📜
၄။ အဍ္ဎသမဝုတ္တိနိဒ္ဒေသ-စတုတ္ထပရိစ္ဆေဒ
ဝိသမေ ယဒိ သာ သ၊လ၊ဂါ သမေ၊
ဘ၊တ္တယတော ဂရုကာ ဝု’ပစိတ္တံ။
ဘ၊တ္တယတော ယဒိ ဂါ ဒုတမဇ္ဈာ၊
ယဒိ ပုနရေ’ဝ ဘဝန္တိ န၊ ဇာ ဇျာ။
ယဒိ သ၊တ္တိတယံ ဂရုယုတ္တံ၊
ဝေဂဝတီ ယဒိ ဘ၊တ္တိတယာ ဂါ။
တော ဇော ဝိသမေ ရတော ဂရူ စေ၊
သ္မာ ဇ္ဂါ ဘဒ္ဒဝိရာဇ မေတ္ထ ဂေါ စေ။
ဝိသမေ သ၊ ဇာ သ၊ဂရု၊ယုတ္တာ၊
ကေတုမတီ သမေ ဘ၊ရ၊န၊ဂါ ဂေါ။
အာချာနကီ တာ ဝိသမေ ဇ၊ ဂါ ဂေါ၊ (ဣန္ဒဝဇိရ)
ဇ၊တာ ဇ၊ဂါ ဂေါ တု သမေ’ထ ပါဒေ။ (ဥပေန္ဒဝဇိရ)
ဇ၊တာ ဇ၊ဂါ ဂေါ ဝိသမေ သမေ တု၊ (ဥပေန္ဒဝဇိရ)
တာ ဇော ဂ၊ဂါ စေ ဝိပရီတပုဗ္ဗာ။ (ဣန္ဒဝဇိရ)
သ၊သ၊တော သ၊လ၊ဂါ ဝိသမေ သမေ၊
န၊ဘ၊ဘ၊ရာ ဘဝတေ ဟရိဏပ္လုတာ။
ယဒိ န၊န၊ရ၊လ၊ဂါ န၊ဇာ ဇ၊ရာ၊
ယဒိ စ တဒါ’ပရဝတ္တ မိစ္ဆတိ။
ဝိသမ ¶ မုပဂတာ န၊နာ ရ၊ယာ စေ၊
န၊ဇ၊ဇ၊ရ၊ဂါ သမကေ စ ပုပ္ဖိတဂ္ဂါ။
ဒွယံ မိဒံ ဝေတာလီယ’ပ္ပဘေဒေါ။
သာ ယဝါဒိကာ မတီ ရ၊ဇာ ရ၊ဇာ တွ၊
သမေ သမေ ဇ၊ရာ ဇ၊ရာ ဂရူ ဘဝေယျုံ။
ဣတိ ဝုတ္တောဒယေ ဆန္ဒသိ အဍ္ဎသမဝုတ္တိနိဒ္ဒေသော နာမ
စတုတ္ထော ပရိစ္ဆေဒေါ။