾ ཀཔྤེནྟོ དྭེ ཨཱཔཏྟིཡོ ཨཱཔཛྫཏི. ནིཔཛྫཏི, པཡོགེ དུཀྐཊཾ; ནིཔནྣེ ཨཱཔཏྟི པཱཙིཏྟིཡསྶ.

མཱཏུགཱམེན སཧསེཡྻཾ ཀཔྤེནྟོ དྭེ ཨཱཔཏྟིཡོ ཨཱཔཛྫཏི. ནིཔཛྫཏི, པཡོགེ དུཀྐཊཾ; ནིཔནྣེ ཨཱཔཏྟི པཱཙིཏྟིཡསྶ.

མཱཏུགཱམསྶ ཨུཏྟརིཚཔྤཉྩཝཱཙཱཧི དྷམྨཾ དེསེནྟོ དྭེ ཨཱཔཏྟིཡོ ཨཱཔཛྫཏི. དེསེཏི, པཡོགེ དུཀྐཊཾ; པདེ པདེ ཨཱཔཏྟི པཱཙིཏྟིཡསྶ.

ཨནུཔསམྤནྣསྶ ཨུཏྟརིམནུསྶདྷམྨཾ བྷཱུཏཾ ཨཱརོཙེནྟོ དྭེ ཨཱཔཏྟིཡོ ཨཱཔཛྫཏི. ཨཱརོཙེཏི, པཡོགེ དུཀྐཊཾ; ཨཱརོཙིཏེ ཨཱཔཏྟི པཱཙིཏྟིཡསྶ.

བྷིཀྑུསྶ དུཊྛུལླཾ ཨཱཔཏྟིཾ ཨནུཔསམྤནྣསྶ ཨཱརོཙེནྟོ དྭེ ཨཱཔཏྟིཡོ ཨཱཔཛྫཏི. ཨཱརོཙེཏི, པཡོགེ དུཀྐཊཾ; ཨཱརོཙིཏེ ཨཱཔཏྟི པཱཙིཏྟིཡསྶ.

པཐཝིཾ ¶ ¶ ཁཎནྟོ དྭེ ཨཱཔཏྟིཡོ ཨཱཔཛྫཏི. ཁཎཏི, པཡོགེ དུཀྐཊཾ; པཧཱརེ པཧཱརེ ཨཱཔཏྟི པཱཙིཏྟིཡསྶ.

མུསཱཝཱདཝགྒོ པཋམོ.

༢. བྷཱུཏགཱམཝགྒོ

༡༦༦. བྷཱུཏགཱམཾ ¶ པཱཏེནྟོ དྭེ ཨཱཔཏྟིཡོ ཨཱཔཛྫཏི. པཱཏེཏི, པཡོགེ དུཀྐཊཾ; པཧཱརེ པཧཱརེ ཨཱཔཏྟི པཱཙིཏྟིཡསྶ.

ཨཉྙེནཉྙཾ ¶ པཊིཙརནྟོ དྭེ ཨཱཔཏྟིཡོ ཨཱཔཛྫཏི. ཨནཱརོཔིཏེ ཨཉྙཝཱདཀེ ཨཉྙེནཉྙཾ པཊིཙརཏི, ཨཱཔཏྟི དུཀྐཊསྶ; ཨཱརོཔིཏེ ཨཉྙཝཱདཀེ ཨཉྙེནཉྙཾ པཊིཙརཏི, ཨཱཔཏྟི པཱཙིཏྟིཡསྶ.

བྷིཀྑུཾ ཨུཛ྄ཛྷཱཔེནྟོ དྭེ ཨཱཔཏྟིཡོ ཨཱཔཛྫཏི. ཨུཛ྄ཛྷཱཔེཏི, པཡོགེ དུཀྐཊཾ; ཨུཛ྄ཛྷཱཔིཏེ ཨཱཔཏྟི པཱཙིཏྟིཡསྶ.

སངྒྷིཀཾ མཉྩཾ ཝཱ པཱིཋཾ ཝཱ བྷིསིཾ ཝཱ ཀོཙྪཾ ཝཱ ཨཛ྄ཛྷོཀཱསེ སནྠརིཏྭཱ ཨནུདྡྷརིཏྭཱ ཨནཱཔུཙྪཱ པཀྐམནྟོ དྭེ ཨཱཔཏྟིཡོ ཨཱཔཛྫཏི. པཋམཾ པཱདཾ ལེཌྜུཔཱཏཾ ཨཏིཀྐཱམེཏི, ཨཱཔཏྟི དུཀྐཊསྶ; དུཏིཡཾ པཱདཾ ཨཏིཀྐཱམེཏི, ཨཱཔཏྟི པཱཙིཏྟིཡསྶ.

སངྒྷིཀེ ཝིཧཱརེ སེཡྻཾ སནྠརིཏྭཱ ཨནུདྡྷརིཏྭཱ ཨནཱཔུཙྪཱ པཀྐམནྟོ དྭེ ཨཱཔཏྟིཡོ ཨཱཔཛྫཏི. པཋམཾ པཱདཾ པརིཀྑེཔཾ ཨཏིཀྐཱམེཏི, ཨཱཔཏྟི དུཀྐཊསྶ; དུཏིཡཾ པཱདཾ ཨཏིཀྐཱམེཏི, ཨཱཔཏྟི པཱཙིཏྟིཡསྶ.

སངྒྷིཀེ ཝིཧཱརེ ཛཱནཾ པུབྦུཔགཏཾ བྷིཀྑུཾ ཨནུཔཁཛྫ སེཡྻཾ ¶ ཀཔྤེནྟོ དྭེ ཨཱཔཏྟིཡོ ཨཱཔཛྫཏི. ནིཔཛྫཏི, པཡོགེ དུཀྐཊཾ; ནིཔནྣེ ཨཱཔཏྟི པཱཙིཏྟིཡསྶ.

བྷིཀྑུཾ ཀུཔིཏོ ཨནཏྟམནོ སངྒྷིཀཱ ཝིཧཱརཱ ནིཀྐཌྜྷེནྟོ དྭེ ཨཱཔཏྟིཡོ ཨཱཔཛྫཏི. ནིཀྐཌྜྷཏི, པཡོགེ དུཀྐཊཾ; ནིཀྐཌྜྷིཏེ ཨཱཔཏྟི པཱཙིཏྟིཡསྶ.

སངྒྷིཀེ ¶ ཝིཧཱརེ ཨུཔརིཝེཧཱསཀུཊིཡཱ ཨཱཧཙྩཔཱདཀཾ མཉྩཾ ཝཱ པཱིཋཾ ཝཱ ཨབྷིནིསཱིདནྟོ དྭེ ཨཱཔཏྟིཡོ ཨཱཔཛྫཏི. ཨབྷིནིསཱིདཏི, པཡོགེ དུཀྐཊཾ; ཨབྷིནིསིནྣེ ཨཱཔཏྟི པཱཙིཏྟིཡསྶ.

དྭཏྟིཔརིཡཱཡེ ཨདྷིཊྛཧིཏྭཱ ཏཏུཏྟརི ཨདྷིཊྛཧནྟོ དྭེ ཨཱཔཏྟིཡོ ཨཱཔཛྫཏི. ཨདྷིཊྛེཏི, པཡོགེ དུཀྐཊཾ; ཨདྷིཊྛིཏེ ཨཱཔཏྟི པཱཙིཏྟིཡསྶ.

ཛཱནཾ སཔྤཱཎཀཾ ཨུདཀཾ ཏིཎཾ ཝཱ མཏྟིཀཾ ཝཱ སིཉྩནྟོ དྭེ ཨཱཔཏྟིཡོ ཨཱཔཛྫཏི. སིཉྩཏི, པཡོགེ དུཀྐཊཾ; སིཉྩིཏེ ཨཱཔཏྟི པཱཙིཏྟིཡསྶ.

བྷཱུཏགཱམཝགྒོ དུཏིཡོ.

༣. ཨོཝཱདཝགྒོ

༡༦༧. ཨསམྨཏོ ¶ བྷིཀྑུནིཡོ ཨོཝདནྟོ དྭེ ཨཱཔཏྟིཡོ ཨཱཔཛྫཏི. ཨོཝདཏི, པཡོགེ དུཀྐཊཾ; ཨོཝདིཏེ ཨཱཔཏྟི པཱཙིཏྟིཡསྶ.

ཨཏྠངྒཏེ སཱུརིཡེ བྷིཀྑུནིཡོ ཨོཝདནྟོ དྭེ ཨཱཔཏྟིཡོ ཨཱཔཛྫཏི. ཨོཝདཏི, པཡོགེ དུཀྐཊཾ; ཨོཝདིཏེ ཨཱཔཏྟི པཱཙིཏྟིཡསྶ.

བྷིཀྑུནུཔསྶཡཾ ¶ ཨུཔསངྐམིཏྭཱ བྷིཀྑུནིཡོ ཨོཝདནྟོ དྭེ ཨཱཔཏྟིཡོ ཨཱཔཛྫཏི. ཨོཝདཏི, པཡོགེ དུཀྐཊཾ; ཨོཝདིཏེ ཨཱཔཏྟི པཱཙིཏྟིཡསྶ.

‘‘ཨཱམིསཧེཏུ བྷིཀྑཱུ བྷིཀྑུནིཡོ ཨོཝདནྟཱི’’ཏི བྷཎནྟོ དྭེ ཨཱཔཏྟིཡོ ཨཱཔཛྫཏི. བྷཎཏི, པཡོགེ དུཀྐཊཾ; བྷཎིཏེ ཨཱཔཏྟི པཱཙིཏྟིཡསྶ.

ཨཉྙཱཏིཀཱཡ བྷིཀྑུནིཡཱ ཙཱིཝརཾ དེནྟོ དྭེ ཨཱཔཏྟིཡོ ཨཱཔཛྫཏི. དེཏི, པཡོགེ དུཀྐཊཾ; དིནྣེ ཨཱཔཏྟི པཱཙིཏྟིཡསྶ.

ཨཉྙཱཏིཀཱ ¶ བྷིཀྑུནིཡཱ ཙཱིཝརཾ སིབྦེནྟོ དྭེ ཨཱཔཏྟིཡོ ཨཱཔཛྫཏི. སིབྦེཏི, པཡོགེ དུཀྐཊཾ; ཨཱརཱཔཐེ ཨཱརཱཔཐེ ཨཱཔཏྟི པཱཙིཏྟིཡསྶ.

བྷིཀྑུནིཡཱ ¶ སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫནྟོ དྭེ ཨཱཔཏྟིཡོ ཨཱཔཛྫཏི. པཊིཔཛྫཏི, པཡོགེ དུཀྐཊཾ; པཊིཔནྣེ ཨཱཔཏྟི པཱཙིཏྟིཡསྶ.

བྷིཀྑུནིཡཱ སདྡྷིཾ སཾཝིདྷཱཡ ཨེཀཾ ནཱཝཾ ཨབྷིརུཧནྟོ དྭེ ཨཱཔཏྟིཡོ ཨཱཔཛྫཏི. ཨབྷིརུཧཏི, པཡོགེ དུཀྐཊཾ; ཨབྷིརུལ༹ྷེ ཨཱཔཏྟི པཱཙིཏྟིཡསྶ.

ཛཱནཾ བྷིཀྑུནིཔརིཔཱཙིཏཾ པིཎྜཔཱཏཾ བྷུཉྫནྟོ དྭེ ཨཱཔཏྟིཡོ ཨཱཔཛྫཏི. ‘‘བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

བྷིཀྑུནིཡཱ ¶ སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེནྟོ དྭེ ཨཱཔཏྟིཡོ ཨཱཔཛྫཏི. ནིསཱིདཏི, པཡོགེ དུཀྐཊཾ; ནིསིནྣེ ཨཱཔཏྟི པཱཙིཏྟིཡསྶ.

ཨོཝཱདཝགྒོ ཏཏིཡོ.

༤. བྷོཛནཝགྒོ

༡༦༨. ཏཏུཏྟརི ¶ ཨཱཝསཐཔིཎྜཾ བྷུཉྫནྟོ དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

གཎབྷོཛནཾ བྷུཉྫནྟོ དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

པརམྤརབྷོཛནཾ བྷུཉྫནྟོ དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

དྭཏྟིཔཏྟཔཱུརེ པཱུཝེ པཊིགྒཧེཏྭཱ ཏཏུཏྟརི པཊིགྒཎྷནྟོ དྭེ ཨཱཔཏྟིཡོ ཨཱཔཛྫཏི. གཎྷཱཏི, པཡོགེ དུཀྐཊཾ; གཧིཏེ ཨཱཔཏྟི པཱཙིཏྟིཡསྶ.

བྷུཏྟཱཝཱི པཝཱརིཏོ ཨནཏིརིཏྟཾ ཁཱདནཱིཡཾ ཝཱ བྷོཛནཱིཡཾ ཝཱ བྷུཉྫནྟོ དྭེ ཨཱཔཏྟིཡོ ཨཱཔཛྫཏི ¶ . བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

བྷིཀྑུཾ བྷུཏྟཱཝིཾ པཝཱརིཏཾ ཨནཏིརིཏྟེན ཁཱདནཱིཡེན ཝཱ བྷོཛནཱིཡེན ¶ ཝཱ ཨབྷིཧཊྛུཾ པཝཱརེནྟོ དྭེ ཨཱཔཏྟིཡོ ཨཱཔཛྫཏི. ཏསྶ ཝཙནེན ཁཱདིསྶཱམི བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; བྷོཛནཔརིཡོསཱནེ ཨཱཔཏྟི པཱཙིཏྟིཡསྶ.

ཝིཀཱལེ ཁཱདནཱིཡཾ ཝཱ བྷོཛནཱིཡཾ ཝཱ བྷུཉྫནྟོ དྭེ ཨཱཔཏྟིཡོ ཨཱཔཛྫཏི. ཁཱདིསྶཱམི བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

སནྣིདྷིཀཱརཀཾ ཁཱདནཱིཡཾ ཝཱ བྷོཛནཱིཡཾ ཝཱ བྷུཉྫནྟོ དྭེ ཨཱཔཏྟིཡོ ཨཱཔཛྫཏི. ཁཱདིསྶཱམི བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫནྟོ དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

ཨདིནྣཾ ¶ མུཁདྭཱརཾ ཨཱཧཱརཾ ཨཱཧརནྟོ དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

བྷོཛནཝགྒོ ཙཏུཏྠོ.

༥. ཨཙེལཀཝགྒོ

༡༦༩. ཨཙེལཀསྶ, ཝཱ པརིབྦཱཛཀསྶ ཝཱ པརིབྦཱཛིཀཱཡ ཝཱ སཧཏྠཱ ཁཱདནཱིཡཾ ¶ ཝཱ བྷོཛནཱིཡཾ ཝཱ དེནྟོ དྭེ ཨཱཔཏྟིཡོ ཨཱཔཛྫཏི. དེཏི, པཡོགེ དུཀྐཊཾ; དིནྣེ ཨཱཔཏྟི པཱཙིཏྟིཡསྶ.

བྷིཀྑུཾ – ‘‘ཨེཧཱཝུསོ, གཱམཾ ཝཱ ནིགམཾ ཝཱ པིཎྜཱཡ པཝིསིསྶཱམཱ’’ཏི ¶ ཏསྶ དཱཔེཏྭཱ ཝཱ ¶ ཨདཱཔེཏྭཱ ཝཱ ཨུཡྻོཛེནྟོ དྭེ ཨཱཔཏྟིཡོ ཨཱཔཛྫཏི. ཨུཡྻོཛེཏི, པཡོགེ དུཀྐཊཾ; ཨུཡྻོཛིཏེ ཨཱཔཏྟི པཱཙིཏྟིཡསྶ.

སབྷོཛནེ ཀུལེ ཨནུཔཁཛྫ ནིསཛྫཾ ཀཔྤེནྟོ དྭེ ཨཱཔཏྟིཡོ ཨཱཔཛྫཏི. ནིསཱིདཏི, པཡོགེ དུཀྐཊཾ; ནིསིནྣེ ཨཱཔཏྟི པཱཙིཏྟིཡསྶ.

མཱཏུགཱམེན སདྡྷིཾ རཧོ པཊིཙྪནྣེ ཨཱསནེ ནིསཛྫཾ ཀཔྤེནྟོ དྭེ ཨཱཔཏྟིཡོ ཨཱཔཛྫཏི. ནིསཱིདཏི, པཡོགེ དུཀྐཊཾ; ནིསིནྣེ ཨཱཔཏྟི པཱཙིཏྟིཡསྶ.

མཱཏུགཱམེན སདྡྷིཾ ཨེཀོ ཨེཀཱཡ རཧོ ནིསཛྫཾ ཀཔྤེནྟོ དྭེ ཨཱཔཏྟིཡོ ཨཱཔཛྫཏི. ནིསཱིདཏི, པཡོགེ དུཀྐཊཾ; ནིསིནྣེ ཨཱཔཏྟི པཱཙིཏྟིཡསྶ.

ནིམནྟིཏོ སབྷཏྟོ སམཱནོ པུརེབྷཏྟཾ པཙྪཱབྷཏྟཾ ཀུལེསུ ཙཱརིཏྟཾ ཨཱཔཛྫནྟོ དྭེ ཨཱཔཏྟིཡོ ཨཱཔཛྫཏི. པཋམཾ པཱདཾ ཨུམྨཱརཾ ཨཏིཀྐཱམེཏི, ཨཱཔཏྟི དུཀྐཊསྶ; དུཏིཡཾ པཱདཾ ཨཏིཀྐཱམེཏི, ཨཱཔཏྟི པཱཙིཏྟིཡསྶ.

ཏཏུཏྟརི བྷེསཛྫཾ ཝིཉྙཱཔེནྟོ དྭེ ཨཱཔཏྟིཡོ ཨཱཔཛྫཏི. ཝིཉྙཱཔེཏི, པཡོགེ དུཀྐཊཾ; ཝིཉྙཱཔིཏེ ཨཱཔཏྟི པཱཙིཏྟིཡསྶ.

ཨུཡྻུཏྟཾ ¶ སེནཾ དསྶནཱཡ གཙྪནྟོ དྭེ ཨཱཔཏྟིཡོ ཨཱཔཛྫཏི ¶ . གཙྪཏི, ཨཱཔཏྟི དུཀྐཊསྶ; ཡཏྠ ཋིཏོ པསྶཏི, ཨཱཔཏྟི པཱཙིཏྟིཡསྶ.

ཨཏིརེཀཏིརཏྟཾ སེནཱཡ ཝསནྟོ དྭེ ཨཱཔཏྟིཡོ ཨཱཔཛྫཏི. ཝསཏི, པཡོགེ དུཀྐཊཾ; ཝསིཏེ ཨཱཔཏྟི པཱཙིཏྟིཡསྶ.

ཨུཡྻོདྷིཀཾ གཙྪནྟོ དྭེ ཨཱཔཏྟིཡོ ཨཱཔཛྫཏི. གཙྪཏི, ཨཱཔཏྟི དུཀྐཊསྶ; ཡཏྠ ཋིཏོ པསྶཏི, ཨཱཔཏྟི པཱཙིཏྟིཡསྶ.

ཨཙེལཀཝགྒོ པཉྩམོ.

༦. སུརཱམེརཡཝགྒོ

༡༧༠. མཛྫཾ ¶ པིཝནྟོ དྭེ ཨཱཔཏྟིཡོ ཨཱཔཛྫཏི. ‘‘པིཝིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

བྷིཀྑུཾ ཨངྒུལིཔཏོདཀེན ཧཱསེནྟོ དྭེ ཨཱཔཏྟིཡོ ཨཱཔཛྫཏི. ཧཱསེཏི, པཡོགེ དུཀྐཊཾ; ཧསིཏེ ཨཱཔཏྟི པཱཙིཏྟིཡསྶ.

ཨུདཀེ ཀཱིལ༹ནྟོ དྭེ ཨཱཔཏྟིཡོ ཨཱཔཛྫཏི. ཧེཊྛཱགོཔྥཀེ ཨུདཀེ ཀཱིལ༹ཏི, ཨཱཔཏྟི དུཀྐཊསྶ; ཨུཔརིགོཔྥཀེ ཀཱིལ༹ཏི, ཨཱཔཏྟི པཱཙིཏྟིཡསྶ.

ཨནཱདརིཡཾ ཀརོནྟོ དྭེ ཨཱཔཏྟིཡོ ཨཱཔཛྫཏི. ཀརོཏི, པཡོགེ དུཀྐཊཾ; ཀཏེ ཨཱཔཏྟི པཱཙིཏྟིཡསྶ.

བྷིཀྑུཾ བྷིཾསཱཔེནྟོ དྭེ ཨཱཔཏྟིཡོ ཨཱཔཛྫཏི. བྷིཾསཱཔེཏི, པཡོགེ དུཀྐཊཾ; བྷིཾསཱཔིཏེ ཨཱཔཏྟི པཱཙིཏྟིཡསྶ.

ཛོཏིཾ སམཱདཧིཏྭཱ ཝིསིབྦེནྟོ དྭེ ཨཱཔཏྟིཡོ ཨཱཔཛྫཏི. སམཱདཧཏི ¶ , པཡོགེ དུཀྐཊཾ; སམཱདཧིཏེ ཨཱཔཏྟི པཱཙིཏྟིཡསྶ.

ཨོརེནདྡྷམཱསཾ ནཧཱཡནྟོ དྭེ ཨཱཔཏྟིཡོ ཨཱཔཛྫཏི. ནཧཱཡཏི, པཡོགེ དུཀྐཊཾ; ནཧཱནཔརིཡོསཱནེ ཨཱཔཏྟི པཱཙིཏྟིཡསྶ.

ཨནཱདིཡིཏྭཱ ¶ ཏིཎྞཾ དུབྦཎྞཀརཎཱནཾ ཨཉྙཏརཾ དུབྦཎྞཀརཎཾ ནཝཾ ཙཱིཝརཾ པརིབྷུཉྫནྟོ དྭེ ཨཱཔཏྟིཡོ ཨཱཔཛྫཏི. པརིབྷུཉྫཏི, པཡོགེ དུཀྐཊཾ; པརིབྷུཏྟེ ཨཱཔཏྟི པཱཙིཏྟིཡསྶ.

བྷིཀྑུསྶ ¶ ཝཱ བྷིཀྑུནིཡཱ ཝཱ སིཀྑམཱནཱཡ ཝཱ སཱམཎེརསྶ ཝཱ སཱམཎེརིཡཱ ཝཱ སཱམཾ ཙཱིཝརཾ ཝིཀཔྤེཏྭཱ ཨཔྤཙྩུདྡྷཱརཎཾ པརིབྷུཉྫནྟོ དྭེ ཨཱཔཏྟིཡོ ཨཱཔཛྫཏི. པརིབྷུཉྫཏི, པཡོགེ དུཀྐཊཾ; པརིབྷུཏྟེ ཨཱཔཏྟི པཱཙིཏྟིཡསྶ.

བྷིཀྑུསྶ ¶ པཏྟཾ ཝཱ ཙཱིཝརཾ ཝཱ ནིསཱིདནཾ ཝཱ སཱུཙིགྷརཾ ཝཱ ཀཱཡབནྡྷནཾ ཝཱ ཨཔནིདྷེནྟོ དྭེ ཨཱཔཏྟིཡོ ཨཱཔཛྫཏི. ཨཔནིདྷེཏི, པཡོགེ དུཀྐཊཾ; ཨཔནིདྷིཏེ ཨཱཔཏྟི པཱཙིཏྟིཡསྶ.

སུརཱམེརཡཝགྒོ ཚཊྛོ.

༧. སཔྤཱཎཀཝགྒོ

༡༧༡. སཉྩིཙྩ པཱཎཾ ཛཱིཝིཏཱ ཝོརོཔེནྟོ ཀཏི ཨཱཔཏྟིཡོ ཨཱཔཛྫཏི? སཉྩིཙྩ པཱཎཾ ཛཱིཝིཏཱ ཝོརོཔེནྟོ ཙཏསྶོ ཨཱཔཏྟིཡོ ཨཱཔཛྫཏི. ཨནོདིསྶ ཨོཔཱཏཾ ཁཎཏི – ‘‘ཡོ ཀོཙི པཔཏིཏྭཱ མརིསྶཏཱི’’ཏི, ཨཱཔཏྟི དུཀྐཊསྶ; མནུསྶོ ཏསྨིཾ པཔཏིཏྭཱ མརཏི, ཨཱཔཏྟི པཱརཱཛིཀསྶ; ཡཀྑོ ཝཱ པེཏོ ཝཱ ཏིརཙྪཱནགཏམནུསྶཝིགྒཧོ ཝཱ ཏསྨིཾ ¶ པཔཏིཏྭཱ མརཏི, ཨཱཔཏྟི ཐུལླཙྩཡསྶ; ཏིརཙྪཱནགཏོ ཏསྨིཾ པཔཏིཏྭཱ མརཏི, ཨཱཔཏྟི པཱཙིཏྟིཡསྶ – སཉྩིཙྩ པཱཎཾ ཛཱིཝིཏཱ ཝོརོཔེནྟོ ཨིམཱ ཙཏསྶོ ཨཱཔཏྟིཡོ ཨཱཔཛྫཏི.

ཛཱནཾ སཔྤཱཎཀཾ ཨུདཀཾ པརིབྷུཉྫནྟོ དྭེ ཨཱཔཏྟིཡོ ཨཱཔཛྫཏི. པརིབྷུཉྫཏི, པཡོགེ དུཀྐཊཾ; པརིབྷུཏྟེ ཨཱཔཏྟི པཱཙིཏྟིཡསྶ.

ཛཱནཾ ཡཐཱདྷམྨཾ ནིཧཏཱདྷིཀརཎཾ པུནཀམྨཱཡ ཨུཀྐོཊེནྟོ དྭེ ཨཱཔཏྟིཡོ ཨཱཔཛྫཏི. ཨུཀྐོཊེཏི, པཡོགེ དུཀྐཊཾ; ཨུཀྐོཊིཏེ ཨཱཔཏྟི པཱཙིཏྟིཡསྶ.

བྷིཀྑུསྶ ཛཱནཾ དུཊྛུལླཾ ཨཱཔཏྟིཾ པཊིཙྪཱདེནྟོ ཨེཀཾ ཨཱཔཏྟིཾ ཨཱཔཛྫཏི. པཱཙིཏྟིཡཾ.

ཛཱནཾ ཨཱུནཝཱིསཏིཝསྶཾ པུགྒལཾ ཨུཔསམྤཱདེནྟོ དྭེ ཨཱཔཏྟིཡོ ཨཱཔཛྫཏི. ཨུཔསམྤཱདེཏི, པཡོགེ དུཀྐཊཾ; ཨུཔསམྤཱདིཏེ ཨཱཔཏྟི པཱཙིཏྟིཡསྶ.

ཛཱནཾ ¶ ཐེཡྻསཏྠེན སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫནྟོ དྭེ ཨཱཔཏྟིཡོ ཨཱཔཛྫཏི. པཊིཔཛྫཏི, པཡོགེ དུཀྐཊཾ; པཊིཔནྣེ ཨཱཔཏྟི པཱཙིཏྟིཡསྶ.

མཱཏུགཱམེན སདྡྷིཾ སཾཝིདྷཱཡ ཨེཀདྡྷཱནམགྒཾ པཊིཔཛྫནྟོ དྭེ ཨཱཔཏྟིཡོ ཨཱཔཛྫཏི. པཊིཔཛྫཏི, པཡོགེ དུཀྐཊཾ; པཊིཔནྣེ ཨཱཔཏྟི པཱཙིཏྟིཡསྶ.

པཱཔིཀཱཡ ¶ དིཊྛིཡཱ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟོ ¶ དྭེ ཨཱཔཏྟིཡོ ཨཱཔཛྫཏི. ཉཏྟིཡཱ དུཀྐཊཾ; ཀམྨཝཱཙཱཔརིཡོསཱནེ ཨཱཔཏྟི པཱཙིཏྟིཡསྶ.

ཛཱནཾ ཏཐཱཝཱདིནཱ བྷིཀྑུནཱ ཨཀཊཱནུདྷམྨེན ཏཾ དིཊྛིཾ ཨཔྤཊིནིསྶཊྛེན སདྡྷིཾ སམྦྷུཉྫནྟོ དྭེ ཨཱཔཏྟིཡོ ཨཱཔཛྫཏི. སམྦྷུཉྫཏི, པཡོགེ དུཀྐཊཾ; སམྦྷུཏྟེ ཨཱཔཏྟི པཱཙིཏྟིཡསྶ.

ཛཱནཾ ¶ ཏཐཱནཱསིཏཾ སམཎུདྡེསཾ ཨུཔལཱཔེནྟོ དྭེ ཨཱཔཏྟིཡོ ཨཱཔཛྫཏི. ཨུཔལཱཔེཏི, པཡོགེ དུཀྐཊཾ; ཨུཔལཱཔིཏེ ཨཱཔཏྟི པཱཙིཏྟིཡསྶ.

སཔྤཱཎཀཝགྒོ སཏྟམོ.

༨. སཧདྷམྨིཀཝགྒོ

༡༧༢. བྷིཀྑཱུཧི སཧདྷམྨིཀཾ ཝུཙྩམཱནོ – ‘‘ན ཏཱཝཱཧཾ, ཨཱཝུསོ, ཨེཏསྨིཾ སིཀྑཱཔདེ སིཀྑིསྶཱམི ཡཱཝ ན ཨཉྙཾ བྷིཀྑུཾ བྱཏྟཾ ཝིནཡདྷརཾ པརིཔུཙྪིསྶཱམཱི’’ཏི བྷཎནྟོ དྭེ ཨཱཔཏྟིཡོ ཨཱཔཛྫཏི. བྷཎཏི, པཡོགེ དུཀྐཊཾ; བྷཎིཏེ ཨཱཔཏྟི པཱཙིཏྟིཡསྶ.

ཝིནཡཾ ཝིཝཎྞེནྟོ དྭེ ཨཱཔཏྟིཡོ ཨཱཔཛྫཏི. ཝིཝཎྞེཏི, པཡོགེ དུཀྐཊཾ; ཝིཝཎྞིཏེ ཨཱཔཏྟི པཱཙིཏྟིཡསྶ.

མོཧེནྟོ དྭེ ཨཱཔཏྟིཡོ ཨཱཔཛྫཏི. ཨནཱརོཔིཏེ མོཧེ མོཧེཏི, ཨཱཔཏྟི དུཀྐཊསྶ; ཨཱརོཔིཏེ མོཧེ མོཧེཏི, ཨཱཔཏྟི པཱཙིཏྟིཡསྶ.

བྷིཀྑུསྶ ¶ ཀུཔིཏོ ཨནཏྟམནོ པཧཱརཾ དེནྟོ དྭེ ཨཱཔཏྟིཡོ ཨཱཔཛྫཏི. པཧརཏི, པཡོགེ དུཀྐཊཾ; པཧཏེ ཨཱཔཏྟི པཱཙིཏྟིཡསྶ ¶ .

བྷིཀྑུསྶ ཀུཔིཏོ ཨནཏྟམནོ ཏལསཏྟིཀཾ ཨུགྒིརནྟོ དྭེ ཨཱཔཏྟིཡོ ཨཱཔཛྫཏི. ཨུགྒིརཏི, པཡོགེ དུཀྐཊཾ; ཨུགྒིརིཏེ ཨཱཔཏྟི པཱཙིཏྟིཡསྶ.

བྷིཀྑུཾ ¶ ཨམཱུལཀེན སངྒྷཱདིསེསེན ཨནུདྡྷཾསེནྟོ དྭེ ཨཱཔཏྟིཡོ ཨཱཔཛྫཏི. ཨནུདྡྷཾསེཏི, པཡོགེ དུཀྐཊཾ; ཨནུདྡྷཾསིཏེ ཨཱཔཏྟི པཱཙིཏྟིཡསྶ.

བྷིཀྑུསྶ སཉྩིཙྩ ཀུཀྐུཙྩཾ ཨུཔདཧནྟོ དྭེ ཨཱཔཏྟིཡོ ཨཱཔཛྫཏི. ཨུཔདཧཏི, པཡོགེ དུཀྐཊཾ; ཨུཔདཧིཏེ ཨཱཔཏྟི པཱཙིཏྟིཡསྶ.

བྷིཀྑཱུནཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཨུཔསྶུཏིཾ ཏིཊྛནྟོ དྭེ ཨཱཔཏྟིཡོ ཨཱཔཛྫཏི. ‘‘སོསྶཱམཱི’’ཏི གཙྪཏི, ཨཱཔཏྟི དུཀྐཊསྶ; ཡཏྠ ཋིཏོ སུཎཱཏི, ཨཱཔཏྟི པཱཙིཏྟིཡསྶ.

དྷམྨིཀཱནཾ ཀམྨཱནཾ ཚནྡཾ དཏྭཱ པཙྪཱ ཁཱིཡནདྷམྨཾ ཨཱཔཛྫནྟོ དྭེ ཨཱཔཏྟིཡོ ཨཱཔཛྫཏི. ཁིཡྻཏི, པཡོགེ དུཀྐཊཾ; ཁིཡྻིཏེ ཨཱཔཏྟི པཱཙིཏྟིཡསྶ.

སངྒྷེ ཝིནིཙྪཡཀཐཱཡ ཝཏྟམཱནཱཡ ཚནྡཾ ཨདཏྭཱ ཨུཊྛཱཡཱསནཱ པཀྐམནྟོ དྭེ ཨཱཔཏྟིཡོ ཨཱཔཛྫཏི. པརིསཱཡ ཧཏྠཔཱསཾ ཝིཛཧནྟསྶ ཨཱཔཏྟི དུཀྐཊསྶ; ཝིཛཧིཏེ ཨཱཔཏྟི པཱཙིཏྟིཡསྶ.

སམགྒེན ¶ སངྒྷེན ཙཱིཝརཾ དཏྭཱ པཙྪཱ ཁཱིཡནདྷམྨཾ ཨཱཔཛྫནྟོ དྭེ ཨཱཔཏྟིཡོ ཨཱཔཛྫཏི. ཁིཡྻཏི, པཡོགེ དུཀྐཊཾ; ཁིཡྻིཏེ ཨཱཔཏྟི པཱཙིཏྟིཡསྶ.

ཛཱནཾ སངྒྷིཀཾ ལཱབྷཾ པརིཎཏཾ པུགྒལསྶ པརིཎཱམེནྟོ དྭེ ཨཱཔཏྟིཡོ ཨཱཔཛྫཏི. པརིཎཱམེཏི, པཡོགེ དུཀྐཊཾ; པརིཎཱམིཏེ ཨཱཔཏྟི པཱཙིཏྟིཡསྶ.

སཧདྷམྨིཀཝགྒོ ཨཊྛམོ.

༩. རཱཛཝགྒོ

༡༧༣. པུབྦེ ¶ ཨཔྤཊིསཾཝིདིཏོ རཉྙོ ཨནྟེཔུརཾ པཝིསནྟོ དྭེ ཨཱཔཏྟིཡོ ཨཱཔཛྫཏི. པཋམཾ པཱདཾ ཨུམྨཱརཾ ཨཏིཀྐཱམེཏི, ཨཱཔཏྟི དུཀྐཊསྶ; དུཏིཡཾ པཱདཾ ཨཏིཀྐཱམེཏི, ཨཱཔཏྟི པཱཙིཏྟིཡསྶ.

རཏནཾ ¶ ¶ ཨུགྒཎྷནྟོ དྭེ ཨཱཔཏྟིཡོ ཨཱཔཛྫཏི. གཎྷཱཏི, པཡོགེ དུཀྐཊཾ; གཧིཏེ ཨཱཔཏྟི པཱཙིཏྟིཡསྶ.

སནྟཾ བྷིཀྑུཾ ཨནཱཔུཙྪཱ ཝིཀཱལེ གཱམཾ པཝིསནྟོ དྭེ ཨཱཔཏྟིཡོ ཨཱཔཛྫཏི. པཋམཾ པཱདཾ པརིཀྑེཔཾ ཨཏིཀྐཱམེཏི, ཨཱཔཏྟི དུཀྐཊསྶ; དུཏིཡཾ པཱདཾ ཨཏིཀྐཱམེཏི, ཨཱཔཏྟི པཱཙིཏྟིཡསྶ.

ཨཊྛིམཡཾ ཝཱ དནྟམཡཾ ཝཱ ཝིསཱཎམཡཾ ཝཱ སཱུཙིགྷརཾ ཀཱརཱཔེནྟོ དྭེ ཨཱཔཏྟིཡོ ཨཱཔཛྫཏི. ཀཱརཱཔེཏི, པཡོགེ དུཀྐཊཾ; ཀཱརཱཔིཏེ ཨཱཔཏྟི པཱཙིཏྟིཡསྶ.

པམཱཎཱཏིཀྐནྟཾ མཉྩཾ ཝཱ པཱིཋཾ ཝཱ ཀཱརཱཔེནྟོ དྭེ ཨཱཔཏྟིཡོ ཨཱཔཛྫཏི. ཀཱརཱཔེཏི, པཡོགེ དུཀྐཊཾ; ཀཱརཱཔིཏེ ¶ ཨཱཔཏྟི པཱཙིཏྟིཡསྶ.

མཉྩཾ ཝཱ པཱིཋཾ ཝཱ ཏཱུལོནདྡྷཾ ཀཱརཱཔེནྟོ དྭེ ཨཱཔཏྟིཡོ ཨཱཔཛྫཏི. ཀཱརཱཔེཏི, པཡོགེ དུཀྐཊཾ; ཀཱརཱཔིཏེ ཨཱཔཏྟི པཱཙིཏྟིཡསྶ.

པམཱཎཱཏིཀྐནྟཾ ནིསཱིདནཾ ཀཱརཱཔེནྟོ དྭེ ཨཱཔཏྟིཡོ ཨཱཔཛྫཏི. ཀཱརཱཔེཏི, པཡོགེ དུཀྐཊཾ; ཀཱརཱཔིཏེ ཨཱཔཏྟི པཱཙིཏྟིཡསྶ.

པམཱཎཱཏིཀྐནྟཾ ཀཎྜུཔྤཊིཙྪཱདིཾ ཀཱརཱཔེནྟོ དྭེ ཨཱཔཏྟིཡོ ཨཱཔཛྫཏི. ཀཱརཱཔེཏི, པཡོགེ དུཀྐཊཾ; ཀཱརཱཔིཏེ ཨཱཔཏྟི པཱཙིཏྟིཡསྶ.

པམཱཎཱཏིཀྐནྟཾ ཝསྶིཀསཱཊིཀཾ ཀཱརཱཔེནྟོ དྭེ ཨཱཔཏྟིཡོ ཨཱཔཛྫཏི. ཀཱརཱཔེཏི, པཡོགེ དུཀྐཊཾ; ཀཱརཱཔིཏེ ཨཱཔཏྟི པཱཙིཏྟིཡསྶ.

ཙཱིཝརཾ ཀཱརཱཔེནྟོ ཀཏི ཨཱཔཏྟིཡོ ཨཱཔཛྫཏི? སུགཏཙཱིཝརཔྤམཱཎཾ ཙཱིཝརཾ ཀཱརཱཔེནྟོ དྭེ ཨཱཔཏྟིཡོ ཨཱཔཛྫཏི. ཀཱརཱཔེཏི ¶ , པཡོགེ དུཀྐཊཾ; ཀཱརཱཔིཏེ ཨཱཔཏྟི པཱཙིཏྟིཡསྶ – སུགཏཙཱིཝརཔྤམཱཎཾ ཙཱིཝརཾ ཀཱརཱཔེནྟོ ཨིམཱ དྭེ ཨཱཔཏྟིཡོ ཨཱཔཛྫཏི.

རཱཛཝགྒོ ནཝམོ. ཁུདྡཀཱ ནིཊྛིཏཱ.

༥. པཱཊིདེསནཱིཡཀཎྜཾ

༡༧༤. ཨཉྙཱཏིཀཱཡ ¶ ¶ བྷིཀྑུནིཡཱ ཨནྟརགྷརཾ པཝིཊྛཱཡ ཧཏྠཏོ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ བྷུཉྫནྟོ ཀཏི ཨཱཔཏྟིཡོ ཨཱཔཛྫཏི? ཨཉྙཱཏིཀཱཡ བྷིཀྑུནིཡཱ ཨནྟརགྷརཾ པཝིཊྛཱཡ ཧཏྠཏོ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ བྷུཉྫནྟོ དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ – ཨཉྙཱཏིཀཱཡ བྷིཀྑུནིཡཱ ཨནྟརགྷརཾ པཝིཊྛཱཡ ཧཏྠཏོ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ བྷུཉྫནྟོ ཨིམཱ དྭེ ཨཱཔཏྟིཡོ ཨཱཔཛྫཏི.

བྷིཀྑུནིཡཱ ཝོསཱསནྟིཡཱ ན ནིཝཱརེཏྭཱ བྷུཉྫནྟོ དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ.

སེཀྑསམྨཏེསུ ཀུལེསུ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ བྷུཉྫནྟོ དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ.

ཨཱརཉྙཀེསུ སེནཱསནེསུ པུབྦེ ཨཔྤཊིསཾཝིདིཏཾ ཁཱདནཱིཡཾ ཝཱ བྷོཛནཱིཡཾ ཝཱ ཨཛ྄ཛྷཱརཱམེ སཧཏྠཱ པཊིགྒཧེཏྭཱ བྷུཉྫནྟོ ཀཏི ཨཱཔཏྟིཡོ ཨཱཔཛྫཏི? ཨཱརཉྙཀེསུ སེནཱསནེསུ པུབྦེ ཨཔྤཊིསཾཝིདིཏཾ ཁཱདནཱིཡཾ ཝཱ བྷོཛནཱིཡཾ ཝཱ ཨཛ྄ཛྷཱརཱམེ སཧཏྠཱ པཊིགྒཧེཏྭཱ ¶ བྷུཉྫནྟོ དྭེ ཨཱཔཏྟིཡོ ཨཱཔཛྫཏི ¶ . བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ¶ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ – ཨཱརཉྙཀེསུ སེནཱསནེསུ པུབྦེ ཨཔྤཊིསཾཝིདིཏཾ ཁཱདནཱིཡཾ ཝཱ བྷོཛནཱིཡཾ ཝཱ ཨཛ྄ཛྷཱརཱམེ སཧཏྠཱ པཊིགྒཧེཏྭཱ བྷུཉྫནྟོ ཨིམཱ དྭེ ཨཱཔཏྟིཡོ ཨཱཔཛྫཏི.

ཙཏྟཱརོ པཱཊིདེསནཱིཡཱ ནིཊྛིཏཱ.

༦. སེཁིཡཀཎྜཾ

༡. པརིམཎྜལཝགྒོ

༡༧༥. ཨནཱདརིཡཾ ¶ པཊིཙྩ པུརཏོ ཝཱ པཙྪཏོ ཝཱ ཨོལམྦེནྟོ ནིཝཱསེནྟོ ཀཏི ཨཱཔཏྟིཡོ ཨཱཔཛྫཏི? ཨནཱདརིཡཾ པཊིཙྩ པུརཏོ ཝཱ པཙྪཏོ ཝཱ ཨོལམྦེནྟོ ནིཝཱསེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ – ཨནཱདརིཡཾ པཊིཙྩ པུརཏོ ཝཱ པཙྪཏོ ཝཱ ཨོལམྦེནྟོ ནིཝཱསེནྟོ ཨིམཾ ཨེཀཾ ཨཱཔཏྟིཾ ཨཱཔཛྫཏི.

…ཨནཱདརིཡཾ པཊིཙྩ པུརཏོ ཝཱ པཙྪཏོ ཝཱ ཨོལམྦེནྟོ པཱརུཔནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཀཱཡཾ ཝིཝརིཏྭཱ ཨནྟརགྷརེ གཙྪནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཀཱཡཾ ཝིཝརིཏྭཱ ཨནྟརགྷརེ ནིསཱིདནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཧཏྠཾ ཝཱ པཱདཾ ཝཱ ཀཱིལཱ༹པེནྟོ ཨནྟརགྷརེ གཙྪནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ ¶ པཊིཙྩ ཧཏྠཾ ཝཱ པཱདཾ ཝཱ ཀཱིལཱ༹པེནྟོ ཨནྟརགྷརེ ནིསཱིདནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཏཧཾ ཏཧཾ ཨོལོཀེནྟོ ཨནྟརགྷརེ གཙྪནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཏཧཾ ཏཧཾ ཨོལོཀེནྟོ ཨནྟརགྷརེ ནིསཱིདནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ ¶ ¶ པཊིཙྩ ཨུཀྑིཏྟཀཱཡ ཨནྟརགྷརེ གཙྪནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཨུཀྑིཏྟཀཱཡ ཨནྟརགྷརེ ནིསཱིདནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

པརིམཎྜལཝགྒོ པཋམོ.

༢. ཨུཛྫགྒྷིཀཝགྒོ

༡༧༦. …ཨནཱདརིཡཾ པཊིཙྩ ཨུཛྫགྒྷིཀཱཡ ཨནྟརགྷརེ གཙྪནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཨུཛྫགྒྷིཀཱཡ ཨནྟརགྷརེ ནིསཱིདནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཨུཙྩཱསདྡཾ མཧཱསདྡཾ ཀརོནྟོ ཨནྟརགྷརེ གཙྪནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཨུཙྩཱསདྡཾ མཧཱསདྡཾ ཀརོནྟོ ཨནྟརགྷརེ ནིསཱིདནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཀཱཡཔྤཙཱལཀཾ ཨནྟརགྷརེ གཙྪནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཀཱཡཔྤཙཱལཀཾ ཨནྟརགྷརེ ནིསཱིདནྟོ ཨེཀཾ ¶ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ བཱཧུཔྤཙཱལཀཾ ཨནྟརགྷརེ གཙྪནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ ¶ པཊིཙྩ བཱཧུཔྤཙཱལཀཾ ཨནྟརགྷརེ ནིསཱིདནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ སཱིསཔྤཙཱལཀཾ ཨནྟརགྷརེ གཙྪནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ སཱིསཔྤཙཱལཀཾ ཨནྟརགྷརེ ནིསཱིདནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

ཨུཛྫགྒྷིཀཝགྒོ དུཏིཡོ.

༣. ཁམྦྷཀཏཝགྒོ

༡༧༧. …ཨནཱདརིཡཾ ¶ པཊིཙྩ ཁམྦྷཀཏོ ཨནྟརགྷརེ གཙྪནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཁམྦྷཀཏོ ཨནྟརགྷརེ ནིསཱིདནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཨོགུཎྛིཏོ ཨནྟརགྷརེ གཙྪནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཨོགུཎྛིཏོ ཨནྟརགྷརེ ནིསཱིདནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ ¶ པཊིཙྩ ཨུཀྐུཊིཀཱཡ ཨནྟརགྷརེ གཙྪནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ པལླཏྠིཀཱཡ ཨནྟརགྷརེ ནིསཱིདནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ ¶ པཊིཙྩ ཨསཀྐཙྩཾ པིཎྜཔཱཏཾ པཊིགྒཎྷནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ ¶ པཊིཙྩ ཏཧཾ ཏཧཾ ཨོལོཀེནྟོ པིཎྜཔཱཏཾ པཊིགྒཎྷནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ སཱུཔཉྙེཝ བཧུཾ པཊིགྒཎྷནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཐཱུཔཱིཀཏཾ པིཎྜཔཱཏཾ པཊིགྒཎྷནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

ཁམྦྷཀཏཝགྒོ ཏཏིཡོ.

༤. པིཎྜཔཱཏཝགྒོ

༡༧༨. …ཨནཱདརིཡཾ པཊིཙྩ ཨསཀྐཙྩཾ པིཎྜཔཱཏཾ བྷུཉྫནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ ¶ པཊིཙྩ ཏཧཾ ཏཧཾ ཨོལོཀེནྟོ པིཎྜཔཱཏཾ བྷུཉྫནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཏཧཾ ཏཧཾ ཨོམསིཏྭཱ པིཎྜཔཱཏཾ བྷུཉྫནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ སཱུཔཉྙེཝ བཧུཾ བྷུཉྫནྟོ ཨེཀཾ ཨཱཔཏྟིཾ ¶ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཐཱུཔཀཏོ ཨོམདྡིཏྭཱ པིཎྜཔཱཏཾ བྷུཉྫནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ སཱུཔཾ ཝཱ བྱཉྫནཾ ཝཱ ཨོདནེན པཊིཙྪཱདེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ ¶ པཊིཙྩ སཱུཔཾ ཝཱ ཨོདནཾ ཝཱ ཨགིལཱནོ ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཨུཛ྄ཛྷཱནསཉྙཱི པརེསཾ པཏྟཾ ཨོལོཀེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ མཧནྟཾ ཀབལ༹ཾ ཀརོནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ དཱིགྷཾ ཨཱལོཔཾ ཀརོནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

པིཎྜཔཱཏཝགྒོ ཙཏུཏྠོ.

༥. ཀབལ༹ཝགྒོ

༡༧༩. …ཨནཱདརིཡཾ པཊིཙྩ ཨནཱཧཊེ ཀབལེ༹ མུཁདྭཱརཾ ཝིཝརནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ བྷུཉྫམཱནོ སབྦཾ ཧཏྠཾ མུཁེ པཀྑིཔནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ སཀབལེ༹ན མུཁེན བྱཱཧརནྟོ ཨེཀཾ ཨཱཔཏྟིཾ ¶ ཨཱཔཛྫཏི. དུཀྐཊཾ….

…ཨནཱདརིཡཾ ¶ པཊིཙྩ པིཎྜུཀྑེཔཀཾ བྷུཉྫནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཀབལཱ༹ཝཙྪེདཀཾ བྷུཉྫནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཨཝགཎྜཀཱརཀཾ བྷུཉྫནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཧཏྠནིདྡྷུནཀཾ བྷུཉྫནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ སིཏྠཱཝཀཱརཀཾ བྷུཉྫནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ ¶ པཊིཙྩ ཛིཝ྄ཧཱནིཙྪཱརཀཾ བྷུཉྫནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཙཔུཙཔུཀཱརཀཾ བྷུཉྫནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

ཀབལ༹ཝགྒོ པཉྩམོ.

༦. སུརུསུརུཝགྒོ

༡༨༠. …ཨནཱདརིཡཾ པཊིཙྩ སུརུསུརུཀཱརཀཾ བྷུཉྫནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཧཏྠནིལླེཧཀཾ བྷུཉྫནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ ¶ པཊིཙྩ པཏྟནིལླེཧཀཾ བྷུཉྫནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཨོཊྛནིལླེཧཀཾ བྷུཉྫནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ ¶ པཊིཙྩ སཱམིསེན ཧཏྠེན པཱནཱིཡཐཱལཀཾ པཊིགྒཎྷནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ ¶ པཊིཙྩ སསིཏྠཀཾ པཏྟདྷོཝནཾ ཨནྟརགྷརེ ཚཌྜེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཚཏྟཔཱཎིསྶ དྷམྨཾ དེསེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ དཎྜཔཱཎིསྶ དྷམྨཾ དེསེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ སཏྠཔཱཎིསྶ དྷམྨཾ དེསེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཨཱཝུདྷཔཱཎིསྶ དྷམྨཾ དེསེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

སུརུསུརུཝགྒོ ཚཊྛོ.

༧. པཱདུཀཝགྒོ

༡༨༡. …ཨནཱདརིཡཾ ¶ པཊིཙྩ པཱདུཀཱརུལ༹ྷསྶ དྷམྨཾ དེསེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཨུཔཱཧནཱརུལ༹ྷསྶ དྷམྨཾ དེསེནྟོ ཨེཀཾ ¶ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཡཱནགཏསྶ དྷམྨཾ དེསེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ སཡནགཏསྶ དྷམྨཾ དེསེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ པལླཏྠིཀཱཡ ནིསིནྣསྶ དྷམྨཾ དེསེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཝེཋིཏསཱིསསྶ དྷམྨཾ དེསེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཨོགུཎྛིཏསཱིསསྶ དྷམྨཾ དེསེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ ¶ པཊིཙྩ ཚམཱཡཾ ནིསཱིདིཏྭཱ ཨཱསནེ ནིསིནྣསྶ དྷམྨཾ དེསེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ནཱིཙེ ཨཱསནེ ནིསཱིདིཏྭཱ ཨུཙྩེ ཨཱསནེ ནིསིནྣསྶ དྷམྨཾ དེསེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཋིཏོ ནིསིནྣསྶ དྷམྨཾ དེསེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ པཙྪཏོ གཙྪནྟོ པུརཏོ གཙྪནྟསྶ དྷམྨཾ དེསེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ ¶ པཊིཙྩ ཨུཔྤཐེན གཙྪནྟོ པཐེན གཙྪནྟསྶ དྷམྨཾ ¶ དེསེནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཋིཏོ ཨུཙྩཱརཾ ཝཱ པསྶཱཝཾ ཝཱ ཀརོནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

…ཨནཱདརིཡཾ པཊིཙྩ ཧརིཏེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ….

ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟོ ཀཏི ཨཱཔཏྟིཡོ ཨཱཔཛྫཏི? ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ – ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟོ ཨིམཾ ཨེཀཾ ཨཱཔཏྟིཾ ཨཱཔཛྫཏི.

པཱདུཀཝགྒོ སཏྟམོ.

སེཁིཡཱ ནིཊྛིཏཱ.

ཀཏཱཔཏྟིཝཱརོ ནིཊྛིཏོ དུཏིཡོ.

༣. ཝིཔཏྟིཝཱརོ

༡༨༢. མེཐུནཾ ¶ དྷམྨཾ པཊིསེཝནྟསྶ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? མེཐུནཾ དྷམྨཾ པཊིསེཝནྟསྶ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ, སིཡཱ ཨཱཙཱརཝིཔཏྟིཾ…པེ….

ཨནཱདརིཡཾ ¶ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟསྶ ཨཱཔཏྟི ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛཏི? ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ¶ ཝཱ ཀརོནྟསྶ ཨཱཔཏྟི ཙཏུནྣཾ ཝིཔཏྟཱིནཾ ཨེཀཾ ཝིཔཏྟིཾ བྷཛཏི – ཨཱཙཱརཝིཔཏྟིཾ.

ཝིཔཏྟིཝཱརོ ནིཊྛིཏོ ཏཏིཡོ.

༤. སངྒཧིཏཝཱརོ

༡༨༣. མེཐུནཾ ¶ དྷམྨཾ པཊིསེཝནྟསྶ ཨཱཔཏྟིཡོ སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? མེཐུནཾ དྷམྨཾ པཊིསེཝནྟསྶ ཨཱཔཏྟིཡོ སཏྟནྣཾ ཨཱཔཏྟིཀྑནྡྷཱནཾ ཏཱིཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱརཱཛིཀཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན…པེ….

ཨནཱདརིཡཾ ¶ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟསྶ ཨཱཔཏྟི སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟསྶ ཨཱཔཏྟི སཏྟནྣཾ ཨཱཔཏྟིཀྑནྡྷཱནཾ ཨེཀེན ཨཱཔཏྟིཀྑནྡྷེན སངྒཧིཏཱ – དུཀྐཊཱཔཏྟིཀྑནྡྷེན.

སངྒཧིཏཝཱརོ ནིཊྛིཏོ ཙཏུཏྠོ.

༥. སམུཊྛཱནཝཱརོ

༡༨༤. མེཐུནཾ ¶ དྷམྨཾ པཊིསེཝནྟསྶ ཨཱཔཏྟིཡོ ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛནྟི [སམུཊྛཧནྟི (སཱི. སྱཱ.)]? མེཐུནཾ དྷམྨཾ པཊིསེཝནྟསྶ ཨཱཔཏྟིཡོ ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི – ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ…པེ….

ཨནཱདརིཡཾ ¶ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟསྶ ཨཱཔཏྟི ཚནྣཾ ཨཱཔཏྟིསམུཊྛཱནཱནཾ ཀཏིཧི ¶ སམུཊྛཱནེཧི སམུཊྛཱཏི? ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟསྶ ཨཱཔཏྟི ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ.

སམུཊྛཱནཝཱརོ ནིཊྛིཏོ པཉྩམོ.

༦. ཨདྷིཀརཎཝཱརོ

༡༨༥. མེཐུནཾ ¶ དྷམྨཾ པཊིསེཝནྟསྶ ཨཱཔཏྟིཡོ ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? མེཐུནཾ དྷམྨཾ པཊིསེཝནྟསྶ ཨཱཔཏྟིཡོ ཙཏུནྣཾ ཨདྷིཀརཎཱནཾ ཨཱཔཏྟཱདྷིཀརཎཾ…པེ….

ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟསྶ ཨཱཔཏྟི ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟསྶ ཨཱཔཏྟི ཙཏུནྣཾ ཨདྷིཀརཎཱནཾ ཨཱཔཏྟཱདྷིཀརཎཾ.

ཨདྷིཀརཎཝཱརོ ནིཊྛིཏོ ཚཊྛོ.

༧. སམཐཝཱརོ

༡༨༦. མེཐུནཾ ¶ དྷམྨཾ པཊིསེཝནྟསྶ ཨཱཔཏྟིཡོ སཏྟནྣཾ སམཐཱནཾ ཀཏིཧི སམཐེཧི སམྨནྟི? མེཐུནཾ དྷམྨཾ པཊིསེཝནྟསྶ ཨཱཔཏྟིཡོ སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ…པེ….

ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟསྶ ཨཱཔཏྟི སཏྟནྣཾ སམཐཱནཾ ཀཏིཧི སམཐེཧི སམྨཏི? ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ¶ ཝཱ ཀརོནྟསྶ ཨཱཔཏྟི སཏྟནྣཾ སམཐཱནཾ ཏཱིཧི སམཐེཧི སམྨཏི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

སམཐཝཱརོ ནིཊྛིཏོ སཏྟམོ.

༨. སམུཙྩཡཝཱརོ

༡༨༧. མེཐུནཾ ¶ ¶ དྷམྨཾ པཊིསེཝནྟོ ཀཏི ཨཱཔཏྟིཡོ ཨཱཔཛྫཏི? མེཐུནཾ དྷམྨཾ པཊིསེཝནྟོ ཏིསྶོ ཨཱཔཏྟིཡོ ཨཱཔཛྫཏི. ཨཀྑཱཡིཏེ སརཱིརེ མེཐུནཾ དྷམྨཾ པཊིསེཝཏི, ཨཱཔཏྟི པཱརཱཛིཀསྶ; ཡེབྷུཡྻེན ཁཱཡིཏེ སརཱིརེ མེཐུནཾ དྷམྨཾ པཊིསེཝཏི, ཨཱཔཏྟི ཐུལླཙྩཡསྶ; ཝཊྚཀཏེ མུཁེ ཨཙྪུཔནྟཾ ¶ ཨངྒཛཱཏཾ པཝེསེཏི, ཨཱཔཏྟི དུཀྐཊསྶ – མེཐུནཾ དྷམྨཾ པཊིསེཝནྟོ ཨིམཱ ཏིསྶོ ཨཱཔཏྟིཡོ ཨཱཔཛྫཏི.

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི, སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ, ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛནྟི, ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ, སཏྟནྣཾ སམཐཱནཾ ཀཏིཧི སམཐེཧི སམྨནྟི? ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ, སིཡཱ ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ ཏཱིཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱརཱཛིཀཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི – ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ. ཙཏུནྣཾ ཨདྷིཀརཎཱནཾ, ཨཱཔཏྟཱདྷིཀརཎཾ. སཏྟནྣཾ ¶ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ…པེ….

ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟོ ཀཏི ཨཱཔཏྟིཡོ ཨཱཔཛྫཏི? ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟོ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ – ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟོ ཨིམཾ ཨེཀཾ ཨཱཔཏྟིཾ ཨཱཔཛྫཏི.

སཱ ¶ ཨཱཔཏྟི ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛཏི, སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ, ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏི, ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ, སཏྟནྣཾ, སམཐཱནཾ ཀཏིཧི སམཐེཧི སམྨཏི? སཱ ཨཱཔཏྟི ཙཏུནྣཾ ཝིཔཏྟཱིནཾ ཨེཀཾ ཝིཔཏྟིཾ བྷཛཏི – ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ ཨེཀེན ཨཱཔཏྟིཀྑནྡྷེན སངྒཧིཏཱ – དུཀྐཊཱཔཏྟིཀྑནྡྷེན. ཚནྣཾ ¶ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ. ཙཏུནྣཾ ཨདྷིཀརཎཱནཾ, ཨཱཔཏྟཱདྷིཀརཎཾ. སཏྟནྣཾ སམཐཱནཾ ཏཱིཧི སམཐེཧི སམྨཏི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

སམུཙྩཡཝཱརོ ནིཊྛིཏོ ཨཊྛམོ.

ཨིམེ ཨཊྛ ཝཱརཱ སཛ྄ཛྷཱཡམགྒེན ལིཁིཏཱ.

ཏསྶུདྡཱནཾ –

ཀཏྠཔཉྙཏྟི ¶ ཀཏི ཙ, ཝིཔཏྟིསངྒཧེན ཙ;

སམུཊྛཱནཱདྷིཀརཎཱ སམཐོ, སམུཙྩཡེན ཙཱཏི.

༡. ཀཏྠཔཉྙཏྟིཝཱརོ

༡. པཱརཱཛིཀཀཎྜཾ

༡༨༨. ཡཾ ¶ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན མེཐུནཾ དྷམྨཾ པཊིསེཝནཔཙྩཡཱ པཱརཱཛིཀཾ ཀཏྠ པཉྙཏྟཾ, ཀཾ ཨཱརབྦྷ, ཀིསྨིཾ ཝཏྠུསྨིཾ…པེ… ཀེནཱབྷཏནྟི?

ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན མེཐུནཾ དྷམྨཾ པཊིསེཝནཔཙྩཡཱ པཱརཱཛིཀཾ ¶ ཀཏྠ པཉྙཏྟནྟི? ཝེསཱལིཡཾ པཉྙཏྟཾ. ཀཾ ཨཱརབྦྷཱཏི? སུདིནྣཾ ཀལནྡཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི? སུདིནྣོ ཀལནྡཔུཏྟོ པུརཱཎདུཏིཡིཀཱཡ མེཐུནཾ དྷམྨཾ པཊིསེཝི, ཏསྨིཾ ཝཏྠུསྨིཾ. ཨཏྠི ཏཏྠ པཉྙཏྟི, ཨནུཔཉྙཏྟི, ཨནུཔྤནྣཔཉྙཏྟཱིཏི? ཨེཀཱ པཉྙཏྟི, དྭེ ཨནུཔཉྙཏྟིཡོ. ཨནུཔྤནྣཔཉྙཏྟི ཏསྨིཾ ནཏྠི. སབྦཏྠ པཉྙཏྟི, པདེསཔཉྙཏྟཱིཏི? སབྦཏྠཔཉྙཏྟི. སཱདྷཱརཎཔཉྙཏྟི, ཨསཱདྷཱརཎཔཉྙཏྟཱིཏི? སཱདྷཱརཎཔཉྙཏྟི. ཨེཀཏོཔཉྙཏྟི, ཨུབྷཏོཔཉྙཏྟཱིཏི? ཨུབྷཏོཔཉྙཏྟི. པཉྩནྣཾ པཱཏིམོཀྑུདྡེསཱནཾ ཀཏྠོགདྷཾ ཀཏྠ པརིཡཱཔནྣནྟི? ནིདཱནོགདྷཾ ནིདཱནཔརིཡཱཔནྣཾ. ཀཏམེན ཨུདྡེསེན ཨུདྡེསཾ ཨཱགཙྪཏཱིཏི? དུཏིཡེན ཨུདྡེསེན ཨུདྡེསཾ ཨཱགཙྪཏི. ཙཏུནྣཾ ཝིཔཏྟཱིནཾ ཀཏམཱ ཝིཔཏྟཱིཏི? སཱིལཝིཔཏྟི. སཏྟནྣཾ ཨཱཔཏྟིཀྑནྡྷཱནཾ ཀཏམོ ¶ ཨཱཔཏྟིཀྑནྡྷོཏི? པཱརཱཛིཀཱཔཏྟིཀྑནྡྷོ. ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏཱིཏི? ཨེཀེན སམུཊྛཱནེན སམུཊྛཱཏི – ཀཱཡཏོ ¶ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ… ཀེནཱབྷཏནྟི? པརམྤརཱབྷཏཾ –

ཨུཔཱལི དཱསཀོ ཙེཝ, སོཎཀོ སིགྒཝོ ཏཐཱ;

མོགྒལིཔུཏྟེན པཉྩམཱ, ཨེཏེ ཛམྦུསིརིཝ྄ཧཡེ. …པེ…;

ཨེཏེ ¶ ནཱགཱ མཧཱཔཉྙཱ, ཝིནཡཉྙཱུ མགྒཀོཝིདཱ;

ཝིནཡཾ དཱིཔེ པཀཱསེསུཾ, པིཊཀཾ ཏམྦཔཎྞིཡཱཏི.

༡༨༩. ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཨདིནྣཾ ཨཱདིཡནཔཙྩཡཱ པཱརཱཛིཀཾ ཀཏྠ པཉྙཏྟནྟི? རཱཛགཧེ པཉྙཏྟཾ. ཀཾ ཨཱརབྦྷཱཏི? དྷནིཡཾ ཀུམྦྷཀཱརཔུཏྟཾ ཨཱརབྦྷ. ཀིསྨིཾ ཝཏྠུསྨིནྟི? དྷནིཡོ ཀུམྦྷཀཱརཔུཏྟོ རཉྙོ དཱརཱུནི ཨདིནྣཾ ཨཱདིཡི, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༡༩༠. སཉྩིཙྩ མནུསྶཝིགྒཧཾ ཛཱིཝིཏཱ ཝོརོཔནཔཙྩཡཱ པཱརཱཛིཀཾ ¶ ཀཏྠ པཉྙཏྟནྟི? ཝེསཱལིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ ཨཉྙམཉྙཾ ཛཱིཝིཏཱ ཝོརོཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༡༩༡. ཨསནྟཾ ཨབྷཱུཏཾ ཨུཏྟརིམནུསྶདྷམྨཾ ཨུལླཔནཔཙྩཡཱ པཱརཱཛིཀཾ ཀཏྠ པཉྙཏྟནྟི? ཝེསཱལིཡཾ པཉྙཏྟཾ. ཀཾ ཨཱརབྦྷཱཏི? ཝགྒུམུདཱཏཱིརིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཝགྒུམུདཱཏཱིརིཡཱ བྷིཀྑཱུ གིཧཱིནཾ ཨཉྙམཉྙསྶ ཨུཏྟརིམནུསྶདྷམྨསྶ ཝཎྞཾ བྷཱསིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཙཏྟཱརོ པཱརཱཛིཀཱ ནིཊྛིཏཱ.

༢. སངྒྷཱདིསེསཀཎྜཱདི

༡༩༢. ཡཾ ¶ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཨུཔཀྐམིཏྭཱ ཨསུཙིཾ མོཙནཔཙྩཡཱ སངྒྷཱདིསེསོ ཀཏྠ པཉྙཏྟོ, ཀཾ ཨཱརབྦྷ, ཀིསྨིཾ ཝཏྠུསྨིཾ…པེ… ཀེནཱབྷཏནྟི?

ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཨུཔཀྐམིཏྭཱ ཨསུཙིཾ མོཙནཔཙྩཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ ¶ པཉྙཏྟོ. ཀཾ ཨཱརབྦྷཱཏི? ཨཱཡསྨནྟཾ སེཡྻསཀཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ སེཡྻསཀོ ཨུཔཀྐམིཏྭཱ ཨསུཙིཾ མོཙེསི, ཏསྨིཾ ཝཏྠུསྨིཾ. ཨཏྠི ཏཏྠ པཉྙཏྟི, ཨནུཔཉྙཏྟི, ཨནུཔྤནྣཔཉྙཏྟཱིཏི? ཨེཀཱ པཉྙཏྟི, ཨེཀཱ ཨནུཔཉྙཏྟི. ཨནུཔྤནྣཔཉྙཏྟི ཏསྨིཾ ནཏྠི. སབྦཏྠཔཉྙཏྟི, པདེསཔཉྙཏྟཱིཏི? སབྦཏྠཔཉྙཏྟི. སཱདྷཱརཎཔཉྙཏྟི, ཨསཱདྷཱརཎཔཉྙཏྟཱིཏི? ཨསཱདྷཱརཎཔཉྙཏྟི. ཨེཀཏོཔཉྙཏྟི, ཨུབྷཏོཔཉྙཏྟཱིཏི? ཨེཀཏོཔཉྙཏྟི. པཉྩནྣཾ པཱཏིམོཀྑུདྡེསཱནཾ ཀཏྠོགདྷཾ ཀཏྠ པརིཡཱཔནྣནྟི? ནིདཱནོགདྷཾ ནིདཱནཔརིཡཱཔནྣཾ. ཀཏམེན ཨུདྡེསེན ཨུདྡེསཾ ཨཱགཙྪཏཱིཏི? ཏཏིཡེན ཨུདྡེསེན ཨུདྡེསཾ ཨཱགཙྪཏི. ཙཏུནྣཾ ཝིཔཏྟཱིནཾ ཀཏམཱ ཝིཔཏྟཱིཏི? སཱིལཝིཔཏྟི. སཏྟནྣཾ ཨཱཔཏྟིཀྑནྡྷཱནཾ ཀཏམོ ཨཱཔཏྟིཀྑནྡྷོཏི? སངྒྷཱདིསེསཱཔཏྟིཀྑནྡྷོ. ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏཱིཏི? ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ… ཀེནཱབྷཏནྟི? པརམྤརཱབྷཏཾ –

ཨུཔཱལི དཱསཀོ ཙེཝ, སོཎཀོ སིགྒཝོ ཏཐཱ;

མོགྒལིཔུཏྟེན པཉྩམཱ, ཨེཏེ ཛམྦུསིརིཝ྄ཧཡེ. …པེ…;

ཨེཏེ ནཱགཱ མཧཱཔཉྙཱ, ཝིནཡཉྙཱུ མགྒཀོཝིདཱ;

ཝིནཡཾ ¶ དཱིཔེ པཀཱསེསུཾ, པིཊཀཾ ཏམྦཔཎྞིཡཱཏི.

མཱཏུགཱམེན སདྡྷིཾ ཀཱཡསཾསགྒཾ སམཱཔཛྫནཔཙྩཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཨཱཡསྨནྟཾ ཨུདཱཡིཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུདཱཡཱི མཱཏུགཱམེན སདྡྷིཾ ཀཱཡསཾསགྒཾ སམཱཔཛྫི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

མཱཏུགཱམཾ ¶ དུཊྛུལླཱཧི ཝཱཙཱཧི ཨོབྷཱསནཔཙྩཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ ¶ པཉྙཏྟོ. ཀཾ ཨཱརབྦྷཱཏི? ཨཱཡསྨནྟཾ ཨུདཱཡིཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུདཱཡཱི མཱཏུགཱམཾ དུཊྛུལླཱཧི ཝཱཙཱཧི ཨོབྷཱསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

མཱཏུགཱམསྶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསནཔཙྩཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཨཱཡསྨནྟཾ ཨུདཱཡིཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུདཱཡཱི མཱཏུགཱམསྶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ¶ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

སཉྩརིཏྟཾ སམཱཔཛྫནཔཙྩཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཨཱཡསྨནྟཾ ཨུདཱཡིཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཨུདཱཡཱི སཉྩརིཏྟཾ སམཱཔཛྫི, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི – སིཡཱ ཀཱཡཏོ སམུཊྛཱཏི, ན ཝཱཙཏོ ན ཙིཏྟཏོ; སིཡཱ ཝཱཙཏོ སམུཊྛཱཏི, ན ཀཱཡཏོ ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ སམུཊྛཱཏི, ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

སཉྙཱཙིཀཱཡ ཀུཊིཾ ཀཱརཱཔནཔཙྩཡཱ སངྒྷཱདིསེསོ ཀཏྠ པཉྙཏྟོཏི ¶ ? ཨཱལ༹ཝིཡཾ པཉྙཏྟོ. ཀཾ ཨཱརབྦྷཱཏི? ཨཱལ༹ཝཀེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཨཱལ༹ཝཀཱ བྷིཀྑཱུ སཉྙཱཙིཀཱཡ ཀུཊིཡོ ཀཱརཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

མཧལླཀཾ ¶ ཝིཧཱརཾ ཀཱརཱཔནཔཙྩཡཱ སངྒྷཱདིསེསོ ཀཏྠ པཉྙཏྟོཏི? ཀོསམྦིཡཾ པཉྙཏྟོ. ཀཾ ཨཱརབྦྷཱཏི? ཨཱཡསྨནྟཾ ཚནྣཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཚནྣོ ཝིཧཱརཝཏྠུཾ སོདྷེནྟོ ཨཉྙཏརཾ ཙེཏིཡརུཀྑཾ ཚེདཱཔེསི, ཏསྨིཾ ཝཏྠུསྨིཾ. ཨེཀཱ ¶ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

བྷིཀྑུཾ ¶ ཨམཱུལཀེན པཱརཱཛིཀེན དྷམྨེན ཨནུདྡྷཾསནཔཙྩཡཱ སངྒྷཱདིསེསོ ཀཏྠ པཉྙཏྟོཏི? རཱཛགཧེ པཉྙཏྟོ. ཀཾ ཨཱརབྦྷཱཏི? མེཏྟིཡབྷཱུམཛཀེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? མེཏྟིཡབྷཱུམཛཀཱ བྷིཀྑཱུ ཨཱཡསྨནྟཾ དབྦཾ མལླཔུཏྟཾ ཨམཱུལཀེན པཱརཱཛིཀེན དྷམྨེན ཨནུདྡྷཾསེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

བྷིཀྑུཾ ཨཉྙབྷཱགིཡསྶ ཨདྷིཀརཎསྶ ཀིཉྩིདེསཾ ལེསམཏྟཾ ཨུཔཱདཱཡ པཱརཱཛིཀེན དྷམྨེན ཨནུདྡྷཾསནཔཙྩཡཱ སངྒྷཱདིསེསོ ཀཏྠ པཉྙཏྟོཏི? རཱཛགཧེ པཉྙཏྟོ. ཀཾ ཨཱརབྦྷཱཏི? མེཏྟིཡབྷཱུམཛཀེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? མེཏྟིཡབྷཱུམཛཀཱ བྷིཀྑཱུ ཨཱཡསྨནྟཾ དབྦཾ མལླཔུཏྟཾ ཨཉྙབྷཱགིཡསྶ ཨདྷིཀརཎསྶ ཀིཉྩི དེསཾ ལེསམཏྟཾ ཨུཔཱདཱཡ པཱརཱཛིཀེན དྷམྨེན ཨནུདྡྷཾསེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

སངྒྷབྷེདཀསྶ བྷིཀྑུནོ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ སངྒྷཱདིསེསོ ཀཏྠ པཉྙཏྟོཏི? རཱཛགཧེ པཉྙཏྟོ. ཀཾ ཨཱརབྦྷཱཏི? དེཝདཏྟཾ ཨཱརབྦྷ. ཀིསྨིཾ ཝཏྠུསྨིནྟི? དེཝདཏྟོ སམགྒསྶ སངྒྷསྶ བྷེདཱཡ པརཀྐམི, ཏསྨིཾ ¶ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

བྷེདཀཱནུཝཏྟཀཱནཾ བྷིཀྑཱུནཾ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ སངྒྷཱདིསེསོ ཀཏྠ པཉྙཏྟོཏི? རཱཛགཧེ པཉྙཏྟོ. ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ དེཝདཏྟསྶ སངྒྷབྷེདཱཡ པརཀྐམནྟསྶ ཨནུཝཏྟཀཱ ཨཧེསུཾ ཝགྒཝཱདཀཱ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེ ¶ སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

དུབྦཙསྶ བྷིཀྑུནོ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ སངྒྷཱདིསེསོ ཀཏྠ པཉྙཏྟོཏི? ཀོསམྦིཡཾ པཉྙཏྟོ. ཀཾ ཨཱརབྦྷཱཏི? ཨཱཡསྨནྟཾ ཚནྣཾ ཨཱརབྦྷ. ཀིསྨིཾ ཝཏྠུསྨིནྟི? ཨཱཡསྨཱ ཚནྣོ བྷིཀྑཱུཧི སཧདྷམྨིཀཾ ཝུཙྩམཱནོ ཨཏྟཱནཾ ཨཝཙནཱིཡཾ ཨཀཱསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཀུལདཱུསཀསྶ ¶ བྷིཀྑུནོ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཨསྶཛིཔུནབྦསུཀེ བྷིཀྑཱུ ཨཱརབྦྷ. ཀིསྨིཾ ¶ ཝཏྠུསྨིནྟི? ཨསྶཛིཔུནབྦསུཀཱ བྷིཀྑཱུ སངྒྷེན པབྦཱཛནཱིཡཀམྨཀཏཱ བྷིཀྑཱུ ཚནྡགཱམིཏཱ དོསགཱམིཏཱ མོཧགཱམིཏཱ བྷཡགཱམིཏཱ པཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརཎཔཙྩཡཱ དུཀྐཊཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨུདཀེ ཨུཙྩཱརམྤི པསྶཱཝམྤི ཁེལ༹མྤི ཨཀཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཀཏྠཔཉྙཏྟིཝཱརོ ནིཊྛིཏོ པཋམོ.

༢. ཀཏཱཔཏྟིཝཱརོ

༡. པཱརཱཛིཀཀཎྜཾ

༡༩༣. མེཐུནཾ ¶ དྷམྨཾ པཊིསེཝནཔཙྩཡཱ ཀཏི ཨཱཔཏྟིཡོ ཨཱཔཛྫཏི ¶ ? མེཐུནཾ དྷམྨཾ པཊིསེཝནཔཙྩཡཱ ཙཏསྶོ ཨཱཔཏྟིཡོ ཨཱཔཛྫཏི – ཨཀྑཱཡིཏེ སརཱིརེ མེཐུནཾ དྷམྨཾ པཊིསེཝཏི, ཨཱཔཏྟི པཱརཱཛིཀསྶ; ཡེབྷུཡྻེན ཁཱཡིཏེ སརཱིརེ མེཐུནཾ དྷམྨཾ པཊིསེཝཏི, ཨཱཔཏྟི ཐུལླཙྩཡསྶ ¶ ; ཝཊྚཀཏེ མུཁེ ཨཙྪུཔནྟཾ ཨངྒཛཱཏཾ པཝེསེཏི, ཨཱཔཏྟི དུཀྐཊསྶ; ཛཏུམཊྛཀེ པཱཙིཏྟིཡཾ – མེཐུནཾ དྷམྨཾ པཊིསེཝནཔཙྩཡཱ ཨིམཱ ¶ ཙཏསྶོ ཨཱཔཏྟིཡོ ཨཱཔཛྫཏི.

ཨདིནྣཾ ཨཱདིཡནཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཨདིནྣཾ ཨཱདིཡནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི. པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཨདིནྣཾ ཐེཡྻསངྑཱཏཾ ཨཱདིཡཏི, ཨཱཔཏྟི པཱརཱཛིཀསྶ; ཨཏིརེཀམཱསཀཾ ཝཱ ཨཱུནཔཉྩམཱསཀཾ ཝཱ ཨགྒྷནཀཾ ཨདིནྣཾ ཐེཡྻསངྑཱཏཾ ཨཱདིཡཏི, ཨཱཔཏྟི ཐུལླཙྩཡསྶ; མཱསཀཾ ཝཱ ཨཱུནམཱསཀཾ ཝཱ ཨགྒྷནཀཾ ཨདིནྣཾ ཐེཡྻསངྑཱཏཾ ཨཱདིཡཏི, ཨཱཔཏྟི དུཀྐཊསྶ – ཨདིནྣཾ ཨཱདིཡནཔཙྩཡཱ ཨིམཱ ཏིསྶོ ཨཱཔཏྟིཡོ ཨཱཔཛྫཏི.

སཉྩིཙྩ མནུསྶཝིགྒཧཾ ཛཱིཝིཏཱ ཝོརོཔནཔཙྩཡཱ ཀཏི ཨཱཔཏྟིཡོ ཨཱཔཛྫཏི? སཉྩིཙྩ མནུསྶཝིགྒཧཾ ཛཱིཝིཏཱ ཝོརོཔནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི. མནུསྶཾ ཨོདིསྶ ཨོཔཱཏཾ ཁཎཏི ‘‘པཔཏིཏྭཱ མརིསྶཏཱི’’ཏི, ཨཱཔཏྟི དུཀྐཊསྶ; པཔཏིཏེ དུཀྑཱ ཝེདནཱ ཨུཔྤཛྫཏི, ཨཱཔཏྟི ཐུལླཙྩཡསྶ; མརཏི, ཨཱཔཏྟི པཱརཱཛིཀསྶ – སཉྩིཙྩ མནུསྶཝིགྒཧཾ ཛཱིཝིཏཱ ཝོརོཔནཔཙྩཡཱ ཨིམཱ ཏིསྶོ ཨཱཔཏྟིཡོ ཨཱཔཛྫཏི.

ཨསནྟཾ ཨབྷཱུཏཾ ཨུཏྟརིམནུསྶདྷམྨཾ ཨུལླཔནཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཨསནྟཾ ¶ ཨབྷཱུཏཾ ཨུཏྟརིམནུསྶདྷམྨཾ ཨུལླཔནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི – པཱཔིཙྪོ ཨིཙྪཱཔཀཏོ ཨསནྟཾ ཨབྷཱུཏཾ ཨུཏྟརིམནུསྶདྷམྨཾ ཨུལླཔཏི, ཨཱཔཏྟི པཱརཱཛིཀསྶ, ‘‘ཡོ ¶ ཏེ ཝིཧཱརེ ཝསཏི སོ བྷིཀྑུ ཨརཧཱ’’ཏི བྷཎཏི, པཊིཝིཛཱནནྟསྶ ཨཱཔཏྟི ཐུལླཙྩཡསྶ; ན པཊིཝིཛཱནནྟསྶ ཨཱཔཏྟི དུཀྐཊསྶ – ཨསནྟཾ ཨབྷཱུཏཾ ཨུཏྟརིམནུསྶདྷམྨཾ ཨུལླཔནཔཙྩཡཱ ཨིམཱ ཏིསྶོ ཨཱཔཏྟིཡོ ཨཱཔཛྫཏི.

ཙཏྟཱརོ པཱརཱཛིཀཱ ནིཊྛིཏཱ.

༢. སངྒྷཱདིསེསཀཎྜཱདི

༡༩༤. ཨུཔཀྐམིཏྭཱ ཨསུཙིཾ མོཙནཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཨུཔཀྐམིཏྭཱ ཨསུཙིམོཙནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི – ཙེཏེཏི ཨུཔཀྐམཏི མུཙྩཏི, ཨཱཔཏྟི སངྒྷཱདིསེསསྶ; ཙེཏེཏི ¶ ཨུཔཀྐམཏི ན མུཙྩཏི, ཨཱཔཏྟི ཐུལླཙྩཡསྶ; པཡོགེ དུཀྐཊཾ – ཨུཔཀྐམིཏྭཱ ཨསུཙིམོཙནཔཙྩཡཱ ཨིམཱ ཏིསྶོ ཨཱཔཏྟིཡོ ཨཱཔཛྫཏི.

ཀཱཡསཾསགྒཾ སམཱཔཛྫནཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཀཱཡསཾསགྒཾ སམཱཔཛྫནཔཙྩཡཱ པཉྩ ཨཱཔཏྟིཡོ ཨཱཔཛྫཏི – ཨཝསྶུཏཱ བྷིཀྑུནཱི ཨཝསྶུཏསྶ པུརིསཔུགྒལསྶ ཨདྷཀྑཀཾ ཨུབྦྷཛཱཎུམཎྜལཾ གཧཎཾ སཱདིཡཏི, ཨཱཔཏྟི པཱརཱཛིཀསྶ; བྷིཀྑུ ཀཱཡེན ཀཱཡཾ ཨཱམསཏི, ཨཱཔཏྟི སངྒྷཱདིསེསསྶ; ཀཱཡེན ཀཱཡཔཊིབདྡྷཾ ཨཱམསཏི, ཨཱཔཏྟི ཐུལླཙྩཡསྶ; ཀཱཡཔཊིབདྡྷེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ; ཨངྒུལིཔཏོདཀེ པཱཙིཏྟིཡཾ – ཀཱཡསཾསགྒཾ སམཱཔཛྫནཔཙྩཡཱ ཨིམཱ པཉྩ ཨཱཔཏྟིཡོ ཨཱཔཛྫཏི.

མཱཏུགཱམཾ དུཊྛུལླཱཧི ཝཱཙཱཧི ཨོབྷཱསནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི – ཝཙྩམགྒཾ པསྶཱཝམགྒཾ ཨཱདིསྶ ཝཎྞམྤི བྷཎཏི ཨཝཎྞམྤི བྷཎཏི, ཨཱཔཏྟི སངྒྷཱདིསེསསྶ; ཝཙྩམགྒཾ པསྶཱཝམགྒཾ ཋཔེཏྭཱ ཨདྷཀྑཀཾ ཨུབྦྷཛཱཎུམཎྜལཾ ཨཱདིསྶ ཝཎྞམྤི བྷཎཏི ¶ ཨཝཎྞམྤི བྷཎཏི, ཨཱཔཏྟི ཐུལླཙྩཡསྶ; ཀཱཡཔཊིབདྡྷཾ ཨཱདིསྶ ཝཎྞམྤི བྷཎཏི ཨཝཎྞམྤི བྷཎཏི, ཨཱཔཏྟི དུཀྐཊསྶ.

ཨཏྟཀཱམཔཱརིཙརིཡཱཡ ཝཎྞཾ བྷཱསནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི – མཱཏུགཱམསྶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསཏི, ཨཱཔཏྟི སངྒྷཱདིསེསསྶ; པཎྜཀསྶ ¶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསཏི, ཨཱཔཏྟི ཐུལླཙྩཡསྶ; ཏིརཙྪཱནགཏསྶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསཏི, ཨཱཔཏྟི དུཀྐཊསྶ.

སཉྩརིཏྟཾ སམཱཔཛྫནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི – པཊིགྒཎྷཱཏི ཝཱིམཾསཏི པཙྩཱཧརཏི, ཨཱཔཏྟི སངྒྷཱདིསེསསྶ; པཊིགྒཎྷཱཏི ཝཱིམཾསཏི ན པཙྩཱཧརཏི, ཨཱཔཏྟི ཐུལླཙྩཡསྶ; པཊིགྒཎྷཱཏི ན ཝཱིམཾསཏི ན པཙྩཱཧརཏི, ཨཱཔཏྟི དུཀྐཊསྶ.

སཉྙཱཙིཀཱཡ ཀུཊིཾ ཀཱརཱཔནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི – ཀཱརཱཔེཏི, པཡོགེ དུཀྐཊཾ; ཨེཀཾ པིཎྜཾ [ཨེཀཔིཎྜེ (སྱཱ.)] ཨནཱགཏེ ཨཱཔཏྟི ཐུལླཙྩཡསྶ; ཏསྨིཾ པིཎྜེ ཨཱགཏེ ཨཱཔཏྟི སངྒྷཱདིསེསསྶ.

མཧལླཀཾ ¶ ཝིཧཱརཾ ཀཱརཱཔནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི – ཀཱརཱཔེཏི, པཡོགེ དུཀྐཊཾ; ཨེཀཾ པིཎྜཾ ཨནཱགཏེ, ཨཱཔཏྟི ཐུལླཙྩཡསྶ; ཏསྨིཾ པིཎྜེ ཨཱགཏེ ཨཱཔཏྟི སངྒྷཱདིསེསསྶ.

བྷིཀྑུཾ ཨམཱུལཀེན པཱརཱཛིཀེན དྷམྨེན ཨནུདྡྷཾསནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི – ཨནོཀཱསཾ ཀཱརཱཔེཏྭཱ ཙཱཝནཱདྷིཔྤཱཡོ ¶ ཝདེཏི, ཨཱཔཏྟི སངྒྷཱདིསེསེན དུཀྐཊསྶ; ཨོཀཱསཾ ཀཱརཱཔེཏྭཱ ཨཀྐོསཱདྷིཔྤཱཡོ ཝདེཏི, ཨཱཔཏྟི ཨོམསཝཱདསྶ.

བྷིཀྑུཾ ཨཉྙབྷཱགིཡསྶ ཨདྷིཀརཎསྶ ཀིཉྩི དེསཾ ལེསམཏྟཾ ཨུཔཱདཱཡ པཱརཱཛིཀེན དྷམྨེན ཨནུདྡྷཾསནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི – ཨནོཀཱསཾ ཀཱརཱཔེཏྭཱ ཙཱཝནཱདྷིཔྤཱཡོ ཝདེཏི, ཨཱཔཏྟི སངྒྷཱདིསེསེན དུཀྐཊསྶ; ཨོཀཱསཾ ཀཱརཱཔེཏྭཱ ཨཀྐོསཱདྷིཔྤཱཡོ ཝདེཏི, ཨཱཔཏྟི ཨོམསཝཱདསྶ.

སངྒྷབྷེདཀོ བྷིཀྑུ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི – ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

བྷེདཀཱནུཝཏྟཀཱ བྷིཀྑཱུ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ ཏིསྶོ ཨཱཔཏྟིཡོ ¶ ཨཱཔཛྫཏི – ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

དུབྦཙོ བྷིཀྑུ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི – ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

ཀུལདཱུསཀོ བྷིཀྑུ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི – ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ…པེ….

ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ¶ ཀརཎཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ¶ ཝཱ ཁེལ༹ཾ ཝཱ ཀརཎཔཙྩཡཱ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ – ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརཎཔཙྩཡཱ ཨིམཾ ཨེཀཾ ཨཱཔཏྟིཾ ཨཱཔཛྫཏི.

ཀཏཱཔཏྟིཝཱརོ ནིཊྛིཏོ དུཏིཡོ.

༣. ཝིཔཏྟིཝཱརོ

༡༩༥. མེཐུནཾ ¶ དྷམྨཾ པཊིསེཝནཔཙྩཡཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? མེཐུནཾ དྷམྨཾ པཊིསེཝནཔཙྩཡཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ སིཡཱ ཨཱཙཱརཝིཔཏྟིཾ…པེ….

ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརཎཔཙྩཡཱ ཨཱཔཏྟི ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛཏི? ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརཎཔཙྩཡཱ ཨཱཔཏྟི ཙཏུནྣཾ ཝིཔཏྟཱིནཾ ཨེཀཾ ཝིཔཏྟིཾ བྷཛཏི – ཨཱཙཱརཝིཔཏྟིཾ.

ཝིཔཏྟིཝཱརོ ནིཊྛིཏོ ཏཏིཡོ.

༤. སངྒཧིཏཝཱརོ

༡༩༦. མེཐུནཾ ¶ དྷམྨཾ པཊིསེཝནཔཙྩཡཱ ཨཱཔཏྟིཡོ སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? མེཐུནཾ དྷམྨཾ པཊིསེཝནཔཙྩཡཱ ¶ ཨཱཔཏྟིཡོ སཏྟནྣཾ ཨཱཔཏྟིཀྑནྡྷཱནཾ ཙཏཱུཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱརཱཛིཀཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ པཱཙིཏྟིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན…པེ….

ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརཎཔཙྩཡཱ ཨཱཔཏྟི སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརཎཔཙྩཡཱ ཨཱཔཏྟི སཏྟནྣཾ ཨཱཔཏྟིཀྑནྡྷཱནཾ ཨེཀེན ཨཱཔཏྟིཀྑནྡྷེན སངྒཧིཏཱ – དུཀྐཊཱཔཏྟིཀྑནྡྷེན.

སངྒཧིཏཝཱརོ ནིཊྛིཏོ ཙཏུཏྠོ.

༥. སམུཊྛཱནཝཱརོ

༡༩༧. མེཐུནཾ ¶ ¶ དྷམྨཾ པཊིསེཝནཔཙྩཡཱ ཨཱཔཏྟིཡོ ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛནྟི? མེཐུནཾ དྷམྨཾ པཊིསེཝནཔཙྩཡཱ ཨཱཔཏྟིཡོ ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི – ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ…པེ….

ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརཎཔཙྩཡཱ ཨཱཔཏྟི ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏི? ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརཎཔཙྩཡཱ ཨཱཔཏྟི ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

སམུཊྛཱནཝཱརོ ནིཊྛིཏོ པཉྩམོ.

༦. ཨདྷིཀརཎཝཱརོ

༡༩༨. མེཐུནཾ ¶ ¶ དྷམྨཾ པཊིསེཝནཔཙྩཡཱ ཨཱཔཏྟིཡོ ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? མེཐུནཾ དྷམྨཾ པཊིསེཝནཔཙྩཡཱ ཨཱཔཏྟིཡོ ཙཏུནྣཾ ཨདྷིཀརཎཱནཾ ཨཱཔཏྟཱདྷིཀརཎཾ…པེ….

ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརཎཔཙྩཡཱ ཨཱཔཏྟི ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརཎཔཙྩཡཱ ཨཱཔཏྟི ཙཏུནྣཾ ཨདྷིཀརཎཱནཾ ཨཱཔཏྟཱདྷིཀརཎཾ.

ཨདྷིཀརཎཝཱརོ ནིཊྛིཏོ ཚཊྛོ.

༧. སམཐཝཱརོ

༡༩༩. མེཐུནཾ ¶ དྷམྨཾ པཊིསེཝནཔཙྩཡཱ ཨཱཔཏྟིཡོ སཏྟནྣཾ སམཐཱནཾ ཀཏིཧི སམཐེཧི སམྨནྟི? མེཐུནཾ དྷམྨཾ པཊིསེཝནཔཙྩཡཱ ཨཱཔཏྟིཡོ སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ; སིཡཱ སམྨུཁཱཝིནཡེན ཏིཎཝཏྠཱརཀེན ཙ…པེ….

ཨནཱདརིཡཾ ¶ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརཎཔཙྩཡཱ ཨཱཔཏྟི སཏྟནྣཾ སམཐཱནཾ ཀཏིཧི སམཐེཧི སམྨཏི? ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརཎཔཙྩཡཱ ཨཱཔཏྟི སཏྟནྣཾ སམཐཱནཾ ཏཱིཧི སམཐེཧི སམྨཏི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙཱཏི.

སམཐཝཱརོ ནིཊྛིཏོ སཏྟམོ.

༨. སམུཙྩཡཝཱརོ

༢༠༠. མེཐུནཾ ¶ ¶ དྷམྨཾ པཊིསེཝནཔཙྩཡཱ ཀཏི ཨཱཔཏྟིཡོ ཨཱཔཛྫཏི? མེཐུནཾ དྷམྨཾ པཊིསེཝནཔཙྩཡཱ ཙཏསྶོ ཨཱཔཏྟིཡོ ¶ ཨཱཔཛྫཏི. ཨཀྑཱཡིཏེ སརཱིརེ མེཐུནཾ དྷམྨཾ པཊིསེཝཏི, ཨཱཔཏྟི པཱརཱཛིཀསྶ; ཡེབྷུཡྻེན ཁཱཡིཏེ སརཱིརེ མེཐུནཾ དྷམྨཾ པཊིསེཝཏི, ཨཱཔཏྟི ཐུལླཙྩཡསྶ; ཝཊྚཀཏེ མུཁེ ཨཙྪུཔནྟཾ ཨངྒཛཱཏཾ པཝེསེཏི, ཨཱཔཏྟི དུཀྐཊསྶ; ཛཏུམཊྛཀེ པཱཙིཏྟིཡཾ – མེཐུནཾ དྷམྨཾ པཊིསེཝནཔཙྩཡཱ ཨིམཱ ཙཏསྶོ ཨཱཔཏྟིཡོ ཨཱཔཛྫཏི. ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛནྟི? ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? སཏྟནྣཾ སམཐཱནཾ ཀཏིཧི སམཐེཧི སམྨནྟི? ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ སིཡཱ ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ ཙཏཱུཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱརཱཛིཀཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ པཱཙིཏྟིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི – ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ. ཙཏུནྣཾ ཨདྷིཀརཎཱནཾ, ཨཱཔཏྟཱདྷིཀརཎཾ. སཏྟནྣཾ སམཐཱནཾ, ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ, པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ…པེ….

ཨནཱདརིཡཾ པཊིཙྩ ¶ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརཎཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརཎཔཙྩཡཱ ཨེཀཾ ཨཱཔཏྟིཾ ཨཱཔཛྫཏི. དུཀྐཊཾ – ཨནཱདརིཡཾ པཊིཙྩ ¶ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརཎཔཙྩཡཱ ཨིམཾ ཨེཀཾ ཨཱཔཏྟིཾ ཨཱཔཛྫཏི. སཱ ཨཱཔཏྟི ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛཏི? སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏི? ཙཏུནྣཾ ཨདྷིཀརཎཱནཾ ཀཏམཾ ¶ ཨདྷིཀརཎཾ? སཏྟནྣཾ སམཐཱནཾ ཀཏིཧི སམཐེཧི སམྨཏི? སཱ ཨཱཔཏྟི ཙཏུནྣཾ ཝིཔཏྟཱིནཾ ཨེཀཾ ཝིཔཏྟིཾ བྷཛཏི – ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ ཨེཀེན ཨཱཔཏྟིཀྑནྡྷེན སངྒཧིཏཱ – དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ. ཙཏུནྣཾ ཨདྷིཀརཎཱནཾ, ཨཱཔཏྟཱདྷིཀརཎཾ. སཏྟནྣཾ སམཐཱནཾ ཏཱིཧི སམཐེཧི སམྨཏི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙཱཏི.

སམུཙྩཡཝཱརོ ནིཊྛིཏོ ཨཊྛམོ.

ཨཊྛཔཙྩཡཝཱརཱ ནིཊྛིཏཱ.

མཧཱཝིབྷངྒེ སོལ༹སམཧཱཝཱརཱ ནིཊྛིཏཱ.

བྷིཀྑུཝིབྷངྒམཧཱཝཱརོ ནིཊྛིཏོ.

བྷིཀྑུནཱིཝིབྷངྒོ

༡. ཀཏྠཔཉྙཏྟིཝཱརོ

༡. པཱརཱཛིཀཀཎྜཾ

༢༠༡. ཡཾ ¶ ¶ ¶ ¶ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན བྷིཀྑུནཱིནཾ པཉྩམཾ པཱརཱཛིཀཾ ཀཏྠ པཉྙཏྟཾ? ཀཾ ཨཱརབྦྷ? ཀིསྨིཾ ཝཏྠུསྨིཾ? ཨཏྠི ཏཏྠ པཉྙཏྟི, ཨནུཔཉྙཏྟི, ཨནུཔྤནྣཔཉྙཏྟི? སབྦཏྠཔཉྙཏྟི, པདེསཔཉྙཏྟི? སཱདྷཱརཎཔཉྙཏྟི, ཨསཱདྷཱརཎཔཉྙཏྟི? ཨེཀཏོཔཉྙཏྟི, ཨུབྷཏོཔཉྙཏྟི? ཙཏུནྣཾ པཱཏིམོཀྑུདྡེསཱནཾ ཀཏྠོགདྷཾ ཀཏྠ པརིཡཱཔནྣཾ? ཀཏམེན ཨུདྡེསེན ཨུདྡེསཾ ཨཱགཙྪཏི? ཙཏུནྣཾ ཝིཔཏྟཱིནཾ ཀཏམཱ ཝིཔཏྟི? སཏྟནྣཾ ཨཱཔཏྟིཀྑནྡྷཱནཾ ཀཏམོ ཨཱཔཏྟིཀྑནྡྷོ? ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏི? ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? སཏྟནྣཾ སམཐཱནཾ ཀཏིཧི སམཐེཧི སམྨཏི? ཀོ ཏཏྠ ཝིནཡོ? ཀོ ཏཏྠ ཨབྷིཝིནཡོ? ཀིཾ ཏཏྠ པཱཏིམོཀྑཾ? ཀིཾ ཏཏྠ ཨདྷིཔཱཏིམོཀྑཾ? ཀཱ ཝིཔཏྟི? ཀཱ སམྤཏྟི? ཀཱ པཊིཔཏྟི? ཀཏི ཨཏྠཝསེ པཊིཙྩ བྷགཝཏཱ བྷིཀྑུནཱིནཾ པཉྩམཾ པཱརཱཛིཀཾ པཉྙཏྟཾ? ཀཱ སིཀྑནྟི? ཀཱ སིཀྑིཏསིཀྑཱ? ཀཏྠ ཋིཏཾ? ཀཱ དྷཱརེནྟི? ཀསྶ ཝཙནཾ? ཀེནཱབྷཏནྟི?

༢༠༢. ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན བྷིཀྑུནཱིནཾ པཉྩམཾ པཱརཱཛིཀཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སུནྡརཱིནནྡཾ བྷིཀྑུནིཾ ཨཱརབྦྷ. ཀིསྨིཾ ¶ ཝཏྠུསྨིནྟི? སུནྡརཱིནནྡཱ བྷིཀྑུནཱི ཨཝསྶུཏཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡི, ཏསྨིཾ ཝཏྠུསྨིཾ. ཨཏྠི ཏཏྠ པཉྙཏྟི ཨནུཔཉྙཏྟི ཨནུཔྤནྣཔཉྙཏྟཱིཏི? ཨེཀཱ པཉྙཏྟི. ཨནུཔཉྙཏྟི ཨནུཔྤནྣཔཉྙཏྟི ཏསྨིཾ ནཏྠི. སབྦཏྠཔཉྙཏྟི ¶ , པདེསཔཉྙཏྟཱིཏི? སབྦཏྠཔཉྙཏྟི. སཱདྷཱརཎཔཉྙཏྟི, ཨསཱདྷཱརཎཔཉྙཏྟཱིཏི? ཨསཱདྷཱརཎཔཉྙཏྟི. ཨེཀཏོཔཉྙཏྟི, ཨུབྷཏོཔཉྙཏྟཱིཏི? ཨེཀཏོཔཉྙཏྟི. ཙཏུནྣཾ པཱཏིམོཀྑུདྡེསཱནཾ ཀཏྠོགདྷཾ ཀཏྠ པརིཡཱཔནྣནྟི? ནིདཱནོགདྷཾ ནིདཱནཔརིཡཱཔནྣཾ. ཀཏམེན ཨུདྡེསེན ཨུདྡེསཾ ཨཱགཙྪཏཱིཏི? དུཏིཡེན ཨུདྡེསེན ཨུདྡེསཾ ཨཱགཙྪཏི. ཙཏུནྣཾ ཝིཔཏྟཱིནཾ ཀཏམཱ ཝིཔཏྟཱིཏི? སཱིལཝིཔཏྟི. སཏྟནྣཾ ཨཱཔཏྟིཀྑནྡྷཱནཾ ཀཏམོ ཨཱཔཏྟིཀྑནྡྷོཏི? པཱརཱཛིཀཱཔཏྟིཀྑནྡྷོ. ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏཱིཏི? ཨེཀེན སམུཊྛཱནེ ¶ སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ. ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎནྟི? ཨཱཔཏྟཱདྷིཀརཎཾ? སཏྟནྣཾ སམཐཱནཾ ཀཏིཧི སམཐེཧི སམྨཏཱིཏི? དྭཱིཧི སམཐེཧི སམྨཏི – སམྨུཁཱཝིནཡེན ཙ པཊིཉྙཱཏཀརཎེན ཙ. ཀོ ཏཏྠ ཝིནཡོ, ཀོ ཏཏྠ ཨབྷིཝིནཡོཏི? པཉྙཏྟི ཝིནཡོ, ཝིབྷཏྟི ཨབྷིཝིནཡོ. ཀིཾ ཏཏྠ པཱཏིམོཀྑཾ, ཀིཾ ཏཏྠ ཨདྷིཔཱཏིམོཀྑནྟི? པཉྙཏྟི པཱཏིམོཀྑཾ, ཝིབྷཏྟི ཨདྷིཔཱཏིམོཀྑཾ. ཀཱ ཝིཔཏྟཱིཏི? ཨསཾཝརོ ཝིཔཏྟི. ཀཱ སམྤཏྟཱིཏི ¶ ? སཾཝརོ སམྤཏྟི. ཀཱ པཊིཔཏྟཱིཏི? ན ཨེཝརཱུཔཾ ཀརིསྶཱམཱིཏི ཡཱཝཛཱིཝཾ ཨཱཔཱཎཀོཊིཀཾ སམཱདཱཡ སིཀྑཏི སིཀྑཱཔདེསུ. [ཨ. ནི. ༡༠.༣༡] ཀཏི ཨཏྠཝསེ པཊིཙྩ བྷགཝཏཱ བྷིཀྑུནཱིནཾ པཉྩམཾ པཱརཱཛིཀཾ པཉྙཏྟནྟི? དས ཨཏྠཝསེ པཊིཙྩ བྷགཝཏཱ བྷིཀྑུནཱིནཾ པཉྩམཾ པཱརཱཛིཀཾ པཉྙཏྟཾ – སངྒྷསུཊྛུཏཱཡ, སངྒྷཕཱསུཏཱཡ, དུམྨངྐཱུནཾ བྷིཀྑུནཱིནཾ ནིགྒཧཱཡ, པེསལཱནཾ བྷིཀྑུནཱིནཾ ཕཱསུཝིཧཱརཱཡ, དིཊྛདྷམྨིཀཱནཾ ཨཱསཝཱནཾ སཾཝརཱཡ, སམྤརཱཡིཀཱནཾ ཨཱསཝཱནཾ པཊིགྷཱཏཱཡ, ཨཔྤསནྣཱནཾ པསཱདཱཡ, པསནྣཱནཾ བྷིཡྻོབྷཱཝཱཡ, སདྡྷམྨཊྛིཏིཡཱ, ཝིནཡཱནུགྒཧཱཡ. ཀཱ སིཀྑནྟཱིཏི? སེཀྑཱ ཙ པུཐུཛྫནཀལྱཱཎིཀཱ ཙ སིཀྑནྟི. ཀཱ སིཀྑིཏསིཀྑཱཏི? ཨརཧནྟིཡོ [ཨརཧནྟཱ (ཀ.)] སིཀྑིཏསིཀྑཱ. ཀཏྠ ཋིཏནྟི? སིཀྑཱཀཱམཱསུ ཋིཏཾ. ཀཱ དྷཱརེནྟཱིཏི? ཡཱསཾ ཝཏྟཏི ཏཱ དྷཱརེནྟི. ཀསྶ ཝཙནནྟི? བྷགཝཏོ ཝཙནཾ ཨརཧཏོ སམྨཱསམྦུདྡྷསྶ. ཀེནཱབྷཏནྟི? པརམྤརཱབྷཏཾ –

ཨུཔཱལི དཱསཀོ ཙེཝ, སོཎཀོ སིགྒཝོ ཏཐཱ;

མོགྒལིཔུཏྟེན པཉྩམཱ, ཨེཏེ ཛམྦུསིརིཝ྄ཧཡེ.

ཏཏོ མཧིནྡོ ཨིཊྚིཡོ, ཨུཏྟིཡོ སམྦལོ ཏཐཱ;

བྷདྡནཱམོ ཙ པཎྜིཏོ.

ཨེཏེ ¶ ནཱགཱ མཧཱཔཉྙཱ, ཛམྦུདཱིཔཱ ཨིདྷཱགཏཱ;

ཝིནཡཾ ཏེ ཝཱཙཡིཾསུ, པིཊཀཾ ཏམྦཔཎྞིཡཱ.

ནིཀཱཡེ པཉྩ ཝཱཙེསུཾ, སཏྟ ཙེཝ པཀརཎེ;

ཏཏོ ཨརིཊྛོ མེདྷཱཝཱི, ཏིསྶདཏྟོ ཙ པཎྜིཏོ.

ཝིསཱརདོ ཀཱལ༹སུམནོ, ཐེརོ ཙ དཱིགྷནཱམཀོ;

དཱིགྷསུམནོ ཙ པཎྜིཏོ.

པུནདེཝ ¶ ཀཱལ༹སུམནོ, ནཱགཏྠེརོ ཙ བུདྡྷརཀྑིཏོ;

ཏིསྶཏྠེརོ ཙ མེདྷཱཝཱི, དེཝཏྠེརོ ཙ པཎྜིཏོ.

པུནདེཝ སུམནོ མེདྷཱཝཱི, ཝིནཡེ ཙ ཝིསཱརདོ;

བཧུསྶུཏོ ཙཱུལ༹ནཱགོ, གཛོཝ དུཔྤདྷཾསིཡོ.

དྷམྨཔཱལིཏནཱམོ ཙ, རོཧཎེ སཱདྷུཔཱུཛིཏོ;

ཏསྶ སིསྶོ མཧཱཔཉྙོ, ཁེམནཱམོ ཏིཔེཊཀོ.

དཱིཔེ ཏཱརཀརཱཛཱཝ པཉྙཱཡ ཨཏིརོཙཐ;

ཨུཔཏིསྶོ ཙ མེདྷཱཝཱི, ཕུསྶདེཝོ མཧཱཀཐཱི.

པུནདེཝ སུམནོ མེདྷཱཝཱི, པུཔྥནཱམོ བཧུསྶུཏོ;

མཧཱཀཐཱི མཧཱསིཝོ, པིཊཀེ སབྦཏྠ ཀོཝིདོ.

པུནདེཝ ཨུཔཱལི མེདྷཱཝཱི, ཝིནཡེ ཙ ཝིསཱརདོ;

མཧཱནཱགོ མཧཱཔཉྙོ, སདྡྷམྨཝཾསཀོཝིདོ.

པུནདེཝ ཨབྷཡོ མེདྷཱཝཱི, པིཊཀེ སབྦཏྠ ཀོཝིདོ;

ཏིསྶཏྠེརོ ཙ མེདྷཱཝཱི, ཝིནཡེ ཙ ཝིསཱརདོ.

ཏསྶ ¶ སིསྶོ མཧཱཔཉྙོ, པུཔྥནཱམོ བཧུསྶུཏོ;

སཱསནཾ ཨནུརཀྑནྟོ, ཛམྦུདཱིཔེ པཏིཊྛིཏོ.

ཙཱུལཱ༹བྷཡོ ཙ མེདྷཱཝཱི, ཝིནཡེ ཙ ཝིསཱརདོ;

ཏིསྶཏྠེརོ ཙ མེདྷཱཝཱི, སདྡྷམྨཝཾསཀོཝིདོ.

ཙཱུལ༹དེཝོ ཙ མེདྷཱཝཱི, ཝིནཡེ ཙ ཝིསཱརདོ;

སིཝཏྠེརོ ཙ མེདྷཱཝཱི, ཝིནཡེ སབྦཏྠ ཀོཝིདོ.

ཨེཏེ ནཱགཱ མཧཱཔཉྙཱ, ཝིནཡཉྙཱུ མགྒཀོཝིདཱ;

ཝིནཡཾ ¶ དཱིཔེ པཀཱསེསུཾ, པིཊཀཾ ཏམྦཔཎྞིཡཱཏི.

༢༠༣. ཡཾ ¶ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན བྷིཀྑུནཱིནཾ ཚཊྛཾ པཱརཱཛིཀཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ཛཱནཾ པཱརཱཛིཀཾ དྷམྨཾ ཨཛ྄ཛྷཱཔནྣཾ བྷིཀྑུནིཾ ནེཝཏྟནཱ པཊིཙོདེསི ¶ གཎསྶ ཨཱརོཙེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༢༠༤. བྷིཀྑུནཱིནཾ སཏྟམཾ པཱརཱཛིཀཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི སམགྒེན སངྒྷེན ཨུཀྑིཏྟཾ ཨརིཊྛཾ བྷིཀྑུཾ གདྡྷབཱདྷིཔུབྦཾ ཨནུཝཏྟི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

༢༠༥. བྷིཀྑུནཱིནཾ ཨཊྛམཾ པཱརཱཛིཀཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ ཨཊྛམཾ ཝཏྠུཾ པརིཔཱུརེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

ཨཊྛ པཱརཱཛིཀཱ ནིཊྛིཏཱ.

ཏསྶུདྡཱནཾ –

མེཐུནཱདིནྣཱདཱནཉྩ ¶ ¶ , མནུསྶཝིགྒཧུཏྟརི;

ཀཱཡསཾསགྒཾ ཚཱདེཏི, ཨུཀྑིཏྟཱ ཨཊྛ ཝཏྠུཀཱ;

པཉྙཱཔེསི མཧཱཝཱིརོ, ཚེཛྫཝཏྠཱུ ཨསཾསཡཱཏི.

༢. སངྒྷཱདིསེསཀཎྜཾ

༢༠༦. ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཨུསྶཡཝཱདིཀཱཡ བྷིཀྑུནིཡཱ ཨཌྜཾ ཀརོནྟིཡཱ སངྒྷཱདིསེསོ ཀཏྠ པཉྙཏྟོ? ཀཾ ཨཱརབྦྷ? ཀིསྨིཾ ཝཏྠུསྨིཾ…པེ… ཀེནཱབྷཏནྟི?

༢༠༧. ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཨུསྶཡཝཱདིཀཱཡ བྷིཀྑུནིཡཱ ཨཌྜཾ ཀརོནྟིཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ཨུསྶཡཝཱདིཀཱ ཝིཧརི, ཏསྨིཾ ¶ ཝཏྠུསྨིཾ. ཨཏྠི ཏཏྠ པཉྙཏྟི, ཨནུཔཉྙཏྟི, ཨནུཔྤནྣཔཉྙཏྟཱིཏི? ཨེཀཱ པཉྙཏྟི. ཨནུཔཉྙཏྟི ཨནུཔྤནྣཔཉྙཏྟི ཏསྨིཾ ནཏྠི. སབྦཏྠཔཉྙཏྟི, པདེསཔཉྙཏྟཱིཏི? སབྦཏྠཔཉྙཏྟི. སཱདྷཱརཎཔཉྙཏྟི, ཨསཱདྷཱརཎཔཉྙཏྟཱིཏི? ཨསཱདྷཱརཎཔཉྙཏྟི. ཨེཀཏོཔཉྙཏྟི, ཨུབྷཏོཔཉྙཏྟཱིཏི? ཨེཀཏོཔཉྙཏྟི. ཙཏུནྣཾ པཱཏིམོཀྑུདྡེསཱནཾ ཀཏྠོགདྷཾ ཀཏྠ པརིཡཱཔནྣནྟི? ནིདཱནོགདྷཾ ནིདཱནཔརིཡཱཔནྣཾ ¶ . ཀཏམེན ཨུདྡེསེན ཨུདྡེསཾ ཨཱགཙྪཏཱིཏི? ཏཏིཡེན ཨུདྡེསེན ཨུདྡེསཾ ཨཱགཙྪཏི. ཙཏུནྣཾ ཝིཔཏྟཱིནཾ ཀཏམཱ ཝིཔཏྟཱིཏི? སཱིལཝིཔཏྟི. སཏྟནྣཾ ཨཱཔཏྟིཀྑནྡྷཱནཾ ཀཏམོ ཨཱཔཏྟིཀྑནྡྷོཏི? སངྒྷཱདིསེསཱཔཏྟིཀྑནྡྷོ. ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏཱིཏི? དྭཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཝཱཙཏོ ཙ སམུཊྛཱཏི, ན ཙིཏྟཏོ; སིཡཱ ཀཱཡཏོ ཙ ཝཱཙཏོ ¶ ཙ ཙིཏྟཏོ ཙ སམུཊྛཱཏི…པེ… ཀེནཱབྷཏནྟི? པརམྤརཱབྷཏཾ –

ཨུཔཱལི དཱསཀོ ཙེཝ, སོཎཀོ སིགྒཝོ ཏཐཱ;

མོགྒལིཔུཏྟེན པཉྩམཱ, ཨེཏེ ཛམྦུསིརིཝ྄ཧཡེ. …པེ…;

ཨེཏེ ནཱགཱ མཧཱཔཉྙཱ, ཝིནཡཉྙཱུ མགྒཀོཝིདཱ;

ཝིནཡཾ དཱིཔེ པཀཱསེསུཾ, པིཊཀཾ ཏམྦཔཎྞིཡཱཏི.

༢༠༨. ཙོརིཾ ¶ ཝུཊྛཱཔེནྟིཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ཙོརིཾ ཝུཊྛཱཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

༢༠༩. ཨེཀཱཡ གཱམནྟརཾ གཙྪནྟིཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཨཉྙཏརཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརཱ བྷིཀྑུནཱི ཨེཀཱ གཱམནྟརཾ གཙྪི, ཏསྨིཾ ཝཏྠུསྨིཾ. ཨེཀཱ པཉྙཏྟི, ཏིསྶོ ཨནུཔཉྙཏྟིཡོ. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི ¶ – པཋམཔཱརཱཛིཀེ…པེ….

༢༡༠. སམགྒེན སངྒྷེན ཨུཀྑིཏྟཾ བྷིཀྑུནིཾ དྷམྨེན ཝིནཡེན སཏྠུསཱསནེན ཨནཔལོཀེཏྭཱ ཀཱརཀསངྒྷཾ ཨནཉྙཱཡ གཎསྶ ཚནྡཾ ¶ ཨོསཱརེནྟིཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི སམགྒེན སངྒྷེན ཨུཀྑིཏྟཾ བྷིཀྑུནིཾ དྷམྨེན ཝིནཡེན སཏྠུསཱསནེན ཨནཔལོཀེཏྭཱ ཀཱརཀསངྒྷཾ ཨནཉྙཱཡ གཎསྶ ཚནྡཾ ཨོསཱརེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

༢༡༡. ཨཝསྶུཏཱཡ བྷིཀྑུནིཡཱ ཨཝསྶུཏསྶ པུརིསཔུགྒལསྶ ཧཏྠཏོ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ བྷུཉྫནྟིཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? སུནྡརཱིནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? སུནྡརཱིནནྡཱ བྷིཀྑུནཱི ཨཝསྶུཏཱ ཨཝསྶུཏསྶ པུརིསཔུགྒལསྶ ཧཏྠཏོ ཨཱམིསཾ པཊིགྒཧེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – པཋམཔཱརཱཛིཀེ…པེ….

༢༡༢. ‘‘ཀིཾ ཏེ, ཨཡྻེ, ཨེསོ པུརིསཔུགྒལོ ཀརིསྶཏི ཨཝསྶུཏོ ཝཱ ཨནཝསྶུཏོ ཝཱ, ཡཏོ ཏྭཾ ཨནཝསྶུཏཱ! ཨིངྒྷ, ཨཡྻེ, ཡཾ ཏེ ཨེསོ པུརིསཔུགྒལོ དེཏི ཁཱདནཱིཡཾ ཝཱ བྷོཛནཱིཡཾ ཝཱ, ཏཾ ཏྭཾ ¶ སཧཏྠཱ པཊིགྒཧེཏྭཱ ཁཱད ཝཱ བྷུཉྫ ཝཱ’’ཏི ཨུཡྻོཛེནྟིཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨརབྦྷཱཏི? ཨཉྙཏརཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརཱ ¶ བྷིཀྑུནཱི –‘‘ཀིཾ ཏེ, ཨཡྻེ, ཨེསོ པུརིསཔུགྒལོ ཀརིསྶཏི ཨཝསྶུཏོ ཝཱ ཨནཝསྶུཏོ ཝཱ, ཡཏོ ཏྭཾ ཨནཝསྶུཏཱ! ཨིངྒྷ, ཨཡྻེ, ཡཾ ཏེ ཨེསོ པུརིསཔུགྒལོ དེཏི ཁཱདནཱིཡཾ ཝཱ བྷོཛནཱིཡཾ ཝཱ, ཏཾ ཏྭཾ སཧཏྠཱ པཊིགྒཧེཏྭཱ ཁཱད ཝཱ བྷུཉྫ ཝཱ’’ཏི ཨུཡྻོཛེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

༢༡༣. ཀུཔིཏཱཡ ཨནཏྟམནཱཡ བྷིཀྑུནིཡཱ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟིཡཱ ¶ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཙཎྜཀཱལི༹ཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཙཎྜཀཱལཱི༹ བྷིཀྑུནཱི ཀུཔིཏཱ ཨནཏྟམནཱ ཨེཝཾ ཨཝཙ – ‘‘བུདྡྷཾ པཙྩཱཙིཀྑཱམི, དྷམྨཾ པཙྩཱཙིཀྑཱམི, སངྒྷཾ པཙྩཱཙིཀྑཱམི, སིཀྑཾ པཙྩཱཙིཀྑཱམཱི’’ཏི, ཏསྨིཾ ¶ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

༢༡༤. ཀིསྨིཉྩིདེཝ ཨདྷིཀརཎེ པཙྩཱཀཏཱཡ བྷིཀྑུནིཡཱ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟིཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཙཎྜཀཱལི༹ཾ ¶ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཙཎྜཀཱལཱི༹ བྷིཀྑུནཱི ཀིསྨིཉྩིདེཝ ཨདྷིཀརཎེ པཙྩཱཀཏཱ ཀུཔིཏཱ ཨནཏྟམནཱ ཨེཝཾ ཨཝཙ – ‘‘ཚནྡགཱམིནིཡོ ཙ བྷིཀྑུནིཡོ, དོསགཱམིནིཡོ ཙ བྷིཀྑུནིཡོ, མོཧགཱམིནིཡོ ཙ བྷིཀྑུནིཡོ, བྷཡགཱམིནིཡོ ཙ བྷིཀྑུནིཡོ’’ཏི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

༢༡༥. སཾསཊྛཱནཾ བྷིཀྑུནཱིནཾ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟཱིནཾ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ སཾསཊྛཱ ཝིཧརིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

༢༡༦. ‘‘སཾསཊྛཱཝ, ཨཡྻེ, ཏུམྷེ ཝིཧརཐ. མཱ ཏུམྷེ ནཱནཱ ཝིཧརིཏྠཱ’’ཏི ཨུཡྻོཛེནྟིཡཱ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟིཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི – ‘‘སཾསཊྛཱཝ ཨཡྻེ, ཏུམྷེ ཝིཧརཐ, མཱ ཏུམྷེ ནཱནཱ ཝིཧརིཏྠཱ’’ཏི ཨུཡྻོཛེསི, ཏསྨིཾ ¶ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

དས སངྒྷཱདིསེསཱ ནིཊྛིཏཱ.

ཏསྶུདྡཱནཾ –

ཨུསྶཡཙོརི ¶ གཱམནྟཾ, ཨུཀྑིཏྟཾ ཁཱདནེན ཙ;

ཀིཾ ཏེ ཀུཔིཏཱ ཀིསྨིཉྩི, སཾསཊྛཱ ཉཱཡཏེ དསཱཏི.

༣. ནིསྶགྒིཡཀཎྜཾ

༢༡༧. ཡཾ ¶ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན པཏྟསནྣིཙཡཾ ཀརོནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ པཏྟསནྣིཙཡཾ ཨཀཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཀཐིནཀེ…པེ….

ཨཀཱལཙཱིཝརཾ ‘‘ཀཱལཙཱིཝར’’ནྟི ཨདྷིཊྛཧིཏྭཱ བྷཱཛཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ¶ ཨཀཱལཙཱིཝརཾ ‘‘ཀཱལཙཱིཝར’’ནྟི ཨདྷིཊྛཧིཏྭཱ བྷཱཛཱཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

བྷིཀྑུནིཡཱ སདྡྷིཾ ཙཱིཝརཾ པརིཝཏྟེཏྭཱ ཨཙྪིནྡནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི བྷིཀྑུནིཡཱ སདྡྷིཾ ཙཱིཝརཾ པརིཝཏྟེཏྭཱ ཨཙྪིནྡི, ཏསྨིཾ ¶ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

ཨཉྙཾ ཝིཉྙཱཔེཏྭཱ ཨཉྙཾ ཝིཉྙཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ ¶ བྷིཀྑུནཱི ཨཉྙཾ ཝིཉྙཱཔེཏྭཱ ཨཉྙཾ ཝིཉྙཱཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

ཨཉྙཾ ཙེཏཱཔེཏྭཱ ཨཉྙཾ ཙེཏཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ཨཉྙཾ ཙེཏཱཔེཏྭཱ ཨཉྙཾ ཙེཏཱཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

ཨཉྙདཏྠིཀེན པརིཀྑཱརེན ཨཉྙུདྡིསིཀེན སངྒྷིཀེན ཨཉྙཾ ཙེཏཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠཾ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི ¶ ? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན སངྒྷིཀེན ཨཉྙཾ ཙེཏཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི ¶ སམུཊྛཱཏི…པེ….

ཨཉྙདཏྠིཀེན པརིཀྑཱརེན ཨཉྙུདྡིསིཀེན སངྒྷིཀེན སཉྙཱཙིཀེན ཨཉྙཾ ཙེཏཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན སངྒྷིཀེན སཉྙཱཙིཀེན ཨཉྙཾ ཙེཏཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན ཨཉྙཾ ཙེཏཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨཉྙདཏྠིཀེན པརིཀྑཱརེན ¶ ཨཉྙུདྡིསིཀེན མཧཱཛནིཀེན ཨཉྙཾ ཙེཏཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན སཉྙཱཙིཀེན ཨཉྙཾ ཙེཏཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན སཉྙཱཙིཀེན ¶ ཨཉྙཾ ཙེཏཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

ཨཉྙདཏྠིཀེན པརིཀྑཱརེན ཨཉྙུདྡིསིཀེན པུགྒལིཀེན སཉྙཱཙིཀེན ཨཉྙཾ ཙེཏཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ཨཉྙདཏྠིཀེན པརིཀྑཱརེན ཨཉྙུདྡིསིཀེན པུགྒལིཀེན སཉྙཱཙིཀེན ཨཉྙཾ ཙེཏཱཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

ཨཏིརེཀཙཏུཀྐཾསཔརམཾ ¶ གརུཔཱཝུརཎཾ ཙེཏཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི རཱཛཱནཾ ཀམྦལཾ ཝིཉྙཱཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

ཨཏིརེཀཨཌྜྷཏེཡྻཀཾསཔརམཾ ལཧུཔཱཝུརཎཾ ཙེཏཱཔེནྟིཡཱ ¶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི རཱཛཱནཾ ཁོམཾ ཝིཉྙཱཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི ¶ …པེ….

དྭཱདས ནིསྶགྒིཡཱ པཱཙིཏྟིཡཱ ནིཊྛིཏཱ.

ཏསྶུདྡཱནཾ –

པཏྟཾ ཨཀཱལཾ ཀཱལཉྩ, པརིཝཏྟེ ཙ ཝིཉྙཱཔེ;

ཙེཏཱཔེཏྭཱ ཨཉྙདཏྠི, སངྒྷིཀཉྩ མཧཱཛནིཀཾ;

སཉྙཱཙིཀཱ པུགྒལིཀཱ, ཙཏུཀྐཾསཌྜྷཏེཡྻཀཱཏི.

༤. པཱཙིཏྟིཡཀཎྜཾ

༡. ལསུཎཝགྒོ

༢༡༨. ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ལསུཎཾ ཁཱདནྟིཡཱ པཱཙིཏྟིཡཾ ¶ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ན མཏྟཾ ཛཱནིཏྭཱ ལསུཎཾ ཧརཱཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཨེལ༹ཀལོམཀེ…པེ….

སམྦཱདྷེ ལོམཾ སཾཧརཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ སམྦཱདྷེ ལོམཾ སཾཧརཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛཱཏི…པེ….

ཏལགྷཱཏཀེ ¶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? དྭེ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི ¶ ? དྭེ བྷིཀྑུནིཡོ ཏལགྷཱཏཀཾ ཨཀཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – པཋམཔཱརཱཛིཀེ…པེ….

ཛཏུམཊྛཀེ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརཱ བྷིཀྑུནཱི ཛཏུམཊྛཀཾ ཨཱདིཡི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – པཋམཔཱརཱཛིཀེ…པེ….

ཨཏིརེཀདྭངྒུལཔབྦཔརམཾ ཨུདཀསུདྡྷིཀཾ ཨཱདིཡནྟིཡཱ པཱཙིཏྟིཡཾ ཀཏྠ པཉྙཏྟནྟི? སཀྐེསུ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརཱ བྷིཀྑུནཱི ཨཏིགམྦྷཱིརཾ ཨུདཀསུདྡྷིཀཾ ཨཱདིཡི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – པཋམཔཱརཱཛིཀེ…པེ….

བྷིཀྑུསྶ བྷུཉྫནྟསྶ པཱནཱིཡེན ཝཱ ཝིདྷཱུཔནེན ཝཱ ཨུཔཏིཊྛནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརཱ བྷིཀྑུནཱི བྷིཀྑུསྶ བྷུཉྫནྟསྶ པཱནཱིཡེན ཙ ཝིདྷཱུཔནེན ཙ ཨུཔཏིཊྛི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

ཨཱམཀདྷཉྙཾ ¶ ¶ ¶ ཝིཉྙཱཔེཏྭཱ བྷུཉྫནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨཱམཀདྷཉྙཾ ཝིཉྙཱཔེཏྭཱ བྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛཱཏི…པེ….

ཨུཙྩཱརཾ ཝཱ པསྶཱཝཾ ཝཱ སངྐཱརཾ ཝཱ ཝིགྷཱསཾ ཝཱ ཏིརོཀུཊྚེ [ཏིརོཀུཌྜེ (སཱི. སྱཱ.)] ཚཌྜེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརཱ བྷིཀྑུནཱི ཨུཙྩཱརཾ [ཨུཙྩཱརམྤི པསྶཱཝམྤི སངྐཱརམྤི ཝིགྷཱསམྤི (ཀ.)] ཏིརོཀུཊྚེ ཚཌྜེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

ཨུཙྩཱརཾ ¶ ཝཱ པསྶཱཝཾ ཝཱ སངྐཱརཾ ཝཱ ཝིགྷཱསཾ ཝཱ ཧརིཏེ ཚཌྜེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨུཙྩཱརམྤི པསྶཱཝམྤི སངྐཱརམྤི ཝིགྷཱསམྤི ཧརིཏེ ཚཌྜེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

ནཙྩཾ ཝཱ གཱིཏཾ ཝཱ ཝཱདིཏཾ ཝཱ དསྶནཱཡ གཙྪནྟིཡཱ པཱཙིཏྟིཡཾ ¶ ཀཏྠ པཉྙཏྟནྟི? རཱཛགཧེ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ ནཙྩམྤི གཱིཏམྤི ཝཱདིཏམྤི དསྶནཱཡ ཨགམཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

ལསུཎཝགྒོ པཋམོ.

༢. རཏྟནྡྷཀཱརཝགྒོ

༢༡༩. རཏྟནྡྷཀཱརེ ཨཔྤདཱིཔེ པུརིསེན སདྡྷིཾ ཨེཀེནེཀཱཡ སནྟིཊྛནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརཱ བྷིཀྑུནཱི རཏྟནྡྷཀཱརེ ཨཔྤདཱིཔེ པུརིསེན སདྡྷིཾ ཨེཀེནེཀཱ སནྟིཊྛི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཐེཡྻསཏྠཀེ…པེ….

པཊིཙྪནྣེ ¶ ཨོཀཱསེ པུརིསེན སདྡྷིཾ ཨེཀེནེཀཱཡ སནྟིཊྛནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརཱ བྷིཀྑུནཱི པཊིཙྪནྣེ ཨོཀཱསེ པུརིསེན སདྡྷིཾ ཨེཀེནེཀཱ སནྟིཊྛི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཐེཡྻསཏྠཀེ…པེ….

ཨཛ྄ཛྷོཀཱསེ པུརིསེན སདྡྷིཾ ཨེཀེནེཀཱཡ སནྟིཊྛནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི ¶ ? ཨཉྙཏརཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརཱ བྷིཀྑུནཱི ཨཛ྄ཛྷོཀཱསེ པུརིསེན སདྡྷིཾ ཨེཀེནེཀཱ སནྟིཊྛི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཐེཡྻསཏྠཀེ…པེ….

རཐིཀཱ ¶ ཝཱ [རཐིཡཱཡ ཝཱ (ཀ.)] བྱཱུཧེ ཝཱ སིངྒྷཱཊཀེ ཝཱ པུརིསེན སདྡྷིཾ ཨེཀེནེཀཱཡ སནྟིཊྛནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི རཐིཀཱཡཔི བྱཱུཧེཔི སིངྒྷཱཊཀེཔི པུརིསེན སདྡྷིཾ ཨེཀེནེཀཱ སནྟིཊྛི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཐེཡྻསཏྠཀེ…པེ….

པུརེབྷཏྟཾ ཀུལཱནི ཨུཔསངྐམིཏྭཱ ཨཱསནེ ནིསཱིདིཏྭཱ སཱམིཀེ ཨནཱཔུཙྪཱ པཀྐམནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ ¶ . ཀཾ ཨཱརབྦྷཱཏི? ཨཉྙཏརཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརཱ བྷིཀྑུནཱི པུརེབྷཏྟཾ ཀུལཱནི ཨུཔསངྐམིཏྭཱ ཨཱསནེ ནིསཱིདིཏྭཱ སཱམིཀེ ཨནཱཔུཙྪཱ པཀྐཱམི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཀཐིནཀེ…པེ….

པཙྪཱབྷཏྟཾ ཀུལཱནི ཨུཔསངྐམིཏྭཱ སཱམིཀེ ཨནཱཔུཙྪཱ ཨཱསནེ ཨབྷིནིསཱིདནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ ¶ . ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི པཙྪཱབྷཏྟཾ ཀུལཱནི ཨུཔསངྐམིཏྭཱ སཱམིཀེ ཨནཱཔུཙྪཱ ཨཱསནེ ཨབྷིནིསཱིདི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཀཐིནཀེ…པེ….

ཝིཀཱལེ ཀུལཱནི ཨུཔསངྐམིཏྭཱ སཱམིཀེ ཨནཱཔུཙྪཱ སེཡྻཾ སནྠརིཏྭཱ ཝཱ སནྠརཱཔེཏྭཱ ཝཱ ¶ ཨབྷིནིསཱིདནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཝིཀཱལེ ཀུལཱནི ཨུཔསངྐམིཏྭཱ སཱམིཀེ ཨནཱཔུཙྪཱ སེཡྻཾ སནྠརིཏྭཱ ཨབྷིནིསཱིདིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཀཐིནཀེ…པེ….

དུགྒཧིཏེན དཱུཔདྷཱརིཏེན པརཾ ཨུཛ྄ཛྷཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརཱ བྷིཀྑུནཱི དུགྒཧིཏེན དཱུཔདྷཱརིཏེན པརཾ ཨུཛ྄ཛྷཱཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

ཨཏྟཱནཾ ¶ ཝཱ པརཾ ཝཱ ནིརཡེན ཝཱ བྲཧྨཙརིཡེན ཝཱ ཨབྷིསཔནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ¶ ཨཱརབྦྷཱཏི? ཙཎྜཀཱལི༹ཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཙཎྜཀཱལཱི༹ བྷིཀྑུནཱི ཨཏྟཱནམྤི པརམྤི ནིརཡེནཔི བྲཧྨཙརིཡེནཔི ཨབྷིསཔི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

ཨཏྟཱནཾ ཝདྷིཏྭཱ ཝདྷིཏྭཱ རོདནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཙཎྜཀཱལི༹ཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཙཎྜཀཱལཱི༹ བྷིཀྑུནཱི ཨཏྟཱནཾ ཝདྷིཏྭཱ ཝདྷིཏྭཱ རོདི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

རཏྟནྡྷཀཱརཝགྒོ དུཏིཡོ.

༣. ནཧཱནཝགྒོ

༢༢༠. ནགྒཱཡ ནཧཱཡནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ནགྒཱ ནཧཱཡིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

པམཱཎཱཏིཀྐནྟཾ ཨུདཀསཱཊིཀཾ ཀཱརཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ ¶ . ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ ཨཔྤམཱཎིཀཱཡོ ཨུདཀསཱཊིཀཱཡོ དྷཱརེསུཾ, ཏསྨིཾ ཝཏྠུསྨིཾ. ཨེཀཱ ¶ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

བྷིཀྑུནིཡཱ ¶ ཙཱིཝརཾ ཝིསིབྦེཏྭཱ ཝཱ ཝིསིབྦཱཔེཏྭཱ ཝཱ ནེཝ སིབྦེནྟིཡཱ ན སིབྦཱཔནཱཡ ཨུསྶུཀྐཾ ཀརོནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི བྷིཀྑུནིཡཱ ཙཱིཝརཾ ཝིསིབྦཱཔེཏྭཱ ནེཝ སིབྦེསི ན སིབྦཱཔནཱཡ ཨུསྶུཀྐཾ ཨཀཱསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

པཉྩཱཧིཀཾ ¶ སངྒྷཱཊིཙཱརཾ ཨཏིཀྐཱམེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ བྷིཀྑུནཱིནཾ ཧཏྠེ ཙཱིཝརཾ ནིཀྑིཔིཏྭཱ སནྟརུཏྟརེན ཛནཔདཙཱརིཀཾ པཀྐམིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཀཐིནཀེ…པེ….

ཙཱིཝརསངྐམནཱིཡཾ དྷཱརེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརཱ བྷིཀྑུནཱི ཨཉྙཏརཱཡ བྷིཀྑུནིཡཱ ཙཱིཝརཾ ཨནཱཔུཙྪཱ པཱརུཔི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཀཐིནཀེ…པེ….

གཎསྶ ¶ ཙཱིཝརལཱབྷཾ ཨནྟརཱཡཾ ཀརོནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི གཎསྶ ཙཱིཝརལཱབྷཾ ཨནྟརཱཡཾ ཨཀཱསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

དྷམྨིཀཾ ཙཱིཝརཝིབྷངྒཾ པཊིབཱཧནྟིཡཱ པཱཙིཏྟིཡཾ ཀཏྠ པཉྙཏྟནྟི. སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི དྷམྨིཀཾ ¶ ཙཱིཝརཝིབྷངྒཾ པཊིབཱཧི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

ཨགཱརིཀསྶ ཝཱ པརིབྦཱཛཀསྶ ཝཱ པརིབྦཱཛིཀཱཡ ཝཱ སམཎཙཱིཝརཾ དེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ཨགཱརིཀསྶ སམཎཙཱིཝརཾ ཨདཱསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ….

དུབྦལཙཱིཝརཔཙྩཱསཱཡ ཙཱིཝརཀཱལསམཡཾ ཨཏིཀྐཱམེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ ¶ བྷིཀྑུནཱི དུབྦལཙཱིཝརཔཙྩཱསཱཡ ཙཱིཝརཀཱལསམཡཾ ཨཏིཀྐཱམེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

དྷམྨིཀཾ ¶ ཀཐིནུདྡྷཱརཾ པཊིབཱཧནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ ¶ . ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི དྷམྨིཀཾ ཀཐིནུདྡྷཱརཾ པཊིབཱཧི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

ནཧཱནཝགྒོ ཏཏིཡོ.

༤. ཏུཝཊྚཝགྒོ

༢༢༡. དྭིནྣཾ བྷིཀྑུནཱིནཾ ཨེཀམཉྩེ ཏུཝཊྚེནྟཱིནཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ¶ དྭེ ཨེཀམཉྩེ ཏུཝཊྚེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

དྭིནྣཾ བྷིཀྑུནཱིནཾ ཨེཀཏྠརཎཔཱཝུརཎེ ཏུཝཊྚེནྟཱིནཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ དྭེ ཨེཀཏྠརཎཔཱཝུརཎཱ ཏུཝཊྚེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི ¶ སམུཊྛཱཏི – ཨེལ༹ཀལོམཀེ…པེ….

བྷིཀྑུནིཡཱ སཉྩིཙྩ ཨཕཱསུཾ ཀརོནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི བྷིཀྑུནིཡཱ སཉྩིཙྩ ཨཕཱསུཾ ཨཀཱསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

དུཀྑིཏཾ སཧཛཱིཝིནིཾ ནེཝ ཨུཔཊྛེནྟིཡཱ ན ཨུཔཊྛཱཔནཱཡ ཨུསྶུཀྐཾ ཀརོནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི དུཀྑིཏཾ སཧཛཱིཝིནིཾ ནེཝ ཨུཔཊྛེསི ན ཨུཔཊྛཱཔནཱཡ ཨུསྶུཀྐཾ ཨཀཱསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

བྷིཀྑུནིཡཱ ¶ ཨུཔསྶཡཾ དཏྭཱ ཀུཔིཏཱཡ ཨནཏྟམནཱཡ ནིཀྐཌྜྷནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི བྷིཀྑུནིཡཱ ཨུཔསྶཡཾ དཏྭཱ ཀུཔིཏཱ ཨནཏྟམནཱ ནིཀྐཌྜྷི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

སཾསཊྛཱཡ བྷིཀྑུནིཡཱ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟིཡཱ ¶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཙཎྜཀཱལི༹ཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཙཎྜཀཱལཱི༹ བྷིཀྑུནཱི སཾསཊྛཱ ཝིཧརི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

ཨནྟོརཊྛེ སཱསངྐསམྨཏེ སཔྤཊིབྷཡེ ཨསཏྠིཀཱཡ ཙཱརིཀཾ ཙརནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ ¶ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨནྟོརཊྛེ སཱསངྐསམྨཏེ སཔྤཊིབྷཡེ ཨསཏྠིཀཱཡོ ཙཱརིཀཾ ཙརིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

ཏིརོརཊྛེ ¶ སཱསངྐསམྨཏེ སཔྤཊིབྷཡེ ཨསཏྠིཀཱཡ ཙཱརིཀཾ ཙརནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཏིརོརཊྛེ སཱསངྐསམྨཏེ སཔྤཊིབྷཡེ ཨསཏྠིཀཱཡོ ཙཱརིཀཾ ཙརིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

ཨནྟོཝསྶཾ ཙཱརིཀཾ ཙརནྟིཡཱ པཱཙིཏྟིཡཾ ཀཏྠ པཉྙཏྟནྟི? རཱཛགཧེ ¶ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨནྟོཝསྶཾ ཙཱརིཀཾ ཙརིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

ཝསྶཾཝུཊྛཱཡ [ཝསྶཾཝུཏྠཱཡ (སཱི. སྱཱ.)] བྷིཀྑུནིཡཱ ཙཱརིཀཾ ན པཀྐམནྟིཡཱ པཱཙིཏྟིཡཾ ཀཏྠ པཉྙཏྟནྟི? རཱཛགཧེ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ ¶ . ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཝསྶཾཝུཊྛཱ ཙཱརིཀཾ ན པཀྐམིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – པཋམཔཱརཱཛིཀེ…པེ….

ཏུཝཊྚཝགྒོ ཙཏུཏྠོ.

༥. ཙིཏྟཱགཱརཝགྒོ

༢༢༢. རཱཛཱགཱརཾ ཝཱ ཙིཏྟཱགཱརཾ ཝཱ ཨཱརཱམཾ ཝཱ ཨུཡྻཱནཾ ཝཱ པོཀྑརཎིཾ ཝཱ དསྶནཱཡ གཙྪནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ རཱཛཱགཱརམྤི ཙིཏྟཱགཱརམྤི དསྶནཱཡ ཨགམཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

ཨཱསནྡིཾ ཝཱ པལླངྐཾ ཝཱ པརིབྷུཉྫནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ ¶ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨཱསནྡིམྤི པལླངྐམྤི པརིབྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

སུཏྟཾ ¶ ཀནྟནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ སུཏྟཾ ཀནྟིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

གིཧིཝེཡྻཱཝཙྩཾ ཀརོནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ གིཧིཝེཡྻཱཝཙྩཾ ཨཀཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

བྷིཀྑུནིཡཱ ‘‘ཨེཧཱཡྻེ ཨིམཾ ཨདྷིཀརཎཾ ཝཱུཔསམེཧཱི’’ཏི ཝུཙྩམཱནཱཡ ‘‘སཱདྷཱུ’’ཏི པཊིསྶུཎིཏྭཱ ནེཝ ཝཱུཔསམེནྟིཡཱ ན ཝཱུཔསམཱཡ ཨུསྶུཀྐཾ ཀརོནྟིཡཱ ¶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ ¶ བྷིཀྑུནཱི བྷིཀྑུནིཡཱ – ‘‘ཨེཧཱཡྻེ, ཨིམཾ ཨདྷིཀརཎཾ ཝཱུཔསམེཧཱི’’ཏི ཝུཙྩམཱནཱ ‘‘སཱདྷཱུ’’ཏི པཊིསྶུཎིཏྭཱ ནེཝ ཝཱུཔསམེསི ¶ ན ཝཱུཔསམཱཡ ཨུསྶུཀྐཾ ཨཀཱསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

ཨགཱརིཀསྶ ཝཱ པརིབྦཱཛཀསྶ ཝཱ པརིབྦཱཛིཀཱཡ ཝཱ སཧཏྠཱ ཁཱདནཱིཡཾ ཝཱ བྷོཛནཱིཡཾ ཝཱ དེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ཨགཱརིཀསྶ སཧཏྠཱ ཁཱདནཱིཡམྤི བྷོཛནཱིཡམྤི ཨདཱསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

ཨཱཝསཐཙཱིཝརཾ ཨནིསྶཛྫིཏྭཱ པརིབྷུཉྫནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ཨཱཝསཐཙཱིཝརཾ ཨནིསྶཛྫིཏྭཱ པརིབྷུཉྫི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཀཐིནཀེ…པེ….

ཨཱཝསཐཾ ཨནིསྶཛྫིཏྭཱ ཙཱརིཀཾ པཀྐམནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ ¶ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ཨཱཝསཐཾ ཨནིསྶཛྫིཏྭཱ ཙཱརིཀཾ པཀྐཱམི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ¶ – ཀཐིནཀེ…པེ….

ཏིརཙྪཱནཝིཛྫཾ པརིཡཱཔུཎནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ ཏིརཙྪཱནཝིཛྫཾ པརིཡཱཔུཎིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – པདསོདྷམྨེ…པེ….

ཏིརཙྪཱནཝིཛྫཾ ཝཱཙེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི. ཚབྦགྒིཡཱ བྷིཀྑུནིཡོ ¶ ཏིརཙྪཱནཝིཛྫཾ ཝཱཙེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – པདསོདྷམྨེ…པེ….

ཙིཏྟཱགཱརཝགྒོ པཉྩམོ.

༦. ཨཱརཱམཝགྒོ

༢༢༣. ཛཱནཾ སབྷིཀྑུཀཾ ཨཱརཱམཾ ཨནཱཔུཙྪཱ པཝིསནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨཱརཱམཾ ཨནཱཔུཙྪཱ པཝིསིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, དྭེ ཨནུཔཉྙཏྟིཡོ. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

བྷིཀྑུཾ ཨཀྐོསནྟིཡཱ པརིབྷཱསནྟིཡཱ པཱཙིཏྟིཡཾ ཀཏྠ པཉྙཏྟནྟི? ཝེསཱལིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ¶ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ ཨཱཡསྨནྟཾ ཨུཔཱལིཾ ཨཀྐོསིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

ཙཎྜཱིཀཏཱཡ གཎཾ པརིབྷཱསནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ ¶ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ཙཎྜཱིཀཏཱཡ ¶ གཎཾ པརིབྷཱསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

ནིམནྟིཏཱཡ ཝཱ པཝཱརིཏཱཡ ཝཱ ཁཱདནཱིཡཾ ཝཱ བྷོཛནཱིཡཾ ཝཱ ཨཉྙཏྲ བྷུཉྫནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ བྷུཏྟཱཝིནིཡོ པཝཱརིཏཱ ཨཉྙཏྲ བྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛཱཏི…པེ….

ཀུལཾ མཙྪརཱཡནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརཱ བྷིཀྑུནཱི ཀུལཾ མཙྪརཱཡི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

ཨབྷིཀྑུཀེ ¶ ཨཱཝཱསེ ཝསྶཾ ཝསནྟིཡཱ པཱཙིཏྟིཡཾ ཀཏྠ པཉྙཏྟནྟི ¶ ? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨབྷིཀྑུཀེ ཨཱཝཱསེ ཝསྶཾ ཝསིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

ཝསྶཾཝུཊྛཱཡ བྷིཀྑུནིཡཱ ཨུབྷཏོསངྒྷེ ཏཱིཧི ཋཱནེཧི ན པཝཱརེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཝསྶཾཝུཊྛཱ བྷིཀྑུསངྒྷཾ [བྷིཀྑུནིསཾགྷེ (ཀ.)] ན པཝཱརེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

ཨོཝཱདཱཡ ཝཱ སཾཝཱསཱཡ ཝཱ ན གཙྪནྟིཡཱ པཱཙིཏྟིཡཾ ཀཏྠ པཉྙཏྟནྟི? སཀྐེསུ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ ཨོཝཱདཾ ན གཙྪིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – པཋམཔཱརཱཛིཀེ…པེ….

ཨུཔོསཐམྤི ན པུཙྪནྟིཡཱ ཨོཝཱདམྤི ན ཡཱཙནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ ¶ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨུཔོསཐམྤི ན པུཙྪིཾསུ ཨོཝཱདམྤི ན ཡཱཙིཾསུ, ཏསྨིཾ ¶ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

པསཱཁེ ཛཱཏཾ གཎྜཾ ཝཱ རུདྷིཏཾ [རུཧིཏཾ (སཱི. སྱཱ.)] ཝཱ ཨནཔལོཀེཏྭཱ སངྒྷཾ ཝཱ གཎཾ ཝཱ པུརིསེན སདྡྷིཾ ཨེཀེནེཀཱཡ བྷེདཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརཱ བྷིཀྑུནཱི པསཱཁེ ཛཱཏཾ གཎྜཾ པུརིསེན སདྡྷིཾ ཨེཀེནེཀཱ བྷེདཱཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཀཐིནཀེ…པེ….

ཨཱརཱམཝགྒོ ཚཊྛོ.

༧. གབྦྷིནཱིཝགྒོ

༢༢༤. གབྦྷིནིཾ ¶ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ ¶ . ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ གབྦྷིནིཾ ཝུཊྛཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

པཱཡནྟིཾ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ པཱཡནྟིཾ ཝུཊྛཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

དྭེ ¶ ཝསྶཱནི ཚསུ དྷམྨེསུ ཨསིཀྑིཏསིཀྑཾ སིཀྑམཱནཾ ཝུཊྛཱཔེནྟིཡཱ པཱཙིཏྟིཡཾ ¶ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ དྭེ ཝསྶཱནི ཚསུ དྷམྨེསུ ཨསིཀྑིཏསིཀྑཾ སིཀྑམཱནཾ ཝུཊྛཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

དྭེ ཝསྶཱནི ཚསུ དྷམྨེསུ སིཀྑིཏསིཀྑཾ སིཀྑམཱནཾ སངྒྷེན ཨསམྨཏཾ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ དྭེ ཝསྶཱནི ཚསུ དྷམྨེསུ སིཀྑིཏསིཀྑཾ སིཀྑམཱནཾ སངྒྷེན ཨསམྨཏཾ ཝུཊྛཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

ཨཱུནདྭཱདསཝསྶཾ གིཧིགཏཾ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨཱུནདྭཱདསཝསྶཾ གིཧིགཏཾ ཝུཊྛཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

པརིཔུཎྞདྭཱདསཝསྶཾ གིཧིགཏཾ དྭེ ཝསྶཱནི ཚསུ དྷམྨེསུ ཨསིཀྑིཏསིཀྑཾ ¶ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ པརིཔུཎྞདྭཱདསཝསྶཾ གིཧིགཏཾ དྭེ ཝསྶཱནི ཚསུ དྷམྨེསུ ཨསིཀྑིཏསིཀྑཾ ཝུཊྛཱཔེསུཾ ¶ , ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

པརིཔུཎྞདྭཱདསཝསྶཾ གིཧིགཏཾ དྭེ ཝསྶཱནི ཚསུ དྷམྨེསུ སིཀྑིཏསིཀྑཾ སངྒྷེན ཨསམྨཏཾ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ པརིཔུཎྞདྭཱདསཝསྶཾ གིཧིགཏཾ དྭེ ཝསྶཱནི ཚསུ དྷམྨེསུ སིཀྑིཏསིཀྑཾ སངྒྷེན ཨསམྨཏཾ ཝུཊྛཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

སཧཛཱིཝིནིཾ ཝུཊྛཱཔེཏྭཱ དྭེ ཝསྶཱནི ནེཝ ཨནུགྒཎྷནྟིཡཱ ན ཨནུགྒཎྷཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི སཧཛཱིཝིནིཾ ཝུཊྛཱཔེཏྭཱ དྭེ ཝསྶཱནི ནེཝ ཨནུགྒཧེསི ན ཨནུགྒཎྷཱཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

ཝུཊྛཱཔིཏཾ ¶ པཝཏྟིནིཾ དྭེ ཝསྶཱནི ནཱནུབནྡྷནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ ¶ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཝུཊྛཱཔིཏཾ པཝཏྟིནིཾ དྭེ ཝསྶཱནི ནཱནུབནྡྷིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – པཋམཔཱརཱཛིཀེ…པེ….

སཧཛཱིཝིནིཾ ཝུཊྛཱཔེཏྭཱ ནེཝ ཝཱུཔཀཱསེནྟིཡཱ ན ཝཱུཔཀཱསཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི སཧཛཱིཝིནིཾ ཝུཊྛཱཔེཏྭཱ ནེཝ ཝཱུཔཀཱསེསི ན ཝཱུཔཀཱསཱཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

གབྦྷིནིཝགྒོ སཏྟམོ.

༨. ཀུམཱརཱིབྷཱུཏཝགྒོ

༢༢༥. ཨཱུནཝཱིསཏིཝསྶཾ ཀུམཱརིབྷཱུཏཾ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ ¶ . ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨཱུནཝཱིསཏིཝསྶཾ ཀུམཱརིབྷཱུཏཾ ཝུཊྛཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

པརིཔུཎྞཝཱིསཏིཝསྶཾ ཀུམཱརིབྷཱུཏཾ དྭེ ཝསྶཱནི ཚསུ དྷམྨེསུ ཨསིཀྑིཏསིཀྑཾ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ ¶ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ པརིཔུཎྞཝཱིསཏིཝསྶཾ ཀུམཱརིབྷཱུཏཾ དྭེ ཝསྶཱནི ཚསུ དྷམྨེསུ ཨསིཀྑིཏསིཀྑཾ ཝུཊྛཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

པརིཔུཎྞཝཱིསཏིཝསྶཾ ¶ ཀུམཱརིབྷཱུཏཾ དྭེ ཝསྶཱནི ཚསུ དྷམྨེསུ སིཀྑིཏསིཀྑཾ སངྒྷེན ཨསམྨཏཾ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ པརིཔུཎྞཝཱིསཏིཝསྶཾ ཀུམཱརིབྷཱུཏཾ དྭེ ཝསྶཱནི ཚསུ དྷམྨེསུ སིཀྑིཏསིཀྑཾ སངྒྷེན ཨསམྨཏཾ ཝུཊྛཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

ཨཱུནདྭཱདསཝསྶཱཡ ¶ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨཱུནདྭཱདསཝསྶཱ ཝུཊྛཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

པརིཔུཎྞདྭཱདསཝསྶཱཡ སངྒྷེན ཨསམྨཏཱཡ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ ¶ བྷིཀྑུནིཡོ པརིཔུཎྞདྭཱདསཝསྶཱ སངྒྷེན ཨསམྨཏཱ ཝུཊྛཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི – དུཏིཡཔཱརཱཛིཀེ…པེ….

‘‘ཨལཾ ཏཱཝ ཏེ, ཨཡྻེ, ཝུཊྛཱཔིཏེནཱ’’ཏི ཝུཙྩམཱནཱཡ ‘‘སཱདྷཱུ’’ཏི པཊིསྶུཎིཏྭཱ པཙྪཱ ཁཱིཡནདྷམྨཾ ཨཱཔཛྫནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཙཎྜཀཱལི༹ཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཙཎྜཀཱལཱི༹ བྷིཀྑུནཱི ‘‘ཨལཾ ཏཱཝ ཏེ, ཨཡྻེ, ཝུཊྛཱཔིཏེནཱ’’ཏི ཝུཙྩམཱནཱ ¶ ‘‘སཱདྷཱུ’’ཏི པཊིསྶུཎིཏྭཱ པཙྪཱ ཁཱིཡནདྷམྨཾ ཨཱཔཛྫི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

སིཀྑམཱནཾ – ‘‘སཙེ མེ ཏྭཾ, ཨཡྻེ, ཙཱིཝརཾ དསྶསི, ཨེཝཱཧཾ ཏཾ ཝུཊྛཱཔེསྶཱམཱི’’ཏི ཝཏྭཱ ནེཝ ཝུཊྛཱཔེནྟིཡཱ ན ཝུཊྛཱཔནཱཡ ཨུསྶུཀྐཾ ཀརོནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི སིཀྑམཱནཾ – ‘‘སཙེ མེ ཏྭཾ, ཨཡྻེ, ཙཱིཝརཾ དསྶསི, ཨེཝཱཧཾ ཏཾ ཝུཊྛཱཔེསྶཱམཱི’’ཏི ཝཏྭཱ ནེཝ ཝུཊྛཱཔེསི ན ཝུཊྛཱཔནཱཡ ཨུསྶུཀྐཾ ཨཀཱསི ¶ , ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

སིཀྑམཱནཾ – ‘‘སཙེ མཾ ཏྭཾ, ཨཡྻེ, དྭེ ཝསྶཱནི ཨནུབནྡྷིསྶསི, ཨེཝཱཧཾ ཏཾ ཝུཊྛཱཔེསྶཱམཱི’’ཏི ཝཏྭཱ ནེཝ ཝུཊྛཱཔེནྟིཡཱ ན ཝུཊྛཱཔནཱཡ ཨུསྶུཀྐཾ ¶ ཀརོནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི སིཀྑམཱནཾ – ‘‘སཙེ མཾ ཏྭཾ, ཨཡྻེ, དྭེ ཝསྶཱནི ཨནུབནྡྷིསྶསི, ཨེཝཱཧཾ ཏཾ ཝུཊྛཱཔེསྶཱམཱི’’ཏི ཝཏྭཱ ནེཝ ཝུཊྛཱཔེསི ན ཝུཊྛཱཔནཱཡ ཨུསྶུཀྐཾ ཨཀཱསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

པུརིསསཾསཊྛཾ ཀུམཱརཀསཾསཊྛཾ ཙཎྜིཾ སོཀཱཝཱསཾ སིཀྑམཱནཾ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི པུརིསསཾསཊྛཾ ཀུམཱརཀསཾསཊྛཾ ཙཎྜིཾ སོཀཱཝཱསཾ སིཀྑམཱནཾ ཝུཊྛཱཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

མཱཏཱཔིཏཱུཧི ཝཱ སཱམིཀེན ཝཱ ཨནནུཉྙཱཏཾ སིཀྑམཱནཾ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི མཱཏཱཔིཏཱུཧིཔི སཱམིཀེནཱཔི ཨནནུཉྙཱཏཾ སིཀྑམཱནཾ ཝུཊྛཱཔེསི ¶ , ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛཱཏི – སིཡཱ ཝཱཙཏོ སམུཊྛཱཏི, ན ཀཱཡཏོ ན ཙིཏྟཏོ; སིཡཱ ཀཱཡཏོ ཙ ཝཱཙཏོ ¶ ཙ སམུཊྛཱཏི, ན ཙིཏྟཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ¶ ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

པཱརིཝཱསིཀཚནྡདཱནེན སིཀྑམཱནཾ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? རཱཛགཧེ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི པཱརིཝཱསིཀཚནྡདཱནེན སིཀྑམཱནཾ ཝུཊྛཱཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

ཨནུཝསྶཾ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨནུཝསྶཾ ཝུཊྛཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

ཨེཀཾ ཝསྶཾ དྭེ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨེཀཾ ¶ ཝསྶཾ དྭེ ཝུཊྛཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

ཀུམཱརཱིབྷཱུཏཝགྒོ ཨཊྛམོ.

༩. ཚཏྟུཔཱཧནཝགྒོ

༢༢༦. ཚཏྟུཔཱཧནཾ དྷཱརེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ ¶ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ ཚཏྟུཔཱཧནཾ དྷཱརེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

ཡཱནེན ཡཱཡནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ ཡཱནེན ཡཱཡིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

སངྒྷཱཎིཾ ¶ དྷཱརེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརཱ བྷིཀྑུནཱི སངྒྷཱཎིཾ དྷཱརེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

ཨིཏྠཱལངྐཱརཾ དྷཱརེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ ཨིཏྠཱལངྐཱརཾ དྷཱརེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ¶ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

གནྡྷཝཎྞཀེན ནཧཱཡནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ གནྡྷཝཎྞཀེན ནཧཱཡིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

ཝཱསིཏཀེན ¶ པིཉྙཱཀེན ནཧཱཡནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ ཝཱསིཏཀེན པིཉྙཱཀེན ནཧཱཡིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

བྷིཀྑུནིཡཱ ཨུམྨདྡཱཔེནྟིཡཱ པརིམདྡཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ བྷིཀྑུནིཡཱ ཨུམྨདྡཱཔེསུཾ པརིམདྡཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

སིཀྑམཱནཱ ¶ ཨུམྨདྡཱཔེནྟིཡཱ པརིམདྡཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ ¶ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ སིཀྑམཱནཱཡ ཨུམྨདྡཱཔེསུཾ པརིམདྡཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

སཱམཎེརིཡཱ ཨུམྨདྡཱཔེནྟིཡཱ པརིམདྡཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ ¶ . ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ སཱམཎེརིཡཱ ཨུམྨདྡཱཔེསུཾ པརིམདྡཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

གིཧིནིཡཱ ཨུམྨདྡཱཔེནྟིཡཱ པརིམདྡཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ གིཧིནིཡཱ ཨུམྨདྡཱཔེསུཾ པརིམདྡཱཔེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཨེལ༹ཀལོམཀེ…པེ….

བྷིཀྑུསྶ པུརཏོ ཨནཱཔུཙྪཱ ཨཱསནེ ནིསཱིདནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ བྷིཀྑུསྶ པུརཏོ ཨནཱཔུཙྪཱ ཨཱསནེ ནིསཱིདིཾསུ, ཏསྨིཾ ཝཏྠུསྨིཾ ¶ . ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཀཐིནཀེ…པེ….

ཨནོཀཱསཀཏཾ ¶ བྷིཀྑུཾ པཉྷཾ པུཙྪནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨནོཀཱསཀཏཾ བྷིཀྑུཾ པཉྷཾ པུཙྪིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – པདསོདྷམྨེ…པེ….

ཨསངྐཙྩིཀཱཡ [ཨསངྐཙྪིཀཱཡ (སྱཱ.)] གཱམཾ པཝིསནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཨཉྙཏརཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརཱ བྷིཀྑུནཱི ཨསངྐཙྩིཀཱ གཱམཾ པཱཝིསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ སམུཊྛཱཏི, ན ཝཱཙཏོ ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ….

ཚཏྟུཔཱཧནཝགྒོ ནཝམོ.

ནཝཝགྒཁུདྡཀཱ ནིཊྛིཏཱ.

ཏསྶུདྡཱནཾ –

ལསུཎཾ ¶ སཾཧརེ ལོམཾ, ཏལམཊྛཉྩ སུདྡྷིཀཾ;

བྷུཉྫནྟཱམཀདྷཉྙཱནཾ, དྭེ ཝིགྷཱསེན དསྶནཱ.

ཨནྡྷཀཱརེ ¶ པཊིཙྪནྣེ, ཨཛ྄ཛྷོཀཱསེ རཐིཀཱཡ ཙ;

པུརེ པཙྪཱ ཝིཀཱལེ ཙ, དུགྒཧི ནིརཡེ ཝདྷི.

ནགྒོདཀཱ ཝིསིབྦེཏྭཱ, པཉྩཱཧིཀཾ སངྐམནཱིཡཾ;

གཎཾ ཝིབྷངྒསམཎཾ, དུབྦལཾ ཀཐིནེན ཙ.

ཨེཀམཉྩཏྠརཎེན, སཉྩིཙྩ སཧཛཱིཝིནཱི;

དཏྭཱ སཾསཊྛཨནྟོ ཙ, ཏིརོཝསྶཾ ན པཀྐམེ.

རཱཛཱ ཨཱསནྡི སུཏྟཉྩ, གིཧི ཝཱུཔསམེན ཙ;

དདེ ཙཱིཝརཱཝསཐཾ, པརིཡཱཔུཎཉྩ ཝཱཙཡེ.

ཨཱརཱམཀྐོསཙཎྜཱི ¶ ཙ, བྷུཉྫེཡྻ ཀུལམཙྪརཱི;

ཝཱསེ པཝཱརཎོཝཱདཾ, དྭེ དྷམྨཱ པསཱཁེན ཙ.

གབྦྷཱི པཱཡནྟཱི ཚ དྷམྨེ, ཨསམྨཏཱུནདྭཱདས;

པརིཔུཎྞཉྩ ¶ སངྒྷེན, སཧ ཝུཊྛཱ ཚ པཉྩ ཙ.

ཀུམཱརཱི དྭེ ཙ སངྒྷེན, དྭཱདས སམྨཏེན ཙ;

ཨལཾ སཙེ ཙ དྭེཝསྶཾ, སཾསཊྛཱ སཱམིཀེན ཙ.

པཱརིཝཱསིཀཱནུཝསྶཾ, དུཝེ ཝུཊྛཱཔནེན ཙ;

ཚཏྟཡཱནེན སངྒྷཱཎི, ཨིཏྠཱལངྐཱརཝཎྞཀེ.

པིཉྙཱཀབྷིཀྑུནཱི ཙེཝ, སིཀྑཱ ཙ སཱམཎེརིཀཱ;

གིཧི བྷིཀྑུསྶ པུརཏོ, ཨནོཀཱསཾ སངྐཙྩིཀཱཏི.

ཏེསཾ ཝགྒཱནཾ ཨུདྡཱནཾ –

ལསུཎནྡྷཀཱརཱ ནྷཱནཱ, ཏུཝཊྚཱ ཙིཏྟགཱརཀཱ;

ཨཱརཱམཾ ¶ གབྦྷིནཱི ཙེཝ, ཀུམཱརཱི ཚཏྟུཔཱཧནཱཏི.

༥. པཱཊིདེསནཱིཡཀཎྜཾ

༢༢༧. སཔྤིཾ ¶ ཝིཉྙཱཔེཏྭཱ བྷུཉྫནྟིཡཱ པཱཊིདེསནཱིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ སཔྤིཾ ཝིཉྙཱཔེཏྭཱ བྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛཱཏི…པེ….

ཏེལཾ ཝིཉྙཱཔེཏྭཱ བྷུཉྫནྟིཡཱ པཱཊིདེསནཱིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ ཏེལཾ ཝིཉྙཱཔེཏྭཱ བྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛཱཏི…པེ….

མདྷུཾ ¶ ཝིཉྙཱཔེཏྭཱ བྷུཉྫནྟིཡཱ པཱཊིདེསནཱིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ མདྷུཾ ཝིཉྙཱཔེཏྭཱ བྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛཱཏི…པེ….

ཕཱཎིཏཾ ¶ ཝིཉྙཱཔེཏྭཱ བྷུཉྫནྟིཡཱ པཱཊིདེསནཱིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ ཕཱཎིཏཾ ཝིཉྙཱཔེཏྭཱ བྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛཱཏི…པེ….

མཙྪཾ ཝིཉྙཱཔེཏྭཱ བྷུཉྫནྟིཡཱ པཱཊིདེསནཱིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ མཙྪཾ ཝིཉྙཱཔེཏྭཱ བྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛཱཏི…པེ….

མཾསཾ ཝིཉྙཱཔེཏྭཱ བྷུཉྫནྟིཡཱ པཱཊིདེསནཱིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ. མཾསཾ ཝིཉྙཱཔེཏྭཱ བྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛཱཏི…པེ….

ཁཱིརཾ ¶ ཝིཉྙཱཔེཏྭཱ བྷུཉྫནྟིཡཱ པཱཊིདེསནཱིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ¶ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ ཁཱིརཾ ཝིཉྙཱཔེཏྭཱ བྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛཱཏི…པེ….

དདྷིཾ ཝིཉྙཱཔེཏྭཱ བྷུཉྫནྟིཡཱ པཱཊིདེསནཱིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ དདྷིཾ ཝིཉྙཱཔེཏྭཱ བྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛཱཏི – སིཡཱ ཀཱཡཏོ སམུཊྛཱཏི, ན ཝཱཙཏོ ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ སམུཊྛཱཏི, ན ཙིཏྟཏོ; སིཡཱ ¶ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཨཊྛ པཱཊིདེསནཱིཡཱ ནིཊྛིཏཱ.

ཏསྶུདྡཱནཾ –

སཔྤིཾ ཏེལཾ མདྷུཉྩེཝ, ཕཱཎིཏཾ མཙྪམེཝ ཙ;

མཾསཾ ཁཱིརཾ དདྷིཉྩཱཔི, ཝིཉྙཱཔེཏྭཱན བྷིཀྑུནཱི;

པཱཊིདེསནཱིཡཱ ཨཊྛ, སཡཾ བུདྡྷེན དེསིཏཱཏི.

ཡེ སིཀྑཱཔདཱ བྷིཀྑུཝིབྷངྒེ ཝིཏྠཱརིཏཱ ཏེ སཾཁིཏྟཱ

བྷིཀྑུནིཝིབྷངྒེ.

ཀཏྠཔཉྙཏྟིཝཱརོ ནིཊྛིཏོ པཋམོ.

༢. ཀཏཱཔཏྟིཝཱརོ

༡. པཱརཱཛིཀཀཎྜཾ

༢༢༨. ཨཝསྶུཏཱ ¶ ¶ བྷིཀྑུནཱི ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡནྟཱི ཀཏི ཨཱཔཏྟིཡོ ཨཱཔཛྫཏི? ཨཝསྶུཏཱ བྷིཀྑུནཱི ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡནྟཱི ¶ ཏིསྶོ ཨཱཔཏྟིཡོ ཨཱཔཛྫཏི ¶ . ཨདྷཀྑཀཾ ཨུབྦྷཛཱཎུམཎྜལཾ གཧཎཾ སཱདིཡཏི, ཨཱཔཏྟི པཱརཱཛིཀསྶ; ཨུབྦྷཀྑཀཾ ཨདྷོཛཱཎུམཎྜལཾ གཧཎཾ སཱདིཡཏི, ཨཱཔཏྟི ཐུལླཙྩཡསྶ; ཀཱཡཔཊིབདྡྷཾ གཧཎཾ སཱདིཡཏི, ཨཱཔཏྟི དུཀྐཊསྶ – ཨཝསྶུཏཱ བྷིཀྑུནཱི ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡནྟཱི ཨིམཱ ཏིསྶོ ཨཱཔཏྟིཡོ ཨཱཔཛྫཏི.

ཝཛྫཔྤཊིཙྪཱདིཀཱ བྷིཀྑུནཱི ཝཛྫཾ པཊིཙྪཱདེནྟཱི ཀཏི ཨཱཔཏྟིཡོ ཨཱཔཛྫཏི? ཝཛྫཔྤཊིཙྪཱདིཀཱ བྷིཀྑུནཱི ཝཛྫཾ པཊིཙྪཱདེནྟཱི ཏིསྶོ ཨཱཔཏྟིཡོ ཨཱཔཛྫཏི. ཛཱནཾ པཱརཱཛིཀཾ དྷམྨཾ པཊིཙྪཱདེཏི, ཨཱཔཏྟི པཱརཱཛིཀསྶ; ཝེམཏིཀཱ པཊིཙྪཱདེཏི, ཨཱཔཏྟི ཐུལླཙྩཡསྶ; ཨཱཙཱརཝིཔཏྟིཾ པཊིཙྪཱདེཏི, ཨཱཔཏྟི དུཀྐཊསྶ – ཝཛྫཔྤཊིཙྪཱདིཀཱ བྷིཀྑུནཱི ཝཛྫཾ པཊིཙྪཱདེནྟཱི ཨིམཱ ཏིསྶོ ཨཱཔཏྟིཡོ ཨཱཔཛྫཏི.

ཨུཀྑིཏྟཱནུཝཏྟིཀཱ བྷིཀྑུནཱི ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟཱི ཀཏི ཨཱཔཏྟིཡོ ཨཱཔཛྫཏི? ཨུཀྑིཏྟཱནུཝཏྟིཀཱ བྷིཀྑུནཱི ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟཱི ཏིསྶོ ཨཱཔཏྟིཡོ ཨཱཔཛྫཏི. ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ¶ ཨཱཔཏྟི པཱརཱཛིཀསྶ – ཨུཀྑིཏྟཱནུཝཏྟིཀཱ བྷིཀྑུནཱི ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟཱི ཨིམཱ ཏིསྶོ ཨཱཔཏྟིཡོ ཨཱཔཛྫཏི.

ཨཊྛམཾ ཝཏྠུཾ པརིཔཱུརེནྟཱི ཀཏི ཨཱཔཏྟིཡོ ཨཱཔཛྫཏི? ཨཊྛམཾ ཝཏྠུཾ པརིཔཱུརེནྟཱི ཏིསྶོ ཨཱཔཏྟིཡོ ¶ ཨཱཔཛྫཏི. པུརིསེན – ‘‘ཨིཏྠནྣཱམཾ ཨོཀཱསཾ [ཨིཏྠནྣཱམཾ གཧནཾ (སཱི.), ཨིཏྠནྣཱམཾ གབྦྷཾ (སྱཱ.)] ཨཱགཙྪཱ’’ཏི ཝུཏྟཱ གཙྪཏི, ཨཱཔཏྟི དུཀྐཊསྶ; པུརིསསྶ ཧཏྠཔཱསཾ ཨོཀྐནྟམཏྟེ ཨཱཔཏྟི ཐུལླཙྩཡསྶ; ཨཊྛམཾ ཝཏྠུཾ པརིཔཱུརེཏི, ཨཱཔཏྟི པཱརཱཛིཀསྶ – ཨཊྛམཾ ཝཏྠུཾ པརིཔཱུརེནྟཱི ཨིམཱ ཏིསྶོ ཨཱཔཏྟིཡོ ཨཱཔཛྫཏི.

པཱརཱཛིཀཱ ནིཊྛིཏཱ.

༢. སངྒྷཱདིསེསཀཎྜཾ

༢༢༩. ཨུསྶཡཝཱདིཀཱ བྷིཀྑུནཱི ཨཌྜཾ ཀརོནྟཱི ཏིསྶོ ཨཱཔཏྟིཡོ ཨཱཔཛྫཏི. ཨེཀསྶ ཨཱརོཙེཏི, ཨཱཔཏྟི དུཀྐཊསྶ; དུཏིཡསྶ ཨཱརོཙེཏི, ¶ ཨཱཔཏྟི ཐུལླཙྩཡསྶ; ཨཌྜཔརིཡོསཱནེ ཨཱཔཏྟི སངྒྷཱདིསེསསྶ.

ཙོརིཾ ཝུཊྛཱཔེནྟཱི ཏིསྶོ ཨཱཔཏྟིཡོ ཨཱཔཛྫཏི. ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

ཨེཀཱ གཱམནྟརཾ གཙྪནྟཱི ཏིསྶོ ཨཱཔཏྟིཡོ ཨཱཔཛྫཏི. གཙྪཏི, ཨཱཔཏྟི དུཀྐཊསྶ; པཋམཾ པཱདཾ པརིཀྑེཔཾ ཨཏིཀྐཱམེཏི, ཨཱཔཏྟི ཐུལླཙྩཡསྶ; དུཏིཡཾ པཱདཾ ཨཏིཀྐཱམེཏི, ཨཱཔཏྟི སངྒྷཱདིསེསསྶ ¶ .

སམགྒེན སངྒྷེན ཨུཀྑིཏྟཾ བྷིཀྑུནིཾ དྷམྨེན ཝིནཡེན སཏྠུསཱསནེན ཨནཔལོཀེཏྭཱ ཀཱརཀསངྒྷཾ ཨནཉྙཱཡ གཎསྶ ཚནྡཾ ཨོསཱརེནྟཱི ཏིསྶོ ཨཱཔཏྟིཡོ ཨཱཔཛྫཏི. ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

ཨཝསྶུཏཱ བྷིཀྑུནཱི ཨཝསྶུཏསྶ པུརིསཔུགྒལསྶ ཧཏྠཏོ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ བྷུཉྫནྟཱི ¶ ཏིསྶོ ཨཱཔཏྟིཡོ ཨཱཔཛྫཏི. ‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི ཐུལླཙྩཡསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི སངྒྷཱདིསེསསྶ; ཨུདཀདནྟཔོནཾ པཊིགྒཎྷཱཏི, ཨཱཔཏྟི དུཀྐཊསྶ.

‘‘ཀིཾ ཏེ, ཨཡྻེ, ཨེསོ པུརིསཔུགྒལོ ཀརིསྶཏི ཨཝསྶུཏོ ཝཱ ཨནཝསྶུཏོ ཝཱ, ཡཏོ ཏྭཾ ¶ ཨནཝསྶུཏཱ! ཨིངྒྷ, ཨཡྻེ, ཡཾ ཏེ ཨེསོ པུརིསཔུགྒལོ དེཏི ཁཱདནཱིཡཾ ཝཱ བྷོཛནཱིཡཾ ཝཱ, ཏཾ ཏྭཾ སཧཏྠཱ པཊིགྒཧེཏྭཱ ཁཱད ཝཱ བྷུཉྫ ཝཱ’’ཏི ཨུཡྻོཛེནྟཱི ཏིསྶོ ཨཱཔཏྟིཡོ ཨཱཔཛྫཏི. ཏསྶཱ ཝཙནེན ཁཱདིསྶཱམི བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི ཐུལླཙྩཡསྶ; བྷོཛནཔརིཡོསཱནེ ཨཱཔཏྟི སངྒྷཱདིསེསསྶ.

ཀུཔིཏཱ བྷིཀྑུནཱི ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟཱི ཏིསྶོ ཨཱཔཏྟིཡོ ཨཱཔཛྫཏི. ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ ¶ ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

ཀིསྨིཉྩིདེཝ ཨདྷིཀརཎེ པཙྩཱཀཏཱ བྷིཀྑུནཱི ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟཱི ཏིསྶོ ཨཱཔཏྟིཡོ ཨཱཔཛྫཏི. ཉཏྟིཡཱ དུཀྐཊཾ; ¶ དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

སཾསཊྛཱ བྷིཀྑུནིཡོ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟིཡོ ཏིསྶོ ཨཱཔཏྟིཡོ ཨཱཔཛྫནྟི. ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

‘‘སཾསཊྛཱཝ, ཨཡྻེ, ཏུམྷེ ཝིཧརཐ. མཱ ཏུམྷེ ནཱནཱ ཝིཧརིཏྠཱ’’ཏི ཨུཡྻོཛེནྟཱི ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟཱི ཏིསྶོ ཨཱཔཏྟིཡོ ཨཱཔཛྫཏི. ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

སངྒྷཱདིསེསཱ ནིཊྛིཏཱ.

༣. ནིསྶགྒིཡཀཎྜཾ

༢༣༠. པཏྟསནྣིཙཡཾ ཀརོནྟཱི ཨེཀཾ ཨཱཔཏྟིཾ ཨཱཔཛྫཏི. ནིསྶགྒིཡཾ པཱཙིཏྟིཡཾ.

ཨཀཱལཙཱིཝརཾ ‘‘ཀཱལཙཱིཝར’’ནྟི ཨདྷིཊྛཧིཏྭཱ བྷཱཛཱཔེནྟཱི དྭེ ཨཱཔཏྟིཡོ ཨཱཔཛྫཏི. བྷཱཛཱཔེཏི, པཡོགེ དུཀྐཊཾ; བྷཱཛཱཔིཏེ ནིསྶགྒིཡཾ པཱཙིཏྟིཡཾ.

བྷིཀྑུནིཡཱ ¶ སདྡྷིཾ ཙཱིཝརཾ པརིཝཏྟེཏྭཱ ཨཙྪིནྡནྟཱི དྭེ ཨཱཔཏྟིཡོ ¶ ཨཱཔཛྫཏི. ཨཙྪིནྡཏི, པཡོགེ དུཀྐཊཾ; ཨཙྪིནྣེ ནིསྶགྒིཡཾ པཱཙིཏྟིཡཾ.

ཨཉྙཾ ཝིཉྙཱཔེཏྭཱ ཨཉྙཾ ཝིཉྙཱཔེནྟཱི དྭེ ཨཱཔཏྟིཡོ ཨཱཔཛྫཏི. ཝིཉྙཱཔེཏི, པཡོགེ དུཀྐཊཾ; ཝིཉྙཱཔིཏེ ནིསྶགྒིཡཾ པཱཙིཏྟིཡཾ.

ཨཉྙཾ ཙེཏཱཔེཏྭཱ ཨཉྙཾ ཙེཏཱཔེནྟཱི དྭེ ཨཱཔཏྟིཡོ ཨཱཔཛྫཏི. ཙེཏཱཔེཏི, པཡོགེ དུཀྐཊཾ; ཙེཏཱཔིཏེ ནིསྶགྒིཡཾ པཱཙིཏྟིཡཾ.

ཨཉྙདཏྠིཀེན པརིཀྑཱརེན ཨཉྙུདྡིསིཀེན སངྒྷིཀེན ཨཉྙཾ ཙེཏཱཔེནྟཱི དྭེ ཨཱཔཏྟིཡོ ཨཱཔཛྫཏི. ཙེཏཱཔེཏི, པཡོགེ དུཀྐཊཾ; ཙེཏཱཔིཏེ ནིསྶགྒིཡཾ པཱཙིཏྟིཡཾ.

ཨཉྙདཏྠིཀེ ¶ པརིཀྑཱརེན ཨཉྙུདྡིསིཀེན སངྒྷིཀེན སཾཡཱཙིཀེན ཨཉྙཾ ཙེཏཱཔེནྟཱི དྭེ ཨཱཔཏྟིཡོ ཨཱཔཛྫཏི. ཙེཏཱཔེཏི, པཡོགེ དུཀྐཊཾ; ཙེཏཱཔིཏེ ནིསྶགྒིཡཾ པཱཙིཏྟིཡཾ.

ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན ཨཉྙཾ ཙེཏཱཔེནྟཱི དྭེ ཨཱཔཏྟིཡོ ཨཱཔཛྫཏི. ཙེཏཱཔེཏི, པཡོགེ དུཀྐཊཾ; ཙེཏཱཔིཏེ ནིསྶགྒིཡཾ པཱཙིཏྟིཡཾ.

ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན སཾཡཱཙིཀེན ཨཉྙཾ ཙེཏཱཔེནྟཱི དྭེ ཨཱཔཏྟིཡོ ཨཱཔཛྫཏི. ཙེཏཱཔེཏི, པཡོགེ དུཀྐཊཾ; ཙེཏཱཔིཏེ ནིསྶགྒིཡཾ པཱཙིཏྟིཡཾ.

ཨཉྙདཏྠིཀེན ¶ པརིཀྑཱརེན ཨཉྙུདྡིསིཀེ ¶ པུགྒལིཀེན སཾཡཱཙིཀེན ཨཉྙཾ ཙེཏཱཔེནྟཱི དྭེ ཨཱཔཏྟིཡོ ཨཱཔཛྫཏི. ཙེཏཱཔེཏི, པཡོགེ དུཀྐཊཾ; ཙེཏཱཔིཏེ ནིསྶགྒིཡཾ པཱཙིཏྟིཡཾ.

ཨཏིརེཀཙཏུཀྐཾསཔརམཾ གརུཔཱཝུརཎཾ ཙེཏཱཔེནྟཱི དྭེ ཨཱཔཏྟིཡོ ཨཱཔཛྫཏི. ཙེཏཱཔེཏི, པཡོགེ དུཀྐཊཾ; ཙེཏཱཔིཏེ ནིསྶགྒིཡཾ པཱཙིཏྟིཡཾ.

ཨཏིརེཀཨཌྜྷཏེཡྻཀཾསཔརམཾ ལཧུཔཱཝུརཎཾ ཙེཏཱཔེནྟཱི དྭེ ཨཱཔཏྟིཡོ ཨཱཔཛྫཏི. ཙེཏཱཔེཏི, པཡོགེ དུཀྐཊཾ; ཙེཏཱཔིཏེ ནིསྶགྒིཡཾ པཱཙིཏྟིཡཾ.

ནིསྶགྒིཡཱ པཱཙིཏྟིཡཱ ནིཊྛིཏཱ.

༤. པཱཙིཏྟིཡཀཎྜཾ

༡. ལསུཎཝགྒོ

༢༣༡. ལསུཎཾ ¶ ཁཱདནྟཱི དྭེ ཨཱཔཏྟིཡོ ཨཱཔཛྫཏི. ཁཱདིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

སམྦཱདྷེ ལོམཾ སཾཧརཱཔེནྟཱི དྭེ ཨཱཔཏྟིཡོ ཨཱཔཛྫཏི. སཾཧརཱཔེཏི, པཡོགེ དུཀྐཊཾ; སཾཧརཱཔིཏེ ཨཱཔཏྟི པཱཙིཏྟིཡསྶ.

ཏལགྷཱཏཀཾ ¶ ཀརོནྟཱི དྭེ ཨཱཔཏྟིཡོ ཨཱཔཛྫཏི. ཀརོཏི, པཡོགེ དུཀྐཊཾ; ཀཏེ ཨཱཔཏྟི པཱཙིཏྟིཡསྶ.

ཛཏུམཊྛཀཾ ཨཱདིཡནྟཱི དྭེ ཨཱཔཏྟིཡོ ཨཱཔཛྫཏི. ཨཱདིཡཏི, པཡོགེ དུཀྐཊཾ, ཨཱདིནྣེ ཨཱཔཏྟི པཱཙིཏྟིཡསྶ.

ཨཏིརེཀདྭངྒུལཔབྦཔརམཾ ཨུདཀསུདྡྷིཀཾ ཨཱདིཡནྟཱི དྭེ ཨཱཔཏྟིཡོ ¶ ཨཱཔཛྫཏི. ཨཱདིཡཏི, པཡོགེ དུཀྐཊཾ; ཨཱདིནྣེ ཨཱཔཏྟི པཱཙིཏྟིཡསྶ.

བྷིཀྑུསྶ བྷུཉྫནྟསྶ པཱནཱིཡེན ཝཱ ཝིདྷཱུཔནེན ཝཱ ཨུཔཏིཊྛནྟཱི དྭེ ཨཱཔཏྟིཡོ ཨཱཔཛྫཏི. ཧཏྠཔཱསེ ཏིཊྛཏི, ཨཱཔཏྟི པཱཙིཏྟིཡསྶ; ཧཏྠཔཱསཾ ཝིཛཧིཏྭཱ ཏིཊྛཏི, ཨཱཔཏྟི དུཀྐཊསྶ.

ཨཱམཀདྷཉྙཾ ཝིཉྙཱཔེཏྭཱ བྷུཉྫནྟཱི དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

ཨུཙྩཱརཾ ཝཱ པསྶཱཝཾ ཝཱ སངྐཱརཾ ཝཱ ཝིགྷཱསཾ ཝཱ ཏིརོཀུཊྚེ ཝཱ ཏིརོཔཱཀཱརེ ཝཱ ཚཌྜེནྟཱི དྭེ ཨཱཔཏྟིཡོ ཨཱཔཛྫཏི. ཚཌྜེཏི, པཡོགེ དུཀྐཊཾ; ཚཌྜིཏེ ཨཱཔཏྟི པཱཙིཏྟིཡསྶ.

ཨུཙྩཱརཾ ཝཱ པསྶཱཝཾ ཝཱ སངྐཱརཾ ཝཱ ཝིགྷཱསཾ ཝཱ ཧརིཏེ ཚཌྜེནྟཱི དྭེ ཨཱཔཏྟིཡོ ཨཱཔཛྫཏི. ཚཌྜེཏི, པཡོགེ དུཀྐཊཾ; ཚཌྜིཏེ ཨཱཔཏྟི པཱཙིཏྟིཡསྶ.

ནཙྩཾ ¶ ཝཱ གཱིཏཾ ཝཱ ཝཱདིཏཾ ཝཱ དསྶནཱཡ གཙྪནྟཱི དྭེ ཨཱཔཏྟིཡོ ཨཱཔཛྫཏི. གཙྪཏི, ཨཱཔཏྟི དུཀྐཊསྶ; ཡཏྠ ཋིཏཱ པསྶཏི ཝཱ སུཎཱཏི ཝཱ, ཨཱཔཏྟི པཱཙིཏྟིཡསྶ.

ལསུཎཝགྒོ པཋམོ.

༢. རཏྟནྡྷཀཱརཝགྒོ

༢༣༢. རཏྟནྡྷཀཱརེ ཨཔྤདཱིཔེ པུརིསེན སདྡྷིཾ ཨེཀེནེཀཱ སནྟིཊྛནྟཱི ¶ དྭེ ཨཱཔཏྟིཡོ ཨཱཔཛྫཏི. ཧཏྠཔཱསེ ཏིཊྛཏི, ཨཱཔཏྟི པཱཙིཏྟིཡསྶ; ཧཏྠཔཱསཾ ཝིཛཧིཏྭཱ ཏིཊྛཏི, ཨཱཔཏྟི དུཀྐཊསྶ.

པཊིཙྪནྣེ ¶ ཨོཀཱསེ པུརིསེན སདྡྷིཾ ཨེཀེནེཀཱ སནྟིཊྛནྟཱི དྭེ ཨཱཔཏྟིཡོ ཨཱཔཛྫཏི. ཧཏྠཔཱསེ ཏིཊྛཏི, ཨཱཔཏྟི པཱཙིཏྟིཡསྶ; ཧཏྠཔཱསཾ ཝིཛཧིཏྭཱ ཏིཊྛཏི, ཨཱཔཏྟི དུཀྐཊསྶ.

ཨཛ྄ཛྷོཀཱསེ ¶ པུརིསེན སདྡྷིཾ ཨེཀེནེཀཱ སནྟིཊྛནྟཱི དྭེ ཨཱཔཏྟིཡོ ཨཱཔཛྫཏི. ཧཏྠཔཱསེ ཏིཊྛཏི, ཨཱཔཏྟི པཱཙིཏྟིཡསྶ; ཧཏྠཔཱསཾ ཝིཛཧིཏྭཱ ཏིཊྛཏི, ཨཱཔཏྟི དུཀྐཊསྶ.

རཐིཀཱཡ ཝཱ བྱཱུཧེ ཝཱ སིངྒྷཱཊཀེ ཝཱ པུརིསེན སདྡྷིཾ ཨེཀེནེཀཱ སནྟིཊྛནྟཱི དྭེ ཨཱཔཏྟིཡོ ཨཱཔཛྫཏི. ཧཏྠཔཱསེ ཏིཊྛཏི, ཨཱཔཏྟི པཱཙིཏྟིཡསྶ; ཧཏྠཔཱསཾ ཝིཛཧིཏྭཱ ཏིཊྛཏི, ཨཱཔཏྟི དུཀྐཊསྶ.

པུརེབྷཏྟཾ ཀུལཱནི ཨུཔསངྐམིཏྭཱ ཨཱསནེ ནིསཱིདིཏྭཱ སཱམིཀེ ཨནཱཔུཙྪཱ པཀྐམནྟཱི དྭེ ཨཱཔཏྟིཡོ ཨཱཔཛྫཏི. པཋམཾ པཱདཾ ཨནོཝསྶཀཾ ཨཏིཀྐཱམེཏི, ཨཱཔཏྟི དུཀྐཊསྶ; དུཏིཡཾ པཱདཾ ཨཏིཀྐཱམེཏི, ཨཱཔཏྟི པཱཙིཏྟིཡསྶ.

པཙྪཱབྷཏྟཾ ཀུལཱནི ཨུཔསངྐམིཏྭཱ སཱམིཀེ ཨནཱཔུཙྪཱ ཨཱསནེ ནིསཱིདནྟཱི དྭེ ཨཱཔཏྟིཡོ ཨཱཔཛྫཏི. ནིསཱིདཏི, པཡོགེ དུཀྐཊཾ; ནིསིནྣེ ཨཱཔཏྟི པཱཙིཏྟིཡསྶ.

ཝིཀཱལེ ¶ ཀུལཱནི ཨུཔསངྐམིཏྭཱ སཱམིཀེ ཨནཱཔུཙྪཱ སེཡྻཾ སནྠརིཏྭཱ ཝཱ སནྠརཱཔེཏྭཱ ཝཱ ཨབྷིནིསཱིདནྟཱི དྭེ ཨཱཔཏྟིཡོ ཨཱཔཛྫཏི. ཨབྷིནིསཱིདཏི, པཡོགེ དུཀྐཊཾ; ཨབྷིནིསིནྣེ ཨཱཔཏྟི པཱཙིཏྟིཡསྶ.

དུགྒཧིཏེན ¶ དཱུཔདྷཱརིཏེན པརཾ ཨུཛ྄ཛྷཱཔེནྟཱི དྭེ ཨཱཔཏྟིཡོ ཨཱཔཛྫཏི. ཨུཛ྄ཛྷཱཔེཏི, པཡོགེ དུཀྐཊཾ; ཨུཛ྄ཛྷཱཔིཏེ ཨཱཔཏྟི པཱཙིཏྟིཡསྶ.

ཨཏྟཱནཾ ཝཱ པརཾ ཝཱ ནིརཡེན ཝཱ བྲཧྨཙརིཡེན ཝཱ ཨབྷིསཔནྟཱི དྭེ ཨཱཔཏྟིཡོ ཨཱཔཛྫཏི. ཨབྷིསཔཏི, པཡོགེ དུཀྐཊཾ; ཨབྷིསཔིཏེ ཨཱཔཏྟི པཱཙིཏྟིཡསྶ.

ཨཏྟཱནཾ ཝདྷིཏྭཱ ཝདྷིཏྭཱ རོདནྟཱི དྭེ ཨཱཔཏྟིཡོ ཨཱཔཛྫཏི. ཝདྷཏི རོདཏི, ཨཱཔཏྟི པཱཙིཏྟིཡསྶ; ཝདྷཏི ན རོདཏི, ཨཱཔཏྟི དུཀྐཊསྶ.

རཏྟནྡྷཀཱརཝགྒོ དུཏིཡོ.

༣. ནཧཱནཝགྒོ

༢༣༣. ནགྒཱ ¶ ནཧཱཡནྟཱི དྭེ ཨཱཔཏྟིཡོ ཨཱཔཛྫཏི. ནཧཱཡཏི, པཡོགེ དུཀྐཊཾ; ནཧཱནཔརིཡོསཱནེ ཨཱཔཏྟི པཱཙིཏྟིཡསྶ.

པམཱཎཱཏིཀྐནྟཾ ཨུདཀསཱཊིཀཾ ཀཱརཱཔེནྟཱི དྭེ ཨཱཔཏྟིཡོ ཨཱཔཛྫཏི. ཀཱརཱཔེཏི, པཡོགེ དུཀྐཊཾ; ཀཱརཱཔིཏེ, ཨཱཔཏྟི པཱཙིཏྟིཡསྶ.

བྷིཀྑུནིཡཱ ཙཱིཝརཾ ཝིསིབྦེཏྭཱ ཝཱ ཝིསིབྦཱཔེཏྭཱ ཝཱ ནེཝ ¶ སིབྦེནྟཱི ན སིབྦཱཔནཱཡ ཨུསྶུཀྐཾ ཀརོནྟཱི ཨེཀཾ ཨཱཔཏྟིཾ ཨཱཔཛྫཏི. པཱཙིཏྟིཡཾ.

པཉྩཱཧིཀཾ སངྒྷཱཊིཙཱརཾ ཨཏིཀྐཱམེནྟཱི ཨེཀཾ ཨཱཔཏྟིཾ ཨཱཔཛྫཏི. པཱཙིཏྟིཡཾ. ཙཱིཝརསངྐམནཱིཡཾ དྷཱརེནྟཱི དྭེ ཨཱཔཏྟིཡོ ཨཱཔཛྫཏི. དྷཱརེཏི, པཡོགེ དུཀྐཊཾ; དྷཱརིཏེ, ཨཱཔཏྟི པཱཙིཏྟིཡསྶ.

གཎསྶ ཙཱིཝརལཱབྷཾ ཨནྟརཱཡཾ ཀརོནྟཱི དྭེ ཨཱཔཏྟིཡོ ཨཱཔཛྫཏི. ཀརོཏི, པཡོགེ དུཀྐཊཾ; ཀཏེ, ཨཱཔཏྟི པཱཙིཏྟིཡསྶ.

དྷམྨིཀཾ ¶ ཙཱིཝརཝིབྷངྒཾ པཊིབཱཧནྟཱི དྭེ ཨཱཔཏྟིཡོ ཨཱཔཛྫཏི. པཊིབཱཧཏི, པཡོགེ དུཀྐཊཾ; པཊིབཱཧིཏེ, ཨཱཔཏྟི པཱཙིཏྟིཡསྶ.

ཨགཱརིཀསྶ ཝཱ པརིབྦཱཛཀསྶ ཝཱ པརིབྦཱཛིཀཱཡ ཝཱ སམཎཙཱིཝརཾ དེནྟཱི དྭེ ཨཱཔཏྟིཡོ ཨཱཔཛྫཏི. དེཏི, པཡོགེ དུཀྐཊཾ; དིནྣེ, ཨཱཔཏྟི པཱཙིཏྟིཡསྶ.

དུབྦལཙཱིཝརཔཙྩཱསཱ ¶ ཙཱིཝརཀཱལསམཡཾ ཨཏིཀྐཱམེནྟཱི དྭེ ཨཱཔཏྟིཡོ ཨཱཔཛྫཏི. ཨཏིཀྐཱམེཏི, པཡོགེ དུཀྐཊཾ; ཨཏིཀྐཱམིཏེ, ཨཱཔཏྟི པཱཙིཏྟིཡསྶ.

དྷམྨིཀཾ ཀཐིནུདྡྷཱརཾ པཊིབཱཧནྟཱི དྭེ ཨཱཔཏྟིཡོ ཨཱཔཛྫཏི. པཊིབཱཧཏི, པཡོགེ དུཀྐཊཾ; པཊིབཱཧིཏེ, ཨཱཔཏྟི པཱཙིཏྟིཡསྶ.

ནཧཱནཝགྒོ ཏཏིཡོ.

༤. ཏུཝཊྚཝགྒོ

༢༣༤. དྭེ ¶ ¶ བྷིཀྑུནིཡོ ཨེཀམཉྩེ ཏུཝཊྚེནྟིཡོ དྭེ ཨཱཔཏྟིཡོ ཨཱཔཛྫནྟི. ནིཔཛྫནྟི, པཡོགེ དུཀྐཊཾ; ནིཔནྣེ, ཨཱཔཏྟི པཱཙིཏྟིཡསྶ.

དྭེ བྷིཀྑུནིཡོ ཨེཀཏྠརཎཔཱཝུརཎཱ ཏུཝཊྚེནྟིཡོ དྭེ ཨཱཔཏྟིཡོ ཨཱཔཛྫནྟི. ནིཔཛྫནྟི, པཡོགེ དུཀྐཊཾ; ནིཔནྣེ, ཨཱཔཏྟི པཱཙིཏྟིཡསྶ.

བྷིཀྑུནིཡཱ སཉྩིཙྩ ཨཕཱསུཾ ཀརོནྟཱི དྭེ ཨཱཔཏྟིཡོ ཨཱཔཛྫཏི. ཀརོཏི, པཡོགེ དུཀྐཊཾ; ཀཏེ, ཨཱཔཏྟི པཱཙིཏྟིཡསྶ.

དུཀྑིཏཾ སཧཛཱིཝིནིཾ ནེཝ ཨུཔཊྛེནྟཱི ན ཨུཔཊྛཱཔནཱཡ ཨུསྶུཀྐཾ ཀརོནྟཱི ཨེཀཾ ཨཱཔཏྟིཾ ཨཱཔཛྫཏི. པཱཙིཏྟིཡཾ.

བྷིཀྑུནིཡཱ ཨུཔསྶཡཾ དཏྭཱ ཀུཔིཏཱ ཨནཏྟམནཱ ནིཀྐཌྜྷནྟཱི དྭེ ཨཱཔཏྟིཡོ ཨཱཔཛྫཏི. ནིཀྐཌྜྷཏི, པཡོགེ དུཀྐཊཾ; ནིཀྐཌྜྷིཏེ, ཨཱཔཏྟི པཱཙིཏྟིཡསྶ.

སཾསཊྛཱ ¶ བྷིཀྑུནཱི ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟཱི དྭེ ཨཱཔཏྟིཡོ ཨཱཔཛྫཏི. ཉཏྟིཡཱ དུཀྐཊཾ; ཀམྨཝཱཙཱཔརིཡོསཱནེ ཨཱཔཏྟི པཱཙིཏྟིཡསྶ.

ཨནྟོརཊྛེ སཱསངྐསམྨཏེ སཔྤཊིབྷཡེ ཨསཏྠིཀཱ ཙཱརིཀཾ ཙརནྟཱི དྭེ ཨཱཔཏྟིཡོ ཨཱཔཛྫཏི. པཊིཔཛྫཏི, པཡོགེ དུཀྐཊཾ; པཊིཔནྣེ, ཨཱཔཏྟི པཱཙིཏྟིཡསྶ.

ཏིརོརཊྛེ ¶ སཱསངྐསམྨཏེ སཔྤཊིབྷཡེ ཨསཏྠིཀཱ ཙཱརིཀཾ ཙརནྟཱི དྭེ ཨཱཔཏྟིཡོ ཨཱཔཛྫཏི. པཊིཔཛྫཏི, པཡོགེ དུཀྐཊཾ; པཊིཔནྣེ, ཨཱཔཏྟི པཱཙིཏྟིཡསྶ.

ཨནྟོཝསྶཾ ཙཱརིཀཾ ཙརནྟཱི དྭེ ཨཱཔཏྟིཡོ ཨཱཔཛྫཏི. པཊིཔཛྫཏི, པཡོགེ དུཀྐཊཾ; པཊིཔནྣེ, ཨཱཔཏྟི པཱཙིཏྟིཡསྶ.

ཝསྶཾཝུཊྛཱ བྷིཀྑུནཱི ཙཱརིཀཾ ན པཀྐམནྟཱི ཨེཀཾ ཨཱཔཏྟིཾ ཨཱཔཛྫཏི. པཱཙིཏྟིཡཾ.

ཏུཝཊྚཝགྒོ ཙཏུཏྠོ.

༥. ཙིཏྟཱགཱརཝགྒོ

༢༣༥. རཱཛཱགཱརཾ ¶ ཝཱ ཙིཏྟཱགཱརཾ ཝཱ ཨཱརཱམཾ ཝཱ ཨུཡྻཱནཾ ཝཱ པོཀྑརཎིཾ ཝཱ དསྶནཱཡ གཙྪནྟཱི དྭེ ཨཱཔཏྟིཡོ ཨཱཔཛྫཏི. གཙྪཏི, ཨཱཔཏྟི དུཀྐཊསྶ; ཡཏྠ ཋིཏཱ པསྶཏི, ཨཱཔཏྟི པཱཙིཏྟིཡསྶ.

ཨཱསནྡིཾ ཝཱ པལླངྐཾ ཝཱ པརིབྷུཉྫནྟཱི དྭེ ཨཱཔཏྟིཡོ ཨཱཔཛྫཏི. པརིབྷུཉྫཏི, པཡོགེ དུཀྐཊཾ; པརིབྷུཏྟེ, ཨཱཔཏྟི པཱཙིཏྟིཡསྶ.

སུཏྟཾ ཀནྟནྟཱི དྭེ ཨཱཔཏྟིཡོ ཨཱཔཛྫཏི. ཀནྟཏི, པཡོགེ དུཀྐཊཾ; ཨུཛྫཝུཛྫཝེ, ཨཱཔཏྟི པཱཙིཏྟིཡསྶ.

གིཧིཝེཡྻཱཝཙྩཾ ཀརོནྟཱི དྭེ ཨཱཔཏྟིཡོ ཨཱཔཛྫཏི. ཀརོཏི, པཡོགེ དུཀྐཊཾ; ཀཏེ, ཨཱཔཏྟི པཱཙིཏྟིཡསྶ.

བྷིཀྑུནིཡཱ ¶ ¶ – ‘‘ཨེཧཱཡྻེ ཨིམཾ ཨདྷིཀརཎཾ ཝཱུཔསམེཧཱི’’ཏི ཝུཙྩམཱནཱ – ‘‘སཱདྷཱུ’’ཏི ¶ པཊིསྶུཎིཏྭཱ ནེཝ ཝཱུཔསམེནྟཱི ན ཝཱུཔསམཱཡ ཨུསྶུཀྐཾ ཀརོནྟཱི ཨེཀཾ ཨཱཔཏྟིཾ ཨཱཔཛྫཏི. པཱཙིཏྟིཡཾ.

ཨགཱརིཀསྶ ཝཱ པརིབྦཱཛཀསྶ ཝཱ པརིབྦཱཛིཀཱཡ ཝཱ སཧཏྠཱ ཁཱདནཱིཡཾ ཝཱ བྷོཛནཱིཡཾ ཝཱ དེནྟཱི དྭེ ཨཱཔཏྟིཡོ ཨཱཔཛྫཏི. དེཏི, པཡོགེ དུཀྐཊཾ; དིནྣེ, ཨཱཔཏྟི པཱཙིཏྟིཡསྶ.

ཨཱཝསཐཙཱིཝརཾ ཨནིསྶཛྫིཏྭཱ པརིབྷུཉྫནྟཱི དྭེ ཨཱཔཏྟིཡོ ཨཱཔཛྫཏི. པརིབྷུཉྫཏི, པཡོགེ དུཀྐཊཾ; པརིབྷུཏྟེ, ཨཱཔཏྟི པཱཙིཏྟིཡསྶ.

ཨཱཝསཐཾ ཨནིསྶཛྫིཏྭཱ ཙཱརིཀཾ པཀྐམནྟཱི དྭེ ཨཱཔཏྟིཡོ ཨཱཔཛྫཏི. པཋམཾ པཱདཾ པརིཀྑེཔཾ ཨཏིཀྐཱམེཏི, ཨཱཔཏྟི དུཀྐཊསྶ; དུཏིཡཾ པཱདཾ ཨཏིཀྐཱམེཏི, ཨཱཔཏྟི པཱཙིཏྟིཡསྶ.

ཏིརཙྪཱནཝིཛྫཾ པརིཡཱཔུཎནྟཱི དྭེ ཨཱཔཏྟིཡོ ཨཱཔཛྫཏི. པརིཡཱཔུཎཱཏི, པཡོགེ དུཀྐཊཾ; པདེ པདེ ཨཱཔཏྟི པཱཙིཏྟིཡསྶ.

ཏིརཙྪཱནཝིཛྫཾ ཝཱཙེནྟཱི དྭེ ཨཱཔཏྟིཡོ ཨཱཔཛྫཏི. ཝཱཙེཏི, པཡོགེ དུཀྐཊཾ; པདེ པདེ ཨཱཔཏྟི པཱཙིཏྟིཡསྶ.

ཙིཏྟཱགཱརཝགྒོ པཉྩམོ.

༦. ཨཱརཱམཝགྒོ

༢༣༦. ཛཱནཾ ¶ སབྷིཀྑུཀཾ ཨཱརཱམཾ ཨནཱཔུཙྪཱ པཝིསནྟཱི དྭེ ཨཱཔཏྟིཡོ ¶ ཨཱཔཛྫཏི. པཋམཾ པཱདཾ པརིཀྑེཔཾ ཨཏིཀྐཱམེཏི, ཨཱཔཏྟི དུཀྐཊསྶ; དུཏིཡཾ པཱདཾ ཨཏིཀྐཱམེཏི, ཨཱཔཏྟི པཱཙིཏྟིཡསྶ.

བྷིཀྑུཾ ཨཀྐོསནྟཱི པརིབྷཱསནྟཱི དྭེ ཨཱཔཏྟིཡོ ཨཱཔཛྫཏི. ཨཀྐོསཏི, པཡོགེ དུཀྐཊཾ; ཨཀྐོསིཏེ, ཨཱཔཏྟི པཱཙིཏྟིཡསྶ.

ཙཎྜཱིཀཏཱ ¶ གཎཾ པརིབྷཱསནྟཱི དྭེ ཨཱཔཏྟིཡོ ཨཱཔཛྫཏི. པརིབྷཱསཏི, པཡོགེ དུཀྐཊཾ; པརིབྷཱསིཏེ, ཨཱཔཏྟི པཱཙིཏྟིཡསྶ.

ནིམནྟིཏཱ ཝཱ པཝཱརིཏཱ ཝཱ ཁཱདནཱིཡཾ ཝཱ བྷོཛནཱིཡཾ ཝཱ བྷུཉྫནྟཱི དྭེ ཨཱཔཏྟིཡོ ཨཱཔཛྫཏི. ‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཙིཏྟིཡསྶ.

ཀུལཾ མཙྪརཱཡནྟཱི དྭེ ཨཱཔཏྟིཡོ ཨཱཔཛྫཏི. མཙྪརཱཡཏི, པཡོགེ དུཀྐཊཾ; མཙྪརིཏེ, ཨཱཔཏྟི པཱཙིཏྟིཡསྶ.

ཨབྷིཀྑུཀེ ཨཱཝཱསེ ཝསྶཾ ཝསནྟཱི དྭེ ཨཱཔཏྟིཡོ ཨཱཔཛྫཏི. ‘‘ཝསྶཾ ཝསིསྶཱམཱི’’ཏི སེནཱསནཾ པཉྙཔེཏི པཱནཱིཡཾ པརིབྷོཛནཱིཡཾ ཨུཔཊྛཔེཏི པརིཝེཎཾ སམྨཛྫཏི, ཨཱཔཏྟི དུཀྐཊསྶ; སཧ ཨརུཎུགྒམནཱ ཨཱཔཏྟི པཱཙིཏྟིཡསྶ.

ཝསྶཾཝུཊྛཱ བྷིཀྑུནཱི ཨུབྷཏོསངྒྷེ ཏཱིཧི ཋཱནེཧི ན པཝཱརེནྟཱི ཨེཀཾ ཨཱཔཏྟིཾ ཨཱཔཛྫཏི. པཱཙིཏྟིཡཾ.

ཨོཝཱདཱཡ ཝཱ སཾཝཱསཱཡ ཝཱ ན གཙྪནྟཱི ཨེཀཾ ཨཱཔཏྟིཾ ཨཱཔཛྫཏི. པཱཙིཏྟིཡཾ.

ཨུཔོསཐམྤི ¶ ན པུཙྪནྟཱི ཨོཝཱདམྤི ན ཡཱཙནྟཱི ཨེཀཾ ཨཱཔཏྟིཾ ཨཱཔཛྫཏི. པཱཙིཏྟིཡཾ.

པསཱཁེ ཛཱཏཾ གཎྜཾ ཝཱ རུདྷིཏཾ ཝཱ ཨནཔལོཀེཏྭཱ སངྒྷཾ ཝཱ གཎཾ ཝཱ པུརིསེན སདྡྷིཾ ཨེཀེནེཀཱ བྷེདཱཔེནྟཱི དྭེ ¶ ཨཱཔཏྟིཡོ ཨཱཔཛྫཏི. བྷེདཱཔེཏི, པཡོགེ དུཀྐཊཾ; བྷིནྣེ, ཨཱཔཏྟི པཱཙིཏྟིཡསྶ.

ཨཱརཱམཝགྒོ ཚཊྛོ.

༧. གབྦྷིནཱིཝགྒོ

༢༣༧. གབྦྷིནིཾ ¶ ཝུཊྛཱཔེནྟཱི དྭེ ཨཱཔཏྟིཡོ ཨཱཔཛྫཏི. ཝུཊྛཱཔེཏི, པཡོགེ དུཀྐཊཾ; ཝུཊྛཱཔིཏེ, ཨཱཔཏྟི པཱཙིཏྟིཡསྶ.

པཱཡནྟིཾ ¶ ཝུཊྛཱཔེནྟཱི དྭེ ཨཱཔཏྟིཡོ ཨཱཔཛྫཏི. ཝུཊྛཱཔེཏི, པཡོགེ དུཀྐཊཾ; ཝུཊྛཱཔིཏེ, ཨཱཔཏྟི པཱཙིཏྟིཡསྶ.

དྭེ ཝསྶཱནི ཚསུ དྷམྨེསུ ཨསིཀྑིཏསིཀྑཾ སིཀྑམཱནཾ ཝུཊྛཱཔེནྟཱི དྭེ ཨཱཔཏྟིཡོ ཨཱཔཛྫཏི. ཝུཊྛཱཔེཏི, པཡོགེ དུཀྐཊཾ; ཝུཊྛཱཔིཏེ, ཨཱཔཏྟི པཱཙིཏྟིཡསྶ.

དྭེ ཝསྶཱནི ཚསུ དྷམྨེསུ སིཀྑིཏསིཀྑཾ སིཀྑམཱནཾ སངྒྷེན ཨསམྨཏཾ ཝུཊྛཱཔེནྟཱི དྭེ ཨཱཔཏྟིཡོ ཨཱཔཛྫཏི. ཝུཊྛཱཔེཏི, པཡོགེ དུཀྐཊཾ; ཝུཊྛཱཔིཏེ, ཨཱཔཏྟི པཱཙིཏྟིཡསྶ.

ཨཱུནདྭཱདསཝསྶཾ གིཧིགཏཾ ཝུཊྛཱཔེནྟཱི དྭེ ཨཱཔཏྟིཡོ ཨཱཔཛྫཏི. ཝུཊྛཱཔེཏི, པཡོགེ དུཀྐཊཾ; ཝུཊྛཱཔིཏེ, ཨཱཔཏྟི པཱཙིཏྟིཡསྶ.

པརིཔུཎྞདྭཱདསཝསྶཾ གིཧིགཏཾ དྭེ ཝསྶཱནི ཚསུ དྷམྨེསུ ¶ ཨསིཀྑིཏསིཀྑཾ ཝུཊྛཱཔེནྟཱི དྭེ ཨཱཔཏྟིཡོ ཨཱཔཛྫཏི. ཝུཊྛཱཔེཏི, པཡོགེ དུཀྐཊཾ; ཝུཊྛཱཔིཏེ, ཨཱཔཏྟི པཱཙིཏྟིཡསྶ.

པརིཔུཎྞདྭཱདསཝསྶཾ གིཧིགཏཾ དྭེ ཝསྶཱནི ཚསུ དྷམྨེསུ སིཀྑིཏསིཀྑཾ སངྒྷེན ཨསམྨཏཾ ཝུཊྛཱཔེནྟཱི དྭེ ཨཱཔཏྟིཡོ ཨཱཔཛྫཏི. ཝུཊྛཱཔེཏི, པཡོགེ དུཀྐཊཾ; ཝུཊྛཱཔིཏེ, ཨཱཔཏྟི པཱཙིཏྟིཡསྶ.

སཧཛཱིཝིནིཾ ཝུཊྛཱཔེཏྭཱ དྭེ ཝསྶཱནི ནེཝ ཨནུགྒཎྷནྟཱི ནཱནུགྒཎྷཱཔེནྟཱི ཨེཀཾ ཨཱཔཏྟིཾ ཨཱཔཛྫཏི. པཱཙིཏྟིཡཾ.

ཝུཊྛཱཔིཏཾ པཝཏྟིནིཾ དྭེ ཝསྶཱནི ནཱནུབནྡྷནྟཱི ཨེཀཾ ཨཱཔཏྟིཾ ཨཱཔཛྫཏི. པཱཙིཏྟིཡཾ.

སཧཛཱིཝིནིཾ ཝུཊྛཱཔེཏྭཱ ནེཝ ཝཱུཔཀཱསེནྟཱི ན ཝཱུཔཀཱསཱཔེནྟཱི ཨེཀཾ ཨཱཔཏྟིཾ ཨཱཔཛྫཏི. པཱཙིཏྟིཡཾ.

གབྦྷིནཱིཝགྒོ སཏྟམོ.

༨. ཀུམཱརཱིབྷཱུཏཝགྒོ

༢༣༨. ཨཱུནཝཱིསཏིཝསྶཾ ¶ ¶ ཀུམཱརིབྷཱུཏཾ ཝུཊྛཱཔེནྟཱི དྭེ ཨཱཔཏྟིཡོ ཨཱཔཛྫཏི. ཝུཊྛཱཔེཏི, པཡོགེ དུཀྐཊཾ; ཝུཊྛཱཔིཏེ, ཨཱཔཏྟི པཱཙིཏྟིཡསྶ.

པརིཔུཎྞཝཱིསཏིཝསྶཾ ཀུམཱརིབྷཱུཏཾ དྭེ ཝསྶཱནི ཚསུ དྷམྨེསུ ཨསིཀྑིཏསིཀྑཾ ཝུཊྛཱཔེནྟཱི དྭེ ཨཱཔཏྟིཡོ ཨཱཔཛྫཏི. ཝུཊྛཱཔེཏི, པཡོགེ དུཀྐཊཾ; ཝུཊྛཱཔིཏེ, ཨཱཔཏྟི པཱཙིཏྟིཡསྶ.

པརིཔུཎྞཝཱིསཏིཝསྶཾ ཀུམཱརིབྷཱུཏཾ དྭེ ཝསྶཱནི ཚསུ དྷམྨེསུ སིཀྑིཏསིཀྑཾ སངྒྷེན ཨསམྨཏཾ ཝུཊྛཱཔེནྟཱི དྭེ ཨཱཔཏྟིཡོ ཨཱཔཛྫཏི ¶ . ཝུཊྛཱཔེཏི, པཡོགེ དུཀྐཊཾ; ཝུཊྛཱཔིཏེ, ཨཱཔཏྟི པཱཙིཏྟིཡསྶ.

ཨཱུནདྭཱདསཝསྶཱ ཝུཊྛཱཔེནྟཱི དྭེ ཨཱཔཏྟིཡོ ཨཱཔཛྫཏི. ཝུཊྛཱཔེཏི, པཡོགེ དུཀྐཊཾ; ཝུཊྛཱཔིཏེ, ཨཱཔཏྟི པཱཙིཏྟིཡསྶ.

པརིཔུཎྞདྭཱདསཝསྶཱ སངྒྷེན ཨསམྨཏཱ ཝུཊྛཱཔེནྟཱི དྭེ ཨཱཔཏྟིཡོ ཨཱཔཛྫཏི. ཝུཊྛཱཔེཏི, པཡོགེ དུཀྐཊཾ; ཝུཊྛཱཔིཏེ, ཨཱཔཏྟི པཱཙིཏྟིཡསྶ.

‘‘ཨལཾ ཏཱཝ ཏེ, ཨཡྻེ, ཝུཊྛཱཔིཏེནཱ’’ཏི ཝུཙྩམཱནཱ ‘‘སཱདྷཱུ’’ཏི པཊིསྶུཎིཏྭཱ པཙྪཱ ཁཱིཡནདྷམྨཾ ཨཱཔཛྫནྟཱི དྭེ ཨཱཔཏྟིཡོ ཨཱཔཛྫཏི. ཁིཡྻཏི, པཡོགེ དུཀྐཊཾ; ཁིཡྻིཏེ, ཨཱཔཏྟི པཱཙིཏྟིཡསྶ.

སིཀྑམཱནཾ – ‘‘སཙེ མེ ཏྭཾ, ཨཡྻེ, ཙཱིཝརཾ དསྶསི, ཨེཝཱཧཾ ཏཾ ཝུཊྛཱཔེསྶཱམཱི’’ཏི ཝཏྭཱ ནེཝ ཝུཊྛཱཔེནྟཱི ན ཝུཊྛཱཔནཱཡ ཨུསྶུཀྐཾ ཀརོནྟཱི ཨེཀཾ ཨཱཔཏྟིཾ ཨཱཔཛྫཏི. པཱཙིཏྟིཡཾ.

སིཀྑམཱནཾ ¶ – ‘‘སཙེ མཾ ཏྭཾ, ཨཡྻེ, དྭེ ཝསྶཱནི ཨནུབནྡྷིསྶསི, ཨེཝཱཧཾ ཏཾ ཝུཊྛཱཔེསྶཱམཱི’’ཏི ཝཏྭཱ ནེཝ ཝུཊྛཱཔེནྟཱི ན ཝུཊྛཱཔནཱཡ ཨུསྶུཀྐཾ ཀརོནྟཱི ཨེཀཾ ཨཱཔཏྟིཾ ཨཱཔཛྫཏི. པཱཙིཏྟིཡཾ.

པུརིསསཾསཊྛཾ ¶ ཀུམཱརཀསཾསཊྛཾ ཙཎྜིཾ སོཀཱཝཱསཾ སིཀྑམཱནཾ ཝུཊྛཱཔེནྟཱི དྭེ ཨཱཔཏྟིཡོ ཨཱཔཛྫཏི. ཝུཊྛཱཔེཏི, པཡོགེ དུཀྐཊཾ; ཝུཊྛཱཔིཏེ, ཨཱཔཏྟི པཱཙིཏྟིཡསྶ.

མཱཏཱཔིཏཱུཧི ཝཱ སཱམིཀེན ཝཱ ཨནནུཉྙཱཏཾ སིཀྑམཱནཾ ཝུཊྛཱཔེནྟཱི ¶ དྭེ ཨཱཔཏྟིཡོ ཨཱཔཛྫཏི. ཝུཊྛཱཔེཏི, པཡོགེ དུཀྐཊཾ; ཝུཊྛཱཔིཏེ, ཨཱཔཏྟི པཱཙིཏྟིཡསྶ.

པཱརིཝཱསིཀཚནྡདཱནེ ¶ སིཀྑམཱནཾ ཝུཊྛཱཔེནྟཱི དྭེ ཨཱཔཏྟིཡོ ཨཱཔཛྫཏི. ཝུཊྛཱཔེཏི, པཡོགེ དུཀྐཊཾ; ཝུཊྛཱཔིཏེ, ཨཱཔཏྟི པཱཙིཏྟིཡསྶ.

ཨནུཝསྶཾ ཝུཊྛཱཔེནྟཱི དྭེ ཨཱཔཏྟིཡོ ཨཱཔཛྫཏི. ཝུཊྛཱཔེཏི, པཡོགེ དུཀྐཊཾ; ཝུཊྛཱཔིཏེ, ཨཱཔཏྟི པཱཙིཏྟིཡསྶ.

ཨེཀཾ ཝསྶཾ དྭེ ཝུཊྛཱཔེནྟཱི དྭེ ཨཱཔཏྟིཡོ ཨཱཔཛྫཏི. ཝུཊྛཱཔེཏི, པཡོགེ དུཀྐཊཾ; ཝུཊྛཱཔིཏེ, ཨཱཔཏྟི པཱཙིཏྟིཡསྶ.

ཀུམཱརཱིབྷཱུཏཝགྒོ ཨཊྛམོ.

༩. ཚཏྟུཔཱཧནཝགྒོ

༢༣༩. ཚཏྟུཔཱཧནཾ དྷཱརེནྟཱི དྭེ ཨཱཔཏྟིཡོ ཨཱཔཛྫཏི. དྷཱརེཏི, པཡོགེ དུཀྐཊཾ; དྷཱརིཏེ, ཨཱཔཏྟི པཱཙིཏྟིཡསྶ.

ཡཱནེན ཡཱཡནྟཱི དྭེ ཨཱཔཏྟིཡོ ཨཱཔཛྫཏི. ཡཱཡཏི, པཡོགེ དུཀྐཊཾ; ཡཱཡིཏེ, ཨཱཔཏྟི པཱཙིཏྟིཡསྶ.

སངྒྷཱཎིཾ དྷཱརེནྟཱི དྭེ ཨཱཔཏྟིཡོ ཨཱཔཛྫཏི. དྷཱརེཏི, པཡོགེ དུཀྐཊཾ; དྷཱརིཏེ, ཨཱཔཏྟི པཱཙིཏྟིཡསྶ.

ཨིཏྠཱལངྐཱརཾ དྷཱརེནྟཱི དྭེ ཨཱཔཏྟིཡོ ཨཱཔཛྫཏི. དྷཱརེཏི, པཡོགེ དུཀྐཊཾ; དྷཱརིཏེ, ཨཱཔཏྟི པཱཙིཏྟིཡསྶ.

གནྡྷཝཎྞཀེན ¶ ནཧཱཡནྟཱི དྭེ ཨཱཔཏྟིཡོ ཨཱཔཛྫཏི. ནཧཱཡཏི ¶ , པཡོགེ དུཀྐཊཾ; ནཧཱནཔརིཡོསཱནེ, ཨཱཔཏྟི པཱཙིཏྟིཡསྶ.

ཝཱསིཏཀེན པིཉྙཱཀེན ནཧཱཡནྟཱི དྭེ ཨཱཔཏྟིཡོ ཨཱཔཛྫཏི. ནཧཱཡཏི, པཡོགེ དུཀྐཊཾ; ནཧཱནཔརིཡོསཱནེ, ཨཱཔཏྟི པཱཙིཏྟིཡསྶ.

བྷིཀྑུནིཡཱ ཨུམྨདྡཱཔེནྟཱི པརིམདྡཱཔེནྟཱི དྭེ ཨཱཔཏྟིཡོ ཨཱཔཛྫཏི. ཨུམྨདྡཱཔེཏི, པཡོགེ དུཀྐཊཾ; ཨུམྨདྡིཏེ, ཨཱཔཏྟི པཱཙིཏྟིཡསྶ.

སིཀྑམཱནཱཡ ཨུམྨདྡཱཔེནྟཱི པརིམདྡཱཔེནྟཱི དྭེ ཨཱཔཏྟིཡོ ཨཱཔཛྫཏི. ཨུམྨདྡཱཔེཏི, པཡོགེ དུཀྐཊཾ; ཨུམྨདྡིཏེ, ཨཱཔཏྟི པཱཙིཏྟིཡསྶ.

སཱམཎེརིཡཱ ¶ ཨུམྨདྡཱཔེནྟཱི པརིམདྡཱཔེནྟཱི དྭེ ཨཱཔཏྟིཡོ ཨཱཔཛྫཏི. ཨུམྨདྡཱཔེཏི, པཡོགེ དུཀྐཊཾ; ཨུམྨདྡིཏེ, ཨཱཔཏྟི པཱཙིཏྟིཡསྶ.

གིཧིནིཡཱ ཨུམྨདྡཱཔེནྟཱི པརིམདྡཱཔེནྟཱི དྭེ ཨཱཔཏྟིཡོ ཨཱཔཛྫཏི. ཨུམྨདྡཱཔེཏི, པཡོགེ དུཀྐཊཾ; ཨུམྨདྡིཏེ, ཨཱཔཏྟི པཱཙིཏྟིཡསྶ.

བྷིཀྑུསྶ པུརཏོ ཨནཱཔུཙྪཱ ཨཱསནེ ནིསཱིདནྟཱི དྭེ ཨཱཔཏྟིཡོ ཨཱཔཛྫཏི. ནིསཱིདཏི, པཡོགེ དུཀྐཊཾ; ནིསིནྣེ, ཨཱཔཏྟི པཱཙིཏྟིཡསྶ.

ཨནོཀཱསཀཏཾ བྷིཀྑུཾ པཉྷཾ པུཙྪནྟཱི དྭེ ཨཱཔཏྟིཡོ ཨཱཔཛྫཏི. པུཙྪཏི, པཡོགེ དུཀྐཊཾ; པུཙྪིཏེ, ཨཱཔཏྟི པཱཙིཏྟིཡསྶ.

ཨསངྐཙྩིཀཱ གཱམཾ པཝིསནྟཱི དྭེ ཨཱཔཏྟིཡོ ཨཱཔཛྫཏི. པཋམཾ ¶ པཱདཾ པརིཀྑེཔཾ ཨཏིཀྐཱམེཏི, ཨཱཔཏྟི དུཀྐཊསྶ; དུཏིཡཾ པཱདཾ ཨཏིཀྐཱམེཏི, ཨཱཔཏྟི པཱཙིཏྟིཡསྶ.

ཚཏྟུཔཱཧནཝགྒོ ནཝམོ.

ཁུདྡཀཾ ནིཊྛིཏཾ.

༥. པཱཊིདེསནཱིཡཀཎྜཾ

༢༤༠. སཔྤིཾ ¶ ཝིཉྙཱཔེཏྭཱ བྷུཉྫནྟཱི དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ.

ཏེལཾ ཝིཉྙཱཔེཏྭཱ བྷུཉྫནྟཱི དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ.

མདྷུཾ ཝིཉྙཱཔེཏྭཱ བྷུཉྫནྟཱི དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ.

ཕཱཎིཏཾ ཝིཉྙཱཔེཏྭཱ བྷུཉྫནྟཱི དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ.

མཙྪཾ ¶ ཝིཉྙཱཔེཏྭཱ བྷུཉྫནྟཱི དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ.

མཾསཾ ཝིཉྙཱཔེཏྭཱ བྷུཉྫནྟཱི དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི ¶ པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ.

ཁཱིརཾ ཝིཉྙཱཔེཏྭཱ བྷུཉྫནྟཱི དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ.

དདྷིཾ ཝིཉྙཱཔེཏྭཱ བྷུཉྫནྟཱི དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ.

ཨཊྛ པཱཊིདེསནཱིཡཱ ནིཊྛིཏཱ.

ཀཏཱཔཏྟིཝཱརོ ནིཊྛིཏོ དུཏིཡོ.

༣. ཝིཔཏྟིཝཱརོ

༢༤༡. ཨཝསྶུཏཱ ¶ ¶ བྷིཀྑུནིཡཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡནྟིཡཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? ཨཝསྶུཏཱཡ བྷིཀྑུནིཡཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡནྟིཡཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ, སིཡཱ ཨཱཙཱརཝིཔཏྟིཾ…པེ….

དདྷིཾ ཝིཉྙཱཔེཏྭཱ བྷུཉྫནྟིཡཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? དདྷིཾ ཝིཉྙཱཔེཏྭཱ བྷུཉྫནྟིཡཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཨེཀཾ ཝིཔཏྟིཾ བྷཛནྟི – ཨཱཙཱརཝིཔཏྟིཾ.

ཝིཔཏྟིཝཱརོ ནིཊྛིཏོ ཏཏིཡོ.

༤. སངྒཧཝཱརོ

༢༤༢. ཨཝསྶུཏཱ ¶ ¶ བྷིཀྑུནིཡཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ ¶ སཱདིཡནྟིཡཱ ཨཱཔཏྟིཡོ སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? ཨཝསྶུཏཱཡ བྷིཀྑུནིཡཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡནྟིཡཱ ཨཱཔཏྟིཡོ སཏྟནྣཾ ཨཱཔཏྟིཀྑནྡྷཱནཾ ཏཱིཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱརཱཛིཀཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན…པེ….

དདྷིཾ ཝིཉྙཱཔེཏྭཱ བྷུཉྫནྟིཡཱ ཨཱཔཏྟིཡོ སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? དདྷིཾ ཝིཉྙཱཔེཏྭཱ བྷུཉྫནྟིཡཱ ཨཱཔཏྟིཡོ སཏྟནྣཾ ཨཱཔཏྟིཀྑནྡྷཱནཾ དྭཱིཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱཊིདེསནཱིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན.

སངྒཧཝཱརོ ནིཊྛིཏོ ཙཏུཏྠོ.

༥. སམུཊྛཱནཝཱརོ

༢༤༣. ཨཝསྶུཏཱཡ ¶ བྷིཀྑུནིཡཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡནྟིཡཱ ཨཱཔཏྟིཡོ ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛནྟི? ཨཝསྶུཏཱཡ བྷིཀྑུནིཡཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡནྟིཡཱ ཨཱཔཏྟིཡོ ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི – ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ…པེ….

དདྷིཾ ཝིཉྙཱཔེཏྭཱ བྷུཉྫནྟིཡཱ ཨཱཔཏྟིཡོ ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛནྟི? དདྷིཾ ཝིཉྙཱཔེཏྭཱ ¶ བྷུཉྫནྟིཡཱ ཨཱཔཏྟིཡོ ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛནྟི – སིཡཱ ཀཱཡཏོ སམུཊྛནྟི, ན ཝཱཙཏོ ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ སམུཊྛནྟི, ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི.

སམུཊྛཱནཝཱརོ ནིཊྛིཏོ པཉྩམོ.

༦. ཨདྷིཀརཎཝཱརོ

༢༤༤. ཨཝསྶུཏཱ ¶ ¶ བྷིཀྑུནིཡཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡནྟིཡཱ ཨཱཔཏྟིཡོ ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? ཨཝསྶུཏཱཡ བྷིཀྑུནིཡཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡནྟིཡཱ ཨཱཔཏྟིཡོ ཙཏུནྣཾ ཨདྷིཀརཎཱནཾ – ཨཱཔཏྟཱདྷིཀརཎཾ…པེ….

དདྷིཾ ཝིཉྙཱཔེཏྭཱ བྷུཉྫནྟིཡཱ ཨཱཔཏྟིཡོ ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? དདྷིཾ ཝིཉྙཱཔེཏྭཱ བྷུཉྫནྟིཡཱ ཨཱཔཏྟིཡོ ཙཏུནྣཾ ཨདྷིཀརཎཱནཾ – ཨཱཔཏྟཱདྷིཀརཎཾ.

ཨདྷིཀརཎཝཱརོ ནིཊྛིཏོ ཚཊྛོ.

༧. སམཐཝཱརོ

༢༤༥. ཨཝསྶུཏཱཡ ¶ བྷིཀྑུནིཡཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡནྟིཡཱ ཨཱཔཏྟིཡོ སཏྟནྣཾ སམཐཱནཾ ཀཏིཧི སམཐེཧི སམྨནྟི? ཨཝསྶུཏཱཡ བྷིཀྑུནིཡཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡནྟིཡཱ ཨཱཔཏྟིཡོ སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ…པེ….

དདྷིཾ ¶ ¶ ཝིཉྙཱཔེཏྭཱ བྷུཉྫནྟིཡཱ ཨཱཔཏྟིཡོ སཏྟནྣཾ སམཐཱནཾ ཀཏིཧི སམཐེཧི སམྨནྟི? དདྷིཾ ཝིཉྙཱཔེཏྭཱ བྷུཉྫནྟིཡཱ ཨཱཔཏྟིཡོ སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

སམཐཝཱརོ ནིཊྛིཏོ སཏྟམོ.

༨. སམུཙྩཡཝཱརོ

༢༤༦. ཨཝསྶུཏཱ ¶ བྷིཀྑུནཱི ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡནྟཱི ཀཏི ཨཱཔཏྟིཡོ ཨཱཔཛྫཏི? ཨཝསྶུཏཱ བྷིཀྑུནཱི ཨཝསྶུཏསྶ པུརིསཔུགྒལསྶ ¶ ཀཱཡསཾསགྒཾ སཱདིཡནྟཱི ཏིསྶོ ཨཱཔཏྟིཡོ ཨཱཔཛྫཏི. ཨདྷཀྑཀཾ ཨུབྦྷཛཱཎུམཎྜལཾ གཧཎཾ སཱདིཡཏི, ཨཱཔཏྟི པཱརཱཛིཀསྶ; ཨུབྦྷཀྑཀཾ ཨདྷོཛཱཎུམཎྜལཾ གཧཎཾ སཱདིཡཏི, ཨཱཔཏྟི ཐུལླཙྩཡསྶ; ཀཱཡཔཊིབདྡྷཾ གཧཎཾ སཱདིཡཏི, ཨཱཔཏྟི དུཀྐཊསྶ – ཨཝསྶུཏཱ བྷིཀྑུནཱི ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡནྟཱི ཨིམཱ ཏིསྶོ ཨཱཔཏྟིཡོ ཨཱཔཛྫཏི.

ཏཱ ¶ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛནྟི? ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? སཏྟནྣཾ སམཐཱནཾ ཀཏིཧི སམཐེཧི སམྨནྟི? ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ, སིཡཱ ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ ཏཱིཧི ཨཱཔཏྟིཀྑནྡྷེཧི སངྒཧིཏཱ – སིཡཱ ¶ པཱརཱཛིཀཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི – ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ. ཙཏུནྣཾ ཨདྷིཀརཎཱནཾ ཨཱཔཏྟཱདྷིཀརཎཾ. སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ…པེ….

དདྷིཾ ཝིཉྙཱཔེཏྭཱ བྷུཉྫནྟཱི ཀཏི ཨཱཔཏྟིཡོ ཨཱཔཛྫཏི? དདྷིཾ ཝིཉྙཱཔེཏྭཱ བྷུཉྫནྟཱི དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ – དདྷིཾ ཝིཉྙཱཔེཏྭཱ བྷུཉྫནྟཱི ཨིམཱ དྭེ ཨཱཔཏྟིཡོ ཨཱཔཛྫཏི.

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛནྟི? ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? སཏྟནྣཾ སམཐཱནཾ ཀཏིཧི སམཐེཧི སམྨནྟི? ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཨེཀཾ ཝིཔཏྟིཾ བྷཛནྟི – ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ དྭཱིཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱཊིདེསནཱིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛནྟི – སིཡཱ ཀཱཡཏོ སམུཊྛནྟི ན ཝཱཙཏོ ན ཙིཏྟཏོ, སིཡཱ ཀཱཡཏོ ཙ ཝཱཙཏོ ཙ སམུཊྛནྟི ན ཙིཏྟཏོ, སིཡཱ ¶ ཀཱཡཏོ ¶ ཙ ཙིཏྟཏོ ཙ སམུཊྛནྟི ན ཝཱཙཏོ, སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི. ཙཏུནྣཾ ཨདྷིཀརཎཱནཾ – ཨཱཔཏྟཱདྷིཀརཎཾ. སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

སམུཙྩཡཝཱརོ ནིཊྛིཏོ ཨཊྛམོ.

༡. ཀཏྠཔཉྙཏྟིཝཱརོ

༡. པཱརཱཛིཀཀཎྜཾ

༢༤༧. ཡཾ ¶ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཀཱཡསཾསགྒཾ སཱདིཡནཔཙྩཡཱ པཱརཱཛིཀཾ ཀཏྠ པཉྙཏྟཾ? ཀཾ ཨཱརབྦྷ? ཀིསྨིཾ ཝཏྠུསྨིཾ…པེ… ཀེནཱབྷཏནྟི?

ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཀཱཡསཾསགྒཾ སཱདིཡནཔཙྩཡཱ པཱརཱཛིཀཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? སུནྡརཱིནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? སུནྡརཱིནནྡཱ བྷིཀྑུནཱི ཨཝསྶུཏཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡི, ཏསྨིཾ ཝཏྠུསྨིཾ. ཨཏྠི ཏཏྠ པཉྙཏྟི, ཨནུཔཉྙཏྟི, ཨནུཔྤནྣཔཉྙཏྟཱིཏི? ཨེཀཱ པཉྙཏྟི. ཨནུཔཉྙཏྟི ཨནུཔྤནྣཔཉྙཏྟི ཏསྨིཾ ནཏྠི. སབྦཏྠཔཉྙཏྟི, པདེསཔཉྙཏྟཱིཏི? སབྦཏྠཔཉྙཏྟི. སཱདྷཱརཎཔཉྙཏྟི, ཨསཱདྷཱརཎཔཉྙཏྟཱིཏི? ཨསཱདྷཱརཎཔཉྙཏྟི. ཨེཀཏོཔཉྙཏྟི, ཨུབྷཏོཔཉྙཏྟཱིཏི? ཨེཀཏོཔཉྙཏྟི. ཙཏུནྣཾ པཱཏིམོཀྑུདྡེསཱནཾ ཀཏྠོགདྷཾ ཀཏྠ པརིཡཱཔནྣནྟི? ནིདཱནོགདྷཾ ནིདཱནཔརིཡཱཔནྣཾ? ཀཏམེན ཨུདྡེསེན ཨུདྡེསཾ ཨཱགཙྪཏཱིཏི? དུཏིཡེན ཨུདྡེསེན ཨུདྡེསཾ ཨཱགཙྪཏི. ཙཏུནྣཾ ཝིཔཏྟཱིནཾ ཀཏམཱ ཝིཔཏྟཱིཏི? སཱིལཝིཔཏྟི. སཏྟནྣཾ ཨཱཔཏྟིཀྑནྡྷཱནཾ ཀཏམོ ཨཱཔཏྟིཀྑནྡྷོཏི ¶ ? པཱརཱཛིཀཱཔཏྟིཀྑནྡྷོ. ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏཱིཏི? ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ… ཀེནཱབྷཏནྟི? པརམྤརཱབྷཏཾ –

ཨུཔཱལི ¶ དཱསཀོ ཙེཝ, སོཎཀོ སིགྒཝོ ཏཐཱ;

མོགྒལིཔུཏྟེན པཉྩམཱ, ཨེཏེ ཛམྦུསིརིཝ྄ཧཡེ. …པེ…;

ཨེཏེ ¶ ནཱགཱ མཧཱཔཉྙཱ, ཝིནཡཉྙཱུ མགྒཀོཝིདཱ;

ཝིནཡཾ དཱིཔེ པཀཱསེསུཾ, པིཊཀཾ ཏམྦཔཎྞིཡཱཏི.

ཝཛྫཔྤཊིཙྪཱདནཔཙྩཡཱ ¶ པཱརཱཛིཀཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ཛཱནཾ པཱརཱཛིཀཾ དྷམྨཾ ཨཛ྄ཛྷཱཔནྣཾ བྷིཀྑུནིཾ ནེཝཏྟནཱ པཊིཙོདེསི ན གཎསྶ ཨཱརོཙེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ པཱརཱཛིཀཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི སམགྒེན སངྒྷེན ཨུཀྑིཏྟཾ ཨརིཊྛཾ བྷིཀྑུཾ གདྡྷབཱདྷིཔུབྦཾ ཨནུཝཏྟི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

ཨཊྛམཾ ཝཏྠུཾ པརིཔཱུརཎཔཙྩཡཱ པཱརཱཛིཀཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ ཨཊྛམཾ ཝཏྠུཾ པརིཔཱུརེསུཾ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ¶ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

པཱརཱཛིཀཱ ནིཊྛིཏཱ.

༢. སངྒྷཱདིསེསཀཎྜཱདི

༢༤༨. ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཨུསྶཡཝཱདིཀཱཡ བྷིཀྑུནིཡཱ ཨཌྜཾ ཀརཎཔཙྩཡཱ སངྒྷཱདིསེསོ ཀཏྠ པཉྙཏྟོ? ཀཾ ཨཱརབྦྷ? ཀིསྨིཾ ཝཏྠུསྨིཾ…པེ… ཀེནཱབྷཏནྟི?

ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཨུསྶཡཝཱདིཀཱཡ བྷིཀྑུནིཡཱ ཨཌྜཾ ཀརཎཔཙྩཡཱ སངྒྷཱདིསེསོ ཀཏྠ པཉྙཏྟོཏི ¶ ? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི ¶ ? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ཨུསྶཡཝཱདིཀཱ ཝིཧརི, ཏསྨིཾ ཝཏྠུསྨིཾ. ཨཏྠི ཏཏྠ པཉྙཏྟི, ཨནུཔཉྙཏྟི, ཨནུཔྤནྣཔཉྙཏྟཱིཏི? ཨེཀཱ པཉྙཏྟི. ཨནུཔཉྙཏྟི ཨནུཔྤནྣཔཉྙཏྟི ཏསྨིཾ ནཏྠི. སབྦཏྠཔཉྙཏྟི, པདེསཔཉྙཏྟཱིཏི? སབྦཏྠཔཉྙཏྟི. སཱདྷཱརཎཔཉྙཏྟི, ཨསཱདྷཱརཎཔཉྙཏྟཱིཏི? ཨསཱདྷཱརཎཔཉྙཏྟི. ཨེཀཏོཔཉྙཏྟི, ཨུབྷཏོཔཉྙཏྟཱིཏི? ཨེཀཏོཔཉྙཏྟི. ཙཏུནྣཾ པཱཏིམོཀྑུདྡེསཱནཾ ཀཏྠོགདྷཾ ཀཏྠ པརིཡཱཔནྣནྟི? ནིདཱནོགདྷཾ ནིདཱནཔརིཡཱཔནྣཾ. ཀཏམེན ཨུདྡེསེན ཨུདྡེསཾ ཨཱགཙྪཏཱིཏི? ཏཏིཡེན ཨུདྡེསེན ཨུདྡེསཾ ཨཱགཙྪཏི. ཙཏུནྣཾ ཝིཔཏྟཱིནཾ ཀཏམཱ ཝིཔཏྟཱིཏི? སཱིལཝིཔཏྟི. སཏྟནྣཾ ཨཱཔཏྟིཀྑནྡྷཱནཾ ཀཏམོ ཨཱཔཏྟིཀྑནྡྷོཏི? སངྒྷཱདིསེསཱཔཏྟིཀྑནྡྷོ. ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏཱིཏི? དྭཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཝཱཙཏོ ཙ སམུཊྛཱཏི, ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙིཏྟཏོ ཙ སམུཊྛཱཏི…པེ… ཀེནཱབྷཏནྟི? པརམྤརཱབྷཏཾ –

ཨུཔཱལི དཱསཀོ ཙེཝ, སོཎཀོ སིགྒཝོ ཏཐཱ;

མོགྒལིཔུཏྟེན པཉྩམཱ, ཨེཏེ ཛམྦུསིརིཝ྄ཧཡེ. …པེ…;

ཨེཏེ ནཱགཱ མཧཱཔཉྙཱ, ཝིནཡཉྙཱུ མགྒཀོཝིདཱ;

ཝིནཡཾ དཱིཔེ པཀཱསེསུཾ, པིཊཀཾ ཏམྦཔཎྞིཡཱཏི.

ཙོརིཾ ¶ ཝུཊྛཱཔནཔཙྩཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ཙོརིཾ ཝུཊྛཱཔེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ….

ཨེཀཱ གཱམནྟརཾ གམནཔཙྩཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཨཉྙཏརཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརཱ བྷིཀྑུནཱི ཨེཀཱ གཱམནྟརཾ གཙྪི, ཏསྨིཾ ཝཏྠུསྨིཾ. ཨེཀཱ པཉྙཏྟི, ཏིསྶོ ཨནུཔཉྙཏྟིཡོ. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – པཋམཔཱརཱཛིཀེ…པེ….

སམགྒེན ¶ སངྒྷེན ཨུཀྑིཏྟཾ བྷིཀྑུནིཾ དྷམྨེན ཝིནཡེན སཏྠུསཱསནེན ཨནཔལོཀེཏྭཱ ཀཱརཀསངྒྷཾ ¶ ཨནཉྙཱཡ གཎསྶ ཚནྡཾ ཨོསཱརཎཔཙྩཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི སམགྒེན སངྒྷེན ཨུཀྑིཏྟཾ བྷིཀྑུནིཾ ¶ དྷམྨེན ཝིནཡེན སཏྠུསཱསནེན ཨནཔལོཀེཏྭཱ ཀཱརཀསངྒྷཾ ཨནཉྙཱཡ གཎསྶ ཚནྡཾ ཨོསཱརེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

ཨཝསྶུཏཱཡ བྷིཀྑུནིཡཱ ཨཝསྶུཏསྶ པུརིསཔུགྒལསྶ ཧཏྠཏོ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ བྷུཉྫནཔཙྩཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? སུནྡརཱིནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? སུནྡརཱིནནྡཱ བྷིཀྑུནཱི ཨཝསྶུཏཱ ཨཝསྶུཏསྶ པུརིསཔུགྒལསྶ ཧཏྠཏོ ཨཱམིསཾ པཊིགྒཧེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – པཋམཔཱརཱཛིཀེ…པེ….

‘‘ཀིཾ ཏེ, ཨཡྻེ, ཨེསོ པུརིསཔུགྒལོ ཀརིསྶཏི ཨཝསྶུཏོ ཝཱ ཨནཝསྶུཏོ ཝཱ, ཡཏོ ཏྭཾ ཨནཝསྶུཏཱ! ཨིངྒྷ, ཨཡྻེ, ཡཾ ཏེ ཨེསོ པུརིསཔུགྒལོ དེཏི ཁཱདནཱིཡཾ ཝཱ བྷོཛནཱིཡཾ ཝཱ ཏཾ ཏྭཾ སཧཏྠཱ པཊིགྒཧེཏྭཱ ཁཱད ཝཱ བྷུཉྫ ཝཱ’’ཏི ཨུཡྻོཛནཔཙྩཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཨཉྙཏརཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཨཉྙཏརཱ བྷིཀྑུནཱི – ‘‘ཀིཾ ཏེ, ཨཡྻེ, ཨེསོ པུརིསཔུགྒལོ ཀརིསྶཏི ཨཝསྶུཏོ ཝཱ ཨནཝསྶུཏོ ཝཱ, ཡཏོ ཏྭཾ ཨནཝསྶུཏཱ! ཨིངྒྷ, ཨཡྻེ, ཡཾ ཏེ ཨེསོ པུརིསཔུགྒལོ དེཏི ཁཱདནཱིཡཾ ཝཱ བྷོཛནཱིཡཾ ཝཱ ཏཾ ཏྭཾ སཧཏྠཱ པཊིགྒཧེཏྭཱ ཁཱད ཝཱ བྷུཉྫ ཝཱ’’ཏི ཨུཡྻོཛེསི, ཏསྨིཾ ¶ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ….

ཀུཔིཏཱཡ ཨནཏྟམནཱཡ བྷིཀྑུནིཡཱ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཙཎྜཀཱལི༹ཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཙཎྜཀཱལཱི༹ བྷིཀྑུནཱི ཀུཔིཏཱ ཨནཏྟམནཱ ཨེཝཾ ཨཝཙ – ‘‘བུདྡྷཾ པཙྩཱཙིཀྑཱམི, དྷམྨཾ པཙྩཱཙིཀྑཱམི, སངྒྷཾ པཙྩཱཙིཀྑཱམི, སིཀྑཾ པཙྩཱཙིཀྑཱམཱི’’ཏི, ཏསྨིཾ ཝཏྠུསྨིཾ ¶ . ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

ཀིསྨིཉྩིདེཝ ¶ ཨདྷིཀརཎེ པཙྩཱཀཏཱཡ བྷིཀྑུནིཡཱ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཙཎྜཀཱལི༹ཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཙཎྜཀཱལཱི༹ བྷིཀྑུནཱི ཀིསྨིཉྩིདེཝ ཨདྷིཀརཎེ པཙྩཱཀཏཱ ཀུཔིཏཱ ཨནཏྟམནཱ ཨེཝཾ ཨཝཙ – ‘‘ཚནྡགཱམིནིཡོ ཙ བྷིཀྑུནིཡོ, དོསགཱམིནིཡོ ཙ བྷིཀྑུནིཡོ, མོཧགཱམིནིཡོ ཙ བྷིཀྑུནིཡོ, བྷཡགཱམིནིཡོ ཙ བྷིཀྑུནིཡོ’’ཏི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

སཾསཊྛཱནཾ བྷིཀྑུནཱིནཾ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ ¶ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ སཾསཊྛཱ ཝིཧརིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

‘‘སཾསཊྛཱ ¶ , ཨཡྻེ, ཏུམྷེ ཝིཧརཐ. མཱ ཏུམྷེ ནཱནཱ ཝིཧརིཏྠཱ’’ཏི ཨུཡྻོཛེནྟིཡཱ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ སངྒྷཱདིསེསོ ཀཏྠ པཉྙཏྟོཏི? སཱཝཏྠིཡཾ པཉྙཏྟོ. ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ. ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི – ‘‘སཾསཊྛཱཝ ཨཡྻེ, ཏུམྷེ ཝིཧརཐ. མཱ ཏམྷེ ནཱནཱ ཝིཧརིཏྠཱ’’ཏི ཨུཡྻོཛེསི, ཏསྨིཾ ཝཏྠུསྨིཾ. ཨེཀཱ པཉྙཏྟི. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ….

དདྷིཾ ཝིཉྙཱཔེཏྭཱ བྷུཉྫནཔཙྩཡཱ པཱཊིདེསནཱིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ. ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ. ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ དདྷིཾ ཝིཉྙཱཔེཏྭཱ བྷུཉྫིཾསུ, ཏསྨིཾ ཝཏྠུསྨིཾ. ཨེཀཱ པཉྙཏྟི, ཨེཀཱ ཨནུཔཉྙཏྟི. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛཱཏི…པེ… ¶ .

ཀཏྠཔཉྙཏྟིཝཱརོ ནིཊྛིཏོ པཋམོ.

༢. ཀཏཱཔཏྟིཝཱརོ

༡. པཱརཱཛིཀཀཎྜཾ

༢༤༩. ཀཱཡསཾསགྒཾ ¶ ¶ སཱདིཡནཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཀཱཡསཾསགྒཾ སཱདིཡནཔཙྩཡཱ པཉྩ ཨཱཔཏྟིཡོ ཨཱཔཛྫཏི. ཨཝསྶུཏཱ བྷིཀྑུནཱི ཨཝསྶུཏསྶ པུརིསཔུགྒལསྶ ཨདྷཀྑཀཾ ཨུབྦྷཛཱཎུམཎྜལཾ གཧཎཾ སཱདིཡཏི, ཨཱཔཏྟི པཱརཱཛིཀསྶ; བྷིཀྑུ ཀཱཡེན ཀཱཡཾ ཨཱམསཏི, ཨཱཔཏྟི སངྒྷཱདིསེསསྶ; ཀཱཡེན ཀཱཡཔཊིབདྡྷཾ ཨཱམསཏི, ཨཱཔཏྟི ཐུལླཙྩཡསྶ; ཀཱཡཔཊིབདྡྷེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ; ཨངྒུལིཔཏོདཀེ པཱཙིཏྟིཡཾ – ཀཱཡསཾསགྒཾ སཱདིཡནཔཙྩཡཱ ཨིམཱ པཉྩ ཨཱཔཏྟིཡོ ཨཱཔཛྫཏི.

ཝཛྫཔྤཊིཙྪཱདནཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཝཛྫཔྤཊིཙྪཱདནཔཙྩཡཱ ཙཏསྶོ ཨཱཔཏྟིཡོ ཨཱཔཛྫཏི. བྷིཀྑུནཱི ཛཱནཾ པཱརཱཛིཀཾ དྷམྨཾ [དྷམྨཾ ཨཛ྄ཛྷཱཔནྣཾ (སྱཱ.)] པཊིཙྪཱདེཏི, ཨཱཔཏྟི པཱརཱཛིཀསྶ; ཝེམཏིཀཱ པཊིཙྪཱདེཏི, ཨཱཔཏྟི ཐུལླཙྩཡསྶ; བྷིཀྑུ སངྒྷཱདིསེསཾ པཊིཙྪཱདེཏི, ཨཱཔཏྟི པཱཙིཏྟིཡསྶ; ཨཱཙཱརཝིཔཏྟིཾ པཊིཙྪཱདེཏི, ཨཱཔཏྟི དུཀྐཊསྶ – ཝཛྫཔྤཊིཙྪཱདནཔཙྩཡཱ ཨིམཱ ཙཏསྶོ ཨཱཔཏྟིཡོ ཨཱཔཛྫཏི.

ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ པཉྩ ཨཱཔཏྟིཡོ ཨཱཔཛྫཏི. ཨུཀྑིཏྟཱནུཝཏྟིཀཱ བྷིཀྑུནཱི ཡཱཝཏཏིཡཾ ¶ སམནུབྷཱསནཱཡ ན པཊིནིསྶཛྫཏི, ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི པཱརཱཛིཀསྶ; བྷེདཀཱནུཝཏྟིཀཱ བྷིཀྑུནཱི ཡཱཝཏཏིཡཾ སམནུབྷཱསནཱཡ ན པཊིནིསྶཛྫཏི, ཨཱཔཏྟི སངྒྷཱདིསེསསྶ; པཱཔིཀཱཡ དིཊྛིཡཱ ཡཱཝཏཏིཡཾ སམནུབྷཱསནཱཡ ན པཊིནིསྶཛྫཏི, ཨཱཔཏྟི པཱཙིཏྟིཡསྶ ¶ – ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ ཨིམཱ པཉྩ ཨཱཔཏྟིཡོ ཨཱཔཛྫཏི.

ཨཊྛམཾ ཝཏྠུཾ པརིཔཱུརཎཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཨཊྛམཾ ཝཏྠུཾ པརིཔཱུརཎཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི. པུརིསེན – ‘‘ཨིཏྠནྣཱམཾ ཨོཀཱསཾ ཨཱགཙྪཱ’’ཏི ཝུཏྟཱ གཙྪཏི, ཨཱཔཏྟི དུཀྐཊསྶ; པུརིསསྶ ¶ ཧཏྠཔཱསཾ ཨོཀྐནྟམཏྟེ ཨཱཔཏྟི ཐུལླཙྩཡསྶ; ཨཊྛམཾ ཝཏྠུཾ པརིཔཱུརེཏི, ཨཱཔཏྟི པཱརཱཛིཀསྶ – ཨཊྛམཾ ཝཏྠུཾ པརིཔཱུརཎཔཙྩཡཱ ཨིམཱ ཏིསྶོ ཨཱཔཏྟིཡོ ཨཱཔཛྫཏི.

པཱརཱཛིཀཱ ནིཊྛིཏཱ.

༢. སངྒྷཱདིསེསཀཎྜཱདི

༢༥༠. ཨུསྶཡཝཱདིཀཱ བྷིཀྑུནཱི ཨཌྜཾ ཀརཎཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི. ཨེཀསྶ ཨཱརོཙེཏི, ཨཱཔཏྟི དུཀྐཊསྶ; དུཏིཡསྶ ཨཱརོཙེཏི, ཨཱཔཏྟི ཐུལླཙྩཡསྶ; ཨཌྜཔརིཡོསཱནེ ཨཱཔཏྟི སངྒྷཱདིསེསསྶ.

ཙོརིཾ ཝུཊྛཱཔནཔཙྩཡཱ ¶ ཏིསྶོ ཨཱཔཏྟིཡོ ཨཱཔཛྫཏི. ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ¶ ཨཱཔཏྟི སངྒྷཱདིསེསསྶ.

ཨེཀཱ གཱམནྟརཾ གམནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི. གཙྪཏི, ཨཱཔཏྟི དུཀྐཊསྶ; པཋམཾ པཱདཾ པརིཀྑེཔཾ ཨཏིཀྐཱམེཏི, ཨཱཔཏྟི ཐུལླཙྩཡསྶ; དུཏིཡཾ པཱདཾ ཨཏིཀྐཱམེཏི, ཨཱཔཏྟི སངྒྷཱདིསེསསྶ.

སམགྒེན སངྒྷེན ཨུཀྑིཏྟཾ བྷིཀྑུནིཾ དྷམྨེན ཝིནཡེན སཏྠུསཱསནེན ཨནཔལོཀེཏྭཱ ཀཱརཀསངྒྷཾ ཨནཉྙཱཡ གཎསྶ ཚནྡཾ ཨོསཱརཎཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི. ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

ཨཝསྶུཏཱ བྷིཀྑུནཱི ཨཝསྶུཏསྶ པུརིསཔུགྒལསྶ ཧཏྠཏོ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ ¶ པཊིགྒཧེཏྭཱ བྷུཉྫནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི. ‘‘ཁཱདིསྶཱམི བྷུཉྫིསྶཱམཱི’’ཏི པཊིགྒཎྷཱཏི, ཨཱཔཏྟི ཐུལླཙྩཡསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི སངྒྷཱདིསེསསྶ; ཨུདཀདནྟཔོནཾ པཊིགྒཎྷཱཏི, ཨཱཔཏྟི དུཀྐཊསྶ.

‘‘ཀིཾ ཏེ, ཨཡྻེ, ཨེསོ པུརིསཔུགྒལོ ཀརིསྶཏི ཨཝསྶུཏོ ཝཱ ཨནཝསྶུཏོ ཝཱ, ཡཏོ ཏྭཾ ཨནཝསྶུཏཱ! ཨིངྒྷ, ཨཡྻེ, ཡཾ ཏེ ཨེསོ པུརིསཔུགྒལོ ¶ དེཏི ཁཱདནཱིཡཾ ཝཱ བྷོཛནཱིཡཾ ཝཱ ཏཾ ཏྭཾ སཧཏྠཱ པཊིགྒཧེཏྭཱ ཁཱད ཝཱ བྷུཉྫ ཝཱ’’ཏི, ཨུཡྻོཛནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི. ཏསྶཱ ཝཙནེན ཁཱདིསྶཱམི བྷུཉྫིསྶཱམཱིཏི ¶ པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི ཐུལླཙྩཡསྶ; བྷོཛནཔརིཡོསཱནེ ཨཱཔཏྟི སངྒྷཱདིསེསསྶ.

ཀུཔིཏཱ བྷིཀྑུནཱི ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི. ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

ཀིསྨིཉྩིདེཝ ཨདྷིཀརཎེ པཙྩཱཀཏཱ བྷིཀྑུནཱི ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི. ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

སཾསཊྛཱ བྷིཀྑུནཱི ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི. ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

‘‘སཾསཊྛཱཝ, ཨཡྻེ, ཏུམྷེ ཝིཧརཐ, མཱ ཏུམྷེ ནཱནཱ ཝིཧརིཏྠཱ’’ཏི ཨུཡྻོཛེནྟཱི ཡཱཝཏཏིཡཾ སམནུབྷཱསནཱཡ ན པཊིནིསྶཛྫནཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི. ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི སངྒྷཱདིསེསསྶ.

དས སངྒྷཱདིསེསཱ ནིཊྛིཏཱ…པེ….

(ཡཐཱ ཧེཊྛཱ ཏཐཱ ཝིཏྠཱརེཏབྦཱ པཙྩཡམེཝ ནཱནཱཀརཎཾ)

དདྷིཾ ¶ ¶ ཝིཉྙཱཔེཏྭཱ བྷུཉྫནཔཙྩཡཱ ཀཏི ཨཱཔཏྟིཡོ ཨཱཔཛྫཏི? དདྷིཾ ཝིཉྙཱཔེཏྭཱ བྷུཉྫནཔཙྩཡཱ དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ – དདྷིཾ ཝིཉྙཱཔེཏྭཱ བྷུཉྫནཔཙྩཡཱ ཨིམཱ དྭེ ཨཱཔཏྟིཡོ ཨཱཔཛྫཏི.

ཀཏཱཔཏྟིཝཱརོ ནིཊྛིཏོ དུཏིཡོ.

༣. ཝིཔཏྟིཝཱརོ

༢༥༡. ཀཱཡསཾསགྒཾ ¶ ¶ སཱདིཡནཔཙྩཡཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? ཀཱཡསཾསགྒཾ སཱདིཡནཔཙྩཡཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ, སིཡཱ ཨཱཙཱརཝིཔཏྟིཾ…པེ… དདྷིཾ ཝིཉྙཱཔེཏྭཱ བྷུཉྫནཔཙྩཡཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? དདྷིཾ ཝིཉྙཱཔེཏྭཱ བྷུཉྫནཔཙྩཡཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཨེཀཾ ཝིཔཏྟིཾ བྷཛནྟི – ཨཱཙཱརཝིཔཏྟིཾ.

ཝིཔཏྟིཝཱརོ ནིཊྛིཏོ ཏཏིཡོ.

༤. སངྒཧཝཱརོ

༢༥༢. ཀཱཡསཾསགྒཾ ¶ སཱདིཡནཔཙྩཡཱ ཨཱཔཏྟིཡོ སཏྟནྣཾ ཨཱཔཏྟིཀྑནྡྷཱནཾ ¶ ཀཏིཧི ཨཱཔཏྟིཀྑནྡྷེཧི སངྒཧིཏཱ? ཀཱཡསཾསགྒཾ སཱདིཡནཔཙྩཡཱ ཨཱཔཏྟིཡོ སཏྟནྣཾ ཨཱཔཏྟིཀྑནྡྷཱནཾ པཉྩཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱརཱཛིཀཱཔཏྟིཀྑནྡྷེན, སིཡཱ སངྒྷཱདིསེསཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ པཱཙིཏྟིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན…པེ….

དདྷིཾ ཝིཉྙཱཔེཏྭཱ ¶ བྷུཉྫནཔཙྩཡཱ ཨཱཔཏྟིཡོ སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? དདྷིཾ ཝིཉྙཱཔེཏྭཱ བྷུཉྫནཔཙྩཡཱ ཨཱཔཏྟིཡོ སཏྟནྣཾ ཨཱཔཏྟིཀྑནྡྷཱནཾ དྭཱིཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱཊིདེསནཱིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན.

སངྒཧཝཱརོ ནིཊྛིཏོ ཙཏུཏྠོ.

༥. སམུཊྛཱནཝཱརོ

༢༥༣. ཀཱཡསཾསགྒཾ ¶ སཱདིཡནཔཙྩཡཱ ཨཱཔཏྟིཡོ ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛནྟི? ཀཱཡསཾསགྒཾ སཱདིཡནཔཙྩཡཱ ཨཱཔཏྟིཡོ ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི – ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ…པེ….

དདྷིཾ ¶ ཝིཉྙཱཔེཏྭཱ བྷུཉྫནཔཙྩཡཱ ཨཱཔཏྟིཡོ ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛནྟི? དདྷིཾ ཝིཉྙཱཔེཏྭཱ བྷུཉྫནཔཙྩཡཱ ཨཱཔཏྟིཡོ ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛནྟི – སིཡཱ ཀཱཡཏོ སམུཊྛནྟི, ན ཝཱཙཏོ ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ སམུཊྛནྟི, ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི.

སམུཊྛཱནཝཱརོ ནིཊྛིཏོ པཉྩམོ.

༦. ཨདྷིཀརཎཝཱརོ

༢༥༤. ཀཱཡསཾསགྒཾ ¶ སཱདིཡནཔཙྩཡཱ ཨཱཔཏྟིཡོ ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? ཀཱཡསཾསགྒཾ སཱདིཡནཔཙྩཡཱ ཨཱཔཏྟིཡོ ཙཏུནྣཾ ¶ ཨདྷིཀརཎཱནཾ, ཨཱཔཏྟཱདྷིཀརཎཾ…པེ….

དདྷིཾ ཝིཉྙཱཔེཏྭཱ བྷུཉྫནཔཙྩཡཱ ཨཱཔཏྟིཡོ ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? དདྷིཾ ཝིཉྙཱཔེཏྭཱ བྷུཉྫནཔཙྩཡཱ ཨཱཔཏྟིཡོ ཙཏུནྣཾ ཨདྷིཀརཎཱནཾ – ཨཱཔཏྟཱདྷིཀརཎཾ.

ཨདྷིཀརཎཝཱརོ ནིཊྛིཏོ ཚཊྛོ.

༧. སམཐཝཱརོ

༢༥༥. ཀཱཡསཾསགྒཾ ¶ སཱདིཡནཔཙྩཡཱ ཨཱཔཏྟིཡོ སཏྟནྣཾ སམཐཱནཾ ཀཏིཧི སམཐེཧི སམྨནྟི? ཀཱཡསཾསགྒཾ སཱདིཡནཔཙྩཡཱ ཨཱཔཏྟིཡོ སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ…པེ….

དདྷིཾ ཝིཉྙཱཔེཏྭཱ བྷུཉྫནཔཙྩཡཱ ཨཱཔཏྟིཡོ སཏྟནྣཾ སམཐཱནཾ ཀཏིཧི སམཐེཧི སམྨནྟི? དདྷིཾ ཝིཉྙཱཔེཏྭཱ བྷུཉྫནཔཙྩཡཱ ཨཱཔཏྟིཡོ སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

སམཐཝཱརོ ནིཊྛིཏོ སཏྟམོ.

༨. སམུཙྩཡཝཱརོ

༢༥༦. ཀཱཡསཾསགྒཾ ¶ ¶ སཱདིཡནཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཀཱཡསཾསགྒཾ སཱདིཡནཔཙྩཡཱ པཉྩ ཨཱཔཏྟིཡོ ཨཱཔཛྫཏི. ཨཝསྶུཏཱ བྷིཀྑུནཱི ཨཝསྶུཏསྶ པུརིསཔུགྒལསྶ ཨདྷཀྑཀཾ ཨུབྦྷཛཱཎུམཎྜལཾ གཧཎཾ སཱདིཡཏི, ཨཱཔཏྟི པཱརཱཛིཀསྶ; བྷིཀྑུ ཀཱཡེན ཀཱཡཾ ཨཱམསཏི, ཨཱཔཏྟི སངྒྷཱདིསེསསྶ; ཀཱཡེན ཀཱཡཔཊིབདྡྷཾ ཨཱམསཏི, ཨཱཔཏྟི ཐུལླཙྩཡསྶ ¶ ; ཀཱཡཔཊིབདྡྷེན ཀཱཡཔཊིབདྡྷཾ ཨཱམསཏི, ཨཱཔཏྟི དུཀྐཊསྶ; ཨངྒུལིཔཏོདཀེ པཱཙིཏྟིཡཾ – ཀཱཡསཾསགྒཾ སཱདིཡནཔཙྩཡཱ ཨིམཱ པཉྩ ཨཱཔཏྟིཡོ ཨཱཔཛྫཏི.

ཏཱ ¶ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛནྟི? ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? སཏྟནྣཾ སམཐཱནཾ ཀཏིཧི སམཐེཧི སམྨནྟི? ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ, སིཡཱ ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ པཉྩཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱརཱཛིཀཱཔཏྟིཀྑནྡྷེན, སིཡཱ སངྒྷཱདིསེསཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ པཱཙིཏྟིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི – ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ. ཙཏུནྣཾ ཨདྷིཀརཎཱནཾ ཨཱཔཏྟཱདྷིཀརཎཾ. སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ…པེ….

དདྷིཾ ཝིཉྙཱཔེཏྭཱ བྷུཉྫནཔཙྩཡཱ ཀཏི ཨཱཔཏྟིཡོ ཨཱཔཛྫཏི? དདྷིཾ ཝིཉྙཱཔེཏྭཱ བྷུཉྫནཔཙྩཡཱ དྭེ ཨཱཔཏྟིཡོ ཨཱཔཛྫཏི. བྷུཉྫིསྶཱམཱིཏི པཊིགྒཎྷཱཏི, ཨཱཔཏྟི དུཀྐཊསྶ; ཨཛ྄ཛྷོཧཱརེ ¶ ཨཛ྄ཛྷོཧཱརེ ཨཱཔཏྟི པཱཊིདེསནཱིཡསྶ – དདྷིཾ ཝིཉྙཱཔེཏྭཱ བྷུཉྫནཔཙྩཡཱ ཨིམཱ དྭེ ཨཱཔཏྟིཡོ ཨཱཔཛྫཏི.

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛནྟི? ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ ¶ ? སཏྟནྣཾ སམཐཱནཾ ཀཏིཧི སམཐེཧི སམྨནྟི? ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཨེཀཾ ཝིཔཏྟིཾ བྷཛནྟི – ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ དྭཱིཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱཊིདེསནཱིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛནྟི – སིཡཱ ཀཱཡཏོ སམུཊྛནྟི, ན ཝཱཙཏོ ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ སམུཊྛནྟི, ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛནྟི ན ཝཱཙཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི. ཙཏུནྣཾ ཨདྷིཀརཎཱནཾ, ཨཱཔཏྟཱདྷིཀརཎཾ. སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙཱཏི.

སམུཙྩཡཝཱརོ ནིཊྛིཏོ ཨཊྛམོ. [ཨིམསྶཱནནྟརཾ པོརཱཎསཱིཧལ༹པོཏྠཀེ ཨེཝམྤི§དིསྶཏི –§‘‘ཏེསམུདྡཱནཾ –§ཀཏིཝཱརོ ཙ ཝིཔཏྟིཝཱརོ ཙ, སངྒཧཝཱརོ ཙ སམུཊྛཱནཝཱརོ. ཨདྷིཀརཎཝཱརོ ཙ སམཐཝཱརོ ཙ, སམུཙྩཡཝཱརོ ཙ ཨིམེ སཏྟ ཝཱརཱ. ཨཱདིཏོ པཉྙཏྟིཝཱརེན སཧ ཨཊྛཝཱརཱཏི’’ཨིཏི.]

ཨཊྛ པཙྩཡཝཱརཱ ནིཊྛིཏཱ.

བྷིཀྑུནཱིཝིབྷངྒེ སོལ༹ས མཧཱཝཱརཱ ནིཊྛིཏཱ.

སམུཊྛཱནསཱིསསངྑེཔོ

སམུཊྛཱནསྶུདྡཱནཾ

༢༥༧.

ཨནིཙྩཱ ¶ ¶ ¶ ¶ སབྦེ སངྑཱརཱ, དུཀྑཱནཏྟཱ ཙ སངྑཏཱ;

ནིབྦཱནཉྩེཝ པཉྙཏྟི, ཨནཏྟཱ ཨིཏི ནིཙྪཡཱ.

བུདྡྷཙནྡེ ཨནུཔྤནྣེ, བུདྡྷཱདིཙྩེ ཨནུགྒཏེ;

ཏེསཾ སབྷཱགདྷམྨཱནཾ, ནཱམམཏྟཾ ན ནཱཡཏི.

དུཀྐརཾ ཝིཝིདྷཾ ཀཏྭཱ, པཱུརཡིཏྭཱན པཱརམཱི;

ཨུཔྤཛྫནྟི མཧཱཝཱིརཱ, ཙཀྑུབྷཱུཏཱ སབྲཧྨཀེ.

ཏེ དེསཡནྟི སདྡྷམྨཾ, དུཀྑཧཱནིཾ སུཁཱཝཧཾ;

ཨངྒཱིརསོ སཀྱམུནི, སབྦབྷཱུཏཱནུཀམྤཀོ.

སབྦསཏྟུཏྟམོ སཱིཧོ, པིཊཀེ ཏཱིཎི དེསཡི;

སུཏྟནྟམབྷིདྷམྨཉྩ, ཝིནཡཉྩ མཧཱགུཎཾ.

ཨེཝཾ ནཱིཡཏི སདྡྷམྨོ, ཝིནཡོ ཡདི ཏིཊྛཏི;

ཨུབྷཏོ ཙ ཝིབྷངྒཱནི, ཁནྡྷཀཱ ཡཱ ཙ མཱཏིཀཱ.

མཱལཱ སུཏྟགུཎེནེཝ, པརིཝཱརེན གནྠིཏཱ;

ཏསྶེཝ པརིཝཱརསྶ, སམུཊྛཱནཾ ནིཡཏོ ཀཏཾ.

སམྦྷེདཾ ¶ ནིདཱནཾ ཙཉྙཾ, སུཏྟེ དིསྶནྟི ཨུཔརི;

ཏསྨཱ སིཀྑེ པརིཝཱརཾ, དྷམྨཀཱམོ སུཔེསལོཏི.

ཏེརསསམུཊྛཱནཾ

ཝིབྷངྒེ དྭཱིསུ པཉྙཏྟཾ, ཨུདྡིསནྟི ཨུཔོསཐེ;

པཝཀྑཱམི སམུཊྛཱནཾ, ཡཐཱཉཱཡཾ སུཎཱཐ མེ.

པཱརཱཛིཀཾ ¶ ཡཾ པཋམཾ, དུཏིཡཉྩ ཏཏོ པརཾ;

སཉྩརིཏྟཱནུབྷཱསནཉྩ, ཨཏིརེཀཉྩ ཙཱིཝརཾ.

ལོམཱནི པདསོདྷམྨོ, བྷཱུཏཾ སཾཝིདྷཱནེན ཙ;

ཐེཡྻདེསནཙོརཱི ཙ, ཨནནུཉྙཱཏཱཡ ཏེརས.

ཏེརསེཏེ སམུཊྛཱན ནཡཱ, ཝིཉྙཱུཧི ཙིནྟིཏཱ.

ཨེཀེཀསྨིཾ སམུཊྛཱནེ, སདིསཱ ཨིདྷ དིསྶརེ.

༡. པཋམཔཱརཱཛིཀསམུཊྛཱནཾ

༢༥༨.

མེཐུནཾ ¶ སུཀྐསཾསགྒོ, ཨནིཡཏཱ པཋམིཀཱ;

པུབྦཱུཔཔརིཔཱཙིཏཱ, རཧོ བྷིཀྑུནིཡཱ སཧ.

སབྷོཛནེ རཧོ དྭེ ཙ, ཨངྒུལི ཨུདཀེ ཧསཾ;

པཧཱརེ ¶ ཨུགྒིརེ ཙེཝ, ཏེཔཉྙཱསཱ ཙ སེཁིཡཱ.

ཨདྷཀྑགཱམཱཝསྶུཏཱ, ཏལམཊྛཉྩ སུདྡྷིཀཱ;

ཝསྶཾཝུཊྛཱ ཙ ཨོཝཱདཾ, ནཱནུབནྡྷེ པཝཏྟིནིཾ.

ཚསཏྟཏི ཨིམེ སིཀྑཱ, ཀཱཡམཱནསིཀཱ ཀཏཱ;

སབྦེ ཨེཀསམུཊྛཱནཱ, པཋམཾ པཱརཱཛིཀཾ ཡཐཱ.

པཋམཔཱརཱཛིཀསམུཊྛཱནཾ ནིཊྛིཏཾ.

༢. དུཏིཡཔཱརཱཛིཀསམུཊྛཱནཾ

༢༥༩.

ཨདིནྣཾ ¶ ཝིགྒཧུཏྟརི, དུཊྛུལླཱ ཨཏྟཀཱམིནཾ;

ཨམཱུལཱ ཨཉྙབྷཱགིཡཱ, ཨནིཡཏཱ དུཏིཡིཀཱ.

ཨཙྪིནྡེ པརིཎཱམནེ, མུསཱ ཨོམསཔེསུཎཱ;

དུཊྛུལླཱ པཐཝཱིཁཎེ, བྷཱུཏཾ ཨཉྙཱཡ ཨུཛ྄ཛྷཱཔེ.

ནིཀྐཌྜྷནཾ ¶ སིཉྩནཉྩ, ཨཱམིསཧེཏུ བྷུཏྟཱཝཱི;

ཨེཧི ཨནཱདརི བྷིཾསཱ, ཨཔནིདྷེ ཙ ཛཱིཝིཏཾ.

ཛཱནཾ སཔྤཱཎཀཾ ཀམྨཾ, ཨཱུནསཾཝཱསནཱསནཱ;

སཧདྷམྨིཀཝིལེཁཱ, མོཧོ ཨམཱུལཀེན ཙ.

ཀུཀྐུཙྩཾ དྷམྨིཀཾ ཙཱིཝརཾ, དཏྭཱ [ཀུཀྐུཙྩཾ དྷམྨིཀཾ ཙཱིཝརཾ (སཱི.), ཀུཀྐུཙྩཾ དྷམྨིཀཾ དཏྭཱ (སྱཱ.)] པརིཎཱམེཡྻ པུགྒལེ;

ཀིཾ ཏེ ཨཀཱལཾ ཨཙྪིནྡེ, དུགྒཧཱི ནིརཡེན ཙ.

གཎཾ ཝིབྷངྒཾ དུབྦལཾ, ཀཐིནཱཕཱསུཔསྶཡཾ;

ཨཀྐོསཙཎྜཱི མཙྪརཱི, གབྦྷིནཱི ཙ པཱཡནྟིཡཱ.

དྭེཝསྶཾ ¶ སིཀྑཱ སངྒྷེན, ཏཡོ ཙེཝ གིཧཱིགཏཱ;

ཀུམཱརིབྷཱུཏཱ ཏིསྶོ ཙ, ཨཱུནདྭཱདསསམྨཏཱ.

ཨལཾ ཏཱཝ སོཀཱཝཱསཾ, ཚནྡཱ ཨནུཝསྶཱ ཙ དྭེ;

སིཀྑཱཔདཱ སཏྟཏིམེ, སམུཊྛཱནཱ ཏིཀཱ ཀཏཱ.

ཀཱཡཙིཏྟེན ན ཝཱཙཱ, ཝཱཙཱཙིཏྟཾ ན ཀཱཡིཀཾ;

ཏཱིཧི དྭཱརེཧི ཛཱཡནྟི, པཱརཱཛིཀཾ དུཏིཡཾ ཡཐཱ.

དུཏིཡཔཱརཱཛིཀསམུཊྛཱནཾ ནིཊྛིཏཾ.

༣. སཉྩརིཏྟསམུཊྛཱནཾ

༢༦༠.

སཉྩརཱི ¶ ཀུཊི ཝིཧཱརོ, དྷོཝནཉྩ པཊིགྒཧོ;

ཝིཉྙཏྟུཏྟརི ཨབྷིཧཊྛུཾ, ཨུབྷིནྣཾ དཱུཏཀེན ཙ.

ཀོསིཡཱ སུདྡྷདྭེབྷཱགཱ, ཚབྦསྶཱནི ནིསཱིདནཾ;

རིཉྩནྟི རཱུཔིཀཱ ཙེཝ, ཨུབྷོ ནཱནཔྤཀཱརཀཱ.

ཨཱུནབནྡྷནཝསྶིཀཱ, སུཏྟཾ ཝིཀཔྤནེན ཙ;

དྭཱརདཱནསིབྦཱནི ¶ [དྭཱརདཱནསིབྦིནཱི (སཱི. སྱཱ.)] ཙ, པཱུཝཔཙྩཡཛོཏི ཙ.

རཏནཾ སཱུཙི མཉྩོ ཙ, ཏཱུལཾ ནིསཱིདནཀཎྜུ ཙ;

ཝསྶིཀཱ ཙ སུགཏེན, ཝིཉྙཏྟི ཨཉྙཾ ཙེཏཱཔནཱ.

དྭེ སངྒྷིཀཱ མཧཱཛནིཀཱ, དྭེ པུགྒལལཧུཀཱ གརུ;

དྭེ ཝིགྷཱསཱ སཱཊིཀཱ ཙ, སམཎཙཱིཝརེན ཙ.

སམཔཉྙཱསིམེ དྷམྨཱ, ཚཧི ཋཱནེཧི ཛཱཡརེ;

ཀཱཡཏོ ན ཝཱཙཱཙིཏྟཱ, ཝཱཙཏོ ན ཀཱཡམནཱ.

ཀཱཡཝཱཙཱ ན ཙ ཙིཏྟཱ [ན ཙིཏྟཏོ (སཱི. སྱཱ.)], ཀཱཡཙིཏྟཱ ན ཝཱཙིཀཱ [ན ཝཱཙཏོ (སཱི. སྱཱ.)];

ཝཱཙཱཙིཏྟཱ ¶ ན ཀཱཡེན, ཏཱིཧི དྭཱརེཧི [ཏཱིཧི ཋཱནེཧི (སྱཱ.)] ཛཱཡརེ.

ཚསམུཊྛཱནིཀཱ ཨེཏེ, སཉྩརིཏྟེན སཱདིསཱ.

སཉྩརིཏྟསམུཊྛཱནཾ ནིཊྛིཏཾ.

༤. སམནུབྷཱསནཱསམུཊྛཱནཾ

༢༦༡.

བྷེདཱནུཝཏྟདུབྦཙ ¶ ¶ , དཱུསདུཊྛུལླདིཊྛི ཙ;

ཚནྡཾ ཨུཛྫགྒྷིཀཱ དྭེ ཙ, དྭེ ཙ སདྡཱ ན བྱཱཧརེ.

ཚམཱ ནཱིཙཱསནེ ཋཱནཾ, པཙྪཏོ ཨུཔྤཐེན ཙ;

ཝཛྫཱནུཝཏྟིགཧཎཱ, ཨོསཱརེ པཙྩཱཙིཀྑནཱ.

ཀིསྨིཾ སཾསཊྛཱ དྭེ ཝདྷི, ཝིསིབྦེ དུཀྑིཏཱཡ ཙ;

པུན སཾསཊྛཱ ན ཝཱུཔསམེ, ཨཱརཱམཉྩ པཝཱརཎཱ.

ཨནྭདྡྷཾ [ཨནྭདྡྷམཱསཾ (སཱི. སྱཱ.)] སཧ ཛཱིཝིནིཾ, དྭེ ཙཱིཝརཾ ཨནུབནྡྷནཱ;

སཏྟཏིཾས ¶ ཨིམེ དྷམྨཱ, ཀཱཡཝཱཙཱཡ ཙིཏྟཏོ.

སབྦེ ཨེཀསམུཊྛཱནཱ, སམནུབྷཱསནཱ ཡཐཱ.

སམནུབྷཱསནཱསམུཊྛཱནཾ ནིཊྛིཏཾ.

༥. ཀཐིནསམུཊྛཱནཾ

༢༦༢.

ཨུབྦྷཏཾ ཀཐིནཾ ཏཱིཎི, པཋམཾ པཏྟབྷེསཛྫཾ;

ཨཙྩེཀཾ ཙཱཔི སཱསངྐཾ, པཀྐམནྟེན ཝཱ དུཝེ.

ཨུཔསྶཡཾ པརམྤརཱ, ཨནཏིརིཏྟཾ ནིམནྟནཱ;

ཝིཀཔྤཾ རཉྙོ ཝིཀཱལེ, ཝོསཱསཱརཉྙཀེན ཙ.

ཨུསྶཡཱསནྣིཙཡཉྩ, པུརེ པཙྪཱ ཝིཀཱལེ ཙ;

པཉྩཱཧིཀཱ སངྐམནཱི, དྭེཔི ཨཱཝསཐེན ཙ.

པསཱཁེ ¶ ཨཱསནེ ཙེཝ, ཏིཾས ཨེཀཱུནཀཱ ཨིམེ;

ཀཱཡཝཱཙཱ ན ཙ ཙིཏྟཱ [ན ཙིཏྟཏོ (སྱཱ.)], ཏཱིཧི དྭཱརེཧི ཛཱཡརེ.

དྭིསམུཊྛཱནིཀཱ སབྦེ, ཀཐིནེན སཧཱསམཱ.

ཀཐིནསམུཊྛཱནཾ ནིཊྛིཏཾ.

༦. ཨེལ༹ཀལོམསམུཊྛཱནཾ

༢༦༣.

ཨེལ༹ཀལོམཱ ¶ དྭེ སེཡྻཱ, ཨཱཧཙྩ པིཎྜབྷོཛནཾ;

གཎཝིཀཱལསནྣིདྷི, དནྟཔོནེན ཙེལཀཱ.

ཨུཡྻུཏྟཾ སེནཾ [ཨུཡྻུཏྟཾ ཝསེ (སྱཱ.)] ཨུཡྻོདྷི, སུརཱ ཨོརེན ནྷཱཡནཱ;

དུབྦཎྞེ དྭེ དེསནིཀཱ, ལསུཎུཔཏིཊྛེ ནཙྩནཱ.

ནྷཱནམཏྠརཎཾ སེཡྻཱ, ཨནྟོརཊྛེ ཏཐཱ བཧི;

ཨནྟོཝསྶཾ ¶ ཙིཏྟཱགཱརཾ, ཨཱསནྡི སུཏྟཀནྟནཱ.

ཝེཡྻཱཝཙྩཾ སཧཏྠཱ ཙ, ཨབྷིཀྑུཀཱཝཱསེན ཙ;

ཚཏྟཾ ཡཱནཉྩ སངྒྷཱཎིཾ, ཨལངྐཱརཾ གནྡྷཝཱསིཏཾ.

བྷིཀྑུནཱི སིཀྑམཱནཱ ཙ, སཱམཎེརཱི གིཧིནིཡཱ;

ཨསཾཀཙྩིཀཱ ཨཱཔཏྟི, ཙཏྟཱརཱིསཱ ཙཏུཏྟརི.

ཀཱཡེན ན ཝཱཙཱཙིཏྟེན, ཀཱཡཙིཏྟེན ན ཝཱཙཏོ;

དྭིསམུཊྛཱནིཀཱ སབྦེ, སམཱ ཨེལ༹ཀལོམིཀཱཏི.

ཨེལ༹ཀལོམསམུཊྛཱནཾ ནིཊྛིཏཾ.

༧. པདསོདྷམྨསམུཊྛཱནཾ

༢༦༤.

པདཉྙཏྲ ¶ ཨསམྨཏཱ, ཏཐཱ ཨཏྠངྒཏེན ཙ;

ཏིརཙྪཱནཝིཛྫཱ ¶ དྭེ ཝུཏྟཱ, ཨནོཀཱསོ [ཨནོཀཱསེ (སཱི. སྱཱ.)] ཙ པུཙྪནཱ.

སཏྟ སིཀྑཱཔདཱ ཨེཏེ, ཝཱཙཱ ན ཀཱཡཙིཏྟཏོ [ཀཱཡཙིཏྟཀཱ (ཀ.)];

ཝཱཙཱཙིཏྟེན ཛཱཡནྟི, ན ཏུ ཀཱཡེན ཛཱཡརེ.

དྭིསམུཊྛཱནིཀཱ སབྦེ, པདསོདྷམྨསདིསཱ.

པདསོདྷམྨསམུཊྛཱནཾ ནིཊྛིཏཾ.

༨. ཨདྡྷཱནསམུཊྛཱནཾ

༢༦༥.

ཨདྡྷཱནནཱཝཾ ¶ པཎཱིཏཾ, མཱཏུགཱམེན སཾཧརེ;

དྷཉྙཾ ནིམནྟིཏཱ ཙེཝ, ཨཊྛ ཙ པཱཊིདེསནཱི.

སིཀྑཱ པནྣརས ཨེཏེ, ཀཱཡཱ ན ཝཱཙཱ ན མནཱ;

ཀཱཡཝཱཙཱཧི ཛཱཡནྟི, ན ཏེ ཙིཏྟེན ཛཱཡརེ.

ཀཱཡཙིཏྟེན ཛཱཡནྟི, ན ཏེ ཛཱཡནྟི ཝཱཙཏོ;

ཀཱཡཝཱཙཱཧི ཙིཏྟེན, སམུཊྛཱནཱ ཙཏུབྦིདྷཱ.

པཉྙཏྟཱ ¶ བུདྡྷཉཱཎེན, ཨདྡྷཱནེན སཧཱ སམཱ [སམཱནཡཱ (སྱཱ.)].

ཨདྡྷཱནསམུཊྛཱནཾ ནིཊྛིཏཾ.

༩. ཐེཡྻསཏྠསམུཊྛཱནཾ

༢༦༦.

ཐེཡྻསཏྠཾ ¶ ཨུཔསྶུཏི, སཱུཔཝིཉྙཱཔནེན ཙ;

རཏྟིཚནྣཉྩ ཨོཀཱསཾ, ཨེཏེ བྱཱུཧེན སཏྟམཱ.

ཀཱཡཙིཏྟེན ཛཱཡནྟི, ན ཏེ ཛཱཡནྟི ཝཱཙཏོ;

ཏཱིཧི དྭཱརེཧི ཛཱཡནྟི, དྭིསམུཊྛཱནིཀཱ ཨིམེ.

ཐེཡྻསཏྠསམུཊྛཱནཱ, དེསིཏཱདིཙྩབནྡྷུནཱ.

ཐེཡྻསཏྠསམུཊྛཱནཾ ནིཊྛིཏཾ.

༡༠. དྷམྨདེསནཱསམུཊྛཱནཾ

༢༦༧.

ཚཏྟཔཱཎིསྶ སདྡྷམྨཾ, ན དེསེནྟི ཏཐཱགཏཱ;

ཨེཝམེཝ [ཏཐེཝ (སཱི. སྱཱ.)] དཎྜཔཱཎིསྶ, སཏྠཨཱཝུདྷཔཱཎིནཾ.

པཱདུཀུཔཱཧནཱ ཡཱནཾ, སེཡྻཔལླཏྠིཀཱཡ ཙ;

ཝེཋིཏོགུཎྛིཏོ ཙེཝ, ཨེཀཱདསམནཱུནཀཱ.

ཝཱཙཱཙིཏྟེན ཛཱཡནྟི, ན ཏེ ཛཱཡནྟི ཀཱཡཏོ;

སབྦེ ཨེཀསམུཊྛཱནཱ, སམཀཱ དྷམྨདེསནེ.

དྷམྨདེསནཱསམུཊྛཱནཾ ནིཊྛིཏཾ.

༡༡. བྷཱུཏཱརོཙནསམུཊྛཱནཾ

༢༦༨.

བྷཱུཏཾ ¶ ཀཱཡེན ཛཱཡཏི, ན ཝཱཙཱ ན ཙ ཙིཏྟཏོ;

ཝཱཙཏོ ཙ སམུཊྛཱཏི, ན ཀཱཡཱ ན ཙ ཙིཏྟཏོ.

ཀཱཡཝཱཙཱཡ ¶ ཛཱཡཏི, ན ཏུ ཛཱཡཏི ཙིཏྟཏོ;

བྷཱུཏཱརོཙནཀཱ ¶ ནཱམ, ཏཱིཧི ཋཱནེཧི ཛཱཡཏི.

བྷཱུཏཱརོཙནསམུཊྛཱནཾ ནིཊྛིཏཾ.

༡༢. ཙོརིཝུཊྛཱཔནསམུཊྛཱནཾ

༢༦༩.

ཙོརཱི ཝཱཙཱཡ ཙིཏྟེན, ན ཏཾ ཛཱཡཏི ཀཱཡཏོ;

ཛཱཡཏི ཏཱིཧི དྭཱརེཧི, ཙོརིཝུཊྛཱཔནཾ ཨིདཾ;

ཨཀཏཾ དྭིསམུཊྛཱནཾ, དྷམྨརཱཛེན བྷཱསིཏཾ [ཋཔིཏཾ (སྱཱ.)].

ཙོརིཝུཊྛཱཔནསམུཊྛཱནཾ ནིཊྛིཏཾ.

༡༣. ཨནནུཉྙཱཏསམུཊྛཱནཾ

༢༧༠.

ཨནནུཉྙཱཏཾ ཝཱཙཱཡ, ན ཀཱཡཱ ན ཙ ཙིཏྟཏོ;

ཛཱཡཏི ཀཱཡཝཱཙཱཡ, ན ཏཾ ཛཱཡཏི ཙིཏྟཏོ.

ཛཱཡཏི ཝཱཙཱཙིཏྟེན, ན ཏཾ ཛཱཡཏི ཀཱཡཏོ;

ཛཱཡཏི ¶ ཏཱིཧི དྭཱརེཧི, ཨཀཏཾ ཙཏུཋཱནིཀཾ.

ཨནནུཉྙཱཏསམུཊྛཱནཾ ནིཊྛིཏཾ.

སམུཊྛཱནཉྷི སངྑེཔཾ, དས ཏཱིཎི སུདེསིཏཾ;

ཨསམྨོཧཀརཾ ཋཱནཾ, ནེཏྟིདྷམྨཱནུལོམིཀཾ;

དྷཱརཡནྟོ ཨིམཾ ཝིཉྙཱུ, སམུཊྛཱནེ ན མུཡ྄ཧཏཱིཏི.

སམུཊྛཱནསཱིསསངྑེཔོ ནིཊྛིཏོ.

ཨནྟརཔེཡྻཱལཾ

ཀཏིཔུཙྪཱཝཱརོ

༢༧༡. ཀཏི ¶ ¶ ¶ ¶ ཨཱཔཏྟིཡོ? ཀཏི ཨཱཔཏྟིཀྑནྡྷཱ? ཀཏི ཝིནཱིཏཝཏྠཱུནི? ཀཏི ཨགཱརཝཱ? ཀཏི གཱརཝཱ? ཀཏི ཝིནཱིཏཝཏྠཱུནི? ཀཏི ཝིཔཏྟིཡོ? ཀཏི ཨཱཔཏྟིསམུཊྛཱནཱ? ཀཏི ཝིཝཱདམཱུལཱནི? ཀཏི ཨནུཝཱདམཱུལཱནི? ཀཏི སཱརཎཱིཡཱ དྷམྨཱ? ཀཏི བྷེདཀརཝཏྠཱུནི? ཀཏི ཨདྷིཀརཎཱནི? ཀཏི སམཐཱ?

པཉྩ ཨཱཔཏྟིཡོ. པཉྩ ཨཱཔཏྟིཀྑནྡྷཱ. པཉྩ ཝིནཱིཏཝཏྠཱུནི. སཏྟ ཨཱཔཏྟིཡོ. སཏྟ ཨཱཔཏྟིཀྑནྡྷཱ. སཏྟ ཝིནཱིཏཝཏྠཱུནི. ཚ ཨགཱརཝཱ. ཚ གཱརཝཱ. ཚ ཝིནཱིཏཝཏྠཱུནི. ཙཏསྶོ ཝིཔཏྟིཡོ. ཚ ཨཱཔཏྟིསམུཊྛཱནཱ. ཚ ཝིཝཱདམཱུལཱནི. ཚ ཨནུཝཱདམཱུལཱནི. ཚ སཱརཎཱིཡཱ དྷམྨཱ. ཨཊྛཱརས བྷེདཀརཝཏྠཱུནི. ཙཏྟཱརི ཨདྷིཀརཎཱནི. སཏྟ སམཐཱ.

ཏཏྠ ཀཏམཱ པཉྩ ཨཱཔཏྟིཡོ? པཱརཱཛིཀཱཔཏྟི, སངྒྷཱདིསེསཱཔཏྟི, པཱཙིཏྟིཡཱཔཏྟི, པཱཊིདེསནཱིཡཱཔཏྟི, དུཀྐཊཱཔཏྟི – ཨིམཱ པཉྩ ཨཱཔཏྟིཡོ.

ཏཏྠ ཀཏམེ པཉྩ ཨཱཔཏྟིཀྑནྡྷཱ? པཱརཱཛིཀཱཔཏྟིཀྑནྡྷོ, སངྒྷཱདིསེསཱཔཏྟིཀྑནྡྷོ, པཱཙིཏྟིཡཱཔཏྟིཀྑནྡྷོ, པཱཊིདེསནཱིཡཱཔཏྟིཀྑནྡྷོ, དུཀྐཊཱཔཏྟིཀྑནྡྷོ – ཨིམེ པཉྩ ཨཱཔཏྟིཀྑནྡྷཱ.

ཏཏྠ ¶ ཀཏམཱནི པཉྩ ཝིནཱིཏཝཏྠཱུནི? པཉྩཧི ཨཱཔཏྟིཀྑནྡྷེཧི ཨཱརཏི ཝིརཏི པཊིཝིརཏི ཝེརམཎཱི ཨཀིརིཡཱ ཨཀརཎཾ ཨནཛ྄ཛྷཱཔཏྟི ཝེལཱཨནཏིཀྐམོ སེཏུགྷཱཏོ – ཨིམཱནི པཉྩ ཝིནཱིཏཝཏྠཱུནི.

ཏཏྠ ¶ ཀཏམཱ སཏྟ ཨཱཔཏྟིཡོ? པཱརཱཛིཀཱཔཏྟི, སངྒྷཱདིསེསཱཔཏྟི, ཐུལླཙྩཡཱཔཏྟི, པཱཙིཏྟིཡཱཔཏྟི, པཱཊིདེསནཱིཡཱཔཏྟི, དུཀྐཊཱཔཏྟི, དུབྦྷཱསིཏཱཔཏྟི – ཨིམཱ སཏྟ ཨཱཔཏྟིཡོ.

ཏཏྠ ཀཏམེ སཏྟ ཨཱཔཏྟིཀྑནྡྷཱ? པཱརཱཛིཀཱཔཏྟིཀྑནྡྷོ, སངྒྷཱདིསེསཱཔཏྟིཀྑནྡྷོ, ཐུལླཙྩཡཱཔཏྟིཀྑནྡྷོ, པཱཙིཏྟིཡཱཔཏྟིཀྑནྡྷོ, པཱཊིདེསནཱིཡཱཔཏྟིཀྑནྡྷོ, དུཀྐཊཱཔཏྟིཀྑནྡྷོ, དུབྦྷཱསིཏཱཔཏྟིཀྑནྡྷོ – ཨིམེ སཏྟ ཨཱཔཏྟིཀྑནྡྷཱ.

ཏཏྠ ¶ ཀཏམཱནི སཏྟ ཝིནཱིཏཝཏྠཱུནི? སཏྟཧི ཨཱཔཏྟིཀྑནྡྷེཧི ཨཱརཏི ཝིརཏི པཊིཝིརཏི ཝེརམཎཱི ཨཀིརིཡཱ ཨཀརཎཾ ཨནཛ྄ཛྷཱཔཏྟི ཝེལཱཨནཏིཀྐམོ སེཏུགྷཱཏོ – ཨིམཱནི སཏྟ ཝིནཱིཏཝཏྠཱུནི.

ཏཏྠ ¶ ཀཏམེ ཚ ཨགཱརཝཱ? བུདྡྷེ ཨགཱརཝོ, དྷམྨེ ཨགཱརཝོ, སངྒྷེ ཨགཱརཝོ, སིཀྑཱཡ ཨགཱརཝོ, ཨཔྤམཱདེ ཨགཱརཝོ, པཊིསནྡྷཱརེ ཨགཱརཝོ – ཨིམེ ཚ ཨགཱརཝཱ.

ཏཏྠ ཀཏམེ ཚ གཱརཝཱ? བུདྡྷེ གཱརཝོ, དྷམྨེ གཱརཝོ, སངྒྷེ གཱརཝོ, སིཀྑཱཡ གཱརཝོ, ཨཔྤམཱདེ གཱརཝོ, པཊིསནྡྷཱརེ གཱརཝོ – ཨིམེ ཚ གཱརཝཱ.

ཏཏྠ ཀཏམཱནི ཚ ཝིནཱིཏཝཏྠཱུནི? ཚཧི ཨགཱརཝེཧི ཨཱརཏི ཝིརཏི པཊིཝིརཏི ¶ ཝེརམཎཱི ཨཀིརིཡཱ ཨཀརཎཾ ཨནཛ྄ཛྷཱཔཏྟི ཝེལཱཨནཏིཀྐམོ སེཏུགྷཱཏོ – ཨིམཱནི ཚ ཝིནཱིཏཝཏྠཱུནི.

ཏཏྠ ཀཏམཱ ཙཏསྶོ ཝིཔཏྟིཡོ? སཱིལཝིཔཏྟི, ཨཱཙཱརཝིཔཏྟི, དིཊྛིཝིཔཏྟི, ཨཱཛཱིཝཝིཔཏྟི – ཨིམཱ ཙཏསྶོ ཝིཔཏྟིཡོ.

ཏཏྠ ཀཏམེ ཚ ཨཱཔཏྟིསམུཊྛཱནཱ? ཨཏྠཱཔཏྟི ཀཱཡཏོ སམུཊྛཱཏི, ན ཝཱཙཏོ ན ཙིཏྟཏོ; ཨཏྠཱཔཏྟི ཝཱཙཏོ སམུཊྛཱཏི, ན ཀཱཡཏོ ན ཙིཏྟཏོ; ཨཏྠཱཔཏྟི ཀཱཡཏོ ཙ ཝཱཙཏོ ཙ སམུཊྛཱཏི, ན ཙིཏྟཏོ; ཨཏྠཱཔཏྟི ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; ཨཏྠཱཔཏྟི ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; ཨཏྠཱཔཏྟི ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི – ཨིམེ ཚ ཨཱཔཏྟིསམུཊྛཱནཱ.

༢༧༢. ཏཏྠ ¶ [ཙཱུལ༹ཝ. ༢༡༦; ཨ. ནི. ༦.༣༦; མ. ནི. ༣.༤༤; དཱི. ནི. ༣.༣༢༥] ཀཏམཱནི ཚ ཝིཝཱདམཱུལཱནི? ཨིདྷ བྷིཀྑུ ཀོདྷནོ ཧོཏི ཨུཔནཱཧཱི. ཡོ སོ བྷིཀྑུ ཀོདྷནོ ཧོཏི ཨུཔནཱཧཱི སོ སཏྠརིཔི ཨགཱརཝོ ཝིཧརཏི ཨཔྤཏིསྶོ, དྷམྨེཔི ཨགཱརཝོ ཝིཧརཏི ཨཔྤཏིསྶོ, སངྒྷེཔི ཨགཱརཝོ ཝིཧརཏི ཨཔྤཏིསྶོ, སིཀྑཱཡཔི ན པརིཔཱུརཀཱརཱི ཧོཏི. ཡོ སོ བྷིཀྑུ སཏྠརི ཨགཱརཝོ ཝིཧརཏི ཨཔྤཏིསྶོ, དྷམྨེ…པེ… སངྒྷེ…པེ… སིཀྑཱཡ ན པརིཔཱུརཀཱརཱི, སོ སངྒྷེ ཝིཝཱདཾ ཛནེཏི. ཡོ ཧོཏི ཝིཝཱདོ བཧུཛནཱཧིཏཱཡ བཧུཛནཱསུཁཱཡ བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ. ཨེཝརཱུཔཾ ཙེ ཏུམྷེ ཝིཝཱདམཱུལཾ ཨཛ྄ཛྷཏྟཾ ཝཱ ¶ བཧིདྡྷཱ ཝཱ སམནུཔསྶེཡྻཱཐ ཏཏྲ ཏུམྷེ ¶ ཏསྶེཝ པཱཔཀསྶ ཝིཝཱདམཱུལསྶ པཧཱནཱཡ ཝཱཡམེཡྻཱཐ. ཨེཝརཱུཔཾ ཙེ ཏུམྷེ ཝིཝཱདམཱུལཾ ཨཛ྄ཛྷཏྟཾ ཝཱ བཧིདྡྷཱ ཝཱ ན སམནུཔསྶེཡྻཱཐ ཏཏྲ ཏུམྷེ ཏསྶེཝ པཱཔཀསྶ ཝིཝཱདམཱུལསྶ ཨཱཡཏིཾ ཨནཝསྶཝཱཡ པཊིཔཛྫེཡྻཱཐ. ཨེཝམེཏསྶ པཱཔཀསྶ ཝིཝཱདམཱུལསྶ པཧཱནཾ ཧོཏི. ཨེཝམེཏསྶ པཱཔཀསྶ ཝིཝཱདམཱུལསྶ ཨཱཡཏིཾ ཨནཝསྶཝོ ཧོཏི.

[ཙཱུལ༹ཝ. ༢༡༦] པུན ཙཔརཾ བྷིཀྑུ མཀྑཱི ཧོཏི པལཱ༹སཱི…པེ… ཨིསྶུཀཱི ཧོཏི མཙྪརཱི, སཋོ ཧོཏི མཱཡཱཝཱི, པཱཔིཙྪོ ཧོཏི མིཙྪཱདིཊྛི, སནྡིཊྛིཔརཱམཱསཱི ཧོཏི ཨཱདྷཱནགྒཱཧཱི དུཔྤཊིནིསྶགྒཱི. ཡོ སོ བྷིཀྑུ སནྡིཊྛིཔརཱམཱསཱི ཧོཏི ཨཱདྷཱནགྒཱཧཱི དུཔྤཊིནིསྶགྒཱི སོ སཏྠརིཔི ཨགཱརཝོ ཝིཧརཏི ཨཔྤཏིསྶོ, དྷམྨེཔི ཨགཱརཝོ ཝིཧརཏི ཨཔྤཏིསྶོ, སངྒྷེཔི ཨགཱརཝོ ཝིཧརཏི ཨཔྤཏིསྶོ, སིཀྑཱཡཔི ན པརིཔཱུརཀཱརཱི ཧོཏི. ཡོ སོ བྷིཀྑུ སཏྠརི ཨགཱརཝོ ཝིཧརཏི ཨཔྤཏིསྶོ དྷམྨེ…པེ… སངྒྷེ…པེ… སིཀྑཱཡ ན པརིཔཱུརཀཱརཱི, སོ སངྒྷེ ཝིཝཱདཾ ཛནེཏི. ཡོ སོ ཧོཏི ཝིཝཱདོ བཧུཛནཱཧིཏཱཡ བཧུཛནཱསུཁཱཡ བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ. ཨེཝརཱུཔཾ ཙེ ཏུམྷེ ཝིཝཱདམཱུལཾ ཨཛ྄ཛྷཏྟཾ ཝཱ བཧིདྡྷཱ ཝཱ སམནུཔསྶེཡྻཱཐ ཏཏྲ ཏུམྷེ ཏསྶེཝ པཱཔཀསྶ ཝིཝཱདམཱུལསྶ ¶ པཧཱནཱཡ ཝཱཡམེཡྻཱཐ. ཨེཝརཱུཔཾ ཙེ ཏུམྷེ ཝིཝཱདམཱུལཾ ཨཛ྄ཛྷཏྟཾ ཝཱ བཧིདྡྷཱ ཝཱ ན སམནུཔསྶེཡྻཱཐ ཏཏྲ ཏུམྷེ ཏསྶེཝ པཱཔཀསྶ ཝིཝཱདམཱུལསྶ ཨཱཡཏིཾ ཨནཝསྶཝཱཡ པཊིཔཛྫེཡྻཱཐ. ཨེཝམེཏསྶ པཱཔཀསྶ ཝིཝཱདམཱུལསྶ པཧཱནཾ ཧོཏི. ཨེཝམེཏསྶ པཱཔཀསྶ ཝིཝཱདམཱུལསྶ ཨཱཡཏིཾ ཨནཝསྶཝོ ཧོཏི. ཨིམཱནི ཚ ཝིཝཱདམཱུལཱནི.

༢༧༣. [ཙཱུལ༹ཝ. ༢༡༧] ཏཏྠ ཀཏམཱནི ཚ ཨནུཝཱདམཱུལཱནི? ཨིདྷ བྷིཀྑུ ཀོདྷནོ ཧོཏི ཨུཔནཱཧཱི. ཡོ སོ བྷིཀྑུ ཀོདྷནོ ཧོཏི ཨུཔནཱཧཱི སོ སཏྠརིཔི ཨགཱརཝོ ཝིཧརཏི ཨཔྤཏིསྶོ, དྷམྨེཔི ཨགཱརཝོ ཝིཧརཏི ཨཔྤཏིསྶོ, སངྒྷེཔི ཨགཱརཝོ ཝིཧརཏི ཨཔྤཏིསྶོ, སིཀྑཱཡཔི ན པརིཔཱུརཀཱརཱི ཧོཏི. ཡོ སོ བྷིཀྑུ སཏྠརི ཨགཱརཝོ ཝིཧརཏི ཨཔྤཏིསྶོ དྷམྨེ…པེ… སངྒྷེ ¶ …པེ… སིཀྑཱཡ ན པརིཔཱུརཀཱརཱི སོ སངྒྷེ ཨནུཝཱདཾ ཛནེཏི. ཡོ ཧོཏི ཨནུཝཱདོ བཧུཛནཱཧིཏཱཡ བཧུཛནཱསུཁཱཡ བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ. ཨེཝརཱུཔཾ ¶ ཙེ ཏུམྷེ ཨནུཝཱདམཱུལཾ ཨཛ྄ཛྷཏྟཾ ཝཱ བཧིདྡྷཱ ཝཱ སམནུཔསྶེཡྻཱཐ ཏཏྲ ཏུམྷེ ཏསྶེཝ པཱཔཀསྶ ཨནུཝཱདམཱུལསྶ པཧཱནཱཡ ཝཱཡམེཡྻཱཐ. ཨེཝརཱུཔཾ ཙེ ཏུམྷེ ཨནུཝཱདམཱུལཾ ཨཛ྄ཛྷཏྟཾ ཝཱ བཧིདྡྷཱ ཝཱ ན སམནུཔསྶེཡྻཱཐ ཏཏྲ ཏུམྷེ ཏསྶེཝ པཱཔཀསྶ ཨནུཝཱདམཱུལསྶ ཨཱཡཏིཾ ཨནཝསྶཝཱཡ པཊིཔཛྫེཡྻཱཐ. ཨེཝམེཏསྶ པཱཔཀསྶ ཨནུཝཱདམཱུལསྶ པཧཱནཾ ཧོཏི. ཨེཝམེཏསྶ པཱཔཀསྶ ཨནུཝཱདམཱུལསྶ ཨཱཡཏིཾ ཨནཝསྶཝོ ཧོཏི.

པུན ཙཔརཾ བྷིཀྑུ མཀྑཱི ཧོཏི པལཱསཱི…པེ… ཨིསྶུཀཱི ཧོཏི མཙྪརཱི, སཋོ ཧོཏི མཱཡཱཝཱི, པཱཔིཙྪོ ཧོཏི མིཙྪཱདིཊྛི, སནྡིཊྛིཔརཱམཱསཱི ¶ ཧོཏི ཨཱདྷཱནགྒཱཧཱི དུཔྤཊིནིསྶགྒཱི. ཡོ སོ བྷིཀྑུ སནྡིཊྛིཔརཱམཱསཱི ཧོཏི ཨཱདྷཱནགྒཱཧཱི དུཔྤཊིནིསྶགྒཱི སོ སཏྠརིཔི ཨགཱརཝོ ཝིཧརཏི ཨཔྤཏིསྶོ, དྷམྨེཔི ཨགཱརཝོ ཝིཧརཏི ཨཔྤཏིསྶོ, སངྒྷེཔི ཨགཱརཝོ ཝིཧརཏི ཨཔྤཏིསྶོ, སིཀྑཱཡཔི ན པརིཔཱུརཀཱརཱི ཧོཏི. ཡོ བྷིཀྑུ སཏྠརི ཨགཱརཝོ ཝིཧརཏི ཨཔྤཏིསྶོ དྷམྨེ…པེ… སངྒྷེ…པེ… སིཀྑཱཡ ན པརིཔཱུརཀཱརཱི སོ སངྒྷེ ཨནུཝཱདཾ ཛནེཏི. ཡོ ཧོཏི ཨནུཝཱདོ བཧུཛནཱཧིཏཱཡ བཧུཛནཱསུཁཱཡ བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ. ཨེཝརཱུཔཾ ཙེ ཏུམྷེ ཨནུཝཱདམཱུལཾ ཨཛ྄ཛྷཏྟཾ ཝཱ བཧིདྡྷཱ ཝཱ སམནུཔསྶེཡྻཱཐ ཏཏྲ ཏུམྷེ ཏསྶེཝ པཱཔཀསྶ ཨནུཝཱདམཱུལསྶ པཧཱནཱཡ ཝཱཡམེཡྻཱཐ. ཨེཝརཱུཔཾ ཙེ ཏུམྷེ ཨནུཝཱདམཱུལཾ ཨཛ྄ཛྷཏྟཾ ཝཱ བཧིདྡྷཱ ཝཱ ན སམནུཔསྶེཡྻཱཐ ཏཏྲ ཏུམྷེ ཏསྶེཝ པཱཔཀསྶ ཨནུཝཱདམཱུལསྶ ཨཱཡཏིཾ ཨནཝསྶཝཱཡ པཊིཔཛྫེཡྻཱཐ. ཨེཝམེཏསྶ པཱཔཀསྶ ཨནུཝཱདམཱུལསྶ པཧཱནཾ ཧོཏི. ཨེཝམེཏསྶ པཱཔཀསྶ ཨནུཝཱདམཱུལསྶ ཨཱཡཏིཾ ཨནཝསྶཝོ ཧོཏི. ཨིམཱནི ཚ ཨནུཝཱདམཱུལཱནི.

༢༧༤. [དཱི. ནི. ༣.༣༢༤; ཨ. ནི. ༦.༡༡] ཏཏྠ ཀཏམེ ཚ སཱརཎཱིཡཱ དྷམྨཱ? ཨིདྷ བྷིཀྑུནོ མེཏྟཾ ཀཱཡཀམྨཾ པཙྩུཔཊྛིཏཾ ཧོཏི སབྲཧྨཙཱརཱིསུ ཨཱཝི ཙེཝ རཧོ ཙ. ཨཡམྤི དྷམྨོ སཱརཎཱིཡོ པིཡཀརཎོ གརུཀརཎོ སངྒཧཱཡ ཨཝིཝཱདཱཡ སཱམགྒིཡཱ ཨེཀཱིབྷཱཝཱཡ སཾཝཏྟཏི.

པུན ཙཔརཾ བྷིཀྑུནོ མེཏྟཾ ¶ ཝཙཱིཀམྨཾ པཙྩུཔཊྛིཏཾ ཧོཏི སབྲཧྨཙཱརཱིསུ ཨཱཝི ཙེཝ རཧོ ཙ. ཨཡམྤི དྷམྨོ སཱརཎཱིཡོ པིཡཀརཎོ གརུཀརཎོ སངྒཧཱཡ ཨཝིཝཱདཱཡ སཱམགྒིཡཱ ཨེཀཱིབྷཱཝཱཡ སཾཝཏྟཏི.

པུན ¶ ¶ ཙཔརཾ བྷིཀྑུནོ མེཏྟཾ མནོཀམྨཾ པཙྩུཔཊྛིཏཾ ཧོཏི སབྲཧྨཙཱརཱིསུ ཨཱཝི ཙེཝ རཧོ ཙ. ཨཡམྤི དྷམྨོ སཱརཎཱིཡོ པིཡཀརཎོ གརུཀརཎོ སངྒཧཱཡ ཨཝིཝཱདཱཡ སཱམགྒིཡཱ ཨེཀཱིབྷཱཝཱཡ སཾཝཏྟཏི.

པུན ཙཔརཾ བྷིཀྑུ ཡེ ཏེ ལཱབྷཱ དྷམྨིཀཱ དྷམྨལདྡྷཱ ཨནྟམསོ པཏྟཔརིཡཱཔནྣམཏྟམྤི ཏཐཱརཱུཔེཧི ལཱབྷེཧི ཨཔྤཊིཝིབྷཏྟབྷོགཱི ཧོཏི སཱིལཝནྟེཧི སབྲཧྨཙཱརཱིཧི སཱདྷཱརཎབྷོགཱི. ཨཡམྤི དྷམྨོ སཱརཎཱིཡོ པིཡཀརཎོ གརུཀརཎོ སངྒཧཱཡ ཨཝིཝཱདཱཡ སཱམགྒིཡཱ ཨེཀཱིབྷཱཝཱཡ སཾཝཏྟཏི.

པུན ཙཔརཾ བྷིཀྑུ ཡཱནི ཏཱནི སཱིལཱནི ཨཁཎྜཱནི ཨཙྪིདྡཱནི ཨསབལཱནི ཨཀམྨཱསཱནི བྷུཛིསྶཱནི ཝིཉྙུཔསཏྠཱནི ཨཔརཱམཊྛཱནི སམཱདྷིསཾཝཏྟནིཀཱནི ¶ , ཏཐཱརཱུཔེསུ སཱིལེསུ སཱིལསཱམཉྙགཏོ ཝིཧརཏི སབྲཧྨཙཱརཱིཧི ཨཱཝི ཙེཝ རཧོ ཙ. ཨཡམྤི དྷམྨོ སཱརཎཱིཡོ པིཡཀརཎོ གརུཀརཎོ སངྒཧཱཡ ཨཝིཝཱདཱཡ སཱམགྒིཡཱ ཨེཀཱིབྷཱཝཱཡ སཾཝཏྟཏི.

པུན ཙཔརཾ བྷིཀྑུ ཡཱཡཾ དིཊྛི ཨརིཡཱ ནིཡྻཱནིཀཱ ནིཡྻཱཏི ཏཀྐརསྶ སམྨཱ དུཀྑཀྑཡཱཡ ཏཐཱརཱུཔཱཡ དིཊྛིཡཱ དིཊྛིསཱམཉྙགཏོ ཝིཧརཏི སབྲཧྨཙཱརཱིཧི ཨཱཝི ཙེཝ རཧོ ཙ. ཨཡམྤི དྷམྨོ སཱརཎཱིཡོ པིཡཀརཎོ གརུཀརཎོ སངྒཧཱཡ ཨཝིཝཱདཱཡ སཱམགྒིཡཱ ཨེཀཱིབྷཱཝཱཡ སཾཝཏྟཏི. ཨིམེ ཚ སཱརཎཱིཡཱ དྷམྨཱ.

༢༧༥. ཏཏྠ ¶ ཀཏམཱནི ཨཊྛཱརས བྷེདཀརཝཏྠཱུནི? ཨིདྷ བྷིཀྑུ ཨདྷམྨཾ ‘‘དྷམྨོ’’ཏི དཱིཔེཏི, དྷམྨཾ ‘‘ཨདྷམྨོ’’ཏི དཱིཔེཏི, ཨཝིནཡཾ ‘‘ཝིནཡོ’’ཏི དཱིཔེཏི, ཝིནཡཾ ‘‘ཨཝིནཡོ’’ཏི དཱིཔེཏི, ཨབྷཱསིཏཾ ཨལཔིཏཾ ཏཐཱགཏེན ‘‘བྷཱསིཏཾ ལཔིཏཾ ཏཐཱགཏེནཱ’’ཏི དཱིཔེཏི, བྷཱསིཏཾ ལཔིཏཾ ཏཐཱགཏེན ‘‘ཨབྷཱསིཏཾ ཨལཔིཏཾ ཏཐཱགཏེནཱ’’ཏི དཱིཔེཏི, ཨནཱཙིཎྞཾ ཏཐཱགཏེན ‘‘ཨཱཙིཎྞཾ ཏཐཱགཏེནཱ’’ཏི དཱིཔེཏི, ཨཱཙིཎྞཾ ཏཐཱགཏེན ‘‘ཨནཱཙིཎྞཾ ཏཐཱགཏེནཱ’’ཏི དཱིཔེཏི, ཨཔཉྙཏྟཾ ཏཐཱགཏེན ‘‘པཉྙཏྟཾ ཏཐཱགཏེནཱ’’ཏི དཱིཔེཏི, པཉྙཏྟཾ ཏཐཱགཏེན ‘‘ཨཔཉྙཏྟཾ ཏཐཱགཏེནཱ’’ཏི དཱིཔེཏི, ཨཱཔཏྟིཾ ‘‘ཨནཱཔཏྟཱི’’ཏི དཱིཔེཏི, ཨནཱཔཏྟིཾ ‘‘ཨཱཔཏྟཱི’’ཏི དཱིཔེཏི, ལཧུཀཾ ཨཱཔཏྟིཾ ‘‘གརུཀཱ ཨཱཔཏྟཱི’’ཏི དཱིཔེཏི, གརུཀཾ ཨཱཔཏྟིཾ ‘‘ལཧུཀཱ ཨཱཔཏྟཱི’’ཏི དཱིཔེཏི, སཱཝསེསཾ ཨཱཔཏྟིཾ ‘‘ཨནཝསེསཱ ཨཱཔཏྟཱི’’ཏི ¶ དཱིཔེཏི, ཨནཝསེསཾ ཨཱཔཏྟིཾ ‘‘སཱཝསེསཱ ཨཱཔཏྟཱི’’ཏི ¶ དཱིཔེཏི, དུཊྛུལླཾ ཨཱཔཏྟིཾ ‘‘ཨདུཊྛུལླཱ ཨཱཔཏྟཱི’’ཏི དཱིཔེཏི, ཨདུཊྛུལླཾ ཨཱཔཏྟིཾ ‘‘དུཊྛུལླཱ ཨཱཔཏྟཱི’’ཏི དཱིཔེཏི. ཨིམཱནི ཨཊྛཱརས བྷེདཀརཝཏྠཱུནི.

[ཙཱུལ༹ཝ. ༢༡༥; པརི. ༣༤༠] ཏཏྠ ཀཏམཱནི ཙཏྟཱརི ཨདྷིཀརཎཱནི? ཝིཝཱདཱདྷིཀརཎཾ, ཨནུཝཱདཱདྷིཀརཎཾ, ཨཱཔཏྟཱདྷིཀརཎཾ, ཀིཙྩཱདྷིཀརཎཾ – ཨིམཱནི ཙཏྟཱརི ཨདྷིཀརཎཱནི.

ཏཏྠ ཀཏམེ སཏྟ སམཐཱ? སམྨུཁཱཝིནཡོ, སཏིཝིནཡོ, ཨམཱུལ༹ྷཝིནཡོ, པཊིཉྙཱཏཀརཎཾ, ཡེབྷུཡྻསིཀཱ, ཏསྶཔཱཔིཡསིཀཱ, ཏིཎཝཏྠཱརཀོ ¶ – ཨིམེ སཏྟ སམཐཱ.

ཀཏིཔུཙྪཱཝཱརོ ནིཊྛིཏོ.

ཏསྶུདྡཱནཾ –

ཨཱཔཏྟི ཨཱཔཏྟིཀྑནྡྷཱ, ཝིནཱིཏཱ སཏྟདྷཱ པུན;

ཝིནཱིཏཱགཱརཝཱ ཙེཝ, གཱརཝཱ མཱུལམེཝ ཙ.

པུན ཝིནཱིཏཱ ཝིཔཏྟི, སམུཊྛཱནཱ ཝིཝཱདནཱ;

ཨནུཝཱདཱ སཱརཎཱིཡཾ, བྷེདཱདྷིཀརཎེན ཙ.

སཏྟེཝ སམཐཱ ཝུཏྟཱ, པདཱ སཏྟརསཱ ཨིམེཏི.

༡. ཚཨཱཔཏྟིསམུཊྛཱནཝཱརོ

༢༧༦. པཋམེན ¶ ཨཱཔཏྟིསམུཊྛཱནེན པཱརཱཛིཀཾ ཨཱཔཛྫེཡྻཱཏི? ན ཧཱིཏི ཝཏྟབྦཾ. སངྒྷཱདིསེསཾ ཨཱཔཛྫེཡྻཱཏི? སིཡཱཏི ཝཏྟབྦཾ. ཐུལླཙྩཡཾ ཨཱཔཛྫེཡྻཱཏི? སིཡཱཏི ཝཏྟབྦཾ. པཱཙིཏྟིཡཾ ཨཱཔཛྫེཡྻཱཏི? སིཡཱཏི ཝཏྟབྦཾ. པཱཊིདེསནཱིཡཾ ཨཱཔཛྫེཡྻཱཏི? སིཡཱཏི ཝཏྟབྦཾ. དུཀྐཊཾ ཨཱཔཛྫེཡྻཱཏི? སིཡཱཏི ཝཏྟབྦཾ. དུབྦྷཱསིཏཾ ཨཱཔཛྫེཡྻཱཏི? ན ཧཱིཏི ཝཏྟབྦཾ.

དུཏིཡེན ཨཱཔཏྟིསམུཊྛཱནེན པཱརཱཛིཀཾ ཨཱཔཛྫེཡྻཱཏི? ན ཧཱིཏི ཝཏྟབྦཾ. སངྒྷཱདིསེསཾ ཨཱཔཛྫེཡྻཱཏི? སིཡཱཏི ཝཏྟབྦཾ. ཐུལླཙྩཡཾ ཨཱཔཛྫེཡྻཱཏི? སིཡཱཏི ཝཏྟབྦཾ. པཱཙིཏྟིཡཾ ཨཱཔཛྫེཡྻཱཏི? སིཡཱཏི ཝཏྟབྦཾ. པཱཊིདེསནཱིཡཾ ཨཱཔཛྫེཡྻཱཏི? ན ཧཱིཏི ཝཏྟབྦཾ. དུཀྐཊཾ ཨཱཔཛྫེཡྻཱཏི? སིཡཱཏི ཝཏྟབྦཾ. དུབྦྷཱསིཏཾ ཨཱཔཛྫེཡྻཱཏི? ན ཧཱིཏི ཝཏྟབྦཾ.

ཏཏིཡེན ¶ ¶ ཨཱཔཏྟིསམུཊྛཱནེན པཱརཱཛིཀཾ ཨཱཔཛྫེཡྻཱཏི? ན ཧཱིཏི ཝཏྟབྦཾ. སངྒྷཱདིསེསཾ ཨཱཔཛྫེཡྻཱཏི? སིཡཱཏི ཝཏྟབྦཾ. ཐུལླཙྩཡཾ ཨཱཔཛྫེཡྻཱཏི? སིཡཱཏི ཝཏྟབྦཾ. པཱཙིཏྟིཡཾ ཨཱཔཛྫེཡྻཱཏི? སིཡཱཏི ཝཏྟབྦཾ. པཱཊིདེསནཱིཡཾ ཨཱཔཛྫེཡྻཱཏི? སིཡཱཏི ཝཏྟབྦཾ. དུཀྐཊཾ ཨཱཔཛྫེཡྻཱཏི? སིཡཱཏི ཝཏྟབྦཾ. དུབྦྷཱསིཏཾ ཨཱཔཛྫེཡྻཱཏི? ན ཧཱིཏི ཝཏྟབྦཾ.

ཙཏུཏྠེ ¶ ¶ ཨཱཔཏྟིསམུཊྛཱནེན པཱརཱཛིཀཾ ཨཱཔཛྫེཡྻཱཏི? སིཡཱཏི ཝཏྟབྦཾ. སངྒྷཱདིསེསཾ ཨཱཔཛྫེཡྻཱཏི? སིཡཱཏི ཝཏྟབྦཾ. ཐུལླཙྩཡཾ ཨཱཔཛྫེཡྻཱཏི? སིཡཱཏི ཝཏྟབྦཾ. པཱཙིཏྟིཡཾ ཨཱཔཛྫེཡྻཱཏི? སིཡཱཏི ཝཏྟབྦཾ. པཱཊིདེསནཱིཡཾ ཨཱཔཛྫེཡྻཱཏི? སིཡཱཏི ཝཏྟབྦཾ. དུཀྐཊཾ ཨཱཔཛྫེཡྻཱཏི? སིཡཱཏི ཝཏྟབྦཾ. དུབྦྷཱསིཏཾ ཨཱཔཛྫེཡྻཱཏི? ན ཧཱིཏི ཝཏྟབྦཾ.

པཉྩམེན ཨཱཔཏྟིསམུཊྛཱནེན པཱརཱཛིཀཾ ཨཱཔཛྫེཡྻཱཏི? སིཡཱཏི ཝཏྟབྦཾ. སངྒྷཱདིསེསཾ ཨཱཔཛྫེཡྻཱཏི? སིཡཱཏི ཝཏྟབྦཾ. ཐུལླཙྩཡཾ ཨཱཔཛྫེཡྻཱཏི? སིཡཱཏི ཝཏྟབྦཾ. པཱཙིཏྟིཡཾ ཨཱཔཛྫེཡྻཱཏི? སིཡཱཏི ཝཏྟབྦཾ. པཱཊིདེསནཱིཡཾ ཨཱཔཛྫེཡྻཱཏི? ན ཧཱིཏི ཝཏྟབྦཾ. དུཀྐཊཾ ཨཱཔཛྫེཡྻཱཏི? སིཡཱཏི ཝཏྟབྦཾ. དུབྦྷཱསིཏཾ ཨཱཔཛྫེཡྻཱཏི? སིཡཱཏི ཝཏྟབྦཾ.

ཚཊྛེན ཨཱཔཏྟིསམུཊྛཱནེན པཱརཱཛིཀཾ ཨཱཔཛྫེཡྻཱཏི? སིཡཱཏི ཝཏྟབྦཾ. སངྒྷཱདིསེསཾ ཨཱཔཛྫེཡྻཱཏི? སིཡཱཏི ཝཏྟབྦཾ. ཐུལླཙྩཡཾ ཨཱཔཛྫེཡྻཱཏི? སིཡཱཏི ཝཏྟབྦཾ. པཱཙིཏྟིཡཾ ཨཱཔཛྫེཡྻཱཏི? སིཡཱཏི ཝཏྟབྦཾ. པཱཊིདེསནཱིཡཾ ཨཱཔཛྫེཡྻཱཏི? སིཡཱཏི ཝཏྟབྦཾ. དུཀྐཊཾ ཨཱཔཛྫེཡྻཱཏི? སིཡཱཏི ཝཏྟབྦཾ. དུབྦྷཱསིཏཾ ཨཱཔཛྫེཡྻཱཏི? ན ཧཱིཏི ཝཏྟབྦཾ.

ཚཨཱཔཏྟིསམུཊྛཱནཝཱརོ ནིཊྛིཏོ པཋམོ.

༢. ཀཏཱཔཏྟིཝཱརོ

༢༧༧. པཋམེན ཨཱཔཏྟིསམུཊྛཱནེན ཀཏི ཨཱཔཏྟིཡོ ཨཱཔཛྫཏི? པཋམེན ¶ ཨཱཔཏྟིསམུཊྛཱནེན པཉྩ ཨཱཔཏྟིཡོ ཨཱཔཛྫཏི. བྷིཀྑུ ཀཔྤིཡསཉྙཱི སཉྙཱཙིཀཱཡ ཀུཊིཾ ཀརོཏི ཨདེསིཏཝཏྠུཀཾ པམཱཎཱཏིཀྐནྟཾ སཱརམྦྷཾ ཨཔརིཀྐམནཾ, པཡོགེ དུཀྐཊཾ; ཨེཀཾ པིཎྜཾ ཨནཱགཏེ ཨཱཔཏྟི ¶ ཐུལླཙྩཡསྶ; ཏསྨིཾ པིཎྜེ ཨཱགཏེ ཨཱཔཏྟི སངྒྷཱདིསེསསྶ; བྷིཀྑུ ཀཔྤིཡསཉྙཱི ཝིཀཱལེ བྷོཛནཾ བྷུཉྫཏི, ཨཱཔཏྟི པཱཙིཏྟིཡསྶ; བྷིཀྑུ ཀཔྤིཡསཉྙཱི ཨཉྙཱཏིཀཱཡ ¶ བྷིཀྑུནིཡཱ ཨནྟརགྷརཾ པཝིཊྛཱཡ ཧཏྠཏོ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ བྷུཉྫཏི, ཨཱཔཏྟི པཱཊིདེསནཱིཡསྶ – པཋམེན ཨཱཔཏྟིསམུཊྛཱནེན ཨིམཱ པཉྩ ཨཱཔཏྟིཡོ ཨཱཔཛྫཏི.

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛནྟི? ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? སཏྟནྣཾ སམཐཱནཾ ཀཏིཧི སམཐེཧི སམྨནྟི? ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ, སིཡཱ ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ པཉྩཧི ཨཱཔཏྟིཀྑནྡྷེཧི སངྒཧིཏཱ – སིཡཱ སངྒྷཱདིསེསཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ པཱཙིཏྟིཡཱཔཏྟིཀྑནྡྷེན, སིཡཱ པཱཊིདེསནཱིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི – ཀཱཡཏོ སམུཊྛནྟི, ན ཝཱཙཏོ ན ཙིཏྟཏོ. ཙཏུནྣཾ ཨདྷིཀརཎཱནཾ ཨཱཔཏྟཱདྷིཀརཎཾ ¶ . སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

༢༧༨. དུཏིཡེན ཨཱཔཏྟིསམུཊྛཱནེན ཀཏི ཨཱཔཏྟིཡོ ཨཱཔཛྫཏི? དུཏིཡེན ཨཱཔཏྟིསམུཊྛཱནེན ཙཏསྶོ ཨཱཔཏྟིཡོ ཨཱཔཛྫཏི – བྷིཀྑུ ཀཔྤིཡསཉྙཱི སམཱདིསཏི ¶ – ‘‘ཀུཊིཾ མེ ཀརོཐཱ’’ཏི. ཏསྶ ཀུཊིཾ ཀརོནྟི ཨདེསིཏཝཏྠུཀཾ པམཱཎཱཏིཀྐནྟཾ སཱརམྦྷཾ ཨཔརིཀྐམནཾ. པཡོགེ དུཀྐཊཾ; ཨེཀཾ པིཎྜཾ ཨནཱགཏེ ཨཱཔཏྟི ཐུལླཙྩཡསྶ; ཏསྨིཾ པིཎྜེ ཨཱགཏེ ཨཱཔཏྟི སངྒྷཱདིསེསསྶ. བྷིཀྑུ ཀཔྤིཡསཉྙཱི ཨནུཔསམྤནྣཾ པདསོ དྷམྨཾ ཝཱཙེཏི, ཨཱཔཏྟི པཱཙིཏྟིཡསྶ – དུཏིཡེན ཨཱཔཏྟིསམུཊྛཱནེན ཨིམཱ ཙཏསྶོ ཨཱཔཏྟིཡོ ཨཱཔཛྫཏི.

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི…པེ… སཏྟནྣཾ སམཐཱནཾ ཀཏིཧི སམཐེཧི སམྨནྟི? ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ, སིཡཱ ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ ¶ ཙཏཱུཧི ཨཱཔཏྟིཀྑནྡྷེཧི སངྒཧིཏཱ – སིཡཱ སངྒྷཱདིསེསཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ པཱཙིཏྟིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི – ཝཱཙཏོ སམུཊྛནྟི, ན ཀཱཡཏོ ན ཙིཏྟཏོ. ཙཏུནྣཾ ཨདྷིཀརཎཱནཾ, ཨཱཔཏྟཱདྷིཀརཎཾ. སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ¶ ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

༢༧༩. ཏཏིཡེན ¶ ཨཱཔཏྟིསམུཊྛཱནེན ཀཏི ཨཱཔཏྟིཡོ ཨཱཔཛྫཏི? ཏཏིཡེན ཨཱཔཏྟིསམུཊྛཱནེན པཉྩ ཨཱཔཏྟིཡོ ཨཱཔཛྫཏི. བྷིཀྑུ ཀཔྤིཡསཉྙཱི སཾཝིདཧིཏྭཱ ཀུཊིཾ ཀརོཏི ཨདེསིཏཝཏྠུཀཾ པམཱཎཱཏིཀྐནྟཾ སཱརམྦྷཾ ཨཔརིཀྐམནཾ. པཡོགེ དུཀྐཊཾ; ཨེཀཾ པིཎྜཾ ཨནཱགཏེ ཨཱཔཏྟི ཐུལླཙྩཡསྶ; ཏསྨིཾ པིཎྜེ ཨཱགཏེ ཨཱཔཏྟི སངྒྷཱདིསེསསྶ. བྷིཀྑུ ཀཔྤིཡསཉྙཱི པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫཏི, ཨཱཔཏྟི པཱཙིཏྟིཡསྶ. བྷིཀྑུ ཀཔྤིཡསཉྙཱི བྷིཀྑུནིཡཱ ཝོསཱསནྟིཡཱ ན ནིཝཱརེཏྭཱ བྷུཉྫཏི, ཨཱཔཏྟི པཱཊིདེསནཱིཡསྶ – ཏཏིཡེན ཨཱཔཏྟིསམུཊྛཱནེན ཨིམཱ པཉྩ ཨཱཔཏྟིཡོ ཨཱཔཛྫཏི.

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི…པེ… སཏྟནྣཾ སམཐཱནཾ ཀཏིཧི སམཐེཧི སམྨནྟི? ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ, སིཡཱ ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ པཉྩཧི ཨཱཔཏྟིཀྑནྡྷེཧི སངྒཧིཏཱ – སིཡཱ སངྒྷཱདིསེསཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ པཱཙིཏྟིཡཱཔཏྟིཀྑནྡྷེན, སིཡཱ པཱཊིདེསནཱིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི – ཀཱཡཏོ ཙ ཝཱཙཏོ ཙ སམུཊྛནྟི, ན ཙིཏྟཏོ. ཙཏུནྣཾ ཨདྷིཀརཎཱནཾ, ཨཱཔཏྟཱདྷིཀརཎཾ ¶ . སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

༢༨༠. ཙཏུཏྠེན ཨཱཔཏྟིསམུཊྛཱནེན ཀཏི ཨཱཔཏྟིཡོ ཨཱཔཛྫཏི? ཙཏུཏྠེན ཨཱཔཏྟིསམུཊྛཱནེན ཚ ཨཱཔཏྟིཡོ ཨཱཔཛྫཏི – བྷིཀྑུ མེཐུནཾ དྷམྨཾ པཊིསེཝཏི, ཨཱཔཏྟི པཱརཱཛིཀསྶ; བྷིཀྑུ ཨཀཔྤིཡསཉྙཱི སཉྙཱཙིཀཱཡ ཀུཊིཾ ཀརོཏི ¶ ཨདེསིཏཝཏྠུཀཾ པམཱཎཱཏིཀྐནྟཾ སཱརམྦྷཾ ཨཔརིཀྐམནཾ, པཡོགེ ¶ དུཀྐཊཾ; ཨེཀཾ པིཎྜཾ ཨནཱགཏེ ཨཱཔཏྟི ཐུལླཙྩཡསྶ; ཏསྨིཾ པིཎྜེ ཨཱགཏེ ཨཱཔཏྟི སངྒྷཱདིསེསསྶ. བྷིཀྑུ ཨཀཔྤིཡསཉྙཱི ཝིཀཱལེ བྷོཛནཾ བྷུཉྫཏི, ཨཱཔཏྟི པཱཙིཏྟིཡསྶ. བྷིཀྑུ ཨཀཔྤིཡསཉྙཱི ཨཉྙཱཏིཀཱཡ བྷིཀྑུནིཡཱ ཨནྟརགྷརཾ པཝིཊྛཱཡ ཧཏྠཏོ ཁཱདནཱིཡཾ ཝཱ བྷོཛནཱིཡཾ ཝཱ སཧཏྠཱ པཊིགྒཧེཏྭཱ བྷུཉྫཏི, ཨཱཔཏྟི པཱཊིདེསནཱིཡསྶ. ཙཏུཏྠེན ཨཱཔཏྟིསམུཊྛཱནེན ཨིམཱ ཚ ཨཱཔཏྟིཡོ ཨཱཔཛྫཏི.

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི…པེ… སཏྟནྣཾ སམཐཱནཾ ཀཏིཧི སམཐེཧི སམྨནྟི? ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ ¶ , སིཡཱ ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ ཚཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱརཱཛིཀཱཔཏྟིཀྑནྡྷེན, སིཡཱ སངྒྷཱདིསེསཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ པཱཙིཏྟིཡཱཔཏྟིཀྑནྡྷེན, སིཡཱ པཱཊིདེསནཱིཡཱཔཏྟིཀྑནྡྷེན ¶ , སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི – ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ. ཙཏུནྣཾ ཨདྷིཀརཎཱནཾ, ཨཱཔཏྟཱདྷིཀརཎཾ. སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

༢༨༡. པཉྩམེན ཨཱཔཏྟིསམུཊྛཱནེན ཀཏི ཨཱཔཏྟིཡོ ཨཱཔཛྫཏི? པཉྩམེན ཨཱཔཏྟིསམུཊྛཱནེན ཚ ཨཱཔཏྟིཡོ ཨཱཔཛྫཏི. བྷིཀྑུ པཱཔིཙྪོ ཨིཙྪཱཔཀཏོ ཨསནྟཾ ཨབྷཱུཏཾ ཨུཏྟརིམནུསྶདྷམྨཾ ཨུལླཔཏི, ཨཱཔཏྟི པཱརཱཛིཀསྶ; བྷིཀྑུ ཨཀཔྤིཡསཉྙཱི སམཱདིསཏི – ‘‘ཀུཊིཾ མེ ཀརོཐཱ’’ཏི. ཏསྶ ཀུཊིཾ ཀརོནྟི ཨདེསིཏཝཏྠུཀཾ པམཱཎཱཏིཀྐནྟཾ སཱརམྦྷཾ ཨཔརིཀྐམནཾ. པཡོགེ དུཀྐཊཾ; ཨེཀཾ པིཎྜཾ ཨནཱགཏེ ཨཱཔཏྟི ཐུལླཙྩཡསྶ; ཏསྨིཾ པིཎྜེ ཨཱགཏེ ཨཱཔཏྟི སངྒྷཱདིསེསསྶ. བྷིཀྑུ ཨཀཔྤིཡསཉྙཱི ཨནུཔསམྤནྣཾ པདསོ དྷམྨཾ ཝཱཙེཏི, ཨཱཔཏྟི པཱཙིཏྟིཡསྶ. ན ཁུཾསེཏུཀཱམོ ན ཝམྦྷེཏུཀཱམོ ན མངྐུཀཏྟུཀཱམོ དཝཀམྱཏཱ ཧཱིནེན ཧཱིནཾ ཝདེཏི, ཨཱཔཏྟི དུབྦྷཱསིཏསྶ – པཉྩམེན ཨཱཔཏྟིསམུཊྛཱནེན ཨིམཱ ཚ ཨཱཔཏྟིཡོ ཨཱཔཛྫཏི.

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི…པེ… སཏྟནྣཾ སམཐཱནཾ ཀཏིཧི སམཐེཧི སམྨནྟི? ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ¶ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ, སིཡཱ ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ ཚཧི ཨཱཔཏྟིཀྑནྡྷེཧི ¶ སངྒཧིཏཱ – སིཡཱ པཱརཱཛིཀཱཔཏྟིཀྑནྡྷེན, སིཡཱ སངྒྷཱདིསེསཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ པཱཙིཏྟིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན, སིཡཱ དུབྦྷཱསིཏཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི – ཝཱཙཏོ ཙ ཙིཏྟཏོ ཙ སམུཊྛནྟི, ན ཀཱཡཏོ. ཙཏུནྣཾ ཨདྷིཀརཎཱནཾ, ཨཱཔཏྟཱདྷིཀརཎཾ. སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

༢༨༢. ཚཊྛེན ཨཱཔཏྟིསམུཊྛཱནེན ཀཏི ཨཱཔཏྟིཡོ ཨཱཔཛྫཏི? ཚཊྛེན ཨཱཔཏྟིསམུཊྛཱནེན ཚ ཨཱཔཏྟིཡོ ཨཱཔཛྫཏི – བྷིཀྑུ སཾཝིདཧིཏྭཱ བྷཎྜཾ ཨཝཧརཏི, ཨཱཔཏྟི ¶ པཱརཱཛིཀསྶ ¶ ; བྷིཀྑུ ཨཀཔྤིཡསཉྙཱི སཾཝིདཧིཏྭཱ ཀུཊིཾ ཀརོཏི ཨདེསིཏཝཏྠུཀཾ པམཱཎཱཏིཀྐནྟཾ སཱརམྦྷཾ ཨཔརིཀྐམནཾ, པཡོགེ དུཀྐཊཾ; ཨེཀཾ པིཎྜཾ ཨནཱགཏེ ཨཱཔཏྟི ཐུལླཙྩཡསྶ; ཏསྨིཾ པིཎྜེ ཨཱགཏེ, ཨཱཔཏྟི སངྒྷཱདིསེསསྶ. བྷིཀྑུ ཨཀཔྤིཡསཉྙཱི པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫཏི, ཨཱཔཏྟི པཱཙིཏྟིཡསྶ. བྷིཀྑུ ཨཀཔྤིཡསཉྙཱི བྷིཀྑུནིཡཱ ཝོསཱསནྟིཡཱ ན ནིཝཱརེཏྭཱ བྷུཉྫཏི, ཨཱཔཏྟི པཱཊིདེསནཱིཡསྶ – ཚཊྛེན ཨཱཔཏྟིསམུཊྛཱནེན ཨིམཱ ཚ ཨཱཔཏྟིཡོ ཨཱཔཛྫཏི.

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ ¶ ? ཚནྣཾ ཨཱཔཏྟིསམུཊྛཱནཱནཾ ཀཏིཧི ཨཱཔཏྟིསམུཊྛཱནེཧི སམུཊྛནྟི? ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? སཏྟནྣཾ སམཐཱནཾ ཀཏིཧི སམཐེཧི སམྨནྟི? ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ, སིཡཱ ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ ཚཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱརཱཛིཀཱཔཏྟིཀྑནྡྷེན, སིཡཱ སངྒྷཱདིསེསཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ པཱཙིཏྟིཡཱཔཏྟིཀྑནྡྷེན, སིཡཱ པཱཊིདེསནཱིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི. ཙཏུནྣཾ ཨདྷིཀརཎཱནཾ, ཨཱཔཏྟཱདྷིཀརཎཾ. སཏྟནྣཾ ¶ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙཱཏི.

ཚནྣཾ ཨཱཔཏྟིསམུཊྛཱནཱནཾ

ཀཏཱཔཏྟིཝཱརོ ནིཊྛིཏོ དུཏིཡོ.

༣. ཨཱཔཏྟིསམུཊྛཱནགཱཐཱ

༢༨༣.

སམུཊྛཱནཱ ཀཱཡིཀཱ ཨནནྟདསྶིནཱ;

ཨཀྑཱཏཱ ལོཀཧིཏེན ཝིཝེཀདསྶིནཱ;

ཨཱཔཏྟིཡོ ཏེན སམུཊྛིཏཱ ཀཏི;

པུཙྪཱམི ཏཾ བྲཱུཧི ཝིབྷངྒཀོཝིད.

སམུཊྛཱནཱ ¶ ཀཱཡིཀཱ ཨནནྟདསྶིནཱ;

ཨཀྑཱཏཱ ལོཀཧིཏེན ཝིཝེཀདསྶིནཱ;

ཨཱཔཏྟིཡོ ཏེན སམུཊྛིཏཱ པཉྩ;

ཨེཏཾ ¶ ཏེ ཨཀྑཱམི ཝིབྷངྒཀོཝིད.

སམུཊྛཱནཱ ཝཱཙསིཀཱ ཨནནྟདསྶིནཱ;

ཨཀྑཱཏཱ ལོཀཧིཏེན ཝིཝེཀདསྶིནཱ;

ཨཱཔཏྟིཡོ ཏེན སམུཊྛིཏཱ ཀཏི;

པུཙྪཱམི ཏཾ བྲཱུཧི ཝིབྷངྒཀོཝིད.

སམུཊྛཱནཱ ཝཱཙསིཀཱ ཨནནྟདསྶིནཱ;

ཨཀྑཱཏཱ ལོཀཧིཏེན ཝིཝེཀདསྶིནཱ;

ཨཱཔཏྟིཡོ ཏེན སམུཊྛིཏཱ ཙཏསྶོ;

ཨེཏཾ ཏེ ཨཀྑཱམི ཝིབྷངྒཀོཝིད.

སམུཊྛཱནཱ ཀཱཡིཀཱ ཝཱཙསིཀཱ ཨནནྟདསྶིནཱ;

ཨཀྑཱཏཱ ལོཀཧིཏེན ཝིཝེཀདསྶིནཱ;

ཨཱཔཏྟིཡོ ཏེན སམུཊྛིཏཱ ཀཏི;

པུཙྪཱམི ¶ ཏཾ བྲཱུཧི ཝིབྷངྒཀོཝིད.

སམུཊྛཱནཱ ¶ ཀཱཡིཀཱ ཝཱཙསིཀཱ ཨནནྟདསྶིནཱ;

ཨཀྑཱཏཱ ལོཀཧིཏེན ཝིཝེཀདསྶིནཱ;

ཨཱཔཏྟིཡོ ཏེན སམུཊྛིཏཱ པཉྩ;

ཨེཏཾ ཏེ ཨཀྑཱམི ཝིབྷངྒཀོཝིད.

སམུཊྛཱནཱ ཀཱཡིཀཱ མཱནསིཀཱ ཨནནྟདསྶིནཱ;

ཨཀྑཱཏཱ ལོཀཧིཏེན ཝིཝེཀདསྶིནཱ;

ཨཱཔཏྟིཡོ ཏེན སམུཊྛིཏཱ ཀཏི;

པུཙྪཱམི ཏཾ བྲཱུཧི ཝིབྷངྒཀོཝིད.

སམུཊྛཱནཱ ¶ ཀཱཡིཀཱ མཱནསིཀཱ ཨནནྟདསྶིནཱ;

ཨཀྑཱཏཱ ལོཀཧིཏེན ཝིཝེཀདསྶིནཱ;

ཨཱཔཏྟིཡོ ཏེན སམུཊྛིཏཱ ཚ;

ཨེཏཾ ཏེ ཨཀྑཱམི ཝིབྷངྒཀོཝིད.

སམུཊྛཱནཱ ཝཱཙསིཀཱ མཱནསིཀཱ ཨནནྟདསྶིནཱ;

ཨཀྑཱཏཱ ལོཀཧིཏེན ཝིཝེཀདསྶིནཱ;

ཨཱཔཏྟིཡོ ཏེན སམུཊྛིཏཱ ཀཏི;

པུཙྪཱམི ཏཾ བྲཱུཧི ཝིབྷངྒཀོཝིད.

སམུཊྛཱནཱ ཝཱཙསིཀཱ མཱནསིཀཱ ཨནནྟདསྶིནཱ;

ཨཀྑཱཏཱ ལོཀཧིཏེན ཝིཝེཀདསྶིནཱ;

ཨཱཔཏྟིཡོ ཏེན སམུཊྛིཏཱ ཚ;

ཨེཏཾ ཏེ ཨཀྑཱམི ཝིབྷངྒཀོཝིད.

སམུཊྛཱནཱ ཀཱཡིཀཱ ཝཱཙསིཀཱ མཱནསིཀཱ ཨནནྟདསྶིནཱ;

ཨཀྑཱཏཱ ལོཀཧིཏེན ཝིཝེཀདསྶིནཱ;

ཨཱཔཏྟིཡོ ཏེན སམུཊྛིཏཱ ཀཏི;

པུཙྪཱམི ཏཾ བྲཱུཧི ཝིབྷངྒཀོཝིད.

སམུཊྛཱནཱ ¶ ཀཱཡིཀཱ ཝཱཙསིཀཱ མཱནསིཀཱ ཨནནྟདསྶིནཱ;

ཨཀྑཱཏཱ ལོཀཧིཏེན ཝིཝེཀདསྶིནཱ;

ཨཱཔཏྟིཡོ ཏེན སམུཊྛིཏཱ ཚ;

ཨེཏཾ ¶ ཏེ ཨཀྑཱམི ཝིབྷངྒཀོཝིདཱཏི.

ཨཱཔཏྟིསམུཊྛཱནགཱཐཱ ནིཊྛིཏཱ ཏཏིཡཱ.

༤. ཝིཔཏྟིཔཙྩཡཝཱརོ

༢༨༤. སཱིལཝིཔཏྟིཔཙྩཡཱ ¶ ཀཏི ཨཱཔཏྟིཡོ ཨཱཔཛྫཏི? སཱིལཝིཔཏྟིཔཙྩཡཱ ཙཏསྶོ ¶ ཨཱཔཏྟིཡོ ཨཱཔཛྫཏི – བྷིཀྑུནཱི ཛཱནཾ པཱརཱཛིཀཾ དྷམྨཾ པཊིཙྪཱདེཏི, ཨཱཔཏྟི པཱརཱཛིཀསྶ; ཝེམཏིཀཱ པཊིཙྪཱདེཏི, ཨཱཔཏྟི ཐུལླཙྩཡསྶ; བྷིཀྑུ སངྒྷཱདིསེསཾ པཊིཙྪཱདེཏི, ཨཱཔཏྟི པཱཙིཏྟིཡསྶ; ཨཏྟནོ དུཊྛུལླཾ ཨཱཔཏྟིཾ པཊིཙྪཱདེཏི, ཨཱཔཏྟི དུཀྐཊསྶ – སཱིལཝིཔཏྟིཔཙྩཡཱ ཨིམཱ ཙཏསྶོ ཨཱཔཏྟིཡོ ཨཱཔཛྫཏི.

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི…པེ… སཏྟནྣཾ སམཐཱནཾ ཀཏིཧི སམཐེཧི སམྨནྟི? ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ, སིཡཱ ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ ཙཏཱུཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱརཱཛིཀཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ པཱཙིཏྟིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི. ཙཏུནྣཾ ཨདྷིཀརཎཱནཾ, ཨཱཔཏྟཱདྷིཀརཎཾ. སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

༢༨༥. ཨཱཙཱརཝིཔཏྟིཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཨཱཙཱརཝིཔཏྟིཔཙྩཡཱ ¶ ཨེཀཾ ཨཱཔཏྟིཾ ཨཱཔཛྫཏི. ཨཱཙཱརཝིཔཏྟིཾ པཊིཙྪཱདེཏི, ཨཱཔཏྟི དུཀྐཊསྶ – ཨཱཙཱརཝིཔཏྟིཔཙྩཡཱ ཨིམཾ ཨེཀཾ ཨཱཔཏྟིཾ ཨཱཔཛྫཏི.

སཱ ཨཱཔཏྟི ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛཏི …པེ… སཏྟནྣཾ སམཐཱནཾ ཀཏིཧི སམཐེཧི སམྨཏི? སཱ ཨཱཔཏྟི ཙཏུནྣཾ ཝིཔཏྟཱིནཾ ཨེཀཾ ཝིཔཏྟིཾ བྷཛཏི – ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ ཨེཀེན ཨཱཔཏྟིཀྑནྡྷེན སངྒཧིཏཱ – དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི. ཙཏུནྣཾ ཨདྷིཀརཎཱནཾ ཨཱཔཏྟཱདྷིཀརཎཾ. སཏྟནྣཾ སམཐཱནཾ ཏཱིཧི སམཐེཧི སམྨཏི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

༢༨༦. དིཊྛིཝིཔཏྟིཔཙྩཡཱ ¶ ཀཏི ཨཱཔཏྟིཡོ ཨཱཔཛྫཏི? དིཊྛིཝིཔཏྟིཔཙྩཡཱ དྭེ ཨཱཔཏྟིཡོ ཨཱཔཛྫཏི. པཱཔིཀཱཡ དིཊྛིཡཱ ཡཱཝཏཏིཡཾ སམནུབྷཱསནཱཡ ན པཊིནིསྶཛྫཏི, ཉཏྟིཡཱ དུཀྐཊཾ [ཉཏྟིཡཱ དུཀྐཊཾ, དྭཱིཧི ཀམྨཝཱཙཱཧི དུཀྐཊཱ (སྱཱ. ཀ.)]; ཀམྨཝཱཙཱཔརིཡོསཱནེ ཨཱཔཏྟི པཱཙིཏྟིཡསྶ – དིཊྛིཝིཔཏྟིཔཙྩཡཱ ཨིམཱ དྭེ ཨཱཔཏྟིཡོ ཨཱཔཛྫཏི.

ཏཱ ¶ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི…པེ… སཏྟནྣཾ སམཐཱནཾ ཀཏིཧི སམཐེཧི སམྨནྟི? ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཨེཀཾ ཝིཔཏྟིཾ བྷཛནྟི – ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ དྭཱིཧི ཨཱཔཏྟིཀྑནྡྷེཧི སངྒཧིཏཱ ¶ – སིཡཱ པཱཙིཏྟིཡཱཔཏྟིཀྑནྡྷེན ¶ , སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི. ཙཏུནྣཾ ཨདྷིཀརཎཱནཾ, ཨཱཔཏྟཱདྷིཀརཎཾ. སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

༢༨༧. ཨཱཛཱིཝཝིཔཏྟིཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཨཱཛཱིཝཝིཔཏྟིཔཙྩཡཱ ཚ ཨཱཔཏྟིཡོ ཨཱཔཛྫཏི – ཨཱཛཱིཝཧེཏུ ཨཱཛཱིཝཀཱརཎཱ པཱཔིཙྪོ ཨིཙྪཱཔཀཏོ ཨསནྟཾ ཨབྷཱུཏཾ ཨུཏྟརིམནུསྶདྷམྨཾ ཨུལླཔཏི, ཨཱཔཏྟི པཱརཱཛིཀསྶ; ཨཱཛཱིཝཧེཏུ ཨཱཛཱིཝཀཱརཎཱ སཉྩརིཏྟཾ སམཱཔཛྫཏི, ཨཱཔཏྟི སངྒྷཱདིསེསསྶ; ཨཱཛཱིཝཧེཏུ ཨཱཛཱིཝཀཱརཎཱ ‘‘ཡོ ཏེ ཝིཧཱརེ ཝསཏི, སོ བྷིཀྑུ ཨརཧཱ’’ཏི བྷཎཏི, པཊིཝིཛཱནནྟསྶ ཨཱཔཏྟི ཐུལླཙྩཡསྶ; ཨཱཛཱིཝཧེཏུ ཨཱཛཱིཝཀཱརཎཱ བྷིཀྑུ པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫཏི, ཨཱཔཏྟི པཱཙིཏྟིཡསྶ; ཨཱཛཱིཝཧེཏུ ཨཱཛཱིཝཀཱརཎཱ བྷིཀྑུནཱི པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫཏི, ཨཱཔཏྟི པཱཊིདེསནཱིཡསྶ; ཨཱཛཱིཝཧེཏུ ཨཱཛཱིཝཀཱརཎཱ སཱུཔཾ ཝཱ ཨོདནཾ ཝཱ ཨགིལཱནོ ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫཏི, ཨཱཔཏྟི དུཀྐཊསྶ – ཨཱཛཱིཝཝིཔཏྟིཔཙྩཡཱ ཨིམཱ ཚ ཨཱཔཏྟིཡོ ཨཱཔཛྫཏི.

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི…པེ… སཏྟནྣཾ སམཐཱནཾ ཀཏིཧི སམཐེཧི སམྨནྟི. ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ¶ ཝིཔཏྟིཡོ ¶ བྷཛནྟི – སིཡཱ སཱིལཝིཔཏྟིཾ, སིཡཱ ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ ཚཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱརཱཛིཀཱཔཏྟིཀྑནྡྷེན, སིཡཱ སངྒྷཱདིསེསཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ པཱཙིཏྟིཡཱཔཏྟིཀྑནྡྷེན, སིཡཱ པཱཊིདེསནཱིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛནྟི – སིཡཱ ཀཱཡཏོ སམུཊྛནྟི, ན ཝཱཙཏོ ན ཙིཏྟཏོ; སིཡཱ ཝཱཙཏོ སམུཊྛནྟི, ན ཀཱཡཏོ ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ སམུཊྛནྟི, ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛནྟི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི. ཙཏུནྣཾ ཨདྷིཀརཎཱནཾ, ཨཱཔཏྟཱདྷིཀརཎཾ. སཏྟནྣཾ སམཐཱནཾ ཏཱིཧི ¶ སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

ཝིཔཏྟིཔཙྩཡཝཱརོ ནིཊྛིཏོ ཙཏུཏྠོ.

༥. ཨདྷིཀརཎཔཙྩཡཝཱརོ

༢༨༨. ཝིཝཱདཱདྷིཀརཎཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཝིཝཱདཱདྷིཀརཎཔཙྩཡཱ དྭེ ཨཱཔཏྟིཡོ ཨཱཔཛྫཏི – ཨུཔསམྤནྣཾ ཨོམསཏི, ཨཱཔཏྟི པཱཙིཏྟིཡསྶ; ཨནུཔསམྤནྣཾ ཨོམསཏི, ཨཱཔཏྟི དུཀྐཊསྶ – ཝིཝཱདཱདྷིཀརཎཔཙྩཡཱ ཨིམཱ དྭེ ཨཱཔཏྟིཡོ ཨཱཔཛྫཏི.

ཏཱ ཨཱཔཏྟིཡོ ཙཏུནྣཾ ¶ ཝིཔཏྟཱིནཾ ཀཏི ཝིཔཏྟིཡོ བྷཛནྟི…པེ… སཏྟནྣཾ སམཐཱནཾ ཀཏིཧི སམཐེཧི སམྨནྟི? ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཨེཀཾ ཝིཔཏྟིཾ བྷཛནྟི – ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ དྭཱིཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱཙིཏྟིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛནྟི – སིཡཱ ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ; ¶ སིཡཱ ཝཱཙཏོ ཙ ཙིཏྟཏོ ཙ སམུཊྛནྟི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ¶ ཙ སམུཊྛནྟི. ཙཏུནྣཾ ཨདྷིཀརཎཱནཾ, ཨཱཔཏྟཱདྷིཀརཎཾ. སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

༢༨༩. ཨནུཝཱདཱདྷིཀརཎཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཨནུཝཱདཱདྷིཀརཎཔཙྩཡཱ ཏིསྶོ ཨཱཔཏྟིཡོ ཨཱཔཛྫཏི. བྷིཀྑུཾ ཨམཱུལཀེན པཱརཱཛིཀེན དྷམྨེན ཨནུདྡྷཾསེཏི, ཨཱཔཏྟི སངྒྷཱདིསེསསྶ; ཨམཱུལཀེན སངྒྷཱདིསེསེན ཨནུདྡྷཾསེཏི, ཨཱཔཏྟི པཱཙིཏྟིཡསྶ; ཨམཱུལིཀཱཡ ཨཱཙཱརཝིཔཏྟིཡཱ ཨནུདྡྷཾསེཏི, ཨཱཔཏྟི དུཀྐཊསྶ – ཨནུཝཱདཱདྷིཀརཎཔཙྩཡཱ ཨིམཱ ཏིསྶོ ཨཱཔཏྟིཡོ ཨཱཔཛྫཏི.

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི…པེ… སཏྟནྣཾ སམཐཱནཾ ཀཏིཧི སམཐེཧི སམྨནྟི? ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ, སིཡཱ ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ ཏཱིཧི ཨཱཔཏྟིཀྑནྡྷེཧི སངྒཧིཏཱ – སིཡཱ སངྒྷཱདིསེསཱཔཏྟིཀྑནྡྷེན, སིཡཱ པཱཙིཏྟིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན ¶ ¶ . ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛནྟི – སིཡཱ ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛནྟི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི. ཙཏུནྣཾ ཨདྷིཀརཎཱནཾ, ཨཱཔཏྟཱདྷིཀརཎཾ. སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

༢༩༠. ཨཱཔཏྟཱདྷིཀརཎཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཨཱཔཏྟཱདྷིཀརཎཔཙྩཡཱ ཙཏསྶོ ཨཱཔཏྟིཡོ ཨཱཔཛྫཏི. བྷིཀྑུནཱི ཛཱནཾ པཱརཱཛིཀཾ དྷམྨཾ པཊིཙྪཱདེཏི, ཨཱཔཏྟི པཱརཱཛིཀསྶ; ཝེམཏིཀཱ པཊིཙྪཱདེཏི, ཨཱཔཏྟི ཐུལླཙྩཡསྶ; བྷིཀྑུ སངྒྷཱདིསེསཾ པཊིཙྪཱདེཏི; ཨཱཔཏྟི པཱཙིཏྟིཡསྶ; ཨཱཙཱརཝིཔཏྟིཾ པཊིཙྪཱདེཏི, ཨཱཔཏྟི དུཀྐཊསྶ – ཨཱཔཏྟཱདྷིཀརཎཔཙྩཡཱ ཨིམཱ ཙཏསྶོ ཨཱཔཏྟིཡོ ཨཱཔཛྫཏི.

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི…པེ… སཏྟནྣཾ སམཐཱནཾ ཀཏིཧི སམཐེཧི སམྨནྟི? ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ, སིཡཱ ཨཱཙཱརཝིཔཏྟིཾ. སཏྟནྣཾ ¶ ཨཱཔཏྟིཀྑནྡྷཱནཾ ཙཏཱུཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱརཱཛིཀཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ པཱཙིཏྟིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན ¶ སམུཊྛནྟི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི. ཙཏུནྣཾ ཨདྷིཀརཎཱནཾ, ཨཱཔཏྟཱདྷིཀརཎཾ. སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

༢༩༡. ཀིཙྩཱདྷིཀརཎཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཀིཙྩཱདྷིཀརཎཔཙྩཡཱ པཉྩ ཨཱཔཏྟིཡོ ཨཱཔཛྫཏི. ཨུཀྑིཏྟཱནུཝཏྟིཀཱ བྷིཀྑུནཱི ཡཱཝཏཏིཡཾ སམནུབྷཱསནཱཡ ན པཊིནིསྶཛྫཏི, ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི པཱརཱཛིཀསྶ. བྷེདཀཱནུཝཏྟཀཱ བྷིཀྑཱུ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟི, ཨཱཔཏྟི སངྒྷཱདིསེསསྶ; པཱཔིཀཱཡ དིཊྛིཡཱ ཡཱཝཏཏིཡཾ སམནུབྷཱསནཱཡ ན པཊིནིསྶཛྫཏི, ཨཱཔཏྟི པཱཙིཏྟིཡསྶ ¶ – ཀིཙྩཱདྷིཀརཎཔཙྩཡཱ ཨིམཱ པཉྩ ཨཱཔཏྟིཡོ ཨཱཔཛྫཏི.

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི…པེ… སཏྟནྣཾ སམཐཱནཾ ཀཏིཧི ¶ སམཐེཧི སམྨནྟི? ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ, སིཡཱ ཨཱཙཱརཝིཔཏྟིཾ. སཏྟནྣཾ ཨཱཔཏྟིཀྑནྡྷཱནཾ པཉྩཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱརཱཛིཀཱཔཏྟིཀྑནྡྷེན, སིཡཱ སངྒྷཱདིསེསཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ པཱཙིཏྟིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི ¶ . ཙཏུནྣཾ ཨདྷིཀརཎཱནཾ, ཨཱཔཏྟཱདྷིཀརཎཾ. སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

ཋཔེཏྭཱ སཏྟ ཨཱཔཏྟིཡོ སཏྟ ཨཱཔཏྟིཀྑནྡྷེ, ཨཝསེསཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛནྟི? ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? སཏྟནྣཾ སམཐཱནཾ ཀཏིཧི སམཐེཧི སམྨནྟི? ཋཔེཏྭཱ སཏྟ ཨཱཔཏྟིཡོ སཏྟ ¶ ཨཱཔཏྟིཀྑནྡྷེ ཨཝསེསཱ ཨཱཔཏྟིཡོ ཙཏུནྣཾ ཝིཔཏྟཱིནཾ ན ཀཏམཾ ཝིཔཏྟིཾ བྷཛནྟི? སཏྟནྣཾ ཨཱཔཏྟིཀྑནྡྷཱནཾ ན ཀཏམེན ཨཱཔཏྟིཀྑནྡྷེན སངྒཧིཏཱ. ཚནྣཾ ཨཱཔཏྟིསམུཊྛཱནཱནཾ ན ཀཏམེན ཨཱཔཏྟིསམུཊྛཱནེན སམུཊྛནྟི. ཙཏུནྣཾ ཨདྷིཀརཎཱནཾ ན ཀཏམཾ ཨདྷིཀརཎཾ. སཏྟནྣཾ སམཐཱནཾ ན ཀཏམེན སམཐེན སམྨནྟི. ཏཾ ཀིསྶ ཧེཏུ? ཋཔེཏྭཱ སཏྟ ཨཱཔཏྟིཡོ སཏྟ ཨཱཔཏྟིཀྑནྡྷེ, ནཏྠཉྙཱ ཨཱཔཏྟིཡོཏི.

ཨདྷིཀརཎཔཙྩཡཝཱརོ ནིཊྛིཏོ པཉྩམོ.

ཨནྟརཔེཡྻཱལཾ [ཨནནྟརཔེཡྻཱལཾ (སཱི. སྱཱ.)] ནིཊྛིཏཾ.

ཏསྶུདྡཱནཾ –

ཀཏིཔུཙྪཱ སམུཊྛཱནཱ, ཀཏཱཔཏྟི ཏཐེཝ ཙ;

སམུཊྛཱནཱ ཝིཔཏྟི ཙ, ཏཐཱདྷིཀརཎེན ཙཱཏི.

སམཐབྷེདོ

༦. ཨདྷིཀརཎཔརིཡཱཡཝཱརོ

༢༩༢. ཝིཝཱདཱདྷིཀརཎསྶ ¶ ¶ ¶ – ཀིཾ པུབྦངྒམཾ? ཀཏི ཋཱནཱནི? ཀཏི ཝཏྠཱུནི? ཀཏི བྷཱུམིཡོ? ཀཏི ཧེཏཱུ? ཀཏི མཱུལཱནི? ཀཏིཧཱཀཱརེཧི ཝིཝདཏི? ཝིཝཱདཱདྷིཀརཎཾ ཀཏིཧི སམཐེཧི སམྨཏི?

ཨནུཝཱདཱདྷིཀརཎསྶ – ཀིཾ པུབྦངྒམཾ? ཀཏི ཋཱནཱནི? ཀཏི ཝཏྠཱུནི? ཀཏི བྷཱུམིཡོ? ཀཏི ཧེཏཱུ? ཀཏི མཱུལཱནི? ཀཏིཧཱཀཱརེཧི ཨནུཝདཏི? ཨནུཝཱདཱདྷིཀརཎཾ ཀཏིཧི སམཐེཧི སམྨཏི?

ཨཱཔཏྟཱདྷིཀརཎསྶ – ཀིཾ པུབྦངྒམཾ? ཀཏི ཋཱནཱནི? ཀཏི ཝཏྠཱུནི? ཀཏི བྷཱུམིཡོ? ཀཏི ཧེཏཱུ? ཀཏི མཱུལཱནི? ཀཏིཧཱཀཱརེཧི ཨཱཔཏྟིཾ ཨཱཔཛྫཏི? ཨཱཔཏྟཱདྷིཀརཎཾ ཀཏིཧི སམཐེཧི སམྨཏི?

ཀིཙྩཱདྷིཀརཎསྶ – ཀིཾ པུབྦངྒམཾ? ཀཏི ཋཱནཱནི? ཀཏི ཝཏྠཱུནི? ཀཏི བྷཱུམིཡོ? ཀཏི ཧེཏཱུ? ཀཏི མཱུལཱནི? ཀཏིཧཱཀཱརེཧི ཀིཙྩཾ ཛཱཡཏི? ཀིཙྩཱདྷིཀརཎཾ ཀཏིཧི སམཐེཧི སམྨཏི?

༢༩༣. ཝིཝཱདཱདྷིཀརཎསྶ ¶ ཀིཾ པུབྦངྒམནྟི? ལོབྷོ པུབྦངྒམོ, དོསོ པུབྦངྒམོ, མོཧོ པུབྦངྒམོ, ཨལོབྷོ པུབྦངྒམོ, ཨདོསོ པུབྦངྒམོ, ཨམོཧོ པུབྦངྒམོ. ཀཏི ཋཱནཱནཱིཏི? ཨཊྛཱརས བྷེདཀརཝཏྠཱུནི ཋཱནཱནི. ཀཏི ཝཏྠཱུནཱིཏི? ཨཊྛཱརས བྷེདཀརཝཏྠཱུནི. ཀཏི བྷཱུམིཡོཏི? ཨཊྛཱརས བྷེདཀརཝཏྠཱུནི བྷཱུམིཡོ. ཀཏི ཧེཏཱུཏི? ནཝ ཧེཏཱུ – ཏཡོ ཀུསལཧེཏཱུ ¶ , ཏཡོ ཨཀུསལཧེཏཱུ, ཏཡོ ཨབྱཱཀཏཧེཏཱུ. ཀཏི མཱུལཱནཱིཏི? དྭཱདས མཱུལཱནི. ཀཏིཧཱཀཱརེཧི ཝིཝདཏཱིཏི? དྭཱིཧཱཀཱརེཧི ཝིཝདཏི – དྷམྨདིཊྛི ཝཱ ཨདྷམྨདིཊྛི ཝཱ. [ཙཱུལ༹ཝ. ༢༢༨] ཝིཝཱདཱདྷིཀརཎཾ ཀཏིཧི སམཐེཧི སམྨཏཱིཏི? ཝིཝཱདཱདྷིཀརཎཾ ¶ དྭཱིཧི སམཐེཧི སམྨཏི – སམྨུཁཱཝིནཡེན ཙ ཡེབྷུཡྻསིཀཱཡ ཙ.

༢༩༤. ཨནུཝཱདཱདྷིཀརཎསྶ ཀིཾ པུབྦངྒམནྟི? ལོབྷོ པུབྦངྒམོ, དོསོ པུབྦངྒམོ, མོཧོ པུབྦངྒམོ, ཨལོབྷོ པུབྦངྒམོ, ཨདོསོ པུབྦངྒམོ, ཨམོཧོ པུབྦངྒམོ. ཀཏི ཋཱནཱནཱིཏི? ཙཏསྶོ ཝིཔཏྟིཡོ ¶ ཋཱནཱནི. ཀཏི ཝཏྠཱུནཱིཏི? ཙཏསྶོ ཝིཔཏྟིཡོ ཝཏྠཱུནི. ཀཏི བྷཱུམིཡོཏི? ཙཏསྶོ ཝིཔཏྟིཡོ བྷཱུམིཡོ. ཀཏི ཧེཏཱུཏི? ནཝ ཧེཏཱུ – ཏཡོ ཀུསལཧེཏཱུ, ཏཡོ ཨཀུསལཧེཏཱུ, ཏཡོ ཨབྱཱཀཏཧེཏཱུ. ཀཏི མཱུལཱནཱིཏི? ཙུདྡས མཱུལཱནི. ཀཏིཧཱཀཱརེཧི ཨནུཝདཏཱིཏི? དྭཱིཧཱཀཱརེཧི ཨནུཝདཏི – ཝཏྠུཏོ ཝཱ ཨཱཔཏྟིཏོ ཝཱ. [ཙཱུལ༹ཝ. ༢༣༦] ཨནུཝཱདཱདྷིཀརཎཾ ཀཏིཧི སམཐེཧི སམྨཏཱིཏི? ཨནུཝཱདཱདྷིཀརཎཾ ཙཏཱུཧི སམཐེཧི སམྨཏི – སམྨུཁཱཝིནཡེན ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ.

༢༩༥. ཨཱཔཏྟཱདྷིཀརཎསྶ ཀིཾ པུབྦངྒམནྟི? ལོབྷོ པུབྦངྒམོ, དོསོ པུབྦངྒམོ, མོཧོ པུབྦངྒམོ, ཨལོབྷོ པུབྦངྒམོ, ཨདོསོ པུབྦངྒམོ, ཨམོཧོ པུབྦངྒམོ. ཀཏི ཋཱནཱནཱིཏི? སཏྟ ཨཱཔཏྟིཀྑནྡྷཱ ཋཱནཱནི. ཀཏི ཝཏྠཱུནཱིཏི? སཏྟ ཨཱཔཏྟིཀྑནྡྷཱ ཝཏྠཱུནི. ཀཏི བྷཱུམིཡོཏི? སཏྟ ཨཱཔཏྟིཀྑནྡྷཱ བྷཱུམིཡོ. ཀཏི ཧེཏཱུཏི? ཚ ཧེཏཱུ [ཀཏི ཧེཏཱུཏི ནཝ ཧེཏཱུ, ཏཡོ ཀུསལཧེཏཱུ (སཱི. སྱཱ.)] – ཏཡོ ཨཀུསལཧེཏཱུ, ཏཡོ ཨབྱཱཀཏཧེཏཱུ. ཀཏི མཱུལཱནཱིཏི? ཚ ཨཱཔཏྟིསམུཊྛཱནཱནི མཱུལཱནི ¶ . ཀཏིཧཱཀཱརེཧི ཨཱཔཏྟིཾ ཨཱཔཛྫཏཱིཏི? ཚཧཱཀཱརེཧི ཨཱཔཏྟིཾ ཨཱཔཛྫཏི – ཨལཛྫིཏཱ, ཨཉྙཱཎཏཱ, ཀུཀྐུཙྩཔཀཏཏཱ, ཨཀཔྤིཡེ ཀཔྤིཡསཉྙིཏཱ, ཀཔྤིཡེ ཨཀཔྤིཡསཉྙིཏཱ, སཏིསམྨོསཱ. [ཙཱུལ༹ཝ. ༢༣༩] ཨཱཔཏྟཱདྷིཀརཎཾ ཀཏིཧི སམཐེཧི སམྨཏཱིཏི? ཨཱཔཏྟཱདྷིཀརཎཾ ཏཱིཧི སམཐེཧི སམྨཏི – སམྨུཁཱཝིནཡེན ཙ པཊིཉྙཱཏཀརཎེན ཙ, སམྨུཁཱཝིནཡེན ཙ ཏིཎཝཏྠཱརཀེན ཙ.

༢༩༦. ཀིཙྩཱདྷིཀརཎསྶ ཀིཾ པུབྦངྒམནྟི? ལོབྷོ པུབྦངྒམོ, དོསོ པུབྦངྒམོ, མོཧོ པུབྦངྒམོ, ཨལོབྷོ པུབྦངྒམོ, ཨདོསོ པུབྦངྒམོ, ཨམོཧོ པུབྦངྒམོ. ཀཏི ཋཱནཱནཱིཏི? ཙཏྟཱརི ཀམྨཱནི ཋཱནཱནི. ཀཏི ཝཏྠཱུནཱིཏི? ཙཏྟཱརི ཀམྨཱནི ཝཏྠཱུནི. ཀཏི བྷཱུམིཡོཏི? ཙཏྟཱརི ཀམྨཱནི བྷཱུམིཡོ. ཀཏི ཧེཏཱུཏི? ནཝ ཧེཏཱུ – ཏཡོ ཀུསལཧེཏཱུ, ཏཡོ ཨཀུསལཧེཏཱུ, ཏཡོ ཨབྱཱཀཏཧེཏཱུ. ཀཏི མཱུལཱནཱིཏི? ཨེཀཾ མཱུལཾ – སངྒྷོ. ཀཏིཧཱཀཱརེཧི ཀིཙྩཾ ཛཱཡཏཱིཏི ¶ ? དྭཱིཧཱཀཱརེཧི ཀིཙྩཾ ཛཱཡཏི – ཉཏྟིཏོ ཝཱ ཨཔལོཀནཏོ ཝཱ. [ཙཱུལ༹ཝ. ༢༤༢] ཀིཙྩཱདྷིཀརཎཾ ¶ ཀཏིཧི སམཐེཧི སམྨཏཱིཏི? ཀིཙྩཱདྷིཀརཎཾ ཨེཀེན སམཐེན སམྨཏི – སམྨུཁཱཝིནཡེན.

ཀཏི ¶ སམཐཱ? སཏྟ སམཐཱ. སམྨུཁཱཝིནཡོ, སཏིཝིནཡོ, ཨམཱུལ༹ྷཝིནཡོ, པཊིཉྙཱཏཀརཎཾ, ཡེབྷུཡྻསིཀཱ, ཏསྶཔཱཔིཡསིཀཱ, ཏིཎཝཏྠཱརཀོ – ཨིམེ སཏྟ སམཐཱ.

སིཡཱ ཨིམེ སཏྟ སམཐཱ དས སམཐཱ ཧོནྟི, དས སམཐཱ སཏྟ སམཐཱ ཧོནྟི ཝཏྠུཝསེན པརིཡཱཡེན སིཡཱཏི.

ཀཐཉྩ སིཡཱ? ཝིཝཱདཱདྷིཀརཎསྶ དྭེ སམཐཱ ¶ , ཨནུཝཱདཱདྷིཀརཎསྶ ཙཏྟཱརོ སམཐཱ, ཨཱཔཏྟཱདྷིཀརཎསྶ ཏཡོ སམཐཱ, ཀིཙྩཱདྷིཀརཎསྶ ཨེཀོ སམཐོ. ཨེཝཾ ཨིམེ སཏྟ སམཐཱ དས སམཐཱ ཧོནྟི, དས སམཐཱ སཏྟ སམཐཱ ཧོནྟི ཝཏྠུཝསེན པརིཡཱཡེན.

པརིཡཱཡཝཱརོ ནིཊྛིཏོ ཚཊྛོ.

༧. སཱདྷཱརཎཝཱརོ

༢༩༧. ཀཏི སམཐཱ ཝིཝཱདཱདྷིཀརཎསྶ སཱདྷཱརཎཱ? ཀཏི སམཐཱ ཝིཝཱདཱདྷིཀརཎསྶ ཨསཱདྷཱརཎཱ? ཀཏི སམཐཱ ཨནུཝཱདཱདྷིཀརཎསྶ སཱདྷཱརཎཱ? ཀཏི སམཐཱ ཨནུཝཱདཱདྷིཀརཎསྶ ཨསཱདྷཱརཎཱ? ཀཏི སམཐཱ ཨཱཔཏྟཱདྷིཀརཎསྶ སཱདྷཱརཎཱ? ཀཏི སམཐཱ ཨཱཔཏྟཱདྷིཀརཎསྶ ཨསཱདྷཱརཎཱ? ཀཏི སམཐཱ ཀིཙྩཱདྷིཀརཎསྶ སཱདྷཱརཎཱ? ཀཏི སམཐཱ ཀིཙྩཱདྷིཀརཎསྶ ཨསཱདྷཱརཎཱ?

དྭེ སམཐཱ ཝིཝཱདཱདྷིཀརཎསྶ སཱདྷཱརཎཱ – སམྨུཁཱཝིནཡོ, ཡེབྷུཡྻསིཀཱ. པཉྩ སམཐཱ ཝིཝཱདཱདྷིཀརཎསྶ ཨསཱདྷཱརཎཱ – སཏིཝིནཡོ, ཨམཱུལ༹ྷཝིནཡོ, པཊིཉྙཱཏཀརཎཾ, ཏསྶཔཱཔིཡསིཀཱ, ཏིཎཝཏྠཱརཀོ.

ཙཏྟཱརོ སམཐཱ ཨནུཝཱདཱདྷིཀརཎསྶ སཱདྷཱརཎཱ – སམྨུཁཱཝིནཡོ; སཏིཝིནཡོ, ཨམཱུལ༹ྷཝིནཡོ, ཏསྶཔཱཔིཡསིཀཱ. ཏཡོ སམཐཱ ཨནུཝཱདཱདྷིཀརཎསྶ ཨསཱདྷཱརཎཱ – ཡེབྷུཡྻསིཀཱ, པཊིཉྙཱཏཀརཎཾ, ཏིཎཝཏྠཱརཀོ.

ཏཡོ ¶ ¶ སམཐཱ ཨཱཔཏྟཱདྷིཀརཎསྶ སཱདྷཱརཎཱ – སམྨུཁཱཝིནཡོ, པཊིཉྙཱཏཀརཎཾ, ཏིཎཝཏྠཱརཀོ. ཙཏྟཱརོ སམཐཱ ཨཱཔཏྟཱདྷིཀརཎསྶ ཨསཱདྷཱརཎཱ – ཡེབྷུཡྻསིཀཱ, སཏིཝིནཡོ, ཨམཱུལ༹ྷཝིནཡོ, ཏསྶཔཱཔིཡསིཀཱ ¶ .

ཨེཀོ སམཐོ ཀིཙྩཱདྷིཀརཎསྶ སཱདྷཱརཎོ – སམྨུཁཱཝིནཡོ. ཚ སམཐཱ ཀིཙྩཱདྷིཀརཎསྶ ཨསཱདྷཱརཎཱ – ཡེབྷུཡྻསིཀཱ, སཏིཝིནཡོ, ཨམཱུལ༹ྷཝིནཡོ, པཊིཉྙཱཏཀརཎཾ, ཏསྶཔཱཔིཡསིཀཱ, ཏིཎཝཏྠཱརཀོ.

སཱདྷཱརཎཝཱརོ ནིཊྛིཏོ སཏྟམོ.

༨. ཏབྦྷཱགིཡཝཱརོ

༢༩༨. ཀཏི སམཐཱ ཝིཝཱདཱདྷིཀརཎསྶ ཏབྦྷཱགིཡཱ? ཀཏི སམཐཱ ཝིཝཱདཱདྷིཀརཎསྶ ཨཉྙབྷཱགིཡཱ? ཀཏི སམཐཱ ཨནུཝཱདཱདྷིཀརཎསྶ ཏབྦྷཱགིཡཱ? ཀཏི སམཐཱ ཨནུཝཱདཱདྷིཀརཎསྶ ཨཉྙབྷཱགིཡཱ? ཀཏི སམཐཱ ཨཱཔཏྟཱདྷིཀརཎསྶ ཏབྦྷཱགིཡཱ? ཀཏི སམཐཱ ཨཱཔཏྟཱདྷིཀརཎསྶ ཨཉྙབྷཱགིཡཱ? ཀཏི སམཐཱ ཀིཙྩཱདྷིཀརཎསྶ ཏབྦྷཱགིཡཱ? ཀཏི སམཐཱ ཀིཙྩཱདྷིཀརཎསྶ ཨཉྙབྷཱགིཡཱ?

དྭེ ¶ སམཐཱ ཝིཝཱདཱདྷིཀརཎསྶ ཏབྦྷཱགིཡཱ – སམྨུཁཱཝིནཡོ, ཡེབྷུཡྻསིཀཱ. པཉྩ སམཐཱ ཝིཝཱདཱདྷིཀརཎསྶ ཨཉྙབྷཱགིཡཱ – སཏིཝིནཡོ, ཨམཱུལ༹ྷཝིནཡོ, པཊིཉྙཱཏཀརཎཾ, ཏསྶཔཱཔིཡསིཀཱ, ཏིཎཝཏྠཱརཀོ.

ཙཏྟཱརོ སམཐཱ ཨནུཝཱདཱདྷིཀརཎསྶ ཏབྦྷཱགིཡཱ – སམྨུཁཱཝིནཡོ, སཏིཝིནཡོ, ཨམཱུལ༹ྷཝིནཡོ, ཏསྶཔཱཔིཡསིཀཱ. ཏཡོ སམཐཱ ཨནུཝཱདཱདྷིཀརཎསྶ ཨཉྙབྷཱགིཡཱ – ཡེབྷུཡྻསིཀཱ, པཊིཉྙཱཏཀརཎཾ, ཏིཎཝཏྠཱརཀོ.

ཏཡོ སམཐཱ ཨཱཔཏྟཱདྷིཀརཎསྶ ཏབྦྷཱགིཡཱ – སམྨུཁཱཝིནཡོ, པཊིཉྙཱཏཀརཎཾ, ཏིཎཝཏྠཱརཀོ. ཙཏྟཱརོ སམཐཱ ཨཱཔཏྟཱདྷིཀརཎསྶ ཨཉྙབྷཱགིཡཱ – ཡེབྷུཡྻསིཀཱ, སཏིཝིནཡོ, ཨམཱུལ༹ྷཝིནཡོ, ཏསྶཔཱཔིཡསིཀཱ.

ཨེཀོ ¶ ¶ ¶ སམཐོ ཀིཙྩཱདྷིཀརཎསྶ ཏབྦྷཱགིཡོ – སམྨུཁཱཝིནཡོ. ཚ སམཐཱ ཀིཙྩཱདྷིཀརཎསྶ ཨཉྙབྷཱགིཡཱ – ཡེབྷུཡྻསིཀཱ, སཏིཝིནཡོ, ཨམཱུལ༹ྷཝིནཡོ, པཊིཉྙཱཏཀརཎཾ, ཏསྶཔཱཔིཡསིཀཱ, ཏིཎཝཏྠཱརཀོ.

ཏབྦྷཱགིཡཝཱརོ ནིཊྛིཏོ ཨཊྛམོ.

༩. སམཐཱ སམཐསྶ སཱདྷཱརཎཝཱརོ

༢༩༩. སམཐཱ སམཐསྶ སཱདྷཱརཎཱ, སམཐཱ སམཐསྶ ཨསཱདྷཱརཎཱ. སིཡཱ སམཐཱ སམཐསྶ སཱདྷཱརཎཱ, སིཡཱ སམཐཱ སམཐསྶ ཨསཱདྷཱརཎཱ.

ཀཐཾ སིཡཱ སམཐཱ སམཐསྶ སཱདྷཱརཎཱ? ཀཐཾ སིཡཱ སམཐཱ སམཐསྶ ཨསཱདྷཱརཎཱ? ཡེབྷུཡྻསིཀཱ སམྨུཁཱཝིནཡསྶ སཱདྷཱརཎཱ, སཏིཝིནཡསྶ ཨམཱུལ༹ྷཝིནཡསྶ པཊིཉྙཱཏཀརཎསྶ ཏསྶཔཱཔིཡསིཀཱཡ ཏིཎཝཏྠཱརཀསྶ ཨསཱདྷཱརཎཱ.

སཏིཝིནཡོ སམྨུཁཱཝིནཡསྶ སཱདྷཱརཎོ, ཨམཱུལ༹ྷཝིནཡསྶ པཊིཉྙཱཏཀརཎསྶ ཏསྶཔཱཔིཡསིཀཱཡ ཏིཎཝཏྠཱརཀསྶ ཡེབྷུཡྻསིཀཱཡ ཨསཱདྷཱརཎོ.

ཨམཱུལ༹ྷཝིནཡོ སམྨུཁཱཝིནཡསྶ སཱདྷཱརཎོ, པཊིཉྙཱཏཀརཎསྶ ཏསྶཔཱཔིཡསིཀཱཡ ཏིཎཝཏྠཱརཀསྶ ཡེབྷུཡྻསིཀཱཡ སཏིཝིནཡསྶ ཨསཱདྷཱརཎོ.

པཊིཉྙཱཏཀརཎཾ སམྨུཁཱཝིནཡསྶ སཱདྷཱརཎཾ, ཏསྶཔཱཔིཡསིཀཱཡ ཏིཎཝཏྠཱརཀསྶ ཡེབྷུཡྻསིཀཱཡ སཏིཝིནཡསྶ ཨམཱུལ༹ྷཝིནཡསྶ ཨསཱདྷཱརཎཾ.

ཏསྶཔཱཔིཡསིཀཱ སམྨུཁཱཝིནཡསྶ སཱདྷཱརཎཱ, ཏིཎཝཏྠཱརཀསྶ ཡེབྷུཡྻསིཀཱཡ སཏིཝིནཡསྶ ཨམཱུལ༹ྷཝིནཡསྶ པཊིཉྙཱཏཀརཎསྶ ཨསཱདྷཱརཎཱ.

ཏིཎཝཏྠཱརཀོ སམྨུཁཱཝིནཡསྶ སཱདྷཱརཎོ, ཡེབྷུཡྻསིཀཱཡ སཏིཝིནཡསྶ ཨམཱུལ༹ྷཝིནཡསྶ ¶ པཊིཉྙཱཏཀརཎསྶ ཏསྶཔཱཔིཡསིཀཱཡ ཨསཱདྷཱརཎོ ¶ . ཨེཝཾ ¶ སིཡཱ སམཐཱ སམཐསྶ སཱདྷཱརཎཱ; ཨེཝཾ སིཡཱ སམཐཱ སམཐསྶ ཨསཱདྷཱརཎཱ.

སམཐཱ སམཐསྶ སཱདྷཱརཎཝཱརོ ནིཊྛིཏོ ནཝམོ.

༡༠. སམཐཱ སམཐསྶ ཏབྦྷཱགིཡཝཱརོ

༣༠༠. སམཐཱ སམཐསྶ ཏབྦྷཱགིཡཱ, སམཐཱ སམཐསྶ ཨཉྙབྷཱགིཡཱ. སིཡཱ སམཐཱ སམཐསྶ ཏབྦྷཱགིཡཱ, སིཡཱ སམཐཱ སམཐསྶ ཨཉྙབྷཱགིཡཱ.

ཀཐཾ སིཡཱ སམཐཱ སམཐསྶ ཏབྦྷཱགིཡཱ? ཀཐཾ སིཡཱ སམཐཱ སམཐསྶ ཨཉྙབྷཱགིཡཱ? ཡེབྷུཡྻསིཀཱ སམྨུཁཱཝིནཡསྶ ཏབྦྷཱགིཡཱ, སཏིཝིནཡསྶ ཨམཱུལ༹ྷཝིནཡསྶ པཊིཉྙཱཏཀརཎསྶ ཏསྶཔཱཔིཡསིཀཱཡ ཏིཎཝཏྠཱརཀསྶ ཨཉྙབྷཱགིཡཱ.

སཏིཝིནཡོ སམྨུཁཱཝིནཡསྶ ཏབྦྷཱགིཡོ, ཨམཱུལ༹ྷཝིནཡསྶ པཊིཉྙཱཏཀརཎསྶ ཏསྶཔཱཔིཡསིཀཱཡ ཏིཎཝཏྠཱརཀསྶ ཡེབྷུཡྻསིཀཱཡ ཨཉྙབྷཱགིཡོ.

ཨམཱུལ༹ྷཝིནཡོ སམྨུཁཱཝིནཡསྶ ཏབྦྷཱགིཡོ, པཊིཉྙཱཏཀརཎསྶ ཏསྶཔཱཔིཡསིཀཱཡ ཏིཎཝཏྠཱརཀསྶ ཡེབྷུཡྻསིཀཱཡ སཏིཝིནཡསྶ ཨཉྙབྷཱགིཡོ.

པཊིཉྙཱཏཀརཎཾ སམྨུཁཱཝིནཡསྶ ཏབྦྷཱགིཡཾ, ཏསྶཔཱཔིཡསིཀཱཡ ཏིཎཝཏྠཱརཀསྶ ཡེབྷུཡྻསིཀཱཡ སཏིཝིནཡསྶ ཨམཱུལ༹ྷཝིནཡསྶ ཨཉྙབྷཱགིཡཾ.

ཏསྶཔཱཔིཡསིཀཱ སམྨུཁཱཝིནཡསྶ ཏབྦྷཱགིཡཱ, ཏིཎཝཏྠཱརཀསྶ ཡེབྷུཡྻསིཀཱཡ སཏིཝིནཡསྶ ཨམཱུལ༹ྷཝིནཡསྶ པཊིཉྙཱཏཀརཎསྶ ཨཉྙབྷཱགིཡཱ.

ཏིཎཝཏྠཱརཀོ སམྨུཁཱཝིནཡསྶ ཏབྦྷཱགིཡོ, ཡེབྷུཡྻསིཀཱཡ སཏིཝིནཡསྶ ཨམཱུལ༹ྷཝིནཡསྶ པཊིཉྙཱཏཀརཎསྶ ཏསྶཔཱཔིཡསིཀཱཡ ཨཉྙབྷཱགིཡོ. ཨེཝཾ སིཡཱ སམཐཱ སམཐསྶ ཏབྦྷཱགིཡཱ, ཨེཝཾ སིཡཱ ¶ སམཐཱ སམཐསྶ ཨཉྙབྷཱགིཡཱ.

སམཐཱ སམཐསྶ ཏབྦྷཱགིཡཝཱརོ ནིཊྛིཏོ དསམོ.

༡༡. སམཐསམྨུཁཱཝིནཡཝཱརོ

༣༠༡. སམཐོ ¶ ¶ སམྨུཁཱཝིནཡོ, སམྨུཁཱཝིནཡོ སམཐོ? སམཐོ ཡེབྷུཡྻསིཀཱ, ཡེབྷུཡྻསིཀཱ སམཐོ? སམཐོ སཏིཝིནཡོ ¶ , སཏིཝིནཡོ སམཐོ? སམཐོ ཨམཱུལ༹ྷཝིནཡོ, ཨམཱུལ༹ྷཝིནཡོ སམཐོ? སམཐོ པཊིཉྙཱཏཀརཎཾ, པཊིཉྙཱཏཀརཎཾ སམཐོ? སམཐོ ཏསྶཔཱཔིཡསིཀཱ, ཏསྶཔཱཔིཡསིཀཱ སམཐོ? སམཐོ ཏིཎཝཏྠཱརཀོ, ཏིཎཝཏྠཱརཀོ སམཐོ?

ཡེབྷུཡྻསིཀཱ སཏིཝིནཡོ ཨམཱུལ༹ྷཝིནཡོ པཊིཉྙཱཏཀརཎཾ ཏསྶཔཱཔིཡསིཀཱ ཏིཎཝཏྠཱརཀོ – ཨིམེ སམཐཱ སམཐཱ, ནོ སམྨུཁཱཝིནཡོ. སམྨུཁཱཝིནཡོ སམཐོ ཙེཝ སམྨུཁཱཝིནཡོ ཙ.

སཏིཝིནཡོ ཨམཱུལ༹ྷཝིནཡོ པཊིཉྙཱཏཀརཎཾ ཏསྶཔཱཔིཡསིཀཱ ཏིཎཝཏྠཱརཀོ སམྨུཁཱཝིནཡོ – ཨིམེ སམཐཱ སམཐཱ, ནོ ཡེབྷུཡྻསིཀཱ. ཡེབྷུཡྻསིཀཱ སམཐོ ཙེཝ ཡེབྷུཡྻསིཀཱ ཙ.

ཨམཱུལ༹ྷཝིནཡོ པཊིཉྙཱཏཀརཎཾ ཏསྶཔཱཔིཡསིཀཱ ཏིཎཝཏྠཱརཀོ སམྨུཁཱཝིནཡོ ཡེབྷུཡྻསིཀཱ – ཨིམེ སམཐཱ སམཐཱ, ནོ སཏིཝིནཡོ. སཏིཝིནཡོ སམཐོ ཙེཝ སཏིཝིནཡོ ཙ.

པཊིཉྙཱཏཀརཎཾ ཏསྶཔཱཔིཡསིཀཱ ཏིཎཝཏྠཱརཀོ སམྨུཁཱཝིནཡོ ཡེབྷུཡྻསིཀཱ སཏིཝིནཡོ – ཨིམེ སམཐཱ སམཐཱ, ནོ ཨམཱུལ༹ྷཝིནཡོ. ཨམཱུལ༹ྷཝིནཡོ སམཐོ ཙེཝ ཨམཱུལ༹ྷཝིནཡོ ཙ.

ཏསྶཔཱཔིཡསིཀཱ ཏིཎཝཏྠཱརཀོ སམྨུཁཱཝིནཡོ ཡེབྷུཡྻསིཀཱ སཏིཝིནཡོ ཨམཱུལ༹ྷཝིནཡོ – ཨིམེ སམཐཱ སམཐཱ, ནོ པཊིཉྙཱཏཀརཎཾ. པཊིཉྙཱཏཀརཎཾ ¶ སམཐོ ཙེཝ པཊིཉྙཱཏཀརཎཉྩ.

ཏིཎཝཏྠཱརཀོ སམྨུཁཱཝིནཡོ ཡེབྷུཡྻསིཀཱ སཏིཝིནཡོ ཨམཱུལ༹ྷཝིནཡོ པཊིཉྙཱཏཀརཎཾ – ཨིམེ སམཐཱ སམཐཱ, ནོ ཏསྶཔཱཔིཡསིཀཱ. ཏསྶཔཱཔིཡསིཀཱ སམཐོ ཙེཝ ཏསྶཔཱཔིཡསིཀཱ ཙ.

སམྨུཁཱཝིནཡོ ¶ ཡེབྷུཡྻསིཀཱ སཏིཝིནཡོ ཨམཱུལ༹ྷཝིནཡོ པཊིཉྙཱཏཀརཎཾ ཏསྶཔཱཔིཡསིཀཱ – ཨིམེ སམཐཱ སམཐཱ, ནོ ཏིཎཝཏྠཱརཀོ. ཏིཎཝཏྠཱརཀོ སམཐོ ཙེཝ ཏིཎཝཏྠཱརཀོ ཙ.

སམཐསམྨུཁཱཝིནཡཝཱརོ ནིཊྛིཏོ ཨེཀཱདསམོ.

༡༢. ཝིནཡཝཱརོ

༣༠༢. ཝིནཡོ ¶ སམྨུཁཱཝིནཡོ, སམྨུཁཱཝིནཡོ ཝིནཡོ? ཝིནཡོ ཡེབྷུཡྻསིཀཱ, ཡེབྷུཡྻསིཀཱ ཝིནཡོ? ཝིནཡོ སཏིཝིནཡོ, སཏིཝིནཡོ ཝིནཡོ? ཝིནཡོ ཨམཱུལ༹ྷཝིནཡོ, ཨམཱུལ༹ྷཝིནཡོ ཝིནཡོ? ཝིནཡོ པཊིཉྙཱཏཀརཎཾ, པཊིཉྙཱཏཀརཎཾ ཝིནཡོ? ཝིནཡོ ཏསྶཔཱཔིཡསིཀཱ, ཏསྶཔཱཔིཡསིཀཱ ཝིནཡོ? ཝིནཡོ ཏིཎཝཏྠཱརཀོ, ཏིཎཝཏྠཱརཀོ ཝིནཡོ?

ཝིནཡོ སིཡཱ སམྨུཁཱཝིནཡོ སིཡཱ ན སམྨུཁཱཝིནཡོ. སམྨུཁཱཝིནཡོ ཝིནཡོ ཙེཝ སམྨུཁཱཝིནཡོ ཙ.

ཝིནཡོ སིཡཱ ཡེབྷུཡྻསིཀཱ, སིཡཱ ན ཡེབྷུཡྻསིཀཱ. ཡེབྷུཡྻསིཀཱ ཝིནཡོ ཙེཝ ཡེབྷུཡྻསིཀཱ ཙ.

ཝིནཡོ སིཡཱ སཏིཝིནཡོ, སིཡཱ ན སཏིཝིནཡོ. སཏིཝིནཡོ ཝིནཡོ ཙེཝ སཏིཝིནཡོ ཙ.

ཝིནཡོ སིཡཱ ཨམཱུལ༹ྷཝིནཡོ, སིཡཱ ན ཨམཱུལ༹ྷཝིནཡོ. ཨམཱུལ༹ྷཝིནཡོ ཝིནཡོ ཙེཝ ཨམཱུལ༹ྷཝིནཡོ ཙ ¶ .

ཝིནཡོ སིཡཱ པཊིཉྙཱཏཀརཎཾ, སིཡཱ ན པཊིཉྙཱཏཀརཎཾ. པཊིཉྙཱཏཀརཎཾ ཝིནཡོ ཙེཝ པཊིཉྙཱཏཀརཎཉྩ.

ཝིནཡོ ¶ སིཡཱ ཏསྶཔཱཔིཡསིཀཱ, སིཡཱ ན ཏསྶཔཱཔིཡསིཀཱ. ཏསྶཔཱཔིཡསིཀཱ ཝིནཡོ ཙེཝ ཏསྶཔཱཔིཡསིཀཱ ཙ.

ཝིནཡོ སིཡཱ ཏིཎཝཏྠཱརཀོ, སིཡཱ ན ཏིཎཝཏྠཱརཀོ. ཏིཎཝཏྠཱརཀོ ཝིནཡོ ཙེཝ ཏིཎཝཏྠཱརཀོ ཙ.

ཝིནཡཝཱརོ ནིཊྛིཏོ དྭཱདསམོ.

༡༣. ཀུསལཝཱརོ

༣༠༣. སམྨུཁཱཝིནཡོ ཀུསལོ ཨཀུསལོ ཨབྱཱཀཏོ? ཡེབྷུཡྻསིཀཱ ཀུསལཱ ཨཀུསལཱ ཨབྱཱཀཏཱ? སཏིཝིནཡོ ཀུསལོ ཨཀུསལོ ཨབྱཱཀཏོ? ཨམཱུལ༹ྷཝིནཡོ ཀུསལོ ཨཀུསལོ ¶ ཨབྱཱཀཏོ? པཊིཉྙཱཏཀརཎཾ ཀུསལཾ ཨཀུསལཾ ཨབྱཱཀཏཾ? ཏསྶཔཱཔིཡསིཀཱ ཀུསལཱ ཨཀུསལཱ ཨབྱཱཀཏཱ? ཏིཎཝཏྠཱརཀོ ཀུསལོ ཨཀུསལོ ཨབྱཱཀཏོ?

སམྨུཁཱཝིནཡོ སིཡཱ ཀུསལོ, སིཡཱ ཨབྱཱཀཏོ. ནཏྠི སམྨུཁཱཝིནཡོ ཨཀུསལོ.

ཡེབྷུཡྻསིཀཱ སིཡཱ ཀུསལཱ, སིཡཱ ཨཀུསལཱ, སིཡཱ ཨབྱཱཀཏཱ.

སཏིཝིནཡོ སིཡཱ ཀུསལོ, སིཡཱ ཨཀུསལོ, སིཡཱ ཨབྱཱཀཏོ.

ཨམཱུལ༹ྷཝིནཡོ སིཡཱ ཀུསལོ, སིཡཱ ཨཀུསལོ, སིཡཱ ཨབྱཱཀཏོ.

པཊིཉྙཱཏཀརཎཾ སིཡཱ ཀུསལཾ, སིཡཱ ཨཀུསལཾ, སིཡཱ ཨབྱཱཀཏཾ.

ཏསྶཔཱཔིཡསིཀཱ སིཡཱ ཀུསལཱ, སིཡཱ ཨཀུསལཱ སིཡཱ ཨབྱཱཀཏཱ.

ཏིཎཝཏྠཱརཀོ སིཡཱ ཀུསལོ, སིཡཱ ཨཀུསལོ, སིཡཱ ཨབྱཱཀཏོ.

ཝིཝཱདཱདྷིཀརཎཾ ཀུསལཾ ཨཀུསལཾ ཨབྱཱཀཏཾ. ཨནུཝཱདཱདྷིཀརཎཾ ཀུསལཾ ཨཀུསལཾ ¶ ཨབྱཱཀཏཾ. ཨཱཔཏྟཱདྷིཀརཎཾ ཀུསལཾ ཨཀུསལཾ ཨབྱཱཀཏཾ. ཀིཙྩཱདྷིཀརཎཾ ¶ ཀུསལཾ ཨཀུསལཾ ཨབྱཱཀཏཾ.

ཝིཝཱདཱདྷིཀརཎཾ ¶ སིཡཱ ཀུསལཾ, སིཡཱ ཨཀུསལཾ, སིཡཱ ཨབྱཱཀཏཾ.

ཨནུཝཱདཱདྷིཀརཎཾ སིཡཱ ཀུསལཾ, སིཡཱ ཨཀུསལཾ, སིཡཱ ཨབྱཱཀཏཾ.

ཨཱཔཏྟཱདྷིཀརཎཾ སིཡཱ ཨཀུསལཾ, སིཡཱ ཨབྱཱཀཏཾ. ནཏྠི ཨཱཔཏྟཱདྷིཀརཎཾ ཀུསལཾ.

ཀིཙྩཱདྷིཀརཎཾ སིཡཱ ཀུསལཾ, སིཡཱ ཨཀུསལཾ, སིཡཱ ཨབྱཱཀཏཾ.

ཀུསལཝཱརོ ནིཊྛིཏོ ཏེརསམོ.

༡༤. ཡཏྠཝཱརོ, པུཙྪཱཝཱརོ

༣༠༤. ཡཏྠ ¶ ཡེབྷུཡྻསིཀཱ ལབྦྷཏི, ཏཏྠ སམྨུཁཱཝིནཡོ ལབྦྷཏི; ཡཏྠ སམྨུཁཱཝིནཡོ ལབྦྷཏི, ཏཏྠ ཡེབྷུཡྻསིཀཱ ལབྦྷཏི. ན ཏཏྠ སཏིཝིནཡོ ལབྦྷཏི, ན ཏཏྠ ཨམཱུལ༹ྷཝིནཡོ ལབྦྷཏི, ན ཏཏྠ པཊིཉྙཱཏཀརཎཾ ལབྦྷཏི, ན ཏཏྠ ཏསྶཔཱཔིཡསིཀཱ ལབྦྷཏི, ན ཏཏྠ ཏིཎཝཏྠཱརཀོ ལབྦྷཏི.

ཡཏྠ སཏིཝིནཡོ ལབྦྷཏི, ཏཏྠ སམྨུཁཱཝིནཡོ ལབྦྷཏི; ཡཏྠ སམྨུཁཱཝིནཡོ ལབྦྷཏི, ཏཏྠ སཏིཝིནཡོ ལབྦྷཏི. ན ཏཏྠ ཨམཱུལ༹ྷཝིནཡོ ལབྦྷཏི, ན ཏཏྠ པཊིཉྙཱཏཀརཎཾ ལབྦྷཏི, ན ཏཏྠ ཏསྶཔཱཔིཡསིཀཱ ལབྦྷཏི, ན ཏཏྠ ཏིཎཝཏྠཱརཀོ ལབྦྷཏི, ན ཏཏྠ ཡེབྷུཡྻསིཀཱ ལབྦྷཏི.

ཡཏྠ ཨམཱུལ༹ྷཝིནཡོ ལབྦྷཏི, ཏཏྠ སམྨུཁཱཝིནཡོ ལབྦྷཏི; ཡཏྠ སམྨུཁཱཝིནཡོ ལབྦྷཏི, ཏཏྠ ཨམཱུལ༹ྷཝིནཡོ ལབྦྷཏི. ན ཏཏྠ པཊིཉྙཱཏཀརཎཾ ལབྦྷཏི, ན ཏཏྠ ཏསྶཔཱཔིཡསིཀཱ ལབྦྷཏི, ན ཏཏྠ ཏིཎཝཏྠཱརཀོ ལབྦྷཏི, ན ཏཏྠ ཡེབྷུཡྻསིཀཱ ལབྦྷཏི, ན ཏཏྠ སཏིཝིནཡོ ལབྦྷཏི.

ཡཏྠ ¶ པཊིཉྙཱཏཀརཎཾ ལབྦྷཏི, ཏཏྠ སམྨུཁཱཝིནཡོ ¶ ལབྦྷཏི; ཡཏྠ སམྨུཁཱཝིནཡོ ལབྦྷཏི, ཏཏྠ པཊིཉྙཱཏཀརཎཾ ལབྦྷཏི. ན ཏཏྠ ཏསྶཔཱཔིཡསིཀཱ ལབྦྷཏི, ན ཏཏྠ ཏིཎཝཏྠཱརཀོ ལབྦྷཏི, ན ཏཏྠ ཡེབྷུཡྻསིཀཱ ལབྦྷཏི, ན ཏཏྠ སཏིཝིནཡོ ལབྦྷཏི, ན ཏཏྠ ཨམཱུལ༹ྷཝིནཡོ ལབྦྷཏི.

ཡཏྠ ཏསྶཔཱཔིཡསིཀཱ ལབྦྷཏི, ཏཏྠ སམྨུཁཱཝིནཡོ ལབྦྷཏི; ཡཏྠ སམྨུཁཱཝིནཡོ ལབྦྷཏི, ཏཏྠ ཏསྶཔཱཔིཡསིཀཱ ལབྦྷཏི. ན ཏཏྠ ཏིཎཝཏྠཱརཀོ ལབྦྷཏི, ན ཏཏྠ ཡེབྷུཡྻསིཀཱ ལབྦྷཏི, ན ཏཏྠ སཏིཝིནཡོ ལབྦྷཏི, ན ཏཏྠ ཨམཱུལ༹ྷཝིནཡོ ལབྦྷཏི, ན ཏཏྠ པཊིཉྙཱཏཀརཎཾ ལབྦྷཏི.

ཡཏྠ ཏིཎཝཏྠཱརཀོ ལབྦྷཏི, ཏཏྠ སམྨུཁཱཝིནཡོ ལབྦྷཏི; ཡཏྠ སམྨུཁཱཝིནཡོ ལབྦྷཏི, ཏཏྠ ཏིཎཝཏྠཱརཀོ ལབྦྷཏི. ན ཏཏྠ ཡེབྷུཡྻསིཀཱ ལབྦྷཏི, ན ཏཏྠ སཏིཝིནཡོ ལབྦྷཏི, ན ཏཏྠ ཨམཱུལ༹ྷཝིནཡོ ¶ ལབྦྷཏི, ན ཏཏྠ པཊིཉྙཱཏཀརཎཾ ལབྦྷཏི, ན ཏཏྠ ཏསྶཔཱཔིཡསིཀཱ ལབྦྷཏི.

ཡཏྠ ཡེབྷུཡྻསིཀཱ ཏཏྠ སམྨུཁཱཝིནཡོ; ཡཏྠ སམྨུཁཱཝིནཡོ ཏཏྠ ཡེབྷུཡྻསིཀཱ. ན ཏཏྠ སཏིཝིནཡོ, ན ཏཏྠ ཨམཱུལ༹ྷཝིནཡོ, ན ཏཏྠ པཊིཉྙཱཏཀརཎཾ, ན ཏཏྠ ཏསྶཔཱཔིཡསིཀཱ, ན ཏཏྠ ཏིཎཝཏྠཱརཀོ.

ཡཏྠ སཏིཝིནཡོ ཏཏྠ སམྨུཁཱཝིནཡོ; ཡཏྠ སམྨུཁཱཝིནཡོ ཏཏྠ སཏིཝིནཡོ. ན ཏཏྠ ཨམཱུལ༹ྷཝིནཡོ, ན ཏཏྠ པཊིཉྙཱཏཀརཎཾ, ན ཏཏྠ ཏསྶཔཱཔིཡསིཀཱ, ན ཏཏྠ ཏིཎཝཏྠཱརཀོ, ན ཏཏྠ ཡེབྷུཡྻསིཀཱ. སམྨུཁཱཝིནཡཾ ¶ ཀཱཏུན མཱུལཾ…པེ….

ཡཏྠ ཏིཎཝཏྠཱརཀོ ཏཏྠ སམྨུཁཱཝིནཡོ; ཡཏྠ སམྨུཁཱཝིནཡོ ཏཏྠ ཏིཎཝཏྠཱརཀོ. ན ཏཏྠ ཡེབྷུཡྻསིཀཱ, ན ཏཏྠ སཏིཝིནཡོ, ན ཏཏྠ ཨམཱུལ༹ྷཝིནཡོ, ན ཏཏྠ པཊིཉྙཱཏཀརཎཾ, ན ཏཏྠ ཏསྶཔཱཔིཡསིཀཱ.

ཙཀྐཔེཡྻཱལཾ.

ཡཏྠཝཱརོ ནིཊྛིཏོ ཙུདྡསམོ.

༡༥. སམཐཝཱརོ, ཝིསྶཛྫནཱཝཱརོ

༣༠༥. ཡསྨིཾ ¶ སམཡེ སམྨུཁཱཝིནཡེན ཙ ཡེབྷུཡྻསིཀཱཡ ཙ ཨདྷིཀརཎཾ ཝཱུཔསམྨཏི, ཡཏྠ ཡེབྷུཡྻསིཀཱ ལབྦྷཏི ཏཏྠ སམྨུཁཱཝིནཡོ ལབྦྷཏི, ཡཏྠ སམྨུཁཱཝིནཡོ ལབྦྷཏི ཏཏྠ ཡེབྷུཡྻསིཀཱ ལབྦྷཏི. ན ཏཏྠ སཏིཝིནཡོ ལབྦྷཏི, ན ཏཏྠ ཨམཱུལ༹ྷཝིནཡོ ལབྦྷཏི, ན ཏཏྠ པཊིཉྙཱཏཀརཎཾ ལབྦྷཏི, ན ཏཏྠ ཏསྶཔཱཔིཡསིཀཱ ལབྦྷཏི, ན ཏཏྠ ཏིཎཝཏྠཱརཀོ ལབྦྷཏི.

ཡསྨིཾ ¶ སམཡེ སམྨུཁཱཝིནཡེན ཙ སཏིཝིནཡེན ཙ ཨདྷིཀརཎཾ ཝཱུཔསམྨཏི, ཡཏྠ སཏིཝིནཡོ ལབྦྷཏི ཏཏྠ སམྨུཁཱཝིནཡོ ལབྦྷཏི, ཡཏྠ སམྨུཁཱཝིནཡོ ལབྦྷཏི ཏཏྠ སཏིཝིནཡོ ལབྦྷཏི. ན ཏཏྠ ཨམཱུལ༹ྷཝིནཡོ ལབྦྷཏི, ན ཏཏྠ པཊིཉྙཱཏཀརཎཾ ལབྦྷཏི, ན ཏཏྠ ཏསྶཔཱཔིཡསིཀཱ ¶ ལབྦྷཏི, ན ཏཏྠ ཏིཎཝཏྠཱརཀོ ལབྦྷཏི, ན ཏཏྠ ཡེབྷུཡྻསིཀཱ ལབྦྷཏི.

ཡསྨིཾ སམཡེ སམྨུཁཱཝིནཡེན ཙ ཨམཱུལ༹ྷཝིནཡེན ཙ ཨདྷིཀརཎཾ ཝཱུཔསམྨཏི, ཡཏྠ ཨམཱུལ༹ྷཝིནཡོ ལབྦྷཏི ཏཏྠ སམྨུཁཱཝིནཡོ ལབྦྷཏི, ཡཏྠ སམྨུཁཱཝིནཡོ ལབྦྷཏི ཏཏྠ ཨམཱུལ༹ྷཝིནཡོ ལབྦྷཏི. ན ཏཏྠ པཊིཉྙཱཏཀརཎཾ ལབྦྷཏི, ན ཏཏྠ ཏསྶཔཱཔིཡསིཀཱ ལབྦྷཏི, ན ཏཏྠ ¶ ཏིཎཝཏྠཱརཀོ ལབྦྷཏི, ན ཏཏྠ ཡེབྷུཡྻསིཀཱ ལབྦྷཏི, ན ཏཏྠ སཏིཝིནཡོ ལབྦྷཏི.

ཡསྨིཾ སམཡེ སམྨུཁཱཝིནཡེན ཙ པཊིཉྙཱཏཀརཎེན ཙ ཨདྷིཀརཎཾ ཝཱུཔསམྨཏི, ཡཏྠ པཊིཉྙཱཏཀརཎཾ ལབྦྷཏི ཏཏྠ སམྨུཁཱཝིནཡོ ལབྦྷཏི, ཡཏྠ སམྨུཁཱཝིནཡོ ལབྦྷཏི ཏཏྠ པཊིཉྙཱཏཀརཎཾ ལབྦྷཏི. ན ཏཏྠ ཏསྶཔཱཔིཡསིཀཱ ལབྦྷཏི, ན ཏཏྠ ཏིཎཝཏྠཱརཀོ ལབྦྷཏི, ན ཏཏྠ ཡེབྷུཡྻསིཀཱ ལབྦྷཏི, ན ཏཏྠ སཏིཝིནཡོ ལབྦྷཏི, ན ཏཏྠ ཨམཱུལ༹ྷཝིནཡོ ལབྦྷཏི.

ཡསྨིཾ སམཡེ སམྨུཁཱཝིནཡེན ཙ ཏསྶཔཱཔིཡསིཀཱཡ ཙ ཨདྷིཀརཎཾ ཝཱུཔསམྨཏི, ཡཏྠ ཏསྶཔཱཔིཡསིཀཱ ལབྦྷཏི ཏཏྠ སམྨུཁཱཝིནཡོ ལབྦྷཏི, ཡཏྠ སམྨུཁཱཝིནཡོ ལབྦྷཏི ཏཏྠ ཏསྶཔཱཔིཡསིཀཱ ལབྦྷཏི. ན ཏཏྠ ཏིཎཝཏྠཱརཀོ ལབྦྷཏི, ན ཏཏྠ ཡེབྷུཡྻསིཀཱ ལབྦྷཏི, ན ¶ ཏཏྠ སཏིཝིནཡོ ལབྦྷཏི, ན ཏཏྠ ཨམཱུལ༹ྷཝིནཡོ ལབྦྷཏི, ན ཏཏྠ པཊིཉྙཱཏཀརཎཾ ལབྦྷཏི.

ཡསྨིཾ སམཡེ སམྨུཁཱཝིནཡེན ཙ ཏིཎཝཏྠཱརཀེན ཙ ཨདྷིཀརཎཾ ཝཱུཔསམྨཏི, ཡཏྠ ཏིཎཝཏྠཱརཀོ ལབྦྷཏི ཏཏྠ སམྨུཁཱཝིནཡོ ལབྦྷཏི, ཡཏྠ སམྨུཁཱཝིནཡོ ལབྦྷཏི ཏཏྠ ཏིཎཝཏྠཱརཀོ ལབྦྷཏི. ན ཏཏྠ ཡེབྷུཡྻསིཀཱ ལབྦྷཏི, ན ཏཏྠ སཏིཝིནཡོ ལབྦྷཏི, ན ཏཏྠ ཨམཱུལ༹ྷཝིནཡོ ལབྦྷཏི, ན ཏཏྠ པཊིཉྙཱཏཀརཎཾ ལབྦྷཏི, ན ཏཏྠ ཏསྶཔཱཔིཡསིཀཱ ལབྦྷཏི.

སམཐཝཱརོ ནིཊྛིཏོ པནྣརསམོ.

༡༦. སཾསཊྛཝཱརོ

༣༠༦. ཨདྷིཀརཎནྟི ¶ ¶ ཝཱ སམཐཱཏི ཝཱ ཨིམེ དྷམྨཱ སཾསཊྛཱ ཨུདཱཧུ ཝིསཾསཊྛཱ? ལབྦྷཱ ཙ པནིམེསཾ དྷམྨཱནཾ ཝིནིབྦྷུཛིཏྭཱ ཝིནིབྦྷུཛིཏྭཱ [ཝིནིབྦྷུཛྫིཏྭཱ ཝིནིབྦྷུཛྫིཏྭཱ (ཀ.), ཊཱིཀཱཡཾ ཨེཀཔདམེཝ དིསྶཏི] ནཱནཱཀརཎཾ པཉྙཱཔེཏུནྟི?

ཨདྷིཀརཎནྟི ཝཱ སམཐཱཏི ཝཱ ཨིམེ དྷམྨཱ ཝིསཾསཊྛཱ, ནོ སཾསཊྛཱ. ལབྦྷཱ ཙ པནིམེསཾ དྷམྨཱནཾ ཝིནིབྦྷུཛིཏྭཱ ཝིནིབྦྷུཛིཏྭཱ ནཱནཱཀརཎཾ པཉྙཱཔེཏུནྟི. སོ – ‘‘མཱ ཧེཝ’’ནྟིསྶ ཝཙནཱིཡོ. ཨདྷིཀརཎནྟི ཝཱ སམཐཱཏི ཝཱ ཨིམེ དྷམྨཱ སཾསཊྛཱ, ནོ ཝིསཾསཊྛཱ. ནོ ཙ ལབྦྷཱ [ན ཙ ལབྦྷཱ (ཀ.)] ཨིམེསཾ དྷམྨཱནཾ ཝིནིབྦྷུཛིཏྭཱ ཝིནིབྦྷུཛིཏྭཱ ནཱནཱཀརཎཾ པཉྙཱཔེཏུཾ. ཏཾ ཀིསྶ ཧེཏུ? ནནུ ཝུཏྟཾ བྷགཝཏཱ – ‘‘ཙཏྟཱརིམཱནི, བྷིཀྑཝེ, ཨདྷིཀརཎཱནི, སཏྟ སམཐཱ. ཨདྷིཀརཎཱ སམཐེཧི སམྨནྟི, སམཐཱ ཨདྷིཀརཎེཧི སམྨནྟི. ཨེཝཾ, ཨིམེ དྷམྨཱ སཾསཊྛཱ ནོ ཝིསཾསཊྛཱ; ནོ ཙ ལབྦྷཱ ཨིམེསཾ དྷམྨཱནཾ ཝིནིབྦྷུཛིཏྭཱ ཝིནིབྦྷུཛིཏྭཱ ནཱནཱཀརཎཾ པཉྙཱཔེཏུ’’ནྟི.

སཾསཊྛཝཱརོ ནིཊྛིཏོ སོལ༹སམོ.

༡༧. སམྨཏིཝཱརོ

༣༠༧. ཝིཝཱདཱདྷིཀརཎཾ ཀཏིཧི སམཐེཧི སམྨཏི? ཨནུཝཱདཱདྷིཀརཎཾ ཀཏིཧི སམཐེཧི སམྨཏི? ཨཱཔཏྟཱདྷིཀརཎཾ ཀཏིཧི སམཐེཧི སམྨཏི? ཀིཙྩཱདྷིཀརཎཾ ཀཏིཧི སམཐེཧི སམྨཏི?

[ཙཱུལ༹ཝ. ༢༢༨, ༢༣༦ ཨཱདཡོ] ཝིཝཱདཱདྷིཀརཎཾ ¶ དྭཱིཧི སམཐེཧི སམྨཏི – སམྨུཁཱཝིནཡེན ཙ ཡེབྷུཡྻསིཀཱཡ ཙ.

[ཙཱུལ༹ཝ. ༢༢༨, ༢༣༦ ཨཱདཡོ] ཨནུཝཱདཱདྷིཀརཎཾ ཙཏཱུཧི སམཐེཧི སམྨཏི – སམྨུཁཱཝིནཡེན ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ.

[ཙཱུལ༹ཝ. ༢༣༩, ༢༤༢ ཨཱདཡོ] ཨཱཔཏྟཱདྷིཀརཎཾ ཏཱིཧི སམཐེཧི ¶ སམྨཏི – སམྨུཁཱཝིནཡེན ཙ པཊིཉྙཱཏཀརཎེན ཙ ཏིཎཝཏྠཱརཀེན ཙ.

[ཙཱུལ༹ཝ. ༢༣༩, ༢༤༢ ཨཱདཡོ] ཀིཙྩཱདྷིཀརཎཾ ཨེཀེན སམཐེན སམྨཏི – སམྨུཁཱཝིནཡེན.

ཝིཝཱདཱདྷིཀརཎཉྩ ¶ ཨནུཝཱདཱདྷིཀརཎཉྩ ཀཏིཧི སམཐེཧི སམྨནྟི? ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ པཉྩཧི སམཐེཧི སམྨནྟི – སམྨུཁཱཝིནཡེན ཙ ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ.

ཝིཝཱདཱདྷིཀརཎཉྩ ¶ ཨཱཔཏྟཱདྷིཀརཎཉྩ ཀཏིཧི སམཐེཧི སམྨནྟི? ཝིཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཙཏཱུཧི སམཐེཧི སམྨནྟི – སམྨུཁཱཝིནཡེན ཙ ཡེབྷུཡྻསིཀཱཡ ཙ པཊིཉྙཱཏཀརཎེན ཙ ཏིཎཝཏྠཱརཀེན ཙ.

ཝིཝཱདཱདྷིཀརཎཉྩ ཀིཙྩཱདྷིཀརཎཉྩ ཀཏིཧི སམཐེཧི སམྨནྟི? ཝིཝཱདཱདྷིཀརཎཉྩ ཀིཙྩཱདྷིཀརཎཉྩ དྭཱིཧི སམཐེཧི སམྨནྟི – སམྨུཁཱཝིནཡེན ཙ ཡེབྷུཡྻསིཀཱཡ ཙ.

ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཀཏིཧི སམཐེཧི སམྨནྟི? ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཚཧི སམཐེཧི སམྨནྟི – སམྨུཁཱཝིནཡེན ཙ སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ.

ཨནུཝཱདཱདྷིཀརཎཉྩ ཀིཙྩཱདྷིཀརཎཉྩ ཀཏིཧི སམཐེཧི སམྨནྟི? ཨནུཝཱདཱདྷིཀརཎཉྩ ཀིཙྩཱདྷིཀརཎཉྩ ཙཏཱུཧི སམཐེཧི སམྨནྟི – སམྨུཁཱཝིནཡེན ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ.

ཨཱཔཏྟཱདྷིཀརཎཉྩ ¶ ཀིཙྩཱདྷིཀརཎཉྩ ཀཏིཧི སམཐེཧི སམྨནྟི? ཨཱཔཏྟཱདྷིཀརཎཉྩ ཀིཙྩཱདྷིཀརཎཉྩ ཏཱིཧི སམཐེཧི སམྨནྟི – སམྨུཁཱཝིནཡེན ¶ ཙ པཊིཉྙཱཏཀརཎེན ཙ ཏིཎཝཏྠཱརཀེན ཙ.

ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཀཏིཧི སམཐེཧི སམྨནྟི? ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ སཏྟཧི སམཐེཧི སམྨནྟི – སམྨུཁཱཝིནཡེན ཙ ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ.

ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཀིཙྩཱདྷིཀརཎཉྩ ཀཏིཧི སམཐེཧི སམྨནྟི? ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཀིཙྩཱདྷིཀརཎཉྩ པཉྩཧི སམཐེཧི ¶ སམྨནྟི – སམྨུཁཱཝིནཡེན ཙ ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ.

ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཀིཙྩཱདྷིཀརཎཉྩ ཀཏིཧི སམཐེཧི སམྨནྟི? ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཀིཙྩཱདྷིཀརཎཉྩ ཚཧི སམཐེཧི སམྨནྟི – སམྨུཁཱཝིནཡེན ཙ སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ.

ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཀིཙྩཱདྷིཀརཎཉྩ ཀཏིཧི སམཐེཧི སམྨནྟི? ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཀིཙྩཱདྷིཀརཎཉྩ སཏྟཧི སམཐེཧི སམྨནྟི – སམྨུཁཱཝིནཡེན ཙ ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ.

སམྨཏིཝཱརོ ནིཊྛིཏོ སཏྟརསམོ.

༡༨. སམྨནྟི ན སམྨནྟིཝཱརོ

༣༠༨. ཝིཝཱདཱདྷིཀརཎཾ ཀཏིཧི སམཐེཧི སམྨཏི, ཀཏིཧི སམཐེཧི ན སམྨཏི? ཨནུཝཱདཱདྷིཀརཎཾ ཀཏིཧི སམཐེཧི སམྨཏི, ཀཏིཧི སམཐེཧི ན སམྨཏི? ཨཱཔཏྟཱདྷིཀརཎཾ ཀཏིཧི ¶ སམཐེཧི སམྨཏི, ཀཏིཧི སམཐེཧི ན སམྨཏི? ཀིཙྩཱདྷིཀརཎཾ ཀཏིཧི སམཐེཧི སམྨཏི, ཀཏིཧི སམཐེཧི ན སམྨཏི?

ཝིཝཱདཱདྷིཀརཎཾ དྭཱིཧི སམཐེཧི སམྨཏི – སམྨུཁཱཝིནཡེན ཙ ཡེབྷུཡྻསིཀཱཡ ¶ ཙ. པཉྩཧི སམཐེཧི ན སམྨཏི – སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ.

ཨནུཝཱདཱདྷིཀརཎཾ ཙཏཱུཧི སམཐེཧི སམྨཏི – སམྨུཁཱཝིནཡེན ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ. ཏཱིཧི སམཐེཧི ན སམྨཏི – ཡེབྷུཡྻསིཀཱཡ ཙ པཊིཉྙཱཏཀརཎེན ཙ ཏིཎཝཏྠཱརཀེན ཙ.

[ཙཱུལ༹ཝ. ༢༣༩] ཨཱཔཏྟཱདྷིཀརཎཾ ¶ ཏཱིཧི སམཐེཧི སམྨཏི – སམྨུཁཱཝིནཡེན ཙ པཊིཉྙཱཏཀརཎེན ཙ ཏིཎཝཏྠཱརཀེན ཙ. ཙཏཱུཧི སམཐེཧི ན སམྨཏི – ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ.

ཀིཙྩཱདྷིཀརཎཾ ¶ ཨེཀེན སམཐེན སམྨཏི – སམྨུཁཱཝིནཡེན. ཚཧི སམཐེཧི ན སམྨཏི – ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ.

ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ པཉྩཧི སམཐེཧི སམྨནྟི – སམྨུཁཱཝིནཡེན ཙ ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ. དྭཱིཧི སམཐེཧི ན སམྨནྟི – པཊིཉྙཱཏཀརཎེན ཙ ཏིཎཝཏྠཱརཀེན ཙ.

ཝིཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཝིཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཙཏཱུཧི སམཐེཧི སམྨནྟི – སམྨུཁཱཝིནཡེན ཙ ཡེབྷུཡྻསིཀཱཡ ཙ པཊིཉྙཱཏཀརཎེན ཙ ¶ ཏིཎཝཏྠཱརཀེན ཙ. ཏཱིཧི སམཐེཧི ན སམྨནྟི – སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ.

ཝིཝཱདཱདྷིཀརཎཉྩ ¶ ཀིཙྩཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཝིཝཱདཱདྷིཀརཎཉྩ ཀིཙྩཱདྷིཀརཎཉྩ དྭཱིཧི སམཐེཧི སམྨནྟི – སམྨུཁཱཝིནཡེན ཙ ཡེབྷུཡྻསིཀཱཡ ཙ. པཉྩཧི སམཐེཧི ན སམྨནྟི – སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ.

ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཚཧི སམཐེཧི སམྨནྟི – སམྨུཁཱཝིནཡེན ཙ སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ. ཨེཀེན སམཐེན ན སམྨནྟི – ཡེབྷུཡྻསིཀཱཡ.

ཨནུཝཱདཱདྷིཀརཎཉྩ ཀིཙྩཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཨནུཝཱདཱདྷིཀརཎཉྩ ཀིཙྩཱདྷིཀརཎཉྩ ཙཏཱུཧི སམཐེཧི སམྨནྟི – སམྨུཁཱཝིནཡེན ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱ ¶ ཙ. ཏཱིཧི སམཐེཧི ན སམྨནྟི – ཡེབྷུཡྻསིཀཱཡ ཙ པཊིཉྙཱཏཀརཎེན ཙ ཏིཎཝཏྠཱརཀེན ཙ.

ཨཱཔཏྟཱདྷིཀརཎཉྩ ཀིཙྩཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཨཱཔཏྟཱདྷིཀརཎཉྩ ཀིཙྩཱདྷིཀརཎཉྩ ཏཱིཧི སམཐེཧི སམྨནྟི – སམྨུཁཱཝིནཡེན ཙ པཊིཉྙཱཏཀརཎེན ཙ ཏིཎཝཏྠཱརཀེན ཙ ¶ . ཙཏཱུཧི སམཐེཧི ན སམྨནྟི – ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ.

ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ སཏྟཧི སམཐེཧི སམྨནྟི – སམྨུཁཱཝིནཡེན ཙ ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ.

ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཀིཙྩཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཀིཙྩཱདྷིཀརཎཉྩ པཉྩཧི སམཐེཧི སམྨནྟི – སམྨུཁཱཝིནཡེན ཙ ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ. དྭཱིཧི སམཐེཧི ན སམྨནྟི – པཊིཉྙཱཏཀརཎེན ཙ ཏིཎཝཏྠཱརཀེན ཙ.

ཨནུཝཱདཱདྷིཀརཎཉྩ ¶ ཨཱཔཏྟཱདྷིཀརཎཉྩ ཀིཙྩཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཀིཙྩཱདྷིཀརཎཉྩ ཚཧི སམཐེཧི སམྨནྟི – སམྨུཁཱཝིནཡེན ཙ སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ. ཨེཀེན སམཐེན ན སམྨནྟི – ཡེབྷུཡྻསིཀཱཡ.

ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཀིཙྩཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ¶ ཨཱཔཏྟཱདྷིཀརཎཉྩ ཀིཙྩཱདྷིཀརཎཉྩ སཏྟཧི སམཐེཧི སམྨནྟི – སམྨུཁཱཝིནཡེན ཙ ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ.

སམྨནྟི ན སམྨནྟིཝཱརོ ནིཊྛིཏོ ཨཊྛཱརསམོ.

༡༩. སམཐཱདྷིཀརཎཝཱརོ

༣༠༩. སམཐཱ ¶ སམཐེཧི སམྨནྟི? སམཐཱ ཨདྷིཀརཎེཧི སམྨནྟི? ཨདྷིཀརཎཱ སམཐེཧི སམྨནྟི? ཨདྷིཀརཎཱ ཨདྷིཀརཎེཧི སམྨནྟི?

སིཡཱ ¶ སམཐཱ སམཐེཧི སམྨནྟི, སིཡཱ སམཐཱ སམཐེཧི ན སམྨནྟི. སིཡཱ སམཐཱ ཨདྷིཀརཎེཧི སམྨནྟི, སིཡཱ སམཐཱ ཨདྷིཀརཎེཧི ན སམྨནྟི. སིཡཱ ཨདྷིཀརཎཱ སམཐེཧི སམྨནྟི, སིཡཱ ཨདྷིཀརཎཱ སམཐེཧི ན སམྨནྟི. སིཡཱ ཨདྷིཀརཎཱ ཨདྷིཀརཎེཧི སམྨནྟི, སིཡཱ ཨདྷིཀརཎཱ ཨདྷིཀརཎེཧི ན སམྨནྟི.

༣༡༠. ཀཐཾ སིཡཱ སམཐཱ སམཐེཧི སམྨནྟི, ཀཐཾ སིཡཱ སམཐཱ སམཐེཧི ན སམྨནྟི? ཡེབྷུཡྻསིཀཱ སམྨུཁཱཝིནཡེན སམྨཏི; སཏིཝིནཡེན ན སམྨཏི, ཨམཱུལ༹ྷཝིནཡེན ན སམྨཏི, པཊིཉྙཱཏཀརཎེན ན སམྨཏི, ཏསྶཔཱཔིཡསིཀཱཡ ན སམྨཏི, ཏིཎཝཏྠཱརཀེན ན སམྨཏི.

སཏིཝིནཡོ སམྨུཁཱཝིནཡེན སམྨཏི; ཨམཱུལ༹ྷཝིནཡེན ན སམྨཏི, པཊིཉྙཱཏཀརཎེན ན ¶ སམྨཱཏི, ཏསྶཔཱཔིཡསིཀཱཡ ན སམྨཏི, ཏིཎཝཏྠཱརཀེན ན སམྨཏི, ཡེབྷུཡྻསིཀཱཡ ན སམྨཏི.

ཨམཱུལ༹ྷཝིནཡོ སམྨུཁཱཝིནཡེན སམྨཏི; པཊིཉྙཱཏཀརཎེན ན སམྨཏི, ཏསྶཔཱཔིཡསིཀཱཡ ¶ ན སམྨཏི, ཏིཎཝཏྠཱརཀེན ན སམྨཏི, ཡེབྷུཡྻསིཀཱཡ ན སམྨཏི, སཏིཝིནཡེན ན སམྨཏི.

པཊིཉྙཱཏཀརཎཾ སམྨུཁཱཝིནཡེན སམྨཏི; ཏསྶཔཱཔིཡསིཀཱཡ ན སམྨཏི, ཏིཎཝཏྠཱརཀེན ན སམྨཏི, ཡེབྷུཡྻསིཀཱཡ ན སམྨཏི, སཏིཝིནཡེན ན སམྨཏི, ཨམཱུལ༹ྷཝིནཡེན ན སམྨཏི.

ཏསྶཔཱཔིཡསིཀཱ སམྨུཁཱཝིནཡེན སམྨཏི; ཏིཎཝཏྠཱརཀེན ན སམྨཏི, ཡེབྷུཡྻསིཀཱཡ ན སམྨཏི, སཏིཝིནཡེན ན སམྨཏི, ཨམཱུལ༹ྷཝིནཡེན ན སམྨཏི, པཊིཉྙཱཏཀརཎེན ན སམྨཏི.

ཏིཎཝཏྠཱརཀོ སམྨུཁཱཝིནཡེན སམྨཏི; ཡེབྷུཡྻསིཀཱཡ ན སམྨཏི, སཏིཝིནཡེན ན སམྨཏི, ཨམཱུལ༹ྷཝིནཡེན ན སམྨཏི, པཊིཉྙཱཏཀརཎེན ན སམྨཏི, ཏསྶཔཱཔིཡསིཀཱཡ ན སམྨཏི. ཨེཝཾ སིཡཱ སམཐཱ སམཐེཧི སམྨནྟི. ཨེཝཾ སིཡཱ སམཐཱ སམཐེཧི ན སམྨནྟི.

༣༡༡. ཀཐཾ ¶ སིཡཱ སམཐཱ ཨདྷིཀརཎེཧི སམྨནྟི, ཀཐཾ སིཡཱ སམཐཱ ཨདྷིཀརཎེཧི ན སམྨནྟི? སམྨུཁཱཝིནཡོ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི.

ཡེབྷུཡྻསིཀཱ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི.

སཏིཝིནཡོ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི.

ཨམཱུལ༹ྷཝིནཡོ ¶ ¶ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི.

པཊིཉྙཱཏཀརཎཾ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི.

ཏསྶཔཱཔིཡསིཀཱ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི.

ཏིཎཝཏྠཱརཀོ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི. ཨེཝཾ སིཡཱ སམཐཱ ཨདྷིཀརཎེཧི སམྨནྟི. ཨེཝཾ སིཡཱ སམཐཱ ཨདྷིཀརཎེཧི ན སམྨནྟི.

༣༡༢. ཀཐཾ སིཡཱ ཨདྷིཀརཎཱ སམཐེཧི སམྨནྟི, ཀཐཾ སིཡཱ ཨདྷིཀརཎཱ སམཐེཧི ན སམྨནྟི? ཝིཝཱདཱདྷིཀརཎཾ སམྨུཁཱཝིནཡེན ཙ ཡེབྷུཡྻསིཀཱཡ ཙ སམྨཏི; སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ ན སམྨཏི.

ཨནུཝཱདཱདྷིཀརཎཾ སམྨུཁཱཝིནཡེན ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ སམྨཏི; ཡེབྷུཡྻསིཀཱཡ ཙ པཊིཉྙཱཏཀརཎེན ཙ ཏིཎཝཏྠཱརཀེན ཙ ན སམྨཏི.

ཨཱཔཏྟཱདྷིཀརཎཾ སམྨུཁཱཝིནཡེན ཙ པཊིཉྙཱཏཀརཎེན ཙ ཏིཎཝཏྠཱརཀེན ཙ སམྨཏི; ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ ན སམྨཏི.

ཀིཙྩཱདྷིཀརཎཾ ¶ སམྨུཁཱཝིནཡེན སམྨཏི ¶ ; ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ¶ ཏིཎཝཏྠཱརཀེན ཙ ན སམྨཏི. ཨེཝཾ སིཡཱ ཨདྷིཀརཎཱ སམཐེཧི སམྨནྟི. ཨེཝཾ སིཡཱ ཨདྷིཀརཎཱ སམཐེཧི ན སམྨནྟི.

༣༡༣. ཀཐཾ ¶ སིཡཱ ཨདྷིཀརཎཱ ཨདྷིཀརཎེཧི སམྨནྟི? ཀཐཾ སིཡཱ ཨདྷིཀརཎཱ ཨདྷིཀརཎེཧི ན སམྨནྟི? ཝིཝཱདཱདྷིཀརཎཾ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི.

ཨནུཝཱདཱདྷིཀརཎཾ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི.

ཨཱཔཏྟཱདྷིཀརཎཾ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི.

ཀིཙྩཱདྷིཀརཎཾ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི. ཨེཝཾ སིཡཱ ཨདྷིཀརཎཱ ཨདྷིཀརཎེཧི སམྨནྟི. ཨེཝཾ སིཡཱ ཨདྷིཀརཎཱ ཨདྷིཀརཎེཧི ན སམྨནྟི.

ཚཱཔི སམཐཱ ཙཏྟཱརོཔི ཨདྷིཀརཎཱ སམྨུཁཱཝིནཡེན སམྨནྟི; སམྨུཁཱཝིནཡོ ན ཀེནཙི སམྨཏི.

སམཐཱདྷིཀརཎཝཱརོ ནིཊྛིཏོ ཨེཀཱུནཝཱིསཏིམོ.

༢༠. སམུཊྛཱཔནཝཱརོ

༣༡༤. ཝིཝཱདཱདྷིཀརཎཾ ¶ ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ སམུཊྛཱཔེཏི? ཝིཝཱདཱདྷིཀརཎཾ ཙཏུནྣཾ ཨདྷིཀརཎཱནཾ ན ཀཏམཾ ཨདྷིཀརཎཾ སམུཊྛཱཔེཏི; ཨཔིཙ, ཝིཝཱདཱདྷིཀརཎཔཙྩཡཱ ཙཏྟཱརོ ཨདྷིཀརཎཱ ཛཱཡནྟི. ཡཐཱ ཀཐཾ ཝིཡ? [ཙཱུལ༹ཝ. ༢༡༥; པརི. ༣༤༨ ཨཱདཡོ] ཨིདྷ བྷིཀྑཱུ ཝིཝདནྟི – ‘‘དྷམྨོཏི ཝཱ, ཨདྷམྨོཏི ཝཱ, ཝིནཡོཏི ཝཱ, ཨཝིནཡོཏི ཝཱ, ཨབྷཱསིཏཾ ཨལཔིཏཾ ཏཐཱགཏེནཱཏི ཝཱ, བྷཱསིཏཾ ལཔིཏཾ ཏཐཱགཏེནཱཏི ཝཱ, ཨནཱཙིཎྞཾ ཏཐཱགཏེནཱཏི ཝཱ, ཨཱཙིཎྞཾ ཏཐཱགཏེནཱཏི ¶ ཝཱ, ཨཔཉྙཏྟཾ ཏཐཱགཏེནཱཏི ཝཱ, པཉྙཏྟཾ ཏཐཱགཏེནཱཏི ཝཱ, ཨཱཔཏྟཱིཏི ཝཱ, ཨནཱཔཏྟཱིཏི ཝཱ, ལཧུཀཱ ཨཱཔཏྟཱིཏི ཝཱ, གརུཀཱ ཨཱཔཏྟཱིཏི ཝཱ, སཱཝསེསཱ ཨཱཔཏྟཱིཏི ཝཱ, ཨནཝསེསཱ ཨཱཔཏྟཱིཏི ཝཱ, དུཊྛུལླཱ ཨཱཔཏྟཱིཏི ཝཱ ཨདུཊྛུལླཱ ཨཱཔཏྟཱིཏི ཝཱ’’. ཡཾ ཏཏྠ བྷཎྜནཾ ཀལཧོ ཝིགྒཧོ ཝིཝཱདོ ནཱནཱཝཱདོ ཨཉྙཐཱཝཱདོ ཝིཔཙྩཏཱཡ ཝོཧཱརོ མེདྷཀཾ [མེདྷགཾ (ཀ.)], ཨིདཾ ཝུཙྩཏི ཝིཝཱདཱདྷིཀརཎཾ. ཝིཝཱདཱདྷིཀརཎེ སངྒྷོ ཝིཝདཏི. ཝིཝཱདཱདྷིཀརཎཾ ¶ ཝིཝདམཱནོ ཨནུཝདཏི. ཨནུཝཱདཱདྷིཀརཎཾ ཨནུཝདམཱནོ ཨཱཔཏྟིཾ ཨཱཔཛྫཏི ཨཱཔཏྟཱདྷིཀརཎཾ. ཏཱཡ ཨཱཔཏྟིཡཱ སངྒྷོ ཀམྨཾ ཀརོཏི ཀིཙྩཱདྷིཀརཎཾ. ཨེཝཾ ཝིཝཱདཱདྷིཀརཎཔཙྩཡཱ ཙཏྟཱརོ ཨདྷིཀརཎཱ ཛཱཡནྟི.

༣༡༥. ཨནུཝཱདཱདྷིཀརཎཾ ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ སམུཊྛཱཔེཏི? ཨནུཝཱདཱདྷིཀརཎཾ ཙཏུནྣཾ ཨདྷིཀརཎཱནཾ ན ཀཏམཾ ཨདྷིཀརཎཾ སམུཊྛཱཔེཏི; ཨཔིཙ, ཨནུཝཱདཱདྷིཀརཎཔཙྩཡཱ ཙཏྟཱརོ ཨདྷིཀརཎཱ ¶ ཛཱཡནྟི. ཡཐཱ ཀཐཾ ཝིཡ? [ཙཱུལ༹ཝ. ༢༡༥; པརི. ༣༤༨ ཨཱདཡོ] ཨིདྷ བྷིཀྑཱུ བྷིཀྑུཾ ཨནུཝདནྟི སཱིལཝིཔཏྟིཡཱ ཝཱ ཨཱཙཱརཝིཔཏྟིཡཱ ཝཱ དིཊྛིཝིཔཏྟིཡཱ ཝཱ ཨཱཛཱིཝཝིཔཏྟིཡཱ ཝཱ. ཡོ ཏཏྠ ཨནུཝཱདོ ཨནུཝདནཱ ཨནུལླཔནཱ ཨནུབྷཎནཱ ཨནུསམྤཝངྐཏཱ ཨབྦྷུསྶཧནཏཱ ཨནུབལཔྤདཱནཾ, ཨིདཾ ཝུཙྩཏི ཨནུཝཱདཱདྷིཀརཎཾ. ཨནུཝཱདཱདྷིཀརཎེ སངྒྷོ ཝིཝདཏི. ཝིཝཱདཱདྷིཀརཎཾ ཝིཝདམཱནོ ཨནུཝདཏི. ཨནུཝཱདཱདྷིཀརཎཾ ཨནུཝདམཱནོ ཨཱཔཏྟིཾ ཨཱཔཛྫཏི ཨཱཔཏྟཱདྷིཀརཎཾ. ཏཱཡ ཨཱཔཏྟིཡཱ སངྒྷོ ཀམྨཾ ཀརོཏི ཀིཙྩཱདྷིཀརཎཾ. ཨེཝཾ ཨནུཝཱདཱདྷིཀརཎཔཙྩཡཱ ཙཏྟཱརོ ཨདྷིཀརཎཱ ཛཱཡནྟི.

༣༡༦. ཨཱཔཏྟཱདྷིཀརཎཾ ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ སམུཊྛཱཔེཏི? ཨཱཔཏྟཱདྷིཀརཎཾ ཙཏུནྣཾ ཨདྷིཀརཎཱནཾ ན ཀཏམཾ ཨདྷིཀརཎཾ སམུཊྛཱཔེཏི; ཨཔིཙ, ཨཱཔཏྟཱདྷིཀརཎཔཙྩཡཱ ཙཏྟཱརོ ཨདྷིཀརཎཱ ཛཱཡནྟི. ཡཐཱ ཀཐཾ ཝིཡ? པཉྩཔི ཨཱཔཏྟིཀྑནྡྷཱ ཨཱཔཏྟཱདྷིཀརཎཾ, སཏྟཔི ཨཱཔཏྟིཀྑནྡྷཱ ཨཱཔཏྟཱདྷིཀརཎཾ, ཨིདཾ ཝུཙྩཏི ཨཱཔཏྟཱདྷིཀརཎཾ. ཨཱཔཏྟཱདྷིཀརཎེ སངྒྷོ ཝིཝདཏི. ཝིཝཱདཱདྷིཀརཎཾ ཝིཝདམཱནོ ¶ ཨནུཝདཏི. ཨནུཝཱདཱདྷིཀརཎཾ ཨནུཝདམཱནོ ཨཱཔཏྟིཾ ཨཱཔཛྫཏི ཨཱཔཏྟཱདྷིཀརཎཾ. ཏཱཡ ¶ ཨཱཔཏྟིཡཱ སངྒྷོ ཀམྨཾ ཀརོཏི ཀིཙྩཱདྷིཀརཎཾ. ཨེཝཾ ཨཱཔཏྟཱདྷིཀརཎཔཙྩཡཱ ཙཏྟཱརོ ཨདྷིཀརཎཱ ཛཱཡནྟི.

༣༡༧. ཀིཙྩཱདྷིཀརཎཾ ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ སམུཊྛཱཔེཏི ¶ ? ཀིཙྩཱདྷིཀརཎཾ ཙཏུནྣཾ ཨདྷིཀརཎཱནཾ ན ཀཏམཾ ཨདྷིཀརཎཾ སམུཊྛཱཔེཏི, ཨཔིཙ ཀིཙྩཱདྷིཀརཎཔཙྩཡཱ ཙཏྟཱརོ ཨདྷིཀརཎཱ ཛཱཡནྟི. ཡཐཱ ཀཐཾ ཝིཡ? ཡཱ སངྒྷསྶ ཀིཙྩཡཏཱ ཀརཎཱིཡཏཱ ཨཔལོཀནཀམྨཾ ཉཏྟིཀམྨཾ ཉཏྟིདུཏིཡཀམྨཾ ཉཏྟིཙཏུཏྠཀམྨཾ, ཨིདཾ ཝུཙྩཏི ཀིཙྩཱདྷིཀརཎཾ. ཀིཙྩཱདྷིཀརཎེ སངྒྷོ ཝིཝདཏི. ཝིཝཱདཱདྷིཀརཎཾ ཝིཝདམཱནོ ཨནུཝདཏི. ཨནུཝཱདཱདྷིཀརཎཾ ཨནུཝདམཱནོ ཨཱཔཏྟིཾ ཨཱཔཛྫཏི ཨཱཔཏྟཱདྷིཀརཎཾ. ཏཱཡ ཨཱཔཏྟིཡཱ ¶ སངྒྷོ ཀམྨཾ ཀརོཏི ཀིཙྩཱདྷིཀརཎཾ. ཨེཝཾ ཀིཙྩཱདྷིཀརཎཔཙྩཡཱ ཙཏྟཱརོ ཨདྷིཀརཎཱ ཛཱཡནྟི.

སམུཊྛཱཔནཝཱརོ ནིཊྛིཏོ ཝཱིསཏིམོ.

༢༡. བྷཛཏིཝཱརོ

༣༡༨. ཝིཝཱདཱདྷིཀརཎཾ ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ བྷཛཏི? ཀཏམཾ ཨདྷིཀརཎཾ ཨུཔནིསྶིཏཾ? ཀཏམཾ ཨདྷིཀརཎཾ པརིཡཱཔནྣཾ? ཀཏམེན ཨདྷིཀརཎེན སངྒཧིཏཾ?

ཨནུཝཱདཱདྷིཀརཎཾ ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ བྷཛཏི? ཀཏམཾ ཨདྷིཀརཎཾ ཨུཔནིསྶིཏཾ? ཀཏམཾ ཨདྷིཀརཎཾ པརིཡཱཔནྣཾ? ཀཏམེན ཨདྷིཀརཎེན སངྒཧིཏཾ?

ཨཱཔཏྟཱདྷིཀརཎཾ ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ བྷཛཏི? ཀཏམཾ ཨདྷིཀརཎཾ ཨུཔནིསྶིཏཾ? ཀཏམཾ ཨདྷིཀརཎཾ པརིཡཱཔནྣཾ? ཀཏམེན ཨདྷིཀརཎེན སངྒཧིཏཾ?

ཀིཙྩཱདྷིཀརཎཾ ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ བྷཛཏི? ཀཏམཾ ཨདྷིཀརཎཾ ཨུཔནིསྶིཏཾ? ཀཏམཾ ཨདྷིཀརཎཾ པརིཡཱཔནྣཾ? ཀཏམེན ཨདྷིཀརཎེན ¶ སངྒཧིཏཾ?

ཝིཝཱདཱདྷིཀརཎཾ ཙཏུནྣཾ ཨདྷིཀརཎཱནཾ ཝིཝཱདཱདྷིཀརཎཾ བྷཛཏི, ཝིཝཱདཱདྷིཀརཎཾ ཨུཔནིསྶིཏཾ, ཝིཝཱདཱདྷིཀརཎཾ པརིཡཱཔནྣཾ, ཝིཝཱདཱདྷིཀརཎེན སངྒཧིཏཾ.

ཨནུཝཱདཱདྷིཀརཎཾ ¶ ཙཏུནྣཾ ཨདྷིཀརཎཱནཾ ཨནུཝཱདཱདྷིཀརཎཾ བྷཛཏི, ཨནུཝཱདཱདྷིཀརཎཾ ཨུཔནིསྶིཏཾ, ཨནུཝཱདཱདྷིཀརཎཾ པརིཡཱཔནྣཾ, ཨནུཝཱདཱདྷིཀརཎེན སངྒཧིཏཾ.

ཨཱཔཏྟཱདྷིཀརཎཾ ཙཏུནྣཾ ཨདྷིཀརཎཱནཾ ཨཱཔཏྟཱདྷིཀརཎཾ བྷཛཏི, ཨཱཔཏྟཱདྷིཀརཎཾ ཨུཔནིསྶིཏཾ, ཨཱཔཏྟཱདྷིཀརཎཾ པརིཡཱཔནྣཾ, ཨཱཔཏྟཱདྷིཀརཎེན སངྒཧིཏཾ.

ཀིཙྩཱདྷིཀརཎཾ ཙཏུནྣཾ ཨདྷིཀརཎཱནཾ ཀིཙྩཱདྷིཀརཎཾ བྷཛཏི, ཀིཙྩཱདྷིཀརཎཾ ཨུཔནིསྶིཏཾ, ཀིཙྩཱདྷིཀརཎཾ པརིཡཱཔནྣཾ, ཀིཙྩཱདྷིཀརཎེན སངྒཧིཏཾ.

༣༡༩. ཝིཝཱདཱདྷིཀརཎཾ ¶ སཏྟནྣཾ སམཐཱནཾ ཀཏི སམཐེ བྷཛཏི, ཀཏི སམཐེ ཨུཔནིསྶིཏཾ, ཀཏི སམཐེ པརིཡཱཔནྣཾ, ཀཏིཧི སམཐེཧི སངྒཧིཏཾ, ཀཏིཧི སམཐེཧི སམྨཏི?

ཨནུཝཱདཱདྷིཀརཎཾ སཏྟནྣཾ སམཐཱནཾ ཀཏི སམཐེ བྷཛཏི, ཀཏི སམཐེ ཨུཔནིསྶིཏཾ, ཀཏི སམཐེ པརིཡཱཔནྣཾ, ཀཏིཧི སམཐེཧི སངྒཧིཏཾ, ཀཏིཧི སམཐེཧི སམྨཏི?

ཨཱཔཏྟཱདྷིཀརཎཾ སཏྟནྣཾ སམཐཱནཾ ཀཏི སམཐེ བྷཛཏི, ཀཏི སམཐེ ཨུཔནིསྶིཏཾ, ཀཏི སམཐེ པརིཡཱཔནྣཾ, ཀཏིཧི སམཐེཧི སངྒཧིཏཾ, ཀཏིཧི སམཐེཧི སམྨཏི?

ཀིཙྩཱདྷིཀརཎཾ སཏྟནྣཾ སམཐཱནཾ ཀཏི སམཐེ བྷཛཏི, ཀཏི སམཐེ ཨུཔནིསྶིཏཾ, ཀཏི སམཐེ པརིཡཱཔནྣཾ, ཀཏིཧི སམཐེཧི སངྒཧིཏཾ, ཀཏིཧི སམཐེཧི སམྨཏི?

ཝིཝཱདཱདྷིཀརཎཾ སཏྟནྣཾ སམཐཱནཾ དྭེ སམཐེ བྷཛཏི, དྭེ སམཐེ ཨུཔནིསྶིཏཾ, དྭེ སམཐེ པརིཡཱཔནྣཾ, དྭཱིཧི སམཐེཧི སངྒཧིཏཾ, དྭཱིཧི སམཐེཧི སམྨཏི – སམྨུཁཱཝིནཡེན ཙ ཡེབྷུཡྻསིཀཱཡ ཙ.

ཨནུཝཱདཱདྷིཀརཎཾ སཏྟནྣཾ སམཐཱནཾ ཙཏྟཱརོ སམཐེ བྷཛཏི, ཙཏྟཱརོ སམཐེ ཨུཔནིསྶིཏཾ, ཙཏྟཱརོ སམཐེ པརིཡཱཔནྣཾ, ཙཏཱུཧི སམཐེཧི སངྒཧིཏཾ, ཙཏཱུཧི སམཐེཧི སམྨཏི – སམྨུཁཱཝིནཡེན ཙ སཏིཝིནཡེན ¶ ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ.

ཨཱཔཏྟཱདྷིཀརཎཾ ¶ སཏྟནྣཾ སམཐཱནཾ ཏཡོ སམཐེ བྷཛཏི, ཏཡོ སམཐེ ཨུཔནིསྶིཏཾ, ཏཡོ སམཐེ པརིཡཱཔནྣཾ, ཏཱིཧི སམཐེཧི སངྒཧིཏཾ ཏཱིཧི སམཐེཧི སམྨཏི – སམྨུཁཱཝིནཡེན ཙ པཊིཉྙཱཏཀརཎེན ¶ ཏིཎཝཏྠཱརཀེན ཙ.

ཀིཙྩཱདྷིཀརཎཾ སཏྟནྣཾ སམཐཱནཾ ཨེཀཾ སམཐཾ བྷཛཏི, ཨེཀཾ སམཐཾ ཨུཔནིསྶིཏཾ, ཨེཀཾ སམཐཾ པརིཡཱཔནྣཾ, ཨེཀེན སམཐེན སངྒཧིཏཾ, ཨེཀེན སམཐེན སམྨཏི – སམྨུཁཱཝིནཡེནཱཏི.

བྷཛཏིཝཱརོ ནིཊྛིཏོ ཨེཀཝཱིསཏིམོ.

སམཐབྷེདོ ནིཊྛིཏོ.

ཏསྶུདྡཱནཾ –

ཨདྷིཀརཎཾ ¶ པརིཡཱཡཾ, སཱདྷཱརཎཱ ཙ བྷཱགིཡཱ;

སམཐཱ སཱདྷཱརཎིཀཱ, སམཐསྶ ཏབྦྷཱགིཡཱ.

སམཐཱ སམྨུཁཱ ཙེཝ, ཝིནཡེན ཀུསལེན ཙ;

ཡཏྠ སམཐསཾསཊྛཱ, སམྨནྟི ན སམྨནྟི ཙ.

སམཐཱདྷིཀརཎཉྩེཝ, སམུཊྛཱནཾ བྷཛནྟི ཙཱཏི.

ཁནྡྷཀཔུཙྪཱཝཱརོ

༣༢༠.

ཨུཔསམྤདཾ ¶ ¶ ¶ ¶ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

ཨུཔསམྤདཾ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ དྭེ ཨཱཔཏྟིཡོ.

ཨུཔོསཐཾ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

ཨུཔོསཐཾ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཏིསྶོ ཨཱཔཏྟིཡོ.

ཝསྶཱུཔནཱཡིཀཾ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

ཝསྶཱུཔནཱཡིཀཾ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཨེཀཱ ཨཱཔཏྟི.

པཝཱརཎཾ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

པཝཱརཎཾ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཏིསྶོ ཨཱཔཏྟིཡོ.

ཙམྨསཉྙུཏྟཾ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

ཙམྨསཉྙུཏྟཾ ¶ ¶ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཏིསྶོ ཨཱཔཏྟིཡོ.

བྷེསཛྫཾ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

བྷེསཛྫཾ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཏིསྶོ ཨཱཔཏྟིཡོ.

ཀཐིནཀཾ ¶ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

ཀཐིནཀཾ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ནཏྠི ཏཏྠ ཨཱཔཏྟི [ན ཀཏམཱ ཨཱཔཏྟིཡོ (ཀ.)].

ཙཱིཝརསཉྙུཏྟཾ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

ཙཱིཝརསཉྙུཏྟཾ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཏིསྶོ ཨཱཔཏྟིཡོ.

ཙམྤེཡྻཀཾ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

ཙམྤེཡྻཀཾ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཨེཀཱ ཨཱཔཏྟི.

ཀོསམྦཀཾ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

ཀོསམྦཀཾ ¶ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཨེཀཱ ཨཱཔཏྟི.

ཀམྨཀྑནྡྷཀཾ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

ཀམྨཀྑནྡྷཀཾ ¶ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཨེཀཱ ཨཱཔཏྟི.

པཱརིཝཱསིཀཾ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

པཱརིཝཱསིཀཾ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཨེཀཱ ཨཱཔཏྟི.

སམུཙྩཡཾ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

སམུཙྩཡཾ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཨེཀཱ ཨཱཔཏྟི.

སམཐཾ ¶ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

སམཐཾ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ དྭེ ཨཱཔཏྟིཡོ.

ཁུདྡཀཝཏྠུཀཾ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

ཁུདྡཀཝཏྠུཀཾ ¶ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཏིསྶོ ཨཱཔཏྟིཡོ.

སེནཱསནཾ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

སེནཱསནཾ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཏིསྶོ ཨཱཔཏྟིཡོ.

སངྒྷབྷེདཾ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

སངྒྷབྷེདཾ ¶ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ དྭེ ཨཱཔཏྟིཡོ.

སམཱཙཱརཾ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

སམཱཙཱརཾ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཨེཀཱ ཨཱཔཏྟི.

ཋཔནཾ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

ཋཔནཾ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཨེཀཱ ཨཱཔཏྟི.

བྷིཀྑུནིཀྑནྡྷཀཾ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

བྷིཀྑུནིཀྑནྡྷཀཾ ¶ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ དྭེ ཨཱཔཏྟིཡོ.

པཉྩསཏིཀཾ ¶ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

པཉྩསཏིཀཾ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ནཏྠི ཏཏྠ ཨཱཔཏྟི.

སཏྟསཏིཀཾ པུཙྪིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ཀཏི ཨཱཔཏྟིཡོ;

སཏྟསཏིཀཾ ཝིསྶཛྫིསྶཾ སནིདཱནཾ སནིདྡེསཾ;

སམུཀྐཊྛཔདཱནཾ ནཏྠི ཏཏྠ ཨཱཔཏྟཱིཏི.

ཁནྡྷཀཔུཙྪཱཝཱརོ ནིཊྛིཏོ པཋམོ.

ཏསྶུདྡཱནཾ –

ཨུཔསམྤདཱུཔོསཐོ ¶ , ཝསྶཱུཔནཱཡིཀཔཝཱརཎཱ;

ཙམྨབྷེསཛྫཀཐིནཱ, ཙཱིཝརཾ ཙམྤེཡྻཀེན ཙ.

ཀོསམྦཀྑནྡྷཀཾ ཀམྨཾ, པཱརིཝཱསིསམུཙྩཡཱ;

སམཐཁུདྡཀཱ སེནཱ, སངྒྷབྷེདཾ སམཱཙཱརོ;

ཋཔནཾ བྷིཀྑུནིཀྑནྡྷཾ, པཉྩསཏྟསཏེན ཙཱཏི.

ཨེཀུཏྟརིཀནཡོ

༡. ཨེཀཀཝཱརོ

༣༢༡. ཨཱཔཏྟིཀརཱ ¶ ¶ ¶ ¶ དྷམྨཱ ཛཱནིཏབྦཱ. ཨནཱཔཏྟིཀརཱ དྷམྨཱ ཛཱནིཏབྦཱ. ཨཱཔཏྟི ཛཱནིཏབྦཱ. ཨནཱཔཏྟི ཛཱནིཏབྦཱ. ལཧུཀཱ ཨཱཔཏྟི ཛཱནིཏབྦཱ. གརུཀཱ ཨཱཔཏྟི ཛཱནིཏབྦཱ. སཱཝསེསཱ ཨཱཔཏྟི ཛཱནིཏབྦཱ. ཨནཝསེསཱ ཨཱཔཏྟི ཛཱནིཏབྦཱ. དུཊྛུལླཱ ཨཱཔཏྟི ཛཱནིཏབྦཱ. ཨདུཊྛུལླཱ ཨཱཔཏྟི ཛཱནིཏབྦཱ. སཔྤཊིཀམྨཱ ཨཱཔཏྟི ཛཱནིཏབྦཱ. ཨཔྤཊིཀམྨཱ ཨཱཔཏྟི ཛཱནིཏབྦཱ. དེསནཱགཱམིནཱི ཨཱཔཏྟི ཛཱནིཏབྦཱ. ཨདེསནཱགཱམིནཱི ཨཱཔཏྟི ཛཱནིཏབྦཱ. ཨནྟརཱཡིཀཱ ཨཱཔཏྟི ཛཱནིཏབྦཱ. ཨནནྟརཱཡིཀཱ ཨཱཔཏྟི ཛཱནིཏབྦཱ. སཱཝཛྫཔཉྙཏྟི ཨཱཔཏྟི ཛཱནིཏབྦཱ. ཨནཝཛྫཔཉྙཏྟི ཨཱཔཏྟི ཛཱནིཏབྦཱ. ཀིརིཡཏོ སམུཊྛིཏཱ ཨཱཔཏྟི ཛཱནིཏབྦཱ. ཨཀིརིཡཏོ སམུཊྛིཏཱ ཨཱཔཏྟི ཛཱནིཏབྦཱ. ཀིརིཡཱཀིརིཡཏོ སམུཊྛིཏཱ ཨཱཔཏྟི ཛཱནིཏབྦཱ. པུབྦཱཔཏྟི ཛཱནིཏབྦཱ. ཨཔརཱཔཏྟི ཛཱནིཏབྦཱ. པུབྦཱཔཏྟཱིནཾ ཨནྟརཱཔཏྟི ཛཱནིཏབྦཱ. ཨཔརཱཔཏྟཱིནཾ ཨནྟརཱཔཏྟི ཛཱནིཏབྦཱ. དེསིཏཱ གཎནཱུཔགཱ ཨཱཔཏྟི ཛཱནིཏབྦཱ. དེསིཏཱ ན གཎནཱུཔགཱ ཨཱཔཏྟི ཛཱནིཏབྦཱ. པཉྙཏྟི ཛཱནིཏབྦཱ. ཨནུཔཉྙཏྟི ཛཱནིཏབྦཱ. ཨནུཔྤནྣཔཉྙཏྟི ཛཱནིཏབྦཱ. སབྦཏྠཔཉྙཏྟི ཛཱནིཏབྦཱ. པདེསཔཉྙཏྟི ཛཱནིཏབྦཱ. སཱདྷཱརཎཔཉྙཏྟི ཛཱནིཏབྦཱ ¶ . ཨསཱདྷཱརཎཔཉྙཏྟི ཛཱནིཏབྦཱ. ཨེཀཏོཔཉྙཏྟི ཛཱནིཏབྦཱ. ཨུབྷཏོཔཉྙཏྟི ཛཱནིཏབྦཱ. ཐུལླཝཛྫཱ ཨཱཔཏྟི ཛཱནིཏབྦཱ. ཨཐུལླཝཛྫཱ ཨཱཔཏྟི ཛཱནིཏབྦཱ. གིཧིཔཊིསཾཡུཏྟཱ ཨཱཔཏྟི ཛཱནིཏབྦཱ. ན གིཧིཔཊིསཾཡུཏྟཱ ཨཱཔཏྟི ཛཱནིཏབྦཱ. ནིཡཏཱ ཨཱཔཏྟི ཛཱནིཏབྦཱ. ཨནིཡཏཱ ཨཱཔཏྟི ཛཱནིཏབྦཱ. ཨཱདིཀརོ པུགྒལོ ཛཱནིཏབྦོ. ཨནཱདིཀརོ པུགྒལོ ཛཱནིཏབྦོ. ཨདྷིཙྩཱཔཏྟིཀོ པུགྒལོ ཛཱནིཏབྦོ. ཨབྷིཎྷཱཔཏྟིཀོ པུགྒལོ ཛཱནིཏབྦོ. ཙོདཀོ པུགྒལོ ཛཱནིཏབྦོ. ཙུདིཏཀོ པུགྒལོ ཛཱནིཏབྦོ. ཨདྷམྨཙོདཀོ པུགྒལོ ཛཱནིཏབྦོ. ཨདྷམྨཙུདིཏཀོ པུགྒལོ ཛཱནིཏབྦོ. དྷམྨཙོདཀོ པུགྒལོ ཛཱནིཏབྦོ. དྷམྨཙུདིཏཀོ པུགྒལོ ཛཱནིཏབྦོ ¶ . ནིཡཏོ པུགྒལོ ཛཱནིཏབྦོ. ཨནིཡཏོ པུགྒལོ ཛཱནིཏབྦོ. ཨབྷབྦཱཔཏྟིཀོ པུགྒལོ ཛཱནིཏབྦོ. བྷབྦཱཔཏྟིཀོ པུགྒལོ ཛཱནིཏབྦོ. ཨུཀྑིཏྟཀོ པུགྒལོ ཛཱནིཏབྦོ. ཨནུཀྑིཏྟཀོ པུགྒལོ ཛཱནིཏབྦོ. ནཱསིཏཀོ པུགྒལོ ¶ ཛཱནིཏབྦོ. ཨནཱསིཏཀོ པུགྒལོ ཛཱནིཏབྦོ. སམཱནསཾཝཱསཀོ པུགྒལོ ཛཱནིཏབྦོ. ཨསམཱནསཾཝཱསཀོ པུགྒལོ ཛཱནིཏབྦོ. ཋཔནཾ ཛཱནིཏབྦནྟི.

ཨེཀཀཾ ནིཊྛིཏཾ.

ཏསྶུདྡཱནཾ –

ཀརཱ ཨཱཔཏྟི ལཧུཀཱ, སཱཝསེསཱ ཙ དུཊྛུལླཱ;

པཊིཀམྨདེསནཱ ¶ ཙ, ཨནྟརཱ ཝཛྫཀིརིཡཾ.

ཀིརིཡཱཀིརིཡཾ པུབྦཱ, ཨནྟརཱ གཎནཱུཔགཱ;

པཉྙཏྟི ཨནཱནུཔྤནྣ, སབྦསཱདྷཱརཎཱ ཙ ཨེཀཏོ [པཉྙཏྟཱནུཔྤནྣཱ སབྦཱ, སཱདྷཱརཎཱ ཙ ཨེཀཏོ (སྱཱ.)].

ཐུལླགིཧིནིཡཏཱ ¶ ཙ, ཨཱདི ཨདྷིཙྩཙོདཀོ;

ཨདྷམྨདྷམྨནིཡཏོ, ཨབྷབྦོཀྑིཏྟནཱསིཏཱ;

སམཱནཾ ཋཔནཉྩེཝ, ཨུདྡཱནཾ ཨེཀཀེ ཨིདནྟི.

༢. དུཀཝཱརོ

༣༢༢. ཨཏྠཱཔཏྟི སཉྙཱ ཝིམོཀྑཱ, ཨཏྠཱཔཏྟི ནོ སཉྙཱཝིམོཀྑཱ. ཨཏྠཱཔཏྟི ལདྡྷསམཱཔཏྟིཀསྶ, ཨཏྠཱཔཏྟི ན ལདྡྷསམཱཔཏྟིཀསྶ. ཨཏྠཱཔཏྟི སདྡྷམྨཔཊིསཉྙུཏྟཱ, ཨཏྠཱཔཏྟི ཨསདྡྷམྨཔཊིསཉྙུཏྟཱ. ཨཏྠཱཔཏྟི སཔརིཀྑཱརཔཊིསཉྙུཏྟཱ, ཨཏྠཱཔཏྟི པརཔརིཀྑཱརཔཊིསཉྙུཏྟཱ. ཨཏྠཱཔཏྟི སཔུགྒལཔཊིསཉྙུཏྟཱ, ཨཏྠཱཔཏྟི པརཔུགྒལཔཊིསཉྙུཏྟཱ. ཨཏྠི སཙྩཾ བྷཎནྟོ གརུཀཾ ཨཱཔཏྟིཾ ཨཱཔཛྫཏི, མུསཱ བྷཎནྟོ ལཧུཀཾ. ཨཏྠི མུསཱ བྷཎནྟོ གརུཀཾ ཨཱཔཏྟིཾ ཨཱཔཛྫཏི, སཙྩཾ བྷཎནྟོ ལཧུཀཾ. ཨཏྠཱཔཏྟི བྷཱུམིགཏོ ཨཱཔཛྫཏི, ནོ ཝེཧཱསགཏོ. ཨཏྠཱཔཏྟི ཝེཧཱསགཏོ ཨཱཔཛྫཏི, ནོ བྷཱུམིགཏོ. ཨཏྠཱཔཏྟི ནིཀྑམནྟོ ཨཱཔཛྫཏི, ནོ པཝིསནྟོ. ཨཏྠཱཔཏྟི པཝིསནྟོ ཨཱཔཛྫཏི, ནོ ནིཀྑམནྟོ. ཨཏྠཱཔཏྟི ཨཱདིཡནྟོ ཨཱཔཛྫཏི, ཨཏྠཱཔཏྟི ཨནཱདིཡནྟོ ¶ ཨཱཔཛྫཏི. ཨཏྠཱཔཏྟི ¶ སམཱདིཡནྟོ ཨཱཔཛྫཏི ¶ , ཨཏྠཱཔཏྟི ན སམཱདིཡནྟོ ཨཱཔཛྫཏི. ཨཏྠཱཔཏྟི ཀརོནྟོ ཨཱཔཛྫཏི, ཨཏྠཱཔཏྟི ན ཀརོནྟོ ཨཱཔཛྫཏི. ཨཏྠཱཔཏྟི དེནྟོ ཨཱཔཛྫཏི, ཨཏྠཱཔཏྟི ན དེནྟོ ཨཱཔཛྫཏི. (ཨཏྠཱཔཏྟི དེསེནྟོ ཨཱཔཛྫཏི, ཨཏྠཱཔཏྟི ན དེསེནྟོ ཨཱཔཛྫཏི.) [( ) (ནཏྠི ཀཏྠཙི)] ཨཏྠཱཔཏྟི པཊིགྒཎྷནྟོ ཨཱཔཛྫཏི, ཨཏྠཱཔཏྟི ན པཊིགྒཎྷནྟོ ཨཱཔཛྫཏི. ཨཏྠཱཔཏྟི པརིབྷོགེན ཨཱཔཛྫཏི, ཨཏྠཱཔཏྟི ན པརིབྷོགེན ཨཱཔཛྫཏི. ཨཏྠཱཔཏྟི རཏྟིཾ ཨཱཔཛྫཏི, ནོ དིཝཱ. ཨཏྠཱཔཏྟི དིཝཱ ཨཱཔཛྫཏི, ནོ རཏྟིཾ. ཨཏྠཱཔཏྟི ཨརུཎུགྒེ ཨཱཔཛྫཏི, ཨཏྠཱཔཏྟི ན ཨརུཎུགྒེ ཨཱཔཛྫཏི. ཨཏྠཱཔཏྟི ཚིནྡནྟོ ཨཱཔཛྫཏི, ཨཏྠཱཔཏྟི ན ཚིནྡནྟོ ཨཱཔཛྫཏི. ཨཏྠཱཔཏྟི ཚཱདེནྟོ ཨཱཔཛྫཏི, ཨཏྠཱཔཏྟི ན ཚཱདེནྟོ ཨཱཔཛྫཏི. ཨཏྠཱཔཏྟི དྷཱརེནྟོ ཨཱཔཛྫཏི, ཨཏྠཱཔཏྟི ན དྷཱརེནྟོ ཨཱཔཛྫཏི.

དྭེ ཨུཔོསཐཱ – ཙཱཏུདྡསིཀོ ཙ པནྣརསིཀོ ཙ. དྭེ པཝཱརཎཱ – ཙཱཏུདྡསིཀཱ ཙ པནྣརསིཀཱ ཙ. དྭེ ཀམྨཱནི – ཨཔལོཀནཀམྨཾ, ཉཏྟིཀམྨཾ. ཨཔརཱནིཔི དྭེ ཀམྨཱནི – ཉཏྟིདུཏིཡཀམྨཾ, ཉཏྟིཙཏུཏྠཀམྨཾ. དྭེ ཀམྨཝཏྠཱུནི – ཨཔལོཀནཀམྨསྶ ཝཏྠུ, ཉཏྟིཀམྨསྶ ཝཏྠུ. ཨཔརཱནིཔི དྭེ ཀམྨཝཏྠཱུནི – ཉཏྟིདུཏིཡཀམྨསྶ ཝཏྠུ, ཉཏྟིཙཏུཏྠཀམྨསྶ ཝཏྠུ. དྭེ ཀམྨདོསཱ – ཨཔལོཀནཀམྨསྶ དོསོ, ཉཏྟིཀམྨསྶ དོསོ. ཨཔརེཔི ¶ དྭེ ཀམྨདོསཱ – ཉཏྟིདུཏིཡཀམྨསྶ དོསོ, ཉཏྟིཙཏུཏྠཀམྨསྶ དོསོ. དྭེ ཀམྨསམྤཏྟིཡོ – ཨཔལོཀནཀམྨསྶ སམྤཏྟི, ཉཏྟིཀམྨསྶ སམྤཏྟི. ཨཔརཱཔི དྭེ ཀམྨསམྤཏྟིཡོ – ཉཏྟིདུཏིཡཀམྨསྶ སམྤཏྟི, ཉཏྟིཙཏུཏྠཀམྨསྶ སམྤཏྟི. དྭེ ནཱནཱསཾཝཱསཀབྷཱུམིཡོ – ཨཏྟནཱ ཝཱ ཨཏྟཱནཾ ནཱནཱསཾཝཱསཀཾ ཀརོཏི, སམགྒོ ཝཱ ནཾ སངྒྷོ ཨུཀྑིཔཏི ཨདསྶནེ ཝཱ ཨཔྤཊིཀམྨེ ཝཱ ཨཔྤཊིནིསྶགྒེ ཝཱ. དྭེ སམཱནསཾཝཱསཀབྷཱུམིཡོ – ཨཏྟནཱ ཝཱ ཨཏྟཱནཾ ¶ སམཱནསཾཝཱསཀཾ ཀརོཏི, སམགྒོ ཝཱ ནཾ སངྒྷོ ཨུཀྑིཏྟཾ ཨོསཱརེཏི དསྶནེ ཝཱ པཊིཀམྨེ ཝཱ པཊིནིསྶགྒེ ཝཱ. དྭེ པཱརཱཛིཀཱ – བྷིཀྑཱུནཉྩ བྷིཀྑུནཱིནཉྩ. དྭེ སངྒྷཱདིསེསཱ, དྭེ ཐུལླཙྩཡཱ, དྭེ པཱཙིཏྟིཡཱ, དྭེ པཱཊིདེསནཱིཡཱ, དྭེ དུཀྐཊཱ, དྭེ དུབྦྷཱསིཏཱ – བྷིཀྑཱུནཉྩ བྷིཀྑུནཱིནཉྩ. སཏྟ ཨཱཔཏྟིཡོ, སཏྟ ཨཱཔཏྟིཀྑནྡྷཱ. དྭཱིཧཱཀཱརེཧི སངྒྷོ བྷིཛྫཏི – ཀམྨེན ཝཱ སལཱཀགྒཱཧེན ཝཱ.

དྭེ ¶ པུགྒལཱ ན ཨུཔསམྤཱདེཏབྦཱ – ཨདྡྷཱནཧཱིནོ, ཨངྒཧཱིནོ. ཨཔརེཔི དྭེ པུགྒལཱ ན ཨུཔསམྤཱདེཏབྦཱ – ཝཏྠུཝིཔནྣོ, ཀརཎདུཀྐཊཀོ. ཨཔརེཔི དྭེ པུགྒལཱ ན ཨུཔསམྤཱདེཏབྦཱ – ཨཔརིཔཱུརོ པརིཔཱུརོ ནོ ཙ ཡཱཙཏི. དྭིནྣཾ པུགྒལཱནཾ ནིསྶཱཡ ན ཝཏྠབྦཾ – ཨལཛྫིསྶ ཙ བཱལསྶ ཙ. དྭིནྣཾ པུགྒལཱནཾ ནིསྶཡོ ¶ ན དཱཏབྦོ – ཨལཛྫིསྶ ཙ ལཛྫིནོ ཙ ན ཡཱཙཏི. དྭིནྣཾ པུགྒལཱནཾ ནིསྶཡོ དཱཏབྦོ – བཱལསྶ ཙ ལཛྫིསྶ ཙ ཡཱཙཏི. དྭེ པུགྒལཱ ཨབྷབྦཱ ཨཱཔཏྟིཾ ཨཱཔཛྫིཏུཾ – བུདྡྷཱ ཙ པཙྩེཀབུདྡྷཱ ཙ. དྭེ པུགྒལཱ བྷབྦཱ, ཨཱཔཏྟིཾ ¶ ཨཱཔཛྫིཏུཾ – བྷིཀྑཱུ ཙ བྷིཀྑུནིཡོ ཙ. དྭེ པུགྒལཱ ཨབྷབྦཱ སཉྩིཙྩ ཨཱཔཏྟིཾ ཨཱཔཛྫིཏུཾ – བྷིཀྑཱུ ཙ བྷིཀྑུནིཡོ ཙ ཨརིཡཔུགྒལཱ. དྭེ པུགྒལཱ བྷབྦཱ སཉྩིཙྩ ཨཱཔཏྟིཾ ཨཱཔཛྫིཏུཾ – བྷིཀྑཱུ ཙ བྷིཀྑུནིཡོ ཙ པུཐུཛྫནཱ. དྭེ པུགྒལཱ ཨབྷབྦཱ སཉྩིཙྩ སཱཏིསཱརཾ ཝཏྠུཾ ཨཛ྄ཛྷཱཙརིཏུཾ – བྷིཀྑཱུ ཙ བྷིཀྑུནིཡོ ཙ ཨརིཡཔུགྒལཱ. དྭེ པུགྒལཱ བྷབྦཱ སཉྩིཙྩ སཱཏིསཱརཾ ཝཏྠུཾ ཨཛ྄ཛྷཱཙརིཏུཾ – བྷིཀྑཱུ ཙ བྷིཀྑུནིཡོ ཙ པུཐུཛྫནཱ.

དྭེ པཊིཀྐོསཱ – ཀཱཡེན ཝཱ པཊིཀྐོསཏི ཝཱཙཱཡ ཝཱ པཊིཀྐོསཏི. དྭེ ནིསྶཱརཎཱ – ཨཏྠི པུགྒལོ ཨཔྤཏྟོ ནིསྶཱརཎཾ ཏཾ ཙེ སངྒྷོ ནིསྶཱརེཏི ཨེཀཙྩོ སུནིསྶཱརིཏོ, ཨེཀཙྩོ དུནྣིསྶཱརིཏོ. དྭེ ཨོསཱརཎཱ – ཨཏྠི པུགྒལོ ཨཔྤཏྟོ ཨོསཱརཎཾ ཏཾ ཙེ སངྒྷོ ཨོསཱརེཏི ཨེཀཙྩོ སོསཱརིཏོ, ཨེཀཙྩོ དོསཱརིཏོ. དྭེ པཊིཉྙཱ – ཀཱཡེན ཝཱ པཊིཛཱནཱཏི ཝཱཙཱཡ ཝཱ པཊིཛཱནཱཏི. དྭེ པཊིགྒཧཱ – ཀཱཡེན ཝཱ པཊིགྒཎྷཱཏི ཀཱཡཔཊིབདྡྷེན ཝཱ པཊིགྒཎྷཱཏི. དྭེ པཊིཀྑེཔཱ – ཀཱཡེན ཝཱ པཊིཀྑིཔཏི ཝཱཙཱཡ ཝཱ པཊིཀྑིཔཏི. དྭེ ¶ ཨུཔགྷཱཏིཀཱ – སིཀྑཱུཔགྷཱཏིཀཱ ཙ བྷོགཱུཔགྷཱཏིཀཱ ཙ. དྭེ ཙོདནཱ – ཀཱཡེན ཝཱ ཙོདེཏི ཝཱཙཱཡ ཝཱ ཙོདེཏི. དྭེ ཀཐིནསྶ པལིབོདྷཱ – ཨཱཝཱསཔལིབོདྷོ ཙ ཙཱིཝརཔལིབོདྷོ ཙ. དྭེ ཀཐིནསྶ ཨཔལིབོདྷཱ – ཨཱཝཱསཨཔལིབོདྷོ ཙ ཙཱིཝརཨཔལིབོདྷོ ཙ. དྭེ ཙཱིཝརཱནི – གཧཔཏིཀཉྩ པཾསུཀཱུལཉྩ. དྭེ པཏྟཱ – ཨཡོཔཏྟོ མཏྟིཀཱཔཏྟོ. དྭེ མཎྜལཱནི – ཏིཔུམཡཾ, སཱིསམཡཾ. དྭེ པཏྟསྶ ཨདྷིཊྛཱནཱ – ཀཱཡེན ཝཱ ཨདྷིཊྛེཏི ཝཱཙཱཡ ཝཱ ཨདྷིཊྛེཏི. དྭེ ཙཱིཝརསྶ ¶ ཨདྷིཊྛཱནཱ – ཀཱཡེན ཝཱ ཨདྷིཊྛེཏི ཝཱཙཱཡ ཝཱ ཨདྷིཊྛེཏི. དྭེ ཝིཀཔྤནཱ – སམྨུཁཱཝིཀཔྤནཱ ཙ པརམྨུཁཱཝིཀཔྤནཱ ཙ. དྭེ ཝིནཡཱ – བྷིཀྑཱུནཉྩ བྷིཀྑུནཱིནཉྩ. དྭེ ¶ ཝེནཡིཀཱ – པཉྙཏྟཉྩ པཉྙཏྟཱནུལོམཉྩ. དྭེ ཝིནཡསྶ སལླེཁཱ – ཨཀཔྤིཡེ སེཏུགྷཱཏོ, ཀཔྤིཡེ མཏྟཀཱརིཏཱ. དྭཱིཧཱཀཱརེཧི ཨཱཔཏྟིཾ ཨཱཔཛྫཏི – ཀཱཡེན ཝཱ ཨཱཔཛྫཏི ཝཱཙཱཡ ཝཱ ཨཱཔཛྫཏི. དྭཱིཧཱཀཱརེཧི ཨཱཔཏྟིཡཱ ཝུཊྛཱཏི – ཀཱཡེན ཝཱ ཝུཊྛཱཏི ཝཱཙཱཡ ཝཱ ཝུཊྛཱཏི. དྭེ པརིཝཱསཱ – པཊིཙྪནྣཔརིཝཱསོ, ཨཔྤཊིཙྪནྣཔརིཝཱསོ. ཨཔརེཔི དྭེ པརིཝཱསཱ – སུདྡྷནྟཔརིཝཱསོ སམོདྷཱནཔརིཝཱསོ. དྭེ མཱནཏྟཱ – པཊིཙྪནྣམཱནཏྟཾ, ཨཔྤཊིཙྪནྣམཱནཏྟཾ. ཨཔརེཔི དྭེ མཱནཏྟཱ – པཀྑམཱནཏྟཾ, སམོདྷཱནམཱནཏྟཾ. དྭིནྣཾ པུགྒལཱནཾ རཏྟིཙྪེདོ ¶ – པཱརིཝཱསིཀསྶ ཙ མཱནཏྟཙཱརིཀསྶ ཙ. དྭེ ཨནཱདརིཡཱནི – པུགྒལཱནཱདརིཡཉྩ དྷམྨཱནཱདརིཡཉྩ. དྭེ ལོཎཱནི – ཛཱཏིམཉྩ ཀཱརིམཉྩ [ཛཱཏིམཡཉྩ ཁཱརིམཡཉྩ (སྱཱ.)]. ཨཔརཱནིཔི དྭེ ལོཎཱནི – སཱམུདྡཾ ཀཱལ༹ལོཎཾ. ཨཔརཱནིཔི དྭེ ལོཎཱནི – སིནྡྷཝཾ, ཨུབྦྷིདཾ [ཨུབྦྷིརཾ (ཨིཏིཔི)]. ཨཔརཱནིཔི དྭེ ལོཎཱནི – རོམཀཾ, པཀྐཱལཀཾ. དྭེ པརིབྷོགཱ – ཨབྦྷནྟརཔརིབྷོགོ ཙ བཱཧིརཔརིབྷོགོ ཙ. དྭེ ཨཀྐོསཱ – ཧཱིནོ ཙ ཨཀྐོསོ ཨུཀྐཊྛོ ཙ ཨཀྐོསོ. དྭཱིཧཱཀཱརེཧི པེསུཉྙཾ ཧོཏི – པིཡཀམྱསྶ ཝཱ བྷེདཱདྷིཔྤཱཡསྶ ¶ ཝཱ. དྭཱིཧཱཀཱརེཧི གཎབྷོཛནཾ པསཝཏི – ནིམནྟནཏོ ཝཱ ཝིཉྙཏྟིཏོ ཝཱ. དྭེ ཝསྶཱུཔནཱཡིཀཱ – པུརིམིཀཱ, པཙྪིམིཀཱ. དྭེ ཨདྷམྨིཀཱནི པཱཏིམོཀྑཊྛཔནཱནི. དྭེ དྷམྨིཀཱནི པཱཏིམོཀྑཊྛཔནཱནི.

[ཨ. ནི. ༢.༩༩ ཨཱདཡོ] དྭེ པུགྒལཱ བཱལཱ – ཡོ ཙ ཨནཱགཏཾ བྷཱརཾ ཝཧཏི, ཡོ ཙ ཨཱགཏཾ བྷཱརཾ ན ཝཧཏི. དྭེ པུགྒལཱ པཎྜིཏཱ – ཡོ ཙ ཨནཱགཏཾ བྷཱརཾ ན ཝཧཏི, ཡོ ཙ ཨཱགཏཾ བྷཱརཾ ཝཧཏི. ཨཔརེཔི དྭེ པུགྒལཱ བཱལཱ – ཡོ ཙ ཨཀཔྤིཡེ ཀཔྤིཡསཉྙཱི, ཡོ ཙ ཀཔྤིཡེ ཨཀཔྤིཡསཉྙཱི. དྭེ པུགྒལཱ པཎྜིཏཱ – ཡོ ཙ ཨཀཔྤིཡེ ཨཀཔྤིཡསཉྙཱི, ཡོ ཙ ཀཔྤིཡེ ཀཔྤིཡསཉྙཱི. ཨཔརེཔི དྭེ པུགྒལཱ བཱལཱ – ཡོ ཙ ཨནཱཔཏྟིཡཱ ཨཱཔཏྟིསཉྙཱི, ཡོ ཙ ཨཱཔཏྟིཡཱ ཨནཱཔཏྟིསཉྙཱི. དྭེ པུགྒལཱ པཎྜིཏཱ – ཡོ ¶ ཙ ཨཱཔཏྟིཡཱ ཨཱཔཏྟིསཉྙཱི, ཡོ ཙ ཨནཱཔཏྟིཡཱ ཨནཱཔཏྟིསཉྙཱི. ཨཔརེཔི དྭེ པུགྒལཱ བཱལཱ – ཡོ ཙ ཨདྷམྨེ དྷམྨསཉྙཱི, ཡོ ཙ དྷམྨེ ཨདྷམྨསཉྙཱི. དྭེ པུགྒལཱ པཎྜིཏཱ – ཡོ ཙ ཨདྷམྨེ ཨདྷམྨསཉྙཱི, ཡོ ཙ དྷམྨེ དྷམྨསཉྙཱི. ཨཔརེཔི དྭེ པུགྒལཱ བཱལཱ – ཡོ ཙ ཨཝིནཡེ ཝིནཡསཉྙཱི, ཡོ ¶ ཙ ཝིནཡེ ཨཝིནཡསཉྙཱི. དྭེ པུགྒལཱ པཎྜིཏཱ – ཡོ ཙ ཨཝིནཡེ ཨཝིནཡསཉྙཱི, ཡོ ཙ ཝིནཡེ ཝིནཡསཉྙཱི.

[ཨ. ནི. ༢.༡༠༩] དྭིནྣཾ པུགྒལཱནཾ ཨཱསཝཱ ཝཌྜྷནྟི – ཡོ ཙ ན ཀུཀྐུཙྩཱཡིཏབྦཾ ཀུཀྐུཙྩཱཡཏི, ཡོ ཙ ཀུཀྐུཙྩཱཡིཏབྦཾ ¶ ཀུཀྐུཙྩཱཡཏི. དྭིནྣཾ པུགྒལཱནཾ ཨཱསཝཱ ན ཝཌྜྷནྟི – ཡོ ཙ ཀུཀྐུཙྩཱཡིཏབྦཾ ན ཀུཀྐུཙྩཱཡཏི, ཡོ ཙ ཀུཀྐུཙྩཱཡིཏབྦཾ ཀུཀྐུཙྩཱཡཏི. ཨཔརེསམྤི དྭིནྣཾ པུགྒལཱནཾ ཨཱསཝཱ ཝཌྜྷནྟི – ཡོ ཙ ཨཀཔྤིཡེ ཀཔྤིཡསཉྙཱི, ཡོ ཙ ཀཔྤིཡེ ཨཀཔྤིཡསཉྙཱི. དྭིནྣཾ པུགྒལཱནཾ ཨཱསཝཱ ན ཝཌྜྷནྟི – ཡོ ཙ ཨཀཔྤིཡེ ཨཀཔྤིཡསཉྙཱི, ཡོ ཙ ཀཔྤིཡེ ཀཔྤིཡསཉྙཱི. ཨཔརེསམྤི དྭིནྣཾ པུགྒལཱནཾ ཨཱསཝཱ ཝཌྜྷནྟི – ཡོ ཙ ཨནཱཔཏྟིཡཱ ཨཱཔཏྟིསཉྙཱི, ཡོ ཙ ཨཱཔཏྟིཡཱ ཨནཱཔཏྟིསཉྙཱི. དྭིནྣཾ པུགྒལཱནཾ ཨཱསཝཱ ན ཝཌྜྷནྟི – ཡོ ཙ ཨནཱཔཏྟིཡཱ ཨནཱཔཏྟིསཉྙཱི, ཡོ ཙ ཨཱཔཏྟིཡཱ ཨཱཔཏྟིསཉྙཱི. ཨཔརེསམྤི དྭིནྣཾ པུགྒལཱནཾ ཨཱསཝཱ ཝཌྜྷནྟི – ཡོ ཙ ཨདྷམྨེ དྷམྨསཉྙཱི, ཡོ ཙ དྷམྨེ ཨདྷམྨསཉྙཱི. དྭིནྣཾ པུགྒལཱནཾ ཨཱསཝཱ ན ཝཌྜྷནྟི ¶ – ཡོ ཙ ཨདྷམྨེ ཨདྷམྨསཉྙཱི, ཡོ ཙ དྷམྨེ དྷམྨསཉྙཱི. ཨཔརེསམྤི དྭིནྣཾ པུགྒལཱནཾ ཨཱསཝཱ ཝཌྜྷནྟི – ཡོ ཙ ཨཝིནཡེ ཝིནཡསཉྙཱི, ཡོ ཙ ཝིནཡེ ཨཝིནཡསཉྙཱི. དྭིནྣཾ པུགྒལཱནཾ ཨཱསཝཱ ན ཝཌྜྷནྟི – ཡོ ཙ ཨཝིནཡེ ཨཝིནཡསཉྙཱི, ཡོ ཙ ཝིནཡེ ཝིནཡསཉྙཱི.

དུཀཱ ནིཊྛིཏཱ.

ཏསྶུདྡཱནཾ –

སཉྙཱ ¶ ལདྡྷཱ ཙ སདྡྷམྨཱ, པརིཀྑཱརཱ ཙ པུགྒལཱ;

སཙྩཾ བྷཱུམི ནིཀྑམནྟོ, ཨཱདིཡནྟོ སམཱདིཡཾ.

ཀརོནྟོ དེནྟོ གཎྷནྟོ, པརིབྷོགེན རཏྟི ཙ;

ཨརུཎཱཚིནྡཾ ཚཱདེནྟོ, དྷཱརེནྟོ ཙ ཨུཔོསཐཱ.

པཝཱརཎཱ ཀམྨཱཔརཱ, ཝཏྠུ ཨཔརཱ དོསཱ ཙ;

ཨཔརཱ དྭེ ཙ སམྤཏྟི, ནཱནཱ སམཱནམེཝ ཙ.

པཱརཱཛིསངྒྷཐུལླཙྩཡ, པཱཙིཏྟི པཱཊིདེསནཱ;

དུཀྐཊཱ དུབྦྷཱསིཏཱ ཙེཝ, སཏྟ ཨཱཔཏྟིཀྑནྡྷཱ ཙ.

བྷིཛྫཏི ¶ ཨུཔསམྤདཱ, ཏཐེཝ ཨཔརེ དུཝེ;

ན ཝཏྠབྦཾ ན དཱཏབྦཾ, ཨབྷབྦཱབྷབྦམེཝ ཙ.

སཉྩིཙྩ སཱཏིསཱརཱ ཙ, པཊིཀྐོསཱ ནིསྶཱརཎཱ;

ཨོསཱརཎཱ ¶ པཊིཉྙཱ ཙ, པཊིགྒཧཱ པཊིཀྑིཔཱ.

ཨུཔགྷཱཏི ཙོདནཱ ཙ, ཀཐིནཱ ཙ དུཝེ ཏཐཱ;

ཙཱིཝརཱ པཏྟམཎྜལཱ, ཨདྷིཊྛཱནཱ ཏཐེཝ དྭེ.

ཝིཀཔྤནཱ ཙ ཝིནཡཱ, ཝེནཡིཀཱ ཙ སལླེཁཱ;

ཨཱཔཛྫཏི ཙ ཝུཊྛཱཏི, པརིཝཱསཱཔརེ དུཝེ.

དྭེ མཱནཏྟཱ ཨཔརེ ཙ, རཏྟིཙྪེདོ ཨནཱདརི;

དྭེ ལོཎཱ ཏཡོ ཨཔརེ, པརིབྷོགཀྐོསེན ཙ.

པེསུཉྙོ ཙ གཎཱཝསྶ, ཋཔནཱ བྷཱརཀཔྤིཡཾ;

ཨནཱཔཏྟི ཨདྷམྨདྷམྨཱ, ཝིནཡེ ཨཱསཝེ ཏཐཱཏི.

༣. ཏིཀཝཱརོ

༣༢༣. ཨཏྠཱཔཏྟི ¶ ཏིཊྛནྟེ བྷགཝཏི ཨཱཔཛྫཏི, ནོ པརིནིབྦུཏེ; ཨཏྠཱཔཏྟི པརིནིབྦུཏེ བྷགཝཏི ཨཱཔཛྫཏི, ནོ ཏིཊྛནྟེ; ཨཏྠཱཔཏྟི ¶ ཏིཊྛནྟེཔི བྷགཝཏི ཨཱཔཛྫཏི པརིནིབྦུཏེཔི. ཨཏྠཱཔཏྟི ཀཱལེ ཨཱཔཛྫཏི, ནོ ཝིཀཱལེ; ཨཏྠཱཔཏྟི ཝིཀཱལེ ཨཱཔཛྫཏི, ནོ ཀཱལེ; ཨཏྠཱཔཏྟི ཀཱལེ ཙེཝ ཨཱཔཛྫཏི ཝིཀཱལེ ཙ. ཨཏྠཱཔཏྟི རཏྟིཾ ཨཱཔཛྫཏི, ནོ དིཝཱ; ཨཏྠཱཔཏྟི དིཝཱ ཨཱཔཛྫཏི, ནོ རཏྟིཾ; ཨཏྠཱཔཏྟི རཏྟིཉྩེཝ ཨཱཔཛྫཏི དིཝཱ ཙ. ཨཏྠཱཔཏྟི དསཝསྶོ ཨཱཔཛྫཏི, ནོ ཨཱུནདསཝསྶོ; ཨཏྠཱཔཏྟི ཨཱུནདསཝསྶོ ཨཱཔཛྫཏི, ནོ ¶ དསཝསྶོ; ཨཏྠཱཔཏྟི དསཝསྶོ ཙེཝ ཨཱཔཛྫཏི ཨཱུནདསཝསྶོ ཙ. ཨཏྠཱཔཏྟི པཉྩཝསྶོ ཨཱཔཛྫཏི, ནོ ཨཱུནཔཉྩཝསྶོ; ཨཏྠཱཔཏྟི ཨཱུནཔཉྩཝསྶོ ཨཱཔཛྫཏི, ནོ པཉྩཝསྶོ; ཨཏྠཱཔཏྟི པཉྩཝསྶོ ཙེཝ ཨཱཔཛྫཏི ཨཱུནཔཉྩཝསྶོ ཙ. ཨཏྠཱཔཏྟི ཀུསལཙིཏྟོ ཨཱཔཛྫཏི; ཨཏྠཱཔཏྟི ཨཀུསལཙིཏྟོ ཨཱཔཛྫཏི; ཨཏྠཱཔཏྟི ཨབྱཱཀཏཙིཏྟོ ཨཱཔཛྫཏི. ཨཏྠཱཔཏྟི སུཁཝེདནཱསམངྒཱི ཨཱཔཛྫཏི; ཨཏྠཱཔཏྟི དུཀྑཝེདནཱསམངྒཱི ཨཱཔཛྫཏི; ཨཏྠཱཔཏྟི ཨདུཀྑམསུཁཝེདནཱསམངྒཱི ཨཱཔཛྫཏི. ཏཱིཎི ཙོདནཱཝཏྠཱུནི ¶ – དིཊྛེན, སུཏེན, པརིསངྐཱཡ. ཏཡོ སལཱཀགྒཱཧཱ – གུལ༹ྷཀོ, ཝིཝཊཀོ [ཝིཝཊྚཀོ (ཀ.)], སཀཎྞཛཔྤཀོ. ཏཡོ པཊིཀྑེཔཱ – མཧིཙྪཏཱ, ཨསནྟུཊྛིཏཱ [ཨསནྟུཊྛཏཱ (སྱཱ.)], ཨསལླེཁཏཱ. ཏཡོ ཨནུཉྙཱཏཱ – ཨཔྤིཙྪཏཱ, སནྟུཊྛིཏཱ, སལླེཁཏཱ. ཨཔརེཔི ཏཡོ པཊིཀྑེཔཱ – མཧིཙྪཏཱ, ཨསནྟུཊྛིཏཱ, ཨམཏྟཉྙུཏཱ. ཏཡོ ཨནུཉྙཱཏཱ – ཨཔྤིཙྪཏཱ, སནྟུཊྛིཏཱ, མཏྟཉྙུཏཱ. ཏིསྶོ པཉྙཏྟིཡོ – པཉྙཏྟི, ཨནུཔཉྙཏྟི, ཨནུཔྤནྣཔཉྙཏྟི. ཨཔརཱཔི ཏིསྶོ པཉྙཏྟིཡོ – སབྦཏྠཔཉྙཏྟི, པདེསཔཉྙཏྟི, སཱདྷཱརཎཔཉྙཏྟི. ཨཔརཱཔི ཏིསྶོ པཉྙཏྟིཡོ – ཨསཱདྷཱརཎཔཉྙཏྟི, ཨེཀཏོཔཉྙཏྟི, ཨུབྷཏོཔཉྙཏྟི.

ཨཏྠཱཔཏྟི བཱལོ ཨཱཔཛྫཏི, ནོ པཎྜིཏོ; ཨཏྠཱཔཏྟི པཎྜིཏོ ཨཱཔཛྫཏི, ནོ བཱལོ; ཨཏྠཱཔཏྟི བཱལོ ཙེཝ ཨཱཔཛྫཏི པཎྜིཏོ ¶ ཙ. ཨཏྠཱཔཏྟི ཀཱལེ༹ ཨཱཔཛྫཏི, ནོ ཛུཎྷེ; ཨཏྠཱཔཏྟི ཛུཎྷེ ཨཱཔཛྫཏི, ནོ ཀཱལེ༹; ཨཏྠཱཔཏྟི ཀཱལེ༹ ཙེཝ ཨཱཔཛྫཏི ཛུཎྷེ ཙ. ཨཏྠི ཀཱལེ༹ ཀཔྤཏི, ནོ ཛུཎྷེ; ཨཏྠི ཛུཎྷེ ཀཔྤཏི, ནོ ཀཱལེ༹; ཨཏྠི ཀཱལེ༹ ཙེཝ ཀཔྤཏི ཛུཎྷེ ཙ. ཨཏྠཱཔཏྟི ཧེམནྟེ ཨཱཔཛྫཏི, ནོ གིམྷེ ནོ ཝསྶེ; ཨཏྠཱཔཏྟི གིམྷེ ཨཱཔཛྫཏི, ནོ ཧེམནྟེ ནོ ཝསྶེ; ཨཏྠཱཔཏྟི ཝསྶེ ཨཱཔཛྫཏི, ནོ ཧེམནྟེ ནོ གིམྷེ. ཨཏྠཱཔཏྟི སངྒྷོ ཨཱཔཛྫཏི, ན གཎོ ན པུགྒལོ; ཨཏྠཱཔཏྟི གཎོ ཨཱཔཛྫཏི, ན སངྒྷོ ན པུགྒལོ; ཨཏྠཱཔཏྟི པུགྒལོ ཨཱཔཛྫཏི, ན སངྒྷོ ན གཎོ. ཨཏྠི སངྒྷསྶ ཀཔྤཏི, ན གཎསྶ ¶ ན པུགྒལསྶ; ཨཏྠི གཎསྶ ཀཔྤཏི, ན སངྒྷསྶ ན པུགྒལསྶ; ཨཏྠི པུགྒལསྶ ཀཔྤཏི, ན སངྒྷསྶ ན གཎསྶ. ཏིསྶོ ཚཱདནཱ ཝཏྠུཾ ཚཱདེཏི, ནོ ཨཱཔཏྟིཾ; ཨཱཔཏྟིཾ ཚཱདེཏི, ནོ ཝཏྠུཾ; ཝཏྠུཉྩེཝ ཚཱདེཏི ཨཱཔཏྟིཉྩ. ཏིསྶོ པཊིཙྪཱདིཡོ – ཛནྟཱགྷརཔཊིཙྪཱདི, ཨུདཀཔཊིཙྪཱདི, ཝཏྠཔཊིཙྪཱདི. [ཨ. ནི. ༣.༡༣༢] ཏཱིཎི པཊིཙྪནྣཱནི ཝཧནྟི, ནོ ཝིཝཊཱནི – མཱཏུགཱམོ པཊིཙྪནྣོ ཝཧཏི, ནོ ཝིཝཊོ; བྲཱཧྨཎཱནཾ མནྟཱ པཊིཙྪནྣཱ ཝཧནྟི, ནོ ཝིཝཊཱ; མིཙྪཱདིཊྛི པཊིཙྪནྣཱ ¶ ཝཧཏི, ནོ ཝིཝཊཱ. ཏཱིཎི ཝིཝཊཱནི ཝིརོཙནྟི, ནོ པཊིཙྪནྣཱནི – ཙནྡམཎྜལཾ ཝིཝཊཾ ཝིརོཙཏི, ནོ པཊིཙྪནྣཾ; སཱུརིཡམཎྜལཾ ཝིཝཊཾ ཝིརོཙཏི, ནོ པཊིཙྪནྣཾ; ཏཐཱགཏཔྤཝེདིཏོ ¶ དྷམྨཝིནཡོ ཝིཝཊོ ཝིརོཙཏི, ནོ པཊིཙྪནྣོ. ཏཡོ སེནཱསནགྒཱཧཱ – པུརིམཀོ ¶ , པཙྪིམཀོ, ཨནྟརཱམུཏྟཀོ. ཨཏྠཱཔཏྟི གིལཱནོ ཨཱཔཛྫཏི, ནོ ཨགིལཱནོ; ཨཏྠཱཔཏྟི ཨགིལཱནོ ཨཱཔཛྫཏི, ནོ གིལཱནོ; ཨཏྠཱཔཏྟི གིལཱནོ ཙེཝ ཨཱཔཛྫཏི ཨགིལཱནོ ཙ.

ཏཱིཎི ཨདྷམྨིཀཱནི པཱཏིམོཀྑཊྛཔནཱནི. ཏཱིཎི དྷམྨིཀཱནི པཱཏིམོཀྑཊྛཔནཱནི. ཏཡོ པརིཝཱསཱ – པཊིཙྪནྣཔརིཝཱསོ, ཨཔྤཊིཙྪནྣཔརིཝཱསོ, སུདྡྷནྟཔརིཝཱསོ. ཏཡོ མཱནཏྟཱ – པཊིཙྪནྣམཱནཏྟཾ, ཨཔྤཊིཙྪནྣམཱནཏྟཾ, པཀྑམཱནཏྟཾ. ཏཡོ པཱརིཝཱསིཀསྶ བྷིཀྑུནོ རཏྟིཙྪེདཱ – སཧཝཱསོ, ཝིཔྤཝཱསོ, ཨནཱརོཙནཱ. ཨཏྠཱཔཏྟི ཨནྟོ ཨཱཔཛྫཏི, ནོ བཧི; ཨཏྠཱཔཏྟི བཧི ཨཱཔཛྫཏི, ནོ ཨནྟོ; ཨཏྠཱཔཏྟི ཨནྟོ ཙེཝ ཨཱཔཛྫཏི བཧི ཙ. ཨཏྠཱཔཏྟི ཨནྟོསཱིམཱཡ ཨཱཔཛྫཏི, ནོ བཧིསཱིམཱཡ; ཨཏྠཱཔཏྟི བཧིསཱིམཱཡ ཨཱཔཛྫཏི, ནོ ཨནྟོསཱིམཱཡ; ཨཏྠཱཔཏྟི ཨནྟོསཱིམཱཡ ཙེཝ ཨཱཔཛྫཏི བཧིསཱིམཱཡ ཙ. ཏཱིཧཱཀཱརེཧི ཨཱཔཏྟིཾ ཨཱཔཛྫཏི – ཀཱཡེན ཨཱཔཛྫཏི, ཝཱཙཱཡ ཨཱཔཛྫཏི, ཀཱཡེན ཝཱཙཱཡ ཨཱཔཛྫཏི. ཨཔརེཧིཔི ཏཱིཧཱཀཱརེཧི ཨཱཔཏྟིཾ ཨཱཔཛྫཏི – སངྒྷམཛ྄ཛྷེ, གཎམཛ྄ཛྷེ, པུགྒལསྶ སནྟིཀེ. ཏཱིཧཱཀཱརེཧི ཨཱཔཏྟིཡཱ ཝུཊྛཱཏི – ཀཱཡེན ཝུཊྛཱཏི, ཝཱཙཱཡ ཝུཊྛཱཏི, ཀཱཡེན ཝཱཙཱཡ ཝུཊྛཱཏི. ཨཔརེཧིཔི ཏཱིཧཱཀཱརེཧི ¶ ཨཱཔཏྟིཡཱ ཝུཊྛཱཏི – སངྒྷམཛ྄ཛྷེ, གཎམཛ྄ཛྷེ, པུགྒལསྶ སནྟིཀེ. ཏཱིཎི ཨདྷམྨིཀཱནི ཨམཱུལ༹ྷཝིནཡསྶ དཱནཱནི. ཏཱིཎི དྷམྨིཀཱནི ཨམཱུལ༹ྷཝིནཡསྶ དཱནཱནི.

[ཙཱུལ༹ཝ. ༦] ཏཱིཧངྒེཧི སམནྣཱགཏསྶ བྷིཀྑུནོ ཨཱཀངྑམཱནོ སངྒྷོ ཏཛྫནཱིཡཀམྨཾ ཀརེཡྻ – བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ, བཱལོ ཧོཏི ཨབྱཏྟོ, ཨཱཔཏྟིབཧུལོ ཨནཔདཱནོ གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི. [ཙཱུལ༹ཝ. ༡༥] ཏཱིཧངྒེཧི སམནྣཱགཏསྶ བྷིཀྑུནོ ཨཱཀངྑམཱནོ སངྒྷོ ནིཡསྶཀམྨཾ ཀརེཡྻ – བྷཎྜནཀཱརཀོ ¶ ཧོཏི…པེ… སངྒྷེ ཨདྷིཀརཎཀཱརཀོ, བཱལོ ཧོཏི ཨབྱཏྟོ, ཨཱཔཏྟིབཧུལོ ཨནཔདཱནོ གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི. [ཙཱུལ༹ཝ. ༢༧] ཏཱིཧངྒེཧི སམནྣཱགཏསྶ བྷིཀྑུནོ ཨཱཀངྑམཱནོ སངྒྷོ པབྦཱཛནཱིཡཀམྨཾ ཀརེཡྻ – བྷཎྜནཀཱརཀོ ཧོཏི…པེ… སངྒྷེ ཨདྷིཀརཎཀཱརཀོ, བཱལོ ཧོཏི ཨབྱཏྟོ, ཨཱཔཏྟིབཧུལོ ཨནཔདཱནོ ཀུལདཱུཀཀོ ཧོཏི པཱཔསམཱཙཱརོ པཱཔསམཱཙཱརཱ དིསྶནྟི ¶ ཙེཝ སུཡྻནྟི ཙ. ཏཱིཧངྒེཧི སམནྣཱགཏསྶ བྷིཀྑུནོ ཨཱཀངྑམཱནོ སངྒྷོ པཊིསཱརཎཱིཡཀམྨཾ ཀརེཡྻ – བྷཎྜནཀཱརཀོ ཧོཏི…པེ… སངྒྷེ ཨདྷིཀརཎཀཱརཀོ, བཱལོ ཧོཏི ཨབྱཏྟོ, ཨཱཔཏྟི བཧུལོ ཨནཔདཱནོ གིཧཱི ཨཀྐོསཏི པརིབྷཱསཏི. [ཙཱུལ༹ཝ. ༥༠] ཏཱིཧངྒེཧི སམནྣཱགཏསྶ བྷིཀྑུནོ ཨཱཀངྑམཱནོ སངྒྷོ ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ ཀརེཡྻ ¶ – བྷཎྜནཀཱརཀོ ཧོཏི…པེ… སངྒྷེ ཨདྷིཀརཎཀཱརཀོ, བཱལོ ཧོཏི ཨབྱཏྟོ, ཨཱཔཏྟིབཧུལོ ཨནཔདཱནོ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པསྶིཏུཾ. [ཙཱུལ༹ཝ. ༥༩] ཏཱིཧངྒེཧི སམནྣཱགཏསྶ བྷིཀྑུནོ ¶ ཨཱཀངྑམཱནོ སངྒྷོ ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཾ ཀརེཡྻ – བྷཎྜནཀཱརཀོ ཧོཏི…པེ… སངྒྷེ ཨདྷིཀརཎཀཱརཀོ, བཱལོ ཧོཏི ཨབྱཏྟོ, ཨཱཔཏྟིབཧུལོ ཨནཔདཱནོ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པཊིཀཱཏུཾ. [ཙཱུལ༹ཝ. ༦༩] ཏཱིཧངྒེཧི སམནྣཱགཏསྶ བྷིཀྑུནོ ཨཱཀངྑམཱནོ སངྒྷོ པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཾ ཀརེཡྻ – བྷཎྜནཀཱརཀོ ཧོཏི…པེ… སངྒྷེ ཨདྷིཀརཎཀཱརཀོ, བཱལོ ཧོཏི ཨབྱཏྟོ, ཨཱཔཏྟིབཧུལོ ཨནཔདཱནོ ན ཨིཙྪཏི པཱཔིཀཾ དིཊྛིཾ པཊིནིསྶཛྫིཏུཾ.

ཏཱིཧངྒེཧི སམནྣཱགཏསྶ བྷིཀྑུནོ ཨཱཀངྑམཱནོ སངྒྷོ ཨཱགཱལ༹ྷཱཡ ཙེཏེཡྻ – བྷཎྜནཀཱརཀོ ཧོཏི ཀལཧཀཱརཀོ ཝིཝཱདཀཱརཀོ བྷསྶཀཱརཀོ སངྒྷེ ཨདྷིཀརཎཀཱརཀོ, བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ, གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི. ཏཱིཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ – ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ. ཨཔརེཧིཔི ཏཱིཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ – ཨདྷིསཱིལེ སཱིལཝིཔནྣོ ཧོཏི, ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨཏིདིཊྛིཡཱ དིཊྛིཝིཔནྣོ ¶ ཧོཏི. ཨཔརེཧིཔི ཏཱིཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ – ཀཱཡིཀེན དཝེན སམནྣཱགཏོ ཧོཏི, ཝཱཙསིཀེན དཝེན སམནྣཱགཏོ ཧོཏི, ཀཱཡིཀཝཱཙསིཀེན དཝེན སམནྣཱགཏོ ཧོཏི. ཨཔརེཧིཔི ཏཱིཧངྒེཧི སམནྣཱགཏསྶ བྷིཀྑུནོ ¶ ཀམྨཾ ཀཱཏབྦཾ – ཀཱཡིཀེན ཨནཱཙཱརེན སམནྣཱགཏོ ཧོཏི, ཝཱཙསིཀེན ཨནཱཙཱརེན སམནྣཱགཏོ ཧོཏི, ཀཱཡིཀཝཱཙསིཀེན ཨནཱཙཱརེན སམནྣཱགཏོ ཧོཏི. ཨཔརེཧིཔི ཏཱིཧངྒེཧི སམནྣཱགཏསྶ བྷིཀྑུནོ ¶ ཀམྨཾ ཀཱཏབྦཾ – ཀཱཡིཀེན ཨུཔགྷཱཏིཀེན སམནྣཱགཏོ ཧོཏི, ཝཱཙསིཀེན ཨུཔགྷཱཏིཀེན སམནྣཱགཏོ ཧོཏི, ཀཱཡིཀཝཱཙསིཀེན ཨུཔགྷཱཏིཀེན སམནྣཱགཏོ ཧོཏི. ཨཔརེཧིཔི ཏཱིཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ – ཀཱཡིཀེན མིཙྪཱཛཱིཝེན སམནྣཱགཏོ ཧོཏི, ཝཱཙསིཀེན མིཙྪཱཛཱིཝེན སམནྣཱགཏོ ཧོཏི, ཀཱཡིཀཝཱཙསིཀེན མིཙྪཱཛཱིཝེན སམནྣཱགཏོ ཧོཏི. ཨཔརེཧིཔི ཏཱིཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ – ཨཱཔཏྟིཾ ཨཱཔནྣོ ཀམྨཀཏོ ཨུཔསམྤཱདེཏི, ནིསྶཡཾ དེཏི, སཱམཎེརཾ ཨུཔཊྛཱཔེཏི. ཨཔརེཧིཔི ཏཱིཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ – ཡཱཡ ཨཱཔཏྟིཡཱ སངྒྷེན ཀམྨཾ ཀཏཾ ཧོཏི ཏཾ ཨཱཔཏྟིཾ ཨཱཔཛྫཏི, ཨཉྙཾ ཝཱ ཏཱདིསིཀཾ, ཏཏོ ཝཱ པཱཔིཊྛཏརཾ. ཨཔརེཧིཔི ཏཱིཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ – བུདྡྷསྶ ཨཝཎྞཾ བྷཱསཏི, དྷམྨསྶ ཨཝཎྞཾ བྷཱསཏི, སངྒྷསྶ ཨཝཎྞཾ བྷཱསཏི.

ཏཱིཧངྒེཧི སམནྣཱགཏསྶ བྷིཀྑུནོ ¶ སངྒྷམཛ྄ཛྷེ ཨུཔོསཐཾ ཋཔེནྟསྶ – ‘‘ཨལཾ, བྷིཀྑུ, མཱ བྷཎྜནཾ མཱ ཀལཧཾ མཱ ཝིགྒཧཾ མཱ ཝིཝཱད’’ནྟི ཨོམདྡིཏྭཱ སངྒྷེན ཨུཔོསཐོ ཀཱཏབྦོ – ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ. ཏཱིཧངྒེཧི སམནྣཱགཏསྶ བྷིཀྑུནོ སངྒྷམཛ྄ཛྷེ པཝཱརཎཾ ཋཔེནྟསྶ – ‘‘ཨལཾ, བྷིཀྑུ, མཱ བྷཎྜནཾ མཱ ཀལཧཾ མཱ ཝིགྒཧཾ མཱ ཝིཝཱད’’ནྟི ཨོམདྡིཏྭཱ སངྒྷེན པཝཱརེཏབྦཾ – ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ. ཏཱིཧངྒེཧི སམནྣཱགཏསྶ བྷིཀྑུནོ ན ཀཱཙི སངྒྷསམྨུཏི དཱཏབྦཱ – ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ. ཏཱིཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ [སཾགྷོ ན ཝོཧརིཏབྦོ (སྱཱ.)] – ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ. ཏཱིཧངྒེཧི སམནྣཱགཏོ བྷིཀྑུ ན ཀིསྨིཾ ཙི པཙྩེཀཊྛཱནེ ཋཔེཏབྦོ – ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ. ཏཱིཧངྒེཧི སམནྣཱགཏསྶ བྷིཀྑུནོ ¶ ནིསྶཱཡ ན ཝཏྠབྦཾ – ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ. ཏཱིཧངྒེཧི སམནྣཱགཏསྶ བྷིཀྑུནོ ནིསྶཡོ ན དཱཏབྦོ – ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ. ཏཱིཧངྒེཧི སམནྣཱགཏསྶ བྷིཀྑུནོ ཨོཀཱསཀམྨཾ ཀཱརཱཔེནྟསྶ ནཱལཾ ཨོཀཱསཀམྨཾ ཀཱཏུཾ – ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ. ཏཱིཧངྒེཧི སམནྣཱགཏསྶ བྷིཀྑུནོ སཝཙནཱིཡཾ ནཱདཱཏབྦཾ – ཨལཛྫཱི ཙ ཧོཏི, བཱལོ ¶ ཙ, ཨཔཀཏཏྟོ ཙ. ཏཱིཧངྒེཧི སམནྣཱགཏསྶ བྷིཀྑུནོ ཝིནཡོ ¶ ན པུཙྪིཏབྦོ – ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ. ཏཱིཧངྒེཧི སམནྣཱགཏེན བྷིཀྑུནཱ ཝིནཡོ ན པུཙྪིཏབྦོ – ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ. ཏཱིཧངྒེཧི སམནྣཱགཏསྶ བྷིཀྑུནོ ཝིནཡོ ན ཝིསྶཛྫེཏབྦོ – ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ. ཏཱིཧངྒེཧི སམནྣཱགཏེན བྷིཀྑུནཱ ཝིནཡོ ན ཝིསྶཛྫེཏབྦོ – ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ¶ ཙ. ཏཱིཧངྒེཧི སམནྣཱགཏསྶ བྷིཀྑུནོ ཨནུཡོགོ ན དཱཏབྦོ – ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ. ཏཱིཧངྒེཧི སམནྣཱགཏེན བྷིཀྑུནཱ སདྡྷིཾ ཝིནཡོ ན སཱཀཙྪིཏབྦོ [སཱཀཙྪཱཏབྦོ (ཀ.)] – ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ. ཏཱིཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ ན ནིསྶཡོ དཱཏབྦོ ན སཱམཎེརོ ཨུཔཊྛཱཔེཏབྦོ – ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ.

ཏཡོ ཨུཔོསཐཱ – ཙཱཏུདྡསིཀོ, པནྣརསིཀོ, སཱམགྒིཨུཔོསཐོ. ཨཔརེཔི ཏཡོ ཨུཔོསཐཱ – སངྒྷེཨུཔོསཐོ, གཎེཨུཔོསཐོ, པུགྒལེཨུཔོསཐོ. ཨཔརེཔི ཏཡོ ཨུཔོསཐཱ – སུཏྟུདྡེསོཨུཔོསཐོ, པཱརིསུདྡྷིཨུཔོསཐོ, ཨདྷིཊྛཱནུཔོསཐོ. ཏིསྶོ པཝཱརཎཱ – ཙཱཏུདྡསིཀཱ, པནྣརསིཀཱ, སཱམགྒིཔཝཱརཎཱ. ཨཔརཱཔི ཏིསྶོ པཝཱརཎཱ – སངྒྷེཔཝཱརཎཱ, གཎེཔཝཱརཎཱ, པུགྒལེཔཝཱརཎཱ. ཨཔརཱཔི ཏིསྶོ པཝཱརཎཱ – ཏེཝཱཙིཀཱཔཝཱརཎཱ ¶ , དྭེཝཱཙིཀཱཔཝཱརཎཱ, སམཱནཝསྶིཀཱཔཝཱརཎཱ.

ཏཡོ ཨཱཔཱཡིཀཱ ནེརཡིཀཱ – ཨིདམཔྤཧཱཡ, ཡོ ཙ ཨབྲཧྨཙཱརཱི བྲཧྨཙཱརིཔཊིཉྙོ, ཡོ ཙ སུདྡྷཾ བྲཧྨཙཱརིཾ པརིསུདྡྷབྲཧྨཙརིཡཾ ཙརནྟཾ ཨམཱུལཀེན ཨབྲཧྨཙརིཡེན ཨནུདྡྷཾསེཏི, ཡོ ཙཱཡཾ ཨེཝཾཝཱདཱི ཨེཝཾདིཊྛི [ཨེཝཾདིཊྛཱི (སཱི.)] – ‘‘ནཏྠི ཀཱམེསུ དོསོ’’ཏི སོ ཀཱམེསུ པཱཏབྱཏཾ ཨཱཔཛྫཏི. [ཨ. ནི. ༣.༧༠] ཏཱིཎི ཨཀུསལམཱུལཱནི – ལོབྷོ ཨཀུསལམཱུལཾ, དོསོ ཨཀུསལམཱུལཾ, མོཧོ ཨཀུསལམཱུལཾ. [ཨ. ནི. ༣.༧༠] ཏཱིཎི ཀུསལམཱུལཱནི – ཨལོབྷོ ཀུསལམཱུལཾ, ཨདོསོ ཀུསལམཱུལཾ, ཨམོཧོ ཀུསལམཱུལཾ. ཏཱིཎི དུཙྩརིཏཱནི – ཀཱཡདུཙྩརིཏཾ, ཝཙཱིདུཙྩརིཏཾ, མནོདུཙྩརིཏཾ. ཏཱིཎི སུཙརིཏཱནི – ཀཱཡསུཙརིཏཾ, ཝཙཱིསུཙརིཏཾ, མནོསུཙརིཏཾ. ཏཡོ ཨཏྠཝསེ པཊིཙྩ བྷགཝཏཱ ཀུལེསུ ཏིཀབྷོཛནཾ པཉྙཏྟཾ – དུམྨངྐཱུནཾ པུགྒལཱནཾ ནིགྒཧཱཡ, པེསལཱནཾ བྷིཀྑཱུནཾ ¶ ཕཱསུཝིཧཱརཱཡ, ‘‘མཱ པཱཔིཙྪཱ པཀྑཾ ནིསྶཱཡ སངྒྷཾ བྷིནྡེཡྻུ’’ནྟི ¶ ཀུལཱནུདྡཡཏཱཡ ཙ. [ཙཱུལ༹ཝ. ༣༥༠] ཏཱིཧི ཨསདྡྷམྨེཧི ཨབྷིབྷཱུཏོ པརིཡཱདིནྣཙིཏྟོ དེཝདཏྟོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ པཱཔིཙྪཏཱ པཱཔམིཏྟཏཱ ཨོརམཏྟཀེན ཝིསེསཱདྷིགམེན ཨནྟརཱ ཝོསཱནཾ ཨཱཔཱདི. ཏིསྶོ སམྨུཏིཡོ – དཎྜསམྨུཏི, སིཀྐཱསམྨུཏི, དཎྜསིཀྐཱསམྨུཏི. ཏིསྶོ པཱདུཀཱ དྷུཝཊྛཱནིཀཱ ཨསངྐམནཱིཡཱ – ཝཙྩཔཱདུཀཱ, པསྶཱཝཔཱདུཀཱ, ཨཱཙམནཔཱདུཀཱ. ཏིསྶོ པཱདགྷཾསནིཡོ – སཀྑརཾ, ཀཐལཱ, སམུདྡཕེཎཀོཏི.

ཏིཀཾ ནིཊྛིཏཾ.

ཏསྶུདྡཱནཾ –

ཏིཊྛནྟེ ¶ ཀཱལེ རཏྟིཉྩ, དས པཉྩ ཀུསལེན;

ཝེདནཱ ཙོདནཱ ཝཏྠུ, སལཱཀཱ དྭེ པཊིཀྑིཔཱ.

པཉྙཏྟི ¶ ཨཔརེ དྭེ ཙ, བཱལོ ཀཱལེ༹ ཙ ཀཔྤཏི;

ཧེམནྟེ སངྒྷོ སངྒྷསྶ, ཚཱདནཱ ཙ པཊིཙྪཱདི.

པཊིཙྪནྣཱ ཝིཝཊཱ ཙ, སེནཱསནགིལཱཡནཱ;

པཱཏིམོཀྑཾ པརིཝཱསཾ, མཱནཏྟཱ པཱརིཝཱསིཀཱ.

ཨནྟོ ཨནྟོ ཙ སཱིམཱཡ, ཨཱཔཛྫཏི པུནཱཔརེ;

ཝུཊྛཱཏི ཨཔརེ ཙེཝ, ཨམཱུལ༹ྷཝིནཡཱ དུཝེ.

ཏཛྫནཱིཡཱ ནིཡསྶཱ ཙ, པབྦཱཛཔཊིསཱརཎཱི;

ཨདསྶནཱ པཊིཀམྨེ, ཨནིསྶགྒེ ཙ དིཊྛིཡཱ.

ཨཱགཱལ༹ྷཀམྨཱདྷིསཱིལེ, དཝཱནཱཙཱར གྷཱཏིཀཱ;

ཨཱཛཱིཝཱཔནྣཱ ཏཱདིསིཀཱ, ཨཝཎྞུཔོསཐེན ཙ.

པཝཱརཎཱ སམྨུཏི ཙ, ཝོཧཱརཔཙྩེཀེན ཙ;

ན ཝཏྠབྦཾ ན དཱཏབྦཾ, ཨོཀཱསཾ ན ཀརེ ཏཐཱ.

ན ཀརེ སཝཙནཱིཡཾ, ན པུཙྪིཏབྦཀཱ དུཝེ;

ན ཝིསྶཛྫེ དུཝེ ཙེཝ, ཨནུཡོགམྤི ནོ དདེ.

སཱཀཙྪཱ ¶ ¶ ཨུཔསམྤདཱ, ནིསྶཡསཱམཎེརཱ ཙ;

ཨུཔོསཐཏིཀཱ ཏཱིཎི, པཝཱརཎཏིཀཱ ཏཡོ.

ཨཱཔཱཡིཀཱ ཨཀུསལཱ, ཀུསལཱ ཙརིཏཱ དུཝེ;

ཏིཀབྷོཛནསདྡྷམྨེ, སམྨུཏི པཱདུཀེན ཙ;

པཱདགྷཾསནིཀཱ ཙེཝ, ཨུདྡཱནཾ ཏིཀཀེ ཨིདནྟི.

༤. ཙཏུཀྐཝཱརོ

༣༢༤. ཨཏྠཱཔཏྟི ¶ སཀཝཱཙཱཡ ཨཱཔཛྫཏི, པརཝཱཙཱཡ ཝུཊྛཱཏི; ཨཏྠཱཔཏྟི པརཝཱཙཱཡ ཨཱཔཛྫཏི, སཀཝཱཙཱཡ ཝུཊྛཱཏི; ཨཏྠཱཔཏྟི སཀཝཱཙཱཡ ཨཱཔཛྫཏི, སཀཝཱཙཱཡ ཝུཊྛཱཏི; ཨཏྠཱཔཏྟི པརཝཱཙཱཡ ཨཱཔཛྫཏི, པརཝཱཙཱཡ ཝུཊྛཱཏི. ཨཏྠཱཔཏྟི ཀཱཡེན ཨཱཔཛྫཏི, ཝཱཙཱཡ ཝུཊྛཱཏི; ཨཏྠཱཔཏྟི ཝཱཙཱཡ ཨཱཔཛྫཏི, ཀཱཡེན ཝུཊྛཱཏི; ཨཏྠཱཔཏྟི ཀཱཡེན ཨཱཔཛྫཏི, ཀཱཡེན ཝུཊྛཱཏི; ཨཏྠཱཔཏྟི ཝཱཙཱཡ ཨཱཔཛྫཏི, ཝཱཙཱཡ ཝུཊྛཱཏི. ཨཏྠཱཔཏྟི པསུཏྟོ ཨཱཔཛྫཏི, པཊིབུདྡྷོ ཝུཊྛཱཏི; ཨཏྠཱཔཏྟི པཊིབུདྡྷོ ¶ ཨཱཔཛྫཏི, པསུཏྟོ ཝུཊྛཱཏི; ཨཏྠཱཔཏྟི པསུཏྟོ ཨཱཔཛྫཏི, པསུཏྟོ ཝུཊྛཱཏི; ཨཏྠཱཔཏྟི པཊིབུདྡྷོ ཨཱཔཛྫཏི, པཊིབུདྡྷོ ཝུཊྛཱཏི. ཨཏྠཱཔཏྟི ཨཙིཏྟཀོ ཨཱཔཛྫཏི, སཙིཏྟཀོ ཝུཊྛཱཏི; ཨཏྠཱཔཏྟི སཙིཏྟཀོ ཨཱཔཛྫཏི, ཨཙིཏྟཀོ ཝུཊྛཱཏི; ཨཏྠཱཔཏྟི ཨཙིཏྟཀོ ཨཱཔཛྫཏི, ཨཙིཏྟཀོ ཝུཊྛཱཏི; ཨཏྠཱཔཏྟི སཙིཏྟཀོ ཨཱཔཛྫཏི, སཙིཏྟཀོ ཝུཊྛཱཏི. ཨཏྠཱཔཏྟི ཨཱཔཛྫནྟོ དེསེཏི; དེསེནྟོ ཨཱཔཛྫཏི; ཨཏྠཱཔཏྟི ¶ ཨཱཔཛྫནྟོ ཝུཊྛཱཏི; ཝུཊྛཧནྟོ ཨཱཔཛྫཏི. ཨཏྠཱཔཏྟི ཀམྨེན ཨཱཔཛྫཏི, ཨཀམྨེན ཝུཊྛཱཏི; ཨཏྠཱཔཏྟི ཨཀམྨེན ཨཱཔཛྫཏི, ཀམྨེན ཝུཊྛཱཏི; ཨཏྠཱཔཏྟི ཀམྨེན ཨཱཔཛྫཏི, ཀམྨེན ཝུཊྛཱཏི; ཨཏྠཱཔཏྟི ཨཀམྨེན ཨཱཔཛྫཏི, ཨཀམྨེན ཝུཊྛཱཏི.

[ཨ. ནི. ༤.༢༥༠; དཱི. ནི. ༣.༣༡༣; ཝིབྷ. ༩༣༩] ཙཏྟཱརོ ཨནརིཡཝོཧཱརཱ – ཨདིཊྛེ དིཊྛཝཱདིཏཱ, ཨསྶུཏེ སུཏཝཱདིཏཱ, ཨམུཏེ མུཏཝཱདིཏཱ, ཨཝིཉྙཱཏེ ཝིཉྙཱཏཝཱདིཏཱ. ཙཏྟཱརོ ཨརིཡཝོཧཱརཱ – ཨདིཊྛེ ཨདིཊྛཝཱདིཏཱ, ཨསྶུཏེ ཨསྶུཏཝཱདིཏཱ, ཨམུཏེ ཨམུཏཝཱདིཏཱ, ཨཝིཉྙཱཏེ ཨཝིཉྙཱཏཝཱདིཏཱ. ཨཔརེཔི ཙཏྟཱརོ ཨནརིཡཝོཧཱརཱ – དིཊྛེ ཨདིཊྛཝཱདིཏཱ, སུཏེ ཨསྶུཏཝཱདིཏཱ, མུཏེ ཨམུཏཝཱདིཏཱ, ཝིཉྙཱཏེ ཨཝིཉྙཱཏཝཱདིཏཱ. ཙཏྟཱརོ ¶ ཨརིཡཝོཧཱརཱ – དིཊྛེ དིཊྛཝཱདིཏཱ, སུཏེ སུཏཝཱདིཏཱ, མུཏེ མུཏཝཱདིཏཱ, ཝིཉྙཱཏེ ཝིཉྙཱཏཝཱདིཏཱ.

ཙཏྟཱརོ པཱརཱཛིཀཱ བྷིཀྑཱུནཾ བྷིཀྑུནཱིཧི སཱདྷཱརཎཱ; ཙཏྟཱརོ པཱརཱཛིཀཱ བྷིཀྑུནཱིནཾ བྷིཀྑཱུཧི ཨསཱདྷཱརཎཱ. ཙཏྟཱརོ པརིཀྑཱརཱ – ཨཏྠི པརིཀྑཱརོ རཀྑིཏབྦོ གོཔེཏབྦོ མམཱཡིཏབྦོ པརིབྷུཉྫིཏབྦོ; ཨཏྠི པརིཀྑཱརོ རཀྑིཏབྦོ གོཔེཏབྦོ མམཱཡིཏབྦོ, ན པརིབྷུཉྫིཏབྦོ; ཨཏྠི པརིཀྑཱརོ རཀྑིཏབྦོ གོཔེཏབྦོ, ན མམཱཡིཏབྦོ ན པརིབྷུཉྫིཏབྦོ; ཨཏྠི པརིཀྑཱརོ ན རཀྑིཏབྦོ ན གོཔེཏབྦོ, ན མམཱཡིཏབྦོ ན པརིབྷུཉྫིཏབྦོ. ཨཏྠཱཔཏྟི ¶ སམྨུཁཱ ཨཱཔཛྫཏི, པརམྨུཁཱ ཝུཊྛཱཏི; ཨཏྠཱཔཏྟི པརམྨུཁཱ ཨཱཔཛྫཏི ¶ , སམྨུཁཱ ཝུཊྛཱཏི; ཨཏྠཱཔཏྟི སམྨུཁཱ ཨཱཔཛྫཏི, སམྨུཁཱ ཝུཊྛཱཏི; ཨཏྠཱཔཏྟི པརམྨུཁཱ ཨཱཔཛྫཏི, པརམྨུཁཱ ཝུཊྛཱཏི. ཨཏྠཱཔཏྟི ཨཛཱནནྟོ ཨཱཔཛྫཏི, ཛཱནནྟོ ཝུཊྛཱཏི; ཨཏྠཱཔཏྟི ཛཱནནྟོ ཨཱཔཛྫཏི, ཨཛཱནནྟོ ཝུཊྛཱཏི; ཨཏྠཱཔཏྟི ཨཛཱནནྟོ ཨཱཔཛྫཏི, ཨཛཱནནྟོ ཝུཊྛཱཏི; ཨཏྠཱཔཏྟི ཛཱནནྟོ ཨཱཔཛྫཏི, ཛཱནནྟོ ཝུཊྛཱཏི.

ཙཏཱུཧཱཀཱརེཧི ཨཱཔཏྟིཾ ཨཱཔཛྫཏི – ཀཱཡེན ཨཱཔཛྫཏི, ཝཱཙཱཡ ཨཱཔཛྫཏི, ཀཱཡེན ཝཱཙཱཡ ཨཱཔཛྫཏི, ཀམྨཝཱཙཱཡ ཨཱཔཛྫཏི. ཨཔརེཧིཔི ཙཏཱུཧཱཀཱརེཧི ཨཱཔཏྟིཾ ཨཱཔཛྫཏི – སངྒྷམཛ྄ཛྷེ, གཎམཛ྄ཛྷེ, པུགྒལསྶ སནྟིཀེ, ལིངྒཔཱཏུབྷཱཝེན. ཙཏཱུཧཱཀཱརེཧི ཨཱཔཏྟིཡཱ ཝུཊྛཱཏི – ཀཱཡེན ཝུཊྛཱཏི, ཝཱཙཱཡ ཝུཊྛཱཏི, ཀཱཡེན ཝཱཙཱཡ ཝུཊྛཱཏི, ཀམྨཝཱཙཱཡ ཝུཊྛཱཏི. ཨཔརེཧིཔི ཙཏཱུཧཱཀཱརེཧི ཨཱཔཏྟིཡཱ ཝུཊྛཱཏི – སངྒྷམཛ྄ཛྷེ, གཎམཛ྄ཛྷེ, པུགྒལསྶ སནྟིཀེ, ལིངྒཔཱཏུབྷཱཝེན. སཧ པཊིལཱབྷེན པུརིམཾ ཛཧཏི, པཙྪིམེ པཏིཊྛཱཏི, ཝིཉྙཏྟིཡོ པཊིཔྤསྶམྦྷནྟི, པཎྞཏྟིཡོ ནིརུཛ྄ཛྷནྟི. སཧ པཊིལཱབྷེན པཙྪིམཾ ཛཧཏི, པུརིམེ པཏིཊྛཱཏི, ཝིཉྙཏྟིཡོ པཊིཔྤསྶམྦྷནྟི, པཎྞཏྟིཡོ ནིརུཛ྄ཛྷནྟི. ཙཏསྶོ ཙོདནཱ – སཱིལཝིཔཏྟིཡཱ ཙོདེཏི ¶ , ཨཱཙཱརཝིཔཏྟིཡཱ ཙོདེཏི, དིཊྛིཝིཔཏྟིཡཱ ཙོདེཏི, ཨཱཛཱིཝཝིཔཏྟིཡཱ ཙོདེཏི. ཙཏྟཱརོ པརིཝཱསཱ – པཊིཙྪནྣཔརིཝཱསོ ¶ , ཨཔྤཊིཙྪནྣཔརིཝཱསོ, སུདྡྷནྟཔརིཝཱསོ, སམོདྷཱནཔརིཝཱསོ. ཙཏྟཱརོ མཱནཏྟཱ – པཊིཙྪནྣམཱནཏྟཾ, ཨཔྤཊིཙྪནྣམཱནཏྟཾ, པཀྑམཱནཏྟཾ, སམོདྷཱནམཱནཏྟཾ. ཙཏྟཱརོ མཱནཏྟཙཱརིཀསྶ བྷིཀྑུནོ རཏྟིཙྪེདཱ – སཧཝཱསོ, ཝིཔྤཝཱསོ, ཨནཱརོཙནཱ, ཨཱུནེ གཎེ ཙརཏི. ཙཏྟཱརོ སཱམུཀྐཾསཱ ¶ . ཙཏྟཱརོ པཊིགྒཧིཏཔརིབྷོགཱ – ཡཱཝཀཱལིཀཾ, ཡཱམཀཱལིཀཾ, སཏྟཱཧཀཱལིཀཾ, ཡཱཝཛཱིཝིཀཾ. ཙཏྟཱརི མཧཱཝིཀཊཱནི – གཱུཐོ, མུཏྟཾ, ཚཱརིཀཱ, མཏྟིཀཱ. ཙཏྟཱརི ཀམྨཱནི – ཨཔལོཀནཀམྨཾ, ཉཏྟིཀམྨཾ, ཉཏྟིདུཏིཡཀམྨཾ, ཉཏྟིཙཏུཏྠཀམྨཾ. ཨཔརཱནིཔི ཙཏྟཱརི ཀམྨཱནི – ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨེན སམགྒཀམྨཾ. ཙཏསྶོ ཝིཔཏྟིཡོ – སཱིལཝིཔཏྟི, ཨཱཙཱརཝིཔཏྟི, དིཊྛིཝིཔཏྟི, ཨཱཛཱིཝཝིཔཏྟི. ཙཏྟཱརི ཨདྷིཀརཎཱནི – ཝིཝཱདཱདྷིཀརཎཾ, ཨནུཝཱདཱདྷིཀརཎཾ, ཨཱཔཏྟཱདྷིཀརཎཾ, ཀིཙྩཱདྷིཀརཎཾ. [ཨ. ནི. ༤.༢༡༡] ཙཏྟཱརོ པརིསདཱུསནཱ – བྷིཀྑུ དུསྶཱིལོ པཱཔདྷམྨོ པརིསདཱུསནོ, བྷིཀྑུནཱི དུསྶཱིལཱ པཱཔདྷམྨཱ པརིསདཱུསནཱ, ཨུཔཱསཀོ དུསྶཱིལོ པཱཔདྷམྨོ པརིསདཱུསནོ, ཨུཔཱསིཀཱ དུསྶཱིལཱ པཱཔདྷམྨཱ པརིསདཱུསནཱ. ཙཏྟཱརོ པརིསསོབྷནཱ [པརིསསོབྷཎཱ (སྱཱ. ཀ.)] – བྷིཀྑུ སཱིལཝཱ ཀལྱཱཎདྷམྨོ པརིསསོབྷནོ, བྷིཀྑུནཱི སཱིལཝཏཱི ཀལྱཱཎདྷམྨཱ པརིསསོབྷནཱ, ཨུཔཱསཀོ སཱིལཝཱ ཀལྱཱཎདྷམྨོ པརིསསོབྷནོ, ཨུཔཱསིཀཱ སཱིལཝཏཱི ཀལྱཱཎདྷམྨཱ པརིསསོབྷནཱ.

ཨཏྠཱཔཏྟི ¶ ཨཱགནྟུཀོ ཨཱཔཛྫཏི, ནོ ཨཱཝཱསིཀོ; ཨཏྠཱཔཏྟི ¶ ཨཱཝཱསིཀོ ཨཱཔཛྫཏི, ནོ ཨཱགནྟུཀོ; ཨཏྠཱཔཏྟི ཨཱགནྟུཀོ ཙེཝ ཨཱཔཛྫཏི ཨཱཝཱསིཀོ ཙ ཨཏྠཱཔཏྟི ནེཝ ཨཱགནྟུཀོ ཨཱཔཛྫཏི, ནོ ཨཱཝཱསིཀོ. ཨཏྠཱཔཏྟི གམིཀོ ཨཱཔཛྫཏི, ནོ ཨཱཝཱསིཀོ; ཨཏྠཱཔཏྟི ཨཱཝཱསིཀོ ཨཱཔཛྫཏི, ནོ གམིཀོ; ཨཏྠཱཔཏྟི གམིཀོ ཙེཝ ཨཱཔཛྫཏི ཨཱཝཱསིཀོ ཙ; ཨཏྠཱཔཏྟི ནེཝ གམིཀོ ཨཱཔཛྫཏི ནོ ཨཱཝཱསིཀོ. ཨཏྠི ཝཏྠུནཱནཏྟཏཱ ནོ ཨཱཔཏྟིནཱནཏྟཏཱ, ཨཏྠི ཨཱཔཏྟིནཱནཏྟཏཱ ནོ ཝཏྠུནཱནཏྟཏཱ, ཨཏྠི ཝཏྠུནཱནཏྟཏཱ ཙེཝ ཨཱཔཏྟིནཱནཏྟཏཱ ཙ, ཨཏྠི ནེཝ ཝཏྠུནཱནཏྟཏཱ ནོ ཨཱཔཏྟིནཱནཏྟཏཱ. ཨཏྠི ཝཏྠུསབྷཱགཏཱ ནོ ཨཱཔཏྟིསབྷཱགཏཱ, ཨཏྠི ཨཱཔཏྟིསབྷཱགཏཱ ནོ ཝཏྠུསབྷཱགཏཱ, ཨཏྠི ཝཏྠུསབྷཱགཏཱ ཙེཝ ཨཱཔཏྟིསབྷཱགཏཱ ཙ ཨཏྠི ནེཝ ཝཏྠུསབྷཱགཏཱ ནོ ཨཱཔཏྟིསབྷཱགཏཱ. ཨཏྠཱཔཏྟི ཨུཔཛ྄ཛྷཱཡོ ཨཱཔཛྫཏི ནོ སདྡྷིཝིཧཱརིཀོ, ཨཏྠཱཔཏྟི སདྡྷིཝིཧཱརིཀོ ཨཱཔཛྫཏི ནོ ཨུཔཛ྄ཛྷཱཡོ, ཨཏྠཱཔཏྟི ཨུཔཛ྄ཛྷཱཡོ ཙེཝ ཨཱཔཛྫཏི སདྡྷིཝིཧཱརིཀོ ཙ, ཨཏྠཱཔཏྟི ནེཝ ཨུཔཛ྄ཛྷཱཡོ ཨཱཔཛྫཏི ནོ སདྡྷིཝིཧཱརིཀོ. ཨཏྠཱཔཏྟི ཨཱཙརིཡོ ཨཱཔཛྫཏི ¶ ནོ ཨནྟེཝཱསིཀོ, ཨཏྠཱཔཏྟི ཨནྟེཝཱསིཀོ ཨཱཔཛྫཏི ནོ ཨཱཙརིཡོ, ཨཏྠཱཔཏྟི ཨཱཙརིཡོ ཙེཝ ཨཱཔཛྫཏི ཨནྟེཝཱསིཀོ ཙ, ཨཏྠཱཔཏྟི ནེཝ ཨཱཙརིཡོ ཨཱཔཛྫཏི ནོ ཨནྟེཝཱསིཀོ. ཙཏྟཱརོ པཙྩཡཱ ཨནཱཔཏྟི ཝསྶཙྪེདསྶ – སངྒྷོ ཝཱ བྷིནྣོ ¶ ཧོཏི, སངྒྷཾ ཝཱ བྷིནྡིཏུཀཱམཱ ཧོནྟི, ཛཱིཝིཏནྟརཱཡོ ཝཱ ཧོཏི, བྲཧྨཙརིཡནྟརཱཡོ ཝཱ ཧོཏི. ཙཏྟཱརི ཝཙཱིདུཙྩརིཏཱནི – མུསཱཝཱདོ, པིསུཎཱ ཝཱཙཱ, ཕརུསཱ ཝཱཙཱ, སམྥཔྤལཱཔོ. ཙཏྟཱརི ཝཙཱིསུཙརིཏཱནི – སཙྩཝཱཙཱ, ཨཔིསུཎཱ ཝཱཙཱ, སཎྷཱ ཝཱཙཱ, མནྟཱ བྷཱསཱ. ཨཏྠི ¶ ཨཱདིཡནྟོ གརུཀཾ ཨཱཔཏྟིཾ ཨཱཔཛྫཏི, པཡོཛེནྟོ ལཧུཀཾ; ཨཏྠི ཨཱདིཡནྟོ ལཧུཀཾ ཨཱཔཏྟིཾ ཨཱཔཛྫཏི, པཡོཛེནྟོ གརུཀཾ, ཨཏྠི ཨཱདིཡནྟོཔི པཡོཛེནྟོཔི གརུཀཾ ཨཱཔཏྟིཾ ཨཱཔཛྫཏི; ཨཏྠི ཨཱདིཡནྟོཔི པཡོཛེནྟོཔི ལཧུཀཾ ཨཱཔཏྟིཾ ཨཱཔཛྫཏི.

ཨཏྠི པུགྒལོ ཨབྷིཝཱདནཱརཧོ, ནོ པཙྩུཊྛཱནཱརཧོ; ཨཏྠི པུགྒལོ པཙྩུཊྛཱནཱརཧོ, ནོ ཨབྷིཝཱདནཱརཧོ; ཨཏྠི པུགྒལོ ཨབྷིཝཱདནཱརཧོ ཙེཝ པཙྩུཊྛཱནཱརཧོ ཙ; ཨཏྠི པུགྒལོ ནེཝ ཨབྷིཝཱདནཱརཧོ ནོ པཙྩུཊྛཱནཱརཧོ. ཨཏྠི པུགྒལོ ཨཱསནཱརཧོ, ནོ ཨབྷིཝཱདནཱརཧོ; ཨཏྠི པུགྒལོ ཨབྷིཝཱདནཱརཧོ, ནོ ཨཱསནཱརཧོ; ཨཏྠི པུགྒལོ ཨཱསནཱརཧོ ཙེཝ ཨབྷིཝཱདནཱརཧོ ཙ; ཨཏྠི པུགྒལོ ནེཝ ཨཱསནཱརཧོ ནོ ཨབྷིཝཱདནཱརཧོ. ཨཏྠཱཔཏྟི ཀཱལེ ཨཱཔཛྫཏི, ནོ ཝིཀཱལེ; ཨཏྠཱཔཏྟི ཝིཀཱལེ ཨཱཔཛྫཏི, ནོ ཀཱལེ; ཨཏྠཱཔཏྟི ཀཱལེ ཙེཝ ཨཱཔཛྫཏི ཝིཀཱལེ ཙ; ཨཏྠཱཔཏྟི ནེཝ ཀཱལེ ཨཱཔཛྫཏི ནོ ཝིཀཱལེ. ཨཏྠི པཊིགྒཧིཏཾ ཀཱལེ ཀཔྤཏི, ནོ ཝིཀཱལེ; ཨཏྠི པཊིགྒཧིཏཾ ཝིཀཱལེ ཀཔྤཏི, ནོ ཀཱལེ; ཨཏྠི པཊིགྒཧིཏཾ ཀཱལེ ¶ ཙེཝ ཀཔྤཏི ¶ ཝིཀཱལེ ཙ; ཨཏྠི པཊིགྒཧིཏཾ ནེཝ ཀཱལེ ཀཔྤཏི ནོ ཝིཀཱལེ. ཨཏྠཱཔཏྟི པཙྩནྟིམེསུ ཛནཔདེསུ ཨཱཔཛྫཏི, ནོ མཛ྄ཛྷིམེསུ; ཨཏྠཱཔཏྟི མཛ྄ཛྷིམེསུ ཛནཔདེསུ ཨཱཔཛྫཏི, ནོ པཙྩནྟིམེསུ; ཨཏྠཱཔཏྟི པཙྩནྟིམེསུ ཙེཝ ཛནཔདེསུ ཨཱཔཛྫཏི མཛ྄ཛྷིམེསུ ཙ; ཨཏྠཱཔཏྟི ནེཝ པཙྩནྟིམེསུ ཛནཔདེསུ ཨཱཔཛྫཏི ནོ མཛ྄ཛྷིམེསུ. ཨཏྠི པཙྩནྟིམེསུ ཛནཔདེསུ ཀཔྤཏི, ནོ མཛ྄ཛྷིམེསུ; ཨཏྠི མཛ྄ཛྷིམེསུ ཛནཔདེསུ ཀཔྤཏི, ནོ པཙྩནྟིམེསུ; ཨཏྠི པཙྩནྟིམེསུ ཙེཝ ཛནཔདེསུ ཀཔྤཏི མཛ྄ཛྷིམེསུ ཙ; ཨཏྠི ནེཝ པཙྩནྟིམེསུ ཛནཔདེསུ ཀཔྤཏི ནོ ¶ མཛ྄ཛྷིམེསུ. ཨཏྠཱཔཏྟི ཨནྟོ ཨཱཔཛྫཏི, ནོ བཧི; ཨཏྠཱཔཏྟི བཧི ཨཱཔཛྫཏི, ནོ ཨནྟོ; ཨཏྠཱཔཏྟི ཨནྟོ ཙེཝ ཨཱཔཛྫཏི བཧི ཙ; ཨཏྠཱཔཏྟི ནེཝ ཨནྟོ ཨཱཔཛྫཏི ནོ བཧི. ཨཏྠཱཔཏྟི ཨནྟོསཱིམཱཡ ཨཱཔཛྫཏི, ནོ བཧིསཱིམཱཡ; ཨཏྠཱཔཏྟི བཧིསཱིམཱཡ ཨཱཔཛྫཏི, ནོ ཨནྟོསཱིམཱཡ; ཨཏྠཱཔཏྟི ཨནྟོསཱིམཱཡ ཙེཝ ཨཱཔཛྫཏི བཧིསཱིམཱཡ ཙ; ཨཏྠཱཔཏྟི ནེཝ ཨནྟོསཱིམཱཡ ཨཱཔཛྫཏི ནོ བཧིསཱིམཱཡ. ཨཏྠཱཔཏྟི གཱམེ ཨཱཔཛྫཏི, ནོ ཨརཉྙེ; ཨཏྠཱཔཏྟི ཨརཉྙེ ཨཱཔཛྫཏི, ནོ གཱམེ; ཨཏྠཱཔཏྟི གཱམེ ཙེཝ ཨཱཔཛྫཏི ཨརཉྙེ ཙ; ཨཏྠཱཔཏྟི ནེཝ གཱམེ ཨཱཔཛྫཏི ནོ ཨརཉྙེ.

ཙཏསྶོ ཙོདནཱ – ཝཏྠུསནྡསྶནཱ, ཨཱཔཏྟིསནྡསྶནཱ, སཾཝཱསཔཊིཀྑེཔོ ¶ , སཱམཱིཙིཔཊིཀྑེཔོ. ཙཏྟཱརོ པུབྦཀིཙྩཱ. ཙཏྟཱརོ པཏྟཀལླཱ. ཙཏྟཱརི ཨནཉྙཔཱཙིཏྟིཡཱནི. ཙཏསྶོ བྷིཀྑུསམྨུཏིཡོ. [ཨ. ནི. ༤.༡༧; ཝིབྷ. ༩༣༩; དཱི. ནི. ༣.༣༡༡] ཙཏྟཱརི ཨགཏིགམནཱནི – ཚནྡཱགཏིཾ གཙྪཏི, དོསཱགཏིཾ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི. ཙཏྟཱརི ནཱགཏིགམནཱནི – ན ཚནྡཱགཏིཾ གཙྪཏི, ན དོསཱགཏིཾ གཙྪཏི, ན མོཧཱགཏིཾ གཙྪཏི, ན བྷཡཱགཏིཾ གཙྪཏི. ཙཏཱུཧངྒེཧི སམནྣཱགཏོ ཨལཛྫཱི བྷིཀྑུ སངྒྷཾ བྷིནྡཏི – ཚནྡཱགཏིཾ གཙྪནྟོ, དོསཱགཏིཾ གཙྪནྟོ, མོཧཱགཏིཾ གཙྪནྟོ, བྷཡཱགཏིཾ གཙྪནྟོ. ཙཏཱུཧངྒེཧི སམནྣཱགཏོ པེསལོ བྷིཀྑུ བྷིནྣཾ སངྒྷཾ སམགྒཾ ཀརོཏི – ན ཚནྡཱགཏིཾ གཙྪནྟོ, ན དོསཱགཏིཾ གཙྪནྟོ, ན མོཧཱགཏིཾ གཙྪནྟོ, ན བྷཡཱགཏིཾ གཙྪནྟོ. ཙཏཱུཧངྒེཧི སམནྣཱགཏསྶ བྷིཀྑུནོ ཝིནཡོ ན པུཙྪིཏབྦོ – ཚནྡཱགཏིཾ གཙྪཏི, དོསཱགཏིཾ གཙྪཏི, མོཧཱགཏིཾ གཙྪཏི ¶ , བྷཡཱགཏིཾ གཙྪཏི. ཙཏཱུཧངྒེཧི སམནྣཱགཏེན བྷིཀྑུནཱ ཝིནཡོ ན པུཙྪིཏབྦོ – ཚནྡཱགཏིཾ གཙྪཏི, དོསཱགཏིཾ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི. ཙཏཱུཧངྒེཧི སམནྣཱགཏསྶ བྷིཀྑུནོ ཝིནཡོ ན ཝིསྶཛྫེཏབྦོ – ཚནྡཱགཏིཾ གཙྪཏི, དོསཱགཏིཾ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི. ཙཏཱུཧངྒེཧི སམནྣཱགཏེན བྷིཀྑུནཱ ཝིནཡོ ན ཝིསྶཛྫེཏབྦོ – ཚནྡཱགཏིཾ གཙྪཏི, དོསཱགཏིཾ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི. ཙཏཱུཧངྒེཧི སམནྣཱགཏསྶ བྷིཀྑུནོ ཨནུཡོགོ ན དཱཏབྦོ – ཚནྡཱགཏིཾ གཙྪཏི ¶ , དོསཱགཏིཾ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི. ཙཏཱུཧངྒེཧི ¶ སམནྣཱགཏེ ¶ བྷིཀྑུནཱ སདྡྷིཾ ཝིནཡོ ན སཱཀཙྪིཏབྦོ – ཚནྡཱགཏིཾ གཙྪཏི, དོསཱགཏིཾ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི. ཨཏྠཱཔཏྟི གིལཱནོ ཨཱཔཛྫཏི, ནོ ཨགིལཱནོ; ཨཏྠཱཔཏྟི ཨགིལཱནོ ཨཱཔཛྫཏི, ནོ གིལཱནོ; ཨཏྠཱཔཏྟི གིལཱནོ ཙེཝ ཨཱཔཛྫཏི ཨགིལཱནོ ཙ; ཨཏྠཱཔཏྟི ནེཝ གིལཱནོ ཨཱཔཛྫཏི ནོ ཨགིལཱནོ. ཙཏྟཱརི ཨདྷམྨིཀཱནི པཱཏིམོཀྑཊྛཔནཱནི. ཙཏྟཱརི དྷམྨིཀཱནི པཱཏིམོཀྑཊྛཔནཱནི.

ཙཏུཀྐཾ ནིཊྛིཏཾ.

ཏསྶུདྡཱནཾ –

སཀཝཱཙཱཡ ཀཱཡེན, པསུཏྟོ ཙ ཨཙིཏྟཀོ;

ཨཱཔཛྫནྟོ ཙ ཀམྨེན, ཝོཧཱརཱ ཙཏུརོ ཏཐཱ.

བྷིཀྑཱུནཾ བྷིཀྑུནཱིནཉྩ, པརིཀྑཱརོ ཙ སམྨུཁཱ;

ཨཛཱནཀཱཡེ མཛ྄ཛྷེ ཙ, ཝུཊྛཱཏི དུཝིདྷཱ ཏཐཱ.

པཊིལཱབྷེན ཙོདནཱ, པརིཝཱསཱ ཙ ཝུཙྩཏི;

མཱནཏྟཙཱརིཀཱ ཙཱཔི, སཱམུཀྐཾསཱ པཊིགྒཧི.

མཧཱཝིཀཊཀམྨཱནི, པུན ཀམྨེ ཝིཔཏྟིཡོ;

ཨདྷིཀརཎཱ ¶ དུསྶཱིལཱ ཙ, སོབྷནཱགནྟུཀེན ཙ.

གམིཀོ ཝཏྠུནཱནཏྟཱ, སབྷཱགུཔཛ྄ཛྷཱཡེན ཙ;

ཨཱཙརིཡོ པཙྩཡཱ ཝཱ, དུཙྩརིཏཾ སུཙརིཏཾ.

ཨཱདིཡནྟོ པུགྒལོ ཙ, ཨརཧོ ཨཱསནེན ཙ;

ཀཱལེ ཙ ཀཔྤཏི ཙེཝ, པཙྩནྟིམེསུ ཀཔྤཏི.

ཨནྟོ ཨནྟོ ཙ སཱིམཱཡ, གཱམེ ཙ ཙོདནཱཡ ཙ;

པུབྦཀིཙྩཾ པཏྟཀལླཾ, ཨནཉྙཱ སམྨུཏིཡོ ཙ.

ཨགཏི ¶ ནཱགཏི ཙེཝ, ཨལཛྫཱི པེསལེན ཙ;

པུཙྪིཏབྦཱ དུཝེ ཙེཝ, ཝིསྶཛྫེཡྻཱ ཏཐཱ དུཝེ;

ཨནུཡོགོ ཙ སཱཀཙྪཱ, གིལཱནོ ཋཔནེན ཙཱཏི.

༥. པཉྩཀཝཱརོ

༣༢༥. པཉྩ ¶ ཨཱཔཏྟིཡོ. པཉྩ ཨཱཔཏྟིཀྑནྡྷཱ. པཉྩ ཝིནཱིཏཝཏྠཱུནི. པཉྩ ཀམྨཱནི ཨཱནནྟརིཀཱནི. པཉྩ པུགྒལཱ ནིཡཏཱ. པཉྩ ཚེདནཀཱ ཨཱཔཏྟིཡོ. པཉྩཧཱཀཱརེཧི ཨཱཔཏྟིཾ ཨཱཔཛྫཏི. པཉྩ ཨཱཔཏྟིཡོ. མུསཱཝཱདཔཙྩཡཱ པཉྩཧཱཀཱརེཧི ཀམྨཾ ན ཨུཔེཏི – སཡཾ ཝཱ ཀམྨཾ ན ཀརོཏི, པརཾ ཝཱ ན ཨཛ྄ཛྷེསཏི, ཚནྡཾ ཝཱ པཱརིསུདྡྷིཾ ཝཱ ན དེཏི, ཀཡིརམཱནེ ཀམྨེ པཊིཀྐོསཏི, ཀཏེ ཝཱ པན ཀམྨེ ཨདྷམྨདིཊྛི ཧོཏི. པཉྩཧཱཀཱརེཧི ཀམྨཾ ཨུཔེཏི ¶ – སཡཾ ཝཱ ཀམྨཾ ཀརོཏི, པརཾ ཝཱ ཨཛ྄ཛྷེསཏི, ཚནྡཾ ཝཱ པཱརིསུདྡྷིཾ ཝཱ དེཏི, ཀཡིརམཱནེ ཀམྨེ ནཔྤཊིཀྐོསཏི, ཀཏེ ཝཱ པན ཀམྨེ དྷམྨདིཊྛི ཧོཏི. པཉྩ པིཎྜཔཱཏིཀསྶ བྷིཀྑུནོ ཀཔྤནྟི – ཨནཱམནྟཙཱརོ, གཎབྷོཛནཾ, པརམྤརབྷོཛནཾ, ཨནདྷིཊྛཱནཾ, ཨཝིཀཔྤནཱ. [ཨ. ནི. ༥.༡༠༢] པཉྩཧངྒེཧི སམནྣཱགཏོ བྷིཀྑུ ཨུསྶངྐིཏཔརིསངྐིཏོ ¶ ཧོཏི – པཱཔབྷིཀྑུཔི ཨཀུཔྤདྷམྨོཔི ཝེསིཡཱགོཙརོ ཝཱ ཧོཏི, ཝིདྷཝཱགོཙརོ ཝཱ ཧོཏི, ཐུལླཀུམཱརིགོཙརོ ཝཱ ཧོཏི, པཎྜཀགོཙརོ ཝཱ ཧོཏི, བྷིཀྑུནིགོཙརོ ཝཱ ཧོཏི. པཉྩ ཏེལཱནི – ཏིལཏེལཾ, སཱསཔཏེལཾ, མདྷུཀཏེལཾ, ཨེརཎྜཀཏེལཾ, ཝསཱཏེལཾ. པཉྩ ཝསཱནི – ཨཙྪཝསཾ, མཙྪཝསཾ, སུསུཀཱཝསཾ, སཱུཀརཝསཾ, གདྲབྷཝསཾ. [ཨ. ནི. ༥.༡༣༠; དཱི. ནི. ༣.༣༡༦] པཉྩ བྱསནཱནི – ཉཱཏིབྱསནཾ, བྷོགབྱསནཾ, རོགབྱསནཾ, སཱིལབྱསནཾ, དིཊྛིབྱསནཾ. [ཨ. ནི. ༥.༡༣༠; དཱི. ནི. ༣.༣༡༦] པཉྩ སམྤདཱ – ཉཱཏིསམྤདཱ, བྷོགསམྤདཱ, ཨརོགསམྤདཱ, སཱིལསམྤདཱ, དིཊྛིསམྤདཱ. པཉྩ ནིསྶཡཔཊིཔྤསྶདྡྷིཡོ ཨུཔཛ྄ཛྷཱཡམྷཱ – ཨུཔཛ྄ཛྷཱཡོ པཀྐནྟོ ཝཱ ཧོཏི, ཝིབྦྷནྟོ ཝཱ, ཀཱལངྐཏོ ཝཱ, པཀྑསངྐནྟོ ཝཱ, ཨཱཎཏྟིཡེཝ པཉྩམཱི. པཉྩ པུགྒལཱ ན ཨུཔསམྤཱདེཏབྦཱ – ཨདྡྷཱནཧཱིནོ, ཨངྒཧཱིནོ, ཝཏྠུཝིཔནྣོ, ཀརཎདུཀྐཊཀོ, ཨཔརིཔཱུརོ. པཉྩ པཾསུཀཱུལཱནི – སོསཱནིཀཾ, པཱཔཎིཀཾ, ཨུནྡཱུརཀྑཱཡིཀཾ, ཨུཔཙིཀཀྑཱཡིཀཾ, ཨགྒིདཌྜྷཾ. ཨཔརཱནིཔི པཉྩ པཾསུཀཱུལཱནི – གོཁཱཡིཀཾ, ཨཛཀྑཱཡིཀཾ, ཐཱུཔཙཱིཝརཾ, ཨཱབྷིསེཀིཀཾ, གཏཔཊིཡཱགཏཾ [བྷཏཔཊིཡཱབྷཏཾ (ཀ.)]. པཉྩ ཨཝཧཱརཱ – ཐེཡྻཱཝཧཱརོ, པསཡ྄ཧཱཝཧཱརོ, པརིཀཔྤཱཝཧཱརོ ¶ , པཊིཙྪནྣཱཝཧཱརོ, ཀུསཱཝཧཱརོ. པཉྩ མཧཱཙོརཱ སནྟོ སཾཝིཛྫམཱནཱ ལོཀསྨིཾ. པཉྩ ཨཝིསྶཛྫནིཡཱནི. པཉྩ ཨཝེབྷངྒིཡཱནི. པཉྩཱཔཏྟིཡོ ཀཱཡཏོ སམུཊྛནྟི, ན ཝཱཙཏོ ན ཙིཏྟཏོ. པཉྩཱཔཏྟིཡོ ཀཱཡཏོ ཙ ཝཱཙཏོ ཙ སམུཊྛནྟི, ¶ ཙིཏྟཏོ. པཉྩཱཔཏྟིཡོ དེསནཱགཱམིནིཡོ. པཉྩ སངྒྷཱ ¶ . པཉྩ པཱཏིམོཀྑུདྡེསཱ. སབྦཔཙྩནྟིམེསུ ཛནཔདེསུ ཝིནཡདྷརཔཉྩམེན གཎེན ཨུཔསམྤཱདེཏབྦཾ. པཉྩཱནིསཾསཱ ཀཐིནཏྠཱརེ. པཉྩ ཀམྨཱནི. ཡཱཝཏཏིཡཀེ པཉྩ ཨཱཔཏྟིཡོ. པཉྩཧཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི པཱརཱཛིཀསྶ. པཉྩཧཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི ཐུལླཙྩཡསྶ. པཉྩཧཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི དུཀྐཊསྶ. པཉྩ ཨཀཔྤིཡཱནི ན པརིབྷུཉྫིཏབྦཱནི – ཨདིནྣཉྩ ཧོཏི, ཨཝིདིཏཉྩ ཧོཏི, ཨཀཔྤིཡཉྩ ཧོཏི, ཨཔྤཊིགྒཧིཏཉྩ ཧོཏི, ཨཀཏཱཏིརིཏྟཉྩ ཧོཏི. པཉྩ ཀཔྤིཡཱནི པརིབྷུཉྫིཏབྦཱནི – དིནྣཉྩ ཧོཏི, ཝིདིཏཉྩ ཧོཏི, ཀཔྤིཡཉྩ ཧོཏི, པཊིགྒཧིཏཉྩ ཧོཏི, ཀཏཱཏིརིཏྟཉྩ ཧོཏི. པཉྩ དཱནཱནི ཨཔུཉྙཱནི པུཉྙསམྨཏཱནི ལོཀསྨིཾ [ལོཀསྶ (སྱཱ.)] – མཛྫདཱནཾ, སམཛྫདཱནཾ, ཨིཏྠིདཱནཾ, ཨུསབྷདཱནཾ, ཙིཏྟཀམྨདཱནཾ. པཉྩ ཨུཔྤནྣཱ དུཔྤཊིཝིནོདཡཱ [ཝིནོདིཡཱ (སྱཱ.)] – ཨུཔྤནྣོ རཱགོ དུཔྤཊིཝིནོདཡོ, ཨུཔྤནྣོ དོསོ དུཔྤཊིཝིནོདཡོ, ཨུཔྤནྣོ མོཧོ དུཔྤཊིཝིནོདཡོ, ཨུཔྤནྣཾ པཊིབྷཱནཾ དུཔྤཊིཝིནོདཡཾ, ཨུཔྤནྣཾ གམིཡཙིཏྟཾ དུཔྤཊིཝིནོདཡཾ ¶ . པཉྩཱནིསཾསཱ སམྨཛྫནིཡཱ – སཀཙིཏྟཾ པསཱིདཏི, པརཙིཏྟཾ པསཱིདཏི, དེཝཏཱ ཨཏྟམནཱ ཧོནྟི, པཱསཱདིཀསཾཝཏྟནིཀཀམྨཾ ¶ ཨུཔཙིནཏི, ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫཏི. ཨཔརེཔི པཉྩཱནིསཾསཱ སམྨཛྫནིཡཱ – སཀཙིཏྟཾ པསཱིདཏི, པརཙིཏྟཾ པསཱིདཏི, དེཝཏཱ ཨཏྟམནཱ ཧོནྟི, སཏྠུསཱསནཾ ཀཏཾ ཧོཏི, པཙྪིམཱ ཛནཏཱ དིཊྛཱནུགཏིཾ ཨཱཔཛྫཏི.

པཉྩཧངྒེཧི སམནྣཱགཏོ ཝིནཡདྷརོ ‘‘བཱལོ’’ ཏྭེཝ སངྑཾ གཙྪཏི – ཨཏྟནོ བྷཱསཔརིཡནྟཾ ན ཨུགྒཎྷཱཏི, པརསྶ བྷཱསཔརིཡནྟཾ ན ཨུགྒཎྷཱཏི, ཨཏྟནོ བྷཱསཔརིཡནྟཾ ན ཨུགྒཧེཏྭཱ པརསྶ བྷཱསཔརིཡནྟཾ ན ཨུགྒཧེཏྭཱ ཨདྷམྨེན ཀཱརེཏི ཨཔྤཊིཉྙཱཡ. པཉྩཧངྒེཧི སམནྣཱགཏོ ཝིནཡདྷརོ ‘‘པཎྜིཏོ’’ ཏྭེཝ སངྑཾ གཙྪཏི – ཨཏྟནོ བྷཱསཔརིཡནྟཾ ཨུགྒཎྷཱཏི, པརསྶ བྷཱསཔརིཡནྟཾ ཨུགྒཎྷཱཏི, ཨཏྟནོ བྷཱསཔརིཡནྟཾ ཨུགྒཧེཏྭཱ པརསྶ བྷཱསཔརིཡནྟཾ ཨུགྒཧེཏྭཱ དྷམྨེན ཀཱརེཏི པཊིཉྙཱཡ. ཨཔརེཧིཔི པཉྩཧངྒེཧི སམནྣཱགཏོ ཝིནཡདྷརོ བཱལོ ཏྭེཝ སངྑཾ གཙྪཏི – ཨཱཔཏྟིཾ ན ཛཱནཱཏི, ཨཱཔཏྟིཡཱ མཱུལཾ ན ཛཱནཱཏི, ཨཱཔཏྟིསམུདཡཾ ¶ ན ཛཱནཱཏི, ཨཱཔཏྟིནིརོདྷཾ ན ཛཱནཱཏི, ཨཱཔཏྟིནིརོདྷགཱམིནིཾ པཊིཔདཾ ན ཛཱནཱཏི. པཉྩཧངྒེཧི སམནྣཱགཏོ ཝིནཡདྷརོ པཎྜིཏོ ཏྭེཝ སངྑཾ གཙྪཏི – ཨཱཔཏྟིཾ ཛཱནཱཏི, ཨཱཔཏྟིཡཱ མཱུལཾ ཛཱནཱཏི, ཨཱཔཏྟིསམུདཡཾ ཛཱནཱཏི, ཨཱཔཏྟིནིརོདྷཾ ཛཱནཱཏི ¶ , ཨཱཔཏྟིནིརོདྷགཱམིནིཾ པཊིཔདཾ ཛཱནཱཏི. ཨཔརེཧིཔི པཉྩཧངྒེཧི སམནྣཱགཏོ ཝིནཡདྷརོ བཱལོ ཏྭེཝ སངྑཾ གཙྪཏི – ཨདྷིཀརཎཾ ན ཛཱནཱཏི, ཨདྷིཀརཎསྶ མཱུལཾ ན ཛཱནཱཏི, ཨདྷིཀརཎསམུདཡཾ ན ཛཱནཱཏི, ཨདྷིཀརཎནིརོདྷཾ ན ཛཱནཱཏི, ཨདྷིཀརཎནིརོདྷགཱམིནིཾ པཊིཔདཾ ན ཛཱནཱཏི. པཉྩཧངྒེཧི སམནྣཱགཏོ ཝིནཡདྷརོ པཎྜིཏོ ཏྭེཝ སངྑཾ གཙྪཏི – ཨདྷིཀརཎཾ ཛཱནཱཏི ¶ , ཨདྷིཀརཎསྶ མཱུལཾ ཛཱནཱཏི, ཨདྷིཀརཎསམུདཡཾ ཛཱནཱཏི, ཨདྷིཀརཎནིརོདྷཾ ཛཱནཱཏི, ཨདྷིཀརཎནིརོདྷགཱམིནིཾ པཊིཔདཾ ཛཱནཱཏི. ཨཔརེཧིཔི པཉྩཧངྒེཧི སམནྣཱགཏོ ཝིནཡདྷརོ བཱལོ ཏྭེཝ སངྑཾ གཙྪཏི – ཝཏྠུཾ ན ཛཱནཱཏི, ནིདཱནཾ ན ཛཱནཱཏི, པཉྙཏྟིཾ ན ཛཱནཱཏི, ཨནུཔཉྙཏྟིཾ ན ཛཱནཱཏི, ཨནུསནྡྷིཝཙནཔཐཾ ན ཛཱནཱཏི. པཉྩཧངྒེཧི སམནྣཱགཏོ ཝིནཡདྷརོ པཎྜིཏོ ཏྭེཝ སངྑཾ གཙྪཏི – ཝཏྠུཾ ཛཱནཱཏི, ནིདཱནཾ ཛཱནཱཏི, པཉྙཏྟིཾ ཛཱནཱཏི, ཨནུཔཉྙཏྟིཾ ཛཱནཱཏི, ཨནུསནྡྷིཝཙནཔཐཾ ཛཱནཱཏི. ཨཔརེཧིཔི པཉྩཧངྒེཧི སམནྣཱགཏོ ཝིནཡདྷརོ བཱལོ ཏྭེཝ སངྑཾ གཙྪཏི – ཉཏྟིཾ ན ཛཱནཱཏི, ཉཏྟིཡཱ ཀརཎཾ ན ཛཱནཱཏི, ན པུབྦཀུསལོ ཧོཏི, ན ཨཔརཀུསལོ ཧོཏི, ཨཀཱལཉྙཱུ ཙ ཧོཏི. པཉྩཧངྒེཧི སམནྣཱགཏོ ཝིནཡདྷརོ པཎྜིཏོ ཏྭེཝ སངྑཾ གཙྪཏི – ཉཏྟིཾ ཛཱནཱཏི, ཉཏྟིཡཱ ཀརཎཾ ཛཱནཱཏི, པུབྦཀུསལོ ཧོཏི, ཨཔརཀུསལོ ཧོཏི, ཀཱལཉྙཱུ ཙ ཧོཏི. ཨཔརེཧིཔི པཉྩཧངྒེཧི སམནྣཱགཏོ ཝིནཡདྷརོ བཱལོ ཏྭེཝ སངྑཾ ¶ གཙྪཏི – ཨཱཔཏྟཱནཱཔཏྟིཾ ན ཛཱནཱཏི, ལཧུཀགརུཀཾ ཨཱཔཏྟིཾ ན ཛཱནཱཏི, སཱཝསེསཱནཝསེསཾ ཨཱཔཏྟིཾ ན ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ན ཛཱནཱཏི, ཨཱཙརིཡཔརམྤརཱ ཁོ པནསྶ ན སུགྒཧིཏཱ ཧོཏི ན སུམནསིཀཏཱ ན སཱུཔདྷཱརིཏཱ. པཉྩཧངྒེཧི སམནྣཱགཏོ ཝིནཡདྷརོ པཎྜིཏོཏྭེཝ སངྑཾ གཙྪཏི – ཨཱཔཏྟཱནཱཔཏྟིཾ ཛཱནཱཏི, ལཧུཀགརུཀཾ ཨཱཔཏྟིཾ ཛཱནཱཏི, སཱཝསེསཱནཝསེསཾ ཨཱཔཏྟིཾ ཛཱནཏི, དུཊྛུལླཱདུཊྛུལླཾ ཨཱཔཏྟིཾ ཛཱནཱཏི, ཨཱཙརིཡཔརམྤརཱ ཁོ པནསྶ སུགྒཧིཏཱ ཧོཏི སུམནསིཀཏཱ སཱུཔདྷཱརིཏཱ. ཨཔརེཧིཔི པཉྩཧངྒེཧི སམནྣཱགཏོ ཝིནཡདྷརོ བཱལོ ཏྭེཝ སངྑཾ གཙྪཏི – ཨཱཔཏྟཱནཱཔཏྟིཾ ན ཛཱནཱཏི, ལཧུཀགརུཀཾ ཨཱཔཏྟིཾ ན ཛཱནཱཏི, སཱཝསེསཱནཝསེསཾ ¶ ཨཱཔཏྟིཾ ན ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ¶ ཛཱནཱཏི, ཨུབྷཡཱནི ཁོ པནསྶ པཱཏིམོཀྑཱནི ན ཝིཏྠཱརེན སྭཱགཏཱནི ཧོནྟི ན སུཝིབྷཏྟཱནི ན སུཔྤཝཏྟཱིནི ན སུཝིནིཙྪིཏཱནི སུཏྟསོ ཨནུབྱཉྫནསོ. པཉྩཧངྒེཧི སམནྣཱགཏོ ཝིནཡདྷརོ པཎྜིཏོ ཏྭེཝ སངྑཾ གཙྪཏི – ཨཱཔཏྟཱནཱཔཏྟིཾ ཛཱནཱཏི, ལཧུཀགརུཀཾ ཨཱཔཏྟིཾ ཛཱནཱཏི, སཱཝསེསཱནཝསེསཾ ཨཱཔཏྟིཾ ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ཛཱནཱཏི, ཨུབྷཡཱནི ཁོ པནསྶ པཱཏིམོཀྑཱནི ཝིཏྠཱརེན སྭཱགཏཱནི ཧོནྟི སུཝིབྷཏྟཱནི སུཔྤཝཏྟཱིནི སུཝིནིཙྪིཏཱནི སུཏྟསོ ཨནུབྱཉྫནསོ. ཨཔརེཧིཔི པཉྩཧངྒེཧི སམནྣཱགཏོ ཝིནཡདྷརོ བཱལོ ཏྭེཝ སངྑཾ གཙྪཏི – ཨཱཔཏྟཱནཱཔཏྟིཾ ན ཛཱནཱཏི, ལཧུཀགརུཀཾ ཨཱཔཏྟིཾ ¶ ན ཛཱནཱཏི, སཱཝསེསཱནཝསེསཾ ཨཱཔཏྟིཾ ན ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ན ཛཱནཱཏི, ཨདྷིཀརཎེ ཙ ན ཝིནིཙྪཡཀུསལོ ཧོཏི. པཉྩཧངྒེཧི སམནྣཱགཏོ ཝིནཡདྷརོ པཎྜིཏོ ཏྭེཝ སངྑཾ གཙྪཏི – ཨཱཔཏྟཱནཱཔཏྟིཾ ཛཱནཱཏི, ལཧུཀགརུཀཾ ཨཱཔཏྟིཾ ཛཱནཱཏི, སཱཝསེསཱནཝསེསཾ ཨཱཔཏྟིཾ ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ཛཱནཱཏི, ཨདྷིཀརཎེ ཙ ཝིནིཙྪཡཀུསལོ ཧོཏི.

[ཨ. ནི. ༥.༡༨༡; པརི. ༤༤༣] པཉྩ ¶ ཨཱརཉྙིཀཱ – མནྡཏྟཱ མོམཱུཧཏྟཱ ཨཱརཉྙིཀོ ཧོཏི, པཱཔིཙྪོ ཨིཙྪཱཔཀཏོ ཨཱརཉྙིཀོ ཧོཏི, ཨུམྨཱདཱ ཙིཏྟཀྑེཔཱ ཨཱརཉྙིཀོ ཧོཏི, ཝཎྞིཏཾ བུདྡྷེཧི བུདྡྷསཱཝཀེཧཱིཏི ཨཱརཉྙིཀོ ཧོཏི, ཨཔི ཙ ཨཔྤིཙྪཉྙེཝ ནིསྶཱཡ སནྟུཊྛིཉྙེཝ ནིསྶཱཡ སལླེཁཉྙེཝ ནིསྶཱཡ པཝིཝེཀཉྙེཝ ནིསྶཱཡ ཨིདམཏྠིཏཉྙེཝ [ཨིདམཊྛིཏཉྙེཝ (སཱི. སྱཱ.)] ནིསྶཱཡ ཨཱརཉྙིཀོ ཧོཏི. པཉྩ པིཎྜཔཱཏིཀཱ…པེ… པཉྩ པཾསུཀཱུལིཀཱ…པེ… པཉྩ རུཀྑམཱུལིཀཱ…པེ… པཉྩ སོསཱནིཀཱ…པེ… པཉྩ ཨབྦྷོཀཱསིཀཱ…པེ… པཉྩ ཏེཙཱིཝརིཀཱ…པེ… པཉྩ སཔདཱནཙཱརིཀཱ…པེ… པཉྩ ནེསཛྫིཀཱ…པེ… པཉྩ ཡཐཱསནྠཏིཀཱ…པེ… པཉྩ ཨེཀཱསནིཀཱ…པེ… པཉྩ ཁལུཔཙྪཱབྷཏྟིཀཱ…པེ… པཉྩ པཏྟཔིཎྜིཀཱ – མནྡཏྟཱ མོམཱུཧཏྟཱ པཏྟཔིཎྜིཀོ ཧོཏི, པཱཔིཙྪོ ཨིཙྪཱཔཀཏོ པཏྟཔིཎྜིཀོ ཧོཏི, ཨུམྨཱདཱ ཙིཏྟཀྑེཔཱ པཏྟཔིཎྜིཀོ ཧོཏི, ཝཎྞིཏཾ བུདྡྷེཧི བུདྡྷསཱཝཀེཧཱིཏི པཏྟཔིཎྜིཀོ ཧོཏི, ཨཔི ཙ ཨཔྤིཙྪཉྙེཝ ¶ ནིསྶཱཡ སནྟུཊྛིཉྙེཝ ནིསྶཱཡ སལླེཁཉྙེཝ ནིསྶཱཡ པཝིཝེཀཉྙེཝ ནིསྶཱཡ ཨིདམཏྠིཏཉྙེཝ ནིསྶཱཡ པཏྟཔིཎྜིཀོ ཧོཏི.

[པརི. ༤༡༧] པཉྩཧངྒེཧི ¶ སམནྣཱགཏེན བྷིཀྑུནཱ ནཱནིསྶིཏེན ཝཏྠབྦཾ – ཨུཔོསཐཾ ན ཛཱནཱཏི, ཨུཔོསཐཀམྨཾ ན ཛཱནཱཏི, པཱཏིམོཀྑཾ ན ཛཱནཱཏི, པཱཏིམོཀྑུདྡེསཾ ན ཛཱནཱཏི, ཨཱུནཔཉྩཝསྶོ ཧོཏི. པཉྩཧངྒེཧི ¶ སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ – ཨུཔོསཐཾ ཛཱནཱཏི, ཨུཔོསཐཀམྨཾ ཛཱནཱཏི, པཱཏིམོཀྑཾ ཛཱནཱཏི, པཱཏིམོཀྑུདྡེསཾ ཛཱནཱཏི, པཉྩཝསྶོ ཝཱ ཧོཏི ཨཏིརེཀཔཉྩཝསྶོ ཝཱ. ཨཔརེཧིཔི པཉྩཧངྒེཧི སམནྣཱགཏེན བྷིཀྑུནཱ ནཱནིསྶིཏེན ཝཏྠབྦཾ – པཝཱརཎཾ ན ཛཱནཱཏི, པཝཱརཎཱཀམྨཾ ན ཛཱནཱཏི, པཱཏིམོཀྑཾ ན ཛཱནཱཏི, པཱཏིམོཀྑུདྡེསཾ ན ཛཱནཱཏི, ཨཱུནཔཉྩཝསྶོ ཧོཏི. པཉྩཧངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ – པཝཱརཎཾ ཛཱནཱཏི, པཝཱརཎཱཀམྨཾ ཛཱནཱཏི, པཱཏིམོཀྑཾ ཛཱནཱཏི, པཱཏིམོཀྑུདྡེསཾ ཛཱནཱཏི, པཉྩཝསྶོ ཝཱ ཧོཏི ཨཏིརེཀཔཉྩཝསྶོ ཝཱ. ཨཔརེཧིཔི པཉྩཧངྒེཧི སམནྣཱགཏེན བྷིཀྑུནཱ ནཱནིསྶིཏེན ཝཏྠབྦཾ – ཨཱཔཏྟཱནཱཔཏྟིཾ ན ཛཱནཱཏི, ལཧུཀགརུཀཾ ཨཱཔཏྟིཾ ན ཛཱནཱཏི, སཱཝསེསཱནཝསེསཾ ཨཱཔཏྟིཾ ན ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ན ཛཱནཱཏི, ཨཱུནཔཉྩཝསྶོ ཧོཏི. པཉྩཧངྒེཧི སམནྣཱགཏེན བྷིཀྑུནཱ ཨནིསྶིཏེན ཝཏྠབྦཾ – ཨཱཔཏྟཱནཱཔཏྟིཾ ཛཱནཱཏི, ལཧུཀགརུཀཾ ཨཱཔཏྟིཾ ¶ ཛཱནཱཏི, སཱཝསེསཱནཝསེསཾ ཨཱཔཏྟིཾ ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ཛཱནཱཏི, པཉྩཝསྶོ ཝཱ ཧོཏི ཨཏིརེཀཔཉྩཝསྶོ ཝཱ. པཉྩཧངྒེཧི སམནྣཱགཏཱཡ བྷིཀྑུནིཡཱ ནཱནིསྶིཏཱཡ ཝཏྠབྦཾ – ཨུཔོསཐཾ ན ཛཱནཱཏི, ཨུཔོསཐཀམྨཾ ན ཛཱནཱཏི, པཱཏིམོཀྑཾ ན ཛཱནཱཏི, པཱཏིམོཀྑུདྡེསཾ ན ཛཱནཱཏི, ཨཱུནཔཉྩཝསྶཱ ཧོཏི. པཉྩཧངྒེཧི སམནྣཱགཏཱཡ བྷིཀྑུནིཡཱ ཨནིསྶིཏཱཡ ཝཏྠབྦཾ ¶ – ཨུཔོསཐཾ ཛཱནཱཏི, ཨུཔོསཐཀམྨཾ ཛཱནཱཏི, པཱཏིམོཀྑཾ ཛཱནཱཏི, པཱཏིམོཀྑུདྡེསཾ ཛཱནཱཏི, པཉྩཝསྶཱ ཝཱ ཧོཏི ཨཏིརེཀཔཉྩཝསྶཱ ཝཱ. ཨཔརེཧིཔི པཉྩཧངྒེཧི སམནྣཱགཏཱཡ བྷིཀྑུནིཡཱ ནཱནིསྶིཏཱཡ ཝཏྠབྦཾ – པཝཱརཎཾ ན ཛཱནཱཏི, པཝཱརཎཱཀམྨཾ ན ཛཱནཱཏི, པཱཏིམོཀྑཾ ན ཛཱནཱཏི, པཱཏིམོཀྑུདྡེསཾ ན ཛཱནཱཏི, ཨཱུནཔཉྩཝསྶཱ ཧོཏི. པཉྩཧངྒེཧི སམནྣཱགཏཱཡ བྷིཀྑུནིཡཱ ཨནིསྶིཏཱཡ ཝཏྠབྦཾ – པཝཱརཎཾ ཛཱནཱཏི, པཝཱརཎཱཀམྨཾ ཛཱནཱཏི, པཱཏིམོཀྑཾ ཛཱནཱཏི, པཱཏིམོཀྑུདྡེསཾ ཛཱནཱཏི, པཉྩཝསྶཱ ཝཱ ཧོཏི ཨཏིརེཀཔཉྩཝསྶཱ ཝཱ. ཨཔརེཧིཔི པཉྩཧངྒེཧི སམནྣཱགཏཱཡ བྷིཀྑུནིཡཱ ནཱནིསྶིཏཱཡ ཝཏྠབྦཾ ¶ – ཨཱཔཏྟཱནཱཔཏྟིཾ ན ཛཱནཱཏི, ལཧུཀགརུཀཾ ཨཱཔཏྟིཾ ན ཛཱནཱཏི, སཱཝསེསཱནཝསེསཾ ཨཱཔཏྟིཾ ན ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ན ཛཱནཱཏི, ཨཱུནཔཉྩཝསྶཱ ཧོཏི. པཉྩཧངྒེཧི སམནྣཱགཏཱཡ བྷིཀྑུནིཡཱ ཨནིསྶིཏཱཡ ཝཏྠབྦཾ – ཨཱཔཏྟཱནཱཔཏྟིཾ ཛཱནཱཏི, ལཧུཀགརུཀཾ ཨཱཔཏྟིཾ ཛཱནཱཏི, སཱཝསེསཱནཝསེསཾ ཨཱཔཏྟིཾ ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ¶ ཛཱནཱཏི, པཉྩཝསྶཱ ཝཱ ཧོཏི ཨཏིརེཀཔཉྩཝསྶཱ ཝཱ.

པཉྩ ཨཱདཱིནཝཱ ཨཔཱསཱདིཀེ – ཨཏྟཱཔི ཨཏྟཱནཾ ཨུཔཝདཏི, ཨནུཝིཙྩཔི ཝིཉྙཱུ གརཧནྟི, པཱཔཀོ ཀིཏྟིསདྡོ ཨབྦྷུགྒཙྪཏི, སམྨཱུལ༹ྷོ ཀཱལཾ ཀརོཏི, ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫཏི. པཉྩཱནིསཾསཱ པཱསཱདིཀེ – ཨཏྟཱཔི ཨཏྟཱནཾ ན ཨུཔཝདཏི, ཨནུཝིཙྩཔི ཝིཉྙཱུ པསཾསནྟི, ཀལྱཱཎོ ཀིཏྟིསདྡོ ཨབྦྷུགྒཙྪཏི, ཨསམྨཱུལ༹ྷོ ཀཱལཾ ཀརོཏི, ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫཏི. ཨཔརེཔི པཉྩ ཨཱདཱིནཝཱ ཨཔཱསཱདིཀེ – ཨཔྤསནྣཱ ན པསཱིདནྟི, པསནྣཱནཾ ཨེཀཙྩཱནཾ ཨཉྙཐཏྟཾ ཧོཏི, སཏྠུསཱསནཾ ཨཀཏཾ ཧོཏི, པཙྪིམཱ ཛནཏཱ དིཊྛཱནུགཏིཾ ནཱཔཛྫཏི, ཙིཏྟམསྶ ན པསཱིདཏི. པཉྩཱནིསཾསཱ པཱསཱདིཀེ – ཨཔྤསནྣཱ པསཱིདནྟི, པསནྣཱནཾ བྷིཡྻོབྷཱཝཱཡ ཧོཏི, སཏྠུསཱསནཾ ཀཏཾ ཧོཏི, པཙྪིམཱ ཛནཏཱ དིཊྛཱནུགཏིཾ ཨཱཔཛྫཏི, ཙིཏྟམསྶ པསཱིདཏི. པཉྩ ཨཱདཱིནཝཱ ཀུལཱུཔཀེ – ཨནཱམནྟཙཱརེ ཨཱཔཛྫཏི, རཧོ ནིསཛྫཱཡ ཨཱཔཛྫཏི, པཊིཙྪནྣེ ཨཱསནེ ཨཱཔཛྫཏི, མཱཏུགཱམསྶ ཨུཏྟརིཚཔྤཉྩཝཱཙཱཧི དྷམྨཾ དེསེནྟོ ཨཱཔཛྫཏི, ཀཱམསངྐཔྤབཧུལོ ཙ ཝིཧརཏི. པཉྩ ཨཱདཱིནཝཱ ཀུལཱུཔཀསྶ བྷིཀྑུནོ – ཨཏིཝེལཾ ཀུལེསུ སཾསཊྛསྶ ཝིཧརཏོ མཱཏུགཱམསྶ ཨབྷིཎྷདསྶནཾ, དསྶནེ སཏི སཾསགྒོ, སཾསགྒེ སཏི ཝིསྶཱསོ, ཝིསྶཱསེ སཏི ཨོཏཱརོ, ཨོཏིཎྞཙིཏྟསྶེཏཾ ¶ བྷིཀྑུནོ པཱཊིཀངྑཾ ཨནབྷིརཏོ ཝཱ བྲཧྨཙརིཡཾ ཙརིསྶཏི ཨཉྙཏརཾ ཝཱ སཾཀིལིཊྛཾ ཨཱཔཏྟིཾ ཨཱཔཛྫིསྶཏི སིཀྑཾ ཝཱ པཙྩཀྑཱཡ ཧཱིནཱཡཱཝཏྟིསྶཏི.

[པཱཙི. ༩༢] པཉྩ ¶ བཱིཛཛཱཏཱནི – མཱུལབཱིཛཾ, ཁནྡྷབཱིཛཾ, ཕལུ༹བཱིཛཾ, ཨགྒབཱིཛཾ, བཱིཛབཱིཛཉྙེཝ [བཱིཛབཱིཛམེཝ (ཀ.)] པཉྩམཾ. པཉྩཧི སམཎཀཔྤེཧི ཕལཾ པརིབྷུཉྫིཏབྦཾ – ཨགྒིཔརིཛིཏཾ, སཏྠཔརིཛིཏཾ, ནཁཔརིཛིཏཾ, ཨབཱིཛཾ, ནིབྦཏྟབཱིཛཉྙེཝ [ནིབྦཊྚབཱིཛཉྙེཝ (སཱི.), ནིབྦཊབཱིཛཉྙེཝ (སྱཱ.), ནིཔྤཊྚབཱིཛཉྙེཝ (ཀ.)] པཉྩམཾ. པཉྩ ཝིསུདྡྷིཡོ – ནིདཱནཾ ཨུདྡིསིཏྭཱ ཨཝསེསཾ ¶ སུཏེན སཱཝེཏབྦཾ, ཨཡཾ པཋམཱ ཝིསུདྡྷི; ནིདཱནཾ ཨུདྡིསིཏྭཱ ཙཏྟཱརི པཱརཱཛིཀཱནི ཨུདྡིསིཏྭཱ ཨཝསེསཾ སུཏེན སཱཝེཏབྦཾ, ཨཡཾ དུཏིཡཱ ཝིསུདྡྷི; ནིདཱནཾ ཨུདྡིསིཏྭཱ ཙཏྟཱརི པཱརཱཛིཀཱནི ཨུདྡིསིཏྭཱ ཏེརས སངྒྷཱདིསེསེ ཨུདྡིསིཏྭཱ ཨཝསེསཾ སུཏེན སཱཝེཏབྦཾ, ཨཡཾ ཏཏིཡཱ ཝིསུདྡྷི; ནིདཱནཾ ཨུདྡིསིཏྭཱ ཙཏྟཱརི པཱརཱཛིཀཱནི ཨུདྡིསིཏྭཱ ཏེརས སངྒྷཱདིསེསེ ཨུདྡིསིཏྭཱ དྭེ ཨནིཡཏེ ¶ ཨུདྡིསིཏྭཱ ཨཝསེསཾ སུཏེན སཱཝེཏབྦཾ, ཨཡཾ ཙཏུཏྠཱ ཝིསུདྡྷི; ཝིཏྠཱརེནེཝ པཉྩམཱི. ཨཔརཱཔི པཉྩ ཝིསུདྡྷིཡོ – སུཏྟུདྡེསོ, པཱརིསུདྡྷིཨུཔོསཐོ, ཨདྷིཊྛཱནུཔོསཐོ, པཝཱརཎཱ, སཱམགྒཱིཨུཔོསཐོཡེཝ པཉྩམོ. པཉྩཱནིསཾསཱ ཝིནཡདྷརེ – ཨཏྟནོ སཱིལཀྑནྡྷོ སུགུཏྟོ ཧོཏི སུརཀྑིཏོ, ཀུཀྐུཙྩཔཀཏཱནཾ པཊིསརཎཾ ཧོཏི, ཝིསཱརདོ སངྒྷམཛ྄ཛྷེ ཝོཧརཏི, པཙྩཏྠིཀེ སཧདྷམྨེན སུནིགྒཧིཏཾ ནིགྒཎྷཱཏི, སདྡྷམྨཊྛིཏིཡཱ པཊིཔནྣོ ཧོཏི. པཉྩ ཨདྷམྨིཀཱནི པཱཏིམོཀྑཊྛཔནཱནི ¶ . པཉྩ དྷམྨིཀཱནི པཱཏིམོཀྑཊྛཔནཱནཱིཏི.

པཉྩཀཾ ནིཊྛིཏཾ.

ཏསྶུདྡཱནཾ –

ཨཱཔཏྟི ཨཱཔཏྟིཀྑནྡྷཱ, ཝིནཱིཏཱནནྟརེན ཙ;

པུགྒལཱ ཚེདནཱ ཙེཝ, ཨཱཔཛྫཏི ཙ པཙྩཡཱ.

ན ཨུཔེཏི ཨུཔེཏི ཙ, ཀཔྤནྟུསངྐིཏེལཉྩ;

ཝསཾ བྱསནཱ སམྤདཱ, པསྶདྡྷི པུགྒལེན ཙ.

སོསཱནིཀཾ ཁཱཡིཏཉྩ, ཐེཡྻཾ ཙོརོ ཙ ཝུཙྩཏི;

ཨཝིསྶཛྫི ཨཝེབྷངྒི, ཀཱཡཏོ ཀཱཡཝཱཙཏོ.

དེསནཱ ¶ སངྒྷཾ ཨུདྡེསཾ, པཙྩནྟིཀཐིནེན ཙ;

ཀམྨཱནི ཡཱཝཏཏིཡཾ, པཱརཱཛིཐུལླདུཀྐཊཾ.

ཨཀཔྤིཡཾ ཀཔྤིཡཉྩ, ཨཔུཉྙདུཝིནོདཡཱ;

སམྨཛྫནཱི ཨཔརེ ཙ, བྷཱསཾ ཨཱཔཏྟིམེཝ ཙ.

ཨདྷིཀརཎཾ ཝཏྠུ ཉཏྟི, ཨཱཔཏྟཱ ཨུབྷཡཱནི ཙ;

ལཧུཀཊྛམཀཱ ཨེཏེ, ཀཎྷསུཀྐཱ ཝིཛཱནཐ.

ཨརཉྙཾ པིཎྜཔཱཏཉྩ, པཾསུརུཀྑསུསཱནིཀཱ;

ཨབྦྷོཀཱསོ ཙཱིཝརཉྩ, སཔདཱནོ ནིསཛྫིཀོ.

སནྠཏི ¶ ཁལུ པཙྪཱཔི, པཏྟཔིཎྜིཀམེཝ ཙ;

ཨུཔོསཐཾ ¶ པཝཱརཎཾ, ཨཱཔཏྟཱནཱཔཏྟིཔི ཙ.

ཀཎྷསུཀྐཔདཱ ཨེཏེ, བྷིཀྑུནཱིནམྤི ཏེ ཏཐཱ;

ཨཔཱསཱདིཀཔཱསཱདི, ཏཐེཝ ཨཔརེ དུཝེ.

ཀུལཱུཔཀེ ཨཏིཝེལཾ, བཱིཛཾ སམཎཀཔྤི ཙ;

ཝིསུདྡྷི ཨཔརེ ཙེཝ, ཝིནཡཱདྷམྨིཀེན ཙ;

དྷམྨིཀཱ ཙ ཏཐཱ ཝུཏྟཱ, ནིཊྛིཏཱ སུདྡྷིཔཉྩཀཱཏི.

༦. ཚཀྐཝཱརོ

༣༢༦. [དཱི. ནི. ༣.༣༢༤] ཚ ཨགཱརཝཱ. ཚ གཱརཝཱ. ཚ ཝིནཱིཏཝཏྠཱུནི. ཚ སཱམཱིཙིཡོ. ཚ ཨཱཔཏྟིསམུཊྛཱནཱ. ཚཙྪེདནཀཱ ཨཱཔཏྟིཡོ. ཚཧཱཀཱརེཧི ཨཱཔཏྟིཾ ཨཱཔཛྫཏི. ཚཱནིསཾསཱ ཝིནཡདྷརེ. ཚ པརམཱནི. ཚཱརཏྟཾ ཏིཙཱིཝརེན ཝིཔྤཝསིཏབྦཾ. ཚ ཙཱིཝརཱནི ¶ . ཚ རཛནཱནི. ཚ ཨཱཔཏྟིཡོ ཀཱཡཏོ ཙ ཙིཏྟཏོ ཙ སམུཊྛནྟི ན ཝཱཙཏོ. ཚ ཨཱཔཏྟིཡོ ཝཱཙཏོ ཙ ཙིཏྟཏོ ཙ སམུཊྛནྟི ན ཀཱཡཏོ. ཚ ཨཱཔཏྟིཡོ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི. ཚ ཀམྨཱནི. ཚ ཝིཝཱདམཱུལཱནི. ཚ ཨནུཝཱདམཱུལཱནི. ཚ སཱརཎཱིཡཱ དྷམྨཱ དཱིགྷསོ. ཚ ཝིདཏྠིཡོ, སུགཏཝིདཏྠིཡཱ, ཏིརིཡཾ ཚ ཝིདཏྠིཡོ. ཚ ནིསྶཡཔཊིཔྤསྶདྡྷིཡོ ཨཱཙརིཡམྷཱ. ཚ ནཧཱནེ ཨནུཔཉྙཏྟིཡོ – ཝིཔྤཀཏཙཱིཝརཾ ¶ ཨཱདཱཡ པཀྐམཏི, ཝིཔྤཀཏཙཱིཝརཾ སམཱདཱཡ པཀྐམཏི.

[མཧཱཝ. ༨༥ ཨཱདཡོ] ཚཧངྒེཧི ¶ སམནྣཱགཏེན བྷིཀྑུནཱ ཨུཔསམྤཱདེཏབྦཾ ནིསྶཡོ དཱཏབྦོ སཱམཎེརོ ཨུཔཊྛཱཔེཏབྦོ – ཨསེཀྑེན སཱིལཀྑནྡྷེན སམནྣཱགཏོ ཧོཏི, ཨསེཀྑེན སམཱདྷིཀྑནྡྷེན སམནྣཱགཏོ ཧོཏི, ཨསེཀྑེན པཉྙཀྑནྡྷེན སམནྣཱགཏོ ཧོཏི, ཨསེཀྑེན ཝིམུཏྟིཀྑནྡྷེན སམནྣཱགཏོ ཧོཏི, ཨསེཀྑེན ཝིམུཏྟིཉཱཎདསྶནཀྑནྡྷེན སམནྣཱགཏོ ཧོཏི, དསཝསྶོ ཝཱ ཧོཏི ཨཏིརེཀདསཝསྶོ ཝཱ.

ཨཔརེཧིཔི ཚཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ ནིསྶཡོ དཱཏབྦོ སཱམཎེརོ ཨུཔཊྛཱཔེཏབྦོ – ཨཏྟནཱ ཨསེཀྑེན སཱིལཀྑནྡྷེ ¶ སམནྣཱགཏོ ཧོཏི, པརཾ ཨསེཀྑེ སཱིལཀྑནྡྷེ སམཱདཔེཏཱ; ཨཏྟནཱ ཨསེཀྑེན སམཱདྷིཀྑནྡྷེན སམནྣཱགཏོ ཧོཏི, པརཾ ཨསེཀྑེ སམཱདྷིཀྑནྡྷེ སམཱདཔེཏཱ; ཨཏྟནཱ ཨསེཀྑེན པཉྙཀྑནྡྷེན སམནྣཱགཏོ ཧོཏི, པརཾ ཨསེཀྑེ པཉྙཀྑནྡྷེ སམཱདཔེཏཱ; ཨཏྟནཱ ཨསེཀྑེན ཝིམུཏྟིཀྑནྡྷེན སམནྣཱགཏོ ཧོཏི, པརཾ ཨསེཀྑེ ཝིམུཏྟིཀྑནྡྷེ སམཱདཔེཏཱ; ཨཏྟནཱ ཨསེཀྑེན ཝིམུཏྟིཉཱཎདསྶནཀྑནྡྷེན སམནྣཱགཏོ ཧོཏི, པརཾ ཨསེཀྑེ ཝིམུཏྟིཉཱཎདསྶནཀྑནྡྷེ སམཱདཔེཏཱ; དསཝསྶོ ཝཱ ཧོཏི ཨཏིརེཀདསཝསྶོ ཝཱ.

ཨཔརེཧིཔི ཚཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ ནིསྶཡོ དཱཏབྦོ སཱམཎེརོ ཨུཔཊྛཱཔེཏབྦོ – སདྡྷོ ཧོཏི, ཧིརིམཱ ཧོཏི, ཨོཏྟཔྤཱི ཧོཏི, ཨཱརདྡྷཝཱིརིཡོ ཧོཏི ¶ , ཨུཔཊྛིཏསྶཏི ཧོཏི, དསཝསྶོ ཝཱ ཧོཏི ཨཏིརེཀདསཝསྶོ ཝཱ.

ཨཔརེཧིཔི ཚཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ ནིསྶཡོ དཱཏབྦོ སཱམཎེརོ ཨུཔཊྛཱཔེཏབྦོ – ན ཨདྷིསཱིལེ སཱིལཝིཔནྣོ ཧོཏི, ན ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ན ཨཏིདིཊྛིཡཱ དིཊྛིཝིཔནྣོ ཧོཏི, བཧུསྶུཏོ ཧོཏི, པཉྙཝཱ ཧོཏི, དསཝསྶོ ཝཱ ཧོཏི ཨཏིརེཀདསཝསྶོ ཝཱ.

ཨཔརེཧིཔི ཚཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ ནིསྶཡོ དཱཏབྦོ སཱམཎེརོ ཨུཔཊྛཱཔེཏབྦོ – པཊིབལོ ཧོཏི ཨནྟེཝཱསིཾ ཝཱ སདྡྷིཝིཧཱརིཾ ཝཱ གིལཱནཾ ཨུཔཊྛཱཏུཾ ཝཱ ཨུཔཊྛཱཔེཏུཾ ཝཱ, ཨནབྷིརཏཾ ཝཱུཔཀཱསེཏུཾ ཝཱ ཝཱུཔཀཱསཱཔེཏུཾ ཝཱ [ཨནབྷིརཏིཾ (ཀ.)], ཨུཔྤནྣཾ ཀུཀྐུཙྩཾ དྷམྨཏོ ཝིནོདེཏུཾ [ཝིནོདེཏུཾ ཝཱ ཝིནོདཱཔེཏུཾ ཝཱ (སྱཱ.) མཧཱཝ. ༨༥], ཨཱཔཏྟིཾ ཛཱནཱཏི, ཨཱཔཏྟིཝུཊྛཱནཾ ཛཱནཱཏི, དསཝསྶོ ཝཱ ཧོཏི ཨཏིརེཀདསཝསྶོ ཝཱ.

ཨཔརེཧིཔི ¶ ཚཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ ནིསྶཡོ དཱཏབྦོ སཱམཎེརོ ཨུཔཊྛཱཔེཏབྦོ – པཊིབལོ ཧོཏི ཨནྟེཝཱསིཾ ཝཱ སདྡྷིཝིཧཱརིཾ ཝཱ ཨཱབྷིསམཱཙཱརིཀཱཡ སིཀྑཱཡ སིཀྑཱཔེཏུཾ, ཨཱདིབྲཧྨཙཱརིཡཀཱཡ སིཀྑཱཡ ཝིནེཏུཾ, ཨབྷིདྷམྨེ ཝིནེཏུཾ, ཨབྷིཝིནཡེ ཝིནེཏུཾ, ཨུཔྤནྣཾ དིཊྛིགཏཾ དྷམྨཏོ ཝིཝེཙེཏུཾ, དསཝསྶོ ཝཱ ཧོཏི ཨཏིརེཀདསཝསྶོ ཝཱ.

ཨཔརེཧིཔི ¶ ཚཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ ནིསྶཡོ དཱཏབྦོ སཱམཎེརོ ཨུཔཊྛཱཔེཏབྦོ – ཨཱཔཏྟིཾ ཛཱནཱཏི, ཨནཱཔཏྟིཾ ཛཱནཱཏི, ལཧུཀཾ ¶ ཨཱཔཏྟིཾ ཛཱནཱཏི, གརུཀཾ ཨཱཔཏྟིཾ ཛཱནཱཏི, ཨུབྷཡཱནི ཁོ པནསྶ པཱཏིམོཀྑཱནི ཝིཏྠཱརེན སྭཱགཏཱནི ཧོནྟི སུཝིབྷཏྟཱནི སུཔྤཝཏྟཱིནི སུཝིནིཙྪིཏཱནི སུཏྟསོ ཨནུབྱཉྫནསོ, དསཝསྶོ ཝཱ ཧོཏི ཨཏིརེཀདསཝསྶོ ཝཱ.

ཚ ཨདྷམྨིཀཱནི པཱཏིམོཀྑཊྛཔནཱནི, ཚ དྷམྨིཀཱནི པཱཏིམོཀྑཊྛཔནཱནཱིཏི.

ཚཀྐཾ ནིཊྛིཏཾ.

ཏསྶུདྡཱནཾ –

ཨགཱརཝཱ གཱརཝཱ ཙ, ཝིནཱིཏཱ སཱམཱིཙིཔི ཙ;

སམུཊྛཱནཱ ཚེདནཱ ཙེཝ, ཨཱཀཱརཱནིསཾསེན ཙ.

པརམཱནི ཙ ཚཱརཏྟཾ, ཙཱིཝརཾ རཛནཱནི ཙ;

ཀཱཡཏོ ཙིཏྟཏོ ཙཱཔི, ཝཱཙཏོ ཙིཏྟཏོཔི ཙ.

ཀཱཡཝཱཙཱཙིཏྟཏོ ཙ, ཀམྨཝིཝཱདམེཝ ཙ;

ཨནུཝཱདཱ དཱིགྷསོ ཙ, ཏིརིཡཾ ནིསྶཡེན ཙ.

ཨནུཔཉྙཏྟི ཨཱདཱཡ, སམཱདཱཡ ཏཐེཝ ཙ;

ཨསེཀྑེ སམཱདཔེཏཱ, སདྡྷོ ཨདྷིསཱིལེན ཙ;

གིལཱནཱབྷིསམཱཙཱརཱི, ཨཱཔཏྟཱདྷམྨདྷམྨིཀཱཏི.

༧. སཏྟཀཝཱརོ

༣༢༧. སཏྟཱཔཏྟིཡོ ¶ . སཏྟཱཔཏྟིཀྑནྡྷཱ. སཏྟ ཝིནཱིཏཝཏྠཱུནི. སཏྟ སཱམཱིཙིཡོ. སཏྟ ཨདྷམྨིཀཱ པཊིཉྙཱཏཀརཎཱ. སཏྟ དྷམྨིཀཱ པཊིཉྙཱཏཀརཎཱ. སཏྟནྣཾ ཨནཱཔཏྟི སཏྟཱཧཀརཎཱིཡེན ¶ གནྟུཾ. སཏྟཱནིསཾསཱ ཝིནཡདྷརེ. སཏྟ པརམཱནི ¶ . སཏྟམེ ཨརུཎུགྒམནེ ནིསྶགྒིཡཾ ཧོཏི. སཏྟ སམཐཱ. སཏྟ ཀམྨཱནི. སཏྟ ཨཱམཀདྷཉྙཱནི. ཏིརིཡཾ སཏྟནྟརཱ. གཎབྷོཛནེ ¶ སཏྟ ཨནུཔཉྙཏྟིཡོ. བྷེསཛྫཱནི པཊིགྒཧེཏྭཱ སཏྟཱཧཔརམཾ སནྣིདྷིཀཱརཀཾ པརིབྷུཉྫིཏབྦཱནི. ཀཏཙཱིཝརཾ ཨཱདཱཡ པཀྐམཏི. ཀཏཙཱིཝརཾ སམཱདཱཡ པཀྐམཏི. བྷིཀྑུསྶ ན ཧོཏི ཨཱཔཏྟི དཊྛབྦཱ. བྷིཀྑུསྶ ཧོཏི ཨཱཔཏྟི དཊྛབྦཱ. བྷིཀྑུསྶ ཧོཏི ཨཱཔཏྟི དཊྛབྦཱ [པཊིཀཱཏབྦཱ (སབྦཏྠ) ཨཊྛཀཐཱ ཙ ཙམྤེཡྻཀྑནྡྷཀེ ཨདྷམྨཀམྨཱདིཀཐཱ ཙ ཨོལོཀེཏབྦཱ]. སཏྟ ཨདྷམྨིཀཱནི པཱཏིམོཀྑཊྛཔནཱནི. སཏྟ དྷམྨིཀཱནི པཱཏིམོཀྑཊྛཔནཱནི.

[ཨ. ནི. ༧.༧༥] སཏྟཧངྒེཧི སམནྣཱགཏོ བྷིཀྑུ ཝིནཡདྷརོ ཧོཏི – ཨཱཔཏྟིཾ ཛཱནཱཏི, ཨནཱཔཏྟིཾ ཛཱནཱཏི, ལཧུཀཾ ཨཱཔཏྟིཾ ཛཱནཱཏི, གརུཀཾ ཨཱཔཏྟིཾ ཛཱནཱཏི, སཱིལཝཱ ཧོཏི, པཱཏིམོཀྑསཾཝརསཾཝུཏོ ཝིཧརཏི ཨཱཙཱརགོཙརསམྤནྣོ ཨཎུམཏྟེསུ ཝཛྫེསུ བྷཡདསྶཱཝཱི སམཱདཱཡ སིཀྑཏི སིཀྑཱཔདེསུ, ཙཏུནྣཾ ཛྷཱནཱནཾ ཨཱབྷིཙེཏསིཀཱནཾ དིཊྛདྷམྨསུཁཝིཧཱརཱནཾ ནིཀཱམལཱབྷཱི ཧོཏི ཨཀིཙྪལཱབྷཱི ཨཀསིརལཱབྷཱི, ཨཱསཝཱནཉྩ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཏི.

ཨཔརེཧིཔི སཏྟཧངྒེཧི སམནྣཱགཏོ བྷིཀྑུ ཝིནཡདྷརོ ཧོཏི – ཨཱཔཏྟིཾ ཛཱནཱཏི, ཨནཱཔཏྟིཾ ཛཱནཱཏི, ལཧུཀཾ ཨཱཔཏྟིཾ ཛཱནཱཏི, གརུཀཾ ཨཱཔཏྟིཾ ཛཱནཱཏི, བཧུསྶུཏོ ཧོཏི སུཏདྷརོ སུཏསནྣིཙཡོ ཡེ ཏེ དྷམྨཱ ཨཱདིཀལྱཱཎཱ ¶ མཛ྄ཛྷེཀལྱཱཎཱ པརིཡོསཱནཀལྱཱཎཱ སཱཏྠཾ སབྱཉྫནཾ ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ ཨབྷིཝདནྟི ཏཐཱརཱུཔསྶ དྷམྨཱ བཧུསྶུཏཱ ཧོནྟི དྷཱཏཱ [དྷཏཱ (སཱི. སྱཱ.)] ཝཙསཱ པརིཙིཏཱ མནསཱནུཔེཀྑིཏཱ དིཊྛིཡཱ སུཔྤཊིཝིདྡྷཱ, ཙཏུནྣཾ ཛྷཱནཱནཾ ཨཱབྷིཙེཏསིཀཱནཾ དིཊྛདྷམྨསུཁཝིཧཱརཱནཾ ནིཀཱམལཱབྷཱི ཧོཏི ཨཀིཙྪལཱབྷཱི ཨཀསིརལཱབྷཱི, ཨཱསཝཱནཉྩ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཏི.

ཨཔརེཧིཔི སཏྟཧངྒེཧི སམནྣཱགཏོ བྷིཀྑུ ཝིནཡདྷརོ ཧོཏི – ཨཱཔཏྟིཾ ཛཱནཱཏི, ཨནཱཔཏྟིཾ ཛཱནཱཏི, ལཧུཀཾ ཨཱཔཏྟིཾ ཛཱནཱཏི, གརུཀཾ ཨཱཔཏྟིཾ ཛཱནཱཏི, ཨུབྷཡཱནི ཁོ པནསྶ ¶ པཱཏིམོཀྑཱནི ཝིཏྠཱརེན སྭཱགཏཱནི ཧོནྟི སུཝིབྷཏྟཱནི སུཔྤཝཏྟཱིནི སུཝིནིཙྪིཏཱནི སུཏྟསོ ཨནུབྱཉྫནསོ, ཙཏུནྣཾ ཛྷཱནཱནཾ ཨཱབྷིཙེཏསིཀཱནཾ དིཊྛདྷམྨསུཁཝིཧཱརཱནཾ ནིཀཱམལཱབྷཱི ཧོཏི ཨཀིཙྪལཱབྷཱི ཨཀསིརལཱབྷཱི, ཨཱསཝཱནཉྩ ¶ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཏི.

ཨཔརེཧིཔི སཏྟཧངྒེཧི སམནྣཱགཏོ བྷིཀྑུ ཝིནཡདྷརོ ཧོཏི – ཨཱཔཏྟིཾ ཛཱནཱཏི; ཨནཱཔཏྟིཾ ཛཱནཱཏི; ལཧུཀཾ ཨཱཔཏྟིཾ ཛཱནཱཏི; གརུཀཾ ཨཱཔཏྟིཾ ཛཱནཱཏི; ཨནེཀཝིཧིཏཾ པུབྦེནིཝཱསཾ ཨནུསྶརཏི, སེཡྻཐིདཾ – ཨེཀམྤི ཛཱཏིཾ དྭེཔི ཛཱཏིཡོ ཏིསྶོཔི ཛཱཏིཡོ ཙཏསྶོཔི ཛཱཏིཡོ པཉྩཔི ཛཱཏིཡོ དསཔི ཛཱཏིཡོ ཝཱིསམྤི ཛཱཏིཡོ ཏིཾསམྤི ཛཱཏིཡོ ཙཏྟཱལཱིསམྤི ཛཱཏིཡོ པཉྙཱསམྤི ཛཱཏིཡོ ཛཱཏིསཏམྤི ¶ ཛཱཏིསཧསྶམྤི ཛཱཏིསཏསཧསྶམྤི ཨནེཀེཔི སཾཝཊྚཀཔྤེ ཨནེཀེཔི ཝིཝཊྚཀཔྤེ ཨནེཀེཔི སཾཝཊྚཝིཝཊྚཀཔྤེ – ‘‘ཨམུཏྲཱསིཾ ཨེཝཾནཱམོ ཨེཝཾགོཏྟོ ཨེཝཾཝཎྞོ ཨེཝམཱཧཱརོ ཨེཝཾསུཁདུཀྑཔྤཊིསཾཝེདཱི ཨེཝམཱཡུཔརིཡནྟོ, སོ ཏཏོ ཙུཏོ ཨམུཏྲ ཨུདཔཱདིཾ; ཏཏྲཱཔཱསིཾ ཨེཝཾནཱམོ ཨེཝཾགོཏྟོ ཨེཝཾཝཎྞོ ཨེཝམཱཧཱརོ ཨེཝཾསུཁདུཀྑཔྤཊིསཾཝེདཱི ཨེཝམཱཡུཔརིཡནྟོ, སོ ཏཏོ ཙུཏོ ཨིདྷཱུཔཔནྣོ’’ཏི ཨིཏི སཱཀཱརཾ སཨུདྡེསཾ ཨནེཀཝིཧིཏཾ པུབྦེནིཝཱསཾ ཨནུསྶརཏི; དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན [ཨཏིཀྐནྟམཱནུསྶཀེན (ཀ.)] སཏྟེ པསྶཏི ཙཝམཱནེ ཨུཔཔཛྫམཱནེ ཧཱིནེ པཎཱིཏེ སུཝཎྞེ དུབྦཎྞེ, སུགཏེ དུགྒཏེ ཡཐཱཀམྨཱུཔགེ སཏྟེ པཛཱནཱཏི – ‘‘ཨིམེ ཝཏ བྷོནྟོ སཏྟཱ ཀཱཡདུཙྩརིཏེན སམནྣཱགཏཱ ཝཙཱིདུཙྩརིཏེན སམནྣཱགཏཱ མནོདུཙྩརིཏེན སམནྣཱགཏཱ ཨརིཡཱནཾ ཨུཔཝཱདཀཱ མིཙྪཱདིཊྛིཀཱ མིཙྪཱདིཊྛིཀམྨསམཱདཱནཱ, ཏེ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔནྣཱ, ཨིམེ ཝཱ པན བྷོནྟོ སཏྟཱ ཀཱཡསུཙརིཏེན སམནྣཱགཏཱ ཝཙཱིསུཙརིཏེན སམནྣཱགཏཱ མནོསུཙརིཏེན སམནྣཱགཏཱ ཨརིཡཱནཾ ཨནུཔཝཱདཀཱ སམྨཱདིཊྛིཀཱ སམྨཱདིཊྛིཀམྨསམཱདཱནཱ, ཏེ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔནྣཱ’’ཏི ཨིཏི དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶཏི ཙཝམཱནེ ཨུཔཔཛྫམཱནེ ཧཱིནེ པཎཱིཏེ སུཝཎྞེ དུབྦཎྞེ སུགཏེ དུགྒཏེ ཡཐཱཀམྨཱུཔགེ སཏྟེ པཛཱནཱཏི; ཨཱསཝཱནཉྩ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ཨབྷིཉྙཱ ¶ སཙྪིཀཏྭཱ ཨུཔསམྤཛྫ ཝིཧརཏི.

སཏྟཧངྒེཧི ¶ སམནྣཱགཏོ ཝིནཡདྷརོ སོབྷཏི – ཨཱཔཏྟིཾ ཛཱནཱཏི, ཨནཱཔཏྟིཾ ཛཱནཱཏི, ལཧུཀཾ ཨཱཔཏྟིཾ ཛཱནཱཏི, གརུཀཾ ¶ ཨཱཔཏྟིཾ ཛཱནཱཏི, སཱིལཝཱ ཧོཏི…པེ… སམཱདཱཡ སིཀྑཏི སིཀྑཱཔདེསུ, ཙཏུནྣཾ ཛྷཱནཱནཾ ཨཱབྷིཙེཏསིཀཱནཾ དིཊྛདྷམྨསུཁཝིཧཱརཱནཾ ནིཀཱམལཱབྷཱི ཧོཏི ¶ ཨཀིཙྪལཱབྷཱི ཨཀསིརལཱབྷཱི, ཨཱསཝཱནཉྩ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཏི.

ཨཔརེཧིཔི སཏྟཧངྒེཧི སམནྣཱགཏོ ཝིནཡདྷརོ. སོབྷཏི – ཨཱཔཏྟིཾ ཛཱནཱཏི, ཨནཱཔཏྟིཾ ཛཱནཱཏི, ལཧུཀཾ ཨཱཔཏྟིཾ ཛཱནཱཏི, གརུཀཾ ཨཱཔཏྟིཾ ཛཱནཱཏི, བཧུསྶུཏོ ཧོཏི…པེ… དིཊྛིཡཱ སུཔྤཊིཝིདྡྷོ ཙཏུནྣཾ ཛྷཱནཱནཾ ཨཱབྷིཙེཏསིཀཱནཾ དིཊྛདྷམྨསུཁཝིཧཱརཱནཾ ནིཀཱམལཱབྷཱི ཧོཏི ཨཀིཙྪལཱབྷཱི ཨཀསིརལཱབྷཱི, ཨཱསཝཱནཉྩ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཏི.

ཨཔརེཧིཔི སཏྟཧངྒེཧི སམནྣཱགཏོ ཝིནཡདྷརོ སོབྷཏི – ཨཱཔཏྟིཾ ཛཱནཱཏི, ཨནཱཔཏྟིཾ ཛཱནཱཏི, ལཧུཀཾ ཨཱཔཏྟིཾ ཛཱནཱཏི, གརུཀཾ ཨཱཔཏྟིཾ ཛཱནཱཏི, ཨུབྷཡཱནི ཁོ པནསྶ པཱཏིམོཀྑཱནི ཝིཏྠཱརེན སྭཱགཏཱནི ཧོནྟི སུཝིབྷཏྟཱནི སུཔྤཝཏྟཱིནི སུཝིནིཙྪིཏཱནི སུཏྟསོ ཨནུབྱཉྫནསོ, ཙཏུནྣཾ ཛྷཱནཱནཾ ཨཱབྷིཙེཏསིཀཱནཾ དིཊྛདྷམྨསུཁཝིཧཱརཱནཾ ནིཀཱམལཱབྷཱི ཧོཏི ཨཀིཙྪལཱབྷཱི ཨཀསིརལཱབྷཱི, ཨཱསཝཱནཉྩ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ¶ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཏི.

ཨཔརེཧིཔི སཏྟཧངྒེཧི སམནྣཱགཏོ ཝིནཡདྷརོ སོབྷཏི – ཨཱཔཏྟིཾ ཛཱནཱཏི; ཨནཱཔཏྟིཾ ཛཱནཱཏི; ལཧུཀཾ ཨཱཔཏྟིཾ ཛཱནཱཏི; གརུཀཾ ཨཱཔཏྟིཾ ཛཱནཱཏི; ཨནེཀཝིཧིཏཾ པུབྦེནིཝཱསཾ ཨནུསྶརཏི, སེཡྻཐིདཾ – ཨེཀམྤི ཛཱཏིཾ དྭེཔི ཛཱཏིཡོ…པེ… ཨིཏི སཱཀཱརཾ སཨུདྡེསཾ ཨནེཀཝིཧིཏཾ པུབྦེནིཝཱསཾ ཨནུསྶརཏི, དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶཏི ཙཝམཱནེ ཨུཔཔཛྫམཱནེ ཧཱིནེ པཎཱིཏེ སུཝཎྞེ དུབྦཎྞེ སུགཏེ དུགྒཏེ ཡཐཱཀམྨཱུཔགེ སཏྟེ པཛཱནཱཏི…པེ… ཨིཏི དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶཏི ཙཝམཱནེ ཨུཔཔཛྫམཱནེ ཧཱིནེ པཎཱིཏེ སུཝཎྞེ དུབྦཎྞེ སུགཏེ དུགྒཏེ ཡཐཱཀམྨཱུཔགེ ¶ སཏྟེ པཛཱནཱཏི; ཨཱསཝཱནཉྩ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཏི.

[དཱི. ནི. ༣.༣༣༠] སཏྟ ཨསདྡྷམྨཱ – ཨསྶདྡྷོ ཧོཏི, ཨཧིརིཀོ ཧོཏི, ཨནོཏྟཔྤཱི ཧོཏི, ཨཔྤསྶུཏོ ཧོཏི, ཀུསཱིཏོ ཧོཏི, མུཊྛསྶཏི ཧོཏི, དུཔྤཉྙོ ཧོཏི.

[དཱི. ནི. ༣.༣༣༠] སཏྟ ¶ སདྡྷམྨཱ – སདྡྷོ ཧོཏི, ཧིརིམཱ ཧོཏི, ཨོཏྟཔྤཱི ཧོཏི, བཧུསྶུཏོ ཧོཏི, ཨཱརདྡྷཝཱིརིཡོ ཧོཏི, ཨུཔཊྛིཏསྶཏི ཧོཏི, པཉྙཝཱ ཧོཏཱིཏི.

སཏྟཀཾ ནིཊྛིཏཾ.

ཏསྶུདྡཱནཾ –

ཨཱཔཏྟི ཨཱཔཏྟིཀྑནྡྷཱ, ཝིནཱིཏཱ སཱམཱིཙིཔི ཙ;

ཨདྷམྨིཀཱ དྷམྨིཀཱ ཙ, ཨནཱཔཏྟི ཙ སཏྟཱཧཾ.

ཨཱནིསཾསཱ པརམཱནི, ཨརུཎསམཐེན ཙ;

ཀམྨཱ ཨཱམཀདྷཉྙཱ ཙ, ཏིརིཡཾ གཎབྷོཛནེ.

སཏྟཱཧཔརམཾ ¶ ཨཱདཱཡ, སམཱདཱཡ ཏཐེཝ ཙ;

ན ཧོཏི ཧོཏི ཧོཏི ཙ, ཨདྷམྨཱ དྷམྨིཀཱནི ཙ.

ཙཏུརོ ཝིནཡདྷརཱ, ཙཏུབྷིཀྑཱུ ཙ སོབྷནེ;

སཏྟ ཙེཝ ཨསདྡྷམྨཱ, སཏྟ སདྡྷམྨཱ དེསིཏཱཏི.

༨. ཨཊྛཀཝཱརོ

༣༢༨. ཨཊྛཱནིསཾསེ སམྤསྶམཱནེན ན སོ བྷིཀྑུ ཨཱཔཏྟིཡཱ ཨདསྶནེ ཨུཀྑིཔིཏབྦོ. ཨཊྛཱནིསཾསེ སམྤསྶམཱནེན པརེསམྤི སདྡྷཱཡ སཱ ཨཱཔཏྟི དེསེཏབྦཱ. ཨཊྛ ཡཱཝཏཏིཡཀཱ. ཨཊྛཧཱཀཱརེཧི ཀུལཱནི དཱུསེཏི. ཨཊྛ མཱཏིཀཱ ཙཱིཝརསྶ ཨུཔྤཱདཱཡ. ཨཊྛ མཱཏིཀཱ ཀཐིནསྶ ཨུབྦྷཱརཱཡ. ཨཊྛ པཱནཱནི. [ཙཱུལ༹ཝ. ༣༤༨; ཨ. ནི. ༨.༧] ཨཊྛཧི ཨསདྡྷམྨེཧི ཨབྷིབྷཱུཏོ པརིཡཱདིནྣཙིཏྟོ དེཝདཏྟོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ ¶ . ཨཊྛ ལོཀདྷམྨཱ. ཨཊྛ གརུདྷམྨཱ. ཨཊྛ པཱཊིདེསནཱིཡཱ. ཨཊྛངྒིཀོ མུསཱཝཱདོ ¶ . ཨཊྛ ཨུཔོསཐངྒཱནི. ཨཊྛ དཱུཏེཡྻངྒཱནི. ཨཊྛ ཏིཏྠིཡཝཏྟཱནི. ཨཊྛ ཨཙྪརིཡཱ ཨབྦྷུཏདྷམྨཱ མཧཱསམུདྡེ. ཨཊྛ ཨཙྪརིཡཱ ཨབྦྷུཏདྷམྨཱ ཨིམསྨིཾ དྷམྨཝིནཡེ. ཨཊྛ ཨནཏིརིཏྟཱ. ཨཊྛ ཨཏིརིཏྟཱ. ཨཊྛམེ ཨརུཎུགྒམནེ ནིསྶགྒིཡཾ ཧོཏི. ཨཊྛ པཱརཱཛིཀཱ. ཨཊྛམཾ ཝཏྠུཾ པརིཔཱུརེནྟཱི ནཱསེཏབྦཱ. ཨཊྛམཾ ཝཏྠུཾ པརིཔཱུརེནྟིཡཱ དེསིཏཱཔི ཨདེསིཏཱ ཧོཏི. ཨཊྛཝཱཙིཀཱ ¶ ཨུཔསམྤདཱ. ཨཊྛནྣཾ པཙྩུཊྛཱཏབྦཾ. ཨཊྛནྣཾ ¶ ཨཱསནཾ དཱཏབྦཾ. ཨུཔཱསིཀཱ ཨཊྛ ཝརཱནི ཡཱཙཏི. ཨཊྛཧངྒེཧི སམནྣཱགཏོ བྷིཀྑུ བྷིཀྑུནོཝཱདཀོ སམྨནྣིཏབྦོ [སམྨནིཏབྦོ (ཀ.)]. ཨཊྛཱནིསཾསཱ ཝིནཡདྷརེ. ཨཊྛ པརམཱནི. ཏསྶཔཱཔིཡསིཀཀམྨཀཏེན བྷིཀྑུནཱ ཨཊྛསུ དྷམྨེསུ སམྨཱ ཝཏྟིཏབྦཾ. ཨཊྛ ཨདྷམྨིཀཱནི པཱཏིམོཀྑཊྛཔནཱནི ཨཊྛ དྷམྨིཀཱནི པཱཏིམོཀྑཊྛཔནཱནཱིཏི.

ཨཊྛཀཾ ནིཊྛིཏཾ.

ཏསྶུདྡཱནཾ –

ན སོ བྷིཀྑུ པརེསམྤི, ཡཱཝཏཏིཡདཱུསནཱ;

མཱཏིཀཱ ཀཐིནུབྦྷཱརཱ, པཱནཱ ཨབྷིབྷཱུཏེན ཙ.

ལོཀདྷམྨཱ གརུདྷམྨཱ, པཱཊིདེསནཱིཡཱ མུསཱ;

ཨུཔོསཐཱ ཙ དཱུཏངྒཱ, ཏིཏྠིཡཱ སམུདྡེཔི ཙ.

ཨབྦྷུཏཱ ཨནཏིརིཏྟཾ, ཨཏིརིཏྟཾ ནིསྶགྒིཡཾ;

པཱརཱཛིཀཊྛམཾ ཝཏྠུ, ཨདེསིཏཱུཔསམྤདཱ.

པཙྩུཊྛཱནཱསནཉྩེཝ, ཝརཾ ཨོཝཱདཀེན ཙ;

ཨཱནིསཾསཱ པརམཱནི, ཨཊྛདྷམྨེསུ ཝཏྟནཱ;

ཨདྷམྨིཀཱ དྷམྨིཀཱ ཙ, ཨཊྛཀཱ སུཔྤཀཱསིཏཱཏི.

༩. ནཝཀཝཱརོ

༣༢༩. ནཝ ཨཱགྷཱཏཝཏྠཱུནི. ནཝ ཨཱགྷཱཏཔཊིཝིནཡཱ. ནཝ ཝིནཱིཏཝཏྠཱུནི. ནཝ པཋམཱཔཏྟིཀཱ. ནཝཧི སངྒྷོ བྷིཛྫཏི. ནཝ པཎཱིཏབྷོཛནཱནི ¶ . ནཝམཾསེཧི ¶ དུཀྐཊཾ. ནཝ པཱཏིམོཀྑུདྡེསཱ. ནཝ པརམཱནི. ནཝ ཏཎྷཱམཱུལཀཱ དྷམྨཱ. ནཝ ཝིདྷམཱནཱ. ནཝ ཙཱིཝརཱནི ཨདྷིཊྛཱཏབྦཱནི. ནཝ ཙཱིཝརཱནི ན ཝིཀཔྤེཏབྦཱནི. དཱིགྷསོ ནཝ ཝིདཏྠིཡོ སུགཏཝིདཏྠིཡཱ. ནཝ ཨདྷམྨིཀཱནི དཱནཱནི. ནཝ ཨདྷམྨིཀཱ པཊིགྒཧཱ. ནཝ ཨདྷམྨིཀཱ པརིབྷོགཱ – ཏཱིཎི དྷམྨིཀཱནི དཱནཱནི, ཏཡོ དྷམྨིཀཱ པཊིགྒཧཱ, ཏཡོ དྷམྨིཀཱ པརིབྷོགཱ. ནཝ ཨདྷམྨིཀཱ སཉྙཏྟིཡོ ¶ [པཉྙཏྟིཡོ (སབྦཏྠ) ཨཊྛཀཐཱ ཙ སམཐཀྑནྡྷཀེ ཀཎྷཔཀྑནཝཀཉྩ ཨོལོཀེཏབྦཾ]. ནཝ དྷམྨིཀཱ སཉྙཏྟིཡོ. ཨདྷམྨཀམྨེ དྭེ ནཝཀཱནི. དྷམྨཀམྨེ དྭེ ¶ ནཝཀཱནི. ནཝ ཨདྷམྨིཀཱནི པཱཏིམོཀྑཊྛཔནཱནི. ནཝ དྷམྨིཀཱནི པཱཏིམོཀྑཊྛཔནཱནཱིཏི.

ནཝཀཾ ནིཊྛིཏཾ.

ཏསྶུདྡཱནཾ –

ཨཱགྷཱཏཝཏྠུཝིནཡཱ, ཝིནཱིཏཱ པཋམེན ཙ;

བྷིཛྫཏི ཙ པཎཱིཏཉྩ, མཾསུདྡེསཔརམཱནི ཙ.

ཏཎྷཱ མཱནཱ ཨདྷིཊྛཱནཱ, ཝིཀཔྤེ ཙ ཝིདཏྠིཡོ;

དཱནཱ པཊིགྒཧཱ བྷོགཱ, ཏིཝིདྷཱ པུན དྷམྨིཀཱ.

ཨདྷམྨདྷམྨསཉྙཏྟི, དུཝེ དྭེ ནཝཀཱནི ཙ;

པཱཏིམོཀྑཊྛཔནཱནི, ཨདྷམྨདྷམྨིཀཱནི ཙཱཏི.

༡༠. དསཀཝཱརོ

༣༣༠. དས ཨཱགྷཱཏཝཏྠཱུནི. དས ཨཱགྷཱཏཔཊིཝིནཡཱ. དས ཝིནཱིཏཝཏྠཱུནི. དསཝཏྠུཀཱ མིཙྪཱདིཊྛི. དསཝཏྠུཀཱ སམྨཱདིཊྛི. དས ཨནྟགྒཱཧིཀཱ དིཊྛི. དས མིཙྪཏྟཱ. དས སམྨཏྟཱ. དས ¶ ཨཀུསལཀམྨཔཐཱ. དས ཀུསལཀམྨཔཐཱ. དས ཨདྷམྨིཀཱ སལཱཀགྒཱཧཱ. དས དྷམྨིཀཱ སལཱཀགྒཱཧཱ. སཱམཎེརཱནཾ དས སིཀྑཱཔདཱནི. དསཧངྒེཧི སམནྣཱགཏོ སཱམཎེརོ ནཱསེཏབྦོ.

དསཧངྒེཧི སམནྣཱགཏོ ཝིནཡདྷརོ བཱལོ ཏྭེཝ སངྑཾ གཙྪཏི – ཨཏྟནོ བྷཱསཔརིཡནྟཾ ན ཨུགྒཎྷཱཏི, པརསྶ བྷཱསཔརིཡནྟཾ ན ཨུགྒཎྷཱཏི ¶ , ཨཏྟནོ བྷཱསཔརིཡནྟཾ ཨནུགྒཧེཏྭཱ པརསྶ བྷཱསཔརིཡནྟཾ ཨནུགྒཧེཏྭཱ ཨདྷམྨེན ཀཱརེཏི, ཨཔྤཊིཉྙཱཡ ཨཱཔཏྟིཾ ན ཛཱནཱཏི, ཨཱཔཏྟིཡཱ མཱུལཾ ན ཛཱནཱཏི, ཨཱཔཏྟིསམུདཡཾ ན ཛཱནཱཏི, ཨཱཔཏྟིནིརོདྷཾ ན ཛཱནཱཏི, ཨཱཔཏྟིནིརོདྷགཱམིནིཾ པཊིཔདཾ ན ཛཱནཱཏི.

དསཧངྒེཧི སམནྣཱགཏོ ཝིནཡདྷརོ པཎྜིཏོ ཏྭེཝ སངྑཾ གཙྪཏི – ཨཏྟནོ བྷཱསཔརིཡནྟཾ ཨུགྒཎྷཱཏི, པརསྶ བྷཱསཔརིཡནྟཾ ཨུགྒཎྷཱཏི, ཨཏྟནོ བྷཱསཔརིཡནྟཾ ཨུགྒཧེཏྭཱ པརསྶ བྷཱསཔརིཡནྟཾ ¶ ཨུགྒཧེཏྭཱ དྷམྨེན ཀཱརེཏི, པཊིཉྙཱཡ ཨཱཔཏྟིཾ ཛཱནཱཏི, ཨཱཔཏྟིཡཱ མཱུལཾ ཛཱནཱཏི, ཨཱཔཏྟིསམུདཡཾ ཛཱནཱཏི, ཨཱཔཏྟིནིརོདྷཾ ཛཱནཱཏི, ཨཱཔཏྟིནིརོདྷགཱམིནིཾ པཊིཔདཾ ཛཱནཱཏི.

ཨཔརེཧིཔི དསཧངྒེཧི སམནྣཱགཏོ ཝིནཡདྷརོ བཱལོ ཏྭེཝ སངྑཾ གཙྪཏི – ཨདྷིཀརཎཾ ན ཛཱནཱཏི, ཨདྷིཀརཎསྶ མཱུལཾ ན ཛཱནཱཏི, ཨདྷིཀརཎསམུདཡཾ ན ཛཱནཱཏི, ཨདྷིཀརཎནིརོདྷཾ ན ཛཱནཱཏི, ཨདྷིཀརཎནིརོདྷགཱམིནིཾ པཊིཔདཾ ན ཛཱནཱཏི, ཝཏྠུཾ ན ཛཱནཱཏི, ནིདཱནཾ [ཨུདྡཱནཾ (ཀ.)] ན ཛཱནཱཏི, པཉྙཏྟིཾ ན ཛཱནཱཏི, ཨནུཔཉྙཏྟིཾ ན ཛཱནཱཏི ¶ , ཨནུསནྡྷིཝཙནཔཐཾ ན ཛཱནཱཏི.

དསཧངྒེཧི སམནྣཱགཏོ ཝིནཡདྷརོ པཎྜིཏོ ཏྭེཝ སངྑཾ གཙྪཏི – ཨདྷིཀརཎཾ ཛཱནཱཏི, ཨདྷིཀརཎསྶ མཱུལཾ ཛཱནཱཏི, ཨདྷིཀརཎསམུདཡཾ ཛཱནཱཏི, ཨདྷིཀརཎནིརོདྷཾ ཛཱནཱཏི, ཨདྷིཀརཎནིརོདྷགཱམིནིཾ པཊིཔདཾ ཛཱནཱཏི, ཝཏྠུཾ ཛཱནཱཏི, ནིདཱནཾ ཛཱནཱཏི, པཉྙཏྟིཾ ཛཱནཱཏི, ཨནུཔཉྙཏྟིཾ ཛཱནཱཏི, ཨནུསནྡྷིཝཙནཔཐཾ ཛཱནཱཏི.

ཨཔརེཧིཔི དསཧངྒེཧི སམནྣཱགཏོ ¶ ཝིནཡདྷརོ བཱལོ ཏྭེཝ སངྑཾ གཙྪཏི – ཉཏྟིཾ ན ཛཱནཱཏི, ཉཏྟིཡཱ ཀརཎཾ ན ཛཱནཱཏི, ན པུབྦཀུསལོ ཧོཏི, ན ཨཔརཀུསལོ ཧོཏི, ཨཀཱལཉྙཱུ ཙ ཧོཏི, ཨཱཔཏྟཱནཱཔཏྟིཾ ན ཛཱནཱཏི, ལཧུཀགརུཀཾ ཨཱཔཏྟིཾ ན ཛཱནཱཏི, སཱཝསེསཱནཝསེསཾ ཨཱཔཏྟིཾ ན ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ན ཛཱནཱཏི, ཨཱཙརིཡཔརམྤརཱ ཁོ པནསྶ ན སུགྒཧིཏཱ ཧོཏི ན སུམནསིཀཏཱ ན སཱུཔདྷཱརིཏཱ.

དསཧངྒེཧི ¶ སམནྣཱགཏོ ཝིནཡདྷརོ པཎྜིཏོ ཏྭེཝ སངྑཾ གཙྪཏི – ཉཏྟིཾ ཛཱནཱཏི, ཉཏྟིཡཱ ཀརཎཾ ཛཱནཱཏི, པུབྦཀུསལོ ཧོཏི, ཨཔརཀུསལོ ཧོཏི, ཀཱལཉྙཱུ ཙ ཧོཏི, ཨཱཔཏྟཱནཱཔཏྟིཾ ཛཱནཱཏི, ལཧུཀགརུཀཾ ཨཱཔཏྟིཾ ཛཱནཱཏི, སཱཝསེསཱནཝསེསཾ ཨཱཔཏྟིཾ ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ཛཱནཱཏི, ཨཱཙརིཡཔརམྤརཱ ཁོ པནསྶ སུགྒཧིཏཱ ཧོཏི སུམནསིཀཏཱ སཱུཔདྷཱརིཏཱ.

ཨཔརེཧིཔི དསཧངྒེཧི སམནྣཱགཏོ ཝིནཡདྷརོ བཱལོ ཏྭེཝ སངྑཾ གཙྪཏི – ཨཱཔཏྟཱནཱཔཏྟིཾ ན ཛཱནཱཏི, ལཧུཀགརུཀཾ ཨཱཔཏྟིཾ ན ཛཱནཱཏི, སཱཝསེསཱནཝསེསཾ ཨཱཔཏྟིཾ ན ¶ ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ན ཛཱནཱཏི, ཨུབྷཡཱནི ཁོ པནསྶ པཱཏིམོཀྑཱནི ཝིཏྠཱརེན ན སྭཱགཏཱནི ཧོནྟི ན སུཝིབྷཏྟཱནི ན སུཔྤཝཏྟཱིནི ན སུཝིནིཙྪིཏཱནི སུཏྟསོ ཨནུབྱཉྫནསོ ¶ , ཨཱཔཏྟཱནཱཔཏྟིཾ ན ཛཱནཱཏི, ལཧུཀགརུཀཾ ཨཱཔཏྟིཾ ན ཛཱནཱཏི, སཱཝསེསཱནཝསེསཾ ཨཱཔཏྟིཾ ན ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ན ཛཱནཱཏི, ཨདྷིཀརཎེ ཙ ན ཝིནིཙྪཡཀུསལོ ཧོཏི.

དསཧངྒེཧི སམནྣཱགཏོ ཝིནཡདྷརོ པཎྜིཏོ ཏྭེཝ སངྑཾ གཙྪཏི – ཨཱཔཏྟཱནཱཔཏྟིཾ ཛཱནཱཏི, ལཧུཀགརུཀཾ ཨཱཔཏྟིཾ ཛཱནཱཏི, སཱཝསེསཱནཝསེསཾ ཨཱཔཏྟིཾ ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ཛཱནཱཏི, ཨུབྷཡཱནི ཁོ པནསྶ པཱཏིམོཀྑཱནི ཝིཏྠཱརེན སྭཱགཏཱནི ཧོནྟི སུཝིབྷཏྟཱནི སུཔྤཝཏྟཱིནི སུཝིནིཙྪིཏཱནི སུཏྟསོ ཨནུབྱཉྫནསོ, ཨཱཔཏྟཱནཱཔཏྟིཾ ཛཱནཱཏི, ལཧུཀགརུཀཾ ཨཱཔཏྟིཾ ཛཱནཱཏི, སཱཝསེསཱནཝསེསཾ ཨཱཔཏྟིཾ ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ཛཱནཱཏི, ཨདྷིཀརཎེ ཙ ཝིནིཙྪཡཀུསལོ ཧོཏི.

[ཨ. ནི. ༡༠.༣༣] དསཧངྒེཧི སམནྣཱགཏོ བྷིཀྑུ ཨུབྦཱཧིཀཱཡ སམྨནྣིཏབྦོ. དས ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ. དས ཨཱདཱིནཝཱ རཱཛནྟེཔུརཔྤཝེསནེ. དས དཱནཝཏྠཱུནི. དས རཏནཱནི. དསཝགྒོ བྷིཀྑུསངྒྷོ. དསཝགྒེན གཎེན ཨུཔསམྤཱདེཏབྦཾ. དས པཾསུཀཱུལཱནི. དས ཙཱིཝརདྷཱརཎཱ [ཙཱིཝརདྷཱརཎཱནི (སྱཱ.)]. དསཱཧཔརམཾ ཨཏིརེཀཙཱིཝརཾ དྷཱརེཏབྦཾ ¶ . དས སུཀྐཱནི. དས ཨིཏྠིཡོ. དས ¶ བྷརིཡཱཡོ. ཝེསཱལིཡཱ དས ཝཏྠཱུནི དཱིཔེནྟི. དས པུགྒལཱ ཨཝནྡིཡཱ. དས ཨཀྐོསཝཏྠཱུནི. དསཧཱཀཱརེཧི པེསུཉྙཾ ཨུཔསཾཧརཏི. དས སེནཱསནཱནི. དས ཝརཱནི ཡཱཙིཾསུ. དས ཨདྷམྨིཀཱནི པཱཏིམོཀྑཊྛཔནཱནི. དས དྷམྨིཀཱནི པཱཏིམོཀྑཊྛཔནཱནི. དསཱནིསཾསཱ ཡཱགུཡཱ. དས མཾསཱ ཨཀཔྤིཡཱ. དས པརམཱནི. དསཝསྶེན བྷིཀྑུནཱ བྱཏྟེན པཊིབལེན པབྦཱཛེཏབྦཾ ཨུཔསམྤཱདེཏབྦཾ ནིསྶཡོ དཱཏབྦོ སཱམཎེརོ ཨུཔཊྛཱཔེཏབྦོ. དསཝསྶཱཡ བྷིཀྑུནིཡཱ བྱཏྟཱཡ པཊིབལཱཡ པབྦཱཛེཏབྦཾ ཨུཔསམྤཱདེཏབྦཾ ནིསྶཡོ དཱཏབྦོ སཱམཎེརཱི ཨུཔཊྛཱཔེཏབྦཱ. དསཝསྶཱཡ བྷིཀྑུནིཡཱ བྱཏྟཱཡ པཊིབལཱཡ ཝུཊྛཱཔནསམྨུཏི སཱདིཏབྦཱ. དསཝསྶཱཡ གིཧིགཏཱཡ སིཀྑཱ དཱཏབྦཱཏི.

དསཀཾ ནིཊྛིཏཾ.

ཏསྶུདྡཱནཾ –

ཨཱགྷཱཏཾ ¶ ཝིནཡཾ ཝཏྠུ, མིཙྪཱ སམྨཱ ཙ ཨནྟགཱ;

མིཙྪཏྟཱ ཙེཝ སམྨཏྟཱ, ཨཀུསལཱ ཀུསལཱཔི ཙ.

སལཱཀཱ ¶ ཨདྷམྨཱ དྷམྨཱ, སཱམཎེརཱ ཙ ནཱསནཱ;

བྷཱསཱདྷིཀརཎཉྩེཝ, ཉཏྟིལཧུཀམེཝ ཙ.

ལཧུཀཱ གརུཀཱ ཨེཏེ, ཀཎྷསུཀྐཱ ཝིཛཱནཐ;

ཨུབྦཱཧིཀཱ ཙ སིཀྑཱ ཙ, ཨནྟེཔུརེ ཙ ཝཏྠཱུནི.

རཏནཾ ¶ དསཝགྒོ ཙ, ཏཐེཝ ཨུཔསམྤདཱ;

པཾསུཀཱུལདྷཱརཎཱ ཙ, དསཱཧསུཀྐཨིཏྠིཡོ.

བྷརིཡཱ དས ཝཏྠཱུནི, ཨཝནྡིཡཀྐོསེན ཙ;

པེསུཉྙཉྩེཝ སེནཱནི, ཝརཱནི ཙ ཨདྷམྨིཀཱ.

དྷམྨིཀཱ ཡཱགུམཾསཱ ཙ, པརམཱ བྷིཀྑུ བྷིཀྑུནཱི;

ཝུཊྛཱཔནཱ གིཧིགཏཱ, དསཀཱ སུཔྤཀཱསིཏཱཏི.

༡༡. ཨེཀཱདསཀཝཱརོ

༣༣༡. ཨེཀཱད ¶ པུགྒལཱ ཨནུཔསམྤནྣཱ ན ཨུཔསམྤཱདེཏབྦཱ, ཨུཔསམྤནྣཱ ནཱསེཏབྦཱ. ཨེཀཱདས པཱདུཀཱ ཨཀཔྤིཡཱ. ཨེཀཱདས པཏྟཱ ཨཀཔྤིཡཱ. ཨེཀཱདས ཙཱིཝརཱནི ཨཀཔྤིཡཱནི. ཨེཀཱདས ཡཱཝཏཏིཡཀཱ. བྷིཀྑུནཱིནཾ ཨེཀཱདས ཨནྟརཱཡིཀཱ དྷམྨཱ པུཙྪིཏབྦཱ. ཨེཀཱདས ཙཱིཝརཱནི ཨདྷིཊྛཱཏབྦཱནི. ཨེཀཱདས ཙཱིཝརཱནི ན ཝིཀཔྤེཏབྦཱནི. ཨེཀཱདསེ ཨརུཎུགྒམནེ ནིསྶགྒིཡཾ ཧོཏི. ཨེཀཱདས གཎྛིཀཱ ཀཔྤིཡཱ. ཨེཀཱདས ཝིདྷཱ [ཝཱིཐཱ (སྱཱ.)] ཀཔྤིཡཱ. ཨེཀཱདས པཐཝཱི ཨཀཔྤིཡཱ. ཨེཀཱདས པཐཝཱི ཀཔྤིཡཱ. ཨེཀཱདས ནིསྶཡཔཊིཔྤསྶདྡྷིཡོ. ཨེཀཱདས པུགྒལཱ ཨཝནྡིཡཱ. ཨེཀཱདས པརམཱནི. ཨེཀཱདས ཝརཱནི ཡཱཙིཾསུ. ཨེཀཱདས སཱིམཱདོསཱ. ཨཀྐོསཀཔརིབྷཱསཀེ པུགྒལེ ཨེཀཱདསཱདཱིནཝཱ པཱཊིཀངྑཱ. [ཨ. ནི. ༡༡.༡༥; མི. པ. ༤.༤.༦] མེཏྟཱཡ ཙེཏོཝིམུཏྟིཡཱ ཨཱསེཝིཏཱཡ བྷཱཝིཏཱཡ བཧུལཱིཀཏཱཡ ཡཱནཱིཀཏཱཡ ཝཏྠུཀཏཱཡ ཨནུཊྛིཏཱཡ པརིཙིཏཱཡ སུསམཱརདྡྷཱཡ ཨེཀཱདསཱནིསཾསཱ པཱཊིཀངྑཱ ¶ . སུཁཾ སུཔཏི, སུཁཾ པཊིབུཛ྄ཛྷཏི, ན པཱཔཀཾ སུཔིནཾ པསྶཏི, མནུསྶཱནཾ པིཡོ ཧོཏི, ཨམནུསྶཱནཾ པིཡོ ཧོཏི, དེཝཏཱ རཀྑནྟི, ནཱསྶ ཨགྒི ཝཱ ཝིསཾ ཝཱ སཏྠཾ ཝཱ ཀམཏི, ཏུཝཊྚཾ ཙིཏྟཾ སམཱདྷིཡཏི, མུཁཝཎྞོ ཝིཔྤསཱིདཏི, ཨསམྨཱུལ༹ྷོ ཀཱལངྐརོཏི, ཨུཏྟརི ཨཔྤཊིཝིཛ྄ཛྷནྟོ བྲཧྨལོཀཱུཔགོ ཧོཏི – མེཏྟཱཡ ཙེཏོཝིམུཏྟིཡཱ ¶ ཨཱསེཝིཏཱཡ བྷཱཝིཏཱཡ བཧུལཱིཀཏཱཡ ཡཱནཱིཀཏཱཡ ཝཏྠུཀཏཱཡ ཨནུཊྛིཏཱཡ པརིཙིཏཱཡ སུསམཱརདྡྷཱཡ ཨིམེ ཨེཀཱདསཱནིསཾསཱ པཱཊིཀངྑཱཏི.

ཨེཀཱདསཀཾ ནིཊྛིཏཾ.

ཏསྶུདྡཱནཾ –

ནཱསེཏབྦཱ པཱདུཀཱ ཙ, པཏྟཱ ཙ ཙཱིཝརཱནི ཙ;

ཏཏིཡཱ པུཙྪིཏབྦཱ ཙ, ཨདྷིཊྛཱནཝིཀཔྤནཱ.

ཨརུཎཱ ¶ གཎྛིཀཱ ཝིདྷཱ, ཨཀཔྤིཡཱ ཙ ཀཔྤིཡཾ;

ནིསྶཡཱཝནྡིཡཱ ཙེཝ, པརམཱནི ཝརཱནི ཙ;

སཱིམཱདོསཱ ཙ ཨཀྐོསཱ, མེཏྟཱཡེཀཱདསཱ ཀཏཱཏི.

ཨེཀུཏྟརིཀནཡོ.

ཏསྶུདྡཱནཾ –

ཨེཀཀཱ ¶ ཙ དུཀཱ ཙེཝ, ཏིཀཱ ཙ ཙཏུཔཉྩཀཱ;

ཚསཏྟཊྛནཝཀཱ ཙ, དས ཨེཀཱདསཱནི ཙ.

ཧིཏཱཡ སབྦསཏྟཱནཾ, ཉཱཏདྷམྨེན ཏཱདིནཱ;

ཨེཀུཏྟརིཀཱ ཝིམལཱ, མཧཱཝཱིརེན དེསིཏཱཏི.

ཨེཀུཏྟརིཀནཡོ ནིཊྛིཏོ.

ཨུཔོསཐཱདིཔུཙྪཱཝིསྶཛྫནཱ

ཨཱདིམཛ྄ཛྷནྟཔུཙྪནཾ

༣༣༢. ཨུཔོསཐཀམྨསྶ ¶ ¶ ¶ ¶ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? པཝཱརཎཱཀམྨསྶ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? ཏཛྫནཱིཡཀམྨསྶ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? ནིཡསྶཀམྨསྶ…པེ… པབྦཱཛནཱིཡཀམྨསྶ…པེ… པཊིསཱརཎཱིཡཀམྨསྶ…པེ… ཨུཀྑེཔནཱིཡཀམྨསྶ…པེ… པརིཝཱསདཱནསྶ…པེ… མཱུལཱཡཔཊིཀསྶནཱཡ…པེ… མཱནཏྟདཱནསྶ…པེ… ཨབྦྷཱནསྶ…པེ… ཨུཔསམྤདཱཀམྨསྶ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? ཏཛྫནཱིཡཀམྨསྶ པཊིཔྤསྶདྡྷིཡཱ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? ནིཡསྶཀམྨསྶ པཊིཔྤསྶདྡྷིཡཱ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? པབྦཱཛནཱིཡཀམྨསྶ པཊིཔྤསྶདྡྷིཡཱ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? པཊིསཱརཎཱིཡཀམྨསྶ པཊིཔྤསྶདྡྷིཡཱ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? ཨུཀྑེཔནཱིཡཀམྨསྶ པཊིཔྤསྶདྡྷིཡཱ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? སཏིཝིནཡསྶ ཀོ ཨཱདི, ཀིཾ མཛྫེ, ཀིཾ པརིཡོསཱནཾ? ཨམཱུལ༹ྷཝིནཡསྶ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? ཏསྶཔཱཔིཡསིཀཱཡ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? ཏིཎཝཏྠཱརཀསྶ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? བྷིཀྑུནོཝཱདཀསམྨུཏིཡཱ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? ཏིཙཱིཝརེན ཨཝིཔྤཝཱསསམྨུཏིཡཱ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? སནྠཏསམྨུཏིཡཱ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? རཱུཔིཡཚཌྜཀསམྨུཏིཡཱ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? སཱཊིཡགྒཱཧཱཔཀསམྨུཏིཡོ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? པཏྟགྒཱཧཱཔཀསམྨུཏིཡཱ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? དཎྜསམྨུཏིཡཱ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? སིཀྐཱསམྨུཏིཡཱ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? དཎྜསིཀྐཱསམྨུཏིཡཱ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ?

ཨཱདིམཛ྄ཛྷནྟཝིསྶཛྫནཱ

༣༣༣. ཨུཔོསཐཀམྨསྶ ¶ ¶ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནནྟི? ཨུཔོསཐཀམྨསྶ སཱམགྒཱི ཨཱདི, ཀིརིཡཱ མཛ྄ཛྷེ, ནིཊྛཱནཾ པརིཡོསཱནཾ.

པཝཱརཎཱཀམྨསྶ ¶ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནནྟི? པཝཱརཎཱཀམྨསྶ སཱམགྒཱི ཨཱདི, ཀིརིཡཱ མཛ྄ཛྷེ, ནིཊྛཱནཾ པརིཡོསཱནཾ.

ཏཛྫནཱིཡཀམྨསྶ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནནྟི? ཏཛྫནཱིཡཀམྨསྶ ཝཏྠུ ཙ པུགྒལོ ཙ ཨཱདི, ཉཏྟི མཛ྄ཛྷེ, ཀམྨཝཱཙཱ པརིཡོསཱནཾ.

ནིཡསྶཀམྨསྶ…པེ… པབྦཱཛནཱིཡཀམྨསྶ…པེ… པཊིསཱརཎཱིཡཀམྨསྶ…པེ… ཨུཀྑེཔནཱིཡཀམྨསྶ…པེ… པརིཝཱསདཱནསྶ…པེ… མཱུལཱཡཔཊིཀསྶནཱཡ…པེ… མཱནཏྟདཱནསྶ…པེ… ཨབྦྷཱནསྶ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནནྟི? ཨབྦྷཱནསྶ ཝཏྠུ ཙ པུགྒལོ ཙ ཨཱདི, ཉཏྟི མཛ྄ཛྷེ, ཀམྨཝཱཙཱ པརིཡོསཱནཾ.

ཨུཔསམྤདཱཀམྨསྶ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནནྟི? ཨུཔསམྤདཱཀམྨསྶ པུགྒལོ ཨཱདི, ཉཏྟི མཛ྄ཛྷེ, ཀམྨཝཱཙཱ པརིཡོསཱནཾ.

ཏཛྫནཱིཡཀམྨསྶ པཊིཔྤསྶདྡྷིཡཱ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནནྟི? ཏཛྫནཱིཡཀམྨསྶ པཊིཔྤསྶདྡྷིཡཱ སམྨཱཝཏྟནཱ ཨཱདི, ཉཏྟི མཛ྄ཛྷེ, ཀམྨཝཱཙཱ པརིཡོསཱནཾ.

ནིཡསྶཀམྨསྶ…པེ… པབྦཱཛནཱིཡཀམྨསྶ…པེ… པཊིསཱརཎཱིཡཀམྨསྶ…པེ… ཨུཀྑེཔནཱིཡཀམྨསྶ པཊིཔྤསྶདྡྷིཡཱ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནནྟི? ཨུཀྑེཔནཱིཡཀམྨསྶ པཊིཔྤསྶདྡྷིཡཱ སམྨཱཝཏྟནཱ ཨཱདི, ཉཏྟི མཛ྄ཛྷེ, ཀམྨཝཱཙཱ པརིཡོསཱནཾ.

སཏིཝིནཡསྶ ཀོ ཨཱདི ¶ , ཀིཾ མཛ྄ཛྷེ, ཀིཾ པརིཡོསཱནནྟི? སཏིཝིནཡསྶ ཝཏྠུ ¶ ཙ པུགྒལོ ཙ ཨཱདི, ཉཏྟི མཛ྄ཛྷེ, ཀམྨཝཱཙཱ པརིཡོསཱནཾ.

ཨམཱུལ༹ྷཝིནཡསྶ ¶ …པེ… ཏསྶཔཱཔིཡསིཀཱཡ…པེ… ཏིཎཝཏྠཱརཀསྶ…པེ… བྷིཀྑུནོཝཱདཀསམྨུཏིཡཱ…པེ… ཏིཙཱིཝརེན ཨཝིཔྤཝཱསསམྨུཏིཡཱ…པེ… སནྠཏསམྨུཏིཡཱ…པེ… རཱུཔིཡཚཌྜཀསམྨུཏིཡཱ…པེ… སཱཊིཡགྒཱཧཱཔཀསམྨུཏིཡཱ…པེ… པཏྟགྒཱཧཱཔཀསམྨུཏིཡཱ…པེ… དཎྜསམྨུཏིཡཱ…པེ… སིཀྐཱསམྨུཏིཡཱ…པེ… དཎྜསིཀྐཱསམྨུཏིཡཱ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནནྟི? དཎྜསིཀྐཱསམྨུཏིཡཱ ཝཏྠུ ཙ པུགྒལོ ཙ ཨཱདི, ཉཏྟི མཛ྄ཛྷེ, ཀམྨཝཱཙཱ པརིཡོསཱནཾ.

ཨུཔོསཐཱདིཔུཙྪཱཝིསྶཛྫནཱ ནིཊྛིཏཱ.

ཨཏྠཝསཔཀརཎཾ

༣༣༤. [ཨ. ནི. ༡༠.༣༣༤; པརི. ༢༢] དས ¶ ¶ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ – སངྒྷསུཊྛུཏཱཡ, སངྒྷཕཱསུཏཱཡ, དུམྨངྐཱུནཾ པུགྒལཱནཾ ནིགྒཧཱཡ, པེསལཱནཾ བྷིཀྑཱུནཾ ཕཱསུཝིཧཱརཱཡ, དིཊྛདྷམྨིཀཱནཾ ཨཱསཝཱནཾ སཾཝརཱཡ, སམྤརཱཡིཀཱནཾ ཨཱསཝཱནཾ པཊིགྷཱཏཱཡ, ཨཔྤསནྣཱནཾ པསཱདཱཡ, པསནྣཱནཾ བྷིཡྻོབྷཱཝཱཡ, སདྡྷམྨཊྛིཏིཡཱ ཝིནཡཱནུགྒཧཱཡ.

ཡཾ སངྒྷསུཊྛུ ཏཾ སངྒྷཕཱསུ. ཡཾ སངྒྷཕཱསུ ཏཾ དུམྨངྐཱུནཾ པུགྒལཱནཾ ནིགྒཧཱཡ. ཡཾ དུམྨངྐཱུནཾ པུགྒལཱནཾ ནིགྒཧཱཡ ཏཾ པེསལཱནཾ བྷིཀྑཱུནཾ ཕཱསུཝིཧཱརཱཡ. ཡཾ པེསལཱནཾ བྷིཀྑཱུནཾ ཕཱསུཝིཧཱརཱཡ ཏཾ དིཊྛདྷམྨིཀཱནཾ ཨཱསཝཱནཾ སཾཝརཱཡ. ཡཾ དིཊྛདྷམྨིཀཱནཾ ཨཱསཝཱནཾ སཾཝརཱཡ ཏཾ སམྤརཱཡིཀཱནཾ ཨཱསཝཱནཾ པཊིགྷཱཏཱཡ. ཡཾ སམྤརཱཡིཀཱནཾ ཨཱསཝཱནཾ པཊིགྷཱཏཱཡ ཏཾ ཨཔྤསནྣཱནཾ པསཱདཱཡ. ཡཾ ཨཔྤསནྣཱནཾ པསཱདཱཡ ཏཾ པསནྣཱནཾ བྷིཡྻོབྷཱཝཱཡ. ཡཾ པསནྣཱནཾ བྷིཡྻོབྷཱཝཱཡ ཏཾ སདྡྷམྨཊྛིཏིཡཱ. ཡཾ སདྡྷམྨཊྛིཏིཡཱ ཏཾ ཝིནཡཱནུགྒཧཱཡ.

ཡཾ སངྒྷསུཊྛུ ཏཾ སངྒྷཕཱསུ. ཡཾ སངྒྷསུཊྛུ ཏཾ དུམྨངྐཱུནཾ པུགྒལཱནཾ ནིགྒཧཱཡ. ཡཾ སངྒྷསུཊྛུ ཏཾ པེསལཱནཾ བྷིཀྑཱུནཾ ཕཱསུཝིཧཱརཱཡ. ཡཾ སངྒྷསུཊྛུ ཏཾ དིཊྛདྷམྨིཀཱནཾ ཨཱསཝཱནཾ སཾཝརཱཡ. ཡཾ སངྒྷསུཊྛུ ཏཾ སམྤརཱཡིཀཱནཾ ཨཱསཝཱནཾ པཊིགྷཱཏཱཡ. ཡཾ སངྒྷསུཊྛུ ཏཾ ¶ ཨཔྤསནྣཱནཾ པསཱདཱཡ. ཡཾ སངྒྷསུཊྛུ ཏཾ པསནྣཱནཾ བྷིཡྻོབྷཱཝཱཡ. ཡཾ སངྒྷསུཊྛུ ཏཾ སདྡྷམྨཊྛིཏིཡཱ. ཡཾ སངྒྷསུཊྛུ ཏཾ ཝིནཡཱནུགྒཧཱཡ.

ཡཾ སངྒྷཕཱསུ ཏཾ དུམྨངྐཱུནཾ པུགྒལཱནཾ ནིགྒཧཱཡ. ཡཾ སངྒྷཕཱསུ ཏཾ པེསལཱནཾ བྷིཀྑཱུནཾ ཕཱསུཝིཧཱརཱཡ ¶ . ཡཾ སངྒྷཕཱསུ ཏཾ དིཊྛདྷམྨིཀཱནཾ ཨཱསཝཱནཾ སཾཝརཱཡ. ཡཾ སངྒྷཕཱསུ ཏཾ སམྤརཱཡིཀཱནཾ ཨཱསཝཱནཾ པཊིགྷཱཏཱཡ. ཡཾ སངྒྷཕཱསུ ཏཾ ཨཔྤསནྣཱནཾ པསཱདཱཡ. ཡཾ སངྒྷཕཱསུ ཏཾ པསནྣཱནཾ བྷིཡྻོབྷཱཝཱཡ. ཡཾ སངྒྷཕཱསུ ཏཾ སདྡྷམྨཊྛིཏིཡཱ. ཡཾ སངྒྷཕཱསུ ཏཾ ཝིནཡཱནུགྒཧཱཡ. ཡཾ སངྒྷཕཱསུ ཏཾ སངྒྷསུཊྛུ.

ཡཾ དུམྨངྐཱུནཾ པུགྒལཱནཾ ནིགྒཧཱཡ…པེ… ཡཾ པེསལཱནཾ བྷིཀྑཱུནཾ ཕཱསུཝིཧཱརཱཡ… ཡཾ དིཊྛདྷམྨིཀཱནཾ ཨཱསཝཱནཾ སཾཝརཱཡ… ཡཾ སམྤརཱཡིཀཱནཾ ཨཱསཝཱནཾ ¶ པཊིགྷཱཏཱཡ… ཡཾ ཨཔྤསནྣཱནཾ པསཱདཱཡ… ཡཾ པསནྣཱནཾ བྷིཡྻོབྷཱཝཱཡ… ཡཾ སདྡྷམྨཊྛིཏིཡཱ… ཡཾ ཝིནཡཱནུགྒཧཱཡ ཏཾ སངྒྷསུཊྛུ. ཡཾ ཝིནཡཱནུགྒཧཱཡ ཏཾ སངྒྷཕཱསུ. ཡཾ ཝིནཡཱནུགྒཧཱཡ ཏཾ དུམྨངྐཱུནཾ པུགྒལཱནཾ ནིགྒཧཱཡ. ཡཾ ཝིནཡཱནུགྒཧཱཡ ཏཾ པེསལཱནཾ བྷིཀྑཱུནཾ ཕཱསུཝིཧཱརཱཡ. ཡཾ ཝིནཡཱནུགྒཧཱཡ ཏཾ དིཊྛདྷམྨིཀཱནཾ ཨཱསཝཱནཾ སཾཝརཱཡ. ཡཾ ཝིནཡཱནུགྒཧཱཡ ཏཾ སམྤརཱཡིཀཱནཾ ཨཱསཝཱནཾ པཊིགྷཱཏཱཡ. ཡཾ ཝིནཡཱནུགྒཧཱཡ ཏཾ ཨཔྤསནྣཱནཾ པསཱདཱཡ. ཡཾ ཝིནཡཱནུགྒཧཱཡ ཏཾ པསནྣཱནཾ བྷིཡྻོབྷཱཝཱཡ. ཡཾ ཝིནཡཱནུགྒཧཱཡ ཏཾ ¶ སདྡྷམྨཊྛིཏིཡཱཏི.

ཨཏྠསཏཾ དྷམྨསཏཾ, དྭེ ཙ ནིརུཏྟིསཏཱནི;

ཙཏྟཱརི ཉཱཎསཏཱནི, ཨཏྠཝསེ པཀརཎེཏི.

ཨཏྠཝསཔཀརཎཾ ནིཊྛིཏཾ.

མཧཱཝགྒོ ནིཊྛིཏོ.

ཏསྶུདྡཱནཾ –

པཋམཾ ཨཊྛཔུཙྪཱཡཾ, པཙྩཡེསུ པུནཊྛ ཙ;

བྷིཀྑཱུནཾ སོལ༹ས ཨེཏེ, བྷིཀྑུནཱིནཉྩ སོལ༹ས.

པེཡྻཱལཨནྟརཱ བྷེདཱ, ཨེཀུཏྟརིཀམེཝ ཙ;

པཝཱརཎཏྠཝསིཀཱ, མཧཱཝགྒསྶ སངྒཧོཏི.

ཨཏྠཝསཔཀརཎཾ ནིཊྛིཏཾ.

གཱཐཱསངྒཎིཀཾ

༡. སཏྟནགརེསུ པཉྙཏྟསིཀྑཱཔདཾ

༣༣༥.

ཨེཀཾསཾ ¶ ¶ ¶ ¶ ཙཱིཝརཾ ཀཏྭཱ, པགྒཎྷིཏྭཱན ཨཉྫལིཾ;

ཨཱསཱིསམཱནརཱུཔོཝ [ཨཱསིཾསམཱནརཱུཔོཝ (སཱི. སྱཱ.)], ཀིསྶ ཏྭཾ ཨིདྷ མཱགཏོ.

དྭཱིསུ ཝིནཡེསུ ཡེ པཉྙཏྟཱ;

ཨུདྡེསཾ ཨཱགཙྪནྟི ཨུཔོསཐེསུ;

ཀཏི ཏེ སིཀྑཱཔདཱ ཧོནྟི;

ཀཏིསུ ནགརེསུ པཉྙཏྟཱ.

བྷདྡཀོ ཏེ ཨུམྨངྒོ, ཡོནིསོ པརིཔུཙྪསི;

ཏགྒྷ ཏེ ཨཧམཀྑིསྶཾ, ཡཐཱསི ཀུསལོ ཏཐཱ.

དྭཱིསུ ཝིནཡེསུ ཡེ པཉྙཏྟཱ;

ཨུདྡེསཾ ཨཱགཙྪནྟི ཨུཔོསཐེསུ;

ཨཌྜྷུཌྜྷསཏཱནི ཏེ ཧོནྟི;

སཏྟསུ ནགརེསུ པཉྙཏྟཱ.

ཀཏམེསུ སཏྟསུ ནགརེསུ པཉྙཏྟཱ;

ཨིངྒྷ མེ ཏྭཾ བྱཱཀར ནཾ [ཨིངྒྷ མེ ཏཾ བྱཱཀར (ཀ.)];

ཏཾ ཝཙནཔཐཾ [ཏཝ ཝཙནཔཐཾ (སྱཱ.)] ནིསཱམཡིཏྭཱ;

པཊིཔཛྫེམ ཧིཏཱཡ ནོ སིཡཱ.

ཝེསཱལིཡཾ ¶ རཱཛགཧེ, སཱཝཏྠིཡཉྩ ཨཱལ༹ཝིཡཾ;

ཀོསམྦིཡཉྩ སཀྐེསུ, བྷགྒེསུ ཙེཝ པཉྙཏྟཱ.

ཀཏི ¶ ཝེསཱལིཡཾ པཉྙཏྟཱ, ཀཏི རཱཛགཧེ ཀཏཱ;

སཱཝཏྠིཡཾ ཀཏི ཧོནྟི, ཀཏི ཨཱལ༹ཝིཡཾ ཀཏཱ.

ཀཏི ཀོསམྦིཡཾ པཉྙཏྟཱ, ཀཏི སཀྐེསུ ཝུཙྩནྟི;

ཀཏི བྷགྒེསུ པཉྙཏྟཱ, ཏཾ མེ ཨཀྑཱཧི པུཙྪིཏོ.

དས ¶ ཝེསཱལིཡཾ པཉྙཏྟཱ, ཨེཀཝཱིས རཱཛགཧེ ཀཏཱ;

ཚཨཱུན ཏཱིཎིསཏཱནི, སབྦེ སཱཝཏྠིཡཾ ཀཏཱ.

ཚ ཨཱལ༹ཝིཡཾ པཉྙཏྟཱ, ཨཊྛ ཀོསམྦིཡཾ ཀཏཱ;

ཨཊྛ སཀྐེསུ ཝུཙྩནྟི, ཏཡོ བྷགྒེསུ པཉྙཏྟཱ.

ཡེ ཝེསཱལིཡཾ པཉྙཏྟཱ, ཏེ སུཎོཧི ཡཐཱཏཐཾ [ཡཐཱཀཐཾ (སཱི. སྱཱ. ཨེཝམུཔརིཔི)];

མེཐུནཝིགྒཧུཏྟརི, ཨཏིརེཀཉྩ ཀཱལ༹ཀཾ.

བྷཱུཏཾ པརམྤརབྷཏྟཾ, དནྟཔོནེན [དནྟཔོཎེན (ཀ.)] ཨཙེལཀོ;

བྷིཀྑུནཱིསུ ཙ ཨཀྐོསོ, དསེཏེ ཝེསཱལིཡཾ ཀཏཱ.

ཡེ རཱཛགཧེ པཉྙཏྟཱ, ཏེ སུཎོཧི ཡཐཱཏཐཾ;

ཨདིནྣཱདཱནཾ རཱཛགཧེ, དྭེ ཨནུདྡྷཾསནཱ དྭེཔི ཙ བྷེདཱ.

ཨནྟརཝཱསཀཾ རཱུཔིཡཾ སུཏྟཾ, ཨུཛ྄ཛྷཱཔནེན ཙ པཱཙིཏཔིཎྜཾ ¶ ¶ ;

གཎབྷོཛནཾ ཝིཀཱལེ ཙ, ཙཱརིཏྟཾ ནཧཱནཾ ཨཱུནཝཱིསཏི.

ཙཱིཝརཾ དཏྭཱ ཝོསཱསནྟི, ཨེཏེ རཱཛགཧེ ཀཏཱ;

གིརགྒཙརིཡཱ ཏཏྠེཝ, ཚནྡདཱནེན ཨེཀཝཱིསཏི.

ཡེ ¶ སཱཝཏྠིཡཾ པཉྙཏྟཱ, ཏེ སུཎོཧི ཡཐཱཏཐཾ;

པཱརཱཛིཀཱནི ཙཏྟཱརི, སངྒྷཱདིསེསཱ བྷཝནྟི སོལ༹ས.

ཨནིཡཏཱ ཙ དྭེ ཧོནྟི, ནིསྶགྒིཡཱ ཙཏུཝཱིསཏི;

ཚཔཉྙཱསསཏཉྩེཝ, ཁུདྡཀཱནི པཝུཙྩནྟི.

དསཡེཝ ཙ གཱརཡ྄ཧཱ, དྭེསཏྟཏི ཙ སེཁིཡཱ;

ཚཨཱུན ཏཱིཎིསཏཱནི, སབྦེ སཱཝཏྠིཡཾ ཀཏཱ.

ཡེ ཨཱལ༹ཝིཡཾ པཉྙཏྟཱ, ཏེ སུཎོཧི ཡཐཱཏཐཾ;

ཀུཊིཀོསིཡསེཡྻཱ ཙ, ཁཎནེ གཙྪ དེཝཏེ;

སཔྤཱཎཀཉྩ སིཉྩནྟི, ཚ ཨེཏེ ཨཱལ༹ཝིཡཾ ཀཏཱ.

ཡེ ཀོསམྦིཡཾ པཉྙཏྟཱ, ཏེ སུཎོཧི ཡཐཱཏཐཾ;

མཧཱཝིཧཱརོ དོཝཙསྶཾ, ཨཉྙཾ དྭཱརཾ སུརཱཡ ཙ;

ཨནཱདརིཡཾ སཧདྷམྨོ, པཡོཔཱནེན ཨཊྛམཾ.

ཡེ ¶ སཀྐེསུ པཉྙཏྟཱ, ཏེ སུཎོཧི ཡཐཱཏཐཾ;

ཨེལ༹ཀལོམཱནི པཏྟོ ཙ, ཨོཝཱདོ ཙེཝ བྷེསཛྫཾ.

སཱུཙི ཨཱརཉྙིཀོ ཙེཝ, ཨཊྛེཏེ [ཚ ཨེཏེ (སབྦཏྠ)] ཀཱཔིལཝཏྠཝེ;

ཨུདཀསུདྡྷིཡཱ ¶ ཨོཝཱདོ, བྷིཀྑུནཱིསུ པཝུཙྩནྟི.

ཡེ བྷགྒེསུ པཉྙཏྟཱ, ཏེ སུཎོཧི ཡཐཱཏཐཾ;

སམཱདཧིཏྭཱ ཝིསིབྦེནྟི, སཱམིསེན སསིཏྠཀཾ.

པཱརཱཛིཀཱནི ཙཏྟཱརི, སངྒྷཱདིསེསཱནི བྷཝནྟི;

སཏྟ ཙ ནིསྶགྒིཡཱནི, ཨཊྛ དྭཏྟིཾས ཁུདྡཀཱ.

དྭེ ¶ གཱརཡ྄ཧཱ ཏཡོ སེཀྑཱ, ཚཔྤཉྙཱས སིཀྑཱཔདཱ;

ཚསུ ནགརེསུ པཉྙཏྟཱ, བུདྡྷེནཱདིཙྩབནྡྷུནཱ.

ཚཨཱུན ཏཱིཎིསཏཱནི, སབྦེ སཱཝཏྠིཡཾ ཀཏཱ;

ཀཱརུཎིཀེན བུདྡྷེན, གོཏམེན ཡསསྶིནཱ.

༢. ཙཏུཝིཔཏྟིཾ

༣༣༦.

ཡཾ ཏཾ [ཡཾ ཡཾ (ཀ.)] པུཙྪིམྷ ཨཀིཏྟཡི ནོ;

ཏཾ ཏཾ བྱཱཀཏཾ ཨནཉྙཐཱ;

ཨཉྙཾ ཏཾ པུཙྪཱམི ཏདིངྒྷ བྲཱུཧི;

གརུཀ ལཧུཀཉྩཱཔི སཱཝསེསཾ;

ཨནཝསེསཾ དུཊྛུལླཉྩ ཨདུཊྛུལླཾ;

ཡེ ཙ ཡཱཝཏཏིཡཀཱ.

སཱདྷཱརཎཾ ཨསཱདྷཱརཎཾ;

ཝིབྷཏྟིཡོ ཙ [ཝིཔཏྟིཡོ ཙ (སཱི. སྱཱ.)] ཡེཧི སམཐེཧི སམྨནྟི;

སབྦཱནིཔེཏཱནི ཝིཡཱཀརོཧི;

ཧནྡ ཝཱཀྱཾ སུཎོམ ཏེ.

ཨེཀཏིཾསཱ ¶ ཡེ གརུཀཱ, ཨཊྛེཏྠ ཨནཝསེསཱ;

ཡེ ¶ གརུཀཱ ཏེ དུཊྛུལླཱ, ཡེ དུཊྛུལླཱ སཱ སཱིལཝིཔཏྟི;

པཱརཱཛིཀཾ སངྒྷཱདིསེསོ, ‘‘སཱིལཝིཔཏྟཱི’’ཏི ཝུཙྩཏི.

ཐུལླཙྩཡཾ ¶ པཱཙིཏྟིཡཱ, པཱཊིདེསནཱིཡཾ དུཀྐཊཾ;

དུབྦྷཱསིཏཾ ཡོ ཙཱཡཾ, ཨཀྐོསཏི ཧསཱདྷིཔྤཱཡོ;

ཨཡཾ སཱ ཨཱཙཱརཝིཔཏྟིསམྨཏཱ.

ཝིཔརཱིཏདིཊྛིཾ ¶ གཎྷནྟི, ཨསདྡྷམྨེཧི པུརཀྑཏཱ;

ཨབྦྷཱཙིཀྑནྟི སམྦུདྡྷཾ, དུཔྤཉྙཱ མོཧཔཱརུཏཱ;

ཨཡཾ སཱ དིཊྛིཝིཔཏྟིསམྨཏཱ.

ཨཱཛཱིཝཧེཏུ ཨཱཛཱིཝཀཱརཎཱ པཱཔིཙྪོ ཨིཙྪཱཔཀཏོ ཨསནྟཾ ཨབྷཱུཏཾ ཨུཏྟརིམནུསྶདྷམྨཾ ཨུལླཔཏི, ཨཱཛཱིཝཧེཏུ ཨཱཛཱིཝཀཱརཎཱ སཉྩརིཏྟཾ སམཱཔཛྫཏི, ཨཱཛཱིཝཧེཏུ ཨཱཛཱིཝཀཱརཎཱ – ‘‘ཡོ ཏེ ཝིཧཱརེ ཝསཏི, སོ བྷིཀྑུ ཨརཧཱ’’ཏི བྷཎཏི, ཨཱཛཱིཝཧེཏུ ཨཱཛཱིཝཀཱརཎཱ བྷིཀྑུ པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫཏི, ཨཱཛཱིཝཧེཏུ ཨཱཛཱིཝཀཱརཎཱ བྷིཀྑུནཱི པཎཱིཏབྷོཛནཱནི ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫཏི, ཨཱཛཱིཝཧེཏུ ཨཱཛཱིཝཀཱརཎཱ སཱུཔཾ ཝཱ ཨོདནཾ ཝཱ ཨགིལཱནོ ཨཏྟནོ ཨཏྠཱཡ ཝིཉྙཱཔེཏྭཱ བྷུཉྫཏི. ཨཡཾ སཱ ཨཱཛཱིཝཝིཔཏྟི སམྨཏཱ.

ཨེཀཱདས ཡཱཝཏཏིཡཀཱ, ཏེ སུཎོཧི ཡཐཱཏཐཾ;

ཨུཀྑིཏྟཱནུཝཏྟིཀཱ, ཨཊྛ ཡཱཝཏཏིཡཀཱ;

ཨརིཊྛོ ཙཎྜཀཱལཱི༹ ཙ, ཨིམེ ཏེ ཡཱཝཏཏིཡཀཱ.

༣. ཚེདནཀཱདི

༣༣༧. ཀཏི ¶ ཚེདནཀཱནི? ཀཏི བྷེདནཀཱནི? ཀཏི ཨུདྡཱལནཀཱནི? ཀཏི ཨནཉྙཔཱཙིཏྟིཡཱནི? ཀཏི བྷིཀྑུསམྨུཏིཡོ? ཀཏི སཱམཱིཙིཡོ? ཀཏི པརམཱནི?

ཀཏི ཛཱནནྟི པཉྙཏྟཱ, བུདྡྷེནཱདིཙྩབནྡྷུནཱ.

ཚ ཚེདནཀཱནི. ཨེཀཾ བྷེདནཀཾ. ཨེཀཾ ཨུདྡཱལནཀཾ. ཙཏྟཱརི ཨནཉྙཔཱཙིཏྟིཡཱནི. ཙཏསྶོ བྷིཀྑུསམྨུཏིཡོ. སཏྟ སཱམཱིཙིཡོ. ཙུདྡས པརམཱནི.

སོདས [སོལ༹ས (སཱི. སྱཱ.) ཨཊྛཀཐཱ ཨོལོཀེཏབྦཱ] ཛཱནནྟི པཉྙཏྟཱ, བུདྡྷེནཱདིཙྩབནྡྷུནཱ.

༤. ཨསཱདྷཱརཎཱདི

༣༣༨.

ཝཱིསཾ ¶ ¶ དྭེ སཏཱནི བྷིཀྑཱུནཾ སིཀྑཱཔདཱནི;

ཨུདྡེསཾ ཨཱགཙྪནྟི ཨུཔོསཐེསུ;

ཏཱིཎི སཏཱནི ཙཏྟཱརི བྷིཀྑུནཱིནཾ སིཀྑཱཔདཱནི;

ཨུདྡེསཾ ཨཱགཙྪནྟི ཨུཔོསཐེསུ.

ཚཙཏྟཱརཱིསཱ བྷིཀྑཱུནཾ, བྷིཀྑུནཱིཧི ཨསཱདྷཱརཎཱ;

སཏཾ ཏིཾསཱ ཙ བྷིཀྑུནཱིནཾ, བྷིཀྑཱུཧི ཨསཱདྷཱརཎཱ.

སཏཾ སཏྟཏི ཚཙྩེཝ, ཨུབྷིནྣཾ ཨསཱདྷཱརཎཱ;

སཏཾ སཏྟཏི ཙཏྟཱརི, ཨུབྷིནྣཾ སམསིཀྑཏཱ.

ཝཱིསཾ ¶ དྭེ སཏཱནི བྷིཀྑཱུནཾ སིཀྑཱཔདཱནི;

ཨུདྡེསཾ ཨཱགཙྪནྟི ཨུཔོསཐེསུ;

ཏེ སུཎོཧི ཡཐཱཏཐཾ.

པཱརཱཛིཀཱནི ཙཏྟཱརི, སངྒྷཱདིསེསཱནི བྷཝནྟི ཏེརས;

ཨནིཡཏཱ དྭེ ཧོནྟི.

ནིསྶགྒིཡཱནི ཏིཾསེཝ, དྭེནཝུཏི ཙ ཁུདྡཀཱ;

ཙཏྟཱརོ ¶ པཱཊིདེསནཱིཡཱ, པཉྩསཏྟཏི སེཁིཡཱ.

ཝཱིསཾ དྭེ སཏཱནི ཙིམེ ཧོནྟི བྷིཀྑཱུནཾ སིཀྑཱཔདཱནི;

ཨུདྡེསཾ ཨཱགཙྪནྟི ཨུཔོསཐེསུ.

ཏཱིཎི སཏཱནི ཙཏྟཱརི, བྷིཀྑུནཱིནཾ སིཀྑཱཔདཱནི;

ཨུདྡེསཾ ཨཱགཙྪནྟི ཨུཔོསཐེསུ, ཏེ སུཎོཧི ཡཐཱཏཐཾ.

པཱརཱཛིཀཱནི ¶ ཨཊྛ, སངྒྷཱདིསེསཱནི བྷཝནྟི སཏྟརས;

ནིསྶགྒིཡཱནི ཏིཾསེཝ, སཏཾ སཊྛི ཚ ཙེཝ ཁུདྡཀཱནི པཝུཙྩནྟི.

ཨཊྛ པཱཊིདེསནཱིཡཱ, པཉྩསཏྟཏི སེཁིཡཱ;

ཏཱིཎི སཏཱནི ཙཏྟཱརི ཙིམེ ཧོནྟི བྷིཀྑུནཱིནཾ སིཀྑཱཔདཱནི;

ཨུདྡེསཾ ཨཱགཙྪནྟི ཨུཔོསཐེསུ.

ཚཙཏྟཱརཱིསཱ བྷིཀྑཱུནཾ, བྷིཀྑུནཱིཧི ཨསཱདྷཱརཎཱ;

ཏེ སུཎོཧི ཡཐཱཏཐཾ.

¶ སངྒྷཱདིསེསཱ, དྭེ ཨནིཡཏེཧི ཨཊྛ;

ནིསྶགྒིཡཱནི ¶ དྭཱདས, ཏེཧི ཏེ ཧོནྟི ཝཱིསཏི.

དྭེཝཱིསཏི ཁུདྡཀཱ, ཙཏུརོ པཱཊིདེསནཱིཡཱ;

ཚཙཏྟཱརཱིསཱ ཙིམེ ཧོནྟི, བྷིཀྑཱུནཾ བྷིཀྑུནཱིཧི ཨསཱདྷཱརཎཱ.

སཏཾ ཏིཾསཱ ཙ བྷིཀྑུནཱིནཾ, བྷིཀྑཱུཧི ཨསཱདྷཱརཎཱ;

ཏེ སུཎོཧི ཡཐཱཏཐཾ.

པཱརཱཛིཀཱནི ¶ ཙཏྟཱརི, སངྒྷམྷཱ དས ནིསྶརེ;

ནིསྶགྒིཡཱནི དྭཱདས, ཚནྣཝུཏི ཙ ཁུདྡཀཱ;

ཨཊྛ པཱཊིདེསནཱིཡཱ.

སཏཾ ཏིཾསཱ ཙིམེ ཧོནྟི བྷིཀྑུནཱིནཾ, བྷིཀྑཱུཧི ཨསཱདྷཱརཎཱ;

སཏཾ སཏྟཏི ཚཙྩེཝ, ཨུབྷིནྣཾ ཨསཱདྷཱརཎཱ;

ཏེ སུཎོཧི ཡཐཱཏཐཾ.

པཱརཱཛིཀཱནི ཙཏྟཱརི, སངྒྷཱདིསེསཱནི བྷཝནྟི སོལ༹ས;

ཨནིཡཏཱ དྭེ ཧོནྟི, ནིསྶགྒིཡཱནི ཙཏུཝཱིསཏི;

སཏཾ ཨཊྛཱརསཱ ཙེཝ, ཁུདྡཀཱནི པཝུཙྩནྟི;

དྭཱདས པཱཊིདེསནཱིཡཱ.

སཏཾ སཏྟཏི ཚཙྩེཝིམེ ཧོནྟི, ཨུབྷིནྣཾ ཨསཱདྷཱརཎཱ;

སཏཾ སཏྟཏི ཙཏྟཱརི, ཨུབྷིནྣཾ སམསིཀྑཏཱ;

ཏེ སུཎོཧི ཡཐཱཏཐཾ.

པཱརཱཛིཀཱནི ཙཏྟཱརི, སངྒྷཱདིསེསཱནི བྷཝནྟི སཏྟ;

ནིསྶགྒིཡཱནི ཨཊྛཱརས, སམསཏྟཏི ཁུདྡཀཱ;

པཉྩསཏྟཏི སེཁིཡཱནི.

སཏཾ སཏྟཏི ཙཏྟཱརི ཙིམེ ཧོནྟི, ཨུབྷིནྣཾ སམསིཀྑཏཱ;

ཨཊྛེ ¶ པཱརཱཛིཀཱ ཡེ དུརཱསདཱ, ཏཱལཝཏྠུསམཱུཔམཱ.

པཎྜུཔལཱསོ པུཐུསིལཱ, སཱིསཙྪིནྣོཝ སོ ནརོ;

ཏཱལོཝ མཏྠཀཙྪིནྣོ, ཨཝིརུལ༹ྷཱི བྷཝནྟི ཏེ.

ཏེཝཱིསཏི ¶ སངྒྷཱདིསེསཱ, དྭེ ཨནིཡཏཱ;

དྭེ ¶ ཙཏྟཱརཱིས ནིསྶགྒིཡཱ;

ཨཊྛཱསཱིཏིསཏཾ པཱཙིཏྟིཡཱ, དྭཱདས པཱཊིདེསནཱིཡཱ.

པཉྩསཏྟཏི སེཁིཡཱ, ཏཱིཧི སམཐེཧི སམྨནྟི;

སམྨུཁཱ ཙ པཊིཉྙཱཡ, ཏིཎཝཏྠཱརཀེན ཙ.

དྭེ ཨུཔོསཐཱ དྭེ པཝཱརཎཱ;

ཙཏྟཱརི ཀམྨཱནི ཛིནེན དེསིཏཱ;

པཉྩེཝ ཨུདྡེསཱ ཙཏུརོ བྷཝནྟི;

ཨནཉྙཐཱ ཨཱཔཏྟིཀྑནྡྷཱ ཙ བྷཝནྟི སཏྟ.

ཨདྷིཀརཎཱནི ¶ ཙཏྟཱརི སཏྟཧི སམཐེཧི སམྨནྟི;

དྭཱིཧི ཙཏཱུཧི ཏཱིཧི ཀིཙྩཾ ཨེཀེན སམྨཏི.

༥. པཱརཱཛིཀཱདིཨཱཔཏྟི

༣༣༩.

‘པཱརཱཛིཀ’ནྟི ཡཾ ཝུཏྟཾ, ཏཾ སུཎོཧི ཡཐཱཏཐཾ;

ཙུཏོ པརདྡྷོ བྷཊྛོ ཙ, སདྡྷམྨཱ ཧི ནིརངྐཏོ;

སཾཝཱསོཔི ཏཧིཾ ནཏྠི, ཏེནེཏཾ ཨིཏི ཝུཙྩཏི.

‘སངྒྷཱདིསེསོ’ཏི ཡཾ ཝུཏྟཾ, ཏཾ སུཎོཧི ཡཐཱཏཐཾ;

སངྒྷོཝ དེཏི པརིཝཱསཾ, མཱུལཱཡ པཊིཀསྶཏི;

མཱནཏྟཾ དེཏི ཨབྦྷེཏི, ཏེནེཏཾ ཨིཏི ཝུཙྩཏི.

‘ཨནིཡཏོ’ཏི ཡཾ ཝུཏྟཾ, ཏཾ སུཎོཧི ཡཐཱཏཐཾ;

ཨནིཡཏོ ན ནིཡཏོ, ཨནེཀཾསིཀཏཾ པདཾ;

ཏིཎྞམཉྙཏརཾ ཋཱནཾ, ‘ཨནིཡཏོ’ཏི པཝུཙྩཏི.

‘ཐུལླཙྩཡ’ནྟི ཡཾ ཝུཏྟཾ, ཏཾ སུཎོཧི ཡཐཱཏཐཾ;

ཨེཀསྶ ¶ མཱུལེ ཡོ དེསེཏི, ཡོ ཙ ཏཾ པཊིགཎྷཏི;

ཨཙྩཡོ ཏེན སམོ ནཏྠི, ཏེནེཏཾ ཨིཏི ཝུཙྩཏི.

‘ནིསྶགྒིཡ’ནྟི ཡཾ ཝུཏྟཾ, ཏཾ སུཎོཧི ཡཐཱཏཐཾ;

སངྒྷམཛ྄ཛྷེ གཎམཛ྄ཛྷེ, ཨེཀསྶེཝ ཙ ཨེཀཏོ;

ནིསྶཛྫིཏྭཱན དེསེཏི, ཏེནེཏཾ ཨིཏི ཝུཙྩཏི.

‘པཱཙིཏྟིཡ’ནྟི ¶ ཡཾ ཝུཏྟཾ, ཏཾ སུཎོཧི ཡཐཱཏཐཾ;

པཱཏེཏི ཀུསལཾ དྷམྨཾ, ཨརིཡམགྒཾ ཨཔརཛ྄ཛྷཏི;

ཙིཏྟསཾམོཧནཊྛཱནཾ, ཏེནེཏཾ ཨིཏི ཝུཙྩཏི.

‘པཱཊིདེསནཱིཡ’ནྟི ¶ ཡཾ ཝུཏྟཾ, ཏཾ སུཎོཧི ཡཐཱཏཐཾ;

བྷིཀྑུ ཨཉྙཱཏཀོ སནྟོ, ཀིཙྪཱ ལདྡྷཱཡ བྷོཛནཾ;

སཱམཾ གཧེཏྭཱ བྷུཉྫེཡྻ, ‘གཱརཡ྄ཧ’ནྟི པཝུཙྩཏི.

ནིམནྟནཱསུ བྷུཉྫནྟཱ ཚནྡཱཡ, ཝོསཱསཏི ཏཏྠ བྷིཀྑུནིཾ;

ཨནིཝཱརེཏྭཱ ཏཧིཾ བྷུཉྫེ, གཱརཡ྄ཧནྟི པཝུཙྩཏི.

སདྡྷཱཙིཏྟཾ ¶ ཀུལཾ གནྟྭཱ, ཨཔྤབྷོགཾ ཨནཱལི༹ཡཾ [ཨནཱལ༹ྷིཡཾ (སཱི. སྱཱ.)];

ཨགིལཱནོ ཏཧིཾ བྷུཉྫེ, གཱརཡ྄ཧནྟི པཝུཙྩཏི.

ཡོ ཙེ ཨརཉྙེ ཝིཧརནྟོ, སཱསངྐེ སབྷཡཱནཀེ;

ཨཝིདིཏཾ ཏཧིཾ བྷུཉྫེ, གཱརཡ྄ཧནྟི པཝུཙྩཏི.

བྷིཀྑུནཱི ཨཉྙཱཏིཀཱ སནྟཱ, ཡཾ པརེསཾ མམཱཡིཏཾ;

སཔྤི ཏེལཾ མདྷུཾ ཕཱཎིཏཾ, མཙྪམཾསཾ ཨཐོ ཁཱིརཾ;

དདྷིཾ སཡཾ ¶ ཝིཉྙཱཔེཡྻ བྷིཀྑུནཱི, གཱརཡ྄ཧཔཏྟཱ སུགཏསྶ སཱསནེ.

‘དུཀྐཊ’ནྟི ཡཾ ཝུཏྟཾ, ཏཾ སུཎོཧི ཡཐཱཏཐཾ;

ཨཔརདྡྷཾ ཝིརདྡྷཉྩ, ཁལིཏཾ ཡཉྩ དུཀྐཊཾ.

ཡཾ མནུསྶོ ཀརེ པཱཔཾ, ཨཱཝི ཝཱ ཡདི ཝཱ རཧོ;

‘དུཀྐཊ’ནྟི པཝེདེནྟི, ཏེནེཏཾ ཨིཏི ཝུཙྩཏི.

‘དུབྦྷཱསིཏ’ནྟི ཡཾ ཝུཏྟཾ, ཏཾ སུཎོཧི ཡཐཱཏཐཾ;

དུབྦྷཱསིཏཾ དུརཱབྷཊྛཾ, སཾཀིལིཊྛཉྩ ཡཾ པདཾ;

ཡཉྩ ཝིཉྙཱུ གརཧནྟི, ཏེནེཏཾ ཨིཏི ཝུཙྩཏི.

‘སེཁིཡ’ནྟི ཡཾ ཝུཏྟཾ, ཏཾ སུཎོཧི ཡཐཱཏཐཾ;

སེཀྑསྶ སིཀྑམཱནསྶ, ཨུཛུམགྒཱནུསཱརིནོ.

ཨཱདི ¶ ཙེཏཾ ཙརཎཉྩ, མུཁཾ སཉྙམསཾཝརོ;

སིཀྑཱ ཨེཏཱདིསཱི ནཏྠི, ཏེནེཏཾ ཨིཏི ཝུཙྩཏི.

[ཨུདཱ. ༤༥ ཨུདཱནེཔི] ཚནྣམཏིཝསྶཏི ¶ , ཝིཝཊཾ ནཱཏིཝསྶཏི;

ཏསྨཱ ཚནྣཾ ཝིཝརེཐ, ཨེཝཾ ཏཾ ནཱཏིཝསྶཏི.

གཏི མིགཱནཾ པཝནཾ, ཨཱཀཱསོ པཀྑིནཾ གཏི;

ཝིབྷཝོ གཏི དྷམྨཱནཾ, ནིབྦཱནཾ ཨརཧཏོ གཏཱིཏི.

གཱཐཱསངྒཎིཀཾ.

ཏསྶུདྡཱནཾ –

སཏྟནགརེསུ པཉྙཏྟཱ, ཝིཔཏྟི ཙཏུརོཔི ཙ;

བྷིཀྑཱུནཾ ¶ བྷིཀྑུནཱིནཉྩ, སཱདྷཱརཎཱ ཨསཱདྷཱརཎཱ;

སཱསནཾ ཨནུགྒཧཱཡ, གཱཐཱསངྒཎིཀཾ ཨིདནྟི.

གཱཐཱསངྒཎིཀཾ ནིཊྛིཏཾ.

ཨདྷིཀརཎབྷེདོ

༡. ཨུཀྐོཊནབྷེདཱདི

༣༤༠. [ཙཱུལ༹ཝ. ༢༡༥; པརི. ༢༧༥] ཙཏྟཱརི ¶ ¶ ¶ ¶ ཨདྷིཀརཎཱནི. ཝིཝཱདཱདྷིཀརཎཾ, ཨནུཝཱདཱདྷིཀརཎཾ, ཨཱཔཏྟཱདྷིཀརཎཾ, ཀིཙྩཱདྷིཀརཎཾ – ཨིམཱནི ཙཏྟཱརི ཨདྷིཀརཎཱནི.

ཨིམེསཾ ཙཏུནྣཾ ཨདྷིཀརཎཱནཾ ཀཏི ཨུཀྐོཊཱ? ཨིམེསཾ ཙཏུནྣཾ ཨདྷིཀརཎཱནཾ དས ཨུཀྐོཊཱ. ཝིཝཱདཱདྷིཀརཎསྶ དྭེ ཨུཀྐོཊཱ, ཨནུཝཱདཱདྷིཀརཎསྶ ཙཏྟཱརོ ཨུཀྐོཊཱ, ཨཱཔཏྟཱདྷིཀརཎསྶ ཏཡོ ཨུཀྐོཊཱ, ཀིཙྩཱདྷིཀརཎསྶ ཨེཀོ ཨུཀྐོཊོ – ཨིམེསཾ ཙཏུནྣཾ ཨདྷིཀརཎཱནཾ ཨིམེ དས ཨུཀྐོཊཱ.

ཝིཝཱདཱདྷིཀརཎཾ ཨུཀྐོཊེནྟོ ཀཏི སམཐེ ཨུཀྐོཊེཏི? ཨནུཝཱདཱདྷིཀརཎཾ ཨུཀྐོཊེནྟོ ཀཏི སམཐེ ཨུཀྐོཊེཏི? ཨཱཔཏྟཱདྷིཀརཎཾ ཨུཀྐོཊེནྟོ ཀཏི སམཐེ ཨུཀྐོཊེཏི? ཀིཙྩཱདྷིཀརཎཾ ཨུཀྐོཊེནྟོ ཀཏི སམཐེ ཨུཀྐོཊེཏི?

ཝིཝཱདཱདྷིཀརཎཾ ཨུཀྐོཊེནྟོ དྭེ སམཐེ ཨུཀྐོཊེཏི. ཨནུཝཱདཱདྷིཀརཎཾ ཨུཀྐོཊེནྟོ ཙཏྟཱརོ སམཐེ ཨུཀྐོཊེཏི. ཨཱཔཏྟཱདྷིཀརཎཾ ཨུཀྐོཊེནྟོ ཏཡོ སམཐེ ཨུཀྐོཊེཏི. ཀིཙྩཱདྷིཀརཎཾ ཨུཀྐོཊེནྟོ ཨེཀཾ སམཐཾ ཨུཀྐོཊེཏི.

༣༤༡. ཀཏི ཨུཀྐོཊཱ? ཀཏིཧཱཀཱརེཧི ཨུཀྐོཊནཾ པསཝཏི? ཀཏིཧངྒེཧི སམནྣཱགཏོ པུགྒལོ ཨདྷིཀརཎཾ ¶ ཨུཀྐོཊེཏི? ཀཏི པུགྒལཱ ཨདྷིཀརཎཾ ཨུཀྐོཊེནྟཱ ཨཱཔཏྟིཾ ཨཱཔཛྫནྟི?

དྭཱདས ¶ ཨུཀྐོཊཱ. དསཧཱཀཱརེཧི ཨུཀྐོཊནཾ པསཝཏི. ཙཏཱུཧངྒེཧི སམནྣཱགཏོ པུགྒལོ ཨདྷིཀརཎཾ ཨུཀྐོཊེཏི. ཙཏྟཱརོ པུགྒལཱ ཨདྷིཀརཎཾ ཨུཀྐོཊེནྟཱ ཨཱཔཏྟིཾ ཨཱཔཛྫནྟི?

ཀཏམེ དྭཱདས ཨུཀྐོཊཱ? ཨཀཏཾ ཀམྨཾ, དུཀྐཊཾ ཀམྨཾ, པུན ཀཱཏབྦཾ ཀམྨཾ, ཨནིཧཏཾ, དུནྣིཧཏཾ, པུན ནིཧནིཏབྦཾ, ཨཝིནིཙྪིཏཾ, དུཝིནིཙྪིཏཾ, པུན ཝིནིཙྪིཏབྦཾ, ཨཝཱུཔསནྟཾ, དུཝཱུཔསནྟཾ, པུན ཝཱུཔསམེཏབྦནྟི – ཨིམེ དྭཱདས ཨུཀྐོཊཱ.

ཀཏམེཧི ¶ དསཧཱཀཱརེཧི ཨུཀྐོཊནཾ པསཝཏི? ཏཏྠ ཛཱཏཀཾ ཨདྷིཀརཎཾ ཨུཀྐོཊེཏི, ཏཏྠ ཛཱཏཀཾ ཝཱུཔསནྟཾ ཨདྷིཀརཎཾ ཨུཀྐོཊེཏི, ཨནྟརཱམགྒེ ཨདྷིཀརཎཾ ཨུཀྐོཊེཏི, ཨནྟརཱམགྒེ ཝཱུཔསནྟཾ ཨདྷིཀརཎཾ ཨུཀྐོཊེཏི, ཏཏྠ གཏཾ ཨདྷིཀརཎཾ ཨུཀྐོཊེཏི, ཏཏྠ གཏཾ ཝཱུཔསནྟཾ ཨདྷིཀརཎཾ ཨུཀྐོཊེཏི, སཏིཝིནཡཾ ཨུཀྐོཊེཏི, ཨམཱུལ༹ྷཝིནཡཾ ཨུཀྐོཊེཏི, ཏསྶཔཱཔིཡསིཀཾ ¶ ཨུཀྐོཊེཏི, ཏིཎཝཏྠཱརཀཾ ཨུཀྐོཊེཏི – ཨིམེཧི དསཧཱཀཱརེཧི ཨུཀྐོཊནཾ པསཝཏི.

ཀཏམེཧི ཙཏཱུཧངྒེཧི སམནྣཱགཏོ པུགྒལོ ཨདྷིཀརཎཾ ཨུཀྐོཊེཏི? ཚནྡཱགཏིཾ གཙྪནྟོ ཨདྷིཀརཎཾ ཨུཀྐོཊེཏི, དོསཱགཏིཾ གཙྪནྟོ ཨདྷིཀརཎཾ ཨུཀྐོཊེཏི, མོཧཱགཏིཾ གཙྪནྟོ ཨདྷིཀརཎཾ ཨུཀྐོཊེཏི, བྷཡཱགཏིཾ གཙྪནྟོ ཨདྷིཀརཎཾ ཨུཀྐོཊེཏི – ཨིམེཧི ཙཏཱུཧངྒེཧི སམནྣཱགཏོ པུགྒལོ ཨདྷིཀརཎཾ ཨུཀྐོཊེཏི.

ཀཏམེ ཙཏྟཱརོ པུགྒལཱ ཨདྷིཀརཎཾ ཨུཀྐོཊེནྟཱ ཨཱཔཏྟིཾ ཨཱཔཛྫནྟི? ཏདཧུཔསམྤནྣོ ཨུཀྐོཊེཏི ཨུཀྐོཊནཀཾ པཱཙིཏྟིཡཾ, ཨཱགནྟུཀོ ཨུཀྐོཊེཏི ཨུཀྐོཊནཀཾ པཱཙིཏྟིཡཾ, ཀཱརཀོ ཨུཀྐོཊེཏི ཨུཀྐོཊནཀཾ པཱཙིཏྟིཡཾ, ཚནྡདཱཡཀོ ཨུཀྐོཊེཏི ཨུཀྐོཊནཀཾ པཱཙིཏྟིཡཾ – ཨིམེ ཙཏྟཱརོ པུགྒལཱ ཨདྷིཀརཎཾ ཨུཀྐོཊེནྟཱ ཨཱཔཏྟིཾ ཨཱཔཛྫནྟི.

༢. ཨདྷིཀརཎནིདཱནཱདི

༣༤༢. ཝིཝཱདཱདྷིཀརཎཾ ¶ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ? ཨནུཝཱདཱདྷིཀརཎཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ? ཨཱཔཏྟཱདྷིཀརཎཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ ¶ ? ཀིཙྩཱདྷིཀརཎཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ?

ཝིཝཱདཱདྷིཀརཎཾ ཝིཝཱདནིདཱནཾ ཝིཝཱདསམུདཡཾ ཝིཝཱདཛཱཏིཀཾ ཝིཝཱདཔབྷཝཾ ཝིཝཱདསམྦྷཱརཾ ཝིཝཱདསམུཊྛཱནཾ. ཨནུཝཱདཱདྷིཀརཎཾ ཨནུཝཱདནིདཱནཾ ཨནུཝཱདསམུདཡཾ ཨནུཝཱདཛཱཏིཀཾ ཨནུཝཱདཔབྷཝཾ ཨནུཝཱདསམྦྷཱརཾ ཨནུཝཱདསམུཊྛཱནཾ. ཨཱཔཏྟཱདྷིཀརཎཾ ཨཱཔཏྟིནིདཱནཾ ཨཱཔཏྟིསམུདཡཾ ཨཱཔཏྟིཛཱཏིཀཾ ཨཱཔཏྟིཔབྷཝཾ ཨཱཔཏྟིསམྦྷཱརཾ ཨཱཔཏྟིསམུཊྛཱནཾ. ཀིཙྩཱདྷིཀརཎཾ ཀིཙྩཡནིདཱནཾ ཀིཙྩཡསམུདཡཾ ཀིཙྩཡཛཱཏིཀཾ ཀིཙྩཡཔབྷཝཾ ཀིཙྩཡསམྦྷཱརཾ ཀིཙྩཡསམུཊྛཱནཾ.

ཝིཝཱདཱདྷིཀརཎཾ ¶ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ? ཨནུཝཱདཱདྷིཀརཎཾ…པེ… ཨཱཔཏྟཱདྷིཀརཎཾ…པེ… ཀིཙྩཱདྷིཀརཎཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ?

ཝིཝཱདཱདྷིཀརཎཾ ཧེཏུནིདཱནཾ, ཧེཏུསམུདཡཾ, ཧེཏུཛཱཏིཀཾ, ཧེཏུཔབྷཝཾ, ཧེཏུསམྦྷཱརཾ, ཧེཏུསམུཊྛཱནཾ. ཨནུཝཱདཱདྷིཀརཎཾ…པེ… ཨཱཔཏྟཱདྷིཀརཎཾ…པེ… ཀིཙྩཱདྷིཀརཎཾ ཧེཏུནིདཱནཾ, ཧེཏུསམུདཡཾ, ཧེཏུཛཱཏིཀཾ, ཧེཏུཔབྷཝཾ, ཧེཏུསམྦྷཱརཾ, ཧེཏུསམུཊྛཱནཾ.

ཝིཝཱདཱདྷིཀརཎཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ? ཨནུཝཱདཱདྷིཀརཎཾ ¶ …པེ… ཨཱཔཏྟཱདྷིཀརཎཾ…པེ… ཀིཙྩཱདྷིཀརཎཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ?

ཝིཝཱདཱདྷིཀརཎཾ པཙྩཡནིདཱནཾ, པཙྩཡསམུདཡཾ, པཙྩཡཛཱཏིཀཾ, པཙྩཡཔབྷཝཾ, པཙྩཡསམྦྷཱརཾ, པཙྩཡསམུཊྛཱནཾ. ཨནུཝཱདཱདྷིཀརཎཾ…པེ… ཨཱཔཏྟཱདྷིཀརཎཾ…པེ… ཀིཙྩཱདྷིཀརཎཾ པཙྩཡནིདཱནཾ, པཙྩཡསམུདཡཾ, པཙྩཡཛཱཏིཀཾ, པཙྩཡཔབྷཝཾ, པཙྩཡསམྦྷཱརཾ, པཙྩཡསམུཊྛཱནཾ.

༣. ཨདྷིཀརཎམཱུལཱདི

༣༤༣. ཙཏུནྣཾ ¶ ཨདྷིཀརཎཱནཾ ཀཏི མཱུལཱནི, ཀཏི སམུཊྛཱནཱ? ཙཏུནྣཾ ཨདྷིཀརཎཱནཾ ཏེཏྟིཾས མཱུལཱནི, ཏེཏྟིཾས སམུཊྛཱནཱ.

ཙཏུནྣཾ ཨདྷིཀརཎཱནཾ ཀཏམཱནི ཏེཏྟིཾས མཱུལཱནི? ཝིཝཱདཱདྷིཀརཎསྶ དྭཱདས མཱུལཱནི, ཨནུཝཱདཱདྷིཀརཎསྶ ཙུདྡས མཱུལཱནི, ཨཱཔཏྟཱདྷིཀརཎསྶ ཚ མཱུལཱནི, ཀིཙྩཱདྷིཀརཎསྶ ཨེཀཾ མཱུལཾ, སངྒྷོ – ཙཏུནྣཾ ཨདྷིཀརཎཱནཾ ཨིམཱནི ཏེཏྟིཾས མཱུལཱནི.

ཙཏུནྣཾ ¶ ཨདྷིཀརཎཱནཾ ཀཏམེ ཏེཏྟིཾས སམུཊྛཱནཱ? ཝིཝཱདཱདྷིཀརཎསྶ ཨཊྛཱརསབྷེདཀརཝཏྠཱུནི སམུཊྛཱནཱ, ཨནུཝཱདཱདྷིཀརཎསྶ ཙཏསྶོ ཝིཔཏྟིཡོ སམུཊྛཱནཱ, ཨཱཔཏྟཱདྷིཀརཎསྶ སཏྟཱཔཏྟིཀྑནྡྷཱ སམུཊྛཱནཱ, ཀིཙྩཱདྷིཀརཎསྶ ཙཏྟཱརི ཀམྨཱནི སམུཊྛཱནཱ – ཙཏུནྣཾ ཨདྷིཀརཎཱནཾ ཨིམེ ཏེཏྟིཾས སམུཊྛཱནཱ.

༤. ཨདྷིཀརཎཔཙྩཡཱཔཏྟི

༣༤༤. ཝིཝཱདཱདྷིཀརཎཾ ¶ ཨཱཔཏྟཱནཱཔཏྟཱིཏི? ཝིཝཱདཱདྷིཀརཎཾ ན ཨཱཔཏྟི. ཀིཾ པན ཝིཝཱདཱདྷིཀརཎཔཙྩཡཱ ཨཱཔཏྟིཾ ཨཱཔཛྫེཡྻཱཏི? ཨཱམ, ཝིཝཱདཱདྷིཀརཎཔཙྩཡཱ ཨཱཔཏྟིཾ ཨཱཔཛྫེཡྻ. ཝིཝཱདཱདྷིཀརཎཔཙྩཡཱ ¶ ཀཏི ཨཱཔཏྟིཡོ ཨཱཔཛྫཏི? ཝིཝཱདཱདྷིཀརཎཔཙྩཡཱ དྭེ ཨཱཔཏྟིཡོ ཨཱཔཛྫཏི. ཨུཔསམྤནྣཾ ཨོམསཏི, ཨཱཔཏྟི པཱཙིཏྟིཡསྶ; ཨནུཔསམྤནྣཾ ཨོམསཏི, ཨཱཔཏྟི དུཀྐཊསྶ – ཝིཝཱདཱདྷིཀརཎཔཙྩཡཱ ཨིམཱ དྭེ ཨཱཔཏྟིཡོ ཨཱཔཛྫཏི.

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛནྟི? ཀཏིཧི ཨདྷིཀརཎེཧི ཀཏིསུ ཋཱནེསུ ཀཏིཧི སམཐེཧི སམྨནྟི?

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཨེཀཾ ཝིཔཏྟིཾ བྷཛནྟི – ཨཱཙཱརཝིཔཏྟིཾ. ཙཏུནྣཾ ཨདྷིཀརཎཱནཾ ¶ , ཨཱཔཏྟཱདྷིཀརཎཾ. སཏྟནྣཾ ཨཱཔཏྟིཀྑནྡྷཱནཾ དྭཱིཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱཙིཏྟིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི ¶ སམུཊྛནྟི. ཨེཀེན ཨདྷིཀརཎེན – ཀིཙྩཱདྷིཀརཎེན; ཏཱིསུ ཋཱནེསུ – སངྒྷམཛ྄ཛྷེ, གཎམཛ྄ཛྷེ, པུགྒལསྶ སནྟིཀེ; ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

༣༤༥. ཨནུཝཱདཱདྷིཀརཎཾ ཨཱཔཏྟཱནཱཔཏྟཱིཏི? ཨནུཝཱདཱདྷིཀརཎཾ ན ཨཱཔཏྟི. ཀིཾ པན ཨནུཝཱདཱདྷིཀརཎཔཙྩཡཱ ཨཱཔཏྟིཾ ཨཱཔཛྫེཡྻཱཏི? ཨཱམ, ཨནུཝཱདཱདྷིཀརཎཔཙྩཡཱ ཨཱཔཏྟིཾ ཨཱཔཛྫེཡྻ. ཨནུཝཱདཱདྷིཀརཎཔཙྩཡཱ, ཀཏི ཨཱཔཏྟིཡོ ཨཱཔཛྫཏི? ཨནུཝཱདཱདྷིཀརཎཔཙྩཡཱ ཏིསྶོ ¶ ཨཱཔཏྟིཡོ ཨཱཔཛྫཏི. བྷིཀྑུཾ ཨམཱུལཀེན པཱརཱཛིཀེན དྷམྨེན ཨནུདྡྷཾསེཏི, ཨཱཔཏྟི སངྒྷཱདིསེསསྶ; ཨམཱུལཀེན སངྒྷཱདིསེསེན ཨནུདྡྷཾསེཏི, ཨཱཔཏྟི པཱཙིཏྟིཡསྶ; ཨམཱུལིཀཱཡ ཨཱཙཱརཝིཔཏྟིཡཱ ཨནུདྡྷཾསེཏི, ཨཱཔཏྟི དུཀྐཊསྶ – ཨནུཝཱདཱདྷིཀརཎཔཙྩཡཱ ཨིམཱ ཏིསྶོ ཨཱཔཏྟིཡོ ཨཱཔཛྫཏི.

ཏཱ ¶ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛནྟི? ཀཏིཧི ཨདྷིཀརཎེཧི ཀཏིསུ ཋཱནེསུ ཀཏིཧི སམཐེཧི སམྨནྟི?

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ, སིཡཱ ཨཱཙཱརཝིཔཏྟིཾ. ཙཏུནྣཾ ཨདྷིཀརཎཱནཾ, ཨཱཔཏྟཱདྷིཀརཎཾ. སཏྟནྣཾ ཨཱཔཏྟིཀྑནྡྷཱནཾ ཏཱིཧི ཨཱཔཏྟིཀྑནྡྷེཧི སངྒཧིཏཱ – སིཡཱ སངྒྷཱདིསེསཱཔཏྟིཀྑནྡྷེན, སིཡཱ པཱཙིཏྟིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛནྟི. ཡཱ ཏཱ ཨཱཔཏྟིཡོ གརུཀཱ ཏཱ ཨཱཔཏྟིཡོ ཨེཀེན ཨདྷིཀརཎེན – ཀིཙྩཱདྷིཀརཎེན; ཨེཀམྷི ཋཱནེ – སངྒྷམཛ྄ཛྷེ; དྭཱིཧི སམཐེཧི སམྨནྟི – སམྨུཁཱཝིནཡེན ཙ པཊིཉྙཱཏཀརཎེན ཙ. ཡཱ ཏཱ ཨཱཔཏྟིཡོ ལཧུཀཱ ཏཱ ཨཱཔཏྟིཡོ ཨེཀེན ཨདྷིཀརཎེན – ཀིཙྩཱདྷིཀརཎེན; ཏཱིསུ ཋཱནེསུ – སངྒྷམཛ྄ཛྷེ གཎམཛ྄ཛྷེ པུགྒལསྶ སནྟིཀེ; ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ ¶ , སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

༣༤༦. ཨཱཔཏྟཱདྷིཀརཎཾ ཨཱཔཏྟཱནཱཔཏྟཱིཏི? ཨཱཔཏྟཱདྷིཀརཎཾ ཨཱཔཏྟི. ཀིཾ པན ཨཱཔཏྟཱདྷིཀརཎཔཙྩཡཱ ཨཱཔཏྟིཾ ཨཱཔཛྫེཡྻཱཏི? ཨཱམ, ཨཱཔཏྟཱདྷིཀརཎཔཙྩཡཱ ཨཱཔཏྟིཾ ཨཱཔཛྫེཡྻ. ཨཱཔཏྟཱདྷིཀརཎཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཨཱཔཏྟཱདྷིཀརཎཔཙྩཡཱ ཙཏསྶོ ¶ ཨཱཔཏྟིཡོ ཨཱཔཛྫཏི. བྷིཀྑུནཱི ཛཱནཾ པཱརཱཛིཀཾ དྷམྨཾ [པཱརཱཛིཀཾ དྷམྨཾ ཨཛ྄ཛྷཱཔནྣཾ (སྱཱ.)] པཊིཙྪཱདེཏི, ཨཱཔཏྟི པཱརཱཛིཀསྶ; ཝེམཏིཀཱ པཊིཙྪཱདེཏི, ཨཱཔཏྟི ཐུལླཙྩཡསྶ; བྷིཀྑུ སངྒྷཱདིསེསཾ པཊིཙྪཱདེཏི, ཨཱཔཏྟི པཱཙིཏྟིཡསྶ; ཨཱཙཱརཝིཔཏྟིཾ པཊིཙྪཱདེཏི, ཨཱཔཏྟི དུཀྐཊསྶ – ཨཱཔཏྟཱདྷིཀརཎཔཙྩཡཱ ཨིམཱ ཙཏསྶོ ཨཱཔཏྟིཡོ ཨཱཔཛྫཏི.

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛནྟི ¶ ? ཀཏིཧི ཨདྷིཀརཎེཧི ཀཏིསུ ཋཱནེསུ ཀཏིཧི སམཐེཧི སམྨནྟི?

ཏཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ སིཡཱ ཨཱཙཱརཝིཔཏྟིཾ. ཙཏུནྣཾ ཨདྷིཀརཎཱནཾ – ཨཱཔཏྟཱདྷིཀརཎཾ. སཏྟནྣཾ ཨཱཔཏྟིཀྑནྡྷཱནཾ ཙཏཱུཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱརཱཛིཀཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ པཱཙིཏྟིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི ¶ – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི. ཡཱ སཱ ཨཱཔཏྟི ཨནཝསེསཱ སཱ ཨཱཔཏྟི ན ཀཏམེན ཨདྷིཀརཎེན, ན ཀཏམམྷི ཋཱནེ, ན ཀཏམེན སམཐེན སམྨཏི. ཡཱ ཏཱ ཨཱཔཏྟིཡོ ལཧུཀཱ ཏཱ ཨཱཔཏྟིཡོ ཨེཀེན ཨདྷིཀརཎེན – ཀིཙྩཱདྷིཀརཎེན; ཏཱིསུ ཋཱནེསུ – སངྒྷམཛ྄ཛྷེ, གཎམཛ྄ཛྷེ, པུགྒལསྶ སནྟིཀེ; ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

༣༤༧. ཀིཙྩཱདྷིཀརཎཾ ཨཱཔཏྟཱནཱཔཏྟཱིཏི? ཀིཙྩཱདྷིཀརཎཾ ན ཨཱཔཏྟི. ཀིཾ པན ཀིཙྩཱདྷིཀརཎཔཙྩཡཱ ཨཱཔཏྟིཾ ཨཱཔཛྫེཡྻཱཏི? ཨཱམ, ཀིཙྩཱདྷིཀརཎཔཙྩཡཱ ཨཱཔཏྟིཾ ཨཱཔཛྫེཡྻ. ཀིཙྩཱདྷིཀརཎཔཙྩཡཱ ཀཏི ཨཱཔཏྟིཡོ ཨཱཔཛྫཏི? ཀིཙྩཱདྷིཀརཎཔཙྩཡཱ པཉྩ ཨཱཔཏྟིཡོ ཨཱཔཛྫཏི. ཨུཀྑིཏྟཱནུཝཏྟིཀཱ བྷིཀྑུནཱི ཡཱཝཏཏིཡཾ སམནུབྷཱསནཱཡ ན པཊིནིསྶཛྫཏི, ཉཏྟིཡཱ དུཀྐཊཾ; དྭཱིཧི ཀམྨཝཱཙཱཧི ཐུལླཙྩཡཱ; ཀམྨཝཱཙཱཔརིཡོསཱནེ ཨཱཔཏྟི པཱརཱཛིཀསྶ; བྷེདཀཱནུཝཏྟཀཱ བྷིཀྑཱུ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟི, ཨཱཔཏྟི སངྒྷཱདིསེསསྶ; པཱཔིཀཱཡ དིཊྛིཡཱ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟི, ཨཱཔཏྟི པཱཙིཏྟིཡསྶ – ཀིཙྩཱདྷིཀརཎཔཙྩཡཱ ཨིམཱ པཉྩ ཨཱཔཏྟིཡོ ཨཱཔཛྫཏི.

ཏཱ ¶ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? ཙཏུནྣཾ ཨདྷིཀརཎཱནཾ ཀཏམཾ ཨདྷིཀརཎཾ? སཏྟནྣཾ ཨཱཔཏྟིཀྑནྡྷཱནཾ ཀཏིཧི ཨཱཔཏྟིཀྑནྡྷེཧི སངྒཧིཏཱ? ཚནྣཾ ཨཱཔཏྟིསམུཊྛཱནཱནཾ ¶ ཀཏིཧི སམུཊྛཱནེཧི སམུཊྛནྟི? ཀཏིཧི ཨདྷིཀརཎེཧི ཀཏིསུ ཋཱནེསུ ཀཏིཧི སམཐེཧི སམྨནྟི?

ཏཱ ¶ ¶ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ སིཡཱ ཨཱཙཱརཝིཔཏྟིཾ. ཙཏུནྣཾ ཨདྷིཀརཎཱནཾ – ཨཱཔཏྟཱདྷིཀརཎཾ. སཏྟནྣཾ ཨཱཔཏྟིཀྑནྡྷཱནཾ པཉྩཧི ཨཱཔཏྟིཀྑནྡྷེཧི སངྒཧིཏཱ – སིཡཱ པཱརཱཛིཀཱཔཏྟིཀྑནྡྷེན, སིཡཱ སངྒྷཱདིསེསཱཔཏྟིཀྑནྡྷེན, སིཡཱ ཐུལླཙྩཡཱཔཏྟིཀྑནྡྷེན, སིཡཱ པཱཙིཏྟིཡཱཔཏྟིཀྑནྡྷེན, སིཡཱ དུཀྐཊཱཔཏྟིཀྑནྡྷེན. ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛནྟི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི. ཡཱ སཱ ཨཱཔཏྟི ཨནཝསེསཱ སཱ ཨཱཔཏྟི ན ཀཏམེན ཨདྷིཀརཎེན, ན ཀཏམམྷི ཋཱནེ, ན ཀཏམེན སམཐེན སམྨཏི. ཡཱ སཱ ཨཱཔཏྟི གརུཀཱ སཱ ཨཱཔཏྟི ཨེཀེན ཨདྷིཀརཎེན – ཀིཙྩཱདྷིཀརཎེན; ཨེཀམྷི ཋཱནེ – སངྒྷམཛ྄ཛྷེ; དྭཱིཧི སམཐེཧི སམྨཏི – སམྨུཁཱཝིནཡེན ཙ པཊིཉྙཱཏཀརཎེན ཙ. ཡཱ ཏཱ ཨཱཔཏྟིཡོ ལཧུཀཱ ཏཱ ཨཱཔཏྟིཡོ ཨེཀེན ཨདྷིཀརཎེན – ཀིཙྩཱདྷིཀརཎེན; ཏཱིསུ ཋཱནེསུ – སངྒྷམཛ྄ཛྷེ, གཎམཛ྄ཛྷེ, པུགྒལསྶ སནྟིཀེ; ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙ.

༥. ཨདྷིཀརཎཱདྷིཔྤཱཡོ

༣༤༨. ཝིཝཱདཱདྷིཀརཎཾ ཧོཏི ཨནུཝཱདཱདྷིཀརཎཾ, ཧོཏི ཨཱཔཏྟཱདྷིཀརཎཾ, ཧོཏི ཀིཙྩཱདྷིཀརཎཾ. ཝིཝཱདཱདྷིཀརཎཾ ན ཧོཏི ཨནུཝཱདཱདྷིཀརཎཾ, ན ཧོཏི ཨཱཔཏྟཱདྷིཀརཎཾ, ན ཧོཏི ཀིཙྩཱདྷིཀརཎཾ; ཨཔི ¶ ཙ, ཝིཝཱདཱདྷིཀརཎཔཙྩཡཱ ཧོཏི ཨནུཝཱདཱདྷིཀརཎཾ, ཧོཏི ཨཱཔཏྟཱདྷིཀརཎཾ, ཧོཏི ཀིཙྩཱདྷིཀརཎཾ. ཡཐཱ ཀཐཾ ཝིཡ? [ཙཱུལ༹ཝ. ༢༡༥; པརི. ༣༡༤] ཨིདྷ བྷིཀྑཱུ ཝིཝདནྟི – དྷམྨོཏི ཝཱ ཨདྷམྨོཏི ཝཱ དུཊྛུལླཱཔཏྟཱིཏི ཝཱ ཨདུཊྛུལླཱཔཏྟཱིཏི ཝཱ. ཡཾ ཏཏྠ བྷཎྜནཾ ཀལཧོ ཝིགྒཧོ ཝིཝཱདོ ནཱནཱཝཱདོ ཨཉྙཐཱཝཱདོ ཝིཔཙྩཏཱཡ ཝོཧཱརོ མེདྷཀཾ, ཨིདཾ ཝུཙྩཏི ཝིཝཱདཱདྷིཀརཎཾ. ཝིཝཱདཱདྷིཀརཎེ སངྒྷོ ཝིཝདཏི ཝིཝཱདཱདྷིཀརཎཾ. ཝིཝདམཱནོ ཨནུཝདཏི ཨནུཝཱདཱདྷིཀརཎཾ. ཨནུཝདམཱནོ ཨཱཔཏྟིཾ ཨཱཔཛྫཏི ཨཱཔཏྟཱདྷིཀརཎཾ. ཏཱཡ ཨཱཔཏྟིཡཱ སངྒྷོ ཀམྨཾ ཀརོཏི ཀིཙྩཱདྷིཀརཎཾ. ཨེཝཾ ཝིཝཱདཱདྷིཀརཎཔཙྩཡཱ ཧོཏི ཨནུཝཱདཱདྷིཀརཎཾ, ཧོཏི ཨཱཔཏྟཱདྷིཀརཎཾ, ཧོཏི ཀིཙྩཱདྷིཀརཎཾ.

ཨནུཝཱདཱདྷིཀརཎཾ ¶ ¶ ཧོཏི ཨཱཔཏྟཱདྷིཀརཎཾ, ཧོཏི ཀིཙྩཱདྷིཀརཎཾ, ཧོཏི ཝིཝཱདཱདྷིཀརཎཾ. ཨནུཝཱདཱདྷིཀརཎཾ ན ཧོཏི ཨཱཔཏྟཱདྷིཀརཎཾ, ན ཧོཏི ཀིཙྩཱདྷིཀརཎཾ, ན ཧོཏི ཝིཝཱདཱདྷིཀརཎཾ; ཨཔི ཙ, ཨནུཝཱདཱདྷིཀརཎཔཙྩཡཱ ཧོཏི ཨཱཔཏྟཱདྷིཀརཎཾ, ཧོཏི ཀིཙྩཱདྷིཀརཎཾ, ཧོཏི ཝིཝཱདཱདྷིཀརཎཾ. ཡཐཱ ཀཐཾ ཝིཡ? ཨིདྷ བྷིཀྑཱུ བྷིཀྑུཾ ཨནུཝདནྟི སཱིལཝིཔཏྟིཡཱ ཝཱ ཨཱཙཱརཝིཔཏྟིཡཱ ཝཱ དིཊྛིཝིཔཏྟིཡཱ ཝཱ ཨཱཛཱིཝཝིཔཏྟིཡཱ ཝཱ. ཡོ ཏཏྠ ཨནུཝཱདོ ཨནུཝདནཱ ཨནུལླཔནཱ ཨནུབྷཎནཱ ཨནུསམྤཝངྐཏཱ ཨབྦྷུསྶཧནཏཱ ཨནུབལཔྤདཱནཾ, ཨིདཾ ཝུཙྩཏི ཨནུཝཱདཱདྷིཀརཎཾ. ཨནུཝཱདཱདྷིཀརཎེ སངྒྷོ ཝིཝདཏི, ཝིཝཱདཱདྷིཀརཎཾ. ཝིཝདམཱནོ ཨནུཝདཏི, ཨནུཝཱདཱདྷིཀརཎཾ. ཨནུཝདམཱནོ ཨཱཔཏྟིཾ ཨཱཔཛྫཏི, ཨཱཔཏྟཱདྷིཀརཎཾ. ཏཱཡ ཨཱཔཏྟིཡཱ སངྒྷོ ཀམྨཾ ཀརོཏི, ཀིཙྩཱདྷིཀརཎཾ. ཨེཝཾ ཨནུཝཱདཱདྷིཀརཎཔཙྩཡཱ ཧོཏི ཨཱཔཏྟཱདྷིཀརཎཾ, ཧོཏི ཀིཙྩཱདྷིཀརཎཾ, ཧོཏི ཝིཝཱདཱདྷིཀརཎཾ.

ཨཱཔཏྟཱདྷིཀརཎཾ ཧོཏི ཀིཙྩཱདྷིཀརཎཾ, ཧོཏི ཝིཝཱདཱདྷིཀརཎཾ, ཧོཏི ཨནུཝཱདཱདྷིཀརཎཾ. ཨཱཔཏྟཱདྷིཀརཎཾ ན ཧོཏི ཀིཙྩཱདྷིཀརཎཾ, ན ཧོཏི ཝིཝཱདཱདྷིཀརཎཾ, ན ཧོཏི ཨནུཝཱདཱདྷིཀརཎཾ; ཨཔི ཙ, ཨཱཔཏྟཱདྷིཀརཎཔཙྩཡཱ ཧོཏི ཀིཙྩཱདྷིཀརཎཾ, ཧོཏི ཝིཝཱདཱདྷིཀརཎཾ, ཧོཏི ཨནུཝཱདཱདྷིཀརཎཾ. ཡཐཱ ཀཐཾ ཝིཡ? [ཙཱུལ༹ཝ. ༢༡༥; པརི. ༣༤༨] པཉྩཔི ཨཱཔཏྟིཀྑནྡྷཱ ཨཱཔཏྟཱདྷིཀརཎཾ, སཏྟཔི ཨཱཔཏྟིཀྑནྡྷཱ ཨཱཔཏྟཱདྷིཀརཎཾ, ཨིདཾ ཝུཙྩཏི ཨཱཔཏྟཱདྷིཀརཎཾ. ཨཱཔཏྟཱདྷིཀརཎེ སངྒྷོ ཝིཝདཏི ཝིཝཱདཱདྷིཀརཎཾ. ཝིཝདམཱནོ ཨནུཝདཏི ཨནུཝཱདཱདྷིཀརཎཾ. ཨནུཝདམཱནོ ཨཱཔཏྟིཾ ཨཱཔཛྫཏི ཨཱཔཏྟཱདྷིཀརཎཾ. ཏཱཡ ཨཱཔཏྟིཡཱ སངྒྷོ ཀམྨཾ ཀརོཏི ཀིཙྩཱདྷིཀརཎཾ. ཨེཝཾ ཨཱཔཏྟཱདྷིཀརཎཔཙྩཡཱ ཧོཏི ཀིཙྩཱདྷིཀརཎཾ, ཧོཏི ཝིཝཱདཱདྷིཀརཎཾ, ཧོཏི ཨནུཝཱདཱདྷིཀརཎཾ.

ཀིཙྩཱདྷིཀརཎཾ ཧོཏི ཝིཝཱདཱདྷིཀརཎཾ, ཧོཏི ཨནུཝཱདཱདྷིཀརཎཾ, ཧོཏི ཨཱཔཏྟཱདྷིཀརཎཾ. ཀིཙྩཱདྷིཀརཎཾ ན ཧོཏི ཝིཝཱདཱདྷིཀརཎཾ, ན ཧོཏི ཨནུཝཱདཱདྷིཀརཎཾ, ན ཧོཏི ཨཱཔཏྟཱདྷིཀརཎཾ; ཨཔི ཙ, ཀིཙྩཱདྷིཀརཎཔཙྩཡཱ ཧོཏི ཝིཝཱདཱདྷིཀརཎཾ, ཧོཏི ཨནུཝཱདཱདྷིཀརཎཾ, ཧོཏི ¶ ཨཱཔཏྟཱདྷིཀརཎཾ. ཡཐཱ ཀཐཾ ཝིཡ? ཡཱ སངྒྷསྶ ཀིཙྩཡཏཱ ཀརཎཱིཡཏཱ ཨཔལོཀནཀམྨཾ ཉཏྟིཀམྨཾ ཉཏྟིདུཏིཡཀམྨཾ ཉཏྟིཙཏུཏྠཀམྨཾ, ཨིདཾ ¶ ཝུཙྩཏི ཀིཙྩཱདྷིཀརཎཾ. ཀིཙྩཱདྷིཀརཎེ སངྒྷོ ཝིཝདཏི ཝིཝཱདཱདྷིཀརཎཾ. ཝིཝདམཱནོ ཨནུཝདཏི ཨནུཝཱདཱདྷིཀརཎཾ. ཨནུཝདམཱནོ ཨཱཔཏྟིཾ ཨཱཔཛྫཏི ཨཱཔཏྟཱདྷིཀརཎཾ. ཏཱཡ ཨཱཔཏྟིཡཱ སངྒྷོ ཀམྨཾ ཀརོཏི ཀིཙྩཱདྷིཀརཎཾ. ཨེཝཾ ཀིཙྩཱདྷིཀརཎཔཙྩཡཱ ཧོཏི ཝིཝཱདཱདྷིཀརཎཾ, ཧོཏི ཨནུཝཱདཱདྷིཀརཎཾ, ཧོཏི ཨཱཔཏྟཱདྷིཀརཎཾ.

༦. པུཙྪཱཝཱརོ

༣༤༩. ཡཏྠ ¶ སཏིཝིནཡོ ཏཏྠ སམྨུཁཱཝིནཡོ? ཡཏྠ སམྨུཁཱཝིནཡོ ¶ ཏཏྠ སཏིཝིནཡོ? ཡཏྠ ཨམཱུལ༹ྷཝིནཡོ ཏཏྠ སམྨུཁཱཝིནཡོ? ཡཏྠ སམྨུཁཱཝིནཡོ ཏཏྠ ཨམཱུལ༹ྷཝིནཡོ? ཡཏྠ པཊིཉྙཱཏཀརཎཾ ཏཏྠ སམྨུཁཱཝིནཡོ? ཡཏྠ སམྨུཁཱཝིནཡོ ཏཏྠ པཊིཉྙཱཏཀརཎཾ? ཡཏྠ ཡེབྷུཡྻསིཀཱ ཏཏྠ སམྨུཁཱཝིནཡོ? ཡཏྠ སམྨུཁཱཝིནཡོ ཏཏྠ ཡེབྷུཡྻསིཀཱ? ཡཏྠ ཏསྶཔཱཔིཡསིཀཱ ཏཏྠ སམྨུཁཱཝིནཡོ? ཡཏྠ སམྨུཁཱཝིནཡོ ཏཏྠ ཏསྶཔཱཔིཡསིཀཱ? ཡཏྠ ཏིཎཝཏྠཱརཀོ ཏཏྠ སམྨུཁཱཝིནཡོ? ཡཏྠ སམྨུཁཱཝིནཡོ ཏཏྠ ཏིཎཝཏྠཱརཀོ?

༧. ཝིསྶཛྫནཱཝཱརོ

༣༥༠. ཡསྨིཾ སམཡེ སམྨུཁཱཝིནཡེན ཙ སཏིཝིནཡེན ཙ ཨདྷིཀརཎཾ ཝཱུཔསམྨཏི – ཡཏྠ སཏིཝིནཡོ ཏཏྠ སམྨུཁཱཝིནཡོ, ཡཏྠ སམྨུཁཱཝིནཡོ ཏཏྠ སཏིཝིནཡོ, ན ཏཏྠ ཨམཱུལ༹ྷཝིནཡོ, ན ཏཏྠ ¶ པཊིཉྙཱཏཀརཎཾ, ན ཏཏྠ ཡེབྷུཡྻསིཀཱ, ན ཏཏྠ ཏསྶཔཱཔིཡསིཀཱ, ན ཏཏྠ ཏིཎཝཏྠཱརཀོ. ཡསྨིཾ སམཡེ སམྨུཁཱཝིནཡེན ཙ ཨམཱུལ༹ྷཝིནཡེན ཙ…པེ… སམྨུཁཱཝིནཡེན ཙ པཊིཉྙཱཏཀརཎེན ཙ…པེ… སམྨུཁཱཝིནཡེན ཙ ཡེབྷུཡྻསིཀཱཡ ཙ…པེ… སམྨུཁཱཝིནཡེན ཙ ཏསྶཔཱཔིཡསིཀཱཡ ཙ…པེ… སམྨུཁཱཝིནཡེན ཙ ཏིཎཝཏྠཱརཀེན ཙ ཨདྷིཀརཎཾ ཝཱུཔསམྨཏི – ཡཏྠ ཏིཎཝཏྠཱརཀོ ཏཏྠ སམྨུཁཱཝིནཡོ, ཡཏྠ སམྨུཁཱཝིནཡོ ཏཏྠ ཏིཎཝཏྠཱརཀོ, ན ཏཏྠ སཏིཝིནཡོ, ན ཏཏྠ ཨམཱུལ༹ྷཝིནཡོ, ན ཏཏྠ པཊིཉྙཱཏཀརཎཾ, ན ཏཏྠ ཡེབྷུཡྻསིཀཱ, ན ཏཏྠ ཏསྶཔཱཔིཡསིཀཱ.

༨. སཾསཊྛཝཱརོ

༣༥༡. སམྨུཁཱཝིནཡོཏི ཝཱ སཏིཝིནཡོཏི ཝཱ – ཨིམེ དྷམྨཱ སཾསཊྛཱ ཨུདཱཧུ ཝིསཾསཊྛཱ? ལབྦྷཱ ཙ པནིམེསཾ དྷམྨཱནཾ ཝིནིབྦྷུཛིཏྭཱ ཝིནིབྦྷུཛིཏྭཱ ནཱནཱཀརཎཾ ¶ པཉྙཱཔེཏུཾ? སམྨུཁཱཝིནཡོཏི ཝཱ ཨམཱུལ༹ྷཝིནཡོཏི ཝཱ…པེ… སམྨུཁཱཝིནཡོཏི ཝཱ པཊིཉྙཱཏཀརཎནྟི ཝཱ… སམྨུཁཱཝིནཡོཏི ཝཱ ཡེབྷུཡྻསིཀཱཏི ཝཱ… སམྨུཁཱཝིནཡོཏི ཝཱ ཏསྶཔཱཔིཡསིཀཱཏི ཝཱ… སམྨུཁཱཝིནཡོཏི ཝཱ ཏིཎཝཏྠཱརཀོཏི – ཨིམེ དྷམྨཱ སཾསཊྛཱ ཨུདཱཧུ ཝིསཾསཊྛཱ ¶ ? ལབྦྷཱ ཙ པནིམེསཾ དྷམྨཱནཾ ཝིནིབྦྷུཛིཏྭཱ ཝིནིབྦྷུཛིཏྭཱ ནཱནཱཀརཎཾ པཉྙཱཔེཏུཾ?

སམྨུཁཱཝིནཡོཏི ཝཱ སཏིཝིནཡོཏི ཝཱ – ཨིམེ དྷམྨཱ སཾསཊྛཱ, ནོ ཝིསཾསཊྛཱ; ན ཙ ལབྦྷཱ ཨིམེསཾ དྷམྨཱནཾ ཝིནིབྦྷུཛིཏྭཱ ཝིནིབྦྷུཛིཏྭཱ ནཱནཱཀརཎཾ པཉྙཱཔེཏུཾ. སམྨུཁཱཝིནཡོཏི ཝཱ ཨམཱུལ༹ྷཝིནཡོཏི ¶ ཝཱ…པེ… སམྨུཁཱཝིནཡོཏི ཝཱ པཊིཉྙཱཏཀརཎནྟི ཝཱ… སམྨུཁཱཝིནཡོཏི ཝཱ ཡེབྷུཡྻསིཀཱཏི ཝཱ… སམྨུཁཱཝིནཡོཏི ཝཱ ཏསྶཔཱཔིཡསིཀཱཏི ཝཱ… སམྨུཁཱཝིནཡོཏི ཝཱ ཏིཎཝཏྠཱརཀོཏི ཝཱ – ཨིམེ དྷམྨཱ སཾསཊྛཱ, ནོ ཝིསཾསཊྛཱ; ན ཙ ལབྦྷཱ ཨིམེསཾ དྷམྨཱནཾ ཝིནིབྦྷུཛིཏྭཱ ཝིནིབྦྷུཛིཏྭཱ ནཱནཱཀརཎཾ པཉྙཱཔེཏུཾ.

༩. སཏྟསམཐནིདཱནཾ

༣༥༢. སམྨུཁཱཝིནཡོ ཀིཾནིདཱནོ, ཀིཾསམུདཡོ, ཀིཾཛཱཏིཀོ, ཀིཾཔབྷཝོ, ཀིཾསམྦྷཱརོ ཀིཾསམུཊྛཱནོ? སཏིཝིནཡོ ཀིཾནིདཱནོ, ཀིཾསམུདཡོ, ཀིཾཛཱཏིཀོ, ཀིཾཔབྷཝོ, ཀིཾསམྦྷཱརོ, ཀིཾསམུཊྛཱནོ? ཨམཱུལ༹ྷཝིནཡོ ཀིཾནིདཱནོ, ཀིཾསམུདཡོ, ཀིཾཛཱཏིཀོ, ཀིཾཔབྷཝོ, ཀིཾསམྦྷཱརོ, ཀིཾསམུཊྛཱནོ? པཊིཉྙཱཏཀརཎཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ? ཡེབྷུཡྻསིཀཱ ཀིཾནིདཱནཱ, ཀིཾསམུདཡཱ, ཀིཾཛཱཏིཀཱ, ཀིཾཔབྷཝཱ, ཀིཾསམྦྷཱརཱ, ཀིཾསམུཊྛཱནཱ? ཏསྶཔཱཔིཡསིཀཱ ཀིཾནིདཱནཱ, ཀིཾསམུདཡཱ, ཀིཾཛཱཏིཀཱ, ཀིཾཔབྷཝཱ, ཀིཾསམྦྷཱརཱ, ཀིཾསམུཊྛཱནཱ ཏིཎཝཏྠཱརཀོ ཀིཾནིདཱནོ, ཀིཾསམུདཡོ, ཀིཾཛཱཏིཀོ, ཀིཾཔབྷཝོ, ཀིཾསམྦྷཱརོ, ཀིཾསམུཊྛཱནོ?

སམྨུཁཱཝིནཡོ ནིདཱནནིདཱནོ, ནིདཱནསམུདཡོ, ནིདཱནཛཱཏིཀོ, ནིདཱནཔབྷཝོ, ནིདཱནསམྦྷཱརོ, ནིདཱནསམུཊྛཱནོ. སཏིཝིནཡོ…པེ… ཨམཱུལ༹ྷཝིནཡོ…པེ… པཊིཉྙཱཏཀརཎཾ ནིདཱནནིདཱནཾ, ནིདཱནསམུདཡཾ, ནིདཱནཛཱཏིཀཾ, ནིདཱནཔབྷཝཾ, ནིདཱནསམྦྷཱརཾ, ནིདཱནསམུཊྛཱནཾ. ཡེབྷུཡྻསིཀཱ…པེ… ཏསྶཔཱཔིཡསིཀཱ ནིདཱནནིདཱནཱ, ནིདཱནསམུདཡཱ, ནིདཱནཛཱཏིཀཱ, ནིདཱནཔབྷཝཱ, ནིདཱནསམྦྷཱརཱ ¶ , ནིདཱནསམུཊྛཱནཱ. ཏིཎཝཏྠཱརཀོ ནིདཱནནིདཱནོ, ནིདཱནསམུདཡོ, ནིདཱནཛཱཏིཀོ, ནིདཱནཔབྷཝོ, ནིདཱནསམྦྷཱརོ, ནིདཱནསམུཊྛཱནོ.

སམྨུཁཱཝིནཡོ ¶ ཀིཾནིདཱནོ, ཀིཾསམུདཡོ, ཀིཾཛཱཏིཀོ, ཀིཾཔབྷཝོ, ཀིཾསམྦྷཱརོ, ཀིཾསམུཊྛཱནོ ¶ ? སཏིཝིནཡོ…པེ… ཨམཱུལ༹ྷཝིནཡོ…པེ… པཊིཉྙཱཏཀརཎཾ…པེ… ཡེབྷུཡྻསིཀཱ…པེ… ཏསྶཔཱཔིཡསིཀཱ…པེ… ཏིཎཝཏྠཱརཀོ ཀིཾནིདཱནོ, ཀིཾསམུདཡོ, ཀིཾཛཱཏིཀོ, ཀིཾཔབྷཝོ, ཀིཾསམྦྷཱརོ, ཀིཾསམུཊྛཱནོ?

སམྨུཁཱཝིནཡོ ཧེཏུནིདཱནོ, ཧེཏུསམུདཡོ, ཧེཏུཛཱཏིཀོ, ཧེཏུཔབྷཝོ, ཧེཏུསམྦྷཱརོ, ཧེཏུསམུཊྛཱནོ ¶ . སཏིཝིནཡོ…པེ… ཨམཱུལ༹ྷཝིནཡོ…པེ… པཊིཉྙཱཏཀརཎཾ ཧེཏུནིདཱནཾ, ཧེཏུསམུདཡཾ, ཧེཏུཛཱཏིཀཾ, ཧེཏུཔབྷཝཾ, ཧེཏུསམྦྷཱརཾ, ཧེཏུསམུཊྛཱནཾ. ཡེབྷུཡྻསིཀཱ…པེ… ཏསྶཔཱཔིཡསིཀཱ ཧེཏུནིདཱནཱ, ཧེཏུསམུདཡཱ, ཧེཏུཛཱཏིཀཱ, ཧེཏུཔབྷཝཱ, ཧེཏུསམྦྷཱརཱ, ཧེཏུསམུཊྛཱནཱ. ཏིཎཝཏྠཱརཀོ ཧེཏུནིདཱནོ, ཧེཏུསམུདཡོ, ཧེཏུཛཱཏིཀོ, ཧེཏུཔབྷཝོ, ཧེཏུསམྦྷཱརོ, ཧེཏུསམུཊྛཱནོ.

སམྨུཁཱཝིནཡོ ཀིཾནིདཱནོ, ཀིཾསམུདཡོ, ཀིཾཛཱཏིཀོ, ཀིཾཔབྷཝོ, ཀིཾསམྦྷཱརོ, ཀིཾསམུཊྛཱནོ? སཏིཝིནཡོ…པེ… ཨམཱུལ༹ྷཝིནཡོ…པེ… པཊིཉྙཱཏཀརཎཾ…པེ… ཡེབྷུཡྻསིཀཱ…པེ… ཏསྶཔཱཔིཡསིཀཱ…པེ… ཏིཎཝཏྠཱརཀོ ཀིཾནིདཱནོ, ཀིཾསམུདཡོ, ཀིཾཛཱཏིཀོ, ཀིཾཔབྷཝོ, ཀིཾསམྦྷཱརོ, ཀིཾསམུཊྛཱནོ? སམྨུཁཱཝིནཡོ པཙྩཡནིདཱནོ, པཙྩཡསམུདཡོ, པཙྩཡཛཱཏིཀོ, པཙྩཡཔབྷཝོ, པཙྩཡསམྦྷཱརོ, པཙྩཡསམུཊྛཱནོ. སཏིཝིནཡོ…པེ… ཨམཱུལ༹ྷཝིནཡོ…པེ… པཊིཉྙཱཏཀརཎཾ པཙྩཡནིདཱནཾ, པཙྩཡསམུདཡཾ, པཙྩཡཛཱཏིཀཾ, པཙྩཡཔབྷཝཾ, པཙྩཡསམྦྷཱརཾ, པཙྩཡསམུཊྛཱནཾ. ཡེབྷུཡྻསིཀཱ…པེ… ཏསྶཔཱཔིཡསིཀཱ པཙྩཡནིདཱནཱ, པཙྩཡསམུདཡཱ, པཙྩཡཛཱཏིཀཱ, པཙྩཡཔབྷཝཱ, པཙྩཡསམྦྷཱརཱ, པཙྩཡསམུཊྛཱནཱ. ཏིཎཝཏྠཱརཀོ པཙྩཡནིདཱནོ, པཙྩཡསམུདཡོ, པཙྩཡཛཱཏིཀོ, པཙྩཡཔབྷཝོ, པཙྩཡསམྦྷཱརོ, པཙྩཡསམུཊྛཱནོ.

༣༥༣. སཏྟནྣཾ སམཐཱནཾ ཀཏི མཱུལཱནི, ཀཏི སམུཊྛཱནཱ? སཏྟནྣཾ སམཐཱནཾ ཚབྦཱིས མཱུལཱནི, ཚཏྟིཾས སམུཊྛཱནཱ. སཏྟནྣཾ སམཐཱནཾ ཀཏམཱནི ཚབྦཱི ¶ མཱུལཱནི? སམྨུཁཱཝིནཡསྶ ཙཏྟཱརི མཱུལཱནི. སངྒྷསམྨུཁཏཱ, དྷམྨསམྨུཁཏཱ, ཝིནཡསམྨུཁཏཱ, པུགྒལསམྨུཁཏཱ; སཏིཝིནཡསྶ ཙཏྟཱརི མཱུལཱནི; ཨམཱུལ༹ྷཝིནཡསྶ ཙཏྟཱརི མཱུལཱནི; པཊིཉྙཱཏཀརཎསྶ དྭེ མཱུལཱནི – ཡོ ཙ དེསེཏི ཡསྶ ཙ དེསེཏི; ཡེབྷུཡྻསིཀཱཡ ཙཏྟཱརི མཱུལཱནི; ཏསྶཔཱཔིཡསིཀཱཡ ཙཏྟཱརི ¶ མཱུལཱནི; ཏིཎཝཏྠཱརཀསྶ ཙཏྟཱརི མཱུལཱནི – སངྒྷསམྨུཁཏཱ, དྷམྨསམྨུཁཏཱ, ཝིནཡསམྨུཁཏཱ, པུགྒལསམྨུཁཏཱ – སཏྟནྣཾ སམཐཱནཾ ཨིམཱནི ཚབྦཱིས མཱུལཱནི.

སཏྟནྣཾ ¶ སམཐཱནཾ ཀཏམེ ཚཏྟིཾས སམུཊྛཱནཱ? སཏིཝིནཡསྶ ཀམྨསྶ ཀིརིཡཱ, ཀརཎཾ, ཨུཔགམནཾ, ཨཛ྄ཛྷུཔགམནཾ, ཨདྷིཝཱསནཱ, ཨཔྤཊིཀྐོསནཱ. ཨམཱུལ༹ྷཝིནཡསྶ ཀམྨསྶ…པེ… པཊིཉྙཱཏཀརཎསྶ ཀམྨསྶ… ཡེབྷུཡྻསིཀཱཡ ཀམྨསྶ… ཏསྶཔཱཔིཡསིཀཱཡ ཀམྨསྶ… ཏིཎཝཏྠཱརཀསྶ ཀམྨསྶ ཀིརིཡཱ, ཀརཎཾ, ཨུཔགམནཾ, ཨཛ྄ཛྷུཔགམནཾ, ཨདྷིཝཱསནཱ, ཨཔྤཊིཀྐོསནཱ – སཏྟནྣཾ སམཐཱནཾ ཨིམེ ཚཏྟིཾས སམུཊྛཱནཱ.

༡༠. སཏྟསམཐནཱནཏྠཱདི

༣༥༤. སམྨུཁཱཝིནཡོཏི ཝཱ སཏིཝིནཡོཏི ཝཱ – ཨིམེ དྷམྨཱ ནཱནཏྠཱ ནཱནཱབྱཉྫནཱ ཨུདཱཧུ ཨེཀཏྠཱ བྱཉྫནམེཝ ནཱནཾ? སམྨུཁཱཝིནཡོཏི ཝཱ ཨམཱུལ༹ྷཝིནཡོཏི ཝཱ…པེ… སམྨུཁཱཝིནཡོཏི ཝཱ པཊིཉྙཱཏཀརཎནྟི ཝཱ… སམྨུཁཱཝིནཡོཏི ཝཱ ཡེབྷུཡྻསིཀཱཏི ཝཱ… སམྨུཁཱཝིནཡོཏི ཝཱ ཏསྶཔཱཔིཡསིཀཱཏི ཝཱ… སམྨུཁཱཝིནཡོཏི ཝཱ ཏིཎཝཏྠཱརཀོཏི ཝཱ – ཨིམེ དྷམྨཱ ནཱནཏྠཱ ནཱནཱབྱཉྫནཱ ཨུདཱཧུ ཨེཀཏྠཱ བྱཉྫནམེཝ ནཱནཾ? སམྨུཁཱཝིནཡོཏི ཝཱ སཏིཝིནཡོཏི ཝཱ – ཨིམེ དྷམྨཱ ནཱནཏྠཱ ཙེཝ ནཱནཱབྱཉྫནཱ ཙ. སམྨུཁཱཝིནཡོཏི ཝཱ ཨམཱུལ༹ྷཝིནཡོཏི ཝཱ…པེ… སམྨུཁཱཝིནཡོཏི ཝཱ པཊིཉྙཱཏཀརཎནྟི ཝཱ… སམྨུཁཱཝིནཡོཏི ཝཱ ཡེབྷུཡྻསིཀཱཏི ཝཱ… སམྨུཁཱཝིནཡོཏི ཝཱ ཏསྶཔཱཔིཡསིཀཱཏི ཝཱ… སམྨུཁཱཝིནཡོཏི ཝཱ ¶ ཏིཎཝཏྠཱརཀོཏི ཝཱ – ཨིམེ དྷམྨཱ ནཱནཏྠཱ ཙེཝ ནཱནཱ བྱཉྫནཱ ཙ.

༣༥༥. [ཙཱུལ༹ཝ. ༢༢༤] ཝིཝཱདོ ¶ ཝིཝཱདཱདྷིཀརཎཾ, ཝིཝཱདོ ནོ ཨདྷིཀརཎཾ, ཨདྷིཀརཎཾ ནོ ཝིཝཱདོ, ཨདྷིཀརཎཉྩེཝ ཝིཝཱདོ ཙ? སིཡཱ ཝིཝཱདོ ཝིཝཱདཱདྷིཀརཎཾ, སིཡཱ ཝིཝཱདོ ནོ ཨདྷིཀརཎཾ, སིཡཱ ཨདྷིཀརཎཾ ནོ ཝིཝཱདོ, སིཡཱ ཨདྷིཀརཎཉྩེཝ ཝིཝཱདོ ཙ.

ཏཏྠ ¶ ཀཏམོ ཝིཝཱདོ ཝིཝཱདཱདྷིཀརཎཾ? ཨིདྷ བྷིཀྑཱུ ཝིཝདནྟི དྷམྨོཏི ཝཱ ཨདྷམྨོཏི ཝཱ…པེ… དུཊྛུལླཱ ཨཱཔཏྟཱིཏི ཝཱ ཨདུཊྛུལླཱ ཨཱཔཏྟཱིཏི ཝཱ. ཡཾ ཏཏྠ བྷཎྜནཾ, ཀལཧོ, ཝིགྒཧོ, ཝིཝཱདོ, ནཱནཱཝཱདོ, ཨཉྙཐཱཝཱདོ, ཝིཔཙྩཏཱཡ ཝོཧཱརོ, མེདྷཀཾ – ཨཡཾ ཝིཝཱདོ ཝིཝཱདཱདྷིཀརཎཾ.

ཏཏྠ ཀཏམོ ཝིཝཱདོ ནོ ཨདྷིཀརཎཾ? མཱཏཱཔི པུཏྟེན ཝིཝདཏི, པུཏྟོཔི མཱཏརཱ ཝིཝདཏི, པིཏཱཔི པུཏྟེན ཝིཝདཏི, པུཏྟོཔི པིཏརཱ ཝིཝདཏི, བྷཱཏཱཔི བྷཱཏརཱ ཝིཝདཏི, བྷཱཏཱཔི ¶ བྷགིནིཡཱ ཝིཝདཏི, བྷགིནཱིཔི བྷཱཏརཱ ཝིཝདཏི, སཧཱཡོཔི སཧཱཡེན ཝིཝདཏི – ཨཡཾ ཝིཝཱདོ ནོ ཨདྷིཀརཎཾ.

ཏཏྠ ཀཏམཾ ཨདྷིཀརཎཾ ནོ ཝིཝཱདོ? ཨནུཝཱདཱདྷིཀརཎཾ, ཨཱཔཏྟཱདྷིཀརཎཾ, ཀིཙྩཱདྷིཀརཎཾ – ཨིདཾ ཨདྷིཀརཎཾ ནོ ཝིཝཱདོ.

ཏཏྠ ཀཏམཾ ཨདྷིཀརཎཉྩེཝ ཝིཝཱདོ ཙ? ཝིཝཱདཱདྷིཀརཎཾ ཨདྷིཀརཎཉྩེཝ ཝིཝཱདོ ཙ.

༣༥༦. [ཙཱུལ༹ཝ. ༢༢༤ ཨཱདཡོ] ཨནུཝཱདོ ཨནུཝཱདཱདྷིཀརཎཾ, ཨནུཝཱདོ ནོ ཨདྷིཀརཎཾ, ཨདྷིཀརཎཾ ནོ ཨནུཝཱདོ, ཨདྷིཀརཎཉྩེཝ ཨནུཝཱདོ ཙ? སིཡཱ ཨནུཝཱདོ ¶ ཨནུཝཱདཱདྷིཀརཎཾ, སིཡཱ ཨནུཝཱདོ ནོ ཨདྷིཀརཎཾ, སིཡཱ ཨདྷིཀརཎཾ ནོ ཨནུཝཱདོ, སིཡཱ ཨདྷིཀརཎཉྩེཝ ཨནུཝཱདོ ཙ.

ཏཏྠ ཀཏམོ ཨནུཝཱདོ ཨནུཝཱདཱདྷིཀརཎཾ? ཨིདྷ བྷིཀྑཱུ བྷིཀྑུཾ ཨནུཝདནྟི སཱིལཝིཔཏྟིཡཱ ཝཱ ཨཱཙཱརཝིཔཏྟིཡཱ ཝཱ དིཊྛིཝིཔཏྟིཡཱ ཝཱ ཨཱཛཱིཝཝིཔཏྟིཡཱ ཝཱ. ཡོ ཏཏྠ ཨནུཝཱདོ, ཨནུཝདནཱ ཨནུལླཔནཱ ཨནུབྷཎནཱ ཨནུསམྤཝངྐཏཱ ཨབྦྷུསྶཧནཏཱ ཨནུབལཔྤདཱནཾ – ཨཡཾ ཨནུཝཱདོ ཨནུཝཱདཱདྷིཀརཎཾ.

ཏཏྠ ཀཏམོ ཨནུཝཱདོ ནོ ཨདྷིཀརཎཾ? མཱཏཱཔི པུཏྟཾ ཨནུཝདཏི, པུཏྟོཔི མཱཏརཾ ཨནུཝདཏི, པིཏཱཔི པུཏྟཾ ཨནུཝདཏི, པུཏྟོཔི པིཏརཾ ཨནུཝདཏི, བྷཱཏཱཔི བྷཱཏརཾ ཨནུཝདཏི, བྷཱཏཱཔི བྷགིནིཾ ཨནུཝདཏི, བྷགིནཱིཔི བྷཱཏརཾ ཨནུཝདཏི, སཧཱཡོཔི སཧཱཡཾ ཨནུཝདཏི – ཨཡཾ ཨནུཝཱདོ ནོ ཨདྷིཀརཎཾ.

ཏཏྠ ཀཏམཾ ཨདྷིཀརཎཾ ནོ ཨནུཝཱདོ? ཨཱཔཏྟཱདྷིཀརཎཾ ཀིཙྩཱདྷིཀརཎཾ ཝིཝཱདཱདྷིཀརཎཾ – ཨིདཾ ཨདྷིཀརཎཾ ནོ ཨནུཝཱདོ.

ཏཏྠ ¶ ཀཏམཾ ཨདྷིཀརཎཉྩེཝ ཨནུཝཱདོ ཙ? ཨནུཝཱདཱདྷིཀརཎཾ ཨདྷིཀརཎཉྩེཝ ཨནུཝཱདོ ཙ.

༣༥༧. ཨཱཔཏྟི ¶ ཨཱཔཏྟཱདྷིཀརཎཾ, ཨཱཔཏྟི ནོ ཨདྷིཀརཎཾ, ཨདྷིཀརཎཾ ནོ ཨཱཔཏྟི, ཨདྷིཀརཎཉྩེཝ ཨཱཔཏྟི ཙ? སིཡཱ ཨཱཔཏྟི ཨཱཔཏྟཱདྷིཀརཎཾ, སིཡཱ ཨཱཔཏྟི ནོ ཨདྷིཀརཎཾ, སིཡཱ ཨདྷིཀརཎཾ ནོ ཨཱཔཏྟི, སིཡཱ ཨདྷིཀརཎཉྩེཝ ཨཱཔཏྟི ཙ.

ཏཏྠ ཀཏམཱ ཨཱཔཏྟི ཨཱཔཏྟཱདྷིཀརཎཾ? པཉྩཔི ཨཱཔཏྟིཀྑནྡྷཱ ཨཱཔཏྟཱདྷིཀརཎཾ ¶ . སཏྟཔི ཨཱཔཏྟིཀྑནྡྷཱ ཨཱཔཏྟཱདྷིཀརཎཾ. ཨཡཾ ཨཱཔཏྟི ཨཱཔཏྟཱདྷིཀརཎཾ.

ཏཏྠ ཀཏམཱ ཨཱཔཏྟི ནོ ཨདྷིཀརཎཾ? སོཏཱཔཏྟི སམཱཔཏྟི – ཨཡཾ ཨཱཔཏྟི ནོ ཨདྷིཀརཎཾ.

ཏཏྠ ཀཏམཾ ཨདྷིཀརཎཾ ནོ ཨཱཔཏྟི? ཀིཙྩཱདྷིཀརཎཾ ཝིཝཱདཱདྷིཀརཎཾ ཨནུཝཱདཱདྷིཀརཎཾ – ཨིདཾ ཨདྷིཀརཎཾ ནོ ཨཱཔཏྟི.

ཏཏྠ ཀཏམཾ ཨདྷིཀརཎཉྩེཝ ཨཱཔཏྟི ཙ? ཨཱཔཏྟཱདྷིཀརཎཾ ཨདྷིཀརཎཉྩེཝ ཨཱཔཏྟི ཙ.

༣༥༨. [ཙཱུལ༹ཝ. ༢༢༣] ཀིཙྩཾ ཀིཙྩཱདྷིཀརཎཾ, ཀིཙྩཾ ནོ ཨདྷིཀརཎཾ, ཨདྷིཀརཎཾ ནོ ཀིཙྩཾ, ཨདྷིཀརཎཉྩེཝ ཀིཙྩཉྩ? སིཡཱ ཀིཙྩཾ ཀིཙྩཱདྷིཀརཎཾ, སིཡཱ ཀིཙྩཾ ནོ ཨདྷིཀརཎཾ, སིཡཱ ཨདྷིཀརཎཾ ནོ ཀིཙྩཾ, སིཡཱ ཨདྷིཀརཎཉྩེཝ ཀིཙྩཉྩ.

ཏཏྠ ཀཏམཾ ཀིཙྩཾ ཀིཙྩཱདྷིཀརཎཾ? ཡཱ སངྒྷསྶ ཀིཙྩཡཏཱ ཀརཎཱིཡཏཱ ཨཔལོཀནཀམྨཾ ཉཏྟིཀམྨཾ ཉཏྟིདུཏིཡཀམྨཾ ཉཏྟིཙཏུཏྠཀམྨཾ – ཨིདཾ ཀིཙྩཾ ཀིཙྩཱདྷིཀརཎཾ.

ཏཏྠ ཀཏམཾ ཀིཙྩཾ ནོ ཨདྷིཀརཎཾ? ཨཱཙརིཡཀིཙྩཾ ཨུཔཛ྄ཛྷཱཡཀིཙྩཾ [ཨུཔཛ྄ཛྷཱཡཀིཙྩཾ སཀིཙྩཾ (ཀ.)] སམཱནུཔཛ྄ཛྷཱཡཀིཙྩཾ སམཱནཱཙརིཡཀིཙྩཾ – ཨིདཾ ཀིཙྩཾ ནོ ཨདྷིཀརཎཾ.

ཏཏྠ ཀཏམཾ ཨདྷིཀརཎཾ ནོ ཀིཙྩཾ? ཝིཝཱདཱདྷིཀརཎཾ ཨནུཝཱདཱདྷིཀརཎཾ ཨཱཔཏྟཱདྷིཀརཎཾ – ཨིདཾ ཨདྷིཀརཎཾ ནོ ཀིཙྩཾ.

ཏཏྠ ¶ ¶ ཀཏམཾ ཨདྷིཀརཎཉྩེཝ ཀིཙྩཉྩ? ཀིཙྩཱདྷིཀརཎཾ ཨདྷིཀརཎཉྩེཝ ཀིཙྩཾ ཙཱཏི.

ཨདྷིཀརཎབྷེདོ ནིཊྛིཏོ.

ཏསྶུདྡཱནཾ –

ཨདྷིཀརཎཾ ¶ ཨུཀྐོཊཱ, ཨཱཀཱརཱ པུགྒལེན ཙ;

ནིདཱནཧེཏུཔཙྩཡཱ, མཱུལཾ སམུཊྛཱནེན ཙ.

ཨཱཔཏྟི ཧོཏི ཡཏྠ ཙ, སཾསཊྛཱ ནིདཱནེན ཙ [སཾསཊྛཱ ནིདཱནཔབྷཝཱ (སཱི.)];

ཧེཏུཔཙྩཡམཱུལཱནི, སམུཊྛཱནེན བྱཉྫནཱ;

ཝིཝཱདོ ཨདྷིཀརཎནྟི, བྷེདཱདྷིཀརཎེ ཨིདནྟི.

ཨཔརགཱཐཱསངྒཎིཀཾ

༡. ཙོདནཱདིཔུཙྪཱཝིསྶཛྫནཱ

༣༥༩.

ཙོདནཱ ¶ ¶ ¶ ¶ ཀིམཏྠཱཡ, སཱརཎཱ ཀིསྶ ཀཱརཎཱ;

སངྒྷོ ཀིམཏྠཱཡ, མཏིཀམྨཾ པན ཀིསྶ ཀཱརཎཱ.

ཙོདནཱ སཱརཎཏྠཱཡ, ནིགྒཧཏྠཱཡ སཱརཎཱ;

སངྒྷོ པརིགྒཧཏྠཱཡ, མཏིཀམྨཾ པན པཱཊིཡེཀྐཾ.

མཱ ཁོ ཏུརིཏོ ཨབྷཎི, མཱ ཁོ ཙཎྜིཀཏོ བྷཎི;

མཱ ཁོ པཊིགྷཾ ཛནཡི, སཙེ ཨནུཝིཛྫཀོ ཏུཝཾ.

མཱ ཁོ སཧསཱ ཨབྷཎི, ཀཐཾ ཝིགྒཱཧིཀཾ ཨནཏྠསཾཧིཏཾ;

སུཏྟེ ཝིནཡེ ཨནུལོམེ, པཉྙཏྟེ ཨནུལོམིཀེ.

ཨནུཡོགཝཏྟཾ ནིསཱམཡ, ཀུསལེན བུདྡྷིམཏཱ ཀཏཾ;

སུཝུཏྟཾ སིཀྑཱཔདཱནུལོམིཀཾ, གཏིཾ ན ནཱསེནྟོ སམྤརཱཡིཀཾ;

ཧིཏེསཱི ཨནུཡུཉྫསྶུ, ཀཱལེནཏྠཱུཔསཾཧིཏཾ.

ཙུདིཏསྶ ཙ ཙོདཀསྶ ཙ;

སཧསཱ ཝོཧཱརཾ མཱ པདྷཱརེསི;

ཙོདཀོ ཨཱཧ ཨཱཔནྣོཏི;

ཙུདིཏཀོ ཨཱཧ ཨནཱཔནྣོཏི.

ཨུབྷོ ¶ ཨནུཀྑིཔནྟོ, པཊིཉྙཱནུསནྡྷིཏེན ¶ ཀཱརཡེ;

པཊིཉྙཱ ལཛྫཱིསུ ཀཏཱ, ཨལཛྫཱིསུ ཨེཝཾ ན ཝིཛྫཏི;

བཧུམྤི ཨལཛྫཱི བྷཱསེཡྻ, ཝཏྟཱནུསནྡྷིཏེན [ཝུཏྟཱནུསནྡྷིཏེན (སཱི. སྱཱ. ཀ.)] ཀཱརཡེ.

ཨལཛྫཱི ཀཱིདིསོ ཧོཏི, པཊིཉྙཱ ཡསྶ ན རཱུཧཏི;

ཨེཏཉྩ [ཨེཝཉྩ (ཀ.)] ཏཱཧཾ པུཙྪཱམི, ཀཱིདིསོ ཝུཙྩཏི ཨལཛྫཱི པུགྒལོ.

སཉྩིཙྩ ཨཱཔཏྟིཾ ཨཱཔཛྫཏི, ཨཱཔཏྟིཾ པརིགཱུཧཏི;

ཨགཏིགམནཉྩ གཙྪཏི, ཨེདིསོ ཝུཙྩཏི ཨལཛྫཱིཔུགྒལོ.

སཙྩཾ ཨཧམྤི ཛཱནཱམི, ཨེདིསོ ཝུཙྩཏི ཨལཛྫཱིཔུགྒལོ;

ཨཉྙཉྩ ཏཱཧཾ པུཙྪཱམི, ཀཱིདིསོ ཝུཙྩཏི ལཛྫཱིཔུགྒལོ.

སཉྩིཙྩ ཨཱཔཏྟིཾ ནཱཔཛྫཏི, ཨཱཔཏྟིཾ ན པརིགཱུཧཏི;

ཨགཏིགམནཾ ¶ ན གཙྪཏི, ཨེདིསོ ཝུཙྩཏི ལཛྫཱིཔུགྒལོ.

སཙྩཾ ¶ ཨཧམྤི ཛཱནཱམི, ཨེདིསོ ཝུཙྩཏི ལཛྫཱིཔུགྒལོ;

ཨཉྙཉྩ ཏཱཧཾ པུཙྪཱམི, ཀཱིདིསོ ཝུཙྩཏི ཨདྷམྨཙོདཀོ.

ཨཀཱལེ ¶ ཙོདེཏི ཨབྷཱུཏེན;

ཕརུསེན ཨནཏྠསཾཧིཏེན;

དོསནྟརོ ཙོདེཏི ནོ མེཏྟཱཙིཏྟོ;

ཨེདིསོ ཝུཙྩཏི ཨདྷམྨཙོདཀོ.

སཙྩཾ ཨཧམྤི ཛཱནཱམི, ཨེདིསོ ཝུཙྩཏི ཨདྷམྨཙོདཀོ;

ཨཉྙཉྩ ཏཱཧཾ པུཙྪཱམི, ཀཱིདིསོ ཝུཙྩཏི དྷམྨཙོདཀོ.

ཀཱལེན ཙོདེཏི བྷཱུཏེན, སཎྷེན ཨཏྠསཾཧིཏེན;

མེཏྟཱཙིཏྟོ ཙོདེཏི ནོ དོསནྟརོ;

ཨེདིསོ ཝུཙྩཏི དྷམྨཙོདཀོ.

སཙྩཾ ¶ ཨཧམྤི ཛཱནཱམི, ཨེདིསོ ཝུཙྩཏི དྷམྨཙོདཀོ;

ཨཉྙཉྩ ཏཱཧཾ པུཙྪཱམི, ཀཱིདིསོ ཝུཙྩཏི བཱལཙོདཀོ.

པུབྦཱཔརཾ ན ཛཱནཱཏི, པུབྦཱཔརསྶ ཨཀོཝིདོ;

ཨནུསནྡྷིཝཙནཔཐཾ ན ཛཱནཱཏི;

ཨནུསནྡྷིཝཙནཔཐསྶ ཨཀོཝིདོ;

ཨེདིསོ ཝུཙྩཏི བཱལཙོདཀོ.

སཙྩཾ ཨཧམྤི ཛཱནཱམི, ཨེདིསོ ཝུཙྩཏི བཱལཙོདཀོ;

ཨཉྙཉྩ ¶ ཏཱཧཾ པུཙྪཱམི, ཀཱིདིསོ ཝུཙྩཏི པཎྜིཏཙོདཀོ.

པུབྦཱཔརམྤི ཛཱནཱཏི, པུབྦཱཔརསྶ ཀོཝིདོ;

ཨནུསནྡྷིཝཙནཔཐཾ ཛཱནཱཏི, ཨནུསནྡྷིཝཙནཔཐསྶ ཀོཝིདོ;

ཨེདིསོ ཝུཙྩཏི པཎྜིཏཙོདཀོ.

སཙྩཾ ཨཧམྤི ཛཱནཱམི, ཨེདིསོ ཝུཙྩཏི པཎྜིཏཙོདཀོ;

ཨཉྙཉྩ ཏཱཧཾ པུཙྪཱམི, ཙོདནཱ ཀིནྟི ཝུཙྩཏི.

སཱིལཝིཔཏྟིཡཱ ཙོདེཏི, ཨཐོ ཨཱཙཱརདིཊྛིཡཱ;

ཨཱཛཱིཝེནཔི ཙོདེཏི, ཙོདནཱ ཏེན ཝུཙྩཏཱིཏི.

ཨཔརཾ གཱཐཱསངྒཎིཀཾ ནིཊྛིཏཾ.

ཙོདནཱཀཎྜཾ

༡. ཨནུཝིཛྫཀཨནུཡོགོ

༣༦༠. ཨནུཝིཛྫཀེ ¶ ¶ ¶ ¶ ཙོདཀོ པུཙྪིཏབྦོ – ‘‘ཡཾ ཁོ ཏྭཾ, ཨཱཝུསོ, ཨིམཾ བྷིཀྑུཾ ཙོདེསི, ཀིམྷི ནཾ ཙོདེསི, སཱིལཝིཔཏྟིཡཱ ཝཱ ཙོདེསི, ཨཱཙཱརཝིཔཏྟིཡཱ ཝཱ ཙོདེསི, དིཊྛིཝིཔཏྟིཡཱ ཝཱ ཙོདེསཱི’’ཏི? སོ ཙེ ཨེཝཾ ཝདེཡྻ – ‘‘སཱིལཝིཔཏྟིཡཱ ཝཱ ཙོདེམི, ཨཱཙཱརཝིཔཏྟིཡཱ ཝཱ ཙོདེམི, དིཊྛིཝིཔཏྟིཡཱ ཝཱ ཙོདེམཱི’’ཏི, སོ ཨེཝམསྶ ཝཙནཱིཡོ – ‘‘ཛཱནཱསི པནཱཡསྨཱ སཱིལཝིཔཏྟིཾ, ཛཱནཱསི ཨཱཙཱརཝིཔཏྟིཾ, ཛཱནཱསི དིཊྛིཝིཔཏྟི’’ནྟི? སོ ཙེ ཨེཝཾ ཝདེཡྻ – ‘‘ཛཱནཱམི ཁོ ཨཧཾ, ཨཱཝུསོ, སཱིལཝིཔཏྟིཾ, ཛཱནཱམི ཨཱཙཱརཝིཔཏྟིཾ, ཛཱནཱམི དིཊྛིཝིཔཏྟི’’ནྟི, སོ ཨེཝམསྶ ཝཙནཱིཡོ – ‘‘ཀཏམཱ པནཱཝུསོ, སཱིལཝིཔཏྟི? ཀཏམཱ ཨཱཙཱརཝིཔཏྟི? ཀཏམཱ དིཊྛིཝིཔཏྟཱི’’ཏི? སོ ཙེ ཨེཝཾ ཝདེཡྻ – ‘‘ཙཏྟཱརི ཙ པཱརཱཛིཀཱནི, ཏེརས ཙ སངྒྷཱདིསེསཱ – ཨཡཾ སཱིལཝིཔཏྟི. ཐུལླཙྩཡཾ, པཱཙིཏྟིཡཾ, པཱཊིདེསནཱིཡཾ, དུཀྐཊཾ, དུབྦྷཱསིཏཾ, ཨཡཾ ཨཱཙཱརཝིཔཏྟི. མིཙྪཱདིཊྛི, ཨནྟགྒཱཧིཀཱ དིཊྛི – ཨཡཾ དིཊྛིཝིཔཏྟཱི’’ཏི, སོ ཨེཝམསྶ ཝཙནཱིཡོ – ‘‘ཡཾ ཁོ ཏྭཾ, ཨཱཝུསོ, ཨིམཾ བྷིཀྑུཾ ཙོདེསི, དིཊྛེན ཝཱ ཙོདེསི སུཏེན ཝཱ ཙོདེསི པརིསངྐཱཡ ཝཱ ཙོདེསཱི’’ཏི? སོ ཙེ ཨེཝཾ ཝདེཡྻ – ‘‘དིཊྛེན ཝཱ ཙོདེམི སུཏེན ཝཱ ཙོདེམི པརིསངྐཱཡ ཝཱ ཙོདེམཱི’’ཏི, སོ ཨེཝམསྶ ཝཙནཱིཡོ – ‘‘ཡཾ ཁོ ཏྭཾ, ཨཱཝུསོ, ཨིམཾ བྷིཀྑུཾ དིཊྛེན ཙོདེསི, ཀིཾ ཏེ དིཊྛཾ ཀིནྟི ཏེ དིཊྛཾ, ཀདཱ ¶ ཏེ དིཊྛཾ, ཀཏྠ ཏེ དིཊྛཾ པཱརཱཛིཀཾ ཨཛ྄ཛྷཱཔཛྫནྟོ དིཊྛོ, སངྒྷཱདིསེསཾ ཨཛ྄ཛྷཱཔཛྫནྟོ དིཊྛོ, ཐུལླཙྩཡཾ… པཱཙིཏྟིཡཾ… པཱཊིདེསནཱིཡཾ… དུཀྐཊཾ… དུབྦྷཱསིཏཾ ཨཛ྄ཛྷཱཔཛྫནྟོ དིཊྛོ, ཀཏྠ ཙ ཏྭཾ ཨཧོསི, ཀཏྠ ཙཱཡཾ བྷིཀྑུ ཨཧོསི, ཀིཉྩ ཏྭཾ ཀརོསི, ཀིཾ ཙཱཡཾ བྷིཀྑུ ཀརོཏཱི’’ཏི? སོ ཙེ ཨེཝཾ ཝདེཡྻ – ‘‘ན ཁོ ཨཧཾ, ཨཱཝུསོ, ཨིམཾ བྷིཀྑུཾ དིཊྛེན ཙོདེམི, ཨཔི ཙ སུཏེན ཙོདེམཱི’’ཏི, སོ ཨེཝམསྶ ཝཙནཱིཡོ – ‘‘ཡཾ ཁོ ཏྭཾ, ཨཱཝུསོ, ཨིམཾ བྷིཀྑུཾ སུཏེན ཙོདེསི, ཀིཾ ཏེ སུཏཾ, ཀིནྟི ཏེ སུཏཾ, ཀདཱ ཏེ སུཏཾ ¶ , ཀཏྠ ཏེ སུཏཾ, པཱརཱཛིཀཾ ཨཛ྄ཛྷཱཔནྣོཏི སུཏཾ, སངྒྷཱདིསེསཾ… ཐུལླཙྩཡཾ… པཱཙིཏྟིཡཾ… པཱཊིདེསནཱིཡཾ… དུཀྐཊཾ… དུབྦྷཱསིཏཾ ཨཛ྄ཛྷཱཔནྣོཏི སུཏཾ, བྷིཀྑུསྶ སུཏཾ, བྷིཀྑུནིཡཱ སུཏཾ, སིཀྑམཱནཱཡ སུཏཾ ¶ , སཱམཎེརསྶ སུཏཾ, སཱམཎེརིཡཱ སུཏཾ, ཨུཔཱསཀསྶ སུཏཾ, ཨུཔཱསིཀཱཡ སུཏཾ, རཱཛཱུནཾ སུཏཾ, རཱཛམཧཱམཏྟཱནཾ སུཏཾ, ཏིཏྠིཡཱནཾ སུཏཾ, ཏིཏྠིཡསཱཝཀཱནཾ སུཏ’’ནྟི? སོ ཙེ ཨེཝཾ ཝདེཡྻ – ‘‘ན ཁོ ཨཧཾ, ཨཱཝུསོ, ཨིམཾ བྷིཀྑུཾ སུཏེན ཙོདེམི, ཨཔི ཙ པརིསངྐཱཡ ཙོདེམཱི’’ཏི, སོ ཨེཝམསྶ ཝཙནཱིཡོ – ‘‘ཡཾ ཁོ ཏྭཾ, ཨཱཝུསོ, ཨིམཾ བྷིཀྑུཾ པརིསངྐཱཡ ཙོདེསི, ཀིཾ པརིསངྐསི, ཀིནྟི པརིསངྐསི, ཀདཱ པརིསངྐསི, ཀཏྠ པརིསངྐསི, པཱརཱཛིཀཾ ཨཛ྄ཛྷཱཔནྣོཏི ¶ པརིསངྐསི, སངྒྷཱདིསེསཾ ཨཛ྄ཛྷཱཔནྣོཏི པརིསངྐསི, ཐུལླཙྩཡཾ… པཱཙིཏྟིཡཾ… པཱཊིདེསནཱིཡཾ… དུཀྐཊཾ… དུབྦྷཱསིཏཾ ཨཛ྄ཛྷཱཔནྣོཏི པརིསངྐསི, བྷིཀྑུསྶ སུཏྭཱ པརིསངྐསི, བྷིཀྑུནིཡཱ སུཏྭཱ པརིསངྐསི, སིཀྑམཱནཱཡ སུཏྭཱ པརིསངྐསི, སཱམཎེརསྶ སུཏྭཱ པརིསངྐསི, སཱམཎེརིཡཱ སུཏྭཱ པརིསངྐསི, ཨུཔཱསཀསྶ སུཏྭཱ པརིསངྐསི, ཨུཔཱསིཀཱཡ སུཏྭཱ པརིསངྐསི, རཱཛཱུནཾ སུཏྭཱ པརིསངྐསི, རཱཛམཧཱམཏྟཱནཾ སུཏྭཱ པརིསངྐསི, ཏིཏྠིཡཱནཾ སུཏྭཱ པརིསངྐསི, ཏིཏྠིཡསཱཝཀཱནཾ སུཏྭཱ པརིསངྐསཱི’’ཏི?

༣༦༡.

དིཊྛཾ དིཊྛེན སམེཏི དིཊྛེན སཾསནྡཏེ དིཊྛཾ;

དིཊྛཾ པཊིཙྩ ན ཨུཔེཏི ཨསུདྡྷཔརིསངྐིཏོ;

སོ པུགྒལོ པཊིཉྙཱཡ ཀཱཏབྦོ ཏེནུཔོསཐོ.

སུཏཾ སུཏེན སམེཏི སུཏེན སཾསནྡཏེ སུཏཾ;

སུཏཾ པཊིཙྩ ན ཨུཔེཏི ཨསུདྡྷཔརིསངྐིཏོ;

སོ པུགྒལོ པཊིཉྙཱཡ ཀཱཏབྦོ ཏེནུཔོསཐོ.

མུཏཾ མུཏེན སམེཏི མུཏེན སཾསནྡཏེ མུཏཾ;

མུཏཾ པཊིཙྩ ན ཨུཔེཏི ཨསུདྡྷཔརིསངྐིཏོ;

སོ པུགྒལོ པཊིཉྙཱཡ ཀཱཏབྦོ ཏེནུཔོསཐོ.

༣༦༢. ཙོདནཱཡ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? ཙོདནཱཡ ཨོཀཱསཀམྨཾ ཨཱདི, ཀིརིཡཱ མཛ྄ཛྷེ, སམཐོ པརིཡོསཱནཾ. ཙོདནཱཡ ¶ ཀཏི མཱུལཱནི, ཀཏི ཝཏྠཱུནི, ཀཏི བྷཱུམིཡོ, ཀཏིཧཱཀཱརེཧི ཙོདེཏི? ཙོདནཱཡ དྭེ མཱུལཱནི, ཏཱིཎི ཝཏྠཱུནི, པཉྩ བྷཱུམིཡོ, དྭཱིཧཱཀཱརེཧི ཙོདེཏི. ཙོདནཱཡ ཀཏམཱནི དྭེ མཱུལཱནི? སམཱུལིཀཱ ཝཱ ཨམཱུལིཀཱ ཝཱ – ཙོདནཱཡ ¶ ཨིམཱནི དྭེ མཱུལཱནི. ཙོདནཱཡ ཀཏམཱནི ཏཱིཎི ཝཏྠཱུནི? དིཊྛེན ¶ སུཏེན པརིསངྐཱཡ – ཙོདནཱཡ ཨིམཱནི ཏཱིཎི ཝཏྠཱུནི. ཙོདནཱ ¶ ཀཏམཱ པཉྩ བྷཱུམིཡོ? ཀཱལེན ཝཀྑཱམི ནོ ཨཀཱལེན, བྷཱུཏེན ཝཀྑཱམི ནོ ཨབྷཱུཏེན, སཎྷེན ཝཀྑཱམི ནོ ཕརུསེན, ཨཏྠསཾཧིཏེན ཝཀྑཱམི ནོ ཨནཏྠསཾཧིཏེན, མེཏྟཱཙིཏྟོ ཝཀྑཱམི ནོ དོསནྟརོཏི – ཙོདནཱཡ ཨིམཱ པཉྩ བྷཱུམིཡོ.

ཀཏམེཧི དྭཱིཧཱཀཱརེཧི ཙོདེཏི? ཀཱཡེན ཝཱ ཙོདེཏི ཝཱཙཱཡ ཝཱ ཙོདེཏི – ཨིམེཧི དྭཱིཧཱཀཱརེཧི ཙོདེཏི.

༢. ཙོདཀཱདིཔཊིཔཏྟི

༣༦༣. ཙོདཀེན ཀཐཾ པཊིཔཛྫིཏབྦཾ? ཙུདིཏཀེན ཀཐཾ པཊིཔཛྫིཏབྦཾ? སངྒྷེན ཀཐཾ པཊིཔཛྫིཏབྦཾ? ཨནུཝིཛྫཀེན ཀཐཾ པཊིཔཛྫིཏབྦཾ? ཙོདཀེན ཀཐཾ པཊིཔཛྫིཏབྦནྟི? ཙོདཀེན པཉྩསུ དྷམྨེསུ པཏིཊྛཱཡ པརོ ཙོདེཏབྦོ. ཀཱལེན ཝཀྑཱམི ནོ ཨཀཱལེན, བྷཱུཏེན ཝཀྑཱམི ནོ ཨབྷཱུཏེན, སཎྷེན ཝཀྑཱམི ནོ ཕརུསེན, ཨཏྠསཾཧིཏེན ཝཀྑཱམི ནོ ཨནཏྠསཾཧིཏེན, མེཏྟཱཙིཏྟོ ཝཀྑཱམི ནོ དོསནྟརོཏི – ཙོདཀེན ཨེཝཾ པཊིཔཛྫིཏབྦཾ. ཙུདིཏཀེན ཀཐཾ པཊིཔཛྫིཏབྦནྟི? ཙུདིཏཀེན དྭཱིསུ དྷམྨེསུ པཊིཔཛྫིཏབྦཾ. སཙྩེ ཙ ཨཀུཔྤེ ཙ – ཙུདིཏཀེན ཨེཝཾ པཊིཔཛྫིཏབྦཾ. སངྒྷེན ཀཐཾ པཊིཔཛྫིཏབྦནྟི? སངྒྷེན ¶ ཨོཏིཎྞཱནོཏིཎྞཾ ཛཱནིཏབྦཾ. སངྒྷེན ཨེཝཾ པཊིཔཛྫིཏབྦཾ. ཨནུཝིཛྫཀེན ཀཐཾ པཊིཔཛྫིཏབྦནྟི? ཨནུཝིཛྫཀེན ཡེན དྷམྨེན ཡེན ཝིནཡེན ཡེན སཏྠུསཱསནེན ཏཾ ཨདྷིཀརཎཾ ཝཱུཔསམྨཏི ཏཐཱ ཏཾ ཨདྷིཀརཎཾ ཝཱུཔསམེཏབྦཾ. ཨནུཝིཛྫཀེན ཨེཝཾ པཊིཔཛྫིཏབྦཾ.

༣༦༤.

ཨུཔོསཐོ ཀིམཏྠཱཡ, པཝཱརཎཱ ཀིསྶ ཀཱརཎཱ;

པརིཝཱསོ ཀིམཏྠཱཡ, མཱུལཱཡཔཊིཀསྶནཱ ཀིསྶ ཀཱརཎཱ;

མཱནཏྟཾ ཀིམཏྠཱཡ, ཨབྦྷཱནཾ ཀིསྶ ཀཱརཎཱ.

ཨུཔོསཐོ སཱམགྒཏྠཱཡ, ཝིསུདྡྷཏྠཱཡ པཝཱརཎཱ;

པརིཝཱསོ མཱནཏྟཏྠཱཡ, མཱུལཱཡཔཊིཀསྶནཱ ནིགྒཧཏྠཱཡ;

མཱནཏྟཾ ཨབྦྷཱནཏྠཱཡ, ཝིསུདྡྷཏྠཱཡ ཨབྦྷཱནཾ.

ཚནྡཱ ¶ ¶ དོསཱ བྷཡཱ མོཧཱ, ཐེརེ ཙ པརིབྷཱསཏི;

ཀཱཡསྶ བྷེདཱ དུཔྤཉྙོ, ཁཏོ ཨུཔཧཏིནྡྲིཡོ;

ནིརཡཾ གཙྪཏི དུམྨེདྷོ, ན ཙ སིཀྑཱཡ གཱརཝོ.

ན ཙ ཨཱམིསཾ ནིསྶཱཡ;

ན ཙ ནིསྶཱཡ པུགྒལཾ;

ཨུབྷོ ཨེཏེ ཝིཝཛྫེཏྭཱ;

ཡཐཱདྷམྨོ ཏཐཱ ཀརེ.

༣. ཙོདཀསྶཨཏྟཛྷཱཔནཾ

ཀོདྷནོ ཨུཔནཱཧཱི ཙ;

ཙཎྜོ ཙ པརིབྷཱསཀོ;

ཨནཱཔཏྟིཡཱ ཨཱཔཏྟཱིཏི རོཔེཏི;

ཏཱདིསོ ཙོདཀོ ཛྷཱཔེཏི ཨཏྟཱནཾ.

ཨུཔཀཎྞཀཾ ཛཔྤཏི ཛིམྷཾ པེཀྑཏི;

ཝཱིཏིཧརཏི ¶ ཀུམྨགྒཾ པཊིསེཝཏི;

ཨནཱཔཏྟིཡཱ ¶ ཨཱཔཏྟཱིཏི རོཔེཏི;

ཏཱདིསོ ཙོདཀོ ཛྷཱཔེཏི ཨཏྟཱནཾ.

ཨཀཱལེན ཙོདེཏི ཨབྷཱུཏེན;

ཕརུསེན ཨནཏྠསཾཧིཏེན;

དོསནྟརོ ཙོདེཏི ནོ མེཏྟཱཙིཏྟོ;

ཨནཱཔཏྟིཡཱ ཨཱཔཏྟཱིཏི རོཔེཏི;

ཏཱདིསོ ཙོདཀོ ཛྷཱཔེཏི ཨཏྟཱནཾ.

དྷམྨཱདྷམྨཾ ན ཛཱནཱཏི;

དྷམྨཱདྷམྨསྶ ཨཀོཝིདོ;

ཨནཱཔཏྟིཡཱ ¶ ཨཱཔཏྟཱིཏི རོཔེཏི;

ཏཱདིསོ ཙོདཀོ ཛྷཱཔེཏི ཨཏྟཱནཾ.

ཝིནཡཱཝིནཡཾ ན ཛཱནཱཏི;

ཝིནཡཱཝིནཡསྶ ཨཀོཝིདོ;

ཨནཱཔཏྟིཡཱ ཨཱཔཏྟཱིཏི རོཔེཏི;

ཏཱདིསོ ཙོདཀོ ཛྷཱཔེཏི ཨཏྟཱནཾ.

བྷཱསིཏཱབྷཱསིཏཾ ¶ ན ཛཱནཱཏི;

བྷཱསིཏཱབྷཱསིཏསྶ ཨཀོཝིདོ;

ཨནཱཔཏྟིཡཱ ཨཱཔཏྟཱིཏི རོཔེཏི;

ཏཱདིསོ ཙོདཀོ ཛྷཱཔེཏི ཨཏྟཱནཾ.

ཨཱཙིཎྞཱནཱཙིཎྞཾ ¶ ན ཛཱནཱཏི;

ཨཱཙིཎྞཱནཱཙིཎྞསྶ ཨཀོཝིདོ;

ཨནཱཔཏྟིཡཱ ཨཱཔཏྟཱིཏི རོཔེཏི;

ཏཱདིསོ ཙོདཀོ ཛྷཱཔེཏི ཨཏྟཱནཾ.

པཉྙཏྟཱཔཉྙཏྟཾ ན ཛཱནཱཏི;

པཉྙཏྟཱཔཉྙཏྟསྶ ཨཀོཝིདོ;

ཨནཱཔཏྟིཡཱ ཨཱཔཏྟཱིཏི རོཔེཏི;

ཏཱདིསོ ཙོདཀོ ཛྷཱཔེཏི ཨཏྟཱནཾ.

ཨཱཔཏྟཱནཱཔཏྟིཾ ན ཛཱནཱཏི;

ཨཱཔཏྟཱནཱཔཏྟིཡཱ ཨཀོཝིདོ;

ཨནཱཔཏྟིཡཱ ཨཱཔཏྟཱིཏི རོཔེཏི;

ཏཱདིསོ ཙོདཀོ ཛྷཱཔེཏི ཨཏྟཱནཾ.

ལཧུཀགརུཀཾ ན ཛཱནཱཏི;

ལཧུཀགརུཀསྶ ཨཀོཝིདོ;

ཨནཱཔཏྟིཡཱ ¶ ཨཱཔཏྟཱིཏི རོཔེཏི;

ཏཱདིསོ ཙོདཀོ ཛྷཱཔེཏི ཨཏྟཱནཾ.

སཱཝསེསཱནཝསེསཾ ན ཛཱནཱཏི;

སཱཝསེསཱནཝསེསསྶ ཨཀོཝིདོ;

ཨནཱཔཏྟིཡཱ ཨཱཔཏྟཱིཏི རོཔེཏི;

ཏཱདིསོ ཙོདཀོ ཛྷཱཔེཏི ཨཏྟཱནཾ.

དུཊྛུལླཱདུཊྛུལླཾ ¶ ན ཛཱནཱཏི;

དུཊྛུལླཱདུཊྛུལླསྶ ཨཀོཝིདོ;

ཨནཱཔཏྟིཡཱ ཨཱཔཏྟཱིཏི རོཔེཏི;

ཏཱདིསོ ཙོདཀོ ཛྷཱཔེཏི ཨཏྟཱནཾ.

པུབྦཱཔརཾ ¶ ན ཛཱནཱཏི;

པུབྦཱཔརསྶ ཨཀོཝིདོ;

ཨནཱཔཏྟིཡཱ ཨཱཔཏྟཱིཏི རོཔེཏི;

ཏཱདིསོ ཙོདཀོ ཛྷཱཔེཏི ཨཏྟཱནཾ.

ཨནུསནྡྷིཝཙནཔཐཾ ན ཛཱནཱཏི;

ཨནུསནྡྷིཝཙནཔཐསྶ ཨཀོཝིདོ;

ཨནཱཔཏྟིཡཱ ཨཱཔཏྟཱིཏི རོཔེཏི;

ཏཱདིསོ ཙོདཀོ ཛྷཱཔེཏི ཨཏྟཱནནྟི.

ཙོདནཱཀཎྜཾ ནིཊྛིཏཾ.

ཏསྶུདྡཱནཾ –

ཙོདནཱ ཨནུཝིཛྫཱ ཙ, ཨཱདི མཱུལེནུཔོསཐོ;

གཏི ཙོདནཀཎྜམྷི, སཱསནཾ པཏིཊྛཱཔཡནྟི.

ཙཱུལ༹སངྒཱམོ

༡. ཨནུཝིཛྫཀསྶཔཊིཔཏྟི

༣༦༥. [པརི. ༤༢༡] སངྒཱམཱཝཙརེ ¶ ¶ ¶ ¶ བྷིཀྑུནཱ སངྒྷཾ ཨུཔསངྐམནྟེན ནཱིཙཙིཏྟེན སངྒྷོ ཨུཔསངྐམིཏབྦོ རཛོཧརཎསམེན ཙིཏྟེན; ཨཱསནཀུསལེན བྷཝིཏབྦཾ ནིསཛྫཀུསལེན; ཐེརེ བྷིཀྑཱུ ཨནུཔཁཛྫནྟེན, ནཝེ བྷིཀྑཱུ ཨཱསནེན ཨཔྤཊིབཱཧནྟེན, ཡཐཱཔཏིརཱུཔེ ཨཱསནེ ནིསཱིདིཏབྦཾ; ཨནཱནཱཀཐིཀེན བྷཝིཏབྦཾ ཨཏིརཙྪཱནཀཐིཀེན; སཱམཾ ཝཱ དྷམྨོ བྷཱསིཏབྦོ པརོ ཝཱ ཨཛ྄ཛྷེསིཏབྦོ ཨརིཡོ ཝཱ ཏུཎྷཱིབྷཱཝོ ནཱཏིམཉྙིཏབྦོ.

སངྒྷེན ཨནུམཏེན པུགྒལེན ཨནུཝིཛྫཀེན ཨནུཝིཛྫིཏུཀཱམེན ན ཨུཔཛ྄ཛྷཱཡོ པུཙྪིཏབྦོ, ན ཨཱཙརིཡོ པུཙྪིཏབྦོ, ན སདྡྷིཝིཧཱརིཀོ པུཙྪིཏབྦོ, ན ཨནྟེཝཱསིཀོ པུཙྪིཏབྦོ, ན སམཱནུཔཛ྄ཛྷཱཡཀོ པུཙྪིཏབྦོ, ན སམཱནཱཙརིཡཀོ པུཙྪིཏབྦོ, ན ཛཱཏི པུཙྪིཏབྦཱ, ན ནཱམཾ པུཙྪིཏབྦཾ, ན གོཏྟཾ པུཙྪིཏབྦཾ, ན ཨཱགམོ པུཙྪིཏབྦོ, ན ཀུལཔདེསོ པུཙྪིཏབྦོ, ན ཛཱཏིབྷཱུམི པུཙྪིཏབྦཱ. ཏཾ ཀིཾ ཀཱརཎཱ? ཨཏྲསྶ པེམཾ ཝཱ དོསོ ཝཱ. པེམེ ཝཱ སཏི དོསེ ཝཱ, ཚནྡཱཔི གཙྪེཡྻ དོསཱཔི གཙྪེཡྻ མོཧཱཔི གཙྪེཡྻ བྷཡཱཔི གཙྪེཡྻ.

སངྒྷེན ཨནུམཏེན པུགྒལེན ཨནུཝིཛྫཀེན ཨནུཝིཛྫིཏུཀཱམེན སངྒྷགརུཀེན བྷཝིཏབྦཾ ནོ པུགྒལགརུཀེན, སདྡྷམྨགརུཀེན བྷཝིཏབྦཾ ནོ ཨཱམིསགརུཀེན, ཨཏྠཝསིཀེན བྷཝིཏབྦཾ ནོ པརིསཀཔྤིཀེན, ཀཱལེན ཨནུཝིཛྫིཏབྦཾ ནོ ཨཀཱལེན, བྷཱུཏེན ཨནུཝིཛྫིཏབྦཾ ¶ ནོ ཨབྷཱུཏེན, སཎྷེན ཨནུཝིཛྫིཏབྦཾ ནོ ཕརུསེན, ཨཏྠསཾཧིཏེན ཨནུཝིཛྫིཏབྦཾ ནོ ཨནཏྠསཾཧིཏེན, མེཏྟཱཙིཏྟེན ཨནུཝིཛྫིཏབྦཾ ནོ དོསནྟརེན, ན ཨུཔཀཎྞཀཛཔྤིནཱ བྷཝིཏབྦཾ, ན ¶ ཛིམྷཾ པེཀྑིཏབྦཾ, ན ཨཀྑི ནིཁཎིཏབྦཾ, ན བྷམུཀཾ ཨུཀྑིཔིཏབྦཾ, ན སཱིསཾ ཨུཀྑིཔིཏབྦཾ, ན ཧཏྠཝིཀཱརོ ཀཱཏབྦོ, ན ཧཏྠམུདྡཱ དསྶེཏབྦཱ.

ཨཱསནཀུསལེན བྷཝིཏབྦཾ ནིསཛྫཀུསལེན, ཡུགམཏྟཾ པེཀྑནྟེན ཨཏྠཾ ཨནུཝིདྷིཡནྟེན སཀེ ཨཱསནེ ནིསཱིདིཏབྦཾ, ན ཙ ཨཱསནཱ ཝུཊྛཱཏབྦཾ ¶ , ན ཝཱིཏིཧཱཏབྦཾ, ན ཀུམྨགྒོ སེཝིཏབྦོ, ན བཱཧཱཝིཀྑེཔཀཾ [ན ཝཱཙཱ ཝིཀྑེཔཀཾ (སྱཱ.)] བྷཎིཏབྦཾ, ཨཏུརིཏེན བྷཝིཏབྦཾ ཨསཱཧསིཀེན, ཨཙཎྜིཀཏེན བྷཝིཏབྦཾ ཝཙནཀྑམེ ¶ , མེཏྟཱཙིཏྟེན བྷཝིཏབྦཾ ཧིཏཱནུཀམྤིནཱ, ཀཱརུཎིཀེན བྷཝིཏབྦཾ ཧིཏཔརིསཀྐིནཱ, ཨསམྥཔྤལཱཔིནཱ བྷཝིཏབྦཾ པརིཡནྟབྷཱཎིནཱ, ཨཝེརཝསིཀེན བྷཝིཏབྦཾ ཨནསུརུཏྟེན, ཨཏྟཱ པརིགྒཧེཏབྦོ, པརོ པརིགྒཧེཏབྦོ, ཙོདཀོ པརིགྒཧེཏབྦོ, ཙུདིཏཀོ པརིགྒཧེཏབྦོ, ཨདྷམྨཙོདཀོ པརིགྒཧེཏབྦོ, ཨདྷམྨཙུདིཏཀོ པརིགྒཧེཏབྦོ, དྷམྨཙོདཀོ པརིགྒཧེཏབྦོ, དྷམྨཙུདིཏཀོ པརིགྒཧེཏབྦོ, ཝུཏྟཾ ཨཧཱཔེནྟེན ཨཝུཏྟཾ ཨཔཀཱསེནྟེན ཨོཏིཎྞཱནི པདབྱཉྫནཱནི སཱདྷུཀཾ པརིགྒཧེཏྭཱ པརོ པཊིཔུཙྪིཏྭཱ ཡཐཱ པཊིཉྙཱཡ ཀཱརེཏབྦོ, མནྡོ ཧཱསེཏབྦོ [ཝེཔོ པཧཱསེཏབྦོ (སྱཱ.)], བྷཱིརཱུ ¶ ཨསྶཱསེཏབྦོ, ཙཎྜོ ནིསེདྷེཏབྦོ, ཨསུཙི ཝིབྷཱཝེཏབྦོ, ཨུཛུམདྡཝེན ན ཚནྡཱགཏིཾ གནྟབྦཾ, ན དོསཱགཏིཾ གནྟབྦཾ, ན མོཧཱགཏིཾ གནྟབྦཾ, ན བྷཡཱགཏིཾ གནྟབྦཾ, མཛ྄ཛྷཏྟེན བྷཝིཏབྦཾ དྷམྨེསུ ཙ པུགྒལེསུ ཙ. ཨེཝཉྩ པན ཨནུཝིཛྫཀོ ཨནུཝིཛྫམཱནོ སཏྠུ ཙེཝ སཱསནཀརོ ཧོཏི, ཝིཉྙཱུནཉྩ སབྲཧྨཙཱརཱིནཾ པིཡོ ཙ ཧོཏི མནཱཔོ ཙ གརུ ཙ བྷཱཝནཱིཡོ ཙ.

༣༦༦. སུཏྟཾ སཾསནྡནཏྠཱཡ, ཨོཔམྨཾ ནིདསྶནཏྠཱཡ, ཨཏྠོ ཝིཉྙཱཔནཏྠཱཡ, པཊིཔུཙྪཱ ཋཔནཏྠཱཡ, ཨོཀཱསཀམྨཾ ཙོདནཏྠཱཡ, ཙོདནཱ སཱརཎཏྠཱཡ, སཱརཎཱ སཝཙནཱིཡཏྠཱཡ, སཝཙནཱིཡཾ པལིབོདྷཏྠཱཡ, པལིབོདྷོ ཝིནིཙྪཡཏྠཱཡ, ཝིནིཙྪཡོ སནྟཱིརཎཏྠཱཡ, སནྟཱིརཎཾ ཋཱནཱཋཱནགམནཏྠཱཡ, ཋཱནཱཋཱནགམནཾ དུམྨངྐཱུནཾ པུགྒལཱནཾ ནིགྒཧཏྠཱཡ, པེསལཱནཾ བྷིཀྑཱུནཾ སམྤགྒཧཏྠཱཡ, སངྒྷོ སམྤརིགྒཧསམྤཊིཙྪནཏྠཱཡ, སངྒྷེན ཨནུམཏཱ པུགྒལཱ པཙྩེཀཊྛཱཡིནོ ཨཝིསཾཝཱདཀཊྛཱཡིནོ.

ཝིནཡོ སཾཝརཏྠཱཡ, སཾཝརོ ཨཝིཔྤཊིསཱརཏྠཱཡ, ཨཝིཔྤཊིསཱརོ པཱམུཛྫཏྠཱཡ, པཱམུཛྫཾ པཱིཏཏྠཱཡ, པཱིཏི པསྶདྡྷཏྠཱཡ, པསྶདྡྷི སུཁཏྠཱཡ, སུཁཾ སམཱདྷཏྠཱཡ, སམཱདྷི ཡཐཱབྷཱུཏཉཱཎདསྶནཏྠཱཡ, ཡཐཱབྷཱུཏཉཱཎདསྶནཾ ནིབྦིདཏྠཱཡ, ནིབྦིདཱ ཝིརཱགཏྠཱཡ, ཝིརཱགོ ཝིམུཏྟཏྠཱཡ, ཝིམུཏྟི ཝིམུཏྟིཉཱཎདསྶནཏྠཱཡ, ཝིམུཏྟིཉཱཎདསྶནཾ ཨནུཔཱདཱཔརིནིབྦཱནཏྠཱཡ. ཨེཏདཏྠཱ ¶ ¶ ཀཐཱ, ཨེཏདཏྠཱ མནྟནཱ, ཨེཏདཏྠཱ ཨུཔནིསཱ, ཨེཏདཏྠཾ སོཏཱཝདྷཱནཾ – ཡདིདཾ ¶ ཨནུཔཱདཱཙིཏྟསྶ ཝིམོཀྑོཏི.

༣༦༧.

ཨནུཡོགཝཏྟཾ ནིསཱམཡ, ཀུསལེན བུདྡྷིམཏཱ ཀཏཾ;

སུཝུཏྟཾ སིཀྑཱཔདཱནུལོམིཀཾ, གཏིཾ ན ནཱསེནྟོ སམྤརཱཡིཀཾ.

ཝཏྠུཾ ¶ ཝིཔཏྟིཾ ཨཱཔཏྟིཾ, ནིདཱནཾ ཨཱཀཱརཨཀོཝིདོ;

པུབྦཱཔརཾ ན ཛཱནཱཏི, ཀཏཱཀཏཾ སམེན ཙ.

ཀམྨཉྩ ཨདྷིཀརཎཉྩ, སམཐེ ཙཱཔི ཨཀོཝིདོ;

རཏྟོ དུཊྛོ ཙ མཱུལ༹ྷོ ཙ, བྷཡཱ མོཧཱ ཙ གཙྪཏི.

ན ཙ སཉྙཏྟིཀུསལོ, ནིཛ྄ཛྷཏྟིཡཱ ཙ ཨཀོཝིདོ;

ལདྡྷཔཀྑོ ཨཧིརིཀོ, ཀཎྷཀམྨོ ཨནཱདརོ;

ས ཝེ [སཙེ (ཀ.)] ཏཱདིསཀོ བྷིཀྑུ, ཨཔྤཊིཀྑོཏི ཝུཙྩཏི.

ཝཏྠུཾ ཝིཔཏྟིཾ ཨཱཔཏྟིཾ, ནིདཱནཾ ཨཱཀཱརཀོཝིདོ;

པུབྦཱཔརཉྩ ཛཱནཱཏི, ཀཏཱཀཏཾ སམེན ཙ.

ཀམྨཉྩ ཨདྷིཀརཎཉྩ, སམཐེ ཙཱཔི ཀོཝིདོ;

ཨརཏྟོ ཨདུཊྛོ ཨམཱུལ༹ྷོ, བྷཡཱ མོཧཱ ན གཙྪཏི.

སཉྙཏྟིཡཱ ཙ ཀུསལོ, ནིཛ྄ཛྷཏྟིཡཱ ཙ ཀོཝིདོ;

ལདྡྷཔཀྑོ ཧིརིམནོ, སུཀྐཀམྨོ སགཱརཝོ;

ས ཝེ ཏཱདིསཀོ བྷིཀྑུ, སཔྤཊིཀྑོཏི ཝུཙྩཏཱིཏི.

ཙཱུལ༹སངྒཱམོ ནིཊྛིཏོ.

ཏསྶུདྡཱནཾ –

ནཱིཙཙིཏྟེན ¶ ¶ པུཙྪེཡྻ, གརུ སངྒྷེ ན པུགྒལེ;

སུཏྟཾ སཾསནྡནཏྠཱཡ, ཝིནཡཱནུགྒཧེན ཙ;

ཨུདྡཱནཾ ཙཱུལ༹སངྒཱམེ, ཨེཀུདྡེསོ [ཨེཀུདྡེསཾ (སཱི. སྱཱ.)] ཨིདཾ ཀཏནྟི.

མཧཱསངྒཱམོ

༡. ཝོཧརནྟེན ཛཱནིཏབྦཱདི

༣༦༨. སངྒཱམཱཝཙརེ ¶ ¶ ¶ བྷིཀྑུནཱ སངྒྷེ ཝོཧརནྟེན ཝཏྠུ ཛཱནིཏབྦཾ, ཝིཔཏྟི ཛཱནིཏབྦཱ, ཨཱཔཏྟི ཛཱནིཏབྦཱ, ནིདཱནཾ ཛཱནིཏབྦཾ, ཨཱཀཱརོ ཛཱནིཏབྦོ, པུབྦཱཔརཾ ཛཱནིཏབྦཾ, ཀཏཱཀཏཾ ཛཱནིཏབྦཾ, ཀམྨཾ ཛཱནིཏབྦཾ, ཨདྷིཀརཎཾ ཛཱནིཏབྦཾ, སམཐོ ཛཱནིཏབྦོ, ན ཚནྡཱགཏི གནྟབྦཱ, ན དོསཱགཏི གནྟབྦཱ, ན མོཧཱགཏི གནྟབྦཱ, ན བྷཡཱགཏི གནྟབྦཱ, སཉྙཱཔནཱིཡེ ཋཱནེ སཉྙཱཔེཏབྦཾ, ནིཛ྄ཛྷཱཔནཱིཡེ ཋཱནེ ནིཛ྄ཛྷཱཔེཏབྦཾ, པེཀྑནཱིཡེ ཋཱནེ པེཀྑིཏབྦཾ, པསཱདནཱིཡེ ཋཱནེ པསཱདེཏབྦཾ, ལདྡྷཔཀྑོམྷཱིཏི པརཔཀྑོ ནཱཝཛཱནིཏབྦོ, བཧུསྶུཏོམྷཱིཏི ཨཔྤསྶུཏོ ནཱཝཛཱནིཏབྦོ, ཐེརཏརོམྷཱིཏི ནཝཀཏརོ ནཱཝཛཱནིཏབྦོ, ཨསམྤཏྟཾ ན བྱཱཧཱཏབྦཾ, སམྤཏྟཾ དྷམྨཏོ ཝིནཡཏོ ན པརིཧཱཔེཏབྦཾ, ཡེན དྷམྨེན ཡེན ཝིནཡེན ཡེན སཏྠུསཱསནེན ཏཾ ཨདྷིཀརཎཾ ཝཱུཔསམྨཏི, ཏཐཱ ཏཾ ཨདྷིཀརཎཾ ཝཱུཔསམེཏབྦཾ.

༣༦༩. ཝཏྠུ ཛཱནིཏབྦནྟི ཨཊྛཔཱརཱཛིཀཱནཾ [ཨཊྛནྣཾ པཱརཱཛིཀཱནཾ (སཱི. ཀ.)] ཝཏྠུ ཛཱནིཏབྦཾ, ཏེཝཱིསསངྒྷཱདིསེསཱནཾ ཝཏྠུ ཛཱནིཏབྦཾ, དྭེཨནིཡཏཱནཾ ཝཏྠུ ཛཱནིཏབྦཾ, དྭེཙཏྟཱརཱིསནིསྶགྒིཡཱནཾ ཝཏྠུ ཛཱནིཏབྦཾ, ཨཊྛཱསཱིཏིསཏཔཱཙིཏྟིཡཱནཾ ཝཏྠུ ཛཱནིཏབྦཾ, དྭཱདསཔཱཊིདེསནཱིཡཱནཾ ཝཏྠུ ཛཱནིཏབྦཾ, དུཀྐཊཱནཾ ཝཏྠུ ¶ ཛཱནིཏབྦཾ, དུབྦྷཱསིཏཱནཾ ཝཏྠུ ཛཱནིཏབྦཾ.

༣༧༠. ཝིཔཏྟི ཛཱནིཏབྦཱཏི སཱིལཝིཔཏྟི ཛཱནིཏབྦཱ, ཨཱཙཱརཝིཔཏྟི ཛཱནིཏབྦཱ, དིཊྛིཝིཔཏྟི ཛཱནིཏབྦཱ, ཨཱཛཱིཝཝིཔཏྟི ཛཱནིཏབྦཱ.

༣༧༡. ཨཱཔཏྟི ཛཱནིཏབྦཱཏི པཱརཱཛིཀཱཔཏྟི ཛཱནིཏབྦཱ, སངྒྷཱདིསེསཱཔཏྟི ཛཱནིཏབྦཱ, ཐུལླཙྩཡཱཔཏྟི ¶ ཛཱནིཏབྦཱ, པཱཙིཏྟིཡཱཔཏྟི ཛཱནིཏབྦཱ, པཱཊིདེསནཱིཡཱཔཏྟི ཛཱནིཏབྦཱ, དུཀྐཊཱཔཏྟི ཛཱནིཏབྦཱ, དུབྦྷཱསིཏཱཔཏྟི ཛཱནིཏབྦཱ.

༣༧༢. ནིདཱནཾ ¶ ཛཱནིཏབྦནྟི ཨཊྛཔཱརཱཛིཀཱནཾ ནིདཱནཾ ཛཱནིཏབྦཾ, ཏེཝཱིསསངྒྷཱདིསེསཱནཾ ནིདཱནཾ ཛཱནིཏབྦཾ, དྭེཨནིཡཏཱནཾ ནིདཱནཾ ཛཱནིཏབྦཾ, དྭེཙཏྟཱརཱིསནིསྶགྒིཡཱནཾ ནིདཱནཾ ཛཱནིཏབྦཾ, ཨཊྛཱསཱིཏིསཏཔཱཙིཏྟིཡཱནཾ ནིདཱནཾ ཛཱནིཏབྦཾ, དྭཱདསཔཱཊིདེསནཱིཡཱནཾ ནིདཱནཾ ཛཱནིཏབྦཾ, དུཀྐཊཱནཾ ནིདཱནཾ ཛཱནིཏབྦཾ, དུབྦྷཱསིཏཱནཾ ནིདཱནཾ ཛཱནིཏབྦཾ.

༣༧༣. ཨཱཀཱརོ ཛཱནིཏབྦོཏི སངྒྷོ ཨཱཀཱརཏོ ཛཱནིཏབྦོ, གཎོ ཨཱཀཱརཏོ ཛཱནིཏབྦོ, པུགྒལོ ཨཱཀཱརཏོ ཛཱནིཏབྦོ, ཙོདཀོ ཨཱཀཱརཏོ ཛཱནིཏབྦོ, ཙུདིཏཀོ ཨཱཀཱརཏོ ཛཱནིཏབྦོ ¶ . སངྒྷོ ཨཱཀཱརཏོ ཛཱནིཏབྦོཏི པཊིབལོ ནུ ཁོ ཨཡཾ སངྒྷོ ཨིམཾ ཨདྷིཀརཎཾ ཝཱུཔསམེཏུཾ དྷམྨེན ཝིནཡེན སཏྠུསཱསནེན ཨུདཱཧུ ནོཏི, ཨེཝཾ སངྒྷོ ཨཱཀཱརཏོ ཛཱནིཏབྦོ. གཎོ ཨཱཀཱརཏོ ཛཱནིཏབྦོཏི པཊིབལོ ནུ ཁོ ཨཡཾ གཎོ ཨིམཾ ཨདྷིཀརཎཾ ཝཱུཔསམེཏུཾ དྷམྨེན ཝིནཡེན སཏྠུསཱསནེན ཨུདཱཧུ ནོཏི, ཨེཝཾ གཎོ ཨཱཀཱརཏོ ཛཱནིཏབྦོ ¶ . པུགྒལོ ཨཱཀཱརཏོ ཛཱནིཏབྦོཏི པཊིབལོ ནུ ཁོ ཨཡཾ པུགྒལོ ཨིམཾ ཨདྷིཀརཎཾ ཝཱུཔསམེཏུཾ དྷམྨེན ཝིནཡེན སཏྠུསཱསནེན ཨུདཱཧུ ནོཏི, ཨེཝཾ པུགྒལོ ཨཱཀཱརཏོ ཛཱནིཏབྦོ. ཙོདཀོ ཨཱཀཱརཏོ ཛཱནིཏབྦོཏི ཀཙྩི ནུ ཁོ ཨཡམཱཡསྨཱ པཉྩསུ དྷམྨེསུ པཏིཊྛཱཡ པརཾ ཙོདེཏི ཨུདཱཧུ ནོཏི, ཨེཝཾ ཙོདཀོ ཨཱཀཱརཏོ ཛཱནིཏབྦོ. ཙུདིཏཀོ ཨཱཀཱརཏོ ཛཱནིཏབྦོཏི ཀཙྩི ནུ ཁོ ཨཡམཱཡསྨཱ དྭཱིསུ དྷམྨེསུ པཏིཊྛིཏོ སཙྩེ ཙ ཨཀུཔྤེ ཙ ཨུདཱཧུ ནོཏི, ཨེཝཾ ཙུདིཏཀོ ཨཱཀཱརཏོ ཛཱནིཏབྦོ.

༣༧༤. པུབྦཱཔརཾ ཛཱནིཏབྦནྟི ཀཙྩི ནུ ཁོ ཨཡམཱཡསྨཱ ཝཏྠུཏོ ཝཱ ཝཏྠུཾ སངྐམཏི, ཝིཔཏྟིཏོ ཝཱ ཝིཔཏྟིཾ སངྐམཏི, ཨཱཔཏྟིཏོ ཝཱ ཨཱཔཏྟིཾ སངྐམཏི, ཨཝཛཱནིཏྭཱ ཝཱ པཊིཛཱནཱཏི, པཊིཛཱནིཏྭཱ ཝཱ ཨཝཛཱནཱཏི, ཨཉྙེན ཝཱ ཨཉྙཾ པཊིཙརཏི, ཨུདཱཧུ ནོཏི, ཨེཝཾ པུབྦཱཔརཾ ཛཱནིཏབྦཾ.

༣༧༥. ཀཏཱཀཏཾ ཛཱནིཏབྦནྟི མེཐུནདྷམྨོ ཛཱནིཏབྦོ, མེཐུནདྷམྨསྶ ཨནུལོམཾ ཛཱནིཏབྦཾ, མེཐུནདྷམྨསྶ པུབྦབྷཱགོ ཛཱནིཏབྦོ. མེཐུནདྷམྨོ ཛཱནིཏབྦོཏི དྭཡཾདྭཡསམཱཔཏྟི ཛཱནིཏབྦཱ. མེཐུནདྷམྨསྶ ཨནུལོམཾ ¶ ཛཱནིཏབྦནྟི བྷིཀྑུ ཨཏྟནོ མུཁེན པརསྶ ཨངྒཛཱཏཾ གཎྷཱཏི ¶ . མེཐུནདྷམྨསྶ པུབྦབྷཱགོ ཛཱནིཏབྦོཏི ཝཎྞཱཝཎྞོ [ཝཎྞོ ཨཝཎྞོ (སྱཱ.)], ཀཱཡསཾསགྒོ, དུཊྛུལླཝཱཙཱ, ཨཏྟཀཱམཔཱརིཙརིཡཱ, ཝཙནམནུཔྤདཱནཾ ¶ [དྷནམནུཔྤདཱནཾ (ཀ.)].

༣༧༦. ཀམྨཾ ཛཱནིཏབྦནྟི སོལ༹སཀམྨཱནི ཛཱནིཏབྦཱནི – ཙཏྟཱརི ཨཔལོཀནཀམྨཱནི ཛཱནིཏབྦཱནི, ཙཏྟཱརི ཉཏྟིཀམྨཱནི ཛཱནིཏབྦཱནི, ཙཏྟཱརི ཉཏྟིདུཏིཡཀམྨཱནི ཛཱནིཏབྦཱནི, ཙཏྟཱརི ཉཏྟིཙཏུཏྠཀམྨཱནི ཛཱནིཏབྦཱནི.

༣༧༧. ཨདྷིཀརཎཾ ཛཱནིཏབྦནྟི ཙཏྟཱརི ཨདྷིཀརཎཱནི ཛཱནིཏབྦཱནི – ཝིཝཱདཱདྷིཀརཎཾ ཛཱནིཏབྦཾ, ཨནུཝཱདཱདྷིཀརཎཾ ཛཱནིཏབྦཾ, ཨཱཔཏྟཱདྷིཀརཎཾ ཛཱནིཏབྦཾ, ཀིཙྩཱདྷིཀརཎཾ ཛཱནིཏབྦཾ.

༣༧༨. སམཐོ ཛཱནིཏབྦོཏི སཏྟ སམཐཱ ཛཱནིཏབྦཱ – སམྨུཁཱཝིནཡོ ཛཱནིཏབྦོ, སཏིཝིནཡོ ཛཱནིཏབྦོ, ཨམཱུལ༹ྷཝིནཡོ ཛཱནིཏབྦོ, པཊིཉྙཱཏཀརཎཾ ཛཱནིཏབྦཾ, ཡེབྷུཡྻསིཀཱ ཛཱནིཏབྦཱ, ཏསྶཔཱཔིཡསིཀཱ ཛཱནིཏབྦཱ, ཏིཎཝཏྠཱརཀོ ཛཱནིཏབྦོ.

༢. ཨགཏིཨགནྟབྦོ

༣༧༩. ན ཚནྡཱགཏི གནྟབྦཱཏི ཚནྡཱགཏིཾ གཙྪནྟོ ཀཐཾ ཚནྡཱགཏིཾ གཙྪཏི? ཨིདྷེཀཙྩོ – ‘‘ཨཡཾ མེ ཨུཔཛ྄ཛྷཱཡོ ཝཱ ཨཱཙརིཡོ ཝཱ སདྡྷིཝིཧཱརིཀོ ཝཱ ཨནྟེཝཱསིཀོ ཝཱ སམཱནུཔཛ྄ཛྷཱཡཀོ ཝཱ སམཱནཱཙརིཡཀོ ཝཱ སནྡིཊྛོ ཝཱ སམྦྷཏྟོ ཝཱ ཉཱཏིསཱལོཧིཏོ ཝཱ’’ཏི, ཏསྶཱནུཀམྤཱཡ ཏསྶཱནུརཀྑཱཡ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི, ཨཝིནཡཾ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི, ཨབྷཱསིཏཾ ཨལཔིཏཾ ཏཐཱགཏེན བྷཱསིཏཾ ལཔིཏཾ ཏཐཱགཏེནཱཏི ¶ དཱིཔེཏི, བྷཱསིཏཾ ལཔིཏཾ ཏཐཱགཏེན ཨབྷཱསིཏཾ ཨལཔིཏཾ ཏཐཱགཏེནཱཏི དཱིཔེཏི, ཨནཱཙིཎྞཾ ཏཐཱགཏེན ཨཱཙིཎྞཾ ཏཐཱགཏེནཱཏི དཱིཔེཏི, ཨཱཙིཎྞཾ ཏཐཱགཏེན ཨནཱཙིཎྞཾ ཏཐཱགཏེནཱཏི དཱིཔེཏི, ཨཔཉྙཏྟཾ ཏཐཱགཏེན པཉྙཏྟཾ ཏཐཱགཏེནཱཏི དཱིཔེཏི, པཉྙཏྟཾ ཏཐཱགཏེན ཨཔཉྙཏྟཾ ཏཐཱགཏེནཱཏི དཱིཔེཏི, ཨནཱཔཏྟིཾ ¶ ཨཱཔཏྟཱིཏི དཱིཔེཏི, ཨཱཔཏྟིཾ ཨནཱཔཏྟཱིཏི དཱིཔེཏི, ལཧུཀཾ ཨཱཔཏྟིཾ གརུཀཱ ཨཱཔཏྟཱིཏི དཱིཔེཏི, གརུཀཾ ཨཱཔཏྟིཾ ལཧུཀཱ ཨཱཔཏྟཱིཏི དཱིཔེཏི, སཱཝསེསཾ ཨཱཔཏྟིཾ ཨནཝསེསཱ ཨཱཔཏྟཱིཏི དཱིཔེཏི, ཨནཝསེསཾ ཨཱཔཏྟིཾ སཱཝསེསཱ ཨཱཔཏྟཱིཏི དཱིཔེཏི, དུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེཏི, ཨདུཊྛུལླཾ ¶ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེཏི. ཨིམེཧི ཨཊྛཱརསཧི ཝཏྠཱུཧི ཚནྡཱགཏིཾ གཙྪནྟོ བཧུཛནཱཧིཏཱཡ ¶ པཊིཔནྣོ ཧོཏི བཧུཛནཱསུཁཱཡ བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ. ཨིམེཧི ཨཊྛཱརསཧི ཝཏྠཱུཧི ཚནྡཱགཏིཾ གཙྪནྟོ ཁཏཾ ཨུཔཧཏཾ ཨཏྟཱནཾ པརིཧརཏི, སཱཝཛྫོ ཙ ཧོཏི སཱནུཝཛྫོ ཙ ཝིཉྙཱུནཾ, བཧུཉྩ ཨཔུཉྙཾ པསཝཏི. ཚནྡཱགཏིཾ གཙྪནྟོ ཨེཝཾ ཚནྡཱགཏིཾ གཙྪཏི.

༣༨༠. ན དོསཱགཏི གནྟབྦཱཏི དོསཱགཏིཾ གཙྪནྟོ ཀཐཾ དོསཱགཏིཾ གཙྪཏི? ཨིདྷེཀཙྩོ ཨནཏྠཾ མེ ཨཙརཱིཏི ཨཱགྷཱཏཾ བནྡྷཏི, ཨནཏྠཾ མེ ཙརཏཱིཏི ཨཱགྷཱཏཾ བནྡྷཏི, ཨནཏྠཾ མེ ཙརིསྶཏཱིཏི ¶ ཨཱགྷཱཏཾ བནྡྷཏི, པིཡསྶ མེ མནཱཔསྶ ཨནཏྠཾ ཨཙརི… ཨནཏྠཾ ཙརཏི… ཨནཏྠཾ ཙརིསྶཏཱིཏི ཨཱགྷཱཏཾ བནྡྷཏི, ཨཔྤིཡསྶ མེ ཨམནཱཔསྶ ཨཏྠཾ ཨཙརི… ཨཏྠཾ ཙརཏི… ཨཏྠཾ ཙརིསྶཏཱིཏི ཨཱགྷཱཏཾ བནྡྷཏི. ཨིམེཧི ནཝཧི ཨཱགྷཱཏཝཏྠཱུཧི ཨཱགྷཱཏོ པཊིགྷཱཏོ ཀུདྡྷོ ཀོདྷཱབྷིབྷཱུཏོ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི…པེ… དུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེཏི, ཨདུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེཏི. ཨིམེཧི ཨཊྛཱརསཧི ཝཏྠཱུཧི དོསཱགཏིཾ གཙྪནྟོ བཧུཛནཱཧིཏཱཡ པཊིཔནྣོ ཧོཏི བཧུཛནཱསུཁཱཡ བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ. ཨིམེཧི ཨཊྛཱརསཧི ཝཏྠཱུཧི དོསཱགཏིཾ གཙྪནྟོ ཁཏཾ ཨུཔཧཏཾ ཨཏྟཱནཾ པརིཧརཏི, སཱཝཛྫོ ཙ ཧོཏི སཱནུཝཛྫོ ཙ ཝིཉྙཱུནཾ བཧུཉྩ ཨཔུཉྙཾ པསཝཏི. དོསཱགཏིཾ གཙྪནྟོ ཨེཝཾ དོསཱགཏིཾ གཙྪཏི.

༣༨༡. ན མོཧཱགཏི གནྟབྦཱཏི མོཧཱགཏིཾ གཙྪནྟོ ཀཐཾ མོཧཱགཏིཾ གཙྪཏི? རཏྟོ རཱགཝསེན གཙྪཏི, དུཊྛོ དོསཝསེན གཙྪཏི, མཱུལ༹ྷོ མོཧཝསེན གཙྪཏི, པརཱམཊྛོ དིཊྛིཝསེན གཙྪཏི, མཱུལ༹ྷོ སཾམཱུལ༹ྷོ མོཧཱབྷིབྷཱུཏོ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི ¶ དཱིཔེཏི…པེ… དུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེཏི, ཨདུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེཏི. ཨིམེཧི ཨཊྛཱརསཧི ཝཏྠཱུཧི མོཧཱགཏིཾ གཙྪནྟོ བཧུཛནཱཧིཏཱཡ པཊིཔནྣོ ཧོཏི བཧུཛནཱསུཁཱཡ བཧུནོ ཛནསྶ ཨནཏྠཱཡ ཨཧིཏཱཡ ¶ དུཀྑཱཡ དེཝམནུསྶཱནཾ. ཨིམེཧི ཨཊྛཱརསཧི ཝཏྠཱུཧི མོཧཱགཏིཾ གཙྪནྟོ ཁཏཾ ཨུཔཧཏཾ ཨཏྟཱནཾ པརིཧརཏི, སཱཝཛྫོ ཙ ཧོཏི སཱནུཝཛྫོ ཙ ཝིཉྙཱུནཾ, བཧུཉྩ ཨཔུཉྙཾ པསཝཏི. མོཧཱགཏིཾ གཙྪནྟོ ཨེཝཾ མོཧཱགཏིཾ གཙྪཏི.

༣༨༢. ན བྷཡཱགཏི གནྟབྦཱཏི བྷཡཱགཏིཾ གཙྪནྟོ ཀཐཾ བྷཡཱགཏིཾ གཙྪཏི? ཨིདྷེཀཙྩོ – ‘‘ཨཡཾ ཝིསམནིསྶིཏོ ཝཱ གཧནནིསྶིཏོ ཝཱ བལཝནིསྶིཏོ ཝཱ ཀཀྑལོ༹ ཕརུསོ ཛཱིཝིཏནྟརཱཡཾ ཝཱ བྲཧྨཙརིཡནྟརཱཡཾ ཝཱ ཀརིསྶཏཱི’’ཏི, ཏསྶ བྷཡཱ བྷཱིཏོ ཨདྷམྨཾ དྷམྨོཏི ¶ དཱིཔེཏི, དྷམྨཾ ཨདྷམྨོཏི དཱིཔེཏི, ཨཝིནཡཾ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི, ཨབྷཱསིཏཾ ཨལཔིཏཾ ཏཐཱགཏེན བྷཱསིཏཾ ལཔིཏཾ ཏཐཱགཏེནཱཏི དཱིཔེཏི, བྷཱསིཏཾ ལཔིཏཾ ཏཐཱགཏེན ཨབྷཱསིཏཾ ཨལཔིཏཾ ཏཐཱགཏེནཱཏི དཱིཔེཏི, ཨནཱཙིཎྞཾ ཏཐཱགཏེན ཨཱཙིཎྞཾ ཏཐཱགཏེནཱཏི དཱིཔེཏི, ཨཱཙིཎྞཾ ཏཐཱགཏེན ཨནཱཙིཎྞཾ ཏཐཱགཏེནཱཏི དཱིཔེཏི, ཨཔཉྙཏྟཾ ཏཐཱགཏེན པཉྙཏྟཾ ཏཐཱགཏེནཱཏི དཱིཔེཏི, པཉྙཏྟཾ ཏཐཱགཏེན ཨཔཉྙཏྟཾ ཏཐཱགཏེནཱཏི དཱིཔེཏི, ཨནཱཔཏྟིཾ ཨཱཔཏྟཱིཏི དཱིཔེཏི, ཨཱཔཏྟིཾ ཨནཱཔཏྟཱིཏི དཱིཔེཏི, ལཧུཀཾ ཨཱཔཏྟིཾ གརུཀཱ ཨཱཔཏྟཱིཏི དཱིཔེཏི, གརུཀཾ ཨཱཔཏྟིཾ ལཧུཀཱ ཨཱཔཏྟཱིཏི དཱིཔེཏི, སཱཝསེསཾ ཨཱཔཏྟིཾ ཨནཝསེསཱ ཨཱཔཏྟཱིཏི དཱིཔེཏི, ཨནཝསེསཾ ཨཱཔཏྟིཾ སཱཝསེསཱ ཨཱཔཏྟཱིཏི དཱིཔེཏི, དུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེཏི, ཨདུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེཏི. ཨིམེཧི ཨཊྛཱརསཧི ཝཏྠཱུཧི བྷཡཱགཏིཾ གཙྪནྟོ བཧུཛནཱཧིཏཱཡ པཊིཔནྣོ ཧོཏི བཧུཛནཱསུཁཱཡ བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ. ཨིམེཧི ཨཊྛཱརསཧི ཝཏྠཱུཧི བྷཡཱགཏིཾ གཙྪནྟོ ཁཏཾ ཨུཔཧཏཾ ཨཏྟཱནཾ པརིཧརཏི, སཱཝཛྫོ ཙ ཧོཏི སཱནུཝཛྫོ ཙ ཝིཉྙཱུནཾ, བཧུཉྩ ཨཔུཉྙཾ པསཝཏི. བྷཡཱགཏིཾ གཙྪནྟོ ཨེཝཾ བྷཡཱགཏིཾ གཙྪཏི.

ཚནྡཱ དོསཱ བྷཡཱ མོཧཱ, ཡོ དྷམྨཾ ཨཏིཝཏྟཏི;

ནིཧཱིཡཏི ཏསྶ ཡསོ, ཀཱལ༹པཀྑེཝ ཙནྡིམཱཏི.

༣. ཨགཏིཨགམནཾ

༣༨༣. ཀཐཾ ¶ ན ཚནྡཱགཏིཾ གཙྪཏི? ཨདྷམྨཾ ཨདྷམྨོཏི དཱིཔེནྟོ ན ཚནྡཱགཏིཾ གཙྪཏི, དྷམྨཾ དྷམྨོཏི དཱིཔེནྟོ ¶ ན ཚནྡཱགཏིཾ ¶ གཙྪཏི, ཨཝིནཡཾ ཨཝིནཡོཏི དཱིཔེནྟོ ན ཚནྡཱགཏིཾ གཙྪཏི, ཝིནཡཾ ཝིནཡོཏི དཱིཔེནྟོ ན ཚནྡཱགཏིཾ གཙྪཏི, ཨབྷཱསིཏཾ ཨལཔིཏཾ ཏཐཱགཏེན ཨབྷཱསིཏཾ ཨལཔིཏཾ ཏཐཱགཏེནཱཏི དཱིཔེནྟོ ན ཚནྡཱགཏིཾ གཙྪཏི, བྷཱསིཏཾ ལཔིཏཾ ཏཐཱགཏེན བྷཱསིཏཾ ལཔིཏཾ ཏཐཱགཏེནཱཏི དཱིཔེནྟོ ན ཚནྡཱགཏིཾ གཙྪཏི, ཨནཱཙིཎྞཾ ཏཐཱགཏེན ཨནཱཙིཎྞཾ ཏཐཱགཏེནཱཏི དཱིཔེནྟོ ན ཚནྡཱགཏིཾ གཙྪཏི, ཨཱཙིཎྞཾ ཏཐཱགཏེན ཨཱཙིཎྞཾ ཏཐཱགཏེནཱཏི དཱིཔེནྟོ ན ཚནྡཱགཏིཾ གཙྪཏི, ཨཔཉྙཏྟཾ ཏཐཱགཏེན ཨཔཉྙཏྟཾ ཏཐཱགཏེནཱཏི དཱིཔེནྟོ ན ཚནྡཱགཏིཾ གཙྪཏི, པཉྙཏྟཾ ཏཐཱགཏེན པཉྙཏྟཾ ཏཐཱགཏེནཱཏི དཱིཔེནྟོ ན ཚནྡཱགཏིཾ གཙྪཏི, ཨནཱཔཏྟིཾ ཨནཱཔཏྟཱིཏི དཱིཔེནྟོ ན ཚནྡཱགཏིཾ གཙྪཏི, ཨཱཔཏྟིཾ ཨཱཔཏྟཱིཏི དཱིཔེནྟོ ན ཚནྡཱགཏིཾ གཙྪཏི, ལཧུཀཾ ཨཱཔཏྟིཾ ལཧུཀཱ ཨཱཔཏྟཱིཏི དཱིཔེནྟོ ན ཚནྡཱགཏིཾ གཙྪཏི, གརུཀཾ ཨཱཔཏྟིཾ གརུཀཱ ཨཱཔཏྟཱིཏི དཱིཔེནྟོ ན ཚནྡཱགཏིཾ གཙྪཏི, སཱཝསེསཾ ཨཱཔཏྟིཾ སཱཝསེསཱ ཨཱཔཏྟཱིཏི དཱིཔེནྟོ ན ཚནྡཱགཏིཾ གཙྪཏི, ཨནཝསེསཾ ¶ ཨཱཔཏྟིཾ ཨནཝསེསཱ ཨཱཔཏྟཱིཏི དཱིཔེནྟོ ན ཚནྡཱགཏིཾ གཙྪཏི, དུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེནྟོ ན ཚནྡཱགཏིཾ གཙྪཏི, ཨདུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེནྟོ ན ཚནྡཱགཏིཾ གཙྪཏི. ཨེཝཾ ན ཚནྡཱགཏིཾ གཙྪཏི.

༣༨༤. ཀཐཾ ན དོསཱགཏིཾ གཙྪཏི? ཨདྷམྨཾ ཨདྷམྨོཏི དཱིཔེནྟོ ¶ ན དོསཱགཏིཾ གཙྪཏི, དྷམྨཾ དྷམྨོཏི དཱིཔེནྟོ ན དོསཱགཏིཾ གཙྪཏི…པེ… དུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེནྟོ ན དོསཱགཏིཾ གཙྪཏི, ཨདུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེནྟོ ན དོསཱགཏིཾ གཙྪཏི. ཨེཝཾ ན དོསཱགཏིཾ གཙྪཏི.

༣༨༥. ཀཐཾ ན མོཧཱགཏིཾ གཙྪཏི? ཨདྷམྨཾ ཨདྷམྨོཏི དཱིཔེནྟོ ན མོཧཱགཏིཾ གཙྪཏི, དྷམྨཾ དྷམྨོཏི དཱིཔེནྟོ ན མོཧཱགཏིཾ གཙྪཏི…པེ… དུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེནྟོ ན མོཧཱགཏིཾ ¶ གཙྪཏི, ཨདུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེནྟོ ན མོཧཱགཏིཾ གཙྪཏི. ཨེཝཾ ན མོཧཱགཏིཾ གཙྪཏི.

༣༨༦. ཀཐཾ ན བྷཡཱགཏིཾ གཙྪཏི? ཨདྷམྨཾ ཨདྷམྨོཏི དཱིཔེནྟོ ན བྷཡཱགཏིཾ གཙྪཏི, དྷམྨཾ དྷམྨོཏི དཱིཔེནྟོ ན བྷཡཱགཏིཾ གཙྪཏི, ཨཝིནཡཾ ཨཝིནཡོཏི དཱིཔེནྟོ ན བྷཡཱགཏིཾ གཙྪཏི, ཝིནཡཾ ཝིནཡོཏི དཱིཔེནྟོ ན བྷཡཱགཏིཾ གཙྪཏི, ཨབྷཱསིཏཾ ཨལཔིཏཾ ཏཐཱགཏེན ཨབྷཱསིཏཾ ཨལཔིཏཾ ཏཐཱགཏེནཱཏི དཱིཔེནྟོ ན བྷཡཱགཏིཾ གཙྪཏི, བྷཱསིཏཾ ལཔིཏཾ ཏཐཱགཏེན བྷཱསིཏཾ ལཔིཏཾ ཏཐཱགཏེནཱཏི དཱིཔེནྟོ ན བྷཡཱགཏིཾ གཙྪཏི, ཨནཱཙིཎྞཾ ཏཐཱགཏེན ཨནཱཙིཎྞཾ ཏཐཱགཏེནཱཏི དཱིཔེནྟོ ན བྷཡཱགཏིཾ གཙྪཏི, ཨཱཙིཎྞཾ ཏཐཱགཏེན ཨཱཙིཎྞཾ ཏཐཱགཏེནཱཏི དཱིཔེནྟོ ན བྷཡཱགཏིཾ གཙྪཏི, ཨཔཉྙཏྟཾ ཏཐཱགཏེན ཨཔཉྙཏྟཾ ཏཐཱགཏེནཱཏི དཱིཔེནྟོ ན བྷཡཱགཏིཾ གཙྪཏི, པཉྙཏྟཾ ཏཐཱགཏེན པཉྙཏྟཾ ཏཐཱགཏེནཱཏི དཱིཔེནྟོ ན བྷཡཱགཏིཾ གཙྪཏི, ཨནཱཔཏྟིཾ ཨནཱཔཏྟཱིཏི དཱིཔེནྟོ ན བྷཡཱགཏིཾ གཙྪཏི, ཨཱཔཏྟིཾ ཨཱཔཏྟཱིཏི དཱིཔེནྟོ ན བྷཡཱགཏིཾ གཙྪཏི, ལཧུཀཾ ཨཱཔཏྟིཾ ལཧུཀཱ ཨཱཔཏྟཱིཏི དཱིཔེནྟོ ན བྷཡཱགཏིཾ གཙྪཏི, གརུཀཾ ཨཱཔཏྟིཾ གརུཀཱ ཨཱཔཏྟཱིཏི དཱིཔེནྟོ ན བྷཡཱགཏིཾ གཙྪཏི, སཱཝསེསཾ ཨཱཔཏྟིཾ སཱཝསེསཱ ཨཱཔཏྟཱིཏི དཱིཔེནྟོ ན བྷཡཱགཏིཾ གཙྪཏི, ཨནཝསེསཾ ཨཱཔཏྟིཾ ཨནཝསེསཱ ཨཱཔཏྟཱིཏི དཱིཔེནྟོ ན བྷཡཱགཏིཾ གཙྪཏི, དུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེནྟོ ན བྷཡཱགཏིཾ གཙྪཏི, ཨདུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེནྟོ ན བྷཡཱགཏིཾ གཙྪཏི. ཨེཝཾ ན བྷཡཱགཏིཾ གཙྪཏི.

ཚནྡཱ ¶ དོསཱ བྷཡཱ མོཧཱ, ཡོ དྷམྨཾ ནཱཏིཝཏྟཏི;

ཨཱཔཱུརཏི ཏསྶ ཡསོ, སུཀྐཔཀྑེཝ ཙནྡིམཱཏི.

༤. སཉྙཱཔནཱིཡཱདི

༣༨༧. ཀཐཾ སཉྙཱཔནཱིཡེ ཋཱནེ སཉྙཱཔེཏི? ཨདྷམྨཾ ཨདྷམྨོཏི དཱིཔེནྟོ སཉྙཱཔནཱིཡེ ཋཱནེ སཉྙཱཔེཏི, དྷམྨཾ དྷམྨོཏི དཱིཔེནྟོ ¶ སཉྙཱཔནཱིཡེ ཋཱནེ སཉྙཱཔེཏི…པེ… དུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེནྟོ སཉྙཱཔནཱིཡེ ཋཱནེ སཉྙཱཔེཏི, ཨདུཊྛུལླཾ ཨཱཔཏྟིཾ ཨདུཊྛུལླཱ ¶ ཨཱཔཏྟཱིཏི དཱིཔེནྟོ སཉྙཱཔནཱིཡེ ཋཱནེ སཉྙཱཔེཏི. ཨེཝཾ སཉྙཱཔནཱིཡེ ཋཱནེ སཉྙཱཔེཏི.

༣༨༨. ཀཐཾ ནིཛ྄ཛྷཱཔནཱིཡེ ཋཱནེ ནིཛ྄ཛྷཱཔེཏི? ཨདྷམྨཾ ཨདྷམྨོཏི དཱིཔེནྟོ ནིཛ྄ཛྷཱཔནཱིཡེ ཋཱནེ ནིཛ྄ཛྷཱཔེཏི, དྷམྨཾ དྷམྨོཏི དཱིཔེནྟོ ནིཛ྄ཛྷཱཔནཱིཡེ ཋཱནེ ནིཛ྄ཛྷཱཔེཏི…པེ… དུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེནྟོ ནིཛ྄ཛྷཱཔནཱིཡེ ཋཱནེ ནིཛ྄ཛྷཱཔེཏི, ཨདུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེནྟོ ནིཛ྄ཛྷཱཔནཱིཡེ ཋཱནེ ནིཛ྄ཛྷཱཔེཏི. ཨེཝཾ ནིཛ྄ཛྷཱཔནཱིཡེ ཋཱནེ ནིཛ྄ཛྷཱཔེཏི.

༣༨༩. ཀཐཾ པེཀྑནཱིཡེ ཋཱནེ པེཀྑཏི? ཨདྷམྨཾ ཨདྷམྨོཏི དཱིཔེནྟོ པེཀྑནཱིཡེ ཋཱནེ པེཀྑཏི, དྷམྨཾ དྷམྨོཏི དཱིཔེནྟོ པེཀྑནཱིཡེ ཋཱནེ པེཀྑཏི…པེ… དུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེནྟོ པེཀྑནཱིཡེ ཋཱནེ པེཀྑཏི, ཨདུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེནྟོ པེཀྑནཱིཡེ ཋཱནེ པེཀྑཏི. ཨེཝཾ པེཀྑནཱིཡེ ཋཱནེ པེཀྑཏི.

༣༩༠. ཀཐཾ པསཱདནཱིཡེ ཋཱནེ པསཱདེཏི? ཨདྷམྨཾ ཨདྷམྨོཏི དཱིཔེནྟོ པསཱདནཱིཡེ ཋཱནེ པསཱདེཏི, དྷམྨཾ དྷམྨོཏི དཱིཔེནྟོ པསཱདནཱིཡེ ཋཱནེ པསཱདེཏི…པེ… དུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེནྟོ པསཱདནཱིཡེ ཋཱནེ པསཱདེཏི, ཨདུཊྛུལླཾ ཨཱཔཏྟིཾ ¶ ཨདུཊྛུལླཱ ཨཱཔཏྟཱིཏི དཱིཔེནྟོ པསཱདནཱིཡེ ཋཱནེ པསཱདེཏི. ཨེཝཾ པསཱདནཱིཡེ ཋཱནེ པསཱདེཏི.

༥. པརཔཀྑཱདིཨཝཛཱནནཾ

༣༩༡. ཀཐཾ ལདྡྷཔཀྑོམྷཱིཏི པརཔཀྑཾ ཨཝཛཱནཱཏི? ཨིདྷེཀཙྩོ ལདྡྷཔཀྑོ ཧོཏི ལདྡྷཔརིཝཱརོ ¶ པཀྑཝཱ ཉཱཏིམཱ. ‘‘ཨཡཾ ཨལདྡྷཔཀྑོ ཨལདྡྷཔརིཝཱརོ ན པཀྑཝཱ ན ཉཱཏིམཱ’’ཏི ཏསྶ ཨཝཛཱནནྟོ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི…པེ… དུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེཏི, ཨདུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེཏི. ཨེཝཾ ལདྡྷཔཀྑོམྷཱིཏི པརཔཀྑཾ ཨཝཛཱནཱཏི.

༣༩༢. ཀཐཾ བཧུསྶུཏོམྷཱིཏི ཨཔྤསྶུཏཾ ཨཝཛཱནཱཏི? ཨིདྷེཀཙྩོ བཧུསྶུཏོ ཧོཏི སུཏདྷརོ སུཏསནྣིཙཡོ. ‘‘ཨཡཾ ཨཔྤསྶུཏོ ཨཔྤཱགམོ ¶ ཨཔྤདྷརོ’’ཏི ཏསྶ ཨཝཛཱནནྟོ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི…པེ… དུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེཏི, ཨདུཊྛུལླཾ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེཏི. ཨེཝཾ བཧུསྶུཏོམྷཱིཏི ཨཔྤསྶུཏཾ ཨཝཛཱནཱཏི.

༣༩༣. ཀཐཾ ཐེརཏརོམྷཱིཏི ནཝཀཏརཾ ཨཝཛཱནཱཏི? ཨིདྷེཀཙྩོ ཐེརོ ཧོཏི རཏྟཉྙཱུ ཙིརཔབྦཛིཏོ ཨཡཾ ནཝཀོ ཨཔྤཉྙཱཏོ ཨཔྤཀཏཉྙཱུ ཨིམསྶ ཝཙནཾ ཨཀཏཾ བྷཝིསྶཏཱི’’ཏི ཏསྶ ཨཝཛཱནནྟོ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི ¶ …པེ… དུཊྛུལླཾ ཨཱཔཏྟིཾ ཨདུཊྛུལླཱ ཨཱཔཏྟཱིཏི དཱིཔེཏི, ཨདུཊྛུལླཾ ¶ ཨཱཔཏྟིཾ དུཊྛུལླཱ ཨཱཔཏྟཱིཏི དཱིཔེཏི. ཨེཝཾ ཐེརཏརོམྷཱིཏི ནཝཀཏརཾ ཨཝཛཱནཱཏི.

༣༩༤. ཨསམྤཏྟཾ ན བྱཱཧརིཏབྦནྟི ཨནོཏིཎྞཾ བྷཱརཾ [བྷཱསཾ (སྱཱ.)] ན ཨོཏཱརེཏབྦཾ. སམྤཏྟཾ དྷམྨཏོ ཝིནཡཏོ ན པརིཧཱཔེཏབྦནྟི ཡཾཨཏྠཱཡ སངྒྷོ སནྣིཔཏིཏོ ཧོཏི ཏཾ ཨཏྠཾ དྷམྨཏོ ཝིནཡཏོ ན པརིཧཱཔེཏབྦཾ.

༣༩༥. ཡེན དྷམྨེནཱཏི བྷཱུཏེན ཝཏྠུནཱ. ཡེན ཝིནཡེནཱཏི ཙོདེཏྭཱ སཱརེཏྭཱ. ཡེན སཏྠུསཱསནེནཱཏི ཉཏྟིསམྤདཱཡ ཨནུསྶཱཝནསམྤདཱཡ, ཡེན དྷམྨེན ཡེན ཝིནཡེན ཡེན སཏྠུསཱསནེན ཏཾ ཨདྷིཀརཎཾ ཝཱུཔསམྨཏི, ཏཐཱ ཏཾ ཨདྷིཀརཎཾ ཝཱུཔསམེཏབྦནྟི.

༦. ཨནུཝིཛྫཀསྶ ཨནུཡོགཾ

༣༩༦. ཨནུཝིཛྫཀེན ཙོདཀོ པུཙྪིཏབྦོ – ‘‘ཡཾ ཁོ ཏྭཾ, ཨཱཝུསོ, ཨིམསྶ བྷིཀྑུནོ པཝཱརཎཾ ཋཔེསི, ཀིམྷི ནཾ ཋཔེསི, སཱིལཝིཔཏྟིཡཱ ཝཱ ཋཔེསི, ཨཱཙཱརཝིཔཏྟིཡཱ ཝཱ ཋཔེསི, དིཊྛིཝིཔཏྟིཡཱ ཝཱ ཋཔེསཱི’’ཏི? སོ ཙེ ཨེཝཾ ཝདེཡྻ – ‘‘སཱིལཝིཔཏྟིཡཱ ཝཱ ཋཔེམི ¶ ཨཱཙཱརཝིཔཏྟིཡཱ ཝཱ ཋཔེམི དིཊྛིཝིཔཏྟིཡཱ ཝཱ ཋཔེམཱི’’ཏི, སོ ཨེཝམསྶ ཝཙནཱིཡོ – ‘‘ཛཱནཱཏི པནཱཡསྨཱ སཱིལཝིཔཏྟིཾ, ཛཱནཱཏི ཨཱཙཱརཝིཔཏྟིཾ, ཛཱནཱཏི དིཊྛིཝིཔཏྟི’’ནྟི? སོ ཙེ ཨེཝཾ ཝདེཡྻ – ‘‘ཛཱནཱམི ཁོ ཨཧཾ, ཨཱཝུསོ, སཱིལཝིཔཏྟིཾ, ཛཱནཱམི ཨཱཙཱརཝིཔཏྟིཾ, ཛཱནཱམི དིཊྛིཝིཔཏྟི’’ནྟི ¶ , སོ ཨེཝམསྶ ཝཙནཱིཡོ – ‘‘ཀཏམཱ ¶ པནཱཝུསོ, སཱིལཝིཔཏྟི ཀཏམཱ ཨཱཙཱརཝིཔཏྟི ཀཏམཱ དིཊྛིཝིཔཏྟཱི’’ཏི? སོ ཙེ ཨེཝཾ ཝདེཡྻ – ‘‘ཙཏྟཱརི པཱརཱཛིཀཱནི ཏེརས སངྒྷཱདིསེསཱ – ཨཡཾ སཱིལཝིཔཏྟི. ཐུལླཙྩཡཾ པཱཙིཏྟིཡཾ པཱཊིདེསནཱིཡཾ དུཀྐཊཾ དུབྦྷཱསིཏཾ – ཨཡཾ ཨཱཙཱརཝིཔཏྟི. མིཙྪཱདིཊྛི ཨནྟགྒཱཧིཀཱདིཊྛི – ཨཡཾ དིཊྛིཝིཔཏྟཱི’’ཏི, སོ ཨེཝམསྶ ཝཙནཱིཡོ – ‘‘ཡཾ ཁོ ཏྭཾ, ཨཱཝུསོ, ཨིམསྶ བྷིཀྑུནོ པཝཱརཎཾ ཋཔེསི, དིཊྛེན ཝཱ ཋཔེསི, སུཏེན ཝཱ ཋཔེསི, པརིསངྐཱཡ ཝཱ ཋཔེསཱི’’ཏི? སོ ཙེ ཨེཝཾ ཝདེཡྻ – ‘‘དིཊྛེན ཝཱ ཋཔེམི, སུཏེན ཝཱ ཋཔེམི, པརིསངྐཱཡ ཝཱ ཋཔེམཱི’’ཏི, སོ ཨེཝམསྶ ཝཙནཱིཡོ – ‘‘ཡཾ ཁོ ཏྭཾ, ཨཱཝུསོ, ཨིམསྶ བྷིཀྑུནོ དིཊྛེན པཝཱརཎཾ ཋཔེསི, ཀིཾ ཏེ དིཊྛཾ, ཀིནྟི ཏེ དིཊྛཾ, ཀདཱ ཏེ དིཊྛཾ, ཀཏྠ ཏེ དིཊྛཾ, པཱརཱཛིཀཾ ཨཛ྄ཛྷཱཔཛྫནྟོ དིཊྛོ, སངྒྷཱདིསེསཾ ཨཛ྄ཛྷཱཔཛྫནྟོ དིཊྛོ, ཐུལླཙྩཡཾ… པཱཙིཏྟིཡཾ… པཱཊིདེསནཱིཡཾ… དུཀྐཊཾ… དུབྦྷཱསིཏཾ ཨཛ྄ཛྷཱཔཛྫནྟོ དིཊྛོ, ཀཏྠ ཙ ཏྭཾ ཨཧོསི, ཀཏྠ ཙཱཡཾ བྷིཀྑུ ཨཧོསི, ཀིཉྩ ཏྭཾ ཀརོསི, ཀིཾ ཙཱཡཾ བྷིཀྑུ ཀརོཏཱི’’ཏི? སོ ཙེ ཨེཝཾ ཝདེཡྻ – ‘‘ན ཁོ ཨཧཾ, ཨཱཝུསོ, ཨིམསྶ བྷིཀྑུནོ དིཊྛེན པཝཱརཎཾ ཋཔེམི, ཨཔི ཙ སུཏེན པཝཱརཎཾ ཋཔེམཱི’’ཏི, སོ ཨེཝམསྶ ཝཙནཱིཡོ – ‘‘ཡཾ ཁོ ཏྭཾ, ཨཱཝུསོ, ཨིམསྶ བྷིཀྑུནོ སུཏེན པཝཱརཎཾ ཋཔེསི ¶ ཀིཾ ཏེ སུཏཾ, ཀིནྟི ཏེ སུཏཾ, ཀདཱ ཏེ སུཏཾ, ཀཏྠ ཏེ སུཏཾ, པཱརཱཛིཀཾ ཨཛ྄ཛྷཱཔནྣོཏི སུཏཾ, སངྒྷཱདིསེསཾ ཨཛ྄ཛྷཱཔནྣོཏི སུཏཾ, ཐུལླཙྩཡཾ… པཱཙིཏྟིཡཾ… པཱཊིདེསནཱིཡཾ… དུཀྐཊཾ… དུབྦྷཱསིཏཾ ཨཛ྄ཛྷཱཔནྣོཏི སུཏཾ, བྷིཀྑུསྶ སུཏཾ, བྷིཀྑུནིཡཱ སུཏཾ, སིཀྑམཱནཱཡ སུཏཾ, སཱམཎེརསྶ སུཏཾ, སཱམཎེརིཡཱ སུཏཾ, ཨུཔཱསཀསྶ སུཏཾ, ཨུཔཱསིཀཱཡ སུཏཾ, རཱཛཱུནཾ སུཏཾ, རཱཛམཧཱམཏྟཱནཾ སུཏཾ, ཏིཏྠིཡཱནཾ སུཏཾ, ཏིཏྠིཡསཱཝཀཱནཾ སུཏ’’ནྟི? སོ ཙེ ཨེཝཾ ཝདེཡྻ – ‘‘ན ཁོ ཨཧཾ, ཨཱཝུསོ, ཨིམསྶ བྷིཀྑུནོ སུཏེན པཝཱརཎཾ ཋཔེམི, ཨཔི ཙ པརིསངྐཱཡ པཝཱརཎཾ ཋཔེམཱི’’ཏི, སོ ཨེཝམསྶ ཝཙནཱིཡོ – ‘‘ཡཾ ཁོ ཏྭཾ, ཨཱཝུསོ, ཨིམསྶ བྷིཀྑུནོ པརིསངྐཱཡ པཝཱརཎཾ ཋཔེསི, ཀིཾ པརིསངྐསི, ཀིནྟི པརིསངྐསི, ཀདཱ པརིསངྐསི, ཀཏྠ པརིསངྐསི, པཱརཱཛིཀཾ ཨཛ྄ཛྷཱཔནྣོཏི པརིསངྐསི, སངྒྷཱདིསེསཾ ཨཛ྄ཛྷཱཔནྣོཏི པརིསངྐསི, ཐུལླཙྩཡཾ… པཱཙིཏྟིཡཾ… པཱཊིདེསནཱིཡཾ… དུཀྐཊཾ… དུབྦྷཱསིཏཾ ཨཛ྄ཛྷཱཔནྣོཏི པརིསངྐསི, བྷིཀྑུསྶ སུཏྭཱ པརིསངྐསི, བྷིཀྑུནིཡཱ སུཏྭཱ པརིསངྐསི, སིཀྑམཱནཱཡ སུཏྭཱ པརིསངྐསི, སཱམཎེརསྶ སུཏྭཱ པརིསངྐསི, སཱམཎེརིཡཱ སུཏྭཱ པརིསངྐསི, ཨུཔཱསཀསྶ སུཏྭཱ པརིསངྐསི, ཨུཔཱསིཀཱཡ སུཏྭཱ ¶ པརིསངྐསི, རཱཛཱུནཾ སུཏྭཱ ¶ པརིསངྐསི རཱཛམཧཱམཏྟཱནཾ ¶ སུཏྭཱ པརིསངྐསི, ཏིཏྠིཡཱནཾ སུཏྭཱ པརིསངྐསི, ཏིཏྠིཡསཱཝཀཱནཾ སུཏྭཱ པརིསངྐསཱི’’ཏི?

༣༩༧.

དིཊྛཾ དིཊྛེན སམེཏི, དིཊྛེན སཾསནྡཏེ དིཊྛཾ;

དིཊྛཾ པཊིཙྩ ན ཨུཔེཏི, ཨསུདྡྷཔརིསངྐིཏོ;

སོ པུགྒལོ པཊིཉྙཱཡ, ཀཱཏབྦཱ ཏེན པཝཱརཎཱ.

སུཏཾ སུཏེན སམེཏི, སུཏེན སཾསནྡཏེ སུཏཾ;

སུཏཾ པཊིཙྩ ན ཨུཔེཏི, ཨསུདྡྷཔརིསངྐིཏོ;

སོ པུགྒལོ པཊིཉྙཱཡ, ཀཱཏབྦཱ ཏེན པཝཱརཎཱ.

མུཏཾ མུཏེན སམེཏི, མུཏེན སཾསནྡཏེ མུཏཾ;

མུཏཾ པཊིཙྩ ན ཨུཔེཏི, ཨསུདྡྷཔརིསངྐིཏོ;

སོ པུགྒལོ པཊིཉྙཱཡ, ཀཱཏབྦཱ ཏེན པཝཱརཎཱཏི.

༧. པུཙྪཱཝིབྷཱགོ

༣༩༨. ཀིཾ ཏེ དིཊྛནྟི ཀཏམཱ པུཙྪཱ? ཀིནྟི ཏེ དིཊྛནྟི ཀཏམཱ པུཙྪཱ? ཀདཱ ཏེ དིཊྛནྟི ཀཏམཱ པུཙྪཱ? ཀཏྠ ཏེ དིཊྛནྟི ཀཏམཱ པུཙྪཱ?

༣༩༩. ཀིཾ ཏེ དིཊྛནྟི ཝཏྠུཔུཙྪཱ, ཝིཔཏྟིཔུཙྪཱ, ཨཱཔཏྟིཔུཙྪཱ, ཨཛ྄ཛྷཱཙཱརཔུཙྪཱ. ཝཏྠུཔུཙྪཱཏི – ཨཊྛཔཱརཱཛིཀཱནཾ ཝཏྠུཔུཙྪཱ, ཏེཝཱིསསངྒྷཱདིསེསཱནཾ ཝཏྠུཔུཙྪཱ, དྭེཨནིཡཏཱནཾ ཝཏྠུཔུཙྪཱ, དྭེཙཏྟཱརཱིསནིསྶགྒིཡཱནཾ ཝཏྠུཔུཙྪཱ, ཨཊྛཱསཱིཏིསཏཔཱཙིཏྟིཡཱནཾ ཝཏྠུཔུཙྪཱ, དྭཱདསཔཱཊིདེསནཱིཡཱནཾ ཝཏྠུཔུཙྪཱ, དུཀྐཊཱནཾ ཝཏྠུཔུཙྪཱ, དུབྦྷཱསིཏཱནཾ ཝཏྠུཔུཙྪཱ. ཝིཔཏྟིཔུཙྪཱཏི – སཱིལཝིཔཏྟིཔུཙྪཱ, ཨཱཙཱརཝིཔཏྟིཔུཙྪཱ, དིཊྛིཝིཔཏྟིཔུཙྪཱ ¶ , ཨཱཛཱིཝཝིཔཏྟིཔུཙྪཱ. ཨཱཔཏྟིཔུཙྪཱཏི – པཱརཱཛིཀཱཔཏྟིཔུཙྪཱ, སངྒྷཱདིསེསཱཔཏྟིཔུཙྪཱ, ཐུལླཙྩཡཱཔཏྟིཔུཙྪཱ, པཱཙིཏྟིཡཱཔཏྟིཔུཙྪཱ, པཱཊིདེསནཱིཡཱཔཏྟིཔུཙྪཱ, དུཀྐཊཱཔཏྟིཔུཙྪཱ, དུབྦྷཱསིཏཱཔཏྟིཔུཙྪཱ. ཨཛ྄ཛྷཱཙཱརཔུཙྪཱཏི – དྭཡཾདྭཡསམཱཔཏྟིཔུཙྪཱ.

༤༠༠. ཀིནྟི ཏེ དིཊྛནྟི ལིངྒཔུཙྪཱ, ཨིརིཡཱཔཐཔུཙྪཱ, ཨཱཀཱརཔུཙྪཱ, ཝིཔྤཀཱརཔུཙྪཱ. ལིངྒཔུཙྪཱཏི – དཱིགྷཾ ཝཱ རསྶཾ ཝཱ ཀཎྷཾ ཝཱ ཨོདཱཏཾ ཝཱ. ཨིརིཡཱཔཐཔུཙྪཱཏི གཙྪནྟཾ ཝཱ ཋིཏཾ ¶ ཝཱ ནིསིནྣཾ ཝཱ ནིཔནྣཾ ཝཱ. ཨཱཀཱརཔུཙྪཱཏི གིཧིལིངྒེ ¶ ཝཱ ཏིཏྠིཡལིངྒེ ཝཱ པབྦཛིཏལིངྒེ ཝཱ. ཝིཔྤཀཱརཔུཙྪཱཏི གཙྪནྟཾ ཝཱ ཋིཏཾ ཝཱ ནིསིནྣཾ ཝཱ ནིཔནྣཾ ཝཱ.

༤༠༡. ཀདཱ ¶ ཏེ དིཊྛནྟི ཀཱལཔུཙྪཱ, སམཡཔུཙྪཱ, དིཝསཔུཙྪཱ, ཨུཏུཔུཙྪཱ. ཀཱལཔུཙྪཱཏི པུབྦཎྷཀཱལེ ཝཱ མཛ྄ཛྷནྷིཀཀཱལེ ཝཱ སཱཡནྷཀཱལེ ཝཱ. སམཡཔུཙྪཱཏི པུབྦཎྷསམཡེ ཝཱ མཛ྄ཛྷནྷིཀསམཡེ ཝཱ སཱཡནྷསམཡེ ཝཱ. དིཝསཔུཙྪཱཏི པུརེབྷཏྟཾ ཝཱ པཙྪཱབྷཏྟཾ ཝཱ རཏྟིཾ ཝཱ དིཝཱ ཝཱ ཀཱལེ༹ ཝཱ ཛུཎྷེ ཝཱ. ཨུཏུཔུཙྪཱཏི ཧེམནྟེ ཝཱ གིམྷེ ཝཱ ཝསྶེ ཝཱ [ཝསྶཱནེ ཝཱ (སཱི.)].

༤༠༢. ཀཏྠ ཏེ དིཊྛནྟི ཋཱནཔུཙྪཱ, བྷཱུམིཔུཙྪཱ, ཨོཀཱསཔུཙྪཱ, པདེསཔུཙྪཱ. ཋཱནཔུཙྪཱཏི བྷཱུམིཡཱ ཝཱ པཐཝིཡཱ ཝཱ དྷརཎིཡཱ ཝཱ ཛགཏིཡཱ ཝཱ. བྷཱུམིཔུཙྪཱཏི བྷཱུམིཡཱ ཝཱ པཐཝིཡཱ ཝཱ པབྦཏེ ཝཱ པཱསཱཎེ ཝཱ པཱསཱདེ ཝཱ. ཨོཀཱསཔུཙྪཱཏི པུརཏྠིམེ ཝཱ ཨོཀཱསེ པཙྪིམེ ¶ ཝཱ ཨོཀཱསེ ཨུཏྟརེ ཝཱ ཨོཀཱསེ དཀྑིཎེ ཝཱ ཨོཀཱསེ. པདེསཔུཙྪཱཏི པུརཏྠིམེ ཝཱ པདེསེ པཙྪིམེ ཝཱ པདེསེ ཨུཏྟརེ ཝཱ པདེསེ དཀྑིཎེ ཝཱ པདེསེཏི.

མཧཱསངྒཱམོ ནིཊྛིཏོ.

ཏསྶུདྡཱནཾ –

ཝཏྠུ ནིདཱནཾ ཨཱཀཱརོ, པུབྦཱཔརཾ ཀཏཱཀཏཾ;

ཀམྨཱདྷིཀརཎཉྩེཝ, སམཐོ ཚནྡགཱམི ཙ.

དོསཱ མོཧཱ བྷཡཱ ཙེཝ, སཉྙཱ ནིཛ྄ཛྷཱཔནེན ཙ;

པེཀྑཱ པསཱདེ པཀྑོམྷི, སུཏཐེརཏརེན ཙ.

ཨསམྤཏྟཉྩ སམྤཏྟཾ, དྷམྨེན ཝིནཡེན ཙ;

སཏྠུསྶ སཱསནེནཱཔི, མཧཱསངྒཱམཉཱཔནཱཏི.

ཀཐིནབྷེདོ

༡. ཀཐིནཨཏྠཏཱདི

༤༠༣. ཀསྶ ¶ ¶ ¶ ¶ ཀཐིནཾ [ཀཋིནཾ (སཱི. སྱཱ.)] ཨནཏྠཏཾ? ཀསྶ ཀཐིནཾ ཨཏྠཏཾ? ཀིནྟི ཀཐིནཾ ཨནཏྠཏཾ? ཀིནྟི ཀཐིནཾ ཨཏྠཏཾ?

ཀསྶ ཀཐིནཾ ཨནཏྠཏནྟི? དྭིནྣཾ པུགྒལཱནཾ ཨནཏྠཏཾ ཧོཏི ཀཐིནཾ – ཨནཏྠཱརཀསྶ ཙ ཨནནུམོདཀསྶ ཙ. ཨིམེསཾ དྭིནྣཾ པུགྒལཱནཾ ཨནཏྠཏཾ ཧོཏི ཀཐིནཾ.

ཀསྶ ཀཐིནཾ ཨཏྠཏནྟི? དྭིནྣཾ པུགྒལཱནཾ ཨཏྠཏཾ ཧོཏི ཀཐིནཾ – ཨཏྠཱརཀསྶ ཙ ཨནུམོདཀསྶ ཙ. ཨིམེསཾ དྭིནྣཾ པུགྒལཱནཾ ཨཏྠཏཾ ཧོཏི ཀཐིནཾ.

ཀིནྟི ཀཐིནཾ ཨནཏྠཏནྟི? ཙཏུཝཱིསཏིཡཱ ཨཱཀཱརེཧི ཨནཏྠཏཾ ཧོཏི ཀཐིནཾ, ན ཨུལླིཁིཏམཏྟེན ཨཏྠཏཾ ཧོཏི ཀཐིནཾ, ན དྷོཝནམཏྟེན ཨཏྠཏཾ ཧོཏི ཀཐིནཾ, ན ཙཱིཝརཝིཙཱརཎམཏྟེན ཨཏྠཏཾ ཧོཏི ཀཐིནཾ, ན ཚེདནམཏྟེན ཨཏྠཏཾ ཧོཏི ཀཐིནཾ, ན བནྡྷནམཏྟེན ཨཏྠཏཾ ཧོཏི ཀཐིནཾ, ན ཨོཝཊྚིཡཀརཎམཏྟེན ཨཏྠཏཾ ཧོཏི ཀཐིནཾ, ན ཀཎྜུསཀརཎམཏྟེན [ན གཎྜུསཀརཎམཏྟེན (ཀ.)] ཨཏྠཏཾ ཧོཏི ཀཐིནཾ, ན དལ༹ྷཱིཀམྨཀརཎམཏྟེན ཨཏྠཏཾ ཧོཏི ཀཐིནཾ, ན ཨནུཝཱཏཀརཎམཏྟེན ཨཏྠཏཾ ཧོཏི ཀཐིནཾ, ན པརིབྷཎྜཀརཎམཏྟེན ཨཏྠཏཾ ཧོཏི ཀཐིནཾ, ན ཨོཝདྡྷེཡྻཀརཎམཏྟེན [ན ཨོཝཊྚེཡྻཀརཎམཏྟེན (སཱི. སྱཱ.), ན ཨོཝདེཡྻཀརཎམཏྟེན (ཀ.)] ཨཏྠཏཾ ཧོཏི ཀཐིནཾ, ན ཀམྦལམདྡནམཏྟེན ཨཏྠཏཾ ཧོཏི ཀཐིནཾ, ན ནིམིཏྟཀཏེན ཨཏྠཏཾ ཧོཏི ཀཐིནཾ, ན ¶ པརིཀཐཱཀཏེན ཨཏྠཏཾ ཧོཏི ཀཐིནཾ, ན ཀུཀྐུཀཏེན ཨཏྠཏཾ ཧོཏི ཀཐིནཾ, ན སནྣིདྷིཀཏེན ཨཏྠཏཾ ཧོཏི ཀཐིནཾ, ན ནིསྶགྒིཡེན ཨཏྠཏཾ ཧོཏི ཀཐིནཾ, ན ཨཀཔྤཀཏེན ཨཏྠཏཾ ཧོཏི ཀཐིནཾ, ན ཨཉྙཏྲ སངྒྷཱཊིཡཱ ཨཏྠཏཾ ཧོཏི ཀཐིནཾ, ན ཨཉྙཏྲ ཨུཏྟརཱསངྒེན ཨཏྠཏཾ ཧོཏི ཀཐིནཾ, ན ཨཉྙཏྲ ཨནྟརཝཱསཀེན ཨཏྠཏཾ ཧོཏི ཀཐིནཾ ¶ , ན ཨཉྙཏྲ པཉྩཀེན ཝཱ ཨཏིརེཀཔཉྩཀེན ཝཱ ཏདཧེཝ སཉྪིནྣེན སམཎྜལཱིཀཏེན ཨཏྠཏཾ ཧོཏི ཀཐིནཾ, ན ཨཉྙཏྲ པུགྒལསྶ ཨཏྠཱརཱ ཨཏྠཏཾ ¶ ཧོཏི ཀཐིནཾ, སམྨཱ ཙེ ཨཏྠཏཾ ཧོཏི ཀཐིནཾ ཏཾ ཙེ ནིསྶཱིམཊྛོ ཨནུམོདཏི. ཨེཝམྤི ཨནཏྠཏཾ ཧོཏི ཀཐིནཾ.

ནིམིཏྟཀམྨཾ ནཱམ ནིམིཏྟཾ ཀརོཏི – ‘‘ཨིམིནཱ དུསྶེན ཀཐིནཾ ཨཏྠརིསྶཱམཱི’’ཏི. པརིཀཐཱ ནཱམ པརིཀཐཾ ཀརོཏི – ‘‘ཨིམཱཡ པརིཀཐཱཡ ཀཐིནདུསྶཾ ནིབྦཏྟེསྶཱམཱི’’ཏི. ཀུཀྐུཀཏཾ ནཱམ ཨནཱདིཡདཱནཾ ཝུཙྩཏི. སནྣིདྷི ནཱམ དྭེ སནྣིདྷིཡོ – ཀརཎསནྣིདྷི ཝཱ ནིཙཡསནྣིདྷི ཝཱ. ནིསྶགྒིཡཾ ནཱམ ཀཡིརམཱནེ ཨརུཎཾ ཨུཊྛཧཏི [ཨུདྲིཡཏི (སཱི. སྱཱ.)]. ཨིམེཧི ཙཏུཝཱིསཏིཡཱ ཨཱཀཱརེཧི ཨནཏྠཏཾ ཧོཏི ཀཐིནཾ.

ཀིནྟི ཀཐིནཾ ཨཏྠཏནྟི? སཏྟརསཧི ཨཱཀཱརེཧི ཨཏྠཏཾ ཧོཏི ཀཐིནཾ. ཨཧཏེན ཨཏྠཏཾ ཧོཏི ཀཐིནཾ, ཨཧཏཀཔྤེན ཨཏྠཏཾ ཧོཏི ཀཐིནཾ, པིལོཏིཀཱཡ ཨཏྠཏཾ ཧོཏི ཀཐིནཾ, པཾསུཀཱུལེན ཨཏྠཏཾ ཧོཏི ཀཐིནཾ, པཱཔཎིཀེན ཨཏྠཏཾ ཧོཏི ཀཐིནཾ, ཨནིམིཏྟཀཏེན ཨཏྠཏཾ ¶ ཧོཏི ཀཐིནཾ, ཨཔརིཀཐཱཀཏེན ཨཏྠཏཾ ཧོཏི ཀཐིནཾ, ཨཀུཀྐུཀཏེན ཨཏྠཏཾ ཧོཏི ཀཐིནཾ, ཨསནྣིདྷིཀཏེན ཨཏྠཏཾ ཧོཏི ཀཐིནཾ, ཨནིསྶགྒིཡེན ཨཏྠཏཾ ཧོཏི ཀཐིནཾ, ཀཔྤཀཏེན ཨཏྠཏཾ ཧོཏི ཀཐིནཾ, སངྒྷཱཊིཡཱ ཨཏྠཏཾ ཧོཏི ཀཐིནཾ, ཨུཏྟརཱསངྒེན ཨཏྠཏཾ ཧོཏི ཀཐིནཾ, ཨནྟརཝཱསཀེན ཨཏྠཏཾ ཧོཏི ཀཐིནཾ, པཉྩཀེན ཝཱ ཨཏིརེཀཔཉྩཀེན ཝཱ ཏདཧེཝ སཉྪིནྣེན སམཎྜལཱིཀཏེན ཨཏྠཏཾ ཧོཏི ཀཐིནཾ, པུགྒལསྶ ཨཏྠཱརཱ ཨཏྠཏཾ ཧོཏི ཀཐིནཾ, སམྨཱ ཙེ ཨཏྠཏཾ ཧོཏི ཀཐིནཾ, ཏཾ ཙེ སཱིམཊྛོ ཨནུམོདཏི, ཨེཝམྤི ཨཏྠཏཾ ཧོཏི ཀཐིནཾ. ཨིམེཧི སཏྟརསཧི ཨཱཀཱརེཧི ཨཏྠཏཾ ཧོཏི ཀཐིནཾ.

སཧ ཀཐིནསྶ ཨཏྠཱརཱ ཀཏི དྷམྨཱ ཛཱཡནྟི? སཧ ཀཐིནསྶ ཨཏྠཱརཱ པནྣརས དྷམྨཱ ཛཱཡནྟི – ཨཊྛ མཱཏིཀཱ, དྭེ པལིབོདྷཱ, པཉྩཱནིསཾསཱ. སཧ ཀཐིནསྶ ཨཏྠཱརཱ ཨིམེ པནྣརས དྷམྨཱ ཛཱཡནྟི.

༢. ཀཐིནཨནནྟརཔཙྩཡཱདི

༤༠༤. པཡོགསྶ ¶ ཀཏམེ དྷམྨཱ ཨནནྟརཔཙྩཡེན པཙྩཡོ, སམནནྟརཔཙྩཡེན པཙྩཡོ, ནིསྶཡཔཙྩཡེན པཙྩཡོ, ཨུཔནིསྶཡཔཙྩཡེན པཙྩཡོ ¶ , པུརེཛཱཏཔཙྩཡེན པཙྩཡོ, པཙྪཱཛཱཏཔཙྩཡེན པཙྩཡོ, སཧཛཱཏཔཙྩཡེན པཙྩཡོ? པུབྦཀརཎསྶ ཀཏམེ དྷམྨཱ ཨནནྟརཔཙྩཡེན ¶ པཙྩཡོ…པེ… པཙྩུདྡྷཱརསྶ ཀཏམེ དྷམྨཱ… ཨདྷིཊྛཱནསྶ ཀཏམེ དྷམྨཱ… ཨཏྠཱརསྶ ཀཏམེ དྷམྨཱ… མཱཏིཀཱནཉྩ པལིབོདྷཱནཉྩ ཀཏམེ དྷམྨཱ… ཝཏྠུསྶ ཀཏམེ དྷམྨཱ ཨནནྟརཔཙྩཡེན པཙྩཡོ, སམནནྟརཔཙྩཡེན པཙྩཡོ, ནིསྶཡཔཙྩཡེན པཙྩཡོ, ཨུཔནིསྶཡཔཙྩཡེན ¶ པཙྩཡོ, པུརེཛཱཏཔཙྩཡེན པཙྩཡོ, པཙྪཱཛཱཏཔཙྩཡེན པཙྩཡོ, སཧཛཱཏཔཙྩཡེན པཙྩཡོ?

པུབྦཀརཎཾ པཡོགསྶ ཨནནྟརཔཙྩཡེན པཙྩཡོ, སམནནྟརཔཙྩཡེན པཙྩཡོ, ནིསྶཡཔཙྩཡེན པཙྩཡོ, ཨུཔནིསྶཡཔཙྩཡེན པཙྩཡོ. པཡོགོ པུབྦཀརཎསྶ པུརེཛཱཏཔཙྩཡེན པཙྩཡོ. པུབྦཀརཎཾ པཡོགསྶ པཙྪཱཛཱཏཔཙྩཡེན པཙྩཡོ. པནྣརས དྷམྨཱ སཧཛཱཏཔཙྩཡེན པཙྩཡོ. པཙྩུདྡྷཱརོ པུབྦཀརཎསྶ ཨནནྟརཔཙྩཡེན པཙྩཡོ, སམནནྟརཔཙྩཡེན པཙྩཡོ, ནིསྶཡཔཙྩཡེན པཙྩཡོ, ཨུཔནིསྶཡཔཙྩཡེན པཙྩཡོ. པུབྦཀརཎཾ པཙྩུདྡྷཱརསྶ པུརེཛཱཏཔཙྩཡེན པཙྩཡོ. པཙྩུདྡྷཱརོ པུབྦཀརཎསྶ པཙྪཱཛཱཏཔཙྩཡེན པཙྩཡོ. པནྣརས དྷམྨཱ སཧཛཱཏཔཙྩཡེན པཙྩཡོ. ཨདྷིཊྛཱནཾ པཙྩུདྡྷཱརསྶ ཨནནྟརཔཙྩཡེན པཙྩཡོ, སམནནྟརཔཙྩཡེན པཙྩཡོ, ནིསྶཡཔཙྩཡེན པཙྩཡོ, ཨུཔནིསྶཡཔཙྩཡེན པཙྩཡོ. པཙྩུདྡྷཱརོ ཨདྷིཊྛཱནསྶ པུརེཛཱཏཔཙྩཡེན པཙྩཡོ. ཨདྷིཊྛཱནཾ པཙྩུདྡྷཱརསྶ པཙྪཱཛཱཏཔཙྩཡེན པཙྩཡོ. པནྣརས དྷམྨཱ སཧཛཱཏཔཙྩཡེན པཙྩཡོ. ཨཏྠཱརོ ཨདྷིཊྛཱནསྶ ཨནནྟརཔཙྩཡེན པཙྩཡོ, སམནནྟརཔཙྩཡེན པཙྩཡོ, ནིསྶཡཔཙྩཡེན པཙྩཡོ, ཨུཔནིསྶཡཔཙྩཡེན པཙྩཡོ. ཨདྷིཊྛཱནཾ ཨཏྠཱརསྶ པུརེཛཱཏཔཙྩཡེན ¶ པཙྩཡོ. ཨཏྠཱརོ ཨདྷིཊྛཱནསྶ པཙྪཱཛཱཏཔཙྩཡེན པཙྩཡོ. པནྣརས དྷམྨཱ སཧཛཱཏཔཙྩཡེན པཙྩཡོ. མཱཏིཀཱ ཙ པལིབོདྷཱ ཙ ཨཏྠཱརསྶ ཨནནྟརཔཙྩཡེན པཙྩཡོ, སམནནྟརཔཙྩཡེན པཙྩཡོ, ནིསྶཡཔཙྩཡེན པཙྩཡོ, ཨུཔནིསྶཡཔཙྩཡེན པཙྩཡོ. ཨཏྠཱརོ མཱཏིཀཱནཉྩ པལིབོདྷཱནཉྩ པུརེཛཱཏཔཙྩཡེན པཙྩཡོ. མཱཏིཀཱ ཙ པལིབོདྷཱ ཙ ཨཏྠཱརསྶ པཙྪཱཛཱཏཔཙྩཡེན པཙྩཡོ. པནྣརས དྷམྨཱ སཧཛཱཏཔཙྩཡེན པཙྩཡོ. ཨཱསཱ ¶ ཙ ཨནཱསཱ ཙ ཝཏྠུསྶ ཨནནྟརཔཙྩཡེན པཙྩཡོ, སམནནྟརཔཙྩཡེན པཙྩཡོ, ནིསྶཡཔཙྩཡེན པཙྩཡོ ¶ , ཨུཔནིསྶཡཔཙྩཡེན པཙྩཡོ. ཝཏྠུ ཨཱསཱནཉྩ ཨནཱསཱནཉྩ པུརེཛཱཏཔཙྩཡེན པཙྩཡོ. ཨཱསཱ ཙ ཨནཱསཱ ཙ ཝཏྠུསྶ པཙྪཱཛཱཏཔཙྩཡེན པཙྩཡོ. པནྣརས དྷམྨཱ སཧཛཱཏཔཙྩཡེན པཙྩཡོ.

༣. པུབྦཀརཎནིདཱནཱདིཝིབྷཱགོ

༤༠༥. པུབྦཀརཎཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ ¶ ? པཙྩུདྡྷཱརོ ཀིཾནིདཱནོ, ཀིཾསམུདཡོ, ཀིཾཛཱཏིཀོ, ཀིཾཔབྷཝོ, ཀིཾསམྦྷཱརོ, ཀིཾསམུཊྛཱནོ? ཨདྷིཊྛཱནཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ? ཨཏྠཱརོ ཀིཾནིདཱནོ, ཀིཾསམུདཡོ, ཀིཾཛཱཏིཀོ, ཀིཾཔབྷཝོ, ཀིཾསམྦྷཱརོ, ཀིཾསམུཊྛཱནོ? མཱཏིཀཱ ཙ པལིབོདྷཱ ཙ ཀིཾནིདཱནཱ, ཀིཾསམུདཡཱ, ཀིཾཛཱཏིཀཱ, ཀིཾཔབྷཝཱ, ཀིཾསམྦྷཱརཱ ཀིཾསམུཊྛཱནཱ? ཨཱསཱ ཙ ཨནཱསཱ ¶ ཙ ཀིཾནིདཱནཱ, ཀིཾསམུདཡཱ, ཀིཾཛཱཏིཀཱ, ཀིཾཔབྷཝཱ, ཀིཾསམྦྷཱརཱ, ཀིཾསམུཊྛཱནཱ?

པུབྦཀརཎཾ པཡོགནིདཱནཾ, པཡོགསམུདཡཾ, པཡོགཛཱཏིཀཾ, པཡོགཔབྷཝཾ, པཡོགསམྦྷཱརཾ, པཡོགསམུཊྛཱནཾ. པཙྩུདྡྷཱརོ པུབྦཀརཎནིདཱནོ, པུབྦཀརཎསམུདཡོ, པུབྦཀརཎཛཱཏིཀོ, པུབྦཀརཎཔབྷཝོ, པུབྦཀརཎསམྦྷཱརོ, པུབྦཀརཎསམུཊྛཱནོ. ཨདྷིཊྛཱནཾ པཙྩུདྡྷཱརནིདཱནཾ, པཙྩུདྡྷཱརསམུདཡཾ, པཙྩུདྡྷཱརཛཱཏིཀཾ, པཙྩུདྡྷཱརཔབྷཝཾ, པཙྩུདྡྷཱརསམྦྷཱརཾ, པཙྩུདྡྷཱརསམུཊྛཱནཾ. ཨཏྠཱརོ ཨདྷིཊྛཱནནིདཱནོ, ཨདྷིཊྛཱནསམུདཡོ, ཨདྷིཊྛཱནཛཱཏིཀོ, ཨདྷིཊྛཱནཔབྷཝོ, ཨདྷིཊྛཱནསམྦྷཱརོ, ཨདྷིཊྛཱནསམུཊྛཱནོ. མཱཏིཀཱ ཙ པལིབོདྷཱ ཙ ཨཏྠཱརནིདཱནཱ, ཨཏྠཱརསམུདཡཱ, ཨཏྠཱརཛཱཏིཀཱ, ཨཏྠཱརཔབྷཝཱ, ཨཏྠཱརསམྦྷཱརཱ, ཨཏྠཱརསམུཊྛཱནཱ. ཨཱསཱ ཙ ཨནཱསཱ ཙ ཝཏྠུནིདཱནཱ, ཝཏྠུསམུདཡཱ, ཝཏྠུཛཱཏིཀཱ, ཝཏྠུཔབྷཝཱ, ཝཏྠུསམྦྷཱརཱ, ཝཏྠུསམུཊྛཱནཱ.

༤༠༦. པཡོགོ ཀིཾནིདཱནོ, ཀིཾསམུདཡོ, ཀིཾཛཱཏིཀོ, ཀིཾཔབྷཝོ, ཀིཾསམྦྷཱརོ, ཀིཾསམུཊྛཱནོ, པུབྦཀརཎཾ…པེ… པཙྩུདྡྷཱརོ… ཨདྷིཊྛཱནཾ… ཨཏྠཱརོ… མཱཏིཀཱ ཙ པལིབོདྷཱ ཙ… ཝཏྠུ… ཨཱསཱ ཙ ཨནཱསཱ ཙ ཀིཾནིདཱནཱ, ཀིཾསམུདཡཱ, ཀིཾཛཱཏིཀཱ, ཀིཾཔབྷཝཱ, ཀིཾསམྦྷཱརཱ, ཀིཾསམུཊྛཱནཱ?

པཡོགོ ¶ ཧེཏུནིདཱནོ, ཧེཏུསམུདཡོ, ཧེཏུཛཱཏིཀོ, ཧེཏུཔབྷཝོ, ཧེཏུསམྦྷཱརོ, ཧེཏུསམུཊྛཱནོ. པུབྦཀརཎཾ…པེ… པཙྩུདྡྷཱརོ… ཨདྷིཊྛཱནཾ… ཨཏྠཱརོ ¶ … མཱཏིཀཱ ཙ པལིབོདྷཱ ཙ… ཝཏྠུ… ཨཱསཱ ཙ ཨནཱསཱ ཙ ཧེཏུནིདཱནཱ, ཧེཏུསམུདཡཱ, ཧེཏུཛཱཏིཀཱ, ཧེཏུཔབྷཝཱ, ཧེཏུསམྦྷཱརཱ, ཧེཏུསམུཊྛཱནཱ.

༤༠༧. པཡོགོ ཀིཾནིདཱནོ, ཀིཾསམུདཡོ, ཀིཾཛཱཏིཀོ, ཀིཾཔབྷཝོ, ཀིཾསམྦྷཱརོ, ཀིཾསམུཊྛཱནོ? པུབྦཀརཎཾ…པེ… པཙྩུདྡྷཱརོ… ཨདྷིཊྛཱནཾ… ཨཏྠཱརོ… མཱཏིཀཱ ཙ པལིབོདྷཱ ཙ… ཝཏྠུ… ཨཱསཱ ཙ ཨནཱསཱ ཙ ཀིཾནིདཱནཱ, ཀིཾསམུདཡཱ, ཀིཾཛཱཏིཀཱ, ཀིཾཔབྷཝཱ, ཀིཾསམྦྷཱརཱ, ཀིཾསམུཊྛཱནཱ?

པཡོགོ ¶ པཙྩཡནིདཱནོ, པཙྩཡསམུདཡོ, པཙྩཡཛཱཏིཀོ, པཙྩཡཔབྷཝོ, པཙྩཡསམྦྷཱརོ, པཙྩཡསམུཊྛཱནོ. པུབྦཀརཎཾ…པེ… པཙྩུདྡྷཱརོ… ཨདྷིཊྛཱནཾ… ཨཏྠཱརོ… མཱཏིཀཱ ཙ པལིབོདྷཱ ཙ… ཝཏྠུ… ཨཱསཱ ཙ ཨནཱསཱ ཙ པཙྩཡནིདཱནཱ, པཙྩཡསམུདཡཱ, པཙྩཡཛཱཏིཀཱ, པཙྩཡཔབྷཝཱ, པཙྩཡསམྦྷཱརཱ, པཙྩཡསམུཊྛཱནཱ.

༤༠༨. པུབྦཀརཎཾ ཀཏིཧི དྷམྨེཧི སངྒཧིཏཾ? པུབྦཀརཎཾ སཏྟཧི དྷམྨེཧི སངྒཧིཏཾ. དྷོཝནེན, ཝིཙཱརཎེན, ཚེདནེན, བནྡྷནེན, སིབྦནེན, རཛནེན, ཀཔྤཀརཎེན – པུབྦཀརཎཾ ཨིམེཧི སཏྟཧི དྷམྨེཧི སངྒཧིཏཾ.

པཙྩུདྡྷཱརོ ཀཏིཧི དྷམྨེཧི སངྒཧིཏོ? པཙྩུདྡྷཱརོ ཏཱིཧི དྷམྨེཧི སངྒཧིཏོ – སངྒྷཱཊིཡཱ, ཨུཏྟརཱསངྒེན, ཨནྟརཝཱསཀེན.

ཨདྷིཊྛཱནཾ ཀཏིཧི དྷམྨེཧི སངྒཧིཏཾ? ཨདྷིཊྛཱནཾ ཏཱིཧི དྷམྨེཧི སངྒཧིཏཾ – སངྒྷཱཊིཡཱ, ཨུཏྟརཱསངྒེན, ཨནྟརཝཱསཀེན.

ཨཏྠཱརོ ཀཏིཧི དྷམྨེཧི སངྒཧིཏོ? ཨཏྠཱརོ ཨེཀེན ¶ དྷམྨེན སངྒཧིཏོ – ཝཙཱིབྷེདེན.

ཀཐིནསྶ ཀཏི མཱུལཱནི, ཀཏི ཝཏྠཱུནི, ཀཏི བྷཱུམིཡོ? ཀཐིནསྶ ¶ ཨེཀཾ མཱུལཾ – སངྒྷོ; ཏཱིཎི ཝཏྠཱུནི – སངྒྷཱཊི, ཨུཏྟརཱསངྒོ, ཨནྟརཝཱསཀོ, ཚ བྷཱུམིཡོ – ཁོམཾ, ཀཔྤཱསིཀཾ, ཀོསེཡྻཾ, ཀམྦལཾ, སཱཎཾ, བྷངྒཾ.

ཀཐིནསྶ ¶ ཀོ ཨཱདི, ཀིཾ མཛ྄ཛྷེ, ཀིཾ པརིཡོསཱནཾ? ཀཐིནསྶ པུབྦཀརཎཾ ཨཱདི, ཀྲིཡཱ མཛ྄ཛྷེ, ཨཏྠཱརོ པརིཡོསཱནཾ.

༤༠༩. ཀཏིཧངྒེཧི སམནྣཱགཏོ པུགྒལོ ཨབྷབྦོ ཀཐིནཾ ཨཏྠརིཏུཾ? ཀཏིཧངྒེཧི སམནྣཱགཏོ པུགྒལོ བྷབྦོ ཀཐིནཾ ཨཏྠརིཏུཾ? ཨཊྛཧངྒེཧི སམནྣཱགཏོ པུགྒལོ ཨབྷབྦོ ཀཐིནཾ ཨཏྠརིཏུཾ. ཨཊྛཧངྒེཧི སམནྣཱགཏོ པུགྒལོ བྷབྦོ ཀཐིནཾ ཨཏྠརིཏུཾ. ཀཏམེཧི ཨཊྛཧངྒེཧི སམནྣཱགཏོ པུགྒལོ ཨབྷབྦོ ཀཐིནཾ ཨཏྠརིཏུཾ? པུབྦཀརཎཾ ན ཛཱནཱཏི, པཙྩུདྡྷཱརཾ ན ཛཱནཱཏི, ཨདྷིཊྛཱནཾ ན ཛཱནཱཏི, ཨཏྠཱརཾ ན ཛཱནཱཏི, མཱཏིཀཾ ན ཛཱནཱཏི, པལིབོདྷཾ ན ཛཱནཱཏི, ཨུདྡྷཱརཾ ན ཛཱནཱཏི, ཨཱནིསཾསཾ ན ཛཱནཱཏི – ཨིམེཧི ཨཊྛཧངྒེཧི སམནྣཱགཏོ པུགྒལོ ¶ ཨབྷབྦོ ཀཐིནཾ ཨཏྠརིཏུཾ. ཀཏམེཧི ཨཊྛཧངྒེཧི སམནྣཱགཏོ པུགྒལོ བྷབྦོ ཀཐིནཾ ཨཏྠརིཏུཾ? པུབྦཀརཎཾ ཛཱནཱཏི, པཙྩུདྡྷཱརཾ ཛཱནཱཏི, ཨདྷིཊྛཱནཾ ཛཱནཱཏི, ཨཏྠཱརཾ ཛཱནཱཏི, མཱཏིཀཾ ཛཱནཱཏི, པལིབོདྷཾ ཛཱནཱཏི, ཨུདྡྷཱརཾ ཛཱནཱཏི, ཨཱནིསཾསཾ ཛཱནཱཏི – ཨིམེཧི ཨཊྛཧངྒེཧི སམནྣཱགཏོ པུགྒལོ བྷབྦོ ཀཐིནཾ ཨཏྠརིཏུཾ.

༤༡༠. ཀཏིནཾ ¶ པུགྒལཱནཾ ཀཐིནཏྠཱརཱ ན རུཧནྟི? ཀཏིནཾ པུགྒལཱནཾ ཀཐིནཏྠཱརཱ རུཧནྟི? ཏིཎྞཾ པུགྒལཱནཾ ཀཐིནཏྠཱརཱ ན རུཧནྟི. ཏིཎྞཾ པུགྒལཱནཾ ཀཐིནཏྠཱརཱ རུཧནྟི. ཀཏམེསཾ ཏིཎྞཾ པུགྒལཱནཾ ཀཐིནཏྠཱརཱ ན རུཧནྟི? ནིསྶཱིམཊྛོ ཨནུམོདཏི, ཨནུམོདེནྟོ ན ཝཱཙཾ བྷིནྡཏི, ཝཱཙཾ བྷིནྡནྟོ ན པརཾ ཝིཉྙཱཔེཏི – ཨིམེསཾ ཏིཎྞཾ པུགྒལཱནཾ ཀཐིནཏྠཱརཱ ན རུཧནྟི. ཀཏམེསཾ ཏིཎྞཾ པུགྒལཱནཾ ཀཐིནཏྠཱརཱ རུཧནྟི? སཱིམཊྛོ ཨནུམོདཏི, ཨནུམོདེནྟོ ཝཱཙཾ བྷིནྡཏི, ཝཱཙཾ བྷིནྡནྟོ པརཾ ཝིཉྙཱཔེཏི – ཨིམེསཾ ཏིཎྞཾ པུགྒལཱནཾ ཀཐིནཏྠཱརཱ རུཧནྟི.

༤༡༡. ཀཏི ཀཐིནཏྠཱརཱ ན རུཧནྟི? ཀཏི ཀཐིནཏྠཱརཱ རུཧནྟི? ཏཡོ ཀཐིནཏྠཱརཱ ན རུཧནྟི. ཏཡོ ཀཐིནཏྠཱརཱ རུཧནྟི. ཀཏམེ ཏཡོ ཀཐིནཏྠཱརཱ ན རུཧནྟི? ཝཏྠུཝིཔནྣཉྩེཝ ཧོཏི, ཀཱལཝིཔནྣཉྩ, ཀརཎཝིཔནྣཉྩ – ཨིམེ ཏཡོ ཀཐིནཏྠཱརཱ ན རུཧནྟི. ཀཏམེ ཏཡོ ཀཐིནཏྠཱརཱ རུཧནྟི? ཝཏྠུསམྤནྣཉྩེཝ ཧོཏི, ཀཱལསམྤནྣཉྩ, ཀརཎསམྤནྣཉྩ – ཨིམེ ཏཡོ ཀཐིནཏྠཱརཱ རུཧནྟི.

༤. ཀཐིནཱདིཛཱནིཏབྦཝིབྷཱགོ

༤༡༢. ཀཐིནཾ ¶ ཛཱནིཏབྦཾ, ཀཐིནཏྠཱརོ ཛཱནིཏབྦོ, ཀཐིནསྶ ཨཏྠཱརམཱསོ ཛཱནིཏབྦོ, ཀཐིནསྶ ཨཏྠཱརཝིཔཏྟི ཛཱནིཏབྦཱ, ཀཐིནསྶ ཨཏྠཱརསམྤཏྟི ཛཱནིཏབྦཱ, ནིམིཏྟཀམྨཾ ཛཱནིཏབྦཾ, པརིཀཐཱ ཛཱནིཏབྦཱ, ཀུཀྐུཀཏཾ ཛཱནིཏབྦཾ, སནྣིདྷི ཛཱནིཏབྦཱ, ནིསྶགྒིཡཾ ¶ ཛཱནིཏབྦཾ.

ཀཐིནཾ ¶ ཛཱནིཏབྦནྟི ཏེསཉྙེཝ དྷམྨཱནཾ སངྒཧོ སམཝཱཡོ ནཱམཾ ནཱམཀམྨཾ ནཱམདྷེཡྻཾ ནིརུཏྟི བྱཉྫནཾ ཨབྷིལཱཔོ ཡདིདཾ ཀཐིནནྟི.

ཀཐིནསྶ ¶ ཨཏྠཱརམཱསོ ཛཱནིཏབྦོཏི ཝསྶཱནསྶ པཙྪིམོ མཱསོ ཛཱནིཏབྦོ.

ཀཐིནསྶ ཨཏྠཱརཝིཔཏྟི ཛཱནིཏབྦཱཏི ཙཏུཝཱིསཏིཡཱ ཨཱཀཱརེཧི ཀཐིནསྶ ཨཏྠཱརཝིཔཏྟི ཛཱནིཏབྦཱ.

ཀཐིནསྶ ཨཏྠཱརསམྤཏྟི ཛཱནིཏབྦཱཏི སཏྟརསཧི ཨཱཀཱརེཧི ཀཐིནསྶ ཨཏྠཱརསམྤཏྟི ཛཱནིཏབྦཱ.

ནིམིཏྟཀམྨཾ ཛཱནིཏབྦནྟི ནིམིཏྟཾ ཀརོཏི ཨིམིནཱ དུསྶེན ཀཐིནཾ ཨཏྠརིསྶཱམཱིཏི.

པརིཀཐཱ ཛཱནིཏབྦཱཏི པརིཀཐཾ ཀརོཏི ཨིམཱཡ པརིཀཐཱཡ ཀཐིནདུསྶཾ ནིབྦཏྟེསྶཱམཱིཏི.

ཀུཀྐུཀཏཾ ཛཱནིཏབྦནྟི ཨནཱདིཡདཱནཾ ཛཱནིཏབྦཾ.

སནྣིདྷི ཛཱནིཏབྦཱཏི དྭེ སནྣིདྷིཡོ ཛཱནིཏབྦཱ – ཀརཎསནྣིདྷི ཝཱ ནིཙཡསནྣིདྷི ཝཱ.

ནིསྶགྒིཡཾ ཛཱནིཏབྦནྟི ཀརིཡམཱནེ ཨརུཎཾ ཨུཊྛཧཏི.

ཀཐིནཏྠཱརོ ཛཱནིཏབྦོཏི སཙེ སངྒྷསྶ ཀཐིནདུསྶཾ ཨུཔྤནྣཾ ཧོཏི, སངྒྷེན ཀཐཾ པཊིཔཛྫིཏབྦཾ, ཨཏྠཱརཀེན ཀཐཾ པཊིཔཛྫིཏབྦཾ, ཨནུམོདཀེན ཀཐཾ པཊིཔཛྫིཏབྦཾ.

༤༡༣. སངྒྷེན ཉཏྟིདུཏིཡེན ཀམྨེན ཀཐིནཏྠཱརཀསྶ བྷིཀྑུནོ དཱཏབྦཾ, ཏེན ཀཐིནཏྠཱརཀེན བྷིཀྑུནཱ ཏདཧེཝ དྷོཝིཏྭཱ ཝིམཛྫིཏྭཱ ཝིཙཱརེཏྭཱ ཚིནྡིཏྭཱ སིབྦེཏྭཱ རཛིཏྭཱ ཀཔྤཾ ཀཏྭཱ ཀཐིནཾ ཨཏྠརིཏབྦཾ. སཙེ ¶ སངྒྷཱཊིཡཱ ཀཐིནཾ ཨཏྠརིཏུཀཱམོ ཧོཏི, པོརཱཎིཀཱ སངྒྷཱཊི པཙྩུདྡྷརིཏབྦཱ ¶ , ནཝཱ སངྒྷཱཊི ཨདྷིཊྛཱཏབྦཱ. ཨིམཱཡ སངྒྷཱཊིཡཱ ཀཐིནཾ ཨཏྠརཱམཱིཏི ཝཱཙཱ བྷིནྡིཏབྦཱ. སཙེ ཨུཏྟརཱསངྒེན ཀཐིནཾ ཨཏྠརིཏུཀཱམོ ཧོཏི, པོརཱཎཀོ ཨུཏྟརཱསངྒོ པཙྩུདྡྷརིཏབྦོ, ནཝོ ཨུཏྟརཱསངྒོ ཨདྷིཊྛཱཏབྦོ. ཨིམིནཱ ཨུཏྟརཱསངྒེན ཀཐིནཾ ཨཏྠརཱམཱིཏི ཝཱཙཱ བྷིནྡིཏབྦཱ. སཙེ ཨནྟརཝཱསཀེན ཀཐིནཾ ཨཏྠརིཏུཀཱམོ ཧོཏི, པོརཱཎཀོ ཨནྟརཝཱསཀོ པཙྩུདྡྷརིཏབྦོ, ནཝོ ཨནྟརཝཱསཀོ ཨདྷིཊྛཱཏབྦོ. ཨིམིནཱ ཨནྟརཝཱསཀེན ཀཐིནཾ ཨཏྠརཱམཱིཏི ཝཱཙཱ བྷིནྡིཏབྦཱ. ཏེན ཀཐིནཏྠཱརཀེན བྷིཀྑུནཱ སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ¶ ཀརིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཏྠཏཾ, བྷནྟེ, སངྒྷསྶ ཀཐིནཾ, དྷམྨིཀོ ཀཐིནཏྠཱརོ, ཨནུམོདཐཱ’’ཏི. ཏེཧི ཨནུམོདཀེཧི བྷིཀྑཱུཧི ཨེཀཾསཾ ཨུཏྟརཱསངྒཾ ཀརིཏྭཱ ཨཉྫལིཾ ¶ པགྒཧེཏྭཱ ཨེཝམསྶ ཝཙནཱིཡོ – ‘‘ཨཏྠཏཾ, ཨཱཝུསོ, སངྒྷསྶ ཀཐིནཾ, དྷམྨིཀོ ཀཐིནཏྠཱརོ, ཨནུམོདཱམཱ’’ཏི. ཏེན ཀཐིནཏྠཱརཀེན བྷིཀྑུནཱ སམྦཧུལེ བྷིཀྑཱུ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨཉྫལིཾ ¶ པགྒཧེཏྭཱ ཨེཝམསྶུ ཝཙནཱིཡཱ – ‘‘ཨཏྠཏཾ, བྷནྟེ, སངྒྷསྶ ཀཐིནཾ, དྷམྨིཀོ ཀཐིནཏྠཱརོ, ཨནུམོདཐཱ’’ཏི. ཏེཧི ཨནུམོདཀེཧི བྷིཀྑཱུཧི ཨེཀཾསཾ ཨུཏྟརཱསངྒཾ ཀརིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཏྠཏཾ, ཨཱཝུསོ, སངྒྷསྶ ཀཐིནཾ, དྷམྨིཀོ ཀཐིནཏྠཱརོ ཨནུམོདཱམཱ’’ཏི. ཏེན ཀཐིནཏྠཱརཀེན བྷིཀྑུནཱ ཨེཀཾ བྷིཀྑུཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཏྠཏཾ, ཨཱཝུསོ, སངྒྷསྶ ཀཐིནཾ, དྷམྨིཀོ ཀཐིནཏྠཱརོ, ཨནུམོདཱཧཱི’’ཏི. ཏེན ཨནུམོདཀེན བྷིཀྑུནཱ ཨེཀཾསཾ ཨུཏྟརཱསངྒཾ ཀརིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘‘ཨཏྠཏཾ, ཨཱཝུསོ, སངྒྷསྶ ཀཐིནཾ, དྷམྨིཀོ ཀཐིནཏྠཱརོ, ཨནུམོདཱམཱི’’ཏི.

༥. པུགྒལསྶེཝཀཐིནཏྠཱརོ

༤༡༤. སངྒྷོ ཀཐིནཾ ཨཏྠརཏི, གཎོ ཀཐིནཾ ཨཏྠརཏི, པུགྒལོ ཀཐིནཾ ཨཏྠརཏཱིཏི. ན སངྒྷོ ཀཐིནཾ ཨཏྠརཏི, ན གཎོ ཀཐིནཾ ཨཏྠརཏི, པུགྒལོ ཀཐིནཾ ཨཏྠརཏཱིཏི. ཧཉྩི ན སངྒྷོ ཀཐིནཾ ཨཏྠརཏི, ན གཎོ ཀཐིནཾ ཨཏྠརཏི, པུགྒལོ ཀཐིནཾ ཨཏྠརཏི. སངྒྷསྶ ཨནཏྠཏཾ ¶ ཧོཏི ཀཐིནཾ, གཎསྶ ཨནཏྠཏཾ ཧོཏི ཀཐིནཾ, པུགྒལསྶ ཨཏྠཏཾ ཧོཏི ཀཐིནཾ. སངྒྷོ པཱཏིམོཀྑཾ ཨུདྡིསཏི གཎོ པཱཏིམོཀྑཾ ཨུདྡིསཏི པུགྒལོ པཱཏིམོཀྑཾ ཨུདྡིསཏཱིཏི ན སངྒྷོ པཱཏིམོཀྑཾ ཨུདྡིསཏི, ན གཎོ པཱཏིམོཀྑཾ ཨུདྡིསཏི, པུགྒལོ པཱཏིམོཀྑཾ ཨུདྡིསཏཱིཏི. ཧཉྩི ན སངྒྷོ པཱཏིམོཀྑཾ ཨུདྡིསཏི, ན གཎོ པཱཏིམོཀྑཾ ཨུདྡིསཏི, པུགྒལོ པཱཏིམོཀྑཾ ཨུདྡིསཏི. སངྒྷསྶ ཨནུདྡིཊྛཾ ཧོཏི པཱཏིམོཀྑཾ, གཎསྶ ཨནུདྡིཊྛཾ ཧོཏི པཱཏིམོཀྑཾ, པུགྒལསྶ ཨུདྡིཊྛཾ ཧོཏི པཱཏིམོཀྑཾ. སངྒྷསྶ སཱམགྒིཡཱ གཎསྶ སཱམགྒིཡཱ པུགྒལསྶ ཨུདྡེསཱ སངྒྷསྶ ཨུདྡིཊྛཾ ཧོཏི པཱཏིམོཀྑཾ, གཎསྶ ཨུདྡིཊྛཾ ཧོཏི པཱཏིམོཀྑཾ, པུགྒལསྶ ཨུདྡིཊྛཾ ཧོཏི པཱཏིམོཀྑཾ. ཨེཝམེཝ ན སངྒྷོ ཀཐིནཾ ཨཏྠརཏི, ན ¶ གཎོ ཀཐིནཾ ཨཏྠརཏི, པུགྒལོ ཀཐིནཾ ཨཏྠརཏི. སངྒྷསྶ ཨནུམོདནཱཡ གཎསྶ ཨནུམོདནཱཡ པུགྒལསྶ ཨཏྠཱརཱ སངྒྷསྶ ཨཏྠཏཾ ཧོཏི ཀཐིནཾ, གཎསྶ ཨཏྠཏཾ ཧོཏི ཀཐིནཾ, པུགྒལསྶ ཨཏྠཏཾ ཧོཏི ཀཐིནནྟི.

༦. པལིབོདྷཔཉྷཱབྱཱཀརཎཾ

༤༡༥.

པཀྐམནནྟིཀོ ¶ ཀཐིནུདྡྷཱརོ, ཝུཏྟོ ཨཱདིཙྩབནྡྷུནཱ;

ཨེཏཉྩ ཏཱཧཾ པུཙྪཱམི, ཀཏམོ པལིབོདྷོ པཋམཾ ཚིཛྫཏི.

པཀྐམནནྟིཀོ ¶ ཀཐིནུདྡྷཱརོ, ཝུཏྟོ ཨཱདིཙྩབནྡྷུནཱ;

ཨེཏཉྩ ཏཱཧཾ ཝིསྶཛྫིསྶཾ, ཙཱིཝརཔལིབོདྷོ པཋམཾ ཚིཛྫཏི;

ཏསྶ སཧ བཧིསཱིམགམནཱ, ཨཱཝཱསཔལིབོདྷོ ཚིཛྫཏི.

ནིཊྛཱནནྟིཀོ ཀཐིནུདྡྷཱརོ, ཝུཏྟོ ཨཱདིཙྩབནྡྷུནཱ;

ཨེཏཉྩ ཏཱཧཾ པུཙྪཱམི, ཀཏམོ པལིབོདྷོ པཋམཾ ཚིཛྫཏི.

ནིཊྛཱནནྟིཀོ ཀཐིནུདྡྷཱརོ, ཝུཏྟོ ཨཱདིཙྩབནྡྷུནཱ;

ཨེཏཉྩ ཏཱཧཾ ཝིསྶཛྫིསྶཾ, ཨཱཝཱསཔལིབོདྷོ ¶ པཋམཾ ཚིཛྫཏི;

ཙཱིཝརེ ནིཊྛིཏེ ཙཱིཝརཔལིབོདྷོ ཚིཛྫཏི.

སནྣིཊྛཱནནྟིཀོ ཀཐིནུདྡྷཱརོ, ཝུཏྟོ ཨཱདིཙྩབནྡྷུནཱ;

ཨེཏཉྩ ཏཱཧཾ པུཙྪཱམི, ཀཏམོ པལིབོདྷོ པཋམཾ ཚིཛྫཏི.

སནྣིཊྛཱནནྟིཀོ ཀཐིནུདྡྷཱརོ, ཝུཏྟོ ཨཱདིཙྩབནྡྷུནཱ;

ཨེཏཉྩ ཏཱཧཾ ཝིསྶཛྫིསྶཾ, དྭེ པལིབོདྷཱ ཨཔུབྦཾ ཨཙརིམཾ ཚིཛྫནྟི.

ནཱསནནྟིཀོ ¶ ཀཐིནུདྡྷཱརོ, ཝུཏྟོ ཨཱདིཙྩབནྡྷུནཱ;

ཨེཏཉྩ ཏཱཧཾ པུཙྪཱམི, ཀཏམོ པལིབོདྷོ པཋམཾ ཚིཛྫཏི.

ནཱསནནྟིཀོ ཀཐིནུདྡྷཱརོ, ཝུཏྟོ ཨཱདིཙྩབནྡྷུནཱ;

ཨེཏཉྩ ཏཱཧཾ ཝིསྶཛྫིསྶཾ, ཨཱཝཱསཔལིབོདྷོ པཋམཾ ཚིཛྫཏི;

ཙཱིཝརེ ནཊྛེ ཙཱིཝརཔལིབོདྷོ ཚིཛྫཏི.

སཝནནྟིཀོ ¶ ¶ ཀཐིནུདྡྷཱརོ, ཝུཏྟོ ཨཱདིཙྩབནྡྷུནཱ;

ཨེཏཉྩ ཏཱཧཾ པུཙྪཱམི, ཀཏམོ པལིབོདྷོ པཋམཾ ཚིཛྫཏི.

སཝནནྟིཀོ ཀཐིནུདྡྷཱརོ, ཝུཏྟོ ཨཱདིཙྩབནྡྷུནཱ;

ཨེཏཉྩ ཏཱཧཾ ཝིསྶཛྫིསྶཾ, ཙཱིཝརཔལིབོདྷོ པཋམཾ ཚིཛྫཏི;

ཏསྶ སཧ སཝནེན, ཨཱཝཱསཔལིབོདྷོ ཚིཛྫཏི.

ཨཱསཱཝཙྪེདིཀོ ཀཐིནུདྡྷཱརོ, ཝུཏྟོ ཨཱདིཙྩབནྡྷུནཱ;

ཨེཏཉྩ ཏཱཧཾ པུཙྪཱམི, ཀཏམོ པལིབོདྷོ པཋམཾ ཚིཛྫཏི.

ཨཱསཱཝཙྪེདིཀོ ཀཐིནུདྡྷཱརོ, ཝུཏྟོ ཨཱདིཙྩབནྡྷུནཱ;

ཨེཏཉྩ ཏཱཧཾ ཝིསྶཛྫིསྶཾ, ཨཱཝཱསཔལིབོདྷོ པཋམཾ ཚིཛྫཏི;

ཙཱིཝརཱསཱཡ ཨུཔཙྪིནྣཱཡ ཙཱིཝརཔལིབོདྷོ ཚིཛྫཏི.

སཱིམཱཏིཀྐམནནྟིཀོ ཀཐིནུདྡྷཱརོ, ཝུཏྟོ ཨཱདིཙྩབནྡྷུནཱ;

ཨེཏཉྩ ཏཱཧཾ པུཙྪཱམི, ཀཏམོ ¶ པལིབོདྷོ པཋམཾ ཚིཛྫཏི.

སཱིམཱཏིཀྐམནནྟིཀོ ཀཐིནུདྡྷཱརོ, ཝུཏྟོ ཨཱདིཙྩབནྡྷུནཱ;

ཨེཏཉྩ ཏཱཧཾ ཝིསྶཛྫིསྶཾ, ཙཱིཝརཔལིབོདྷོ པཋམཾ ཚིཛྫཏི;

ཏསྶ བཧིསཱིམེ [བཧིསཱིམགཏསྶ (སཱི. སྱཱ.)] ཨཱཝཱསཔལིབོདྷོ ཚིཛྫཏི.

སཧུབྦྷཱརོ ཀཐིནུདྡྷཱརོ [སཨུབྦྷཱརོ (ཀ.)], ཝུཏྟོ ཨཱདིཙྩབནྡྷུནཱ;

ཨེཏཉྩ ཏཱཧཾ པུཙྪཱམི, ཀཏམོ པལིབོདྷོ པཋམཾ ཚིཛྫཏི.

སཧུབྦྷཱརོ ཀཐིནུདྡྷཱརོ, ཝུཏྟོ ཨཱདིཙྩབནྡྷུནཱ;

ཨེཏཉྩ ཏཱཧཾ ཝིསྶཛྫིསྶཾ, དྭེ པལིབོདྷཱ ཨཔུབྦཾ ཨཙརིམཾ ཚིཛྫནྟཱིཏི.

༤༡༦. ཀཏི ཀཐིནུདྡྷཱརཱ སངྒྷཱདྷཱིནཱ? ཀཏི ཀཐིནུདྡྷཱརཱ པུགྒལཱདྷཱིནཱ? ཀཏི ཀཐིནུདྡྷཱརཱ ནེཝ སངྒྷཱདྷཱིནཱ ན པུགྒལཱདྷཱིནཱ? ཨེཀོ ཀཐིནུདྡྷཱརོ སངྒྷཱདྷཱིནོ ¶ – ཨནྟརུབྦྷཱརོ. ཙཏྟཱརོ ཀཐིནུདྡྷཱརཱ པུགྒལཱདྷཱིནཱ – པཀྐམནནྟིཀོ, ནིཊྛཱནནྟིཀོ, སནྣིཊྛཱནནྟིཀོ, སཱིམཱཏིཀྐམནནྟིཀོ ¶ . ཙཏྟཱརོ ཀཐིནུདྡྷཱརཱ ནེཝ སངྒྷཱདྷཱིནཱ ན པུགྒལཱདྷཱིནཱ – ནཱསནནྟིཀོ, སཝནནྟིཀོ, ཨཱསཱཝཙྪེདིཀོ, སཧུབྦྷཱརོ. ཀཏི ¶ ¶ ཀཐིནུདྡྷཱརཱ ཨནྟོསཱིམཱཡ ཨུདྡྷརིཡྻནྟི? ཀཏི ཀཐིནུདྡྷཱརཱ བཧིསཱིམཱཡ ཨུདྡྷརིཡྻནྟི? ཀཏི ཀཐིནུདྡྷཱརཱ སིཡཱ ཨནྟོསཱིམཱཡ ཨུདྡྷརིཡྻནྟི སིཡཱ བཧིསཱིམཱཡ ཨུདྡྷརིཡྻནྟི? དྭེ ཀཐིནུདྡྷཱརཱ ཨནྟོསཱིམཱཡ ཨུདྡྷརིཡྻནྟི – ཨནྟརུབྦྷཱརོ, སཧུབྦྷཱརོ. ཏཡོ ཀཐིནུདྡྷཱརཱ བཧིསཱིམཱཡ ཨུདྡྷརིཡྻནྟི – པཀྐམནནྟིཀོ, སཝནནྟིཀོ, སཱིམཱཏིཀྐམནནྟིཀོ. ཙཏྟཱརོ ཀཐིནུདྡྷཱརཱ སིཡཱ ཨནྟོསཱིམཱཡ ཨུདྡྷརིཡྻནྟི སིཡཱ བཧིསཱིམཱཡ ཨུདྡྷརིཡྻནྟི – ནིཊྛཱནནྟིཀོ, སནྣིཊྛཱནནྟིཀོ, ནཱསནནྟིཀོ, ཨཱསཱཝཙྪེདིཀོ.

ཀཏི ཀཐིནུདྡྷཱརཱ ཨེཀུཔྤཱདཱ ཨེཀནིརོདྷཱ? ཀཏི ཀཐིནུདྡྷཱརཱ ཨེཀུཔྤཱདཱ ནཱནཱནིརོདྷཱ? དྭེ ཀཐིནུདྡྷཱརཱ ཨེཀུཔྤཱདཱ ཨེཀནིརོདྷཱ – ཨནྟརུབྦྷཱརོ, སཧུབྦྷཱརོ. ཨཝསེསཱ ཀཐིནུདྡྷཱརཱ ཨེཀུཔྤཱདཱ ནཱནཱནིརོདྷཱཏི.

ཀཐིནབྷེདོ ནིཊྛིཏོ.

ཏསྶུདྡཱནཾ –

ཀསྶ ཀིནྟི པནྣརས, དྷམྨཱ ནིདཱནཧེཏུ ཙ;

པཙྩཡསངྒཧམཱུལཱ, ཨཱདི ཙ ཨཏྠཱརཔུགྒལཱ [ཨཊྛཔུགྒལཱ (སཱི.)].

ཏིཎྞཾ [བྷེདཏོ ཏིཎྞཾ (ཀ.)] ཏཡོ ཛཱནིཏབྦཾ, ཨཏྠཱརཾ ཨུདྡེསེན ཙ;

པལིབོདྷཱདྷིནཱ, སཱིམཱཡ ཨུཔྤཱདནིརོདྷེན ཙཱཏི [ཨིཏོ པརཾ ‘‘པརིཝཱརཾ ནིཊྛིཏཾ’’ ཨིཏིཔཱཋོ ཀེསུཙི པོཏྠཀེསུ དིསྶཏི].

ཨུཔཱལིཔཉྩཀཾ

༡. ཨནིསྶིཏཝགྒོ

༤༡༧. ཏེན ¶ ¶ ¶ ¶ སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཨཐ ཁོ ཨཱཡསྨཱ ཨུཔཱལི ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨུཔཱལི བྷགཝནྟཾ ཨེཏདཝོཙ – ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏེན བྷིཀྑུནཱ ཡཱཝཛཱིཝཾ ནཱནིསྶིཏེན ཝཏྠབྦ’’ནྟི?

‘‘པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ ཡཱཝཛཱིཝཾ ནཱནིསྶིཏེན ཝཏྠབྦཾ. [པརི. ༣༢༥] ཀཏམེཧི པཉྩཧི? ཨུཔོསཐཾ ན ཛཱནཱཏི, ཨུཔོསཐཀམྨཾ ན ཛཱནཱཏི, པཱཏིམོཀྑཾ ན ཛཱནཱཏི, པཱཏིམོཀྑུདྡེསཾ ན ཛཱནཱཏི, ཨཱུནཔཉྩཝསྶོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ཡཱཝཛཱིཝཾ ནཱནིསྶིཏེན ཝཏྠབྦཾ. པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ ཡཱཝཛཱིཝཾ ཨནིསྶིཏེན ཝཏྠབྦཾ. ཀཏམེཧི པཉྩཧི? ཨུཔོསཐཾ ཛཱནཱཏི, ཨུཔོསཐཀམྨཾ ཛཱནཱཏི, པཱཏིམོཀྑཾ ཛཱནཱཏི, པཱཏིམོཀྑུདྡེསཾ ཛཱནཱཏི, པཉྩཝསྶོ ཝཱ ཧོཏི ཨཏིརེཀཔཉྩཝསྶོ ཝཱ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ཡཱཝཛཱིཝཾ ཨནིསྶིཏེན ཝཏྠབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ཡཱཝཛཱིཝཾ ནཱནིསྶིཏེན ཝཏྠབྦཾ. ཀཏམེཧི པཉྩཧི? པཝཱརཎཾ ན ཛཱནཱཏི, པཝཱརཎཱཀམྨཾ ན ཛཱནཱཏི, པཱཏིམོཀྑཾ ¶ ན ཛཱནཱཏི, པཱཏིམོཀྑུདྡེསཾ ན ཛཱནཱཏི, ཨཱུནཔཉྩཝསྶོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ཡཱཝཛཱིཝཾ ནཱནིསྶིཏེན ཝཏྠབྦཾ. པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ ཡཱཝཛཱིཝཾ ཨནིསྶིཏེན ཝཏྠབྦཾ. ཀཏམེཧི པཉྩཧི? པཝཱརཎཾ ཛཱནཱཏི ¶ , པཝཱརཎཱཀམྨཾ ཛཱནཱཏི, པཱཏིམོཀྑཾ ཛཱནཱཏི, པཱཏིམོཀྑུདྡེསཾ ཛཱནཱཏི, པཉྩཝསྶོ ཝཱ ཧོཏི ཨཏིརེཀཔཉྩཝསྶོ ཝཱ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ཡཱཝཛཱིཝཾ ཨནིསྶིཏེན ཝཏྠབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ཡཱཝཛཱིཝཾ ནཱནིསྶིཏེན ཝཏྠབྦཾ. ཀཏམེཧི པཉྩཧི? ཨཱཔཏྟཱནཱཔཏྟིཾ ན ཛཱནཱཏི, ལཧུཀགརུཀཾ ¶ ཨཱཔཏྟིཾ ན ཛཱནཱཏི, སཱཝསེསཱནཝསེསཾ ཨཱཔཏྟིཾ ན ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ན ཛཱནཱཏི, ཨཱུནཔཉྩཝསྶོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ཡཱཝཛཱིཝཾ ནཱནིསྶིཏེན ཝཏྠབྦཾ. པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ ཡཱཝཛཱིཝཾ ཨནིསྶིཏེན ཝཏྠབྦཾ. ཀཏམེཧི པཉྩཧི? ཨཱཔཏྟཱནཱཔཏྟིཾ ཛཱནཱཏི, ལཧུཀགརུཀཾ ཨཱཔཏྟིཾ ཛཱནཱཏི, སཱཝསེསཱནཝསེསཾ ཨཱཔཏྟིཾ ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ཛཱནཱཏི, པཉྩཝསྶོ ཝཱ ཧོཏི ཨཏིརེཀཔཉྩཝསྶོ ཝཱ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ཡཱཝཛཱིཝཾ ཨནིསྶིཏེན ཝཏྠབྦཾ’’.

༤༡༨. ‘‘ཀཏིཧི ¶ ནུ ཁོ, བྷནྟེ, ཨངྒེཧི སམནྣཱགཏེན བྷིཀྑུནཱ ན ¶ ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ’’ཏི?

[མཧཱཝ. ༨༤] ‘‘པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ. ཀཏམེཧི པཉྩཧི? ན པཊིབལོ ཧོཏི ཨནྟེཝཱསིཾ ཝཱ སདྡྷིཝིཧཱརིཾ ཝཱ གིལཱནཾ ཨུཔཊྛཱཏུཾ ཝཱ ཨུཔཊྛཱཔེཏུཾ ཝཱ, ཨནབྷིརཏཾ ཝཱུཔཀཱསེཏུཾ ཝཱ ཝཱུཔཀཱསཱཔེཏུཾ ཝཱ, ཨུཔྤནྣཾ ཀུཀྐུཙྩཾ དྷམྨཏོ ཝིནོདེཏུཾ [ཨིམསྨིཾ ཋཱནེ སབྦཏྠ ‘‘ཝིནོདེཏུཾ ཝཱ ཝིནོདཱཔེཏུཾ ཝཱ’’ཏི པཱཋོ དིསྶཏི, ཝིམཏིཝིནོདནཱིཊཱིཀཱཡ མཧཱཝགྒཝཎྞནཱ ཨོལོཀེཏབྦཱ], ཨབྷིདྷམྨེ ཝིནེཏུཾ, ཨབྷིཝིནཡེ ཝིནེཏུཾ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ. པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ. ཀཏམེཧི པཉྩཧི? པཊིབལོ ཧོཏི ཨནྟེཝཱསིཾ ཝཱ སདྡྷིཝིཧཱརིཾ ཝཱ གིལཱནཾ ཨུཔཊྛཱཏུཾ ཝཱ ཨུཔཊྛཱཔེཏུཾ ཝཱ, ཨནབྷིརཏཾ ཝཱུཔཀཱསེཏུཾ ཝཱ ཝཱུཔཀཱསཱཔེཏུཾ ཝཱ, ཨུཔྤནྣཾ ཀུཀྐུཙྩཾ དྷམྨཏོ ཝིནོདེཏུཾ, ཨབྷིདྷམྨེ ཝིནེཏུཾ, ཨབྷིཝིནཡེ ཝིནེཏུཾ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ ¶ དཱཏབྦོ, ན སཱམཎེརོ ཨུཔཊྛཱཔེཏབྦོ. ཀཏམེཧི པཉྩཧི ¶ ? ན པཊིབལོ ཧོཏི ¶ ཨནྟེཝཱསིཾ ཝཱ སདྡྷིཝིཧཱརིཾ ཝཱ ཨབྷིསམཱཙཱརིཀཱཡ སིཀྑཱཡ སིཀྑཱཔེཏུཾ, ཨཱདིབྲཧྨཙཱརིཡཀཱཡ སིཀྑཱཡ ཝིནེཏུཾ, ཨདྷིསཱིལེ ཝིནེཏུཾ, ཨདྷིཙིཏྟེ ཝིནེཏུཾ, ཨདྷིཔཉྙཱཡ ཝིནེཏུཾ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ. པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ. ཀཏམེཧི པཉྩཧི? པཊིབལོ ཧོཏི ཨནྟེཝཱསིཾ ཝཱ སདྡྷིཝིཧཱརིཾ ཝཱ ཨབྷིསམཱཙཱརིཀཱཡ སིཀྑཱཡ སིཀྑཱཔེཏུཾ, ཨཱདིབྲཧྨཙཱརིཡཀཱཡ སིཀྑཱཡ ཝིནེཏུཾ, ཨདྷིསཱིལེ ཝིནེཏུཾ, ཨདྷིཙིཏྟེ ཝིནེཏུཾ, ཨདྷིཔཉྙཱཡ ཝིནེཏུཾ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ཨུཔསམྤཱདེཏབྦཾ, ནིསྶཡོ དཱཏབྦོ, སཱམཎེརོ ཨུཔཊྛཱཔེཏབྦོ’’ཏི.

༤༡༩. ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦ’’ནྟི?

པཉྩཧུཔཱལི, ཨངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ. ཀཏམེཧི པཉྩཧི? ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ, མིཙྪཱདིཊྛིཀོ ཙ ཧོཏི, ཨཱཛཱིཝཝིཔནྣོ ཙ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ. ཀཏམེཧི པཉྩཧི? ཨདྷིསཱིལེ སཱིལཝིཔནྣོ ཧོཏི, ཨཛ྄ཛྷཱཙཱརེ ཨཱཙཱརཝིཔནྣོ ཧོཏི, ཨཏིདིཊྛིཡཱ དིཊྛིཝིཔནྣོ ཧོཏི ¶ , མིཙྪཱདིཊྛིཀོ ཙ ཧོཏི, ཨཱཛཱིཝཝིཔནྣོ ཙ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ. ཀཏམེཧི པཉྩཧི? ཀཱཡིཀེན དཝེན སམནྣཱགཏོ ཧོཏི, ཝཱཙསིཀེན དཝེན སམནྣཱགཏོ ཧོཏི, ཀཱཡིཀཝཱཙསིཀེན དཝེན སམནྣཱགཏོ ཧོཏི, མིཙྪཱདིཊྛིཀོ ¶ ཙ ཧོཏི, ཨཱཛཱིཝཝིཔནྣོ ཙ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ.

‘‘ཨཔརེཧིཔི ¶ , ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ. ཀཏམེཧི པཉྩཧི? ཀཱཡིཀེན ཨནཱཙཱརེན སམནྣཱགཏོ ཧོཏི ¶ , ཝཱཙསིཀེན ཨནཱཙཱརེན སམནྣཱགཏོ ཧོཏི, ཀཱཡིཀཝཱཙསིཀེན ཨནཱཙཱརེན སམནྣཱགཏོ ཧོཏི, མིཙྪཱདིཊྛིཀོ ཙ ཧོཏི, ཨཱཛཱིཝཝིཔནྣོ ཙ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ. ཀཏམེཧི པཉྩཧི? ཀཱཡིཀེན ཨུཔགྷཱཏིཀེན སམནྣཱགཏོ ཧོཏི, ཝཱཙསིཀེན ཨུཔགྷཱཏིཀེན སམནྣཱགཏོ ཧོཏི, ཀཱཡིཀཝཱཙསིཀེན ཨུཔགྷཱཏིཀེན སམནྣཱགཏོ ཧོཏི, མིཙྪཱདིཊྛིཀོ ཙ ཧོཏི, ཨཱཛཱིཝཝིཔནྣོ ཙ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ. ཀཏམེཧི པཉྩཧི? ཀཱཡིཀེན མིཙྪཱཛཱིཝེན སམནྣཱགཏོ ¶ ཧོཏི, ཝཱཙསིཀེན མིཙྪཱཛཱིཝེན སམནྣཱགཏོ ཧོཏི, ཀཱཡིཀཝཱཙསིཀེན མིཙྪཱཛཱིཝེན སམནྣཱགཏོ ཧོཏི, མིཙྪཱདིཊྛིཀོ ཙ ཧོཏི, ཨཱཛཱིཝཝིཔནྣོ ཙ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ. ཀཏམེཧི པཉྩཧི? ཨཱཔཏྟིཾ ཨཱཔནྣོ ཀམྨཀཏོ ཨུཔསམྤཱདེཏི, ནིསྶཡཾ དེཏི, སཱམཎེརཾ ཨུཔཊྛཱཔེཏི, བྷིཀྑུནོཝཱདཀསམྨུཏིཾ སཱདིཡཏི, སམྨཏོཔི བྷིཀྑུནིཡོ ཨོཝདཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ. ཀཏམེཧི པཉྩཧི? ཡཱཡ ཨཱཔཏྟིཡཱ སངྒྷེན ཀམྨཾ ཀཏཾ ཧོཏི ཏཾ ཨཱཔཏྟིཾ ཨཱཔཛྫཏི, ཨཉྙཾ ཝཱ ཏཱདིསིཀཾ, ཏཏོ ཝཱ པཱཔིཊྛཏརཾ, ཀམྨཾ གརཧཏི, ཀམྨིཀེ གརཧཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ.

‘‘ཨཔརེཧིཔི ¶ , ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦཾ. ཀཏམེཧི པཉྩཧི? བུདྡྷསྶ ཨཝཎྞཾ བྷཱསཏི, དྷམྨསྶ ཨཝཎྞཾ བྷཱསཏི, སངྒྷསྶ ཨཝཎྞཾ བྷཱསཏི, མིཙྪཱདིཊྛིཀོ ཙ ཧོཏི, ཨཱཛཱིཝཝིཔནྣོ ཙ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ཀཱཏབྦ’’ནྟི.

ཨནིསྶིཏཝགྒོ ནིཊྛིཏོ པཋམོ.

ཏསྶུདྡཱནཾ –

ཨུཔོསཐཾ ¶ ¶ པཝཱརཎཾ, ཨཱཔཏྟི ཙ གིལཱནཀཾ;

ཨབྷིསམཱཙཱརལཛྫཱི ཙ, ཨདྷིསཱིལེ དཝེན ཙ.

ཨནཱཙཱརཾ ཨུཔགྷཱཏི, མིཙྪཱ ཨཱཔཏྟིམེཝ ཙ;

ཡཱཡཱཔཏྟིཡཱ བུདྡྷསྶ, པཋམོ ཝགྒསངྒཧོཏི.

༢. ནཔྤཊིཔྤསྶམྦྷནཝགྒོ

༤༢༠. ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏསྶ བྷིཀྑུནོ ཀམྨཾ ནཔྤཊིཔྤསྶམྦྷེཏབྦ’’ནྟི?

‘‘པཉྩཧུཔཱལི, ཨངྒེཧི སམནྣཱགཏསྶ བྷིཀྑུནོ ཀམྨཾ ནཔྤཊིཔྤསྶམྦྷེཏབྦཾ. ཀཏམེཧི པཉྩཧི ¶ ? ཨཱཔཏྟིཾ ཨཱཔནྣོ ཀམྨཀཏོ ཨུཔསམྤཱདེཏི, ནིསྶཡཾ དེཏི, སཱམཎེརཾ ཨུཔཊྛཱཔེཏི, བྷིཀྑུནོཝཱདཀསམྨུཏིཾ སཱདིཡཏི, སམྨཏོཔི བྷིཀྑུནིཡོ ཨོཝདཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ནཔྤཊིཔྤསྶམྦྷེཏབྦཾ.

[ཙཱུལ༹ཝ. ༨-༩, ༡༨, ༣༠-༣༡, ༤༣, ༥༣, ༦༢, ༧༢] ‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ནཔྤཊིཔྤསྶམྦྷེཏབྦཾ. ཀཏམེཧི པཉྩཧི? ཡཱཡ ཨཱཔཏྟིཡཱ སངྒྷེན ཀམྨཾ ཀཏཾ ཧོཏི ཏཾ ཨཱཔཏྟིཾ ཨཱཔཛྫཏི, ཨཉྙཾ ཝཱ ཏཱདིསིཀཾ, ཏཏོ ཝཱ པཱཔིཊྛཏརཾ, ཀམྨཾ གརཧཏི, ཀམྨིཀེ གརཧཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ནཔྤཊིཔྤསྶམྦྷེཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ནཔྤཊིཔྤསྶམྦྷེཏབྦཾ. ཀཏམེཧི པཉྩཧི? བུདྡྷསྶ ཨཝཎྞཾ བྷཱསཏི, དྷམྨསྶ ཨཝཎྞཾ བྷཱསཏི, སངྒྷསྶ ཨཝཎྞཾ བྷཱསཏི, མིཙྪཱདིཊྛིཀོ ཙ ¶ ཧོཏི, ཨཱཛཱིཝཝིཔནྣོ ¶ ཙ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ནཔྤཊིཔྤསྶམྦྷེཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ནཔྤཊིཔྤསྶམྦྷེཏབྦཾ. ཀཏམེཧི པཉྩཧི? ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ, ཨོམདྡཀཱརཀོ ཙ ཧོཏི, ཝཏྟེསུ ¶ སིཀྑཱཡ ཙ ན པརིཔཱུརཀཱརཱི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཀམྨཾ ནཔྤཊིཔྤསྶམྦྷེཏབྦ’’ནྟི.

༤༢༡. ‘‘སངྒཱམཱཝཙརེན, བྷནྟེ, བྷིཀྑུནཱ སངྒྷཾ ཨུཔསངྐམནྟེན ཀཏི དྷམྨེ ཨཛ྄ཛྷཏྟཾ ཨུཔཊྛཱཔེཏྭཱ སངྒྷོ ཨུཔསངྐམིཏབྦོ’’ཏི?

[པརི. ༣༦༥] ‘‘སངྒཱམཱཝཙརེན, ཨུཔཱལི, བྷིཀྑུནཱ སངྒྷཾ ཨུཔསངྐམནྟེན པཉྩ དྷམྨེ ཨཛ྄ཛྷཏྟཾ ཨུཔཊྛཱཔེཏྭཱ སངྒྷོ ཨུཔསངྐམིཏབྦོ. ཀཏམེ པཉྩ? སངྒཱམཱཝཙརེན, ཨུཔཱལི, བྷིཀྑུནཱ སངྒྷཾ ཨུཔསངྐམནྟེན ནཱིཙཙིཏྟེན སངྒྷོ ཨུཔསངྐམིཏབྦོ, རཛོཧརཎསམེན ཙིཏྟེན, ཨཱསནཀུསལེན བྷཝིཏབྦཾ ནིསྶཛྫཀུསལེན, ཐེརེ བྷིཀྑཱུ ཨནུཔཁཛྫནྟེན, ནཝེ བྷིཀྑཱུ ཨཱསནེན ཨཔྤཊིབཱཧནྟེན ཡཐཱཔཏིརཱུཔེ ཨཱསནེ ནིསཱིདིཏབྦཾ, ཨནཱནཱཀཐིཀེན བྷཝིཏབྦཾ ཨཏིརཙྪཱནཀཐིཀེན, སཱམཾ ཝཱ དྷམྨོ བྷཱསིཏབྦོ, པརོ ཝཱ ཨཛ྄ཛྷེསིཏབྦོ, ཨརིཡོ ཝཱ ཏུཎྷིབྷཱཝོ ནཱཏིམཉྙིཏབྦོ, སཙེ, ཨུཔཱལི, སངྒྷོ སམགྒཀརཎཱིཡཱནི ཀམྨཱནི ཀརོཏི ཏཏྲ ཙེ, ཨུཔཱལི, བྷིཀྑུནོ ནཀྑམཏི, ཨཔི དིཊྛཱཝིཀམྨཾ ཀཏྭཱ ཉཱཔེཏབྦཱ སཱམགྒཱི. ཏཾ ཀིསྶཧེཏུ? མཱཧཾ སངྒྷེན ནཱནཏྟོ ཨསྶནྟི. སངྒཱམཱཝཙརེནུཔཱལི ¶ , བྷིཀྑུནཱ སངྒྷཾ ཨུཔསངྐམནྟེན ཨིམེ པཉྩ དྷམྨེ ཨཛ྄ཛྷཏྟཾ ཨུཔཊྛཱཔེཏྭཱ སངྒྷོ ཨུཔསངྐམིཏབྦོ’’ཏི.

༤༢༢. ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏོ བྷིཀྑུ སངྒྷེ ཝོཧརནྟོ བཧུཛནཨཀནྟོ ཙ ཧོཏི བཧུཛནཨམནཱཔོ ཙ བཧུཛནཨརུཙིཏོ ཙཱ’’ཏི?

‘‘པཉྩཧུཔཱལི, ཨངྒེཧི སམནྣཱགཏོ བྷིཀྑུ སངྒྷེ ཝོཧརནྟོ བཧུཛནཨཀནྟོ ཙ ཧོཏི བཧུཛནཨམནཱཔོ ཙ བཧུཛནཨརུཙིཏོ ཙ. ཀཏམེཧི པཉྩཧི? ཨུསྶིཏམནྟཱི ཙ ཧོཏི, ནིསྶིཏཛཔྤཱི ཙ, ན ཙ བྷཱསཱནུསནྡྷིཀུསལོ ¶ ཧོཏི, ན ཡཐཱདྷམྨེ ཡཐཱཝིནཡེ ཡཐཱཔཏྟིཡཱ ཙོདེཏཱ ཧོཏི, ན ཡཐཱདྷམྨེ ཡཐཱཝིནཡེ ཡཐཱཔཏྟིཡཱ ཀཱརེཏཱ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ སངྒྷེ ཝོཧརནྟོ བཧུཛནཨཀནྟོ ཙ ཧོཏི བཧུཛནཨམནཱཔོ ཙ བཧུཛནཨརུཙིཏོ ཙ. པཉྩཧུཔཱལི, ཨངྒེཧི སམནྣཱགཏོ བྷིཀྑུ སངྒྷེ ཝོཧརནྟོ བཧུཛནཀནྟོ ཙ ཧོཏི བཧུཛནམནཱཔོ ཙ བཧུཛནཨརུཙིཏོ ཙ. ཀཏམེཧི པཉྩཧི? ན ཨུསྶིཏམནྟཱི ཙ ཧོཏི, ན ནིསྶིཏཛཔྤཱི ཙ, བྷཱསཱནུསནྡྷིཀུསལོ ཙ ཧོཏི, ཡཐཱདྷམྨེ ཡཐཱཝིནཡེ ཡཐཱཔཏྟིཡཱ ཙོདེཏཱ ཧོཏི, ཡཐཱདྷམྨེ ཡཐཱཝིནཡེ ཡཐཱཔཏྟིཡཱ ཀཱརེཏཱ ཧོཏི – ཨིམེཧི ཁོ, ཨུཔཱལི, པཉྩཧངྒེཧི ¶ སམནྣཱགཏོ བྷིཀྑུ སངྒྷེ ཝོཧརནྟོ བཧུཛནཀནྟོ ཙ ཧོཏི བཧུཛནམནཱཔོ ཙ བཧུཛནརུཙིཏོ ཙ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ བྷིཀྑུ སངྒྷེ ཝོཧརནྟོ བཧུཛནཨཀནྟོ ཙ ཧོཏི བཧུཛནཨམནཱཔོ ཙ ¶ བཧུཛནཨརུཙིཏོ ཙ. ཀཏམེཧི པཉྩཧི? ཨུསྶཱདེཏཱ ཙ ཧོཏི, ཨཔསཱདེཏཱ ཙ, ཨདྷམྨཾ གཎྷཱཏི, དྷམྨཾ པཊིབཱཧཏི, སམྥཉྩ བཧུཾ བྷཱསཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ སངྒྷེ ཝོཧརནྟོ བཧུཛནཨཀནྟོ ཙ ཧོཏི བཧུཛནཨམནཱཔོ ཙ བཧུཛནཨརུཙིཏོ ཙ. པཉྩཧུཔཱལི, ཨངྒེཧི སམནྣཱགཏོ བྷིཀྑུ སངྒྷེ ཝོཧརནྟོ བཧུཛནཀནྟོ ཙ ཧོཏི བཧུཛནམནཱཔོ ཙ བཧུཛནརུཙིཏོ ¶ ཙ. ཀཏམེཧི པཉྩཧི? ན ཨུསྶཱདེཏཱ ཙ ཧོཏི, ན ཨཔསཱདེཏཱ ཙ, དྷམྨཾ གཎྷཱཏི, ཨདྷམྨཾ པཊིབཱཧཏི, སམྥཉྩ ན བཧུཾ བྷཱསཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ སངྒྷེ ཝོཧརནྟོ བཧུཛནཀནྟོ ཙ ཧོཏི བཧུཛནམནཱཔོ ཙ བཧུཛནརུཙིཏོ ཙ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ བྷིཀྑུ སངྒྷེ ཝོཧརནྟོ བཧུཛནཨཀནྟོ ཙ ཧོཏི བཧུཛནཨམནཱཔོ ཙ བཧུཛནཨརུཙིཏོ ཙ. ཀཏམེཧི པཉྩཧི? པསཡ྄ཧཔཝཏྟཱ ཧོཏི, ཨནོཀཱསཀམྨཾ ཀཱརེཏྭཱ པཝཏྟཱ ཧོཏི, ན ཡཐཱདྷམྨེ ཡཐཱཝིནཡེ ཡཐཱཔཏྟིཡཱ ཙོདེཏཱ ཧོཏི, ན ཡཐཱདྷམྨེ ཡཐཱཝིནཡེ ཡཐཱཔཏྟིཡཱ ཀཱརེཏཱ ཧོཏི, ན ཡཐཱདིཊྛིཡཱ བྱཱཀཏཱ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ སངྒྷེ ཝོཧརནྟོ བཧུཛནཨཀནྟོ ཙ ཧོཏི བཧུཛནཨམནཱཔོ ¶ ཙ བཧུཛནཨརུཙིཏོ ཙ. པཉྩཧུཔཱལི, ཨངྒེཧི སམནྣཱགཏོ བྷིཀྑུ སངྒྷེ ཝོཧརནྟོ བཧུཛནཀནྟོ ཙ ཧོཏི བཧུཛནམནཱཔོ ཙ བཧུཛནརུཙིཏོ ཙ. ཀཏམེཧི པཉྩཧི? ན ¶ པསཡ྄ཧཔཝཏྟཱ ཧོཏི, ཨོཀཱསཀམྨཾ ཀཱརེཏྭཱ པཝཏྟཱ ཧོཏི, ཡཐཱདྷམྨེ ཡཐཱཝིནཡེ ཡཐཱཔཏྟིཡཱ ཙོདེཏཱ ཧོཏི, ཡཐཱདྷམྨེ ཡཐཱཝིནཡེ ཡཐཱཔཏྟིཡཱ ཀཱརེཏཱ ཧོཏི, ཡཐཱདིཊྛིཡཱ བྱཱཀཏཱ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ སངྒྷེ ཝོཧརནྟོ བཧུཛནཀནྟོ ཙ ཧོཏི བཧུཛནམནཱཔོ ཙ བཧུཛནརུཙིཏོ ཙཱ’’ཏི.

༤༢༣. ‘‘ཀཏི ནུ ཁོ, བྷནྟེ, ཨཱནིསཾསཱ ཝིནཡཔརིཡཏྟིཡཱ’’ཏི?

‘‘པཉྩིམེ, ཨུཔཱལི, ཨཱནིསཾསཱ ཝིནཡཔརིཡཏྟིཡཱ. ཀཏམེ པཉྩ? ཨཏྟནོ སཱིལཀྑནྡྷོ སུགུཏྟོ ཧོཏི སུརཀྑིཏོ, ཀུཀྐུཙྩཔཀཏཱནཾ པཊིསརཎཾ ཧོཏི, ཝིསཱརདོ སངྒྷམཛ྄ཛྷེ ¶ ཝོཧརཏི, པཙྩཏྠིཀེ སཧདྷམྨེན སུནིགྒཧིཏཾ ནིགྒཎྷཱཏི, སདྡྷམྨཊྛིཏིཡཱ པཊིཔནྣོ ཧོཏི – ཨིམེཧི ཁོ, ཨུཔཱལི, པཉྩཱནིསཾསཱ ཝིནཡཔརིཡཏྟིཡཱ’’.

ནཔྤཊིཔྤསྶམྦྷནཝགྒོ ནིཊྛིཏོ དུཏིཡོ.

ཏསྶུདྡཱནཾ –

ཨཱཔནྣོ ཡཱཡཝཎྞཉྩ, ཨལཛྫཱི སངྒཱམེན ཙ;

ཨུསྶིཏཱ ཨུསྶཱདེཏཱ ཙ, པསཡ྄ཧ པརིཡཏྟིཡཱཏི.

པཋམཡམཀཔཉྙཏྟི.

༣. ཝོཧཱརཝགྒོ

༤༢༤. ‘‘ཀཏིཧི ¶ ནུ ཁོ, བྷནྟེ, ཨངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦ’’ནྟི?

‘‘པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. ཀཏམེཧི པཉྩཧི? ཨཱཔཏྟིཾ ན ཛཱནཱཏི, ཨཱཔཏྟིསམུཊྛཱནཾ ན ཛཱནཱཏི, ཨཱཔཏྟིཡཱ པཡོགཾ ན ¶ ཛཱནཱཏི, ཨཱཔཏྟིཡཱ ཝཱུཔསམཾ ན ཛཱནཱཏི, ཨཱཔཏྟིཡཱ ན ཝིནིཙྪཡཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི ¶ སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ. ཀཏམེཧི པཉྩཧི? ཨཱཔཏྟིཾ ཛཱནཱཏི, ཨཱཔཏྟིསམུཊྛཱནཾ ཛཱནཱཏི, ཨཱཔཏྟིཡཱ པཡོགཾ ཛཱནཱཏི, ཨཱཔཏྟིཡཱ ཝཱུཔསམཾ ཛཱནཱཏི, ཨཱཔཏྟིཡཱ ཝིནིཙྪཡཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. ཀཏམེཧི པཉྩཧི? ཨདྷིཀརཎཾ ན ཛཱནཱཏི, ཨདྷིཀརཎསམུཊྛཱནཾ ན ཛཱནཱཏི, ཨདྷིཀརཎསྶ པཡོགཾ ན ཛཱནཱཏི, ཨདྷིཀརཎསྶ ཝཱུཔསམཾ ན ཛཱནཱཏི, ཨདྷིཀརཎསྶ ན ཝིནིཙྪཡཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ. ཀཏམེཧི པཉྩཧི? ཨདྷིཀརཎཾ ཛཱནཱཏི ¶ , ཨདྷིཀརཎསམུཊྛཱནཾ ཛཱནཱཏི, ཨདྷིཀརཎསྶ པཡོགཾ ཛཱནཱཏི, ཨདྷིཀརཎསྶ ཝཱུཔསམཾ ཛཱནཱཏི, ཨདྷིཀརཎསྶ ཝིནིཙྪཡཀུསལོ ཧོཏི – ཨིམེཧི ཁོ, ཨུཔཱལི པཉྩཧངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏེན ¶ བྷིཀྑུནཱ སངྒྷེ ན ཝོཧརིཏབྦཾ. ཀཏམེཧི པཉྩཧི? པསཡ྄ཧཔཝཏྟཱ ཧོཏི, ཨནོཀཱསཀམྨཾ ཀཱརེཏྭཱ པཝཏྟཱ ཧོཏི, ན ཡཐཱདྷམྨེ ཡཐཱཝིནཡེ ཡཐཱཔཏྟིཡཱ ཙོདེཏཱ ཧོཏི, ན ཡཐཱདྷམྨེ ཡཐཱཝིནཡེ ཡཐཱཔཏྟིཡཱ ཀཱརེཏཱ ཧོཏི, ན ཡཐཱདིཊྛིཡཱ བྱཱཀཏཱ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ. ཀཏམེཧི པཉྩཧི? ན པསཡ྄ཧཔཝཏྟཱ ཧོཏི, ཨོཀཱསཀམྨཾ ཀཱརེཏྭཱ པཝཏྟཱ ཧོཏི, ཡཐཱདྷམྨེ ཡཐཱཝིནཡེ ཡཐཱཔཏྟིཡཱ ཙོདེཏཱ ཧོཏི, ཡཐཱདྷམྨེ ཡཐཱཝིནཡེ ཡཐཱཔཏྟིཡཱ ཀཱརེཏཱ ཧོཏི, ཡཐཱདིཊྛིཡཱ བྱཱཀཏཱ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. ཀཏམེཧི པཉྩཧི? ཨཱཔཏྟཱནཱཔཏྟིཾ ན ཛཱནཱཏི, ལཧུཀགརུཀཾ ཨཱཔཏྟིཾ ན ཛཱནཱཏི, སཱཝསེསཱནཝསེསཾ ཨཱཔཏྟིཾ ན ཛཱནཱཏི, དུཊྛུལླཱདུཊྛུལླཾ ¶ ཨཱཔཏྟིཾ ན ཛཱནཱཏི, སཔྤཊིཀམྨཾ ཨཔྤཊིཀམྨཾ ཨཱཔཏྟིཾ ན ཛཱནཱཏི – ཨིམེཧི ¶ ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ. ཀཏམེཧི པཉྩཧི? ཨཱཔཏྟཱནཱཔཏྟིཾ ཛཱནཱཏི, ལཧུཀགརུཀཾ ཨཱཔཏྟིཾ ཛཱནཱཏི, སཱཝསེསཱནཝསེསཾ ཨཱཔཏྟིཾ ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ཛཱནཱཏི, སཔྤཊིཀམྨཾ ཨཔྤཊིཀམྨཾ ཨཱཔཏྟིཾ ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. ཀཏམེཧི པཉྩཧི? ཀམྨཾ ན ཛཱནཱཏི, ཀམྨསྶ ཀརཎཾ ན ཛཱནཱཏི, ཀམྨསྶ ཝཏྠུཾ ན ཛཱནཱཏི, ཀམྨསྶ ཝཏྟཾ ན ཛཱནཱཏི, ཀམྨསྶ ཝཱུཔསམཾ ན ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. པཉྩཧུཔཱལི ¶ , ཨངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ. ཀཏམེཧི པཉྩཧི? ཀམྨཾ ཛཱནཱཏི, ཀམྨསྶ ཀརཎཾ ཛཱནཱཏི, ཀམྨསྶ ཝཏྠུཾ ཛཱནཱཏི, ཀམྨསྶ ཝཏྟཾ ཛཱནཱཏི, ཀམྨསྶ ཝཱུཔསམཾ ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ.

‘‘ཨཔརེཧིཔི ¶ , ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. ཀཏམེཧི པཉྩཧི? ཝཏྠུཾ ན ཛཱནཱཏི, ནིདཱནཾ ན ཛཱནཱཏི, པཉྙཏྟིཾ ན ཛཱནཱཏི, པདཔཙྩཱབྷཊྛཾ ན ཛཱནཱཏི, ཨནུསནྡྷིཝཙནཔཐཾ ན ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ. ཀཏམེཧི པཉྩཧི? ཝཏྠུཾ ཛཱནཱཏི, ནིདཱནཾ ཛཱནཱཏི, པཉྙཏྟིཾ ཛཱནཱཏི, པདཔཙྩཱབྷཊྛཾ ཛཱནཱཏི, ཨནུསནྡྷིཝཙནཔཐཾ ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ ¶ . ཀཏམེཧི པཉྩཧི? ཚནྡཱགཏིཾ གཙྪཏི, དོསཱགཏིཾ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི, ཨལཛྫཱི ཙ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ. ཀཏམེཧི པཉྩཧི? ན ཚནྡཱགཏིཾ གཙྪཏི, ན དོསཱགཏིཾ གཙྪཏི, ན མོཧཱགཏིཾ ¶ གཙྪཏི, ན བྷཡཱགཏིཾ གཙྪཏི, ལཛྫཱི ཙ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. ཀཏམེཧི པཉྩཧི? ཚནྡཱགཏིཾ གཙྪཏི, དོསཱགཏིཾ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི, ཨཀུསལོ ཙ ཧོཏི ཝིནཡེ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ. ཀཏམེཧི པཉྩཧི? ན ཚནྡཱགཏིཾ གཙྪཏི, ན དོསཱགཏིཾ གཙྪཏི, ན མོཧཱགཏིཾ གཙྪཏི, ན བྷཡཱགཏིཾ གཙྪཏི, ཀུསལོ ཙ ཧོཏི ཝིནཡེ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. ཀཏམེཧི པཉྩཧི? ཉཏྟིཾ ན ཛཱནཱཏི, ཉཏྟིཡཱ ཀརཎཾ ན ཛཱནཱཏི, ཉཏྟིཡཱ ཨནུསྶཱཝནཾ ན ཛཱནཱཏི, ཉཏྟིཡཱ སམཐཾ ན ཛཱནཱཏི, ཉཏྟིཡཱ ཝཱུཔསམཾ ན ཛཱནཱཏི – ཨིམེཧི ཁོ, ཨུཔཱལི ¶ , པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ. ཀཏམེཧི པཉྩཧི? ཉཏྟིཾ ཛཱནཱཏི, ཉཏྟིཡཱ ཀརཎཾ ¶ ཛཱནཱཏི, ཉཏྟིཡཱ ཨནུསྶཱཝནཾ ཛཱནཱཏི, ཉཏྟིཡཱ སམཐཾ ཛཱནཱཏི, ཉཏྟིཡཱ ཝཱུཔསམཾ ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. ཀཏམེཧི པཉྩཧི? སུཏྟཾ ན ཛཱནཱཏི, སུཏྟཱནུལོམཾ ན ཛཱནཱཏི, ཝིནཡཾ ན ཛཱནཱཏི, ཝིནཡཱནུལོམཾ ན ཛཱནཱཏི, ན ཙ ཋཱནཱཋཱནཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ. ཀཏམེཧི པཉྩཧི? སུཏྟཾ ཛཱནཱཏི, སུཏྟཱནུལོམཾ ཛཱནཱཏི, ཝིནཡཾ ཛཱནཱཏི, ཝིནཡཱནུལོམཾ ཛཱནཱཏི, ཋཱནཱཋཱནཀུསལོ ཙ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ.

‘‘ཨཔརེཧིཔི ¶ , ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. ཀཏམེཧི པཉྩཧི? དྷམྨཾ ན ཛཱནཱཏི, དྷམྨཱནུལོམཾ ན ཛཱནཱཏི, ཝིནཡཾ ན ཛཱནཱཏི, ཝིནཡཱནུལོམཾ ན ཛཱནཱཏི, ན ཙ པུབྦཱཔརཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ན ཝོཧརིཏབྦཾ. པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦཾ. ཀཏམེཧི ¶ པཉྩཧི? དྷམྨཾ ཛཱནཱཏི, དྷམྨཱནུལོམཾ ཛཱནཱཏི, ཝིནཡཾ ཛཱནཱཏི, ཝིནཡཱནུལོམཾ ཛཱནཱཏི, པུབྦཱཔརཀུསལོ ཙ ཧོཏི – ཨིམེཧི ¶ ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སངྒྷེ ཝོཧརིཏབྦ’’ནྟི.

ཝོཧཱརཝགྒོ ནིཊྛིཏོ ཏཏིཡོ.

ཏསྶུདྡཱནཾ –

ཨཱཔཏྟི ཨདྷིཀརཎཾ, པསཡ྄ཧཱཔཏྟི ཛཱནནཱ;

ཀམྨཾ ཝཏྠུཾ ཨལཛྫཱི ཙ, ཨཀུསལོ ཙ ཉཏྟིཡཱ;

སུཏྟཾ ན ཛཱནཱཏི དྷམྨཾ, ཏཏིཡོ ཝགྒསངྒཧོཏི.

༤. དིཊྛཱཝིཀམྨཝགྒོ

༤༢༥. ‘‘ཀཏི ནུ ཁོ, བྷནྟེ, ཨདྷམྨིཀཱ དིཊྛཱཝིཀམྨཱ’’ཏི? ‘‘པཉྩིམེ, ཨུཔཱལི, ཨདྷམྨིཀཱ དིཊྛཱཝིཀམྨཱ. ཀཏམེ པཉྩ? ཨནཱཔཏྟིཡཱ དིཊྛིཾ ཨཱཝི ཀརོཏི, ཨདེསནཱགཱམིནིཡཱ ¶ ཨཱཔཏྟིཡཱ དིཊྛིཾ ཨཱཝི ཀརོཏི, དེསིཏཱཡ ཨཱཔཏྟིཡཱ དིཊྛིཾ ཨཱཝི ཀརོཏི, ཙཏཱུཧི པཉྩཧི དིཊྛིཾ ཨཱཝི ཀརོཏི, མནོ མཱནསེན དིཊྛིཾ ཨཱཝི ཀརོཏི – ཨིམེ ཁོ, ཨུཔཱལི, པཉྩ ཨདྷམྨིཀཱ དིཊྛཱཝིཀམྨཱ.

‘‘པཉྩིམེ, ཨུཔཱལི, དྷམྨིཀཱ དིཊྛཱཝིཀམྨཱ. ཀཏམེ པཉྩ? ཨཱཔཏྟིཡཱ དིཊྛིཾ ཨཱཝི ཀརོཏི, དེསནཱགཱམིནིཡཱ ཨཱཔཏྟིཡཱ དིཊྛིཾ ཨཱཝི ཀརོཏི, ཨདེསིཏཱཡ ཨཱཔཏྟིཡཱ དིཊྛིཾ ཨཱཝི ཀརོཏི, ན ཙཏཱུཧི པཉྩཧི དིཊྛིཾ ཨཱཝི ཀརོཏི, ན མནོ མཱནསེན དིཊྛིཾ ཨཱཝི ཀརོཏི – ཨིམེ ཁོ, ཨུཔཱལི, པཉྩ དྷམྨིཀཱ དིཊྛཱཝིཀམྨཱ.

‘‘ཨཔརེཔི ¶ , ཨུཔཱལི, པཉྩ ཨདྷམྨིཀཱ དིཊྛཱཝིཀམྨཱ. ཀཏམེ ¶ པཉྩ? ནཱནཱསཾཝཱསཀསྶ སནྟིཀེ དིཊྛིཾ ཨཱཝི ཀརོཏི, ནཱནཱསཱིམཱཡ ཋིཏསྶ སནྟིཀེ དིཊྛིཾ ཨཱཝི ཀརོཏི, ཨཔཀཏཏྟསྶ སནྟིཀེ དིཊྛིཾ ཨཱཝི ཀརོཏི, ཙཏཱུཧི པཉྩཧི དིཊྛིཾ ཨཱཝི ཀརོཏི, མནོ མཱནསེན དིཊྛིཾ ཨཱཝི ཀརོཏི – ཨིམེ ཁོ, ཨུཔཱལི, པཉྩ ཨདྷམྨིཀཱ དིཊྛཱཝིཀམྨཱ.

‘‘པཉྩིམེ, ཨུཔཱལི, དྷམྨིཀཱ དིཊྛཱཝིཀམྨཱ. ཀཏམེ པཉྩ? སམཱནསཾཝཱསཀསྶ སནྟིཀེ དིཊྛིཾ ཨཱཝི ཀརོཏི, སམཱནསཱིམཱཡ ཋིཏསྶ སནྟིཀེ དིཊྛིཾ ཨཱཝི ཀརོཏི, པཀཏཏྟསྶ སནྟིཀེ དིཊྛིཾ ཨཱཝི ཀརོཏི, ན ཙཏཱུཧི པཉྩཧི དིཊྛིཾ ཨཱཝི ཀརོཏི, ན མནོ མཱནསེན དིཊྛིཾ ཨཱཝི ཀརོཏི – ཨིམེ ཁོ, ཨུཔཱལི, པཉྩ དྷམྨིཀཱ དིཊྛཱཝིཀམྨཱཏི.

༤༢༦. ‘‘ཀཏི ནུ ཁོ, བྷནྟེ, ཨདྷམྨིཀཱ པཊིགྒཧཱ’’ཏི? ‘‘པཉྩིམེ, ཨུཔཱལི, ཨདྷམྨིཀཱ པཊིགྒཧཱ. ཀཏམེ པཉྩ? ཀཱཡེན དིཡྻམཱནཾ ཀཱཡེན ཨཔྤཊིགྒཧིཏཾ, ཀཱཡེན དིཡྻམཱནཾ ཀཱཡཔྤཊིབདྡྷེན ཨཔྤཊིགྒཧིཏཾ, ཀཱཡཔྤཊིབདྡྷེན དིཡྻམཱནཾ ཀཱཡེན ཨཔྤཊིགྒཧིཏཾ, ཀཱཡཔྤཊིབདྡྷེན དིཡྻམཱནཾ ཀཱཡཔྤཊིབདྡྷེན ཨཔྤཊིགྒཧིཏཾ, ནིསྶགྒིཡེན དིཡྻམཱནཾ ཀཱཡེན ཝཱ ཀཱཡཔྤཊིབདྡྷེན ཝཱ ཨཔྤཊིགྒཧིཏཾ – ཨིམེ ཁོ, ཨུཔཱལི, པཉྩ ཨདྷམྨིཀཱ པཊིགྒཧཱ.

‘‘པཉྩིམེ, ཨུཔཱལི, དྷམྨིཀཱ པཊིགྒཧཱ. ཀཏམེ པཉྩ? ཀཱཡེན དིཡྻམཱནཾ ཀཱཡེན པཊིགྒཧིཏཾ, ཀཱཡེན དིཡྻམཱནཾ ཀཱཡཔྤཊིབདྡྷེན པཊིགྒཧིཏཾ, ཀཱཡཔྤཊིབདྡྷེན དིཡྻམཱནཾ ཀཱཡེན པཊིགྒཧིཏཾ, ཀཱཡཔྤཊིབདྡྷེན དིཡྻམཱནཾ ཀཱཡཔྤཊིབདྡྷེན པཊིགྒཧིཏཾ, ནིསྶགྒིཡེན དིཡྻམཱནཾ ཀཱཡེན ཝཱ ཀཱཡཔྤཊིབདྡྷེན ཝཱ པཊིགྒཧིཏཾ – ཨིམེ ¶ ཁོ, ཨུཔཱལི, པཉྩ དྷམྨིཀཱ པཊིགྒཧཱ’’ཏི.

༤༢༧. ‘‘ཀཏི ¶ ¶ ནུ ཁོ, བྷནྟེ, ཨནཏིརིཏྟཱ’’ཏི? ‘‘པཉྩིམེ, ཨུཔཱལི, ཨནཏིརིཏྟཱ. ཀཏམེ པཉྩ? [པཱཙི. ༢༣༩] ཨཀཔྤིཡཀཏཾ ཧོཏི, ཨཔྤཊིགྒཧིཏཀཏཾ ཧོཏི ཨནུཙྩཱརིཏཀཏཾ ཧོཏི, ཨཧཏྠཔཱསེ ཀཏཾ ཧོཏི, ཨལམེཏཾ སབྦནྟི ཨཝུཏྟཾ ཧོཏི – ཨིམེ ཁོ, ཨུཔཱལི, པཉྩ ཨནཏིརིཏྟཱ.

‘‘པཉྩིམེ, ཨུཔཱལི, ཨཏིརིཏྟཱ. ཀཏམེ པཉྩ? [པཱཙི. ༢༣༩] ཀཔྤིཡཀཏཾ ཧོཏི, པཊིགྒཧིཏཀཏཾ ཧོཏི, ཨུཙྩཱརིཏཀཏཾ ཧོཏི, ཧཏྠཔཱསེ ཀཏཾ ཧོཏི, ཨལམེཏཾ སབྦནྟི ཝུཏྟཾ ཧོཏི – ཨིམེ ཁོ, ཨུཔཱལི, པཉྩ ཨཏིརིཏྟཱ’’ཏི.

༤༢༨. ‘‘ཀཏིཧི ¶ ནུ ཁོ, བྷནྟེ, ཨཱཀཱརེཧི པཝཱརཎཱ པཉྙཱཡཏཱི’’ཏི? ‘‘པཉྩཧུཔཱལི, ཨཱཀཱརེཧི པཝཱརཎཱ པཉྙཱཡཏི. ཀཏམེཧི པཉྩཧི? [པཱཙི. ༢༣༩] ཨསནཾ པཉྙཱཡཏི, བྷོཛནཾ པཉྙཱཡཏི, ཧཏྠཔཱསེ ཋིཏོ ཨབྷིཧརཏི, པཊིཀྑེཔོ པཉྙཱཡཏི – ཨིམེཧི ཁོ, ཨུཔཱལི, པཉྩཧཱཀཱརེཧི པཝཱརཎཱ པཉྙཱཡཏཱི’’ཏི.

༤༢༩. ‘‘ཀཏི ནུ ཁོ, བྷནྟེ, ཨདྷམྨིཀཱ པཊིཉྙཱཏཀརཎཱ’’ཏི? ‘‘པཉྩིམེ, ཨུཔཱལི, ཨདྷམྨིཀཱ པཊིཉྙཱཏཀརཎཱ. ཀཏམེ པཉྩ? བྷིཀྑུ པཱརཱཛིཀཾ ཨཛ྄ཛྷཱཔནྣོ ཧོཏི, པཱརཱཛིཀེན ཙོདིཡམཱནོ སངྒྷཱདིསེསཾ ཨཛ྄ཛྷཱཔནྣོ པཊིཛཱནཱཏི, ཏཾ སངྒྷོ སངྒྷཱདིསེསེན ཀཱརེཏི, ཨདྷམྨིཀཾ པཊིཉྙཱཏཀརཎཾ ¶ . བྷིཀྑུ པཱརཱཛིཀཾ ཨཛ྄ཛྷཱཔནྣོ ཧོཏི, པཱརཱཛིཀེན ཙོདིཡམཱནོ པཱཙིཏྟིཡཾ…པེ… པཱཊིདེསནཱིཡཾ… དུཀྐཊཾ ཨཛ྄ཛྷཱཔནྣོ པཊིཛཱནཱཏི, ཏཾ སངྒྷོ དུཀྐཊེན ཀཱརེཏི, ཨདྷམྨིཀཾ པཊིཉྙཱཏཀརཎཾ. བྷིཀྑུ སངྒྷཱདིསེསཾ…པེ… པཱཙིཏྟིཡཾ… པཱཊིདེསནཱིཡཾ… དུཀྐཊཾ ཨཛ྄ཛྷཱཔནྣོ ཧོཏི. དུཀྐཊེན ཙོདིཡམཱནོ པཱརཱཛིཀཾ ཨཛ྄ཛྷཱཔནྣོ པཊིཛཱནཱཏི, ཏཾ སངྒྷོ པཱརཱཛིཀེན ཀཱརེཏི, ཨདྷམྨིཀཾ པཊིཉྙཱཏཀརཎཾ. བྷིཀྑུ དུཀྐཊཾ ཨཛ྄ཛྷཱཔནྣོ ཧོཏི, དུཀྐཊེན ཙོདིཡམཱནོ སངྒྷཱདིསེསཾ…པེ… པཱཙིཏྟིཡཾ… པཱཊིདེསནཱིཡཾ ཨཛ྄ཛྷཱཔནྣོ པཊིཛཱནཱཏི, ཏཾ སངྒྷོ པཱཊིདེསནཱིཡེན ཀཱརེཏི – ཨདྷམྨིཀཾ པཊིཉྙཱཏཀརཎཾ. ཨིམེ ཁོ, ཨུཔཱལི, པཉྩ ཨདྷམྨིཀཱ པཊིཉྙཱཏཀརཎཱ.

‘‘པཉྩིམེ, ཨུཔཱལི, དྷམྨིཀཱ པཊིཉྙཱཏཀརཎཱ. ཀཏམེ པཉྩ? བྷིཀྑུ པཱརཱཛིཀཾ ཨཛ྄ཛྷཱཔནྣོ ཧོཏི, པཱརཱཛིཀེན ཙོདིཡམཱནོ པཱརཱཛིཀཾ ཨཛ྄ཛྷཱཔནྣོ པཊིཛཱནཱཏི, ཏཾ སངྒྷོ པཱརཱཛིཀེན ཀཱརེཏི, དྷམྨིཀཾ པཊིཉྙཱཏཀརཎཾ. བྷིཀྑུ སངྒྷཱདིསེསཾ…པེ… པཱཙིཏྟིཡཾ… པཱཊིདེསནཱིཡཾ… དུཀྐཊཾ ཨཛ྄ཛྷཱཔནྣོ ཧོཏི, དུཀྐཊེན ཙོདིཡམཱནོ དུཀྐཊཾ ཨཛ྄ཛྷཱཔནྣོ པཊིཛཱནཱཏི ¶ , ཏཾ སངྒྷོ དུཀྐཊེན ཀཱརེཏི, དྷམྨིཀཾ པཊིཉྙཱཏཀརཎཾ. ཨིམེ ཁོ, ཨུཔཱལི, པཉྩ དྷམྨིཀཱ པཊིཉྙཱཏཀརཎཱ’’ཏི.

༤༣༠. ‘‘ཀཏིཧི ¶ ནུ ཁོ, བྷནྟེ, ཨངྒེཧི སམནྣཱགཏསྶ བྷིཀྑུནོ ཨོཀཱསཀམྨཾ ཀཱརཱཔེནྟསྶ ནཱལཾ ཨོཀཱསཀམྨཾ ཀཱཏུ’’ནྟི? ‘‘པཉྩཧུཔཱལི, ཨངྒེཧི སམནྣཱགཏསྶ བྷིཀྑུནོ ཨོཀཱསཀམྨཾ ཀཱརཱཔེནྟསྶ ནཱལཾ ཨོཀཱསཀམྨཾ ¶ ཀཱཏུཾ. ཀཏམེཧི པཉྩཧི? ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ, ཙཱཝནཱདྷིཔྤཱཡོ ཝཏྟཱ ཧོཏི, ནོ ཝུཊྛཱནཱདྷིཔྤཱཡོ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ¶ ཨོཀཱསཀམྨཾ ཀཱརཱཔེནྟསྶ ནཱལཾ ཨོཀཱསཀམྨཾ ཀཱཏུཾ.

‘‘པཉྩཧུཔཱལི, ཨངྒེཧི སམནྣཱགཏསྶ བྷིཀྑུནོ ཨོཀཱསཀམྨཾ ཀཱརཱཔེནྟསྶ ཨལཾ ཨོཀཱསཀམྨཾ ཀཱཏུཾ. ཀཏམེཧི པཉྩཧི? ལཛྫཱི ཙ ཧོཏི, པཎྜིཏོ ཙ, པཀཏཏྟོ ཙ, ཝུཊྛཱནཱདྷིཔྤཱཡོ ཝཏྟཱ ཧོཏི, ནོ ཙཱཝནཱདྷིཔྤཱཡོ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཨོཀཱསཀམྨཾ ཀཱརཱཔེནྟསྶ ཨལཾ ཨོཀཱསཀམྨཾ ཀཱཏུ’’ནྟི.

༤༣༡. ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏེན བྷིཀྑུནཱ སདྡྷིཾ ཝིནཡོ ན སཱཀཙྪིཏབྦོ’’ཏི? ‘‘པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ སདྡྷིཾ ཝིནཡོ ན སཱཀཙྪིཏབྦོ. ཀཏམེཧི པཉྩཧི? ཝཏྠུཾ ན ཛཱནཱཏི, ནིདཱནཾ ན ཛཱནཱཏི, པཉྙཏྟིཾ ན ཛཱནཱཏི, པདཔཙྩཱབྷཊྛཾ ན ཛཱནཱཏི, ཨནུསནྡྷིཝཙནཔཐཾ ན ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སདྡྷིཾ ཝིནཡོ ན སཱཀཙྪིཏབྦོ.

‘‘པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ སདྡྷིཾ ཝིནཡོ སཱཀཙྪིཏབྦོ. ཀཏམེཧི པཉྩཧི? ཝཏྠུཾ ཛཱནཱཏི, ནིདཱནཾ ཛཱནཱཏི, པཉྙཏྟིཾ ཛཱནཱཏི, པདཔཙྩཱབྷཊྛཾ ཛཱནཱཏི, ཨནུསནྡྷིཝཙནཔཐཾ ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སདྡྷིཾ ཝིནཡོ སཱཀཙྪིཏབྦོ’’ཏི.

༤༣༢. ‘‘ཀཏི ནུ ཁོ, བྷནྟེ, པཉྷཱཔུཙྪཱ’’ཏི? ‘‘པཉྩིམཱ, ཨུཔཱལི, པཉྷཱཔུཙྪཱ. ཀཏམཱ པཉྩ? མནྡཏྟཱ མོམཱུཧཏྟཱ པཉྷཾ པུཙྪཏི, པཱཔིཙྪོ ཨིཙྪཱཔཀཏོ པཉྷཾ པུཙྪཏི, པརིབྷཝཱ པཉྷཾ པུཙྪཏི ¶ , ཨཉྙཱཏུཀཱམོ པཉྷཾ པུཙྪཏི, སཙེ མེ པཉྷཾ པུཊྛོ སམྨདེཝ བྱཱཀརིསྶཏི ¶ ཨིཙྩེཏཾ ཀུསལཾ ནོ ཙེ པཉྷཾ པུཊྛོ སམྨདེཝ བྱཱཀརིསྶཏི ཨཧམསྶ སམྨདེཝ བྱཱཀརིསྶཱམཱིཏི པཉྷཾ པུཙྪཏི – ཨིམཱ ཁོ, ཨུཔཱལི, པཉྩ པཉྷཱཔུཙྪཱ’’ཏི.

༤༣༣. ‘‘ཀཏི ནུ ཁོ, བྷནྟེ, ཨཉྙབྱཱཀརཎཱ’’ཏི? ‘‘པཉྩིམེ, ཨུཔཱལི, ཨཉྙབྱཱཀརཎཱ. ཀཏམེ པཉྩ? མནྡཏྟཱ མོམཱུཧཏྟཱ ཨཉྙཾ བྱཱཀརོཏི, པཱཔིཙྪོ ཨིཙྪཱཔཀཏོ ཨཉྙཾ བྱཱཀརོཏི, ཨུམྨཱདཱ ཙིཏྟཀྑེཔཱ ཨཉྙཾ བྱཱཀརོཏི ¶ , ཨདྷིམཱནེན ཨཉྙཾ བྱཱཀརོཏི, བྷཱུཏཾ ཨཉྙཾ བྱཱཀརོཏི – ཨིམེ ཁོ, ཨུཔཱལི, པཉྩ ཨཉྙབྱཱཀརཎཱ’’ཏི.

༤༣༤. ‘‘ཀཏི ནུ ཁོ, བྷནྟེ, ཝིསུདྡྷིཡོ’’ཏི? ‘‘པཉྩིམཱ, ཨུཔཱལི, ཝིསུདྡྷིཡོ. ཀཏམཱ པཉྩ? ནིདཱནཾ ཨུདྡིསིཏྭཱ ཨཝསེསཾ སུཏེན སཱཝེཏབྦཾ ཨཡཾ པཋམཱ ཝིསུདྡྷི, ནིདཱནཾ ཨུདྡིསིཏྭཱ ཙཏྟཱརི པཱརཱཛིཀཱནི ཨུདྡིསིཏྭཱ ཨཝསེསཾ སུཏེན སཱཝེཏབྦཾ ཨཡཾ དུཏིཡཱ ཝིསུདྡྷི, ནིདཱནཾ ཨུདྡིསིཏྭཱ ཙཏྟཱརི པཱརཱཛིཀཱནི ཨུདྡིསིཏྭཱ ཏེརས སངྒྷཱདིསེསེ ཨུདྡིསིཏྭཱ ཨཝསེསཾ སུཏེན སཱཝེཏབྦཾ ཨཡཾ ཏཏིཡཱ ཝིསུདྡྷི, ནིདཱནཾ ཨུདྡིསིཏྭཱ ཙཏྟཱརི པཱརཱཛིཀཱནི ཨུདྡིསིཏྭཱ ཏེརས སངྒྷཱདིསེསེ ཨུདྡིསིཏྭཱ དྭེ ཨནིཡཏེ ཨུདྡིསིཏྭཱ ཨཝསེསཾ སུཏེན སཱཝེཏབྦཾ ཨཡཾ ཙཏུཏྠཱ ཝིསུདྡྷི, ཝིཏྠཱརེནེཝ པཉྩམཱི – ཨིམཱ ཁོ, ཨུཔཱལི, པཉྩ ཝིསུདྡྷིཡོ’’ཏི.

༤༣༥. ‘‘ཀཏི ¶ ནུ ཁོ, བྷནྟེ, བྷོཛནཱ’’ཏི? ‘‘པཉྩིམེ, ཨུཔཱལི, བྷོཛནཱ ¶ . ཀཏམེ པཉྩ? ཨོདནོ, ཀུམྨཱསོ, སཏྟུ, མཙྪོ, མཾསཾ – ཨིམེ ཁོ, ཨུཔཱལི, པཉྩ བྷོཛནཱ’’ཏི.

དིཊྛཱཝིཀམྨཝགྒོ ནིཊྛིཏོ ཙཏུཏྠོ.

ཏསྶུདྡཱནཾ –

དིཊྛཱཝིཀམྨཱ ཨཔརེ, པཊིགྒཧཱནཏིརིཏྟཱ;

པཝཱརཎཱ པཊིཉྙཱཏཾ, ཨོཀཱསཾ སཱཀཙྪེན ཙ;

པཉྷཾ ཨཉྙབྱཱཀརཎཱ, ཝིསུདྡྷི ཙཱཔི བྷོཛནཱཏི.

༥. ཨཏྟཱདཱནཝགྒོ

༤༣༦. [ཙཱུལ༹ཝ. ༣༩༩; ཨ. ནི. ༡༠.༤༤] ‘‘ཙོདཀེན, བྷནྟེ, བྷིཀྑུནཱ པརཾ ཙོདེཏུཀཱམེན ཀཏི དྷམྨེ ཨཛ྄ཛྷཏྟཾ པཙྩཝེཀྑིཏྭཱ པརོ ཙོདེཏབྦོ’’ཏི? ‘‘ཙོདཀེནུཔཱལི, བྷིཀྑུནཱ པརཾ ཙོདེཏུཀཱམེན པཉྩ དྷམྨེ ཨཛ྄ཛྷཏྟཾ ¶ པཙྩཝེཀྑིཏྭཱ པརོ ཙོདེཏབྦོ. ཀཏམེ པཉྩ? ཙོདཀེནུཔཱལི, བྷིཀྑུནཱ པརཾ ཙོདེཏུཀཱམེན ཨེཝཾ པཙྩཝེཀྑིཏབྦཾ – པརིསུདྡྷཀཱཡསམཱཙཱརོ ནུ ཁོམྷི, པརིསུདྡྷེནམྷི ཀཱཡསམཱཙཱརེན སམནྣཱགཏོ ཨཙྪིདྡེན ཨཔྤཊིམཾསེན, སཾཝིཛྫཏི ནུ ཁོ མེ ¶ ཨེསོ དྷམྨོ ཨུདཱཧུ ནོ’’ཏི. ནོ ཙེ, ཨུཔཱལི, བྷིཀྑུ པརིསུདྡྷཀཱཡསམཱཙཱརོ ཧོཏི, པརིསུདྡྷེན ཀཱཡསམཱཙཱརེན སམནྣཱགཏོ ཨཙྪིདྡེན ཨཔྤཊིམཾསེན, ཏསྶ བྷཝནྟི ཝཏྟཱརོ – ‘ཨིངྒྷ, ཏཱཝ ཨཱཡསྨཱ ཀཱཡིཀཾ སིཀྑསྶཱུ’ཏི ཨིཏིསྶ བྷཝནྟི ཝཏྟཱརོ.

‘‘པུན ཙཔརཾ, ཨུཔཱལི, ཙོདཀེན བྷིཀྑུནཱ པརཾ ཙོདེཏུཀཱམེན ཨེཝཾ པཙྩཝེཀྑིཏབྦཾ – ‘པརིསུདྡྷཝཙཱིསམཱཙཱརོ ནུ ཁོམྷི, པརིསུདྡྷེནམྷི ཝཙཱིསམཱཙཱརེན ¶ སམནྣཱགཏོ ཨཙྪིདྡེན ཨཔྤཊིམཾསེན, སཾཝིཛྫཏི ནུ ཁོ མེ ཨེསོ དྷམྨོ ཨུདཱཧུ ནོ’ཏི. ནོ ཙེ, ཨུཔཱལི, བྷིཀྑུ པརིསུདྡྷཝཙཱིསམཱཙཱརོ ཧོཏི, པརིསུདྡྷེན ཝཙཱིསམཱཙཱརེན སམནྣཱགཏོ ཨཙྪིདྡེན ཨཔྤཊིམཾསེན, ཏསྶ བྷཝནྟི ཝཏྟཱརོ – ‘ཨིངྒྷ, ཏཱཝ ཨཱཡསྨཱ ཝཱཙསིཀཾ སིཀྑསྶཱུ’ཏི ཨིཏིསྶ བྷཝནྟི ཝཏྟཱརོ.

‘‘པུན ཙཔརཾ, ཨུཔཱལི, ཙོདཀེན བྷིཀྑུནཱ པརཾ ཙོདེཏུཀཱམེན ཨེཝཾ པཙྩཝེཀྑིཏབྦཾ – ‘མེཏྟཾ ནུ ཁོ མེ ཙིཏྟཾ པཙྩུཔཊྛིཏཾ སབྲཧྨཙཱརཱིསུ ཨནཱགྷཱཏཾ, སཾཝིཛྫཏི ནུ ཁོ མེ ཨེསོ དྷམྨོ ཨུདཱཧུ ནོ’ཏི. ནོ ཙེ, ཨུཔཱལི, བྷིཀྑུནོ མེཏྟཾ ཙིཏྟཾ པཙྩུཔཊྛིཏཾ ཧོཏི སབྲཧྨཙཱརཱིསུ ཨནཱགྷཱཏཾ, ཏསྶ བྷཝནྟི ཝཏྟཱརོ – ‘ཨིངྒྷ, ཏཱཝ ཨཱཡསྨཱ སབྲཧྨཙཱརཱིསུ མེཏྟཾ ཙིཏྟཾ ཨུཔཊྛཱཔེཧཱི’ཏི ཨིཏིསྶ བྷཝནྟི ཝཏྟཱརོ.

‘‘པུན ཙཔརཾ, ཨུཔཱལི, ཙོདཀེན བྷིཀྑུནཱ པརཾ ཙོདེཏུཀཱམེན ཨེཝཾ པཙྩཝེཀྑིཏབྦཾ – ‘བཧུསྶུཏོ ནུ ཁོམྷི སུཏདྷརོ སུཏསནྣིཙཡོ, ཡེ ཏེ དྷམྨཱ ཨཱདིཀལྱཱཎཱ མཛ྄ཛྷེཀལྱཱཎཱ པརིཡོསཱནཀལྱཱཎཱ སཱཏྠཾ སབྱཉྫནཾ ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ ཨབྷིཝདནྟི, ཏཐཱརཱུཔཱ མེ དྷམྨཱ བཧུསྶུཏཱ ཧོནྟི དྷཱཏཱ ཝཙསཱ པརིཙིཏཱ མནསཱནུཔེཀྑིཏཱ དིཊྛིཡཱ སུཔྤཊིཝིདྡྷཱ, སཾཝིཛྫཏི ནུ ཁོ མེ ཨེསོ དྷམྨོ ཨུདཱཧུ ནོ’ཏི. ནོ ཙེ, ཨུཔཱལི, བྷིཀྑུ བཧུསྶུཏོ ཧོཏི སུཏདྷརོ སུཏསནྣིཙཡོ, ཡེ ཏེ དྷམྨཱ ཨཱདིཀལྱཱཎཱ མཛ྄ཛྷེཀལྱཱཎཱ པརིཡོསཱནཀལྱཱཎཱ སཱཏྠཾ ¶ སབྱཉྫནཾ ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ ཨབྷིཝདནྟི, ཏཐཱརཱུཔསྶ དྷམྨཱ ན བཧུསྶུཏཱ ཧོནྟི དྷཱཏཱ ཝཙསཱ པརིཙིཏཱ མནསཱནུཔེཀྑིཏཱ དིཊྛིཡཱ སུཔྤཊིཝིདྡྷཱ, ཏསྶ བྷཝནྟི ཝཏྟཱརོ – ‘ཨིངྒྷ, ཏཱཝ ཨཱཡསྨཱ ཨཱགམཾ པརིཡཱཔུཎསྶཱུ’ཏི ཨིཏིསྶ བྷཝནྟི ཝཏྟཱརོ.

‘‘པུན ¶ ¶ ཙཔརཾ, ཨུཔཱལི, ཙོདཀེན བྷིཀྑུནཱ པརཾ ཙོདེཏུཀཱམེན ཨེཝཾ པཙྩཝེཀྑིཏབྦཾ – ‘ཨུབྷཡཱནི ཁོ མེ པཱཏིམོཀྑཱནི ཝིཏྠཱརེན སྭཱགཏཱནི ཧོནྟི སུཝིབྷཏྟཱནི སུཔྤཝཏྟཱིནི སུཝིནིཙྪིཏཱནི སུཏྟསོ ཨནུབྱཉྫནསོ, སཾཝིཛྫཏི ནུ ཁོ མེ ཨེསོ དྷམྨོ ཨུདཱཧུ ནོ’ཏི. ནོ ཙེ, ཨུཔཱལི, བྷིཀྑུནོ ཨུབྷཡཱནི པཱཏིམོཀྑཱནི ཝིཏྠཱརེན སྭཱགཏཱནི ཧོནྟི སུཝིབྷཏྟཱནི སུཔྤཝཏྟཱིནི སུཝིནིཙྪིཏཱནི སུཏྟསོ ཨནུབྱཉྫནསོ, ‘ཨིདཾ པནཱཝུསོ ཀཏྠ ཝུཏྟཾ བྷགཝཏཱ’ཏི ཨིཏི པུཊྛོ ན སམྤཱཡཏི [ན སམྤཱདཡཏི (ཀ.), ན སམྤཱདེཏི (སྱཱ.)], ཏསྶ བྷཝནྟི ཝཏྟཱརོ – ‘ཨིངྒྷ, ཏཱཝ ཨཱཡསྨཱ ཝིནཡཾ པརིཡཱཔུཎསྶཱུ’ཏི ཨིཏིསྶ བྷཝནྟི ཝཏྟཱརོ. ཙོདཀེནུཔཱལི, བྷིཀྑུནཱ པརཾ ཙོདེཏུཀཱམེན ཨིམེ པཉྩ དྷམྨེ ཨཛ྄ཛྷཏྟཾ པཙྩཝེཀྑིཏྭཱ པརོ ཙོདེཏབྦོ’’ཏི.

༤༣༧. ‘‘ཙོདཀེན, བྷནྟེ, བྷིཀྑུནཱ པརཾ ཙོདེཏུཀཱམེན ཀཏི དྷམྨེ ཨཛ྄ཛྷཏྟཾ ཨུཔཊྛཱཔེཏྭཱ པརོ ཙོདེཏབྦོ’’ཏི? ‘‘ཙོདཀེནུཔཱལི, བྷིཀྑུནཱ པརཾ ཙོདེཏུཀཱམེན པཉྩ དྷམྨེ ཨཛ྄ཛྷཏྟཾ ཨུཔཊྛཱཔེཏྭཱ པརོ ཙོདེཏབྦོ. ཀཏམེ པཉྩ? ཀཱལེན ཝཀྑཱམི ནོ ཨཀཱལེན ¶ , བྷཱུཏེན ཝཀྑཱམི ནོ ཨབྷཱུཏེན, སཎྷེན ཝཀྑཱམི ནོ ཕརུསེན, ཨཏྠསཾཧིཏེན ཝཀྑཱམི ནོ ཨནཏྠསཾཧིཏེན, མེཏྟཱཙིཏྟོ ཝཀྑཱམི ནོ དོསནྟརོཏི – ཙོདཀེནུཔཱལི, བྷིཀྑུནཱ པརཾ ཙོདེཏུཀཱམེན ཨིམེ པཉྩ དྷམྨེ ཨཛ྄ཛྷཏྟཾ ཨུཔཊྛཱཔེཏྭཱ པརོ ཙོདེཏབྦོ’’ཏི.

༤༣༨. [ཙཱུལ༹ཝ. ༤༠༠] ‘‘ཙོདཀེན, བྷནྟེ, བྷིཀྑུནཱ པརཾ ཙོདེཏུཀཱམེན ཀཏི དྷམྨེ ཨཛ྄ཛྷཏྟཾ མནསི ཀརིཏྭཱ པརོ ཙོདེཏབྦོ’’ཏི? ‘‘ཙོདཀེནུཔཱལི, བྷིཀྑུནཱ པརཾ ཙོདེཏུཀཱམེན པཉྩ དྷམྨེ ཨཛ྄ཛྷཏྟཾ མནསི ཀརིཏྭཱ པརོ ཙོདེཏབྦོ. ཀཏམེ པཉྩ? ཀཱརུཉྙཏཱ, ཧིཏེསིཏཱ, ཨནུཀམྤཏཱ, ཨཱཔཏྟིཝུཊྛཱནཏཱ, ཝིནཡཔུརེཀྑཱརཏཱ – ཙོདཀེནུཔཱལི, བྷིཀྑུནཱ པརཾ ཙོདེཏུཀཱམེན ཨིམེ པཉྩ དྷམྨེ ཨཛ྄ཛྷཏྟཾ མནསི ཀརིཏྭཱ པརོ ཙོདེཏབྦོ’’ཏི.

༤༣༩. ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏསྶ བྷིཀྑུནོ ཨོཀཱསཀམྨཾ ཀཱརཱཔེནྟསྶ ནཱལཾ ཨོཀཱསཀམྨཾ ཀཱཏུ’’ནྟི? ‘‘པཉྩཧུཔཱལི, ཨངྒེཧི སམནྣཱགཏསྶ བྷིཀྑུནོ ཨོཀཱསཀམྨཾ ཀཱརཱཔེནྟསྶ ནཱལཾ ཨོཀཱསཀམྨཾ ཀཱཏུཾ. ཀཏམེཧི པཉྩཧི? ཨཔརིསུདྡྷཀཱཡསམཱཙཱརོ ཧོཏི ¶ , ཨཔརིསུདྡྷཝཙཱིསམཱཙཱརོ ཧོཏི, ཨཔརིསུདྡྷཱཛཱིཝོ ཧོཏི, བཱལོ ཧོཏི ཨབྱཏྟོ, ན པཊིབལོ ཨནུཡུཉྫིཡམཱནོ ཨནུཡོགཾ དཱཏུཾ – ཨིམེཧི ¶ ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཨོཀཱསཀམྨཾ ཀཱརཱཔེནྟསྶ ནཱལཾ ཨོཀཱསཀམྨཾ ཀཱཏུཾ.

‘‘པཉྩཧུཔཱལི ¶ , ཨངྒེཧི ¶ སམནྣཱགཏསྶ བྷིཀྑུནོ ཨོཀཱསཀམྨཾ ཀཱརཱཔེནྟསྶ ཨལཾ ཨོཀཱསཀམྨཾ ཀཱཏུཾ. ཀཏམེཧི པཉྩཧི? པརིསུདྡྷཀཱཡསམཱཙཱརོ ཧོཏི, པརིསུདྡྷཝཙཱིསམཱཙཱརོ ཧོཏི, པརིསུདྡྷཱཛཱིཝོ ཧོཏི, པཎྜིཏོ ཧོཏི བྱཏྟོ པཊིབལོ ཨནུཡུཉྫིཡམཱནོ ཨནུཡོགཾ དཱཏུཾ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཨོཀཱསཀམྨཾ ཀཱརཱཔེནྟསྶ ཨལཾ ཨོཀཱསཀམྨཾ ཀཱཏུ’’ནྟི.

༤༤༠. [ཙཱུལ༹ཝ. ༣༩༨] ‘‘ཨཏྟཱདཱནཾ ཨཱདཱཏུཀཱམེན, བྷནྟེ, བྷིཀྑུནཱ ཀཏིཧངྒེཧི སམནྣཱགཏཾ ཨཏྟཱདཱནཾ ཨཱདཱཏབྦ’’ནྟི? ‘‘ཨཏྟཱདཱནཾ ཨཱདཱཏུཀཱམེནུཔཱལི, བྷིཀྑུནཱ པཉྩངྒསམནྣཱགཏཾ [པཉྩཧངྒེཧི སམནྣཱགཏཾ (སཱི. སྱཱ.)] ཨཏྟཱདཱནཾ ཨཱདཱཏབྦཾ. ཀཏམེ པཉྩ [ཀཏམེཧི པཉྩཧི (སྱཱ.)]? ཨཏྟཱདཱནཾ ཨཱདཱཏུཀཱམེན, ཨུཔཱལི, བྷིཀྑུནཱ ཨེཝཾ པཙྩཝེཀྑིཏབྦཾ – ‘ཡཾ ཁོ ཨཧཾ ཨིམཾ ཨཏྟཱདཱནཾ ཨཱདཱཏུཀཱམོ, ཀཱལོ ནུ ཁོ ཨིམཾ ཨཏྟཱདཱནཾ ཨཱདཱཏུཾ ཨུདཱཧུ ནོ’ཏི. སཙེ, ཨུཔཱལི, བྷིཀྑུ པཙྩཝེཀྑམཱནོ ཨེཝཾ ཛཱནཱཏི – ‘ཨཀཱལོ ཨིམཾ ཨཏྟཱདཱནཾ ཨཱདཱཏུཾ ནོ ཀཱལོ’ཏི, ན ཏཾ, ཨུཔཱལི, ཨཏྟཱདཱནཾ ཨཱདཱཏབྦཾ.

‘‘སཙེ པནུཔཱལི, བྷིཀྑུ པཙྩཝེཀྑམཱནོ ཨེཝཾ ཛཱནཱཏི – ‘ཀཱལོ ཨིམཾ ཨཏྟཱདཱནཾ ཨཱདཱཏུཾ ནོ ཨཀཱལོ’ཏི, ཏེནུཔཱལི བྷིཀྑུནཱ ཨུཏྟརི པཙྩཝེཀྑིཏབྦཾ – ‘ཡཾ ཁོ ཨཧཾ ཨིམཾ ཨཏྟཱདཱནཾ ཨཱདཱཏུཀཱམོ བྷཱུཏཾ ནུ ཁོ ཨིདཾ ཨཏྟཱདཱནཾ ཨུདཱཧུ ནོ’ཏི. སཙེ, ཨུཔཱལི, བྷིཀྑུ པཙྩཝེཀྑམཱནོ ཨེཝཾ ཛཱནཱཏི – ‘ཨབྷཱུཏཾ ཨིདཾ ཨཏྟཱདཱནཾ ནོ བྷཱུཏ’ནྟི, ན ཏཾ, ཨུཔཱལི, ཨཏྟཱདཱནཾ ཨཱདཱཏབྦཾ.

‘‘སཙེ པནུཔཱལི བྷིཀྑུ པཙྩཝེཀྑམཱནོ ¶ ཨེཝཾ ཛཱནཱཏི – ‘བྷཱུཏཾ ཨིདཾ ཨཏྟཱདཱནཾ ནོ ཨབྷཱུཏ’ནྟི, ཏེནུཔཱལི བྷིཀྑུནཱ ཨུཏྟརི པཙྩཝེཀྑིཏབྦཾ – ‘ཡཾ ཁོ ཨཧཾ ཨིམཾ ཨཏྟཱདཱནཾ ཨཱདཱཏུཀཱམོ, ཨཏྠསཾཧིཏཾ ནུ ཁོ ཨིདཾ ཨཏྟཱདཱནཾ ཨུདཱཧུ ནོ’ཏི. སཙེ, ཨུཔཱལི, བྷིཀྑུ པཙྩཝེཀྑམཱནོ ཨེཝཾ ཛཱནཱཏི ¶ –’ ཨནཏྠསཾཧིཏཾ ཨིདཾ ཨཏྟཱདཱནཾ ནོ ཨཏྠསཾཧིཏ’ནྟི, ན ཏཾ, ཨུཔཱལི, ཨཏྟཱདཱནཾ ཨཱདཱཏབྦཾ.

‘‘སཙེ པནུཔཱལི བྷིཀྑུ པཙྩཝེཀྑམཱནོ ཨེཝཾ ཛཱནཱཏི – ‘ཨཏྠསཾཧིཏཾ ཨིདཾ ཨཏྟཱདཱནཾ ནོ ཨནཏྠསཾཧིཏ’ནྟི, ཏེནུཔཱལི བྷིཀྑུནཱ ཨུཏྟརི པཙྩཝེཀྑིཏབྦཾ – ‘ཨིམཾ ཁོ ཨཧཾ ཨཏྟཱདཱནཾ ཨཱདིཡམཱནོ ལབྷིསྶཱམི སནྡིཊྛེ སམྦྷཏྟེ བྷིཀྑཱུ དྷམྨཏོ ཝིནཡཏོ པཀྑེ ཨུདཱཧུ ནོ’ཏི. སཙེ, ཨུཔཱལི, བྷིཀྑུ པཙྩཝེཀྑམཱནོ ཨེཝཾ ཛཱནཱཏི – ‘ཨིམཾ ཁོ ཨཧཾ ཨཏྟཱདཱནཾ ཨཱདིཡམཱནོ ¶ ན ལབྷིསྶཱམི སནྡིཊྛེ སམྦྷཏྟེ བྷིཀྑཱུ དྷམྨཏོ ཝིནཡཏོ པཀྑེ’ཏི, ན ཏཾ, ཨུཔཱལི, ཨཏྟཱདཱནཾ ཨཱདཱཏབྦཾ.

‘‘སཙེ པནུཔཱལི བྷིཀྑུ པཙྩཝེཀྑམཱནོ ཨེཝཾ ཛཱནཱཏི – ‘ཨིདཾ ཁོ ཨཧཾ ཨཏྟཱདཱནཾ ཨཱདིཡམཱནོ ལབྷིསྶཱམི སནྡིཊྛེ སམྦྷཏྟེ བྷིཀྑཱུ དྷམྨཏོ ཝིནཡཏོ པཀྑེ’ཏི, ཏེནུཔཱལི བྷིཀྑུནཱ ཨུཏྟརི པཙྩཝེཀྑིཏབྦཾ – ‘ཨིམཾ ཁོ མེ ཨཏྟཱདཱནཾ ཨཱདིཡཏོ བྷཝིསྶཏི སངྒྷསྶ ཏཏོནིདཱནཾ བྷཎྜནཾ ཀལཧོ ཝིགྒཧོ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎཾ ཨུདཱཧུ ནོ’ཏི. སཙེ, ཨུཔཱལི, བྷིཀྑུ པཙྩཝེཀྑམཱནོ ཨེཝཾ ཛཱནཱཏི – ‘ཨིམཾ ཁོ མེ ཨཏྟཱདཱནཾ ཨཱདིཡཏོ བྷཝིསྶཏི སངྒྷསྶ ཏཏོནིདཱནཾ བྷཎྜནཾ ཀལཧོ ཝིགྒཧོ ཝིཝཱདོ ¶ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎ’ནྟི, ན ཏཾ, ཨུཔཱལི, ཨཏྟཱདཱནཾ ཨཱདཱཏབྦཾ.

‘‘སཙེ པནུཔཱལི བྷིཀྑུ པཙྩཝེཀྑམཱནོ ཨེཝཾ ཛཱནཱཏི – ‘ཨིམཾ ཁོ མེ ཨཏྟཱདཱནཾ ཨཱདིཡཏོ ན བྷཝིསྶཏི སངྒྷསྶ ཏཏོནིདཱནཾ བྷཎྜནཾ ཀལཧོ ཝིགྒཧོ ཝིཝཱདོ སངྒྷབྷེདོ སངྒྷརཱཛི སངྒྷཝཝཏྠཱནཾ སངྒྷནཱནཱཀརཎ’ནྟི, ཏཾ ཨཱདཱཏབྦཾ, ཨུཔཱལི, ཨཏྟཱདཱནཾ. ཨེཝཾ པཉྩངྒསམནྣཱགཏཾ ཁོ, ཨུཔཱལི, ཨཏྟཱདཱནཾ ཨཱདིནྣཾ པཙྪཱཔི ཨཝིཔྤཊིསཱརཀརཾ བྷཝིསྶཏཱི’’ཏི.

༤༤༡. ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏོ བྷིཀྑུ ཨདྷིཀརཎཛཱཏཱནཾ བྷིཀྑཱུནཾ བཧཱུཔཀཱརོ ཧོཏཱི’’ཏི? ‘‘པཉྩཧུཔཱལི, ཨངྒེཧི སམནྣཱགཏོ བྷིཀྑུ ཨདྷིཀརཎཛཱཏཱནཾ བྷིཀྑཱུནཾ བཧཱུཔཀཱརོ ཧོཏི. ཀཏམེཧི པཉྩཧི? སཱིལཝཱ ཧོཏི, པཱཏིམོཀྑསཾཝརསཾཝུཏོ ཝིཧརཏི ཨཱཙཱརགོཙརསམྤནྣོ ཨཎུམཏྟེསུ ཝཛྫེསུ བྷཡདསྶཱཝཱི, སམཱདཱཡ སིཀྑཏི ¶ སིཀྑཱཔདེསུ; བཧུསྶུཏོ ཧོཏི སུཏདྷརོ སུཏསནྣིཙཡོ; ཡེ ཏེ དྷམྨཱ ཨཱདིཀལྱཱཎཱ མཛ྄ཛྷེཀལྱཱཎཱ པརིཡོསཱནཀལྱཱཎཱ སཱཏྠཾ སབྱཉྫནཾ ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ ཨབྷིཝདནྟི ཏཐཱརཱུཔསྶ དྷམྨཱ བཧུསྶུཏཱ ཧོནྟི དྷཱཏཱ ཝཙསཱ པརིཙིཏཱ མནསཱནུཔེཀྑིཏཱ དིཊྛིཡཱ སུཔྤཊིཝིདྡྷཱ, ཨུབྷཡཱནི ཁོ པནསྶ པཱཏིམོཀྑཱནི ཝིཏྠཱརེན སྭཱགཏཱནི ཧོནྟི སུཝིབྷཏྟཱནི སུཔྤཝཏྟཱིནི སུཝིནིཙྪིཏཱནི སུཏྟསོ ཨནུབྱཉྫནསོ; ཝིནཡེ ཁོ པན ཋིཏོ ཧོཏི ཨསཾཧཱིརོ; པཊིབལོ ཧོཏི ¶ ཨུབྷོ ཨཏྠཔཙྩཏྠིཀེ ཨསྶཱསེཏུཾ སཉྙཱཔེཏུཾ ནིཛ྄ཛྷཱཔེཏུཾ པེཀྑེཏུཾ པསཱདེཏུཾ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨདྷིཀརཎཛཱཏཱནཾ བྷིཀྑཱུནཾ བཧཱུཔཀཱརོ ཧོཏི.

‘‘ཨཔརེཧིཔི ¶ , ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨདྷིཀརཎཛཱཏཱནཾ བྷིཀྑཱུནཾ བཧཱུཔཀཱརོ ཧོཏི. ཀཏམེཧི པཉྩཧི? པརིསུདྡྷཀཱཡསམཱཙཱརོ ཧོཏི, པརིསུདྡྷཝཙཱིསམཱཙཱརོ ཧོཏི, པརིསུདྡྷཱཛཱིཝོ ཧོཏི, པཎྜིཏོ ཧོཏི བྱཏྟོ, པཊིབལོ ཨནུཡུཉྫིཡམཱནོ ཨནུཡོགཾ དཱཏུཾ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨདྷིཀརཎཛཱཏཱནཾ བྷིཀྑཱུནཾ བཧཱུཔཀཱརོ ཧོཏི.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨདྷིཀརཎཛཱཏཱནཾ བྷིཀྑཱུནཾ བཧཱུཔཀཱརོ ཧོཏི. ཀཏམེཧི པཉྩཧི? ཝཏྠུཾ ཛཱནཱཏི, ནིདཱནཾ ཛཱནཱཏི, པཉྙཏྟིཾ ཛཱནཱཏི ¶ , པདཔཙྩཱབྷཊྛཾ ཛཱནཱཏི, ཨནུསནྡྷིཝཙནཔཐཾ ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨདྷིཀརཎཛཱཏཱནཾ བྷིཀྑཱུནཾ བཧཱུཔཀཱརོ ཧོཏཱི’’ཏི.

༤༤༢. ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏེན བྷིཀྑུནཱ ནཱནུཡུཉྫིཏབྦ’’ནྟི? ‘‘པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ ནཱནུཡུཉྫིཏབྦཾ. ཀཏམེཧི པཉྩཧི? སུཏྟཾ ན ཛཱནཱཏི, སུཏྟཱནུལོམཾ ན ཛཱནཱཏི, ཝིནཡཾ ན ཛཱནཱཏི, ཝིནཡཱནུལོམཾ ན ཛཱནཱཏི, ན ཙ ཋཱནཱཋཱནཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ནཱནུཡུཉྫིཏབྦཾ.

‘‘པཉྩཧུཔཱལི, ཨངྒེཧི སམནྣཱགཏེན ¶ བྷིཀྑུནཱ ཨནུཡུཉྫིཏབྦཾ. ཀཏམེཧི པཉྩཧི? སུཏྟཾ ཛཱནཱཏི, སུཏྟཱནུལོམཾ ཛཱནཱཏི, ཝིནཡཾ ཛཱནཱཏི, ཝིནཡཱནུལོམཾ ¶ ཛཱནཱཏི, ཋཱནཱཋཱནཀུསལོ ཙ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ཨནུཡུཉྫིཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ནཱནུཡུཉྫིཏབྦཾ. ཀཏམེཧི པཉྩཧི? དྷམྨཾ ན ཛཱནཱཏི, དྷམྨཱནུལོམཾ ན ཛཱནཱཏི, ཝིནཡཾ ན ཛཱནཱཏི, ཝིནཡཱནུལོམཾ ན ཛཱནཱཏི, ན ཙ པུབྦཱཔརཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ནཱནུཡུཉྫིཏབྦཾ.

‘‘པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ ཨནུཡུཉྫིཏབྦཾ. ཀཏམེཧི པཉྩཧི? དྷམྨཾ ཛཱནཱཏི, དྷམྨཱནུལོམཾ ཛཱནཱཏི, ཝིནཡཾ ཛཱནཱཏི, ཝིནཡཱནུལོམཾ ཛཱནཱཏི, པུབྦཱཔརཀུསལོ ¶ ཙ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ཨནུཡུཉྫིཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ནཱནུཡུཉྫིཏབྦཾ. ཀཏམེཧི པཉྩཧི? ཝཏྠུཾ ན ཛཱནཱཏི, ནིདཱནཾ ན ཛཱནཱཏི, པཉྙཏྟིཾ ན ཛཱནཱཏི, པདཔཙྩཱབྷཊྛཾ ན ཛཱནཱཏི, ཨནུསནྡྷིཝཙནཔཐཾ ན ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ནཱནུཡུཉྫིཏབྦཾ.

‘‘པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ ཨནུཡུཉྫིཏབྦཾ. ཀཏམེཧི པཉྩཧི? ཝཏྠུཾ ཛཱནཱཏི, ནིདཱནཾ ཛཱནཱཏི, པཉྙཏྟིཾ ཛཱནཱཏི, པདཔཙྩཱབྷཊྛཾ ཛཱནཱཏི, ཨནུསནྡྷིཝཙནཔཐཾ ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ¶ ཨནུཡུཉྫིཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ནཱནུཡུཉྫིཏབྦཾ. ཀཏམེཧི པཉྩཧི? ཨཱཔཏྟིཾ ན ཛཱནཱཏི, ཨཱཔཏྟིསམུཊྛཱནཾ ན ཛཱནཱཏི, ཨཱཔཏྟིཡཱ པཡོགཾ ན ཛཱནཱཏི, ཨཱཔཏྟིཡཱ ཝཱུཔསམཾ ན ཛཱནཱཏི, ཨཱཔཏྟིཡཱ ན ཝིནིཙྪཡཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ནཱནུཡུཉྫིཏབྦཾ.

‘‘པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ ཨནུཡུཉྫིཏབྦཾ. ཀཏམེཧི པཉྩཧི? ཨཱཔཏྟིཾ ཛཱནཱཏི, ཨཱཔཏྟིསམུཊྛཱནཾ ཛཱནཱཏི, ཨཱཔཏྟིཡཱ པཡོགཾ ཛཱནཱཏི, ཨཱཔཏྟིཡཱ ཝཱུཔསམཾ ཛཱནཱཏི, ཨཱཔཏྟིཡཱ ཝིནིཙྪཡཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ཨནུཡུཉྫིཏབྦཾ.

‘‘ཨཔརེཧིཔི ¶ , ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ནཱནུཡུཉྫིཏབྦཾ. ཀཏམེཧི པཉྩཧི? ཨདྷིཀརཎཾ ན ཛཱནཱཏི, ཨདྷིཀརཎསམུཊྛཱནཾ ན ཛཱནཱཏི, ཨདྷིཀརཎསྶ པཡོགཾ ན ཛཱནཱཏི, ཨདྷིཀརཎསྶ ཝཱུཔསམཾ ན ཛཱནཱཏི, ཨདྷིཀརཎསྶ ན ཝིནིཙྪཡཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ནཱནུཡུཉྫིཏབྦཾ.

‘‘པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ ཨནུཡུཉྫིཏབྦཾ. ཀཏམེཧི པཉྩཧི? ཨདྷིཀརཎཾ ཛཱནཱཏི, ཨདྷིཀརཎསམུཊྛཱནཾ ཛཱནཱཏི, ཨདྷིཀརཎསྶ པཡོགཾ ཛཱནཱཏི, ཨདྷིཀརཎསྶ ¶ ཝཱུཔསམཾ ཛཱནཱཏི, ཨདྷིཀརཎསྶ ཝིནིཙྪཡཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ ཨནུཡུཉྫིཏབྦ’’ནྟི.

ཨཏྟཱདཱནཝགྒོ ནིཊྛིཏོ པཉྩམོ.

ཏསྶུདྡཱནཾ –

པརིསུདྡྷཉྩ ¶ ཀཱལེན, ཀཱརུཉྙཾ ཨོཀཱསེན ཙ;

ཨཏྟཱདཱནཾ ཨདྷིཀརཎཾ, ཨཔརེཧིཔི ཝཏྠུཉྩ;

སུཏྟཾ དྷམྨཾ པུན ཝཏྠུཉྩ, ཨཱཔཏྟི ཨདྷིཀརཎེན ཙཱཏི.

༦. དྷུཏངྒཝགྒོ

༤༤༣. ‘‘ཀཏི ¶ ནུ ཁོ, བྷནྟེ, ཨཱརཉྙིཀཱ’’ཏི? ‘‘པཉྩིམེ, ཨུཔཱལི, ཨཱརཉྙིཀཱ [ཨ. ནི. ༥.༡༨༡; པརི. ༣༢༥]. ཀཏམེ པཉྩ? མནྡཏྟཱ མོམཱུཧཏྟཱ ཨཱརཉྙིཀོ ཧོཏི, པཱཔིཙྪོ ཨིཙྪཱཔཀཏོ ཨཱརཉྙིཀོ ཧོཏི, ཨུམྨཱདཱ ཙིཏྟཀྑེཔཱ ཨཱརཉྙིཀོ ཧོཏི, ཝཎྞིཏཾ བུདྡྷེཧི བུདྡྷསཱཝཀེཧཱིཏི ཨཱརཉྙིཀོ ཧོཏི, ཨཔི ཙ ཨཔྤིཙྪཉྙེཝ ནིསྶཱཡ སནྟུཊྛིཉྙེཝ ནིསྶཱཡ – སལླེཁཉྙེཝ ནིསྶཱཡ པཝིཝེཀཉྙེཝ ནིསྶཱཡ ¶ ཨིདམཏྠིཏཉྙེཝ ནིསྶཱཡ ཨཱརཉྙིཀོ ཧོཏི – ཨིམེ ཁོ, ཨུཔཱལི, པཉྩ ཨཱརཉྙིཀཱ’’ཏི.

‘‘ཀཏི ནུ ཁོ, བྷནྟེ, པིཎྜཔཱཏིཀཱཏི…པེ… ཀཏི ནུ ཁོ, བྷནྟེ, པཾསུཀཱུལིཀཱཏི…པེ… ཀཏི ནུ ཁོ, བྷནྟེ, རུཀྑམཱུལིཀཱཏི…པེ… ཀཏི ནུ ཁོ, བྷནྟེ, སོསཱནིཀཱཏི…པེ… ཀཏི ནུ ཁོ, བྷནྟེ, ཨབྦྷོཀཱསིཀཱཏི…པེ… ཀཏི ¶ ནུ ཁོ, བྷནྟེ, ཏེཙཱིཝརིཀཱཏི…པེ… ཀཏི ནུ ཁོ, བྷནྟེ, སཔདཱནཙཱརིཀཱཏི…པེ… ཀཏི ནུ ཁོ, བྷནྟེ, ནེསཛྫིཀཱཏི…པེ… ཀཏི ནུ ཁོ, བྷནྟེ, ཡཐཱསནྠཏིཀཱཏི…པེ… ཀཏི ནུ ཁོ, བྷནྟེ, ཨེཀཱསནིཀཱཏི…པེ… ཀཏི ནུ ཁོ, བྷནྟེ, ཁལུཔཙྪཱབྷཏྟིཀཱཏི…པེ… ཀཏི ¶ ནུ ཁོ, བྷནྟེ, པཏྟཔིཎྜིཀཱཏི? པཉྩིམེ, ཨུཔཱལི, པཏྟཔིཎྜིཀཱ. ཀཏམེ པཉྩ? མནྡཏྟཱ མོམཱུཧཏྟཱ པཏྟཔིཎྜིཀོ ཧོཏི, པཱཔིཙྪོ ཨིཙྪཱཔཀཏོ པཏྟཔིཎྜིཀོ ཧོཏི, ཨུམྨཱདཱ ཙིཏྟཀྑེཔཱ པཏྟཔིཎྜིཀོ ཧོཏི, ཝཎྞིཏཾ བུདྡྷེཧི བུདྡྷསཱཝཀེཧཱིཏི པཏྟཔིཎྜིཀོ ཧོཏི, ཨཔི ཙ ཨཔྤིཙྪཉྙེཝ ནིསྶཱཡ སནྟུཊྛིཉྙེཝ ནིསྶཱཡ སལླེཁཉྙེཝ ནིསྶཱཡ པཝིཝེཀཉྙེཝ ནིསྶཱཡ ཨིདམཏྠིཏཉྙེཝ ནིསྶཱཡ པཏྟཔིཎྜིཀོ ཧོཏི – ཨིམེ ཁོ, ཨུཔཱལི, པཉྩ པཏྟཔིཎྜིཀཱ’’ཏི.

དྷུཏངྒཝགྒོ ནིཊྛིཏོ ཚཊྛོ.

ཏསྶུདྡཱནཾ –

ཨཱརཉྙིཀོ པིཎྜིཔཾསུ, རུཀྑསུསཱནཔཉྩམཾ;

ཨབྦྷོ ཏེཙཱིཝརཉྩེཝ, སཔདཱནནེསཛྫིཀཱ;

སནྠཏེཀཱསནཉྩེཝ, ཁལུཔཙྪཱ པཏྟཔིཎྜིཀཱཏི.

༧. མུསཱཝཱདཝགྒོ

༤༤༤. ‘‘ཀཏི ནུ ཁོ, བྷནྟེ, མུསཱཝཱདཱ’’ཏི? ‘‘པཉྩིམེ, ཨུཔཱལི, མུསཱཝཱདཱ. ཀཏམེ པཉྩ? ཨཏྠི མུསཱཝཱདོ པཱརཱཛིཀགཱམཱི, ཨཏྠི མུསཱཝཱདོ སངྒྷཱདིསེསགཱམཱི, ཨཏྠི མུསཱཝཱདོ ཐུལླཙྩཡགཱམཱི, ཨཏྠི མུསཱཝཱདོ པཱཙིཏྟིཡགཱམཱི, ཨཏྠི མུསཱཝཱདོ དུཀྐཊགཱམཱི – ཨིམེ ཁོ, ཨུཔཱལི, པཉྩ མུསཱཝཱདཱ’’ཏི.

༤༤༥. ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏསྶ བྷིཀྑུནོ སངྒྷམཛ྄ཛྷེ ཨུཔོསཐཾ ཝཱ པཝཱརཎཾ ཝཱ ཋཔེནྟསྶ – ‘ཨལཾ, བྷིཀྑུ, མཱ ¶ བྷཎྜནཾ, མཱ ཀལཧཾ, མཱ ཝིགྒཧཾ, མཱ ཝིཝཱད’ནྟི ¶ ཨོམདྡིཏྭཱ སངྒྷེན ཨུཔོསཐོ ཝཱ པཝཱརཎཱ ཝཱ ཀཱཏབྦཱ’’ཏི? ‘‘པཉྩཧུཔཱལི, ཨངྒེཧི སམནྣཱགཏསྶ བྷིཀྑུནོ སངྒྷམཛ྄ཛྷེ ¶ ཨུཔོསཐཾ ཝཱ པཝཱརཎཾ ཝཱ ཋཔེནྟསྶ – ‘ཨལཾ, བྷིཀྑུ, མཱ བྷཎྜནཾ, མཱ ཀལཧཾ, མཱ ཝིགྒཧཾ, མཱ ཝིཝཱད’ནྟི ཨོམདྡིཏྭཱ སངྒྷེན ཨུཔོསཐོ ཝཱ པཝཱརཎཱ ཝཱ ཀཱཏབྦཱ. ཀཏམེཧི པཉྩཧི? ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ, ཙཱཝནཱདྷིཔྤཱཡོ ཝཏྟཱ ཧོཏི, ནོ ཝུཊྛཱནཱདྷིཔྤཱཡོ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ སངྒྷམཛ྄ཛྷེ ཨུཔོསཐཾ ཝཱ པཝཱརཎཾ ཝཱ ཋཔེནྟསྶ – ‘ཨལཾ, བྷིཀྑུ, མཱ བྷཎྜནཾ, མཱ ཀལཧཾ, མཱ ཝིགྒཧཾ, མཱ ཝིཝཱད’ནྟི ཨོམདྡིཏྭཱ སངྒྷེན ཨུཔོསཐོ ཝཱ པཝཱརཎཱ ཝཱ ཀཱཏབྦཱ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ སངྒྷམཛ྄ཛྷེ ཨུཔོསཐཾ ཝཱ པཝཱརཎཾ ཝཱ ཋཔེནྟསྶ – ‘ཨལཾ, བྷིཀྑུ, མཱ བྷཎྜནཾ, མཱ ཀལཧཾ, མཱ ཝིགྒཧཾ, མཱ ཝིཝཱད’ནྟི ཨོམདྡིཏྭཱ སངྒྷེན ཨུཔོསཐོ ཝཱ པཝཱརཎཱ ཝཱ ཀཱཏབྦཱ. ཀཏམེཧི པཉྩཧི? ཨཔརིསུདྡྷཀཱཡསམཱཙཱརོ ཧོཏི, ཨཔརིསུདྡྷཝཙཱིསམཱཙཱརོ ¶ ཧོཏི, ཨཔརིསུདྡྷཱཛཱིཝོ ཧོཏི, བཱལོ ཧོཏི ཨབྱཏྟོ, བྷཎྜནཀཱརཀོ ཧོཏི ཀལཧཀཱརཀོ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ སངྒྷམཛ྄ཛྷེ ཨུཔོསཐཾ ཝཱ པཝཱརཎཾ ཝཱ ཋཔེནྟསྶ – ‘ཨལཾ, བྷིཀྑུ, མཱ བྷཎྜནཾ, མཱ ཀལཧཾ, མཱ ཝིགྒཧཾ, མཱ ཝིཝཱད’ནྟི ཨོམདྡིཏྭཱ སངྒྷེན ཨུཔོསཐོ ¶ ཝཱ པཝཱརཎཱ ཝཱ ཀཱཏབྦཱ’’ཏི.

༤༤༦. ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏསྶ བྷིཀྑུནོ ཨནུཡོགོ ན དཱཏབྦོ’’ཏི? ‘‘པཉྩཧུཔཱལི, ཨངྒེཧི སམནྣཱགཏསྶ བྷིཀྑུནོ ཨནུཡོགོ ན དཱཏབྦོ. ཀཏམེཧི པཉྩཧི? ཨཱཔཏྟཱནཱཔཏྟིཾ ན ཛཱནཱཏི, ལཧུཀགརུཀཾ ཨཱཔཏྟིཾ ན ཛཱནཱཏི, སཱཝསེསཱནཝསེསཾ ཨཱཔཏྟིཾ ན ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ན ཛཱནཱཏི, སཔྤཊིཀམྨཱཔཊིཀམྨཾ ཨཱཔཏྟིཾ ན ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཨནུཡོགོ ན དཱཏབྦོ.

‘‘པཉྩཧུཔཱལི, ཨངྒེཧི སམནྣཱགཏསྶ བྷིཀྑུནོ ཨནུཡོགོ དཱཏབྦོ. ཀཏམེཧི པཉྩཧི? ཨཱཔཏྟཱནཱཔཏྟིཾ ཛཱནཱཏི, ལཧུཀགརུཀཾ ཨཱཔཏྟིཾ ཛཱནཱཏི, སཱཝསེསཱནཝསེསཾ ཨཱཔཏྟིཾ ཛཱནཱཏི, དུཊྛུལླཱདུཊྛུལླཾ ཨཱཔཏྟིཾ ཛཱནཱཏི, སཔྤཊིཀམྨཱཔཊིཀམྨཾ ཨཱཔཏྟིཾ ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ ཨནུཡོགོ དཱཏབྦོ’’ཏི.

༤༤༧. ‘‘ཀཏིཧི ¶ ནུ ཁོ, བྷནྟེ, ཨཱཀཱརེཧི བྷིཀྑུ ཨཱཔཏྟིཾ ཨཱཔཛྫཏཱི’’ཏི? ‘‘པཉྩཧུཔཱལི, ཨཱཀཱརེཧི བྷིཀྑུ ཨཱཔཏྟིཾ ཨཱཔཛྫཏི. ཀཏམེཧི པཉྩཧི? ཨལཛྫིཏཱ, ཨཉྙཱཎཏཱ, ཀུཀྐུཙྩཔཀཏཏཱ, ཨཀཔྤིཡེ ཀཔྤིཡསཉྙིཏཱ, ཀཔྤིཡེ ཨཀཔྤིཡསཉྙིཏཱ – ཨིམེཧི ཁོ, ཨུཔཱལི, པཉྩཧཱཀཱརེཧི བྷིཀྑུ ཨཱཔཏྟིཾ ཨཱཔཛྫཏི.

‘‘ཨཔརེཧིཔི, ཨུཔཱལི, པཉྩཧཱཀཱརེཧི བྷིཀྑུ ཨཱཔཏྟིཾ ཨཱཔཛྫཏི. ཀཏམེཧི པཉྩཧི ¶ ? ཨདསྶནེན, ཨསྶཝནེན, པསུཏྟཀཏཱ, ཏཐཱསཉྙཱི, སཏིསམྨོསཱ – ཨིམེཧི ཁོ, ཨུཔཱལི, པཉྩཧཱཀཱརེཧི བྷིཀྑུ ཨཱཔཏྟིཾ ཨཱཔཛྫཏཱི’’ཏི.

༤༤༨. ‘‘ཀཏི ནུ ཁོ, བྷནྟེ, ཝེརཱ’’ཏི? ‘‘པཉྩིམེ, ཨུཔཱལི, ཝེརཱ. ཀཏམེ པཉྩ? པཱཎཱཏིཔཱཏོ ¶ , ཨདིནྣཱདཱནཾ, ཀཱམེསུམིཙྪཱཙཱརོ, མུསཱཝཱདོ, སུརཱམེརཡམཛྫཔྤམཱདཊྛཱནཾ – ཨིམེ ཁོ, ཨུཔཱལི, པཉྩ ཝེརཱ’’ཏི.

‘‘ཀཏི ནུ ཁོ, བྷནྟེ, ཝེརམཎིཡོ’’ཏི? ‘‘པཉྩིམཱ, ཨུཔཱལི, ཝེརམཎིཡོ. ཀཏམཱ པཉྩ? པཱཎཱཏིཔཱཏཱ ཝེརམཎཱི [ཝེརམཎི (ཀ.)], ཨདིནྣཱདཱནཱ ཝེརམཎཱི, ཀཱམེསུམིཙྪཱཙཱརཱ ཝེརམཎཱི, མུསཱཝཱདཱ ཝེརམཎཱི, སུརཱམེརཡམཛྫཔྤམཱདཊྛཱནཱ ཝེརམཎཱི – ཨིམཱ ཁོ, ཨུཔཱལི, པཉྩ ཝེརམཎིཡོ’’ཏི.

༤༤༩. ‘‘ཀཏི ནུ ཁོ, བྷནྟེ, བྱསནཱནཱི’’ཏི? ‘‘པཉྩིམཱནི, ཨུཔཱལི, བྱསནཱནི. [པརི. ༣༢༥; ཨ. ནི. ༥.༡༣༠] ཀཏམཱནི པཉྩ? ཉཱཏིབྱསནཾ, བྷོགབྱསནཾ, རོགབྱསནཾ, སཱིལབྱསནཾ, དིཊྛིབྱསནཾ – ཨིམཱནི ཁོ, ཨུཔཱལི, པཉྩ བྱསནཱནཱི’’ཏི.

‘‘ཀཏི ནུ ཁོ, བྷནྟེ, སམྤདཱ’’ཏི? ‘‘པཉྩིམཱ, ཨུཔཱལི, སམྤདཱ. [པརི. ༣༢༥; ཨ. ནི. ༥.༡༣༠] ཀཏམཱ པཉྩ? ཉཱཏིསམྤདཱ, བྷོགསམྤདཱ, ཨཱརོགྱསམྤདཱ, སཱིལསམྤདཱ, དིཊྛིསམྤདཱ – ཨིམཱ ཁོ, ཨུཔཱལི, པཉྩ སམྤདཱ’’ཏི.

མུསཱཝཱདཝགྒོ ནིཊྛིཏོ སཏྟམོ.

ཏསྶུདྡཱནཾ –

མུསཱཝཱདོ ¶ ¶ ཙ ཨོམདྡི, ཨཔརེཧི ཨནུཡོགོ;

ཨཱཔཏྟིཉྩ ཨཔརེཧི, ཝེརཱ ཝེརམཎཱིཔི ཙ;

བྱསནཾ སམྤདཱ ཙེཝ, སཏྟམོ ཝགྒསངྒཧོཏི.

༨. བྷིཀྑུནོཝཱདཝགྒོ

༤༥༠. ‘‘ཀཏིཧི ¶ ནུ ཁོ, བྷནྟེ, ཨངྒེཧི སམནྣཱགཏསྶ བྷིཀྑུནོ བྷིཀྑུནིསངྒྷེནེཝ ཀམྨཾ ཀཱཏབྦ’’ནྟི? ‘‘པཉྩཧུཔཱལི, ཨངྒེཧི སམནྣཱགཏསྶ བྷིཀྑུནོ བྷིཀྑུནིསངྒྷེནེཝ ཀམྨཾ ཀཱཏབྦཾ, ཨཝནྡིཡོ སོ བྷིཀྑུ བྷིཀྑུནིསངྒྷེན. ཀཏམེཧི པཉྩཧི? ཝིཝརིཏྭཱ ཀཱཡཾ བྷིཀྑུནཱིནཾ དསྶེཏི, ཨཱུརུཾ དསྶེཏི, ཨངྒཛཱཏཾ དསྶེཏི, ཨུབྷོ ཨཾསཀཱུཊེ དསྶེཏི, ཨོབྷཱསཏི, གིཧཱི ¶ སམྤཡོཛེཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ བྷིཀྑུནིསངྒྷེནེཝ ཀམྨཾ ཀཱཏབྦཾ. ཨཝནྡིཡོ སོ བྷིཀྑུ བྷིཀྑུནིསངྒྷེན.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ བྷིཀྑུནིསངྒྷེནེཝ ཀམྨཾ ཀཱཏབྦཾ, ཨཝནྡིཡོ སོ བྷིཀྑུ བྷིཀྑུནིསངྒྷེན. ཀཏམེཧི པཉྩཧི? བྷིཀྑུནཱིནཾ ཨལཱབྷཱཡ པརིསཀྐཏི, བྷིཀྑུནཱིནཾ ཨནཏྠཱཡ པརིསཀྐཏི, བྷིཀྑུནཱིནཾ ཨཝཱསཱཡ པརིསཀྐཏི, བྷིཀྑུནིཡོ ཨཀྐོསཏི པརིབྷཱསཏི, བྷིཀྑཱུ བྷིཀྑུནཱིཧི བྷེདེཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ བྷིཀྑུནིསངྒྷེནེཝ ཀམྨཾ ཀཱཏབྦཾ, ཨཝནྡིཡོ སོ བྷིཀྑུ བྷིཀྑུནིསངྒྷེན.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ བྷིཀྑུནིསངྒྷེནེཝ ཀམྨཾ ཀཱཏབྦཾ, ཨཝནྡིཡོ སོ ¶ བྷིཀྑུ བྷིཀྑུནིསངྒྷེན. ཀཏམེཧི པཉྩཧི? བྷིཀྑུནཱིནཾ ཨལཱབྷཱཡ པརིསཀྐཏི, བྷིཀྑུནཱིནཾ ཨནཏྠཱཡ པརིསཀྐཏི, བྷིཀྑུནཱིནཾ ཨཝཱསཱཡ པརིསཀྐཏི, བྷིཀྑུནིཡོ ཨཀྐོསཏི པརིབྷཱསཏི, བྷིཀྑཱུ བྷིཀྑུནཱིཧི སམྤཡོཛེཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏསྶ བྷིཀྑུནོ བྷིཀྑུནིསངྒྷེནེཝ ཀམྨཾ ཀཱཏབྦཾ, ཨཝནྡིཡོ སོ བྷིཀྑུ བྷིཀྑུནིསངྒྷེནཱ’’ཏི.

༤༥༡. ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏཱཡ བྷིཀྑུནིཡཱ ཀམྨཾ ཀཱཏབྦ’’ནྟི? པཉྩཧུཔཱལི, ཨངྒེཧི སམནྣཱགཏཱཡ བྷིཀྑུནིཡཱ ཀམྨཾ ཀཱཏབྦཾ. ཀཏམེཧི པཉྩཧི? ཝིཝརིཏྭཱ ཀཱཡཾ བྷིཀྑཱུནཾ དསྶེཏི, ཨཱུརུཾ དསྶེཏི, ཨངྒཛཱཏཾ དསྶེཏི, ཨུབྷོ ཨཾསཀཱུཊེ དསྶེཏི, ཨོབྷཱསཏི, གིཧཱི སམྤཡོཛེཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏཱཡ བྷིཀྑུནིཡཱ ཀམྨཾ ཀཱཏབྦཾ.

‘‘ཨཔརེཧིཔི ¶ , ཨུཔཱལི, པཉྩཧངྒེཧི སམནྣཱགཏཱཡ བྷིཀྑུནིཡཱ ཀམྨཾ ཀཱཏབྦཾ. ཀཏམེཧི པཉྩཧི? བྷིཀྑཱུནཾ ཨལཱབྷཱཡ པརིསཀྐཏི, བྷིཀྑཱུནཾ ཨནཏྠཱཡ པརིསཀྐཏི, བྷིཀྑཱུནཾ ཨཝཱསཱཡ པརིསཀྐཏི, བྷིཀྑཱུ ཨཀྐོསཏི པརིབྷཱསཏི, བྷིཀྑུནིཡོ བྷིཀྑཱུཧི བྷེདེཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏཱཡ བྷིཀྑུནིཡཱ ཀམྨཾ ཀཱཏབྦཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏཱཡ བྷིཀྑུནིཡཱ ཀམྨཾ ཀཱཏབྦཾ. ཀཏམེཧི པཉྩཧི? བྷིཀྑཱུནཾ ཨལཱབྷཱཡ པརིསཀྐཏི, བྷིཀྑཱུནཾ ཨནཏྠཱཡ པརིསཀྐཏི, བྷིཀྑཱུནཾ ཨཝཱསཱཡ ¶ པརིསཀྐཏི, བྷིཀྑཱུ ཨཀྐོསཏི ¶ པརིབྷཱསཏི, བྷིཀྑུནིཡོ བྷིཀྑཱུཧི སམྤཡོཛེཏི – ཨིམེཧི ཁོ, ཨུཔཱལི, པཉྩཧངྒེཧི ¶ སམནྣཱགཏཱཡ བྷིཀྑུནིཡཱ ཀམྨཾ ཀཱཏབྦ’’ནྟི.

༤༥༢. ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏེན བྷིཀྑུནཱ བྷིཀྑུནཱིནཾ ཨོཝཱདོ ན ཋཔེཏབྦོ’’ཏི? ‘‘པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ བྷིཀྑུནཱིནཾ ཨོཝཱདོ ན ཋཔེཏབྦོ. ཀཏམེཧི པཉྩཧི? ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ, ཙཱཝནཱདྷིཔྤཱཡོ ཝཏྟཱ ཧོཏི, ནོ ཝུཊྛཱནཱདྷིཔྤཱཡོ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ བྷིཀྑུནཱིནཾ ཨོཝཱདོ ན ཋཔེཏབྦོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ བྷིཀྑུནཱིནཾ ཨོཝཱདོ ན ཋཔེཏབྦོ. ཀཏམེཧི པཉྩཧི? ཨཔརིསུདྡྷཀཱཡསམཱཙཱརོ ཧོཏི, ཨཔརིསུདྡྷཝཙཱིསམཱཙཱརོ ཧོཏི, ཨཔརིསུདྡྷཱཛཱིཝོ ཧོཏི, བཱལོ ཧོཏི, ཨབྱཏྟོ, ན པཊིབལོ ཨནུཡུཉྫིཡམཱནོ ཨནུཡོགཾ དཱཏུཾ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ བྷིཀྑུནཱིནཾ ཨོཝཱདོ ན ཋཔེཏབྦོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ བྷིཀྑུནཱིནཾ ཨོཝཱདོ ན ཋཔེཏབྦོ. ཀཏམེཧི པཉྩཧི? ཀཱཡིཀེན ཨནཱཙཱརེན སམནྣཱགཏོ ཧོཏི, ཝཱཙསིཀེན ཨནཱཙཱརེན སམནྣཱགཏོ ཧོཏི, ཀཱཡིཀཝཱཙསིཀེན ཨནཱཙཱརེན སམནྣཱགཏོ ཧོཏི, བྷིཀྑུནཱིནཾ ཨཀྐོསཀཔརིབྷཱསཀོ ཧོཏི, བྷིཀྑུནཱིཧི སདྡྷིཾ སཾསཊྛོ ཝིཧརཏི ཨནནུལོམིཀེན སཾསགྒེན – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན ¶ བྷིཀྑུནཱ བྷིཀྑུནཱིནཾ ཨོཝཱདོ ན ཋཔེཏབྦོ.

‘‘ཨཔརེཧིཔི ¶ , ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ བྷིཀྑུནཱིནཾ ཨོཝཱདོ ན ཋཔེཏབྦོ. ཀཏམེཧི པཉྩཧི? ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ, བྷཎྜནཀཱརཀོ ཙ ཧོཏི ཀལཧཀཱརཀོ, སིཀྑཱཡ ཙ ན པརིཔཱུརིཀཱརཱི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ བྷིཀྑུནཱིནཾ ཨོཝཱདོ ན ཋཔེཏབྦོ’’ཏི.

༤༥༣. ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏེན བྷིཀྑུནཱ བྷིཀྑུནཱིནཾ ཨོཝཱདོ ན གཧེཏབྦོ’’ཏི? ‘‘པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ བྷིཀྑུནཱིནཾ ཨོཝཱདོ ན གཧེཏབྦོ. ཀཏམེཧི པཉྩཧི? ཀཱཡིཀེན ཨནཱཙཱརེན སམནྣཱགཏོ ཧོཏི, ཝཱཙསིཀེན ཨནཱཙཱརེན སམནྣཱགཏོ ཧོཏི, ཀཱཡིཀཝཱཙསིཀེན ཨནཱཙཱརེན སམནྣཱགཏོ ཧོཏི, བྷིཀྑུནཱིནཾ ཨཀྐོསཀཔརིབྷཱསཀོ ¶ ཧོཏི, བྷིཀྑུནཱིཧི སདྡྷིཾ སཾསཊྛོ ཝིཧརཏི ཨནནུལོམིཀེན སཾསགྒེན – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ བྷིཀྑུནཱིནཾ ཨོཝཱདོ ན གཧེཏབྦོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ བྷིཀྑུནཱིནཾ ཨོཝཱདོ ན གཧེཏབྦོ. ཀཏམེཧི པཉྩཧི? ཨལཛྫཱི ཙ ཧོཏི, བཱལོ ཙ, ཨཔཀཏཏྟོ ཙ, གམིཀོ ཝཱ ཧོཏི, གིལཱནོ ཝཱ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ བྷིཀྑུནཱིནཾ ཨོཝཱདོ ན གཧེཏབྦོ’’ཏི.

༤༥༤. ‘‘ཀཏིཧི ¶ ནུ ཁོ, བྷནྟེ, ཨངྒེཧི སམནྣཱགཏེན བྷིཀྑུནཱ སདྡྷིཾ ན སཱཀཙྪིཏབྦོ’’ཏི? ‘‘པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ སདྡྷིཾ ན སཱཀཙྪིཏབྦོ. ཀཏམེཧི པཉྩཧི? ན ཨསེཀྑེན སཱིལཀྑནྡྷེན སམནྣཱགཏོ ཧོཏི, ན ཨསེཀྑེན སམཱདྷིཀྑནྡྷེན སམནྣཱགཏོ ཧོཏི, ན ཨསེཀྑེན པཉྙཱཀྑནྡྷེན སམནྣཱགཏོ ཧོཏི, ན ཨསེཀྑེན ཝིམུཏྟིཀྑནྡྷེན སམནྣཱགཏོ ཧོཏི, ན ཨསེཀྑེན ཝིམུཏྟིཉཱཎདསྶནཀྑནྡྷེན སམནྣཱགཏོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སདྡྷིཾ ན སཱཀཙྪིཏབྦོ. པཉྩཧུཔཱལི, ཨངྒེཧི སམནྣཱགཏེན བྷིཀྑུནཱ སདྡྷིཾ སཱཀཙྪིཏབྦོ. ཀཏམེཧི པཉྩཧི? ཨསེཀྑེན སཱིལཀྑནྡྷེན སམནྣཱགཏོ ཧོཏི, ཨསེཀྑེན སམཱདྷིཀྑནྡྷེན སམནྣཱགཏོ ཧོཏི, ཨསེཀྑེན པཉྙཱཀྑནྡྷེན སམནྣཱགཏོ ཧོཏི ¶ , ཨསེཀྑེན ཝིམུཏྟིཀྑནྡྷེན སམནྣཱགཏོ ཧོཏི, ཨསེཀྑེན ཝིམུཏྟིཉཱཎདསྶནཀྑནྡྷེན ¶ སམནྣཱགཏོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སདྡྷིཾ སཱཀཙྪིཏབྦོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སདྡྷིཾ ན སཱཀཙྪིཏབྦོ. ཀཏམེཧི པཉྩཧི? ན ཨཏྠཔཊིསམྦྷིདཱཔཏྟོ ཧོཏི, ན དྷམྨཔཊིསམྦྷིདཱཔཏྟོ ཧོཏི, ན ནིརུཏྟིཔཊིསམྦྷིདཱཔཏྟོ ཧོཏི, ན པཊིབྷཱནཔཊིསམྦྷིདཱཔཏྟོ ཧོཏི, ཡཐཱཝིམུཏྟཾ ཙིཏྟཾ ན པཙྩཝེཀྑིཏཱ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སདྡྷིཾ ན སཱཀཙྪིཏབྦོ. པཉྩཧུཔཱལི ¶ , ཨངྒེཧི སམནྣཱགཏེན བྷིཀྑུནཱ སདྡྷིཾ སཱཀཙྪིཏབྦོ. ཀཏམེཧི པཉྩཧི? ཨཏྠཔཊིསམྦྷིདཱཔཏྟོ ཧོཏི, དྷམྨཔཊིསམྦྷིདཱཔཏྟོ ཧོཏི, ནིརུཏྟིཔཊིསམྦྷིདཱཔཏྟོ ཧོཏི, པཊིབྷཱནཔཊིསམྦྷིདཱཔཏྟོ ཧོཏི, ཡཐཱཝིམུཏྟཾ ཙིཏྟཾ པཙྩཝེཀྑིཏཱ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏེན བྷིཀྑུནཱ སདྡྷིཾ སཱཀཙྪིཏབྦོ’’ཏི.

བྷིཀྑུནོཝཱདཝགྒོ ནིཊྛིཏོ ཨཊྛམོ.

ཏསྶུདྡཱནཾ –

བྷིཀྑུནཱིཧེཝ ¶ ཀཱཏབྦཾ, ཨཔརེཧི ཏཐཱ དུཝེ;

བྷིཀྑུནཱིནཾ ཏཡོ ཀམྨཱ, ན ཋཔེཏབྦཱ དྭེ དུཀཱ;

ན གཧེཏབྦཱ དྭེ ཝུཏྟཱ, སཱཀཙྪཱསུ ཙ དྭེ དུཀཱཏི.

༩. ཨུབྦཱཧིཀཝགྒོ

༤༥༥. ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏོ བྷིཀྑུ ཨུབྦཱཧིཀཱཡ ན སམྨནྣིཏབྦོ’’ཏི? ‘‘པཉྩཧུཔཱལི, ཨངྒེཧི སམནྣཱགཏོ བྷིཀྑུ ཨུབྦཱཧིཀཱཡ ན སམྨནྣིཏབྦོ. ཀཏམེཧི པཉྩཧི? ན ཨཏྠཀུསལོ ཧོཏི, ན དྷམྨཀུསལོ ཧོཏི, ན ནིརུཏྟིཀུསལོ ཧོཏི, ན བྱཉྫནཀུསལོ ཧོཏི, ན པུབྦཱཔརཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨུབྦཱཧིཀཱཡ ན སམྨནྣིཏབྦོ. པཉྩཧུཔཱལི, ཨངྒེཧི སམནྣཱགཏོ བྷིཀྑུ ཨུབྦཱཧིཀཱཡ སམྨནྣིཏབྦོ. ཀཏམེཧི པཉྩཧི? ཨཏྠཀུསལོ ཧོཏི, དྷམྨཀུསལོ ཧོཏི, ནིརུཏྟིཀུསལོ ¶ ཧོཏི, བྱཉྫནཀུསལོ ཧོཏི, པུབྦཱཔརཀུསལོ ཧོཏི ¶ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨུབྦཱཧིཀཱཡ སམྨནྣིཏབྦོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨུབྦཱཧིཀཱཡ ན སམྨནྣིཏབྦོ. ཀཏམེཧི པཉྩཧི? ཀོདྷནོ ཧོཏི ཀོདྷཱབྷིབྷཱུཏོ, མཀྑཱི ཧོཏི མཀྑཱབྷིབྷཱུཏོ, པལཱ༹སཱི ཧོཏི པལཱ༹སཱབྷིབྷཱུཏོ, ཨིསྶུཀཱི ཧོཏི ཨིསྶཱབྷིབྷཱུཏོ, སནྡིཊྛིཔརཱམཱསཱི ཧོཏི ཨཱདྷཱནགྒཱཧཱི དུཔྤཊིནིསྶགྒཱི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨུབྦཱཧིཀཱཡ ན སམྨནྣིཏབྦོ. པཉྩཧུཔཱལི, ཨངྒེཧི སམནྣཱགཏོ བྷིཀྑུ ཨུབྦཱཧིཀཱཡ སམྨནྣིཏབྦོ. ཀཏམེཧི པཉྩཧི? ན ཀོདྷནོ ཧོཏི ན ཀོདྷཱབྷིབྷཱུཏོ, ན མཀྑཱི ཧོཏི ན མཀྑཱབྷིབྷཱུཏོ, ན པལཱ༹སཱི ཧོཏི ན པལཱ༹སཱབྷིབྷཱུཏོ, ན ཨིསྶུཀཱི ཧོཏི ན ཨིསྶཱབྷིབྷཱུཏོ, ཨསནྡིཊྛིཔརཱམཱསཱི ཧོཏི ཨནཱདྷཱནགྒཱཧཱི སུཔྤཊིནིསྶགྒཱི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨུབྦཱཧིཀཱཡ སམྨནྣིཏབྦོ.

‘‘ཨཔརེཧིཔི ¶ , ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨུབྦཱཧིཀཱཡ ན སམྨནྣིཏབྦོ. ཀཏམེཧི པཉྩཧི? ཀུཔྤཏི, བྱཱཔཛྫཏི, པཏིཊྛིཡཏི, ཀོཔཾ ཛནེཏི, ཨཁམོ ཧོཏི ཨཔདཀྑིཎགྒཱཧཱི ཨནུསཱསནིཾ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨུབྦཱཧིཀཱཡ ན སམྨནྣིཏབྦོ. པཉྩཧུཔཱལི, ཨངྒེཧི སམནྣཱགཏོ བྷིཀྑུ ཨུབྦཱཧིཀཱཡ སམྨནྣིཏབྦོ ¶ . ཀཏམེཧི པཉྩཧི? ན ཀུཔྤཏི, ན བྱཱཔཛྫཏི, ན པཏིཊྛིཡཏི, ན ཀོཔཾ ཛནེཏི, ཁམོ ཧོཏི པདཀྑིཎགྒཱཧཱི ཨནུསཱསནིཾ – ཨིམེཧི ཁོ, ཨུཔཱལི, པཉྩཧངྒེཧི ¶ སམནྣཱགཏོ བྷིཀྑུ ཨུབྦཱཧིཀཱཡ སམྨནྣིཏབྦོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨུབྦཱཧིཀཱཡ ན སམྨནྣིཏབྦོ. ཀཏམེཧི པཉྩཧི? པསཱརེཏཱ ཧོཏི ནོ སཱརེཏཱ, ཨནོཀཱསཀམྨཾ ཀཱརེཏྭཱ པཝཏྟཱ ཧོཏི, ན ཡཐཱདྷམྨེ ཡཐཱཝིནཡེ ཡཐཱཔཏྟིཡཱ ཙོདེཏཱ ཧོཏི, ན ཡཐཱདྷམྨེ ཡཐཱཝིནཡེ ཡཐཱཔཏྟིཡཱ ཀཱརེཏཱ ཧོཏི, ན ཡཐཱདིཊྛིཡཱ བྱཱཀཏཱ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨུབྦཱཧིཀཱཡ ན སམྨནྣིཏབྦོ. པཉྩཧུཔཱལི, ཨངྒེཧི སམནྣཱགཏོ བྷིཀྑུ ཨུབྦཱཧིཀཱཡ སམྨནྣིཏབྦོ. ཀཏམེཧི པཉྩཧི? སཱརེཏཱ ཧོཏི ནོ པསཱརེཏཱ, ཨོཀཱསཀམྨཾ ¶ ཀཱརེཏྭཱ པཝཏྟཱ ཧོཏི, ཡཐཱདྷམྨཾ ཡཐཱཝིནཡེ ཡཐཱཔཏྟིཡཱ ཙོདེཏཱ ཧོཏི, ཡཐཱདྷམྨེ ཡཐཱཝིནཡེ ཡཐཱཔཏྟིཡཱ ཀཱརེཏཱ ཧོཏི, ཡཐཱདིཊྛིཡཱ བྱཱཀཏཱ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨུབྦཱཧིཀཱཡ སམྨནྣིཏབྦོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨུབྦཱཧིཀཱཡ ན སམྨནྣིཏབྦོ. ཀཏམེཧི པཉྩཧི? ཚནྡཱགཏིཾ གཙྪཏི, དོསཱགཏིཾ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི, ཨལཛྫཱི ཙ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨུབྦཱཧིཀཱཡ ན སམྨནྣིཏབྦོ. པཉྩཧུཔཱལི, ཨངྒེཧི སམནྣཱགཏོ བྷིཀྑུ ཨུབྦཱཧིཀཱཡ སམྨནྣིཏབྦོ. ཀཏམེཧི པཉྩཧི? ན ཚནྡཱགཏིཾ གཙྪཏི, ན དོསཱགཏིཾ གཙྪཏི, ན མོཧཱགཏིཾ གཙྪཏི, ན བྷཡཱགཏིཾ གཙྪཏི, ལཛྫཱི ¶ ཙ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨུབྦཱཧིཀཱཡ སམྨནྣིཏབྦོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨུབྦཱཧིཀཱཡ ན སམྨནྣིཏབྦོ. ཀཏམེཧི པཉྩཧི? ཚནྡཱགཏིཾ གཙྪཏི, དོསཱགཏིཾ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི, ཨཀུསལོ ཙ ཧོཏི ཝིནཡེ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨུབྦཱཧིཀཱཡ ན སམྨནྣིཏབྦོ. པཉྩཧུཔཱལི, ཨངྒེཧི སམནྣཱགཏོ བྷིཀྑུ ཨུབྦཱཧིཀཱཡ སམྨནྣིཏབྦོ. ཀཏམེཧི པཉྩཧི? ན ཚནྡཱགཏིཾ གཙྪཏི, ན དོསཱགཏིཾ གཙྪཏི, ན མོཧཱགཏིཾ གཙྪཏི, ན བྷཡཱགཏིཾ གཙྪཏི, ཀུསལོ ཙ ཧོཏི ཝིནཡེ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨུབྦཱཧིཀཱཡ སམྨནྣིཏབྦོ’’ཏི.

༤༥༦. ‘‘ཀཏིཧི ¶ ནུ ཁོ, བྷནྟེ, ཨངྒེཧི སམནྣཱགཏོ བྷིཀྑུ བཱལོཏྭེཝ སངྑཾ གཙྪཏཱི’’ཏི? ‘‘པཉྩཧུཔཱལི, ཨངྒེཧི སམནྣཱགཏོ བྷིཀྑུ བཱལོཏྭེཝ སངྑཾ གཙྪཏི. ཀཏམེཧི པཉྩཧི? སུཏྟཾ ན ཛཱནཱཏི, སུཏྟཱནུལོམཾ ན ཛཱནཱཏི, ཝིནཡཾ ན ཛཱནཱཏི, ཝིནཡཱནུལོམཾ ན ཛཱནཱཏི, ན ཙ ཋཱནཋཱནཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ བཱལོཏྭེཝ སངྑཾ གཙྪཏི. པཉྩཧུཔཱལི, ཨངྒེཧི སམནྣཱགཏོ བྷིཀྑུ པཎྜིཏོཏྭེཝ སངྑཾ གཙྪཏི. ཀཏམེཧི པཉྩཧི? སུཏྟཾ ཛཱནཱཏི, སུཏྟཱནུལོམཾ ཛཱནཱཏི, ཝིནཡཾ ཛཱནཱཏི, ཝིནཡཱནུལོམཾ ¶ ཛཱནཱཏི, ཋཱནཱཋཱནཀུསལོ ཙ ¶ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ པཎྜིཏོཏྭེཝ སངྑཾ གཙྪཏི.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ བྷིཀྑུ བཱལོཏྭེཝ སངྑཾ གཙྪཏི. ཀཏམེཧི པཉྩཧི? དྷམྨཾ ན ཛཱནཱཏི, དྷམྨཱནུལོམཾ ¶ ཛཱནཱཏི, ཝིནཡཾ ན ཛཱནཱཏི, ཝིནཡཱནུལོམཾ ན ཛཱནཱཏི, ན ཙ པུབྦཱཔརཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ བཱལོཏྭེཝ སངྑཾ གཙྪཏི. པཉྩཧུཔཱལི, ཨངྒེཧི སམནྣཱགཏོ བྷིཀྑུ པཎྜིཏོཏྭེཝ སངྑཾ གཙྪཏི. ཀཏམེཧི པཉྩཧི? དྷམྨཾ ཛཱནཱཏི, དྷམྨཱནུལོམཾ ཛཱནཱཏི, ཝིནཡཾ ཛཱནཱཏི, ཝིནཡཱནུལོམཾ ཛཱནཱཏི, པུབྦཱཔརཀུསལོ ཙ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ པཎྜིཏོཏྭེཝ སངྑཾ གཙྪཏི.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ བྷིཀྑུ བཱལོཏྭེཝ སངྑཾ གཙྪཏི. ཀཏམེཧི པཉྩཧི? ཝཏྠུཾ ན ཛཱནཱཏི, ནིདཱནཾ ན ཛཱནཱཏི, པཉྙཏྟིཾ ན ཛཱནཱཏི, པདཔཙྩཱབྷཊྛཾ ན ཛཱནཱཏི, ཨནུསནྡྷིཝཙནཔཐཾ ན ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ བཱལོཏྭེཝ སངྑཾ གཙྪཏི. པཉྩཧུཔཱལི, ཨངྒེཧི སམནྣཱགཏོ བྷིཀྑུ པཎྜིཏོཏྭེཝ སངྑཾ གཙྪཏི. ཀཏམེཧི པཉྩཧི? ཝཏྠུཾ ཛཱནཱཏི, ནིདཱནཾ ཛཱནཱཏི, པཉྙཏྟིཾ ཛཱནཱཏི, པདཔཙྩཱབྷཊྛཾ ཛཱནཱཏི, ཨནུསནྡྷིཝཙནཔཐཾ ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ པཎྜིཏོཏྭེཝ སངྑཾ གཙྪཏི.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ ¶ བྷིཀྑུ བཱལོཏྭེཝ སངྑཾ གཙྪཏི. ཀཏམེཧི པཉྩཧི? ཨཱཔཏྟིཾ ན ཛཱནཱཏི, ཨཱཔཏྟིསམུཊྛཱནཾ ན ཛཱནཱཏི, ཨཱཔཏྟིཡཱ པཡོགཾ ན ཛཱནཱཏི, ཨཱཔཏྟིཡཱ ཝཱུཔསམཾ ན ཛཱནཱཏི, ཨཱཔཏྟིཡཱ ན ཝིནིཙྪཡཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ བཱལོཏྭེཝ སངྑཾ གཙྪཏི. པཉྩཧུཔཱལི, ཨངྒེཧི སམནྣཱགཏོ བྷིཀྑུ པཎྜིཏོཏྭེཝ སངྑཾ གཙྪཏི. ཀཏམེཧི པཉྩཧི? ཨཱཔཏྟིཾ ཛཱནཱཏི ¶ , ཨཱཔཏྟིསམུཊྛཱནཾ ཛཱནཱཏི, ཨཱཔཏྟིཡཱ པཡོགཾ ཛཱནཱཏི, ཨཱཔཏྟིཡཱ ཝཱུཔསམཾ ཛཱནཱཏི, ཨཱཔཏྟིཡཱ ཝིནིཙྪཡཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ པཎྜིཏོཏྭེཝ སངྑཾ གཙྪཏི.

‘‘ཨཔརེཧིཔི ¶ , ཨུཔཱལི, པཉྩཧངྒེཧི སམནྣཱགཏོ བྷིཀྑུ བཱལོཏྭེཝ སངྑཾ གཙྪཏི. ཀཏམེཧི པཉྩཧི? ཨདྷིཀརཎཾ ན ཛཱནཱཏི, ཨདྷིཀརཎསམུཊྛཱནཾ ན ཛཱནཱཏི, ཨདྷིཀརཎསྶ པཡོགཾ ན ཛཱནཱཏི, ཨདྷིཀརཎསྶ ཝཱུཔསམཾ ན ཛཱནཱཏི, ཨདྷིཀརཎསྶ ན ཝིནིཙྪཡཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ བཱལོཏྭེཝ སངྑཾ གཙྪཏི. པཉྩཧུཔཱལི, ཨངྒེཧི སམནྣཱགཏོ བྷིཀྑུ པཎྜིཏོཏྭེཝ སངྑཾ གཙྪཏི. ཀཏམེཧི པཉྩཧི? ཨདྷིཀརཎཾ ཛཱནཱཏི, ཨདྷིཀརཎསམུཊྛཱནཾ ཛཱནཱཏི, ཨདྷིཀརཎསྶ པཡོགཾ ཛཱནཱཏི, ཨདྷིཀརཎསྶ ཝཱུཔསམཾ ཛཱནཱཏི, ཨདྷིཀརཎསྶ ཝིནིཙྪཡཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ པཎྜིཏོཏྭེཝ སངྑཾ གཙྪཏཱི’’ཏི.

ཨུབྦཱཧིཀཝགྒོ ནིཊྛིཏོ ནཝམོ.

ཏསྶུདྡཱནཾ –

ན ¶ ཨཏྠཀུསལོ ཙེཝ, ཀོདྷནོ ཀུཔྤཏཱི ཙ ཡོ;

པསཱརེཏཱ ཚནྡཱགཏིཾ, ཨཀུསལོ ཏཐེཝ ཙ.

སུཏྟཾ དྷམྨཉྩ ཝཏྠུཉྩ, ཨཱཔཏྟི ཨདྷིཀརཎཾ;

དྭེ དྭེ པཀཱསིཏཱ སབྦེ, ཀཎྷསུཀྐཾ ཝིཛཱནཐཱཏི.

༡༠. ཨདྷིཀརཎཝཱུཔསམཝགྒོ

༤༥༧. ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏོ བྷིཀྑུ ནཱལཾ ཨདྷིཀརཎཾ ཝཱུཔསམེཏུ’’ནྟི? ‘‘པཉྩཧུཔཱལི, ཨངྒེཧི སམནྣཱགཏོ བྷིཀྑུ ནཱལཾ ཨདྷིཀརཎཾ ཝཱུཔསམེཏུཾ. ཀཏམེཧི པཉྩཧི? ཨཱཔཏྟིཾ ¶ ན ཛཱནཱཏི, ཨཱཔཏྟིསམུཊྛཱནཾ ན ཛཱནཱཏི, ཨཱཔཏྟིཡཱ པཡོགཾ ན ཛཱནཱཏི, ཨཱཔཏྟིཡཱ ཝཱུཔསམཾ ན ཛཱནཱཏི, ཨཱཔཏྟིཡཱ ན ཝིནིཙྪཡཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ནཱལཾ ཨདྷིཀརཎཾ ཝཱུཔསམེཏུཾ. པཉྩཧུཔཱལི, ཨངྒེཧི སམནྣཱགཏོ བྷིཀྑུ ཨལཾ ཨདྷིཀརཎཾ ཝཱུཔསམེཏུཾ. ཀཏམེཧི པཉྩཧི? ཨཱཔཏྟིཾ ¶ ཛཱནཱཏི, ཨཱཔཏྟིསམུཊྛཱནཾ ཛཱནཱཏི, ཨཱཔཏྟིཡཱ པཡོགཾ ཛཱནཱཏི, ཨཱཔཏྟིཡཱ ཝཱུཔསམཾ ཛཱནཱཏི, ཨཱཔཏྟིཡཱ ¶ ཝིནིཙྪཡཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨལཾ ཨདྷིཀརཎཾ ཝཱུཔསམེཏུཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ བྷིཀྑུ ནཱལཾ ¶ ཨདྷིཀརཎཾ ཝཱུཔསམེཏུཾ. ཀཏམེཧི པཉྩཧི? ཨདྷིཀརཎཾ ན ཛཱནཱཏི, ཨདྷིཀརཎསམུཊྛཱནཾ ན ཛཱནཱཏི, ཨདྷིཀརཎསྶ པཡོགཾ ན ཛཱནཱཏི, ཨདྷིཀརཎསྶ ཝཱུཔསམཾ ན ཛཱནཱཏི, ཨདྷིཀརཎསྶ ན ཝིནིཙྪཡཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ནཱལཾ ཨདྷིཀརཎཾ ཝཱུཔསམེཏུཾ.

‘‘པཉྩཧུཔཱལི, ཨངྒེཧི སམནྣཱགཏོ བྷིཀྑུ ཨལཾ ཨདྷིཀརཎཾ ཝཱུཔསམེཏུཾ. ཀཏམེཧི པཉྩཧི? ཨདྷིཀརཎཾ ཛཱནཱཏི, ཨདྷིཀརཎསམུཊྛཱནཾ ཛཱནཱཏི, ཨདྷིཀརཎསྶ པཡོགཾ ཛཱནཱཏི, ཨདྷིཀརཎསྶ ཝཱུཔསམཾ ཛཱནཱཏི, ཨདྷིཀརཎསྶ ཝིནིཙྪཡཀུསལོ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨལཾ ཨདྷིཀརཎཾ ཝཱུཔསམེཏུཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ བྷིཀྑུ ནཱལཾ ཨདྷིཀརཎཾ ཝཱུཔསམེཏུཾ. ཀཏམེཧི པཉྩཧི? ཚནྡཱགཏིཾ གཙྪཏི, དོསཱགཏིཾ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི, ཨལཛྫཱི ཙ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ནཱལཾ ཨདྷིཀརཎཾ ཝཱུཔསམེཏུཾ. པཉྩཧུཔཱལི, ཨངྒེཧི སམནྣཱགཏོ བྷིཀྑུ ཨལཾ ཨདྷིཀརཎཾ ཝཱུཔསམེཏུཾ. ཀཏམེཧི པཉྩཧི? ན ཚནྡཱགཏིཾ གཙྪཏི, ན དོསཱགཏིཾ གཙྪཏི, ན མོཧཱགཏིཾ གཙྪཏི, ན བྷཡཱགཏིཾ གཙྪཏི, ལཛྫཱི ཙ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨལཾ ཨདྷིཀརཎཾ ཝཱུཔསམེཏུཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ བྷིཀྑུ ནཱལཾ ཨདྷིཀརཎཾ ཝཱུཔསམེཏུཾ. ཀཏམེཧི པཉྩཧི? ཚནྡཱགཏིཾ གཙྪཏི, དོསཱགཏིཾ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི ¶ , ཨཔྤསྶུཏོ ཙ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ནཱལཾ ཨདྷིཀརཎཾ ཝཱུཔསམེཏུཾ. པཉྩཧུཔཱལི, ཨངྒེཧི སམནྣཱགཏོ བྷིཀྑུ ཨལཾ ཨདྷིཀརཎཾ ཝཱུཔསམེཏུཾ. ཀཏམེཧི པཉྩཧི? ན ཚནྡཱགཏིཾ གཙྪཏི, ན དོསཱགཏིཾ གཙྪཏི, ན མོཧཱགཏིཾ གཙྪཏི, ན བྷཡཱགཏིཾ གཙྪཏི, བཧུསྶུཏོ ཙ ཧོཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨལཾ ཨདྷིཀརཎཾ ཝཱུཔསམེཏུཾ.

‘‘ཨཔརེཧིཔི ¶ ¶ , ཨུཔཱལི, པཉྩཧངྒེཧི སམནྣཱགཏོ བྷིཀྑུ ནཱལཾ ཨདྷིཀརཎཾ ཝཱུཔསམེཏུཾ. ཀཏམེཧི པཉྩཧི? ཝཏྠུཾ ན ཛཱནཱཏི, ནིདཱནཾ ན ཛཱནཱཏི, པཉྙཏྟིཾ ན ཛཱནཱཏི, པདཔཙྩཱབྷཊྛཾ ན ཛཱནཱཏི, ཨནུསནྡྷིཝཙནཔཐཾ ན ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ནཱལཾ ཨདྷིཀརཎཾ ཝཱུཔསམེཏུཾ. པཉྩཧུཔཱལི, ཨངྒེཧི སམནྣཱགཏོ བྷིཀྑུ ཨལཾ ཨདྷིཀརཎཾ ཝཱུཔསམེཏུཾ. ཀཏམེཧི པཉྩཧི? ཝཏྠུཾ ཛཱནཱཏི, ནིདཱནཾ ཛཱནཱཏི, པཉྙཏྟིཾ ཛཱནཱཏི, པདཔཙྩཱབྷཊྛཾ ཛཱནཱཏི, ཨནུསནྡྷིཝཙནཔཐཾ ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨལཾ ཨདྷིཀརཎཾ ཝཱུཔསམེཏུཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ བྷིཀྑུ ནཱལཾ ཨདྷིཀརཎཾ ཝཱུཔསམེཏུཾ. ཀཏམེཧི པཉྩཧི? ཚནྡཱགཏིཾ གཙྪཏི, དོསཱགཏིཾ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི, ཨཀུསལོ ཙ ཧོཏི ཝིནཡེ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ནཱལཾ ཨདྷིཀརཎཾ ཝཱུཔསམེཏུཾ. པཉྩཧུཔཱལི, ཨངྒེཧི སམནྣཱགཏོ བྷིཀྑུ ཨལཾ ཨདྷིཀརཎཾ ཝཱུཔསམེཏུཾ. ཀཏམེཧི པཉྩཧི? ན ཚནྡཱགཏིཾ གཙྪཏི, ན དོསཱགཏིཾ གཙྪཏི, ན མོཧཱགཏིཾ གཙྪཏི, ན བྷཡཱགཏིཾ གཙྪཏི, ཀུསལོ ཙ ཧོཏི ཝིནཡེ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨལཾ ཨདྷིཀརཎཾ ཝཱུཔསམེཏུཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ བྷིཀྑུ ནཱལཾ ཨདྷིཀརཎཾ ཝཱུཔསམེཏུཾ. ཀཏམེཧི པཉྩཧི? ཚནྡཱགཏིཾ གཙྪཏི, དོསཱགཏིཾ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི, པུགྒལགརུ ཧོཏི ནོ སངྒྷགརུ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ནཱལཾ ཨདྷིཀརཎཾ ཝཱུཔསམེཏུཾ. པཉྩཧུཔཱལི ¶ , ཨངྒེཧི སམནྣཱགཏོ བྷིཀྑུ ཨལཾ ཨདྷིཀརཎཾ ཝཱུཔསམེཏུཾ ¶ . ཀཏམེཧི པཉྩཧི? ན ཚནྡཱགཏིཾ གཙྪཏི, ན དོསཱགཏིཾ གཙྪཏི, ན མོཧཱགཏིཾ གཙྪཏི, ན བྷཡཱགཏིཾ གཙྪཏི, སངྒྷགརུ ཧོཏི ནོ པུགྒལགརུ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨལཾ ཨདྷིཀརཎཾ ཝཱུཔསམེཏུཾ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ བྷིཀྑུ ནཱལཾ ཨདྷིཀརཎཾ ཝཱུཔསམེཏུཾ. ཀཏམེཧི པཉྩཧི? ཚནྡཱགཏིཾ གཙྪཏི, དོསཱགཏིཾ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི, ཨཱམིསགརུ ཧོཏི ནོ སདྡྷམྨགརུ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ནཱལཾ ཨདྷིཀརཎཾ ¶ ཝཱུཔསམེཏུཾ. པཉྩཧུཔཱལི, ཨངྒེཧི སམནྣཱགཏོ བྷིཀྑུ ཨལཾ ཨདྷིཀརཎཾ ཝཱུཔསམེཏུཾ. ཀཏམེཧི པཉྩཧི? ན ཚནྡཱགཏིཾ གཙྪཏི, ན དོསཱགཏིཾ གཙྪཏི, ན ¶ མོཧཱགཏིཾ གཙྪཏི, ན བྷཡཱགཏིཾ གཙྪཏི, སདྡྷམྨགརུ ཧོཏི ནོ ¶ ཨཱམིསགརུ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷིཀྑུ ཨལཾ ཨདྷིཀརཎཾ ཝཱུཔསམེཏུ’’ནྟི.

༤༥༨. ‘‘ཀཏིཧི ནུ ཁོ, བྷནྟེ, ཨཱཀཱརེཧི སངྒྷོ བྷིཛྫཏཱི’’ཏི? ‘‘པཉྩཧུཔཱལི, ཨཱཀཱརེཧི སངྒྷོ བྷིཛྫཏི. ཀཏམེཧི པཉྩཧི? ཀམྨེན, ཨུདྡེསེན, ཝོཧརནྟོ, ཨནུསྶཱཝནེན, སལཱཀགྒཱཧེན – ཨིམེཧི ཁོ, ཨུཔཱལི, པཉྩཧཱཀཱརེཧི སངྒྷོ བྷིཛྫཏཱི’’ཏི.

‘‘སངྒྷརཱཛི སངྒྷརཱཛཱིཏི, བྷནྟེ, ཝུཙྩཏི. ཀིཏྟཱཝཏཱ ནུ ཁོ, བྷནྟེ, སངྒྷརཱཛི ཧོཏི ནོ ཙ སངྒྷབྷེདོ? ཀིཏྟཱཝཏཱ ཙ པན སངྒྷརཱཛི ཙེཝ ཧོཏི སངྒྷབྷེདོ ཙཱ’’ཏི? ‘‘པཉྙཏྟེཏཾ, ཨུཔཱལི, མཡཱ ཨཱགནྟུཀཱནཾ བྷིཀྑཱུནཾ ཨཱགནྟུཀཝཏྟཾ. ཨེཝཾ སུཔཉྙཏྟེ ཁོ, ཨུཔཱལི, མཡཱ སིཀྑཱཔདེ ཨཱགནྟུཀཱ བྷིཀྑཱུ ཨཱགནྟུཀཝཏྟེ ན ཝཏྟནྟི. ཨེཝམྤི ཁོ, ཨུཔཱལི, སངྒྷརཱཛི ཧོཏི ནོ ཙ སངྒྷབྷེདོ. པཉྙཏྟེཏཾ, ཨུཔཱལི, མཡཱ ཨཱཝཱསིཀཱནཾ བྷིཀྑཱུནཾ ཨཱཝཱསིཀཝཏྟཾ. ཨེཝཾ སུཔཉྙཏྟེ ཁོ, ཨུཔཱལི, མཡཱ སིཀྑཱཔདེ ཨཱཝཱསིཀཱ བྷིཀྑཱུ ཨཱཝཱསིཀཝཏྟེ ན ཝཏྟནྟི. ཨེཝམྤི ཁོ, ཨུཔཱལི, སངྒྷརཱཛི ཧོཏི ནོ ཙ སངྒྷབྷེདོ. པཉྙཏྟེཏཾ ཨུཔཱལི མཡཱ བྷིཀྑཱུནཾ བྷཏྟགྒེ བྷཏྟགྒཝཏྟཾ – ཡཐཱཝུཌྜྷཾ ཡཐཱརཏྟཾ ཡཐཱཔཏིརཱུཔཾ ཨགྒཱསནཾ ཨགྒོདཀཾ ཨགྒཔིཎྜཾ. ཨེཝཾ སུཔཉྙཏྟེ ཁོ, ཨུཔཱལི, མཡཱ སིཀྑཱཔདེ ནཝཱ བྷིཀྑཱུ བྷཏྟགྒེ ཐེརཱནཾ བྷིཀྑཱུནཾ ཨཱསནཾ པཊིབཱཧནྟི. ཨེཝམྤི ཁོ, ཨུཔཱལི, སངྒྷརཱཛི ཧོཏི ནོ ཙ སངྒྷབྷེདོ. པཉྙཏྟེཏཾ, ཨུཔཱལི, མཡཱ བྷིཀྑཱུནཾ སེནཱསནེ ¶ སེནཱསནཝཏྟཾ – ཡཐཱཝུཌྜྷཾ ཡཐཱརཏྟཾ ཡཐཱཔཏིརཱུཔཾ. ཨེཝཾ སུཔཉྙཏྟེ ཁོ, ཨུཔཱལི, མཡཱ སིཀྑཱཔདེ ནཝཱ བྷིཀྑཱུ ཐེརཱནཾ བྷིཀྑཱུནཾ སེནཱསནཾ པཊིབཱཧནྟི. ཨེཝམྤི ཁོ, ཨུཔཱལི, སངྒྷརཱཛི ཧོཏི ནོ ཙ སངྒྷབྷེདོ. པཉྙཏྟེཏཾ, ཨུཔཱལི, མཡཱ བྷིཀྑཱུནཾ ཨནྟོསཱིམཱཡ ཨེཀཾ ཨུཔོསཐཾ ཨེཀཾ པཝཱརཎཾ ཨེཀཾ སངྒྷཀམྨཾ ཨེཀཾ ཀམྨཱཀམྨཾ. ཨེཝཾ སུཔཉྙཏྟེ ཁོ, ཨུཔཱལི, མཡཱ སིཀྑཱཔདེ ཏཏྠེཝ ཨནྟོསཱིམཱཡ ཨཱཝེནིབྷཱཝཾ [ཨཱཝེཎིབྷཱཝཾ (སཱི. སྱཱ.)] ཀརིཏྭཱ གཎཾ བནྡྷིཏྭཱ ¶ ཨཱཝེནིཾ [ཨཱཝེཎི (སཱི. སྱཱ.)] ཨུཔོསཐཾ ཀརོནྟི ཨཱཝེནིཾ པཝཱརཎཾ ¶ ཀརོནྟི ཨཱཝེནིཾ སངྒྷཀམྨཾ ཀརོནྟི ཨཱཝེནིཾ ཀམྨཱཀམྨཱནི ཀརོནྟི. ཨེཝཾ ཁོ, ཨུཔཱལི, སངྒྷརཱཛི ཙེཝ ཧོཏི སངྒྷབྷེདོ ཙཱ’’ཏི.

ཨདྷིཀརཎཝཱུཔསམཝགྒོ ནིཊྛིཏོ དསམོ.

ཏསྶུདྡཱནཾ –

ཨཱཔཏྟིཾ ¶ ཨདྷིཀརཎཾ, ཚནྡཱ ཨཔྤསྶུཏེན ཙ;

ཝཏྠུཉྩ ཨཀུསལོ ཙ, པུགྒལོ ཨཱམིསེན ཙ;

བྷིཛྫཏི སངྒྷརཱཛི ཙ, སངྒྷབྷེདོ ཏཐེཝ ཙཱཏི.

༡༡. སངྒྷབྷེདཀཝགྒོ

༤༥༩. [ཙཱུལ༹ཝ. ༣༥༤-༣༥༥; ཨ. ནི. ༡༠.༣༨ ཨཱདཡོ] ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏོ སངྒྷབྷེདཀོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ’’ཏི? ‘‘པཉྩཧུཔཱལི, ཨངྒེཧི སམནྣཱགཏོ སངྒྷབྷེདཀོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ. ཀཏམེཧི པཉྩཧི? ཨིདྷུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི, ཨཝིནཡཾ ཝིནཡོཏི དཱིཔེཏི, ཝིནཡཾ ཨཝིནཡོཏི ¶ དཱིཔེཏི, ཝིནིདྷཱཡ དིཊྛིཾ ཀམྨེན – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ. ཀཏམེཧི པཉྩཧི? ཨིདྷུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི, ཨཝིནཡཾ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི, ཝིནིདྷཱཡ དིཊྛིཾ ཨུདྡེསེན – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ. ཀཏམེཧི པཉྩཧི? ཨིདྷུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི, ཨཝིནཡཾ ¶ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི, ཝིནིདྷཱཡ དིཊྛི ཝོཧརནྟོ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ. ཀཏམེཧི པཉྩཧི? ཨིདྷུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི, ཨཝིནཡཾ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི, ཝིནིདྷཱཡ དིཊྛིཾ ¶ ཨནུསྶཱཝནེན – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ.

‘‘ཨཔརེཧིཔི, ཨུཔཱལི ¶ , པཉྩཧངྒེཧི སམནྣཱགཏོ སངྒྷབྷེདཀོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ. ཀཏམེཧི པཉྩཧི? ཨིདྷུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི, ཨཝིནཡཾ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི, ཝིནིདྷཱཡ དིཊྛིཾ སལཱཀགྒཱཧེན – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ. ཀཏམེཧི པཉྩཧི? ཨིདྷུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི, ཨཝིནཡཾ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི, ཝིནིདྷཱཡ ཁནྟིཾ ཀམྨེན…པེ… ཝིནིདྷཱཡ ཁནྟིཾ ཨུདྡེསེན…པེ… ཝིནིདྷཱཡ ཁནྟིཾ ཝོཧརནྟོ…པེ… ཝིནིདྷཱཡ ཁནྟིཾ ཨནུསྶཱཝནེན…པེ… ཝིནིདྷཱཡ ཁནྟིཾ སལཱཀགྒཱཧེན – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ. ཀཏམེཧི པཉྩཧི? ཨིདྷུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི ཨཝིནཡཾ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི, ཝིནིདྷཱཡ རུཙིཾ ཀམྨེན…པེ… ཝིནིདྷཱཡ རུཙིཾ ཨུདྡེསེན…པེ… ཝིནིདྷཱཡ རུཙིཾ ཝོཧརནྟོ…པེ… ཝིནིདྷཱཡ རུཙིཾ ཨནུསྶཱཝནེན…པེ… ཝིནིདྷཱཡ རུཙིཾ སལཱཀགྒཱཧེན – ཨིམེཧི ཁོ ¶ , ཨུཔཱལི, པཉྩཧངྒེཧི ¶ སམནྣཱགཏོ སངྒྷབྷེདཀོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ. ཀཏམེཧི པཉྩཧི? ཨིདྷུཔཱལི ¶ , བྷིཀྑུ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི, ཨཝིནཡཾ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི, ཝིནིདྷཱཡ སཉྙཾ ཀམྨེན…པེ… ཝིནིདྷཱཡ སཉྙཾ ཨུདྡེསེན…པེ… ཝིནིདྷཱཡ སཉྙཾ ཝོཧརནྟོ…པེ… ཝིནིདྷཱཡ སཉྙཾ ཨནུསྶཱཝནེན…པེ… ཝིནིདྷཱཡ སཉྙཾ སལཱཀགྒཱཧེན – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ཨཱཔཱཡིཀོ ནེརཡིཀོ ཀཔྤཊྛོ ཨཏེཀིཙྪོ’’ཏི.

སངྒྷབྷེདཀཝགྒོ ནིཊྛིཏོ ཨེཀཱདསམོ.

ཏསྶུདྡཱནཾ –

ཝིནིདྷཱཡ ¶ དིཊྛིཾ ཀམྨེན, ཨུདྡེསེ ཝོཧརེན ཙ;

ཨནུསྶཱཝནེ སལཱཀེན, པཉྩེཏེ དིཊྛིནིསྶིཏཱ;

ཁནྟིཾ རུཙིཉྩ སཉྙཉྩ, ཏཡོ ཏེ པཉྩདྷཱ ནཡཱཏི.

༡༢. དུཏིཡསངྒྷབྷེདཀཝགྒོ

༤༦༠. ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏོ སངྒྷབྷེདཀོ ན ཨཱཔཱཡིཀོ ན ནེརཡིཀོ ན ཀཔྤཊྛོ ན ཨཏེཀིཙྪོ’’ཏི? ‘‘པཉྩཧུཔཱལི, ཨངྒེཧི སམནྣཱགཏོ སངྒྷབྷེདཀོ ན ཨཱཔཱཡིཀོ ན ནེརཡིཀོ ན ཀཔྤཊྛོ ན ཨཏེཀིཙྪོ. ཀཏམེཧི པཉྩཧི? ཨིདྷུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི ¶ , ཨཝིནཡཾ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི, ཨཝིནིདྷཱཡ དིཊྛིཾ ཀམྨེན – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ན ཨཱཔཱཡིཀོ ན ནེརཡིཀོ ན ཀཔྤཊྛོ ན ཨཏེཀིཙྪོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ན ཨཱཔཱཡིཀོ ན ནེརཡིཀོ ན ཀཔྤཊྛོ ན ཨཏེཀིཙྪོ. ཀཏམེཧི པཉྩཧི? ཨིདྷུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི, ཨཝིནཡཾ ¶ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི, ཨཝིནིདྷཱཡ དིཊྛིཾ ཨུདྡེསེན – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ན ཨཱཔཱཡིཀོ ན ནེརཡིཀོ ན ཀཔྤཊྛོ ན ཨཏེཀིཙྪོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ན ཨཱཔཱཡིཀོ ན ནེརཡིཀོ ན ཀཔྤཊྛོ ན ཨཏེཀིཙྪོ. ཀཏམེཧི པཉྩཧི? ཨིདྷུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི, ཨཝིནཡཾ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི, ཨཝིནིདྷཱཡ དིཊྛིཾ ཝོཧརནྟོ. ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ན ཨཱཔཱཡིཀོ ན ནེརཡིཀོ ན ཀཔྤཊྛོ ན ཨཏེཀིཙྪོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ན ཨཱཔཱཡིཀོ ན ནེརཡིཀོ ན ཀཔྤཊྛོ ན ཨཏེཀིཙྪོ. ཀཏམེཧི པཉྩཧི? ཨིདྷུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི, ཨཝིནཡཾ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི, ཨཝིནིདྷཱཡ ¶ ¶ དིཊྛིཾ ཨནུསྶཱཝནེན – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ན ཨཱཔཱཡིཀོ ན ནེརཡིཀོ ན ཀཔྤཊྛོ ན ཨཏེཀིཙྪོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ན ཨཱཔཱཡིཀོ ན ནེརཡིཀོ ན ཀཔྤཊྛོ ན ཨཏེཀིཙྪོ. ཀཏམེཧི པཉྩཧི? ཨིདྷུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི, ཨཝིནཡཾ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི, ཨཝིནིདྷཱཡ དིཊྛིཾ སལཱཀགྒཱཧེན – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ན ཨཱཔཱཡིཀོ ན ནེརཡིཀོ ན ཀཔྤཊྛོ ན ཨཏེཀིཙྪོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ན ཨཱཔཱཡིཀོ ན ནེརཡིཀོ ན ཀཔྤཊྛོ ན ཨཏེཀིཙྪོ. ཀཏམེཧི པཉྩཧི? ཨིདྷུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི, ཨཝིནཡཾ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི, ཨཝིནིདྷཱཡ ཁནྟིཾ ཀམྨེན…པེ… ཨཝིནིདྷཱཡ ཁནྟིཾ ཨུདྡེསེན…པེ… ཨཝིནིདྷཱཡ ཁནྟིཾ ཝོཧརནྟོ…པེ… ཨཝིནིདྷཱཡ ཁནྟིཾ ཨནུསྶཱཝནེན…པེ… ཨཝིནིདྷཱཡ ཁནྟིཾ སལཱཀགྒཱཧེན – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ན ཨཱཔཱཡིཀོ ན ནེརཡིཀོ ན ཀཔྤཊྛོ ན ཨཏེཀིཙྪོ.

‘‘ཨཔརེཧིཔི ¶ , ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ན ཨཱཔཱཡིཀོ ན ནེརཡིཀོ ན ཀཔྤཊྛོ ན ཨཏེཀིཙྪོ. ཀཏམེཧི པཉྩཧི? ཨིདྷུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི, ཨཝིནཡཾ ¶ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི, ཨཝིནིདྷཱཡ རུཙིཾ ཀམྨེན…པེ… ཨཝིནིདྷཱཡ རུཙིཾ ཨུདྡེསེན…པེ… ཨཝིནིདྷཱཡ རུཙིཾ ཝོཧརནྟོ…པེ… ཨཝིནིདྷཱཡ རུཙིཾ ཨནུསྶཱཝནེན…པེ… ཨཝིནིདྷཱཡ རུཙིཾ སལཱཀགྒཱཧེན – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ན ཨཱཔཱཡིཀོ ན ནེརཡིཀོ ན ཀཔྤཊྛོ ན ཨཏེཀིཙྪོ.

‘‘ཨཔརེཧིཔི, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ན ཨཱཔཱཡིཀོ ན ནེརཡིཀོ ན ཀཔྤཊྛོ ན ཨཏེཀིཙྪོ. ཀཏམེཧི པཉྩཧི? ཨིདྷུཔཱལི, བྷིཀྑུ ཨདྷམྨཾ དྷམྨོཏི དཱིཔེཏི, དྷམྨཾ ཨདྷམྨོཏི དཱིཔེཏི, ཨཝིནཡཾ ཝིནཡོཏི དཱིཔེཏི, ཝིནཡཾ ཨཝིནཡོཏི དཱིཔེཏི, ཨཝིནིདྷཱཡ སཉྙཾ ཀམྨེན…པེ… ཨཝིནིདྷཱཡ སཉྙཾ ཨུདྡེསེན…པེ… ཨཝིནིདྷཱཡ སཉྙཾ ཝོཧརནྟོ…པེ… ཨཝིནིདྷཱཡ སཉྙཾ ཨནུསྶཱཝནེན…པེ… ཨཝིནིདྷཱཡ སཉྙཾ སལཱཀགྒཱཧེན ¶ – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ སངྒྷབྷེདཀོ ན ཨཱཔཱཡིཀོ ན ནེརཡིཀོ ན ཀཔྤཊྛོ ན ཨཏེཀིཙྪོ’’ཏི.

དུཏིཡསངྒྷབྷེདཀཝགྒོ ནིཊྛིཏོ དྭཱདསམོ.

ཏསྶུདྡཱནཾ –

ཨཝིནིདྷཱཡ དིཊྛིཾ ཀམྨེན, ཨུདྡེསེ ཝོཧརེན ཙ;

ཨནུསྶཱཝནེ སལཱཀེན, པཉྩེཏེ དིཊྛིནིསྶིཏཱ.

ཁནྟིཾ རུཙིཉྩ སཉྙཉྩ, ཏཡོ ཏེ པཉྩདྷཱ ནཡཱ.

ཧེཊྛིམེ ཀཎྷཔཀྑམྷི, སམཝཱིསཏི ཝིདྷཱི ཡཐཱ;

ཏཐེཝ སུཀྐཔཀྑམྷི, སམཝཱིསཏི ཛཱནཐཱཏི.

༡༣. ཨཱཝཱསིཀཝགྒོ

༤༦༡. ‘‘ཀཏིཧི ¶ ནུ ཁོ, བྷནྟེ, ཨངྒེཧི སམནྣཱགཏོ ཨཱཝཱསིཀོ བྷིཀྑུ ཡཐཱབྷཏཾ ནིཀྑིཏྟོ ཨེཝཾ ནིརཡེ’’ཏི? ‘‘པཉྩཧུཔཱལི, ཨངྒེཧི སམནྣཱགཏོ ཨཱཝཱསིཀོ བྷིཀྑུ ཡཐཱབྷཏཾ ནིཀྑིཏྟོ ཨེཝཾ ནིརཡེ ¶ . ཀཏམེཧི པཉྩཧི? ཚནྡཱགཏིཾ གཙྪཏི, དོསཱགཏིཾ ¶ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི, སངྒྷིཀཾ པུགྒལིཀཔརིབྷོགེན པརིབྷུཉྫཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ ཨཱཝཱསིཀོ བྷིཀྑུ ཡཐཱབྷཏཾ ནིཀྑིཏྟོ ཨེཝཾ ནིརཡེ.

‘‘པཉྩཧུཔཱལི, ཨངྒེཧི སམནྣཱགཏོ ཨཱཝཱསིཀོ བྷིཀྑུ ཡཐཱབྷཏཾ ནིཀྑིཏྟོ ཨེཝཾ སགྒེ. ཀཏམེཧི པཉྩཧི? ན ཚནྡཱགཏིཾ གཙྪཏི, ན དོསཱགཏིཾ གཙྪཏི, ན མོཧཱགཏིཾ གཙྪཏི, ན བྷཡཱགཏིཾ གཙྪཏི, སངྒྷིཀཾ ན པུགྒལིཀཔརིབྷོགེན པརིབྷུཉྫཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ ཨཱཝཱསིཀོ བྷིཀྑུ ཡཐཱབྷཏཾ ནིཀྑིཏྟོ ཨེཝཾ སགྒེ’’ཏི.

༤༦༢. ‘‘ཀཏི ནུ ཁོ, བྷནྟེ, ཨདྷམྨིཀཱ ཝིནཡབྱཱཀརཎཱ’’ཏི? ‘‘པཉྩིམེ, ཨུཔཱལི, ཨདྷམྨིཀཱ ཝིནཡབྱཱཀརཎཱ. ཀཏམེ པཉྩ? ཨིདྷུཔཱལི, བྷིཀྑུ ཨདྷམྨཾ དྷམྨོཏི པརིཎཱམེཏི, དྷམྨཾ ཨདྷམྨོཏི པརིཎཱམེཏི, ཨཝིནཡཾ ཝིནཡོཏི པརིཎཱམེཏི, ཝིནཡཾ ཨཝིནཡོཏི པརིཎཱམེཏི ¶ , ཨཔཉྙཏྟཾ པཉྙཱཔེཏི, པཉྙཏྟཾ སམུཙྪིནྡཏི – ཨིམེ ཁོ, ཨུཔཱལི, པཉྩ ཨདྷམྨིཀཱ ཝིནཡབྱཱཀརཎཱ. པཉྩིམེ, ཨུཔཱལི, དྷམྨིཀཱ ཝིནཡབྱཱཀརཎཱ. ཀཏམེ པཉྩ? ཨིདྷུཔཱལི, བྷིཀྑུ ཨདྷམྨཾ ཨདྷམྨོཏི པརིཎཱམེཏི, དྷམྨཾ དྷམྨོཏི པརིཎཱམེཏི, ཨཝིནཡཾ ¶ ཨཝིནཡོཏི པརིཎཱམེཏི, ཝིནཡཾ ཝིནཡོཏི པརིཎཱམེཏི, ཨཔཉྙཏྟཾ ན པཉྙཔེཏི, པཉྙཏྟཾ ན སམུཙྪིནྡཏི – ཨིམེ ཁོ, ཨུཔཱལི, པཉྩ དྷམྨིཀཱ ཝིནཡབྱཱཀརཎཱ’’ཏི.

༤༦༣. [ཨ. ནི. ༥.༢༧༢-༢༨༥] ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏོ བྷཏྟུདྡེསཀོ ཡཐཱབྷཏཾ ནིཀྑིཏྟོ ཨེཝཾ ནིརཡེ’’ཏི? ‘‘པཉྩཧུཔཱལི, ཨངྒེཧི སམནྣཱགཏོ བྷཏྟུདྡེསཀོ ཡཐཱབྷཏཾ ནིཀྑིཏྟོ ཨེཝཾ ནིརཡེ. ཀཏམེཧི པཉྩཧི? ཚནྡཱགཏིཾ གཙྪཏི, དོསཱགཏིཾ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི, ཨུདྡིཊྛཱནུདྡིཊྛཾ ན ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷཏྟུདྡེསཀོ ཡཐཱབྷཏཾ ནིཀྑིཏྟོ ཨེཝཾ ནིརཡེ.

[ཨ. ནི. ༥.༢༧༢-༢༨༥] ‘‘པཉྩཧུཔཱལི, ཨངྒེཧི སམནྣཱགཏོ བྷཏྟུདྡེསཀོ ཡཐཱབྷཏཾ ནིཀྑིཏྟོ ཨེཝཾ སགྒེ. ཀཏམེཧི པཉྩཧི? ན ཚནྡཱགཏིཾ གཙྪཏི, ན དོསཱགཏིཾ གཙྪཏི, ན མོཧཱགཏིཾ གཙྪཏི, ན བྷཡཱགཏིཾ གཙྪཏི, ཨུདྡིཊྛཱནུདྡིཊྛཾ ¶ ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ བྷཏྟུདྡེསཀོ ཡཐཱབྷཏཾ ནིཀྑིཏྟོ ཨེཝཾ སགྒེ’’ཏི.

༤༦༤. ‘‘ཀཏིཧི ནུ ཁོ, བྷནྟེ, ཨངྒེཧི སམནྣཱགཏོ སེནཱསནཔཉྙཱཔཀོ…པེ… བྷཎྜཱགཱརིཀོ…པེ… ཙཱིཝརཔཊིགྒཱཧཀོ…པེ… ཙཱིཝརབྷཱཛཀོ…པེ… ཡཱགུབྷཱཛཀོ…པེ… ཕལབྷཱཛཀོ…པེ… ཁཛྫབྷཱཛཀོ…པེ… ཨཔྤམཏྟཀཝིསྶཛྫཀོ…པེ… སཱཊིཡགྒཱཧཱཔཀོ…པེ… པཏྟགྒཱཧཱཔཀོ…པེ… ཨཱརཱམིཀཔེསཀོ…པེ… སཱམཎེརཔེསཀོ ཡཐཱབྷཏཾ ནིཀྑིཏྟོ ཨེཝཾ ནིརཡེ’’ཏི? ‘‘པཉྩཧུཔཱལི, ཨངྒེཧི སམནྣཱགཏོ སཱམཎེརཔེསཀོ ཡཐཱབྷཏཾ ནིཀྑིཏྟོ ཨེཝཾ ནིརཡེ. ཀཏམེཧི པཉྩཧི? ཚནྡཱགཏིཾ ¶ གཙྪཏི, དོསཱགཏིཾ གཙྪཏི, མོཧཱགཏིཾ གཙྪཏི, བྷཡཱགཏིཾ གཙྪཏི, པེསིཏཱཔེསིཏཾ ན ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ སཱམཎེརཔེསཀོ ཡཐཱབྷཏཾ ནིཀྑིཏྟོ ཨེཝཾ ནིརཡེ. པཉྩཧུཔཱལི, ཨངྒེཧི སམནྣཱགཏོ སཱམཎེརཔེསཀོ ཡཐཱབྷཏཾ ནིཀྑིཏྟོ ཨེཝཾ སགྒེ. ཀཏམེཧི པཉྩཧི? ན ཚནྡཱགཏིཾ གཙྪཏི, ན དོསཱགཏིཾ གཙྪཏི, ན མོཧཱགཏིཾ གཙྪཏི, ན བྷཡཱགཏིཾ གཙྪཏི, པེསིཏཱཔེསིཏཾ ཛཱནཱཏི – ཨིམེཧི ཁོ, ཨུཔཱལི, པཉྩཧངྒེཧི སམནྣཱགཏོ སཱམཎེརཔེསཀོ ཡཐཱབྷཏཾ ནིཀྑིཏྟོ ཨེཝཾ སགྒེ’’ཏི.

ཨཱཝཱསིཀཝགྒོ ནིཊྛིཏོ ཏེརསམོ.

ཏསྶུདྡཱནཾ –

ཨཱཝཱསིཀབྱཱཀརཎཱ ¶ ¶ , བྷཏྟུསེནཱསནཱནི ཙ;

བྷཎྜཙཱིཝརགྒཱཧོ ཙ, ཙཱིཝརསྶ ཙ བྷཱཛཀོ.

ཡཱགུ ཕལཾ ཁཛྫཀཉྩ, ཨཔྤསཱཊིཡགཱཧཀོ;

པཏྟོ ཨཱརཱམིཀོ ཙེཝ, སཱམཎེརེན པེསཀོཏི.

༡༤. ཀཐིནཏྠཱརཝགྒོ

༤༦༥. ‘‘ཀཏི ནུ ཁོ, བྷནྟེ, ཨཱནིསཾསཱ ཀཐིནཏྠཱརེ’’ཏི? ‘‘པཉྩིམེ, ཨུཔཱལི, ཨཱནིསཾསཱ ཀཐིནཏྠཱརེ. ཀཏམེ པཉྩ? ཨནཱམནྟཙཱརོ, ཨསམཱདཱནཙཱརོ, གཎབྷོཛནཾ, ཡཱཝདཏྠཙཱིཝརཾ, ཡོ ཙ ཏཏྠ ཙཱིཝརུཔྤཱདོ ¶ སོ ནེསཾ བྷཝིསྶཏི – ཨིམེ ཁོ, ཨུཔཱལི, པཉྩ ཨཱནིསཾསཱ ཀཐིནཏྠཱརེ’’ཏི.

༤༦༦. ‘‘ཀཏི ནུ ཁོ, བྷནྟེ, ཨཱདཱིནཝཱ མུཊྛསྶཏིསྶ ཨསམྤཛཱནསྶ ནིདྡཾ ¶ ཨོཀྐམཏོ’’ཏི? ‘‘པཉྩིམེ, ཨུཔཱལི, ཨཱདཱིནཝཱ མུཊྛསྶཏིསྶ ཨསམྤཛཱནསྶ ནིདྡཾ ཨོཀྐམཏོ. ཀཏམེ པཉྩ? དུཀྑཾ སུཔཏི, དུཀྑཾ པཊིབུཛ྄ཛྷཏི, པཱཔཀཾ སུཔིནཾ པསྶཏི, དེཝཏཱ ན རཀྑནྟི, ཨསུཙི མུཙྩཏི – ཨིམེ ཁོ, ཨུཔཱལི, པཉྩ ཨཱདཱིནཝཱ མུཊྛསྶཏིསྶ ཨསམྤཛཱནསྶ ནིདྡཾ ཨོཀྐམཏོ. པཉྩིམེ, ཨུཔཱལི, ཨཱནིསཾསཱ ཨུཔཊྛིཏསྶཏིསྶ སམྤཛཱནསྶ ནིདྡཾ ཨོཀྐམཏོ. ཀཏམེ པཉྩ? སུཁཾ སུཔཏི, སུཁཾ པཊིབུཛ྄ཛྷཏི, ན པཱཔཀཾ སུཔིནཾ པསྶཏི, དེཝཏཱ རཀྑནྟི, ཨསུཙི ན མུཙྩཏི – ཨིམེ ཁོ, ཨུཔཱལི, པཉྩ ཨཱནིསཾསཱ ཨུཔཊྛིཏསྶཏིསྶ སམྤཛཱནསྶ ནིདྡཾ ཨོཀྐམཏོ’’ཏི.

༤༦༧. ‘‘ཀཏི ནུ ཁོ, བྷནྟེ, ཨཝནྡིཡཱ’’ཏི? ‘‘པཉྩིམེ, ཨུཔཱལི, ཨཝནྡིཡཱ. ཀཏམེ པཉྩ? ཨནྟརགྷརཾ པཝིཊྛོ ཨཝནྡིཡོ, རཙྪགཏོ ཨཝནྡིཡོ, ཨོཏམསིཀོ ཨཝནྡིཡོ, ཨསམནྣཱཧརནྟོ ཨཝནྡིཡོ, སུཏྟོ ཨཝནྡིཡོ – ཨིམེ ཁོ, ཨུཔཱལི, པཉྩ ཨཝནྡིཡཱ.

‘‘ཨཔརེཔི, ཨུཔཱལི, པཉྩ ཨཝནྡིཡཱ. ཀཏམེ པཉྩ? ཡཱགུཔཱནེ ཨཝནྡིཡོ, བྷཏྟགྒེ ཨཝནྡིཡོ, ཨེཀཱཝཏྟོ ཨཝནྡིཡོ, ཨཉྙཝིཧིཏོ ཨཝནྡིཡོ, ནགྒོ ཨཝནྡིཡོ – ཨིམེ ཁོ, ཨུཔཱལི, པཉྩ ཨཝནྡིཡཱ.

‘‘ཨཔརེཔི ¶ , ཨུཔཱལི, པཉྩ ཨཝནྡིཡཱ. ཀཏམེ པཉྩ? ཁཱདནྟོ ཨཝནྡིཡོ, བྷུཉྫནྟོ ཨཝནྡིཡོ, ཨུཙྩཱརཾ ཀརོནྟོ ཨཝནྡིཡོ, པསྶཱཝཾ ཀརོནྟོ ཨཝནྡིཡོ, ཨུཀྑིཏྟཀོ ཨཝནྡིཡོ – ཨིམེ ཁོ, ཨུཔཱལི, པཉྩ ཨཝནྡིཡཱ.

‘‘ཨཔརེཔི, ཨུཔཱལི, པཉྩ ཨཝནྡིཡཱ ¶ . ཀཏམེ པཉྩ? པུརེ ཨུཔསམྤནྣེན པཙྪཱ ཨུཔསམྤནྣོ ཨཝནྡིཡོ, ཨནུཔསམྤནྣོ ཨཝནྡིཡོ, ནཱནཱསཾཝཱསཀོ ཝུཌྜྷཏརོ ཨདྷམྨཝཱདཱི ཨཝནྡིཡོ, མཱཏུགཱམོ ཨཝནྡིཡོ, པཎྜཀོ ཨཝནྡིཡོ – ཨིམེ ཁོ, ཨུཔཱལི, པཉྩ ཨཝནྡིཡཱ.

‘‘ཨཔརེཔི, ཨུཔཱལི, པཉྩ ཨཝནྡིཡཱ. ཀཏམེ པཉྩ? པཱརིཝཱསིཀོ ཨཝནྡིཡོ, མཱུལཱཡཔཊིཀསྶནཱརཧོ ཨཝནྡིཡོ, མཱནཏྟཱརཧོ ཨཝནྡིཡོ, མཱནཏྟཙཱརིཀོ ཨཝནྡིཡོ, ཨབྦྷཱནཱརཧོ ཨཝནྡིཡོ – ཨིམེ ཁོ, ཨུཔཱལི, པཉྩ ཨཝནྡིཡཱ’’ཏི.

༤༦༨. ‘‘ཀཏི ¶ ¶ ནུ ཁོ, བྷནྟེ, ཝནྡིཡཱ’’ཏི? ‘‘པཉྩིམེ, ཨུཔཱལི, ཝནྡིཡཱ. ཀཏམེ པཉྩ? པཙྪཱ ཨུཔསམྤནྣེན པུརེ ཨུཔསམྤནྣོ ཝནྡིཡོ, ནཱནཱསཾཝཱསཀོ ཝུཌྜྷཏརོ དྷམྨཝཱདཱི ཝནྡིཡོ, ཨཱཙརིཡོ ཝནྡིཡོ, ཨུཔཛ྄ཛྷཱཡོ ཝནྡིཡོ, སདེཝཀེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ཏཐཱགཏོ ཨརཧཾ སམྨཱསམྦུདྡྷོ ཝནྡིཡོ – ཨིམེ ཁོ, ཨུཔཱལི, པཉྩ ཝནྡིཡཱ’’ཏི.

༤༦༩. ‘‘ནཝཀཏརེན, བྷནྟེ, བྷིཀྑུནཱ ཝུཌྜྷཏརསྶ བྷིཀྑུནོ པཱདེ ཝནྡནྟེན ཀཏི དྷམྨེ ཨཛ྄ཛྷཏྟཾ ཨུཔཊྛཱཔེཏྭཱ པཱདཱ ཝནྡིཏབྦཱ’’ཏི? ‘‘ནཝཀཏརེནུཔཱལི, བྷིཀྑུནཱ ཝུཌྜྷཏརསྶ བྷིཀྑུནོ པཱདེ ཝནྡནྟེན པཉྩ དྷམྨེ ཨཛ྄ཛྷཏྟཾ ཨུཔཊྛཱཔེཏྭཱ པཱདཱ ཝནྡིཏབྦཱ. ཀཏམེ པཉྩ? ནཝཀཏརེནུཔཱལི, བྷིཀྑུནཱ ཝུཌྜྷཏརསྶ བྷིཀྑུནོ པཱདེ ཝནྡནྟེན ཨེཀཾསཾ ཨུཏྟརཱསངྒཾ ཀརིཏྭཱ, ཨཉྫལིཾ པགྒཧེཏྭཱ ¶ , ཨུབྷོཧི པཱཎིཏལེཧི པཱདཱནི པརིསམྦཱཧནྟེན, པེམཉྩ གཱརཝཉྩ ཨུཔཊྛཱཔེཏྭཱ པཱདཱ ཝནྡིཏབྦཱ – ནཝཀཏརེནུཔཱལི བྷིཀྑུནཱ ཝུཌྜྷཏརསྶ བྷིཀྑུནོ པཱདེ ཝནྡནྟེན ཨིམེ པཉྩ དྷམྨེ ཨཛ྄ཛྷཏྟཾ ཨུཔཊྛཱཔེཏྭཱ པཱདཱ ཝནྡིཏབྦཱ’’ཏི.

ཀཐིནཏྠཱརཝགྒོ ནིཊྛིཏོ ཙུདྡསམོ.

ཏསྶུདྡཱནཾ –

ཀཐིནཏྠཱརནིདྡཱ ¶ ཙ, ཨནྟརཱ ཡཱགུཁཱདནེ;

པུརེ ཙ པཱརིཝཱསི ཙ, ཝནྡིཡོ ཝནྡིཏབྦཀནྟི.

ཨུཔཱལིཔཉྩཀཾ ནིཊྛིཏཾ.

ཏེསཾ ཝགྒཱནཾ ཨུདྡཱནཾ

ཨནིསྶིཏེན ཀམྨཉྩ, ཝོཧཱརཱཝིཀམྨེན ཙ;

ཙོདནཱ ཙ དྷུཏངྒཱ ཙ, མུསཱ བྷིཀྑུནིམེཝ ཙ.

ཨུབྦཱཧིཀཱདྷིཀརཎཾ, བྷེདཀཱ པཉྩམཱ པུརེ;

ཨཱཝཱསིཀཱ ཀཐིནཉྩ, ཙུདྡསཱ སུཔྤཀཱསིཏཱཏི.

ཨཏྠཱཔཏྟིསམུཊྛཱནཾ

༡. པཱརཱཛིཀཾ

༤༧༠. ཨཏྠཱཔཏྟི ¶ ¶ ¶ ¶ ཨཙིཏྟཀོ ཨཱཔཛྫཏི, སཙིཏྟཀོ ཝུཊྛཱཏི. ཨཏྠཱཔཏྟི སཙིཏྟཀོ ཨཱཔཛྫཏི, ཨཙིཏྟཀོ ཝུཊྛཱཏི. ཨཏྠཱཔཏྟི ཨཙིཏྟཀོ ཨཱཔཛྫཏི, ཨཙིཏྟཀོ ཝུཊྛཱཏི. ཨཏྠཱཔཏྟི སཙིཏྟཀོ ཨཱཔཛྫཏི, སཙིཏྟཀོ ཝུཊྛཱཏི. ཨཏྠཱཔཏྟི ཀུསལཙིཏྟོ ཨཱཔཛྫཏི, ཀུསལཙིཏྟོ ཝུཊྛཱཏི. ཨཏྠཱཔཏྟི ཀུསལཙིཏྟོ ཨཱཔཛྫཏི, ཨཀུསལཙིཏྟོ ཝུཊྛཱཏི. ཨཏྠཱཔཏྟི ཀུསལཙིཏྟོ ཨཱཔཛྫཏི, ཨབྱཱཀཏཙིཏྟོ ཝུཊྛཱཏི. ཨཏྠཱཔཏྟི ཨཀུསལཙིཏྟོ ཨཱཔཛྫཏི, ཀུསལཙིཏྟོ ཝུཊྛཱཏི. ཨཏྠཱཔཏྟི ཨཀུསལཙིཏྟོ ཨཱཔཛྫཏི, ཨཀུསལཙིཏྟོ ཝུཊྛཱཏི. ཨཏྠཱཔཏྟི ཨཀུསལཙིཏྟོ ཨཱཔཛྫཏི, ཨབྱཱཀཏཙིཏྟོ ཝུཊྛཱཏི. ཨཏྠཱཔཏྟི ཨབྱཱཀཏཙིཏྟོ ཨཱཔཛྫཏི, ཀུསལཙིཏྟོ ཝུཊྛཱཏི. ཨཏྠཱཔཏྟི ཨབྱཱཀཏཙིཏྟོ ཨཱཔཛྫཏི, ཨཀུསལཙིཏྟོ ཝུཊྛཱཏི. ཨཏྠཱཔཏྟི ཨབྱཱཀཏཙིཏྟོ ཨཱཔཛྫཏི, ཨབྱཱཀཏཙིཏྟོ ཝུཊྛཱཏི.

པཋམཾ པཱརཱཛིཀཾ ཀཏིཧི སམུཊྛཱནེཧི སམུཊྛཱཏི? པཋམཾ པཱརཱཛིཀཾ ཨེཀེན སམུཊྛཱནེན སམུཊྛཱཏི. ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ.

དུཏིཡཾ པཱརཱཛིཀཾ ཀཏིཧི སམུཊྛཱནེཧི སམུཊྛཱཏི? དུཏིཡཾ པཱརཱཛིཀཾ ཏཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ¶ ཝཱཙཏོ ཙ ཙིཏྟཏོ ཙ སམུཊྛཱཏི.

ཏཏིཡཾ པཱརཱཛིཀཾ ཀཏིཧི སམུཊྛཱནེཧི སམུཊྛཱཏི? ཏཏིཡཾ པཱརཱཛིཀཾ ཏཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི.

ཙཏུཏྠཾ ¶ པཱརཱཛིཀཾ ཀཏིཧི སམུཊྛཱནེཧི སམུཊྛཱཏི? ཙཏུཏྠཾ པཱརཱཛིཀཾ ཏཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི ¶ , ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི.

ཙཏྟཱརོ པཱརཱཛིཀཱ ནིཊྛིཏཱ.

༢. སངྒྷཱདིསེསཾ

༤༧༡. ཨུཔཀྐམིཏྭཱ ཨསུཙིཾ མོཙེནྟསྶ སངྒྷཱདིསེསོ ཀཏིཧི སམུཊྛཱནེཧི སམུཊྛཱཏི? ཨུཔཀྐམིཏྭཱ ཨསུཙིཾ མོཙེནྟསྶ སངྒྷཱདིསེསོ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ.

མཱཏུགཱམེན སདྡྷིཾ ཀཱཡསཾསགྒཾ སམཱཔཛྫནྟསྶ སངྒྷཱདིསེསོ ཀཏིཧི སམུཊྛཱནེཧི སམུཊྛཱཏི? མཱཏུགཱམེན སདྡྷིཾ ཀཱཡསཾསགྒཾ སམཱཔཛྫནྟསྶ སངྒྷཱདིསེསོ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ.

མཱཏུགཱམཾ དུཊྛུལླཱཧི ཝཱཙཱཧི ཨོབྷཱསེནྟསྶ སངྒྷཱདིསེསོ ཀཏིཧི སམུཊྛཱནེཧི སམུཊྛཱཏི? མཱཏུགཱམཾ དུཊྛུལླཱཧི ཝཱཙཱཧི ཨོབྷཱསེནྟསྶ སངྒྷཱདིསེསོ ཏཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ ཙ ¶ ཙིཏྟཏོ ཙ སམུཊྛཱཏི ན ཝཱཙཏོ; སིཡཱ ཝཱཙཏོ ¶ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི.

མཱཏུགཱམསྶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསནྟསྶ སངྒྷཱདིསེསོ ཀཏིཧི སམུཊྛཱནེཧི སམུཊྛཱཏི? མཱཏུགཱམསྶ སནྟིཀེ ཨཏྟཀཱམཔཱརིཙརིཡཱཡ ཝཎྞཾ བྷཱསནྟསྶ སངྒྷཱདིསེསོ ཏཱིཧི སམུཊྛཱནེཧི སམུཊྛཱཏི…པེ….

སཉྩརིཏྟཾ སམཱཔཛྫནྟསྶ སངྒྷཱདིསེསོ ཀཏིཧི སམུཊྛཱནེཧི སམུཊྛཱཏི? སཉྩརིཏྟཾ སམཱཔཛྫནྟསྶ སངྒྷཱདིསེསོ ཚཧི སམུཊྛཱནེཧི སམུཊྛཱཏི – སིཡཱ ཀཱཡཏོ སམུཊྛཱཏི, ན ཝཱཙཏོ ན ཙིཏྟཏོ; སིཡཱ ཝཱཙཏོ སམུཊྛཱཏི, ན ཀཱཡཏོ ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ སམུཊྛཱཏི, ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ; སིཡཱ ¶ ཝཱཙཏོ ཙ ཙིཏྟཏོ ཙ སམུཊྛཱཏི ¶ , ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི.

སཉྙཱཙིཀཱཡ ཀུཊིཾ ཀཱརཱཔེནྟསྶ སངྒྷཱདིསེསོ ཀཏིཧི སམུཊྛཱནེཧི སམུཊྛཱཏི? སཉྙཱཙིཀཱཡ ཀུཊིཾ ཀཱརཱཔེནྟསྶ སངྒྷཱདིསེསོ ཚཧི སམུཊྛཱནེཧི སམུཊྛཱཏི…པེ….

མཧལླཀཾ ཝིཧཱརཾ ཀཱརཱཔེནྟསྶ སངྒྷཱདིསེསོ ཀཏིཧི སམུཊྛཱནེཧི སམུཊྛཱཏི? མཧལླཀཾ ཝིཧཱརཾ ཀཱརཱཔེནྟསྶ སངྒྷཱདིསེསོ ཚཧི སམུཊྛཱནེཧི སམུཊྛཱཏི…པེ….

བྷིཀྑུཾ ཨམཱུལཀེན པཱརཱཛིཀེན དྷམྨེན ཨནུདྡྷཾསེནྟསྶ སངྒྷཱདིསེསོ ཀཏིཧི སམུཊྛཱནེཧི སམུཊྛཱཏི? བྷིཀྑུཾ ཨམཱུལཀེན པཱརཱཛིཀེན དྷམྨེན ཨནུདྡྷཾསེནྟསྶ སངྒྷཱདིསེསོ ཏཱིཧི སམུཊྛཱནེཧི ¶ སམུཊྛཱཏི…པེ….

བྷིཀྑུཾ ཨཉྙབྷཱགིཡསྶ ཨདྷིཀརཎསྶ ཀིཉྩི དེསཾ ལེསམཏྟཾ ཨུཔཱདཱཡ པཱརཱཛིཀེན དྷམྨེན ཨནུདྡྷཾསེནྟསྶ སངྒྷཱདིསེསོ ཀཏིཧི སམུཊྛཱནེཧི སམུཊྛཱཏི? བྷིཀྑུཾ ཨཉྙབྷཱགིཡསྶ ཨདྷིཀརཎསྶ ཀིཉྩི དེསཾ ལེསམཏྟཾ ཨུཔཱདཱཡ པཱརཱཛིཀེན དྷམྨེན ཨནུདྡྷཾསེནྟསྶ སངྒྷཱདིསེསོ ཏཱིཧི སམུཊྛཱནེཧི སམུཊྛཱཏི…པེ….

སངྒྷབྷེདཀསྶ བྷིཀྑུནོ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟསྶ སངྒྷཱདིསེསོ ཀཏིཧི སམུཊྛཱནེཧི སམུཊྛཱཏི? སངྒྷབྷེདཀསྶ བྷིཀྑུནོ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟསྶ སངྒྷཱདིསེསོ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི.

བྷེདཀཱནུཝཏྟཀཱནཾ བྷིཀྑཱུནཾ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟཱནཾ སངྒྷཱདིསེསོ ཀཏིཧི སམུཊྛཱནེཧི སམུཊྛཱཏི? བྷེདཀཱནུཝཏྟཀཱནཾ བྷིཀྑཱུནཾ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟཱནཾ སངྒྷཱདིསེསོ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི.

དུབྦཙསྶ བྷིཀྑུནོ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟསྶ སངྒྷཱདིསེསོ ཀཏིཧི སམུཊྛཱནེཧི སམུཊྛཱཏི? དུབྦཙསྶ བྷིཀྑུནོ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟསྶ ¶ སངྒྷཱདིསེསོ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི.

ཀུལདཱུསཀསྶ ¶ བྷིཀྑུནོ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནྟསྶ སངྒྷཱདིསེསོ ཀཏིཧི སམུཊྛཱནེཧི སམུཊྛཱཏི? ཀུལདཱུསཀསྶ བྷིཀྑུནོ ཡཱཝཏཏིཡཾ སམནུབྷཱསནཱཡ ¶ ན པཊིནིསྶཛྫནྟསྶ སངྒྷཱདིསེསོ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི.

ཏེརས སངྒྷཱདིསེསཱ ནིཊྛིཏཱ.

༤༧༢. …པེ… ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟསྶ དུཀྐཊཾ ཀཏིཧི སམུཊྛཱནེཧི སམུཊྛཱཏི? ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརོནྟསྶ དུཀྐཊཾ ཨེཀེན སམུཊྛཱནེན སམུཊྛཱཏི – ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ.

སེཁིཡཱ ནིཊྛིཏཱ.

༣. པཱརཱཛིཀཱདི

༤༧༣. ཙཏྟཱརོ པཱརཱཛིཀཱ ཀཏིཧི སམུཊྛཱནེཧི སམུཊྛནྟི? ཙཏྟཱརོ པཱརཱཛིཀཱ ཏཱིཧི སམུཊྛཱནེཧི སམུཊྛནྟི – སིཡཱ ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛནྟི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི.

ཏེརས ¶ སངྒྷཱདིསེསཱ ཀཏིཧི སམུཊྛཱནེཧི སམུཊྛནྟི? ཏེརས སངྒྷཱདིསེསཱ ཚཧི སམུཊྛཱནེཧི སམུཊྛནྟི – སིཡཱ ཀཱཡཏོ སམུཊྛནྟི, ན ཝཱཙཏོ ན ཙིཏྟཏོ; སིཡཱ ཝཱཙཏོ སམུཊྛནྟི, ན ཀཱཡཏོ ན ཙིཏྟཏོ; སིཡཱ ཀཱཡཏོ ཙ ཝཱཙཏོ ན སམུཊྛནྟི, ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛནྟི, ན ཀཱཡཏོ; སིཡཱ ¶ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི.

དྭེ ཨནིཡཏཱ ཀཏིཧི སམུཊྛཱནེཧི སམུཊྛནྟི? དྭེ ཨནིཡཏཱ ཏཱིཧི སམུཊྛཱནེཧི སམུཊྛནྟི ¶ – སིཡཱ ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ; ¶ སིཡཱ ཝཱཙཏོ ཙ ཙིཏྟཏོ ཙ སམུཊྛནྟི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི.

ཏིཾས ནིསྶགྒིཡཱ པཱཙིཏྟིཡཱ ཀཏིཧི སམུཊྛཱནེཧི སམུཊྛནྟི? ཏིཾས ནིསྶགྒིཡཱ པཱཙིཏྟིཡཱ ཚཧི སམུཊྛཱནེཧི སམུཊྛནྟི – སིཡཱ ཀཱཡཏོ སམུཊྛནྟི, ན ཝཱཙཏོ ན ཙིཏྟཏོ; སིཡཱ ཝཱཙཏོ སམུཊྛནྟི, ན ཀཱཡཏོ ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ སམུཊྛནྟི, ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛནྟི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི.

དྭེནཝུཏི པཱཙིཏྟིཡཱ ཀཏིཧི སམུཊྛཱནེཧི སམུཊྛནྟི? དྭེནཝུཏི པཱཙིཏྟིཡཱ ཚཧི སམུཊྛཱནེཧི སམུཊྛནྟི – སིཡཱ ཀཱཡཏོ སམུཊྛནྟི, ན ཝཱཙཏོ ན ཙིཏྟཏོ; སིཡཱ ཝཱཙཏོ སམུཊྛནྟི, ན ཀཱཡཏོ ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ སམུཊྛནྟི, ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛནྟི ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛནྟི, ན ཀཱཡཏོ; སིཡཱ ¶ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི.

ཙཏྟཱརོ པཱཊིདེསནཱིཡཱ ཀཏིཧི སམུཊྛཱནེཧི སམུཊྛནྟི? ཙཏྟཱརོ པཱཊིདེསནཱིཡཱ ཙཏཱུཧི སམུཊྛཱནེཧི སམུཊྛནྟི – སིཡཱ ཀཱཡཏོ སམུཊྛནྟི, ན ཝཱཙཏོ ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ སམུཊྛནྟི, ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི.

པཉྩསཏྟཏི སེཁིཡཱ ཀཏིཧི སམུཊྛཱནེཧི སམུཊྛནྟི? པཉྩསཏྟཏི སེཁིཡཱ ཏཱིཧི སམུཊྛཱནེཧི སམུཊྛནྟི – སིཡཱ ཀཱཡཏོ ཙ ཙིཏྟཏོ ཙ སམུཊྛནྟི, ན ཝཱཙཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛནྟི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛནྟི.

སམུཊྛཱནཾ ནིཊྛིཏཾ.

ཏསྶུདྡཱནཾ –

ཨཙིཏྟཀུསལཱ ཙེཝ, སམུཊྛཱནཉྩ སབྦཐཱ;

ཡཐཱདྷམྨེན ཉཱཡེན, སམུཊྛཱནཾ ཝིཛཱནཐཱཏི.

དུཏིཡགཱཐཱསངྒཎིཀཾ

༡. ཀཱཡིཀཱདིཨཱཔཏྟི

༤༧༤. ཀཏི ¶ ¶ ¶ ¶ ཨཱཔཏྟིཡོ ཀཱཡིཀཱ, ཀཏི ཝཱཙསིཀཱ ཀཏཱ.

ཚཱདེནྟསྶ ཀཏི ཨཱཔཏྟིཡོ, ཀཏི སཾསགྒཔཙྩཡཱ.

ཚཱཔཏྟིཡོ ཀཱཡིཀཱ, ཚ ཝཱཙསིཀཱ ཀཏཱ;

ཚཱདེནྟསྶ ཏིསྶོ ཨཱཔཏྟིཡོ, པཉྩ སཾསགྒཔཙྩཡཱ.

ཨརུཎུགྒེ ཀཏི ཨཱཔཏྟིཡོ, ཀཏི ཡཱཝཏཏིཡཀཱ;

ཀཏེཏྠ ཨཊྛ ཝཏྠུཀཱ, ཀཏིཧི སབྦསངྒཧོ.

ཨརུཎུགྒེ ཏིསྶོ ཨཱཔཏྟིཡོ, དྭེ ཡཱཝཏཏིཡཀཱ;

ཨེཀེཏྠ ཨཊྛ ཝཏྠུཀཱ, ཨེཀེན སབྦསངྒཧོ.

ཝིནཡསྶ ཀཏི མཱུལཱནི, ཡཱནི བུདྡྷེན པཉྙཏྟཱ;

ཝིནཡགརུཀཱ ཀཏི ཝུཏྟཱ, དུཊྛུལླཙྪཱདནཱ ཀཏི.

ཝིནཡསྶ དྭེ མཱུལཱནི, ཡཱནི བུདྡྷེན པཉྙཏྟཱ;

ཝིནཡགརུཀཱ དྭེ ཝུཏྟཱ, དྭེ དུཊྛུལླཙྪཱདནཱ.

གཱམནྟརེ ཀཏི ཨཱཔཏྟིཡོ, ཀཏི ནདིཔཱརཔཙྩཡཱ;

ཀཏིམཾསེསུ ཐུལླཙྩཡཾ, ཀཏིམཾསེསུ དུཀྐཊཾ.

གཱམནྟརེ ¶ ཙཏསྶོ ཨཱཔཏྟིཡོ, ཙཏསྶོ ནདིཔཱརཔཙྩཡཱ;

ཨེཀམཾསེ ཐུལླཙྩཡཾ, ནཝམཾསེསུ དུཀྐཊཾ.

ཀཏི ཝཱཙསིཀཱ རཏྟིཾ, ཀཏི ཝཱཙསིཀཱ དིཝཱ;

དདམཱནསྶ ཀཏི ཨཱཔཏྟིཡོ, པཊིགྒཎྷནྟསྶ ཀིཏྟཀཱ.

དྭེ ¶ ཝཱཙསིཀཱ རཏྟིཾ, དྭེ ཝཱཙསིཀཱ དིཝཱ;

དདམཱནསྶ ཏིསྶོ ཨཱཔཏྟིཡོ, ཙཏྟཱརོ ཙ པཊིགྒཧེ.

༢. དེསནཱགཱམིནིཡཱདིཨཱཔཏྟི

༤༧༥.

ཀཏི དེསནཱགཱམིནིཡོ, ཀཏི སཔྤཊིཀམྨཱ ཀཏཱ;

ཀཏེཏྠ ཨཔྤཊིཀམྨཱ ཝུཏྟཱ, བུདྡྷེནཱདིཙྩབནྡྷུནཱ.

པཉྩ ¶ དེསནཱགཱམིནིཡོ, ཚ སཔྤཊིཀམྨཱ ཀཏཱ;

ཨེཀེཏྠ ཨཔྤཊིཀམྨཱ ཝུཏྟཱ, བུདྡྷེནཱདིཙྩབནྡྷུནཱ.

ཝིནཡགརུཀཱ ཀཏི ཝུཏྟཱ, ཀཱཡཝཱཙསིཀཱནི ཙ;

ཀཏི ཝིཀཱལེ དྷཉྙརསོ, ཀཏི ཉཏྟིཙཏུཏྠེན སམྨུཏི.

ཝིནཡགརུཀཱ དྭེ ཝུཏྟཱ, ཀཱཡཝཱཙསིཀཱནི ཙ;

ཨེཀོ ཝིཀཱལེ དྷཉྙརསོ, ཨེཀཱ ཉཏྟིཙཏུཏྠེན སམྨུཏི.

པཱརཱཛིཀཱ ཀཱཡིཀཱ ཀཏི, ཀཏི སཾཝཱསཀབྷཱུམིཡོ;

ཀཏིནཾ ¶ རཏྟིཙྪེདོ, པཉྙཏྟཱ དྭངྒུལཱ ཀཏི.

པཱརཱཛིཀཱ ཀཱཡིཀཱ དྭེ, དྭེ སཾཝཱསཀབྷཱུམིཡོ;

དྭིནྣཾ རཏྟིཙྪེདོ, པཉྙཏྟཱ དྭངྒུལཱ དུཝེ.

ཀཏཏྟཱནཾ ¶ ཝདྷིཏྭཱན, ཀཏིཧི སངྒྷོ བྷིཛྫཏི;

ཀཏེཏྠ པཋམཱཔཏྟིཀཱ, ཉཏྟིཡཱ ཀརཎཱ ཀཏི.

དྭེ ཨཏྟཱནཾ ཝདྷིཏྭཱན, དྭཱིཧི སངྒྷོ བྷིཛྫཏི;

དྭེཏྠ པཋམཱཔཏྟིཀཱ, ཉཏྟིཡཱ ཀརཎཱ དུཝེ.

པཱཎཱཏིཔཱཏེ ཀཏི ཨཱཔཏྟིཡོ, ཝཱཙཱ པཱརཱཛིཀཱ ཀཏི;

ཨོབྷཱསནཱ ¶ ཀཏི ཝུཏྟཱ, སཉྩརིཏྟེན ཝཱ ཀཏི.

པཱཎཱཏིཔཱཏེ ཏིསྶོ ཨཱཔཏྟིཡོ;

ཝཱཙཱ པཱརཱཛིཀཱ ཏཡོ;

ཨོབྷཱསནཱ ཏཡོ ཝུཏྟཱ;

སཉྩརིཏྟེན ཝཱ ཏཡོ.

ཀཏི པུགྒལཱ ན ཨུཔསམྤཱདེཏབྦཱ, ཀཏི ཀམྨཱནཾ སངྒཧཱ;

ནཱསིཏཀཱ ཀཏི ཝུཏྟཱ, ཀཏིནཾ ཨེཀཝཱཙིཀཱ.

ཏཡོ པུགྒལཱ ན ཨུཔསམྤཱདེཏབྦཱ, ཏཡོ ཀམྨཱནཾ སངྒཧཱ;

ནཱསིཏཀཱ ཏཡོ ཝུཏྟཱ, ཏིཎྞནྣཾ ཨེཀཝཱཙིཀཱ.

ཨདིནྣཱདཱནེ ཀཏི ཨཱཔཏྟིཡོ, ཀཏི མེཐུནཔཙྩཡཱ;

ཚིནྡནྟསྶ ཀཏི ཨཱཔཏྟིཡོ, ཀཏི ཚཌྜིཏཔཙྩཡཱ.

ཨདིནྣཱདཱནེ ཏིསྶོ ཨཱཔཏྟིཡོ, ཙཏསྶོ མེཐུནཔཙྩཡཱ;

ཚིནྡནྟསྶ ཏིསྶོ ཨཱཔཏྟིཡོ, པཉྩ ཚཌྜིཏཔཙྩཡཱ.

བྷིཀྑུནོཝཱདཀཝགྒསྨིཾ ¶ , པཱཙིཏྟིཡེན དུཀྐཊཱ;

ཀཏེཏྠ ནཝཀཱ ཝུཏྟཱ, ཀཏིནཾ ཙཱིཝརེན ཙ.

བྷིཀྑུནོཝཱདཀཝགྒསྨིཾ ¶ , པཱཙིཏྟིཡེན དུཀྐཊཱ ཀཏཱ;

ཙཏུརེཏྠ ནཝཀཱ ཝུཏྟཱ, དྭིནྣཾ ཙཱིཝརེན ཙ.

བྷིཀྑུནཱིནཉྩ ཨཀྑཱཏཱ, པཱཊིདེསནིཡཱ ཀཏི;

བྷུཉྫནྟཱམཀདྷཉྙེན, པཱཙིཏྟིཡེན དུཀྐཊཱ ཀཏི.

བྷིཀྑུནཱིནཉྩ ཨཀྑཱཏཱ, ཨཊྛ པཱཊིདེསནཱིཡཱ ཀཏཱ;

བྷུཉྫནྟཱམཀདྷཉྙེན, པཱཙིཏྟིཡེན དུཀྐཊཱ ཀཏཱ.

གཙྪནྟསྶ ཀཏི ཨཱཔཏྟིཡོ, ཋིཏསྶ ཙཱཔི ཀིཏྟཀཱ;

ནིསིནྣསྶ ¶ ཀཏི ཨཱཔཏྟིཡོ, ནིཔནྣསྶཱཔི ཀིཏྟཀཱ.

གཙྪནྟསྶ ཙཏསྶོ ཨཱཔཏྟིཡོ, ཋིཏསྶ ཙཱཔི ཏཏྟཀཱ;

ནིསིནྣསྶ ཙཏསྶོ ཨཱཔཏྟིཡོ, ནིཔནྣསྶཱཔི ཏཏྟཀཱ.

༣. པཱཙིཏྟིཡཾ

༤༧༦.

ཀཏི པཱཙིཏྟིཡཱནི, སབྦཱནི ནཱནཱཝཏྠུཀཱནི;

ཨཔུབྦཾ ཨཙརིམཾ, ཨཱཔཛྫེཡྻ ཨེཀཏོ.

པཉྩ པཱཙིཏྟིཡཱནི, སབྦཱནི ནཱནཱཝཏྠུཀཱནི;

ཨཔུབྦཾ ཨཙརིམཾ, ཨཱཔཛྫེཡྻ ཨེཀཏོ.

ཀཏི པཱཙིཏྟིཡཱནི, སབྦཱནི ནཱནཱཝཏྠུཀཱནི;

ཨཔུབྦཾ ཨཙརིམཾ, ཨཱཔཛྫེཡྻ ཨེཀཏོ.

ན ¶ པཱཙིཏྟིཡཱནི, སབྦཱནི ནཱནཱཝཏྠུཀཱནི;

ཨཔུབྦཾ ཨཙརིམཾ, ཨཱཔཛྫེཡྻ ཨེཀཏོ.

ཀཏི ¶ པཱཙིཏྟིཡཱནི, སབྦཱནི ནཱནཱཝཏྠུཀཱནི;

ཀཏི ཝཱཙཱཡ དེསེཡྻ, ཝུཏྟཱ ཨཱདིཙྩབནྡྷུནཱ.

པཉྩ པཱཙིཏྟིཡཱནི, སབྦཱནི ནཱནཱཝཏྠུཀཱནི;

ཨེཀཝཱཙཱཡ དེསེཡྻ, ཝུཏྟཱ ཨཱདིཙྩབནྡྷུནཱ.

ཀཏི པཱཙིཏྟིཡཱནི, སབྦཱནི ནཱནཱཝཏྠུཀཱནི;

ཀཏི ཝཱཙཱཡ དེསེཡྻ, ཝུཏྟཱ ཨཱདིཙྩབནྡྷུནཱ.

ནཝ ¶ པཱཙིཏྟིཡཱནི, སབྦཱནི ནཱནཱཝཏྠུཀཱནི;

ཨེཀཝཱཙཱཡ དེསེཡྻ, ཝུཏྟཱ ཨཱདིཙྩབནྡྷུནཱ.

ཀཏི པཱཙིཏྟིཡཱནི, སབྦཱནི ནཱནཱཝཏྠུཀཱནི;

ཀིཉྩ ¶ ཀིཏྟེཏྭཱ དེསེཡྻ, ཝུཏྟཱ ཨཱདིཙྩབནྡྷུནཱ.

པཉྩ པཱཙིཏྟིཡཱནི, སབྦཱནི ནཱནཱཝཏྠུཀཱནི;

ཝཏྠུཾ ཀིཏྟེཏྭཱ དེསེཡྻ, ཝུཏྟཱ ཨཱདིཙྩབནྡྷུནཱ.

ཀཏི པཱཙིཏྟིཡཱནི, སབྦཱནི ནཱནཱཝཏྠུཀཱནི;

ཀིཉྩ ཀིཏྟེཏྭཱ དེསེཡྻ, ཝུཏྟཱ ཨཱདིཙྩབནྡྷུནཱ.

ནཝ པཱཙིཏྟིཡཱནི, སབྦཱནི ནཱནཱཝཏྠུཀཱནི;

ཝཏྠུཾ ཀིཏྟེཏྭཱ དེསེཡྻ, ཝུཏྟཱ ཨཱདིཙྩབནྡྷུནཱ.

ཡཱཝཏཏིཡཀེ ཀཏི ཨཱཔཏྟིཡོ, ཀཏི ཝོཧཱརཔཙྩཡཱ;

ཁཱདནྟསྶ ཀཏི ཨཱཔཏྟིཡོ, ཀཏི བྷོཛནཔཙྩཡཱ.

ཡཱཝཏཏིཡཀེ ཏིསྶོ ཨཱཔཏྟིཡོ, ཚ ཝོཧཱརཔཙྩཡཱ;

ཁཱདནྟསྶ ཏིསྶོ ཨཱཔཏྟིཡོ, པཉྩ བྷོཛནཔཙྩཡཱ.

སབྦཱ ¶ ཡཱཝཏཏིཡཀཱ, ཀཏི ཋཱནཱནི གཙྪནྟི;

ཀཏིནཉྩེཝ ཨཱཔཏྟི, ཀཏིནཾ ཨདྷིཀརཎེན ཙ.

སབྦཱ ཡཱཝཏཏིཡཀཱ, པཉྩ ཋཱནཱནི གཙྪནྟི;

པཉྩནྣཉྩེཝ ཨཱཔཏྟི, པཉྩནྣཾ ཨདྷིཀརཎེན ཙ.

ཀཏིནཾ ཝིནིཙྪཡོ ཧོཏི, ཀཏིནཾ ཝཱུཔསམེན ཙ;

ཀཏིནཉྩེཝ ཨནཱཔཏྟི, ཀཏིཧི ཋཱནེཧི སོབྷཏི.

པཉྩནྣཾ ཝིནིཙྪཡོ ཧོཏི, པཉྩནྣཾ ཝཱུཔསམེན ཙ;

པཉྩནྣཉྩེཝ ཨནཱཔཏྟི, ཏཱིཧི ཋཱནེཧི སོབྷཏི.

ཀཏི ¶ ཀཱཡིཀཱ རཏྟིཾ, ཀཏི ཀཱཡིཀཱ དིཝཱ;

ནིཛ྄ཛྷཱཡནྟསྶ ཀཏི ཨཱཔཏྟི, ཀཏི པིཎྜཔཱཏཔཙྩཡཱ.

དྭེ ཀཱཡིཀཱ རཏྟིཾ, དྭེ ཀཱཡིཀཱ དིཝཱ;

ནིཛ྄ཛྷཱཡནྟསྶ ཨེཀཱ ཨཱཔཏྟི, ཨེཀཱ པིཎྜཔཱཏཔཙྩཡཱ.

ཀཏཱནིསཾསེ ¶ སམྤསྶཾ, པརེསཾ སདྡྷཱཡ དེསཡེ;

ཨུཀྑིཏྟཀཱ ཀཏི ཝུཏྟཱ, ཀཏི སམྨཱཝཏྟནཱ.

ཨཊྛཱནིསཾསེ སམྤསྶཾ, པརེསཾ སདྡྷཱཡ དེསཡེ;

ཨུཀྑིཏྟཀཱ ཏཡོ ཝུཏྟཱ, ཏེཙཏྟཱལཱིས སམྨཱཝཏྟནཱ.

ཀཏི ཋཱནེ མུསཱཝཱདོ, ཀཏི པརམནྟི ཝུཙྩཏི;

ཀཏི ¶ པཱཊིདེསནཱིཡཱ, ཀཏིནཾ དེསནཱཡ ཙ.

པཉྩ ཋཱནེ མུསཱཝཱདོ, ཙུདྡས པརམནྟི ཝུཙྩཏི;

དྭཱདས པཱཊིདེསནཱིཡཱ, ཙཏུནྣཾ དེསནཱཡ ཙ.

ཀཏངྒིཀོ ¶ མུསཱཝཱདོ, ཀཏི ཨུཔོསཐངྒཱནི;

ཀཏི དཱུཏེཡྻངྒཱནི, ཀཏི ཏིཏྠིཡཝཏྟནཱ.

ཨཊྛངྒིཀོ མུསཱཝཱདོ, ཨཊྛ ཨུཔོསཐངྒཱནི;

ཨཊྛ དཱུཏེཡྻངྒཱནི, ཨཊྛ ཏིཏྠིཡཝཏྟནཱ.

ཀཏིཝཱཙིཀཱ ཨུཔསམྤདཱ, ཀཏིནཾ པཙྩུཊྛཱཏབྦཾ;

ཀཏིནཾ ཨཱསནཾ དཱཏབྦཾ, བྷིཀྑུནོཝཱདཀོ ཀཏིཧི.

ཨཊྛཝཱཙིཀཱ ཨུཔསམྤདཱ, ཨཊྛནྣཾ པཙྩུཊྛཱཏབྦཾ;

ཨཊྛནྣཾ ¶ ཨཱསནཾ དཱཏབྦཾ, བྷིཀྑུནོཝཱདཀོ ཨཊྛཧི.

ཀཏིནཾ ཚེཛྫཾ ཧོཏི, ཀཏིནཾ ཐུལླཙྩཡཾ;

ཀཏིནཉྩེཝ ཨནཱཔཏྟི, སབྦེསཾ ཨེཀཝཏྠུཀཱ.

ཨེཀསྶ ཚེཛྫཾ ཧོཏི, ཙཏུནྣཾ ཐུལླཙྩཡཾ;

ཙཏུནྣཉྩེཝ ཨནཱཔཏྟི, སབྦེསཾ ཨེཀཝཏྠུཀཱ.

ཀཏི ཨཱགྷཱཏཝཏྠཱུནི, ཀཏིཧི སངྒྷོ བྷིཛྫཏི;

ཀཏེཏྠ པཋམཱཔཏྟིཀཱ, ཉཏྟིཡཱ ཀརཎཱ ཀཏི.

ནཝ ཨཱགྷཱཏཝཏྠཱུནི, ནཝཧི སངྒྷོ བྷིཛྫཏི;

ནཝེཏྠ པཋམཱཔཏྟིཀཱ, ཉཏྟིཡཱ ཀརཎཱ ནཝ.

༤. ཨཝནྡནཱིཡཔུགྒལཱདི

༤༧༧.

ཀཏི པུགྒལཱ ནཱབྷིཝཱདེཏབྦཱ, ཨཉྫལིསཱམིཙེན ཙ;

ཀཏིནཾ དུཀྐཊཾ ཧོཏི, ཀཏི ཙཱིཝརདྷཱརཎཱ.

དས ¶ ¶ པུགྒལཱ ནཱབྷིཝཱདེཏབྦཱ, ཨཉྫལིསཱམིཙེན ཙ;

དསནྣཾ དུཀྐཊཾ ཧོཏི, དས ཙཱིཝརདྷཱརཎཱ.

ཀཏིནཾ ཝསྶཾཝུཊྛཱནཾ, དཱཏབྦཾ ཨིདྷ ཙཱིཝརཾ;

ཀཏིནཾ བྷནྟེ དཱཏབྦཾ, ཀཏིནཉྩེཝ ན དཱཏབྦཾ.

པཉྩནྣཾ ཝསྶཾཝུཊྛཱནཾ, དཱཏབྦཾ ཨིདྷ ཙཱིཝརཾ;

སཏྟནྣཾ སནྟེ དཱཏབྦཾ, སོལ༹སནྣཾ ན དཱཏབྦཾ.

ཀཏིསཏཾ རཏྟིསཏཾ, ཨཱཔཏྟིཡོ ཚཱདཡིཏྭཱན;

ཀཏི རཏྟིཡོ ཝསིཏྭཱན, མུཙྩེཡྻ པཱརིཝཱསིཀོ.

དསསཏཾ རཏྟིསཏཾ, ཨཱཔཏྟིཡོ ཚཱདཡིཏྭཱན;

དས ¶ རཏྟིཡོ ཝསིཏྭཱན, མུཙྩེཡྻ པཱརིཝཱསིཀོ.

ཀཏི ཀམྨདོསཱ ཝུཏྟཱ, བུདྡྷེནཱདིཙྩབནྡྷུནཱ;

ཙམྤཱཡཾ ཝིནཡཝཏྠུསྨིཾ, སབྦེཝ ཨདྷམྨིཀཱ [སབྦེ ཨདྷམྨིཀཱ (སཱི. སྱཱ.)] ཀཏི.

དྭཱདས ཀམྨདོསཱ ཝུཏྟཱ, བུདྡྷེནཱདིཙྩབནྡྷུནཱ;

ཙམྤཱཡཾ ཝིནཡཝཏྠུསྨིཾ, སབྦེཝ ཨདྷམྨིཀཱ [སབྦེཝཱདྷམྨིཀཱ (སཱི.), སབྦེ ཨདྷམྨིཀཱ (སྱཱ.)] ཀཏཱ.

ཀཏི ཀམྨསམྤཏྟིཡོ ཝུཏྟཱ, བུདྡྷེནཱདིཙྩབནྡྷུནཱ;

ཙམྤཱཡཾ ཝིནཡཝཏྠུསྨིཾ, སབྦེཝ དྷམྨིཀཱ ཀཏི.

ཙཏསྶོ ཀམྨསམྤཏྟིཡོ ཝུཏྟཱ, བུདྡྷེནཱདིཙྩབནྡྷུནཱ;

ཙམྤཱཡཾ ¶ ཝིནཡཝཏྠུསྨིཾ, སབྦེཝ དྷམྨིཀཱ ཀཏཱ.

ཀཏི ཀམྨཱནི ཝུཏྟཱནི, བུདྡྷེནཱདིཙྩབནྡྷུནཱ;

ཙམྤཱཡཾ ཝིནཡཝཏྠུསྨིཾ, དྷམྨིཀཱ ཨདྷམྨིཀཱ ཀཏི.

ཚ ¶ ཀམྨཱནི ཝུཏྟཱནི, བུདྡྷེནཱདིཙྩབནྡྷུནཱ;

ཙམྤཱཡཾ ཝིནཡཝཏྠུསྨིཾ, ཨེཀེཏྠ དྷམྨིཀཱ ཀཏཱ;

པཉྩ ཨདྷམྨིཀཱ ཝུཏྟཱ, བུདྡྷེནཱདིཙྩབནྡྷུནཱ.

ཀཏི ཀམྨཱནི ཝུཏྟཱནི, བུདྡྷེནཱདིཙྩབནྡྷུནཱ;

ཙམྤཱཡཾ ཝིནཡཝཏྠུསྨིཾ, དྷམྨིཀཱ ཨདྷམྨིཀཱ ཀཏི.

ཙཏྟཱརི ¶ ཀམྨཱནི ཝུཏྟཱནི, བུདྡྷེནཱདིཙྩབནྡྷུནཱ;

ཙམྤཱཡཾ ཝིནཡཝཏྠུསྨིཾ, ཨེཀེཏྠ དྷམྨིཀཱ ཀཏཱ;

ཏཡོ ཨདྷམྨིཀཱ ཝུཏྟཱ, བུདྡྷེནཱདིཙྩབནྡྷུནཱ.

ཡཾ དེསིཏཾནནྟཛིནེན ཏཱདིནཱ;

ཨཱཔཏྟིཀྑནྡྷཱནི ¶ ཝིཝེཀདསྶིནཱ;

ཀཏེཏྠ སམྨནྟི ཝིནཱ སམཐེཧི;

པུཙྪཱམི ཏཾ བྲཱུཧི ཝིབྷངྒཀོཝིད.

ཡཾ དེསིཏཾནནྟཛིནེན ཏཱདིནཱ;

ཨཱཔཏྟིཀྑནྡྷཱནི ཝིཝེཀདསྶིནཱ;

ཨེཀེཏྠ སམྨཏི ཝིནཱ སམཐེཧི;

ཨེཏཾ ཏེ ཨཀྑཱམི ཝིབྷངྒཀོཝིད.

ཀཏི ཨཱཔཱཡིཀཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི [ཝིསཡཱནི (སཱི. སྱཱ. ཨེཝམུཔརིཔི)] སུཎོམ ཏེ.

ཚཨཱུནདིཡཌྜྷསཏཱ ཝུཏྟཱ, བུདྡྷེནཱདིཙྩབནྡྷུནཱ;

ཨཱཔཱཡིཀཱ ནེརཡིཀཱ, ཀཔྤཊྛཱ སངྒྷབྷེདཀཱ;

ཝིནཡཾ པཊིཛཱནནྟསྶ, ཝིནཡཱནི སུཎོཧི མེ.

ཀཏི ནཱཔཱཡིཀཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོམ ཏེ.

ཨཊྛཱརས ¶ ནཱཔཱཡིཀཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོཧི མེ.

ཀཏི ཨཊྛཀཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོམ ཏེ.

ཨཊྛཱརས ཨཊྛཀཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོཧི མེ.

༥. སོལ༹སཀམྨཱདི

༤༧༨.

ཀཏི ¶ ཀམྨཱནི ཝུཏྟཱནི, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོམ ཏེ.

སོལ༹ས ¶ ཀམྨཱནི ཝུཏྟཱནི, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོཧི མེ.

ཀཏི ཀམྨདོསཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ ¶ པཊིཛཱནནྟསྶ, ཝིནཡཱནི སུཎོམ ཏེ.

དྭཱདས ཀམྨདོསཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོཧི མེ.

ཀཏི ཀམྨསམྤཏྟིཡོ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོམ ཏེ.

ཙཏསྶོ ཀམྨསམྤཏྟིཡོ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོཧི མེ.

ཀཏི ¶ ཀམྨཱནི ཝུཏྟཱནི, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོམ ཏེ.

ཚ ཀམྨཱནི ཝུཏྟཱནི, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོཧི མེ.

ཀཏི ཀམྨཱནི ཝུཏྟཱནི, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོམ ཏེ.

ཙཏྟཱརི ཀམྨཱནི ཝུཏྟཱནི, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོཧི མེ.

ཀཏི ¶ པཱརཱཛིཀཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོམ ཏེ.

ཨཊྛ པཱརཱཛིཀཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོཧི མེ.

ཀཏི སངྒྷཱདིསེསཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོམ ཏེ.

ཏེཝཱིས སངྒྷཱདིསེསཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོཧི མེ.

ཀཏི ¶ ཨནིཡཏཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོམ ཏེ.

དྭེ ཨནིཡཏཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོཧི མེ.

ཀཏི ¶ ནིསྶགྒིཡཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོམ ཏེ.

དྭེཙཏྟཱལཱིས ནིསྶགྒིཡཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོཧི མེ.

ཀཏི པཱཙིཏྟིཡཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོམ ཏེ.

ཨཊྛཱསཱིཏིསཏཾ པཱཙིཏྟིཡཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོཧི མེ.

ཀཏི ¶ པཱཊིདེསནཱིཡཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོམ ཏེ.

དྭཱདས པཱཊིདེསནཱིཡཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོཧི མེ.

ཀཏི སེཁིཡཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོམ ཏེ.

པཉྩསཏྟཏི སེཁིཡཱ ཝུཏྟཱ, བུདྡྷེནཱདིཙྩབནྡྷུནཱ;

ཝིནཡཾ པཊིཛཱནནྟསྶ, ཝིནཡཱནི སུཎོཧི མེ.

ཡཱཝ སུཔུཙྪིཏཾ ཏཡཱ, ཡཱཝ སུཝིསྶཛྫིཏཾ མཡཱ;

པུཙྪཱཝིསྶཛྫནཱཡ ཝཱ, ནཏྠི ཀིཉྩི ཨསུཏྟཀནྟི.

དུཏིཡགཱཐཱསངྒཎིཀཾ ནིཊྛིཏཾ.

སེདམོཙནགཱཐཱ

༡. ཨཝིཔྤཝཱསཔཉྷཱ

༤༧༩.

ཨསཾཝཱསོ ¶ ¶ ¶ ¶ བྷིཀྑཱུཧི ཙ བྷིཀྑུནཱིཧི ཙ;

སམྦྷོགོ ཨེཀཙྩོ ཏཧིཾ ན ལབྦྷཏི;

ཨཝིཔྤཝཱསེན ཨནཱཔཏྟི;

པཉྷཱ མེསཱ ཀུསལེཧི ཙིནྟིཏཱ.

ཨཝིསྶཛྫིཡཾ ཨཝེབྷངྒིཡཾ;

པཉྩ ཝུཏྟཱ མཧེསིནཱ;

ཝིསྶཛྫནྟསྶ པརིབྷུཉྫནྟསྶ ཨནཱཔཏྟི;

པཉྷཱ མེསཱ ཀུསལེཧི ཙིནྟིཏཱ.

དས པུགྒལེ ན ཝདཱམི, ཨེཀཱདས ཝིཝཛྫིཡ;

ཝུཌྜྷཾ ཝནྡནྟསྶ ཨཱཔཏྟི, པཉྷཱ མེསཱ ཀུསལེཧི ཙིནྟིཏཱ.

ན ཨུཀྑིཏྟཀོ ན ཙ པན པཱརིཝཱསིཀོ;

ན སངྒྷབྷིནྣོ ན ཙ པན པཀྑསངྐནྟོ;

སམཱནསཾཝཱསཀབྷཱུམིཡཱ ཋིཏོ;

ཀཐཾ ནུ སིཀྑཱཡ ཨསཱདྷཱརཎོ སིཡཱ;

པཉྷཱ མེསཱ ཀུསལེཧི ཙིནྟིཏཱ.

ཨུཔེཏི ¶ དྷམྨཾ པརིཔུཙྪམཱནོ, ཀུསལཾ ཨཏྠཱུཔསཉྷིཏཾ;

ན ¶ ཛཱིཝཏི ན མཏོ ན ནིབྦུཏོ, ཏཾ པུགྒལཾ ཀཏམཾ ཝདནྟི བུདྡྷཱ;

པཉྷཱ མེསཱ ཀུསལེཧི ཙིནྟིཏཱ.

ཨུབྦྷཀྑཀེ ན ཝདཱམི, ཨདྷོ ནཱབྷིཾ ཝིཝཛྫིཡ;

མེཐུནདྷམྨཔཙྩཡཱ, ཀཐཾ པཱརཱཛིཀོ སིཡཱ;

པཉྷཱ མེསཱ ཀུསལེཧི ཙིནྟིཏཱ.

བྷིཀྑུ སཉྙཱཙིཀཱཡ ཀུཊིཾ ཀརོཏི;

ཨདེསིཏཝཏྠུཀཾ པམཱཎཱཏིཀྐནྟཾ;

སཱརམྦྷཾ ཨཔརིཀྐམནཾ ཨནཱཔཏྟི;

པཉྷཱ མེསཱ ཀུསལེཧི ཙིནྟིཏཱ.

བྷིཀྑུ ¶ སཉྙཱཙིཀཱཡ ཀུཊིཾ ཀརོཏི;

དེསིཏཝཏྠུཀཾ པམཱཎིཀཾ;

ཨནཱརམྦྷཾ སཔརིཀྐམནཾ ཨཱཔཏྟི;

པཉྷཱ མེསཱ ཀུསལེཧི ཙིནྟིཏཱ.

ན ཀཱཡིཀཾ ཀིཉྩི པཡོགམཱཙརེ;

ན ཙཱཔི ཝཱཙཱཡ པརེ བྷཎེཡྻ;

ཨཱཔཛྫེཡྻ གརུཀཾ ཚེཛྫཝཏྠུཾ;

པཉྷཱ མེསཱ ཀུསལེཧི ཙིནྟིཏཱ.

ན ཀཱཡིཀཾ ཝཱཙསིཀཉྩ ཀིཉྩི;

མནསཱཔི སནྟོ ན ཀརེཡྻ པཱཔཾ;

སོ ¶ ནཱསིཏོ ཀིནྟི སུནཱསིཏོ བྷཝེ;

པཉྷཱ མེསཱ ཀུསལེཧི ཙིནྟིཏཱ.

ཨནཱལཔནྟོ མནུཛེན ཀེནཙི;

ཝཱཙཱགིརཾ ནོ ཙ པརེ བྷཎེཡྻ;

ཨཱཔཛྫེཡྻ ¶ ¶ ཝཱཙསིཀཾ ན ཀཱཡིཀཾ;

པཉྷཱ མེསཱ ཀུསལེཧི ཙིནྟིཏཱ.

སིཀྑཱཔདཱ བུདྡྷཝརེན ཝཎྞིཏཱ;

སངྒྷཱདིསེསཱ ཙཏུརོ བྷཝེཡྻུཾ;

ཨཱཔཛྫེཡྻ ཨེཀཔཡོགེན སབྦེ;

པཉྷཱ མེསཱ ཀུསལེཧི ཙིནྟིཏཱ.

ཨུབྷོ ཨེཀཏོ ཨུཔསམྤནྣཱ;

ཨུབྷིནྣཾ ཧཏྠཏོ ཙཱིཝརཾ པཊིགྒཎྷེཡྻ;

སིཡཱ ཨཱཔཏྟིཡོ ནཱནཱ;

པཉྷཱ མེསཱ ཀུསལེཧི ཙིནྟིཏཱ.

ཙཏུརོ ཛནཱ སཾཝིདྷཱཡ;

གརུབྷཎྜཾ ཨཝཱཧརུཾ;

ཏཡོ པཱརཱཛིཀཱ ཨེཀོ ན པཱརཱཛིཀོ;

པཉྷཱ ¶ མེསཱ ཀུསལེཧི ཙིནྟིཏཱ.

༢. པཱརཱཛིཀཱདིཔཉྷཱ

༤༨༠.

ཨིཏྠཱི ¶ ཙ ཨབྦྷནྟརེ སིཡཱ,

བྷིཀྑུ ཙ བཧིདྡྷཱ སིཡཱ;

ཚིདྡཾ ཏསྨིཾ གྷརེ ནཏྠི;

མེཐུནདྷམྨཔཙྩཡཱ;

ཀཐཾ པཱརཱཛིཀོ སིཡཱ;

པཉྷཱ མེསཱ ཀུསལེཧི ཙིནྟིཏཱ.

ཏེལཾ མདྷུཾ ཕཱཎིཏཉྩཱཔི སཔྤིཾ;

སཱམཾ གཧེཏྭཱན ནིཀྑིཔེཡྻ;

ཨཝཱིཏིཝཏྟེ ¶ སཏྟཱཧེ;

སཏི པཙྩཡེ པརིབྷུཉྫནྟསྶ ཨཱཔཏྟི;

པཉྷཱ མེསཱ ཀུསལེཧི ཙིནྟིཏཱ.

ནིསྶགྒིཡེན ཨཱཔཏྟི;

སུདྡྷཀེན པཱཙིཏྟིཡཾ;

ཨཱཔཛྫནྟསྶ ཨེཀཏོ;

པཉྷཱ མེསཱ ཀུསལེཧི ཙིནྟིཏཱ.

བྷིཀྑཱུ སིཡཱ ཝཱིསཏིཡཱ སམཱགཏཱ;

ཀམྨཾ ཀརེཡྻུཾ སམགྒསཉྙིནོ;

བྷིཀྑུ སིཡཱ དྭཱདསཡོཛནེ ཋིཏོ;

ཀམྨཉྩ ཏཾ ཀུཔྤེཡྻ ཝགྒཔཙྩཡཱ;

པཉྷཱ ¶ མེསཱ ཀུསལེཧི ཙིནྟིཏཱ.

པདཝཱིཏིཧཱརམཏྟེན ཝཱཙཱཡ བྷཎིཏེན ཙ;

སབྦཱནི གརུཀཱནི སཔྤཊིཀམྨཱནི;

ཙཏུསཊྛི ཨཱཔཏྟིཡོ ཨཱཔཛྫེཡྻ ཨེཀཏོ;

པཉྷཱ མེསཱ ཀུསལེཧི ཙིནྟིཏཱ.

ནིཝཏྠོ ཨནྟརཝཱསཀེན;

དིགུཎཾ སངྒྷཱཊིཾ པཱརུཏོ;

སབྦཱནི ཏཱནི ནིསྶགྒིཡཱནི ཧོནྟི;

པཉྷཱ མེསཱ ཀུསལེཧི ཙིནྟིཏཱ.

ན ¶ ཙཱཔི ཉཏྟི ན ཙ པན ཀམྨཝཱཙཱ;

ན ཙེཧི བྷིཀྑཱུཏི ཛིནོ ཨཝོཙ;

སརཎགམནམྤི ན ཏསྶ ཨཏྠི;

ཨུཔསམྤདཱ ཙསྶ ཨཀུཔྤཱ;

པཉྷཱ མེསཱ ཀུསལེཧི ཙིནྟིཏཱ.

ཨིཏྠིཾ ¶ ཧནེ ན མཱཏརཾ, པུརིསཉྩ ན པིཏརཾ ཧནེ;

ཧནེཡྻ ཨནརིཡཾ མནྡོ, ཏེན ཙཱནནྟརཾ ཕུསེ;

པཉྷཱ མེསཱ ཀུསལེཧི ཙིནྟིཏཱ.

ཨིཏྠིཾ ཧནེ ཙ མཱཏརཾ, པུརིསཉྩ པིཏརཾ ཧནེ;

མཱཏརཾ པིཏརཾ ཧནྟྭཱ, ན ཏེནཱནནྟརཾ ཕུསེ;

པཉྷཱ མེསཱ ཀུསལེཧི ཙིནྟིཏཱ.

ཨཙོདཡིཏྭཱ ¶ ཨསྶཱརཡིཏྭཱ;

ཨསམྨུཁཱིབྷཱུཏསྶ ཀརེཡྻ ཀམྨཾ;

ཀཏཉྩ ཀམྨཾ སུཀཏཾ བྷཝེཡྻ;

ཀཱརཀོ ¶ ཙ སངྒྷོ ཨནཱཔཏྟིཀོ སིཡཱ;

པཉྷཱ མེསཱ ཀུསལེཧི ཙིནྟིཏཱ.

ཙོདཡིཏྭཱ སཱརཡིཏྭཱ;

སམྨུཁཱིབྷཱུཏསྶ ཀརེཡྻ ཀམྨཾ;

ཀཏཉྩ ཀམྨཾ ཨཀཏཾ བྷཝེཡྻ;

ཀཱརཀོ ཙ སངྒྷོ སཱཔཏྟིཀོ སིཡཱ;

པཉྷཱ མེསཱ ཀུསལེཧི ཙིནྟིཏཱ.

ཚིནྡནྟསྶ ཨཱཔཏྟི, ཚིནྡནྟསྶ ཨནཱཔཏྟི;

ཚཱདེནྟསྶ ཨཱཔཏྟི, ཚཱདེནྟསྶ ཨནཱཔཏྟི;

པཉྷཱ མེསཱ ཀུསལེཧི ཙིནྟིཏཱ.

སཙྩཾ བྷཎནྟོ གརུཀཾ, མུསཱ ཙ ལཧུ བྷཱསཏོ;

མུསཱ བྷཎནྟོ གརུཀཾ, སཙྩཉྩ ལཧུ བྷཱསཏོ;

པཉྷཱ མེསཱ ཀུསལེཧི ཙིནྟིཏཱ.

༣. པཱཙིཏྟིཡཱདིཔཉྷཱ

༤༨༡.

ཨདྷིཊྛིཏཾ ¶ ¶ རཛནཱཡ རཏྟཾ;

ཀཔྤཀཏམྤི སནྟཾ;

པརིབྷུཉྫནྟསྶ ཨཱཔཏྟི;

པཉྷཱ མེསཱ ཀུསལེཧི ཙིནྟིཏཱ.

ཨཏྠངྒཏེ སཱུརིཡེ བྷིཀྑུ མཾསཱནི ཁཱདཏི;

ན ཨུམྨཏྟཀོ ན ཙ པན ཁིཏྟཙིཏྟོ;

ན ཙཱཔི སོ ཝེདནཱཊྚོ བྷཝེཡྻ;

ན ཙསྶ ཧོཏི ཨཱཔཏྟི;

སོ ཙ དྷམྨོ སུགཏེན དེསིཏོ;

པཉྷཱ མེསཱ ཀུསལེཧི ཙིནྟིཏཱ.

ན རཏྟཙིཏྟོ ན ཙ པན ཐེཡྻཙིཏྟོ;

ན ཙཱཔི སོ པརཾ མརཎཱཡ ཙེཏཡི;

སལཱཀཾ ¶ དེནྟསྶ ཧོཏི ཚེཛྫཾ;

པཊིགྒཎྷནྟསྶ ཐུལླཙྩཡཾ;

པཉྷཱ མེསཱ ཀུསལེཧི ཙིནྟིཏཱ.

ན ཙཱཔི ཨཱརཉྙཀཾ སཱསངྐསམྨཏཾ;

ན ཙཱཔི སངྒྷེན སམྨུཏི དིནྣཱ;

ན ཙསྶ ཀཐིནཾ ཨཏྠཏཾ ཏཏྠེཝ;

ཙཱིཝརཾ ནིཀྑིཔིཏྭཱ གཙྪེཡྻ ཨཌྜྷཡོཛནཾ;

ཏཏྠེཝ ཨརུཎཾ ཨུགྒཙྪནྟསྶ ཨནཱཔཏྟི;

པཉྷཱ མེསཱ ཀུསལེཧི ཙིནྟིཏཱ.

ཀཱཡིཀཱནི ན ཝཱཙསིཀཱནི;

སབྦཱནི ནཱནཱཝཏྠུཀཱནི;

ཨཔུབྦཾ ¶ ཨཙརིམཾ ཨཱཔཛྫེཡྻ ཨེཀཏོ;

པཉྷཱ མེསཱ ཀུསལེཧི ཙིནྟིཏཱ.

ཝཱཙསིཀཱནི ན ཀཱཡིཀཱནི;

སབྦཱནི ནཱནཱཝཏྠུཀཱནི;

ཨཔུབྦཾ ཨཙརིམཾ ཨཱཔཛྫེཡྻ ཨེཀཏོ;

པཉྷཱ མེསཱ ཀུསལེཧི ཙིནྟིཏཱ.

ཏིསྶིཏྠིཡོ ¶ མེཐུནཾ ཏཾ ན སེཝེ;

ཏཡོ པུརིསེ ཏཡོ ཨནརིཡཔཎྜཀེ;

ན ཙཱཙརེ མེཐུནཾ བྱཉྫནསྨིཾ;

ཚེཛྫཾ ¶ སིཡཱ མེཐུནདྷམྨཔཙྩཡཱ;

པཉྷཱ མེསཱ ཀུསལེཧི ཙིནྟིཏཱ.

མཱཏརཾ ཙཱིཝརཾ ཡཱཙེ, ནོ ཙ སངྒྷེ [ནོ སཾགྷསྶ (ཀ.), ནོ ཙ སཾགྷསྶ (སྱཱ.), ནོ ཙེ སཾགྷསྶ (སཱི.)] པརིཎཏཾ;

ཀེནསྶ ཧོཏི ཨཱཔཏྟི, ཨནཱཔཏྟི ཙ ཉཱཏཀེ;

པཉྷཱ མེསཱ ཀུསལེཧི ཙིནྟིཏཱ.

ཀུདྡྷོ ¶ ཨཱརཱདྷཀོ ཧོཏི, ཀུདྡྷོ ཧོཏི གརཧིཡོ;

ཨཐ ཀོ ནཱམ སོ དྷམྨོ, ཡེན ཀུདྡྷོ པསཾསིཡོ;

པཉྷཱ མེསཱ ཀུསལེཧི ཙིནྟིཏཱ.

ཏུཊྛོ ཨཱརཱདྷཀོ ཧོཏི, ཏུཊྛོ ཧོཏི གརཧིཡོ;

ཨཐ ཀོ ནཱམ སོ དྷམྨོ, ཡེན ཏུཊྛོ གརཧིཡོ;

པཉྷཱ མེསཱ ཀུསལེཧི ཙིནྟིཏཱ.

སངྒྷཱདིསེསཾ ཐུལླཙྩཡཾ;

པཱཙིཏྟིཡཾ པཱཊིདེསནཱིཡཾ;

དུཀྐཊཾ ཨཱཔཛྫེཡྻ ཨེཀཏོ;

པཉྷཱ མེསཱ ཀུསལེཧི ཙིནྟིཏཱ.

ཨུབྷོ ¶ པརིཔུཎྞཝཱིསཏིཝསྶཱ;

ཨུབྷིནྣཾ ཨེཀུཔཛ྄ཛྷཱཡོ;

ཨེཀཱཙརིཡོ ཨེཀཱ ཀམྨཝཱཙཱ;

ཨེཀོ ཨུཔསམྤནྣོ ཨེཀོ ཨནུཔསམྤནྣོ;

པཉྷཱ མེསཱ ཀུསལེཧི ཙིནྟིཏཱ.

ཨཀཔྤཀཏཾ ནཱཔི རཛནཱཡ རཏྟཾ;

ཏེན ¶ ནིཝཏྠོ ཡེན ཀཱམཾ ཝཛེཡྻ;

ན ཙསྶ ཧོཏི ཨཱཔཏྟི;

སོ ཙ དྷམྨོ སུགཏེན དེསིཏོ;

པཉྷཱ མེསཱ ཀུསལེཧི ཙིནྟིཏཱ.

ན ¶ དེཏི ན པཊིགྒཎྷཱཏི, པཊིགྒཧོ ཏེན ན ཝིཛྫཏི;

ཨཱཔཛྫཏི གརུཀཾ ན ལཧུཀཾ, ཏཉྩ པརིབྷོགཔཙྩཡཱ;

པཉྷཱ མེསཱ ཀུསལེཧི ཙིནྟིཏཱ.

ན དེཏི ན པཊིགྒཎྷཱཏི, པཊིགྒཧོ ཏེན ན ཝིཛྫཏི;

ཨཱཔཛྫཏི ལཧུཀཾ ན གརུཀཾ, ཏཉྩ པརིབྷོགཔཙྩཡཱ;

པཉྷཱ མེསཱ ཀུསལེཧི ཙིནྟིཏཱ.

ཨཱཔཛྫཏི གརུཀཾ སཱཝསེསཾ;

ཚཱདེཏི ཨནཱདརིཡཾ པཊིཙྩ;

ན བྷིཀྑུནཱི ནོ ཙ ཕུསེཡྻ ཝཛྫཾ;

པཉྷཱ མེསཱ ཀུསལེཧི ཙིནྟིཏཱ.

སེདམོཙནགཱཐཱ ནིཊྛིཏཱ.

ཏསྶུདྡཱནཾ –

ཨསཾཝཱསོ ¶ ཨཝིསྶཛྫི, དས ཙ ཨནུཀྑིཏྟཀོ;

ཨུཔེཏི དྷམྨཾ ཨུབྦྷཀྑཀཾ, ཏཏོ སཉྙཱཙིཀཱ ཙ དྭེ.

ན ¶ ཀཱཡིཀཉྩ གརུཀཾ, ན ཀཱཡིཀཾ ན ཝཱཙསིཀཾ [ན ཀཱཡིཀཾ སུནཱསིཏཾ (སྱཱ.)];

ཨནཱལཔནྟོ སིཀྑཱ ཙ, ཨུབྷོ ཙ ཙཏུརོ ཛནཱ.

ཨིཏྠཱི ཏེལཉྩ ནིསྶགྒི, བྷིཀྑུ ཙ པདཝཱིཏིཡོ;

ནིཝཏྠོ ཙ ན ཙ ཉཏྟི, ན མཱཏརཾ པིཏརཾ ཧནེ.

ཨཙོདཡིཏྭཱ ཙོདཡིཏྭཱ, ཚིནྡནྟཾ སཙྩམེཝ ཙ;

ཨདྷིཊྛིཏཉྩཏྠངྒཏེ, ན རཏྟཾ ན ཙཱརཉྙཀཾ.

ཀཱཡིཀཱ ཝཱཙསིཀཱ ཙ, ཏིསྶིཏྠཱི ཙཱཔི མཱཏརཾ;

ཀུདྡྷོ ཨཱརཱདྷཀོ ཏུཊྛོ, སངྒྷཱདིསེསཱ ཙ ཨུབྷོ.

ཨཀཔྤཀཏཾ ན དེཏི, ན དེཏཱཔཛྫཏཱི གརུཾ;

སེདམོཙནིཀཱ གཱཐཱ, པཉྷཱ ཝིཉྙཱུཧི ཝིབྷཱཝིཏཱཏི [ཝིཉྙཱུཝིབྷཱཝིཏཱ (སཱི. སྱཱ.)].

པཉྩཝགྒོ

༡. ཀམྨཝགྒོ

༤༨༢. ཙཏྟཱརི ¶ ¶ ¶ ¶ ཀམྨཱནི. ཨཔལོཀནཀམྨཾ, ཉཏྟིཀམྨཾ, ཉཏྟིདུཏིཡཀམྨཾ, ཉཏྟིཙཏུཏྠཀམྨཾ – ཨིམཱནི ཙཏྟཱརི ཀམྨཱནི. ཀཏིཧཱཀཱརེཧི ཝིཔཛྫནྟི? ཨིམཱནི ཙཏྟཱརི ཀམྨཱནི པཉྩཧཱཀཱརེཧི ཝིཔཛྫནྟི – ཝཏྠུཏོ ཝཱ ཉཏྟིཏོ ཝཱ ཨནུསྶཱཝནཏོ ཝཱ སཱིམཏོ ཝཱ པརིསཏོ ཝཱ.

༤༨༣. ཀཐཾ ཝཏྠུཏོ ཀམྨཱནི ཝིཔཛྫནྟི? སམྨུཁཱཀརཎཱིཡཾ ཀམྨཾ ཨསམྨུཁཱ ཀརོཏི, ཝཏྠུཝིཔནྣཾ ཨདྷམྨཀམྨཾ; པཊིཔུཙྪཱཀརཎཱིཡཾ ཀམྨཾ ཨཔཊིཔུཙྪཱ ཀརོཏི, ཝཏྠུཝིཔནྣཾ ཨདྷམྨཀམྨཾ; པཊིཉྙཱཡ ཀརཎཱིཡཾ ཀམྨཾ ཨཔཊིཉྙཱཡ ཀརོཏི, ཝཏྠུཝིཔནྣཾ ཨདྷམྨཀམྨཾ; སཏིཝིནཡཱརཧསྶ ཨམཱུལ༹ྷཝིནཡཾ དེཏི, ཝཏྠུཝིཔནྣཾ ཨདྷམྨཀམྨཾ; ཨམཱུལ༹ྷཝིནཡཱརཧསྶ ཏསྶཔཱཔིཡསིཀཱཀམྨཾ ཀརོཏི, ཝཏྠུཝིཔནྣཾ ཨདྷམྨཀམྨཾ; ཏསྶཔཱཔིཡསིཀཱཀམྨཱརཧསྶ ཏཛྫནཱིཡཀམྨཾ ཀརོཏི, ཝཏྠུཝིཔནྣཾ ཨདྷམྨཀམྨཾ; ཏཛྫནཱིཡཀམྨཱརཧསྶ ནིཡསྶཀམྨཾ ཀརོཏི, ཝཏྠུཝིཔནྣཾ ཨདྷམྨཀམྨཾ; ནིཡསྶཀམྨཱརཧསྶ པབྦཱཛནཱིཡཀམྨཾ ཀརོཏི, ཝཏྠུཝིཔནྣཾ ཨདྷམྨཀམྨཾ; པབྦཱཛནཱིཡཀམྨཱརཧསྶ པཊིསཱརཎཱིཡཀམྨཾ ཀརོཏི, ཝཏྠུཝིཔནྣཾ ཨདྷམྨཀམྨཾ; པཊིསཱརཎཱིཡཀམྨཱརཧསྶ ཨུཀྑེཔནཱིཡཀམྨཾ ཀརོཏི, ཝཏྠུཝིཔནྣཾ ཨདྷམྨཀམྨཾ; ཨུཀྑེཔནཱིཡཀམྨཱརཧསྶ པརིཝཱསཾ དེཏི, ཝཏྠུཝིཔནྣཾ ཨདྷམྨཀམྨཾ ¶ ; པརིཝཱསཱརཧཾ མཱུལཱཡ པཊིཀསྶཏི, ཝཏྠུཝིཔནྣཾ ཨདྷམྨཀམྨཾ; མཱུལཱཡཔཊིཀསྶནཱརཧསྶ མཱནཏྟཾ དེཏི, ཝཏྠུཝིཔནྣཾ ཨདྷམྨཀམྨཾ; མཱནཏྟཱརཧཾ ཨབྦྷེཏི, ཝཏྠུཝིཔནྣཾ ཨདྷམྨཀམྨཾ; ཨབྦྷཱནཱརཧཾ ཨུཔསམྤཱདེཏི, ཝཏྠུཝིཔནྣཾ ཨདྷམྨཀམྨཾ; ཨནུཔོསཐེ ཨུཔོསཐཾ ཀརོཏི, ཝཏྠུཝིཔནྣཾ ཨདྷམྨཀམྨཾ; ཨཔཝཱརཎཱཡ པཝཱརེཏི, ཝཏྠུཝིཔནྣཾ ཨདྷམྨཀམྨཾ. ཨེཝཾ ཝཏྠུཏོ ཀམྨཱནི ཝིཔཛྫནྟི.

༤༨༤. ཀཐཾ ¶ ཉཏྟིཏོ ཀམྨཱནི ཝིཔཛྫནྟི? པཉྩཧཱཀཱརེཧི ཉཏྟིཏོ ཀམྨཱནི ཝིཔཛྫནྟི – ཝཏྠུཾ ན པརཱམསཏི, སངྒྷཾ ན པརཱམསཏི, པུགྒལཾ ན པརཱམསཏི, ཉཏྟིཾ ན པརཱམསཏི, པཙྪཱ ཝཱ ཉཏྟིཾ ཋཔེཏི – ཨིམེཧི པཉྩཧཱཀཱརེཧི ཉཏྟིཏོ ཀམྨཱནི ཝིཔཛྫནྟི.

༤༨༥. ཀཐཾ ¶ ཨནུསྶཱཝནཏོ ཀམྨཱནི ཝིཔཛྫནྟི? པཉྩཧཱཀཱརེཧི ¶ ཨནུསྶཱཝནཏོ ཀམྨཱནི ཝིཔཛྫནྟི – ཝཏྠུཾ ན པརཱམསཏི, སངྒྷཾ ན པརཱམསཏི, པུགྒལཾ ན པརཱམསཏི, སཱཝནཾ ཧཱཔེཏི, ཨཀཱལེ ཝཱ སཱཝེཏི – ཨིམེཧི པཉྩཧཱཀཱརེཧི ཨནུསྶཱཝནཏོ ཀམྨཱནི ཝིཔཛྫནྟི.

༤༨༦. ཀཐཾ སཱིམཏོ ཀམྨཱནི ཝིཔཛྫནྟི? ཨེཀཱདསཧི ཨཱཀཱརེཧི སཱིམཏོ ཀམྨཱནི ཝིཔཛྫནྟི – ཨཏིཁུདྡཀཾ སཱིམཾ སམྨནྣཏི, ཨཏིམཧཏིཾ སཱིམཾ སམྨནྣཏི, ཁཎྜནིམིཏྟཾ སཱིམཾ སམྨནྣཏི, ཚཱཡཱནིམིཏྟཾ སཱིམཾ ¶ སམྨནྣཏི, ཨནིམིཏྟཾ སཱིམཾ སམྨནྣཏི, བཧིསཱིམེ ཋིཏོ སཱིམཾ སམྨནྣཏི, ནདིཡཱ སཱིམཾ སམྨནྣཏི, སམུདྡེ སཱིམཾ སམྨནྣཏི, ཛཱཏསྶརེ སཱིམཾ སམྨནྣཏི, སཱིམཱཡ སཱིམཾ སམྦྷིནྡཏི, སཱིམཱཡ སཱིམཾ ཨཛ྄ཛྷོཏྠརཏི – ཨིམེཧི ཨེཀཱདསཧི ཨཱཀཱརེཧི སཱིམཏོ ཀམྨཱནི ཝིཔཛྫནྟི.

༤༨༧. ཀཐཾ པརིསཏོ ཀམྨཱནི ཝིཔཛྫནྟི? དྭཱདསཧི ཨཱཀཱརེཧི པརིསཏོ ཀམྨཱནི ཝིཔཛྫནྟི – ཙཏུཝགྒཀརཎེ ཀམྨེ ཡཱཝཏིཀཱ བྷིཀྑཱུ ཀམྨཔཏྟཱ ཏེ ཨནཱགཏཱ ཧོནྟི, ཚནྡཱརཧཱནཾ ཚནྡོ ཨནཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི, ཙཏུཝགྒཀརཎེ ཀམྨེ ཡཱཝཏིཀཱ བྷིཀྑཱུ ཀམྨཔཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨནཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི, ཙཏུཝགྒཀརཎེ ཀམྨེ ཡཱཝཏིཀཱ བྷིཀྑཱུ ཀམྨཔཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི. པཉྩཝགྒཀརཎེ ཀམྨེ…པེ… དསཝགྒཀརཎེ ཀམྨེ…པེ… ཝཱིསཏིཝགྒཀརཎེ ཀམྨེ ཡཱཝཏིཀཱ བྷིཀྑཱུ ཀམྨཔཏྟཱ ཏེ ཨནཱགཏཱ ཧོནྟི, ཚནྡཱརཧཱནཾ ཚནྡོ ཨནཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི, ཝཱིསཏིཝགྒཀརཎེ ཀམྨེ ཡཱཝཏིཀཱ བྷིཀྑཱུ ཀམྨཔཏྟཱ, ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨནཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི, ཝཱིསཏིཝགྒཀརཎེ ཀམྨེ ཡཱཝཏིཀཱ བྷིཀྑཱུ ཀམྨཔཏྟཱ, ཏེ ཨཱགཏཱ ཧོནྟི, ཚནྡཱརཧཱནཾ ¶ ཚནྡོ ཨཱཧཊོ ཧོཏི སམྨུཁཱིབྷཱུཏཱ པཊིཀྐོསནྟི – ཨིམེཧི དྭཱདསཧི ཨཱཀཱརེཧི པརིསཏོ ཀམྨཱནི ཝིཔཛྫནྟི.

༤༨༨. ཙཏུཝགྒཀརཎེ ཀམྨེ ཙཏྟཱརོ བྷིཀྑཱུ པཀཏཏྟཱ ཀམྨཔཏྟཱ, ཨཝསེསཱ པཀཏཏྟཱ ཚནྡཱརཧཱ ¶ . ཡསྶ སངྒྷོ ཀམྨཾ ཀརོཏི སོ ནེཝ ཀམྨཔཏྟོ ནཱཔི ཚནྡཱརཧོ, ཨཔི ཙ ཀམྨཱརཧོ. པཉྩཝགྒཀརཎེ ¶ ཀམྨེ པཉྩ བྷིཀྑཱུ པཀཏཏྟཱ ཀམྨཔཏྟཱ, ཨཝསེསཱ པཀཏཏྟཱ ཚནྡཱརཧཱ. ཡསྶ སངྒྷོ ཀམྨཾ ཀརོཏི སོ ནེཝ ཀམྨཔཏྟོ ནཱཔི ཚནྡཱརཧོ, ཨཔི ཙ ཀམྨཱརཧོ. དསཝགྒཀརཎེ ཀམྨེ དས བྷིཀྑཱུ པཀཏཏྟཱ ཀམྨཔཏྟཱ, ཨཝསེསཱ པཀཏཏྟཱ ཚནྡཱརཧཱ. ཡསྶ སངྒྷོ ཀམྨཾ ཀརོཏི སོ ནེཝ ཀམྨཔཏྟོ ནཱཔི ཚནྡཱརཧོ, ཨཔི ཙ ཀམྨཱརཧོ. ཝཱིསཏིཝགྒཀརཎེ ཀམྨེ ཝཱིསཏི བྷིཀྑཱུ པཀཏཏྟཱ ཀམྨཔཏྟཱ, ཨཝསེསཱ པཀཏཏྟཱ ཚནྡཱརཧཱ. ཡསྶ སངྒྷོ ཀམྨཾ ཀརོཏི སོ ནེཝ ཀམྨཔཏྟོ ནཱཔི ཚནྡཱརཧོ, ཨཔི ཙ ཀམྨཱརཧོ.

༤༨༩. ཙཏྟཱརི ¶ ཀམྨཱནི – ཨཔལོཀནཀམྨཾ, ཉཏྟིཀམྨཾ, ཉཏྟིདུཏིཡཀམྨཾ, ཉཏྟིཙཏུཏྠཀམྨཾ. ཨིམཱནི ཙཏྟཱརི ཀམྨཱནི ཀཏིཧཱཀཱརེཧི ཝིཔཛྫནྟི? ཨིམཱནི ཙཏྟཱརི ཀམྨཱནི པཉྩཧཱཀཱརེཧི ཝིཔཛྫནྟི – ཝཏྠུཏོ ཝཱ ཉཏྟིཏོ ཝཱ ཨནུསྶཱཝནཏོ ཝཱ སཱིམཏོ ཝཱ པརིསཏོ ཝཱ.

༤༩༠. ཀཐཾ ཝཏྠུཏོ ཀམྨཱནི ཝིཔཛྫནྟི? པཎྜཀཾ ཨུཔསམྤཱདེཏི ¶ , ཝཏྠུཝིཔནྣཾ ཨདྷམྨཀམྨཾ. ཐེཡྻསཾཝཱསཀཾ ཨུཔསམྤཱདེཏི, ཝཏྠུཝིཔནྣཾ ཨདྷམྨཀམྨཾ. ཏིཏྠིཡཔཀྐནྟཀཾ ཨུཔསམྤཱདེཏི, ཝཏྠུཝིཔནྣཾ ཨདྷམྨཀམྨཾ. ཏིརཙྪཱནགཏཾ ཨུཔསམྤཱདེཏི, ཝཏྠུཝིཔནྣཾ ཨདྷམྨཀམྨཾ. མཱཏུགྷཱཏཀཾ ཨུཔསམྤཱདེཏི, ཝཏྠུཝིཔནྣཾ ཨདྷམྨཀམྨཾ. པིཏུགྷཱཏཀཾ ཨུཔསམྤཱདེཏི, ཝཏྠུཝིཔནྣཾ ཨདྷམྨཀམྨཾ. ཨརཧནྟགྷཱཏཀཾ ཨུཔསམྤཱདེཏི, ཝཏྠུཝིཔནྣཾ ཨདྷམྨཀམྨཾ. བྷིཀྑུནིདཱུསཀཾ ཨུཔསམྤཱདེཏི, ཝཏྠུཝིཔནྣཾ ཨདྷམྨཀམྨཾ. སངྒྷབྷེདཀཾ ཨུཔསམྤཱདེཏི, ཝཏྠུཝིཔནྣཾ ཨདྷམྨཀམྨཾ. ལོཧིཏུཔྤཱདཀཾ ཨུཔསམྤཱདེཏི, ཝཏྠུཝིཔནྣཾ ཨདྷམྨཀམྨཾ. ཨུབྷཏོབྱཉྫནཾ ཨུཔསམྤཱདེཏི, ཝཏྠུཝིཔནྣཾ ཨདྷམྨཀམྨཾ. ཨཱུནཝཱིསཏིཝསྶཾ པུགྒལཾ ཨུཔསམྤཱདེཏི, ཝཏྠུཝིཔནྣཾ ཨདྷམྨཀམྨཾ. ཨེཝཾ ཝཏྠུཏོ ཀམྨཱནི ཝིཔཛྫནྟི.

༤༩༡. ཀཐཾ ཉཏྟིཏོ ཀམྨཱནི ཝིཔཛྫནྟི? པཉྩཧཱཀཱརེཧི ཉཏྟིཏོ ཀམྨཱནི ཝིཔཛྫནྟི. ཝཏྠུཾ ན པརཱམསཏི, སངྒྷཾ ན པརཱམསཏི, པུགྒལཾ ན པརཱམསཏི, ཉཏྟིཾ ན པརཱམསཏི, པཙྪཱ ཝཱ ཉཏྟིཾ ཋཔེཏི – ཨིམེཧི པཉྩཧཱཀཱརེཧི ཉཏྟིཏོ ཀམྨཱནི ཝིཔཛྫནྟི.

༤༩༢. ཀཐཾ ཨནུསྶཱཝནཏོ ཀམྨཱནི ཝིཔཛྫནྟི? པཉྩཧཱཀཱརེཧི ཨནུསྶཱཝནཏོ ཀམྨཱནི ཝིཔཛྫནྟི – ཝཏྠུཾ ན པརཱམསཏི, སངྒྷཾ ན པརཱམསཏི, པུགྒལཾ ¶ ན པརཱམསཏི, སཱཝནཾ ¶ ཧཱཔེཏི, ཨཀཱལེ ཝཱ སཱཝེཏི – ཨིམེཧི པཉྩཧཱཀཱརེཧི ཨནུསྶཱཝནཏོ ཀམྨཱནི ¶ ཝིཔཛྫནྟི.

༤༩༣. ཀཐཾ སཱིམཏོ ཀམྨཱནི ཝིཔཛྫནྟི? ཨེཀཱདསཧི ཨཱཀཱརེཧི སཱིམཏོ ཀམྨཱནི ཝིཔཛྫནྟི. ཨཏིཁུདྡཀཾ སཱིམཾ སམྨནྣཏི, ཨཏིམཧཏིཾ སཱིམཾ སམྨནྣཏི, ཁཎྜནིམིཏྟཾ སཱིམཾ སམྨནྣཏི, ཚཱཡཱནིམིཏྟཾ སཱིམཾ སམྨནྣཏི, ཨནིམིཏྟཾ སཱིམཾ སམྨནྣཏི, བཧིསཱིམེ ཋིཏོ སཱིམཾ སམྨནྣཏི, ནདིཡཱ སཱིམཾ སམྨནྣཏི, སམུདྡེ སཱིམཾ སམྨནྣཏི, ཛཱཏསྶརེ སཱིམཾ སམྨནྣཏི, སཱིམཱཡ སཱིམཾ སམྦྷིནྡཏི, སཱིམཱཡ སཱིམཾ ཨཛ྄ཛྷོཏྠརཏི – ཨིམེཧི ཨེཀཱདསཧི ཨཱཀཱརེཧི སཱིམཏོ ཀམྨཱནི ཝིཔཛྫནྟི.

༤༩༤. ཀཐཾ པརིསཏོ ཀམྨཱནི ཝིཔཛྫནྟི? དྭཱདསཧི ཨཱཀཱརེཧི པརིསཏོ ཀམྨཱནི ཝིཔཛྫནྟི – ཙཏུཝགྒཀརཎེ ཀམྨེ ཡཱཝཏིཀཱ བྷིཀྑཱུ ཀམྨཔཏྟཱ ཏེ ཨནཱགཏཱ ཧོནྟི, ཚནྡཱརཧཱནཾ ཚནྡོ ཨནཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི, ཙཏུཝགྒཀརཎེ ཀམྨེ ཡཱཝཏིཀཱ བྷིཀྑཱུ ཀམྨཔཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨནཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི. ཙཏུཝགྒཀརཎེ ཀམྨེ ཡཱཝཏིཀཱ བྷིཀྑཱུ ཀམྨཔཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨཱཧཊོ ཧོཏི སམྨུཁཱིབྷཱུཏཱ པཊིཀྐོསནྟི. པཉྩཝགྒཀརཎེ ཀམྨེ…པེ… དསཝགྒཀརཎེ ཀམྨེ…པེ… ཝཱིསཏིཝགྒཀརཎེ ཀམྨེ ཡཱཝཏིཀཱ བྷིཀྑཱུ ཀམྨཔཏྟཱ ཏེ ¶ ཨནཱགཏཱ ཧོནྟི, ཚནྡཱརཧཱནཾ ཚནྡོ ཨནཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི. ཝཱིསཏིཝགྒཀརཎེ ཀམྨེ ཡཱཝཏིཀཱ བྷིཀྑཱུ ཀམྨཔཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨནཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི. ཝཱིསཏིཝགྒཀརཎེ ཀམྨེ ཡཱཝཏིཀཱ བྷིཀྑཱུ ཀམྨཔཏྟཱ ཏེ ཨཱགཏཱ ཧོནྟི, ཚནྡཱརཧཱནཾ ཚནྡོ ཨཱཧཊོ ཧོཏི, སམྨུཁཱིབྷཱུཏཱ པཊིཀྐོསནྟི – ཨིམེཧི དྭཱདསཧི ཨཱཀཱརེཧི པརིསཏོ ཀམྨཱནི ཝིཔཛྫནྟི.

༤༩༥. ཨཔལོཀནཀམྨཾ ཀཏི ཋཱནཱནི གཙྪཏི? ཉཏྟིཀམྨཾ ཀཏི ཋཱནཱནི གཙྪཏི? ཉཏྟིདུཏིཡཀམྨཾ ཀཏི ཋཱནཱནི གཙྪཏི? ཉཏྟིཙཏུཏྠཀམྨཾ ཀཏི ཋཱནཱནི གཙྪཏི? ཨཔལོཀནཀམྨཾ པཉྩ ཋཱནཱནི གཙྪཏི. ཉཏྟིཀམྨཾ ནཝ ཋཱནཱནི གཙྪཏི. ཉཏྟིདུཏིཡཀམྨཾ སཏྟ ཋཱནཱནི གཙྪཏི. ཉཏྟིཙཏུཏྠཀམྨཾ སཏྟ ཋཱནཱནི གཙྪཏི.

༤༩༦. ཨཔལོཀནཀམྨཾ ¶ ཀཏམཱནི པཉྩ ཋཱནཱནི གཙྪཏི? ཨོསཱརཎཾ, ནིསྶཱརཎཾ, བྷཎྜུཀམྨཾ, བྲཧྨདཎྜཾ, ཀམྨལཀྑཎཉྙེཝ པཉྩམཾ – ཨཔལོཀནཀམྨཾ ཨིམཱནི པཉྩ ཋཱནཱནི གཙྪཏི ¶ . ཉཏྟིཀམྨཾ ཀཏམཱནི ནཝ ཋཱནཱནི གཙྪཏི? ཨོསཱརཎཾ, ནིསྶཱརཎཾ, ཨུཔོསཐཾ, པཝཱརཎཾ, སམྨུཏིཾ, དཱནཾ, པཊིགྒཧཾ, པཙྩུཀྐཌྜྷནཾ, ཀམྨལཀྑཎཉྙེཝ ནཝམཾ – ཉཏྟིཀམྨཾ ཨིམཱནི ནཝ ཋཱནཱནི གཙྪཏི. ཉཏྟིདུཏིཡཀམྨཾ ཀཏམཱནི སཏྟ ཋཱནཱནི གཙྪཏི? ཨོསཱརཎཾ, ནིསྶཱརཎཾ, སམྨུཏིཾ, དཱནཾ, ཨུདྡྷརཎཾ, དེསནཾ, ཀམྨལཀྑཎཉྙེཝ སཏྟམཾ – ཉཏྟིདུཏིཡཀམྨཾ ཨིམཱནི སཏྟ ཋཱནཱནི གཙྪཏི. ཉཏྟིཙཏུཏྠཀམྨཾ ¶ ཀཏམཱནི སཏྟ ཋཱནཱནི གཙྪཏི? ཨོསཱརཎཾ, ནིསྶཱརཎཾ, སམྨུཏིཾ, དཱནཾ, ནིགྒཧཾ, སམནུབྷཱསནཾ, ཀམྨལཀྑཎཉྙེཝ སཏྟམཾ – ཉཏྟིཙཏུཏྠཀམྨཾ ཨིམཱནི སཏྟ ཋཱནཱནི གཙྪཏི.

༤༩༧. ཙཏུཝགྒཀརཎེ ཀམྨེ ཙཏྟཱརོ བྷིཀྑཱུ པཀཏཏྟཱ ཀམྨཔཏྟཱ, ཨཝསེསཱ པཀཏཏྟཱ ཚནྡཱརཧཱ. ཡསྶ སངྒྷོ ཀམྨཾ ཀརོཏི སོ ནེཝ ཀམྨཔཏྟོ ནཱཔི ཚནྡཱརཧོ, ཨཔི ཙ ཀམྨཱརཧོ. པཉྩཝགྒཀརཎེ ¶ ཀམྨེ པཉྩ བྷིཀྑཱུ པཀཏཏྟཱ ཀམྨཔཏྟཱ, ཨཝསེསཱ པཀཏཏྟཱ ཚནྡཱརཧཱ. ཡསྶ སངྒྷོ ཀམྨཾ ཀརོཏི སོ ནེཝ ཀམྨཔཏྟོ ནཱཔི ཚནྡཱརཧོ, ཨཔི ཙ ཀམྨཱརཧོ. དསཝགྒཀརཎེ ཀམྨེ དས བྷིཀྑཱུ པཀཏཏྟཱ ཀམྨཔཏྟཱ, ཨཝསེསཱ པཀཏཏྟཱ ཚནྡཱརཧཱ. ཡསྶ སངྒྷོ ཀམྨཾ ཀརོཏི སོ ནེཝ ཀམྨཔཏྟོ ནཱཔི ཚནྡཱརཧོ, ཨཔི ཙ ཀམྨཱརཧོ. ཝཱིསཏིཝགྒཀརཎེ ཀམྨེ ཝཱིསཏི བྷིཀྑཱུ པཀཏཏྟཱ ཀམྨཔཏྟཱ, ཨཝསེསཱ པཀཏཏྟཱ ཚནྡཱརཧཱ. ཡསྶ སངྒྷོ ཀམྨཾ ཀརོཏི སོ ནེཝ ཀམྨཔཏྟོ ནཱཔི ཚནྡཱརཧོ, ཨཔི ཙ ཀམྨཱརཧོ.

ཀམྨཝགྒོ ནིཊྛིཏོ པཋམོ.

༢. ཨཏྠཝསཝགྒོ

༤༩༨. [ཨ. ནི. ༢.༢༠༡-༢༣༠] དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ. སངྒྷསུཊྛུཏཱཡ, སངྒྷཕཱསུཏཱཡ – ཨིམེ དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ. དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ. དུམྨངྐཱུནཾ པུགྒལཱནཾ ནིགྒཧཱཡ, པེསལཱནཾ བྷིཀྑཱུནཾ ཕཱསུཝིཧཱརཱཡ – ཨིམེ དྭེ ཨཏྠཝསེ པཊིཙྩ ཏཐཱགཏེ ¶ སཱཝཀཱནཾ སིཀྑཱཔདཾ པཉྙཏྟཾ. དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ. དིཊྛདྷམྨིཀཱནཾ ཨཱསཝཱནཾ སཾཝརཱཡ, སམྤརཱཡིཀཱནཾ ཨཱསཝཱནཾ པཊིགྷཱཏཱཡ – ཨིམེ ¶ དྭེ ¶ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ. དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ. དིཊྛདྷམྨིཀཱནཾ ཝེརཱནཾ སཾཝརཱཡ, སམྤརཱཡིཀཱནཾ ཝེརཱནཾ པཊིགྷཱཏཱཡ – ཨིམེ དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ. དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ. དིཊྛདྷམྨིཀཱནཾ ཝཛྫཱནཾ སཾཝརཱཡ, སམྤརཱཡིཀཱནཾ ཝཛྫཱནཾ པཊིགྷཱཏཱཡ – ཨིམེ དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ. དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ. དིཊྛདྷམྨིཀཱནཾ བྷཡཱནཾ སཾཝརཱཡ, སམྤརཱཡིཀཱནཾ བྷཡཱནཾ པཊིགྷཱཏཱཡ – ཨིམེ དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ. དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ. དིཊྛདྷམྨིཀཱནཾ ཨཀུསལཱནཾ དྷམྨཱནཾ སཾཝརཱཡ, སམྤརཱཡིཀཱནཾ ཨཀུསལཱནཾ དྷམྨཱནཾ པཊིགྷཱཏཱཡ – ཨིམེ དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ. དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ. གིཧཱིནཾ ཨནུཀམྤཱཡ, པཱཔིཙྪཱནཾ པཀྑུཔཙྪེདཱཡ – ཨིམེ དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ. དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ. ཨཔྤསནྣཱནཾ པསཱདཱཡ, པསནྣཱནཾ བྷིཡྻོབྷཱཝཱཡ – ཨིམེ དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ. དྭེ ཨཏྠཝསེ པཊིཙྩ ཏཐཱགཏེན ¶ སཱཝཀཱནཾ སིཀྑཱཔདཾ པཉྙཏྟཾ. སདྡྷམྨཊྛིཏིཡཱ, ཝིནཡཱནུགྒཧཱཡ – ཨིམེ དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ སིཀྑཱཔདཾ པཉྙཏྟཾ.

ཨཏྠཝསཝགྒོ ནིཊྛིཏོ དུཏིཡོ.

༣. པཉྙཏྟཝགྒོ

༤༩༩. དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ པཱཏིམོཀྑཾ པཉྙཏྟཾ…པེ… པཱཏིམོཀྑུདྡེསོ པཉྙཏྟོ… པཱཏིམོཀྑཊྛཔནཾ པཉྙཏྟཾ… པཝཱརཎཱ པཉྙཏྟཱ… པཝཱརཎཱཋཔནཾ པཉྙཏྟཾ… ཏཛྫནཱིཡཀམྨཾ པཉྙཏྟཾ… ནིཡསྶཀམྨཾ ¶ པཉྙཏྟཾ… པབྦཱཛནཱིཡཀམྨཾ པཉྙཏྟཾ… པཊིསཱརཎཱིཡཀམྨཾ པཉྙཏྟཾ… ཨུཀྑེཔནཱིཡཀམྨཾ པཉྙཏྟཾ… པརིཝཱསདཱནཾ པཉྙཏྟཾ… མཱུལཱཡཔཊིཀསྶནཱ པཉྙཏྟཱ… མཱནཏྟདཱནཾ པཉྙཏྟཾ… ཨབྦྷཱནཾ པཉྙཏྟཾ… ཨོསཱརཎཱིཡཾ པཉྙཏྟཾ… ནིསྶཱརཎཱིཡཾ པཉྙཏྟཾ… ཨུཔསམྤདཾ པཉྙཏྟཾ… ཨཔལོཀནཀམྨཾ པཉྙཏྟཾ… ཉཏྟིཀམྨཾ པཉྙཏྟཾ… ཉཏྟིདུཏིཡཀམྨཾ པཉྙཏྟཾ… ཉཏྟིཙཏུཏྠཀམྨཾ པཉྙཏྟཾ…པེ….

པཉྙཏྟཝགྒོ ནིཊྛིཏོ ཏཏིཡོ.

༤. ཨཔཉྙཏྟེ པཉྙཏྟཝགྒོ

༥༠༠. …པེ… ¶ ཨཔཉྙཏྟེ པཉྙཏྟཾ, པཉྙཏྟེ ཨནུཔཉྙཏྟཾ…པེ… སམྨུཁཱཝིནཡོ པཉྙཏྟོ…པེ… སཏིཝིནཡོ པཉྙཏྟོ…པེ… ཨམཱུལ༹ྷཝིནཡོ པཉྙཏྟོ…པེ… པཊིཉྙཱཏཀརཎཾ ¶ པཉྙཏྟཾ…པེ… ཡེབྷུཡྻསིཀཱ པཉྙཏྟཱ…པེ… ཏསྶཔཱཔིཡསིཀཱ པཉྙཏྟཱ…པེ… ཏིཎཝཏྠཱརཀོ པཉྙཏྟོ སངྒྷསུཊྛུཏཱཡ, སངྒྷཕཱསུཏཱཡ – ཨིམེ དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ ¶ ཏིཎཝཏྠཱརཀོ པཉྙཏྟོ. དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ ཏིཎཝཏྠཱརཀོ པཉྙཏྟོ. དུམྨངྐཱུནཾ པུགྒལཱནཾ ནིགྒཧཱཡ, པེསལཱནཾ བྷིཀྑཱུནཾ ཕཱསུཝིཧཱརཱཡ – ཨིམེ དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ ཏིཎཝཏྠཱརཀོ པཉྙཏྟོ. དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ ཏིཎཝཏྠཱརཀོ པཉྙཏྟོ. དིཊྛདྷམྨིཀཱནཾ ཨཱསཝཱནཾ སཾཝརཱཡ, སམྤརཱཡིཀཱནཾ ཨཱསཝཱནཾ པཊིགྷཱཏཱཡ – ཨིམེ དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ ཏིཎཝཏྠཱརཀོ པཉྙཏྟོ. དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ ཏིཎཝཏྠཱརཀོ པཉྙཏྟོ. དིཊྛདྷམྨིཀཱནཾ ཝེརཱནཾ སཾཝརཱཡ, སམྤརཱཡིཀཱནཾ ཝེརཱནཾ པཊིགྷཱཏཱཡ – ཨིམེ དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ ཏིཎཝཏྠཱརཀོ པཉྙཏྟོ. དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ ཏིཎཝཏྠཱརཀོ པཉྙཏྟོ. དིཊྛདྷམྨིཀཱནཾ ཝཛྫཱནཾ སཾཝརཱཡ, སམྤརཱཡིཀཱནཾ ཝཛྫཱནཾ པཊིགྷཱཏཱཡ – ཨིམེ དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ ཏིཎཝཏྠཱརཀོ པཉྙཏྟོ. དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ ཏིཎཝཏྠཱརཀོ པཉྙཏྟོ. དིཊྛདྷམྨིཀཱནཾ བྷཡཱནཾ སཾཝརཱཡ, སམྤརཱཡིཀཱནཾ བྷཡཱནཾ པཊིགྷཱཏཱཡ – ཨིམེ དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ ཏིཎཝཏྠཱརཀོ པཉྙཏྟོ. དྭེ ¶ ཨཏྠཝསེ པཊིཙྩ ཏཐཱགཏེན སཱཝཀཱནཾ ཏིཎཝཏྠཱརཀོ པཉྙཏྟོ. དིཊྛདྷམྨིཀཱནཾ ཨཀུསལཱནཾ དྷམྨཱནཾ སཾཝརཱཡ, སམྤརཱཡིཀཱནཾ ཨཀུསལཱནཾ དྷམྨཱནཾ པཊིགྷཱཏཱཡ ¶ – ཨིམེ དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ ཏིཎཝཏྠཱརཀོ པཉྙཏྟོ. དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ ཏིཎཝཏྠཱརཀོ པཉྙཏྟོ. གིཧཱིནཾ ཨནུཀམྤཱཡ, པཱཔིཙྪཱནཾ པཀྑུཔཙྪེདཱཡ – ཨིམེ དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ ཏིཎཝཏྠཱརཀོ པཉྙཏྟོ. དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ ཏིཎཝཏྠཱརཀོ པཉྙཏྟོ. ཨཔྤསནྣཱནཾ པསཱདཱཡ, པསནྣཱནཾ བྷིཡྻོབྷཱཝཱཡ – ཨིམེ དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ ཏིཎཝཏྠཱརཀོ པཉྙཏྟོ. དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ ཏིཎཝཏྠཱརཀོ པཉྙཏྟོ. སདྡྷམྨཊྛིཏིཡཱ, ཝིནཡཱནུགྒཧཱཡ – ཨིམེ དྭེ ཨཏྠཝསེ པཊིཙྩ ཏཐཱགཏེན སཱཝཀཱནཾ ཏིཎཝཏྠཱརཀོ པཉྙཏྟོ.

ཨཔཉྙཏྟེ པཉྙཏྟཝགྒོ ནིཊྛིཏོ ཙཏུཏྠོ.

༥. ནཝསངྒཧཝགྒོ

༥༠༡. ནཝསངྒཧཱ ¶ – ཝཏྠུསངྒཧོ, ཝིཔཏྟིསངྒཧོ ཨཱཔཏྟིསངྒཧོ, ནིདཱནསངྒཧོ, པུགྒལསངྒཧོ, ཁནྡྷསངྒཧོ, སམུཊྛཱནསངྒཧོ, ཨདྷིཀརཎསངྒཧོ, སམཐསངྒཧོཏི.

ཨདྷིཀརཎེ སམུཔྤནྣེ སཙེ ཨུབྷོ ཨཏྠཔཙྩཏྠིཀཱ ཨཱགཙྪནྟི ཨུབྷིནྣམྤི ཝཏྠུ ཨཱརོཙཱཔེཏབྦཾ. ཨུབྷིནྣམྤི ཝཏྠུ ཨཱརོཙཱཔེཏྭཱ ཨུབྷིནྣམྤི པཊིཉྙཱ སོཏབྦཱ. ཨུབྷིནྣམྤི པཊིཉྙཾ སུཏྭཱ ཨུབྷོཔི ཝཏྟབྦཱ – ‘‘ཨམྷཱཀཾ ཨིམསྨིཾ ཨདྷིཀརཎེ ཝཱུཔསམིཏེ ¶ [ཝཱུཔསམེཔི (ཀ.)] ཨུབྷོཔི ཏུཊྛཱ བྷཝིསྶཐཱ’’ཏི. སཙེ ཨཱཧཾསུ – ‘‘ཨུབྷོཔི ཏུཊྛཱ བྷཝིསྶཱམཱ’’ཏི, སངྒྷེན ཏཾ ཨདྷིཀརཎཾ སམྤཊིཙྪིཏབྦཾ. སཙེ ཨལཛྫུསྶནྣཱ ཧོཏི, པརིསཱ ཨུབྦཱཧིཀཱཡ ཝཱུཔསམེཏབྦཾ. སཙེ བཱལུསྶནྣཱ ཧོཏི, པརིསཱ ཝིནཡདྷརོ པརིཡེསིཏབྦོ ཡེན དྷམྨེན ཡེན ཝིནཡེན ཡེན སཏྠུསཱསནེན ཏཾ ཨདྷིཀརཎཾ ཝཱུཔསམྨཏི. ཏཐཱ ཏཾ ཨདྷིཀརཎཾ ཝཱུཔསམེཏབྦཾ.

ཝཏྠུ ཛཱནིཏབྦཾ, གོཏྟཾ ཛཱནིཏབྦཾ, ནཱམཾ ཛཱནིཏབྦཾ, ཨཱཔཏྟི ཛཱནིཏབྦཱ.

མེཐུནདྷམྨོཏི ¶ ཝཏྠུ ཙེཝ གོཏྟཉྩ – པཱརཱཛིཀནྟི ནཱམཉྩེཝ ཨཱཔཏྟི ཙ.

ཨདིནྣཱདཱནནྟི ཝཏྠུ ཙེཝ གོཏྟཉྩ – པཱརཱཛིཀནྟི ནཱམཉྩེཝ ཨཱཔཏྟི ཙ.

མནུསྶཝིགྒཧོཏི ཝཏྠུ ཙེཝ གོཏྟཉྩ – པཱརཱཛིཀནྟི ནཱམཉྩེཝ ཨཱཔཏྟི ཙ.

ཨུཏྟརིམནུསྶདྷམྨོཏི ཝཏྠུ ཙེཝ གོཏྟཉྩ – པཱརཱཛིཀནྟི ནཱམཉྩེཝ ཨཱཔཏྟི ཙ.

སུཀྐཝིསྶཊྛཱིཏི ཝཏྠུ ཙེཝ གོཏྟཉྩ – སངྒྷཱདིསེསོཏི ནཱམཉྩེཝ ཨཱཔཏྟི ཙ.

ཀཱཡསཾསགྒོཏི ཝཏྠུ ཙེཝ གོཏྟཉྩ – སངྒྷཱདིསེསོཏི ནཱམཉྩེཝ ཨཱཔཏྟི ཙ.

དུཊྛུལླཝཱཙཱཏི ཝཏྠུ ཙེཝ གོཏྟཉྩ – སངྒྷཱདིསེསོཏི ནཱམཉྩེཝ ཨཱཔཏྟི ཙ.

ཨཏྟཀཱམནྟི ཝཏྠུ ཙེཝ གོཏྟཉྩ – སངྒྷཱདིསེསོཏི ནཱམཉྩེཝ ཨཱཔཏྟི ཙ.

སཉྩརིཏྟནྟི ¶ ཝཏྠུ ཙེཝ གོཏྟཉྩ – སངྒྷཱདིསེསོཏི ནཱམཉྩེཝ ཨཱཔཏྟི ཙ.

སཉྙཱཙིཀཱཡ ཀུཊིཾ ཀཱརཱཔནནྟི ཝཏྠུ ཙེཝ གོཏྟཉྩ – སངྒྷཱདིསེསོཏི ནཱམཉྩེཝ ཨཱཔཏྟི ¶ ཙ.

མཧལླཀཾ ཝིཧཱརཾ ཀཱརཱཔནནྟི ཝཏྠུ ཙེཝ གོཏྟཉྩ – སངྒྷཱདིསེསོཏི ནཱམཉྩེཝ ཨཱཔཏྟི ཙ.

བྷིཀྑུཾ ཨམཱུལཀེན པཱརཱཛིཀེན དྷམྨེན ཨནུདྡྷཾསནནྟི ཝཏྠུ ཙེཝ གོཏྟཉྩ – སངྒྷཱདིསེསོཏི ནཱམཉྩེཝ ཨཱཔཏྟི ཙ.

བྷིཀྑུཾ ཨཉྙབྷཱགིཡསྶ ཨདྷིཀརཎསྶ ཀིཉྩི དེསཾ ལེསམཏྟཾ ཨུཔཱདཱཡ པཱརཱཛིཀེན དྷམྨེན ཨནུདྡྷཾསནནྟི ¶ ཝཏྠུ ཙེཝ གོཏྟཉྩ – སངྒྷཱདིསེསོཏི ནཱམཉྩེཝ ཨཱཔཏྟི ཙ.

སངྒྷབྷེདཀསྶ བྷིཀྑུནོ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནནྟི ཝཏྠུ ཙེཝ གོཏྟཉྩ – སངྒྷཱདིསེསོཏི ནཱམཉྩེཝ ཨཱཔཏྟི ཙ.

བྷེདཀཱནུཝཏྟཀཱནཾ ¶ བྷིཀྑཱུནཾ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནནྟི ཝཏྠུ ཙེཝ གོཏྟཉྩ – སངྒྷཱདིསེསོཏི ནཱམཉྩེཝ ཨཱཔཏྟི ཙ.

དུབྦཙསྶ བྷིཀྑུནོ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནནྟི ཝཏྠུ ཙེཝ གོཏྟཉྩ – སངྒྷཱདིསེསོཏི ནཱམཉྩེཝ ཨཱཔཏྟི ཙ.

ཀུལདཱུསཀསྶ བྷིཀྑུནོ ཡཱཝཏཏིཡཾ སམནུབྷཱསནཱཡ ན པཊིནིསྶཛྫནནྟི ཝཏྠུ ཙེཝ གོཏྟཉྩ – སངྒྷཱདིསེསོཏི ནཱམཉྩེཝ ཨཱཔཏྟི ཙ…པེ….

ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརཎནྟི ཝཏྠུ ཙེཝ གོཏྟཉྩ – དུཀྐཊནྟི ནཱམཉྩེཝ ཨཱཔཏྟི ཙཱཏི.

ནཝསངྒཧཝགྒོ ནིཊྛིཏོ པཉྩམོ.

ཏསྶུདྡཱནཾ –

ཨཔལོཀནཾ ¶ ¶ ཉཏྟི ཙ, དུཏིཡཾ ཙཏུཏྠེན ཙ;

ཝཏྠུ ཉཏྟི ཨནུསྶཱཝནཾ, སཱིམཱ པརིསམེཝ ཙ.

སམྨུཁཱ པཊིཔུཙྪཱ ཙ, པཊིཉྙཱ ཝིནཡཱརཧོ;

ཝཏྠུ སངྒྷཔུགྒལཉྩ, ཉཏྟིཾ ན པཙྪཱ ཉཏྟི ཙ.

ཝཏྠུཾ སངྒྷཔུགྒལཉྩ, སཱཝནཾ ཨཀཱལེན ཙ;

ཨཏིཁུདྡཀཱ མཧནྟཱ ཙ, ཁཎྜཙྪཱཡཱ ནིམིཏྟཀཱ.

བཧིནདཱི སམུདྡེ ཙ, ཛཱཏསྶརེ ཙ བྷིནྡཏི;

ཨཛ྄ཛྷོཏྠརཏི སཱིམཱཡ, ཙཏུ པཉྩ ཙ ཝགྒིཀཱ.

དས ཝཱིསཏིཝགྒཱ ཙ, ཨནཱཧཊཱ ཙ ཨཱཧཊཱ;

ཀམྨཔཏྟཱ ཚནྡཱརཧཱ, ཀམྨཱརཧཱ ཙ པུགྒལཱ.

ཨཔལོཀནཾ པཉྩཊྛཱནཾ, ཉཏྟི ཙ ནཝཋཱནིཀཱ;

ཉཏྟི དུཏིཡཾ སཏྟཊྛཱནཾ, ཙཏུཏྠཱ སཏྟཋཱནིཀཱ.

སུཊྛུ ཕཱསུ ཙ དུམྨངྐུ, པེསལཱ ཙཱཔི ཨཱསཝཱ;

ཝེརཝཛྫབྷཡཉྩེཝ, ཨཀུསལཾ གིཧཱིནཉྩ.

པཱཔིཙྪཱ ¶ ཨཔྤསནྣཱནཾ, པསནྣཱ དྷམྨཊྛཔནཱ;

ཝིནཡཱནུགྒཧཱ ཙེཝ, པཱཏིམོཀྑུདྡེསེན ཙ.

པཱཏིམོཀྑཉྩ ¶ ཋཔནཱ, པཝཱརཎཉྩ ཋཔནཾ;

ཏཛྫནཱིཡཱ ནིཡསྶཉྩ, པབྦཱཛནཱིཡ པཊིསཱརཎཱི;

ཨུཀྑེཔན པརིཝཱསཾ, མཱུལམཱནཏྟཨབྦྷཱནཾ;

ཨོསཱརཎཾ ནིསྶཱརཎཾ, ཏཐེཝ ཨུཔསམྤདཱ.

ཨཔལོཀནཉཏྟི ¶ ཙ, དུཏིཡཉྩ ཙཏུཏྠཀཾ;

ཨཔཉྙཏྟེནུཔཉྙཏྟཾ, སམྨུཁཱཝིནཡོ སཏི.

ཨམཱུལ༹ྷཔཊིཡེབྷུཡྻ, པཱཔིཡ ཏིཎཝཏྠཱརཀཾ;

ཝཏྠུ ཝིཔཏྟི ཨཱཔཏྟི, ནིདཱནཾ པུགྒལེན ཙ.

ཁནྡྷཱ ¶ ཙེཝ སམུཊྛཱནཱ, ཨདྷིཀརཎམེཝ ཙ;

སམཐཱ སངྒཧཱ ཙེཝ, ནཱམཨཱཔཏྟིཀཱ ཏཐཱཏི.

པརིཝཱརོ ནིཊྛིཏོ.

པརིཝཱརཔཱལི༹ ནིཊྛིཏཱ.