📜
အပုနရာဝတ္တိဂမနဒီပနီယမကဂါထာ
အနန္တကာလောပစိတေန တေန၊
ပုညေန နိဗ္ဗတ္တဝိမာနယာနေ၊
တသ္မိံ ဒိနေ ဇာတသုတံ ပဇာပတိံ၊
ဟိတွာ ဂတော သော သုဂတော ဂတော ဝ။
တံ ဇီဝမာနံ ပိတရဉ္စ မာတရံ၊
တေ ဉာတကေ တာဒိသိယော စ ဣတ္ထိယော၊
တေ တာဒိသေ ရမ္မကရေ နိကေတေ၊
ဟိတွာ ဂတော သော သုဂတော ဂတော ဝ။
ခေါမဉ္စ ပတ္တုဏ္ဏဒုကူလစီနံ၊
သကာသိကံ သာဓုသုဂန္ဓဝါသိတံ၊
နိဝါသိတော သောဘတိ ဝါသဝေါ ဝ၊
ဟိတွာ ဂတော သော သုဂတော ဂတော ဝ။
ဝိဓိပ္ပကာသာ နိဓိယော စတဿော၊
သမုဂ္ဂတာ ဘူတဓရာ ဝသုန္ဓရာ၊
သတ္တာဝသတ္တာဝသုဓာ သုဓာသာ၊
ဟိတွာ ဂတော သော သုဂတော ဂတော ဝ။
သုဝဏ္ဏထာလေ သတရာဇိကေ သုဘေ၊
သာဓုံ သုဂန္ဓံ သုစိသာလိဘောဇနံ၊
ဘုတွာ သဝါသီဟိ ဝိလာသိနီဟိ၊
ဟိတွာ ဂတ သော သုဂတော ဂတော ဝ။
မနုညဂန္ဓေန အသုညဂန္ဓော၊
သုဂန္ဓဂန္ဓေန ဝိလိတ္တဂတ္တော၊
သုဂန္ဓဝါတေန သုဝိဇ္ဇိတင်္ဂေါ၊
ဟိတွာ ဂတော သော သုဂတော ဂတော ဝ။
သုလက္ခဏေ ဟေဝဘိလက္ခိတင်္ဂေါ၊
ပသာဓိတော ဒေဝပသာဓနေန၊
ဝိရောစမာနော သမရာဇိနီဟိ၊
ဟိတွာ ဂတော သော သုဂတော ဂတော ဝ။
နာနာသနာနိ သယနာနိ နိဝေသနာနိ၊
ဘာဘာနိဘာနိ ရတနာကရသန္နိဘာနိ၊
တတြုဿိတာနိ ရတနဒ္ဓဇဘူသိတာနိ၊
ဟိတွာ ဝ တာနိ ဟိမဗိန္ဒုသမာနိ တာနိ။
နာနာဝိဓေဟိ ရတနေဟိ သမုဇ္ဇလေဟိ၊
နာရီဟိ နိစ္စမုပဂါယိတဟမ္မိယေဟိ၊
ရဇ္ဇေဟိ စက္ကရတနာဒိဝိဘူသိတေဟိ၊
ယာတော တတော ဟိ မဟိတော ပုရိသဿရေဟိ။