📜
8. අට්ඨමනයො
8. විප්පයුත්තෙනසම්පයුත්තපදනිද්දෙසො
317. රූපක්ඛන්ධෙන ¶ ¶ ¶ ¶ යෙ ධම්මා විප්පයුත්තා, තෙ ධම්මා කතිහි ඛන්ධෙහි කතිහායතනෙහි කතිහි ධාතූහි සම්පයුත්තාති? නත්ථි.
318. වෙදනාක්ඛන්ධෙන යෙ ධම්මා… සඤ්ඤාක්ඛන්ධෙන යෙ ධම්මා… සඞ්ඛාරක්ඛන්ධෙන යෙ ධම්මා… විඤ්ඤාණක්ඛන්ධෙන යෙ ධම්මා…පෙ… සරණෙහි ධම්මෙහි යෙ ධම්මා… අරණෙහි ධම්මෙහි යෙ ධම්මා විප්පයුත්තා, තෙ ධම්මා කතිහි ඛන්ධෙහි කතිහායතනෙහි කතිහි ධාතූහි සම්පයුත්තාති? නත්ථි.
ධම්මායතනං ධම්මධාතු, අථ ජීවිතං නාමරූපං;
සළායතනං ජාතිජරාමතං, ද්වෙ ච තිකෙ න ලබ්භරෙ.
පඨමන්තරෙ සත්ත ච, ගොච්ඡකෙ දස අපරන්තෙ;
චුද්දස ඡ ච මත්ථකෙ, ඉච්චෙතෙ සත්තචත්තාලීස ධම්මා;
සමුච්ඡෙදෙ න ලබ්භන්ති, මොඝපුච්ඡකෙන චාති.
විප්පයුත්තෙනසම්පයුත්තපදනිද්දෙසො අට්ඨමො.