📜
၅။ ဝိသမဝုတ္တိနိဒ္ဒေသ-ပဉ္စမပရိစ္ဆေဒ
၁၁၈။ န’ဋ္ဌက္ခရေသု ပါဒေသု၊ သ္နာ’ဒိမှာ ယော’ဏ္ဏဝါ ဝတ္တံ။
၁၁၉။ သမေသု သိန္ဓုတော ဇေန၊ ပထျာဝတ္တံ ပကိတ္တိတံ။
၁၂၀။ ဩဇေသု ဇေန သိန္ဓုတော၊ တ’မေဝ ဝီပရီတာ’ဒိ။
၁၂၁။ န၊ကာရော စေ ဇလဓိတော၊ စပလာဝတ္တ’မိစ္စေ’တံ။
၁၂၂။ သမေ လော သတ္တမော ယဿာ၊ ဝိပုလာ ပိင်္ဂလဿ သာ။
ဝတ္တ’ပ္ပဘေဒေါ။
နဒိဿတေ’တ္ထ ယံ ဆန္ဒံ၊ ပယောဂေ ဒိဿတေ ယဒိ၊
ဝိသမ’က္ခရပါဒံ တံ၊ ဂါထာ သာမညနာမတော။
ဣတိ ဝုတ္တောဒယေ ဆန္ဒသိ ဝိသမဝုတ္တိ နိဒ္ဒေသော နာမ
ပဉ္စမော ပရိစ္ဆေဒေါ။