မူလ > အဘိဓမ္မပိဋက > ပဋ္ဌာနပါဠိ-၂ > ၁၆။ မဂ္ဂါရမ္မဏတ္တိကံ

မဂ္ဂါရမ္မဏံ ဓမ္မံ ပဋိစ္စ မဂ္ဂါဓိပတိ ဓမ္မော ဥပ္ပဇ္ဇတိ ဟေတုပစ္စယာ – မဂ္ဂါရမ္မဏံ ဧကံ ခန္ဓံ ပဋိစ္စ မဂ္ဂါဓိပတီ တယော ခန္ဓာ၊ တယော ခန္ဓေ ပဋိစ္စ ဧကော ခန္ဓော။ ဒွေ ခန္ဓေ…ပေ…။ (၂)

မဂ္ဂါရမ္မဏံ ဓမ္မံ ပဋိစ္စ မဂ္ဂါရမ္မဏော စ မဂ္ဂါဓိပတိ စ ဓမ္မာ ဥပ္ပဇ္ဇန္တိ ဟေတုပစ္စယာ – မဂ္ဂါရမ္မဏံ ဧကံ ခန္ဓံ ပဋိစ္စ မဂ္ဂါရမ္မဏာ စ မဂ္ဂါဓိပတီ စ တယော ခန္ဓာ…ပေ… ဒွေ ခန္ဓေ…ပေ…။ (၃)

၂။ မဂ္ဂဟေတုကံ ဓမ္မံ ပဋိစ္စ မဂ္ဂဟေတုကော ဓမ္မော ဥပ္ပဇ္ဇတိ ဟေတုပစ္စယာ – မဂ္ဂဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)

မဂ္ဂဟေတုကံ ¶ ဓမ္မံ ပဋိစ္စ မဂ္ဂါဓိပတိ ဓမ္မော ဥပ္ပဇ္ဇတိ ဟေတုပစ္စယာ – မဂ္ဂဟေတုကံ ဧကံ ခန္ဓံ ပဋိစ္စ မဂ္ဂါဓိပတီ တယော ခန္ဓာ…ပေ… ဒွေ ခန္ဓေ…ပေ…။ (၂)

မဂ္ဂဟေတုကံ ဓမ္မံ ပဋိစ္စ မဂ္ဂဟေတုကော စ မဂ္ဂါဓိပတိ စ ဓမ္မာ ဥပ္ပဇ္ဇန္တိ ဟေတုပစ္စယာ – မဂ္ဂဟေတုကံ ဧကံ ခန္ဓံ ပဋိစ္စ မဂ္ဂဟေတုကာ စ မဂ္ဂါဓိပတီ စ တယော ခန္ဓာ…ပေ… ဒွေ ခန္ဓေ…ပေ…။ (၃)

၃။ မဂ္ဂါဓိပတိံ ဓမ္မံ ပဋိစ္စ မဂ္ဂါဓိပတိ ဓမ္မော ဥပ္ပဇ္ဇတိ ဟေတုပစ္စယာ – မဂ္ဂါဓိပတိံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)

မဂ္ဂါဓိပတိံ ဓမ္မံ ပဋိစ္စ မဂ္ဂါရမ္မဏော ဓမ္မော ဥပ္ပဇ္ဇတိ ဟေတုပစ္စယာ ¶ – မဂ္ဂါဓိပတိံ ဧကံ ခန္ဓံ ပဋိစ္စ မဂ္ဂါရမ္မဏာ တယော ခန္ဓာ…ပေ… ဒွေ ခန္ဓေ…ပေ…။ (၂)

မဂ္ဂါဓိပတိံ ဓမ္မံ ပဋိစ္စ မဂ္ဂဟေတုကော ဓမ္မော ဥပ္ပဇ္ဇတိ ဟေတုပစ္စယာ – မဂ္ဂါဓိပတိံ ဧကံ ခန္ဓံ ပဋိစ္စ မဂ္ဂဟေတုကာ တယော ခန္ဓာ…ပေ… ဒွေ ခန္ဓေ…ပေ…။ (၃)

မဂ္ဂါဓိပတိံ ဓမ္မံ ပဋိစ္စ မဂ္ဂါရမ္မဏော စ မဂ္ဂါဓိပတိ စ ဓမ္မာ ဥပ္ပဇ္ဇန္တိ ဟေတုပစ္စယာ – မဂ္ဂါဓိပတိံ ဧကံ ခန္ဓံ ပဋိစ္စ မဂ္ဂါရမ္မဏာ စ မဂ္ဂါဓိပတီ စ တယော ခန္ဓာ…ပေ… ဒွေ ခန္ဓေ…ပေ…။ (၄)

မဂ္ဂါဓိပတိံ ¶ ဓမ္မံ ပဋိစ္စ မဂ္ဂဟေတုကော စ မဂ္ဂါဓိပတိ စ ဓမ္မာ ဥပ္ပဇ္ဇန္တိ ဟေတုပစ္စယာ – မဂ္ဂါဓိပတိံ ဧကံ ခန္ဓံ ပဋိစ္စ မဂ္ဂဟေတုကာ စ မဂ္ဂါဓိပတီ စ တယော ခန္ဓာ…ပေ… ဒွေ ခန္ဓေ…ပေ…။ (၅)

၄။ မဂ္ဂါရမ္မဏဉ္စ မဂ္ဂါဓိပတိဉ္စ ဓမ္မံ ပဋိစ္စ မဂ္ဂါရမ္မဏော ဓမ္မော ဥပ္ပဇ္ဇတိ ဟေတုပစ္စယာ – မဂ္ဂါရမ္မဏဉ္စ မဂ္ဂါဓိပတိဉ္စ ဧကံ ခန္ဓံ ပဋိစ္စ မဂ္ဂါရမ္မဏာ တယော ခန္ဓာ…ပေ… ဒွေ ခန္ဓေ…ပေ…။ (၁)

မဂ္ဂါရမ္မဏဉ္စ ¶ မဂ္ဂါဓိပတိဉ္စ ဓမ္မံ ပဋိစ္စ မဂ္ဂါဓိပတိ ဓမ္မော ဥပ္ပဇ္ဇတိ ဟေတုပစ္စယာ – မဂ္ဂါရမ္မဏဉ္စ မဂ္ဂါဓိပတိဉ္စ ဧကံ ခန္ဓံ ပဋိစ္စ မဂ္ဂါဓိပတီ တယော ခန္ဓာ…ပေ… ဒွေ ခန္ဓေ…ပေ…။ (၂)

မဂ္ဂါရမ္မဏဉ္စ မဂ္ဂါဓိပတိဉ္စ ဓမ္မံ ပဋိစ္စ မဂ္ဂါရမ္မဏော စ မဂ္ဂါဓိပတိ စ ဓမ္မာ ဥပ္ပဇ္ဇန္တိ ဟေတုပစ္စယာ – မဂ္ဂါရမ္မဏဉ္စ မဂ္ဂါဓိပတိဉ္စ ဧကံ ခန္ဓံ ပဋိစ္စ မဂ္ဂါရမ္မဏာ စ မဂ္ဂါဓိပတီ စ တယော ခန္ဓာ…ပေ… ဒွေ ခန္ဓေ…ပေ…။ (၃)

၅။ မဂ္ဂဟေတုကဉ္စ ¶ မဂ္ဂါဓိပတိဉ္စ ဓမ္မံ ပဋိစ္စ မဂ္ဂဟေတုကော ဓမ္မော ဥပ္ပဇ္ဇတိ ဟေတုပစ္စယာ – မဂ္ဂဟေတုကဉ္စ မဂ္ဂါဓိပတိဉ္စ ဧကံ ခန္ဓံ ပဋိစ္စ မဂ္ဂဟေတုကာ တယော ခန္ဓာ…ပေ… ဒွေ ခန္ဓေ…ပေ…။ (၁)

မဂ္ဂဟေတုကဉ္စ မဂ္ဂါဓိပတိဉ္စ ဓမ္မံ ပဋိစ္စ မဂ္ဂါဓိပတိ ဓမ္မော ဥပ္ပဇ္ဇတိ ဟေတုပစ္စယာ – မဂ္ဂဟေတုကဉ္စ မဂ္ဂါဓိပတိဉ္စ ဧကံ ခန္ဓံ ပဋိစ္စ မဂ္ဂါဓိပတီ တယော ခန္ဓာ…ပေ… ဒွေ ခန္ဓေ…ပေ…။ (၂)

မဂ္ဂဟေတုကဉ္စ မဂ္ဂါဓိပတိဉ္စ ဓမ္မံ ပဋိစ္စ မဂ္ဂဟေတုကော စ မဂ္ဂါဓိပတိ စ ဓမ္မာ ဥပ္ပဇ္ဇန္တိ ဟေတုပစ္စယာ – မဂ္ဂဟေတုကဉ္စ မဂ္ဂါဓိပတိဉ္စ ဧကံ ခန္ဓံ ပဋိစ္စ မဂ္ဂဟေတုကာ စ မဂ္ဂါဓိပတီ စ တယော ခန္ဓာ…ပေ… ဒွေ ခန္ဓေ…ပေ…။ (၃)

၆။ မဂ္ဂါရမ္မဏံ ဓမ္မံ ပဋိစ္စ မဂ္ဂါရမ္မဏော ဓမ္မော ဥပ္ပဇ္ဇတိ အာရမ္မဏပစ္စယာ… အဓိပတိပစ္စယာ… အနန္တရပစ္စယာ… သမနန္တရပစ္စယာ… သဟဇာတပစ္စယာ… အညမညပစ္စယာ… နိဿယပစ္စယာ… ဥပနိဿယပစ္စယာ… ပုရေဇာတပစ္စယာ… အာသေဝနပစ္စယာ… ကမ္မပစ္စယာ… အာဟာရပစ္စယာ… ဣန္ဒြိယပစ္စယာ… ဈာနပစ္စယာ… မဂ္ဂပစ္စယာ… သမ္ပယုတ္တပစ္စယာ… ဝိပ္ပယုတ္တပစ္စယာ… အတ္ထိပစ္စယာ… နတ္ထိပစ္စယာ… ဝိဂတပစ္စယာ… အဝိဂတပစ္စယာ။

၇။ ဟေတုယာ ¶ ¶ သတ္တရသ၊ အာရမ္မဏေ အဓိပတိယာ အနန္တရေ သမနန္တရေ သဟဇာတေ အညမညေ နိဿယေ ဥပနိဿယေ ပုရေဇာတေ အာသေဝနေ ကမ္မေ အာဟာရေ ဣန္ဒြိယေ ဈာနေ မဂ္ဂေ သမ္ပယုတ္တေ ဝိပ္ပယုတ္တေ အတ္ထိယာ နတ္ထိယာ ဝိဂတေ အဝိဂတေ သတ္တရသ (ဧဝံ ဂဏေတဗ္ဗံ)။

၈။ မဂ္ဂါရမ္မဏံ ¶ ဓမ္မံ ပဋိစ္စ မဂ္ဂါရမ္မဏော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ မဂ္ဂါရမ္မဏံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)

၉။ မဂ္ဂါရမ္မဏံ ဓမ္မံ ပဋိစ္စ မဂ္ဂါရမ္မဏော ဓမ္မော ဥပ္ပဇ္ဇတိ နအဓိပတိပစ္စယာ – မဂ္ဂါရမ္မဏံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)

မဂ္ဂါရမ္မဏံ ဓမ္မံ ပဋိစ္စ မဂ္ဂါဓိပတိ ဓမ္မော ဥပ္ပဇ္ဇတိ နအဓိပတိပစ္စယာ – မဂ္ဂါရမ္မဏံ ဧကံ ခန္ဓံ ပဋိစ္စ မဂ္ဂါဓိပတီ တယော ခန္ဓာ…ပေ… ဒွေ ခန္ဓေ…ပေ…။ (၂)

မဂ္ဂါရမ္မဏံ ဓမ္မံ ပဋိစ္စ မဂ္ဂါရမ္မဏော စ မဂ္ဂါဓိပတိ စ ဓမ္မာ ဥပ္ပဇ္ဇန္တိ နအဓိပတိပစ္စယာ ¶ – မဂ္ဂါရမ္မဏံ ဧကံ ခန္ဓံ ပဋိစ္စ မဂ္ဂါရမ္မဏာ စ မဂ္ဂါဓိပတီ စ တယော ခန္ဓာ…ပေ… ဒွေ ခန္ဓေ…ပေ…။ (၃)

၁၀။ မဂ္ဂဟေတုကံ ဓမ္မံ ပဋိစ္စ မဂ္ဂဟေတုကော ဓမ္မော ဥပ္ပဇ္ဇတိ နအဓိပတိပစ္စယာ – မဂ္ဂဟေတုကေ ခန္ဓေ ပဋိစ္စ မဂ္ဂဟေတုကာဓိပတိ။ (၁)

မဂ္ဂဟေတုကံ ဓမ္မံ ပဋိစ္စ မဂ္ဂါဓိပတိ ဓမ္မော ဥပ္ပဇ္ဇတိ နအဓိပတိပစ္စယာ – မဂ္ဂဟေတုကေ ခန္ဓေ ပဋိစ္စ မဂ္ဂါဓိပတိ အဓိပတိ။ (၂)

မဂ္ဂဟေတုကံ ဓမ္မံ ပဋိစ္စ မဂ္ဂဟေတုကော စ မဂ္ဂါဓိပတိ စ ဓမ္မာ ဥပ္ပဇ္ဇန္တိ နအဓိပတိပစ္စယာ – မဂ္ဂဟေတုကေ ခန္ဓေ ပဋိစ္စ မဂ္ဂဟေတုကော စ မဂ္ဂါဓိပတိ စ အဓိပတိ။ (၃)

၁၁။ မဂ္ဂါဓိပတိံ ¶ ဓမ္မံ ပဋိစ္စ မဂ္ဂါဓိပတိ ဓမ္မော ဥပ္ပဇ္ဇတိ နအဓိပတိပစ္စယာ – မဂ္ဂါဓိပတီ ခန္ဓေ ပဋိစ္စ မဂ္ဂါဓိပတိ အဓိပတိ။ မဂ္ဂါဓိပတိံ ¶ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)

မဂ္ဂါဓိပတိံ ဓမ္မံ ပဋိစ္စ မဂ္ဂါရမ္မဏော ဓမ္မော ဥပ္ပဇ္ဇတိ နအဓိပတိပစ္စယာ – မဂ္ဂါဓိပတိံ ဧကံ ခန္ဓံ ပဋိစ္စ မဂ္ဂါရမ္မဏာ တယော ခန္ဓာ…ပေ… ဒွေ ခန္ဓေ…ပေ…။ (၂)

မဂ္ဂါဓိပတိံ ဓမ္မံ ပဋိစ္စ မဂ္ဂဟေတုကော ဓမ္မော ဥပ္ပဇ္ဇတိ နအဓိပတိပစ္စယာ – မဂ္ဂါဓိပတီ ခန္ဓေ ပဋိစ္စ မဂ္ဂဟေတုကော အဓိပတိ။ (၃)

မဂ္ဂါဓိပတိံ ဓမ္မံ ပဋိစ္စ မဂ္ဂါရမ္မဏော စ မဂ္ဂါဓိပတိ စ ဓမ္မာ ဥပ္ပဇ္ဇန္တိ နအဓိပတိပစ္စယာ – မဂ္ဂါဓိပတိံ ဧကံ ခန္ဓံ ပဋိစ္စ မဂ္ဂါရမ္မဏာ စ မဂ္ဂါဓိပတီ စ တယော ခန္ဓာ…ပေ… ဒွေ ခန္ဓေ…ပေ…။ (၄)

မဂ္ဂါဓိပတိံ ¶ ဓမ္မံ ပဋိစ္စ မဂ္ဂဟေတုကော စ မဂ္ဂါဓိပတိ စ ဓမ္မာ ဥပ္ပဇ္ဇန္တိ နအဓိပတိပစ္စယာ – မဂ္ဂါဓိပတီ ခန္ဓေ ပဋိစ္စ မဂ္ဂဟေတုကော စ မဂ္ဂါဓိပတိ စ အဓိပတိ။ (၅)

၁၂။ မဂ္ဂါရမ္မဏဉ္စ မဂ္ဂါဓိပတိဉ္စ ဓမ္မံ ပဋိစ္စ မဂ္ဂါရမ္မဏော ဓမ္မော ဥပ္ပဇ္ဇတိ နအဓိပတိပစ္စယာ – မဂ္ဂါရမ္မဏဉ္စ မဂ္ဂါဓိပတိဉ္စ ဧကံ ခန္ဓံ ပဋိစ္စ မဂ္ဂါရမ္မဏာ တယော ခန္ဓာ…ပေ… ဒွေ ခန္ဓေ…ပေ…။ (၁)

မဂ္ဂါရမ္မဏဉ္စ မဂ္ဂါဓိပတိဉ္စ ဓမ္မံ ပဋိစ္စ မဂ္ဂါဓိပတိ ဓမ္မော ဥပ္ပဇ္ဇတိ နအဓိပတိပစ္စယာ – မဂ္ဂါရမ္မဏဉ္စ မဂ္ဂါဓိပတိဉ္စ ဧကံ ခန္ဓံ ပဋိစ္စ မဂ္ဂါဓိပတီ တယော ခန္ဓာ…ပေ… ဒွေ ခန္ဓေ…ပေ…။ (၂)

မဂ္ဂါရမ္မဏဉ္စ မဂ္ဂါဓိပတိဉ္စ ဓမ္မံ ပဋိစ္စ မဂ္ဂါရမ္မဏော စ မဂ္ဂါဓိပတိ စ ဓမ္မာ ဥပ္ပဇ္ဇန္တိ နအဓိပတိပစ္စယာ – မဂ္ဂါရမ္မဏဉ္စ မဂ္ဂါဓိပတိဉ္စ ဧကံ ခန္ဓံ ပဋိစ္စ မဂ္ဂါရမ္မဏာ စ မဂ္ဂါဓိပတီ စ တယော ¶ ခန္ဓာ…ပေ… ဒွေ ခန္ဓေ…ပေ…။ (၃)

၁၃။ မဂ္ဂဟေတုကဉ္စ မဂ္ဂါဓိပတိဉ္စ ဓမ္မံ ပဋိစ္စ မဂ္ဂဟေတုကော ဓမ္မော ဥပ္ပဇ္ဇတိ နအဓိပတိပစ္စယာ – မဂ္ဂဟေတုကေ စ မဂ္ဂါဓိပတီ စ ခန္ဓေ ပဋိစ္စ မဂ္ဂဟေတုကော အဓိပတိ။ (၁)

မဂ္ဂဟေတုကဉ္စ မဂ္ဂါဓိပတိဉ္စ ဓမ္မံ ပဋိစ္စ မဂ္ဂါဓိပတိ ဓမ္မော ဥပ္ပဇ္ဇတိ နအဓိပတိပစ္စယာ – မဂ္ဂဟေတုကေ စ မဂ္ဂါဓိပတီ စ ခန္ဓေ ပဋိစ္စ မဂ္ဂါဓိပတိ အဓိပတိ။ (၂)

မဂ္ဂဟေတုကဉ္စ ¶ မဂ္ဂါဓိပတိဉ္စ ဓမ္မံ ပဋိစ္စ မဂ္ဂဟေတုကော စ မဂ္ဂါဓိပတိ စ ဓမ္မာ ဥပ္ပဇ္ဇန္တိ နအဓိပတိပစ္စယာ – မဂ္ဂဟေတုကေ စ မဂ္ဂါဓိပတီ စ ခန္ဓေ ပဋိစ္စ မဂ္ဂဟေတုကော စ မဂ္ဂါဓိပတိ စ အဓိပတိ။ (၃)

၁၄။ မဂ္ဂါရမ္မဏံ ¶ ဓမ္မံ ပဋိစ္စ မဂ္ဂါရမ္မဏော ဓမ္မော ဥပ္ပဇ္ဇတိ နပုရေဇာတပစ္စယာ… နပစ္ဆာဇာတပစ္စယာ (ပရိပုဏ္ဏာ ဒွေပိ)။

၁၅။ မဂ္ဂါရမ္မဏံ ဓမ္မံ ပဋိစ္စ မဂ္ဂါရမ္မဏော ဓမ္မော ဥပ္ပဇ္ဇတိ နအာသေဝနပစ္စယာ – မဂ္ဂါရမ္မဏံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)

မဂ္ဂါရမ္မဏံ ဓမ္မံ ပဋိစ္စ မဂ္ဂါဓိပတိ ဓမ္မော ဥပ္ပဇ္ဇတိ နအာသေဝနပစ္စယာ – မဂ္ဂါရမ္မဏံ ဧကံ ခန္ဓံ ပဋိစ္စ မဂ္ဂါဓိပတီ တယော ခန္ဓာ…ပေ… ဒွေ ခန္ဓေ…ပေ…။ (၂)

မဂ္ဂါရမ္မဏံ ဓမ္မံ ပဋိစ္စ မဂ္ဂါရမ္မဏော စ မဂ္ဂါဓိပတိ စ ဓမ္မာ ဥပ္ပဇ္ဇန္တိ နအာသေဝနပစ္စယာ – မဂ္ဂါရမ္မဏံ ဧကံ ခန္ဓံ ပဋိစ္စ မဂ္ဂါရမ္မဏာ စ မဂ္ဂါဓိပတီ စ တယော ခန္ဓာ…ပေ… ဒွေ ခန္ဓေ…ပေ…။ (၃)

၁၆။ မဂ္ဂါဓိပတိံ ဓမ္မံ ပဋိစ္စ မဂ္ဂါဓိပတိ ဓမ္မော ဥပ္ပဇ္ဇတိ နအာသေဝနပစ္စယာ ¶ – မဂ္ဂါဓိပတိံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)

မဂ္ဂါဓိပတိံ ဓမ္မံ ပဋိစ္စ မဂ္ဂါရမ္မဏော ဓမ္မော ဥပ္ပဇ္ဇတိ နအာသေဝနပစ္စယာ – မဂ္ဂါဓိပတိံ ဧကံ ခန္ဓံ ပဋိစ္စ မဂ္ဂါရမ္မဏာ တယော ခန္ဓာ…ပေ… ဒွေ ခန္ဓေ…ပေ…။ (၂)

မဂ္ဂါဓိပတိံ ဓမ္မံ ပဋိစ္စ မဂ္ဂါရမ္မဏော စ မဂ္ဂါဓိပတိ စ ဓမ္မာ ဥပ္ပဇ္ဇန္တိ နအာသေဝနပစ္စယာ – မဂ္ဂါဓိပတိံ ဧကံ ခန္ဓံ ပဋိစ္စ မဂ္ဂါရမ္မဏာ စ မဂ္ဂါဓိပတီ စ တယော ခန္ဓာ…ပေ… ဒွေ ခန္ဓေ…ပေ…။ (၃)

၁၇။ မဂ္ဂါရမ္မဏဉ္စ မဂ္ဂါဓိပတိဉ္စ ဓမ္မံ ပဋိစ္စ မဂ္ဂါရမ္မဏော ဓမ္မော ဥပ္ပဇ္ဇတိ နအာသေဝနပစ္စယာ ¶ – မဂ္ဂါရမ္မဏဉ္စ မဂ္ဂါဓိပတိဉ္စ ဧကံ ခန္ဓံ ပဋိစ္စ မဂ္ဂါရမ္မဏာ တယော ခန္ဓာ…ပေ… ဒွေ ခန္ဓေ…ပေ…။ (၁)

မဂ္ဂါရမ္မဏဉ္စ ¶ မဂ္ဂါဓိပတိဉ္စ ဓမ္မံ ပဋိစ္စ မဂ္ဂါဓိပတိ ဓမ္မော ဥပ္ပဇ္ဇတိ နအာသေဝနပစ္စယာ – မဂ္ဂါရမ္မဏဉ္စ မဂ္ဂါဓိပတိဉ္စ ဧကံ ခန္ဓံ ပဋိစ္စ မဂ္ဂါဓိပတီ တယော ခန္ဓာ…ပေ… ဒွေ ခန္ဓေ…ပေ…။ (၂)

မဂ္ဂါရမ္မဏဉ္စ မဂ္ဂါဓိပတိဉ္စ ဓမ္မံ ပဋိစ္စ မဂ္ဂါရမ္မဏော စ မဂ္ဂါဓိပတိ စ ဓမ္မာ ဥပ္ပဇ္ဇန္တိ နအာသေဝနပစ္စယာ – မဂ္ဂါရမ္မဏဉ္စ မဂ္ဂါဓိပတိဉ္စ ဧကံ ခန္ဓံ ပဋိစ္စ မဂ္ဂါရမ္မဏာ စ မဂ္ဂါဓိပတီ စ တယော ခန္ဓာ…ပေ… ဒွေ ခန္ဓေ…ပေ…။ (၃)

၁၈။ မဂ္ဂါရမ္မဏံ ဓမ္မံ ပဋိစ္စ မဂ္ဂါရမ္မဏော ဓမ္မော ဥပ္ပဇ္ဇတိ နကမ္မပစ္စယာ – မဂ္ဂါရမ္မဏေ ခန္ဓေ ပဋိစ္စ မဂ္ဂါရမ္မဏာ စေတနာ။ (၁)

မဂ္ဂါရမ္မဏံ ဓမ္မံ ပဋိစ္စ မဂ္ဂါဓိပတိ ဓမ္မော ဥပ္ပဇ္ဇတိ နကမ္မပစ္စယာ – မဂ္ဂါရမ္မဏေ ခန္ဓေ ပဋိစ္စ မဂ္ဂါဓိပတိ ¶ စေတနာ။ (၂)

မဂ္ဂါရမ္မဏံ ဓမ္မံ ပဋိစ္စ မဂ္ဂါရမ္မဏော စ မဂ္ဂါဓိပတိ စ ဓမ္မာ ဥပ္ပဇ္ဇန္တိ နကမ္မပစ္စယာ – မဂ္ဂါရမ္မဏေ ခန္ဓေ ပဋိစ္စ မဂ္ဂါရမ္မဏာ စ မဂ္ဂါဓိပတိ စ စေတနာ။ (၃)

၁၉။ မဂ္ဂဟေတုကံ ဓမ္မံ ပဋိစ္စ မဂ္ဂဟေတုကော ဓမ္မော ဥပ္ပဇ္ဇတိ နကမ္မပစ္စယာ – မဂ္ဂဟေတုကေ ခန္ဓေ ပဋိစ္စ မဂ္ဂဟေတုကာ စေတနာ။ (၁)

မဂ္ဂဟေတုကံ ဓမ္မံ ပဋိစ္စ မဂ္ဂါဓိပတိ ဓမ္မော ဥပ္ပဇ္ဇတိ နကမ္မပစ္စယာ – မဂ္ဂဟေတုကေ ခန္ဓေ ပဋိစ္စ မဂ္ဂါဓိပတိ စေတနာ။ (၂)

မဂ္ဂဟေတုကံ ¶ ဓမ္မံ ပဋိစ္စ မဂ္ဂဟေတုကော စ မဂ္ဂါဓိပတိ စ ဓမ္မာ ဥပ္ပဇ္ဇန္တိ နကမ္မပစ္စယာ – မဂ္ဂဟေတုကေ ခန္ဓေ ပဋိစ္စ မဂ္ဂဟေတုကော စ မဂ္ဂါဓိပတိ စ စေတနာ။ (၃)

၂၀။ မဂ္ဂါဓိပတိံ ဓမ္မံ ပဋိစ္စ မဂ္ဂါဓိပတိ ဓမ္မော ဥပ္ပဇ္ဇတိ နကမ္မပစ္စယာ – မဂ္ဂါဓိပတီ ခန္ဓေ ပဋိစ္စ မဂ္ဂါဓိပတိ စေတနာ (ပဉ္စ ပဉှာ)။

မဂ္ဂါရမ္မဏဉ္စ မဂ္ဂါဓိပတိဉ္စ ဓမ္မံ ပဋိစ္စ မဂ္ဂါရမ္မဏော ဓမ္မော ဥပ္ပဇ္ဇတိ နကမ္မပစ္စယာ (ပဌမဃဋနေ တီဏိ)။

မဂ္ဂဟေတုကဉ္စ ¶ မဂ္ဂါဓိပတိဉ္စ ဓမ္မံ ပဋိစ္စ မဂ္ဂဟေတုကော ဓမ္မော ဥပ္ပဇ္ဇတိ နကမ္မပစ္စယာ (ဒုတိယဃဋနေ တီဏိ ပဉှာ)။

၂၁။ မဂ္ဂါရမ္မဏံ ဓမ္မံ ပဋိစ္စ မဂ္ဂါရမ္မဏော ဓမ္မော ဥပ္ပဇ္ဇတိ နဝိပါကပစ္စယာ (ပရိပုဏ္ဏံ)။

၂၂။ မဂ္ဂါရမ္မဏံ ဓမ္မံ ပဋိစ္စ မဂ္ဂါရမ္မဏော ဓမ္မော ဥပ္ပဇ္ဇတိ နမဂ္ဂပစ္စယာ – အဟေတုကံ မဂ္ဂါရမ္မဏံ ဧကံ ခန္ဓံ ပဋိစ္စ တယော ¶ ခန္ဓာ…ပေ… ဒွေ ခန္ဓေ…ပေ…။ (၁)

၂၃။ မဂ္ဂါရမ္မဏံ ဓမ္မံ ပဋိစ္စ မဂ္ဂါရမ္မဏော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ (ပရိပုဏ္ဏံ၊ အရူပန္တိ နိယာမေတဗ္ဗံ)။

၂၄။ နဟေတုယာ ¶ ဧကံ၊ နအဓိပတိယာ သတ္တရသ၊ နပုရေဇာတေ သတ္တရသ၊ နပစ္ဆာဇာတေ သတ္တရသ၊ နအာသေဝနေ နဝ၊ နကမ္မေ သတ္တရသ၊ နဝိပါကေ သတ္တရသ၊ နမဂ္ဂေ ဧကံ၊ နဝိပ္ပယုတ္တေ သတ္တရသ (ဧဝံ ဂဏေတဗ္ဗံ)။

၂၅။ ဟေတုပစ္စယာ နအဓိပတိယာ သတ္တရသ၊ နပုရေဇာတေ သတ္တရသ၊ နပစ္ဆာဇာတေ သတ္တရသ၊ နအာသေဝနေ နဝ၊ နကမ္မေ သတ္တရသ၊ နဝိပါကေ နဝိပ္ပယုတ္တေ သတ္တရသ (ဧဝံ ဂဏေတဗ္ဗံ)။

၂၆။ နဟေတုပစ္စယာ ¶ အာရမ္မဏေ ဧကံ၊ အနန္တရေ ဧကံ၊ သမနန္တရေ ဧကံ…ပေ… ဈာနေ သမ္ပယုတ္တေ ဝိပ္ပယုတ္တေ အတ္ထိယာ နတ္ထိယာ ဝိဂတေ အဝိဂတေ ဧကံ (ဧဝံ ဂဏေတဗ္ဗံ)။

၂-၆။ သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော

(သဟဇာတဝါရောပိ ¶ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသော။)

၂၇။ မဂ္ဂါရမ္မဏော ¶ ဓမ္မော မဂ္ဂါရမ္မဏဿ ဓမ္မဿ ဟေတုပစ္စယေန ပစ္စယော – မဂ္ဂါရမ္မဏာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)

မဂ္ဂါရမ္မဏော ဓမ္မော မဂ္ဂါဓိပတိဿ ဓမ္မဿ ဟေတုပစ္စယေန ပစ္စယော – မဂ္ဂါရမ္မဏာ ဟေတူ သမ္ပယုတ္တကာနံ မဂ္ဂါဓိပတီနံ ခန္ဓာနံ ဟေတုပစ္စယေန ပစ္စယော။ (၂)

မဂ္ဂါရမ္မဏော ဓမ္မော မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ ဟေတုပစ္စယေန ပစ္စယော (ဣမိနာ ကာရဏေန သတ္တရသ ပဉှာ ကာတဗ္ဗာ)။

၂၈။ မဂ္ဂဟေတုကော ဓမ္မော မဂ္ဂါရမ္မဏဿ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ စေတောပရိယဉာဏေန မဂ္ဂဟေတုကစိတ္တသမင်္ဂိဿ ¶ စိတ္တံ ဇာနန္တိ၊ မဂ္ဂဟေတုကာ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)

မဂ္ဂဟေတုကော ¶ ဓမ္မော မဂ္ဂါဓိပတိဿ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ (၂)

မဂ္ဂဟေတုကော ဓမ္မော မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ¶ ကတွာ ပစ္စဝေက္ခန္တိ။ (၃)

၂၉။ မဂ္ဂါဓိပတိ ဓမ္မော မဂ္ဂါဓိပတိဿ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ (၁)

မဂ္ဂါဓိပတိ ဓမ္မော မဂ္ဂါရမ္မဏဿ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ စေတောပရိယဉာဏေန မဂ္ဂါဓိပတိစိတ္တသမင်္ဂိဿ စိတ္တံ ဇာနန္တိ၊ မဂ္ဂါဓိပတီ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၂)

မဂ္ဂါဓိပတိ ဓမ္မော မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ (၃)

၃၀။ မဂ္ဂဟေတုကော စ မဂ္ဂါဓိပတိ စ ဓမ္မာ မဂ္ဂါရမ္မဏဿ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ စေတောပရိယဉာဏေန မဂ္ဂဟေတုကမဂ္ဂါဓိပတိစိတ္တသမင်္ဂိဿ စိတ္တံ ဇာနန္တိ၊ မဂ္ဂဟေတုကာ စ မဂ္ဂါဓိပတီ စ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)

မဂ္ဂဟေတုကော စ မဂ္ဂါဓိပတိ စ ဓမ္မာ မဂ္ဂါဓိပတိဿ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ မဂ္ဂံ ¶ ဂရုံ ကတွာ ပစ္စဝေက္ခန္တိ။ (၂)

မဂ္ဂဟေတုကော စ မဂ္ဂါဓိပတိ စ ဓမ္မာ မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ (၃)

၃၁။ မဂ္ဂါရမ္မဏော ¶ ¶ ဓမ္မော မဂ္ဂါရမ္မဏဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – မဂ္ဂါရမ္မဏာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

မဂ္ဂါရမ္မဏော ဓမ္မော မဂ္ဂါဓိပတိဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – မဂ္ဂါရမ္မဏာဓိပတိ သမ္ပယုတ္တကာနံ မဂ္ဂါဓိပတီနံ ခန္ဓာနံ အဓိပတိပစ္စယေန ပစ္စယော။ (၂)

မဂ္ဂါရမ္မဏော ဓမ္မော မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – မဂ္ဂါရမ္မဏာဓိပတိ သမ္ပယုတ္တကာနံ မဂ္ဂါရမ္မဏာနဉ္စ မဂ္ဂါဓိပတီနဉ္စ ခန္ဓာနံ အဓိပတိပစ္စယေန ပစ္စယော။ (၃)

၃၂။ မဂ္ဂဟေတုကော ဓမ္မော မဂ္ဂဟေတုကဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – မဂ္ဂဟေတုကာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

မဂ္ဂဟေတုကော ဓမ္မော မဂ္ဂါရမ္မဏဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ (၂)

မဂ္ဂဟေတုကော ¶ ဓမ္မော မဂ္ဂါဓိပတိဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ သဟဇာတာဓိပတိ – မဂ္ဂဟေတုကာဓိပတိ သမ္ပယုတ္တကာနံ မဂ္ဂါဓိပတီနံ ခန္ဓာနံ အဓိပတိပစ္စယေန ပစ္စယော။ (၃)

မဂ္ဂဟေတုကော ဓမ္မော မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ (၄)

မဂ္ဂဟေတုကော ဓမ္မော မဂ္ဂဟေတုကဿ စ မဂ္ဂါဓိပတိဿ စ ဓမ္မဿ အဓိပတိပစ္စယေန ပစ္စယော ¶ ။ သဟဇာတာဓိပတိ – မဂ္ဂဟေတုကာဓိပတိ သမ္ပယုတ္တကာနံ မဂ္ဂဟေတုကာနဉ္စ မဂ္ဂါဓိပတီနဉ္စ ခန္ဓာနံ အဓိပတိပစ္စယေန ပစ္စယော။ (၅)

၃၃။ မဂ္ဂါဓိပတိ ¶ ဓမ္မော မဂ္ဂါဓိပတိဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ သဟဇာတာဓိပတိ – မဂ္ဂါဓိပတိ အဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

မဂ္ဂါဓိပတိ ဓမ္မော မဂ္ဂါရမ္မဏဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ ¶ – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ သဟဇာတာဓိပတိ – မဂ္ဂါဓိပတိ အဓိပတိ သမ္ပယုတ္တကာနံ မဂ္ဂါရမ္မဏာနံ ခန္ဓာနံ အဓိပတိပစ္စယေန ပစ္စယော။ (၂)

မဂ္ဂါဓိပတိ ဓမ္မော မဂ္ဂဟေတုကဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – မဂ္ဂါဓိပတိ အဓိပတိ သမ္ပယုတ္တကာနံ မဂ္ဂဟေတုကာနံ ခန္ဓာနံ အဓိပတိပစ္စယေန ပစ္စယော။ (၃)

မဂ္ဂါဓိပတိ ဓမ္မော မဂ္ဂါရမ္မဏဿ စ မဂ္ဂါဓိပတိဿ စ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ သဟဇာတာဓိပတိ – မဂ္ဂါဓိပတိ အဓိပတိ သမ္ပယုတ္တကာနံ မဂ္ဂါရမ္မဏာနဉ္စ မဂ္ဂါဓိပတီနဉ္စ ခန္ဓာနံ အဓိပတိပစ္စယေန ပစ္စယော။ (၄)

မဂ္ဂါဓိပတိ ဓမ္မော မဂ္ဂဟေတုကဿ စ မဂ္ဂါဓိပတိဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – မဂ္ဂါဓိပတိ အဓိပတိ သမ္ပယုတ္တကာနံ မဂ္ဂါဟေတုကာနဉ္စ မဂ္ဂါဓိပတီနဉ္စ ခန္ဓာနံ အဓိပတိပစ္စယေန ပစ္စယော။ (၅)

၃၄။ မဂ္ဂါရမ္မဏော စ မဂ္ဂါဓိပတိ စ ဓမ္မာ မဂ္ဂါရမ္မဏဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – မဂ္ဂါရမ္မဏာ စ မဂ္ဂါဓိပတီ စ အဓိပတိ သမ္ပယုတ္တကာနံ မဂ္ဂါရမ္မဏာနံ ခန္ဓာနံ အဓိပတိပစ္စယေန ပစ္စယော။ (၁)

မဂ္ဂါရမ္မဏော ¶ စ မဂ္ဂါဓိပတိ စ ဓမ္မာ မဂ္ဂါဓိပတိဿ ဓမ္မဿ ¶ အဓိပတိပစ္စယေန ပစ္စယော။ သဟဇာတာဓိပတိ – မဂ္ဂါရမ္မဏာ စ မဂ္ဂါဓိပတီ စ အဓိပတိ သမ္ပယုတ္တကာနံ မဂ္ဂါဓိပတီနံ ခန္ဓာနံ အဓိပတိပစ္စယေန ပစ္စယော။ (၂)

မဂ္ဂါရမ္မဏော စ မဂ္ဂါဓိပတိ စ ဓမ္မာ မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – မဂ္ဂါရမ္မဏာ စ မဂ္ဂါဓိပတီ စ အဓိပတိ သမ္ပယုတ္တကာနံ မဂ္ဂါရမ္မဏာနဉ္စ မဂ္ဂါဓိပတီနဉ္စ ခန္ဓာနံ အဓိပတိပစ္စယေန ပစ္စယော။ (၃)

၃၅။ မဂ္ဂဟေတုကော ¶ စ မဂ္ဂါဓိပတိ စ ဓမ္မာ မဂ္ဂါရမ္မဏဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ (၁)

မဂ္ဂဟေတုကော စ မဂ္ဂါဓိပတိ စ ဓမ္မာ မဂ္ဂဟေတုကဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – မဂ္ဂဟေတုကာ စ မဂ္ဂါဓိပတီ စ အဓိပတိ သမ္ပယုတ္တကာနံ မဂ္ဂဟေတုကာနံ ခန္ဓာနံ အဓိပတိပစ္စယေန ပစ္စယော။ (၂)

မဂ္ဂဟေတုကော စ မဂ္ဂါဓိပတိ စ ဓမ္မာ မဂ္ဂါဓိပတိဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ သဟဇာတာဓိပတိ – မဂ္ဂဟေတုကာ စ မဂ္ဂါဓိပတီ စ အဓိပတိ သမ္ပယုတ္တကာနံ မဂ္ဂါဓိပတီနံ ခန္ဓာနံ အဓိပတိပစ္စယေန ပစ္စယော။ (၃)

မဂ္ဂဟေတုကော ¶ စ မဂ္ဂါဓိပတိ စ ဓမ္မာ မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ (၄)

မဂ္ဂဟေတုကော စ မဂ္ဂါဓိပတိ စ ဓမ္မာ မဂ္ဂဟေတုကဿ စ မဂ္ဂါဓိပတိဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – မဂ္ဂဟေတုကာ စ မဂ္ဂါဓိပတီ စ အဓိပတိ သမ္ပယုတ္တကာနံ မဂ္ဂဟေတုကာနဉ္စ မဂ္ဂါဓိပတီနဉ္စ ခန္ဓာနံ အဓိပတိပစ္စယေန ပစ္စယော။ (၅)

၃၆။ မဂ္ဂါရမ္မဏော ¶ ဓမ္မော မဂ္ဂါရမ္မဏဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ မဂ္ဂါရမ္မဏာ ခန္ဓာ ပစ္ဆိမာနံ ပစ္ဆိမာနံ မဂ္ဂါရမ္မဏာနံ ခန္ဓာနံ အနန္တရပစ္စယေန ပစ္စယော။ အာဝဇ္ဇနာ မဂ္ဂါရမ္မဏာနံ ခန္ဓာနံ အနန္တရပစ္စယေန ပစ္စယော။ (၁)

မဂ္ဂါရမ္မဏော ဓမ္မော မဂ္ဂါဓိပတိဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ မဂ္ဂါရမ္မဏာ ခန္ဓာ ပစ္ဆိမာနံ ပစ္ဆိမာနံ မဂ္ဂါဓိပတီနံ ခန္ဓာနံ အနန္တရပစ္စယေန ပစ္စယော။ အာဝဇ္ဇနာ မဂ္ဂါဓိပတီနံ ခန္ဓာနံ အနန္တရပစ္စယေန ပစ္စယော။ (၂)

မဂ္ဂါရမ္မဏော ဓမ္မော မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ မဂ္ဂါရမ္မဏာ ခန္ဓာ ပစ္ဆိမာနံ ပစ္ဆိမာနံ မဂ္ဂါရမ္မဏာနဉ္စ ¶ မဂ္ဂါဓိပတီနဉ္စ ခန္ဓာနံ အနန္တရပစ္စယေန ပစ္စယော။ အာဝဇ္ဇနာ မဂ္ဂါရမ္မဏာနဉ္စ ¶ မဂ္ဂါဓိပတီနဉ္စ ခန္ဓာနံ အနန္တရပစ္စယေန ပစ္စယော။ (၃)

၃၇။ မဂ္ဂါဓိပတိ ဓမ္မော မဂ္ဂါဓိပတိဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ မဂ္ဂါဓိပတီ ခန္ဓာ ပစ္ဆိမာနံ ပစ္ဆိမာနံ မဂ္ဂါဓိပတီနံ ခန္ဓာနံ အနန္တရပစ္စယေန ပစ္စယော။ (၁)

မဂ္ဂါဓိပတိ ဓမ္မော မဂ္ဂါရမ္မဏဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ မဂ္ဂါဓိပတီ ခန္ဓာ ပစ္ဆိမာနံ ပစ္ဆိမာနံ မဂ္ဂါရမ္မဏာနံ ခန္ဓာနံ အနန္တရပစ္စယေန ပစ္စယော။ (၂)

မဂ္ဂါဓိပတိ ဓမ္မော မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ မဂ္ဂါဓိပတီ ခန္ဓာ ပစ္ဆိမာနံ ပစ္ဆိမာနံ မဂ္ဂါရမ္မဏာနဉ္စ မဂ္ဂါဓိပတီနဉ္စ ခန္ဓာနံ အနန္တရပစ္စယေန ပစ္စယော။ (၃)

၃၈။ မဂ္ဂါရမ္မဏော စ မဂ္ဂါဓိပတိ စ ဓမ္မာ မဂ္ဂါရမ္မဏဿ ဓမ္မဿ အနန္တရပစ္စယေန ပစ္စယော ¶ – ပုရိမာ ပုရိမာ မဂ္ဂါရမ္မဏာ စ မဂ္ဂါဓိပတီ စ ခန္ဓာ ပစ္ဆိမာနံ ပစ္ဆိမာနံ မဂ္ဂါရမ္မဏာနံ ခန္ဓာနံ အနန္တရပစ္စယေန ပစ္စယော။ (၁)

မဂ္ဂါရမ္မဏော စ မဂ္ဂါဓိပတိ စ ဓမ္မာ မဂ္ဂါဓိပတိဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ မဂ္ဂါရမ္မဏာ စ မဂ္ဂါဓိပတီ စ ခန္ဓာ ပစ္ဆိမာနံ ပစ္ဆိမာနံ မဂ္ဂါဓိပတီနံ ခန္ဓာနံ အနန္တရပစ္စယေန ပစ္စယော။ (၂)

မဂ္ဂါရမ္မဏော ¶ စ မဂ္ဂါဓိပတိ စ ဓမ္မာ မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ မဂ္ဂါရမ္မဏာ စ မဂ္ဂါဓိပတီ စ ခန္ဓာ ပစ္ဆိမာနံ ပစ္ဆိမာနံ မဂ္ဂါရမ္မဏာနဉ္စ မဂ္ဂါဓိပတီနဉ္စ ခန္ဓာနံ အနန္တရပစ္စယေန ပစ္စယော။ (၃)

၃၉။ မဂ္ဂါရမ္မဏော ဓမ္မော မဂ္ဂါရမ္မဏဿ ဓမ္မဿ သမနန္တရပစ္စယေန ပစ္စယော…ပေ… (အနန္တရသဒိသံ) သဟဇာတပစ္စယေန ပစ္စယော… အညမညပစ္စယေန ပစ္စယော… နိဿယပစ္စယေန ပစ္စယော… (တီသုပိ သတ္တရသ ပဉှာ ကာတဗ္ဗာ)။

၄၀။ မဂ္ဂါရမ္မဏော ¶ ဓမ္မော မဂ္ဂါရမ္မဏဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပစ္စဝေက္ခဏာ ပစ္စဝေက္ခဏာယ ဥပနိဿယပစ္စယေန ပစ္စယော။ (၁)

မဂ္ဂါရမ္မဏော ဓမ္မော မဂ္ဂါဓိပတိဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပစ္စဝေက္ခဏာ ပစ္စဝေက္ခဏာယ ဥပနိဿယပစ္စယေန ပစ္စယော။ (၂)

မဂ္ဂါရမ္မဏော ဓမ္မော မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ ဥပနိဿယပစ္စယေန ပစ္စယော ¶ – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပစ္စဝေက္ခဏာ ပစ္စဝေက္ခဏာယ ¶ ဥပနိဿယပစ္စယေန ပစ္စယော။ (၃)

၄၁။ မဂ္ဂဟေတုကော ဓမ္မော မဂ္ဂဟေတုကဿ ဓမ္မဿ ဥပနိဿယပစ္စယေန ပစ္စယော။ ပကတူပနိဿယော – ပဌမော မဂ္ဂေါ ဒုတိယဿ မဂ္ဂဿ ဥပနိဿယပစ္စယေန ပစ္စယော…ပေ… တတိယော မဂ္ဂေါ စတုတ္ထဿ မဂ္ဂဿ ဥပနိဿယပစ္စယေန ပစ္စယော။ (၁)

မဂ္ဂဟေတုကော ဓမ္မော မဂ္ဂါရမ္မဏဿ ဓမ္မဿ ဥပနိဿယပစ္စယေန ပစ္စယော။ အာရမ္မဏူပနိဿယော – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ (၂)

မဂ္ဂဟေတုကော ဓမ္မော မဂ္ဂါဓိပတိဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ ပကတူပနိဿယော…ပေ…။ ပကတူပနိဿယော – ပဌမော မဂ္ဂေါ ဒုတိယဿ မဂ္ဂဿ…ပေ… တတိယော မဂ္ဂေါ စတုတ္ထဿ မဂ္ဂဿ ဥပနိဿယပစ္စယေန ပစ္စယော။ (၃)

မဂ္ဂဟေတုကော ဓမ္မော မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ ဥပနိဿယပစ္စယေန ပစ္စယော။ အာရမ္မဏူပနိဿယော – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ (၄)

မဂ္ဂဟေတုကော ဓမ္မော မဂ္ဂဟေတုကဿ စ မဂ္ဂါဓိပတိဿ စ ဓမ္မဿ ဥပနိဿယပစ္စယေန ပစ္စယော။ ပကတူပနိဿယော – ပဌမော မဂ္ဂေါ ဒုတိယဿ မဂ္ဂဿ…ပေ… တတိယော မဂ္ဂေါ စတုတ္ထဿ မဂ္ဂဿ ဥပနိဿယပစ္စယေန ပစ္စယော။ (၅)

၄၂။ မဂ္ဂါဓိပတိ ¶ ဓမ္မော မဂ္ဂါဓိပတိဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ… ¶ ။ ပကတူပနိဿယော – ပဌမော မဂ္ဂေါ ဒုတိယဿ မဂ္ဂဿ…ပေ… တတိယော မဂ္ဂေါ စတုတ္ထဿ မဂ္ဂဿ ဥပနိဿယပစ္စယေန ပစ္စယော၊ ပစ္စဝေက္ခဏာ ပစ္စဝေက္ခဏာယ ဥပနိဿယပစ္စယေန ပစ္စယော။ (၁)

မဂ္ဂါဓိပတိ ဓမ္မော မဂ္ဂါရမ္မဏဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော ¶ ၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပစ္စဝေက္ခဏာ ပစ္စဝေက္ခဏာယ ဥပနိဿယပစ္စယေန ပစ္စယော။ (၂)

မဂ္ဂါဓိပတိ ဓမ္မော မဂ္ဂဟေတုကဿ ဓမ္မဿ ဥပနိဿယပစ္စယေန ပစ္စယော။ ပကတူပနိဿယော – ပဌမော မဂ္ဂေါ ဒုတိယဿ မဂ္ဂဿ…ပေ… တတိယော မဂ္ဂေါ စတုတ္ထဿ မဂ္ဂဿ ဥပနိဿယပစ္စယေန ပစ္စယော။ (၃)

မဂ္ဂါဓိပတိ ဓမ္မော မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပစ္စဝေက္ခဏာ ပစ္စဝေက္ခဏာယ ဥပနိဿယပစ္စယေန ပစ္စယော။ (၄)

မဂ္ဂါဓိပတိ ဓမ္မော မဂ္ဂဟေတုကဿ စ မဂ္ဂါဓိပတိဿ စ ဓမ္မဿ ဥပနိဿယပစ္စယေန ပစ္စယော။ ပကတူပနိဿယော – ပဌမော မဂ္ဂေါ ဒုတိယဿ မဂ္ဂဿ…ပေ… တတိယော မဂ္ဂေါ စတုတ္ထဿ မဂ္ဂဿ ဥပနိဿယပစ္စယေန ပစ္စယော။ (၅)

၄၃။ မဂ္ဂါရမ္မဏော စ မဂ္ဂါဓိပတိ စ ဓမ္မာ မဂ္ဂါရမ္မဏဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပစ္စဝေက္ခဏာ ပစ္စဝေက္ခဏာယ ဥပနိဿယပစ္စယေန ¶ ပစ္စယော။ (၁)

မဂ္ဂါရမ္မဏော စ မဂ္ဂါဓိပတိ စ ဓမ္မာ မဂ္ဂါဓိပတိဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပစ္စဝေက္ခဏာ ပစ္စဝေက္ခဏာယ ဥပနိဿယပစ္စယေန ပစ္စယော။ (၂)

မဂ္ဂါရမ္မဏော ¶ စ မဂ္ဂါဓိပတိ စ ဓမ္မာ မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပစ္စဝေက္ခဏာ ပစ္စဝေက္ခဏာယ ဥပနိဿယပစ္စယေန ပစ္စယော။ (၃)

၄၄။ မဂ္ဂဟေတုကော စ မဂ္ဂါဓိပတိ စ ဓမ္မာ မဂ္ဂါရမ္မဏဿ ဓမ္မဿ ဥပနိဿယပစ္စယေန ¶ ပစ္စယော။ အာရမ္မဏူပနိဿယော – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ (၁)

မဂ္ဂဟေတုကော စ မဂ္ဂါဓိပတိ စ ဓမ္မာ မဂ္ဂဟေတုကဿ ဓမ္မဿ ဥပနိဿယပစ္စယေန ပစ္စယော။ ပကတူပနိဿယော – ပဌမော မဂ္ဂေါ ဒုတိယဿ မဂ္ဂဿ…ပေ… တတိယော မဂ္ဂေါ စတုတ္ထဿ မဂ္ဂဿ ဥပနိဿယပစ္စယေန ပစ္စယော။ (၂)

မဂ္ဂဟေတုကော စ မဂ္ဂါဓိပတိ စ ဓမ္မာ မဂ္ဂါဓိပတိဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ ပကတူပနိဿယော…ပေ…။ ပကတူပနိဿယော – ပဌမော မဂ္ဂေါ ဒုတိယဿ မဂ္ဂဿ…ပေ… တတိယော မဂ္ဂေါ စတုတ္ထဿ မဂ္ဂဿ ဥပနိဿယပစ္စယေန ပစ္စယော ¶ ။ (၃)

မဂ္ဂဟေတုကော စ မဂ္ဂါဓိပတိ စ ဓမ္မာ မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ ဥပနိဿယပစ္စယေန ပစ္စယော။ အာရမ္မဏူပနိဿယော – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ (၄)

မဂ္ဂဟေတုကော စ မဂ္ဂါဓိပတိ စ ဓမ္မာ မဂ္ဂဟေတုကဿ စ မဂ္ဂါဓိပတိဿ စ ဓမ္မဿ ဥပနိဿယပစ္စယေန ပစ္စယော။ ပကတူပနိဿယော – ပဌမော မဂ္ဂေါ ဒုတိယဿ မဂ္ဂဿ…ပေ… တတိယော မဂ္ဂေါ စတုတ္ထဿ မဂ္ဂဿ ဥပနိဿယပစ္စယေန ပစ္စယော။ (၅)

၄၅။ မဂ္ဂါရမ္မဏော ဓမ္မော မဂ္ဂါရမ္မဏဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ မဂ္ဂါရမ္မဏာ ခန္ဓာ ပစ္ဆိမာနံ ပစ္ဆိမာနံ မဂ္ဂါရမ္မဏာနံ ခန္ဓာနံ အာသေဝနပစ္စယေန ပစ္စယော။

မဂ္ဂါရမ္မဏော ဓမ္မော မဂ္ဂါဓိပတိဿ ဓမ္မဿ အာသေဝနပစ္စယေန ပစ္စယော (အနန္တရသဒိသံ။ နဝ ပဉှာ ကာတဗ္ဗာ၊ အာဝဇ္ဇနာ န ကာတဗ္ဗာ)။

၄၆။ မဂ္ဂါရမ္မဏော ¶ ¶ ဓမ္မော မဂ္ဂါရမ္မဏဿ ဓမ္မဿ ကမ္မပစ္စယေန ပစ္စယော – သဟဇာတာ…ပေ… (နာနာက္ခဏိကာ နတ္ထိ၊ သတ္တရသ ပဉှာ ကာတဗ္ဗာ)။

၄၇။ မဂ္ဂါရမ္မဏော ဓမ္မော မဂ္ဂါရမ္မဏဿ ဓမ္မဿ အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော… ဈာနပစ္စယေန ပစ္စယော… မဂ္ဂပစ္စယေန ပစ္စယော… သမ္ပယုတ္တပစ္စယေန ပစ္စယော… အတ္ထိပစ္စယေန ပစ္စယော (ဣမေ သတ္တ ပစ္စယာ ¶ သတ္တရသ ပဉှာ ဟေတုသဒိသာ)… နတ္ထိပစ္စယေန ပစ္စယော… ဝိဂတပစ္စယေန ပစ္စယော (အနန္တရသဒိသာ)… အဝိဂတပစ္စယေန ပစ္စယော (သတ္တရသ ပဉှာ)။

၄၈။ ဟေတုယာ သတ္တရသ၊ အာရမ္မဏေ နဝ၊ အဓိပတိယာ ဧကဝီသ၊ အနန္တရေ နဝ၊ သမနန္တရေ နဝ၊ သဟဇာတေ သတ္တရသ၊ အညမညေ သတ္တရသ၊ နိဿယေ သတ္တရသ၊ ဥပနိဿယေ ဧကဝီသ၊ အာသေဝနေ နဝ၊ ကမ္မေ သတ္တရသ၊ အာဟာရေ ဣန္ဒြိယေ ဈာနေ မဂ္ဂေ သမ္ပယုတ္တေ သတ္တရသ၊ အတ္ထိယာ သတ္တရသ၊ နတ္ထိယာ နဝ၊ ဝိဂတေ နဝ၊ အဝိဂတေ သတ္တရသ (ဧဝံ ဂဏေတဗ္ဗံ)။

၄၉။ မဂ္ဂါရမ္မဏော ဓမ္မော မဂ္ဂါရမ္မဏဿ ဓမ္မဿ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)

မဂ္ဂါရမ္မဏော ¶ ဓမ္မော မဂ္ဂါဓိပတိဿ ဓမ္မဿ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၂)

မဂ္ဂါရမ္မဏော ဓမ္မော မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)

၅၀။ မဂ္ဂဟေတုကော ¶ ဓမ္မော မဂ္ဂဟေတုကဿ ဓမ္မဿ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)

မဂ္ဂဟေတုကော ဓမ္မော မဂ္ဂါရမ္မဏဿ ဓမ္မဿ အာရမ္မဏပစ္စယေန ¶ ပစ္စယော… ဥပနိဿယပစ္စယေန ပစ္စယော။ (၂)

မဂ္ဂဟေတုကော ဓမ္မော မဂ္ဂါဓိပတိဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)

မဂ္ဂဟေတုကော ဓမ္မော မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော။ (၄)

မဂ္ဂဟေတုကော ဓမ္မော မဂ္ဂဟေတုကဿ စ မဂ္ဂါဓိပတိဿ စ ဓမ္မဿ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၅)

၅၁။ မဂ္ဂါဓိပတိ ဓမ္မော မဂ္ဂါဓိပတိဿ ဓမ္မဿ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)

မဂ္ဂါဓိပတိ ဓမ္မော မဂ္ဂါရမ္မဏဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၂)

မဂ္ဂါဓိပတိ ¶ ဓမ္မော မဂ္ဂဟေတုကဿ ဓမ္မဿ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)

မဂ္ဂါဓိပတိ ဓမ္မော မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၄)

မဂ္ဂါဓိပတိ ဓမ္မော မဂ္ဂဟေတုကဿ စ မဂ္ဂါဓိပတိဿ စ ဓမ္မဿ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၅)

၅၂။ မဂ္ဂါရမ္မဏော ¶ စ မဂ္ဂါဓိပတိ စ ဓမ္မာ မဂ္ဂါရမ္မဏဿ ဓမ္မဿ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)

မဂ္ဂါရမ္မဏော စ မဂ္ဂါဓိပတိ စ ဓမ္မာ မဂ္ဂါဓိပတိဿ ဓမ္မဿ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၂)

မဂ္ဂါရမ္မဏော ¶ စ မဂ္ဂါဓိပတိ စ ဓမ္မာ မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)

၅၃။ မဂ္ဂဟေတုကော စ မဂ္ဂါဓိပတိ စ ဓမ္မာ မဂ္ဂါရမ္မဏဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော။ (၁)

မဂ္ဂဟေတုကော စ မဂ္ဂါဓိပတိ စ ဓမ္မာ မဂ္ဂဟေတုကဿ ဓမ္မဿ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၂)

မဂ္ဂဟေတုကော စ မဂ္ဂါဓိပတိ စ ဓမ္မာ မဂ္ဂါဓိပတိဿ ဓမ္မဿ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)

မဂ္ဂဟေတုကော ¶ စ မဂ္ဂါဓိပတိ စ ဓမ္မာ မဂ္ဂါရမ္မဏဿ စ မဂ္ဂါဓိပတိဿ စ ဓမ္မဿ ဥပနိဿယပစ္စယေန ပစ္စယော။ (၄)

မဂ္ဂဟေတုကော စ မဂ္ဂါဓိပတိ စ ဓမ္မာ မဂ္ဂဟေတုကဿ စ မဂ္ဂါဓိပတိဿ စ ဓမ္မဿ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၅)

၅၄။ နဟေတုယာ ဧကဝီသ၊ နအာရမ္မဏေ သတ္တရသ (နအာရမ္မဏေ ဂဟိတေ ပကတာရမ္မဏမ္ပိ ဥပနိဿယာရမ္မဏမ္ပိ ဒွေပိ ဆိဇ္ဇန္တိ)၊ နအဓိပတိယာ ¶ ဧကဝီသ၊ နအနန္တရေ နသမနန္တရေ နသဟဇာတေ နအညမညေ နနိဿယေ နဥပနိဿယေ နပုရေဇာတေ နပစ္ဆာဇာတေ နအာသေဝနေ နကမ္မေ နဝိပါကေ နအာဟာရေ နဣန္ဒြိယေ နဈာနေ နမဂ္ဂေ နသမ္ပယုတ္တေ နဝိပ္ပယုတ္တေ နောအတ္ထိယာ နောနတ္ထိယာ နောဝိဂတေ နောအဝိဂတေ ဧကဝီသ (ဧဝံ ဂဏေတဗ္ဗံ)။

၅၅။ ဟေတုပစ္စယာ ¶ နအာရမ္မဏေ သတ္တရသ၊ နအဓိပတိယာ နအနန္တရေ နသမနန္တရေ နဥပနိဿယေ နပုရေဇာတေ နပစ္ဆာဇာတေ နအာသေဝနေ နကမ္မေ နဝိပါကေ နအာဟာရေ နဣန္ဒြိယေ နဈာနေ နမဂ္ဂေ နဝိပ္ပယုတ္တေ နောနတ္ထိယာ နောဝိဂတေ သတ္တရသ (ဧဝံ ဂဏေတဗ္ဗံ)။

၅၆။ နဟေတုပစ္စယာ ¶ အာရမ္မဏေ နဝ၊ အဓိပတိယာ ဧကဝီသ၊ အနန္တရေ နဝ၊ သမနန္တရေ နဝ၊ သဟဇာတေ သတ္တရသ၊ အညမညေ သတ္တရသ၊ နိဿယေ သတ္တရသ၊ ဥပနိဿယေ ဧကဝီသ၊ အာသေဝနေ နဝ၊ ကမ္မေ သတ္တရသ၊ အာဟာရေ သတ္တရသ၊ ဣန္ဒြိယေ ဈာနေ မဂ္ဂေ သမ္ပယုတ္တေ သတ္တရသ၊ အတ္ထိယာ သတ္တရသ၊ နတ္ထိယာ နဝ၊ ဝိဂတေ နဝ၊ အဝိဂတေ သတ္တရသ (ဧဝံ ဂဏေတဗ္ဗံ)။