📜

3. තතියනයො

3. අසඞ්ගහිතෙනසඞ්ගහිතපදනිද්දෙසො

179. වෙදනාක්ඛන්ධෙන යෙ ධම්මා… සඤ්ඤාක්ඛන්ධෙන යෙ ධම්මා… සඞ්ඛාරක්ඛන්ධෙන යෙ ධම්මා… සමුදයසච්චෙන යෙ ධම්මා… මග්ගසච්චෙන යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන සඞ්ගහිතා ධාතුසඞ්ගහෙන සඞ්ගහිතා, තෙ ධම්මා කතිහි ඛන්ධෙහි කතිහායතනෙහි කතිහි ධාතූහි සඞ්ගහිතා? තෙ ධම්මා අසඞ්ඛතං ඛන්ධතො ඨපෙත්වා තීහි ඛන්ධෙහි එකෙනායතනෙන එකාය ධාතුයා සඞ්ගහිතා.

180. නිරොධසච්චෙන යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන සඞ්ගහිතා ධාතුසඞ්ගහෙන සඞ්ගහිතා…පෙ… තෙ ධම්මා චතූහි ඛන්ධෙහි එකෙනායතනෙන එකාය ධාතුයා සඞ්ගහිතා.

181. ජීවිතින්ද්රියෙන යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන සඞ්ගහිතා ධාතුසඞ්ගහෙන සඞ්ගහිතා…පෙ… තෙ ධම්මා අසඞ්ඛතං ඛන්ධතො ඨපෙත්වා ද්වීහි ඛන්ධෙහි එකෙනායතනෙන එකාය ධාතුයා සඞ්ගහිතා.

182. ඉත්ථින්ද්රියෙන යෙ ධම්මා… පුරිසින්ද්රියෙන යෙ ධම්මා… සුඛින්ද්රියෙන යෙ ධම්මා… දුක්ඛින්ද්රියෙන යෙ ධම්මා… සොමනස්සින්ද්රියෙන යෙ ධම්මා… දොමනස්සින්ද්රියෙන යෙ ධම්මා… උපෙක්ඛින්ද්රියෙන යෙ ධම්මා… සද්ධින්ද්රියෙන යෙ ධම්මා… වීරියින්ද්රියෙන යෙ ධම්මා… සතින්ද්රියෙන යෙ ධම්මා… සමාධින්ද්රියෙන යෙ ධම්මා… පඤ්ඤින්ද්රියෙන යෙ ධම්මා… අනඤ්ඤාතඤ්ඤස්සාමීතින්ද්රියෙන යෙ ධම්මා… අඤ්ඤින්ද්රියෙන යෙ ධම්මා… අඤ්ඤාතාවින්ද්රියෙන යෙ ධම්මා… අවිජ්ජාය යෙ ධම්මා… අවිජ්ජාපච්චයා සඞ්ඛාරෙන යෙ ධම්මා… සළායතනපච්චයා ඵස්සෙන යෙ ධම්මා… ඵස්සපච්චයා වෙදනාය යෙ ධම්මා… වෙදනාපච්චයා තණ්හාය යෙ ධම්මා… තණ්හාපච්චයා උපාදානෙන යෙ ධම්මා… කම්මභවෙන [උපාදානපච්චයා කම්මභවෙන (ස්යා.)] යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන සඞ්ගහිතා ධාතුසඞ්ගහෙන සඞ්ගහිතා…පෙ… තෙ ධම්මා අසඞ්ඛතං ඛන්ධතො ඨපෙත්වා තීහි ඛන්ධෙහි එකෙනායතනෙන එකාය ධාතුයා සඞ්ගහිතා.

183. ජාතියා යෙ ධම්මා… ජරාය යෙ ධම්මා… මරණෙන යෙ ධම්මා… ඣානෙන යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන සඞ්ගහිතා ධාතුසඞ්ගහෙන සඞ්ගහිතා…පෙ… තෙ ධම්මා අසඞ්ඛතං ඛන්ධතො ඨපෙත්වා ද්වීහි ඛන්ධෙහි එකෙනායතනෙන එකාය ධාතුයා සඞ්ගහිතා.

184. සොකෙන යෙ ධම්මා… දුක්ඛෙන යෙ ධම්මා… දොමනස්සෙන යෙ ධම්මා… උපායාසෙන යෙ ධම්මා… සතිපට්ඨානෙන යෙ ධම්මා… සම්මප්පධානෙන යෙ ධම්මා… අප්පමඤ්ඤාය යෙ ධම්මා… පඤ්චහි ඉන්ද්රියෙහි යෙ ධම්මා… පඤ්චහි බලෙහි යෙ ධම්මා… සත්තහි බොජ්ඣඞ්ගෙහි යෙ ධම්මා… අරියෙන අට්ඨඞ්ගිකෙන මග්ගෙන යෙ ධම්මා… ඵස්සෙන යෙ ධම්මා… වෙදනාය යෙ ධම්මා… සඤ්ඤාය යෙ ධම්මා… චෙතනාය යෙ ධම්මා… අධිමොක්ඛෙන යෙ ධම්මා… මනසිකාරෙන යෙ ධම්මා… හෙතූහි ධම්මෙහි යෙ ධම්මා… හෙතූහි චෙව සහෙතුකෙහි ච ධම්මෙහි යෙ ධම්මා… හෙතූහි චෙව හෙතුසම්පයුත්තෙහි ච ධම්මෙහි යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන සඞ්ගහිතා ධාතුසඞ්ගහෙන සඞ්ගහිතා…පෙ… තෙ ධම්මා අසඞ්ඛතං ඛන්ධතො ඨපෙත්වා තීහි ඛන්ධෙහි එකෙනායතනෙන එකාය ධාතුයා සඞ්ගහිතා.

185. අප්පච්චයෙහි ධම්මෙහි යෙ ධම්මා… අසඞ්ඛතෙහි ධම්මෙහි යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන සඞ්ගහිතා ධාතුසඞ්ගහෙන සඞ්ගහිතා…පෙ… තෙ ධම්මා චතූහි ඛන්ධෙහි එකෙනායතනෙන එකාය ධාතුයා සඞ්ගහිතා.

186. ආසවෙහි ධම්මෙහි යෙ ධම්මා… ආසවෙහි චෙව සාසවෙහි ච ධම්මෙහි යෙ ධම්මා… ආසවෙහි චෙව ආසවසම්පයුත්තෙහි ච ධම්මෙහි යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන සඞ්ගහිතා ධාතුසඞ්ගහෙන සඞ්ගහිතා… තෙ ධම්මා අසඞ්ඛතං ඛන්ධතො ඨපෙත්වා තීහි ඛන්ධෙහි එකෙනායතනෙන එකාය ධාතුයා සඞ්ගහිතා.

187. සංයොජනෙහි … ගන්ථෙහි… ඔඝෙහි… යොගෙහි… නීවරණෙහි… පරාමාසෙහි ධම්මෙහි යෙ ධම්මා… පරාමාසෙහි චෙව පරාමට්ඨෙහි ච ධම්මෙහි යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන සඞ්ගහිතා ධාතුසඞ්ගහෙන සඞ්ගහිතා… තෙ ධම්මා අසඞ්ඛතං ඛන්ධතො ඨපෙත්වා තීහි ඛන්ධෙහි එකෙනායතනෙන එකාය ධාතුයා සඞ්ගහිතා.

188. චෙතසිකෙහි ධම්මෙහි යෙ ධම්මා… චිත්තසම්පයුත්තෙහි ධම්මෙහි යෙ ධම්මා… චිත්තසංසට්ඨෙහි ධම්මෙහි යෙ ධම්මා… චිත්තසංසට්ඨසමුට්ඨානෙහි ධම්මෙහි යෙ ධම්මා… චිත්තසංසට්ඨසමුට්ඨානසහභූහි ධම්මෙහි යෙ ධම්මා… චිත්තසංසට්ඨසමුට්ඨානානුපරිවත්තීහි ධම්මෙහි යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන සඞ්ගහිතා ධාතුසඞ්ගහෙන සඞ්ගහිතා…පෙ… තෙ ධම්මා අසඞ්ඛතං ඛන්ධතො ඨපෙත්වා එකෙන ඛන්ධෙන එකෙනායතනෙන එකාය ධාතුයා සඞ්ගහිතා.

189. චිත්තසහභූමි ධම්මෙහි යෙ ධම්මා… චිත්තානුපරිවත්තීහි ධම්මෙහි යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන සඞ්ගහිතා ධාතුසඞ්ගහෙන සඞ්ගහිතා…පෙ… තෙ ධම්මා න කෙහිචි ඛන්ධෙහි එකෙනායතනෙන එකාය ධාතුයා සඞ්ගහිතා.

190. උපාදානෙහි ධම්මෙහි යෙ ධම්මා… කිලෙසෙහි ධම්මෙහි යෙ ධම්මා… කිලෙසෙහි චෙව සංකිලෙසිකෙහි ච ධම්මෙහි යෙ ධම්මා… කිලෙසෙහි චෙව සංකිලිට්ඨෙහි ච ධම්මෙහි යෙ ධම්මා… කිලෙසෙහි චෙව කිලෙසසම්පයුත්තෙහි ච ධම්මෙහි යෙ ධම්මා ඛන්ධසඞ්ගහෙන අසඞ්ගහිතා ආයතනසඞ්ගහෙන සඞ්ගහිතා ධාතුසඞ්ගහෙන සඞ්ගහිතා, තෙ ධම්මා කතිහි ඛන්ධෙහි කතිහායතනෙහි කතිහි ධාතූහි සඞ්ගහිතා? තෙ ධම්මා අසඞ්ඛතං ඛන්ධතො ඨපෙත්වා තීහි ඛන්ධෙහි එකෙනායතනෙන එකාය ධාතුයා සඞ්ගහිතා.

තයො ඛන්ධා තථා සච්චා, ඉන්ද්රියානි ච සොළස;

පදානි පච්චයාකාරෙ, චුද්දසූපරි චුද්දස.

සමතිංස පදා හොන්ති, ගොච්ඡකෙසු දසස්වථ;

දුවෙ චූළන්තරදුකා [චුල්ලන්තරදුකා (සී.)], අට්ඨ හොන්ති මහන්තරාති.

අසඞ්ගහිතෙනසඞ්ගහිතපදනිද්දෙසො තතියො.