📜
၄။ စတုက္ကနိပါတော
၁။ ဘဒ္ဒါကာပိလာနီထေရီဂါထာ
‘‘ပုတ္တော ¶ ဗုဒ္ဓဿ ဒါယာဒေါ၊ ကဿပေါ သုသမာဟိတော၊
ပုဗ္ဗေနိဝါသံ ယောဝေဒိ၊ သဂ္ဂါပါယဉ္စ ပဿတိ။
‘‘အထော ¶ ဇာတိက္ခယံ ပတ္တော၊ အဘိညာဝေါသိတော မုနိ၊
ဧတာဟိ တီဟိ ဝိဇ္ဇာဟိ၊ တေဝိဇ္ဇော ဟောတိ ဗြာဟ္မဏော။
‘‘တထေဝ ဘဒ္ဒါ ကာပိလာနီ၊ တေဝိဇ္ဇာ မစ္စုဟာယိနီ၊
ဓာရေတိ အန္တိမံ ဒေဟံ၊ ဇေတွာ မာရံ သဝါဟနံ။
‘‘ဒိသွာ အာဒီနဝံ လောကေ၊ ဥဘော ပဗ္ဗဇိတာ မယံ၊
တျမှ ခီဏာသဝါ ဒန္တာ၊ သီတိဘူတမှ နိဗ္ဗုတာ’’တိ။
… ဘဒ္ဒါ ကာပိလာနီ ထေရီ…။
စတုက္ကနိပါတော နိဋ္ဌိတော။