📜

ယောဇနထူပ ကထာ

အထ ရာဇာ အညာနိ စ ဗဟူနိ ပုညကမ္မာနိ ကတွာ စတ္တာလီသ ဝဿာနိ ရဇ္ဇံ ကာရေသိ။ တဿ အစ္စယေန တံ ကနိဋ္ဌော ဥတ္တိယ ရာဇာ ဒသဝဿာနိ ရဇ္ဇံ ကာရေသိ။ တဿ အစ္စယေန တံ ကနိဋ္ဌော မဟာသီဝေါ ဒသဝဿာနေဝ ရဇ္ဇံ ကာရေသိ တဿ အစ္စယေန တဿာပိ ကနိဋ္ဌော သူရတိဿော ဒသဝဿာနေဝ ရဇ္ဇံ ကာရေသိ တတော အဿနာဝိက ပုတ္တာ ဒွေ ဒမိဠာ သူရတိဿံ ဂဟေတွာ ဒွေဝီသ ဝဿာနိ ဓမ္မေန ရဇ္ဇံ ကာရေသုံ။ တေ ဂဟေတွာ မုဋသီဝဿ ရညော ပုတ္တော အသေလော နာမ ဒသဝဿာနိ ရဇ္ဇံ ကာရေသိ အထ စောဠရဋ္ဌတော အဂန္တွာ ဧဠာရော နာမ ဒမိလော အသေလ ဘူပတိံ ဂဟေတွာ စတုစတ္တာလီသ ဝဿာနိ ရဇ္ဇံ ကာရေသိ ဧဠာရံ ဂဟေတွာ ဒုဋ္ဌဂါမဏိ အဘယော ရာဇာ အဟောသိ။