📜
१-७५. कुसलत्तिक-किलेसदुकं
१-७. पटिच्चवारादि
पच्चयचतुक्कं
१. अकुसलं किलेसं धम्मं पटिच्च अकुसलो किलेसो धम्मो उप्पज्जति हेतुपच्चया (संखित्तं).
हेतुया ¶ एकं, आरम्मणे एकं…पे… अविगते एकं (संखित्तं).
(सहजातवारेपि…पे… पञ्हावारेपि सब्बत्थ एकं.)
२. कुसलं ¶ नोकिलेसं धम्मं पटिच्च कुसलो नोकिलेसो धम्मो उप्पज्जति हेतुपच्चया… तीणि.
अकुसलं नोकिलेसं धम्मं पटिच्च अकुसलो नोकिलेसो धम्मो उप्पज्जति हेतुपच्चया… तीणि.
अब्याकतं नोकिलेसं धम्मं पटिच्च अब्याकतो नोकिलेसो धम्मो उप्पज्जति हेतुपच्चया. (१)
कुसलं नोकिलेसञ्च अब्याकतं नोकिलेसञ्च धम्मं पटिच्च अब्याकतो नोकिलेसो धम्मो उप्पज्जति हेतुपच्चया. (१)
अकुसलं नोकिलेसञ्च अब्याकतं नोकिलेसञ्च धम्मं पटिच्च अब्याकतो नोकिलेसो धम्मो उप्पज्जति हेतुपच्चया. (१) (संखित्तं.)
३. हेतुया नव, आरम्मणे तीणि, अधिपतिया नव…पे… अविगते नव (संखित्तं. सहजातवारम्पि ¶ …पे… सम्पयुत्तवारम्पि पटिच्चवारसदिसं).
४. कुसलो नोकिलेसो धम्मो कुसलस्स नोकिलेसस्स धम्मस्स हेतुपच्चयेन पच्चयो… तीणि.
अब्याकतो नोकिलेसो धम्मो अब्याकतस्स नोकिलेसस्स धम्मस्स हेतुपच्चयेन पच्चयो. (१) (संखित्तं.)
५. हेतुया चत्तारि, आरम्मणे नव…पे… अविगते तेरस (संखित्तं. यथा कुसलत्तिके पञ्हावारं, एवं वित्थारेतब्बं).
१-७६. कुसलत्तिक-संकिलेसिकदुकं
१-७. पटिच्चवारादि
पच्चयचतुक्कं
६. कुसलं ¶ संकिलेसिकं धम्मं पटिच्च कुसलो संकिलेसिको धम्मो उप्पज्जति हेतुपच्चया… तीणि.
अकुसलं संकिलेसिकं धम्मं पटिच्च अकुसलो संकिलेसिको धम्मो उप्पज्जति हेतुपच्चया… तीणि.
अब्याकतं ¶ संकिलेसिकं धम्मं पटिच्च अब्याकतो संकिलेसिको धम्मो उप्पज्जति हेतुपच्चया. (१)
कुसलं संकिलेसिकञ्च अब्याकतं संकिलेसिकञ्च धम्मं पटिच्च अब्याकतो संकिलेसिको धम्मो उप्पज्जति हेतुपच्चया. (१)
अकुसलं संकिलेसिकञ्च अब्याकतं संकिलेसिकञ्च धम्मं पटिच्च अब्याकतो संकिलेसिको धम्मो उप्पज्जति हेतुपच्चया. (१)
७. हेतुया नव, आरम्मणे तीणि…पे… अविगते नव (संखित्तं. सहजातवारम्पि…पे… सम्पयुत्तवारम्पि वित्थारेतब्बं).
८. कुसलो संकिलेसिको धम्मो अकुसलस्स संकिलेसिकस्स धम्मस्स हेतुपच्चयेन पच्चयो… तीणि.
अकुसलो संकिलेसिको धम्मो अकुसलस्स संकिलेसिकस्स धम्मस्स हेतुपच्चयेन पच्चयो… तीणि.
अब्याकतो ¶ संकिलेसिको धम्मो अब्याकतस्स संकिलेसिकस्स धम्मस्स ¶ हेतुपच्चयेन पच्चयो. (१) (संखित्तं.)
९. हेतुया सत्त, आरम्मणे नव, अधिपतिया नव…पे… अविगते तेरस (संखित्तं. यथा कुसलत्तिके पञ्हावारं, एवं वित्थारेतब्बं).
१०. कुसलं असंकिलेसिकं धम्मं पटिच्च कुसलो असंकिलेसिको धम्मो उप्पज्जति हेतुपच्चया. (१)
अब्याकतं असंकिलेसिकं धम्मं पटिच्च अब्याकतो असंकिलेसिको धम्मो उप्पज्जति हेतुपच्चया. (१) (संखित्तं.)
११. हेतुया द्वे, आरम्मणे द्वे…पे… अविगते द्वे (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).
१२. कुसलो असंकिलेसिको धम्मो कुसलस्स असंकिलेसिकस्स धम्मस्स हेतुपच्चयेन पच्चयो. (१)
अब्याकतो असंकिलेसिको धम्मो अब्याकतस्स असंकिलेसिकस्स धम्मस्स हेतुपच्चयेन पच्चयो. (१)
अब्याकतो ¶ असंकिलेसिको धम्मो अब्याकतस्स असंकिलेसिकस्स धम्मस्स आरम्मणपच्चयेन पच्चयो. अब्याकतो असंकिलेसिको धम्मो कुसलस्स असंकिलेसिकस्स धम्मस्स आरम्मणपच्चयेन पच्चयो. (२) (संखित्तं.)
१३. हेतुया द्वे, आरम्मणे द्वे, अधिपतिया तीणि, अनन्तरे द्वे…पे… उपनिस्सये चत्तारि…पे… अविगते द्वे (संखित्तं. यथा कुसलत्तिके पञ्हावारं, एवं वित्थारेतब्बं).
१-७७. कुसलत्तिक-संकिलिट्ठदुकं
१-७. पटिच्चवारादि
हेतु-आरम्मणपच्चया
१४. अकुसलं ¶ ¶ संकिलिट्ठं धम्मं पटिच्च अकुसलो संकिलिट्ठो धम्मो उप्पज्जति हेतुपच्चया (संखित्तं).
हेतुया एकं, आरम्मणे एकं…पे… अविगते एकं (संखित्तं).
(सहजातवारेपि…पे… पञ्हावारेपि सब्बत्थ एकं.)
१५. कुसलं असंकिलिट्ठं धम्मं पटिच्च कुसलो असंकिलिट्ठो धम्मो उप्पज्जति हेतुपच्चया. कुसलं असंकिलिट्ठं धम्मं पटिच्च अब्याकतो असंकिलिट्ठो धम्मो उप्पज्जति हेतुपच्चया. कुसलं असंकिलिट्ठं धम्मं पटिच्च कुसलो असंकिलिट्ठो च अब्याकतो असंकिलिट्ठो च धम्मा उप्पज्जन्ति हेतुपच्चया. (३)
अब्याकतं असंकिलिट्ठं धम्मं पटिच्च अब्याकतो असंकिलिट्ठो धम्मो उप्पज्जति हेतुपच्चया. कुसलं असंकिलिट्ठञ्च अब्याकतं असंकिलिट्ठञ्च धम्मं पटिच्च अब्याकतो असंकिलिट्ठो धम्मो उप्पज्जति हेतुपच्चया. (२)
१६. कुसलं असंकिलिट्ठं धम्मं पटिच्च कुसलो असंकिलिट्ठो धम्मो उप्पज्जति आरम्मणपच्चया. (१)
अब्याकतं असंकिलिट्ठं धम्मं पटिच्च अब्याकतो असंकिलिट्ठो धम्मो उप्पज्जति आरम्मणपच्चया. (१) (संखित्तं.)
१७. हेतुया ¶ पञ्च, आरम्मणे द्वे, अधिपतिया पञ्च…पे… अविगते पञ्च (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).
१८. कुसलो ¶ ¶ असंकिलिट्ठो धम्मो कुसलस्स असंकिलिट्ठस्स धम्मस्स हेतुपच्चयेन पच्चयो… तीणि.
अब्याकतो असंकिलिट्ठो धम्मो अब्याकतस्स असंकिलिट्ठस्स धम्मस्स हेतुपच्चयेन पच्चयो. (१)
कुसलो असंकिलिट्ठो धम्मो कुसलस्स असंकिलिट्ठस्स धम्मस्स आरम्मणपच्चयेन पच्चयो… द्वे.
अब्याकतो असंकिलिट्ठो धम्मो अब्याकतस्स असंकिलिट्ठस्स धम्मस्स आरम्मणपच्चयेन पच्चयो… द्वे (संखित्तं).
१९. हेतुया चत्तारि, आरम्मणे चत्तारि, अधिपतिया पञ्च, अनन्तरे चत्तारि…पे… उपनिस्सये चत्तारि…पे… अविगते सत्त (संखित्तं. यथा कुसलत्तिके पञ्हावारं, एवं वित्थारेतब्बं).
१-७८. कुसलत्तिक-किलेससम्पयुत्तदुकं
१-७. पटिच्चवारादि
हेतुपच्चयो
२०. अकुसलं किलेससम्पयुत्तं धम्मं पटिच्च अकुसलो किलेससम्पयुत्तो धम्मो उप्पज्जति हेतुपच्चया (संकिलिट्ठदुकसदिसं).
१-७९. कुसलत्तिक-किलेससंकिलेसिकदुकं
१-७. पटिच्चवारादि
हेतुपच्चयो
२१. अकुसलं ¶ किलेसञ्चेव संकिलेसिकञ्च धम्मं पटिच्च अकुसलो किलेसो चेव संकिलेसिको च धम्मो उप्पज्जति हेतुपच्चया (संखित्तं).
हेतुया ¶ एकं…पे… अविगते एकं (संखित्तं).
(सहजातवारेपि…पे… पञ्हावारेपि सब्बत्थ एकं.)
२२. कुसलं ¶ संकिलेसिकञ्चेव नो च किलेसं धम्मं पटिच्च कुसलो संकिलेसिको चेव नो च किलेसो धम्मो उप्पज्जति हेतुपच्चया… तीणि.
अकुसलं संकिलेसिकञ्चेव नो च किलेसं धम्मं पटिच्च अकुसलो संकिलेसिको चेव नो च किलेसो धम्मो उप्पज्जति हेतुपच्चया… तीणि.
अब्याकतं संकिलेसिकञ्चेव नो च किलेसं धम्मं पटिच्च अब्याकतो संकिलेसिको चेव नो च किलेसो धम्मो उप्पज्जति हेतुपच्चया.
कुसलं संकिलेसिकञ्चेव नो च किलेसञ्च अब्याकतं संकिलेसिकञ्चेव नो च किलेसञ्च धम्मं पटिच्च अब्याकतो संकिलेसिको चेव नो च किलेसो धम्मो उप्पज्जति हेतुपच्चया. (१)
अकुसलं संकिलेसिकञ्चेव नो च किलेसञ्च अब्याकतं संकिलेसिकञ्चेव नो च किलेसञ्च धम्मं पटिच्च अब्याकतो संकिलेसिको चेव नो च किलेसो धम्मो उप्पज्जति हेतुपच्चया (संखित्तं).
२३. हेतुया नव, आरम्मणे तीणि…पे… अविगते नव (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).
२४. कुसलो संकिलेसिको चेव नो च किलेसो धम्मो कुसलस्स संकिलेसिकस्स ¶ चेव नो च किलेसस्स धम्मस्स हेतुपच्चयेन पच्चयो… तीणि.
अब्याकतो संकिलेसिको चेव नो च किलेसो धम्मो अब्याकतस्स संकिलेसिकस्स चेव नो च किलेसस्स धम्मस्स हेतुपच्चयेन पच्चयो. (१) (संखित्तं.)
२५. हेतुया ¶ चत्तारि, आरम्मणे नव, अधिपतिया नव…पे… अविगते तेरस (संखित्तं. यथा कुसलत्तिके पञ्हावारं, एवं वित्थारेतब्बं).
१-८०. कुसलत्तिक-किलेससंकिलिट्ठदुकं
१-७. पटिच्चवारादि
हेतुपच्चयो
२६. अकुसलं ¶ किलेसञ्चेव संकिलिट्ठञ्च धम्मं पटिच्च अकुसलो किलेसो चेव संकिलिट्ठो च धम्मो उप्पज्जति हेतुपच्चया (संखित्तं).
हेतुया एकं, आरम्मणे एकं…पे… अविगते एकं (संखित्तं).
(सहजातवारेपि…पे… पञ्हावारेपि सब्बत्थ एकं).
२७. अकुसलं संकिलिट्ठञ्चेव नो च किलेसं धम्मं पटिच्च अकुसलो संकिलिट्ठो चेव नो च किलेसो धम्मो उप्पज्जति हेतुपच्चया.
हेतुया एकं…पे… अविगते एकं (संखित्तं).
(सहजातवारेपि…पे… पञ्हावारेपि सब्बत्थ एकं.)
१-८१. कुसलत्तिक-किलेसकिलेससम्पयुत्तदुकं
१-७. पटिच्चवारादि
हेतुपच्चयो
२८. अकुसलं ¶ किलेसञ्चेव किलेससम्पयुत्तञ्च धम्मं पटिच्च अकुसलो किलेसो चेव किलेससम्पयुत्तो च धम्मो उप्पज्जति हेतुपच्चया.
हेतुया ¶ एकं…पे… अविगते एकं (संखित्तं).
(सहजातवारेपि…पे… पञ्हावारेपि सब्बत्थ एकं.)
२९. अकुसलं किलेससम्पयुत्तञ्चेव नो च किलेसं धम्मं पटिच्च अकुसलो किलेससम्पयुत्तो चेव नो च किलेसो धम्मो उप्पज्जति हेतुपच्चया (संखित्तं).
हेतुया एकं…पे… अविगते एकं (संखित्तं).
(सहजातवारेपि…पे… पञ्हावारेपि सब्बत्थ एकं.)
१-८२. कुसलत्तिक-किलेसविप्पयुत्तसंकिलेसिकदुकं
१-७. पटिच्चवारादि
हेतुपच्चयो
३०. कुसलं ¶ किलेसविप्पयुत्तं संकिलेसिकं धम्मं पटिच्च कुसलो किलेसविप्पयुत्तो संकिलेसिको धम्मो उप्पज्जति हेतुपच्चया. कुसलं किलेसविप्पयुत्तं संकिलेसिकं धम्मं पटिच्च अब्याकतो किलेसविप्पयुत्तो संकिलेसिको धम्मो उप्पज्जति हेतुपच्चया. कुसलं किलेसविप्पयुत्तं संकिलेसिकं धम्मं पटिच्च कुसलो किलेसविप्पयुत्तो संकिलेसिको च अब्याकतो ¶ किलेसविप्पयुत्तो संकिलेसिको च धम्मा उप्पज्जन्ति हेतुपच्चया. (३)
अब्याकतं किलेसविप्पयुत्तं संकिलेसिकं धम्मं पटिच्च अब्याकतो किलेसविप्पयुत्तो संकिलेसिको धम्मो उप्पज्जति हेतुपच्चया. (१)
कुसलं किलेसविप्पयुत्तं संकिलेसिकञ्च अब्याकतं किलेसविप्पयुत्तं संकिलेसिकञ्च धम्मं पटिच्च अब्याकतो किलेसविप्पयुत्तो संकिलेसिको धम्मो उप्पज्जति हेतुपच्चया. (१) (संखित्तं.)
३१. हेतुया ¶ पञ्च, आरम्मणे द्वे…पे… अविगते पञ्च (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).
३२. कुसलो किलेसविप्पयुत्तो संकिलेसिको धम्मो कुसलस्स किलेसविप्पयुत्तस्स संकिलेसिकस्स धम्मस्स हेतुपच्चयेन पच्चयो… तीणि.
अब्याकतो किलेसविप्पयुत्तो संकिलेसिको धम्मो अब्याकतस्स किलेसविप्पयुत्तस्स संकिलेसिकस्स धम्मस्स हेतुपच्चयेन पच्चयो. (१) (संखित्तं.)
३३. हेतुया चत्तारि, आरम्मणे चत्तारि…पे… अविगते सत्त (संखित्तं. यथा कुसलत्तिके पञ्हावारं, एवं वित्थारेतब्बं).
३४. कुसलं किलेसविप्पयुत्तं असंकिलेसिकं धम्मं पटिच्च कुसलो किलेसविप्पयुत्तो असंकिलेसिको धम्मो उप्पज्जति हेतुपच्चया.
अब्याकतं ¶ किलेसविप्पयुत्तं असंकिलेसिकं धम्मं पटिच्च अब्याकतो किलेसविप्पयुत्तो असंकिलेसिको धम्मो उप्पज्जति हेतुपच्चया.
हेतुया द्वे…पे… अविगते द्वे (संखित्तं. सहजातवारम्पि ¶ …पे… सम्पयुत्तवारम्पि पटिच्चवारसदिसं).
३५. कुसलो किलेसविप्पयुत्तो असंकिलेसिको धम्मो कुसलस्स किलेसविप्पयुत्तस्स असंकिलेसिकस्स धम्मस्स हेतुपच्चयेन पच्चयो. (१)
अब्याकतो किलेसविप्पयुत्तो असंकिलेसिको धम्मो अब्याकतस्स किलेसविप्पयुत्तस्स असंकिलेसिकस्स धम्मस्स हेतुपच्चयेन पच्चयो. (१) (संखित्तं.)
३६. हेतुया ¶ द्वे, आरम्मणे द्वे, अधिपतिया तीणि, अनन्तरे द्वे…पे… उपनिस्सये चत्तारि…पे… अविगते द्वे (संखित्तं. यथा कुसलत्तिके पञ्हावारं, एवं वित्थारेतब्बं).
कुसलत्तिककिलेसगोच्छकं निट्ठितं.