මූල > අභිධම්මපිටක > පට්ඨානපාළි-4 > 69-1. උපාදානදුක-කුසලත්තිකං

2. උපාදානං අකුසලං ධම්මං පටිච්ච උපාදානො අකුසලො ධම්මො උප්පජ්ජති හෙතුපච්චයා. උපාදානං අකුසලං ධම්මං පටිච්ච නොඋපාදානො අකුසලො ධම්මො උප්පජ්ජති හෙතුපච්චයා. උපාදානං අකුසලං ධම්මං පටිච්ච උපාදානො අකුසලො ච නොඋපාදානො අකුසලො ච ධම්මා උප්පජ්ජන්ති හෙතුපච්චයා. (3)

නොඋපාදානං අකුසලං ධම්මං පටිච්ච නොඋපාදානො අකුසලො ධම්මො උප්පජ්ජති හෙතුපච්චයා… තීණි.

උපාදානං අකුසලඤ්ච නොඋපාදානං අකුසලඤ්ච ධම්මං පටිච්ච උපාදානො අකුසලො ධම්මො උප්පජ්ජති හෙතුපච්චයා… තීණි (සංඛිත්තං).

3. හෙතුයා නව, ආරම්මණෙ නව (සබ්බත්ථ නව), අවිගතෙ නව (සංඛිත්තං).

4. නොඋපාදානං අකුසලං ධම්මං පටිච්ච නොඋපාදානො අකුසලො ධම්මො ¶ උප්පජ්ජති නහෙතුපච්චයා (සංඛිත්තං).

5. නහෙතුයා එකං, නඅධිපතියා නව, නපුරෙජාතෙ නව…පෙ… නකම්මෙ තීණි, නවිපාකෙ නව, නවිප්පයුත්තෙ නව (සංඛිත්තං. සහජාතවාරාදි විත්ථාරෙතබ්බො).

6. උපාදානො අකුසලො ධම්මො උපාදානස්ස අකුසලස්ස ධම්මස්ස හෙතුපච්චයෙන පච්චයො (සංඛිත්තං).

7. හෙතුයා නව, ආරම්මණෙ නව, අධිපතියා නව (නොඋපාදානමූලකෙ තීණි, සහජාතාධිපති), අනන්තරෙ නව…පෙ… නිස්සයෙ නව, උපනිස්සයෙ ¶ නව, ආසෙවනෙ නව, කම්මෙ ¶ තීණි (නොඋපාදානමූලකෙ), ආහාරෙ තීණි, ඉන්ද්රියෙ තීණි, ඣානෙ තීණි, මග්ගෙ නව, සම්පයුත්තෙ නව, අත්ථියා නව…පෙ… අවිගතෙ නව (සංඛිත්තං).

8. නොඋපාදානං අබ්යාකතං ධම්මං පටිච්ච නොඋපාදානො අබ්යාකතො ධම්මො උප්පජ්ජති හෙතුපච්චයා (සංඛිත්තං).

9. හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං.)

10. උපාදානියං ¶ කුසලං ධම්මං පටිච්ච උපාදානියො කුසලො ධම්මො උප්පජ්ජති හෙතුපච්චයා. (1)

අනුපාදානියං කුසලං ධම්මං පටිච්ච අනුපාදානියො කුසලො ධම්මො උප්පජ්ජති හෙතුපච්චයා. (1) (සංඛිත්තං.)

11. හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං. ලොකියලොකුත්තරදුකකුසලසදිසං. සහජාතවාරම්පි…පෙ… පඤ්හාවාරම්පි විත්ථාරෙතබ්බං.)

12. උපාදානියං අකුසලං ධම්මං පටිච්ච උපාදානියො අකුසලො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං.)

13. උපාදානියං ¶ අබ්යාකතං ධම්මං පටිච්ච උපාදානියො අබ්යාකතො ධම්මො උප්පජ්ජති හෙතුපච්චයා. (1)

අනුපාදානියං අබ්යාකතං ධම්මං පටිච්ච අනුපාදානියො අබ්යාකතො ධම්මො උප්පජ්ජති හෙතුපච්චයා ¶ . අනුපාදානියං අබ්යාකතං ධම්මං පටිච්ච උපාදානියො අබ්යාකතො ¶ ධම්මො උප්පජ්ජති හෙතුපච්චයා. අනුපාදානියං අබ්යාකතං ධම්මං පටිච්ච උපාදානියො අබ්යාකතො ච අනුපාදානියො අබ්යාකතො ච ධම්මා උප්පජ්ජන්ති හෙතුපච්චයා. (3)

උපාදානියං අබ්යාකතඤ්ච අනුපාදානියං අබ්යාකතඤ්ච ධම්මං පටිච්ච උපාදානියො අබ්යාකතො ධම්මො උප්පජ්ජති හෙතුපච්චයා. (1) (සංඛිත්තං.)

14. හෙතුයා පඤ්ච, ආරම්මණෙ ද්වෙ…පෙ… ආසෙවනෙ එකං…පෙ… අවිගතෙ පඤ්ච (සංඛිත්තං. ලොකියදුකඅබ්යාකතසදිසං. සහජාතවාරම්පි…පෙ… පඤ්හාවාරම්පි විත්ථාරෙතබ්බං).

71-1. උපාදානසම්පයුත්තදුක-කුසලත්තිකං

15. උපාදානවිප්පයුත්තං කුසලං ධම්මං පටිච්ච උපාදානවිප්පයුත්තො කුසලො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං.)

16. උපාදානසම්පයුත්තං අකුසලං ධම්මං පටිච්ච උපාදානසම්පයුත්තො ¶ අකුසලො ධම්මො උප්පජ්ජති හෙතුපච්චයා… තීණි.

උපාදානවිප්පයුත්තං ¶ අකුසලං ධම්මං පටිච්ච උපාදානවිප්පයුත්තො අකුසලො ධම්මො උප්පජ්ජති හෙතුපච්චයා… ද්වෙ.

උපාදානසම්පයුත්තං අකුසලඤ්ච උපාදානවිප්පයුත්තං අකුසලඤ්ච ධම්මං පටිච්ච උපාදානසම්පයුත්තො අකුසලො ධම්මො උප්පජ්ජති හෙතුපච්චයා (සංඛිත්තං).

17. හෙතුයා ඡ, ආරම්මණෙ ඡ (සබ්බත්ථ ඡ), අවිගතෙ ඡ (සංඛිත්තං).

නහෙතුයා එකං, නඅධිපතියා ඡ…පෙ… නකම්මෙ චත්තාරි, නවිපාකෙ ඡ, නවිප්පයුත්තෙ ඡ (සංඛිත්තං. සහජාතවාරාදි විත්ථාරෙතබ්බො).

18. උපාදානසම්පයුත්තො ¶ අකුසලො ධම්මො උපාදානසම්පයුත්තස්ස අකුසලස්ස ධම්මස්ස හෙතුපච්චයෙන පච්චයො… තීණි.

උපාදානවිප්පයුත්තො අකුසලො ධම්මො උපාදානවිප්පයුත්තස්ස අකුසලස්ස ධම්මස්ස හෙතුපච්චයෙන පච්චයො… ද්වෙ.

උපාදානසම්පයුත්තො අකුසලො ච උපාදානවිප්පයුත්තො අකුසලො ච ධම්මා උපාදානසම්පයුත්තස්ස අකුසලස්ස ධම්මස්ස හෙතුපච්චයෙන පච්චයො (සංඛිත්තං).

19. හෙතුයා ඡ, ආරම්මණෙ නව, අධිපතියා නව (උපාදානසම්පයුත්තමූලකෙ තීණි, සහජාතාධිපති, උපාදානවිප්පයුත්තෙ එකං), අනන්තරෙ නව, සමනන්තරෙ නව, සහජාතෙ ඡ, අඤ්ඤමඤ්ඤෙ ඡ, නිස්සයෙ ඡ, උපනිස්සයෙ නව, ආසෙවනෙ නව, කම්මෙ චත්තාරි, ආහාරෙ චත්තාරි, ඉන්ද්රියෙ චත්තාරි, ඣානෙ චත්තාරි, මග්ගෙ චත්තාරි, සම්පයුත්තෙ ඡ, අත්ථියා ඡ, නත්ථියා නව, විගතෙ නව, අවිගතෙ ඡ (සංඛිත්තං).

20. උපාදානවිප්පයුත්තං ¶ අබ්යාකතං ධම්මං පටිච්ච උපාදානවිප්පයුත්තො අබ්යාකතො ධම්මො උප්පජ්ජති හෙතුපච්චයා (සංඛිත්තං).

හෙතුයා ¶ එකං, ආරම්මණෙ එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං).

72-1. උපාදානඋපාදානියදුක-කුසලත්තිකං

21. උපාදානියඤ්චෙව නො ච උපාදානං කුසලං ධම්මං පටිච්ච උපාදානියො චෙව නො ච උපාදානො කුසලො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං.)

22. උපාදානඤ්චෙව උපාදානියඤ්ච අකුසලං ධම්මං පටිච්ච උපාදානො චෙව උපාදානියො ච අකුසලො ධම්මො උප්පජ්ජති හෙතුපච්චයා… තීණි.

උපාදානියඤ්චෙව ¶ නො ච උපාදානං අකුසලං ධම්මං පටිච්ච උපාදානියො චෙව නො ච උපාදානො අකුසලො ධම්මො උප්පජ්ජති හෙතුපච්චයා… තීණි ¶ .

උපාදානඤ්චෙව උපාදානියං අකුසලඤ්ච උපාදානියඤ්චෙව නො ච උපාදානං අකුසලඤ්ච ධම්මං පටිච්ච උපාදානො චෙව උපාදානියො ච අකුසලො ධම්මො උප්පජ්ජති හෙතුපච්චයා… තීණි (සංඛිත්තං).

23. හෙතුයා නව, ආරම්මණෙ නව…පෙ… අවිගතෙ නව (සංඛිත්තං. ඉමං ගමනං උපාදානදුකඅකුසලසදිසං. සහජාතවාරම්පි…පෙ… පඤ්හාවාරම්පි විත්ථාරෙතබ්බං).

24. උපාදානියඤ්චෙව ¶ නො ච උපාදානං අබ්යාකතං ධම්මං පටිච්ච උපාදානියො චෙව නො ච උපාදානො අබ්යාකතො ධම්මො උප්පජ්ජති හෙතුපච්චයා (සංඛිත්තං).

25. හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං.)

73-1. උපාදානඋපාදානසම්පයුත්තදුක-කුසලත්තිකං

26. උපාදානඤ්චෙව උපාදානසම්පයුත්තඤ්ච අකුසලං ධම්මං පටිච්ච උපාදානො චෙව උපාදානසම්පයුත්තො ච අකුසලො ධම්මො උප්පජ්ජති හෙතුපච්චයා… තීණි.

උපාදානසම්පයුත්තඤ්චෙව නො ච උපාදානං අකුසලං ධම්මං ¶ පටිච්ච උපාදානසම්පයුත්තො චෙව නො ච උපාදානො අකුසලො ධම්මො උප්පජ්ජති හෙතුපච්චයා… තීණි.

උපාදානඤ්චෙව උපාදානසම්පයුත්තං අකුසලඤ්ච උපාදානසම්පයුත්තඤ්චෙව නො ච උපාදානං අකුසලඤ්ච ධම්මං පටිච්ච උපාදානො චෙව උපාදානසම්පයුත්තො ච අකුසලො ධම්මො උප්පජ්ජති හෙතුපච්චයා… තීණි (සංඛිත්තං).

27. හෙතුයා ¶ නව, ආරම්මණෙ නව, අධිපතියා නව…පෙ… අවිගතෙ නව (සංඛිත්තං). (ඉමං ගමනං උපාදානදුකඅකුසලසදිසං. ඉධ පන හෙතුපච්චයා ඉදං නානං. සහජාතවාරෙපි…පෙ… පඤ්හාවාරෙපි සබ්බත්ථ නව.)

74-1. උපාදානවිප්පයුත්තඋපාදානියදුක-කුසලත්තිකං

28. උපාදානවිප්පයුත්තං ¶ උපාදානියං කුසලං ධම්මං පටිච්ච උපාදානවිප්පයුත්තො උපාදානියො කුසලො ධම්මො උප්පජ්ජති හෙතුපච්චයා. (1)

උපාදානවිප්පයුත්තං අනුපාදානියං කුසලං ධම්මං පටිච්ච උපාදානවිප්පයුත්තො අනුපාදානියො කුසලො ධම්මො උප්පජ්ජති හෙතුපච්චයා. (1) (සංඛිත්තං.)

29. හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං. ලොකියදුකකුසලසදිසං. සහජාතවාරම්පි…පෙ… පඤ්හාවාරම්පි විත්ථාරෙතබ්බං).

30. උපාදානවිප්පයුත්තං ¶ උපාදානියං අකුසලං ධම්මං පටිච්ච උපාදානවිප්පයුත්තො උපාදානියො අකුසලො ධම්මො උප්පජ්ජති හෙතුපච්චයා (සබ්බත්ථ එකං).

උපාදානවිප්පයුත්තං උපාදානියං අබ්යාකතං ධම්මං පටිච්ච උපාදානවිප්පයුත්තො උපාදානියො අබ්යාකතො ධම්මො උප්පජ්ජති හෙතුපච්චයා. (1)

උපාදානවිප්පයුත්තං අනුපාදානියං අබ්යාකතං ධම්මං පටිච්ච උපාදානවිප්පයුත්තො අනුපාදානියො අබ්යාකතො ධම්මො උප්පජ්ජති හෙතුපච්චයා… තීණි.

උපාදානවිප්පයුත්තං උපාදානියං අබ්යාකතඤ්ච උපාදානවිප්පයුත්තං අනුපාදානියං අබ්යාකතඤ්ච ධම්මං පටිච්ච උපාදානවිප්පයුත්තො උපාදානියො අබ්යාකතො ධම්මො උප්පජ්ජති හෙතුපච්චයා. (1) (සංඛිත්තං.)

31. හෙතුයා පඤ්ච, ආරම්මණෙ ද්වෙ…පෙ… අවිගතෙ පඤ්ච (සංඛිත්තං. ලොකියදුකඅබ්යාකතසදිසං. සහජාතවාරම්පි…පෙ… පඤ්හාවාරම්පි සබ්බත්ථ විත්ථාරෙතබ්බං).

උපාදානගොච්ඡකකුසලත්තිකං නිට්ඨිතං.