📜

ကထာဝတ္ထု-အဋ္ဌကထာ

နိသိန္နော ¶ ¶ ¶ ဒေဝလောကသ္မိံ၊ ဒေဝသင်္ဃပုရက္ခတော၊

သဒေဝကဿ လောကဿ၊ သတ္ထာ အပ္ပဋိပုဂ္ဂလော။

သဗ္ဗပညတ္တိကုသလော၊ ပညတ္တိပရိဒီပနံ၊

ဝတွာ ပုဂ္ဂလပညတ္တိံ၊ လောကေ ဥတ္တမပုဂ္ဂလော။

ယံ ပုဂ္ဂလကထာဒီနံ၊ ကထာနံ ဝတ္ထုဘာဝတော၊

ကထာဝတ္ထုပ္ပကရဏံ၊ သင်္ခေပေန အဒေသယီ။

မာတိကာဌပနေနေဝ ¶ ၊ ဌပိတဿ သုရာလယေ၊

တဿ မောဂ္ဂလိပုတ္တေန၊ ဝိဘတ္တဿ မဟီတလေ။

ဣဒါနိ ယသ္မာ သမ္ပတ္တော၊ အတ္ထသံဝဏ္ဏနာက္ကမော၊

တသ္မာ နံ ဝဏ္ဏယိဿာမိ၊ တံ သုဏာထ သမာဟိတာတိ။