📜

10. දසමනයො

10. විප්පයුත්තෙනවිප්පයුත්තපදනිද්දෙසො

353. රූපක්ඛන්ධෙන යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා, තෙ ධම්මා කතිහි ඛන්ධෙහි කතිහායතනෙහි කතිහි ධාතූහි විප්පයුත්තා? තෙ ධම්මා චතූහි ඛන්ධෙහි එකෙනායතනෙන සත්තහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

354. වෙදනාක්ඛන්ධෙන යෙ ධම්මා… සඤ්ඤාක්ඛන්ධෙන යෙ ධම්මා… සඞ්ඛාරක්ඛන්ධෙන යෙ ධම්මා… විඤ්ඤාණක්ඛන්ධෙන යෙ ධම්මා… මනායතනෙන යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා…පෙ… තෙ ධම්මා එකෙන ඛන්ධෙන දසහායතනෙහි දසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

355. චක්ඛායතනෙන යෙ ධම්මා…පෙ… ඵොට්ඨබ්බායතනෙන යෙ ධම්මා… චක්ඛුධාතුයා යෙ ධම්මා…පෙ… ඵොට්ඨබ්බධාතුයා යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා චතූහි ඛන්ධෙහි එකෙනායතනෙන සත්තහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

356. චක්ඛුවිඤ්ඤාණධාතුයා යෙ ධම්මා…පෙ… මනොවිඤ්ඤාණධාතුයා යෙ ධම්මා… සමුදයසච්චෙන යෙ ධම්මා… මග්ගසච්චෙන යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

357. නිරොධසච්චෙන යෙ ධම්මා… චක්ඛුන්ද්රියෙන යෙ ධම්මා…පෙ… කායින්ද්රියෙන යෙ ධම්මා.. ඉත්ථින්ද්රියෙන යෙ ධම්මා… පුරිසින්ද්රියෙන යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා චතූහි ඛන්ධෙහි එකෙනායතනෙන සත්තහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

358. මනින්ද්රියෙන යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි දසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

359. සුඛින්ද්රියෙන යෙ ධම්මා… දුක්ඛින්ද්රියෙන යෙ ධම්මා… සොමනස්සින්ද්රියෙන යෙ ධම්මා… දොමනස්සින්ද්රියෙන යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

360. උපෙක්ඛින්ද්රියෙන යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි එකාදසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

361. සද්ධින්ද්රියෙන යෙ ධම්මා… වීරියින්ද්රියෙන යෙ ධම්මා… සතින්ද්රියෙන යෙ ධම්මා… සමාධින්ද්රියෙන යෙ ධම්මා… පඤ්ඤින්ද්රියෙන යෙ ධම්මා… අනඤ්ඤාතඤ්ඤස්සාමීතින්ද්රියෙන යෙ ධම්මා… අඤ්ඤින්ද්රියෙන යෙ ධම්මා… අඤ්ඤාතාවින්ද්රියෙන යෙ ධම්මා… අවිජ්ජාය යෙ ධම්මා… අවිජ්ජාපච්චයා සඞ්ඛාරෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

362. සඞ්ඛාරපච්චයා විඤ්ඤාණෙන යෙ ධම්මා… සළායතනපච්චයා ඵස්සෙන යෙ ධම්මා… ඵස්සපච්චයා වෙදනාය යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි දසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

363. වෙදනාපච්චයා තණ්හාය යෙ ධම්මා… තණ්හාපච්චයා උපාදානෙන යෙ ධම්මා… කම්මභවෙන යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

364. රූපභවෙන යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා න කෙහිචි ඛන්ධෙහි න කෙහිචි ආයතනෙහි තීහි ධාතූහි විප්පයුත්තා.

365. අසඤ්ඤාභවෙන යෙ ධම්මා… එකවොකාරභවෙන යෙ ධම්මා… පරිදෙවෙන යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා චතූහි ඛන්ධෙහි එකෙනායතනෙන සත්තහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

366. අරූපභවෙන යෙ ධම්මා… නෙවසඤ්ඤානාසඤ්ඤාභවෙන යෙ ධම්මා… චතුවොකාරභවෙන යෙ ධම්මා… සොකෙන යෙ ධම්මා… දුක්ඛෙන යෙ ධම්මා… දොමනස්සෙන යෙ ධම්මා… උපායාසෙන යෙ ධම්මා… සතිපට්ඨානෙන යෙ ධම්මා… සම්මප්පධානෙන යෙ ධම්මා… ඉද්ධිපාදෙන යෙ ධම්මා… ඣානෙන යෙ ධම්මා… අප්පමඤ්ඤාය යෙ ධම්මා… පඤ්චහි ඉන්ද්රියෙහි යෙ ධම්මා… පඤ්චහි බලෙහි යෙ ධම්මා… සත්තහි බොජ්ඣඞ්ගෙහි යෙ ධම්මා… අරියෙන අට්ඨඞ්ගිකෙන මග්ගෙන යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

367. ඵස්සෙන යෙ ධම්මා… වෙදනාය යෙ ධම්මා… සඤ්ඤාය යෙ ධම්මා… චෙතනාය යෙ ධම්මා… චිත්තෙන යෙ ධම්මා… මනසිකාරෙන යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි දසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

368. අධිමොක්ඛෙන යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි පන්නරසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

1. තිකං

369. කුසලෙහි ධම්මෙහි යෙ ධම්මා… අකුසලෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

370. සුඛාය වෙදනාය සම්පයුත්තෙහි ධම්මෙහි යෙ ධම්මා… දුක්ඛාය වෙදනාය සම්පයුත්තෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි පන්නරසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

371. අදුක්ඛමසුඛාය වෙදනාය සම්පයුත්තෙහි ධම්මෙහි යෙ ධම්මා විප්පයුත්තා , තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි එකාදසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

372. විපාකෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි දසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

373. විපාකධම්මධම්මෙහි යෙ ධම්මා… සංකිලිට්ඨසංකිලෙසිකෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

374. නෙවවිපාකනවිපාකධම්මධම්මෙහි යෙ ධම්මා… අනුපාදින්නුපාදානියෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා න කෙහිචි ඛන්ධෙහි න කෙහිචි ආයතනෙහි පඤ්චහි ධාතූහි විප්පයුත්තා.

375. අනුපාදින්නඅනුපාදානියෙහි ධම්මෙහි යෙ ධම්මා… අසංකිලිට්ඨඅසංකිලෙසිකෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා න කෙහිචි ඛන්ධෙහි න කෙහිචි ආයතනෙහි ඡහි ධාතූහි විප්පයුත්තා.

376. සවිතක්කසවිචාරෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි පන්නරසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

377. අවිතක්කවිචාරමත්තෙහි ධම්මෙහි යෙ ධම්මා… පීතිසහගතෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

378. අවිතක්කඅවිචාරෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා න කෙහිචි ඛන්ධෙහි න කෙහිචි ආයතනෙහි එකාය ධාතුයා විප්පයුත්තා.

379. සුඛසහගතෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි පන්නරසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

380. උපෙක්ඛාසහගතෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි එකාදසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

381. දස්සනෙන පහාතබ්බෙහි ධම්මෙහි යෙ ධම්මා… භාවනාය පහාතබ්බෙහි ධම්මෙහි යෙ ධම්මා… දස්සනෙන පහාතබ්බහෙතුකෙහි ධම්මෙහි යෙ ධම්මා… භාවනාය පහාතබ්බහෙතුකෙහි ධම්මෙහි යෙ ධම්මා… ආචයගාමීහි ධම්මෙහි යෙ ධම්මා… අපචයගාමීහි ධම්මෙහි යෙ ධම්මා… සෙක්ඛෙහි ධම්මෙහි යෙ ධම්මා… අසෙක්ඛෙහි ධම්මෙහි යෙ ධම්මා… මහග්ගතෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

382. අප්පමාණෙහි ධම්මෙහි යෙ ධම්මා… පණීතෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා න කෙහිචි ඛන්ධෙහි න කෙහිචි ආයතනෙහි ඡහි ධාතූහි විප්පයුත්තා.

383. පරිත්තාරම්මණෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි දසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

384. මහග්ගතාරම්මණෙහි ධම්මෙහි යෙ ධම්මා… අප්පමාණාරම්මණෙහි ධම්මෙහි යෙ ධම්මා… හීනෙහි ධම්මෙහි යෙ ධම්මා… මිච්ඡත්තනියතෙහි ධම්මෙහි යෙ ධම්මා… සම්මත්තනියතෙහි ධම්මෙහි යෙ ධම්මා… මග්ගාරම්මණෙහි ධම්මෙහි යෙ ධම්මා… මග්ගහෙතුකෙහි ධම්මෙහි යෙ ධම්මා… මග්ගාධිපතීහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

385. අනුප්පන්නෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා න කෙහිචි ඛන්ධෙහි න කෙහිචි ආයතනෙහි පඤ්චහි ධාතූහි විප්පයුත්තා.

386. අතීතාරම්මණෙහි ධම්මෙහි යෙ ධම්මා… අනාගතාරම්මණෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

387. පච්චුප්පන්නාරම්මණෙහි ධම්මෙහි යෙ ධම්මා… අජ්ඣත්තාරම්මණෙහි ධම්මෙහි යෙ ධම්මා… බහිද්ධාරම්මණෙහි ධම්මෙහි යෙ ධම්මා… අජ්ඣත්තබහිද්ධාරම්මණෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි දසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

388. සනිදස්සනසප්පටිඝෙහි ධම්මෙහි යෙ ධම්මා… අනිදස්සනසප්පටිඝෙහි ධම්මෙහි යෙ ධම්මා විප්පයුත්තා , තෙහි ධම්මෙහි යෙ ධම්මා විප්පයුත්තා… තෙ ධම්මා චතූහි ඛන්ධෙහි එකෙනායතනෙන සත්තහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

2. දුකං

389. හෙතූහි ධම්මෙහි යෙ ධම්මා… සහෙතුකෙහි ධම්මෙහි යෙ ධම්මා… හෙතුසම්පයුත්තෙහි ධම්මෙහි යෙ ධම්මා… හෙතූහි චෙව සහෙතුකෙහි ච ධම්මෙහි යෙ ධම්මා… සහෙතුකෙහි චෙව න ච හෙතූහි ධම්මෙහි යෙ ධම්මා… හෙතූහි චෙව හෙතුසම්පයුත්තෙහි ච ධම්මෙහි යෙ ධම්මා… හෙතුසම්පයුත්තෙහි චෙව න ච හෙතූහි ධම්මෙහි යෙ ධම්මා… න හෙතුසහෙතුකෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

390. අප්පච්චයෙහි ධම්මෙහි යෙ ධම්මා… අසඞ්ඛතෙහි ධම්මෙහි යෙ ධම්මා… සනිදස්සනෙහි ධම්මෙහි යෙ ධම්මා… සප්පටිඝෙහි ධම්මෙහි යෙ ධම්මා… රූපීහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා චතූහි ඛන්ධෙහි එකෙනායතනෙන සත්තහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

391. ලොකුත්තරෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා න කෙහිචි ඛන්ධෙහි න කෙහිචි ආයතනෙහි ඡහි ධාතූහි විප්පයුත්තා.

392. ආසවෙහි ධම්මෙහි යෙ ධම්මා… ආසවසම්පයුත්තෙහි ධම්මෙහි යෙ ධම්මා… ආසවෙහි චෙව සාසවෙහි ච ධම්මෙහි යෙ ධම්මා… ආසවෙහි චෙව ආසවසම්පයුත්තෙහි ච ධම්මෙහි යෙ ධම්මා… ආසවසම්පයුත්තෙහි චෙව නො ච ආසවෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

393. අනාසවෙහි ධම්මෙහි යෙ ධම්මා… ආසවවිප්පයුත්තෙහි අනාසවෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා න කෙහිචි ඛන්ධෙහි න කෙහිචි ආයතනෙහි ඡහි ධාතූහි විප්පයුත්තා.

394. සංයොජනෙහි ධම්මෙහි යෙ ධම්මා… ගන්ථෙහි ධම්මෙහි යෙ ධම්මා… ඔඝෙහි ධම්මෙහි යෙ ධම්මා… යොගෙහි ධම්මෙහි යෙ ධම්මා… නීවරණෙහි ධම්මෙහි යෙ ධම්මා… පරාමාසෙහි ධම්මෙහි යෙ ධම්මා… පරාමාසසම්පයුත්තෙහි ධම්මෙහි යෙ ධම්මා… පරාමාසෙහි චෙව පරාමට්ඨෙහි ච ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

395. අපරාමට්ඨෙහි ධම්මෙහි යෙ ධම්මා… පරාමාසවිප්පයුත්තෙහි අපරාමට්ඨෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා න කෙහිචි ඛන්ධෙහි න කෙහිචි ආයතනෙහි ඡහි ධාතූහි විප්පයුත්තා.

396. සාරම්මණෙහි ධම්මෙහි යෙ ධම්මා… චිත්තෙහි ධම්මෙහි යෙ ධම්මා… චෙතසිකෙහි ධම්මෙහි යෙ ධම්මා… චිත්තසම්පයුත්තෙහි ධම්මෙහි යෙ ධම්මා… චිත්තසංසට්ඨෙහි ධම්මෙහි යෙ ධම්මා… චිත්තසංසට්ඨසමුට්ඨානෙහි ධම්මෙහි යෙ ධම්මා… චිත්තසංසට්ඨසමුට්ඨානසහභූහි ධම්මෙහි යෙ ධම්මා… චිත්තසංසට්ඨසමුට්ඨානානුපරිවත්තීහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි දසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

397. අනාරම්මණෙහි [අනුපාදිණ්ණෙහි (සී. ක.)] ධම්මෙහි යෙ ධම්මා… චිත්තවිප්පයුත්තෙහි ධම්මෙහි යෙ ධම්මා… චිත්තවිසංසට්ඨෙහි ධම්මෙහි යෙ ධම්මා… උපාදාධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා චතූහි ඛන්ධෙහි එකෙනායතනෙන සත්තහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

398. අනුපාදින්නෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා න කෙහිචි ඛන්ධෙහි න කෙහිචි ආයතනෙහි පඤ්චහි ධාතූහි විප්පයුත්තා.

399. උපාදානෙහි ධම්මෙහි යෙ ධම්මා… කිලෙසෙහි ධම්මෙහි යෙ ධම්මා… සංකිලිට්ඨෙහි ධම්මෙහි යෙ ධම්මා… කිලෙසසම්පයුත්තෙහි ධම්මෙහි යෙ ධම්මා… කිලෙසෙහි චෙව සංකිලෙසිකෙහි ච ධම්මෙහි යෙ ධම්මා… කිලෙසෙහි චෙව සංකිලිට්ඨෙහි ච ධම්මෙහි යෙ ධම්මා… සංකිලිට්ඨෙහි චෙව නො ච කිලෙසෙහි ධම්මෙහි යෙ ධම්මා… කිලෙසෙහි චෙව කිලෙසසම්පයුත්තෙහි ච ධම්මෙහි යෙ ධම්මා… කිලෙසසම්පයුත්තෙහි චෙව නො ච කිලෙසෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

400. අසංකිලෙසිකෙහි ධම්මෙහි යෙ ධම්මා… කිලෙසවිප්පයුත්තෙහි අසංකිලෙසිකෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා න කෙහිචි ඛන්ධෙහි න කෙහිචි ආයතනෙහි ඡහි ධාතූහි විප්පයුත්තා.

401. දස්සනෙන පහාතබ්බෙහි ධම්මෙහි යෙ ධම්මා… භාවනාය පහාතබ්බෙහි ධම්මෙහි යෙ ධම්මා… දස්සනෙන පහාතබ්බහෙතුකෙහි ධම්මෙහි යෙ ධම්මා… භාවනාය පහාතබ්බහෙතුකෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

402. සවිතක්කෙහි ධම්මෙහි යෙ ධම්මා… සවිචාරෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි පන්නරසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

403. අවිතක්කෙහි ධම්මෙහි යෙ ධම්මා… අවිචාරෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා න කෙහිචි ඛන්ධෙහි න කෙහිචි ආයතනෙහි එකාය ධාතුයා විප්පයුත්තා.

404. සප්පීතිකෙහි ධම්මෙහි යෙ ධම්මා… පීතිසහගතෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

405. සුඛසහගතෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි පන්නරසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

406. උපෙක්ඛාසහගතෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා එකෙන ඛන්ධෙන දසහායතනෙහි එකාදසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

407. න කාමාවචරෙහි ධම්මෙහි යෙ ධම්මා… අපරියාපන්නෙහි ධම්මෙහි යෙ ධම්මා… අනුත්තරෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා… තෙ ධම්මා න කෙහිචි ඛන්ධෙහි න කෙහිචි ආයතනෙහි ඡහි ධාතූහි විප්පයුත්තා.

408. රූපාවචරෙහි ධම්මෙහි යෙ ධම්මා… අරූපාවචරෙහි ධම්මෙහි යෙ ධම්මා… නිය්යානිකෙහි ධම්මෙහි යෙ ධම්මා… නියතෙහි ධම්මෙහි යෙ ධම්මා… සරණෙහි ධම්මෙහි යෙ ධම්මා විප්පයුත්තා, තෙහි ධම්මෙහි යෙ ධම්මා විප්පයුත්තා, තෙ ධම්මා කතිහි ඛන්ධෙහි කතිහායතනෙහි කතිහි ධාතූහි විප්පයුත්තා? තෙ ධම්මා එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

ධම්මායතනං ධම්මධාතු, දුක්ඛසච්චඤ්ච ජීවිතං;

සළායතනං නාමරූපං, චත්තාරො ච මහාභවා.

ජාති ජරා ච මරණං, තිකෙස්වෙකූනවීසති;

ගොච්ඡකෙසු ච පඤ්ඤාස, අට්ඨ චූළන්තරෙ පදා.

මහන්තරෙ පන්නරස, අට්ඨාරස තතො පරෙ;

තෙවීස පදසතං එතං, සම්පයොගෙ න ලබ්භතීති.

විප්පයුත්තෙනවිප්පයුත්තපදනිද්දෙසො දසමො.