📜

ဘိက္ခုနိဝိဘင်္ဂေါ

၁၉၆၄။ ဧဝံ ဘိက္ခုဝိဘင်္ဂပါဠိယာ၊ အဋ္ဌကထာယ စ အာဂတံ ဝိနိစ္ဆယသာရံ နာတိသင်္ခေပဝိတ္ထာရနယေန ဒဿေတွာ ဣဒါနိ တဒနန္တရာယ ဘိက္ခုနိဝိဘင်္ဂပါဠိယာ၊ တဒဋ္ဌကထာယ စ အာဂတဝိနိစ္ဆယသာရံ ဒဿေတုမာရဘန္တော အာဟ ‘‘ဘိက္ခုနီန’’န္တိအာဒိ။ တသ္မိံ အပီတိ ဧတ္ထ အပိ-သဒ္ဒေါ ဝုတ္တာပေက္ခာယံ။ ‘‘သမာသေနာ’’တိ ဣဒံ ဂန္ထဝသေန သင်္ခိပနံ သန္ဓာယ ဝုတ္တံ။ ‘‘ကိဉ္စိမတ္တ’’န္တိ ဣဒံ အတ္ထဝသေနာတိ ဝေဒိတဗ္ဗံ။