မူလ > သုတ္တပိဋက > ခုဒ္ဒကနိကာယ > ထေရဂါထာပါဠိ

MMR Vol 0
VRI Vol 0
PTS Vol 0
THA Vol 0

Misc. Paragraph

၈။ အဋ္ဌကနိပါတော

၁။ မဟာကစ္စာယနတ္ထေရဂါထာ

၂။ သိရိမိတ္တတ္ထေရဂါထာ

၃။ မဟာပန္ထကတ္ထေရဂါထာ

‘‘ကမ္မံ ¶ ¶ ¶ ဗဟုကံ န ကာရယေ၊ ပရိဝဇ္ဇေယျ ဇနံ န ဥယျမေ၊

သော ဥဿုက္ကော ရသာနုဂိဒ္ဓါ၊ အတ္ထံ ရိဉ္စတိ ယော သုခါဓိဝါဟော။

‘‘ပင်္ကောတိ ဟိ နံ အဝေဒယုံ၊ ယာယံ ဝန္ဒနပူဇနာ ကုလေသု၊

သုခုမံ သလ္လံ ဒုရုဗ္ဗဟံ၊ သက္ကာရော ကာပုရိသေန ဒုဇ္ဇဟော။

‘‘န ပရဿုပနိဓာယ၊ ကမ္မံ မစ္စဿ ပါပကံ၊

အတ္တနာ တံ န သေဝေယျ၊ ကမ္မဗန္ဓူဟိ မာတိယာ။

‘‘န ပရေ ဝစနာ စောရော၊ န ပရေ ဝစနာ မုနိ၊

အတ္တာ စ နံ ယထာဝေဒိ [ယထာ ဝေတ္တိ (သီ။)]၊ ဒေဝါပိ နံ တထာ ဝိဒူ။

‘‘ပရေ စ န ဝိဇာနန္တိ၊ မယမေတ္ထ ယမာမသေ၊

ယေ ¶ စ တတ္ထ ဝိဇာနန္တိ၊ တတော သမ္မန္တိ မေဓဂါ။

‘‘ဇီဝတေ ဝါပိ သပ္ပညော၊ အပိ ဝိတ္တပရိက္ခယော၊

ပညာယ စ အလာဘေန [အဘာဝေန (သီ။ အဋ္ဌ။)]၊ ဝိတ္တဝါပိ န ဇီဝတိ။

‘‘သဗ္ဗံ သုဏာတိ သောတေန၊ သဗ္ဗံ ပဿတိ စက္ခုနာ၊

န စ ဒိဋ္ဌံ သုတံ ဓီရော၊ သဗ္ဗံ ဥဇ္ဈိတုမရဟတိ။

‘‘စက္ခုမာဿ ယထာ အန္ဓော၊ သောတဝါ ဗဓိရော ယထာ၊

ပညဝါဿ ယထာ မူဂေါ၊ ဗလဝါ ဒုဗ္ဗလောရိဝ၊

အထ အတ္ထေ သမုပ္ပန္နေ၊ သယေထ [ပဿေထ (က။)] မတသာယိက’’န္တိ။

‘‘အက္ကောဓနောနုပနာဟီ၊ အမာယော ရိတ္တပေသုဏော၊

သ ဝေ တာဒိသကော ဘိက္ခု၊ ဧဝံ ပေစ္စ န သောစတိ။

‘‘အက္ကောဓနောနုပနာဟီ၊ အမာယော ရိတ္တပေသုဏော၊

ဂုတ္တဒွါရော သဒါ ဘိက္ခု၊ ဧဝံ ပေစ္စ န သောစတိ။

‘‘အက္ကောဓနောနုပနာဟီ ¶ ¶ ၊ အမာယော ရိတ္တပေသုဏော၊

ကလျာဏသီလော သော [ယော (သျာ။)] ဘိက္ခု၊ ဧဝံ ပေစ္စ န သောစတိ။

‘‘အက္ကောဓနောနုပနာဟီ၊ အမာယော ရိတ္တပေသုဏော၊

ကလျာဏမိတ္တော သော ဘိက္ခု၊ ဧဝံ ပေစ္စ န သောစတိ။

‘‘အက္ကောဓနောနုပနာဟီ ¶ ၊ အမာယော ရိတ္တပေသုဏော၊

ကလျာဏပညော သော ဘိက္ခု၊ ဧဝံ ပေစ္စ န သောစတိ။

‘‘ယဿ သဒ္ဓါ တထာဂတေ၊ အစလာ သုပ္ပတိဋ္ဌိတာ၊

သီလဉ္စ ¶ ယဿ ကလျာဏံ၊ အရိယကန္တံ ပသံသိတံ။

‘‘သင်္ဃေ ပသာဒေါ ယဿတ္ထိ၊ ဥဇုဘူတဉ္စ ဒဿနံ၊

‘အဒလိဒ္ဒေါ’တိ တံ အာဟု၊ အမောဃံ တဿ ဇီဝိတံ။

‘‘တသ္မာ သဒ္ဓဉ္စ သီလဉ္စ၊ ပသာဒံ ဓမ္မဒဿနံ၊

အနုယုဉ္ဇေထ မေဓာဝီ၊ သရံ ဗုဒ္ဓါန သာသန’’န္တိ။

‘‘ယဒါ ပဌမမဒ္ဒက္ခိံ၊ သတ္ထာရမကုတောဘယံ၊

တတော မေ အဟု သံဝေဂေါ၊ ပဿိတွာ ပုရိသုတ္တမံ။

‘‘သိရိံ ဟတ္ထေဟိ ပါဒေဟိ၊ ယော ပဏာမေယျ အာဂတံ၊

ဧတာဒိသံ သော သတ္ထာရံ၊ အာရာဓေတွာ ဝိရာဓယေ။

‘‘တဒါဟံ ပုတ္တဒါရဉ္စ၊ ဓနဓညဉ္စ ဆဍ္ဍယိံ၊

ကေသမဿူနိ ဆေဒေတွာ၊ ပဗ္ဗဇိံ အနဂါရိယံ။

‘‘သိက္ခာသာဇီဝသမ္ပန္နော၊ ဣန္ဒြိယေသု သုသံဝုတော၊

နမဿမာနော သမ္ဗုဒ္ဓံ၊ ဝိဟာသိံ အပရာဇိတော။

‘‘တတော မေ ပဏိဓီ အာသိ၊ စေတသော အဘိပတ္ထိတော၊

န နိသီဒေ မုဟုတ္တမ္ပိ၊ တဏှာသလ္လေ အနူဟတေ။

‘‘တဿ မေဝံ ဝိဟရတော၊ ပဿ ဝီရိယပရက္ကမံ၊

တိဿော ဝိဇ္ဇာ အနုပ္ပတ္တာ၊ ကတံ ဗုဒ္ဓဿ သာသနံ။

‘‘ပုဗ္ဗေနိဝါသံ ¶ ဇာနာမိ၊ ဒိဗ္ဗစက္ခု ဝိသောဓိတံ၊

အရဟာ ဒက္ခိဏေယျောမှိ၊ ဝိပ္ပမုတ္တော နိရူပဓိ။

‘‘တတော ¶ ¶ ရတျာ ဝိဝသာနေ [ဝိဝသနေ (သီ။ သျာ။)]၊ သူရိယဿုဂ္ဂမနံ ပတိ၊

သဗ္ဗံ တဏှံ ဝိသောသေတွာ၊ ပလ္လင်္ကေန ဥပါဝိသိ’’န္တိ။

မဟာကစ္စာယနော ထေရော၊ သိရိမိတ္တော မဟာပန္ထကော၊

ဧတေ အဋ္ဌနိပါတမှိ၊ ဂါထာယော စတုဝီသတီတိ။