📜
နမော တဿ ဘဂဝတော အရဟတော သမ္မာသမ္ဗုဒ္ဓဿ
အဘိဓမ္မာဝတာရော
ဂန္ထာရမ္ဘကထာ
အနန္တကရုဏာပညံ ¶ ¶ ¶ ၊ တထာဂတမနုတ္တရံ၊
ဝန္ဒိတွာ သိရသာ ဗုဒ္ဓံ၊ ဓမ္မံ သာဓုဂဏမ္ပိ စ။
ပဏ္ဍုကမ္ဗလနာမာယ၊ သိလာယာတုလဝိက္ကမော၊
နိသိန္နော ဒေဝရာဇဿ၊ ဝိမလေ သီတလေ တလေ။
ယံ ဒေဝဒေဝေါ ဒေဝါနံ၊ ဒေဝဒေဝေဟိ ပူဇိတော၊
ဒေသေသိ ဒေဝလောကသ္မိံ၊ ဓမ္မံ ဒေဝပုရက္ခတော။
တတ္ထာဟံ ¶ ပါဋဝတ္ထာယ၊ ဘိက္ခူနံ ပိဋကုတ္တမေ၊
အဘိဓမ္မာဝတာရန္တု၊ မဓုရံ မတိဝဍ္ဎနံ။
တာဠံ မောဟကဝါဋဿ၊ ဝိဃာဋနမနုတ္တရံ၊
ဘိက္ခူနံ ပဝိသန္တာနံ၊ အဘိဓမ္မမဟာပုရံ။
သုဒုတ္တရံ တရန္တာနံ၊ အဘိဓမ္မမဟောဒဓိံ၊
သုဒုတ္တရံ တရန္တာနံ၊ တရံဝ မကရာကရံ။
အာဘိဓမ္မိကဘိက္ခူနံ၊ ဟတ္ထသာရမနုတ္တရံ၊
ပဝက္ခာမိ သမာသေန၊ တံ သုဏာထ သမာဟိတာ။