📜
နမော တဿ ဘဂဝတော အရဟတော သမ္မာသမ္ဗုဒ္ဓဿ
သာသနဝံသပ္ပဒီပိကာ
ဗုဒ္ဓံ ¶ သုမာလီ ဒွိပဒုတ္တမော တမော၊
ဟန္တွာန ဗောဓေသိဓ ပင်္ကဇံ ကဇံ၊
မဂ္ဂဂ္ဂသေလမှိ သုဉဋ္ဌိတော ဌိတော၊
သော မံ စိရံ ပါတု သုခံ သဒါ သဒါ။
သီဟဠဒ္ဒီပတောယေဝ၊
အာဂတေဟိ ဒိသန္တရေ၊
ဘိက္ခူဟိ ယာစိတော ကဿံ၊
သာသ္နဝံသပ္ပဒီပိကံ။
ကာမဉ္စ ပေါရာဏေဟိ ယာ၊
သာသ္နဝံသပ္ပဒိပိကာ၊
ဝိတ္ထာရ ဝါစနာမဂ္ဂါ၊
ဝိရစိတာ ဝိနိစ္ဆယာ။
သာ ¶ ပန မရမ္မဘာသာယ၊
ကတတ္တာယေဝ ဧတေသံ၊
ဒီပန္တရနိဝါသိနံ၊
ဝဟာတိ သုဋ္ဌုနာတ္ထံ။
တသ္မာ ဟိ မူလဘာသာယ၊
ကရိဿာမိ အဟံ ဟဝေ၊
သံသန္ဒိတွာန ဂန္ထေဟိ၊
တံ သလ္လက္ခေန္တု သာဓဝေါတိ။
တတြာယံမာတိကာ –
၁။ နဝဋ္ဌာနာဂတသာသနဝံသကထာမဂ္ဂေါ၊
၂။ သီဟဠဒီပိကသာသနဝံသကထာမဂ္ဂေါ၊
၃။ သုဝဏ္ဏဘူမိသာသနဝံသကထာမဂ္ဂေါ၊
၄။ ယောနကရဋ္ဌသာသနဝံသကထာမဂ္ဂေါ၊
၅။ ဝနဝါသီရဋ္ဌသာသနဝံသကထာမဂ္ဂေါ၊
၆။ အပရန္တရဋ္ဌသာသနဝံသကထာမဂ္ဂေါ၊
၇။ ကသ္မီရဂန္ဓာရရဋ္ဌသာသနဝံသကထာမဂ္ဂေါ၊
၈။ မဟိံသကရဋ္ဌသာသနဝံသကထာမဂ္ဂေါ၊
၉။ မဟာရဋ္ဌသာသနဝံသဝထာမဂ္ဂေါ၊
၁၀။ စိနရဋ္ဌသာသနဝံသကထာမဂ္ဂေါစာတိ။