📜
ပုတ္တကဏ္ဍ
အဘိဇာတံ ¶ အနုဇာတံ၊ ပုတ္တမိစ္ဆန္တိ ပဏ္ဍိတာ၊
အဝဇာတံ န ဣစ္ဆန္တိ၊ ယော ဟောတိ ကုလဂန္ဓနော။
ပဉ္စဋ္ဌာနာနိ ¶ သမ္ပဿံ၊ ပုတ္တမိစ္ဆန္တိ ပဏ္ဍိတာ၊
ဘတော ဝါ နော ဘရိဿတိ၊ ကိစ္စံ ဝါ နော ကရိဿတိ။
ကုလဝံသော စိရံ တိဋ္ဌေ၊ ဒါယဇ္ဇံ ပဋိပဇ္ဇတိ၊
အထ ဝါ ပန ပေတာနံ၊ ဒက္ခိနံ အနုပဒဿတိ။
ဗဟုပုတ္တေ ¶ ပိတာ ဧကော၊ အဝဿံ ပေါသေတိ သဒါ၊
ဗဟုပုတ္တာ န သက္ကောန္တိ၊ ပေါသေတုံ ပိတရေကကံ။
ပုတ္တံ ဝါ ဘာတရံ ဒုဋ္ဌု၊ အနုသာသေယျ နော ဇဟေ၊
ကိန္နု ဆေဇ္ဇံ ကရံ ပါဒံ၊ လိတ္တံ အသုစိနာ သိယာ။