📜

ဒိဝါဒယော ¶

၁၀၃။

ဒိဝု ကီလာ ဝိဇိဂိံသာ ဝေါဟာရဇ္ဇုတိ ထောမိတေ၊

သိဝု တန္တူနသန္တာနေ ခီ ခယေ ခါ ပကာသနေ၊

၁၀၄။

ကာ-ဂါ သဒ္ဒေ (ပိ) ဃာ ဂန္ဓော’ပါဒါနေ ရုစ ရောစနေ၊

ကစ ဒိတျံ မုစ မောစေ (အထော) ဝိစ ဝိဝေစနေ၊

၁၀၅။

ရဉ္ဇ ရာဂေ သဉ္ဇ သင်္ဂေ ခလနေ မဇ္ဇ သုဒ္ဓိယံ၊

ယုဇော သမာဓိမှိ လုဇော ဝိနာသေ ဈာ ဝိစိန္တနေ၊

၁၀၆။

တာ ပါလနေ ဆိဒိ ဒွေဓာကာရေ မိဒ သိနေဟနေ၊

မဒု’မ္မာဒေ ခိဒ ဒီနဘာဝေ ဘိဒ ဝိဒါရဏေ၊

၁၀၇။

သိဒ ပါကေ ပဒဂတေ ဝိဒ သတ္တာ ဝိစိန္တနေ၊

ဒီ ခယေ သုပနေ ဒါ (စ) ဒါနေ ဒါတွ’ဝခဏ္ဍနေ၊

၁၀၈။ ¶

ဗုဓာ’ဝဂမနာ’ဒီသု အတ္ထေသု ယုဓ ယုဇ္ဈနေ၊

ကုဓ ကောပေ သုဓ သောစေ ရာဓ ဟိံသာယ သိဒ္ဓိယံ၊

၁၀၉။

ဣဓ သံသိဒ္ဓိဝုဒ္ဓီသု သိဓ-သာဓ (စ) သိဒ္ဓိယံ၊

ဝိဓ ဝေဓေ ဂိဓ ဂေဓေ ရုဓိ အာဝရဏာ’ဒိသု၊

၁၁၀။

မန ဉာဏေ ဇနု’ပ္ပာဒေ ဟန ဟိံသာဂတီသု (ပိ၊)

သိနာ သောစေ ကုပ ကောပေ တပ သန္တာပ ပီဏနေ၊

၁၁၁။

လုပစ္ဆေဒေ ရုပ နာသေ ပကာသေ ဒိပ ဒိတ္တိယံ၊

ဒပ ဟာသေ လဘ လာဘေ လုဘ ဂေဓေ ခုဘော စလေ၊

၁၁၂။

သမူ’ပသမ ခေဒေသု ဟရ-ဟိရီ (စ) လဇ္ဇနေ၊

မိလာ ဂတ္တဝီနာမေ (စ) ဂိလာ ဟာသက္ခယေ (ပိ စ၊)

၁၁၃။ ¶

လီ သိလေသေ ဒြဝီကာရေ ဝါ ဂတီ ဗန္ဓနေသု (စ၊)

လိသိ လေသေ တုသ တောသေ သိလိသာ’လိင်္ဂနာဒိသု၊

၁၁၄။

ကိလိသ ကလိသော’ပတာပေ (အထော) တသ ပိပါသနေ၊

ရုသ ရောသေ ဒိသ-ဒုသ အပ္ပီတိမှိ (ဒုဝေ သိယုံ၊)

၁၁၅။

ယသုပ္ပယတနေ အသု ခေပနေ (ပိ စ ဝတ္တတေ၊)

သုသ သောသေ ဘသ အဓောပါတေ နသ အဒဿနေ၊

၁၁၆။ သာ’ဿာဒေ သာ’ဝသာနေ (စ) သာ တနူကရဏေ (ပိ စ) ဟာ စာဂေ မုဟ ဝေစိတ္တေ နဟ သဇ္ဇနဗန္ဓနေ နဟ သောစေ ပိဟိစ္ဆာယံ သိနိဟ-သနိဟ ပီတိယံ။