📜

दिवादयो ¶

१०३.

दिवु कीला विजिगिंसा वोहारज्जुति थोमिते,

सिवु तन्तूनसन्ताने खी खये खा पकासने;

१०४.

का-गा सद्दे (पि) घा गन्धो’पादाने रुच रोचने,

कच दित्यं मुच मोचे (अथो) विच विवेचने;

१०५.

रञ्ज रागे सञ्ज सङ्गे खलने मज्ज सुद्धियं,

युजो समाधिम्हि लुजो विनासे झा विचिन्तने;

१०६.

ता पालने छिदि द्वेधाकारे मिद सिनेहने,

मदु’म्मादे खिद दीनभावे भिद विदारणे;

१०७.

सिद पाके पदगते विद सत्ता विचिन्तने,

दी खये सुपने दा (च) दाने दात्व’वखण्डने;

१०८. ¶

बुधा’वगमना’दीसु अत्थेसु युध युज्झने,

कुध कोपे सुध सोचे राध हिंसाय सिद्धियं;

१०९.

इध संसिद्धिवुद्धीसु सिध-साध (च) सिद्धियं,

विध वेधे गिध गेधे रुधि आवरणा’दिसु;

११०.

मन ञाणे जनु’प्पादे हन हिंसागतीसु (पि,)

सिना सोचे कुप कोपे तप सन्ताप पीणने;

१११.

लुपच्छेदे रुप नासे पकासे दिप दित्तियं,

दप हासे लभ लाभे लुभ गेधे खुभो चले;

११२.

समू’पसम खेदेसु हर-हिरी (च) लज्जने,

मिला गत्तवीनामे (च) गिला हासक्खये (पि च;)

११३. ¶

ली सिलेसे द्रवीकारे वा गती बन्धनेसु (च,)

लिसि लेसे तुस तोसे सिलिसा’लिङ्गनादिसु;

११४.

किलिस कलिसो’पतापे (अथो) तस पिपासने,

रुस रोसे दिस-दुस अप्पीतिम्हि (दुवे सियुं;)

११५.

यसुप्पयतने असु खेपने (पि च वत्तते,)

सुस सोसे भस अधोपाते नस अदस्सने;

११६. सा’स्सादे सा’वसाने (च) सा तनूकरणे (पि च) हा चागे मुह वेचित्ते नह सज्जनबन्धने नह सोचे पिहिच्छायं सिनिह-सनिह पीतियं.