မူလ > အဘိဓမ္မပိဋက > ပဋ္ဌာနပါဠိ-၄ > ၂၆-၁။ ဂန္ထဒုက-ကုသလတ္တိကံ

၃။ ဂန္ထံ ¶ အကုသလံ ဓမ္မံ ပဋိစ္စ ဂန္ထော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဂန္ထံ အကုသလံ ဓမ္မံ ပဋိစ္စ နောဂန္ထော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဂန္ထံ အကုသလံ ဓမ္မံ ပဋိစ္စ ဂန္ထော အကုသလော စ နောဂန္ထော အကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)

နောဂန္ထံ အကုသလံ ဓမ္မံ ပဋိစ္စ နောဂန္ထော အကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ။

ဂန္ထံ အကုသလဉ္စ နောဂန္ထံ အကုသလဉ္စ ဓမ္မံ ပဋိစ္စ ဂန္ထော အကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ (သံခိတ္တံ)။

၄။ ဟေတုယာ နဝ၊ အာရမ္မဏေ နဝ…ပေ… အဝိဂတေ နဝ (သံခိတ္တံ)။

နဟေတုယာ ¶ ဧကံ၊ နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (သံခိတ္တံ)။

(သဟဇာတဝါရောပိ…ပေ… သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ။)

၅။ ဂန္ထော အကုသလော ဓမ္မော ဂန္ထဿ အကုသလဿ ဓမ္မဿ ဟေတုပစ္စယေန ပစ္စယော (သံခိတ္တံ)။

၆။ ဟေတုယာ နဝ၊ အာရမ္မဏေ နဝ၊ အဓိပတိယာ နဝ…ပေ… ကမ္မေ အာဟာရေ ဣန္ဒြိယေ ဈာနေ တီဏိ…ပေ… အဝိဂတေ နဝ (သံခိတ္တံ)။

၇။ နဟေတုယာ နဝ၊ နအာရမ္မဏေ နဝ (သံခိတ္တံ)။

ဟေတုပစ္စယာ နအာရမ္မဏေ နဝ (သံခိတ္တံ)။

နဟေတုပစ္စယာ အာရမ္မဏေ နဝ (သံခိတ္တံ)။

(ယထာ ¶ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ။)

၈။ နောဂန္ထံ အဗျာကတံ ဓမ္မံ ပဋိစ္စ နောဂန္ထော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။

၉။ ဟေတုယာ ¶ ဧကံ…ပေ… အဝိဂတေ ဧကံ (သံခိတ္တံ)။

(သဟဇာတဝါရေပိ…ပေ… ပဉှာဝါရေပိ သဗ္ဗတ္ထ ဧကံ။)

၁၀။ ဂန္ထနိယံ ¶ ကုသလံ ဓမ္မံ ပဋိစ္စ ဂန္ထနိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)

အဂန္ထနိယံ ကုသလံ ဓမ္မံ ပဋိစ္စ အဂန္ထနိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)

၁၁။ ဟေတုယာ ဒွေ၊ အာရမ္မဏေ ဒွေ…ပေ… အဝိဂတေ ဒွေ (သံခိတ္တံ၊ လောကိယလောကုတ္တရဂမနသဒိသံ)။

(သဟဇာတဝါရောပိ…ပေ… ပဉှာဝါရောပိ ဝိတ္ထာရေတဗ္ဗာ။)

၁၂။ ဂန္ထနိယံ အကုသလံ ဓမ္မံ ပဋိစ္စ ဂန္ထနိယော အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။

၁၃။ ဟေတုယာ ¶ ဧကံ၊ အာရမ္မဏေ ဧကံ…ပေ… အဝိဂတေ ဧကံ (သံခိတ္တံ)။

(သဟဇာတဝါရေပိ…ပေ… ပဉှာဝါရေပိ သဗ္ဗတ္ထ ဧကံ။)

၁၄။ ဂန္ထနိယံ ¶ အဗျာကတံ ဓမ္မံ ပဋိစ္စ ဂန္ထနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)

အဂန္ထနိယံ အဗျာကတံ ဓမ္မံ ပဋိစ္စ အဂန္ထနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ… တီဏိ။ (၃)

ဂန္ထနိယံ အဗျာကတဉ္စ အဂန္ထနိယံ အဗျာကတဉ္စ ဓမ္မံ ပဋိစ္စ ဂန္ထနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)

၁၅။ ဟေတုယာ ပဉ္စ၊ အာရမ္မဏေ ဒွေ…ပေ… အဝိဂတေ ပဉ္စ (သံခိတ္တံ၊ လောကိယလောကုတ္တရဂမနသဒိသံ)။

(သဟဇာတဝါရောပိ…ပေ… ပဉှာဝါရောပိ ဝိတ္ထာရေတဗ္ဗာ။)

၂၈-၁။ ဂန္ထသမ္ပယုတ္တဒုက-ကုသလတ္တိကံ

၁၆။ ဂန္ထဝိပ္ပယုတ္တံ ကုသလံ ဓမ္မံ ပဋိစ္စ ဂန္ထဝိပ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။

၁၇။ ဟေတုယာ ¶ ¶ ဧကံ၊ အာရမ္မဏေ ဧကံ…ပေ… အဝိဂတေ ဧကံ (သံခိတ္တံ)။

(သဟဇာတဝါရေပိ…ပေ… ပဉှာဝါရေပိ သဗ္ဗတ္ထ ဧကံ။)

၁၈။ ဂန္ထသမ္ပယုတ္တံ အကုသလံ ဓမ္မံ ပဋိစ္စ ဂန္ထသမ္ပယုတ္တော အကုသလော ¶ ဓမ္မော ဥပ္ပဇ္ဇတိ ဟေတုပစ္စယာ… တီဏိ။

ဂန္ထဝိပ္ပယုတ္တံ အကုသလံ ဓမ္မံ ပဋိစ္စ ဂန္ထဝိပ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ… ဒွေ။

ဂန္ထသမ္ပယုတ္တံ အကုသလဉ္စ ဂန္ထဝိပ္ပယုတ္တံ အကုသလဉ္စ ဓမ္မံ ပဋိစ္စ ဂန္ထသမ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)

၁၉။ ဟေတုယာ ဆ၊ အာရမ္မဏေ ဆ၊ အဓိပတိယာ ပဉ္စ…ပေ… အဝိဂတေ ဆ (သံခိတ္တံ)။

နဟေတုယာ ဧကံ၊ နအဓိပတိယာ ဆ၊ နပုရေဇာတေ ဆ…ပေ… နကမ္မေ စတ္တာရိ၊ နဝိပ္ပယုတ္တေ ဆ (သံခိတ္တံ)။

(သဟဇာတဝါရောပိ…ပေ… သမ္ပယုတ္တဝါရောပိ ဝိတ္ထာရေတဗ္ဗာ။)

၂၀။ ဂန္ထသမ္ပယုတ္တော အကုသလော ဓမ္မော ဂန္ထသမ္ပယုတ္တဿ အကုသလဿ ဓမ္မဿ ဟေတုပစ္စယေန ပစ္စယော (သံခိတ္တံ)။

၂၁။ ဟေတုယာ ဆ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သဟဇာတေ ဆ…ပေ… နိဿယေ ဆ၊ ဥပနိဿယေ နဝ၊ အာသေဝနေ နဝ၊ ကမ္မေ စတ္တာရိ…ပေ… မဂ္ဂေ စတ္တာရိ၊ သမ္ပယုတ္တေ ဆ…ပေ… အဝိဂတေ ဆ (သံခိတ္တံ)။

၂၂။ ဂန္ထဝိပ္ပယုတ္တံ ¶ အဗျာကတံ ဓမ္မံ ပဋိစ္စ ဂန္ထဝိပ္ပယုတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။

၂၃။ ဟေတုယာ ဧကံ၊ အာရမ္မဏေ ဧကံ…ပေ… အဝိဂတေ ဧကံ (သံခိတ္တံ)။

(သဟဇာတဝါရေပိ…ပေ… ပဉှာဝါရေပိ သဗ္ဗတ္ထ ဧကံ။)

၂၉-၁။ ဂန္ထဂန္ထနိယဒုက-ကုသလတ္တိကံ

၂၄။ ဂန္ထနိယဉ္စေဝ ¶ နော စ ဂန္ထံ ကုသလံ ဓမ္မံ ပဋိစ္စ ဂန္ထနိယော စေဝ နော စ ဂန္ထော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)

၂၅။ ဟေတုယာ ¶ ဧကံ၊ အာရမ္မဏေ ဧကံ၊ အဝိဂတေ ဧကံ။

(သဟဇာတဝါရေပိ…ပေ… ပဉှာဝါရေပိ သဗ္ဗတ္ထ ဧကံ။)

၂၆။ ဂန္ထဉ္စေဝ ဂန္ထနိယဉ္စ အကုသလံ ဓမ္မံ ပဋိစ္စ ဂန္ထော စေဝ ဂန္ထနိယော စ အကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ။

ဂန္ထနိယဉ္စေဝ နော စ ဂန္ထံ အကုသလံ ဓမ္မံ ပဋိစ္စ ဂန္ထနိယော စေဝ နော စ ဂန္ထော အကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ။

ဂန္ထဉ္စေဝ ¶ ဂန္ထနိယံ အကုသလဉ္စ ဂန္ထနိယဉ္စေဝ နော စ ဂန္ထံ အကုသလဉ္စ ဓမ္မံ ပဋိစ္စ ဂန္ထော စေဝ ဂန္ထနိယော စ အကုသလော ဓမ္မော ဥပ္ပဇ္ဇတိ ဟေတုပစ္စယာ… တီဏိ (သံခိတ္တံ)။

၂၇။ ဟေတုယာ နဝ၊ အာရမ္မဏေ နဝ၊ အဓိပတိယာ နဝ…ပေ… အဝိဂတေ နဝ (သံခိတ္တံ)။

နဟေတုယာ ဧကံ၊ နအဓိပတိယာ နဝ…ပေ… နကမ္မေ တီဏိ…ပေ… နဝိပ္ပယုတ္တေ နဝ (သံခိတ္တံ)။

(သဟဇာတဝါရမ္ပိ…ပေ… သမ္ပယုတ္တဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ။)

၂၈။ ဂန္ထော စေဝ ဂန္ထနိယော စ အကုသလော ဓမ္မော ဂန္ထဿ စေဝ ဂန္ထနိယဿ ¶ စ အကုသလဿ ဓမ္မဿ ဟေတုပစ္စယေန ပစ္စယော (သံခိတ္တံ)။

၂၉။ ဟေတုယာ နဝ၊ အာရမ္မဏေ နဝ၊ အဓိပတိယာ နဝ…ပေ… ကမ္မေ အာဟာရေ ဣန္ဒြိယေ ဈာနေ တီဏိ…ပေ… အဝိဂတေ နဝ (သံခိတ္တံ)။

၃၀။ နဟေတုယာ နဝ၊ နအာရမ္မဏေ နဝ (သံခိတ္တံ)။

ဟေတုပစ္စယာ နအာရမ္မဏေ နဝ (သံခိတ္တံ)။

နဟေတုပစ္စယာ အာရမ္မဏေ နဝ (သံခိတ္တံ)။

(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ။)

၃၁။ ဂန္ထနိယဉ္စေဝ နော စ ဂန္ထံ အဗျာကတံ ဓမ္မံ ပဋိစ္စ ဂန္ထနိယော စေဝ နော စ ဂန္ထော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။

၃၂။ ဟေတုယာ ဧကံ၊ အာရမ္မဏေ ဧကံ…ပေ… အဝိဂတေ ဧကံ (သံခိတ္တံ)။

(သဟဇာတဝါရေပိ…ပေ… ပဉှာဝါရေပိ သဗ္ဗတ္ထ ဧကံ။)

၃၀-၁။ ဂန္ထဂန္ထသမ္ပယုတ္တဒုက-ကုသလတ္တိကံ

၃၃။ ဂန္ထဉ္စေဝ ¶ ¶ ¶ ဂန္ထသမ္ပယုတ္တဉ္စ အကုသလံ ဓမ္မံ ပဋိစ္စ ဂန္ထော စေဝ ဂန္ထသမ္ပယုတ္တော စ အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။

၃၄။ ဟေတုယာ နဝ၊ အာရမ္မဏေ နဝ…ပေ… အဝိဂတေ နဝ (သံခိတ္တံ)။

နအဓိပတိယာ နဝ၊ နပုရေဇာတေ နဝ၊ နကမ္မေ တီဏိ…ပေ… နဝိပ္ပယုတ္တေ နဝ (သံခိတ္တံ)။

(သဟဇာတဝါရောပိ…ပေ… သမ္ပယုတ္တဝါရောပိ ပဋိစ္စဝါရသဒိသာ။)

၃၅။ ဂန္ထော စေဝ ဂန္ထသမ္ပယုတ္တော စ အကုသလော ဓမ္မော ဂန္ထဿ စေဝ ဂန္ထသမ္ပယုတ္တဿ စ အကုသလဿ ဓမ္မဿ ဟေတုပစ္စယေန ပစ္စယော (သံခိတ္တံ)။

၃၆။ ဟေတုယာ နဝ၊ အာရမ္မဏေ နဝ…ပေ… ကမ္မေ အာဟာရေ ဣန္ဒြိယေ ဈာနေ တီဏိ…ပေ… အဝိဂတေ နဝ (သံခိတ္တံ)။

၃၇။ နဟေတုယာ နဝ၊ နအာရမ္မဏေ နဝ (သံခိတ္တံ)။

ဟေတုပစ္စယာ နအာရမ္မဏေ နဝ (သံခိတ္တံ)။

နဟေတုပစ္စယာ အာရမ္မဏေ နဝ (သံခိတ္တံ)။

(ယထာ ¶ ¶ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ။)

၃၁-၁။ ဂန္ထဝိပ္ပယုတ္တဂန္ထနိယဒုက-ကုသလတ္တိကံ

၃၈။ ဂန္ထဝိပ္ပယုတ္တံ ဂန္ထနိယံ ကုသလံ ဓမ္မံ ပဋိစ္စ ဂန္ထဝိပ္ပယုတ္တော ဂန္ထနိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)

ဂန္ထဝိပ္ပယုတ္တံ အဂန္ထနိယံ ကုသလံ ဓမ္မံ ပဋိစ္စ ဂန္ထဝိပ္ပယုတ္တော အဂန္ထနိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)

၃၉။ ဟေတုယာ ¶ ဒွေ၊ အာရမ္မဏေ ဒွေ…ပေ… အဝိဂတေ ဒွေ (သံခိတ္တံ)။

(သဟဇာတဝါရောပိ…ပေ… ပဉှာဝါရောပိ သဗ္ဗတ္ထ ဝိတ္ထာရေတဗ္ဗာ။)

၄၀။ ဂန္ထဝိပ္ပယုတ္တံ ဂန္ထနိယံ အကုသလံ ဓမ္မံ ပဋိစ္စ ဂန္ထဝိပ္ပယုတ္တော ဂန္ထနိယော အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။

၄၁။ ဟေတုယာ ဧကံ…ပေ… အဝိဂတေ ဧကံ (သံခိတ္တံ)။

(သဟဇာတဝါရေပိ…ပေ… ပဉှာဝါရေပိ သဗ္ဗတ္ထ ဧကံ။)

၄၂။ ဂန္ထဝိပ္ပယုတ္တံ ¶ ဂန္ထနိယံ အဗျာကတံ ဓမ္မံ ပဋိစ္စ ဂန္ထဝိပ္ပယုတ္တော ဂန္ထနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)

ဂန္ထဝိပ္ပယုတ္တံ ¶ အဂန္ထနိယံ အဗျာကတံ ဓမ္မံ ပဋိစ္စ ဂန္ထဝိပ္ပယုတ္တော အဂန္ထနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ… တီဏိ။

ဂန္ထဝိပ္ပယုတ္တံ ဂန္ထနိယံ အဗျာကတဉ္စ ဂန္ထဝိပ္ပယုတ္တံ အဂန္ထနိယံ အဗျာကတဉ္စ ဓမ္မံ ပဋိစ္စ ဂန္ထဝိပ္ပယုတ္တော ဂန္ထနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)

၄၃။ ဟေတုယာ ပဉ္စ၊ အာရမ္မဏေ ဒွေ…ပေ… ဝိပါကေ ပဉ္စ…ပေ… အဝိဂတေ ပဉ္စ (သံခိတ္တံ)။

(သဟဇာတဝါရမ္ပိ…ပေ… သမ္ပယုတ္တဝါရမ္ပိ ပဋိစ္စဝါရသဒိသံ။)

၄၄။ ဂန္ထဝိပ္ပယုတ္တော ဂန္ထနိယော အဗျာကတော ဓမ္မော ဂန္ထဝိပ္ပယုတ္တဿ ဂန္ထနိယဿ အဗျာကတဿ ဓမ္မဿ ဟေတုပစ္စယေန ပစ္စယော။ (၁)

ဂန္ထဝိပ္ပယုတ္တော အဂန္ထနိယော အဗျာကတော ဓမ္မော ဂန္ထဝိပ္ပယုတ္တဿ အဂန္ထနိယဿ အဗျာကတဿ ဓမ္မဿ ဟေတုပစ္စယေန ပစ္စယော… တီဏိ (သံခိတ္တံ)။

၄၅။ ဟေတုယာ စတ္တာရိ၊ အာရမ္မဏေ တီဏိ၊ အဓိပတိယာ စတ္တာရိ…ပေ… အဝိဂတေ သတ္တ။ (သံခိတ္တံ။)

၄၆။ နဟေတုယာ ¶ သတ္တ၊ နအာရမ္မဏေ သတ္တ (သံခိတ္တံ)။

ဟေတုပစ္စယာ ¶ နအာရမ္မဏေ စတ္တာရိ (သံခိတ္တံ)။

နဟေတုပစ္စယာ အာရမ္မဏေ တီဏိ (သံခိတ္တံ)။

ဂန္ထဂေါစ္ဆကကုသလတ္တိကံ နိဋ္ဌိတံ။

(ဩဃဂေါစ္ဆကမ္ပိ ယောဂဂေါစ္ဆကမ္ပိ အာသဝဂေါစ္ဆကကုသလတ္တိကသဒိသံ။)