မူလ > အဘိဓမ္မပိဋက > ပဋ္ဌာနပါဠိ-၂

၁။ အဇ္ဈတ္တံ ¶ ¶ ဓမ္မံ ပဋိစ္စ အဇ္ဈတ္တော ဓမ္မော ဥပ္ပဇ္ဇတိ ဟေတုပစ္စယာ – အဇ္ဈတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ အဇ္ဈတ္တံ ဧကံ ခန္ဓံ ¶ ပဋိစ္စ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ။ ဧကံ မဟာဘူတံ ပဋိစ္စ တယော မဟာဘူတာ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)

ဗဟိဒ္ဓါ ဓမ္မံ ပဋိစ္စ ဗဟိဒ္ဓါ ဓမ္မော ဥပ္ပဇ္ဇတိ ဟေတုပစ္စယာ – ဗဟိဒ္ဓါ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ ဗဟိဒ္ဓါ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ။ ဧကံ မဟာဘူတံ ပဋိစ္စ တယော မဟာဘူတာ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)

၂။ အဇ္ဈတ္တံ ¶ ဓမ္မံ ပဋိစ္စ အဇ္ဈတ္တော ဓမ္မော ဥပ္ပဇ္ဇတိ အာရမ္မဏပစ္စယာ – အဇ္ဈတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ…ပေ… ပဋိသန္ဓိက္ခဏေ အဇ္ဈတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဝတ္ထုံ ပဋိစ္စ ခန္ဓာ။ (၁)

ဗဟိဒ္ဓါ ဓမ္မံ ပဋိစ္စ ဗဟိဒ္ဓါ ဓမ္မော ဥပ္ပဇ္ဇတိ အာရမ္မဏပစ္စယာ – ဗဟိဒ္ဓါ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုံ ပဋိစ္စ ခန္ဓာ။ (၁)

၃။ အဇ္ဈတ္တံ ဓမ္မံ ပဋိစ္စ အဇ္ဈတ္တော ဓမ္မော ဥပ္ပဇ္ဇတိ အဓိပတိပစ္စယာ – အဇ္ဈတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဧကံ မဟာဘူတံ ပဋိစ္စ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ။ (၁)

ဗဟိဒ္ဓါ ¶ ဓမ္မံ ပဋိစ္စ ဗဟိဒ္ဓါ ဓမ္မော ဥပ္ပဇ္ဇတိ အဓိပတိပစ္စယာ – ဗဟိဒ္ဓါ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဧကံ မဟာဘူတံ ပဋိစ္စ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ။ (၁)

၄။ အဇ္ဈတ္တံ ဓမ္မံ ပဋိစ္စ အဇ္ဈတ္တော ဓမ္မော ဥပ္ပဇ္ဇတိ အနန္တရပစ္စယာ ¶ ၊ သမနန္တရပစ္စယာ၊ သဟဇာတပစ္စယာ – အဇ္ဈတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ အဇ္ဈတ္တံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ။ ဧကံ မဟာဘူတံ ပဋိစ္စ တယော မဟာဘူတာ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ ပဋိစ္စ…ပေ… မဟာဘူတေ ပဋိစ္စ ကဋတ္တာရူပံ ဥပါဒါရူပံ။ (၁)

ဗဟိဒ္ဓါ ဓမ္မံ ပဋိစ္စ ဗဟိဒ္ဓါ ဓမ္မော ဥပ္ပဇ္ဇတိ သဟဇာတပစ္စယာ – ဗဟိဒ္ဓါ ဧကံ ခန္ဓံ ပဋိစ္စ ¶ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ ဗဟိဒ္ဓါ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ။ ဧကံ မဟာဘူတံ ပဋိစ္စ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ ပဋိစ္စ…ပေ… မဟာဘူတေ ပဋိစ္စ ကဋတ္တာရူပံ ဥပါဒါရူပံ။ (၁)

၅။ အဇ္ဈတ္တံ ဓမ္မံ ပဋိစ္စ အဇ္ဈတ္တော ဓမ္မော ဥပ္ပဇ္ဇတိ အညမညပစ္စယာ… နိဿယပစ္စယာ… ဥပနိဿယပစ္စယာ… ပုရေဇာတပစ္စယာ… အာသေဝနပစ္စယာ (ပုရေဇာတေပိ အာသေဝနေပိ ပဋိသန္ဓိ နတ္ထိ)… ကမ္မပစ္စယာ… ဝိပါကပစ္စယာ… အာဟာရပစ္စယာ… ဣန္ဒြိယပစ္စယာ… ဈာနပစ္စယာ… မဂ္ဂပစ္စယာ… ¶ သမ္ပယုတ္တပစ္စယာ… ဝိပ္ပယုတ္တပစ္စယာ… အတ္ထိပစ္စယာ… နတ္ထိပစ္စယာ… ဝိဂတပစ္စယာ… အဝိဂတပစ္စယာ။

၆။ ဟေတုယာ ဒွေ၊ အာရမ္မဏေ ဒွေ…ပေ… အဝိဂတေ ဒွေ။

၇။ အဇ္ဈတ္တံ ¶ ဓမ္မံ ပဋိစ္စ အဇ္ဈတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အဇ္ဈတ္တံ ¶ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ။ ဧကံ မဟာဘူတံ…ပေ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ…ပေ… မဟာဘူတေ ပဋိစ္စ ကဋတ္တာရူပံ ဥပါဒါရူပံ။ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)

ဗဟိဒ္ဓါ ဓမ္မံ ပဋိစ္စ ဗဟိဒ္ဓါ ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဗဟိဒ္ဓါ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ။ ဧကံ မဟာဘူတံ ပဋိစ္စ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ ပဋိစ္စ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)

၈။ အဇ္ဈတ္တံ ဓမ္မံ ပဋိစ္စ အဇ္ဈတ္တော ဓမ္မော ဥပ္ပဇ္ဇတိ နအာရမ္မဏပစ္စယာ ¶ – အဇ္ဈတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အဇ္ဈတ္တေ ခန္ဓေ ပဋိစ္စ ကဋတ္တာရူပံ။ ခန္ဓေ ပဋိစ္စ ဝတ္ထု…ပေ… ဧကံ မဟာဘူတံ ပဋိစ္စ…ပေ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ ပဋိစ္စ…ပေ…။ (၁)

ဗဟိဒ္ဓါ ဓမ္မံ ပဋိစ္စ ဗဟိဒ္ဓါ ဓမ္မော ဥပ္ပဇ္ဇတိ နအာရမ္မဏပစ္စယာ – ဗဟိဒ္ဓါ ခန္ဓေ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ ဗဟိဒ္ဓါ ခန္ဓေ ပဋိစ္စ ကဋတ္တာရူပံ။ ခန္ဓေ ပဋိစ္စ ဝတ္ထု…ပေ… ဧကံ မဟာဘူတံ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ…။ (၁)

၉။ အဇ္ဈတ္တံ ဓမ္မံ ပဋိစ္စ အဇ္ဈတ္တော ဓမ္မော ဥပ္ပဇ္ဇတိ နအဓိပတိပစ္စယာ…ပေ… (အနုလောမသဟဇာတသဒိသံ၊ နိန္နာနာကရဏံ) နအနန္တရပစ္စယာ… နသမနန္တရပစ္စယာ ¶ … နအညမညပစ္စယာ ¶ … နဥပနိဿယပစ္စယာ၊ နပုရေဇာတပစ္စယာ – အရူပေ အဇ္ဈတ္တံ ဧကံ ခန္ဓံ ပဋိစ္စ…ပေ… အဇ္ဈတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အဇ္ဈတ္တံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ။ ဧကံ မဟာဘူတံ ပဋိစ္စ…ပေ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ…။

၁၀။ ဗဟိဒ္ဓါ ဓမ္မံ ပဋိစ္စ ဗဟိဒ္ဓါ ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဗဟိဒ္ဓါ ဧကံ ခန္ဓံ ပဋိစ္စ…ပေ… ဒွေ ခန္ဓေ…ပေ… ဗဟိဒ္ဓါ ခန္ဓေ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ (ပရိပုဏ္ဏံ) ဧကံ မဟာဘူတံ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ…။

၁၁။ အဇ္ဈတ္တံ ¶ ဓမ္မံ ပဋိစ္စ အဇ္ဈတ္တော ဓမ္မော ဥပ္ပဇ္ဇတိ နပစ္ဆာဇာတပစ္စယာ၊ နအာသေဝနပစ္စယာ၊ နကမ္မပစ္စယာ – အဇ္ဈတ္တေ ခန္ဓေ ပဋိစ္စ အဇ္ဈတ္တာ စေတနာ။ အာဟာရသမုဋ္ဌာနံ… ဥတုသမုဋ္ဌာနံ…ပေ…။ (၁)

ဗဟိဒ္ဓါ ဓမ္မံ ပဋိစ္စ ဗဟိဒ္ဓါ ဓမ္မော ဥပ္ပဇ္ဇတိ နကမ္မပစ္စယာ – ဗဟိဒ္ဓါ ခန္ဓေ ပဋိစ္စ ဗဟိဒ္ဓါ စေတနာ။ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ…။ (၁)

၁၂။ အဇ္ဈတ္တံ ဓမ္မံ ပဋိစ္စ အဇ္ဈတ္တော ဓမ္မော ဥပ္ပဇ္ဇတိ နဝိပါကပစ္စယာ (ပဋိသန္ဓိ နတ္ထိ)၊ နအာဟာရပစ္စယာ – ဥတုသမုဋ္ဌာနံ… အသညသတ္တာနံ…ပေ…။ (၁)

ဗဟိဒ္ဓါ ဓမ္မံ ပဋိစ္စ ဗဟိဒ္ဓါ ဓမ္မော ဥပ္ပဇ္ဇတိ နအာဟာရပစ္စယာ – ဗာဟိရံ… ဥတုသမုဋ္ဌာနံ… အသညသတ္တာနံ…ပေ…။ (၁)

အဇ္ဈတ္တံ ဓမ္မံ ပဋိစ္စ အဇ္ဈတ္တော ဓမ္မော ဥပ္ပဇ္ဇတိ နဣန္ဒြိယပစ္စယာ – အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ… မဟာဘူတေ ပဋိစ္စ ရူပဇီဝိတိန္ဒြိယံ။ (၁)

ဗဟိဒ္ဓါ ဓမ္မံ ပဋိစ္စ ဗဟိဒ္ဓါ ဓမ္မော ဥပ္ပဇ္ဇတိ နဣန္ဒြိယပစ္စယာ – ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ… မဟာဘူတေ ပဋိစ္စ ရူပဇီဝိတိန္ဒြိယံ။ (၁)

၁၃။ အဇ္ဈတ္တံ ¶ ¶ ဓမ္မံ ပဋိစ္စ အဇ္ဈတ္တော ဓမ္မော ဥပ္ပဇ္ဇတိ နဈာနပစ္စယာ – ပဉ္စဝိညာဏသဟဂတံ…ပေ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ…။ (၁)

ဗဟိဒ္ဓါ ဓမ္မံ ပဋိစ္စ ဗဟိဒ္ဓါ ဓမ္မော ဥပ္ပဇ္ဇတိ နဈာနပစ္စယာ – ပဉ္စဝိညာဏသဟဂတံ…ပေ… ¶ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ…။ (၁)

၁၄။ အဇ္ဈတ္တံ ဓမ္မံ ပဋိစ္စ အဇ္ဈတ္တော ဓမ္မော ဥပ္ပဇ္ဇတိ နမဂ္ဂပစ္စယာ… (နဟေတုသဒိသံ။ မောဟော နတ္ထိ) နသမ္ပယုတ္တပစ္စယာ… နဝိပ္ပယုတ္တပစ္စယာ – အရူပေ…ပေ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ…။ (၁)

ဗဟိဒ္ဓါ ဓမ္မံ ပဋိစ္စ ဗဟိဒ္ဓါ ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ… နောနတ္ထိပစ္စယာ၊ နောဝိဂတပစ္စယာ။

၁၅။ နဟေတုယာ ဒွေ၊ နအာရမ္မဏေ ဒွေ၊ နအဓိပတိယာ ဒွေ၊ နအနန္တရေ ဒွေ၊ နသမနန္တရေ ဒွေ (သံခိတ္တံ၊ သဗ္ဗတ္ထ ဒွေ)၊ နောဝိဂတေ ဒွေ (ဧဝံ ဂဏေတဗ္ဗံ)။

၁၆။ ဟေတုပစ္စယာ ¶ နအာရမ္မဏေ ဒွေ…ပေ… နဝိပါကေ နသမ္ပယုတ္တေ နဝိပ္ပယုတ္တေ နောနတ္ထိယာ နောဝိဂတေ ဒွေ (ဧဝံ ဂဏေတဗ္ဗံ)။

၁၇။ နဟေတုပစ္စယာ ¶ အာရမ္မဏေ ဒွေ၊ အနန္တရေ ဒွေ…ပေ… မဂ္ဂေ ဒွေ…ပေ… အဝိဂတေ ဒွေ (ဧဝံ ဂဏေတဗ္ဗံ)။

(သဟဇာတဝါရော ပဋိစ္စဝါရသဒိသော။)

၁၈။ အဇ္ဈတ္တံ ¶ ဓမ္မံ ပစ္စယာ အဇ္ဈတ္တော ဓမ္မော ဥပ္ပဇ္ဇတိ ဟေတုပစ္စယာ – အဇ္ဈတ္တံ ဧကံ ခန္ဓံ ¶ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ (ပရိပုဏ္ဏံ)။ ဧကံ မဟာဘူတံ…ပေ… ဝတ္ထုံ ပစ္စယာ အဇ္ဈတ္တာ ခန္ဓာ။ (၁)

ဗဟိဒ္ဓါ ဓမ္မံ ပစ္စယာ ဗဟိဒ္ဓါ ဓမ္မော ဥပ္ပဇ္ဇတိ ဟေတုပစ္စယာ – ဗဟိဒ္ဓါ ဧကံ ခန္ဓံ ပစ္စယာ တယော ခန္ဓာ…ပေ… ပဋိသန္ဓိက္ခဏေ…ပေ… ဧကံ မဟာဘူတံ…ပေ… ဝတ္ထုံ ပစ္စယာ ဗဟိဒ္ဓါ ခန္ဓာ။ (၁)

၁၉။ အဇ္ဈတ္တံ ဓမ္မံ ပစ္စယာ အဇ္ဈတ္တော ဓမ္မော ဥပ္ပဇ္ဇတိ အာရမ္မဏပစ္စယာ (ပဋိစ္စဝါရသဒိသံ)၊ စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ…ပေ… ဝတ္ထုံ ပစ္စယာ အဇ္ဈတ္တာ ခန္ဓာ။ (၁)

ဗဟိဒ္ဓါ ဓမ္မံ ပစ္စယာ ဗဟိဒ္ဓါ ဓမ္မော ဥပ္ပဇ္ဇတိ အာရမ္မဏပစ္စယာ (ပဋိစ္စဝါရသဒိသံ)၊ စက္ခာယတနံ…ပေ… ကာယာယတနံ…ပေ… ဝတ္ထုံ ပစ္စယာ ဗဟိဒ္ဓါ ခန္ဓာ။ (၁)

၂၀။ အဇ္ဈတ္တံ ¶ ဓမ္မံ ပစ္စယာ အဇ္ဈတ္တော ဓမ္မော ဥပ္ပဇ္ဇတိ အဓိပတိပစ္စယာ… (ဝတ္ထုံ အတိရေကံ၊ ပဋိစ္စဝါရသဒိသံ) အနန္တရပစ္စယာ… သမနန္တရပစ္စယာ… သဟဇာတပစ္စယာ… (သဟဇာတဝါရေ ပရိပုဏ္ဏာ) မဟာဘူတေ ပစ္စယာ…ပေ… (မဟာဘူတာနံ ခန္ဓာနဉ္စ ပစ္ဆာ ပဉ္စာယတနာနိ စ ဝတ္ထု စ ကာတဗ္ဗာ) အညမညပစ္စယာ… နိဿယပစ္စယာ…ပေ… အဝိဂတပစ္စယာ။

၂၁။ ဟေတုယာ ¶ ဒွေ၊ အာရမ္မဏေ…ပေ… အဝိဂတေ ဒွေ။

၂၂။ အဇ္ဈတ္တံ ¶ ဓမ္မံ ပစ္စယာ အဇ္ဈတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အဇ္ဈတ္တံ ဧကံ ခန္ဓံ ပစ္စယာ တယော ခန္ဓာ…ပေ… အဟေတုကပဋိသန္ဓိက္ခဏေ…ပေ… ခန္ဓေ ပစ္စယာ ဝတ္ထု၊ ဝတ္ထုံ ပစ္စယာ ခန္ဓာ။ ဧကံ မဟာဘူတံ…ပေ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ… စက္ခာယတနံ…ပေ… ကာယာယတနံ…ပေ… ဝတ္ထုံ ပစ္စယာ အဟေတုကာ အဇ္ဈတ္တာ ခန္ဓာ။ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)

ဗဟိဒ္ဓါ ဓမ္မံ ပစ္စယာ ဗဟိဒ္ဓါ ဓမ္မော ဥပ္ပဇ္ဇတိ နဟေတုပစ္စယာ (ပဝတ္တိပဋိသန္ဓိပိ မဟာဘူတာပိ ကာတဗ္ဗာ) – စက္ခာယတနံ…ပေ… ကာယာယတနံ…ပေ… ဝတ္ထုံ ပစ္စယာ အဟေတုကာ ဗဟိဒ္ဓါ ခန္ဓာ။ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)

၂၃။ နအာရမ္မဏပစ္စယာ… နအဓိပတိပစ္စယာ (သဟဇာတသဒိသံ)… နအနန္တရပစ္စယာ… နသမနန္တရပစ္စယာ… နအညမညပစ္စယာ… နဥပနိဿယပစ္စယာ… နပုရေဇာတပစ္စယာ (ပဋိစ္စဝါရသဒိသံ)… နပစ္ဆာဇာတပစ္စယာ… နအာသေဝနပစ္စယာ… ¶ နကမ္မပစ္စယာ…ပေ… နဝိပ္ပယုတ္တပစ္စယာ (ပဋိစ္စဝါရပစ္စနီယေ ဝိပ္ပယုတ္တသဒိသံ)… နောနတ္ထိပစ္စယာ… နောဝိဂတပစ္စယာ…။

၂၄။ နဟေတုယာ ¶ ဒွေ၊ နအာရမ္မဏေ ဒွေ…ပေ… နောဝိဂတေ ¶ ဒွေ။

၂၅။ ဟေတုပစ္စယာ နအာရမ္မဏေ ဒွေ၊ နအဓိပတိယာ ဒွေ…ပေ… နဝိပါကေ နသမ္ပယုတ္တေ နဝိပ္ပယုတ္တေ နောနတ္ထိယာ နောဝိဂတေ ဒွေ။

၂၆။ နဟေတုပစ္စယာ အာရမ္မဏေ ဒွေ…ပေ… အဝိဂတေ ဒွေ။

၄-၆။ နိဿယ-သံသဋ္ဌ-သမ္ပယုတ္တဝါရော

(နိဿယဝါရော ပစ္စယဝါရသဒိသော။ သံသဋ္ဌဝါရောပိ သမ္ပယုတ္တဝါရောပိ ဝိတ္ထာရေတဗ္ဗော။)

၂၇။ အဇ္ဈတ္တော ¶ ဓမ္မော အဇ္ဈတ္တဿ ဓမ္မဿ ဟေတုပစ္စယေန ပစ္စယော – အဇ္ဈတ္တာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ ပဋိသန္ဓိက္ခဏေ…ပေ…။ (၁)

ဗဟိဒ္ဓါ ¶ ဓမ္မော ဗဟိဒ္ဓါ ဓမ္မဿ ဟေတုပစ္စယေန ပစ္စယော – ဗဟိဒ္ဓါ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ ပဋိသန္ဓိက္ခဏေ…ပေ…။ (၁)

၂၈။ အဇ္ဈတ္တော ဓမ္မော အဇ္ဈတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ…ပေ… အရိယာ ¶ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ ပစ္စဝေက္ခန္တိ၊ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ။ အဇ္ဈတ္တံ စက္ခုံ…ပေ… ကာယံ… ရူပေ…ပေ… ဖောဋ္ဌဗ္ဗေ… ဝတ္ထုံ… အဇ္ဈတ္တေ ခန္ဓေ အနိစ္စတော ဒုက္ခတော အနတ္တတော ဝိပဿတိ၊ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ။ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတုဓာတုယာ သဒ္ဒံ သုဏာတိ၊ အာကာသာနဉ္စာယတနံ ဝိညာဏဉ္စာယတနဿ အာရမ္မဏပစ္စယေန ပစ္စယော။ အာကိဉ္စညာယတနံ နေဝသညာနာသညာယတနဿ အာရမ္မဏပစ္စယေန ပစ္စယော။ ရူပါယတနံ…ပေ… ဖောဋ္ဌဗ္ဗာယတနံ ကာယဝိညာဏဿ အာရမ္မဏပစ္စယေန ပစ္စယော။ အဇ္ဈတ္တာ ခန္ဓာ ဣဒ္ဓိဝိဓဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)

အဇ္ဈတ္တော ¶ ဓမ္မော ဗဟိဒ္ဓါ ဓမ္မဿ အာရမ္မဏပစ္စယေန ပစ္စယော – ပရော အဇ္ဈတ္တံ စက္ခုံ…ပေ… ဝတ္ထုံ… အဇ္ဈတ္တေ ခန္ဓေ အနိစ္စတော ဒုက္ခတော အနတ္တတော ဝိပဿတိ၊ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ။ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန အဇ္ဈတ္တစိတ္တသမင်္ဂိဿ စိတ္တံ ဇာနာတိ။ အဇ္ဈတ္တံ ရူပါယတနံ ဗဟိဒ္ဓါ စက္ခုဝိညာဏဿ…ပေ… အဇ္ဈတ္တံ ဖောဋ္ဌဗ္ဗာယတနံ ဗဟိဒ္ဓါ ကာယဝိညာဏဿ အာရမ္မဏပစ္စယေန ပစ္စယော။ အဇ္ဈတ္တာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ ¶ ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၂)

၂၉။ ဗဟိဒ္ဓါ ဓမ္မော ဗဟိဒ္ဓါ ဓမ္မဿ အာရမ္မဏပစ္စယေန ပစ္စယော – ပရော ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ ¶ သုစိဏ္ဏာနိ ပစ္စဝေက္ခတိ၊ ဈာနာ ဝုဋ္ဌဟိတွာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ ပစ္စဝေက္ခန္တိ… နိဗ္ဗာနံ ပစ္စဝေက္ခန္တိ။ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ၊ အာဝဇ္ဇနာယ အာရမ္မဏပစ္စယေန ပစ္စယော။ အရိယာ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ…ပေ… ပရော ဗဟိဒ္ဓါ စက္ခုံ…ပေ… ဝတ္ထုံ… ဗဟိဒ္ဓါ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ။ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန ဗဟိဒ္ဓါ စိတ္တသမင်္ဂိဿ…ပေ… အာကာသာနဉ္စာယတနံ ဝိညာဏဉ္စာယတနဿ အာရမ္မဏပစ္စယေန ပစ္စယော။ အာကိဉ္စညာယတနံ နေဝသညာနာသညာယတနဿ အာရမ္မဏပစ္စယေန ပစ္စယော။ ဗဟိဒ္ဓါ ရူပါယတနံ ဗဟိဒ္ဓါ စက္ခုဝိညာဏဿ…ပေ… ဗဟိဒ္ဓါ ဖောဋ္ဌဗ္ဗာယတနံ ဗဟိဒ္ဓါ ကာယဝိညာဏဿ…ပေ… ဗဟိဒ္ဓါ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)

ဗဟိဒ္ဓါ ဓမ္မော အဇ္ဈတ္တဿ ဓမ္မဿ အာရမ္မဏပစ္စယေန ပစ္စယော – အရိယာ နိဗ္ဗာနံ ပစ္စဝေက္ခန္တိ။ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ၊ အာဝဇ္ဇနာယ အာရမ္မဏပစ္စယေန ပစ္စယော။ ဗဟိဒ္ဓါ စက္ခုံ…ပေ… ဝတ္ထုံ… ဗဟိဒ္ဓါ ခန္ဓေ အနိစ္စတော…ပေ… ဒေါမနဿံ ¶ ဥပ္ပဇ္ဇတိ။ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန ဗဟိဒ္ဓါ စိတ္တသမင်္ဂိဿ စိတ္တံ ဇာနာတိ။ ဗဟိဒ္ဓါ ရူပါယတနံ ¶ အဇ္ဈတ္တံ စက္ခုဝိညာဏဿ…ပေ… ဗဟိဒ္ဓါ ဖောဋ္ဌဗ္ဗာယတနံ အဇ္ဈတ္တံ ကာယဝိညာဏဿ…ပေ… ဗဟိဒ္ဓါ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၂)

၃၀။ အဇ္ဈတ္တော ဓမ္မော အဇ္ဈတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ၊ တံ ဂရုံ ကတွာ ပစ္စဝေက္ခတိ၊ ပုဗ္ဗေ သုစိဏ္ဏာနိ ဂရုံ ကတွာ…ပေ… ဈာနာ ဝုဋ္ဌဟိတွာ ဈာနံ ဂရုံ ကတွာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ…ပေ… ဖလံ ဂရုံ ကတွာ ပစ္စဝေက္ခန္တိ။ အဇ္ဈတ္တံ စက္ခုံ…ပေ… ဝတ္ထုံ… အဇ္ဈတ္တေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ¶ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – အဇ္ဈတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)

အဇ္ဈတ္တော ဓမ္မော ဗဟိဒ္ဓါ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ပရော အဇ္ဈတ္တံ စက္ခုံ…ပေ… ဝတ္ထုံ… အဇ္ဈတ္တေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ (၂)

၃၁။ ဗဟိဒ္ဓါ ¶ ဓမ္မော ဗဟိဒ္ဓါ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ပရော ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ၊ တံ ဂရုံ ကတွာ ပစ္စဝေက္ခတိ၊ ပုဗ္ဗေ သုစိဏ္ဏာနိ ဂရုံ ကတွာ…ပေ… ဈာနာ ဝုဋ္ဌဟိတွာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ…ပေ… ဖလံ ဂရုံ ကတွာ…ပေ… နိဗ္ဗာနံ ဂရုံ ကတွာ ပစ္စဝေက္ခန္တိ။ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ အဓိပတိပစ္စယေန ပစ္စယော။ ဗဟိဒ္ဓါ စက္ခုံ…ပေ… ဝတ္ထုံ… ဗဟိဒ္ဓါ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ ¶ – ဗဟိဒ္ဓါဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)

ဗဟိဒ္ဓါ ဓမ္မော အဇ္ဈတ္တဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အရိယာ နိဗ္ဗာနံ ဂရုံ ကတွာ ပစ္စဝေက္ခန္တိ။ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ၊ အဓိပတိပစ္စယေန ပစ္စယော။ ဗဟိဒ္ဓါ စက္ခုံ…ပေ… ဝတ္ထုံ… ဗဟိဒ္ဓါ ခန္ဓေ ဂရုံ ကတွာ အဿာဒေတိ၊ အဘိနန္ဒတိ၊ တံ ဂရုံ ကတွာ ရာဂေါ…ပေ… ဒိဋ္ဌိ ဥပ္ပဇ္ဇတိ။ (၂)

၃၂။ အဇ္ဈတ္တော ဓမ္မော အဇ္ဈတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အဇ္ဈတ္တာ ခန္ဓာ ပစ္ဆိမာနံ ပစ္ဆိမာနံ အဇ္ဈတ္တာနံ ခန္ဓာနံ အနန္တရပစ္စယေန ပစ္စယော။ အနုလောမံ ဂေါတြဘုဿ၊ အနုလောမံ ဝေါဒါနဿ၊ ဂေါတြဘု မဂ္ဂဿ၊ ဝေါဒါနံ မဂ္ဂဿ၊ မဂ္ဂေါ ဖလဿ၊ ဖလံ ဖလဿ၊ အနုလောမံ ဖလသမာပတ္တိယာ၊ နိရောဓာ ဝုဋ္ဌဟန္တဿ ¶ နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၁)

ဗဟိဒ္ဓါ ¶ ဓမ္မော ဗဟိဒ္ဓါ ဓမ္မဿ အနန္တရပစ္စယေန ပစ္စယော (ပုရိမာ ပုရိမာ ဗဟိဒ္ဓါတိ နာနာကရဏံ၊ တံယေဝ ဂမနံ)။ (၁)

၃၃။ အဇ္ဈတ္တော ဓမ္မော အဇ္ဈတ္တဿ ဓမ္မဿ သမနန္တရပစ္စယေန ပစ္စယော…ပေ… (အနန္တရသဒိသံ)… သဟဇာတပစ္စယေန ပစ္စယော… အညမညပစ္စယေန ပစ္စယော… နိဿယပစ္စယေန ပစ္စယော။

၃၄။ အဇ္ဈတ္တော ဓမ္မော အဇ္ဈတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – အဇ္ဈတ္တံ သဒ္ဓံ ¶ ဥပနိဿာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ…ပေ… ဈာနံ…ပေ… ဝိပဿနံ…ပေ… မဂ္ဂံ…ပေ… အဘိညံ…ပေ… သမာပတ္တိံ ဥပ္ပာဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ။ အဇ္ဈတ္တံ သီလံ…ပေ… ပညံ… ရာဂံ…ပေ… ပတ္ထနံ… ကာယိကံ သုခံ… ကာယိကံ ဒုက္ခံ… ဥတုံ… ဘောဇနံ… သေနာသနံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပာဒေတိ၊ ပါဏံ ဟနတိ…ပေ… သင်္ဃံ ဘိန္ဒတိ။ အဇ္ဈတ္တာ သဒ္ဓါ…ပေ… ပညာ၊ ရာဂေါ…ပေ… ပတ္ထနာ၊ ကာယိကံ သုခံ… ကာယိကံ ဒုက္ခံ… သေနာသနံ အဇ္ဈတ္တာယ သဒ္ဓါယ…ပေ… ပညာယ၊ ရာဂဿ…ပေ… ပတ္ထနာယ၊ ကာယိကဿ သုခဿ၊ ကာယိကဿ ဒုက္ခဿ၊ မဂ္ဂဿ ဖလသမာပတ္တိယာ ဥပနိဿယပစ္စယေန ပစ္စယော။ (၁)

အဇ္ဈတ္တော ဓမ္မော ဗဟိဒ္ဓါ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ ပကတူပနိဿယော…ပေ…။ ပကတူပနိဿယော – ပရော အဇ္ဈတ္တံ သဒ္ဓံ ဥပနိဿာယ ဒါနံ ဒေတိ…ပေ… မာနံ ဇပ္ပေတိ၊ ဒိဋ္ဌိံ ဂဏှာတိ ¶ ။ ပရော အဇ္ဈတ္တံ သီလံ…ပေ… သေနာသနံ ဥပနိဿာယ ဒါနံ ဒေတိ၊ ပါဏံ ဟနတိ…ပေ… သင်္ဃံ ဘိန္ဒတိ။ အဇ္ဈတ္တာ သဒ္ဓါ…ပေ… သေနာသနံ ဗဟိဒ္ဓါ သဒ္ဓါယ…ပေ… မဂ္ဂဿ ဖလသမာပတ္တိယာ ဥပနိဿယပစ္စယေန ပစ္စယော။ (၂)

၃၅။ ဗဟိဒ္ဓါ ဓမ္မော ဗဟိဒ္ဓါ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပရော ဗဟိဒ္ဓါ သဒ္ဓံ…ပေ… ပတ္ထနံ၊ ကာယိကံ သုခံ…ပေ… သေနာသနံ ¶ ဥပနိဿာယ ဒါနံ ဒေတိ…ပေ… သင်္ဃံ ဘိန္ဒတိ ဗဟိဒ္ဓါ သဒ္ဓါ…ပေ… သေနာသနံ ဗဟိဒ္ဓါ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)

ဗဟိဒ္ဓါ ဓမ္မော အဇ္ဈတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ ပကတူပနိဿယော…ပေ…။ ပကတူပနိဿယော – ဗဟိဒ္ဓါ သဒ္ဓံ…ပေ… သေနာသနံ ဥပနိဿာယ ဒါနံ ဒေတိ…ပေ… သင်္ဃံ ဘိန္ဒတိ။ ဗဟိဒ္ဓါ သဒ္ဓါ…ပေ… သေနာသနံ အဇ္ဈတ္တာယ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၂)

၃၆။ အဇ္ဈတ္တော ¶ ဓမ္မော အဇ္ဈတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – အဇ္ဈတ္တံ စက္ခုံ…ပေ… ဝတ္ထုံ အနိစ္စတော ဒုက္ခတော အနတ္တတော ဝိပဿတိ…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ¶ ကာယာယတနံ ကာယဝိညာဏဿ…ပေ… ဝတ္ထု အဇ္ဈတ္တာနံ ခန္ဓာနံ ပုရေဇာတပစ္စယေန ပစ္စယော။ (၁)

အဇ္ဈတ္တော ဓမ္မော ဗဟိဒ္ဓါ ဓမ္မဿ ပုရေဇာတပစ္စယေန ပစ္စယော။ အာရမ္မဏပုရေဇာတံ – ပရော အဇ္ဈတ္တံ စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ အဇ္ဈတ္တံ ရူပါယတနံ ဗဟိဒ္ဓါ စက္ခုဝိညာဏဿ…ပေ… အဇ္ဈတ္တံ ဖောဋ္ဌဗ္ဗာယတနံ ဗဟိဒ္ဓါ ကာယဝိညာဏဿ ပုရေဇာတပစ္စယေန ပစ္စယော။ (၂)

၃၇။ ဗဟိဒ္ဓါ ဓမ္မော ဗဟိဒ္ဓါ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – ပရော ဗဟိဒ္ဓါ စက္ခုံ…ပေ… ဝတ္ထုံ အနိစ္စတော…ပေ… ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ ဗဟိဒ္ဓါ ရူပါယတနံ ဗဟိဒ္ဓါ စက္ခုဝိညာဏဿ…ပေ… ဗဟိဒ္ဓါ ဖောဋ္ဌဗ္ဗာယတနံ ဗဟိဒ္ဓါ ကာယဝိညာဏဿ…ပေ…။ ဝတ္ထုပုရေဇာတံ – ဗဟိဒ္ဓါ စက္ခာယတနံ…ပေ… ကာယာယတနံ…ပေ… ဝတ္ထု ဗဟိဒ္ဓါ ခန္ဓာနံ ပုရေဇာတပစ္စယေန ပစ္စယော။ (၁)

ဗဟိဒ္ဓါ ¶ ဓမ္မော အဇ္ဈတ္တဿ ဓမ္မဿ ပုရေဇာတပစ္စယေန ပစ္စယော။ အာရမ္မဏပုရေဇာတံ – ဗဟိဒ္ဓါ စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ ဗဟိဒ္ဓါ ရူပါယတနံ အဇ္ဈတ္တဿ စက္ခုဝိညာဏဿ…ပေ… ဗဟိဒ္ဓါ ဖောဋ္ဌဗ္ဗာယတနံ အဇ္ဈတ္တဿ ကာယဝိညာဏဿ ပုရေဇာတပစ္စယေန ¶ ပစ္စယော။ (၂)

၃၈။ အဇ္ဈတ္တော ¶ စ ဗဟိဒ္ဓါ စ ဓမ္မာ အဇ္ဈတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ ဗဟိဒ္ဓါ ရူပါယတနဉ္စ အဇ္ဈတ္တံ စက္ခာယတနဉ္စ အဇ္ဈတ္တဿ စက္ခုဝိညာဏဿ ပုရေဇာတပစ္စယေန ပစ္စယော…ပေ… ဗဟိဒ္ဓါ ဖောဋ္ဌဗ္ဗာယတနဉ္စ အဇ္ဈတ္တံ ကာယာယတနဉ္စ အဇ္ဈတ္တဿ ကာယဝိညာဏဿ…ပေ… ဗဟိဒ္ဓါ ရူပါယတနဉ္စ အဇ္ဈတ္တံ ဝတ္ထု စ…ပေ… ဗဟိဒ္ဓါ ဖောဋ္ဌဗ္ဗာယတနဉ္စ အဇ္ဈတ္တံ ဝတ္ထု စ အဇ္ဈတ္တာနံ ခန္ဓာနံ ပုရေဇာတပစ္စယေန ပစ္စယော။ (၁)

အဇ္ဈတ္တော စ ဗဟိဒ္ဓါ စ ဓမ္မာ ဗဟိဒ္ဓါ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အဇ္ဈတ္တံ ရူပါယတနဉ္စ ဗဟိဒ္ဓါ စက္ခာယတနဉ္စ ဗဟိဒ္ဓါ စက္ခုဝိညာဏဿ ပုရေဇာတပစ္စယေန ပစ္စယော…ပေ… အဇ္ဈတ္တံ ဖောဋ္ဌဗ္ဗာယတနဉ္စ ဗဟိဒ္ဓါ ကာယာယတနဉ္စ ဗဟိဒ္ဓါ ကာယဝိညာဏဿ ပုရေဇာတပစ္စယေန ပစ္စယော။ အဇ္ဈတ္တံ ရူပါယတနဉ္စ ဗဟိဒ္ဓါ ဝတ္ထု စ…ပေ… အဇ္ဈတ္တံ ဖောဋ္ဌဗ္ဗာယတနဉ္စ ဗဟိဒ္ဓါ ဝတ္ထု စ ဗဟိဒ္ဓါ ခန္ဓာနံ ပုရေဇာတပစ္စယေန ပစ္စယော။ (၂)

၃၉။ အဇ္ဈတ္တော ဓမ္မော အဇ္ဈတ္တဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အဇ္ဈတ္တာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

ဗဟိဒ္ဓါ ဓမ္မော ဗဟိဒ္ဓါ ဓမ္မဿ ပစ္ဆာဇာတပစ္စယေန ပစ္စယော ¶ – ပစ္ဆာဇာတာ ဗဟိဒ္ဓါ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

၄၀။ အဇ္ဈတ္တော ဓမ္မော အဇ္ဈတ္တဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ အဇ္ဈတ္တာ ခန္ဓာ ပစ္ဆိမာနံ ပစ္ဆိမာနံ အဇ္ဈတ္တာနံ ခန္ဓာနံ အာသေဝနပစ္စယေန ¶ ပစ္စယော။ အနုလောမံ ဂေါတြဘုဿ… အနုလောမံ ဝေါဒါနဿ… ဂေါတြဘု မဂ္ဂဿ… ဝေါဒါနံ မဂ္ဂဿ အာသေဝနပစ္စယေန ပစ္စယော။ (၁)

ဗဟိဒ္ဓါ ¶ ဓမ္မော ဗဟိဒ္ဓါ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ…ပေ… (အဇ္ဈတ္တသဒိသံယေဝ)။

၄၁။ အဇ္ဈတ္တော ဓမ္မော အဇ္ဈတ္တဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – အဇ္ဈတ္တာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ နာနာက္ခဏိကာ – အဇ္ဈတ္တာ စေတနာ ဝိပါကာနံ အဇ္ဈတ္တာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)

ဗဟိဒ္ဓါ ဓမ္မော ဗဟိဒ္ဓါ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – ဗဟိဒ္ဓါ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ နာနာက္ခဏိကာ – ဗဟိဒ္ဓါ စေတနာ ဝိပါကာနံ ဗဟိဒ္ဓါ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)

၄၂။ အဇ္ဈတ္တော ဓမ္မော အဇ္ဈတ္တဿ ဓမ္မဿ ဝိပါကပစ္စယေန ¶ ပစ္စယော…ပေ… (ပရိပုဏ္ဏံ၊ ပဋိစ္စဝါရသဒိသံ)။

၄၃။ အဇ္ဈတ္တော ဓမ္မော အဇ္ဈတ္တဿ ဓမ္မဿ အာဟာရပစ္စယေန ပစ္စယော – အဇ္ဈတ္တာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော။ ပဋိသန္ဓိက္ခဏေ…ပေ… အဇ္ဈတ္တော ကဗဠီကာရော အာဟာရော အဇ္ဈတ္တဿ ကာယဿ အာဟာရပစ္စယေန ပစ္စယော။ (၁)

အဇ္ဈတ္တော ဓမ္မော ဗဟိဒ္ဓါ ဓမ္မဿ အာဟာရပစ္စယေန ပစ္စယော – အဇ္ဈတ္တော ကဗဠီကာရော အာဟာရော ဗဟိဒ္ဓါ ကာယဿ အာဟာရပစ္စယေန ပစ္စယော။ (၂)

ဗဟိဒ္ဓါ ¶ ¶ ဓမ္မော ဗဟိဒ္ဓါ ဓမ္မဿ အာဟာရပစ္စယေန ပစ္စယော (ပဝတ္တိပဋိသန္ဓိ) ဗဟိဒ္ဓါ ကဗဠီကာရော အာဟာရော ဗဟိဒ္ဓါ ကာယဿ အာဟာရပစ္စယေန ပစ္စယော။ (၁)

ဗဟိဒ္ဓါ ဓမ္မော အဇ္ဈတ္တဿ ဓမ္မဿ အာဟာရပစ္စယေန ပစ္စယော – ဗဟိဒ္ဓါ ကဗဠီကာရော အာဟာရော အဇ္ဈတ္တဿ ကာယဿ အာဟာရပစ္စယေန ပစ္စယော။ (၂)

၄၄။ အဇ္ဈတ္တော ဓမ္မော စ ဗဟိဒ္ဓါ ဓမ္မော စ အဇ္ဈတ္တဿ ဓမ္မဿ အာဟာရပစ္စယေန ပစ္စယော – အဇ္ဈတ္တော ကဗဠီကာရော အာဟာရော စ ဗဟိဒ္ဓါ ကဗဠီကာရော အာဟာရော စ အဇ္ဈတ္တဿ ကာယဿ အာဟာရပစ္စယေန ပစ္စယော။ (၁)

အဇ္ဈတ္တော ဓမ္မော စ ဗဟိဒ္ဓါ ဓမ္မော စ ဗဟိဒ္ဓါ ဓမ္မဿ ¶ အာဟာရပစ္စယေန ပစ္စယော – အဇ္ဈတ္တော ကဗဠီကာရော အာဟာရော စ ဗဟိဒ္ဓါ ကဗဠီကာရော အာဟာရော စ ဗဟိဒ္ဓါ ကာယဿ အာဟာရပစ္စယေန ပစ္စယော။ (၂)

၄၅။ အဇ္ဈတ္တော ဓမ္မော အဇ္ဈတ္တဿ ဓမ္မဿ ဣန္ဒြိယပစ္စယေန ပစ္စယော၊ အဇ္ဈတ္တိကာ ဣန္ဒြိယာ (ရူပဇီဝိတိန္ဒြိယမ္ပိ ဝိတ္ထာရေတဗ္ဗံ)… ဈာနပစ္စယေန ပစ္စယော… မဂ္ဂပစ္စယေန ပစ္စယော… သမ္ပယုတ္တပစ္စယေန ပစ္စယော… ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ (မာတိကာပဒါနိ အနုမဇ္ဇန္တေန ဝိတ္ထာရေတဗ္ဗာနိ)။

ဗဟိဒ္ဓါ ဓမ္မော ဗဟိဒ္ဓါ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ (သံခိတ္တံ)။

၄၆။ အဇ္ဈတ္တော ဓမ္မော အဇ္ဈတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတော – အဇ္ဈတ္တော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓာ ဝတ္ထုဿ ¶ …ပေ… ဝတ္ထု ခန္ဓာနံ…ပေ… ဧကံ မဟာဘူတံ…ပေ… အသညသတ္တာနံ ဧကံ မဟာဘူတံ တိဏ္ဏန္နံ မဟာဘူတာနံ…ပေ…။ ပုရေဇာတံ – စက္ခုံ…ပေ… ဝတ္ထုံ (ပုရေဇာတသဒိသံ)၊ ဝတ္ထု အဇ္ဈတ္တာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – အဇ္ဈတ္တာ ခန္ဓာ ပုရေဇာတဿ ဣမဿ ကာယဿ ¶ အတ္ထိပစ္စယေန ပစ္စယော။ အဇ္ဈတ္တော ကဗဠီကာရော အာဟာရော အဇ္ဈတ္တဿ ကာယဿ…ပေ… ရူပဇီဝိတိန္ဒြိယံ ကဋတ္တာရူပါနံ…ပေ…။ (၁)

အဇ္ဈတ္တော ဓမ္မော ဗဟိဒ္ဓါ ဓမ္မဿ အတ္ထိပစ္စယေန ပစ္စယော ¶ – ပုရေဇာတံ၊ အာဟာရံ။ ပုရေဇာတံ – ပရော အဇ္ဈတ္တံ စက္ခုံ…ပေ… ဝတ္ထုံ အနိစ္စတော…ပေ… ဝိပဿတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ အဇ္ဈတ္တံ ရူပါယတနံ…ပေ… ဖောဋ္ဌဗ္ဗာယတနံ ဗဟိဒ္ဓါ ကာယဝိညာဏဿ အတ္ထိပစ္စယေန ပစ္စယော။ အဇ္ဈတ္တော ကဗဠီကာရော အာဟာရော ဗဟိဒ္ဓါ ကာယဿ အတ္ထိပစ္စယေန ပစ္စယော။ (၂)

၄၇။ ဗဟိဒ္ဓါ ဓမ္မော ဗဟိဒ္ဓါ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ (ဗဟိဒ္ဓါ နိန္နာနာကရဏံ၊ မာတိကာပဒါနိ ဝိတ္ထာရေတဗ္ဗာနိ)။ (၁)

ဗဟိဒ္ဓါ ဓမ္မော အဇ္ဈတ္တဿ ဓမ္မဿ အတ္ထိပစ္စယေန ပစ္စယော – ပုရေဇာတံ၊ အာဟာရံ။ ပုရေဇာတံ – ဗဟိဒ္ဓါ စက္ခုံ…ပေ… ဝတ္ထုံ…ပေ… ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ ဗဟိဒ္ဓါ ရူပါယတနံ…ပေ… ဖောဋ္ဌဗ္ဗာယတနံ အဇ္ဈတ္တဿ ကာယဝိညာဏဿ အတ္ထိပစ္စယေန ပစ္စယော။ ဗဟိဒ္ဓါ ကဗဠီကာရော အာဟာရော အဇ္ဈတ္တဿ ကာယဿ အတ္ထိပစ္စယေန ပစ္စယော။ (၂)

၄၈။ အဇ္ဈတ္တော ဓမ္မော စ ဗဟိဒ္ဓါ ဓမ္မော စ အဇ္ဈတ္တဿ ဓမ္မဿ အတ္ထိပစ္စယေန ပစ္စယော – ပုရေဇာတံ၊ အာဟာရံ။ ပုရေဇာတံ – ဗဟိဒ္ဓါ ရူပါယတနဉ္စ အဇ္ဈတ္တံ စက္ခု စ အဇ္ဈတ္တဿ စက္ခုဝိညာဏဿ…ပေ… ဗဟိဒ္ဓါ ဖောဋ္ဌဗ္ဗာယတနဉ္စ အဇ္ဈတ္တံ ကာယာယတနဉ္စ အဇ္ဈတ္တဿ ကာယဝိညာဏဿ အတ္ထိပစ္စယေန ပစ္စယော။ ဗဟိဒ္ဓါ ရူပါယတနဉ္စ အဇ္ဈတ္တံ ဝတ္ထု စ…ပေ… ဗဟိဒ္ဓါ ဖောဋ္ဌဗ္ဗာယတနဉ္စ အဇ္ဈတ္တံ ဝတ္ထု ¶ စ အဇ္ဈတ္တာနံ ခန္ဓာနံ အတ္ထိပစ္စယေန ပစ္စယော။ အာဟာရံ – အဇ္ဈတ္တော ကဗဠီကာရော အာဟာရော စ ဗဟိဒ္ဓါ ကဗဠီကာရော အာဟာရော စ အဇ္ဈတ္တဿ ကာယဿ အတ္ထိပစ္စယေန ပစ္စယော။ (၁)

အဇ္ဈတ္တော ¶ ဓမ္မော စ ဗဟိဒ္ဓါ ဓမ္မော စ ဗဟိဒ္ဓါ ဓမ္မဿ အတ္ထိပစ္စယေန ပစ္စယော – ပုရေဇာတံ၊ အာဟာရံ။ ပုရေဇာတံ – အဇ္ဈတ္တံ ရူပါယတနဉ္စ ဗဟိဒ္ဓါ စက္ခာယတနဉ္စ ဗဟိဒ္ဓါ စက္ခုဝိညာဏဿ အတ္ထိပစ္စယေန ပစ္စယော…ပေ… အဇ္ဈတ္တံ ¶ ဖောဋ္ဌဗ္ဗာယတနဉ္စ ဗဟိဒ္ဓါ ကာယာယတနဉ္စ ဗဟိဒ္ဓါ ကာယဝိညာဏဿ အတ္ထိပစ္စယေန ပစ္စယော။ အဇ္ဈတ္တံ ရူပါယတနဉ္စ ဗဟိဒ္ဓါ ဝတ္ထု စ ဗဟိဒ္ဓါ ခန္ဓာနံ အတ္ထိပစ္စယေန ပစ္စယော…ပေ… အဇ္ဈတ္တံ ဖောဋ္ဌဗ္ဗာယတနဉ္စ ဗဟိဒ္ဓါ ဝတ္ထု စ ဗဟိဒ္ဓါ ခန္ဓာနံ အတ္ထိပစ္စယေန ပစ္စယော။ အာဟာရံ – အဇ္ဈတ္တော ကဗဠီကာရော အာဟာရော စ ဗဟိဒ္ဓါ ကဗဠီကာရော အာဟာရော စ ဗဟိဒ္ဓါ ကာယဿ အတ္ထိပစ္စယေန ပစ္စယော။ (၂)

၄၉။ အဇ္ဈတ္တော ဓမ္မော အဇ္ဈတ္တဿ ဓမ္မဿ နတ္ထိပစ္စယေန ပစ္စယော… ဝိဂတပစ္စယေန ပစ္စယော… အဝိဂတပစ္စယေန ပစ္စယော။

၅၀။ ဟေတုယာ ဒွေ၊ အာရမ္မဏေ စတ္တာရိ၊ အဓိပတိယာ စတ္တာရိ၊ အနန္တရေ ဒွေ၊ သမနန္တရေ ဒွေ၊ သဟဇာတေ အညမညေ နိဿယေ ဒွေ၊ ဥပနိဿယေ စတ္တာရိ၊ ပုရေဇာတေ ဆ၊ ပစ္ဆာဇာတေ အာသေဝနေ ကမ္မေ ဝိပါကေ ဒွေ၊ အာဟာရေ ဆ၊ ဣန္ဒြိယေ ဒွေ၊ ဈာနေ မဂ္ဂေ သမ္ပယုတ္တေ ဝိပ္ပယုတ္တေ ဒွေ၊ အတ္ထိယာ ဆ၊ နတ္ထိယာ ဒွေ၊ ဝိဂတေ ဒွေ၊ အဝိဂတေ ¶ ဆ (ဧဝံ ဂဏေတဗ္ဗံ)။

၅၁။ အဇ္ဈတ္တော ¶ ဓမ္မော အဇ္ဈတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)

အဇ္ဈတ္တော ဓမ္မော ဗဟိဒ္ဓါ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… အာဟာရပစ္စယေန ပစ္စယော။ (၂)

၅၂။ ဗဟိဒ္ဓါ ¶ ဓမ္မော ဗဟိဒ္ဓါ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)

ဗဟိဒ္ဓါ ဓမ္မော အဇ္ဈတ္တဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… အာဟာရပစ္စယေန ပစ္စယော။ (၂)

၅၃။ အဇ္ဈတ္တော ဓမ္မော စ ဗဟိဒ္ဓါ ဓမ္မော စ အဇ္ဈတ္တဿ ဓမ္မဿ ပုရေဇာတံ၊ အာဟာရံ။ (၁)

အဇ္ဈတ္တော ဓမ္မော စ ဗဟိဒ္ဓါ ဓမ္မော စ ဗဟိဒ္ဓါ ဓမ္မဿ ပုရေဇာတံ၊ အာဟာရံ။ (၂)

၅၄။ နဟေတုယာ ¶ ဆ၊ နအာရမ္မဏေ ဆ၊ နအဓိပတိယာ ဆ (သံခိတ္တံ၊ သဗ္ဗတ္ထ ဆ ကာတဗ္ဗာ)၊ နဝိပ္ပယုတ္တေ ဆ၊ နောအတ္ထိယာ စတ္တာရိ၊ နောနတ္ထိယာ ဆ၊ နောဝိဂတေ ဆ၊ နောအဝိဂတေ စတ္တာရိ (ဧဝံ ဂဏေတဗ္ဗံ)

၅၅။ ဟေတုပစ္စယာ ¶ နအာရမ္မဏေ ဒွေ၊ နအဓိပတိယာ နအနန္တရေ နသမနန္တရေ နအညမညေ နဥပနိဿယေ ဒွေ (သံခိတ္တံ၊ သဗ္ဗတ္ထ ဒွေ)၊ နသမ္ပယုတ္တေ နဝိပ္ပယုတ္တေ နောနတ္ထိယာ နောဝိဂတေ ဒွေ (ဧဝံ ဂဏေတဗ္ဗံ)။

၅၆။ နဟေတုပစ္စယာ ¶ အာရမ္မဏေ စတ္တာရိ၊ အဓိပတိယာ စတ္တာရိ (အနုလောမပဒါနိ ဂဏေတဗ္ဗာနိ)၊ အဝိဂတေ ဆ (ဧဝံ ဂဏေတဗ္ဗံ)။