मूल > अभिधम्मपिटक > पट्ठानपाळि-२ > १९. अतीतारम्मणत्तिकं

१. अतीतारम्मणं ¶ ¶ ¶ धम्मं पटिच्च अतीतारम्मणो धम्मो उप्पज्जति हेतुपच्चया – अतीतारम्मणं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. पटिसन्धिक्खणे अतीतारम्मणं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

२. अनागतारम्मणं धम्मं पटिच्च अनागतारम्मणो धम्मो उप्पज्जति हेतुपच्चया – अनागतारम्मणं एकं खन्धं पटिच्च तयो खन्धा…पे… द्वे खन्धा. (१)

३. पच्चुप्पन्नारम्मणं धम्मं पटिच्च पच्चुप्पन्नारम्मणो धम्मो उप्पज्जति हेतुपच्चया – पच्चुप्पन्नारम्मणं एकं खन्धं पटिच्च तयो खन्धा…पे… द्वे खन्धा. पटिसन्धिक्खणे पच्चुप्पन्नारम्मणं एकं खन्धं पटिच्च तयो खन्धा…पे… द्वे खन्धा. (१)

४. अतीतारम्मणं ¶ धम्मं पटिच्च अतीतारम्मणो धम्मो उप्पज्जति आरम्मणपच्चया… अधिपतिपच्चया (अधिपतिया पटिसन्धि नत्थि)… अनन्तरपच्चया… समनन्तरपच्चया… सहजातपच्चया… अञ्ञमञ्ञपच्चया… निस्सयपच्चया… उपनिस्सयपच्चया… पुरेजातपच्चया… आसेवनपच्चया (पुरेजातेपि आसेवनेपि पटिसन्धि नत्थि)… कम्मपच्चया… ¶ विपाकपच्चया (विपाकं अतीतारम्मणं एकं खन्धं, तिस्सोपि पञ्हा परिपुण्णा. पवत्तिपटिसन्धि कातब्बा)… आहारपच्चया… इन्द्रियपच्चया… झानपच्चया… मग्गपच्चया… सम्पयुत्तपच्चया… विप्पयुत्तपच्चया… अत्थिपच्चया… नत्थिपच्चया… विगतपच्चया… अविगतपच्चया.

५. हेतुया तीणि, आरम्मणे तीणि, अधिपतिया तीणि…पे… (सब्बत्थ तीणि), विगते तीणि, अविगते तीणि (एवं गणेतब्बं).

६. अतीतारम्मणं ¶ धम्मं पटिच्च अतीतारम्मणो धम्मो उप्पज्जति नहेतुपच्चया – अहेतुकं अतीतारम्मणं एकं खन्धं पटिच्च तयो खन्धा…पे… द्वे खन्धे…पे… अहेतुकपटिसन्धिक्खणे ¶ …पे… विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो. (१)

७. अनागतारम्मणं धम्मं पटिच्च अनागतारम्मणो धम्मो उप्पज्जति नहेतुपच्चया – अहेतुकं अनागतारम्मणं एकं खन्धं पटिच्च तयो खन्धा…पे… द्वे खन्धे…पे… विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो. (१)

८. पच्चुप्पन्नारम्मणं धम्मं पटिच्च पच्चुप्पन्नारम्मणो धम्मो उप्पज्जति नहेतुपच्चया – अहेतुकं पच्चुप्पन्नारम्मणं एकं खन्धं ¶ पटिच्च तयो खन्धा…पे… द्वे खन्धे…पे… अहेतुकपटिसन्धिक्खणे…पे… विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो. (१)

९. अतीतारम्मणं धम्मं पटिच्च अतीतारम्मणो धम्मो उप्पज्जति नअधिपतिपच्चया (अनुलोमसहजातसदिसं).

१०. अतीतारम्मणं धम्मं पटिच्च अतीतारम्मणो धम्मो उप्पज्जति नपुरेजातपच्चया – अरूपे अतीतारम्मणं एकं खन्धं पटिच्च…पे… द्वे खन्धे…पे… पटिसन्धिक्खणे…पे…. (१)

अनागतारम्मणं धम्मं पटिच्च अनागतारम्मणो धम्मो उप्पज्जति नपुरेजातपच्चया – अरूपे अनागतारम्मणं एकं खन्धं पटिच्च तयो खन्धा…पे… द्वे खन्धे…पे…. (१)

पच्चुप्पन्नारम्मणं धम्मं पटिच्च पच्चुप्पन्नारम्मणो धम्मो उप्पज्जति नपुरेजातपच्चया – पटिसन्धिक्खणे पच्चुप्पन्नारम्मणं एकं खन्धं पटिच्च…पे… द्वे खन्धे…पे…. (१)

११. अतीतारम्मणं ¶ ¶ धम्मं पटिच्च अतीतारम्मणो धम्मो उप्पज्जति नपच्छाजातपच्चया… नआसेवनपच्चया (नअधिपतिसदिसा)… नकम्मपच्चया – अतीतारम्मणे खन्धे पटिच्च अतीतारम्मणा चेतना. (१)

अनागतारम्मणं धम्मं पटिच्च अनागतारम्मणो धम्मो उप्पज्जति नकम्मपच्चया – अनागतारम्मणे खन्धे पटिच्च अनागतारम्मणा ¶ चेतना. (१)

पच्चुप्पन्नारम्मणं धम्मं पटिच्च पच्चुप्पन्नारम्मणो धम्मो उप्पज्जति नकम्मपच्चया – पच्चुप्पन्नारम्मणे खन्धे पटिच्च पच्चुप्पन्नारम्मणा चेतना. (१)

१२. अतीतारम्मणं धम्मं पटिच्च अतीतारम्मणो धम्मो उप्पज्जति नविपाकपच्चया…पे… (नविपाके पटिसन्धि नत्थि).

१३. पच्चुप्पन्नारम्मणं धम्मं पटिच्च पच्चुप्पन्नारम्मणो धम्मो उप्पज्जति नझानपच्चया – पञ्चविञ्ञाणसहगतं एकं खन्धं पटिच्च तयो खन्धा…पे… द्वे खन्धे…पे…. (१)

१४. अतीतारम्मणं धम्मं पटिच्च अतीतारम्मणो धम्मो उप्पज्जति नमग्गपच्चया – अहेतुकं अतीतारम्मणं एकं खन्धं पटिच्च तयो खन्धा…पे… (नहेतुसदिसा तिस्सो पञ्हा, मोहो नत्थि ).

१५. अतीतारम्मणं ¶ धम्मं पटिच्च अतीतारम्मणो धम्मो उप्पज्जति नविप्पयुत्तपच्चया – अरूपे अतीतारम्मणं एकं खन्धं पटिच्च तयो खन्धा…पे… द्वे खन्धे…पे…. (१)

अनागतारम्मणं धम्मं पटिच्च अनागतारम्मणो धम्मो उप्पज्जति नविप्पयुत्तपच्चया – अरूपे अनागतारम्मणं एकं खन्धं पटिच्च तयो खन्धा…पे… द्वे खन्धे…पे…. (१)

१६. नहेतुया ¶ तीणि, नअधिपतिया नपुरेजाते नपच्छाजाते नआसेवने नकम्मे नविपाके तीणि, नझाने एकं, नमग्गे तीणि, नविप्पयुत्ते ¶ द्वे (एवं गणेतब्बं).

१७. हेतुपच्चया नअधिपतिया तीणि, नपुरेजाते नपच्छाजाते नआसेवने नकम्मे नविपाके तीणि, नविप्पयुत्ते द्वे (एवं गणेतब्बं).

१८. नहेतुपच्चया ¶ आरम्मणे तीणि…पे… (सब्बत्थ तीणि) अविगते तीणि (एवं गणेतब्बं).

२-६. सहजात-पच्चय-निस्सय-संसट्ठ-सम्पयुत्तवारो

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा.)

१९. अतीतारम्मणो धम्मो अतीतारम्मणस्स धम्मस्स हेतुपच्चयेन पच्चयो – अतीतारम्मणा हेतू सम्पयुत्तकानं खन्धानं हेतुपच्चयेन ¶ पच्चयो. पटिसन्धिक्खणे अतीतारम्मणा हेतू सम्पयुत्तकानं खन्धानं हेतुपच्चयेन पच्चयो. (१)

अनागतारम्मणो धम्मो अनागतारम्मणस्स धम्मस्स हेतुपच्चयेन पच्चयो – अनागतारम्मणा हेतू सम्पयुत्तकानं खन्धानं हेतुपच्चयेन पच्चयो. (१)

पच्चुप्पन्नारम्मणो ¶ धम्मो पच्चुप्पन्नारम्मणस्स धम्मस्स हेतुपच्चयेन पच्चयो – पच्चुप्पन्नारम्मणा ¶ हेतू सम्पयुत्तकानं खन्धानं हेतुपच्चयेन पच्चयो. पटिसन्धिक्खणे पच्चुप्पन्नारम्मणा हेतू सम्पयुत्तकानं खन्धानं हेतुपच्चयेन पच्चयो. (१)

२०. अतीतारम्मणो धम्मो अतीतारम्मणस्स धम्मस्स आरम्मणपच्चयेन पच्चयो – अतीतं विञ्ञाणञ्चायतनं पच्चवेक्खति, नेवसञ्ञानासञ्ञायतनं पच्चवेक्खति. अतीतारम्मणं अतीतं इद्धिविधञाणं पच्चवेक्खति, चेतोपरियञाणं… पुब्बेनिवासानुस्सतिञाणं… यथाकम्मूपगञाणं पच्चवेक्खति. अरिया अतीतारम्मणे पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति. अतीतारम्मणे अतीते खन्धे अनिच्चतो दुक्खतो अनत्ततो विपस्सति, अस्सादेति अभिनन्दति; तं आरब्भ अतीतारम्मणो रागो उप्पज्जति, दिट्ठि…पे… विचिकिच्छा…पे… उद्धच्चं…पे… दोमनस्सं उप्पज्जति. अतीतारम्मणा अतीता खन्धा चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, आवज्जनाय आरम्मणपच्चयेन पच्चयो. (१)

अतीतारम्मणो धम्मो अनागतारम्मणस्स धम्मस्स आरम्मणपच्चयेन पच्चयो – अनागतं विञ्ञाणञ्चायतनं पच्चवेक्खति, नेवसञ्ञानासञ्ञायतनं पच्चवेक्खति. अतीतारम्मणं अनागतं इद्धिविधञाणं पच्चवेक्खति, चेतोपरियञाणं…पे… पुब्बेनिवासानुस्सतिञाणं…पे… यथाकम्मूपगञाणं पच्चवेक्खति. अतीतारम्मणे अनागते खन्धे अनिच्चतो…पे… ¶ विपस्सति, अस्सादेति अभिनन्दति; तं आरब्भ अनागतारम्मणो रागो उप्पज्जति…पे… दोमनस्सं उप्पज्जति. अतीतारम्मणा अनागता खन्धा चेतोपरियञाणस्स, अनागतंसञाणस्स, आवज्जनाय आरम्मणपच्चयेन पच्चयो. (२)

अतीतारम्मणो ¶ धम्मो पच्चुप्पन्नारम्मणस्स धम्मस्स आरम्मणपच्चयेन पच्चयो – चेतोपरियञाणेन अतीतारम्मणपच्चुप्पन्नचित्तसमङ्गिस्स चित्तं जानाति. अतीतारम्मणा पच्चुप्पन्ना खन्धा चेतोपरियञाणस्स, आवज्जनाय आरम्मणपच्चयेन पच्चयो. (३)

२१. अनागतारम्मणो ¶ धम्मो अनागतारम्मणस्स धम्मस्स आरम्मणपच्चयेन पच्चयो – अनागतारम्मणं अनागतं इद्धिविधञाणं पच्चवेक्खति, चेतोपरियञाणं…पे… अनागतंसञाणं…पे… अनागतारम्मणे अनागते खन्धे अनिच्चतो…पे… विपस्सति, अस्सादेति अभिनन्दति; तं आरब्भ अनागतारम्मणो रागो उप्पज्जति…पे… दोमनस्सं उप्पज्जति. अनागतारम्मणा अनागता खन्धा चेतोपरियञाणस्स, अनागतंसञाणस्स, आवज्जनाय आरम्मणपच्चयेन पच्चयो. (१)

अनागतारम्मणो धम्मो अतीतारम्मणस्स धम्मस्स आरम्मणपच्चयेन पच्चयो – अनागतारम्मणं अतीतं इद्धिविधञाणं पच्चवेक्खति, चेतोपरियञाणं… अनागतंसञाणं…पे… अरिया अनागतारम्मणे पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति. पुब्बे समुदाचिण्णे किलेसे जानन्ति. अनागतारम्मणे अतीते खन्धे अनिच्चतो…पे… विपस्सति ¶ , अस्सादेति अभिनन्दति; तं आरब्भ अतीतारम्मणो रागो उप्पज्जति…पे… दोमनस्सं उप्पज्जति. अनागतारम्मणा अतीता खन्धा चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, आवज्जनाय आरम्मणपच्चयेन पच्चयो. (२)

अनागतारम्मणो धम्मो पच्चुप्पन्नारम्मणस्स धम्मस्स आरम्मणपच्चयेन पच्चयो – चेतोपरियञाणेन अनागतारम्मणपच्चुप्पन्नचित्तसमङ्गिस्स चित्तं जानाति. अनागतारम्मणा पच्चुप्पन्ना खन्धा चेतोपरियञाणस्स, आवज्जनाय आरम्मणपच्चयेन पच्चयो. (३)

२२. पच्चुप्पन्नारम्मणो धम्मो पच्चुप्पन्नारम्मणस्स धम्मस्स आरम्मणपच्चयेन पच्चयो – चेतोपरियञाणेन पच्चुप्पन्नारम्मणपच्चुप्पन्नचित्तसमङ्गिस्स चित्तं जानाति. पच्चुप्पन्नारम्मणा पच्चुप्पन्ना खन्धा चेतोपरियञाणस्स, आवज्जनाय आरम्मणपच्चयेन पच्चयो. (१)

पच्चुप्पन्नारम्मणो ¶ धम्मो अतीतारम्मणस्स धम्मस्स आरम्मणपच्चयेन पच्चयो – अतीतं दिब्बं चक्खुं पच्चवेक्खति, दिब्बं सोतधातुं पच्चवेक्खति, पच्चुप्पन्नारम्मणं अतीतं इद्धिविधञाणं पच्चवेक्खति, चेतोपरियञाणं पच्चवेक्खति. अरिया पच्चुप्पन्नारम्मणे पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति ¶ . पच्चुप्पन्नारम्मणे अतीते खन्धे अनिच्चतो…पे… विपस्सति, अस्सादेति अभिनन्दति ¶ ; तं आरब्भ अतीतारम्मणो रागो उप्पज्जति…पे… दोमनस्सं उप्पज्जति. पच्चुप्पन्नारम्मणा अतीता खन्धा चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, आवज्जनाय आरम्मणपच्चयेन पच्चयो. (२)

पच्चुप्पन्नारम्मणो धम्मो अनागतारम्मणस्स धम्मस्स आरम्मणपच्चयेन पच्चयो – अनागतं दिब्बं चक्खुं पच्चवेक्खति, दिब्बं सोतधातुं पच्चवेक्खति, पच्चुप्पन्नारम्मणं अनागतं इद्धिविधञाणं पच्चवेक्खति, चेतोपरियञाणं…पे… पच्चुप्पन्नारम्मणे अनागते खन्धे अनिच्चतो…पे… विपस्सति…पे… तं आरब्भ अनागतारम्मणो रागो उप्पज्जति…पे… दोमनस्सं उप्पज्जति. पच्चुप्पन्नारम्मणा अनागता खन्धा चेतोपरियञाणस्स, अनागतंसञाणस्स, आवज्जनाय आरम्मणपच्चयेन पच्चयो. (३)

२३. अतीतारम्मणो धम्मो अतीतारम्मणस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति. आरम्मणाधिपति – अतीतं विञ्ञाणञ्चायतनं गरुं कत्वा पच्चवेक्खति, नेवसञ्ञानासञ्ञायतनं गरुं कत्वा पच्चवेक्खति. अतीतारम्मणं अतीतं इद्धिविधञाणं गरुं कत्वा पच्चवेक्खति, चेतोपरियञाणं…पे… पुब्बेनिवासानुस्सतिञाणं…पे… यथाकम्मूपगञाणं गरुं कत्वा पच्चवेक्खति. अतीतारम्मणे अतीते खन्धे गरुं कत्वा अस्सादेति अभिनन्दति, तं गरुं कत्वा अतीतारम्मणो रागो उप्पज्जति, दिट्ठि उप्पज्जति ¶ . सहजाताधिपति – अतीतारम्मणाधिपति सम्पयुत्तकानं खन्धानं अधिपतिपच्चयेन पच्चयो. (१)

अतीतारम्मणो धम्मो अनागतारम्मणस्स धम्मस्स अधिपतिपच्चयेन पच्चयो. आरम्मणाधिपति – अनागतं विञ्ञाणञ्चायतनं गरुं कत्वा…पे… नेवसञ्ञानासञ्ञायतनं ¶ …पे… अतीतारम्मणं अनागतं इद्धिविधञाणं गरुं कत्वा…पे… चेतोपरियञाणं…पे… पुब्बेनिवासानुस्सतिञाणं…पे… यथाकम्मूपगञाणं…पे… अतीतारम्मणे अनागते खन्धे गरुं ¶ कत्वा अस्सादेति अभिनन्दति; तं गरुं कत्वा अनागतारम्मणो रागो उप्पज्जति, दिट्ठि उप्पज्जति. (२)

२४. अनागतारम्मणो धम्मो अनागतारम्मणस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति. आरम्मणाधिपति – अनागतारम्मणं अनागतं इद्धिविधञाणं गरुं कत्वा…पे… चेतोपरियञाणं…पे… अनागतंसञाणं गरुं कत्वा पच्चवेक्खति. अनागतारम्मणे अनागते खन्धे गरुं कत्वा अस्सादेति अभिनन्दति; तं गरुं कत्वा अनागतारम्मणो रागो उप्पज्जति, दिट्ठि उप्पज्जति. सहजाताधिपति – अनागतारम्मणाधिपति सम्पयुत्तकानं खन्धानं अधिपतिपच्चयेन पच्चयो. (१)

अनागतारम्मणो धम्मो अतीतारम्मणस्स धम्मस्स अधिपतिपच्चयेन पच्चयो. आरम्मणाधिपति – अनागतारम्मणं अतीतं इद्धिविधञाणं गरुं कत्वा…पे… चेतोपरियञाणं…पे… ¶ अनागतंसञाणं गरुं कत्वा…पे… अनागतारम्मणे अतीते खन्धे गरुं कत्वा अस्सादेति अभिनन्दति; तं गरुं कत्वा अतीतारम्मणो रागो उप्पज्जति, दिट्ठि उप्पज्जति. (२)

२५. पच्चुप्पन्नारम्मणो धम्मो पच्चुप्पन्नारम्मणस्स धम्मस्स अधिपतिपच्चयेन पच्चयो. सहजाताधिपति – पच्चुप्पन्नारम्मणाधिपति सम्पयुत्तकानं खन्धानं अधिपतिपच्चयेन पच्चयो. (१)

पच्चुप्पन्नारम्मणो धम्मो अतीतारम्मणस्स धम्मस्स अधिपतिपच्चयेन पच्चयो. आरम्मणाधिपति – अतीतं दिब्बं चक्खुं गरुं कत्वा पच्चवेक्खति, दिब्बं सोतधातुं गरुं कत्वा पच्चवेक्खति, पच्चुप्पन्नारम्मणं अतीतं इद्धिविधञाणं गरुं कत्वा…पे… चेतोपरियञाणं गरुं कत्वा…पे… पच्चुप्पन्नारम्मणे अतीते खन्धे गरुं कत्वा अस्सादेति अभिनन्दति; तं गरुं कत्वा अतीतारम्मणो रागो उप्पज्जति, दिट्ठि उप्पज्जति. (२)

पच्चुप्पन्नारम्मणो धम्मो अनागतारम्मणस्स धम्मस्स अधिपतिपच्चयेन पच्चयो. आरम्मणाधिपति – अनागतं दिब्बं चक्खुं गरुं कत्वा पच्चवेक्खति, दिब्बं ¶ सोतधातुं गरुं कत्वा ¶ …पे… पच्चुप्पन्नारम्मणं अनागतं इद्धिविधञाणं गरुं कत्वा…पे… चेतोपरियञाणं गरुं कत्वा…पे… पच्चुप्पन्नारम्मणे अनागते खन्धे गरुं कत्वा अस्सादेति अभिनन्दति; तं गरुं कत्वा अनागतारम्मणो रागो उप्पज्जति, दिट्ठि उप्पज्जति. (३)

२६. अतीतारम्मणो धम्मो अतीतारम्मणस्स धम्मस्स अनन्तरपच्चयेन ¶ पच्चयो – पुरिमा पुरिमा अतीतारम्मणा खन्धा पच्छिमानं पच्छिमानं अतीतारम्मणानं खन्धानं अनन्तरपच्चयेन पच्चयो. (१)

अतीतारम्मणो धम्मो अनागतारम्मणस्स धम्मस्स अनन्तरपच्चयेन पच्चयो – अतीतारम्मणं भवङ्गं अनागतारम्मणाय आवज्जनाय अनन्तरपच्चयेन पच्चयो. (२)

अतीतारम्मणो धम्मो पच्चुप्पन्नारम्मणस्स धम्मस्स अनन्तरपच्चयेन पच्चयो – अतीतारम्मणं चुतिचित्तं पच्चुप्पन्नारम्मणस्स पटिसन्धिचित्तस्स अनन्तरपच्चयेन पच्चयो. अतीतारम्मणं भवङ्गं पच्चुप्पन्नारम्मणाय आवज्जनाय अनन्तरपच्चयेन पच्चयो. (३)

२७. अनागतारम्मणो धम्मो अनागतारम्मणस्स धम्मस्स अनन्तरपच्चयेन पच्चयो – पुरिमा पुरिमा अनागतारम्मणा खन्धा पच्छिमानं पच्छिमानं अनागतारम्मणानं खन्धानं अनन्तरपच्चयेन पच्चयो. (१)

अनागतारम्मणो धम्मो अतीतारम्मणस्स धम्मस्स अनन्तरपच्चयेन पच्चयो – अनागतारम्मणं इद्धिविधञाणं अतीतारम्मणस्स वुट्ठानस्स…पे… चेतोपरियञाणं अतीतारम्मणस्स वुट्ठानस्स…पे… अनागतंसञाणं अतीतारम्मणस्स वुट्ठानस्स…पे… अनागतारम्मणा खन्धा अतीतारम्मणस्स वुट्ठानस्स अनन्तरपच्चयेन पच्चयो. (२)

२८. पच्चुप्पन्नारम्मणो धम्मो पच्चुप्पन्नारम्मणस्स धम्मस्स ¶ अनन्तरपच्चयेन पच्चयो – पुरिमा पुरिमा पच्चुप्पन्नारम्मणा खन्धा पच्छिमानं पच्छिमानं पच्चुप्पन्नारम्मणानं खन्धानं अनन्तरपच्चयेन पच्चयो. पच्चुप्पन्नारम्मणं पटिसन्धिचित्तं पच्चुप्पन्नारम्मणस्स भवङ्गस्स…पे… पच्चुप्पन्नारम्मणं भवङ्गं पच्चुप्पन्नारम्मणस्स भवङ्गस्स अनन्तरपच्चयेन पच्चयो. (१)

पच्चुप्पन्नारम्मणो ¶ ¶ धम्मो अतीतारम्मणस्स धम्मस्स अनन्तरपच्चयेन पच्चयो – पच्चुप्पन्नारम्मणं पटिसन्धिचित्तं अतीतारम्मणस्स भवङ्गस्स…पे… पच्चुप्पन्नारम्मणं भवङ्गं अतीतारम्मणस्स भवङ्गस्स…पे… पच्चुप्पन्नारम्मणा खन्धा अतीतारम्मणस्स वुट्ठानस्स अनन्तरपच्चयेन पच्चयो. (२)

२९. अतीतारम्मणो धम्मो अतीतारम्मणस्स धम्मस्स समनन्तरपच्चयेन पच्चयो (अनन्तरसदिसं).

३०. अतीतारम्मणो धम्मो अतीतारम्मणस्स धम्मस्स सहजातपच्चयेन पच्चयो… अञ्ञमञ्ञपच्चयेन पच्चयो… निस्सयपच्चयेन पच्चयो…(तयोपि पच्चया पटिच्चवारसदिसा).

३१. अतीतारम्मणो धम्मो अतीतारम्मणस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – अतीतारम्मणा अनिच्चानुपस्सना, दुक्खानुपस्सना, अनत्तानुपस्सना अतीतारम्मणाय अनिच्चानुपस्सनाय, दुक्खानुपस्सनाय, अनत्तानुपस्सनाय उपनिस्सयपच्चयेन पच्चयो. (१)

अतीतारम्मणो ¶ धम्मो अनागतारम्मणस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – अतीतारम्मणा अनिच्चानुपस्सना, दुक्खानुपस्सना, अनत्तानुपस्सना अनागतारम्मणाय अनिच्चानुपस्सनाय, दुक्खानुपस्सनाय, अनत्तानुपस्सनाय उपनिस्सयपच्चयेन पच्चयो. (२)

अतीतारम्मणो धम्मो पच्चुप्पन्नारम्मणस्स धम्मस्स उपनिस्सयपच्चयेन पच्चयो – अनन्तरूपनिस्सयो ¶ , पकतूपनिस्सयो…पे…. पकतूपनिस्सयो – अतीतारम्मणा अनिच्चानुपस्सना, दुक्खानुपस्सना, अनत्तानुपस्सना पच्चुप्पन्नारम्मणाय अनिच्चानुपस्सनाय, दुक्खानुपस्सनाय, अनत्तानुपस्सनाय उपनिस्सयपच्चयेन पच्चयो. (३)

३२. अनागतारम्मणो ¶ धम्मो अनागतारम्मणस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – अनागतारम्मणा अनिच्चानुपस्सना, दुक्खानुपस्सना, अनत्तानुपस्सना अनागतारम्मणाय अनिच्चानुपस्सनाय, दुक्खानुपस्सनाय, अनत्तानुपस्सनाय उपनिस्सयपच्चयेन पच्चयो. (१)

अनागतारम्मणो धम्मो अतीतारम्मणस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – अनागतारम्मणा अनिच्चानुपस्सना, दुक्खानुपस्सना, अनत्तानुपस्सना अतीतारम्मणाय अनिच्चानुपस्सनाय ¶ , दुक्खानुपस्सनाय, अनत्तानुपस्सनाय उपनिस्सयपच्चयेन पच्चयो. (२)

अनागतारम्मणो धम्मो पच्चुप्पन्नारम्मणस्स धम्मस्स उपनिस्सयपच्चयेन पच्चयो. पकतूपनिस्सयो – अनागतारम्मणा अनिच्चानुपस्सना, दुक्खानुपस्सना, अनत्तानुपस्सना पच्चुप्पन्नारम्मणाय अनिच्चानुपस्सनाय, दुक्खानुपस्सनाय, अनत्तानुपस्सनाय उपनिस्सयपच्चयेन पच्चयो. (३)

३३. पच्चुप्पन्नारम्मणो धम्मो पच्चुप्पन्नारम्मणस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – पच्चुप्पन्नारम्मणा अनिच्चानुपस्सना, दुक्खानुपस्सना, अनत्तानुपस्सना पच्चुप्पन्नारम्मणाय अनिच्चानुपस्सनाय, दुक्खानुपस्सनाय, अनत्तानुपस्सनाय उपनिस्सयपच्चयेन पच्चयो. (१)

पच्चुप्पन्नारम्मणो धम्मो अतीतारम्मणस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – पच्चुप्पन्नारम्मणा अनिच्चानुपस्सना, दुक्खानुपस्सना, अनत्तानुपस्सना अतीतारम्मणाय अनिच्चानुपस्सनाय, दुक्खानुपस्सनाय, अनत्तानुपस्सनाय उपनिस्सयपच्चयेन पच्चयो. (२)

पच्चुप्पन्नारम्मणो ¶ धम्मो अनागतारम्मणस्स धम्मस्स उपनिस्सयपच्चयेन पच्चयो – आरम्मणूपनिस्सयो, पकतूपनिस्सयो…पे… ¶ . पकतूपनिस्सयो – पच्चुप्पन्नारम्मणा अनिच्चानुपस्सना, दुक्खानुपस्सना, अनत्तानुपस्सना अनागतारम्मणाय अनिच्चानुपस्सनाय, दुक्खानुपस्सनाय, अनत्तानुपस्सनाय उपनिस्सयपच्चयेन पच्चयो. (३)

३४. अतीतारम्मणो ¶ धम्मो अतीतारम्मणस्स धम्मस्स आसेवनपच्चयेन पच्चयो – पुरिमा पुरिमा अतीतारम्मणा खन्धा पच्छिमानं पच्छिमानं अतीतारम्मणानं खन्धानं आसेवनपच्चयेन पच्चयो. (१)

अनागतारम्मणो धम्मो अनागतारम्मणस्स धम्मस्स आसेवनपच्चयेन पच्चयो – पुरिमा पुरिमा अनागतारम्मणा खन्धा पच्छिमानं पच्छिमानं अनागतारम्मणानं खन्धानं आसेवनपच्चयेन पच्चयो. (१)

पच्चुप्पन्नारम्मणो धम्मो पच्चुप्पन्नारम्मणस्स धम्मस्स आसेवनपच्चयेन पच्चयो – पुरिमा पुरिमा पच्चुप्पन्नारम्मणा खन्धा पच्छिमानं पच्छिमानं पच्चुप्पन्नारम्मणानं खन्धानं आसेवनपच्चयेन पच्चयो. (१)

३५. अतीतारम्मणो धम्मो अतीतारम्मणस्स धम्मस्स कम्मपच्चयेन पच्चयो – सहजाता, नानाक्खणिका. सहजाता – अतीतारम्मणा चेतना सम्पयुत्तकानं खन्धानं कम्मपच्चयेन पच्चयो. पटिसन्धिक्खणे…पे…. नानाक्खणिका – अतीतारम्मणा चेतना विपाकानं अतीतारम्मणानं खन्धानं कम्मपच्चयेन पच्चयो. (१)

अतीतारम्मणो ¶ धम्मो अनागतारम्मणस्स धम्मस्स कम्मपच्चयेन पच्चयो. नानाक्खणिका – अतीतारम्मणा चेतना विपाकानं अनागतारम्मणानं खन्धानं कम्मपच्चयेन पच्चयो. (२)

अतीतारम्मणो ¶ धम्मो पच्चुप्पन्नारम्मणस्स धम्मस्स कम्मपच्चयेन पच्चयो. नानाक्खणिका – अतीतारम्मणा चेतना विपाकानं पच्चुप्पन्नारम्मणानं खन्धानं कम्मपच्चयेन पच्चयो. (३)

३६. अनागतारम्मणो धम्मो अनागतारम्मणस्स धम्मस्स कम्मपच्चयेन पच्चयो – सहजाता, नानाक्खणिका. सहजाता – अनागतारम्मणा चेतना सम्पयुत्तकानं खन्धानं कम्मपच्चयेन पच्चयो. नानाक्खणिका – अनागतारम्मणा चेतना विपाकानं अनागतारम्मणानं खन्धानं कम्मपच्चयेन पच्चयो. (१)

अनागतारम्मणो ¶ धम्मो अतीतारम्मणस्स धम्मस्स कम्मपच्चयेन पच्चयो. नानाक्खणिका – अनागतारम्मणा चेतना विपाकानं अतीतारम्मणानं खन्धानं कम्मपच्चयेन पच्चयो. (२)

अनागतारम्मणो धम्मो पच्चुप्पन्नारम्मणस्स धम्मस्स कम्मपच्चयेन पच्चयो. नानाक्खणिका – अनागतारम्मणा चेतना विपाकानं पच्चुप्पन्नारम्मणानं खन्धानं कम्मपच्चयेन पच्चयो. (३)

३७. पच्चुप्पन्नारम्मणो धम्मो पच्चुप्पन्नारम्मणस्स धम्मस्स कम्मपच्चयेन पच्चयो – सहजाता, नानाक्खणिका. सहजाता ¶ – पच्चुप्पन्नारम्मणा चेतना सम्पयुत्तकानं खन्धानं कम्मपच्चयेन पच्चयो. पटिसन्धिक्खणे…पे… नानाक्खणिका – पच्चुप्पन्नारम्मणा चेतना विपाकानं पच्चुप्पन्नारम्मणानं खन्धानं कम्मपच्चयेन पच्चयो. (१)

पच्चुप्पन्नारम्मणो धम्मो अतीतारम्मणस्स धम्मस्स कम्मपच्चयेन पच्चयो. नानाक्खणिका – पच्चुप्पन्नारम्मणा चेतना विपाकानं अतीतारम्मणानं खन्धानं कम्मपच्चयेन पच्चयो. (२)

पच्चुप्पन्नारम्मणो धम्मो अनागतारम्मणस्स धम्मस्स कम्मपच्चयेन पच्चयो. नानाक्खणिका ¶ – पच्चुप्पन्नारम्मणा चेतना विपाकानं अनागतारम्मणानं खन्धानं कम्मपच्चयेन पच्चयो. (३)

३८. अतीतारम्मणो धम्मो अतीतारम्मणस्स धम्मस्स विपाकपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो… झानपच्चयेन पच्चयो… मग्गपच्चयेन पच्चयो… सम्पयुत्तपच्चयेन पच्चयो… अत्थिपच्चयेन पच्चयो… नत्थिपच्चयेन पच्चयो… विगतपच्चयेन पच्चयो… अविगतपच्चयेन पच्चयो.

३९. हेतुया तीणि, आरम्मणे नव, अधिपतिया सत्त, अनन्तरे सत्त, समनन्तरे सत्त, सहजाते अञ्ञमञ्ञे निस्सये तीणि, उपनिस्सये ¶ नव, आसेवने तीणि, कम्मे नव, विपाके तीणि, आहारे तीणि, इन्द्रिये झाने मग्गे सम्पयुत्ते तीणि, अत्थिया तीणि, नत्थिया सत्त, विगते सत्त, अविगते तीणि ¶ (एवं गणेतब्बं).

४०. अतीतारम्मणो धम्मो अतीतारम्मणस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (१)

अतीतारम्मणो ¶ धम्मो अनागतारम्मणस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (२)

अतीतारम्मणो धम्मो पच्चुप्पन्नारम्मणस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (३)

४१. अनागतारम्मणो धम्मो अनागतारम्मणस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (१)

अनागतारम्मणो धम्मो अतीतारम्मणस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (२)

अनागतारम्मणो धम्मो पच्चुप्पन्नारम्मणस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (३)

४२. पच्चुप्पन्नारम्मणो धम्मो पच्चुप्पन्नारम्मणस्स धम्मस्स ¶ आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (१)

पच्चुप्पन्नारम्मणो धम्मो अतीतारम्मणस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (२)

पच्चुप्पन्नारम्मणो ¶ धम्मो अनागतारम्मणस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (३)

४३. नहेतुया ¶ नव, नआरम्मणे नव, नअधिपतिया नव, नअनन्तरे नव, नसमनन्तरे नव (संखित्तं, सब्बत्थ नव), नोविगते नव, नोअविगते नव (एवं गणेतब्बं).

४४. हेतुपच्चया नआरम्मणे तीणि, नअधिपतिया नअनन्तरे नसमनन्तरे नउपनिस्सये नपुरेजाते नपच्छाजाते नआसेवने नकम्मे नविपाके तीणि (सब्बत्थ तीणि, संखित्तं), नोनत्थिया नोविगते तीणि (एवं गणेतब्बं).

४५. नहेतुपच्चया आरम्मणे नव, अधिपतिया सत्त, अनन्तरे सत्त, समनन्तरे सत्त, सहजाते तीणि, अञ्ञमञ्ञे तीणि, निस्सये तीणि, उपनिस्सये नव, आसेवने तीणि, कम्मे नव, विपाके तीणि ¶ , आहारे इन्द्रिये झाने मग्गे सम्पयुत्ते अत्थिया तीणि, नत्थिया सत्त, विगते सत्त, अविगते तीणि (एवं गणेतब्बं).