📜
ဝေဇ္ဇာစရိယ ကဏ္ဍ
အာယုဗေဒကတာဘျာသော ¶ ၊ သဗ္ဗေသံ ပိယဒဿနော၊
အရိယသီလဂုဏောပေတော၊ ဧသ ဝေဇ္ဇော ဝိဓီယတေ။
နာနာဂန္ထဇာနနဉ္စ၊ သုဒိဋ္ဌကမ္မသမ္ပဒါ၊
ဒက္ခတာ ဟတ္ထသီဃတာ၊ ပသာဒသူရသတ္တိတာ။
သာဘာဝိကတင်္ခဏိက-ဉာဏသုဘာသိတာပိ စ၊
ဥဿာဟော ဒဗ္ဗော သဗ္ဗတာ၊ ဝေဇ္ဇာစေရဿ လက္ခဏံ၊
ကိလိဋ္ဌဝတ္ထံ ¶ ကောဓော စ၊ အတိမာနဉ္စ ဂမ္မတာ၊
အနိမန္တိတဂမနံ၊ ဧတေ ပဉ္စ ဝိဝဇ္ဇိယာ။
ဒိဋ္ဌကမ္မတာ ¶ သောစဉ္စ၊ ဒက္ခတာ ဝိဒိတာဂမော၊
စတ္တာရော သုဘိသက္ကဿ၊ သုဂုဏာ ဝိညုနာ မတာ။
ရုဇာယ ဇယလက္ခဏံ၊ ရသော စ ဘေသဇ္ဇမ္ပိ စ၊
တိလက္ခဏဘေဒေါ စေဝ၊ ဝိညေယျော ဘိသက္ကေန ဝေ။