📜
ဗုဒ္ဓဝန္ဒနာ
ဒေဝလောကာ စဝိတွာန ¶ ၊
မဟာမာယာယ ကုစ္ဆိယံ၊
ဥပ္ပဇ္ဇိ ဂုရုဝါရမှိ၊
ဝန္ဒေတံ သကျပုင်္ဂဝံ။
ဒသမာ သစ္စယေ နေသော ¶ ၊
ဝိဇာယိ မာတုကုစ္ဆိတော၊
သုက္ကဝါရေ လုမ္ဗိနိယံ၊
ဝန္ဒေ တံ လောကပူဇိတံ။
စက္ကဝတ္တိသိရိံ ဟိတွာ၊
မဟာသိနိက္ခမံ သုဓီ၊
နိက္ခမီ စန္ဒဝါရမှိ၊
နမေ တံ မုနိကုဉ္ဇရံ။
အဿတ္ထဗောဓိမူလမှိ ¶ ၊
ပလ္လင်္ကေ အပရာဇိတေ၊
ပတ္တော သဗ္ဗညုတံ နာထော၊
နမေ တံ ဗုဓဝါသရေ။
ပဉ္စဝဂ္ဂိယမုခါနံ ¶ ၊
ဒေဝါနံ မိဂဒါဝနေ၊
သောရိဝါရေ ဓမ္မစက္ကံ၊
ဝတ္တေသိ တံ ဇိနံ နမေ။
သဗ္ဗသင်္ခတဓမ္မာနံ၊
ပကာသိယအနိစ္စတံ၊
နိဗ္ဗုတံအင်္ဂဝါရမှိ၊
နမာဓိအမတန္ဒဒံ။
သူရိယဝါရေ သောဏ္ဏာယ ¶ ၊
ဒေါဏိယာ ဇိနဝိဂ္ဂဟော၊
အဂ္ဂိနုဇ္ဇလိတော တဿ၊
နမေ ဓာတုသရီရကံ။