မူလ > အဘိဓမ္မပိဋက > ပဋ္ဌာနပါဠိ-၄ > ၆၉-၁။ ဥပါဒါနဒုက-ကုသလတ္တိကံ

၂။ ဥပါဒါနံ အကုသလံ ဓမ္မံ ပဋိစ္စ ဥပါဒါနော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဥပါဒါနံ အကုသလံ ဓမ္မံ ပဋိစ္စ နောဥပါဒါနော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဥပါဒါနံ အကုသလံ ဓမ္မံ ပဋိစ္စ ဥပါဒါနော အကုသလော စ နောဥပါဒါနော အကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)

နောဥပါဒါနံ အကုသလံ ဓမ္မံ ပဋိစ္စ နောဥပါဒါနော အကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ။

ဥပါဒါနံ အကုသလဉ္စ နောဥပါဒါနံ အကုသလဉ္စ ဓမ္မံ ပဋိစ္စ ဥပါဒါနော အကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ (သံခိတ္တံ)။

၃။ ဟေတုယာ နဝ၊ အာရမ္မဏေ နဝ (သဗ္ဗတ္ထ နဝ)၊ အဝိဂတေ နဝ (သံခိတ္တံ)။

၄။ နောဥပါဒါနံ အကုသလံ ဓမ္မံ ပဋိစ္စ နောဥပါဒါနော အကုသလော ဓမ္မော ¶ ဥပ္ပဇ္ဇတိ နဟေတုပစ္စယာ (သံခိတ္တံ)။

၅။ နဟေတုယာ ဧကံ၊ နအဓိပတိယာ နဝ၊ နပုရေဇာတေ နဝ…ပေ… နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (သံခိတ္တံ။ သဟဇာတဝါရာဒိ ဝိတ္ထာရေတဗ္ဗော)။

၆။ ဥပါဒါနော အကုသလော ဓမ္မော ဥပါဒါနဿ အကုသလဿ ဓမ္မဿ ဟေတုပစ္စယေန ပစ္စယော (သံခိတ္တံ)။

၇။ ဟေတုယာ နဝ၊ အာရမ္မဏေ နဝ၊ အဓိပတိယာ နဝ (နောဥပါဒါနမူလကေ တီဏိ၊ သဟဇာတာဓိပတိ)၊ အနန္တရေ နဝ…ပေ… နိဿယေ နဝ၊ ဥပနိဿယေ ¶ နဝ၊ အာသေဝနေ နဝ၊ ကမ္မေ ¶ တီဏိ (နောဥပါဒါနမူလကေ)၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ နဝ၊ သမ္ပယုတ္တေ နဝ၊ အတ္ထိယာ နဝ…ပေ… အဝိဂတေ နဝ (သံခိတ္တံ)။

၈။ နောဥပါဒါနံ အဗျာကတံ ဓမ္မံ ပဋိစ္စ နောဥပါဒါနော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။

၉။ ဟေတုယာ ဧကံ၊ အာရမ္မဏေ ဧကံ…ပေ… အဝိဂတေ ဧကံ (သံခိတ္တံ)။

(သဟဇာတဝါရေပိ…ပေ… ပဉှာဝါရေပိ သဗ္ဗတ္ထ ဧကံ။)

၁၀။ ဥပါဒါနိယံ ¶ ကုသလံ ဓမ္မံ ပဋိစ္စ ဥပါဒါနိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)

အနုပါဒါနိယံ ကုသလံ ဓမ္မံ ပဋိစ္စ အနုပါဒါနိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)

၁၁။ ဟေတုယာ ဒွေ၊ အာရမ္မဏေ ဒွေ…ပေ… အဝိဂတေ ဒွေ (သံခိတ္တံ။ လောကိယလောကုတ္တရဒုကကုသလသဒိသံ။ သဟဇာတဝါရမ္ပိ…ပေ… ပဉှာဝါရမ္ပိ ဝိတ္ထာရေတဗ္ဗံ။)

၁၂။ ဥပါဒါနိယံ အကုသလံ ဓမ္မံ ပဋိစ္စ ဥပါဒါနိယော အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။

ဟေတုယာ ဧကံ၊ အာရမ္မဏေ ဧကံ…ပေ… အဝိဂတေ ဧကံ (သံခိတ္တံ)။

(သဟဇာတဝါရေပိ…ပေ… ပဉှာဝါရေပိ သဗ္ဗတ္ထ ဧကံ။)

၁၃။ ဥပါဒါနိယံ ¶ အဗျာကတံ ဓမ္မံ ပဋိစ္စ ဥပါဒါနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)

အနုပါဒါနိယံ အဗျာကတံ ဓမ္မံ ပဋိစ္စ အနုပါဒါနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ ¶ ။ အနုပါဒါနိယံ အဗျာကတံ ဓမ္မံ ပဋိစ္စ ဥပါဒါနိယော အဗျာကတော ¶ ဓမ္မော ဥပ္ပဇ္ဇတိ ဟေတုပစ္စယာ။ အနုပါဒါနိယံ အဗျာကတံ ဓမ္မံ ပဋိစ္စ ဥပါဒါနိယော အဗျာကတော စ အနုပါဒါနိယော အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)

ဥပါဒါနိယံ အဗျာကတဉ္စ အနုပါဒါနိယံ အဗျာကတဉ္စ ဓမ္မံ ပဋိစ္စ ဥပါဒါနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)

၁၄။ ဟေတုယာ ပဉ္စ၊ အာရမ္မဏေ ဒွေ…ပေ… အာသေဝနေ ဧကံ…ပေ… အဝိဂတေ ပဉ္စ (သံခိတ္တံ။ လောကိယဒုကအဗျာကတသဒိသံ။ သဟဇာတဝါရမ္ပိ…ပေ… ပဉှာဝါရမ္ပိ ဝိတ္ထာရေတဗ္ဗံ)။

၇၁-၁။ ဥပါဒါနသမ္ပယုတ္တဒုက-ကုသလတ္တိကံ

၁၅။ ဥပါဒါနဝိပ္ပယုတ္တံ ကုသလံ ဓမ္မံ ပဋိစ္စ ဥပါဒါနဝိပ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။

ဟေတုယာ ဧကံ၊ အာရမ္မဏေ ဧကံ…ပေ… အဝိဂတေ ဧကံ (သံခိတ္တံ)။

(သဟဇာတဝါရေပိ…ပေ… ပဉှာဝါရေပိ သဗ္ဗတ္ထ ဧကံ။)

၁၆။ ဥပါဒါနသမ္ပယုတ္တံ အကုသလံ ဓမ္မံ ပဋိစ္စ ဥပါဒါနသမ္ပယုတ္တော ¶ အကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ။

ဥပါဒါနဝိပ္ပယုတ္တံ ¶ အကုသလံ ဓမ္မံ ပဋိစ္စ ဥပါဒါနဝိပ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ… ဒွေ။

ဥပါဒါနသမ္ပယုတ္တံ အကုသလဉ္စ ဥပါဒါနဝိပ္ပယုတ္တံ အကုသလဉ္စ ဓမ္မံ ပဋိစ္စ ဥပါဒါနသမ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။

၁၇။ ဟေတုယာ ဆ၊ အာရမ္မဏေ ဆ (သဗ္ဗတ္ထ ဆ)၊ အဝိဂတေ ဆ (သံခိတ္တံ)။

နဟေတုယာ ဧကံ၊ နအဓိပတိယာ ဆ…ပေ… နကမ္မေ စတ္တာရိ၊ နဝိပါကေ ဆ၊ နဝိပ္ပယုတ္တေ ဆ (သံခိတ္တံ။ သဟဇာတဝါရာဒိ ဝိတ္ထာရေတဗ္ဗော)။

၁၈။ ဥပါဒါနသမ္ပယုတ္တော ¶ အကုသလော ဓမ္မော ဥပါဒါနသမ္ပယုတ္တဿ အကုသလဿ ဓမ္မဿ ဟေတုပစ္စယေန ပစ္စယော… တီဏိ။

ဥပါဒါနဝိပ္ပယုတ္တော အကုသလော ဓမ္မော ဥပါဒါနဝိပ္ပယုတ္တဿ အကုသလဿ ဓမ္မဿ ဟေတုပစ္စယေန ပစ္စယော… ဒွေ။

ဥပါဒါနသမ္ပယုတ္တော အကုသလော စ ဥပါဒါနဝိပ္ပယုတ္တော အကုသလော စ ဓမ္မာ ဥပါဒါနသမ္ပယုတ္တဿ အကုသလဿ ဓမ္မဿ ဟေတုပစ္စယေန ပစ္စယော (သံခိတ္တံ)။

၁၉။ ဟေတုယာ ဆ၊ အာရမ္မဏေ နဝ၊ အဓိပတိယာ နဝ (ဥပါဒါနသမ္ပယုတ္တမူလကေ တီဏိ၊ သဟဇာတာဓိပတိ၊ ဥပါဒါနဝိပ္ပယုတ္တေ ဧကံ)၊ အနန္တရေ နဝ၊ သမနန္တရေ နဝ၊ သဟဇာတေ ဆ၊ အညမညေ ဆ၊ နိဿယေ ဆ၊ ဥပနိဿယေ နဝ၊ အာသေဝနေ နဝ၊ ကမ္မေ စတ္တာရိ၊ အာဟာရေ စတ္တာရိ၊ ဣန္ဒြိယေ စတ္တာရိ၊ ဈာနေ စတ္တာရိ၊ မဂ္ဂေ စတ္တာရိ၊ သမ္ပယုတ္တေ ဆ၊ အတ္ထိယာ ဆ၊ နတ္ထိယာ နဝ၊ ဝိဂတေ နဝ၊ အဝိဂတေ ဆ (သံခိတ္တံ)။

၂၀။ ဥပါဒါနဝိပ္ပယုတ္တံ ¶ အဗျာကတံ ဓမ္မံ ပဋိစ္စ ဥပါဒါနဝိပ္ပယုတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။

ဟေတုယာ ¶ ဧကံ၊ အာရမ္မဏေ ဧကံ…ပေ… အဝိဂတေ ဧကံ (သံခိတ္တံ)။

(သဟဇာတဝါရေပိ…ပေ… ပဉှာဝါရေပိ သဗ္ဗတ္ထ ဧကံ)။

၇၂-၁။ ဥပါဒါနဥပါဒါနိယဒုက-ကုသလတ္တိကံ

၂၁။ ဥပါဒါနိယဉ္စေဝ နော စ ဥပါဒါနံ ကုသလံ ဓမ္မံ ပဋိစ္စ ဥပါဒါနိယော စေဝ နော စ ဥပါဒါနော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။

ဟေတုယာ ဧကံ၊ အာရမ္မဏေ ဧကံ…ပေ… အဝိဂတေ ဧကံ (သံခိတ္တံ)။

(သဟဇာတဝါရေပိ…ပေ… ပဉှာဝါရေပိ သဗ္ဗတ္ထ ဧကံ။)

၂၂။ ဥပါဒါနဉ္စေဝ ဥပါဒါနိယဉ္စ အကုသလံ ဓမ္မံ ပဋိစ္စ ဥပါဒါနော စေဝ ဥပါဒါနိယော စ အကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ။

ဥပါဒါနိယဉ္စေဝ ¶ နော စ ဥပါဒါနံ အကုသလံ ဓမ္မံ ပဋိစ္စ ဥပါဒါနိယော စေဝ နော စ ဥပါဒါနော အကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ ¶ ။

ဥပါဒါနဉ္စေဝ ဥပါဒါနိယံ အကုသလဉ္စ ဥပါဒါနိယဉ္စေဝ နော စ ဥပါဒါနံ အကုသလဉ္စ ဓမ္မံ ပဋိစ္စ ဥပါဒါနော စေဝ ဥပါဒါနိယော စ အကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ (သံခိတ္တံ)။

၂၃။ ဟေတုယာ နဝ၊ အာရမ္မဏေ နဝ…ပေ… အဝိဂတေ နဝ (သံခိတ္တံ။ ဣမံ ဂမနံ ဥပါဒါနဒုကအကုသလသဒိသံ။ သဟဇာတဝါရမ္ပိ…ပေ… ပဉှာဝါရမ္ပိ ဝိတ္ထာရေတဗ္ဗံ)။

၂၄။ ဥပါဒါနိယဉ္စေဝ ¶ နော စ ဥပါဒါနံ အဗျာကတံ ဓမ္မံ ပဋိစ္စ ဥပါဒါနိယော စေဝ နော စ ဥပါဒါနော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။

၂၅။ ဟေတုယာ ဧကံ၊ အာရမ္မဏေ ဧကံ…ပေ… အဝိဂတေ ဧကံ (သံခိတ္တံ)။

(သဟဇာတဝါရေပိ…ပေ… ပဉှာဝါရေပိ သဗ္ဗတ္ထ ဧကံ။)

၇၃-၁။ ဥပါဒါနဥပါဒါနသမ္ပယုတ္တဒုက-ကုသလတ္တိကံ

၂၆။ ဥပါဒါနဉ္စေဝ ဥပါဒါနသမ္ပယုတ္တဉ္စ အကုသလံ ဓမ္မံ ပဋိစ္စ ဥပါဒါနော စေဝ ဥပါဒါနသမ္ပယုတ္တော စ အကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ။

ဥပါဒါနသမ္ပယုတ္တဉ္စေဝ နော စ ဥပါဒါနံ အကုသလံ ဓမ္မံ ¶ ပဋိစ္စ ဥပါဒါနသမ္ပယုတ္တော စေဝ နော စ ဥပါဒါနော အကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ။

ဥပါဒါနဉ္စေဝ ဥပါဒါနသမ္ပယုတ္တံ အကုသလဉ္စ ဥပါဒါနသမ္ပယုတ္တဉ္စေဝ နော စ ဥပါဒါနံ အကုသလဉ္စ ဓမ္မံ ပဋိစ္စ ဥပါဒါနော စေဝ ဥပါဒါနသမ္ပယုတ္တော စ အကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ (သံခိတ္တံ)။

၂၇။ ဟေတုယာ ¶ နဝ၊ အာရမ္မဏေ နဝ၊ အဓိပတိယာ နဝ…ပေ… အဝိဂတေ နဝ (သံခိတ္တံ)။ (ဣမံ ဂမနံ ဥပါဒါနဒုကအကုသလသဒိသံ။ ဣဓ ပန ဟေတုပစ္စယာ ဣဒံ နာနံ။ သဟဇာတဝါရေပိ…ပေ… ပဉှာဝါရေပိ သဗ္ဗတ္ထ နဝ။)

၇၄-၁။ ဥပါဒါနဝိပ္ပယုတ္တဥပါဒါနိယဒုက-ကုသလတ္တိကံ

၂၈။ ဥပါဒါနဝိပ္ပယုတ္တံ ¶ ဥပါဒါနိယံ ကုသလံ ဓမ္မံ ပဋိစ္စ ဥပါဒါနဝိပ္ပယုတ္တော ဥပါဒါနိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)

ဥပါဒါနဝိပ္ပယုတ္တံ အနုပါဒါနိယံ ကုသလံ ဓမ္မံ ပဋိစ္စ ဥပါဒါနဝိပ္ပယုတ္တော အနုပါဒါနိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)

၂၉။ ဟေတုယာ ဒွေ၊ အာရမ္မဏေ ဒွေ…ပေ… အဝိဂတေ ဒွေ (သံခိတ္တံ။ လောကိယဒုကကုသလသဒိသံ။ သဟဇာတဝါရမ္ပိ…ပေ… ပဉှာဝါရမ္ပိ ဝိတ္ထာရေတဗ္ဗံ)။

၃၀။ ဥပါဒါနဝိပ္ပယုတ္တံ ¶ ဥပါဒါနိယံ အကုသလံ ဓမ္မံ ပဋိစ္စ ဥပါဒါနဝိပ္ပယုတ္တော ဥပါဒါနိယော အကုသလော ဓမ္မော ဥပ္ပဇ္ဇတိ ဟေတုပစ္စယာ (သဗ္ဗတ္ထ ဧကံ)။

ဥပါဒါနဝိပ္ပယုတ္တံ ဥပါဒါနိယံ အဗျာကတံ ဓမ္မံ ပဋိစ္စ ဥပါဒါနဝိပ္ပယုတ္တော ဥပါဒါနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)

ဥပါဒါနဝိပ္ပယုတ္တံ အနုပါဒါနိယံ အဗျာကတံ ဓမ္မံ ပဋိစ္စ ဥပါဒါနဝိပ္ပယုတ္တော အနုပါဒါနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ… တီဏိ။

ဥပါဒါနဝိပ္ပယုတ္တံ ဥပါဒါနိယံ အဗျာကတဉ္စ ဥပါဒါနဝိပ္ပယုတ္တံ အနုပါဒါနိယံ အဗျာကတဉ္စ ဓမ္မံ ပဋိစ္စ ဥပါဒါနဝိပ္ပယုတ္တော ဥပါဒါနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)

၃၁။ ဟေတုယာ ပဉ္စ၊ အာရမ္မဏေ ဒွေ…ပေ… အဝိဂတေ ပဉ္စ (သံခိတ္တံ။ လောကိယဒုကအဗျာကတသဒိသံ။ သဟဇာတဝါရမ္ပိ…ပေ… ပဉှာဝါရမ္ပိ သဗ္ဗတ္ထ ဝိတ္ထာရေတဗ္ဗံ)။

ဥပါဒါနဂေါစ္ဆကကုသလတ္တိကံ နိဋ္ဌိတံ။