📜

९. दस्सनेनपहातब्बहेतुकत्तिकं

१. पटिच्चवारो

१. पच्चयानुलोमं

१. विभङ्गवारो

हेतुपच्चयो

१. दस्सनेन ¶ ¶ ¶ पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति हेतुपच्चया – दस्सनेन पहातब्बहेतुकं एकं खन्धं पटिच्च तयो खन्धा…पे… द्वे खन्धा. (१)

दस्सनेन पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति हेतुपच्चया – दस्सनेन पहातब्बहेतुके खन्धे पटिच्च चित्तसमुट्ठानं रूपं. (२)

दस्सनेन पहातब्बहेतुकं धम्मं पटिच्च दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति हेतुपच्चया – दस्सनेन पहातब्बहेतुकं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धा…पे…. (३)

२. भावनाय पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति हेतुपच्चया – भावनाय पहातब्बहेतुकं एकं खन्धं पटिच्च तयो खन्धा…पे… द्वे खन्धा. (१)

भावनाय ¶ पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति हेतुपच्चया – भावनाय पहातब्बहेतुके खन्धे पटिच्च चित्तसमुट्ठानं रूपं. (२)

भावनाय पहातब्बहेतुकं धम्मं पटिच्च भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा ¶ उप्पज्जन्ति हेतुपच्चया – भावनाय पहातब्बहेतुकं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे…. (३)

३. नेवदस्सनेन नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति हेतुपच्चया – नेवदस्सनेन नभावनाय पहातब्बहेतुकं एकं खन्धं पटिच्च तयो खन्धा ¶ चित्तसमुट्ठानञ्च रूपं…पे… द्वे खन्धे पटिच्च द्वे खन्धा चित्तसमुट्ठानञ्च रूपं; विचिकिच्छासहगतं उद्धच्चसहगतं मोहं पटिच्च चित्तसमुट्ठानं रूपं. पटिसन्धिक्खणे नेवदस्सनेन नभावनाय पहातब्बहेतुकं एकं खन्धं पटिच्च तयो खन्धा कटत्ता च रूपं…पे… द्वे खन्धा…पे… खन्धे पटिच्च वत्थु, वत्थुं पटिच्च खन्धा; एकं महाभूतं पटिच्च…पे… महाभूते पटिच्च चित्तसमुट्ठानं रूपं कटत्तारूपं उपादारूपं. (१)

नेवदस्सनेन नभावनाय पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति हेतुपच्चया – विचिकिच्छासहगतं मोहं पटिच्च सम्पयुत्तका खन्धा. (२)

नेवदस्सनेन नभावनाय पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति हेतुपच्चया – उद्धच्चसहगतं मोहं पटिच्च सम्पयुत्तका खन्धा. (३)

नेवदस्सनेन नभावनाय पहातब्बहेतुकं धम्मं पटिच्च दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति हेतुपच्चया – विचिकिच्छासहगतं मोहं पटिच्च सम्पयुत्तका खन्धा चित्तसमुट्ठानञ्च रूपं. (४)

नेवदस्सनेन नभावनाय पहातब्बहेतुकं धम्मं पटिच्च भावनाय पहातब्बहेतुको च नेवदस्सनेन ¶ नभावनाय पहातब्बहेतुको च धम्मा उप्पज्जन्ति हेतुपच्चया – उद्धच्चसहगतं मोहं पटिच्च सम्पयुत्तका खन्धा चित्तसमुट्ठानञ्च रूपं. (५)

४. दस्सनेन ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च दस्सनेन पहातब्बहेतुको धम्मो उप्पज्जति हेतुपच्चया – विचिकिच्छासहगतं एकं खन्धञ्च मोहञ्च पटिच्च तयो खन्धा…पे… द्वे खन्धे च मोहञ्च पटिच्च द्वे खन्धा. (१)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति हेतुपच्चया – दस्सनेन पहातब्बहेतुके खन्धे च महाभूते च पटिच्च चित्तसमुट्ठानं रूपं; विचिकिच्छासहगते खन्धे च मोहञ्च पटिच्च चित्तसमुट्ठानं रूपं. (२)

दस्सनेन ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति हेतुपच्चया – विचिकिच्छासहगतं एकं खन्धञ्च मोहञ्च पटिच्च तयो खन्धा चित्तसमुट्ठानञ्च रूपं…पे… द्वे खन्धे च मोहञ्च पटिच्च द्वे खन्धा…पे…. (३)

५. भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च भावनाय पहातब्बहेतुको धम्मो उप्पज्जति हेतुपच्चया – उद्धच्चसहगतं एकं खन्धञ्च मोहञ्च पटिच्च तयो खन्धा…पे… द्वे खन्धे च मोहञ्च पटिच्च द्वे खन्धा. (१)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च नेवदस्सनेन ¶ नभावनाय पहातब्बहेतुको धम्मो उप्पज्जति हेतुपच्चया – भावनाय पहातब्बहेतुके खन्धे च महाभूते च पटिच्च चित्तसमुट्ठानं रूपं; उद्धच्चसहगते खन्धे च मोहञ्च पटिच्च चित्तसमुट्ठानं रूपं. (२)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति हेतुपच्चया – उद्धच्चसहगतं एकं खन्धञ्च मोहञ्च पटिच्च तयो खन्धा चित्तसमुट्ठानञ्च रूपं…पे…. (३)

आरम्मणपच्चयो

६. दस्सनेन ¶ पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति आरम्मणपच्चया – दस्सनेन पहातब्बहेतुकं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

दस्सनेन पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति आरम्मणपच्चया – विचिकिच्छासहगते खन्धे पटिच्च विचिकिच्छासहगतो मोहो. (२)

दस्सनेन पहातब्बहेतुकं धम्मं पटिच्च दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति आरम्मणपच्चया – विचिकिच्छासहगतं एकं खन्धं पटिच्च तयो खन्धा च मोहो च…पे… द्वे खन्धे पटिच्च द्वे खन्धा च मोहो च. (३)

भावनाय ¶ पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति आरम्मणपच्चया… तीणि. (दस्सनेन सदिसं विभजितब्बं.)

७. नेवदस्सनेन ¶ नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति आरम्मणपच्चया – नेवदस्सनेन नभावनाय पहातब्बहेतुकं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. पटिसन्धिक्खणे…पे… वत्थुं पटिच्च खन्धा. (१)

नेवदस्सनेन नभावनाय पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति आरम्मणपच्चया – विचिकिच्छासहगतं मोहं पटिच्च सम्पयुत्तका खन्धा. (२)

नेवदस्सनेन नभावनाय पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति आरम्मणपच्चया – उद्धच्चसहगतं मोहं पटिच्च सम्पयुत्तका खन्धा. (३)

८. दस्सनेन ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च दस्सनेन पहातब्बहेतुको धम्मो उप्पज्जति आरम्मणपच्चया – विचिकिच्छासहगतं एकं खन्धञ्च मोहञ्च पटिच्च तयो खन्धा…पे… द्वे खन्धे च मोहञ्च पटिच्च द्वे खन्धा. (१)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च भावनाय पहातब्बहेतुको धम्मो उप्पज्जति आरम्मणपच्चया – उद्धच्चसहगतं एकं खन्धञ्च मोहञ्च पटिच्च तयो खन्धा…पे… द्वे खन्धे च मोहञ्च पटिच्च द्वे खन्धा. (१)

अधिपतिपच्चयो

९. दस्सनेन ¶ पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति अधिपतिपच्चया… तीणि (हेतुसदिसा).

भावनाय पहातब्बहेतुकं धम्मं पटिच्च…पे… तीणि (हेतुसदिसा, अधिपतिया मोहो नत्थि).

नेवदस्सनेन ¶ नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति अधिपतिपच्चया – नेवदस्सनेन नभावनाय पहातब्बहेतुकं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धा. एकं महाभूतं पटिच्च तयो महाभूता…पे… महाभूते पटिच्च चित्तसमुट्ठानं रूपं उपादारूपं. (१)

१०. दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति अधिपतिपच्चया – दस्सनेन पहातब्बहेतुके खन्धे च महाभूते च पटिच्च चित्तसमुट्ठानं रूपं. (१)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च नेवदस्सनेन ¶ नभावनाय पहातब्बहेतुको धम्मो उप्पज्जति अधिपतिपच्चया – भावनाय पहातब्बहेतुके खन्धे च महाभूते च पटिच्च चित्तसमुट्ठानं रूपं. (१)

अनन्तर-समनन्तरपच्चया

११. दस्सनेन पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति अनन्तरपच्चया. समनन्तरपच्चया (आरम्मणसदिसं).

सहजातपच्चयो

१२. दस्सनेन पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति सहजातपच्चया – दस्सनेन पहातब्बहेतुकं ¶ एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

दस्सनेन पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति सहजातपच्चया – दस्सनेन पहातब्बहेतुके खन्धे पटिच्च चित्तसमुट्ठानं रूपं; विचिकिच्छासहगते खन्धे पटिच्च मोहो चित्तसमुट्ठानञ्च रूपं. (२)

दस्सनेन पहातब्बहेतुकं धम्मं पटिच्च दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति सहजातपच्चया ¶ – दस्सनेन पहातब्बहेतुकं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे पटिच्च द्वे खन्धा चित्तसमुट्ठानञ्च रूपं; विचिकिच्छासहगतं एकं खन्धं पटिच्च तयो खन्धा मोहो च चित्तसमुट्ठानञ्च रूपं…पे…. (३)

१३. भावनाय पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति सहजातपच्चया – भावनाय पहातब्बहेतुकं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

भावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति ¶ सहजातपच्चया – भावनाय पहातब्बहेतुके खन्धे पटिच्च चित्तसमुट्ठानं रूपं; उद्धच्चसहगते खन्धे पटिच्च मोहो च चित्तसमुट्ठानञ्च रूपं. (२)

भावनाय पहातब्बहेतुकं धम्मं पटिच्च भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति सहजातपच्चया ¶ – भावनाय पहातब्बहेतुकं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे पटिच्च द्वे खन्धा चित्तसमुट्ठानञ्च रूपं; उद्धच्चसहगतं एकं खन्धं पटिच्च तयो खन्धा मोहो च चित्तसमुट्ठानञ्च रूपं…पे…. (३)

१४. नेवदस्सनेन नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति सहजातपच्चया – नेवदस्सनेन नभावनाय पहातब्बहेतुकं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे… विचिकिच्छासहगतं उद्धच्चसहगतं मोहं पटिच्च चित्तसमुट्ठानं रूपं. पटिसन्धिक्खणे…पे… खन्धे पटिच्च वत्थु, वत्थुं पटिच्च खन्धा; एकं महाभूतं पटिच्च तयो महाभूता…पे… बाहिरं… आहारसमुट्ठानं… उतुसमुट्ठानं… असञ्ञसत्तानं एकं…पे…. (१)

नेवदस्सनेन नभावनाय पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति सहजातपच्चया – विचिकिच्छासहगतं मोहं पटिच्च सम्पयुत्तका खन्धा. (२)

नेवदस्सनेन ¶ नभावनाय पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति सहजातपच्चया (संखित्तं. हेतुसदिसं कातब्बं). (३)

अञ्ञमञ्ञपच्चयादि

१५. दस्सनेन पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति अञ्ञमञ्ञपच्चया, निस्सयपच्चया, उपनिस्सयपच्चया, पुरेजातपच्चया, आसेवनपच्चया, कम्मपच्चया, विपाकपच्चया, आहारपच्चया, इन्द्रियपच्चया, झानपच्चया, मग्गपच्चया, सम्पयुत्तपच्चया ¶ ¶ , विप्पयुत्तपच्चया, अत्थिपच्चया, नत्थिपच्चया, विगतपच्चया, अविगतपच्चया.

१. पच्चयानुलोमं

२. सङ्ख्यावारो

सुद्धं

१६. हेतुया सत्तरस, आरम्मणे एकादस, अधिपतिया नव, अनन्तरे एकादस, समनन्तरे एकादस, सहजाते सत्तरस, अञ्ञमञ्ञे एकादस, निस्सये सत्तरस, उपनिस्सये एकादस, पुरेजाते एकादस, आसेवने एकादस, कम्मे सत्तरस, विपाके एकं, आहारे सत्तरस, इन्द्रिये सत्तरस, झाने सत्तरस, मग्गे सत्तरस, सम्पयुत्ते एकादस, विप्पयुत्ते सत्तरस, अत्थिया सत्तरस, नत्थिया एकादस, विगते एकादस, अविगते सत्तरस (एवं गणेतब्बं).

अनुलोमं.

२. पच्चयपच्चनीयं

१. विभङ्गवारो

नहेतुपच्चयो

१७. दस्सनेन पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नहेतुपच्चया – विचिकिच्छासहगते खन्धे पटिच्च विचिकिच्छासहगतो मोहो. (१)

भावनाय ¶ ¶ पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नहेतुपच्चया – उद्धच्चसहगते खन्धे पटिच्च उद्धच्चसहगतो मोहो. (१)

नेवदस्सनेन नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नहेतुपच्चया – अहेतुकं नेवदस्सनेन नभावनाय पहातब्बहेतुकं एकं खन्धं ¶ पटिच्च तयो खन्धा चित्तसमुट्ठानञ्च रूपं…पे… द्वे खन्धा; अहेतुकपटिसन्धिक्खणे…पे… खन्धे पटिच्च वत्थु, वत्थुं पटिच्च खन्धा; एकं महाभूतं पटिच्च…पे… बाहिरं… आहारसमुट्ठानं… उतुसमुट्ठानं… असञ्ञसत्तानं…पे…. (१)

नआरम्मणपच्चयो

१८. दस्सनेन पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नआरम्मणपच्चया – दस्सनेन पहातब्बहेतुके खन्धे पटिच्च चित्तसमुट्ठानं रूपं. (१)

भावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नआरम्मणपच्चया – भावनाय पहातब्बहेतुके खन्धे पटिच्च चित्तसमुट्ठानं रूपं. (१)

नेवदस्सनेन नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नआरम्मणपच्चया – नेवदस्सनेन नभावनाय पहातब्बहेतुके खन्धे पटिच्च चित्तसमुट्ठानं रूपं; विचिकिच्छासहगतं उद्धच्चसहगतं मोहं पटिच्च चित्तसमुट्ठानं रूपं. पटिसन्धिक्खणे नेवदस्सनेन नभावनाय पहातब्बहेतुके खन्धे पटिच्च कटत्तारूपं, खन्धे पटिच्च वत्थु…पे… एकं महाभूतं…पे… असञ्ञसत्तानं…पे…. (१)

१९. दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च नेवदस्सनेन नभावनाय पहातब्बहेतुको ¶ धम्मो उप्पज्जति नआरम्मणपच्चया – दस्सनेन ¶ पहातब्बहेतुके खन्धे च महाभूते च पटिच्च चित्तसमुट्ठानं रूपं; विचिकिच्छासहगते खन्धे च मोहञ्च पटिच्च चित्तसमुट्ठानं रूपं. (१)

भावनाय ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नआरम्मणपच्चया – भावनाय पहातब्बहेतुके खन्धे च महाभूते च पटिच्च चित्तसमुट्ठानं रूपं; उद्धच्चसहगते खन्धे च मोहञ्च पटिच्च चित्तसमुट्ठानं रूपं. (१)

नअधिपतिपच्चयादि

२०. दस्सनेन पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नअधिपतिपच्चया… (सहजातसदिसं) नअनन्तरपच्चया… नसमनन्तरपच्चया… नअञ्ञमञ्ञपच्चया… नउपनिस्सयपच्चया.

नपुरेजातपच्चयो

२१. दस्सनेन पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति नपुरेजातपच्चया – अरूपे दस्सनेन पहातब्बहेतुकं एकं खन्धं पटिच्च…पे…. (१)

दस्सनेन पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नपुरेजातपच्चया – अरूपे विचिकिच्छासहगते खन्धे पटिच्च विचिकिच्छासहगतो मोहो; दस्सनेन पहातब्बहेतुके खन्धे पटिच्च चित्तसमुट्ठानं रूपं. (२)

दस्सनेन पहातब्बहेतुकं धम्मं पटिच्च दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा ¶ उप्पज्जन्ति नपुरेजातपच्चया – अरूपे विचिकिच्छासहगतं एकं खन्धं पटिच्च तयो खन्धा मोहो च…पे… द्वे खन्धे…पे…. (३)

भावनाय पहातब्बहेतुकं धम्मं… तीणि (दस्सनेन सदिसं).

२२. नेवदस्सनेन ¶ नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नपुरेजातपच्चया – अरूपे नेवदस्सनेन नभावनाय पहातब्बहेतुकं एकं खन्धं पटिच्च तयो खन्धा…पे… द्वे खन्धा, नेवदस्सनेन नभावनाय पहातब्बहेतुके खन्धे पटिच्च चित्तसमुट्ठानं रूपं; विचिकिच्छासहगतं उद्धच्चसहगतं ¶ मोहं पटिच्च चित्तसमुट्ठानं रूपं. पटिसन्धिक्खणे…पे… असञ्ञसत्तानं…पे…. (१)

नेवदस्सनेन नभावनाय पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति नपुरेजातपच्चया – अरूपे विचिकिच्छासहगतं मोहं पटिच्च सम्पयुत्तका खन्धा. (२)

नेवदस्सनेन नभावनाय पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति नपुरेजातपच्चया – अरूपे उद्धच्चसहगतं मोहं पटिच्च सम्पयुत्तका खन्धा. (३)

२३. दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च दस्सनेन पहातब्बहेतुको धम्मो उप्पज्जति नपुरेजातपच्चया – अरूपे विचिकिच्छासहगतं एकं खन्धञ्च मोहञ्च पटिच्च तयो खन्धा…पे…. (१)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च ¶ नेवदस्सनेन नभावनाय पहातब्बहेतुको धम्मो उप्पज्जति नपुरेजातपच्चया – दस्सनेन पहातब्बहेतुके खन्धे च महाभूते च पटिच्च चित्तसमुट्ठानं रूपं; विचिकिच्छासहगते खन्धे च मोहञ्च पटिच्च चित्तसमुट्ठानं रूपं. (२)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च भावनाय पहातब्बहेतुको धम्मो उप्पज्जति नपुरेजातपच्चया (इमेपि द्वे कातब्बा).

नपच्छाजातपच्चयादि

२४. दस्सनेन ¶ पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति नपच्छाजातपच्चया… नआसेवनपच्चया.

नकम्मपच्चयो

२५. दस्सनेन पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति नकम्मपच्चया – दस्सनेन पहातब्बहेतुके खन्धे पटिच्च दस्सनेन पहातब्बहेतुका चेतना. (१)

भावनाय ¶ पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति नकम्मपच्चया – भावनाय पहातब्बहेतुके खन्धे पटिच्च भावनाय पहातब्बहेतुका चेतना. (१)

नेवदस्सनेन नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नकम्मपच्चया – नेवदस्सनेन नभावनाय पहातब्बहेतुके खन्धे पटिच्च नेवदस्सनेन नभावनाय पहातब्बहेतुका चेतना; बाहिरं… आहारसमुट्ठानं… उतुसमुट्ठानं…पे…. (१)

नेवदस्सनेन नभावनाय पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति नकम्मपच्चया – विचिकिच्छासहगतं मोहं पटिच्च सम्पयुत्तका चेतना. (२)

नेवदस्सनेन नभावनाय ¶ पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति नकम्मपच्चया – उद्धच्चसहगतं मोहं पटिच्च सम्पयुत्तका चेतना. (३)

२६. दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च दस्सनेन पहातब्बहेतुको धम्मो उप्पज्जति नकम्मपच्चया – विचिकिच्छासहगते खन्धे च मोहञ्च पटिच्च सम्पयुत्तका चेतना. (१)

भावनाय ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च भावनाय पहातब्बहेतुको धम्मो उप्पज्जति नकम्मपच्चया – उद्धच्चसहगते खन्धे च मोहञ्च पटिच्च सम्पयुत्तका चेतना. (१)

नविपाकपच्चयो

२७. दस्सनेन पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति नविपाकपच्चया (पटिसन्धि नत्थि).

नआहारपच्चयादि

२८. नेवदस्सनेन नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नआहारपच्चया – बाहिरं… उतुसमुट्ठानं… असञ्ञसत्तानं…पे… नइन्द्रियपच्चया – बाहिरं… आहारसमुट्ठानं… ¶ उतुसमुट्ठानं, असञ्ञसत्तानं…पे… महाभूते पटिच्च रूपजीवितिन्द्रियं… नझानपच्चया – पञ्चविञ्ञाणं…पे… (महाभूता कातब्बा) नमग्गपच्चया – अहेतुकं नेवदस्सनेन नभावनाय पहातब्बहेतुकं एकं खन्धं…पे… असञ्ञसत्तानं…पे… नसम्पयुत्तपच्चया.

नविप्पयुत्तपच्चयादि

२९. दस्सनेन पहातब्बहेतुकं धम्मं पटिच्च दस्सनेन पहातब्बहेतुको ¶ धम्मो उप्पज्जति नविप्पयुत्तपच्चया – अरूपे दस्सनेन पहातब्बहेतुकं एकं खन्धं पटिच्च तयो खन्धा…पे…. (१)

दस्सनेन पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नविप्पयुत्तपच्चया – अरूपे विचिकिच्छासहगते खन्धे पटिच्च विचिकिच्छासहगतो मोहो. (२)

दस्सनेन पहातब्बहेतुकं धम्मं पटिच्च दस्सनेन पहातब्बहेतुको च नेवदस्सनेन नभावनाय ¶ पहातब्बहेतुको च धम्मा उप्पज्जन्ति नविप्पयुत्तपच्चया – अरूपे विचिकिच्छासहगतं एकं खन्धं पटिच्च तयो खन्धा मोहो च…पे… द्वे खन्धे…पे…. (३)

भावनाय पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति नविप्पयुत्तपच्चया – अरूपे भावनाय… तीणि.

३०. नेवदस्सनेन नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नविप्पयुत्तपच्चया – अरूपे नेवदस्सनेन नभावनाय पहातब्बहेतुकं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा; बाहिरं… आहारसमुट्ठानं… उतुसमुट्ठानं… असञ्ञसत्तानं…पे…. (१)

नेवदस्सनेन नभावनाय पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति नविप्पयुत्तपच्चया – अरूपे विचिकिच्छासहगतं मोहं पटिच्च सम्पयुत्तका खन्धा. (२)

नेवदस्सनेन नभावनाय पहातब्बहेतुकं ¶ धम्मं पटिच्च भावनाय पहातब्बहेतुको धम्मो उप्पज्जति नविप्पयुत्तपच्चया – अरूपे उद्धच्चसहगतं मोहं पटिच्च सम्पयुत्तका खन्धा. (३)

३१. दस्सनेन ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च दस्सनेन पहातब्बहेतुको धम्मो उप्पज्जति नविप्पयुत्तपच्चया – अरूपे विचिकिच्छासहगतं एकं खन्धञ्च मोहञ्च पटिच्च तयो खन्धा…पे… द्वे खन्धा. (१)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च भावनाय पहातब्बहेतुको धम्मो उप्पज्जति नविप्पयुत्तपच्चया – अरूपे उद्धच्चसहगतं एकं खन्धञ्च मोहञ्च पटिच्च तयो खन्धा…पे… द्वे खन्धा… नोनत्थिपच्चया… नोविगतपच्चया.

२. पच्चयपच्चनीयं

२. सङ्ख्यावारो

सुद्धं

३२. नहेतुया ¶ तीणि, नआरम्मणे पञ्च, नअधिपतिया सत्तरस, नअनन्तरे पञ्च, नसमनन्तरे पञ्च, नअञ्ञमञ्ञे पञ्च, नउपनिस्सये पञ्च, नपुरेजाते तेरस, नपच्छाजाते सत्तरस, नआसेवने सत्तरस, नकम्मे सत्त, नविपाके सत्तरस, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते पञ्च, नविप्पयुत्ते एकादस, नोनत्थिया पञ्च, नोविगते पञ्च (एवं गणेतब्बं).

पच्चनीयं.

३. पच्चयानुलोमपच्चनीयं

३३. हेतुपच्चया ¶ नआरम्मणे पञ्च, नअधिपतिया सत्तरस, नअनन्तरे पञ्च, नसमनन्तरे पञ्च, नअञ्ञमञ्ञे पञ्च, नउपनिस्सये पञ्च, नपुरेजाते तेरस, नपच्छाजाते सत्तरस, नआसेवने सत्तरस, नकम्मे सत्त, नविपाके सत्तरस, नसम्पयुत्ते पञ्च, नविप्पयुत्ते एकादस, नोनत्थिया पञ्च, नोविगते पञ्च (एवं गणेतब्बं).

अनुलोमपच्चनीयं.

४. पच्चयपच्चनीयानुलोमं

३४. नहेतुपच्चया ¶ आरम्मणे तीणि, अनन्तरे तीणि, समनन्तरे तीणि, सहजाते तीणि, अञ्ञमञ्ञे तीणि, निस्सये तीणि, उपनिस्सये तीणि, पुरेजाते तीणि, आसेवने तीणि, कम्मे तीणि, विपाके एकं, आहारे तीणि, इन्द्रिये तीणि, झाने तीणि, मग्गे द्वे, सम्पयुत्ते ¶ तीणि, विप्पयुत्ते तीणि, अत्थिया तीणि, नत्थिया तीणि, विगते तीणि, अविगते तीणि (एवं गणेतब्बं).

पच्चनीयानुलोमं.

पटिच्चवारो.

२. सहजातवारो

(सहजातवारो पटिच्चवारसदिसो.)

३. पच्चयवारो

१. पच्चयानुलोमं

१. विभङ्गवारो

हेतुपच्चयो

३५. दस्सनेन पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति हेतुपच्चया… तीणि (पटिच्चवारसदिसं).

भावनाय पहातब्बहेतुकं धम्मं पच्चया… तीणि (पटिच्चवारसदिसं).

नेवदस्सनेन ¶ नभावनाय पहातब्बहेतुकं धम्मं पच्चया नेवदस्सनेन नभावनाय… एकं (पटिच्चवारसदिसं). वत्थुं पच्चया नेवदस्सनेन नभावनाय पहातब्बहेतुका खन्धा. (१)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति हेतुपच्चया – वत्थुं पच्चया दस्सनेन पहातब्बहेतुका खन्धा; विचिकिच्छासहगतं मोहं पच्चया सम्पयुत्तका खन्धा. (२)

नेवदस्सनेन ¶ नभावनाय पहातब्बहेतुकं धम्मं पच्चया भावनाय पहातब्बहेतुको धम्मो उप्पज्जति हेतुपच्चया – वत्थुं पच्चया भावनाय पहातब्बहेतुका ¶ खन्धा; उद्धच्चसहगतं मोहं पच्चया सम्पयुत्तका खन्धा. (३)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति हेतुपच्चया – वत्थुं पच्चया दस्सनेन पहातब्बहेतुका खन्धा; महाभूते पच्चया चित्तसमुट्ठानं रूपं; विचिकिच्छासहगतं मोहं पच्चया सम्पयुत्तका खन्धा चित्तसमुट्ठानञ्च रूपं. (४)

नेवदस्सनेन नभावनाय पहातब्बहेतुकं धम्मं पच्चया भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति हेतुपच्चया – वत्थुं पच्चया भावनाय पहातब्बहेतुका खन्धा; महाभूते पच्चया चित्तसमुट्ठानं रूपं; उद्धच्चसहगतं मोहं पच्चया सम्पयुत्तका खन्धा चित्तसमुट्ठानञ्च रूपं. (५)

३६. दस्सनेन ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको धम्मो उप्पज्जति हेतुपच्चया – दस्सनेन पहातब्बहेतुकं एकं खन्धञ्च वत्थुञ्च पच्चया तयो खन्धा…पे… द्वे खन्धे च…पे… विचिकिच्छासहगतं एकं खन्धञ्च मोहञ्च पच्चया तयो खन्धा…पे… द्वे खन्धे च मोहञ्च पच्चया द्वे खन्धा. (१)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति हेतुपच्चया – दस्सनेन पहातब्बहेतुके खन्धे च महाभूते च पच्चया चित्तसमुट्ठानं रूपं; विचिकिच्छासहगते खन्धे च मोहञ्च पच्चया चित्तसमुट्ठानं रूपं. (२)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति हेतुपच्चया – दस्सनेन पहातब्बहेतुकं एकं खन्धञ्च वत्थुञ्च पच्चया तयो खन्धा…पे… द्वे ¶ खन्धे च वत्थुञ्च पच्चया द्वे खन्धा; दस्सनेन पहातब्बहेतुके खन्धे च महाभूते च पच्चया चित्तसमुट्ठानं रूपं; विचिकिच्छासहगतं एकं खन्धञ्च मोहञ्च पच्चया तयो खन्धा चित्तसमुट्ठानञ्च रूपं…पे…. (३)

भावनाय ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया भावनाय पहातब्बहेतुको धम्मो उप्पज्जति हेतुपच्चया… तीणि.

आरम्मणपच्चयो

३७. दस्सनेन ¶ पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति आरम्मणपच्चया… तीणि (पटिच्चवारे आरम्मणसदिसा).

भावनाय पहातब्बहेतुकं धम्मं पच्चया… तीणि (पटिच्चवारसदिसा).

३८. नेवदस्सनेन नभावनाय पहातब्बहेतुकं धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति आरम्मणपच्चया – नेवदस्सनेन नभावनाय पहातब्बहेतुकं एकं खन्धं पच्चया तयो खन्धा…पे… द्वे खन्धा. पटिसन्धिक्खणे…पे… वत्थुं पच्चया खन्धा. चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं; वत्थुं पच्चया नेवदस्सनेन नभावनाय पहातब्बहेतुका खन्धा. (१)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति आरम्मणपच्चया – वत्थुं पच्चया दस्सनेन पहातब्बहेतुका खन्धा; विचिकिच्छासहगतं मोहं पच्चया सम्पयुत्तका खन्धा. (२)

नेवदस्सनेन नभावनाय पहातब्बहेतुकं धम्मं पच्चया भावनाय पहातब्बहेतुको धम्मो उप्पज्जति आरम्मणपच्चया – वत्थुं पच्चया भावनाय पहातब्बहेतुका खन्धा; उद्धच्चसहगतं मोहं पच्चया सम्पयुत्तका खन्धा. (३)

नेवदस्सनेन ¶ नभावनाय पहातब्बहेतुकं धम्मं पच्चया दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति आरम्मणपच्चया – वत्थुं पच्चया विचिकिच्छासहगता खन्धा च मोहो च. (४)

नेवदस्सनेन ¶ नभावनाय पहातब्बहेतुकं धम्मं पच्चया भावनाय पहातब्बहेतुको च ¶ नेवदस्सनेन नभावनाय पहातब्बहेतुको च धम्मा उप्पज्जन्ति आरम्मणपच्चया – वत्थुं पच्चया उद्धच्चसहगता खन्धा च मोहो च. (५)

३९. दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको धम्मो उप्पज्जति आरम्मणपच्चया – दस्सनेन पहातब्बहेतुकं एकं खन्धञ्च वत्थुञ्च पच्चया तयो खन्धा…पे… द्वे खन्धा; विचिकिच्छासहगतं एकं खन्धञ्च मोहञ्च पच्चया तयो खन्धा…पे… द्वे खन्धे च मोहञ्च पच्चया द्वे खन्धा. (१)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति आरम्मणपच्चया – विचिकिच्छासहगते खन्धे च वत्थुञ्च पच्चया विचिकिच्छासहगतो मोहो. (२)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति आरम्मणपच्चया – विचिकिच्छासहगतं एकं खन्धञ्च वत्थुञ्च पच्चया तयो खन्धा मोहो च…पे… द्वे खन्धे च वत्थुञ्च…पे…. (३)

४०. भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया भावनाय पहातब्बहेतुको धम्मो उप्पज्जति आरम्मणपच्चया – भावनाय पहातब्बहेतुकं एकं खन्धञ्च वत्थुञ्च पच्चया तयो खन्धा…पे… द्वे खन्धा; उद्धच्चसहगतं ¶ एकं खन्धञ्च मोहञ्च पच्चया तयो खन्धा…पे… द्वे खन्धा. (१)

भावनाय ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति आरम्मणपच्चया – उद्धच्चसहगते खन्धे च वत्थुञ्च पच्चया उद्धच्चसहगतो मोहो. (२)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया भावनाय पहातब्बहेतुको च नेवदस्सनेन नभावनाय ¶ पहातब्बहेतुको च धम्मा उप्पज्जन्ति आरम्मणपच्चया – उद्धच्चसहगतं एकं खन्धञ्च वत्थुञ्च पच्चया तयो खन्धा मोहो च…पे… द्वे खन्धे च…पे…. (३)

अधिपतिपच्चयादि

४१. दस्सनेन पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति अधिपतिपच्चया… तीणि.

भावनाय पहातब्बहेतुकं धम्मं पच्चया… तीणि.

नेवदस्सनेन नभावनाय पहातब्बहेतुकं धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति अधिपतिपच्चया – एकं…पे… वत्थुं पच्चया नेवदस्सनेन नभावनाय पहातब्बहेतुका खन्धा. (१)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति अधिपतिपच्चया – वत्थुं पच्चया दस्सनेन पहातब्बहेतुका खन्धा. (२)

नेवदस्सनेन नभावनाय पहातब्बहेतुकं धम्मं पच्चया भावनाय पहातब्बहेतुको धम्मो उप्पज्जति अधिपतिपच्चया – वत्थुं पच्चया भावनाय पहातब्बहेतुका खन्धा. (३)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको ¶ च नेवदस्सनेन ¶ नभावनाय पहातब्बहेतुको च धम्मा उप्पज्जन्ति अधिपतिपच्चया – वत्थुं पच्चया दस्सनेन पहातब्बहेतुका खन्धा; महाभूते पच्चया चित्तसमुट्ठानं रूपं. (४)

नेवदस्सनेन नभावनाय पहातब्बहेतुकं धम्मं पच्चया भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति अधिपतिपच्चया – वत्थुं पच्चया भावनाय पहातब्बहेतुका खन्धा; महाभूते पच्चया चित्तसमुट्ठानं रूपं. (५)

४२. दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको धम्मो उप्पज्जति अधिपतिपच्चया – दस्सनेन पहातब्बहेतुकं एकं खन्धञ्च वत्थुञ्च पच्चया तयो खन्धा…पे… द्वे खन्धे च…पे…. (१)

दस्सनेन ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति अधिपतिपच्चया – दस्सनेन पहातब्बहेतुके खन्धे च महाभूते च पच्चया चित्तसमुट्ठानं रूपं. (२)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति अधिपतिपच्चया – दस्सनेन पहातब्बहेतुकं एकं खन्धञ्च वत्थुञ्च पच्चया तयो खन्धा…पे… द्वे खन्धे च…पे… दस्सनेन पहातब्बहेतुके खन्धे च महाभूते च पच्चया चित्तसमुट्ठानं रूपं. (३)

भावनाय ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया भावनाय पहातब्बहेतुको धम्मो उप्पज्जति अधिपतिपच्चया – भावनाय पहातब्बहेतुकं एकं खन्धञ्च वत्थुञ्च पच्चया तयो खन्धा…पे… तीणि… (दस्सनेन सदिसा) अनन्तरपच्चया… समनन्तरपच्चया.

सहजातपच्चयो

४३. दस्सनेन ¶ पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति सहजातपच्चया – दस्सनेन पहातब्बहेतुकं एकं खन्धं पच्चया तयो खन्धा…पे…. (१)

दस्सनेन पहातब्बहेतुकं धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति सहजातपच्चया – दस्सनेन पहातब्बहेतुके खन्धे पच्चया चित्तसमुट्ठानं रूपं; विचिकिच्छासहगते खन्धे पच्चया विचिकिच्छासहगतो मोहो चित्तसमुट्ठानञ्च रूपं. (२)

दस्सनेन पहातब्बहेतुकं धम्मं पच्चया दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति सहजातपच्चया – दस्सनेन पहातब्बहेतुकं एकं खन्धं पच्चया तयो खन्धा चित्तसमुट्ठानञ्च रूपं…पे… विचिकिच्छासहगतं एकं खन्धं पच्चया तयो खन्धा मोहो च चित्तसमुट्ठानञ्च रूपं…पे… द्वे खन्धे…पे…. (३)

भावनाय ¶ पहातब्बहेतुकं धम्मं पच्चया… तीणि (संखित्तं. दस्सनेन सदिसा ).

४४. नेवदस्सनेन नभावनाय पहातब्बहेतुकं धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति सहजातपच्चया ¶ – नेवदस्सनेन नभावनाय पहातब्बहेतुकं एकं खन्धं पच्चया तयो खन्धा चित्तसमुट्ठानञ्च रूपं…पे… विचिकिच्छासहगतं उद्धच्चसहगतं मोहं पच्चया चित्तसमुट्ठानं रूपं. पटिसन्धिक्खणे…पे… खन्धे पच्चया वत्थु, वत्थुं पच्चया खन्धा; एकं महाभूतं पच्चया तयो महाभूता…पे… असञ्ञसत्तानं…पे… चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं; वत्थुं पच्चया नेवदस्सनेन नभावनाय पहातब्बहेतुका खन्धा. (१)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति सहजातपच्चया – वत्थुं पच्चया दस्सनेन पहातब्बहेतुका खन्धा; विचिकिच्छासहगतं मोहं पच्चया सम्पयुत्तका खन्धा. (२)

नेवदस्सनेन ¶ नभावनाय पहातब्बहेतुकं धम्मं पच्चया भावनाय पहातब्बहेतुको धम्मो उप्पज्जति सहजातपच्चया – वत्थुं पच्चया भावनाय पहातब्बहेतुका खन्धा; उद्धच्चसहगतं मोहं पच्चया सम्पयुत्तका खन्धा. (३)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति सहजातपच्चया – वत्थुं पच्चया दस्सनेन पहातब्बहेतुका खन्धा; महाभूते पच्चया चित्तसमुट्ठानं रूपं; विचिकिच्छासहगतं मोहं पच्चया सम्पयुत्तका खन्धा चित्तसमुट्ठानञ्च रूपं; वत्थुं पच्चया विचिकिच्छासहगता खन्धा च मोहो च. (४)

नेवदस्सनेन नभावनाय पहातब्बहेतुकं धम्मं पच्चया भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति सहजातपच्चया – वत्थुं ¶ पच्चया भावनाय पहातब्बहेतुका खन्धा; महाभूते पच्चया चित्तसमुट्ठानं रूपं; उद्धच्चसहगतं मोहं ¶ पच्चया सम्पयुत्तका खन्धा चित्तसमुट्ठानञ्च रूपं; वत्थुं पच्चया उद्धच्चसहगता खन्धा च मोहो च. (५)

४५. दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको धम्मो उप्पज्जति सहजातपच्चया – दस्सनेन पहातब्बहेतुकं एकं खन्धञ्च वत्थुञ्च पच्चया तयो खन्धा…पे… विचिकिच्छासहगतं एकं खन्धञ्च मोहञ्च पच्चया तयो खन्धा…पे…. (१)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति सहजातपच्चया – दस्सनेन पहातब्बहेतुके खन्धे च महाभूते च पच्चया चित्तसमुट्ठानं रूपं; विचिकिच्छासहगते खन्धे च मोहञ्च पच्चया चित्तसमुट्ठानं रूपं; विचिकिच्छासहगते खन्धे च वत्थुञ्च पच्चया विचिकिच्छासहगतो मोहो. (२)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन ¶ पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति सहजातपच्चया – दस्सनेन पहातब्बहेतुकं एकं खन्धञ्च वत्थुञ्च पच्चया तयो खन्धा…पे… द्वे खन्धे…पे… दस्सनेन पहातब्बहेतुके खन्धे च महाभूते च पच्चया चित्तसमुट्ठानं रूपं; विचिकिच्छासहगतं एकं खन्धञ्च मोहञ्च पच्चया तयो खन्धा; चित्तसमुट्ठानञ्च रूपं…पे… द्वे खन्धे…पे… विचिकिच्छासहगतं एकं खन्धञ्च ¶ वत्थुञ्च पच्चया तयो खन्धा मोहो च…पे… द्वे खन्धे च वत्थुञ्च पच्चया द्वे खन्धा मोहो च. (३)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया भावनाय पहातब्बहेतुको धम्मो उप्पज्जति सहजातपच्चया… तीणि.

अञ्ञमञ्ञपच्चयादि

४६. दस्सनेन पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति अञ्ञमञ्ञपच्चया… निस्सयपच्चया… उपनिस्सयपच्चया… पुरेजातपच्चया… आसेवनपच्चया… कम्मपच्चया… विपाकपच्चया… आहारपच्चया… इन्द्रियपच्चया… झानपच्चया… मग्गपच्चया… सम्पयुत्तपच्चया.

विप्पयुत्तपच्चयो

४७. दस्सनेन ¶ पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति विप्पयुत्तपच्चया – दस्सनेन पहातब्बहेतुकं एकं खन्धं पच्चया तयो खन्धा…पे… द्वे खन्धा, खन्धा वत्थुं विप्पयुत्तपच्चया. (१)

दस्सनेन पहातब्बहेतुकं धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति विप्पयुत्तपच्चया – दस्सनेन पहातब्बहेतुके खन्धे पच्चया चित्तसमुट्ठानं रूपं, खन्धे विप्पयुत्तपच्चया. विचिकिच्छासहगते खन्धे पच्चया मोहो चित्तसमुट्ठानञ्च रूपं, मोहो वत्थुं विप्पयुत्तपच्चया. चित्तसमुट्ठानं रूपं खन्धे विप्पयुत्तपच्चया. (२)

दस्सनेन पहातब्बहेतुकं धम्मं पच्चया ¶ दस्सनेन पहातब्बहेतुको च नेवदस्सनेन नभावनाय ¶ पहातब्बहेतुको च धम्मा उप्पज्जन्ति विप्पयुत्तपच्चया – दस्सनेन पहातब्बहेतुकं एकं खन्धं पच्चया तयो खन्धा चित्तसमुट्ठानञ्च रूपं…पे… द्वे खन्धे…पे… खन्धा वत्थुं विप्पयुत्तपच्चया. चित्तसमुट्ठानं रूपं खन्धे विप्पयुत्तपच्चया. विचिकिच्छासहगतं एकं खन्धं पच्चया तयो खन्धा मोहो च चित्तसमुट्ठानञ्च रूपं…पे… द्वे खन्धे…पे… खन्धा च मोहो च वत्थुं विप्पयुत्तपच्चया. चित्तसमुट्ठानं रूपं खन्धे विप्पयुत्तपच्चया. (३)

भावनाय पहातब्बहेतुकं धम्मं पच्चया भावनाय पहातब्बहेतुको धम्मो उप्पज्जति विप्पयुत्तपच्चया… तीणि (दस्सनेन सदिसा).

४८. नेवदस्सनेन नभावनाय पहातब्बहेतुकं धम्मं नेवदस्सनेन नभावनाय पहातब्बहेतुको धम्मो उप्पज्जति विप्पयुत्तपच्चया – नेवदस्सनेन नभावनाय पहातब्बहेतुकं एकं खन्धं पच्चया तयो खन्धा चित्तसमुट्ठानञ्च रूपं… द्वे खन्धे…पे… खन्धा वत्थुं विप्पयुत्तपच्चया. चित्तसमुट्ठानं रूपं खन्धे विप्पयुत्तपच्चया. विचिकिच्छासहगतं उद्धच्चसहगतं मोहं पच्चया चित्तसमुट्ठानं रूपं, मोहं विप्पयुत्तपच्चया. पटिसन्धिक्खणे…पे… खन्धे पच्चया वत्थु, वत्थुं पच्चया खन्धा. खन्धा वत्थुं विप्पयुत्तपच्चया. वत्थु खन्धे विप्पयुत्तपच्चया. एकं महाभूतं पच्चया तयो महाभूता…पे… महाभूते पच्चया चित्तसमुट्ठानं रूपं कटत्तारूपं उपादारूपं ¶ , खन्धे विप्पयुत्तपच्चया. चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं; वत्थुं पच्चया नेवदस्सनेन नभावनाय पहातब्बहेतुका खन्धा. (१)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको धम्मो ¶ उप्पज्जति विप्पयुत्तपच्चया – वत्थुं पच्चया दस्सनेन पहातब्बहेतुका खन्धा, वत्थुं विप्पयुत्तपच्चया. विचिकिच्छासहगतं मोहं पच्चया सम्पयुत्तका खन्धा, वत्थुं विप्पयुत्तपच्चया. (२)

नेवदस्सनेन नभावनाय पहातब्बहेतुकं धम्मं पच्चया भावनाय पहातब्बहेतुको धम्मो उप्पज्जति विप्पयुत्तपच्चया – वत्थुं पच्चया भावनाय पहातब्बहेतुका खन्धा, वत्थुं विप्पयुत्तपच्चया ¶ . उद्धच्चसहगतं मोहं पच्चया सम्पयुत्तका खन्धा, वत्थुं विप्पयुत्तपच्चया. (३)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति विप्पयुत्तपच्चया – वत्थुं पच्चया दस्सनेन पहातब्बहेतुका खन्धा; महाभूते पच्चया चित्तसमुट्ठानं रूपं, खन्धा वत्थुं विप्पयुत्तपच्चया. चित्तसमुट्ठानं रूपं, खन्धे विप्पयुत्तपच्चया. विचिकिच्छासहगतं मोहं पच्चया सम्पयुत्तका खन्धा चित्तसमुट्ठानञ्च रूपं, खन्धा वत्थुं विप्पयुत्तपच्चया. चित्तसमुट्ठानं रूपं मोहं विप्पयुत्तपच्चया. वत्थुं पच्चया विचिकिच्छासहगता खन्धा च मोहो च, वत्थुं विप्पयुत्तपच्चया. (४)

नेवदस्सनेन नभावनाय पहातब्बहेतुकं धम्मं पच्चया भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति विप्पयुत्तपच्चया – वत्थुं पच्चया भावनाय पहातब्बहेतुका खन्धा…पे… (दस्सनेन सदिसं). (५)

४९. दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको धम्मो उप्पज्जति विप्पयुत्तपच्चया – दस्सनेन ¶ पहातब्बहेतुकं एकं खन्धञ्च वत्थुञ्च पच्चया तयो खन्धा…पे… द्वे खन्धे…पे… वत्थुं विप्पयुत्तपच्चया. विचिकिच्छासहगतं एकं खन्धञ्च मोहञ्च पच्चया तयो खन्धा…पे… द्वे खन्धे…पे… वत्थुं विप्पयुत्तपच्चया. (१)

दस्सनेन ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति विप्पयुत्तपच्चया – दस्सनेन पहातब्बहेतुके खन्धे च महाभूते च पच्चया चित्तसमुट्ठानं रूपं, खन्धे विप्पयुत्तपच्चया. विचिकिच्छासहगते खन्धे च मोहञ्च पच्चया चित्तसमुट्ठानं रूपं, खन्धे च मोहञ्च विप्पयुत्तपच्चया. विचिकिच्छासहगते खन्धे च वत्थुञ्च पच्चया विचिकिच्छासहगतो मोहो, वत्थुं विप्पयुत्तपच्चया. (२)

दस्सनेन ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति विप्पयुत्तपच्चया – दस्सनेन पहातब्बहेतुकं एकं खन्धञ्च वत्थुञ्च पच्चया तयो खन्धा…पे… द्वे खन्धे…पे… दस्सनेन पहातब्बहेतुके खन्धे च महाभूते च पच्चया चित्तसमुट्ठानं रूपं, खन्धा वत्थुं विप्पयुत्तपच्चया. चित्तसमुट्ठानं रूपं खन्धे विप्पयुत्तपच्चया. विचिकिच्छासहगतं एकं खन्धञ्च मोहञ्च पच्चया तयो खन्धा चित्तसमुट्ठानञ्च रूपं…पे… द्वे खन्धे च…पे… खन्धा वत्थुं विप्पयुत्तपच्चया. चित्तसमुट्ठानं रूपं, खन्धे च मोहञ्च विप्पयुत्तपच्चया. विचिकिच्छासहगतं एकं खन्धञ्च वत्थुञ्च ¶ पच्चया तयो खन्धा मोहो च…पे… द्वे खन्धे च…पे… वत्थुं विप्पयुत्तपच्चया. (३)

भावनाय पहातब्बहेतुकञ्च…पे… तीणि (दस्सनेन सदिसा).

अत्थिपच्चयादि

५०. दस्सनेन पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति अत्थिपच्चया… नत्थिपच्चया… विगतपच्चया… अविगतपच्चया.

१. पच्चयानुलोमं

२. सङ्ख्यावारो

सुद्धं

५१. हेतुया सत्तरस, आरम्मणे सत्तरस, अधिपतिया सत्तरस, अनन्तरे सत्तरस, समनन्तरे सत्तरस, सहजाते सत्तरस, अञ्ञमञ्ञे सत्तारस निस्सये सत्तरस, उपनिस्सये सत्तरस, पुरेजाते ¶ सत्तरस, आसेवने सत्तरस, कम्मे सत्तरस, विपाके एकं, आहारे सत्तरस, इन्द्रिये सत्तरस, झाने सत्तरस, मग्गे सत्तरस, सम्पयुत्ते सत्तरस, विप्पयुत्ते सत्तरस, अत्थिया सत्तरस, नत्थिया सत्तरस, विगते सत्तरस, अविगते सत्तरस (एवं गणेतब्बं).

अनुलोमं.

२. पच्चयपच्चनीयं

१. विभङ्गवारो

नहेतुपच्चयो

५२. दस्सनेन ¶ पहातब्बहेतुकं धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति नहेतुपच्चया – विचिकिच्छासहगते खन्धे पच्चया विचिकिच्छासहगतो मोहो. (१)

भावनाय पहातब्बहेतुकं धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति नहेतुपच्चया – उद्धच्चसहगते खन्धे पच्चया उद्धच्चसहगतो मोहो. (१)

नेवदस्सनेन नभावनाय पहातब्बहेतुकं धम्मं पच्चया नेवदस्सनेन ¶ नभावनाय पहातब्बहेतुको धम्मो उप्पज्जति नहेतुपच्चया – अहेतुकं नेवदस्सनेन नभावनाय पहातब्बहेतुकं एकं खन्धं पच्चया तयो खन्धा चित्तसमुट्ठानञ्च रूपं…पे… अहेतुकपटिसन्धिक्खणे (परिपुण्णं) चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं; वत्थुं पच्चया अहेतुका नेवदस्सनेन नभावनाय पहातब्बहेतुका खन्धा; वत्थुं पच्चया विचिकिच्छासहगतो उद्धच्चसहगतो मोहो. (१)

५३. दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति नहेतुपच्चया – विचिकिच्छासहगते खन्धे च वत्थुञ्च पच्चया विचिकिच्छासहगतो मोहो. (१)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया नेवदस्सनेन नभावनाय पहातब्बहेतुको धम्मो ¶ उप्पज्जति नहेतुपच्चया – उद्धच्चसहगते खन्धे च वत्थुञ्च पच्चया उद्धच्चसहगतो मोहो. (१)

नआरम्मणपच्चयो

५४. दस्सनेन ¶ पहातब्बहेतुकं धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति नआरम्मणपच्चया – दस्सनेन पहातब्बहेतुके खन्धे पच्चया चित्तसमुट्ठानं रूपं. (१)

भावनाय पहातब्बहेतुकं धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति नआरम्मणपच्चया – भावनाय पहातब्बहेतुके खन्धे पच्चया चित्तसमुट्ठानं ¶ रूपं. (१)

नेवदस्सनेन नभावनाय पहातब्बहेतुकं धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति नआरम्मणपच्चया – नेवदस्सनेन नभावनाय पहातब्बहेतुके खन्धे पच्चया चित्तसमुट्ठानं रूपं. पटिसन्धिक्खणे नेवदस्सनेन नभावनाय पहातब्बहेतुके खन्धे पच्चया कटत्तारूपं; खन्धे पच्चया वत्थु…पे… एकं महाभूतं…पे… बाहिरं… आहारसमुट्ठानं… उतुसमुट्ठानं… असञ्ञसत्तानं…पे…. (१)

५५. दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति नआरम्मणपच्चया – दस्सनेन पहातब्बहेतुके खन्धे च महाभूते च पच्चया चित्तसमुट्ठानं रूपं; विचिकिच्छासहगते खन्धे च मोहञ्च पच्चया चित्तसमुट्ठानं रूपं. (१)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति नआरम्मणपच्चया – भावनाय पहातब्बहेतुके खन्धे च महाभूते च पच्चया चित्तसमुट्ठानं रूपं; उद्धच्चसहगते खन्धे च मोहञ्च पच्चया चित्तसमुट्ठानं रूपं. (१)

नअधिपतिपच्चयादि

५६. दस्सनेन पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति नअधिपतिपच्चया ¶ (सहजातसदिसं)… नअनन्तरपच्चया ¶ … नसमनन्तरपच्चया… नअञ्ञमञ्ञपच्चया… नउपनिस्सयपच्चया… ¶ नपुरेजातपच्चया (पटिच्चवारे पच्चनीयसदिसं, तेरस पञ्हा. निन्नानं)… नपच्छाजातपच्चया… नआसेवनपच्चया.

नकम्मपच्चयो

५७. दस्सनेन पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति नकम्मपच्चया – दस्सनेन पहातब्बहेतुके खन्धे पच्चया दस्सनेन पहातब्बहेतुका चेतना. (१)

भावनाय पहातब्बहेतुकं धम्मं पच्चया भावनाय पहातब्बहेतुको धम्मो उप्पज्जति नकम्मपच्चया – भावनाय पहातब्बहेतुके खन्धे पच्चया भावनाय पहातब्बहेतुका चेतना. (१)

नेवदस्सनेन नभावनाय पहातब्बहेतुकं धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति नकम्मपच्चया – नेवदस्सनेन नभावनाय पहातब्बहेतुके खन्धे पच्चया नेवदस्सनेन नभावनाय पहातब्बहेतुका चेतना; बाहिरं… आहारसमुट्ठानं… उतुसमुट्ठानं…पे… वत्थुं पच्चया नेवदस्सनेन नभावनाय पहातब्बहेतुका चेतना. (१)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति नकम्मपच्चया – वत्थुं पच्चया दस्सनेन पहातब्बहेतुका चेतना; विचिकिच्छासहगतं मोहं पच्चया सम्पयुत्तका चेतना. (२)

नेवदस्सनेन नभावनाय पहातब्बहेतुकं धम्मं पच्चया भावनाय पहातब्बहेतुको धम्मो उप्पज्जति नकम्मपच्चया – वत्थुं पच्चया भावनाय पहातब्बहेतुका चेतना; उद्धच्चसहगतं मोहं पच्चया सम्पयुत्तका चेतना. (३)

५८. दस्सनेन ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको धम्मो उप्पज्जति नकम्मपच्चया – दस्सनेन पहातब्बहेतुके खन्धे ¶ च वत्थुञ्च पच्चया दस्सनेन पहातब्बहेतुका चेतना; विचिकिच्छासहगते खन्धे च मोहञ्च पच्चया सम्पयुत्तका चेतना. (१)

भावनाय ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया भावनाय पहातब्बहेतुको धम्मो उप्पज्जति नकम्मपच्चया – भावनाय पहातब्बहेतुके खन्धे च वत्थुञ्च पच्चया भावनाय पहातब्बहेतुका चेतना; उद्धच्चसहगते खन्धे च मोहञ्च पच्चया सम्पयुत्तका चेतना. (१)

नविपाकपच्चयादि

५९. दस्सनेन पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति नविपाकपच्चया (परिपुण्णं, पटिसन्धि नत्थि), नआहारपच्चया – बाहिरं… उतुसमुट्ठानं… असञ्ञसत्तानं…पे… नइन्द्रियपच्चया – बाहिरं… आहारसमुट्ठानं… उतुसमुट्ठानं… असञ्ञसत्तानं…पे… महाभूते पच्चया रूपजीवितिन्द्रियं… नझानपच्चया – पञ्चविञ्ञाणसहगतं एकं खन्धं…पे… बाहिरं… आहारसमुट्ठानं… उतुसमुट्ठानं… असञ्ञसत्तानं…पे… नमग्गपच्चया – अहेतुकं एकं…पे… नसम्पयुत्तपच्चया… नविप्पयुत्तपच्चया… (पटिच्चवारपच्चनीये नविप्पयुत्तसदिसं, निन्नानं. एकादस). नोनत्थिपच्चया… नोविगतपच्चया.

२. पच्चयपच्चनीयं

२. सङ्ख्यावारो

६०. नहेतुया ¶ पञ्च, नआरम्मणे पञ्च, नअधिपतिया सत्तरस, नअनन्तरे पञ्च, नसमनन्तरे पञ्च, नअञ्ञमञ्ञे पञ्च, नउपनिस्सये पञ्च, नपुरेजाते तेरस, नपच्छाजाते सत्तरस, नआसेवने सत्तरस, नकम्मे सत्त, नविपाके सत्तरस, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते पञ्च, नविप्पयुत्ते एकादस, नोनत्थिया पञ्च, नोविगते पञ्च (एवं गणेतब्बं).

पच्चनीयं.

३. पच्चयानुलोमपच्चनीयं

हेतुदुकं

६१. हेतुपच्चया ¶ नआरम्मणे पञ्च, नअधिपतिया सत्तरस, नअनन्तरे पञ्च, नसमनन्तरे पञ्च, नअञ्ञमञ्ञे पञ्च, नउपनिस्सये पञ्च, नपुरेजाते ¶ तेरस, नपच्छाजाते सत्तरस, नआसेवने सत्तरस, नकम्मे सत्त, नविपाके सत्तरस, नसम्पयुत्ते पञ्च, नविप्पयुत्ते एकादस, नोनत्थिया पञ्च, नोविगते पञ्च ( एवं गणेतब्बं).

अनुलोमपच्चनीयं.

४. पच्चयपच्चनीयानुलोमं

नहेतुदुकं

६२. नहेतुपच्चया आरम्मणे पञ्च, अनन्तरे पञ्च, समनन्तरे पञ्च, सहजाते पञ्च, अञ्ञमञ्ञे पञ्च, निस्सये पञ्च, उपनिस्सये पञ्च, पुरेजाते पञ्च, आसेवने पञ्च, कम्मे पञ्च, विपाके एकं, आहारे पञ्च, इन्द्रिये पञ्च, झाने पञ्च, मग्गे पञ्च, सम्पयुत्ते पञ्च, विप्पयुत्ते पञ्च, अत्थिया पञ्च, नत्थिया ¶ पञ्च, विगते पञ्च, अविगते पञ्च (एवं गणेतब्बं).

पच्चनीयानुलोमं.

पच्चयवारो.

४. निस्सयवारो

(निस्सयवारो पच्चयवारसदिसो.)

५. संसट्ठवारो

१. पच्चयानुलोमं

१. विभङ्गवारो

हेतुपच्चयो

६३. दस्सनेन ¶ पहातब्बहेतुकं धम्मं संसट्ठो दस्सनेन पहातब्बहेतुको धम्मो उप्पज्जति हेतुपच्चया – दस्सनेन पहातब्बहेतुकं एकं खन्धं संसट्ठा तयो खन्धा…पे… द्वे खन्धे संसट्ठा द्वे खन्धा. (१)

भावनाय पहातब्बहेतुकं धम्मं संसट्ठो भावनाय पहातब्बहेतुको धम्मो उप्पज्जति हेतुपच्चया – भावनाय पहातब्बहेतुकं एकं खन्धं संसट्ठा तयो खन्धा…पे… द्वे खन्धे संसट्ठा द्वे खन्धा. (१)

नेवदस्सनेन ¶ नभावनाय पहातब्बहेतुकं धम्मं संसट्ठो नेवदस्सनेन नभावनाय पहातब्बहेतुको धम्मो उप्पज्जति हेतुपच्चया – नेवदस्सनेन नभावनाय पहातब्बहेतुकं एकं खन्धं संसट्ठा तयो खन्धा…पे… पटिसन्धिक्खणे…पे…. (१)

नेवदस्सनेन नभावनाय पहातब्बहेतुकं धम्मं संसट्ठो दस्सनेन पहातब्बहेतुको धम्मो उप्पज्जति हेतुपच्चया – विचिकिच्छासहगतं मोहं संसट्ठा सम्पयुत्तका खन्धा. (२)

नेवदस्सनेन नभावनाय पहातब्बहेतुकं धम्मं संसट्ठो भावनाय पहातब्बहेतुको धम्मो उप्पज्जति हेतुपच्चया – उद्धच्चसहगतं मोहं संसट्ठा सम्पयुत्तका खन्धा. (३)

६४. दस्सनेन ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं संसट्ठो दस्सनेन पहातब्बहेतुको धम्मो उप्पज्जति हेतुपच्चया – विचिकिच्छासहगतं एकं खन्धञ्च मोहञ्च संसट्ठा तयो खन्धा…पे… द्वे खन्धा. (१)

भावनाय ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं भावनाय पहातब्बहेतुको धम्मो उप्पज्जति हेतुपच्चया – उद्धच्चसहगतं एकं खन्धञ्च मोहञ्च संसट्ठा तयो खन्धा…पे… द्वे खन्धा. (१)

आरम्मणपच्चयो

६५. दस्सनेन पहातब्बहेतुकं धम्मं संसट्ठो दस्सनेन पहातब्बहेतुको धम्मो उप्पज्जति आरम्मणपच्चया – दस्सनेन पहातब्बहेतुकं एकं खन्धं संसट्ठा तयो खन्धा…पे… द्वे खन्धा. (१)

दस्सनेन पहातब्बहेतुकं धम्मं संसट्ठो नेवदस्सनेन नभावनाय पहातब्बहेतुको धम्मो उप्पज्जति आरम्मणपच्चया – विचिकिच्छासहगते खन्धे संसट्ठो विचिकिच्छासहगतो मोहो. (२)

दस्सनेन पहातब्बहेतुकं धम्मं संसट्ठो दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति आरम्मणपच्चया – विचिकिच्छासहगतं एकं खन्धं संसट्ठा तयो खन्धा मोहो च…पे… द्वे खन्धे…पे…. (३)

भावनाय ¶ पहातब्बहेतुकं धम्मं संसट्ठो… तीणि.

६६. नेवदस्सनेन नभावनाय पहातब्बहेतुकं धम्मं संसट्ठो नेवदस्सनेन नभावनाय पहातब्बहेतुको धम्मो उप्पज्जति आरम्मणपच्चया – नेवदस्सनेन नभावनाय ¶ पहातब्बहेतुकं एकं खन्धं संसट्ठा तयो खन्धा…पे… द्वे खन्धे संसट्ठा द्वे खन्धा. पटिसन्धिक्खणे…पे…. (१)

नेवदस्सनेन नभावनाय पहातब्बहेतुकं धम्मं संसट्ठो दस्सनेन पहातब्बहेतुको धम्मो उप्पज्जति आरम्मणपच्चया – विचिकिच्छासहगतं मोहं संसट्ठा सम्पयुत्तका खन्धा. (२)

नेवदस्सनेन ¶ नभावनाय पहातब्बहेतुकं धम्मं संसट्ठो भावनाय पहातब्बहेतुको धम्मो उप्पज्जति आरम्मणपच्चया – उद्धच्चसहगतं मोहं संसट्ठा सम्पयुत्तका खन्धा. (३)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं संसट्ठो दस्सनेन पहातब्बहेतुको धम्मो उप्पज्जति आरम्मणपच्चया – विचिकिच्छासहगतं एकं खन्धञ्च मोहञ्च संसट्ठा तयो खन्धा…पे… द्वे खन्धे च मोहञ्च संसट्ठा द्वे खन्धा. (१)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं संसट्ठो भावनाय पहातब्बहेतुको धम्मो उप्पज्जति आरम्मणपच्चया – उद्धच्चसहगतं एकं खन्धञ्च मोहञ्च संसट्ठा तयो खन्धा…पे… द्वे खन्धा. (१)

अधिपतिपच्चयादि

६७. दस्सनेन पहातब्बहेतुकं धम्मं संसट्ठो दस्सनेन पहातब्बहेतुको धम्मो उप्पज्जति अधिपतिपच्चया – दस्सनेन पहातब्बहेतुकं एकं खन्धं संसट्ठा तयो खन्धा…पे… द्वे खन्धा. (१)

भावनाय पहातब्बहेतुकं धम्मं संसट्ठो… एकं.

नेवदस्सनेन नभावनाय पहातब्बहेतुकं धम्मं संसट्ठो नेवदस्सनेन नभावनाय पहातब्बहेतुको ¶ धम्मो उप्पज्जति अधिपतिपच्चया – नेवदस्सनेन नभावनाय पहातब्बहेतुकं एकं खन्धं संसट्ठा तयो खन्धा…पे… द्वे खन्धा; अनन्तरपच्चया… समनन्तरपच्चया.

सहजातपच्चयादि

६८. दस्सनेन ¶ पहातब्बहेतुकं धम्मं संसट्ठो दस्सनेन पहातब्बहेतुको धम्मो उप्पज्जति सहजातपच्चया… अञ्ञमञ्ञपच्चया… निस्सयपच्चया… उपनिस्सयपच्चया… पुरेजातपच्चया… आसेवनपच्चया… कम्मपच्चया… विपाकपच्चया… आहारपच्चया… इन्द्रियपच्चया ¶ … झानपच्चया… मग्गपच्चया… सम्पयुत्तपच्चया… विप्पयुत्तपच्चया… अत्थिपच्चया… नत्थिपच्चया… विगतपच्चया… अविगतपच्चया….

१. पच्चयानुलोमं

२. सङ्ख्यावारो

६९. हेतुया सत्त, आरम्मणे एकादस, अधिपतिया तीणि, अनन्तरे एकादस, समनन्तरे एकादस, सहजाते एकादस, अञ्ञमञ्ञे एकादस, निस्सये एकादस, उपनिस्सये एकादस, पुरेजाते एकादस, आसेवने एकादस, कम्मे एकादस, विपाके एकं, आहारे एकादस, इन्द्रिये एकादस, झाने एकादस, मग्गे एकादस, सम्पयुत्ते एकादस, विप्पयुत्ते एकादस, अत्थिया एकादस, नत्थिया एकादस, विगते एकादस, अविगते एकादस (एवं गणेतब्बं).

अनुलोमं.

२. पच्चयपच्चनीयं

१. विभङ्गवारो

नहेतुपच्चयो

७०. दस्सनेन पहातब्बहेतुकं धम्मं संसट्ठो नेवदस्सनेन नभावनाय पहातब्बहेतुको धम्मो उप्पज्जति नहेतुपच्चया – विचिकिच्छासहगते ¶ खन्धे संसट्ठो विचिकिच्छासहगतो मोहो.(१)

भावनाय पहातब्बहेतुकं धम्मं संसट्ठो नेवदस्सनेन नभावनाय पहातब्बहेतुको धम्मो उप्पज्जति नहेतुपच्चया – उद्धच्चसहगते खन्धे संसट्ठो उद्धच्चसहगतो मोहो. (१)

नेवदस्सनेन ¶ ¶ नभावनाय पहातब्बहेतुकं धम्मं संसट्ठो नेवदस्सनेन नभावनाय पहातब्बहेतुको धम्मो उप्पज्जति नहेतुपच्चया – अहेतुकं नेवदस्सनेन नभावनाय पहातब्बहेतुकं एकं खन्धं संसट्ठा तयो खन्धा…पे… द्वे खन्धे संसट्ठा द्वे खन्धा. अहेतुकपटिसन्धिक्खणे…पे…. (१)

नअधिपतिपच्चयादि

७१. दस्सनेन पहातब्बहेतुकं धम्मं संसट्ठो…पे… नअधिपतिपच्चया (सहजातसदिसं)… नपुरेजातपच्चया… नपच्छाजातपच्चया, नआसेवनपच्चया… नकम्मपच्चया… सत्त, नविपाकपच्चया… नझानपच्चया… नमग्गपच्चया… नविप्पयुत्तपच्चया….

२. पच्चयपच्चनीयं

२. सङ्ख्यावारो

७२. नहेतुया तीणि, नअधिपतिया एकादस, नपुरेजाते एकादस, नपच्छाजाते एकादस, नआसेवने एकादस, नकम्मे सत्त, नविपाके एकादस, नझाने एकं, नमग्गे एकं, नविप्पयुत्ते एकादस (एवं गणेतब्बं).

पच्चनीयं.

३. पच्चयानुलोमपच्चनीयं

७३. हेतुपच्चया नअधिपतिया सत्त, नपुरेजाते सत्त, नपच्छाजाते सत्त, नआसेवने सत्त, नकम्मे सत्त, नविपाके सत्त ¶ , नविप्पयुत्ते सत्त (एवं गणेतब्बं).

अनुलोमपच्चनीयं.

४. पच्चयपच्चनीयानुलोमं

७४. नहेतुपच्चया ¶ आरम्मणे तीणि, अनन्तरे तीणि, समनन्तरे तीणि, सहजाते तीणि, अञ्ञमञ्ञे तीणि, निस्सये तीणि, उपनिस्सये तीणि, पुरेजाते तीणि, आसेवने तीणि, कम्मे तीणि, विपाके एकं ¶ , आहारे तीणि, इन्द्रिये तीणि, झाने तीणि, मग्गे द्वे, सम्पयुत्ते तीणि, विप्पयुत्ते तीणि, अत्थिया तीणि, नत्थिया तीणि, विगते तीणि, अविगते तीणि (एवं गणेतब्बं).

पच्चनीयानुलोमं.

संसट्ठवारो.

६. सम्पयुत्तवारो

(सम्पयुत्तवारो संसट्ठवारसदिसो).

७. पञ्हावारो

१. पच्चयानुलोमं

१. विभङ्गवारो

हेतुपच्चयो

७५. दस्सनेन पहातब्बहेतुको धम्मो दस्सनेन पहातब्बहेतुकस्स धम्मस्स हेतुपच्चयेन पच्चयो – दस्सनेन पहातब्बहेतुका हेतू सम्पयुत्तकानं खन्धानं हेतुपच्चयेन पच्चयो. (१)

दस्सनेन पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स हेतुपच्चयेन पच्चयो – दस्सनेन पहातब्बहेतुका हेतू चित्तसमुट्ठानानं रूपानं हेतुपच्चयेन पच्चयो. (२)

दस्सनेन ¶ पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स हेतुपच्चयेन पच्चयो – दस्सनेन पहातब्बहेतुका हेतू सम्पयुत्तकानं ¶ खन्धानं चित्तसमुट्ठानानञ्च रूपानं हेतुपच्चयेन पच्चयो. (३)

भावनाय पहातब्बहेतुको धम्मो… तीणि.

७६. नेवदस्सनेन नभावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स हेतुपच्चयेन पच्चयो…पे….

नेवदस्सनेन नभावनाय पहातब्बहेतुको धम्मो दस्सनेन पहातब्बहेतुकस्स धम्मस्स हेतुपच्चयेन पच्चयो – विचिकिच्छासहगतो मोहो सम्पयुत्तकानं खन्धानं हेतुपच्चयेन पच्चयो. (२)

नेवदस्सनेन ¶ नभावनाय पहातब्बहेतुको धम्मो भावनाय पहातब्बहेतुकस्स धम्मस्स हेतुपच्चयेन पच्चयो – उद्धच्चसहगतो मोहो सम्पयुत्तकानं खन्धानं हेतुपच्चयेन पच्चयो. (३)

नेवदस्सनेन नभावनाय पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स हेतुपच्चयेन पच्चयो – विचिकिच्छासहगतो मोहो सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो. (४)

नेवदस्सनेन नभावनाय पहातब्बहेतुको धम्मो भावनाय पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स हेतुपच्चयेन पच्चयो – उद्धच्चसहगतो मोहो सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो. (५)

आरम्मणपच्चयो

७७. दस्सनेन ¶ पहातब्बहेतुको धम्मो दस्सनेन पहातब्बहेतुकस्स धम्मस्स आरम्मणपच्चयेन पच्चयो – दस्सनेन पहातब्बहेतुकं रागं अस्सादेति अभिनन्दति; तं आरब्भ दस्सनेन पहातब्बहेतुको ¶ रागो उप्पज्जति, दिट्ठि उप्पज्जति, विचिकिच्छा उप्पज्जति, दस्सनेन पहातब्बहेतुकं दोमनस्सं उप्पज्जति. दिट्ठिं अस्सादेति अभिनन्दति; तं आरब्भ दस्सनेन पहातब्बहेतुको रागो उप्पज्जति, दिट्ठि उप्पज्जति, विचिकिच्छा उप्पज्जति, दस्सनेन पहातब्बहेतुकं दोमनस्सं उप्पज्जति. विचिकिच्छं आरब्भ विचिकिच्छा उप्पज्जति, दिट्ठि उप्पज्जति, दस्सनेन पहातब्बहेतुकं दोमनस्सं उप्पज्जति. दस्सनेन पहातब्बहेतुकं दोमनस्सं आरब्भ दस्सनेन पहातब्बहेतुकं दोमनस्सं उप्पज्जति, दिट्ठि उप्पज्जति, विचिकिच्छा उप्पज्जति. (१)

दस्सनेन पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स आरम्मणपच्चयेन पच्चयो – अरिया दस्सनेन पहातब्बहेतुके पहीने किलेसे पच्चवेक्खन्ति, पुब्बे समुदाचिण्णे किलेसे जानन्ति, दस्सनेन पहातब्बहेतुके खन्धे अनिच्चतो…पे… चेतोपरियञाणेन…पे… दस्सनेन पहातब्बहेतुका खन्धा ¶ चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स अनागतंसञाणस्स, आवज्जनाय मोहस्स च आरम्मणपच्चयेन पच्चयो. (२)

दस्सनेन पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स आरम्मणपच्चयेन पच्चयो – दस्सनेन पहातब्बहेतुके खन्धे आरब्भ विचिकिच्छासहगता खन्धा च मोहो च उप्पज्जन्ति. (३)

७८. भावनाय पहातब्बहेतुको धम्मो भावनाय पहातब्बहेतुकस्स ¶ धम्मस्स आरम्मणपच्चयेन पच्चयो – भावनाय पहातब्बहेतुकं रागं अस्सादेति अभिनन्दति; तं आरब्भ भावनाय पहातब्बहेतुको रागो उप्पज्जति, उद्धच्चं उप्पज्जति, भावनाय पहातब्बहेतुकं दोमनस्सं उप्पज्जति. उद्धच्चं आरब्भ उद्धच्चं उप्पज्जति, भावनाय पहातब्बहेतुकं ¶ दोमनस्सं उप्पज्जति. भावनाय पहातब्बहेतुकं दोमनस्सं आरब्भ भावनाय पहातब्बहेतुकं दोमनस्सं उप्पज्जति, उद्धच्चं उप्पज्जति. (१)

भावनाय पहातब्बहेतुको धम्मो दस्सनेन पहातब्बहेतुकस्स धम्मस्स आरम्मणपच्चयेन पच्चयो – भावनाय पहातब्बहेतुकं रागं अस्सादेति अभिनन्दति; तं आरब्भ दस्सनेन पहातब्बहेतुको रागो उप्पज्जति, दिट्ठि उप्पज्जति, विचिकिच्छा उप्पज्जति, दस्सनेन पहातब्बहेतुकं दोमनस्सं उप्पज्जति. उद्धच्चं आरब्भ दिट्ठि उप्पज्जति, विचिकिच्छा उप्पज्जति, दस्सनेन पहातब्बहेतुकं दोमनस्सं उप्पज्जति. भावनाय पहातब्बहेतुकं दोमनस्सं आरब्भ दस्सनेन पहातब्बहेतुकं दोमनस्सं उप्पज्जति, दिट्ठि उप्पज्जति, विचिकिच्छा उप्पज्जति. (२)

भावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स आरम्मणपच्चयेन पच्चयो – अरिया भावनाय पहातब्बहेतुके पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति, भावनाय पहातब्बहेतुके खन्धे अनिच्चतो…पे… चेतोपरियञाणेन…पे… भावनाय ¶ पहातब्बहेतुका खन्धा चेतोपरियञाणस्स, पुब्बेनिवासानुस्सतिञाणस्स ¶ , यथाकम्मूपगञाणस्स, अनागतंसञाणस्स, आवज्जनाय मोहस्स च आरम्मणपच्चयेन पच्चयो. (३)

भावनाय पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स आरम्मणपच्चयेन पच्चयो – भावनाय पहातब्बहेतुके खन्धे आरब्भ विचिकिच्छासहगता खन्धा च मोहो च उप्पज्जन्ति. (४)

भावनाय पहातब्बहेतुको धम्मो भावनाय पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स आरम्मणपच्चयेन पच्चयो – भावनाय पहातब्बहेतुके खन्धे आरब्भ उद्धच्चसहगता खन्धा च मोहो च उप्पज्जन्ति. (५)

७९. नेवदस्सनेन नभावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स ¶ धम्मस्स आरम्मणपच्चयेन पच्चयो – दानं दत्वा…(वित्थारेतब्बं दस्सनत्तिकसदिसं) आवज्जनाय मोहस्स च आरम्मणपच्चयेन पच्चयो. (१)

नेवदस्सनेन नभावनाय पहातब्बहेतुको धम्मो दस्सनेन पहातब्बहेतुकस्स धम्मस्स आरम्मणपच्चयेन पच्चयो – दानं दत्वा… (यथा दस्सनत्तिकं). (२)

नेवदस्सनेन नभावनाय पहातब्बहेतुको धम्मो भावनाय पहातब्बहेतुकस्स धम्मस्स आरम्मणपच्चयेन पच्चयो – दानं दत्वा… (यथा दस्सनत्तिकं). (३)

नेवदस्सनेन ¶ नभावनाय पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स आरम्मणपच्चयेन पच्चयो – चक्खुं आरब्भ विचिकिच्छासहगता खन्धा च मोहो च उप्पज्जन्ति. सोतं…पे… वत्थुं… नेवदस्सनेन नभावनाय पहातब्बहेतुके खन्धे आरब्भ विचिकिच्छासहगता खन्धा च मोहो च उप्पज्जन्ति. (४)

नेवदस्सनेन नभावनाय पहातब्बहेतुको धम्मो भावनाय पहातब्बहेतुकस्स च नेवदस्सनेन नभावनाय पहातब्बहेतुकस्स च ¶ धम्मस्स आरम्मणपच्चयेन पच्चयो – चक्खुं…पे… वत्थुं… नेवदस्सनेन नभावनाय पहातब्बहेतुके खन्धे आरब्भ उद्धच्चसहगता खन्धा च मोहो च उप्पज्जन्ति. (५)

८०. दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा दस्सनेन पहातब्बहेतुकस्स धम्मस्स आरम्मणपच्चयेन पच्चयो – विचिकिच्छासहगते खन्धे च मोहञ्च आरब्भ दस्सनेन पहातब्बहेतुका खन्धा उप्पज्जन्ति. (१)

दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा नेवदस्सनेन नभावनाय पहातब्बहेतुकस्स धम्मस्स आरम्मणपच्चयेन पच्चयो – विचिकिच्छासहगते खन्धे च मोहञ्च आरब्भ नेवदस्सनेन नभावनाय पहातब्बहेतुका खन्धा च मोहो च उप्पज्जन्ति. (२)

दस्सनेन ¶ ¶ पहातब्बहेतुको च नेवदस्सनेन नभावनाय पहातब्बहेतुको च धम्मा दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स आरम्मणपच्चयेन पच्चयो – विचिकिच्छासहगते खन्धे च मोहञ्च आरब्भ विचिकिच्छासहगता खन्धा च मोहो च उप्पज्जन्ति. (३)

८१. भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा दस्सनेन पहातब्बहेतुकस्स धम्मस्स आरम्मणपच्चयेन पच्चयो – उद्धच्चसहगते खन्धे च मोहञ्च आरब्भ दस्सनेन पहातब्बहेतुका खन्धा उप्पज्जन्ति. (१)

भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा भावनाय पहातब्बहेतुकस्स धम्मस्स आरम्मणपच्चयेन पच्चयो – उद्धच्चसहगते खन्धे च मोहञ्च आरब्भ भावनाय पहातब्बहेतुका खन्धा उप्पज्जन्ति. (२)

भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा नेवदस्सनेन नभावनाय पहातब्बहेतुकस्स धम्मस्स आरम्मणपच्चयेन पच्चयो – उद्धच्चसहगते खन्धे च मोहञ्च आरब्भ ¶ नेवदस्सनेन नभावनाय पहातब्बहेतुका खन्धा च मोहो च उप्पज्जन्ति. (३)

भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा दस्सनेन पहातब्बहेतुकस्स च नेवदस्सनेन ¶ नभावनाय पहातब्बहेतुकस्स च धम्मस्स आरम्मणपच्चयेन पच्चयो – उद्धच्चसहगते खन्धे च मोहञ्च आरब्भ विचिकिच्छासहगता खन्धा च मोहो च उप्पज्जन्ति. (४)

भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा भावनाय पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स आरम्मणपच्चयेन पच्चयो – उद्धच्चसहगते खन्धे च मोहञ्च आरब्भ उद्धच्चसहगता खन्धा च मोहो च उप्पज्जन्ति. (५)

अधिपतिपच्चयो

८२. दस्सनेन ¶ पहातब्बहेतुको धम्मो दस्सनेन पहातब्बहेतुकस्स धम्मस्स अधिपतिपच्चयेन पच्चयो (दस्सनत्तिकसदिसं, दस पञ्हा).

अनन्तरपच्चयो

८३. दस्सनेन पहातब्बहेतुको धम्मो दस्सनेन पहातब्बहेतुकस्स धम्मस्स अनन्तरपच्चयेन पच्चयो – पुरिमा पुरिमा दस्सनेन पहातब्बहेतुका खन्धा पच्छिमानं पच्छिमानं दस्सनेन पहातब्बहेतुकानं खन्धानं अनन्तरपच्चयेन पच्चयो. (१)

दस्सनेन पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स अनन्तरपच्चयेन पच्चयो – पुरिमा पुरिमा विचिकिच्छासहगता खन्धा पच्छिमस्स पच्छिमस्स मोहस्स अनन्तरपच्चयेन पच्चयो; दस्सनेन पहातब्बहेतुका खन्धा वुट्ठानस्स अनन्तरपच्चयेन पच्चयो. (२)

दस्सनेन ¶ पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स ¶ अनन्तरपच्चयेन पच्चयो – पुरिमा पुरिमा विचिकिच्छासहगता खन्धा पच्छिमानं पच्छिमानं विचिकिच्छासहगतानं खन्धानं मोहस्स च अनन्तरपच्चयेन पच्चयो. (३)

८४. भावनाय पहातब्बहेतुको धम्मो भावनाय पहातब्बहेतुकस्स धम्मस्स अनन्तरपच्चयेन पच्चयो – पुरिमा पुरिमा भावनाय पहातब्बहेतुका खन्धा पच्छिमानं पच्छिमानं भावनाय पहातब्बहेतुकानं खन्धानं अनन्तरपच्चयेन पच्चयो. (१)

भावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स अनन्तरपच्चयेन पच्चयो – पुरिमा पुरिमा उद्धच्चसहगता खन्धा पच्छिमस्स पच्छिमस्स मोहस्स अनन्तरपच्चयेन पच्चयो; भावनाय पहातब्बहेतुका खन्धा वुट्ठानस्स अनन्तरपच्चयेन पच्चयो. (२)

भावनाय ¶ पहातब्बहेतुको धम्मो भावनाय पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स अनन्तरपच्चयेन पच्चयो – पुरिमा पुरिमा उद्धच्चसहगता खन्धा पच्छिमानं पच्छिमानं उद्धच्चसहगतानं खन्धानं मोहस्स च अनन्तरपच्चयेन पच्चयो. (३)

८५. नेवदस्सनेन नभावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स अनन्तरपच्चयेन पच्चयो – पुरिमो पुरिमो विचिकिच्छासहगतो ¶ उद्धच्चसहगतो मोहो पच्छिमस्स पच्छिमस्स विचिकिच्छासहगतस्स उद्धच्चसहगतस्स मोहस्स अनन्तरपच्चयेन पच्चयो; पुरिमा पुरिमा नेवदस्सनेन नभावनाय पहातब्बहेतुका खन्धा पच्छिमानं पच्छिमानं नेवदस्सनेन नभावनाय पहातब्बहेतुकानं खन्धानं अनन्तरपच्चयेन पच्चयो; अनुलोमं गोत्रभुस्स… अनुलोमं वोदानस्स…पे… निरोधा वुट्ठहन्तस्स नेवसञ्ञानासञ्ञायतनं फलसमापत्तिया अनन्तरपच्चयेन पच्चयो. (१)

नेवदस्सनेन नभावनाय पहातब्बहेतुको धम्मो दस्सनेन पहातब्बहेतुकस्स धम्मस्स अनन्तरपच्चयेन पच्चयो – पुरिमो पुरिमो विचिकिच्छासहगतो ¶ मोहो पच्छिमानं पच्छिमानं विचिकिच्छासहगतानं खन्धानं अनन्तरपच्चयेन पच्चयो; आवज्जना दस्सनेन पहातब्बहेतुकानं खन्धानं अनन्तरपच्चयेन पच्चयो. (२)

नेवदस्सनेन नभावनाय पहातब्बहेतुको धम्मो भावनाय पहातब्बहेतुकस्स धम्मस्स अनन्तरपच्चयेन पच्चयो – पुरिमो पुरिमो उद्धच्चसहगतो मोहो पच्छिमानं पच्छिमानं उद्धच्चसहगतानं खन्धानं अनन्तरपच्चयेन पच्चयो; आवज्जना भावनाय पहातब्बहेतुकानं खन्धानं अनन्तरपच्चयेन पच्चयो. (३)

नेवदस्सनेन नभावनाय पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स अनन्तरपच्चयेन पच्चयो – पुरिमो पुरिमो विचिकिच्छासहगतो मोहो पच्छिमानं ¶ पच्छिमानं विचिकिच्छासहगतानं खन्धानं मोहस्स च अनन्तरपच्चयेन पच्चयो; आवज्जना विचिकिच्छासहगतानं खन्धानं मोहस्स च अनन्तरपच्चयेन पच्चयो. (४)

नेवदस्सनेन ¶ नभावनाय पहातब्बहेतुको धम्मो भावनाय पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स अनन्तरपच्चयेन पच्चयो – पुरिमो पुरिमो उद्धच्चसहगतो मोहो पच्छिमानं पच्छिमानं उद्धच्चसहगतानं खन्धानं मोहस्स च अनन्तरपच्चयेन पच्चयो; आवज्जना उद्धच्चसहगतानं खन्धानं मोहस्स च अनन्तरपच्चयेन पच्चयो. (५)

८६. दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा दस्सनेन पहातब्बहेतुकस्स धम्मस्स अनन्तरपच्चयेन पच्चयो – पुरिमा पुरिमा विचिकिच्छासहगता खन्धा च मोहो च पच्छिमानं पच्छिमानं विचिकिच्छासहगतानं खन्धानं अनन्तरपच्चयेन पच्चयो. (१)

दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा नेवदस्सनेन नभावनाय पहातब्बहेतुकस्स धम्मस्स अनन्तरपच्चयेन पच्चयो – पुरिमा पुरिमा विचिकिच्छासहगता खन्धा च मोहो च पच्छिमस्स पच्छिमस्स मोहस्स अनन्तरपच्चयेन ¶ पच्चयो; विचिकिच्छासहगता खन्धा च मोहो च वुट्ठानस्स अनन्तरपच्चयेन पच्चयो. (२)

दस्सनेन ¶ पहातब्बहेतुको च नेवदस्सनेन नभावनाय पहातब्बहेतुको च धम्मा दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स अनन्तरपच्चयेन पच्चयो – पुरिमा पुरिमा विचिकिच्छासहगता खन्धा च मोहो च पच्छिमानं पच्छिमानं विचिकिच्छासहगतानं खन्धानं मोहस्स च अनन्तरपच्चयेन पच्चयो. (३)

भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा भावनाय पहातब्बहेतुकस्स धम्मस्स अनन्तरपच्चयेन पच्चयो… तीणि (दस्सनेन सदिसं गमनं).

समनन्तरपच्चयादि

८७. दस्सनेन पहातब्बहेतुको धम्मो दस्सनेन पहातब्बहेतुकस्स धम्मस्स समनन्तरपच्चयेन पच्चयो… (अनन्तरसदिसं) सहजातपच्चयेन पच्चयो… (संखित्तं. पटिच्चवारे ¶ सहजातसदिसं) अञ्ञमञ्ञपच्चयेन पच्चयो… (संखित्तं. पटिच्चवारे अञ्ञमञ्ञसदिसं) निस्सयपच्चयेन पच्चयो… (संखित्तं. पच्चयवारे निस्सयवारसदिसं. विसुं घटना नत्थि).

उपनिस्सयपच्चयो

८८. दस्सनेन पहातब्बहेतुको धम्मो दस्सनेन पहातब्बहेतुकस्स धम्मस्स उपनिस्सयपच्चयेन पच्चयो – आरम्मणूपनिस्सयो, ५१अनन्तरूपनिस्सयो, पकतूपनिस्सयो…पे…. पकतूपनिस्सयो – दस्सनेन पहातब्बहेतुकं रागं उपनिस्साय पाणं हनति…पे… सङ्घं भिन्दति. दस्सनेन पहातब्बहेतुकं दोसं… मोहं… दिट्ठिं… पत्थनं उपनिस्साय पाणं हनति…पे… सङ्घं भिन्दति. दस्सनेन पहातब्बहेतुको रागो… दोसो… मोहो… ¶ दिट्ठि… पत्थना दस्सनेन पहातब्बहेतुकस्स रागस्स…पे… पत्थनाय उपनिस्सयपच्चयेन पच्चयो. (१)

दस्सनेन ¶ पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – दस्सनेन पहातब्बहेतुकं रागं उपनिस्साय दानं देति…पे… समापत्तिं उप्पादेति. दस्सनेन पहातब्बहेतुकं दोसं… मोहं… दिट्ठिं… पत्थनं उपनिस्साय दानं देति…पे… समापत्तिं उप्पादेति. दस्सनेन पहातब्बहेतुको रागो…पे… पत्थना… सद्धाय…पे… पञ्ञाय… कायिकस्स सुखस्स, कायिकस्स दुक्खस्स फलसमापत्तिया मोहस्स च उपनिस्सयपच्चयेन पच्चयो. (२)

दस्सनेन पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – दस्सनेन पहातब्बहेतुको रागो… दोसो… मोहो… दिट्ठि… पत्थना विचिकिच्छासहगतानं खन्धानं मोहस्स च उपनिस्सयपच्चयेन पच्चयो. (३)

८९. भावनाय पहातब्बहेतुको धम्मो भावनाय पहातब्बहेतुकस्स धम्मस्स उपनिस्सयपच्चयेन ¶ पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – भावनाय पहातब्बहेतुको रागो… दोसो… मोहो… मानो… पत्थना भावनाय पहातब्बहेतुकस्स ¶ रागस्स… दोसस्स… मोहस्स… मानस्स… पत्थनाय उपनिस्सयपच्चयेन पच्चयो. (१)

भावनाय पहातब्बहेतुको धम्मो दस्सनेन पहातब्बहेतुकस्स धम्मस्स उपनिस्सयपच्चयेन पच्चयो – आरम्मणूपनिस्सयो, पकतूपनिस्सयो…पे…. पकतूपनिस्सयो – भावनाय पहातब्बहेतुकं रागं उपनिस्साय पाणं हनति…पे… सङ्घं भिन्दति. भावनाय पहातब्बहेतुकं दोसं… मोहं… मानं… पत्थनं उपनिस्साय पाणं हनति…पे… सङ्घं भिन्दति. भावनाय पहातब्बहेतुको रागो…पे… पत्थना दस्सनेन पहातब्बहेतुकस्स रागस्स… दोसस्स… मोहस्स… दिट्ठिया… पत्थनाय उपनिस्सयपच्चयेन पच्चयो. सकभण्डे छन्दरागो परभण्डे ¶ छन्दरागस्स उपनिस्सयपच्चयेन पच्चयो. सकपरिग्गहे छन्दरागो परपरिग्गहे छन्दरागस्स उपनिस्सयपच्चयेन पच्चयो. (२)

भावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – भावनाय पहातब्बहेतुकं रागं उपनिस्साय दानं देति…पे… समापत्तिं उप्पादेति. भावनाय पहातब्बहेतुकं दोसं… मोहं… मानं… पत्थनं उपनिस्साय दानं देति…पे… समापत्तिं उप्पादेति. भावनाय पहातब्बहेतुको रागो…पे… पत्थना सद्धाय…पे… पञ्ञाय… कायिकस्स सुखस्स, कायिकस्स दुक्खस्स फलसमापत्तिया मोहस्स च उपनिस्सयपच्चयेन पच्चयो. (३)

भावनाय ¶ पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स उपनिस्सयपच्चयेन पच्चयो…. पकतूपनिस्सयो – भावनाय पहातब्बहेतुको रागो…पे… पत्थना विचिकिच्छासहगतानं खन्धानं मोहस्स च उपनिस्सयपच्चयेन पच्चयो. (४)

भावनाय पहातब्बहेतुको धम्मो भावनाय पहातब्बहेतुकस्स च नेवदस्सनेन नभावनाय पहातब्बहेतुकस्स ¶ च धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – भावनाय पहातब्बहेतुको रागो…पे… पत्थना उद्धच्चसहगतानं खन्धानं मोहस्स च उपनिस्सयपच्चयेन पच्चयो. (५)

९०. नेवदस्सनेन नभावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – सद्धं उपनिस्साय दानं देति…पे… समापत्तिं उप्पादेति. सीलं…पे… पञ्ञं… कायिकं सुखं… कायिकं दुक्खं… उतुं… भोजनं… सेनासनं… मोहं उपनिस्साय दानं देति…पे… सद्धा…पे… मोहो सद्धाय…पे… फलसमापत्तिया मोहस्स च उपनिस्सयपच्चयेन पच्चयो. (१)

नेवदस्सनेन ¶ नभावनाय पहातब्बहेतुको धम्मो दस्सनेन पहातब्बहेतुकस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – सद्धं ¶ उपनिस्साय दिट्ठिं गण्हाति. सीलं…पे… पञ्ञं… कायिकं सुखं… कायिकं दुक्खं…पे… सेनासनं… मोहं उपनिस्साय पाणं हनति…पे… सङ्घं भिन्दति. सद्धा…पे… सेनासनं मोहो च दस्सनेन पहातब्बहेतुकस्स रागस्स…पे… पत्थनाय उपनिस्सयपच्चयेन पच्चयो. (२)

नेवदस्सनेन नभावनाय पहातब्बहेतुको धम्मो भावनाय पहातब्बहेतुकस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – सद्धं उपनिस्साय मानं जप्पेति…पे… मोहं उपनिस्साय मानं जप्पेति. सद्धा…पे… सेनासनं मोहो च भावनाय पहातब्बहेतुकस्स रागस्स…पे… पत्थनाय उपनिस्सयपच्चयेन पच्चयो. (३)

नेवदस्सनेन नभावनाय पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – सद्धा…पे… पञ्ञा… कायिकं ¶ सुखं… कायिकं दुक्खं…पे… सेनासनं मोहो च विचिकिच्छासहगतानं खन्धानं मोहस्स च उपनिस्सयपच्चयेन पच्चयो. (४)

नेवदस्सनेन नभावनाय पहातब्बहेतुको धम्मो भावनाय पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – सद्धा…पे… सेनासनं मोहो च उद्धच्चसहगतानं ¶ खन्धानं मोहस्स च उपनिस्सयपच्चयेन पच्चयो. (५)

९१. दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा दस्सनेन पहातब्बहेतुकस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – विचिकिच्छासहगता खन्धा च मोहो च दस्सनेन पहातब्बहेतुकस्स ¶ रागस्स…पे… पत्थनाय उपनिस्सयपच्चयेन पच्चयो. (१)

दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा नेवदस्सनेन नभावनाय पहातब्बहेतुकस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – विचिकिच्छासहगता खन्धा च मोहो च सद्धाय…पे… पञ्ञाय… कायिकस्स सुखस्स, कायिकस्स दुक्खस्स फलसमापत्तिया मोहस्स च उपनिस्सयपच्चयेन पच्चयो. (२)

दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – विचिकिच्छासहगता खन्धा च मोहो च विचिकिच्छासहगतानं खन्धानं मोहस्स च उपनिस्सयपच्चयेन पच्चयो. (३)

९२. भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा दस्सनेन पहातब्बहेतुकस्स धम्मस्स उपनिस्सयपच्चयेन ¶ पच्चयो. पकतूपनिस्सयो – उद्धच्चसहगता ¶ खन्धा च मोहो च दस्सनेन पहातब्बहेतुकस्स रागस्स…पे… पत्थनाय उपनिस्सयपच्चयेन पच्चयो. (१)

भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा भावनाय पहातब्बहेतुकस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – उद्धच्चसहगता खन्धा च मोहो च भावनाय पहातब्बहेतुकस्स रागस्स…पे… पत्थनाय उपनिस्सयपच्चयेन पच्चयो. (२)

भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा नेवदस्सनेन नभावनाय पहातब्बहेतुकस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – उद्धच्चसहगता खन्धा च मोहो ¶ च सद्धाय…पे… फलसमापत्तिया मोहस्स च उपनिस्सयपच्चयेन पच्चयो. (३)

भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स उपनिस्सयपच्चयेन पच्चयो. पकतूपनिस्सयो – उद्धच्चसहगता खन्धा च मोहो च विचिकिच्छासहगतानं खन्धानं मोहस्स च उपनिस्सयपच्चयेन पच्चयो. (४)

भावनाय पहातब्बहेतुको च नेवदस्सनेन नभावनाय पहातब्बहेतुको ¶ च धम्मा भावनाय पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – उद्धच्चसहगता खन्धा च मोहो च उद्धच्चसहगतानं खन्धानं मोहस्स च उपनिस्सयपच्चयेन पच्चयो. (५)

पुरेजातपच्चयो

९३. नेवदस्सनेन नभावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. आरम्मणपुरेजातं ¶ – चक्खुं अनिच्चतो…पे… विपस्सति, सोतं…पे… वत्थुं अनिच्चतो…पे… विपस्सति; दिब्बेन चक्खुना रूपं पस्सति, दिब्बाय सोतधातुया सद्दं सुणाति, रूपायतनं चक्खुविञ्ञाणस्स…पे… फोट्ठब्बायतनं कायविञ्ञाणस्स पुरेजातपच्चयेन पच्चयो. वत्थुपुरेजातं – चक्खायतनं चक्खुविञ्ञाणस्स…पे… कायायतनं कायविञ्ञाणस्स…पे… वत्थु नेवदस्सनेन नभावनाय पहातब्बहेतुकानं खन्धानं मोहस्स च पुरेजातपच्चयेन पच्चयो. (१)

नेवदस्सनेन नभावनाय पहातब्बहेतुको धम्मो दस्सनेन पहातब्बहेतुकस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. आरम्मणपुरेजातं – चक्खुं…पे… वत्थुं अस्सादेति अभिनन्दति; तं आरब्भ दस्सनेन पहातब्बहेतुको रागो…पे… दिट्ठि…पे… विचिकिच्छा…पे… दस्सनेन पहातब्बहेतुकं दोमनस्सं उप्पज्जति ¶ . वत्थुपुरेजातं – वत्थु दस्सनेन पहातब्बहेतुकानं खन्धानं पुरेजातपच्चयेन ¶ पच्चयो. (२)

नेवदस्सनेन नभावनाय पहातब्बहेतुको धम्मो भावनाय पहातब्बहेतुकस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. आरम्मणपुरेजातं – चक्खुं…पे… वत्थुं अस्सादेति अभिनन्दति; तं आरब्भ भावनाय पहातब्बहेतुको रागो उप्पज्जति, उद्धच्चं उप्पज्जति, भावनाय पहातब्बहेतुकं दोमनस्सं उप्पज्जति. वत्थुपुरेजातं – वत्थु भावनाय पहातब्बहेतुकानं खन्धानं पुरेजातपच्चयेन पच्चयो. (३)

नेवदस्सनेन नभावनाय पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. आरम्मणपुरेजातं – चक्खुं…पे… वत्थुं आरब्भ विचिकिच्छासहगता खन्धा च मोहो च उप्पज्जन्ति. वत्थुपुरेजातं – वत्थु विचिकिच्छासहगतानं खन्धानं मोहस्स च पुरेजातपच्चयेन पच्चयो. (४)

नेवदस्सनेन नभावनाय पहातब्बहेतुको धम्मो भावनाय पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. आरम्मणपुरेजातं – चक्खुं…पे… वत्थुं आरब्भ उद्धच्चसहगता ¶ खन्धा च मोहो च उप्पज्जन्ति. वत्थुपुरेजातं – वत्थु ¶ उद्धच्चसहगतानं खन्धानं मोहस्स च पुरेजातपच्चयेन पच्चयो. (५)

पच्छाजातपच्चयो

९४. दस्सनेन पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स पच्छाजातपच्चयेन पच्चयो – पच्छाजाता दस्सनेन पहातब्बहेतुका खन्धा पुरेजातस्स इमस्स कायस्स पच्छाजातपच्चयेन पच्चयो. (१)

भावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स पच्छाजातपच्चयेन पच्चयो – पच्छाजाता भावनाय ¶ पहातब्बहेतुका खन्धा पुरेजातस्स इमस्स कायस्स पच्छाजातपच्चयेन पच्चयो. (१)

नेवदस्सनेन नभावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स पच्छाजातपच्चयेन पच्चयो – पच्छाजाता नेवदस्सनेन नभावनाय पहातब्बहेतुका खन्धा पुरेजातस्स इमस्स कायस्स पच्छाजातपच्चयेन पच्चयो. (१)

दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा नेवदस्सनेन नभावनाय पहातब्बहेतुकस्स धम्मस्स पच्छाजातपच्चयेन पच्चयो – पच्छाजाता विचिकिच्छासहगता खन्धा च मोहो च पुरेजातस्स इमस्स कायस्स पच्छाजातपच्चयेन पच्चयो. (१)

भावनाय पहातब्बहेतुको च नेवदस्सनेन नभावनाय पहातब्बहेतुको ¶ च धम्मा नेवदस्सनेन नभावनाय पहातब्बहेतुकस्स धम्मस्स पच्छाजातपच्चयेन पच्चयो – पच्छाजाता उद्धच्चसहगता खन्धा च मोहो च पुरेजातस्स इमस्स कायस्स पच्छाजातपच्चयेन पच्चयो. (१)

आसेवनपच्चयो

९५. दस्सनेन ¶ पहातब्बहेतुको धम्मो दस्सनेन पहातब्बहेतुकस्स धम्मस्स आसेवनपच्चयेन पच्चयो – पुरिमा पुरिमा दस्सनेन पहातब्बहेतुका खन्धा पच्छिमानं पच्छिमानं दस्सनेन पहातब्बहेतुकानं खन्धानं आसेवनपच्चयेन पच्चयो. (१)

दस्सनेन पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स आसेवनपच्चयेन पच्चयो – पुरिमा पुरिमा विचिकिच्छासहगता खन्धा पच्छिमस्स पच्छिमस्स मोहस्स आसेवनपच्चयेन पच्चयो. (२)

दस्सनेन पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स आसेवनपच्चयेन पच्चयो – पुरिमा पुरिमा विचिकिच्छासहगता खन्धा पच्छिमानं ¶ पच्छिमानं विचिकिच्छासहगतानं खन्धानं मोहस्स च आसेवनपच्चयेन पच्चयो.

भावनाय पहातब्बहेतुको धम्मो भावनाय पहातब्बहेतुकस्स धम्मस्स (संखित्तं) तीणि.

नेवदस्सनेन नभावनाय पहातब्बहेतुको धम्मो…पे…. (आसेवनमूलके वुट्ठानस्सपि आवज्जनायपि पहातब्बं, सत्तरस पञ्हा परिपुण्णा, अनन्तरसदिसा).

कम्मपच्चयो

९६. दस्सनेन ¶ पहातब्बहेतुको धम्मो दस्सनेन पहातब्बहेतुकस्स धम्मस्स कम्मपच्चयेन पच्चयो – दस्सनेन पहातब्बहेतुका चेतना सम्पयुत्तकानं खन्धानं कम्मपच्चयेन पच्चयो. (१)

दस्सनेन पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स कम्मपच्चयेन पच्चयो – सहजाता, नानाक्खणिका. सहजाता दस्सनेन पहातब्बहेतुका चेतना मोहस्स चित्तसमुट्ठानानञ्च रूपानं कम्मपच्चयेन पच्चयो. नानाक्खणिका – दस्सनेन ¶ पहातब्बहेतुका चेतना विपाकानं खन्धानं कटत्ता च रूपानं कम्मपच्चयेन पच्चयो. (२)

दस्सनेन पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स कम्मपच्चयेन पच्चयो – दस्सनेन पहातब्बहेतुका चेतना सम्पयुत्तकानं खन्धानं मोहस्स च चित्तसमुट्ठानानञ्च रूपानं कम्मपच्चयेन पच्चयो. (३)

९७. भावनाय पहातब्बहेतुको धम्मो भावनाय पहातब्बहेतुकस्स धम्मस्स कम्मपच्चयेन पच्चयो – भावनाय पहातब्बहेतुका चेतना सम्पयुत्तकानं खन्धानं कम्मपच्चयेन पच्चयो. (१)

भावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स कम्मपच्चयेन पच्चयो – भावनाय पहातब्बहेतुका चेतना मोहस्स चित्तसमुट्ठानानञ्च रूपानं कम्मपच्चयेन पच्चयो. (२)

भावनाय ¶ ¶ पहातब्बहेतुको धम्मो भावनाय पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स कम्मपच्चयेन पच्चयो – भावनाय पहातब्बहेतुका चेतना सम्पयुत्तकानं खन्धानं मोहस्स च चित्तसमुट्ठानानञ्च रूपानं कम्मपच्चयेन पच्चयो. (३)

९८. नेवदस्सनेन नभावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स कम्मपच्चयेन पच्चयो – सहजाता, नानाक्खणिका. सहजाता – नेवदस्सनेन नभावनाय पहातब्बहेतुका चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो. पटिसन्धिक्खणे…पे…. नानाक्खणिका – नेवदस्सनेन नभावनाय पहातब्बहेतुका चेतना विपाकानं खन्धानं कटत्ता च रूपानं कम्मपच्चयेन पच्चयो. (१)

विपाकपच्चयो

९९. नेवदस्सनेन ¶ नभावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स विपाकपच्चयेन पच्चयो (पवत्तिपटिसन्धि) विपाका खन्धा वत्थुस्स…पे….

आहारपच्चयो

१००. दस्सनेन पहातब्बहेतुको धम्मो दस्सनेन पहातब्बहेतुकस्स धम्मस्स आहारपच्चयेन पच्चयो – दस्सनेन पहातब्बहेतुका आहारा सम्पयुत्तकानं खन्धानं आहारपच्चयेन पच्चयो. (१)

दस्सनेन पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स आहारपच्चयेन पच्चयो – दस्सनेन पहातब्बहेतुका आहारा ¶ मोहस्स चित्तसमुट्ठानानञ्च रूपानं आहारपच्चयेन पच्चयो. (२)

दस्सनेन पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स आहारपच्चयेन पच्चयो – दस्सनेन पहातब्बहेतुका आहारा सम्पयुत्तकानं खन्धानं मोहस्स च चित्तसमुट्ठानानञ्च रूपानं आहारपच्चयेन पच्चयो. (३)

भावनाय ¶ पहातब्बहेतुको धम्मो… तीणि (दस्सनेन सदिसं).

नेवदस्सनेन नभावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स आहारपच्चयेन पच्चयो – नेवदस्सनेन नभावनाय पहातब्बहेतुका आहारा सम्पयुत्तकानं खन्धानं चित्तसमुट्ठानानञ्च रूपानं आहारपच्चयेन पच्चयो. पटिसन्धिक्खणे…पे… कबळीकारो आहारो इमस्स कायस्स आहारपच्चयेन पच्चयो.

इन्द्रियपच्चयादि

१०१. दस्सनेन ¶ पहातब्बहेतुको धम्मो दस्सनेन पहातब्बहेतुकस्स धम्मस्स इन्द्रियपच्चयेन पच्चयो… तीणि (आहारसदिसं. मोहो कातब्बो).

भावनाय पहातब्बहेतुको धम्मो… तीणि.

नेवदस्सनेन नभावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स इन्द्रियपच्चयेन पच्चयो – नेवदस्सनेन नभावनाय पहातब्बहेतुका इन्द्रिया सम्पयुत्तकानं खन्धानं…पे… चक्खुन्द्रियं चक्खुविञ्ञाणस्स…पे… कायिन्द्रियं कायविञ्ञाणस्स…पे… रूपजीवितिन्द्रियं कटत्तारूपानं इन्द्रियपच्चयेन पच्चयो… झानपच्चयेन पच्चयो… ¶ मग्गपच्चयेन पच्चयो… (इमे सहेतुका कातब्बा) सम्पयुत्तपच्चयेन पच्चयो (पटिच्चवारे सम्पयुत्तवारसदिसं).

विप्पयुत्तपच्चयो

१०२. दस्सनेन पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स विप्पयुत्तपच्चयेन पच्चयो – सहजातं, पच्छाजातं (दस्सनत्तिकसदिसं).

भावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स विप्पयुत्तपच्चयेन पच्चयो – सहजातं, पच्छाजातं (दस्सनत्तिकसदिसं).

नेवदस्सनेन नभावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स विप्पयुत्तपच्चयेन पच्चयो – सहजातं, पुरेजातं, पच्छाजातं (दस्सनत्तिकसदिसं). पच्छाजाता – नेवदस्सनेन ¶ नभावनाय पहातब्बहेतुका खन्धा च मोहो च पुरेजातस्स इमस्स कायस्स…पे…. (१)

नेवदस्सनेन नभावनाय पहातब्बहेतुको धम्मो दस्सनेन पहातब्बहेतुकस्स धम्मस्स विप्पयुत्तपच्चयेन पच्चयो. पुरेजातं – वत्थु दस्सनेन पहातब्बहेतुकानं खन्धानं…पे…. (२)

नेवदस्सनेन ¶ नभावनाय पहातब्बहेतुको धम्मो भावनाय पहातब्बहेतुकस्स धम्मस्स विप्पयुत्तपच्चयेन पच्चयो. पुरेजातं – वत्थु भावनाय पहातब्बहेतुकानं खन्धानं…पे…. (३)

नेवदस्सनेन नभावनाय पहातब्बहेतुको धम्मो दस्सनेन पहातब्बहेतुकस्स ¶ च नेवदस्सनेन नभावनाय पहातब्बहेतुकस्स च धम्मस्स विप्पयुत्तपच्चयेन पच्चयो. पुरेजातं – वत्थु विचिकिच्छासहगतानं खन्धानं मोहस्स च विप्पयुत्तपच्चयेन पच्चयो. (४)

नेवदस्सनेन नभावनाय पहातब्बहेतुको धम्मो भावनाय पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स विप्पयुत्तपच्चयेन पच्चयो. पुरेजातं – वत्थु उद्धच्चसहगतानं खन्धानं मोहस्स च विप्पयुत्तपच्चयेन पच्चयो. (५)

१०३. दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा नेवदस्सनेन नभावनाय पहातब्बहेतुकस्स धम्मस्स विप्पयुत्तपच्चयेन पच्चयो – सहजातं, पच्छाजातं. सहजाता – विचिकिच्छासहगता खन्धा च मोहो च चित्तसमुट्ठानानं रूपानं विप्पयुत्तपच्चयेन पच्चयो. पच्छाजाता – विचिकिच्छासहगता खन्धा च मोहो च पुरेजातस्स इमस्स कायस्स विप्पयुत्तपच्चयेन पच्चयो. (१)

भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा नेवदस्सनेन नभावनाय पहातब्बहेतुकस्स धम्मस्स विप्पयुत्तपच्चयेन पच्चयो – सहजातं, पच्छाजातं. सहजाता – उद्धच्चसहगता खन्धा च मोहो च चित्तसमुट्ठानानं रूपानं…पे…. पच्छाजाता – उद्धच्चसहगता खन्धा च मोहो च पुरेजातस्स इमस्स कायस्स विप्पयुत्तपच्चयेन पच्चयो. (१)

अत्थिपच्चयादि

१०४. दस्सनेन ¶ ¶ पहातब्बहेतुको धम्मो दस्सनेन पहातब्बहेतुकस्स धम्मस्स अत्थिपच्चयेन पच्चयो – दस्सनेन पहातब्बहेतुको एको खन्धो तिण्णन्नं खन्धानं…पे…. (१)

दस्सनेन ¶ पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स अत्थिपच्चयेन पच्चयो – सहजातं, पच्छाजातं. सहजाता – दस्सनेन पहातब्बहेतुका खन्धा चित्तसमुट्ठानानं रूपानं अत्थिपच्चयेन पच्चयो. सहजाता – विचिकिच्छासहगता खन्धा मोहस्स चित्तसमुट्ठानानञ्च रूपानं अत्थिपच्चयेन पच्चयो. पच्छाजाता – दस्सनेन पहातब्बहेतुका खन्धा पुरेजातस्स इमस्स कायस्स अत्थिपच्चयेन पच्चयो. (२)

दस्सनेन पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स अत्थिपच्चयेन पच्चयो – दस्सनेन पहातब्बहेतुको एको खन्धो तिण्णन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो. विचिकिच्छासहगतो एको खन्धो तिण्णन्नं खन्धानं मोहस्स च चित्तसमुट्ठानानञ्च रूपानं अत्थिपच्चयेन पच्चयो…पे…. (३)

भावनाय पहातब्बहेतुको धम्मो… तीणि.

१०५. नेवदस्सनेन नभावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं. सहजातो – नेवदस्सनेन ¶ नभावनाय पहातब्बहेतुको एको खन्धो तिण्णन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो…पे… विचिकिच्छासहगतो उद्धच्चसहगतो मोहो चित्तसमुट्ठानानं रूपानं अत्थिपच्चयेन पच्चयो. पटिसन्धिक्खणे…पे… असञ्ञसत्तानं…पे…. पुरेजातं – चक्खुं…पे… वत्थुं अनिच्चतो…पे… दिब्बेन चक्खुना रूपं पस्सति, दिब्बाय सोतधातुया सद्दं सुणाति, रूपायतनं चक्खुविञ्ञाणस्स…पे… फोट्ठब्बायतनं कायविञ्ञाणस्स…पे… चक्खायतनं…पे… कायायतनं…पे… वत्थु नेवदस्सनेन नभावनाय पहातब्बहेतुकानं खन्धानं मोहस्स च अत्थिपच्चयेन पच्चयो. पच्छाजाता – नेवदस्सनेन नभावनाय पहातब्बहेतुका ¶ खन्धा च मोहो च पुरेजातस्स इमस्स कायस्स अत्थिपच्चयेन पच्चयो; कबळीकारो आहारो इमस्स कायस्स…पे… रूपजीवितिन्द्रियं कटत्तारूपानं…पे…. (१)

नेवदस्सनेन नभावनाय पहातब्बहेतुको धम्मो दस्सनेन पहातब्बहेतुकस्स धम्मस्स अत्थिपच्चयेन ¶ पच्चयो – सहजातं, पुरेजातं. सहजातो – विचिकिच्छासहगतो मोहो सम्पयुत्तकानं खन्धानं अत्थिपच्चयेन पच्चयो. पुरेजातं – चक्खुं…पे… वत्थुं अस्सादेति अभिनन्दति; तं आरब्भ दस्सनेन पहातब्बहेतुको रागो उप्पज्जति, दिट्ठि उप्पज्जति, विचिकिच्छा उप्पज्जति, दस्सनेन पहातब्बहेतुकं दोमनस्सं उप्पज्जति, वत्थु दस्सनेन पहातब्बहेतुकानं खन्धानं अत्थिपच्चयेन पच्चयो. (२)

नेवदस्सनेन ¶ नभावनाय पहातब्बहेतुको धम्मो भावनाय पहातब्बहेतुकस्स धम्मस्स अत्थिपच्चयेन पच्चयो – सहजातं, पुरेजातं. सहजातो – उद्धच्चसहगतो मोहो सम्पयुत्तकानं खन्धानं अत्थिपच्चयेन पच्चयो. पुरेजातं – चक्खुं…पे… वत्थुं अस्सादेति अभिनन्दति…पे… वत्थु भावनाय पहातब्बहेतुकानं खन्धानं अत्थिपच्चयेन पच्चयो. (३)

नेवदस्सनेन नभावनाय पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स अत्थिपच्चयेन पच्चयो – सहजातं, पुरेजातं. सहजातो – विचिकिच्छासहगतो मोहो सम्पयुत्तकानं खन्धानं चित्तसमुट्ठानानञ्च रूपानं अत्थिपच्चयेन पच्चयो. पुरेजातं – चक्खुं आरब्भ विचिकिच्छासहगता खन्धा च मोहो च उप्पज्जन्ति…पे… वत्थुं आरब्भ…पे… वत्थु विचिकिच्छासहगतानं खन्धानं मोहस्स च अत्थिपच्चयेन पच्चयो. (४)

नेवदस्सनेन नभावनाय पहातब्बहेतुको धम्मो भावनाय पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स अत्थिपच्चयेन पच्चयो – सहजातं, पुरेजातं. सहजातो – उद्धच्चसहगतो मोहो सम्पयुत्तकानं खन्धानं चित्तसमुट्ठानानञ्च रूपानं अत्थिपच्चयेन पच्चयो. पुरेजातं – चक्खुं आरब्भ उद्धच्चसहगता ¶ खन्धा च मोहो च उप्पज्जन्ति…पे… वत्थुं आरब्भ…पे… वत्थु उद्धच्चसहगतानं खन्धानं मोहस्स च अत्थिपच्चयेन पच्चयो. (५)

१०६. दस्सनेन ¶ पहातब्बहेतुको च नेवदस्सनेन नभावनाय पहातब्बहेतुको च धम्मा दस्सनेन पहातब्बहेतुकस्स धम्मस्स अत्थिपच्चयेन पच्चयो – सहजातं, पुरेजातं. सहजातो – दस्सनेन पहातब्बहेतुको एको खन्धो च वत्थु च तिण्णन्नं खन्धानं अत्थिपच्चयेन पच्चयो ¶ …पे… द्वे खन्धा…पे… विचिकिच्छासहगतो एको खन्धो च मोहो च तिण्णन्नं खन्धानं अत्थिपच्चयेन पच्चयो…पे… द्वे खन्धा…पे…. (१)

दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा नेवदस्सनेन नभावनाय पहातब्बहेतुकस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं. सहजाता – दस्सनेन पहातब्बहेतुका खन्धा च महाभूता च चित्तसमुट्ठानानं रूपानं अत्थिपच्चयेन पच्चयो. सहजाता – विचिकिच्छासहगता खन्धा च मोहो च चित्तसमुट्ठानानं रूपानं अत्थिपच्चयेन पच्चयो. सहजाता – विचिकिच्छासहगता खन्धा च वत्थु च मोहस्स अत्थिपच्चयेन पच्चयो. पच्छाजाता – विचिकिच्छासहगता खन्धा च मोहो च पुरेजातस्स इमस्स कायस्स अत्थिपच्चयेन पच्चयो. पच्छाजाता – दस्सनेन पहातब्बहेतुका खन्धा च कबळीकारो आहारो च इमस्स कायस्स अत्थिपच्चयेन पच्चयो. पच्छाजाता – दस्सनेन पहातब्बहेतुका खन्धा च रूपजीवितिन्द्रियञ्च कटत्तारूपानं अत्थिपच्चयेन पच्चयो. (२)

दस्सनेन ¶ पहातब्बहेतुको च नेवदस्सनेन नभावनाय पहातब्बहेतुको च धम्मा दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स अत्थिपच्चयेन पच्चयो – सहजातं, पुरेजातं. सहजातो – विचिकिच्छासहगतो एको खन्धो च वत्थु च तिण्णन्नं खन्धानं मोहस्स च अत्थिपच्चयेन पच्चयो…पे… द्वे खन्धा…पे… विचिकिच्छासहगतो एको खन्धो च मोहो च तिण्णन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो…पे… द्वे खन्धा च मोहो च…पे…. (३)

भावनाय ¶ पहातब्बहेतुको च नेवदस्सनेन नभावनाय पहातब्बहेतुको च धम्मा भावनाय पहातब्बहेतुकस्स धम्मस्स अत्थिपच्चयेन पच्चयो (संखित्तं. तिस्सो पञ्हा, दस्सनेन नयेन विभजितब्बा, ‘‘उद्धच्च’’न्ति नियामेतब्बं) नत्थिपच्चयेन पच्चयो… विगतपच्चयेन पच्चयो… अविगतपच्चयेन पच्चयो….

१. पच्चयानुलोमं

२. सङ्ख्यावारो

सुद्धं

१०७. हेतुया ¶ एकादस, आरम्मणे एकवीस, अधिपतिया दस, अनन्तरे सत्तरस, समनन्तरे सत्तरस, सहजाते सत्तरस, अञ्ञमञ्ञे एकादस, निस्सये सत्तरस, उपनिस्सये एकवीस, पुरेजाते पञ्च, पच्छाजाते पञ्च, आसेवने सत्तरस, कम्मे सत्त, विपाके एकं, आहारे सत्त, इन्द्रिये सत्त, झाने सत्त, मग्गे सत्त, सम्पयुत्ते एकादस, विप्पयुत्ते नव, अत्थिया सत्तरस, नत्थिया सत्तरस, विगते सत्तरस, अविगते सत्तरस (एवं गणेतब्बं).

अनुलोमं.

पच्चनीयुद्धारो

१०८. दस्सनेन ¶ पहातब्बहेतुको धम्मो दस्सनेन पहातब्बहेतुकस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो. (१)

दस्सनेन पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो. (२)

दस्सनेन पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो. (३)

१०९. भावनाय ¶ ¶ पहातब्बहेतुको धम्मो भावनाय पहातब्बहेतुकस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो. (१)

भावनाय पहातब्बहेतुको धम्मो दस्सनेन पहातब्बहेतुकस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो. (२)

भावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन ¶ पच्चयो. (३)

भावनाय पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स आरम्मणपच्चयेन पच्चयो… उपनिस्सयपच्चयेन पच्चयो. (४)

भावनाय पहातब्बहेतुको धम्मो भावनाय पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो. (५)

११०. नेवदस्सनेन नभावनाय पहातब्बहेतुको धम्मो नेवदस्सनेन नभावनाय पहातब्बहेतुकस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो. (१)

नेवदस्सनेन नभावनाय पहातब्बहेतुको धम्मो दस्सनेन पहातब्बहेतुकस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो. (२)

नेवदस्सनेन ¶ नभावनाय पहातब्बहेतुको धम्मो भावनाय पहातब्बहेतुकस्स धम्मस्स आरम्मणपच्चयेन ¶ पच्चयो… सहजातपच्चयेन ¶ पच्चयो… उपनिस्सयपच्चयेन पच्चयो… पुरेजातपच्चयेन पच्चयो. (३)

नेवदस्सनेन नभावनाय पहातब्बहेतुको धम्मो दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो. (४)

नेवदस्सनेन नभावनाय पहातब्बहेतुको धम्मो भावनाय पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो. (५)

१११. दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा दस्सनेन पहातब्बहेतुकस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो. (१)

(इध सहजातं, पुरेजातं, मिस्सगतं अत्थि, पाळियं कातब्बं. गणनाय उपधारेत्वा गणेतब्बं.)

दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा नेवदस्सनेन नभावनाय पहातब्बहेतुकस्स धम्मस्स सहजातं, पुरेजातं, पच्छाजातं, आहारं, इन्द्रियं. (२)

(इधापि आरम्मणपच्चया उपनिस्सयपच्चया अत्थि, पाळियं नत्थि. गणेन्तेन उपधारेत्वा गणेतब्बं.)

दस्सनेन ¶ पहातब्बहेतुको च नेवदस्सनेन नभावनाय पहातब्बहेतुको च धम्मा दस्सनेन पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो. (३)

(इधापि ¶ ‘‘सहजातं, पुरेजातं’’ यं मिस्सकपञ्हा अत्थि, पाळियं कातब्बं).

११२. भावनाय ¶ पहातब्बहेतुको च नेवदस्सनेन नभावनाय पहातब्बहेतुको च धम्मा दस्सनेन पहातब्बहेतुकस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो. (१)

भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा भावनाय पहातब्बहेतुकस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो (इधापि ‘‘सहजातं, पुरेजातं’’ यं मिस्सकपञ्हा अत्थि ). (२)

भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा नेवदस्सनेन नभावनाय पहातब्बहेतुकस्स धम्मस्स सहजातं, पुरेजातं, पच्छाजातं, आहारं, इन्द्रियं (इधापि आरम्मणउपनिस्सया अत्थि). (३)

भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा दस्सनेन पहातब्बहेतुकस्स च नेवदस्सनेन ¶ नभावनाय पहातब्बहेतुकस्स च धम्मस्स आरम्मणपच्चयेन पच्चयो… उपनिस्सयपच्चयेन पच्चयो. (४)

भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा भावनाय पहातब्बहेतुकस्स च नेवदस्सनेन नभावनाय पहातब्बहेतुकस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो. (५)

(इधापि सहजातं, पुरेजातं अत्थि. ये ते पञ्हा न लिखिता, ते पाळियं गणेन्तानं ब्यञ्जनेन न समेन्ति. ते पाळियं न लिखिता गणना पाकटा होन्ति. यदि संसयो उप्पज्जति, अनुलोमे अत्थिपच्चये पेक्खितब्बं.)

२. पच्चयपच्चनीयं

२. सङ्ख्यावारो

सुद्धं

११३. नहेतुया ¶ एकवीस, नआरम्मणे नअधिपतिया नअनन्तरे नसमनन्तरे नसहजाते नअञ्ञमञ्ञे ननिस्सये नउपनिस्सये नपुरेजाते ¶ नपच्छाजाते नआसेवने नकम्मे नविपाके नआहारे नइन्द्रिये नझाने नमग्गे नसम्पयुत्ते नविप्पयुत्ते नोअत्थिया नोनत्थिया नोविगते नोअविगते सब्बत्थ एकवीस (एवं गणेतब्बं).

पच्चनीयं.

३. पच्चयानुलोमपच्चनीयं

हेतुदुकं

११४. हेतुपच्चया नआरम्मणे एकादस, नअधिपतिया नअनन्तरे नसमनन्तरे एकादस, नअञ्ञमञ्ञे तीणि, नउपनिस्सये नपुरेजाते नपच्छाजाते नआसेवने नकम्मे नविपाके नआहारे नइन्द्रिये नझाने नमग्गे एकादस, नसम्पयुत्ते तीणि, नविप्पयुत्ते पञ्च ¶ , नोनत्थिया एकादस, नोविगते एकादस (एवं गणेतब्बं).

अनुलोमपच्चनीयं.

४. पच्चयपच्चनीयानुलोमं

नहेतुदुकं

११५. नहेतुपच्चया ¶ आरम्मणे एकवीस, अधिपतिया दस, अनन्तरे सत्तरस, समनन्तरे सत्तरस, सहजाते सत्तरस, अञ्ञमञ्ञे एकादस, निस्सये सत्तरस, उपनिस्सये एकवीस, पुरेजाते पञ्च, पच्छाजाते पञ्च, आसेवने सत्तरस, कम्मे सत्त, विपाके एकं, आहारे सत्त, इन्द्रिये सत्त, झाने सत्त, मग्गे सत्त, सम्पयुत्ते एकादस, विप्पयुत्ते नव, अत्थिया सत्तरस, नत्थिया सत्तरस, विगते सत्तरस, अविगते सत्तरस (एवं गणेतब्बं).

पच्चनीयानुलोमं.

पञ्हावारो.

दस्सनेनपहातब्बहेतुकत्तिकं निट्ठितं.