📜
အဓိကရဏပစ္စယကထာဝဏ္ဏနာ
၂၈၅။ ဝိဝါဒါဓိကရဏမှာတိ ‘‘အဓမ္မံ ‘ဓမ္မော’တိ ဒီပေတီ’’တိအာဒိနယပ္ပဝတ္တာ အဋ္ဌာရသဘေဒကရဝတ္ထုနိဿိတာ ဝိဝါဒါဓိကရဏမှာ။
၂၈၆။ ဥပသမ္ပန္နံ ဩမသတော ဘိက္ခုဿ ပါစိတ္တိ ဟောတီတိ ယောဇနာ။
၂၈၇။ အနုဝါဒါဓိကရဏပစ္စယာတိ ¶ ¶ စောဒနာပရနာမဓေယျံ အနုဝါဒါဓိကရဏမေဝ ပစ္စယော၊ တသ္မာ၊ အနုဝါဒနာဓိကရဏဟေတူတိ အတ္ထော။
၂၈၉။ ‘‘တထာ’’တိ ဣမိနာ အမူလကတ္တံ အတိဒိသတိ။
၂၉၀။ အာပတ္တိပစ္စယာတိ အာပတ္တာဓိကရဏပစ္စယာ။
၂၉၃။ ကိစ္စာဓိကရဏပစ္စယာတိ အပလောကနာဒိစတုဗ္ဗိဓကမ္မသင်္ခါတကိစ္စာဓိကရဏဟေတု။
၂၉၄။ အစ္စဇန္တီဝါတိ အတ္တနော လဒ္ဓိံ အပရိစ္စဇန္တီ ဧဝ။
၂၉၇။ ပါပိကာယ ဒိဋ္ဌိယာ ပရိစ္စဇနတ္ထာယ ကတာယ ယာဝတတိယကံ သမနုဘာသနာယ တံ ဒိဋ္ဌိံ အစ္စဇန္တိယာ တဿာ ဘိက္ခုနိယာ၊ တဿ ဘိက္ခုဿ စ အစ္စဇတော ပါစိတ္တိ ဟောတီတိ ယောဇနာ။
ဣတိ ဥတ္တရေ လီနတ္ထပကာသနိယာ
အဓိကရဏပစ္စယကထာဝဏ္ဏနာ နိဋ္ဌိတာ။