📜
၁၁။ တိကဝဂ္ဂေါ
၁။ ရာဂသုတ္တဝဏ္ဏနာ
၁၀၇။ ဧကာဒသမဿ ¶ ပဌမေ အသုဘာတိ အသုဘကမ္မဋ္ဌာနံ။ မေတ္တာတိ မေတ္တာကမ္မဋ္ဌာနံ။ ပညာတိ သဟဝိပဿနာ မဂ္ဂပညာ။
၆။ အဿာဒသုတ္တဝဏ္ဏနာ
၁၁၂။ ဆဋ္ဌေ ¶ အဿာဒဒိဋ္ဌီတိ သဿတဒိဋ္ဌိ။ အတ္တာနုဒိဋ္ဌီတိ အတ္တာနံ အနုဂတာ ဝီသတိဝတ္ထုကာ သက္ကာယဒိဋ္ဌိ။ မိစ္ဆာဒိဋ္ဌီတိ ဒွါသဋ္ဌိဝိဓာပိ ဒိဋ္ဌိ။ သမ္မာဒိဋ္ဌီတိ မဂ္ဂသမ္မာဒိဋ္ဌိ၊ နတ္ထိ ဒိန္နန္တိအာဒိကာ ဝါ မိစ္ဆာဒိဋ္ဌိ၊ ကမ္မဿကတဉာဏံ သမ္မာဒိဋ္ဌိ။
၇။ အရတိသုတ္တဝဏ္ဏနာ
၁၁၃။ သတ္တမေ အဓမ္မစရိယာတိ ဒသ အကုသလကမ္မပထာ။
၁၀။ ဥဒ္ဓစ္စသုတ္တဝဏ္ဏနာ
၁၁၆။ ဒသမေ အသံဝရောတိ အနဓိဝါသကဘာဝေါ။ သေသံ သဗ္ဗတ္ထ ဥတ္တာနမေဝါတိ။
တိကဝဂ္ဂေါ ဧကာဒသမော။