📜

කථාවත්ථු-අට්ඨකථා

නිසින්නො දෙවලොකස්මිං, දෙවසඞ්ඝපුරක්ඛතො;

සදෙවකස්ස ලොකස්ස, සත්ථා අප්පටිපුග්ගලො.

සබ්බපඤ්ඤත්තිකුසලො, පඤ්ඤත්තිපරිදීපනං;

වත්වා පුග්ගලපඤ්ඤත්තිං, ලොකෙ උත්තමපුග්ගලො.

යං පුග්ගලකථාදීනං, කථානං වත්ථුභාවතො;

කථාවත්ථුප්පකරණං, සඞ්ඛෙපෙන අදෙසයී.

මාතිකාඨපනෙනෙව , ඨපිතස්ස සුරාලයෙ;

තස්ස මොග්ගලිපුත්තෙන, විභත්තස්ස මහීතලෙ.

ඉදානි යස්මා සම්පත්තො, අත්ථසංවණ්ණනාක්කමො;

තස්මා නං වණ්ණයිස්සාමි, තං සුණාථ සමාහිතාති.