📜

6. ඡට්ඨනයො

6. සම්පයොගවිප්පයොගපදනිද්දෙසො

1. ඛන්ධො

228. රූපක්ඛන්ධො කතිහි ඛන්ධෙහි කතිහායතනෙහි කතිහි ධාතූහි සම්පයුත්තොති? නත්ථි. කතිහි විප්පයුත්තො? චතූහි ඛන්ධෙහි එකෙනායතනෙන සත්තහි ධාතූහි විප්පයුත්තො; එකෙනායතනෙන එකාය ධාතුයා කෙහිචි විප්පයුත්තො.

229. වෙදනාක්ඛන්ධො… සඤ්ඤාක්ඛන්ධො… සඞ්ඛාරක්ඛන්ධො තීහි ඛන්ධෙහි එකෙනායතනෙන සත්තහි ධාතූහි සම්පයුත්තො; එකෙනායතනෙන එකාය ධාතුයා කෙහිචි සම්පයුත්තො. කතිහි විප්පයුත්තො? එකෙන ඛන්ධෙන දසහායතනෙහි දසහි ධාතූහි විප්පයුත්තො; එකෙනායතනෙන එකාය ධාතුයා කෙහිචි විප්පයුත්තො.

230. විඤ්ඤාණක්ඛන්ධො තීහි ඛන්ධෙහි සම්පයුත්තො; එකෙනායතනෙන එකාය ධාතුයා කෙහිචි සම්පයුත්තො. කතිහි විප්පයුත්තො? එකෙන ඛන්ධෙන දසහායතනෙහි දසහි ධාතූහි විප්පයුත්තො; එකෙනායතනෙන එකාය ධාතුයා කෙහිචි විප්පයුත්තො.

2. ආයතනං

231. චක්ඛායතනං…පෙ… ඵොට්ඨබ්බායතනං…පෙ… සම්පයුත්තන්ති? නත්ථි. කතිහි විප්පයුත්තං ? චතූහි ඛන්ධෙහි එකෙනායතනෙන සත්තහි ධාතූහි විප්පයුත්තං; එකෙනායතනෙන එකාය ධාතුයා කෙහිචි විප්පයුත්තං.

232. මනායතනං තීහි ඛන්ධෙහි සම්පයුත්තං; එකෙනායතනෙන එකාය ධාතුයා කෙහිචි සම්පයුත්තං. කතිහි විප්පයුත්තං? එකෙන ඛන්ධෙන දසහායතනෙහි දසහි ධාතූහි විප්පයුත්තං; එකෙනායතනෙන එකාය ධාතුයා කෙහිචි විප්පයුත්තං.

3. ධාතු

233. චක්ඛුධාතු …පෙ… ඵොට්ඨබ්බධාතු…පෙ… සම්පයුත්තාති? නත්ථි. කතිහි විප්පයුත්තා? චතූහි ඛන්ධෙහි එකෙනායතනෙන සත්තහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

234. චක්ඛුවිඤ්ඤාණධාතු…පෙ… මනොධාතු… මනොවිඤ්ඤාණධාතු තීහි ඛන්ධෙහි සම්පයුත්තා; එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

4. සච්චාදි

235. සමුදයසච්චං… මග්ගසච්චං තීහි ඛන්ධෙහි එකෙනායතනෙන එකාය ධාතුයා සම්පයුත්තං; එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තං. කතිහි විප්පයුත්තං? එකෙන ඛන්ධෙන දසහායතනෙහි සොළසහි ධාතූහි විප්පයුත්තං; එකෙනායතනෙන එකාය ධාතුයා කෙහිචි විප්පයුත්තං.

236. නිරොධසච්චං… චක්ඛුන්ද්රියං…පෙ… කායින්ද්රියං… ඉත්ථින්ද්රියං… පුරිසින්ද්රියං…පෙ… සම්පයුත්තන්ති? නත්ථි. කතිහි විප්පයුත්තං? චතූහි ඛන්ධෙහි එකෙනායතනෙන සත්තහි ධාතූහි විප්පයුත්තං; එකෙනායතනෙන එකාය ධාතුයා කෙහිචි විප්පයුත්තං.

237. මනින්ද්රියං තීහි ඛන්ධෙහි සම්පයුත්තං; එකෙනායතනෙන එකාය ධාතුයා කෙහිචි සම්පයුත්තං. කතිහි විප්පයුත්තං? එකෙන ඛන්ධෙන දසහායතනෙහි දසහි ධාතූහි විප්පයුත්තං; එකෙනායතනෙන එකාය ධාතුයා කෙහිචි විප්පයුත්තං.

238. සුඛින්ද්රියං… දුක්ඛින්ද්රියං… සොමනස්සින්ද්රියං… දොමනස්සින්ද්රියං තීහි ඛන්ධෙහි එකෙනායතනෙන එකාය ධාතුයා සම්පයුත්තං; එකෙනායතනෙන එකාය ධාතුයා කෙහිචි සම්පයුත්තං. කතිහි විප්පයුත්තං? එකෙන ඛන්ධෙන දසහායතනෙහි සොළසහි ධාතූහි විප්පයුත්තං; එකෙනායතනෙන එකාය ධාතුයා කෙහිචි විප්පයුත්තං.

239. උපෙක්ඛින්ද්රියං තීහි ඛන්ධෙහි එකෙනායතනෙන ඡහි ධාතූහි සම්පයුත්තං; එකෙනායතනෙන එකාය ධාතුයා කෙහිචි සම්පයුත්තං. කතිහි විප්පයුත්තං? එකෙන ඛන්ධෙන දසහායතනෙහි එකාදසහි ධාතූහි විප්පයුත්තං ; එකෙනායතනෙන එකාය ධාතුයා කෙහිචි විප්පයුත්තං.

240. සද්ධින්ද්රියං… වීරියින්ද්රියං… සතින්ද්රියං… සමාධින්ද්රියං… පඤ්ඤින්ද්රියං… අනඤ්ඤාතඤ්ඤස්සාමීතින්ද්රියං… අඤ්ඤින්ද්රියං… අඤ්ඤාතාවින්ද්රියං… අවිජ්ජා… අවිජ්ජාපච්චයා සඞ්ඛාරා තීහි ඛන්ධෙහි එකෙනායතනෙන එකාය ධාතුයා සම්පයුත්තා; එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

241. සඞ්ඛාරපච්චයා විඤ්ඤාණං තීහි ඛන්ධෙහි සම්පයුත්තං; එකෙනායතනෙන එකාය ධාතුයා කෙහිචි සම්පයුත්තං. කතිහි විප්පයුත්තං? එකෙන ඛන්ධෙන දසහායතනෙහි දසහි ධාතූහි විප්පයුත්තං; එකෙනායතනෙන එකාය ධාතුයා කෙහිචි විප්පයුත්තං.

242. සළායතනපච්චයා ඵස්සො තීහි ඛන්ධෙහි එකෙනායතනෙන සත්තහි ධාතූහි සම්පයුත්තො; එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තො. කතිහි විප්පයුත්තො? එකෙන ඛන්ධෙන දසහායතනෙහි දසහි ධාතූහි විප්පයුත්තො; එකෙනායතනෙන එකාය ධාතුයා කෙහිචි විප්පයුත්තො.

243. ඵස්සපච්චයා වෙදනා තීහි ඛන්ධෙහි එකෙනායතනෙන සත්තහි ධාතූහි සම්පයුත්තා; එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි දසහි ධාතූහි විප්පයුත්තා ; එකෙනායතනෙන එකාය ධාතුයා කෙහිචි විප්පයුත්තා.

244. වෙදනාපච්චයා තණ්හා… තණ්හාපච්චයා උපාදානං… කම්මභවො තීහි ඛන්ධෙහි එකෙනායතනෙන එකාය ධාතුයා සම්පයුත්තො; එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තො. කතිහි විප්පයුත්තො ? එකෙන ඛන්ධෙන දසහායතනෙහි සොළසහි ධාතූහි විප්පයුත්තො; එකෙනායතනෙන එකාය ධාතුයා කෙහිචි විප්පයුත්තො.

245. රූපභවො…පෙ… සම්පයුත්තොති? නත්ථි. කතිහි විප්පයුත්තො? න කෙහිචි ඛන්ධෙහි න කෙහිචි ආයතනෙහි තීහි ධාතූහි විප්පයුත්තො.

246. අරූපභවො… නෙවසඤ්ඤානාසඤ්ඤාභවො… චතුවොකාරභවො…පෙ… සම්පයුත්තොති? නත්ථි. කතිහි විප්පයුත්තො? එකෙන ඛන්ධෙන දසහායතනෙහි සොළසහි ධාතූහි විප්පයුත්තො; එකෙනායතනෙන එකාය ධාතුයා කෙහිචි විප්පයුත්තො.

247. අසඤ්ඤාභවො… එකවොකාරභවො… පරිදෙවො…පෙ… සම්පයුත්තොති? නත්ථි. කතිහි විප්පයුත්තො? චතූහි ඛන්ධෙහි එකෙනායතනෙන සත්තහි ධාතූහි විප්පයුත්තො; එකෙනායතනෙන එකාය ධාතුයා කෙහිචි විප්පයුත්තො.

248. සොකො… දුක්ඛං… දොමනස්සං තීහි ඛන්ධෙහි එකෙනායතනෙන එකාය ධාතුයා සම්පයුත්තං; එකෙනායතනෙන එකාය ධාතුයා කෙහිචි සම්පයුත්තං. කතිහි විප්පයුත්තං? එකෙන ඛන්ධෙන දසහායතනෙහි සොළසහි ධාතූහි විප්පයුත්තං; එකෙනායතනෙන එකාය ධාතුයා කෙහිචි විප්පයුත්තං.

249. උපායාසො… සතිපට්ඨානං… සම්මප්පධානං තීහි ඛන්ධෙහි එකෙනායතනෙන එකාය ධාතුයා සම්පයුත්තං; එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තං. කතිහි විප්පයුත්තං? එකෙන ඛන්ධෙන දසහායතනෙහි සොළසහි ධාතූහි විප්පයුත්තං; එකෙනායතනෙන එකාය ධාතුයා කෙහිචි විප්පයුත්තං.

250. ඉද්ධිපාදො ද්වීහි ඛන්ධෙහි සම්පයුත්තො; එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තො. කතිහි විප්පයුත්තො? එකෙන ඛන්ධෙන දසහායතනෙහි සොළසහි ධාතූහි විප්පයුත්තො; එකෙනායතනෙන එකාය ධාතුයා කෙහිචි විප්පයුත්තො.

251. ඣානං ද්වීහි ඛන්ධෙහි එකෙනායතනෙන එකාය ධාතුයා සම්පයුත්තං; එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තං. කතිහි විප්පයුත්තං? එකෙන ඛන්ධෙන දසහායතනෙහි සොළසහි ධාතූහි විප්පයුත්තං; එකෙනායතනෙන එකාය ධාතුයා කෙහිචි විප්පයුත්තං.

252. අප්පමඤ්ඤා… පඤ්චින්ද්රියානි… පඤ්ච බලානි… සත්ත බොජ්ඣඞ්ගා… අරියො අට්ඨඞ්ගිකො මග්ගො තීහි ඛන්ධෙහි එකෙනායතනෙන එකාය ධාතුයා සම්පයුත්තො; එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තො. කතිහි විප්පයුත්තො? එකෙන ඛන්ධෙන දසහායතනෙහි සොළසහි ධාතූහි විප්පයුත්තො; එකෙනායතනෙන එකාය ධාතුයා කෙහිචි විප්පයුත්තො.

253. ඵස්සො … චෙතනා… මනසිකාරො තීහි ඛන්ධෙහි එකෙනායතනෙන සත්තහි ධාතූහි සම්පයුත්තො; එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තො. කතිහි විප්පයුත්තො? එකෙන ඛන්ධෙන දසහායතනෙහි දසහි ධාතූහි විප්පයුත්තො; එකෙනායතනෙන එකාය ධාතුයා කෙහිචි විප්පයුත්තො.

254. වෙදනා… සඤ්ඤා තීහි ඛන්ධෙහි එකෙනායතනෙන සත්තහි ධාතූහි සම්පයුත්තා; එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි දසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

255. චිත්තං තීහි ඛන්ධෙහි සම්පයුත්තං; එකෙනායතනෙන එකාය ධාතුයා කෙහිචි සම්පයුත්තං. කතිහි විප්පයුත්තං? එකෙන ඛන්ධෙන දසහායතනෙහි දසහි ධාතූහි විප්පයුත්තං; එකෙනායතනෙන එකාය ධාතුයා කෙහිචි විප්පයුත්තං.

256. අධිමොක්ඛො තීහි ඛන්ධෙහි එකෙනායතනෙන ද්වීහි ධාතූහි සම්පයුත්තො; එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තො. කතිහි විප්පයුත්තො? එකෙන ඛන්ධෙන දසහායතනෙහි පන්නරසහි ධාතූහි විප්පයුත්තො; එකෙනායතනෙන එකාය ධාතුයා කෙහිචි විප්පයුත්තො.

5. තිකං

257. කුසලා ධම්මා… අකුසලා ධම්මා කතිහි ඛන්ධෙහි කතිහායතනෙහි කතිහි ධාතූහි සම්පයුත්තාති? නත්ථි. කතිහි විප්පයුත්තා ? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

258. සුඛාය වෙදනාය සම්පයුත්තා ධම්මා… දුක්ඛාය වෙදනාය සම්පයුත්තා ධම්මා එකෙන ඛන්ධෙන සම්පයුත්තා ; එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි පන්නරසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

259. අදුක්ඛමසුඛාය වෙදනාය සම්පයුත්තා ධම්මා එකෙන ඛන්ධෙන සම්පයුත්තා; එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි එකාදසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

260. විපාකා ධම්මා…පෙ… සම්පයුත්තාති? නත්ථි. කතිහි විප්පයුත්තා? එකෙන ඛන්ධෙන දසහායතනෙහි දසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

261. විපාකධම්මධම්මා… සංකිලිට්ඨසංකිලෙසිකා ධම්මා…පෙ… සම්පයුත්තාති? නත්ථි. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

262. නෙවවිපාකනවිපාකධම්මධම්මා… අනුපාදින්නුපාදානියා ධම්මා…පෙ… සම්පයුත්තාති ? නත්ථි. කතිහි විප්පයුත්තා? න කෙහිචි ඛන්ධෙහි න කෙහිචි ආයතනෙහි පඤ්චහි ධාතූහි විප්පයුත්තා.

263. අනුපාදින්නඅනුපාදානියා ධම්මා… අසංකිලිට්ඨඅසංකිලෙසිකා ධම්මා…පෙ… සම්පයුත්තාති? නත්ථි. කතිහි විප්පයුත්තා? න කෙහිචි ඛන්ධෙහි න කෙහිචි ආයතනෙහි ඡහි ධාතූහි විප්පයුත්තා.

264. සවිතක්කසවිචාරා ධම්මා එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි පන්නරසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

265. අවිතක්කවිචාරමත්තා ධම්මා… පීතිසහගතා ධම්මා එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

266. අවිතක්කඅවිචාරා ධම්මා…පෙ… සම්පයුත්තාති? නත්ථි. කතිහි විප්පයුත්තා? න කෙහිචි ඛන්ධෙහි න කෙහිචි ආයතනෙහි එකාය ධාතුයා විප්පයුත්තා.

267. සුඛසහගතා ධම්මා එකෙන ඛන්ධෙන සම්පයුත්තා; එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි පන්නරසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

268. උපෙක්ඛාසහගතා ධම්මා එකෙන ඛන්ධෙන සම්පයුත්තා; එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි එකාදසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

269. දස්සනෙන පහාතබ්බා ධම්මා භාවනාය පහාතබ්බා ධම්මා… දස්සනෙන පහාතබ්බහෙතුකා ධම්මා… භාවනාය පහාතබ්බහෙතුකා ධම්මා… ආචයගාමිනො ධම්මා… අපචයගාමිනො ධම්මා… සෙක්ඛා ධම්මා… අසෙක්ඛා ධම්මා… මහග්ගතා ධම්මා…පෙ… සම්පයුත්තාති? නත්ථි. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

270. අප්පමාණා ධම්මා… පණීතා ධම්මා…පෙ… සම්පයුත්තාති? නත්ථි. කතිහි විප්පයුත්තා? න කෙහිචි ඛන්ධෙහි න කෙහිචි ආයතනෙහි ඡහි ධාතූහි විප්පයුත්තා.

271. පරිත්තාරම්මණා ධම්මා…පෙ… සම්පයුත්තාති? නත්ථි. කතිහි විප්පයුත්තා? එකෙන ඛන්ධෙන දසහායතනෙහි දසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

272. මහග්ගතාරම්මණා ධම්මා… අප්පමාණාරම්මණා ධම්මා… හීනා ධම්මා… මිච්ඡත්තනියතා ධම්මා… සම්මත්තනියතා ධම්මා… මග්ගාරම්මණා ධම්මා… මග්ගහෙතුකා ධම්මා… මග්ගාධිපතිනො ධම්මා…පෙ… සම්පයුත්තාති? නත්ථි. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

273. අනුප්පන්නා ධම්මා…පෙ… සම්පයුත්තාති? නත්ථි. කතිහි විප්පයුත්තා? න කෙහිචි ඛන්ධෙහි න කෙහිචි ආයතනෙහි පඤ්චහි ධාතූහි විප්පයුත්තා.

274. අතීතාරම්මණා ධම්මා…පෙ… අනාගතාරම්මණා ධම්මා…පෙ… සම්පයුත්තාති? නත්ථි. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

275. පච්චුප්පන්නාරම්මණා ධම්මා… අජ්ඣත්තාරම්මණා ධම්මා… බහිද්ධාරම්මණා ධම්මා… අජ්ඣත්තබහිද්ධාරම්මණා ධම්මා…පෙ… සම්පයුත්තාති? නත්ථි. කතිහි විප්පයුත්තා? එකෙන ඛන්ධෙන දසහායතනෙහි දසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

276. සනිදස්සනසප්පටිඝා ධම්මා… අනිදස්සනසප්පටිඝා ධම්මා…පෙ… සම්පයුත්තාති ? නත්ථි. කතිහි විප්පයුත්තා? චතූහි ඛන්ධෙහි එකෙනායතනෙන සත්තහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

6. දුකං

277. හෙතූ ධම්මා… හෙතූ චෙව සහෙතුකා ච ධම්මා… හෙතූ චෙව හෙතුසම්පයුත්තා ච ධම්මා තීහි ඛන්ධෙහි එකෙනායතනෙන එකාය ධාතුයා සම්පයුත්තා; එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

278. සහෙතුකා ධම්මා… හෙතුසම්පයුත්තා ධම්මා…පෙ… සම්පයුත්තාති? නත්ථි. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

279. සහෙතුකා චෙව න ච හෙතූ ධම්මා… හෙතුසම්පයුත්තා චෙව න ච හෙතූ ධම්මා… න හෙතුසහෙතුකා ධම්මා එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

280. අප්පච්චයා ධම්මා… අසඞ්ඛතා ධම්මා… සනිදස්සනා ධම්මා… සප්පටිඝා ධම්මා… රූපිනො ධම්මා…පෙ… සම්පයුත්තාති? නත්ථි. කතිහි විප්පයුත්තා? චතූහි ඛන්ධෙහි එකෙනායතනෙන සත්තහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

281. ලොකුත්තරා ධම්මා…පෙ… සම්පයුත්තාති? නත්ථි. කතිහි විප්පයුත්තා? න කෙහිචි ඛන්ධෙහි න කෙහිචි ආයතනෙහි ඡහි ධාතූහි විප්පයුත්තා.

282. ආසවා ධම්මා… ආසවා චෙව සාසවා ච ධම්මා… ආසවා චෙව ආසවසම්පයුත්තා ච ධම්මා තීහි ඛන්ධෙහි එකෙනායතනෙන එකාය ධාතුයා සම්පයුත්තා; එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

283. අනාසවා ධම්මා… ආසවවිප්පයුත්තා අනාසවා ධම්මා…පෙ… සම්පයුත්තාති? නත්ථි. කතිහි විප්පයුත්තා? න කෙහිචි ඛන්ධෙහි න කෙහිචි ආයතනෙහි ඡහි ධාතූහි විප්පයුත්තා.

284. ආසවසම්පයුත්තා ධම්මා…පෙ… සම්පයුත්තාති? නත්ථි. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

285. ආසවසම්පයුත්තා චෙව නො ච ආසවා ධම්මා එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

286. සංයොජනා ධම්මා… ගන්ථා ධම්මා… ඔඝා ධම්මා… යොගා ධම්මා… නීවරණා ධම්මා… පරාමාසා ධම්මා… පරාමාසා චෙව පරාමට්ඨා ච ධම්මා තීහි ඛන්ධෙහි එකෙනායතනෙන එකාය ධාතුයා සම්පයුත්තා; එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

287. අපරාමට්ඨා ධම්මා… පරාමාසවිප්පයුත්තා අපරාමට්ඨා ධම්මා සම්පයුත්තාති? නත්ථි. කතිහි විප්පයුත්තා? න කෙහිචි ඛන්ධෙහි න කෙහිචි ආයතනෙහි ඡහි ධාතූහි විප්පයුත්තා.

288. පරාමාසසම්පයුත්තා ධම්මා එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

289. සාරම්මණා ධම්මා…පෙ… සම්පයුත්තාති? නත්ථි. කතිහි විප්පයුත්තා? එකෙන ඛන්ධෙන දසහායතනෙහි දසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

290. අනාරම්මණා ධම්මා… චිත්තවිප්පයුත්තා ධම්මා… චිත්තවිසංසට්ඨා ධම්මා… උපාදා ධම්මා…පෙ… සම්පයුත්තාති? නත්ථි. කතිහි විප්පයුත්තා? චතූහි ඛන්ධෙහි එකෙනායතනෙන සත්තහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

291. චිත්තා ධම්මා තීහි ඛන්ධෙහි සම්පයුත්තා; එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි දසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

292. චෙතසිකා ධම්මා… චිත්තසම්පයුත්තා ධම්මා… චිත්තසංසට්ඨා ධම්මා… චිත්තසංසට්ඨසමුට්ඨානා ධම්මා… චිත්තසංසට්ඨසමුට්ඨානසහභුනො ධම්මා… චිත්තසංසට්ඨසමුට්ඨානානුපරිවත්තිනො ධම්මා එකෙන ඛන්ධෙන එකෙනායතනෙන සත්තහි ධාතූහි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි දසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

293. අනුපාදින්නා ධම්මා…පෙ… සම්පයුත්තාති? නත්ථි. කතිහි විප්පයුත්තා? න කෙහිචි ඛන්ධෙහි න කෙහිචි ආයතනෙහි පඤ්චහි ධාතූහි විප්පයුත්තා.

294. උපාදානා ධම්මා… කිලෙසා ධම්මා… කිලෙසා චෙව සංකිලෙසිකා ච ධම්මා… කිලෙසා චෙව සංකිලිට්ඨා ච ධම්මා… කිලෙසා චෙව කිලෙසසම්පයුත්තා ච ධම්මා තීහි ඛන්ධෙහි එකෙනායතනෙන එකාය ධාතුයා සම්පයුත්තා; එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

295. අසංකිලෙසිකා ධම්මා… කිලෙසවිප්පයුත්තා අසංකිලෙසිකා ධම්මා…පෙ… සම්පයුත්තාති ? නත්ථි. කතිහි විප්පයුත්තා? න කෙහිචි ඛන්ධෙහි න කෙහිචි ආයතනෙහි ඡහි ධාතූහි විප්පයුත්තා.

296. සංකිලිට්ඨා ධම්මා… කිලෙසසම්පයුත්තා ධම්මා…පෙ… සම්පයුත්තාති? නත්ථි. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

297. සංකිලිට්ඨා චෙව නො ච කිලෙසා ධම්මා… කිලෙසසම්පයුත්තා චෙව නො ච කිලෙසා ධම්මා එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

298. දස්සනෙන පහාතබ්බා ධම්මා… භාවනාය පහාතබ්බා ධම්මා… දස්සනෙන පහාතබ්බහෙතුකා ධම්මා… භාවනාය පහාතබ්බහෙතුකා ධම්මා… සම්පයුත්තාති? නත්ථි. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

299. සවිතක්කා ධම්මා… සවිචාරා ධම්මා එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි පන්නරසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

300. අවිතක්කා ධම්මා… අවිචාරා ධම්මා…පෙ… සම්පයුත්තාති? නත්ථි. කතිහි විප්පයුත්තා? න කෙහිචි ඛන්ධෙහි න කෙහිචි ආයතනෙහි එකාය ධාතුයා විප්පයුත්තා.

301. සප්පීතිකා ධම්මා… පීතිසහගතා ධම්මා එකෙන ඛන්ධෙන එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

302. සුඛසහගතා ධම්මා එකෙන ඛන්ධෙන සම්පයුත්තා; එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි පන්නරසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

303. උපෙක්ඛාසහගතා ධම්මා එකෙන ඛන්ධෙන සම්පයුත්තා; එකෙනායතනෙන එකාය ධාතුයා කෙහිචි සම්පයුත්තා. කතිහි විප්පයුත්තා? එකෙන ඛන්ධෙන දසහායතනෙහි එකාදසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

304. න කාමාවචරා ධම්මා… අපරියාපන්නා ධම්මා… අනුත්තරා ධම්මා…පෙ… සම්පයුත්තාති? නත්ථි. කතිහි විප්පයුත්තා? න කෙහිචි ඛන්ධෙහි න කෙහිචි ආයතනෙහි ඡහි ධාතූහි විප්පයුත්තා.

305. රූපාවචරා ධම්මා… අරූපාවචරා ධම්මා… නිය්යානිකා ධම්මා… නියතා ධම්මා… සරණා ධම්මා කතිහි ඛන්ධෙහි කතිහායතනෙහි කතිහි ධාතූහි සම්පයුත්තාති? නත්ථි. කතිහි විප්පයුත්තා? එකෙන ඛන්ධෙන දසහායතනෙහි සොළසහි ධාතූහි විප්පයුත්තා; එකෙනායතනෙන එකාය ධාතුයා කෙහිචි විප්පයුත්තා.

ධම්මායතනං ධම්මධාතු, දුක්ඛසච්චඤ්ච ජීවිතං;

සළායතනං නාමරූපං, චත්තාරො ච මහාභවා.

ජාති ජරා ච මරණං, තිකෙස්වෙකූනවීසති;

ගොච්ඡකෙසු ච පඤ්ඤාස, අට්ඨ චූළන්තරෙ පදා.

මහන්තරෙ පන්නරස, අට්ඨාරස තතො පරෙ;

තෙවීස පදසතං එතං, සම්පයොගෙ න ලබ්භතීති.

සම්පයොගවිප්පයොගපදනිද්දෙසො ඡට්ඨො.