📜

မဟာပဓာနဒီပနီဂါထာ

၁၁၁။

ဩရောဟိတောတောဟိတပါပဓမ္မော၊

ဆန္နေန သ ဆန္နဟယေန ဂန္တွာ၊

အနောမတီရမှိ အနောမသတ္တော၊

အနောမပဗ္ဗဇ္ဇမုပါဂတော သော။

၁၁၂။

နိရာမိသံ ပီတိသုခံ အနူပမံ၊

အနူပိယေ အမ္ဗဝနေ အလတ္ထ၊

သရူပသောဘာယ ဝိရူပသောဘံ၊

သရာဇိကံ ရာဇဂဟံ ကရိတ္ထ။

၁၁၃။

တတော အဠာရ ဦဒကတာပသာနံ၊

ဈာနေနသန္တုဋ္ဌမနော ဝိဟာယ၊

မဟာပဓာနာယ ဥရုဝေလဘူမိံ၊

ဂတော သိခပ္ပတ္တမကာသိ ဒုက္ကရံ။

၁၁၄။

န ကာမတော နေဝတိဒုက္ကရမှိ၊

သဗ္ဗညုတာ သိဇ္ဈတိ မဇ္ဈိမာယ၊

ဉတွာန တံ ပုဗ္ဗဂုဏောပလဒ္ဓံ၊

ဓမ္မံ သမာနေတုမဂါ သုဗောဓိံ။