📜

13. තෙරසමනයො

13. අසඞ්ගහිතෙනසම්පයුත්තවිප්පයුත්තපදනිද්දෙසො

448. රූපක්ඛන්ධෙන යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන අසඞ්ගහිතා ධාතුසඞ්ගහෙන අසඞ්ගහිතා, තෙ ධම්මා කතිහි ඛන්ධෙහි කතිහායතනෙහි කතිහි ධාතූහි සම්පයුත්තා? තෙ ධම්මා තීහි ඛන්ධෙහි සම්පයුත්තා; එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි දසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

449. ධම්මායතනෙන යෙ ධම්මා… ධම්මධාතුයා යෙ ධම්මා… ඉත්ථින්ද්රියෙන යෙ ධම්මා… පුරිසින්ද්රියෙන යෙ ධම්මා… ජීවිතින්ද්රියෙන යෙ ධම්මා… විඤ්ඤාණපච්චයා නාමරූපෙන යෙ ධම්මා… අසඤ්ඤාභවෙන යෙ ධම්මා… එකවොකාරභවෙන යෙ ධම්මා… ජාතියා යෙ ධම්මා… ජරාය යෙ ධම්මා… මරණෙන යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන අසඞ්ගහිතා ධාතුසඞ්ගහෙන අසඞ්ගහිතා…පෙ… තෙ ධම්මා තීහි ඛන්ධෙහි සම්පයුත්තා; එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි දසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

450. අරූපභවෙන යෙ ධම්මා… නෙවසඤ්ඤානාසඤ්ඤාභවෙන යෙ ධම්මා… චතුවොකාරභවෙන යෙ ධම්මා… ඉද්ධිපාදෙන යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන අසඞ්ගහිතා ධාතුසඞ්ගහෙන අසඞ්ගහිතා , තෙ ධම්මා කතිහි ඛන්ධෙහි කතිහායතනෙහි කතිහි ධාතූහි සම්පයුත්තාති ? නත්ථි? කතිහි විප්පයුත්තා? චතූහි ඛන්ධෙහි එකෙනායතනෙන සත්තහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

451. කුසලෙහි ධම්මෙහි යෙ ධම්මා… අකුසලෙහි ධම්මෙහි යෙ ධම්මා… සුඛාය වෙදනාය සම්පයුත්තෙහි ධම්මෙහි යෙ ධම්මා… දුක්ඛාය වෙදනාය සම්පයුත්තෙහි ධම්මෙහි යෙ ධම්මා… අදුක්ඛමසුඛාය වෙදනාය සම්පයුත්තෙහි ධම්මෙහි යෙ ධම්මා… විපාකෙහි ධම්මෙහි යෙ ධම්මා… විපාකධම්මධම්මෙහි යෙ ධම්මා… අනුපාදින්නඅනුපාදානියෙහි ධම්මෙහි යෙ ධම්මා… සංකිලිට්ඨසංකිලෙසිකෙහි ධම්මෙහි යෙ ධම්මා… අසංකිලිට්ඨඅසංකිලෙසිකෙහි ධම්මෙහි යෙ ධම්මා… සවිතක්කසවිචාරෙහි ධම්මෙහි යෙ ධම්මා… අවිතක්කවිචාරමත්තෙහි ධම්මෙහි යෙ ධම්මා… පීතිසහගතෙහි ධම්මෙහි යෙ ධම්මා… සුඛසහගතෙහි ධම්මෙහි යෙ ධම්මා… උපෙක්ඛාසහගතෙහි ධම්මෙහි යෙ ධම්මා… දස්සනෙන පහාතබ්බෙහි ධම්මෙහි යෙ ධම්මා… භාවනාය පහාතබ්බෙහි ධම්මෙහි යෙ ධම්මා… දස්සනෙන පහාතබ්බහෙතුකෙහි ධම්මෙහි යෙ ධම්මා… භාවනාය පහාතබ්බහෙතුකෙහි ධම්මෙහි යෙ ධම්මා… ආචයගාමීහි ධම්මෙහි යෙ ධම්මා… අපචයගාමීහි ධම්මෙහි යෙ ධම්මා… සෙක්ඛෙහි ධම්මෙහි යෙ ධම්මා… අසෙක්ඛෙහි ධම්මෙහි යෙ ධම්මා… මහග්ගතෙහි ධම්මෙහි යෙ ධම්මා… අප්පමාණෙහි ධම්මෙහි යෙ ධම්මා… පරිත්තාරම්මණෙහි ධම්මෙහි යෙ ධම්මා… මහග්ගතාරම්මණෙහි ධම්මෙහි යෙ ධම්මා… අප්පමාණාරම්මණෙහි ධම්මෙහි යෙ ධම්මා… හීනෙහි ධම්මෙහි යෙ ධම්මා… පණීතෙහි ධම්මෙහි යෙ ධම්මා… මිච්ඡත්තනියතෙහි ධම්මෙහි යෙ ධම්මා… සම්මත්තනියතෙහි ධම්මෙහි යෙ ධම්මා… මග්ගාරම්මණෙහි ධම්මෙහි යෙ ධම්මා… මග්ගහෙතුකෙහි ධම්මෙහි යෙ ධම්මා… මග්ගාධිපතීහි ධම්මෙහි යෙ ධම්මා… අතීතාරම්මණෙහි ධම්මෙහි යෙ ධම්මා… අනාගතාරම්මණෙහි ධම්මෙහි යෙ ධම්මා… පච්චුප්පන්නාරම්මණෙහි ධම්මෙහි යෙ ධම්මා… අජ්ඣත්තාරම්මණෙහි ධම්මෙහි යෙ ධම්මා… බහිද්ධාරම්මණෙහි ධම්මෙහි යෙ ධම්මා… අජ්ඣත්තබහිද්ධාරම්මණෙහි ධම්මෙහි යෙ ධම්මා… සහෙතුකෙහි ධම්මෙහි යෙ ධම්මා… හෙතුසම්පයුත්තෙහි ධම්මෙහි යෙ ධම්මා… සහෙතුකෙහි චෙව න ච හෙතූහි ධම්මෙහි යෙ ධම්මා… හෙතුසම්පයුත්තෙහි චෙව න ච හෙතූහි ධම්මෙහි යෙ ධම්මා… න හෙතුසහෙතුකෙහි ධම්මෙහි යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන අසඞ්ගහිතා ධාතුසඞ්ගහෙන අසඞ්ගහිතා, තෙ ධම්මා කතිහි ඛන්ධෙහි කතිහායතනෙහි කතිහි ධාතූහි සම්පයුත්තාති? නත්ථි. කතිහි විප්පයුත්තා? චතූහි ඛන්ධෙහි එකෙනායතනෙන සත්තහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

452. රූපීහි ධම්මෙහි යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන අසඞ්ගහිතා ධාතුසඞ්ගහෙන අසඞ්ගහිතා… තෙ ධම්මා තීහි ඛන්ධෙහි සම්පයුත්තා; එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි දසහි ධාතූහි විප්පයුත්තා ; එකෙනායතනෙන එකාය ධාතුයා කෙහිචි විප්පයුත්තා.

453. අරූපීහි ධම්මෙහි යෙ ධම්මා… ලොකුත්තරෙහි ධම්මෙහි යෙ ධම්මා… අනාසවෙහි ධම්මෙහි යෙ ධම්මා… ආසවසම්පයුත්තෙහි ධම්මෙහි යෙ ධම්මා… ආසවවිප්පයුත්තෙහි චෙව නො ච ආසවෙහි ධම්මෙහි යෙ ධම්මා… ආසවවිප්පයුත්තෙහි අනාසවෙහි ධම්මෙහි යෙ ධම්මා… අසංයොජනියෙහි ධම්මෙහි යෙ ධම්මා… අගන්ථනියෙහි ධම්මෙහි යෙ ධම්මා… අනොඝනියෙහි ධම්මෙහි යෙ ධම්මා… අයොගනියෙහි ධම්මෙහි යෙ ධම්මා… අනීවරණියෙහි ධම්මෙහි යෙ ධම්මා… අපරාමට්ඨෙහි ධම්මෙහි යෙ ධම්මා… පරාමාසසම්පයුත්තෙහි ධම්මෙහි යෙ ධම්මා… පරාමාසවිප්පයුත්තෙහි අපරාමට්ඨෙහි ධම්මෙහි යෙ ධම්මා… සාරම්මණෙහි ධම්මෙහි යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන අසඞ්ගහිතා ධාතුසඞ්ගහෙන අසඞ්ගහිතා, තෙ ධම්මා කතිහි ඛන්ධෙහි කතිහායතනෙහි කතිහි ධාතූහි සම්පයුත්තාති? නත්ථි. කතිහි විප්පයුත්තා? චතූහි ඛන්ධෙහි එකෙනායතනෙන සත්තහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

454. අනාරම්මණෙහි ධම්මෙහි යෙ ධම්මා… නො චිත්තෙහි ධම්මෙහි යෙ ධම්මා… චිත්තවිප්පයුත්තෙහි ධම්මෙහි යෙ ධම්මා … චිත්තවිසංසට්ඨෙහි ධම්මෙහි යෙ ධම්මා… චිත්තසමුට්ඨානෙහි ධම්මෙහි යෙ ධම්මා… චිත්තසහභූහි ධම්මෙහි යෙ ධම්මා… චිත්තානුපරිවත්තීහි ධම්මෙහි යෙ ධම්මා… බාහිරෙහි ධම්මෙහි යෙ ධම්මා… උපාදාධම්මෙහි යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන අසඞ්ගහිතා ධාතුසඞ්ගෙන අසඞ්ගහිතා, තෙ ධම්මා කතිහි ඛන්ධෙහි කතිහායතනෙහි කතිහි ධාතූහි සම්පයුත්තා? තෙ ධම්මා තීහි ඛන්ධෙහි සම්පයුත්තා; එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි දසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

455. අනුපාදානියෙහි ධම්මෙහි යෙ ධම්මා… උපාදානසම්පයුත්තෙහි ධම්මෙහි යෙ ධම්මා… උපාදානසම්පයුත්තෙහි චෙව නො ච උපාදානෙහි ධම්මෙහි යෙ ධම්මා… උපාදානවිප්පයුත්තෙහි අනුපාදානියෙහි ධම්මෙහි යෙ ධම්මා… අසංකිලෙසිකෙහි ධම්මෙහි යෙ ධම්මා… අසංකිලිට්ඨෙහි ධම්මෙහි යෙ ධම්මා… කිලෙසසම්පයුත්තෙහි ධම්මෙහි යෙ ධම්මා… සංකිලිට්ඨෙහි චෙව නො ච කිලෙසෙහි ධම්මෙහි යෙ ධම්මා… කිලෙසසම්පයුත්තෙහි චෙව නො ච කිලෙසෙහි ධම්මෙහි යෙ ධම්මා… කිලෙසවිප්පයුත්තෙහි අසංකිලෙසිකෙහි ධම්මෙහි යෙ ධම්මා… දස්සනෙන පහාතබ්බෙහි ධම්මෙහි යෙ ධම්මා… භාවනාය පහාතබ්බෙහි ධම්මෙහි යෙ ධම්මා… දස්සනෙන පහාතබ්බහෙතුකෙහි ධම්මෙහි යෙ ධම්මා… භාවනාය පහාතබ්බහෙතුකෙහි ධම්මෙහි යෙ ධම්මා… සවිතක්කෙහි ධම්මෙහි යෙ ධම්මා… සවිචාරෙහි ධම්මෙහි යෙ ධම්මා… සප්පීතිකෙහි ධම්මෙහි යෙ ධම්මා… පීතිසහගතෙහි ධම්මෙහි යෙ ධම්මා… සුඛසහගතෙහි ධම්මෙහි යෙ ධම්මා… උපෙක්ඛාසහගතෙහි ධම්මෙහි යෙ ධම්මා… න කාමාවචරෙහි ධම්මෙහි යෙ ධම්මා… රූපාවචරෙහි ධම්මෙහි යෙ ධම්මා… අරූපාවචරෙහි ධම්මෙහි යෙ ධම්මා… අපරියාපන්නෙහි ධම්මෙහි යෙ ධම්මා… නිය්යානිකෙහි ධම්මෙහි යෙ ධම්මා … නියතෙහි ධම්මෙහි යෙ ධම්මා… අනුත්තරෙහි ධම්මෙහි යෙ ධම්මා… සරණෙහි ධම්මෙහි යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන අසඞ්ගහිතා ධාතුසඞ්ගහෙන අසඞ්ගහිතා, තෙ ධම්මා කතිහි ඛන්ධෙහි කතිහායතනෙහි කතිහි ධාතූහි සම්පයුත්තාති? නත්ථි. කතිහි විප්පයුත්තා? චතූහි ඛන්ධෙහි එකෙනායතනෙන සත්තහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

රූපඤ්ච ධම්මායතනං ධම්මධාතු, ඉත්ථිපුමං ජීවිතං නාමරූපං;

ද්වෙ භවා ජාතිජරා මච්චුරූපං, අනාරම්මණං නො චිත්තං චිත්තෙන විප්පයුත්තං.

විසංසට්ඨං සමුට්ඨානසහභු, අනුපරිවත්ති බාහිරං උපාදා;

ද්වෙ විසයො එසනයො සුබුද්ධොති.

අසඞ්ගහිතෙනසම්පයුත්තවිප්පයුත්තපදනිද්දෙසො තෙරසමො.