📜
၈။ သတ္တာဓိကရဏသမထာ
၆၅၅။ အဓိကရဏသမထေသု ¶ ¶ – သတ္တာတိ တေသံ ဓမ္မာနံ သင်္ချာပရိစ္ဆေဒေါ။ စတုဗ္ဗိဓံ အဓိကရဏံ သမေန္တိ ဝူပသမေန္တီတိ အဓိကရဏသမထာ။ တေသံ ဝိတ္ထာရော ခန္ဓကေ စ ပရိဝါရေ စ ဝုတ္တော၊ တဿတ္ထံ တတ္ထေဝ ဝဏ္ဏယိဿာမ။ သေသံ သဗ္ဗတ္ထ ဥတ္တာနမေဝါတိ။
သမန္တပါသာဒိကာယ ဝိနယသံဝဏ္ဏနာယ
ဘိက္ခုဝိဘင်္ဂဝဏ္ဏနာ နိဋ္ဌိတာ။
အနန္တရာယေန ယထာ၊ နိဋ္ဌိတာ ဝဏ္ဏနာ အယံ၊
အနန္တရာယေန တထာ၊ သန္တိံ ပပ္ပောန္တု ပါဏိနော။
စိရံ တိဋ္ဌတု သဒ္ဓမ္မော၊ ကာလေ ဝဿံ စိရံ ပဇံ၊
တပ္ပေတု ဒေဝေါ ဓမ္မေန၊ ရာဇာ ရက္ခတု မေဒနိန္တိ။
မဟာဝိဘင်္ဂေါ နိဋ္ဌိတော။
နမော တဿ ဘဂဝတော အရဟတော သမ္မာသမ္ဗုဒ္ဓဿ
ဘိက္ခုနီဝိဘင်္ဂဝဏ္ဏနာ